CLOSE WINDOW

D4311
བོད་ཡིག

rgya gar skad du/ /aSh+TAng+ga hr-i da ya nA ma bai DUr+ya ka b+haSh+ya ma/ bod skad du/ yan lag brgyad pa'i snying po zhes bya ba'i sman dpyad kyi bshad pa/ thams cad mkhyen pa la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sman gyi bla be+e DUr+ya 'od kyi rgyal po la phyag 'tshal lo//'dod chags la sogs ma lus pa yi nad/ /rgyun du 'brel pas lus la kun tu khyab/ /'dod dang gti mug khro ba sel ba yi/ /sman pa sngon med de la phyag 'tshal lo/ /sngon gyi drang srong rgyun shes kyi bu la sogs pas bshad pa//tshe ring ldan par 'dod pa na/ /chos dang nor yang bde bar sgrub/ /tshe yi rig byed lung bshad pa/ /rab tu gus pas bya bar gyis/ /gnas dang po sman dpyad kyi cho ga tshe ring bar bya ba la sogs pa'i dpyad ni/ /tshangs pa chen po dran nas/tshangs pa chen po'i bu skye dgu'i bdag ces bya ba la bshad do/ /skye dgu'i bdag gis sman dpyad lobs nas/ lha'i sman pa tha skar gyi bu gnyis la bshad do/ /lha'i dbang po brgya byin gyis kyang sngon drang srong chen po rgyun shes kyi bu dang / nab so skyes dang / thang la gnas dang /dka' gnyis spyod dang / mu khyud dang / 'dro ba skyong gi bu dang / shol 'dro zhes bya ba la bshad do/ /drang srong chen po 'di rnams kyis kyang / /drang srong me bzhin 'jug la sogs pa la bshad do/ /drang srong me bzhin 'jug la sogs pas sman dpyad kyi gzhung lobs nas/drang srong re res kyang sman dpyad zhib mo rgyas pa so sor byas pa'i gzhung rtsing zhib sna tshogs su gyur pa las/ phyis sman pa chen po pha khol zhes bya bas sman dpyad kyi gzhung mang po mtha' dag ma lus pa las btus pa/ /rtsing zhib ran cing bslab pa'i mdo yan lag brgyad du bsdus pa'i sman dpyad kyi gzhung bris so//de la sman dpyad kyi mdo yan lag brgyad ces bya ba ni/ nam tshong man chad lus kyi nad sna tshogs gso ba'i dpyad dang / byis pa chung ngu'i dpyad dang / gdon nad sna tshogs kyi dpyad dang / nam tshod yan chad mig dang rna ba dang glad pa'i nad sna tshogs kyi dpyad dang //mtshon gyis smas pa'i rnag gso ba'i dpyad dang / /sdig sprul zos dug dang rtsi dug gis pog pa'i dpyad dang / rgas sra zhing tshe ring bar bya ba'i dpyad dang / bud med la phod par bya ba'i dpyad dang / /yan lag mdo rnam pa 'di brgyad yin no//de lta bas na sman dpyad kyi gso ba'i cho ga thams cad ni mdo brgyad po 'dir 'dus so/ /de la mi'i nad thams cad kyi nad gzhi ni rnam pa gsum ste/ rlung dang mkhris pa dang bad kan yin no/ /rlung dang mkhris pa dang bad kan 'di gsum ma snyoms te/ gyur na nad yin te lus 'joms par byed do//'di gsum 'phrod snyoms la gyur pa med na lus kyi nyams tha mal par gnas te/ 'tsho bar byed do/ /rlung dang mkhris pa dang bad kan 'di gsum lus la khyab par gnas mod kyi/ /de la yang gnas kyi bye brag ni snying ga yan chad bad kan gyi gnas so//snying ga man chad lte ba yan chad kyi bar ni mkhris pa'i gnas so/ /lte ba man chad zas zhu ba'i sa dang / ro smad man chad rkang pa yan chad rlung gi gnas so/ /yang de la na tshod kyi bye brag las bstan na/ byis pa'i tshe na ni bad kan no/ /dar la bab pa'i tshe ni mkhris pa'o//rgas phan chad ni rlung gi rang bzhin no/ /nyin mtshan yang rnam pa gsum du blta ste/ snga dro ni bad kan no/ /nyi ma phyed kyi dus ni mkhris pa'o/ /snur smad man ni rlung ngo / /mtshan mo'i nam stod ni bad kan no/ /nam gyi gung la mkhris pa'o/ / nam gyi smad man chad ni rlung gi dus so/ /yang de la zas zos ma thag pa'i rjes la cung zad cig gi bar du ni bad kan gnas so/ /de nas zas de zhu bar byed kyi bar du ni mkhris pa'o/ /zas zhu nas dngas snyigs phyed phan chad ni rlung gi dus so/ /de la kha zas zos pa rnams me'i drod kyis 'ju ba'i bye brag rlung dang mkhris pa dang bad kan las rnam pa bzhir blta ste/de la rlung skyes nas zas zos pa yang na myur du 'ju/ /yang na ring du mi 'ju bar byed de/ 'ju ba mi snyoms so/ /mkhris pa skyes nas zas zos pa'i me drod rno ches par 'gyur ro/ /bad kan skyes na zas 'ju bar byed pa'i me drod chung par byed do//rlung dang mkhris pa dang bad kan 'di gsum shas mnyam na zas 'ju ba'i me'i stobs kyang snyoms pa yin no/ /de la rlung gi shas che na lto sra'o/ /mkhris pa shas chen lto 'jam zhing snyi'o/ /bad kan gyi shas chen lto sra che pa yang ma yin//snyi ba nyid kyang ma yin pa de ni bar ma ran pa yin no/ /rlung dang mkhris pa dang bad kan gsum shas snyoms te snyoms pa ni nad gzhi snyoms te nad med pa'o/ /ye lus kyi nad gzhi dang po ni/ /ma'i mngal du zla mtshan dang / khu ba chags pa de tshun chad nas lus skye ba la sogs par 'gyur ba ni nad kyi mgo ste de nas byung ba yin te/de nas dpe srin bu gdug pa'i dug dang 'dra'o/ /yang rlung dang mkhris pa dang bad kan gyi bye brag las lus kyi rang bzhin ni rlung dang mkhris pa dang bad kan re re la yang / /che ba dang 'bring po dang chung ngu so sor blta'o/ / rlung dang bad kan dang mkhris pa gsum 'phrod snyoms na/ /lus zungs 'phrod snyoms pa yin te nad med pa'i mchog go/ /rlung dang mkhris pa dang bad kan gsum las gang yang rung ba gnyis shig lhag par phye na/ nad gzhi rnam gnyis las nad du 'gyur te/ smad par bya ba'i rang bzhin yin no//de la rlung gi rang bzhin ni rtsub pa/ /yang ba/ grang ba/ /sra ba/ phra ba/ g.yo ba yin no/ /de la mkhris pa'i rang bzhin ni 'jam bag can/ /tsha tsag cag byed pa/ /dro ba/ yang ba/ dri nga bar mnam pa/ khong 'khru ba/ /gsher te sla ba yin no/ /de la bad kan gyi rang bzhin ni lci ba/bsil ba/ 'jam pa/ snum zhing rtul ba/ brtan pa/ nal nal po 'byar bag gi rang bzhin yin no/ /rlung dang mkhris pa dang bad kan 'di gsum las gnyis kyi shas chen ldan pa'i nad ces bya'o/ /sum char las nad du gyur pa ni 'dus pa'i nad ces bya'o//de la lus zungs bdun zhes bya ba ni/ bcud dang sa ma dang / khrag dang / sha dang / tshil dang / rus pa dang / rkang dang / khu chu dang bdun no/ /'di bdun dang snyigs ma bshang gci dang / rdul sogs pa la rlung dang mkhris pa dang bad kan gsum gyis gnod par byed pa yin no//rlung dang mkhris pa dang bad kan gsum snyoms na lus thams cad rtas par byed do/ /rlung dang mkhris pa dang bad kan rnams ma snyoms na lus la gnod par byed pa yin no/ /de la sman no cog gi dang / zas zos so cog gi ro ni mdo rnam pa drug ste/mngar ba dang / skyur ba dang / tsha bro ba dang / kha ba dang / tsha ba dang / bska ba dang rnam pa drug go/ /ro rnam pa drug kyang rtsi sman tha dad pa la brten to/ /ro drug gi stobs kyang go rims bzhin du mthu che ba yin no/ /de la dang po'i mngar ba dang skyur ba dang /tsha bro ba 'di gsum gyis ni rlung sel to/ /kha ba dang / tsha ba dang / bska bas ni bad kan sel to/ /bska ba dang kha ba dang mngar bas ni mkhris pa sel to/ /de la tsha ba dang skyur ba dang / lan tshwas ni mkhris pa dang khrag rgyas pa'i tsha ba'i nad skyed do/ /sman gyi bye brag ni rnam pa gsum du blta ste/la las ni nad zhi bar byed/ la las ni nad ldang bar byed de/ tha mal ni nyams tha mal par gnas par byed do/ /yang sman gyi mthu ni rnam pa gnyis te/ tsha ba dang / bsil ba'i yon tan yin no/ /sman zhu ba'i rjes ni rnam pa gsum ste/mngar ba dang / skyur ba dang / tsha ba'i rang bzhin no/ /sman gyi yon tan ni rnam pa bcu ste/ lci ba dang / rtul ba dang / bsil ba dang / snum pa dang / 'jam pa dang / bska ba dang / mnyen pa dang / brten pa dang / rab tu phra ba dang / skam bag can no//'di las bzlog na nyi shur sbyar ro/ /nad gso ba'i bye brag ni dbyar dgun gyi bye brag dang / sman gyi bye brag dang / sman sbyor zhing gtong ba'i las la mkhas pa dang / 'di gsum sbyar zhing logs par sbyor ba ni/ nad med par byed pa'i rgyu gcig pu ste/mchog yin no/ /rnam pa 'di gsum ltar ma 'byor te/ chung ngam log par sbyar tam/ lhag par sbyar te ches na nad kyis nyen pa yin te/ nad du shes par bya'o/ /nad ces bya ba ni rlung dang mkhris pa dang bad kan ma snyoms pa las nad du 'gyur ro//nad med pa ni rlung dang mkhris pa dang bad kan gyi nad gzhi 'phrod cing snyoms na nad med pa'i rang bzhin no/ /nad ces bya ba ni mdor rnam pa gnyis te/ gcig ni bkres pa dang skom pa dag gi nad rtag pa rang bzhin gyis gnas pa yin no/ /'phral du snang pa dang /ma 'phrod pa ma snyoms pa las nad du gyur pa ni/ glo bur gyi nad yin te/ 'di dang rnam pa gnyis so/ /nad 'di gnyis kyang lus dang sems kyi bye brag gis nad kyi gnas kun rnam pa gnyis su rig par bya'o/ /de la 'dod chags dang / gti mug gnyis kyi yid yin te/'di gnyis nad gzhir bstan to/ /de la nad kyi thabs brtag pa ni rnam pa gsum ste/ blta ba dang / lag pa'i myang bas reg par bya ba dang / nad thabs dri ba dang gsum gyis brtag go/ /de la nad pa'i nad brtag pa yang rnam pa lnga ste/ sngar nad gzhir gyur pa'i kha zas mi 'phrod pa'i lci yang zos rjes dpyad pa dang /nad gang yin pa'i tshul las shes par bya ba dang / nad kyi dngos po gang yin pa'i mtshan nyid rtogs pa dang / nad du 'gyur ba'i kha zas la sogs pa zos par gyur pas nad cher gyur pa dang / nad mngon par rtogs te nad kyi ming ci yin bye brag phyed pa dang / 'di lta bus nad kyi tshul rtogs par bya'o/ /yang nad kyi tshul brtag pa yang rnam pa gnyis te/ yul sa'i bye brag dang / lus kyi bye brag las rnam pa gnyis su blta ste/ de la yul sa'i bye brag gi chu dang shing rtsi nyung zhing /ri nyung skam sa che/ rus pa can rlung che ba'i yul de lta bu ni/ rlung nad lhag par che zhing khrag nad du 'gyur ro/ /yul spyi ser che ste/ chu mang ri shas che ste/ shing med pa'i yul 'di lta bu las ni bad kan lhag par che shing rlung du yang 'gyur ro//skams dang gsher sa de gnyis cha mnyam ste/ thun mong tsam du gyur na rlung dang bad kan dang mkhris pa la sogs pa'i nad kyang ches mnyam par 'gyur ro/ /de lta bas na yul sa las blta ba rnam pa gsum du bshad pa yin no/ /sman pas nad kyi dmigs gso dka' sla las sman sbyar ba yang rnam pa gnyis te/nad kyis btab nas skad cig thang cig nas lo zla ba la sogs pa'i yun ji srid lon pa dang / 'phral du nad kyis thebs pa'i tshabs che chung gi dmigs las brtags te/sman pas sman sbyar bar bya'o/ /sman pas sman gtang ba yang mdo rnam pa gnyis te/ stod du drang zhing slon pa la sogs pa nas bkru zhing sbyang bar bya ba dang / nad zhi bar bya ba'i sman gtang ba dang gnyis so/ /lus las byung ba'i nad rnams rim pas gso ba ni mchog tu sman bzang ste/sman langs pa nas gtang ba dang / bkru sman gtang ba dang / slon sman gtang ba dang / til mar dang sman mar dang / sbrang rtsi la sogs pa btang zhing gso'o/ /sems kyi nad gso ba ni shes rab kyi blo dang ldan pa dang brtan zhing dga' ba dang ldan pa dang /gzhan gyis brnyas pa la sogs pa byas pas sems mi dga' zhing 'khrugs par gyur na/ bdag nyid kyi tshod ji tsam pa dang / ci 'dra ba la sogs pa rigs pa'i tshul gyis bsams te/ sems kyi nad gso ba 'di ni sems nad gso ba'i mchog yin no//sman btang zhing nad gso ba'i dpyad thabs mdo rnam pa bzhi ste/ sman pa dang / sman dang / nad g.yog dang / nad pa dang rnam pa bzhi'o/ /nad gso ba'i mdo rnam pa 'di bzhi po'i re re la yang rnam pa bzhi bzhi ste/ bcu drug dang ldan na/ nad gso ba la sogs pa sman dpyad thams cad byar rung ngo //de la yon tan rnam pa bzhi dang ldan na sman pa yin te/ de dag gang zhe na/ sman pa chen po mkhas shing lugs che/ kun gyi stegs su gyur pa yin/ sman dpyad kyi gtsug lag bshad pa/ dpyad kyi lung legs par lobs pa yin//sman sbyar zhing gtang ba'i las su bya ba rnams mthong ba dang / snyom las dang le lo mi byed cing brtson pa yin/ phyi'i bkru bshal dang sman sbyar ba la sogs pa la gtsang sbra che zhing nang gi 'dod chen med la snying rje yod pa'i gtsang sbra dang ldan pa 'di ni sman pa'i yon tan no//de yang sman yon tan bzhi dang ldan pa dgos te/ sman sna tshogs so so'i brko skam pa la sogs pa so so'i cho ga bzhin byas par gyur pa dang / sman sna re re yang mthu stobs la sogs pa yon tan dang ldan pa dang / sman skye ba'i tshe na/ char pa chen po'am than pa ches pa'am/nyi lhags dang grib mas ha cang gnod par ma gyur cing / /sa bzang po nas skyes pa so so'i smin par ldan pa dag nad dmigs tha dad pa dang / 'phrod pa'i sman dmigs su phan pa dang ldan pa dang / 'di bzhi ni sman gyi yon tan yin no/ /nad g.yog gi yon tan yang rnam pa bzhi ste/nad pa la byams pa dang / phyi nang gi gtsang sbra che ba bsnyel mdongs yod cing gshor la brtson pa dang / nad pa'i nad kyi tshul las kha zas la sogs pa rung mi rung gi cho ga sman pas bstan pa bzhin mi brjed mi 'khrul zhing rgyus lobs pa'o//nad pa yang yon tan bzhi dang ldan na nad gsor rung ste/ gso ba'i yo byad 'byor te phyug pa dang / sman pa'i dpyad nyan cing bka' blo bde ba dang / nad pa rang gi nad gang dang gang du na ba shes pa dang / sman dang dpyad byas na phog snya che zhing stobs dang ldan pa bzhi'o//de ltar sman dpyad kyi yan lag bcu drug po 'di dag dang ldan na/ nad gso ba la sogs pa dang / rgan sran che zhing tshe ring bar bya ba la sogs pa kun kyang byar rung ngo / /sman pas nad pa zhig gso na/ nad gsor rung ba'i nad pa ni/ na tshod dar la bab pa dang /sman dpyad kyi cho ga thams cad la phog snya nus shing bzod pa dang / rnam pa 'di gnyis su ldan pa'i mi sman gyi cho ga dang / kha zas mi 'phrod pa bsrung zhing dbang po zhi zhing thub par srung nus pa 'di lta bu'i nad pa ni gso sla ba yin no/ /yang nad pa'i nad gso ba la/ na tshod dar la bab cing phog snya nus kyang nad gnad du bab par gyur tam/ nad gzhi che ba la sogs par gyur na ni/ gso dka' ba yin no/ /nad pa'i na tshod dar la bab cing phog snya la sogs pa dang ldan la/ nad kyang gnad la bab par ma song / nad gzhi yang chung / na pa'i nad dmigs nyid kyang gsal bar mi snang ste/nad gang yin pa'i tshul la ma rtags tsam zhig sngar snang ngam/ nad kyi dmigs gang yin pa'i mtshan nyid gsal bar rtogs pa dang / rims la sogs pa nad gang yang rung ba'i bla brnan gyi nad phran tshegs gzhan dag gis kyang ma btab na de ni gnod pa ma yin te gso sla ba'o//yang nad pa zhig na ste mi bde na/ mi'i rang bzhin dang / dbyar dgun gyi dus dang / yul skam sa dang / ser che ba la sogs pa gnod par byed pa'i khams la sogs pa las so/ / mi bde ba'i nad kun kyang gcig tu mi mthun te/ tha dad par gyur pa 'di lta bu dang / sman dpyad bya ba'i yan lag bcu drug dang yang ldan par gyur pa 'di 'dra ba'i nad ni gso sla ba yin no/ /yang nad kyis btab pa zhig la dpyad du bya na/ mi de btsas pa'i tshe'i bla skar gang yin pa dang /gza' gang yin pa dang sbyar te/ thog mar nad kyis btab pa'i nyi ma dang sbyar na bcas pa'i che'i skar ma la gnod par ma gyur pa dang / nad 'dom pa sna gnyis kyis ma dag ste/ nad sna gcig na ba dang / kha nas khrag 'byung ba dang / thur du yang 'byung ste sgo gnyis ka nas khrag 'ong ba 'di lta bu dang /yang na kha dang sna la sogs pa kun nas khrag 'ong ba 'di lta bu ni gso dka' ba yin na/ 'di ltar ma 'dom ste/ kha'am smad 'ga' zhig nas khrag 'ong bar zad pa dang / nad snying dkyil che ba ma yin pa 'di lta bu ni gso sla ba zhes bya'o//de la nad gso dka' ba zhes bya ba ni/ gtar ga sna tshogs gdab pa dang / chu'i srog chags pad pas nad khrag 'jib tu gzhug pa dang / nas tshig 'khus pa'i thal ba las sbyar ba'i sman gyis bsku ba dang / nad sna gnyis 'dom pa'i nad kyis btab par gyur pa 'di lta bu'i nad ni gso dka' ba yin te/sman dang / kha zas phan pa tsam zhig gis zin pa dang / tshe srog la thogs par zad de/ de lta bu ni gso dka' ba zhes bya'o/ /de la sngar gso sla ba'i dmigs bstan pa dang gso dka' ba'i dmigs bstan pa rnam gnyis dang mi mthun pa nad gzhi yang che la nad sna yang 'dom pa dang /sman dang kha zas kyis btsos shing bsgyur du yang mi rung / tshe srog gis zin pa yang mi 'dra la gso ba'i dpyad du bya ba kun dang rab tu mi mthun par gnas pa dang / sems kyang 'khral 'khrul du gyur te/mi 'phrod cing gnod par 'gyur pa kun 'dod pa dang / gnyen nam mdza' sdug pa dang 'phrad 'dod ces zer ba lta bu dang / rmongs shing mi dran la/ myos te ma smras pa dang / 'dod pa rnams brjed pa dang / khro bar gyur te sman pa dang / nad g.yog dang / dpyad du bya ba rnams la gshe zhing 'tshig pa dang /'di lta bu'i nad gzhi cher gyur pa ni gso ba'i thabs dka' ba zhes bya ba ste/ sman pas nad pa la bltas nas 'chi ltas snang zhing / mig 'gyur la nyam thag par snang zhing sman pa la yang khro/ rgyal po la yang khro/ sman pa dang rgyal po dang mi mdza' mi mthun pa la yang khro zhing 'tshig /yo byad mi 'byor la/ sman pas gso ba'i dpyad byas na yang brel te mi khom zhe'am/ sman pas dpyad byas kyang nyan du mi btub pa dang / nad pa gtum la mya ngan la gnas shing dpyad byas pas 'jigs te phog snya chung ba/drin mi gzo ba/ rgyal byed cing sman pa la brnyas pa/ tshe zad par gyur pa 'di ltar mthong na/ thabs med de sman pas thong shig /tshe ring bar bya ba'i sman dpyad kyi le'u dang po'i rgyud bshad zin to// //de nas tshe ring bar 'dod pa'i rgyud las sman dpyad kyi rnam grangs kyi mdo bsdu ba'i le'u bshad par bya'o//tshe ring bar 'dod na yang dpyad dang cho gar bya ba'i rnam grangs brgya nyi shu yod do/ /de dag gang zhe na/ ming gis bgrang ba las/ mdo dmigs kyis bshad pa'i gnas rnams sum cu dang / byis pa rum du chags pa la dpyad du bya ba rnam pa drug dang / nad gzhi rnam pa bcu drug dang / nad gso ba'i dpyad nyi shu rtsa gnyis dang / bkru sman dang / skyug sman dang / sman mas gtong ba la sogs pa'i cho ga grub pa rnam pa drug dang / byis pa chung ngu'i dpyad dang /gdon nad kyi cho ga dang / smyo ba dang / brjed byed kyi nad dang / mig nad dang / sna nad dang / kha nad dang / rna nad dang / glad nad la sogs pa'i dpyad dang / rma dang / mtshon gyis phog pa sna tshogs dang / rkang lag dang 'bur ba la sogs pa gso ba'i dpyad rnam pa bzhi bcu yod do//de la tshe ring par 'dod na nyin re zhing rtag tu ji ltar bya ba dang / lo gcig cing dus tshigs tha dad pa drug yod pa la kha zas la sogs pa'i cho ga dang / dpyad ji ltar bya ba dang / rtag par bde zhing nad med par bya ba dang / skom ci dang ci btung ba dang / kha zas so so'i bye brag shes par bya ba dang / kha zas dang / skom la sogs pa'i nang du dug btab pa thams cad la tshor zhing ngos zin par bya ba'i thabs bstan te/ zas bsdam par bya ba bshad pa dang / zas ran par bza' ba'i tshod gzung ba bstan pa dang /sman sna so so'i mthu dang yon tan dang zhu ba'i rjes bstan pa dang / sman gyi khu ba mdar ba dang / skyur ba dang / kha ba la sogs pa'i bye brag ro la gnas pa bstan pa dang / bad kan dang rlung dang mkhris pa la sogs pa'i nad shes par bya ba dang /nad de dag gi so so'i bye brag dbye ba dang / nad so so'i gso ba'i thabs gnyis pa bstan pa dang / rid pa dang rke zhing nyam chung ba brta ba'i thabs dang / snum bag dpyad kyi cho ga bya ba dang / skyug sman dang bkru sman la sogs pa'i nad sbyang bar bya ba dang / dugs dang lums bya ba dang /mas bkru zhing bsal ba la sogs pas lus brtan par bya ba dang / sna nas gtang ba dang / sman gyi dud pa btang zhing brngub pa dang / bad kan rgyas sam so 'gul lam na ba lta bu la til mar ram sman gyi khu ba khar blugs shing dor ba dang / mig sman blugs shing mig nad bkru ba dang /mig nad bkrus nas mig gso ba'i sman gtang ba dang / mda' la sogs pa'i mtshon gyis smas te mde'u khong du lus pa dang / tsher ma zug pa'am/ gre bar snad pa'am/ gra ma chag pa dbyung ba'i thabs dang / gtsags bu dang / gtsags khab la sogs pa sna tshogs kyi bye brag dang / rtse'i bye brag dang / mtshon khong du lus pa dbyung ba'i cho ga dang / gtar spyad so sos nad dmigs gang dang gang la gdab pa dang / thal sman rnon po'i sman gis bsku ba dang / me btsa' gdab pa'i las bya ba 'di dag ni lus kyi nad gso ba'i cho ga mdo'i gnas kyi le'u sum cu bya ba yin no//de la byis pa rum du chags pa ni mngal du zhugs pa zhes bya ste/ de la kha zas dang spyod lam ji ltar bshad pa dang rum du chags pa de'i nad kyi bye brag dang / de'i rkang lag dang / yan lag gi bye brag bstan pa dang / /nad kyi bye brag bstan pa dang / lus mdog dang / tshul la sogs par gyur te 'chi ltas byung ba dang / sman pa 'bod pa'am/ 'gugs pa'i bang chen la ltas su lta ba dang / 'di drug ni byis pa rum du chags pa'i bye brag bstan pa'o//nad gzhi ni nad thams cad kyi gzhi zhes bya ba dang / rims nad mang po'i nad gzhi dang / khrag nad kyi nad gzhi dang / lud pa'i nad gzhi dang / dbugs mi bde ba'i nad gzhi dang / glo gcong la sogs pa dang / chang drags pa las nad du gyur pa dang / gzhang 'brum khrag tshad dang /tshad pa'i nad dang / chus 'gags pa'i nad dang / gcin snyi pa'i nad dang / khong 'bras dang / dmu rdzing dang / skya rbab dang / mdze nad dang / rlung nad kyis nyam thag pa dang / dreg nad dang / nad 'di rnam pa bcu drug gi nad gzhi ci dang ci las gyur pa bstan pa ni nad gzhi bcu drug bshad pa'o//de la nad gso ba'i dpyad rnam pa nyi shu rtsa gnyis zhes bya ba ni/ rims nad sna tshogs gso ba dang / khrag nad rgyas te stod smad du 'byung ba gso ba dang / lud pa'i nad gso ba dang / dbugs mi bde ba'i nad gso ba dang /glo gcong gi nad gso ba dang / rtag tu slon pa'i nad gso ba dang / chang nad gso ba dang / gzhang 'brum khrag tshang gso ba dang / zhu ba'i tshad pa dang / ma zhu ba be+e'u snabs su 'byung ba dang / rnam gnyis kyi tshad pa gso ba dang / pho ba'i nad gso ba dang / gcin 'gags pa'i nad gso ba dang / gcin za gu'i nad gso ba dang / khong 'bras gso ba dang / skran nad gso ba dang / dmu rdzing gso ba dang /skya rbab kyi nad gso ba dang / 'or nad gso ba dang / me dbal gso ba dang / mdze'i nad gso ba dang sha bkra'i dpyad dang /rlung nad kyi dpyad dang / dreg nad gso ba'i dpyad rnam pa nyi shu rtsa gnyis po 'di dag ni nad gso ba'i le'u zhes bya'o/ /cho ga grub pa rnam pa drug ces bya ba ni skyug sman gtang ba'i cho ga dang / bkru ba'i cho ga dang / skyug sman dang bkru bde grub par bya ba'i cho ga dang /sman mas gtong ba'i cho ga dang / sman mas gtong ba'i cho gas nad phyin te gso bar bya ba dang / sman mas gtong ba'i thabs nor ram/ btang ma legs pa las ma rung ste nad du gyur pa gso ba'i thabs dang / sman gyi cho ga bstan pa ste rnam pa 'di drug ni sman dpyad kyi cho ga grub par bya ba yin no//sman dpyad kyi cho ga bzhi bcu pa'i le'u bshad par bya ste/ de dag gang zhe na/ byis pa'i cho ga zhes bya ba ni byis pa btsas ma thag pa'i tshe nas dpyad dang cho gar bya ba'i rim pa rnam gsum dang / byis pa'i nad mi 'byung bar bya ba dang / nu zho'i dpyad dang / byis pa gdon gyis btab na gso ba'i cho ga dang /sman gtang ba'i thabs dang / mi chen po'i gdon gyis btab na gdon gyi dmigs shes pa dang / gdon nad bsal ba'i cho ga dang / smyo ba'i nad bsal ba dang / brjed byed kyi nad bsal ba dang / rdzi ma dang / mig dang / mchu'i nad ngo shes pa dang /nad dmigs gsal ba dang / mig gi mtha' ma'i gra mtshams dang / mig gi 'bras bu'i nad dmigs brtag pa dang / nad so sor bsal ba'i cho ga dang / mig rab rib tu gyur te mi mthong ba'i nad dmigs brtag pa dang / nad gso ba'i cho ga dang /mig gis mthong ba nyams pa'i nad gso ba'i cho ga dang / mig nad sna tshogs kyi nad dmigs brtag pa dang / mig nad gso ba'i cho ga dang / rna nad kyi dmigs brtag pa dang / rna nad gso ba dang / sna nad kyi dmigs brtag pa dang / sna nad gso ba'i cho ga dang /kha nad kyi dmigs brtag pa dang / kha nad gso ba'i cho ga dang / mgo nad kyi dmigs gang yin pa brtag pa dang / mgo nad gso ba'i cho ga dang / rma rnying gso ba'i cho ga dang / rma gsar pa gso ba'i cho ga dang / rkang lag chag grugs su gyur pa gso ba dang /mtshan bar rdol ba'i nad dmigs brtag cing gso ba'i cho ga dang / 'bras dang thor bu la sogs pa nad dmigs brtag pa dang / gso ba'i cho ga dang / 'brum bu phra mo'i nad dmigs shes par bya ba dang / gso ba'i cho ga dang / gsang ba'i gnas kyi nad dmigs brtag pa dang /gso ba'i cho ga dang / dug nad sna tshogs kyi dmigs brtag cing gso ba'i cho ga dang / sbrul gdug pas zin pa'i nad gso ba dang / srin bu gdug pas zin pa byi ba la sogs pa'i gdug pas zin pa so so'i gso ba'i cho ga dang /nad med cing rgas sra ba bcud len sbyar ba'i cho ga dang / bu med pa la sa bon gso zhing ro tsa ba'i cho ga dang / dpyad rnam pa bzhi bcu ste/ de ltar dpyad kyi rnam grangs brgya nyi shu ni mdo rnam pa drug tu bsdus te bshad pa yin no/ /de la dang por mdo'i gnas su sum cu bstan pa las go rims bzhin du rtag tu nyin bar gyi dpyad du bya ba bshad par bya ste/nyams tha mal par gnas pas tshe bsrung bar bya ba dang / lus kyi rim gro bya ba'i phyir nam dmar ring shar tsa na langs te skad cig 'dug par bya'o/ /de nas phyi rol du bshang gci la sogs pa byas nas/nang par so shing gi rgyu shing ar ka dang / shing n+ya gro d+ha dang / seng ldeng dang / shing ka rany+dza dang / shing ka ku b+ha la sogs pa so shing ro kha ba dang / tshab dang / bska bar bro ba las thor to 'jam por byas la/ so rnyil la gnod par ma gyur par bca' bar bya'o//gal te zas ma zhu'am/ slon bro'am/ dbugs mi bde ba'am/ lud pa lu'am/ rims nad dam/ kha yon por gyur pa'am/ kha skams te/ skom pa'am/ kha'i nang du thor bu byung ba'am/ snying na'am/ mig na'am/klad pa na'am/ rna ba na bar gyur na so shing ma bca' zhig /kha gdong bkrus nas mig la phan par bya ba'i phyir/ mig la phan pa'i sman stang zil zhes bya ba mig la rtag tu byug go/ /mig ni me'i rang bzhin yin pas na/ de'i khyad par lhag par bad kan las 'jigs pa'i nad 'byung bar 'gyur te/de bas na zhag bdun zhing mig gi sman skyer pa'i khaN+Da zhes bya ba mig tu lan cig blugs shing mchi ma dbyung bar bya'o/ /de nas rna ba dang glad pa mi bde ba rnams la til mar las sbyar ba'i sman mar thigs pa gnyis tsam sna nas gtang ngo //mgul pa dang / gre ba dang / lce'u chung dang / lce dang / lkog ma dang / so dang / snying la sogs pa'i nad bsal ba'am phan par bya ba'i phyir sman gyi khu bas mkhur ba bkang ste skad cig tsam bzhag la dor ro/ /sman bsregs pa'i dud pa yang sbu gu nas sna dang /kha nas brngub par bya'o/ /so rtsi tam po la yang mur bar bya'o/ /gal te glo 'grams te kha nas khrag 'ong ngam/ mkhris pa skyes sam/ kha nas khrag mang du 'ong ba'am/ rlung gis lus rtsub por gyur pa'am/ mig na'am/ dug nad dam/brgyal ba'am/ chang nad kyis gzir ram/ lus skems par 'gyur ba 'di lta bu la so rtsi tam po la mur du mi rung ngo / /lus rtag tu mar gyis bskus na rgas pa dang ngal zhing dub pa dang / chad pa dang / rlung nad sel bar byed de/ lhag par mgo bo dang / rkang pa mar gyis bskus na//mig nad kyi skyon med/ mig gsal ba dang / lus brtas pa dang / tshe la phan pa dang / gnyid legs par 'ong ba dang / pags pa'i mdog 'jam zhing brtas par 'gyur ro/ /gal te bad kan skyes te mi bde 'am/ skyug sman nam/ bkru sman btang ste bkrus sam/ zas ma zhu bar gyur na mar gyis byugs shing / lus bstsal zhing sbyangs na khang yang ba dang / las phod pa dang / zas zhu bar byed pa'i mi'i drod 'bar ba dang / tshil zad par byed pa dang / lus kyi stod smad skabs phyed la lus grims par byed par 'gyur ro//gal te rlung dang mkhris pa'i nad yod dam/ byis pa 'am rgas pa zhig na lus bskyod cing bstsal bar byas te yang dgun lhags pa'i dus dang / dpyid kyi dus su sbyang ste/ de yang zas snum bag bza' zhing stobs kyi mthu dang ldan pas stobs kyi shugs dang /tshad phyed tsam byung ste/ bstsal zhing bskyod par bya'o/ /dus gong ma gnyis ma yin pa dus gzhan gyi chen rin tsam mi dag par bstsal zhing shugs dbyung ba dang sbyar bar bya'o/ /de ltar bstsal zhing bskyod pa'i shugs phyung ba'i rjes la/ lus thog thag ci ran cig bde bar nyal zhing bskyod cing bstsal ba'i shugs dbyung ba dang /sbyar bar bya'o/ /bskyod cing bstsal ba'i shugs ha cang drags ches na skom dad che ba dang / glo gcong du 'gyur ba dang / snying na ste mi dran pa mun thibs zhes byed pa dang / khrag rgyas pa dang / mkhris pa rgyas pa dang / lud pa lu ba dang / rims dang / slon par 'gyur ro/ /lus kyi gnod pa drag shul las gyur pa de lta bu 'ba' zhig tu ma zad de/ de dang 'dra ba gzhan yang mtshan mo mi nyal bar byed pa dang / lam rings kyis du ba ste chad pa dang / bud med la drags te dub pa dang /gad mo dgod drags pa dang / smra ba mang zhing drags pa dang / stobs kyi tshan gyis mi nus bzhin ha cang shugs drag pos btsal zhing bsten na seng ges glang po che gzhom drags pa bzhin lus ma rung bar 'gyur ro/ /de ltar lus mar gyis byugs pa'i rjes la lde gus byugs shing phyis te dril na/bad kan sel ba dang / tshil rab tu zhu bar byed pa dang / lus dang yan lag brtan par byed pa dang / pags pa'i mdog dri ma med cing shin tu gsal bar 'gyur ro/ /de ltar lus lde gus dril nas lus khrus bya'o/ /khrus byas pa'i yon tan ni pho ba drod che zhing kha zas 'ju ba dang /bud med la phod de ro tsa ba dang / tshe la phan pa dang / mdangs dang ldan zhing stobs skye ba dang / lus kyi pags pa g.ya' ba med pa dang / dri ma med pa dang / ngal zhing dub pa brtas pa dang / rdul med pa dang / snyom pa sangs pa dang skom pa med pa dang /lus tsha ba las lus bsil ba dang / mi shis pa sel bar 'gyur ro/ /lus kyi khrus chu ni tshan por byas la/ mgul pa man chad lus la blugs shing bkrus na lus kyi stobs skyed par 'gyur ro/ /mgo bkru ba ni chu ches na mi bzang ngo //chu tshan de nyid kyis mgo bkrus na lus kyi stobs 'phrog pa dang / skra 'byi ba dang / mig la gnod par 'gyur ro/ /gal te kha 'gram pa la chags pa'i nad yod dam/ mig na'am/ kha nad kyis btab pa'am/ rna ba na'am/ tshad pa na'am/lto sbos sam/ cham pas btab pa'am/ kha zas ma zhu'am/ zas zos ma thag lta bu la bkrus na mi rung ste/ khrus ma byed cig /kha zas bza' ba ni zas zhu ba'i rjes la zos na phan te/ kha zas bza' ba de la yang / tshod ran par bzung ste bza' bar bya'o//bshang ba 'ong bar gyur na mi brnag par bshang ngo / /bshang ba mi 'ong bzhin du yang stobs kyis mi btsir ro/ /bshang ba 'ong bar gyur na bshang ba ma byas par las gzhan ma byed cig /de bzhin du nad gang yang rung ste mi bde na/ nad ma bsal bar las gzhan mi bsgrub bo//sems can thams cad ni ci bsgrubs pa thams cad kyang bde ba 'dod pa'i phyir bsgrub bo/ /bde ba de yang chos ma bsgrubs na mi 'thob bo/ /de bas na chos la rab tu bsgrub par bya'o/ /de bas na mi dge ba'i grogs po ring du spangs la/dge ba'i bshes gnyen rnams la mos pa bsten par bya'o/ /de bas na sems can la gnod par byed pa dang / rku ba dang / 'dod pas gzhan la g.yem pa dang / phra ma dang / ngag rtsub po dang / brdzun du smra ba dang / tshig kyal pa smra ba dang / / gnod sems dang / brnab sems dang / log par lta ba'i sdig pa'i lus dang ngag dang yid kyi las mi dge ba rnams spang bar bya'o/ /sems can 'tsho bas phongs pa dang / nad dang mya ngan gyis gzir te nyam thag par gyur pa la ci nus pas phan gdags pa dang / chung ngu grog sbur yan chad la yang bdag rang gi lus dang srog bzhin du blta bar bya'o//rtag par lha dang / dge slong rnams dang / bram ze dang / sman pa dang / na so rgan pa dang / rgyal po dang / gsar du 'ong ba rnams la mgron bya ba dang / slong ba rnams la mgron bya ba dang /slong ba rnams la rgyab kyis mi phyogs pa dang / mi brnyas mi spyo ba dang / dgras mtshan du gnod pa chad byed kyang phan gdags pa lhur bya ba dang / dar ba dang gud par gyur na yang yid gcig ste/ sems lhag par dga' bar bya'o/ /mya ngan la gnas par mi byed/dal zhing 'byor par gyur pa'i rgyu las bstsal bar bya ba'i rigs kyi pha rol 'byor par gyur pa la phrag dog bya ba'i mi rigs so/ /smra ba yang dus su smra/ phan par smra/ ran par smra/ brdzun gyis mi slu zhing des pa dang / bzhin 'dzum zhing snga nas gsong por smra ba dang /spyod lam bzang po dang ldan pa dang / snying rje che zhing 'jom pa dang / bdag 'ba' zhig bde bar byed pa ma yin/ thams cad la yid rton par byed pa yang ma yin/ kun la dogs par byed pa yang ma yin/ bdag gi dgra zhes bya ba su yang med pa dang / bdag ni su'i dgra yang ma yin par bya ba dang /bdag la gzhan gyis brnyas so zhes tshig tu mi 'byin/ dpon po'am bla ma bdag la mi byams so zhes mi smra/ mi'i yid dang sbyar te/ brtags la ci nas kyang dga' bar 'gyur ba de ltar bya ste/ gzhan dga' bar byed pa ni mdzangs pa zhes bya'o//dbang po rnams gzir zhing gnon par yang mi bya/ ha cang yang longs spyod btsal zhing nyams rangs su yang mi bya/ mdor na chos dang nor dang longs spyod dang 'di gsum med pa'i mdo stong par gyur pa'i las mi brtsam mo/ /las 'di gsum dang mi ldan yang las 'di gsum dang mi 'gal ba'i las rnams bsgrub par bya'o//mdor na chos thams cad la bsgrub cing bya ba ni ran par sgrub cing 'jug go/ /skra ring po dang sen mo dang kha spu breg pa dang / dri ma 'byung ba'i sgo dgu dang / rkang pa dri ma med par bya ba dang /khrus bya ba la dga' ba dang / spos mchog tu dri zhim po thogs shing cha lugs mdzes la 'god cing 'phyar ba ma yin pa dang / gos dang rgyan la sogs pa ha cang spang ches par mi bya/ rtag tu rin po che dang / bsgrubs pa'i sngags dang / sman chen po dag kyang lus la bcang ngo / /phan tshun 'gro na yang lham gyon gdugs thogs la mig ran pa tsam du blta zhing 'gro'o/ /mtshan mo ni gar yang mi 'gro'o/ /mtshan mo mi 'gror mi rung ba brtan pa'i las shig byung na yang / grogs dang bshams la chas shing lag cha thogs la song shig /yan man 'gro ba'i lam ka na mchod rten gyi grib ma'am/ bla ma mchod gnas shig 'dug gam/ rgyal mtshan gyi grib ma'am/ mi ro dang / thal ba dang / lud phung dang / gyo mo dang / bong pa dang / gtor ma dang yas stags bor ba dang / khrus byas pa'i sa dang / chu bor ba 'di rnams la mi brdzi mi bgom bar bskor te 'gro bar bya'o/ /chu bo che las brgal bar mi bya/ me chen po'i nang du 'gro bar mi bya/ gru ngan pa bag tsha ba dang / shing bag tshab la mi 'gro mi 'dzeg /bzhon pa rta mi srun pa la zhon te mi 'gro/ sbrid pa dang / gad mo dang / glal dang / bya rmyang la sogs pa'i tshe yang kha ha cang mi gdangs so/ /sna'i bu gar mdzub mos ha cang yang mi brud pa dang / bya ba'i dmigs med par sa la bab tu ri mo mi bri/ lus dang yan lag ha cang mi gcu/ tsog tsog por yang ma 'dug shig /lus kyis las sam/ ngag gis smra ba 'am/ sems kyis bsam pa'i las ci byed kyang rung ste ngal bar ma gyur par tshod bzung ste snga nas thong shig /yun ring du mal gcig nam 'greng zhig//rgyus ma rig pa'i shing drung du nub mo ma 'dug cig /de bzhin du lam gyi sum mdo dang / mchod rten gyi drung dang / lam gyi bzhi mdo'i 'dus sa dang / lha khang gi drung dang ri dgas la sogs pa bsad pa'i sha dmar dang / slo spungs pa'i sa dang / 'brog dang 'di dag tu 'gro bar mi bya'o//khang stong dang dur khrod du ni nyin par yang 'gro bar mi bya'o/ /nyi ma la ni mig tshugs su yang mi lta/ mgo bo la khur thogs te khyer bar mi bya/ shin tu zhib cing phra ba'am/ 'od 'tsher ba'am/ btsog pa'am/ mi sdug pa gang yang rung ste/ rtag par ma blta zhig /chang ni bag med la 'khrul ba'i gnas yin pas rang mi btso/ mi btsong / gzhan la yang mi blud/ bdag gis kyang mi btung bar bya'o/ /snga dro ser bu'i kha na 'dug pa dang / nyi tshan la 'dug pa dang / dur khrod na 'dug pa dang / ba mo'i steng na 'dug pa dang /rlung rtsub por langs pa 'di lta bu'i gnas dang sa phyogs su 'dug par mi bya'o/ /sbrid pa 'byung ba'i tshe/ mjing pa yon par gcu ba dang / de dang 'dra bar mjing pa yon por sgregs pa gtong ba dang / mjing pa gcus te gnyid kyis log pa dang /lus gcus te nyal po byed pa dang / 'di lta bu kun las nad du 'gyur te/ mjing pa dang lus gcu bar mi bya'o/ /chu 'gram gyi gad kar 'dug par mi bya ba dang / rgyal po dang mi mthun pa'am/ rgyal pos bkyon pa'i mi dang mi 'drul mi bsten pa dang /sbrul dang gcan gzan dang / phyugs rwa can brdung ba'i gan du mi nye bar bag bya'o/ /nad par dmar rengs shar ba'i dus nam phan phun dang / nyi ma phyed dang nyi ma nub ste dmar thag chad pa dang / dus 'di gsum gyi tshe/ kha zas za ba dang / bud med dang nyal ba dang /yi ge klog pa dang / snying la sems pa'i bag 'di lta bu mi bya'o/ /mi mdza' ba dang / dgra bo'i khyim du zas za ba dang / mi mang po zan za ba'i nang du chang 'thung zhing za ba dang / mi go 'dun mang po'i zan za ba dang / tshong pa'i zan za ba 'di lta bu rnams bza' bar mi bya'o//lus la lag pas mi 'os par mi rdob pa dang / mchu 'bri zhing mi 'bud/ mgo dang lag pa drag tu mi sprug /sen mo rnams gcig la gcig mi drud do/ /chu dang me'i nang du 'gro bar mi bya/ bla ma btsun pa rnams 'khod pa'i gong ngam par bar nas phar 'gro bar mi bya/ro bsregs pa'i dud pa'i khar 'dug na nad du 'gyur te 'dug par mi bya'o/ /bud med rang dbang du gyur pa dang / bud med yid la 'jog pa thong shig /mdor na mi mdzangs pa'i ci bya 'o cog gi slob dpon ni 'jig rten nyid yin no//de lta bas na 'jig rten pa'i don gyi srid la sems shing rtogs pas ni 'jig rten pa dang mthun par bya'o/ /bdag gi sems ni snying rje'i sems kyis brlan pa lag brkyang ste/ gtong ba/ lus dang ngag dang sems dul bar byed pa/ gzhan gyi don gyis byed na rang gi don yin par sems pa 'di lta bu ni/mi mdzangs pa ya rabs kyi spyod pa'i tshul yin te/ 'dis chog go/ /yang skyes bu dam pas ni 'di ltar bsam par bya ste/ da ltar bdag nyin mtshan gnyis ka la/ ji lta bur gnas shing 'gro zhes rtag tu sems 'di ltar dran par byed na/de lta bu ni sdug bsngal bsten pa ma yin no/ de lta bas na spyod pa'i tshul gyis mdo 'di lta bu yin te/ tshul 'di ltar spyod pas ni/ tshe ring ba dang / nad med pa dang / dbang phyug dang ldan pa dang / snyan par grags pa dang /'jig rten pha rol gyi srid brtag pa la yang thob po/ /le'u gnyis pa rdzogs so// //de nas dus tshigs dang sbyar zhing dpyad du bya ba'i mdo bstan pa dang / dgun zla ra ba dang dgun zla 'bring po la sogs pa zla ba'i grangs gnyis gnyis su go rims bzhin brtsis pa las/dus tshigs drug tu dbye ste/ de la dgun smad kyi dus dgun zla tha chungs nya phri phan chad kyi zla ba gsum ni/ nyi ma ring du nur ba'i tshe na mthu 'phrog pa zhes bya ste/ de'i tshe na mi phyugs srog chags rnams dang / nags dang / rtsi 'bras dang /lo tog la sogs pa'i mthu nyin gcig bzhin du 'phrog cing 'bri bar byed do/ /de'i tshe nyi ma tsha ba dang / rlung gi dus la bab pas tsha ba dang / drod ches pa dang / rtsub pa yin te/ zla ba'i yon tan las byung bas sa las skye ba'i mthu kun zad par byed do/ / de ltar nyi ma ring du nur ba'i dus 'di'i tshe/ dgun smad kyi zla ba gnyis kyi tshe ni/ sman dang zas kha ba'i mthur gyur te rlung skye'o/ /dpyid kyi zla ba gnyis kyi tshe ni zas dang / sman bska ba rnams kyi mthu skye/ sos ka'i zla ba gnyis kyi tshe ni zas dang sman tshab rnams kyi mthu skye ste/de bas na sman dang zas kyi go rims bzhin du zla ba'i dus kyi bye brag shes par bya ste de bas na nyi ma ring du nur ba ni/ me'i dus te mthu 'phrog pa 'bri zhes bya'o/ /dbyar smad kyi nyi ma lho phyogs su thung du nur ba'i dus na/ dus gsum gyi zla ba drug po dbyar smad la sogs pa ni/mthu 'bri ba rnams slar mthu skye ba'i dus yin te/ nyi ma tsha ba'i me'i dus ni bri/ zla ba'i dus la bab pas zla ba'i mthu dang ldan par gyur te/ sprin dang char pa dang / ser bu dang / grang zhing bsil ba rnams kyi 'tshe ba zhi zhing / bsil ba'i dus la bab pas de'i tshe/sa'i khams snum zhing 'jam pas skyur ba dang / lan tshwa dang / mngar ba rnams kyi mthu skye'o/ /dgun zla ra ba nas dpyid zla ra ba'i yar gyi ngo yan chad zla ba bzhi'i tshe ni/ bsil ba dang lhags pa'i dus te/ mthu mchog tu che ba'i dus yin no//dbyar zla ra ba nas/ ston ra ba'i nya yan chad zla ba bzhi ni sos ka tsha ba dang / dbyar gyi dus yin te/ mthu stobs chung ba'i dus yin no/ /dpyid kyi dus dpyid zla 'bring po'o/ /dpyid zla tha chungs gnyis dang / ston gyi dus ston zla 'bring po dang / ston zla tha chungs gnyis te/lhag ma zla ba 'di bzhi'i dus ni mthu stobs 'bring gi dus yin no/ /dgun stod kyi lhags pas mi rnams mthu dang ldan te/ me'i stobs rab tu che bar 'gyur ro/ /de ltar mi'i nyams 'tshag dang / me'i drod kyis che/ kha zas 'grangs par ma zos na/ rlung gis me sbar bas mi'i gzugs rnams tshos shing skams par 'gyur ro/ /de bas na mtshan mo nam ring bas nang par bkres par 'gyur te/ de'i phyir kha zas dang mngar ba dang / skyur ba dang lan tshwa rnams bza' bar bya'o/ /de'i go rims ni nang par langs nas phyi rol gyi bshang gci rnams byas nas/lus rlung sel ba'i til mar gyis byug cing glad pa la yang til mar gyis byug pa ji skad bstan pa bzhin du bsten par bya'o/ /rtag tu zhag gnyis shing lan re zhing mkhas shing bag yod pa'i mi dang /stabs 'gyed cing lus dgrol bar bya'o/ /lus mnyed mkhas pa'i mis lus dang / rkang pa legs par bkrus la/ rkang pa lus ran par mnye'o/ /de nas chu dron por bsros te/ skyu ru ra dang sbyar bas mgo dang / lus tshul bzhin du bkru'o/ /khrus byas nas gur kum dang /gla rtsi la sogs pa spos kyis lus bskus la/ spos a ka ru'i dud pas lus dri zhim por bya'o/ /de bas kha zas bza' ba ni sha tshon po snum zhing tshil yod pa las g.yos kyi snar sbyar te/ mtshan mo me ma chad par btsos pa'i bcud khu dang / gro'i khur ba dang /'bras kyi khur ba dang / mon sran ma sha btsos pa za zhing / skom du ni bu ram chang dang / 'bras chang dang / chang bgrungs pa ran pa btung ngo / /gzhan yang bu ram shing dang 'o ma las byung ba'i zho dang / mar yang dge'o/ /kha zas ni gsar thog las zan du byas pa bzang ngo //gzhan yang tshil dang til mar yang bzang ste/ zas 'di rnams ni rlung la phan pas/ dgun rlung gi dus la bab pa'i tshe bza' ba yin no/ /de ltar kha zas zos nas kha lag bkru ba yang chu dro 'jam tsam gyis bkru'o/ /dgun tsa ni be'u ras dang / slag pa dang / dar la sogs pa dro zhing yang ba bgo'o/ /stan ni dre'u rngog dang / la ba gding ngo / /mal gos kyang dro zhing 'jam pa yang ba la las bya'o/ /nyin par nyi ma 'de na yang nyi ma'i 'od la ran par bsro zhing ran par 'de'o/ /lham ni rtag tu bgo bar bya'o/ /dgun gyi tshe chung ma ni gzhon nu ma yid du 'ong ba'i na chung gzhon nu sha thang rgyas pa/brla dang nu ma dang / ro smad rgyas pa/ lus kyi drod kyis grang ba sel zhing myur du dros par nus pa/ de lta bu'i bud med lus la spos dri zhim po thogs shing byugs pa/ spos kyi du ba dri zhim pos bdugs la 'di lta bu'i drod kyis mtshan mo lus bsro bar bya'o//mal khang dang 'dug pa'i gnas ni zabs su brkos pa'i khyim mam/ sa khang ngam/ sbra gur nyis rim du byas pa'i nang rgya sol gyis dron por byas te 'dug na/ lhags pa dang grang ba dang / rlung dang rtsub pa las byung ba'i nad rnams kyang mi 'byung ngo //cho ga 'di dang 'dra bar dgun smad kyi dus su yang 'di bas lhag par yang lhags pa che/ rlung dang rtsub pa yang che bas na cho ga 'di bzhin bya'o/ /dgun zla 'bring po nya bri nas nyi ma ring du nur te/ mthu 'phrog pa'i dus la bab pas rlung dang rtsub pa la bab pa'i cho ga de ltar bya ba yin no//de ltar dgun rlung gi dus la bab pa'i tshe na/ bad kan ni kho na sogs so/ /de nas dpyid kyi dus la bab na nyi ma ring du nur ba'i 'od kyis bad kan dros nas smin par gyur pa dang / bad kan skyes nas me'i drod nyams pa dang / bad kan las gyur pa'i nad 'byung ngo / /de bas na bad kan gyi nad ni myur du bsal bar bya'o/ /bsal ba'i cho ga ni na le sham gyis bad kan bzhu ba dang / skyug sman gtang ba dang / bad kan bzhu ba'i sman sna nas gtang ba dang /kha zas yang ba dang / rtsub pa'i bag bza' ba dang / lus bcag cing dgrol ba dang / mar ram til mar gyis lus mi bsku bar bag phye'i lde gus lus phyi zhing dril ba dang / rkang lag gtsang mar bkrus pas lus ran par mnye zhing bkrol na bad kan skyed pa'i nad sel bar 'gyur ro//de nas lus chu dron pos bkrus nas lus ga pur dang / tsan+dan dang / gur kum la sogs pas bskus la/ dri zhim pos bdugs nas bad kan med par gyur pa'i zas nas dang / gro rnying pa dang / sbrang rtsi dang / yul rtsub cing skam sa che ba rus pa can gyi phyogs nas byung ba'i bya na las sreg shar bza'o//shing tog a mra'i khu ba chu dang sbyar te/ bskol ba'i khu ba dang / skom du sbyar ba'i kha ba dngas ma btung ngo / /yang bad kan sel ba'i skom ni chang rgan po lon pa dang / chang a sa ba dang / chang a ri ta dang / bu ram chang dang / rgun chang dang / sbrang chang dang / 'di rnams btung du rung ngo / /sga chu bskol ba'i khu ba'am/ mtsho'i chu'am/ sbrang rtsi'i chu'am/ char pa'i chu yang rung ste/ 'di rnams bskol te skom du btung ngo / / dpyid tsha ba'i dus ni bsil khang bya ba ni/ lho phyogs nas ser bu grang zhing bsil por 'ong bar gyur pa/ rtsig ngos kyi skabs phye ba dang / mtha' khor khor yug tu chu 'bab pas 'khor bar byas pa la/ khang pa'i thog ni nyi ma'i 'od mi snang bar g.yogs pa/ 'og gi gzhi yang legs par mnyam ste brdungs la phyi zhing bstar te/ nor bu bzhin 'od 'tsher bar byas pa'i khang pa/ bya ko ki las skad snyan pa la sogs pa 'byin cing / me tog dri zhim po sna tshogs kyi skyed mos tshal dang ldan pa de lta bu'i bsil khang 'dod pa'i longs spyod dang ldan pa'i sar nyi ma gung la rtsed mo'i dga' 'dun gyi gtam sna tshogs zer zhing bde bar 'dug la/kha zas lci ba dang / bsil ba dang / snum bag dang / mngar ba dang / skyur ba spang zhing nyi ma la gnyid mi log par bya'o/ /dpyid ka'i nyi ma'i 'od tsha ba de bas kyang sos ka'i nyi ma'i 'od ni rab tu tsha bas rtsi shing dang nags tshal kyi mthu dang /srog chags dang mi'i mthu kun 'phrog cing srung ba dang 'dra ste/ de bas na dus 'di'i tshe na lan tshwa nag po rtsab ru tsha dang / lan tshwa u b+hi ta dang / rgya mtsho'i lan tshwa dang /lan tshwa 'di rnams dang / na le sham la sogs pa ro tsha ba dang / skyur ba dang / 'di rnams bzar mi rung ngo / /sos ka'i tsha ba'i dus 'di'i tshe stobs kyi drag shul gyi bag dang / yan man 'gro zhing bcag drags pa 'am/ las cher byed pa de lta bu'i pag spang ngo //sos ka tsha ba'i tshe zas ni 'o ma dang bu ram dang / li kha ra dang / mar la sogs pa'i mngar bag dang / kha zas yang ba 'bras chan dang / nas phye'i zan dang / sha kha ra dang / zas snum bag la til mar dang / mar sar dang / sha dang tshil dang / khu ba sla ba dang / zas bsil bag bza'o/ /skom ni tsha ba'i dus su chang mi btung ngo / /chang gtong mi phod na chang nyung zad dang chu mang du bsres la btung ba'am/ yang na yul gyi snams dang nyi ma'i nyams dang sbyar te/ chang sla zhing yang ba'am/sing po yang btung du rung ngo / /sos ka'i tsha ba'i dus na chu bsil bas lus khrus bya'o/ /de'i tshe kha zas 'bras dkar po'i chan dang / yul ser che ba'i sha dang / khu ba gar por ma yin pa sla bar bcos pa dang / zho cung zad dang / bu ram dang chu sbyar te bsrub cing dkrugs bzhin du btsos la/spod shing tsha dang / na le sham dang / nA ga ge sar dang / sug smel btab pa'i tshod ma zhig la phug pho shar gtubs pa btsos te spyod/ mar la brngos pa'i tshod ma 'di lta bu 'am/ yang na zho ci ran dang chur sbyar te bsrub cing dkrugs te li kha ra'am/bu ram rnying pa dang sbyar te/ nA ga ge sar dang / sug smel dang / gan+d+ha b+ha dra 'di rnams btab ste bsil bar byas pa btung ba dang / yang na mon sran sde'u btags pa shun pa bor la/ spod dang sman gong du smos pa bzhin btab ste star ga dang bsres la ri lur byas pa mar gyi nang du brngos la/zho dang kha ra'am/ bu ram dang spod du sbyar ba btsos pa dang / bsres pa'i tshod ma sna drug ces bya ba 'di dang zan bza'o/ /skom ni 'o ma'i nang du mar ci ran pa btab ste/ sum cha du ba'am phyed du bskol la/pi pi ling dang / li kha ra dang / sbrang rtsi btab la btung ngo / /kha ra dang sbrang rtsi la sogs pa ni zho gnyis gnyis gdab bo/ /pi pi ling ni zho gcig gdab bo/ /'o ma'i skom de ltar sbyar ba yang bum pa gsar pa'i nang du blugs la grang mor byas te btung ngo //skom 'di ni glo gcong dang / lud pa lu ba dang / rims dang brang du zug pa dang / rlung nad dang / mkhris pa'i nad la sogs te tsha ba'i bag la phan no/ /skom 'di'i ming ni dam pa lnga zhes bya'o/ /gzhan yang bsil ba'i skom ni ldum bu chu skyes zhes bya ba'i 'bras bu dang /shing thog tso tsa zhes bya ba 'di gnyis brdungs te chu dang sbyar ba'i nang du tshwa cung zad cig kyang blugs la/ ga pur cung zad cig kyang blugs te/ skom snod rdza ma gsar pa'i nang du me tog dri zhim po ta la zhes bya ba blugs te/dri zhim pos bsgos pa'i snod dri zhim por gyur pa'i nang du/ skom blugs te bgrungs te bsil du byas pa 'di lta bu'i 'bras chan bzang po dkar po za zhing nang nub tu skom btung ngo / /gzhan yang skom bsil ba ni/ ma he'i 'o ma 'am/ 'bri'i 'o ma bskol te bsgrangs pa'i nang du li kha ra btab la bsil bar byas pa'i skom btung ngo //de ltar sos ka tsha ba'i tshe/ shing ta la dang / shing mu le grum shing mtho zhing ring ba yal ga dang 'dab ma rgyas te sprin la reg pa tsam du snang ba'i tshal gyi nang na bza' shing bzang po dang / rgun shing gi tshal la rgun 'bru'i snye ma'i yal ga lcug phran gyis shing gi sdong la 'khris shing / shing thog gi 'bras bu smin pa'i mgo g.yur za ba'i skyed mos tshal sna tshogs bsil ba/ mtha' rgya zab kyis khor yug tu bskor ba'i nang bsil khang stegs bus btings te phub pa/sa gzhi phyi brdar bya zhing steng 'og tu chag chag bsil bar btab pa chu grang mo dang chab brom du bshams pa/ bsil khang rgyab kyi ngos na shing tog skyur rtsi bzang po'i 'bru byi ru ltar snang ba rnams/ phyi rol nas nang du 'phyang ba/ ldum bu chu skyes dang / ldum kal ha ra 'dab ma dang me tog bzang por ldan pa/me tog pad+ma dang / me tog ut+pa la rgyas pas sa gzhi chal par bkram pa'i drung ngam/ chu rgyun bsil ba drag por 'bab pa'i zer ma char phan tsam du 'phro ba'i drung ngam/ bsil khang bsil ba'i nang ngam/ yang na shing las byas pa'i bud med gzhon nu bzang mor byas pa'i khong nas chu drangs la/kha dang lag sor dang nu ma nas chu rgyun bsil ba drag po 'byung zhing 'phro ba'i drung du nyi ma'i gung la tsha ba'i tshe der 'dug par bya'o/ /mtshan mo ni yang thog sngar gang rdo thal zhal zhal can zla ba'i 'od kyis bsil bar gyur ba na/mal stan bde ba bting la nyams tha mal par gnas pas lus la tsan+dan gyi lde gu bsil bas byugs la/ me tog gi phreng ba thogs nas rab tu phra zhing srab pa yang ba'i gos bgos te/ 'dod pa'i spyod pa mi byed par 'dug shig/shing mu le grum shing gi lo ma spos chus btab pa'i bsil yab bam/ yang na pad+ma'i 'dab ma rgyas pa'i bsil yab kyang rung ste/ 'di lta bu'i bsil yab thogs pas mi drag par dal bus g.yab pa'i bsil yab la spos chu bsil bas btab pa'i bsil yab kyis g.yab pa'i chu thigs grang mo dang /ser bu bsil ba ni lus la rdzi char ltar sim par byed pa de lta bu'i bsil yab kyis g.yab cing lus la ga pur dang / tsan+dan dkar po'i bsil bas lus byugs la/ mu tig gi do shal dang / me tog dri zhim po ma li ka'i phreng ba thogs shing /bya skad snyan pa yid du 'ong ba'i sgra snyan par grag pa/ pad+ma'i rtsa ba dkar po bsil ba'i gdu bu brgyus te thogs par bya ba 'di lta bu'i tshul gyis dpyid tsha ba'i tshe tsha ba bsil zhing bsil ba'i chos su bya'o/ /de ltar sos ka tsha ba'i zla ba gnyis 'das pa'i rjes la dbyar zla tha chungs dang /ston zla ra ba gnyis kyi tshe ni nyi ma ring du nur bas mthu 'phrog ste mi'i lus mi bde la/ khong pa drod chung zhing lhag par pho ba'i drod chung ste/ de yang dbyar gnas rmus shing sprin gyi rtsa ba nar ba'i char chus rlan cing /sa gzhi dang rtswa mchog zil pa can du gyur pa/ me'i drod kyi stobs kyang chung la/ sa brlan pa'i rlangs pas rlung dang bad kan dang mkhris pa'i nad du 'gyur zhing gnod par byed de/ dus de'i tshe zan zos pas zhu ba'i rjes kyang skyung bar gyur te zas legs par mi 'ju'o//dbyar gyi char chu mang pas chu yang rnyog pa dri ma can du 'gyur la/ me'i drod kyi stobs kyang chung bas/ rlung dang bad kan dang mkhris pa gcig la gcig gnod par byed cing / khong gang rang gi shas che bas/ de'i phyir khong dro zhing pho ba'i me'i stobs skye bar 'gyur ba'i kha zas mngar ba dang /skyur ba dang / tsha ba dang / kha ba dang / lan tshwa bro ba dang / bska ba 'di rnams kyang spyir ha cang yang mi mngar/ ha cang yang mi skyur bar 'di drug car yang ran pa tsam du bza' zhing / khong dro ba pho ba'i me'i stobs bskyed par bya'o//gal te me'i drod chung la khong grang zhing rlung gi nad la sogs par gyur na/ sngar re zhig lus brtas la/ de nas skyug sman gyis lus bkru bar bya'o/ /bkrus nas zas ni yang ba'i bag dge ste/ nas 'bras lo lon pa rnying pa bza'o/ /bya na ni yul skam sa nas byung ba'i sha las g.yos su byas pa/bal po se'u dang / sman mung+gar sbyar ba dang sbag cing bza'o/ /skom ni sbrang rtsi dang / dar bar sbyar ba grungs mdar ba sbrang rtsi can zhes bya ba rnying pa skom du btung ngo / /yang na char pa'i chu 'am/ khron pa'i chu bskol ba'i nang du zho ga chu dngas ma dang /lan tshwa kha ru tsha shas tsam gyis cher byas pa dang / pi pi ling gi rtsa ba dang / dbyi mong dang / li dong gra dang / 'di lnga btags pa'i chang rgya shug tsam du byas pa 'di lnga dang sbyar ba'i skom ni yang zhing 'ju la drod skye rlung la phan no/ / de ltar nam nangs shing char chu che ba'i dus na 'bras chan chos pa'i nang du/ mar khu dang drod che ba'i spod du sbyar ba 'am/ khu sha bal po se'u dang / lan tshwa shas kyis che bar byas la/ tshil dang mar dang sbrang rtsi cung zad tsam du sbyar ba'i zas yang bar bza'o/ /phan tshun 'gro na bzhon pa dang chas shing rkang gis mi 'gro bar bya'o//brlan pa'i dus su gos bgo ba spos kyis bdug go/ /'dug pa'i gnas ni 'og gi sa rlangs bsil ba dang / char pa'i zeg ma dang mi nye ba'i yang thog tu 'dug par bya'o/ /dbyar gyi char chu sna tshogs 'dres pa'i chu'i dri ma can dang chu dang phyer sbyar ba'i chu grog mi btung ngo //nyin par gnyid kyis log pa dang / stobs dang drag shul ngal ba'i bag dang / nyi tshan la 'dug pa 'di rnams spang bar bya'o/ /de ltar dbyar zla gnyis kyi tshe pho ba dang / khong grang zhing rtsub la rlung che bas lus dang yan lag grang zhing bsil bar gyur pa 'di lta bu'i tshe na mkhris pa dbyar gyi dus 'dir bsags nas/ston gyi dus ston zla 'bring po dang / ston zla tha chungs 'di gnyis kyi che gnam yang dngas/ 'phral du nyi ma'i 'od tshan pos gdungs pas mkhris pa'i nad ston ldang ngo //mkhris pa tsha ba'i nad de ltar langs par gyur na bkru sman gtang ba dang / sman mar kha bor sbyar ba dang / sman kha bo gtang ba dang / gtar ga bya'o/ /kha zas kyi cho ga ni/ kha ba dang / mngar ba dang / bska ba las g.yos su byas pa dang / zas yang ba'i bag dge ste/de yang bkres par gyur pa'i dus na bza' bar bya'o/ /gzhan yang 'bras sA lu dkar po dang / mon sran sde'u dang / skyu ru ra dang / pa to la dang / sbrang rtsi dang / yul ser che ba nas byung ba'i bya na dang / kha zas ni chu nyin par nyi mas gdungs pa mtshan mo zla ba'i 'od kyis bsil bar byas la/skar ma r-i Shi shar bas dug med par byas par gyur pa de lta bu'i chu nyin mtshan gnyi gar kun sbyangs pa'i chu gtsang ma ngang pa gnas pa dri ma med cing chu dngas ma 'thungs na bad kan du yang mi 'gyur/ rtsub ste rlung du yang mi 'gyur ba'i chu bdud rtsi dang 'dra ba de ni btung ba la sogs pa'i g.yos su bya ba'i chu dang /khrus bya ba'i chur bzang ngo / /de ltar ston tsha ba'i dus na bsil bar 'gyur ba tsan+dan dang / ga pur dang / sman u shi ra bsil ba'i sa la bsku'o/ /gnas ni khang pa bsil ba rdo thal gyi zhal zhal can gyi nang du nyin mtshan du 'dug par bya'o//zil pa'i khrod du mi 'gro /mi 'dug /thal sman rnon pos mi bsku/ ha cang 'grangs pa nyid du mi bza'/ til mar dang tshil mi bza'/ nyi ma tshan po la mi 'dug /chang mi btung / nyin par mi nyal/ snga dro'i ser bu spang bar bya'o/ / dgun dang dbyar gnyis la kha zas ni mngar ba dang / skyur ba dang / lan tshwa 'di gsum gyi zas shas che bar sbyar ba bzang ngo / /dpyid ni kha ba dang / tsha ba dang / bska ba'i ro bro ba sbyar ba'i zas bzang ngo / /sos ka'i tshe ni kha zas mngar bag bzang ngo / /ston ka zas mngar ba dang /kha ba dang / bska ba las sbyar ba dge'o/ /ston dang dpyid gnyis kyi kha zas ni rtsub pa'i bag dge'o/ /ston dang sos ka gnyis kyi zas dang skom ni bsil zhing yang bar bya'o/ /dus kyi bye brag bzhin kha zas 'di ltar ma sbyar na nad du 'gyur ro//dus tshigs dang sbyar ba'i sman dang kha zas kyi le'u gsum pa rdzogs so// //de nas yang mi nyams tha mal par gnas pa la nad mi 'byung bar bya ba'i dpyad kyi le'u bshad par bya'o/ /'phyen 'ong na mi dgag /bshang gci yang dgag par mi bya ba dang / sbrid pa yang mi dgag /skom pa'am bkres na yang mi brnag /gnyid bro'am lud pa 'ongs na mi dgag /drag shul lam las khur byed pa'i shugs kyis dub cing ngal bar mi bya/ kha glal dang dbugs dgag par mi bya ba dang / mig mchi mas gang na mig mi 'dzums shing mchi ma myur du phyi rol du bsal/skyug bro na skyug pa mi dgag /khu ba 'ongs par gyur na yang dgag par mi bya'o/ /de la 'phyen 'gags na skran nad du 'gyur ba dang / rtug skom du 'gyur ba dang / lus snyom zhing lci bar 'gyur ba dang / khong du 'phyen 'khyil zhing bshang gci yang khong du 'gags par 'gyur ba dang /mig rtul ba dang / khong gi drod chung ba dang / snying nad 'di rnams 'byung ngo / /bshang ba 'ong ba las bkag na byin pa'i nywa 'gyur ba dang / cham pas 'debs pa dang / glad pa na ba dang / khar mi gtsang ba 'byung ba dang /khong du 'phyen 'gags pa las nad du 'gyur ba rnams kyang 'dir nad du 'gyur ro/ /gcin bro ba las 'gags na/ ro stod dang / dpung pa dang / lag ngar mi bde ba dang / rde'u chags te chu sri ba dang / chu sor zug ste na ba dang / pho mtshan na bar 'gyur ba dang /dku'i nang logs su chu so g.yas g.yon du zug ste na ba dang / nad 'di rnams ni gcin 'gags pa las nad du 'gyur ro/ /de la 'phyen 'gags pa las gyur pa'i nad kyi sman dpyad ni sman sbyar ba gdar bu reng bur byas la/ gzhang gi nang du gzhug pa dang /gzhang kha dang lus phyogs su mar gyis bsku ba dang / sman gyi rtsa ba dang lo ma dang / sdong bu brdungs te bskol ba'i nang du lus zhugs te 'dug par bya ba dang / bag phye'i pu rtse 'am/ nas skyur gyis btab ste brngos pas dugs bya'o/ /yang mar la sman btsos pa'i sman mar mas gtong ngo //kha zas kyi cho ga ni bshang ba bkag pa las/ gnyis 'dra ste/ bshang ba 'gags pa bsal ba'i zas kyi cho ga dang / bshang ba 'gags pa la zas kyi cho ga bsgyur ba dang / glo gcong gi nad la zas kyi cho ga bsgyur ba bshad pa dang 'dra ste/zas kyi cho ga de bzhin bya'o/ /chus bgags pa'i cho ga ni chu srang bcu drug gi nang du/ bca' sga 'am/ 'u su'am/ bal po se'u 'di gsum gang yang rung ba brdungs te btsos la/ chu du ste srang bzhi tsam lus pa dang / nad pa'i nyams mthu che chung la bltas te/nyam chung na ba mar dang / 'bri mar srang gcig tsam btab la zhu bar byas te btung ngo / /gro'i zan ni sman zhu ba dang zas bza'o/ /sman zhu ba'i tshad ni sman zhu bar gyur pa'i sgregs pa byung ngam/ zas yi gar 'ong zhing bkres par gyur na zan bza' ste/ zan bza' ba'i sngon logs su sman gyi cho ga 'di 'dra bar 'thungs la/de'i 'og tu zan bza'o/ /zan gyi cho ga ni zhib tu 'og nas bshad do/ /sgregs pa 'ong ba las 'gags na zas yi gar mi 'ong / lus dang rkang lag 'dar/ bshang gci gnyi ga sri ste 'byung du mi rung / snying dang brang thong ka na lto sbo lud pa lu/ skyigs phus 'debs par 'gyur ro/ /de la sgregs pa las nad du gyur pa'i cho ga ni/ skyigs bu'i nad bsal ba'i cho gar bshad pa dang 'dra'o/ /sbrid pa bro ba las bkag na mig dang rna ba dang / sna'i dbang po rnams mi rno mi gsal bar 'gyur ro//gnye'u rengs su gyur te 'gyur mi shes/ kha yo ste 'gram pa la chags par 'gyur ba'i nad 'di rnams su 'gyur ro/ /de ltar sbrid pa 'gags pa'i nad 'di rnams ltar gyur na dpyad ni snar dud pa rnon pos bdug /mig sman gyis mig la bsku/snar sna sman blugs la mgo bstod de mig gi gnam mam nyi ma la bltar bcug na sbrid pa 'ong ngo / /mar gyis kyang sna dang gdong dang mgo bsku dugs kyang bya'o/ /skom pa bkag pa las kha dang khong skam/ lus dang rkang lag mi bde/ rna ba mi gsang / mgo 'khor/ myos te mi dran/ snying na ste/ skom bkag pa las nad 'di rnams 'byung ngo / /'di'i cho ga ni bsal bar bya ba'i cho ga 'og nas bshad pa bzhin du bya'o/ /bkres ches pa las nad du 'gyur ba ni/ lus zhig /zas yi gar mi 'ong / lus snyom/nyam chung / glo snying dang mchin pa 'phyang ste na/ mgo 'khor ba'i nad 'di lta bur 'gyur ro/ /bkres ches pa las nad 'di lta bur gyur pa'i cho ga ni kha zas 'ju sla ste/ yang ba dang / mar dang sbyar ba'i g.yos tshos pa drod du sbyar te mi che bar ran par byas la bza'o//mtshan mo mi nyal zhing gnyid ma log pa las nad du 'gyur ba ni/ khong myos te myo myo por 'gyur/ lus snyom/ mgo dang mig gnyis lci/ ro rgyab na ste gnyid ma log pa'i nad 'di lta bu la cho ga ni gnyid tshim par log par bya ba dang / lus mnyes na phan no//lud pa 'ong ba las brnag ste bkag na/ lud pa'i nad de nyid cher skyes te/ cher lud pa dang / dbugs mi bde/ zas yi gar mi 'ong / snying na/ lus dang kha yang skam/ skyigs bus kyang 'debs par 'gyur ro/ /lud pa lu ba dang nad du gyur pa'i cho ga dang /'og nas glo gcong gi cho ga zhib tu bshad pa las 'byung ste/ de bzhin bya'o/ /las sam drag shul gyis dub ste/ ngal ba las ngal mi gso bar brnag ste dbugs bkag na/ skran nad du 'gyur ba dang glo snying na/ mi dran cing myos par 'gyur ro/ / de'i dpyad ni ma chad par skabs skabs su ngal bsos na phan/ rlung nad sel ba'i kha zas kyi cho ga sbyar zhing zos na phan no/ /glo 'ongs pa las brnag cing bkag pas sbrid pa 'gags pa'i nad dang 'dra ste/ gzhan yang cham pa'i nad dang / mig dang glad pa na ba dang /snying na ba dang / gnye'u rengs shing na ste 'gyur mi shes pa dang / zas yi gar mi 'ong ba dang / glad pa 'khor ba'i nad du 'gyur te/ 'di lta bu'i cho ga ni rlung nad thams cad sel ba'i dpyad du bya'o/ /yang mig nad dam mya ngan gyis mchi ma 'ong bar gyur pa lta bu las/mchi ma mi 'byung bar bkag na/ skrang nad du 'gyur te/ 'di'i cho ga ni gnyid ngoms par log par bya ba dang / chang zhim po btung ba dang / gtam yid du 'ong ba mnyan na phan no/ /skyug bro ba las brnag ste ma skyugs pa'i nad ni/ 'bras dang / me dbal dang / mdze dang / mig na ba dang / g.yan pa dang / skya rbab dang / rims nad dang / lud pa lu ba dang / dbugs mi bde ba dang / dang ga mer mer por byed/ ro stod gzhogs phyed kyi dpung pa dang / lag pa na ste bskyod na mi bde ba dang / skrang bar 'gyur ro/ /'di'i cho ga ni sman btsos pa'i khu ba mkhur bar bkang ste bad kan drang ba dang /dud pa sbu gu nas snar bdug pa dang / zan mi za bar smyung bar 'dug pa dang / yang na zas rtsub po zos la bsgugs te skyug par bya ste/ stobs ran tsam du bya/ gtar ga gdab ste khrag dbyung ba dang / bkru sman btang na dge'o/ /khu chu byung ba las bkag ste ma btang ba'i nad la ni/ pho mtshan na ba dang 'or nad du 'gyur/ rims kyis 'debs/ snying na/ chu 'gags/ lus brdungs brdungs pa snyom du na/ rgyu ma rlig par rlugs pa dang / rde'u'i nad du 'gyur ba dang /bud med la nyal po mi nus par 'gyur ro/ /nad 'di lta bu'i cho ga ni khyim bya'i sha las g.yos su byas pa dang / chang dang 'bras sA lu'i zan bza'o/ /sman ni mas gtong ba dang / til mar gyis lus byugs pa dang / rlung la phan pa'i sman btsos pa'i khu ba'i nang du lus zhugs te/chu dron gyis lums bya ba dang / bkru sman gtang zhing chu so'i nad dmigs bsal ba dang / til mar las sman btsos pa tshos par bya ste btsags la pho mtshan nas gtang ba dang / 'o ma bsdus pa 'thung zhing kha zas kyi cho ga bzhin byas la bud med gzhon nu ma bsten na nad dbyung ngo //de ltar nad do cog thams cad kyang shugs dbyung ba brnag cing bkag pa las nad du 'gyur ba dang / yang na mi 'byung bzhin du nan gyis btsir na yang nad de dang 'dra bar 'byung ngo / /nad de lta bu gso ba'i cho ga zhib tu bstan cing bshad par bya'o//de ltar na nad mang po du ma ni phal cher rlung las nad du 'gyur ro/ /de'i phyir rlung nad sel bar 'gyur ba'i sman dang kha zas sbyar bar bya'o/ /de bas na nad du gyur pa rnams la nan gyis brnag cing dgag par ni mi bya'o//bdag nyid la phan par 'dod na nyin mtshan du 'dod chen phrag dog dang zhe sdang dang ser sna dang 'dod chags dang 'di rnams 'byung ba'i shugs drag po'i rgyun brnag cing bzung la/ dbang po rnams dul bar byas la/ so so'i dus tshigs bzhin du nad kyi dri ma rnams bkru zhing 'byang ba'i nan tan bya'o//rlung dang bad kan la sogs pa rab tu bstsags te dkyel du gyur pa las nad langs nas srog la bab par 'gyur ro/ /bad kan la sogs pa'i nad yod pa smyung bar bya ba dang / nad bzhu ba byas kyang de lta bu ni slar ldang yang srid kyi/gong gi bkru sman skyug sman gyis nad bsal zhing sbyangs pa ni phyis de dag gi nad 'byung zhing ldad ba med do/ /de ltar nad kyi dmigs bstan nas/ phyis nas de phan chad dus tshigs dang bad kan la sogs pa'i nad kyi rim pa bzhin du dpyad dang cho ga sbyar zhing / yul rnams dang / mi'i na tshod dang / dus tshigs shes par byas la/ tshe ring ba'i dpyad bcud len rnams grub par bya ba dang / ro tsa sbyar bar bya ste/ de yang sngar sman gyis lus sbyangs te lus kyi nyams smad la/ kha zas phan pas khad kyis brta bar bya ba ni 'bras sA lu zhag drug cus smin pa dang /gro dang mon sran sde'u dang / sha dang mar la sogs pa yid du 'ong zhing 'ju la drod che ba dang / zas 'ju ba'i sman dang spod du sbyar la bza' bar bya'o/ /lus kyang mar gyis byugs shing lde gus dril la/ /khrus bya ba dang / sman mas gtong zhing bsal ba dang / mar dang 'bru mar la sogs pa'i bkru sman drag po mas gtong ba dang / khong brta ba'i 'jam sman mas gtong ba de lta bus pho ba'i me drod kun skyed de bde bar 'gyur ro/ /de ltar bde bar gyur na sems can gyi blo dang dbang po gsal ba dang bzhin dang lus mdog gsal te dri ma med pa dang /tshe ring zhing ro tsa bar 'gyur ro/ /de la 'phral gyi glo bur gyi nad ces bya ba 'dod chags dang zhe sdang dang 'jigs pa la sogs pa dang / gdon dang dug dang rlung dang nad dang me dang smas pa dang / chag grugs la sogs pa 'di lta bu glo bur du 'byung ba'i nad 'di dag kyang sems kyi blo 'khrul pa'i nyes pa yin te/'khrul pa'i nyas pa de lta bu bsal ba dang dbang po rnams zhi bar bya zhing / yul gyi rnams dang dus dang sbyar la bdag gis tshod shes par bya ste/ skyes bu dam pa'i dpyod pa'i rjes su 'brang bar byas na 'phral gyi glo bur gyi nad mi 'byung la/rga ba dang bkres pa dang ltogs pa'i nad 'di yang mi 'byung ngo / /de bas na cho ga'i mdo 'di ltar bstan pas nad du ma gyur pa ni nad du mi 'gyur zhing nad mi 'byung bar bya'o/ /nad gyur pa yang cho ga'i thabs 'di 'dra bar byas na nad zhi bar 'gyur ro//dgun zla ra ba dang / dgun zla tha chungs dang / dgun zla 'bring po dang / dpyid zla ra ba yar gyi ngo dang / zla ba bzhi'i tshe na grang lhags su 'gyur te bad kan 'byung zhing dgun thog thag bad kan bsags nas/dpyid zla 'bring po dang / dpyid zla tha chungs gnyis la bad kan smin nas bad kan gyi nad du 'gyur ro/ /de'i phyir dpyid skyug sman dang bkru sman gyis bad kan gyi nad bkru'o/ /yang sos ka'i zla ba dbyar zla ra ba dang / dbyar zla 'bring po gnyis la rlung nad bsags pa ni dbyar zla tha chungs dang ston zla ra ba gnyis la rlung nad du 'gyur ro//dbyar zla gnyis la mkhris pa'i nad bsags pa ni ston zla ra ba dang ston zla tha chungs gnyis la mkhris pa'i nad tsha ba ldan par 'gyur te/ rlung dang bad kan dang mkhris pa'i nad so so'i dus tshigs su smin te 'byung ba'i dus su skyug sman dang bkru sman la sogs pas lus bkru zhing sbyangs na dus tshigs kyi nad rnams kyang mi 'byung ngo //de bas na dus tshigs kyi tshul dang mthun par byas la/ rtag par phan zhing 'phong pa'i kha zas bza' ba dang /bca' ba dang / 'greng ba dang / 'dug pa dang / nyal ba'i spyod lam rnams bzhi car ci ran par bya ba dang / /ci bya'o cog la yang legs par brtags te byed pa dang / yul la ma 'os par chags par mi byed pa/ gtong phod pa/ kun la snyoms pa/bden zhing brtags la mchog tu bzod pa dang ldan pa/ lung dang man ngag yod pa'i mi la bsnyen bkur byed cing brten pa 'di ltar byas na rtag tu nad med par 'gyur ro/ /le'u bzhi pa rdzogs so// //de nas chu sna tshogs la sogs pa'i bye brag shes par bya ba'i le'u bshad par bya'o//chu bo gang+gA'i chu ni 'thungs na mi la 'tsho bar byed/ ngoms par byed/ yi gar 'ong lus tshim par byed/ sems gsal bar byed/ chu'i ro bro ba yang gsal por byed/ ro zhim pa/ bsil ba/ yang ba yin te bzang ngo / / char 'bab pa las byung ba'i chu ni nyi ma dang zla ba'i 'od dang rlung gis kyang phog mod kyi/ de la phan gnod kyi bye brag ni yul skams dang / ser che ba'i yul gyi sman dang sbyar ba dang / dus kyi rim pa dang sbyar la brtags te kha zas kyi g.yos chur bya ba dang / skom du btung ba ni dngul phor gyi nang du chu blugs la/de'i nang du 'bras chan nyung shas cig blugs te/ zhag gcig bzhag nas ma rul la/ mdog kyang ma gyur na gang+gA'i chu klung la sogs pa'i char pa'i chu yin te/ de ni btung bar bzang ngo / /gal te 'bras rul tam kha dog 'gyur na de ni rgya mtsho'i chu yin te/de ni btung du mi rung ngo / /chu de lta bu ni lo gcig gi zla ba'i ngo gang la yang btung du mi rung ngo / /char 'bab pa'i chu snod bzang po bzed de gzhag na yang / mi rul mdog kyang mi 'gyur ba de lta bu'i chu ni bzang ste rtag tu btung bar bya'o//de ltar char chu snod du bzed pa dang 'dra bas bzang ste/ de yang sa gzhi dkar ram gnag pa yang rung ste/ gtsang ma nyi ma'i 'od dam rlung gis phog pa de lta bu ni dge ste btung bar bya'o/ /lteng ka 'am lum 'dam rdzab can nya lcibs dang / lhun rtsa dang / 'dab ma dang / rnyog pas gang ba'i nang rlung dang nyi ma dang zla ba'i 'od kyang mi mthong mi snang ba dang / 'phral la char drag po 'bab pa'i lteng ka'i chu gar po lci ba sbubs can srog chags kyis gang ba/ nyi tshan gyi drod des tsha ba 'am/ ha cang grang che ste sos mi brjod pa 'di lta bu dang /dbyar gyi dus kyi snga rol dang / dbyar gyi tha ma ston ka'i char chu 'di gnyis dang / dbyar ka'i char pa 'bab pa 'di lta bu yang mi dge ste/ srog chags gdug pa dang / ba thag la sogs pa gcin dang rtug pa dang / dug dang 'dres pa'i chu ni mi dge ste mi btung ngo //nub phyogs kyi chu bo chen po las rgya mtshor 'bab pa'i chu'i shugs drag po dri ma med cing gtsang ba de lta bu yang mi la phan te bzang ngo / /gzhan yang gangs rgyud las byung ba'i chu bo dang / lho phyogs kyi rim la ya las byung ba'i chu bo lta bu ni rdo dang brag la shugs drag pos brdabs shing rgyun chad la g.yengs pa'i chu de 'dra ba ni phan te dge'o//chu 'di 'dra ba las kyang thang la chu g.yung por 'bab par gyur pa lta bu 'thungs na/ lto ba'i nang na srin bur 'ong ba dang / rkang bam gyi nad dang / snying na ba dang / lkog ma na ba dang / glad pa na bar 'gyur te chu 'di lta bu'i bag ni mi dge'o/ /shar phyogs mon pa'i yul dang rgya gar gyi yul lte ba kyi mtshams yul a ban thi dang / /nub phyogs kyi yul ga ra dza dang / /stag gzig gi yul la sogs pa'i chu ni mi dge ste/gzhang 'brum gyi nad la sogs par 'gyur ro/ /yul shar phyogs dang lho phyogs kyi mtshams yul ka ling ka'i rim he na tra las chu 'bab pa ni dmu rdzing rkang bam gyi nang du 'gyur te mi dge'o/ /nub phyogs kyi ris h+ya zhes bya ba dang / / lho phyogs kyi ri ban rgya'i rgyud las chu 'bab pa yang mdze dang skya rbab kyi nad dang glad pa na bar 'gyur te/ chu de lta bu ni mi dge'o/ /nub phyogs na yul pa ri ya ta'i ri rgyud las chu 'bab pa ni nad kun sel ba'i chu ste bzang ngo / /mdor na yul skam sa dang /yul gsher sa ser che ba'i yul 'di gnyis kyi khron pa dang / rdzing dang chu mig la sogs pa skyon dang yon tan gnyis ka yang skam sa dang gsher sa'i yon tan so sor bshad pa bzhin du mdor shes par bya'o/ /chu 'thung bar lobs pa'am/ skom ches te brnags te ma nus sam/skom btung ba dang yang ma ldan na yang nyung shas tsam las mi btung ste/ yang na drod chung ngam/ skrang nad yod dam/ skya rbab kyi nad dam/ dmu rdzing dang / gsus po che la sogs pa'i nad yod dam/ tshad pa na'am/ gzhang 'brum mam/pho ba drod chung ngam/ lus skams par gyur tam/ 'or nad yod na chu 'thung du mi rung ngo / /nad med pa'i mis ni so ga tsha ba dang / ston ka'i dus su nyung shas tsam zhig 'thung du rung ngo / /de la mi'i lus ran pa ran pa'am/ spom po'am/ skem por 'gyur ba na zan phyed zos te chu 'thungs na phra spom ran par 'ong ngo //zan zos pa'i 'og tu chu 'thungs na lus sbom por 'ong ngo / /sngar chu 'thungs la phyis zan zos na lus skem por 'ong / /dmigs kyis chu 'thung du rung ba ni/ chang nad langs te mi bde na chu 'thung du rung ngo //brgyal bar gyur pa la gdong du chu btab ste blud do/ /skyugs sam ngal te chad pa'am/ mgo 'khor ba'i nad la chu 'thungs na phan no/ /yang na skom mam lus tsha'am/ mkhris pa dang khrag rgyas sam/ khong pa dang lus tsha ches sam/ dug 'thungs pa 'di lta bu la chu 'thungs na phan te dge'o/ /de la skom du chu 'thungs pa'i thabs ni/ /chu gdus te bzhi cha 'am/ sum cha gdu bar byas pa'i chu dron po khas bzod tsam du 'thungs na/ drod che zas 'ju mgul pa bde/ lus yang / lgang pa'i chu so min zhing bshang gci gnyis ka legs par 'ong ngo //skyigs bus btab pa la phan/ lto sbos pa la phan/ rlung nad dang bad kan rgyas pa dang / rims gsar lud pa dang / cham pa na ba dang / dbugs mi bde ba dang / rtsib logs su zug pa 'di rnams la phan te dge'o//de lta bu'i chu gdus pa bsgrangs te grang mor 'thungs pa ni bad kan gyi nad du yang mi 'gyur/ lus kyi khong yang mkhris pa'i nad tsha ba la yang phan te dge'o/ /chu gdus pa de zhag lon par gyur pa rnying pa ni rlung dang bad kan dang mkhris pa'i nad g.yo par 'gyur te mi dge'o//na li ke ra'i 'bras bu gdus pa'i khu ba'am/ chur sbangs pa'i skom gyi ro ni dbyar 'thungs na khong snum ro tsa bar 'gyur/ bsil yang / skom pa la phan/ mkhris pa dang rlung nad sel/ pho ba'i drod skye/ lgang pa'i nad sbyong / bshang gci legs par 'byung ste dge'o/ /dbyar gyi char pa bab pa'i chu snod dam pa gzhi bzang por bsags pa ni bzang ste dge'o/ /dbyar gyi chu 'brub pa ljan ljin rnyog ma can dang 'dres pa ni ngan te btung du mi rung ngo / /chu sna tshogs kyi bye brag bshad pa'o/ / 'o ma sna tshogs kyi bye brag bshad par bya'o/ /'o ma ni phal cher 'jam zhing mngar ba yin/ zhu ba'i rjes ni khong du snam/ mdangs bzang bar 'gyur ro/ /srog zungs bdun brtas zhing skye bar byed/ rlung dang mkhris pa'i nad sel/ khong brta zhing ro tsa/ bad kan skye/'o ma 'ju dka' la bsil ba yin no/ /de la bye brag tu ba'i 'o ma ni 'thungs na 'tsho bar byed de bcud kyis len du 'gyur/ glo rdol ba dang / glo gcong la phan/ yid gzhungs par 'gyur/ bzhin mdog bzang / bud med kyi nu zho mchog tu skye bar 'gyur/ ngal te chad pa dang / nad kyis myos te brgyal ba dang 'dra bar mi dran pa dang / cha nyams te bzhin mdog ngan cing mi sdug pa lta bur gyur pa dang / dbugs mi bde ba dang / lud pa lu ba dang / rab tu skom pa dang / bkres pa dang / rims bying ba dang / chu srib dang /khrag dang mkhris pa rgyas pa'i nad 'di rnams la phan no/ /ma he'i 'o ma ni pho ba'i me drod ha cang ches pas 'drangs mi shes pa'i nad/ gnyid med pa dang / 'di rnams la ma he'i 'o ma bsil la lci bas na nad 'di rnams la phan no/ /ra ni chu nyung 'thung gzas rgod//rtsi shing kha ba dang / kha ba tshol zhing za/ khong yang bas ni de ltar ra'i 'o ma ni skem pa dang / rims dang / dbugs mi bde ba dang / khrag mkhris rgyas pa'i nad dang / tshad pa'i nad 'di rnams la phan no/ /rnga mo'i 'o ma ni cung zad rtsub cing tsha la lan tshwa bro ste/'thungs na drod che/ khong yang / bad kan dang rlung nad sel/ lto spos pa la phan/ khong na srin bu yod pa dang 'or nad dang / dmu rdzing lta bu gsus pa cher skyes pa'i nad dang / gzhang 'brum gyi nad 'di rnams la phan te dge'o/ /bud med kyi nu zho ni rlung nad dang /mkhris pa'i nad la phan/ khrag nad dang / mtshon gyis smas pa dang / rma byung ba dang / mig nad la phan/ nu zho 'thungs na byis pa la bsod cing ngoms par byed/ thigs pa mig tu blugs na mig la phan/ snar blugs na mtshul pa yan chad kyi nad kun la phan no//lug gi 'o ma ni snying la gnod/ tsha ba skye/ skyigs bu dang dbugs mi bde/ mkhris pa dang bad kan gyi nad du 'gyur/ rlung nad la ni phan no/ /ba glang mo'i 'o ma ni 'thungs na lus kyi khong rab tu tsha/ lus kyi sha skye zhing lus brtan par 'gyur ro//rta lta bu rmig pa gcig pa'i 'o ma ni yang ste dpung pa dang / lag ngar dang / lag sor dang / brla dang byin pa dang / rkang sor yan chad rlung zhugs pa'i rlung nad la phan/ glo na ba la phan/ rta lta bu'i 'o ma ni skyur la lan tshwa bro ba yin te/ 'phral du rmongs rmongs por 'gyur ro//de ltar 'o ma gang yang rung / ma bskol bar 'o rlon 'thungs na bad kan du 'gyur/ lci ste 'ju dka'o/ /'o ma bskol ba ran par 'thungs na/ 'ju sla ba bad kan du yang mi 'gyur ro/ /'o ma phyed cher gdus pa 'am/ sum cha'am/ bzhi char gdus pa'i 'o ma ni 'ju dka' ste lci'o//'o ma bzhos ma thag gi dron po mod la 'thung ba ni bdud rtsi dang 'dra ste/ ci la yang phan zhing dge'o/ /zho'o cog ni 'thungs na zhu ba'i rjes skyur bar 'gyur/ rtug skam du 'gyur/ 'khru ba gcod/ lci ste 'ju dka'/ tsha ba skye/ rlung sel/ tshil skye/ khu chu mang du 'gyur/ nyams 'tshag skye/ stobs skye/ bad kan du 'gyur/ mkhris pa skye/ khrag brta/ zas 'ju ba'i me drod skye/ lus skrang ba'i bag tu 'gyur/ zho 'thungs na yi ga 'bye/ yi ga 'chus pa dang / grang ba'i rims dang / rims ldang dub kyi dus mi mthun pa dang / cham pa dang / chu sri ba dang / pho ba'i nang du rlung zhugs te rtsub por gyur pa 'di rnams la phan no/ /zho mngal dron po ni dpyid dang / sos ka dang / ston gyi dus tshigs 'di gsum gyi tshe tsha ba ste btung du mi rung ngo / /zho bsgrangs pa grang mo ni btung du rung ngo //zho btung ba yang sbrang rtsi'am mar ram bu ram mam kha ra dkar po btab la btung ngo / /yang na skyu ru ra btab la btung ngo / /zho rtag par btung ba ni mi dge'o/ /mtshan mo btung ba ni mi dge'o/ /mon sran sde'u btsos pa'i khu bcud sbyar ba mi btung ngo //zho ma langs pa 'thungs na rims nad dang / khrag nad dang / mkhris nad dang / me dbal dang / mdze dang / skya rbab dang / mgo 'khor ba'i nad 'di rnams su 'gyur ro/ /dar ba sar pa ni yang la ro bska zhing skyur ba dang / drod che ste bad kan dang / rlung nad sel/ skrang ba'i bag dang / dmu rdzing dang / gzhang 'brum khrag tshad du 'gyur pa'i nad dang / gzhang 'brum dang / pho ba'i nad dang / chu sri ba dang / yi ga 'chus pa dang / skran nad dang / mcher pa dang / mar cher zos pa las nad du gyur pa dang / dug sbyar ma dang /skya rbab kyi nad dang / 'di rnams sel te phan par 'gyur ro/ /dar ba dang 'dra bar zho ga chu'i yon tan yang de bzhin te khong 'khru bar 'gyur/ lgang pa 'khris shing chu sri ba'am/ rtug skam lta bu sel zhing legs par 'byung ba dang / khong yang bar 'gyur ro//mar sar phyung ma thag pa ni bud med la phod de ro tsa/ bsil/ sha mdog bzang / stobs skye/ 'khru ba gcod par byed/ rlung dang / mkhris pa dang / khrag nad dang / glo gcong dang / gzhang 'brum dang / /ba yon por gyur pa dang / lud pa dang / 'di rnams sel te phan no/ /de la mar sar pa ni yid rno/ dran pa che/ yid gzhungs/ drod skye/ stobs skye/ tshe ring / khu chu mang bar 'gyur ro/ /mig rno ba la phan no/ /zhun mar ni byis pa dang rgan po la phan te bu mang bar 'dod pa dang / bzhin mdog bzang zhing mdangs can du 'dod dam/rab tu gzhon par 'dod dam/ skad snyan par 'dod pa 'di lta bu la phan/ glo rdol dang / lus kyi srog zungs bdun zad de skams pa gcong nad dang / 'bras dang / mtshon gyis smas pa dang / mes tshig ste rke zhing rmya ba la phan no/ / rlung dang mkhris pa'i nad dang / dug dang smyo ba'i nad dang / lus skems pa dang / lus dang bzhin gyi mdangs dang gzi nyams te brlangs brlangs por gyur pa dang / rims nad sel te phan no/ /til mar dang tshil dang zhag dang mar dang / snum 'di bzhi'i nang na zhun mar las bzang ba med de/zhun mar ni tsha ba'i nad sel te bsil bar byed/ rgas sra ba la mchog tu phan/ zhun mar gyi mthu stobs ni sna grangs stong yod de/ de la yang sman dang sbyar ba'i sman mar zhun mar ni/ phan pa'i las stong byed nus par 'gyur ro/ /zhun mar rnying pa ni chang gis myos te ra ro ba dang /rlung dang mkhris pa las gyur pa'i smyo ba'i nad dam/ gdon gyis myos pa 'am/ brgyal ba 'am/ glad pa na ba 'am/ rna ba na ba 'am/ mig na ba 'am/ bud med kyi mngal na ba dang / rma'i rnag dang / chu ser 'byang zhing rma 'tshob pa 'di rnams la phan no//phrum gsar pa dang / spri dang rgya phrum dang chur ba la sogs pa 'di rnams 'dra ste stobs skye/ /bu chu mang bar 'gyur/ gnyid 'ong / bad kan du 'gyur/ rtug skam du 'gyur/ phrum dang 'di bzhi khar yang lci ste 'ju dka'/ rlung dang bad kan dang mkhris pa'i nad du 'gyur ro//ba'i 'o ma dang zhun mar ni ci la yang dge ste/ mchog go/ /lug gi 'o ma dang mar ni ci la yang mi dge ste smad do/ /'o ma dang zho dang mar dang dar ba dang / phrum la sogs pa bshad pa'i le'u rdzogs so// //bu ram shing dang bu ram la sogs pa'i mthu dang yon tan bshad par bya'o//bu ram shing gi khu ba ni 'ju dka' ste lci/ khong 'khru/ khong du 'jam/ lus sha skye/ bud med la phod de ro tsa par 'gyur/ khong bsil/ bad kan skye/ gcin mang / khrag dang mkhris pa sel te/ zhu ba'i rjes ni mngar bar 'gyur ro//bu ram shing gi thor to ni cung zad lan tshwa bro ba yin no/ /bu ram shing sos bca' zhing khu ba gzhibs pa ni li khar dang 'dra ste bzang ngo / /bu ram shing brdungs pa ni rtsa ba dang thor to ni srin bus zos te mi bzang la bu ram shing gi shun pa dang / la la skams pa dang /rdul dang dri ma dang sa song ba nyi ma'i 'od dang / rlung gis phog pa la sogs pa brdungs nas kyang cung zad gzhag gam/ zhag lon par gyur pa ni bu ram gyi ro las yid tsam skyur ba dang / mi zhim par gyur pas na bu ram btsir ba'i khu ba ni mi dge ste lci la tsha bar 'gyur/phyir 'byung du mi rung ste/ 'ju dka' la 'khren pa dgos te/ de bas na bu ram brdungs te btsir ba'i khu ba ni mi bzang ngo / /de la li kha ra dkar po'i shing ni dkar te khu ba ni ro mngar la bsil/ mig rno/ /rna ba gsang / sems bde bar 'gyur ro/ /yang bu ram shing phal pa bang sha ka zhes bya ba bu ram shing snga ma tsam du mi bzang ba zhig yod pa de'i mthu dang yon tan dang skyon ni gong ma dang 'dra mod kyi phan yon gong ma tsam mi phod do//de la bu ram shing gi bye brag ni bu ram shing shata zhes bya ba gnag la sbom zhing ring ba dang / bu ram shing ba pa ka zhes bya ba tshigs mang ba zhig yod pa dang /bu ram shing ka tar zhes bya ba phre'u thung ngu zhig yod pa dang / bal yul gyi bu ram shing 'di la sogs pa'i ro cung zad tsam bro ba dang / ro bska ba dang / zos na dro ba dang / zhu ba'i rjes tsha bar 'gyur ro/ /bu ram shing 'di bzhi yang ming gi go rims bzhin 'og ma rnams cung tsam gyis ro bro ba dang /mthu'i shas chud do/ /de la bu ram gyi bye brag ni rnam pa gsum ste/ bu ram bskol te gdus pa'i che kha'i dbu ba dang dri ma ngan pa bzhams pa'i 'og dbu ba can kha spri sla mo zhig yod pa de ni 'ju dka' ste lci/sla ba 'byar 'byar po yin te mchin pa'i nad dang bshang gci sla ba ma yin te/ rnyed par 'gyur ro/ /de la btsos shing gdus pa las bar nas byung pa ni bu ram zhes bya ste/ de la yang bu ram dkar po ni 'phral du bad kan du 'gyur ba ni ma yin no//bshang gci gnyis ka yang mi sri ste bde bar 'ong ngo / /bu ram dmar po rtsa ba gnag pa ni phal cher srin bur 'gyur/ khrag dang tshil dang sha skye/ bad kan skye ste mi bzang ngo / /bu ram dmar po lo gcig lon phan chad rnying pa zhes bya zhim ste yid du 'ong ngo / /ci la yang phan no//rlung dang bad kan dang mkhris pa'i nad gsum char sel te dge'o/ /bu ram gsar pas ni bad kan skye/ pho ba'i me drod med par byed de mi dge'o/ /de ltar bu ram gyi khu ba gdus pa'i zhabs nas byung ba de ni li kha rar 'gyur ro/ /tshul 'di dang 'dra bar kha ra dkar por bskol zhing gdus pa las kha ra'i bye brag rnam pa gsum du 'byung ba steng rim gyis zhes bya ba dang /bar nas 'byung ba ni li kha ra bzang por bya ba'i rgyu yin te/ hwags yin no/ /zhabs nas 'byung ba ni li kha ra nyid yin no/ /de la mthu'i bye brag ni steng pas bar gyi bzang /bar bas nang gi zhabs bzang ste/ glo gcong dang / glo rdol ba dang / khrag dang mkhris pa'i nad rlung nad sel/ khong du phan te bud med la phod cing ro tsa bar 'gyur/ kha ra dang 'dra bar shing rlangs pa tsher ma can gyi khu ba bskol ba las kha ra byas pa yang li kha ra'i yon tan dang 'dra'o//li kha ra dkar po thams cad kyi yon tan ni tsha ba dang skom pa dang / skyug bro ba dang brgyal ba dang khrag dang mkhris pa'i nad 'di rnams sel bar 'gyur ro/ /de la mdor bu ram shing las gdus te bu ram gyi dbu ba kha sbri sla bar 'ong ba lta bu ni ngan no//bu ram shing yang rung kha ra'i shing yang rung ste/ de las byas pa'i kha ra dkar po ni bzang ste dge'o/ /de la sbrang rtsi ni mig la phan/ bad kan dang tshil che ba dang / dbugs mi bde ba'i nad sel to/ /skom pa la phan/ dug sel/ skyigs bu dang khrag nad mkhris pa'i nad sel/ha cang cho te sha che ba sha ran cing 'bri bar 'gyur/ mdze dang chu sri ba dang skyug bro ba dang / dbugs mi bde ba dang / lud pa lu ba dang / tshad pa dang lto ba'i nang na srin bu'i gdug pa sel/ rma rnags pa rnag dang chu ser 'byin/ rma 'tsho/ chag grugs 'byor/rlung yang skye'o/ /mdor na sbrang rtsi ni mngar la ro bska/ khong du rtsub pa yin/ sbrang rtsi las khaN+Dar byas pa'i yon tan dang mthu yang de ltar 'dra'o/ /sbrang rtsi'i nyen ni ston dang dbyar sogs tsha ba'i dus la yang bab la tsha ba'i nad kyis kyang thebs la/ sman cha ba dang /sbrang rtsi ni sbrang tshang nas phyung ma thag pa dron mo dang / sman tsha bar gyur pa la 'di lta bur byas te btang na nad pa gsod do/ /dug gi me tog las sbrang rtsi byung ba dang / sbrang ma gdug pas gsos pa ni dro ba yang rung grang ba yang rung ste mi rung ngo / /skyug sman chu dron dang sbrang rtsi sbyar te btang ba'am/sman mar mas gtong ba dron po'i nang du sbrang rtsi sbyar ba ni nyes pa med do/ /bu ram shing dang kha ra'i shing dang bu ram dang kha ra'i bye brag dang sbrang rtsi'i bye brag bshad pa rdzogs so// //til mar dang e raN+Da'i mar dang yungs mar dang ba ru ra'i mar dang zar ma'i mar dang le brgan rtsi'i mar gyi phan gnod bstan pa/til mar gyi phan gnod til dngos dang 'dra'o/ /de la 'bru mar gyi nang na til mar ni bzang ste/ til mar ni cung zad tsha ba 'thungs na lus kun la myur du khyab cing mched par byed/nyen ni til mar 'ba' zhig rtag tu 'thungs na sha mdangs kyi pags pa'i mdog la gnod de sha bkra dang shu ba dang mdze lta bu'i nad du 'gyur ro/ /mig la gnod/ til mar dang sman dang / sman gzhan du sbyar te btang ba ni nyen du mi 'ong ngo / /til mar ni rno la tshan che bas bad kan sel lo//skem pa la btang na sha skye/ sbom po tshon po la btang na sha grims par 'ong ngo / /'khren pas thogs te rtug skam du 'ong ngo / /lto ba nang gi srin bu sel to/ /til mar sman dang sbyar te btang na nad do cog thams cad sel to//e raN+Da dkar po'i mar ni kha la tsha zhing ro kha ba yin no/ /e raN+Da'i mar 'thungs na zhu ba'i rjes ni mdar bar 'gyur/ khong 'khru/ lci ste cung zad bsil bar 'gyur/ rgyu ma cher skyes te rlig rlugs su gyur pa'i nad dang / skran dang rlung nad dang bad kan gyi nad dang / dmu rdzing la sogs pa gsus pa cher skyes pa'i nad dang / rims nyin mtshan mi mthun par ldang ba'i nad dang / 'or gyi bar skran nad dang / rked pa na ba dang / mo mtshan pho mtshan na ba dang / lto ba na ba dang / rgyab na ba la phan/ e raN+Da dmar po'i mar ni rno la tsha/ sha rjen sungs pa'i dri rab tu mnam/lag pas mnan na rab tu 'byil zhing 'dred/ phan gnod kyi yon tan ni e raN+Da dkar po bshad pa dang 'dra'o/ /yungs kar gyi mar ni ro tsha la drod che rno/ /yungs mar 'ba' zhig rtag tu 'thungs na bad kan dang rlung sel/ /bu chu 'bri bar 'gyur/ khong yad/ mkhris pa dang khrag skye bar 'gyur te mi dge'o/ /phan pa ni rlung dang bad kan las gyur pa'i 'brum bu dang / mdze dang gzhang 'brum gyi nad dang / rma byung ba dang lto na srin bu yod pa dang / 'di rnams sel te phan no/ /ba ru ra'i mar ni ro mngar la bsil/ glad par bsku zhing sna nas btang na skra skye/'ju dka' ste lci/ mkhris pa dang bad kan sel to/ /nim pa'i mar ni ro kha ste rab tu tsha zhing dro ba tsam ni ma yin/ lto'i srin bu dang mkhris pa dang bad kan gyi nad sel to/ /zar ma'i mar dang le brgan rtsi'i mar ni drod che/ sha mthang gi pags pa la gnod/sha bkra thor bu shu ba mdze 'dra ba'i nad du 'gyur/ sman dang sbyar na ni de lta bu'i nyen du yang mi 'gyur/ bad kan dang mkhris pa skye'o/ /tshil dang rkang ni rlung nad sel to/ /nyams brta/stobs skye/ bad kan skye'o/ /lug dang ra'i tshil lta bu ni drod che bas mkhris pa skye'o//bya na sha so so'i bye brag gi phan gnod ci 'dra ba de 'dra ba'i tshil yang de dang 'dra'o/ /bya na sha so so'i bye brag ni yul skam sa dang ser ches nas byung ba rnam pa gnyis te/ spyi'i yul skam sa dang ser che sa nas byung ba'i phan gnod bstan pa bzhin du shes par bya'o//til mar dang e raN+Da'i mar dang / yungs mar dang / ba ru ra'i mar dang zar ma'i mar dang / le brgan rtsi'i mar gyi phan gnod bshad pa'i le'u rdzogs so// //chang sna tshogs kyi phan gnod kyi bye brag bshad pa chang ngo cog ni sha 'phar/ yi ga 'bye//drod che/ rno/ dga' bar byed/ khong brta/ chang gi spyi'i ro ni mngar la kha/ bska/ rno/ 'thungs na zhu ba'i rjes ni skyur la cung zad khong 'khru/ mgul pa snyan par 'gyur/ ran par 'thungs na ci la yang phan te nad med/ 'thungs pa'i mod la spobs pa che/ /bzhin mdog 'gyur/khong yang / gnyid med pa ni gnyid 'ong / /gnyid ha cang che ba ni ran par 'thungs na gnyid chung bar 'gyur/ chang gi nyan ni mkhris pa dang khrag skye ba'i nad du 'gyur te gnod/ tshod zin cing ran par 'thungs na sha skye ba dang sha che zhing sbom pa gnyis la phan/ chang 'thungs na bcud rno zhing mgyogs te lus kun tu khyab/ cung zad rtsub/ lus kyi sgo dgu char gyi rgyun sring gi nad dang dri ma sun tu sbyong zhing sel ta/ dri ma kun legs par 'byung bar 'gyur/ ran par 'thungs na rlung dang bad kan kun sel te phan no/ /chang la tshod mi zin pa ni dug dang 'dra ste gnod do//chang ma bgrungs pa sar pa ni lci/ 'ju dka' nad du 'gyur te mi dge'o/ /chang bgrungs pa rnying pa ni 'ju sla/ drod che/ khong yang / nad kun la phan no/ /thug pa 'am/ tshod ma'am/ khu ba 'thungs pa'i rjes la chad nan cher 'thungs na mi dge ste/cung zad bsdad la phyis btung ngo / /bkru sman btang ba dang / lto stong bkres pa nyid la chang 'thungs na mi dge ste mi btung ngo / /chang ha cang yang zhim ches pa rnon po dang chang nar ma son pa gzhon nu dang / chang sna so so tha dad pa'i cho ga bzhin du legs par ma byas pa dang /chang snyigs ma can te de lta bu ni mi dge ste ma 'thungs shig /'bras chang lo phyed bgrungs pa dang / gro chang bgrungs pa ni sgan dang dmu rdzing la sogs pa'i nad dang / gzhang 'brum dang / pho ba'i nad dang / sha skem por gyur pa dang /snying na ba 'di rnams la phan/ rlung nad sel te khong 'jam/ cung zad lci/ tshil dang khrag skye/ bud med kyi nu zho skya/ gcin legs par 'ong / bad kan du 'gyur ba yin no/ /shing na li ka ri'i 'bras bu'i khu ba las chang du byas pa ni glo snying la phan yang / glo snying na ba dang /lud pa lung dang / skyug bro ba dang / dbugs mi bde ba dang / bshang gci 'gags te 'ong du mi rung ba dang / lto sbos pa dang / cham pas btab pa'i nad 'di rnams sel to/ /ba ru ra'i 'bras bu'i khu ba las chang du byas pa ni yang ste/ ha cang ra ro bar mi 'gyur/rma byung ba dang / mkhris pa rgyas pa las nad du 'gyur ba dang / mdze dang 'di rnams la 'phral du mi gnod de phan no/ /sman so so las chang du byas ba ni nad kun la phan gnod med ces bya ste/ chang kun gyi nang na dge'o/ /so so'i yon tan sman sna gang dang gang las chang du byas pa phan pa'i stobs kyang so sor blta'o//sman sna so so las chang du byas pa gnod pa med ces bya ba spyi'i yon tan ni pho ba'i nad dang / skya rbab kyi nad dang / mdze dang / gzhang 'brum gyi nad dang / lus skem por gyur pa dang / lus skrangs pa dang / dmu rdzing lta bu gsus pa cher skyes pa dang /rims dang / skran dang / khong na srin bu yod pa dang / mcher ba na ba dang / 'di rnams kun la phan te/ sman chang gnod med ces bya ba ni ro bska la cung zad ro tsha ste/ shas kyis rlung skye'o/ /rgun chang ran par 'thungs na nad kun sbyong / glo snying la phan te rab tu drod che ba yang ma yin/ ro mngar/ cung zad 'khru/ mkhris pa cung zad skye/ rlung nad dang / chu sri ba dang / gzhang 'brum gyi nad dang / skya rbab kyi nad dang / lto na srin bu zhugs pa'i nad sel to/ /bu ram gyi chang ni bshang gci 'gags pa 'byung bar 'gyur/bu ram shing gi chang ni lus kyi khong du snum pa dang / bad kan gyi nad kun sel bar byed/ dro 'jam dang bu ram chang phyed du bar gdus pa lta bu ni sha dang tshil che bar skye ba dang / 'or nad skrang pa'i bag dang / dmu rdzing lta bu lto ba cher skyes pa'i nad dang / /gzhang 'brum gyi nad kun la mchog tu phan no//sbrang chang ni rno ste tshil dang bad kan cher skyes pa sha che zhing sbom par gyur pa 'di rnams sel zhing grims par byed/ chu sri ba dang cham pa dang lud pa rnams sel te phan/ tsha ni khrag dang mkhris pa'i nad dang bad kan sel zhing grims par byed/kha zas zhu bar byed/ rlung las gyur te bshang ba 'gags te 'ong du mi btub pa lan tshwa 'thungs na bshang ba legs par 'ong / tsha ni skyur te rab tu tsha la rno/ /rtsub/ yid du 'ong / yi ga 'bye/ cung zad tsam 'khru bar 'gyur/ 'thungs na drod 'bar/ lus sam/ rkang lag tsha ba la tsha bskus sam/ byugs na bsil par 'gyur/ bad kan las gyur pa'i nad skya rbab dang / mig la gnod/ lto na srin bu yod pa ni sel to/ /bu ram chang gis ni bu ram gyi shing las chang du byas pa yang ngo / /de bas ni rgun chang yang ngo / /rgun chang bas tshwa yang ngo //sman gyi rtsa ba las chang du byas pa dang / sdong bu las chang du byas pa dang / 'bras bu las chang du byas pa yang / rtsa ba dang sdong bu dang 'bras bu'i phan gnod ni yon tan ci 'dra ba de bzhin du chang yang de dang 'dra bar shes par bya'o/ /la phug dang yungs ma gtubs te bshur ba sran phye dang bsres te thug par byas te sga dang pi pi ling dang le sham dang /lan tshwa dang go snyod dang / ske tshe dang sbyar te dro 'jam tsam du mnan pa ni skyur por mnan pa 'di gnyis kyang yi ga 'bye/ 'ju sla ste yang ngo / /'bras rtsa bas ni khong 'khru/ drod che ste tsha la rno/mkhris par 'gyur/ lus sam rkang lag tshan rtsabs kyis bkrus na bsil bar 'gyur/ ngal ba ngang rma ba la 'thungs na phan/ yi ga 'bye/ drod che/ chu sor na zhing chu sri pa la phan/ rtsabs la sman sbyar te mas gtong ba la dge'o/ /rlung dang bad kan gyi nad la phan no//nad kyi dmigs dang sbyar te gcin btung ba ni/ ba gcin dang ra gcin dang / lug dang / ma he mo dang / ban glang mo dang / rta dang rnga mo dang bong bu dang 'di rnams kyi gcin yang so so'i sman du bza'/ dper na ba gcin blang ba lta bu yang rgan gzhon ma khyer ba dar la bab cing mi dge ba nad med pa 'di lta bu gsher sa dang rtswa ngan pa sna tshogs bar bur la zar mi gzhug par skam sa'i rtswa yangs gshin pa la bskyangs la chu yang gang du bshad pa lta bu la blud de/gcin dgos bzed dam/ zho bzhon yang sngar zas thag bsrings te bzho 'am/yang na phan tshun du brdab ste bskyod la bzhos sam gcin bzed pa ni yang ba yin te dge'o/ /ba dang 'dra bar gzhan kun la yang de dang 'dra bar bya'o/ /'di rnams kyi gcin gyi yon tan 'dra ste mkhris pa ste/ rtsub/ rno drod che/ 'thungs pa'i rjes lan tshwa bro ro tsha srin bu dang 'or nad du skrang bag dang /gsus pa cher skyes pa/ dmu rdzing lta bu dang / lto sbos pa dang bad kan las nad du gyur pa dang / skya rbab kyi nad dang / bad kan dang rlung nad dang / skran nad dang yi ga 'chus pa dang / dug gis phog pa dang / sha bkra dang mdze dang gzhang 'brum dang /nad 'di rnams myur du sel te phan no/ /chang sna tshogs dang rtsibs dang gcin sna tshogs kyi phan gnod bshad pa'i le'u lnga pa rdzogs so// //de nas kha zas kyi tshul brtag cing shes par bya ba'i le'u bshad par bya'o/ /'bras rak+ta shA li zhes bya ba phyi shun dmar/'bras kyi khong dkar mdog cung zad tsam rtsa snar ba zhig yod pa'i ming ni sA lu rtsa snar zhes bya ba dang / ma hA shA li zhes bya ba 'bras dkar la che zhing ring ba zhig yod do/ /ming ni sA lu chen po zhes bya ba dang / 'bras ka la mchog ces bya ba dri rab tu zhim la khong dkar/de'i ming ni 'bras mchog ces bya ba dang / 'bras turna ka zhes bya ba sa bon btab nas zhag drug cus smin te/ bzar rung ba/ turna ka zhes kyang bya ste/ 'bras kyi ljang 'dab phu dung 'dungs pa'i nang nas smin pa rab tu bzang ste/ mchu thung la zlum rtsa ba rab tu dkar ba yin/ro zhim pa nyid kyang yin te/ de'i ming ni zhag drug cus smin pa 'am/ myur du smin pa'i 'bras zhes bya'o/ /'bras kyis bon byas khyer te 'ongs pa zhes bya ba rid pa yang ma yin/ zlum pa yang ma yin/ yid 'dzum 'jong ltar 'dug pa'i ming ni byas blangs pa zhes bya ba dang /'bras sha ra mu kha zhes bya ba 'bras kyi dbyibs 'gron bu 'dra la dkar ba zhig yod pa dang / 'bras rdir ka shu ka zhes bya ba mchu ring la thor to rnon por 'dug pa dang / 'bras ro d+ha ka zhes bya ba sman ro d+ha'i 'bras bu 'dra la rtse mo rnon por 'dug pa dang /'bras bu gan+d+ha ka zhes bya ba dri rab tu zhim/ mthug che la leb/ mchu thung la dkar ba zhig yod pa dang / 'bras pa tam ga zhes bya ba rtsa ser ba zhig yod pa dang / 'bras 'di rnams dang / gzhan yang rung ste/ 'bras ni ro mngar/ zos nas zhu ba'i rjes ni mngar zhing snum/rlung nad sel/ bcud du 'gyur/ ro tsa ste bud med la phod/ mthur du bshang ba 'ong ba ni chung zhing sla mo ma yin te/ zlum por 'byung ngo / /'bras chan zos te mid pa dang kha na ro bro ba'i rjes bska ba yin/ bsod de phan/ 'ju sla ste yang khong bsil/ gcin mang / de la 'bras kun gyi nang na mchog tu rak+ta shA li zhes bya ba nang dkar/phyi rol mdog cung zad tsam snang ba de ni mchog tu bzang ste 'bras de zas su zos na skom dang chung / bad kan gyi nad dang mkhris pa'i nad dang nyes pa gsum la sogs pa nad kun sel to/ /'bras ma hA shA li zhes bya ba ni de'i 'og tu bzang ngo //ma hA shA li'i 'og tu 'bras ka la mchog ces bya ba bzang ste phan pa yin no/ /'di gsum ma yin pa gzhan 'bras yang ba ka zhes bya ba dang / 'bras ha na dang / 'bras pang su pa pi zhes bya ba ser med cing skam sar bskyed bskyed pa dang / 'bras ni sha da ka zhes bya ba la sogs pa 'di rnams ni ro mngar/zos na 'phral du drod che/ lci snum dang zhu ba'i rjes ni sgyur bar 'gyur te/ bad kan dang mkhris pa skye/ thur du bshang gci 'ong ba yin/ sla zhing mang du 'ong / 'bras 'di rnams la bzang ngan gyi rim pa ni/ 'bras na li d+ha ka dang /skam sar skyes pa pang su pa pi zhes bya ba smad do/ /pang su pa pi bas 'bras ha na yag gnod de smad do/ /'bras ha na yag bas 'bras ya ba ka yang / ya ba ka nang na gnod de smad pa yin no/ /'bras sha ti ka zhes bya ba sa bon btab nas zhag drug cus smin te bzar rung ba skyes nas smin pa'i thabs ni 'bras kyi ljang 'dab phu dung 'dungs pa'i nang nyid du smin pa'i 'bras de ni mchu thung la zlum/rtsa ba 'dod pa ni dkar ro/ /ro zhim pa nyid kyang yin te/ de'i ming ni zhag drug cus smin pa 'am/ / myur du smin pa'i 'bras zhes bya ste/ de'i yon tan ni mngar la snum/ yang ste 'ju sla/ lus kyi khong grims shing brtan por 'gyur/ bsil rlung dang bad kan mkhris pa'i nad kun sel/ thur du bshang gci 'byung ba ni sla ste/ cung zad rtug skam ltar 'khren pas 'dogs/'bras kyi 'brur gtogs pa'i nang na 'bras shi ti ka zhag drug cus smin pa 'di bzang ngo / /'brur gtogs pa'i 'bras kyi nang na 'bras ge'u ra zhes bya ba rtsa ser ba zhig yod pa de bzang ngo / /de'i 'og tu 'bras si ti ge'u ra zhes bya ba rtsa mi dkar pa ser ba zhig yod de mi rung ngo //'di gnyis kyi 'og tu ni ma hA bri ti zhas bya ba 'bras kyi 'bru thug po cher 'dug pa 'di bzang ngo / /de'i 'og tu ni 'bras kyi ha na bri ha zhes bya ba phyi shun nag por 'dug pa 'di bzang ngo / /de'i 'og tu ni dza tu mu kha zhes bya ba ste 'bras kyi thor to rgya skyegs tshigs ma 'dra ba 'di rung ngo //de'i 'og tu ni de'i 'bras ku kuT an+da zhes bya ba khyim bya'i sgo nga 'dra ba zhig yod pa dang / 'bras la ba sha zhes bya ba 'ur ba'i mig 'dra ba zhig yod pa dang / 'bras pa ra ta ka bya ba ni dang po bya phug ron gyis sa bon khyer te 'ongs pas ni phug ron 'bras zhes bya ba dang / 'bras bu ka ra dang /'bras ga ra ka dang / 'bras ut+pal ka dang / 'bras ud dz+wa la dang / 'bras tsan ne dang / 'bras sha ra dang zhes bya ba dpyid btab na ston smin pa dang / 'bras da ru dang / 'bras gan+d+ha dang / 'bras ku ru byed dang / 'di rnams ni 'bras dang 'bru sna tshogs kyi sna grangs yin te 'di dag gi yon tan ni ming rim du snos pa'i rim pa bzhin du gong ma bas 'og ma shas kyis yon tan chung bar blta ste/ro ni mngar/ zhu ba'i rjes ni skyur ro/ /'bras ming gis smos pa 'di dag las ma gtogs par 'bru gzhan ni 'ju dka'/ lci/ mkhris pa skye'o//'bras pa ta la ni bshang gci gnyi ga mang zhing cha bar 'gyur/ tshal rlung dang bad kan dang mkhris pa gsum skye'o/ /'bru'i rnam grangs la drang kun zhes bya ba dang / ko dra ba dang / na ra ba dang / khra rgod la sogs pa ni bsil/ 'ju sla/ yang ngo / /de la khri rgod la sogs pa spyir ni rlung skye/khong rtsub ste tshil 'bri bar byed/ bad kan dang mkhris pa sel/ lus kyi chag grugs byung ba slar 'byor bar byed do/ /de la so so'i bye brag bshad na/ khre ni sha 'tshag brta la 'ju dka' la lci'o/ /'bru kor du sha zhes bya ba ni mchog tu 'khru ba gcod/ reg na bsil/dug sel to/ /nas ni spyi rtsub bsil/ 'ju dka' ste lci/ /ro mngar/ cung zad khong 'khru/ bshang ba cher 'ong / rlung skye/ sha 'tshag bzang / bud med la phod/ sha rus mkhregs la brtan/ mkhris pa dang bad kan sel/ tshil 'bri/ chu sri ba'i nad la phan/ chom pas btab pa dang / dbugs mi bde ba dang / da rgan gyis btab pa dang / lkog ma na ba dang / pags pa'i mtha' la mdze dang rngo dang skem po la sogs pa'i nad 'byung ngo cog la phan no/ /nas a ba ya ba zhes bya ba ni nas gong ma bas cung zad tsam gyis mchu thung ngo / /smyig ma dang 'od ma'i 'bras bu yang nas kyi grangs su brtsis te/rtsub la drod che/ tsha'o/ /gro ni ro mngar la snum lci bsil che la phan te 'tsho bar byed/ sha 'tshag bzang / khong brta/ bud med la phod/ rlung dang mkhris pa'i nad sel/ rma dang chag grugs 'tsho/ lus kyi sha mkhregs shing brtan/'khru'o/ /'bru nan ti mu kha ni ro bska zhing mngar/ bsil la yang ngo / /'bras la sogs pa 'bru sna tshogs gra ma can rnams kyi phan gnod bshad pa'i le'u rdzogs so// //sran ma sna tshogs kyi phan gnod kyi bye brag bshad pa/ mon sran sde'u mung+ga dang /mon sran a na di ka dang / sran chung la sogs pa gang bu can rnams kyi 'bru rnams ro bska zhing mngar ba yin te bshang ba sri ste sra bar 'ong / 'khru ba gcod/ zhu ba'i rjes ni tsha/ sman gyi stobs ni bsil zhing yang / tshil dang bad kan dang khrag dang mkhris pa'i nad la phan/lus la g.yan pa'am/ thor bu'am/ skrangs pa 'am tsha ba yod pa la sran ma 'di dag gang yang rung ste zhib tu btags la lde gur byas te byugs na phan/ zhib tu btags te chu dang sbyar ba las rkyang rkyang po'am/ ram rum du brdungs te chu dang sbyar ba'i khu bas lus gtor zhing btab na tshil che ba dang /bad kan rgyas pa dang / khrag rgyas pa'i nad dang / tsha ba'i nad mkhris pa rgyas pa 'di lta bu'i nad kyi bag la phan no/ /mon sran sde'u ni sran ma'i nang na ci la yang phan zhing dge ste bcud du 'gyur/ bshang gci'i dri ma gnyis chung zhing nyung ngo //sran ma ni mchog tu rlung skye bar 'gyur ro/ /ra za ma sha mon sran dkar ru ni rlung skye khong rtsub/ bshang ba phal cher 'ong / 'ju dka' lci'o/ /ku lang+tha rgya sran nag po ni drod che/ tsha/ zhu ba'i rjes skyur por 'gyur/ chu sor khu chu skams te rde'u chags pa dang /cham pa na ba dang / dbugs mi bde ba dang / lud pa lu pa dang / gzhang 'brum gyi nad dang / bad kan dang / rlung nad 'di rnams sel te phan/ mkhris pa rgyas pa dang / khrag nad mchog tu skye bar 'gyur ro/ /yang mon sran ni rlung dang mkhris pa dang khrag nad rgyas par 'gyur/bud med kyi nu zho skye/ gcin mang / 'ju dka'/ lci/ khong 'khru/ lus tsha bar 'gyur/ mig la gnod/ khu chu 'bri/ bad kan sel/ skrangs pa'i 'or gyi bag sel/ dug la phan no/ /sran ma sha mon sran gre'u ni snum/ bad kan skye/ bshang gci dri ma mang / mkhris pa skye/ khong 'khru/ lci/ tsha ba skye/ rlung sel/ ro mngar/ khu chu skye ste mang la rlugs par 'gyur ro/ /yang ka kan dul dang / kha sral phre'u 'di gnyis kyang gang bu chags pas sran ma'i grangs su brtsi ste/ sran ma 'di gnyis kyi 'bru'i phan gnod mon sran gre'u dang 'dra ste nang du drod skye/pags pa'i sha mthang 'jam por 'gyur/ sran ma 'di brdungs pa'i chu'am/ lde gus lus byugs sam/ btab na bsil/ skran la phan/ stobs skye'o/ /til 'bru ni lci/ gcin nyung / zhu ba'i rjes tsha/ yid gzhungs/ zas 'ju ba'i drod skye/bad kan dang / mkhris pa skye bar 'gyur ro/ /ro mngar kha/ drod che/ bad kan dang mkhris pa skya/ lci/ zhu ba'i rjes tsha bas na/ mig la gnod/ khu chu skam mo/ /le brgan rtsi'i sa bon yang zar ma'i 'bru dang 'dra bar shes par bya'o/ /gang bu chags pa'i sran ma'i nang na//mon sran gre'u ni mi dge ste ngan no/ /gra ma chags pa las byung ba'i 'bru'i nang na ya ba ka zhes bya ba nas ngan pa 'di gnod do/ /sran ma dang nas la sogs pa'i 'brug sar thog thams cad ni lci ste bad kan skye'o/ /'bru rnying lo lon pa ni yang ngo //de bzhin du myur du smin cing zla ba mang po ma thogs par rgyal ba yang ngo / /mon sran gre'u la sogs pa gang yang rung drus te sbun pa dang shun pa med par byas pa brngos pa'i tshod ma ni 'ju sla ste yang la phan no/ /gang bur chags pa'i sran 'bru sna tshogs kyi phan gnod bshad pa'i le'u rdzogs so// //zas kyi cho ga bstan pa/ nad pa nyam chung ba la gso ba dang / zas dang zas mi 'ju ba dang / lto na ba dang / rims ma byang ba dang / nad 'ju bar bya ba'i thabs dang / bkres pa dang / skom pa gnyis la sogs pa la phan pa'i zas kyi cho ga 'bras thug sla mo rkyang pa dang /'bras thug cung zad tsam gar ba dang 'bras thug gar po kho nar bya ba dang / 'bras chan sbyar ba la sogs pa'i cho ga bshad pa/ 'bras brngos te phyer btags pa chu bskol ba'i nang du gdus te tsha ba'am/ grang ba'i nad kyi dmigs dang yang sbyar la/drod che ba'i spod dam/ bsil ba'i bag kha ra lta bu gdab mi gdab kyi dmigs dang sbyar te/ 'di lta bu'i 'bras thug rkyang rkyang po 'thungs na yang la 'ju sla/ skom pa la phan/ zas ma zhu ba dang / rims kyis btab ste nyi ma gnyis sam gsum zan bcad de smyung ba byas pas cung zad rtse zhil nang ma byang ba lta bu la phan/mchin pa na ste pho ba grang ba la be+e'u snabs lta bu yod pa 'ju bar byed/ lus kyi srog zungs bdun snyoms par 'gyur/ rlung nad kun zhi bar byed do/ /yang 'bras thug ces bya ba 'bras kyi shun pa ma drus pa brngos te btags pa'i thug pa gar po 'am/de ltar ma 'byor na 'bras drus pa'i thug pa gar po yang rung ste/ de lta bu'i thug pha nad dmigs sbyar la/ spod btab sti thug pa snga ma bas sla ba 'thungs na 'di yang la 'ju sla ste/ bkres pa dang /skom pa dang / nyam chung ba la phan/ lto ba na ba la phan/ rims nad sel/ rtug skam lta bu la 'ong du mi rung ba la phan no/ /thug pa 'di lta bu ni drod che/ nad kun 'ju zhing 'byang bar byed de/ 'di ni thug pa phan pa yin no/ /'bras ma brngos par thug pa gar por bcos te kha gzar gyis bcu zhing bza' ba 'di yang yang ste gong ma tsam ni ma yin mod kyi/'khru ba'am 'khru ba'i rjes bcad pa lta bu la bal po se'u dang sbyar te btang na gcod do/ /thug pa gar po 'di lta bu ni yi gar 'ong / 'thungs na bad kan skye bas skom dad chung /drod che/ rma byung ba dang mig na ba dang bkru sman gyis bkrus pa'i rjes la zas kyi cho gar sbyar ba dang / nyam chung ba dang sman mar 'thungs pa'i zas ni 'di lta bu bzang ste phan no/ /'bras chan ni legs par bkrus pa phyed tsam tshos pa dang / khu ba btsags te bor la/kha zas kyis bcad la mdag me la bdugs nas drod ma yal bar byas pa 'di lta bu ni yang ste 'ju sla mod kyi/ kha gzar gyis bcus pa'i thug pa gar po tsam du yang ma yin no/ /yang zas kyi cho ga 'du sla zhing yang la drod che ba'i sman pi pi ling dang / pi pi ling gi rtsa ba dang /bca' sga dang / dbyi mo'i lo ma dang / kru trug tres dang lnga brdungs pa bskol pa'i chu btsags pa'i 'bras btsos pa'i chan ni 'ju sla la dge'o/ /'di ltar ma byas pa'i chu la rang chung du btsos ba ni lci'o/ /yang 'bras legs par bkru ma zhag la 'o ma 'am/ sha khu 'am mar dang sbyar te 'bras ma brngos pa'i chan lci la 'ju dka'o/ /de ltar zas kyi cho gar bya ba yang gal te zas mi bsod cing rtsub pa ni snum bag sha dang / mar lta bu dang sbyar na bsod par 'gyur ba dang / gal te zas de yang 'ju dka' ba zhig tu 'gyur du dogs na zas lci ba de 'ju la drod che bar 'gyur ba'i spod btab la tshos par btso zhing thabs 'di ltar bya ba dang /zas kyi cho ga bshams nas za ba yang / 'ju mi 'ju las dpags te tshod bzung zhing bza' ba ni pho ba'i bzhi cha gnyis ni zas kyis dgang / bzhi cha gcig ni skom gyis dgang zhing ran par bza'/pho ba'i bzhi cha ni ma gang bar stong par gzhag ste/ dbugs phyi nang du bde bar rgyu bar bya ba dang / phyis skom na yang btung ba'i don gyis gzhag par bya/ 'di ltar tshod ma bzung na dbugs mi bde/ zas mi 'ju ba dang / nad gzhan du 'gyur ro/ / de bas na khong nad yod de skem pa 'am/ nad sos te ma brtas pa 'am/ skyug sman dang bkru sman gyis bskus pa'i rjes la lus brta ba 'am/ skem pa'am/ zhan cing rmya ba 'am/ glo rdol ba'am lus kyi srog zungs bdun lta bu zad dam/ lus dang bzhin mdangs rid cing mi sdug ste/mdangs nyams pa'am/ mig rtul ba dang rna ba mi gsang ba dang / drod chung ba dang / lus kyi lhu tshigs dang / bog re'i tshigs smas te rma byung ba brtab dang / rlung nad can 'di rnams la nad dmigs dang / drod che chung dang 'ju mi 'ju las brtag ste/yul skam sa las byung ba'i sha 'am/ yul gsher sa ser che ba nas byung ba'i sha bzang po dang / rkang dang lha ba la sogs pa'i rus pa bcud yod dang / sman du sbyar la gdus nas btsags pa'i khu ba'i bcud btang na khong brtas te sha skye/ tshim par byed bud med la nyal phod par 'gyur/mig rno/ rna ba gsang / rma 'tsho zhing mdog bzang / tshe la phan stobs che/ skad snyan te bcud de lta bu ni phan zhing bsod pa yin no/ /mon sran sde'u mung+ga btsos pa'i khu ba ni/ skyug sman nam/ sman mas gtong ste bkrus pa'i rjes la nad dmigs la spod kyi sna sbyar zhing 'thungs na phan/rma 'tsho/ lkog ma na ba dang / mig nad la phan/ rlung nad sel te phan no/ /sran ku lang+tha'i cho ga /sran ku lang+tha btsos pa'i khu bas ni rlung nad sel/ skran 'ju/ dpyi mig g.yas g.yon nam/rgyab bam/ lto nas yang rlung nad thog thag tu mer mer por zug sten pa'am/ yang na lus stod nas dbyi mig dang brla g.yas g.yon nas mar zug cing na ba/ 'di lta bu'i rlung nad sel te phan no/ /til gyi tshigs ma dang skyur po'i g.yos/ til btsir te mar phyung ba'i tshigs ma las tshod mar byas sam/tshod ma'i nang du btang ste za'am/ gzhan yang la phug dang yungs ma lta bu rtsa ba las bskrun pa'i myu gu nar ma son par za ba dang / yungs ma dang la phug gtubs pa dang / sran phyer sbyar te skyur por mnan la langs pa dang / btsir te cang cang po sha stag bya ste/ skam pa'i tshod ma bza' ba 'di lta bu'i zas ni mi dge ste/ mig la gnod/ rlung nad dang bad kan dang mkhris pa'i nad skye/ 'ju dka' ste lci/ lus rmya zhing nyam chung bar byed de gnod do/ /zho dang sman dang sbyar ba'i g.yos/ zho cung zad bsrubs la/sman dri zhim po sna bzhi po shing tsha dang / sug smel dang / gan+d+ha b+ha dra dang / nA ga ge sar 'di rnams btags te btab la dkrug cing 'thungs na bsod de/ lus brta/ khong snum/ bcud du 'gyur te bud med la nyal phod/ stobs skye/ yi ga 'bye/ 'di'i nang du tsha ba gsum po na le sham dang /pi pi ling dang sga rnams btab na nad cham pa sel to/ /skom du btung bar sbyar ba'i cho ga rgun skam lta bu chu'i nang du btsos te/ lhag gnyis gsum tsam gdus la tshigs ma bor te/ rgun chu dro 'jam gyi nang du gong du zho'i nad du sbod sman sna bzhi gdab pa rnams btab la bsgrangs te 'thungs na/ngal ba dang bkres pa dang skom pa dang snyom zhing rmya ba 'di rnams la phan/ skom du 'ong cung zad lci/ phyis bshang ba sra/ glo snying la phan no/ /rgun rlon na 'phral du khong bsil/ zhu ba'i rjes ni khong brta/bcud dang ro tsa bar 'gyur/ sbod sman gzhan yang so so'i yon tan bzhin blta'o/ /'bras yos las yongs su g.yo ba'i cho ga /'bras yos las btags te thug pa'am/ zan du zos na skom pa dang slon bro ba dang / rab tu 'khru ba dang / gcin snyi ste mang ba dang /tsho ches te tshil che pa dang / bad kan rgyas pas nad 'di lta bu dang / lud pa lu ba dang / mkhris pa'i nad kun zhi bar byed/ /bong du drod skye/ yang ste 'ju sla/ cung zad bsil lo/ /'bras dang nas gsar thog pa'i zas kyi bye brag /'bras sar pa 'am/ nas sar pa las zas su bya ba ni lci/ nyams stobs skye/ bad kan skye/ mkhris pas dogs shing bshang ba sra'o/ /nas yos dang nas phye'i bye brag /nas yos 'tshos pa ni 'khren pa dogs/ skom dad che/ tshil 'bri ste khong grims/ lci ba yin no/ /nas phye ni yang yang /'ju sla/ bkres pa dang / skom pa dang ngal ba la phan/ mig na ba dang rma nad la dge ste phan/ skyo mar byas te 'thungs na 'phral du brtas te mthur 'gyur ba bsod do/ /phye dang chur sbag cing mi bza'/ dus gnyis su mi bza'/ phye 'ba' zhig mi 'gam/'bras chan la sogs ba zas 'grangs par zos pa'i rjes la zan mi bza'/ zan bcangs la sogs gcad cing bza' bar mi bya/ til gyi tshigs ma ngos su de bzhin zos na/ lus skam zhing nyam chung bar 'gyur/ rtsub ste rlung skye/ bshang ba thur du 'byung mi rung ste/'khren pas dogs/ mig la gnod do/ /sha g.yos la sogs pa spod dang sbyar ba'i g.yos rnams ni/ spyir lci zhing khong snum/ stobs skye/ sha bzang zhing brta bar 'gyur ro/ /bal sran sde'u mung+ga la sogs pa g.yos su bya ba'i nang du yang / spyod cing btab pa phan pa'i yon tan yang de bzhin du 'gyur ro//khur ba'i rnam grangs kyi bye brag me mdag gi nang du tshos par bsregs pa'i khur ba dang / dogs le'i nang du bsregs pa'i khur ba dang / sa slang rtseg ma'i nang du bsregs pa'i khur ba dang / da nur la bsregs pa'i khur ba dang /rgya sol la bsregs pa'i khur ba dang / 'di rnams khur ba'i rgyu'i dngos po ni gcig ste 'dra mod kyi/ bsreg cing tshos par byas pa tha dad pa las ci yang mi 'dra ste/ khur ba gong ma bas 'og ma rim pas yang ngo / /'bru zas las g.yos sna tshogs kyi bye brag bstan pa rdzogs so// //ri dwags sna tshogs la/ sha ba dang / dgo ba dang / ri dwags ku ra zhes bya ba dang / a ri sha dang / rkyang dang / mr-ig ma tri zhes bya ba dang / ri bong dang / dang sgo dang / ldang sgo ska dang / ri dwags tsa ru ska dang /'di rnams la sogs pa'o/ /bya sna tshogs dang bya khra la sogs pa ri dwags dang / bya sna tshogs mthu rtsal gyis zas tshol ba la/ ri bya sna tshogs dang / ri bya ti ka zhes bya ba dang / rag tan ra ma ka zhes bya ba dang / gong ma sre gang / u ba tsa kra zhes bya ba dang /tsa ko ra dang / ku ru ba dang / bar ta ka dang / bar ti ka dang / ti ti ra dang / gong ma sreg dang / rma bya dang / bya gag dang / bar ka dang / gon d+ha dang / gi ri bar ta ka dang / shar pa ta ka dang / in tra pa dang / ri bya 'di rnams kun 'dra ste khron rko bas zas tshol ba yin no//gzhan yang shang shang te'u dang / da t+ya a zhes bya ba dang / br-ing ga ta zhes bya ba dang / ne tso dang / sha ri ka la sogs pa dang / ma twa dang / ko ki la dang / ha ri ta dang / thi ba dang / bye'u la sogs pa 'di rnams ni zas su mchus rko ba yin no/ /khung dang phug na gnas pa la/sbal pa dang / sbrul dang / gong dang / byi dur dang / 'di rnams yin no/ /gzhan yang gcan gzan bya khra la sogs pa mthu rtsal gyis zas tshol ba la/ stag dang / gzig dang / seng ge dang / dom dang / spre'u dang / byi la dang / spyang ki dang / phyugs dred dang /mi dred dang / wa dang / 'phar ba dang / khra dang / khra spyang ser dang / chun lag dang / khwa dang / bya rigs pa dang / khra sngon po dang / bya ku ra ra dang / bya rgod dang / 'ug pa dang / bya ku ling ga ka dang / bya du mi ka dang / bya ma nu ha dang / 'di rnams la sogs pa'o/ / ri dwags chen po'i ming la/ phag rgod dang / ma he dang / byang khung dang / ro hi rgya dang / glang po che dang / gnag rgod dang / bse dang / smyug glang dang / 'di rnams so/ /phyugs dgas dang / rta dang / ba glang dang / bong bu dang / mdzo dang gnag la sogs pa'o/ /chu na gnas pa'i bya sna tshogs la/bya ngang pa dang / bya sa ras dang bya ka dam pa dang / bya kar dang / kar na ta tha dang / bya rla dang / skya ngang dang / u 'gro sha dang / ngur pa dang / so bya dang / khrung khrung la sogs pa 'di rnams ni chu na gnas shing rgyu ba yin no/ /chu'i nang na gnas pa'i nya la sogs pa la/nya ro hi ta dang / pa thi dang / rus sbal dang / ku bir dang / ka ra ka ta dang / nya phyis dang / dur ba dang / sram dang / sham bu ka dang / nye'u ltang bu dang / 'bar mi dang / tsan tra ka dang / bu li ka dang / n+ya gro d+ha dang / chu srin ma kar dang / rgya mtsho na gnas pa'i nya bo che dang /ra dzi dang / tsi li tsi ma la sogs pa sna brgyad do/ /lug dang ra gnyis kyi zas ni/ skam dang gsher la sogs pa yang / tshol zhing zabs gcig tu ma nges pa'i phyir ro/ /ri dgas dang / bya dang nya la sogs pa rnam pa brgyad du phyes te bshad pa'i nang du nges pa ma yin no//de la ri dgas rnams dang / /ri bya mchus zas thub rnams dang / phug dang khung na gnas pa dang / pho'i ris bzhi po rnams ni 'dra ste/ skams la gnas pa'i srog chags kyi nang du gtogs so/ /chu la gnas shing rgyu ba chu bya dang / ngang pa ngur pa la sogs pa dang /chu'i nang na gnas pa'i nya la sogs pa dang / dung dang / nya phyis la sogs pa 'di rnam gnyis ni gsher sa na gnas pa'o/ /de la mthu rtsal gyis zas tshol ba gcan gzan dang / khra rnams dang / ri dwags chen por brtsi ba phag rgod dang /ma he dang / glang po che dang / bse la sogs pa bar ma 'di rnam gnyis skam sa dang gsher sa gnyis ka la thun mong du gnas so/ /de la yul skam sa na gnas pa'i sha ni bsil zhing yang ste 'ju sla/ bshang ba'i dri thur du 'byung bskam bag ril por 'ong ngo //'dus pa'i nad mkhris pa ni che rlung ni 'bring / bad kan ni chung ba 'di ltar mi bde ba la skam sa nas 'byung ba'i sha phan no/ /de la ri bong gi sha ni bsil la rtsub pa zos nas zhu ba'i rjes ni tsha/ drod 'bar/ dri ma thur du 'byung ba skam po sra bar 'ong /de la khron rko bas zas tshol ba'i bya bar ta ka dang / bar ti ka la sogs pa'i cung zad lci/ snum/ lus kyi sha skye/ brta bar 'gyur ro/ /rgya bya'i sha ni gong ma de dag pas kyang dge ste drod skye/ yid gzhungs/ khu chu skye/bzhin mdog bzang por 'gyur/ rlung shas che ba'i 'dus pa'i nad mchog tu sel/ dri ma thur du bshang ba cung zad sra/ rma bya'i sha ni 'phral du phan pa ma yin mod kyi/ rna ba mi gsang ba'am/ skad 'gags sam/ mgul mi bde ba'am/ mig rtul ba 'am 'di rnams la phan no//rgas sra bar 'gyur/ yon tan 'di 'dra bar rgya bya dang khyim bya yang 'di bzhin du phan te lhag par ro tsa bar 'gyur ro/ /khyim bya ni cung zad lci la bad kan skye'o/ /gong mo dang / bya u pa tsa kra'i sha ni yid gzhungs po ba'i me drod skye/ yi gar 'ong / thi ba mig ya gcig mi mthong ba'i sha ni lci la lan tshwa bro/ /rlung nad dang bad kan dang mkhris pa'i nad kun skye ste/ mi dga'o/ /byi'u mchil pa la sogs pa'i sha ni bad kan du 'gyur/ khong snum/ rlung nad sel/ khu chu mchog tu mang bar 'gyur ro/ /de la phug dang khur na gnas pa'i srog chags dang /mthu rtsal gyis zas tshol ba khra dang gcan gzan dang / phag rgod la sogs ri dwags chen po dang / chu la gnas pa'i ngang ngur dang / chu'i nang gi srog chags nya la sogs pa 'di rnams lnga char gyi sha ni lce/ snum la mngar bar 'gyur ba yin mod kyi de la bye brag tu 'di rnams la/go rims bzhin du ltag ma pas 'og ma khad kyis lci ba dang / gong ma bas 'og ma dro zhing tsha/ gong ma bas 'og ma khong snum par 'gyur/ de ltar ri dwags la sogs pa srog chags kyi ris rnam pa lnga po de dag gi sha ni gcin mang /khu chu skye/ stobs skye/ rlung sel/ bad kan dang mkhris pa skye'o/ /de la phag rgad dang / glang mo che la sogs pa ri dwags chen po rnams kyi sha ni bsil lo/ /gcan gzan dang khra la sogs pa srog chags gzhan za ba'i sha zos na mig rno bar 'gyur ro//bshang gcig nyig 'gag mi srid de snyi bar 'ong ngo / /sha skye/ zhu ba'i rjes ni cha zhing drod che bar 'gyur/ sha 'di lta bu mi rgan po dang nyam chung bas zos na/ rgan lus brta zhing gzhang 'brum gyi nad dang pho ba'i grang ba'i nad dang lus skem pa'i nad 'di rnams la mchog tu phan no//ra sha ni ha cang bsil ba yang ma yin/ ha cang snum pa yang ma yin te/ ra sha zas na nad dmigs ni gang yang mi 'byung ngo / rang nyid ni lus kyi sha yang che chung med de mnyam/ khams kyang che chung med de mnyam pas na de'i phyir ni bad kan yang mi che/ rlung yang mi che/ha cang tsho ba yang ma yin pas de'i sha ni de ltar phan no/ /lug sha ni ra'i shas phan pa ji skad du bshad pa de las bzlog ste shes par bya'o/ /de la yang ji lta zhe na/ lug gi lus kyi sha yang snyoms pa ma yin pa khams kyang snyoms pa ma yin pas tsha ba skye/ lci/ ha cang snum che ste/ rlung dang bad kan du yang 'gyur/ lus kyi sha yang che'o/ /ba glang gi sha ni/ lud pa skam por 'ong ba la phan/ ngal te chad pa dang / ha cang drod ches te tsha ba dang / rims nad kyi ldang dub tu dus mi 'dra bar ldang ba dang / cham pas btab pa dang / lus skem por 'gyur ba dang / 'di rnams la phan no/ /rlung nad gcig pu na ba la phan no/ /ma he'i sha ni drod che ste tsha/ lci ste 'ju dka'/ gnyid che lus kyi sha skye/ khong grims/ lus sha skem zhing sbom por 'gyur ro/ /ma he bzhin du phag rgod kyi sha yang de dang 'dra steng la zhing chad pa la phan/yi ga 'bye/ khu chu mang bar 'gyur/ stobs skye'o/ /nya la sogs pa ni mchog tu bad kan dang mkhris pa skye'o/ /chu la gnas pa'i srog chags tsi li tsi ma zhes bya ba'i sha ni/ rlung nad dang bad kan dang ma khris pa'i nad kun skye ste mi dge'o//bya ba la zhes bya ba sreg pa lta bu dang / nya ro hi ta dang / go ta zhes bya ba dang / sha ba la sogs pa ni so so ris ris kyi nang na mchog tu bzang ste/ bya khron rko zhing zas su mthus tshol ba'i nang na bya ba la zhes bya ba sreg pa lta bu mchog tu bzang ngo //chu'i nang na gnas pa'i nya'i nang na nya ro hi ta zhes bya pa mchog tu phan te dge'o/ /phug dang khung na gnas pa'i nang na gcan gzan go da zhes bya ba nad ci la yang phan te dge'o/ /de ltar sha ming gis smos so cog kun kyang rgan gzhon ma khyer te na tshod dar la bab pa/tshon po bsad ma thag pa ma rul ba de lta bu bza'o/ /ming gis smos pa'i sha de rnams las bzar mi rung ba ni/ rang shi ba rid pa ha cang tsho ches pa nad kyis shi ba'am/ chu'i nang du shi ba 'am/ dug gis bsad pa'i sha 'di lta bu bzar mi rung ngo / /ri dwags de rnams kyi sha pho smos la lci yang du dbye ba ni ri dgas la sogs pa pho'o cig gi ro stod dang /mgo bo'i sha ni lci ste 'ju dka'o/ /mo'o cog gi ro smad kyi sha lci ste/ 'ju dka'o/ /sbrum ma'i sha ni spyir lci ba yin no/ /de la yang bye brag tu ri dgas dang phyugs mo rkang lag bzhi zug pa'i sha ni yang ngo //bya'i pho 'o cog gi sha ni yang ngo / /de la ri dgas dang bya la sogs pa gang yang rung ste spyir ni mgo bo dang / glad rgyas lci ste 'ju dka'o/ /de bas na ro stod yang / ro stod pas brla yang / de bas rgyab kyi sha yang / de bas kha mtshur dang lce yang /de bas rked pa yang / de bas dpyi yang / de bzhin du nang grol la pho ba dang / grod pa dang glo snying la sogs pa stod kyi sha ni lci'o/ /gnye ma dang rgyu ma la sogs pa smad kyi nang grol ni yang ste/ go rims bzhin du shes par bya'o/ /khrag dang sha la sogs pa'i lci yang ni khrag pas sha lci/sha bas ni tshil lci/ tshil bas rus pa lci/ rus pa bas rkang lci'o/ /sha bas ni rlig pa 'ju dka' ste lci/ rlig pa bas mje 'ju dka' ste lci/ ma bal ma bas mchin pa lci/ mchin pa bas gzhang lci ste 'ju dka'o/ /ri dgas sna tshogs dang /bya bran sna tshogs dang / nya sha la sogs pa'i bye brag phan gnod sna tshogs dang lug la sogs pa'i bye brag phan gnod sna tshogs bshad pa'i le'u rdzogs so// //tshod rngad sna tshogs kyi bye brag dang phan gnod bshad pa/ tshod ma pa tha dang /sha ri dang / shu sha dang / su ni shan dang / sa ti na za dang / ra zag sha ba dang / rgya sne'u 'di rnams 'dra ste rlung dang bad kan dang mkhris pa sel/ 'ju sla khong yang / thur du bshang ba sra bar 'gyur ro/ /de la yang tshod ma su ni sha na ni drod che/ mi'i khong brta/ bud med la phod par 'gyur ro//tshod ma 'di rnams kyi nang na ra zag sha ba zhes bya ba ni mchog tu dga'o/ /rgya sne'u ni pho ba'i nad dang gzhang 'brum gyi nad sel rtug skam gyis btab pa sel bar 'gyur ro/ /tshod ma ka ka ma ci zhes bya ba mon sne'u ni rlung nad bad kan dang mkhris pa'i nad sel/mdze nad la phan/ khong brta bud med la nyal phod par 'gyur ro/ /drod che rgas sra sman bcud len gyi mthu dang 'dra bar 'gyur ro/ /cung zad tsam khor 'khru mgul snyan par 'gyur ro/ /tshod ma tsang gi ri zhes bya ba rtsa skyur ba zhig yod pa de ni zas 'ju/ drod che/ pho ba'i nad dang gzhang 'brum gyi nad dang /rlung nad dang bad kan gyi nad la phan/ drod che/ pho ba grang zhing zas mi 'ju zhing khong 'khru ba la phan no/ /tshod ma'i sna grangs la/ tshod ma pa to la zhes bya ba dang / tshod ma sa ba ta la zhes bya ba dang / tshod ma a ri ti dang / tshod ma shang ga ta dang / tshod ma bal gu ta dang / tshod ma sle tres kyi lo ma dang /sba'i mi gu dang / bri ha ti dang / tshod ma pa sha ka dang / tshod ma ku ta li dang / til gyi lo ma dang / tshod ma man du ki'i 'dab ma dang / tshod ma ka ko ta dang / tshod ma ka ra ber ga dang / ldum bu skra bzang dang / nad ka dang / ka ta ya dang / go ji ha dang / ba d+ha ka dang / 'ba' na ti ga ta ka dang /ka ri ra dang / ku la ka dang / nan di dang / ku tshe la dang / sha ku la sa ni dang / ka til dang / ke'u ka dang / shi ta dang / ko sha ta ka dang / kar ka sha dang / 'di rnams ni 'dra ste tshod ma 'di rnams zos na zhu ba'i rjes na kha la tsha ste thur du bshang ba 'ong ba sra bar 'gyur/ rlung ni cung zad skyed bad kan dang mkhris pa'i nad ni sel lo/ /tshod ma pa to la ni zhim khong na srin bu yod pa 'byin/ zhu ba'i rjes ni mngar bar 'gyur/ zos na yi ga 'bye/ tshod ma bri ha ti rnam gnyis ni drod che mkhris pa'i nad tshab skyed/ khong 'khru rlung nad sel to/ /tshod ma bri sha zhes kyang bya/ ba sha ka zhes kyang bya ste/ de ni slon bro pa la phan/ lud pas bkar ba la phan/ mkhris pa dang khrag rgyas pa'i nad kha sna nas khrag 'ong ba'am/ thur du khrag 'byung ba 'di lta bu sel te mchog tu phan no/ /tshod ma ka ra be la zhes bya ba ro tsha bar bro la drod skye ste 'bar/bad kan sel bar mchog tu phan no/ /tshod ma bar ta ka zhes bya ba ni ro kha la tsha zhing cung zad lan tshwa bro drod che zhu ba'i rjes rlung dang bad kan sel/ zas 'ju ba'i me mthu skye zhing yi gar 'ong / mkhris pa'i nad du mi 'gyur ro//tshod ma ka ri ra zhes bya ba ni ro bska/ mngar la dbyangs su kha/ lto sbo bar 'gyur te/ mi dge'o/ /tshod ma ko sha ta ka dang / bal gu dza ga dang / 'di gnyis zos na khong 'khru/ drod skyed do/ /tshod ma dan du li ya zhes bya ba ni ro mngar la zhu ba'i rjes kyang dngas te bsil/cung zad khong rtsub la yang / chang nad dang mkhris pa'i nad dang / dug dang khrag rgyas pa'i nad sel te phan no/ /tshod ma mun dza te zhes bya ba ni rlung dang mkhris pa sel/ ro mngar snum bsil la lci/ lus kyi khong brta/ sha skye khu chu skye ste dge'o/ /tshod ma pa lag kya ni 'ju dka' ste lci cung zad khong 'khru'o//tshod ma u bod ka ni chang nad la phan no/ /tshod ma tsu tsu zhes bya ba pa lag kya dang 'dra ste bye brag tu 'khru ba gcod par 'gyur ro/ /tshod ma bi ti ri zhes bya ba ni ro mngar/ bsil/ rlung dang mkhris pa'i nad sel/ gcin mang ngo / /tshod ma dzi hA zhes bya ba ni lkog nad la phan zhing bde/ cung zad lci/ khong brta/ sha skye bud med la phod par 'gyur/ rtag tu zos na tshe ring rgas sra ste/ bcud kyis len du 'gyur ro/ /yang tshed ma dzi ra ha ni zhes bya ba ni ro mngar/ khong bsil mig la phan/rlung nad dang bad kan dang mkhris pa'i nad thams cad sel to/ /tshod ma bum sha dang mon pa'i dwo ba dang / tshod ma ka li ka'i 'bras bu dang / kar ka dang / er ba ru dang / da ni dis dang / ga gon las tshod mar byas pa dang / tsi na ka zhes bya ba dang / tsir bi ta zhes bya ba 'di rnams la/ ga gon ni khong 'khru/ gcin mang ngo / /tshod ma tsi na ka ni bshang ba thur du mi 'ong ste sra'o/ /tsir bi ta ni bad kan du 'gyur ro/ /'di gsum gyi ro 'dra ste 'ju dka'/ zhu ba'i rjes kyang mngar/ rlung nad dang bad kan du yang 'gyur ro/ /khri dang shing la brten pa'i ldum bu 'khri shing gi 'bras bu'i nang na bum sha'i 'bras bus ni rlung dang bad kan gyi nad sel/chu so'i nad 'byang / gcin legs par 'ong / bud med la phong par 'gyur/ ga gon ni mchog tu gcin mang bar 'gyur ro/ /mon pa'i dwo ba ni khong rtsub par 'gyur la bshang ba thur du 'byung ba sra bar byed do//tshod ma ka ling ge dang / tshod ma ba ru dang gnyi sa ni thur du bshang ba sra bar 'gyur/ tshod ma bid ta gzhon nu ni mkhris pa'i nad sel bsil lo/ /tsir byid smin pa ni mkhris pa skyed tsha bar 'gyur ro/ /tsir byid kyi 'bras bu rnying pa'i tsha ba ni cung zad tsam thal sman rnon po lan tshwa'i bag bro/bo/ /mkhris pa skyed/ bad kan dang rlung nad 'jil yi ga 'bye/ drod skyed zhim yi gar 'ong / khong grang zhing zas ma zhu ba las bad kan dang rlung nad h+ye nad kyi langs pa la phan/ lto sbos pa zhi bar 'gyur/ 'ju sla khong yang ngo / / de'i 'og tu pad+ma'i rtsa lag dang rtsa ba dang / me tog ut+pa la'i rtsa ba dang / me tog ku mu ta'i chu ba dang / ut+pa la'i chu ba dang / chu las skyes pa'i ldum bu ma sha ka dang / ke lu ta dang / shri ga ta ka dang / ka she ru ka dang / gron tsa da na dang / ka ko te dang 'di rnams 'dra ste/ kun kyang chu'i nang ser chen po las 'khrungs pa yin pas 'ju dka'/lci/ bsil/ khong du rtsub thur du 'byung ba sra'o/ /yang tshod ma'i sna grangs la/ ka lam pa zhes bya ba dang ni le ka dang / mon sran gre'u ma sha'i lo ma dang / kun tin dza ra dang / ku dum ba ka dang / tsi li dang /lo twa ka dang / lo ni ka dang / ku ru ta ka dang / ga be+e ru ga dang / dzi ban ti dang / dz+hu na dza dang / a ga dza ya dang / ba sha ka dang / rgya lcam zhes bya ba lcam pa dang / a lu ka dang / de ltar tshod ma'i dngos po 'di rnams kun ni 'dra ste mngar la rtsub lan tshwa'i ro yang cung zad bro//rlung dang bad kan du yang 'gyur/ lci ste 'ju dka'/ bsil bshang gci gnyi ga 'byung sla bar byed do/ /tshod ma 'di rnams la phal cher 'ju ba'i tshe na bshang gci gnyi ga 'byung sra ste thogs par byed/ khu zin nam ni bshang gci mi sri bar 'gyur ro//tshod ma 'di rnams bshur te khu ba btsir te phol mar che bar btab na nad du mi 'gyur ro/ /tsi li zhes bya ba'i 'dab ma ni rgya sne'u dang 'dra ste yang ba yin no/ /yang tshod ma tar ka ri dang / ba ra na dang / 'di rnams ni ro mngar kha/ /bad kan dang rlung sel te dge'o//bar sha bo zhes bya ba rtsi po che'i lo ma dang / ka la sha ka dang / 'di gnyis ni cung zad lan tshwa bro/ /ro tsha zhing kha drod skyed/ khong 'khru dug sbyar ma lo lon nas ldang ba dang / 'or nad dang / bad kan dang rlung nad sel to/ /tsi ri tsi li'i myu gu ni drod che/ rlung dang bad kan sel cung zad tsam khong 'khru'o//nye'u shun pa'i myu gu ni ro kha/ rlung nad dang / bad kan dang mkhris pa'i nad sel/ khong brta/ bud med la phod par 'gyur ro/ /smyig ma'i myu gu ni rtsub khong tsha/ rlung dang mkhris pa skyed do/ /phan tu ra zhes bya ba ni ro kha drod che mcher pa na ba dang /gzhang 'brum na ba dang / bad kan dang rlung nad sel to/ /tshod ma ka sa mar da ni khong na srin bu yod pa dang / lud pas bkar ba dang bad kan sel/ kha zas zhu bar byed/ khong 'khru'o/ /le brgan rtsi'i 'dab ma'i tshod ma ni ro skyur rtsub/ tsha ste drod che cung zad lci/mkhris pa skyed khong 'khru'o/ /yungs kar dang yungs nag gi tshod ma ni lci/ tsha/ bshang gci gnyis ka sra ste sri/ rlung nad dang bad kan dang mkhris pa'i nad kun skyed do/ /la phug gzhon nu re rtsa ba rjen par za ba ni 'dod mi bro/ /cung zad tsam ni lan tshwa'i ro bro la bags kyis kha ste la phug de lta bus ni nad kun sel/yang ste 'ju sla/ drod che/ skran dang lud pa lu ba dang / glo gcong dang dbugs mi bde ba dang / smas te rma byung ba dang / mig na ba dang / lkog ma na ba la phan/ skad kyi gdangs mi snyan pa dang / me'i drod chung ba dang / rtug skam du gyur pa dang /cham pa'i nad 'di rnams la phan no/ /la phug nar son pa chen po rjen par za ba ni ro tsha zhu rjes drod che/ la phug gi mthus rlung nad dang mkhris pa dang bad kan gyi nad kun slong / /'ju dka' ste lci/ bad kan gyi nad du yang 'gyur ro/ /la phug btsos pa ni 'jam zhing snum ste rlung nad sel to//la phug shag bur bskams pa dang / skam po'i khu bas ni rlung nad dang bad kan sel to/ /la phug rjen pa thams cad ni rlung nad thams cad dang bad kan dang mkhris pa'i nad kun slong ste mi dge'o/ /zhing las skyes pa'i mon pa'i dwa pa ni ro tsha la drod che/rlung nad dang bad kan sel mkhris pa ni skyed do/ /tshod rngad sna tshogs kyi le'u'i bshad pa rdzogs so// //ldum gyi sna grangs shang tshe la sogs pa rjen pa'i phan gnod kyi bye brag la/ ldum ku the ra dang / ldum shi kru dang / ru ra sa bye'u rug dang /su mu kha dun te dang / bu sta na zhes bya ba rgya'i ba ha dang / pha ni dza dang / zhim thig le dang / dzam bi ra la sogs pa ldum rjen par za ba 'di rnams ni ro tsha rtsub/ lus tsha bar 'gyur/ drod che zhing pho ba'i drod kyi me skyed par 'gyur ro/ /yi ga 'bye/ bshang gci thur du 'byung ba sra/ldum 'di rnams gang yang rung ba zos na za ba dang drod lus la khyab par 'gyur/ mig la gnod/ khu chu 'bri/ lto na srin bu yod pa gsod/ ldum 'di rnams rno bas nad bad kan dang mkhris pa'i nad lta bu slong zhing skyed par byed/ yang ste 'ju sla/ skyigs bus btab pa dang / lud pas bkar ba dang / dug gis phog pa dang / dbugs mi bde ba dang / rtsib logs na ba dang / kha nas rnag mnam pa dang kha mnam pa la phan/ byi'u rug pa dang / 'un te dang / 'di gnyis rab tu tshang ba'ang ma yin te/ dug 'thungs pa ngad 'ong du skrang pa dang /'di rnams la phan no/ /ldum bu a ra ti ka ni ro kha la mngar/ gcin mang mkhris pa'i nad du mi 'gyur ro/ /sgog skya ni rab tu tsha ste zhu ba'i rjes kyang tsha la drod che cung zad 'khru zhing yi ga 'bye/ skra la phan/ lci khong brta bud med la phod par 'gyur/snum/ drod che/ drag shul gyis chad de brlan par 'gyur pa 'am mdze byung ngam/ skran nad dang / gzhang 'brum na'am/ gcin sri'am lto srin bus gang ba dang / bad kan dang rlung nad dang skyigs bus btab pa dang / cham bas na ba dang / dbugs mi bde ba dang / lud pas bkar ba 'di rnams sal te phan/ khrag rgyas pa dang / mkhris pa rgyas pa'i nad du mi 'gyur ro/ /kun dong ni sgog skya'i yon tan pas cung zad mthu chung du zad de bad kan ni skyed/ mkhris pa rab tu skyed par ni mi 'gyur ro/ /rlung nad dang bad kan gyi nad dam/gzhang 'brum gyi nad lta bu la kun dong gtubs la btsos te smad nas bdugs sam/ zos na nad 'di rnams la phan no/ /ke'u ni tsha ste bshang gci thur du 'byung ba sra/ mkhris pa can lus tsha ba yod pa la phan pa ma yin no/ /ldum bu ra ni zhes bya ba ni yi gar 'ong zhing drod che/bad kan sel kha'i nad mchil ma dang / bad kan gyis 'byar 'byar pos gang ba sel zhing kha lce bde/ khong yang / lhag par ni gzhang 'brum na ba la phan no/ /spang phrom ni rlung nad dang bad kan dang mkhris pa'i nad kun slong ste mi dge'o/ /me tog dang rtsa ba'i bar gyi spyi'i lci yang me tog pas ni 'dab ma lci'o//'dab ma bas ni 'bras bu lci'o/ /'bras bu bas ni yal ga lci'o/ /yal ga bas ni chu ba dang sdong bu lci'o/ /sdong bu bas ni rtsa ba lci ste spyir mang zhing 'ju dka' bar shes par bya'o/ /tshod ma'i nang na dzi ban ti zhes bya ba ni tshod ma'i nang du mchog tu phan te dge'o//yungs kar dang yungs nag la sogs pa tshod mar bya ba ni gnod de mi dge'o/ /ldum gyi sna grangs shang tshe la sogs pa'i phan gnod kyi bye brag bshad pa'i le'u rdzogs so// //shing tog la sogs pa 'bras bu sna tshogs kyi bye brag bshad pa/rgun 'brum ni shing tog gi mchog yin te ro mngar zhu ba'i rjes kyang mngar/ khong du snum par 'gyur/ bsil lci/ rgun 'bru'i rus pa ni ro bska/ rgun 'bru'i mthu stobs ni khong brta/ bud med la phod par 'gyur/ /mig la phan/ bshang gci gnyi ga legs par 'byung /rlung nad dang mkhris pa'i nad dang khrag rgyas pa dang / kha'i nang kha bar bro ba dang / chang nad na ba dang / skom pa dang / lud pa lu ba dang / tsha ba'i rims dang / dbugs mi bde ba dang / skad 'dzer ba dang / glo rdol ba dang / glo gcong gi nad 'di rnams sel te phan no//bal po se'u ro mngar ba ni mkhris pa'i nad cher rgyas pa tsha ba lta bu sel ba dang / rlung nad dang bad kan dang mkhris pa'i nad sum char la phan no/ /bal po se'u ro skyur ba ni mkhris pa'i nad kyang mi slong / rab tu tsha ba yang ma yin te rlung dang bad kan gyi nad sel to//spyir bal po se'u thams cad ni 'ju sla la yang / khong snum/ glo snying la phan/ yi ga 'bye/ drod skyed/ bshang gci 'byung ba ni sra'o/ /ldum bu chu skyes kyi 'bras bu mo tsa zhes bya ba dang / 'bra go dang / shing pa na sa'i 'bras bu dang / shing na ri ke la'i 'bras bu dang /ldum bu pa ru sha'i 'bras bu ste pa ru sha ka'i 'bras bu dang / shing a mra ta ka'i 'bras bu dang / shing ta la'i 'bras bu dang / shing kasma ra'i 'bras bu dang / shing ra dza da na'i 'bras bu dang / shing ma du ka'i 'bras bu dang / shing so'u byi ra zhes bya ba'i 'bras bu dang / /rgya shug gi 'bras bu dang / shing ang ko la'i 'bras bu dang / ldum bu phal gu'i 'bras bu dang / shing shel ma ta'i 'bras bu dang / shing byam la'i 'bras bu dang / shing byi shu ka'i 'bras bu dang / sta rga dang / ldum bu myu gu la'i 'bras bu dang /ni go tsa zhes bya ba rgya kham dang / shing u ru mun zhes bya ba'i 'bras bu dang / shing pi la ya zhes bya ba'i 'bras bu dang / 'di rnams so/ /de la shing pi la ya'i 'bras bu ni ro mngar ro/ /zhu ba'i rjes kyang mngar la snum/ khong brta zhing sha skyed/ bsil la lci/lus tsha ba dang / glo rdol ba dang / glo gcong dang 'di rnams kyi nad 'byin cing sel/ khrag rgyas pa dang mkhris pa rgyas pa'i nad sel zhing / shes snyoms par byed/ bshang gci 'byung ba sra/ bad kan skyed/ khu chu mang par 'gyur/ shing ta la'i 'bras bus ni mkhris pa skyed/khong 'khru'o/ /shing to kash+mari zhes bya ba'i 'bras bu ni bsil/ bshang gci sri zhing 'gags pa sel zhing byin par byed/ skra la phan te byin skyed/ yid gzhungs/ tshe ring ba'i sman bcud kyis len du yang 'gyur ro/ /shing tog ba ta ma dang /b+hi shu ka dang / star ga dang / myu gu la sogs pa shing tog 'di rnams kyi stobs ni rab tu tsha/ rlung dang mkhris pa skyed/ khong 'khru/ snum ste mchog tu rlung sel to/ /shing tog pi la ya ni tsha zhing drod che ba ma yin te/ pi la ya 'di'i tshi gu ni ro mngar zhing sha mtshan brta/bud med la phod/ mkhris pa dang rlung nad sel to/ /shing tog o la'i tshi gu ni shing tog pi la ya dang 'dra ste/ skom pa dang / slon bro ba dang / lud pa lu ba dang 'di rnams sel zhing phan no/ /shing tog bil ba smin pa ni shin tu 'ju dka'/ rlung nad dang / bad kan dang /mkhris pa'i nad kun slong zhing skyed/ dbugs thung ngu 'byung / shing tog bil ba ma smin pa 'dra ste 'khru ba gcod do/ /shing tog ka ba ta ma smin pa ni mgul pa na zhing mi bde ba dang rlung nad dang mkhris pa'i nad kun skyed do/ /ka bid ta'i shing tog smin pa ni rlung nad dang bad kan dang mkhris pa'i nad sel/skyigs bus btab pa dang / slon bro ba 'di rnams la phan/ 'khru ba gcod/ shing tog ka pita smin ma smin thams cad 'dra ste/ 'khru ba gcod/ dug nad sel to/ /shing 'dzam bu'i shing tog ni lci bsil/ rlung nad rab tu skyed/bshang gci sri zhing 'gag par 'gyur ro/ /yang shing tog 'dzam bu'o cog ni 'khru ba gcod/ bshang gci sra/ mgul pa dang lkog ma mi bde/ rlung dang mkhris pa'i nad sel to/ /shing tog 'dzam bu ma yin pa gzhon nu ni rlung dang mkhris pa dang khrag nad skyed do//shing tog 'dzam bu ma smin pa rus pa chags tsam ni mkhris pa dang bad kan ni skyed par 'gyur ro/ /shing a mra zhes bya ba long kog gi 'bras bu smin pa ni ro mngar/ 'ju dka'/ lci rlung nad sel to/ /a mra'i shing tog rtsa ba skyur ba ni rlung dang mkhris pa'i nad skyed do//shing tog br-i k+Sha am+la ni 'khru ba gcod/ rtsub drod che rlung dang bad kan gyi nad sel/ 'ju sla khong yang ngo / /shing sha ma'i shing tog ni 'ju dka' drod che/ skra la gnod do/ /pi lu zhes bya ba'i 'bras bu ni rtsub ste mkhris pa slong / bad kan dang rlung nad sel/ khong 'khru/ / mcher pa na ba dang / gzhang 'brum gyi nad dang / lto na srin bu yod pa dang / skran nad 'di rnams sel zhing 'byang ngo / /pi lu ro mngar la kha bar bro ba ni drod chen po rab tu tsha ba tsam ma yin te/ rlung nad dang / bad kan dang / mkhris pa'i nad gsum char sel to/ /shing tog ba lung gi 'bras bu'i phyi shun kha zhing tsha/snum bag yod de rlung bag sel to/ /ba lung gi 'bras bu'i sha ni mngar te lus kyi sha 'tshag brta zhing skyed/ rlung nad dang mkhris pa'i nad sel/ 'ju dka' lci'o/ /ba lung gi 'bras bu'i rkang ni 'ju sla/ lud pa lu ba dang / dbugs mi bde ba dang /skyigs bus btab pa dang / chang nad na ba dang / kha skam pa dang / cham pas btab pa dang / slon bro ba dang / yi ga 'chus pa dang / dmu rdzing lta bu'i nad dang / /skran dang gzhang 'brum gyi nad dang / drod chung ste zas mi 'ju ba'i nad 'di rnams sel te phan no//ba la ta ka bse shing gi 'bras bu go bye'i shun pa dang / nang gi sha ni ro mngar khong du bsil/ lus kyi sha 'tshag brta/ go bye'i 'bras bu'i rus pa ni ha cang dod che ste me dang mnyam/ bad kan dang rlung nad mchog tu sel/ yid gzhungs par 'gyur ro/ /ku sha rnam pa gnyis te mngar po dang /skyur po'o/ /de la mngar po ni bsil lo/ /skyur ba ni tsha'o/ /gnyi ga yang 'ju dka' ste lci/ yi gar 'ang / zas 'ju ba'i khong pa'i drod nyams te chung bar byed do/ /kham bu ni ro mngar la zhim/ kham bu smin pa ni myur du 'ju/ ha cang tsha zhing drod che ba ma yin//ha cang lci ste 'ju dka' ba ma yin/ rlung nad dang bad kan dang mkhris pa'i nad kun ni skyed do/ /rgun rlon ro skyur ba dang / shing tog pa ru sha rlon pa ro skyur ba gnyis 'dra ste mkhris pa dang bad kan skyed do/ /shing tog ka ra mar ta ka dang /de dang 'dra bar shing tog rgya shug /shing tog ker ken du dang / shing tog li gu tsi dang / a mra ta ka dang / kham bu 'di rnams 'dra ste 'ju dka'/ lci tsha ba'i mthu yod rlung nad sel/ khong 'khru bar 'gyur ro/ /de bzhin du shing tog e rab ta dang / daN Da Sha Tha dang / sa pud dang / mri ga li na du ka dang / 'di rnams kyang phan gnod gong du bshad pa dang 'dra'o/ /kar mar ta ka smin pa skam po gnyis ni mkhris pa rab tu skye bar yang mi byed do/ /shing tog a ma ling ka dang ko la gnyis ka skam pa ni drod skyed/ cung zad 'khru/ skom pa dang / ngal te chad pa dang / lus rmya ba dang / 'di gnyis ka la phan te yang khong grims shing bshor/ bad kan dang rlung nad gnyis ka sel te phan no/ /shing tog 'bras bu de rnams kyi nang na li gu dza ni nang na mi dge ste/ nad thams cad slong bas ngan pa yin no/ / shing tog gi 'bras bu 'di thams cad kyi ngan par blta ba ni lhags pas phog pa dang / mes tshig ste tsha bar gyur pa dang / gnod pa'i rlung gis phog pa dang / sbrul gyi kha chus phog pa dang / srog chags srin bus zos pa dang / chu'i nang du lhung ba dang / sa ngan pa nas smin pa dang /dus ma yin par smin pa dang / 'di lta bu'i shing tog rnams ni gnod de mi rung ngo / /shing tog sna tshogs kyi 'bras bu'i phan gnod bshad pa'i le'u rdzogs so// //lan tshwa sna tshogs kyi phan gnod kyi bye brag bshad pa/ lan tshwa thams cad ni spyir bad kan du 'gyur/phra la zhib pas rtsa dang sha khrag thams cad kyi nang du 'jug cing 'gro'o/ /thur du bshang ba'i dri ma mi thogs par 'byung bar byed/ lus zheng lhod par 'gyur/ rlung nad sel/ lan tshwa zos nas zhu ba'i rjes ni rno zhing tsha/ drod skyed/ yi ga 'bye/ bad kan dang mkhris pa skyed do//lan tshwa sen da pa zhes bya ba'i bye brag bshad pa/ lce myang tsha ni ro mngar/ glo snying la phan/ khong brta bud med la phod/ rlung nad dang bad kan dang mkhris pa'i nad kun sel/ yang ste 'ju sla/ drod che/ tsha ba yang ma yin/ nad do cog la rab tu phan/ lus tsha bar mi 'gyur/ zas 'ju ba'i me drod skyed do/ /lan tshwa so'u ba tsa la rtsal ru tsha'i bye brag bshad pa/ lan tshwa so'u ba tsa la rtsal ru tsha ni yang ste 'ju sla/ glo snying la phan/ ma zhu ba'i gsud sgregs man ma po 'byung ba 'byang zhing dri zhim por 'gyur/ lan tshwa 'di bros te zhu ba'i rjes ni tsha/bshang ba 'gags pa 'ong du mi rung ba 'byung bar byed/ drod skyed kha zas yi ga 'bye bar 'gyur ro/ /lan tshwa bi da kha ru tsha'i bye brag bshad pa lan tshwa bi da ni stod bad kan 'dren/ smad kyi rlung nad 'byin drod skyed/ bshang ba thur du mi 'byung zhing 'gags pa dang /lto ba sbos pa dang / rtug skam gyis btab pa dang / khong du zug cing na ba dang / lus lci ba 'di lta bu sel zhing 'byang bar byed do/ /rgya mtsho'i lan tshwa'i bye brag bshad pa/ rgya mtsho'i lan tshwa ni zhu ba'i rjes mngar/ 'ju dka' ste lci/ bad kan skyed do/ tsha khrol bu'i bye brag bshad pa chu mig khung ma las byung ba'i tshwa ni ro kha la tsha ste rno zas 'ju'o/ /lan tshwa kha ru tsha mdog nag por 'dug pa ni dri zhim/ ro mi zhim pa ma yin/ lan tshwa bi da ni ro dang dri mi zhim/ mthu dang yon tan ni 'dra'o/ /mtsho dang chu las byung ba'i lan tshwa ni yang ngo //skom sa dul dul po las byung ba'i lan tshwa ni bad kan skyed 'ju dka' lci'o/ /de la sman sna sbyar ba'i nang nas lan tshwa zhes smos pa ni/ rgyam tshwa la sogs pa sman gyi snar sbyar zhing btab pa yin no/ /nas tshig 'khus pa'i bye brag bshad pa/ nas tshig 'khus pa'i tsha ni skran dang snying na ba dang /pho ba'i nad dang / skya rbab kyi nad dang / mcher ba na ba dang / lto sbo ba dang / lba ba byung ba dang / dbugs mi bde ba dang / gzhang 'brum gyi nad dang / bad kan rgyas pa dang / lud pa lu ba rnams zhi bar byed de phan no/ /nas tshig 'khus pa'i tsha dang sra rdzi ka'i tsha thams cad ni rab tu rno la drod che ste tsha/khong na srin bu yod pa sel/ zas 'ju bar byed de yang ngo / /gnod par 'byung ba ni khrag dang mkhris pa'i nad slong ste/ gnod do/ /pho ba grang ste/ de'u rnams yod pa dang /zas mi 'ju ba 'di lta bu tshos shing 'ju bar byed/ bad kan rgyas pa dang / tshil ches pa dang / khu chu 'di gsum gcod cing sel bar byed/ mi zhim ste yi gar mi 'ong rma 'dred/ nas tshig 'khus pa'i tshwa ni ro la lan tshwa bro bas na mdangs kho na yod pa dang / khu chu dang skra dang /mig dang / 'di rnams la gnod do/ /shing kun ni rlung dang bad kan dang lto ba sbos pa'i nad sel/ mkhris pa nad tsha ba ni ldang ngo / /shing kun ni ro yang tsha/ zhu ba'i rjes kyang mngar la ro tsha bas yi ga 'bye/ drod skyed/ kha zas 'ju yang ngo / /a ru ra'i bye brag bshad pa a ru ra'i ro ni bska/zhu ba'i rjes ni mngar/ ro cung zad rtsub/ lan tshwa'i ro ni med/ yang drod che/ zas 'ju/ yid gzhungs/ mchog tu rgas sra bar 'gyur/ /a ru ra'i mthu ni drod che khong du 'khru/ tshe ring sems rno/ /mig la sogs pa'i dbang po rnams ni gsal/stobs skye lus la mdze byung ba dang / bzhin dang lus kyi mdog sdug pa dang / skad 'gags pa dang / rims bying ba dang / rims drag po ldang du ba mi mthun par na ba dang / klad pa na ba dang / mig na ba dang / skya rbab kyi nad dang / snying na ba dang / mig ser ba dang /pho ba'i nad dang / skom pa dang / 'or nad skrang ba'i bag dang / gcin nad kyis gcin snyi blta bus myos te long bag tu 'gyur ba dang / slon bro ba dang / lto na srin bu yod pa dang / dbugs mi bde ba dang / lud pa lu ba dang / bad kan las gyur te mchil mas kha gang ba lta bu dang /gzhang 'brum gyi nad dang / mcher pa na ba dang / lto sbos pa dang / dbyig dug dang / mkhris pa cher skyes pa'i nad dang / bshang ba 'gags te 'ong du mi btub pa dang / skran nad dang / da rgan na ba dang / yi ga 'chus pa dang / nad kyi rnam pa de rnams dang /bad kan dang rlung las gyur pa'i nad 'di rnams la a ru ras sel zhing 'byang bar byed do/ /skyu ru ra'i yon tan yang a ru ra dang 'dra ste lhag par ni ro skyur/ bsil mkhris pa dang bad kan gyi nad sel to/ /ba ru ra ni mngar bsil zhu ba'i rjes ni tsha skra dang /mig la phan te/ skyu ru ra'i yon tan bsil bas ni cung zad chung ngo / /a ru ra dang skyu ru ra dang / ba ru ra gsum ni tshe ring ba'i sman bcud len du 'gyur ro/ /'bras bu 'di gsum ni mig nad sel te mig la phan/ rma 'pho pags pa'i mdangs mi sdug cing nad du gyur pa dang /rma rnag ste red pa dang / tshil skyes pa'i nad dang / gcin nad snyi ba lta bu dang / bad kan dang khrag rgyas pa lta bu'i nad sel to/ /g.yos kyi spod snar sbyor ba sman sna bzhi dang / sna gsum bshad pa/ de la sman dri sna bzhi ni/ nA ga ge sar dang shing tsha dang /gan d+ha b+ha dra dang / sug smel dang 'di bzhi'o/ /sman dri sna gsum du sbyor ba ni/ shing tsha dang / gan d+ha b+ha dra dang / sug smel dang / 'di gsum ni dri zhim po sna gsum mo/ /sman tsha ba sna gsum bshad pa/ na le sham ni ro yang tsha/ zhu ba'i rjes kyang tsha ste mkhris pa'i nad slong /rno la tsha ba skyed/ khong rtsub yi ga 'bye/ zas 'ju ba'i me'i drod 'bar bar 'gyur/ bad kan sel/ 'ju sla zhing yang ngo / /pi pi ling rlon pa ni ro cung zad tsam mngar/ bad kan du 'gyur/ bsil lci/ khong 'jam zhing snum mo/ /pi pi ling skam po ni gsher ba'i tshul bshad pa las bzlog par bya ste/skam po yon tan ni ro tsha yang zhu ba'i rjes mngar/ khong snum/ bud med la phod par 'gyur/ rlung dang bad kan dang dbugs mi bde ba dang / lud pa lu ba dang 'di rnams sel/ khong 'khru bar 'gyur/ rgas sra tshe ring bar 'gyur ba'i sman bcud len sbyor ba'i nang du pi pi ling 'phrod du gtang ba ma gtogs par gzhan dag la pi pi ling gcig pu shas che bar mi btung ngo //li dong gra ni pho ba'i drod skyed cing 'bar bud med la phod par 'gyur/ khong 'khru ba gcod snying la phan 'khren pas btab pa sel/yi ga 'bye/ khong yang / zhu ba'i rjes mngar/ khong du drod che/ khong 'jam zhing snum/ bad kan dang rlung sel to/ /de dang 'dra bar sge'u gsher gyi yon tan dang mthu yang li dong gra dang 'dra'o/ /tshab 'di sna gsum gyis ni lus sha che ste sbom pa dang /pho ba'i me drod nyams shing chung ba dang dbugs mi bde ba dang / lud pa lu ba dang / ro smad man chad dam rkang pa skrangs pa dang / cham pa'i nad 'di rnams sel te phan no/ /sman sna lnga'i pho gsum sbyar ba'i dpyad la/ na le sham gyi yon tan pas ni dbyi mo dang pi pi ling gi rtsa ba'i mthu chung zad kyis chung ngo //de bas na tsitra ka drod che ba'i mthu ni me dang 'dra ste sman zhu ba'i 'og tu drod skyed/ yon tan ni lus skrangs pa dang / gzhang 'brum gyi khrag tshad dang / lto na srin bu yod pa dang / mdze nad kyis btab pa 'di rnams sel to//sman sna lnga'i thun rgya shug tsam gtong ba ni nang du/ na le sham ni mi sbyar ro/ /de la sman sna lnga thun rgya shug tsam sbyor ba ni/ dbyi mo dang / pi pi ling dang / pi pi ling gi rtsa ba dang / li dong gra dang / kru trug tres dang 'di lnga'o/ /yang 'di lnga'i yon tan ni skran dang /mcher pa na ba dang / dmu rdzing na ba dang gsus pa cher skye ba'i nad dang / lto ba spos pa dang / zug cing na ba sel/ drod mchog tu skyed par 'gyur ro/ /sman gyi rtsa ba chen po sna lnga'i dpyad la/ bil ba dang / kasma ri dang / tar ka ri dang / pa ta la dang / dun du ka dang 'di lnga cha snyoms te btsos pa'i khu ba 'thungs na rlung nad dang / bad kan gyi nad sel to/ /sman gyi rtsa ba chung ngu rnam lnga sbyar ba'i dpyad la/ briha ti rnam gnyis dang / ang shu ma ti rnam gnyis dang / gze ma rtsa thon dang / 'di lnga gdus pa'i khu ba 'thungs na ha cang bsil ba yang ma yin te/sman gyi khu ba zhu ba'i rjes ni mngar te nad thams cad la phan no/ /sman gyi rtsa ba 'bring po sna lnga sbyar ba'i dpyad la/ ba la dang / pur+Na rna ba dang / e raN+Da dang / su ba par Ni sna gnyis dang / sman 'bring po sna lnga'i rtsa ba btsos te gdus pa'i khu ba 'thungs na bad kan dang rlung nad sel/mkhris pa rab tu skyed par ni mi byed/ khong cung zad 'khru'o/ /dzi ban ti zhes bya ba sman sna 'tsho byed sna bcu'i dpyad la/ a b+hi ru dang / bir dang / dzi ba na dang / ti dang / dzi ba kar sha ba ka ba dang 'di dag la sogs pa sman sna bcu po ni sman 'tsho byed ces bya ste/mig la phan/ bud med la phod par 'gyur/ mkhris pa dang rlung sel/ sman 'tsho byed sna bcu sbyar ba la/ dar ba dang / ka sha dang / bu ram shing gi rtsa ba dang / sha ra skam pa'i 'dam bu'i rtsa ba dang / 'bras kyi rtsa ba dang / 'di rnams ni sman 'tsho byed kyi nang na rtsa ba'i grangs su 'gro ste/ 'di rnams ni mkhris pa sel bar byed do/ /le'u drug pa rdzogs so// //de nas zas bsdam zhing bsrung ba'i cho ga bstan par bya'o/ /srog 'tsho ba'i slob dpon sman pa ni rtag par rgyal po'i pho brang dang nye ba'i 'dab tu bzhag la/sman pa'i las su rgyal po'i bshos dang / bsang nan dang na bza' mnabs pa dang / gzims mal bshams pa la sogs pa thams cad la yang sman pas gar rig pa dang / tshod ran par sbyar zhing bshams pa rnams rtag par zhal ta bya'o//mi'o cog thams cad bde ba dang / grub par ldan zhing nor dang longs spyod dang chos grub pa yan chad kyi dbang yang rgyal po la rag lus te/ de bas na lhag par rgyal sku'i rim gror zhal zas dang / bsad nan la sogs pa bsdam zhing bsrung bar bya'o//'bras chan gyi nang du dug btab pa ni 'bras gsher ba rlan bag tu 'dug pa'i rigs las lhag par skam bag tu 'dug pa yin no/ /'bras kyi nang du dug btab pa ni tshos dka'/ tshos par gyur na yang 'bras chan btsos te zhag lon pa ltar skam bag rma bya'i mgrin pa ltar 'bras chan gyi mdog rtsa sngo la/'bras chan gyi mdog dang dri bsung yang nyams te/ dri mi zhim pa rul ba/ hams bag rma bya'i mdongs ltar sngon dmar sna tshogs su 'dug ste/ 'di lta bu'i bag zos na lus tsha khong myos pa dang / rgyas pa dang bad kan mang bar 'gyur ro//tshod ma sna tshogs khu ba med pa rngad tshod kyi nang du dug btab na ni tshod ma myur du skam par 'gyur ro/ /tshod ma dang sran dang sha la sogs pa khu ba mdog gsal ba'i nang du dug btab na ni khu ba'i mdog gnag par 'gyur ro//yang na khu ba sna tshogs la sogs pa la brtag pa'i thabs ni tshod ma khu ba can ma/ khu sha lta bu lag tu blangs pa la bdag gi bzhin gyi gzugs brnyan chung ngu'i ma ha cang che ba'am/ mi sdug par snang ngam/ yang na ye mi snang na dug yod do/ / yang na khu ba la sogs pa'i nang du bltas na dbu ba steng du sag sag byed cing 'byung / nag po shur shur po'am/ khyug khyug po'am/ yang yang phyed phyed du 'gyes shing mtshams 'bye/ khu ba'i nang nas chu'i chu bur ltar steng du stong stong 'byung ngo / /sman pa kha cig na re skom dang chang 'thungs pa'i nang du yang thabs 'di ltar brtags na mngon zhes 'chad do//yang na tshod ma sna tshogs chur ba'am bu ram mam/ rgun 'brum mam/ bal po se'u la sogs pa gang yang rung ba dang / sbod kyis bsgyur ba'i g.yos tshod ma dang khu ba dang / 'u sha la sogs pa khu ba dkar ram/ smug gam/ dmar ram ska ste mdog mi gsal ba rnams la dug yod dam med brtag pa'i thabs ni/ g.yos mngar ba'am/ skyur ba dmigs kyis ro bro ba yang rung ba zhig sbyar ba'i nang du dug btab na/ ro de ltar mi bro la ro mi zhim pa gzhan du bro na dug yod do//khu sha dang 'u sha'i nang du dug btab na ni/ khu ba'i nang na sngon por snang ngo / /'o ma dang zho'i nang du dug btab na ni ri mo zangs ma'i mdog lta bu shur shur po'am/ gya gyu po yod do/ /yang na ri mo nag cing sngo ba ma yin/ rtsa gnag pa'am 'gro ba'i ri mor snang ngo //ngar ba'i nang du dug btab na ni/ rtsa sngo ba'am ri mo nag por snang ngo / /mar khu'i nang du dug blugs na ni chu'i mdog 'dra bar snang ba'i ri mo mngon no/ /chang dang chu'i nang du blugs na ni nag por snang ngo / /sbrang rtsi'i nang du dug btab na ni ljang sngon du dug snang ngo //til mar gyi nang du btab na ni dmar por snang ngo / /shing thog ma smin pa la dug btab na ni smin pa ltar snang ngo / /shing thog smin pa la dug btab na ni rul bar 'gyur ro/ /kha zas skam po dang rlon pa'i nang du dug btab na ni rlon pa ni rnyis par 'gyur ro//skam po mdog 'gyur ro/ /kha zas snyi zhing 'jam pa la btab na sra zhing khangs par 'gyur ro/ /sra ba'i nang du btab na snyi bar 'gyur ro/ /me tog dang me tog gi phreng ba la btab na/ me tog gi lo ma thor to 'gas dri mi zhim zhing rnyis par 'gyur ro//gos la spu dug gis bskus na nag po thig thig po dang / nag po kor kor por 'gyur/ gos kyi spu grugs shing 'chad/ mtha' ma zegs/ ras kyi kha tshar 'chad do/ /gser dngul sa le sbram dang mu tig dang / shing gi bag khar ba'i phor gzhong rdza dang rdo ba dang rin po che la sogs pa la dug gis bskus sam byugs na snga ma dang mi 'dra ste dri ma chags par snang /mdog 'gyur/ 'od nyams reg na 'jam rtsub mi 'dra ste 'gyur ro/ /kham pa'i rdza phru dang snod spyad la dug gis bskus na ni mdog bzang zhing 'od yod par 'gyur ro/ /zas skom la sogs pa'i nang du dug 'debs shing 'ong ba'i mi su yin rtogs par ngos gzung ba'i thabs bshad pa/mi zhig lag na dug khyer zhing 'ong bar mngon pa'i rtags dang mtshan ma mngon pa ni/ gdong rtsa sngo zhing gnag bab tu 'dug /kha skam gnong bag skyengs bzhin la mi chags te/mig phyogs phan tshun lta/ 'dar zhing rdul bag tu 'dug /rtabs pa sdangs bag dang 'gro na gom pa 'dur bag tu 'gro ba 'di lta bu'i mi ni/ kha zas kyi nang du dug 'debs shing 'ong bar mngon pa'i rtags yin no/ /zas dug can du yin par mngon pa'i don rtags la bab par gyur nas dug yin par kun gyis yid ches pa dang /ngo bzung zhing dkar chog pa'i thabs bshad pa/ kha zas dug can yin par gyur na zas de mer bsregs pa dang / me lce gcig tu 'khyil zhing 'bar la me stag rab tu drag la/ dud pa rma bya'i mgul pa lta bur 'byung zhing /me lce byung yang rung ma byung yang rung dri mi zhim pa drag por mnam mo/ /kha zas dug can sre mos zos na 'chi/ bya rog gis zos na skad chung ngur 'byin/ bya ne tsho dang / bya ta tu ha dang / bya sha ri ka ri skegs kyis mthong na skad ca co 'byin par 'gyur/ngang pas mthong na gom pa thag thung byed cing brdeg 'cha'/ bya dzib ti ba ka zhes bya ba shang shang te 'us zos na na bar 'gyur/ sbrul gyis mthong na mig mi chags nye ba lar mi btub par byed/ /khrung khrung gis mthong na tsang tsang por 'dzur bar 'gyur/ phug ron dang bya ko ki la dang / bya dag sha dang / ngur pas zos na 'chi bar 'gyur/ byi las mthong na skyo ste mi 'dod par 'gyur/ spre 'us mthong na skrag ste mi gtsang ba 'dor bar 'gyur/ rma byas mthong na/ dug gi dpal ngang mdog ni nyams/ /rma bya ni dga' bar 'gyur ro/ /kha zas de lta bu dug can yin par shes nas bla 'og mi phal dang /srog chags yan chad pa gcig la cis kyang de dag la gnod par ma gyur par myur du med par gyis shig /dug sna tshogs reg dug gam/ dug 'thungs sam zos pa las nad du gyur na/ so so'i nad dmigs kyi ngo bo bstan pa dang /so so'i sman dpyad kyi cho ga bshad pa/ reg dug gis lus sam lag pa la reg nan pa'i thabs ni/ dug gis gar reg pa nas g.ya'/ tsha zhing na/ rims kyis btab par 'gyur/ lus la 'brum bu 'byung / lus dang yan lag la tshor ba'i bag med de bem bem por 'dug /sen mo 'byung / sbu 'byi/ lus skrangs te/ de dag la sman gyi cho ga ni sman dmigs kyis smos pa rnams kyi khu bas lus dang yan lag bkru zhing chu blugs pa dang / sman gyis bskus na dug thub ste phan no/ /de la sman ni u shi dang / tsan dan dkar po dang / shug pa dang / som ba la ka'i shun pa dang / bal bu'i lo ma dang / ru rta dang / gu'u rtsi dang / 'di rnams cham chom du brdungs ba'i khu ba mnyes shing btsir bas bkru zhing rgyun du blugs pa dang / sman 'di rnams zhib tu btags pa'i lde gus byug go//dug kha'i nang tsam du reg pa'i nad thabs ni kha nas pad kan mang / lce la ro bro ba mi tshor/ ya mchu ma mchu gnyis bem bem por byed cing so dang mchu dang lce kun be re re byed/ lus tsha sten zhing zug /so brtse/ kha zas kyi ro ci bro ba mi tshor/ 'gram rengs te so 'dzings pa'i nad thabs 'di lta bus byed de/'di lta bu'i sman gyi cho ga bya ba ni/ reg dug gso ba'i sman u shi ri la sogs pa gong du bshad pa'i sman rnams chu'i nang du sbangs te mnyes pa'i khur ba khar blugs te bzhag la dug bsdu zhing drangs la/ kha chu phyir dor ba'i thabs dang / dug thub pa'i sman thams cad phan no/ /dug 'thungs pa las ma zhu ba'i gnas pho ba dang mchin pa la bab pa'i nad thabs ni/ lus rngul zhing brgyal/ lto sbos/ mgo 'khor myos/ ba spu kun langs/ skyug /lus kun tsha/ mig mi mthong / snying mi dran/ lus dang yan lag la rtsa dmar po dang /sngon po tig tig pos gang bar 'gyur ro/ /yang dug 'thungs pa zhig las dug de rgyu ma man chad smad du babs na/ na ba'i thabs ni kha nas skyug pa kha dog sna tshogs su 'byung zhing skyugs/ gcin mang / tsha bar byed/ rab tu 'khru/ lus myo myo por rmya bag tu 'dug /sha skam/ sha mdog skya zhing rtsa ser bag tu 'dug /gsus pa skye/ nyams stobs zad de dug rnam pa 'di gnyis kyis bab pa la dpyad du bya ba'i thabs ni/ skyug sman dang bkru sman gyis bkrus na/ de nas skyer pa'i rtsa ba dang / chu rtsi ser po yung ba dang /ta ki b+ha zhes bya ba dang / bu ram dkar po ba ni du ba ri ka dang / nis pa pa dang / ba si ka dang / sha ta par pa ka dang / tin du li ya ka'i rtsa ba dang / a pa la gu za dang / sman 'di rnams stobs snyoms te zhib tu btags la 'bras btsos pa'i khu ba btsags pa'i grang mo'i nang du sman zhib tu btags pa'i pho ba gsum gang bkrus te thun gcig blud do//mig dang sna nas gtang na ni/ sman 'bras khu ba'i nang du skyo mar sbyar tshags las btsags te mig dang snar gtig cing blugs so/ /thabs 'di ltar nad pa'i nyams stobs dang sbyar zhing na ma thag gi bar du btang na dug thub bo//dug gis phog pa la gzhan yang dpyad bya ba ni/ gyen du drangs te slon pa dang / thur du bkru bas nad sbyangs na dug nad phyin te/ khong yang bar gyur nas sman btang ba'i dus la babs te/gdong zangs bzang po seg bdar gyis bdar ba pho gsum gang sbrang rtsi dang sbyar te btang na dug snying la bab pa dang / zug pa la phan zhing byang ngo / /'di ltar byas na dug gis phog ste snying na zhing zug pa kun 'byang ngo / /snying na zhing zug pa la sogs pa kun byang nas de'i rjes la gser phye mar btags pa zhib mor bgyis te/sbrang rtsi'am 'bras khu las btang na dug thub ste/ gser 'thung ba ni dper na pad+mo'i 'dab ma las chu mi chags pa bzhin mi'i lus la dug gis mi tshugs so/ /gser phye ma rtag tu 'thungs na tshe yang ring por 'gyur ro//dug la phan pa'i cho ga bstan pa yang 'di yin no/ /dug gis phog pa'i steng du kha zas mi 'phrod pa zos na/ dbyig dug sbyar ma dang 'dra ste rab tu gnod par 'gyur ro/ /de dag gang zhe na/ yul gsher sa ser che ba na gnas gnas pa'i ri dwags la sogs pa'i sha gang yang rung ba dang /nya dang / rgya sran nag po dang / sbrang rtsi dang / 'o ma dang / yungs ma dang / la phug la sogs pa'i myu gu thams cad dang / skyur po yang mi dge bas 'di rnams 'dra ste/ nang phan tshun mi 'phrod pas 'di lta bu nang du 'dres mar zos na dug slong ste mi rung ngo //yang pad+ma'i rtsa ba dang / la phug dang / bu ram gang yang rung ba 'di gsum nang mi 'phrod de gnod do/ /mchog tu 'o ma dang nya gnyis mi 'phrod de/ a mgu ni mi gnod do/ /nya'i nang du yang sre ma mchog tu gnod do/ /'o ma dang skyur bar mi 'phrod do//de bzhin du shing thog skyur po thams cad dang / rgya sran nag po dang / shing thog 'bar ra ka dang / krang ku dang / ba la dang / mu gu sta ka dang / 'di rnams kyang 'o ma dang mi 'phrod de/ de bzhin du tshod sngon rjen pa shang tshe'i bag dang / yungs ma dang la phug la sogs pa'o ma dang mi 'phrod kyi ma za shig /phag rgod dang byi thur gyi sha lta bu 'ju dka' zhing lci ba 'o ma dang mi 'phrod de/ zho dang ri dwags kri sha ta'i sha dang bya gag gi shar mi 'phrod do/ /mon sran sde'u'i tshod ma dang la phug tu mi 'phrod do/ /lug sha dang le brgan rtsi'i tshod mar mi 'phrod do//pad+ma'i rtsa ba'i tshod ma dang la phug dang / yungs ma dang myu gu sna tshogs kyi tshod ma dang mi 'phrod do/ /mon sran gre'u'i tshod ma dang / bu ram dang zho dang shing thog li ha za rnams dang mi 'phrod kyi ma za shig /ldum bu chu skyes kyi 'bras bu dang dar bar mi 'phrod do//shing ta la'i shing thog dang pi pi ling dang na le sham du mi 'phrod do/ /ka kam ci dang yang mi 'phrod do/ /yang na nya btsos na yang mi rung ngo / /nya mi rung bzhin bca' sga bskol ba'i snod kyi nang du ka ka ma tsi ba btsos na yang mi 'phrod do/ / yang ka kam tsi dang bya ka na te zhes bya ba'i sha snod so so'i nang du btsos te zos na yang mi 'phrod do/ /yang na bya ka ma ta'i sha gcig pu btsos pa khong du zhag lon pa zos na yang gnod do/ /mar gyi nang na nya brngo brngo ba'i nya'i zhag dang mar khu'i nang du pi pi ling rlon pa brngos pa yang mi 'phrod kyi ma za shig /khar ba'i nang du mar zhag bcu lon par gzhag pa'i nang du sman go ba'i 'bras bu mar dang dron mor zos na mi 'phrod do/ /dar ba'i nang du ka ma pi l+ya la sogs pa yang mi 'phrod do/ /til dang mon sran sde'u gnyis sbyar ba'i thug pa dang / 'o ma dang chang du mi 'phrod do/ /sbrang rtsi dang mar dang rdo tshil dang / til mar dang chu dang / 'di rnams gang yang rung lan gnyis lan gsum du ha cang cher mi bza' mi btung ngo / /yang na 'di lnga cha mnyam par byas te cig car zos na yang phan tshun nang mi 'phrod de gnod do//mar dang sbrang rtsi gnyis che chung byas kyang char pa'i chu 'thungs na mi 'phrod de gnod do/ /yang sbrang rtsi dang pu ka'i sa bon dang gnyis zos na yang gnod do/ /sbrang rtsi dang bu ram chang dang / li kha ra'i chang dang nang mi 'phrod de gnod do/ /yang 'o thug dang chu dang phye sbyar ba'i skyo mar 'thungs na mi 'phrod de gnod do//sha mo yungs mar gyi nang du btsos pa yang mi 'phrod de gnod do/ /yang tshod ma u po ta ka zhes bya ba til gyi tshigs ma la zos na rab tu 'khru bar 'gyur ro/ /chu la gnas pa zhes dkar mo'i sha btsos pa chang dang sbyar ba dang /sran rde'u dang mon sran sde'u dang til dang sna gsum du sbyar ba'i thug pa dang mi 'phrod de gnod do/ /phag rgod kyi tshil gyi nang bya dkar mo'i sha brngos te zos na 'phral du srog la gnod par 'gyur ro/ /de bzhin du sreg pa dang / rma bya dang / go d+ha zhes bya ba sren mo ba zhig yod pa dang / bya ka bi dza la dang / 'di rnams shing e raN+Da'i me bus te/ e raN+Da gnyis kyi mar la brngos na/ mi 'phrod pa ste gnod do/ /bya ha ri ta zhes bya'i sha skyer thur ring pos phug la/ skyer ba'i me dang / mdag ma la bsregs te zos na 'phral du srog la gnod do//bya ha ri ta'i sha bsregs shar byas te thal ba dang sa yang reg la/ de sbrang rtsi dang sbyar zhing zos na de bzhin du gnod do/ /de lta bas na kha zas mi 'phrod pa la gang yang rung ba zos na mi 'phrod nad slong la nad byang du mi rung ba de lta bu ni/ mdor na zas mi 'phrod pa zhes bya ste gnod pa yin no//'di lta bu kha zas mi 'phrod pa zos pa la dpyad du bya ba ni rnam pa gnyis te/ gcig ni bkru sman dang / skyug sman gyis sbyang ba'o/ /rnam pa gnyis ni zas mi 'phrod pa'i nad de lta bu sel zhing 'byin pa'i 'ju sman nam/ yang na zas smyung ba la sogs pas zhi bar bya'o//la la zhig zas dang mi 'phrod pa 'di lta bu thog ma nas za zhing / lus zas de lta bu nyid kyis lus gsos bskyed pa dang / yang na rtag tu bcag pa la sogs pas lus bkrol zhing shugs phyung ba dang / na tshod dar la bab cing nyams stobs dang yang ldan pa'i mi zas mi 'phrod pa yin gyis kyang rtag par zas su goms pa dang /cung zad zos na de lta bu ni mi 'phrod cing gnod par mi 'gyur ro/ /yang zas mi 'phrod pa de zos na yang nyen du mi 'gyur bar sbags kyis bza' ba'i thabs ni/ zas 'phrod pa bzhi gsum zos nas zas mi 'phrod pa bzhi cha gcig bza'o//de nas bags kyis nyin re bzhin zas 'phrod pa bzhi gsum gyi sum cha gcig po de la yang bzhi chas nyin re re zhing phri la mi 'phrod pa'i zas kyang nyi ma re re zhing cha bskyed de/ bza' ba 'di lta bur nyi ma gcig gnyis gsum bzhi rtag tu zos na 'phrod par 'gyur ro//yang na kha zas mi 'phrod kyang rtag par zos te goms na mi gnod de phan no/ /gal te zas mi 'phrod pa phan zhing goms par gyur pa de btang la 'phrod cing nad du mi 'gyur ba'i zas mi goms pa bsten cing zos na mi 'phrod de gnod pas de ma thag tu nad du 'gyur te/rlung dang / bad kan dang / mkhris pa la sogs pa'i nad lus la gnod par 'gyur ba de bdag dang nye bar gnod pa yang dang yang za ba gang yin pa ni mkhas shing shes pas bza' ba'i mi rigs so/ /de bas na lus la phan par 'gyur ba'i zas dang /gos dang / mal cha dang / bud med la phod pa rnams la tshod zin cing ran par byed pas lus brtan cing gso ba ni/ dper na khang khyim rtag tu zhal ta byed cing bcos pa dang 'dra ste/ de lta bas na kha zas kyi tshul ni sngar yang bstan pa yin no/ / 'og nas skabs skabs su yang 'chad do/ /bde mi bde/ sha che ba dang / skem pa dang / stobs che chung dang / bud med la phod mi phod dang / sems gsal mi gsal dang / srog gi zungs yan chad kyang gnyid tshim par log na phan te gnyid la rag lus so/ /gnyid legs par log pa ni lus la phan gyi/'on kyang sos ka'i tshe nyin par log tu rung ba ma gtogs par dus gzhan gyi tshe nyal ba ni dus ma yin par gnyid log pa zhes bya ste gnod do/ /gnyid log na phan zhes te rgyun du ha cang yang ma 'ongs par mi nyal lo/ /gnyid drags na lus la gnod ches te gnyid ye mi log par yang mi rung ngo //rtag tu ha cang yang nyal zhing gnyid drags na bde skyid pa'i tshe la bdud lhag par 'byung ste gnod do/ /mtshan mo gnyid mi nyal ba ni lus kyi khong rtsub ste rlung skyed do/ /nyin par gnyid log pa ni lus kyi khong 'jam ste bad kan skyed/tsog pur yur ba ni rlung yang mi skyed bad kan du yang mi 'gyur ro/ /sos ka'i tshe zla ba gnyis rlung skye ba'i dus te nyams mthu mi 'bri ba'i dus la bab pas de'i tshe mtshan ni nam thung nyi ma ring bas nyin par gnyid log na phan no//dus 'di'i tshe ma yin par gnyid log na bad kan dang mkhris pa skyed par 'gyur ro/ /smra mangs te drags pa dang / rta zhon drags pa dang / rkang gis song ste dub pa dang / ra ro ba dang / bud med la nyal drags pa dang / khur dang las kyis dub pa dang / tshig pa zos te khros pa dang /mya ngan gyis btab pa dang / ngal zhing dub pa dang / dbugs mi bde ba dang / skyigs bus btab pa dang / tshad pas rab tu 'khru ba dang / nad rgan pa dang / byis pa chung ngu dang / nyams stobs 'bri ba dang / glo rdol te kha nas khrag 'ong ba dang / skom pa dang / lus dang yan lag na ste zug pa dang / zas ma zhu ste mi bde ba dang / tsha ba dang / 'di rnams lta bu mi bde la gnyid log tu rung ngo / /gnyid log pa'i yon tan ni srog zungs kyi khams bdun snyoms par 'gyur ro/ /bad kan skyes te lus brta'o/ / la la tsho ste tshil che ba dang / bad kan che/ rtag par zas snum bag za ba de lta bu ni mtshan mo yang ma nyal cig /dug gis phog pa de lta bu ni mtshan mo yang ma nyal cig /nyin par dus ma yin par nyal ba ni sems rmongs bag tu 'gyur ro/ /rims kyis thebs/ rmugs par byed//cham pas thebs/ klad pa na/ skrangs dang kha mer mer por byed/ /sgyid pa skyur/ rtsa'i rgyun rnams 'gags pa dang / drod chung zhing zas mi 'ju bar 'gyur ro/ /de ltar nyal drags pas bad kan skyed de nad du gyur pa'i cho ga ni zan bcad de smyung bar bya ba dang / / skyug sman gtang ba dang / rlangs pas bdug cing byibs te rdul dbyung ba dang / sman sna nas gtang ba dang / na le sham dang sbyar ba'i skyug sman rnon po dang / /mig sman gtang ngo / /gzhan yang bad kan bsal ba'i thabs ni sna nas gtang ba dang / zas de smyung bar bya ba dang / sems las bskyed pa dang / bud med la brten par bya ba dang / mi dga' ba'i mya ngan 'jigs pa dang / tshig pa za zhing khro ba lta bur byas na/ thabs 'di rnams kyis gnyid sel/ /bad kan gyi nad 'byung bar 'gyur ro/ /gal te yang gnyid ye mi log na yang lus dang lhu tshigs skyur zhing snyom/klad pa lci/ glal mang / myo myo por 'gyur/ /lus mi bde/ mgo 'khor/ zas mi 'ju/ brlang brlang por byed/ rlung nad skyed do/ /de lta bas na mtshan mo nyal ba'i dus la nam bab pa dang / ji ltar bde bar nyal bar bya'o/ / gal te sngon chad ma goms par mtshan mo mi nyal bar byas pas lus la gnod de/ mi bden nang par sngar zan ma zos pa ji srid gnyid kyis ma log pa de'i tshe phyed srid kyi bar du gnyid kyis log par bya'o/ /la la zhig gnyid med na de la gnyid 'ong bar bya ba'i dpyad ni/ 'o ma dang /chang dang / sha'i bcud dang / zho btung ba dang / lus la mar gyis byugs te lde gus phyi zhing dril la chu dron pos khrus bya ba dang / klad pa dang / rna ba dang / mig tu til mar blugs pa dang / mtshan mo bud med gzhon nu dang nyal ba dang / yul yid du 'ong ba na gnyid legs par 'ong ste bde'o//yang la la zhig grong gi bde ba la sems ma chags shing / tshangs par spyod pa la dga' ste chog shes shing mgu sla ba de lta bu ni nyal ba'i dus su gnyid rang legs par 'ong ngo / /yang bud med dang skyes pa lhan cig spyod pa la yang bkan pa ma yin pa//bas bub pa'am/ zur gyis mi bya/ /zla mtshan gyi tshe mi bya/ yid du mi 'ong ba la byed pa dang / mngal nas rnag dang she'u rul dang / chu ser lta bu 'ong ba dang / ha cang sbom pa dang / bu byung ba'i rjes dang / sbrum ma dang byol song lta bu'i mngal du gyur pa dang /gzhan gyi cha lugs su zhugs te dka' thub byed pa 'di rnams lta bu la byar mi rung ngo / /yang lha khang dang / bla ma'i gnas dang / rgyal po'i pho brang dang / mchod rten dang / shing gnyan po dang / dur khrod dang / lam gyi sum mdo dang bzhi mdo//nya ba'i dus drug gi tshe dang / /nyin par nyal ba 'di lta bu mi rigs te mi rung ngo / /yang zas skom ha cang yang cher zos pa'am/ mi dga' bar 'gyur ba'am/ bkres sam/ skom mam/ lus mi bde ba'am/ byis pa gzhon pa'am/ rgan pa'am bshang gci bro ba 'di lta bu'i tshe na nyal po mi dge bas thong shig /bud med dang phrad pa ni dgun gyi dus su kha zas phan zhing bsod pas lus kyang legs par brtas la nyams bde ba'i tshe 'dod pa bsten par bya'o/ /dpyid dang ston ni nyi ma gnyis shing lan re bud med dang phrad par bya'o//dbyar dang ston gyi dus su ni zla ba phyed cing len re zhing bud med la nyal du rung ngo / /dus tshigs kyi rim pa dmigs kyis phye ste bstan pa bzhin du bud med dang nyal bar dus ma yin par bud med la nyal drags pa na/ mgo 'khor/ /lus snyom zhing skyid skyur/ brla'i mthu bri ste zhan par 'gyur ro/ /nyams mthu bri/ mi la khrag dang sha dang tshil la sogs pa khams bdun zad par 'gyur/ mig dang rna ba dang / sna la sogs pa'i dbang po rnams nyams par 'gyur/ dus ma yin par glo bur du 'chi ba'i nyen 'di lta bur 'gyur ro//yang dus tshigs bstan pa bzhin du bud med dang ran par yid gzhungs/ dran pa gsal/ nad med/ lus dang dbang po brtas/ mthu rtsal dang grags pa che ba dang ldan/ rgas sra bar 'gyur ro/ /bud med la ran par nyal ba'i rjes la lus la phan par bya ba'i dpyad ni/mgo lus til mar sman dang sbyar bas lus mnye zhing byugs la lde gus phyis nas/ chu dron po ran pas lus bkru'o/ /de nas spos zhim pos lus byugs la gos dron po 'jam po gyon/ zas bcud dang 'u sha dang / sran rde'u'i tshod ma khu ba can dang / kha ra dang /hwags dang / 'o ma dang / chang zhim po 'di lta bus brta bar byas shing / nub mo nyal ba'i tshe yang 'di bzhin du zos 'thungs la/ mal du nyal zhing 'dod pa bsten nas kyang de'i rjes la kha zas kyi cho ga 'di bzhin du byas na/ lus slar myur du brta zhing gzi dang ldan par 'gyur ro//de bas na sman pa mkhas pa gces te/ sman pa mang du thos shing sman sbyor mkhas pa/ sman gyi las la brtson 'grus che zhing snying rjer ldan pa rgyal po'i pho brang gi 'dab tu gzhag ste/ sku'i rim gror sman sbyor du gzhug cing / sman dpyad kyi cho ga bzhin du byas na rgyal po rang gi sngon gyi dge ba'i rtsa ba ji ltar spyad pa bzhin du 'bras bu longs spyod cing //nad med/ tshe ring / gzi brjid dang grags pa dang ldan par 'gyur ro/ /le'u bdun pa rdzogs so// //kha zas kyi tshod ran par bza' ba bstan pa'i le'u bshad par bya'o//rtag par zas kyi tshod bzung ste ran par zas bza' ba ni zas zhu bar byed pa'i me drod de/ kha zas tshod ran par bza' ba la/ zas 'ju dka' ste lci ba dang 'ju sla zhing yang ba rnams kyang bye brag phyed par bya'o/ /de la zas 'ju dka' ba lci ba zhig na ni/ phyed 'grangs tsam du za'o//zas 'ju sla zhing yang ba ni ha cang 'grangs pa nyid du mi za'o/ /de bas na zas tshod ran par za ba zhes bya ba ni zas zos pa bde blag tu zhu bar 'gyur la de la tshod zin pa zhes bya'o/ /yang zas bza' ba'i tshod chud na yang nyams mthu yang mi rung gzi brjid dang mdangs med la rlung nad thams cad kyang ldang bar yang 'gyur ro//yang zas tshod ma zin te ha cang cher zos pa ni nad thams cad myur du slong bar byed do/ /de ltar zas ma zhu nas mi bde bar gyur na rlung dang bad kan la sogs pa'i nad zas ma zhu bas cig car bslangs nas de ltar be'u snabs dang /zas ma zhu ba 'di dag pho ba'i nang du gang ba dang / yar yang mi slon mar yang mi 'khru bar 'ju zhing / nad drag po dngos la zug cing rdus pa ni nad gsud sbos zhes bya'o/ /nad de lta bu las yan man du phol nas zag cing na ba tsam yod na/ de'i ming be'u snabs dang / ma zhu ba'i zug thabs zhes bya'o/ /zas phan gnod dang zhu ma zhu'i tshod mi 'dzin pa'i mi mi mkhas pa de lta bu ni zas tshod drags te be'u snabs dang zas ma zhu ba 'dom na/ de la rlung nad gcig tu langs par gyur na ni de mchin pa'i thabs su pho bar zug cing na/ mgo 'khor/ khong sbo/lus 'dar la lus rengs pa la sogs pa 'di ltar gyur na zas ma zhu ba las rlung nad langs pa zhes bya ba yin no/ /yang zas de lta bu ma zhu ba las mkhris pa'i nad langs par gyur na/ rims kyis thebs/ /rab tu 'khru/ /khong tsha/ skom/ glong bag la sogs pa 'di ltar gyur na ma zhu ba'i mkhris pa'i nad ces bya'o//yang be'u snabs dang zas drags te ma zhu ba las bad kan gyi nad langs na ni/ slon bro/ lus dang rkang lag lci/ /smra na kha lce lci ste smra mi 'dod do/ /kha nas bad kan 'byung zhing 'dor ba 'di lta bu la sogs pa bad kan gyi nad ldang ngo //ma zhu ba'i nad 'di lta bu'i yang mi rid cing nyam chung ba dang / drod chung ste kha zas 'ju ba'i me drod zhan pa dang / bshang gci'i bro ni bshang mi lci zhing brnag par byed pa 'di lta bu la 'di rnams lhag par 'byung ngo / /de la be'u snabs dang zas ma zhu bar 'dom pa'i nad la mchin pa na ba zhes zer te/de ni zas zos pa yang ma zhu la bad kan dang be+e'u snabs kyis kyang chod cing 'gags pa dang / de'i tshe rlung yan man du rgyu zhing 'gro ba bad kan dang be'u snabs kyis chod de rgyur med pa las 'khyil zhing 'gag pa'i tshe/ pho ba'i nang ting ting zug cing na ba las ma zhu ba'i be+e'u snabs zug pa zhes bya ste/de la rlung la sogs pa'i nad kyis bslangs na de'i khong na zug rngu dang 'dra bar na zhing zug ste gnas so/ /de ltar khong rab tu na zhing mi bde ba'i tshe/ slon cing mar yang mi 'khru na de ni zas ma zhu ba'i zug thabs zhes bya'o//yang 'dra ba'i nad gzhir gyur pa ni be'u snabs kyi nad kyis rtsa sgo kun kyang chod de 'gags la/ rlung ngam bad kan dang mkhris pa'i nad kyang rab tu phye zhing zas kyang 'phrod cing drags te ma zhu ba las nad langs nas rtsib logs g.yas g.yon du drang thabs su zug la lus thams cad shing bzhin rengs na/de ni zas ma zhu ba'i zug thabs yin/ shing bzhin rengs pa lta bu zhes bya ste/ sman pas bor cig /de lta bas na zas mi 'phrod pa za ba dang / zas tshod mi zin par ha cang drags par za ba dang / ma zhu bzhin du za ba 'di lta bu ni dug dang 'dra ste/de bas na zas ma zhu ba dang phe'u snabs kyi nad kyi gnod pa chen por 'gyur gyi dug dang mtshungs par bor cig /de'i phyir be'u snabs dang ma zhu bar 'dom pa'i nad de ni dug dang 'dra ste/ myur du bye brag 'bye la/ sman dpyad byar yang dka'o/ /de la be+e'u snabs dang ma zhu ba las gsud sgos kyi nad 'di lta bur gyur pa'i thabs ni/skyug sman myur du btang na phan no/ /shu dag dang / rgyam tsha dang / po son cha 'di gsum chu la bskol te dron por 'thungs te slon pa dang / dugs bya ba dang / sbrang rtsi las sman sbrus pa reng reng por mdzub mo tsam gzhang khar bcug na thur du bkru zhing rlung nad kyang zhi bar 'gyur ro//thabs 'di ltar byas pas rtse zhil nas rkang lag bya rmyang byed cing lus rdul dang gos kyis dgab cing g.yogs shig /de ltar gsud cing sbos pa'i cho ga bya ste slon zhing / 'khrus nas rtse zhil ba dang /nad kyi bag lus pas da rung ma zhu ba'i zug thabs sun na/ de la dpyad du bya ba ni rting pa'i phyi zur du me btsa' btab na phan no/ /des kyang ma phan na de'i rjes de nyid kyi nyin par kha zas ci yang mi sbyin par/ /smyung bar 'dug cing bkru sman gyis bkrus pa bzhin du bya'o//nad thabs 'di ltar na ba lam slon nam ma bkrus par smos shing zug pa dang / ma zhu ba la phan pa'i sman btung du mi rung ngo / /de ci'i phyir zhe na/ be'u snabs dang zas ma zhu ba'i pho ba'i me drod nyams shing bri bas nad dang zas sman rnams 'phral du drod kyis zhu bar mi nus pas nad pa'i nad thu bar ldan zhing 'phral du ma rung bar 'gyur ro//nad de lta bus btab pa la kha zas ni zhu na da rung lto na zhing bag lci la rem rem por byed na 'di lta bu la sman thong shig /nad rtse zhil te nad kyi lhag ma cung zad lus la 'ju na sman gyis 'ju bar bya ba dang / khong du me'i drod bskyed par bya ba dang / nad pa nyams smad pa'i thabs gsum yod pas/ be'u snabs la sogs pa'i nad zhi bar 'gyur ro/ /nad nyams smad pa yang nad dmigs che chung rnam gsum dang sbyar bar bya'o/ /de la nad dmigs mi che na nyi ma 'ga' smyung bar byas na phan no//nad dmigs 'bring tsam na smyung ba bya ba dang / nad gzhung bzhin sman par bya bas rtse gzhil lo/ /nad dmigs chen bkrus sman gyis bkrus na de ni nad kyis dpyis 'byin par 'gyur ro/ /de ltar na gzhan la yang nad dmigs so so nad kyi gzhi dang sbyar te/de dpyad bzlog thabs su bya zhing gso ba'o/ /nad tshabs che ba la rtse zhil te nad rjes kyi 'phro zhig lus pa nad snga ma dang mi 'dra bar gyur na/ nad kyi gzhi dang nad du mi mthun pa yin te/ nad snga ma zhog la nang phyi ma cir gyur pa nyid kyi dmigs dang sbyar zhing sman pas nad kyi dpyad bzlog ste gyis shig /snga ma las dpyad bzlog ste ma phan na yang da rung de bzhin du dpyad bya zhing gso'o/ /de ltar gsos nas nad rtse zhil te nad smin pa dang khong pa'i drod kyang skyes par tshor nas/ /kha zas snum bag gis nyams 'tshag brta/mgo dang lus kun til mar gyis byug /skom zhim po btung ba dang / de bzhin du rim gyis bya ste/ nyams mthu brta bar sman pas kyang btang zhing ran par mthar gyis bya'o/ /gal te de ltar dpyad byas na bad kan las gyur pa'i be'u snabs da rung ma zhu ma byang na/ nad pa'i mig dang / mkhur ba skrangs par 'gyur/ /zas zos ma thag 'dra ba'i sgregs pa 'byung la/ dri mi zhim pa kha nas bad kan mang / slon bro/ /lus lci'o/ /gal te de ltar dpyad bya zhing gsos pa las rlung nad du 'gyur na rkang lag dang lus rengs bag tu byed/ khong du zug /bshang gci 'byung du mi rung / lto sbos/ khong drod chung ba 'di lta bu rlung nad du gyur pa yin no/ /de la yang mkhris nad du gyur na ni/ kha zas cung zad tsam ni zhu ste/ skom dad che/ lus khong tsha/ mgo 'khor/ sgregs pa skyur po tsha bar 'byung ngo / / de lta bu la dpyad du bya ba ni zas ma zhu ba dang / be'u snabs yod na zas smyung bar bya'o/ /lus dang rkang lag rengs sam 'khums na dugs cher bya'o/ /kha zas ma zhu ba ni skyug sman gtang ngo / /yang na nad kyi tshul las ci rigs par dpyad gyis shig /lus dang khong lci na bad kan dang be'u snabs pho ba'i nang rtsa'i nang du zhen pa yin no//yang bad kan dang rlung du 'dres pa'i ma zhu ba'i be'u snabs yod na/ ring du na ste rlung be'u snabs yod pa'i rtags yin no/ /de lta bu la dpyad du bya ba yang rlung dang bad kan gnyis sel ba'i sman snyoms par gtang ngo //yang zas yi gar mi 'ong zhing snying na/ sgregs pa mnam po 'byung na bcud dngas ma cung zad lus te ma zhu ba yin te/ 'di lta bu la cung zad nyin par nyol la zan ma za shig /kha zas zhu ste bkres pa dang / kha zas yang bzo shig /yang sngar dub pa'i rjes ma byang ngam/yang na nad slar yang khong pa'i nang na rlung khru lu lu zer ba dang / bshang gci sri zhing 'gag /khong lci/ /mgo 'khor na/ 'di lta bu'i rlung dang bad kan mkhris pa sum char las gyur pa'i ma zhu ba'i rtags yin no/ /zas tshod ma bzung bar drag tu cher zos na be'u snabs dang ma zhu ba'i 'ba' zhig tu ma zad kyi/gzhan yang mi mdza' ba'i zas zos pa dang / kha zas tshig pa zos pa dang / bshang gci 'gag cing sri bar gyur pa'i zas zos pa dang / zas rjen pa dang / 'ju dka' zhing lci ba dang / zas mi bzod pa rtsub po dang / zas bsil bag dang /gtsang sbras mi phyed pa'i zas mi gtsang ba dang / khong tsha bar gyur pa'i zas dang / zas skam bag dang / chu ha cang yang mang du 'thung ba dang / chu dang bsres pa'i skom 'di lta bu ring bag tu zos pa dang / mya ngan gyis btab ste za ba'am/ khro zhing za ba'am/ bkres ches te zab la sogs pa 'di lta bu kun 'dra ste mi 'ju'o/ /kha zas phan pa dang bsod pa gnyis ka za na zas mnyam pa za ba zhes bya'o/ /yang zos pa'i 'og tu za bar byed na de ni zas lhag par che bar za ba zhes bya'o/ /yang dus ma yin par zas che'am/ chung ngu zos kyang rung /de ni zas mi snyoms par za ba zhes bya ba yin no/ /zas rnam pa 'di gsum gang ltar za yang rung ste/ de dag ni yang na mdun ma rungs pa dang / phred pa'am/ yang na nad kyis btab par 'gyur ro/ /bkres te zas yi gar 'ong na bza' ba'i dus la bab pa yin te/ de'i rim pa yang lus til mar gyis byugs/ /lde gus phyis te khrus byas/ /rkang lag dang kha gdong legs par bkrus nas/ thog mar lha dang btsun pa rjed/ /de'i 'og tu bdag gi bla ma gtso'o/ /bshos gsol/ mgron dang byes pa la zan sbyin/bdag gi 'khor na yod pa'i phyugs dang / bya khyi lta bu yan chad kyang so so'i kha zas byin la/ de nas gdod bdag nyid zan bza' ste/ de yang bdag gi tshul ci 'dra ba dang / zas 'ju mi 'ju'i chod dang ci tsam du za ba de tsam du bsam pas dpags la zas la mi smad pa dang /tshig ngan pa mi smra bar zas yid du 'ong ba bshams la sdug cing gnyen pa dang lhan cig tu bza'o/ /bza' ba'i rim pa yang thog mar khu ba'i bag drod can las bza' ste/ de yang goms shing 'phrod pa'i zas gtsang sbrar byas pa snum bag che ba/ drod che zhing 'ju sla zhing yang ba phan par gyur pa de lta bu ro rnam pa drug dang ldan zhing /mngar bag gi shas che ba 'di 'dra bas sems la ran par bab cing ha cang mi rengs mi ngal bar ran par bza'o/ /kha zas kyi nang na rtswa dang skra dang sbu la sogs pa dang / zos pa'i lhag ma dang / zhag lon pa'i khongs su bsros pa dang /tshod ma'i bag dang / ha cang tsha ches pa dang / lan tshwa ches pa dang / phrum dang / zho phrum dang / ro ma dang / ba tsha dang / tshwa dang / la phug rjen pa dang / phag rgod dang / lug dang / ba lang dang / nya dang / ma he dang / 'di rnams kyi sha rid dam/sha skam mam/ rul bag tu 'dug pa 'di lta bu mi dge'i ma za shig /mon sran gre'u'i tshod ma dang / tshod man si pa pa dang / tshod ma chu ldum bu dang / pad+ma'i rtsa ba la sogs pas tshod mar byas pa dang / 'bras bu dang til du sbyar ba'i khur ba'am/ 'bras khur yang rung /sran sna tshogs kyi myu gu'i tshod ma yang / nas las bcud phyed lta bur byas pa'i kha tshos sam/ nas khur du byas nas bu ram bcos pa'i khu sri bzhams pa 'di lta bu la sogs pa'i bag zos na gnod kyis ma za shig /kha zas dge ste bzar rung ba ni 'bras sA lu dang /gro dang / nas dang / 'bras zhag drug cus smin pa yang ba dang / yul skam sa nas byung ba'i sha de lta bu'i bya na dang sbyar te bza'o/ /min pa'i tshe skabs skabs su nang nub a ru ra dang / skyu ru ra dang / ba ru ra dang / rgun 'brum dang / pa to la'i rtsa ba dang / sran sde'u dang /kha ra dang / zhun mar dang / char pa'i chu dang / 'o ma dang / sbrang rtsi dang / bal po se'u dang / ci co dkar po dang / 'di lta bu skabs skabs su bza'o/ /a ru ra dang / skyu ru ra dang / ba ru ra 'di gsum cha mnyam par btags la/ zhun mar sman sna 'di gsum gyi cha gcig /sbrang rtsi zhun mar bas kyang chung ngu sbyar te sbrus la nyal khar 'di lta bu rtag tu zos na/ mig la phan/ nyams stobs skyed/ zas dang sman 'di lta bur gtod ba ni min bar 'dug pa'i tshe na/ phan pa'i dpyad dang / nad kun la yang phan te/ sman dpyad 'di 'dra ba gzhan ci shes pa yang bya'o//yang zas 'ju zhing drod lhag par che bas ni dang por zas 'ju dka' zhing lci ba bzang ste/ pad+mo'i rtse ba'i tshod ma dang / bu ram shing dang / shing thog co tsa dang / ldum bu chu shing gi 'bras bu dang / shing thog a mra'i 'bras bu dang / bu ram la sbyar ba'i ri lu dang /khu ba bu ram dang / mar gyis byugs pa 'di lta bu'i zas lci zhing snum la mngar ba ring du mi 'ju ba je bza'o/ /de'i 'og tu skyur bag dang tsha ba dang / lan tshwa bro ba rnams bza'o/ /tha mar ni zas 'ju sla ba bza'o/ /kha zas za ba'i tshod ran par gzung ba'i thabs ni//zas ltor za ba la pho ba'i cha bzhir dpags la/ cha gnyis ni kha zas kyis dgang sum cha lus pa ni skom gyis dgang ngo / /phyi nang bzhi cha gcig lus pa ni dbugs phyi nang du rgyu ba dang / /bad kan dang rlung dang mkhris pa la sogs pa gnas pa'i sar stod par gzhag pa'o//kha zas ni phye dang bag phye'i g.yos bag zos la/ zho dang chang 'thungs pa zas ngan dug lta bus 'phags sam sbrang rtsi zos na/ skom du chu dron mo 'thungs na phan no/ /'bras khur ram/ til dang 'bras bu sbyar ba'i khu ba lta bu zos na chu dron po 'tshal nan du 'thungs na phan no//tshod ma gang yang rung ba 'di lta bu zos pa'i 'tshal nan ni/ zho ga chu dang / dar ba dang / rtsab mor rung ngo / /mi sha skem po'i 'tshal nan ni chang bzang ngo / /mi sbom po'i 'tshal nan ni sbrang rtsi'i chu 'thungs na sha grims so/ / zas su sha za zhing mi 'ju ste drod chung ba'i 'tshal nan du chang bzang ngo / /yang nad kyis lus skem pa dang / /sman gyi cho gas lus kyi sha zad pa dang / lam ring du song song bas sha zad pa dang / smra ba mang po'i las byas pa dang / bud med la nyal drags pa dang / zan bcad pa 'am/zan ma zos pas rid pa'am/ dka' thub kyi las byed byed pa 'di rnams lta bus rid cing skem par 'gyur ba dang / byis pa chung ngu dang / rgan po 'di rnams 'dra ste/ 'o ma 'tshal nan du 'thungs na bdud rtsi dang 'dra ste phan no/ /de bas na mdor rtag tu 'tshal nan btung ba ni kha zas ci za ba'i mthu dang yon tan ci 'dra ba dang /'tshal nan du btung ba gnyis mi 'phrod par yang ma gyur pa dang / lci yang 'jam rtsub mi 'dra bar sbyar te 'thungs na dge'o/ /zas zos nas 'tshal nan 'thungs pa ni khong du ngoms shing tshim/ bzhin gyi mdangs 'bogs/lus kun 'tshal nan 'thungs pas khyab par 'gyur la brta zhing grims par byed/ kha zas zos so cog skom 'thungs pas snyi zhing myags pa 'ju bar byed do/ /yang skom drags na mi dge ba'i dmigs ni mgul pa yan chad/ mig /sna/ rna ba/ lce/ glad pa dang lkog ma na ba la sogs pa dang /dbugs mi bde ba dang / lud pa lu ba dang / glo ba rdol te khrag 'ong ba dang / cham pas btab pa dang / glu mang du blangs pa dang / smra mangs pa las skad 'gags pa 'di lta bu la/ 'tshal nan skom drags na gnod do/ /yang lus las rnag byung ba dang /gcin snyi ba dang / mig na ba dang / lkog ma na ba dang / smas te rma byung ba 'di lta bu la skom 'thungs na mi rung ngo / /zan zos skom 'thungs nas drag tu smra ba mang ba dang / lam du zhugs te 'gro ba dang / dro nyal byed pa dang / nyi tshan dang / me tsha ba 'de ba dang /rta zhon zhing rgyug pa dang / chu la rkyal ba dang / rkang gis rgyug pa 'di lta bu kun zos pa'i 'og tu byar mi rung ngo / /zan bza' ba'i dus la bab/ ces bya ba ni bshang gci bsal te/ snying dang khong pa'i nang dri med cing sang bag tu 'dug /rlung dang bad kan dang mkhris pa yang rang rang gis ni 'dug /sgregs pa yang gsung bag med de tha mal bar 'ong / thur du dbugs dbyung ba yang tha mal par rgyu la/ bru ba yang tsha/ khong na drod kyang lhag par che/ mig la sogs pa'i dbang po yang gsal/ /lus kyang rab tu yang na/ de'i tshe kha zas za ba'i dus la bab pa yin te/kha zas za ba de la yang kha zas kyi cho ga bshad pa dang sbyar zhing ran par za ba de lta bu las zas za ba'i dus zhes bya ba yin no/ /kha zas za ba'i tshod gzung zhing zas kyi rim pa sna tshogs bstan pa'i le'u brgyad pa rdzogs so// // sman sna tshogs kyi ro dang / stobs dang / zhu ba'i rjes dang / yon tan dang / sman gyi mthu'i bye brag dang / sman rnams chen po lnga'i rang bzhin du gtogs pa dang / chen po lnga'i mthus phan pa'i las byed pa dang / sman gyi bye brag sna tshogs bshad pa/ sman gyi ro tha dad par bro ba la sogs pa rnams sman nyid la brten te bro bar 'gyur bas na/sman nyid mchog dam pa yin no/ /sman de yang 'byung ba chen po lnga'i rang bzhin can yin te sa la brten nas skye'o/ /skye ba de yang me dang chu dang rlung dang nam mkha' dang 'di bzhi char du ldan zhing tshogs pa dang / sa la brten nas skyes pa'i phyir sman de ni chen po lnga'i rang bzhin yin no/ /sman kun kyang chen po lnga'i rang bzhin dang ldan par 'dra ste/ de la yang mngar ba dang kha ba la sogs pa ro drug car gyi shas nas yod mod kyi/ la la ni kha ba'i shas che/ /la la ni mngar ba'i shas che ba lta bu las sman gyi mthu dang yon tan la sogs pa'i khyad par mi 'dra ba phal cher so sor bshad do//de'i phyir chen po lnga las byung ba'i sman rnams ro gcig tu bro ba ma yin no/ /de bas na nad dmigs rlung dang bad kan dang mkhris pa las nad du gyur pa yang gcig tu ma zad do/ /de la sman gyi ro ci bro ba ro gsal por bye brag phyed par bro ba ni/sman gyi ro bro ba zhes bya'o/ /sman gyi ro 'phral du ci bro ba bye brag mi phyed la myang myang ba'i rjes la phyis sbyangs su ro bye brag pa de ni/ mjug tu bro ba zhes bya ste/ de'i tha mar ro cung zad bro bar bye brag ces bya'o//de la sman gyi yon tan 'ju dka' ba la sogs pa lta bu ni sa la sogs pa la gnas pa yin te/ sman gyi ro bro ba rnams ni sman dngos la brten pa yin no/ /de bas na gtso bo sman nyid yin yang sman las mi smos par thun mong du mtshungs par ming btags te/sman gyi ro la brjod cing 'dogs so/ /de la sman gyi dngos po chen po lnga'i rang bzhin can de yang rnam pa gnyis su blta ste/ rang bzhin dang / las kyi mtshan nyid du rig par bya'o/ /de la sa'i rang bzhin gyi shas che ba'i sman ni/ /lci ba dang / sbom pa dang / sra ba dang /dri bsung gi shas che ba dang yon tan 'di bzhin ldan pa ni sa'i rang bzhin du gtogs so/ /sman sa'i khams kyi rang bzhin can de'i las ni lci bar byed/ sra zhing brtan par byed/ phal che zhing mang bar byed pa yin no/ /sman chu'i rang bzhin gyi shas che bar lta ba ni/ gsher ba dang / bsil ba dang / lci ba dang / 'jam pa dang / rno ba'i rang bzhin yin/ khu ba bska ba'i shas che ba 'di lta bu ni chu'i khams su gtogs pa'i rang bzhin yin no/ /sman chu'i shas che ba'i las ni 'jam par byed/ bad kan lta bur 'dag 'dag por byed/ / 'ju ba 'drul bag tu byed/ lus sim par byed/ mi 'gyes mi 'jig par sdud cing 'byor bar byed/ yang sman me'i rang bzhin gyi shas che ba ni/ tsha/ rno/ rtsub/ skam po shog shog po'am/ dul dul po'i bag tu 'dug /zhib pa'i yon tan gyi shas che ba 'di lta bu ni me'i rang bzhin du gtogs so//sman me'i rang bzhin gyi shas che ba'i las ni sha 'bar/ bzhin mdog gsal zhing rtsa dmar/ zas 'ju ba'i rang bzhin can yin no/ /de la sman rlung gi shas che ba ni rtsub/ yang / ci'i nang du yang 'jug cing 'gro/ / reg pa'i shas che ba 'di lta bu rlung gi khams su gtogs pa'o/ /sman rlung gi shas che ba'i las ni rtsub par 'gyur/ /yang bar 'gyur/ ci'i nang du 'jug pa'am/ 'gyes shing 'jig par byed/ sems rton cing spyod pa la 'jug par byed/ na bar byed/ zug par byed/sman nam mkha'i rang bzhin gyi shas che ba ni phra ba dang 'ju zhing rgyu ba dang / 'gyes shing 'thor ba'am/ yang ba'am/ sgra'i yon tan gyi shas che ba'o/ /sman nam mkha'i shas che ba'i las ni sbu gu nang stong pa dang / khong yang ba'i rang bzhin no/ /de lta bas na nad thams cad dang sman sna sbyar ba las/sa'i steng na sman du mi 'gyur ba gang yang med do/ /de la sman zos shing 'thungs pa las lus kyi stod du sman gyi mthu 'gro bar byed pa ni/ sman me dang rlung gi shas che ba lta bu zos na stod du 'bros so/ /sman 'thungs na ro smad man chad du 'gro zhing 'bab pa ni sman sa dang chu'i shas che ba lta bu zos na/sman gyi mthu smad du 'bab po/ /sman gyi khyad par du lta ba ni de lta bu yin no/ /sman gyi ro tha dad pa'i bye brag ci 'dra ba ni 'og nas zhib tu 'chad do/ /yang sman gyi mthu ni sman pa kha cig na re rnam pa brgyad yod de/sman la la'i mthu ni lci/ la la'i mthu ni snum/ la la ni bsil/ /la la ni 'jam/ la la ni yang / la la ni rtsub/ la la ni tsha/ la la ni rno ste/ rnam pa 'di brgyad du lta'o/ /zhes 'chad do/ /yang sman gyi gzhung tsa ra ka las bshad pa/ / sman gyi mthu zhes bya ba ni/ sman gang gis nad sel zhing zhi bar byed pa la sman gyi mthu zhes bya'o/ /de lta bas na nad bsal bar bya ba la/ sman gyi mthu ma yin na nad cung zad tsam sel yang mi nus so/ /de'i phyir nad thams cad sil bar byed pa ni sman gyi mthu yin no/ /'on kyang sman lci ba la sogs pa nyid la sman gyi mthu zhes ming btags pa yin no//de bas na sman thams cad yon tan dang ldan pa'i snying po mthu che ba dang ldan pas nad sel nus te/ de lta bu la sman gyi mthu zhes bya'o/ /de bas na nad kyi tshul dang sbyar te/ sman dmigs kyi dngos su btang ba sna mang po bsogs te/ma rnyings ma rul pa mchog tu sbyar te btang na/ des nad phyin pas na sman gyi mthu zhes bya'o/ /de bas na gong du sman gang gis/ /nad sel zhing zhi bar byed pa la mthu zhes bya ba yin na ni/ sman rnyings sam rul pa zos na/des cung zad tsam mi phan pa'i las byed du zad kyi/ nad phyin par mi nus so/ /de lta bas na sman gyi mthu zhes bya ba ni sman gyi ro dang zhu ba'i rjes la sogs pa'i nang na/ sman gyi mthu zhes bya ba ni lci ba dang snum pa dang bsil ba la sogs pa'i nad sel nus pa'i mthu yod pa de la/sngon gyi sman pa chen po dag mthu zhes bya bar 'dod do/ /yang sman pa kha cig na re/ sman gyi stobs zhes bya ba ni rnam pa gnyis te/ tsha ba dang / bsil ba yin no zhes zer ro/ /de ji ltar zhe na/ sman gyi rang bzhin rnam pa sna tshogs yin yang / nyi ma me'i rang bzhin yin te tsha ba dang /zla ba bsil ba yin te/ 'di gnyis stobs che bas sman yang tsha ba dang / bsil bar de ltar gyur to/ /de yang dus bzang po'i tshe/ sems can dar ba'i dus na sman gyi ro kun kyang gsal bar bro/ /'jig rten dmas te rgud pa na ro yang gsal por mi bro ba ni/sems can dang 'dra ste/ 'di gnyis las nams kyang 'gyur ba med do/ /de la sman tsha bas ni mgo 'khor/ skom/ rmya la rdul/ tsha/ zas myur du 'ju bar byed pa rnams yin no/ /tsha ba de lta bus rlung dang bad kan gnyis ni zhi bar byed do/ / de la yang sman bsil bas ni lus grang / sim par byed/ 'tsho bar byed/ lus brta bar byed/ khrag dang mkhris pa rgyas pa'i nad zhi zhing dngas par byed/ tsha'am bsil ba gang yang rung ba de dang de khong pa nang gi drod gnyis su ldan pa las sman zos pa'i ro de yang gzhan du 'gyur bar byed do//sman gyi ro rnams zhu bar gyur pa'i rjes la/ sman gyi stobs kyis las byed pa de ni zhi ba zhes kyang bya/ smin pa zhes kyang bya'o/ /mngar ba bu ram dang 'o ma lta bu'i bag dang / pi pi ling dang / sga lta bu tsha ba'i bag dang / 'di rnams zhu ba'i rjes 'dra ste mjug tu mngar ro//ro skyur ba rnams zos te zhu ba'i rjes kyang skyur bar 'gyur ro/ /ro kha ba dang / na le sham lta bu tsha ba dang / ro bska ba rnams zos pa'i rjes ni phal cher tsha bar 'gyur ro/ /de bas na sman gyi ro bro ba zos pa bzhin du 'bras bu zhu ba'i rjes kyang de dang 'dra'o/ /de la sman gyi stobs bzang ngan las phan mi phan pa'i dmigs dbye ba ni/sman la la zos na sman gyi ro phan pa'i las byed de/ dper na kha na li khar mur ba'i ros kha ba'i ro med pa dang 'dra'o/ /sman la la zhu ba'i rjes la phan pa'i las byed pa ni dper na a ru ra lta bu zhu nas 'khru ba yin no//sman gyi yon tan zhes bya ba ni ltor ma zos par bsnams pa'am reg pa tsam gyis phan pa'i las byed nus pa de ni yon tan zhes bya'o/ /sman zos sam 'thungs na nad sel bar byed pa gang yin pa de ni nus pa zhes bya'o/ /sman gyi mthu zhes bya ba ni rgun 'brum dang /shing mngar gnyis bsil byed nus par 'dra mod kyi/ rgun 'bru ni lhag par 'khru bar byed nus te/ de lta bu la mthu zhes bya'o/ /de bas na sman gang dang gang la bsten pa'i sman gyi ro dang stobs dang zhu ba'i rjes la sogs pas nad sel ba'i las byed do/ /de'i phyir sman sna sbyar ba'i nang nas/gang mthu dang ldan pa des phal zil gyis mnan nas phan pa'i las byed do/ /sman mi 'phrod pa rnams sbyar te btang na/ de ni gang phal che bas sman gang myur zhing mthu chung ba de thub par byed do/ /yang de la sman gyi ro bas ni sman zos pa zhu ba'i stobs che'o//nus pa bas ni sman gyi mthu'i stobs che'o/ /sman bsil ba yang rung / tsha yang rung ba'i sman gyi ro'i stobs mnyam ste btang na/ de'i nang na ma bsgyur ma bcos pa rang bzhin gyis tsha ba'am bsil ba'i sman de stobs che'o/ /yang sman gyi ro'i stobs kun mnyam kyang de'i nang na stobs lhag par gang che ba de'i mthu che ste/dper na tsi tra dang dan tig gnyis ro la sogs pa 'dra yang / /dan ti'i mthu ni lhag par 'khru'o/ /sbrang rtsi dang rgun 'bru yang / /rgun 'bru 'khru'o/ /mar dang 'o ma gnyis mngar bar 'dra yang 'o ma ni bsil mar ni drod skyed do//de bas na sman rnams kyi spyi'i phan par nus pa dang / mthu'i bye brag de ltar blta'o/ /de yang sman skye ba rnam pa sna tshogs kyi rkyen gyis sman gyi mthu stobs bye brag tha dad par blta'o/ /ji lta zhe na/ gro dang nas gnyis ro mngar la lci mod kyi/gro lhag par snum pas rlung nad sel to/ /nas za ba lta bu ni rlung skyed do/ /'o ma dang nya gnyis bsil bar 'dra mod kyi nya zhu ba'i rjes ni tsha'o/ /dper na sa la gnas par 'dra mod kyi seng ge'i sha ni ro kha'o/ /phag sha ni de lta bu ma yin te tshul 'di ltar blta'o/ / sman sna tshogs kyi ro dang stobs dang zhu ba'i rjes dang yon tan dang sman gyi mthu'i bye brag dang / sman rnams chen po lnga'i rang bzhin du gtogs pa dang / chen po lnga'i mthus phan pa'i las byed pa dang / sman gyi bye brag sna tshogs bshad pa'i le'u dgu pa rdzogs so// // de nas yang sman gyi ro tha dad pa rnams chen po lnga'i bye brag las ji ltar skye ba de dag dmigs kyis bstan pa'i le'u bcu pa bshad par bya'o/ /de la sman gyi ro mngar ba dang / skyur ba dang / lan tshwa bro ba dang / kha ba dang / tsha ba dang / bska ba dang / 'di drug chen po lnga las skye'o//de yang ji lta zhe na/ sa dang chu gnyis kyi rgyu las ni ro mngar bar 'gyur ro/ /me dang sa gnyis kyi rgyus ni ro skyur bar 'gyur ro/ /chu dang me gnyis kyi rgyus ni ro tsha bro bar 'gyur ro/ /nam mkha' dang rlung gnyis kyi rgyus ni ro kha bar 'gyur ro/ /me dang rlung gnyis kyi rgyus ni ro tsha bar 'gyur ro//sa dang rlung gnyis kyi rgyus ni ro bska ba bro bar 'gyur ro/ /de ltar chen po gnyis gnyis kyi shas che la ro mngar bar bro ba la sogs pa skye ba 'byung bar 'gyur ro/ /de la ro mngar bar bro ba ni kha la zhim por bro ba chags te mngar ba myangs na lus tshim par byed/mig dngas par byed de/ chung ngu grog ma la sogs pa ro mngar ba myangs na yang zhim ste/ dga' bar mngon pa yin no/ /me dang sa las gyur pa'i ro skyur bar bro ba ni/ kha'i nang du skyur ches pas so brtse/ spu ldang / mig dang smin ma rnams 'dzums par 'gyur ro//chu dang me gnyis kyi shas che ba las ni ro lan tshwa bro ste/ kha'i nang mchil ma 'du/ gre ba dang kha'i nang tsha bar byed do/ /nam mkha' dang rlung gnyis las gyur pa'i ro kha bar bro ba ni ljin bag sel zhing lci la mi zhim zhing gnod pa byed do/ /lce'i chu dang thor lo la tsha tsag tsag byed cing /sna dang mig dang kha chu zag la mkhur ba'i nang tshig pa bzhin du byed pas skyo bar 'gyur ba ni tsha ba'o/ /ro bska ba zhes bya ba ni lce la ro gzhan re zhig bro bar mi tshor la/ gre ba dang rtsa'i sbu gu rnams 'gags par byed pas na ro bska ba'o/ /ro rnam pa drug gi tshul ni 'di lta bu yin no//de la ro de rnams kyis las kyi bye brag ji ltar blta zhe na/ ro mngar ba'o ma la sogs pa'i las ni dang po btsas pa nas mngar ba'i ro de dang 'phrod pa'i zas yin/ lus kyi srog zungs bdun rnams kyi mthur 'gyur/ stobs rtsal skyed/byis pa chung ngu dang mi rgan po la phan/ glo rdol dang / khrag 'ong ba dang / khams bdun zad pa dang / 'di lta bu la phan/ kha bzhin mdog dang / skra bzang / mig dang rna ba la sogs pa dbang po gsal/ gzi mdangs bzang bar 'gyur/ lus kyi nyams 'tshag skyed/skad 'gags pa dang / 'dzer ba la phan/ /bud med kyi nu zho skyed/ chag thur dang smras pa'i rma 'byor cing 'tsho/ 'ju dka' ste lci/ tshe ring ba la phan/ 'tsho bar byed/ khong 'jam zhing snum/ mkhris pa'i nad dang rlung nad dang dug la phan no/ / 'o ma la sogs pa ha cang drags na tshil skye/ bad kan gyi nad skye bar 'gyur/ /sha skyes te lus sbom por 'ong / khong pa'i drod bri zhing 'dus pa'i rims kyis thebs/ gcin snyi/ dga' ba 'byung / lus la rmen bu la sogs pa thor bu'i bag 'byung ngo / /ro skyur zos pa'i las ni khong pa me'i drod 'bar bar byed/lus snum zhing 'jam/ skyur bag khar zhim/ zas 'ju/ yi ga 'bye/ drod skye ba'i mthur 'gyur/ khu bas kha lag gam lus bkrus na bsil bar 'gyur ro/ /'thungs na tshim par byed/ /zas zos pa zhu zhing myags par byed/kha zas skyur ba'i bag 'ju sla ste yang bar 'gyur/ /bad kan dang mkhris pa dang khrag rgyas pa'i nad sel/ khong ba rgyu ma'i nang na rlung sgra khru lu lu zer zhing 'khyil bar rgyu/ skyur ba'i bag rtag tu ha cang bsten ches drags na/ lus sha sla ste lhod lhod por 'gyur/mig rab rib za/ mgo 'khor/ lus g.yan par 'gyur/ /kha gdong dang lus brtse/ ser zhing skya rbab tu 'gyur/ me dbal du 'gyur/ lus skrangs/ lus la thor bu 'byung / skom dad che/ rims nad kyis thebs par 'gyur ro/ /tsha ni dngos te zug pa lta bu/rlung ngam bad kan la sogs pa lta bu'i nad kyis khong du phal cher 'khyil ba dang / bshang gci 'byung du mi rung ba 'di lta bu 'byin par byed/ khong drod du snum pa dang / drod che bas rngul bar 'gyur/ /rno bar 'gyur/ yi ga 'bye/ mi tshon po tshil che ba tshil 'ju zhing skem po grims par byed/khong 'khru bar byed do/ /lan tshwa rab tu cher zos na khrag nad dang rlung nad du 'gyur/ /skra 'byi zhing dkar por 'gyur/ gnyer ma mang / skom dad che/ mdze nad dang / dug nad ldang / 'brum bu'am 'bras nad 'byung / stobs 'bri bar 'gyur/ ro kha ba ni kha bo nyid yid du mi 'ong ste/zas 'dod pa'i yi ga 'bye/ /lto na srin bu yod pa sel/ /skom dad chung / dug nad sel/ mdze nad dang / brgyal ba dang / rims dang / slon bro ba dang / tsha ba dang / mkhris pa'i nad dang / bad kan gyi nad 'di lta bu sel te/ kha ba bro drags na/lus la 'drul bag dang / lus kyi tshil dang / nang gi lto tshil dang / rkang dang nang gi bshang gci'i dri ma 'di lta bu kun skam zhing 'ju bar byed/ khong yang / yid gzhungs/ bsil/ khong rtsub/ bud med kyi nu ma'i nad la phan/ mgul pa 'gags pa 'byung /srog zungs bdun zad cing skam/ rlung nad kyis lus 'dar ba dang / mdze dang / zas ma zhu bas lto na zug cing sbos pa dang / lus skrangs pa dang / 'di lta bu'i nad sel/ rma 'dred lus kyi khong na snum yod pa dang / tshil zad cing 'ju/ lus la 'drul bag yod pa skam par byed/khong du drod skye/ kha zas 'ju/ zas yi gar mi 'ong ba yi gar 'ong bar byed/ rna ba dang / mig la sogs pa bu ga dgu dang / rtsa'i rgyun 'gags pa rnams sgo 'bye bar byed/ bad kan sel bar byed/ tsha ba ha cang cher drag tu zos na skom dad che/khu chu zad/ stobs 'bri/ brgyal ba'i bag tu 'gyur/ rkang lag 'khums par byed/ lus 'dar/ rked pa dang / rgyab la sogs pa na bar 'gyur ro/ /ro bska ba ni mkhris pa'i nad dang / bad kan gyi nad sel/ khong lci/ khrag nad 'byang /'byung / rma 'tsho/ bsil 'drul bag gam/tsho ba 'ju zhing skem par byed/ be'u snabs 'khyil zhing thogs par byed/ khong 'khru ba gcod/ khong rtsub/ pags pa'i mdog gsal zhing bzang bar byed do/ /ro bska ba ha cang drag tu zos na bshang gci 'gag /lto sbos par byed/ snying na/ skom dad che/lus skem par 'gyur/ skyes pa'i mthu rtsal bri ste bud med la mi phod par 'gyur/ rna ba dang mig la sogs pa bu ga dgu dang / rtsa'i rgyun rnams 'gags par byed/ bshang gci dri ma sri ste mi 'byung ba 'di lta bur 'gyur ro/ /de la ro mngar ba'i grangs su gtogs pa ni zhun mar dang /gser dang / bu ram dang / ka ra ka dang / chu shing gi 'bras bu shing thog tso tsa dang / shing thog pa ru sha ka dang / nye'u shing dang / ra mnye ba dang / pa nas bum sha dang / ra dza da na dang / sman pa la rnam gsum la/ ba la dang / ma hA ba la dang / a ti ba la dang gsum mo//sman me da ba dang / ma hA me da dang gnyis so/ /'dab ma rnams bzhi ste/ shing sA la'i 'dab ma dang / kr-iSh+Na par Ni dang / mud ga par+Ni dang / ma sha par+Ni'o/ /dzi ban ti zhes bya ba sman 'tsho byed kyi grangs su gtogs pa'i nang na/ dzi ba kar sha b+ha dang / me tog ma d+hu ka dang /shing mngar dang / bim pi dang / bi d+ha ri dang / shra ba ni rnam gnyis dang / shir shug kla dang / bang sha ro tsa na zhes cug hang dang / shi ri ni dang / tang pal dang / sa ha de dang / 'o ma dang / bu ram shing dang / gze ma dang / sbrang rtsi dang rgyun 'brum la sogs pa ni mngar ba'i grangs su gtogs so//de la ro skyur ba'i grangs su gtogs pa ni/ skyu ru ra dang / am li ka dang / ba lung dang / star bu dang / bal po se'u dang / dngul dang / dar ba dang / tsha dang / ku shu dang / zho dang / shing long ko gi ka'i 'bras bu long gog dang /a mra ta ka dang / b+ha bya dang / ka pid ta dang / ka ra ma ra ka ra ta ka dang / 'di rnams ni ro skyur ba'i grangs su gtogs so/ /de la lan tshwa'i grangs su gtogs pa ni/ tsha ba'i nang na rgyam tsha dang / lce myang tsha bzang ngo / /tsha phal pa ni so'u bar tsa la dang /kha ru tsha dang / lan tshwa b+hi dang / rgya mtsho'i tsha dang / btso tsha dang 'di rnams so/ /yang lan tshwa ro mo ma ka dang / skom pa'i tsha dang / ro nye dang / ya bak+Sha ra nas tshig 'khrus pa'i tsha dang / 'di rnams ni lan tshwar brtsi ba'i grangs su gtogs so/ /ro kha bar brtsi ba'i rnams grangs la pa to la dang /kyi lce ba dang / bal ka dang / tsan dan u shi ra dang / bu nim pa zhes bya ba ci skrigs dang / shing nim pa dang / pu tse shel dang / rgya spos dang / a ru ra dang / shing ba tsa ka dang / nag ta ma la dang / skyer pa dang / yung ba dang / gla sgang chen po dang /mur ba dang / a ta ru sha ka dang / po son cha dang / shing a ba marga dang / khar ba dang / lcags dang / sle tres dang / du ral ba dang / rtsa ba chen po lngar brtsi ba rnams dang / bri ha ti dang / kaN+Da ka ri dang / bi sha la dang / bong nga dang / shu dag dang / 'di rnams ni kha ba'i grangs su gtogs so//de la ro tsha ba'i grangs su gtogs pa ni shing kun dang / na le sham dang / srin bu gsod pa'i sman byi dang ga dang / tsha ba rnam pa lnga ni/ li dong gra dang / pi pi ling dang / pi pi ling gi rtsa ba dang / dbyi mo'i lo ma dang / kru trug tres dang lnga/ku ther zhes kyang bya ba dang / shang che rjen pa tsha ba rnams dang / mkhris pa rnams dang / ba gcin dang / go bye 'di rnams ni ro tsha ba'i grangs su gtogs so/ /de la ro bska bar brtsi ba ni/ a ru ra dang / ba ru ra dang / shing shi ri sha dang / seng ldeng dang / chang dang /shing ka dam pa'i 'bras bu dang / mu tig dang / byi ru dang / mig sman la lig bu mig dang / btsag yug snam dang / skyer khaN+Da dang / shing ga bi ta'i khu ba gsar pa dang / 'bra go'i shing dang / pad+ma'i rtsa ba dang / pad+ma dang / ut+pa la'i lo ma dang / 'di rnams ni ro bska ba'i grangs su gtogs so//'bras dang / nas dang / mon sran sde'u dang / gro dang / sbrang rtsi dang / kha ra dang skam sa'i sha ma gtags par mngar ba gzhan ni phal cher bad kan du 'gyur ro/ /ro skyur ba ni phal cher mkhris par 'gyur te/ bal po se'u dang / skyu ru ra ni ma gtogs so/ /lan tshwa ni phal cher mig la gnod do/ /rgyam tsha dang lce myang tsha ma gtogs so/ /ro kha ba dang / ro tsha ba ni phal cher bud med la nyal mi phod cing rlung nad slong ste/ sle tres dang / pa to la dang gnyis/ li dong gra dang / pi pi ling dang / sgog pa rnams ma gtogs so//ro bska ba ni phal cher bsil/ bshang gci dri ma 'byung ba dka'/ 'khru ba yang gcod de a ru ra ni ma gtogs so/ /ro tsha ba ni skyur ba lan tshwa dang / 'di gsum gyi dro ba'i mthu ni go rims bzhin du che ste/ ro tsha ba las skyur ba'i drod che/ skyur ba bas lan tshwa'i drod che'o//khab dang bska ba dang mngar ba ni gsum char 'dra ste bsil lo/ /khab dang tsha ba dang / bska ba gsum ni khong rtsub/ bshang gci dri ma mi 'byung ste sri bar byed do/ /tsha ba dang skyur ba dang mngar bar sbyar na/ khong 'jam zhing snum/ bshang gci dang / thur du dbugs 'byung ba rnams mi thogs par byed do//lan tshwa ba bas ni ro bska ba lci'o/ /bska ba bas ni tsha ba yang ngo / ro skyur ba bas ni tsha ba yang ngo / /tsha ba bas kyang kha ba ches yang ngo / /de la ro mngar ba dang / skyur ba dang / lan tshwa bro ba dang / tsha ba dang / kha ba dang / ro bska ba rnam drug po rnams phan tshun nang sbyar nas/ ro'i bye brag lnga bcu rtsa drug tu 'gyur ro/ /ro de rnams kyang bye brag tu phyed na ni ro'i rnam pa drug cu rtsa gsum du 'gyur ro/ /de bas na ro 'di rnams kyang 'ol ci ran tsam du sbyar ba'i bye brag bstan pa yin no/ /de la ro rnam drug gi bye brag so sor sbyar ba ni/ro bro ba gang ltar sbyor yang rung ste/ ro de dag las re re phri la/ lnga lnga dang phan tshun du sbyar ro/ /phan tshun du sbyor ba de yang ro rnam gnyis su sbyor ba'i thabs dang / rnam gsum du sbyor ba'i thabs dang / ro rnam bzhir sbyor ba'i thabs dang /ro rnam lnga la sogs par sbyor bar rig par bya'o/ /de la ro mngar po las rnam gnyis su sbyor ba yang rnam pa lnga ste/ mngar ba dang skyur bar sbyar/ mngar ba dang lan tshwa bro bar sbyar/ mngar ba dang kha bar sbyar/ mngar ba dang tsha bar sbyar/ mngar ba dang bska par sbyar te/ de ltar rnam pa lnga'o/ /skyur ba sna gnyis su sbyor ba rnam pa bzhi ste/skyur dang lan tshwar sbyar/ /skyur dang tsha bar sbyor/ skyur dang kha bar sbyor/ skyur dang ro bska bar sbyor te/ de ltar skyur dang sna gnyis su sbyor ba rnam pa bzhi'o/ /lan tshwa dang rnam gnyis su sbyor ba yang rnam gsum ste/ lan tshwa dang ro tsha bar sbyar/lan tshwa dang bska bar sbyor te/ /de ni sbyor ba sna gsum mo/ /ro tsha ba la sbyor ba rnam pa gnyis te/ tsha ba dang kha bar sbyor/ tsha ba dang bska bar sbyor/ 'di ni sbyor ba sna gnyis so/ /kha ba las sbyor ba ni sna gcig ste/ kha ba dang bska bar sbyor ro/ /de ltar na mngar gyi sna lnga dang /skyur las sna bzhi/ lan tshwa sna gsum/ tsha ba'i sna gnyis/ kha ba'i sna gcig dang 'di rnams spyir bsdoms na/ ro sna bco lnga yod do/ /yang gsum pa'i sbyor ba zhes bya ni/ mngar bas sbyor ba sna gsum pa sna bzhir bya ba ni/ mngar dang skyur dang lan tshwa dang sbyor/mngar dang skyur dang tsha bar sbyor/ mngar dang skyur dang kha bar sbyor/ mngar dang skyur dang ro bska bar sbyor te/ de ltar rnam gsum pa sna bzhi'o/ /yang mngar gyi rnam gsum pa sna gsum ni/ mngar dang lan tshwa dang tsha bar sbyor/ mngar dang lan tshwa dang kha bar sbyor//mngar dang lan tshwa dang bska bar sbyor te/ 'di ni mngar sna gsum pa'i sna gsum mo/ /yang mngar rnam gsum pa'i sna gnyis ni/ mngar dang tsha ba dang kha bar sbyor/ /mngar dang tsha ba dang bska bar sbyor te/ 'di ni mngar rnam gsum pa'i sna gnyis so//yang mngar rnam gsum pa'i sna gcig ni mngar dang kha ba bska bar sbyor ba sna gcig pa'o/ /de ltar mngar rnam gsum pa'i sna bzhi pa dang / sna gsum pa dang / sna gnyis pa dang / sna gcig pa ste bsdoms na sna bcu yod do/ /skyur las sbyar ba rnam drug ni skyur ba dang lan tshwa dang tsha bar sbyor/ro skyur ba dang lan tshwa dang kha bar sbyor/ ro skyur ba dang lan tshwa dang bska bar sbyor te/ 'di ni skyur rnam gsum pa'i sna gsum mo/ /skyur rnam gsum gyi sna gnyis ni/ skyur ba dang tsha ba dang kha bar sbyor/ skyur ba dang tsha ba dang bska bar sbyor ba 'di ni/skyur gyi sna gnyis pa zhes bya'o/ /yang skyur ba dang kha ba dang bska bar sbyor ba 'di ni skyur gyi sna gcig pa'o/ /de ltar na skyur ba las sbyor ba sna gsum dang / sna gnyis pa dang / sna gcig pa ste bsdoms na sna drug yod do/ /lan tshwa dang sbyor ba sna gsum pa zhes bya ba ni/lan tshwa dang / ro tsha ba dang kha bar sbyor/ lan tshwa dang ro tsha ba dang bska bar sbyor te/ 'di ni lan tshwa'i sbyor ba sna gnyis so/ /yang lan tshwa dang kha ba dang bska bar sbyor ba ni lan tshwa'i sbyor ba sna gcig pa zhes bya ste/ de ltar sna gnyis pa dang / sna gcig pa bsdoms na/lan tshwa'i sna gsum pa zhes bya'o/ /yang ro kha ba'i rnam gsum pa'i sna gcig pa ni/ ro kha ba dang tshwa ba dang bska ba ste/ 'di ni ro kha ba'i sna gcig pa zhes bya'o/ /de ltar na ro mngar ba'i rnam gsum pa nas ro kha ba'i rnam gsum pa'i sna grangs nyi shu yod do/ / yang mngar rnam bzhi bar sbyar ba sna bcu zhes bya ba ni/ mngar dang skyur dang lan tshwa dang tsha bar sbyor/ mngar dang skyur dang lan tshwa dang kha bar sbyor/ mngar dang skyur dang lan tshwa dang bska bar sbyor/ mngar dang skyur dang tsha ba dang tsha bar sbyor/ mngar dang skyur dang kha dang bska bar sbyor/mngar dang lan tshwa dang tsha ba dang kha bar sbyor/ mngar dang lan tshwa dang tsha ba dang bska bar sbyor/ mngar ba dang lan tshwa dang kha ba dang tsha ba dang bska bar sbyor/ 'di ni mngar rnam bzhi pa sna bcu zhes bya'o//de la skyur gyi sbyor ba rnam bzhi pa ni/ skyur dang lan tshwa dang tsha ba dang kha bar sbyor/ skyur dang lan tshwa dang tsha ba dang bska bar sbyor/ skyur dang kha ba dang tsha ba dang bska bar sbyor/ skyur dang lan tshwa dang kha ba dang bska bar sbyor te/ 'di ni skyur rnam bzhi pa'i sna bzhi zhes bya'o//de la lan tsha'i sna gcig pa zhes bya ba ni/ lan tshwa dang tsha ba dang kha ba dang bska bar sbyor te/ 'di ni lan tshwa'i sna gcig pa'o/ /de ltar rnam bzhi pa'i sbyor ba ni sna bco lnga yod do/ /yang mngar rnam lnga pas sna lnga par sbyor ba ni mngar dang skyur dang lan tshwa dang tsha ba dang kha bar sbyor/mngar dang skyur dang lan tshwa dang kha ba dang bska bar sbyor/ mngar dang tsha ba dang lan tshwa dang kha ba dang bska bar sbyor/ mngar dang skyur dang kha ba dang tsha ba dang bska bar sbyor/ mngar dang skyur dang tsha ba dang lan tshwa dang bska bar sbyor te/ 'di ni mngar las gzhi blangs te rnam lngar sbyar ba lnga pa zhes bya'o//skyur las gzhi blangs pa rnam lnga'i sna gcig pa ni/ skyur dang lan tshwa dang kha ba dang bska bar sbyor te/ 'di ni skyur gyi sna gcig pa'o/ /yang mngar las gzhi blangs la/ skyur dang lan tshwa dang tsha ba dang kha ba dang bska ba dang lnga dang sbyar ba 'di ni lnga dang sbyar ba'i sna gcig pa zhes bya'o//ro rnam drug po mngar ba dang / skyur ba dang / lan tshwa bro ba dang / tsha ba dang / kha ba dang / bska ba dang / 'di rnam drug po so sor ma bsres pa ni ro rnam drug pa zhes bya ste/ de ltar ro rnam lnga pa'i sna lnga dang /skyur rnam lnga pa'i sna gcig ste drug po 'di ni sna lnga pa drug ces bya'o/ /ro rnam drug so sor ma 'dres pa ni ro sna drug go/ /mngar gyi rnam gnyis pa sna bco lnga dang / mngar rnam bzhi pa spyir bco lnga dang / rnam gsum pa sna nyi shu dang ro rnam drug gcig tu bsres te sbyar ba sna gcig pa 'di rnams spyir gcig tu bsdoms na ro drug cu rtsa gsum yod do//yang ni rnam drug po de dag la so sor dbye zhing bgrang na/ rtsis kyang mi lang ste nad dmigs dang sman gnyis su sbyar zhing / ro rnam drug po re re la yang ro'i rjes gzhan du bro ba de lta bu las/ro chen po dang / 'bring dang / chung ngu rnam gsum du dbye zhing brtag par bya'o/ /ro rnam drug gi phan gnod bshad pa dang /ro bro ba'i sna grangs bshad pa'i le'u bcu pa rdzogs so// //de nas yang rlung dang bad kan dang mkhris pa la sogs pa'i nad kyi tshul shes par bya ba bstan pa'i le'u bcu gcig pa bshad par bya'o//nad rlung dang bad kan dang mkhris pa dang gsum/ dngas ma dang / khrag dang / sha dang / tshil dang / rus pa dang / rkang dang / khu chu la sogs pa srog zungs bdun dang / dri ma bshang gci dang / rdul dang rnam pa 'di bcu ni rtag par lus la gzhi rten byed pa yin no/ /de la yang ji lta zhe na/ mi'i lus kyi bskyod pa dang / ldang ba dang / 'dug pa dang / dbugs phyi nang du rngub pa dang / lus kyis las su byed pa dang / shugs mgyogs par 'gro ba dang /khrag dang sha la sogs pa khams bdun po rnams legs par rgyu zhing 'gro ba dang / mig la sogs pa'i dbang po rnams gsal bar gnas pa 'di rnams thams cad la phan zhing gnod par ma gyur pa de ni/ lus kyi gzhi rlung la brten pa zhes bya'o/ / yang kha zas zos pa 'ju ba dang / lus kyi drod dang / mthong bar byed pa dang / bkres pa dang / skom pa dang / 'ong bar byed pa dang / bzhin mdog gsal ba 'od yod par snang ba dang / yid gzhungs pa dang / dpa' snying che ba dang / lus sha 'jam pa 'di lta bu kun ni mkhris pa ma gyur pa'i gzhis lus la phan par gyur pa yin no//mi'i lus sra zhing brtan pa dang / lus snum pa dang / rus pa'i rigs kyi cog re 'brel bar byed pa dang / spro ring ba la sogs pa ni bad kan gyi rang bzhin gyi gzhis lus brtan pa yin no/ /de la srog zungs bdun pos lus brtan pa'i las kyi tshul ni/dang por kha zas zos na tshigs ma'i snyigs bye nas bcud dngas mar gyur pa des ni mi'i lus dang mig la sogs pa'i dbang po rnams tshim par byed do/ /lus kyi shas ni lus la g.yogs par byed do/ /tshil gyis ni lus snum par byed do//rus pa rnams ni lus mkhrang por brtan par byed do/ /rkang gis ni rus pa'i sbu gu thams cad 'gengs par byed do/ /khu chus ni mngal du bu skyed par byed do/ /de ltar srog zungs bdun po de rnams ni las kyi rim pa bstan pa yin no//lus kyi dri ma rnam gsum la/ /bshang ba khong na yod pa ni lus brtan pa'i las byed do/ /gcin khong na yod pas ni zas khong du rul ba'i snyigs ma rnams phyir 'byin par byed do/ /lus kyi rdul gyis ni lus nyid kyis lus rul ba dri nga ba rnams 'byin pa'i las byed do//de ltar rlung dang mkhris pa la sogs pa dang / srog zungs bdun dang / dri ma rnams mnyam zhing rang rang gi gnas nas ma gyur par tha mal bar 'dug pa'i tshe na ni lus la phan te/ lus kyi las de ltar blta'o/ /de la rlung dang bad kan dang / mkhris pa la sogs pa nad dmigs gsum rang gi gnas nas g.yos shing 'gyur na/mi'i lus la gnod pa'i nad du 'gyur ro/ /ji lta zhe na/ rlung skyes na lus skem por 'gyur/ lus sha gnag//kha zas dro bag la dga'/ lus 'dar/ lto ba sbo/ bshang ba thur du sri zhing 'byung / stobs 'bri/ mig rtul/ rna ba mi gsang / gnyid 'bri/ tshig dang smra ba mang bar 'gyur ro/ /mgo 'khor/ lus dmar zhing zhum bag tu 'gyur ba 'di lta bu ni/ rlung nad g.yos pa'i nad dmigs su blta'o/ /de la mkhris pa g.yos pa'i nad dmigs ni/ mig dang pags pa'i sha mdog dang /bshang gci rnams ser por 'gyur/ skom dad che/ lus tsha/ gnyid chung ba 'di lta bu ni mkhris pa'i nad yin no/ /de la bad kan gyi nad ni khong pa'i drod nyams/ /bad kan dang mchil ma mang / khong snyom/ lus lci/ lus kyi sha mdog dkar por 'gyur/lus lci la lus sha sla zhing khong lhod/ dbugs mi bde/ lud pa lu/ gnyid rab tu che ba 'di lta bu ni bad kan las nad du gyur par blta'o/ /de la srog zungs bdun po la kha zas zos pa'i bcud dngas ma khong na shas che ba las nad du gyur pa'i dmigs ni/bad kan las nad du gyur pa bshad pa dang 'dra bar blta'o/ /de la khrag lud pa las nad du blta ba ni 'brum chen dang / mcher pa'i nad dang / 'bras nad dang / mdze nad dang / rlung dang / khrag las gyur pa'i dreg dang / mkhris pa dang / skran dang /mig ser dang / lus kyi yan lag 'degs mi nus shing lhung ste las byed pa'i tshe bskyod mi nus pa dang / khong pa'i me'i drod nyams pa dang / snying mi dran par myo myo por byed pa dang / mig khrag gis rgyas te dmar/ gcin yang dmar po khrag 'dra bar 'byung ba 'di lta bu ni khrag las nad du gyur pa'o//de la lus kyi sha las nad du gyur pa ni lus sha lhag par che ba dang / lus la sba ba dang / rmen bu 'byung / sha'i mdud pa rma dang / btsan 'dra bar 'byung / mkhur tshos lhag par che/ brla dang lto'i sha che/ mgul ba la sogs pa'i sha yang lhag par che ste/mjing pa sbom pa 'di lta bu ni sha lhag par ches pa las nad du gyur par blta'o/ /de la tshil ha cang ches pa las nad du gyur pa'i dmigs ni/ sha ches pa'i nad dang 'dra ste/ de la lhag par cung zad phan tshun bskyod na yang / dbugs kyi rngam pa drag tu 'byung /rku ba tshos dang nu ma dang gsus pa rnams 'phyang bar gyur pa 'di lta bu ni tshil ches pa'i nad las gyur par blta'o/ /rus pa rags pa'i mi ni rus pa lhag par sbom zhing rags te lhag par cho ga yin no/ /lus la rkang che ba ni mig phan tshun lta ba la mig rtsa g.yung zhing lci/lus dang rkang lag lci/ rus pa'i tshigs kyi mgo rnams sbom/ rus pa'i tshigs kyi tshigs su thor bu chen po gso dka' ba 'byung ba 'di lta bu ni rkang che ba'i nad yin no/ /khu chu mang ba'i mi ni bud med la rab tu gdu/ khu chu nyid la rde'u chags pa'i nad du 'gyur ro//bshang ba lhag par na zhing che ba'i nad ni khong sbo/ lto ba'i nang rgyu 'khrul lus lci/ lto ba'i nang na ba 'di lta bu yin no/ /gcin mang ba'i mi ni chu sor zug cing na/ gcin gcis kyang ma gcis pa ltar gcin snyoms par byed do/ /rdul lhag par che ba'i mi ni/lus kyi rdul rtag par 'byung / lus kyi dri mi zhim lus la g.yan pa 'byung ba de lta bu'i nad du blta'o/ /gzhan yang phal cher lus kyi dri ma las mig gi rdu ma la sogs pa chags na mig g.yas g.yon lci zhing mi bde bar 'gyur ro//nad gzhi rlung dang bad kan dang mkhris pa la sogs pa skyes pa las nad du gyur pa'i dmigs ni de ltar bshad pa yin no/ /'o na rlung dang bad kan dang mkhris pa la sogs pa zad na dmigs ci dang cir 'gyur zhe na/ rlung cung zad skyes te zang na ni lus kyi yan lag mi bde/tshig gcom chung bar smra ba dang / sems rmongs bag can du gyur pa de'i tshe bad kan yang cher skyes te/ zhib tu ni gong du rlung las nad du gyur pa de las bzlog nas blta bar bya'o/ /yang mkhris pa chung ngu bri ste zad na khong pa'i nang gi drod bri zhing nyams/ bzhin gyi mdog dang mdangs kyang nyams te bzhin mdog mi sdug par 'gyur ro/ /yang bad kan bri ste nyams pa las nad du gyur pa'i dmigs ni/ mgo 'khor/ nu 'jing yan chad klad pa man chad kyi bar de dag bad kan gyi gnas yin te/ bad kan 'jam zhing snum zad pas bad kan gyis stongs par 'gyur te/khong rtsub/ snying na/ lus kyi tshigs dang yan lag gi tshigs rnams lhod de 'khrul zhing 'gyur ro/ /khong na zas kyi bcud dngas ma zad na lus khong rtsub/ lus dang drag shul chen po byas na lus khong pa nang gi glo snying la sogs pa kun skam/lus spyir na zhing mi bde/ skad che zhing drag par smra mi nus so/ /skad drag po smra ba mi bzod/ khrag zad pa'i nad dmigs ni zas skyur bag dang / bsil la sred/ rtsa kun lhod/ lus kyi khong rtsub po/ /lus kyi sha zad pa'i nad dmigs ni/ mkhur tshos bri/mig phug tu bros/ rkang lag gi lhu tshigs kun na'o/ /tshil zad pa'i nad dmigs ni gnyid che/ dbyi dang rked pa'i rus pa sbom bar snang / mcher pa che bar 'gyur/ lus sha skem por 'gyur ro/ /so dang skra dang sen mo la sogs pa 'byung zhing 'byi/ rkang 'bri zhing zad pa'i nad dmigs ni rkang zad pas/rkang gi sbu gu'i nang stong / mgo 'khor/ mig rab rib za'o/ /khu chu zad pa ni bud med dang nyal ba na/ khu ba yun ring du lon nas 'byung ba'am/ yang na khu ba khrag nyid du 'byung / rlig pa'i 'bras bu gnyis rab tu zug cing na/pho mtshan tshig pa snyam du tsha zhing mi bde'o/ /bshang ba bri zhing zad pa ni/ rgyu ma'i nang kun du rlung sgra can du 'khrul zhing rgyu ba ni/ rgyu ma'i nang du 'khyil zhing 'khor ba snyam byed do/ /lto ba'i nang na phan tshun rlung rgyu la/ rlung de gyen du rgyu zhing song na/ snying ga dang rtsib logs su rab tu na zhing zug go//gcin bri zhing zad pa'i nad thabs ni gcin zad na gcin 'byung ba dka'/ gcin gyi mdog 'gyur te skya ba'am/ rtsa dmar ba'am/ khrag can nyid du 'byung ba'am/ khrag dang 'dren mar 'byung ba yin no/ /rdul zad pa'i nad dmigs ni spu 'byi/spu kun langs shing 'greng bar 'gyur/ pags pa gas/ bshang gci dang / rdul dang / dri ma 'di gsum ni phra bas na brtag dka' ste/ nad glo gcong lta bu zad byed skams pa'i nad kyis btab pa'i tshe/ gdod bshang gci dang rdul zad par gyur par shes so//dri ma bshang gci rdul la sogs pa rang rang gi gnas na zad de skams pa dang / zug cing na la rang gi gnas na dri med cing stong pas yang bar 'dug pa 'di lta bu'i tshe ni/ glo gcong la sogs pa'i nad kyi rang bzhin yin par shes par bya'o/ /rlung dang bad kan dang mkhris pa la sogs pa so so rang rang gi nad dmigs skyes pa dang /nad de byang ste zad par gyur pa sman pas shes par gyis shig /de yang mi'i lus la rlung nad lta bu grang zhing rtsub pa med de bde ba'i yon tan dang ldan pa 'dug pa las/ rlung nad du gyur te khong grang zhing rtsub pas na ba med pa'i yon tan de nyams shing zad pa'i tshe na rlung nad skyes pa yin no//rlung nad khong grang zhing rtsub pa'i rnam pa zhes bya ste/ khong pa drod 'babs la/ lus kyi khong 'jam zhing snum par gyur pa na bde ba'i yon tan skyes pa zhes bya ba ste/ 'di gnyis kyi tshul phan tshun du bzlog ste blta'o//yang lus kyi dri ma thur du 'byung ba bshang gci gnyis ran par 'ong ba ni lus la phan no/ /bshang gci gnyis ha cang brtsal ba drags te dper na sman gyis bkrus sam/ tshad pas drag tu 'khru ste nang gi dri ma zad cing stong par gyur na/lus kyi nyams mthu zad de gnod/ lus 'di ni dri ma bshang gcis khong brtan te 'dug pa yin/ lus de'i khong pa nang dri ma rnams kyis brtan te 'dug pa de la/ dri ma kun phyir phyung ste stong par zad par byas na gnod do/ /de'i phyir dri ma khong brtan zhing 'dug pa gnod ces bya'o//yang rus pa la rlung gnas shing zhen pa lta bu la rus pa la phan pa'i sman byas na/ rus pa la yang phan la rlung nad kyang zhi bar 'gyur ro/ /rus pa la gnod pa'i sman zos na yang rlung de bzhin skye'o/ /yang na mkhris pa dang / bad kan dang rdul gsum tshul gcig ste/mkhris pa skye ba'i sman byas na khrag nad zhi ba'am/ khrag nad skye ba'am/ rdul byung ba'am/ rdul zhi bar 'gyur ro/ /de bzhin du bad kan byang ba'i sman btang na/ bcud dngas ma dang / tshil dang / sha dang / rkang dang / khu ba rnams kyang stongs te zad par byed/ bad kan skye bar 'gyur ba'i sman dang kha zas zos na khams 'di lnga yang skye zhing brta'o/ /de bas na rus pa dang / rlung dang mkhris pa dang khrag dang bad kan dang bcud sha chil 'di rnams kun phan tshun gcig la gcig brten pa yin no/ /de lta bas na 'di gsum gang yang rung ba gcig la phan pa'i zas dang /sman btang na de la brten nas gzhan la yang phan pa yin no/ /gcig la gnod pa'i zas dang sman btang na/ de la brten pa rnams la yang gnod par 'gyur ba yin yang de la rlung rus pa la gnas shing brten pa lta bur gyur te/ de'i dpyad rlung skye bar 'gyur ba'i rtsi sman btang na/rus pa la gnod kyi de lta bu ni mi rung ngo / /lus la phan pa'i bad kan dang 'phrod pa kha zas snum zhing bsod pa'i sman byin na/ de lta bu ni phal cher lus brtan te lus la phan no/ /de la yang zas kyi cho ga bzlog ste rlung skye bar 'gyur ba'i kha zas grang zhing rtsub pa lta bu zos na/rlung skyes la khong 'jam zhing snum bag zad pas lus la gnod cing nyams par byed de/ de bas na gcig la gnod la phan par 'gyur ba'i dpyad de lta bu ni mi rung ste/ nad gnyis kar mi 'gyur ba'i sman dpyad bya'o/ / de la lus ha cang brtas shing bde ba las drags te/ bad kan nam ma zhu ba la sogs par gyur pa lta bu la zas 'bri zhing 'ju sman gyis nad bsal du rung bar smin par bya ba dang / lus la nad kyis nyams smad de nyams 'tshag zad pa lta bu la brta bar bya ste/ nad rnam pa 'di gnyis lta bur gyur pa la/thabs 'di 'dra ba 'di'i dpyad myur du bya'o/ /de la rlung nad kyi bag yod pa lta bu la ni zas smyung zhing dbri ba'am/ smyung bar bya ba 'di mi rung ste ma gtogs so/ /'di lta bu'i bag ma yin pa gzhi mkhris pa dang / bad kan dang rlung las gyur pa'i nad kyi tshul ci 'dra ba las/de'i dpyad bsgyur zhing bzlog thabs kyi bya bar sbyor cig /yang dmigs kyis phan par bya ba'i dpyad ni/ khrag rgyas pas nad du gyur pa la ni/ gtar ga btab ste khrag dbyung ba dang bkru sman btang na phan no/ /sha ha cang cher skyes pa las nad du gyur pa ni gtar ga dang thal sman rnon po dang /me btsa' btab na phan no/ /tshil ha cang ches te tshon por gyur pa lta bu la/ mi sbom po las skem por bya ba'i dpyad dang / rus pa zad nas rus pa phra mor gyur pa ni 'o ma btang ba dang / sman kha bo dang sbyar ba'i zhun mar dang /nyams brta ba'i sman mas gtang bar bya'o/ /lto na bshang ba'i dri ma cher yod pa'i nad la ni rab tu 'khru bar bya ba'i dpyad do/ /khong na bshang ba zad de med pa'i nad la ni/ ra 'am lug gi sha'i nang khrol las g.yos su bya ba dang / mon sran gre'u dang / til dang sbyar ba'i thug pa dang / rtsang phye dang / nas dang mon sran gre'u las g.yos su byas pa 'di lta bu byin na khong pa nang gi bshang ba skye zhing mang du 'gyur te phan no/ /gcin mang ches na ni gcin 'bri zhing gso ba'i cho ga bya'o/ /gcin zad cing med na ni gcin snyi zhing mang ba'i dpyad bya'o//rdul mi 'byung zhing zad pa'i nad la ni lus gsig cing bskyod de rdul dbyung bar bya ba dang / lus la mar gyis bsku ba dang / lus byibs shing dugs bya ba dang chang btung bar bya'o/ /yang lus kyi srog zungs bdun po kun la lus kyi me'i drod rang rang gi gnas na ran par 'dug pa de lta bu me'i drod snyoms pa ni/lus kyi srog zungs la bde zhing brta ste phan pa yin no/ /de las lus kyi me'i drod ha cang 'bar ches te che bar gyur na/ lus kyi srog zungs thams cad tshig cing zad par byed de gnod do/ /de la dang por zas kyi bcud dngas ma rgyas shing rtag na/de bzhin srog zungs bdun po gcig nas gcig tu legs par brtas te bde ba yin no/ /de bzhin du dang por zas kyi bcud dngas ma nyams te/ gnod par gyur na srog zungs bdun po gcig nas gcig tu gnod cing zad par byed do//de lta bas na zas kyi bcud dngas mar gyur te nyams pa des ni/ rlung las mkhris pa dang bad kan gyi nad gang yang rung ste slong bar byed do/ /rlung dang mkhris pa dang bad kan gyi nad g.yos pas srog zungs bdun po rnams la gnod par 'gyur ro/ /srog zungs bdun po mi bde ba las bshang gci dri ma rnams gnyis la sogs pa la gnod pa'i nad du 'gyur ro//lus kyi dri ma'i gnod pa'i nad du 'gyur ro/ /lus kyi dri ma'i nad kyang thur du 'byung ba'i dri ma rnam gnyis kyang mgo la/ rna ba dang / sna dang / mig dang / kha nas 'byung ba'i dri ma gtogs par bdun te 'di dgu dang lus las rdul 'byung ba rnams dri ma so so rang rang gi gnas nas 'byung ba de dag la nad du 'gyur ro//de la srog zungs bdun po khu chu la sogs pa yan chad kyi nang na zas zos pa las nang na bcud dngas mar gyur pa de ni de la srog zungs bdun po rnams kyi nang na mchog yin no//mdangs zhes bya ba snying gi nang na chu'i thigs pa ltar dngas shing gsal bar 'dug mod kyi lus la khyab pa dang / lus la brtan par gnas pa ni de yin no/ /de ji lta zhe na/ mdangs zhes bya ba snying gi nang na yod pa'i thigs pa de zhig ste nges par 'chi'o//mdangs de snying gi nang na ni mi yang mi 'chi ste/ mdangs kyi srog zungs brtan na sems can rnam pa sna tshogs kyi lus kyang gnas par 'grub bo/ /mdangs de zad cing med par 'gyur ba ni sems bkres pa dang sems la mya ngan dang / dub cing ngal bar 'gyur ba'i las byas pa las mdangs de zad cing med par 'gyur ro/ /de lta bu'i mdangs de khong na med de zad par mngon pa'i rtags ni sngon pas snying chang ste/ cis kyang 'jigs shing sdang / lus rad/ sems zags te yang dang yang sems par byed/ mig dang rna ba la sogs pa'i dbang po nyams/bzhin mdog nyams te bseng bseng po 'od 'od por 'dug /lus kyi khong rtsub cing khong snyom/ rmya bag tu 'dug la/ snying mi dga' na mdangs zad de med pa yin no/ /'di lta bur gyur pa la gso pa'i thabs ni/ sman dang kha zas 'o ma dang bcud la sogs pa btang ngo //yang nad dmigs dang sbyar te zas byin pa las/ phan pa'i zas de mi 'dod cing kha zas mi 'phrod pa gzhan 'dod cing slong na/ sman pas de la nad dang zas su mi 'phrod pa ni ma sbyin cig /nad la zas phan zhing mi 'phrod pa med na ni 'dod pa byin cig /yang na nad pa'o cog gi nad dang mi 'phrod pa'i zas lta bu yi gar 'ong zhing phyin ci log tu byed pa yang yod/ la la ni nad la phan pa'i zas 'dod cing / yi gar 'ong ba mthun pa yang yod de/ de lta bu nad dang kha zas 'phrod dam mi 'phrod/ nad kyi tshul dang 'phrod dam mi 'phrod pa rtags la kha zas sbyin no//yang na mi mkhas mi shis pa kun/ lus la phan zhing brta bar 'gyur ba dang / nad pas lus la gnod cing zad par byed pa'i dmigs mi rtog mi sems te/ rlung dang mkhris pa dang bad kan lta bu'i so so'i nad dkyel skyes nas nad kyi mthur gyur na lus la nad kyis rgyas nas lus bde ba'i nyams 'tshag ni bri zhing zad/nad kyi dkyel ni zhugs pa yin no/ /yang rlung dang mkhris pa dang bad kan gyi nad du gyur pa yang med la/ 'di gsum nad 'phrod cing snyoms par gyur na/ gsum po rang rang gi las nyi tshe byed par zad de/de bas na rlung dang mkhris pa dang bad kan 'phrod cing snyoms pa nad med cing lus la phan te bde ba dang / lus kyi nyams 'tshag brtas par byed pa yin no/ /rlung dang mkhris pa dang bad kan gsum ma 'phrod cing ma snyoms pa'i nad dmigs te gsod par byed pa yin no//de lta bas na lus la phan par bya ba'i phyir/ lus la nad kyi gnod pas zad par mi 'gyur ba dang / phan zhing bde ba lus rtag par 'gyur ba'i cho ga rim gro bya zhing lus bsrung bar bya zhing / rlung dang mkhris pa dang bad kan nang mi 'phrod pa las lus la gnod cing zad par 'gyur ba'i nad dang /rlung dang mkhris pa dang bad kan nang 'phrod cing snyoms na lus la bde zhing phan no/ /nad med par 'gyur ba'i tshul bstan pa'i le'u bcu gcig pa rdzogs so// //lus la bad kan dang mkhris pa dang rlung gang dang gang na gnas pa dang /rlung dang bad kan dang mkhris pa las sa'i nad dmigs cir 'gyur ba'i le'u bcu gnyis bshad par bya'o/ /rlung dang mkhris pa dang bad kan gsum lus la ji ltar gnas she na/ kha zas zhu ba'i gnas long ka dang /rgyu ma dang / rked pa dang / dpyi dang / brla dang / rna ba dang / lus kyi rus pa'o cog dang / lus kyi dbang po rig pa zhes bya ba 'di dag ni rlung gi gnas yin te/ de rnams kyi nang na yang dmigs kyis rlung gi gnas ni zhu ba'i sa ste/ rgyu zhabs na rlung cher gnas so//mkhris pa ni zas ma zhu ba'i gnas zhes bya ba lte ba'i thad ka na yod pa pho ba dang rdul dang mthang gi chu ser dang / khrag dang zas kyi bcud dngas ma dang / mig dang lus kyi dbang po reg pa dang / 'di rnams kun la mkhris pa gnas so/ /de rnams kyi nang na yang dmigs kyis lhag par mkhris pa ni lte ba'i thad ka na gnas so//bad kan ni brang dang mgul pa dang / mgo bo dang / glo ba dang / rus pa'i tshigs kun dang / ma zhu ba'i gnas pho ba'i nang dang / zas kyi bcud dngas ma dang / tshil dang / snabs dang / lce dang 'di rnams la bad kan gnas so//'di rnams kyi nang na yang bad kan ni lhag par brang dang nam tshod na rtag par gnas so/ /yang de la rlung gi rang bzhin rnam pa lnga ste/ de la srog ces bya ba'i rlung dang / stod du rgyu ba'i rlung dang / khyab byed kyi rlung dang / me dang mnyam du gnas pa'i rlung dang /thur du sel ba'i rlung dang lnga'o/ /rlung 'di lnga la yang gnas dang / yul dang / las dang / rnam pa gsum gsum du shes par bya ste/ de la srog ces bya ba'i rlung gi gnas ni spyi bo na 'dug go/ /rlung de'i yul ni brang dang nam tshong dang gre ba yan man rgyu zhing 'gro'o//las ni glo ba dang / snying dang / dbang po dang / sems rnams brtan pa dang / mchil ma 'dor ba dang / sbrid pa 'byung bar byed pa dang / 'bad cing sgrim par gtong ba dang / kha zas mid pa'i las byed do/ /de la stod du rgyu ba'i rlung zhes bya ba'i gnas ni/ brang dang nam tshong na 'dug go de'i yul ni sna dang /lce dang / gre ba yan man du rgyu'o/ /de'i las ni tshig tu smra ba 'byung bar byed pa dang / 'bad cing sgrim par byed pa dang / mdangs bzang ba dang / stobs yod pa dang / bzhin mdog dang ldan pa dang / dran par bya ba'i las byed do//de la rlung khyab byed ces bya ba'i gnas ni snying la brten cing 'dug go/ /de'i yul ni lus thams cad la khyab par byed cing 'jug go/ /de'i las ni gang rab tu mgyogs pa dang / phan tshun 'gro bar byed pa dang / len cing 'degs pa dang / 'jog cing 'dor ba dang / mig 'byed pa dang /'dzums pa la sogs pa'i las byed do/ /yang na lus kyi las su bya ba thams cad ni rlung 'di la phal cher rag lus so/ /de la me dang mnyam du gnas pa'i rlung gi gnas ni pho ba'i me'i drod dang lhan cig gnas so/ /de'i yul ni khong pa'i nang khrol thams cad kyi nang na 'gro zhing rgyu'o//las ni kha zas nang du len cing zhu bar byed/ dngas snyigs phye ste 'dor bar byed do/ /de la thur du sel ba'i rlung gi gnas ni gzhang gi nang na 'dug go/ /de'i yul ni 'dong mo'i nang na lgang pa dang / pho mtshan dang / brla'i nang phan tshun rgyu zhing 'gro'o las ni khu chu dang /zla mtshan 'byung ba dang / mngal nas byis pa 'byung bar byed pa dang / bshang gci thur du sel ba'i las byed do/ /yang mkhris pa'i rang bzhin yang rnam pa lnga ste/ 'ju byed dang / dmar sgyur dang / sgrub byed dang / mthong byed dang /mdog gsal dang 'di lnga'o/ /'di la mkhris pa 'ju byed ces bya ba ni gnas dang / gzhan gyi grogs byed cing yul rgyu ba dang / las byed pa dang rnam pa gsum du blta'o/ /de la yang ji lta zhe na/ mkhris pa yang 'byung ba chen po lnga'i rang bzhin yin mod kyi/ 'on kyang de ni me'i yon tan dang lhag par ldan la/ gsher zhing sla ba lta bu'i rang bzhin ma yin te/ zas chos shing zhu bar byed pa'i las byed pas na/ mkhris pa de ni me yin par bshad do/ /mkhris pa de'i gnas ni zas zhu ba gnyis kyi bar na 'dug go/ /de'i las ni kha zas tshas shing zhu bar byas te nyams mthu dang ldan par byed//zas kyi snying khu'i bcud dang / tshigs ma bshang gci la sogs pa de dag so sor byed do/ /mkhris pa de zhu ma zhu'i bar na 'dug nas/ mkhris pa lhag ma gzhan dag gi grogs byed cing stod la/ phan 'dogs pa de ni yul rgyu zhing phan 'dogs pa yin no//dmar sgyur zhes bya ba'i gnas dang / las rnam pa gnyis su blta ste/ gnas ni ma zhu ba'i san 'dug go/ /las ni zas kyi bcud dngas ma pho bar 'ong ba de mtshon dmar por sgyur ba bzhin dmar por 'gyur bar byed do/ / mkhris pa sgrub byed ces bya ba'i gnas ni snying la brten cing gnas so/ /de'i las ni sems dpa'i blo dang / yid gzhungs pa dang / snyems pa'i nga rgyal du sems pa la sogs pas snying la bsams pa'i don mkhris pa de yod dam sgrub pa'i grogs don sgrub ces bya'o/ /mkhris pa mthong byed ces bya ba'i gnas ni mig la brten no//de'i las ni gzugs rnams mthong bar byed pa yin no/ /mkhris pa mdog gsal byed ces bya ba'i gnas ni mi'i pags pa la brten te gnas so/ /las ni pags pa'i mdog 'jam zhing bzang la mdog gsal bar byed do//bad kan yang rnam pa lnga ste/ bad kan rten byed dang / myags byed dang / myong byed dang / brtas byed dang / 'byor byed dang lnga'o/ /de la bad kan rten byed kyi gnas ni brang la brten to/ /bad kan de'i phan 'dogs pa'i yul ni/ bad kan de'i stobs kyang rked pa la phan par byed do//bad kan de'i las ni kha zas zos pa'i mthu dang / bad kan snying la brten pa chu'i rang bzhin bsil ba des/ snying la sang zhes byed pa des phan par byed do/ /bad kan de la bad kan phal kun kyang brten cing gnas pas na/ de'i phyir bad kan de ni rten byed ces bya'o//bad kan myags byed kyi gnas ni zas ma zhu ba'i pho ba la brten to/ /de'i las ni zas mang po zos pa kun/ bad kan des bzhu nas 'dag 'dag por myags par byed do/ /bad kan myong byed ces bya ba ni lce la gnas te/ bad kan de lce la 'dug pas zas kyi ro ci bro ba des myong bar byed do//bad kan brtas byed ces bya ba ni mi'i mgo bo la gnas te/ bad kan de yod pas/ mig dang / rna ba dang / sna dang / lce la sogs pa'i dbang po rnams bad kan des brtas te/ dbang po tshim zhing mthu dang ldan par byed do/ /bad kan 'byor byed ces bya ba ni rus pa'i tshigs na gnas so//de'i las ni rus pa'i tshigs bog re rnams 'brel cing 'byor bar byed pas na 'byor byed ces bya'o/ /de ltar rlung dang mkhris pa dang bad kan rnams kyis lus khyab par gnas mod kyi/ 'on kyang 'di gsum so so'i gnas na 'dug cing /de gsum nad can du ma gyur na/ so so'i las rnams byed cing phan 'dogs par blta'o/ /de la nad dmigs rlung dang mkhris pa dang bad kan gsum gang las 'di gsum gyi nad dkyil du stsogs pa dang / kha zas gang ma 'phrod de nad dkyil du zhugs pa slong zhing ldang ba dang /zas dang sman gyi cho ga ji lta bus de gsum gyi nad gso zhing zhi bar bya ba'i rim pa bstan pa/ de la kha zas yang ba rtsub cing snum pa bag med pa la sogs pa dron po chen po dang lhan cig tu za ba'i rlung nad du 'gyur ba'i dkyel stsogs pa yin no/ / rlung nad kyi dkyil du zhugs par bstsags pa de la kha zas bsil bgrang mo dang ma 'phrod nas rlung nad langs te na par byed do/ /rlung nad de lta bur gyur pa la kha zas snum bag la sogs pa'i yon tan dang ldan pa dro tsha bar byed pa ni rlung nad zhi bar 'gyur ro/ / kha zas ro tsha ba la sogs pa bsil bag dang lhan cig zos pa ni/ mkhris pa'i nad dkyil du stsogs so/ /kha zas dron po chen po dang / ro tsha ba'i bag zos pas ni mkhris pa'i dkyil zhugs te stsogs shing 'dug pa de/ zas ma 'phrod nas mkhris pa'i nad de ldang zhing na bar byed do//de la ro legs par bro ba ma yin pa dang / mngar bag dang / kha ba dang / zas bsil bag tu sbyar bas ni mkhris pa'i nad de zhi bar 'gyur ro/ /kha zas snum bag la sogs pa grang mo bsil bag tu zos pas ni bad kan dkyel du stsogs par 'gyur ro/ /bad kan gyi nad dkyil du zhugs pa de lta bu la kha zas dron po'i bag zas na bad kan gyi nad langs nas na bar byed do//bad kan gyi nad de lta bu la kha zas snum med pa rtsub pa la sogs pas nad zhi bar 'gyur ro/ /rlung dang mkhris pa dang bad kan gsum gyi nad dkyel stsogs pa dang / de gsum gyi nad dkyil bsags pa las nad langs pa gnyis kyi khyad par ci 'dra zhe na/rlung dang bad kan dang mkhris pa gsum po rang gi gnas na dkyil du stsogs la/ dper rlung nad la sogs par 'gyur ba'i rgyu kha zas rtsub po dron po lta bu mi 'dod pa dang / zas snum yod pa'i bag rlung dang mi mthun pa de lta bu la phyin phyogs su 'dod par byed pa de lta bu ni nad rang rang gi gnas na 'dug cing dkyel du bsags pa zhes bya'o//nad langs pa zhes bya ba ni nad dkyel du zhugs pa 'di gsum gang yang rung ba'i nad dkyel ni nad langs na rang gi gnas nas log par song ba de ni so so rang gi nad kyis thebs pa ni/nad kyis btab pa'i rtags yin zhes bya'o/ /de la rlung dang mkhris pa dang bad kan gsum gyi nad dus gang gi tshe na nad dkyel stsogs nam nad ldang / ji tsam na nad zhi zhe na/ bshad pa so ga'i dbyar zla ra ba dang / dbyar zla 'bring po'i ngo la rlung nad dkyel du stsogs so/ /dbyar ngo dbyar zla tha chungs dang / ston zla ra ba'i tshe ni rlung nad langs te na'o/ /ston ngo ston zla 'bring po dang / ston zla tha chungs kyi tshe ni rlung nad zhi bar 'gyur ro/ /dbyar zla tha chungs dang ston zla ra ba'i tshe ni mkhris pa'i nad dkyil du stsogs so//ston zla 'bring po dang tha chungs kyi ngo la mkhris pa'i nad langs te na bar 'gyur ro/ /dgun zla ra ba dang dgun zla 'bring po'i ngo la mkhris pa'i nad zhi bar 'gyur ro/ /dgun zla ra ba dang dpyid zla ra ba dang bzhi'i bar du dgun stod dang dgun smad 'dra ste bad kan stsogs so//dpyid zla 'bring po dang dpyid zla tha chungs la bad kan gyi nad ldang ngo / /dbyar zla ra ba dang dbyar zla 'bring po la bad kan gyi nad zhi bar 'gyur ro/ /de la zas yang zhing rtsub pa dang / sman kyang yang zhing rtsub pa lta bus rlung stsogs so/ /de la lus kyang khong rtsub cing dro/ kha zas kyang rtsub pa dron bag tu zos kyang dbyar zla ra ba dang dbyar zla 'bring po'i tshe dro zhing tsha ba'i dus yin pas rlung mi ldang ngo / /dbyar zla tha chungs dang ston zla ra ba'i ngo lta bu la char chu rgyas la zas skyur bag de zhu ba'i rjes kyang skyur bar 'gyur/ /sman skyur bag zos kyang rung ste de'i mkhris par stsogs ta/dbyar grang zhing bsil ba'i dus la bab pas mkhris pa'i nad ldang bar mi 'gyur ro/ /dgun stod dang dgun smad gyi zas snum bag bsil ba dang / chu dang sman bsil bag zos pas ni bad kan dgun thog thag tu sogs te/ de'i tshe dgun gyi dus grang ba dang /kha zas snum po grang bag zos kyang rung / /des na lus kyang grang la phyogs su 'khrigs pa'i dus la bab pas bad kan stsogs par zad kyi bad kan gyi nad ldang zhing na bar mi 'gyur ro/ /de ltar dus tshigs drug gi rang bzhin las rlung nad dang bad kan dang mkhris pa gsum gyi nad stsogs pa dang ldang ba rim par phye ste bstan pa yin no//rlung la sogs pa'i nad bsags pa de yang kha zas kyi gnod pa mi 'phrod pa'i bag zos na nad ldang ba'i dus la ma bab kyang rung ste 'phral gyi nad kyis 'debs par 'gyur ro/ /rlung la sogs pa dkyel du gyur pa yang bsags la/nad ldang ba'i dus la bab tu zin kyang nad du mi 'gyur ba'i zas zos na nad mi ldang ngo / /gong ma lta bur rlung la sogs pa nad dkyel du bsags pa de las nad langs te nad kyis btab pa ni/ cig car lus kyi mgo rkang kun tu khyab par nad kyis 'debs par byed do//nad de lta bu la thigs te sos par 'gyur ba ni/ chu 'brub pa las khad kyis bri ste skams pa dang 'dra'o/ /de bas na nad kyi tshul rnam pa sna tshogs grangs med pas/ lus 'di klong dkrugs nas skams pa 'di la nad kyi tshul ci 'dra ba dang / nad phyin pa'i rgyu rtsi sman dang /gso ba'i thabs su sbyar zhing bya'o/ /de yang nad tshul du ma re re nas bstan mi nus te de ni 'dor cog thabs kyi nad dmigs ni rlung dang mkhris pa dang bad kan du 'dus so/ /dper nyin thog thag bya nam mkha' la 'phur te 'gro ste/ rang gi lus kyi grib ma dang 'bral du mi rung ba bzhin no//sems can no cog nad rnam pa gsum po chags pa dang rdul dang / mun pa dang gsum du ldan pa las gyur pa'i nad rnam pa sna tshogs dang mi 'bral ba de ltar rang gi srog zungs bdun nang ma snyoms te nad du 'gyur ba'i rgyu yang chags pa dang rdul dang mun pa dang gsum gyis 'gyur bas/rlung dang bad kan dang mkhris pa gsum nang ma 'phrod pa des srog zungs bdun po ma snyoms te 'khrugs na nad du 'gyur ro/ /nad du 'gyur ba de dag gi rgyu yang mdor rnam pa gsum ste/ yul dang dus dang las ngan par byed pa dang gsum mo//'di gsum po re re la yang chung ngu brten pa dang / rab tu brten pa dang / log par brten pa dang gsum du dbye'o/ /'di gsum po re re la yang chung ngu dang / 'bring po dang chen po gsum du phye na dgu dgur ro/ /de ji lta zhe na/ mig gi dbang po'i yul ni gzugs snang ba yin te/yul de la gang bltar yang rung ste/ rang gi yul la mi lta ba'am/ yang na zhib tu legs par mi lta bar cung zad tsam mam/ 'ol ji tsam zhig lta ba de lta bu ni/ gzugs mig gis lta ba chung bar sbyor ba zhes bya'o/ /gzugs la mig gis ha cang yun ring du lta na de ni rab tu sbyor ba zhes bya ste/de lta bu yang nad du 'gyur te mi rung ngo / /yang gzugs chung ches pa la lta'am/ nyi ma lta bu'i lhang lhang po'i 'tsher ches pa la mig tshugs su lta ba'am/ gzugs 'jigs pa la lta'am/ mig gi drung nyid du/ gzugs bzhag pa la lta'am/ yang na gzugs ha cang thag ring ches pa la rgyang mar mig tshugs su lta ba'am/ gzugs yid du 'ong ba la lta'am/ gzugs mi sdug pa la mig gis lta ba de lta bu log par lta ba'i rten pa zhes bya ste/ de lta bu yang nad du 'gyur te mi rung ngo / / de bzhin du rna ba la sogs pa'i yul sgra la sogs pa la yang rnam pa gsum gsum du blta ste/ rna ba'i yul sgra chen po drag po la nyan pa dang / rul pa mnam po la snum pa la sogs pa lta bu yang mi rung ste/ so so'i dbang po yul gyi tshul du sbyar la/ chung ngu dang chen po dang log pa dang rnam pa gsum du brten cing sbyor ba las gnod pa'i nad du 'gyur ba'i tshul gong ma dang 'dra bar sbyar ro//lo gcig la dus kyang gsum du dbye ste/ dgun zla bzhi/ dpyid zla bzhi/ dbyar zla bzhi ste gsum mo/ /de la dus 'di gsum tshul gyis yang chung ngu dang chen po dang / log pa rnam gsum las/ mi dang srog chags dang / phyi rol gyi 'bru 'bras dang / rtsi shing la sogs pa la gnod par 'gyur bar blta ste/ dgun grang ba'i tshe lhags pa ha cang chung ches na yang dus kyi sbyor ba chung zhes bya ste de yang mi bzang ngo / /yang na lhags pa ha cang ches na yang gnod de mi rung ngo //dgun gyi tshul la mi 'dra bar 'gyur ba ni dus log pa zhes bya ste/ 'di lta bu yang nad dang gnod par 'gyur ba zhes bya'o/ /lus dang ngag dang sems kyi las la yang chung ngu dang chen po dang log par sbyor ba gsum gsum du blta'o/ /de la lus kyi las chung ngu byed pa ni ci byed kyang cung zad tsam cig byed pa ni chung ngus sbyor ba'o//ha cang brtun ngas pa ni cher sbyor ba'o/ /bshang gci la sogs pa ha cang snyoms na lus kyis bsgrims te brnag pa'am/ mi bro bzhin du btsir ba'am/ nyams kyis mi nus bzhin du lus kyis las drag shul byed pa dang /lus dang rkang lag ha cang gcus pa dang / rdeg 'cha' ba dang / gom pa 'khyor bzhin 'thub pa 'di ni log pa'i sbyor ba zhes bya ste lus la gnod do/ /ngag gi smra ba yang tshul de dang 'dra ste/ kha nas zas ldad bzhin du 'bug por smra ba ste//'di yang gnod de mi rung ngo / /yid kyi yang 'dod chags dang / zhe sdang 'jigs pa la sogs pa sems pa ni log par sbyor ba'o/ /mi dge ba'i las smin pa'i dngos po srog gcod pa la sogs pa bcu po de dag kyang log pa'i sbyor ba yin te log pa'i sbyor ba de lta bu thams cad sngon gyi tshe la byas sam/tshe 'di la byas kyang rung ste/ de dag gis ni nad du 'gyur ba'i rlung dang mkhris pa dang bad kan rnams ma snyoms te/ 'khrus na lus kyi yan lag dang / nang khrol dang / lhu tshigs kyi mtshams kun tu nad rnam pa sna tshogs kyis 'debs par byed do//de la yan lag gi khrag dang / sha dang pags pa 'di dag las phyi rol gyi nad rnams 'byung ste/ a ba ci zhes bya ba dang / lag pa'am/ rkang pa lhung ba bzhin 'gul mi shes pa'i nad dang / lba ba dang / rgyab bam brang du 'brum bu sngon po 'byung ba'i nad dang /rmen bu la sogs pa dang / phyi rol gyi skran dang gzhang kha'i gzhang 'brum dang / sna'am rna bar thug chen byung ba las khrag tu zad pa dang / sha dang pags pa'i bar gyi skran dang / lus skrang ba'i 'or nad la sogs pa 'di dag ni phyi rol gyi yan lag gi nad ces bya'o/ / khong pa'i nang khrol gyi nad ni rtsa'i rgyun chen po bcu dang / ma zhu ba'i gnas pho ba dang / zhu ba'i sa 'di dag la nang khrol rnams brten te/ nang khrol gyi nad du skyugs pa 'byung ba tshad par 'khru ba/ lud pa lu ba/ dbugs mi bde ba/ dmu rdzing dang / rims la sogs pa dang / lus skrang pa'i 'or dang / nang gi gzhang 'brum dang / khrag tshad dang / skran dang / 'brum bu gcig pa'i nad dang / 'brum chen dang 'di rnams ni nang gi nad du gtogs so/ /mgo bo dang / snying dang / chu so dang / gnad rnams dang / rus pa rnams kyi nad ni tshigs kyi nad ces bya'o//tshigs de rnams 'brel pa'i rtsa dang / chu ba dang / chu ba chen po la sogs pa 'di dag ni bar gyi nad kyi lam srang zhes bya'o/ /bar gyi nad kyi lam srang de la nad ni ha cang gso dka' ba dang / gzhogs phyed na ba dang / mjing pa dang / kha yon por gyur pa'i nad dang /klad pa na ba dang / rna ba na ba dang / sna la sogs pa na ba dang / tshigs thams cad na ba dang / rus pa na ba dang / dpyi na ba dang / gnod nad la sogs pa 'di rnams ni bar na gnas pa'i nad ces bya'o/ /lus la gnas pa'i rlung gi las sna tshogs bstan pa/rlung gi las ni bshang gci'i dri ma thur du 'byin par byed de/ rlung gis ni lus la khyab par byed/ snang ba snyam du lhang lhang byed pa dang / res 'ga' rlung khong du zhi na/ gnyid log pa bzhin dub par byed/ lus kyi drod chung / yan lag gzug pa bzhin du na ba dang / so sor bye ba snyam du byed cing na ba dang /lus dang yan lag 'byar ba snyam du byed cing na ba dang / sha rus chag bsnyam du byed pa dang / rkang lag 'khums pa dang / 'dug langs kyi bskyod pa dang / so dang sha brtse ba dang / lus brtas par byed pa dang / lus dang rkang lag 'dar ba dang / lus rtsub pa dang / lus kyi sbu gu dod pa dang / sha skem par byed pa dang / lus kyi sha 'gul ba dang / lus bya rmyang byed pa dang / rlung nad kyis btab ste lus rengs pa dang / rlung nad du na kha'i nang ro bska bar bro'o/ /rlung che ba'i bzhin mdog ni rtsa gnag gam/ thabs 'di rnams lta bur gyur pa ni rlung las gyur par blta'o//mi'i lus la mkhris pa'i las kyi 'gyur ba bstan pa/ /lus la mkhris pa rgyas na lus tsha/ /mdog dmar por 'gyur/ lus kyi drod dang zas 'ju bar byed/ lus rdul/ lus phyi nang rul bag tu mnam/ thor bu 'byung zhing rnag khrag tu 'dzag /rma rad cing 'drul/ brgyal zhing myos/ /kha'i nang ro kha ba dang / skyur bar bro/ bzhin mdog ni ser skyar 'dug la rtsa dmar ba ma yin no/ /bad kan gyi las kyi lus 'gyur ba bstan pa/ lus la bad kan che ba ni las kyi sha mdog snum/ sha mkhrang / lus g.ya'/khong grang / lus lci/ lus tshigs thams cad mi 'khrul bar dam por 'brel bar byed/ /lus thams cad sha rgyas par byed/ /bad kan chen sems ni rmongs pag tu byed/ /lus skrangs/ /zas mi 'ju/ gnyid rab tu che/ /lus dang bzhin gyi mdog ni dkar ro//ro ni mngar dang lan tshwa bro'o/ /las ci byed do cog la 'dam ring ngo / /de ltar nad do cog thams cad ni rlung dang mkhris pa dang bad kan gyi rang bzhin las gyur cing des nad la khyab par blta'o/ /nad pa'i nad bstan pa'i thabs bshad pa/ ci na ba brtag pa ni/ bzhin mdog dang / mig dang / lce dang / sen mo la blta ba dang / rtsa la lag pas myangs te blta ba dang / nang pa'i thabs dri ba dang / ji ltar na ba dang / ji tsam na nad ldang ba dang / min ba'i snga rol du kha zas ci zos/ /las ci dag byas pa zhib tu legs par brtags te shes par byas la/rtsing po yal bar mi bya'o/ /de lta bas na sman pas nad kyi bye brag dang / nad tshabs che zhing dam la bab par shes shing mthong nas phyi bshol ma byed cig /yong ni sman sbyar ba'i thabs dang / gtang ba dang / gso ba'i thabs 'di rnams kyi las mthong ste lobs par bya ba dang /lag bsod par bya ba dang / sman pa la gtam snyan par grags par bya ba 'di rnams kun kyang lan mang du goms na gdod 'grub par 'gyur ro/ /dper na nor bu rin po che mching bu lta bu bzang ngan lta ba dpyad kyi yi ges shes par mi 'gyur gyi/mthong ba mang ba las lobs te shes pa dang 'dra'o/ /mi'i nad kyang mi tshugs te/ la la ni tshe 'di nyid kyi kha zas mi 'phrod pa las nad du gyur bzhin du nad ldang bar 'gyur ro/ /sngon gyi nyes sdig las nad du gyur pa ni/ nad ldang ba'i kha zas mi 'phrod pa lta bu ma zos bzhin du nad ldang ngo //nad ldang ba'i rgyu dang sngon gyi sdig gnyis ka 'dres pa las nad du 'gyur ba ni/ nad du gyur pa'i rgyu chung ngu las nad tshabs dkyel chen por 'gyur ba'o/ /de la da ltar gyi tshe 'di'i zas mi 'phrod pa la sogs pa las nad du gyur pa la sogs pa'i thabs ni/ nad dang mi mthun pa la bsten na phan te/ dper na snum nang la kha zas snum bag dang drod bag phan pa lta bu/ mkhris pa'i nad la bsil ba dang mngar bag phan pa lta bu/ bad kan la kha zas rtsub pa dang drod bag bsten na nad zhi bar 'gyur ro/ /tshe snga ma'i nyes sdig gi las las byung ba'i nad ni//bsod nams dang / dge ba cher byas te las byang na nad 'tsho'o/ /rlung dang mkhris pa dang bad kan gyi nad gzhi dang / sngon gyi las gnyis ka las byung ba'i nad ni/ rlung dang mkhris pa la sogs pa'i nad gzhi de nyid dang sdig pa'i las de byang zhing 'tsho'o/ nad do cog la rnam pa gnyis te/ rlung nad dang mkhris pa'i nad lta bu rang gi gnas nyid na nad du gyur pa de ni rang gi gnas kyi nad rang dbang can zhes bya'o/ /rlung nad dang mkhris pa'i nad lta bu rang rang gi sa ma yin pa/ pha rol po mkhris pa'am/ bad kan gyi gnas su rlung nad zhugs par gyur na de ni gzhan gyi gnas su nad zhugs te gzhan la rag lus pa'i nad ces bya'o//rang gi gnas dang gzhan gyi gnas de gnyis la yang nad rnam pa gnyis gnyis su shes par bya'o/ /de ji ltar zhe na/ nad gang yang rung ba zhig gis btab pa las/ sngar nad gang gi tshul yin par shes pa dang /nad de las dkyel skyes te/ lan bon gyi gnod pa'i nad ci yin par shes par bya ba dang rnam pa gnyis so/ /nad 'di gnyis ni rang gi gnas rang dbang can dang / gzhan gyi gnas rang dbang med pa gnyis las/ de ltar nad kyi tshul gnyis su shes par bya'o//de la rlung nad dang mkhris pa lta bu rang gi gnas nyid nas rang gi gnas nyid du nad langs pa rang dbang zhes bya ba de ni nad kyi tshul mngon te shes par sla ba yin no/ /mkhris pa'am bad kan lta bu'i sar rlung nad zhugs te langs pa de ni/ gzhan gyi nad zhugs pa gzhan dbang zhes bya ste/de ni mkhris pa'am bad kan gang gi sar nad zhugs kyang rung ste/ de la ni mkhris pa'am bad kan ltar gso ba'i cho ga byas na rlung nad de sos par 'gyur ro/ /dri ma bshang gci dang rdul ba la yang nad rang gis dang / gzhan gyi gnas rnam pa gnyis su shes par bya'o//rlung nad dam mkhris pa'i nad gang yang rung ba rgyun du na ba las/ kha zas mi 'phrod pa zos sam/ zas ma zhu'am/ srog zungs bdun po nyams te nad du 'gyur ba ni nad glang thabs zhes bya'o/ /'di lta bur nad glang thabs su gyur pa la sman pa mig mi g.yeng bar nan tan cher gyis shig /de la dang po nad kyis btab nas nad kyi tshul ci yin par shes pa dang / dang por de nyid gsos na nad de las gyur pa'i lan bon gyi nad gyur pa'i nad dang gnyi ga 'tsho bar 'gyur ro/ /gal te nad dpyad de de ltar byas te ma btub na/lan bon gyi nad gyur pa'i nad tshabs che ste/ lus la gnod pa'i nad ngan pa de gsos la/ thag gi nas nad snga ma ni phyis gsos shig /lan gyi lan bon dang glang thabs su na ba de lta bu'i nad kyi ming nges pa med de/ nad de lta bu'i ming sman pas mi shes zhes ngo tsha nams kyang ma byed par nad kyi tshul dang sbyor te dpyad gyis shig /rlung nad mkhris pa dang bad kan gyi nad gang yang rung ba nad langs pa'i nad tshabs kyi dmigs dang / nad de rlung ngam mkhris pa'i gnas gzhan lta bur 'phos pa las/ nad de sngar dang mi 'dra bar mang por 'gyur ro/ / de lta bas na nad bla brnan du gyur pa de la nad nyid rlung ngam mkhris pa'am bad kan gyi rang bzhin gang yin pa dang yang sbyar/ nad de yang nad rang gi gnas na 'dug gam/ /nad de gnas gzhan du 'phos sam/ /nad de gzhi ci las nad du gyur pa'i bye brag sman pas shes par gyis la sman dpyad myur du gyis shig /nad gso ba de yang srog zungs bdun po ci 'dra ba dang / yul gyi gnas skabs dang / nad pa'i nyams stobs dang / dbyar dgun ci 'dra ba'i dus dang sbyar ba dang / nad pa'i khong na me'i drod che chung dang / nad pa rlung ngam mkhris pa'i rang bzhin ci yin pa dang / nad pa'i na tshod dang / nad pa'i snying stobs che chung dang / goms pa rab 'bring tha ma'i dbye ba dang / nad pa'i lus thogs kha zas gang gis bskyed bskyed pa dang / da ltar kha zas gang ci dang ci 'phrod pa dang / tshabs che chung dang / tshul 'di lta bu'i bye brag tha dad pa phra zhing chung ngu yan chad zhib tu brtags la/ nad dang / sman gyi tshul du sbyar zhing nad pa gso bar byed pa de lta bu ni sman dpyad rnams kyang 'khrul pa med pa zhes bya'o/ /nad pa'i nad dkyel che 'am/ tshabs chung ngam/ skran dang 'brum bu la sogs pa lta bu nad kyi dbyibs sna tshogs kyi tshul ci 'dra ba dang / nad pa'i phog snya che chung dang / lus che chung dang / nad pa'i nyams che chung gi tshul yang shes par byas la/ nad kyang rnam pa gzhan dang gzhan du gyur par snang yang / de'i tshe sman pa ma yengs par legs par rtogs shig /sman pas nad pa lci yang gi drod tshod zin nas gso ba'i dpyad smros shig /gal te yang nad dmigs chung snyam du bsams te/kha zas mi 'phrod pa zar bcug gam/ kha zas kyi cho ga tshod ma zin na nad tshabs cher 'gyur ro/ /nad dkyel che ba zhig la/ bkru sman nyung ngam/ bkru sman gyi stobs chung na/ /de ni sman thun chung ngur sbyor ba zhes bya ste/ des nad slongs la 'khyil te nad mi phyin mi 'byung ngo //bkru sman gyi thun yang che/ /sman rno ste mthu dang yang dag ldan par btang na de ni sman thun cher sbyor ba zhes bya ste/ des ni nad phyin cing 'khru bar byed do/ /yang bkru sman ha cang rno la drag po thun che ches par btang na de ni log par sbyor ba zhes bya ste/ bshang gci'i dri ma thur du 'khrus par ma zad kyi lus kyang ma rung bar 'gyur ro/ /de'i phyir sman pas nad gso ba ni rtag tu brtson 'grus bskyed de/ nad pa'i nad dang / nad pa'i nyams drod kyi tshul ci 'dra ba legs par rab tu brtags te shes par byas la/ nad 'byang zhing 'tsho ba'i tshul du 'tsho ba'i dpyad rtag tu gyis shig /lus la bad kan dang / mkhris pa dang / rlung gang dang gang na gnas pa dang / rlung dang bad kan dang / mkhris pa la so so'i nad dmigs cir gyur pa bstan pa'i le'u bcu gnyis pa rdzogs so// //rlung nad dang mkhris pa'i nad dang bad kan gyi nad gso thabs bstan pa'i le'u bcu gsum pa bshad par bya'o//de la rlung nad du gyur pa la gso ba'i thabs ni/ mar dang / rkang dang / tshil dang / til mar dang bzhi po 'di dag ni snum zhes bya'o/ /'di dag dang yang rlung 'byin pa lums dang / dugs dang /gtang ba'i dugs dang / bkru sman 'jam pos bkru ba dang / lus mnye ba dang / lag pas rkang lag dang lus la gcu zhing skor ba dang / zas mngar bag dang / skyur bag dang / lan tshwa dang / drod bag gi kha zas de lta bur sbyar te sbyin pa dang / thabs gzhan yang dngas par bya ba dang /sman e raN+Da dang / nye'u shing dang / gze ma la sogs pa bskol ba'i chus lus bkru zhing chu dron gyi nang du gzhug pa dang / kha zas snum bag bsod pa zos pa'i 'tshal nan ni 'bras chang dang / bu ram chang dang / gro chang bzang ngo / /rlung nad la phan pa'i sman mas gtong ba snum bag dron por sbyar la bde zhing phan par bya ba'i phyir rtag tu gtang ngo //kha zas kyi cho ga ni sha tshon po dang / drod che zhing 'ju ba'i spod sman dang / snum bag sna du mar sbyar te chos par gdus pa'i khu ba'i bcud de lta bu bza'o/ /rlung nad la ni til mar dang sbyar te sman bcos pa mas btang na mchog tu phan no//mkhris pa'i nad la ni bkru sman mngar zhing bsil bas bkru'o/ /kha zas ni mngar zhing kha ba dang / bska ba'i kha zas sman de lta bu bza'o/ /skom ni 'o ma dang mar khu sbyar ba dang / kha ra'i chu skom du bzang ngo / /ga pur dang / tsan dan dang /li shi la sogs pa la bsil zhing dri zhim pa'i spos bzang po dang / me tog de lta bu bsnam zhing lus la byug pa dang gdags par bya'o/ /mgul do do shal dang / se mo do dang / nor bu rnams mgul dang brang la bcang zhing gdags so/ /nyin par ni rtag tu ga pur dang / tsan dan dang /sman u shir dang / 'di rnams zhib tu btags pa'i 'de gus skad cig cing lus la rgyun tu bsku'o/ /mtshan mo ni snga gang zhal zhal dkar por byas la/ /bsil ba'i nang du zla ba'i nyi ngo la 'dug la/ drung du glu snyan pa yid du 'ong ba len du bcug la/ ser bu bsil ba'i ngad ldang ba lus la bab par bya zhing /grogs po bde ba bag phebs pa dang / nyams rangs su 'dug cing bu la gzhon skad kyis tshig nyams rangs su smra'o/ /bdag gi chung ma yid du 'ong zhing yon tan gyis brgyan pa/ khyo'i yid bzhin du byed pa de lta bus rim gro bya zhing /nyin par tsha ba'i tshe khang pa bsil ba khang pa nyis rim gyi nang na 'dug cing / chu grang mo bsil ba rgyun 'bab du blugs pa dang / skyed mos tshal gyi nang na rdzing bu bzang po rgya che ba/ chu bsil ba stegs legs par bcas pa dang / bye ma'i bsil ba yod pa'i drung du 'dug cing / chu 'gram na pad+mo bzang po 'khrungs pa'i drung na rgya sab kyi bsil khang phub pa/ me tog dang 'bras bu yod pa'i shing gi yal ga mang po thib por chags pa'i gnas bsil ba de lta bu na 'dug cing / kha zas bsil ba 'o ma dang mar dag bza'o/ /yong ni tsha ba'i nad la mchog tu bkru sman bsil bas sbrus pa bza'o//bad kan rgyas pa'i nad la ni skyug sman dang bkru sman rnon pos sgyug cing bkru'o/ /kha zas ni rtsub pa chung ba/ /rno ba drod che ba/ /tsha ba dang / bska ba de lta bu'i zas dang sman sbyin no/ /'tshal nan ni yun ring por gzhag gzhag pa btung / mtshan mo gnyid kyis mi log pa dang / bud med dang nye bar bya/ lus bcag cing sbyang ba dang / bsil ba rnam pa sna tshogs bya/ lus la rtsub pos mnye/ sems las bskyed/ bad kan rgyas pa la ni mchog tu skyug sman phan no/ /chu tshan bskol ba tshan po 'thungs na bad kan 'bri/sbrang rtsi dang sman rtsub por sbyar te zos na bad kan dang tshil zad par 'gyur ro/ /zas smyung bar bya ba dang / dud pas bdug pa dang / sman btsos pa'i khu ba khar gzhag cing bo ba dang / thabs 'di lta bu byas na bad kan gyi nad phyin te bde bar 'gyur/ rlung nad dang /mkhris pa'i nad dang / bad kan gyi nad bsal zhing gso ba'i thabs ni de ltar bstan pa yin no/ /yang rlung nad dang / bad kan gyi nad du 'dom mam/ mkhris pa dang rlung nad du 'dom mam/ rlung nad bad kan du 'dom yang rung / nad 'di sna gnyis su 'dres pa 'di lta bu dang /rlung dang mkhris pa dang bad kan gsum char gyi nad 'dres par gyur ba de lta bu la 'dres pa'i nad dang / 'dus pa'i nad so sor tshul bzhin du brtag cing dpyad do/ /dpyid dang sos ka dang ston gyi cho bad kan dang mkhris pa la sogs pa'i nad langs na/gso ba'i dpyad bya ba dpyid kyi dus na bad kan gyi nad langs pa'i tshe/ bad kan gyi nad zla la rlung nad kyang g.yos te/ de gnyis lhan cig tu 'byung ba yin mod kyi/ dpyid bad kan gyi nad gsos na rlung nad kyang da'i zla la zhi bar 'gyur ro/ / sos ka'i tshe tsha ches te phal cher mkhris pa'i nad mang du ldang ste/ de'i zla la rlung nad kyang 'byung mod kyi mkhris pa'i nad gsos na rlung nad kyang zhi bar 'gyur ro/ /ston ka mkhris pa'i nad ldang ba'i dus la bab ste/ de'i zla la rlung nad kyang langs te/ gnyis ka lhan cig tu 'dom mod kyi/mkhris pa'i nad gsos na/ rlung nad kyang zhar la zhi bar 'gyur ro/ /yong ni rlung dang mkhris pa dang bad kan gsum gyi nad dang po nad dkyel du stsogs pa nyid kyi tshe na/ bstsal te nad zhi bar byas na bzang ngo / /gal te sngar de ltar nad sel ma nus yang / rlung dang bad kan dang mkhris pa'i nad gang yang rung ba langs shing g.yos pa'i tshe/nad nang ma 'dom na so so'i thabs bzhin du gsos shig /gal te rlung nad dang mkhris pa'i nad dang bad kan gyi nad thams cad cig car 'dom zhing na sta mi bde na/ rlung nad dang mkhris pa'i nad gang tshabs che ba de ltar gso zhing /nad tshabs mi che ba lhag ma gzhan la yang mi ldang ba de lta bu'i thabs su gso'o/ /nad bsal zhing gso ba'i thabs ni nad dmigs gang mi bde ba yang gsos shing zhi bar byed la/ nad gzhan yang mi ldang bar bya'o/ /yang la la nad langs pa ni dub cing gsos par mi nus la/nad gsar ldang thabs su slong bar byed pa de lta bu ni dpyad ngan pa mi mkhas pa zhes bya'o/ /dpyad mkhas pa ni nad gang mi bde ba de yang gsos par byed la/ nad gzhan ldang ba'i nyen du mi 'gyur bar nus pa de ni mkhas pa zhes bya'o/ /rlung nad la gsos par 'gyur ba'i tshul ni las drag shul lta bu byas pa dang /zas drod che ba lta bu'i bag zos pa dang / tsha ba'i bag zos pa dang / gnod par 'gyur ba rnams byas pa/ nad lus kyi khong na yod pa rnams dkyel skyes nas/ lus kyi yan lag dang / rus pa dang /gnas la sogs pa kun gyi nad du rlung nad la sogs pa 'gro zhing 'jug par 'gyur ro/ /de lta bu'i rlung nad la sogs zhugs par gyur nas/ nad dkyel skyes pa yang skyug sman dang bkru sman la sogs pas rtsa sgo thams cad nas nad bkru ste/ bsal na nad dkyel skyes pa de bkrus shing gzags pa dang /sbyangs shing bsal du rung bar smin par byas pa dang / 'di rnams kyis nad rtse gzhi la zhing nad khong du bsdu bar bya'o/ /rlung rtse bcil te khong na gnas pa de yang rang gtan nas ma phyin cing 'dug na/ nad de ldang bar 'dug pa'i rgyu kha zas mi/ 'phrod pa dang / nam ma 'phrad kyi bar du khong na snod cing thogs te/ rlung nad la sogs pa slong ba'i gzhi kha zas mi 'phrod pa dang / dpyid dang / dbyar ston dang / dgun nad la sogs pa nad so so'i ldang ba'i dus kyi stobs dang ldan par gyur na yang nad lang ngo / /yang na so so'i nad ldang ba'i dus su zas mi 'phrod pa cher zos sam//de bsten pa'i rkyen gyis dus kyi nad ma yin pa mkhris pa dang bad kan gzhan la sogs pa yang ldang ngo / /gzhan yang nad ldang ba'i rlung ngam mkhris pa lta bu'i lan bon gyis bad kan gyi nad lta bu yang gcig la gcig brten nas ldang ngo //de la yang bad kan gyi sar rlung nad zhugs sam/ mkhris pa'i sar rlung nad zhugs sam/ rlung gi sar mkhris pa'am/ /bad kan zhugs kyang rung ste/ nad glang thabs su zhugs pa ni mthu che/ snga na gnas pa'i snying ni stobs chung zhing zhan par 'gyur te mi bde na/ de la gso ba'i dpyad ni snga na gnas pa gang yang rung ba de mthu bskyed cing gsos na/ glang thabs su zhugs pa zhar la phyin cing 'byang ngo / /yang na nad gzhan gyi sar nad glang thabs su zhugs pa de nyid sman dpyad cho ga'i stobs kyis nad bsal te zhi bar byas na/ bad kan nam mkhris pa rang gis na gnas pa de ni gso mi dgos par rang 'tsho'o//rtsib logs sam/ glo g.yas g.yon nam/ rkang lag g.yas g.yon du nad zhugs par gyur na dkyel che ste/ nad pa yun rings su nyon mongs par 'gyur ro/ /de gso ba'i cho ga yang 'phral du rings thabs su byas na/lus dang / khong pa nang gi me'i drod dang nyams mthu la gnod par 'gyur gyis/ rings thabs su ni mi bya'i/ de ni sman dang dpyad kyis rtsib logs g.yas g.yon dang / yan lag g.yas kyi nad de lus kyi khong du bsdu zhing brlan te bde bar zhi bar bya zhing gso'o//de ltar na nad kun khong du 'dus pa shes nas/ nad gang du nye bar 'ongs pa bzhin du gyen du slon pa dang / thur du bkru ba dang / sman mas gtong bas nad bsal bde lta bus nad 'byang ngo / /nad pa zhig na ni/ rlung ngam mkhris pa'am/bad kan gyi nad gang yang rung ste/ nad rtse ma gzhil na/ nad tshabs che ste/ nad ma smin pa'i rtags ni/ bu ga dgu nas 'byung ba rnams 'gag /nyams stobs chung zhing nyams lus lci/ lto ba'i nang na rlung 'khrul zhing 'u ru ru zer/ khong snyom/ kha zas mi 'ju/bad kan dang mchil ma mang / bshang gci sri zhing 'gag /kha zas yi gar mi 'ong / khong rmya ste/ 'di ni nad do cog gang gis btab kyang rung ste/ rtse ma gzhi la na/ ma thub pa'i rtags yin no/ /nad thabs 'di lta bu las bzlog na nad rtse zhil te smin pa yin no//de yang ji lta zhe na/ khong pa'i drod chung / nyams stobs chung / khams bdun po la dang po'i khams bcud ces bya ba khong du mi 'ju/ nang khong du drod kyis pho ba'i nad du zhugs te/ de na bcud dngas ma yang ma zhu bar 'dug pas na/ de'i tshe de lta bu ni nad rtse zhil te smin pa'i rtags yin no//nad tshabs po che zhig gis btab pa'i steng du nad glang thabs gzhan zhig kyang btab ste/ rnam pa gnyis su 'dom ste na ba ni dper ko dra ba zhes bya ba ci tshe las dug tu gyur pa dang 'dra ste/ nad tshabs chen por gyur pa zhes bya'o/ /de lta bur nad tshabs chen po dang 'dres shing 'dom pa'i nad kyis btab ste/rlung dang bad kan dang mkhris pa 'dres par gyur na/ khams bdun la yang gnod pa'i nad du 'gyur te/ de lta bu ni nad smin pa bsngo zhing tshabs che ba zhes bya'o/ /de lta bu'i nad las nad gzhan yang gsar du 'byung ste/lus thog thag tu nad zhugs te na na/ rtse ma zhil bar du bkru sman dang / skyug sman lta bu mi btang ngo / /ji lta zhe na/ nad nang du zhugs te phyir ma phyung ba ni/ dpe shing thog ma smin pa las khu ba mi 'byung ba dang 'dra ste/ de lta bu la sman btang na lus ma rung bar 'gyur la/nad kyang mi phyin no/ /de lta bas na nad bsal du rung bar smin te/ rtse zhil bar bya ba dang / drod che ba'i bras kyis drod bskyed pa dang / rlung nad la snum bag gis brta ba dang / dugs dang lums pa la sogs pas rtse bcil te nad bsal du rung bar bya'o//nad bsal du rung bar gyur nas nad dmigs dang sbyar la nad gang du nye bar gyur ba las/ gyen du slon pa dang / thur du bkru ba nad pa'i nyams stobs dang sbyar la/ bkru zhing slon par 'gyur na/ nad 'byung ba la rang gis 'byung du mi snang bar rang gis ma bkag shig / gnas te ma slon ma 'khrus par byas na/ de nyid las nad du 'gyur ro/ /de ltar stod smad du nad 'khrus shing byung nas/ /nad phyin phyin gyi bar du ni/ ci nas kyang 'khru zhing slon la/ nad phyin phyin gyi bar du bsdad do/ /nad phyin par gyur nas gdod phan pa'i kha zas bza'o/ yang skyug sman dang bkru sman btang ba las/ sman 'khyil te mi 'khru bar gyur na/ nad 'byung bar 'gyur brtse gzhil zhing smin par byed pa'i sman gyis bsal du rung bar byas la/ blon pa'am bkru bas sbyang ngo / /skyug sman dang bkru sman gyis sbyang zhing / bsal ba'i dus ni dbyar zla tha chungs kyi ngo la rlung nad bsal ba'i dus so//ston zla tha chungs kyi ngo la mkhris pa'i nad bsal ba'i dus yin no/ /dpyid zla 'bring po la bad kan gyi nad bsal ba'i dus yin te/ nad sbyang zhing bsal ba'i rim pa ni de lta bu'o/ /de la nad dkyel du sogs pa'i rim pa ni sos ka'i dus dbyar zla ra ba dang /dbyar zla 'bring po la tsha ba'i nad mkhris pa ni langs so/ /rlung nad ni khong du stsogs so/ /dbyar gyi dus na dbyar zla tha chungs dang / ston zla ra ba'i do la rlung nad ni langs so/ /mkhris pa'i nad ni stsogs so/ / ston zla 'bring po dang ston zla tha chungs la tsha ba'i nad mkhris pa'i nad ni langs/ grang ba'i rlung nad ni stsogs so/ /dgun stod dang dgun smad ni rlung nad ni langs/ bad kan gyi nad ni sogs so/ /dpyid ni bad kan gyi nad ldang ngo / /de ltar dus re re la nad stsogs pa dang /ldang ba'i dmigs dang sbyar te/ de la bad kan gyi nad ni stod du skyug cing drang ngo / /mkhris pa'i nad ni thur du bkru'o/ /rlung nad ni sman mas gtong zhing bsal lo/ /de lta bas na sos ka rab tu tsha ba'i dus dang / dbyar zla rlung nad langs pa'i dus dang / dgun grang ba'i tshe/so so'i nad langs shing bsngo ba'i dus su sman gyis bkru zhing sgyug cing drang ngo / /de bas na dgun dang dpyid kyi mtshams/ dpyid dang sos ka'i mtshams/ sos ka dang dbyar gyi mtshams/ dbyar ston dang dgun gyi mtshams 'di lta bu so so'i nad ma langs/ ma byung ba'i skabs su bkru sman dang skyug sman gyis nad sbyang zhing bsal na rtag tu nad zhi zhing bde ba tha mal par gnas par 'gyur ro/ /rtag par mi na bar 'dod na yang thabs 'di ltar gyis shig /nad kyi dbang du gyur te mi bde ba zhig na yang thabs 'di lta bur bya'o/ /sos ka dang dbyar dang dgun gyi so so'i dpyad dang /cho ga tshul bzhin du nad dmigs rim pa dang sbyor ba gyis shig /so so'i thabs skabs su skyug sman dang bkru sman la sogs pa btang ba cho ga bya ba'i dus su ma bshol ma yol bar gyis shig /sman btang zhing bza' ba'i bye brag bshad pa rnam pa bcu la/kha zas ma zos par khye'u sus la sman gtang ba dang / dro khar sman btang ba'i rjes la zan bza' ba dang / zan phyed zos nas sman bza' ba dang / zan zos skom 'thungs zin pa'i rjes la/ sman gyis mnan pa dang / nang par gyi khye'u sus dang /phyi 'phred kyi zas kyi bar nyi ma'i gung la sman btang ba dang / zan dang sman spag cing bza' ba dang / yang dang yang tsheg pur bza' ba dang / 'bras chan nam zan dang sman lhan cig btsos te bza' ba'am/ yang na so sor btsos pa las bsres te bza' ba'am/ sngar sman btang la de'i rjes la kha zas yang ba cung zad zos nas sman btang ba dang /mtshan mo nyal kar sman btung ba dang rnam pa de bcu'o/ /yang sman btang ngo cog kyang nad pa'i nad dmigs dang sbyar la/ sman btang ba'i dus las ma gyur par btang ngo / /de la nang par khye'u sus la kha zas ma zos par sman bza' ba ni/nad pa pho ba'i drod che la be'u snabs kyang med pho ba'i rtsa sgo rnams kyang ma 'gags la/ nad pa'i nyams stobs dang ldan/ bad kan shas kyis che ba'i mi de lta bu la/ sman khye'u sus la btang na sman gyi mthu rab tu che bar 'gyur ro/ /de la dro khar sman btang ba'i rjes la zan bza' ba ni/rlung nad a pa na thur du sel ba zhes bya ba'i nad kyis btab pa bsal ba dang / lus kyi nyams stobs bskyed pa dang / zan phyed za zhing grims par bya ba'i phyir dro khar sman 'thungs pa'i rjes la zan bza' bar bya'o/ /zan phyed zos nas sman bza' ba ni rlung nad las mang na me'i drod dang mnyam du gnas pa zhes bya ba las nad du gyur pa de lta bu la/zan phyed zos nas sman btang la/ mjug kyang zan dang skom gyis mnan to/ /thabs 'di ltar btang na rlung nad de lta bu'i nad dang / khong pa'i nang gi nad rnams dang /mkhris pa rgyas pa'i nad la phan no/ /zas zos skom 'thungs pa'i rjes la sman gyis mnan ces bya ba ni/ rlung khyab byed ces bya ba las nad du gyur te mi bde ba dang / rlung nad a pan zhes thur du sel bar byed pa'i nad khye'u sus la sman btang bas ma phan pa dang /mtshan mo mi bde ba'i nad ma zhi ba la phan par bya ba dang / ro stod yan chad la bde zhing stobs mthu bskyed pa dang / bad kan las nad du gyur pa la zhi bar bya ba dang / sha 'tshag skye zhing sbom por bya ba 'di lta bu la/ kha zas kyi mjug la sman gyis mnan cing bza' ste/dro kha'i zas kyi mjug dang / dgongs kyi zan gyi mjug la sman bza' zhing mnan to/ /nang par gyi khye'u sus dang / phyi 'phred kyi zas kyi bar nyi ma'i gung la sman btang ba zhes bya ba ni drod ches pa las khyab byed ces bya ba'i rlung nad du gyur na/ khye'u sus zos te zhu ba dang / dro khar sman zos la/ sman de zhun phyi 'phred nub par zan bza' bza' ba ni/ mtshan mo'i cho ga yang 'di las lhag par bya ba med de 'dir 'dus so/ /zan kham ra dang / sman thun re spel zhing bza' ba zhes bya ba ni/ srog ces bya ba'i rlung las nad du gyur pa dang / pho ba'i drod skyed pa dang /bud med la nyal phod par bya ba dang / snying na ba dang / skyugs pa bshad pa 'di lta bu la zan kham re zos shing sman cur nis phye ba'am/ sman 'de gu'am/ sman ril bu thun re dang spel zhing bza'o/ /yang dang yang tsheg bur bza' ba ni zan zos kyang rung / dbugs mi bde ba dang lud pa lu ba dang /skyigs bus btab pa dang / skom gyis gdungs pa dang / dug gis phog pa dang / skyug bro ba 'di lta bu la sogs pa sman tseg pur yang dang yang bza'o/ /'bras chan nam zan dang sman lhan cig btsos te bza' ba'am/ yang na so sor btsos pa la bsres te bza' ba ni/byis pa chung ngu sman 'thung mi nus pa dang / sman stobs chung ngus sman 'thungs pa la zhan pa dang / sman dang kha zas yi gar mi 'ong ba 'di lta bu dang / lus dang yan lag thams cad na ba la kha zas yid du 'ong ba sna tshogs dang / sman du sbyar la lhan cig btsos sam/ so so na btsos pa la sbyar te bza'o//sngar sman btang la de'i rjes la kha zas yang cung zad zos na/ yang sman bza' ba ni/ skyigs bu dang / lus 'dar ba dang / rkang lag 'dar ba dang / lus stod smad mi bde ba de lta bu'i nad la/ sman sngar 'thungs pa zas yang ba de'i 'og tu zos te/ de'i rjes la sman 'thungs na phan no//mtshan mo nyal khar sman btang ba ni/ mgul pa yan chad stod kyi nad la mtshan mo nyal khar sman btang na phan te/ de la skam mam/ yang na chu 'thungs par ma gyur tam/ zas ma zhu'am/ yang na bkres sam/ lus rgyan/ mtshan mo nyal khar sman btang du mi rung ngo / / rlung nad dang mkhris pa'i nad dang bad kan gyi nad gso ba'i thabs bshad pa'i le'u ste bcu gsum pa rdzogs so// //de nas yang nad pa'i nyams brta zhing gso ba'i thabs dang / nad yang bar bya ba'i phyir zas dbri ba dang / smyung bar bya ba dang rnam pa gnyis kyi le'u bcu bzhi pa bshad par bya'o//dpyad rnam pa gnyis su bshad pa de la gcig gis lus kyi nyams 'tshag brtas par bya'o/ /rnam pa gnyis pos ni lus nyams 'tshag smad cing shad pri bar bya'o/ /de la nyams 'tshag brtas par bya ba ni sha 'tshag rgyas pa tshon por bya'o/ /nyams 'tshag smad de skem por bya ba ni zas dbri zhing bsdam pa smyung ba lta bur byas pas/lus sha dbri ste khong yang bar bya ba yin no/ /de yang yong ni phal cher lus kyi rang bzhin ni sa dang chu dang me dang rlung dang nam mkha'i rang bzhin yin te/ 'di rnam par bskyed pa dang dbri ba'o/ /chen po lnga po 'di rnams la dpyad du bya ba/ khong snum pa dang / lus kyi khong rtsub par bya ba'o/ /lus de la yang dugs dang lums bya ba'i cho gas nad kyi rtse gzhil bar bya ba'i dpyad kyang bya'o/ /chen po lnga'i lus la dpyad du bya ba yang rnam pa gnyis te/ lus kyi nad bkru zhing sbyang ba dang / zhi bar bya'o/ /bkru zhing sbyang ba ni nad phyir sel ba ste/de yang rnam pa lnga'o/ /lnga gang zhe na/ sman mas btang ste nad bsal ba dang / skyug sman btang ba dang / khong pa'i lus nad bkru ba dang / mgo bo'i nad rnams sman sna nas btang zhing bsal ba dang / gtar ga gdab cing khrag dbyung ba dang lnga'o/ /nad zhi bar byed pa ni nad sel cing 'khru bar byed pa yang ma yin te/'phrod cing snyoms te bde ba las gnod par yang mi byed/ /rlung dang bad kan dang mkhris pa rnams ma snyoms te nad du gyur pa rnams dug zhi nas nang 'phrod cing snyoms par byed pa de la nad zhi bar byed pa zhes bya ste/ de yang rnam pa bdun du blta'o/ /de gang zhe na/drod che ba'i 'ju sman gyis nad bsal du rung ba 'ju bar bya ba dang / pho ba'i me drod bskyed pa dang / bru ba tsha bar bya ba dang / skom par bya ba dang / lus bsig cing bcag pa dang / nyi ma tsha ba la 'de ba dang / tsha ba'i nad la ser bu bsil ba dang sbyar ba 'di dag ni 'phral du nad dub cing zhi bar bya ba yin no//rlung nad dang / mkhris pa'i nad gnyis la ni brta ba'i cho ga dang / dub cing zhi bar bya ba'i dpyad bya'o/ /zas dang sman gyis lus brta bar bya ba ni chang nad kyis btab ste nyam chung ba dang / bud med kyis dub pa dang / mya ngan gyis sha zad pa dang / lus khur gyis rke ba dang / lam rings kyi rgyun gyis chad pa dang /glo rdol ba dang / lus skem zhing rid pa dang / khong na snum med de las rtsub pa dang / nyam chung ba dang / rlung gi shas che ba dang / lto na bu yod de nyam chung ba dang / bu btsas pa dang / byis pa chung ngu dang / mi rgan po sbabs chung ngu 'di lta bu dang / sos ka tsha ba'i dus 'di lta bu la lus brta ba'i cho ga bya'o//de la lus brta ba ni sha dang 'o ma dang / mar dang / mngar bag dang / snum bag dang / li kha ra dkar po dang / sman mas gtong ba 'di dag gis khong brta zhing nyams 'tshag bskyed la/ yang lus la phan pa mtshan mo mal na gnyid bde bar log par bya/ lus la mar gyis byug cing mnyes te/chu dron pos khrus bya ba dang / nyams bag tu bde bar 'dug pa dang / nyams dga' bar bya ba 'di lta bus lus brta'o/ /yang lus kyi sha 'tshag nyams smad cing dbri bar bya ba ni/ gcin snyi ba'i nad dang / pho ba'i nang be'u snabs yod de mchin pa na ba dang / zas snum bag ha cang zos sam/lus kyi khong snum ches sam/ rims kyis btab bam/ brla rengs pa'i nad yod dam/ mdzes btab bam/ shu chen mched pa'am/ khong 'bras dang / mcher pa na ba dang / klad pa na ba dang / lkog ma na ba dang / mig na ba dang / lus sha bskyed de sbom por 'gyur ba dang / 'di lta bu dang /dgun stod kyi tshe lta bu rtag tu zas bsnams shing kha zas dbri ba dang / smyung bar bya'o/ /de la sman gyis rtag tu bkru zhing sbyang ba ni lus ha cang sha che zhing spom pa dang / nyams stobs che ba'i mi dang / tsha ba mkhris pa rgyas pa'i mi dang / bad kan rgyas te che ba dang / pho ba'i nang na be+e'u snabs yod pas zas mi 'ju ste mchin pa na ba dang /rims na ba dang / rtag tu slon zhing skyug bro ba dang / tshad pa rab tu 'khru ba'i nad dang / snying na ba dang / bshang gci 'gags pa ste 'ong du mi rung ba dang / lus dang khong lci ba dang / sgregs pa rtag tu 'ong ba dang / yi ga 'chus shing dong ga mi bde ba la sogs pa la/bkru sman dang skyug sman drag tu cher btang ngo / /sman gyis ran par bkru zhing sbyang ba 'bring tsam du btang ba'i dmigs ni/ sha che chung ran tsam gyi mi la ni sngar nad bzhu ba'i sman btang drod bskyed la/ de'i rjes la nad kyi dmigs gong ma ltar mi bde zhing na ba gang yang rung ste/de lta bu'i mi dang / yang la la sha chung zhing skem la nad dmigs gong ma ltar na ba de rnams la/ bkru zhing sbyang ba'i sman drag dal ran pa 'bring tsam du btang ba dang / nyam chung zhing rke ba la thun chung zhing 'jam por btang la/ de'i tshe na kha zas bsdam zhing skom thub par bya'o/ / yong ni nad pa'i nyams stobs 'bring tsam cig la mi bde na/ de la dpyad bkru sman gyis bkru zhing sbyang mi dgos te/ de lta bu ni lus bsig cing bcag pa dang / nad dmigs dang sbyar te/ rlung dang ser bu las bsang ba gar legs par bya'o/ /nyams 'tshag 'bring la yang bkru sman la sogs pa mi btang na/nad pa nyam chung ba la bkru sman 'jam po yang btang du mi rung ba lta smos kyang ci dgos so/ /nad pa lus kyi nyams 'tshag smad cing bri ba lta bu nyams 'tshag gso zhing brta bar bya ba'i mi la ni/ zas bsdams pa dang / smyung ba la sogs pa cung zad tsam byar rung ngo //spyir gso zhing nyams 'tshag brta ba'i dpyad bya ba dang skyug sman dang bkru sman dang smyung bar byas te/ nyams 'tshag smad par bya ba yang yul dang stobs dang / dus dang / mi'i na tshod dang / nyams 'tshag dang sbyar te/ ha cang nyams 'bri ba dang / ha cang nyams brta ba yang mi bya'o/ / de la lus kyi nyams 'tshag brta ba'i dpyad bya ste/ nyams mthu brtas par 'gyur bar mngon zhing nyams 'tshag brtas/ sha skyes stobs dang ldan par gyur na/ mig dang rna ba la sogs pa dbang po rnams gsal/ bshang gci'i dri ma mi sri bar 'byung / lus khong yang zhing bshor/kha zas yi gar 'ong na de lta bu nad med par gso zhing cho ga byar rung ngo / /yang kha zas bsdam zhing dbri ba dang smyung bar byas na/ phan par mngon pa'i rtags ni kha zas phra zhing bsdams sam/ smyung bar byas pa las kha zas zhu ste/ bkres shing skom par 'gyur ba dang / khong gsud pa'i sgregs pa mnam po mi zhim pa med pa tha mal bar 'byung la khong ba'i nang sang sang por gyur la sems kyang gsal/dang ga dang gre ba yang sang sang por gyur la/ na ba dang mi bde ba yang rtse zhil la/ khong yang zhing ci bya'o cog la sems spro ba yod/ myo myo po snyom pa'i bag med pa de lta bu ni kha zas smyung ba byas pas phan par mngon pa yin no//nyams 'tshag brta ste sha bskyed pa'i cho ga tshod ma zin te ha cang drags pas sha ha cang cher skyes sam/ kha zas bri zhing smad pa dang / smyung bar byas pa drags pas ha cang skem por gyur pa 'di gnyis lta bu la sman dpyad kyi cho gar bya ba ni/sha cher skyes pa dang / kha zas smyung bar byas pa las nad cir gyur pa'i tshul mngon te/ lus sha ha cang che zhing tsho ba las ni nad 'brum bu dang / gcin snyi ba'i nad dang / rims nad dang / dmu rdzing lta bu gsus pa cher skyes pa'i nad dang / bshang gci 'byung ba'i mtshams su mtshan bar rdol ba'i nad dang /lud pa lu ba dang / rims rmongs bus 'debs pa dang / gcin sri ba dang pho bar be+e'u snabs chags te zas mi 'ju ba dang / mdze la sogs pa'i nad mi bzad pa rnams 'byung ngo / /de la sha che zhing tshon po ni tshil zad par bya ba dang / rlung dang bad kan bsal bar bya ba lta bu'i dpyang thams cad bzang ngo //de la mi tshon po skem po grims par bya ba'i kha zas ni/ rgya sran ku lang+tha dang / dzur na dang / sha ma ka khre rgod dang / nas dang / sran chung mon sran rde'u dang / 'di rnams g.yos su byas pa bzang zhing / skom du ni sbrang rtsi chu dang sbyar ba dang /zho ga chu dang / dar ba dang 'di rnams btung ngo / /yang sman a ri ta'i khu ba skom du bsnan pa btung ngo / /sems las bskyed pa dang / skyug sman dang bkru sman btang ba dang / lus bsig cing bcag pa dang / mtshan mo gdod mi nyal bar bya'o/ /sman ni a ru ra dang / ba ru ra dang / skyu ru ra'i 'bras bu gsum zhib tu btags la/sbrang rtsi'i 'de gus sbrus te bza'o/ /yang sman gu ru ce sle tres dang / a ru ra dang / gla sgang chen po 'di gsum btags te sbrang rtsi la sbrus pa bza'o/ /yang sman ra tsan dza na zhes bya ba skyer khaN+Da dang / rtsa ba chen po lnga zhes bya ba sa la par+Ni dang / kr-iSh+Na par+Ni dang / bri ha ti dang / kaN+Da ka ri dang / gze ma dang 'di lnga btang ngo / /yang gu gul btang ba'i dpyad dang / sman brag zhun btang ba'i dpyad bya'o/ /sman ag+ni man+tha'i khu ba yang btang na yang sha 'bri'o/ /yang sman byi dang ka dang / sga dang / ya bak+Sha ra nas tshig 'khus pa'i tsha dang / lcags kyi cha tsha phye ma nag po dang / nas dang / skyu ru ra dang / 'di rnams phye mar byas la/ sbrang rtsi dang sbyar te btang na/ sha che zhing tsho ba'i nad sel cing sha grims par 'ong ngo / /yang tsha ba rnam pa gsum po bca' sga dang / pi pi ling dang / na le sham dang / ka ti tang dang / ba ru ra dang / skyu ru ra dang gsum dang / shi kru dang / byi dang ga dang / bong nga dang /s+thir dang / shing kun dang / lan tshwa nag po dang / go snyod dang / la la phud dang / 'u su dang / kru trug tres dang / skyer pa dang / chu rtsi mo dang / bri ha ti rnam gnyis dang / snga ma'i 'bras bu dang / pa tha dang / pi pi ling gi rtsa ba dang / chu las skyes pa ke'u ka dang / 'di rnams zhib tu btags pa'i phye ma cha snyoms pa dang /sbrang rtsi dang / mar dang / til mar gsum mnyam par byas te/ sman 'di rnams las nas phye cha bcu drug gis bskyed de sbyar ba 'di 'thungs na lus sha rab tu che zhing sbom po dang / lus sha chen po las byung ba'i nad thams cad dang / nad gzhan yang 'byang la sha yang grims shing phra bar 'ong /gzhan yang snying na ba dang / mig ser dang / sha bkra dang / dbugs mi bde ba dang / lud pa lu ba dang / lkog ma na ba dang 'di rnams sel te phan/ yid rno/ yid gzhungs sems dran pa la phan/ /khong pa'i drod skye/ zas 'ju ba la phan no//ha cang kha zas bsdam zhing smyung ba bya ba drags pa dang / sman gyis bkru zhing sbyang ba drags pa na/ lus sha rab tu skem/ mgo 'khor/ lud pa skam por 'ong / skom dad che/ /kha zas yi gar mi 'ong ba dang / lus kyi khong na tshil dang snum bag zad pa dang / khong pa'i nang gi drod nyams te zad/ gnyid med/ mig rtul/ rna ba mi gsang / khu chu zad/ gzi dang mdangs nyams te/ zas yi gar 'ong ba mi skyes/ skad 'gag /chu so zug /snying na/ klad pa na/ byin pa dang / brla na/ dku do dang rtsib logs na/ rlung nad las gyur pa'i rims nad kyis 'debs//smra ba'i tshig mang / lus kyi stod du rlung nad 'jug skyug bro/ rus pa'i tshigs kun bcag pa snyam byed cing na/ bshang gci dri ma sri ba la sogs pa 'di lta bu ni kha zas bsdams pa dang / smyung ba dang / sman gyis bkru zhing sbyangs te/ skem por gyur pa las nad de 'dra bar 'gyur ro/ /yong ni lus sha brta zhing tshon por bya ba'am/ skem por bya ba yang rung ste/ skem por ni nad dkon la/ sman dpyad sla ste rung ngo / /tshon po na ba ni sman dpyad byar med de mi rung ngo / /ha cang tsho ches pa ni tshil ches pas khong pa'i me'i drod kyang 'bri//rlung nad kyang sel te/ zas mngar bag dang / zas snum bag bza' zhing bsod pas tshim par byed pa dang / bde ba nyams bag tu byed pas ni sha skem po las tshon por 'gyur ro/ /de bas na na rga ba dang / kha zas mi 'phrod mi mthun pa bza' bas lus skem zhing rid par gyur pa 'di lta bu la lus sha skyes shing brtas par 'gyur ba'i kha zas skom thams cad dang /sman btang zhing sems las med pa la rtag tu snying dga' bar 'dug pa dang / rtag tu skom 'thungs shing nyin par nyal ba ni phag bzhin du tshon por 'gyur ro//lus brtas shing tshon por bya ba ni sha las lhag pa ni gang yang med do/ /de bas na mi tshon po sha phal gyis snying mi tshim pa dang / sha 'tshag brta zhing tshon por blta ba dang / gcan gzan dang / khra lta bus lus gsos shing bskyed pa'i sha lhag par bzang ngo //skem por bya ba la sha yang ba phan no/ /nas dang gro ni tshon po dang skem po gnyis ka'i dus su bzang ngo / /yong ni nad kyi rnam grangs mangs pas bkru sman btang ba la sogs pa dang / 'khru ba gcod pa la sogs pa dpyad mang po du ma yod kyis kyang mdor na nad pa gso zhing brtas pa bya ba dang /kha zas bsdam zhing sha bri bar bya ba dang / sman gyis bkru zhing bsal ba dang / zhi bar byas pa gang yang rung dpyad kyi mdo rnam gnyis su 'dus te/ dper na nad kyi rnam grangs brgya nyi shu yod kyis kyang / nad thams cad kyi gzhi ni rlung dang bad kan dang mkhris pa gsum du 'dus pa dang 'dra'o//nad pa brta zhing gso ba'i thabs dang / nad yang bar bya ba'i phyir zas dbri ba'am smyung bar bya ba dang / gso ba'i thabs rnam pa gnyis bshad pa'i le'u bcu bzhi pa rdzogs so// // @#/ /yan lag brgyad pa'i snying po zhes bya ba'i sman dpyad kyi rang 'grel smad dum bzhugs so// @##/ /bkru sman dang skyug sman la sogs pa nad sbyang ba'i sman sde sna tshogs 'dus par bshad pa'i le'u bco lnga pa bshad par bya'o/ /skyug sman gyi sde la/ sman po son cha dang / shing mngar dang / ka lam pa dang / nim pa dang / bim pi dang / bi sha la dang / ga gon ro kha ba'i thor to dang / 'bras bu dang / in+d+ra ya ba dug mo yungs dang / mur ba dang / de ba ta li dang / lto'i srin bu gsod pa'i byi tang ga dang / bi dul dang / tsi tra ka/ kru drug tres dang / ba to la'i sa bon dang / ka rany+dza dang / pi pi ling dang / lce myang tsha dang / shu dag dang / sug smel dang / yungs kar dang / 'di rnams ni skyug sman du gtong ba'i sman gyi sde'i rnam grangs su gtogs so/ /de la bkru sman du gtong pa'i sman ni/tri bi da/ shing nye rong / dan ti dang / 'bras bu gsum po a ru ra dang / ba ru ra dang / skyu ru ra dang / bi sha la'i rtsa ba dang / shing gi khu ba snu hag shi ra dang / me tog shang gi ri dang / ni li dang /ro d+ha seng phrom dang / dong ga dang / ki bi l+yaka dang / su bar+Na shi ra dang / byar nu dang / ba gcin dang / 'di rnams ni bkru sman du gtogs so/ /bkru sman mas gtong ba'i sman gyi sna grangs ni/ po son cha dang / dug mo yungs dang /ru rta dang / de ba ta li dang / shing mngar dang / shu dag dang / rtsa ba'i sman sna bcu la/ sa la par+Ni dang / kr-iSh+Na par+Ni dang / kaN+Da ka ri dang / bri ha ti dang / gzem thog drung rtsa thon dang / 'di rnams ni sman gyi rtsa ba phra mo lnga zhes bya'o/ /bil ba'i rtsa ba dang / ag ni man+tha dang / s+yo na ka dang / tang bal dang / pa ta li dang / 'di lnga'i rtsa ba ni rtsa ba chen po lnga zhes bya ste/ rtsa ba che phra gnyis gcig tu bsdus pa ni rtsa ba bcu zhes bya ba dang / de ba da ru thang shing dang / rasna dang / ya ba ni la la phud dang / sha ta puSh+pa sha ti dang / kri ta be d+ha na dang / rgya sran nag po dang / sbrang rtsi dang / lce myang tsha 'am/ rgyam tsha shing nye rong 'di rnams ni bkru sman mas gtong ba'i sde tshan du gtogs so/ /mgul ba yan chad mgo'i nad dang / mig nad dang / sna nad dang / log nad la sogs pa ci na yang rung ste/ sman sna nas btang zhing nad sbyang ba'i sman sde la/bel la dang / a pa marga dang / tsha ba rnam pa gsum po na le sham dang / li dong gra dang / pi pi ling dang / skyer ba'i rtsa ba dang / su ra la'i sa bon dang / shi ri sha'i me tog dang / 'bras bu dang / rtsa ba dang / pri ha ti'i lo ma dang / me tog dang / 'bras bu dang / sdong bu dang / rtsa ba dang sna lnga dang / shi kru'i lo ma dang / me tog dang / 'bras bu dang / sdong bu rtsa bar bcas pa lnga dang / seng ldeng dang / shing ma du ka'i me tog dang / rgyam tsha dang / mig sman skyer khaN dang / pha bong gi dreg pa dang / sug smel dang / ldum bu pris rtsi ka dang / sman sde 'di rnams ni mgul ba yan chad klad pa'i nad thams cad sel zhing sbyong pa'i sman du gtogs so//de la rlung nad sel zhing zhi bar byed pa'i sman gyi rnam grangs ni/ de ba da ru thang shing dang / rgya spos dang / ru rta dang / sman gyi rtsa ba bcu rnams dang / ba la dang / a ti ba la dang / sman bi ra ta ra'i sder gtogs pa la sogs pa dang /sman bi da ra'i sder gtogs pa rnams ni rlung nad sel to/ /mkhris pa'i nad tsha ba rnams sel ba'i sman gyi sde ni/ rtswa dUr ba dang / pUr+Na rna ba dang / nim pa dang / sman ba sha ka'i lo ma dang / rtsa ba'i bar du sna lnga dang / ad+ma kub ta kha sral phre'u dang / 'ol ma se'i rtsa ba dang / nye'u shi la dang / shi ta pa ki dang / gan+d+ha pri yang ku dang / shing n+ya gro d+ha la sogs pa dang / shing shug pa dang / sman thi ra rnam gnyis dang / pad+ma'i ze ba dang / thal tres la sogs pa 'di rnams ni mkhris pa'i nad sel to/ /bad kan gyi nad rgyas pa la ni dong ga la sogs pa dang /shing arka la sogs pa'i lo ma me tog sna lngar bcas pa dang / shing mus ka ka la sogs pa rtsa ba dang 'bras bur bcas pa sna lngar bcas pa dang / shing o sa na la sogs pa'i rtsa ba dang / 'bras bu'i bar sna lnga dang / bye'u rug pa la sogs pa dang / gla sgang chen po la sogs pa dang /in+d+ra ya ba dug mo yungs la sogs pa sman sde 'di rnams bad kan sel bar byed do/ /sman dzi ban ti'i sder gtogs pa la/ dzi ban ti dang / ram nye ba rnam gnyis dang / me da dang / mahA me da rnam gnyis dang / mon sran sde'u mung+ga dang / mon sran ma sha gnyis kyi lo ma dang /ldum bu ri sha b+ha ga zangs rtsi ba dang / dzi ba ka dang / shing mngar dang / 'di bcu'i ming ni 'tsho byed ces bya'o/ /yang khar zhim la lus kyi sha 'tshag tshon por byed cing rlung nad dang mkhris pa'i nad sel ba'i sman sde'i rnam grangs la/ bi da ra dang / dong ga dang / 'bri lci ka li dang / pur+Na rna ba dang / de ba dang / sa ha de ba dang / bu ba par n+ya dang / kha sral dang / dzi ba ti tsa phra mo sna bcu dang / shing sha ri ba thal tres kyi rtsa ba dang / lcug ma dang / hang sa pa ti dang / de ltar 'di rnams kyi spyir bi da ri'i grangs su gtogs te snying la phan/sha tshag brta/ rlung dang mkhris pa'i nad sel/ lus skem pa sha skye/ skran dang lhu tshigs dang / nywa gzhi na ba dang / dbugs mi bde ba dang / lud pa lu ba dang / 'di rnams sel zhing phan pa'i grangs su gtogs so/ /yang lus tsha ba dang / khrag dang mkhris pa rgyas te skom dad che zhing rims kyis btab pa 'di rnams sel ba'i sman ni/shing sha ri ra ba thal tres dang / u shi ra dang / ka ma ri dang pa la/ shing ma du ka zhes bya ba dang / tsan+dan dkar po dang / dmar po sna gnyis dang / shing mngar dang / ba ru sha ka dang / 'di rnams tsha ba'i nad dang mkhris pa'i nad dang / khrag rgyas pa dang / skom dad che ba dang / rims kyis btab pa la phan no/ /shing shug pa dang / li kha ra'i shing pun tra gnyis dang / rid d+hi dang / brid d+hi dang / ri dgas kar ka ta'i rwa shing gi zhes bya ba dang sle tres dang /dzi ba na sna bcu dang / 'di rnams ni nu zho skye/ rlung nad dang / mkhris pa'i nad sel/ lus nyam chung zhing khong pa rmya ba lta bu la/ khong brta/ sha cher skye/ tsho bar byed/ bud med la nyal phod par 'gyur ro/ /yang sman pa ru sha ka dang / 'bras bu gsum po a ru ra dang /ba ru ra dang / skyu ru ra dang / rgun 'brum dang / shing ni ri shi kad pa la'i shun pa dang / shing ka ta'i 'bras bu dang / shing tog rA dza dang / bal po se'u'i 'bras bu dang / rgya sne'u dang 'di rnams skom dad che ba dang chu sri ba dang rlung nad sel to/ /yang lig bu mig dang / gan d+ha pri yang ku dang / spang spos dang / me tog pad+ma dang / me tog ut+pa la dang / skyer khaN dang / sug smel dang / shing mngar dang / nA ga ge sar dang / 'di rnams ni dug nad sel/ lus tsha ba dang mkhris pa rgyas pa'i nad sel to/ /pa to la dang / ka tu ka ro hi ni pu tse shel dang /tsan+dan dkar po dang / shing mngar dang / sle tres dang / shing pa tha dang / 'di rnams ni/ bad kan dang / mkhris pa dang / mdze dang / rims dang / dug dang / rtag tu skyug bro ba dang / zas yi gar mi 'ong ba dang / mig ser gyi nad dang 'di rnams sel to/ /yang gu ru tse sle tres dang /shug pa dang / shing nim pa dang / 'u su'i 'bras bu dang / tsan+dan dmar po dang / 'di rnams ni mkhris pa dang / bad kan rgyas pa dang / rims kyis btab pa dang / skyug bro ba dang / lus tsha ba dang / skom dad che ba dang / nad 'di rnams kyang sel to/ /zas 'ju pho ba'i drod skye/dong ga dang / in+d+ra ya bdug mo yungs dang / pa li'i me tog dang / ka ka tig ta dang / nim pa dang / sle tres dang / rtswa dUr ba dang / shing mngar dang / pa tha dang / tsir tig ta zhes bya ba ci skrigs dang / shing shergya ka nI la puSh+pa dang ba na zhes kyang bya ba dang / pa to la dang / ka na dza rnam gnyis dang / sab ta tsha zhes bya ba dang / shing gi 'dab ma rnam bdun dang / tsi tra ka/ kru trug tres dang / su sha bi dang / po son cha dang / shi ba na dang / gon ta dang / 'di rnams kun 'dra ste dong ga la sogs pas skyugs pa gcod/ mdze dang / dug dang / rims dang / bad kan rgyas pa dang / g.yan pa dang / gcin snyi ba dang / rma de ba 'byang ngo / /yang na sab ta tsha dang / shing lo ma bdun pa dang / shing ti ni sha dang / gro ba dang / shre ta ba ha dang / sri ki ya ka dang / shing seng ldeng dang / shing ka da ra dang / b+han d+hi dang / shing sha pa dang / me sha shrI ga dang / tri hi ma dang / tal dang / rgya skyegs kyi shing dang / a ka ru dang / rgya sne'u dang / shing sA la dang / shing d+ha ba dang / ka bu ka dang / ka lang ka zhes bya ba dang / in+d+ra ya ba dug mo yungs dang / tsha ga kar+Na dang / a shwa kar+Na tha ram dang /de ltar a sa na la sogs pa sman 'di rnams ni/ sha bkra dang / mdze dang / bad kan gyi nad dang / khong na srin bu yod pa sel/ nad skya rbab dang / gcin snyi ba dang / tsho ches pa'i tshil nad 'di rnams sel to/ /shing ba ra'i me tog dkar po dang / shing she rgya ka'i me tog sngon po la ba na dang / nye'u shing pa dang / tsitra ka dang / mo ra ta dang / shing bil ba dang / a za shwa gi dang / bri ha ti rnam gnyis ka rany+dza rnam gnyis/ dza ya rnam gnyis la/ ag ni man tha sna gnyis dang / shing shi kru'i 'dab ma/ bo'u pa la pa dang /rtswa ku sha dang / ru rta 'di rnams ni shing bar na la sogs pa zhes bya ste/ bad kan gyi nad dang / tsho ches te tshil skyes pa'i nad dang / zas mi 'ju ste drod chung ba las/ rlung nad cher skyes pa sel/ klad pa na ba la phan/ skran dang / an ta bid tra b+hi khong 'bras 'di rnams sel to//yang sman bri sha ka dang / spangs ma dang / shing kun dang / nag tshur rnam gnyis te/ nag tshur dang / nag tshur bya bal ma dang / rgyam tsha dang / shi la dza tu dang / 'di rnams ni chu sri ba dang / rde'u yod pa dang / khong na skran yod pa dang / lus kyi tshil ches pa dang /bad kan sel to/ /sman be lan tar dang / a ran ni dang / su ga dang / bri sha dang / a sham be ta sru sru dang / go kan ta gze ma dang / ka ta dang / sa ha ra dza dang / ba na nI la puSh+pa dang / rtswa dUr ba dang / br-ik+Sha da ni dang / na la ku sha rnam gnyis dang /kun tha dang / gun dra dang / ba lu ka dang / mor ta dang / ka ru ka ta dang / shing ram pa dang / parta dang / sman sde 'di rnams ni/ rlung nad du gyur pa sel/ chu son rde'u yod pa dang / gcin sri ste 'ong du mi rung ba dang / 'di rnams sel to/ /yang sman sha ba raka ro seng phrom dang /bad thika ro d+hA dang / rgya skyegs kyi shing dang / dzi na dzi ni dang / thang shing par la dang / shing kad pa la'i shun pa dang / kud tsi tam pa dang / ldum bu chu skyes kyi me tog dang / me tog gi rtsa ba dang / shing a shwa ka dang / shing bita sho ka dang / e la ba lu ka dang /sa ri pel ba dang / mo tsha rnams te/ de ltar sman rod+hA la sogs pa 'di dag ni tshil che ba dang / bad kan gyi nad sel bar byed/ bud med kyi mngal na ba la phan/ 'khru ba gcod/ sha mdog bzang bar 'gyur ro/ /dug nad sel to/ /shing ar ka'i rtsa ba dang / shing a lar ka dang / nag dan ti dang / bil shal ya dang / b+har gi dang / rasna dang / pris rtsi ka li dang / sri ki rgya dang / shing a pa marga'i me tog dang / pi ta te la zhes bya ba ka ka da ni dang / ud kir yang dang / mahA she da dang / shing ing gu dang / de ltar ar ka'i sder gtogs pa sman 'di rnams ni bad kan rgyas pa dang /tshil ches pa dang / dug nad rnams sel to/ /lto na srin bu yod pa dang / mdze nad zhi bar byed/ lhag par ni rma red par 'byang ste 'tsho'o/ /bye'u rug pa rnam gnyis te nag po dang / ser po dang / ku the rag zhim thig le dang /ka lam la dang / srin bu sel ba'i sman byi tang ga dang / khar pad tra dang / bri sha kar+Ni dang / kad pa la zhes bya ba ro hi ni dang / ka sam mar dka dang / sha bka dang / shing ka pi ta'i lo ma dang / b+har gyi ka sra'i rtsa ba dang / rak+ta many+dza ri dang / ka ka ma rtsi mon sne'u dang /ku la har dang / bi sha mus+thi dang / bu srin dang / buta ke shi 'bam po dang / sman 'di rnams ni bye'u rug pa la sogs pa'i grangs su gtogs te/ bad kan rgyas pa dang / tshil che ba dang / lto na srin bu yod pa dang / 'di rnams sel/ cham pa na ba dang / zas yi gar mi 'ong ba dang /dbugs mi bde ba dang / lud pa lu ba dang / 'di rnams la phan te rma rid pa 'byang / mus ka ka dang / sud+ha shi ri dang / 'bras bu gsum ste/ a ru ra dang / ba ru ra dang / skyu ru ra dang / tsi tra ka dang / rgya skyegs shing dang / shing d+ha ba dang / shing sha ba dang /'di rnams ni skran dang / gcin sri ba dang / chu son rde'u yod pa dang / skya rbab kyi nad dang / tshil che ba dang / gzhang 'brum gyi nad dang / bad kan dang / khu chu rnams sel bar byed do/ /dug mo yungs dang / shing mur ba dang / pu tse shel dang / na le sham dang / al bi sha dang / gan d+hi ra chu sgog dang / sug smel dang / ba tha sna gnyis dang / zir dang / shing ar la'i 'bras bu dang / a za mo dang / yungs kar dang / shu dag dang / zi ra nag po dang / shing kun dang / srin bu'i sman byi tang ga dang / pa shu gan+d+ha dang / pany+tsa ko la zhes bya ba la/pi pi ling dang / pi pi ling gi rtsa ba la rtse lag dang / dbyi mo'i lo ma dang / tsitra ka dang / li dong gra 'di lnga dang / sman de rnams ni rlung dang / bad kan dang / tshil ches pa dang / cham pa dang / skran dang / rims na ba dang / gzhang 'brum gyi nad dang 'di rnams sel bar byed do/ / shu dag dang / gla sgang chen po dang / thang shing dang / sgron shing dang / li dong gra dang / bong nga dang / a ru ra dang / skyer pa dang / yung ba dang / shing mngar dang / kr-iSh+Na par+Ni dang / dug mo yungs dang / sman 'di rnams ni shu dag dang skyer pa la sogs pa'i sman sde'i grangs su gtogs te/ zas ma zhu ba'i be'u snabs dang / rab tu 'khru ba'i nad rnams zhu zhing gcod do/ /tshil ches pa dang bad kan rgyas pa dang / rlung nad dang / bud med kyi nu ma na ba 'di rnams sel to/ /gan+d+ha pri yang ku dang / mig sman ra gan gyi dud pa dang / lig bu mig dang / stang zil dang / me tog pad+ma'i ze ba dang / lcim rtsa dang / btsod dang / ya ba sha ka dang / shing shal ma shi li dang / shing shal ma li'i khu ba dang / pu na nA ga dang / sa mang ga dang / tsan+dan dkar po dang / me tog d+ha ta ki dang / am pa sh+tha dang / shing mngar dang / nam ska ri dang /nam ti bri ga sha dang / rgya skyegs shing dang / ro d+hA seng phrom dang / da ta ki dang / shing bil ba dang / pe shing ka dang / ka tang ga dang / pad+ma'i ge sar ze ba dang / sman 'di rnams ni sman sde rnam gnyis te/ gan+d+ha pri yaM hang bu'i sde grangs su gtogs pa dang / sman am bash+tha la sogs pa de rnams ni kha zas zhu ba'i tshad par 'khru ba gcod do//sman 'di dag ni 'khru ba yang gcod/ nang gi sha chad dang pags pa'i sha byung ba slar 'phros pa 'byor bar byed de phan/ mkhris pa rgyas pa la phan/ rma red pa yang 'tsho bar byed do/ /gla sgang dang / shu dag dang /tsi tra ka/ kru trug tres dang / skyer pa dang / yung ba gnyis/ kha ba rnam gnyis la/ ka tu ka ro hi ni pu tse shel dang / ka ka tig ta dang / go bye dang / pa tha dang / 'bras bu gsum po a ru ra dang / skyu ru ra dang / ba ru ra dang / bong nga dkar po dang / bong nga nag po dang /khra bo dang / ru rta dang / sug smel dang / shu dag dang / 'di rnams ni bud med kyi mngal na ba dang / nu ma na ba dang / dri ma bshang gci ba dang / rngul dang / rngu ma dang / rna spabs pa la sogs pa sel cing 'byang ngo / /shing n+ya gro d+ha dang / shing a shwat+tha dang / shing u dum+bA ra dang /paT+Ti ka ro d+ha sna gnyis/ 'dzam bu gnyis la/ bri had pha la dang / d+has swa pha la gnyis/ shing ardzu na dang / shing som bal ka dang / shing p+pak+sha dang / shing amra dang / shing ma bany+dzu la dang / shing pi la ya dang / rgya skyegs shing dang / shing nan ti ke li dang / shing bir la dang / shing mngar dang / shing ma du ka dang / 'di rnams ni shing n+ya gro la sogs pa'i grangs su gtogs te/ rma 'tsho ste phan/ 'khru ba gcod/ chag thur byung na 'byor/ tsho ste tshil ches pa dang / mkhris pa rgyas pa dang / khrag rgyas pa dang / skom dad che ba dang / lus kyi khong tsha ba dang /bud med kyi mngal na ba dang / 'di rnams sel te phan no/ /sug smel dang / ma he la dang / tu ruska dang / ru rta dang / gan+d+ha pri yang ku dang / spang spos dang / ba lang b+h+ya ma ka dang / sprig ka 'bug sug dang / zhog tang ku dang / tso tsa dang / gan+d+ha b+ha dra dang / rgya spos dang / sti ni ya dang / spu ma zhes bya ba sri shing gi me tog gi khu ba dang / nya phyis dang / rgya mtsho nas byung ba'i chu srin gyi sen mo dang / thang shing dang / a ka ru dang / shri bas ga dang / gur kum dang / tsan+dan dang / gu gul dang / sa tsi ras dang / pog dkar po nu ma ka dang / sun na ma dang / nA ga ge sar dang / 'di rnams ni sug smel la sogs te 'di dag dri zhim po'i sder gtogs te/ rlung nad dang bad kan rgyas pa'i nad sel/ dug thub/ pags pa'i sha mdog bzang po sdug gur 'gyur/ g.yan pa dang / thor bu dang / bas ldag pa'i nad 'di rnams kun sel to/ / sh+ya ma dang / dan di dang / dra ban ti dang / ka mu ka dang / dri bid shing nye rong dang / shang khri ni dang / pa tal dang / su bar+Na shi ri dang / gab ga shi dang / shi kha ri dang / kam pi l+yaka dang / sle tres dang / shing ka rany+dza dang / ba stad tri dang / bya d+hi ga ta dang / b+ha la dang / ba hu ra sa dang /shing ro tsha ba rnams kyi 'bras bu ni sman sha ma la sogs pa'i sder gtogs te/ skran dang / dug 'thungs pa dang / zas yi gar mi 'ong ba dang / bad kan rgyas pa dang / snying na ba dang / chu 'gags pa dang / nad 'di rnams sel to/ /de ltar sman gyi grangs sum cu rtsa gsum bshad pa la/de dag gi nang nas sman la la ma rnyed na yang / sman gyi ro dang / mthu dang yon tan 'dra ba las sman sna sbyor cig /bkru sman dang skyug sman la sogs pa nad sbyangs pa'i sman sna tshogs 'dus par bshad pa/ sman sde'i rnam grangs bshad pa'i le'u bco lnga pa rdzogs so// //snum dpyad kyi cho gar bya ba bshad pa'i le'u bcu drug bshad par bya'o/ /snum gyi nang na mchog ni rnam pa bzhi ste/ zhun mar dang / rkang dang / tshil dang / til mar dang bzhi'o/ /de ltar snum de dag ni spyir ni 'ju dka' ste lci/ bsil/ khong 'khru/ lus kyi khong snum par byed/ 'jam par byed rtsa thams cad du 'gro bas na zhib mnyen/ lus kyi khong rlan par byed do/ /zas snum bag 'di dang 'dra ba'i sman snum bag can du gtogs pa phal cher yang de dang 'dra'o/ /snum dang sman de dang mi 'dra ba gzhan ni rtsub pa zhes bya'o//de la yang snum de dag gi nang na yang zhun mar sman dang sbyar te btsos pa ni ji ltar sbyar ba bzhin du phan no/ /rkang dang tshil dang til mar gsum ni mkhris pa dang bad kan dang rlung sel to/ /de la zhun mar bas ni til mar 'ju dka'o/ /til mar bas ni tshil 'ju dka'o//de la snum rnam gnyis zhes bya ba ni zhun mar dang til mar ro/ /snum rnam gsum zhes bya ba ni zhun mar dang til mar dang rkang mar gsum mo/ /snum rnam bzhi ni zhun mar dang rkang dang tshil dang til mar bzhi la snum chen po bzhi zhes bya'o/ /de la snum gyi sman dpyad bya ba'i nad dmigs ni/chang nad du gyur pa dang / bud med kyis dub pa dang / drag shul dang / ngal ba'i las byas pa dang / sems las chen po la zhugs pa dang / mi rgan po dang / byis pa dang / nyams stobs chung ba dang / skem po dang / lus kyi khong na snum med de/ rtsub por gyur pa dang / khrag zad pa dang / khu chu zad pa dang / rlung nad kyis nyam thag pa dang / mig rab rib khyer te rtul ba dang / rna ba mi gsang ste legs par mi thos pa dang 'di rnams lta bu la/ snum gyi bcud kyis lus brta bar bya'o/ /brta bar bya ba de la yang thog mar dugs byas la phyis bkru sman gyis bkrus te/sbyangs nas de'i rjes la snum gyi dpyad bya'o/ /ha cang khong pa me'i drod ches pa dang / lus sbom pa dang / nyam chung zhing rid pa dang / brla rengs pa dang / tshad pas rab tu 'khru ba dang / ma zhu be'u snabs yod de mchin pa na ba dang / lkog ma na ba dang / dbyig dug gis phog pa dang / lto ba'i nang dmu rdzing lta bu dang / brgyal ba dang / rtag tu skyugs pa dang / zas yi gar mi 'ong ba dang / bad kan gyi nad yod pa dang / skom dad che ba dang / chang gis phog ste ra ro ba dang / bud med bu btsas pa dang / sman sna nas btang ba dang / bkru sman gyis bkrus pa 'di lta bu la snum gyi dpyad bya zhing sbyin du mi rung ngo //de la zhun mar gyi yon tan ni sems rno mi brjed cing dran pa dang / yid gzhungs/ lus skem zhing rid pa 'di lta bu la phan no/ /til mar ni lto na srin bu yod pa dang / tshil ches pa dang / rlung nad can du gyur pa 'di lta bu la til mar phan no//lus khong yang ba dang / lus khong grims shing sha mkhrang ba dang / lto sra ba 'di lta bu la rkang zos na phan no/ /lus la rlung dang nyi tshan gyis gdungs pa dang / lam ring por bgrod pas khong dub pa dang / smra mangs pa dang / bud med la drags pa dang /drag shul dang / las ches pa dang / srog zungs bdun lta bu zad pa dang / lus kyi khong na snum med de/ rtsub por gyur pa dang nyon mongs pa byas pas lus rid pa dang / pho ba'i drod ha cang ches te zas ha cang 'ju ba dang / rtsa sgo kun rlung gis 'gags shing 'tshangs pa 'di lta bu la tshil zos na phan no//de la tshil ni lhag par rus pa'i tshigs kha bye ba dang / rus pa chag pa dang gnad snad pa dang / lto ba'i nang grol na ba dang / mes tshig pa dang / lus rmas te rma byung ba dang / rkang lag gi tshigs bur ba dang / mo mtshan na ba dang /rna ba na ba dang / klad pa na ba dang / 'di lta bu la tshil phan no/ /til mar ni lhag par dbyar zla tha chungs dang / ston zla ra ba'i ngo la phan no/ /zhun mar ni ston zla 'bring po dang / tha chungs kyi ngo la phan no/ /rkang dang tshil ni dpyid ka phan no/ /snum 'di rnams gang yang rung dus tshigs dang mi sbyor bar 'phral gang bab du gtong na/tshes grangs kyi nyi ma bzang ba dang / srin dang yul ngan med cing yul bzang ba'i tshe thong shig /til mar ni dgun zla grang lhags che ba'i tshe btang na phan no/ /zhun mar ni dbyar zla ra ba dang / 'bring po tsha ba'i dus na mtshan mo 'thungs na phan no//mkhris pa dang rlung nad du gyur na zhun mar ni mtshan mo yang gtang du rung ngo / /yang rlung dang mkhris pa lta bu nad sna gnyis 'dres par na na/ til mar dang zhun mar mtshan mo gtang bar rung ngo / /rlung dang bad kan gyi nad du gyur na/ zhun mar dang sman dang sbyar ba nyin par thong shig /de bas na sman zhun mar dang sman dang sbyar ba'i til dang kha zas la sogs pa rnams dang / sman mas gtong ba dang / sman sna nas gtang ba dang / lus mar gyis bsku ba dang / sman bskol ba'i khu ba khar blugs shing dbo ba dang /mgo dang rna ba dang mig tu sman bsku zhing blugs pa la sogs pa rnams kyang ran pa tsam du gtang ngo / /ro rnam drug la sogs pa sna re re ba dang / ro sna gnyis pa dang / ro sna gsum pa dang / sna bzhi sa dang / sna lnga pa la sogs pa sman sbyar ba'i ro bro ba'i sna grangs drug cu rtsa bzhi la sogs par phye ba de las/snum gyi dngos po mar la sogs pa ro logs shig na tha dad pa ma yin te/ ji lta zhe na/ sman mar sbyor ba yang / sman sna mang po sogs la/ mar nyung ngu byas pas na/ mar gyi ro zil gyis gnon to/ /lhag par bro ba med pas na ro drug cu nyid kyi nang du 'dus so//dper na ji skad du bstan pa/ sman bskol ba'i khu ba dang dngas ma btung ba'i ro de yang chu'i ro ci bro ba la sogs shig na rgyu lhag pa med de/ ro drug cu nyid kyi nad du 'dus so/ /yang ni sman mar myur du gang phan pa de bzang ste/ de la thun chung ngu zos na thun gnyis kyis 'ju'o//tshod 'bring du zos na thun bzhis 'ju'o/ /tshod cher zos na nyin zhag gcig gis 'ju'o/ /de ltar sman dang sbyar ba'i til mar ram/ sman mar gang za yang rung ste/ mi'i nyams dang nad kyi dmigs la sbyor la/ sngar ni tshod chung ngu nas bza' bar bya'o/ /yang bkru sman gyis bkru bar 'dod na khar rtsang lta bu zas zos la/da nang lta bu zhu ste khong na yang / zhun mar dang dngas ma 'ba' zhig tshod cher mang du bza'o/ /mar 'thungs pas nad zhi bar byas pa zhig la zas kyang cher ma zos te khong bkres na mar 'bring tsam du zos na phan no/ /sman mar gyis nyams btsag brta zhing sha skye bar bya na/dro khar sman mar nyung zad bzhu ste/ sha khu gdus la dro tsha tsam gyi nang du blugs la 'thungs nas/ de'i rjes kha zas snum bag zos la chang gis mnan na phan no/ /yang byis pa gzhon nu lta bu dang / mi rgan po dang / rtag tu skom dad che ba dang /mar za ba'am/ 'thung mi phod pa dang / chang dad che ba dang / rtag tu bud med dang phrad de/ rtag tu kha zas snum bag za ba lta bu dang / drod chung de kha zas mi 'ju ba lta bu dang / skyid de bde bar 'dug 'dug pa'i mi dang / sman stobs chung ba'i mi nyon mongs pas 'jigs pa lta bu dang /lto snyi ba dang / nad dkyel mi che ba lta bu dang / so ga tsha ba'i dus dang / nad kyis rid par gyur pa 'di rnams lta bu la sman mar gtang ba ni/ dro ba sman mar nyung shas bzhu ste gcig tu 'thung ngam/ khu ba dron pos phul te 'thungs pa'i rjes la/ kha zas snum bag dang chang 'thung shig /de la nad dmigs kyi rim pa dang sbyar te sman mar gtang ba'i thabs ni/ lus kyi stod na nad yod na ni kha zas zos pa'i rjes la mar phyis btung ngo / /khong pa'i nang lus kyi bar na nad yod pa ni kha zas phyed zos nas sman mar btung ngo / /lus kyi smad na nad yod na ni/dro khar lto stong la sman mar btang na/ rjes la kha zas dang tshil nan 'thungs na nad sel to/ /sman mar gtang ba'i thabs rim pa 'di ltar byas na phan pa'i stobs mthu yang / lus kyi rim pa bzhin du skye'o/ /de ltar sman mar 'thungs pa las mar cung zad ma zhu na/chu tshan gdu gdu ba'i dngas ma kha zas bzod tsam 'thungs na/ mar bde blag tu 'ju bar 'gyur ro/ /sman mar la sogs pa zos te/ snum kha'i nang du chags na/ chu tshan gdus pa khas bzod tsam gyis kha bkru'o/ /e raN+Da'i khu ba gdus pa dang / ba la ta ka zhes bya ba go be dang / 'di gnyis su gdus pa'i khu ba ni btung du mi rung ngo / /gal te khar rtsang ngam/ khar nyin lta bu sman mar 'thungs pa las zhu 'am ma zhu gtol med de the tsom za na/ chu tshan gdu gdu ba yang 'thung shig /de 'thungs par khong du ma zhu la/ma zhu ba'i gdung sgregs mnan po ma yin sgregs pa yang tha mal par 'ong / khong yang zhing zas yi gar 'ong bar gyur na/ kha zas ran tsam du bza' zhing 'tshal nan kyang ci ran du 'thung shig /de ltar sman mar 'thungs nas zhu ba'i rjes la/ kha zas bza' ba ni khu ba dro bag dang /zas bad kan du mi 'gyur ba dang / ha cang zas snum bag nyid ma yin pa dang / kha zas grang dro ma 'dres par bza'o/ /sman mar 'thungs pa lta bu kha lag kyang chu dron pos bkru/ bud med dang 'phrad du mi rung / mtshan mo yang gnyid nyal/bshang gci 'ongs na mi dgag /drag shul gyi las mi bya/ khro zhing tshig pa za ba dang / mya ngan dang / grang ba'am/ nyi tshan la 'dug pa'am/ rlung drag po langs pa'i khar 'gro ba'am/ rta zhon te phan tshun 'khyams pa'am/ lam du zhugs pa dang / mang du smra ba dang /stan ha cang mtho ba la 'dug pa dang / sngas ha cang mtho ba 'am/ dma' ba 'di rnams lta bu mi bya'o/ /nyin par nyal ba dang / dud pa dku ba'i nang na 'dug pa dang / rdul khrod na 'dug pa 'di rnams kyang mi rung ste/ de lta bas na sman mar ci srid 'thungs pa de srid kyi bar du/cho ga de ltar bya zhing mi rung ba rnams spang ngo / /sman mar dang 'dra bar bkru sman btang ba dang / sna nas btang ba dang / sman mas gtong ba rnams kyang tshul de dang 'dra bar nad byang gi bar du cho ga yun de srid du bsrung bar bya'o/ /de la nad zhi bar bya ba'i phyir/ sman mar gtang ba'i cho ga ni bkru sman dang 'dra ste/sman mar gyi cho ga yang de bzhin du bya'o/ /de la lto snyi na ni sman mar nyi ma gsum du gtang ngo / /lto sran ni nyi ma bdun du gtang ngo / /sman mar btang bas nad rtse zhil te/ khong legs par snum par gyur na/ de phan chad kha zas kyi cho ga bya'o//de ltar sman mar btang bas nad rtse zhil bar gyur na/ stod smad du dbugs dbyung ba tha mal par 'ong / pho ba'i me drod ches te 'bar/ bshang ba snum la mi sri ba 'byung / mar dang snum bag mi 'dod de skyo/ lus snyoms te 'di ltar gyur na/ nad rtse zhil zhing lus kyi khong legs par snum por gyur pa yin no//lus kyi khong rtsub na ni tshul 'di dang 'dra ste/ 'di las bzlog ste blta'o/ /gal te sman mar dang snum gyi tshod ma zin tam/ phan pa ma yin par zos sam/ gtang ba'i dus ma yin par 'thungs sam/ kha zas log pa ha cang snum ches pa'am/bsil zhing rtsub pa'am/ zas ma zhu bzhin du zos pa'am/ mtshan mo mi nyal zhing nyin par phan tshun 'khyam pa dang / mi mthun pa log pa byas pa 'di lta bu las sman mar ma zhu ste/ snum drags par gyur na/ gdong pa dang lus kyi sha mdog ser/ snabs dang mchil ma mang /thur du tshad par 'khru ste/ de lta bu las nad ni lus skrangs pa dang / gzhang 'brum khrag tshad du 'ong ngo / /khong rmya lus dgye sgu mi shes te/ rengs bag tu 'dug/ sems myos te blong bag tu 'dug /g.yan ba dang / mdze dang rims nad rtag tu skyugs pa dang /khong na lto sbo/ mgo 'khor la sogs pa dang / 'di lta bu'i nad du 'gyur ro/ /de lta bu la dpyad bya ba ni zas dang skom dbri zhing bsdam pa dang / skyug sman gtang / dugs bya/ zas dang skom rnams rtsub pa'i bag gtang / 'tshal nan dar ba dang / a ru ra dang / ba ru ra dang / 'di lta bu mnan pa'i khu ba dang / dar ba bskol ba dang / nas dang / tsi tse rgod dang / khre rgod dang / pi pi ling dang / 'bras bu gsum po a ru ra dang / ba ru ra dang / skyu ru ra gsum/ sbrang rtsi la sbyar te btang pa'am/ yang na a ru ra btags pa dang /ba gcin dang gu gul bsres nas 'thungs na phan no/ /mdor na nad dmigs ji ltar mi bde ba dang sbyar la dpyad byas na/ mar drags pa'i nad 'byang ngo / /yang de lta bu la dpyad du bya ba ni kha zas mi bza' ba ni bza' bar smyung ba mi nus na yang / kha zas rtsub po bza' ba'i dpyad byas na smyung ba byas pa dang 'dra'o/ /gal te mar drags pa'i nad las bkru sman gtang dgos par gyur na/ nyi ma gsum gyi bar du kha zas snum pa khu ba drod bag dang / yul skams nas byung ba'i sha las khu ba drod pag tu byas pa dang / kha zas drod bag zos la nang nub tu dugs bya zhing / nyi ma gsum du snum bag gi drod dang / dugs de ltar byas nas/ de'i rjes la bkru sman gtang ngo / /skyug sman gtang ba ni mi sha dang tshil ches/ bad kan mang / drod ma snyoms te/ zas res 'ga' 'ju/ res 'ga' mi 'ju ba de lta bu ni nyin zhag gcig bad kan skye ba'i kha zas sbyin la/ phyi de nyin skyug sman thong shig /yang zas snum bag gis bskyed bskyed pa/ bad kan can de lta bu la sngar zas rtsub po byin te/ de'i rjes la kha zas snum bag gis khong snum par byas nas bkru sman thong shig /dpyad de ltar byas na mar dang snum bag las nad du gyur pa 'byang bar 'gyur ro/ /mar dang snum lta bur ma 'phrod de nad du gyur pa kha zas kyi dpyad byas pas ma byang na/ sman btang ba'i dpyad byas pas nad kyi dri ma phyin par 'gyur ro/ /byis pa chung ngu dang /rgan po la sogs pa mar dang snum bag spong mi nus la/ cho ga dka' na 'phral du snum gyi dpyad 'di skyo zhing gnod par yang mi 'gyur gyi gyis shig /bya ba'i thabs la mar brngos la sha khu las btang ngam/ thug pa'i nang du btab la blud do/ /yang na til btags pa'i nang du mar btab la/bu ram bskol ba'i khu bas btang ste btung ngo / /yang na 'bras dang til mar dang sran ma sha dang / sna gsum gyi thug pa nang du yang mar 'di bzhin du btab la btung ngo / /'o ma bskol ba dron mo'i nang du mar btab pa'i thug pa'am zho mngal ma zhog chu bor la/bu ram gyis btab ste blud pa'i thug pa de lta bu rnam pa drug dang / mar rkang tshil dang til dang sna bzhi 'bras dang sna lnga'i thug pa dang / spyir drug dang / yang thug pa rnam pa lnga po 'di dag dang / thug pa sna bdun po 'di rnams ni 'phral du lus kyi khong snum par 'gyur te/lan tshwa cher gdab bo/ thug pa 'di dag ni bad kan du mi 'gyur ro/ /lus rtsub par mi 'gyur/ yang mdze nad lus skrang bag dang / gcin rtag tu 'ong zhing snyi ba 'di lta bu la/ bu ram yul gsher sa nas byung ba'i sha dang / lo ma dang til dang / sran ma sha dang / chang dang zho rnams bzar mi rung ngo / /snum gyi cho ga dang / dpyad byas nas gnod par ma gyur na/ sman 'bras bu gsum po dang / pi pi ling dang / a ru ra dang / gu gul la sogs pa bskol la thong shig /de ltar btang na nad rnying la yang 'byang la/lus kyi khong nas drod skye/ khong pa nang gi nad kun 'byang / srog zungs bdun 'phral du brta/ nyams stobs dang bzhin mdog bzang por 'gyur/ dbang po rnams brtan/ rgan sra/ lo brgya thub par 'gyur te/ mar rtag tu bza' ba'i yon tan de ni de ltar 'gyur ro//snum la dpyad kyi cho gar bya ba'i le'u ste bcu drug pa rdzogs so// //de nas dugs bya ba'i le'u bshad par bya'o/ /de la dugs kyi bye brag ni rnam pa bzhi ste/ dugs bya ba dang / bag zan dang sman du sbyar bas lus la bcing zhing dugs bya ba dang /dugs tha mal pa dang / chu lums dang rnam pa bzhi'o/ /de la dugs zhes bya ba ni me la bsros pa yin te/ de la yang ji lta zhe na/ me mdag la gos sam/ thong lcags sam lag pa'i thal mo me la bsros pa la sogs pas dugs bya'o/ /bag zan dang sman du sbyar ba'i dugs lus la glan cing bcing ba ni bag phye 'am 'bru sna tshogs btags la sman shing tsha dang phabs dang nye'u shing dang thang shing dang gu gul dang /a ru ra dang / ldum bu ra sna dang / e raN+Da'i rtsa ba dang / yul gsher sa nas byung ba'i sha dang / tshwa dang / dar ba dang / 'o ma dang / zho dang / mar dang / 'di rnams kyis sla mor sbrus la lan tshwa cher btab ste btsos la ras kyi steng du bdal te/ lus gar na sar glan zhing bcings na dugs 'dis ni rlung nad 'byin par 'gyur ro/ /gal te bad kan dang 'dres pa'i nang du gyur na ni dugs de'i nang du bye'u rug pa la sogs pa dang sbyar la dugs bya'o//mkhris pa'i nad la ni shing shug pa dang sbyar ro/ /dugs glan te de ltar sbyar ba las/ gal te sla bas lus la mi chags shing ras kyis mi thub na mar dang til mar la sogs pa snum gyis bsnan te/yang dang yang bswo zhing pags pa ma rul ba dri mi zhim pa ma yin pas phyi rol nas dugs bya'o/ /phags pa de lta bu ma rnyed na sman rlung sel ba'i lo ma a shwa gan+d+ha'am/ e raN+Da'am/ dar ram bal snam mam ras kyis g.yogs shing dkris la mtshan mo dugs byas na ni nyin par mi dgos kyi khrol cig /nyin par dugs byas na ni mtshan mo mi dgos kyi khrol cig /de la dugs tha mal pa zhes bya ba ni bag phye dang mar dang chur sbyar te/ btsos pa'i bag zan sla mos/ gang na ba'i thog tu glan cing bdugs pa dang / gyo mo'i dum bu dang /phag dum dang / rdo ba dang / sa phye ma dang / gso ma'i lo ma dang / 'bras la sogs pa 'bru rnams dang / lug gi ril ma dang bye ma dang / phub ma la sogs pa thabs du mas btsos sam/ brngos pa'i dugs kyis yul gyi rnams dang dus dang sbyar zhing dugs bya'o/ / de la sman khu'i lums bya ba'i dpyad ni/ shing shi kru dang / shi kru'i rtsa ba dang / lo ma dang / 'bras bu la sogs pa ji snyed pa dang / shing e raN+Da'i rtsa ba dang / lo ma la sogs pa dang / ka rany+dza dang / byi'u rug pa dang / kardza ka dang / shing shi ri sha dang / ldum bu ba sha dang /'od ma dang / shing arka dang / ma li ti dang / dir+g+ha bin ta dang / gso ma'i lo ma dang / shu dag la sogs pa dang / yul gsher sa nas byung ba'i sha dang / nya dang / ngang ngur la sogs pa'i sha dang / sman gyi rtsa ba sna bcu pa dang 'di rnams la sogs pa nad dmigs dang sbyar la nad lci na sman 'di kun sna tshang bar bsogs te brdungs la chang dang tshwa dang 'o ma dang chu la sogs pa dang sbyar te btsos la bum pa'i nang du blugs la gang na bar sman gyi rlangs pa dron mos gar na ba'i dmigs su bdug cing lums bya'o//yang na rlangs pas mi bdug par sman btso btso ba'i khu ba dro tsha tsam bum pa'i kha phra mor btod pa'am/sbu gu ring por btod pa'i/ blugs pa'i kha nas sman gyi khu ba'i rgyun byung nas nad kyi steng du blugs shing sman khu'i lums bya'o/ /de ltar sman khu'i lums byed pa'i tshe lus la gos kyis kyang g.yogs la de'i steng du sman khu'i chu lums kyis lus la bde ba ran par blugs shing lums bya'o//yang na sman khu dron mo de gzhong khung lus tshad chen po'i nang du gang bar blugs la de'i nang du lus zhugs na rlung nad thams cad la phan par 'gyur ro/ /nad pa chu lums de lta bu'i nang du zhugs te 'dug na gzhang 'brum khrag tshad du 'ong ba dang chu 'gags te gcin sri ba dang /rlung nad la sogs pa la phan no/ /de lta bu'i lums bya zhing 'jug pa la kha zas snum bag bza' zhing zas zhu nas snga dro chu lums bya'o/ /de ltar lums bya ba'i tshad ni nad pa'i nad dmigs che chung dang / yul rnams dang dbyar dgun gyi dus dang sbyar la lums che chung 'bring gang ran pa tshod de las dpag ste bya'o/ /de las bad kan gyi nad dmigs shas che na ni sman khong rtsub par 'gyur ba dang sbyar la chu lums bya'o/ /mi rang bzhin rlung dang bad kan can zhig la rlung nad skyes te rtsub par gyur na/sman rtsub pa dang snum bag yod pa gnyi ga dang sbyar ba'i chu lums bya'o/ /yang nad pa pho ba'i nang du rlung nad zhugs pa la/ long ka'i nang du bad kan gyi nad zhugs par gyur pa 'di lta bu la ni sngar pho ba'i gnas la phan pa'i lums rtsub mo'i lums bya'o/ / long ka'i nang na bad kan yod pa ni so so'i gnas kyi bye brag dang sbyar te snum bag yod pa'i lums bya'o/ /de la dugs dang lums gang byed kyang rung ste/ sta zur dang chu so'i bar dang / mig dang rlig pa'i 'bras bu dang / snying dang 'di rnams la dugs chung du bya'o/ /yang na ni ma byed cig /lums legs par byas pa'i tshul ni khong grang zhing bsil ba kun med/ zug cing na ba byang / lus dang rkang lag 'jam pa de lta bur gyur na lums legs pa yin te lums kyi rjes su lus dal gyis mnye zhing de'i rjes la chu dron pos lus khrus byas nas de'i 'og tu snum gtong ba'i cho ga gyis shig /yang lums ha cang drags na nyen du gyur pa'i nad dmigs ni/ mkhris pa dang khrag rgyas te tsha ba'i nad skye/ skom dad che/ myos shing brgyal ba'am/ bog par 'gyur/ skad 'gags/ rkang lag na/ mgo 'khor/rkang lag gi tshigs kun na/ rims tsha bas 'debs/ lus kyi sha tshig ste nag po dang dmar po thig thig por snang / lums ha cang drags na skyug bro ba 'di lta bu'i nyen du 'gyur ro/ /lums de ltar ha cang drags te/ tsha ba dang mgo 'khor ba dang / skyug bro ba la sogs pa dang /gzhan yang dug gis phog pa dang / nas tshig 'khus pa'i tsha la sogs pa'i sman btang ngam/ me btsa' btab bam/ mes tshig gam/ tshad pas btab bam/ skyug bro 'am/ snying mi dran te myos pa 'di rnams lta bu la/ lums rtsi eN+Da dang /nye'u shing lta bu dang / nya dang chu bya sna tshogs lta bu ni/ bsil zhing lci ba'o/ /tsha zhing rno ba na le sham lta bu dang / drod che ba'i sman tshid ka dang / dbyi mo'i lo ma 'di lta bu rnams sbyar te so so'i nad dmigs la lums ci rigs par byas na nad dmigs kyi nyen de lta bur mi 'gyur ro//lums rtsir bzang ba ni rlon zhing zhu ba yod pa sra ste tshos dka' ba spyi bag dang / 'byar bag tu 'dug pa dang / snum bag dang / rtsub pa'i bag dang / rtsa ba'i nang du 'gror rung ba/ zhib pa de lta bu'i sman ni lums rtsir bzang ngo / /lums kyis nad dang / nyen du mi 'gyur ba'i sman rtsi ni 'jam pa dang /rtsub pa dang / zhib pa dang / 'byar ba spyi bag 'dug pa dang / zhu ba gsher bag can 'di lta bu la sbyar na lums ma legs te nad du gyur pa las rtse zhil te phan par 'gyur ro/ /mdor na sman kha ba dang / bska ba dang / mngar bag 'di gsum yod pa phal cher sbyar na lums nyes pa'i nad thams cad rtse zhil zhing phan par 'gyur ro//de ltar lums ha cang drags pa las nad du gyur pa de slar bcos pa'i thabs kyis nad rtse zhil bar 'gyur te/ phan pa'i rtags ni gang du lums drags pa'i nyen smos pa'i nad rnams byang la/nyams stobs skye bar tshor na de ni lums drags pa'i nad phyin pa zhes bya'o/ /yang lums drags ches te nad du gyur pa de rtse zhil ba'i thabs ha cang drags ches na yang / sha mdangs kyi pags pa dang / chu ba dang / rkang lag rnams 'khums par 'gyur/ snying 'phar zhing na/smra mi nus/ 'grams pa'i nya byung ste ltung / mchu dang / lag pa dang / rkang pa dang / pags pa rnams nag por 'gyur ba de lta bu ni ha cang rtse zhil drags pa'i nad yin no/ /de la dugs byar mi rung ba'i dmigs ni ha cang tshon po sbom po dang / rlung ches te khong rtsub pa dang /rid par gyur te nyam chung ba dang / brgyal ba dang sngar lums drags pa las slar gso zhing dpyad bya dgos pa dang / glo na ba dang / glo rdol ba dang / srog zungs bdun po zad de lus skam por song ba dang / lus khur ram las kyis dub pa lta bu dang / chang las nad du gyur pa lta bu dang / mig rab rib za ba dang / dmu rdzing du gyur te lto cher skyes pa dang / shu ba mched pa dang / mdze nad dang / 'or nad skrang bag dang / tsha ba mkhris pa'i nad yod pa dang / 'o ma dang / zho dang mar 'thungs pa dang / sbrang rtsi 'thungs pa dang /bkru sman btang ba dang / lus snad pa dang / gzhang 'brum khrag tshad 'ong ba dang / sems 'khrugs pa dang / mya ngan gyis btab pa dang / 'jigs shing bag tsha ba lta bu yod pa dang / bkres pa dang / skom pa'am mig ser gyis btab pa 'am/ skya rbab kyi nad yod pa 'am gcin snyi ste rtag tu 'ong ba 'di lta bu dang /spyir mkhris pa'i nad yod pas tsha ba'i nad che ba 'di lta bu la lums byar mi rung / bud med sbrum ma dang / zla mtshan zag pa dang / bu btsas pa lta bu dang / 'di lta bu la lums byar mi rung ngo / /gal te sbrum ma 'am zla mtshan zag pa dang bu btsas pa 'di lta bu la lums byar mi rung ba 'am/dug gis phog ste lums bya dgos na yang lums mi drags pa 'jam por gyis shig /de la lums bya ba'i nad kyi dmigs ni bad kan ches te dbugs mi bde ba dang / lud pa lu ba dang /cham pas btab pa dang / skyigs bus btab pa dang / lto sbos pa dang / bshang gci gnyis ka 'gags te dbyung du mi rung ba dang / mgul subs shing skad 'gags pa dang / rlung nad kyis bag tu mi bde ba dang / bad kan rgyas pa dang / be'u snabs yod de mchin pa na ba dang /lus dgye sgu mi shes te khong rengs pa dang / lus lci ba dang / rlig rlugs kyi nad yod pa dang / mtshan bar rdol ba'i nad dang / da rgan lus nang du sgu ba 'am/ phyir dgye ba'i nad kyang rung rlung nad kyis zug thabs su na ba dang / chu 'gags pa dang /thor bu chen po byung ba'am/ rmen bu skrangs pa'am pags pa'i nang du thor bu 'byung la phyir rdol du mi rung ba lta bu dang / skyes pa khu ba 'gags te 'ong du mi rung ba dang rlung nad che ba dang / 'di rnams lta bu la so so'i nad dmigs dang mthun par sman sbyar la lums dang dugs bya'o//yang mi la rlung nad yod pa'am tsho ste tshil ches pa'am/ bad kan rgyas pa de lta bu la lums btsos shing gdu gdu ba mi dgos par khang pa rlung med pa dron po'i nang du gos bsros la dron po gyon te rngul dbyung ba dang gos lci bar gyon cing rngul bar bya ba dang /dngang bar bya zhing rngul gdon par byas na lums bya mi dgos par phan no/ /yang me la btso ba'i lus btsan po che ma yin par tha mal par zan dang / sman du sbyar bas btsos pas lus la dkri zhing bdugs pa dang / chang mang du blud la dugs byas na phan no//rngul mang du dbyung ba'i thabs dang / khro bar bcas pas rngul dbyung ba dang / bkres par bya ba dang / skom par bya ba dang / nyi tshan la gzhag pa 'di lta bus kyang bad kan la sogs pa'i nad lums bya mi dgos par phyin par rung ngo / /de lta bas na lus dang khong pa nang gi nad yod pa la mar dang til la sogs pa snum gyi dpyad kyis ni nad bsrul lo//nad bsrul de khong pa nang khrol gyi nang du song yang rung / srog zungs bdun gyi nang du song ngam/ rtsa'i nang du song ngam/ rkang lag gi nang du song ngam/ nad rung ba'i nang du zhen kyang rung / de lta bu la lums sam dugs byas na snum gyis bsrul ba'i nad de snyi zhing sla bar gyur nas khong du sdud do/ /khong du nad lus pa dang bkru sman gyis bkrus te nad kyi dpyis dbyung ngo / /dugs dang lums kyi cho ga ste le'u bcu bdun pa rdzogs so// //skyug sman dang bkru sman gtang ba'i cho ga'i le'u bco brgyad pa bshad par bya'o//bad kan rgyas pa'i nad dam bad kan rgyas pa rlung ngam mkhris pa dang 'dres kyang rung ste/ de lta bu'i sman la skyug sman thong shig /tshul 'di dang 'dra bar mkhris pa rgyas pa'i nad la ni bkru sman thong shig / yang rims gsar pa dang / tshad pas 'khru ba dang / thur du mkhris pa dang khrag tu 'khru ba dang / glo gcong chen po skem byed dang / mdze dang gcin snyi ba dang / 'brum chen dang thor bu 'byung ba'i nad dang / rkang pa cher skrangs pa'i nad dang snying mi dran te myos par gyur pa dang / lud pa lu ba dang / dbugs mi bde ba dang / snying 'phar ba dang / bud med nu ma na ba dang / ro stod yan chad kyi nad mi bde ba 'di rnams dang nad thams cad la skyug sman btang na phan no/ /de la skyug sman gtang du mi rung ba'i nad dmigs ni bud med sbrum ma dang / rlung nad yod de khong rtsub pa dang /bkres pa dang rtag tu sdug bsngal ba dang byis pa chung ngu dang / mi rgan po dang skem po dang tsho ste sbom po dang / glo skam na ba dang / mtshon gyis rmas pa dang / nyam chung ba dang / rtag tu slon pa dang / mcher pa na ba dang / mig rab rib khyer ba dang /lto na srin bu yod pa dang / khar khrag dang / rlung du 'dres par 'byung ba dang / so na ba dang / skad 'dzer ba dang / chu sri ba dang / dmu rdzing dang / skran dang / sman btang ba yang slon du mi rung ba dang / ha cang drod che ba dang / gzhang 'brum gyi nad dang / rtug skam gyis btab pa dang / mgo 'khor ba dang / rtsib logs rdo bzhin du sra bas rem rem por nad dkyel chags pa dang glo na ste rtsib logs su zug pa dang / rlung nad kyi bag 'di lta bu la skyug sman gtang du mi rung ngo / /yang khrag sman gtang du mi rung ba ni btsan dug 'thungs sam/dbyig dug 'thungs sam kha zas ma zhu ba 'am kha zas mi 'phrod pa zos pa'am/ be'u snabs las rims su gyur tam/ rtag tu skyug sman btang yang skyug tu mi rung ba la skyug sman mi gtang bar/ gong du smos kyang dug 'thungs sam/ skyug sman mi btang du mi rung ba'i nad dmigs zhig yin na 'di rnams lta bu la skyug sman thong shig /nad dmigs gzhan dang sbyar te skyug sman btang ba'i rjes la sman gyi dud pa sbu gu nas btang ste bdug tu rung ngo / /btsan dug dang dbyig dug gis phog pa dang / zas ma zhu ba 'am/ kha zas mi 'phrod pa zos pa 'di rnams lta bu la skyug sman btang ba'i rjes la dud pa sbu gu nas btang zhing bdug pa dang /zas kyi cho gas bstan pa 'di rnams byar mi rung ngo / /de la bkru sman gyis bkru zhing gsor rung ba'i nad ni skran dang gzhang 'brum khrag tshad dang 'brum bu dang gzhogs phyed na ste bskyod mi nus pa dang /mig ser dang / rims yun ring du lon te bying ba dang / dmu rdzing dang / dbyig dug dang / rtag tu skyug pa dang / mcher pa na ba dang / sha mdog ser por gyur pa'i nad dang / mig rab rib za ba dang / mig sngon por gyur pa dang / mig rtsi bor za ba dang / long ka na ste lte ba'i 'og tu na ba dang / mo mtshan na ba dang / pho mtshan na ba dang / khong pa'i nang kun na ba dang / lto na srin bu yod pa dang / rma red pa dang / dreg gam/ khar khrag dang rlung 'dres par skyug gam/ mgo bo yan chad kyi nad dang / khrag rgyas pa dang /gcin 'gag cing sri ba dang / rtug skam gyis btab pa 'di rnams lta bu la bkru sman gyis bkrus na phan no/ /mdze nad dang / gcin snyi ste za khur byung ba la ni/ skyug sman btang na phan no/ /rims sar pa dang / pho ba'i drod chung ba dang / mkhris pa dang / khrag tshad byung ba dang /glo rdol tam/ lus rmas sam/ gzhang 'brum khrag tshad 'ong ba 'am/ tshad pas 'khru ba'am/ khong du mtshon lus te ma phyin pa dag lto sra ste 'khrur mi rung ba dang / lus tsho ste tshil che ba dang / skem po dang 'di rnams lta bu la bkru sman btang zhing bkrur mi rung ngo / /de la skyug sman dang bkru sman gnyis gang yang rung ba'i dus ni grang dro ran pa'i dus la bya ste/de yang dpyid zla 'bring po dang dbyar zla tha chungs dang / ston zla tha chungs dang zla ba 'di rnams la bkru sman dang skyug sman gang yang rung ba gtang du rung ngo / /dus 'di'i tshe snum gtang ba'i cho ga bzhin du yang byas/dugs dang lums kyang cho ga bzhin du bsal/ sang skyug sman btang na deng bad kan slong ba'i kha zas nya dang til dang / ma sha mon sran gre'u dang bad kan skye bar 'gyur ba'i zas rnams zos la/ mtshan mo gnyid log par byas nas kha zas legs par zhu ba dang /nang par lus bsrung ba'i bkra shis byas la kha zas gzhan mi za bar skyug sman gtang / mi rgan po dang / byis pa dang / nyam chung ngu skye ba dang / sman stobs chung zhing zhan pa 'di rnams so so'i rigs par gtang ba'i thabs ni mkhris pa rgyas shing tshab che na 'o ma dang bu ram shing gi khu ba 'am/bu ram gyi khu ba las thong shig /rlung nad la ni sha khu 'am/ mar khu'am/ thug pa dang / snum bag las thong shig /bad kan rgyas pa la ni sbrang rtsi'i khu ba dang / chang dang chu dron po las gtang ngo / /rgan gzhon dang nyams che chung gi thabs kyang tshul 'di bzhin du sbyar ro//skyug sman btang ba yang babs cher 'thungs te gre ba man chad gang bar gyis la slon no/ /so so'i nad dmigs dang sbyar te/ skyug sman du gtong ba gang yang rung ba'i nang du sbrang rtsi dang / rgyam tsha dang / lce myang tsha yang btab la mi'i tshod dang /skyug pa sra snyi'i drod du sbyor la sman thong shig /sman gtong ba'i tshe nad pa kha shar phyogs su bltas la sman blud do/ /sngags kyis kyang gdab par bya'o/ /bra h+ma dak+Sha shi be/ bud d+hen dra/ b+hA tsan+d+ra arka nI la na la/ ri dir su ma b+hU ta sang+g+has tsa pan tu pa/sa ra ye na me ba ri Shi na ma de bA na me bA me mer ta ma su d+he bot+ta ma nA ga nAn b+he Sh+ya dz+yam na mastu ste/ skyug sman 'thungs la skad cig ci ran du bsdad la de nas slon bro ba'i sems bskyed la/ dong gar 'khyil zhing khar mchil ma mang po 'ong bar gyur na bya sgro 'jam po'am/ chu ba snyi ba 'jam po bkug cing drang ngo / /bkug cing slon pa ni gre ba dang lce khyi ba'i drung ma smad par slon to/ /de la skyug mi bro bzhin du yang nan gyis skyugs shing slon du mi rung ngo / /skyug bro bzhin slon par gyur na yang ma 'gegs par slon cig /de ltar slon pa'i tshe na stan mthon po pus mo'i thad ka tsam du mtho ba'i steng du tsog pur 'dug la dpral ba dang /glo g.yas g.yon mis brten nas slon to/ /de'i tshe slon pa de lte ba'i thad kar btsir/ rgyab nas btsir zhing gyen du phul la slon cig /de la bad kan rgyas pa'i skyug sman rno ba'i bag la na le sham lta bu dang /bsil bag tu u shi ra'am/ tsan+dan nam/ ga pur lta bu la sogs pa la sbyar ro/ /drod che ba'i bar la tsi tra ka /pi pi ling gi rtsa ba la sogs pa lta bu dang / tsha bar gtogs pa tsha ba rnam gsum dang / shi kru la sogs pa 'di lta bu las skyug sman du sbyar te gtang ngo //mkhris pa rgyas pa'i skyug sman ni ro mngar bag shing mngar 'o ma 'am bu ram shing gi khu ba 'am/ kha ra 'am/ rgun 'bru lta bu dang / bsil bag tu u shi ra 'am/ tsan+dan nam/ ga pur la sogs pa la sbyar ro/ /rlung dang bad kan du 'dres pa'i nad la ni mngar bag dang skyur ba dang lan tshwa las sbyar la gtang ngo //de ltar skyug sman du sbyar te gyen du phul nas nad phyin pa'i tshad ni bad kan 'byung ba zad nas mkhris pa snang gi bar du slon cing skyugs shig /gal te skyug sman btang ba las sman gyi mthu shugs zhan te/ babs cher mi slon tam sman 'ga' zhig slar brgal na bsnan pa'i dpyad ni/pi pi ling dang / skyu ru ra dang / yungs kar rnams shel tsha dkar po'am lce myang tsha'i chur sbyor la/ yang yang slon cig /sman gyis de ltar bsnan kyang slon du mi rung na/ skyug sman nyes pa yin te/ de'i nyen ni mchil ma mang /g.yan par 'gyur/ thor bu mang / rims kyis 'debs pa la sogs par 'gyur ro/ /skyug sman btang legs na dang por bad kan 'byung / de'i rjes la mkhris par slon/ mjug tu rlung gi tshul dbu ba lta bu 'byung ba ni skyug sman legs pa yin no/ / de la ha cang skyug sman drags pa 'am nad dkyel che na mang du slon pa'i rjes la dbu ba dang khrag tshon bag can du byung na gso dka' ba yin no/ /de ltar sman drags te ma legs sam nad dkyel ches te nyam chung la slon drags na khong rmya/ lus tsha/ gre ba skam/ mig gis mi mthong ste mun par snang /rlung nad yang ba ldang / khong nas srog ces bya ba'i khrag yod pa de slon cing 'byung na mi 'chi bar 'gyur ro/ /skyug sman btang legs na de'i rjes la ci ran cig ngal bso ste/ de nas nad dmigs dang sbyar la/ dud pa rnam gsum gang yang rung ba cig gis bdugs la de'i 'og tu snum bag gtang ba yang gong ma dang 'dra bar bya'o//de nas kha zas bza' ba ni phyi 'phred nub ka'am/ yang na sman legs par ma zhu 'am/ rjes ma chad na phyi de nang par tsam na gdod kha zas yi gar 'ong zhing bkres na chu dron po ran pas khrus byas la kha zas kyi rim pa 'bras thug rkyang rkyang po la rim pa bzhin du bza' bar bya'o//bza' ba'i rim pa de yang dang po 'bras brngos pa'i thug pa rkyang rkyang po blud do/ /de nas 'bras brngos pa'i thug pa phyar langs tsam du byas la blud do/ /de'i rjes la thug pa kha gzar gyis bcu rung ba blud do/ /de'i rjes la sran tshod yu sha zhes bya ba bal po se'u 'bru dang sran bu dkar sbyar ba'i tshod ma dang 'bras chan du spags shing bza'/de nas sran mung+ga dang / bal po se'u 'bru dang spod sna tshogs su sbyar ba'i tshod ma dang 'bras chan du spags shing bza'/ mjug tu ni khu sha dang 'bras chan du spags shing bza'o//de ltar slon pa'i rjes la kha zas tshod che chung bza' ba'i tshad skyug sman legs te/ legs par slon la dang ga sang sang por byas na thug pa dang / sran tshod yu sha dang khu sha gsum char zos kyang rung ngo / /'bring tsam du slon na ni 'bras thug dang / sran tshod yu sha dang / rnam pa gnyis ka bzar rung ngo / /slon pa'i babs chung ste/ chen por ma slon na ni khu sha dang kha zas 'bras dang sbyar zhing stsal lo/ /dper na me phyung ste gso ba ni lci ba dang / rta rtug dang / rtswa la sogs pas bags kyis gso zhing me khad kyis sbar na me che ba brtan pa dang /thams cad tshos par byed nus pa de dang 'dra ste/ skyug sman gyis nad bsal te/ dang ga sal sal por bya ba la thog mar kha zas drags na mi rung ste/ 'bras thug sla mo la sogs pa ran par sbyin zhing drod cher bya'o/ /de la skyug sman gyis lan bzhi bzhi slon na phabs chung ba'i tshad do//lan drug slon na slon pa'i 'bring tshad do/ /lan brgyad du slon na skyug sman legs pa'i tshad do/ /de la bkru sman gyis bkrus pa'i chung thang ni/ lan bcu 'khrus pa'o/ /'bring tshad ni bcu gsum mo/ /che thang ni lan bcu bdun no//de las 'khrus pa'i babs chung thang ni drug phul gang gi tshad do/ /'bring ni drug phul do'i tshad do/ /'khrus pa'i che thang ni drug phul bzhi 'gyur ro/ /de la skyug sman gyis slon te cho ga'i tshad ni 'khrus pa'i phyed tsam ste/ mjug tu mkhris pa byung na chog cing ran pa'i tshad do//de la bkru sman gyis bkru ste/ bkrus pa'i mjug tu bad kan byung na ran te chog go/ /bkru sman btang ba'i tshe dang po la thur du lan gnyis gsum tsam byung ba ni khong pa'i dri ma bshang ba ni 'khrus pa'i grangs su mi brtsi'o/ /skyug sman btang ba ni skyug sman 'thungs nas bkrus te slon pa dang /mjug tu mkhris pa 'byung ba'i tshad kyis gzung ngo / /skyug sman gyis slon pa'i 'og tu snum bag btang ba dang / dugs bya ba yang zhag gsum mam lnga'am bdun cho ga byas nas de'i rjes la gdod bkru sman btang ste/de yang nang par bad kan gyi dus yol te/ lto sra snyi'i tshod bzung la bkru sman gtang ngo / /de la mi'i rang bzhin mkhris pa che zhing mang la lto snyi ste 'o mas kyang 'khru bar 'gyur ro/ /mi'i rang bzhin rlung gi shas che na lto sra ste bkru sman dri bong dang dan ti la sogs pas kyang bkru dka'o//de la mkhris pa che ba la sman bkru sman ro bska ba dang mngar ba las gtang ngo / /bad kan che ba la sman tsha ba las gtang ngo / /rlung che na snum pa dang drod che ba dang lan tshwa las gtang ngo / /sman btang yang 'khrur mi rung na chu bskol ba dron mo blud do/ / lag pa'i thal mo me la bsros pa'am/ gos me la bsros bsros pas dugs bya'o/ /bkru sman btang ba las de nyin par chen po mi 'khru na thong de zan byin la phyi de nyin bkru sman thong shig /gal te nad pa zas yi gar mi 'ong ste kha zas mi tshud dam lto sra ba zhig na snum gtang ba'i cho ga zhag gsum mam lnga'am bdun du gtang bar bshad pa de bas zhag grangs bskyed de zhag bcu'i bar du snum bag thong shig /de'i rjes la lus la dugs kyi cho ga byas nas de'i 'og tu gdod bkru sman gtang ngo / /bkru sman btang ba de yang sngar lan cig 'khrus pa'i tshe/ bkrur ma btub pa de dmigs kyis nyes pa dang / ci las gyur pa legs par bltas te/ sngar cis nyes pa dran par byas la de las thabs ji ltar legs par bkru sman gtang ngo / /bkru sman btang ba las ma legs pa'i nad dmigs snying na/ lto ba na/ zas mi 'ju ste/gsud sgregs mnam por 'byung / kha zas yi gar mi 'ong / bad kan mkhris pa gnyis rgyas pa slon par 'gyur/ g.yan pas 'debs/ tsha ba skye/ lus la thor bu 'byung / cham pas 'debs/ thur du dbugs mi 'byung / bshang ba 'byung sra ba 'di lta bu byung bar gyur na bkru sman ma legs pa yin no//de las bkru sman legs pa'i tshul ni ma legs pa'i gnad bshad pa las bzlog par bya ste/ de la dang por ni khong pa'i dri ma bshang ba je 'byung ngo / /de'i rjes la mkhris pa de nas bad kan tha ma rlung 'byung zhing de ltar 'khru ba ni legs par blta'o//de la bkru sman babs che ste ha cang drags pa ni bad kan zad de med pa dang / mkhris pa yang zad de med/ chu skya bor 'khru/ chu nag por 'ong / yang na sha bkrus pa 'dra ba rtsa snar bag can nam chu ser lta bur 'byung / tshil lta bu'i nar nar po'am/ rus bu lta bu 'byung / gzhang phyir 'byung zhing ltogs/ kha skom/ klad pa 'khor/ mig tshags te phugs su bros pa 'di lta bur gyur na bkru sman ha cang drags pa'i tshul yin no/ /bkru sman drags pa dang skyug sman gtang ba'i zas kyi cho ga dang 'dra bar bya'o/ /skyug sman ltar gtang ba'i cho ga las dud pas gtang ba'i cho ga mi dgos so//bkru sman gyi rjes la kha zas bza' ba'i rim pa yang skyug sman gyi cho gar bshad pa dang 'dra ste/ kha zas rim pas bza' zhing bags kyis kha zas nar ma yang phyi nas bza'o/ /gal te bkru sman btang ba las drod chung bas bkru sman ma zhu zhing nad ma phyin la long brnyas pa ni med/nad dkyel ni che ba tsam ma yin na sman khong du ma zhu ba'i tshul de ltar gyur na 'di lta bu la dpyad du bgyi ba ni/ bkru sman 'thung ba'i nyin thog thag zan mi za bar mtshan yal nas nam zhu zhu ba'i bar du bsdad cing kha zas mi za'o/ /yang na sngar snum dang dugs kyi cho ga byas la phyis bkru sman btang ba nad gcung la gnod par mi 'gyur ro//bkru sman btang ste bkrus pa dang gtar ga btab pa dang / snum gyi cho gar sbyar te btang ba dang / zas mi za bar smyung bar byas pa 'di rnams kyis ni drod chung zhing nyams par 'gyur ro//de bas na 'di lta bu la dpyad du bgyi ba ni 'bras thug rkyang rkyang po dang 'bras thug sla ba la sogs pa blud cing bags kyis gtang ngo / /bkru sman btang bas mkhris pa dang bad kan bri ste chung ngur gyur pa dang / rlung dang / mkhris pa che ba'i mi skom dad che ba de lta bu'i mi la ni thug pa blud du mi rung ste de dag la kha zas bsod pa la sogs pa khad kyis brta ba'i cho ga bya'o//nad ma smin pa la ni skyug sman gtang ngo / /nad smin par gyur te bkru sman gtang ba'i dus la bab na bkru sman btang ste nad bsal bar bya'o/ /skyug sman gtang ba ni bkru sman ltar gtang ba'i dus la ma bab par nad smin pa la bsdad mi dgos par rung ngo //yang mi nyam chung zhing nad mang ba de lta bu la ni nad nyid smin cing bkru sman gtang ba'i dus la bab na bkru sman gtang mi dgos par 'khru bar 'gyur ba'i kha zas kyi cho ga byas na 'khru bar 'gyur ro/ / sngar bkru sman btang ste nyam chung ba dang nad kyang bri ste chung du gyur pa dang / mi sha chung ste skem pa dang / lto sra snyi tshod ma zin pa 'di lta bu la sman thun chung ba dang sman 'jam po thong shig /de lta bas na ches sman lan mang du 'thungs pa bla'o/ /dogs shing bag tsha bar gyur pa'i sman thun cher ni gtang du mi rung ngo //nad pa nyam chung ba lta bu la ni sman 'jam zhing thun chung bas nad zhi bar bya'o/ /nad pa nyam chung ba la de ltar dpyad bya ste/ nad mang po cung zad khad kyis bri na de yang sman bags kyis btang zhing nad khad kyis bstsal lo/ /nad dkyel che bas phyin phyin pas nad pa yun ring du nyon mongs pa de lta bu drod chung /lto sra bar gyur pa yin te de la dpyad du bya ba ni thal sman rnon pos gsha' ra dang / che tsha dang mar du sbyar ba btang na khong pa'i me drod skye ste/ zas 'ju rlung dang bad kan gyi nad kyang zhi nas de nas 'khru sman thong shig /nad pa'i nyams che la khong rtsub/rlung gi shas che/ lto sra la rtag tu rtsol ba'i ngang tshul can/ khong pa'i drod che ba de lta bu ni bkru sman btang ba yang sman zhu bar 'gyur ba yin te/ de lta bu la ni sngar sman ma btang ba la nyams brtas nas phyis bkru sman 'jam po thong shig /gal te 'khrur mi rung ngam lan 'ga' zhig 'khrus nas sman rnon po cung zad sbyar ba'i sman reng reng por mas bcug nas/nad thur du 'khrus te ma phyin pas khong yang 'jam la bkru sman legs pa bde bar 'gyur ro/ /gong du bkru sman btang nas sngar snum gyi cho ga bya bar bshad pa de yang dug gis phog pa'i mi dang /mtshon gyis rmas pa lta bu dang / thor bu byung ba dang / mdze nad dang / 'or nad dang / me dbal dang / mig ser dang / skya rbab kyi nad dang / za khu'i nad yod pa dang / 'di lta bu rnams la ni snum gyi cho ga ha cang cher mi bya ba dang bkru sman thong shig /de la snum bag gi cho ga bya ba dang / bkru sman btang ba dang thams cad la nad med pa'i khong snum pa la snum gyi cho ga bya ste brtas la skyug sman dang / bkru sman la sogs pa las bya zhing gang btang yang rung ste/ de dag gi bar dang / skabs skabs su snum gyi cho ga dang dugs kyi cho ga bya'o//de ltar snum bag gi cho ga byas pa'i rjes la kha zas kyi nyams 'tshag brtas nas bkru sman gyis nad bsal ba ni dper na gos dri ma can sbangs la bkru ba dang 'dra'o/ /de la snum gyi cho ga dang dugs la sogs pa ma byas par rang gar bkru sman gtong ba de ni shing skam po dgug tu mi rung ba bzhin du lus ma rung ba'i nyen du 'gyur ro//de la cho ga tshul bzhin du byas pa'i bkru sman gtang ba legs par bya ba ni sems gsal ba dang dbang po rnams dang / srog zungs rnams brtan pa dang khong du drod che/ me 'bar/ zas myur du 'ju/ rgas sra bar 'ong ste/ bkru sman btang legs pa ni de lta bu yin no/ /skyug sman dang bkru sman gtang ba'i cho ga'i le'u bco brgyad pa rdzogs so// //sman mas gtong ba nyams brta bar bya ba'i cho ga'i le'u bcu dgu bshad par bya'o/ /rlung nad kyi shas che ba de lta bu la ni sman mas gtong zhing brta ste/lus kyi khong snum par bya ba'i cho ga bzang ngo / /de lta bas na sman dpyad kyi bya ba thams cad kyi nang nas sman mas gtong zhing khong snum zhing nyams brta bar bya ba 'di ni dpyad kyi mchog yin no/ / de yang nad rnam pa gsum ste nad 'khrur rung pa khong du bsdu ba'i sman mas gtong ba dang / bkru sman drag po mas gtong ba dang / 'jam rtsi mas gtong ba dang / rnam pa gsum mo/ /sman mas gtong ba'i cho ga 'di gsum gyis skran dang lto sbos pa dang / rkang pa na ste 'theng ba dang / mcher pa na ba dang /rlung nad kyis lto 'khru ba dang / lto na ba dang / rims bying ba dang / cham pa na ba dang / rlung nad kyis khu chu 'gags pa dang / rlung nad las rtug skam du gyur te 'byung du mi rung ba dang / rlig rlugs dang / rde'u nad dang / khu chu la nad yod pa dang / rlung nad dkyel chen por gyur pa 'di rnams lta bu la sman mas gtong ba rnam pa gsum gyis nad kun bsal bar bya'o//de la sman mas gtong zhing bkrur mi rung ba'i nad dmigs ni snum bag btang ha cang drags pa dang glo rdol ba dang lus ha cang skem che ste nyam chung ba lta bu dang / mchin pa na ste be'u snabs su 'khru ba dang /rtag tu slon bro ba dang / bkru sman gyis bkrus zin pa lta bu dang / sna nas sman btang zin pa dang / dbugs mi bde ste rngam pa drag tu 'byung ba dang / lud pa lu ba dang mchil ma mang ste rtag tu 'dor ba dang / gzhang 'brum khrag tshad kyis btab pa dang / skyigs bus btab pa dang / lto sbos pa dang / drod chung ste zas 'jur mi rung ba lta bu dang / gzhang kha skrangs te na bas sman mas gtong du mi rung ba lta bu dang / kha zas zos zin pa lta bu dang / dmu rdzing gi nad kyis rtsa sgo kun 'gags pa dang / mdze nad dang za khu can du gyur te gcin sbrang rtsi'i mdog tu 'ong ba dang /bud med sbrum ma zla ba bdun las ma lon pa dang / 'di rnams lta bu la ni sman mas gtong zhing byar mi rung ngo / /de la sman mas gtong zhing nyams brtas te khong snum par bya ba dang / sman mas gtong ba'i bkrur rung ba'i nad dmigs ni drod ha cang che ba dang /khong rtsub pa dang / rlung nad 'ba' zhig na ba las dmu rdzing du gyur pa lta bu dang / cham pas btab pa dang / ha cang sbom ches pa dang / lto na srin bu yod pa dang / rlung nad kyi shas ha cang ches pa dang / dbyig dug 'thungs pa dang / 'brum bus btab pa dang /rkang bam gyi nad dang / lba ba can dang / 'di rnams lta bu'i nad la sman mas gtang zhing bkrur rung ngo / /sman mas gtong ba de dag gi cha spyad sbu gu ni gser la sogs pa dang / shing dang / rus pa dang / 'di rnams kyis gce'u ma gas pa drang la 'jam pa kha zlum por byas te/tshad ni byis pa na gzhon te lo gcig ma lon na srid sor lnga'o/ /lo bdun ma lon na srid sor drug go/ /lo bdun lon na srid sor bdun no/ /lo bcu gnyis lon na sor dgu'o/ /lo nyi shu lon pa phan chad la sor bcu gnyis so/ /de yan chad lo grangs kyi bye brag dang /na tshod dang / nyams stobs dang / lus bong las sbu gu'i tshad bskyed do/ /sbu gu'i tshad kyi sbom ni mthe bong shong ba'i tshad du bya'o/ /rtse mo'i sbom ni mthe'u chung gi tshad du bya'o/ /byis pa chung ngu lo gcig lon pa man chad sor mo'i tshad las phyed phyed kyis de bskyed de zhabs kyi bu ga'i sbom rab tu che ba dang /sor mo gsum gyi rtse mo nang du shong ba tsam du bya'o/ /gce'u'i rtse mo'i bu ga'i tshad ni mon sran sde'u dang / sran chung dang / sran ma 'di rnams btsos pa shong ba dang / rgya shug gi 'bras bu shong ba'i tshad che chung gi rim pa de ltar bya'o//gce'u'i rtse mo'i gong du khog pa gdags pa'i tshad ni gce'u'i bu ga sbom pa'i tshad dang mnyam par bya'o/ /gce'u nas sman gtong ba'i tshe gce'u'i rtse mo'i kha bkab pa'am/ pags pas bcad de ma bo bar byas nas gtang ngo / /gce'u'i zhabs sbom po'i kha nas yang sor gnyis su gzhal bar khog pa can de nas mar rim pa gnyis su btags la/bug pa gnyis kyi bar du sman blugs pa'i snod lug dang ra dang ma he la sogs pa'i lgang pa legs par mnyes pa tshon gyis dmar por btsos pa sra ba phur ma thag thug dang dri nga ba dang rtsa'i ri mo 'di rnams med cing 'jam la sra ba de lta bu'i gce'u dang sbyar te srad bus legs par bcings la sman blugs nas bde bar bya'o//gal te lgang pa'i rkyal bu med na rgyal pa'i dpung pa'am/ byin pa'i bags pa'am/ ras stug po thags bzang ba spra tshil gyis byugs pa de lta bu la snod du bya'o//de la sman mas gtong ste bkru ba'i tshad ni byis pa chung ngu lo gcig la srang gcig gtang ngo / /byis pa chung ngu de lta bu las lo re re lon zhing sman srang re re bskyed de/ lo drug lon nas srang bcu gnyis gtang ngo / / de yan chad kyang lo grangs las srang gnyis gnyis su bskyed de lo bcu gnyis lon pa dang / lo bco brgyad lon pa nas lo bdun cu lon pa man chad la spyir sman gtang ba'i tshul ni thun rab tu che na yang srang nyi shu gtang ngo / /sman mas gtong ste bkru ba'i thun srang ji snyed cig btang ba de las dpags te nyams brta zhing khong snum par byas pa'i sman mas gtong ba bzhi cha gcig gi tshad du bya'o//de lta bas na nyams brta ba'i sman mas gtong du rung ba'i snum bag btang ba dang / dugs bya ba'i cho ga yang byas/ bkru sman btang ste nang gi nad kyang bsal/ 'bras thug sla mo dang gar po la sogs pas nyams 'tshag kyang brtas nas nyams brta ba'i sman gtang du rung bar shes na thog ma nyid du nyams brta ba'i sman mas gtang bar bya'o/ /nyams brta ba'i sman mas gtong ba yang dgun zla bzhi dang dpyid zla gnyis kyi tshe ni nyin par thong shig / kha cig na re zla ba 'di drug gi tshe mtshan mo yang gtang du rung zhes zer ro/ /so ga dang dbyar dang ston gyi tshe ni mtshan mo thong shig /de la khong snum zhing nyams brta ba'i sman mas gtang bar bya na/ cho ga sngar bya ba la lus mar gyis bsku zhing lde gus dril la chu dron pos lus dag par bkru/dro'i kha zas kyi tshad snga na ci za ba'i thang las bzhi gsum ni bza' bzhi cha cig ni mi bza'/ kha zas ci za ba yar phan pa yang ba snum ches pa yang ma yin/ rtsub ches pa yang ma yin pa de lta bu zos la khu ba la sogs pa skom gyi gor btung ba dang / tshal nan yang btung ngo / / kha zas zos pa'i rjes la bcag par byas na bshang gci bstsal la mal bde bar 'dug na sngas smad nas ro smad bstod de/ glo g.yon gyis phab nas rkang pa g.yas pa bskum rkang pa g.yon pa ni rkyong shig /de nas gce'u'i nang nas sman mas gtong ste gce'u'i kha dang gzhang kha yang snum gyis bsku'o//gce'u'i lgang pa nang du sman blugs la dbugs phyir phyung nas kha bcings pa/ sman pa nad pa'i rgyab logs su 'dug nas/ rtabs bag tu sman myur du btang ba'am/ dal zhing thogs pa ma yin par bya zhing gce'u'i nang nas sman nang du btang zhing btsir ba'i shugs ha cang drags pa'am/dal ba yang ma yin ran par cig car lan cig tu btsir cing thong shig /lgang pa'i zhabs na rlung lus pa yod kyi sman gyi lhag ma ma lus par gyis shig /sman btang zin nas brla dang rkub tsos la thal mos brdab cing gan rkyal du bzhag la nad pa nyid rang gi lam la rkang pa'i rting pas brdung bar bya'o//sman pa'am/ nad g.yog gis nad pa'i rkang pa nas bteg ste lan gsum gsigs shig /de nas nad pa sngas bcug nas brkyang ste/ nyal la rkang pa'i rting par nad g.yog gis khu tshur gyis brdung ba'am/brla dang byin pa la yang khu tshur gyis brdung zhing lus snum gyis bskus la mnye bar bya'o/ /lus la brdung zhing mnyes la mi bde bar byas pa des/ sman slar myur du phyir mi dbyung ngo / /gal te sman slar myur du phyir byung bas phan mi byed par gyur na/ sman mar phyi ma gzhan yang sbyar la gtang ngo //khong pa'i drod che bas sman mas gtong ba zhu na nub kar kha zas kyang bza'o/ /zas zos nas de phan chad mtshon thog thag tu ci yang mi bza' mi btung bar nyol cig /gal te sman phyir 'byung du ma rung na sman sbyar ba'i star bu'am/ sman rnon po lgang pa nas mas gtong zhing khong na sman mar lus pa phyir dbyung ngo //gal te khong pa'i nang na ha cang rtsub ches pas sman ma zhu ste phyir ma byung ba dang / khong pa'i drod chung bas sman ma zhu ste/ phyir ma byung la nad du gyur pa med na bsdad par bya zhing mtshan mo de bzhin du 'dug par bya'o//nang par li dong gra dang / 'u su bskol ba'i chu 'am yang na chu 'ba' zhig gdus pa btung bar bya'o/ /nyams brta ba'i sman mas gtong na nyi ma gsum mam/ nyi ma lnga lon na yang thong shig /gal te 'ju ba'i drod che bas sman zhu ba'am/yang na rlung gi shas ha cang ches pa dang / rtag tu rtsol zhing bcag par byed pa dang / me'i drod ha cang che ba dang / khong pa'i nang rtsub pa 'di rnams lta bu la sman mas gtong ba'i nyi ma re re gtang du rung ngo / /de ltar khong snum zhing nyams brta ba'i sman mas gtong ba lan gsum lan bzhi btang nas lus kyi khong dang rtsa 'jam zhing snum par gyur nas nad dbyung zhing bsal bar bya ba'i phyir/bkru ba'i sman mas gtong zhing sbyar bar bya'o/ /snga na lus kyi khong rtsub pa las snum par bya ba'i 'og tu nyi ma lnga lon na tshes grangs bzang po'i nyi ma cung zad phyed yol tsam na sman pas gtor ma dang bkra shis kyi tshig byas la nad pa lus til mar gyis byugs/dugs byas/ bshang gci'i dri ma bstsal la/ ha cang bkres pa tsam ma yin par 'dug la nad kyi dmigs dang sman la sogs pa la mkhas pa'i mi dang / gang de la mkhas pa mang po dang /lhan cig tu 'gro zhing sman mas gtong ba'i bkru sman drag po de la sman gyi khu ba sbangs pa chu srang brgyad cu'i bzhi cha gcig ste srang nyi shu dang / po son cha'i 'bras bu 'brum bu brgyad dang sbyar te btso zhing de'i nang du mar ni sman gyi khu ba srang nyi shu'i bzhi cha gcig nang du blugs te btso ma 'di ni rlung nad la btang na thabs de ltar sbyar ro//mkhris pa na ba la btang ba dang / na ba med pa nyams tha mal pa la btang na sman gyi khu ba srang nyi shu rtsa drug cha gcig gi thang du blugs te btso bar bya'o/ /bad kan gyi nad che ba la btang na sman gyi khu ba srang nyi shu'i brgyad cha gcig gi thang du mar blugs te btso bar bya'o//yang na nad thams cad la sman gyi khu ba'i brgyad cha gcig gi thang du mar blugs te btsa'o/ /bkru ba'i sman mas gtong ba btso ba de yang ha cang mi ska mi sla bar sbyar zhing btso'o/ /de'i nang du bu ram srang gcig tsam dang sbrang rtsi dang /lce tsha la sogs pa nad dmigs dang sbyar zhing ci rigs par sbags te/ sman lhag ma sbyar te/ sman de thams cad snod cig tu blugs la/ bum pa chu tshan bskol ba'i rlangs pa'i khar bsro zhing / sman dkrugs la gtong ba'i gce'u rkyal pa'i nang du blugs te/ha cang mi tsha mi grang / ha cang mi snum mi rtsub/ ha cang mi rno mi 'jam/ ha cang mi gar mi sla/ ha cang mi nyung mi mang / je tsha med pa'am tsha bar yang mi bya/ de dang 'dra bar 'bras tsam yang mi mang mi nyung bar sbyar te/ sman mas gtong zhes mkhas pa kha cig ni de skad zer ro//yang sman pa kha cig na re mar dang sbrang rtsi gnyis kyi tshad so sor srang gsum gsum dang na ba med cing nyams tha mal pa zhig la btang na lce tsha zho gnyis po son cha dang shu ti la sogs pa srang gnyis sbangs pa'i khu ba dang lhag ma'i khu ba srang bcur sbyar te sman khu sbangs sbangs pa mar dang btsos la sbrang rtsi dang lce tshar sbyar te/rim pa 'di ltar byas la sman gtang ba'i rkyal bur blugs la/ bkru ba'i sman mas gtong ba'i cho ga de ltar bya'o/ /de la rlung nad sel ba'i sman mas gtong zhing bkru bar sbyar na shing nye rong dang lce tsha se na ba dang nye'u shing pa dang /a shwa gan+d+ha dang / e raN+Da'i lo ma sman dang sa shing 'jam pa dang skyur ba dang dro ba'i khu ba dang ldan pa 'di lta bu'i sman rnams ni rlung nad sel ba'i sman mas gtong bar bzang ngo / /mkhris pa'i nad sel ba'i sman mas gtong zhing bkru ba'i rnam grangs la gtogs pa la shing n+ya gro d+ha dang /shing u dum+bA ra dang / shing p+lag sha dang / sha pa dang / shing mngar dang / 'o ma dang / nye'u shing dang / 'bri mar dang / ro mngar zhing bsil ba rnams dang / bu ram shing gi khu ba sbrang rtsi dang 'di rnams mkhris pa'i nad sel ba'i sman mas gtong zhing bkru bar bzang ngo //bad kan rgyas pa'i nad sel ba ni dong ga dang / dug mo yungs dang / pa ta li ga dang / chis khrims dang / shing nim pa dang / sle tres dang / pa Ta dang / ka tu ha ro ha ni dang / shing gi khu ba she le ya kha dang / pu ti ka rany+dza dang / rak+ta ka rany+dza dang / sap+ta par+Ni zhes bya ba tshigs re la lo ma bdun yod pa dang / sbrang rtsi dang ba gcin dang / sman ro tsha zhing rno ba dang drod che ba rnams dang tsha ba rnams sbyar te btsos la sman mas gtong zhing bkrus na/ bad kan gyi nad sel to/ /de la rlung nad dang mkhris pa dang bad kan gsum char gyi nad 'dus par gyur na yang /de gsum gyi sman gong du bshad pa las nad so so'i sman ci ran du shas shas kyis gdus pa btsos pa'i thun spyir mi che ba ran par mas gtong ba'i bkru sman drag po gtang ngo / /rtas bkru ba'i sman mas btang nas sngas kyis brten te gan rkyal du sems gud du mi g.yengs par sman btang ba de la yid gzhag par bya'o//de nas thur du bkru zhing 'ong bar gyur na langs te tsog pur 'dug la bshang bar gyis shig /gal te 'khyims na skad cig thogs te phol du ma rung na sman 'di nyen che ste 'chi bar 'gyur ro//'di lta bu nyen du gyur pa la slar btsos shing dpyad du bya ba la mar dang nas tshig 'khus pa'i thal sman rnon po dang / ba gcin dang 'bras kyi rtsabs kyi khu ba skyur mo dang sbyar la btsos pa 'jam zhing rno la dro bar sbyar te/ sman mas gtong ba'i rkyal bu gzhan du blugs te bshams la mas gtong zhing tshir cig /yang na po son cha las sbyar ba'i sman gyis gdab mu las gzhug pa bya zhing sdang ba yang bya'o/ /yang na 'di ltar ma gyur te sman mas gtong yang 'ong bar gyur na sman phyi ma sbyar te/ rkyal bur blugs la lan gsum lan bzhi'i bar du yang sman drag po mas gtong zhing legs par btang nas de'i rjes la kha zas kyi cho ga ni bkru sman btang ba'i cho ga dang 'dra bar shes par byas la kha zas ma zos pa'i sngon rol du chu dron pos khrus byas nas kha zas bza' ba'i thabs ni 'bras thug rkyang rkyang po dang /'bras thug sla mo btung /sha khu sla mo dang 'bras chan du sbyar te bza'/ sman drag po mas gtong ste bkrus pas khong pa'i dri ma nad kun phyin na/ khong pa nang 'phyang bag tu 'dug pa dang / nyam chung ste khong rmya ba de lta bur gyur pa de la chu dron po bde bas khrus byas nas kha zas cho ga bzhin du zos na lus zhig cing rmya ba la phan te/zhi bar 'gyur ro/ /gal te sman de ltar mas gtong ste/ bkrus pa las rlung nad kyi bar du khong pa sbo bas grang bar 'gyur te/ mi bde na yang de'i mod la 'phral du rlung zhi bar 'gyur ba'i sman btsos te mas gtong zhing khong 'jam zhing snum par 'gyur bar bya'o//sman mas gtong ste bkrus pa legs pa'i tshul dang / ha cang drags pa dang thun chung ste ma 'khrus par gyur pa 'di rnams kyi tshul ni sngar snum gyi cho ga bya zhing btang ba legs/ ma legs par bshad pa dang 'dra bar shes par bya'o/ /sman mas gtong ste bkrus pa'i rjes rlung nad du gyur pa la khong 'jam zhing snum par gyur pa'i sman mas gtong ba cung zad tsam zhig bsdad na khong pa'i dri ma bshang ba dang bcas te sman mar dang cig car 'byung bar 'gyur ro//thur du dbug pa yang sman mar lhan cig 'ong bar gyur na/ khong snum zhing 'jam par 'gyur ba'i sman mas gtong ba legs pa yin no//yang bad kan gyi bag che na de la khong brta ba'i sman mas gtong ba lan gcig gam lan gsum gyi bar du thong shig mkhris pa rgyas pa'i shas che na/ brta ba'i sman mas gtong ba lan lnga 'am lan bdun gyis shig / rlung nad la brta ba'i sman mas gtong ba lan dgu 'am bcu gcig tu thong shig /de ltar brta ba'i sman mas gtong ba'i lan grangs zung du ma gyur par byas nas gal te de'i rjes la bkru ba'i sman mas gtong bar 'dod na yang thong shig /de ltar sman mas gtong ba'i rjes la bad kan dang mkhris pa dang /rlung nad sel ba'i kha zas mon sran sde'u'i tshod ma khu ba can dang / 'o ma dang khu sha 'di gsum zos na nad kyi rim pa bzhin du phan no/ /de la rlung nad sel ba'i sman drag po mas gtong zhing khong snum la brta bar bya na/ shing nye rong dang lce tsha sne bda' ba dang sbyar te snum dang /mngar dang 'bras rtsabs skyur ba dang / sha khu dang drod che ba'i bag sbyar te bskol la rkyal bur blugs te btang ba 'di ni rlung nad gcig pu la phan no/ /mkhris pa'i nad la ni n+ya gro d+ha la sogs pa'i sman sde'i grangs su gtogs pa dang / shug pa dang kha ra dang / mngar bag bsil bag dang mar dang 'o ma dang bu ram shing gi khu ba dang 'di rnams sbyar te gdus la sbrang rtsi dang sbyar te/ sman mas gtong na mkhris pa'i nad 'byang zhing me'i khong brta la snum par 'gyur ro/ /bad kan gyi nad la dong ga la sogs pa dang /dug mo yungs la sogs pa dang / sman rtsub pa rnams dang / ba gcin dang sman rno ba dang / drod che ba dang / ro tsha ba dang / 'di rnams bskol ba sbrang rtsi dang sbyar te/ mas gtong na bad kan gyi nad 'byang ngo / /de la rlung nad la ni lan gcig gtang ngo / / mkhris pa'i nad la lan gnyis gtang ngo / /bad kan gyi nad la lan gsum gtang bar bya'o/ /rlung dang bad kan mkhris pa gsum 'dus pa'i nad la yang sman dpyad de gsum rim pas btang na 'dus pa'i nad 'byang bar 'gyur ro/ /sman dpyad kyi slob dpon spyod pa can na re/ yang mi'i nad gzhi ni rlung dang bad kan dang / mkhris pa gsum du zad de nad 'di gsum bstsal ba'i dpyad bkru ba'i mas gtong ba las gud na dpyad rnam pa bzhi zhes bya ba med de/ de'i phyir sman mas gtang bar bya'o/ /rlung dang bad kan dang mkhris pa'i nad/ khong nas bskyod cing sdud pa dang /nad bkru ste byang bar bya ba dang / nad zhi bar byas te/ 'di lta bu yang rim gyis bya ba yin te/ de'i phyir nad rnam pa gsum bkru ba'i dpyad mas gtong zhing bkru bar bya'o zhes zer ro/ /de ltar sman btang ba yang nad dmigs dang sman la sogs pa'i mthu dang / nad pa'i nyams stobs dang / de thams cad kyi tshod zin par byas la sman gtang ngo / /bkru sman btang ba legs pa'i tshul mthong / ma dpags kyi bar du bkru ba'i sman btang ba'i rjes gcad du mi rung ngo / /yang khong snum zhing 'jam pa bda' ba'i sman mas gtong ba dang / bkru ba'i sman mas gtong ba gang yang rung ste/lan gcig gtang yang mi rung lan mang du gtang ba yang mi rung ngo / /de la khong brta zhing snum pa'i sman mas gtong ba ni nad khong nas bskyod cing bsdu ba dang / khong pa'i drod ni chung bar 'gyur ro/ /bkru ba'i sman btang ba la 'jig pa'i rten ni rlung nad ldang bar 'gyur ro//sman mas gtong ba'i rim pa ni sngar lus kyi khong 'jam zhing snum par bya ba'i sman de gtang ngo / /de'i 'og tu bkru ba'i sman mas gtong ngo / /de'i rjes la khong brta ba'i sman mas gtang bar bya'o/ /sman mas gtong ba'i dpyad byas pa ni rlung nad dang /bad kan mkhris pa'i nad gsum char sel te khong snum zhing brta bar bya ba'i sman mas gtong ba dang / bkru ba'i sman mas gtong ba'i cho ga rig par bya ba ni de lta bu yin no/ /yang sman mar thun chung ngu'i thang du tshod bzung ste/ btung ba dang khong 'jam zhing brta ba'i sman mas gtong ba thun chung ngu'i thang du tshod bzung ste rtag tu gtang bar bya'o//de la sman mar thun chung ngu'i thang du btung na/ nad pa'i drod dang nyams las kyang dpags te srang gcig tsam btung ngo / /brta ba'i sman mas gtong ba ni srang gnyis tsam thong shig / de la sman mar thun chung ngur btang ba'i mi ni byis pa dang rgan po dang / lam rings kyis dub pa'i mi dang / khur gyis dub pa dang / bud med la brten drags pa'i lta bu dang / drag shul byas pa lta bu dang / sems las che ba dang / rlung nad kyis lus zhom pa dang / rid pa dang /drod chung ba dang / rgyal po dang phyug po lta bu bde zhing longs spyod pa dang / 'di rnams lta bu la sman mar thun chung ngu gtang dgos te/ thun chung ngu rtag tu 'thungs na nad kun sel/ kha zas kyi cho ga la sogs pa bsrung zhing spang ba med pa la sha skye/ bshang gci dri ma snyi ste bde blag tu 'ong ste bde bar 'gyur ro//bud med rnams kyi nad mo mtshan na ba dang / mngal gyi gnas na ba dang / sman mas gtong ba'i rim pa ni dang por khong 'jam zhing snum par gyur pa'i sman mas je btang la/ de'i 'og tu bkru ba'i sman mas gtong ba lan gnyis sam gsum thong shig /mjug tu ni nyams 'tshag brta ba'i sman mas gtang bar bya'o/ /de la skyes pa chu so na rde'u yod pa lta bu dang chu 'gags pa lta bu la pho mtshan nas sman mas gtong nas gce'u'i srid tshad ni nad pa nyid kyi sor bcu gnyis kyi tshad du gser dngul la sogs pa las brdung sa pa'i zlum po ba mjug lta bu zhabs dang bar gnyis ka'i rna ba btags la rtse mo'i bu ga ni yungs kar btsos pa shong ba tsam du btod la//'jam par byas te/ gce'u'i rtse mo me tog kun da'am/ sri shing gi me tog lta bu rtse mo byin gyis phra zhing sra bar bya zhing /sman gtong ba'i snod rkyal bu ni 'jam zhing yang bar bya'o/ /tshad ni pho ru gang shong ba tsam las che chung gang rigs par bya'o/ /de ltar sman mas gtong bar byed pa sngar khrus la kha zas 'ju sla zhing yang bar na par zos nas khong snum zhing 'jam pa'i sman cho ga bzhin du pho mtshan nas thong shig /de ltar sman gtang ba'i thabs ni khri'u'i 'phang pus mo tsam la drang po bde bar 'dug nas pho mtshan brtags la drang por byas nas pho mtshan gyi sbu gu'i nang bstsal te/ sman gtang bde bar bya ba'i phyir/ pho mtshan bu ga nas srubs kyi thad ka'i nang thog thag rlig pa'i mgo tsam du thur ma 'jam po phra'u btang la de'i 'og tu rkyal bu'i gce'u lag pa mi 'dar bas sman mas gtong ba bzhin du thong shig /de ltar sman btang nas de'i rjes bda' ba'i sman mas gtong ba yang / rim pa bzhin du bya'o/ /de yang na lan gsum yang na lan bzhi'i bar du 'jam zhing snum pa'i sman thong shig /'jam zhing snum pa'i sman gtang ba'i cho ga rgyas par ni sngar thams cad bshad pa bzhin du bya'o/ /bud med rnams zla mtshan dbyung ba'i tshe mngal gyi kha phye ba bu chags par 'gyur te/ de'i tshe snum zhing brta bar bya bar 'gyur ba'i sman thong shig /na na ni zla mtshan 'byung ba'i dus la ma bab par sman gtang dgos so/ /mo mtshan gyi nang gi mo mtshan nyams pa dang / mo mtshan na ba dang / mo mtshan ma rung bar 'gyur ba dang / khrag 'byung ba 'di lta bu la sman mas gtong na phan te/ gce'u'i srid ni sor bcu'o//rtse mo'i bu ga ni mon sran btsos pa shong bar bya'o/ /sman gyi gce'u ni bu 'chag pa'i mngal gyi mngal du sor bzhi gtang ngo / /chus 'gags te na na gcig gi lam du sor gnyis gtang ngo / /bu mo chung ngu dang byis pa rnams la ni sor gcig go /thun 'bring ni srang gcig go /bu mo rnams la ni phu rum gang gi tshad zho gnyis so/ /sman gtang ba'i thabs ni mal du gnas te 'dug la rkang pa dang brla bskum la/ pus mo gyen du bstod la nyin zhag gcig la mal lan gsum mam lan bzhir sha 'tshag brtas par gyur pa'i sman gtang ste/de ltar zhag gsum du thong shig /sman mas gtong ba de yang bags kyis thun chung ngu nas bskyed cing gtang ngo / /sman btang nas zhag gsum ngal bsos la de nas zhag gsum du sman thong shig /sman de ltar gtang na sngar skyug sman btang nas zla ba phyed lon pa dang /bkru sman gyis bkrus la yang zla ba phyed lon pa dang / bkru ba'i sman mas gtong ngo / /dper na ras kyi tshon leb rgan can chu'i nang du bkrus na dmar ba phyin cing med pa bzhin no/ /de dang 'dra bar snum pa'i sman mas gtong bas ni lus kyi khong snum gyis brlan cing bangs par gyur pa dang /nad thams cad 'byin par 'gyur te/ lus kyi yan lag dang / khong pa'i nang grol dang gnad dang / mgo bo man chad lus kyi yan lag dang / nying lag thams cad kyi nad dang / rlung dang bad kan dang / mkhris pa'i nad du gyur pa'i nad gzhi sel ba'i sman dpyad 'di las long shig /gzhan cung zad kyang med do/ /bad kan dang / mkhris pa la sogs pa'i nad khong du song shing dkyil skyes pa dang bshang gci dri ma khong du bstsags te skyes pa de lta bu sel zhing 'byin pa'i nad rkyal bu nas mas gtong ba med na sman dpyad de las gzhan med do//de bas na sman rkyal bu nas mas gtong ba'i tshig gcig pu'i nang du dpyad thams cad 'dus so/ /sman dpyad gzhan ni sman mas gtong ba'i phyed tsam du zad do/ /gzhan yang nad rnying dang / nad gsar pa dang gtar ga gdab cing khrag dbyung ba la yang sman rkyal bu nas mas gtong na phan par 'gyur ro//sman mas gtong ste/ nyams brta bar bya ba'i le'u ste bcu dgu pa rdzogs so// //sman sna nas gtang ba'i cho ga le'u nyi shu pa bshad par bya'o/ /thong ka yan chad klad pa'i nad la sman sna nas btang na lhag par phan no/ /sna ni klad pa'i sgo zhes bya ste/de bas na klad pa'i nad thams cad la sna nas btang ste bkrus shing bsal na nad phyin par 'gyur ro/ /de la nad dmigs ni klad pa na ba dang / lus blong bag tu gyur pa dang / kha dang sna nas bad kan mang du 'byung ba dang / lkog ma na ba dang / kha gdong dang klad pa skrangs pa dang / thor bu byung ba dang / lus la srin bu yod pa dang / rtsa mdud byer ba dang / mdze dang smyo bag dang / cham pa na ba dang / 'di rnams la sman sna nas btang na phan par 'gyur ro/ /mgul pa yan chad klad pa rlung gi bag la mi bde ba la sman mar sna nas btang na phan te brta bar 'gyur ro//nang par nyi ma shar nas nyi ma phyed kyi bar du klad pa gzhogs phyed na ba dang / skad 'gags pa dang / kha sna bskams pa dang / skad mi phyin pa dang / mi gsal te go dka' ba dang / dpung pa ltung ba snyam du byed cing bskyod mi nus pa dang /'di rnams ltar mi bde ba la sman sna nas btang na phan te zhi bar 'gyur ro/ /mig gi 'bras bu sngon por gyur pa dang / dpung pa bem bem por gyur te tshor ba med cing bskyod mi nus pa dang / skra'i nad dang / mig dmar por gyur pa 'di rnams la dpyad du bya ba mgul pa yan chad rlung nad du gyur te na ba la btsod dang /shing mngar dang / pra puN+Da ri ka stag tsher ba dang / dzi ba ka ri sha pha ka dang / ram nye dang / bu tshang rdo dang / sha ri ba dang / pur+Na rna ba dang / skyer khaN+Da dang / byi dang ga dang / sle tres dang / ka ka na sa dang / sgron shing dang /'di rnams cha mnyam par byas te zhib tu btags la til mar srang brgyad la btson ni sman 'di rnams srang gnyis gnyis kyi thang du bya/ til mar srang bcu drug la btson sman srang bzhi bzhi'i thang du sbyar ro/ /sman btso ba'i chu ni til mar las bcu 'gyur du bskyed do/ /'o ma ni til mar dang thang mnyam par byas la chu dang 'o ma du ba'i bar du btsos te/tshos pa'i tshod ni tshigs ma dril du btub cing dbu ba cher byung na tshos pa'i tshad yin te/ de nas sman mar btsags te btsir la snod bzang por lugs shig /sman 'di'i ming ni btsod la sogs pa las sbyar ba'i til mar zhes bya'o//gal te mgul pa yan chad mkhris pa rgyas pa'i nad du gyur na btsod la sogs pa sman 'di rnams snga ma dang 'dra ba 'bri mar ram ba mar las snga ma bzhin du btsos pa'i tshad ni til mar dang mi 'dra bar dril du btu na tshos pa yin no/ /de nas btsags te btsir la sman mar snod bzang por bzhag la mkhris pa'i nad la sna nas gtang ngo //de la mgul pa yan chad bad kan du gyur te na ba'i sman sna nas gtang ba sbyar ba ni sman sbyor ba phal ni snga ma dang 'dra ste/ btsod la sogs pa de rnams kyi steng du sbrang rtsi dang ba gcin dang / rgyam tshwa dang / / chang rnams kyis bsnan te/ snga ma dang 'dra bar til mar nang du btsos la bad kan gyi nad la sna nas thong shig /de ltar sman 'di rnams kyis rlung nad dang / mkhris pa dang bad kan gyi nad la so sor btang zhing kha nas bad kan la sogs pa drang zhing bkru bar bya'o/ /sna nas btang ba'i rjes la mgul pa yan chad brtas shing bde bar bya ba'i dpyad sna nas gtang ba 'u su dang sha khu dang sha btsos pa'i khu ba dang 'o ma dang chu dang mar 'di rnams sbyar te snga ma bzhin du btsos la/tshos pa dang btsags pa'i sman mar sna g.yas g.yon gyi bu ga nas btang ste sna nas gtang ngo //chog tshad ni mar gyi nang du mdzub mo'i rtse mo nas mdzub mo'i tshigs su dbu ma man chad nub par bcug pa la sman mar ji tsam chags pa'i thun de tsam re re sna g.yas g.yon nas btang zhing bkru'o/ /yang klad pa na ba la li dong gra dang / na le sham dang / rgyam tshwa dang /pi pi ling dang 'di rnams la sogs pa brdungs te chu dang 'o ma dang til mar gyi nang du mnyes te/ btsags shing btsir ba'i khu ba sna nas gtang ngo / /yang klad pa na ba la li dong gra dang / pi pi ling la sogs pa tsha ba ro rno ba zhib tu btags te/ sbu gu sor drug pa kha gnyis btod pa'i nang du sman phye ma blugs la/sna g.yas g.yon gyi bu ga gnyis ka'i nang du kha'i dbugs kyis bus na bad kan la sogs pa'i klad pa'i nad rnams 'byin cing byang bar 'gyur ro/ /de ltar sman phye ma zhib tu btags pa sna nas bus te btang bas ni klad pa'i nad phal cher sel cing 'byang bar 'gyur ro//spyir sman mar lta bu sna nas btang ba'i tshad ni mdzub mo'i tshigs gnyis man chad mar gyi nang du nub par smyugs te phyir phyung ba la mar thigs pa bcu'am brgyad dam drug chags pa dang / 'di rnams gsum ni thun che thang zhes bya ba ste/ / de la sman mar zhig sna nas btang ste che na thigs pa bcu/ 'bring na thigs pa brgyad/ chung na thigs pa drug go/ /yang sman mar ma yin pa sman gyi khu ba btsir te sna nas gtang ba che thang gi rim pa ni thigs pa bcu las gnyis phri ste brgyad gtang ngo / /thun 'bring thigs pa brgyad las gnyis phri ste drug gtang /thun chung ngu thigs pa drug gtong ba la thigs pa gnyis phri ste thigs pa bzhi btang ste/ thun che thang gi bye brag rim pa ni 'di ltar sbyor cig /yang de la sman sna nas gtang du mi rung ba'i dmigs ni chu 'thungs pa dang / chang 'thungs pa dang / dug 'thungs pa dang /mar 'thungs pa rnams dang / 'phral du 'thung bar 'dod pa dang / kha zas zos pa dang / mgo bkru ba dang / khrus byed 'dod pa dang / gtar ga gdab pa dang / cham pa sar pa dang / bshang gci 'ong bar 'gyur te/ mi bde ba dang / bud med bu btsas ma thag pa lta bu dang /dbugs mi bde ba dang / lud pas bkar ba dang / skyug sman dang / bkru sman gyis bkrus pa dang / rkyal bu nas sman mas gtong ba rnams dang / dus ma yin par char 'bab pa lta bu'i tshe dang yul ngan 'byung ba dang / dus 'di lta bu'i tshe sman sna nas gtang du mi rung ngo //gal te na ba'i dmigs kyi tshul gyis sman sna nas mi gtang du mi rung bar gyur na ni nyen 'di rnams bsrung mi dgos te/ sman sna nas gtang ba'i cho ga gyis shig /de la mgul pa yan chad kyi nad kyi bad kan gyi tshul du na na bad kan gyi dus ni nad par yin te/ nad par thong shig /mkhris pa na na dus nyin phyed yin te phyed na thong shig /rlung nad kyi bag tu na na phyi 'phred dang srod la gtang bar bya'o/ /na ba med cing nyams tha mal pa zhig la sman sna nas btang na ston dang dpyid kyi tshe ni snga dro nas gtang ngo / /dgun ni nyi ma gung gi tshe na thong shig /so ga na na phyi 'phred kyi tshe na thong shig /dbyar gyi tshe na nyi ma dron po'i tshe na thong shig /klad pa rlung nad kyis thibs te cher na na skyigs bus btab pa dang / mgo 'dam pa dang / gnye'u rengs kyis btab pa dang / skad 'gags pa dang / 'di rnams lta bu'i nad la nang par nyi ma shar sgab kyi 'og tsam dang /nub ka dang dus gnyis su zhag bdun bar du nyin gcig bzhin thong shig /nad 'di rnams ltar na ba med pa la sna nas btang na ni nyin gcig btang la nyin gcig bar bcad mi gtang ngo / /de la sman sna nas gtang ba'i cho ga'i thabs ni sngar bshang gci'i dri ma bsal la mgo bo mar gyis bsku/dugs ran pa tsam du byas la mal rlung med par dron por 'dug nas/ mgul ba yan chad dugs ran pa tsam byas la/ de nas lus gan rkyal drang por brkyang la rkang lag brkyang / rkang pa cung zad tsam bstod la/mgo bo'i sngas cung zad cig smad la sna'i bu ga ya gcig nas sman mar btang ste/ de yang sngar btang ba'i sman mar de/ snar gtong ba'i sbu gu can gyi nang du blugs te chu dron po'i nang du bsros la gtang ngo / /snar blugs pa ni snod mchu can du btod pa'am yang na ras mas blangs te snar gtigs shig /snar blugs zin nas rkang mthil dang phrag pa dang lag pa dang rna ba la sogs pa nyes shig /sman snar btang ba de mtshul pa nas sna'i nang du brngubs la mchil ma glo g.yas g.yon du bor cig /de bzhin sman snod mchu can gyi nang na yod pa de cung zad kyi bar du sna g.yas g.yon du res kyis lan gnyis lan gsum du thong shig /gal te sman rno drags pas brgyal bar gyur na gdong pa dang brang du chus gtor cig /mgo bor ni chus ma 'debs shig /de ltar sman sna nas btang ste bkrus pa'i rjes la nad kyi tshul dang yang sbyar te/rlung nad du mi 'gyur bar bya ba'i phyir/ sman mar snum bag tu 'gyur ba sna nas thong shig /snar snum btang nas grangs brgya'i bar du gan rkyal du 'dug par bya'o/ /de nas de'i rjes la sbu gu'i dud pa kha gsum kha snar btang zhing khong du brngubs nas gre ba mtshul pa bde zhing dag pa sang sang por bya ba'i phyir/chu dron pos mkhur ba bkang la bsdad cing dbo'o/ /de ltar sna nas btang legs par gyur na dbugs bde/ gnyid legs par 'ong / sems gsal/ mig gsal la rno bar 'ong ngo / /gal te sman sna nas btang ma legs na mig rtsub/skya bo har har por snang / kha sna skam/ klad pa'i nang stong par gyur pa snyem byed/ gal te snum ha cang btang drags na g.yan par 'gyur/ mgo dang lus lci/ snabs dang mchil ma mang / yi ga 'chu/ cham pas 'debs pa nyen 'di lta bu 'byung ngo //sman sna nas btang zhing bkru legs na mig gsal zhing rno la yang kha'i nang dag ste sang bag can du 'gyur/ skad gsal bar 'gyur ro/ /sman sna nas btang zhing bkru ma legs na mgul pa yan chad dang klad pa'i nad snga bas dkyil skye bar 'gyur ro/ /bkru ba'i sman sna nas btang drags te/ha cang cher 'khrugs par gyur na khong rmya bar 'gyur ro/ /de la gal te nad pa glo rdol ba dang nyam chung ste/ khong rmya ba dang byis pa chung ngu dang / mi rgan po dang / skyid cing longs pa'i mi 'di rnams lta bu la ni gong du sna nas sman pas thang chung ngur bshad pa de ltar thong shig /nad dmigs dang sbyar nas sman sna nas gtang dgos par gyur na dbyar sman sna nas gtang ba'i dus ma yin par yang rung ste/ sman sna nas gtang bar bya'o/ /yang cham pa drag po btab pa dang / de bzhin du chang 'thungs pa dang / rna ba mi gsang ba dang / klad rgyas kyi nang du srin bu zhugs pa dang / nad khong nas bsdus la phyir ma phyin par gyur pa dang / 'di rnams lta bu la ni sman snar gtang ba thun chung ba'i thang du gtang du mi rung ngo / /snar sman gtang ba'i chung thang ni yang na ba med cing nyams tha mal par 'dug pas sman mar nyung shas rtag tu snar gtang ngo //de'i thabs ni nyin par zas zos pa'i rjes dang slon pa'i rjes dang / nyin par gnyid log pa'i rjes la dang / lam rings 'gron du song bas dub pa dang / bud med la drags pa dang / mgo bo mar gyis byugs pa dang / chu dron pos mkhur ba bkang zhing bor ba'i rjes dang /bshang gci'i dri ma bsal ba'i rjes dang / so shing gis bkrus pa dang / gad mo dgod pa'i rjes dang 'di rnams lta bu mar thigs pa re re sna'i nang du bskus na 'di rnams lta bu kun la phan par 'gyur ro/ /de ltar sna nas btang ba'i 'di ni chung thang zhes bya'o//sman mar sna nas lan lnga btang na rna ba dang / mig la sogs pa'i nang gi bu ga kun la phan par 'gyur ro/ /sman mar sna nas lan gsum btang na ngal zhing dub pa rnams med de brtas par 'gyur ro/ /de'i rjes la yang snar lan lnga btang na mig rno zhing gsal ba'i mthu skye'o/ / de'i 'og tu sman mar sna nas btang na so brtan la stod kyi rlung nad zhi bar 'gyur ro/ /byis pa lo bdun ma lon pa la sman sna nas gtang du mi rung ngo / /lo brgyad cu 'das pa'i rgan po la yang sman sna nas gtang du mi rung ngo / /lo bco brgyad du ma tshang ba la dud pa kha sna nas gtang du mi rung ngo //byis pa lo bco lnga ma lon pa la chu dron pos mthur ba bkang zhing 'dor ba yang mi rung ngo / /gzhon nu lo bcu ma lon pa la bkru sman dang skyug sman la sogs pa gtang du mi rung ngo / /lo bdun cu 'das pa'i rgan po la yang bkru sman dang skyug sman la sogs pa gtang du mi rung ngo //sman snar btang ba thang chung du gong du dmigs kyis bstan pa bzhin snar bskus te yang thun che chung rnam pa bzhir shes par bya'o/ /de la thun chung ngu'i che thang ni thigs pa gnyis snar gtang ngo / /thun chung ngu'i 'bring thang ni thigs pa re re bas kyang chung ba tsam zhig sna g.yas g.yon gyi nang du bskus na klad pa lta bu nad dmigs ci yod pa snga ma langs pa ldang bar mi byed pa yin no//thun chung ngu'i rab ni sna'i nang du nad dmigs bskus te snabs mtshul ba nas snar brngubs la phyir bor ba'i nang na mar mngon du snang bar byed pa ni thun chung ngu'i thang zhes bya'o/ /de ltar thun chung ngu rnams las gang ran pa tsam nam 'tsho ba'i bar du tshe gcig la rtag par bsku zhing btang na snum brngub par bya ba'i sman mas gtang ba dang 'dra/sna nas gtang ba'i thun che chung bstan pa dang 'dra ste stod kyi nad ci la yang phan zhing bde ba'i yon tan du 'gyur ro/ /sna nas gtang ba'i sman chung ngu rtag tu gtang ba la/cho ga srung zhing spang ba yang med/ nyen du gyur pa'i nad kyi 'jigs pa yang med do/ /de nas sman mar zhes bya ba ni/ dmigs kyis til mar nyid la bya ste til mar rtag tu btang na phan te dge'o/ /yang mgo bo ni bad kan gyi gnas yin pas na na ba med cing nyams tha mal pa lta bu la sman mar thong shig /de la sna nas gtang ba'i sman mar sbyar ba ni dzi ban ti dang / dza la dang / sgron shing dang / gla sgang chen po dang / shing tsha dang / pu shel tsi dang / go yu dang / tsan+dan dkar po dang / skyer ba'i rtsa ba dang / shing mngar dang /gla ba dang / a ka ru dang / nye'u shing dang / pun da dang / bil ba dang / ut+pal dang / d+ha ban ti dang / u ra b+hi dang / thi ra dang / byi dang ga zhes bya ba srin bu gsod pa dang / gan+d+ha b+ha dra dang / sug smel dang / ha re Nu ka dang / pad+ma'i ze ba ge sar dang / ba la dang / sman 'di rnams sna tshang bar ci snyed du sbyar te cha snyoms la til mar ci tsam btso ba de las chu ni char pa'i chu brgya 'gyur du bskyed pa'i nang du sman brdungs la btsos te chu'i khu ba srang dgu bcu ni du/phyi na srang bcu tsam zhig lus pa dang / btsags pa sman gyi khu ba phyin brgya'i bcu cha gcig lus pa de la til mar dang sman gyi khu ba bcu cha gcig dang sbyar te btsos la tshos pa dang /btsags la til mar gyi nang du sman gyi khu ba phyi mas kyang bsnan la btso'o/ /'di bzhin du lan gnyis lan gsum nas lan dgu'i bar du bsnan cing btsags la mjug tu lhag ma sman gyi khu ba bcu cha dang til mar ci tsam yod pa'i ra'i 'o ma de tsam dang snyoms te btsos la tshos pa'i rtags dbu ba byung ba dang btsags par bya'o//sman mar 'di'i ming ni til mar gyi 'bru mar thigs phran zhes bya'o/ /sman mar 'di rtag tu sna nas btang ba'i phan yon ni lus brtan zhing drang / pags pa'i sha mdog bzang zhing gsal/ phrag pa dang mjing pa dang / dpung mgo dang 'di rnams brtan zhing mkhregs la ma zhum par mtho bar 'gyur/ bzhin dang kha'i nang gsal bar 'gyur/ dbang po rnams gsal zhing brtan/ skra dkar med par 'gyur ro/ /sman sna nas gtang ba'i cho ga ste le'u nyi shu pa rdzogs so// //sman gyi dud pa gtang ba'i cho ga ste le'u nyi shu rtsa gcig pa bshad par bya'o/ /mgul pa yan chad kyi nad ni klad pa na ba dang / rna ba na ba dang / kha sna nas bad kan dang mchil ma mang ba dang / mgo bo lci ba dang / klad pa gzhogs phyed na ba dang /cham pas btab pa dang / lud pa lu ba dang / dbugs mi bde ba dang / kha zas ci zos kyang ro bro bar mi tshor ba dang / kha nas bad kan dang mchil ma ha cang mang du 'ong ba dang / skad 'dzer zhing 'gags pa dang / sna nas rnag zag pa dang / kha nas rnag 'ong ba dang /skyigs bus btab nas mgul pa na ba dang / so na ba dang / nyam chung zhing rid pa dang / zas yi gar mi 'ong ba dang / 'gram pa na ba dang / gnye'u rengs su gyur pa dang / so dang skra dang klad pa'i nang du srin bu zhugs pa dang / mgul pa yan chad dang / mgo bo g.ya' ba dang /skya rbab tu gyur pa dang / skra la gza' zhugs pa dang / 'byi ba dang / sbrid pa 'byung du mi btub pa 'am/ sbrid pa ha cang mangs sam/ mgo yang khyer ba dang / gnyid che ba dang / 'di rnams la sogs pa'i nad kun ni gzhi rlung dang bad kan las gyur pa'i nad ma zhu bar gyur te/mi bde ba yin no/ /de lta bu'i nad zhi bar bya ba'i phyir/ dud pa rnam gsum rngub cing btung ngo / /rnam gsum ji ltar gtang zhe na mgul pa yan chad rlung nad du gyur na sman 'jam zhing snum pa'i dud pa gtang ngo / /rlung nad dang bad kan du 'dres pa'i nad la sman gyi dud pa mi 'jam mi rno ba ran par gtang ngo //bad kan gyi nad la ni sman rnon po'i dud pa gtang ngo / /de la mkhris pa rgyas pa dang / khrag rgyas pa'i nad la bkru sman btang ste bkrus pa dang / dmu rdzing dang / za khu la sogs pa 'di rnams la ni sman gyi dud pa gtang du mi rung ngo / / mig rab rib khyer ba dang mgul pa yan chad klad pa'i bar du rlung zhugs pa'i nad dang sman mas gtong bar gyur pa dang / lto sbos pa dang / nya zos pa dang / chang 'thungs pa dang / zho dang bu ram dang 'o ma dang sbrang rtsi dang / mar 'thungs pa dang / dug 'thungs pa dang / mgo bo snad pa dang /skya rbab kyi nad dang mtshan mo gnyid ma log pa 'di rnams lta bu la sman gyi dud pa gtang du mi rung ngo / /gal te 'di rnams ltar mi bde ba la sman gyi dud pa btang na nyen du gyur pa'i nad khrag dang mkhris pa'i nad dang / mig long rna ba 'on skom dad che ba brgyal ba dang rmongs shing myos par byed do//gal te dus ma yin par dud pa btang ngam/ dud pa ha cang cher btang drags na de la nad dpyad du bya ba'i cho ga ni sman bsil bas 'phral ba dang mgo bsku/ bsil ba'i kha zas kyi cho ga byas na phan no/ /de la sman gyi dud pa gtang ba'i dus dang /dmigs ni bkres pa dang / glal byung ba dang / bshang gci dri ma bsal ba dang / bud med la brten pa dang / gtar ga gdab pa dang / gad mo dgod pa dang / so shing gis so drud pa 'di rnams lta bu byas pa'i 'og tu dud pa mi drag pa 'jam po chung ngu zhig thong shig /yang bkres pa dang / glal byung ba la sogs pa'i dus 'di lta bu'i tshe mtshan mo kha zas zos pa dang / sman mar snar btang ba'i rjes la yang dud pa 'bring tsam sna nas gtang ngo / /yang gnyid log pa dang sman mas gtang ba dang / mig sman gyis bskus pa dang / lus khrus byas pa dang / skyug sman btang ba 'di rnams lta bu'i rjes la dud pa snar btang ste bkru ba'i cho ga bya'o/ /dud pa kha snar gtang ba'i dpyad ni mas gtong ba rkyal bu gser dngul la sogs pa las brdungs pa dang 'dra bar byas te/ de yang gce'u kha gsum pa dang drang ba zhabs kyi drung ni sbom mthe bong shong tsam rtse mo'i sbom ni rgya shug gi tshi gu shong tsam du bya'o//gce'u srid ni sor nyi shu rtsa bzhi pa dang / sor sum cu rtsa bzhi pa dang / sor bzhi bcu pa dang / de ltar che chung rnam gsum du bya'o/ /de la bad kan gyi nad la dud pa'i sman rnon po btang na/gce'u sor nyi shu rtsa bzhi pa las gtang ngo / /rlung nad la sman gyi dud pa 'jam zhing snum pa btang na gce'u sor sum cu rtsa gnyis pa las gtang ngo / /rlung dang bad kan 'dres pa'i nad la sman gyi dud pa rno 'jam ran pa gce'u sor bzhi bcu pa las gtang ngo / /snar dud pa gtang ba'i thabs ni drang po tsog pur 'dug la sems gud du mi g.yeng bar dud pa gtang ba la bsams te kha gdangs la khar dud pa lan gsum gtang ngo //de nas sna'i bu ga ya gcig bkag la bu ga ya gcig nas dud pa btang zhing rngub bo/ /sna'i mtshul pa'i nad dang / klad pa'i nad dmigs la dud pa kha nas btang bas nad bskyod cing bsdus par gyur pa de la sna nas dud pa brngubs na nad de phyin cing sel bar 'gyur ro//kha nas dud pa brngubs na ni slong zhing bskyod par byed do/ /kha nas gre ba'i nang du slebs par dud pa brngubs na nad zhi bar byed do//dud pa kha nas rngub cing phyir slon pa'i thabs su dbyung ngo / /snar rngub cing phyir dbyung ba ltar byas na mig la gnod de mi rung ngo / /khar rngub cing slon pa'i thabs ni khar lan cig gre ba'i bar du brngubs te de nas phyir slon pa'i thabs su phyung shig de ltar lan gsum gsum bya'o//sman gyi dud pa 'jam po nyin par snar lan cig gtang ngo / /rlung dang bad kan 'dres pa la sman gyi dud pa rno 'jam ran pa ni lan gnyis thong shig /bad kan sel bar sman gyi dud pa rnon po ni lan gsum mam lan bzhir thong shig /de la snar dud pa gtang ba'i sman 'jam po ni a ka ru dang /gu gul dang / gla sgang chen po dang / s+tho ne ya dang / pha bong gi dreg pa dang / spang spos dang / pu shel tsi dang / ba le ka dang / shing tsha dang / ha re Nu ka dang / me tog ban+d+hu ka dang / shing bil ba rkang dang / e la ba lu ka dang / shi re be sta ka dang / pog sa tsi ras dang /rgya ma ka dang / ma tsa na dang / gla ba dang / pog nag po sha la ya ki dang / gur kum dang / mon sran gre'u dang / nas dang / pog dkar po nu ma ka dang / til dang / shing tog bzang po mar yod pa dang / star ga urba ni ka dang / snum bag tshil dang / rkang dang / lto tshil dang /mar dang / rkang dang 'di rnams yin no/ /nad zhi bar bya ba'i dud pa'i sman ni pog nag po sha la ya ki dang / rgya skyegs dang / phri thir ka dang / me tog pad+ma dang / me tog ut+pal dang / shing n+ya gro d+ha dang / shing u dum+bA ra dang / shing a shwang+tha dang / shing p+lag sha dang /seng phrom dang / shing tsha dang / li kar dkar po dang / shing mngar dang / rngub rna shi ri'i shun pa dang / shug pa dang / btsod dang / spod ru rta dang / rgya spos dang / bad kan la sman rnon po'i dud pa btang ba ni dzo ti sma ti dang / skyer ba dang / yung ba sman gyi rtsa ba bcu dang / ldong ros dang / ba bla dang / rgya skyegs dang / tsan+dan dkar po dang / 'bras bu gsum dang / sman spos dri zhim po'i nang na ro rno ba'i grangs su gtogs pa rnams dang / 'di rnams kyi dud pa sna nas btang zhing mgo bo'i nad bkru bar bya'o/ /sman gyi dud pa gtang ba sbyar ba'i thabs ni sman rnams zhag gcig chu'i nang du spangs te chu dgas su zhib par btags la shing bu drang zhing 'jam po sra mo sor bcu gnyis pa la dud pa'i sman lde gu btags btags pa lan lnga'i bar du byugs shing grib ma la bskams la sman gyi gdar bu sbom mtheb mo tsam thog drung phral/dbus sbom ste nas 'dra bar byas la/ bskams pa dang rlung nad dang bad kan so so'i nad la phan pa'i rlung gis kyang byugs nas nang gi shing bu ni drongs la phyung shig /de nas sman gyi gdar bu'i drung mes bsregs la kham phor kha sbyar la dbus su bu ga phug pa'i nang du bcug ste dud sman gyi gdar bu'i rtse mo gce'u bu ga'i nang du bcug la dud pa khar brngubs te lud pa lu zhing mi bden brdungs te sor bcu'am sor brgyad pa byas la dud pa brngubs na lud pa lu ba dang /dbugs mi bde ba dang cham pas btab pa dang /skad 'gags pa dang / kha sna nas rnag mnam pa dang / kha gdong la skya rbab kyi nad yod pa dang / skra la gza' zhugs pa'am/ byi'am/ rna ba na ba dang / mig rdzi bor ldongs te/ mchi ma mang ba dang / mgul ba yan chad mgo bo g.ya' zhing za ste/'phrug 'dod pa dang slong bag can du gyur pa dang / mgo yung khyer ba dang / skyigs bus btab pa 'di rnams lta bu la sman gyi dud pa 'thungs na nad kyis mi tshugs so/ /sna nas gtang ba'i cho ga ste le'u nyi shu rtsa gcig pa rdzogs so// //sman gyi khu bas mkhur ba bkang la mi bskyod par mgo bskyod de bsdad pa dang sman gyi khu bas mkhur ba bkang ste/'gram pa g.yas g.yon du spo zhing bad kan la sogs pa'i nad drang ba'i cho ga'i le'u nyi shu rtsa gnyis pa bshad par bya'o/ /sman gyi khu bas mkhur ba bkang ba rnam pa bzhi ste/til gyi 'bru mar dang / zhi bar byed pa dang / kha bkru zhing sel bar byed pa dang / rma 'tsho bar byed pa'o/ /de la til gyi 'bru mar dang / zhi bar byed pa dang / bkru sman gyis bkru zhing bstsal ba dang / 'di gsum gyis ni rlung dang mkhris pa dang bad kan gyi nad bsal lo//mtha' ma'i rma'i nad gso bas ni rma'i nad sel to/ /de la til gyi 'bru mar ram/ mar las sman mar sbyar ba ni mngar dang skyur dang lan tshwa dang / sman drod che ba rnams brdungs la btags te/ chu dang sbyar ba'i khu ba 'am 'o ma yang rung sha khu yang rung ste 'di rnams dang sman gyi khu ba dang til mar ram 'bri mar dang sbyar te btsos la tshos te btsir ba'i sman mar de dron po khas bzod tsam mkhur ba bkang zhing rlung nad zhi bar bya'o//de zhi bar bya ba'i sman mar sbyar ba ni sman ro kha ba dang / bska ba dang / mngar ba dang /bsil ba rnams dang / pa ti la shing 'dzam bu'i shing thog dang / me tog ma la ta'i yal ga'i lo ma dang / ut+pal dang / shing mngar dang / khar dkar po dang / sbrang rtsi dang / 'o ma dang / bu ram shing gi khu ba dang mar la sogs pa 'di rnams sbyar te btsos pa'i mar gyis ni mkhris pa'i nad zhi bar byed do//bad kan gyi nad sel ba ni sman tsha ba dang skyur ba dang / lan tshwa dang sman drod che ba rnams klad nad bkru ba sna nas gtang ba'i sman rnams/ tshwa dang chang dang 'bras rtsabs dang / ba gcin dang / gzhan yang tsha ba dang skyur ba la sogs pa'i sman rnams kyi khu ba dang sbyar te/btsags pa'i dngas mas mkhur ba dgang zhing bor na bad kan gyi nad sel zhing 'byang bar 'gyur ro/ /kha'i nang du rnyil dang mkhur ba'i nang gi rma gso ba'i dpyad ni sman ro bska ba a ru ra lta bu dang / gla gor zho sha dang / mngar bag la shing mngar dang / sbrang rtsi lta bu dang / bsil bag la tsan+dan dang / pu shel tsi dang / gla sgang chen po dang / ci las nad du gyur pa'i sman so sor bshad pa rnams kyis kyang bsnan la sman gyi khu ba khar blugs so/ /de la rlung nad du gyur pa'i nad la til 'bru'i mar la sbyar te mkhur ba dgang ba ni/til mar dang 'o ma dang sbrang rtsi dang chu dang sbyar ba dang / tshwa dang chang dang sha khu dang ba gcin dang / 'bras rtsabs kyi khu ba dang / 'di rnams gang 'byor ba dang nad sel ba'i dmigs su gang bab pa de ltar sman btags pa'i khu ba yang rung / btsos pa'i til mar yang rung /dron po kha bzod pa tsam mkhur ba bkang nas so brtse ba dang / so 'gul ba dang rlung nad kyis kha'i nang na bar gyur pa dang / 'di rnams lta bu la dron po khas bzod tsam mkhur ba bkang na phan no/ /yang drod cher gyur la/ rtsub pa dang / tsha bar gyur pa dang /kha'i nang tshos pa dang / kha'i nang du rma byung ba dang / kha'i nang glo bur du 'phral la snad pa dang / kha'i nang du dug reg pa dang / nas tshig 'khus pa'i tshe thal sman rnon pos kha'i nang tshig pa dang / kha'i nang mes bsregs te tshig pa 'di rnams lta bu la yang zhun mar 'khyags pa dang /lo ma grang mos kha'i nang du dgang ngo / /kha'i nang tshig pa'am rma byung ba las tshor ba med cing zas kyi ro bro ba mi tshor ba lta bu dang / kha'i nang gi rma byung ba yang 'di lta bu las kyang mar dang 'o mas kha bkang na kha'i nang yang bag can du 'gyur ba dang / rma 'tsho bar 'gyur ro//sbrang rtsi dang chu sbyar te/ mkhur ba bkang na kha'i nang tsha ba dang / skom dad che ba zhi bar 'gyur ro/ /kha zas ro bro ba mi tshor ba dang / kha mnam pa dang / kha'i dri ma che ba 'di lta bu la 'bras rtsabs mkhur ba bkang zhing yon tan gyis skyon sel to/ /'bras rtsabs de nyid dang /rgyam tshwa dang / lce myang tsha gang yang rung ba dang sbyar ba grang mos mkhur ba bkang zhing pho na kha skom pa'i nad la rab tu phan par 'gyur ro/ /bad kan gyi dkyel sogs shing skyes par gyur pa la nas tshig 'khus pa'i tshwa'am thal sman rnon po dang / chur sbyar te mkhur ba bkang zhing pho na bad kan myur du sel bar 'gyur ro//kha'i nang lci zhing ldag ldag por gyur pa la chu dron po khas bzod tsam mkhur ba bkang zhing bor na kha'i nang yang zhing bde bar 'gyur ro/ /mkhur ba'i nang du sman zhu 'am dron pos bkang ba'i cho ga byas na sngar rlung med pa nyi ma dron po'i sar 'dug la/'phrag so dang ske g.yas g.yon du dugs bya zhing mnyes la/ de nas sman gyi khu ba'am chu dron pos mkhur ba bkang ste gdong pa phyir bskyed de bstod la 'dug shig /bsdad pa'i tshe ni kha'i nang bad kan nam gang gi bar du'am yang na sna'i nang snabs kyis gang la mig mchi mas gang ba'i bar du bsdad do//bad kan gyi nad ni lan gsum lan lnga'am lan bdun du mkhur ba dgang ngo / /mkhris pa'i nad rlung nad la ni de ltar kha dgang bar bya ba'i dpyad mi dgos so/ /de la sman gyi khu bas khar dgang zhes bya ba ni sman gyi khu ba khar blugs la mkhur ba g.yas g.yon du spo ba med par gzhag go//sman khu'am chu dron po khar rngub pa zhes bya ba ni khar brngubs la mkhur ba g.yas su spo'o/ /de la sman khu'am chu dron mo mar brngubs la mkhur ba g.yas g.yon du spo ba byas na/ gnye'u rengs pa dang klad pa na ba dang /rna ba na ba dang / kha na ba dang / mig na ba dang / bad kan rgyas te snabs dang mchil ma mang ba dang / gre ba'i nang na ba dang kha skams pa dang / snying na ba dang / glo bag can du gyur pa dang / kha zas yi gar mi 'ong ba dang / cham pas btab pa dang /'di rnams la phan te gso sla bar 'gyur ro/ /bad kan gyi nad la sman lde gu dang / sman btsos pa'i khu ba dang / sman rnam gsum khar gzhib cing mur la sman gyi khu ba khar blugs pa dang 'dra ste phan no/ /sman gyis gdong byugs pa yang rnam gsum ste/ rlung dang bad kan gyi nad la ni dron pos bkrus na dge'o/ /mkhris pa dang khrag rgyas pa'i nad la ni bsil sman bag gdong la bsku'o/ /gdong bsku ba'i sman gyi yon tan ni rlung dang mkhris pa dang / bad kan gyi nad sel/ dug nad sel ba bzhin mdog bzang por 'gyur ro/ / sman lde gdong pa bsku ba'i tshad ni rnam gsum ste sor bzhi cha'am sum cha'am sor gyi cha gnyis tsam gyis stug rngams de tsam du bsku'o/ /gdong sman ma skams kyi bar du gdong la chags te phan no/ /skams na pags pa'i sha mthang la gnod kyis chus sbangs la khrus shig /brkus pa'i rjes la mar ram til mar gyis gdong bskus la/ lde gus dril la phyis shig /gdong sman lde gu de ltar byugs na nyin par nyal ba dang drag tu smra ba dang smra ba mang ba dang / me tsha ba'am nyi ma 'de ba'am bud med la nyal ba 'am 'gro ba'i bag tu mi rung ngo //de ltar gdong la sman gyis bsku legs na dus la ma bab par skra dkar por gyur pa 'am dpung pa lhung ste bskyod mi nus pa dang gnyer ma mang ba dang / mig rab rib kyis khyer ba dang / gdong pa khabs yod pa dang / mig nad sngon por gyur pa 'di rnams sel te phan no/ / sman lde gus byug tu mi rung ba'i dmigs ni cham pas btab pa dang / kha zas ma zhu ba dang / sman snar btang ba lta bu dang / rnyil ba dang 'gram pa na ba dang / zas yi gar mi 'ong ba dang / mtshan mo gnyid ma log par gyur pa 'di rnams lta bu la sman bskur mi rung ngo / /de la gdong bsku ba'i sman lde gu ni rgya shug gi nang rkang dang ba sha ka'i rtsa ba dang sha ba ra'i seng phrom dang /yungs kar 'di rnams ni dgun gyi lde gus byug pa'o/ /kaN+Da ka ri'i rtsa ba dang / til nag po dang / skyer pa'i rtsa ba dang / shing tsha dang / nas rme'u dang / 'di rnams ni dgun smad kyi lde gus bsku ba'o//rtswa dUr ba'i rtsa ba dang / tsan+dan dang / u shi ra dang / shing shi ri sha dang / sha ta puSh+pa dang / 'bras dang 'di rnams dpyid kyi'o/ /me tog ku mu da dang ut+pa la dang / ka lha ra dang / rtswa dUr ba dang / shing mngar dang / tsan+dan dang 'di rnams ni sos ka'i tshe bsku'o//ka li ma ka dang / til dang / u shi ra dang / spang spos dang / rgya spos dang / shug pa dang / 'di rnams dbyar gyi tshe bsku'o/ /bal bu dang / kun tra pun tra ha dang / shing mngar dang / sap+ta par+Ni dang / rgya spos dang / 'di rnams ni ston gyi lde gu bsku ba yin no//de ltar dus tshigs drug gi bye brag dang sbyar te gdong bsku ba'i dpyad shes par bya'o/ /de ltar rtag tu gdong bkrus na mig la yang phan te lta ba la brtan par mthong ba dang bzhin 'jam zhing gnyer ma med pa dang bzhin mdog bzang po pad+ma'i lo ma dang 'dra bar 'gyur ro//til dang mar gyis lus bsku ba yang rnam pa bzhi ste mar dang 'bru mar gyis lus bsku ba yang mar blugs pa dang / ras sam shing bal mar la bsgres te/ klad par gzhag pa 'am klad par mar ram til gyi 'bru mar gyis byugs la skyi dar gyis g.yogs pa dang bzhi'o//de ltar mgo bo la bsku ba rnam pa 'di bzhi yang lhag ma bas 'og ma'i yon tan che zhing mang ste/ gong ma bas 'og ma bzang bar shes par bya'o/ /de la mar gyis byug cing bsku zhes bya ba ni mgo dang lus rtsub pa dang / mgo dang lus g.ya' ba dang pags pa sha mdog mi sdug cing dri ma can du gyur pa 'di lta bur mar byug cing bskur bar bya'o//mgo la glog pa zhugs pa dang / klad pa zug thabs su na ba dang / klad pa tsha ba dang / rma rnags pa 'di lta bu la ni mar blugs pa'i dpyad bya'o/ /de la skra byi ba dang / skra la gza' zhugs pa dang /bdug pa byas pa'i rjes dang mig har har por gyur pa'i nad 'di lta bu'i nad pa ni ras sam ras bal mar gyi nang du bsres te spyi bor glan no/ /mgo la tshor ba'i bag med de bem bag tu gyur pa dang / kha yon por gyur pa dang / gnyid med pa dang / kha sna skams pa dang /mig rab rib kyis khyer ba dang / klad pa mi bzod par na ba dang / 'di lta bu la klad pa la mar cher byugs te mar mi dbo bar pags pas g.yogs pa 'gab chings shig /de ltar byas pa'i cho ga ni lus snum gyis byugs te lde gus phyis la khrus byas nas nub kar pus mo'i 'phang tsam gyi stan khri'u stan rlon can 'jam po la 'dug nas ma he'am ba lang gi ko ba srid klad pa 'khor ba zheng sor bcu gnyis yod pa de lta bur byas pa dpral ba'i skra mtshams nas rna drung tsam du phyin par byas te 'gab bcing ngo //'gab bcing ba ni ras sam rang gi skras 'gab bcings kyang rung ngo //mar mi zag par sran ma sha'i lde gus kyang 'gab glan cing bsku'o/ /de nas nad kyi dmigs ci 'dra ba las mar ram sman dang sbyar ba'i til gyi 'bru mar dro 'jam tsam klad pa khor yug dang spyi bo man chad skra drung sor gcig nub pa tsam du blugs la kha'i nang dang sna dang mtshul par mar gyi ro nam bro'i bar du bzhag ste/de'i tshad kyang rlung nad la ni se gol bskor zhing gtogs pa lan khri'i bar du gzhag go/ /mkhris pa'i nad la ni se gol brgya stong gi yun tshun chad du gzhag go/ /bad kan gyi nad la ni se gol drug stong tsam gyi bar du zhog shig /yang sman pa kha cig na re nad nam phyin gyi bar du mar gzhag ces 'chad do/ /mar zag pa'am lhag mas ni phrag pa dang ro stod bsku zhing mnye'o/ /cho ga 'di 'dra bar bya ba lan grangs rab tu mang na zhag bdun bya'o/ /rna ba na ba la til mar las sbyar ba'i sman rna ba'i nang du blugs te bkang la rna drung mnye zhing 'gram so bskyod do//bzhag pa'i yun ni nam nad rtse zhil gyi bar du gzhag go/ /rna ba min pa la mar blugs na se gol brgya'i yun gyi bar du gzhag go/ /rna ba la mar blugs na de ltar bgrang ba'i yun gyi tshad ni lag pa g.yas kyi thal mo pus mo g.yas pa'i lha nga la rdo ba lta bu dang /mig 'byed cing 'dzums pa lta tsam dang mnyam pa'i yun de tsam gyis bgrang ngo / /klad pa sman dang sbyar ba'i til mar gyis byugs pa'i yon tan ni skra 'byi ba dang / skra dkar dang / skra kham pa dmar ser du gyur pa dang /skra la gza' zhugs pa dang / klad pa'i nang du rlung zhugs pa dang 'di rnams lta bu la phan no/ /dbang po rnams gsal bar 'gyur la/ skad kyi gdangs dang mgrin pa snyan pa dang 'gram pa na ba dang klad pa na ba la phan la/ nyams stobs skye zhing nyams 'tshag brta'o//sman gyi khu bas mkhur ba dgang ba'i dpyad la sogs pa bshad pa'i le'u nyi shu rtsa gnyis pa rdzogs so// //sman gyi thigs pas mig tu blugs pa dang / sman gyis mig bsku ba'i cho ga bshad pa'i le'u nyi shu rtsa gsum pa bshad par bya'o/ /mig nad thams cad la dpyad du bya ba ni mig nad gsar pa la dang por sman gyi thigs pa mig tu blugs na mig rdol la thug pa snyam byed cing na ba dang /mig tu zug ste na ba dang / mig g.ya' ba dang / mig la drud pa snyam byed pa dang / rdzi bor gyur te mchi ma zag pa dang / mig tsha ba dang / mig dmar por gyur pa dang / 'di rnams lta bu'i nad sel te phan no/ /mig rlung nad kyi bag tu na ba la ni sman thigs dron po ldugs shig /bad kan las mig nad du gyur pa la ni 'jam tsam ldugs shig /khrag dang mkhris pa'i nad lta bu tsha ba'i bag la ni sman thigs kyi chu de bsil bar gyis la ldugs shig /sman thigs blugs pa'i cho ga ni rlung med pa'i gnas su 'dug la sngas smad de nya phyis kyi nang du sman gyi khu ba sbyar la ras bal lam srin bal lta bu bsnyad pa sor gsum tsam dri ma med pa bkrus/ bskams pa des nya phyis kyi nang nas mig phugs kyi grwa sna drung du thigs pa bcu gnyis sam bcu ras bal las gtig cing blugs te mig tu blugs pa'i 'phang ni sor gnyis tsam las gtig cing blugs so//khad langs shing bsdad la sman khu de mig 'gram nas mur 'gram logs su pho la de nas gos 'jam pos phyis shig /bad kan nam rlung nad lta bu la ni mig phyis pa'i rjes la ras ma 'jam po chu dro 'jam tsam gyi nang du bcug la mig la dro 'jam tsam du dugs gyis shig /mig tu sman gyi chu blugs pa de ha cang dro che ste tsha'am ro tsha ba'i sman dron po'am 'di lta bu'i bag btang na mig rdol la thug pa tsam du na ba dang / mig dmar por 'gyur ba dang / mig rdul 'di lta bu'i bag tu 'gyur ro/ /mig sman ha cang drags ches pa mig tu blugs na mig tu zug cing na ba dang / mig 'dzums mi shes te har har por 'gyur ba'i nad du 'gyur ro/ /mig tu sman gyi thigs pa blugs pa'i thun mong ste drags na mig gi mchu sdud pa snyam byed cing rtsub pa dang /mig 'byed mi nus shing dka' bar 'gyur ro/ /mig sman blugs pa ha cang thun chung na mig nad kyi dkyel skyes te mi phan no/ /mig tu sman blugs pa las ma pho na mig nad kyi dkyel skyes te slar na bar 'gyur ro/ / mig sman bsku legs pa ni klad pa'i yul dang / srubs dang / rtsa dang / kha sna dang / rtsa'i nang dang / mgo kun du sman gyis khyab nas mig gi nad kun sel bar 'gyur ro/ /yang mig sman gyis mig tu bsku ba'i dpyad ni sngar skyug sman dang bkru sman gyis nad sbyangs la mig bkru ba'i sman ni mig yog pa tsam gyi tshod kyis mig la bsku'o//de ltar bsku ba'i mig nad kyi dmigs ni mig nad rnying pa lta bu'i bag tu gyur pa cung zad tsam skrangs pa dang / mig rab rib tu g.ya' ba dang / mig 'byar bag dang / mig gi grwar rngul ma chags pa dang /mig rab rib tu rtsub pa tsam ma yin pa dang / mchi ma zag pa dang / mig dmar por gyur pa dang 'di lta bu ni mig nad rnying par gyur pa'i rtags yin te 'di lta bu la sman mig tu skus shig /mig nad mkhris pa dang bad kan dang rlung las mig nad du gyur pa 'di lta bu la dmigs kyis bsku ba'i dpyad rnam pa gsum ste/mig gi nad phyi zhing bsal ba dang / mig nang rma lta bu gso ba dang / mig gsal bar mthong bar bya'o/ /de la mig nad bsal zhing phyi ba'i sman gyis byugs pa ni ro bska ba dang / skyur ba dang / rgyam tsha dang na le sham dang 'di rnams so//mig gi rma gso ba'i sman ni ro kha bas bsku'o/ /mig rno zhing gsal bar bya ba'i sman gyis bsku'o/ /sman bsku ba'i thur ma'i srid ni sor bcu pa dbus ni phra ba'o/ /thur ma'i thor to ni sri shing gi me tog kha 'bus pa lta bu'o/ /mig nad bsal zhing phyi ba'i thur ma ni zangs las brdungs pa ni bzang ngo //mig gi rma gso ba'i thur ma ni lcags nag po las brdungs pa'i thur ma dang mdzub mos phyi ba bzang ngo / /mig rno zhing gsal bar bya ba'i thur ma ni gser dngul las bya'o/ /yang mig sman skyer khaN+Da lta bu'i gdang bu lta bu dang / sman dang sbyar ba'i zan gyi chang bu dang / sman dang sbrang rtsir sbyar ba lta bu'i lde gu dang / mig sman phye ma dang rnam pa gsum yod do/ /de yang mig nad lci ba dang yang ba dang lci ba yang ma yin yang ba yang ma yin pa 'di rnam pa gsum gyi tshul las dpags te sman rim pa bzhin du gtang ngo //sman de gtang ba ni nub mo nyal ba'i tshe dang mtshan mo dang / nyin gung dang nyin mtshan dang 'di rnams lta bu la sman gtang du mi rung ngo / /mig sman blugs sam bskus nas slar bkru ba drags sam/ btsir na mig nad kyi dkyel skye bar 'gyur ro/ /de bas na sman gtang ba'i dus ni nang par dang phyi 'phred kyi srid dang /la yul drang ba'i tshe 'di lta bu'i dus la mig sman gyis rtag par bsku'o/ /sman pa kha cig na re sman tsha ba'i bag rnon pos ni nyin par mig bskur mi rung zhes zer ro/ /mig sman btang bas mig gi dri ma dang / mchi ma phal cher byung bas mig bkrus te/mig legs par lta ba'i mthu chung bas 'di lta bu'i tshe nyi ma la bltas na mig la gnod de mi rung ngo / /yang sman pa kha cig na re nyin par ni nyi ma'i 'od tsha ba'i dus la bab pas tsha ba'i tshe tsha sman btang yang gnod de mi rung ngo / /mtshan mo ni zla ba'i dus te bsil bas mig la phan te de bas na nub mo nyal ka dang /mtshan mo'i dus su mig sman btang na mig la phan no/ /ji lta zhe na mig ni me'i rang bzhin yin/ mig sman ni bsil ba dang 'phrod de dpyad 'di ltar byas na mig rno zhing brtan par 'gyur ro/ /gal te bad kan rab tu skyes sam mig nad bsal zhing phyi ba'i dpyad dgos par gyur na/'di lta bu'i dpyad ni nyin par yang rung ste/ yul rab tu tsha ba'i dus la ma bab na mig sman rnon pos mig byug par bya'o/ /dper na lcags ni rdo ba las 'byung mod kyi lcags pas rdo ba de nyid rno ste rdo ba des lcags la gnod par bya nus so//de bzhin du mig kyang me'i rang bzhin yin pas na me lta bu tsha ba rnams mig la gnod de mi rung ngo / /yang na dgun lta bu lhags pa rab tu che na mtshan mo yang mig sman tsha ba rnon pos mig bskus na gnod de mi rung ngo / /ji lta zhe na dgun ha cang lhags pa che ba'i tshe ni/mig sman gyis bskus kyang mig gi nad mchi mar dbyung du mi rung la mig 'byed cing 'dzums mi shes pa har har por 'dug gam mig g.ya' la mi gsal mi rno ba la sogs pa nyen du 'gyur ro/ /yang mig sman gyis byug tu mi rung ba'i dmigs ni skrag par 'gyur ba dang /skyug sman btang ba 'am/ bkru sman btang la kha zas ma zos pa dang / bshang gci 'ong bar gyur pa'i dus dang / khro ste rngam pa dang / rims nad kyis btab pa dang / mig nad kyis btab pa 'am/ mig phyir phyung ste rlo rlo bor song ba dang /klad pa na ba dang / mya ngan gyis btab pa dang / mtshan mo gnyid ma log par gyur pa lta bu dang / nyi ma mthong ba dang / mgo bo bkrus pa dang / sman gyi dud pa sbu gu nas brngubs pa dang / chang 'thung 'thung ba lta bu dang / kha zas ma zhu ba dang / nyi tshan nam me tshan po che lta bu la 'dug 'dug pa dang /nyin par gnyid log pa dang / skom gyis gdungs pa dang / 'di lta bu la mig sman bsku zhing byug tu mi rung ngo / /mig sman ha cang tsha zhing rno ba dang / ha cang 'jam pa dang / ha cang thun chung ste nyung ba dang / thun ha cang che ste mang ba dang /ha cang sla ba dang / ha cang ska ba dang / ha cang rtsub pa dang / ha cang grang ste bsil ba dang / ha cang drod ches par byas pa'i sman 'di lta bu'i bag mig la bsku zhing gtang du mi rung ngo / /mig sman bsku zhing byug pa'i thabs ni mig cung zad phye la sman phye la sman phye ma thur mas bcus te sna drung gi mig sgo nas mig 'gram logs su dal gyis bsku zhing mig gi mchu'i nang du sman gyis byugs zin pa dang /mig cung zad bskul zhing bskyod na mig sman rnon po des mig gi nang kun du sleb cing khyab par 'gyur ro/ /mig sman gyis bskus nas mig ha cang phye zhing btsum pa'am/mig btsum ste mig mchu'i pags pa bsdam zhing gzir ba'i thabs su btsum pa 'am/ mig chus bkru ba'i bag 'di lta bu ma byed cig /mig sman gyis byugs pa las bkru ba'i dus tshod ni mig tu sman gyis byugs shing bskus pa rnams mig gi nang du sman bskus pa bag la zhu ste na zhing gnod pa yang med de/bde ba de'i tshe nad gzhi nad dmigs dang dus tshigs kyi tshul dang sbyar la chu dro 'jam tsam tsha grang gang rigs pas bkru bar gyis shig /bkrus nas dar 'jam pos phyi'o/ /phyi ba'i thabs ni lag pa g.yas kyi mdzub mo dang mthe bos mig ci ran du phye la lag pa g.yon pas gos 'jam po thogs la phyis shig /mig g.yas g.yon gnyis ka yang tshul de ltar bya'o/ /mig g.ya' 'am rtul te gsal bar mi mthong ba la mig sman tsha ba rnon pos bskus la de'i rjes la mig tsha ba'i gnod par ma gyur par bya ba'i thabs ni sman bsil bas mig la bsku zhing byugs par gyis shig /sman gyi thigs pa mig tu blugs pa dang sman gyis mig bsku ba'i cho ga'i le'u ste nyi shu gsum pa rdzogs so// //mig brta ba'i cho ga zhun mar mig tu blugs pa dang / sman gyi phur ma bsregs shing bcos pa'i khu ba'i thigs pa mig tu blugs pa'i le'u nyi shu rtsa bzhi pa bshad par bya'o/ /mig 'dzums mi shes te har bag tu gyur pa dang / mig skam bag tu gyur pa dang / mig gi nang rtsub por gyur pa dang / mig snad pa dang / mig rlung dang mkhris pa'i nad du gyur pa dang /mig zhum bag tu gyur pa dang / mig gi rdzi ma byi ba dang / mig rab rib khyer te sngon dmar du mthong ba dang / mig legs par 'byed mi nus pa dang / mig gi rtsa rnams brtse ba dang / mig gis mi mthong ba dang / mig gi sprin khrag gis rgyas te dmar por gyur pa dang /mig rdzi bor can mchi ma rab tu mang ba dang / rdzi bor gyi dkyel skyes pa las kha zas mi 'phrod pa dang / gnod pa'i bag brten pa las klad pa na zhing mig gi phyed dang / mgo bo'i phyed na ste dkrugs pa snyam byed pa dang / mig ling tog byung bas rlung nad du gyur pa dang /rlung nad kun du 'gro ba'i nad dang / mig ling tog byung ba dang / 'di lta bu'i mig nad kyis btab pa rnams la mig nad dmar por gyur pa dang / mig rdzi bor na ste mchi ma 'dzag pa dang mig na zhing mig sgor rngu ma chags la cung zad rtse zhil na/ de la dpyad du bya ba ni sngar bkru sman dang /skyug sman sna nas btang ste/ mgul pa yan chad stod kyi nad bkrus te bstsal la/ rlung nad kyi dus dbyar zla tha chungs lta bu'i ngo dang / ston zla 'bring po la mkhris pa'i nad ldang ba'i dus dang bad kan ldang ba'i dus dpyid zla 'bring po'i ngo la bab ste dus 'di dag gi tshe so so'i nad dmigs kyi tshul dang sbyar la de'i tshe gan rkyal du nyal/de nas sran ma sha btags te sbrus pa'i chang bus mig gi mtha' ma bskor la/ 'phang sor gnyis tsam du mtho ba brtan por byas na mig nad rlung ngam mkhris pa'am/ bad kan ci las gyur pa'i dmigs dang sbyar te sman mar btsos la sman mar de lta bus mig gi nang du ldugs la khong shig /mig tu mar blugs pa de ni me la mi bsro bar chu tshan pos sros shig /yang mtshan mo mig gis mi mthong ba dang / rlung nad las gyur te mig rab rib khyer ba dang / rna ba mi gsang ste go dka' ba 'di lta bu la ni nang gi lto tshil las sbyar ba'i sman gong ma'i sman mar btang ba dang 'dra bar mig gi rdzi ma man chad nub par bkang la/de nas mig bskyod cing dbye ba dang 'dzums pa yang byas la se gol gyi grangs bgrang zhing tshod zung shig /tshad gzung ba'i dmigs ni mig gi mchu'i pags pa na ba la ni grangs brgya'i bar du zhog shig /mig 'gram gnyis na na grangs sum brgya'i bar du gzhag go/ /mig sprin la nad yod na grangs lnga brgya'i bar du zhog shig /mig gi 'bras bu nag por nad yod na grangs bdun brgya'i bar du gzhag go//mig gi 'bras bu nag po'i nang gi 'bras bu nag gu mthong bar byed pa la nad yod na brgyad brgya'i bar du zhog shig /mig gi phyed dang klad pa'i gzhogs phyed dkrugs pa snyam du byed cing na ba la grangs stong gi bar du gzhag go/ /rlung nad las gyur pa'i mig nad la grangs stong gi bar du gzhag go//mkhris pa las gyur pa'i mig nad la grangs drug brgyar gzhag go/ /na ba med cing nyams tha mal pa zhig la mig sman blugs na yang grangs drug brgyar gzhag go/ /bad kan las gyur pa'i mig nad la grangs lnga brgyar gzhag go//de nas so so'i grangs tshang ba dang / glan pa byo ste mig 'gram logs su bzur te/ sman mar de gzag cing snod kyis bzed do/ /de'i rjes la sman gyi dud pa sbu gu nas khar rngubs shig /sman de ltar btang nas nam mkha' la mi lta/ gzugs 'od can lhang lhang po la ltar mi rung ngo //rlung nad las gyur pa'i mig nad lta bu la ni cho ga'i tshul dang 'dra bar nyin gcig bzhin gyis shig /mkhris pa las gyur pa'i mig nad la ni sman nyin gcig blugs la nyin gcig mi blugs/ bar du gcod do/ /bad kan las gyur pa'i mig nad dang mig na ba med de/nyams tha mal pa la gtong ba 'dra ste/ sman nyin gcig btang ba de phan chad nyi ma gnyis kyi bar du bcad de/ mi gtang bar byas la nyi ma bzhi lon pa dang yang gtong bar sbyar ro/ /mig tu mig sman blugs shing btang ba lan grangs su btang na chog pa'i tshad ni mig gis gsal bar mthong shing rtogs nus la mig na ba med cing mig gi nad skyon gyi dri ma med cing gsal ba/mig yang bar nam gyur gyi bar du sman btang ba de ltar gyur pa'i tshe na sman gtang mi dgos te chog pa'i tshad yin no/ /de ltar ma gyur gyi bar du ni sman btang bas mi chog par blta'o//mig tu sman btang zhing blugs pa ha cang drags na ni bad kan gyi mig nad du 'gyur ro/ /de ltar mig tu blugs te btang ba de yang dper na mar 'thungs nas lus snyom zhing lci ba de dang 'dra ste/ mig de yang cung zhig mi gsal bar 'gyur ro//de ltar mig na ba la sman mar blugs te mig tu gdab par bya ba'i cho ga byas pa'i rjes la mig gis mthong bar bya ba'i cho ga bya dgos te/ gong du smos pa'i mig nad mig gi grwa dang / mig gi sprin la sogs pa rnam pa lnga lta bu la/ sman gyi chus ma btsos pa'i thigs pa btsir te mig tu blugs par bya'o//de yang rnam pa gsum ste/ de la rlung nad las gyur pa'i mig nad la ni mar lta bu snum bag sman la btsos pa'i khu ba thong shig /rlung dang bad kan du bcas pa'i mig nad la ni sman tsha zhing rno ba las sbyar bas mig nad srab cing sbyang ba byas na phan no/ / mig mthong ba'i mthu chung ba dang / mig la rlung nad dang mkhris pa'i nad yod pa dang / khrag nad kyis mig dmar por gyur pa dang / mig na ba med pa'i nyams tha mal dang 'di rnams 'dra ste/ mig rno zhing gsal bar bya ba'i cho ga bya'o/ /de la mig sman snum bag las sbyar ba ni khung dang phug na nyal ba sbrul dang gcan gzan rnams dang /phyi ba la sogs pa dang / bya khra rnams dang / yul ser che ba'i tshil dang / rkang dang / lto tshil dang / sha rnams ni snum bag tu sbyar ba'i sman yin te/ 'o ma dang sbyar ba la sman dzi ban+ti'i sder gtogs pa'i sna bcu yang brdungs/btags la 'di rnams dang lhan cig sbyar te e raN+Da'i lo ma 'am shing 'ba' ti'i 'dab ma'am pad+ma'i 'jam pos dkris la 'jim pa bskus te/ shing 'dab pa dang / lci ba'i mes bsregs la de'i khu ba btsir ba'i thigs pa dro 'jam tsam mig tu blugs shing dgang ba ni gong du mig brta ba'i sman btang ba dang 'dra ste phur ma'i thigs pa blugs la grangs nyis brgya'am sum brgya'i bar du sdod cig /'di ni snum bag phur ma'i sman dpyad yin no/ /mig nad dang / srab cing sbyang ba'i dpyad ni ri dgas dang / bya'i mcher pa dang /sha dang / nor bu mu tig dang / lcags dang / zangs kyi phye ma dang / rgyam tsha dang / lig bu mig dang / dung dang / rgya mtsho'i dbu ba dang / ba bla dang / 'di rnams btags te zho ga chu dang sbyar la gong ma bzhin du phur mar byas te btsos pa'i khu ba btsir te mig tu blugs na mig nad kyi skyon srab cing 'byang bar 'gyur ro//mig rno zhing gsal bar bya ba'i dpyad ni/ ri dgas dang bya'i mcher pa dang / rkang dang / lto tshil dang / rgyu ma dang / snying dang / sha rnams dang / sman mngar bag dang / mar dang / bud med kyi nu zho dang sbyar te btags la gong ma bzhin du byug pa byas te dkris la bcings te 'jim pas g.yogs nas kham phor kha sbyar gyi nang du bcug ste/kham phor gyi phyi rol chos pa'i tshad du bsregs la tshos pa dang / 'jim pa dang phyi shun bor ba la sman gyi khu ba btsir te dro 'jam tsam mig tu blugs la ji tsam du bsdad pa'i yun kyang se gol gyi grangs snga ma bzhin du gzung ngo //phur ma bsregs pa'i dpyad de lta bu gang 'byor kyang rung ste sha dang sman lta bu sna re yang srang re'i thang du sbyar bar bya'o/ /mig nad kyi skyon byang zhing bsrab par bya ba dang / rlung nad las gyur pa'i mig nad la snum bag gi sman mig tu blugs pa ni sngar 'jam tsam du byas te blugs la phyi nas bsil bar blugs so//sman de gnyis btang ba'i rjes la dud pa sbu gu nas brngub par gyis shig /mig rno zhing gsal bar bya ba la ni dud pa brngub mi dgos so/ / mig brta ba'i sman dpyad gong du bshad pa dang 'dra bar 'dir yang mig mthong ba'i stobs bskyed pa'i cho ga mi lta ba dang / phur ma bsreg cing btso ba'i dpyad bya ba yang de dang 'dra'o/ /sman sna nas btang du mi rung ba la mig brta ba dang / phur ma bsregs pa'i dpyad kyang byar mi rung ngo //de ltar mig sman 'di lta bu btang ba'i tshe sman zhag grangs su btang ba de las kha zas bsdams pa'i cho ga'i grangs kyang nyis 'gyur du bskyed de bsdoms shig /mig sman de lta bu btang ba'i tshe me tog dri zhim po dang / spos dri zhim po nyin mtshan du lus dang mgul du thogs shig /de lta bas na mig mthong ba 'di nyams te ma rung bar gyur na dngos po sna tshogs dang / sems can rnams mun pa dang 'dra bar tshul gcig tu gyur nas mthong ba med kyis de'i phyir mig gi mthu bskyed pa'i dpyad sna nas gtong ba dang / sman gyis mig bsku ba dang / sman mar gyis mig tu blugs te brta bar bya ba la sogs pa'i dpyad la nan tan dang / brtson 'grus cher gyis shig /mig brta ba'i cho ga zhun mar mig tu blugs pa dang / sman gyi thum po bsreg cing btsos pa'i khu ba'i thigs pa mig tu blugs pa la sogs pa'i cho ga'i le'u ste nyi shu rtsa bzhi pa rdzogs so// //gzhang 'brum khrag tshad la thal sman rnon po gtang ba'i dpyad dang / mtshan par rdol la sman gtang ba'i dpyad dang / khong du mtshon lus pa la sogs pa drang ba'i dpyad kyi cho ga bshad pa'i le'u nyi shu lnga pa bshad par bya'o/ /dpyad rnam pa sna tshogs bshad par bya ste/nad dmigs rnam pa sna tshogs sun pa la dpyad rnam pa sna tshogs nad dmigs kyi thog tu bab pa nang du btang la nad 'dren par byed pa'i thabs de ni dpyad ces bya ste/ de la yang gzhang 'brum gyi nad dang mtshan par rdol ba la sogs pa'i nad la thal sman rnon po me dang 'dra ba btang ba'i tshe nad dmigs brtag cing dpyad dang sman pa de lus kyi sha gzhan la mi gnod pa'i dpyad rnams dang /sman btang ba de lus kyi sha gzhan la mi gnod pa'i bsrung ba'i dpyad dang / rkyal bu nas sman mas gtong ba'i cha byad dang /bum bu dang / ku ba dang / rwa dang dzam pa po la sogs pa'i cha byad kyi tshul rnam pa du ma sna tshogs blos rnam par brtags te mdo ci ran tsam du bstan te/ cha byad de rnams kyi rtse mo bya dang seng ge dang dom dang bya rog dang ri dgas la sogs pa'i kha mtshul 'dra bar cha byad brdung zhing byas la ming yang de rnams la gdags so//spyad ni phal cher lcags las brdungs te srid sor bco brgyad yod pa la sogs pa bya'o/ /cha byad de rnams skam pa lta bu byas la gnyis kyi mgul pa'i sbrel mtshams kyi gzer bu sran chung gi dbyibs dang tshad tsam gdab ste/skam pa'i rtsa ba gnyis ni lcags kyu ltar yang dgug par bya ste/ de'i ming ni bde legs kyi cha byad zhes bya ste/ spyad des ni rus pa la zug rngu brtan par zug pa de 'byin pa la sbyar ro/ /yang skam pa gong ma dang 'dra ba gnyis byas la gcig ni lhag ma ltar lcags kyi gzer bus gdab/gcig gi gzer ni rtsig pa'i skud pa'i gzungs gdab ste/ de ni rtse mo bsgul par bde ba'i phyir yin no/ /de gnyis kyi srid du sor bcu drug bya ste des ni pags pa dang / rtsa dang / rgyus pa dang / sha las zug rngu zug pa la spyad do//yang skam pa srid du sor bcu drug pa byas la rtse mo rta sbrul gyi mgo 'dra ba byas pa 'gyed cing gzhum du rung bar byas te/ des ni zug rngu phra mo dang mig la zug rngu phra mo zug pa dang / rdzi ma ma rungs pa 'byin pa la spyad do/ /yang skam pa rtsa ba gdu bu lta bu zlum po la rtsa mo shin tu phra bar byas pa de ni spyad mu tsi tri zhes bya ste/des ni sha'i nang du mtshon gting zug pa dang / mig mdzer skyes pa 'byin pa la sbyar ro/ /yang nyis kha lta bu cha byad gnyis bya ste/ de yang bya'o/ /lhag ma ni gzhang 'brum gyi cha byad bzhin du bya ste/ des ni sna nang gi 'brum bu dang / thor bu bcad pa la sbyar ro/ /sman pa nad pa'i kha dang lkog ma'i nang du spyad pa na sman pa'i mdzub mo so'am shing las nang sbubs su byas te/ de yang dbyibs pa'i nu sor 'dra ba sor bzhi par byas te/ bu ga gnyis pa byas la sman pa'i mdzub mo bcug ste/ gzan du byas la de nas skud pa gnyis kyis btags te mkhrig ma la brtod cing bcing ngo //mo mtshan gyi nang gi nad brtag pa'i cha byad thur ma bzhi/ srid du sor bcu drug pa byas te/ gdu bu ran pa zhig kyang byas la de'i phyogs bzhi nas thur ma'i dkyil dam du bcings na/ rtse mo pad+ma kha 'dzums pa ltar 'gyur te/ 'dzums phyogs de mo mtshan gyi nang du bcug ste nang du phyin pa dang / thur ma'i rtsa ba bzhi po phyi rol na yod pa lag pas bsdams te bcangs na nang gi rtse mo kha gyed par gyur te/ cha byad de ni mo mtshan gyi nad blta ba la sbyar ro/ /yang cha byad 'jam rtsi sbu gu'i dbyibs 'dra ba srid du sor drug par byas la rtse mo'i bu ga ni sran ma shong ba tsam bya/rtsa ba lgang pa'i phyogs kyi bu ga ni mthe bong shong ba tsam du bya ste/ pags pa 'jam po'i nang du sman khu dang bkru ba'i chu dang snum dang bcas pa bcug ste/ gag pa'i rtsa bar bcings la 'jam rtsi thabs su btang ba de ni rma bug 'chos shing 'khyams pa dang /rma dag pa'i phyir bkru ba la sogs pa'i cha byad du sbyar ro/ /yang cha byad 'o ma la sogs pa'i sbu gu'am/ rma bya la sogs pa'i sgro rtsa'i sbu gu gong ma gnyis ka nas kha yod pa 'di ni dmu chu dbyung zhing zag pa'i ched du spyad do/ /yang du ba brngub pa dang / mes gtong ba la sogs pa'i cha byad rnams ni rang rang gi nad gso ba las ltos shig /de las rngabs ru ni dma' la gdab phyogs kyi kha'i zheng ni sor gsum la srid du sor bcu'am brgyad yod pa/ gzhib pa'i bu ga ni yungs kar gyi 'bru shong ba tsam byas te/ bu ga de'i phyi khyon ni nu sor gyi tshad tsam du byas te/rwa'i phyi rol nas pags pa srab mos legs par g.yogs par bya ste/ de ni rngabs ru'i tshad bstan pa'o/ /de la cha spyad ku ba ni srid du sor bcu gnyis la khyud 'khor du ni sor bco brgyad pa la de'i kha ni zlum po zheng du sor gsum mam/ bzhi pa byas te de'i nang du rtswa ku sha 'am ras bal lam/gro ga gang yang rung ba bsregs pa'i dud pas bkang la du bas gang ma thag tu dbyung long med par yan lag gar na bar kha sbub ste du ba dang bcas par bzhag na/ bad kan dang khrag nad mang du 'dren par byed do/ / de bzhin du bum pa yang srid du sor bcu yod par byas pa de ni nya mgo lta bu'i cha byad zhes bya ste/ 'di rna ba'i nang du mtshon zug pa dbyung bar spyad do/ /de la sbu gu'i cha byad ni nang khong stong sbu gu can rtse mo gcig gam yang na du mar byas te/ srid ji tsam par khyud 'khor bar yang de tsam du byas te/de ni bu ga rnams kyi nang du zug rngu zug cing zhugs pa dang / nang na nad yod pa rnams blta zhing nang na yod pa'i mtshon dang me dang thal sman gyi las rnams kyang cha byad 'di 'dod pa yin no/ /des ni bu ga'i 'dzag pa 'gags pa la yang sbyar ro/ /yang cha byad srid du sor bcu pa'i thur ma bzhi byas la yu ba gcig par byas te/rtse mo bzhi la gdu bu lta bus spyi mdud du byas te/ zheng du khyud par sor lngas 'khor bar byas pa ni kha lnga pa zhes bya ste/ cha byad de ni gre ba dang mgrin pa'i zug rngu tsher ma dang gra ma la sogs pa'i zug rngu blta ba dag 'byin pa la sbyar ro//cha spyad srid dang zheng gi tshad gong ma dang mnyam pa la 'dir thur ma gnyis pa rtse mo gdu bus bskor ba dbyibs gong ma dang 'dra bar byas te/ 'dis kyang mgrin pa'i zug rngu rus tshal la sogs pa blta bar bya'o/ /de bzhin du cha byad kha gcig pa 'am kha mang du yang rung ste/nang stong pa sbubs can du byas pas mgul pa'i zug rngu blta bar bya'o/ /yang cha byad rtse mo pad+ma'i snying po 'dra ba'i srid sor bcu gnyis yod par byas la/ rtse mo phyogs bzhi cha khong stong du byas pa des ni zug rngu mi 'gul ba de la phul zhing 'byin pa yin no/ /gzhan yang cha byad rgun 'bru 'go rta na zhes bya ba'i dbyibs 'dra ba srid du sor bzhi zheng du khyud pa sor lnga pa bya'o//bud med la ni khyud pa sor drug pa byas te/ de gnyis kyang nang khong stong sbubs can la sbu gu gnyis pa bya'o/ /des ni gzhang 'brum gyi nad blta bar bya'o/ /yang cha byad sbubs can srid du sor gsum pa nang gi sbubs stong pas mthe bong shong tsam byas te/de yang nang du bcug pa'i rtse mo'i sor phyed dang phyir lus pa'i rgyus sor phyed pa'i pad+ma'i snying po lta bu'o/ /cha byad nang khong stong la g.yas g.yon nas bu ga med pa khar dkrol lta bur byas pas ni gzhang 'brum mnan cing btsir ba la sbyar ro//mtshan bar rdol ba'i nad ni pad+ma'i snying po lta bu'i nad rma'i than 'khor dang steng du rma'i bu ga mang du byung ba la ni rnam pa thams cad du khar dkrol lta bu'i cha byad kyis dbyung zhing zhi bar bya ba ma gtogs pa gzhan gyis ni mi nus so/ /yang cha byad sbubs can bu ga gcig pa srid du sor gnyis zheng du khyud par mdzub mo'i tshad tsam gnyis pa zheng du 'khor bar sor bco brgyad pa kha zlum po sor gsum mam sor bzhir byas te/gong ma'i ras bal la sogs pa'i dud pas bkang la gar na ba glan na phan yon gong ma'i steng du skran 'ju bar byed do//mtshon gyi las kyi cha byad sna tshogs pa'i tshul de yang tshad ji ltar rigs pa bzhin du brjod par bya'o/ /de la cha byad de rnams la rma tshol ni gnyis bya ste/ de yang srin bu gan rgya pa da'i dbyibs lta bu'o/ /yang cha byad sran ma chung ngu'i lo ma lta bu'i so yod pa gnyis bya ste de yang gcig gi srid ni sor brgyad par bya/cig shos ni sor dgu par bya ste/ 'dis ni bu ga'i nang du zug rngu zug pa gzung zhing gsal bar bya'o/ /de la yang dbye ba rnam pa drug ste phur ma lta bu'i cha byad srid du sor bcu drug pa dang / sor bcu gnyis pa dang gnyis bya'o//sbrul gyi kha lta bu thal sman gtang ba'i cha byad srid du sor bcu gnyis pa dang sor bcu pa gnyis bya'o/ /yang mda' ltong 'dra ba'i cha byad gnyis bya ste/ gcig gi srid sor bcu gnyis pa dang / gcig gi srid sor bcu par bya ste/ cha byad de gnyis kyis ni zug rngu bsgul zhing bskyod par bya'o//yang cha byad phur pa gnyis bya ste/ de yang rtse mo lcags kyu gug par byas pa des ni zug rngu drang zhing 'byin pa la sbyar ro/ /yang phur bu srid du sor brgyad pa rtse mo gug pa de ni mngal gyi cha byad kyi phur bu zhes bya ste/ des ni bu mngal nang du shi ba drang zhing 'byin par byed do//yang cha byad sbrul gyi mgo bo gdengs pa bzhin du rtse mo gug par byas pa 'dis ni rde'u 'byin par byed do/ /yang cha byad mda' ltong lta bu sbom zhing rtse mo zlum pa srid sor bzhi pa byas pa des ni so drang zhing dbyung bar sbyar ro/ /yang cha byad drug byas pa de'i rtse mo kun ras bal gyis dkris te de las kyang srid du sor bzhi dang bcu gnyis par byas pa 'jam pa gnyis kyis ni gzhang gi nang du nad nye ring gang na yod kyang rung ste/thal sman dang snags pa las sbyang zhing bsal ba'i las bya'o/ /yang srid du sor drug pa dang / bdun par byas pa gnyis kyis sna'i bu ga'i nang du snags pa dang /thal sman gyi las dang sbyar ba la sbyar ro/ /yang cha byad srid du sor brgyad pa dang / sor dgu pa gnyis kyis ni rna ba'i nad snags pa dang thal sman gyi las dang sbyar ba la sbyar ro/ /yang cha byad a shwad+tha'i lo ma'i rtse mo lta bu'am/blugs gzar gyi kha lta bu'i cha byad des ni rna spabs dang / dri ma sbyang zhing bsal ba la sbyar ro/ /yang cha byad sor re ba gsum bya ste/ des ni rma'i than 'khor 'dzam bu ltar dmar ba la gtsags pa dang / thal sman dang / me'i las re re la sbyar ro/ /yang cha byad khar ba lta bu'i dbyibs la rtse mo dang dbus zlum po rtsa ba phyed pa ltar byas pa des ni mig mdzer dang /rgyu ma sbom po dang phra mo la rma byung ba la sbyar ro/ /rgya shug gi tshi gu phyed bkas lta bu la/ so dang bcas pa'i cha byad kyis ni sna'i thor bu dang 'brum bu gcad par bya'o/ /yang cha byad srid du sor brgyad dang /rgyab sgur zhing sor cung zad gug pa gsum byas te/ de'i so yang mthe'u chung dang gung mo'i sen mo lta bu'i so byas pa de ni thal sman dang / sman gyi byug pa dang / bsku ba la sogs pa la sbyar ro/ /pho mtshan dang mig sman la sogs pa'i cha byad ni rang rang gi le'u las bstan pa yin no//de la nye ba'i cha byad ces bya ba rdo khab len dang / rtsa mun dza la sogs pa'i thag pa dang / ras dang rdo dang / tho ba dang / pags pa dang / srog chags kyi rgyu ma dang / lce dang rta rnga dang / shing gi yal ga dang / sen mo dang / so dang / nye ba'i spyad de dag gis kyang / phyi nang dang / smin ma smin dang / dus dang / yud tsam la sogs pa'i nye ring dang / snying stobs dang ldan pa'i nad pa dag la thabs kyi bye brag dang / sbyor ba la mkhas pa'i sman pas nad kyi bye brag la ji ltar 'os shing rigs par sbyar zhing dpyad bya'o/ /cha byad kyi las kyang brdung ba dang / bsrub pa dang /dgang ba dang / rgyun srad dag par bya ba dang / thal sman la sogs pa gdab pa dang / mtshon dbyung ba dang / bcing ba dang / btsir ba dang / gzhib pa dang / smad pa dang / bstod pa dang / rma btsal ba dang / drang por bya ba dang / de dag gi gong du bstan pa'i cha byad kyi las mdor bsdus pa yin no//bya kang ka'i mchu lta bu'i cha byad ni cha byad thams cad kyi nang na gtso bo yin te/ yan lag dang lus dang gnas gang du yang nad med cing 'jug par bde ba dang / legs par zug rngu 'byin cing 'dzin par byed pa yin no/ /gzhang 'brum khrag tshad las thal sman rnon po gtong ba'i dpyad dang /mtshan par rdol ba la sman gtong ba'i dpyad dang / khong du mtshon lus pa la sogs pa'i drang ba'i dpyad kyi cho ga'i le'u nyi shu lnga pa rdzogs so// //gtar spyad rnam pa sna tshogs pa bshad pa'i le'u nyi shu rtsa drug pa bshad par bya'o/ /gtar spyad ni nyi shu rtsa drug yod de mgar ba mkhas pas dpyad bzhin du brdungs la/rno khyad ni spu chod pa/ gtar spyad kyi tshad ni phal cher ni sor drug pa sha stag byas la/ tshul legs shing ngar gdags legs pa/ yu ba gzung bde ba de lta bur bya'o/ /so la mtho dman gyi ya yo med cing lcags khong du mkhregs shing 'thar legs pa rab tu rno bar byas pa mdog 'jam khyad me tog ut+pal dang 'dra ba de dag gi ming yang ming nyid dang 'dra bar cha spyad kyi tshul gzugs kyang de dang 'dra bar bya'o//gtar spyad sna tshogs kyi yu ba ma gtogs par 'bras kyi tshad ni sor phyed dang bzhi par bya'o//gtar spyad kyi 'bras kyi tshad phal cher sor gnyis pa dang sor gsum par bya'o/ /de dag gi so so'i dbyibs kyi bye brag ni rtse mo'i dbyibs dkyil 'khor 'dra la so ni mdzub mo'i sen mo'i kha'i dbyibs 'dra bar bya'o/ /'dis ni bzhar cing gcod par byed de/ mig gi mchu'i sha dang /rnyil skyes pa dang / rnyil skrangs pa dang / kha dang gre bar sha lhag skyes pa dang / lce'u chung bcad pa dang / sha lhag dang sha rmen bzhar ba'o/ /'phel gtsags zhes bya ba'i dbyibs ni spu gri 'dra ste/ des ni gcod pa dang dral ba dang brtol bar bya'o//gtsags rtse drang po zhes bya ba ni 'or nad dang skrangs pa la gdab po/ /skrangs pa'i rngams stug na ni gtsags bu de las gzhan du bsgyur ro/ /gtsags bu rtse gug ces bya ba ltag pa ni ring / so ni thung ste nad kyi tshul ci 'dra las bya'o/ /gtsags bu dbyibs me tog ut+pa la 'dra ba/so'i srid la sor gnyis yod pa 'dis dral ba dang gcad par bya'o/ /gtsags bu kha dbrag sbrul gyi kha ltar 'dug pa/ so nyi tshe las sor gnyis 'dug pa 'di ni/ sna dang rna ba la thor bu byung ba dang / gzhang 'brum gcad pa'o/ /nad dmigs btsal ba'i cha byad rta bla ba'i mgo bo 'dra bar byas pa des ni bcal cing dral ba'i snga rol du brtag par bya'o//gzhan yang khab rtse zhes bya ba zhig yod pa/ yu ba phug ste thags gzungs btags la 'dis ni dral bar bya'o/ /star bu'i lo ma 'dra ba'i gtsags bus ni dbug par bya'o/ /khrag gzag par bya ba mda'i bu ga'i kha 'dra ba gsum du byas pa dang /'jag ma ku sha dang / rtsa a Ta'i rtse mo 'dra bar byas pa 'bras gnyis ka la sor gnyis yod pa des ni pho mtshan gyi nad la gdab bo/ /gtsags bu'i 'bras zla ba kham pa 'dra bar byas pa so nang du lta ba/ gtsags bu'i nang gi 'bras kyi so la sor phyed yod pa 'dis ni rna ba na ba dbug pa dang /'or du skrangs pa smin pa dang / ma smin pa gnyis ka la gdab par bya'o/ /rtsa dang lta ba la gdab pa'i gtsags bu'i dbyibs rtse 'bras 'dra ba/ so'i 'bras la sor phyed dang gnyis yod pa des gdab po/ /'phral rtsa rus pa'i steng na sbom po snang ba la gdab pa'i gtsags bu ste ra ba lang gi mdun so 'dra bar byas pa de'i yu ba gyen du bstan la/'phral rtsar bem tol gyis gdab po/ /mo mtshan ma rungs par gyur pa la zangs ma'i thur ma ya thog ma thog gi thor to'i dbyibs me tog kha 'dus pa 'dra bar byas pa des/pho mtshan gyi bu ga nas gsul te bsal lo/ /lce khyi ba skrangs te na ba la mtshon rgya 'dra ba'i tha ma lhag par phyir byung bar byas la/ sor phyed yod pa des rtse mo'i khor yug dkyil 'khor 'dra ba 'am/ yang na zhal zhal 'dra ba'i lcags bu 'dra bar byas pas/ lce khyi ba'i thor to la rma byung ngam/ yang na bkas te/ khrag dbyung ngo / /gre ba dang mgul pa skrangs pa dang / 'brum bu byung ba la mgul rgya yu ba can du byas te srad bus btags te mdzub mo'i thor to la btags la dril lo/ /lce khyi ba skrangs pa dang / kha'i nang du sha lhag gam thor bu chen po byung ba gzung zhing gcad pa'i lcags kyo rab tu gug par byas la drang zhing gcad do//rus pa lhag pa gcad pa'i sog le srid sor bcu/ zheng sor gnyis/ sog le'i so rab tu phra ba las yu ba dam por byas pa des rus pa gcad do/ /rma dang chu ba dang rgyus pa gcad pa dang /skra breg pa'i chan pa bya'o/ /chan pa 'dra ba yon po so drang ba so gnyis par 'dod pa'i sen mo breg pa la mtshon srid sor dgu par byas la des ni shing gi tshal pa zug pa dbyung ba dang / gcad pa dang / gzal ba dang / drud pa dag bya'o/ /phyi zhing bdar ba'i spyad gru bzhi la so ya gcig btod la kha zlum por byas pa de ni so phyi zhing brdar ba dang /so'i dreg pa phyi bar bya'o/ /khab kyi srid sor gsum pa la mgo zlum po mig gi zabs cher btod pa kha srab par byas pa de lta bu gsum dgos te mi sha chen po sar ni mgo zur gsum pa srid sor gsum yod par bya'o//sha chung ba dang / rus pa dang tshigs kyi bar na rma yod pa rnams la srid sor gnyis par bya'o/ /pho ba dang long ka'i gnas kyi phyi'i pags pa rdol na 'drub pa'i khab rtse nas kyi dbyibs 'dra ba gzhu 'dra ba'i dbyibs dgu'o/ /srid sor phyed dang gsum par byas pa des drub po//brtsan sngon po 'am/ smug po lta bu'am lag pa bur te bskyod mi nus pa dang / skra 'byi ba 'di lta bu la khab bdun nam brgyad kun kyang zlum por byas pa srid la sor bzhi yod pa gcig pu sbams te khri'u la rtsa ba btsugs la des gtsag cing zhal zhal byas te khrag nad dbyung ngo //khab brgyad kyi so zlum po sor phyed par byas la/ sbams te sna'i bu gar bcug la lag pas gtsub ste sna'i khrag dbyung ngo / /rna shal dbug pa'i smyung bu'i rtse mo zlum po me tog yu ti ka dang / mu khu la kha 'bus pa 'dra ba sor phyed par byas pa des rna ba'i drung dbug go /smyung bu de'i zhabs sor bzhi pa bya'o/ /rma skrangs pa gsar rnying gi bag btsal ba yang 'di las bya'o/ /rma drung gi sha stug po la dbug pa'i smyung bu'i rtse mo kha sbom la sum cha sbu gu yod par byas te/ srid sor gsum pa des rna ba phug shig /gzhan yang gtar spyad kyi mtshon ma yin pa srin bu dza lu ka zhes bya ba chu nang na gnas pa dang /thal sman rnon po gsha' ra dang / me btsa' gdab pa dang / me shel mching bu'i dum bu dang / nor bu kun pin ta dang / rgya mtsho'i lbu ba dang / rdo ba dang / lci ba skam po dang / sen mo gdab pa 'di rnams ni/gtar gas gdab pa'i mtshon gtsags bu 'dra ste/ nad kyi dmigs dang sbyor la gyis shig /gzhan yang 'khrul 'khor gyi cha byad mkho bas nad thabs kyi dmigs dang sbyor ba byed pas 'dren cing 'byin pa dang / dral ba dang / drub pa dang / nad dmigs tshol bar byed pa dang /phyi zhing snigs bya ba dang / zhal zhal gdab pa dang / gtsags pa dang / gcad pa dang / gshegs pa dang / dbug pa dang / gtsubs pa dang / skam bus gzung ba dang / me btsas gdab pa'i thabs bya'o/ /gzhan yang gtar spyad kyis mtshon gcad pa dang /dral ba dang / phyi brdar bya ba thor to'i 'bras dang / rtsa ba'i bar du mdzub mo dang / gung mo dang / mthe bong gsum gyis legs par bzung la gcad pa dang dral ba la sogs pa bya'o/ /khrag dbyung ba'i gtsags bu'i rtse mo'i so 'bras 'dra ba de rtse mo'i drung du mdzub mo dang gung mo dang mthe bong gsum gyis bzung la yu ba chad pa'i nang du bcug ste gtar zhing khrag dbyung ngo //gtar zhing dbyung ba zhig yod na/ yu ba nas bzung la gdab po/ /gtar spyad sna tshogs kyi snod ni gso ras sam bal gyi snam bu 'am men tri 'am/ du ku la'am/ pags pa 'jam pa rab tu stug por byas pa zheng sor dgu srid sor bcu gnyis yod pa/ nang snam bus bar tshang can du byas pa'i bar du gtsags spyad ma snad par bzhag la/ kha drubs pa sgro gu can du byas te drub tu rung bar byas la de'i nang du gtar spyad stsogs shig /khrag dbyung sla bar bya ba'i phyir chu'i nang na gnas pa'i srin bu pad pa zhes bya ba des/ khrag gang du dbyung ba'i sar khrag 'jib tu gzhug go/ /srin bu pad pa de chu ngan pa'i nang du 'dug gam/ nya dang lhan cig gnas sam/ sbal pa la sogs pa dang / mi ro dang chu rnyog ma can gyi nang nas byung ba pad pa'i kha dog dmar po dang dkar po dang /srin bu rab tu gnag la ro rgod cing sbom pa 'byil ba dang 'ja' tshon ltar 'dug pa dang / ro stod tshon sna tshogs su bkra ba dang pad pa'i lus la spu yod pa de rnams ni dug yod pa yin te bor cig /gal te de lta bus khrag gzhibs na g.yan pa dang / rma kha skrangs te rnag zag pa dang / rims dang mgo 'khor bar 'gyur ro/ /de lta bu'i nad kyis btab na dug bsal ba'i sman dpyad dang / mkhris pa dang khrag nad bsal ba'i dpyad cho ga bya'o/ /srin bu pad pa gdug pa ma yin pa khrag 'jib tu rung ba'i gnas chu mdog gsal ba/nya lcibs yod pa'i nang nas byung ba mi gdug pa mdog rtsa snar ba/ lus gzugs zlum pa/ pad pa'i lus kyi stod sngo bkrar 'dug pa rgyab ngur smrig gi kha dog lta bu la/ lus phra ba/ lto na cung zad tsam ser ba ni rung ngo //de yang sngar khrag 'thungs te legs par khrag ma skyugs pa dang / rtag tu khrag 'thung du gzhug gzhug pa dang / khrag 'thungs drags te myos pa dang de lta bu ni mi rung gi bor cig /srin bu pad pa gdug pa ma yin pa de lta bu rnyed nas/ yung ba btags pa dang chu sbyar ba 'am 'bras rtsabs kyi nang ngam dar ba'i nang du srin bu pad pa de dag dbugs phyung ste/de nas gang du na ba'i dmigs der khrag 'jib tu gzhug na/ mar ram/ lde gu 'am/ bud med kyi nu zho 'am/ gzhan gyi khrag byung ba'i thigs pas bskus pa de la srin bu pad pa'i kha glan te khrag 'thung du bcug la khrag 'thungs pa'i tshe na ro stod mtho bar gyur na khrag legs par 'thungs pa yin gyis steng du ras srab mo zhig gis g.yogs shig /srin bu pad pa de nad khrag dang khrag bzang po 'dres par 'dug pa la dang por nad khrag 'thung bar byed do//dper na chu dang 'o ma bsres pa la ngang pas 'o ma dang chu phyed de 'o ma 'ba' zhig 'thung ba dang 'dra'o/ /srin bu pad pas khrag 'thungs pa las/ ci tsam na srin bu'i sos 'debs pas na'am g.ya' bar gyur na phyung la srin bu de slar skyugs pa byas la/ lce myang tsha dang til mar du sbyar la srin bu'i kha bskus te/'bras kyi phye ma 'jam pos srin bu'i rgyab tu gtor la/ zhag bdun gyi bar du srin bu de khrag gis myos par ma gyur par gzhag go/ /de nas srin bu de khrag legs par skyugs nas/ lus phra mo grims pa yang ba snga mkho bzhin grims par bya'o//srin bu pad pa de khrag kyang mang du 'thungs drags na/ srin bu'i lus lci ste snyom pa'am yang na 'chi bar 'gyur ro/ /srin bu pad pa skyugs ma legs par gyur na srin bu'i lus reng reng por 'dug pa la myos par 'gyur ro/ /nad khrag 'thung du gzhug pa med pa'i tshe na ni/ bum pa'i nang du chu dngas blugs la/de'i nang du srin bu blugs te dus dus su bum pa dang chu brjes shig /de ltar byas na srin bu'i kha chu dang srin bu'i rdul bag byang ste phan par 'gyur ro/ /yang nad dmigs kyi nad khrag ngan pa zhig yod pa srin bus khrag 'thungs rma skrangs shing btsan can du gyur tam/ g.ya' 'am khrag legs par mi 'byung na skyer ba dang bu ram dang /sbrang rtsi sbyar la rma khar bskus na phan no/ /mar bzhu zhing chab brom gyi thog tu blugs pa de lta bu lan brgyar byas pa de ni lan brgyar bkrus pa'i mar zhes bya ste/ des rma khar ras ma 'am ye'us byugs la de nas sman bsil ba'i lde gus thog thag tu bskus na chu ser ngan pa phyin la btsan por 'dug pa dang na ba med par 'gyur ro//srin bu pad pas nad khrag gzhibs pas nad khrag ngan pa khong nas brngubs la phyir la phyin te/ rma kha na 'dug pa zhag lon pa dang rnags par gyur na de la yang srin bu pad pa de nad khrag dang nad phyir yang 'jib tu chug shig /khrag dang mkhris pa rgyas pa'i nad la zhal zhal byas te sgron ma dang ku ba'i bum par sbyar te/ khrag 'dren pa'i nad la na bar 'gyur gyi mi rung ngo / /bad kan dang rlung nad las gyur pa'i nad la ni phan te rung ngo / /bad kan las nad du gyur pa'i nad khrag rngabs rus gzhibs na khrag brngub par 'gyur bas gzhib tu mi rung ngo //rlung mkhris las nad du gyur pa'i nad khrag ni rngabs rus gzhibs na phan no/ /zhal zhal bya ba'i thabs ni zhal zhal gang bya ba'i gong du srad bu 'am dar ram ras kyis dam par mnyam por bcings la/ chu ba dang / tshigs rus pa dang gnad rnams ni dbab par zhal zhal gdab po/zhal zhal gdab pa'i thabs ni thur du drang por shar shar por thob shig /zhal zhal bya ba'i sa ni nad dmigs gar 'dus pa'i thog tu gdab po/ /nad khrag rtsa mdud can du snang na srin bu pad pas khrag dbyung ngo / /khrag nad lus pa las bem bem par gyur na rngabs rus thob shig /khrag nad lus kun du mched de khyab na rtsar btab ste drang ngo / /khrag nad 'dus pas zhal zhal gdab bo/ /nad khrag sha'i phyi'i pags pa'i bar na 'dug pa ma yin pa sha'i khong na yod pa'i nad khrag ni srin bu pad pas dbyung ngo / /nad khrag pags pa la gnas pa ni ku ba dang /rje'u dang / rngabs rus dbyung ngo / /khrag nad kyis lus kun du khyab pa la ni rtsar btab ste drang ngo / /rlung nad las gyur pa'i nad khrag drang ba ni rngabs ru bzang ngo / /bad kan las gyur pa'i nad khrag la ni ku bas bya'o/ /de rnams gtar ga'am zhal zhal gdab pa'i rma khar sman bsil bas bsku ba las rlung nad du gyur pa ste/rma kha na zhing g.ya' la skrangs na rma khar zhun mar dron pos skus shig /gtar spyad rnam pa sna tshogs dang gtar ga gdab pa dang zhal zhal la sogs pa gdab pa bshad pa'i le'u ste nyi shu rtsa drug pa rdzogs so// //gtar ga gdab pa'i cho ga'i le'u ste nyi shu bdun pa bshad par bya'o//de la mi'i khong na nad med pa'i khrag bzang por blta ba na cung zad mngar la cha bro/ khrag de grang ba yang ma yin la/ khrag de ska ba bsdus pa yang ma yin la khrag gi mdog me tog pad+ma le brgan gyi kha dog lta bu dang / srin bu lham bu chu gsher gyi mdog lta bur snang ba/gser dang lug dang ri bong gi khrag lta bur mdog bzang ba de ni nad khrag med de khrag bzang po zhes bya'o/ /khrag 'di 'dra bar bzang por 'dug pa ni lus kyi zungs dang rten yin te lus ni de lta bu la gnas so/ /de ltar lus la khrag bzang por 'dug pa la/mkhris pa dang bad kan gyis gnod pa'i nad du 'gyur na/ de'i nad dmigs ni me dbal dang 'bras dang mcher pa na ba dang / skran dang khong pa nang gi drod nyams pa dang / rims kyis 'debs pa dang / kha'i nang kha ba dang / mig na ba dang / klad pa na ba dang / mi dran te myos pa dang /skom dad che ba dang / kha'i nang lan tshwa bro ba dang / mdze nad dang rlung dang khrag las byung ba'i dreg nad dang / mkhris pa dang sgregs pa tsha zhing skyur bar 'byung ba dang / klad pa 'khor ba 'di lta bu'i nang du 'gyur te/ de lta bu la nad dpyad kyi cho ga bsil ba dang tsha ba dang / snum pa dang / rtsub pa la sogs pa legs par byas te/gso sla ba 'dra ba las kyang ma phan par gyur na de lta bu'i khrag las nad du gyur pa zhes bya ste/ de ni khrag lud pa yin pas rtsa gtar te khrag drangs na phan no/ /de la yang na gzhon te lo bcu drug ma tshang ba dang / rgas pa lo bdun cu lon pa la ni gtar ga gdab tu mi rung ngo //mi nyam chung ste khong na snum med pa dang / dugs sam lums byas te drags pa dang / rlung nad can la dugs dang lums byas pa lta bu dang / bud med sbrum ma dang bu byung ba dang / kha zas ma zhu ba lta bu dang / mkhris pa dang / khrag nad du gyur te thur du 'khru ba dang / kha sna nas khrag 'ong ba lta bu dang /dbugs mi bde ba dang / lud pas bkar ba dang / tshad pa drag pos btab btab pa dang / dmu rdzing lta bu dang / rtag tu slon pa dang / skya rbab kyi nad dang / 'or nad lus thams cad skrangs pa dang / mar 'thungs pa dang / sngar skyug sman nam bkru sman nam/ sman mas gtong ngam/ sman sna nas gtong ngam/gtar ga btab pa 'di lta bu byas par gyur pa la gtar ga gdab tu mi rung ngo / /gtar ga gdab pa'i thabs ni dbang bu'i phrag tu rtsa ba btsir ba drag tu mi rung ngo / /dbang bu'i phrag tu rtsa btsir ba yon por gyur pa 'am/ yon por gdab tu mi rung ngo / /rtsa snang bar ma byung ba la gdab tu mi rung ngo //nad dmigs dang sbyar na myung du gtar ga mi gdab tu mi rung ba la gtogs par ha cang grang lhags che ba'i tshe dang rlung che ba'i tshe dang / tsha ba'i dus dang nam rmugs pa dang / 'di rnams lta bu'i dus su gtar ga gdab tu mi rung ngo / /klad pa dang mig na ba la ni dpral ba'i rtsa gtar na phan no//mig na ba la ni mig 'gram gyi rtsa dang / mig sgo sna drung gi mchan na yod pa'i rtsar thob shig /rna ba na na ni rna ba'i rgyab bshal ka'i mtshan bur thob shig /sna na na sna'i rtse mor thob shig /cham pa na na sna'i rtse mo dang dpral ba'i dbyes kyi rtsar thob shig /kha na na lce'i 'og gi rtsa dang /ma mchu'i nang gi rtsa dang / ya mgal ma mgal gyi rtsa dang / rkan rtsar gdab bo/ /mgul pa yan chad na ste mkhur ba'i rtsa mdud yod pa dang / mgul pa dang rna ba dang mur 'gram dang klad pa man chad na ba la rtsa mdud dang nad dmigs sbyar te gdab bo/ /smyo byed dang brjed byed kyi nad la brang dang mig 'gram dang dpral ba'i rtsa dang /'gram pa'i mtshams su gtar ga thob shig /lus kun na ba la smin mtshams su byung ba'i rtsar thob shig /'bras dang rtsib logs su zug pa la rtsib logs dang mchan khung dang nu ma'i bar gyi rtsar gdab bo/ /rims nad zhag gsum pa la phrag pa'i mtshams su gdab bo//zhag bzhi pa'i rims nad la ltag pa'i 'og tu gdab bo/ /tshad pa bad kan kun 'khru na mjug to'i gong sor gnyis tsam du gtar ga thob shig /khu ba'i nad dam pho mtshan gyi nad la ni pho mtshan gyi rtsa la gtar ga gdab bo/ /mgul pa na ba 'am lba ba byung ba dang brlan na brla'i rtsar gdab bo//brla'i chu sul du rlung zhugs te 'gro mi shes nas rkang zug 'khums pa la pus mo'i lha nga na mar sor bzhi 'am lha nga nas gong du sor bzhi bcal te gdab bo/ /byin pa na ba la byin pa'i nywa 'bur 'bur po'i 'og sor gnyis su bcal te gdab bo//rkub tsos nas brla'i 'og thog thag byin ba'i bar du na na long bu'i nang rol na yar gong du sor bzhi bcal te gdab bo/ /pus mo'i lha nga'i 'khor skrang zhing na ba yang de bzhin du long bu'i gong sor bzhir thob shig /rkang pa tsha ba dang / rkang pa 'theng ba dang / rkang pa sbrid pa dang / rting pa snad de rdol ba dang /mthe bo'i tshigs kyi drung du sha rmen byung ba dang / rkang pa'i sha nang gi snam bu chad pa dang / 'di lta bu la rkang pa'i bol gyi tshigs nas gong du sor gnyis su bcal la gdab bo/ rkang zug 'khums pa'i nad la yang de dang 'dra bar gdab bo/ /nad dmigs so sor ji skad bstan pa bzhin du na ba yang ma yin pa la nad dmigs ma mthun par snang na yang gnod par 'gyur ba'i nad zhog la/nad dmigs gar byung zhing gang du na ba'i rtsar thob shig /gtar ga gdab pa'i cho ga ni/ sngar bas kha zas snum bag dang dugs kyi dpyad bya ste/ / lus 'jam zhing yang bar byas nas gtar ga'i yo byad dang / gtor ma gtang ba byas la bkra shis kyi cho ga byas nas kha zas snum bag dang khu sha la sogs pa zos la me 'de ba dang / nyi ma dron po la 'dug ste/ lus dros par byas nas khri'u'i steng du tsog tsog por 'dug la/ mgul pa yan chad kyi nang rtsar gdab na dar ram ras kyis bcings la skra yang gyen du brdzes te bcings la pus mo'i lha nga gnyis thog tu lag ngar gyi gru mos brten nas chang pa gnyis kyi bar nang du shing bal lta bu'i rlong bcug ste bcings la/mgul pa yang dar ram ras 'jam pos bcings la lag pa gnyis kyis rang gi gnya' ba nas 'khyud de btsir cig /'gram so yang sdoms la mkhur ba gnyis gang bar bus te lud pa ci lur tshir la mi gzhan gyis rgyab nas kyang tshir cig /mgul pa dar ram ras kyis bcings pa'i phrag tu rang gi mdzub mo g.yon pa bcug ste/ ma 'gags pa tsam du bya'o/ / khong pa'i nang gi rtsa ma gtogs par phyi rol gyi rtsa rnams bsdam zhing gdab pa'i cho ga ni de ltar bya'o/ /de ltar bsdams pas 'phral rtsa byung ste snang na sman pa'i lag pa g.yas pa'i mthe bos brtag cing mnams la sman pa'i lag pa g.yon pas 'phral gtsags sta re kha bzung la rtsa'i dbus su gtad de/sman pa'i lag pa g.yas pa'i gung mo'i bem tol ma yo ba dang / gtsags bu ma yo ma 'gul bar 'phral rtsa thob la khrag phyung shig /sna'i thor to dang mig sgo sna drung gi mtshan gyi rtsar gdab na/ gtsags bu 'bras 'dra bas gdab cing khrag dbyung ngo / /lce lkog gi rtsar gdab na lce bteg ste bzlog la sos mnan te/lce'i 'og na yod pa'i rtsar thob shig /nu ma gnyis kyi bar dang / mgul pa yan chad na yod pa'i rtsar gdab na yang mchan khung ram mgul pa bsdams te rtsar thob shig /lto ba'i rtsar btab na lto ba thog tu mnyes la lto ba'i gong mchan khung du dar ram ras kyis bcings te/lag pa gnyis kyi chang par rdo ba chongs la lag pa bcangs nas gsum pa'i rtsar thob shig /lag ngar gyi gru mo nang gi rtsar gdab na bde bar 'dug ste/ lag ngar mi bskum par brkyang la/ mthe bong chang par bcug la rtsar thob shig /gdab pa'i sa nas gong du sor bzhi bcal te dar ram ras kyis chings shig /rtsib logs gnyis kyi rtsar gdab na dpung pa gnyis thur du brkyang ste/ khu tshur bcangs la rtsar thob shig /pho mtshan gyi rtsar gdab na pho mtshan gyen du theg la thob shig /byin pa'i rtsar gdab na brla man chad rkang pa'i bar du mnyes la sgab ma cung zad bskums te/rkang pa'i bol gyi thog tu rkang pa ya gcig gis kyang mnan la/ pus mo'i gong du dar ram ras kyis bcings la lag pas kyang mnan te rtsar thob shig /thabs 'di dang 'dra bar nad dmigs kyi gtar ga gdab pa'i dmigs ming gi bshad pa gzhan la yang nad gang du gtar ga gdab pa'i dmigs yod pa de dag tu bcing ba'i thabs de bzhin shes par gyis la thob shig /sha snag bu che ba'i thog tu gtar ga gdab pa'i ming gis ma bshad pa gzhan la yang gang dang gang du gtar ga gdab pa'i dmigs yod pa de dag tu bcing ba'i thabs de bzhin shes par gyis la thob shig /sha snag bu che ba'i thog tu gtar ga 'debs na/ gtsags bu 'bras kyi srid kyi zabs tsam du thob shig /'phral rtsa ba rus pa'i thog lta bur gtsags bu sta re khas 'debs na nas kyi phyed tsam gdab bo/ /rtsar legs par thebs nas khrag gzogs shig /ras sam dar gyis bcings la khrol phan chad ni khrag ma gzags shig /gtar ga gdab pa nyes na khrag zag pa'i yun yang thung khrag mang po mi 'byung ngo / /de lta bu la rma khar til zhib tu btags pas gdab bo/ /gtsags bu ha cang gdab drags na khrag thor zhes 'byung ba dang /sgra yod par 'byung ste/ khrag gcad kyang dka' bar 'gyur la/ sdang ba dang / 'bog pa dang / yang na bsdams pa lhod dam/ mtshon rtul lam zas skom 'grangs shing ngoms ches sam/ yang na khong rmya ba'am/ bshang gci'i shugs 'ong bar gyur tam/ dugs lta bu drags na yang khrag dbyung ngu mi rung ngo / /khrag de ltar 'ong du mi rung na/ sug smel dang / pi pi ling dang / na le sham dang / li dong gra dang / skyer pa dang / rgya spos dang / khang pa'i ka gdung la chags pa'i dud pa dang / lce myang tsha 'di rnams btags te til mar dang sbyar la rma khar skus shig /khrag legs par byung na rma khar til mar dro 'jam tsam dang / lce myang tsha skus shig /gtar ga gdab pa la dang por nad khrag chu ser le brgan rtsi 'khus pa 'dra bar 'byung ngo / /nad khrag legs par byung nas khrag rang 'chad do//yang na khrag bzang po byung na des chog gis bcings pa khrol cig /gal te 'bog ste brgyal na bcings pa khrol la bsil yab kyis g.yobs te brtas pa dang khrag slar yang phyung shig /yang 'bog par gyur na nyi ma gnyis gsum ngal sos la thob shig /de la rlung nad kyi khrag ni gnag la rtsa dmar ba dang /khrag mdog rtsub pa khrag dbyung ba'i shugs drag /mdog gsal la dbu pa can du 'dug go /mkhris pa'i nad khrag ni bsil zhing ser la rtsa gnag mnam la spyi bag can khrag ska ste myur du mi 'byung / khrag drod che ste tsha la kha dog tshon can du snang ngo / /bad kan gyi khrag nad ni 'jam la cung zad rtsa dkar la drangs na nal nal byed/lag pas myangs na 'byil ba'i 'byar bag tu byed pa ska'o/ /rlung dang / mkhris pa dang / bad kan gsum char 'dres pa'i nad khrag ni ngan zhing de gsum gyi tshul 'dres par yod la/ khrag mdog gnag cing kun 'dres par 'dug pa'o/ / nad pa'i khrag ngan na nyams che yang rung khrag srang bzhi bcu rtsa bdun tsam las dbyung du mi rung ngo / /khrag ha cang dbyung drags na 'chi bar 'gyur ro/ /de bas na khrag dbyung drags na rlung nad kyi dkyel mi bzad pa skye'o/ /de la ltag khrag dbyung drags pa las lus mar gyis byug cing mnyes te/ bcud dang 'o ma dang khrag bcud dang kha zas bsod pa bza'/ rlung nad la phan pa'i sman gtang ngo / /gtar ga btab ste khrag chod pa dang til mar gyi nang du ras 'jam po 'am/ bal gyi ye'u smyugs la rma khar bskus la/ dbang bu 'am/ ras sam/ dar gyis bcings pa dal gyis glod la chu bsil bas khrus shig /nad khrag tu gyur te khrag ngan na ni phye ma 'phred bskyar ro/ /yang na phyi de nyin skyor cig /nad pa sngar nyams brtas te snum bag gi cho ga byas pa zhig na ni nyams kyis thub pa yin te/ cho ga byas nas zhag gnyis nas gtar ga thob shig /nad pa nyam chung na ni zla ba phyed tsam du snum bag gis brtas te/de nas gtar ga thob shig /gtar ga btab ste/ nad khrag gi 'phro lus kyang cung zad the ge ba ltar byed na ni khrag gi 'phro lhag ma ma gtar kyang sla ste/ ha cang dbyung drags par mi bya'o/ /gal te rngabs rus nyi tsher gzhibs pa'i dmigs shig yod na ni rngabs rus thob shig /yang na ni nad dbyung la/ nad khrag ngan pa 'byung zhing bstsal bar 'gyur ba'i sman thong shig sman gtang ba'i dmigs ni mkhris pa rgyas pa las khrag lud de na bar 'gyur ro/ /de lta bu la dmigs kyi bye brag tu bya ba ni/ bkru sman dang skyug sman gyis bkrus la mkhris pa tsha ba'i nad la phan pa'i sman bsil bag thong shig /nad khrag ngan pa yin gyis kyang khrag rgyas pa tsam du ma gyur na nad khrag 'byang zhing bags kyis dbyung ba'i sman gtang ba'i thabs ni de ltar bya'o/ /gtar ga gdab pa zhig la khrag mi chod na gcod pa'i sman ni ro dra seng phrom dang / gan+d+ha pri yang ku dang rma shing dang / mon sran ma sha dang / shing mngar dang / btsag yug snam dang / sa nag po spyi ba dang / gyo mo'i dum bu dang / zar ma dang / snag tsha dang / cug hang dang / khre dang 'di rnams cha snyoms te zhib tu btags la rma khar thob shig /bsil ba'i sman shug pa la sogs pa btags te chu dang sbyar la blud do//yang na de ltar khrag mi chod pa dang / rtsa de gnyis kyi gong du gtar ga gdab bo/ /yang na thur ma bsregs pas rma khar sregs shig /gtar ga gdab pa'i bcing ba ma legs sam/ dbang bu la gdab pa ma legs te/ yo bas nad khrag ma phyin tam/ khrag mangs pa lta bur gyur pas rlung dang mkhris pa dang bad kan gyi nad rgyas pas nad khrag ngan par gyur pas rlung dang mkhris pa dang bad kan rang gi gnas su ma phebs ma lon gyi bar du kha zas phan zhing 'phrod pa dang / byed cing bskyod pa yang phan pa'i tshul du bya zhing bsten to/ / kha zas ni ha cang tsha ba dang bsil ba yang ma yin/ yang la 'ju sla ba de lta bu'i zas skom bzang ste/ de ltar gtar ga gdab pas drod kyang lhag par chung la rlung dang mkhris pa dang bad kan gsum rang gi gnas su babs pa na phan pa'i cho ga bya zhing de ltar bsrung dgos so/ /gtar ga legs pa ni bzhin mdog dang dbang po rnams dang zhing gsal ba dang mig la sogs pa dbang po rnams kyi yul la 'jug par mos la kha zas 'ju ba'i drod kyang ma nyams shing 'ju la bshang gci yang tha mal par 'ong nyams bde la nyams 'tshag brtas shing /stobs dang ldan pa de lta bu ni khrag nad byang ste khrag bzang por 'gyur zhes bya'o//gtar ga gdab pa'i cho ga'i le'u nyi shu rtsa bdun pa rdzogs so// //khong du mtshon lus pa dbyung ba'i cho ga'i le'u nyi shu rtsa brgyad pa bshad par bya'o/ /mtshon zug rngu lus pa ni rnam pa lnga ste/ khong na yon por 'dug pa dang /drang por 'dug pa dang / gyen du 'dug pa dang / thur du 'dug pa dang rnam pa lnga'o/ /de la mdor mtshon khong du lus pa'i thabs ni/ spyir nad dmigs kyi thad kar sha mdog nag por 'dug la skrangs shing nad khrag yang dang yang zag /skrangs shing glo bar 'dug pa'i rma kha nyen kor du chu bur 'dra ba'i thor bu yod/sha mthang de 'khor 'jam por gyur na de ni mdor mtshon khong du lus pa zhes bya'o/ /pags pa'i bar na mtshon nam shing tshal dum bu yod na ni/ pags pa'i mdog gnag la sra bar 'gyur ro/ /sha'i nang na mtshon nam shing tshal pa lus na ni skrangs par 'gyur te/rma kha lhang lhang byed cing skrangs pa'i tshabs lhag par che ste/ bcir bas mi bzod la gnag ste rma 'tshor mi rung ba yin no/ /nya'i nang du mtshon nam shing tshal lus na sha'i nang du mtshon lus pa dang 'dra ste skrang ba ni ma yin no/ /chu ba mang po drang ba'i nang du mtshon nam shing tshal lus na 'gul zhing bskyod pa'i tshe rab tu na la nang bu ga'i sbubs la gnod pas sbubs kyi rang rang gi las kyi yon tan la gnod de nyams par 'gyur la mtshon nam shing tshal de dbyung yang dka'o//mtshon nam shing tshal rtsal bab pa ni rtsa skrangs par snang ngo / /sna'i sbu gu la sogs te sbu gu lta bu'i nang na mtshon lus na sbu gu so so rang gi las kyi yon tan nyams te gnod do//rtsa chen po bcu la mtshon nam shing tshal bab ste lus na rlung dang khrag dang dbu bar 'dres te/ rlung byung ba ni dbugs sgra can du byung ba dang snying na/ rkang lag gi yan lag na'o/ /rus pa'i tshigs kyi mtshams bog re'i nang du mtshon lus na rus pa brtse la na ba'i tshabs che'o//mtshon rus pa la bab ste yod par gyur na na ba'i tshul dang thabs rus pa gcig pu na ba ma yin te/ rus pa kun du khyab par na la skrangs par 'gyur ro/ /rus pa'i tshigs la mtshon yod pa dang 'dra bar rus pa la mtshon bab na yang bskyod cing 'gul ba mi shes shing gnod pa yin no//nang grol gyi rgyu ma dang long ka la sogs pa la mtshon bab na/ kha zas dang ngan skyugs rma khar snang la rma phyir skrang ngo / /mtshon gnad la bab par gyur pa ni nad la zug pa'i tshul brtags pas shes par bya'o/ /sha'i sul du mtshon 'tshebs shing 'dug na ni lus la rma dang /skrang glo'i bag tu mi mngon par mdog bzang por 'dug go /gal te de la rlung ngam mkhris pa 'am bad kan gyi nad bslang ngam/ drag shul las snad par gyur na nad langs te na bar 'gyur ro/ /mtshon nam shing tshal zug rngu phyin par gyur na rma kha pags pa'i sha mdog btsan can ma rungs par gyur na/rma'i 'khor na zhing dmar la tsha ba der mar bzhag na 'ju'am/ sman lde gus byugs nas skams par gyur pa der mar gyis byugs la dugs bya zhing mnye ste/ mtshon zug rngu khong du lus pa'i cho ga dang 'dra bar gyis shig /mtshon zug rngu khong na lus te sha ma rungs par gyur na bkru sman dang skyug sman gyis bkrus te sha bri ba dang zug rngu yod pa'i 'khor na sha snye bar gyur nas bsgul zhing bskyod pa dang /btsan dmar po la sogs pas nang gi zug rngu thabs ji ltar 'dug pa rtogs shig /de bzhin du nang gi chu ba phre'u dang / rus pa'i tshigs kyi bog re dang /nang grol rnams la zug rngu yod pa de bzhin du rtogs shig /mtshon zug rngus rus pa ma rungs par gyur pa brtag pa ni/ rus pa la mar ram til gyi 'bru mar gyis byug cing dugs bya/ bsdam zhing btsir ba dang mnye ba dang rkang lag brkyang bskum byas pas brtag par bya'o//rus pa'i tshigs bog re brtag pa yang rus pa dang 'dra'o/ /chu ba dang rtsa dang lus kyi lbu ba dang / lus kyi rtsa chen po rnams la zug rngu yod na yang brtag pa'i thabs ni lam mthon dman mi mnyam pa la 'gro ba dang / shing rta 'grum zhing 'chag pa'i steng du zhon la drag tu song ste bskyod pas gar zug cing na ba'i dmigs las shes par bya'o//mtshon zug rngu gnad du bab pa brtag pa logs shig tu ma bshad de/ de dag kyang sha la sogs pa la gnas pa yin pas spyi ni rkang lag brkyang bskum dang / gsig cing bskyod pa'i tshe gar zug cing na ba'i dmigs las shes par bya'o//mtshon khong du lus pa'i dbyibs zlum po 'am/ zur bzhi pa 'am/ zur gsum pa 'am/ chen po gang yin pa mdor rma kha'i dbyibs las brtag par gyis shig /mtshon zug rngu de lta bu zug pa dbyung ba yang phyir drang ba dang / mdun nas drang ba dang / mtshon zug pa'i rtsa ba nas drang ba dang / mtshon gyi rtse mo nas dbyung zhing drang ngo / /yang na thabs de lta bu ma yin pa mtshon gang na yod pa'i thad kar glor dral te drangs nas bde blag tu phyin no/ /mtshon brang gi gnad la bab pa dang / mchan khung dang / brla drung chu so'i bar dang / rtsib logs lta bur mtshon gyis phog ste zug rngu lus pa ni phyir drang zhing dbyung du mi rung ngo //mtshon gyi rtse mo mi mngon nam mtshon che'am gcad du rung bar snang yang gnod pa'i nad yin na phyir drang zhing gcad du mi rung ngo / /mde'u sna sbrang lta bus zug pa yang dbyung du mi rung ngo / /yang na mde'u nang du lus te gnod pa med na zhog cig /yang na mde'u lag gis zung la drongs shig /mtshon snang la lag gis drang du mi rung na/ drang ba'i spyad 'khrul 'khor gyi ming seng ge'i kha zhes bya ba dang / chu srin gyi kha lta bu dang / srog chags 'bar mi dang / srin bu kar ka da'i mchu 'dra bas mtshon ci 'dra ba'i gzugs bltar mi snang yang rma kha'i dbyibs dang sbyar la drang ba'i cha byad kyi 'khrul 'khor gyis drangs na phyin te/pags pa'i bar na mtshon yod pa ni skam bu bya kang ka dang / bya b+h+ring ga dang / bya ku ra ri'i mchu 'dra ba dang / mda' 'dra ba dang / smyung bu 'dra ba dang / bya rog gi mchu 'dra bar byas pa'i skam bus drongs shig /gsang dang sbu gu lta bur mtshon zug pa la drang ba'i 'khrul 'khor sgo lcags lta bus dbyung ngo / /yang sbu gu dang / gsang ma phog pa'i mtshon 'dam bu'i sbu gu lta bus dbyung ngo / /de bzhin du mtshon zug rngu khong du lus pa gzhan yang so so'i mtshon dbyibs ji 'dra ba'i tshul dang sbyor la legs par dbyung ngo //mtshon zug pa lag gis drang du mi rung skam pas kyang mi phyin pa de ni rma kha'i chu ser dang khrag btsan ji yod pa legs par phyi zhing bsal la mar dang sbrang rtsi sbyar la rma khar bskus la dugs byas nas rma kha g.yogs shing glan pa'am/ bcing ba ci legs par byas na/ snags pa mtshon du dbyung ba sla bar 'gyur ro/ /rtsa dang chu'i nang du mtshon lus pa ni thur mas bskyod cing bsgul te drongs shig /snying ga'i rus pa la mtshon bab pa ni chu grang mos gdong du btab ste sdangs pa dang / mtshon 'gul te 'phags par gyur pa las thabs ji legs par bya zhing dbyung ngo //mtshon ji ltar zug pa de'i rma kha'i bu ga nas dbyung dka' ba lta bu dang / gzhan yang de bzhin du dbyung ngo / /rus pa la mtshon zug pa drang ba ni rkang pas brten la phyung shig /de ltar drangs te ma phyin na mi stobs che la snying che zhing brtan pas legs par drongs shig /de ltar drangs te yang ma phyin na mde'u'i rtsa ba bkug la gzhu rgyud kyis legs par brtags la rta g.yung brtan gyi rkang lag dang mthun nas legs par brtags te/ gzhu rgyud de srab kyi yang mig la btags la rta lcag gis gzhus te mgo drag tu bteg na phyin to//yang na shing chen po'i yal ga thur du bkug pa la gzhu rgyud thogs la shing gi yal ga btang na phyin to/ /gzhu rgyud ngan te chad du dogs na snon thag pa bzang po thogs shig /rma kha skrangs mde'u mi snang na sbu gu dong bu ltar 'dug pas rma kha nas mar btsir la mthe'us cung zad rdobs la mde'u rtsa ba snang na rtsa ba nas zung la de bzhin drongs shig /sbu gu can gyis btsir zhing mde'u'i rtsa ba btags la mde'u'i khar snang du mi rung na yang sbu gu rma'i bu gar mde'u rtsa gtad cing snang bar byas na mde'u zur kha tshon che ste/ drung du mi bde na mde'u zur gyi rna ba g.yas g.yon skam pas gtams la chung ngur byas te phyung shig /mde'u rna ba thogs pa med pa lta bu ni khab long thogs te rma kha phye la mde'u dang khab long gtug cing bstan na rang 'byung bar 'gyur ro/ /long ka dang rgyu ma lta bu'i nang du mtshon lus na bkru sman gyis khong du khrus la phyung shig /mtshon gyis rmas pa'i rma'am/ snad de rma byung ba la rlung gis phog gam/ dug reg gam/ nu ma la 'bras lta bu byung ste gnag cing chu ser zag pa dang / rma kha na rnag dang khrag dang chu ser yod pa dang / chu shor ba rnams la rngabs rus gzhib cing bsal lo/ /gre ba'i nang du mde'u'am gra ma'am nya rus lta bu zug na pad+ma'i rtsa ba phre'u dang /kha zas lhan cig la bldad de/ pad+ma'i rtsa ba'i thor to la lag gis bzung la thur du mid pa dang mde'u la 'khris te thogs pa la phyir drangs na mde'u phyin to/ /rgya skyegs kyi shing gi tshigs mkhar bcug pa las gre bar song ste thogs na lcags thur bsregs te/smyig gu'i nang du bcug ste gre ba'i nang du btang la lcags thur tshan pos rgya skyegs la zug ste dam por gyur pa dang / chu grang 'thungs pa'i phyir drangs na phyin no/ /gre bar rgya skyegs ma yin pa gzhan zhig thogs na/ rgya skyegs bzhus pa sbu gu nas btang ste rgya skyegs dang 'byar bar byos la drongs shig /gre bar skra shad lta bu dang / gra ma dang / tsher ma dang / nya rus la sogs pa gre bar thogs na 'phral la srang bu 'jam po dang / zas su bsres la mid la slar drangs na phyin no/ /kha snar drang du mi rung na sog dbrag tu brdeg cing chu btung ngam kha zas zos la thur du mid par gyis shig /mig gi nang du sbur ma song ngam rma khar sbur ma song ste na na/ rma kha'am mig tu chu ldugs la skra'am bal 'jam pos sol cig /ltor chu drags sam chu'i nang du song ste kha sna chus gang na kha bub tu btsir zhing slon to/ /yang na ske man chad thal ba'i nang du nub par bcug na phan no//rna ba'i nang chus gang na til mar gyi 'bru mar dang chur bsres te/ lag pas dkrugs la rna bar blugs na de nas rna ba'i bu gar thur du bton la rna drung du lag pa bsdam pa 'am/ yang na gzhib par gyis shig /rna ba'i nang du sdig sbur ram srin bu song na rna ba'i nang du tsha chu dro 'jam tsam mam lan tshwa dro 'jam tsam gyis dgang bar bya'o//srin bu rna ba'i nang du shi na srin bu'i khog pa dbyung ba'i cho ga gyis shig /rgya skyegs ltor song ba dang / gser dngul la sogs pa ltor song ngam/ khong du lus pa ni yun ring du 'dug go /mde'u la sogs pa mtshon dang zug rngu gzhan khong du lus pa ni lus kyi drod gyis 'ju bar 'gyur ro//khong pa'i nang du sa dang / 'od ma'i tshal pa dang / shing tshal dang / rwa dang / rus pa dang / so dang / skra dang / rdo ba la sogs pa rnams song ba ni 'jur mi rung ngo / /rwa dang / 'od ma'i tshal pa dang / lcags dang / shing ta la'i lo ma dang /shing tshal la sogs pa ni yun ring du yang mi 'ju ste/ de bas na sha dang khrag ni zug rngu'i drod kyis tshos par 'gyur gyi zug rngus 'ju ba med na sgu bo can du 'gyur ro/ /mtshon nas zug rngu'i sha'i nang du tshabs cher zug pas rma'i 'khor tsha zhing na ba'ang med pa de lta bu la mnye zhing dugs byas la/bkru sman dang skyug sman gyis sbyangs te sha dbri'o/ /sha dbri drags na cung zad slar brtas la/ sman tsha ba rnon po dang sbyar la phur ma'i dugs bya ba dang / kha zas kyang byin/ skom yang blud la/ de la zhal zhal btab ste nad khrag phyung shig /phur ma'i dugs byas te nad khrag phyin pa dang / rma dang btsan rnams smin te dus la bab pa dang / rma kha dral la mtshon nam/ zug rngu gang la 'dug pa btsal zhing brtags la/ rma kha bsal zhing phye la zug rngu phyung shig /khong du mtshon dang zug rngu lus pa de ci 'dra ba gang na yod/ ji ltar 'dug pa brtags la/ de'i tshul du mtshon dbyung ba'i cha spyad 'khrul 'khor yang sna mang por sbyor te/so so'i thabs dang sbyor ba mkhas pa rnams kyis gyis la mtshon zug rngu'i dmigs khong du chud par gyis te mtshon zug rngu phyung shig /khong du mtshon dang zug rngu lus pa dbyung ba'i cho ga'i le'u ste nyi shu rtsa brgyad pa rdzogs so// // thor bu la sogs pa skrangs pa dang smin pa dang rnags pa la gtar ga gdab pa'i cho ga'i le'u nyi shu dgu pa bshad par bya'o/ /thor bu lta bu dang po skrangs pa las smin te rnags pa dang bton te rma 'byung ngo / /de bas na de'i cho ga ni skrangs pa de ma smin ma rnags par/ sman bsil ba'i lde gu dang chus gdab cing gtar ga gdab la khrag dbyung ba dang / bkru sman la sogs pa btang bas 'khru zhing rma de smin par mi 'gyur bar srungs shig /thor bu de ma smin pa ni skrangs pa chung ngu bri ba dang / tsha ba'i drod bri ba dang / thor bu ma smin pa de'i mdog dmar por yang ma gyur la sra zhing brtan par 'dug go//thor bu de smin pa ni mdog 'gyur la nag por snang / rkyal bu gang ba bzhin du 'dug ste/ na zhing zug la gram zhing 'phro/ /lus kyi yan lag brdung ba snyam byed la glal 'byung zhing na/ zas yi gar mi 'ong / lus tsha/ rims kyis 'debs/ gnyid che/ thor bu skrangs pa de tsha khyad ni mar gzhag na 'ju ba ste/ rma dang 'dra bar reg na mi bzod pa yin no/ /rma de rnags pa las cung zad rtse gzhil ba ni thor bu smin pa de na ba'i shugs 'bri la rnyis bag tu 'dug /thor bu dkar la gnyer ma chum chum byed/thor bu de'i tha ma ni zhum zhing gong dbus ni mtho/ g.ya' ba dang skrangs pa la sogs pa 'jam par 'gyur ro/ /thor bu smin pa de las rnags par gyur na lag gis myangs na/ rkyal pa'i nang na chu yod pa ltar phan tshun rgyur rung ngo / /de rlung gi shas chen na'o/ /mkhris pa'i shas che na tsha'o//bad kan gyi shas che na skrang ngo / /khrag gi shas che na dmar por 'gyur ro/ /rlung dang mkhris pa dang / bad kan la sogs pa rnams med na de ltar 'gyur ro/ /rlung dang / bad kan dang / mkhris pa dang / khrag rnams rgyas pa la thor bu de smin par 'gyur ro/ / rma smin par gyur pa de ma brtol gyi bar du rnag gis phag 'cha' ste/ pags pa srab por 'gyur la/ nad kyis zos nas rdol la thug ste/ gnyer mas gang ba dang / mdog nag por 'gyur te/ lus kyi sha yang 'drul ba dang / bad kan gyi shas che ba'i smin cing rnags pa de khong du zabs cher lhung la rnag khrag gis gang ba de ltar gyur pa ni thor bu rnags shing smin pa'i rtags yin no//khrag gi shas che ba'i smin cing rnags pa ni skrang pa bsil bar gyur cing / pags pa'i mdog snga ma bzhin ma gyur la/ reg na rdo ba bzhin sra ste/ 'di lta bu ni khrag gis smin pa yin par the tshom med pas mkhas pas shes par gyis shig /mi snying stobs chung ste phog snya med pa dang / nyam chung ba dang / byis pa lta bu la ni thor bu smin te rnag 'phyo ba'i tshe na tshabs lhag par che'o/ /nad dang rus pa'i tshigs bog re la sogs pa'i mtshams su thor bu byung ba ni nyen che ste mtshon gyis brtol du mi rung /de lta bu la ni rdol bar 'gyur ba'i rtsi sman gyis bsku'o/ /nad kyis nyen yod pa ma yin pa gzhan la ni mtshon gyis brtol zhing dral du rung ngo / /thor bu ma smin par dral ba dang / rtsa chad pa dang / chu ba chad pa las khrag ha cang mang du 'byung ba ni 'chi ba'i nyen du 'gyur ba'am/yang na nad tshabs chen por 'gyur ro/ /yang na mtshon gyis dral ba'i rma'i 'khor du thor du skrangs pa 'byung bar 'gyur ro/ /thor bu ma smin par rdol na rma'i tha ma dang / rtsa dang / rgyus pa dang / sha la rnag dang khrag gis bkang ste/ rtsa la me mched pa bzhin rnag gi dkyel skyes nas tsha bas sreg go/ /mi blun po mi shes pa thor bu ma smin pa rdol ba dang / thor bu smin te rnags par gyur na yang ma rdol ba ni phan gnod kyi dmigs mi phyed pa'i mi rigs ngan khyi sha za ba dang 'dra bar blta'o/ /rma brtol ba'i dpyad ni/ sngar kha zas yi gar mi 'ong ba zos la 'tshal nan ni phog snya la phan par chang blud do//de ltar sngar thos pas ni mi brgyal mi 'bog par 'gyur ro/ /chang 'thung bas ni bzi ste phog snya che ba la phan par 'gyur ro/ /'di lta bu brtol ba ma gtogs par gzhan bud med kyi rum du bu shi ba dang / mde'u dbyung ba dang /kha lce skrangs pa brtol ba dang / dmu rdzing brtol ba lta bu la ni sngar nad pa la zas skom mi sbyin zhing mi blud par brtol lo/ /rnag brtol na sman pas cha spyad sta gon byas la nad pa kha shar phyogs su bstan te/ mi stobs po ches nad pa'i lus dang rkang lag mi 'gul bar bsdam ste/sman pa mdun du 'dug la gnad la sogs pa nyen rnams bzhag ste brtol ba'i sar sha'i shugs bzhin du gtsags bu rnon pos rnags pa'i dkyel che yang rung / rnag kun phyin par cig car lhan cig thob shig /gdab pa'i tshad ni rma kha sor gnyis dral la/zabs su ni sor gsum btab la de nas phag ci yod pa yang mdzub mo'am/ pad ma'i chub 'am/ phag ze'am rta rnga yang rung thog thag tu phag gi yang ci yod pa tshol cig /phag btsal te gang du phag byung ba'i dmigs su yang btab la rnag gi dkyel che ba dang / ring du ma mched cing nad dmigs su ma gyur par rnag gi dpyis phyin par bya'o//de lta bu brtol zhing dbral ba'i sman pa ni la gor myur zhing mtshon rno ba mi gtar mi rdul la ma rmongs pa 'di lta bu ni sman pa gtsags kyis 'debs pa'i yon tan dang ldan pa yin no/ /dpral rtsa dang / smin mtshams dang /snying ga dang / ske rtsa dang / lto ba dang / mchan khung dang / mig rtsa dang / mig phugs dang / mchu dang / mkhur tshos dang / brla drung dang chu so'i bar 'di rnams su gdab pa ni 'dra ste/ drang por ma btab na rtsa dang chu ba la sogs pa chad de ma rung bar 'gyur ro/ /gtsags kyis btab nas gal te 'bog gam brgyal na/chu grang mos nad pa la gdab cing dbugs dbyung ba dang / ngag snyan pas yid bzho'o/ /gtsags kyis btab ste rnag khrag zag nas rma'i mtha' thog thag tu lag sor gyis rnag khrag dang chu ser btsir la/ chu ser yan chad ma lus par btsir te/de nas shing mngar gyi chus bkru zhing rwa dang 'jam po'i shing chu'i nang du bcug pas kyang phyis shig /de nas gdon la sogs pas mi tshugs shing bsrung ba'i bdug pa dang / gu gul dang / a ka ru dang / yungs kar dang / shing kun dang / sa ci ras 'di rnams sbyar bas rma khar bdug go//de nas rma khar sman gdab cing g.yogs pa ni lce myang tsha dang / shu dag dang / shing nim pa'i lo ma dang / til btags pa dang / shing mngar phye dang / rlung ngam/ bad kan nam/ mkhris pa ci las gyur pa'i sman dang yang sbyar la/ mar dang brdzis te chang bu byas pa rma'i nang du bcug cing rma khar sman 'di bsku/rma kha dang btsan kun gyi steng du yang sman 'di nyid kyi lde gu mar dang phyer sbyar bas bsku bar bya ste/ stug tu g.yogs pa de'i thog tu glod 'jam pos g.yog /de'i thog tu yang shing bu phra mos gtams te gshibs la/ srad bu'am ras kyis ran par legs par chings shig /bcings pa de yang glo dang g.yas g.yon du ma yo/ /steng 'og tu ma song bar bcing ba dang / steng thur ma sra mos mnan pa yang phra zhing srab brtan pa 'jam pa mnyen pa ma 'khums par rma la phan par gyis te chings shig /zhag gnyis kyi bar du ni rma de bag bya zhing mtshan mo bsrung ngo //gtor ma yang gtor cig /'dre gdon thub par bya zhing bsrung ba'i sman spyi bo la gdags pa'i smi dang / gu hang ma ti dang / gu ha dang / dzA ti pha la dang / brah+ma tsa ri ni dang / shu dag dang / tshad dra ma ti dang / tshad dra dang / rtswa dUr ba dang / yungs kar dang /'di rnams spyi bor yang gdags/ bsregs pa'i dud pas kyang bdugs shig /zas skom bsdam pa'i cho ga dang 'dra ste/ kha zas dang skom bsdam/ bud med dang mi 'phrad/ nyin par nyal du mi rung ngo / /bud med dang ma 'phrad kyang dran nam reg gam mthong ste khu ba byung na yang rma kha g.ya'/rma kha dmar zhing snum por 'byung / na zhing skrang / rnag 'khyims te bud med dang ma 'phrad kyang gnod pa'i nyin de ltar 'gyur ro/ /kha zas ni ci dang ci 'phrod pa za ste/ nas dang / gro dang / 'bras zhag drug cus smin pa dang / sran chung dang / mon sran sde'u dang / tu ba ri dang / dzi ban ti dang / ni shan nA ga dang / la phug gzhon nu dang / brtag dang / taN+Du li ya ga dang / rgya sne'u dang / ka ra bel la ka dang / kar ko ta dang / pa to la'i 'bras bu dang / lce tsha dang / bal po se'u dang / skyu ru ra dang / 'di rnams g.yos sbyar ba zhun mar la brngos te/btsos la bsgrangs pa dang / 'bras dang 'bru bag rnying pa'i zas dang / yul skam sa'i bya sha zos na rma de myur du 'tsho/ kha zas tshod bzung ste chung ngu bza'/ zas phan pa dus gcig tu zos na 'ju ste bde'o/ /kha zas ma zhu na rlung nad la sogs pa langs te/ nad phyir na zhing skrangs pa dang /rnags pa dang / tsha ba dang / phyir skrang bar 'gyur ro/ /kha zas dmigs kyi mi rung ba ni 'bru bag gsar pa dang / til dang / mon sran gre'u dang / chang dang / yul ser che ba'i sha dang / 'o ma dang / bu ram shing dang / bu ram chang dang /skyur bag dang / lan tshwa tsha ba'i bag dang / 'di rnams mi rung ste spang ngo / /kha zas gzhan yang rtug skam gyis 'dogs par 'gyur ba dang / tsha bar 'gyur ba dang / zas lci ba dang / zas bsil ba 'di rnams lta bu'i bag mi rung ngo / /'bru sar pa la sogs pa kun rma red par 'gyur/nad thams cad slong bar byed do/ /yang lci ba dang / kha zas tsha ba dang / kha zas rtsub pa dang / skyur bag rnams kyis rma myur du red cing gnod par 'gyur ro/ /mi byib par bsil zhing sman pa la dang / u shi ra'i bsil yab kyis g.yobs shig /rma khar drag shul gzugs pa dang /phrug pa la sogs pa mi bya'o/ /bskyod cing 'gul ba la bag bya/ bram ze lta bu la sogs pa dang lhan cig gtam bya zhing rma 'tsho ba'i gtam gyis shig /de nas nyi ma gsum lon pa dang / dpyad snga ma dang 'dra bar rma kha phrol te sman gyi khu bas bkru zhing btsir la snga ma bzhin du gyis shig /thog mar rnag brtol te/ rnag khrag btsir/ rtsi sman gyis byugs nas rma kha glan nas byug pa zhag gsum ma tshang bar zhag gnyis lon pa dang / rma kha dbye zhing bcos su mi rung ngo / /de ltar yong ni rma kha glan pa dang bcing ba ma legs na rma rab tu na la rma yun ring du mi 'tsho'o//rnag gi phag mi 'cha' bar bya ba'i dpyad ras kyi kha tshar 'jam po la mar dang sbrang rtsis byugs la rma kha'i bu ga nang du bzhag pa de mar ha cang ches sam/ sbrang rtsi che na yang mi rung / bcings pa lhod dam dam mam/ ya yo khyer te de ma legs na yang mi rung / rma khar sman lde gus glon pa drags sam/ zhun mar dang til mar drags na yang rma cher 'drul zhing red par 'ong ngo / /bcing ba ha cang dam na yang sha chad par 'gyur ro/ /sbrang rtsi lta bu drags na rma kha ral te khrag 'ong bar 'gyur ro/ /bcing ba lhod dam ha cang dam mam ma legs te/ya yo khyer na rma kha 'drul te 'jig go/ /bag chas pa'i nang du kha tshar 'jam po mar dang sbrang rtsis bskus te bcug pa ni sha rul pa dang / sha skrangs pa dang / rnag phyis pa dang / phag ring du 'chas pa 'di rnams lta bu myur du sel zhing 'byar bar byed de phan no/ /thor bu ma smin par dral tam/rdol na skrangs par 'gyur te/ de la lta rma smin cing rnags par 'gyur ba'i sman dang / kha zas dang / sman dang bag zan du sbyar ba'i dugs glan cing bcings te rma la mi gnod par bya'o/ /drag shul lta bus snad de rma gsar du byung ste ral ba drubs par 'os pa lta bu dang /rmen bu chen po bkas te byung ba'i rma lta bu dang / rna ba'i bu ga che chung khyer na brgyangs pa las chad pa 'di rnams lta bu drubs shig /snad de rma byung ba la drub tu rung ba'i dmigs ni/ mgo bo dang / mig phugs dang / sna dang / mchu dang / mkhur tshos dang / rna ba dang / brla dang / dpung pa dang / mgul pa dang / 'phral ba dang / mur 'gram dang / dpyi dang / dbu do dang / pho mtshan dang / gzhang la sogs pa sha rnag che ba dang / mi 'gul mi g.yo zhing brtan pa'i bag dang / bu ga zabs che ba 'di lta bu'i bag ni drubs na bzang ngo / / drub tu mi rung ba'i dmigs ni/ dpyi zur dang / chu so'i mdoms dbrag dang / mchan khung dang / sha chung zhing bskyod par 'gyur ba'i rma 'di lta bu dang / nang nas dbugs 'ong ba'i rma dang / shing tshal lam mde'u khong du lus pa lta bu dang thal sman rnon po sha ka ras rma byung ba dang /dug gam mes tshig pa'i rmar gyur pa 'di rnams lta bu ni drub tu mi rung ngo / /rma drub pa'i thabs ni rus pa'i dum bu 'phags te 'gul ba yod pa dang / khrag skam dang / rtsa dang / spu'i bag rma'i nang na ci yod pa yal la sha bcad pa'i dum bu 'phyang ba yang rang gi sar glan pa dang /rus pa'i tshigs byung ba yang rma mig tu bcug la khrag zags te chad pa dang / rgyus pa'am ras bal gyi skud pa 'am/ shing shun gyi chu ba shad shad pos drubs shig /srubs ni kham che ba yang ma yin/ kham zhib pa yang ma yin phal cher drub pa yang ma yin nyung ngu drub pa yang ma yin par bya'o//de ltar rma drub pa'i tshe/ nad pa'i phog snya bskyed pa dang / spro bsring bar byas te/ de nas rma khar sbrang rtsi dang zhun mar sbyar ba dang / mig sman skyer khaN+Da dang / zar ma'i mar me mar du bus pa'i dud pa dang / a ru ra dang / ba ru ra dang / skyu ru ra dang gsum 'di rnams btags te lde gu byas la bskus nas cho ga gong ma dang 'dra bar chings shig /rma kha skams te khrag med pas 'byor du mi rung na cung zad rma kha drud de/ khrag phyung la drub na 'byor bar 'gyur ro/ /rma kha glan bcing ba la sogs pa ni yul rnams dang dbyar dgun gyi dus dang sbyar te gar legs par bya'o//rma kha glan pa'i rgyu ni/ lug lpags dang / ri dgas kr-iSh+Na sa ra dang / dar dang / 'di dag ni drod che ba yin no/ /zar ma'i ras ni bsil lo/ /bsil ba yang ma yin drod che ba'ang ma yin pa'i g.yogs ma ni ras bal gyi snam bu dang /kar pa sa'i snam bu dang / rgyus pa dang / shing shun dang 'di rnams ni tsha grang med de ran pa'o/ /tshil dang bad kan che ba'i rma khar ni zangs dang lcags dang tshon mo steng dang zha nye leb leb po glen na phan no/ /rkang lag chag thur byung ba la glod kyis dkris te shing leb kyi dbang bu dang /ko ba dang / shing shun nam/ 'jag ma la sogs pa'i dbang 'bur gyis la chings shig /gzhan yang rus pa la chag thur zhig byung ngam rma byung na dkri zhing bcing ba'am/ glen pa'i thabs rnam pa bcwa lnga pos de dkri zhing bcing ba dang /glan pa'i tshul ci 'dra ba ni sngar dang mthun pa'i tshul las shes par bya'o/ /sgre'u lta bu byas pa ni sor mo'i tshigs snad dam rma byung na sgre'u lta bur chug shig /rma byung ba la glan pa'i thabs bkra shis zhes bya ba ni rus pa'i tshigs dang / chu ba chad dam/ ngar gdong gi thad ka sgrog bcing ba'i thad ka snad dam/smin mtshams sam nu ma'i phrag gam mchan khung ngam/ mig gam/ rna bar snad na/ thabs de 'dra bar glon cig /mthar chags su dkri ba zhes bya ba ni lag ngar ram lag sor lta bu chag gam 'phres na dkris pa'i thabs yin no/ / lhod par bcing ba zhes bya ba ni mgul nad dam/ pho mtshan la rma yod na lhod par chings shig /zlum po zhes bya ba ni lus kyi yan lag brla'am byin pa 'am/ lag ngar ram/ pus mo'i lha nga lta bu snad pa la zlum po kor kor pos glon cig /mda' lcug 'dra ba'i le'u'am/ sgye'u ni mthe bo 'am/sor mo 'am/ pho mtshan gyi thor to la rma yod dam/ za gu can du gyur na sgre'u de lta bu'i nang du chug shig /zung du glan pa zhes bya ba ni rma gnyis shig 'dab chags su byung ba la thabs de ltar glon cig /khre'u zhes bya ba 'di ni 'gram pa snad dam mur 'gram snad dam/mkhur tshes snad pa la glan te/ khri'am sngas la nyal du rung ba dang 'dra bar bya'o/ /rgya zhes bya ba ni mig 'gram snad pa la glon cig /'gugs mi shes par bcing ba zhes bya ba ni lto ba dang / brla dang / rgyab snad pa la thabs de ltar bcing ngo / /bla re zhes bya ba'i bcing ba ni glad pa'i spyi bo snad pa lta bu dang /ro stod lta bu'i bag snad pa dang / bla re dang 'dra ba ches bkris shig /sbrul mgo lta bu 'am/ ba lang gi mgo lta bus ni sna dang mchu dang / ko sko dang / brla snad pa glan cing bcing ngo / /yan lag lnga dang ldan pa zhes bya ba ni mgul pa yan chad snad pa la glan cing bcing ba la bya'o//srad bu zhes bya ba ni pho mtshan nam mo mtshan nam rkub bam/ mchan khung lta bu ni srad bus bcings shing glan no/ /gdags pa'i bcing ba zhes bya ba ni gru mo 'am dpung pa la byung na legs par bcings la mgul du btags te 'phyang du gzhug go//de bas na mdor ni gang dang gar snad pa'i dmigs dang sbyar la ci legs par chings te glon cig /rma'i steng du mdud pa mi dor/ rma la gnod cing nyam nga bar mi bya'o/ /brla dang / dpyi dang / mchan khung dang / mdong mo dang / glad pa 'di rnams snad pa ni dam du chings shig /yan lag la/ lag ngar dang / sor mo dang / rna ba dang / brang dang / rgyab dang / rtsib logs dang / mgul pa dang / lto ba dang / 'di rnams la ran tsam du chings shig /pho mtshan dang / rlig pa dang / mig dang / tshigs rnams snad pa la ni lhod par chings shig /sha snag che zhing lhod pa rlung dang bad kan du gyur pa'i sar ni ran par chings shig /sha chung med de mnyam par 'dug pa'i lta bur ni dam por chings shig /kha mkhregs pa lta bu la ni rab tu dam por chings shig /dgun lhags pa che ba dang dpyid ka sa chu dros pa'i rma lta bu ni rma zhag gsum gsum zhing khrol la chings shig /sha phra zhing phra ba'i sar rma byung ba la dam du bcing bar gong du bshad mod kyi/ mkhris pa dang khrag gnyis rgyas pa las rmar gyur pa la lhod par chings shig /gong du ran par chings shig pa de bshad pa de lta bu la yang mkhris pa dang khrag rgyas pa'i rmar gyur na de bzhin du lhod par bya'o//so ga dang ston gyi dus su mkhris pa dang / khrag rgyas pa las thor bu 'am rmar gyur pa lta bu yang snga dro dang phyi 'phred gnyis ka'i dus su yang dgrol zhing chos shig /sha sbrang dang sbrang bus zos te rma byung ba ser bu dang lhags pa phog ste/skrangs pa rma ma g.yogs ma bcings pa las rma red cing ring du sman dang snum gyis bskus kyang ma phan te/ rma kha'i chu ser dang rnag dang / sha nag po 'am sngon por gyur pa 'byang yang dka'/ rma 'tsho yang dka'o//rma kha 'tsho ba ltar byed na yang mdog mi sdug par 'gyur ro/ /rus pa chag ste phye mar gyur tam/ 'phres sam/ tshigs 'bur ram/ gtsags bus btab ste rgyus pa dang chu ba chad dam/ rtsa chad kyang rung / de lta bu'i bag gang chad kyang rung glan cing bcings na rma bde blag tu myur du 'tsho'o//de ltar bcing legs par byas pa ni ldang ba dang 'dug pa kun la yang gnod par mi 'gyur ro/ /rma 'tsho dka' ba ni rma kha cher skyes te/ skrangs pa mi mnyam pa'i 'bar 'bur dang sra la rab tu na na ni 'tsho dka'o/ /rma 'tsho sla ba ni skrangs pa'i 'bar 'bur med cing 'jam la na ba med pa ni myur du 'tsho'o//rma yun ring du thogs pa dang / sha chung ba lta bu'i bag la rma khar rlung shor te rtsub por gyur na myur du 'tsho dka'o/ /byi ba'i sos zin pa dang sdig sbrul kha gdug pas zin pa dang / thal sman rnon po k+Sha ras rma byung ba dang /mes tshig pa dang / dug gis reg pa 'di lta bu la rma mi bcing mi glan no/ /sha rul pa dang gzhang kha rnags te mi bzod par na ba dang / me dbal byung ste tsha zhing skrangs pa dang / rul ba 'di lta bu'i bag 'dra ste/ rma kha mi bcing mi glan par bzhag la rma khar srin bu dang sbrang bu ma song ma zhugs par srungs shig /srin bu dang sbrang bu zhugs nas snad pa dang skrangs pa dang rnag mang du zag par 'gyur ro/ /'bu zhugs na sman byi'u rug pa la sogs pa btags te/ des bkru zhing rma kha'i nang du khong shig /sman lo ma bdun sap+ta par+Ni zhes bya ba dang /ka rany+dza dang / shing nim pa'i lo ma dang / shing dza ta na dang / shing tsha dang / 'di rnams btags la ba gcin dang sbyar te lde gus byugs pa dang / 'di dag gi chus gdab/ thal sman k+Sha ra sha ri'i chus btab na yang phan/ sha rjen leb leb pos glan la 'bu chags pa myur du drang na phyin no//rma gso ba smyur ba sla chos su byas pa ni nang gi rma chu ser dang / rnag phyis kyang mi phyin la cung zad cig bskyod dam byas na rma phyir 'grams te na bar 'gyur ro/ /rma gso ma legs pa de lta bu ni sos pa 'dra yang / zas ma zhu 'am/drag shul zhig byas sam/ bud med dang phrad na yang rma red par 'gyur gyi/ de lta bu yang mi bya'o/ /rma sos kyang zla ba bdun nam/ drug gi bar du cho ga bya zhing legs par srungs shig /rma red cing na bar gyur pa de yang / rlung nad dang mkhris pa dang / bad kan gyi mthu las rma red cing na bar gyur pa yin te/de bas na rlung dang mkhris pa la sogs pa'i nad du mi 'byung zhing rma mi red pa'i dpyad legs par gyis shig /zhib tu ni 'og nas 'chad do/ /thor bu la sogs pa skrangs pa dang / rnags pa dang smin pa las gtar ga gdab pa'i le'u nyi shu rtsa dgu pa rdzogs so// //nas tshig 'khus pa'i thal sman rnon por byug pa dang / me btsa' gdab pa'i cho ga'i le'u sum cu pa bshad par bya'o/ /nas tshig 'khus pa'i thal sman rnon po gtong ba ni/ gtsags bu dang / gtsa' gab dang / gtsags bu'i gor rung dang / me shel dang ras bal la sogs pas khrag dbyung ba dang / me btsa' 'debs pa thams cad kyi nang na thal sman rnon po k+Sha ra gtong ba las bzang ba med de gcad pa dang / drang zhing dbug ba la sogs pa'i las dka' ba mang po kun kyang byar rung ngo //gtsags bu la sogs pa gdab pa'i las ni dka' ste legs par mi 'grub bo/ /thal sman gyi ni nad yang ba lta bu thal sman skom btung ba dang sbyar te gtad du mi rung ngo / /gzhang 'brum gyi nad dang / pho ba grang ste khong pa drod chung ba dang / chu son rde'u yod pa dang /skran dang dmu rdzing dang / dbyi gdug gis phog pa'i nad la/ thal sman k+Sha ra khong du 'thungs na phan no/ /sme ba dang sha bkra dang / sna'i bu gar thor bu byung ba dang / gzhang khar ser ba rus byung ba lta bu dang / mdze byung ste tshor ba med pa dang / mtshan bar rdol ba'i nad dang /brla dang byin par 'brum bu tshag tshig byung ba dang / skrangs pa 'dra ba kla klo dang / rnag bag 'chas pa dang / 'di rnams lta bu thal sman byugs shing btang na sel zhing phyin to/ /mkhris pa dang khrag rgyas pa'i nad dang rlung nad kyi dkyel skyes pa dang / 'di lta bu'i bag la thal sman k+Sha ra gtang du mi rung ngo //rims dang tshad pa dang / snying na ba dang / mgul pa yan chad kyi nad dang / skya rbab kyi nad dang / yi ga 'chus pa dang / mig rab rib khyer ba dang / bkru sman gyis bkrus pa dang / lus thams cad skrangs pa'i 'or nad dang / thal sman gyis skrag ste 'thung mi phod pa dang /bud med sbrum ma dang / mo mtshan skrangs te na ba dang / kha zas ma zhu ba dang / byis pa dang / mi rgan po dang / rtsa bo che rnams dang / rus pa'i tshigs dang / gnad dang / mi gzhon nu'i rus pa dang / rtsa dang / chu ba dang / lto srubs thog thag dang /mgul pa dang / lte ba dang / sha gar chung ba'i nyen 'khor dang / rlig pa dang / pho mtshan dang / bu ga'i sbu gu rnams dang / sen mo'i phrag dang / rlig rlugs dang / rnam pa 'di rnams la thal sman k+Sha ra gtang du mi rung ngo / /mig na ba dang / lhags pa che ba dang / char pa bab pa dang / yul tsha ba dang yul ngan gyi dus su yang thal sman k+Sha ra gtang du mi rung ngo / /thal sman rnon po sbyar ba'i shing ni shing ka la ma ska ka dang / shing shaM mya ka dang / ldum bu shing dang / shing ba ri pa dra ka dang / shing a shwa kar+Na ka dang / shing ma hA br-ik+Sha dang / rgya skyegs shing dang / shing po ta br-ik+Sha dang / shing i di br-ik+Sha dang / shing ar ka dang / shing nag ta ma la dang / shing a sha mar ka dang / shing ka ka dzaM ga dang / shing a ba mar ga dang / shing ag+ni man+tha dang / shing ag+ni dang / shing tsi tra ka'i rtsa ba dang / shing nim pa dang /shing 'di rnams kun 'dra ste rlon pa dum bur byas pa dang / shing ko sha ta ka dang / nas kyi sbun ba dang / gra ma dang sog mar bcas pa sna bzhi dang / shing mu k+Sha ka dang / rdo thal gyi rdo ba rnams rlung mi ldang ba'i sa bzang por rdo leb kyi thog tu so sor brdungs la mes sregs shig /de nas me'i nang du til gyi sdong bu rnams kyang snon la sregs shig /kun tshig nas me zhi ba dang / so sor ma 'dres pa bsal la de nas rdo thal gyi thal ba bre gang / thal ba gzhan yang bre re re/ shing mu k+Sha ka'i thal ba bre gang dang 'di rnams ma 'dres par so sor phye la chu srang stong stong dang /ba gcin srang stong stong dang / so sor bsres te tshags mig phra mo bzang pos nam mdog bzang zhing spyi ba 'byar bag can mdog dmar la dang zhing gsal ba dang / tsha zhing rno bar nam gyur gyur gyi bar du lan mang du btsags pa'i dngas ma la sogs pa snod bzang po'i nang du btsos shing dkrugs shig /thal khu dngas ma de'i nang rdo ba bsregs pa'i dum bu dang / nya phyis dang / k+Shi ra pa dang / dung gi lte ba dang 'di rnams spyir phul gang tsam lcags tog nang du blugs la/ me'i nang du bsegs te mdog dmar por gyur pa dang /thal khu dang sa ma 'tshed pa'i nang du blugs te/ 'di 'dra bar lan mang du bsregs la dmar por gyur pa dang / de'i thal khu dngas ma'i nang du lugs shig /phyis kyang zhib tu btags par bya'o/ /yang khyim bya dang rma bya dang / bya rgod dang / bya kang ka dang / phug ron dang 'di rnams kyi rtug pa dang / bya dang srog chags rkang bzhi pa'i mkhris pa dang / ba bla dang / ldong ros dang / lce myang tsha dang / 'di rnams kyang zhib tu 'thags la spyir phul re tsam gyi tshod thal khu dngas ma 'tshed pa'i nang du thob la gzar bus dkrug cing btsos la ngad pa phal cher byung /bskol zhing blags pas du ste/ lde gu bzhin gar por gyur pa dang / thab nas phyung la lcags snod chung ngu'i nang du byo la kha de nas kyi phung po'i nang du chug ste zhog cig /thal sman 'di ni rno rab ma yin te 'bring po zhes bya'o/ /de la thal sman 'jam por sbyor ba ni rdo thal gyi dum bu dang /nya phyis dang / k+Shirka dang / dung gi lte ba dang / 'di rnams mer bsreg cing thal khu'i nang du gsur la btags shing nang du ma gdab par phyir bor cig /de bzhin du khyim bya dang / rma bya la sogs pa'i rtug pa dang / srog chags dang bya'i mkhris pa yang bsreg cing gsur la phyir bor cig /de la thal sman rnon po sbyar ba ni rdo thal gyi dum bu dang / nya phyis dang / dug gi snying po la sogs pa snga ma bzhin du bsreg cing gsur la btags te nang du gdab pa dang / bya rnams kyi rtug pa dang / mkhris pa la sogs pa de bzhin du bsreg cing gsur la btags shing gdab po//de bzhin du sman lang ka ling ka dang / dan ti dang / tsi tra ka dang / bong nga dang / shu dag dang / ba tsa sardzi ka sa zhes bya ba dang / thar nu dang / shing kun dang / ka rany+dza'i 'dab ma dang / shing tA la'i lo ma dang /kha ru tsha dang / 'di rnams kyang zhib tu btags te/ thal khu'i nang du btsos te tshos nas lde gur gyur pa dang / lcags snod chung ngu'i nang du byo la kha bcad de nas kyi nang du zhag bdun gyi bar du zhog shig /thal sman rnon po 'dis ni rlung nad dang bad kan gyi nad dang /tshil skyes pa las thor bu byung ba dang / rmen bu la sogs pa 'di rnams sel to/ /nad 'di rnams lta bu tshabs mi che ba ste 'bring rnams la ni thal sman rnon po ma yin pa 'bring po thong shig /nad 'di rnams lta bu dkyel mi che ba ste chung la thal sman gyi rno ba 'jam po btang na gzhang 'brum khrag tshad mkhris pa'i sa bon gyis khrag tu 'khru ba de lta bu la phan no//thal sman cung zad bskams par gyur na mthu bskyed pa'i thabs ni thal sman gdu gdu ba'i chus bstan to/ /thal sman ni rab tu rno ba yang ma yin/ rab tu rtul ba yang ma yin lag gis mnams na 'jam zhing spyi ba mdog skya ba/ci la btang yang phan pa'i las myur du byed pa/ 'dag gu spyi bag tu 'dug pa de las ci ran cig bcad de/ gang du bzhag na rtse mo smyug smyug por 'dug pa de lta bus ni nad bde blag tu sel to/ /thal sman gyis byugs pa'i rma kha nas khrag mang po mi 'byung /byugs na nad rab tu mi che ste/ thal sman ni gtar ga bcu btab pa bas phan na/ me btsa'i dpyad pas kyang phan par 'gyur ro/ /thal sman gyis byugs pa ni nad kun 'dren te gzhibs pa dang 'dra/ nad kun slong bas na lus la gnod pa dang yang 'dra'o//nad thams cad la snyigs shing 'gro bas na/ nad do cog dbyis nas 'byin cing sel to/ /thal sman gyis byugs te nad dang bral nas mi bde ba rang zhi bar 'gyur ro/ /yang na thal sman gyis byugs te gsor rung ba'i nad lta bu ni mtshon gyis gcad dam/ mtshon gyis brud de rma byung ngam/gtar te rma byung ba'i rma kha de lta bu la thal sman ci ran cig blangs te lcags kyi thur ma'i ngos la glan pa des rma khar glon la se gol brgya'i bar du bsdad de/ de nas thal sman slar phyis shig /de la gzhang 'brum lta bu'i nad la thal sman gyis gzhang 'brum gyi khar bskus la/gos kyis gzhang kha glon la legs par rtogs shig /mig gi mchu la thor bu 'am nad yod na mig gi mchu bteg ste drongs la mig gi 'bras bu nag po nyi tshe gos 'jam pos g.yogs la mig gi sprin ma g.yogs par zhog la pad+ma'i lo ma 'jam pos thal sman ci ran tsam blangs la mig gi mchur yugs shig /sna'i po ra ka'i nang rol du rmen bu lta bu byung na/ gdong shar phyogs su nyi ma la ston la sna'i thor to nas bzung ste/ gyen du bteg la thal sman ci ran cig bskus te se gol brgya srid du zhog la phyis shig / rna ba la rmen bu 'am thor bu byung na'ang thabs de dang 'dra bar gyis shig /thal sman gyis byugs pa 'di rnams legs sam ma legs brtag pa'i thabs ni thal sman phyis la legs par phye ste rab tu tshig gam ma tshig pa rtogs shig /thal sman gyis rab tu tshig par gyur na mar dang sbrang rtsi dang 'o ma dang zho ga chu dang /'bras rtsabs 'di rnams bsregs la sbyar bas thal sman gyis byugs pa'i rma khar bskus la tsha ba zhi bar gyis shig /de'i rjes la sman ro mngar zhing bsil ba rnams dang / mar du brdzis pas rma khar skus shig /kha zas kyi cho ga ni rma rnags shing zag par 'gyur ba bad kan skye ba'i bag bza'o/ /gal te thal sman gyis bsregs pa'i 'khor sra bar gyur te/ rnag dang chu ser du mi zag na 'u su'i 'bras bu dang / sa bon gyi ro skyur bag dang / shing mngar dang til 'di rnams btags te rma khar skus shig /sman 'di rnams kyis rnag dang chu ser mang du phyung nas rma gso ba'i sman til btags pa dang / shing mngar btags la mar dang sbyar la rma khar skus shig /de la thal sman bskus pas tshig pa dang / ma tshig pa'i bye brag brtag pa'i thabs ni shing tog 'dzam bu smin pa ltar mdog nag por 'dug na thal sman gyis tshig pa yin no//zangs kyi mdog 'dra ba dmar la zug cing g.ya' la na na thal sman gyis ma tshig pa yin gyis de'i phyir yang bsreg dgos te thal sman gyis skus shig /thal sman gyis ha cang tshig ches na ni khrag mang du 'byung /brgyal/ tsha ba skye/ rims la sogs pas 'debs so/ /gzhang 'brum ha cang tshig ches na bshang gci lhag par sri ba'am yang na rab tu mang bar 'gyur ro/ /gzhang gi nang gi gzhang 'brum la thal sman drags te tshig na pho mtshan ma rung bar gyur te 'chi ba 'am/yang na gzhang rul bar 'gyur ro/ /sna'i nang du thal sman drags na sna'i gzang 'dral lam 'khums te dri mi tshor bar 'gyur ro/ /rna ba la sogs pa la thal sman gyis byugs pa'i nyen yang de dang 'dra'o/ /de lta bu'i nyen las nad du gyur pa la dpyad du bya ba ni/shing mngar btags pa dang 'bras rtsabs lta bu dang / til btags pa'i phye ma dang / mar du bsregs pa'i lde gus skus shig /cho gar bya ba ni rlung nad sel ba dang / mkhris pa sel ba'i dpyad dang bsil bag cho ga shes par bya'o//thal sman gyis tshig pa ni skyur bag gis byugs na bsil bar gyur te phan no/ /skyur bag bskus pas tsha ba zhi ste bsil bar gyur pas na de'i phyir thal sman gyis tshig ste rma kha tsha la skyur gyis cher skus shig /me btsa' gdab pa'i dpyad ni thal sman gyis bskus pa dang mi 'dra ste/de la nad du 'gyur zhing nyen du 'gyur ba mi srid do/ /sman btang ba dang thal sman gyis byugs pa dang / gtar ga btab ste ma phan pa'i rnams la/ me btsa'i dpyad kyis pags pa dang / sha dang / rtsa dang / chu ba dang / rus pa dang / rus pa'i tshigs rnams dang /sme ba dang rkang lag snad pa dang / klad pa na ba dang / mig dang klad pa'i gzhogs phyed na ba dang / mdzer pa dang 'di 'dra ba la me btsa' gdab bo/ /de la pags pa la me btsa' gdab na ras bal dril dril ba'am ba lang gi so dang me shel dang mda' smyig la sogs pas gdab bo//gzhang 'brum dang / mtshan par rdol ba'i nad dang rmen bu dang / mtshon 'tshebs dang / sha dang pags pa'i bar du rnag 'khyims pa 'di lta bu ni sha bsregs te de la sbrang rtsi 'am spra tshil lam/ mar lhing nag tu bskol bas bsreg / yang na 'khrul 'khor du byas pa 'dzam bu'i mchu'am/ bu ram bsregs pas sregs shig /mig 'byar te zum pa dang / gtar ga btab ste khrag mi chod pa dang / ni la la sogs pa 'di rnams la sbrang rtsi dang spra tshil la sogs pas sregs shig /gong du rgan po dang /byis pa dang / bud med sbrum ma dang / mtshon khong du lus pa dang / lus sam ltor rma chen po byung ste/ khrag mang po zag pa dang / rma mang po byung ba 'di lta bu la me btsa' yang mi 'debs ma sreg cig /me btsa' legs par tshig na rma khar shing mngar btags pa dang / mar dang sman snum zhing bsil ba btags pa dang / bzang por sbyor la rma khar skus shig /me btsa' legs pa'i tshad ni khrag mi 'ong / chu bur phre'u byung ba dang / chu ser cung zad tsam 'byung / bsregs pa'i 'phro bya thi ba'i mdog 'dra na me btsa' legs te nad mi che ste/rma myur du 'tsho'o/ /mi mkhas pas drod ma zin te ma tshos pa dang bsregs ma legs pa dang / ha cang tshig ches pa dang / tsud tshar gyur pa dang rnam pa bzhi'o/ /tsud tshar gyur pa ni pags pa'i mdog 'gyur la tsha/ chu bur 'byung ba ni med pa yin no/ / bsregs ma legs na chu bur 'byung / rab tu tsha la na'o/ /ha cang bsregs drags na ni sha zhig ste 'phyang ba dang / 'khums par 'gyur ba dang / ha cang tsha ba dang / zug cing na ba dang / rtsa la sogs pa ma rungs par 'gyur ba dang / skom dad che/ 'bog / me btsa' btab pa'i rma zabs su khong du 'bros pa dang / 'chi bar yang 'gyur ro/ /me btsas ma tshugs te ma tshos pa ni me btsa' gdab pa dang / sman drod che zhing tsha ba'i bag sbyar ro/ /khrag ska ste zag tu mi rung na na bar 'gyur ro/ /khrag zag na ni 'bri zhing thim par 'gyur ro//de la bsregs ma legs na ni bsil ba dang dro ba'i sman gyis bskus la mjug tu sman bsil bas skus shig /de la me btsa' gdab legs na cug hang dang / shing p+lag sha dang / tsan+dan dang / btsag yug snam dang / sle tres rnams zhib tu btags la mar dang sbyar te rma khar skus shig /de'i rjes ni mkhris pa rgyas pa'i nad dang me dbal gyi nad kyi cho ga dang 'dra bar bsil bag tu gyis shig /de la me btsa' ha cang drags te tshig nas mkhris pa rgyas pa dang / me dbal gyi nad kyi cho ga dang 'dra bar bsil bag tu gyis shig /mar dang spra tshil la sogs pa lhing nag tu bskol bskol bas bsregs te tshig na sman rtsub bag gis myur du skus shig /thal sman rnon po gsha' ras byug pa dang me btsa' gdab pa'i cho ga bshad pa rdzogs so// //sman dpyad yan lag brgyad pa'i snying po bshad pa'i mdo'i gnas rdzogs te/bshad pa 'di dag ni gsang ba dang 'dra bar sman dpyad kyi dmigs bshad pa rnams mdo tsam zhig bshad pas rtsing ngo / /zhib tu rgyas par ni 'og nas bstan cing bshad do/ /sman pa'i bdag po seng ge sbas pa zhes bya ba'i bu sman pa chen po pha khol zhes bya bas yan lag brgyad pa'i snying po mdzad pa las mdo'i gnas zhes bya ba le'u sum cu pa rdzogs te yan lag brgyad pa'i snying po'i gnas dang po'o// //sman dpyad yan lag brgyad pa'i snying po las lus kyi gnas zhes bya ba/byis pa rum du chags pa drug las le'u dang po bshad par bya'o/ /de la sngon gyi drang srong chen po rgyun shes kyi bu la sogs pas bshad pa na re thog ma sems can ji skad skye zhe na/ dang po pha ma'i khu ba dang khrag rlung la sogs pa'i skyon med pa dang /las dang nyon mongs pa dang ldan pa'i rnam par shes pa dang / de dang lhan cig 'byung ba nam mkha' la sogs pa'i 'byung ba chen po lnga shin du cha phra ba dbang po'i yul las 'das pa rnal 'byor gyi yul du gyur pa/ de dag skad cig mngal du tshogs shing 'dus pa ni rum du chags pa zhes bya ste/dper na gtsub shing dang / gtan pa dang / spra ba dang / skyes bus rtsol ba'i lag pa dang / 'di dag tshogs pa las me 'byung ba bzhin no/ /de ltar chags nas kha zas zos pa'i dngas ma'am/ bcud kyis nur nur po dang mer mer po la sogs par rim gyis 'gyur zhing 'phel bar 'gyur ro//de la rnam par shes pa dbang po'i yul las 'das pa ma'i mngal du ji ltar 'jug tu rung zhe na de ni mngon sum gyi dpes bstan te/ ji ltar nyi ma'i 'od zer me shel la phog pa'i dbang gis rtswa dang shing la sogs pa bsregs par snang yang /shing yang me shel la reg par mi snang la me shel yang shing la reg par ma mthong mod kyang tshig par snang ba bzhin du rnam par shes pa mngal gyi nang du zhugs pa yang mi snang ba'i sgo nas 'jug pa yin no/ /de la rnam par shes pa dang /de dang lhan cig 'byung ba'i rgyu 'byung ba chen po lnga ni sems can skye ba'i rgyur gcig na/ skye ba rnam pa du ma snang ba'i phyir zhe na/ mthun pa'i dpes bstan te ji ltar spra tshil dang zangs ma la sogs pa'i rgyu gcig pas gzugs tha dad pa sna tshogs dga' mgur byar yod de/cir yang snang ba dang 'dra bar rang bzhin gcig pa las kyang tha dad par snang du rung ngo / /de bas na pha'i khu chu'i shas che ba las ni skyes par 'gyur la/ ma'i khrag gi shas che ba las ni bu mor 'ong ngo / /cha mnyam pa las ni ma ning du 'gyur ro//bu mtshe mar 'ong ba ni chags nas mer mer po'i skabs su rlung gis dum bur bcad pa las du mar gyur te/ de yang pho mo la sogs par 'byung ba ni khu khrag gi shas che chung gong ma ltar shes par bya'o/ /pha ma'i khu khrag rlung la sogs pa'i skyon dang bcas pa las ni skye ba mi mthun pa sbrul dang byi ba la sogs pa 'byung ba dang /gzhan yang long ba dang / 'on pa dang / zha bo dang / grum po dang / theng po dang / mi'u thung dang / lus mi sdug pa la sogs pa lus skyon dang bcas par 'byung ba yin no/ / bud med kyi zla mtshan zla ba gcig la lan gsum 'byung ngo / /de yang thog ma lo bcu gnyis lon pa nas te lo lnga bcu phan chad ni mi 'byung ngo / /skyes bu gang lo bcu drug gam nyi shu yang lon/ mngal gyi gnas kyang dag /khu ba dang khrag la yang nyes pa med/ rlung la skyon med cing pha ma gnyis sems dga' ba dang bcas pa'i bu ni shin tu stobs dang ldan par 'gyur ro/ /gong ma gnyis las lo nyung ba bcu dgu'am lo bco lnga pa'i bu tsha ni nad mang ba dang / tshe thung ba dang / mngal zhig par 'gyur ro/ /pha ma'i khu ba dang / khrag rlung la sogs pa'i skyon gyis 'dres na ni sa bon gyi rus pa zhan par 'gyur ro//de yang myags pa dang / mdud pa can dang / rnag lta bu dang / zad byed dang / dri ma can dang lnga'o/ /lnga po de dag kyang rlung la sogs pa'i rang rang gi rtags dang mthun par 'byung ste/ de yang rlung las gyur pa'i rtags ni khu ba rtsub pa dang / mdog sngo bsangs su 'byung ba'o/ /mkhris pa las gyur pa'i rtags ni shin tu sla ba dang / dri mi zhim pa dang / mdog ser skya la sogs par 'byung ba'o/ /bad kan la sogs pa'i rtags ni shin tu dkar ba la sogs par 'byung ba'o//gzhan yang khrag las gyur pa'i mtshan ma ni ro myags lta bu'i dri mar snang ba'o/ /bad kan dang rlung las gyur pa ni khu ba dang / khrag mdog dud pa ltar snang ba'o/ khrag dang mkhris pa las gyur pa'i mtshan ma ni rnag lta bu'o/ /rlung dang mkhris pa las gyur pa ni shin tu rul ba'o//nad gzhi 'dus pa las gyur pa ni dri ma lta bu ste/ de dag las kyang 'dus pa las gyur pa dri ma lta bu ni gsor mi rung ngo / /lhag ma gso bar bya ste/ rlung las gyur pa ni snum bag dang / dro ba dang / skyur ba dang / lan tshwa la sogs pas gso'o//mkhris pa las gyur pa ni mngar ba dang / bsil ba dang / kha ba dang / bska ba la sogs pas gso bar bya'o/ /bad kan las gyur pa ni rtsub pa dang / rno ba la sogs pa sbyin no/ /khrag las gyur pa ni mkhris pa gso ba'i cho gas zhi bar nus mod kyi/'on kyang khrag las gyur pa'i myags pa ni da ta ka'i me tog dang / seng ldeng dang / bal po se'u dang / ar dzu na dang / 'di rnams mar dang tshul bzhin du bskol te btung ba'am yang na a sa na'i sde tshan char dang bskol te 'thungs na zhi bar 'gyur ro//dud pa ltar snang ba'i nad la ni shing pa la sha bsregs pa'i thal ba dang / sru sru'i rtsa ba 'di gnyis mar dang tshul bzhin du bskol ba 'thungs na phan no/ /rnag lta bu'i nad pa la ni pa ru sha ka dang / n+ya gro d+ha'i sde tshan mar dang tshul bzhin bskol ba 'thungs na zhi bar 'gyur ro//khu ba zad pa'i nad la ni ro tsa ba'i sman dpyad bya'o/ /dri ma lta bu la ni dang po slon khrus kyis lus dag par byas la de nas shing kun dang / pu shel tse dang / kru trug tres dang / 'di rnams mar dang tshul bzhin du sbyar ba 'thungs na phan no/ /bud med kyi zla mtshan mdud pa can la ni sba tha dang /tsha ba gsum dang / dug mo yungs dang / 'di rnams chu dang bskol ba'i khu ba blud na phan no/ /bud med kyi zla mtshan rnag dang myags pa lta bu la ni tsan+dan bskol ba'i khu ba 'thungs na phan no/ /gzhan yang zla mtshan gyi nad mo mtshan gso ba'i dpyad 'jam rtsi mas gtong ba dang /sman la sogs pa 'og nas 'byung ba bzhin du ci rigs su sbyar ro/ /skyes bu gang gi khu chu dkar ba dang / lci ba dang / snum pa dang / mngar ba dang / bska ba dang / mang ba dang / gzhan yang mdog sbrang rtsi lta bu dang / mar dang 'bru mar lta bu dang 'di dag ltar snang na bu bzang po skye ba'i rtags so/ /bud med gang zla mtshan rgya skyegs kyi khu ba lta bu dang / ri bong gi khrag lta bu dang / nad med pa'i khrag dang / 'di lta bu yod na'ang bu bzang po skye ba'i rkyen yin no/ /pha ma'i khu khrag skyon med cing chags pa'i sems dang bcas pas 'dod pa spyod na bu skye ba'i rgyu'o//thog mar skyes pa dang / bud med dge ba'i sman mar dang / 'bras bu'i sman mar gyis snum gyi cho ga byas la/ slon khrus kyis lus dag par byas te de'i 'og tu 'jam rtsi bsten par bya'o/ / khyad par du skyes pa la ni 'o ma dang / mar dang / mngar ba dang / sman dzi wan ti dang / rgun 'bru'i sde tshan sbyar la sbyin no/ /bud med la ni 'bru mar dang / srog chags thang la gnas pa'i sha dang lhan cig sbyar ba bza'o/ /de la bud med zla mtshan dang ldan pa'i rtags ni rkyen gzhan med par lus nyam chung ba dang /gdong gi dri ma med cing dag pa dang / rked pa dang nu mar 'phar ba dang / mig dang dku 'gul zhing skyes pa 'dod pa de ni zla mtshan dang ldan pa'i bud med du blta'o/ /de ltar pad+ma la nyi zer gyis phog na kha bye ba dang 'dra bar zla mtshan byung nas zhag bcu gnyis kyi bar du mngal gyi pad+ma kha bye ba ltar 'dug go//gnas skabs de'i bar du skyes pa dang phrad na sa bon 'dzin la/ de phan chad ni zums par 'gyur ro/ /zla mtshan thog ma byung nas zhag bcu gnyis kyi bar du zla mtshan gyi dus der 'dod pa spyad na bu tsha 'chags so//zhag bcu gsum phan chad ni sa bon 'dzin pa'i mthu med de mi 'chags so/ /dang po kha zas la sogs pa'i dngas ma las zla ba gcig gi bar du sogs par 'gyur ro/ /de nas rlung gis mngal gyi nang na rtsa'i rgyun gnyis yod de/ des mo mtshan gyi nang nas phyir 'byin par byed de khrag mdog kyang cung zad gnag la dri ma med par snang ngo //zla mtshan thog mar byung ba shes nas zhag gsum pa'i bar du sems bde zhing dge ba la blo gtad par bya'o/ /khrus dang rgyan dang bsku byug la sogs pa spang ngo / /rtswa dUr ba'i stan la 'dug tu gzhug go//'og ma las gzhi blangs pa'i bza' ba nyung zad sbyin te lto ba sbyang bar bya'o/ /bza' ba'i snod kyang lo ma'am rdza snod dam/ lag pa'i steng du zar gzhug ste skyes pa dang 'phrad pa spang ngo / /de nas zhag bzhi pa la bud med kyis snga dro khrus byas la gos dkar po dang /me tog dkar po la sogs pas lus brgyan la gtsang bar bya'o/ /de nas bu 'dod pa'i phyir khyo'i mdun drang po nas ltar bcug nas pha dang 'dra ba'i bu 'ong ba'i rigs so/ /thog ma zla mtshan byung ba shes nas zhag bcu gnyis kyi bar du ni zla mtshan rgyu ba'i dus te de las kyang dang po zhag gsum dang zhag bcu gcig pa'i dus su nyal po byed pa ni smad do//de la zungs thebs pa'i zhag bzhi pa dang / drug pa dang / brgyad pa dang / bcu pa dang / bcu gnyis lon pa de'i tshe ni bu phor 'gyur ro/ /zla mtshan rgyus nas zhag lnga pa dang bdun pa dang /dgu pa dang 'di dag gi tshe nyal po byas na bu mor 'gyur ro/ /de nas bud med des srid srung gi rig byed shes pa'i bram ze'i lung bzhin du bu bskyed pa'i phyir bsrung ba 'am cho ga byas te bram ze dang / rgyal rigs dang / dmangs rigs gsum la ni bstod pa dang bcas pas phyag bya'o//rje'u rigs la ni phyag tha mal pa bya'o/ /gong du bstan pa'i sbyor ba ltar cho ga ma byas na ni ji ltar rang 'dod pa'i bu mi 'ong ngo / /bu 'dod pa'i mkhas pa rnams kyis shin tu dben par nyal po bya'o/ /ci'i phyir zhe na nyams rangs sam dga' bder spyad pas bu bzang por 'gyur ba'i phyir ro//gal te dben par ma gyur pa'i gnas su 'dod pa spyad na rus rigs mthon po yin yang bu tsha ma rabs su skye ste rigs kyi me bzhin no/ /skyes bu bzang por 'dod pa rnams kyis yul phyogs na gnas pa'i skye bo byad bzhin bzang zhing mdzes pa dang /stobs dang ldan zhing dpa' ba dang / 'byor pa phun sum tshogs pa dang / rigs dang yul chos kyi spyod lam dang / de la sogs pa yon tan gyi rnam pa dang ldan pa bu pho dang / bu mo gang 'dod kyang rung / gong ma lta bu dang ldan par bsams nas nyal po byas te/skyes pa dang / bud med gnyis ka yang 'bras chan dang 'o ma dang ldan par bza'o/ /de nas skar mkhan gyi dus tshod dang khri 'am mal gyi steng du skyes pa ni rkang pa g.yas pas 'dzeg go/ /bud med ni rkang pa g.yon pas 'dzegs nas khyim thab kyi g.yas ngos su bsnyal la til mar dang mon sran gre'u sbyar ba'i tshod ma btung bar bya'o//de nas khri thog tu phyin nas sngags kyi tshig 'di dag brjod par bya'o/ /a hi ra si A yu ra si sarba ta/ pra tiSh+Tha sid d+ha twa d+ha na bi dan tu bra h+ma ba ra tsa sa b+ha be ti/brah+ma bri ta spa ti ra baSh+Nu sto ma stur+ya s+tha na shI no/ /ba go mi tra ba ru No/ /tshangs pa chen po la sogs pa'i lha chen po rnams kyis bdag ming 'di zhes bgyi ba la bu dpa' ba dang yan lag mchog gi gzugs dang ldan pa bdag cag la stsal du gsol/ /de'i 'og tu khyo shug gnyis gcig la gcig rjes su chags par byas nas dga' ba dang bcas pas nyal po bya ste/de yang bud med gan rkyal du yan lag legs par gnas par bya ste/ 'dod pa rtse gcig pa'i yid kyis 'dug par bya'o/ /de ltar na sa bon legs par 'dzin cing skyes pa rnams rang gi gnas na gnas par bya'o//bud med kyi mngal du sa bon legs par chags par gyur na 'phral de ma thag mtshan ma 'di dga' byung ste/ 'dod pas ngoms pa dang / lus lci ba dang / yan lag 'gul ba dang / khu khrag 'dres pa de yang 'khrugs pa snyam byed pa dang /snying cung zhig 'phar ba dang snyom pa dang dub pa dang ba spu langs pa dang / mngon rtags de dag dang ldan par 'gyur ro/ /dang po chags nas zhag bdun lon pa dang / nur nur por 'gyur te/ zla ba gcig gi bar du mi mngon par 'dug go//zla ba gnyis pa la gong gi nur nur po cung zhig mngon par 'gyur ba dang / 'og nas 'byung ba'i sman 'di dag gis gso bar bya'o/ /yang ni skyes bu'i las dge ba dang mi dge ba 'di rjes su 'brang mod kyi 'on kyang rkyen la rag las pa yang yod pas gso ba dang bsrung ba'i cho ga bya'o//de la gser ram dngul lam lcags nag po gang yang rung ba la skyes bu'i gzugs chung ngu byas te me'i nang du bsregs la dmar por gyur pa dang 'o ma'i nang du smyugs la khyor gang blud do/ /yang na go ra Da na Da dang / a pa marga dang / dzi ba ga dang / zangs rtsi ba dang / shri sha dang / 'di rnams la gnyis sam gsum mam mang du 'tshogs kyang rung ste/ btags la chu dang sbyar nas skar ma rgyal gyi nyi ma la blud do/ /bu pho 'dod na bri ha ti dkar po'i rtsa ba 'o ma dang sbyar ba sna khung g.yas logs su blugs so//bu mo 'dod na sna khung g.yon nas blugs so/ /yang na lag sma na'i rtsa ba brdungs pa 'o ma dang sbyar ba bu brtan par bya ba'i phyir kha 'am sna nas blugs so/ /yang na n+ya gro d+ha'i myu gu brgyad brdungs pa 'o ma dang sbyar ba gong ma ltar gtang ngo / /yang na 'tsho byed sna bcu'i sman gyis bza' ba dang /btung ba dang bsku ba la sogs pa byas na khyim thab dang g.yog 'khor rnams la phan zhing mngal yang brtan por 'gyur te kun la sbyar ro/ /zhun mar sar pa dang 'o ma ni rtag tu bsten par bya'o/ /de ltar sems dang ldan pa'i bud med kyis nyal po lhag par mi bya/rtsol ba drag po dang / khur dang / gos lci ba dang / nub mo gnyid ma log pa dang / nyin par gnyid log pa dang / 'og gzhi mkhrang ba la 'dug pa dang / stan med pa la 'dug pa dang / mya ngan dang / khro ba dang / 'jigs pa dang / skyo ba 'byung ba dang /'dod pa dgag pa dang / smyung bar 'dug pa dang / lam du 'gro ba dang / shin tu tsha ba'i zas dang / dro ba dang lci ba dang phyi sa 'gags par 'gyur ba'i zas dang / gos dmar po dang / g.yang sa dang / khron par lta ba dang / sha dang chang cher 'thungs pa dang / gan rkyal du nyal ba dang / gang yang bud med mkhas pas mi 'dod pa thams cad spang bar bya ste/ mdor na skyon gong ma de dag mi spyad/ mi bsten/ mi bza'o/ /de bzhin du gtar ga dang / slon khrus dang / sman mas gtong ba la sogs pa mi bya/ci ste de dag byas na ni nang du dbang po rnams bskams pa'am phyir 'phyil bar 'gyur ro/ /zas dang sman la sogs pa rlung 'khrugs pa'i bag bsten pa las ni bu tsha sgur po dang / long ba dang / 'on pa dang / mi'u thung du 'gyur ro/ /zas dang sman la sogs pa mkhris pa 'khrugs pa'i bag bsten pa las ni bu 'phyil ba dang /ser skyar snang bar 'gyur ro/ /bad kan 'khrugs pa'i zas dang sman bsten pa las ni bu sha bkra dang skya rbab kyis btab par 'gyur ro/ /gzhan du nad gang yang rung ba sbrum pa'i bud med la byung na zas dang sman 'thung ba 'di dag bsten te/mar dang / li kha ra dang / rgun 'brum la sogs pa'i sman dang / de bzhin du dong ga la sogs pas gso bar bya'o/ /zla ba gnyis pa la bab pa'i tshe na gor gor por gyur na ni skyes par 'gyur la/ nar nar por gyur na ni bu mor 'gyur/nur nur por gyur na ni ma ning du 'gyur/ de'i tshe bu gsal por chags pa 'am/ mngon pa'i mtshan ma ni sha bri ba dang / lto lci ba dang / brgyal ba dang / skyug pa dang / zas yi gar mi 'ong ba dang / glal ba dang / cham pa dang / rkang lag skyod pa dang / lte ba'i 'og gi spu'i rgyal po 'byes pa dang / skyur la dga' ba dang / nu ma rgyas pa dang / nu sor nag por 'dug pa dang / rkang pa gnyis skrangs pa dang / sgregs pa skyur mo 'byung ba dang / zas sna tshogs la dad pa yin te/ de yang ma zas gang la dad pa khong pa'i bu yang de la dad de/bu dang sems 'brel yin pas mi dgag go/ /mi mthun pa'i zas ni cung zad sbyin no/ /gang 'dod pa'i zas bkag na ni nang gi bu lus 'gyur ba 'am 'phyil bar 'gyur ro/ /zla ba gsum pa la bab pa'i tshe ni yan lag lnga dod par 'gyur te/ nying lag rnams kyang rim gyis 'byung la/bde ba dang sdug bsngal yang de tshun chad 'byung ngo / /byis pa nang du skye ba 'am 'phel ba'i rgyu ni ma'i snying dang bu'i lte bar 'brel pa'i rgyun srang yod de/ de nas mas zos pa'i bcud 'jug ste/ dper na zhing la yur ba nas chu drangs nas bcus na nges par 'phel zhing rgyas pa bzhin no//zla ba bzhi pa la bab pa'i tshe na ni byis pa'i yan lag thams cad gsal por 'byes par 'gyur ro/ /zla ba lnga pa la ni sems shin tu gsal bar 'gyur ro/ /zla ba drug pa la ni rtsa dang / rgyus pa dang / ba spu dang / stobs dang / mdog dang / sen mo dang / pags pa dang 'di dag skye'o/ /zla ba bdun pa la bab pa'i tshe lus thams cad rgyas shing 'phel bar 'gyur ro/ /nang du byis pa la rlung la sogs pa'i nad byung na de'i rgyus byis pa'i lte ba las ma'i snying du 'brel ba'i gzhis ma la yang thog ma snying la bsten te/de'i 'og tu brang dang nu ma dang lto ba rnams su g.yan pa'i nad dang / rkang pa dang lag pa la tsha ba skye bar 'gyur te de'i ming ni kig ki zhes bya'o/ /de ltar kig ki'i nad kyis btab pa la ni mar dang rgya shug gi 'bras bu sbyar ba'am/ 'tsho byed sna bcu'i sde tshan nam/ rgun 'brum la sogs pa'i sde tshan gong ma ltar sbyar ba byin na phan no/ /kha zas ni snum pa dang / lan tshwa cung zad btab pa sbyin no/ /nu ma dang / brang dang / lto ba 'di dag la ni tsan+dan dang / pu shel tse btags pa'i lde gus bsku'o/ / yang na 'bras bu gsum btags pa'i phye ma dang / ri dwags e ne ya dang / ha ri na dang / ri bong gi khrag dang sbyar bas bsku'o/ /yang na ka ra bI ra dang / til mar du sbyar bas bsku mnye bya'o/ /yang na pa to la dang / nim pa dang / btsod dang / bye'u rug pa dang / 'di rnams cha snyoms te bskol ba'i chus bsku ba 'am/yang na skyer pa 'am/ shing mngar bskol ba'i chu dang / khrus dang bsku byug la sogs pa gtsang sbra cher bya'o/ /zla ba brgyad pa la ni ma dang bu'i gzi mdangs phan tshun yang dang yang du 'pho ste/ gzi mdangs ni lus 'dzin pa yin pas gal te gzi mdangs 'pho ba'i dus su btsas na ni phal cher ma'am bu gcig 'chi ste/ de yang gzi mdangs ma la 'pho ba'i dus na ni bu la gzi mdangs med pas bu 'chi la bu la 'pho ba'i skabs su btsas na ni ma mi 'tsho'o/ /zla ba brgyad pa la ni 'bras kyi 'o thug sbyin no//mngar ba'i sman dzi ban ti'i sde tshan dang mar du sbyar ba'i 'jam rtsi mas gtong ngo / /gzhan yang phyi sa rnyis pa dag par bya ba'i phyir la phug skam po dang / rgya shug skyur po dang / shu ti dang / 'di rnams btags la mar dang / rgyam tsha dang sbyar ba'i 'jam rtsi btang ba bsngags so/ /zla ba brgyad po 'das ma thag gi zhag la byung na de ni dus su skyes pa zhes bya ste rab tu bzang ngo / /zla ba dgu'am bcu gnyis tshun chad skyes pa ni legs par skyes pa yin la/ de phan chad skyes pa ni rlung gis lam bkag nas nges par lus mi bde bar skyed do//zla ba dgu pa la bab pa'i dus su ni sha tshon gyi khu ba 'bras chan dang bza' ba'am/ yang na 'bras thug snum shas che ba dang sbyar nas bza' ste/ rlung nad zhi ba'i phyir gong du smos pa'i a nu ba sa ni rtag tu gtang ngo / /rlung la phan pa'i sman dang sbyar ba'i til mar gyi nang du sbangs pa'i bal gyis mo mtshan gyi nang du btsangs la gzhag go//de nas rlung 'joms pa'i sman btso ma'i lo ma la sogs pa'i sman gyi lo ma ji snyed pa dang / chu bskol ba de nas bsgrangs pa'i khu bas rtag tu khrus bya'o/ /zla ba dgu pa las ni ci srid du 'byung gi bar du a nu ba sa na la sogs pa'i lus kyi snum chos spang ngo //nang na bu khye'u yod pa'i rtags ni bud med kyang skyes pa'i ming can thams cad la dga' la/ gtam dang 'dri ba yang skyes pa'i tshig dang ldan par smra ba dang / skyes pa'i nang du dga' ba dang / rmi lam du yang skyes bu rmi ba dang /dku g.yas logs mtho la de yang zlum por 'dug na de ni bu pho btsa' ba'i snga rtags so/ /gzhan du na de las bzlog pa ni bu mo btsa' ba'i rtags te/ khyad par du skyes pa dang nyal po byed par dga' ba dang / rol mo dang / gar dang / glu dang / dri dang / phreng ba la dga' ba ni bu mo btsa' ba'i rtags so/ /bu ma ning yod pa'i rtags ni gong ma gnyis ka'i rtags dang ldan pa dang / khyad par du dku g.yas g.yon gyi dbus lte ba'i 'og nas mthon por 'dug na ma ning skye ba'i rtags so/ /bu mtshe ma 'byung ba'i rtags ni dku g.yas g.yon gnyis ka mthon por 'dug la/dbus su lung pa ltar gshong bar 'dug pa'o/ /gong gi zla ba dgu pa nas brtsams la bu btsa' ba'i khang par 'jug par bya ste de yang sa rtog pa la mkhas pa'i mtshan nyid dang ldan pa'i skyes bus khyim legs par brtags la dgos pa'i cha byad yongs su bsags te/gza' dang rgyu skar dge ba dang skar ma'i khyim dang yud tsam pa la sogs pa brtags la khyim du 'jug par bya'o/ /de bsrung ba tshul bzhin du byas te sngar gong ma'i ma ma bu btsa' ba'i cho ga mkhas pa'i 'khor dang 'dug par bya'o//de la bu byung ba nye ba'i snga rtags ni lus dub pa dang / dku dang mig gnyis 'gul bar snang ba dang ro smad lci ba dang / zas yi gar mi 'ong ba dang / mchil ma mang ba dang / gcin mang ba dang / brla dang / rked pa dang / rgyab dang / snying dang / chu so dang /brla brag dang / 'di dag tu na ba dang / mo mtshan rgya chen por gyur cing rgyun du na ba dang / 'gul ba dang / khrag dang / be'u snabs lta bu 'byung ba dang / de dag ltar snang na/ deng ngam sang 'byung ba'i rtags so/ /de'i 'og tu snod la chu 'byung ngo / /de nas byis pa mngal nas byung ste/mo mtshan gyi lam du phyin pa dang / bud med la bsrung ba'i 'khor los mgul du gdags pa dang / bsrung ba'i skud pas lag par gdags so/ /bud med kyi lag pa skyes pa'i ming can gyi 'bras bu gla gor zho sha la sogs pa bcang ste/ chu dron po cung zad cig lus la bsku ba'am blugs so//de'i 'og tu mar gyis btab pa'i thug pa byin pa sa la mal bcas te 'dug go/ /de nas bud med kyi brla'i nang bsku ba'i rigs so/ /de'i 'og tu bud med gan rkyal du bzhag la rlung nad zhi ba'i phyir bsku byug legs par yang dang yang bya ste/lte ba man chad khyad par du mnyes la bud med glal byung ba dang 'chag tu gzhug go/ /sngar byis pa ma'i snying phyogs su mgo brten te 'dug pa las kha sbub tu log ste rang gi sngar gyi gnas nas 'phags nas chu sor phyin te/phyir bu 'byung khar zug gzer sna tshogs 'byung ba na/ myur bar khri legs par bcas la de'i steng du bzhag ste/ bu nang nas byung ba'i mtshan gyis phul bas mo mtshan brgyangs pa na snum gyis bsku byug la sogs pa bya'o/ /bu mo mtshan gyi khar ma byung gi bar du rim gyis btsir la sgor phyin pa dang shugs drag tu phul zhing btsir ro//de'i tshe bu btsa' ba'i bud med srog dang bral ba tsam du sdug bsngal mi bzad pas nyen par 'gyur te/ de'i dus su nye 'khor na 'dug pa rnams kyis sems gso ba dang / spro sring ba dang /chus gtor ba dang / rlung yab kyis g.yab pa dang / bu tsha skye ba'i yon tan gyi sgra yang brjod do/ /ji ste mngal gyi sgo nas bu phyir 'byung du ma 'dod na/ sbrul nag po'i pags pa bsregs pa'i dud pas mngal gyi sgo nas bdug go/ /gser gyi me tog gi rtsa ba 'am/yang na lcam pa'am/ yang na bi sha l+ya gang yang rung bas rkang pa dang lag par btags na bu 'byung bar 'gyur ro/ /gal te sha ma 'byung du ma 'dod na yang cho ga gong ma ltar bya'o/ /khyad par du lag pa gnyis bteg la lus kun bskyod pa'am/ sprug pa byas pas sha ma phyir 'byung bar 'gyur ro/ /yang na khu tshur gyis rked par brdeg cing rkub tshos gnyis su btsir bar bya'o/ /yang na rang gi skra tshoms kyis mgrin pa dang / rkan la reg par bya ba'am/ de bzhin du snu hi'i 'o ma spyi bo nas blugs pa'am/ yang na gro ba'am/lang ka li dang / ku ba dang / sbrul gyi pags pa dang / ru rta dang / yungs kar de rnams la sna gnyis sam yang na thams cad rnyed na yang rung ste/ mo mtshan gyi sgo nas byug pa'am bdug pa bya'o/ /yang na ru rta dang bal bu'i phye ma chang gi snying khu dang blud do/ / yang na rgya sran nam bal ba dza'i khu ba 'am/ a sa ba'i btung ba sbyar ba gang yang rung ba blud do/ /yang na shu ti dang / yungs kar dang / a dza dzi zhes bya ba zi ra dang / na le sham dkar po dang / ta tik+Sh+Na ka dang / kru trug tres dang / shing kun dang / ru rta dang / po son cha dang /'di rnams phye mar byas pa/ gcin dang / 'o ma dang / yungs mar dang / 'di rnams tshul bzhin du bskol ba'i mar gyis bshang ba'i lam mam/ mo mtshan gyi sgo nas a nu ba sa na btang na rab tu phan no/ /yang na shu ti dang / shu dag dang / yungs kar dang / pi pi ling dang / 'di rnams tshul bzhin du btags la lan tshwa dang / mar dang bcas pa sbyar ba ni ru ha mas gtong na sha ma 'byin par byed do/ /gal te sha ma ma byung na ni rlung nad kyi rgyur 'gyur la phyir byung na ni rlung yang phyir 'byin par byed do/ /gong ma'i thabs gang gis kyang sha ma ma thon na bud med mkhas pa sngar goms pa yod pas lag pa'i sen mo bregs la snum gyis bskus te/lag pa nang du bcug la dal bus rim gyis dbyung ngo / /de nas bu dang sha ma gnyis ka byung nas grol ba lta na/ til mar gyis mo mtshan dang lus thams cad bsku mnye bya'o//bud med bu byung ba'i 'og tu nad mag ka zhes bya ba 'byung ste/ de'i mtshan ma ni 'og nas chu so dang / lto ba dang / brla brag tu zug cing na ba yin te/ de la ni nas tshig 'khus pa'i thal ba zhib par btags te/ mar ram yang na chu dron po bskol ba gang yang rung ba dang sbyar ba'am/yang na 'u su'i 'bras bu bskol ba bu ram dang / tsha ba gsum dang dri sna gsum zhes bya ba shing tsha dang / sug smel dang / gan+d+ha b+ha dra rnams kyi phye ma dang sbyar la blud do/ /yang na sman pa rgan po rnams na re dri sna gsum dang /tsha ba gsum zho gnyis gnyis kyi phye ma dang / 'u su'i khu ba sbyar la blud do zhes zer ro/ /'dir bu'i gso ba thams cad ni bud med dam ma ma gang yang rung bas byis pa'i rgyud kyi le'u las 'byung ba bzhin du sbyar bar bya'o/ /bu byung ba'i 'og tu ma ltogs par gyur na ni mar ram 'bru mar gang yang rung ba sbyar ba'i bza' ba'am/thug pa sbyin no/ /ltogs par ma gyur na ni dang po yi ga dbye ba'i phyir chu bskol ba'i nang du bu ram mnyes la/ cha ba rnam pa lnga'i phye mas btab la blud do/ /rlung 'joms pa'i sman rtsa ba bcu la sogs pa bskol ba blud na mngal gyi rlung nad sel zhing khrag ngan dag par byed do//rim pa 'di dag gis zhag gnyis gsum du bya'o/ /gzhan yang byis pa'i ma snum dang 'phrod na ni snum dang bcas pa'i bza' btung sbyar ro/ /snum dang mi 'phrod na ni gong gi tsha ba lnga dang bcas pa'i bza' btung sbyar ro//de ltar gong dang mthun pa'i bza' btung byin nas rlung mi 'jug par bya ba'i phyir/ mar dang til mar gyis bsgos pa'i ras kyis lto ba bcing bar bya'o/ /de nas kha zas zhu ba dang khrus bya ste/ gong du smos pa'i sman tsha ba lnga 'am/rtsa ba bcu pa la sogs pa dang sbyar ba'i thug pa sbyin no/ /zhag gsum nas ni bi da ri'i sde tshan dang sbyar ba'i thug pa blud mar dang 'o ma gong dang mthun pa dang sbyar ro/ /zhag bdun pa nas ni rim gyis nyams stobs bskyed pa'i kha zas sbyin no/ / zhag bcu gnyis pa nas ni srog chags thang la gnas pa'i sha las g.yos su byas pa'am/ sha'i bza' ba me'i drod dang sbyar nas sbyin no/ /bu btsas zin pa'i bud med la ni dang po rum du chags pa nas 'phel ba la sogs pa dang / 'byung ba'i sdug bsngal dang / khrag mang po 'byung ba dang / btsir ba la sogs pa'i sdug bsngal gyi nad du gyur na gso dka' bar bshad de/ de bas na 'bad pa dang bcas pas gso bar bya'o/ /'on kyang bu byung nas zla ba phyed dang gnyis kyi bar du bag dang bcas pas srung ba tshul bzhin du bya'o/ / de phan chad ni ci bder spyad do/ /thog ma bu btsas nas nyams brtas te/ phyi ma zla mtshan byung nas skyes bu btsas zhes bya ba'i ming med pa bzhin no/ /lus kyi gnas las le'u dang po rdzogs so// //de nas byis pa rum du chags pa'i nad kyi bye brag bstan pa'i le'u gnyis pa bshad par bya'o//de la byis pa rum du chags pa'i bud med des spyad par mi 'os pa'i dngos po nyal po dang rtsol ba la sogs bsten pa las byung ba'am/ yang na nad gzhi 'khrugs pa'i dbang gis mo mtshan nas khrag mang po byung ste/de yang chu so dang / rtsib logs dang / rked pa dang / mo mtshan gyi sgor zug gzer byed na/ de la ni lus phyi nang gnyis ka nas snum pa dang / bsil ba'i bza' ba dang / btung ba dang / bsku ba dang / blugs pa'i gso ba sbyar bar bya ste/ de yang pu shel tse dang /pad+ma dang / tsan+dan dang / shing 'o ma can gyi shun pa dang / 'di rnams kyi phye ma mar dang lde gur byas pas ras la bskus te/ ras bsgril la tham bu thabs su byas pas/ mtshan gyi sgo nas btsangs la gzhag go/ /mar chu nang du lan brgya tsam mnyes pas lus bsku'o//yang na gong gi u shi ra la sogs pa'i phye ma chu dang sbyar ba'i nang du lus gzhug go/ /ka ra dkar po dang / sbrang rtsi dang / ku mu da dang / ut+pal dang / pad+ma ge sar sbyar ba'i lde gu sbyin no/ /shri ka Ta ka dang / ka she ru ka mar dang / 'o ma dang sbyar ba'i bza' ba sbyin no//yang na pri yang ku dang / ut+pa la'i rtsa ba dang / u dum+bA ra gzhon nu 'di rnams phye mar byas te/ 'o ma dang / btung ba 'am/ yang na 'o ma dang bskol ba'i khu ba blud do/ /yang na 'bras sA lu'i rtsa ba dang / ka ko la dang / ba la rnam gnyis dang / shing mngar dang / bu ram shing 'di rnams chu dang 'o ma dang bskol la/ chu ni du 'o ma lus pa dang / sbrang rtsi dang / sha kha ras btab la sbyin no/ /yang na thang la gnas pa'i srog chags kyi sha bsil ba'i khu ba'i nang du sbrang rtsi dang / sha kha ras btab pa blud do/ /gzhan slon khrus ma gtogs pa phyi ma khrag mkhris gso ba'i cho ga thams cad skabs 'dir sbyar ro//zla ba gsum gyi bar du khrag dbyung ba dgag pa'i gso ba byas la/ bu legs par brtan par bya ba'i phyir bu gso ba la 'bad pa dang bcas par bya'o/ / ci ste khrag dbyung ba la sogs pa'i gso ba ma byas na ni mngal du bu mi 'chags shing brtan por mi 'gyur bar sman dpyad bya'o/ /gal te bud med la be'u snabs kyi nad byung na de la ni phan pa'i sman bsten par bya ste/ de yang bza' ba dang btung ba ni bsil ba'i bag gis lus kyi nang nas sbyar ro//sman yang kha ba dang bska ba'i rtsub chos bya'o/ /gzhan yang smyung ba bya zhing gla sgang dang / pu shel tse dang / sle tres dang / a ra lu dang / 'u su dang / byi tsher ba dang / bar pa ta dang / tsan+dan dang / bong nga dkar po dang 'di rnams chu dang bskol ba'i khu ba'i skom du blud do//zas su ni 'bru gsum po dang / ci tshe dang / khre dang / ci tshe rgod 'di dag gsum las g.yos su byas la sbyin no/ /yang na mon sran sde'u la sogs gang bu nas skyes pa'i sran ma'i rigs kyi u sha'i khu bcud dang gar ma'i zas lhan cig sbyin no/ /sman dang zas de dag gis ma zhu ba'i be'u snabs kyi nad zhi bar gyur na gong ma bzhin du bsil ba dang /snum chos la sogs pa phyi nang gnyis ka nas bya'o/ /gal te byis pa zla ba ma tshang bar phyir 'phyil bar gyur na de'i tshe zug gzer drag po myong ste de ma thag tu zug gzer mi dran pa dang / mngal bde bar bya ba'i phyir/ chang bzang po legs par smin pa yog tshad bud med la sbyin no/ /de nas rtsa ba chung ngu lnga bskol ba'i khu ba las gzhi blangs pa'i 'bras thug blud do/ /gal te chang mi 'thung ba zhig yin na ni tsha ba rnam pa lnga dang sbyar ba'i thug pa sbyin no/ /de nas bil ba la sogs pa'i rtsa ba chen po lnga bskol ba'i khu ba las gzhi blangs la gong gi 'bru gsum dang /til dang sbyar ba'i zan dron sbyin no/ /ci ste bu zla ba gcig lon pa na 'byil bar gyur na thug pa la sogs pa'i cho ga gong ma zhag gcig gi bar du sbyin no/ /de bzhin du zla ba bzhi nas brgyad kyi bar du zla grangs dang zhag grangs re rer sbyar ro//kha zas kyang yang bag tshod zin par bza' ste/ de yang snum dang lan tshwa med pa me'i drod skyed par byed pa'i sman na le sham la sogs pa tsha ba rnam pa lnga dang bcas pa byin na phan no/ /gong du bstan pa'i zas dang sman la sogs pa'i cho ga bstan pa ni srog zungs bdun dang chu ser dang /rlung mkhris la sogs pa 'khrugs pa zhi zhing bskom pa'i phyir bshad pa yin no/ /de nas de'i 'og tu snum pa'i bza' ba dang btung ba dang / ni ru ha btang na stobs dang ldan pa dang /me'i drod skyed par byed do/ /gzhan yang dzi ban ti'i sde tshan 'o ma dang sbyar la blud do/ /gzhan yang khong pa'i nang du bu la nad kyang med/ nyams stobs dang ldan bzhin du mo mtshan nas khrag 'dzag ste bu 'phel zhing rgyas par ma nus pa yang yod de/de 'phar ba'am 'gul bar mi snang na de'i so na gnas pa zhes bya ste/ de ltar na bu 'phel ma nus pa'i rgyus ma'i lto ba cher skye bar mi 'gyur ba yang yod do/ /gzhan mas mya ngan smyung ba dang / rtsub pa la sogs pa'i rgyus rlung 'khrugs pa 'am/ khrag mang po byung ba'i rgyus rlung 'khrugs pa'am/de gnyis gang yang rung ba'i rgyus bu de rid cing skems par 'gyur la/ de'i ming ni go da ra zhes bya ste/ nang gi bu'i 'gribs pa'i dbang gis sngar lto ba cher skyes na yang phyis 'grib par snang ste/ nang du 'gul ba yang yun ring po nas cung zhig 'gul pa yin no//de la so na gnas pa dang / nad go ta ra zhes bya ba 'di gnyis la ni nyams stobs skyed pa'i sman dang / rlung 'joms pa'i sman dang / mngar ba'i sman dang / mar dang / 'o ma dang / re'u btsas ma thag pa'i sha dang /'di rnams legs par sbyar la ma la tshim tshad du sbyin no/ /de'i 'og tu bzhon pa la bskyon te cung zhig bskul lo/ /khong pa na nang gi bu'i tshad sngon po zhes bya ba 'gul mi shes pa yod de/ de la ni bya she na dang / go bad tsha dang / ug kro sha dang / rma bya dang / 'di rnams kyi sha'i khu ba'i nang du mar mang po blugs pa'am yang na mon sran gre'u dang / la phug gi khu ba'i nang du mar mang po blugs la sbyin pa 'am/ yang na bil ba gzhon nu dang / til dang / mon sran gre'u dang / phye dang 'di rnams chu dang 'o ma dang bskol ba'i thug pa blud do//rked pa man chad til mar gyis bsku byug bya ste/ srog chags gzhon nu'i sha zos la/ de dang rgun chang dang lhan cig sbyin no/ /bud med sbrum ma la ni rtag tu 'byung bar 'ong ngo / /zhes dga' ba'i sems skyed de/ de la kha zas la sogs pa mi mthun pa bsten pa'i dbang gis lus yongs su rdzogs na yang lo grangs su 'dug ste/shin tu dka' bas nyam thag sde mi 'byung ba yang yod/ la la dag ni 'byung ba yang yod do/ /bud med sbrum ma la'ang rtug pa 'gags pa'i nad byung na de la ni snum chen po bzhi gang dang 'byor ba'i 'jam rtsi mas gtong na de ma thag 'byung ba'i rigs so//gal te nad gzhi 'khrugs pa'am ma sngon gyi las kyis ma bu gnyis ka 'chi ba yang yod do/ /de'i rtags ni lto ba'i nang grang ba dang / rengs pa dang / sbo ba dang / nad tshabs che ba dang / nang gi mi 'gul ba dang / mgo 'khor ba dang / skom dad che ba dang / dbugs nyam thag par 'byin pa dang / lus dub pa dang / gnas la sogs pa la mi dga' ba dang / rtabs mig tu blta ba dang / rtags de dag dang ldan zhing bu phyir skye ba'i mtshan ma mi snang na nges par bu nang du shi ba'i rtags so//gal te bu nang du shi ste mthon na chu dron pos mngal gyi sgo khrus bya'o/ /phabs dang bu ram dang lan tshwa lhan cig sbyar ba'i lde gus mo mtshan gyi nang du bsku zhing de nas mu dza ra'i phye ma dang / mar sbyar ba'i lde gus mo mtshan gyi nang du yang dang yang phul zhing dgang bar byas na nang nas dbyung ba'i rigs so//thabs de dag gis ma byung na srid srung gi rig byed kyi sngags kyis btab la dbyung ngo / /des kyang ma thon na rnal 'byor ba'i ting nge 'dzin bsgom mo/ /gzhan yang sha ma 'byung ba'i sman lang ka li la sogs pa'i sbyor ba thams cad kyang skabs 'dir sbyar ro//de dag gis kyang ma thub na/ rgyal po la zhu ba'i thag bcad de/ de'i 'og tu sman pas sen mo bregs la ma dza ra'i phye ma mar dang sbyar la mo mtshan gyi sgo dang lag pa bskus te/nang du bcug nas drang por 'dug na ni lag pas phrad ma thag tu dbyung / gal te lus gzhan du 'gyur ba'am lus gong 'og tu 'chugs pa'am/ gang ltar yod pa legs par myangs te/ mo mtshan gyi lam du dgug go/ /ji ste mgo drang por yar bltas te 'dug na yang mar bzlog la dbyung ngo //de yang phan tshun bsdu la btsir zhing dbyung sla ba'i thabs sna tshogs bya ste/ ci legs su dbyung ngo / /gal te lag pa gnyis sngon du byung ngam/ yang na rkang pa sngon du byung ngam/ mgo 'ba' zhig sngon du 'byung ste/ de yang 'chus pa'am log par byung na de ni sham pa zhes bya ste thabs ci yod pas brtags te phyir dbyung ngo //gzhan yang bu'i rkang pa gcig ni bshad pa'i lam du zhugs la gcig ni mo mtshan gyi phyogs su zhugs te 'dug na/ de yang ni sham pa zhes bya ste/ de ni lag pas dbyung bar mi nus te mtshon gyis dbyung bar 'os pa yin no//de yang mtshon 'di 'dra ba las bya bar bsngags te/ mtshon gyi dbyibs rtse mo dkyil 'khor 'dra la so ni mdzub mo'i sen mo'i dbyibs dang 'dra ba dang / 'phel btsags zhes bya ba dbyibs su spu gri 'dra ba dang / dkyil 'khor gyi rtse mo 'dra ba dang de gsum las kyang 'phel btsags ni rtse mo rno bas nang du mi gtang ngo //de bas na sman pa mkhas pa las kyi bya ba la goms pas mtshon legs par bya ste/ mgo bo'am rkang pa la sogs pa gang bde ba'i phyogs na yod pa de lcags kyus dam du bzung ste/mtshon gyis bcad cing lcags kyus drangs la dbyung ngo / /de bzhin du yan lag lhag ma yang bcad cing rim gyis phyir dbyung ngo / /gal te bu'i nang chal sogs pa ma'i khong par lus pa'i mtshan ma ni lto ba cung zhig grang bar 'dug ste/ de la ni bud med kyi lto ba dbugs kyis bkang ba ltar byas la phyir btsir na 'byung bar 'gyur ro//des 'byung du ma 'dod na yang gong ma ltar bcad cing dbyung ngo / /gzhan yang bu ma'i rked pa la brten te 'dug pa yod do/ /de ni rlung gis de la 'byar bar byas pa yin pas thog mar thod pa bcad la lcags kyus phyir drangs la dbyung ngo //lag pa yang dum bu dum bur bcad cing dbyung ste/ bud med kyi rgyu ma la sogs pa la mtshon gyis ma phog par bag bya'o/ /rlung shas cher 'khrugs pa'i dbang gis khong pa'i nang du bu mi 'gul zhing rengs pa la sogs pa sna tshogs su 'gyur bar byed de/de bas na sman pa mkhas pas legs par brtags te dpyad bya ba yin gyis blo zhan pa'i sman pa mi mkhas pa rtsing po ma brtags pa rnams kyis blun chos su bya ba ma yin te/ ci'i phyir zhe na gal te bu ma shi bar dpyad drag po mtshon gyi las byas na ni/ma dang bcas par 'chi la gnyis ka srog gcig par blta ste de ma thag 'chi'o/ /de bas na thog mar mtshon gyi las mi bya bar drang ba'i thabs sna tshogs bya'o/ /gzhan du na mo mtshan zhum par gyur pa dang / mo mtshan phyir log pa dang /de bzhin du gong du smos pa'i brnag dka' ba'i nad 'byung ba dang / dbugs mi bde bas gzir ba dang sgregs pa mnam po 'byung ba dang / lus grang ba dang mtshan ma 'di dag dang ldan pa'i bud med kyi ni yongs su spang bar bya'o/ /bud med bu byung nas sha ma dbyung du ma 'dod na gong du smos pa'i gser gyi me tog la sogs pa'i sbyor ba bya'o//bu dang / sha ma byung zin nas chu dron pos khrus byas la snum gyis bsku byug bya'o/ /de nas mo mtshan gyi sgo nas snum dang bcas pa'i ras bal gyis bcug na 'jam par 'gyur zhing zug gzer yang zhi bar 'gyur ro//de'i 'og tu la la phud dang / bong nga gnyis dang / ra sna dang / shing kun dang / sug smel dang / tsha ba rnam lnga dang 'di rnams kyi phye ma mar dang sbyar ba'am/ yang na bskol ba'i khu ba mar dang sbyar ba btung bar bya'o/ /yang na pu tse shel dang /bong nga dkar po dang / ka TA ga dang / shing kun dang / te dzo ba ti dang 'di rnams btags te phye mar byas pa'am/ yang na bskol ba mar dang ldan par blud na bud med kyi mngal nad khrag 'dzag pa zhi bar byed de zhag gsum gyi bar du bya'o/ /de nas zhag gsum gyi bar du snum las gzhi blangs pa'i bza' ba dang btung ba sbyin no//sman bskol ba'i chang ngam/ a sa ba legs par sbyar ba'i chang phyi dro'i dus su skom du blud do/ sman shi ri sha dang / ka ku pa gnyis bskol ba'i khu ba'i nang du ras bal sbangs pa mo mtshan gyi nang du gzhug go//de bzhin du nad gang yang rung / glo bur du byung na/ so so'i nad dang mthun pa'i sman sbyar ro/ /rlung 'joms pa'i sman rtsa ba bcu pa'o/ /mar dang bskol ba las gzhi blangs pa'i bza' ba sbyin no/ /de nas zhag bcu'i bar du sha khu dang bcas pa'i zas sbyin no//de nas zhag bcu'i bar du zas yang ba dang / phan pa dang / nyung ba'i bza' ba sbyin no/ /de nas zla ba bzhi'i bar du bza' ba nyung zad sbyin zhing / 'og nas 'byung ba'i sman las sbyar ba'i til mar bsten par bya'o/ /de yan chad ni ci bde bar spyad de bsrung mi dgos so//sman ba la'i mar zhes bya ba ni ba la cham chom brdungs te chu dang tshul bzhin du bskol la drug cha lus pa dang mnyam pa'i de dang 'o ma dang bsres pa de'i nang du nas dang / rgya shug dang / rgya sran dang / rtsa ba bcu pa 'di rnams cha gcig dang / til mar cha bcu bzhi dang / me da rnam gnyis dang / thang shing dang / btsod dang / ram nye ba rnam gnyis dang / thal tres dang / ru rta dang / rgya spos dang / dzi ba ka dang / zangs rtsi ba dang / lce myang tsha dang / gla sgang dang / rdo dreg dang / shu dag dang / a ka ru nag po dang / ba spru ba rnam gnyis dang / a shwa gan+d+ha dang / nye'u shing dang / pa yas s+ya dang / shing mngar dang / ba la ra sa dang / shu ti dang / mung+ga par+Ni dang / ma sha par+Ni dang / sug smel dang / shing tsha dang / gan+d+ha b+ha dra dang / 'di rnams zhib tu btags te lhan cig tu me mi che bas bskol la til mar 'ba' zhig lus pa dang /de las ran par 'thungs na rlung las gyur pa'i nad thams cad las rgyal te khyad par du bud med bu btsas ma thag pa dang / byis pa'i mig gnad na ba dang / rus pa chag pa dang / 'di rnams la rab tu bsngags so/ /gzhan yang rims dang /skran dang / gdon dang / smyo byed dang / gcin nad dang / rgyu ma cher skyes pa'i nad las rgyal bar byed pa yang 'di yin te/ mchog tu mo mtshan ral ba dang / bud med kyi nad thams cad la phan no zhes drang srong chen po thang la 'bar gyis bshad do/ /de de la bu ma btsas par ma shi bar gyur na de ma thag ma'i lto ba lag pas myangs te bu nang du 'gul na de kho na skyes pa'i dus yin pas chu so'i sgo nas dral te myur du bu dbyung bar bya'o//thog ma ma'i mngal du khu khrag chags nas zla ba dang po la bab pa'i tshe na shing mngar dang / shing sha ka'i sa bon dang /pa yas s+ya dang / thang shing dang de rnams sbyar ro/ /zla ba gnyis pa la bab pa'i tshe na sru sru'i rtsa ba dang / til nag po dang / btsod dang / nye'u shing dang de rnams sbyar ro/ /zla ba gsum pa la bab pa'i tshe na ni/ pa yas s+ya dang / pri yang+ku dang / ut+pa la dang /thal tres dang de rnams sbyar ro/ /zla ba bzhi pa la bab pa'i tshe na ni/ byi tsher ba dang / thal tres dang / ra sna dang / pad+ma ra tsi dang / shing mngar dang de rnams sbyar ro/ /zla ba lnga pa la bab pa'i tshe na ni bri ha ti rnam gnyis dang / tang bal dang / shing 'o ma can gyi myu gu dang /shun pa dang / mar dang de rnams sbyar ro/ /zla ba drug pa la bab pa'i tshe na ni/ kr-iSh+Na par+Ni dang / pa la dang / na le sham dkar po dang / gze ma dang / sle tres dang de rnams sbyar ro/ /zla ba bdun pa la bab pa'i tshe na ni/ sman shing ka tra ka dang / pad+ma'i rtsa ba dang /rgun 'brum dang / ka she ru dang / shing mngar dang / ka ra dkar po dang de rnams sbyar ro/ /de ltar zla grangs dang sbyar ba'i sbyor ba bdun po kun la 'o ma dang sbyar la btang ste de ltar zla ba bdun gyi bar du khrag 'dzag pa bsrung ba'i phyir gong ma'i sbyor ba bstan pa yin no/ / zla ba brgyad pa la bab pa'i tshe na ka pid tha bil ba dang / bri ha ti dang / bu ram shing dang / kaN+Da ka ri dang / 'di rnams kyi rtsa ba 'o ma dang lhan cig bskol la blud do/ /zla ba dgu pa la bab pa'i tshe na ni/ thal tres dang / a nan ta dang / pa yas s+ya dang / shing mngar rnams 'o ma dang sbyar la gtang ngo //zla ba bcu pa la bab pa'i tshe na pa yas s+ya dang sbyar ba'i 'o ma blud do/ /yang na shing mngar dang bca' sga dang thang shing rnams 'o ma dang sbyar la sbyin no/ /yang na bud med kyi zla mtshan zla ba re re 'byung ba las gal te ma byung na de ni rlung gis khrag bsgongs pa yin pa las/'dir mngal chags pa'i mtshan nyid la mngon par mi mkhas pa dag ni bu 'chags pa yin no zhes smra'o/ /de yang sman tsha ba dang dro ba dang / rno ba zos pa las khrag bsgongs pa nyi tshe phyir byung ba na/ mi blun po la la dag byis pa 'byung pos zos pa yin no zhes smra mod kyi/lus can mngon sum du ma gyur te med do/ /ci ste 'byung po za ba yod na yang gzi brjid dam mdangs tsam 'phrog gi lus mngon sum du chud gson par snang ba ni mi srid do/ /de bas na khrag ma byung ba la bu chags par 'dzin pa ni 'byung pos ma zos bzhin du zos pa'i rtogs pa yongs su spang bar bya'o//lus kyi gnas las le'u gnyis pa rdzogs so// //byis pa rum du chags pa'i rkang lag gi bye brag bstan pa'i le'u bshad par bya'o/ /de la lus zhes bya ba 'di ni mdor bsdu na yan lag drug tu 'dus te de yang gang zhe na/mgo bo dang dpung pa gnyis dang / brla gnyis dang / khong pa dang drug go/ /drug po de dag gi nying lag tu gtogs pa gang zhe na/ mgo bo'i nying lag ni mig dang rna ba la sogs pa'o/ /khong pa'i nying lag ni snying dang lte ba la sogs pa'o//dpung pa gnyis kyi nying lag ni gru mo dang lag pa la sogs pa'o/ /brla gnyis kyi nying lag ni rkang pa gnyis dang pus mo la sogs pa'o/ /yang sems can gyi lus la 'byung ba chen po lnga tshang bar yod de/ de gang zhe na nam mkha' dang / rlung dang / me dang /chu dang / sa dang lnga'o/ /lnga po de dag gi yon tan dang / sgra dang / reg pa dang / gzugs dang / ro dang dri 'di dag go rims bzhin du yon tan du bltas te/ de yang ji lta zhe na rim pa bzhin du yon tan 'og ma re re che ste/ de la nam mkha'i yon tan ni sgra'o//rlung gi yon tan ni sgra dang reg bya'o/ /me'i yon tan ni sgra dang reg bya dang gzugs so/ /chu'i yon tan ni sgra dang / reg bya dang / gzugs dang ro'o/ /sa'i yon tan ni sgra dang / reg bya dang / gzugs dang / ro dang / dri ste lnga char dang ldan pa yin no//de yang lus can rnams kyi rna ba'i dbang po gang yin pa de las 'byung ba chen po nam mkha' gnas pa'i yon tan gyi sgra thos pa yin te/ sgra'i mtshan nyid ni stong pa'o/ /lus la rlung gnas pas ni lus kyi dbang pos reg pa tshor bar byed pa'i yon tan dang dbugs gyen du 'byung bar byed pa'o//me'i khams lus la gnas pas ni mig gi dbang pos mthong ba dang gzugs kyi yon tan dang smin pa'o/ /chu'i khams lus la gnas pas ni lce'i dbang po dang / ro'i yon tan dang gsher ba'o/ /sa'i khams lus la yod pas ni sna'i dbang po dang /dri'i yon tan dang / rus pa'o/ /gzhan yang lus la 'jam pa thams cad ni ma las skyes pa yin te de yang khrag dang / sha dang / rkang dang / gzhang dang / snying dang / pho ba dang / mngal gyi gnas dang / mcher pa dang /mchin pa la sogs pa'o/ /gang lus kyi sra ba thams cad ni pha las skyes te/ khu chu dang / chu ba dang / rus pa dang / skran dang / sen mo la sogs pa'o/ /de la yid gang la mos pa bzhin du mi dang / rta dang / glang po che la sogs pa 'gro ba drug tu skye ba sna tshogs len par 'gyur ro//zas gang la dga' ba ma bkag cing zos pa las ni tshe ring ba dang / nad med pa dang / snying stobs dang / gzi byin dang ldan par 'gyur ro/ /de la kha zas kyi dngas ma las lus skyes pa yin te/ 'phel zhing rgyas pa yang bcud las gyur pa yin no//bcud kyis bskyed pa'i mi ni lo bdun yang chung bar lta'o/ /snying stobs can gyi rang bzhin gyi mi ni lus ngag yid gsum dag pa dang / 'jig rten pha rol yod par lta ba dang / dkar po'i chos sbyin pa la sogs pa la dga' ba'o/ /rdul gyi rang bzhin gyi mi ni mang du smra ba dang /nga rgyal che ba dang / khro bag can dang / tshul 'chos byed pa dang / phrag dog can la sogs pa'o/ /mun pa can gyi rang bzhin gyi mi ni gnyid che ba dang / le lo che ba dang / 'jigs skyen pa dang / rmongs pa dang / sems gdung ba la sogs pa'o//de yan chad sems can rnams kyi lus kyi rang bzhin bstan zin to/ /da ni lus kyi tshad bshad par bya ste/ lus la pags pa rim pa bdun yod de/ dper na 'o ma bskol ba las spris ma chags pa bzhin du khrag la sogs pa lus kyi khams bdun po yang rang rang gi drod kyis yongs su smin pa las pags pa rim pa re re skye ste de dag kyang bad kan dang rgyus pas g.yogs par gnas so//khams bdun po de dag kyang gang zhe na/ khrag dang / bad kan dang / pho ba dang / mkhris pa dang / long ka dang / rlung dang / gcin dang / bdun po de dag rlung dang bcas par lus kyi snying por blta ste dper na shing gi snying po bzhin no/ /bud med kyi long ka dang mkhris pa'i bar na mngal gyi gnas yod de brgyad du bshad de/ khong pa'i nang gi yan lag gzhan yang snying dang / glo ba dang / mcher pa dang / mchin pa dang / an da ka dang / mkhal ma dang / lte ba dang / dran pa dang / lgang pa'o/ /srog gi gnas bcu zhes bya ba ni mgo bo dang / lce'i tshor ba'i gnas dang / mkhris pa dang / khrag dang / snying dang / lte ba dang / chu so dang / khu chu dang / mdangs dang / bshang ba'i lam dang bcu po de dag go/ /lus la chu ba chen po bcu drug gis dra ba ltar khyab pa yod de de yang gang zhe na lgang pa gnyis la chu ba chen po gnyis gnyis/ lag pa gnyis la chu ba chen po gnyis gnyis/ mgrin pa'i phyogs nas bzhi bzhi ste bcu drug go/ / lus la chu ba chen po drug yod de/ mgrin pa dang / lag pa gnyis dang / rkang pa gnyis dang / pho mtshan gyi chu ba ste drug po des spu gshibs pa ltar byas pa'o/ /lus la rgyus pa bdun yod de/ mgo bo la lnga dang / lce dang pho mtshan la re re ste de dag la mtshon gyi las mi bya bar bshad do//thag pa lta bu'i sha chen po bzhi yod de/ mdun rgyab nas gnyis gnyis te bzhis 'dzin thag tu byas pa'o/ /rus pa'i tshogs 'dus pa bcu bzhi ste/ long mo gnyis dang / pus mo gnyis dang / brla brag gnyis dang / mkhrig ma gnyis dang / mchan khung gnyis dang / gru mo gnyis dang / mgo bo dang / mjug to ste bcu bzhi'o/ /lus la gnad kyi tshigs chen po bco brgyad yod de gang zhe na mgo bo la lnga dang / mjug to gcig dang / long mo gnyis dang / pus mo gnyis dang / brla brag gnyis dang / mkhrig ma gnyis dang / mchan khung gnyis dang / gru mo gnyis dang bco brgyad do/ /lus la so dang sen mo dang bcas pa'i rus pa sum brgya drug cu yod de/ de yang yan lag bzhi la brgya bzhi bcu/ khog pa la brgya nyi shu/ mgo bo la brgya'o/ /drang srong thang la 'bar gyi bzhed kyis ni lus la rus pa sum brgya yod par bzhed de/lus la rus pa'i tshigs nyis brgya bcu yod do/ /yan lag bzhi la drug cu rtsa brgyad/ khog pa la lnga bcu rtsa dgu/ nam tshong yan chad la brgyad cu rtsa gsum mo/ /slob dpon rgyun shes kyi bu'i bzhed kyis ni tshigs nyis stong du 'dod do//drang srong rgyun shes kyi bu na re rtsa dang rgyus pa dang / sha rus kyi gzungs dang gsum la nyis stong yod do zhes zer ro/ /lus la rgyus pa dgu brgya yod de/ yan lag bzhi la sum brgya/ nam tshong yan chad la bdun cu/ khog pa la lnga brgya sum cu'o/sha'i spar tshad ni lnga brgya yod de de yang yan lag bzhi la bzhi brgya/ khog pa la drug cu/ nam tshong yan chad la bzhi bcu yod do/ /bud med la nyi shus che ste de yang nu ma la bcu/ mo mtshan la bcu ste nyi shu'o/ /snying la 'byung ba'i rtsa chen po bcu yod de/de las gyes pa'i rtsa bdun brgyas lus thams cad du khyab ste/ shing gi lo ma lta bu'o/ /zas 'ju ba'i dngas ma dang / mdangs zhes bya ba'i snying la gnas pa gnyis rtsa'i sbubs nas 'jug ste lus thams cad du des khyab par byed do/ /de yang yan lag bzhi re re la yang brgya brgya yod de/de dag las kyang mtshon gyis dbug tu mi rung ba ni rtsa ba'i dri ma 'dzin pa zhes bya ba'i rtsa chen po bzhi nang na yod de/ dbug tu mi rung ngo / /dbug tu rung ba ni yan lag bzhi la rtsa bzhi bzhi ste bcu drug go/ /rked pa la sum cu rtsa gnyis yod/de dag las kyang mtshon gyis dbug tu mi rung ba ni rked pa'i gnas gnyis su gnyis gnyis dang / brla brag gnyis su gnyis te brgyad po 'di dag tu ni mtshon gyis reg tu yang mi rung ste bsrung ngo / /rtsib logs gnyis su brgyad brgyad de bcu drug yod do//de yang gyen du 'gro ba'i rtsa rtsib logs kyi mdud pa zhes bya ba re re yod de der mtshon mi gdab bo/ /rgyab kyi sgal tshigs las g.yas g.yos su gyes pa bcu gnyis te nyi shu rtsa bzhi yod de/ de las gyen du 'gro ba'i rtsa gnyis yod pa der mtshon gdab tu mi rung ngo / / sgal tshigs la ji ltar lto la yang de ltar yod de/ de las lte ba las mar spu skyes pa'i g.yas g.yos su rtsa gnyis gnyis gyes pa bzhi yod de/ de dag la mtshon gdab tu mi rung ngo / /brang la rtsa bzhi bcu tham pa yod de/ de dag las bzhi ni dbug tu mi rung ste/ de las kyang nu 'jing gnyis kyi rtsa ba na gnas pa'i rtsa gnyis dang snying gi drang thad brang gi dkyil na g.yas g.yos su gyes pa'i rtsa gnyis dang sgrog rus kyi spyi mdud nas brang g.yas g.yos su gyes pa'i rtsa gnyis de rnams so//mgrin pa la rtsa nyi shu rtsa bzhi yod de/ de las rtsa bcu drug ni dbug tu mi rung ste/sngon po zhes bya ba'i rtsa gnyis dang / srol gong g.yas g.yos kyi rtsa gnyis dang / ltag pa'i rtsa gnyis dang / srol gong gi steng gi rtsa gnyis sna rtsa g.yas g.yos nas byung ba'i rtsa bzhi bzhi'o/ /'gram pa la rtsa bcu drug yod de/ de la dbug tu mi rung ba ni 'gram pa gnyis kyi sbrel mtshams na rtsa re re yod/lce la yang bcu drug yod de/ de la lce phugs na ro tshor ba'i rtsa gnyis dang / lce'i rtse mo na smra bar byed pa'i rtsa gnyis te bzhi po de dag dbug tu mi rung ngo / /sna la rtsa nyi shu rtsa bzhi yod de/ de las dbug tu mi rung ba ni gsum yod de/ dri tshor bar byed pa'i rtsa gnyis dang / rkan du 'gro ba'i rtsa gcig dang gsum mo/ /mig gnyis la rtsa lnga bcu rtsa drug yod de/ mig 'byed pa dang 'dzums pa'i las can yin te/ de las dbug tu mi rung ba ni drug yod de/ mur 'gram logs kyi grwa gnyis kyi gnyis gnyis dang /sna gong gi phyogs kyi mig gi grwa gnyis te re re ste drug go/ /dpral ba la rtsa drug cu yod de/ de la dbug tu mi rung ba ni bdun te mig gnyis kyi drang po dpral ba'i skra mtshams 'khyil pa na rtsa re re dang / dpral ba'i dbyes skra mtshams su zhugs pa'i rtsa bzhi dang sna gong nas dpral ba'i dbus su 'gro ba'i rtsa gcig ste bdun no//rna ba g.yas g.yon gnyis nas rtsa brgyad brgyad de bcu drug yod do/ /de la dbug tu mi rung ba ni sgra thos par byed pa'i rtsa stong pa re re'o/ /mur 'gram gnyis la rtsa brgyad brgyad de bcu drug yod de/de la dbug tu mi rung ba ni mur 'gram gyi mtshams su 'gro ba'i rtsa re re'o/ /mgo bo la rtsa bcu gnyis yod de/ de la mtshon gyis dbug tu mi rung ba bzhi bzhi ste skra'i dbye mtshams mtshog ma nas spyi bo'i steng du 'gro ba'i rtsa lnga las dbus ma dang ldan pa g.yas g.yos nas steng du 'gro ba'i rtsa re re dang spyi bo'i steng na yod pa'i rtsa gcig ste/bzhi po de dag ni dbug tu mi rung ngo / /de la sogs pa dbug tu mi rung ba'i rtsa dgu bcu rtsa brgyad las med do/ /gzhan yang lus kyi dbug par mi bya ba'i rtsa ni rtsa ba gcig la gcig 'brel ba'i steng dang /rtsa mdud par 'chas pa'i steng / rtsa shin tu phra ba dang / rtsa yon po'i steng dang / de bzhin du tshigs kyi steng na gnas pa'i rtsa dang / rus pa'i steng na gnas pa'i rtsa la yang dbug tu mi rung ngo / /de ltar rtsa bdun brgyar bshad pa las cha bzhir bgos te rtsa brgya bdun cu rtsa lnga'i nang du ni khrag 'ba' zhig rgyu'o//brgya bdun cu rtsa lnga'i nang du ni rlung mkhris gnyis 'dres pa rgyu'o/ /brgya bdun cu rtsa lnga'i nang du ni rlung dang bad kan rgyu'o/ /de la rlung la sogs pa'i nad gzhi de dag legs par gnas na ni 'phel zhing rgyas par 'gyur ro//gzhan du 'gyur na ni na ba dang gnod pa skyed par 'gyur ro/ /de dag las kyang rlung dang khrag gnyis 'dres pa'i rtsa'i rtags ni dmar la gnag pa'i mdog dang ldan pa'o/ /de bzhin du res 'ga' ni sbom/ res 'ga' ni phra/ bar 'ga' ni stong / bar 'ga' ni gang ste/de yang shin tu 'gul ba'o/ /mkhris pa dang khrag gnyis kyi rtags ni res 'ga' na zhing tsha ba dang / de bzhin du khrag khrag tu 'byung ba dang / mdog sngo zhing ser por 'dug pa'o/ /bad kan dang khrag gnyis 'dres pa'i rtsa'i mdog ni dkar la cung zad dmar ba dang /snum pa dang brtan pa dang reg na grang ba'o/ /'dus pa'i rtsa'i rtags ni mtshan ma 'chol bar snang ba'o/ /nad med pa'i rtsa'i rtags ni rtsa mi mngon pa dang mnyam pa dag tu 'byung ba dang snum pa dang / dmar ba'i mdog tu snang ba ni khrag dang ba'i rtags yin no/ /lte ba nas rtsa sbubs 'dra ba nyi shu rtsa bzhir phyogs bzhir gyes pa yod de/de yang dper na shing rta'i lte ba rtsibs kyis bskor ba bzhin no/ /gzhan yang ji ltar mtsho chen po las yur chu kun tu drangs nas/ sa bon 'dres pa dang 'dra bar lte ba las gyen du bcu/ thur du bcu/ g.yas g.yos su gnyis gnyis su gyes nas de'i rgyun srang phyi rol gyi bu ga dgur 'byung ste/de yang gang zhe na sna'i bu ga gnyis dang / mig gnyis dang / rna ba gnyis dang / kha'i bu ga dang / bshang ba'i sgo dang / gcin gyi sgo dang dgu'o/ /bud med la gsum gyis che ste/ nu ma gnyis dang zla mtshan 'byung ba'i bu ga ste bcu gnyis po de dag tu 'byung ngo //srog gi rlung la sogs pa rgyu ba'i rtsa'i rgyun bcu gsum khong pa'i nang du rgyu ba yod do/ /de yang srog ces bya ba ni rlung rgyu ba'i rgyun srang dang / de bzhin du dngas ma la sogs pa lus kyi khams bdun rgyu ba'i rgyun srang dang dri ma rnam gsum gcin dang sla rtsa dang rdul 'byung ba'i rgyun srang dang chu 'byung ba'i rgyun srang dang bcu gsum mo//kha zas la sogs pa mi mthun pa bsten pa'i rgyus gong ma de dag na'ang 'khrugs par byas pa las ni lus kyi nad skyed par byed la/ mthun pa bsten pa las ni nad med pa dang bde ba skyed par byed do/rgyun srang ngam sbubs de dag gi mdog kyang srog zungs la sogs pa rang rang gi mdog ltar snang ngo / /dbyibs kyi bye brag kyang kha cig ni zlum/ kha cig ni sbom/ kha cig ni phra/ kha cig ni ring ngo / /rgyun srang de dag gi rang bzhin yang shing gi lo ma'i rtsa ba bzhin du sna tshogs su 'phro bar blta'o//gzhan yang kha zas mi mthun pa bsten pa las kyang rgyun srang de dag 'khrugs pa yin te/ de yang rlung dang rtsub bag lhan cig bsten pa dang / mkhris pa dang tsha ba'i zas lhan cig bsten pa dang / bad kan dang /snum bag lhan cig bsten pas rang rang gi rgyun srang 'khrugs par byed do/ /yang na lus ngag yid gsum gyi spyod lam nad gzhi dang mi mthun pa lhan cig spyad pa las kyang tshul de ltar blta'o/ /lus kyi khams bdun po rang rang dang mi mthun pa'i kha zas dang spyod lam bsten pa las rang rang gi rgyun srang 'khrugs pa yin no//de ltar kha zas dang spyod lam gyi mthun pa bsten pas so sor rgyun srang 'khrugs pa'i mtshan ma ni gcin sri zhing 'gags pa'am/ yang na snyi zhing mang du zag pa'am/ phyi sa yang dang yang ni 'khru zhing mang du 'byung ba dang / de bzhin du gzhan dag la yang de ltar sbyar bar bya'o/ /yang na rtsa mdud 'chas pa dang / rang rang gi lam spangs nas gzhan nas 'byung ba yang 'khrugs pa'i rtags so/ /ji ltar pad+ma'i rtsa ba'i sbubs phra mo mang po rlung dang rlan la sogs pa 'gro bzhin du gong du smos pa'i rgyun srang ni sbubs phra mo lus thams cad du khyab par 'gro ba la de dag las kyang dngas ma la sogs pa khyab par 'gro ste/des lus 'phel zhing rgyas par 'gyur ro/ /gal te rgyun srang de dag zug rngus rdol bar gyur na de'i rtags ni nges par 'chi ba'am/ yang na dran pa nyams pa dang / lus 'dar ba dang / lto sbo ba dang / skyug pa dang / lus tsha ba skyes pa dang / glal ba dang / gzer ba dang / bshang gci 'gags pa dang / mtshan ma de dag snang bar 'gyur ro/ /ci ste rtags de dag dang ldan na de'i 'tsho ba ni the tshom dang bcas pa yin pas sman pas gso ba'i las brtsam par bya ste/de yang ma byas na ni nges par 'chi ba yin pas de la ni 'bad pa dang bcas par mtshon gyi las bya ste rma gsar pa gso ba'i cho ga bzhin du bya'o/ /de la kha zas 'ju bar byed pa ni mkhris pa 'ju bar byed pa yin te/ des ji ltar 'ju ba ni mdo'i gnas su blta'o//drang srong rgyun shes kyi bu na re nad gzhi gsum dang lus zungs bdun dang dri ma gnyis dang 'di rnams kyi drod kyis kha zas 'ju bar byed do zhes zer ro/ /kha zas de yang rlung dang mkhris pa gnyis kyis pho ba'i nang du 'ju bar byed do/ /drang srong thang la 'bar na re pho ba ni mkhris pa 'dzin pa zhes bya ba de yang de nyid yin no zhes zer ro//pho ba de ma zhu ba'i gnas la brten te/ de nas tshe dang stobs dang / gzi mdangs dang / 'byung ba chen po lnga'i me dang / khams bdun po 'phel zhing rgyas par byed do/ /gal te zas 'ju ba'i lam pho ba'i nang gi me'i stobs chung na ni/dper na sgo gtan bcug na rgyu 'drul byar med pa dang 'dra bar rgyu ba bkag ste mi 'ju ba yin la ci ste mkhris pa'i me'i stobs che na ni ma zhu ba'i zas 'dren cing smin la 'ju bar byed do/ /yang na zas zos na pho ba'i gnas su 'gro ste/de'i me drod kyis 'ju ma nus na 'og tu thal byung du ma zhu bar 'khru ba yang yod do/ /mkhris pa 'ju byed dang mnyam du gnas pa'i rlung stobs chung ba la pho ba'i nyam chung zhing na bar 'gyur ro/ /de dag stobs mnyam pa ni lus 'phel zhing rgyas par 'gyur ro/ /de la gnas skabs dang po kha zas zos pa'i dus su srog ces bya ba'i rlung gis nang du mid cing 'og tu 'phul bar byed do//de nas pho ba'i nang du phyin pa dang / skom dang 'dres pas rkyang rkyang po byas te 'dug pa dang / de'i 'og tu mkhris pa 'ju byed de me dang mnyam du gnas pa'i rlung gis stobs can du byas nas 'og tu 'dren te 'ju zhing tshos par bya ba ni ji ltar phyi rol gyi mes snod la 'bras 'tshod pa bzhin no//gnas skabs gnyis pa la ro rnam drug gang zos kyang rung khong pa'i mes 'ju bar byed pa na/ ro dang po dbu ba can bad kan du 'gyur ro//de ltar rim gyis 'ju ba na/ skyur mor 'gyur te mkhris par 'gyur ro/ /de dag kyang gang nas 'byung zhing gang du 'ju zhe na ma zhu ba'i gnas nas byung zhing zhu ba'i gnas su phyin pa na khong pa'i mes smin cing tshos par byed do/ /'ju ba'i gnas skabs na rlung gi bdag nyid du phyin pa na gong bur 'gyur zhing ro tsha bar 'gyur ro//de nas 'byung ba chen po lnga'i zas kyi dngas ma'i yon tan so so dang mthun pas nam mkha' la sogs pa 'byung ba chen po lnga lus la yod par rang rang gi khams su 'jug cing rgyas la 'phel bar byed do/ /de ltar kha zas 'ju ba'i 'og tu/dngas ma dang tshigs ma gnyis su 'gyur te/ de yang tshigs ma las gang dang ba dang sla ba ni gcin du 'gyur la/ gang ska zhing tshigs ma las phyi sar 'gyur ro/ /dngas ma las ni rang gi mes 'ju bar byas nas lus zungs rnam pa bdun du 'gyur ro/ / dngas ma rang gi drod kyis smin par byas pa las khrag tu 'gyur ba nas sha dang tshil dang / rus pa dang / rkang dang / khu chu'i bar du rim gyis 'gyur ro/ /de la dngas ma la sogs pa lus zungs bdun po re re la yang dngas ma dang snyigs ma gnyis su dbye ste/ dngas ma'i dngas ma las ni khrag tu 'gyur ro//dngas ma'i snyigs ma las ni bad kan du 'gyur ro/ /khrag gi dngas ma las ni shar 'gyur ro/ /snyigs ma las ni mkhris par 'gyur ro/ /sha'i dngas ma las ni tshil du 'gyur ro/ /snyigs ma las ni rngu ma dang / rna spabs dang / ba spu'i dri ma rnams su 'gyur ro//tshil gyi dngas ma las ni rus par 'gyur ro/ /snyigs ma las ni dbu bar 'gyur ro/ /rus pa'i dngas ma las ni rkang du 'gyur ro/ /snyigs ma las ni skra dang sen mor 'gyur ro/ /rkang gi dngas ma las ni khu chur 'gyur ro/ /snyigs ma las ni pags pa snum par 'dug pa yin no//khu chu'i dngas ma las ni bur 'gyur ro/ /snyigs ma las ni lus kyi gzi mdangs su 'gyur ro/ /de ltar lus zungs bdun yang dngas ma dang snyigs ma gnyis su blta ste/ de ltar gcig la gcig rgyun mi 'chad par bcud kyis bskyed pa yin no//de yang slob dpon kha cig na re nyin zhag gcig gis zas 'ju ba'i rim pa dngas ma nas khu chu'i bar du skye bar 'gyur ro zhes zer ro/ /yang kha cig na re nyin zhag drug gis khu chu'i bar du 'gyur ro zhes smra'o/ /yang sman pa gzhan dag na re zla ba gcig gis khu chu'i bar du rim pas gzod 'gyur zhes zer ro//de yang zas zos pas dngas ma bskyed de khams gong ma zas lta bus 'og ma rim pas brtas par byed do/ /'khor lo bzhin du rgyun mi 'chad par zas zos pa'i rgyus 'byung ba yin no/ /de la ro tsa bar byed pa'i zas zho dang 'o ma dang bcud la sogs pas 'phral khu chu 'phel bar snang ste/ji ltar dug zos pa las gnyen po'i sman gyis 'phral bzlog par snang ba lta bu'o/ /de bas na phal cher ni ro tsa ba'i kha zas dang sman gyis rang gi 'bras bu 'phral ston par mthong ngo / /zas kyi dngas ma'i rgyun yin pa de'i khyab byed ces bya ba'i rlung des lus thams cad du skad cig ma gcig la dus gcig tu khyab cing son par byed pa'i las can yin no//gal te dngas ma la sogs pa 'jug pa'i rgyun ma rungs par gyur pa las bcud dang de 'phul bar byed pa'i rlung dang bcas pa'i las yang gnod par 'gyur te/dper na nam mkha' la chur bab pa na rlung gis 'bab tu mi ster ba dang 'dra'o/ /de bas na 'jug pa'i rgyun bcud dang bcas pa 'gag cing ma rungs par gyur pa las nad gzhi gsum yang 'khrugs shing mi bde ba skyed do/ /de las khams bdun gyi me'i drod dang /'byung ba lnga'i me drod dang / nang grol gyi me drod gsum las kha zas 'ju bar byed pa ni nang grol me drod mchog tu bshad de/ de stobs dang ldan na ni 'byung ba dang khams bdun gyi me drod skyed pa yin la de nang grol gyi me drod dmas na ni 'byung ba chen po lnga dang khams bdun gyi me drod kyang 'bri zhing 'phel bar mi nus so//de bas na nang grol gyi drod yod na tshe dang stobs la sogs pa yod pas de'i phyir lus kyi me drod smin par byed pa gang yin pa de la legs par sbyar ba'i kha zas kyi bud shing rab tu phan pas bsrung shing bskyang ba la 'bad par bya'o//de la me dang mnyam du gnas pa'i rlung der rang rang gi gnas na 'dug pa ni me'i drod kyang snyoms pa yin no/ /gal te lam gzhan du song na ni me'i drod mi bzad pa yin no/ /me dang mnyam du gnas pa'i rlung des mkhris pa cher sbar na ni me'i drod rno ches par 'gyur ro//rlung des bad kan la phog na ni me'i drod nyam chung bar 'gyur ro/ /de ltar me'i drod mnyam pa dang / mi bzad pa dang / rno ches pa dang / nyam chung ba rnam pa bzhir 'gyur te/ de yang zan ran par zos pa legs par 'ju ba ni me'i drod mnyam pa zhes bya'o/ /me'i drod mi bzad pa zhes bya ba ni mang du zos kyang myur du 'ju ba dang /nyung ngu zos kyang yun ring po nas gzod 'ju'o/ /zas lci ba la sogs pa zos kyang myur du 'ju ba ni rno ches pa zhes bya'o/ /me'i drod nyam chung ba zhes bya ba ni zas yang ba zos na yang yun ring po nas 'ju la khyad par du kha skam pa dang / nang du krug zer ba dang /rgyu ma 'khrugs pa dang / lto sbo ba dang / lus lci ba'o/ /lus kyi me drod tshabs cher nyams na ni sman dpyad byas kyang mi 'tsho'o/ /gal te me'i drod la skyon med na ni yun ring du 'tsho ba yin no/ /nad kyi rtsa ba ni me'i drod nyams pa las 'byung ste/ me'i drod nyams na lus kyi rgyun thams cad 'gags bar 'gyur ro//skyes bu'i lus kyi stobs ni rnam pa gsum ste/ lhan cig skyes pa dang / dus kyis skyes pa dang / sbyor ba las byung ba'o/ /de la snying stobs kyi rang bzhin lus las byung ba ni lhan cig skyes pa'i stobs zhes bya'o/ /na tshod kyi bye brag byis pa dang / lang tsho la sogs pa'i stobs dang dus kyi bre brag dgun la sogs pa las byung ba'i stobs gnyis ka la dus kyi stobs zhes bya'o/ /sgo gsum gyi spyod pa dang / zas sna tshogs dang / bcud kyis len pa dang / ro tsa ba'i cho ga bstan pa las byung ba ni sbyor ba'i stobs zhes bya'o/ /yul gang dgon dung chu nyung shing chung ba'i yul ni nad nyung ba yin no//yul gang shing dang chu mang ba'i gnas de ni nad mang du skyed do/ /de gnyis mnyam pa ni ran pa yin par shes par bya'o/ /de la sems can gyi lus la rkang snyim pa gang dang / tshil snyim pa do dang / zhag snyim pa gsum dang /gcin snyim pa bzhi dang / mkhris pa snyim pa lnga dang / bad kan snyim pa drug dang / phyi sa snyim pa bdun dang / khrag snyim pa brgyad dang / dngas ma snyim pa dgu dang / chu ser snyim pa bcu dang / dngas ma khyor ba gang dang / lha ba khyor ba gang dang / khu chu khyor ba gang yod do zhes slob dpon dag 'chad do//bud med la ni khyad par du 'o ma snyim pa do dang khrag snyim pa bzhis mang ba yod do/ /snyim pa'i tshad ni srang gnyis la khyor gang / srang bzhi la snyim pa gang ngo / /gong du smos pa'i tshad bstan pa de dag gis nad med pa tha mal par 'dug pa la bshad kyis khams ma snyoms pa la ni ma yin no//de la pha ma gnyis kyi khu ba dang / khrag dang / bud med sbrum pa'i gnas skabs dang / bza' ba dang / spyod lam dang / mngal gyi gnas de dag skyon dang bcas pas bu'i lus la nad kyi rang bzhin bdun du 'gyur te/ rlung dang / mkhris pa dang /bad kan dang / rlung dang mkhris pa dang ldan pa dang / rlung dang bad kan dang ldan pa dang / mkhris pa dang bad kan dang ldan pa dang / de gsum 'dus pa dang bdun no/ /gong ma'i khu ba la sogs pa'i gnas skabs su cung zhig che chung du gyur zhing mi mthun pa bsten pas rang bzhin bdun po de yang shas che chung du gyur pa yin no//de la thog mar rlung gi mtshan nyid bstan te/ rlung zhes bya ba 'di ni nad kyi gzhi kun gyi nang na mthu che ba yin te/ lus thams cad du khyab pa dang / myur du byed pa dang / stobs che ba dang / nad gzhi gzhan rnams 'khrug par byed pa dang / sla rtsal sogs pa 'byin par byed pa dang /rang dbang du gyur pa dang / nad mang po'i gzhi byed pa yin te/ nad thams cad kyi nang na rlung 'di stobs che zhing khyad par du gyur pa yin no/ /des na pha ma'i khu khrag rlung shas che ba las bu yang ji srid 'tsho'i bar du rlung gi mtshan nyid dang ldan pa yin te/ de'i lus skra rdul gyis g.yogs pa ltar snang ba dang /lus ser ga bye ba dang / dro ba 'dod cing grang ba la zhe sdang ba dang / gzhan yang mos pa mi brtan pa dang / dran pa mi brtan pa dang / blo mi brtan pa dang / spyod pa mi brtan pa dang / mdza' ba mi brtan pa dang / lta ba mi brtan pa dang / 'gro ba mi brtan pa dang / smra ba mang ba dang / bad kan chung ba dang / nor nyung ba dang / tshe thung ba dang / gnyid chung ba dang / smra ba'i dus su brjed ngas pa dang / tshig lkugs pa dang / chad par lta ba 'am/ mang du za ba dang / 'gying zhing 'gro ba dang / glu la dga' ba dang /bzhad gad la dga' ba dang / ri dgas gsod pa la dga' ba dang / 'thab mo la dga' ba dang / de bzhin du mngar ba dang / skyur ba dang / lan tshwa dang / dro ba 'dod pa dang / lus skem shing rid pa dang / 'gro ba'i tshe tshigs las sgra 'byung ba dang / mi brtan pa dang / dbang po yul las rgyal mi nus pa dang / dam pa'i spyod pa dang mi ldan pa dang / skyes bu de la bud med mi 'chags pa dang / bu mang po mi skye ba dang / rlung gi rang bzhin can gyi mi'i mig rtsub pa dang / rdul gyis gang ba ltar snang ba dang / zum pa dang / mi mdzes pa dang / mi shi ba'i mig lta bu dang /mig bye bzhin du gnyid log pa dang / shing gi steng dang / ri'i rtse mo la 'dzeg pa dang / nam mkha' la 'phur ba rmi ba dang / longs spyod chung ba dang / ser sna che ba dang / khengs pa dang / rku ba dang / byin snying zlum pa dang / gzhan yang 'di dag gi spyod pa gzugs dang / sgra'i rang bzhin mthun na yang / rlung gi bdag nyid can gyi mi yin te/ gang zhe na/ khyi dang / wa dang / rnga mo dang / bya rgod dang / byi ba dang / khwa dang / de rnams dang ldan pa'i mi ni rlung gi rtags su shes par bya'o/ /de la mkhris pa'i rang bzhin can gyi mi'i mtshan nyid drang srong thang la 'bar gyis bshad pa mkhris pa nyid me yin pa'am/yang na me las mkhris pa 'byung ba'am/ yang na khrag gi snyigs ma dag yin pas na mkhris pa'o/ /de la mkhris pa'i rang bzhin ni shin tu bkres pa dang / skom pa dang / mdog ser skyar 'dug pa dang / drod che ba dang / lag pa dang / rkang pa dang / gdong dmar ba dang / dpa' ba dang / nga rgyal che ba dang / mig ser ba dang / skra dang ba spu nyung ba dang / skra ser skyar 'dug pa dang / phreng ba la dga' ba dang / byug pa la dga' ba dang / rgyan la dga' ba dang / spyod lam bzang ba dang / gtsang sbra che ba dang / g.yog 'khor la snying brtse ba dang / phyug pa dang / bab chol byed pa dang / blo stobs dang ldan pa dang / skyabs su 'ongs na dgra yang skyob pa dang / yid gzhungs pa dang / tshigs mtshams kyi sha 'jam pa dang / bud med la mngon par dga' ba dang / khu chu nyung zhing 'dod pa chung ba dang /gnyer ma myur du skye ba dang / skra dkar myur du skye ba dang / mthong ba nyams mi gsal ba dang / mngar ba dang / bska ba dang / kha ba dang / grang ba'i zas la dga' ba dang / tshad pa la zhe sdang ba dang / rngul che ba dang / dri mnam pa dang / bshang gci mang ba dang /khro ba dang / bza' ba dang / btung ba la phrag dog pa dang / gzhan yang rmi lam gyi nang du dong ka'i me tog dang / shing pa la sha'i me tog dang / phyogs mes tshig pa mthong ba dang / skar mda' ltung ba dang / glog 'gyu ba dang / nyi ma dang me mthong ba rmi ba dang / mkhris pa'i rang bzhin can gyi mi ni mig phra ba dang / ser ba dang / g.yo zhing 'gul ba dang / rdzi ma srab cing nyung ba dang / grang ba la dga' ba dang / chang 'thung ba dang / khros pa'i dus su mig dmar por gyur pa dang / nyi ma'i dkyil 'khor sngo ba dang dmar bar mthong ba yin no//tshe ni ran par 'tsho ba yin la/ stobs kyang ran par yod de/ shin tu mkhas pa dang / sdug bsngal gyis 'jigs pa yin no/ /gzhan yang stag dang / dred dang / spre'u dang / byi la dang / gnod sbyin dang / 'di rnams kyi gzugs dang / skad dang / spyod pa'i mtshan ma dang ldan na mkhris pa can gyi rtags yin no//de la bad kan ni chu'i rang bzhin can gyi rtags yin te/ rus pa'i tshigs mi mngon pa dang / snum pa dang / tshigs 'brel ba dang / bkres pa dang / skom pa dang / nyon mongs pa dang / sdug bsngal ba dang / tshad pa dang / 'di rnams bzod pa dang / gzhan yang blo dang ldan pa dang / snying stobs che ba dang / dam bcas pa brtan pa dang / gzhan du khre dang / dUr ba dang / 'dam bu'i myu gu dang / mtshon dang / gi wang dang / pad+ma dang / gser dang / de dag gi mdog gang yang rung bar snang ba ni bad kan gyi rang bzhin no/ /lag ngar gnyis la 'phyang ba dang / brang rgyas shing yangs pa dang / dpral ba'i dbyes che ba dang / skra mthug cing mdog sngo ba dang / lus rtsub pa dang / lus sha snyoms pa dang / yan lag thams cad legs par 'byes pa dang /lus mdzes pa dang / mdangs dang ldan pa dang / 'dod chags spyod pa'i nus pa dang ldan pa dang / de bzhin du bcud dang / khu chu dang / bu tsha mang ba dang / g.yog 'khor mang ba dang / chos la dga' ba dang / tshig 'jam por smra ba dang /dgra lta bu gnod par byed pa la sems la dam du 'dzin cing 'phral mi smra ba dang / glang po che'i mchog ra ro ba lta bu'i 'gros su 'gro ba dang / 'brug gi sgra dang / rgya mtsho chen po dang / rdza rnga dang / seng ge'i skad lta bu yod pa dang / dran pa dang / bya ba la mngon par brtson pa dang /dul ba dang / byis pa'i gnas su yang shas chung ngu ngu ba dang / lto 'dun chung ba dang / zas kha ba dang / bska ba dang / tsha ba dang / dro ba dang / rtsub pa dang / nyung ngu zos kyang stobs dang ldan pa dang / gzhan yang mig yangs shing snum la dkyus ring ba dang /gsal ba dang / shin tu dkar ba dang / rdzi ma gnag cing mthug pa dang / skad gsang chung ba dang / spro ring ba dang / bza' btung nyung ngu za zhing 'thung ba dang / 'dod pa chung ba dang / tshe ring ba dang / nor mang ba dang / thag ring po la blo 'jug pa dang /sbyin gtong che ba dang / dad pa che ba dang / blo zab pa dang / mthong ba che ba dang / bzod pa dang ldan pa dang / ngang tshul bzang ba dang / gnyid che ba dang / las kyi mtha' ring ba dang / byas pa gzo ba dang / bsam pa drang ba dang / mkhas pa dang / gzugs bzang ba dang /ngo tsha shes pa dang / bla ma la gus pa dang / snying nye ba dang / mdza' ba brtan pa dang / rtag tu glo ba dang / rmi lam gyi nang na me tog pad+ma dang / nam mkha' la bya mang po phreng ba ltar brgyus pa 'phur ba dang / mtsho dang sprin mthong ba dang / tshangs pa dang / drag po dang / dbang po dang / chu lha dang / nam mkha' lding dang / ngang pa dang / glang po che'i mchog dang / seng ge dang / rta dang / khyu mchog dang / de rnams dang 'dra bar mthong na bad kan gyi rang bzhin can du shes par bya'o/ /rlung dang mkhris par ldan pa dang / rlung dang bad kan du ldan pa dang /mkhris pa dang bad kan du ldan pa dang / 'dus pa dang bzhi po de dag gi rang bzhin yang gong ma so so'i rtags bstan pa las 'dir yang rjes su dpags te shes par bya'o/ /de la snying stobs kyi rang bzhin ni bad kan gyi yon tan dang 'dra ste/ gtsang sbra che ba dang / yod par lta ba la sogs pa'o//rdul gyi rang bzhin ni mkhris pa'i yon tan dang 'dra ste mang du smra ba la sogs pa'o/ /mun pa'i rang bzhin ni rlung gi yon tan dang 'dra ste 'jigs pa la sogs pa'o/ /ldan pa dang 'dus pa'i rang bzhin gyi yon tan yang gong ma dang go rims bzhin du sbyar ro//de la na tshod kyi bye brag gsum du blta ste/ byis pa dang / bar ma dang / rgan pa'o/ /de la lo bcu drug gi bar du ni byis pa zhes bya'o/ /de las lo bdun cu'i bar du ni bar ma zhes bya ste/ lus dang / dbang po dang / gzi brjid la sogs pa 'phel zhing rgyas pa'i dus so//de phan chad ni rgan po zhes bya ste/ lus zungs la sogs pa zad zin pa'i dus so/ /skyes bu gang gi lus khru phyed dang bzhi pa'i tshad du yod pa ni tshe ring ba la sogs pa'i gzhi yin no/ /gzhan yang lus la smad par bya ba'i dngos po brgyad yod de/ gang zhe na/ lus la ba spu mang ba dang / yang na med pa dang / ba spu dkar ba dang / yang na gnag pa dang / sbom pa dang / ring ches pa dang / gnas ma yin par spu skyes pa dang / rtsub pa dang / de rnams dang ldan na tshe thung ba dang mi bde ba skyed de/ skyes bu gang gi skra snum pa dang / 'jam pa dang /phra zhing re re nas skyes pa dang / brtan pa dang / de dag ni skra'i yon tan dam pa yin no/ /dpral ba'i yon tan ni skra mtshams kyi phyogs mtho zhing mur 'gram gnyis dma' ba dang zla ba phyed pa lta bu ni rab tu bzang ngo / /skyes bu'i rna ba'i yon tan ni zheng chung la dkyus ring ba dang /mthon dman legs par 'byes shing shas rgyas pa dang / rna ba'i rgyab phyogs mtho ba'o/ /mig gi yon tan ni dkar nag 'byes shing gsal ba dang / rdzi ma bar ma chad cing stug pa'o/ /sna'i yon tan ni sna gzang mtho ba dang / dbugs cher 'byung ba dang /mtho dman med cing rgyas pa dang 'dra ba'o/ /mchu'i yon tan ni mi 'phyang ba dang dmar ba'o/ /'gram pa'i yon tan ni 'gram pa yangs shing mdzes pa dang / kha yangs pa dang / so thags bzang ba dang / mdog snum la 'tsher ba dang / 'jam pa dang / dkar ba dang mnyam pa'o/ /lce'i yon tan ni lce dmar ba dang / srab pa dang / ring ba'o/ /ko sko'i yon tan ni sha che zhing rgyas pa'o/ /mgrin pa'i yon tan ni ring zhing zlum la dung lta bu'o/ /dpung mgo zlum la mtho zhing rgyas pa'o/ /lte ba g.yas su 'khyil ba dang / lte ba dbus zab cing mtha' mtho ba'o//rkang pa dang lag pa'i sen mo'i yon tan ni srab pa dang / dmar ba dang / mtho ba dang / snum pa dang / zangs mdog 'dra ba dang / sha dang 'byar ba dang / sor mo ring la mtshams 'byar zhing phug pa mi mngon pa dang / rgyab kyi sgal tshigs rgya che zhing mi mngon pa dang /rgyus pa dang tshigs kyang mi snang ngo / /skad kyi yon tan ni brtan pa dang ring ba'o/ /lus kyi mdog snum pa dang / gzi mdangs dang ldan pa dang / rang bzhin gyis snying stobs che ba dang / phongs par gyur kyang blo mi 'gyur ba'o/ /de la btsas ma thag pa nas nad med cing rim gyis lus bong la sogs pa dang /'jig rten gyi tha snyad dang bstan bcos la mkhas shing dge mtshan 'phel ba lta na ni ji ltar zhing gshin pa'i lo tog lta bur 'phel zhing rgyas par 'gyur te/ gong du smos pa'i lus kyi yon tan de dag thams cad dang ldan pa'i skyes bu ni lo brgyar 'tsho zhing tshe ring ba dang /dbang phyug la sogs pa dang yun ring du ldan par 'gyur ro/ /de las lus zungs bdun dang snying stobs dang brgyad ni lus kyi snying po zhes bya ste/ de dag gi stobs che chung bstan pa ni lus zungs dngas ma dang snying stobs kyi bar du rim pa bzhin du 'og ma stobs che ba yin par shes par bya'o//lus kyi snying po brgyad du bstan pa thams cad dang ldan pa'i skyes bu ni kun gyi bla ma ltar bkur bar bya ba dang / yid brtan pa'i gnas dang thams cad kyis dri ba'i 'os su gyur pa dang / lus dang sems kyi sdug bsngal bzod pa dang / blo dang ldan pa dang / bya ba la brtan par gyur pa yin no/ /de la mi snying stobs kyi shas che ba ni rtag tu bde ba dang ldan pa yin na rdul dang mun pa gnyis kyi shas che ba'i mi ni bde sdug 'dren pa dang ldan pa yin no/ /gzhan yang skyes bu gang la la zhig sbyin pa dang /tshul khrims dang / bden pa dang / tshangs par spyod pa dang / byas pa gzo ba dang / byams pa dang / snying rje che ba dang / bcud kyis len pa la sogs pa de dag brten par byed pa'i skyes bu ni bsod nams dang tshe 'phel bar byed pa yin no//lus kyi gnas las le'u gsum pa rdzogs so// //lus kyi gnas las gnad kyi bye brag bstan pa'i le'u bshad par bya'o/ /mi'i lus la gnad brgya rtsa bdun yod de/ brla gnyis dang / lag dar gnyis te/ bzhi po de dag las gnad bcu gcig dang /lto ba la gnad gsum dang / brang la gnad dgu dang / rgyab la gnad bcu bzhi dang / nam tshong yan chad la gnad sum cu rtsa bdun no/ /de la sngon gyi sman pa dag 'di skad 'chad do/ rkang pa'i mthil gung mo'i drang thad kyi dbus na mthil 'phrog pa zhes bya ba'i gnad yod de/der mtshon la sogs pa phog na de ni sdug bsngal dang bcas shing 'byung ba lnga tha dad par 'gyur ro/ /rkang pa'i mthe bong dang / mdzub mo gnyis kyi bar na myur ba zhes bya ba'i gnad yod de/ der mtshon gyis phog na a sh+ke pa zhes bya ba'i rlung nad kyis 'chi ba ston to//gong ma'i gnad las yar sor gnyis bcal bar pir lta bu zhes bya ba'i gnad yod de/ der mtshon gyis phog na lus 'dar zhing 'khor bar byed do/ /long mo'i tshigs kyi 'og na pir gyi mgo lta bu zhes bya ba'i gnad yod de der mtshon gyis phog na skrang zhing nad skye bar 'gyur ro//rkang pa dang byin pa'i tshigs bar na long mo zhes bya ba'i gnad yod de/ der mtshon la sogs pa phog na dran pa nyams pa dang / brla rengs pa dang / nad skyed par byed de/ byin pa'i dbus rting ba nas sor bcu gnyis bcal bar dbang po'i chu so zhes bya ba'i gnad yod de/der mtshon gyis phog na khrag zad nas 'chi bar byed do/ /byin pa dang brla gnyis kyi bar na pus mo zhes bya ba'i gnad yod de/ der mtshon gyis phog na gal te 'tsho bar 'gyur na yang lus zha bar 'gyur ro//pus mo'i long bu nas yang bla brag sar sor gsum bcal bar ma ni zhes bya ba'i gnad yod de/ der mtshon gyis phog na brla rengs pa dang skrang bar byed do/ /brla'i dbus na u ru ba shi zhes bya ba'i gnad yod de/ der mtshon gyis phog na khrag zad nas brla skam par byed do//brla'i gong brla brag gi 'og tshigs mtshams na mig dmar po zhes bya ba'i gnad yod de/ der mtshon gyis phog na khrag zad nas zla ba phyed kyis 'chi bar ston to/ /brla brag dang rlig pa'i bar na bi Ta bam zhes bya ba'i gnad yod de/ der mtshon la sogs pa phog na bud med la 'jug pa'i nus pa med par 'gyur ro//rkang zug cig shos la yang tshul de ltar shes par bya'o/ /de bzhin du dbug zug gnyis la yang de dang 'dra bar gnad du blta ste/ long mo dang mkhrig mar mthun pa dang / gru mo dang pus mor mthun pa dang /byin pa'i dbus dang lag dar gyi dbus su mthun pa dang / gzhan yang bi Ta bam zhes bya ba dang / mig dmar po zhes bya ba'i gnad la mtshon gyis phog na zha bar 'gyur ba dang 'dra bar mchan khung gi nang mtshams na yang mchan khung 'dzin pa zhes bya ba'i gnad yod de/ der mtshon gyis phog na yang dpung pa zha bar 'gyur te/ de la sogs pa gong du bshad pa'i go rims bzhin du gnad yod pa'i sa dang skyon 'dra bar yod pas ci rigs par shes par bya'o/ /lto ba'i gnad gsum la rgyu ma sbom po gzhang zhes bya ba'i gnad yod de/ de la mtshon gyis phog ste bu ga nas phyir phyi sa dang rlung 'gyur na de ma thag 'chi'o//lgang pa gzhu ltar yo ba sha chung zhing khrag nyung ba thur du bltas pa'i sgo gcig yod pa ni chu so'i gnad yin te/ de yang rked pa'i dbus na yod pas de la mtshon gyis phog na de ma thag srog 'dor bar 'gyur ro/ / ji ste rde'u 'byin pa'i phyir chu sor mtshon gyis bya dgos na yang chu so'i g.yas g.yon du ni khyad par bsrung bar bya ba yin la gal te der mtshon gyis phog na ni 'phral 'chi'o/ /ji ste rde'u 'byin pa'i tshad bstan pa'i sar phug na yang shin tu 'tsho dka' ste/ chu so nas gcin rtag tu 'dzag par bshad do//lus kyi zhu ba dang ma zhu ba'i dbus na rtsa thams cad rten pa'i gnas lte ba zhes bya ba'i gnad yod de/ der mtshon gyis phog na 'phral 'chi bar byed do/ /pho ba'i kha na rdul dang / mun pa dang snying stobs rten pa'i gnas snying zhes bya ba cig yod de/ de yang brang gi 'og /lto ba'i gong nu ma gnyis kyi dbus na gnas so/ /nu sor las gong 'og tu sor gnyis bcal ba na nu ma'i rtsa ro hi ta zhes bya ba'i gnad yod do/ /de dag gang yang rung bar mtshon gyis phog na khrag dang bad kan lto ba'i nang du zhugs nas 'chi bar byed do/ / brang gi ngos na a pa stam b+ha zhes bya ba rlung rgyu ba'i gnad gnyis yod do/ /der mtshon gyis phog na lto ba khrag gis gang zhing lud pa dang / dbugs mi bde bas 'chi bar byed do/ /brang g.yas g.yon gyi gnad gnyis brang thad rgyab kyi sgal tshigs kyi nang gi ngos gnyis na kha thur du bltas pa/pa la ba khya zhes bya ba'i gnad gnyis gnyis yod de/ der mtshon gyis phog na lto ba'i nang du khrag gis gang zhing de nyid rnag tu gyur te 'chi bar byed do/ /sgal tshigs kyi ngos gnyis kyi sta zur gyi rna ba/ rkub tshos gnyis kyi gong na ka ti ka ta ru zhes bya ba'i gnad gnyis yod de/de gnyis su mtshon phog na skyes bu de khrag zad cing skya bor 'gyur la mdog mdangs nyams shing 'chi bar 'gyur ro/ /sgal tshigs kyi ngos gnyis rked pa'i rgyab phyogs kyi mtshams na ku kun da ra zhes bya ba'i gnad gnyis yod de/ der mtshon gyis phog na lus kyi spyod pa nyams shing ro smad 'chal ba dang /tshor ba med par 'gyur ro/ /sta zur gnyis kyi rna ba'i gong rtsibs logs gnyis kyi 'og rked pa'i sha la sogs pa'i nang na ni tam pa zhes bya ba'i gnad yod de/ de yang rus pa snyi ba na gnas la der mtshon gyis phog na ro smad skrangs shing lus nyam chung la 'chi bar byed do//rtsib ma'i 'og logs kyi nang dang 'brel ba'i rked pa'i g.yas g.yon gnyis na thad ka drang po dang / gyen du 'gro ba'i gnad rtsib logs kyi mtshams zhes bya ba'i gnad yod de/ der mtshon gyis phog na lto ba khrag gis gang zhing 'chi bar 'gyur ro//nu ma gnyis kyi rtsa ba'i brang thad kyi rgyab kyi sgal tshigs kyi ngos gnyis na brten pa'i rtsa chen po zhes bya ba'i gnad gnyis yod de/ der mtshon gyis phog na khrag zad nas 'chi bar byed do/ /dpung mgo dang 'brel ba'i sgal tshigs kyi ngos gnyis na an sa yo pha la ka zhes bya ba'i gnad yod de/der mtshon gyis phog na dpung ba skam zhing tshor ba med par 'gyur ro/ /mgrin pa'i ngos gnyis dang dpung mgo dang phrag par 'brel ba'i dbus na phrag pa'i gnad ces bya ba yod de/ der mtshon gyis phog na lag ngar rengs te bskum mi shes par 'gyur ro//mid pa'i g.yas g.yon gnyis na 'gram pa la brten pa'i rtsa gnyis gnyis yod de/ de yang sngon po zhes bya ba dang ma n+ya zhes bya ba gnyis yod de/ bzhi po de dag gnad du blta ste/ der mtshon gyis phog na skad nyams par 'gyur ba dang / ro mi tshor bar 'gyur ro/ /mid pa'i g.yas g.yon nas lce dang snar 'gro ba'i rtsa bzhi yod de/de ni ma tri ka zhes bya ba'i rtsa'i gnad yin te/ der mtshon gyis phog na de ma thag srog 'joms pa'o/ /mgo dang mgrin pa'i tshigs kyi ngos na ltag pa zhes bya ba'i gnad re re yod de/ der mtshon gyis phog na rtag tu mgo 'dar bar 'gyur ro//rna mchog gnyis kyi steng drang thad na byi ru ra zhes bya ba'i rtsa mtho dman du 'dug pa'i gnad re re yod de/ der mtshon gyis phog na thos pa nyams te 'on par 'gyur ro/ /sna'i lam na rna ba'i ngos gnyis su zhugs te mgrin pa'i nang du 'brel ba'i rtsa de bka zhes bya ba'i gnad gnyis yod de/der mtshon gyis phog na dri mi tshor bar byed do/ /mig gnyis kyi grwa smin ma'i mjug gi mtha' na mig bsrung zhes bya ba'i gnad re re dang / smin ma'i steng gshong bur 'dug pa'i nang na 'khyil pa zhes bya ba'i gnad gnyis te bzhi po de dag la mtshon la sogs pa phog na long bar 'gyur ro/ /dpral ba'i mtha' rna ba dang nye ba na mur 'gram zhes bya ba'i gnad re re yod de/der mtshon gyis phog na 'phral 'chi bar byed do/ /mur 'gram gyi gong skra mtshams na ud sh+ke pa zhes bya ba'i gnad re re dang / smin ma'i dbus na stam b+ha ni zhes bya ba'i gnad re re yod de/ der mtshon gyis phog na zug rngu ma phyung ste rang smin nas byung ba ni 'tsho bar 'gyur la/zug rngu byung na ni de ma thag 'chi'o/ /lce dang / mig dang / sna dang / rna ba dang / de bzhi'i rtsa'i rgyun srang ni kha'i nang rkan gyi phyogs su 'dug te bzhi po de dang 'brel ba'i gnad sum mdo zhes bya ba yod do/ /de rnams la mtshon gyis phog na 'phral tshe'i mthar gtugs pa yin no//mgo'i thod pa la thad ka dang thur du 'gro ba'i tshigs lnga yod de/ de rnams kyang skra mtshams zhes bya ba'i gnad yin pas/ de la mtshon gyis phog na mgo 'khor ba dang / smyo ba dang / dran pa nyams te 'chi bar 'gyur ro/ /glad pa'i steng phyogs su 'khyil zhing rtsa thams cad 'dus pa'i nang na bdag po zhes bya ba'i gnad yod de/der mtshon gyis phog na de ma thag srog 'joms par byed do/ /lus kyi gnad phyi'i mtshan nyid ni gang du mnan na mi bzod par na zhing 'gul ba dang / sdug bsngal dang bcas pa gang yin pa ste de yang gnad yin par blta'o//gzhan yang sha dang / rus pa dang / rgyus pa dang / rtsa chen po dang / rtsa dang / tshigs dang / 'di dag rang gi mtshams 'dus pa thams cad la gnad ces bya ste/ de dag mtshon la sogs pas phog na khyad par du srog 'gag pa'i rgyu yin no/ /de ltar gang du gnad kyi bye brag phal cher rjes su bstan pa yang sha la sogs pa la brten pa'i gnad rnam pa drug tu brtag par bya ba yin no//srog ces bya ba ni gnad thams cad kyi spyi'i gnas su mnyam ste gcig par 'dod do/ /rnam pa drug tu brtag bde gang zhe na/ sha la gnas pa'i gnad bcu ste/dbang po'i chu so zhes bya ba'i gnad bzhi dang / rkang mthil 'phrog pa zhes bya ba'i gnad bzhi dang / nu ma'i rtsa ba ro ha ti zhes bya ba gnad gnyis te bcu'o/ /rus ba la gnad brgyad de/ mur 'gram zhes bya ba'i gnad gnyis dang / ka Ti ta ru na zhes bya ba'i gnad gnyis dang /ni tam pa zhes bya ba'i gnad gnyis dang / an sa yo pha la zhes bya ba'i gnad gnyis so/ /rgyus pa'i gnad nyi shu rtsa gsum ste/ a sa na zhes bya ba'i gnad bzhi dang / pir lta bu zhes bya ba'i gnad bzhi dang / pir mgo zhes bya ba bzhi dang / mig zur zhes bya ba'i gnad gnyis dang / rgya tshigs zhes bya ba bzhi dang / myur ba zhes bya ba'i gnad gnyis dang / ud sh+ke pa zhes bya ba'i gnad gnyis dang / chu so zhes bya ba'i gnad gcig go/ /rtsa chen po'i gnad dgu ste/ gzhang zhes bya ba'i gnad gcig dang / a pa stam b+ha zhes bya ba'i gnad gnyis dang / bi dur zhes bya ba'i gnad gnyis dang / sum mdo zhes bya ba'i gnad bzhi'o/ /rtsa la gnad sum cu rtsa bdun mchis te/ rtsa chen po zhes bya ba gnyis dang / ma kr-i ta zhes bya ba'i gnad brgyad dang / sngon po zhes bya ba gnyis dang / ma n+ya zhes bya ba gnyis dang / mchan khung 'dzin pa zhes bya ba'i gnyis dang / gdengs ka zhes bya ba gnyis dang /pa da pa zhes bya ba'i gnad gnyis dang / snying zhes bya ba'i gnad gnyis dang / lte ba zhes bya ba'i gnad gcig dang / rtsib logs kyi mtshams zhes bya ba gnyis dang / nu ma 'dzin pa zhes bya ba gnyis dang / a la po'i gnad gnyis dang / bsti ni zhes bya pa'i gnad gnyis dang /ur pa shi zhes bya ba'i gnad gnyis dang / lo hi ta zhes bya ba'i gnad bzhi'o/ /tshigs la gnad nyi shu brten te/ 'khyil ba zhes bya ba'i gnad gnyis dang / mkhrig ma zhes bya ba'i gnad gnyis dang / ku kun da ra zhes bya ba gnyis dang / skra mtshams zhes bya ba lnga dang /gru mo zhes bya ba gnyis dang / long mo zhes bya ba gnyis dang / ltag pa zhes bya ba gnyis dang / bdag po zhes bya ba gnyis dang / pus mo zhes bya ba gnyis dang nyi shu'o/ /sman pa gzhan dag na re/ sha la brten pa'i gnad dang / rgyus pa la brten pa'i gnad dang /gzhang zhes bya ba'i gnad dang / mchan khung 'dzin pa zhes bya ba'i gnad dang / bi dri po zhes bya ba'i gnad dang / bi du ra zhes bya ba'i gnad dang / sum mdo zhes bya ba'i gnad dang / rtsa la brten pa'i gnad rnams dang / a pa stam b+ha zhes bya ba'i gnad dang / mig phug ces bya ba'i gnad dang / rtsa chen po la gnas pa'i gnad rnams 'ba' zhig ma gtogs pa gong du smos pa'i gnad de dag gang yang rung ba la mtshon gyis phog par nus na/ rtag tu rgyun mi chad par sha bkrus pa 'dra ba'i chu shin tu sla ba 'dzag cing lus sha skya bo bseng por gyur pa dbang po nyams shing myur du 'chi bar byed do//rus pa la gnas pa'i gnad gang yang rung ba mtshon gyis phog na/ khrag shin tu sla ba rkang dang bcas pa 'byung bar 'gyur ro/ /rgyus pa'i gnad la mtshon gyis phog na ltag par na ba dang / brkyang bskum mi shes pa dang / bzhon pa la zhon pa'i nus pa med pa dang /gnas la mi dga' ba dang / lus grims pa chung ba dang / yang na 'chi bar 'gyur ro/ /rtsa chen po'i gnad la mtshon gyis phog na khrag sgra dang bcas shing dbu ba yod la/ khrag tsha zhing dran pa nyams par 'gyur ro/ /rtsa'i gnad la mtshon gyis phog na khrag ska zhing mang ba rgyun mi chad par zag ste/khrag zad pas skom dad che ba dang / mgo 'khor ba dang / dbugs mi bde ba dang / rmongs bag tu 'dug pa dang / skyigs bu rnams kyis 'debs shing dus byed par 'gyur ro/ /gal te rma 'drubs na yang lus gra mas gang ba snyam byed cing 'theng ba dang gyol por 'gyur ro//tshigs kyi gnad la mtshon gyis phog na lus kyi stobs dang / spyod pa nyams shing lus skems pa dang / tshigs rnams skrang bar 'gyur ro/ /gzhan yang bcu dgu po 'di dag ni 'phral 'chi bar byed pa'i gnad yin te/ lte ba'i gnad dang / mur 'gram gyi gnad dang /bdag po'i gnad dang / gzhang gi gnad dang / snying gi gnad dang / pus mo'i gnad dang / chu so'i gnad dang / ma kr-i ta'i gnad rnams yin te/ de dag tu mtshon gyis phog nas 'phral mi 'chi na yang / zhag bdun tshun chad kyis nges par 'chi'o//'phral mi 'chi bar zla ba gcig gam zla ba phyed kyi nang du 'chi ba'i gnad ni sum cu rtsa gsum ste/ a pa stam b+ha zhes bya ba'i gnad dang / rkang mthil sreg pa'i gnad dang / rtsib logs kyi mtshams kyi gnad dang / ka Ti ta ru zhes bya ba'i gnad dang / skra mtshams kyi gnad dang /nu ma'i rtsa'i gnad dang / dbang po'i chu so'i gnad dang / myur ba zhes bya ba'i gnad dang / a pa la'i gnad dang / rtsa chen po'i gnad dang / ni tam pa'i gnad dang / sta na ro hi ta zhes bya ba'i gnad rnams so/ /gnad gsum po ud sh+ke zhes bya ba gnyis dang / stan pa ni zhes bya ba dang gsum ni mtshon phyung na ni 'chi la/ma phyung na ni mi 'chi'o zhes bshad de/ de yang rlung gis sha dang / zhag dang / rkang dang / glad rgyas rnams skem par byed do/ /gal te thabs ma yin pas mtshon de phyung na ni dbugs mi bde ba dang lud pas srog 'dor bar byed do/ /gnad bzhi bcu rtsa bzhi po 'di dag tu mtshon gyis phog na 'theng 'grum la sogs par 'gyur gyi 'chi bar byed pa ni ma yin te glo bur gyi gnod pas brgya la 'chi ba yang srid do//bzhi bcu rtsa bzhi po de yang gang zhe na/ gdengs ka zhes bya ba'i gnad dang / mur 'gram gyi phyogs kyi gnad dang / mur 'gram phyogs kyi mig zur gyi gnad dang / bi du ra'i gnad dang / sngon po zhes bya ba'i gnad dang / ma ne'i gnad dang / ltag pa'i gnad dang / phrag pa'i gnad dang / 'khyil pa zhes bya ba'i gnad dang / bi Ta bo zhes bya ba'i gnad dang / ur pa shi zhes bya ba'i gnad dang / ku kun da ra'i gnad dang / pus mo'i gnad dang / mig dmar po'i gnad dang / mchan khung 'dzin pa'i gnad dang / pir lta bu'i gnad dang / gru mo'i gnad rnams so/ /gnad brgyad po 'di dag ni na zhing sdug bsngal bar byed pa ste/ de yang gang zhe na/ pir mgo lta bu'i gnad dang /long mo'i gnad dang / mkhrig ma'i gnad rnams so/ /gnad gong du smos pa de rnams las pi ti pa dang / mchan khung 'dzin pa dang / pir mgo lta bu dang / a sa pha la de rnams kyi tshad ni sor re re tsam yod do/ /mkhrig ma'i gnad dang / long mo'i gnad dang / nu ma'i rtsa ba'i gnad la sor gnyis kyi tshad du yod do/ /pus mo dang gru mo gnyis kyi gnad la sor gsum gsum gyi tshad du yod do/ /gzhang gi gnad dang / chu so dang / snying dang / lte ba dang / sngon po zhes bya ba dang / skra mtshams kyi gnad dang / ma kr-i ta dang / pir lta bu dang /sum mdo zhes bya ba dang / ma ne ya zhes bya ba dang / de rnams kyi gnad nyi shu rtsa dgu ni rang gi lag pa'i mthil gyi tshad tsam re re yod do/ /lhag ma lnga bcu rtsa drug po rnams ni sor phyed phyed kyi tshad tsam yod do/ /slob dpon gzhan dag na re gnad lnga bcu rtsa drug po de dag gi tshad ni til 'bru 'am/'bras kyi tshad tsam yod do zhes zer ro/ /gong du rlung dang / mkhris pa dang / bad kan dang / khrag rgyu ba'i rtsa bzhir bshad pa de dag gi lus thams cad brtas par byed pa yin te/ de yang gnad rnams la brten pas gal te der mtshon gyis phog ste khrag zad par gyur na lus zungs zad de rtsa'i sbubs rlung gis gang zhing rgyas nas mi bzad par na bar byed pa yin la/rlung des mkhris pa bskyod pas ni kha skam pa dang / skom dad che ba dang / myos pa dang / mgo 'khor ba dang / lus rngul ba dang / tshigs rnams bye ba dang lus lhod par 'gyur te 'chi bar 'gyur ro//ji ste gnad kyi tshigs mtshon la sogs pas tshod par gyur na/ de ma thag lag pa'am rkang pas gong 'og nas dam du bsdam zhing gzung bar bya'o/ /gal te ma bzung na ni rtsa rnams gong 'og tu 'khums par 'gyur ro/ /de la sems can rnams kyi 'tsho ba ni khrag la rag las pa yin te/khrag legs par gnas shing rgyu na ni srog kyang legs par gnas pa yin no/ /de lta bas na gnad la ma phog na ni mtshon du mas bsnun kyang 'chi bar mi 'gyur zhing / gnad la phog na ni nges par 'chi bar 'gyur la/ tshabs chung ngu bsnun kyang zha ba la sogs par blta'o//gzhan yang gnad du bsnun pa'i rma can gyi skyes bu'i drung du thal sman rnon po dang / dug dang / me dang / ba la ta ka dang / ka pit+tha'i khu ba dang 'di rnams mi bsten cing spang bar bya'o/ /gnad du phog pa'i rma la ni nyes pa phra mos kyang gnod par 'gyur bar bag bya bar gces so//gnad du mtshon gyis bsnun par yang ma zad de/ gnad kyi steng du ni gang yang rung ba gzhan byung na yang nyen dang bcas pa yin pas 'bad pa dang bcas par gso bar bya'o/ /lus kyi gnas las gnad kyi bye brag bstan pa'i le'u bzhi pa rdzogs so// // de nas lus kyis 'gyur ba'i bye brag las 'chi ltas brtag pa'i le'u bshad par bya'o/ /de la mi'i gnad rnams la nad kyis phog pa las phyi rol du 'chi ba'i mtshan ma snang ba yin te/ dper na 'bras bu'i snga rtags me tog dang / char gyi snga rtags sprin dang / me'i snga rtags du ba yin pa bzhin du skyes bu 'chi bar 'gyur ba'i snga rtags sam mtshan ma yang sngon du snang ste/de bas na 'og tu 'byung ba 'di dag gis rtogs par bya'o/ /de yang 'chi ba'i rtags 'di dag dang ldan na ni nges par 'chi bar 'gyur la/ mi ldan na ni 'chi bar mi 'gyur ro/ /ci ste sman pas gzhung las 'byung ba bzhin shes na ni 'chi ltas nges pa yin la/gal te mi mkhas pa'am/ ma brtags pa'am/ rtsing po rnams kyis ni nges par mi gzung ngo / /de la sman pa kha cig na re nad pa dang 'chi ltas gnyis ni rten dang brten pa'i tshul du gnas te/ 'chi ltas 'byung ba yang nad rnams shas cher 'khrugs pa las phyi rol du snang ste/gal te nad zhi na ni 'chi ltas kyang mi 'byung la/ ma zhi bzhin du 'chi rtags dang ldan na ni nges par 'chi'o/ /'chi ltas kyi 'gyur ba'i 'og nas 'byung ba'i mtshan ma 'di dag gis rtogs par bya'o/ /de la zungs kyi rnam pa dang / mig la sogs pa'i dbang po dang /skad kyi nga ro dang / 'byung ba chen po lnga'i rang bzhin la rtog pa dang / nyi ma dang / me long dang / chu la sogs pa'i nang du grib ma'i rtags dang / gzhan yang lus ngag yid gsum gyi sgo nas bya ba dang byed pa sna tshogs rang bzhin gyi spyod pa las yongs su nyams te/gnas skabs gzhan du 'gyur ba ni 'chi ba'i rtags su bstan to/ /skyes bu gang gi skra dang ba spu la snum gyis ma bskus bzhin du snum par 'dug pa dang / mig shin tu 'gul ba dang / mig mi 'dzums par 'bru tshugs su lta ba dang / yang na mig phugs su zhugs na yang phyir 'byung ba dang /mig ya yor 'dug pa dang / mig skrangs pa dang / mig chung ngur 'gyur ba dang / de bzhin du smin ma ring ba dang / smin ma zhum par 'gyur ba dang / rtabs mig tu lta ba dang / yang na dman par lta ba dang / bri ba dang sre mo'i mig bzhin du dmar ba dang /mgal me'i 'khor lo 'dra zhing dmar ba dang / rgyu med par mchi ma 'dzag pa dang / rdzi ma 'khrugs pa dang / de bzhin du sna chen por 'gyur ba dang / yang na zhom par 'gyur ba dang / 'brum bu phra mos khyab par 'gyur ba dang / skrang bar 'gyur ba dang /sna 'gags pa dang / sna'i nang skams pa dang / ma mchu 'phyangs pa dang / ya mchu ldog pa dang / rang bzhin gyi mdog las nyams te 'dzam bu'i 'bras bu smin pa bzhin du dmar por gyur pa dang / yang na mdog sngon por gyur pa dang / skyes bu gang gi so sha kha ra'i mdog lta bu dang /'phral la so skrangs pa dang / so 'brul ba dang / so nag skyar song ba dang / dmar po zangs mdog lta bu dang / me tog gi thig le ltar 'dug pa dang / 'dam gyis bsgos pa lta bu dang / gang dag gi lce ya yor gyur pa dang / lce rtag tu phyi rol du 'byung zhing nang du mi sdud pa dang /skrangs pa dang / skams pa dang / lci ba dang / mdog snum nag tu song ba dang / dri ma mang pos g.yogs pa dang / ro mi tshor ba dang / lce rtsub pa dang / mjing pas mgo mi theg pa dang / bdag gi lus kyang khur lci ba ltar mi theg pa snyam byed/ zas kham gcig kyang bde bar bldad mi nus par gyur na de ni 'chi ba'i rtags yin no/ /skyes bu gang la rgyu med par yan lag rnams shin tu lci ba dang / yang na shin tu yang ba dang / dug dang khrag gi gzhi med par mig la sogs pa'i sgo nas khrag 'byung ba dang / pho mtshan dang rlig pa gnyis res kyi gcig nang du nub la gcig phyir 'byung ba 'di lta bu res kyis byed na dug ma gtogs pa nges par 'chi'o//de yan chad kyi mtshan ma gang yang rung ba byung na 'chi bar 'gyur ro zhes thams cad la sbyar ro/ /skyes bu gang gi rgyu med par dpral pa 'am/chu so 'am/ mgo bo 'di gsum la rtsa zla ba chos pa lta bu'i gzugs kyog por gsal du snang na mi de ni nges par zla ba drug las mi 'tsho'o/ /dper na pad+ma'i 'dab ma la chu mi 'chags pa bzhin du skyes bu gang gis lus chus bkrus sam/ rkyal pa'i lus la chu mi 'chags na de yang zla ba drug las mi 'tshob yin no//rang gi lus la snum gyis ma bskus bzhin du snum par mthong ba'am/ spyi bo nas du ba 'thul bar mthong na ni nges par zla ba gcig gi nang du srog 'dor bar 'gyur ro/ /skra dang smin ma gang yang rung ba las skra mtshams rang bye ba'am/skra gtsug tu 'khyil ba ltar kun tu snang na/ de yang nad med pa yin na ni zhag drug gis 'chi la nad pa yin na zhag gsum gyis 'chi'o/ /skyes bu gang gi lce mdog gnag pa dang / kha nas dri rul bar 'byung ba dang / mig g.yon pa phugs su bros pa dang /spyi bo'i steng du bya babs par gyur na de ni yongs su spang bar bya'o/ /gang gi lus khrus byas la de nas byug pas byugs pa 'am/ yang na khrus 'ba' zhig byas nas lus gzhan thams cad ni gsher bar 'dug la snying ga 'ba' zhig myur du skams na de ni zla ba phyed las mi 'tsho'o//glo bur du cig car lus kyi rang bzhin gyi mdog dkar la cung zad ser ba las gzhan du gyur te smug nag tu song ba dang / de las nag por gyur pa dang / de las shin tu nag por gyur pa dang / sngon po las dmar por gyur pa dang / dmar po las ljang gur gyur pa dang /ljang gu las dkar por gyur pa dang / de bzhin du lus skems pa las myur du sha chen por 'gyur ba dang / sha che ba las myur du skems par 'gyur ba dang / glo bur du snum pa las rtsub par 'gyur ba dang / de bzhin du rtsub pa las snum par 'gyur ba dang / cig char grang ba las dro bar 'gyur na nges par 'chi bar 'gyur ro//skyes bu gang gi sor mo'i tshigs drang ba las tshigs kyi tseg sgra mi grag pa ni mi 'tsho'o/ /sngar nyung ba las lud pa dang / sbrid pa dang / gcin la sogs pa shas cher 'byung ba dang / skad gsang yang na che yang na chung na 'chi ba'i rtags so//dbugs shin tu ring bar 'thon pa dang / yang na thung bar gyur pa dang / lus kyi dri shin tu zhim par 'byung ba dang / yang na dri shin tu nga bar 'byung ba dang / 'di dag dang ldan na yang mi 'tsho'o/ /gzhan yang lo gcig tshun chad du 'chi ba'i rtags ni/skyes bu gang gi lus la khrus byas kyang rung / mi'i dri las 'das pa zhim pa 'am/ mi zhim pa'i dri 'byung ba 'am/ yang na gos dri ma can gyon pa'am/ rma la sogs pa'i nang nas gong ma lta bu'i dri ma 'byung na yang lo gcig las mi thub bo/ /rang gi lus las ro'i bye brag gang yang rung ba med bzhin du shig dang sbrang ma la sogs pa 'khor zhing 'du ba dang /de bzhin du yod pa las 'byer zhing 'dur mi 'dod na de yang lo gcig gi nang du tshe zad par 'gyur ro/ /dgun lta bu grang ba'i dus su ni lus shin tu tsha bar byed de/ tsha ba'i mtshan nyid rngul 'byung ba mi snang ba dang /rgyu med par shin tu tsha ba'i dus su ni lus grang bar ston te/ de yang lus yongs su smin pa zhes bya ste lo gcig tshun chad du 'chi bar ston to/ /gang gi lus la grang 'brum 'byung zhing yan lag tsha ba'am/ yang na lus shin tu grang ba la dro ba mi 'dod cing zhe sdang skye ba gang yin pa de ni gshin rje'i khyim du zhugs pa yin no//brang shin tu che ste lto ba rab tu grang la phyi sa sla bar 'byung zhing skom dad che ba gang yin pa de ni ror gyur pa yin no/ /mchil ma dang / gcin dang / khu ba dang / phyi sa dang / 'di rnams chu'i nang du bcug ste/ thal byung zhabs su song zhing de yang mchil ma mdog sna tshogs su 'byung na zla ba gcig gi nang du srog 'dor bar 'gyur ro//skyes bu gang gis sa ni nam mkhar mthong la nam mkha' ni sar mthong ba dang / gzugs can ni gzugs med par mthong la gzugs med pa ni gzugs can du mthong ba dang /me la sogs pa'i 'od ni 'od med par mthong ba dang / mdog dkar po ni nag por mthong la/ nag po ni dkar por mthong ba dang / med pa ni yod par mthong la yod pa ni med par mthong ba dang / mig nad med bzhin du zla ba'i gzugs mang po mthong zhing de nyid kyang mtshan dang bral bar mthong ba dang /gang gi rtsa ljang gur 'dug cing ba spu'i khung bu'i rtsa ba yang ljang gur 'dug pa dang / gang skyur ba la dga' ba ni mkhris pa'i nad kyis 'chi ba'i dus byed do/ /mgo bo'am gdong la ba lang gi lci ba stug pos khebs pa ltar snang na zla ba gcig gis 'chi bar byed do//gnyid ma log bzhin du srin po dang / dri za dang / yi dgas dang / de bzhin du grub pa dang / ma grub pa dang / sha za la sogs pa mi sdug cing 'jigs su rung ba'i gzugs sna tshogs mthong na srog dang bral bar 'gyur ro/ /skar ma sme bdun mthong la srog skar lha mo sgrib byed ma mthong ba dang /nam mkha' mthong la dgu tshigs ma mthong ba dang / nam mkha' la skar ma gung tshugs ma mthong na lo gcig tshun chad kyis nges par 'chi'o/ /'brug gi sgra dang / chu'i sgra dang / pi wang gi sgra dang / gling bu dang / rnga bo che'i sgra dang /'di rnams kyi sgra yang dag pa ni ma thos pa dang / de bzhin du med pa thos na 'chi bar 'gyur ro/ rna ba'i bu ga mdzub mos bkab pa dang chu'i sgra bzhin du 'ur 'ur zer ba yod de/ de rang gis ma thos na 'chi'o/ /de bzhin du dri dang / ro dang / reg la sogs pa phyin ci log tu mthong ba ste/dri zhim pa ni nga bar tshor la dri nga ba ni zhim par tshor ba dang / ro yang mngar ba ni tsha bar shes tsha ba ni mngar ba yin no zhes zer ba dang / reg pa 'jam po ni rtsub pa zhes zer/ rtsub pa ni 'jam pa dang / de bzhin du sra ba dang / snyi ba dang / grang ba dang /dro ba dang / snum pa la sogs pa phyin ci log tu smra ba dang / shes pa ni srog gi dbang po 'das zin pa yin no/ /yang na grong gi dri la sogs pa bzang ngan gang yang rung ba mi tshor na de yang nges par 'chi'o/ /me mar shi ba'i dri snas mi tshor na yang 'chi'o/ /sman dpyad gzhung dang mthun par byas na yang des phyir zhing thu bar byed la sman dpyad log par byas na rung ba ltar byed pa yang 'chi ba'i rgyu'o//gang gi lus rdul gyis g.yogs pa dang / lus la mtshon la sogs pas bsnun na yang mi tshor na yang 'chi ba'i rtags su ston pa yin no/ /dka' thub drag po dang /cho ga dang rnal 'byor grub pa'i rgyu sngon chad ma bsten par dbang po'i yul las 'das pa'i chos khyad par can shes pa 'am/ mthong ba 'am/ smra ba yang 'chi ba'i rtags so/ /gnyug ma'i skad chung ba las che bar gyur pa dang / bar bar du smra 'dod pa la dran pa mi gsal te smra mi nus pa dang /skad 'dzer ba dang / skad nyam chung ba dang / gzi mdangs dang stobs bri ba dang / zas dang spyod lam tshul bzhin du bsten kyang nad 'phel bar byed na ni de yang 'chi ba dang nye ba yin no/ /rang bzhin gyis skad dang bral ba dang / nga ni 'chi'o zhes skad ngan 'don pa dang /khyod shi'o bya ba'i sgra thos pa de ni 'chi bar 'gyur bas ring du spang bar bya'o/ /lus kyi dbyibs kyi rnam pa dang / chu zheng la sogs pa'i tshad dang / dkar nag la sogs pa'i mdog dang / gzi mdangs la sogs pa'i grib ma'am/ gzugs brnyan rang bzhin las 'gyur te gzhan du mthong na tha na rmi lam gyi nang du snang ba yang 'chi ba yin te/de yang nyi ma dang / chu dang / me long gi nang du lus dbyibs dang chu zheng gi tshad snang ba ni grib ma zhes bya ste/ de yang grib ma chad par snang ba dang / dum bur snang ba dang / mgo med par snang ba dang /chen por snang ba dang / mi sdug par snang ba dang / mgo gnyis par snang ba dang / ya yor snang ba dang / de la sogs pa bdag gi lus dud 'gro'i gzugs gang yang rung bar nyi ma la sogs pa'i nang du snang na/ skyes bu de ni tshe rdzogs pa yin par rig par bya'o//de ltar mi snang na ni 'chi ba'i mtshan ma ma yin no/ /nad pa'i mig gzhan gyi mig la bltar bcug ste/ rang gi gzugs brnyan de'i nang du ma mthong na tshe zad par khong du chud par bya'o/ /mdog dang gzi brjid ni lus nyid la bltar snang ba ste/ de yang lus la nam mkha' la sogs pa 'byung ba chen po lnga'i rang bzhin mtshan nyid la sogs par brtag pa ni de las nam mkha'i mtshan nyid ni dri ma med pa dang mdog sngo ba snum zhing mdangs dang ldan pa'o//rlung gi mtshan nyid ni rdul gyis g.yogs pa dang / mdog dmar skyar 'dug pa dang /smug nag dang / thal skyar 'dug pa dang / mdangs nyams pa'o/ /me'i mtshan nyid ni mdog shin tu dmar ba dang / gzi byin dang ldan pa dang / mthong na dga' ba'o/ /chu'i mtshan nyid ni bai DUR+Ya'i mdog ltar sngo ba dang / dri ma med pa dang / mdog shin tu snum pa'o/ /sa'i mtshan nyid ni brtan pa dang / snum pa dang / lus sha rgyas pa dang / dag pa dang / smug nag tu 'dug pa dang dkar ba'o/ /lnga po de dag las rlung gi mtshan nyid dang ldan na ni nad dang nyon mongs pa dang / mi bde ba dang / 'chi ba yang ston to/ / lhag ma dang ldan na ni bde ba skyed par byed do/ /gong du smos pa'i me'i mtshan nyid ni gzhan pas khyad par rnam pa bdun dang ldan te/ dmar ba dang / ser ba dang / dkar ba dang / smug nag dang / sngo ba dang / skya bseng dang / nag po'o/ /'byung ba lnga dang / me'i mtshan nyid bdun po re re la yang snum pa dang /dri ma med pa dang bcas na ni khyad par du bde ba skyed do/ /rtsub pa dang dri ma can dang bcas na ni sdug bsngal skyed par byed do/ /mdog dang mdangs gnyis la khyad par du blta ba ni mdog ni snum pa dang nag pa sogs ma yin la mdangs ni lus kyi gzi byin yin te lus kyi mdog gsal bar byed pa'o/de la grib ma dang gzi mdangs gnyis dang mi ldan pa'i sems can ni gang yang med de khyad par du mi rnams kyi dge ba dang mi dge ba'i mtshan ma yang grib ma dang gzi mdangs kyis ston pa yin par shes par bya'o/ /gzhan yang rkang pa gnyis nyed pa dang /rkang pa sa la 'phre ba dang / rkang pa g.yo ba ni 'chi bdag gi dbang du song ba'o/ /kha zas mang du zos kyang nyams stobs bri ba dang / ma zos kyang nyams stobs skye ba 'am/ kha zas mang du zos kyang bshang gci nyung ba dang / ma zos kyang mang ba dang /kha zas nyung ngu zos kyang bad kan gyis nyam thag pa dang / dbugs ring du 'thon cing 'gengs la 'dud pa ltar byed pa dang / dang po dbugs ring po 'thon pa las mjug tu dbugs thung du rtseg thabs su byung ste gdung ba ltar shugs 'byin pa dang / dbugs thung ngu 'byin cing gnad du bsnun pa ltar shin tu 'dar ba dang /rtse'u chung 'khums te mgo shin tu bsgul dka' ba dang / dpral ba la rngul mang po mchi ma'i rgyun bzhin du 'byung ba dang / lhu tshigs bye ste rkang lag 'chal ba dang / nyams stobs che yang rung / chung yang rung ldang ba'i tshe dran pa nyams shing 'gyel pa dang /gan rkyal du nyal zhing rkang pa yang dang yang brkyang bskum byed pa dang / rtsig pa dang mal cha la sogs pa la lag pa 'brud pa dang / dgod pa'i rgyu med par dgod pa dang / rgyu med par mya ngan byed pa dang / mchu dang so la lces yang dang yang du bldags pa dang /lces ya mchu bldag cing myong bar byed la rkan yang dang yang gtogs pa dang / lus mdog nag po dang / ser po dang / dmar skya la sogs par yang dang yang 'gyur ba dang / sman pa dang / zas dang / sman dang / btung ba dang / bla ma dang / bshes gnyen rnams la zhe sdang skyes pa ni 'chi bdag gi dbang du gyur pa yin no/ /skyes bu gang me'i drod chung ba dang / sems mal gcig na mi gnas pa dang / mdog 'gyur ba dang / rtag tu mya ngan gyis sems gdung ba ni mi 'tsho'o//nad pa'i sngon du bsngos pa'i zas dang / gtor ma bya rog gis mi 'dod pa dang / bcud kyis len la sogs pa'i gzhi med par blo bur du mkhas par 'gyur ba dang / lus sha rgyas pa dang / gzi byin dang mdangs dang ldan zhing mdzes pa dang / dpal thob par byed pa dang /gal te sngar thob pa las nyams pa de ni gshin rje'i khyim du 'jug pa yin no/ /skyes bu gang la skyon gyi rnam pa rlung dang / mkhris pa dang / bad kan gsum dang / yon tan gyi rnam pa rdul dang / mun pa dang / snying stobs gsum gyi rang bzhin yod pa las gzhan du gyur na/de ni na yang rung mi na yang rung ste de ni nges par zla ba drug gis 'chi bar bstan to/ /gang la gus pa dang / tshul khrims dang / dran pa dang / gtong ba dang / blo dang / stobs 'di rnams sngar yod pa las rgyu med par ldog par byed na zla ba drug gis 'chi bar 'gyur ro//skyes bu gang chang gis myos pa ltar 'gro ba dang / tshig 'dar zhing rmongs pa de yang tshe zad pa yin no/ /gang gi skra la lag pas nyug pas tshor ba med par rang 'byin zhag drug gis 'chi bar ston to//lkog ma'i nad med bzhin du zas gre ba nas mar 'gror mi 'dod pa dang / nad pa la nad g.yog sngar brtse ba yin pa la phyis brtse ba chung ba'am/ 'dor ba ltar snang na yang tshe gtugs pa yin no/ /skyes bu gang nyin mtshan du gnyid log par byed dam/ yang na ye med par byed na yang de ltar blta'o//rgyu med par mchi ma mang po 'ong ba dang / rgyu med par rkang pa rngul pa dang mig dmar por gyur na gshin rje'i gnas su 'gro bar 'gyur ro/ /dngos po gang la sngon dga' ba la phyis skyo ba 'am/ zhe sdang na yang tshul gong ma ltar sbyar ro/ /skyes bu gang la rims la sogs pa'i mtshan nyid nges par tshabs che ba ltar snang la sman dpyad ma byas par zhi ba ltar byed na 'phral 'chi ba'i rtags so//rims kyi mtshan nyid tshabs cher bying ba dang / rgyun ring du na ba dang / tshabs cher bla ba dang / 'khor ba dang / dbugs mi bde ba dang /skrangs pa dang / me'i drod nyams pa dang / stobs dang ldan pa dang / tshig mi gsal ba dang / mig dmar ba dang / snying du zug pa dang / mtshan nyid 'di lta bu dang ldan pa'i rims kyang 'chi ba'i mtshan ma yin no/ /rims nad las snga dro lud pa 'gogs su mi btub pa skam po 'byung la/phyi dro lud pa mchil ma can 'byung ba dang stobs dang sha zad na de yang 'chi ba'i rtags so/ /khrag dang mkhris pa shas cher 'khrugs pa'i khrag mdog gnag pa dang / tshon gyi mdog 'dra ba dang / dmar po dang / ser po dang /ljang gu'i mdog tu snang ba dang / ba spu'i khung bu nas khrag 'dzag pa dang / dang ga nas khar khrag mang po 'byung zhing brgyal ba dang / khrag de yang shugs yang dang yang du 'byung la dri mi zhim zhing gos la 'jen pa dang / shun tu rgyas pa skya rbab dang / rims kyis btab pa dang /mtshan ma 'di dag dang ldan na srog gi dbang po 'das pa yin no/ /lud pa dang dbugs mi bde ba'i nad la rims dang / skyug bro ba dang / skom dad che ba dang / 'khru ba dang / skrang ba'i brla brnan yod na yang mi 'tsho'o/ /gcong chen po'i nad la rtsib logs g.yas g.yon du zug cing na ba dang /lto sbo ba dang / khrag skyug pa dang / lus tsha ba dang bcas pa'i nad pa de ni srog gi rgyun 'gag par ston to/ /skyug pa'i nad la rtag tu skyug pa dang / bshang gci'i dri bzhin du slon pa'i dri mi zhim pa dang / rma bya'i mdongs bzhin du tshon sna tshogs su skyug pa dang /de yang khrag dang / bshad pa dang / rnag dang / nad dang bcas pa dang / lud pa lu ba dang / dbugs mi bde ba dang ldan na de ni nges par pha rol du 'pho ba'o/ /skom dad che ba'i nad la sogs pa'i nad gzhan gyi rkyen gyis lus skams pa dang /lce phyir 'byin pa dang / dran pa mi gsal ba de ni tshe 'di spangs pa yin no/ /chang nad la ni shin tu grang bas nyam thag pa dang / lus kyi sha bri ba dang / til mar gyis bskus pa 'dra na 'chi ba'i rtags so/ /gzhang 'brum gyi nad la lag pa dang /rkang pa dang / lte ba dang / bshang ba'i lam dang / 'bras bu rnams skrangs pa dang / snying dang / rtsib logs dang / yan lag rnams na ba dang / slob pa dang gzhang 'brum smin cing rims dang bcas pa ni 'chi ba'i mtshan ma'o/ / tshad pas 'khru ba la 'khru ba'i mdog mtsher ba'i dum bu dang 'dra ba dang / sha bskus pa'i chu 'dra ba dang / nag smug tu 'byung ba dang / til mar lta bu dang / mar lta bu dang / 'o ma lta bu dang / rkang lta bu dang / tshil lta bu dang / bu ram chu lta bu dang / glad pa lta bu dang /snag tsha lta bu dang / dri mnam pa dang / sha btsos pa lta bu dang / sbrang rtsi lta bu dang / shin tu dmar ba dang / gnag pa dang / snum pa dang / rnag 'dra ba dang / shin du dang ba dang / ska ba dang / mdog sna tshogs su 'byung ba dang / ma tshor bar rang 'byung ba dang /bshang ba mang ba dang / yang na med pa dang / kha chu lta bu dang / 'byar bag sbrang ma 'dzin pa dang / gra ma lta bu'i ri mo can dang / zla ba lta bu'i thig le yod pa dang / gzhang phyir phyung ste bkas pa 'dra ba dang / rus pa dang tshigs thams cad na ba dang /bshang sgo 'dzums mi nus par gdangs pa dang / stobs zad pa dang / gzhang phyir 'byung zhing nang du zhugs pa dang / skom dad che ba dang / dbugs mi bde ba dang / slon pa dang / lus tsha ba dang / lto sbos pa dang / sgra dang bcas par 'byung ba dang /mtshan ma 'di dag dang ldan na nges par srog 'joms pa yin no/ /rde'us 'gags pa la ni rlig pa skrangs pa dang / gcin 'gag cing nad kyis nyam thag pa ni 'chi'o/ /gcin snyi ba la ni skom dad che ba dang / lus tsha ba dang / sha skrangs pa dang / 'khru ba dang /gnad rnams su tshad 'brum byung ste snying dang rgyab na ba dang / nu ma dang / phrag pa dang / bshang ba'i lam dang / mgo bo dang / tshigs rnams dang / lag pa dang / rkang pa dang / gnas de dag gang yang rung bar tshad 'brum 'byung ba dang / sems zhum pa dang /'di rnams dang bcas na srog ring po mi thub bo/ /me dbal kyi nad la lus thams cad la mched cing myags pa dang / rnag 'dzag cing lus tsha ba dang / skom dad che ba dang / rims kyis 'debs pa dang / tshigs thams cad rengs pa dang / skyigs bu dang /dbugs mi bde ba dang / glad pa 'khor ba dang / lus ngal ba de dag dang ldan na 'chi bar ston to/ /skran gyi nad la skran nyid tshabs cher zlum la che ba dang / rdo ba bzhin du sra ba dang / rus sbal gyi rgyab bzhin du phyi rlo ba dang / skran gyi steng du rtsa snang ba dang / rims kyis 'debs pa dang / skyug pa dang / skyigs bu dang / lto sbo ba dang / de yang zug gzer dang bcas pa dang / lud pa lu ba dang / cham pas btab pa dang / snying na ba dang / dbugs mi bde ba dang / 'khru ba dang / skrang ba dang / 'di dag dang ldan na spang bar bya'o//dmu rdzing gi nad du bshang gci nang du stsogs shing phyir mi 'byung ba dang / dbugs mi bde ba dang / skrang ba dang / skyigs bu dang / rims kyis 'debs pa dang / mgo 'khor ba dang / brgyal ba dang / slon pa dang / 'khru ba dang / nyam chung ba dang /mig mchu skrangs pa dang / pho mtshan skrang zhing yon por 'dug pa dang / lto ba'i pags pa las chu 'dzag pa dang / bkru sman gyis bkrus na yang lto ba phyir zhing skye ba dang / mngon rtags 'di dag yod na nges par 'chi ba'i rtags so/ /skya rbab kyi nad la ni skrang ba dang /mig dang sen mo ser por snang ba dang / snyom pa dang / lus tsha ba dang / yi ga 'chus pa dang / slon pa dang / brgyal ba dang / lto rgyas pa dang / 'khru ba dang / 'di rnams kyi mtshan ma dang bcas pa'i skya rbab ni 'chi ba'i rtags so/ /skrang ba'i nad la ni nad kyi bla brnan sna tshogs dang ldan zhing rkang pa gnyis las yar skrangs te gdong du phyin par skrang ba ni skyes pa 'chi ba'i rtags yin la/gdong nas mar rkang par phyin par skrang pa ni bud med 'chi ba'i rtags so/ /dku dang pho mtshan la skrang 'byung ba dang /skrangs pa'i steng du rtsa phra mos khebs te chu 'dzag pa dang / skyug pa dang / rims dang / dbugs mi bde ba dang / 'khru ba dang / gzhan yang thog mar rims kyis btab pa dang / yang na 'khru bas btab ste nyam chung ba'i steng du skrangs nad 'byung ba 'am/yang na skrangs nad kyis nyam chung ba las rims sam 'khru bas btab pa dang / khyad par du nyam chung ba la skrangs nad 'byung na lus 'joms par byed do/ /skyes bu gang gi lus rkang pa nas skrang ba zug ste/ byin snying dang brla 'og tu skrangs te rang bzhin las nyams nas lag pa dang sha lhod par 'dug na nges par spang bar bya'o//gdong dang / lag pa dang rkang pa lhag par skams shing skrangs na de'i 'byung ba chen po lnga ni tha dad par rig par bya ste/ zla ba gcig gis srog 'dor bar bstan to/ /me dbal gyi nad kyis btab pa ni kha dog sna tshogs su snang ba dang /rims kyis 'debs pa dang / brgyal ba dang / yan lag rnams grugs pa dang / mgo 'khor ba dang / kha skams pa dang / snying na ba dang / lus stobs chung ba dang / 'khru ba ni 'chi bar bstan to//mdze nad la ni yan lag chad pa dang / mig dmar ba dang / skad zhom pa dang / me drod nyams pa dang / srin bu rnams bsten pa dang / skom dad che ba dang / 'khru ba dang / 'di dag dang ldan na 'chi ba'i mtshan ma'o/ /rlung nad la ni pags pa chor ba med pa dang /tshigs rnams bye ba dang / lus 'dar ba dang / skrang ba dang / zug gzer byed pa dang / 'di dag dang ldan na nges par 'chi'o/ /dreg nad la ni rmongs bag tu 'dug pa dang / brgyal ba dang / 'dzag pa dang / gnyid che ba dang / rims kyis 'debs pa dang /mgo rengs pa dang / yi ga 'chus pa dang / dbugs mi bde ba dang / rkang lag 'khums pa dang / 'brum bu 'byung ba dang / sha skem pa dang / 'di dag ni 'chi ba'i mtshan ma'o/ /gzhan yang 'chi ba'i mtshan ma ni/ mgo na ba dang / yi ga 'chus pa dang / dbugs mi bde ba dang / rmongs pa dang / rtag tu 'khru ba dang / skom dad che ba dang / mgo 'khor ba dang / nad sna tshogs pas lus kyi skad dang / khams kyi stobs dang me'i drod nyams te zad par byed na 'chi ba yin no zhes bshad pa yin no/ /rlung gi nad dang / brjed byed dang /mdze dang / khrag gi dmu rdzing dang / zad byed kyi nad dang / skran dang / gcin snyi ba dang / nad 'di rnams gang yang rung bas lus shin tu nyam chung ba'am/ rid pa la btab na ni nad tshabs chung yang ring du spang bar bya'o/ /nad gang gi stobs dang sha zad la nad kyang 'phel te yi ga 'chus pa ni zla ba phyed dang gnyis nas 'chi bar bstan to//rlung las gyur pa'i rdo'am gtun bu lta bu zhes bya ba'i nad yod de/ de yang snying la gnas nas phal cher 'phel zhing rgyas pa dang / skom dad shin tu che bar gyur na 'phral 'chi ba'i rgyu'o/ / rlung nad kyis byin pa shin tu lhod par gyur pa dang / lus kyi sha zad cing / rtse'u chung ngam sna yon por 'chus par snang na 'phral 'chi bar ston to/ /yang na lte ba'am rkub kyi nang ngam/ brla brag gi nang du rlung zhugs te/ tshabs cher zug gzer byed na de ma thag tu tshe 'phrog go//yang na lus shin tu nyam chung ba la rlung shin tu stobs dang ldan pa snying ngam bshang ba'i lam la gnas te/ stod smad kyi rgyu ba bkag na de nyid du 'chi ba'i mtshan ma'o/ /yang na lte ba dang chu so dang mgo rnams su rlung gis dri ma rnams bkag ste zug gzer drag po myong na 'phral 'chi ba'i mtshan ma'o//yang na brla brag gnyis su rlung zhugs te skom dad skyed cing bshang ba sla bar 'byung na srog gi rgyun 'phral 'gag go/ /yang na rlung bshang ba'i lam dang rgyu smad la brten nas/ thur du rgyu ba bkag cing gyen du dbugs mi bde ba byed na srog 'phral 'phrog go//yang na rlung brang la brten nas de yang rlung shin tu drag cing brtan pas khong pa'i nang dang rtsib ma'i rtse mo bye ba tsam du byas te mig bgrad na de ma thag tu 'chi'o/ /glo bur rims drag pos thebs shing tsha bas gdungs la skom dad che ba dang / brgyal ba dang / nyams stobs zad pa dang / tshigs rnams bye ba ni 'phral srog 'joms so/ /nang par ba lang bzas la btang ba'i dus su gdong la rngul tshabs cher 'byung zhing kha'i nang na bad kan nam dri mas bsgos pa dang / rims tsha bas gdungs na de'i 'tsho ba ni shin tu rnyed dka'o/ / 'brum pa phra mo byu ru'i mdog 'dra ba lus la byung ste/ de ma thag nang du nub na yun mi ring bar 'tsho ba 'gag go/ /yang na 'brum bu'i mdog sran chung shun pa bshus pa'am/ yang na byu ru'i mdog ltar dmar ba kha nang du bltas nas tshad pa 'brum thabs su byung na khyad par du lus 'joms par byed do//mig ser bzhin du gdong thams cad ser por gyur cing mur 'gram gyi sha zad de dngas pa dang / lus drod che ba gang yin pa de ni spang bar bya'o/ /sngar lus la rma yod pa las rma glo bur snang ba ltar snang zhing de yang me dbal bzhin du myur du mched par byed na 'di yang spang bar bya'o//gzhan yang rlung las gyur pa'i rma la zug gzer med pa dang / mkhris pa las byung ba'i rma la tsha ba chung ba dang / bad kan las gyur pa'i rma la rnag med pa dang / gnad du byung ba'i rma la rnag med pa dang / rma'i nang du phye mas ma btab bzhin du phye mas gang ba ltar snang ba dang /de bzhin du rma la rgyu med par mdung thung dang / rgyal mtshan dang / mda' bo che la sogs pa'i gzugs su snang na/ 'di dag kyang thag ring du spang par bya'o/ /mtshan bar rdol gyi nad las bshang gci gnyis ka rma las 'byung ba dang /rma las 'bu skyes pa dang / pus mo dang rkang pa gnyis gcig la gcig nyed par byed pa dang / yang dang yang kha myang bar byed na de ni 'tsho ba spangs pa yin no/ /nad pa sen mo sos gcod pa dang / sen mos skra 'bal ba dang / sen mos rtsa gcod pa lta na de yang 'chi ba'i rtags so//shing bus sa la ri mo 'dri ba dang / bor ba'i 'ben la bod pas brdegs na de yang 'chi ba yin no/ /nad pa ba spu langs pa dang / gcin ska bar 'byung ba dang / lud pa sra ba dang / rims kyis 'debs pa yang srog nges par 'bral lo//nad pa yang dang yang du dgod pa dang / skad chen po 'don pa dang / stan la rkang pa brdeg pa dang / sna la sogs pa'i bu ga 'brud par byed na 'chi ba'i mtshan ma'o/ /nad pa la glo bur du gdong la ngo shig thig le lta bu byung ba dang / so dang sen mo la glo bur du thig le dkar po byung ba dang /lto ba'i steng du rtsa'i dra ba sna tshogs bkra ba dang / nad pa dbugs gyen du mi 'byung zhing dred yal ba dang / brla brag tu gzer ba dang / bde ba thob pa dang bral na blo dang ldan pas de'i phyir spang ste dor bar bya'o/ /nad la sogs pa'i 'gyur ba ni shas cher 'phel la/rang gi rang bzhin ni yongs su nyams te/ de yang 'phral la 'gyur na de ma thag 'chi bar 'gyur ro/ /'phral sman pas nad pa'i don du sman gyi sbyor ba 'bad nas bsgrubs na yang bar chad la sogs pas don du ma gyur na yang 'chi ba'i rtags so/ /sman pa mkhas pa las mang po goms shing grub pas lung las 'byung ba'i cho ga ji snyed pa rnams spyad kyang ma grub ste/nad ma zhi na de la gso ba'i thabs med do/ /yang na sman pas zas dang sman la sogs pa tshul bzhin du sbyar na yang phyin ci log tu ro dang nus pa la sogs pa gzhan du gyur na yang de nad med pa yin na yang mi 'tsho'o//nad pa'i gnas su shing skam po me sbar te der rlung yang ma byung / chus kyang ma blugs bzhin du me 'bar ba yang dang yang shi ba dang / snod kyi rnam pa gang yang rung ba lag pa la sogs pa'i nang nas ma btang bzhin lhung zhing chag pa ni nges par 'chi bar bstan to//skyes bu gang gi lus shin tu nyam chung zhing nad kyis gzir ba yin pa las glo bur du sos pa ltar byed pa dang / yang na nad zug gzer dang bcas pas nyam thag na 'chi rtags su rig par bya'o/ /nye du rnams kyis nad pa'i sos shi'i bye brag dris kyang sman pas smra bar mi bya ste/'chi rtags dang ldan bzhin du gso ba'i dpyad kyang mi bya'o/ /gshin rje'i pho nya dang sha za la sogs pa nad pa'i drung du bsten nas nad pa'i srog 'phrog par bya ba'i phyir sman gyi mthu stobs dang nus pa zad cing chud gson par byed de de bas na de ni spang bar bya'o//de la tshe'i rig byed 'di dag thams cad bdag gis rang bzor byas pa ma yin gyi/ sngon gyi rig byed la mkhas pa'i sman pa rnams kyis gsungs pa'i lung bstan te bshad cing bstan pa yin no/ /de bas na 'chi rtags kyi mtshan nyid la brtson pa dang bcas pas mkhas par bya ba dang rtogs par bya'o//yang na na ba dang mi na ba'i mtshan nyid la mkhas shing bye brag phyed na sman pa zhes bya ba'i grangs su 'gro'o/ /de la sman pa zhes bya ba ni nad mi 'byung ba la mkhas pa dang / nad gso ba la mkhas pa ni zug rngu 'byin pa zhes bya'o/ / mdor na na ba dang mi na ba'i bye brag la mkhas pa dang / nad pa la 'chi ltas med cing tshe yod par shes la de gso ba 'am/ srung ba la mkhas pa ni tshe'i rig byed kyi 'bras bu yin no/ /de la 'chi ba zhes bya ba ni srog dang bral ba yin la 'chi ba de ni sngon gyi drang srong mkhas pa dang ldan pa rnams kyis rnam pa bzhir shes te/de yang tshe zad nas shi ba dang / bsod nams zad nas shi ba dang / de gnyis ka zad nas shi ba dang / dus ma yin par 'chi ba dang bzhi'i tshul du shes nas bstan pa yin no/ /lus kyi gnas las lus mdog dang tshul spyod las 'chi ltas 'byung ba'i le'u ste lnga pa'o// //de nas bang chen la sogs pa'i mtshan ma dge ba las 'chi ltas brtag pa'i le'u drug pa bshad par bya'o/ /sman pa'i gan du nad pa'i pho nya sbron du 'ongs pa na ya mtshan can rab tu byung ba dang / bram ze la sogs pa rigs bzhi po nad pa rang gi rigs dang mthun pa'i 'phrin pa 'ongs na ni las grub pa'i mtshan ma'o//gal te ya mtshan can la sogs pa gong ma'i rigs las 'chol ba 'am/ gzhan pa'i pho nya byung na ni gso ba'i las mi 'grub pa'i rtags so/ /ci ste rang gi rigs dang mthun pa'i 'phrin pa 'ongs na yang 'og nas 'byung ba'i mtshan ma 'di dag ltar snang na gso ba'i 'bras bu med par khong du chud par bya'o//de la sman pa 'bod du 'ongs pa'i tshe pho nya de yang shin tu dman pa'i tshig tu smra ba dang / pho nya 'jigs pa dang bcas pa dang / shin tu rings thabs su smra ba dang /sngangs bag can dang bcas pa dang / tshig rtsub bag tu smra ba dang / bkra mi shis par smra ba dang / pho nya lag na mtshon cha thogs pa dang / dbyug pa thogs pa dang / g.yon can dang / mgo bregs pa dang / skra'i la ba can dang / dge mtshan med pa'i ming dang ldan pa dang / las ngan pa can dang / gos dri ma can dang / bud med 'phrin par 'ongs pa dang / mi mang po pho nyar 'ongs pa dang / 'phrin pa nad kyis btab pa dang / lus mi sdug pa dang / me tog gi phreng ba dmar pos lus brgyan pa 'am/li khri la sogs pa'i byug pas skud pa dang / 'bru mar gyis lus skud pa dang / 'dam gyis skud pa dang / gos rnying pa gyon pa dang / mdog nyams pa'i gos gyon pa dang / chus 'drul ba'i gos gyon pa dang / gos gcig pa dang / pho nya de bong bu dang / rnga mo dang /ma he zhon te 'ongs pa dang / pho nya de rdo mkhan dang / shing mkhan dang / gong ma'i skyon gang yang rung ba dang ldan pa'i 'phrin pa rgyang ring po nas sman pa la 'bod na sman pa nad pa'i gan du 'gro bar mi bya'o/ /sman pa bdag nyid dge mtshan ma yin pa'i bsam pa byed pa'am/dge mtshan ma yin pa'i tshig smra ba'i dus su 'phrin pa 'ongs pa dang / sman pa gcer bur 'dug pa dang / rtswa gcod cing 'dug pa dang / rdo 'bugs shing 'dug pa dang / pha ma'i ched du sbyin sreg dang / mchod sbyin byed pa dang / sa la nyal zhing 'dug pa dang /skra bshig pa dang / mar skud cing 'dug pa dang / sman pa mya ngan dang smre sngags 'don cing ngu ba'i dus dang / sman pa smyung ba byed cing 'dug pa dang / mdor na sman pa'i spyod lam gong ma gang yang rung ba dang ldan pa'i skabs su 'phrin pa 'ongs na nad pa de nges par 'chi ba yin par khong du chud par bya'o//nad pa'i nad gzhi dang / dus dang / pho nya dang / sman pa dang / phyogs su ldan par tshogs pa las ltas su bya ba ni/ nad pa bad kan gyi gzhi yang yod la/ sman pa dang 'phrin pa gnyis kyang chu 'gram du snga dro phrad pa dang / nad pa mkhris pa'i gzhi yang yod la me'am tsha ba'i phyogs su sman pa dang pho nya nyi ma byed la phrad pa dang /nad pa rlung nad gyi gzhi yang yod la/ ngam grog dang g.yang sa lta bur sman pa dang pho nya phyi dro phrad par gyur na de ni gso ba'i yul las 'das pa yin no/ /gzhan yang sman pa'i drung du pho nya 'ongs pa'i tshe 'di dag ltar snang na yang 'chi ba'i mtshan mar bya ste/de yang lte ba lag pas nom pa dang / de bzhin du sna dang / kha dang / skra dang / ba spu dang / sen mo dang / so dang / pho mtshan dang / rgyab dang / nu ma dang / mgrin pa dang / lto ba dang / mthe'u chung dang /'di dag la nom pa dang / nyug pa dang / reg par snang ba dang / gzhan lag pa nas ras bal thogs pa dang / de bzhin du phub ma dang / zha nye nag po dang / rus pa dang / rtswa dang / gtun brdung dang / rdo dang / phyags ma dang / zhib ma dang / gos kyi dum bu dang /thal ba dang / sol ba dang / ras kyi kha tshar dang / gzigs ma dang / thag pa dang / gtun dang / srang dang / zhags pa dang / 'di dag lag tu thogs te 'ongs pa dang / gzhan yang snod chag pa dang / nyams pa la sogs pa lag tu thogs pa'ang rung ste/mtshan ma de dag sman pa'i mig sngar snang na nad pa nges par 'chi ba'i rtags so/ /gzhan yang nyin zhag gi bye brag la sogs pa las pho nya'i mtshan ma bstan pa ni 'phrin pa sman pa'i gan du mtshan phyed na 'ongs pa dang / de bzhin du nyi ma phyed dang / tho rangs dang / dgongs dang / gnam stong dang / gzhan yang tshes drug dang / tshes bzhi dang / tshes dgu dang / sgra gcan dang / mjug rings shar ba'i dus dang / nyi zla gzas zin pa'i dus dang / skar ma bra nye dang / smin drug dang / skag dang / chu stod dang / gre dang / khrums stod dang / snrubs dang / skar ma de rnams dbang ba'i nyin zhag la pho nya 'ongs te nad pa'i don du shog shig ces bya ba la sogs pa'i tshig gis 'gugs par byed na yang mi dge ba'i rtags te/ sman pas bgrod par bya ba'i gnas ma yin no/ /sman pa nad pa'i gan du chas pa'i tshe lam kar 'di dag mthong ba 'am thos pa ni mi 'grub pa'i mtshan ma ste/dbang po ma tshang ba'i mi dang / mi ro'am mi ro'i rgyan gyis brgyan pa mthong ba dang / thag pa la sogs pa chad pa dang / gos la sogs pa tshig pa dang / snod chag pa la sogs pa'i sgra thos pa dang /mi ro dri mi zhim pa'am/ reg pa yang shas cher rtsub pa dang / gzhan yang de dag 'dra ba'i mi dge ba'i mtshan ma mthong ngam thos na mi dge ba'i rtags so/ /gzhan yang lam du ha ha zhes bya ba'i sgra dang / gcig la gcig brdeg pa dang / 'thab pa'i sgra dang /lhung ba'i sgra dang / sbrid pa'i sgra dang / 'di lta bu mthong ba dang / gos dang / gdugs dang / mtshon cha chag pa dang / sdug bsngal dag mthong ba dang / gzhan yang mchod pa'i rten dang / rgyal mtshan dang / snod gang yang chu'i nang du nub pa mthong ba dang / bsad pa dang /dbug pa dang / bsreg pa la sogs pa'i sgra drag po thos pa dang / sman pa lam du 'gro ba'i tshe thal ba'am/ rdul gyis g.yogs pa'am/ byi la dang / srog chags go da dang / sram dang spre'u rnams kyis lam bcad pa dang / gang na nyi ma rgyu ba'i phyogs su nad pa gnas pa der 'gro ba dang /sha za ba'i gcan gzan gung la sogs pa dang / bya rgod la sogs pa'i sgra mi bzad pa thos pa dang / 'di lta bu mthong ba dang / thos pa yang nges par 'chi ba'i rtags su rig par bya'o/ /gzhan 'di dag mthong na yang mtshan ma ngan pa ste/ 'bru nag po dang /bu ram dang / dar ba dang / lan tshwa dang / btung ba dang / pags pa dang / yungs kar dang / zhag dang / 'bru mar dang / rtswa dang / 'dam dang / bud shing dang / ma ning dang / rigs ngan pa dang / rgya dang / rnyi dang / slon pa dang / bshang ba dang / rnag dang / de la sogs pa'i mtshan ma ngan pa mthong ba dang /snying po med pa dang / 'khrig pa spyod pa dang / /gzhan yang gang 'phrin pa ras bal thogs pa la sogs pa'i mtshan ma gang yang rung ba 'dir mthong na yang mtshan ma ngan par blta'o/ /sman pa dgra dang phrad pa dang / mal dang / stan dang / khyogs kha sbub tu mthong ba dang /de bzhin du snod la sogs pa kha sbub tu mthong na thams cad 'bras bu med pa yin no/ /sman pa lam du 'gro ba'i tshe pho'i ming dang ldan pa bya ngang pa dang / sreg pa dang / lco ga la sogs pa g.yon logs na gnas pa dang / mo'i ming dang ldan pa ri dgas dang lco ga mo la sogs pa g.yas logs na gnas pa dang /bya dang ri dgas la sogs pa g.yon nas g.yas su 'gro na dge ba'i mtshan ma'o/ /khyi dang wa gnyis ni g.yas nas g.yon du 'gro na shis pa'i mtshan ma'o/ /ri dgas gnyis la sogs pa zung du mi them pa'i gsum dang / lnga la sogs pa mthong na bkra shis pa'i rtags so/ /bya tsa sha dang / bya rgod dang / ba ra dwa tsa dang / rma bya dang / ne'u le dang / ra dang 'di rnams g.yas g.yon gang na gnas na rtag tu shis pa yin no/ /'ug pa dang / byi la dang / sbrul dang / 'di rnams g.yas g.yon gang na gnas na yang mi dge ba yin no/ /khu byug dang / go da dang / sbrul dang / ri bong dang / dzi ba ka rnams kyi ming thos pa ni dge ba yin la mthong ba ni ma rungs par bshad do/ /de bzhin du dred dang / spre'u'i ming thos pa ni shis la mthong ba ni mi dge ba yin no//sman pa'i 'phral ba la dbang po'i gzhu babs pa ni mi dge ba yin la/ mthong ba ni bkra shis pa'i mtshan ma yin no/ /snod gang mes gang bar mthong na ni bzang ba yin la/ de nyid chag cing nang stong par mthong ba ni ngan par bshad do/ /de ltar gong gi mtshan ma ngan pa de dag mthong na ni dor zhing spang bar bya'o//sman pa lam du 'gro ba'i tshe'am/ nad pa'i khyim du 'jug khar zho ma nyams pa la sogs pa 'og nas 'byung ba 'di dag mthong na bkra shis par gzung ste/ snying rje'i bsam pa nye bar bzhag nas 'bad pa byas pas gso bar bya'o//de yang zho ma nyams pa la sogs pa mthong ba dang / thos pa dang / reg pa ni mi 'chi ba'i mtshan ma ste/ gzhan 'bras dang / khre dang / sbrang rtsi dang / mar dang / sen rtsi dang / dngul rdo dang / bum pa dang / dril bu dang / mar me dang / pad+ma dang / rtswa dUr ba dang /sha rlon pa dang / nya dang / 'bras yos dang / 'bras bu dang / g.yos sna tshogs sbyar ba dang / rin po che dang / glang po che dang / bum pa gang ba dang / bud med gzhon nu dang / rgyal pos go 'phang bstod cing thabs dam pa rtsal ba'i mi dang 'phrad pa dang / lha rnams mthong ba dang /rgyal po mthong ba dang / me tog su ma na dkar po dang / gos shin tu dkar ba dang / rnga yab dkar po dang / rta dang / dung dang / skyes bu dam pa dang / bram ze dang / cod pan can dang / rta babs dang / g.yung drung dang / sa phyogs mthon po dang / me 'bar ba dang / bza' btung yid du 'ong ba dang / shing rta gang ba dang / ba drus ma be'u dang bcas pa gsum dang / rgod ma rte'u dang bcas pa gsum dang / bud med bu dang bcas pa mthong ba dang / shang shang te'u dang / ri dwags dang / bzhad dang / khu byug dang / ngang pa dang / rma bya dang / phyugs gcig btags pa mthong ba dang / gdu bu dang / me long dang / yungs kar dang / gi'u wang dang / 'di rnams mthong ba dang / bdug pa'i dri dang / byug pas byugs pa dang / dkar ba dang dmar ba'i khu bcud dang / khyu mchog dang mthun pa'i skad snyan pa sgrogs pa dang /ri dgas dang / bya dang / mi rnams kyi skad snyan pa dang / de bzhin du gdugs dang / rgyal mtshan dang / ba dan bsgrengs pa mthong ba dang / rgyal ba dang / bkra shis par gyur cig pa'i skad snyan pa thos pa dang / rdza rnga dang / rnga bo che dang / dung dang / bsod nams dang ldan pa'i longs spyod kyi sgra rnams snyan pa thos pa dang / rig byed 'don pa'i sgra dang / bde ba'am mthun pa'i rlung gis g.yon logs nas g.yas su bskor ba dang / mdor na sman pa lam du 'gro ba dang / nad pa'i khyim du phyin pa'i tshe gong du bstan pa de dag gi sgra thos pa dang /mthong ba dang / rig par byed pa na las rtsom pa nges par 'grub par 'gyur bar ston to/ /de ltar 'phrin pa dang dge ba dang mi dge ba'i mtshan nyid bshad nas/ da ni rmi lam gyi mtshan ma'i 'chi ltas bshad par bya ste/ skyes bu gang gi rmi lam gyi nang du shi ba'i mi dang chang lhan cig 'thungs nas khyis drud par rmis na de ni 'chi bdag rims kyi gzugs can gyis myur du khyer bar byed pa yin no//me tog gi phreng ba dmar pos lus brgyan pa dang / lus dmar por mthong ba dang / gos dmar po gyon pa dang / bud med rgod bag can gyis khyer bar rmis na/de ni 'chi bdag khrag mkhris kyi gzugs can gyis khyer ba yin no/ /ma he dang / rta dang / phag dang / rnga mo dang / bong bu rnams la bdag nyid zhon te/ lho phyogs su 'gro bar rmi na gcong chen po'i gzugs can gyi 'chi bdag gis zin pa yin no/ / shing char ma can gyi lcug ma dang / 'od ma gang yang rung ba mgo bo'am snying ga nas byung ba rmis na/ de ni 'chi bdag skran gyi gzugs can gyis khyer ba yin no/ /skyes bu gang me mi 'bar ba'i mngag ma la sbyin sreg byed pa rmi ba dang / mar gyis lus bskus shing gcer bur 'dug pa dang /snying gar pad+ma byung ba rmis na de ni 'chi bdag mdze'i gzugs can gyis bzung ba yin no/ /til mar gyi tshogs rigs ngan dang lhan cig 'thung bar rmis na/ de ni 'chi bdag gcin nad kyi gzugs can gyis blangs pa yin no/ /srin po kun dang / lhan cig bro gar byed cing chu la 'bying ba rmis na/ de ni 'chi bdag smyo byed kyi gzugs can gyis zin pa yin no/ /mi shi ba dang lhan cig chang 'thung zhing ra ro la gar byed par rmis na/ de ni 'chi bdag brjed byed kyi gzugs can gyis 'chos pa yin no/ /bong bu dang / rnga mo dang / byi ba dang / spre'u dang / ser ge dang / phag dang / wa dang / ro la zhon par rmis na/ de ni 'chi bdag gi khar son pa yin no/ /snum khur dang / sha ku li rmi lam gyi nang du zos par rmis la sad ma thag tu de bzhin slon par byed na/ de ni 'tsho ba'i srog spangs pa yin no//zla ba dang nyi ma gzas zin pa rmis na/ de ni mig nad skyed par byed pa'i mtshan ma'o/ /zla ba dang nyi ma lhung bar rmis na/ mig gi mthong ba nyams pa'i rtags so/ /spyi bo nas 'od ma'i lcug ma skyes par rmis pa dang / spyi bo la bya rog gi tshang 'cha' ba dang / mgo bo chad par rmis na 'tsho ba spang bar khong du chud par bya'o/ /bya rgod dang / 'ug pa dang / bya rog la sogs pas yongs su bskor ba dang / de bzhin du yi dgas dang / sha za mo dang / tra pa ti dang / an tra'i yul gyi mi ltar sha gnag pa dang / rigs ngan sha mdog ngan pa'i mi rnams kyis bskor bar rmis na 'chi ba'i mtshan ma'o//spa'i tshal dang / 'od ma'i tshal dang / tsher ma'i tshal dang / rtswa'i nags stug po'i nang du 'gro zhing nyam thag pa rmis na 'chi ba'i rtags su bstan to/ /g.yang sar lhung ba dang / dur khrod dang / rdul dang / thal ba'i nang du nyal ba rmis na 'chi ba'i rtags su rig par bya'o/ /chu dang 'dam gyi nang du lus bying zhing snying ga nas chu'i rgyun 'byung bar rmis na gshin rje'i khyim na gnas pa yin no/ /glu dang / gar dang / rol mo byed cing me tog gi phreng ba dmar po dang / gos dmar po 'chang zhing gyon par rmis na mi 'dod pa yin no//bdag gi lus rgas par rmi ba dang / lus 'phel bar rmi ba dang / bsku byug byed pa rmi ba dang bag ma btang bar rmi ba dang / spu 'dreg par rmis na 'di yang mi 'dod pa yin no/ /btsos pa'i zas dang / snum dang / chang la brkam pa dang / skyugs pa dang / 'khru ba rmis na mi 'dod pa'i rtags so//gser la sogs pa'i lcags drug rnyed par rmis pa dang / rtsod pa dang / 'ching ba dang / bdag pham par rmis na de yang 'chi ba'i mngon rtags so/ /rkang pa'i pags pa g.yang du lhung ba dang / mchil l+h+wam gnyis stor ba rmis pa dang / skyes bu gang yang pha mes shi ba la sogs pa rnams kyis ngag rtsub pos bdag nyid spyos te lus spu zing zhes byed cing 'jigs par rmis pa dang /gzhan yang brag ral ba dang / skar mda' dang / gza' dang / rgyu skar dang / so dang / lham dang / mig dang 'di rnams lhung ba dang / zhig par rmis na de yang mi 'dod pa yin no/ /nags tshal stug po'i nang du 'gro ba dang / me tog dmar pos brgyan pa dang / sdig can gyi khyim du 'jug pa dang / mi ro bsregs pa'i shing gi nang du bdag nyid zhugs par rmi ba dang / 'jigs su rung ba'i gnas su 'gro ba dang / ma'i mngal du slar 'jug par rmis na srog dang bral ba'i rtags so//khang bzangs dang / brag mthon po dang / ri chen po nas lhung bar rmis na 'chi ba'i mngon rtags so/ /de bzhin du nyas mid par rmis na de ltar blta'o/ /skyes bu gang chos gos gon pa dang / cha lugs ngan pa 'chang ba dang /gcar bu rnams dang / lag na dbyug pa thogs pa dang / mig dmar po dang / lus nag po'i skyes bu mthong ba rmis na bsngags pa ma yin te nyes pa dang bcas pa yin no/ /bud med nag mo sdig pa can gyi gdong dang ldan pa/ skra dang / sen mo dang / nu ma ring ba dang / gos dang / phreng ba rnyings shing dri ma dang bcas pa gyon zhing 'ongs pa rmis na nges par 'chi ba'i mngon rtags so/ /gong du rmi lam sna tshogs kyi mtshan mar bstan pa de dag 'dir rmi lam du ji ltar 'byung zhing mthong ba yin zhe na/ gnyid log pa'i gnas skabs su dri ma gsum shas cher 'khrugs pas dbang po'i rgyun kun tu khyab ste gnas pa las yid ni mi 'gag pa'i bdag nyid yin pas dbang po'i rgyun thams cad kyi rjes su gcod pa'i bye brag las rmi ltas su snang ste/de yang mig gi dbang po'i skyon dang bcas pa'i rgyun la yid gcod pa'i dus na ni gzugs sna tshogs mthong ba la sogs pa'i rmi lam 'byung ba yin la/de bzhin du dbang po'i rgyun thams cad la yang de ltar sbyar bar bya ste/ 'on kyang skyon dang bcas pa'i dbang po'i rgyun las yid kyi bcas pa las rmi lam mi bzad pa sna tshogs 'byung ba yin pas na 'chi bar 'gyur la/mi na ba ni nad kyis 'debs shing 'tsho ba the tshom dang bcas par 'gyur ro/ /de la rmi lam rmi bar byed pa'i rgyu ni rnam pa bdun te/ sngar mig gis gzugs kyi bye brag mthong ba dang / myong ba dang / rna bas thos pa dang / yid la gang 'dod pa'i dngos po dang / brtag pa dang / bsgom pa dang / nad kyi gzhi las byung ba ste bdun po de dag go/ /de dag las mthong ba dang / myong ba dang / thos pa dang / 'dod pa dang / brtag pa las rmi lam 'byung ba 'di don med pa yin no//de la nad gzhi gsum gyi rang bzhin gyi rmi lam nam mkha' la 'phur ba dang / me mthong ba dang / chu mthong ba dang / de dag kyang don med pa yin no/ /gzhan yang sngar rmi lam gsal ba las phyis brjed cing mi dran pa dang / rmi lam mang po yun ring du rmi ba dang / yun thung bar rmi ba dang /'di dag kyang don med pa'i rmi lam mo/ /gzhan du nam gyi cha stod la rmi lam rmis pa ni 'bras bu yun ring par ston pa 'am/ chung ba'i rtags so/ /nang par ba lang bzas la gtong ba'i dus su rmi lam rmi ba ni 'phral 'bras bu chen po ston pa'i rtags so/ / rmi lam bzang po rmis na rmi lam gzhan gyis bar mi chod par bya ba'i phyir/ gnyid log par mi bya ste 'bel ba'i gtam bya'o/ /gal te sdig pa'i rmi lam rmi na ni zhi ba'i sbyin sreg dang / sbyin pa dang / bzlas brjod dang / bsgom pa dang / bkra shis mang po yang bya'o//ci ste mi dge ba rmi lam gyi nang du mthong na/ de zhi bar bya ba'i phyir yang gnyid log par bya ste/ rmi lam bzang po phyis byung na snga ma don med pa yin no/ /gzhan yang 'og nas 'byung ba 'di dag rmi na tshe ring ba la sogs pa'i yon tan 'byung ste/ de yang lha dang / bram ze dang / khyu mchog dang / grogs po gson po dang / rgyal po dang / skyes bu dam pa dang / snyan par grags pa'i mi dang / me 'bar ba dang / grub pa dang / mtsho shin tu dngas pa dang / khye'u dang / bu mo lus mdog dkar la cung zad dmar ba dang / gos dkar la shin tu 'tsher ba dang /mi'i sha za ba dang / lus la me 'bar ba dang / lus thams cad khrag gis byugs par rmis pa dang / mdor na rmi ltas kyi mtshan ma bzang po de dag mthong na/ tshe ring ba dang / nad nyung bar 'gyur ro/ /gzhan du na gdugs dang / me long dang / dug dang / sha rlon pa dang / sna ma'i me tog dkar po dang / gos dang / mi gtsang bas lus byugs pa'i mi dang / shing tog a mra la sogs pa'i 'bras bu rnyed par rmis na mchog tu bzang ba yin no/ /ri mthon po dang / khang bzangs kyi steng dang / shing 'bras bu can dang 'di rnams la 'dzeg pa dang /seng ge dang / mi dang / glang po che dang / rta'am ba lang gis drangs pa'i shing rta dang / 'di dag la zhon par rmis na de ni bde ba sbyin par byed do/ /chu bo chen po dang / mtsho bran dang / rgya mtsho chen po gang yang rung ba shar phyogs nas byang phyogs su rgal bar rmis na 'di yang bde ba skyed par byed do//rigs nga na dang 'grogs pa dang / bdag nyid shi bar rmis na yang tshe ring ba la sogs pa'i mtshan ma dge ba yin no/ /lam nyam nga ba nas 'byung ba dang / lha rnams dang / pha ma la mchod par rmis pa dang /bdag nyid ngu ba dang / rdeg 'chos pa las ldang ba dang / dgra pham par byas pa dang / skyes bu gang gis de ltar rmis na/ tshe ring ba dang / nad med pa dang / nor mang po rnyed pa la sogs pa thob pa'i rtags so/ /gzhan yang nad pa'i yon tan khyim du bkra shis shing dam pa rnams kyi spyod tshul dang ldan pa dang /chung ma dang / bu dang / bu mo dang / nye du dang / g.yog 'khor dang ldan zhing / de yang snying nye zhing mthun par 'jug pa dang / sman la yid ches pa dang / sman mang po 'chang ba dang /snying stobs che ba dang / pho nya dang ldan pa dang / gtsang sbra che ba dang / sman pa dang / bram ze la gus pa dang / nad pa dang nad g.yog gnyis kyang sman dpyad kyi gso ba la sems skyo ba med pa dang / mdor na gong du smos pa'i bkra shis pa la sogs pa'i yon tan 'di dag dang ldan pa'i nad pa ni bde ba thob par 'gyur ba'i mtshan ma yin no//de la lus kyi gnas zhes bya ba 'di skye ba dang 'chi ba'i mtshan nyid bstan pa yin pas lus kyi gnas zhes bya'o/ /lus kyi gnas las 'phrin pa'i mtshan ma las 'chi ltas su bstan pa'i le'u tha ma rdzogs so// //yan lag brgyad pa'i snying po las lus kyi gnas zhes bya ba'i le'u drug pa rdzogs te yan lag brgyad pa'i snying po'i gnas gnyis pa'o// //de nas nad thams cad kyi gzhi bshad par bya ste/ ci na yang rung ste nad do cog thams cad kyi gzhi las nad du 'gyur bar bstan pa drang srong chen po rgyun shes kyi bu la sogs pa na re nad ces bya ba'i ming du brtsi ba'i rnam grangs ni lus 'joms par byed pa yin/sdig pa yin/ rims yin/ gnod par byed pa yin/ /'gyur bar byed pa yin/ sdug bsngal ma zhu ba'i nad dmigs yin/ lus zad par byed pa yin/ 'tsho dka' bar byed pa yin/ mkhun par byed pa yin/ lus kun mi bde bar byed pa yin zhes bya'o/ /nad do cog gi bye brag ni rnam pa lngar shes par bya ste/ de dag gang zhe na nad kyi gzhi dang / nad tshul sngar byung ba dang /nad kyi tshul phyed pa dang / zas sman 'phrod pa goms par byed pa dang / nad dkyel du gyur pa dang / rnam pa lngar shes par bya'o/ /de la nad kyi gzhi zhes bya ba ni nad du gyur pa'i rgyu dang / nad du gyur pa'i skye mched dang / nad du gyur pa'i rkyen dang / nad slong bar byed pa dang /nad du gyur pa'i rgyu mtshan dang / rnam grangs kyi ming 'di rnams la nad kyi gzhi zhes bya'o/ /de la nad tshul sngar byung ba zhes bya ba ni nad dmigs shig 'byung bar ni gyur na/ nad ci yin pa'i bye brag ma phyed pas nad kyi tshul ci yin pa gsal bar yang mi snang / nad dkyel yang mi che ba de lta bu la nad tshul sngar byung ba zhes bya'o//de la nad kyi tshul phyed pa zhes bya ba ni nad kyis thebs pa'i nad dang / nad dmigs kyi dngos po ci yin pa gsal bar shes pa ni nad kyi tshul phyed pa zhes bya ste/ nad kyi dbyibs tshul ci 'dra ba dang / nad dmigs kyi nad kyi bye brag gsal bar mngon pa dang /nad kyi rtags dang / nad kyi mtshan nyid dang / nad kyi mtshan ma ci yin pa bye brag phyed par shes pa'o/ /zas sman 'phrod pa goms par byed pa zhes bya ba ni nad kyi rgyu dang mi mthun/ nad kyi ngo bo dang mi mthun par sman dang / zas dang / gnas pa dang / spyod pa la sogs pa bsgyur te byas pas bde bar shes par 'gyur ba de ni nyams su phan zhing brtas par byed pa zhes bya ste/ de ni nad dang 'phrod pa'i zas sman goms pa zhes bya'o/ /de lta bu las bzlog pa ni nyams su mi phan la brta bar mi 'gyur te de ni zas sman nad dang mi 'phrod pa zhes bya'o//de la nad dkyel du gyur pa zhes bya ba ni rlung nad dam/ mkhris pa 'am/ bad kan lta bu'i nad kyis thebs pa de cher skyes pas nad sngon du na bar gyur te bdag ni nad 'di lta bu zhig gis thebs te na zhing 'dug snyam du shes pa yin no/ /nad do cog thams cad kyi tshul shes par bya ba'i thabs rnam pa lnga yod de/nad re re la yang sna grangs su yod pa dang / nad dmigs gang yin brtag pa dang / gtso bor gyur pa'i nad dang / nad stobs kyi mthu che ba dang / dus las nad dmigs shes par bya ba dang lnga'o/ /de la nad re re'i sna grangs zhes bya ba ni dper na rims lta bu la yang rims nad rnam pa brgyad du bshad pa yin no//de la yang nad dmigs gang yin brtag pa ni rlung nad dang / mkhris pa'i nad dang bad kan gyi nad rnams cig car dus gcig tu na na nad de rlung gi shas su gtogs pa yin nam/mkhris pa'am bad kan gyi shas gar gtogs/ nad 'di gang yin zhes rnam par rtog par byed pa'o/ /de la gtso bor gyur pa'i nad ces bya ba ni rlung dang mkhris pa dang bad kan gyi sar rang rang gi nad byung ba ni nad rang dbang can zhes bya ste/de ni nad gtso bor gyur pa zhes bya'o/ /bad kan gyi sar rlung nad lta bu byung ba ni rang dbang med pa gtso bor ma gyur pa yin te gso dka' ba zhes bya'o/ /de la nad dmigs kyi mthu che ba zhes bya ba ni ci las nad du gyur pa'i nad kyi gzhi yang rjes chod de shes pa de las nad du gyur pa'i nad kyang dngos su mngon par gyur pa de ni nad dmigs mthu che bar gyur pa zhes bya ste/nad tshabs che bar blta'o/ /ci las nad du gyur pa'i nad gzhi yang tshang bar mi mngon la/ nad kyi gzhi gang las na bar gyur pa'i nad dmigs kyang tshang bar mi mngon na/de ni nad dmigs mi che ba zhes bya'o/ /de la dus las nad dmigs gang yin shes par bya zhes bya ba ni/ rlung dang / mkhris pa dang / bad kan gyi bye brag gi tshul bzhin du mtshan mo'i bye brag dang / nyin mo'i bye brag dang / dus tshigs kyi bye brag gam/ zan zos pa'i 'og gam/ kha zas zhu bar gyur pa'i rjes lta bu la na na 'di rnams kyi bye brag gang gi tshe nad kyis btab pa de las/ nad ci yin pa shes par gyis shig /de lta bas na nad gzhi gang las nad du gyur pa'i dmigs mdo tsam zhig bstan pa ni de yin no//zhib tu ni 'og nas bshad par bya'o/ /nad do cog thams cad kyi nad gzhi ni rlung dang / mkhris pa dang / bad kan rnams 'khrugs pa las nad ldang bar 'gyur ro/ /de yang ji lta bu zhe na gnod par 'gyur ba'i tshogs bsten pas nad gzhi 'khrugs na nad ldang ngo / / gnod par gyur pa bsten pas nad ldang bar 'gyur ba de yang rnam pa gsum zhig sngar bshad pa yang yin te/ de las rlung nad du gyur pa'i nad gzhi ni/ ro kha ba dang / na le sham dang / ro bska ba'i bag za ba dang / kha zas chung ngur za ba dang / kha zas rtsub par za ba dang / rtag tu kha zas tshod bzung ste/dbu zungs za ba dang / bshang gci 'ong na bkag pa dang / yang na bshang gci mi 'ong bzhin du nan gyis btsir ba dang / mtshan mo thog thag mi nyal ba dang / skad chen po drag par smra ba dang / bkru sman dang / skyug sman ha cang mang du gtong ba dang /'jigs pa dang / mya ngan dang / sems las dang / drag shul rtsal bag dang / las khur cher byed pa dang / bud med la ha cang drags pa dang / 'di rnams lta bu'i gzhis dbyar zla tha chungs nya bri phan chad ston zla 'bring po'i nya tshun chad du nad kyi thebs pa dang /phyi 'phred dam tho rangs na ba dang / kha zas zos pa zhu ba'i rjes la na ba de dag ni rlung nad yin no/ /mkhris pa rgyas par gyur pa'i nad gzhi ni/ na le sham dang / sgog pa dang / dbyi mo dang / kru trug tres lta bu zos pa dang / skyu ru ra dang / bal po se 'u lta bu ma gtogs par skyur bag go cog zos pa dang /ro rno bag la ske tshe lta bu tsha ba dang / kha zas ma bsgrangs pa tsha ches pa zos sam 'thungs pa dang / nyi tshan nam me'i 'od tsha ches pa la 'de ba dang / khros shing rngam pa dang / lus dang khong tsha bar 'gyur ba'i bag 'di rnams kyis ni ston zla 'bring po nya bri phan chad ston zla tha chungs dang dgun zla ra ba nya tshun chad nad kyis btab pa'am/nyi ma'i gung ngam/ nam phyed na 'am/ dbyar zla ra ba dang / dbyar zla 'bring po tsha ba'i dus su nad kyis btab na de ni mkhris pa'i nad ces bya'o/ /de la bad kan gyi nad du gyur pa'i nad gzhi ni bu ram gyi bag dang /'o ma lta bu mngar bag dang / lan tshwa dang / snum bag dang / kha zas 'ju dka' ste lci ba dang / bad kan du gyur pa'i bag dang / bsil ba'i bag dang / rtag par mal gcig na 'dug pa'i bag dang / 'phres shing snyes te 'dug pa dang / zas ma zhu ba dang / nyin par gnyid log pa dang /sha skye zhing sbom par 'gyur ba 'di rnams kyis bad kan gyi nad rgyas pa drangs shing slon kyang ma phyin tam/ zan zos ma thag pa'i rjes la na'am/ dpyid zla 'bring po dang / dpyid zla tha chungs kyi ngo la na'am/ snga dro na 'am/nam stod la nad kyis btab na de ni bad kan gyi nad ces bya'o/ /de la gnyis las gyur pa'i nad ni rlung dang mkhris pa gnyis las gyur pa'i nad dang / rlung dang bad kan gnyis las gyur pa'i nad dang / mkhris pa dang rlung gnyis las gyur pa'i nad dang / bad kan dang rlung gnyis las gyur pa'i nad dang /bad kan dang mkhris pa gnyis las gyur pa'i nad dang / 'di rnams lta bu ni gnyis las gyur pa'i nad ces bya'o/ /de la 'dus pa las gyur pa'i nad ces bya ba ni rlung dang / mkhris pa dang / bad kan gyi nad dmigs gsum tshogs pa las nad du gyur pa de ni 'dus pa las gyur pa'i nad ces bya'o//'dus pa las gyur pa'i nad de yang nad gzhi ji lta bu las nad du 'gyur zhe na/ rlung nad du gyur pa'i kha zas dang / mkhris pa'i nad du gyur pa'i kha zas dang / bad kan gyi nad du gyur pa'i kha zas 'di gsum 'dres par zos la ma zhu bar gyur pa dang /kha zas sngar zos pa'i rjes la kha zas phyi ma yang zos te kha zas snyoms par gyur pa 'di lta bu dang / kha zas nang mi 'phrod pa lta bu dang / lhag par cher zos pa dang / chang mi zhim pa ngan pa 'thungs pa dang / chu gnod par gyur pa ngan pa 'thungs pa dang / tshod ma skam po'i bag za ba dang /la phug lta bu'i rtsa ba'i bag rjen par za ba dang / til gyi tshigs ma za ba dang / sa zhag za ba dang / so ba'i chang dang / sha rul ba dang / sha skam pa dang / sha rid pa ngan pa 'di lta bu'i bag la sogs te/ nad dmigs rnam gsum du gyur pa'i bag zos pa dang / sngon chad kha zas rtag tu goms pa za ba las bsgyur te/ sngon ma longs pa'i kha zas gsar pa zos pa dang / dus tshigs tshul bzhin du mi gnas par gyur te dus tshigs log pa ngan par gyur pa dang / shar phyogs nas rlung langs pa'i khar bab pa'am/ yang na snga dro'i ser bu'am/ yang na gar 'gro ba'i mdun nas rlung gnod pas phog pa dang / lus la yi dgas gdon 'dre phab pa dang / dug 'thungs pa dang / dbyig dug 'thungs pa dang / khong du be'u snabs kyi nad yod pa dang / ri drung du nye bar gnas pa dang / btsas pa'i bla skar la gza' zhugs pas gnod par gyur pa dang /sman bcud len lta bu log pa btong ba'am/ skyug sman dang / bkru sman dang / dugs dang lums lta bu log par byas pa 'di lta bu'am/ tshe snga ma dang ltar gyi tshe lta bu la sdig pa sna tshogs byas pa'am/ bud med rnams bu btsas pa'i tshe log par byung ba dang / de'i tshe dpyad log par byas pa dang /rnam pa 'di lta bu'i nad du gyur nas rlung dang / mkhris pa dang / bad kan so so'i nad kyi gnas su so so'i rtsa'i sbubs nas nad rgyu ste/ nad dkyel zhugs na 'dus pa'i nad kyis lus myur du 'bebs par 'gyur ro/ /nad gzhi bshad pa'i le'u ste dang po'o// // rims nad kyi nad gzhi bstan pa'i le'u ste gnyis pa bshad bar bya'o/ /rims ni thams cad kyi bdag po zhes bya'o/ /rims de ni sdig pa yin/ 'chi bdag yin/ gzi dang mdangs ma rungs par byed pa yin/ 'chi bar byed pa yin/ rims nad kyi nad gzhi rnam pa gcig ni/ gna' ga la lha ma yin zhes bya bas lha thams cad bos te mchod sbyin byas nas/lha chen po drag shul can ma bos te/ mchod sbyin yang ma byin pas lha drag shul can de khros nas lha ma yin gyi mchod sbyin yang ma rungs par byas/ khros shing rngam pa'i tshe dpral bar yang mig gcig byung ba'i nang nas rims nad byung ste/mi yul du rims nad btang ste rims 'di las kyang byung zhes zer ro/ /rims ni thog mar btsa' ba'i tshe yang lus dang lhan cig tu byung ba yin/ lus tha ma 'chi ba'i tshe yang rims dang lhan cig 'gro ba yin no/ /rims kyi rang bzhin ni lus kun tu tsha ba rmongs pa yin no//rims nad du gyur pa'i nad gzhi ni kha zas mi 'phrod cing gnod pa log par bsten pa las 'byung ngo / /rims drag po sna tshogs yod pa de dag gi mi'o cog dang / rta dang / glang po che dang / ba lang la sogs pa skye gnas tha dad pa rnams la rims nad gyis btab nas mi dang phyugs la rims nad de'i ming so sor btags par gyur to//yang rims la rnam pa brgyad yod de/ de gang zhe na rlung dang / mkhris pa dang / bad kan gyi nad dmigs so so'i rims sna gsum dang / 'dres pa'i rims nad gsum dang /gsum 'dus pa'i rims nad dang / glo bur gyi rims nad dang brgyad do/ /de la rims nad brgyad po gang zhe na/ so so'i nad dmigs kyi rims nad rnam pa gsum po rlung las gyur pa'i rims nad dang / mkhris pa las gyur pa'i rims nad dang / bad kan las gyur ba'i rims nad dang rnam gsum mo//yang na nad gzhi sna gnyis 'dres pa'i rims nad rnam gsum yod pa rlung dang mkhris par 'dres pa'i rims nad dang / rlung dang bad kan du 'dres pa'i rims nad dang / mkhris pa dang rlung nad du 'dres pa'i rims nad dang / mkhris pa dang bad kan du 'dres pa'i rims nad dang /bad kan dang rlung nad du 'dres pa'i rams nad dang / bad kan dang mkhris par 'dres pa'i rims nad dang / 'di rnam gsum mo/ /'dus pa las gyur pa'i rims nad ni rlung dang / mkhris pa dang bad kan gsum mnyam du 'dus pa las rims nad du 'gyur ba ni 'dus pa'i rims nad ces bya'o//glo bur gyi rims ni drag shul gyi bag las snad pa dang / gdon nad kyis btab pa lta bu dang / dmod pa bor ba dang / ngan du byed pa'i byad byas pa las rims su 'gyur ro/ /de ltar rims nad ni rnam pa de brgyad do/ /rims nad gang yang rung ste/dang po rims nad du gyur pa'i snga tshul ni/ rlung nad slong ba'am/ mkhris pa'i nad slong ba'am/ bad kan gyi nad slong ba de lu bu'i so so'i nad gzhis so so'i nad bslangs nas/ kha zas ma zhu ba'i sa pho ba'i nad du rims nad zhu ba dang lhan cig gnas nas nang gi rtsa kun 'gags te kha zas 'ju ba'i gnas pho ba'i nang na drod yod pa kun phyi rol du phyung nas/rims nad cha ba phyi rol du byung ba dang gnyis kyis lus kyi phyi nang thams cad la khyab par zhugs nas lus thog thag tu gdungs te/ lus rab tu tsha nar gyur pa de ni rims nad yin te rtsa sgo kun 'gags shing lus la rngul ba yang phal cher mi 'byung ngo //'di lta bu ni thog ma rims nad kyis btab pa'i rtags snga tshul zhes bya ba yin no/ /de'i rjes la rims nad de tshabs cher skyes/ nad kyi rang bzhin gsal bar byed pa zhes bya ste/ de yang ji lta zhe na/khong ngal/ nyams mi dga'/ lus lci/ khar ro bro ba mi tshor/ kha zas yi gar mi 'ong / glal 'byung / mig rtsa dmar/ yang na mig rtsa ser ram mig dkar bag che ba dang / rkang lag gi lhu tshigs kun brdungs pa tsam du na/ kha zas 'ju ba'i shas bri/ nyams stobs chung /gnyid che/ ba spu kun langs/ bya rmyang byed 'dod/ byin pa'i nya na/ lus snyom/ phan pa'i dpyad bstan pa las mi bzod de khro/ kha zas skyur bag dang ro tsha ba dang dron po'i bag la sred/ kha zas mngar la mi dga'/ byis pa gzhon nu'i bag la khro/ /skom dad rab tu che/ sgra'i bag dang me dang grang lhags dang rlung dang grib ma dang nyi tshan dang 'di rnams lta bu la bsten par yang res 'ga' ni 'dod/ res 'ga' ni mi 'dod de ma nges so/ /'di rnams ltar gyur pa ni rims nad kyi rang bzhin gsal bar bye brag phyed pa zhes bya'o/ /de la rlung las gyur pa'i rims nad kyi nad thabs ni dang po rims kyis thebs pa'i tshe yang nad tshabs mi che/tsha ba'i tshabs kyang mi che'o/ /rims 'byang du nye ba'i tshe na nad tshabs kyang mi che/ tsha ba'i tshabs kyang mi che'o/ /lus dang yan lag mi snyoms te mal gcig tu zug cing na ba ma yin gyi 'pho zhing na/rkang pa gnyis tshor ba med cing bem bag tu 'gyur la rengs/ byin snying na/ lus kyi khong ngal zhing rus pa'i tshigs rnams kha bye ba snyam byed/ brla gnyis na/ rked pa na/ rgyab brdung ba snyam du na/ lto ba na/ rus pa kun dang rtsib logs g.yas g.yon lhag par na/snying btsir ba snyam byed la zug cing na/ brang dang nu 'jing du btsugs pa snyam du gzer zhing na/ phrag sor gnyis brdungs pa bzhin du na/ dpung pa nas lag ngar du bcom pa bzhin du na/ sgrog rus kyi nye 'khor btsir ba snyam byed/ 'gram pa na ste kha zas bldad mi nus/kha glal 'byin/ rna ba gnyis 'bod cing sgra 'byung / mur 'gram gnyis zug cing na/ glad pa'i spyi bo na/ kha'i nang ro ci bro ba mi tshor ba'am/ yang na kha'i ro bska ba bro/ /bshang gci'i dri ma yang mi 'byung ste sri/ sha mdangs kyi pags pa dang /bzhin dang / kha'i nang dang / mig dang / sen mo dang / bshang gci la sogs pa kun yang rtsub la cung zad rtsa dmar/ kha nas mchil ma mang / kha zas yi gar mi 'ong bzhin za/ zas 'jur mi rung / lus la rngul mi 'byung / mtshan mo gnyid mi 'ong /mchu dang gre ba skam/ skom dad che/ lud pa skam/ lud pa lu zhing skam por skyugs te mi 'byung / sems bying zhing dman par gyur/ lus kyi ba spu langs te sha dang pags pa brtse/ lus dang rkang lag 'dar/ sbrid pa 'gags te 'byung du mi rung / mgo 'khor/kha nas tshig cal col smra/ nyi tshan nam dro ba'i bag la 'dug par 'dod/ rkang lag bya rmyang byed/ nad kyi tshul 'di rnams lta bu ni rlung nad kyi rims zhes bya'o/ /de la mkhris pa las gyur pa'i rims kyi nad thabs ni lus kyi mgo dang yan lag kun du na ba dang tsha bas cig car khyab la tshig cal col du smra zhing glal/kha'i nang ro tsha bar bro/ /sna dang kha'i nang du thor bu 'byung / bsil ba'i bag 'dod/ mgo 'khor/ brgyal/ myos/ snying mi dga'/ thur du 'khru/ mkhris par slon/ mchil ma bor ba'i nang nas khrag 'byung / ro skyur/lus la thor bu dmar po chang chung 'byung / sha mdangs kyi mdog dang / bzhin mdog dang / mig dang / sen mo dang / bshang gci rnams ser zhing rtsa sngo rngul 'byung ba'i dbugs 'byung ba mnam mam/ skom dad che ba'i nad 'di lta bu'i nad thabs ni mkhris pa'i rims nad yin no//bad kan las rims su gyur pa'i nad thabs ni lhag par kha zas yi gar mi 'ong la rmongs bag tu 'gyur/ rtsa rnams 'gags la rtsa drag tu mi 'phar/ kha nas bad kan mang / kha'i nang ro mngar ba bro/ /dang ka mer mer por byed/ dbugs mi bde/ cham pas btab/snying na/ slon cing skyugs pa 'byung / lud pa mi mang bar lu zhing 'bogs/ lus la thor bu grang mo rtsa dmar ba cung zad 'byung / myos shing rmongs bag tu 'dug /lus 'dar ba'i nad thabs 'di lta bu ni bad kan gyi rims zhes bya'o/ /rlung nad kyi rims dang /mkhris pa'i rims dang / bad kan gyi rims rnam gsum gang ltar na yang rung / nad thabs brtag sla ba'i thabs ni phyi 'phred dang tho rangs rims kyis btab pa'am/ rims na ba zhig na rlung las gyur pa'i rims yin no/ /nyi ma phyed dang / nam gyi gung la rims kyis btab pa'am/rims nad las na mkhris pa las gyur pa'i rims nad yin no/ /snga dro dang srod la rims kyis btab bam rims nad las na bad kan las gyur pa'i rims nad yin te rims nad gang yin pa thabs de ltar rtogs shig /yang rims kyis btab pa la sman dang kha zas kyis nad dmigs gang yin pa brtag pa ni rlung nad dam bad kan gyi nad skye bar 'gyur ba'i kha zas dang sman byin na nad slong ngam ldang bar gyur te zas dang sman gyi gzhi des gnod par gyur na/de ni rlung las gyur pa'i rims sam/ mkhris pa'am bad kan las gyur pa'i rims yin par shes te/sman dang zas thabs bsgyur te btang na phan par 'gyur ro/ /de la 'dres pa'i rims nad ces bya ba ni rlung las gyur pa'i rims nad kyi thabs dang / mkhris pa las gyur pa'i nad kyi thabs la sogs pa rims so so'i tshul dmigs kyis phye ba nad dmigs sna gnyis kyi rims kyis btab par snang na/de ni 'dres pa'i rims zhes bya ba ste/ 'dres pa'i rims de ni nad thabs kyi tshul dmigs ci 'dra ba gzhan yang bshad par bya'o/ /de la rlung dang mkhris par 'dres pa'i rims nad kyi thabs ni glad pa na/brgyal/ slon bro/ /lus tsha/ rmongs bag tu 'gyur/ gre ba dang kha skam/ snying mi dga'/ rus pa'i tshigs rnams kha bye ba snyam byed/ gnyid med/ skom dad che/ mgo 'khor/ lus kyi ba spu langs te reg na sha brtse/ kha glal/ tshig smra ba mang ngo //thabs 'di ltar na na rlung dang mkhris pa gnyis 'dres pa'i rims nad ces bya'o/ /de la bad kan dang rlung 'dres pa las rims nad du gyur pa'i thabs kyi rtags ni lus phyi nang tsha ba med/ kha zas yi gar mi 'ong / glad pa na/ rus pa'i tshigs rnams na/ cham pas btab/ dbugs mi bde ste rngam pa'i shugs drag /lud pa lu/ bshang gci sri/ lus phyi nang khong bsil te grang / mong mong por byed/ mig rab rib za/ rmugs par gyur te nad thabs 'di lta bu ni bad kan dang rlung nad 'dres pa'i rims nad kyi rtags yin no//de la bad kan dang / mkhris par 'dres pa'i rims nad kyi rtags ni/ lus phyi nang khong grang ste rengs bag tu 'dug /res 'ga' ni lus tsha ste rngul 'byung bas tsha grang gcig tu chad pa med do/ /skom dad che/ lud pa lu/ bad kan dang mkhris pa'i bag tu 'khru/rmongs bag dang / rmugs pa dang / kha'i nang byugs sam bskus pa ltar bldag bldag po dang / ro kha ba bro ba 'di lta bu ni bad kan dang mkhris pa 'dres pa'i rims nad kyi rtags yin no/ /de la 'dus pa'i rims nad ces bya ba ni rlung dang / mkhris pa dang bad kan gyi nad thams cad 'dus pa'i rims nad kyis btab pa'i tshe lus skad cig skad cig tu tsha/de bzhin du bar 'ga' bar 'ga' khong grang ste bsil/ nyin par gnyid rab tu che/ mtshan mo gnyid med/ yang na nyin mtshan gnyis ka gnyid che/ yang na nyin mtshan gnyis kar gnyid mi 'ong /lus cher rngul tam yang na lus rngul mi 'byung / glu len/ gar byed/ gad mo dgod pa la sogs pa dang / lus kyis bsgyur cing bya ba rnams byed/ mig nas mchi ma zag /mig mi gsal te rtsa dmar ram ser/ mig tha mal pa mi 'dra ste zhum zhing g.yo//mig gi rdzi ma long por 'dug /byin snying na/ rtsib logs su na/ glad pa'i spyi bo dang rus pa'i tshigs na/ mgo 'khor/ rna ba gnyis na ste 'bod mgul pa'i nang gra mas gang ba snyam byed/ lce rtsub la tshig pa bzhin du gnag /lus lci la lag ngar dang dpung pa'i tshigs kha bye zhing 'chos pa snyam byed cing lci/rus pa'i tshigs rnams kha bye zhing lci/ kha'i mchil ma'am/ lud pa'i nang nas khrag dang / mkhris pa dang bad kan 'byung / mgo bo cog cog por mi btub ste g.yas g.yon du 'dril zhing 'phyo/ skom dad rab tu che/lus thor bu'am/ 'brum phran nag po'am/ dmar po phre'u tsig tsig po mtha' ma 'khor ba gang la dbus nyi tsher ma byung ste stong par 'dug pa de lta bu lus kyi skabs su 'byung bar snang ba dang / lus la skabs skabs su thor bu tsig tsig po phre'u 'dab chags su byung ba kor kor por snang /snying na/ bshang gci sri ste 'gags pa'am/ yang na thur du 'khru zhing 'ong ba snyam byed la/ bshang ba'i tshe chen po mi 'byung / kha'i nang snum gyis bskus pa bzhin du snum bag tu bro/ /nyams stobs chung ste bri/ skad kyi gdangs chung ste gcom chung / kha nas bla zhing rdol/ 'dus pa'i nad 'di lta bus btab na nad gzhi rlung dang bad kan mkhris pa rnams yun ring du smin du mi btub ste nad kyi rtse ma zhil/ mi'i nyams ni rmugs/ mgul pa dang gre ba'i nad rtags sgra ngar ngar po dang / sgra sog sog zer ba 'di lta bu ni 'dus pa'i rims nad kyis thebs pa'i rtags yin no//'dus pa'i rims nad 'di lta bu las tshabs rab tu che bar gyur na rims de'i ming ni 'dus pa'i rims mngon du rmugs byed ces bya ste/ nad des ni mdangs phrogs nas mi'i gzi byin kun med par byas/ bshang gci 'gags la rtug skam du gyur te mi 'byung /khong pa'i nang gi drod nyams te chung ba 'di ni 'dus pa'i rims kyi nad rmugs byed kyi rtags ya nga ba thams cad tshogs pa yin te gsor mi rung ngo / /de lta bu gzhan ni gso dka' ba zhes bya ste/ 'dus pa'i rims mngon du rmugs byed nad sna ma tshang ba de ni gsos na yang dbang po nyams pa'am rkang lag nyams pa tsam du 'gyur ro//rnam pa gzhan du yang 'dus pa'i rims nad yin na/ de yang mkhal ma'i nad logs shig na 'dug ste/ ji lta zhe na phyi rol gyi pags pa dang sha mthang tsha'am/ yang na khong pa nang tsha ste/ de yang na tsha ba sngar byung / yang na tsha ba phyis byung ba yod de/ de la tsha ba sngar byung ba'i rigs ni gso dka' ba yin no/ /tshul de dang 'dra bar rlung dang bad kan gnyis kyang yang na phyi rol du phyung ste sha dang pags pa grang ngam/yang na khong pa'i nang du byung ste khong grang ba de lta bu grang ba'i rims sngar byung ngam/ yang na grang ba'i rims mjug tu phyis byung ba yang yod do/ /grang ba'i rims dang / rlung dang / bad kan gyi rims de sngar byung ba'i rjes la phyis mkhris pa'i rims tsha bas bsnan na bad kan gsher ba 'byung ba de ni bskams/rlung grang ba'i bag zhi bar byas pas kha'i nang ro skyur bar bro/ brgyal/ myos/ skom dad che bar 'gyur ro/ /yang na mkhris pa'i nad tsha bas thog mar btab ste de'i rjes ni rmugs shing bad kan kha nas mang du 'byung ngo / / slon no/ /khong snyom/ nad thabs 'di lta bu ni 'dus pa'i rims yin te/ dkyel cher skyes pa mngon du rmugs byed ces bya ba gso dka' ba'i nad thabs yin no/ /de la glo bur gyi rims nad rnam pa bzhi ste/ drag shul las gyur pa'i rims nad dang / mngon par zin pa'i rims nad dang /dmod pa'i rims nad dang / byad kyi rims nad do/ /de la drag shul gyi rims nad kyang rnam pa bzhi las 'byung ste/ mtshon gyis smas pa dang / gcad pa dang / mes tshig pa las rims su gyur pa dang / stobs rtsal gyi bag las snad de rims su gyur pa'o//'di rnams lta bu las rims su gyur pa ni phal cher rlung gi khrag nad du gyur pa byas nas khrag la gnod par gyur pa dang na la skrang / mdog mi sdug la na ste rims su 'gyur ro/ /mngon par zin pa'i rims nad ces bya ba ni gdon gyi bag mi'i lus la bab pa'am/gdon gyis zin pa dang sman gyi dri bsung drag po snar phog pa las rims su gyur pa dang / mda' dug lta bu'i rlangs pa'am/ dris phog pa las rims su gyur pa dang / khros pa las rims su gyur pa dang / 'jigs pa dang / mya ngan dang / 'dod pa las rims su gyur pa'o//de la gdon babs sam/ gdon gyis zin na ngu'am dgod pa'i rims nad du 'gyur ro/ /sman gyi bsung drag po'am ngan pas phog na sbrid pa 'byung / glad pa na/ skrang / brgyal ba'i rims nad du 'gyur ro/ /mda' dug lta bu las rims nad du gyur pa ni brgyal/tshad pas 'debs te 'khru/ lus dang bzhin mdog gnag /lus tsha/ snying na ba'i rims su 'gyur ro/ /khros pa las ni glad pa na zhing lus 'dar ba'i rims su 'gyur ro/ /'jigs pa'am mya ngan gyis btab pa ni tshig mang du smra zhing na ba'i rims su 'gyur ro/ / 'dod pa las ni mgo 'khor/ zas yi gang mi 'ong / lus tsha/ ngo tsha med/ gnyid med/ blo dang brtan pa'i bag tu nyams pa de lta bu'i rims su 'gyur ro/ /de la gdon gyis btab pa sman dang dug gi ngad pas phog pa 'di gsum ni 'dus pa'i rims nad kyi nad thabs dang gcig go//khros pa'i rims ni mkhris pa las rims su gyur pa'i nad thabs dang gcig go/ /'jigs pa dang / mya ngan dang / 'dod pa las gyur pa'i rims dang / 'di rnams ni rlung gi rims dang / bad kan gyi rims dang / mkhris pa'i rims su 'gyur ro//dmod pa bor ba dang / byad byas pa las rims nad du gyur pa ni 'dus pa'i nad drag po mi bzad par 'gyur ro/ /de la ngan sngags kyi byad byas pas ni thog mar sems la bab/ de'i 'og tu lus la bab ste tsha/ de nas thor bus gang bar 'gyur/ skom dad che/mgo 'khor/ lus tsha/ brgyal/ rims de nyin re zhing phyi phyir tshabs che bar 'gyur ro/ /rims nad rnam pa brgyad po de ni de rnams yin no/ /rims nad de dag kyang rnam pa gnyis te/ lus kyi rims nad dang / sems kyi rims nad do/ /grang ba'i rims dang / tsha ba'i rims so/ /lus kyi phyi rol gyi tsha ba'i rims dang / lus kyi khang pa nang du tsha ba'i rims so/ /dus kyi rang bzhin gyi rims dang / dus las gyur pa'i rims so/ /gsor rung ba'i rims dang / gsor mi rung ba'i rims so/ /rims nad ma smin pa'i rims dang / rims nad smin pa'i rims so/ /de la dus kyi rims zhes bya ba ni sngar tsha ba'i rims kyis lus la btab pa'o/ /phyis rnying la tsha bar gyur pa ni yid kyi rims so/ /rlung dang bad kan gyi nad gnyis cig car byung ba ni grang ba'i rims so/ /mkhris pa'i rims nad dang 'brel ba ni tsha ba'i rims so//nad sna gnyis 'dres pa ni rims zhes bya'o/ /khong pa'i nang du tsha ba'i rims na ba ni rims nad dkyel che ste/ /khong pa'i nang du na zhing bshang gci'i dri ma sri zhing 'gag go/ /lus kyi phyi rol tsha ba'i rims ni lus kyi sha dang pags pa tsha zhing na bar zad de 'di ni gso sla'o//de la dus kyi rang bzhin gyi rims ni dus dus su ldang ba'i rims yin te/ dbyar dang / ston dang / dpyid gsum rlung nad la sogs pa rim pa bzhin du 'byung ba'i rims yin no/ /gyur pa'i rims ni de lta bu dus so so'i tshe/ dus tshigs dang mthun pa'i rims ma yin pa de ni gyur pa'i rims nad ces bya ste gso dka' ba'o/ /rang bzhin gyi rims nad ces bya ba de yang phal cher rlung nad kyis slong ste dus bzhir rim bzhin 'gyur ro/ /dbyar gyi tshe ni rlung nad kyi nad bslangs nas mkhris pa dang bad kan du ldan pa dang rims nad du 'gyur ro//ston ni mkhris pa'i nad slong ste de'i grogs bad kan gyis byas pas rims nad du 'gyur te de lta bu la kha zas smyung bar byas kyang / ston nyams mthu skye ba'i dus yin pas gnod par mi 'gyur ro/ /dpyid ka ni bad kan las nad du 'gyur ba'i dus yin te/bad kan gyi rims nad langs pa'i zla la rlung dang mkhris pa'i nad kyang de'i rjes la 'byung ngo / /mi nyams 'tshag che ba zhig la rims nad tsha bas chung ngu zhig gis sngar btab la phyi nas nad de ma yin pa gnod pa'i nad bla brnan gzhan lta bus btab pa yang med na rims nad de lta bu ni gso sla ba zhes bya'o//yang nad pa'o cog gi nad gso ba la/ 'tsho'am mi 'tsho dka' sla ci 'dra ba brtag pa ni nad pa'i kha gdong la sogs pa ji ltar gyur pa'i tshul dang lta ba dang mtshan ma shes par bya ba'i dmigs bshad pa dang sbyor la/ gso dka' sla shes par gyis shig /de la rims nad ma smin pa zhes bya ba ni/ rims kyis dang po gsar du btab pa rtse ma zhil ba lta bu la bya ste/ de ni rims tshabs che la na/ khong rmya ba ma yin/ gcin mang / thur du bshang ba 'gags te sri/ kha zas mi 'ju/ skom dad chung / kha zas yi gar mi 'ong ste nad thabs 'di lta bu ni rims nad gsar pa zhes bya ste rims nad ma smin pa yin no/ /de la rims nad smin par gyur pa zhes bya ba ni rims nad rtse zhil bar gyur pa la bya ste/ de ni rims nad tshabs che bla zhing smra/ dbugs kyi rngam pa drag /mgo 'khor/ bshang gci dri ma mi 'gag par thur du 'byung / slon par byed pa'i nad thabs 'di lta bu ni rims nad smin par gyur pa'i rtags yin no/ /yang rims nad rnam pa lngar bshad pa la rlung dang mkhris pa bad kan so so'i dus tshigs kyi dmigs dang nad pa'i nyams 'tshag che chung las kyang 'gyur te/rims nad rnam pa lnga car yang phal cher ni 'dus pa'i rims nad du 'gyur ro/ /lnga gang zhe na/ rgyun gyi rims nad dang / rtag pa'i rims nad dang / rims nyin gcig pa dang / rims nyin zhag gsum pa dang /rims nyin zhag bzhi pa'o/ /de la rgyun gyi rims ni lus kyi srog zungs bdun dang / bshang gci dang / rtsa kun la rlung dang / mkhris pa dang / bad kan gyi rims nad kyis khyab par byas nas lus kun tsha bar gyur te/ srog zungs bdun dang / bshang gci la sogs pa'i nang du rims de mtshungs par zhugs nas tshabs cher skyes te rims kyi mthu chen lus lci/rkang lag rengs bag tu 'dug ste/ de'i tshe rgyun gyi rims de ni dmigs kyis lus kyi nang na bcud dngas ma zhes bya ba la brten cing 'dug ste/ rims nad de la sogs pa'i dpyad kyang dka' la/bzod par yang rab tu dka'o/ /rims nad de lta bus khong pa'i nang gi bshang gci dri ma la bab ste/ tsha ba'i drod kyis smin cing tshos par byas nas ni myur du 'tsho sla'o/ /gal te nad lus kyi srog zungs bdun pa la bab ste rims nad tshabs che ba des myur du smin cing tsha bas gdung bar byed na ni gso dka' ste mi rung ngo //'dus pa'i rims nad rgyun ces bya ba de rlung las gyur pa'i rims nad yin na ni zhag bdun du gnas te/ de yang gal te rlung ngam/ mkhris pa'am/ bad kan nyid las bab ste nad nyid la gdung zhing smin par byed pa ni rims 'byang du rung ba zhes bya ste zhag bdun gyis 'tsho'o//srog zungs bdun po nyid khrag la sogs pa dang lus kyi dri ma bshang gci la bab ste/ rims tsha ba des gdung zhing tshos par byed na ni rims 'byang du mi rung ba zhes bya ste zhag bdun gyis 'chi bar 'gyur ro//tshul de dang 'dra bar mkhris pa'i nad ni zhag bcus bye brag dbye'o/ /bad kan gyi nad gzhi bcu gnyis kyi bye brag dbye'o/ /de ltar 'dus pa'i rims nad rgyun zhes bya ba'i rims de 'tsho ba dang 'chi bar 'gyur ba'i bye brag ni de ltar blta'o/ /zhes gna'i drang srong me bzhin 'jug de skad 'chad do//yang drang srong ljang sngo'i bu na re rlung las gyur pa'i rims zhag bdun gyis sos 'chi'i bye brag dbye zhes bya ba ni zhag bcu bzhis bye brag dbye'o/ /mkhris pa'i rims nad zhag dgus bye brag dbye zhes bya ba ni zhag bco brgyad kyis 'tsho 'chi'i bye brag dbye'o//bad kan gyi rims nad zhag bcu gcig gis bye brag dbye zhes bya ba ni zhag nyi shu rtsa gnyis kyis bye brag dbye'o/ /de ltar rlung dang / mkhris pa dang / bad kan gsum gyi rims nad 'dus pa'i rgyun zhes bya bas btab pa 'tsho 'chi'i bye brag gi tshigs ni de ltar blta zhes 'chad do//rims nad grangs so sor bstan mod kyi 'on kyang nad pa nad rtse zhil na nyam chung ste rid pa/ kha zas mi 'phrod pa gcig zos sam bsten pa dang / bya ba la sogs pa gnod pa zhig byas na nad dmigs chung ngus kyang srog zungs bdun po sha khrag la gnod par byas te nad kyi dkyel dang dpung skyes nas rims nad de yun ring du na zhing nad la gnyen po med par 'gyur te/res 'ga' ni tshabs che/ res 'ga' ni tshabs chung ste/ rims nad de rlung dang / mkhris pa dang / bad kan rang rang gi dus kyi che nad kyi stobs skyes/nad la bar chad byed do/ /de ltar rims rgyun ring du gyur pa la yang sman dpyad kyi mthu skyed na ni rims nad phyin to/ /sman dpyad kyi mthu chung na ni rims nad mi phyin to/ /rlung dang / mkhris pa dang / bad kan gyi nad dmigs zad/ rims ni chung la phra bar gyur pa'i tshe na rims nad de pho ba'i nang gi bcud dngas ma'i nang na 'dug go/ /de ltar rims de bcud dngas ma'i nang na 'dug par gyur na lus rid cing skem/ bzhin dang kha dog ngan/ rmongs bag tu 'dug /khong snyom/ kha zas yi gar mi 'ong ba la sogs par 'gyur ro//de ltar bcud dngas ma dang rims su 'dres te pho ba na 'dug pa'i rtsa thams cad kyi sgo yang de na kha bye zhing 'dus pas rtsa sgo kun gyi nang na bcud dngas ma rims dang 'dres pa der song na lus thams cad la rgyun gyi rims nad des myur du khyab ste na bar byed do//de la rtag pa'i rims zhes bya ba ni 'dus pa'i rims rgyun zhes bya ba las tshul mi 'dra bar log par lta ste nad thams cad kyang mi 'dra'o/ /ji lta zhe na rgyun gyi rims de ni nyin zhag du ma zhig tu nyin mtshan rgyun du na'o/ /rtag pa'i rims 'di ni nyin par lan gnyis nad ldang /mtshan mo lan gnyis nad ldang zhing na bas de'i phyir mi 'dra'o/ /nad ldang ba'i dus kyang ma nges te res 'ga' snga dro/ res 'ga' phyi dro/ res 'ga' nyi ma gung la na/ mtshan mo yang nam stod nam smad la na ba'i dus nges pa med do//thog ma nad kyis 'debs pa'i dus kyang nges pa med do/ /rtag pa'i rims 'di nyid ni khrag la phal cher brten cing 'dug pa de ni rtag pa'i rims zhes bya'o/ /kha cig na re rtag pa'i rims de ni nyin lan gnyis na zhing mtshan lan gnyis na zhes kyang 'chad do/ / de la rims nyin gcig pa ni nyin gcig kyang lan re re na ba yin te/ rims de yang sha'i rtsa ba'i nang na brten cing 'dug pa yin no/ /nyin gcig pa'i rims 'di ni rims kyi nang na nad tshabs mi che ba yin te gso sla'o/ /de la nyin gsum pa'i rims zhes bya ba ni nyin gcig dang po rims kyis btab la de'i phyi de nyin ni mi na'o//de'i yang phyi de nyin na bar byed pa de lta bu'o/ /rims 'di ni tshil gyi rtsa ba'i nang na zhen cing 'dug pa yin te/ mkhris pa dang rlung gnyis glad pa'i spyi bor zhugs shing zhen na glad pa'i spyi bo na'o//rkang pa man chad dku dor na na bad kan dang mkhris pa las gyur pa'i nad yin no/ /rgyab na na rlung dang bad kan las gyur pa'i nad yin no/ /bzhi pa'i rims zhes bya ba ni/ dang po nyin gcig rims na la de'i 'og nyi ma gnyis ni mi na'o/ /de nas nyi ma bzhi nang par yang na ba 'di ni bzhi pa'i rims zhes bya ste/rims nad 'di lta bu ni myur du mi 'byang ste yun ring du na'o/ /rims nad 'di ni tshil lam/ rkang ngam/ rus pa'i nang na 'dug pa yin no/ /na ba'i thabs kyang rnam pa gnyis te bad kan byin pa gnyis kyi nang na zhugs te na ba dang rlung glad pa'i nang du zhugs te na ba dang rnam pa gnyis yin no//yang bzhi pa'i rims de yang mi 'dra ba gzhan yang yod de/ rus pa dang tshigs gnyis kyi nang du zhugs te 'dug na nyi ma bzhi la dang po nyi ma gnyis rims na/ de'i 'og tu nyi ma gcig mi na/de'i phyi de nyin yang na bar byed na de lta bu ni bzhi pa'i rims zhes bya'o/ /rims nad de lta bu la kha zas mi 'phrod pa zos pa dang / /gnod par 'gyur ba lus kyis bskyod pa'i las byas na/ rlung dang / mkhris pa dang / bad kan gyi nad gzhi'i mthu phyir skyes te na bar 'gyur ro//kha zas phan pa zos pa dang lus kyis bskyod pa'i gnod pa ma byas na nad dmigs kyi nyams dma' ste 'byang bar 'gyur ro/ /yid kyi rims nad can zhes bya ba ni sngon gyi sdig pa mi dge ba'i las las 'byung ste/ kha zas mi 'phrod pa dang gnod par 'gyur ba ma byas par rims nad kyis btab nas phyi phyir nad tshabs che ste/na ba'i tshe rims nad gzhan dang 'dra bar na ba yin no/ /rims nad do cog gis btab ste na ba las tha mar 'byung du nye ba'i rtags ni lus kyi srog zungs bdun po bcud dngas ma dang /sha la sogs pa la rlung ngam/ mkhris pa'am/ bad kan gyis rims nad de dkrugs shing bslangs nas nad slong bar byed/ nad pa dbugs dang rngam pa drag tu 'byung / lus rngul/ mkhun/ slong bar byed/ lus 'dar/ rkang lag bya rmyang byed/ tshig mang du smra/ tsha ba'am grang bas lus dang bzhin gyi mdog dang gzi kun nyams par byas/ shes shing khong du chud pa'i bag med de rmongs bag tu 'dug /rims nad tshabs cher na bas nyam thag ste mkhris pa'i tshul gyis lta ba 'di lta bu'i tshe na ni rims de zhu zhing byang ba yin te/de'i tshe 'phyen sgra dang bcas pa yang 'byung zhing / thur du tshad pa sla bar shugs drag tu 'khrus nas de nas lus yang shing snyom/ rmya ba dang / rmongs bag dang / lus tsha ba'i bag dang / kha'i nang thor bu'i bag kyang med/mig la sogs pa dbang po rnams brtas te na ba med/ lus la rngul yang 'byung / sbrid pa yang 'byung / na ba med cing rang bzhin gyis nyams tha mal par gyur te/ kha zas yi gar 'ong / mgo bo g.ya' ste shig phrug 'dod pa 'di lta bu ni rims nad byang ba'i mtshan ma yin no//rims kyi nad gzhi bshad pa'i le'u ste gnyis pa rdzogs so// //khrag dang mkhris pa rgyas pa'i nad las kha sna dang mig nas khrag 'byung ba dang / thur du khrag 'byung ba dang /lud pa lu ba'i nad gzhi'i le'u gsum pa bshad par bya'o/ /rab tu drod che ba dang / rab tu ro bro ba rno ba dang / rab tu tsha ba dang / skyur ba dang / lan tshwa la sogs te tsha bar 'gyur ba'i bag zos pa dang / 'bru bag la ko tra pa dang / ud ta la ka dang /'di lta bu'i tsha ba'i bag dang / na le sham dang / dbyi mo dang / /kru trug tres la sogs pa sman tsha ba'i bag mkhris par gyur pa ha cang bsten drags na mkhris pa'i nad du 'gyur zhing mkhris pa rgyas pa ste/ lud pa dang khrag rgyas pa'i nad du 'gyur ro//mkhris pa dang khrag gnyis phan tshun nad 'dres par gyur pa dang / lus thams cad la khrag dang mkhris pas khyab nas nad du 'gyur ro/ /de bas na mkhris pa'i nad ces bya ba de ni khrag nad du gyur pa dang / khrag dang mkhris par 'dres pa dang /khrag gis mkhris pa la gnod par byas pa 'di rnams lta bus mkhris pa de khrag gi dri dang / khrag gi mdog dang mthun par 'jug cing gnas pas na de'i phyir khrag gis mkhris pa'i nad dmigs mtshon te bstan pa yin no/ /de nas khrag gi gnas mcher pa dang mchin pa la mkhris pa'i nad de ldang bar 'gyur ro//mkhris pa'i nad langs pas glad pa lci zhing na/ kha zas yi gar mi 'ong / tsha ba skyes pas grang zhing bsil bar byed/ slon zhing skyugs na skyugs pa dud kha la ro skyur ba 'byung /skyugs pa'i mdog btsog btsog ltar snang / lud pa lu/ dbugs mi bde/ glad pa 'khor/ khong snyom/ kha nas skyugs pa dang / khrag dang / mchil ma 'ong zhing dri mi zhim ste/ g.ya' snyam du mnam/ kha dri mi zhim/ nya rjen bzhin du mnam/ skad 'dzer te 'gags/ mig dang / sha dang / pags pa'i mdog dang / sen mo dang / bshang gci la sogs pa'i mdog rnams dmar la ljang sngon du 'dug pa mdog ser por snang ba de lta bur 'gyur ro/ /rmi lam na yang gzugs kyi kha dog de ltar 'byung zhing snang ngo //de ltar gyur na mkhris pa dang khrag rgyas pa yin no/ /mkhris pa dang khrag gi nad stod du rgyas pa ni/ sna dang / mig dang / rna ba dang / kha nas khrag 'byung bar 'gyur ro/ /gal te khrag dang mkhris pa'i nad ro smad du rgyas na pho mtshan dang /mo mtshan dang rkub nas khrag 'byung bar 'gyur ro/ /khrag dang mkhris pa'i nad rab tu rgyas te tshabs che na ba spu'i bu ga thams cad nas kyang khrag 'byung ngo / /de ltar stod du kha sna nas khrag 'ong na ni gso sla ste/ stod bad kan gyi rang bzhin yin pas na de'i phyir de lta bu la bkru sman gyis bkrus na phan par 'gyur ro//yang na mkhris pa'i nad la phan pa'i sman dpyad kyang mang du yod mod kyi/ mkhris pa'i nad ni bkru sman gyis bkrus pa las dpyad bzang ba med do/ /de ltar mkhris pa'i nad bkru sman gyis bkrus te phyin na mkhris pa'i zla la bad kan gyi nad ci yod pa yang byang bar 'gyur ro//bad kan gyi nad de phyin te byang nas sman dang / kha zas ro bska ba dang mngar ba'i bag zos na gnod pa med de/ mkhris nad dang khrag nad lta bu sel te phan no/ / sman dang / kha zas ro kha ba dang bska ba'i bag lta smos kyang ci dgos te/ des ni mkhris pa dang khrag nad kyang sel la/ bad kan gyi nad kyang sel bas phan no/ /thur du khrag dang mkhris pa byung ba de ni rlung las gyur pa'i sa bon yin te/ de ni myur du byar mi rung ste/de la skyug sman btang na gso sla ste/ myur du 'byang bar 'gyur ro/ /de bas na mkhris pa rgyas pa'i nad la skyug sman btang ba ni sman phran tshegs su 'gyur te/ phan pa'i dpyad ma yin/ mkhris pa'i zla la rlung nad yod pa yang skyug sman gyis mi phan no//de bas na mkhris pa rgyas pa'i nad la skyug sman pas ni zas ro bska ba dang / mngar ba phan par 'gyur ro/ /khrag dang mkhris pa rgyas te bad kan dang rlung gnyis ka 'dres te stod smad gnyis kar khrag 'byung bar 'gyur na ni gso dka' ste/ skyug sman bkru sman gnyis kyang bad kan dang rlung nad de la mkhris pa'i nad kyang skyug sman dang bkru sman gyis phyin pa med la/ de bzhin du nad 'di 'tsho bar 'gyur ba yang med do/ /de ltar mkhris pa dang / khrag nad rgyas pa dang / rlung dang bad kan gyi nad kun 'dres par gyur pa de lta bur nad thams cad zhi bar bya ba'i dpyad byas na phan no//de'i 'og nas zhib tu sman sbyar ba'i skabs su 'chad do/ /mkhris pa dang khrag gi nad de lta bur gyur pa nad de'i nang du rlung ngam/ mkhris pa'am/ bad kan gyi nad dmigs gang che brtag dgos te/de ni gtar ga thob la khrag ci 'dra ba rtog shig /mkhris pa dang khrag rgyas pa'i nad de las gzhan yang phran tshegs ci dang cir gyur pa yang rjes dpyad/ 'tsho 'chi cir 'gyur ba nad pa'i bzhin mdog la sogs pa las ltas su blta ba yang sbyor ba'i dpyad gyis shig /lud pa lu ba glo nad rnam pa lnga'i nad dmigs bshad par bya'o/ /glo na ste lud pa lu bas ni lus la gnod pa myur du byed pas na/ de'i phyir lud pa lu ba'i dmigs 'dir bstan par bya'o//lud pa lu ba de yang rnam pa lnga ste/ rlung dang / mkhris pa dang / bad kan dang / glo rdol ba dang / lus kyi srog zungs bdun zad par 'gyur ba'i glo gcong skem byed dang lnga'o/ /glo nad 'di lnga las rlung nad kyi lud pa bkar zhing na babs ni mkhris pa'i glo nad kyi nad dkyel che'o//mkhris pa'i glo nad pas ni bad kan las gyur pa'i nad che'o/ /bad kan las gyur pa'i nad pas ni glo 'grams te rdol pa'i nad che'o/ /de bas glo gcod skem byed kyi nad che'o//glo nad 'di rnams gang na yang rung / nad thabs kyi spyi ni lud pa lu/ gre ba'i nang g.ya'/ zas yi gar mi 'ong / gre ba'i nang gra mas gang ba bzhin du rtsub la tsha/ rlung ro smad man chad du rgyu zhing 'gro ba zhig yod pa de yang nad kyis 'gror ma ster/de 'gags pas rlung de 'khyil nas phyir log ste/ ro stod du song nas brang dang mgul pa'i nang kun tu zhen te/ de nas glad pa'i nang dang stod kyi rtsa kun gyi nang du rlung des gang ba dang / de'i phyi rol rlung des lus dang yan lag rnams gyen du bteg cing sbar ba bzhin du g.yengs par byed pas lud pa lu/mig ni rdol zhing byung la thug pa tsam du na/ rgyab dang brang rtsib logs su zug cing na bar byas nas rlung gyen du khar rgyu zhing 'byung ngo / /rlung de lud pa lu zhing 'byung ba'i sgra ni khar ba'i snod chag pa'i sgra skad zer ro//de ltar rlung nad las glo lu ba de yang nad gzhi'i bye brag tha dad pas/ rlung nad khong pa nang du 'gags shing zhen pa'i nad kyang tha dad par gyur te/ de'i phyir nad thabs kyang mi 'dra/ lud pa lu ba'i skad kyang mi 'dra bar 'byung ngo //de la rlung nad las gyur pa'i lud pas bkar ba'i nad thabs ni/ rlung nad slong zhing ldang bar 'gyur ba'i kha zas zos pas brang dang / thong ka dang / gre ba'i nang kha bskams/ snying na/ rtsib logs dang / brang dang / glad par zug cing na/ rmongs bag tu 'gyur ro/ /rlung gis lus thams cad kyi nang dkrugs pa snyam byed/ skad 'gags/ lud pa skam/ lud pa shugs drag tu lu/ lu ba'i tshe zug cing cher na/ lu ba'i sgra drag tu 'byung / lus kun rtsub la reg na brtse/bad kan gyi bag khong na bskams te zad pas/ lud pa drag pa yun ring zhig tu lu lu na/ yang bad kan cung zad tsam zhig 'byung ba de lta bu ni rlung las gyur pa'i lud pa lu ba'i nad thabs yin no/ /de la mkhris pa'i nad las gyur pa'i lud pa lu ba'i nad thabs ni/lud pa lu na/ mchil ma'i ro kha/ kha'i nang gi ro bro ba yang kha/ mig ser/ rims kyis thebs/ mgo 'khor/ mkhris pa dang khrag tu slon par byed/ bad kan dang mchil ma dud pa 'dra ba nag por 'byung ngo //skad 'gags/ skom dad che/ khong myos par 'gyur/ lud pa rtag par drag tu lu ba'i tshe mig lam du skar mda' 'phro bar byed pa lta bur snang / nad thabs 'di lta bu ni mkhris pas bkar ba'i lud pa zhes bya ba'o/ /de la bad kan gyis bkar ba'i lud pa'i nad thabs brang du zug pa'i nad tshabs ni mi che/glad pa'i spyi bo dang snying ga ni lci la mer mer por gang ba snyam byed/ gre ba'i nang bad kan gyis skyang nul du byugs pa tsam du zhen la 'byung du mi rung / cham pas 'debs/ skyugs/ kha zas yi gar mi 'ong / ba spu dang sha'i pags par reg na brtse/ lud pa lu na bad kan dkar po dkar la snum bag tu 'byung ngo / /nad thabs 'di lta bu ni bad kan gyis bkar ba'i lud pa lu ba'i nad thabs zhes bya'o//de la glo 'grams te rdol ba'i nad thabs ni stobs la sogs pa drag shul gyi bag lta bur byas pa dang / stobs kyi tshan gyis mi nus bzhin du yang stobs sam/ khur lta bu tshan chen po phyung bas rlung gis glo ba rdol te dral nas/ de'i rjes su mkhris pa yang zhugs te nad dkyel du gyur pa las lud pa lu nas lud pa de khar bad kan dang khrag 'byung ba kha dog ser po nag po rnag gi ljan ljin ril ril po dang 'dres pa'i bad kan cig 'byung ngo //gre ba'i nang bad kan rnag khrag 'ong ba'i tshe na la brang dang /nu 'jing dang / thod ga phyogs su gzer ba bzhin du zug /rus pa'i tshigs kha bye ba snyam byed la rims nad kyis 'debs/ dbugs mi bde/ skom dad che/ skad 'gags/ lus 'dar/ rtsib logs su zug cing na ste/ mkhun zhing phug ron skad 'byin to/ /de ltar glo 'grams te rdol na bags kyis nyams stobs 'bri/ kha zas khad kyis yi gar mi 'ong / pho ba'i drod dang nyams 'tshag dang / bzhin mdog dang 'di rnams kyang khad kyis 'bri bar 'gyur ro/ /nad thabs 'di ltar na na glo 'grams te rdol ba yin no//de la lus kyi srog zungs bdun zad par 'gyur ba'i glo gcod na ba'i nad thabs ni gcin khrag tu 'ong / rgyab dang rked pa na/ mchog tu rlung nad kyis nang slong bar byed de de bas na zad par byed pa'i nad 'di ni lus kyi nad la rgyal po ltar byed pas na nad kyi rgyal po zad byed ces bya'o//de'i nad thabs kyang lud pa lu zhing bad kan du 'byung ngo / /bad kan du lu ba las kyang rul te rnag bzhin du 'byung la mdog ser mnam/ rtsa sngo zhing dmar/ rtsib logs g.yas g.yon na mar gzhogs shing bcad pa snyom byed/snying thur du 'phyongs shing ltung ba snyam byed de na/ glo bur du res 'ga' ni tsha bar 'dod/ res 'ga' ni bsil zhing grang bar 'dod/ kha zas mang du za phod la nyams 'tshag ni zad de rke/kha gdong ni mdog snum la gsal/ so dkar/ mig bzang por snang ba 'di lta bu'i tshul du gyur na de'i rjes la lus kyi srog zungs zad par 'gyur ba'i nad kyi tshul thams cad 'byung bar 'gyur ro/ /de bas na lus srog zad par 'gyur ba'i lud pas bkar bar 'gyur/lud pas bkar zhing lu lu bas lus zad de ma rungs par 'gyur ro/ /nad pa de nyams 'tshag yod na ni glo gcod zad byed kyi nad dang / glo 'grams pa'i nad gnyis ka yang de las ming la bar gso ba tsam du rung ngo / / glo 'grams pa dang / lus zad pa bskams pa'i glo gcong gnyis ka gsar du byung na sman dpyad kyis gsor rung ngo / /rlung ngam mkhris pa'am bad kan gsum gyi nad dar bar 'gyur ba'i glo gcong zad byed kyi nad kyis btab pa yang gsor rung ngo / / rlung dang / mkhris pa dang / bad kan gsum lta bu las gang yang rung ste/ nad sna gnyis 'dres pa'i nad du gyur tam mi rgan po lta bu la glo gcod zad byed kyi nad kyis btab na de dag kyang nad de las mi 'gyur/ mi thu/ sla ba tsam du gsor rung ngo / / de lta bas na lus srog zad par byed pa'i glo gcong gi nad gso ba yal bar bor na dang po lud pa lu'o/ /de nas dbugs mi bde'o/ /dbugs mi bde ba las lus srog bdun po zad par 'gyur ro/ /de nas slon par byed/ de nas skad 'gags pa la sogs pa'i nad rnams 'byung ngo //de bas na nad thabs 'di ltar gyur na gso ba'i dpyad myur du gyis shig /khrag mkhris dang lud pa lu ba'i glo nad rnam lnga'i nad gzhi bshad pa'i le'u ste gsum pa rdzogs so// // dbugs mi bde ba'i nad dang / skyigs bus btab pa'i nad gzhi bshad pa'i le'u bzhi pa bshad par bya'o/ /de la dbugs mi bde ba'i nad ni lud pas bkar ba'i nad dkyel cher skyes sam/ yang na dbugs mi bde bar 'gyur ba'i kha zas mi 'phrod pa cig sngar zos la/nad bslang ste dbugs mi bde bar gyur tam/ yang na kha zas ma zhu bas tshad par 'khrus sam/ kha zas ma zhu bas slon tam dug 'thungs sam/ skya rbab kyi nad kyis btab bam rims kyis btab bam/ 'di lta bu gang yang rung ba'i nad gzhi dbugs mi bde bar 'gyur ro//dbugs mi bde ba'i nad de yang rnam pa lnga ste/ dbugs cung zad mi bde ba dang / dbugs mi bde ba mun pa bzhin snying rmugs kyis byed pa dang / dbugs 'chad pa dang / dbugs drag po mi bde ba cher 'byung ba dang / dbugs phyir rgyu ba drag la nang du rngub pa'i tshe dbugs 'chad de/nang du mi rngub pa dang rnam pa de lnga'o/ /yang dbugs mi bde ba'i nad thams cad ni dbugs phyi nang du rgyu ba la bad kan gyis chod de 'gags pa dang zas skom mid pa'i gre ba dang mgul pa'i sbu gu dang / srog ces bya ba'i rlung phyi nang du rgyu ba zhig yod pa dang 'di dag la bad kan gyis 'gags te chod pas dbugs rgyu ba'i rlung 'gror mi ster zhing glo g.yas g.yon du 'khyil te 'dug la rtsa sgo yang bad kan gyi nad kyis 'gags na ma zhu ba'i gnas pho ba nas dbugs phyi nang du rgyu ba de byung nas brang gi thad kar 'dug cing 'khyil nas dbugs mi bde bar 'gyur te na'o//de ltar na na ba'i tshul ni dang por snying dang rtsib logs na srog gi dbugs phyi nang du rgyu ba las gnod de na/ dbugs kyis gang ste bus pa'i thabs su na/ mur 'gram g.yas g.yon du zug ste na ba 'di ni dbugs mi bde ba spyi'i nad thabs yin no/ /de la dbugs cung zad mi bde ba zhes bya ba'i nad thabs ni stobs rtsal drag shul gyi bag byas sam/kha zas ha cang 'grangs ches par zos pa 'di lta bus 'phral du dbugs mi bde ste/ rngam pa drag tu 'byung bar byed do/ /dbugs mi bde ba 'di ni phran tshegs yin te 'di rang zhi bar 'gyur ba yin no/ / de la dbugs mi bde ba mun pa bzhin rmugs zhes bya ba'i thabs ni rnam pa gnyis te/ bad kan las dbugs mi bde bar gyur pa dang / mkhris pa tsha ba'i nad las dbugs mi bde bar gyur pa dang gnyis so/ /de la bad kan skyes na dbugs phyi nang du rgyu ba'i rlung de 'gags te 'khyil nas phyir 'byung du mi ster bar sbu gu dang rtsa'i nang na mar dbugs log par thur du rgyu bar byed/glad pa na/ mgul pa'i nang gi sbu gu na/ brang dang rtsib logs su zug cing na'o/ /lud pa lu na gre ba'i nang sgra ngar ngar zer/ snying mi dran rmongs bag tu gyur/ kha zas yi gar mi 'ong ngo //cham pas 'debs/ skom dad che ste dbugs mi bde ba'i tshe na rab tu mi bde ste/ dmigs kyis ni srog ces bya ba'i rlung zhig yod de/ glo snying gi nang nas gyen du glad pa'i spyi bo'i bar du rgyu la de'i las ni sems dang zhing gsal bar byed/ mig dang rna ba la sogs pa dbang po rnams dang zhing gsal bar byed/sems brtan par byed mchil ma 'dor bar byed/ sbrid pa 'byung bar byed/ sgregs pa 'byung bar byed/ dbugs phyi nang du rgyu bar byed/ kha zas zas skom mid par byed pa de lta bu'i rlung zhig yod de/ bad kan gyis 'gags te rlung rgyur mi ster ba dang /dbugs 'gags te mi bde bas dbugs thum thum byed pas mun pa bzhin du 'gyur ro/ /de la khong nas bad kan ngan pa cung zad tsam phyung na skad cig tsam bde'o/ /nyal ba'i tshe na dbugs rab tu mi bde'o/ /tsog tsog por 'dug na ni dbugs mi zad bde bar byed/dbugs mi bde ba'i tshe mig har har por 'gyur/ 'phral ba na rngul 'byung ste rab tu mi bde/ kha skam/ dbugs mi bde bas rngam pa bstud mar 'byung / bad kan las gyur pa'i dbugs mi bde ba yin pas dron po'i bag 'dod/ khong 'dar/ char pa 'bab pa'am/nam langs te yul grang ngam/ snga dro'i ser bus phog pa dang / bad kan skyes nas dbugs mi bde ba'i nad las 'gyur te/ de lta bu la sman dpyad kyi cho ga byas na nad de las dkyel min pa tsam gsor rung ngo / /dbugs mi bde ba'i nad de lta bus gsar du btab pa'am/ nad pa nyams 'tshag yod na ni gso sla'o/ /de la tsha ba mkhris pa'i bag gis dbugs mi bde bar 'gyur la/ rims tsha bas btab bam myos te dbugs mi bde na ni sman bsil bag gis nad gso'o/ /de la dbugs 'chad cing dbugs mi bde ba'i nad thabs ni dbugs mi bde ba'i rngam pa shugs drag po 'byung ba'i rjes la dbugs chad pa de lta bu bstud par na ste/de'i tshe srog gi gnas yod pa kun kyang 'chad pa tsam du na/ rngul 'byung / brgyal/ khong lcog /lgang pa tsha/ gcin 'gag /mig har har por 'og mig tu thur du lta la mig ya gcig dmar por gyur/yang dang yang mi dran te mong mong bor gyur/ kha skam/ smra ba'i shugs nyams te gsang dma'/ gzi mdangs nyams bzhin blag blag por gyur/ snying mi dran te myo myo po de ltar byed do/ /de la dbugs mi bde ba'i nga ro cher 'byung ba'i nad thabs ni dbugs mi bde ba'i nga ro nyams pa'i sgra cher 'byung la rngam pa drag /dbugs mi bde ba'i nga ro gnyis kyi sngur pa sgra bzhin 'byung / dbugs mi bde ba'i dbugs drag tu 'byung ba'i tshe dbyar gyi glang rgyags te 'gying ba'i nga ro skad drag tu zer/ sngar lobs shing shes pa rnams kyang brjed de mi dran/mig gis mi mthong la 'khrul/ bzhin 'gyur/ ro stod dang dpung mgo zhum por 'gyur/ bshang gci 'gags te mi 'byung / skad kyi gdangs nyams te gcom chung / gre ba skams/ yang dang yang snying mi dran te myos/rna ba dang mur 'gram dang klad pa zug ste na'o/ /dbugs gyen du phyir 'byung ba yun ring du 'byung la nang du mi rngub/ 'di'i nad thabs ni mgul pa dang sbu gu dang rtsa sgo rnams bad kan gyis chod de 'gags pa de ltar nang du rngub mi nus te dbugs bde la dbugs mnam por 'byung /mig gyen du blta la mig 'khrul cing phyogs kun du yang blta/ gnad dang srog chad la thug pa tsam du nyam thag nas smre sngags 'don cing tshig mi 'byin/ nad thabs 'di lta bur gyur pa sna grangs tshang na ni gsor yang mi rung ngo / /sna grangs 'di ltar ma tshang na ni gsor rung ngo //dbugs mi bde ba'i nad thabs lnga ni de lta bu yin no/ /de la skyigs bus btab pa'i nad kyang spyi ni dbugs mi bde ba'i nad kyi gzhi dang nad kyi thabs kyi tshul dang yang 'dra/ nad kyi ming gi rnam grangs kyang mnyam/ rang bzhin yang 'dra/ skyigs bu dang dbugs mi bde ba'i nad kyang 'dra'o//lnga gang zhe na/ kha zas la skyigs bu tha mal pa dang / drag shul las gyur pa'i skyigs bu phra mo dang / skyigs bu zung du 'byung ba dang / skyigs bu cher 'byung ba dang / khong pa'i gting gi zabs nas skyigs bu 'byung ba dang lnga'o/ /de la kha zas las gyur pa'i skyigs bu ni kha zas rings thabs su zos pa dang /zas rtsub pa'am/ kha zas tshan mo'am/ kha zas sra ba'am/ zas skom snga na ma goms pa de lta bu drag tu zos pas btsir bar gyur pa'i rlung gis phul ba las skyigs bus btab ste na ba ma yin pa sgra mi grag par 'byung sbrid pas 'debs so//de lta bu la sngan chad goms pa'i zas skom tha mal pa zos pas zhi bar 'gyur ro/ /de lta bu ni zas las gyur pa zhes bya'o/ /de la drag shul las gyur pa'i skyigs bu phran tshegs gang zhe na/ de ni drag shul las stobs rtsal gyi bag byas pas rlung bskyod de des skyigs bu mi drag pa mgul ba'i nang nas byung ste/na ba'i shugs kyang mi drag ste 'jam mo/ /de yang dag shul gyi bag byas na ni skyigs bu'i nad la'o/ /kha zas zos pa rnams kyis 'jam par 'gyur ro/ /de la skyigs bu zung du 'byung ba'i nad thabs ni bstud mar lan gnyis tsam 'byung la/de'i 'og tu kha langs tsam las mi 'byung zhing de nas yang bstud mar 'byung ba de lta bu yin no/ /de ni kha zas skyigs bus 'debs par 'gyur te/ de yang kha zas 'jur nye ba'i tshe na skyigs bus drag tu 'debs/ kha zas zhu phan chad ni rang 'byung ngo //skyigs bus bstud mar 'debs pa'i tshe na lus 'dar/ klad pa dang mgul pa na/ khong lcog /skom dad che/ tshig smra ba mang / slon tshad pas 'debs/ mig har bag tu lta/ glal 'byung ngo / /skyigs bu zung du 'byung ba ni 'di nad thabs kyang drag la kha zas zhu ba'i tshe skyigs bu'i nad kyang ldang zhing mi bde bar byed pa yin no//de la skyigs bu cher 'byung ba'i nad thabs ni smin ma dang mur 'gram gnyis mnyam/ mig nas mchi ma'ang / mig har bag tu lta/ lus rengs bag tu byed/tshig 'khrul/ dran pa dang shes pa 'khrul bag tu byed/ mid pa'i sbu gu 'gags/ srog gi gnad gsig cing skyod par byed/ rgyab tu rgyu/ lus kyi khog skam bag tu 'gyur ba'i skyigs bu drag tu 'byung ste/ skyigs bu de khong pa'i nang dma' ba nas 'byung / sgra cher 'byung / skyigs bu 'byung ba'i tshe na ba'i tshabs che ste skyigs bu'i stobs kyi shugs drag par 'byung ba yin no/ /de la khong pa'i gting gi zabs nas skyigs bu 'byung ba'i nad thabs ni kha zas zhu ba'i gnas long ka'am/ lte ba'i thad ka tsam nas skyigs bu gong ma dang 'dra bar 'byung ste nad thabs kyang gong ma dang 'dra bar bstud ma yang dang yang 'byung zhing kha glal/rkang lag bya rmyang byed/ skyigs bu 'byung ba'i sgra brag ca can zab mor 'ong ba ni nad thabs de lta bu yin no/ /de la skyigs bu thog mar rnam pa gnyis po ni gso sla'o/ /tha ma'i skyigs bu'i nad thabs su gyur pa ni gsor mi rung ngo //skyigs bu'i nad thams cad kyi sna grangs kyang tshang la nad tshabs kyang che/ nad gzhan kun kyang tshogs la pho ba grang ste zas kyang ma zhu/ mi na rgas sam/ bud med la drags par gyur pa lta bu zhig gam/ nad kyis lus zad de gong ma dang kha zas bcad dam ma chud dam/glo 'grams te rdol tam/ sman tshabs chen por gyur pa 'di rnams gang yang rung ba la skyigs bu yong ba de lta bus btab na gsor mi rung ngo / /yang na nad do cog gis kyang ma rungs par ni byed mod kyi/ skyigs bu ltar myur du ma rungs par byed pa nyid ma yin no//skyigs bu dang dbugs mi bde ba'i nad gnyis ni nam 'chir nye ba'i tshe na 'ong bar 'gyur ro/ /dbugs mi bde ba'i nad thabs dang / skyigs bu'i nad thabs bshad pa ste le'u bzhi pa rdzogs so// //glo gcong chen po lus kyi srog zungs zad par byed pa'i nad gzhi'i le'u lnga pa bshad par bya'o//zad byed kyi nad glo gcong zhes bya ba 'di phyi bzhin nang du 'ong zhing 'brang ngo / /nad mang po kun gyi thog mar 'gro bas na de'i phyir 'di'i ming ni nad gnod pa'i rgyal po zhes kyang bya/ lus zad par byed pa zhes kyang bya/ lus skems par byed pa zhes kyang bya/nad kyi rgyal po zhes kyang bya ste/ nad 'di gna' dang po ni rgyu skar rnams dang bram ze rnams la glo gcong gis 'debs pa'i rgyal por gyur pas na de'i phyir nad 'di la ming gnod pa'i rgyal po zhes kyang bya'o/ /sman yang zad/ lus kyang zad par byed pas na glo gcong zad byed ces kyang bya/mi'i bcud dang sha khrag la sogs pa skems par byed pas na glo gcong skems byed ces kyang bya'o/ /nad de dag gi nang nas rgyal po ltar gyur pas na rgyal po zhes kyang bya'o/ /de la glo gcong skems byed kyi nad kyang rnam pa 'di bzhi gang yang rung ba las nad du gyur te/bzhi gang zhe na/ stobs kyi tshan gyis mi nus bzhin du nyams mthu gtugs te/ chad chad du drag shul byas pa lta bu'am bshang gci 'ong bar gyur na brnags te bkag pa'am bud med la drags te khu ba zad pa dang / mdangs zad pa dang /khong na snum yod pa zad pa dang / spyir khams bdun po zad pa dang / zas skom sngon ma zos pa za ba'i cho ga bzhin du ma zos pa rnam pa 'di lta bu gang yang rung ba las nad du 'gyur ro/ /de ltar nad du gyur pa'i rgyu bzhi lta bu'i rlung nad dang mkhris pa'i nad dang bad kan gyi nad bslangs nas lus thams cad dang /rus pa'i tshigs thams cad kyi nang du nad zhugs nas de nas rtsa thams cad du gyes te 'phros nas/ rtsa chen po bcu'i nang du nad zhugs nas yang na ni rtsa de rnams kyi sgo 'gags par 'gyur/ yang na ni rtsa de rnams kyi sgo 'bye bar 'gyur/de bzhin du ro stod dang / ro smad dang rtsib logs g.yas g.yon dang / khong pa nang so so kun du nad kyis gang bar 'gyur ro/ /de'i nad thabs ni cham pas 'debs sbrid pa rab tu drag po mang du 'byung / kha nas mchil ma dang bad kan mang du 'byung zhing 'dor/kha'i nang mngar/ pho ba'i drod nyams/ rdza ma dang / gzhong pa dang / snod spyad la sogs pa kun dang / zas skom la sogs pa gtsang bar 'dug kyang btsog cing / kha zas kyi nang du sbrang bu dang / rtsa dang skra la sogs pa song bar mthong /snying na/ slon bro/ zas yi gar mi 'ong / kha zas rtag tu zos kyang nyams 'tshag zad/ lag pa rtag tu lta zhing lag ngar gyi mkhrig mar sbom phra 'jal 'dod/ rkang pa dang gdong skrang / mig dkar khral khral byed/ lus mthong na 'jigs su rung / snying la bud med 'dod/chang dang sha yi gar 'ong ba snyam byed/ zos na skyug bro/ klad pa'i spyi bo rtag tu 'gebs par byed/ sen mo dang skra rab tu ring / rmi lam na phye ma leb dang / rtsangs pa dang / sdig sbrul dang / spre'u dang / gcan gzan dang / bya rnams kyis bdag la 'tshe bar mthong /skra dang rus pa dang / phub ma dang thal ba'i phung po la bdag 'dzeg cing 'gro bar rmi/ grong dang yul stong dang chu bo skams pa mthong / skar ma ltung ba dang / ri bsgyel zhing lhung bar rmi lam du mthong la shing skyes pa kun 'bar bar mthong / gal te nad ro stod yan chad du rgyas na ni cham pas thebs/dbugs mi bde/ lud pas bkar/ phrag pa na/ klad pa'i spyi bor na/ skad 'gag /zas yi gar mi 'ong ba de lta bur 'gyur ro/ /gal te ro smad man chad du nad dkyel che na ni yang na tshad par 'khru/ yang na rtug skam du gyur te 'khren pas 'dogs so//gal te nang grol gyi nang du nad dkyel cher gyur na ni slon par byed do/ /rtsib logs su nad babs na ni glo g.yas g.yon du thad kar zug cing na'o/ /rus pa'i tshigs kyi nang du nad babs na ni rims nad du 'gyur ro/ /de ltar nad gnod byed kyi glo gcong gi nad thabs rnam pa bcu gcig yod pa de ni de lta bu yin no//glo gcong gi nad thabs 'di lta bus btab pa la nad bla brnan gzhan gyis btab pa ni skad 'jer te 'gag /gre ba subs/ brang gi nu 'jing g.yas g.yon du zug cing na/ kha glal/ lus dang ro stod brdung ba snyam byed de na/kha nas mchil ma dang / bad kan gyi bag 'dor ba mang / pho ba'i drod nyams/ kha nas rnag mnam pa de lta bu'i nad du 'gyur ba 'di ni bla brnan gyi nad thabs yin no/ /de la glo gcong zad byed kyi nad ci las gyur pa'i bye brag so so'i dmigs kyang bshad par bya ste/nad de lta bu la rlung las gyur pa'i shas chen glad pa na/ rtsib logs su zug cing na/ mgul pa subs shing skad 'gags pa de lta bur 'gyur ro/ /de la mkhris pa rgyas te tsha ba'i nad kyi shas che na ni lag mthil dang rkang mthil tsha/ tshad pas rab tu 'khru/khrag tu slon/ kha mnam/ rims kyis 'debs so/ /nad de la bad kan gyi shas che na ni zas yi gar mi 'ong / slon/ lud pas bkar/ mgo dang lus dang rkang lag lci/ mchil ma dang bad kan mang du 'ong / cham pas 'debs/ dbugs mi bde/skad 'gag /pho ba'i drod nyams pa de lta bu'i nad du 'gyur ro/ /nad de lta bus btab ste/ gso dka' ba dang / sla ba'i bye brag tu lta ba ni rlung dang mkhris pa dang bad kan gyi nad kun rgyas la pho ba'i drod ni nyams te chung / bad kan cher skyes pas pho ba'i nad 'gags shing chod de rtsa thams cad kyi sgo yang 'gags nas lus kyi srog zungs bdun dang /bshang gci dang rngul dang rlung dang mkhris pa dang / bad kan yan chad lus la yod pa rnam pa bcu gsum gyis drod chung ngur 'gyur ro/ /pho ba'i me drod des log par tsha zhing 'tshig par byed pas kha zas zos pa'i bcud de zhu bar ma byas pas khrag dang sha la sogs par mi 'gyur la/kha zas zos pa'i bcud de bad kan du gyur nas slar khar 'byung bar byed/ kha zas lto na yod pa yang zhu zhing bcud du 'gyur ba ni mi byed kyi dri ma bshang gci thur du 'gro ste/ de lta bas khrag dang sha la sogs pa lus kyi srog zungs nyams 'tshag tu brta bar mi 'gyur bas/kha zas ma zhu ba bcud du mi 'gyur/ bcud du ma gyur na khrag tu mi 'gyur/ sha la sogs pa'i srog zungs su ga la 'gyur te/ lto ba'i nang na bshang gci 'ba' zhig gi tshogs kyis lus rgyas te/de'i phyir lus sha kun ni med par gyur pas na zad byed kyi nad glo gcong zhes bya ste/ nad thabs 'di ltar sna ma tshang ste/ dkyel chung yang nad pa'i nyams 'tshag chung ste/ sman btang mi bzod pa dang na nas yun ring ba de lta bu ni sman btang mi bzod de gsor mi rung ngo //nad thabs 'di ltar na nas ring po ma lon pa nyams 'tshag gis thub ste/ sman btang bzod na gsor rung ngo / /skad subs shing 'gags pa'i nad thabs sna drug bshad pa skad subs shing 'gags pa yang / rlung nad dam mkhris pa'am/ bad kan gyi nad sna tha dad pa las kyang gyur/ nad 'di gsum car 'dus pa las kyang skad 'gags par gyur/ yang la las ni zad byed kyi nad glo gcong las kyang skad 'gag /tshil las gyur pa'i nad kyis kyang skad 'gags te de ltar skad 'gags pa ni de rnams las 'byung ngo //de la rlung nad las gyur pa'i skad 'gags pa'i nad thabs ni/ skad kyi gsang dma' zhing subs bag tu zer/ lus rmya la khong rtsub/ skad 'gyur/ gre ba'i nang gra mas gang ba tsam du rtsub ste/ mgul pa'i nang bad kan gyis kyang nul du 'byung ba snyam byed na gre ba'i nang ngar ngar zer te skad mi phyin cing 'gag go//rlung nad dang mkhris pa dang bad kan gyi nad 'di gsum char las gyur te/ skad 'gags na ni nad thabs gong ma dang sna gsum char tshang bar na la skad subs so/ /zad byed kyi nad glo gcong las gyur te/ skad 'gags na ni gre ba'i nang na rtsub pos drud pa snyam byed la/gre ba nas she rul lam/ bad kan dud kha lta bur 'byung zhing rab tu na'o/ /tshil nad las gyur pa'i skad 'gags pa'i nad thabs ni bad kan las gyur pa'i nad thabs dang 'dra'o/ /de la skad 'gags pa'i nad 'di rnams kyi nang na gong ma'i nad lnga po gang yang rung ste/tshig gsal bar mi phyin la legs par gsor mi rung zhing / skad cher subs pa de dag gso dka'o/ /tha ma'i tshil nad las gyur te skad subs pa 'di yang gso dka' ste thong shig /yi ga 'chus pa'i nad thabs sna lnga bshad pa/rlung nad dam mkhris pa'i nad dam/ bad kan gyi nad/ nad dmigs tha dad pa gang yang rung ste/ lce'am pho ba la gnas na yi ga 'chus par 'gyur ro/ /de yang ji lta zhe na/ rlung las gyur na kha'i nang ro kha'o/ /bad kan las gyur na kha'i nang ro mngar bar bro ste yi ga 'chu'o//rlung dang mkhris pa dang bad kan gsum char las gyur na kha'i nang ro bro ba med do/ /mya ngan gyis btab ste/ snying mi dga' zhing yi ga 'chus na rlung nad las gyur pa yin no/ /khro ste rngam pa las yi ga 'chus na/ mkhris pa'i nad du gyur pa yin no//de lta bas na yi ga 'chus pa'i nad dmigs rnam pa lnga ni de lta bu yin no/ /slon pa'i nad thabs sna lnga bshad pa/ skyug bro zhing slon par gyur pa'i nad thabs ni rlung ngam mkhris pa'am bad kan gyi nad tha dad pa las slon par 'gyur ba dang / rlung dang bad kan mkhris pa'i nad gsum char 'dus pa las slon par 'gyur ba dang /yid du mi 'ong zhing skyug bro bar gyur pa'i dngos po mthong ba las slon par 'gyur ba dang de lnga'o/ /nad thabs 'di lta bu gang yang rung bas btab pa dang / stod du rgyu ba'i rlung brang dang / nam tshong na 'dug pa des gyen du slong zhing phul te thams cad slon par byed do//slon pa'i thabs ni khar mchil ma bstud pa 'byung la/ dang ga mchu kha'i nang lan tshwa'i ro bro la yi ga rab tu 'chu zhing slon par byed de/ 'di ni slon to cog spyi'i nad thabs yin no/ /de la rlung nad las gyur pa'i slon pa'i nad thabs ni lte ba dang rgyab tu zug ste na/rtsib logs su 'ang zug ste/ chung zad skyug cing bar chad la/ skyugs pa'i ro bska zhing dbu ba can du 'byung ste/ sgregs pa dang bcas par 'ong / skyugs pa mdog gnag pa dang / khong nas slon pa'i tshe khong nas slong zhing / phul ba'i shugs drag la/ skyugs pa mang po mi 'byung ba ni lud pa lu/ kha skam/ snying dang glad pa na/ skad la gnod de 'gag /khong snyom pa de lta bur gyur na rlung nad kyis slon pa'i thabs yin no/ /de la mkhris pa las gyur pa'i slon pa'i nad thabs ni skyugs pa thal khu bzhin rtsa dmar la dud pa lta bu ljang gu sngo rtse ser/skyugs pa'i nang na khrag kyang yod la/ ro skyur la skyugs pa tsha ste/ drod che/ skom dad che/ brgyal/ lus phyi nang du tsha ba'i nad thabs de lta bur slon to/ /de la bad kan las gyur pa'i slon pa'i nad thabs ni slon pa'i skyugs pa'i mdog snum zhing khar bsil/bad kan du slon pa de nal nal byed de ring du drang du rung la/ skyugs pa'i nang na chu bur lta bu'i ril ril po yod/ slon pa'i ro mngar ba lan tshwa bro/ slon pa'i thabs ches te ba spu langs te/ sha dang spu brtse ste reg mi bzod/ kha gdong skrang / kha'i nang ro mngar bar bro/ blong blong por 'dug /snying ga nas mchil ma mang du 'ong ba'i nad thabs 'di lta bu yin no/ /rlung dang mkhris pa bad kan gsum char las gyur pa'i nad thabs ni nad sna gsum gyi nad thabs thams cad tshang bar na zhing slon to/ /de la yid du mi 'ong zhing skyug bro ba'i dngos po mthong na slon pa ni rul ba dang mi gtsang ba dang /btsog pa dang / skyug bro bar 'gyur ba de lta bu mthong ngam thos pas skyug bro ste slon par byed do/ /slon pa 'di lta bu'i nad thabs gang yang rung ste/ 'chi bar 'gyur ba'i ltas sam/ mtshan ma ngan pa byung na gsor mi rung ste/dpyad ma byed cig /snying na ba dang / lto na srin bu yod pa'i nad thabs dang / skom dad che ba'i nad thabs dang / pho ba na be'u snabs yod pas mchin pa na ba la sogs pa'i nad thabs bshad pa'o/ /snying na ba'i nad thabs ni snying na ba yin no//khong na srin bu yod na lhag par na ste/ snying na ba dang / srin bu'i thabs kyi tshul nad thabs rnam pa lnga yod do/ /de la rlung nad las gyur pa'i snying na ba'i nad thabs ni rab tu na la zug cing na ba de yang so sor 'phro bar byed/ brdungs sam bcom pa snyam byed/ snying rengs pa snyam byed/ gsher bag med stong par gyur pa snyam byed/ glo bur du sems zhum par byed/ snying mi dga'/ 'jigs/ sgra grag na mi bzod/ 'phar zhing 'dar/ gzus pa snyam byed/ rmongs bag tu gyur te dbugs 'chad/ gnyid chung / nad thabs 'di lta bur gyur na rlung nad las gyur pa'i snying na ba yin no//mkhris pa'i nad las gyur te snying na ba'i nad thabs ni skom dad che/ mgo 'khor/ brgyal/ khong tsha/ lus rngul/ thang ga dang gre ba nas yar skyug /lus snyom zhing sgyid skyur/ skyugs pa mkhris pa dang ro skyur bar bro la dud khar 'ong /sha mdog ser/ rims kyis kyang 'debs so/ /bad kan las gyur pa'i snying na ba'i nad thabs ni snying rengs pa snyam byed/ snying na rdo ba yod pa snyam byed/ khur thang gar blangs pa snyam byed de/ lud pa lu/ pho ba'i drod nyams/ kha nas bad kan dang mchil ma mang du 'byung /gnyid che/ khong snyom/ zas yi gar mi 'ong / rims kyis 'debs pa'i nad thabs ni 'di lta bu yin no/ /rlung dang mkhris pa'i nad dang bad kan gyi nad gsum char 'dus pa las snying na ba'i nad thabs ni nad sna gsum gyi nad thabs kun tshang bar na bar 'gyur ro//srin bu yod pa'i nad thabs ni mig spyir cung zad gnag /mun par zhugs pa snyam du mi dran/ snying na/ lus skam/ lus g.ya'/ kha nas chu 'dzag /mchin ngogs thog thag tu sog les drud pa snyam du tsha bar byed na srin bu yod pa yin te/ srin bu'i nad thabs drag pa 'di lta bu ni myur du gnod par 'gyur ba yin no/ /dpyad myur du gyis shig /de la skom dad lhag par che bar gyur pa'i nad thabs ni/ rlung dang mkhris pa bad kan so so la skom dad che bar gyur pa dang / gsum 'dus pa las gyur pa dang / rims nad gyis btab pa las skom dad che bar gyur pa dang /nad thabs drug yod do/ /skom dad skyes so cog ni rlung dang mkhris pa gnyis rgyas pa'i gzhis srog zungs bdun 'phrod snyoms shing 'dug pa las dkrugs te nad bslangs nas/ dang po bskams par byas nas lus thams cad 'dar/mgo 'khor/ lus tsha/ skom dad che/ khong tsha/ rmongs par byed/ lce'i drung dang / mgul pa dang / glo dang / bad kan dang skom 'thungs pa rtsar 'gro ba rnams bskams pa 'di lta bu'i nad gzhi las skom dad che ba'i nad du 'gyur ro/ /de ltar nad sna drug las skom dad cher skyes pa'i nad thabs kyi spyi ni/kha bskams te skom 'thungs kyang mi ngoms la kha zas mthong na khro/ skad 'gag /gre ba dang mchu dang lce rnams rtsub por gyur la lce 'byin par byed khong snyom/ tshig mang du smra/ sems myos pa yin te/ skem gyis gdungs pa'i nad dam/skom 'gags pa'i nad du gyur pa sngar bshad pa'i dmigs de dang 'dra bar nad du 'gyur ro/ /de la rlung nad las gyur pa'i skom dad che ba'i nad thabs ni khong rmya/ nyams dman/ mur 'gram du zug /klad pa 'khor/ snas dri ci bro ba mi tshor/ lces kyang ro ci bro mi tshor/rna bas kyang sgra mi thos/ gnyid med/ nyams 'tshag /zas chu grang mo 'thungs na nad la phan par 'gyur ro/ /mkhris pa las skom dad du gyur na brgyal/ kha'i nang rul ro kha ba bro/ mig lam du dmar ba mthong / rtag par kha skam/ khong tsha/ dbugs mnam mo//bad kan las gyur pa'i skom dad skyes pa'i thabs ni dang po bad kan gyis nang du 'gags shing chod pas rlung 'gags te 'khrugs pas skom 'thungs pa rtsar 'gro ba'i rtsa sgo de rlung des 'gags nas bad kan 'jim rdzab 'dra ba de yang rlung gis bskams pa dang / mgul pa'i nang gra mas gang ba bzhin du tsha la rtsub/gnyid che/ kha'i nang ro mngar ba bro/ lto lbo/ mgo bo yo yo po la nyams mthong bag tu 'gyur/ slon kha zas yi gar mi 'ong / lus snyom/ zas mi 'ju'o/ /rlung dang mkhris pa dang bad kan gsum ka'i nad las gyur te/skom dad skyes pa'i na ba'i nad thabs ni rlung dang mkhris pa dang bad kan gyi nad dmigs so sor bshad pa'i nad thabs thams cad kun tshang bar na ba yin no/ /pho ba na be'u snabs yod pa las skom dad skyes pa dang / mgul par kha zas thogs te mid du mi rung ba yang skom pa'i lan yin te/'di yang rlung dang mkhris pa'i nad las gyur pa yin no/ /pho ba'i me drod ha cang che ba la/ skom ha cang drags sam mangs na yang skom dad kyi nad du gyur te/ zas snum bag zos pa dang / zas lci ba dang / skyur bag dang / lan tshwa che ba bag zos pa 'di lta bus kyang bad kan skyes pa'i skom dad kyi nad du 'gyur ro//bcud dang zas zad pa las skom dad du gyur na ni glo gcong zad byed kyi nad thabs bshad pa dang 'dra'o/ /rims nad las skom dad skyes pa'i nad du 'gyur ba ni lus kyi khong bskams par gyur pa lta bu dang / za gur gyur pa lta bu dang / rims la sogs pa nad yun ring por btab pa'i nad de lta bu gang yang rung / na ba las skom dad skyes pa'i nad du gyur pa de ni rims nad kyi rang bzhin gyi nad thabs dang 'dra bar bshad do/ /nad gzhi bshad pa'i le'u lnga pa rdzogs so// //chang gi nyes dmigs dang / nad thabs la sogs pa bshad pa'i le'u drug pa bstan par bya'o/ /chang gi rang bzhin dang ro'i bye brag ni spyir rnam pa bcu ste gang zhe na/ rna ba drod che ba rtsub pa drag pa skyur ba bud med dang phrad par 'dod pa lus la myur du khyab par byed/lus yang 'bar te mdangs can du 'gyur/ 'phral du gsal bar byed do/ /mi'i khong na mdangs zhes bya ba yod pa de ni bye brag bcu'i tshul du gnas te/ chang gi tshul 'di bcu las bzlog par blta'o/ /dug kyang rno ba la sogs pa rnam pa 'di bcu'i tshul du gnas mod kyi de ni ha cang drags ches pas sems ma rungs par byed/'chi bar byed do/ /chang gi mthu'i yon tan ni/ rno ba dang / drod che ba la sogs pa yin no/ /mi'i khong na mdangs yod pa'i yon tan ni rngul ba la sogs pa'i yon tan rnam pa bcur blta'o/ / de la chang gi yon tan de'i rnam pa bcus ni mi'i khong na mdangs yod pa'i yon tan rnam pa bcu gnas par byas nas sems bsgyur te/ khrid pa de ni ra ro ba zhes bya'o/ /de la dang po chang 'thungs pas/ thog ma bzi ba ni snying dga' ste/ gtam dang bzhad gad byed par 'gyur ba yin no//de bas mang du 'thungs te ra ro ba ni rigs pa dang / mi rigs pa cal col 'dren par byed pa dang / bag med par gnas la rnam par rtog pa ngan pas bcos nas sems rmongs pa ste/ bde ba yin no snyam du bsams nas 'khrul bar byed do/ /de ltar chang gis 'bring tsam du ra ro ba dang /gtu lum nyid du khom par ma gyur pa'i bar gyi tshe ni rdul dang mun pa'i rang bzhin zhes bya'o/ /de la rdul gyi rang bzhin ni tshig cal col mang du smra ba yin no/ /khro/ nga rgyal che/ ser sna byed pa de lta bur 'gyur ro/ /de la mun pa'i rang bzhin du gyur pa zhes bya ba ni 'jigs pa'i sems med/gnyid bro/ snyom/ snying la brtsams pa med par sems pa ste/ de lta bu ni glang po che smyon pa'am sbrul po che btags pa las shor ba dang 'dra ste/ ci la yang mi byed pa yin no/ /de lta bu'i tshe ni ngang tshul ngan pa'i rang bzhin kha na ma tho ba rnams kyi gnas su gyur pas/chang gcig pu las rang 'gro'i lam du mang po ston par byed do/ /gsum po'i tshe rabs su ra ro ba ni shi ba bzhin tshor ba med par nyal te 'dug go/ /de ni shi ba bas kyang sdig pa'i rang bzhin du 'gyur ba yin te/de'i tshe ni rab tu sdig pa la gnas pa zhes bya'o/ /de bas na chang la zhugs shing myos pa ni chos dang chos ma yin pa dang / bde ba dang sdug bsngal ba dang / don dang don med pa dang / phan pa dang gnod pa'i dmigs mi shes par byed pa yin na de la lta mdzangs pa su zhig bsten par byed/chang gis ni myos par byed/ 'jigs pa dang mya ngan du 'gyur/ khros pa dang srog gi bdud du 'gyur ba de lta bu yin/ smyo byed kyi nad dang / brjed byed kyi nad dang / myos pa dang brgyal bar gyur pa dang nad kyis 'debs par 'gyur ro/ / de lta bas na chang gcig pus dran pa nyams par byas pa de lta bu las nyes pa thams cad 'ong bar 'gyur na chang gi nyes dmigs rnam pa lnga po lta bshad kyang mi dgos te/ de lta bas na chang lta smos kyang mi dgos kyi/ kha zas mi rigs pa zhig zos na yang nad du 'gyur ba'am 'chi bar 'gyur ba yin no//yang chang gi nyes dmigs ni mis bsgrub pa'i mdo nor dang / longs spyod dang thar pa'i lam don du gnyer bar bya ba dang / 'di gsum dang bro dang bstan par bya ba dang / khrel dang ngo tsha shes par bya ba la sogs pa 'di lta bu yang med par byed do/ /de la chang la sra ste/chang 'thungs kyang ha cang ra ro bar mi 'gyur ba ni nyams 'tshag yod de tshor ba dang / sngar kha zas zos pa dang / kha zas cher za phod pa dang / rtag tu kha zas snum bag za ba dang / snying stobs che ba'i mi dang / na tshod dar la bab ste gzhon pa dang / rtag tu chang mi 'chad par 'thung ba lta bu dang /pha ma'i rgyud kyis rtag tu chang 'thung 'thung bar gyur pa dang / lus tshil dang bad kan gyi shas che la/ rlung dang mkhris pa'i shas ni chung / pho ba'i me drod ni che zhing brtan par yang yod pa de lta bu ni chang la sra ste 'thungs na yang ra ro bar mi 'gyur ro/ /de la chang la snyi ste ra ro zhing myos par 'gyur ba'i mi ni chang la sra ba'i dmigs sna re re nas bshad pa de las bzlog na/chang la snyi zhing ra ro bar 'gyur/ chang la brkam zhing drag tu 'thungs pa dang / spro thung zhing khro ba lta bu ni chang la snyi zhing myur du ra ro bar 'gyur ro/ /de la chang gi nang na myur du ra ro bar 'gyur ba ni chang sar pa skyur zhing skyur ba lta bu mang du 'thungs na myur du ra ro bar byed/de la chang nad kyi thabs kyang rnam pa bzhi ste/ rlung nad dang mkhris pa'i nad dang bad kan gyi nad dang / 'dus pa'i nad rnam pa bzhi las 'byung ngo / /yang na chang las nad du gyur na yang rlung dang mkhris pa dang bad kan gyi nad kun tshogs par 'byung mod kyi/ming ni rlung nad las gyur pa zhe 'am mkhris pa'i nad las gyur pa zhes so sor 'dogs so/ /de la chang nad do cog spyi'i nad thabs ni rab tu rmongs par 'gyur/ snying mi dga'/ tshad pas 'khru/rtag tu skom/ grang ba'i rims sam tsha ba'i rims kyis 'debs/ klad pa na/ rtsib logs kyi rus pa zug cing na/ lus dang rkang lag 'dar/ lus kyi srog gi gnad kun bcad dam brdungs pa snyam byed/ rked pa na/ brla na/ mig rab rib khyer/ lud pas bkar/ dbugs mi bde/ mtshan mo gnyid med/ lus rngul bshang ba thur du 'byung ba 'dra bar 'ong / lus skrang / sems rmongs bag tu byed de/ 'di man chad nad do cog spyi'i nad thabs yin no/ /de la chang las rlung nad du gyur pa'i nad thabs ni/ nad thabs gzhan ni gong ma dang 'dra la de las lhag par gnyid mi 'ong ngo //dbugs mi bde/ glad pa'i spyi bo logs su na/ rmi lam na phan tshun du 'gro/ gnam la 'phur/ gshin dogs lta bu dang lhan cig gtam zer ba de lta bu yin no/ / chang las mkhris pa'i nad du gyur pa'i nad thabs ni tsha ba'i rims kyis 'debs/ lus rdul/ rmongs bag tu 'dug /tshad pas 'khru/ skom dad che/ mgo bo 'khor/ mig rtsa dmar zhing rtsa ser/ mkhur tshos dmar por 'gyur ro/ /chang las bad kan gyi nad du gyur ba'i nad thabs ni slon/snying na zhing mi dga'/ gnyid che/ lus dang rkang lag 'dar/ khong lci'o/ /chang las 'dus pa'i nad du gyur pa'i nad thabs ni nad sna gsum gyi nad kun tshogs par na bar 'gyur ro/ /chang rtag tu 'thung 'thung ste goms par gyur pa lta bu las chang cig car bcad de phyin chad mi 'thung ba de yang nad rnam gnyis su 'gyur te/'joms byed ces bya ba'i nad dang / lus bskam pa'i nad dang rnam pa gnyis su 'gyur ro/ /ci ste zhe na/ chang bcad pas rlung nad drag tu g.yo ba dang nyams 'tshag lhag par drag tu 'bri bar gyur pa las mchil ma dang /bad kan phyir 'dor bas mgul skam/ gnyid rab tu che ste/ sgra rnams grag pa mi bzod pa dang blong bag tu gyur pa de ni 'joms byed kyi nad ces bya'o/ /de la bskam par 'gyur ba'i nad thabs ni dpung pa dang klad pa na/ snying dang mgul pa na/mong mong por 'gyur/ lud pas bkar/ skom dad che/ skyugs pa mi 'byung bzhin du skam/ skyigs bus phul zhing skyug /rims kyis 'debs pa de lta bu'i nad du 'gyur ro/ /su yang rung / bag chang bcad de thub pa de ni nyes dmigs kun thub pa'i rang bzhin can yin/blo dang sems sngon gyi sar chud de/ dran zhing gsal ba yin no/ /lus dang sems kyi spyod pa 'khrul pa nam yang mi 'byung ba yin no/ /yang chang 'thungs te ra ro ba rdul gyi skyon las nad du gyur pa dang mun pa'i skyon las nad du gyur pa dang / kha zas mi 'phrod cing gnod par zos pas bcud dngas ma rgyu ba'i rtsa dang khrag rgyu ba'i rtsa rnams dang / sems 'jug pa'i rtsa rnams 'gags pa las nad rnam pa gsum du 'gyur te/ gang zhe na myos pa dang / brgyal ba dang / kun tu song ba dang / nad 'di rnam pa gsum lta bur gyur te nad dkyel yang go rims bzhin che'o//de yang myos par 'gyur ba'i nad gzhi ni rlung dang mkhris pa dang / bad kan gyi nad las myos par 'gyur ba dang / rlung dang mkhris pa dang bad kan gsum 'dus pas myos par 'gyur ba dang / khrag nad las myos par 'gyur ba dang / chang las myos par 'gyur ba dang /dug gis kyang myos par 'gyur ba de lta bu'i nad du 'gyur ro/ /de la rlung nad kyis myos par 'gyur ba'i nad thabs kyi tshul ni mang du smra ba la chags/ mang du smra/ tshig brkam par smra/ lus kyi byed pa rnams 'khrul zhing g.yo ba'i bag yod/ lus rtsub la mdog gnag /rtsa dmar/ 'di lta bu ni rlung nad kyis myos pa zhes bya ba yin no/ /de la mkhris pa'i nad kyis myos pa'i thabs ni khro bzhin mdog dmar la ser bar snang / tshig cung zad tsam gyi phyir yang 'thab par dga' ba de lta bu yin no/ /bad kan gyis myos pa'i nad thabs ni bzhin mdog rtsa dkar ci yang mi smra mi byed par 'dug cing le lo che bar gyur pa de lta bu yin no//rlung dang mkhris pa dang bad kan gsum char 'dus pa las myos pa'i nad kyi thabs ni rlung la sogs pa rnam pa gsum ka'i myos pa dang 'dra'o/ /khrag nad kyis myos pa'i thabs ni lus kyi yan lag rengs te brkyang bskum mi nus/mig kyang phye btsums mi nus te har bag tu 'dug la mkhris pa'i nad kyis myos pa'i tshul dang yang 'dra bar blta'o/ /chang gis ra ro ste myos pa'i nad thabs ni skad kyi gdangs dang / tshig dang lus 'gyur tshig gi smra ba dang lus kyi byed pa rnams 'khrul bar byed do//dug gis myos pa'i nad thabs ni lus 'dar/ gnyid rab tu che/ gong ma'i nad thabs kun las lhag par nad che ba de lta bu yin no/ /de la rlung la sogs pa rnam pa bdun gyis myos pa'i nad kyis 'debs par shes par bya'o/ / de la rlung la sogs pa rnam pa de bdun gyis snying stor zab brgyal bar 'gyur ba'i nad thabs kyi dmigs ni rlung dang mkhris pa la sogs pa lta bu so so'i nad thabs kyi rtags gang cha ba las/ so so'i nad dmigs yin par shes par bya'o/ /de bzhin du khrag rgyas pa dang /chang nad dang dug gis phog ste brgyal ba yang de bzhin shes par bya'o/ /de la rlung nad kyis brgyal bar gyur pa'i nad thabs ni nam mkha' la mig lam du sngon dmar ram nag po mthong la/ de nas mun thibs zhes byed de brgyal/ de nas myur du sangs par 'gyur ba'i 'og tu snying 'dar/klad pa 'khor/ lus sha skem/ bzhin mdog gnag la rtsa dmar te spyir smug pa 'di lta bur gyur na rlung gi rang bzhin las gyur pa'i brgyal ba'i nad thabs zhes bya'o/ /de la mkhris pa'i nad las brgyal bar gyur pa'i nad thabs ni gyen du nam mkha' la mig lam du dmar po'am/ser por mthong nas mun thibs zhes byed de brgyal lo/ /de nas sangs nas kyang / lus rngul/ khong tsha/ skam/ phyi rol gyi sha thang tsha bas gdungs/ tshad pa'i mdog ser po'am sngon por 'khru/ mig lam du dmar po dang ser po long long por snang ba'i nad thabs 'di ni mkhris pa las brgyal ba zhes bya'o//de la bad kan gyi nad kyis brgyal bar 'gyur ba'i nad thabs ni/ mig lam na sprin 'dra bar dkar po'i bag mthong nas/ mun thibs zhes byed de brgyal nas yun ring du lon pa dang / gdod sangs te sangs nas kyang /snying na/ kha nas mchil ma dang / kha chu mang du 'byung / kha mig thom bag tu 'gyur la lus dang rkang lag pags rlon gyis dkris pa bzhin du lci ba lta bu ni bad kan gyis brgyal ba'i nad thabs yin no/ /rlung dang mkhris pa dang bad kan gsum char gyis brgyal ba'i nad thabs ni brjed byed kyi gdon nad kyis btab pa'i nad thabs dang 'dra ba'i lus myur du sa la 'gyel te/brgyal zhing mi dran te de'i tshe sngar mi sdug cing 'jigs pa'i tshul du byed pa'am/ ngan skyugs la sogs pa 'byung ba ni med de/ nad thabs gzhan ni rlung dang mkhris pa dang bad kan gsum char gyis brgyal ba'i thabs dang 'dra'o//de ltar snying stor brgyal nad rlung dang mkhris pa dang bad kan la sogs pas myos pa dang brgyal bar 'gyur te/ nad tshabs che yang sman dpyad bya mi dgos par nad rang dub cing zhi bar 'gyur ro/ / nad kyis btab pa ni sman dpyad ma byas par rang dub cing 'tshor mi rung ngo / /de la nad ni lus dang ngag dang yid kyis las byed pa dang 'di bzhin la/ rlung dang mkhris pa dang bad kan gyi nad dkyel cher zhen te nad kyi mthu cher gyur pa dang / rlung dang mkhris pa dang bad kan gyi nad rnams 'dus nas srog la bab ste der gnas shing brten par gyur pa dang /nad des mi de shi ba dang 'dra bar byas te shi ba bzhin du 'dug pa de ni 'dus nad kun tu zhugs pa zhes bya ste/ nad 'di ni 'dus pa'i rims nad kyis btab pa'i rjes la 'byung ba zhes bya ste/ nad 'di la myur du rings par dpyad ma byas na/dper na mtsho gting zab mo'i nang na chu srin 'dug pa de lta bu'i drung / gad ka'i g.yang sa na lhung la thug pa dang 'dra bar 'dus nad kun tu zhugs pas btab pa yang de dang 'dra ba ste/ de lta bu'i nad pa la dpyad myur du gyis te gsos shig / chang nad dang rlung nad dang mkhris pa dang / bad kan gyi nad kyis myos pa dang / snying stor brgyal nad dang / 'dus nad kyis shi ba dang 'dra bar na ba'i thabs bshad pa ste le'u drug pa rdzogs so// //gzhang 'brum gyi nad gzhi bshad pa'i le'u ste bdun pa bshad par bya'o//gzhang 'brum gyi nad du gyur ro cog gi gzhi ni zas gnod pas rlung dang mkhris pa dang / bad kan gyi nad las langs te sha dang pags pa dang / tshil la zhugs pa dang gnod pa byas nas/ gzhang 'brum gyi nad sna tshogs su 'gyur ro/ /gzhang 'brum gyi nad ni kha zas mi 'phrod pa las ldang bar 'gyur ro//de la gzhang 'brum gyi nad de yang mdo rnam pa gnyis te/ dang po btsas pa nas nad dang lhan cig 'byung ba dang / phyis gzhang 'brum gyi nad 'byung ba yin no/ /de la yang rnam pa gnyis te/ gzhang 'brum dkar po dang / gzhang 'brum khrag tu zag pa'o/ /gzhang ni rgyu ma sbom po la brten cing 'dug go/ /de la gzhang 'brum gyi nad 'byung ba ni gzhan khar sor phyed dang lnga man chad kyi nang na gnyer ma rim pa gsum yod pa gnyer ma re re la sor phyed dang gnyis gnyis te/ de ltar gnyer ma'i rim pa gsum po de la sor phyed dang lnga yod par 'gyur ro/ /de la phugs kyi gnyer ma'i ming ni phyir phul ba zhes bya/ bar gyi gnyer ma'i ming ni phyir sel ba zhes bya/ gzhang kha'i gnyer ma ni 'dzums pa zhes bya ba gzhang kha'i phyi rol sor gcig tshun chad kyi nang du 'brum bu 'byung ba la yang gzhang 'brum yin no//gzhang khor yug sor gcig po ma gtogs pa/ nas kyi srid phyed dang gnyis kyi khyon khor khor yug ma gtogs pa phan chad ni spu skye ste/ spu byung byung ba de phan chad du byung ba ni mtshan bar rdol gyi nad ces bya'o//de la dang po btsas pa nas gzhang 'brum gyi nad dang lhan cig 'byung zhes bya ba ni/ thog mar pha dang ma kha zas mi 'phrod pa zos pa las sa bon nad can du gyur pa de lta bus bu byung na gzhang 'brum gyi nad du 'gyur ba yang yod/ la la ni sngon gyi sdig pa'i las las nad du 'gyur ba yang yod/nad dmigs 'di lta bu rnam gnyis las nad bslangs te nad gzhi 'di gnyis 'dus pa'i gzhang 'brum du gyur pa dang / nad dmigs gzhan las gzhang 'brum gyi nad du gyur kyang rung ste mdor na pha ma'i rigs las gyur pa'i nad thams cad dang /dang po btsas pa nas gzhang 'brum gyi nad can du gyur pa 'di ni lhag par gso dka'o/ /yang gzhang 'brum rtsub por 'dug pa dang / gzhang 'brum phugs su byung ste/ blta dka' ba 'di yang gso dka'o/ /yang gzhang 'brum mdog dkar por byung ba dang /gzhang 'brum byung ba las nad thams cad du gyur te/ nad gzhan yang gzhang 'brum gyi nad rnam pa drug yod de/ gang zhe na/ rlung dang / mkhris pa dang / bad kan gsum gyi gzhang 'brum so sor 'byung ba dang / rlung dang bad kan gyi nad sna gnyis las gzhang 'brum du gyur pa ni kun 'dus pa las gyur pa yang smos so//dri ma bstsags pa las gzhang 'brum du 'gyur ba dang / khrag nad las gzhang 'brum du 'gyur ba de dang drug go/ /de la rlung dang bad kan las gzhang 'brum du gyur pa ni gzhang 'brum dkar po'i khrag dang /mkhris pa gnyis las gzhang 'brum du 'gyur ba ni gzhang 'brum rlon pa zhes bya ste/ khrag tshad du 'gyur ro/ /gzhang 'brum gyi nad gzhi sngar bshad pa 'di lta bus nad bslangs nas khong pa nang gi pho ba'i drod bri ste nyams pa dang de nas gzhang 'brum gyi nad dkyel du sogs shing 'dug pa la de'i steng du bud med la ha cang drags pa lta bu dang /bzhon pa mi bde bas khong 'khrugs pa dang / stan mtho dman can mi bde ba dang / stan srab la rkub rten tsog pur bcas pa dang / lgang pa'i gce'u nas sman mas gtong ba dang / bshang ba'i 'og tu rdo ba'am phag dum mam/bong pa'am lag pa'i thal mo 'am ra da 'am 'di lta bus phyis drags te gzhang kha snad pa dang / chu rab tu grang bas rkub bkrus te/ grang ba khong du zhen pa dang / rtug skam kha sra ba ha cang btsir drags te gzhang snad pa dang / thur du dbugs byung ba dang / gcin snyom pa dang /bshang ba 'ong ba la brnag cing ma btsal ba dang / 'di rnams mi 'ong bzhin nan gyis btsir ba dang / rims kyis btab pa dang / skrang nad tshad pas rab tu 'khrus pa dang / pho bar be'u snabs chags pa dang / 'or nad dang skya rbab kyi nad dang / rid de skem par gyur pa dang lus la gnod par 'gyur ba'i dpyad dam/lus kyi las su 'gyur ba'i gnod par 'gyur ba'i bag byas pa dang 'di rnams lta bu las gzhang 'brum gyi nad du 'gyur ro/ /yang bud med la gzhang 'brum 'byung bar 'gyur ba'i dmigs ni byis pa zla grangs ma tshang bar rum nas 'phyil te byung ba lta bu dang /zla grangs tshang ste bu che bar gyur pa'i bu nad kyis gzir ba'am/ 'byung ba'i dus las yol bar gyur pas gzir te nad du gyur pa lta bu 'am/ gzhang gi nang na thur du sel ba zhes bya ba'i rlung zhig yod pa des rlung ngam/ mkhris pa'am/ bad kan gyi nad bslangs nas gzhang gi nang na gnyer ma gsum yod pa'i phrag tu zhen tam/yang na rlung des thur du bshang ba'i dri ma gnyer ma'i phrag tu song bar byas pa de las gzhang 'brum du gyur te khrag tshad du 'ong ngo / /de la gzhang 'brum gyi nad 'ong bar gyur na/ sngar na ba'i nad thabs ni/ pho ba'i drod nyams te bri/ dri ma thur du byung ba sri ste skam bag tu 'ong / brla na/ byin pa'i nywa na/ mgo 'khor/ lag ngar na/ mig skrang / yang na ni thur du tshad pas 'khru/ yang na ni sri ste 'ong du mi rung ngo / /lte ba'i 'og na rlung che ste/ khong na khru lu lu zer/rlung de dag kyang phal cher lte ba'i 'og man chad du rgyu zhing zug ste na la/ rgyu ma dang gzhang gi nang na bcad pa snyam byed/ rlung thur du 'byung / gsal por 'byung ba yang sgra can du 'byung / rgyu ma'i nang na sgra khru lu lu zer la lto sbo/ khong rmya zhing sgregs pa sgra can du cher 'ong /gcin ni rab tu mang / bshang ba'i dri ma ni babs chung ngu 'ong / kha zas yi gar mi 'ong / skyugs pa dud ka la ro skyur par 'ong / klad pa dang brang rgyab tu zug cing na/ khong snyom/ bzhin mdog mi sdug par 'gyur/ nyams glo bag tu 'gyur/ dbang po rnams nyams shing mi gsal/ khro bar 'gyur/ phan pa'i dpyad bstan cing bsgo na bka' blo mi bde ste/ nad thabs 'di lta bur gyur pa la sman pa the tshom zos te mchi na/ tshad rnying ldang dub tu 'khru ba'i nad dam/ 'or nad dam/ skya rbab kyi nad dam/ skran nam/ dmu rdzing lta bu'i nad dmigs lta bu gang yin mi shes na/ nad thabs rnam pa de snyed du na ba de nyin gcig nad ldang zhing tshabs che bar gyur na gzhang 'brum gyi nad 'byung bar 'gyur ro/ /nad thabs 'di lta bus btab pa'i rjes la gzhang 'brum gyi nad 'byung bar 'gyur te/ gzhang gi nang na thur du sel ba zhes bya ba'i rlung zhig yod pa de phyir log ste gyen du 'khyil nas dri ma bshang ba 'gags te 'byung du mi rung bar 'gyur ro//bshang ba 'gags pas khong pa'i nang na rlung gzhan yod pas dbang po rnams dang lus kyi nang thams cad dkrugs te nad bslangs/ de bzhin du bshang gci dang mkhris pa dang bad kan khong na yod pa dang / lus kyi srog zungs bdun dang / 'di rnams kyang dkrugs te bslangs na pho ba'i me drod kyang nyams te chung du gyur nas/ gzhang 'brum gyi nad 'byung bar 'gyur ba yin te/ de de ltar gzhang 'brum gyi nad 'byung ste/lus rab tu skem/ ci byed kyang mi nus te bskyod pa'am bya ba'i bsam pa med/ nyam chung / khong rmya/ bzhin mdangs med par 'gyur/ lus zhig cing khong lhod bzhin gyi mdog nyams so/ /shing gi sdong po la srin bu zhugs te ma rungs pa bzhin du nad kyi sna grangs gong du bshad pa de snyed kyis lus kyi srog gi nad la gnad du babs pas lus la gnod par gyur te/nad gzhan yang de'i steng du byung ba ni/ lud pas bkar/ skom dad che/ kha zas ro bro bar mi tshor/ dbugs mi bde/ cham pas 'debs/ sgyid skyur/ lus dang rkang lag chag grugs su gyur pa bzhin na/slon/ sbrid pa 'byung / lus skrang / rims kyis 'debs/ khu chu dang khrag zad/ rna ba 'on/ mig rab rib khyer/ khu ba bsdus te rde'ur chags pa dang / dri ma snyigs pa las rde'ur chags te chu sri/ lus zhig ste khong rmya la skad 'gags yang dang yang sems khong du chud cing mchil ma 'dor/yi ga 'chus/ rus pa'i tshigs rnams dang snying dang / lte ba dang / gzhang gi nang dang chu so g.yas g.yon du zug cing na/ tshad pa thur du sla mo 'byar bag sran khu lta bur 'khru ste/ de yang res 'ga' ni sri/ res 'ga' ni mi sri bar 'ong /res 'ga' ni rtug skam/ res 'ga' sla mor 'khru/ res 'ga' ni ma zhu ba rtsam par 'khru/ res 'ga' ni zhu bar 'khru/ tshad pa'i spu mdog kyang skya bo ser po sngon po dang / khrag bag spyi zhing 'khyil ba'i bag tu 'khru'o/ /'di lta bu ni gzhang 'brum mo cog gi spyi'i nad thabs yin no//rlung nad kyi dkyel che ba las gzhang 'brum du gyur na/ gzhang 'brum skam la bag chung / zug cing na ste/ tsha rab rab byed/ gzhang 'brum de rnyi rnyi po rtsa gnag cing dmar bag yod de spyir smug /la la ni sra la rtsub/ che chung yod/ rtse mo phra la thor to rdol/ gzhang 'brum che chung yod la/ nang mi mthun/ me tog ka dam+pa dang / ku ba'i me tog 'dra/ ke ri ka 'dra/ la la ni rgya shug gi 'bras bu 'dra/ la la ni tsha go 'dra/ la la ni shing tog 'bi 'bi 'dra/ la la ni ras bal ka ra ba sa'i 'bras bu 'dra/la la ni me tog ka dam+pa'i 'bras bu 'dra/ gzhang 'brum la la ni yungs kar 'dra ba 'dug ste/ gzhang 'brum tshul de lta bu byung na klad pa dang / rtsib logs dang / phrag pa dang / rked pa dang / brla dang / chu so g.yas g.yon dang 'di rnams su lhag par zug cing na/sgregs pa dang sbrid pa mang / thur du bshang ba'i dri ma sri/ snying na/ kha zas yi ga 'chu/ lud pas bkar/ dbugs mi bde/ pho ba'i drod mi snyoms/ rna ba sgra 'byung ste 'bod/ mgo 'khor/ de rnams kyis btab ste na ba dang / rtug skam du 'byung ba'i tshe mkhregs shing na na 'byung ba'i tshe sgra can du 'byung zhing na/ spyi bag dang skam bag tu 'dres pa thur du 'byung / pags pa'i mdog dang sen mo dang mig dang kha gdong dang bshang gci 'di rnams kyi mdog nag por snang / rlung nad kyis gzhang 'brum byung na khong du skran 'byung /mcher pa na/ dmu rdzing lta bu dang / glo g.yas g.yon lta bur dbab pa lta bu 'byung bar 'gyur te/ 'di ni rlung nad las gyur pa'i gzhang 'brum gyi nad thabs shes par bya'o/ /mkhris pa rgyas pa las gzhang 'brum du gyur pa'i nad thabs ni gzhang 'brum gyi mdog smug nag rtsa ser la thor to sngo/thur du khrag sla mor 'byung ste rul cing mnam la gzhang 'brum nyid ni 'jam la khong lhod/ gzhang 'brum gyi dbyibs ne tsho'i mchu dang / srin bu pad pa'i mchu 'dra la/ gzhang 'brum de tsha zhing rul bag tu 'dug /lus la rims nad 'byung /lus rngul/ skom/ brgyal/ lus tsha/ yi ga 'chus/ myo myo por 'gyur/ dri ma bshang ba thur du 'byung ba ni sri/ bag la dron po tsha bar 'ong ngo / /spu mdog sngo zhing ser la khrag dang be'u snabs su 'dres pa dang / nas rul pa'i nang 'dra bar 'ong / pags pa dang sen mo dang bzhin mdog kyang ljang sngon rtsa ser bag tu snang ste/'di lta bu ni mkhris pa las gzhang 'brum du gyur pa'i nad thabs yin no/ /de la bad kan rgyas pa las gzhang 'brum du gyur pa'i nad thabs ni gzhang 'brum de drung sbom po sdug /na ba chung / myug myug por 'byung bar snang la/ gzhang 'brum gyi sha che la 'jam/ reng reng por zlum la lci/ gzhang 'brum brten por 'dug /gzhang 'brum de 'byil zhing 'byar bag yod sra la 'jam/ 'brum bu de rtag tu g.ya'/ reg na dga'/ gzhang 'brum gyi dbyibs ni shing tog ka ri ra dang / pa na sa'i 'bras bu'i rus pa dang /ba'i nu ma'i dbyibs 'dra/ chu so g.yas g.yon du zug cing spo'o/ /lte ba dang chu so dang gzhang gi nang na dri ma bshang ba yod pa 'di dag bcad pa snyam byed cing na/ lud pas bkar/ dbugs mi bde/ snying na/ kha nas bad kan dang mchil ma mang du 'dor/yi ga 'chus/ cham pas 'debs/ mong mong por byed/ klad pa tshabs cher na/ tom bag tu 'dug /grang ba'i rims kyis 'debs par 'gyur/ khu ba dang khrag zag /pho ba'i drod nyams/ slon/ rtag tu kha zas ma zhu ba dang be'u snabs su 'khru/ bad kan lta bu dang tshad pas 'debs te 'khru/yang gzhang 'brum de ni mi rdol mi zag go/ /lus kyi pags pa dang sen mo la sogs pa'i mdog ni dkar la 'jam mo/ /bad kan las gzhang 'brum du gyur pa'i nad thabs ni de lta bu yin no/ /de la nad sna gnyis 'dres pa'i gzhang 'brum gyi nad dam/rlung dang bad kan 'dres pa'i gzhang 'brum gyi nad dam/ mkhris pa dang bad kan du 'dres pa'i nad gang yang rung / nad sna gnyis 'dres pa'i nad thabs de ni gzhang 'brum gyi nad thabs 'dres pa zhes bya'o/ /de la 'dus pa'i gzhang 'brum gyi nad thabs ni rlung dang mkhris pa dang bad kan gsum gyi gzhang 'brum gyi nad dkyel du stsogs stsogs pa las/gzhang 'brum gyi nad 'byung ste nad sna gsum gyi nad thabs sna tshang bar na ba de ni 'dus pa'i gzhang 'brum gyi nad thabs zhes bya'o/ /de la khrag nad rgyas pa las gzhang 'brum du gyur pa'i nad thabs ni gzhang gi nang du 'brum bu byung ba 'di dbyibs ni shing 'ba' ta'i lo ma kha 'bus pa 'dra/mdog ni 'ol ma se'i 'bras bu dang / byu ru'i mdog 'dra'o/ /gzhang 'brum de nad khrag gis brgyal la/ dro zhing tsha bar 'dug pa de mkhris pa las gyur pa'i gzhang 'brum de dri ma thur du 'byung ba'i shugs kyis btsir ba dang /'phral du khrag ngan pa [(]tshen [,]tshan [)]por 'byung zhing 'khru bar 'gyur ro/ /nad dang khrag zad pas mdog dang nyams 'tshag kyang nyams te/ mdog nyams pa'i dpe ni sbal pa ser po 'dra la mdangs nyams/dbang po rnams mi gsal bar gyur pa 'di ni khrag nad las gyur pa'i gzhang 'brum zhes bya'o/ /gzhang 'brum gyi nad las gzhang gi nang nas gyen du slong zhing 'khyil ba zhes bya ba ni nad slong ba'i kha zas mon sran sde'u mung+ga ba dang / ko dra ba dang / 'dzur na dang / ka ri ka dang / mon sran tsa na la sogs pa kha zas rtsub mo dri ma thur du bshang ba mi 'byung zhing sri bar byed pa de lta bus/ rlung nyid kyis rang gi gnas su nad bslangs te dkyel du gyur nas dri ma bshang gci thur du rgyu ba'i sbu gu rnams rlung gis 'gags nas/ bshang gci dang dbugs thur du 'byung ba rnams rlung gis bskams te/'gags nas 'byung du mi rung ba dang / rab tu na bar 'gyur te/ khong ba'i nang na rgyab dang snying dang rtsib logs dang 'di rnams su nad 'gro zhing zug la lto sbo/ rgyu ma'i nang bskor zhing gcus pa snyam byed/ snying na/snying dang chu so'i thad ka lgang pa gnyis gzhogs shing bcad pa snyam byed la rab tu na/ thor bu 'byung / skrang par 'gyur/ rlung de ro stod yan chad kyi nang du song na/ de'i gzhis slon pa dang / yi ga 'chus pa dang rims nad du 'gyur/ snying na/ tshad rnying la sogs pa'i 'khru ba'i nad dang chu sri ba dang tshad pa mkhregs shing 'khru ba dang /rna bas mi thos pa dang / mig rab rib khyer ba dang / dbugs mi bde ba dang / klad pa na ba dang / lud pas bkar ba dang / cham pas 'debs pa dang / sems 'gyur ba dang / skom dad che ba dang / khrag dang mkhris pa'i nad dang /skran nad dang / dmu rdzing la sogs pa'i rlung nad yang ba mi bzad pa rnam pa de snyed 'byung bar 'gyur te 'di ni gzhang 'brum ming ngan gyen du 'khyil ba zhes bya ste/ nad 'di ni rab tu gnod pa yin te/ khong pa'i nang du rlung nad kyi dkyel cher zhugs la/gzhang 'brum gyis ma btab par yang / bshang gci'i nad gyen du 'khyil ba 'di lta bur 'gyur ro/ /gzhang 'brum gyi nad de snyed kyi nang na gso dka' ba ni dang po btsas pa nas lhan cig tu byung ba'i gzhang 'brum gyi nad dang / 'dus pa'i gzhang 'brum gyi nad dang gnyer ma phugs na yod pa'i gzhang 'brum gyi nad 'di rnams ni gso dka'o//gzhang 'brum gyi nad de lta bus btab kyang pho ba'i me drod che ste/ kha zas 'ju ba dang nyams 'tshag dang ldan pa la sogs pa dang / rlung ngam mkhris pa lta bu gang yang rung ba sna gnyis las gzhang 'brum du gyur pa dang /gzhang gi gnyer ma gnyis man chad kyi nang na gzhang 'brum yod pa dang / 'di lta bu ni nad rtse zhil tsam du gsor rung ngo / /gzhang 'brum gyi nad byung nas lo gcig lhag lon pa ni rab tu gso dka'o/ /gzhang gi nang na gnyer ma tha mar gzhang 'brum 'byung ba dang /rlung ngam mkhris pa lta bu gang yang rung ba'i nad sna gcig las gzhang 'brum du gyur pa dang / gzhang du gsar du byung ma thag pa dang / pho mtshan las byung ba dang / lte bar byung ba dang / rna ba'am sna'i nang du thor bu rta bla ba lta bu 'byung ba 'khyil zhing 'jam pa zhig 'byung ste/de ni snying la gnas pa'i rlung khyab byed ces bya ba zhig yod pa des bad kan gyi nad byas te pags pa'i phyi rol du mdzer ba 'dra ba'i thor bu 'byung bar byed do/ /pags pa sra la rtsub pa byung ba ni mdzer pa zhes bya ste/ rlung nad kyis pags pa la zug cing rtsub/ mkhris pa las gyur na gnag la rtsa dmar ro/ /bad kan las gyur na 'jam la mdzer pa de mdog mi sdug pa yang ma yin no/ /de ltar gzhang 'brum gyi nad la dpyad myur du ma byas na thur du bshang ba'i dri ma rnams gzhang khar myur du 'gags nas bshang bas myur du gang ste/gso dka' bar 'gyur gyi myur du gsos shig /gzhang 'brum gyi nad thabs sna tshogs bshad pa ste le'u bdun pa rdzogs so// //tshad pas 'khru ba dang pho ba'i grang ba las tshad rnying du 'khru ba'i nad gzhi bstan pa'i le'u brgyad pa bshad par bya'o//tshad pas 'khru ba'i nad gzhi ni drug ste/ rlung dang mkhris pa dang / bad kan gsum gyi nad 'dus pa las kyang tshad par 'gyur ro/ /'jigs pa dang mya ngan las kyang tshad par 'gyur te/ nad gzhi 'di dag gis tshad pas rab tu 'khru'o/ /tshad pa la gnod pa ni chu rab tu 'thungs pa dang /sha rid sha bskams pa dang / kha zas ma lobs pa gnod pa zos pa dang / til khur dang / nas la sogs pa 'bru ma smin pa zos pa dang / chang 'thung ba dang / kha zas rtsub po dang / kha zas tshod ma zin te drags pa dang / gzhang 'brum gyi nad dang /zas snum bag drags pa dang / khong na srin bu yod pa dang / bshang ba 'ong bar gyur na gnag pa dang / de 'dra ba gnod par 'gyur ba bsten pas rlung nad langs te rlung nad des bad kan gyi nad langs te khong pa'i kha zas nang grol dang / bshang ba kun kyang des khyab nas me'i drod nyams te tshad pas thur du 'khru'o//tshad pas rab tu 'khru ba ni bshang ba sla bar byung ba ni tshad pa'o/ /tshad par gyur pa'i nad thabs ni snying dang khong pa'i nang dang / gzhang gi nang du zug cing na/ lus zhig /dri ma bshang ba thur du mi 'byung ste sri/lto sbo/ kha zas mi 'ju'o/ /de la rlung nad las gyur pa'i tshad pa ni bshang ba chu sla mo dang 'dres pa nyung shas su 'byung ba'i tshe/ sgra dang bcas par 'byung la/ 'khru ba'i tshe rgyu zhabs su zug cing na/ tshad pa babs cher mi 'ong / nyung shas su sri zhing 'ong / tshad pa'i spu mdog ni rtsub po dbu ba can dang /bar yang dang yang du 'khru ba dang / yang na ril ril po dang 'dres pas yang dang yang du 'khru ste/ bu ram tshig pa 'dra bar snang ba dang / spyi bo 'byar bag tu 'dres shing tshad pa 'byung / tshad pa 'byung ba'i tshe gzhogs shing bcad pa snyam byed/kha skam/ gzhang gi nang nyams te phyir 'byung bar byed/ ba spu langs/ tshad pa mkhregs shing 'khru ba 'di ni rlung las gyur pa'i tshad pa yin no/ /de la mkhris pa las gyur pa'i tshad pa'i nad thabs dang / spu mdog ni ser la gnag /ser la ljang sngon du yang snang /khrag dang 'dres pa dri rab tu mnam/ skom/ brgyal/ lus rngul/ khong tsha/ rgyu mar zug cing gzhang gi nang tsha/ gzhang gi nang na thor bu 'byung ba de ni mkhris pa'i nad las gyur pa'i tshad pa yin no/ /de la bad kan gyi nad las tshad par gyur pa'i tshad pa'i spu mdog dang nad thabs ni tshad pa gar ba 'byar 'byar po 'byil bag dang /nal nal por 'ong / spu mdog skya la 'jam/ be'u snabs dang bad kan du 'khru yang dang yang 'ong / tshad pa nyid lci/ mnam/ tshad pa phal cher mi 'ong / zug pa'i nad tshabs mi che/ gnyid che/ khong snyom/ kha zas mthong na yi ga 'chu/ tshad pa dang bshang bar 'dres pa nyung shas nyung shas su 'byung zhing cung zad tsam mkhregs/ ba spu rnams gyen du langs shing slon/ chu so dang / lto ba dang / gzhang dang 'di rnams lci/ tshad pas 'khru zhing bshang yang ma 'khrus pa snyam byed pa 'di lta bu ni bad kan las gyur pa'i tshad pa zhes bya'o//'dus pa las gyur pa'i tshad pa'i nad thabs ni rlung dang mkhris pa dang bad kan gsum gyi tshad pa'i spu mdog dang nad thabs tshang bar na ba yin no/ /'jigs skrag pa las tshad par 'gyur ba ni 'jigs pas sems 'khrugs pa dang /mkhris pa g.yos te/ khong na bshang ba yod pa sla bor byas nas rlung gis phyi rol tu 'khru bar byed do/ /de ni khong na bshang ba yod pas myur du tsha zhing sla ba nur nur por byas pas tshad par 'gyur ba ma yin te/ de ni rlung dang mkhris pa'i tshad pa'i tshul dang 'dra'o/ / mya ngan las gyur pa'i tshad pa'i tshul de dang 'dra'o/ /mdor na tshad pa ni rnam pa gnyis te/ zas ma zhu ba can du 'khru ba dang / ma zhu ba med par 'khru ba'am/ khrag med par 'khru ba'o/ /de la zas ma zhu ba can du 'khru ba ni tshad pa de chu'i nang du bor na 'bying / rab tu mnam mo//tshad pa 'di lta bur 'khru bar 'gyur na sngar lto sbo/ rtug skam du 'gyur/ zug cing na/ kha nas bad kan dang mchil ma mang du 'dor te/ 'di ltar byed na zas ma zhu ba'i tshad pas 'khru ba yin no/ /kha zas ma zhu ba med pa'i tshad pas 'khru ba ni nad thabs dang tshad pa'i tshul 'di rnams dang mi 'dra ste bzlog par shes par bya'o//yang bad kan las tshad par gyur na ni kha zas zhu bar gyur kyang tshad pa chu'i nang du 'bying bar 'gyur ro/ /tshad pa gsar pa gso ba'i dpyad myur du ma byas na pho ba grang ste zas ma zhu ba khong du sogs shing 'khru ba'i tshad rnying gi nad du 'gyur ro//de la tshad pas rab tu 'khru zhes bya ba ni khong pa'i drod nyams par 'gyur ba'i kha zas bsil ba'i sha dag zos pas/ zas ma zhu zhing be'u snabs can du 'khru ba de ni nad rnying zhes bya'o/ /be'u snabs med kyang rung / zhu nas 'khru bar byed pa de ni tshad pa zhes bya ste/de lta bu ni rang bzhin gyis myur du ma rungs par byed pa'o/ /de yang kha zas ma zhu ste zas rjen pa dang / be'u snabs su 'dres pa khong na stsogs stsogs shing / 'khru'am yang na zhun yang rlung gis 'gags te 'ong du mi rung / res 'ga' ni tshad pa sla mor yang dang yang 'khru ste tshad rnying 'di lta bu'i nad ni pho ba grang ste zas ma zhu ba khong na stsogs stsogs shing / skams skams su 'khru ba 'di ni tshad rnying yun ring du na bar byed pa yin te/ de yang rnam pa bzhi las tshad rnying gi nad du 'gyur ro/ /bzhi gang zhe na/rlung dang mkhris pa dang bad kan sna re re las tshad rnying du 'gyur ba dang / nad 'dus pa las tshad rnying du 'gyur ba dang bzhi'o/ /de la pho ba grang ba'i tshad rnying gi nad du gyur na de'i nad thabs sngar 'byung ba ni pho ba'i nad kyi drod nyams zas yun ring du mi 'ju/ kha zas zos pas gre ba sgyur bar 'gyur/kha nas bad kan dang mchil ma mang du 'dor/ khar ro ci bro ba mi tshor/ kha zas yi gar mi 'ong / skom zhing khong snyom/ klad pa 'khor/ lto sbo/ slon bro/ rna ba'i nang sgra tsi ri ri zer/ rgyu ma'i nang na sgra khru lu lu zer/ sgregs pa mnam por 'byung / dbugs mi bde/ rims kyis 'debs/ brgyal/ klad pa na/ bshang ba thur du 'byung du mi rung ste sri/ rkang lag skrang pa'i thabs 'di lta bu sngar byung na pho ba grang zhing 'khru ba'i tshad rnying spyi'i nad thabs yin no/ /de la rlung nad las gyur pa'i tshad rnying du 'khru ba'i nad thabs ni rkan skams/ mig rab rib za/ rna ba gnyis nas sgra 'byung / rtsib logs dang brla dang chu so g.yas g.yon dang / mgul pa 'di rnams na/ yang dang yang khong sbo zhing gsud/ kha zas kyi ro bro ba kun la chags/ kha zas zhur nye na khong sbo/ zhu na bkres shing skom/ kha zas zos na bde bar 'gyur/rlung nad de las rnying nad dang / skran dang gzhang 'brum dang / mcher pa na ba dang / skya rbab kyi nad 'di rnams 'byung ba'i tshul du 'gyur/ tshad pas 'khru ba'i tshe 'gags/ skom po yang sla ba zhig 'byung ste/ de yang myur du 'ong du mi rung zhing sri ste 'byung dka'/ tshad par 'byung ba'i tshe na sgra can ma zhu ba'i be'u snabs su 'byung / gzhang na/ dbugs mi bde zhing lud pas bkar/ nad thabs 'di rnams lta bur na zhing 'khru ba'i tshad rnying ni rlung nad la pho ba grang ba'i tshad rnying 'khru ba zhes bya ste/ 'di rlung nad las gyur pa'i tshad rnying gi nad thabs yin no//de la mkhris pa las gyur pa'i tshad rnying gi mdog dang nad thabs ni lus kyi sha mdog sngo la ser por 'dug /tshad pa sla mo ser por 'khru/ sgregs pa mnam zhing skyur bar 'byung / snying dang gre ba na zhing tsha/ yi ga 'chu/ skom pas gdungs pa 'di lta bu ni mkhris pa las gyur pa'i tshad rnying gi rlung nad la pho ba grang ba'i tshad rnying gi nad thabs zhes bya'o//de la bad kan las gyur pa'i tshad rnying gi nad thabs ni bad kan che bas kha zas 'ju dka'/ slon/ kha zas yi gar mi 'ong / kha'i nang na yang bad kan gyis gang ste kha nas bad kan dang mchil ma mang du 'ong zhing 'dor/lud pas bkar/ cham pas 'debs/ dong ga na/ lci ba mer mer por byed/ lto ba yang sra la lci/ sgregs pa mnam por 'byung / khong pa'i pho ba drod nyams/ bud med la dga' bar byed/ tshad pa be'u snabs lta bu dang /bad kan dang 'dres par 'khru la/ bshang ba thur du 'byung ba lci/ rid cing skems pa ma yin yang / nyams stobs chung ste zhan/ 'di lta bu'i nad thabs ni bad kan las gyur pa'i tshad rnying zhes bya'o/ /de la 'dus pa las gyur pa'i tshad rnying gi nad thabs ni rlung dang mkhris pa dang bad kan gsum char gyi tshad rnying gi nad thabs kun dang mthun pa yin no//pho ba'i nang gi me'i drod ma snyoms pa rnam pa gsum la sogs pa rtag tu bshad pa ltar gyur na pho ba grang ba las ma zhu ba'i tshad rnying gi nad du 'gyur ro/ / pho ba'i nang gi me drod snyoms par gyur na/ bde zhing nad med par 'gyur ba'i gzhi yang de yin te/ tshad rnying gi nad du mi 'gyur ro/ /nad kyi nang na dkyel che ba gso dka' ba ni rnam pa brgyad yod de/ gang zhe na/ rlung nad dang / chu so na rde'u yod pa dang / mdze nad dang / za gu dang / dmu rdzing dang / mtshan bar rdol ba'i nad dang / gzhang 'brum dang / pho ba grang nas tshad rnying du gyur pa'i nad thabs dang rnam pa 'di brgyad yin no/ /tshad pa dang pho ba grang ba'i tshad rnying du 'khru ba'i nad thabs bshad pa'i le'u brgyad pa rdzogs so// // gcin 'gags pa dang gcin snyi ba za gu'i nad dmigs bstan pa'i le'u dgu pa bshad par bya'o/ /de la lgang pa dang lgang pa'i mgo dang / pho mtshan dang rked pa dang / pho mtshan gyi 'bras bu gnyis dang / gzhang dang 'di rnams ni gzhang gi rus pa'i nang du bstan cing gcig tu 'brel par bshad do//lgang pa de kha sbub tu thur du bltas kyang / lgang pa de'i rtsa'i sbu gu'i kha g.yas g.yon nas/ gcin gyi rgyun phre'u rgyun mi 'chad par zag pas lgang pa'i nad du 'gag par byed do/ /gcin rtsa sgo nas rgyu ste lgang par zhugs shing stsogs pa de las gcin nad chus bkag pa'i nad dang za gu'i nad spyir sna nyi shur 'gyur ro//gcin snod lgang pa de yang srog gi gnad la brten pas nad che ste/ de la rlung nad las gyur te chus 'gags na lgang pa dang chu so g.yas g.yon dang / pho mtshan 'di rnams rab tu na ste gcin 'gags nas/ gcin cung zad cig yang dang yang sri zhing 'byung ngo //mkhris pa'i nad las gyur te gcin 'gags na gcin gyi mdog ser ram dmar la tsha zhing na'o/ /bad kan las gyur te gcin 'gags pa ni lgang pa dang pho mtshan lci bar 'gyur la skrangs/ gcin gar la sbyin bag nal nal po zhig dal gyis 'byung ste thogs shing sri ba'i tshul du 'ong ngo //'dus pa'i nad las kyang gyur te gcin 'gags na nad thabs gong ma sna gsum ltar snang na yang chu sri bar byed do/ /de la chu sor rde'u chags pa'i tshul dang nad thabs ni nam lgang ba'i kha rlung gis chod pa dang / chu so na gcin nam mkhris pa 'am/bad kan nam khu chu gang yod pa de skams par byas nas de las rde'u chags te/ bags kyis rde'u nad dkyel du skyes pa ni dper na glang gi gi wang chags te cher skyes pa dang 'dra'o/ /chu sor rde'u chags par gyur na nad kyis 'debs pa'i nad thabs kyi tshul ni lgang pa sbo/lgang pa'i drung dang nyen kor kun na/ lgang pa dang gcin dbre la mnam/ gcin 'gags/ rims kyis 'debs/ kha zas yi ga 'chu/ lte ba dang / pho mtshan gyi 'bras bu'i srubs thog thag dang / lgang pa chu so'i klad 'di rnams su zug cing na/ gcin sri zhing 'byung ba'i tshe gcin gyi sbu gu subs shing 'gags pas gcin 'byung ba'i tshe/ gcin gyi rgyun zhig ste thigs pa brul brul por 'byung / gcin de lta bu phyin na gdod bde'o/ /gcin 'byung ba'i mdog ni ba lang gi tshil 'dra bar snang ngo / /de lta bu la res 'ga' lus 'gul zhing bskyod pa lta bu byas pas lgang pa dang chu so'i nang 'gags te snad na rab tu na zhing mi bde'o//nad 'di lta bu ni chu sor rde'u chags pa'i spyi'i nad thabs lngar 'byung ba yin no/ /de la rlung nad las rde'ur chags pa'i nad thabs ni/ nad tshabs rab tu che la so 'thams par bsdams/lus 'dar/ pho mtshan nas zin te/ lag pas nyed/ lte bar zug cing na/ rab tu mkhun cing 'gags te 'od du mi rung ba'i tshe/ 'phyen dang bshang bar bcas te 'byung / gcin ni thigs par nyung shas nyung shas yang dang yang 'ong / chu so'i nang na rde'u yod pa ni gnag cing rtsub ste/nyams la chu so'i nang na tsher ma bsags pa gang ba snyam byed/ mkhris pa las rde'ur chags pa'i nad thabs ni mkhris pa tsha ba drod kyis lgang pa de btsos pa bzhin du tsha/ rde'u'i dbyibs ni ga bo'i 'bras bu'i rus pa 'dra/mdog ni dmar zhing ser la rtsa gnag go/ /lgang pa'i nang du zug cing na'o/ /bad kan gyi nad la rde'ur chags na rde'u bsil zhing lci la bongs che 'jam/ rde'u'i mdog ni sbrang rtsi lta bu'am dkar por 'dug go/ /rde'u'i nad 'di rnams lta bu ni byis pa chung ngu lta bu la phal cher 'byung bar 'gyur te/lus dang sha chung bas rde'u yang mi che'o/ /rde'u nad 'di lta bu la dral zhing rde'u 'byin pa'i tshe bde bar 'tsho bar 'gyur ro/ /mi chen po lta bu la chu sor rde'u chags pa'i nad ni khu ba las gyur te/ de yang khu ba gnas 'phags la phyir ma byung ma btang ste/pho mtshan gyi 'bras bu'i bar du rlung gis bskams te/ khu ba bsdus par gyur pa de ni khu ba las rde'ur chags pa zhes bya'o/ /de'i nad thabs ni lgang pa dang chu sor zug cing na/ gcin 'gags/ pho mtshan gyi 'bras bu skrang ngo / /khu ba las rde'u chags ma thag tu khu ba zhu ste/sla mor 'gyur/ na zhing zug pa'i tshe rde'u chags pa der lag gis mnam shing mnyes na rdob bzhin du rab tu sra zhing mkhrang ngo / /khu ba las de ltar rde'u chags pa de yang rlung gis phye mar dkrugs nas zhib mo de gcin dang lhan cig thur du tha mal par 'byung ba yang yod de/de ni tshul bzhin 'byung ba zhes bya'o/ /de la rde'u phye mar mi 'khrugs pa ni gcin 'gag par byed de/ de yang lgang pa'i kha 'gags nas na zhing gcin 'gags te 'ong du mi rung bar byed do/ /de ltar chu so na rde'u chags pa des nal g.ya' bar byed do/ /gal te rlung nad kyis lgang pa de rang gi gnas nas rab tu sbags te bskyod nas lgang pa de rgyas shing gnag ste che zhing sbom du gyur nas/lgang pa rgyas te log par 'dug par gyur na na tsha g.yo zhing 'phar/ gcus pa snyam byed/ gcin yang 'gags te thigs pa thigs tsam du 'ong ste/ de lta bu la lgang pa btsir te gcin phyung shig /de bas na gong ma ltar lgang pa'i kha rlung gis chod de 'gags pa dang / lgang pa log pa 'di rnam gnyis ni rlung las gyur pa'i lgang pa'i nad ces bya ste/ gso dka' ba dang / gso rab tu dka' ba zhes bya'o/ /yang gzhang dang lgang pa gnyis kyi bar na rlung rab tu mthu che ba zhig yod pa de rdo ba'i gtun bu dang 'dra bar sra zhing stug pa cig yod pa des lgang pa mdud pa bor te/mi g.yo ba mthon por 'jog par byed de de ltar gyur na chu so'i thad kar sbos shing bshang gci gnyi ga rlung gis thogs te 'gags par byed do/ / nad 'di ni rdo ba'i gtun bu lta bu'i rlung nad kyis gcin 'gags pa zhes bya'o/ /yang chu 'gags pa'i nad dang / rlung nad kyis 'khyil bar byed pa zhes bya ba zhig yod pa des ni lgang pa rab tu na bar byed cing gcin gyi nang du rlung de zhugs nas gcin 'khyil zhing 'khor/ rem rem por gyur/gcu ba snyam byed/ lci/ gcin sri ste nyung shas tsam 'byung / yang na gcin dang bshang ba gnyis lhan cig tu 'byung bar byed de/ nad 'di ni rlung nad kyis 'khyil bar byed pa'i chus 'gags pa zhes bya'o/ /yang chus 'gags pa'i nad rnam gcig ni rlung nad lta bu'i nad gzhi med par gcin rang 'gags te yun ring du ma byung ngam/yang na chu cung zad 'gags pa las mjug tu gcin 'byung bar gyur na/ de ni nad mi che ba zhes bya ba yin no/ /yang lto bar gcin 'gags pa zhes bya ba'i nad yod de/ de ni gcin snyoms pa las rnags te 'gags pa las/lte ba'i 'og lto ba'i nang lgang par gcin gyis gang ba dang / de'i tshe rlung gis thogs nas bsdus te skams pa dang / de'i tshe rab tu na/ chu sor sbo/ kha zas mi 'ju/ bshang gci gnyis ka 'gags so/ /chus 'gags pa'i nad 'di ni lto bar gcin rnags pa'i nad ces bya'o//yang chus 'gags pa'i nad rnam gcig ni gcin 'byung ba'i sbu gu 'chus shing log gam/ yang na gcin snod lgang pa'am/ yang na gcin 'byung ba'i sbu gu'i nang ngam/ yang na pho mtshan gyi nang rlung gis 'gags na gcin nyung shas sam sri zhing 'byung ba'i rjes la na yang rung mi na yang rung /gcin 'gag cing skabs skabs su 'byung la lhag ma yang lus te chus 'gags pa'i nad 'di ni pho mtshan lci bar byed pa zhes bya'o/ /yang chus 'gags pa'i nad/ gcin gyi mdud pa zhes bya ba zhig yod pa de'i nad thabs ni lgang pa'i kha'i nang zlum po chung ngu sra ba zhig tu 'phral du gyur pa dang /chu sor rde'u chags pa'i nad dang 'dra ste/ nad tshabs che la gcin gyi phur mdud pa bcas te nad 'di ni gcin gyi mdud pa zhes bya'o/ /yang gcin snyoms pa las gcin ma gcis par/bud med la nyal po byas nas de'i rjes la gcin gcis pa ni yang na ni gcin sngar 'byung / yang na ni khu ba sngar 'byung ste de ni gcin dang khu ba 'dres pa zhes bya ba yin no/ /yang na bshang ba sri zhing 'gags/ bad kan gyis chu sri zhing 'gags par 'gyur/ nad thabs ni lus kyi khong rtsub la nyam chung bas rlung nad skyes te/bshang ba thur du mi 'byung zhing nam sri la 'gags pa'i tshe na/ gcin 'byung ba'i sbu gu'i nang du bshang ba de song ste 'dres pas gcin 'byung ba'i dri ma mnam por bshang ba'i dri dang 'dra bar byung ba de ni bshang ba 'gags pa'i gcin nad ces bya'o//yang gcin nad rnam pa gcig ni lus kyis las drag shul la sogs pa lta bu byas pa dang / kha zas ro tsha ba dang / drod che ba lta bu'i bag zos pa dang / lam bgrod de chad cing nyi tshan la sogs pas gdungs pa dang / mkhris pa'i nad cher skyes la de'i steng du rlung nad kyis lgang pa dang /lgang pa'i chu so g.yas g.yon gyi nang na zhugs na na zhing tsha bar 'gyur/ gcin gcis na mdog yang na ser/ yang na khrag 'dres/ yang na khrag dngos su 'byung ste/ 'di 'dra ba'i gcin tshan po nyung shas su sri zhing 'byung ngo / /de ni tsha ba dang rlung las gyur pa'i gcin sri ba'i nad ces bya'o//yang lus kyi khong rtsub la khong dub/ rmya bar gyur pa des lgang pa'i drung na mkhris pa'i nad tsha ba dang / rlung yod pa gnyis gnyis gcin bskams na/ zad pa dang na zhing tsha ba la sogs pa dang sri bar 'gyur te/ nad 'di yang lhag ma dang gcig go/ /yang na chu sri ba'i nad sna gcig ni mkhris pa dang bad kan gnyis kyi nad lgang pa'i sa na yod pa'i steng du/ gal te rlung nad kyis kyang bsnan na gcin 'gag par 'gyur ro/ /gcin cung zad 'byung ba'i kha dog kyang ser/ dmar/ dkar bar gar bo 'byung la tsha bar 'ong /yang na gi wang gi kha dog 'dra/ yang na dung phye mar zhib tu btags btags pa 'dra ba skom po 'byung / yang na nag po dang dkar po dang dmar po gsum 'dres pa'i kha dog 'di lta bu'i gcin 'byung ste/ 'di ni gcin nyams pa'i nad ces bya'o/ / chus 'gags pa'i nad dmigs zhib tu bstan pa'i le'u ste dgu pa rdzogs so// //gcin 'gags pa dang gcin snyi ba za gu'i nad dmigs bstan pa'i le'u bcu pa bshad par bya'o/ /de la gcin sri la za gur 'gyur ba'i nad ni rnam pa gnyis yod de/ de la bad kan las nad za gur gyur pa'i nad ni bcu yod do//mkhris pa las za gur gyur pa'i nad ni drug yod do/ /gcin snyi zhing za gur gyur pa'i nad de ni kha zas bad kan dang / tshil dang gcin du 'gyur ba de lta bu las za gu'i nad du 'gyur ro/ /de yang ji lta zhe na kha zas ro mngar ba dang /skyur ba dang / lan tshwa dang / zas snum bag dang / 'ju dka' zhing lci ba dang / zas 'byil bag dang / bsil ba'i bag dang / 'bru sar pa'i chang dang / yul ser che ba nas byung ba'i bya na lta bu dang / bu ram dang / bu ram shing dang / dar ba dang / kha zas 'di lta bu'i bag za zhing 'thungs pa dang /gnas gcig nas stan gcig gi thog tu rtag par 'dug pa dang / sngon dang mi 'dra bar mal mi bde bar lus mi bde bar nyal ba dang / 'di rnams lta bus lgang par nad chags te za gur 'gyur ro/ /de yang ji lta zhe na kha zas gnod pa de lta bu la sogs pa bad kan la gnod bar byed do//bad kan la gnod pa byas pas gcin sgo lgang pa'i 'khor dang lus kyi nang gi rul ba dang / rngul ba dang / tshil dang / bcud dngas ma dang / bya na sha zos pa dang / 'di rnams la yang gnod pa byas pa/ mkhris pa dang khrag la yang gnod par byed de/de lta bus bad kan dang lus kyi rul ba dang / rngul ba la sogs pa gcin gyi gzhir gyur pa 'di rnams gcin za gur 'ong bas zad pa dang / lus kyi srog zungs bdun po yang / rlung gis lgang pa'i nang du 'khus shing drangs te zad par byed do//kha zas de lta bu las gcin snyi ba za gu'i nad du gyur na gsor mi sos pa'i nad dang / gsor rung ba'i nad dang mi thul ba tsam du 'gyur bar bya ba dang / rnam pa 'di gsum yod do/ /de la gsor rung bar bya ba'i dpyad dang rnam pa gsum yod de/legs par mthun par bya ba dang mi mthun par bya ba'i dpyad dang / nad dmigs chen po la dpyad du bya ba dang gso ba'i thabs 'di ltar bya'o/ /de la gcin snyi ba za gu spyi'i nad thabs ni gcin rab tu mang la dul dul por 'ong ngo / /de la rlung dang mkhris pa dang bad kan dang gsum gyis srog zungs bdun la gnod par byed pa'i bye brag dang /rlung dang mkhris pa dang / bad kan dang / srog zungs bdun du 'dres pas gcin gyi kha dog la sogs pa brtag par bya ba'i dmigs ni gcin snyi ba za gu'i bye brag las shes par bya'o/ / de la gcin mang / gcin mdog gsal la dkar/ bsil/ dri mi zhim pa med la chu lta bur 'dug na/ de ni ming chu'i za gu zhes bya'o/ /yang za gu'i nad thabs rnam gcig ni/ cung zad rnyog rnyog pa'i bag yod la/ 'byil bag tu 'dug /bu ram shing gi khu ba dang 'dra bar ro rab tu mngar te nad 'di'i ming ni bu ram shing gi khu ba lta bu'i za gu zhes bya'o//yang za gu'i nad rnam gcig ni gcin ska bar 'byung la/ zhag lon na yang gar por 'dug pa 'di ni gcin gar po'i za gu zhes bya'o/ /yang za gu'i nad rnam gcig ni gcin 'byung ba chang dang 'dra la/steng rim dang / zhabs ni gar por 'dug ste 'di ni chang gi za gu zhes bya'o/ /yang za gu'i nad rnam gcig ni ba spu 'ang langs shing 'greng bar 'gyur la gcin 'byung ba yang 'bras btags pa'i phye bzhin gar la mdog skya bor 'byung ba 'di ni 'bras phye ltar 'byung ba'i za gu zhes bya'o//yang za gu'i nad rnam gcig ni gcin 'byung ba khu chu dang 'dra'am/ yang na khu chu dang 'dres par 'byung ste/ 'di ni khu chu'i za gu zhes bya'o/ /yang za gu'i nad rnam gcig ni gcin gyi nang na rdul ltar tsig tsig por bye ma lta bur 'byung ste 'di ni bye ma'i za gu zhes bya'o//yang za gu'i nad rnam gcig ni gcin babs cher yang dang yang du 'byung la/ gcin rab tu bsil te 'di ni grang zhing bsil ba'i za gu zhes bya'o/ /yang za gu'i nad rnam pa gcig ni gcin dal gyis gcin 'byung ba dang nyung shas nyung shas su gcin 'byung ste/'di'i ming ni bags kyis 'byung ba'i za gu zhes bya'o/ /yang za gu'i nad rnam gcig ni gcin 'byung ba'am gcin za gur 'byung ba de kha chu bzhin nal nal po 'byil dag tu 'byung ba 'di'i ming ni kha chu ltar 'byung ba'i za gu zhes bya'o/ /yang za gu'i nad rnam gcig ni gcin gyi mdog nas tshig 'khus pa'i tsha ya bak+Shar 'dra ba'i mdog dang /ro dang dri yang 'dra la reg pa yang de dang 'dra ste/ 'di ni nas tshig gi tsha ya bak+Sha ra dang 'dra ba'i za gu zhes bya'o/ /yang za gu'i nad rnam gcig ni gcin 'byung ba'i mdog sngon por 'ong ste 'di ni gcin sngon po'i za gu zhes bya'o//yang za gu'i nad rnam gcig ni gcin snag tsha bzhin nag por 'ong ste/ 'di ni za gu nag po zhes bya'o/ /yang za gu'i nad rnam gcig ni gcin gyi mdog skyer ba'am/ yung ba'i kha dog bzhin mdog ser la rab tu tsha ste/ nad du bsregs pa bzhin du 'ong ste/'di ni za gu ser por 'ong ba zhes bya'o/ /yang za gu'i nad rnam pa gcig ni gcin gyi mdog btsod khu bzhin dmar po mnam por 'ong ba 'di'i ming ni btsod khu lta bu'i za gu zhes bya'o/ /yang za gu'i nad rnam gcig ni gcin gyi mdog khrag 'dra ba tsha ba mnam po lan tshwa bro bar 'byung na 'di'i ming ni khrag gi za gu zhes bya'o//yang za gu'i nad rnam gcig ni gcin dang zhag tu 'dres pa'am/ zhag dngos po yang dang yang 'byung ba 'di'i ming ni gcin zhag tu 'byung ba'i za gu zhes bya'o/ /yang za gu'i nad rnam gcig ni gcin dang rkang du 'dres pa yang dang yang 'byung ngam rkang dngos su yang dang yang 'byung ba 'di'i ming ni rkang du 'byung ba'i za gu zhes bya'o//yang za gu'i nad rnam gcig ni glang po che smyon pa smyos pa dang 'dra bar gcin gyi rgyun mi drag par dal bus rgyun mi 'chad par 'byung la/gcin ni chu ser du 'ong ste/ chu ser gyi nang na sru srus po'am/ tsig tsig po 'byung ste/ 'di ni glang po che myos pa ltar gcin sri ba zhes bya'o/ /yang za gu'i nad rnam gcig ni gcin sbrang rtsi dang 'dra bar 'byung ba 'di'i ming ni za gu sbrang rtsi ltar 'byung ba zhes bya ste/ de la yang rnam pa gnyis shig yod ces zer te/ gcig ni srog zungs bdun lta bu zad pa las za gur 'gyur ro/ /yang rnam pa gcig ni rlung dang mkhris pa 'am/ bad kan lta bu'i nad kyis lgang pa nas gcin 'byung ba'i sbu gu kha 'gags sam/ yang na rlung gis 'gags par gyur na de lta bu las gcin sbrang rtsi ltar 'byung ba'i za gur 'gyur ro//de la mkhris pa'am rlung nad dang / bad kan gyi nad kyis lgang pa skad cig tu stong par 'gyur/ skad cig cing gcin gyis gang bar 'gyur te/ nad thabs 'di lta bu ni gso dka' ba yin te/dpyad mi byed par yun ring por yal bar bor na nad 'di lta bu kun ni za gu'i nang gcin sbrang rtsi lta bur 'byung bar 'gyur ro/ /gcin za gu sbrang rtsi ltar 'byung zhes bya ba ni sbrang rtsi ltar 'byung ba phal cher ro mngar por 'byung ba'o/ /de bas na gcin gyi ro mngar por 'byung ba kun ni lus kyi ro yang mngar por 'gyur ba yin no//gcin za gu mngar po sbrang rtsi ltar 'gyur na de'i nad bla thabs kyang kha zas mi 'ju/ zas yi gar mi 'ong / slon/ gnyid che/ lud pas bkar/ cham pas 'debs te nad 'di lta bu ni bad kan las gyur pa'i za gu'i nad thabs zhes bya'o//mkhris pa las gyur pa'i nad thabs ni pho mtshan gyi 'bras bur zug cing na la/ gzhigs shing bcad pa snyam byed/ rims kyis 'debs/ tsha la skom dad che/ skyur/ brgyal/ tshad par 'khru ba 'di lta bu ni mkhris pa las gyur pa'i za gu'i nad thabs yin no//rlung las gyur pa'i za gu'i nad thabs ni bshang ba sri ste 'ong du mi rung / lus 'dar/ snying na/ kha zas ming gi 'dod pa snyam byed la zug cing na/ gnyid med/ kha skam/ lud pas bkar/ dbugs mi bde ba 'di ltar 'gyur ro//de ltar gcin snyi ste za gu'i nad kyis btab pa las/ sman dpyad kyis mi gso bar yal bar bor na 'bras dang / phol mig dang / me dbal dang / 'brum bu dang / shur bu la sogs pa nad kyi nyen rnam pa bcur 'gyur ro/ /'bras dang 'brum bu la sogs pa nad kyis rkang lag gi rus tshigs dang srog gi gnad dang sha gnad gar che'o cog gi dmigs dmigs su 'byung bar 'gyur ro//de la 'bras nad deb tshe chen po tsam kham phor sha ra'i dbyibs lta bu'i nad 'bras 'byung ba'i dbyibs ni/ mtha' ni mthol dbus ni dma'/ mdog ni rtsa gnag /nang rul na ste/ dbyibs ni 'bras nad kham por shar ba 'dra bas na de'i phyir 'bras nad kham por shar ba lta bu zhes bya'o/ /de las 'bras nad rus sbal lta bu'i dbyibs zhes bya ba ni/ nang du zug cing na la nyen kor cher mched cing / rus sbal gyi rgyab 'dra bar sgur sgur po 'jam po skrangs pa 'di ni rus sbal lta bu'i 'bras nad ces bya'o//yang 'bras byer ba rgya mo lta bu zhes bya ba ni/ rtsa rnams ni sra zhing rengs par 'gyur/ 'brum bu rgya mo lta bu 'byung ba ni 'jam la na zhing zug /'brum bu phra mo mang po sha stag 'byung ste/ rdol cing zag la lus kun la khyab par byed de/'di ni rgya mo lta bu'i 'bras mched pa zhes bya'o/ /bi na ta zhes bya ba ni/ lto'am rgyab tu 'bras 'dra ba che la mdog sngo ba zhig byung nas/ khong du zug cing na/ rul zhing rnags par byed de 'bras 'dra bar 'byung ba de 'bur po mthon por mi 'byung ste/'di ni nye 'khor cher khebs pa ste/ 'bras nad lus sgur por byed pa'i nad byin ta zhes bya'o/ /me dbal phra mo ni 'brum bu thog ma byung ba na/ sha mthong gi pags pa tshig par byed la/ lus kun la mi bzad cing rab tu tsha ba'i me dbal gyis khyab cing mched/me dbal gyi 'brum bu byung ba'i mdog ni dmar la gnag /lus tsha zhing myos/ rims kyis 'debs te/ nad thabs 'di lta bu ni me dbal phra mo zhes bya'o/ /'brum bu'i dbyibs dang / tshad sran chung lta bu zhes bya ba ni/ 'brum bu che chung gi tshad dang dbyibs sran chung dang 'dra bas na de ni 'brum bu sran chung lta bu zhes bya'o//de la 'brum phran shur bu'i dbyibs dang tshad 'brum phran yungs kar lta bu zhes bya ba ni 'brum phran shur bur byung ba'i dbyibs dang tshad yungs kar tsam du 'byung ste/ nad tshabs kyang che la myur du smin par 'gyur/'brum phran yungs kar lta bu byung na de'i 'khor yang 'brum phran yungs kar lta bus gang zhing 'khor bar 'byung ste/ 'di ni 'brum phran shur bu yungs kar lta bu zhes bya'o/ /de la 'brum phran bu dang bcas pa'i 'byung ba ni 'brum bu chen po mang du 'byung ba'i nyen kor na 'brum bu rab tu phra mos gang bar 'byung ba de ni 'brum phran bu dang bcas pa zhes bya'o//de la ldum bu bi da ri'i rtsa ba dang 'dra ba zhes bya ba ni/ thor bu byung ba'i dbyibs ni mtho zhing ring ba myug myug po ldum bu bi da ri dang la phug gi dbyibs dang 'dra la sra ste 'di ni ldum bu bi da ra zhes bya'o//de la khong 'bras byung ba ni nad dkyel che ste/ phyi nas logs shig tu zhib tu bstan to/ /de ltar nad rnam pa de bcu'i nang na dang po gsum dang 'brum bu dang bcas pa zhes bya ba dang / ldum bu bi da ri'i rtsa ba 'dra ba'i 'brum bu dang / 'di rnam pa lnga ni tshil ches pa las gyur te nad dkyel che bas bzod par yang dka' la dpyad kyang dka'o//mkhris pa'i nad che ba las nad de lta bu byung ba ni nad tshabs kyang mi che ste/ brnags su rung la gso sla'o/ /tshil chung ba las kyang nad 'di lta bu 'byung ba yang yod de/ /yang 'bras dang phol mig dang 'brum bu de lta bu ni gcin snyi ste za gur gyur pa de'i steng du rlung dang mkhris pa dang bad kan gyi nad gang che bar gyur pa las de bzhin du 'bras dang 'brum bu dang me dbal la sogs pa sna tshogs pa 'byung bar 'gyur ro//la la ni gcin snyi ba za gu'i nad med kyang tshil che ba las rlung ngam mkhris pa la sogs pa'i nad zhugs par gyur/'bras dang 'brum bu la sogs pa'i nad de lta bur 'gyur ba yang yod na 'bras dang 'brum bu la sogs pa'i nad gang yin pa dngos su ma byung gi bar du/ nad thabs nyi tshe gang yin pa thog tu mi phebs so/ / gcin snyi la za gu'i nad thabs su gyur pa med par gcin gyi mdog ser po 'am dmar po byung ba de ni za gu'i nad ces mi bya ste/ khrag dang mkhris pa'i nad las gyur par shes par bya'o/ /gcin snyi ba za gur gyur pa'i nad thabs ni/ lus rngul/ lus dang rkang lag dri mi zhim pa dang khong lhod par 'gyur/stan gyi thog na 'dug pa dang / mal na nyal na bde ba snyam byed cing 'dug cing nyal chags/ snying dang mig dang lce dang rna ba dang 'di rnams kun la bad kan gyis stug po ljin bag tu byugs shing yogs pa snyom byed/ skra dang sen mo lhag par ring por 'gyur/ lus kyi nyams bsil ba la dga'/ gre ba dang rkan ni skam/ kha'i nang gi ro mngar bar bro/ rkang mthil dang lag mthil tsha/ gcin gar gcis par grog ma kun 'du bar 'gyur te/ nad kyi tshul 'di 'dra ba ni za gu thams cad kyi nad thabs yin no/ /za gu'i nad dmigs gang yin pa so sor dbye ba ni rnam pa gnyis yod de/gcin za gur byung ba sbrang rtsi'i mdog 'dra la/ 'khyil zhing gcin gyi ro yang mngar/ lus kyi sha yang gang zhing rgyas na de ni bad kan las gyur pa'i za gu zhes bya'o/ /yang za gur gyur la lus kyang rke ste zad na de ni kha bdun zad pa zhes bya ste rlung las gyur pa'i za gu zhes bya'o//yang za gur gyur pa'i nad thabs sngar ni bad kan dang mkhris pa las gyur pa'i tshul yin la/ phyis bags kyis rlung nad kyi za gur gyur pa'i nad 'di ni gso sla ba yin no/ /mkhris pa'i nad las za gur gyur pa ni dkyel mi skye mi la bar gsor rung ngo //tshil la rlung ngam mkhris pa'am/ bad kan gyi nad ma zhu ba lta bu'i za gu ni gsor rung ngo / /gcin snyi ba za gu'i nad kyi bye brag bshad pa dang / za gu'i nad kyi nyen gzhan du 'gyur ba bshad pa'i le'u bcu pa rdzogs so// //'bras nad dang / rgyu rlugs dang / skran nad dang / nad sna 'di gsum gyi nad gzhi bshad pa'i le'u bcu gcig pa bshad par bya'o/ /de la khong 'bras su gyur pa'i nad kyi gzhi ni/ kha zas khong du zhag lon pa dang / kha zas ha cang tsha ches pa dang / kha zas rtsub pa dang /kha zas skam bag dang / kha zas tsha bar 'gyur ba 'di rnams lta bu zos pa dang / rkang lag bskams te mi bde bzhin du nyal ba dang / khrag nad rgyas par 'gyur ba'i bag byas pas lus kyi pags pa dang / sha dang tshil dang rus pa dang khrag dang chu ba phre'u dang chu ba chen po rnams dang 'di kun kyang khrag nad du gyur pa'i nad nang du zhen pa dang /de las phyi nang gnyis kar skrangs te/ khong 'bras kyi rtsa ba khong du ring du zug la nad tshabs che ste/ khong 'bras kyi dbyibs ni zlum po'am 'jing ba ring por 'byung ngo / /de yang nad gzhi tha dad pa'i bye brag gi nad sna drug yod do//gang zhe na rlung dang / mkhris pa dang / bad kan dang gsum las khong 'bras nad sna re re 'byung ba dang / 'dus pa las khong 'bras su gyur pa dang / khrag nad rgyas pa las nad du 'gyur ba dang rmas te rma byung ba las khong 'bras su gyur pa dang rnam pa drug go//de dag la'ang rnam pa gnyis yod de/ phyi rol du 'byung ba dang / nad du 'byung ba dang / rnam pa gnyis so/ /de la phyi rol du 'byung ba ni lus kyi yan lag de dag tu mi bzad pa'i nad rdog rdog par brgyus pa 'dra ba mthon por 'byung ngo / /de la nad nang du 'byung ba ni nang gi zabs su skran dang 'dra ba mkhrang ba mi bzad par 'byung ngo //de 'byung ba'i dbyibs ni grog ma'i sa phung spungs pa mthon por 'dug pa de lta bu lte ba dang / chu so dang / mchin pa dang / mcher pa dang / glo ba dang / snying dang / lto ba dang / chu so g.yas g.yon dang /mkhal ma g.yas g.yon dang / gzhang kha dang 'di rnams kyi sar 'byung ste/ de ni me dang mtshon gyis phog pa bzhin myur du 'chi bar byed do/ /de la rlung nad las gyur pa'i nad thabs ni mdog smug por 'dug la myur du 'byung du mi rung ste ring du thogs/ mgo smin cing rnags pa yang mi snyoms la na zhing tsha/ mgo 'khor/ nyam chung / phal phal byed cing sgra yang yod de 'di ni rlung nad las gyur pa zhes bya'o/ /de la mkhris pa las gyur pa'i nad thabs ni skom dad che/ rmongs bag tu 'gyur/ khong tsha/ rims kyis 'debs/nad 'byung ba'i mdog ni zangs kyi mdog bzhin dmar la rtsa nag nad dmigs myur du 'byung zhing myur du rnags par 'gyur te/ 'di lta bu ni mkhris pa las gyur pa yin no/ /de la bad kan las gyur pa'i nad ni khong bsil zhing gyen du slon/ kha glal/ lus lci/ zas yi gar mi 'ong /nad dmigs gar byung ba der sra la mdog skya/ g.ya'/ mig myur du 'byung du mi rung / nad dmigs kyi nye 'khor tsha ba 'di ni bad kan las gyur pa yin no/ /de la 'dus pa'i nad las gyur pa'i nad thabs ni nad dmigs kyi tshul las/ nad phyi rol du 'byung ngam nang du 'byung ba shes par bya ste nad byung ba'i 'brum bu nag pos khebs par byung la/'brum bu nag po de rab tu tshal na/ rims kyis kyang 'debs so/ /de la khrag nad las gyur pa'i nad ni mkhris pa las gyur pa'i nad thabs dang 'dra ste khrag las nad du gyur na phyi rol gyi sha dang pags pa las 'byung bar 'gyur ro//bud med rnams la ni nang du 'byung bar 'gyur ro/ /mtshon la sogs pas rmas te rma byung ba las mi 'phrod pas rma red de/ rma kha tsha ba rlung gis phul nas khrag dang mkhris pa mched de khrag dang mkhris pa de las nad bla thabs rne'u lhags shing de dag tu na bar 'gyur ro//nad gnas tha dad pa so sor byung na nad kyi bye brag ni lte bar byung na skyigs bus 'debs so/ /chu sor byung na chu 'gags pa dang / gcin rnag tu 'byung bar 'gyur ro/ /mchin pa la byung na dbugs mi bde'o/ /mcher pa la byung na rngam pa drag tu 'phul zhing dbugs mi bde'o//glo ba la byung na lkog ma dang mgul pa na zhing skom dad che'o/ /snying la byung na lus kyi yan lag thams cad rab tu gzir bar byed do/ /mchin ngogs kyi nang du 'byung na lud pas lu/ snying gar g.yogs pa snyam byed/ myos/ snying mug mug cing mun sros pa bzhin du 'gyur ro/ /rtsib logs kyi nang du byung na phrag pa dang lto ba skrang ngo / /chu so g.yas g.yon mdoms phrag tu byung na/ brla thog thag tu na bar 'gyur ro/ /mkhal ma la byung na rked pa dang rgyab dang rtsib logs su na bar 'gyur ro//gzhang la byung na bshang ba dang dbugs thur du 'byung ba 'gag par 'gyur ro/ /ma zhu ba'i gnas pho ba dang / zhu ba'i gnas long ka dang phyed ma zhur gnas pa nang grol 'di dag gi thog tu byung na de dag gi 'or nad dang 'dra'o/ /de la khong du lte ba yan chod du byung na ni rnag khar 'ong bar 'gyur ro//ro smad lte ba'i 'og man chad khong du byung na/ rkub tu rnag zag par 'gyur ro/ /lte ba'i nang du byung na stod smad gnyis ka nas rnag zag par 'gyur ro/ /de ltar rnam drug lta bu'i phyi'am nang du 'byung na/ rlung dang mkhris pa dang bag kan dang khrag rgyas pa dang /rma red pa'i rmen bu la sogs pa so so'i nad dmigs bzhin du gso ba'i dpyad bya'o/ /'dus pa'i nad las 'byung bar 'gyur ba ni gso dka' te ma gtogs so/ /de la snying dang lte ba dang lgang pa chu so 'di dag tu phyi rol du 'byung yang rung /nang du 'byung yang rung ste/ smin te rnag zag par gyur kyang mi 'tsho'o/ /khong du 'byung ste/ smin nas rnag kha nas zag cing 'ong yang nad pa nyam chung la nad bla thabs na ba gzhan yang yod na/ de lta bu'ang mi 'tsho'o/ /de dang 'dra bar bud med kyi nu ma la byung na yang rtsa sgo kha bye ba yin pas gso dka' ste mi 'tsho'o//bud med la bu btsas pa dang / sbrum ma dang / nu zho yod pa dang / nu zho med pa lta bu la byung ba ni phyi rol du byung ba zhes bya ste/ 'or nad dang 'dra bar stug por skrangs pa sra ste/ 'di yang de bzhin du gso dka'o//bu mo chung ngu'i nu ma'i rtsa ba'i sbu gu rnams ni phra bas na de lta bu la ni mi 'byung ngo / /rgyu rlugs kyi nad gzhi bshad pa/ rgyu rlugs kyi nad ni rgyu ma'i nang gi rlung yan man rgyu ba 'gags te/ thogs pa dang nad du gyur nas na zhing skrangs te rgyu ma thur du rnu zhing chu so nas pho mtshan gyi 'bras bu'i nang du son pa dang /pho mtshan dang pho mtshan gyi pags pa'i rtsa yang rgyu ma rlugs pas btsir nas/ pho mtshan gyi pags pa yang cher skye bar byed do/ /rlig rlugs kyi nad de yang rnam pa bdun te/ rlung dang mkhris pa dang bad kan gyi nad skyed pa dang /khrag nad skye ste lud pa dang tshil nad du gyur pa dang / lgang pa skyes pa dang rgyu ma skyes pa'i nad dang rnam pa 'di bdun no/ /de la lgang pa skyes pa dang rgyu ma skyes pa 'di gnyis kyang rlung nad kyis skye bar 'gyur te/ rlig rlugs kyi nad kyi rgyu ni tha dad do/ /de la rlung nad las gyur pa'i rlig rlugs kyi nad thabs ni/rkyal pa rlung gis gang ba 'dra la/ rlung las gyur pas nan par gyur pa'i gzhi med pa bzhin du na'o/ /mkhris pa las gyur pa'i rlig rlugs ni rlig pa'i mdog shing u dum+bA ra'i 'bras bu 'dra bar dmar por snang la dro che zhing tshal 'drul ba de lta bu yin no//bad kan las rlig rlugs su gyur pa ni grang la lci/ 'jam la g.ya'/ sra la nad tshabs mi che ba de lta bu yin no/ /khrag nad rgyas pa las rgyu rlugs su gyur pa ni 'brum bu nag pos gang ba yod de/ tshul gzhan ni mkhris pa las rgyu rlugs kyi nad du gyur pa dang 'dra'o//tshil nad las rgyu ma skyes te rgyu rlugs kyi nad du gyur pa'i nad thabs ni spyi bad kan dang 'dra ste/ 'jam la rlig pa'i dbyibs ni shing ta la'i 'bras bu ltar 'dug go/ /gcin snyoms na brnags pa sha stag byed pa des gcin stsogs shing lgang pa cher skyes pa las rlig rlugs su gyur na rkyal pa chus gang ba bzhin rnyog rnyog zer la na/rlig pa'i pags pa 'jam/ chu 'gag par byed/ pho mtshan gyi 'og pags pa'i bar du glo glo bor 'byung ngo / /rgyu ma nar te rlig rlugs su gyur pa'i nad thabs ni rlung nad slang bar gyur pa'i kha zas dang / zas bsil ba'i bag dang / chu'i nang du rkyal ba dang / bshang gci snyoms na nan gyis brnags pa dang / mi bro bzhin btsir pa dang / khur dang lam gyis dub pa dang lus dang lus kyi yan lag log par gcu zhing / skyod/ gsig ste/ rgyu ma'i nang 'khrugs par 'gyur/ de lta bu'i bag byas pas/ de'i tshe rgyu ma phre'u kha cig rang gi gnas nas rlung gis thur du log par phul te/ chu so dang mdoms kyi phrag tu phyin par byas nas mdud pa ltar glo bo zhig tu de'i tshe skrang ngo / /'di ltar gyur kyang yal bar bor te sman dpyad mi byed na rlig rlugs cher skyes te/khong sbo na rem rem por byed la nang du rlung gis rab tu gzir ba dang / rgyu ma sgra can khru lu lu zer zhing rlig pa'i nang du gang bar byed/ rgyu ma khong pa'i nang du slar phul te btang nas yang slar bzhin snga ma kho ba bzhin gang bar 'gyur ro/ /de lta bas na rgyu ma nar zhing skyes pa'i rlig rlugs 'di ni gso dka' ste/rlung nad las rlig rlugs su gyur pa dang 'dra la rtsa phra mo dra ba skar khung ris ltar 'dug pa rtsa kun rtsub la smug go/ /skran nad rnam pa brgyad kyi nad gzhi dang nad thabs bshad pa skran rnam pa brgyad yod do/ /rlung dang mkhris pa dang bad kan re re'i skran dang rlung dang mkhris pa dang bad kan gsum las gnyis gnyis su 'dres pa las/skran rnam gsum du gyur pa dang / 'dus pa'i nad las skran du gyur pa dang / bud med zla mtshan mngal du rlung nad dam mkhris pa'am bad kan gyi nad kyis 'gags te skran du gyur pa dang /skran rnam pa de brgyad do/ /skran nad du gyur pa'i nad gzhi ni/ rims kyis btab pa dang / slon pa dang / tshad pa la sogs pas 'khru ba dang / skyug sman dang / bkru sman la sogs pa btang bas/ lus kyi sha zad de skam por gyur pas/lus rlung can du gyur pa'i steng du bkres pa las chu grang 'thungs pa dang / zas bcad de smyung ba byas pa dang / ha cang drags ches pa las/ chu'i nang du rkyal ba la sogs te lus la gnod cing rlung nad slong bar 'gyur ba de lta bu'i bag bsten pa dang yang na slon mi bro zhing / nan gyis bkug pa dang / yang na slon bro na brnags te/ ma slon pa dang / bshang gci dang dbugs thur du 'byung ba snyoms shing 'ong na yang brnags pa dang / 'di dag mi 'ong bzhin du nan gyis btsir ba dang / skyug sman dang / bkru sman zhig btang na sngar sman mar gyi dpyad dang /dugs kyi cho ga ma byas par skyug sman dang bkru sman btang ba dang / yang na cho ga bzhin du skyug sman dang bkru sman btang ba'i rjes la kha zas drod po che tsha ba'i nad myur du ldang ba rnams zos pa'am/ yang na bad kan skye bar 'gyur ba'i kha zas 'byil bag de lta bu zos pa las nad dkyel du 'gyur te/de ltar rlung nad cher skyes pas rlung dang mkhris pa dang / bad kan gyi nad so so na 'doms par gyur tam/ yang na nad sna gnyis su gyur tam/ yang na rlung dang mkhris pa dang bad kan gyi nad du gyur tam/ yang na khrag nad dang 'dres pa de lta bus lus kyi rtsa chen po bcu'i nang du nad zhugs pa dang /lus kyi stod smad kha zas dang bshang gci rgyu zhing 'byung ba'i lam srang yang nad kyis chod de 'gags nas na zhing mi bde ba'i sa bon gyis lus kyi sha bri ste skam par gyur pas bad kan dang mkhris pa dang / bshang gci'i dri mas rtsa sgo dang / bshang gci rgyu ba'i srang 'gags sam/khong pa nang grol gyi nang du rlung zhen te/ lus kyi nang rtsub cing sra bar gyur pas rlung dang mkhris pa dang bad kan gsum gyi rang gi gnas su skran zhugs na de'i ming ni skran nad rang dbang can zhes bya'o/ /rlung dang mkhris pa dang bad kan gyi skran de mkhris pa'i sar rlung gi skran zhugs sam bad kan gyi sar mkhris pa'i skran zhugs sam rlung gi sar bad kan gyi skran zhugs sam rlung gi sar mkhris pa'i skran zhugs pa de lta bu ni gzhan gyi sar skran zhugs pa zhes bya'o//de ltar nad dkyel 'dus pa las nad de gong gong por gyur pas nad de gzugs yod pa ma yin yang gzugs su gyur nas/skran ril ril po lag gis myang du yod pa rdog rdog po mdud pa ltar 'dug pa 'di'i ming ni skran nad ces bya'o/ /de la rlung nad las gyur pa'i skran gyi nad thabs ni/ lgang pa'i chu so dang lte ba dang snying ga dang rtsib logs g.yas g.yon/ 'di rnams gang yang rung bar skran gnas shing 'dug ste/rlung skran de dag tu byung bas mjing ba dang klad pa na/ rims nad kyis 'debs/ mcher pa na/ rgyu ma'i nang sgra khru lu lu zer/ na zhing zug /thur du bshang ba sri zhing 'gags/ dbugs mi bde ste/ dbugs phyir yang dang yang 'byung ba mi phyin/lus sra bar rengs bag tu 'gyur la/ kha skam/ lus rid cing skam/ pho ba'i me drod mi snyoms/ lus kyi pags pa sha mdog gnag la rtsub pa de lta bu ni rlung skran gyi nad thabs yin te rlung skran de khong pa nang na dbyibs tshul ji lta bu zhig tu 'dug pa dang /rlung skran de gang na 'dug pa rtag tu mi mngon la/ rlung skran de res 'ga' ni skye/ res 'ga' ni 'bri zhing na ste/ nyams la rlung skran de srog chags grog ma zhig gis gang ba snyam du p+r+wa p+r+wa byed pa zug cing na ba 'di lta bu ni rlung skran gyi nad thabs yin no/ /de la mkhris pa las skran nad du gyur pa'i nad thabs ni/lus tsha la sgregs pa skyur por 'ong ngo / /brgyal/ thur du 'khru/ lus rngul/ skom/ rims nad kyis 'debs bzhin mdog dang lus kyi mdog dang / sen mo rnams ser por snang / mkhris pa'i skran de lag pas reg na mi bzod/skran de rab rab byed cing me bzhin 'bar/ skran yod pa'i 'khor mes bsregs pa bzhin che'o/ /nad thabs 'di lta bu ni mkhris pa'i skran nad ces bya'o/ /de la bad kan las skran du gyur pa'i nad thabs ni glo bag tu gyur la kha zas yi gar mi 'ong / pho ba'i drod chung /grang ba'i rims nad dang cham pas 'debs/ khong snyom/ dang ga mer mer por byed/ lud pas bkar/ bzhin mdog dang / sen mo dang / sha mthang gi mdog dkar por 'dug /bad kan las skran du gyur pa nyid ni/ khong pa'i nang gi phugs na skran sra zhing lci la/'pho zhing 'gul ba dang / skyed dbri med de mal gcig na brtan par 'dug la/ skran bem bem por 'dug /bad kan gyi skran rang gi gnas su 'dug pa de na ba ni bad kan gyi nad kyi dus dus su ldang zhing na'o/ /de la rlung dang mkhris pa dang bad kan gsum gang yang rung ba las/rlung dang mkhris pa lta bu nad sna gnyis las skran du gyur pa ni skran na ba'i nad thabs kyang nad sna gnyis 'dres pa'i nad thabs su 'gyur ro/ /rlung dang mkhris pa dang bad kan sna gsum las skran du gyur pa'i nad thabs ni/ rab tu na la tsha/ skran de stug cing sra la 'bur 'bur po mthor 'gyur/skran de myur du smin par 'gyur ro/ /nad 'dus pa tshang ba'i nad 'di ni gsor mi rung ngo / /de la khrag skran ni bud med 'ba' zhig la 'byung ste/ zla mtshan zag gam gsar du bu bcas sam/ 'on te mngal gyi nad dang gcig yod pa las kha zas rlung nad du 'gyur ba'i bag zos pa dang /rlung nad slong bar 'gyur ba'i bag bsten pas rlung nad langs nas zla mtshan zla re zhing dus su 'ong ba nang du 'gags te/ lto ba cher skyes te/ rum na bu chags pa 'dra bar snang / snying na/ kha zas kyi ro kha cig yid la 'dod pa snyam byed/nu zho yang chang chung snang / khong rmya ste/ de lta bu las bags kyis rlung nad dang phrad pa dang skran de mkhris pa'i gnas su zhen nas khrag skran te/ rlung dang mkhris pa las 'byung ba na la khong pa'i nang sra ba mer mer po'i bag dang khong tshab dang / tshad pas 'khru/skom/ rims nad kyis 'debs/ 'di lta bu'i nad bla thabs su yang 'gyur ro/ /yang na mngal gyi nang na khrag yod pa bas nad tshabs rab tu che'o/ /mngal gyi nang nas kyang zag la dri mi zhim pa dang / zug pa'i nad thabs dang / na la g.yo zhing 'phar ba yang / de ni mngal du bu chags pa zhes mi bya'i skran mngal du chags pa yin te/ skran de la p+r+wa p+r+wa byed/ skran de nyid gong bur gyur te 'dug kyang gal te tshigs ring zhig lon zhing 'gul te par par byed na yang de lta bu yang rum na bu yod ces mi bya'i mngal du skran de nyid cher skyes zhes bya'o/ / yang na skran no cog rlung dang mkhris pa dang bad kan so so'i nad kyi gnas la brten te skran du gyur pa dang / 'dus pa'i skran du gyur pa de dag ni gal te yun ring po zhig na skran smin te rdol bar 'gyur ro/ /yang na ni smin cing rdol du mi rung ngo / /khong 'bras kyi nad byung ba ni skran dang mi 'dra ste/de nad khrag ngan pa la brten pas/ myur du smin cing rdol bar 'gyur ro/ /de bas na de ni myur du tsha bar byed pas na de'i phyir zhes bya'o/ /de la skran gyi phyi nang gi bar na yod pa'i nad thabs ni chu so dang / lto ba dang / snying dang / mcher pa dang / khong pa'i drod chung zhing mdog nyams/nyams 'tshag bri/ bshang gci sri zhing 'gags/ phyi rol du skran 'byung ba ni nad thabs 'di dang mi 'dra'o/ /nang grol gyi mtha' ma na skran yod pa ni/ nad tshabs mi che'o/ /skran 'dug pa de'i 'khor na sha mdog kyang 'gyur la phyi rol du glo glo bor cher snang ngo //de la rlung nad las hen kyir 'gyur ba yang yod de/ de ni rlung gyen du rgyu ba dang / thur du rgyu ba rnams 'gyil te 'gags pas lto ba rab tu cher gyur la hen gyis byung ste/ shin tu na ba de ni rlung nad kyis hen kyir gyur pa zhes bya'o/ /de yang rdo ba'i gtun bu 'jong po ltar lto ba nas yar gyen du sra zhing mkhrang ba stug po mdud pa can rdo ba'i gtun bu 'jong 'jong po ltar phyir 'bur zhing glo bar 'byung ba de ni hen gyi gyen du byung ba zhes bya'o//hen gyi lto ba nas drang por 'dug pa ni/ hen gyi thad kar 'dug pa zhes bya'o/ /long ka nas rgyu zhabs gzhang dang /dku do'i bar du thur du zug cing gsang la bar du na ba de ni thur du zug pa'i rlung nad ces bya'o/ /nad thabs de las bzlog ste tshul de 'dra ba las thad kar zug ste na'am gyen du zug ste na ba de ni gyen du zug pa'i rlung nad ces bya'o/ /sbrags pa rab tu mang ba dang /bshang ba 'ong du mi rung ste/ 'gags pa dang kha zas 'grangs shing tshim par za ba'i nus pa dang / rgyu ma'i nang na sgra khru lu lu zer zhing drod chung ste/ zas mi 'ju ba dang / hen gyis 'bur 'bur por byung na/ de lta bu'i skran nye bar 'ongs pa'i nad thabs yin zhes zer ro//'bras nad dang / rgyu rlugs dang / skran dang / 'di sna gsum gyi nad gzhi bshad pa ste le'u bcu gcig pa rdzogs so// //dmu rdzing gi nad gzhi bshad pa'i le'u bcu gnyis pa bshad par bya'o/ /yang na nad do cog thams cad kyang pho ba'i ma drod chung ba las nad du 'gyur ro//pho ba'i me drod chung na dmu rdzing gi nad du 'gyur ro/ /de la dmu rdzing gi nad du gyur pa'i nad gzhi ni zas ma zhu ba dang / kha zas mi 'phrod pa'i bag dang / kha zas rtsub mo khengs bu zhag lon pa dang / zas kyi ro dang mdog 'gyur ba dang /bud med kyi skra dang / sen mo dang / shing tsher lta bus rgyu ma brtol ba dang / dri ma ltar song ba dang / rlung dang mkhris pa la sogs pa dang / bshang gci lta bu'i dri ma 'di rnams khong du bsags pas lus kyi srog zungs bdun stod smad du rgyu ba dang / bad kan rgyu ba'i rtsa rnams 'gags te/ lus khong na yod pa'i rlung srog ces bya ba dang / pho ba'i drod kyis me dang thur du sel ba zhes bya ba'i rlung 'di rnams la gnod par byas/ pags pa dang sha mthangs kyi bar du yang nad zhugs nas gsus pa cher skyes pa de ni dmu rdzing gi nad ces bya'o//de la yang rnam pa brgyad de/ rlung gi dmu rdzing dang / mkhris pa'i dmu rdzing dang / bad kan gyi dmu rdzing dang / 'dus pa'i dmu rdzing dang / mdzer pa las dmu rdzing du gyur pa dang / spu dang skra dang rta rnga'i bag lta bu dang / kha zas 'dres pa zos pa dang /rgyu ma'i nang du 'khris te bshang ba 'gags nas/ bshang ba de mang du 'khyil pa las dmu rdzing du gyur pa dang / kha zas kyi nang du rus pa dang / gra ma dang / nya'i gra ma dang / rtsa dang / shing bu dang / gseg ma rnon po'i bag ltor song ba des rgyu ma rdol te bu byung ngam ha cang 'grangs ches pa zhig las glal ba'i dbugs nang du rngubs drags pas rgyu ma gas te lto ba'i nang du zag cing 'khyil bas dmu rdzing chags pa dang /zas ma zhu ste pho bar be'u snabs chags pa'i steng du snum bag dang / 'tshal nan du chu'i bag 'thungs pa dang / 'tshal nan du chu ha cang mang du 'thungs pa dang /pho ba'i drod chung bas ma zhu ba'am/ yang na ha cang skem por gyur pa de lta bu las drod chung zhing grang nad rlung skyes pas kha zas zos pa'i bcud dngas ma rtsa so sor 'gro ba'i rtsa sgo yang 'gags la bad kan gyis kyang chod la bad kan dang / dmu chur 'dres nas cher skyes pa de ni dmu rdzing zhes bya'o/ /de ltar dmu rdzing rnam pa de brgyad gang ltar gyur kyang rung ste dmu rdzing du gyur pa'i nad thabs ni/ rkan dang mchu skam/ rkang lag dang lto ba skrangs/ sems dran pa dang nyams 'tshag dang kha zas 'di rnams lnga las bri ste nyams/lus sha rid de skem/ gsus pa cher skye ste lus gzugs spyir bltas na dmu rdzing gis btab pa'i mi de yi dgas 'dra'o/ /de ltar dmu rdzing gi nad du gyur pa de bkres te kha kha byed pa yang nyams te med/ kha zas zos na yang yun ring du mi 'ju la 'ju ba'i tshe na yang dang ga tsha zhing skyur bzhin du 'ju la kha zas zhu'am/ma zhu ba'i drod kyang ma zin la 'grangs par mi nus/ nyams 'tshag kyang nyin gcig pas nyin gcig cing bri la cung zad cig las byas pas bskyod na yang dbugs mi bde ste rngam pa drag tu 'byung / bshang ba khong du bsogs shing sri la rkang pa cung zad skrang / chu so'i mtshams su na zhing gang ste rgyas/ kha zas yang ba cung zad zos kyang sbos pa bzhin du 'gyur te/ gsus pa'i gnyer ma ni rangs/ rtsa ni rgyas/ dmu rdzing du gyur pa'i nad thabs 'dra ste/ myos shing slon bag tu 'gyur la khong pa'i drod ni dro/bshang ba'i dri ma sri zhing 'gags na drod chung bar 'gyur ro/ /lus ni tsha zhing skrangs la gsus pa cher skyes te/ mjug tu lto ba'i nang du 'byung bar 'gyur ro/ /de la dmu rdzing gi nad rlung las gyur pa'i shas che na sha mdog smug skrang pa med/gsus pa khur thogs pa bzhin lci ba yin/ rtsa mang po'i dra ba skar khung ris bzhin du gsus pa bkra/ lto ba'i nang na rtag par sgra 'u ru ru zer/ lte ba dang rgyu mar zug cing rab tu na/ rlung nad las gyur na snying dang rked pa dang lta ba dang gzhang dang chu so g.yas g.yon du zug cing na/dbugs thur du sgra can du 'byung / gcin sri ste cung zad tsam du 'byung / pho ba'i drod ha cang che ba yang ma yin/ khar ro mi bro ba yang ma yin te/ zas yi gar 'ong zhing 'dod de 'di lta bu ni rlung nad kyi shas che ba las dmu rdzing du gyur pa zhes bya'o/ /de la rlung nad kyi dmu rdzing ni lag pa dang /gzhang dang pho mtshan gyi 'bras bu dang lto ba 'di rnams skrang / lto ba'i stod dang lto ba'i smad dang / rtsib logs dang rked pa dang rgyab dang / 'di rnams su na/ rus pa'i tshigs bya ba snyam byed/ lud pa skam lud kyis bkar/ lus kyi yan lag na/ro smad lci/ bshang ba sri zhing 'gags/ lus kyi pags pa'i sha mdog dang / skra dang sen mo la sogs pa gnag la rtsa dmar/ gsus pa glo bur du res 'ga' ni skye/ res 'ga' ni 'bri/ gsus pa zug cing na/ rtsa phra mo zug cing rgyas/ gsus pa rkyal pa bus pa bzhin du rgyas te/gsus pa rgyas na rkyal pa bus pa brdabs pa skad zer la lto ba'i nang phan tshun yan man kun du rlung rgyu lan zhing zug /de la mkhris pa las dmu rdzing du gyur pa'i nad thabs ni/ rims nad kyis 'debs/ brgyal/ khong tsha/ skom dad che/ kha'i nang tsha/ mgo 'khor/tshad pas rab tu 'khru/ pags pa'i sha mdog dang sen mo la sogs pa ser por snang / gsus pa'i mdog kyang ser/ lto ba'i rtsa rnams kyi mdog kyang ser la zangs kyi kha dog bzhin dmar/ lus rngul la tsha zhing bsregs pa snyam byed la lus kyi ngad par 'gyur/reg na 'jam/ myur du smin cing rnags te zag par 'gyur ro/ /bad kan las dmu rdzing du gyur pa'i nad thabs ni/ rkang lag gi lhu tshigs na/ rkang lag tshor ba'i bag med de bem bem por 'dug /gsus pa skrangs la lci/ gnyid che/ rtag tu slon/ zas yi gar mi 'ong /dbugs mi bde/ lud pa lu/ pags pa dang sen mo la sogs pa'i mdog skya bor 'gyur ro/ /dmu rdzing skyes pa'i lto ba sra zhing mkhrang la 'jam/ gsus pa'i steng du rtsa dkar po chen pos gang / gsus pa bags kyis cher skyes te sra zhing mkhrang / lag pas myangs na grang / gsus pa lci/ rlung dang mkhris pa dang bad kan gsum car 'dus pa las dmu rdzing du gyur pa'i nad thabs ni/ rlung dang mkhris pa dang bad kan so so'i dmu rdzing gi nad thabs bshad pa ste/ de lta bu'i nad sna tshang ba'i dmu rdzing de ni 'dus pa'i dmu rdzing zhes kyang bya ste/'dus pa'i dmu rdzing gi nad du gyur pa ni bud med kyi kha zas kyi nang du skra dang / sen mo dang dri ma dang gnod par 'gyur ba'i dbyig dug dang / dug la sogs pas khong pa nang du khrag dang nad rnams bstsags pas/ gsus pa yang dmu rdzing ltar skyel/ kha skam/ mgo 'khor/ brgyal ba'i nad thabs 'di lta bu ni 'dus pa'i dmu rdzing gi nad thabs yin te/ grang lhags dang / rlung dang nam rmus na nad na bar 'gyur/ myur du smin cing rnags te mi bzad par na bar 'gyur ro/ /de las mcher pa las dmu rdzing du gyur pa ni kha zas ha cang cher zos pas nang du 'khrugs te mi bde ba dang /phan tshun du song zhing drag shul cher bskyod pa byas pas bud med la ha cang drags pa dang / las ches pas dub pa dang / lam rings kyis dub pa dang / bkru sman dang skyug sman lta bu drags pas lus rke ste mcher pa glo g.yon na 'dug pa thur du lhung nas mcher pa skrangs sam/khrag gis rgyas sam yang na zas kyi bcud khu ba ma zhu bas cher skrangs pas rdo ba'i gtun bu bzhin sra bar 'gyur te/ rus sbal gyi rgyab bzhin du sngar mkhrang bar gyur pa las bags kyis cher skyes nas lto bar dmu rdzing ltar chags pa dang /na ba'i thabs ni dbugs mi bde/ lud pa lu/ skom dad che/ kha zas khar ro ci bro mi tshor/ lto ba cher rgyas lan/ rims kyis 'debs/ kha gdong gi sha mdog skya bo rbab rbab por 'dug /brgyal/ slon/ khong tsha zhing myos pa de lta bur 'gyur ro//rtsa rnams ni dmar zhing smug pa'am/ sngo zhing ser la mi sdug pa de lta bur 'gyur ro/ /bshang ba thur du 'ong du mi rung ste/ 'gag cing na/ gsus pa cher skyes pa dang / mong mong por gyur pa dang / skom dang skyes pa dang / khong tsha zhing rims kyis 'debs pa dang / lus lci zhing zas yi gar mi 'ong ba dang /gsus pa rgyas te sra bar 'gyur ba dang / 'di lta bu'i bye brag las mcher pa'i dmu rdzing de rlung dang mkhris pa'am bad kan gyis gang che ba las mcher pa'i dmu rdzing dang 'dra bar glo g.yas na mchin pa 'dug pa de yang kha zas ha cang cher zos pas nad du 'khrugs te mi bde ba dang /phan tshun du song zhing drag shul cher bskyod pa byas pa dang / bud med la ha cang drags pa dang / las chen pos dub pa dang / lam rings kyis dub pa dang / bkru sman dang / skyug sman lta bu drags pas lus sha rke ste mchin pa g.yas na 'dug pa de thur du lhung nas mched pa bzhin skrangs te dmu rdzing du 'gyur ro//de la bya sgro dang skra dang rta rnga la sogs pa kha zas dang 'dres te zos pa des/ rgyu ma'i nang 'khris te 'khums pas bshang ba kun nang du 'khyil zhing 'gags pa dang gzhang 'brum gyi nad kyis btab bam/ bshang ba 'gags te 'byung du mi rung ba'am kha zas kyis rgyu ma'i nang gi ngos la chags pas mkhris pa dang /bad kan dang bshang gci rnams 'gags te/ 'khyil bas rlung thur du sel ba zhes bya ba zhig /lto na gnas pa de 'gags shing 'khyil bas nad du gyur te/ rlung des lus kyi khong tsha/ rims nad kyis 'debs/ skom/ sbrid pa 'byung / lud pa lu/dbugs mi bde/ brla na/ klad pa na/ snying na/ lte ba na/ gzhang dang 'di rnams na bas bshang ba 'gag cing 'khyil/ zas yi gar mi 'ong / slon/ lto ba'i nang du rlung sgra 'u ru ru zer/ rtsa kun rgyas te sngo la smug /lte ba'i gong du ba mjug 'dra ba shur shur po snang ba'i hen gyi 'byung ba 'di ni/skra dang rta rnga la sogs pa rgyu ma'i nang du mkhris pa'i dmu rdzing zhes bya'o/ /de la rgyu ma ral ba las dmu rdzing du gyur pa ni rnam pa gnyis te/ kha zas dang rus pa rnon pos sam/ gseg ma rnon po'i bag dang 'dres pas rgyu ma rdol ba'am/ ha cang ma 'os par drags ches pas rgyu ma gas par gyur pa de lta bu las/khong pa'i nang du yang kha zas kyi snyags snyigs dang / be'u snabs su bcas te lug par gyur pa dang / thur du yang bshang ba nyung shas nyung shas mnam po she'u rul lta bu spyi bag tu 'byung ba mdog dmar ser can du 'byung ste/ de lta bus lto ba'i nang yang gang /thur du yang 'di bzhin du 'byung ste/ lte ba man chad lte ba chus gang ba bzhin cher skye la lus kun khyab/ dbugs mi bde/ skom dad che/ mgo 'khor ba 'di lta bu'i nad thabs ni rgyu ma rdol ba'i dmu rdzing zhes bya'o/ /yang kha cig na re nad de lta bu la rgyu ma zag pa'i dmu rdzing zhes kyang zer ro//de la dmu chu'i dmu rdzing zhes bya ba ni/ snum bag la sogs pa rtag tu 'thung ba la zhugs pa dang / 'phral du chu mang du 'thungs pa dang / ha cang chu ma 'os par drag tu 'thungs pa dang / 'di lta bus khong pa'i drod bri ste pho ba'i drod chung ba dang yang na ha cang skem par gyur pa'am 'di lta bu'i khong grang zhing rlung bag cher skyes pas bad kan dang chu 'dres pa 'khyil te rdzing ba las je che je cher skyes pa de nyid dmu rdzing zhes bya'o//de ltar dmu rdzing du gyur pa dang / skom dad che/ rkub tu chu zag cing na/ lud pas bkar/ dbugs mi bde/ zas yi gar mi 'ong /rtsa rnams mdog sna tshogs su bkra la rgyas shing gang / gsus pa la myangs shing bltas na rkyal pa chus gang ba bzhin 'dug la/ bskyod na khong na skyog skyog zer/ lus 'dar/ de ltar gsus pa dmu rdzing du gyur na che la 'jam/ sra/ lte ba'i thad kar zlum/ nad 'di lta bu la dpyad mi byed cing mi gso bar yal bar bor na nad dkyel skyes te/khong du rul te rnags nas rnag sla mor zag la rus pa'i tshigs dang rtsa kun gyi nang du yang 'gro/ khar yang 'byung / lus kyi rngul du yang 'byung ngo / /yang dmu rdzing de gal te thur du 'byung du mi rung zhing 'gags na rgyu ma'i nang du 'khyil te/lto ba g.yas g.yon du thad kar gang zhing 'dug go/ /de ltar gyur na gsus pa lci la sra zhing zlum/ brdabs na sgra 'byung / gsus pa mdog 'jam/ gsus pa'i rtsa mi snang ste lte ba'i thad kar bsgul na mer mer byed de 'di lta bu'i nad ni chu'i dmu rdzing zhes bya'o/ / de ltar dmu rdzing gi nad rnam pa de snyed la gso dka' sla'i bye brag ni/ rlung las dmu rdzing du gyur pa dang / mkhris pa las dmu rdzing du gyur pa dang / de bzhin du bad kan las dmu rdzing du gyur pa dang / 'dus pa las gyur pa dang / mcher pa las gyur pa dang / chu las dmu rdzing du gyur pa 'di rnams ni gong ma bas 'og ma rim bzhin du gso dka'o//de ltar dmu rdzing ngo cog gi nad ni/ zla ba phyed lon phan chad dmu rdzing gi nad gang yin pa rtogs par 'gyur ro/ /'dus pa'i dmu rdzing dang lto bar chu 'khyil ba'i dmu rdzing dang / dmu rdzing lta bur gyur pa las nad bla brnan lta bus btab pa dang /dmu rdzing gi nad gang yang rung mi 'tsho bar 'gyur ba'i 'chi ltas byung ba dang / dang po skyes pa nas dmu rdzing du gyur pa 'di rnams lta bu ni gso dka'o/ /de la gso sla ba ni dmu rdzing gsar du byung ba dang / chu'i dmu rdzing lta bur gyur pa dang / nad pa'i nyams 'tshag gis thub pa dang /gsos dang sman dpyad du yang rung ba 'di rnams lta bu ni gso sla'o/ /dmu rdzing rnam pa brgyad bshad pa ste le'u bcu gnyis pa rdzogs so// //skya rbab dang / 'or nad dang / me dbal gyi nad gzhi bstan pa ste le'u bcu gsum pa bshad par bya'o/ /de la skya rbab kyi nad ni sngar ji skad du bshad pa/kha zas tsha ba dang / skyur ba dang / lan tshwa la sogs pa de lta bus mkhris pa'i nad lhag par slong bar byed pas mkhris pa'i nad cher langs pa dang / mkhris pa snying la gnas pa de rlung gi stobs kyis rtsa chen po bcu'i nang du bkram ste gyes nas lus thams cad du khyab ste/bad kan dang / pags pa dang / khrag dang / sha rnams kyi nang du zhugs te gnod pa'i nad du gyur na/ mkhris pa dang sha dang pags pa'i nang na brten cing 'dug pa des pags pa'i mdog kyang 'gyur te skya ba/ ser ba/ ljang sngon gyi bag yod pa de ni skya rbab kyi nad ces bya ste/kha dog de gsum gyi nang nas skya ba'i shas che bas de'i phyir skya rbab kyi nad ces bya'o/ /de'i phyir nad des lus lci ba dang / srog zungs kyi khams rnams lhod pa dang / mdangs dang yon tan yang zad pas/ khrag dang tshil rnams kyang bri ste/ chung du gyur/ lus kyi snying po yang med/dbang po rnams kyang lhod/ lus kyi yan lag kyang brdung ba snyam byed/ nad pa de nyams la snying gnas zag pa snyam byed/ mig dang mig phugs skrangs/ nyams la bying ba snyam byed cing na/ mchil ma mang / gcom chung ste mang du smra mi phod/ kha zas la tshig pa za zhing mi 'dod/grang ba'i bag mi bzod/ ba spu rnams kyi pho ba'i drod nyams/ dpyi man chad ro smad thur du bying ba snyam byed de lci/ rims kyis 'debs/ dbugs mi bde/ rna ba 'bod cing sgra tsi ri ri zer/ khong ngal/ mgo 'khor te/ skya rbab kyi nad thabs spyi ni de lta bu yin no//skya rbab kyi nad de yang rnam pa lnga ste/ rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / sa zhag lta bu zos pa las skya rbab tu gyur pa rnam pa de lnga'o/ /skya rbab kyi thog ma'i nad thabs ni snying 'phar/ pags pa'i sha mdangs rtsub/yi ga 'chus/ gcin gyi mdog ser/ rngul med khong pa'i pho ba'i drod chung / nyams bying ste lci/ khong ngal lo/ /rlung nad las gyur pa'i skya rbab kyi nad thabs ni/ lus kun na zhing zug la 'dar/ mdog gnag cing rtsub/ rtsa rnams dang sen mo dang mig dang bshang gci rnams kyi mdog smug /lus ni skrang / lto ba na zhing sbo/ khar ro bro ba mi tshor/ rtug skam du 'byung / rtsib logs dang / klad pa'i spyi bor zug cing na ba de lta bu yin no/ /mkhris pa las skya rbab tu gyur pa'i nad thabs ni rtsa dang sen mo dang mig la sogs pa'i mdog ljang sngon las rtsa ser por snang /rims kyis 'debs/ dbugs mi bde ste mun pa bzhin rmugs zhes byed pa dang / skom dad skye/ lus rngul/ brgyal/ nyams la bsil ba'i bag 'dod/ lus mnam ste dri mi zhim/ kha'i nang tsha/ thur du 'khru/ sgregs pa skyur la tsha bar 'byung ba 'di lta bu yin no//bad kan las gyur pa'i skya rbab kyi nad thabs ni rtsa dang sen mo la sogs pa'i mdog dkar por snang / nyams glo bag tu 'dug /kha'i nang lan tshwa'i ro bro/ ba spu rnams langs te brtse/ skad 'gag /lud pas bkar/ slon par byed do/ /'dus pa las gyur pa'i skya rbab kyi nad thabs ni rlung dang mkhris pa dang bad kan gsum gyi skya rbab kyi nad thabs kyi sna grangs 'dres par na la tshabs che ste brnags par dka' ba de lta bu yin no//sa zhag sbyin po zos pa las skya rbab kyi nad thabs su gyur pa ni/ sa zhag ro bska ba zos na rlung nad kyi skya rbab tu 'gyur ro//tsha bro ba'i sa zhag zos na mkhris pa'i nad kyi skya rbab tu 'gyur ro/ /sa zhag ro mngar ba zos na bad kan gyi nad kyi skya rbab tu 'gyur ro/ /de ltar sa de lta bu'i bag zos pas lus kyi srog zungs rnams la yang gnod pa'i nad du 'gyur bar byed do/ /kham pa'i sa zhag rtsub mo zos na lus kyang rtsub par 'gyur la/nang gi rgyu ma yang btsos pa snyam byed cing gang la/ khong pa nang du 'gags te nad thabs ni gong ma dang 'dra'o/ /de ltar kham pa'i sa zhag zos pas rkang pa dang / lte ba dang / kha dang pho mtshan rnams skrang / bshang ba thur du srin bu can du 'byung zhing bkra bag dang 'dres par 'ong /khar bad kan dang khrag tu 'dres par 'ong ngo / /skya rbab kyi nad kyis btab pa'i nad pa de la/ mkhris pa skye bar 'gyur ba'i kha zas bsten na mkhris pa'i nad cher skyes pas/ khong pa'i nang grol dang / lus kyi yan lag gi sha khrag rnams mkhris pa las bsregs nas/mig ser gyi nad du 'gyur te mig dang / gcin dang / pags pa dang / sen mo dang / kha gdong dang / bshang ba rnams kyi mdog ser por snang / lus tshal zas mi 'ju/ skom dad che/ lus kyi mdog ni sbal pa bzhin ser por snang / dbang po rnams nyams pa 'di lta bu yin no//mkhris pa'i nad rgyas na/ skya rbab kyi nad kyis btab par mig ser gyi nad kyis 'debs so/ /'or nad kyis btab pa zhig la dpyad mi byed par yal bar bor na lus phyogs su cher skrang ste/ nad gso dka' ba mig ser 'or thabs zhes bya ba de lta bur 'gyur ro/ /mig ser 'or thabs kyi nad de la dpyad 'phyis na/nad ha li ma ka zhes bya bar 'gyur te/ de'i nad thabs ni gdong pa dang / sha mdog ljang nag ser bar snang ste/ rlung dang mkhris pa gnyis kyi nad kyis mgo 'khor/ skom dad che/ bud med la 'dod pa'i bag med/ rims nad kyis cung zad 'debs/ khong snyom/nyam chung / pho ba'i drod bri/ khrag ngan pa nad khrag tu 'gyur/ zas ma zhu ba'i tshul du sbo la/ mi slon mi 'khru ba de'i tshe na/ nad de ni ha li ma ka zhes bya ste/ mig ser gyi nad 'di rnams kyang / skya rbab kyi nad las dpyad 'phyis pa'i bla brnan dang mig ser gyi nad rnams lta bur 'gyur ro//mig ser gyi nad de lta bu las dpyad 'phyis te/ bying na mig ser gyi nad de lta bu dag gi bla brnan gyi nang na gtsor ni 'or nad du 'gyur ba'i nad mang bas de'i phyir 'di'i rjes la 'or nad kyi dmigs bstan cing bshad de/ 'or nad de yang ji lta bu las 'byung zhe na/ mkhris pa dang / khrag dang / bad kan gyis rlung gi nad bslang ste/ 'dus pa'i nad dkyel du bsags pa de yang / rlung nad kyis rtsa rnams kyi nang 'phros te/ gram pa las rtsa 'gags nas sha dang pags pa'i nang du zhugs te/ skrangs la mkhrang bar 'gyur ba de ni 'or nad thams cad kyi tshul yin no/ /'or nad de yang nad gzhi'i bye brag dang /nad thabs kyi bye brag las/ 'or nad rnam pa dgur yang bshad de/ de ni rlung dang / mkhris pa dang / bad kan las gyur pa'i 'or nad sna gsum dang / rlung dang mkhris pa dang bad kan nang gi gnyis gnyis su 'dres pa'i 'or nad sna gsum dang /'dus pa'i 'or nad dang dug gis phog pa'i 'or nad rnam pa dgu'o/ /yang na rtag tu 'or nad du skrang ba dang / glo bur du 'or thabs su skrang ba dang gnyis so/ /yang lus thams cad 'or thabs su skrang ba'i nad dang / yan lag rkang lag skrang pa'i 'or nad rnam pa gnyis so/ /yang 'or nad rnams gsum yod de/phyogs su rgyas par khyab pa'i 'or nad dang / mi na bar glo bor skrang ba'i 'or nad dang / mdud pa bzhin 'bar 'bur du skrang ba'i 'or nad kyi bye brag rnam pa gsum mo/ /de ltar sna tshogs rnam pa 'di ni 'or nad do cog gi spyi'i nad du 'gyur ba'i gzhi las 'byung ngo / / de la 'or nad so so'i nad gzhi'i rgyu tha dad pas/ 'or nad so so'i 'gyur ba ni 'or nad du 'gyur ba'i nad kyis btab pa dang / las dang / zas smyung ba la sogs pa byas pa dang / rid cing nyam chung la/ zas sla bag zos pa dang / zas kyi tshod ha cang drags pa dang / yang zas spyi bag dang / skyur bag dang / snum bag dang / bsil bag dang / lan tshwa ches pa dang / thal sman rnon po k+Sha ra lta bu btang ba dang / zas tsha ba'i bag dang / ha cang dro ches pa dang / mya ngan gyis btab pa dang / chu mang du 'thungs pa dang / nyin par nyal zhing mtshan mo mi nyal ba dang / kham pa sbyin po zos pa dang /grong khrod na gnas pa bya phag la sogs pa'i sha za ba dang / sha skam za ba dang / zas ma zhu ba dang / khong ngal ba dang / bud med la drags pa dang / rkang pas lam ring por song song ba dang / rta mi bde ba las lus gsigs pa dang / dbugs mi bde ba dang / lud pas bkar ba dang /tshad pas btab pa dang / gzhang 'brum gyi nad dang / lto ba'i nad dang / mngal nas khrag zag pa dang / rims nad kyis btab pa dang / sbos te zug pa dang / sbos te 'khyil nas mi slon pa'i 'khru ba dang / slon pa drags pa dang / bud med sbrum ma dang / me dbal gyi nad kyis btab pa dang /skya rbab kyi nad dang / 'di lta bu'i bag gzhan yang lus la gnod par 'gyur ba log par bsten pa byas pas 'or nad kyi dkyel 'bras bu 'dus shing babs na/ ro stod yan chad 'or nad skrang ngo / /ro smad du chu sor nad babs te dkyel du zhugs na/ ro smad man chad skrang ngo / / rked par babs na lus kyi bar rked pa'i 'khor skrang ngo / /'or nad lus kun du zhugs na lus thams cad skrang ngo / /lus kyi yan lag rkang pa'am lag pa la babs na yan lag tu skrang ngo / /de ltar 'or nad kyis 'debs na nad thabs sngar rtsa rnams tsha/ lus dang rkang lag lci ba de rnams ltar ltar byed do//de las gyur pa'i 'or thabs ni skrang ba mal gcig tu mi skrang bar phan tshun du 'pho la lus dang ba spu rtsub/ sha mdog rtsa gnag la dmar/ lus kyi pags pa 'khums/ rkang lag 'dar/ ba spu brtse zhing sha mthangs la reg na na zhing mi bde/ zug la rus pa kun kha bye ba'am chag pa tsam du na/sha mdangs bem bem por 'gyur te reg pa mi tshor/ nad myur du ldang zhing myur du zhi/ skrangs pa'i steng du mnan cing btsir na khung bu ngor zhes 'byung / til gyi 'bru mar ram/ 'bri mar lta bu dron por byas te/ bsku zhing mnyes na zhi bar 'gyur ro/ /mtshan mo ni skrang ba bri/nyin par ni cher skrang / pags pa'i sha mdangs yungs mar gyis bskus pa bzhin tsha bar byed/ sha mdangs kyi mdog ni rtsa ser dmar gyi mdog la nag por snang ngo / /mkhris pa las 'or nad du gyur pa'i nad thabs ni pags pa dang ba spu zangs mdog tu snang / skrang ba myur du lus la mched cing myur du zhe na/sngar lus kyi rked par 'or nad 'byung / skom dad che/ lus tsha/ rims nad kyis 'debs/ lus rngul/ lus rngul bag tu mnam/ myos bag la mig 'khor/ grang zhing bsil ba'i bag 'dod/ tshad pas thur du 'khru zhing mnam/ sha mthangs la reg na mi bzod la mdog 'jam mo//bad kan las 'or nad du gyur pa'i nad thabs ni lus g.ya'/ sha mthangs dang / ba spu rnams mdog dkar/ sha mthangs khong mkhrang zhing grang la lci/ mdog snum/ 'jam/ na ba la ldang dub med par rtag /glong bag tu 'dug la gnyid che/ slon/ pho ba'i me drod nyams/ skrangs pa'i steng du mnan na khung bu lcongs zhes byed/ bad kan gyi 'or nad 'di 'byung ba yang dkon/ byung na yang gso dka'/ mtshan mo ni tshabs cher skrang / bad kan gyi 'or nad la gtar ga btab na yang khrag myur du mi phyin/ dro zhing tsha ba'i bag rag na dga'o//rlung dang mkhris pa dang / bad kan lta bu gnyis gnyis su 'dres pa'i nad thabs ni bad kan dang / mkhris pa'i 'or nad sna gnyis kyi nad thabs su na ba yin no/ /'dus pa'i 'or nad kyi nad thabs ni rlung dang mkhris pa dang / bad kan gyi 'or nad sna gsum gyi nad sna tshang ba'i nad thabs su na ba yin na/de la snad pa'i 'or nad kyi nad thabs ni mtshon la sogs pas tshad dam dral tam/ rmas sam/ lhags pa'am kha bas rul tam mes tshig gam/ mtshor zhugs te lus skrangs sam/ bse rtsi'i 'bras bu go be'am/ sman ka pi ka tsu'am/ gra ma la sogs pas reg cing phog na skrangs pa mched par 'gyur te/ mdog dmar por snang la rab tu tsha ste/ 'di lta bu snang ba'i rtags tshang ba mkhris pa'i bag tu gtogs so/ /dug gis phog pa'i 'or zhes bya ba ni srog chags gdug pa'i bag lus la song ba'i gcin gyis phog pa dang / so dang mche ba dang / sen mos zug cing skrangs pa dang / srog chags gdug pa'i bag ma yin pas rtug gcin dang / khu ba lta bu'i dri ma phog pa dang / dug gi shing gi rlung khar babs pa dang / dbyig dug gam dug sbyar ma'i phye ma reg pa 'di lta bu las 'or nad du 'gyur ro/ /de la 'or nad gso ba ni/skrang ba phan tshun du 'pho ba mi mkhrang ste snyi/ lus myur du tsha zhing rtse 'jil/ 'or gsar du byung ma thag la de'i steng du nad bla brnan gyi bag med pa de lta bu ni gso sla'o/ /'or nad gso dka' ba ni sngar logs shig tu bshad pa yin no/ /de la me dbal gyi nad thabs ni rnam pa gnyis te/mtshon dang rdo dbyug gis snad pa las me dbal gyi nad du 'gyur ba dang / rlung ngam mkhris pa'am bad kan gyis nad bslang ste/ me dbal du 'gyur ba ni 'or nad kyi nad gzhi las 'or nad du gyur pa dang 'dra'o/ /me dbal de yang rnam pa gsum ste/ phyi rol na gnas pa dang / nang na gnas pa dang / gnyi ga na gnas pa dang gsum mo/ /'di gsum la gso dka' sla yang rim bzhin te/ phyi'i me dbal ni gso sla/ nang gi me dbal ni gso dka'/ phyi nang gnyis ka'i me dbal ni de bas kyang gso dka'o/ /yang na me dbal gyi nad kyang rlung dang mkhris pa dang / bad kan gyis nad slong bar 'gyur ba'i nad langs te/ me dbal gyi nad du 'gyur mod kyi/ lhag par ni tsha ba'i bag gis nad bslang ste/ lus kun la me dbal gyis khyab par byed de/ nang gi me dbal nang na gnas/ phyi'i me dbal phyi na gnas/ phyi nang gnyis ka'i me dbal yang phyi nang gi bar na gnas te/nad des lus kyi nad rnams la tsha bas gdungs la myos bag tu byed/ rtsa rnams kyi sgo 'gag /skom dad lhag par che/ bshang gci res 'ga' ni mang du 'ong / /res 'ga' ni 'gag par byed cing sri/ pho ba'i drod dang nyams 'tshag myur du nyams te/ bri ba yin te nad thabs 'di lta bu ni nang gi me dbal zhes bya'o//phyi'i me dbal ni nad thabs 'di rnams lta bu las tshul bzlog ste shes par bya'o/ /phyi nang gnyis ka'i me dbal ni nad thabs de rnam gnyis ltar na'o/ /me dbal gyi nad thabs spyi ni de lta bur blta'o/ /rlung nad las me dbal du gyur pa'i nad thabs ni/rlung nad las rims su gyur pa'i nad thabs dang 'dra ste/ tsha ba'i nad lus kun tu mched la skrang / zug cing ph+r+wa ph+r+wa byed/ lus dang yan lag rnams brdung brdung ba snyam byed/ ba spu rnams langs shing brtse ba 'di lta bur byed do/ /mkhris pa las me dbal du gyur pa'i nad thabs ni lus kun tu me dbal gyi nad myur du mched cing 'gro/spyi ni mkhris pa las rims tsha bar gyur pa dang thabs gcig ste/ lus dang bzhin mdog rab tu dmar ro/ /bad kan las me dbal du gyur pa'i nad thabs ni me dbal gyi 'brum bu'i 'khor g.ya' la pags pa 'jam ste/ nad thabs spyi ni bad kan gyi rims dang 'dra'o//de ltar me dbal dang 'bras la sogs pa byung na sman dang dpyad mi byed par yal bar bzhag na rlung dang mkhris pa dang bad kan so so'i nad kyi tshul las bsags pa smin te rdol ba dang rma'i tshul la so so'i nad gang yin pa gsal bar shes par 'gyur ro/ /de la rlung dang mkhris pa sna gnyis 'dres pa las me dbal du gyur pa'i nad thabs ni/rims nad kyis 'debs/ slon/ brgyal/ tshad pas rab tu 'khru/ skom dad che/ mgo 'khor/ lhu tshigs kyi rus pa chag pa snyam byed/pho ba'i me drod nyams/ dbugs mi bde/ snying mug mug byed cing mun thibs thibs byed pa bzhin du mi dran/ kha zas yi gar mi 'ong / lus dang yan lag la me dbal mched do cog me dbal gyi nad rgya sol gyi me mdag 'bar ba bzhin du tsha/ sha mdog gnag la sngo/ yang na khrag nag rgyas pa'i dkyil du yang stsogs shing me dbal gyi 'brum bu de mes tshig pa 'dra ba zhig yod de/ des lus thog thag tu myur du mched de khyab pa dang gnad kun gyi nang du yang 'jug cing 'gro la chu ser lta bu'i bag zag go/ /gal te me dbal rlung nad kyi shas che na/lus dang yan lag rab tu na la/ mi dran te myos/ gnyid che/ dbugs mi bde/ dbugs kyi rngam pa drag tu 'byung / skyigs bus 'debs pa'i nad thabs 'di lta bur gyur na/ nad pa de sngas gar bor yang dga' ba dang bde ba med do/ /skabs skabs su rkang lag brkyang zhing bya rmyang byas na yang /lus dang sems mi bde zhing khong ngal bar 'gyur/ sems rmongs bag gis gsal te go dka'/ gnyid che ba de lta bu ni me dang 'dra bar me dbal zhes bya'o/ /de la mdzer ba 'dra bar 'byung ba las me dbal du 'gyur ba'i nad thabs ni/ bad kan cher skyes pas rlung 'khyil zhing 'gag ste/rlung 'gags shing 'khyil ba des/ bad kan rdol te rlung de khrag gi nang du zhugs te/ khrag nad bslangs nas pags pa dang / rtsa phran dang / chu ba dang / sha kun gyi nang du khrag nad zhugs nas thor bu phra mo ring po dang / thor bu sbom po sra ba mdzer ba dang 'dra bar 'byung ste/mang po phreng ba bzhin du chags te mdog dmar por 'dug pa sde lta bur byung rab tu na/ rims kyis 'debs/ dbugs mi bde/ lud pas bkar/ tshad pas rab tu 'khru/ kha skam/ skyigs bus 'debs/ slon/ mgo 'khor/ rmongs bag tu 'gyur/pags pa'i sha mdog mi sdug /brgyal/ lus dang yan lag kun brdung brdung ba snyam byed/ pho ba'i me drod nyams par gyur pa'i nad thabs 'di lta bu ni mdzer pa lta bu'i me dbal gyi nad bad kan dang rlung gnyis kyis slong ste bad kan dang mkhris pa las ni rims su 'gyur ro/ / bad kan gyis ni lus dang yan lag rengs pa'i bag la gnyid che/ glo bag tu 'dug /klad pa na/ lus kyi yan lag na zhing brkyang bskum byed 'dod/ tshig mang du smra/ zas yi gar mi 'ong / mgo 'khor/ brgyal/ pho ba'i me drod nyams/ rkang lag gi rus pa rnams chag pa snyam byed/skom dad che/ dbang po rnams mi gsal la lci/ tshad pa be'u snabs su 'khru/ dang ga rdzing zhing gang ba snyam byed/ de nas rtsa chen po kun gyi nang du zhugs shing 'gro la/ phal cher ni pho ba'i nang du nad zhugs nas/ lus kyi phyogs yan gar na ba ni ma yin gyi/ lus kun du na ste/des na thor bu ser po dang / dmar po dang / dkar pos gang bas na/ nor bu skar phran ltar snang ste/ lus mdog gnag la 'jam/ dri ma can du 'gyur/ 'or thabs su skrang / lus lci/ thor bu rnags pa'i zabs che/ rab tu dred che ste tsha la rul zhing rnags/ sha kun kyang rul zhing rnags zhig nas/ rtsa rgyus nyi tshe gsal bar snang ste/ lus mi ro ltar gyur pa 'di ni 'dam 'dra ba'i me dbal gyi nad ces bya'o/ /rlung dang mkhris pa dang bad kan gsum 'dus pa'i me dbal gyi nad ni/ me dbal gyi nad thabs thams cad tshang bar na ste/ 'dus pa'i me dbal gyi nad des/lus kyi srog zungs bdun la myur du khyab par byed do/ /mtshon gyis rmas pa las khrag nad langs te/ chu ser dang tsha ba skyes na me dbal gyi nad thabs su 'gyur te/ de la rlung nad kyis kyang mched nas/ mon sran dkar ru 'dra bar 'byung ste/ skrangs la rims nad lta bur 'gyur ro//tsha la dmar smug tu 'gyur ro/ /me dbal gyi nad de la gso dka' sla'i bye brag tu rlung dang mkhris pa dang bad kan sna re'i me dbal ni gso sla'o/ /rlung dang mkhris pa lta bu sna gnyis las me dbal du gyur la nad bla brnan gyis btab na yang gso sla'o/ /me dbal gyi nad de la gso dka' ba ni/rlung dang mkhris pa lta bu sna gnyis las me dbal du gyur pa mtshon gyis rmas te rma red pa'i me dbal dang / nad thams cad 'dus pa'i me dbal gyis lus kyi gnas kun du khyab pa dang / rtsa dang / chu ba dang / sha dang 'di rnams kun rul te/ro bzhin mnam por gyur pa 'di lta bu'i me dbal ni gso dka'o/ /skya rbab dang / 'or nad dang / me dbal gyi nad gzhi bshad pa ste le'u bcu gsum pa rdzogs so// //mdze nad dang / ltor srin bu 'jug pa'i nad gzhi bshad pa ste/ le'u bcu bzhi pa bshad par bya'o//de la mdze nad kyis 'debs pa'i nad gzhi ni/ kha zas mi 'phrod pa gnod pa lta bu la sogs pa zos pa dang lus kyi bya ba bskyod pa dang / 'dug pa dang / nyal ba la sogs pa gnod pa mi 'phrod par 'gyur ba'i bag byas pa dang / dge ba'i mi dam pa dag la smod pa dang /srog gcod pa dang / gzhan gyi nor 'phrog pa la sogs sdig pa'i las la brten pa dang / 'di lta bu sngon gyi tshe byas sam/ da lta 'phral du byas pa'i sdig gis/ khong nas nad bslang / nad rtsa kun gyi nang du gram ste zhugs nas/ sha dang pags pa dang / khrag dang chu ser gyi nad langs te nang gi sha rnams kyang khong sla bar gyur nas/mdze nad lus kyi phyir 'byung ngo / /mdze nad 'byung ba'i thabs ni mdze nad ngan pas pags pa'i mdog mi sdug par byed do/ /mdze nad kyis thebs pa las sman dpyad mi byed par yal bar bor na/ lus thams cad ma rungs par gyur nas/lus kyi nang gi srog zungs bdun yang mdze nad kyis rgyas te/ nang thams cad rul bar 'gyur ba dang / lus kyi phyi yang rul te rnags shing rul nas de'i nang du 'bu phra mo zhugs nas lus kyi spu dang / pags pa dang / chu ba phra mo dang / rtsa chen po dang rus pa la sogs pa kun gyi nang du zhugs te/lus la za bar byed pa 'di ni mdze nad ces bya'o/ /sha bkra gzi gu'i nad ni gong ma lta bu'i nad de ma yin te/ phyi rol gyi nad ces bya'o/ /yang na mdze nad gso dka' ba rnam pa bdun yod de/ rlung dang mkhris pa dang bad kan sna re'i mdze nad rnam gsum dang /rlung dang mkhris pa la sogs pa gnyis gnyis nad 'dres pa'i mdze nad rnam gsum dang / 'dus pa'i mdze nad dang bdun no/ /mdze nad gang gis btab kyang rung / rlung dang mkhris pa dang bad kan gsum las 'gyur te/ de gsum la rlung ngam mkhris pa lta bu la sogs pa shas gang che ba las mdze nad kyi ming du 'dogs so//de la rlung nad las mdzer gyur pa'i ming ni thod pa lta bu zhes bya'o/ /mkhris pa las gyur pa'i mdze nad ni/ shing u dum+bA ra'i 'bras bu smin pa 'dra'o/ /bad kan las gyur pa'i mdze nad dang / rkang shu gnyis ni zlum po gor gor por 'byung ngo //mdze ri sha zhes bya ba ni rlung dang mkhris pa gnyis las 'byung ngo / /mdze nad pags pa gcig pa dang / mdze nad du gtogs pa 'brum bu phra mo dang / sha bkra dang / 'bras byer ba dang / 'di rnams ni rlung dang bad kan gnyis las 'byung ngo / /shu ba dang / sha ta ru shing dang /puN+Da rI ka dang / 'brum bu tsag tsag por 'byung ba dang / g.yan pa dang / tsar ma da la dang / 'di rnams ni bad kan dang mkhris pa gnyis las 'byung ngo / /rlung dang mkhris pa dang bad kan gsum 'dus pa las mdzer gyur pa ni ka ka na zhes bya'o/ /de la mdze nad thod pa lta bu dang /shing thog u dum+bA ra smin pa lta bu dang / zlum po gor gor por 'byung ba dang / gsum mdze ka ka na dang / puN+Da rI ka 'dra ba dang / a ri sh+ya'i lce dang / sha dang / 'di bdun ni mdze nad chen po zhes bya ste gso dka' ba yin no/ /mdze nad 'di lta bu 'byung na/ sngar na ba'i nad thabs ni sha mthangs rab tu 'jam/ yang na reg na rab tu rtsub/ yang na ni lus rab tu rngul/ yang na ni rngul med/ pags pa'i sha mdog mi sdug /lus tsha/ phyogs su g.ya'/ yang lus kyi sha mthangs bem bem por gyur te tshor ba'i bag med/ khong du zug cing na/khong du thor bu las rmar gyur pa kun lhag par rab tu na/ mdze nad myur du 'byung la nad mi 'byang ste/ yun ring du na/ mdze nad byung ste cher skyes pa'i nyen kor gyi pags pa rtsub/ nad ldang ba'i gzhi chung / cung zad tsam gyis kyang nad che bar 'gyur ba spu langs shing 'greng la reg na brtse/ mdog gnag la 'di lta bur gyur na mdze nad gang yang rung ba dang po 'ong ba'i nad thabs ni na'o/ /de la mi thod lta bur 'byung ba'i nad thabs ni sha mdog smug /pags pa'i mdog rtsub/ bem bem por gyur te tshor ba'i bag med/ lus rtsub/ lus thog thag kun tu mdze nad kyis khyab par gang /lus kun gyi ba spu langs shing brtse/ zug cing na ba'i tshabs che/ lus phyogs su g.ya' ba ni chung la/ mdze nad kyis myur du mched cing khyab par 'gyur ba'i nad thabs ni thod pa lta bu zhes bya'o/ /mdze nad shing tog u dum+bA ra lta bu'i nad thabs ni/ba spu pags pa'i mdog ni zangs bzhin dmar/ rtsa rnams ni skya bor gyur/ lus kyi sha khrag rul/ lus tshal na ba'i tshabs che/ mdze nad myur du 'byung la lus 'jig cing 'drul/ 'bu srin gyis gang ba'i nad thabs 'di lta bu ni/ mdze nad shing u dum+bA ra'i 'bras bu smin pa lta bu zhes bya'o//mdze nad zlum po gor gor por 'byung ba'i nad thabs ni/ phan tshun du mi 'pho bar mal gcig na 'dug /nyams shig shig po glong bag tu 'dug la/ lus lci/ lus kyi sha mthangs 'jam/ sha mdog dkar la rtsa dmar/ mdze nad lus kun du myur du mched cing 'gro ba ma yin/mdze nad thor bu 'dra bar 'byung ba de dang phan tshun 'dab 'brel zhing 'byar la/ mdze'i shu ba glo zhing 'bur/ lus phyogs su g.ya'/ rnag dang chu ser zag /nang 'bus gang / shu ba'i mtha' ma kun 'jam la ser por snang ba zlum po gor gor po sha stag tu 'dug pa'i nad thabs 'di lta bu ni bad kan gyi mdze nad zlum po gor gor por 'byung ba'i nad thabs zhes bya'o//g.ya' la thor bu rtsa gnag pa zhig byung / de las chu ser zag pa ni glang shu ba'i rtsar rtsi zhes bya'o/ /mdze nad ri sh+ya'i lce 'dra ba'i nad thabs ni lus rtsub la shu ba 'dra bar 'byung ba'i mtha' dma'/nang gnag /dbus glo la mtho/ zug cing na/ lus tsha/ rnags te lus tsha/ lus kun na zhing rtsub pas gang la/ 'bu yang mang du zhugs pa 'di ni ri sh+ya la li 'dra ba'i mdze nad ces bya'o/ /mdze nad pags pa gcig pu zhes bya ba ni pags pa glang po che'i ko ba 'dra bar reg cing myangs na sra la stug pa 'di ni mdze nad bzhi char 'ong ba yin te/lus las rngul mi 'byung / mdog ni nya lpags 'dra'o/ /'brum bu phra mo tsig tsig po 'byung ba'i nad thabs ni lus kyi sha mthangs rtsub la lus la thug thug por byung ba myangs na sra/g.ya' zhing rtsub la pags pa'i mdog nag go/ /sha bkra ni nang rtsub la phyi rol 'jam/ phug na glog pa 'byung / reg na 'jam la pags pa'i mdog dkar/ la la ni zangs ltar dmar ba yang yod/ kha dog ni shing ki na'i me tog 'dra/ sha bkra'i nad 'di ni ro stod du phal cher 'byung ngo //'bras byung ste de nas g.ya' zhing dmar por gyur pa de ni mi 'byer ba'i 'bras zhes bya'o/ /zhig ste rab tu na la chen po mi g.ya' bar/ thor bu 'dra ba'i phol mig dmar pos gang ba 'di ni rkang lag zhig pa zhes bya'o/ /shu ba'i nad thabs ni ring la mched pa/pags pa'i mdog ni rtsa dUr ba'i 'dab ma ltar ljang sngon nam/ zar ma'i me tog ltar rtsa sngo la/ shu ba gor gor po 'bur la ling ling por 'byung / cung zad g.ya' ba ni shu ba zhes bya'o/ /rma kha brgya pa'i mdze nad ni lhu tshigs la 'byung ste/ sngar lus tsha zhing na/mdze nad 'byung ba'i drung gi 'khor sbom la nang du ni gnag /rma kha mang du 'byung / rnags shing rul te/ 'bu 'jug pa'i nad 'di ni rma kha brgya pa'i mdze nad ces bya'o/ /mdze nad pad+ma puN+Da rI ka 'dra ba 'byung ba'i nad thabs ni lus g.ya' la tsha zhing na/ 'bur 'bur por skrang ba'i mtha' dmar/dbus dkar/ khrag gis rgyas te/ me tog pad+ma'i 'dab ma ltar rgyas la stug po de rdol te khrag dang chu ser 'dzag pa 'di ni puN+Da rI ka lta bu'i mdze nad ces bya'o/ /mdze nad 'brum bu lta bu'i nad thabs ni lus kyi sha mthangs 'brum bu dkar po dang / smug pos gang ba 'di ni mdze nad 'brum bu lta bu zhes bya'o//mdze nad g.yan pa'i phol mig lta bu phra mo gnag la rtsa smug po phra mo mang po sha stag byung ba rab tu g.ya' zhing na la rnag zhugs pa lta bu ni rkub tshos dang / dku do dang / lag sor gyi bar dang / gru mor 'byung ba 'di ni mdze nad g.yan pa zhes bya'o//mdze nad khrag gis pags pa myags pa zhes bya ba ni/ lus g.ya' bar rab tu dro zhing tsha/ thor bu reg mi bzod pa de lta bu byung ba las khrag gis rgyas na pags pa phyogs su myags pa 'di ni pags pa myags pa'i mdze nad ces bya'o//'bras bu ka ka nan ti lta bu'i mdze nad sngar ni mdog dmar la gnag /de'i rjes la rab tu tsha zhing na nas mdze nad thams cad ni tshul dang rtags dang ldan pa de sha mdog kyang sna gcig tu ma zad de/ rnam pa sna tshogs su bkra bar snang ba 'di ni mdze nad ka ka nan ti'i 'bras bu zhes bya'o//yang mdze nad thams cad kyi nad dmigs gang yin pa'i bye brag ni gong du rlung dang mkhris pa la sogs pa nad gzhi tha dad pa las mdze nad du gyur pa'i dmigs bstan pa dang / mdze nad kyi dbyibs dang / mdog ji 'dra ba dang / ji ltar na ba'i dmigs dang / rlung dang mkhris pa la sogs pa shas gang che ba de lta bu las mdze'i nad dmigs shes par gyis shig /de la mdze nad gsor mi rung ba'i nad ni rlung dang mkhris pa dang bad kan 'dus pa'i nad gzhi chen por gyur la/ mi 'tsho ba'i mtshan ma dang / ltas ngan pa yang byung ba dang / mdze rus pa'i nang du zhen pa dang /rkang pa la zhen pa dang / khu ba la zhen pa dang / 'di rnams lta bu ni gso dka' ste mi 'tsho'o/ /de la tshil gyi nang du zhugs pa'i mdze nad ni/ nad de las mi la mi skye ba tsam du gsor rung ngo / /mkhris pa'i nad las mdzer gyur pa dang / rlung dang mkhris pa lta bu gang yang rung ba sna gnyis 'dres pa las mdzer gyur pa dang /khrag dang sha la mdze zhugs pa 'di lta bu ni gso dka' ba zhes bya'o/ /bad kan dang rlung nad shas che ba'i mdze nad dang / pags pa nyi tshe la mdze nad byung ba dang / rlung ngam/ mkhris pa'am bad kan gang yang rung ba sna gcig las mdze nad du gyur pa 'di rnams lta bu'i mdze nad ni gso dka' ba ma yin no//de la mdze nad pags pa nyi tshe la byung ba ni/ zug thabs su na/ pags pa'i mdog mi sdug /pags pa'i mdog rtsub pa yin no/ /mdze nad khrag la babs par gyur na lus rngul che/ gnyid che skrang ba yin no/ /mdze nad sha la byung na rkang pa dang / lag pa dang / rkang lag gi tshigs su 'brum bu tsig tsig po 'byung zhing rnags te rkang lag gi tshigs su nad tshabs lhag par che'o/ /mdze nad tshil la babs par gyur na lag pa zha /'gro mi nus/ rkang pa'am/ lag pa rnags te zhig par 'gyur ro//mdze nad rus pa rkang pa la babs par gyur na sna'i rus pa zhom/ mig dmar/ skad 'gags/ mdze nad rdol ba'i rma khar 'bu 'jug go/ /mdze nad khu ba la babs par gyur na/ chung ma dang bu la yang 'byung bar 'gyur ro/ /de lta bas na mdor na lus kyi srog zungs bdun po khrag dang sha dang /tshil la sogs par mdze nad gang la byung yang rung / mdze nad kyi nad thabs rim pa bdun du shes par gyis shig /sha bkra gzi gur 'dug pa ni mdze nad gcig pu las 'ongs te/ de'i nang na yang sha bkra gzi gu tshabs chen po mi sdug par gyur pa ni bsal ba'i dpyad dka' ste/sha bkra skam po rnag khrag mi zag pa ni khrag dang sha dang / tshil las 'byung bar 'gyur ro/ /rlung nad las sha bkrar gyur pa ni/ sha mdog rtsub la dmar ba'o/ /mkhris pa las sha bkrar gyur pa ni zangs mdog dang / pad+ma'i mdog ltar rtsa dmar/lus tsha/ spu kun 'byi'o/ /bad kan las sha bkrar gyur pa ni mdog dkar la stug /lus lci zhing g.ya' ba yin no/ /nad khrag dang / sha dang / tshil dang / 'di gsum las sha bkra gzi gur gyur pa'i sha mdog so sor bstan pa de la sha bkra'i nad rnam gnyis gcig tu gyur pa ni gso dka'o//rlung gi sha bkra bas mkhris pa'i sha bkra gso dka'o/ /mkhris pa'i sha bkra bas bad kan gyi sha bkra gso dka'o/ /sha bkra dkar po ma yin pa dang / ba spu ma byi ste/ phal che ba dang / sha bkra nad 'dab ma 'dres te/so so na 'dug pa dang / gsar du byung ma thag pa dang / me'am sman gyis bsregs pa 'di lta bu ni gso sla'o/ /'di lta bu ma yin pa gzhan ni gso dka'o/ /mdoms dang / lag pa dang / mchur byung na gser yang rung ste/ sman dpyad kyis bstsal dka'o/ / mdze nad 'di lta bus btab pa'i mi la lus reg gam/ zan gcig za 'am/ mal gcig gam stan gcig la 'dug pa la sogs pa 'di lta bu kun gyi nad 'go bar 'gyur te/ lhag par mig nad dang / mdze dang sha bkra la sogs pa'i nad ni 'go zhes bya'o//mdze nad rnam pa bcwa brgyad bshad pa rdzogs so// //lus kyi srin bu sna tshogs bshad pa/ mi'i lus la srin bu rnam pa gnyis te/ phyi dang nang gi srin bu'o/ /de la phyi rol gyi srin bu ni dri ma dang bad kan dang khrag la sogs pa las 'byung zhing gnas te/de la yang mdor rnam bzhi'o/ /ming gi bye brag tu dbye na rnam pa nyi shu yod de/ de la khrag las byung ba ni/ phyi rol gyi srin bu ste/ dbyibs dang / mdog kyang til 'bru tsam skra dang lus la gnas pa'i sro shig rnam gnyis yin no/ /sro shig gis kyang lus la thor bu dang 'brum bu dang g.yan par byed do//nang gi srin bu ni bad kan las gyur te/ de yang mdze nad 'byung ba'i rgyur 'gyur ro/ /nang gi srin bu dag ni gzhan pas lhag par mdze nad kyi gzhir 'gyur ro/ /srin bu de dag gi zas ni bu ram dang / 'o ma la sogs pa mngar bag dang /zho dang tsha la sogs pa skyur bag dang / 'bras chan la sogs pa gsar bag dang / nya la sogs pa bad kan du 'gyur ba'i zas la dga'o/ /mi gtsang ba'i bshang gci'i nang na gnas pa'i srin bu'i zas 'bru bag dang / tshod ma lo ma btab pa la sogs pa'i bag la dga'o//bad kan pho ba'i nang nas byung ba'i srin bu ni cher skyes pa dang / khong pa'i nang pho ba'i nang dang / long ka'i nang kun tu 'gro'o/ /srin bu la lcag 'dra ba phra mo ring por 'dug go/ /la la ni srin grol ma 'dra ba 'dug go/ /srin bu kha cig ni myu gu kha 'bus pa 'dra ba grol ma dka' ru yod do//srin bu kha cig ni skud pa phra mo ring po 'dra bar yod do/ /srin bu kha cig ni thung la rab tu phra ba yod de/ de dag la la ni dkar/ la la ni rtsa dmar ba yod do/ /srin bu de rnams kyi ming spyir ni rnam pa bdun yod de/ rgyu ma za ba zhes bya ba dang /lto ba'i nang na 'khrul ba zhes bya ba dang / snying la za ba zhes bya ba dang / ya mtshan chen po zhes bya ba dang / mi mngon par rku ba dang / rtswa dUr ba'i me tog ces bya ba dang / dri zhim po zhes bya ba dang / srin bu 'di rnams ni snying la za zhing kha nas chu zag par byed/zas mi 'ju bar byed/ kha zas yi gar mi 'ong bar byed/ brgyal zhing mi dran par byed/ slon par byed/ rims nad kyis 'debs/ gsus pa cher skye/ lus skem zhing rid/ sbrid pa rtag par 'ong / cham pas 'debs/ de la khrag rgyu ba'i rtsa'i nang nas khrag las byung ba'i srin bu phra mo khrag gi nang na gnas te/lus zungs zlum/ rkang lag med/ mdog zangs kha ltar dmar la rab tu phra ba kha cig ni bltar yang mi mngon te srin bu de dag gi ming ni skra'i rtsa ba za ba dang / lus spu byi bar byed pa dang / spu gling chags pa dang / u dum+bA ra'i 'bras bu 'dra ba dang /zhags pa dang bcas pa zhes bya ba dang / srin bu mthong ka zhes bya ba dang / srin bu 'di drug gis ni lus kyi pags pa la mdze nad kyi nad thabs bzhin du mdze ltar 'byung bar byed do/ /zas zhu ba'i gnas long ka'i nang na mi gtsang ba las byung ba'i srin bu yod de/de cher skyes na thur du bshang ba dang lhan cig 'byung bar 'gyur ro/ /gal te srin bu de chen por skyes na pho ba'i nang du 'jug par 'gyur te/ pho ba'i nang du 'ongs na de'i tshe sgregs pa 'byung ba dang / dbugs 'byung ba dri mi zhim ste phyi sa bzhin du mnam par 'gyur ro/ /yang gzhang gi nang mi gtsang ba'i khrod na gnas pa'i srin bu lnga yod de srin bu kham gyis za ba zhes bya ba dang /dal gyis 'gro ba zhes bya ba dang / myong bar byed ces bya ba dang / brkam pa zhes bya ba dang / lus la gnod pa zhes bya ba dang / 'di lnga yod de/ de dag gi lus dbyibs dang kha dog ni chen po dang /zlum po dang / phra mo dang / sbom po dang / smug po dang / ser po dang / dkar po dang / dmar por 'dug go/ /srin bu de dag ni thur du 'khru bar byed de/ rtug skam gyis 'debs shing sri bar byed/ lus skem por 'gyur/ lus khong rtsub/skya bo rbab rbab por 'gyur/ ba spu langs shing 'greng ste/ pho ba'i drod nyams/ gzhang gi nang g.ya'/ gzhang phyir 'byung bar byed do/ /mdze nad dang / srin bu 'byung ba'i nad gzhi bshad pa ste/ le'u bcu bzhi pa rdzogs so// //rlung nad du gyur pa'i nad gzhi bstan pa ste/ le'u bco lnga pa bshad par bya'o/ /rlung ni mi 'o cog gi srog dang / rtsi shing thams cad la phan par 'gyur ba dang / gnod par 'gyur ba'i rgyu yin te/ de bas na nad du gyur pa'i rlung dang / nad du gyur pa ma yin pa'i rlung dang /lus kyi khyad par du 'gyur ba zhes bya'o/ /de lta bas na rlung 'di ni lus thams cad pa zhes bya'o/ /thams cad kyi rang bzhin pa zhes bya'o/ /thams cad kyi mtshan nyid ces bya'o/ /ji la yang dbang byed pas na skye dgu'i bdag ces bya'o//ji yang 'byin par byed pa 'dzin par byed/ thams cad du 'gro ba/ khyad par du 'jug pa/ thams cad du 'gro ba la khyad par 'jug pa/ kun nas sdud pa 'chi bdag tu gyur pa/ gshin rjer gyur pa lta bu zhes bya'o/ /de bas na nad slong ba'i rlung nad ngan par mi 'gyur bar nan tan gyis shig /de yang nad dmigs shes par bya ba'i le'u las rlung gi bye brag mdo dang / zhib tu bsten pa ni/ na ba med cing tha mal par gnas pa'i tshe/ rlung gi rang bzhin las gang dang gang byed pa dang / rlung der gyur na nad ci dang ci slong ba bshad pa dang /yang ltag pa'i nad dmigs kyi bye brag bshad pa'i nang nas rlung gi ming so sor btags pa dang / rlung gang dang gang na gnas pa dang / lus la rlung tha dad pa rnam lnga yod pa gang nas gang du rgyu ba dang / rlung rnam pa lnga las/ ci dang ci bshad pa rnams kyang shes par gyis shig /skabs 'dir ni rlung nad du gyur pa na nad slong bar byed pa'i nad slong ba'i gzhi dang mtshan nyid du dbye ba ni 'dir bstan par bya'o/ /de la rlung nad ni rlung nad du gyur pa'i bag byas pa'i lus kyi srog zungs zad par byed pa'i rlung nad langs nas/nang grol gyi sbu gu dang / rtsa chen po'i nang du rlung nad phan gnod gzhan zhig gis khong pa'i nang gang bar 'gyur ba de lta bus nad de'i thog tu bsnan te/ yog cing khebs nas rlung nad du 'gyur ro/ /de la rlung nad zhu ba'i gnas pho ba man chad du zhugs te na na lto sbo zhing na/ rgyu ma'i nang khru lu lu zer/ thur du bshang ba 'ong du mi btub/ chu sor rde'u chags te rde'u skye/ gzhang 'brum skyed/ rgyab na zhing rkang pa na/ ro smad man chad du dmigs su rab tu zug cing na'o/ /zas ma zhu ba'i gnas pho ba yan chad du zhugs te na na skom dad che/ slon bro/ dbugs mi bde/ lud pa lu/ sbo zhing 'khru/ mgul pa dang / gre ba mi bde/ sgregs pa mang zhing zas ma zhu ba'i sgregs pa 'byung ngo / /de ltar lto ba yan chad du rlung nad langs te na na/ rna ba la sogs pa dbang po rnams mi bde la mi gsal zhing rtul lo/ /pags pa la rlung zhugs na pags pa 'gags shing rtsub pa'o//khrag la rlung nad zhugs na rab tu na/ gnyid che/ sha mdog dmar la kha dog mi sdug par 'gyur/ thor bu 'byung / kha zas zos pa rnams lto na rem rem por 'dug /yi ga 'chu/ skem por 'gyur/ mgo 'khor/ tshil dang sha la rlung zhugs na rmen bu lta bur 'byung / rab tu zug cing na/ rtsub cing ngal skyen/ lus lci/ lus kyi lhu tshigs yan lag rengs/ khu tshur dang dbyig pas phog pa snyam byed do/ /rus pa la rlung nad zhugs na brla dang byin pa rje ngar rab tu rkang zug phyogs su na/rus pa'i tshigs su na/ nyams stobs rab tu zad par byed do/ /rkang la rlung nad zhugs na/ rus pa'i nang stong par 'gyur/ gnyid med rgyun du na'o/ /khu ba la rlung nad zhugs na yang na khu ba myur du 'byung bar 'gyur ro/ /yang na khu ba 'byung du mi rung ba'am/khu ba'i mdog gzhan du 'gyur bar byed do/ /de dang 'dra bar bud med kyi mngal du khu ba gnas pa yang de dang 'dra bar 'gyur ro/ /rtsa la rlung nad zhugs na rtsa sbo ba dang / nang stong par 'gyur ro/ /chu ba la rlung zhugs na dpyi nas brlar zug cing na ba dang / glang changs pa dang /da rgan gyi nad du 'gyur ro/ /rus pa'i tshigs su rlung nad zhugs na/ myangs pa na rkyal pa rlung gis gang ba bzhin du skrang / brkyang bskum byas na na'o/ /lus thams cad la rlung nad zhugs na zug cing na la chag pa snyam byed/ rengs shing rkang lag phyir g.yab par 'dod/tshor ba'i bag med/ bem bag tu 'gyur/ tshigs 'khums pa dang / 'da' bar 'gyur ro/ /nam tshong chen po'i nang kun du rlung nad yang dang yang zhugs te 'gro ba na lus 'gul zhing 'dar la nad 'jug par byed de/ de la ming ni lus la nad 'jug pa zhes bya'o//ro smad man chad du rlung nad 'gags pa dang / gyen du song na snying la gnas te/ sbu gur zhugs nas snying dang / klad pa dang / mur 'gram du zug cing na/ de bzhin du lus thams cad gzhu ltar gug ste/ sgur por 'gyur/ dbugs dang rngam pa mi bde bar 'thon/har mig tu lta zhing 'byed 'dzums mi shes/ phug ron bzhin du 'khun/ dran pa nyams par 'gyur te/ de'i ming ni gzhan dbang can zhes bya'o/ /slob dpon gzhan dag na re/ nad de'i ming a ba da na ka zhes bya'o zhe'o/ /gal te rlung nad gzhan dbang can de snying gi gnas dang /re zhig bral ba lta na ni/ skad cig nad med cing bde la/ rlung de slar snying la zhugs na/ yang nad snga ma ldang bar 'gyur ro/ /bud med bu byung ba'i 'og tu khrag shas cher 'byung ba'i rjes la rlung nad gzhan dbang gi nad byung ba'am/ yang na snad pa'i dbang gis rlung nad byung na ni gso dka' ba yin no//mgrin pa'i g.yas g.yon gyi 'phar rtsa gnyis kyi nang du rlung zhugs na ni nam tshong yan chad gug cing rtsa rengs te g.yo bar gyur pa dang / de bzhin du rtsa chen po gzhan rnams su zhugs te lus thams cad khyab pa de'i tshe ni lus thams cad kyang gzhu ltar 'khums par 'gyur ro//rlung nad de'i shugs drag tu skye na ni/ yan lag chag pa snyam byed cing na/ har mig tu lta zhing 'byed 'dzums mi shes/ glal bde bar mi phyin/ so 'khrig /stod du skyug /rtsib logs gnyis su zug cing na/ skad gsal por mi phyin/'gram pa dang / rgyab kyi sgal tshigs dang mgo bo rnams rengs shing bsgul dka' ba yin te/ rlung de'i ming ni da rgan lus nang du gug pa zhes bya'o/ /de la da rgan phyir dgye ba'i rlung gi mtshan ma yang de 'dra ste/ khyad par du lus phyir gyed cing rlung gis mgo rgyab tu 'dren la/brang mdun du 'bur/ gnya' ba sos 'brad pa snyam sems/ bzhin mdog 'gyur/ tshabs cher rngul 'byung / yan lag thams cad lhod par gyur pa de ni/ de rgan gyi nad lus phyir dgye ba zhes bya'o/ /slob dpon kha cig na re rlung de'i ming ni gzhu ltar rengs pa zhes bya'o zhe'o//yang slob dpon kha cig na re de'i ming ni rlung nad shugs drag po zhes bya'o zhes zer ro/ /gnad kyi steng du rma 'byung ste der rlung la sogs pa'i nad gzhi gzhan dag rlung gis phul te/ rkang pa yan chad mgo bo man chad lus kun nad kyis khyab par byas te de yang sbom pa dang /lus skya bo rbab rbab por gyur pa ni rma'i da rgan zhes bya ste spang bar bya'o/ /gong du bshad pa'i rlung nad lnga po de dag thams cad kyang rlung gi shugs dang bral na ni nad med cing bde bar 'gyur ro/ /lce la so shing la sogs pas bzhar drags pa dang /bca' ba skom po sra ba bcas pa dang / khu tshur dang rdo ba la sogs pas snad pa'i dbang gis 'gram pa'i rtsa ba'i rlung 'khrugs te/ 'gram pa g.yas g.yon gnyis kyi rtsa ba nas bskyod cing nyams par byas te/ kha rtag tu gdangs pa 'am yang na 'dzums par byed de/bza' ba dang / smra ba thams cad kyang shin tu dka' ba de ni 'gram pa rang gi gnas nas nyams pa zhes bya ba'i rlung nad ces bya'o/ /lce'i rtse mo na smra bar byed pa'i rtsa yod de/ de'i nang du rlung zhugs nas/ lce ldibs shing lkugs par 'gyur te bza' ba dang btung ba'i ro yang mi tshor/smra yang mi nus pa de ni lce ldibs pa zhes bya ba'i rlung nad ces bya'o/ /rlung nad klad pa'i gzhogs phyed na ba zhes bya ba ni/ mgos khur chen po khyer ba dang / dgod drags pa dang / tshig drag tu smra ba dang / de bzhin du sdangs pa dang /gdong yon por gcus nas sbrid pa gtong ba dang / gzhu sra ste ma 'dren pa dang / mal stan mthon dman mi snyoms pa la nyal ba dang / bca' ba skam po sran te ma 'cha' ba dang / de bzhin du rlung nad skyes pa'i bag bsten pas rlung 'phel te/ro stod du zhugs nas kha gdong gi gzhogs phyed yon por byas te/ de smra ba dang / dgod pa dang / lta ba rnams kyang yo bar byed do/ /des na nad pa'i mgo bo yang 'gul zhing dam par byed do/ /de bzhin du skad mi phyin pa dang / har mig tu lta zhing 'byed 'dzums mi shes pa dang /so 'gul ba dang / skad 'dzer ba dang / sgra mi thos pa dang / sbrid pa mi thon pa dang / dri mi tshor ba dang / dran pa nyams pa dang / rmongs pa dang / gnyid kyi nang du sdangs pa dang / mchil ma g.yon phyogs su 'dor ba dang / lta ba yang mig ya gcig lta zhing 'dzums pa dang /nam tshong yan chad mi bzad par na ba yin no/ /slob dpon kha cig na re lus kyi ro smad kyi gzhogs phyed kyang de ltar na ba yod ces zer ro/ /yang gzhan dag na re da rgan phyogs gcig tu gyur pa yang de'i mtshan nyid dang ldan pa yin no zhe'o/ / rlung nad khrag la brten te/ ske rtsa'i nang du zhugs nas des rtsa rnams rtsub pa dang / nad dang bcas pa dang / mdog gnag par byed de/ de ni rtsa 'dzin pa'i rlung nad ces bya ste gsor mi rung ngo / /rlung gis lus kyi gzhogs phyed bzung ste des rtsa dang rgyus pa bskam par byas nas/ gzhogs phyed gang yang rung ba la gnod par byed do/ /tshigs kyi bogs re yang bye zhing lhod/ gzhogs phyed kyi las la sbyor mi nus/ tshor ba med cing bem bem por gyur pa yin te/ de ni sman pa kha cig na re/ yan lag phyogs gcig gi nad ces bya'o zhes zer ro/ /yang sman pa gzhan dag na re gzhogs phyed skam pa zhes zer ro//lus thams cad la brten pa'i rlung nad kyang lus la tshor ba med pa la sogs pa mtshan ma gong ma dang 'dra ste/ de ni yan lag thams cad kyi nad ces bya'o zhes pas de rlung nad nyi tshe gzhogs phyed skam pa ni gso dka' ba yin no//nad gzhi gzhan dang 'dres pas/ gzhogs phyed skam pa ni shin tu dka' bas gsor mi rung ngo / /glo gcong zad byed kyis gzhogs phyed skam pa ni spang bar bya'o/ /rlung nad ma zhu ba dang / bad kan dang 'dres nas rtsa'i rgyun srang chod de/ des lus thams cad shing bzhin du rengs par byas nas/brkyang bskum mi nus pa ni shing ltar rengs pa'i rlung nad ces bya'o/ /rlung nad phrag pa'i rtsa la zhugs pa ni phrag pa'i rtsa 'khums te lag ngar mi theg cing / 'gul bskyod mi nus te/ de'i ming ni dpung pa 'jas pa'i rlung nad ces bya'o/ /rlung gis lag pa'i mthil phyogs sor mo dang 'brel pa'i chu ba rnam par 'khums te/na bas nyam thag cing lag pa g.yo ba la sogs mi shes pa ste/ de'i ming ni rlung nad bi sha tse zhes bya'o/ /gang gi tshe rlung rked pa'i gnas su brten te brla'i chu ba'i nang du zhugs nas 'theng bar 'gyur ba de ni rlung nad 'theng po zhes bya'o//de ltar rlung de brla'i chu ba gnyis ka la zhugs pa ni 'phye bar 'gyur te/ de'i ming ni rlung nad 'phye bo zhes bya'o/ /yang rlung nad 'gro bar rtsom pa na mi brten zhing 'dar ba dang / 'theng ba ltar 'gro ba de ni tshigs kyi 'byor mtshams dbye ba yin te/de ni sran ma ltar 'theng ba zhes bya ba'i rlung nad ces bya'o/ /cung zad ma zhu ba dang cung zad zhu ba'i steng du zas zos pa dang / dro grang 'dres par zos pa dang / skam pa dang rlon pa 'dres mar bsten pa dang / de bzhin du kha zas lci ba dang / snum ches pa bsten pa dang /'dug gnas mi bde ba la 'dug pa dang / mi nus bzhin du las rtsom pa dang / nyin par nyal ba dang / mtshan mo gnyid mi log pa dang / rgyu de dag gis bad kan dang tshil gnyis/ rlung dang / mkhris pa gang yang rung ba dang / bcas par 'khrugs nas ma zhu ba tshabs cher sogs te/des lus nyam thag cing bad kan tshor ba med pa'i brla'i rus pa'i nang du zhugs nas brla rengs shing 'degs mi nus la grang ba dang / tshor ba med pa dang / gzhan gyi brla snyam sems pa dang / lci ba dang / mi bzad par na ba dang / 'gro mi nus pa dang /yan lag brdungs pa snyam sems pa dang / bdo bag tu 'dug pa dang / snyom bag tu skyugs bro ba dang / yi ga 'chus pa dang / rims kyis 'debs pa dang / rkang pa sgyid zhan cing zhig pa snyam sems pa dang / rkang pa 'degs pa dka' ba dang /tshor ba med cing bem bem por 'dug pa dang / mtshan ma de dag dang ldan pa'i rlung nad ni brla rengs pa zhes bya'o zhes bshad do/ /sman pa'i slob dpon gzhan dag na re phyug po'i rlung nad ces bya'o zhes zer ro/ /pus mo'i dbus su rlung dang khrag 'dres te zhugs nas pus mo'i steng du skrangs te zug gzer che ba ce spyang gi mgo ltar sbom par gyur pa ni rlung nad ce spyang gi mgo lta bu zhes bya'o//rkang pa bab col du bor ba'am/ yang na chad cing ngal ba las rlung skyes te rab tu zug cing na la long mo la brten pa ni rlung nad tsher ma lta bu zhes bya'o/ /rkang pa'i rting pa dang sor mor 'brel pa'i chu ba la rlung gis gnod cing nyam thag par byas te brla nas yar 'jug cing 'gro ba de ni rlung nad gri tra si zhes bya'o//zhes bshad do/ /gong du smos pa'i rlung nad bi sha tse zhes bya ba lag dar gyi nad dang / gri tra si zhes bya ba'i brla'i nad de gnyis ka yang zug gzer shin tu drag pa yin te de gnyis kyi ming ni rlung nad kha li ti zhes bya'o//rkang pa gnyis brtse ste tshor ba bem bem por gyur pa ni/ bad kan dang rlung 'khrugs pa yin te/ de ni rkang pa brtse ba'i rlung nad ces bya'o/ /gang gi khrag dang mkhris pa dang rlung 'khrugs pas rkang pa tsha 'ur 'ur por 'dug pa dang /'chag pa dang 'gro ba'i dus su cher tsha ba de ni rlung nad rkang pa tsha ba zhes bya'o/ /rlung gi nad gzhi bshad pa'i le'u ste bco lnga pa rdzogs so// //de nas dreg nad kyi nad gzhi bshad pa'i le'u brjod par bya ste/ de la khrag 'khrugs par byed cing tsha ba skyed pa'i zas dang /srog chags chu na spyod pa'i sha dang / rgya sran dang / mon sran sde'u dang / 'bras nis pa dang / skyur dang / chang dang / dar ba skyur po dang / zho skyur po la sogs pa bsten pa dang / gang yang mi mthun pa'i rdzas yul ser che ba nas byung ba'i sha dang /mon sran gre'u dang / sbrang rtsi lhan cig zos pa dang / 'o ma dang 'bru'i myu gu lhan cig zos pa dang / sbyor ba de dag log par bsten pa dang / 'di bzhin nyin par gnyid log pa dang / mtshan mo gnyid mi log ba dang / nyal po drags pa dang /skyid de ba 'gro ba la sogs drag shul ma myong ba dang / lus snad pa dang lus ma dag pa dag /skyon de rnams kyis mi dag gi khrag 'khrugs pa dang / gzhan yang rlung skye ba'i zas bsten pas rlung lam gzhan du song ste khrag dang rlung gnyis gcig la gcig gnod par byed cing mi bde ba skyed pa yin te/de'i ming ni phyug po'i nad ces kyang bya/ 'theng ba'i nad ces kyang bya/ ba sa la zhes kyang bya/ rlung dang khrag 'dres pa'i dreg nad ces kyang bya ste/ de dag ni ming gi rnam grangs so/ /nad de yang thog mar rkang pa gnyis su rgyug ste/ khyad par du rta la sogs pa la zhon pa'i rkang pa 'phyang ba la sogs pa'i bdag nyid can yin no//de la dreg nad thog mar 'byung ba'i tshul ni shin tu rtsub pa dang / yang na shin tu 'jam pa dang / rab tu rngul ba'am/ yang na lus kyi mdog 'gyur ba la sogs pa mdze'i nad thog ma 'byung ba'i tshul dang 'dra bar 'byung ngo //de bzhin du lus shin tu ma rungs pa dang / yan lag lhod pa dang / pus mo dang byin pa dang brla dang / rked pa dang / phrag gong dang / lag pa dang / rkang pa la sogs pa'i tshigs rnams su g.ya' ba dang / 'gul ba dang / na ba dang / chag pa snyam byed pa dang / lus lci ba dang / tshor ba chung ba dang / nad yang dang yang ldang dub byed pa rnams yin no/ /dreg de rnams rkang pa gnyis la gnas pa'am/ yang na lag pa gnyis la gnas pa yang yod de/ de gnyis gang yang rung ba las lus thams cad du khyab par 'gro ste/ci ltar byi ba khros pa'i mche ba'i dug gis lus thams cad du khyab par 'gro ba bzhin no/ /de yang dang po sha dang pags pa'i phyi rim thams cad du khyab par 'gro ste/ de'i ming ni rtogs par sla zhes bya'o/ /de nas rim gyis tha mar lus zungs thams cad du yang khyab par 'gro ste/de ni rtogs par dka' ba'i dreg nad ces bya'o/ /de la rtogs sla ba'i dreg nad ni gong gi g.ya' ba la sogs pa'i mtshan ma dang ldan pa dang / gzhan yang pags pa byer ba dang / mdog smug nag tu 'jug pa dang /dmar ba dang / bya rmyang dang bcas pa dang / rab tu tsha ba 'ur 'ur por 'dug pa dang dro ba rnams yin no/ /de la rtogs par dka' ba'i dreg nad ni gong ma pas shas cher na zhing zug pa dang / skrang ba dang / mkhrang ba dang / tshos pa snyam byed pa dang /rlung tshigs dang / rus pa dang rkang gi nang du zhugs te/ bcad pa snyam sems shing nang du rgyu zhing nad kyi shugs drag pa'i tshe lus sgur ba dang / zha ba dang 'theng bar byed/ lus thabs su rgyu ba yin no/ /de la rlung shas che ba'i dreg nad ni zug gzer ba dang / par par byed pa dang /na ba dang / lus skrang zhing rtsub pa dang / mdog gnag pa dang / sngo bsangs su 'dug pa dang / yang dang yang na zhing zhi bar byed pa dang / rtsa chen po dang tshigs dang sor mo rnams 'khums pa dang / lus bcings pa snyam byed cing shin tu na ba dang / grang ba la zhe sdang ba dang / lus la grang bas reg na bde ba dang / rengs pa dang / lus la tshor ba med cing bem bem por 'dug pa rnams yin no/ /khrag gi shas che ba'i dreg nad ni rab tu skrang ba dang / zug cing na ba dang / zangs ma'i mdog 'dra ba dang / lus bem bem por yungs kar gyi 'dag gus bskus pa bzhin cha tseg tseg sems pa dang /snum pa dang / rtsub pas zhi bar mi 'gyur ba dang / g.ya' ba dang rul ba dang ldan pa yin no/ /mkhris pa shas che ba'i dreg nad la ni tsha ba 'ur 'ur por 'dug pa dang / rmongs bag tu 'dug pa pa dang /rngul che ba dang / brgyal ba dang / myos pa dang / skom dad che ba dang / reg mi bzod pa dang / na ba dang / mdog dmar ba dang / skrang ba dang / tshos pa dang / rab tu dro ba rnams yin no/ /bad kan shas che ba'i dreg nad ni lus 'gul mi shes pa dang / lus lci ba dang /tshor ba med cing bem bem por 'dug pa dang / mdog snum pa dang / lus grang ba dang / g.ya' ba dang cung zad na ba rnams yin no/ /dreg nad nyes pa 'dres pa'i las gnyis ldan pa'am/ gsum 'dus pa'i mtshan ma yang ci rigs par shes par bya'o/ /de las nad gcig shas che ba'am gsar du byung ba ni gsor rung ngo //nad gzhi gnyis dang ldan pa ni mi la tsam du gsor nus so/ /nad gzhi gsum gyi dreg nad chu ser 'dzag pa dang / rengs pa dang thor bu 'phyang ba de ni spang bar bya'o/ /rkang lag gi tshigs rnams su khrag rgyu ba'i rtsa rlung gis bkag na rlung dang khrag phan tshun phrad nas zug gzer shin tu che ba yin te/de ni myur du srog 'dor ba'i bdag nyid can yin no/ /de la rlung gi bdag nyid rnam pa lnga las/ srog ces bya ba'i rlung ni kha zas rtsub pa dang / rtsol ba drags pa dang / smyung bar 'dug pa dang / kha zas drags pa dang / 'grangs ches pa dang / snang ba dang / lam gyis dug pa dang shugs drag tu smra ba dang / 'byung ba'i shugs 'gags pa dang /rgyu de dag gis rlung 'khrugs te/ mig la sogs pa dbang po rnams la gnod par byas te/ sna chu 'dzag pa dang / nyam thag par na ba dang / skom dad che ba dang / lud pa dang / dbugs mi bde ba la sogs pa rnams bskyed do/ /de la stod du rgyu ba'i rlung zhes bya ba ni sbrid pa dang / /sgregs pa dang / skyug pa dang /gnyid dang de rnams dgag pa dang / khur lci ba khur ba dang / ngu drags pa dang / dgod drags pa la sogs pa'i rgyus rlung 'khrugs te/ mgul pa 'gags pa dang / sems nyams pa dang / skyug pa dang kha zas yi gar mi 'ong ba dang / cham pas btab pa dang / de bzhin du mgul pa'i sba ba la sogs pa nam tshong yan chad kyi nad de dang de la sogs pa skyed par byed do//khyab byed ces bya ba'i rlung nad ni 'gro drags pas rang gi gnas nyams pa dang / rtsed mo shin tu drags pa mi bzad pa byed pa dang / kha zas mi mthun pa dang / rtsub pa bsten pa dang / 'jigs pa dang / dga' ches pa dang / yi bsad pa la sogs pa'i rgyus khyab byed kyi rlung 'khrugs te/rga ba dang nyams stobs 'jig par byed cing / lus skrang ba dang / sems g.yengs pa dang / rims kyis 'debs pa dang / yan lag thams cad na zhing zug pa dang / spu zing zhes byed pa dang / lus tshor ba med cing bem bem por gyur pa dang / mdze nad dang shu ba mched pa dang / gzhan yang lus thams cad du 'gro ba'i nad skyed par byed do//de la me dang mnyam du gnas pa zhes bya ba'i rlung ni zas ma snyoms pa dang / snga ma ma zhu bar za ba dang / zas rnying pa za ba dang / dus ma yin par gnyid log pa dang / mtshan mo gnyid ma log pa dang / rgyu de dag gis 'khrug par byed de/gzer ba dang / skran dang / pho ba'i nad dang / zhu ba dang / ma zhu ba'i gnas su nad rnams skyed par byed do/ /thur du sel ba'i rlung zhes bya ba ni kha zas rtsub pa dang / 'ju dka' ba zos pa dang / rta la sogs pa bzhon pa'i steng nas lhung ba dang / bzhon pa la rtag tu brten pa dang /gnas gcig tu yun rings ba dang / 'gro ba la rtag pa dang / rgyu de dag gis nad 'khrugs te/ ma zhu ba'i gnas la brten nas gcin nad dang / khu chu'i nad dang / gzhang 'brum dang / gzhang phyir byung ba la sogs pa'i nad gso dka' ba mang du skyed do//srog ces bya ba la sogs pa'i rlung lnga po de dag gang yang rung ba ma zhu ba dang / lhan cig ldan na ni lus snyom pa dang / 'gul mi shes pa dang / khong lci ba dang / snum pa dang / kha zas yi gar mi 'ong ba dang / sgyid zhan pa dang / grang ba dang / skrang ba dang / me'i drod nyams pa dang / tsha ba dang rtsub pa la mngon pa chags pa dang / de nyid zos na bde ba dang / rtags 'di dag dang ldan pa yin par shes par bya'o/ /ma zhu ba dang mi ldan na ni rtags de dag dang ldan pa ma yin par shes par bya'o/ /rlung de mkhris pa la sogs pa nad gzhan dang ldan pa yin na yang de'i dbye ba dmigs kyis bshad par bya ste/de la rlung nad mkhris pa dang ldan pa'i rtags ni lus tsha ba 'ur 'ur por 'dug pa dang / skom dad che ba dang / zug gzer che ba dang / mgo 'khor ba dang / mun 'thibs zhes byed pa dang / kha zas tsha ba dang / dro ba dang / skyur ba dang / lan tshwa rnams zos na lus tsha ba skyed pa dang / bsil ba 'dod pa rnams yin no/ /rlung dang bad kan dang ldan pa'i rtags ni lus bsil ba dang / khong grang ba dang / zug gzer che ba dang / kha zas tsha ba dang / dro ba zos na lhag par bde ba dang /smyung ba dang / rtsol ba dang / kha zas rtsub pa dang / dro ba dang 'di rnams 'dod pa yin no/ /rlung khrag dang bcas pa'i rtags ni/ sha dang pags pa'i nang du tsha shas che zhing zug pa dang / mdog dmar por skrang ba dang / lus la thig le dmar po 'byung pa yin no//rlung sha dang lhan cig 'khrugs pa yin na ni skrang zhing mkhrang ba dang / mdog 'gyur ba dang / de bzhin du 'brum bu phra mo 'byung zhing mkhrang la mdog 'gyur ba dang / lus brtse ba dang / lus la grog ma rgyu ba snyam byed pa yin no//rlung de tshil dang ldan par 'khrugs pa yin na ni/ lus skrang zhing mi brtan pa dang / snum pa dang / reg na 'jam pa dang / grang ba dang / zas yi gar mi 'ong ba de ni gso dka' ba'i phyug po'i nad ces bya'o/ /de la rlung rus pa dang ldan par 'khrugs na ni/reg na shin tu tsha ba dang / btsir na mngon par dga' ba dang / khab kyis gtsags pa snyam byed pa dang / yan lag rnams na zhing zug pa yin no/ /rlung nad rkang dang lhan cig 'khrugs pa ni lus sgu ba dang / yang nas yang du glal 'byung ba dang / lus gcus pa snyam byed pa dang / lus rab tu na ba dang / lag pa gnyis kyis btsir zhing mnyes na bde bar 'gyur ba yin no/ /rlung khu ba dang lhan cig 'khrugs pa yin na ni/ khu ba shugs drag tu 'byung ba dang /yang na sa bon gyi bya ba byed mi nus pa yin no/ /rlung zas dang lhan cig 'dres te 'khrugs na ni/ zas de khong par ji srid gnas kyi bar du ni na la/ de zhu ba tsam gyi tshod na ni bde ba yin no/ /rlung de gcin dang lhan cig 'khrugs par gyur pa yin na ni/gcin sri zhing 'gags la chu sor rlung gis gang ba yin no/ /phyi sa ste bshang ba dang ldan te 'khrugs pa yin na ni/ phyi sa thur du 'byung ba 'gags la rang gi gnas su thogs te 'byung du mi rung ba dang / snum bag zos na myur du 'byung la khong sbo bar yang 'gyur la/zas de khong du phul te 'byung ba yang shin tu dka' bas thogs te 'byung ba yin no/ /rlung de lus zungs thams cad dang lhan cig 'khrugs pa yin na ni brla dang chu so'i bar dang / rgyab kyi sgal tshigs na ba dang /rlung lugs su mi 'byung ste/ log par song ba dang / snying mi bde zhing rab tu na ba rnams yin no/ /srog ces bya ba'i rlung de mkhris pa dang lhan cig 'khrugs pa yin na ni mgo 'khor ba dang / brgyal ba dang / zug pa dang / cha 'ur 'ur por 'dug pa dang / zas phyed tsam zhu ste skyur por 'gyur tsam na slon pa yin no/ /stod du rgyu ba'i rlung mkhris pa dang 'dres te 'khrugs na ni mgo 'khor ba la sogs pa gong ma'i mtshan nyid dang ldan pa'i steng du khong tsha ba 'ur 'ur por 'dug cing nyams stobs zad pa yin no/ /khyab byed kyi rlung mkhris pa dang 'dres te 'khrugs pa yin na ni lus thams cad tsha ba dang /ngal ba dang lus kyi spyod pa mi nus shing ldog pa dang / lus tsha zhing nad dang bcas pa yin no/ /me dang mnyam du gnas pa'i rlung dang mkhris pa dang lhan cig 'khrugs pa yin na ni/ khong pa'i me drod nyams par byed cing lhag par che ba dang /snying mi dga' ba dang / skom dad che zhing tsha ba dang bcas pa yin no/ /thur du sel ba'i rlung mkhris pa dang lhan cig 'khrugs na ni phyi sa'i mdog ser por 'byung zhing / zla mtshan shas cher 'dzag pa dang / bud med kyi mo mtshan dang pho mtshan dang / rkub rnams su tsha ba che ba de rnams yin no//srog ces bya ba'i rlung bad kan dang lhan cig 'khrugs na ni lus la gnod pa'i snyom pa dang / kha zas yi gar mi 'ong ba dang / skyug bro ba dang mchil ma mang ba dang / sbrid pa dang sgregs pa dang / dbugs 'byung rngub 'gags pa yin no/ / stod du rgyu ba'i rlung bad kan dang lhan cig 'khrugs pa yin na ni lus lci ba dang / kha zas yi gar mi 'ong ba dang / tshig dang sgra 'tshubs shing 'gags pa dang / nyams stobs rnams 'joms par byed pa yin no/ /khyab byed kyi rlung bad kan dang lhan cig 'khrugs pa yin na ni rus pa'i tshigs rnams brkyang bskum mi shes pa dang /yan lag thams cad lci ba dang / 'gro ba mi brtan zhing 'khyor 'gro ba yin no/ /me dang mnyam du gnas pa'i rlung bad kan dang lhan cig 'khrugs pa yin na ni lus kun grang zhing rngul med la me drod chung ba yin no/ /thur du sel ba'i rlung bad kan dang 'dres pa yin na ni bshang gci mi 'byung zhing 'gags pa yin no//de ltar rlung nad kyi dbye ba gzhan dang 'brel ba nyi shu rtsa gnyis su shes par bya'o/ /de la srog ces bya ba'i rlung la sogs pa lnga po gang yang rung ba rlung nad lhag ma bzhi la ldan pa zhes bya ste/ de bzhin du re re la yang rnam pa bzhi bzhi ste nyi shur 'gyur ro/ /de la srog ces bya ba'i rlung bad kan dang 'gyur ba'i rlung dang lhan cig 'khrugs na/ de'i rtags ni dbugs 'byung rngub dka' ba dang / cham pas 'debs pa dang / mgo bsgyur dka' ba dang / glo snying na ba dang / kha'i nang skam pa rnams yin no//stod du rgyu ba'i rlung srog ces bya ba'i rlung dang lhan cig 'khrugs na ni mdog dang nyams stobs zad par byed do/ /'di la ji ltar sbyar ba bzhin du rlung nad lhag ma rnams la yang de ltar sbyar bar bya'o/ /rlung rnam pa lnga po de dag gi gnas ni nad gzhi gsum gang dang gang na gnas pa dang /nad dmigs cir 'gyur ba'i le'u la blta bar bya'o/ /rlung nad de dag gi las dang / shas che chung yang de la ltos shig /srog ces bya ba la sogs pa'i rlung rnam pa lnga dang gang yang rung ba nang 'dres pa'i steng du nad gzhan gyis 'dres pa'am/ rlung nad nyi tshe dang ldan pa gang yin pa sman pa rnams kyis legs par rtogs shig /mkhris pa dang bad kan gnyis la rlung rnam pa lnga po dang / re rer sbyar ba'i rnam pa bcu dang / bad kan dang mkhris pa bshang gci gnyis dang ldan pa dang bcu gnyis po de dag kyang brtag go/ /de las bzlog pa bcu gnyis te ji rigs su rtogs par bya'o//bad kan dang mkhris pa gnyis kyi rlung nad lnga po re re la yang 'dres par rtogs shig /de ltar rlung rnam pa lnga dang mkhris pa dang bad kan nad phan tshun 'dres par byas nas ni du mar 'gyur te de dag re re la yang dbye na rtsis kyis mi lang ste grangs med par 'gyur ro//de bas na 'dres pa'i nad de ni shin tu rtogs par dka' ba yin pas sman pa mkhas pa gzhan gyi nad rig pa dag gis rang rang gi nad gzhi'i skye ba dang 'bri ba'i tshul bza' ba dang / btung ba dang spyod lam la sogs pa gang gis slong ba yang dang yang du brtag cing shes par bya'o//rlung lnga po de dag las kyang khyad par du srog ces bya ba'i rlung de ni skye dgu rnams kyi 'tsho ba yin la stod du rgyu ba'i rlung ni nyams stobs yin par brjod do/ /rlung gnyis po de dag nyams shing gnod par gyur na ni tshe dang stobs kyang zad par 'gyur ro//rlung rnam pa lnga po de dag gcig la gcig 'dres te ldan pa'am yang na mkhris pa la sogs pa nad gzhan du ma dang 'dres shing ldan pa yang rung ste/ nad kyi mtshan nyid shes pa yin na ni lo gcig ma lon kyang rung ste/ de yang shin tu gso dka'o/ /nad kyi mtshan nyid ma shes te lo gcig 'das pa phan chad ni gso dka' ba med do//de ltar 'dres pa'i nad de dag gso ba ma byas te yal bar bor na khong 'bras dang / nad gzhi mcher pa'i nad dang / snying nad dang / skran dang / me drod nyams pa la sogs pa bla brnan 'byung bar 'gyur ro/ /dreg nad kyi nad gzhi bshad pa'i le'u ste bcu drug pa rdzogs so// //sman pa'i bdag po seng ge sbas pa'i bu sman pa chen po pha khol zhes bya bas/ yan lag brgyad pa'i snying po mdzad pa las nad gzhi'i gnas zhes bya ba bcu drug pa rdzogs te/ yan lag brgyad pa'i snying po'i gnas gsum pa'o// //sman dpyad yan lag brgyad pa'i snying po las gso ba'i dpyad nyi shu rtsa gnyis zhes bya ba/ rims nad gso ba'i le'u dang po bshad par bya ste/ de yang drang srong chen po rgyun shes kyi bu la sogs pas bshad pa na re rims ni kha zas ma zhu ba'i gnas su zhugs nas rlung la sogs pa dang lhan cig gnas te/me drod nyams par byas nas nang gi rtsa'i lam bkag ste/ rims nad skyed pa yin no/ /de la thog mar rims ma smin pa la ni smyung ba byas la/ nyams stobs bsrung ba la 'bad do/ /nyams stobs dang ldan na ni nad med pa yin pas thog mar gso ba'i cho ga 'di dag bya'o//dang po smyung ba byas pas ni nyes pa rnams zad par byed de/ me drod skyed cing lus yang la nad med pa dang / bkres pa dang / skom pa dang / zas yi gar 'ong zhing kha zas 'ju la nyams stobs dang gzi mdangs rnams skye bar 'gyur ro//de la bad kan tshabs che ste/ rang gi gnas las lud nas bad kan phyi rol tu 'byung zhing de yang gnyid nad dang / cham pa dang yi ga 'chus pa dang / lud pa dang / gsud pa dang / lhan cig 'byung zhing zas zos ma thag ldang ba'i rims nad ma zhu ba dang bcas pa de la ni skyug sman gtang bar 'os te slon bya'o//rims nad gzhan la skyug sman btang na ni dbugs mi bde ba dang / 'khru ba dang / rmongs pa dang / snying nad dang / rims mi zad pa rnams kyis 'debs so/ /po son cha dang / dug mo yungs dang / shing mngar gang yang rung ba/ pi pi ling dang lhan cig gam/ yang na chu dron po dang sbrang rtsi lan tshwa dang bcas pa blud la skyug tu gzhug go/ /yang na pa to la dang / nim pa dang / ga gon dang / sba dang / 'di rnams kyi lo ma gang yang rung ba bskol ba'i khu ba dang / 'bras yos kyi skyo ma dang / bu ram shing gi khu ba dang /chang dang de dag gang yang rung ba'i nang du po son cha'i phye mas btab pa blud do/ /yang na nyams stobs dang / dus kyi bye brag shes pa'i sman pas cho ga grub pa'i nang du bshad pa'i skyug sman gtang bar bya'o/ /gong ma'i skyug sman byas kyang rung / ma byas kyang rung / rims nad can gyi skyes bu la ni nyes pa rnams rang gi gnas las nyams shing drod skyed pas nad smin pa dang zhi bar bya ba'i phyir khyad par du smyung ba byas na phan no//dper na phyi rol gyi me mdag la thal bas g.yogs na/ kha zas la sogs pa 'tshor mi nus pa dang 'dra bar/ khong pa'i rlung la sogs pa'i nyes pas g.yogs na kha zas 'ju mi nus te/de bas na slon byas pa'i 'og tu smin par gyur pa'i phyir smyung ba la sogs pa bya'o/ /bad kan dang rlung las gyur pa'i rims skom dad che ba la ni/ chu dron po nyung ngu nyung ngu byin na bad kan skam po sla bar bya'o/ /skom dad myur du 'jil bar byed na me drod dang rtsa'i rgyun srang yang 'jam zhing dag pa dang /mkhris pa dang / rlung dang / rngul dang / phyi sa dang / gcin dang / 'di rnams kyang legs par 'byung bar byed la gnyid dang / rmongs bag dang / yi ga 'chus pa rnams 'phrog cing srog 'dzin par byed do//gal te chu grang 'thungs na phan yon gong ma log par 'gyur te/ nad kyi tshogs skyed par byed do/ /chu dron po 'thungs na phan yon gong ma ltar yod na yang gcig tu mkhris pa can la ni ma yin te/ de yang mkhris pa shas che ba dang / mig la sogs pa dbang po'i nad dang /lus tsha ba dang / rmongs bag tu 'dug pa dang / 'khru ba dang / dug dang chang las gyur pa'i rims dang / sos ka tsha ba'i dus dang / lus zad cing skem pa dang / mkhris pa dang khrag la ni chu dron po mi sbyar ro/ /gla sgang dang / tsan+dan dang / bca' sga dang /par pa ta dang / pu shel tsi dang / ba le ka dang / 'di rnams gang yang rung ba bskol ba'i khu ba mkhris pa las gyur pa'i rims nad kyi skom dad can la sbyar na kha zas 'ju bar byed cing skom dad 'joms so/ /mkhris pa med na drod med/ drod med na rims med de/ de bas na mkhris pa dang mi mthun pa'i bza' ba dang /spyod lam thams cad shas cher spang bar bya'o/ /mdor na rims nad thams cad la smyung ba ma gtogs par lus kyi khrus dang / bsku ba dang byug pa la sogs pa'i bya ba thams cad spang ngo / /rims ma smin pa mi zad par na ba la ni/sman gyi khu ba dang 'dag gu la sogs pa mi blud de/ ci ltar ma zhu ba la zug gzer 'joms pa'i sman mi blud pa dang 'dra'o/ /gal te blud par gyur na ni phyir zhing nad skyed par byed de/ sbrul la 'o ma blud pa bzhin no/ /bad kan dang rlung las gyur pa'i rims snyom pa dang / sna chu 'dzag pa dang / dbugs mi bde ba dang / rje ngar dang rus tshigs su zug cing na ba la ni dugs bya bar rab tu bsngags te/ rngul dang / bshang gci dang / 'phyen bde bar 'byung ste/ me'i drod kyang skyed par byed do/ /snum chos kyi cho gar bshad pa'i nang du chu dron las byas pa'i dugs thams cad 'dir spyad par bya'o//rims gsar pa la ni thog mar smyung ba dang / dugs 'ba' zhig bya'o/ /de nas zhag drug gi bar du smin par bya ba'i cho ga la sogs pa thams cad spang ngo / /zhag bdun pa nas ni ma smin pa smin par bya ba'i phyir/ nas thug dang tig ta'i khu ba blud de/gnas skabs ji lta ba bzhin du gso'o/ /rlung nyi tshe'i rims dang / lus zad pa'am/ glo bur las gyur pa'i rims dang / rims rnying pa rnams la smyung ba mi bya ste/ de la ni nyams stobs skyed pa'i cho ga thams cad sbyar ro/ /de la thog mar rims smin pa dang /ma smin pa'i rang bzhin shes par bya ste/ de yang nyams brta ba dang spang bar bya ba'i le'u la bltas nas smyung ba byas la legs par 'gyur na lus rjud par snang ste de la thug pa rkyang rkyang po la sogs pa nad gzhi so so dang mthun pa'i sman sbyar la rim gyis gtang ngo / / de nas thug pa'i khu ba blud pa ni sman pa mkhas pas ji srid du rims rtse zhil nas sam/ zhag drug lon pa'i 'og tu blud par bya'o/ /thug pa'i rim pa de ltar byas na/ pho ba'i me drod skyed par byed do/ /ji ltar bud shing la me bzhin no/ /thug pa'i khu ba dro ba'i phyir rngul 'byin par byed do//sman dang sbyar ba spang ba'i phyir dang me drod skyed pa'i phyir/ khu ba yin pa'i phyir skom pa zhi bar byed do/ /kha zas yin pa'i phyir nyams stobs skyed par byed do/ /rtsar myur du 'gro ba'i phyir yang ba nyid do/ /rims la phan par byed pa'i phyir rims 'joms so/ / de bas na thog mar thug pas rims gso bar bya'o zhes zer ro/ /de la thug pa ni thog ma 'bras yos kyi thug pa dang / de'i 'og tu 'bras brngos pa btags pa'i thug pa'i nang du spod bca' sga dang / 'u su dang / pi pi ling dang / rgyam tshas btab pa blud do/ /gal te skyur la goms pa yin na/se'u 'bru btab ste lhan cig blud do/ /mkhris pa shas che ste/ phyi sa sla bar 'byung ba la ni thug pa bca' sgas btab ste bsgrangs pa'i nang du sbrang rtsi btab pa blud do/ /chu so dang / rtsib logs dang / mgo bo rnams su zug cing na ba la ni kaN+Da ka ri dang / gze ma las gzhi blangs pa'i thug pa blud do/ /kr-iSh+Na par+Ni dang / ba la dang / bil ba dang / dong gra dang / ut+pa la dang / 'u su dang / 'di rnams las gzhi blangs pa'i thug pa skyur gyis btab pa blud na rims dang 'khru ba la phan te/ me'i drod skyed cing smin par byed do//dbugs mi bde ba dang / skyigs bu dang / gzer ba dang / lud pa la ni rtsa ba lnga pa chung ngu las gzhi blangs pa'i thug pa blud do/ /rims nad bad kan shas che bas nyam thag pa la ni rtsa ba chen po lnga pa dang / nas las gzhi blangs pa'i thug pa blud do/ / rims rtug pa 'gag pa la ni pi pi ling dang skyu ru ra las gzhi blangs pa'i nas thug gi nang du mar bskol ba bcug ste 'thungs na dri ma 'gags pa tshul bzhin 'byung ngo / /khong par 'khyil zhing zug gzer dang bcas pa la ni dbyi mong dang / pi pi ling gi rtsa ba dang / rgun 'brum dang /skyu ru ra dang / dong gra las gzhi blangs pa'i thug pa blud do/ /khong pa 'khrog pa la ni rgya shug dang / da trig dang / sa la par+Ni dang / kr-iSh+Na par+Ni dang / bil ba dang / ba la dang / de rnams las gzhi blangs pa'i thug pa blud do/ /rngul dang gnyid med cing skom pas gdungs pa la ni kha ra dkar po dang /skyu ru ra dang / dong gra las gzhi blangs pa'i thug pa blud do/ /skom dad che ba dang / skyug bro ba las khyab pa'i rims nad la ni kha ra dkar po dang / rgya shug dang / rgun 'brum dang / thal tres dang / gla sgang dang / tsan+dan dkar po dang /'di rnams las gzhi blangs pa'i thug pa sbrang rtsis btab pa blud do/ /gong gi thug pa la smos pa'i sman rnams dang / sha khu dang / sran mung+ga la sogs pa'i khu bcud la sogs pa la yang ci rigs par sbyar ro/ /de la thug pa blud du mi rung ba ni chang las rims su gyur pa dang /chang rtag tu 'thungs pa dang / so ga tsha ba'i dus dang / mkhris pa'i gnas su bad kan zhugs te/ lhag par shas cher na ba dang / skom dad che ba dang / skyug bro ba dang / lus tsha ba dang / stod du khrag lud pa rnams la ni thug pa mi blud de/ de la ni rims 'joms pa'i shing tog rgun 'brum la sogs pa'i khu ba dang 'bras yos btags pa'i phye'i skyo ma sbrang rtsi dang kha ra dang ldan par blud do/ /sman de dag zhu ba'i tshod tsam na/ nas thug dang / 'bras brngos pa'i chan dang / khyim bya la sogs pa mchus gzas tshol ba'i sha khu dang /sran mung+ga'i 'u sha dang bcas pa sbyin no/ /de ltar thug pa la sogs pa'i rim pa gong du bstan pa de dag kyang nyams stobs bri ba dang bsrung ba dang / nad gzhi rnams mi 'ong bar bya ba'i phyir zhag drug gi bar du spyad do/ /de'i 'og tu rims smin pa dang / smyung ba la sogs pa rab tu bsngags te/nyes pa'i lhag ma lus pa la ni smin pa dang / zhi bar bya ba'i phyir sman bskol ba'i khu ba dron po de nyid grang mor byas pa dang / sman rang gi khu ba dang / thug pa rkyang rkyang bo la sogs pa'i skyo ma la sogs pa'i nad gzhi ji lta ba bzhin du blud do/ /mkhris pa las gyur pa'i rims nad la ni khyad par du kha ba'i sman sbyar te/bad kan las gyur pa'i rims la yang sman kha ba dang tsha ba rnams sbyar ro/ /mkhris pa dang bad kan las gyur pa'i rims la ni/ ro bska ba phan mod kyi rims sar pa la ni mi bsngags so/ /ji lta zhe na/ ro bska bas ni rtug pa 'gags pa dang /rims mi zad pa dang / brang tsha zhing kha nas chu skyur 'byung ba dang / lto sbo ba la sogs pa skyed par byed do/ /'dir sman pa kha cig na re zhag drug phan chad rims 'joms pa'i sman/ gla sgang dang / ldum bu skra bzangs la sogs pa gzod gtang ngo zhes zer ro//gzhan dag na re zhag bcu phan chad sman dpyad gzod bya'o zhes zer ro/ /yang sman pa kha cig na re zas yang ba thug pa la sogs pa zhag drug gi bar du byin la/ de phan chad sman dpyad gzod bya'o zhes zer ro/ /yang gzhan dag na re gong ma de dag ni nges pa ma yin te nad kyi gnas skabs las ltos te/sman dpyad bya'o zhes zer ro/ /rims ma smin pa ni zhag bcu lon na yang sman dpyad mi bya ste/ zla ba phyed dang gnyis kyi bar du yang dgag go/ /gang gi phyir nad gzhi shugs drag pas rims ma smin te/ shas cher na ba la sman btang na phyir zhing thu bar byed do//gzhan yang rims gsar pa na zhing snyom la rmongs bag tu 'dug pa la sman byin na yang rims mched par byed do/ /dus gang dag gi tshe sman byin zhe na/ drag po'i zug gzer lhod pa dang / lus yang ba dang /dri ma rnams bskyod par gyur na de'i tshe zhag drug la sogs pa ma lon te/ yun ring ba yin na yang sman blud pa la sogs pa bya'o/ /de ltar nad gzhi so so'i bye brag shes par byas nas smin par bya ba'i sman skra lo dang / bca' sga dang / byi tsher ba dang / de gsum gang yang rung ba gla sgang dang ldan par bskol ba'i khu ba'am/yang na ba la dang / pu shel tsi dang / ba la ka 'di gsum bskol ba'i khu ba grang mo'am/ yang na tig ta dang / sle tres dang / gla sgang dang / dong gra dang / 'di rnams bskol ba'i khu ba grang mo blud do/ /'dir sman bskol ba'i tshad ni sman srang gcig chu srang bcu drug dang bskol te/bzhi cha srang bzhi lus par bya'o/ /bsgrangs pa zhes smos pa ni chu bskol ba srang drug gi nang du sman srang gcig bcug pa'o/ /'di dag ji ltar rigs pa bzhin sbyar bas blud na/ nad rnams smin par byed pa yin te/rims dang / yi ga 'chus pa dang / skom dad che ba dang / kha zas kyi ro mi tshor ba dang / ma zhu ba rnams 'joms so/ /dug mo yungs dang / pa to la'i lo ma dang / pu tse shel dang / 'di rnams bskol ba'i khu ba blud na rgyun gyi rims la phan no/ / pa to la dang / thal tres dang / gla sgang dang / pa tha dang / pu tse shel dang / 'di rnams bskol ba blud na rtag pa'i rims la phan no/ /pa to la dang / nim pa dang / 'bras bu gsum dang / rgun 'brum dang / dug mo yungs kyi shun phrags dang 'di rnams bskol ba'i khu ba blud na/nyin gcig pa'i rims la phan no/ /tig ta dang / sle tres dang / tsan+dan dkar po dang / bca' sga dang 'di rnams bskol ba'i khu ba blud na nyin gsum pa'i rims la phan no/ /skyu ru ra dang / gla sgang dang / sle tres rnams bskol ba'i khu ba'i nang du sbrang rtsi btab ste blud na nyin bzhi pa'i rims zhi bar byed do//de la rlung las gyur pa'i rims la ni/ byi tsher ba dang / sle tres dang / bca' sga dang / dong gra rnams bskol ba'i khu ba'am/ yang na pi pi ling gi rtsa ba dang / sle tres dang / bca' sga rnams lhan cig bskol ba'am/yang na rtsa ba chung ngu lnga bskol ba'i khu ba blud na phan no/ /mkhris pa las gyur pa'i rims la ni dug mo yungs dang / gla sgang dang / pu tse shel bskol ba'i khu ba grang mo'i nang du sbrang rtsi btab pa blud pa'am/ yang na gla sgang dang / skra lo dang / byi tsher ba dang / tig ta rnams bskol ba'i khu ba blud na phan no/ /bad kan las gyur pa'i rims la ni dug mo yungs kyi sde tshan bskol ba'am/ yang na ba sha ka dang / gla sgang dang / bca' sga dang / byi tsher ba rnams bskol ba'i khu ba btang na phan no//rlung dang bad kan du 'dres pa'i rims la ni me drod skyed pa dang / smin par byed pa'i sman a ru ra dang / pi pi ling gi rtsa ba dang / dong gra dang / pu tse shel rnams bskol ba blud do/ /rlung dang mkhris pa 'dres pa'i rims la ni rgun 'brum dang / shing mngar dang /shing tog ma ru ka dang / seng phrom dang / tang pal dang / thal tres dang / gla sgang dang / skyu ru ra dang / bal ka dang / pad+ma'i ge sar dang / shug pa dang / pad+ma'i rtsa ba dang / tsan+dan dang / pu shel tse dang / ut+pal sngon po dang /pa ru sha ka dang / 'di rnams phye mar btags pa chu dang bskol ba skan ter gyur pa'am/ yang na bskol ba'i khu ba bsgrangs nas me tog ku su ma'i dris bsgos la sbrang rtsi dang / kha ra dkar po dang / 'bras yos btags pa'i phye mas btab pa 'thungs na myur du zhi bar byed do//de bzhin du rims dang / chang nad dang / skyug bro ba dang / brgyal ba dang / lus tsha ba dang / mgo 'khor ba dang / khrag stod du lud pa dang / mig ser rnams 'joms so/ /pu tse shel btags pa'i phye ma chu dang dog le sar pa gtsang ma'i nang du bskol la/ras dang btsags te/ tshigs ma bor la/ khu ba dngas ma'i nang du mar gyis btab pa'i khu ba de 'thungs na rims dang lus tsha ba rnams 'joms so/ /bad kan dang rlung 'dres pa'i rims la ni shu dag dang / pu tse shel dang / pa tha dang / dong ga dang / dug mo yungs kyi shun pa rnams bskol la blud do/ /yang na sle tres bskol ba'i khu ba'i nang du pi pi ling gi phye ma btab pa 'thungs na yang phan no/ /yang kaN+Da ka ri dang / bca' sga dang / sle tres bskol ba'i khu ba'i nang du pi pi ling gi phye mas btab pa 'thungs na rlung dang bad kan las gyur pa'i rims dang /lud pa dang / dbugs mi bde ba dang / sna chu 'dzag pa dang / zug gzer rnams 'joms so/ /a ru ra dang / 'u su dang / gla sgang dang / bca' sga dang /bu ti ka dang / par pa ta zhes bya ba sro lo dang / kad pha la dang / shu dag dang / ga bra'i rtsa ba dang / thang shing dang / 'di rnams bskol ba'i nang du shing kun dang / sbrang rtsi dang ldan par byas te 'thungs na/ rlung dang bad kan gyi rims dang / lto ba dang /snying dang / rtsib logs su zug cing na ba dang / lkog ma dang / skran nad dang / lud pa dang / dbugs mi bde ba rnams sel to/ /bad kan dang mkhris pa las gyur pa'i rims la ni dong ga'i sde tshan bskol ba'i khu ba'i nang du sbrang rtsi btab pa blud na phan no//yang na pu tse shel dang / ba sha ka dang / pu shel tse dang / 'bras bu gsum dang / sle tres dang / pa to la dang / bong nga dkar po dang / nim pa dang / mur ba dang / byi tsher ba rnams bskol ba'i nang du sbrang rtsis btab pa 'thungs na yang bad kan dang mkhris pa'i rims la phan no//'dus pa las gyur pa'i rims la ni/ kaN+Da ka ri dang / thang shing dang / skyer ba dang / gla sgang de rnams bskol ba'i nang du pa to la dang / nim pa dang / 'bras bu gsum dang / pu tse shel rnams btags pa'i phye mas btab pa blud do//'dus pa'i rims dang rlung dang bad kan shas che ba dang / lud pa dang / dbugs mi bde ba dang / rtsib logs na ba rnams la ni dong gra dang / ma nu dang / sle tres dang / kaN+Da ka ri rnams bskol ba'i khu ba blud do/ / ma du ka'i me tog dang / rgun 'brum dang / kyi lce ba dang / pa ru sha ka dang / pu shel tse dang / pu tse shel dang / 'bras bu gsum dang / tang pal dang / 'di rnams cho ga bzhin du bskol te bsgrangs pa dus su 'thungs na 'dus pa dang ldan pa'i rims thams cad sel to//dzA ti zhes bya ba su ma na'i me tog dang / skyu ru ra dang / gla sgang dang / bi tsar ba gong ma bzhin bskol ba dus su 'thungs na rims nad thams cad sel to/ /rims nad rtug pa 'gags pa la ni/ pu tse shel dang / rgun 'brum dang /kyi lce ba dang / 'bras bu gsum bskol ba'i nang du bu ram btab pa btung na phan no/ /sman de dag zhu ba'i tshod tsam na/ zas su thug pa la sogs pa'i rim pa sman dang ldan par sbyin no/ /rims nad bad kan can la ni thug pa la sogs pa mi blud do/ / ji ltar rngul gyi steng du char bab na 'dam du 'gyur ba dang 'dra bar bad kan 'phel bar 'gyur ba'i phyir ro/ /de bas na bad kan las gyur pa'i rims la thog mar smyung ba legs pa'i mtshan ma dang / dang po thug pa la sogs pa mi blud par rgya sran dang / mon sran tsa na ka dang /mon sran las byas pa'i khu bcud yang ba nyung ba dang / snum med pa sman kha ba dang bcas pa yi gar 'ong ba lan tshwa dang ldan pa sbyin no/ /kha zas ni 'bras dmar po la sogs pa rnying pa dang / 'bras drug cu pa la sogs pa phan no/ /bad kan shas che ba'i rims la ni bad kan 'joms pa'i mthu dang ldan pa'i sman bskol ba'i nang na gong du smos pa'i 'bras dmar po'am/nas phub ma med par byas pa lan gnyis gsum bkrus la nad dang mthun par 'bras chan dang / nas chan du byas te za'o/ / sran mung+ga dang / sran chung dang / rgya sran la sogs pa yang zhing nyung ba'i khu bcud nad pa gang la goms pa 'thungs na rims 'joms so/ /tshod mar ni ka ra wel la dang / rgyal mo ga gon dang / la phug gzhon nu dang / par pa ta dang /bar da ka dang / nim pa dang / ku su ma dang / pa to la'i 'bras bu dang / lo ma dang 'di rnams gang rnyed pa la tshod mar bya'o/ /sha khu ni sha yang ba rnams dang / srog chags thang la gnas pa sreg pa la sogs pa'i sha khu kaN+Da ka ri dang / pa ru sha ka dang / ag ni man tha dang / rgun 'brum dang / skyu ru ra dang / se'u 'bru dang / pi pi ling dang / bca' sga dang / 'u su dang / zi ra dang / rgyam tsha rnams dang / kha ra dkar po dang / sbrang rtsi dang / 'di rnams rlung dang / snum med na yang rung ste/legs par sbyar ba gtang ngo / /tshod ma'i nang du sbyar ba ni dar ba ha cang mi skyur ba yi gar 'ong ba'i dngas ma me mi che ba dang bskol te/ zas kyi 'og tu gtang ngo / /yang na sman bskol ba'i chu bsgrangs pa'am/ gal te chang la goms pa yin na ni/chang skom du blud do/ /rims byang ba'am/ ma byang yang rung ste/ nyi ma nub pa'i dus su bad kan zad cing me'i drod che ba'i dus yin pas de'i tshe na zas yang za'o/ /yang na nad dang rjes su mthun par zas bza' ste/ de yang bad kan la snga dro/mkhris pa la nyi ma phyed/ rlung la phyi dro sbyin no/ /nad pa de me drod chung ba la snga dro zas sbyin na des ni nad phyir thu bar 'gyur ro/ /sman bskol ba'i khu ba dang / phan pa'i zas kyis lus yang bar 'gyur te/ bad kan dang me drod chung ste/ mkhris pa dang rlung shas che na zhag bcu pa yan chad mar sbyin no//rims smin pa la mar btang na ni bdud rtsi dang 'dra'o/ /ma smin pa yin na ni zhag bcu pa las 'das pa yin na yang lud pa dang / yi ga 'chus pa la sogs pa nyes pa sna tshogs skyed do/ /bad kan shas che ba'i rims la ni/dang po smyung ba dang sman kha ba'i khu ba la sogs pas bad kan zad par bya'o/ /lus zungs dang nyams stobs 'phel ba'i phyir rims rnying pa bsrung bar bya'o/ /gang gi phyir mkhris pa me'i rang bzhin smin par byed pa ni rtsub pa dang gsher bag spangs pa yin te/des mkhris pa skyes pa de las ni slon na dugs bskol ba'i chu dang / ro bska ba dang / yang ba'i zas kyis lus shas cher rtsub ste/ rlung stobs che ba 'khrug par byas pa de la ni mar mchog tu phan te/ khong pa'i nang du me 'bar ba la chus bsad pa dang 'dra'o//mar ni rlung dang mkhris pa sel ba'i mchog yin te/ rang rang dang mthun pa'i sman dang sbyar na ni nad kun la yang phan no/ /mar de bsil ba'i sman dang sbyar na ni rims tsha ba 'joms la/ dro ba'i sman dad sbyar na ni grang ba'i rims sel to//rtsub pa'i sman dang sbyar na ni bad kan zhi bar byed do/ /de lta bas na gong du smos pa'i skra lo dang / gla sgang bskol ba'i khu ba la sogs pa nad gzhi so so dang mthun pa'i sman mar dang ci rigs su sbyar te gtang ngo / /'bras bu gsum dang / nim pa'i shun phrags dang / shing mngar dang / bri ha ti rnam gnyis phyir srang gcig dang / sran chung srang gcig dang / de rnams bskol ba'i nang du mar srang phyed bcug ste 'thungs na rims dang lud pa la phan no zhes sman pa rgan po rnams 'chad do/ /pi pi ling dang /dug mo yungs dang / da ba ni zhes bya ba kaN+Da ka ri dang / pu tse shel dang / thal tres dang / skyu ru ra dang / ta ma la ka dang / bil ba dang / gla sgang dang / tsan+dan dang / pa la ni zhes bya ba kyi lce ba dang / pu shel tsi dang / rgun 'brum dang / bong nga dkar po dang / sa la par+Ni dang / 'di rnams mar dang mar gyi bzhi 'gyur gyi chu dang lhan cig bskol ba las ran par 'thungs na rims dang me'i drod ma snyoms pa dang / ha li ma ka zhes bya ba'i nad/ yi ga 'chus pa dang / tsha ba shas che ba dang / srin sha ya dang /slon pa dang / rtsib logs dang / mgo na ba dang / zad byed kyi nad myur du 'joms so/ /rlung las gyur pa'i rims la ni rlung nad gso ba'i skabs su bshad pa'i seng phrom gyi sman mar las dur byid ma gtogs pa lhag ma sbyar bar bya'o//mkhris pa las gyur pa'i rims la ni tig ta'i sman mar mdze nad kyi skabs su bshad pa dang / ba sha ka'i sman mar khrag mkhris kyi skabs su bshad pa dang / kyi lce bi'i sman mar khong 'bras kyi nang du smos pa dang sbyar na phan no/ /bad kan las gyur pa'i rims rnying pa la ni byi dang ga dang /kha ru tsha dang / dbyi mo dang / pa tha dang / tsha ba gsum dang / tsi tra ka dang / rgyam tsha dang / nas tshig 'khus pa'i thal ba dang / 'di rnams srang re re dang / mar srang sum cu rtsa gnyis dang / de dang mnyam pa'i 'o ma dang /chu srang dgu bcu rtsa drug dang bskol te de las ran par 'thungs na bad kan las gyur pa'i rims rnying pa 'joms so/ /sle tres cham chom brdungs la bskol te/ bzhi cha lus pa dang de nyid kyi phye ma btab ste/ sman gyi bzhi 'gyur gyi mar dang yang bskol te bza' ba'am/de bzhin du 'bras bu gsum dang / ba sha ka dang / rgun 'brum dang / ba la rnams re re nas gong ma sle tres kyi sbyor ba ltar 'thungs na rims gcod par 'gyur ro/ /gong gi mar de zhu ba'i tshad tsam na/ sha 'jam pa'i khu ba dang lhan cig zan zos na stobs skyed do//des nyes pa 'joms pa'i mchog yin no/ /sran mung+ga dang / ka ra bir la sogs pa'i khu bcud ni bad kan dang mkhris pa 'joms so/ /shas cher byin na ni rlung las gyur pa'i rims rnying pa la mi phan te/zug gzer dang lto ba na sra bar byed cing rims 'phel bar byed do/ /gal te gong du smos pa'i sbyor ba de dag gis kyang rims ma zhi na gong du smos pa'i slon dang 'og nas smos pa'i bkru sman gyis lus dag par bya ste/ sbrum ma dang / me drod chung ba dang /lus rtsub pa rnams la ni mi bya'o/ /pho ba'i nang du bad kan zhugs pa'i nad gzhi stobs che ba la ni sman pas nad pa'i nyams stobs bsrung bar bya'o/ /rims smin te rang rang gi gnas nas bskyod pa dang / rims mi zad pa ma gtogs pa gzhan la bkru sman gtang ste/'bras bu gsum dang / sha ma dur byid dang / pi pi ling dang / nA ga ge sar dang / kha ra dkar po dang / 'di rnams btags pa sbrang rtsi dang ri lur byas pa btang ba'am/ yang na dri sna gsum la sogs pa tsha ba gsum gyi bkru sman cho ga grub pa'i gnas su bstan pa btang ba'am/yang na rgun 'brum skyu ru ra'i khu ba dang sbyar ba'am/ yang na rgun 'brum dang / a ru ra sbyar ba'am/ yang na skyu ru ra rang gi khu ba'i nang du mar brngos pa blud na yang rims 'joms so/ /yang na skyu ru ra'i phye ma mar dang sbrang rtsi dang sbyar ba bldag pa'am dong ka 'o ma'am rgun 'bru'i khu ba btung ba'am/yang na 'bras bu gsum mam/ kyi lce ba 'o ma dang sbyar ba rims nad can la blud do/ /de ltar khrus dang slon byas pa'i 'og tu thug pa rkyang rkyang po la sogs pa rim pas blud do//rims rang gi gnas nas bskyed de gong 'og gnyis su 'khru ste 'byung bar 'gyur na/ smin pa yin na yang mi gcad par gzhag go/ /gal te bcad na ni khong pa'i nang du gnas rnyed de nges par gnod par byed do/ /rims smin te tshabs cher 'khru ba la ni gcad bar bya'o//ma zhu bar rang 'khru ste/ tshabs che bar 'byung ba la ni/ mdo'i gnas nad gzhi gsum gyi mtshan nyid bstan pa nas 'byung ba bzhin du bya'o/ /ma smin pa'i rims dang 'khru ba yin na ni mi gcad de/ gal te sman gyis gcad par gyur na nad skyed do//gal te sman pa rmongs pa mi mkhas pas rims nad ma smin pa la bkru sman gtong ba ni rang nyid phung bar byed pa yin te/ ji ltar sbrul nag po gnyid log pa la lag pa'i rtse mos nyug pa dang 'dra'o/ /rims nad lus zad pa la ni slon khrus mi phan te/gal te bkru sman dang 'byor pa yin na ni 'o ma'i btung ba ci 'dod pa dang / ni ru ha btang ste 'khru ba zhi bar bya'o/ /nad pa 'o ma la goms shing bad kan zad pa dang / lus tsha ba dang / skom dad che ba dang / rlung dang mkhris pas nyam thag pa la ni 'o ma rab tu phan te/'khru ba la yang phan no/ /smyung bas nyam thag pa la ni 'o ma mchog tu bzang ste/ nags mes chag pa la ni char babs nas sa bon cher 'phel ba dang 'dra bar rims myur du zhi bar byed do/ /'o ma de yang so so'i sman dang legs par sbyar te/dro ba dang grang ba dang / bzhos ma thag pa la sogs pa dus kyi bye brag shes par bya ste/ ci rigs par blud na rims la phan no/ /log par byas na ni ma yin no/ /'o ma de bca' sga dang / 'bra go dang / rgun 'brum dang / sha kha ra dang mar dang lhan cig bskol te bsgrangs pa'i nang du sbrang rtsi dang ldan par 'thungs na skom dad che ba dang lus tsha ba dang rims 'joms so/ /sbyor ba gong ma'i steng du rgun 'brum dang / ba la dang / shing mngar dang / thal tres dang / pi pi ling dang / tsan+dan rnams bskol te bsgrangs pa'i nang du sbrang rtsi btab pa blud na yang phan yon gong ma dang 'dra'o/ /yang na 'o ma ti tshe 'o ma'i bzhi 'gyur gyi chu dang bskol ba blud pa'am/ yang na pi pi ling dang / 'o ma bskol ba blud do/ /yang na 'o ma rtsa ba lnga dang bskol ba 'thungs na lud pa dang /dbugs mi bde ba dang / mgo na ba dang / rtsib logs na ba dang zug pa dang rims rnying pa rnams sel bar byed do/ /yang na e raN+Da'i rtsa ba dang / ba la dang / bil ba gang yang rung ba bskol ba'i khu ba 'o ma bzhos ma thag pa'i dron po dang lhan cig 'thungs na rims nad las grol bar byed do//khyad par du rlung gis phyi sa 'gags pa dang / be'u snabs khrag dang bcas par 'byung ba dang / skom pa dang / zug gzer dang / sra ba hi ka la ni nad las grol bar byed do/ /yang na bca' sga dang /ba la dang / kaN+Da ka ri dang / gze ma dang / bu ram dang / 'o ma sbyar ba 'thungs na skrang ba dang / phyi sa dang / gcin dang / 'phyen 'gags pa dang / rims las rgyal bar byed do/ /ba spru ba me tog dkar po can dang / bil ba dang / baR+sha b+hu zhes bya ba ba sbru ba me tog dmar po can rnams 'o ma dang bskol ba 'thungs na rims dang grang ba sel lo/ /shing sha pa'i snying po dang / 'o ma sbyar ba 'thungs na yang rims myur du 'joms so/ /rims zhu ba'i gnas su zhugs nas/ ni ru ha btang bar gyur na myur du me'i stobs skyed pa dang /rims dang bral ba dang / dga' bar byed pa dang / zas yi gar 'ong bar byed do/ /mkhris pa las gyur pa'i rims sam/ mkhris pa dang / bad kan las gyur pa'i rims khu ba'i gnas su zhugs pa la ni bkru sman gtong ngo //nad gzhi gsum char smin pa'i gnas su song ba la ni 'jam rtsis zhi bar bya'o/ /bad kan dang mkhris pa zad pa'i nad la mjug to dang / rgyab dang / rked pa na ba dang / me drod che ba dang / rtug pa 'gags pa la ni 'jam rtsi mas gtong bar bya'o//pa to la dang / nim pa'i lo ma dang / pu tse shel dang / dong ga dang / ti ra dang / ba la dang / gze ma dang / po son cha dang / pu shel tse dang / ba la ka dang / 'di rnams chu dang / sman spyi dang mnyam pa'i 'o ma dang lhan cig bskol la/'o ma lus pa'i nang du gla sgang dang / po son cha dang / pi pi ling dang / shing mngar dang / dug mo yungs kyi shun phrags rnams kyi phye ma btab ste/ mar dang sbrang rtsi bsres pas sdud pa'i 'jam rtsi mas gtong na rims 'joms par byed do//yang na dong ga dang / pu shel tse dang / shing mngar dang / po son cha dang / 'dab ma rnam bzhi dang / 'di rnams bskol ba'i khu ba'i nang du pri yang ku dang / po son cha dang / gla sgang dang / nye'u shing dang / shing mngar dang /'di rnams kyi phye ma btab la/ mar dang bskol te sman gtong ka ra bu ram dang sbrang rtsi btab ste mas gtong na rims sel to/ /yang na dzi ban+ti dang / shing mngar dang / me da dang / pi pi ling dang / po son cha dang / shu dag dang /rid ti dang / ra sna dang / ba la dang / bil ba dang / shu ti dang / nye'u shing rnams btags la sman spyi'i bzhi 'gyur gyi mar dang / til mar bsres pa dang / mar gyi bzhi 'gyur gyi 'o ma dang / chu nyis 'gyur dang bskol ba nad gzhi ji lta ba bzhin du 'jam rtsi mas gtong na rims 'joms so//gzhan yang cho ga grub pa'i skabs su bshad pa'i 'jam rtsi yang 'dir rims nad la sbyar ro/ /rims rnying pa la sna sman btang na yi ga 'bye ba dang / mgo nad dang / lus lci ba dang / bad kan 'phrog la dbang po gsal bar byed do//snum dang bcas pa'i sna sman btang na ni mgo stong pa snyam byed pa dang / lus tsha ba dang / mkhris pa rnams 'joms so/ /gzhan yang cham pa dang / mgo dang / mgul pa'i nad dang / lces ro mi tshor ba rnams la ni dud pa brngub pa dang / sman khus mkhur ba bkang ste mi bskyod par bzhag pa dang / g.yas g.yon spo ba'i sman khu bcang ba rnams mdo'i gnas su ji ltar bstan pa rnams nad gzhi dang sbyar te btang ngo / /rims rnying pa zas yi gar mi 'ong ba la ni kha lung gi ge sar mar dang / rgyam tshar bcas pa'i lde gu'am/yang na rgun 'brum dang / kha ra dkar po dang / skyu ru ra'i khu ba bcangs na phan no/ /pags pa la brten pa'i rims rnying pa la ni ji ltar rigs pa bzhin du dro ba dang grang ba'i sman bskol bas bsku ba dang / byug pa dang / blugs pa la sogs pa bya'o//de bzhin du mig sman dang dud pa brngub pa la sogs pa bya ste/ glo bur du byung ba'i rims la yang tshul de ltar bya'o/ /rims rnying pa la lus tsha ba la ni mar lan stong gi bar du chu grang mor bcug pa la yang bzhu yang bcug byas pa'i mar bskus na tsha ba'i rims zhi bar byed do//yang na mdo'i gnas su bstan pa'i mngar ba'i sde tshan ge sar la sogs pa'am/ yang na skyur ba'i sde tshan skyu ru ra la sogs pa'am/ bska ba'i sde tshan a ru ra la sogs pa'am/ rtswa dUr ba'i sde tshan nam/ mkhris pa 'joms pa'i sde tshan n+ya gro d+ha la sogs pa 'am/shug pa'i sde tshan nam/ sman gyi sde tshan de dag gang yang rung ba 'o ma dang / til mar dang / bskol ba yang rung ma bskol ba yang rung ste/ 'dag gu dang sman mar gyi bsku ba la sogs pa cho ga ji lta ba bzhin du byas na de ma thag pa'i rims 'joms so//yang na gong gi sman gyi sbyor ba de nyid cung zad rtsing tsam du btags pa'i lde gus lus bsku bar bya'o/ /gal te zhi bar drags na ni tsha ba phyir mi 'byung ste/ slar khong du zhugs nas tsha ba skye ba'i phyir ro/ / gong ma'i sman de nyid bskol ba'i nang du lus gzhug pa'am blugs pa yang bya'o/ /de bzhin du rtsab mo dang / chang skyur dang / 'o ma dang / mar dang / chu la sogs pa'i nang du blugs pa dang / lus spying bar bya'o/ /ka pid ta dang / kha lung dang / a mra dang / bi da ri dang / seng phrom dang / se'u 'bru dang / rgya shug gi myu gu dang / 'di rnams a riSh+Ta'i nang du byas la de'i sbu bas lus bskus na lus tsha ba dang / na ba dang / rmongs bag tu 'dug pa dang / skom dad che ba rnams zhi bar byed do//de bzhin du mkhris pas lus 'gyur ba bstan pa'i le'u las 'byung ba'i gso ba 'dir byas na/ tsha ba'i rims myur du sel to/ /dro ba'i nus pa dang reg pa dang ldan pa'i sman rgya spos dang / a ka ru dang / ru rta dang / ston dang / rdo dreg dang /ko nyon tse dang / thang shing dang / chu srin sen mo dang / ra sna dang / gu gul dang / shu dag dang / rtsa rong dang / sug smel rnam gnyis dang / tsan+dan dang / sib dang / shi kru dang / bye'u rug pa dang / spang spos dang / bya ma ka dang /yungs kar dang / sle tres dang / e raN+Da rnam gnyis dang / ba ru ra dang / ro hi sha dang / /ta ma la'i lo ma dang / b+hu ti ka dang / sa li ka dang / 'u su dang / ti mu sa dang / shu ti dang / rgya sran dang / mon sran ma sha dang /kru trug tres dang / pu ti ka rany+dza dang / na gu la rnam gnyis dang / gzhan yang bsil ba'i nus pa dang ldan pa'i sman rnams zhib tu btags la chang dang rtsabs skyur po dang til mar dang lhan cig bskol te/ dro 'jam tsam byas pas bsku ba'am/yang na zhib tu btags pa'i lde gus byug pa byas na/ rims grang ba zhi bar byed do/ /yang na rgya spos la sogs pa gong gi sbyor ba de nyid kyis blugs pa dang / lus spying ba la sogs pa bya'o/ /de bzhin du chang skyur dang / ba gcin dang /zho ga chu la sogs pa sman med pa'i nyi tshe'i blugs pa la sogs pa bya'o/ /yang na dong ka la sogs pa'i sde tshan gyi btung ba dang / bsku ba dang byug pa la yang sbyar ro/ /a ka ru'i dud pa dang / pa la ka'i dud pa 'og nas smos pa gang yin pa yang rims grang mo 'di la sbyar ro//me'i drod bskyed par bya ba'i phyir dugs kyi cho ga bsten par bya'o/ /de bzhin du rlung med pa'i khang par 'dug pa dang / rtsol ba dang gos lci ba bgo ba la sogs pa yang bya'o/ /rngul dbyung bar bya ba'i phyir mkhris pa skyed pa'i sman bza' bar bya ste/rgya sran ku lang+tha dang / ma sha dang / nim pa wa sa zhes bya ba'i zas dang / sha rnams sbyar ro/ /gnas ni khang pa'i dbus dang / sa khang gi nang du rtswa ku sha dang / l+h+wam dang / ra la ka zhes bya ba'i stan bya ste/khang pa de'i nang du mdag ma dud pa med cing dmar rug ge ba zhugs ling gi nang du bcug ste bsro bar bya'o/ /grang ba'i dbang gis shin tu 'dar bar gyur pa la ni chang ngam/ dar ba'am/ rgya sran dang / khre rgod la sogs pa 'bru'i khu ba'i nang du tsha ba gsum btab pa'am/gzhan yang mkhris pa skyed pa'i sman rnams bsten par bya'o/ /de bzhin du bud med shin tu nu ma mdzes shing sha rgyas pa lus la byug pa dang / rgyan thams cad kyis brgyan pa lang tsho la bab pa dang / chang gis shin tu dregs pa yid du 'ong zhing shin tu 'gying bag dang ldan pa'i bud med dang mthang sbyar ba'i dugs bya ste/ nam grang bar gyur pa'i dus na bud med de spang bar bya'o/ /'dus pa las gyur pa'i rims la ni nyes pa gcig shas chung zhing gnyis shas che na ni gnyis zad par bya zhing gcig gso bar bya'o//gnyis shas che zhing gcig shas chung na ni gnyis bri zhing gcig bskyed par bya'o/ /nyes pa gsum cha mnyam na ni dang po bad kan gso zhing de nas rlung dang mkhris pa rim bzhin du gso'o//'dus pa las gyur pa'i rims nad kyis lus zad cing rna rtsa gnyis su shin tu mi bzad par na ba skrangs par gyur pa ni 'tsho bar dka' ste/ phal cher 'chi bar 'gyur bas de la ni myur du khrag gtar ba dang / mar blud pa dang / bad kan dang mkhris pa 'joms pa'i sman gyis byug pa dang /sna nas btang ba'i sman dang / mkhur bar bcang ba rnams byas na phan no/ /lus zungs rnams la brten pa'i rims grang ba dang / dro ba dang / snum pa dang / rtsub pa la sogs pa'i cho ga byas kyang ma zhi na de la ni lag pa gnyis las rim gyis khrag dbyung bar bya'o//rims mi bzad pa la cho ga gong ma des kyang zhir mi 'dod na nad gzhi ji lta ba bzhin du/ rlung la sogs pa'i nad gang shas che ba brtags te/ so so'i bya ba bzhin du spang bar bya zhing 'og nas smos pa bzhin du gso bar bya ste/de yang pa to la dang / pu tse shel dang / gla skang dang / a ru ra dang / shing mngar dang / 'di rnams lan bzhi lnga bskol ba'i rjes su blud na rims mi bzad pa rnams sel bar byed do//'bras bu gsum dang / a ru ra dang / sle tres dang / pi pi ling dang / 'di rnams gang yang rung ba'i khu ba bskol ba dron mo'am grang mo yang rung ste/ de bzhin du mar dang / 'dag gu dang / phye ma dang / ri lu la sogs pa re re'i sbyor ba bcud kyis len gyi cho ga bzhin du bya ba'am yang na go bye'u gnyis dang sbyar ba byin na ni rims mi bzad pa zhi bar byed do/ /nyi ma gang la nyin bzhi pa'i rims la sogs pas btab pa'i dus su nad gzhi rnams brtag ste/ lus 'phel bar bya ba'i cho ga tshul bzhin du bya'o//sgog skya'i til mar dang bcas pa tho rangs sam kha zas kyi gong du btung ba'am de bzhin du mar rnying pa dang / zho dang / 'o ma dang / dar ba dang / srang drug pa zhes bya ba'i mar gcong chen po'i skabs su bshad pa dang /dge ba'i sman mar smyo byed kyi skabs su 'byung ba dang / ba'i rnam lnga'i sman mar brjed byed kyi skabs su 'byung ba dang / tig ta'i sman mar mdze nad kyi skabs su bshad pa dang / ba sha ka'i sman mar khrag mkhris kyi nang nas 'byung ba'am/'di rnams gang yang rung ba nang par ram zas kyi gong du rims mi bzad pa la sbyar bar bya'o/ /'bras bu gsum dang / rgya shug dang / ag ni man+tha dang / 'di rnams bskol ba'i nang du mar dang mar gyi nyis 'gyur gyi zho dang / mar gyi bzhi cha'i seng phrom gyi shun phrags gi phye ma btab ste/yang bskol ba'i mar las ran par 'thungs na rims mi bzad pa 'joms pa'i mchog yin no/ /'bras bu'i chang dang / 'bru'i chang legs par smin pa dang / rma bya dang / sreg pa dang / khyim bya'i sha gtsang ba dro ba'i nus pa dang ldan pa zas dang lhan cig ci 'dod pa tshim tshad du zos la/zhag de nyid la gnyid log pa'am/ yang na slon du gzhug go/ /yang na sman mar thun tshad chen po 'thungs la de'i 'og tu skyug sman bya'o/ /thog mar snum chos dang dugs byas la/de nas ni li ni dang / a dza gan+d+ha dang / dur byid dang / pu tse shel dang / 'di rnams btags pa'i phye ma chu dang bskyos te/ rims kyis btab pa'i zhag btung ngo / /ldong ros dang / rgyam tsha dang / pi pi ling dang / til mar dang lhan cig sbyar ba'i mig sman yang gzhug go//shing kun dang / stag gi tshil cha mnyam pa rgyam tsha dang sbyar ba'i sna sman gtang ngo / /yang na mar rnying pa gcig pu'am/ yang na seng ge'i tshil rgyam tsha dang sbyar te sna sman gtang ngo / /yang na ba la ka sha dang / nim pa'i lo ma dang / shu dag dang / ru rta dang / a ru ra dang / yungs kar dang / nas dang / mar dang sbyar bas bdug par byas na rims ma rungs pa sel to/ /yang na byi la'i rtug pa'i bdug pa yang de bzhin du phan no/ /bya ma ka dang / shu dag dang /sra rtsi pog dang / nim pa dang / a ka dang / a ka ru dang / thang shing dang / 'di rnams sbyar ba'i dud pa ni gzhan gyis mi thub pa'i bdug pa zhes bya ste/ rims thams cad la sbyar ro/ /gzhan yang 'jigs pa las rims su gyur pa dang /sems bsgyur ba las rims su gyur pa dang / 'byung po dang / smyo byed dang / brjed byed kyi nad du bshad pa'i bdug pa dang / sna sman dang mig sman du bshad pa rnams skabs 'dir rims thams cad la sbyar ro/ /gzhan yang lha bstan pa dang nor bu bcang ba dang /sngags dang / gtor ma gtong ba dang / lha mchod pa dang / sbyin sreg dang / nye bar gso sbyong bya ba dang / bde legs dang phyag 'tshal ba la sogs pa byas na/ rims nad thams cad sel to/ /glo bur du byung ba'i rims mi bzad pa ni phal cher gdan las gyur pa ste/de la ni lha la bsnyen cing mchod na de nyid de'i sman yin no/ /rims mi bzad pa la grang ba dang / dro ba la sogs pa rang rang gi gso ba rnam pa thams cad byas kyang ma zhi na/ khrag gtar bar bya'o/ /rlung dang / me dbal dang / 'brum bu las gyur pa'i rims nad la ni sman mar dang / byug pa grang mo dang / blugs pa dang / sha khu dang / bza' ba dang / khrag tu dbyung ba la sogs pa rang rang gi gso ba bzhin du bya'o/ /zhag gsum pa'i rims la ni nam tshong gi rtsa las gtar ro//zhag bzhi pa la ni rgyab kyi nam tshong gi drang thad kyi rtsa las gtar ro/ /dngas ma la rims ma rungs pa zhugs pa la ni smyung ba dang skyug sman gtong ngo / /rims de khrag gi nang du zhugs na ni khrag la phan pa'i sman bskol ba'i chu lus la gtor ba dang /bsku ba dang / gtar ga rnams bya'o/ /rims de sha la gnas na ni bkru sman rnon po gtong ngo / /tshil la gnas na ni tshil dbri ba'i sman bya'o/ /rims de rus pa dang rkang la gnas na ni dugs dang / mnye ba dang / bsku byug dang / rlung nad zhi ba'i sman rnams bya ste/khyad par du 'jam rtsi mas gtong na phan no/ /'byung po'i gdon las gyur pa'i rims la ni sngags dang gtor ma la sogs pa'i cho ga byas na phan no/ /sman bdugs pa'i dris phog pa las rims su gyur pa la ni mkhris pa zhi bar byed pa'i sman rnams sbyin na phan no//dug gis phog pa las rims su gyur pa la ni dug gso ba'i dpyad bya'o/ /khros pa las gyur pa'i rims la ni gang la dga' ba'i nor sbyin pa dang / snying dga' ba'i gtam bya'o/ /des ma zhi na phan pa'i zas dang sman bsten par bya'o//des kyang ma zhi na mi phan pa'i zas dang sman gyis gso'o/ /de dag gis ma phan na bkru sman gtong na phan no/ /khro ba las rims byung ba la ni 'dod pa bsten pas zhi bar 'gyur ro/ /'dod pa la chags pa las rims su gyur pa la khro ba bskyed pas zhi bar 'gyur ro//mya ngan dang 'jigs pa las rims su gyur pa la ni khro ba dang snying du sdug pa dang gnyis ka bsten pas zhi bar 'gyur ro/ /dmod pa dang drag shul gyi las las rims su gyur pa la ni srid srung gi rig byed kyi cho ga'am/lha la sogs pa la mchod pa byas na zhi bar 'gyur ro/ /glo bur du byung ba'i rims de rnams thog mar ni gcig pu byung ba yin na phyis ni nad gzhi 'dres nas byung ba yin te/ de bas na glo bur du byung ba'i rims la ni sman dang dpyad nad gzhi dang ji ltar mthun par gso'o//rims de rlung la sogs pa'i nad gzhi mi ldan gyi bar du ni/ gting zug par mi 'gyur ro/ /rims ldang ba'i dus su sems pa las rims su gyur pa la ni yul yid du 'ong ba sna tshogs mngon du byas na dran pa zhi bar 'gyur ro//sems can thams cad la yid dga' bar bya ste/ snying rjes sems brlan par gyur na rims 'joms so/ /skyes bu rims dang bral zhing nyams stobs ma skyes pa la ni lus kyi rtsol ba dang / 'khrig pa dang / de bzhin du kha zas lci ba dang /ma goms pa dang tsha ba bskyed pa dang / gzhan rims skyed pa'i rgyu thams cad spang bar bya'o/ /rims las byang ba yin na yang kha zas thams cad 'chol bar mang du mi bza' ste/ /nyam chung bas kha zas 'chol bar zos na nad byang ba yin na yang phyir nad ldog par byed do//de bas na bag ma byas pa'i zas dang spyod lam bsten pa las ni srog 'phral la 'phrog par byed pa yin pas khyad par du nad kyi gnas skabs la brtags te/ smyung ba dang / dugs dang / nas kyi thug pa dang / tig ta'i khu ba dang /smin par byed pa'i sman dang / 'o ma dang mar la sogs pa gso ba thams cad sbyar bar bya'o/ /lha khyab 'jug gis gtong ba'i rims shin tu drag po la ni sman dang / nor bu dang / sngags rnams mgo la gdags so/ /gzhan yang pha ma la sogs pa dam pa rnams dang /bla ma dang / bram ze dang / lha rnams la mchod pa dang / yid dga' bar byed pa'i 'dod pa'i yul rnams bsten par byas pas kyang rims rnams zhi bar 'gyur ro/ /gso ba'i gnas las rims nad gso ba'i le'u ste dang po rdzogs so// // de nas khrag mkhris gso ba'i le'u gnyis pa bshad par bya ste/ skyes bu stobs dang ldan zhing khrag stod du shugs mi drag par 'byung ba de yang gsar du dgun nam grang ba'i dus su bla brnan med par 'byung na/ mdo'i gnas nad med par 'gyur ba'i tshul bstan pa'i le'u las khrag mkhris shas che bar 'gyur ba'i gso ba 'dir sbyar ro//khrag mkhris thur du byung ba dang / nad gzhi gnyis 'dres pa las 'byung ba dang / ldang dub byed pa dang / stod du byung ba'i khrag kha dang / sna dang / mig dang / rna ba'i bu gar 'pho zhing 'byung ba dang / smad du byung ba'i khrag pho mtshan dang / rkub nas 'byung ba dang / yang na khrag stod smad du phyin ci log tu 'byung ba rnams la ni rim pas khad kyis brdal la gso'o/ /stod smad gnyis ka las khrag cher 'byung zhing me'i drod chung ba dang / nad gzhi gsum las gyur pa dang / stod smad gang yang rung ba las tshabs cher 'byung ba rnams ni spang bar bya'o/ /de la nad gzhi dang / nyi ma ring thung nur ba'i dus dang / khrag mkhris de nad gzhi gang dang 'brel nas stobs che chung du song ba dang / yul dang dus la sogs pa brtags nas khrag gong 'og gang nas byung ba la sogs pa bye brag shes par byas nas/de'i 'og tu smyung ba'am/ lus 'phel zhing rgyas par bya ba'am/ lus sbyang ba'am/ sman gyis zhi bar bya ba rnams gang rigs par bya'o/ /kha zas dro ba dang rno ba la sogs pas mkhris pa'i nad skyes pa de yang / nad gzhi mang po dang 'dres te nyams stobs dang ldan la khrag stod du byung ba la ni bkru sman btang la/ smad du byung ba la ni skyug sman gtang ngo / /lus 'phel zhing nyams stobs dang ldan na ni smyung ba bya'o/ /gal te lus smyung ba byas pa dang / rid pa yin na ni nyams stobs skyed pa'i cho ga bya'o//khrag stod du byung ba la ni kha ba dang / bska ba'i sman gyi khu bas zhi bar bya'o/ /smyung ba byas pa la ni bca' sga ma gtogs pa'i yan lag drug pa'i sman bskol ba'i khu ba blud do/ /khrag thur du byung ba la ni mngar ba'i khu bcud kyis zhi bar bya'o/ / khrag stod du byung ba la ni thog mar skyo ma blud do/ /smad du byung ba la ni sman thug blud do/ /khrag mkhris can nyams stobs yod cing sha ma zad pa la zas za nus pa de ni skyon gyis khrag byung du zin kyang dang bor khrag bcad du mi rung ngo / /bcad sngas na nad mang du skyed do/ /gzhan du na nyams zad cing zas za mi nus te/nyes pa dag cing khrag mang du 'byung ba la ni khrag ma bcad na mes tshig pa bzhin du myur du 'chi bar byed do/ /dur byid dang / sha ma dur byid gnyis bskol ba'i khu ba'i nang du yang de nyid btags pa'i phye ma dang / sha kha ra'i phye ma dang sbyar nas lag pa'i mthil du bzhag ste bldag go//dur byid dang / sha ma dur byid dang / 'bras bu gsum dang / pi pi ling dang / sha kha ra dang sbyar ba'i ri lu byas te/ de las ran par zos na/ 'dus pa las gyur pa'i khrag stod du lud pa dang / skrang ba dang /rims rnams 'joms so/ /yang na dur byid dang / sha kha ra cha snyoms te/ kha ra'i bzhi cha'i pi pi ling dang / de rnams sbrang rtsi dang / ri lu byas te zos na phan yon gong ma dang 'dra'o/ /yang na khrag thur du 'byung ba la ni skyug sman btang ste/ chu dang skyo ma sbyar ba'i nang du/po son cha dang / sbrang rtsi dang / kha ra btab pa'am/ yang na po son cha dang / kha ra dang / sbrang rtsi dang / chu dang sbyar ba btang ba'am/ yang na shing mngar bskol ba'i khu ba'i nang du po son cha btab pa'am/ yang na bu ram chu po son cha dang sbyar ba'am/sbyor ba de dag las gang yang rung ba byas na skyugs par 'gyur te/ thur du 'byung ba'i khrag mkhris la bsngags so/ /de ltar slon khrus kyis lus dag par byas nas/ nyams stobs bsrung bar bya ba'i phyir/ rang rang gi gso ba skyo ma dang / thug pa la sogs pa rim bzhin sbyar ro//de la skyo ma ni rims nad gso ba'i nang nas 'byung ba'i rgun 'brum mam/ shing tog ma du ka la sogs pa'i skyo ma'am/ yang na mkhris pa 'joms pa'i 'bras bu'i rigs rgun 'brum dang / skyu ru ra la sogs pa'i skyo ma blud do/ / yang na 'bra go dang / rgun 'brum dang / ma du ka dang / pa ru sha ka dang / 'di rnams kha ra dang sbyar ba ni snying po lnga'i skyo ma zhes bya ste blud pa'am/ yang na snying po lnga'i sman khu'i nang du mar dang / sbrang rtsi dang / 'bras yos kyi phye ma dang 'di rnams chu dang sbyar ba'i skyo ma blud do//gal te skyu ru ra la dga' zhing me drod chung ba yin na ni skyu ru ra dang se'u 'bru lta bu gdab po/ /de la thug pa ni pad+ma ge sar dang / ut+pa la'i ge sar dang / kr-iSh+Na par+Ni dang / pri yang ku rnams bskol ba'i thug pa'am/ yang na pu shel tse'am/seng phrom dkar po dang tsan+dan dang / 'di rnams bskol ba'i thug pa'i nang du bca' sga btab pa'am/ yang na ba la ka dang / da ta ka'i me tog dang / bil ba'i rkang dang / byi tsher ba dang / 'di rnams sbyar ba'i thug pa'am/ yang na tig ta dang / pu shel tse dang / gla sgang dang / 'di rnams sbyar ba'i thug pa'am/ yang na sran chung dang / kr-iSh+Na par+Ni sbyar ba'am/ yang na sa la par+Ni 'am/ mon sran sde'u dang sbyar ba'i thug pa'am/ yang na ba la dang / ha re Nu ka dang / mar dang sbyar ba'am/ gong gi thug pa'i sbyor ba de rnams bsil ba'i nus pa dang ldan pa srog chags thang la gnas pa'i sha khu las gzhi blangs pa'i thug pa grang mo'i nang du sbrang rtsi dang kha ra btab ste/sbyor ba re re nas de ltar sbyar ro/ /de bzhin du bsil ba'i nus pa dang ldan pa'i sha khu'i nang du mngar la dad pa yin na mar dang brngos la sha kha ra dang ldan par sbyin no//skyur la dad pa yin na ni skyur la btang ba blud do/ /kha zas kyi tshul brtag cing shes pa'i le'u las yang zhing bsil ba'i kha zas grang ba dang / gang bu las skyes pa'i 'bru dang / tshod ma yang ba dang bsil ba'i nus pa can khrag mkhris la rab tu bsngags so//btung ba ni gong du smos pa'i yan lag drug pa'i sman las dong gra spangs pa'i btung ba'am/ yang na rtsa ba chung ngu lnga bskol ba'am/ yang na chu bskol ba bsgrangs pa'am/ yang na sbrang rtsi'i chu'am/ yang na mkhris pa 'joms pa'i 'bras bu rgun 'brum dang /'bra go la sogs pa bskol ba'i chu blud do/ /rtug pa 'gags pa la ni rgya sne'u dang / ri bong gi sha dang sbyar ba phan no/ /rlung shas che ba'i rtug pa 'gags pa la ni sreg pa'i sha dang u dum+bA ra bskol ba blud pa'am/ yang na shing p+lag sha bskol ba'i nang du rma bya'i sha dang sbyar ba'am/yang na n+ya gro d+ha dang khyim bya'i sha dang bskol ba blud do/ /mdor na khrag dang mkhris pa skye ba'i rgyu dro ba dang rno ba thams cad spang bar bya'o/ /ba sha ka bskol ba'i khu ba'i nang du pri yang ku dang / sa nag po dang /skyer khaN+Da dang / seng phrom dang / sbrang rtsi sbyar ba 'thungs na khrag mkhris 'joms so/ /yang na ba sha ka nyi tshe bskol ba'i khu ba'am/ yang na ba sha ka bskol ba'i khu ba'i nang du sbrang rtsi dang / kha ra btab pa 'thungs na de ma thag tu khrag mkhris 'joms so/ / khrag mkhris la ni ba sha ka 'di las lhag pa med do/ /pa to la dang / su ma na dang / tsan+dan rnam gnyis dang / nim pa dang / shug pa dang / de rnams lhan cig sbyar ba'am/ yang na seng phrom dang / ba sha ka dang / mon sne'u dme ru dang / sa nag po dang / ma du yan ti ka zhes bya ba sen rtsi rnams sbyar ba'am/yang na nye'u shing thal tres dang / ram nye ba rnam gnyis dang shing mngar dang 'di rnams sbyar ba'am/ sbyor ba de gsum gang yang rung ba bskol ba'i khu ba'i nang du kha ra dang / sbrang rtsi dang ldan pa 'thungs na/ khrag mkhris 'joms so//yang na rgya skyegs shing gi shun pa bskol ba'i nang du ka ra btab pa 'thungs na yang phan no/ /yang na ba glang gi lci ba dang / rta rtug btsir ba'i khu ba'i nang du sbrang rtsi dang mar btab pa btung ngo / /khrag ska bar byung ba la ni bya phug ron gyi rtug pa sbrang rtsi dang sbyar te bldag go//khrag shas cher 'byung ba la ni skam sa na gnas pa'i bya dang / ri dgas kyi khrag sbrang rtsi dang sbyar ba btung ngo / /yang na ra'i mtshan ma mkhris pa dang bcas pa btsos pa'am/ ma btsos pa yang rung zos na phan no/ /yang na sman pa la ni bskol ba'i khu ba srang drug tsam gyi nang du tsan+dan dang /pu shel tse dang / gla sgang dang / 'bras yos dang / mung+ga dang / pi pi ling dang / nas dang / 'di rnams btags pa'i phye ma bcug la spangs te/ nang par btsags la tshigs ma bor te/dngas ma blud na khrag mkhris 'joms so/ /tsan+dan dang / pad+ma dang / pu shel tse dang / de gsum gyi khu ba'i nang du bong ba bsregs pa dmar por gyur pa bcug ste/ spangs pa'i dngas ma bsgrangs pa'i nang du sbrang rtsi dang / kha ra btab pa blud na khrag mkhris shas che ba las rgyal lo//bu ram shing gi tshigs ma brdungs pa chu dang mnyes pa'i khu ba rdza snod gsar pa'i nang du bcug la/ khang pa'i phyi rol du bzhag ste bsrungs la tho rangs ras la btsags te tshigs ma bor/ dngas ma sbrang rtsi dang bcas pa me tog pad+ma kha phye ba'i dris bsgos pa 'thungs na phan yon gong ma dang 'dra'o//mkhris pa'i rims 'joms pa'i sman dug mo nyung la sogs pa'i sman thams cad kyang khrag mkhris la sbyar bar bya'o/ /gong ma'i sman khu ba'i sbyor ba de dag gis me drod skyes te/ bad kan zad pa dang / khrag mkhris da rung ma zhi zhing /rlung dang 'dres nas 'khrugs pa la ni ra'i 'o ma'am/ ba'i rnam lnga chu lnga 'gyur dang bskol la chu du ba dang blud na phan no/ /yang na rtsa ba lnga pa chung ngu dang / ba'i rnam lnga dang ra'i 'o ma bskol ba sbrang rtsi dang / kha ra btab pa btung ngo / /yang na rgun 'brum dang /bca' sga dang / ba la dang / gze ma dang / dzi ba ka dang / zangs rtsi ba dang / de rnams re re yang chu dang bskol ba'i nang du 'o ma dang / mar btab pa sbyar te gtang ngo / /yang na 'o ma dang kha ra dang bskol te mar dang sbyar la gtang ngo / /gze ma dang nye'u shing 'o ma dang bskol ba'am/yang na 'dab ma rnam bzhi 'o ma dang bskol ba 'thungs na khrag nad myur du zhi bar 'gyur zhing / khyad par du gcin 'ong ba'i bu ga nas khrag 'byung ba la phan no/ /khrag rkub nas 'byung ba la ni chu shing gi khu ba dang 'o ma sbyar ba blud na phan no/ /yang na n+ya gro d+ha'i myu gu 'o ma dang bskol ba'am/yang na bca' sga dang / u di tsa dang / ut+pal dang 'o ma bskol ba blud na phan no/ /yang na khrag tu 'khru ba'i gso ba dang / gzhang 'brum khrag tshad can gyi gso ba ji snyed pa'ang 'dir sbyar ro/ /sman khu ba 'thungs pa'i 'og tu bza' ba yang gong ma'i 'og ma bskol ba dang sbyar ro//yang na gong gi sbyor ba de dag mar dang sbyar ba gtang ngo / /ba sha ka'i lo ma dang / sdong bu dang / rtsa ba dang bcas pa srang sum cu rtsa gnyis dang / de'i brgyad 'gyur gyi chu srang nyis brgya lnga bcu rtsa drug dang bskol te/ brgyad cha lus pa dang /tshigs ma bor ba'i nang du mar srang brgyad dang / ba sha ka'i me tog srang gnyis phye mar byas te btab pa yang bskol te bsgrangs pa'i nang du sbrang rtsi dang ldan par 'thungs na/ khrag mkhris dang / mkhris pa'i skran dang / rims dang / dbugs mi bde ba dang / lud pa dang / snying nad dang / mig ser dang / rab rib dang / mgo 'khor ba dang / me dbal dang / skad 'gags pa rnams 'joms so/ /rgya skyegs shing gi lo ma btsir ba'i khu ba dang / de'i bzhi cha'i mar dang bskol ba'i nang du mar gyi bzhi cha ba la sha rgya skyegs shing gi lo ma dang /sbrang rtsi btab ste 'thungs na khrag mkhris 'joms so/ /de bzhin du kyi lce ba'i lo ma yang sbyor ba de ltar byas na phan yon de dang 'dra'o/ /mgul pa nas khrag lbu ba can dang bad kan dang bcas pa ska bar 'byung ba la ni ut+pa la'i sdong bu bsregs pa'i thal ba dang /mar dang sbrang rtsi rnams 'dag gur byas te sbyin no/ /yang na ut+pa la dang / pad+ma dang / pri yang ku dang / shing ma du ka dang / de rnams re re thal sbyor gong ma dang byas na yang phan no/ /rkub nas mar khrag shas cher 'byung ba la ni ru ha dang /khrag mkhris 'joms pa'i sman gyis 'jam rtsi bya'o/ /sna nas khrag skyon med par 'byung ba la ni/ sna nas gzhug pa dang blugs pa'i sman bya ste/ de yang gong gi sbyar sman bskol ba'i khu ba'i nang du 'o ma dang / bu ram shing gi khu ba la sogs pa dang bsres te blugs par bya'o//yang na 'o ma la sogs pa de dag kha ra dang sbyar ba'am/ yang na chu nyi tshe blugs na phan no/ /yang na se'u'i me tog dang / a mra dang / shar du la dang / de gsum gang yang rung ba'i sna sman btang ngo / /yang na sman bsil ba'i sman rtswa dUr ba dang / byi tsher ba la sogs pas lus byug pa dang / bsku mnye dang / rgyun blugs pa dang / sman khu grang mo'i nang du lus 'jug pa la sogs pa yang bya'o/ / mkhris pa'i rims kyi nad du bshad pa'i lus kyi nang dang / phyi rol nas sman du bya ba thams cad dang / glo 'grams pa dang / zad byed kyis gso ba thams cad kyang khrag mkhris 'di la phan pa yin par sbyar ro/ /gso ba'i gnas las khrag mkhris gso ba'i le'u ste gnyis pa rdzogs so// //de nas lud pa dang glo nad gso ba'i le'u bshad par bya ste/ de la rlung 'ba' zhig las gyur pa'i lud pa'i nad la ni/ thog mar rlung la phan pa'i sman sna tshogs dang sbyar ba'i snum gyi cho ga spyad par bya ste/de yang snum dang sbyar ba'i thug pa dang / khu bcud gtang ba dang / bldag pa dang / bsku ba dang / dugs dang / dud pas bdug pa dang / de bzhin du bza' ba dang / btung ba thams cad snum dang bcas par bya'o/ /gzhan yang rtug pa 'gags pa la ni 'jam rtsi mas gtong bas bsal bar bya'o//rlung las gyur ba'i lud pa de mkhris pa dang bcas par gyur na/ thog ma zas zos la de'i 'og tu mar dang 'o ma nyal kar btung ngo / /rlung las gyur pa'i lud pa bad kan dang bcas pa yin na ni/ snum dang bcas pa'i bkru sman gtang bar bya'o//de la rlung la phan pa'i sman ni sle tres dang / kaN+Da ka ri gnyis srang sum cu bskol ba'i khu ba'i nang du mar srang sum cu rtsa gnyis dang bskol te/ chu ni du/ mar ni lus pa dang de nas blud na rlung las gyur pa'i lud pa sel zhing me'i drod skyed par byed do//ya bak+Sha ra dang / ra sna dang / shu dag dang / shing kun dang / pa tha dang / shing mngar dang / 'u su dang / tsha ba rnam lnga dang / de rnams zho re re dang / mar khu bre gang dang / rtsa ba bcu pa bskol ba'i khu ba mar gyi bzhi 'gyur dang lhan cig bskol la/mar lus pa dang / de las ci ran tsam 'thungs pa'i rjes la 'bras thug blud na/ lud pa lu ba dang / dbugs mi bde ba dang / snying na ba dang / rtsib logs na ba dang / pho ba'i nad dang / skran la sogs pa sel bar byed do/ /yang na ra sna dang /rtsa ba bcu pa dang / nye'u shing dang / 'di rnams srang bcu gnyis bcu gnyis dang / rgya sran dang / rgya shug dang / nas 'di rnams srang brgyad brgyad dang / ra sha srang bcu dang / chu srang lnga brgya dang / 'di rnams lhan cig bskol te bzhi cha lus pa dang /de dang mnyam pa'i mar dang / mar gyi tshad kyi 'o ma dang / dzi ban ti'i sde tshan lhan cig bskol te/ mar lus pa dang / de las btung ba dang / snar blugs pa dang / 'jam rtsi mas gtong ba la sogs pa byas na/ rlung las gyur pa la sogs pa'i lud pa rnam lnga dang /mgo 'dar ba dang / mo mtshan dang / brla brag gi nad dang / lus dang yan lag gang yang rung ba la rlung nad byung ste na ba dang / mchin pa na ba dang / ro stod man chad kyi rlung nad sel to/ /yang na byi ri'i sde tshan chu dang tshul bzhin du bskol ba bzhi cha lus pa dang /khu ba'i bzhi cha'i mar dang lhan cig bskol la/ mar lus pa dang / bi da ra'i phye ma nyung zad btab ste/ de las ran par zos na lud pa'i nad sel to/ /yang na shing a shwa ka'i sa bon dang / shing mngar dang / bi da ka dang /skyer khaN+Da dang / shug pa dang / lan tshwa byil dang / kha ru tsha dang bcas pa 'di rnams mar dang tshul bzhin du sbyar ba'am/ yang na sman de rnams kyi phye ma mar dang sbyar ba'i lde gu sbyin zhing de'i 'og tu 'o ma blud pas nad zhi bar byed do/ /yang na byi dang ga dang / dong gra dang /ra sna dang / pi pi ling dang / shing kun dang / lce myang tsha dang / bar gyi zhes bya ba ga bra'i rtsa ba dang / ya bak+Sha ra dang / 'di rnams kyi phye ma chu don dang sbyar ba'am/ yang na mar ci ran tsam dang sbyar ba 'thungs na/ rlung dang bad kan las gyur pa'i lud pa dang /dbugs mi bde ba dang / skyigs bu dang / me'i drod chung ba rnams zhi bar byed do/ /yang na rlung las gyur pa'i lud pa la ni byi tsher ba dang / sring ga bi ra zhes bya ba bca' sga dang / zur pa dkar po dang / rgun 'brum dang / kha ra dkar po dang /sring ga ta ka dang / 'di rnams til mar dang sbyar ba'i lde gu byin na/ rlung las gyur pa'i lud pa sel to/ /yang na dus par sha zhes bya ba byi tsher ba dang / pi pi ling dang / mu ta zhes bya ba gla sgang dang / ga bra'i rtsa ba dang / kar ka ta sring gi ni dang / Sha Ti zhes bya ba zur pa dkar po dang / 'di rnams kyi phye ma bu ram rnying pa dang / til mar dang sbyar ba'i lde gu byin na/ rlung las gyur pa'i lud pa sel to/ /pi pi ling dang / bca' sga dang / kar ka ta sring ga dang / 'di rnams kyi phye ma bu ram rnying pa dang til mar dang sbyar ba'i lde gu byin na/rlung las gyur pa'i lud pa sel to/ /pi pi ling dang / sen da pa gnyis kyi phye ma chu dron mo dang sbyar ba rlung las gyur pa'i lud pa can la sbyin no/ /yang na bca' sga dang / kha ra dkar po'i phye ma zho ga chu'i nang du btab ste blud pa'am/ yang na pi pi ling dang /lce myang tsha gnyis kyi phye ma chu dang bskol ba'i khu ba'i nang du mar khol thag chad pa cung zad blugs te/ chang ngam zho ga chu gang yang rung ba dang bsres pa blud na/ rlung las gyur pa'i lud pa sel to/ /lud pa dang bcas pa'i cham pa la ni thog mar 'o ma dang /sha khu dang bcas pa'i bza' ba sbyin la/ de'i 'og tu snum dang bcas pa'i dud pa'i cho ga gong du bstan pa rnams bya'o/ /gzhan yang skyigs bu dang dbugs mi bde ba'i nad la dud pa btang ba'i cho ga 'og nas bstan pa rnams la yang lud pa'i cham pa bzhin du/ thog mar 'o ma dang sha khu'i bcud byin la/de'i 'og tu dud pa gtang bar bya'o/ /kha zas ni dro ba dang / thang dang chu la gnas pa'i srog chags kyi sha khu dang / mon sran gre'u dang / ad ma kub ta zhes bya ba kha sral phre'u'i khu ba gang yang rung ba 'bras sA lu dang / nas dang gro dang /zhag drug cu pa'i 'bras gang yang rung ba dang sbyor ba'i zas byin na/ rlung las gyur pa'i lud pa sel to/ /yang na la la phud dang / pi pi ling dang / bil ba'i rkang dang / dong gra dang / rtsi tra ka dang / ra sna dang / a dza dzi zhes bya ba za ri dang / kr-iSh+Na par+Ni dang /pa la sha dang / zur pa dang / ma nu dang / 'di rnams bskol ba'i khu ba las gzhi blangs pa'i thug pa'i nang du snum dang skyur dang lan tshwas btab pa blud na/ rked pa na ba dang / snying na ba dang / rtsib logs na ba dang / lto na ba dang / dbugs mi bde ba dang /skyigs bu rnams sel to/ /lhag par yang rlung las gyur pa'i lud pa rnams sbyong ngo / /rtsa ba bcu bskol ba'i khu ba las gzhi blangs pa'i thug pa'i nang du tsha ba lnga'i phye ma dang bu ram btab ste blud na/ rlung las gyur pa'i lud pa sel to/ /yang na til dang / 'bras sA lu dang / skyur dang / snum dang bcas pa'i thug pa'am/ yang na 'bras kyi 'o thug rgyam tshas btab pa blud na/ rlung gi lud pa la phan no/ /gong du smos pa'i rked pa la sogs pa'i nad rnams zhi bar byed do/ /nya dang / khyim bya dang / phag dang / 'di gsum gang yang rung ba'i sha khu las gzhi blangs pa'i thug pa mar dang rgyam tsha dang ldan par blud na phan yon gong dang 'dra'o//gzhan yang ba spru ka dang / ba yu si zhes bya ba mon sne'u dme ru dang / ka sa g+ha nan ti dang / kaN+Da ka ri'i lo ma dang / 'bras bu dang / la phug gzhon nu dang /skam po dang / 'di rnams la g.yos su byas pa'i tshod ma rlung las gyur pa'i lud pa can la sbyar ro/ /zas ni snum chen po bzhi dang / 'o ma dang / bu ram shing gi khu ba dang / bu ram las sbyar ba'i btung ba go d+hi ka zhes bya ba dang / de rnams dang lhan cig sbyar ba bza'o//skom du ni zho ga chu dang / rtsab mo dang / se'u 'bru'i btung ba chu dang sbyar ba la sogs pa dang / chang dang / skom 'di rnams rlung las gyur pa'i lud pa can la blud do/ /mkhris pa dang bad kan las gyur pa'i lud pa la ni snum dang bcas pa'i skyug sman btang na phan te/de bzhin du po son cha dang / tang pa la dang / shing mngar dang / 'di gsum chu dang bskol ba'i khu ba blud do/ /slon par byas na phan no/ /yang na po son cha dang / shing mngar gyi phye ma bu ram shing gi khu ba'am/bi da ra'i khu ba gang yang rung ba'i nang du btab ste blud na skyugs par 'gyur te/ mkhris pa dang bad kan las gyur pa'i lud pa sel to/ /mkhris pa las gyur pa'i lud pa bad kan gyi shas chung na ni/ shing nye rong gcig pu rgun 'brum la sogs pa'i mngar bag dang sbyar ba'i bkru sman btang ngo //ci ste bad kan gyi shas che na shing nye rong sman kha ba'i bag dang sbyar la btang ngo / /de ltar slon khrus kyis nad dag par byas nas/ de yang mkhris pa shas che zhing bad kan chung ba'i lud pa'i nad la ni/ mngar bag dang /snum bag dang sbyar ba'i thug pa grang mo blud do/ /bad kan shas che zhing mkhris pas shas chung ba'i lud pa la ni/ sman kha ba dang / rtsub pa dang sbyar ba'i thug pa grang mo blud do/ /mkhris pa nyi tshe las gyur pa'i lud pa la ni/ si da zhes bya ba'i kha ra dkar po dang /ut+pa la dang / 'di rnams sbrang rtsi dang lde gur byas nas byin na zhi bar 'gyur ro/ /bad mkhris dang bcas pa'i lud pa la ni/ gong ma'i sman gyi steng du gla sgang dang / na le sham gyis btab ste sbyin no/ /mkhris pa dang rlung las gyur pa'i lud pa la ni/gla sgang dang / na le sham ma gtogs pa gong ma'i sbyor ba sman gyi steng du mar gyis btab pa'i lde gu bldag tu bcug na phan no/ /mkhris pa las gyur pa'i lud pa la ni rgun 'brum lnga bcu pa dang / ka ni li zhes bya ba'i pi pi ling sum cu dang /sha kha ra srang gcig dang / 'di gsum sbrang rtsi dang lde gur byas te sbyin no/ /yang na be'u rtswa ma zos pa'i tshan bu'i khu ba btsir ba dang / sbrang rtsir sbyar ba zos na mkhris pa las gyur pa'i lud pa sel to/ /yang na star ga zhes bya ba'i shing tsha dang / byo sha zhes bya ba'i tsha ba gsum dang / rgun 'brum dang / pi pi ling gi rtsa ba dang / ma nu dang / 'bras yos dang / gla sgang dang / zur pa dkar po dang / ra sna dang / skyu ru ra dang / sha kha ra 'di rnams kyi phye ma mar dang sbrang rtsi dang sbyar ba'i lde gu zos na snying nad dang / lud pa'i nad sel to//yang na srog chags thang la gnas pa'i mngar ba'i sha dang / khre dang khre rgod kyi bza' ba dang / mon sran sde'u la sogs pa'i khu ba dang / tshod ma kha bar sbyar ba zos na mkhris pa las gyur pa'i lud pa sel to/ /bad kan shas che ba la ni sman kha ba dang / sbrang rtsi dang sbyar ba'i lde gu sbyin no/ /bad kan gyi shas chung ba la ni 'bras drug cu pa'i chan 'o ma la sogs pa'i khu ba dang lhan cig sbyin no/ /btung ba ni sha kha ra dang sbyar ba'am/ yang na rgun chu'am/ bu ram shing gi khu ba'am/ 'o ma bskol la bsgrangs pa blud par bya'o//ka ko la zhes bya ba ram nye'u pa rnam gnyis dang / me da rnam gnyis dang / bri ha ti rnam gnyis dang bri sha zhes bya ba rnam gnyis dang / ba sha ka dang / dong gra dang 'di rnams zhib tu btags te/ sha khu'am/ 'o ma'am/ thug pa gang yang rung ba 'u shar sbyar te blud na/mkhris pa las gyur pa'i lud pa sel to/ /rgun 'bru dang / pi pi ling dang / rtswa'i rtsa ba lnga chu dang bskol ba'i khu ba dang / 'o ma dang yang bskol ba'i chu ni du/ 'o ma lus pa dang / bsgrangs pa'i steng du sbrang rtsi dang sha kha ra btab pa 'thungs na/ mkhris pa las gyur pa'i lud pa zhi bar byed do//yang na gong ma'i sman khu las gzhi blangs pa'i thug pa bsgrangs pa'i nang du sbrang rtsi btab pa blud pa'am/ yang na zur pa'am/ hri be Da zhes bya ba u di tsa dang / bri ha ti dang / sha kha ra dang / bi sha be sha rtsa zhes bya ba bca' sga dang /'di rnams chu dngas su byas te/ ras las btsags la tshigs ma bor ba'i khu ba'i nang du mar gyis bsres te 'thungs na/ mkhris pa las gyur pa'i lud pa'i nad zhi bar byed do/ /sha kha ra dang / dzi ba ka dang / mung+ga par+Ni/ ma sha par+Ni dang / dur ba la zhes bya ba byi tsher ba dang / 'di rnams cham chom brdungs te/ mar gyi brgyad 'gyur gyi 'o ma dang chu dang lhan cig bskol te/ mar nyi tshe lus pa dang / de las btung ba dang / bza' ba dang bsku ba la sogs pa byas na mkhris pa las gyur pa'i lud pa las rgyal lo//yang na sman gong ma de rnams kyi phye ma sbrang rtsi dang sbyar ba'i lde gu'am/ yang na bskol ba'i khu ba bsgrangs pa 'thungs na phan no/ /bad kan las gyur pa'i lud pa'i nad la ni thog mar lha shing zhes bya ba thang shing dang mar bskol la mar lus pa'i nang du/tsha ba gsum dang / nas tshigs 'khus pa'i thal ba'i phye ma btab pa'i mar gyi snum gyi cho ga bya ste/ de'i 'og tu skyug sman dang / bkru sman dang / sna sman la sogs pa gong ma'i mar las gzhi blangs te/ nyams dang sbyar ba ci rigs par gtang ngo //nad pa nyams stobs chung ba la ni slon khrus dang / sna sman drag po mi gtong ngo / /de ltar slon khrus byas pa'i rjes la/ nas dang / mon sran sde'u dang / rgya sran la sogs pa rtsub pa dang / na le sham la sogs pa tsha ba'i sman sbar ba'i thug pa dron mo blud do//ka sa mar da ka dang / brta ka zhes bya ba dang / bya gr-i zhes bya ba kaN+Da ka ri dang / de rnams kyi tshod ma ya bak+Sha ra dang / pi pi ling dang ldan par byas la sbyin no/ /srog chags thang la gnas pa dang / khung na gnas pa'i sha khu til dang /yungs kar dang / bil ba dang / de rnams gang yang rung ba mar dang sbar ba'i khu ba sbyin no/ /skom du ni rtsa ba bcu pa bskol ba'i chu'am/ chu bskol ba'am/ yang rtag tu chang 'thung ba yin na yang chang ngam/ yang na sbrang rtsi dang chu sbyar ba blud do/ /yang na ma nu'i rtsa ba dang /dong ga'i rtsa ba dang / pa to la'i rtsa ba dang / de rnams cham chom brdungs la chu dang nub gcig spangs te/ de'i khu ba sbrang rtsi dang sbyar ba 'tshal nan du blud na bad kan las gyur ba'i lud pa sel to/ /yang na pi pi ling dang / pi pi ling gi rtsa ba dang / srid kha be re zhes bya ba bca' sga dang / ba ru ra dang de rnams sbrang rtsi dang lde gur byas pa byin na bad kan gyi lud pa 'phrog go/ /yang na rma bya dang / khyim bya'i sgro zhig kha gab can gyi nang du bcug ste bsregs la/ snag tsha bzhin du nag po song ba dang / nas tshig 'khus pa'i thal ba dang bsres la sbrang rtsi dang sbyar ba'i lde gu byin na/bad kan las gyur ba'i lud pa zhi bar byed do/ /yang na bi sha la zhes bya ba shing nye rong dang / in+d+ra ba ru ni dang / pi pi ling dang / gla sgang dang / dri bi rtsa zhes bya ba shing nye rong dang / 'di rnams kyi phye ma sbrang rtsi dang sbyar ba blud pa'am/ yang na na le sham dang / sbrang rtsi sbyar ba'i lde gu'am/ yang na rdzong ga ka zhes bya ba a ka ru dang / sbrang rtsi sbyar ba'am/ yan na kaN+Da ka ri dang / sbrang rtsi dang sbyar ba'am/ yang na par pa ta dang / sbrang rtsi sbyar ba'am/ yang na bri ka ra dza dang / sbrang rtsi sbyar ba'am/ yang na ka sa ga na dang / sbrang rtsir sbyar ba'am/ yang na rta nag po'i rtug pa btsir ba'i khu ba dang sbrang rtsi sbyar ba'am/ sbyor ba 'di rnams gang yang rung ba zos na/ bad kan las gyur pa'i lud pa zhi bar byed do//thang shing dang / zur pa dang / kar ka ta shring gi dang / byi tsher ba dang / 'di rnams til mar dang sbrang rtsi dang sbyar ba zos na/ bad kan dang rlung las gyur pa'i lud pa zhi bar byed do/ /yang na pi pi ling dang / dong gra dang / gla sgang dang /a ru ra dang / skyu ru ra dang / kha ra dkar po dang / 'di rnams sbrang rtsi dang / til mar dang sbyar ba dang / yang 'bras yos dang / kha ra dkar po dang / skyu ru ra'i shing gi myu gu dang / 'di rnams til mar dang sbrang rtsi dang sbyar ba'i sbyor ba gsum po de dag gang yang rung ba zos na/bad kan las gyur pa'i lud pa sel to/ /yang na se'u 'bru srang gnyis dang / bu ram srang brgyad dang / tsha ba gsum srang re re dang / 'di rnams kyi phye ma zos na yang yi ga 'bye zhing me'i drod skyed pa dang / skad snyan par 'gyur ba dang / cham pa dang / dbugs mi bde ba dang / lud pa las rgyal bar 'gyur ro/ /yang na bu ram srang gnyis dang / nas tshig 'khus pa'i thal ba zho gcig dang / pi pi ling dang na le sham zho gnyis gnyis dang / se'u 'bru srang phyed dang 'di rnams kyi phye ma zos na/lud pa dang / dbugs mi bde ba sel to/ /yang na rims nad gso ba'i skabs su/ a ru ra la sogs pa'i sbyar sman bstan pa'i nang du kar ka ta shring gi bsnan la bskol ba'i khu ba blud na lud pa la rab tu phan no/ / yang na d+hi s+ya zhes bya ba la la phud dang / dur byid dang / bi sha la dang / gla sgang dang / puSh+kar mU la dang / pi pi ling dang / 'di rnams ba gcin nam chu gang yang rung ba dang bskol ba'i khu ba 'thungs na bad kan las gyur pa'i lud pa zhi bar 'gyur ro/ / yang na pi pi ling zho gnyis dang / kha ra dkar po zho gnyis kyi phye ma dang / til mar zho bzhi dang bskol nas ri lur byas la/ rgya sran bskol ba'i khu ba'i nang du mnyes te 'thungs na bad kan las gyur pa'i lud pa 'joms so/ /yang na rtsa ba bcu pa bskol ba'i khu ba srang brgya nyi shu rtsa brgyad kyi nang du mar srang sum cu rtsa gnyis dang /puSh+kar mU la dang / zur pa dang / bil ba dang / byi'u rug pa dang / tsha ba gsum dang / shing kun dang / 'di rnams zho gnyis gnyis dang lhan cig bskol te/ mar 'ba' zhig lus pa dang /thog mar thug pa blud la de las ran par 'thungs na/ rlung dang bad kan gyi nad thams cad 'joms so/ /yang na nir gun thig le zhes bya ba shes pa la'i lo ma bskol ba'i khu ba'i bzhi 'gyur gyi mar dang bskol te mar lus pa 'thungs na lud pa 'joms so//yang na byi tang ga bskol ba'i khu ba'i nang du mar dang tsha ba gsum bskol ba'i khu ba 'thungs na/ lud pa zhi bar byed do/ /yang na ba spru ba me tog dmar po can dang bye'u rug pa dang / ka sa ma ra dang / a ru ra dang / pa to la dang / bri ha ti dang / pha na dzi ka dang /'di rnams bskol ba'i khu ba'i nang du mar dang / 'o ma dang / tsha ba gsum dang yang legs par bskol nas mar lus pa dang / de las ran par 'thungs na/ lud pa lu ba dang / rims mi bzad pa dang / zad byed kyi nad dang / gzhang 'brum la sogs pa las thar bar byed do//yang na kaN+Da ka ri'i rtsa ba dang / 'o ma dang bcas pa chu dang tshul bzhin du bskol ba'i khu ba srang brgya nyi shu rtsa brgyad kyi nang du/ mar srang sum cu rtsa gnyis dang / sman pa la dang / tsha ba gsum dang / byi dong ga dang /zur pa dang / bal po se'u dang / se'u rtsa la zhes bya ba kha ru tsha dang / ya bak+Sha ra zhes bya ba nas tshig 'khus pa'i thal ba dang / ma nu'i rtsa ba dang / bri k+Shi ba zhes bya ba ba spru ba dang / bri ha ti dang / a ru ra dang / la la phud dang / kru trug tres dang /rgun 'brum dang / dbyi mo dang / pur+Na rna ba me tog dmar po can dang / byi tsher ba dang / a ma la po ta sa zhes bya ba lta bu dang / kar ka ta shring gi ni dang / ta ma la ki dang / b+har gi zhes bya ba ga bra'i rtsa ba dang / ra sna dang / gze ma dang / 'di rnams cham chom brdungs pa dang /'di rnams lhan cig bskol te/ mar lus pa'i ming ni kaN+Da ka ri'i sman mar zhes bya ba ste/ de las ran par 'thungs na/ lud pa'i nad rnam pa lnga dang / dbugs mi bde ba'i nad rnam pa lnga dang / skyigs bu'i nad rnam pa lnga po rnams la rab tu bsngags te/bad kan 'joms par byed pa yang yin no/ /yang na kaN+Da ka ri srang brgyad btags pa'i phye ma chu srang nyis stong bzhi bcu rtsa brgyad bskol te/ srang brgya nyi shu rtsa brgyad lus pa'i nang du mar srang bcu drug dang / kha ra dkar po srang bzhi bcu dang /tsha ba gsum dang / ra sna dang / sle tres dang / kru trug tres dang / kar ka ta shring gi dang / ga bra'i rtsa ba dang / gla sgang dang / pi pi ling mU la dang / da na ya zhes bya ba byi tsher ba dang / 'di rnams srang phyed phyed zhib tu btags pa blugs la lhan cig bskol te/khu ba du zhing mar lus te/ dril du btub pa dang / phyir phyung ste/ snod kyi nang du bsgrangs pa dang / pi pi ling srang brgyad dang / smyig rkang srang brgyad dang / sbrang rtsi rnying pa srang bcu drug dang / 'di rnams mnyes te lde gur byas nas ran par zos na/skran dang / snying nad dang / skrangs pa dang / gzhang 'brum dang / dbugs mi bde ba dang / lud pa thams cad las nges par rgyal bar 'gyur ro/ /bad kan las gyur pa'i lud pa rtag tu 'byung ba la ni/ dud pa kha nas brngub pa'i cho ga bya ba dang yang na bkru sman btang na zhi bar 'gyur ro//yang na ldong ros dang / ba bla dang / shing mngar dang / gan+d+ha man si zhes bya ba spang spos dang / gla sgang dang / shing ing gu da'i shun phrags dang / 'di rnams dang dud pa brngub pa'i cho ga mdo'i gnas su bstan pa bzhin du ji srid lud pa sos kyi bar du bya'o//de'i 'og tu bu ram dang / 'o ma dro 'jam tsam du sbyar ba skom du blud na lud pa rtsa ba nas 'joms so/ /rlung dang bad kan las gyur ba'i lud pa ni sman khong pa'i dud pa brngub pa byas na/ rgyun gyi lud pa dang 'phral gyi lud pa 'joms so//bad kan gyi lud pa bar bar du mun pa bzhin du snang na ni mkhris pa dang 'brel pa yin no/ /de la ni mkhris pa dang / bad kan gso ba'i cho ga ji lta ba bzhin du bya'o/ /bad kan dang rlung 'dres pa'i lud pa'i nad la ni dang po bad kan 'ba' zhig gso ba'i dpyad gong du bstan pa bzhin du bya'o//rlung dang mkhris pa dang bad kan 'di gsum 'dus pa'i lud pa la ni thog mar mkhris pa gso bar bya'o/ /rlung dang bad kan gyi lud pa skam po 'byung ste/ rlung shas che ba la ni snum gyi cho ga bya'o/ / de nyid phyi sa sla bar 'byung ste/ bad kan gyi shas che ba la ni rtsub pa'i cho ga bya'o/ /mkhris pa'i shas che na ni kha ba'i bag bsten par bya'o/ /glo 'grams te khrag dang bcas pa'i lud pa 'byung ba la ni de ma thag rgya skyegs dang sbrang rtsi dang 'o ma dang 'di gsum sbyar ba blud do//de zhu ba'i tshod tsam na 'bras chan 'o ma dang sha kha ra dang bcas pa sbyin no/ /lud pa lu ba'i tshe rtsib logs gnyis dang / chu sor zug gzer byed cing mkhris pa'i me drod chung ba la ni rgya skyegs chang dang sbyar ba blud do/ /lud pa lu zhing phyis sla bar 'byung ba la ni me'i drod nyams chung na de la ni rgya skyegs dang /gla sgang dang / bong nga dkar po dang / pa ca dang / dug mo yungs kyi shing shun dang 'di rnams btags pa'i phye ma chu dang sbyar ba blud do/ /lud pa lu zhing me drod tshabs cher skyes pa la ni rgya skyegs dang / mar dang /spra tshil dang / sman 'tsho byed kyi sde tshan dang / smyig rkang dang 'di rnams cha snyoms te 'o ma dang bskol ba blud na phan no/ /glo 'grams te khrag ma chod pa la ni/ ish+t+r+wa ri ka dang / pad+ma'i rtsa ba'i tshigs dang / pad+ma ge sar dang / tsan+dan dkar po dang / 'di rnams cham chom brdungs te/'o ma dang bskol ba bsgrangs pa'i nang du sbrang rtsi btab pa 'thungs na khrag chod par byed do/ /yang na nas rjen btags pa'i 'o ma dang bskol ba'i thug pa mar dang sbyar ba'am/ yang na kha ra dkar po'i phye ma dang / 'o ma sbrang rtsi dang sbyar ba'i thug pa blud na/glo 'grams pa'i nad dang rims sel to/ /zad byed kyi lud pa la ni mngar ba'i sman rgun 'brum dang / shing mngar la sogs pa sbyar ba'i mar byin na phan no/ /yang na bu ram chu bskol ba dang bsgrangs pa'i nang du na le sham dang sbrang rtsi btab pa blud pa'am/yang na skyu ru ra'i phye ma dang 'o ma dang bskol ba mar dang ldan pa blud pa'am/ yang na bcud kyis len gyi skabs su pi pi ling gi cho ga bstan pa bzhin du sbyar bar bya'o/ /lud pa lu ba dang / tshigs dang rus par zug cing na ba la ni sbrang rtsi dang / shing mngar dang / shing tog ma du ka dang / rgun 'brum dang / tu kash+ki ra zhes bya ba'i smyig rkang dang / ba la dang / pi pi ling dang 'di rnams mar dang sbyar ba byin na phan no/ /yang na tri dza tra zhes bya ba dri sna gsum zho re re dang / pi pi ling srang phyed dang / kha ra dkar po dang /shing tog ma du ka dang / khar dzu ra zhes bya ba 'bra go dang 'di rnams zho re re zhib tu btags la sbrang rtsi dang ri lu byas pa ni sug smel gyi ri lu zhes bya ste/ de las ran par zos na ro tsa bar byed de/ khrag dang mkhris pa dang / lud pa dang / dbugs mi bde ba dang /yi ga 'chus pa dang / skyugs pa dang / brgyal ba dang / skyigs bu dang / rmongs pa dang mgo 'khor ba dang / glo gcong zad byed kyi nad dang / glo 'grams pa'i nad dang / skad nyams pa dang / mchin pa na ba dang / skem byed kyi nad dang / dreg dang / lud pa khrag tu 'byung ba dang / snying dang / rtsib logs na ba dang / skom dad che ba dang / rims sna tshogs la yang phan no/ /lud pa khrag tu 'byung ba la ni ba spru ba me tog dmar po can dang / sha kha ra dang / 'bras thug po che dang / sA lu dmar po'i phye ma rgun chu dang /'o ma dang chu bzhin du bskol ba'i nang du mar btab pa blud do/ /yang na shing mngar dang / shing tog ma du ka dang / 'bras thug po che dang / 'o mar sbyar ba'i thug pa blud na phan no/ /glo 'grams te kha dang sna la sogs pa las khrag mang po lud pa la ni khrag dang /mkhris pa'i gso ba thams cad bya'o/ /glo 'grams pa'i lud pa rlung gis lam gzhan du song ste/ lud pa ma thon zhing 'gags pa la ni/ ra'i tshil ran par bzhus la chang gi nang du rgyam tsha dang ldan par byas te blud na phan no//glo 'grams pa dang / nyams stobs chung ba dang glo gcong zad byed dang / gnyid mi 'ong ba dang / me drod rno ches pa la ni 'o ma bskol te/ spris ma ska bar gyur pa'i nang du sha kha ra dang sbrang rtsi dang / mar dang sbyar ba'i bza' ba sbyin no/ /yang na kha ra dang /nas dang / gro dang / dzi ba ka dang / zangs rtsi ba dang / 'di rnams kyi phye ma sbrang rtsi dang sbyar ba'i lde gu'am 'o ma sbyar ba'i thug pa sbyin no/ /khrag dang sha zad pa'i nad la ni srog chags sha za'i sha bskol ba'i khu ba'i nang mar khu dang / sbrang rtsi dang pi pi ling sbyar ba zos na sha khrag skye bar byed do//glo 'grams pa dang / glo gcong zad byed dang / sa bon dang / dbang po rnams nyams pa la ni/ n+ya gro d+ha dang / u dum+bA ra dang / shing a shwad+tha dang / p+lag sha dang / shing sA la dang / gan+d+ha pri yang ku dang / shing ta la'i rtse mo dang / shing 'dzam bu'i shun pa dang / shing pi ya li dang / shug pa dang / shing a shwa karna dang / 'di rnams 'o ma dang lhan cig bskol ba'i khu ba dang / mar dang 'bras chan dang bcas pa zos na phan no/ /rlung dang mkhris pa las gyur pa'i glo 'grams pa'i nad btsugs pa ltar na ba la ni lus la mar gyis bsku byug bya'o//rlung las gyur pa'i glo 'grams shing btsugs pa snyam byed pa'i nad la ni/ rlung 'joms pa'i sman sna tshogs dang / til mar du sbyar bas bsku byug bya'o/ / snying dang rtsib logs su zug pa'i nad la ni sman 'tsho byed sna bcu bskol ba'i khu ba mar dang yang bskol la/ mar 'ba' zhig lus pa blud do/ /yang na snying dang rtsib logs su zug pa na rlung dang mkhris pa dang khrag gang las gyur pa legs par brtags te/ so so dang mthun pa'i sman gtang bar bya'o//shing mngar dang / na ga ba la dang / 'di gnyis bskol ba'i khu ba'i bzhi cha lus pa'i nang du sman khu'i phyed kyi mar dang de dang mnyam pa'i 'o ma btab pa dang / pa ya s+ya dang / pi pi ling smyig rkang dang / 'di rnams cham chom brdungs te/lhan cig bskol la mar 'ba' zhig lus pa dang / de las ran par 'thungs na glo 'grams pa'i nad zhi bar byed do/ /sman dzi ban ti'i sde tshan bca' sga dang / nye'u shing dang / bi ra zhes bya ba ram nye ba dang / ba spru ba rnam gnyis dang /ga bra'i rtsa ba dang / ri di dang / kha sral phre'u dang / zur pa dang / ta ma la ka dang / shing ga tra ka dang / pa ya s+ya dang / rtsa ba chung ngu lnga dang / rgun 'brum dang / a sho zhes bya ba star ga la sogs pa'i 'bras bu mngar zhing snum pa dang /nyams stobs skyed pa'i sman de rnams zho gnyis zhib tu btags pa'i phye ma mar srang sum cu rtsa gnyis dang / 'o ma dang / skyu ru ra btsir ba'i khu ba dang / bi da ri btsir ba'i khu ba dang / ra sha 'di bzhi srang sum cu rtsa gnyis gnyis dang chu srang brgya drug cu dang /'di rnams tshul bzhin du bskol te/ mar 'ba' zhig lus pa bsgrangs pa'i nang du sbrang rtsi srang bcu drug dang / sha kha ra srang bcu drug gi phye ma dang / na le sham dang / sug smel dang / shing tsha dang / gan+d+ha pa tra dang / nA ga ge sar dang /'di lnga srang phyed phyed kyi phye ma dang / 'di rnams dang lde gur byas te/ de las 'ju stobs che chung dang sbyar te bsten na ji ltar lha rnams dang / klu'i mchog rnams la bdud rtsi bsten na mi 'chi ba bzhin du sman mar 'di yang sngon gyi drang srong chen po rnams kyis mi rnams la bdud rtsi dang 'dra bar bshad de/de las ci ran par 'thungs na/ sa bon nyams pa dang / glo gcong dang / glo 'grams pa dang / nad ma rungs pa rnams kyis lus nyam chung ba dang / nyal po mi nus pa dang / mdog dang skad nyams pa 'phel ba dang /lud pa dang / skyigs bu dang / rims dang / dbugs mi bde ba dang / lus tsha ba dang / skom dad che ba dang / khrag dang mkhris pa sel bar byed do/ /gzhan yang bu bzang po ster ba dang / skyugs pa dang / brgyal ba dang / snying na ba dang / mngal na ba dang / gcin nad la sogs pa'i nad thams cad sel bar byed do/ /gze ma dang / pu shel tse dang / btsod dang / ba la dang / ka ma li zhes bya ba tang pal dang / b+hu ti ka dang / rtswa dUr ba'i rtsa ba dang / kr-iSh+Na par+Ni dang / pa la sha'i rtsa ba dang /thal tres dang / sa la par+Ni dang / sman de rnams srang re re dang / chu srang brgya bdun cu rtsa drug dang bskol te/ khu ba srang bzhi bcu rtsa bzhi lus pa'i nang du mar srang sum cu rtsa gnyis dang ba'i 'o ma srang brgya bdun cu rtsa drug gi nang du/ ad ma kub ta dang /dzi ban ti dang / med rnam gnyis dang / zangs rtsi ba dang / dzi ba ka dang / rid d+hi ka dang / rgun 'brum rnam gnyis dang / sha kha ra dang / sra ma na dang / pad+ma'i rtsa ba dang / 'di rnams zho drug cham chom brdungs te lhan cig bskol te/ mar srang sum cu rtsa gnyis lus pa dang de las ran par 'thungs na/rlung dang mkhris pa dang / snying 'dzag cing na ba la phan no/ /gzhan yang gcin sri ba dang / gcin nad dang / gzhang 'brum dang / lud pa dang / lus skem pa dang / zad byed rnams la phan zhing gzhu 'dren pas dub pa dang /bud med kyis dub pa dang / khur chen pos dub pa dang / chang gis dub pa dang / lam gyis dub pa rnams la phan te stobs dang sha skyed par byed do/ /shing mngar srang brgyad dang / rgun 'bru srang bcu drug dang / chu srang sum brgya brgyad cu rtsa drug dang bskol te/srang dgu bcu rtsa bdun lus pa'i khu ba'i nang du mar srang sum cu rtsa gnyis dang yang tshul bzhin du bskol te/ mar nyi tshe lus pa'i nang du/ pi pi ling srang brgyad dang / nas kyi phye srang nyi shu rtsa gnyis dang / sha kha ra dang /sbrang rtsi srang brgyad brgyad zhib tu btags pa'i phye mas btab ste 'dag gur byas nas de las ran par zos na/ glo gcong zad byed dang / glo 'grams pa dang / khrag skran dang / de rnams la phan no/ /yang na da dri zhes bya ba skyu ru ra'i 'bras bu dang / bi da ri dang / bu ram shing dang /sman 'tsho byed sna bcu dang / 'di rnams srang sum cu rtsa gnyis gnyis dang bskol ba'i khu ba'i nang du mar dang / ba'i 'o ma bre re re dang 'di rnams lhan cig bskol te/ mar 'ba' zhig lus pa dang / phyir phyung ste btsags la bsgrangs pa'i nang du kha ra dkar po dang /sbrang rtsi bre re re btab ste de las ran par 'thungs na/ gcong chen po'i nad dang / mkhris pa dang / khrag dang / lud pa dang / skem byed dang / zad byed rnams la phan te/ /gzhan yang tshe ring ba dang / na tshod brtan pa dang /sha dang / khu chu dang / stobs 'phel bar byed do/ /gzhan yang sman gyi lde gu de ni rlung dang mkhris pa'i shas che ba yin na yang sman mar nyung ngus zhi bar byed cing zil gyis gnon par 'gyur ro/ /gong du bshad pa'i sman mar gsum po sug smel gyi sman mar dang / bdud rtsi'i sman mar dang / skyu ru ra'i sman mar 'di gsum gyi phan yon gyi dmigs ni lus nyam chung ba dang / rid pa dang / zad byed rnams la phan no/ /gzhan yang zad byed dang / nyam chung ba dang / rid pa rnams la ni cu gang dang / pi pi ling dang / 'bras yos rnams btags pa'i phye ma mar dang sbrang rtsi dang sbyar ba'i lde gu byin na phan no//de'i 'og tu mar dang bu ram sbyar ba'i btung ba blud na/ ro tsa bar byed cing bud med la phod pa dang / nyams stobs dang ldan zhing lus myur du rgyas par byed do/ /yang na ku sman da'i phyi shun dang /snying po bor ba'i lhag ma srang brgya rlangs pa'i nang du btsos te/ tshos pa dang phyir phyung la/ mar srang sum cu rtsa gnyis kyi nang du yang bskol la dkrug cing sbrang rtsi dang 'dra bar gyur pa dang / de'i nang du hwags srang brgyad dang / pi pi ling dang /bca' sga dang / tha we dang / 'di gsum srang gsum gsum dang / dri sna gsum dang / d+ha rna yang zhes bya ba 'u su dang / na le sham 'di rnams srang phyed phyed kyi phye mas btab la phyir phyung ste/ snod snum can gyi nang du bcug la bsgrangs te/ sbrang rtsi srang bcu drug dang bsres la dkrugs te/lde gu snod kyi nang du bzhag pa ni lha'i sman pa tha skar gyi bu gnyis kyis bshad pa/ ku sman da zhes bya ba'i bcud kyis len yin te/ de las ran par zos na/ lud pa dang / skyigs bu dang / rims dang / dbugs mi bde ba dang /khrag dang / mkhris pa dang / glo gcong zad byed dang / glo 'grams pa sel to/ /blo dang / dran pa dang / stobs skyed par byed do/ /mahA ba la zho gcig 'o ma dang / sha sbyar ba dang po'i zhag la zho gcig bza'o/ /de nas zhag brgyad kyi bar du zho re res bskyed de/ srang gcig tu gyur pa dang /de la zhag brgyad kyi bar du zho re res mar phri la/ de nas zhag drug gi bar du zho re res yar bskyed do/ /de ltar zhag nyi shu rtsa gnyis kyi bar du cho ga de ltar byas te/ kha zas gzhan mi bza' bar sbyor ba de dag byas na/ lus kyi nyams stobs dang tshe dang mdog gsal bar byed pa'i mchog yin no//yang na mung+ga par+Ni'i lo ma'am/ shing mngar ram/ bca' sga 'di gsum gang yang rung ba'i cho ga gong ma ltar byas na phan yon yang gong ma dang 'dra bar shes par bya'o/ /mahA ba la srang brgyad chu srang brgya lnga bcu rtsa gnyis kyi nang du bskol te/khu ba bzhi cha lus pa dang / de'i nang du khu ba dang mnyam pa'i mar dang / de dang mnyam pa'i 'o ma dang / ba la dang / a ti ba la dang / shing mngar dang / ba sbru ba dang / pra puN+Da rI ka dang / tang pa la dang / pi la ya dang / kha sral phre'u dang / a shwa gan+d+ha dang / kha ra dkar po dang / zangs rtsi ba dang / me da rnam gnyis dang / gzem dang / ram nye ba rnam gnyis dang / pa ya s+ya dang / zi ra rnam gnyis dang / pad+ma'i rtsa ba dang / pad+ma'i rtsa lag dang / 'bra go dang / shring ga ta ka dang / ka she ru ka dang /'di rnams srang phyed phyed cham chom brdungs te bsres la lhan cig bskol te/ mar 'ba' zhig lus pa ni ma hA ba la'i mar zhes bya ste/ de las ran par 'thungs na/ khrag dang / mkhris pa dang / glo gcong zad byed dang / glo 'grams pa las rgyal bar byed do//de bzhin du skom dad che ba dang / mgo 'khor ba dang / lus tsha ba dang / lus sha rgyas shing nyams stobs 'phel ba'i mchog yin no/ /gzhan yang tshe ring bar 'gyur ba dang / mdangs bzang bar 'gyur ba dang / mdog sdug par 'gyur ba dang / gnyer ma dang skra dkar 'joms par byed pa yin la/ zla ba drug gi bar du bsten na/ rgan po yang gzhon nur 'gyur ro/ /gong du smos pa'i sman mar de dag ni nyams stobs che zhing me drod che ba la gtang ba yin gyi/ nyams stobs chung ba dang / me drod chung ba la yang ma yin te/de ltar drod chung ba las ni phyi sa sla ba 'byung ba yin te/ de la ni gcong chen po gso ba'i cho ga rnams bya'o/ /rtsa ba bcu pa dang / sran ma ad ma kun ta dang / shang ka puSh+pa dang / zur pa dang / ba la dang / hasti pi pi ling dang / a pa mar ga dang /pi pi ling gi rtsa ba dang / kru trug tres dang / ga bra'i rtsa ba dang / ma nu'i rtsa ba dang / 'di rnams srang gnyis gnyis cham chom brdungs pa dang / nas srang drug cu rtsa bzhi dang / a ru ra bzang po rdog ma brgya dang / chu srang sum brgya nyi shu dang /'di rnams lhan cig bskol la/ nas tshos pa dang / phyir phyung la btsags te/ a ru ra ma gtogs pa tshigs ma bor te/ a ru ra btsos pa de nyid sman khu dang / bu ram srang brgya dang / mar srang brgyad dang / til mar srang brgyad dang / pi pi ling srang bzhi dang / 'di rnams bskol te bsgrangs pa'i nang du sbrang rtsi srang brgyad btab pa ni/drang srong ri byi'i lde gu zhes bya ste/ de las rtag tu a ru ra rdog ma gnyis gnyis dang bcas pa'i lde gu zos na bcud kyis len du 'gyur te/ gnyer ma rangs pa dang / skra dkar med cing mdog dang / che dang / stobs kyang 'phel bar byed do/ /gzhan yang lud pa rnam pa lnga dang / zad byed kyi nad dang / dbugs mi bde ba dang / skyigs bu dang / rims mi bzad pa dang / skran dang / gcin nad dang / pho ba'i nad dang / gzhang 'brum dang / snying nad dang / yi ga 'chus pa dang /cham pa rnams la phan te/ dpal bskyed cing bcud kyis len gyi mchog tu drang srong chen po ri byis bshad pa yin no/ /rtsa ba bcu pa dang / ba la dang / mur ba dang / ser po rnam gnyis dang / pi pi ling dang / hasti pi pi ling dang / pa tha dang /a shwa gan+d+ha dang / a pa marga dang / kha sral phre'u dang / bong nga dkar po dang / sle tres dang / ba la dang / bil ba dang / tri bi ta zhes bya ba shing nye rong dang / dan ti dang / tsi tra ka'i rtsa ba dang / lo mar bcas pa dang / pa yas s+ya zhes bya ba k+Shi ri ni dang /dug mo nyung dang / spang spos dang / bi za ka zhes bya ba a sa na'i shing gi snying po dang / 'o mar bcas pa dang / bo ta s+tha bi ra zhes bya ba'i shing dang / go bye dang / byi dang ga dang / nye'u shing dang / bu ta ka rany+dza dang /sha mya ka zhes bya ba dong ga dang / tsan+d+ra me kha dang / sa ha ra tsa zhes bya ba ba spru dang / shi kru dang / nim pa'i shun phrags dang / bu ram shing gi khu ba dang / 'di rnams srang re re dang / a ru ra stong chig brgya dang / nas srang brgya nyi shu rtsa brgyad dang /sman de rnams kyi brgyad 'gyur chu dang bskol ba gong ma ltar nas tshos pa dang phyung ste/ khu ba btsir la a ru ra ma gtogs pa'i snyigs ma bor te/ yang a ru ra tshos pa de dang / bu ram rnying pa srang brgya dang / til mar dang / mar dang / skyu ru ra'i khu ba dang / 'di rnams srang sum cu rtsa gnyis gnyis rnams me mi che ba la yang bskol te/dril du btub pa tsam na phyung ste/ bsgrangs nas de'i nang du sbrang rtsi srang drug cu rtsa bzhi dang / pi pi ling skam po srang bzhi dang / dri sna gsum srang re re zhib tu btags pa'i phye ma btab ste/ de rnams legs par bsres nas dkrugs te/snod rdza ma rnying pa'i nang du bcug nas zla ba gcig gi bar du nas kyi phung po'i nang du bzhag ste/ de nas gong ma bzhin du a ru ra gnyis gnyis lde gu dang bcas par zos na/ drang srong chen po gnas 'jog gis bshad pa'i bcud kyis len gyi lde gu zhes bya ste/gong du smos pa'i lde gu thams cad pas khyad par du phan yon lhag pa yin no/ /nad med pa rnams la yang cho ga bsrung mi dgos par dus thams cad du bsngags so/ /lce myang tsha dang / bca' sga srang re re dang kha ru tsha srang gnyis dang /da trig dang / se'u 'bru dang / ardza ka zhes bya ba zhim thig le dang / de rnams srang brgyad brgyad dang / na le sham dang / go snyod zho re re dang / 'u su zho gnyis dang / 'di rnams zhib tu btags te bza' ba dang /btung ba'i nang du btab ste zos na/ yi ga 'chus pa dang / me drod nyams pa dang / rtsib logs na ba dang / dbugs mi bde ba dang / lud pa rnams la phan no/ /'u su zho gnyis dang / go snyod dang / la la phud dang / bal po se'u dang / da trig dang / 'di rnams srang phyed phyed dang / kha ru tsha srang gnyis dang / bca' sga zho gnyis dang / ka pid ta dang / a ru ra srang phyed dang gsum gsum dang / sha kha ra srang bcu drug dang bsres pa'i ka pi da ta ro drug pa'i phye ma zhes bya ste/bza' ba dang btung ba dang lhan cig zos na phan yon gong ma dang 'dra'o/ /glo gcong zad byed la ni/ gcong chen po gso ba'i cho ga ji ltar bshad pa bzhin du bya'o/ /gong du bstan pa'i sman gyi sbyor ba de dag gis glo gcong zad byed kyi nad zhi ste/ nyams stobs dang ldan zhing bad kan skyed par gyur na/de'i rtags mgo bo dang brang na bar gyur pa de la ni dud pa brngub pa'i cho ga rnams bya ste/ de yang me da rnam gnyis dang / ba la rnam gnyis dang / shing mngar dang / btso ma'i shun phrags dang / 'di rnams chu thags su bya ste/reng bur byas nas bskams te me la bsregs pa'i dud pa brngub bo/ /de'i 'og tu dzi ban ti'i sde tshan gyi sman mar 'u sha dang lhan cig btung ngo / /yang na ldong ros dang / shing p+lag sha dang / a dza gan+d+ha dang / cu gang dang /dong gra dang / 'di rnams yang btso ma'i shun phrags dang chu thags su bya ste/ reng bu'i dud pa brngub par byas nas de'i 'og tu sha kha ra'i chu'am/ bu ram shing gi khu ba'am/ bu ram gyi chu gang yang rung ba blud do/ /yang na ldong ros dang / n+ya gro d+ha'i myu gu rlon pa cha snyoms te btags la mar dang sbyar nas reng bu byas te dud pa brngub bo//de'i 'og tu sreg pa'i sha khu dang bza' ba dang btung ba sbyar la sbyin no/ /zad byed kyi lud pa la ni thog ma nyams stobs dang me drod bskyed par bya'o/ /nad gzhi mang po las skyed par byed pa dang / nad gzhi mang po las gyur pa'i lud pa ni/dang po snum chos bya zhing 'jam pa'i bkru sman btang ste/ de la dong ga dang / dur byid dang / 'di gnyis rgun chu dang / mar dang sbyar ba'am/ yang na seng phrom bskol ba'i khu ba mar dang sbyar ba'am/ bi da ri'i rang gi khu ba rang gi mar dang sbyar ba'am/'di gsum gang yang rung ba lus zad byed dang nyam chung ba dag par bya ba'i phyir bkru sman de dag bshad do/ /mkhris pa dang / bad kan dang / lus zungs bdun zad pa dang / zad byed kyi nad dang / lud pa zad byed de la ni kar ka ta sring gi dang / ba la rnam gnyis cham chom brdungs te/ mar bzhi 'gyur gyi 'o ma dang bskol te blud do/ /gcin sri zhing mdog sna tshogs su snang ba la ni bi da ri dang ka dam pa gnyis 'o ma dang mar du sbyar ba'am/ yang na shing ta la'i 'bras bu mar dang 'o ma dang sbyar ba blud do/ / pho mtshan dang / rkub dang / chu so dang / brla brag skrang zhing nad dang bcas pa la ni mar gyi snying khu'am yang na mar dang / til mar bsres pa gang yang rung ba'i 'jam rtsi mas gtong ngo / /de'i 'og tu srog chags skam sa la gnas pa'i sha dang / byi'u co ga'i sha dang / srog chags khung na gnas pa'i sha dang / sha sar pa za ba'i srog chags kyi sha dang / sha za'i srog chags thams cad kyi sha dang / 'di rnams yas kyi go rims bzhin bza'o/ /thang la gnas pa'i srog chags de dag thams cad kyi sha ni shin tu dro zhing rtsa'i rgyun dag pa nas 'jug ste/ 'dis lus rgyas shing 'phel bar 'gyur ro/ /zhes drang srong chen po sgra grag gi bus bshad do/ /dbyi mo dang 'bras bu gsum dang / ga bra'i rtsa ba dang / rtsa ba bcu pa dang / tsi tra ka dang / ku lad+tha zhes bya ba rgya sran dang / pi pi ling gi rtsa ba dang / pa tha dang /rgya shug skyur po dang / nas dang / de rnams cham chom brdungs te chu dang bskol ba'i nang du/ dong gra dang / byi tsher ba dang / pi pi ling dang / zur pa dang / ma nu dang / kar ka ta sring gi dang / 'di rnams zhib tu btags pa'i phye ma dang /mar srang gis cha snyoms te tshul bzhin du bskol la mar 'ba' zhig lus ba'i nang du/ ya bak+Sha ra dang / sardzi ka'i thal ba dang lan tshwa rnam lnga dang / 'di rnams btab ste de las ci ran par 'thungs na/ zad byed dang lud pas nyam thag pa sel to//ka sa mar da dang / a ru ra dang / gla sgang dang / pa tha dang / kad pa la dang / dong gra dang / pi pi ling dang / pu tse shel dang / tang pa la dang 'di rnams zho gnyis gnyis tshul bzhin du bskol ba'i khu ba'i nang du mar srang sum cu rtsa gnyis dang / 'o ma dang / rgun 'brum srang drug cu rtsa bzhi bzhi dang bskol te mar 'ba' zhig lus pa las ran par 'thungs na/ skrangs pa dang / rims dang / mchin pa dang / lud pa thams cad 'phrog cing zhi bar byed do/ /bri sha zhes bya ba ba sha ka dang / kaN+Da ka ri dang /sle tres dang de gsum gyi rtsa ba dang / 'bras bu dang myu gu dang / lo ma rnams cham chom brdungs pa'i khu ba dang mar du bskol te/ mar 'ba' zhig lus pa 'thungs na/ lud pa dang yi ga 'chus pa rnams sel to/ /yang na se'u 'bru'i khu ba mar ci tsam pa'i nyis 'gyur du bskol te mar lus pa las/de'i nang du tsha ba gsum gyi phye ma btab ste blud na phan yon gong ma dang 'dra'o/ /yang na ya bak+Sha ra dang mar sbyar ba zas zos pa'i 'og tu blud do/ /yang na pi pi ling dang / bu ram dang / mar gyi bzhi 'gyur gyi ra'i 'o ma dang 'thungs na/phan yon gong ma dang mthun no/ /sman mar de dag gis blud na phan yon ni me drod bskyed cing zad byed kyi nad dang / lud pa'i nad thams cad dang / brang dang / rgyun srang dang gre bar nad gzhis lud pa 'gags pa rnams sbyong bar byed do//nas srang sum cu rtsa gnyis dang / a ru ra rnam par rgyal ba rdog ma nyi shu dang / chu dang tshul bzhin du bskol te nas tshos pa dang / a ru ra phyir phyung ste mnyes la gong gi nas khu'i nang du a ru ra de nyid dang / bu ram rnying pa srang drug dang /ldong ros zho gnyis skyer khaN+Da zho gnyis dang 'di rnams dang lhan cig tu sbyar te lde gu zos na lud pa dang dbugs mi bde ba sel to/ /srog chags swa bid+ha zhes bya ba la mod 'dra ba'i spu yod de/ de bsregs pa'i thal ba mar dang sbrang rtsi dang sha kha rar sbyar ba'am/rma bya'i rkang pa bsregs pa'i thal ba mar dang sbrang rtsi dang sbyar ba'i 'dag gu zos na lud pa dang dbugs mi bde ba sel to/ /yang na e raN+Da'i lo ma bsregs pa'i thal ba dang tsha ba gsum dang til mar dang bu ram bcas par sbyar ba'i 'dag gu'am/ yang na e raN+Da dang / byi'u rug pa'i lo ma bsregs pa'i thal ba dang / tsha ba gsum dang / til mar dang / bu ram dang sbyar ba'i lde gu zos na/ zad byed kyi lud pa 'joms so/ /yang na tsha ba gsum gyi phye ma dang / bu ram rnying pa dang / mar dang sbyar ba'i lde gu zos na phan yon gong ma dang 'dra'o//yang na shug pa dang / 'bras bu gsum dang / tsha ba gsum dang / byi dang ga dang / thang shing gi 'bras bu gsum dang / ba la dang / ra sna dang / 'di rnams kyi phye ma dang / phye ma spyi dang mnyam pa'i sha kha ra dang sbyar ba'am/yang na phye ma de mar dang sbrang rtsi dang sbyar ba'i lde gu zos na/ lud pa sel ba'i mchog yin no/ /de bzhin du na le sham phye ma mar dang sbrang rtsi dang sbyar ba'i lde gu zos na phan yon gong ma dang 'dra'o/ /yang na a ru ra dang / bca' sga dang / gan+d+ha zhes bya ba gla sgang dang /'di rnams kyi phye ma bu ram dang ri lur byas te mur na/ lud pa'i nad thams cad dang dbugs mi bde ba'i nad thams cad la phan no/ /yang na ba ru ra gcig pu mur na yang phan yon gong dang 'dra'o/ /seng phrom dang sha kha ra btags pa'i phye ma mar dang bskol ba dang bsres te thug pa'i nang du btab nas btung ba'am/yang na nas sam gro rjen btags grang zan thabs su sbyar ba'i nang du sman gong ma mar dang bcas pa zos na/ skyugs pa dang / skom dad che ba dang / lud pa dang 'khru ba rnams sel to//yang na kaN+Da ka ri bskol ba'i khu ba'i nang du mon sran sde'u dang / skyu ru ra dang / se'u 'bru la sogs pa'i skyur dang / legs par sbyar ba'i yu sha byin na lud pa thams cad kyi sman du bsngags so/ /yang na rlung la phan pa'i sman sna tshogs dang 'o ma dang sbyar ba'am/yang na srog chags bi ka ra la sogs pa dang / par gu do zhes bya ba shang shang te'u la sogs pa dang / ba la zhes bya ba khung na gnas pa'i srog chags sbrul la sogs pa 'di rnams kyi sha khu'am/ yu sha blud na zad byed kyi lud pa 'joms so//glo gcong zad byed kyi lud pa la ni dud pa gtang ba'i cho ga'i skabs su 'byung ba'i bza' ba'am/ btung bar sbyar ba'am/ yang na 'og nas gcong chen po gso ba'i skabs su bstan pa'i bza' ba dang btung ba thams cad 'dir sbyar ro/ / mdor na nyams stobs dang / me'i drod skyed pa dang / rgyun srang sbyor bar byed pa'i sman thams cad ni zad byed kyi lud pa gso ba/ stobs che ba mchog tu bsngags so/ /'dus pa las gyur pa'i zad byed kyi lud pa ni shin tu mi bzad pa yin te/ de la ni thog mar nyes pa gang gi shas che ba brtags nas so so dang mthun pa'i sman bstan par bya'o//lud pa gso ba'i le'u gsum pa rdzogs so// //de nas skyigs bu dang dbugs mi bde ba gso ba'i le'u bshad par bya ste/ de la skyigs bu dang dbugs mi bde ba'i nad gzhi gcig tu bstan pas gso ba'i dpyad kyang 'dra ste gcig tu bstan pa yin no//thog mar skyigs bu dang dbugs mi bde ba 'byung ba'i rgyu ni rtsa'i rgyun srang rnams su bad kan rgyu ba rlung gis bsgongs shing 'gags pa las skyigs bu 'byung ste/ de la ni thog ma snum pa'i sman dang /lan tshwa dang til mar du bcas pa'i snum dugs legs par byas nas bad kan 'gags pa de zhu zhing slon bya ste/ phyir khong pa'i nang du log nas kha la sogs pa la phyir phyung ste/ de 'byung ba dang rlung legs par rgyu zhing dbugs kyang tshul bzhin du 'byung ngo //de ltar dugs byas pa'i 'og tu snum dang srog chags thang la gnas pa'i sha dang bcas pa'i bza' ba sbyin no/ /yang na snum ma 'byor na zho'i spris ma dang bcas pa sbyin no/ /de'i 'og tu skyigs bu dang / dbugs mi bde ba'i nad pa la skyug sman 'jam po btang ste/khyad par du lud pa dang / snying nad dang brang la phan pa'i sman btang na bzang ngo / /de yang pi pi ling dang / lce myang tsha dang / sbrang rtsi dang sbyar ba zos na skyugs par 'gyur te/ rlung la phan pa'i sman rnams kyang de ltar sbyar ro/ / de ltar bad kan rlung gis 'khrugs pa de sman gyis phyir phyung na nad med cing bde ba thob bo/ /de bas na skyug sman gyis slon te/ bad kan phyung na rgyun srang dag ste dbugs legs par 'byung bar 'gyur ro/ /dbugs mi bde zhing rtug pa 'gags te/ mi dran pa ltar byed na de ni mun 'thibs zhes bya ba'i skyigs bu dang dbugs mi bde ba'i nad yin te/de la ni ma du lung ga dang / star bu dang / shing kun dang / bi lu dang / bi da kha ru tsha dang bcas pa'i zas byin na/ dbugs tshul bzhin du 'byung ngo / /yang na ma du lung ga la sogs pa'i shing tog skyur ba rnams dang /rgyam tsha dang sbyar ba'i bkru sman dro 'jam tsam btang ste/ de ltar bad kan bsgongs pa las rlung 'khrugs te/ skyigs bu dang dbugs mi bde ba 'byung ba gang yin pa slon khrus gnyis kyis rgyun srang dag par bya ste/ ji lta zhe na/dper na chu'i rgyun bab pa la chu lon gyis bkag na chu lam gzhan nas 'gro ba dang 'dra bar/ rlung rgyu ba bad kan gyis bkag pa yang de dang 'dra bas slon khrus gnyis kyi gong 'og tu dag par bya ba gces so/ /cho ga de ltar byas kyang ma zhi ste/ nang du cung zhig lus pa ltar na dud pa brngub pa'i cho gas zhi bar bya ste/de yang yung ba dang / e raN+Da'i lo ma dang / rtsa ba dang / rgya skyegs dang / ldong ros dang / thang shing dang / ba bla ba dang / spang spos dang / 'di rnams zhib tu btags pa mar dang sbyar ba'i reng bu bsregs pa'i dud pa brngub pa'am/yang na nas zhib tu btags pa mar dang sbyar ba'i reng bu bsregs pa'i dud pa brngub pa'am/ yang na spra tshil dang / sra rtsi pog dang / mar dang sbyar ba'i reng bu'i dud pa brngub pa'am/ yang na a ka ru dang /mar dang sbyar ba'i dud pa brngub pa'am/ tsan+dan bsregs pa'i dud pa brngub pa'am/ yang na glang gi rwa dang / ba la dang / ra sna dang / 'di gsum gyi dud pa brngub pa'am/ yang na srog chags ri shi dang / go d+ha dang / ku rang ga ri dgas dang / 'di rnams gang yang rung ba'i pags pa dang / rmig pa dang / rwa'i dud pa dang / yang na gu gul lam/ ldong ros sam/ shing tha la'i thang chu de rnams gang yang rung ba'i dud pa brngub pa'am/ yang na sra rtsi pog dang / a ka ru dang / shug pa dang / de rnams mar dang sbyar ba'i dud pa brngub bo//de la gong du dugs zhes smos pa yang dugs byar mi nus pa'i gnas su ni dugs spang ba yin la/ byar rung ba'i gnas su ni nges par dugs bya ste/ de gang zhe na/ kha ra dkar po dang / 'o ma dro 'jam tsam dang sman snum bag can btags pa'i phye ma dang bsres pas blugs pa'i dugs bya'o//gzhan yang blugs pa'i dugs dang / glan pa'i dugs kyi skabs su bstan pa'i sman rnams kyang 'dir sbyar ro/ /glo gcong zad byed dang / mgrin pa zad byed la yang cho ga 'di ltar sbyar ro/ / skyigs bu dang dbugs mi bde ba ma zhu ba dang bcas pa la ni ma zhu ba'i cho ga smyung ba la sogs pa bya'o/ /ji ste dugs dang skyug sman dang bkru sman la sogs pa drags te/ rlung cher 'khrugs pa mthong na de la ni rlung 'joms pa'i sman sna tshogs dang / snum dang bcud kyis len la sogs pa dro 'jam tsam du sbyar la/de las bza' ba dang btung ba dang / bsku ba la sogs pa byas na zhi bar byed do/ /ji ste bad kan zad dam dugs byar mi rung ba'i gnas su dugs byas sam/ nyam chung ba la slon khrus byas na/ rlung rnams 'khrugs shing gnad rnams skam pa dang /myur du srog 'phrog par byed do/ /de la ni rlung 'joms pa'i sman gyi khu ba dang / snum dang lde gu la sogs pa sbyar na/ skyigs bu dang dbugs mi bde ba zhi bar 'gyur ro/ /khams zad cing lus skem pa dang / tshad pas 'khru ba dang /mkhris pa dang / tsha ba 'di rnams dang lhan cig tu skyigs bu dang dbugs mi bde ba dang 'dres par gyur pa la ni sman mngar ba'i bag dang / snum pa dang / bsil ba la sogs pas gso bar bya'o/ /srog chags thang la gnas pa'i sha dang rgya sran dang / rtsa ba bcu pa 'di rnams lhan cig bskol ba'i khu ba blud na/ skyigs bu dang dbugs mi bde ba sel to/ /yang na na le sham dkar po dang / bar da ka dang / ka sag na dang / ba sha ka dang / la phug skam po dang / 'di rnams bskol ba'i khu ba byin na yang sel to//yang na nim pa'i lo ma dang / ku la ka dang / bri hi ta dang / kha lung dang 'di rnams yu shar sbyar ba blud pa'am/ yang na kaN+Da ka ri dang / byi tsher ba dang / bil ba'i rkang dang / kar ka ta sring gi dang / gze ma dang / sle tres dang / tsi tra ka dang /rgya sran dang 'di rnams chu dang lhan cig bskol ba'am/ btung ba'am/ yang na ra sna dang / rtsa ba chung ngu lnga dang / mon sran sde'u dang / tsi tra ka dang / 'di rnams bskol ba'i khu ba yu sha blud pa'am/ sbyor ba de rnams las gang yang rung ba blud na skyigs bu dang dbugs mi bde ba sel to//kru trug tres dang / go snyod dang / kar ka ta sring gi dang / kha ru tsha dang / de rnams las gzhi blangs pa'i thug pa sbyin no/ /yang na rtsa ba bcu pa dang sbyar ba'i thug pa blud na/ lud pa dang skyigs bu dang dbugs mi bde ba rnams la phan no//rtsa ba bcu pa dang / ra sna dang / zur pa dang / ga bra'i rtsa ba dang / bil ba rnam gnyis kyi rkang dang / puSh+kar mU la dang / kar ka ta sring gi dang / pi pi ling dang / lca ba'i rtsa ba dang / sle tres dang / bca' sga dang / de rnams bskol ba'i khu ba blud la/ de zhu ba'i tshod tsam na de rnams las gzhi blangs pa'i thug pa sbyin no//'bras drug cu pa dang / gro dang nas dang mon sran sde'u dang / rgya sran ku lang+tha dang / de rnams g.yos su byas pa'i bza' ba dang btung ba byin na lud pa dang / ro stod rdzings pa dang / rtsib logs su zug pa dang / skyigs bu dang / dbugs mi bde ba rnams zhi bar byed do//yang na arka'i myu gu skam po btags te 'o ma dang sbrus la de nas skams nas yang 'o mas sbru zhing bskams pa lan mang du byas la/ tha mar sbrang rtsi dang sbyar ba bza' ba'am/ yang na rtsa ba bcu pa bskol te khu ba nas phye dang sbyar ba'i lde gu btung ngo //yang na ya bak+Sha ra dang / rtsi bo che dang / kha ru tsha dang / se'u 'bru dang / 'di rnams mar dang sbyar la bza' ba gtang ba'am/ yang na ma nu dang / zur pa dang / tsha ba gsum dang / kha lung dang / star bu dang bcas pa'i bza' ba sbyin par bya'o/ / gzhan yang skom du rtsa ba bcu pa bskol ba'am/ yang na thang shing bskol ba'i khu ba'am/ yang na chang gi nying khu gang yang rung ba blud na/ skyigs bu dang / dbugs mi bde ba sel to/ /yang na pi pi ling dang / pi pi ling gi rtsa ba dang / a ru ra dang / byi dang ga dang / kru trug tres rnams zhib tu btags pa'i lde gu phru ba snum can gyi nang du bskus la/ bcud rad par gyur pa dang / dar ba chus ma reg pa'i nang du bskus la/ zla gcig gi bar du bzhag pa las ran par 'thungs na/ me drod skyed pa dang / lud pa dang /dbugs mi bde ba las nges par rgyal lo/ /yang na pa tha dang / mur pa dang / thang shing gi 'bras bu dang / sa ra ko nyon tse dang / 'di rnams zhib tu btags nas chang gi nying khu'i nang du btab ste/ lan tshwa dang bcas pa nub gcig bzhag la/ zhag rer khyor re blud na dbugs mi bde ba dang skyigs bu sel to//yang na ga bra'i rtsa ba dang / bca' sga dang / 'di gnyis btags pa'i phye ma chu dro 'jam tsam btung ba'am/ yang na ya bak+Sha ra dang / na le sham gyi phye ma chu dron dang gtang ngo / /yang na bI shu ba bskol ba'i khu ba'i nang du bI shu ba de dang mnyam pa btags pa'i phye ma dang skyo mar byas te blud do//yang na sap+ta par+Ni'i khu ba'i nang du pi pi ling dang sbrang rtsi dang ldan par byas te btung ba'am/ yang na shri sha'i me tog sbrang rtsi dang ldan par byas te blud na/ mkhris pa dang bad kan las gyur pa'i skyigs bu dang dbugs mi bde ba sel to//cu gang dang pi pi ling dang 'bras kyi bye brag ma du zhes bya ba dang / dong gra dang 'di rnams btags pa'i phye ma mar dang sbyar pa glan pa'i dugs zan thabs su byas te zos na/ des skyigs bu dang dbugs mi bde ba dang /mkhris pa dang ldan pa rnams la phan no/ /skyigs bu dang dbugs mi bde ba rlung dang ldan pa la ni shwa bi tse zhes bya ba'i sha dang / ri bong gi sha dang / pi pi ling dang / mar dang / ri dgas shal l+ya ka zhes bya ba'i khrag dang / 'di rnams gong ma ltar byas la zos na phan no//yang na lcam pa'i khu ba dang / tsha ba gsum dang / mar dang sbyar ba'i 'bras chan zos la/ skom du 'o ma 'thungs na/ rlung dang mkhris pa dang bcas pa'i skyigs bu dang dbugs mi bde ba sel bar byed do/ /yang na ra'i 'o ma bzhi 'gyur gyi chu dang bskol la/'o ma lus pa dang / bu ram dang / dong gra'i phye ma btab pa btung ngo / /pi pi ling mU la dang / shing mngar dang / bu ram dang / 'di rnams kyi phye ma glang dang / rta rtug gnyis btsir ba'i khu ba dang / mar dang sbrang rtsi dang lhan cig zos na skyigs bu dang dbugs mi bde ba sel to//yang na rta dang / glang po che dang / glang dang / phag dang / rnga mo dang / bong bu dang / lug dang / ra dang / 'di rnams gang yang rung ba'i rtug pa btsir ba'i khu ba sbrang rtsi dang sbyar ba'i lde gu bya ste/ de las ran par zos na bad kan shas che ba'i skyigs bu dang dbugs mi bde ba sel to//yang na srog chags rkang bzhi pa'i pags pa dang / rus pa dang / spu dang / rmig pa dang / rwa dang / de las byung ba dang / sbrang rtsi dang sbyar ba'i lde gu bza' ba'am/ yang na a shwa gan+d+ha btags pa'i phye ma sbrang rtsi dang sbyar ba'i lde gu zos na/bad kan shas che ba'i dbugs mi bde ba sel to/ /yang na zur pa dang / puSh+kar mU la dang skyu ru ra dang btags pa'i phye ma sbrang rtsi dang sbyar ba'am/ yang na ma nu dang / pi pi ling dang / sbrang rtsir sbyar ba'i lde gu zos na phan yon gong ma dang 'dra'o//yang na btsag yug snam dang / dngul rdo dang / pi pi ling dang / 'di rnams sbrang rtsi dang sbyar ba'am/ yang na ka pid tha'i khu ba sbrang rtsi dang sbyar ba'am/ yang na ka pid tha bskol ba'i khu ba'i nang du skyu ru ra dang /pi pi ling dang / rgyam tsha'i phye ma btab pa'i lde gu byas pa'am/ yang na a ru ra btags pa'i phye ma dang mar dang sbrang rtsi dang sbyar ba'i lde gu'am/ yang na na le sham dang / byi dang ga dang / pi pi ling btags pa'i phye ma mar dang sbrang rtsi sbyar ba'i lde gu'am/yang na rgya shug dang / 'bras yos dang / rgun 'brum dang / pi pi ling dang / dong gra dang / 'di rnams btags pa'i phye ma mar dang sbrang rtsi sbyar ba'i lde gu'am/ yang na yung ba dang / pi pi ling dang / ra sna dang / na le sham btags pa'i phye ma dang /bu ram dang til mar dang sbyar ba'i lde gu'am/ sman gyi sbyor ba de dag las nad gzhi legs par brtags te/ so so dang mthun pa'i khu ba dang / chu dron dang / chang dang / dar ba dang / zho ga chu dang / rtsab mo la sogs pa gang dang mthun pa'i nang du mnyes te btang na/bad kan shas che ba'i skyigs bu dang dbugs mi bde ba sel to/ /dzi ban ti dang / gla sgang dang / bye'u rug pa dang / dwa tsha dang / sug smel rnam gnyis dang / tsan+t+ra dang / ta ma la ki dang / a ka ru dang / ga bra'i rtsa ba dang / dong gra dang /ba la ka dang / kar ka ta sring gi dang / zur pa dang / pi pi ling dang / nA ga ge sar dang / tsa rong dang / de rnams zhib tu btags pa'i phye ma'i nyis 'gyur gyi sha kha ra dang / bza' ba dang btung ba'i nang du btab ste ci 'dod pa zos na rtsib logs na ba dang / rims na ba dang / lud pa dang / skyigs bu dang dbugs mi bde ba sel ba'i mchog yin no/ /dong gra dang bu ram cha snyoms pa bza' ba'am/ yang na sna sman du btang ba'am/ yang na sgog skya dang / kun dong dang / grin dza na zhes bya ba sgog pa'i rigs dang / de dag gi rtsa ba chu dang bskol te snar blugs ba'am/yang na tsan+dan bdar ba snar blugs pa'am/ yang na sbrang ma'i rtug pa bud med kyi nu zho dang sbyar ba'am/ yang na le brgan rtsi dang / sbrang ma'i rtug pa sbyar ba snar blugs so/ /yang na mar gyi snying khu dang rgyam tshas btab pa'am/'o ma dang / mar bskol nas mar lus pa dang des snar blugs par bya'o/ /sman mngar ba rnams cham chom brdungs te bskol ba'i khu ba btung ba'am/ yang na snar blugs so/ /sbrang rtsi dang kha ra dkar po sbyar na/ dang po thigs pa grang mo blugs la/de nas dron mo blugs te/ de bzhin du res kyis snar blugs par bya'o/ /rtsa ba bcu pa tshul bzhin du bskol ba'i khu ba 'o ma dang bskol te mar lus pa dang / des gong ma bzhin du dro ba dang grang ba res mos kyis snar blugs so/ /pi pi ling dang / kha ru tsha dang / ya bak+Sha ra dang / gu ru tshe dang / shing kun dang / tso ra ka dang / byi'u rug pa dang / 'di rnams mar dang / zho ga chu dang / rtsa ba bcu bskol ba'i khu ba dang bsres te yang bskol nas/ mar lus pa dang / de las ran par 'thungs na/ skyigs bu dang dbugs mi bde ba sel to//yang na 'tsho byed sna bcu cham chom brdungs te/ mar dang tshul bzhin du bskol la/ mar 'ba' zhig lus pa'i nang du sbrang rtsis bsres pa'i lde gu 'thungs na phan no/ /te dzo ba ti dang / a ru ra dang / ru rta dang / pi pi ling dang /pu tse shel dang / b+hu ti ka dang / ma nu'i rtsa ba dang / pa la sha dang / tsi tra ka dang / zur pa dang / lan tshwa rnam gnyis dang / ta ma li ka dang / dzi ban ti dang / bil ba'i snying po dang / shu dag dang / bal bu'i lo ma dang / 'di rnams zho gnyis gnyis dang /shing kun zho phyed dang / 'di rnams mar srang sum cu rtsa gnyis dang bskol te mar 'ba' zhig lus par 'thungs na/ rkang lag tu rlung zhen pa dang / gzhang 'brum dang / pho ba'i nad dang / skyigs bu dang / snying dang / rtsib logs su zug pa rnams myur du zhi bar byed do//yang na ya bak+Sha ra dang / lan tshwa dang / lan tshwa'i nyis 'gyur gyi mar dang bsres pa 'thungs na phan no/ /drang srong chen po thang la 'bar gyis gcin nad kyi skabs su bshad pa'i sman mar dang / ba sha ka'i mar khrag mkhris gso ba'i le'u'i nang nas 'byung ba dang /dra d+hi ka zhes bya ba dang / ha pu sha zhes bya ba spa ma'i 'bras bu'i sman mar skran gso ba'i le'u las bshad pa dang / sman mar de rnams kyang lud pa dang skyigs bu'i nad la sbyar ro/ /dbugs mi bde ba'i nad rngam pa drag tu 'byung ba la ni/glo bur du yang dang yang du chu grang gis gtor zhing sdangs su gzhug pa'am/ lus drag tu g.yengs shing sprug pa dang / 'jigs su gzhug pa dang / yang na dgar gzhug pa dang / gzhan gyi yon tan brjod de/ phrag dog bskyed pa dang / dbugs bsdam du gzhug pa dang /spre'u'i sos 'debs su bcug na phan no/ /gzhan yang rlung dang bad kan la phan pa'i sman dang / bza' ba dang / btung ba dang / dro ba thams cad bsten par bya'o/ /skyigs bu dang / dbugs mi bde ba'i nad thams cad la ni/ lus nyams stobs dang ldan pa yin na ni gso sla'o//nyams stobs med cing rid pa ni gso dka'o/ /de bas na nyams stobs bskyed cing nad zhi bar bya ba yang dang yang du dpyad cing 'bad par bya'o/ /gzhan yang lud pa dang dbugs mi bde ba dang / glo gcong zad byed dang / skyug pa dang / skyigs bu dang / 'di rnams gang yang rung ba gcig gsos na thams cad la phan pa yin no/ /skyigs bu dang dbugs mi bde ba gso ba'i le'u bzhi pa rdzogs so// //de nas rgyal po'i nad ces bya ba gcong chen po gso ba'i le'u bshad par bya'o//gcong chen po'i nad pa nyams stobs dang ldan zhing nad gzhi mang po yod pa la ni/ thog mar snum chos dang dugs byas la/ de'i 'og tu slon khrus kyis lus sbyang bar bya ste/ snum la sogs pas lus nyam chung bar mi 'gyur bar bsrung bar bya'o//de la skyug sman ni 'o ma dang / mngar ba'i sha khu dang / skyug sman las gzhi blangs pa'i nas thug mar dang ldan pa ni/ de gsum gang yang rung pa'i nang du/ po son cha'i phye ma btab ste blud nas slon du gzhug go/ /de la bkru sman ni sha ma dur byid dang /dong ga sbrang rtsi dang / sha kha ra dang sbyar ba'am/ yang na 'o ma dang / mar dang / phye dang ldan pa'i skyo mar sbyar ba'am/ yang na rgun 'brum dang / bi da ri dang / tang pal rnams las gang yang rung pa sha khu dang ldan par sbyar ba gong ma'i sman dang bcas pa 'thungs na 'khru bar 'gyur ro//de ltar slon khrus kyis khong dag par byas pa'i 'og tu nyams 'phel zhing rgyas pa dang drod skyed pa dag sbyar ro/ /gzhan yang bza' ba dang btung ba yi gar 'ong ba dang / rlung la phan pa rnams dang yang ba rnams sbyar te/'bras drug cu pa dang / gro dang / nas dang / mung+ga rnams las gang yang rung ba sbangs pa'am/ chan du byas te bza' ba dang tshod mar sbyar te sbyin no/ /gzhan yang ra'i 'o ma dang / mar dang / srog chags sha za ba'i sha dang /bya rog dang / 'ug pa dang / glang po che dang / ba dang / rta dang / ne'u le dang / sbrul dang / bya rgod dang / khra dang / bong bu dang / rnga mo dang / de rnams kyi sha gang yang rung ba nad pa la gsong ste sbyin no/ /ci ste nad pas tshor na ni skyugs pa dang / nyams stobs dang / gzi mdangs 'bri bar 'gyur ba'i skyon yod do/ /mkhris pa dang / bad kan las gyur pa'i gcong chen po'i nad la ni/ ri dgas dang / bya la sogs pa'i sha g.yos su byas pa byin na phan no/ /rlung las gyur pa la ni phag rgod la sogs pa ri dgas chen po rnams kyi sha rnams las g.yos su byas pa phan no//yungs kar gyi mar la gang yang rung ba nad gzhi stobs ji lta ba bzhin du sbyar ba'i nang du/ snum dang / lan tshwa dang / sge'u gsher dang / bca' sga la sogs pa legs par sbyar te ro dang ldan pa zhim por byas te nyung shas sbyar ba sbyin par bya'o//thug pa dang khu bcud la sogs pa'i tshod ma sna tshogs mar ram/ de bzhin du la phug skam po dang / rgya sran gyi khu bcud lan tshwa dang sge'u gsher dang legs par sbyar ba blud na phan no//ra sha'i khu ba dang / pi pi ling dang / nas dang rgya sran dang / dong gra dang / se'u 'bru dang / skyu ru ra dang ldan par snum cher btab pa blud na/ cham pa dang / lud pa dang / dbugs mi bde ba dang / glad pa na ba dang / skad 'gags pa dang / yi ga 'chus pa dang /'di rnams la phan no/ /mkhris pa la sogs pa'i gcong chen po la ni chang shin tu rnying pa rtsa'i rgyun sbyong nus par blud do/ /khyad par du rgun chang dang / a riSh+Ta'i chang dang / chang dngas ma dang / chang rnams btung bar blud do/ /yang na rtsa ba chung ngu lnga bskol ba'am/bca' sga bskol ba'am/ yang na lo ma rnam bzhi bskol ba'am/ yang na 'u su dang bca' sga bskol ba blud do/ /yang na rtsa ba lnga chung ngu shin tu 'bad pa dang bcas pas gtsang sbra cher bya ste/ bza' ba dang sbyar la btang na gcong chen po dang rjes su mthun pa yin no//rtsa ba bcu 'o ma'am yang na sha khu'i nang du btsos la/ ba la'i phye mas btab pa mar dang sbyar ba bza' ba'am/ yang na srog chags sha za ba'i sha khu'i nang du ba la'i phye ma btab pa btung ba'am/ yang na mar dang mar gyi bcu 'gyur gyi 'o ma dang lhan cig bskol ba'i nang du ba la'i phye mas btab ste/sbrang rtsi dang ldan par blud do/ /ji ban ti dang / shing mngar dang / rgun 'brum dang / dug mo yungs kyi 'bras bu dang / ma nu dang / zur pa dang / pi pi ling dang /kaN+Da ka ri dang / gze ma dang / ba bla dang / ut+pal dang / skyu ru ra dang / kyi lce ba dang / byi tsher ba dang / 'di rnams phye mar byas te/ sman gyi bzhi 'gyur gyi mar dang / mar bzhi 'gyur gyi chu dang bskol te/ /de las ran par 'thungs na/ nad kyi rgyal po rtsa nas 'joms so/ /'bra go dang / rgun 'bru dang / ma du ka'i me tog dang / pa ru sha dang / pi pi ling dang / 'di rnams mar dang tshul bzhin bskol ba las ran par 'thungs na/ skad 'gags pa dang / lud pa dang / rims rnams 'joms so//rtsa ba bcu pa bskol ba'i khu ba 'o ma dang yang bskol ba'i mar sar pi pi ling dang / sbrang rtsi dang sbyar ba zos na skad 'gags pa dang / glad pa na ba dang / rtsib logs su zug pa dang / glo dang / lud pa dang / dbugs mi bde ba dang /rims rnams la phan no/ /rtsa ba che chung lnga gang yang rung ba dang / de'i bzhi 'gyur gyi 'o ma dang / 'o ma'i bzhi cha'i mar dang tshul bzhin du bskol ba'i mar dang / yang na rtsa ba lnga dang / de'i bzhi 'gyur gyi 'o ma dang yang bskol ba'i mar las ran par 'thungs na cham pa la sogs pa'i gcong chen po'i nad kyi stobs bdun 'joms par byed do//tsha ba rnam lnga dang / nas tshig 'khus pa'i thal ba dang / 'di rnams srang re re dang / mar bre gang dang mar dang mnyam pa'i 'o ma dang / 'o ma'i sum 'gyur gyi chu dang bskol te/de las ran par 'thungs na/ rtsa rgyun rnams sbyong zhing / skran dang / rims dang / dmu rdzing dang / mtsher pa dang / pho ba'i nad dang / skya rbab dang / cham pa dang / dbugs mi bde ba dang / lud pa dang / me drod nyams pa dang / skrang ba dang /rlung stod du zhugs pa rnams las rgyal lo/ /yang na ra sna dang / ba la dang / gze ma dang / sa la par+Ni dang / ba spru ba rtsa ba dkar po can dang / de rnams bskol ba'i nang du/ dzi ban ti dang / pi pi ling dang / 'o ma mar dang tshul bzhin bskol ba 'thungs na/glo gcong skem byed las rgyal lo/ /yang na a shwa gan+d+ha dang / 'o ma bskol ba dkrugs te/ mar byung ba de 'o ma dang / kha ra dkar po sbyar ba 'thungs na/ glo gcong zad byed rnams sel bar byed do/ /srog chags sha ran pa khung na gnas pa dang /gzhan yang sha ran pa rnams kyi sha srang brgya dang / chu srang stong nyi shu rtsa brgyad bskol te/ bzhi cha srang brgya nyi shu rtsa brgyad lus pa'i nang du/ 'tsho byed sde bcu srang re re phye mar byas nas/ mar srang sum cu rtsa gnyis bcug ste tshul bzhin bskol la mar dang sha lus pa dang /de las ran par zos na rlung dang mkhris pa las gyur pa'i gcong chen po dang / rlung nad ma lus pa dang / dbugs mi bde ba dang / snying dang / rtsib logs su zug pa dang / lus skem par byed pa dang /skad 'gags pa dang / 'di rnams las rgyal bar byed do/ /sug smel dang / ti mu sa dang / 'bras bu gsum dang / rgyam tsha dang / tsha ba gsum dang / tsi tra ka dang / sa ra na dang / nim pa dang / seng ldeng dang / sa la bi dza dang / bse shing gi 'bras bu dang /byi dang ga dang / 'di rnams srang brgyad brgyad dang / chu srang nyis brgya lnga bcu rtsa drug dang bskol te/ srang bcu drug lus pa dang / de'i nang du yang mar srang sum cu rtsa gnyis dang yang bskol te/ mar 'ba' zhig lus pa'i nang du cu gang srang drug dang /kha ra srang sum cu dang / sbrang rtsi srang drug cu rtsa bzhi dang / dri sna gsum srang re re dang / 'di rnams kha gzar gyis dkrugs te/ bcud kyis len bzhin du cho ga med par snga dro de las ran par zos la btung bar 'o ma blud na/ blo dang /mig gsal ba dang / tshe ring ba dang / me drod skyed pa dang / de bzhin du gcin nad dang / skran dang / glo 'grams pa'i nad dang / skya rbab dang / mtshan par rdol ba rnams 'joms so/ /gang glo 'grams pa'i nad la mar dang bu ram bshad pa 'dir yang glo gcong zad byed la yang sbyar ro//shing tsha dang / sug smel dang / pi pi ling dang / cu gang dang / li kha ra dang / de rnams yas kyi rim bzhin du nyis 'gyur nyis 'gyur gyis bskyed pa'i phye ma bza' ba'am/ yang na mar dang sbrang rtsi dang sbyar ba'i lde gu bldags na/dbugs mi bde ba dang / skad 'gags pa dang / lud pa dang / glo gcong zad byed dang / rtsib logs na ba dang / bad kan rnams 'joms par byed do/ /khyad par du glo gcong la phan no/ /skad 'gags par 'gyur bas sna sman dang /dud pas bdug pa la sogs pa'i cho ga bya'o/ /de la rlung las gyur pa'i skad 'gags pa la ni ka sa mar da ka dang / kaN+Da ka ri dang / bring ga ra dza dang / 'di rnams kyi rang gi khu ba mar bskol ba las ran par 'thungs na/ lud pa dang skad 'gags pa las rgyal bar byed do//yang na an ta ra ka las zhes bya ba'i mar 'thungs na yang phan yon de dang 'dra'o/ /yang na rgya shug gi lo ma btags pa'i phye ma mar dang brdos pa'i nang du lce myang tsha btab pa zan gong du 'thungs na phan no/ / yang na ma du ka dang / rgun 'brum dang / pi pi ling dang / byi dang ga dang / ha na sa ba da'i rtsa ba dang / 'di rnams btags pa'i til mar bskol ba snar blugs so/ /'bras chan mar dang bu ram du bcas pa'am yang na 'o thug mar dang bu ram du sbyar ba bza' ste/de'i 'og tu chu dro 'jam tsam btung ste/ snum chos dang / dugs byas na rlung gis skad 'gags pa sel to/ /mkhris pa las gyur pa'i skad 'gags pa la ni/ shing 'o ma can gyi myu gu cham chom brdungs pa'am/ yang na btags pa'i phye ma mar dang tshul bzhin bskol te bsgrangs pa'i nang du sbrang rtsi btab ste byin la skom du 'o ma bskol ba grangs pa blud do//yang na shing mngar dang sbyar ba'i 'o thug btung ba'am/ yang na ba la dang sa la par+Ni la sogs pa sbyar ba'am/ yang na bid ri 'am shing mngar du sbyar ba bskol ba'i mar dang lan tshwa dang bcas pa snar blugs pa byas na skad gsal bar byed pa'i mchog yin no/ /yang na pra puN+Da rI ka dang / shing mngar dang / pi pi ling dang / bri ha ti dang / ba la rnams 'o ma dang mar du sbyar ba bskol ba snar blugs na yang mkhris pa'i skad 'gags pa sel ba'i mchog yin no//yang na mngar ba'i sman dzi ban ti'i sde tshan btags pa'i phye ma mar dang sbrang rtsi dang sbyar ba'i lde gu zos na yang phan no/ /bad kan las gyur pa'i skad 'gags pa la ni sman tsha ba na le sham la sogs pa'i bza' ba dang ba gcin btung ba dang rtsub pa rnams sbyar ro//kad pa la dang skyu ru ra dang / tsha ba gsum dang de rnams kyi phye ma til mar dang / sbrang rtsi dang lde gur byas pa'am/ yang na tsha ba gsum dang / ya bak+Sha ra dang /kru trug tres dang / dbyi mo dang / ga bra'i rtsa ba dang / a ru ra dang de rnams sbrang rtsi'i lde gur byas pa 'am/ yang na nas kyi thug pa pi pi ling dang / skyu ru ra dang sbyar ba'am/ yang na nas thug gcig pu mar dang til mar dang sbyar ba 'thungs na/ bad kan gyi skad 'gags pa zhi bar byed do/ /yang na pi pi ling dang / bca' sga sngar zos la/ de'i 'og tu sman rno ba dang sbyar ba'i skyug sman btang ngo / /skad drags pa las skad 'gags pa la ni sman mngar ba'i sde tshan 'o ma dang bskol ba'i nang du kha ra dang sbrang rtsi btab pa blud na phan no//yi ga 'chus pa la ni phan pa dang / mi phan pa sna tshogs bsres la sbyin no/ /de bzhin du phyi nang gnyis ka nas khrus byas te/ sems dga' bar bya ba dang / yi gar 'ong ba'i sman sbyin no/ /de nas dus gnyis su so shing bca' zhing bska ba'i sman tin du ka la sogs pas kha bkru zhing mur bar bya'o//yang na khar sman gyi dud pa'i sbyor ba bdug go/ /yang na bal bu'i phye ma'i sbyor ba'i ri lur byas pa'am/ yang na zla ba'i 'od ces bya ba'i zas kha ra dkar po dang ga pur dang ldan par byas te zos na/yi ga 'byed pa'i mchog yin no/ /de la rlung las gyur pa'i yi ga 'chus pa la ni/ ha re Nu ka dang / pi pi ling dang / byi dang ga dang / ra sna dang / rgyam tsha dang / dong gra dang / sug smel dang / ga bra'i rtsa ba dang /nas tshig 'khus pa'i thal ba dang / shing kun dang 'di rnams kyi phye ma chang gi dngas ma'am/ yang na sman mar dang sbyar te btang ngo / /yang na shu dag gi chus sman du sbyar ro/ /mkhris pa las gyur pa'i yi ga 'chus pa la ni bu ram dang chu sbyar bas khrus bya'o//yang na kha ra dang / mar dang lan tshwa'i mchog dang sbrang rtsir sbyar ba'i lde gu sbyin no/ /bad kan las gyur pa'i yi ga 'chus pa la ni nim pa bskol ba'i chus slon bya'o/ /btung bar ni ti mu sa dang / dong ga bskol ba'i chu'am/yang na sman rno ba dang sbyar ba'i a riSh+Ta'i chang ngam/ rgun chang ngam/ sbrang chang rnams las gang yang rung ba blud do/ /yang na gong du bshad pa'i ha re Nu ka dang / pi pi ling la sogs pa'i phye ma chu dron po dang sbyar ba blud do/ /sug smel dang / shing tsha dang / nA ga puSh+pa dang / na le sham dang / pi pi ling dang / bca' sga dang / 'di rnams yas kyi rim bzhin du cha res bskyed pa phye mar byas la spyi dang mnyam pa'i kha ra dang bcas pa zos na/ cham pa dang / yi ga 'chus pa dang / snying na ba dang / lud pa dang /dbugs mi bde ba dang / mgul pa'i nad rnams 'joms so/ /la la phud dang / da trig dang / star bu dang / bca' sga dang / se'u 'bru dang / rgya shug dang / de rnams zho gnyis gnyis dang / kha ra srang bzhi dang / 'u su dang / kha ru tsha dang / go snyod dang / shing tsha dang / 'di rnams zho re re dang / pi pi ling 'bru brgyad dang / na le sham nyis brgya dang / de rnams kyi phye mas ni yi ge 'bye/ me drod skyed/ phyi sa 'gags pa dang / lud pa dang / snying ga dang / rtsib logs su zug pa dang /mcher pa dang / gzhang 'brum dang / pho ba'i nad sel to/ /bal bu'i lo ma dang / na le sham dang / dong gra dang / pi pi ling dang / de rnams go rims bzhin du dang po'i cha res bskyed pa dang / shing tsha dang / sug smel dang / bal bu'i phye ma dang /pi pi ling gi brgyad 'gyur gyi kha ra dkar po dang / de rnams kyi phye ma ni yi ga 'chus pa dang / me drod skyes pa dang / lud pa dang / dbugs mi bde ba dang / zas yi gar mi 'ong ba dang / skyug pa dang / mcher pa na ba dang / snying nad dang / rtsib logs su zug pa dang /skya rbab dang / rims dang / 'khru ba dang / rlung 'khyil pa bde bar 'byung ste/ nad de rnams las rgyal bar byed do/ /nA ga puSh+pa srang phyed dang / shing tsha dang / sug smel zho gnyis gnyis dang / gan+d+ha b+ha dra srang phyed dang / de rnams kyi phye ma bu ram rnying pa srang nyi shu rtsa lnga dang lhan cig bskol ba zho gnyis tsam gyi ri lu byas te zos na phan yon gong ma dang 'dra'o//shing arka dang / sle tres bsres pa'i thal ba chu dang bsres pa'i nang du nub gcig sbangs te cham pa can la zan du byas te sbyin no/ /nad pa nyams stobs dang ldan pa yin na slon bya'o//slon byas pa'i 'og tu srog chags thang la gnas pa'i sha sman tsha ba dang kha ba sbyar ba thur ma la bsregs te/ skam pa dang yang ba'i zas dang btung ba ni sran ma tsa na ka la sogs pa yang sbyar ro/ /bad kan las gyur pa'i cham pa ni rlung gis bad kan bskyod pa yin te/de bas na de la ni sman pa mkhas pas snum pa dang dro ba nyid kyis zhi bar bya ste/ cham pa'i nad gso ba dang / skyug bro ba'i nad kyi gso ba dang mthun pas gang gi sbyor ba byas kyang phan no/ /khyad par du cham pa la ni lhag par snum chos dang /bsku mnye dang dugs bsten par bya'o/ /dugs ni zan gyis glan pa'i dugs bya ste/ sha khu dang snum dang / lan tshwa dang / sman rnon po skyur dang sbyar ba'i zan gyi dugs kyis mgo dang mgul pa dang / rtsib logs su na ba rnams la ni/ nad gzhi ji lta ba bzhin du gso ba'i cho ga de ltar bya'o/ /chu dang thang gnyi ga la gnas pa'i sha rnams lan tshwa snum bzhi dang legs par dugs bya'o/ /bad kan dang mkhris par ldan pa'i nad la ni/ shu ti dang / shing mngar dang / ru rta dang / rgya spos dang / tsan+dan dang sbyar ba'i byug pa mar dang bcas pa'i bsku byug dang ldan pa ni nad pa la 'dod pa yin no//de bzhin du ba la dang / ra sna dang / til dang / mar dang / shing mngar dang / ut+pa la sbyar ba'i phye ma gong ma ltar sbyar ba yang phan no/ /ba spru ba dang / shi kru dang / ba la dang /ram nye ba dang / bi da ra dang / de rnams yang gong ma bzhin du byug pa byas na yang de dang 'dra'o/ /de bzhin du glad pa dang / rtsib logs dang / mgul pa na ba la ni snar blugs pa dang / du ba brngub pa dang / zan zos pa'i 'og tu snum sbyin pa dang /bsku bar 'os pa'i 'bru mar gyis bsku ba dang / mas gtong ba rnams phan pa'i cho ga bya'o/ /de bzhin du mgo dang rtsib logs su mgul pa na ba la ni nad gzhi ji lta ba bzhin du khrag dbyung ste/ rlung la ni rngabs rus bya'o/ /mkhris pa la ni srin bu pad pas bya'o//bad kan la ni ku bas khrag dbyung ngo / /gtar ba'i rma la shug pa dang / pu shel tsi dang / tsan+dan btags pa'i phye ma mar dang sbyar ba'am/ yang na dUr ba dang / shing mngar dang / btsod dang / nA ga ge sar mar dang sbyar bas bsku ba'am/ yang n+ya gro d+ha'i sde tshan mar dang sbyar ba'am/ yang na mar lan brgya chu dang bkrus pa'am/ yang na 'o mas bkru ba'am/ yang na shing mngar gyi chus bkru ba rab tu bsngags so/ /gcong chen po'i nad des me drod nyams te shas cher be'u snabs dang bcas te 'khru bar gyur na ni/pho ba'i nad kyi 'khru ba gso ba ji lta ba bzhin du byas na phan no/ /lus zungs zad de gcong chen po'i nad kyis sha skem par gyur cing phyi sa'i stobs nyi tshe yod pa la ni/ de nyid kyi stobs mi 'gyur bar bsrung bar bya'o/ / sha nyi tshe ran par zos la de'i 'og tu btung ba ni rgun chang blud do/ /gcong chen po'i nad la ni/ bshang ba phyir mi 'byung bar bsdams kyang nang du gnod par mi 'gyur ro/ /gcong chen po la ni sha'i bza' ba dang / rgun chang dang / chang gi snying po dang / a riSh+Ta'i chang dang /sbrang chang dang / 'di rnams gang rnyed pa blud na phan no/ /rtsa'i rgyun 'gags pa sbyang ba dang / nyams stobs dang / gzi mdangs bskyed par bya ba'i phyir lus snum gyis bskus la/ shing sgrom gyi nang du snum nyi tshe'am/ 'o ma 'am chang gang yang rung ba chu dron pos bkang la de'i 'og tu lus sbyang ngo //de nas phyir byung ste bde bar 'dug pa la mar dang til mar bsres pas lus bsku byug byas la lag pas dal gyis mnyes te/ bag phye'i lde gus dril bar bya'o/ /de nas yang dzi ban ti dang / dUr ba dang /btsod dang / ba spu ba dang / shang sha gan d+ha dang / a pa ma rga dang / ag ni man tha dang / shing mngar dang / ba la dang / bi da ri dang / yungs kar dang / gla sgang dang / 'bras dang / zar ma dang / mon sran gre'u dang / til dang / phabs dang / 'di rnams cig car btags te/ sman spyi'i sum 'gyur gyi nas phye dang zho dang sbrang rtsi dang de lhan cig sbyar ba'i lde gus lus dril te/ bskus na nyams brta zhing sha skye la mdog bzang bar 'gyur ro/ /yungs kar btags pa'i phye ma dang / dzi ban ti'i sde tshan dang /spos dri zhim po'i khrus rtsi bcug la dus dang mthun pa'i chus khrus byas la/ de'i 'og tu me tog dri zhim po'i phreng ba la sogs pa dang rgyan sna tshogs kyis brgyan te/ brten pa la sogs pa byas na bkra mi shis pa la sogs pa 'joms so//gzhan yang gcong chen po la ni/ gnyen bshes yid du 'ong ba blta ba dang / glu dang sil snyan rnams snyan pa dang / mar dang 'o ma dang bcas pa'i 'jam rtsi mas gtong ba dang sha dang chang sna tshogs bsten pa dang / lha la mchod pa dang / gtor ma btang ba dang /bkra shis dang / sbyin sreg la sogs pa byas pa dang / de bzhin du srid srung gi rig byed las 'byung ba'i mchod pa yang 'dir sbyar ro/ /gso ba'i gnas las gcong chen po gso ba'i le'u ste lnga pa rdzogs so// //de nas rtag tu slon pa'i nad dang snying nad gso ba dang skom pa'i nad gso ba'i le'u bshad par bya'o//slon pa'i nad ni ma zhu ba'i gnas nas phal cher 'byung ste/ rlung las gyur pa ma gtogs par dang po smyung ba byas na phan no/ /de la nad phal cher g.yos te rtag tu slon zhing nyams stobs dang ldan pa la ni skyug sman gtang bar bya'o//de'i 'og tu rim gyis snying la phan pa'i bkru sman rgun chang la sogs pa'am/ rgun 'brum la sogs pa 'bras bu'i khu ba gang yang rung ba 'o ma dang lhan cig gtang bar bya ste/ nyes pa gyen du 'byung ba rnams thur du bkru bar bya'o//nyams stobs chung ba la ni rtsub pa'i sman 'bras yos kyi thug pa la sogs pas zhi bar byed do/ /de nas zas shin tu ska ba zhim zhing yi gar 'ong ba ran par bza' ba dang / smyung ba bya ba ni rab tu bsngags so/ /mon sran sde'u la sogs pa brngos pa'i yu sha dang /til brngos te cham chom brdungs la chu dang lhan cig sbangs te skyur por gyur pa am bi la ka zhes bya ba/ la phug skam po dang / shing tog lci li la sogs pa'i skam po cham chom brdungs te/ chu nang du sbangs pa skyur por song ba ni ba la zhes bya ste/'di rnams zas dang lhan cig bza'o/ /tshod ma ni mdo'i gnas su bstan pa rnams dang / bldag pa dang / nar ma'i zas dang / btung ba dri sna gsum chu dang bskol ba'i nang du sbrang rtsi btab pa dang / yang na dri gsum chu'i nang du bskol ba'i se'us btab pa'i btung ba dang /bag chos las byas pa'i khu ba sna tshogs legs par smin pa la du la sogs pa dang / gzhan yang mdo'i gnas su bstan pa'i 'bras bu rnams dang / dri zhim po dang sbyar ba'i chus lus bkru ba dang /rgya mtsho'i dbu ba la sogs pas lus phyi brdar bya ba dang / zas zos pa'i 'og tu 'phral la gdong du chu grang mos gtor zhing dri zhim po dang ldan pa ste/ de yang me tog dang 'bras bu dang bza' ba dang btung ba las byung ba dri zhim pos kyang bdug par bya'o//de ltar bstan pa'i rim pa ni/ skyug sman gyi cho ga spyir bstan pa yin no/ /de la rlung las gyur pa'i rtag tu skyugs pa'i nad la ni mar khu dro 'jam tsam rgyam tsha dang ldan par 'thungs na phan te/ khyad par du lud pa dang snying 'dzag pa zhi bar 'gyur ro/ /yang na tsha ba gsum dang sbyar pa'i mar dang /lan tshwa rnam gsum dang ldan par bza' ba dang / bal po se'u dang sbyar ba'i mar khu blud na/ rlung las gyur pa'i skyugs pa'i nad sel to/ /yang na zho dang mar bsres pa'i nang du 'u su dang bca' sga btab pas blud na phan yon gong ma dang 'dra'o/ /gong du smos pa'i cho ga spyir smos pa ni thams cad la sbyar bar bya'o//yang na chu dang 'o ma cha mnyam pa 'thungs na/ skyugs pa'i nad rlung las gyur pa sel to/ /bye bi skyi ri zhes bya ba khyim bya la sogs pa'i sha khu bal po se'u la sogs pa skyur ba dang ldan pa'i nang du rgyam tsha dang mar shas cher btab ste blud na phan no//rlung las gyur pa'i skyugs pa'i nad sel to/ /bza' ba ni snum dang ldan zhing bca' sga dang / zho dang bal po se'u dang rgyam tsha dang bcas par sbyar ba'i dron po bza' bar bya'o/ /rlung las gyur pa'i skyugs pa'i nad 'di la ni/seng phrom la sogs pa'i bkru sman snum dang lan tshwa dang bcas pa'i dro 'jam tsam btang na zhi bar byed do/ /de la skyugs pa'i nad mkhris pa las gyur pa la ni rgun 'brum dang bu ram shing la sogs pa rang rang gi khu ba'i nang du/ tri ba tsi dang sbyar ba'i bkru sman gtang bar bya'o//yang na seng phrom mar dang sbyar ba'i bkru sman gtang ngo / /mkhris pa las gyur pa'i skyugs pa'i nad snying stobs su 'gyur te/ bad kan gyi gnas su gyur pa la ni slon sman mngar ba dang kha ba rnams kyis gyen du drang ngo / /de ltar slon sman gyis lus dag par byas nas/skyo ma dang thug pa chu'i nang du sbrang rtsi dang sha kha ra btab pa blud do/ /bza' ba dang 'bras drug cu pa'i chan sran mung+ga srog chags thang las skyes pa'i sha khu dang legs par sbyar ba'i tshod ma dang lhan cig bskol/ btung ba ni so phag bsregs nas mdog dmar por song ba dang /chu grang gi nang du bcug la so phag phyir phyung ste bsgrangs pa'i chu blud do/ /yang na sran mung+ga dang / pu shel tsi dang / pi pi ling dang / 'u su 'di rnams chu dang lhan cig khang pa'i phyi rol du nub gcig chu dang sbangs la bzhag ste/ de nas blud na mkhris pa las gyur pa'i skyugs pa'i nad sel to//yang na rgun 'brum dang / bu ram shing dang / sle tres dang / de rnams gang yang rung ba'i khu ba blud na/ skyugs pa'i nad mkhris pa las gyur pa sel to/ /yang na shing 'dzam bu dang / a mra'i lo ma dang /u shir dang / n+ya gro d+ha'i sa bon 'bus pa dang / myu gu dang 'di rnams cham chom brdungs te/ chu dang lhan cig bskol la bsgrangs pa dang sbrang rtsis btab ste 'thungs na/ skyugs pa'i nad dang / rims dang / 'khru ba dang / brgyal ba dang / skom dad che ba dang /'di rnams 'byang dka' ba'i yang nad sel bar byed do/ /yang na skyu ru ra'i khu ba tsan+dan dang lhan cig bskol te btung ba'am/ sran mung+ga btags pa chu dang sbyar ba btung ngo / /rgya shug gi tshi gu dang / kha ra dkar po dang / 'bras yos dang / sbrang ma'i rtug pa dang / pi pi ling dang / dngul rdo dang / 'di rnams kyi phye ma sbrang rtsi dang sbyar ba'i lde gu'am/ a ru ra dang / rgun 'brum dang / rgya shug dang / sbrang rtsi dang sbyar ba'i lde gu byin na/ mkhris pa las gyur pa'i skyugs pa'i nad la phan no/ /de la bad kan las gyur pa'i skyugs pa'i nad la ni/nim pa dang / pi pi ling dang / po son cha dang / 'di rnams kyi slon sman chu dron po dang sbyar ba gtang ngo / /nyams stobs chung na ni smyung ba nyi tshe bya'o/ /yang na dong ga la sogs pa'i sde tshan bskol ba bsgrangs pa'i nang du sbrang rtsi bcug ste/bad kan las gyur pa'i slon nad can la blud do/ /yang na phye'i skyo ma'am/ skyugs pa'i nad 'joms pa'i sman 'bras yos dang / rgya shug skyur po dang / bal po se'u la sogs pa btags te bskol ba'i khu ba'i nang du nas brngos te phyer byas la skyo ma blud do//bza' ba ni yi gar 'ong ba rgun 'bru la sogs pa dang sbyar ba sman zhim thig le dang bu srin dang bcas par sbyin no/ /ldong ros dang / pi pi ling dang / na le sham btags pa'i phye ma skyur rtsi chen po'am/ ka pid ta'i khu ba gang yang rung ba'i nang du btab ste sbrang rtsi dang sbyar ba'i lde gu byin na bad kan las gyur pa'i skyugs pa'i nad sel to//yang na ka pid ta dang / tsha ba gsum sbyar ba'am/ byi tsher ba sbrang rtsi dang sbyar ba zos na/ bad kan las gyur pa'i skyugs pa'i nad sel to/ /glo bur du yul rme ba'am mi gtsang ba mthong ste/yang nas yang du skyugs pa la ni yid dang rjes su mthun par yid du 'ong ba dang spyod pa dang dga' ba bskyed pa la sogs pa bya'o/ /srin bu las gyur pa'i slon pa'i nad ni srin bu gso ba dang / snying nad gso ba'i skabs su ji ltar bshad pa bzhin du sman gyis gso bar bya'o//skyugs pa'i nad lhag ma skom pa dang / ma zhu ba dang / snying nad la sogs pa las gyur pa la ni rang rang dang mthun pa'i sman rlung nad gso ba'i skabs su bshad pas zhi bar bya'o/ /gzhan yang yang nas yang du skyugs te/ lus zungs rnams zad cing rlung 'khrugs par gyur pa la ni thog mar skyug sman gyi cho ga bzhin du lus zungs rnams 'phel zhing rgyas pa dang mi skyugs par bya ste/de yang mar dang / bu ram dang / sha khu dang / dge ba'i sman mar dang / tsha ba gsum gyi sman mar dang / 'tsho byed sde bcu'i sman mar dang / 'o ma dang / lde gu gang yang rung ba rnams bsten na shin tu mi bzad pa'i skyugs pa rnams sel to//snying nad gso ba de la rlung las gyur pa'i snying nad la ni zho ga chu dang / rtsabs skyur po dang / dar ba 'di rnams gang yang rung ba dang til mar dang sbyar ba'i nang du lan tshwa nag po btab ste dro 'jam tsam blud na snying nad dang / skran dang / lto ba'i nad las rgyal bar byed do/ / yang na til mar dang / lan tshwa dang / gcin dang / skyur po dang / 'di rnams chu dang lhan cig bskol te/ til mar nyi tshe lus pa 'thungs na phan yon gong ma dang 'dra'o/ /yang na bil ba'i shing dang / ra sna dang / nas dang / rgya shug dang / thang shing gi 'bras bu dang /ba spru ba dang / rgya sran dang / rtsa ba lnga dang / 'di rnams cham chom brdungs te chu dang til mar dang tshul bzhin du bskol la/ chu du/ til mar 'ba' zhig lus pa dang / de las btung ba dang / 'jam rtsi mas gtong ba dang / snar blugs pa byas na snying nad sel to//yang na bca' sga dang / bye'u rug pa dang / rgyam tsha dang / kru trug tres dang / shing kun dang / ma nu dang / a ru ra dang / 'di rnams cham chom brdungs te chu dang bskol ba'i khu ba dang / mar dang mar gyi bzhi 'gyur gyi chu dang bskol la/ mar 'ba' zhig lus pa dang / de las ran par 'thungs na/ rtsib log na zhing gzer ba dang / skran dang 'di rnams 'joms so/ /yang na kha ru tsha srang gnyis dang / a ru ra srang lnga dang / 'di rnams cham chom brdungs te/ gong ma bzhin mar dang sbyar ba 'thungs na/snying nad dang / rtsib logs na ba dang / skran dang dbugs mi bde ba sel to/ /yang na se'u 'bru dang / kha ru tsha dang / shing kun dang / star bu dang 'di rnams kyi phye ma chu dron po dang lhan cig 'thungs na/ rlung dang / snying nad dang / dbugs mi bde ba rab tu zhi bar byed de rab tu bzang ngo //yang na puSh+kar mU la zur pa dang / bca' sga dang / skyur rtsi chen po'i rtsa ba dang / a ru ra dang / 'di rnams phye mar byas te/ ya bak+Sha ra dang / skyur dang / lan tshwa dang ldan par bya ba'am/ chu dron gang 'byor pa dang sbyar ba 'thungs na/snying gcad pa snyam byed cing zug pa rnams la phan no/ /yang na la la phud dang / rgyam tsha dang / ya bak+Sha ra dang / shu dag dang / go snyod dang / bca' sga dang / thang shing dang / skyur rtsi chen po dang / pa la sha dang / zur pa dang / ma nu 'di rnams bskol ba'i khu ba 'jam tsam 'thungs na phan yon gong dang 'dra'o//yang na tsha ba lnga dang / zur pa dang / a ru ra dang / bu ram dang / bi dzu ra dang / ma nu 'di rnams kyi phye ma chang dang sbyar ba til mar dang / mar bskol ba'i nang du blugs la lan tshwa dang ldan par 'thungs na/snying nad dang / rtsib logs na ba dang / mo mtshan rnams su zug pa dang / skran dang / dmu rdzing rnams la phan no/ /yang na rlung las gyur pa'i snying nad la ni/ snum chos dang dugs bya ba'i sman sbyin no/ /rtsa ba lnga pa chung ngu cham chom brdungs la chu dang bskol ba'am/yang na bca' sga bskol ba'i btung ba dro 'jam tsam blud do/ /yang na chang ngam rtsabs skyur po dang 'di dag rnams skom du blud do/ /rlung gis snying gzer zhing mgul pa dang dbugs bsdams pa snyam byed pa dang / ma zhu ba yod pa rnams la yang gso ba gong ma ltar bya'o//snying 'dzag pa dang / gcin nad dang rlung las gyur pa'i snying nad la ni/ snum mang po dang / sreg pa dang / khrung khrung dang / rma bya dang / co ga dang / khyim bya dang / de rnams kyi sha khu byin na phan no/ /yang na ba la'i sman mar rlung nad gso ba'i skabs su bshad pa btung ba'am/su ku ma ra'i sman mar khong 'bras gso ba las 'byung ba'am/ yang na shing mngar lan brgya btsos pa'i sman dreg nad gso ba'i nang du bshad pa yang snying nad can la sbyar bar bya'o/ /yang na snum chen po'i mchog ces bya ba'i sman mar sbyar bar bya ste/ra sna dang / dzi ba ka dang / dzi ban ti dang / ba la dang / kaN+Da ka ri dang / ba sbru ba dang / ga bra'i rtsa ba dang / s+thi ra zhes bya ba sa la par+Ni dang / shu dag dang / tsha ba gsum dang / 'di rnams cham chom brdungs pa dang / snum chen po bzhi cha mnyam pa dang / de'i bzhi cha'i zho dang / rtsab mo dang / zho ga chu skyur po dang / dar ba skyur po dang / chang dang skyur po gang rnyed pa snum chen po gcig gi bzhi 'gyur dang / skyur lnga spyi dang mnyam pa'i chu dang lhan cig bskol te/ mar nyi tshe lus pa dang / de las rtag tu bsten na/ tshim par byed pa dang / lus 'phel zhing rgyas par byed pa dang / stobs skyed cing rlung las gyur pa'i snying nad 'joms so/ /rlung las gyur pa'i snying nad me drod che ba dang / snying 'dzag pa dang / 'phar ba la ni 'o ma dang / zho dang / bu ram dang /mar dang / chu na gnas pa dang / khyim na gnas pa'i phyugs kyi sha rnams zos shing 'thungs na phan no/ /rlung las gyur pa'i snying nad ma gtogs pa lhag ma'i snying nad bzhi la ni gong ma'i snum gyi cho ga spang bar bya ste/ rlung las gyur pa yin na yang /gal te snying bsdams pa snyam byed pa'i nad dang / zas yi gar mi 'ong ba lta na yang snum gyi cho ga spang ngo / /de rlung las gyur pa'i snying nad bad kan dang 'dres pa yin na ni rtsub pa dang dro ba'i gso ba bstan pa yin no/ /de la mkhris pa las gyur pa'i snying nang la ni rgun 'brum dang /bu ram shing gi khu ba dang / kha ra dkar po dang / sbrang rtsi dang / pa ru sha rnams las gzhi blangs pa'i bkru sman gtang bar bya ste/ lus dag pa dang 'dod pa'i thug pa la sogs pa rim gyis mkhris pa 'joms pa sbyin no/ /glo 'grams pa dang /mkhris pa'i rims kyi gso ba bshad pa bzhin du lus kyi phyi rol nas bsku byug dang / nang nas bkru sman gyi sbyor ba 'dir bya bar bshad de/ pu tse shel dang / shing mngar btags te chu dang sbyar ba kha ra btab ste 'thungs na/ mkhris pa las gyur pa'i snying nad sel to//yang na ra sna dang / sha kha ra dang / rgun 'brum dang / dzi ba ka dang / zangs rtsi ba dang / ut+pa la dang / ba la dang / 'bra go dang / ram nye ba rnam gnyis dang / me da rnam gnyis dang / 'di rnams ma he'i mar dang / 'o ma chu dang tshul bzhin du sbyar ba'i mar 'thungs na/mkhris pa las gyur pa'i snying nad sel to/ /yang na pra puN+Da rI ka dang / shing mngar dang / pad+ma'i rtsa ba'i mdud pa dang / kr-iSh+Na dang / bca' sga dang / nya lcibs dang / 'di rnams 'o ma dang lhan cig bskol nas mar lus pa dang btsags te bsgrangs pa'i nang du/sbrang rtsi btab ste 'thungs na rab tu bsngags so/ /yang na dar ba'i sman gyi sde tshan mar dang gong ma bzhin bskol te 'thungs na/ mkhris pa las gyur pa'i snying nad sel to/ /yang na til mar dang tshul bzhin bskol te/bsgrangs pa'i nang du sbrang rtsi btab ste 'jam rtsi mas gtong bar bya'o/ /de la bad kan las gyur pa'i snying nad la ni thog mar dugs bya ste/ de'i 'og tu nim pa dang / shu dag bskol ba'i skyug sman btang ngo / /kha zas ni nas las g.yos su byas te sbyin no//tshod ma ni rgya sran gyi khu ba dang / srog chags thang la gnas pa'i khu ba rung ngo / skom du ni chang rnon po blud do/ /shu dag dang / shing kun dang / lan tshwa rnam gnyis dang / dong gra dang / sug smel dang / la la phud dang / pi pi ling dang /nas tshig 'khus pa'i thal ba dang / 'di rnams kyi phye ma chu dro 'jam tsam mam/ yang na rgya shug skyur po la sogs pa 'bras bu'i chu'am/ 'u su'i rang skyur ram/ rgya sran gyi yu sha'am/ ba gcin nam/ a sa wa'i btung ba'am/ 'di rnams gang yang rung ba las skyo mar byas te blud do//su skar ra ma la dang / a ru ra dang / pa la sha dang / bca' sga dang / zur pa dang / ra sna dang / shu dag dang / pi pi ling dang 'di rnams tshul bzhin bskol ba'i khu ba blud na phan no/ /a ru ra dang / bca' sga dang / bong nga dkar po dang / paT+Ta drug dang / kad pa la dang / 'di rnams chu dang bskol te btang na phan yon gong ma dang 'dra'o/ /ro hi ta dang / seng ldeng dang / a shwad+tha ka dang / u dum+bA ra dang / ardzu na dang / n+ya gro d+ha dang / 'di rnams bskol ba'i khu ba'i nang du/tsha ba gsum dang dri bi tsa btags pa'i phye ma btab ste lde gur byas nas bza' ba'am/ yang na tsha ba gsum dang dur byid kyi phye ma chu dang sbyar te gtang ba'am/ yang na chu dron dang lde gur byas pa zos na bad kan las gyur pa'i snying nad sel to/ /bad kan las gyur pa'i skran gso ba'i skabs las 'byung ba'i thal sman gyi sbyor ba dang /sman mar 'dir yang sbyar te blud do/ /brag zhun gyi cho ga dang tshangs pas bshad pa'i bcud kyis len gyi cho ga yang 'dir sbyar ro/ /de bzhin du skyu ru ra'i lde gu'am/ drang srong ri byis bshad pa'i lde gus yang skabs 'dir sbyar ro//skyes bu gang zas zos ma thag snying gi phyogs su zug gzer skye zhing kha zas 'ju ba bzhin du zug gzer chung ba ltar byed na ru rta dang / byi dang ga dang / lan tshwa rnam gnyis dang / seng phrom dang / thang shing dang /bong nga dkar po dang / 'di rnams kyi phye ma chu dron dang sbyar ba blud na zhi bar byed do/ /de yang sngon gyi slob dpon dag na re/ gong gi sman zho gnyis chu srang gsum dang bskol te blud do zhes zer ro/ /kha zas zhu ba'i 'og tu rtag tu zug gzer skye ba la ni/snum ba'i sman bkru sman nam/ 'bras bu'i bkru sman nam/ rtsa ba'i bkru sman rnon po btang ngo / /de la snum pa'i bkru sman ni seng phrom dang / ni li ni dang / e raN+Da'i mar rnams so/ /'bras bu'i bkru sman ni sap+ta la dang / sha khi ni dang / dan ti'i 'bras bu dang /bra ban ti dang / gir ni kar ni dkar dang / rgun 'brum dang / 'bra go dang / byi dang ga dang / mu ra dang / dong ga dang / 'bras bu gsum dang / kam pi la rnams so/ /rtsa ba'i bkru sman ni dan ti dang / khron bu dang 'di dag go/ / ma zhu ba'i gnas na rlung phal cher 'khrugs te/ zas rgyu ba'i lam bkag nas na ba la ni de dang rjes su mthun par slon khrus kyis lus dag par bya ba dang / smyung bar 'dug pa dang / ma zhu ba smin pa'i sman rnams kyis zhi bar bya'o/ /srin bu las gyur ba'i snying nad la ni srin bu 'joms pa'i sman thams cad kyis gso bar bya'o//skom pa'i nad gso ba'i skom dad che ba'i nad thams cad la ni phal cher rlung dang mkhris pa 'joms pa'i sman thams cad bsngags so/ /de bzhin du skom pa thams cad la phyi nang gnyi ga nas bsil ba'i cho gas lus dag pa dang zhi bar bya'o//yang na char pa'i chu grang mo'am/ /chu mig las byung ba'i chu dang sbrang rtsi dang sbyar ba 'thungs na phan no/ /yang na bong ba'am/ bye ma'am/ gyo dum gang yang rung ba bsregs pa chu nang du bcug la dngas par gyur pa dang blud do//yang na rtsa ba lnga bskol ba bsgrangs pa'i nang du sha kha ra btab pa'am/ yang na rtswa dUr ba la sogs pa'i rtswa'i rtsa ba lnga pa chung ngu dang bskol ba'i nang du/ sha kha ra btab pa 'thungs na rab tu bsngags so//yang na 'bras yos la sogs pa'i phye chu dang skyo mar byas te blud do/ /nas khral khrol tsam drus te chan du byas pa'i nang du sbrang rtsi dang / sha kha ra btab pa zos na skom dad che ba la phan no/ /de bzhin du nas dang 'bras dang / khre rgod rnying pa gang yang rung ba 'o ma dang thug par byas pa'i nang du kha ra dang sbrang rtsi btab pa 'thungs na rab tu bsngags so//skom dad che ba'i nad yod pas ni thog mar chu grang gis lus bkrus la/ de'i 'og tu bsil ba'i sman thams cad bskol ba'i khu ba dang / 'o ma las gzhi blangs pa'i bza' ba grang mo'i nang du sbrang rtsi dang / sha kha ra btab pa sbyin no/ /yang na srog chags thang las skyes pa'i sha khu'i nang du mar bskol ba bcug la lan tshwa dang skyur med par bya ste/ bza' ba dang lhan cig sbyin no/ /yang na sran mung+ga la sogs pa bsil ba'i nus pa dang ldan pa dang /'tsho byed sde bcu las gzhi blangs pa'i g.yos su byas pa la yang rab tu bsngags so/ /gzhan yang 'o ma bsrubs pa'i mar sar ram/ sman bsil bag bskol ba'i khu ba'am/ yang na bu ram shing gi khu ba gang yang rung ba snar blugs pa yang rab tu bzang ngo //mdo'i gnas su bstan pa'i mkhur bar bcang ba'i sman 'o ma dang / bu ram chang dang / kha ra'i khu ba la sogs pa yang kha skam pa dang skom dad che ba la phan te mkhur bar bcang ngo / /gzhan yang tsha ba'i rims la ji ltar byugs pa dang bsku ba smos pa 'dir yang sbyar ro//mya ngan dang mi dga' ba spangs te sems bde bar 'gyur ba'i bag bsten to/ /mtsho chen po dang mtsho chung ngu la sogs pa nyams su dga' ba bsten pa'am/ dran du gzhug go/ /de dag ni skom dad kyi cho ga spyir bstan pa yin no//de la rlung las gyur pa'i skom dad la ni zho bu ram dang sbyar ba bsngags so/ /yang na lus nyams stobs bskyed cing bsil ba'i nus pa dang ldan pa'i sman sha khu dang lhan cig sbyar ba'am/ yang na bi da ri'i sde tshan bskol ba bsgrangs pa 'thungs na phan no//mkhris pa las gyur pa la ni u dum+bA ra bskol ba'i khu ba'i nang du kha ra dkar po btab pa 'thungs na phan no/ /yang na u dum+bA ra bskol ba'i khu ba bsgrangs pa'i nang du sha kha ra btab pa btung ba'am/ yang na thal tres kyi sde tshan bskol ba'i khu ba'i nang du kha ras btab pa btung ba'am/de bzhin du pa ru sha ka dang sle tres la sogs pa'i sde tshan bskol ba'i khu ba'i nang du sha kha ra dang sbrang rtsi btab pa yang de dang 'dra bar blta'o/ /yang na mngar ba'i sman rgun 'brum la sogs pa bskol ba'i khu ba'i nang du shing 'o ma can n+ya gro d+ha la sogs pa bskol ba'i khu ba'i nang du sha kha ra dang sbrang rtsi btab pa sbyin no//yang na skyur rtsi chen po dang / rgun 'bru'i lcug ma dang / n+ya gro d+ha dang / lcang ma dang / 'di rnams kyi lo ma dang / ku sha dang sha ka la sogs pa rtsa ba'i rtsa ba lnga dang /shing mngar dang 'di rnams bskol ba'i khu ba'am/ yang na rims nad gso ba'i skabs su bshad pa'i snying po lnga'i sman rgun 'brum la sogs pa bskol ba'am/ sbyor ba de dag gang yang rung ba blud na/ mkhris pa las gyur pa'i skom dad sel to//bad kan las gyur pa'i skom pa'i nad la ni thog mar nim pa bskol ba'i khu ba blud de skyug tu gzhug go/ /yang na bil ba dang / 'u su dang / rtsa ba lnga pa chung ngu dang / dar ba dang / tsi tra ka dang / 'di rnams chu dang bskol ba'i khu ba blud do//yang na yungs chu dang bskol ba'i khu ba'i nang du sbrang rtsi dang / sha kha ra btab pa btung ba'am/ yang na mung+ga dang / pa to la dang / nim pa rnam gnyis kyi lo ma bskol ba'i khu ba'i nang du tsha ba gsum gyi phye mas btab pa btung ngo //gzhan yang nas las byas pa'i zan dang / sman gyi khu ba mkhur bar bcang ba dang / sman sna nas gtang ba dang lde gu la sogs pa'i sman tsha ba'i bag dang bcas pa sbyin no/ /ma zhu ba dang bcas pa'i skom dad che ba'i nad la ni gong du smos pa'i sbyor ba rnams bya ste/khyad par du skyug sman gyis zhi bar bya'o/ /de bzhin du sbyor ba gzhan yang tsha ba gsum dang go bye dang / shu dag dang / 'di rnams kyi phye ma bal po se'u'i khu ba'am/ chu dron nam zho ga chu gang yang rung ba dang sbyar te btang na/skom dad ma zhu ba dang bcas pa zhi bar byed do/ /gal te nad pa zas stobs chung na zas shin tu sla ba dang / skyo ma gang yang rung ba dus tshod dang sbyar te gtang ngo / /ngal bas skom dad skyes pa la ni sha khu'am sha kha ra dang sbyar ba'i skyo ma blud do//tsha bas skom dad skye ba la ni nas kyi phye'am/ rgya shug gi phye ma'i skyo ma kha ra dang sbyar ba blud do/ /yang na til gyi tshigs ma btags te rang skyur dang sbyar bas lus thams cad bskus na tsha ba 'jil lo/ /lus khrus byas pas skom dad skyed pa la ni chang ngam chus bsres pa'am/yang na bu ram chu blud do/ /chang 'thungs pas skom dad skyed pa la ni chu dang chang phyed mar bsres pa blud de/ de nas lus khrus byas la zas skyur dang lan tshwa dang ldan par sbyin no/ /snum pa dang ldan pa'i zas rno ches pa zos pas me drod skyes te skom dad byung ba la ni chu rang bzhin gyis grang ba sbyin no//snum ma zhu ba las skom dad skyes pa la ni chu dron po sbyin no/ /snum bag zhu nas skom dad skyes pa la ni thug pa gar po blud do/ /snum dang ldan pa'i zas zos pa las skom dad skyes pa la ni snod nang du kha ba bcug la/de'i steng du bu ram dang chu blugs bzhin du btung ngo / /zas lci ba zos pa las skom dad skyes pa la ni/ chu dron po blud de skyug tu gzhug go/ /glo gcong zad byed kyi skom dad skyes pa la ni/ glo gcong la phan pa'i bza' ba dang / btung ba dang nyams stobs skyed pa'i sman thams cad 'dir sbyar ro//lus rid pa dang nyams stobs chung ba dang / zas rtsub pa zos pa las skom dang skyes pa la ni 'o ma'am ra sha'i khu ba sbyin no/ /stod du byung ba'i rlung gi nyes pas skom dad skyes pa la ni/ lud pa zad byed la phan pa'i sman 'o ma dang sbyar ba blud do//nang gang yang rung ba'i rkyen gyis skom dad skyes pa la ni/ 'u su bskol ba'i khu ba'i nang du kha ra dkar po dang sbrang rtsi btab la blud do/ /gzhan yang skom dad nad gang las gyur pa brtags te/ de dang mthun par btung ba byin pa shin tu bsngags so//gal te ma zhu ba las skom dad skyes te chu 'gags pa las lus sha zad par snang na/ de ni shi ba'am yang na yun ring du na bar 'gyur te/ de la ni myur du ci 'dod pa'i bza' ba dang btung ba dang sman byin na de ma thag skom dad zhi bar gyur na nad gzhan yang gso bar nus so//gso ba'i gnas las le'u drug pa rdzogs so// //de nas chang nad gso ba'i le'u bshad par bya'o/ /thog mar sman pas rlung la sogs pa'i nad gzhi gang shas che ba legs par brtags te dang po shas gang che ba gso bar bya'o//nad gzhi shas mnyam pa'i chang nad la ni/ dang po bad kan gso bar bya ste/ rim gyis mkhris pa dang rlung yang gso'o/ /de ltar rim gyis gso ba ni dang po bad kan gyi gnas su 'khrugs shing / de nas mkhris pa dang rlung yang 'khrugs bas gso ba yang de ltar bya'o//de la chang nyung ngu 'thungs pa dang / yang na mang du 'thungs pa dang log par 'thungs pa las chang nad skye bar 'gyur te/ de la ni sngar chang gang 'thungs pa de nyid blud pas zhi bar 'gyur ro/ /chang dang dug gnyis ni rno ba la sogs pa'i nus pa mnyam par bshad mod kyi/chang bas dug gi mthu ni shin tu che'o/ /chang mang du 'thungs pa la ni gang gi rang bzhin shin tu rno ba dang / dro bar yang 'gyur ro/ /de'i 'og tu skyur zhing tsha ba bskyed de zas kyi bcud mi 'ju ba'am/yang na log par 'ju ste rul zhing myags par byed la/ de nas zhu phan chad ni me'i drod shin tu che ste/ bsregs pas zhu ba'i rjes ro kha ba dang / lan tshwa dang / skyur ba la sogs par 'gyur te/ de las brgyal ba dang / skom dad che ba dang / rmongs pa dang / rims dang / nang du tsha ba dang / mgo 'khor bar 'gyur ro/ /chang 'thungs pa las bad kan 'khrugs te/ rlung rgyu ba'i lam bkag pa las ni shin tu mi bzad pa'i nad skyed de/ mgo dang rus pa dang tshigs rnams su na bar 'gyur te/de la ni chang 'thung ba nyid kyis zhi bar 'gyur ro/ /chang nad de zhu ba'i mtshan ma ni bza' ba dang btung ba yi gar 'ong zhing lus yang bar 'gyur ro/ /de ltar chang nad zhi bar shes nas de'i 'og tu skyug sman btang zin pa'i cho ga lus bkru ba dang sna'i dud pa btang ba la sogs pa rnams skabs 'dir sbyar bar bya'o//gong du zas kyi bcud tshig par gyur pa la ni skyur dang lhan cig zas zos par gyur na myur du ro mngar bar 'gyur te/ nyes pa 'ju bar byed pa'i nus pa dang ldan pa'i mchog yin no//chang gi yon tan rno ba dang dro ba la sogs pa'i nad gzhi'i gnas su bstan pa dang / drod skyed pa la sogs pa ni mdo'i gnas su bstan pa yin te/ 'on kyang goms pa'i dbang yin pas chang ni lus zungs snyoms par byed pa'i mchog yin no/ / chang 'thungs te 'ju ba'i 'og tu nad 'phral mi ldang yang phyis lam gzhan la brten nas ldang ste/ de la ni zhag bdun nam brgyad kyi bar du sman gyis gso'o/ /gal te de dag tu ma gsos na ni nad cher 'phel te tshabs cher skyes pa yin pas de la ni ji ltar chang nad la sbyar ba'i sman gyi sbyor ba rnams bya'o//de la rlung las gyur pa'i chang nad la ni skyur rtsi chen po dang / da trig dang / rgya shug gi 'bras bu dang / se'u 'bru dang / tha we dang / la la phud dang spa ma'i 'bras bu dang / tsha ba gsum dang / sge'u gsher dang lan tshwa rnam gsum dang /'di rnams kyi phye ma zan chang dang sbyar ba btung zhing thur ma la bsregs pa'i sha dang / snum dang bcas pa'i zan ha mri ta ka'i tshod ma dang bcas pa sbyin no/ /yang na sha gtsang ma'i khu ba skyur ba dang lan tshwa dang snum dang bcas pa byin na phan no//yang na sha ba'i skyur po rgun 'brum dang / mdog dmar por btsos pa dang / a mra dang / a mra ta ka'i 'bras bu gshags pa'i nang gi nar nar po dang sbyar ba bza'o/ /gro dang sran ma sha las byas pa'i g.yos yi gar gang 'ong ba sbyin no/ / sge'u gsher gshags pa dang / sha khu skyur po dang sbyar ba'i zas sbyin no/ /btung ba ni chang legs par smin pa lan tshwa dang dri zhim pa dang sbyar ba blud do/ /yang na rtsa ba chung ngu lnga bskol ba'i khu ba 'am/ se'u 'bru'i khu ba blud na/ rlung las gyur pa'i chang nad sel to//yang na bca' sga dang / 'u su bskol ba'i khu ba'am/ de bzhin du zho ga chu'am/ tshwa'am/ chu 'am/ rang sgyur ram gang yang rung ba blud do/ /gzhan yang til mar la sogs pas lus bsku byug bya ba dang / dril ba dang / bskru ba dang /gos dron po bgo ba dang / a ga ru'i bdug pas bdugs pa dang / a ga ru dang / gur kum gyis byugs pa dang / bud med lang tsho la bab pa nu ma dang brla dang / sta zur rnams mdzes shing lus kyi yan lag drod skyed pa dang ldan pa dga' ba bskyed nus pa sdug pa dang lhan cig 'khyud pa dang mthang sbyar zhing /bsku mnye la sogs pa bde ba'i bya ba skyes bu'i yid bzhin du byed pa dang bsten par bya'o/ /mkhris pa las gyur pa'i chang nad la ni chu mang po sbrang rtsi'am sha kha ras btab pa blud do/ / yang na zan chang bzang po'i nang du se'u 'bru dang / 'bra go dang / 'ba' cha dang / rgun 'brum dang / pa ru sha ka 'di rnams kyi khu ba dang bsres la bsgrangs pa'i nang du phye dang sha kha ras btab pa blud do/ /yang na sman mngar ba'i sde tshan rgun 'bru la sogs pa bskol ba'i khu ba bsgrangs pa'i nang du/chang dang sbrang rtsis btab pa blud na mkhris pa las gyur pa'i chang nad sel to/ /zas su 'bras drug cu pa dang ri bong dang gong ma sreg gi sha dang / ha re Nu ka dang / sran mung+ga dang / skyu ru ra dang / pa to la dang / se'u 'bru dang /'di dag las g.yos su byas pa sbyin no/ /bad kan dang mkhris pa 'dres pa'i chang nad skom dad che zhing lus tsha bar gyur pa la ni chu grang mo dang chang mang du sbyar ba'am/ yang na chu grang dang bu ram chu sbyar ba blud la skyug tu gzhug go/ /de'i 'og tu skyo ma la sogs pa'i rim pa rgun 'bru'i khu ba dang sbyar ba blud na rab tu phan no//gal te me'i drod che ste kha zas myur du 'ju na nyes pa'i lhag ma cung zad yod pa'i rtags so/ /lud pa khrag dang lhan cig 'byung la rtsib logs gnyis dang nu ma rnams su zug cing lus tsha ba skyes te skom dad che ba dang /snying dang brang rnams su na ba la ni/ sle tres dang / ga dur dang / pa to la bskol ba'i khu ba gang yang rung ba bca' sga dang lhan cig sbyar ba btung ngo / /de'i 'og tu bza' ba ni sreg pa'i sha dang lhan cig bza'o/ /skyes bu gang chang nad kyis skom dad rab tu che ba ni rlung dang mkhris pa las gyur pa yin te/de la ni nad gzhi dang mthun par rgun chu grang mo blud do/ /btung ba de zhu ba'i tshod tsam na ra sha'i khu ba sman mngar ba dang skyur ba dang sbyar ba'i bza' ba sbyin no/ /gal te skom na chang nyung ngu dang / chu mang du bsres pa btung ste de yang ra ro ba bsrung ngo //yang na gla sgang dang / se'u 'bru dang / 'bras yos dang / 'di dag bskol ba'i khu ba'am/ yang na 'dab ma rnam bzhi bskol ba'i khu ba'am/ yang na sman pa to la dang / ut+pa la'i rtsa ba bskol ba btung ba'am/yang na rang bzhin gyis bsil ba'i chu'am sbyor ba de dag gang yang rung ba btung ngo / /gzhan yang chang mang du 'thungs pas bad kan zad par byas la mkhris pa skyes te/ gre ba dang rkan dang mchu skams la lce phyir 'byin cing skam la mgo 'khor te/ sa la 'gyel ba la ni nub mo'i chu rlung gis bsil bar byas pa yog drod kyis byin no//yang na skyur rnam pa lnga zhes bya ba rgya shug dang / se'u 'bru dang / da trig dang / tsa tra zhes bya ba'i lo ma dang / tsug tri ka zhes bya ba'i rtsa ba 'di gnyis kyi khu ba'i nang du gong ma gsum gyi phye mas btab ste lde gur byas la ngo gdong bskus na de ma thag skom dad zlog go//chang mang du 'thungs pa las khong pa'i nang du drod cher skyes te/ khrag dang mkhris pa cher 'khrugs nas phyi rol pags par tsha ba mi bzad pa skyes pa la ni bsil ba'i cho ga sna tshogs bya'o/ / de ltar bsil ba'i cho ga sna tshogs byas kyang tsha ba zhi bar ma nus na/ rtsa ba'i cho ga bstan pa'i nang ro hi ta zhes bya ba'i rtsa las gtar te khrag dbyung ngo / /bad kan las gyur pa'i chang nad la ni smyung ba dang skyug sman gnyis kyis zhi bar bya'o/ /gzhan yang bca' sga dang /sa la par+Ni dang / ba la ka dang / kaN+Da ka ri dang / 'di rnams gang yang rung ba bskol ba'i khu ba grang mo blud do/ /slon byas pa'i 'og tu ltogs par gyur na dus su sbrang rtsi mang du blud pa'am/ yang na sha kha ra dang sbrang rtsi sbyar ba sbyin no/ /yang na a riSh+Ta las byas pa'i a sa ba'i chang rnying pa btung ba'am/yang na bu ram chang blud do/ /yang na skyo ma snum med pa blud de sbrang rtsi man chad gong ma de dag kun gyi nang du la la phud dang / dong gra btab pa blud do/ /nas dang gro'i zan dron po nyung shas dang / rgya sran gyi yu sha skyur dang /tsha ba dang kha ba'i spod btab pa mar nyung shas dang sbyar ba yid tsam sbyin no/ /yang na ra sha'i khu ba'am srog chags thang la gnas pa'i sha'i khu ba'i nang du la phug skam po dang / star bu dang / da trig dang / pa to la dang / tsha ba gsum dang / se'u 'bru dang / 'di rnams legs par sbyar ba gong gi zas dang lhan cig bza'o/ /yang na sha gtubs la de'i nang du bca' sga dang / na le sham dang / ha ri ta dang / sge'u gsher gshags pa dang / 'di rnams btsos la tshos pa'i nang du rgyam tsha la sogs pas yan lag brgyad pa'i phye ma dang /skyur rtsi chen po'i khu ba bcug la yang cung zad bskol te/ de'i nang du ka rir dang / ka mar d+ha la sogs pa yi ga dbye ba'i sman btab ste/ sha'i ro med par gyur pa dang mar dang brngos la bag zan leb po'i nang du bcug ste/be reg thabs su btsos la de las me'i drod che chung dang sbyar nas ci ran du bza'o/ /btung ba ni sbrang chang skyon med par gyur pa 'thungs na bad kan las gyur pa'i chang nad sel to/ /kha na kha ra dkar po dang kha ru tsha dang / go snyod dang / da trig dang / star bu dang / 'di rnams cha mnyam pa dang / shing tsha dang / sug smel dang / na le sham 'di dag gsum kha ra dkar po phyed phyed dang / lhan cig sbyar ba ni yan lag brgyad pa'i phye ma zhes bya ste/ de las ran par zos na rgyun srang dag pa dang / me'i drod skyes pa dang / bad kan las gyur pa'i chang nad sel to/ /rtsub pa dang dro bas lus bsku zhing dril la khrus bya zhing zas smyung ba byas na/ bad kan las gyur pa'i chang nad myur du sel to/ /yang na bud med 'dod pa dang ldan pa rnams dang lhan cig 'dug la/nub mo gnyid ma log par nyal po cung zad tsam spyad par byas na/ bad kan shas che ba'i chang nad myur du sel to/ /de yan chad nad gzhi so so'i gso ba bstan nas/ da ni 'dus pa gso ba bshad par bya ste/ de la nad gzhi 'dus pa'i dbye ba rnam pa bcu yod de/lhag ma yang ci rigs par brtag go/ /de la shing tsha dang / nA ga puSh+pa dang / pi pi ling dang / na le sham dang / go snyod dang / 'u su dang / pa ru sha ka dang / ma du sha ka dang / sug smel dang / thang shing dang / kha ra dkar po dang /'di rnams btags pa'i phye ma ka pid ta'i khu ba'i nang du btags te/ ga pur gyi dris bsgos pa 'thungs na/ chang nad 'dus pa las gyur pa thams cad zhi zhing yi ga 'bye la/ me'i drod skyed par byed do/ /chang nad kyis yang na ni snying 'khrug par byed la/yang na lus 'joms par byed do/ /de bas na chang nad la sems dga' bar gyur pa'i cho ga bya'o/ /chang nad la lus dag par bya ba'i cho ga slon khrus la sogs pa gso ba'i dpyad sna tshogs byas kyang zhi bar ma gyur te/bad kan zad cing lus nyam chung la rid cing rlung dang mkhris pa shas cher skyes pa ni chang nad kyis lus 'joms par byed pa zhes bya ste/ lus zungs nyams bar byas pa yin pas de la ni 'o ma blud na lus myur du 'phel bar byed/ ji ltar dpyid kyi dus su shing la char bab na 'phel ba bzhin du 'o ma 'thungs pas kyang lus 'phel zhing rgyas par byed do//de la 'o mas lus zungs 'phel ba yin na yang chang dang mi 'phrod pas 'o ma ni nyung ngu btung ngo / /nad tshabs che ba la 'o ma ni mang du blud la chang ni rim gyis nyung du sbyin no//lus 'joms byed dang / lus skem byed kyi chang nad kyis gzir bar gyur pa la ni mar dang 'o ma'i 'jam rtsi mas gtor na zhi bar 'gyur ro/ /de nas khrus dang bsku byug dang / lus dril ba byas nas de'i 'og tu rlung la phan pa'i bza' ba dang btung ba sbyin no//chang ran par 'thungs na ni chang las gyur pa'i nad mi 'byung ste/ de nas tshod ci tsam btung ba'i sbyor ba bshad par bya ste/ legs par 'thungs na ni bde ba 'ba' zhig skyed pa yin te/ de yang ji lta zhe na/ lha'i sman pa tha skar gyi bu gnyis kyis chang 'thungs pas ni gzi mdangs bskyed pa dang /dbyangs can gyi bus 'thungs pas ni stobs bskyed pa dang / brgya byin gyis 'thungs pas ni nus pa bskyed pa dang / khyab 'jug gis 'thungs pas ni 'od dpag tu med pa bskyed pa dang / me tog mdangs kyis 'thungs pas ni gzhan la bltas pa tsam gyis rmongs pa med pa'i mthu thob pa dang /stobs ldan gyis 'thungs pas ni skyes bu'i don grub pa dang / mdo'i nor bu zhes bya ba'i mchod sbyin gyi dus su bram ze rnams chang rang nyid kyang 'thungs la sreg blugs kyang chang dang byed do//sngon gyi dus su chang gi rgya mtsho chen po'i nang du lha dang lha ma yin thams cad 'dus nas sman thams cad kyis bcug ste bkang nas yongs su bsrubs pa las de'i nang nas thog mar khyab 'jug gi chung ma lag rmi dang / zla ba dang bdud rtsi rnams byung bar gyur to//rgun chang dang / sbrang chang dang / sbyar ba'i chang dang / bu ram shing gi chang dang / bu ram gyi chang dang / a sa wa'i chang la sogs pa kun kyang ra ro ba'i nus mthu kun la yod de rang bzhin mi 'dor ro/ /smad 'tshong ma la 'gying 'gros can zhes bya ste/chang 'thungs na ming dang mthun par sgeg par ston to/ /bud med rigs ma yang chang 'thungs na/ ngo tsha med par byed cing sems gzhan du 'gyur ba ston to/ /chang 'thungs na ni thub pa rnams kyang 'dod pa rnams kyis sems phrogs so/ / chang 'thungs pa'i rgyus ni bud med rnams kyang khro gnyer dang smin ma g.yo bar byed la/ mdzub mos gzhan la sdigs par byed cing / kha cig la ni gnod pa sbyin pa ltar ston kyang gnyi ga la snying dga' bar ni mtshungs so/ /chang 'thungs na lha'i bu mo rnams kyang 'dod pa la dga' bar 'gyur ro//chang 'thungs na ni skyes bu g.yul du 'jug pa rnams kyang rtsa bzhin srog 'dor bar byed cing rtsod pa 'phel ba dang / /chang mang du bsten pas ni phyis kyang de la sred cing chog mi shes par 'gyur ro/ /mya ngan dang / skyo ba dang / mi dga' ba dang /'jigs pa rnams kyi zil gyis gnon par mi 'gyur ro/ /dga' 'dun dang / dga' ston chen po dang / skyed mos tshal du 'gro ba la sogs pa yang chang med par mdzes par mi 'gyur ro/ /kha cig ni chang 'thungs pa'i dbang gis sdug cing yid du 'ong ba mang po dang bral ba dran nas ngu ba yang yod/mi mdza' ba dang ni mdza' bar 'gyur la/ mdza' ba dang ni bral bar 'gyur ba yang yod do/ /chang 'thungs ba'i skyes bu'i blo la ni lha'i dbang po brgya byin la yang brnyas pa skye ba dang / chang 'thungs pa'i rgyus ni gzhan la gtan du med pa rang rig pa bde ba'i ro myong bar byed pa de yang yin no//gzhan yang mdza' bar 'gyur la/ 'brel pa yang lhag par 'bye bar 'gyur ro/ /chang byin na ni lha dang lha ma yin dang / gnod sbyin dang / dri za dang / srin po dang mi rnams kyang dga' ba dang /mgu ba dang / ngag gi lam 'phel bar 'gyur ro/ /chang tshul bzhin ma yin par 'thungs na ni nad skyed par 'gyur te/ de yang tshil rgyas pa dang / rlung dang bad kan skyed par 'gyur ro/ /chang tshul bzhin du 'thungs na ni nyes pa chen po las kyang grol bar 'gyur ro//lus kyi nad gzhan yod pa la ni chang spang bar bya'o/ /chang nad ma yin pa nad gzhan la ni chang skyon med pa'i nang du sman tshogs dang sbyar ba thang la gnas pa dang grong la gnas pa'i srog chags kyi sha legs par btags pa chang dang lhan cig btung ngo //chang 'ba' zhig ni gnod de mi 'ju'o/ /sgog skya dang sha dang chang du sbyar bas ni rlung nad mi bzad pa 'joms kyi/ sgog skya nyi tshes ni de lta ma yin no/ /chang ni zug rngu khong du lus pa dbyung ba dang / thal sman rnon po'i las dang / me btsa' la sogs pa'i las byed kar blud do//nad pa dam du bzung la mtshon dbyung ba la sogs pa'i las byas na sman pa'i bya ba las shin tu sla bar 'gyur ro/ /chang ni me'i drod skyed pa dang / yi ga 'bye ba dang / mya ngan dang / ngal ba sel ba dang / nad med cing stobs 'phel ba'i mchog yin no//de bas na bdag nyid chen po rnams kyis rang gi srog bsrung ba'i phyir chang ran par btung bar bya'o/ /bsten pa dang nye bar bstan pa rnams kyis longs spyod dang lhan cig spyod pa'i chos kyang chang 'di las lhag pa med do//thog mar chang 'thungs pa ni dang por khrus byas la lha dang bram ze dang bla ma la phyag 'tshal te/ /rang gi las kyi bya ba byas nas 'khor thams cad dang lhan cig chang 'thungs te/ sa gzhi chu'am/ chu dri dang ldan pas chag chag btab la zas bza' ba'i bkad sar song ste/stan rgya che zhing bde bar bting nas mi srun pa'i skye bo rnams bsal te/ mdza' bshes dang / g.yog 'khor yid du 'ong zhing rang gi snyan pa sgrogs pa rnams dang / lhan cig tu 'dug par bya'o/ /yang na bud med gzhon nu 'jo sgeg dang ldan pa dag rol mo snyan pa'i sgra dang lhan cig gar dang glu len cing shin tu mdzes pa dang /bud med de dag gi lus la dril bu g.yer ka'i sgra dang bcas pa dang / rma bya la sogs pa'i gar dang / skad snyan par sgrogs pa dang / gzhan yang za 'ug la sogs kha dog du ma dang ldan pa'i gos bgo zhing gser las byas pa'i rgyan nor bu sna tshogs kyis spras pas/lus spud pa'i bud med thub pa'i skyes bu rnams kyi sems kyang g.yo bar byed pa dang / ri dgas kyi mig ltar 'gul shing rtse ba'i mig gis lta zhing snying du sdug la/de yang phyug po'i rigs su skyes shing nu ma rgyas pa dang / ro smad lci ba'i 'gros su 'gro ba dang / gdong zla ba lta bu'i bud med rgan po yang dregs pa skyed pa dang / gzhan pa'i sems kyang kun tu chags pa skyed nus pa dang / bud med dar la bab cing lus srab pa chang gis dregs pa/rang bzhin gyis 'jo sgeg can dag phan tshun chang la sogs pa 'brim zhing de yang rlung yab dang pad+ma'i lo ma la sogs pas bsil bar byas pa'i chang mthong na yang de la chags pa skyes na/ 'thung ba lta ci smos te chang gi dbang du sems 'gro'o//chang de yang tsu ta'i me tog dang / gla rtsi dang / sna ma'i me tog dmar pos bsgos la shel phor gyi snod kyi nang du blugs te mdzes pa ni 'dod pa'i lha'i lus bzhin du snang ngo / /chang 'thungs pa'i dus su dang por bal bu'am/ sug smel la sogs pa'i phye ma'am/gong du smos pa'i na tshod gnas par byed pa'i lde gu zos nas/ de'i 'og tu chang 'dod pa'i skyes bus sa phyogs zhal zhal byas pa'i steng du chang gi nang du chu cung zad dang bsres la btung ste/ dran pa dang blo dang ldan pa'i skyes bus mi che mi chung bar ran par rtag tu spyad de/de'i 'og tu zas kyi bya ba legs par sbyar ba dang nye bar spyad par bya ste/ thog mar bud med la blud de/ bud med des kyang chang gi nang du dri zhim pos byugs pa'i gdong dang / ut+pa la kha phye ba lta bu'i mig gis bltas pas bung ba mang pos chang 'thung ba lta bu'i gzugs brnyan shin tu mdzes par snang ba'i chang de snod gsum gyi nang du blugs te/'khor rnams kyis bstod bzhin du 'thungs na/ de'i 'og tu zas za ba'i bkad sar song ste/ sman pa mkhas pas mdun du bzhag la zas bza' bar bya ste/'dir yang sha dang / snum khur dang / mar dang / sge'u gsher dang / ha ri ta la sogs pa dang / kha ru tsha dang ldan par zas bza'o/ /gsang nan du skyogs gnyis sam gsum nyung ba btung bar bya ste/ de yang bud med la phod par bya ba'i phyir ro/ dben par chung ma dang lhan cig song ste/ chung ma pang par bzhag la rkang lag gis dam du 'khyud pa dang / bud med kyi lus las rngul 'byung zhing ba spu ldang la nu ma 'gul bar snang ste/ de ma thag chang blangs la bud med la blud do/ /gal te de ltar ma blud na ni khyim thab kyi bde ba ci zhig myong ste/phal cher sdug bsngal dang bcas pas dmyal ba dang 'dra'o/ /de ltar chang de yan chad mchog gi gzugs dang ldan pas bud med des 'thungs pa dang / de'i lhag ma de yang shin tu dri zhim pa dang ldan pa pad+ma rA ga bzhus pa lta bu'i mdog dang ldan pa yin no//de'i 'og tu 'dod pa zin te dub pa dang chang nyung zad btung bar bya'o/ /gal te chang mangs na ni gzi mdangs nyams pas chang mang du 'thung ba spang ngo / /de nas bde bar nyal bar bya'o/ /chang btung ba'i tshul de ltar byas na/chos dang don 'dod pas nyams par mi 'gyur te snying po med pa'i 'khor ba na bde ba'i mchog tu 'gro bar 'gyur ro/ /de ltar byas pa'i rim pa de yang lha rnams dang longs spyod dang ldan pa'i skyes bus bya ba yin gyi gzhan du na ni phongs pas nyam thag par 'gyur te/de'i 'og tu sems gdungs nas nor bu 'bud cing rnyed par 'gyur ro/ /skyes bu 'jungs pa dag ni gzhan longs spyod byed pa dag la smod cing bdag nyid la 'byor pa yod na yang mi spyod pa dag ni gzhan gyi nor bsrung ba'i mdzod dang mtshungs so//'on kyang rim pa de ltar chang 'thungs na tshe la phan zhing dbang po rnams su yul bskams te/ rang dgar 'gro ba las rgyal ba yin no/ /cho ga de dag ni nor dang ldan pa rnams kyis bya'o/ /de lta bas na chang ji ltar rigs pa dang phan pa ran par sbyar te/ de yang bdag nyid chen po rnams kyis mthong ba nyams par mi 'gyur zhing sems mi 'khrul ba'i tshod kyis btung bar bya'o/ /de nas ni spang bar bya'o/ /gzhan yang rlung gi rang bzhin can gyi mi la chang blud pa ni dang por bsku byug dang lus dril ba dang khrus byas la bza' ba ni snum dang dro ba bzung ngo //btung ba ni chang btung ba dang / byug pa rnams kyis bsgos la blud do/ /mkhris pa'i rang bzhin gyi mi la ni bsil ba'i sbyor ba sna tshogs dang / mngar ba dang / snum pa dang bcas pa'i zas dang chang gi btung ba byin na yang lus nyams par mi 'gyur ro//bad kan gyi rang bzhin can gyi mi la ni nas dang gro la sogs pa dro ba'i zas dang / srog chags thang la gnas pa'i sha na le sham la sogs pa dang sbyor ba'i zas dang chang btung bar bya'o/ /de la phal cher rlung nad la phan pa'i chang ni btags pa las byas ba'i chang dang bu ram chang phan no//mkhris pa'i nad la ni rgun chang chu cung zad dang bsres pa blud do/ /bad kan gyi nad la ni rgun chang ngam a riSh+Ta'i btung ba'am sbrang chang btung ngo / /bad kan shas che ba'i nang la ni sngar chang blud la de'i 'og tu zas bza'o/ /mkhris pa shas che ba la ni chang 'thungs la de ma thag zas bza'o//rlung shas che ba la ni zas phyed zos nas chang btung ngo / /nad gzhi mnyam pa la ni ci dgar btung ngo / /de la gzhan yang myos pa'am brgyal ba'i nad la ni rlung dang mkhris pa 'joms pa'i sman gtang bar bya ste/ de la brgyal ba la ni nad gzhi gang las gyur pa brtag ste/ khyad par du mkhris pa brtag par bya'o/ /brgyal ba dang myos pa thams cad la ni bsil ba'i byug pas bsku zhing nor bu chu nang du bcug pa'i chus gtor te rlung yab kyis g.yab po/ rgun 'brum dang / bu ram shing dang /'bra go dang / tang pal dang / 'di rnams kyi khu ba 'o ma dang bskol ba kha ras btab pa blud do/ /yang na mngar ba'i sde tshan 'o ma dang lhan cig bskol ba btung ba'am/ yang na sha khu'am mung+ga'i yu sha gang yang rung ba'i se'u 'bru dang sbyar ba blud do/ /bza' ba ni 'bras drug cu pa dang / 'bras dmar po dang / nas las g.yos su bya'o/ /gzhan yang sman 'tsho byed kyi sman mar dang / dge ba'i sman mar dang / tig ta chen po'i sman mar dang / srang ba'i sman mar dang / 'di dag gang yang rung ba 'am/ yang na tsitra ka 'o ma dang sbyar ba'am/ yang na pi pi ling dang brag zhun yang bcud kyis len gyi cho ga bzhin du sbyar ba'am/yang na 'bras bu gsum mar dang sbrang rtsi dang sha kha ras btab pa'am/ de dag las gang yang rung ba blud na/ myos pa dang brgyal ba thams cad zhi bar byed do/ /myos pa dang brgyal ba shugs drag tu zhen pa la ni kha sna'i dbugs 'gags pa'am/yang na mi'i 'o ma btung ba'am/ yang na sna nas blugs pa phan no/ /yang na pad+ma'i rtsa lag dang / pi pi ling dang / sbrang rtsi sbyar ba'am yang na a ru ra dang sbrang rtsi sbyar ba'am/ yang na byi tsher ba dang sbrang rtsi sbyar ba'am/ yang na ga dur dang sbrang rtsi'am/ sbyor ba 'di dag gang yang rung ba'i lde gur byas pa zos na phan no/ /yang na na le sham dang / rgya shug gi rus pa dang / rkang dang / pu shel tsi dang / nA ga ge sar dang / 'di rnams btags pa chu grang dang sbyar ba 'thungs na/myos pa dang brgyal ba'i nad sel to/ /yang na skyu ru ra bskol ba'i khu ba dang / mar dang lhan cig bskol ba'am/ yang na a ru ra'i khu ba dang / mar bskol ba'i mar 'ba' zhig lus pa 'thungs na phan no/ /nad gzhi'i stobs ji lta ba bzhin du gong ma'i cho ga rnams myos pa dang /brgyal ba rnams la ci rigs par bya'o/ /de bzhin du slon khrus la sogs pa las rnam lnga dang / gtar gas khrag dbyung ba yang rab tu phan no/ /gzhan yang sems brtan par bya zhing shes pa yul la ma chags par bya'o//myos pa dang brgyal ba tshabs che ba la ni/ snying stor gyi sman du bshad pa shin tu rno ba la sogs pa/ dug gis myos pa'i sbyar sman dag gis gso bar bya'o/ /de la snying stor gyi nad la ni myur du shin tu rno ba'i sna sman btang ba dang / mig sman rnon po blugs pa dang /dud pa rnon po brngub pa dang / sman rnon po'i phye ma chu dang sbyar ba mkhur bar bcang ba dang / sen mo'i nang du khab btsugs te tshar gzhug pa dang / 'di dag byas na snying stor gyi nad zhi bar byed do/ /yang na skra 'bal ba dang / lus mes bsregs pa dang /sos bcad pa dang / srog chags sdig pa'i sos 'debs su gzhug pa dang / sge'u gsher la sogs pa tsha ba'i khu ba dang / skyur ba'i bag dar ba la sogs pa khar bcad du gzhug pa dang / kha sral phre'u lus la brdar bar bya ste/ de ltar rna ba'i sman de dag gis sad de 'du shes rnyed nas/sgog skya'i rang gi khu ba blud do/ /kha zas ni tsha ba gsum dang / lan tshwa dang / skyur rtsi chen po'i ge sar dang bcas par zas byin nas/ de nas rgyun srang dag par bya ba'i phyir du/ zas yang ba dang / rno ba dang /tsha ba dang dro ba'i bag sbyin no/ /sad ma thag tu ngo mtshar gyi gtam dang / 'das pa'i chos rnams dran du gzhug pa dang / gnyen bshes sdug pa'i gtam thos par bya ba dang / bltar gzhug pa dang / rol mo'i sgra dang / glu skad drag tu blang ba dang / rtsol ba mang du byed du gzhug pa dang / slon khrus bya ba dang / du ba brngub pa dang / khrag dbyung bar bya ste/ dran pa slar rnyed par gyur na yang snying mi stor bar bya ba'i phyir de bsrung bar bya ste/ cho ga gong ma rnams rtag tu bya'o/ /gso ba'i gnas las chang nad gso ba'i le'u bdun pa rdzogs s+ho// //de nas gzhang 'brum gso ba'i le'u bshad par bya ste/ de la gzhang 'brum gso ba'i dus su dpyid zla ra ba dang / ston zla tha chungs dang / dbyar zla tha chungs dang / dus mnyam pa de dag ni sprin med pa'i dus zhes bya ste/de dag gi tshe rab tu slon khrus kyis lus dag par byas la rjes su mthun pa'i zas yang ba dang / nyung ba byin nas nyam ha cang yang mi chung ba'i skabs su gso bar bya'o/ /de la dang po bshang gci byas la khrus la sogs pa gtsang sbra yang bya ste bram ze la sogs pas bde legs brjod nas spang leb kyi khri'am/mi'i pang par nad pa gan rkyal du bzhag la nyi ma'i phyogs su rkub bstan te/ rked pa'i phyogs mthong bar byas la/ sgyid khung gnyis las ras kyis drangs la rked pa nas dam du bcings la drang por bzhag ste/ rkub kyi nang mar gyis bskus nas/de nas cha spyad mar gyis yang bskus te nang du dal gyis btang ngo / /de ltar nang du cha spyad kyis phyin pa dang / nad pas phyir btsir la mi gtsang ba yod na bton te/ de nas mtshon ras 'jam pos dkris la gzhang 'brum mnan te/ sman pas mdo'i gnas su bstan pa'i cho ga bzhin du/gzhang 'brum 'dzag pa la ni thal sman gyis bsreg par bya'o/ /skam po la ni thal sman nam lcags bsregs pas bsreg go/ /gzhang 'brum tshabs che ba la ni bcad nas bsreg go/ /de ltar zin pa dang cha spyad bkrol la/de nas nad pa de'i rku ba dang ro smad mar gyis bsku'o/ /gal te gzhang 'brum mang du yod na yang zhag bdun bdun nas re re'i cho ga gong ltar bya'o/ /dus gcig tu ni mi bya'o/ /de nas rlung med pa'i khang bar bzhag ste/ cho ga rim pa bzhin bya'o//gzhang 'brum du ma yod pa la ni dang po g.yas phyogs na yod par bya'o/ /de nas g.yon/ de nas rgyab/ de nas mdun gyi bya ste/ de ltar cho ga bsregs pa legs par gyur na rlung lugs su 'byung ba dang / zas yi gar 'ong ba dang / me'i drod skyed pa dang /nad legs par zhi ba dang / mdog dang stobs skye bar 'gyur ro/ /de ltar mtshon dang thal ba'i las byas pa'i 'og tu chu sor zug gzer skye bar gyur na/ ba spru ba dang / ru rta dang / shu ti dang / a ga ru dang / thang shing dang / 'di rnams zhib tu btags pa'i phye ma chu dang lde gur byas pas lte ba'i 'og tu bsku bar bya'o//ci ste bshang gci 'gags par gyur na/ sman ra sna dang / a lam bu pa dang / e raN+Da dang / gze ma dang / ba spru ba dang / gan+d+ha su ra dang / 'di rnams lhan cig bskol la dro 'jam tsam du bya ste/thog mar rgyab dang / rked pa dang / rkub dang brla brag tu mar gyis bsku byug byas la/ de'i 'og tu sman khus blugs pa dang / ro smad sman khu'i nang du gzhug par bya'o/ /yang na rlung 'joms pa'i sman dang bcas pa'i 'o ma'am/ yang na til mar gyis gong ma bzhin du blugs pa dang / ro smad gzhug go/ /yang na rtug pa 'gags pa la ni rlung la phan zhing drod skyed pa dang / dur byid dang / rgya sne'u dang / u po da ka dang / tsu tsu ka par+Ni dang / 'di rnams kyi tshod ma zho dang zho ga chu las gzhi blangs pa dang /gong ma'i snum dang bcas pa'i zas bza'o/ /de la gzhang 'brum la mkhris pa las gyur ba'i tsha ba ni med do/ /gal te yod na yang rlung dang cung zad 'dres par yod do/ /rlung dang bad kan las gyur pa'i gzhang 'brum gyi nad kyi mtshan ma ni gzhang phyir 'byung zhing phyi sa dang /'phyen 'gags pa dang / g.ya' ba dang / na ba dang / skrang bar 'gyur te/ de la ni bi la ba'i rtsa ba dang / tsi tra ka dang / ya bak+Sha ra dang / ru rta dang / til mar dang / 'di rnams tshul bzhin du bskol ba'i khu bas gzhang 'brum la bkru zhing blugs so//yang na sbrul dang / byi la dang / rnga mo dang / phag rgod dang / 'di rnams kyi zhag gis bsku zhing blugs so/ /de'i 'og tu zan gyis glan pa'i dugs dang / chu lums kyi dugs bya ba'am/ yang na dugs kyi cho ga'i skabs su bstan pa rnams 'dir sbyar ro//yang na til mar dang / mar dang / chu dang / phyer sbyar ba'i zan dron gyis dugs bya'o/ /thog mar snum gyis bskus la de nas dugs bya'o/ /yang na ra sna dang / spa ma'i 'bras bu'am/ shi kru'i lo ma'am de dag las gang yang rung ba btags pa'i til mar dang zan du byas pas dugs bya'o//arka'i rtsa ba dang / sha ma'i lo ma dang / mi'i skra dang / sbrul gyi pags pa dang 'di rnams mar dang bsres pa'i dud pas bdugs na gzhang 'brum la phan no/ /de bzhin du a shwa gan+d+ha dang /bri ha sti dang / byi'u rug pa dang / pi pi ling dang / 'di rnams mar dang sbyar ba'i dud pas bdug go/ /yang na ku ba kha bo'i sa bon dang myu gu 'jam po btags pa 'bras kyi rang skyur dang sbyar ba'i lde gu reng bur bya ste grib skam du byas nas rkub nas yar bcug na gzhang 'brum 'byin to//yang na ku ba kha bo'i myu gu dang / rtsa ba dang / nas tshig 'khus pa'i thal ba dang / 'ol ma se dang / su ra sna dang / kush+man+da'i sa bon dang / 'di rnams zhib tu btags pa gong ma bzhin du lde gur byas la bcug la gtang ngo //yang na su d+hA k+Shi ra dang / yungs mar sbyar bas byugs pa'am/ yang na khyim bya'i rtug pa dang / pi pi ling dang / 'ol ma se'i 'bras bu 'di rnams btags la ba gcin dang sbyar ba'i lde gus bskus na yang phan no/ /de bzhin du zur pa dang / pri yang ku dang /ta ma la'i rus pa dang / kar ka ta sring gi dang / a ru ra dang / ru rta dang / bse shing gi 'bras bu dang / spangs ma dang / shi kru dang / la phug gi sa bon dang / lo ma dang / ka ra bI ra dang / nim pa'i lo ma dang / shing pi lu'i rtsa ba dang /bil ba'i rtsa ba dang / shing kun dang / su d+hA k+Shi ra dang / 'di rnams lhan cig btags te lde gur byas pas bskus pa'am/ yang na ru rta dang / shi ri sha'i sa bon dang / pi pi ling dang / lce myang tsha dang / bu ram dang / arka'i lo ma dang 'bras bu gsum/'di rnams kyi lde gus bskus na gzhang 'brum rtsa nas 'byin to/ /yang na arka'i lo ma dang / su d+hA k+Shi ra'i shing dang / ku ba kha bo'i lo ma dang / ka rany+dza pha la dang / 'di rnams btags pa ra'i gcin dang sbyar bas bskus na gzhang 'brum sel ba'i mchog go//yang na a nu ba sa na'i sman pi pi ling la sogs pa'i lde gu byas pa bskus na yang rab tu bsngags so/ /byug pa'i sman de dag gis zhi bar ma nus na/ byug pa'i sman de rnams til mar dang tshul bzhin bskol bas bskus na rab tu phan no//bdug pa dang byug pa dang bsku ba'i sman gtong ba'i dus su nad khrag ma rungs pa la sogs par gyur na gzhang 'brum de las khrag byung na bde ba skyed par 'gyur ro/ /de ltar khrag gzags kyang ma byung zhing skrangs pa dang / sra ba'i gzhang 'brum rnams la ni srin bu pad pa dang /mtshon khab rtse gshibs pas yang dang yang du khrag dbyung ngo / /grang dro dang snum rtsub la sogs pa de ltar byas kyang gzhang 'brum zhi bar ma nus na/ nad khrag yod pa yin pas de la sman pas gong ma ltar khrag dbyung ngo / /yang na kha zas gzhan mi bza' bar 'o ma bsrubs pa'i dar ba'i nang tsi tra ka'i phye mas btab pa nyi tshe 'thungs na gzhang 'brum sel to//sman ko bi d+ha ra'i rtsa ba btags pa'i phye ma dar ba dang sbyar ba 'thungs la de zhu tsam na zas phan pa rnams zos na gzhang 'brum la phan no/ /gang gi gzhang 'brum skrang zhing zug par na la me'i drod chung ba la ni skran gyi cho gar bshad pa'i shing kun la sogs ba'i phye ma zos la de'i 'og tu dar ba btung ba'am/yang na bu ram dang a ru ra sbyar ba bza'o/ /yang na a ru ra dang / byi dang ga dang / tsi tra ka dang / dug mo yungs kyi shing shun dang /'di rnams kyi phye ma dar ba dang lhan cig btung ngo / /yang na dug mo yungs dang / pi pi ling dang / tsi tra ka dang / su ra na dang / 'di rnams gong ma'i chas 'og ma cha phyed phyed kyis bskyed la btags pa'i phye ma dar ba dang lhan cig blud do/ /yang na lan tshwa rnam gsum dang /tsha ba gsum dang / shing kun dang / star bu dang 'di rnams kyi phye ma chu dron dang sbyar nas btang ngo / /yang na bi la dang / ka pid ta dang / nas dang 'di rnams kyi phye ma dang dar ba sbyar ba'am/ yang na bca' sga dang / ting kum tsha dang / nas phye dang dar ba sbyar ba'am/ yang na ba la da ka dang / nas phye dang dar ba sbyar ba 'di dag gi skyo ma gang yang rung ba blud na phan no/ /yang na spa ma'i 'bras bu dang / shing kun dang / tsi tra ka dang / 'di rnams dar ba dang ldan par btung ngo / /yang na zla ba gcig gi bar du shing pi lu'i 'bras bu bza' ste/de'i 'og tu dar ba btung ngo / /yang na nyin mtshan du zas dang ma 'dres par dar ba ci 'dod par btung ngo / /lus kyi stobs dang me'i drod chung ba la ni dar ba nyi tshe spyad do/ /sman pas dus dang nyams stobs kyi bye brag shes par byas nas zhag bdun nam bcu'am/zla ba drug gam zla ba phyed kyi bar du dar ba 'ba' zhig blud do/ /yang na phye dang dar ba lde gur byas pa blud do/ /yang na dar ba 'thungs te zhu ba'i tshod tsam na dar ba las gzhi blangs pa'i thug pa rgyam tsha dang bcas par sbyin par bya'o//de nas dar ba las gzhi blangs pa'i 'bras chan bza' ste 'tshal nan du 'o ma blud do/ /yang na mung+ga'i yu sha dang / sha khu dar ba dang sbyar ba dang / 'bras chan tshod zin par bza'o/ /de la sman pas nad gzhi dang me'i stobs brtags la dar ba'i bye brag gsum gtang bar bya ste/de yang mar med pa'i dar ba rtsub pa dang / snum phyed tsam phyung ba dang / mar ma phyung ba dang dar ba rnam pa gsum po de dag ci rig par sbyar ro/ /de la gzhang 'brum gyi nad la dar ba legs par sbyar na/'phral du zhi bar byed cing phyis mi skye ba'i mchog yin te/ dar ba de ni sa'i steng gi rtsa ba la phog na yang rtsa ba nas sreg par byed na gzhang 'brum lta ci smos/ de ltar dar bas rgyun srang rnams dag par byas nas zas kyi bcud kyis lus zungs rnams 'phel bar byed do//yid dga' ba dang stobs dang ldan ba dang mdog bzang por 'gyur ro/ /mdor na dar ba bcug la nub gcig bzhag pa 'thungs na gzhang 'brum gyi nad 'jig par byed do/ /yang na 'u su dang / zi ra dang / go snyod dang / spa ma'i 'bras bu dang / pi pi ling rnam gnyis dang /shu ti'i 'bras bu dang / pi pi ling gi rtsa ba dang / zur pa dang / la la phud dang / tsi tra ka dang / ya ba na ka dang / 'di rnams zhib tu btags la/ rtsa ba snum can gyi nang du dar ba dang sbangs la legs par smin pa shas cher skyur zhing tsha bar gyur pa ni dar ba'i a riSh+Ta zhes bya ste/de las ci 'dod par 'thungs na me drod skyed pa dang / zas yi gar 'ong ba dang / mdog bzang ba dang / bad kan dang rlung tshul bzhin 'byung ba dang / gzhang kha skrang zhing g.ya' ba dang / na ba rnams 'joms shing stobs 'phel bar byed do//yang na kru trug tres kyi rtsa ba'i shun pa btags pa lde gur byas pa'i rdza ma'i nang ngos bskus la de'i nang du dar ba'am zho blugs la bzhag ste/ legs par smin pa dang 'thungs na gzhang 'brum sel to/ /yang na ga bra'i rtsa ba dang / thal tres dang / a ru ra dang / tsha ba lnga dang / 'di rnams kyang gong ma ltar byas na phan yon gong ma dang 'dra'o/ /yang na ha ti pi pi ling dang pa thA dang / shu ti'i sa bon dang / tsha ba lnga dang / g.yer ma dang / zi ra dang / 'u su dang / bil ba'i rkang dang / 'di rnams btags pa'i phye ma thug pa yu sha'am/ khu ba la sogs pa'i nang du btab pa'am/ yang na se'u 'bru la sogs pa 'bras bu'i skyur gyi khu ba'i nang du til mar dang mar gnyis bskol ba dang / gong ma'i phye ma dang lhan cig tu sbyar ba'am/ yang na sman de nyid chu dang mar tshul bzhin bskol ba 'thungs na me drod skyed par byed do//rim pa gong du smos pa 'di ni phyi sa sla bar bya ba'i phyir bshad pa yin no/ /da ni rtug pa 'gags pa'i cho ga bshad par bya ste/ de la rtug pa sra bar gyur pa la ni zas snum shas che ba dang /lan tshwa dang ldan par sbyin zhing de'i 'og tu chang blud do/ /yang na dar ba 'am bu ram chang ngam/ skyur po'am/ chang dang 'di dag gang yang rung ba'i nang du lan tshwas btab pa 'thungs na/ rtug pa 'gags pa sel to/ /yang na ka rany+dza'i lo ma bskol ba'i nang du mar dang til mar yang bskol ba bcug la phyes btab ste lde gur byas pa zos la de zhu ba'i chod tsam na zas zos na rlung gis rtug pa 'gags pa sel to//yang na bu ram dang / dong gra dang / yang na pa tra dang / bu ram dang / ya bak+Sha ra dang bcas pa mar dang zos na yang phan no//yang na ba ru ra ba gcin gyi nang du nub gcig sbangs la bu ram dang lhan cig zos na rlung las gyur pa'i rtug pa 'gags pa yang 'byung ngo / /yang na a ru ra rdog ma nyis brgya ba gcin bre bo che gnyis dang bskol ba a ru ra 'ba' zhig lus pa dang sbrang rtsi dang bcas par zhag re re gnyis gnyis zos na/bad kan las gyur pa'i rtug pa 'gags pa dang / gzhang 'brum gyi nad dang / mdze nad dang / skrangs pa dang / gcin nad dang / skran dang / dmu rdzing dang /srin bu'i nad dang / 'bras kyi phreng ba dang / lba ba'i sha stor ba dang / rkang bam dang / lus sbo ba dang / skya rbab dang / dreg nad dang 'di rnams la phan no/ /yang na bar da ka bu ram dang bcas pa zos la de'i 'og tu a dza shring gi'i rtsa ba btags pa ra'i gcin dang sbyar ba 'thungs na gzhang 'brum zhi bar byed do//yang na 'bras bu gsum bskol ba'i khu ba'i nang du dur byid btags pa'i phye ma btab pa'am/ yang na dar ba'i nang du a ru ra'i phye ma btab pa btang ngo / /yang na a ru ra dang /pi pi ling btags pa'i phye ma mar bskol ba'i nang du blugs te bu ram dang bcas pa zos na rtug pa 'gags pa sel to/ /yang na a ru ra dang dur byid dang / dan ti gsum zos na yang phyi sa 'gags pa tshul bzhin 'byung la de byung yang gzhang 'brum gyi stobs kyang zad par byed do//yang na se'u 'bru rang rang gi khu ba dang / zi ra dang la la phud dang / bu ram dang / dong gra dang / pa tra dang / 'di rnams lhan cig sbyar ba dar ba dang 'thungs na rlung las gyur pa'i rtug pa 'gags pa sel to/ /yang na bu ram shing gi chang dang /bu ram chang gi nang du tsi tra ka dang / bca' sga'i phye ma btab pa'am/ yang na zan chang gi nang du spa ma'i 'bras bu dang / pa tha dang / kha ru tsha'i phye ma btab ste 'thungs na phan no/ /yang na pi pi ling gi 'bru bcu dang / til nag po srang phyed btags pa 'o ma'i nang du btab ste 'thungs la de bzhin du zhag bcu'i bar du pi pi ling bcu bcus bskyed de 'thungs na nyams stobs dang me'i drod skye'o//yang na byi tsher ba dang / bil ba dang / la la phud dang / dong gra dang / de rnams las ci rnyed kyang rung ste/pa tra dang lhan cig tu chu dang sbyar te 'thungs na gzhang 'brum sel to/ /yang na chu srang nyis stong bzhi bcu rtsa brgyad kyi nang du a ru ra'i phyi shun skam po srang brgyad dang skyu ru ra skam po srang bcu drug dang / ka pid ta srang bcu dang / bi sha la srang lnga dang / seng phrom dang /na le sham dang / pi pi ling dang / byi dang ga dang / shing tsha dang / de rnams srang gnyis gnyis dang / 'di rnams cham chom brdungs te bskol la bzhi cha srang lnga brgya rtsa bcu gnyis lus pa dang / btsags pa'i khu ba'i nang du 'bru mar srang nyis brgya dang / da ta ki skam po srang bcu drug snod snum can gyi nang du bcug ste zla ba phyed bzhag la legs par smin pa ni a ru ra'i chang zhes bya ste/de las ran par bsten na me'i drod skyed pa dang / gzhang 'brum dang / pho ba'i nad dang / skya rbab dang / mdze dang / dmu rdzing dang / dbyig dug dang / rims dang / skrangs pa dang / mchin pa na ba dang / snying nad dang / skran dang / gcong chen po dang / skyugs pa'i nad dang / srin bu'i nad rnams sel to/ /yang na chu srang lnga brgya bcu gnyis kyi nang du dan ti dang / rtsa ba bcu pa dang / 'bras bu gsum dang /tsi tra ka dang / 'di rnams re re zhing srang bco lnga cham chom brdungs la bskol te/ bzhi cha srang brgya nyi shu rtsa brgyad lus pa dang / btsags la tshigs ma phyung ba'i khu ba'i nang du bu ram srang brgya dang / da ta ki srang bcu drug bcug ste/ yang na snod snum can gyi nang du zla ba gcig bzhag ste legs par smin pa ni dan ti'i chang zhes bya ste/de las ran par 'thungs na phan yon gong ma dang 'dra ste/ khyad par du phyi sa bde bar 'byung ngo / /chu srang lnga brgya bcu gnyis kyi nang du byi tsher ba skam po srang bcu drug dang dan ti dang pa tra dang /tsi tra ka dang / a ru ra rnam par rgyal ba dang / ba sha ka dang / skyu ru ra dang / dong gra dang / 'di rnams srang gnyis gnyis dang lhan cig bskol la bzhi cha lus pa dang / de'i nang du kha ra dkar po srang brgya dang / da ta ki srang bcu drug bcug la/rdza ma'i snod du pri yang ku dang / pi pi ling dang / dbyi mo dang / 'di dag phye mar byas la mar dang sbrang rtsi dang lde gu byas la bskol ba'i nang du blugs par bya ste/ zla ba gcig bzhag la legs par smin pa ni byi tsher ba'i chang zhes bya ste/ de las ran par 'thungs na/phan yon gong ma dang 'dra'o/ /zan gyi gong du skyur rtsi chen po la sogs pa skyur ba'i 'bras bu'i khu ba dang / mar gong ma bzhin du sbyar ba 'thungs na phyis 'gags pa bde bar 'byung ngo / /yang na dbyi mo dang / kru trug tres mar dang tshul bzhin du sbyar ba'am/yang na nas tshig 'khus pa'i thal ba bu ram dang sbyar ba 'am/ pi pi ling gi rtsa ba mar dang sbyar ba'i nang du bu ram dang / ya bak+Sha ra dang / dong gra'i phye ma btab pa'am/ pi pi ling dang / pi pi ling gi rtsa ba dang / 'u su dang / se'u 'bru dang / 'di rnams mar dang mar gyi bzhi 'gyur gyi zho dang chu dang tshul bzhin du bskol te/ mar 'ba' zhig lus pa zos na rlung dang bshang gci 'gags pa rnams sel to/ /shing pa la sha'i thal ba chu dang bsres la btsags pa dang / de'i sum cha'i mar dang bskol la mar lus pa dang de'i nang du in+d+ra ya ba'i sde tshan btags pa'i phye mas btab pa 'thungs na/gzhang 'brum dang me'i drod skyed pa'i cho ga yin no/ /tsha ba rnam lnga dang / a ru ra dang / ya bak+Sha ra dang / lce myang tsha dang / pa tha dang / 'u su dang / na le sham dang /bil ba dang / mar dang / de'i bzhi 'gyur gyi zho dang / chu dang tshul bzhin bskol ba 'thungs na gzhang 'brum dang brla brag tu na ba dang gzhang phyir byung ba dang / gcin sri zhing 'dzag pa rnams las myur du rgyal bar byed do/ /pa tha dang / a dza mo dang /'u su dang / byi tsher ba dang / tshwa ba rnam lnga dang / bil ba dang / 'di rnams mar dang zho dang / rtsang gi ri'i khu ba gnyis mar gyi bzhi 'gyur dang chu dang tshul bzhin du bskol te/ mar lus pa las ran par 'thungs na/ lto sbos pa dang / gcin sri ba dang /'phyen preg preg por 'byung ba dang / gzhang 'byung ba'i nad dang / gzhang 'brum dang / pho ba'i nad dang / bad kan dang rlung nad 'joms par byed do/ /rma bya dang / sreg pa dang / la ban zhes bya ba'i sha khu skyur dang legs par sbyar ba'am/ yang na khyim bya'am lco ga'i sha khu skyur dang bcas pa byin na rlung dang phyi sa 'gags pa la phan no/ /rgya sne'u dang / tsi tra ka dang / dur byid dang / dan ti dang / pa tra dang / a ma li ka la sogs pa'i lo ma dang / gzhan yang bad kan dang rlung 'joms pa'i tshod ma yang ba dang phyi sa sla bar 'gyur ba'i bag gang yang rung ba tshod mar byas pa'i nang du shing kun dang /til dang / mar dang / zho'i spris ma dang / 'u su dang / tsha ba lnga btags pa'i phye ma dang / 'u su'i ge sar dang / sge'u gsher gshags pa dang /'di rnams spod thabs su bcug pa legs par sbyar te/ nad pa gang la dga' ba'i spos bsregs pas tshod ma bdugs la/ de nas zi ra dang / na le sham dang / bi Ta kha ru tsha 'di dag btags pas shas cher btab ste zos na rlung shas che ba dang /gzhang 'brum dang / lus rtsub pa dang / me drod chung ba dang / rtug skam rnams la phan te sbyar bar bya'o/ /zas ni 'bras dmar po las g.yos su byas la/ tshod ma nim pa dang / srog chags go bo dang / ra dang / rnga mo dang / khyad par du srog chags sha za ba'i sha khu'i nang du shing kun la sogs pa'i spod dang sbyar ba thabs gong ma bzhin du byas te zos na phan yon gong ma dang 'dra'o/ /btung ba ni chang dang sha kha ra mi btung ba dang / bu ram gyi chang dang / dar ba dang / rtsab mo dang /a riSh+Ta'i chang dang / zho ga chu dang 'di rnams btung ngo / /yang na chu nyi tsher 'u su dang / bca' sga chu dang bskol ba btung ba'am/ yang na kaN+Da ka ri chu dang bskol ba nyung shas btung ngo / /btung ba de rnams kyang zas kyi bar ram zas kyi 'og tu 'thungs na rlung gi rtug skam 'byin no//rlung dang mkhris pa dang bad kan las gyur pa'i rtug skam bde bar 'byung zhing gzhang 'brum gyi nad kyang zhi bar 'gyur te/ me'i drod kyang skyed par 'gyur ro/ /rtug skam gyi zil gyis mnan te khong shin tu rtsub pa dang / rlung log par song ba dang /gzer zhing na bas nyam thag pa la ni 'jam rtsi mas gtong ba rab tu phan te/ de yang pi pi ling dang / po son cha dang / bil ba dang / shu ti dang / shing mngar dang / shu dag dang / ru rta dang / zur pa dang / ma nu dang / kru trug tres dang / thang shing dang / 'di rnams btags te/ til mar dang / til mar gyi bzhi 'gyur gyi 'o ma dang chu dang ldan par bskol te/ mar 'ba' zhig lus pa dang / 'jam rtsi btang na gzhang 'brum dang rlung 'khyil pa la phan pa'i cho ga yin te/ gzhan yang gzhang phyir byung ba dang zug gzer dang gcin sri ba dang / phyi sa sri zhing sgra dang bcas par 'byung ba dang / rked pa dang / rgyab bsgul dka' ba dang / mdoms phyogs su sbos pa dang / be'u snabs su 'khru ba dang / gzhang skrangs pa dang / rlung dang /rtug pa 'gags pa dang / yang dang yang phyi sa 'byung 'dod cing cher mi 'ong ba rnams la phan no/ /yang na bkru sman drag po mas gtong bar bya ste/ de yang rtsa ba lnga pa chung ngu dang / 'o ma dang / ba gcin dang / til mar dang / lan tshwa dang / pi pi ling la sogs pa'i 'bras bu dang / 'di rnams tshul bzhin du sbyar ba gtang ngo / /de yan chad gzhang 'brum skam po'i gso ba bshad nas/ /da ni gzhang 'brum khrag 'dzag pa'i gso ba bshad par bya ste/ dang po gzhang 'brum khrag 'dzag pa de rlung ngam bad kan gang las gyur pa brtags te/de'i 'og tu snum pa dang bsil ba sbyar ba 'am/ rtsub pa dang bsil ba sbyar te dro bag ni mkhris pa bskyed de bsrung ngo / /de la rlung dang ldan pa'i gzhang 'brum khrag 'dzag pa'i mtshan ma ni phyi sa'i mdog smug nag tu 'byung ba dang /sra ba dang / rtsub pa dang / 'phyen mang po 'byung ba dang / rked pa dang brla dang gzhang rnams su zug cing na ba yin te/ de yang rtsub pa'i zas zos pa las byung ba yin no/ /gal te bad kan dang bcas pa yin na ni phyis sla ba dang / dkar ba dang / ser ba dang / lci ba dang / snum pa dang / dpyi na ba dang / gzhang tshor ba med pa snyam byed pa yin te/ de nas zas snum pa dang / zas lci ba zos pas 'byung ngo / /de bzhin du khrag dang mkhris pa las gyur pa yang rang gi mtshan nyid brtags te khrag dbyung ba'i cho ga bzhin shes par bya'o//khrag dang rlung la sogs ba ma rungs par byas na ni nyams stobs ji lta ba bzhin du khrus dang smyung ba la sogs pa bya'o/ /ji srid du nad khrag ma zad kyi bar du phyir byung ba mi gcad par btang ngo / /de nas nad rnams smin par bya ba dang /me drod skyed pa dang / khrag gcad par bya ba'i phyir sman kha ba'i sbyor ba bshad par bya ste/ skyes bu gang nad gzhi'i nyes pas lus kyi sha zad pa dang / rlung las gyur pa'i khrag 'dzag pa'i nad la ni sman kha ba rnams snum dang bcas pas sbyar te btung ba dang bsku ba dang 'jam rtsi mas gtang bar bya'o//gang mkhris pa las gyur pa'i khrag ni tsha ba'i dus su cher 'dzag par 'gyur te/ de ni nges par bcad cing mi 'byung ba'i cho ga bya'o/ /rlung dang bad kan las gyur pa la ni bcad pa'i cho ga mi bya'o//bad kan las gyur pa'i khrag 'dzag pa la ni bca' sga dang / dug mo yungs kyi shun phrags bskol ba'i khu ba blud do/ /yang na rtsa mkhris dang / bca' sga dang / byi tshor ba dang / tsan+dan dmar po dang 'di rnams bskol ba'i khu ba blud do/ / yang na skyer pa'i shun pa dang / pu shel tsi dang / nim pa dang / se'u 'bru'i shun pa dang / 'di rnams bskol ba'i khu ba blud do/ /yang na dug mo yungs kyi shun phrags dang / 'bras bu dang / skyer khaN+Da dang / bong nga dkar po dang / sbrang rtsi dang / 'di rnams sbyar la btung ngo //yang na a pa marga btags pa'i phye ma sbrang rtsi dang 'bras bkrus pa'i chu dang lhan cig btung ngo / /yang na dug mo yungs kyi shun pa rlon pa srang brgya char pa'i chu dang tshul bzhin du bskol te/ snyigs ma bor la khu ba dngas ma'i nang du btsod dang pri yang+ku dang /mon cha ra dang / 'di gsum srang re re dang / dug mo yungs srang gsum 'di rnams zhib tu btags pa'i phye ma bcug la yang bskol te/ lde gu dril du btub tsam na phyir byung ba'i lde gu las ci ran du bza'o/ /de'i 'og tu me stobs che chung dang sbyar te thug pa dang /thug pa rkyang rkyang po dang / ba'i 'o ma'i btung ba dang / ra'i 'o ma dang bcas pa'i bza' ba dang btung ba sbyar bar byas na lde gu'i phan yon ni khrag tshad du 'khru ba dang / gzhang 'brum dang / khrag mkhris stobs che ste gong 'og gnyis kar khrag 'dzag pa rnams kyang myur du zhi bar byed do//yang na dug mo yungs kyi shun phrags srang brgya/ chu srang lnga brgya rtsa bcu gnyis dang bskol la brgyad cha lus pa dang / tshigs ma bor ba'i nang du skyer khaN+Da skam po dang / tsha ba gsum dang / seng phrom rnam pa gnyis dang / mon cha ra dang / se'u gzhon nu'i shun pa dang bil ba gzhon nu dang / gla sgang dang / btsod dang / da ta ka'i 'bras bu dang / 'di rnams srang re re dang dug mo yungs kyi shun phrags srang bcu btags pa'i phye ma dang / mar srang nyi shu dang / bu ram srang sum cu dang de rnams lhan cig bskol te lde gur gyur pa dang / snod snum can gyi nang du bcug nas nas kyi phung po'i nang du zla ba phyed bzhag pa'i lde gu las ran par zos na gzhang 'brum thams cad dang / pho ba'i nad dang / lud pa dang dbugs mi bde ba sel to//yang na seng phrom dang / til dang / mon cha ra dang / btsod dang / tsan+dan dang / ut+pal dang / 'di rnams kyi phye ma ra'i 'o ma dang btung zhing zas kyang 'bras chan dang / ra'i 'o ma mar dang bcas pa bza'o/ /yang na shing mngar dang / shug pa dang /byi tsher ba dang / shing pa ya sa'i lo ma dang / dur ba dang / 'di rnams btabs pa'i phye ma kha ra dkar po dang sbrang rtsi dang lhan cig chu grang mo dang sbyar ba'am/ yang na ra'i 'o ma dang lhan cig btung ngo / /yang na seng phrom dang / pu tse shel dang / dug mo yungs dang / btsod dang / shing shal ma la'i shun phrags dang / tsan+dan dang / shing mngar dang / pu shel tsi dang / 'di rnams btags pa'i phye ma 'bras bkrus pa'i chu dang sbyar ba gzhang 'brum khrag tshad can la blud do/ /la la phud dang / dug mo yungs dang / pa Ta dang / bca' sga dang / skyer khaN+Da rnams kyi phye ma zos na gzhang 'brum khrag tshad can la phan no//yang na khrag dang zug gzer shas cher 'byung ba la ni pa ya s+ya dang / kaN+Da ka ri gnyis mar dang bskol te blud do/ /yang na da ta ki dang / seng phrom dang / dug mo yungs kyi shun phrags dang / 'bras bu dang ut+pa la dang /pad+ma ge sar dang / 'di rnams mar dang chu dang tshul bzhin du bskol ba'am yang na ya bak+Sha ra dang / mar dang mar gyi bzhi 'gyur gyi se'u 'bru'i khu ba dang tshul bzhin bskol ba 'thungs na/ gzhang 'brum khrag tshad du 'khru ba zug gzer dang bcas pa sel to/ / yang na sha kha ra dang / pad+ma ge sar dang / mar sar dang lhan cig sbyar ba'am/ til dang mar sar lhan cig sbyar bas bsku byug byas na gzhang 'brum khrag tshad du 'byung zhing zug pa sel to/ /yang na ra'i mar sar dang / mar dang / 'o ma dang / srog chags thang las skyes pa'i sha khu dang rgya sne'u sbyar ba'i tshod ma'i nang du dar ba'am/dar ba skyur po gang yang rung bas btab pa'i tshod ma dang / 'bras dmar po'i chan zho'i spris ma dang lhan cig bza'o/ /skom du ni 'bras drug cu pa'i chang sar pa 'thungs na phan yon gong ma dang 'dra'o//de bzhin du chang sar pa'i nying khu 'thungs na gzhang 'brum khrag tshad du 'byung ba la phan pa'i mchog yin no/ /thug pa dang / sran mung+ga la sogs pa'i yu sha dang / sha khu la sogs pa dang / kun dong du sbyar ba'am/ yang na nyi tshe yang rung ste zos na rlung khrag shas cher g.yos pa las rgyal bar 'gyur ro//gzhang 'brum khrag cher 'dzag ste/ rlung tshabs cher 'khrugs na de la ni 'bad pa dang bcas pas bsrung ba'i cho ga bya'o/ /gzhang 'brum khrag tshad can dang khrag dang mkhris pa stobs che zhing bad kan dang rlung shas chung bar mthong na de la ni rnam pa thams cad du bsil ba'i cho ga de dag gis zhi bar ma nus na snum zhing dro ba'i cho ga bya ste/sha khu dro ba'i zas dang / mar gyi 'jam rtsi mas gtong ba la sogs pa bya'o/ /til mar dang / mar dang / 'o ma 'di rnams gang rnyed pa dro 'jam tsam gzhang 'brum la blugs so//yang na byi tsher ba dang / ku sha dang / ku sha'i rtsa ba dang / shal ma li'i me tog dang / rtsa ba dang / n+ya gro d+ha dang / u dum+bA ra dang / a shwad+thA gsum gyi myu gu dang / 'di rnams srang gnyis gnyis dang /chu bre gsum dang / 'o ma bre gang dang tshul bzhin du bskol la 'o ma lus pa dang / tshigs ma bor la khu ba'i nang du mon cha ra dang / btsod dang / tsan+dan dang / ut+pa la dang / pri yang ku dang / dug mo yungs kyi sa bon dang / pad+ma ge sar dang /'di rnams btags pa'i phye ma dang / mar dang / sbrang rtsi dang / sha kha ras btab ste 'dres par gyur pa ni bi tse'i 'jam rtsi zhes bya ste/ de las mas gtong ba byas na phyi sa 'byung 'dod bzhin du mi 'ong ba dang / gzhang 'byung ba dang / khrag 'dzag pa dang /rims rnams la phan no/ /yang na shing mngar dang / pra puN+Da rI ka dang / gong ma'i sman mon cha ra la sogs pa dang / sman spyi'i nyis 'gyur gyi 'o ma dang / mar la sogs pa'i snum dang tshul bzhin du bskol te/ a nu ba sa na btang ngo / /yang na shing mngar dang /ut+pa la dang / seng phrom dang / ba la ka dang / btsod dang / bil ba dang / dbyi mo dang / bong nga dkar po dang / gla sgang dang / pa Ta dang / ya bak+Sha ra dang / skyer pa dang / shing tsha dang / dod gra dang / spang spos dang / tsi tra ka dang / thang shing dang / tsa ko ra'i rang gi khu ba dang 'di rnams mar dang tshul bzhin du bskol ba las ran par 'thungs na nad gzhi gsum 'joms te/ khyad par du gzhang 'brum dang / tshad pas 'khru ba dang / pho ba'i nad dang / skya rbab dang / rims dang / yi ga 'chus pa dang /gcin sri ba dang / gzhang byung ba dang / chu so na ba dang / lto sbos pa dang / phyi sa yang dang yang du 'byung ba dang / be'u snabs su 'khru ba dang / gzhang 'brum zug cing na ba dang / 'di rnams la sman 'di ni mchog tu bsngags so/ /gzhang 'brum 'khrugs par gyur pa la ni/sman mngar ba dang / skyur ba dang / grang ba dang / dro ba la sogs pa la me'i stobs che chung dang sbyar te rtag tu btang na zhi bar 'gyur ro/ /rtug skam gyi nad la ni grang ba'i rims gso ba'i bsku byug bzhin du 'dir yang til mar gyi bsku byug dang snum chos legs par byas la de nas dugs bya'o//de nas dur byid dang / dan ti dang / pi pi ling dang / ni li ni'i 'bras bu dang / po son cha'i 'bras bu dang / sman gcig gi nyis 'gyur gyi lan tshwa rnam gnyis dang / 'di rnams kyi phye ma bud med kyi 'o ma dang ba gcin dang sbyar ba'i reng bu lag pa'i mthe bong tsam bya ste/bshang ba'i lam du reng bu mar gyis bskus la mas yar bcug na rtug skam tshul bzhin du 'byung ngo / /yang na pi pi ling dang / po son cha dang / khyim gyi dud pa dang / yungs kar dang / 'di rnams gong ma bzhin ba gcin dang bu ram dang sbyar te mas gtong na rtug skam legs par 'byung ngo //yang na gong ma'i sman gyi sbyor ba gnyis pa'i sman gyi phye ma smyug ma la sogs pa'i sbubs su bcug pa rkub nas bcug ste bud par bya'o/ /des kyang ma phan na sman rno ba dang snum gyi 'jam rtsi mas gtong bar bya'o//'jam rtsi'i sbu gu de yang drang por bya ste/ legs par btang na rtug skam dang rlung bde bar 'byung ngo / /gal te khong rtsub pas rlung dang rtug skam de 'byung du ma 'dod na/ rlung 'joms pa'i bkru sman snum dang bcas pa dang / a nu ba sa na gtang ngo //yang na lan tshwa rnam gsum dang / tsha ba gsum dang / 'bras bu gsum dang / dan ti dang / ba la da ka dang / tsi tra ka dang 'di rnams btags pa'i phye ma mar dang ba gcin dang sbrus la rdza ma kha sbyar gyi nang du bcug ste dud pa ma shor bar mtshams 'jim pas glan te me'i nang du bsregs la du ba nang du zhu ste thal bar song ba ni dge ba'i thal ba zhes bya ste/mar dang lhan cig btung ba'am/ yang na 'bras chan nam/ snum dang ldan pa'i zas dang lhan cig zos na rtug pa 'gags pa dang / gzhang 'brum dang / skran dang /skya rbab dang / dmu rdzing dang / srin nad dang / gcin 'gags pa dang / rde'u chags pa dang / skrang ba dang / snying nad dang / pho ba'i nad dang / mchin pa na ba dang / lto sbo ba dang / dbugs mi bde ba dang / lud pa lu ba rnams 'joms so//gzhan yang gzhang 'brum gyi rtug pa ska ba'i cho ga bshad pa thams cad 'dir sbyar bar bya'o/ /gzhan yang pu ti ka rany+dza'i shun pa srang nyis brgya/ chu srang lnga brgya rtsa bcu gnyis kyi nang du bskol te bzhi cha lus pa dang / tshigs ma bor la dngas ma'i nang du bu ram srang brgyad cu dang /tsha ba gsum srang brgyad zhib tu btags pa'i phye ma bcug ste bsregs la zla ba gcig bzhag ste rang gi drod kyis legs par smin pa dang cung zhig skyur bar 'gyur te/ de las ran par 'thungs na rlung legs par 'byung zhing gzhang 'brum dang /mcher pa'i nad dang / skran dang / dmu rdzing rnams las rgyal bar 'gyur ro/ /yang na pu ti ka rany+dza zhes bya ba srin sman rme ru srang brgyad dang / rtsa ba gnyis po tsi tra ka dang / kaN+Da ka ri gnyis kyang srang brgyad brgyad dang / chu srang stong lnga brgya sum cu rtsa drug bskol te/bzhi cha sum brgya brgyad cu rtsa bzhi lus pa dang / tshigs ma bor te bsgrangs pa'i nang du dri sna gsum dang / tsha ba gsum dang / pi pi ling gi rtsa ba dang / se'u 'bru dang / sru sru'i rtsa ba dang / gu gul dang / ma nu dang /'u su dang / dbyi mo dang / spa ma'i 'bras bu dang / sge'u gsher dang / star bu dang 'di rnams srang re re zhib tu btags pa'i phye ma sbrang rtsi dang / rgun 'brum dang / skyur rtsi chen po dang / sge'u gsher dang 'di rnams rlon pa brjid pa'i khu ba srang nyi shu nyi shu dang /bu ram shing gi khu ba ci mang du blugs te/ 'di rnams lhan cig snod snum can gyi nang du bcug pa zla ba gcig bzhag ste smin nas skyur por gyur pa dang / de las ran par 'thungs na shing sog les bcad pa bzhin du gzhang 'brum 'joms te/ khyad par du me'i drod skyed par byed pa'i mchog yin no/ /de bzhin du skya rbab dang / dbyig dug dang / dmu rdzing dang / skran dang / mcher pa na ba dang / lto sbo ba dang / rde'u chags pa dang / gcin sri ba rnams sel to/ /yang na shing pi lu'i 'bras bu khu ba srang lnga brgya bcu gnyis legs par ras dang btsir la/snod snum can gyi nang du bcug ste de'i nang du da ta ki dang / rgun 'brum srang gnyis gnyis dang / 'bra go dang / skyu ru ra'i 'bras bu dang 'di gnyis srang gnyis gnyis dang / pa tha dang /bong nga dkar po dang / byi tsher ba dang / star bu dang / tsha ba gsum dang / shing tsha dang / sug smel dang / 'u su dang / 'bu su hang dang / bu tshang rdo dang / li shi dang / byi dang ga dang / pi pi ling gi rtsa ba dang / kru trug tres dang / 'di rnams srang re re btags pa'i phye ma dang /bu ram srang brgya bcug ste/ rlung med pa'i gnas su zla ba phyed bzhag nas de las ran par 'thungs na gzhang 'brum dang skran rnams zhi bar byed de me'i stobs skyed cing myur du 'ju bar 'gyur ro/ /yang na rtsa ba bcu pa dang /dur byid dang / pa tha dang / arka rnam gnyis dang / bong nga dkar po dang / kad pha la dang / 'di rnams srang bcu bcu btags la sbyor ba gong ma bzhin du rdza ma kha sbyar gyi nang du bsregs te thal bar gyur pa dang / chu srang lnga brgya bcu gnyis kyi nang du bcug la ras kyis btsags nas tshigs ma bor la dngas ma de rdza bum gyi nang du bskol nas bzhi cha srang brgya nyi shu rtsa brgyad lus pa dang /de'i nang du bu ram srang brgya dang / tsha ba gsum dang / dbyi mo dang / a ru ra srang lnga lnga dang / tsi tra ka srang gnyis dang /ya bak+Sha ra srang gnyis dang / de rnams zhib tu btags pa'i phye ma bcug la yang bskol te/ lde gu dril du btub tsam na phyir phyung bas na bu ram gyi lde gu zhes bya ste/ de las ran par zos na skran dang / mcher pa'i nad dang / gzhang 'brum dang / mdze dang / gcin nad dang me'i drod nyams pa 'joms par byed do/ /yang na kru trug tres kyi rtsa ba lnga bcu chu srang lnga bcu brgya bcu gnyis kyi nang du bskol te brgyad cha srang drug cu rtsa bzhi lus pa dang / de'i nang du bu ram rnying pa srang brgyad bcug ste yang bskol la cung zhig ska bar gyur pa dang /de'i nang tsha ba gsum dang / shu ti dang / a ru ra dang / ru rta dang / dur byid dang / byi dang ga dang / shing tsha dang / tsi tra ka dang / sug smel dang / 'di rnams btags pa'i phye ma bcug la dkrugs nas lde gur gyur pa las ran par zos na gzhang 'brum dang /mdze dang / mcher pa na ba dang / skran dang / dmu rdzing rnams las rgyal bar byed do/ /rtag tu goms par byas na me'i drod skyed par byed do/ /yang na tsha ba gsum dang / 'bras bu gsum dang /byi dang ga dang / til dang / go bye dang / tsi tra ka 'di rnams bu ram dang ri lur byas te btang na gzhang 'brum sel zhing me drod skyed par byed do/ /sman su ra na'i rtsa ba rdza ma kha sbyar gyi nang du bcug ste/ mtshams su 'jim pas bskus nas cho ga bzhin bsregs te thal bar gyur pa dang /lan tshwa dang / til mar dang sbyar te zos na gzhang 'brum zlog par byed do/ /na le sham dang / pi pi ling dang / dong gra dang / kru trug tres dang / de rnams yas kyi rim pa bzhin du cha res bskyed do/ /kru trug tres kyi bzhi 'gyur gyi shal ma li dang /sman de rnams spyi'i nyis 'gyur gyi bu ram dang / ri lur byas te de las ran par zos na gzhang 'brum gcod par byed do/ /yang na na le sham dang / de'i nyis 'gyur gyi bca' sga dang / de'i bzhi 'gyur gyi kru trug tres dang /de'i nyis 'gyur gyi su ra na rnams btags pa'i nyis 'gyur gyi bu ram dang / ri lur byas te zos na gzhang 'brum sel to/ /a ru ra dang / dong gra dang / pi pi ling dang / ka rany+dza dang / byi dang ga dang / kru trug tres dang / 'di rnams btags pa dang mnyam pa'i kha ra dkar po dang bsres pa'i phye ma de las ran par zos na zas lci ba dang /mang du zos kyang myur du 'ju bar byed de rta gdong bzhin no/ /dug mo yungs dang / lang ga li dang / pi pi ling dang / kru trug tres dang / a pa marga'i sa bon dang / nim pa dang / rgyam tsha dang / de rnams kyi phye ma'i nyis 'gyur gyi bu ram dang ri lur byas te zos na gzhang 'brum sel to/ /gzhang 'brum gzhom par 'dod pas kru trug tres dang dug mo yungs dang / tsi ri bil ba dang / nim pa dang / rgyam tsha dang / 'di rnams btags pa'i phye ma dar ba'i nang du bskyos te zhag bdun gyi bar du btung bar bya'o//mdor na gzhang 'brum skam po la ni ba la da ka dang / gzhang 'brum gsher ba la ni dug mo yungs kyi shun phrags phan pa'i mchog tu bshad do/ /gzhang 'brum thams cad la dar ba bsten na stobs skyed cing nyes pa 'joms so//rlung dang bad kan la sogs pas rtug pa 'gag pa'i gzhang 'brum la ni me'i drod skyed pa dang / mthun pa'i bza' btung dang sman rnams bsten par bya ste/ cho ga de ltar ma byas na ni phyin ci log tu 'gyur ro/ / gzhang 'brum dang / 'khru ba dang / pho ba'i nad gzhi dang / 'di rnams phal cher gcig la gcig rjes su 'brel pa yin te/ de dag kyang me'i drod nyam chung ba las gyur pa yin pas khyad par du me'i drod bsrung ba la 'bad par bya'o/ /gso ba'i gnas las gzhang 'brum gso ba'i le'u brgyad pa rdzogs so// //de nas 'khru ba gso ba'i le'u bshad par bya ste/ me'i drod nyams pas ma zhu ba'i gnas pho ba la brten nas shas cher 'khru bar 'gyur te/ de la ni thog mar smin par bya ba'i phyir rlung las gyur pa yin na yang smyung ba byas na phan no//de ltar 'khru ba ni khong du zug gzer che zhing lto lci la cham pas nyam thag pa la ni skyug sman bya'o/ /nad gzhi khong du stsogs par kha zas tshul bzhin mi 'ju ste/ nad gzhi dang 'dres nas shas cher 'khru la rang nyid 'khru ba ni zhu bas 'khru ba zhes bya ste/dang por sman dpyad mi bya bar btang snyoms su bzhag go/ /ma zhu bas 'khru ba la yang tshul de ltar dang po gcod pa'i sman dpyad mi bya'o/ /gzhan yang lto sbo ba dang / lus lci ba dang / zug gzer che ba dang /dran pa mi gsal zhing 'khru ba cher mi 'byung ba la ni a ru ra byin te bde bar 'khrur gzhug go/ /nad tshabs mi che ba'i 'khru ba la ni nyung ba bskam par bya ba'i phyir b+hu ti ka dang / pi pi ling dang / bca' sga dang / shu dag dang / 'u su dang / a ru ra dang / 'di rnams shas cher bskol te blud do/ /yang na bil ba dang / 'u su dang / gla sgang dang / dong gra dang / ba la ka dang / 'di rnams bskol ba'i khu ba blud pa'am/ yang na bil ba dang / 'u su dang / gla sgang dang / bca' sga dang / ba la ka dang / 'di rnams bskol ba'i chu'am/ yang na lan tshwa bi da dang / pa tha dang / shu dag dang / a ru ra dang / byi dang ga dang / dong gra dang / 'di rnams bskol ba'am/ yang na bca' sga dang / ga pur dang / shu dag dang / bong nga dkar po dang /bil ba dang / dug mo yungs dang / shing kun dang / 'di rnams bskol ba'i khu ba blud do/ /nad gzhi cung zad tshabs chung ngur 'khru ba la ni shu dag dang / bong nga dkar po bskol ba'am/ yang na ldum bu skra bzangs bskol ba'am/ yang na ba la ka ta dang /dong gra bskol ba'i chu blud do/ /lus nyam chung zhing bkres pa la zas kyi tshod la bab pa lta na thug pa la sogs pa yang ba'i zas sbyin no/ /de ltar gong du smos pa'i rim pa dag byas na zas yi gar 'ong zhing me'i drod skyed la nyams stobs 'phel bar 'gyur ro//de ltar 'khru ba'i nad pa de gang la goms pa'i btung ba la sogs pa des gso bar bya ste/ de yang dar ba'am/ rang skyur ram/ thug pa'am/ skyo ma'am/ chang ngam/ rgun chang ngam/ gang yang rung bas bya'o/ /de nas thug pa la sogs pa'i bza' ba sbyar te/de yang me drod bskyed pa dang / sman pa dang / 'khru ba gcod pa'i sman pa la na dang / zur pa dkar po dang / 'u su dang / shing kun dang / da trig dang / bal po se'u dang / pa la sha dang / spa ma'i 'bras bu dang / zi ra dang /la la phud dang / bi d+ha lce myang tsha dang / rtsa ba chung ngu lnga dang / pa tha dang / 'di rnams bza' ba dang btung ba dang ci rigs par sbyar te bza'o/ /bad kan dang mkhris pa shas che ba'i 'khru ba la ni sa la par+Ni dang / ba la dang / bil ba dang / kr-iSh+Na par+Ni dang /'di rnams las gzhi blangs pa'i thug pa'i nang du se'u 'bru skyur po btab ste blud na phan no/ /'khru ba 'gags pa la ni a ru ra dang / pi pi ling dang / pi pi ling gi rtsa ba dang / bil ba dang / de dag las gzhi blangs pa'i thug pa blud na rlung bde bar 'byung ngo //nad gzhi mang po 'khrugs te 'khru ba 'gags pa dang / me'i drod che ba la ni pi pi ling dang / byi dang ga dang / 'bras bu gsum dang / 'di rnams bskol ba'i bkru sman gtang ngo / /de ltar khrus byas pa'i 'og tu rlung 'joms pa dang / me'i drod skyed pa'i sman tsha ba lnga la sogs pa dang sbyar ba'i thug pa blud do/ /ma zhu ba'i 'khru ba smin nas me'i drod skyed de/ zhu bar 'khru la de yang dang yang du nyung ngu nyung ngur 'byung zhing mkhregs pa dang / dbu ba dang / be'u snabs dang / dri ma dang nad dang bcas par 'byung ba'am/yang na phyi sa btsir yang mi 'byung ba la ni zho dang / 'o ma dang / mar dang / bca' sga dang bu ram dang sbyar ba btung ngo / /yang na rgya shug gi 'bras bu sbangs pa bu ram dang til mar du bcas pa bza'o/ /'khru ba 'byung dka' ste 'gags pa la ni rgya sne'u'i tshod ma la sogs pa dang /de bzhin du sha khu mar mang po dang sbyar ba'i nang du zho dang se'u la sogs pa sbyar ba'am yang na ma sha dang / mon sran sde'u dang / til mar dang legs par sbyar ba gang yang rung ba dang / 'bras chan du byas pa bza'o/ / yang na zur pa dang / a mu la dang / ka po ti dang / pa tha dang / swa sti ka'i tshod ma'am/ yang na shu sha dang / la la phud dang / ka ra ta dang / k+Shi ri ni dang / tsir bi da'i tshod ma'am yang na u po da ka dang / dzi ban ti dang / ba ku dzi dang / rgya sne'u'i tshod ma'am/ yang na lcam pa dang / e raN+Da dang / lo na ki dang / 'di rnams kyi tshod ma gang yang rung ba zho dang legs par sbyar ba dang / 'bras chan bza' ba dang / yang na rus sbal dang / bye'u bar ta ka dang / spar ba dang / rma bya dang / sreg pa dang / khyim bya gang yang rung ba'i sha khu dang bcas pa'i bza' ba sbyin no/ /bil ba dang / gla sgang dang / ba ru ra dang / da ta ka'i me tog dang / dong gra dang 'di rnams dar ba dang sbyar ba'i thug pa 'thungs na zhu ba'i 'khru ba sel to/ /ka pid ta dang / ka tsu ra dang / ga bra'i rtsa ba dang / yu ti ka dang / n+ya gro d+ha'i myu gu dang / se'u 'bru dang / sha na'i ras bal dang / sha ma li dang / de rnams kyi lo ma btags pa/ zho dang sbyar ba 'thungs na yang zhu ba'i 'khru ba sel to/ /bil ba gzhon nu ma smin pa dang / til zhib tu btags pa'i phye ma dang /zho'i spris ma dang / skyur dang snum dang bcas par til gyi tshigs ma zos na 'khru ba mkhregs pa dang bcas pa zhi bar 'gyur ro/ /yang na na le sham dang / 'u su dang / zi ra dang / da trig dang / zur pa dkar po dang / lan tshwa bi da dang /se'u 'bru dang / da ta ki dang / pa tha dang / 'bras bu gsum dang / tsha ba lnga dang / nas tshig 'khus pa'i thal ba dang / ka pid ta dang / a mra dang / shing 'dzam bu'i 'bras bu dang / 'di gsum gyi rkang dang / la la phud dang / na le sham gyi drug 'gyur gyi bil ba dang /'di rnams zhib tu btags pa'i phye ma zho dang sran mung+ga'i khu ba dang / bu ram dang til dang mar bsres pa'i snum dang / de rnams tshul bzhin du sbyar ba ni gzhan gyis mi thub pa'i zas zhes bya ste de las ran par zos na me'i drod skyed pa dang / zas 'ju ba dang /'khru ba thur du 'byung ba sra bar byed pa dang / zas yi gar mi 'ong ba dang mkhregs pa rnams 'joms par byed do/ /yang na rgya shug gi 'bras bu dang / bil ba gzhon nu btags pa dang / 'bras dang / nas dang / mung+ga dang / mon sran sde'u dang / til dang 'di rnams lhan cig pa de'i nang du til mar dang mar brngos te bcug la zho dang se'u 'bru'i khu ba dang bsres pa tshul bzhin bskol ba ni khu bcud ces bya ste/de las ran par 'bras chan dang bcas par zos na rtug pa zad cing gdong skams pa la phan no/ /yang na zho'i spris ma dang /mar dang til mar bsres pa bskol ba'i nang du dong gra'i phye ma bu ram dang sbyar ba bza'o/ /yang na chang gi nang du til mar dang / mar bskol ba blugs te tshod mar bya'o/ /yang na ki'u'i khu ba se'u 'bru la sogs pa skyur ba dang sbyar te/ mar dang bskol la bcug pa tshod mar sbyar ro//yang na phye'i zan brul gyi steng du mar dang til mar blugs la tsha ba gsum gyi phye mas btab pa bza'o/ /yang na sran ma sha legs par sbyar ba'i steng du mar gyi nying khu blugs la zos na phan yon gong ma dang 'dra'o/ /ra dang lug gi sha khu se'u'i skyur gyi nying khu dang 'u su dang dong gra'i phye ma dang lhan cig sbyar ba bskol te btsags pa'i khu ba 'bras dmar po'i chan dang lhan cig bza' zhing de'i 'og tu btung ba legs par sbyar na rtug pa 'gags pa myur du zhi bar byed do//zhes bshad do/ / bil ba gzhon nu dang / bu ram dang / til mar dang / pi pi ling dang / bca' sga dang / 'di rnams kyi lde gu zos na rlung gis 'gags pa dang / zug gzer che zhing mkhregs pa dang bcas pa zhi bar byed do/ /seng phrom dkar po'i shun pa dang / da ta ki'i me tog dang /rgya shug gi lo ma dang / 'di rnams btags pa'i phye ma zho'i spris ma sbrang rtsi dang ka pid ta'i rang gi khu ba dang lhan cig sbyar ba 'thungs na phan no/ /rlung gis rtug pa 'gags shing zug gzer che ste mkhregs la khrag dang be'u snabs dang bcas par 'byung ba dang / skom pas gdungs pa la ni 'o ma tshim tshad du sbyin no/ /yang na til dang mar bsres pa'i steng du 'o ma bzhos te lhan cig blud do/ /yang na e raN+Da'i rtsa ba'am ba la'i rtsa ba dang bil ba'i rtsa ba gang yang rung ba dang bskol ba'i khu ba blud do/ /yang na gla sgang nyi shu dang /de'i sum 'gyur gyi chu dang / 'o ma srang bzhi dang lhan cig bskol la bzhi cha lus pa las ran par 'thungs na ma zhu ba'i nad dang bcas pa la phan no/ /yang na pi pi ling dang na le sham zhib tu btags te 'o ma dang lhan cig 'thungs na yun ring po nas zhen pa'i mkhregs pa yang 'joms so//smyung ba la sogs bas lus nyam chung zhing khong rtsub la zug gzer gyis nyam thag par gyur na me'i drod brtags te thal sman rnon po mar dang bcas pa sbyin no/ /yang na rtsa ba bcu pa tshul bzhin du bskol te bzhi cha lus pa dang tshigs ma bor te sman gyi khu ba'i bzhi cha'i mar dang zho dang /chang gi nying khu dang / lce myang tshwa dang / tsha ba lnga btags te lhan cig bskol la mar nyi tshe lus pa dang / de las ran par zos na gzer bas nyam thag pa sel to/ /yang na bca' sga srang drug dang / pi pi ling mU la dang /kru trug tres dang / rgyam tshwa 'di gsum srang gnyis dang / til mar srang sum cu rtsa gnyis dang / zho ga chu dang / tshul bzhin bskol la mar nyi tshe lus pa las ran par 'thungs na 'khru ba'i zug gzer dang bcas pa sel to/ /yang na sha dang 'o ma mar ram til mar gang yang rung ba dang tshul bzhin bskol la mar lus pa dang /de las btung ba dang 'jam rtsi mas gtong ba dang bsku byug la sogs pa byas na rtug pa 'gags pa dang 'khru ba'i zug gzer las rgyal bar byed do/ /rlung 'khrugs pa dang / zug gzer la ni til mar mchog yin te de las lhag pa med do//gzhan yang rlung ni bad kan la sogs pa'i nad gzhi 'joms par byed cing g.yo ba dang lus la khyab pa dang rang gi gnas na 'dug pa yin pas de la yang til mar 'di rab tu bsngags te/ me'i drod chung ba la sbyar na yang bde bar byed pa'i mchog yin no//me'i stobs che ba dang / rlung rang gi gnas su mkhregs pa lta smos kyang ci dgos te til mar tshul bzhin sbyar na 'dug pa'i gnas med do/ /bshang ba zad pa dang nad gzhi rnams rang gi gnas las nyams te 'khrugs nas rlung 'ba' zhig stobs che zhing mkhregs pa dang bcas pa zug gzer yod pa'i tshad nad can ni 'tsho dka' ba yin te/de yang gal te phyi nang gnyis ka nas til mar btung ba dang bsku ba la sogs pa byas na 'tsho bar 'gyur ro/ /gzhang na zhing phyir 'byung ba la ni 'o ma dang rgya shug skyur po dang /tsang go re gnyis kyi rang gi khu ba dang / mar dang / zho dang / dong gra btags pa'i phye ma dang / 'di rnams bskol ba'i mar ram/ yang na 'o ma dang rgya shug la sogs pa gong ma de dag bskol ba'i khu ba'i nang du zho dang dong gra btags pa bcug pa'i lde gu gang yang rung bas bskus na phan no//yang na 'u su dang / na le sham dang / byi dang ga dang / lce myang tsha dang / zi ra dang / tsha ba rnam lnga dang / se'u 'bru dang / de rnams kyi phye ma rgya shug skyur po dang / tsang go re'i khu ba dang / zho dang / 'o ma dang / mar 'di rnams tshul bzhin bskol la/ mar nyi tshe lus pas bskus na gzhang phyir 'byung zhing zug pa zhi bar byed do/ /yang na rtsa ba bcu po dang mar du sbyar ba'i 'jam rtsi mas gtong bar bya'o/ /yang na zur pa dkar po dang / shu ti dang /ru rta dang / mar du sbyar ba'am yang na shu dag dang / kru trug tres dang / mar du sbyar ba'am sbyor ba de dag mar dang tshul bzhin bskol te 'jam rtsi mas gtong bar bya'o/ /bshang ba mkhregs pa dang / gzhang phyir byung ba dang / gcin 'gags pa dang / rked pa rengs pa la ni til mar ram mar yang rung / sman mngar ba dang skyur ba tshul bzhin bskol ba'i a nu ba sa na bya'o/ /gal te gzhang phyir byung ste nang du zhugs su ma 'dod de sra ba lta na mar gyis bsku zhing dugs byas pas 'jam por gyur nas phul la nang du gzhug par bya'o//gal te lan cig gzhang nang du bcug nas phyir yang 'byung na ni rkub tshos gnyis pags pas glan la dbus su phug pa la sogs pa cho ga ji ltar bya ba ni mdo nas gsungs pa lta bu'o/ /yang na rtsa ba chen po lnga dang byi ba'i nang grol phyung ba'i sha dang /'o ma dang lhan cig bskol ba'am/ yang na rlung 'joms pa'i sman dang / til mar tshul bzhin bskol bas gang phyi sa 'byung ba la bsku ba dang btung ba la sogs pa byas na phan no/ /mkhris pa las gyur pa'i 'khru ba ma zhu ba dang bcas pa la ni rno ba dang dro ba'i bag spangs te gong ma bzhin du thog mar smyung ba la sogs pa bya'o//mkhris pa las gyur pa'i 'khru ba skom dad che ba la ni yan lag drug ces bya ba'i sman gla sgang dang / par pa ta dang / pu shel tsi dang / tsan+dan dang / u di tsa dang /dong gra dang / tig ta dang / thal tres dang / 'di rnams bskol ba'i khu ba blud do/ /de ltar smyung ba la sogs pa byas te bkres na zas 'dod pa la me'i drod skyed par 'dod pa'i phyir thug pa la sogs pa byin te/ de yang rtsa ba chung ngu lnga dang / nye'u shing dang /ba la rnam gnyis dang / mon sran sde'u dang / mon sran gre'u gnyis kyi lo ma dang / 'di rnams kyi thug pa dang / khu bcud dang / zas kyi nang du btab pa las gzhi blangs la sbyin no/ /'khru ba 'gags pa la ni dug mo yungs kyi shun phrags dang / 'bras bu dang / bong nga dkar po dang btags pa'i phye ma sbrang rtsi dang 'bras bkrus pa'i khu ba dang lhan cig sbyar ba blud do/ /pa tha dang / dug mo yungs kyi shun phrags dang / sa bon dang / skyer ba dang / pi pi ling gi rtsa ba dang / bca' sga dang / 'di rnams lhan cig skol ba'am/yang na bong nga dkar po dang / bil ba dang / dug mo yungs dang / u di tsa dang / gla sgang rnams lhan cig bskol ba'am/ yang na bong nga dkar po dang / rtswa dUr ba dang / skyer ba dang / dug mo yungs dang / skyer khaN+Da dang / de rnams lhan cig bskol ba'i khu ba'am/yang na bong nga dkar po dang / bca' sga dang / gla sgang dang / dug mo yungs dang / kad pha la dang / 'di rnams bskol ba'i khu ba sbrang rtsi dang lhan cig sbyar ba blud do/ /sha khu dang bcas pa'i zas za ba la ni dug mo yungs kyi sa bon srang gcig bskol ba'i khu ba blud na mkhris pa las gyur pa'i 'khru ba sel to//de bzhin du skyes bu gang sha khu dang bcas pa'i zas za ba la ni gla sgang bskol ba'i khu ba sbrang rtsi dang sbyar ba'am/ yang na shal ma li'i lo ma bskol ba grangs pa'i nang du sbrang rtsi btab pa blud na mkhris pa las gyur pa'i 'khru ba sel to//tig ta dang / gla sgang dang / dug mo yungs dang / skyer khaN+Da dang / de rnams btags pa'i phye ma'am/ yang na skyer pa dang / ba la ka dang / bil ba dang / byi tsher ba dang / 'di rnams kyi phye ma'am/ yang na til dang / mon cha ra dang / seng phrom dkar po dang / btsod dang / pad+ma dang / ut+pa la dang / 'di rnams btags pa'i phye ma'am yang na dong gra dang / da ta ka'i me tog dang / bal po se'u'i shun pa dang / 'bras bu dang / 'di rnams phye ma'am/ phye ma'i sbyor ba de dag sbrang rtsi dang 'bras bkrus pa'i khu ba dang sbyar ba las gang yang rung ba 'thungs na mkhris pa las gyur pa'i 'khru ba sel to//yang na skyer pa dang dug mo yungs dang / seng phrom dang / sug smel dang 'di rnams bskol ba'i khu ba 'thungs na zhu ba'i 'khru ba sel to//yang na seng phrom gyi sde tshan dang / am paSh+Ta'i sde tshan dang / pri yang ku'i sde tshan dang / 'di rnams gang yang rung ba bskol ba'i khu ba blud na zhu ba'i 'khru ba sel to/ /yang na pu tse shel dang / pa la ka dang / shing mngar dang / pri yang ku dang /se'u 'bru'i myu gu dang / 'di rnams zho dang / 'u su dang / lhan cig blugs pa dang / thug pa dang / lde gu dang / kha la ka dang / 'di rnams sbyar ba blud do/ /de bzhin du ka pid ta dang / bil ba dang / a mra dang / 'dzam bu dang / 'di rnams kyi rkang yang gong ma'i thug pa la sogs pa dang sbyar ro//mkhris pa las gyur pa'i smin pa'i 'khru ba la ni ra'i 'o ma mchog tu bsngags te/ gal te nad gzhi stobs che bas 'o mas ma zhi na bkru sman btang ngo / /'khru ba dang khrag tu 'khru ba res kyis 'byung ba la ni pa la sha bskol ba'i khu ba nyi tshe'am/yang na 'o ma dang lhan cig 'thungs la de'i 'og tu me drod che chung dang sbyar te 'o ma dron mo blud na sla tsha bde bar 'byung ste khong pa'i 'khru ba'i nad sel to/ /yang na kyi lce ba la sha'i sbyor ba ltar byas na yang phan yon gong ma dang 'dra'o//gong du thug pa dang bkru sman la sogs pa sbyor ba byas kyang zug gzer da dung ma zhi ba ltar na me'i drod brtags te a nu ba sa na gtang bar bya ste sha ta puSh+pa dang / nye'u shing dang / bil ba dang / shing mngar dang de rnams 'o ma dang mar dang mar gyi bzhi 'gyur gyi til mar dang tshul bzhin bskol ba'i a nu ba sa na mas gtang ngo //de ltar byas kyang mkhris pa'i 'khru ba ma zhi na ni pid tsa'i 'jam rtsi mas gtong na phan pa'i mchog yin no/ /shal ma li'i lo ma rlon pa sbom pa ku sha rlon pas bcings te/ sa nag po'i 'jim pas g.yogs te ba lci skam po'i me'i nang du bsregs te/'jim pa bskams pa dang / 'jim pa bkog la nang gi sman gyi gong po las srang gcig tsam 'o ma srang sum cu rtsa gnyis kyi nang du mnyes te tshigs ma bor la dngas ma'i nang du rgya spos dang shing mngar btags pa'i phye ma dang sbrang rtsi dang / mar dang til mar 'di rnams snod yangs pa'i nang du bcug ste rkub nub par bzhag la 'dug go//de nas lus khrus byas la 'o ma 'am srog chags thang las skyes pa'i sha khu dang zas lhan cig zos na mkhris pa las gyur pa'i 'khru ba dang / rims dang / skrangs pa dang / skran nad dang / rlung nad dang / pho ba'i nad rnams sbyor ba 'dis myur du zhi bar byed do/ /bkru sman dang / bkru sman drag po dang / 'jam rtsi mas gtong ba'i sbyor ba drags pa las byung ba yang 'dis myur du zhi bar byed do/ /yang na dug mo yungs dang / shug pa bskol ba khaN+Da 'dra bar gyur pa dang / dug mo yungs kyi sde tshan dang / a pa sta'i sde tshan sbrang rtsi dang lhan cig sbyar ba zos na 'khru ba'i nad thams cad sel to/ /ma zhu ba dang na ba med cing me drod che ste yun ring po nas 'khru ba'i khrag dang bcas pa mdog sna tshogs su 'byung ba la ni/ da ri ga bri ti'i shun pa btags pa chu dang gong bur byas la kad pa la'i lo ma'i nang du thum por byas te 'jim pas g.yogs la me'i nang du bsregs te phyir phyung la khu ba btsir ba'i khu ba'i nang du sha kha ra'am sbrang rtsi btab pa grang mo blud na phan no//de bzhin du shing 'o ma can gyi shun pa rlon pa de nyid kyi lo mas dkris la cho ga gong ma bzhin du byas te blud do//yang na 'khri shing gi shun pa chu dron dang sbyar la mar dang sbrang rtsi dang bcas pa zos na/ 'khru ba tshabs che ba yang zhi bar byed do/ /mkhris pa'i 'khru ba la de dang mi mthun pa'i kha zas dang sman bstan pa las mkhris pa 'khrugs te khrag tu 'khru zhing de yang skom dad che la rims kyis 'debs pa dang /gzhang kha tshos par byas pa la ni btsod dang / pad+ma dang / ut+pa la dang / 'di rnams ra'i 'o ma dang lhan cig bskol ba'am/ yang na mon dza ra 'o ma dang lhan cig bskol ba blud do/ /thal tres dang /shing mngar dang / seng phrom rnams 'o ma dang lhan cig bskol ba'am/ yang na shing n+ya gro d+ha la sogs pa 'o ma can gyi shing gi lo ma dang lhan cig bskol ba'am/ yang na sbyor ba gnyis kyi nang du sbrang rtsi dang sha kha ra dang bcas pa bza' ba dang btung ba'am/gzhang du blugs pa la sogs pa byas na phan no/ /btung ba dang khu bcud la sogs pa yang skyur med pa mar dang bcas pa grang bag byin na phan no/ /yang na tang pal gyi 'bras bu'i khu ba skyur cung zad li kha ra dang bcas pa byin no/ /yang na ba la ka dang /ut+pa la dang / dong ga dang / kr-iSh+Na par+Ni'i khu ba dang / ra'i 'o ma dang / chu dang tshul bzhin bskol ba'i thug pa blud na khrag gi 'khru ba sel to/ /zas kyi gong bu mar sar dang / sbrang rtsi dang li kha ra dang sbyar ba'i lde gu gzhag go/ /khrag gi 'khru ba tshabs che ba la ni ra'am ri dgas kyi khrag dang /mar bskol ba bsres pa blud na phan no/ /bza' ba dang btung ba yang ra'i 'o ma'i mar dang 'o mar bcas pa'am/ yang na 'o ma nyi tshe yang rung ste zhag gsum bstan to/ /yang na gong ma sreg gi sha khu dang /'o ma dang lhan cig btung ba'am lde gu byas te zos na nad med pa'i bde ba skyed do/ /yang na nye'u shing btags pa'i phye ma dang lhan cig thog mar 'thungs la/ de'i 'og tu 'o ma dang zas lhan cig bza' ba'am/ yang na nye'u shing dang mar tshul bzhin bskol ba 'thungs na khrag las gyur pa'i 'khru ba myur du 'joms par byed do//yang na rgya skyegs dang / dong ga dang / pi pi ling dang / skyer pa dang / pu tse shel dang / dug mo yungs dang / mar dang 'di rnams tshul bzhin du mar gyi thug pa dang / thug pa rkyang rkyang po la sogs pa sbyar na/nad gzhi gsum las gyur pa'i 'khru ba mi bzad pa yang zhi bar 'gyur ro/ /sa nag po las skyes pa'i dung chung dang / shing mngar btags pa'i phye ma dang sbrang rtsi dang ra'i khrag dang / 'bras bkrus pa'i chu dang sbyar ba 'thungs na khrag las gyur pa'i 'khru ba sel to//yang na gan d+ha pri yang ku btags pa'i phye ma 'bras bkrus pa'i chu'i nang du sbrang rtsi dang sbyar ba 'thungs na phan no/ /til nag po btags pa'i phye ma dang de'i lnga cha gcig gi li kha ra dang ra'i 'o ma dang sbyar ba 'thungs na khrag 'khru ba de ma thag tu sel to//tsan+dan dang / li kha ra dang / sbrang rtsi dang / 'bras bkrus pa'i chu dang lhan cig sbyar te btang na skom dad che ba dang / gcin nad dang / lus tsha ba che ba dang / khrag tu 'khru ba rnams las grol lo/ /gzhang kha tsha bas tshos pa la ni sman grang ba'i nus pa dang ldan pas bsku ba byas na phan no//nyung ngu nyung ngur lan mang por khrag tu 'khru zhing zug gzer dang bcas pa dang rlung gis 'gags te ched 'ga' 'byung ched 'ga' mi 'byung bas nyam thag pa la ni gong du smos pa'i bid tsa ba ti zhes bya ba'i 'jam rtsi mas gtong ba'i sbyor ba bya ste/shing sha pa dang / kar b+hu d+ha ru la sogs pa'i lo ma cham chom brdungs te mar dang 'o ma chu dang tshul bzhin bskol te mar nyi tshe lus pa las 'jam rtsi mas btang na 'khru ba be'u snabs su 'byung ba dang / gzhang nyams te phyir 'byung ba dang /mkhregs pa dang / lus skem zhing rid pa dang / stobs skyed par byed do/ /de nas pra puN+Da ri ka mar dang tshul bzhin bskol ba'i 'jam rtsi mas gtang bar bya'o/ /yang na bshang ba dang khrag tu 'dres te 'byung ba'am yang na khrag 'ba' zhig bshad ba'i sngon du 'byung ba'am/phyi nas 'byung yang rung ste de la ni 'og nas 'byung ba'i nye'u shing gi sman mar lde gu'i ched du sbyar ro/ /yang na phyung ma thag pa dang / sbrang rtsi dang li kha ra gnyis mar gyi bzhi cha dang sbyar ba'i lde gu phan pa'i zas dang lhan cig zos na khrag las gyur pa'i 'khru ba sel to//gong gi khrag gong 'og gnyis kar shas cher 'byung ba la ni n+ya gro d+ha dang / u dum bA ra dang / a shwad+tha dang / 'di rnams kyi myu gu cham chom brdungs te chu dron gyi nang du zhag gcig sbangs la de'i khu ba dang mar dang lhan cig bskol la mar nyi tshe lus pa'i nang du mar gyi bzhi cha'i sbrang rtsi dang kha ra dang bcas pa lde gur byas te zos na phan no//bad kan las gyur pa'i 'khru ba la ni rlung las gyur pa'i 'khru ba'i cho ga bya ste lhag par smyung ba la sogs pa'i sbyor ba bya'o/ /de la bad kan las gyur pa'i 'khru ba 'gags pa la ni smin pa dang me'i drod bskyed pa'i sbyor ba bya ste/de yang bil ba gzhon nu dang / gla sgang dang / a ru ra dang / bca' sga dang 'di rnams bskol ba'i khu ba dang / yang na shu dag dang / byi dang ga dang / b+hu ti ka dang / dong ga dang / thang shing dang / 'di rnams lhan cig bskol ba'am/ yang na pi pi ling rnam gnyis dang / pi pi ling gi rtsa ba dang / kru trug tres dang / 'di rnams bskol ba'i khu ba'am/ yang na pa ta dang / tsi tra ka dang / dug mo yungs dang / pi pi ling gi rtsa ba dang / pu tse shel dang / shu dag dang /a ru ra dang / 'di rnams bskol ba'i khu ba'am/ yang na btags pa'i phye ma chu dron dang sbyar ba 'thungs na bad kan las gyur pa'i 'khru ba sel to/ /yang na kha ru tsha dang / tsha ba gsum dang / shu dag dang / shing kun dang / bong nga dkar po dang /'di rnams phye mar byas te chu dron dang lhan cig 'thungs na bad kan las gyur pa'i 'khru bas nyam thag pa sel to/ /ka pid ta'i rkang dang / tsha ba gsum gyi phye ma sbrang rtsi dang li khar dang sbyar ba'i lde gu'am/ yang na kad pa la'i phye ma sbrang rtsi dang sbyar ba'i lde gu bldags na bad kan las gyur pa'i khong pa'i 'khru ba las grol lo//yang na pi pi ling dang sbrang rtsir sbyar ba'i lde gu zos na phan yon gong ma dang 'dra'o/ /yang na tsi tra ka'i phye ma dar ba dang sbyar ba btung ba'am/ yang na bil ba gzhon nu gcig pu zos na yang khong pa'i 'khru ba sel to//yang na pa ta dang / mon dza ra dang / gla sgang dang / da ta ki dang / bil ba dang / dong ga dang / 'di rnams kyi phye ma dar ba dang bu ram du sbyar ba 'thungs na bad kan las gyur pa'i 'khru ba shin tu tshabs che ba yang sel to/ /la la phud dang / pi pi ling gi rtsa ba dang / dri rnam bzhi dang / dong ga dang / na le sham dang / kru trug tres dang / ba la ka dang / zi ra dang / 'u su dang / kha ru tsha dang / 'di rnams cha mnyam pa dang / da trig dang / da ta ki dang / pi pi ling dang / bil ba dang / bal po se'u dang /ti mu sa dang / 'di rnams la la phud kyi sum 'gyur dang / kha ra dkar po la la phud kyi drug 'gyur dang / ka pid ta la la phud kyi brgyad 'gyur dang 'di rnams kyi phye ma byas pa ni ka pid ta'i cha brgyad pa'i phye ma zhes bya ste/ de las ran par 'gams na bad kan las gyur pa'i 'khru ba dang /pho ba'i nad dang / skem byed kyi nad dang / lkog ma'i nad dang / lud pa'i nad dang / dbugs mi bde ba dang / khong pa'i drod nyams pa dang / gzhang 'brum dang / sna chu 'dzag pa dang / yi ga 'chus pa rnams sel to/ / mig skrang ba dang / rims rnam bzhi dang 'di rnams sel to/ /la la phud dang / 'u su dang / zi ra dang / 'di rnams zho bzhi bzhi dang / pi pi ling gi rtsa ba dang / tsha ba gsum dang / 'di rnams srang re re dang / se'u 'bru dang / kha ra dkar po srang brgyad brgyad 'di rnams phye mar byas pa ni se'u 'bru cha brgyad pa'i phye ma zhes bya ste/de las ran par zos na sbyor ba gong ma'i yon tan dang 'dra'o/ /bad kan las gyur pa'i 'khru ba'i kha zas ni rlung las gyur pa'i 'khru ba'i kha zas dang thug pa'i bye brag la sogs pa sbyar te khyad par du tsang gi ri dang / rgya shug skyur po rang gi khu ba dang /dar ba rnams bskol ba'i nang du byi dang ga dang / na le sham dang / ka pid ta dang / dong ga'i phye ma btab pa'i thug pa ni kha la'i thug pa zhes bya ste/ de las ran par 'thungs na bad kan las gyur pa'i 'khru ba las rgyal lo/ /bad kan las gyur pa'i ma zhu ba'i 'khru ba zad de/khu bar 'khru ba la ni rgya skyegs dang / dong ga dang / pi pi ling la sogs pa srang drug gong du smos pa dang lhan cig tu nas thug dang sbyar ba'am/ yang na mar rnying pa nas thug gam/ thug pa rkyang rkyang po dang 'thungs na phan no//rlung dang bad kan las gyur pa'i 'khru ba 'gags pa dang / bad kan las gyur pa'i shas cher 'khru ba dang / zug gzer dang bcas shing mkhregs pa la ni pid tsha'i 'jam rtsi rab tu bsngags te/ de yang shu dag dang / bil ba dang / pi pi ling dang / ru rta dang / shu ti dang / rgyam tsha dang / 'di rnams bil ba'i mar dang tshul bzhin sbyar ba'am/ yang na til mar dang bcas te gtang ngo / /rlung dang bad kan gyi 'khru ba shas cher nyam thag pa la ni a nu ba sa na dro 'jam tsam gtang ngo / /bad kan zad de yun ring por 'khru zhing lus nyam chung ba dang /rlung gzhang gi nang du stobs cher skyes pa la ni de ma thag rlung zhi bar bya ba'i cho ga dang / gang shas che ba'i gso ba la 'bad par bya'o/ /de yang thog mar rlung gso bar bya ste/ de nas mkhris pa dang / de nas bad kan gso'o/ / yang na thog mar gang shas che ba rim bzhin du gso'o/ /de la rlung 'khrugs par byed pa'i rgyu ni 'jigs pa dang / mya ngan gyis kyang 'khrugs par byed de/ de la spro bsring ba dang / dbyung ba dang / sems dga' ba la sogs pa'i thabs kyis bzlog par bya'o//'khru ba sos pa'i mtshan ma ni 'khru ba chad pa dang gcin dang 'phyen bde bar 'byung ba dang / me'i drod che ba dang / lto yang bar gyur na khong na nad med cing bde ba'i mtshan ma yin no/ /gso ba'i gnas las 'khru ba gso ba'i le'u ste dgu pa rdzogs so// //de nas pho ba'i nad gso ba'i le'u bshad par bya ste/ pho ba'i gnas su rlung la sogs pa'i nyes pa sun par bya ste/ ma zhu bar gyur na smra ba la sogs pa'i tshod ran par bza' ba'i cho ga bzhin du bya'o/ /gong du 'khru ba smin par bya ba'i cho ga ji ltar bstan pa bzhin du 'dir yang de ltar bya ste/kha zas ni bkres pa'am/ tsha ba rnam lnga dang / lan tshwa dang bcas pa yang zhing drod skyed pa'i thug pa la sogs pa sbyin no/ /gzhan yang drod bskyed pa'i phyir/ bal bu la sogs pa'i phye ma yang sbyar ro//ma zhu ba la bong nga dkar po dang / dong gra dang / se'u 'bru la sogs pa'i skyur dang sbyar ba'i thug pa blud do/ /pho ba'i nad ma zhu ba 'khru ba'i btung ba ni chu dang / dar ba dang / chang la sogs pa gang la dad pa sbyin no/ /pho ba'i nad kyis 'khru ba'i nad pa la ni dar bas drod skyed cing 'khru ba gcod/lus yang zhu na bsod la mngar ba'i phyir mkhris pa mi skyed pa ska zhing dro la cung zhig sgyur te rtsub pa'i phyir bad kan la phan no/ /mngar ba dang / skyur ba dang / bska ba'i phyir rlung la phan te/ dar ba bsrubs ma thag pa'i sar pa ni tsha ba mi skye/ skyur rnam bzhi zhes bya ba/ se'u 'bru dang / ka pid ta dang / da trig dang / a ma la bri sha dang rnam bzhi skam po phul re re dang / tsha ba gsum srang re re dang / lan tshwa rnam lnga spyir srang bzhi dang / li kha ra srang brgyad dang /de rnams phye mar byas nas lo ma'i tshod ma dang / sran tshod dang / bza' ba bsod pa'i nang du btab ste 'thungs sam zos na lud pa dang / ma zhu ba dang / yi ga 'chus pa dang / dbugs mi bde ba dang / snying na ba dang / skya rbab rnams 'joms so//ma zhu ba smin par bya ba'i phyir/ dong ga dang / bong nga dkar po dang / gla sgang dang / 'di rnams bskol ba'i khu ba'am/ yang na phye ma chu dron po dang sbyar ba'am yang na dong ga dang / a ru ra'i phye ma chu dron dang sbyar ba blud do/ /yang na shu dag gi sde tshan dang rgyam tsha dang bcas pa chu dron dang sbyar ba'am/yang na chang dang sbyar ba btung ngo / /phyi sa ma zhu bar 'byung ba la ni lan tshwa dang / bil ba dang / tsi tra ka dang / dong ga dang / 'di rnams btags pa'i phye ma se'u 'bru'i khu bar sbyar ba btung ngo //bad kan dang rlung las gyur pa'i be'u snabs su 'khru zhing khong pa na ba la ni dug mo yungs dang / shing kun dang / bong nga dkar po dang / shu dag dang / kha ru tsha dang / a ru ra rnams dron mo las sbyar ba gtad do/ /skyugs shing tshigs su zug cing na ba la ni a ru ra dang /kha ru tsha dang / zi ra dang / na le sham dang / 'di rnams kyi phye ma chu dron dang sbyar ba blud do/ /pi pi ling dang / dong ga dang / pa tha dang / thal tres rnam gnyis dang / bri ha ti rnam gnyis dang / tsi tra ka dang / dug mo yungs kyi sa bon dang /thal ba rnam gnyis dang / lan tshwa rnam lnga dang / 'di rnams kyi phye ma chang gi snying bu'am/ zho'am/ chu dron mo'am/ skyur gang yang rung ba las btang na me'i drod skyed cing khong pa'i spo ba sel ba'i mchog yin no/ /yang na lan tshwa rnam lnga dang /thal ba rnam gnyis dang / na le sham dang / tsha ba rnam lnga dang / a dza mod dang / shing kun dang / de rnams kyi phye ma skyur rtsi chen po'am/ se'u 'bru'am/ rgya shug gang yang rung ba'i khu ba las ri lur byas te zos na 'khru ba smin pa dang drod skyed pa'i mchog yin no//bal bu'i lo ma dang / dbyi mo dang / na le sham srang re re dang / pi pi ling mU la srang gnyis dang / bca' sga srang gsum dang / dri sna bzhi dang / pu shel tsi zho gnyis gnyis dang / de rnams zhib tu btags pa'i phye ma'i sum 'gyur gyi bu ram dang ri lur byas pa la ni bal bu'i ri lu zhes bya ste/ran par zos pa'i rjes la chang dang sha la sogs pa'i khu bcud dang / sha khu dang a riSh+Ta'i chang dang / zho ga chu dang / thug pa dang / lo ma dang 'di rnams gang yang rung ba gsang gnas su byin te/de ltar rtag tu bstan na rlung dang bad kan las gyur pa'i skyug pa dang / pho ba na ba dang / rtsib logs dang / snying na ba dang / rims dang / skrang pa dang / skya rbab dang / skran dang / chang nad dang / gzhang 'brum dang / cham pa dang / sna chu 'dzag pa dang / dbugs mi bde ba dang / lud pa lu ba rnams las zlog par byed do/ /ci ste 'khru ba 'gags te na ba la ni gang gi sbyor ba las bca' sga phyung la a ru ra srang gsum gyis sbrus te bsres pa zos na phan no/ /gal te mkhris pa las gyur pa'i skyug pa'i nad dang /pho ba'i nad la sogs pa la ni gong gi sbyor ba las bu ram phyung la phye ma'i bzhi 'gyur gyi kha ra dkar po bsres te ri lur byas te bza'o/ /ri lu de yang bu ram mam/ kha ra gang dang sbyor yang chu dang bskol te chu du ba dang phye ma bcug la ri lur byas pa ni yang ba'i mchog yin no//de nas sman gyi sbyor ba de dag gis ma zhu ba'i 'khru ba smin te/ rlung las gyur ba'i pho ba'i nad dang / 'khru ba skyes na drod skye ba'i sman dang sbyar ba'i mar nyung ngu nyung ngu bza'o/ /me drod cung zhig skyes te rlung dang /bshang gci 'gags na zhag gnyis gsum snum chos byas te/ de nas ni ru ha gtang bar bya'o/ /de nas nyes pa rnams byung ba dang / e raN+Da'i mar ram seng phrom gyi mar gang yang rung ba thal sman dang lhan cig sbyar la bkru sman gtang ngo / / de ltar byas pas lus dag ste/ khong rtsub la phyi sa 'gags par gyur na rlung sel cing drod skyed pa'i skyur ba'i sman dang btsos pa'i til mar gyi a nu bas mas gtang bar bya'o/ /de ltar byas kyang nad ma zhi na bkru sman drag po dang / bkru sman dang / 'jam rtsi mas gtong ba'i sbyor ba yang dang yang du bya'o//de nas kha zas yang ba mar dang bcas pa'i me'i drod dang sbyar te yang dang yang du goms par bya'o/ /rtsa ba lnga dang / a ru ra dang / tsha ba gsum dang / pi pi ling gi rtsa ba dang / lce myang tsha dang / ra sna dang / k+Shi ra rnam gnyis dang /zi ra dang / byi dang ga dang / zur pa dang / de rnams mar dang tshwa lhan cig bskol te tshwa du ba dang phyir phyung la/ skyur rtsi chen po'i rang gi khu ba'i nang du yang bskol te de bzhin du sge'u gsher dang / la phug skam po dang / rgya shug skyur po dang / tsug tri ka dang /bal po se'u dang / 'di rnams kyi rang gi khu ba dang dar ba dang / zho ga chu dang / chang gi snying khu dang / nas kyi rtsab mo dang 'bras kyi kany+dzi dang / 'di rnams re re'i khu ba'i nang du gong gi sman dang mar rim pas bskol te khu ba du ba dang yang phyir phyung ste yang bskol la rim pa de ltar byas pa'i mar ni drod skyed pa'i mchog yin te/zug gzer dang / skran dang / dmu rdzing dang / dbugs mi bde ba dang / lud pa dang / rlung dang bad kan rnams 'joms so/ /yang na skyur rtsi chen po'i khu ba dang / gong ma'i sman lhan cig bza'o//til mar gong ma'i rtsa ba lnga la sogs pa'i sman dang sbyar ba'i til mar gyis bsku byug byas na sel to/ /sman de dag gi phye ma chu dro 'jam tsam dang sbyar ba 'thungs na rlung dang bad kan 'dres pa'am/ bad kan nam rlung nyi tshe ma zhu ba'i 'khru ba sel to//mkhris pa'i me drod nyams pa'i pho ba 'khru ba la ni bkru sman nam slon khrus kyis zhi bar bya ste/ kha zas ni kha ba dang / yang ba dang / 'khru ba gcod pa dang / me drod skyed cing tsha ba chung ba'i zas dang / khab dang / snum pa'i phye ma 'og nas 'byung ba rnams kyang me'i drod skyed do/ /pa to la dang / nim pa dang / kyi lce ba dang / pu tse shel dang / tig ta dang / par pa ta dang / dug mo yungs kyi shun phrags dang 'bras bu dang / mur ba dang / shi kru mngar po'i 'bras bu dang / shu dag dang skyer pa'i shun phrags dang / shug pa dang / pu shel tse dang / la la phud dang / gla sgang dang / tsan+dan dkar po dang / rgya tsha dang / bong nga dang / tsha ba gsum dang / shing tsha dang / sug smel dang / gan+d+ha b+ha dra dang / thang shing dang 'di rnams kyi phye ma sbrang rtsi dang lde gur byas te bza' ba'am/ yang na chang ngam chu dang bskol te 'thungs na snying nad dang /skya rbab kyi nad dang / pho ba'i nad dang / skran dang / zug gzer dang / ma zhu ba dang / rims dang / mig ser gyi nad dang / 'dus pa'i nad dang / kha'i nad dang / 'di rnams 'joms so/ /tig ta dang / pu tse shel dang / gla sgang dang / tsha ba gsum dang / dug mo yungs rnams cha mnyam la tsi tra ka sman sna gcig gi cha gnyis dug mo yungs kyi shun lpags sman sna gcig gi bcu drug 'gyur 'di rnams zhib tu btags te bu ram dang sbyar nas chu grang mo dang sbyar te 'thungs na pho ba'i nad dang / skran dang / mig ser dang /rims dang / skya rbab dang / gcin nad dang / yi ga 'chus pa dang / 'khru ba rnams sel to/ /yang na bca' sga dang / bong nga dkar po dang / lig dur dang / pa tha dang / bil ba dang / da ta ka'i me tog dang / skyer khaN+Da dang / dug mo yungs kyi shun pa dang /'bras bu dang / tig ta dang / 'di rnams sbrang rtsi dang sbyar la 'bras bkrus pa'i khu ba dang 'thungs na/ mkhris pas pho ba nyams pa dang / khrag tu 'khru ba dang gzhang 'brum dang / mkhregs pa dang / gzhang kha na ba la sogs pa la phan no/ /tsan+dan dang /shu dag dang / pu shel tsi dang / pa tha dang / mur ba dang / ku tra na ta dang / shu dag dang / sha ri ba dang / lo ma bdun pa dang / ba sha ka dang / pa to la dang / u dum+bA ra dang / a shwad+tha dang / n+ya gro d+ha dang / p+lag sha dang / ga pi ta na dang / pu tse shel dang / li ga dur dang /nim pa dang / de rnams srang gnyis gnyis chu srang lnga brgya rtsa bcu gnyis kyi nang du bskol te/ bzhi cha lus pa'i nang du mar dang / tig ta dang / dug mo yungs dang / ra mnye ba dang / pi pi ling dang / ut+pa la dang / de rnams kyi phye ma dang lhan cig bskol la mar 'ba' zhig lus pa las ran par 'thungs na mkhris pas pho ba nyams pa la phan no//yang na mdze nad gso ba'i skabs su bshad pa'i tig ta'i sman mar gtang ngo / /bad kan gyis pho ba'i me drod nyams pa la ni sman rnon po pi pi ling dang / yungs kar la sogs pa dang sbyar ba'i skyug sman gtang ngo //de nas ro tsha ba dang / skyur ba dang / lan tshwa dang thal sman rnon po la sogs pas rim gyis me drod skyed par byed do/ /ma hu lung ka'i myu gu dang / a ru ra dang / pa ta dang 'u su dang tsha ba rnam lnga dang / pa la sha dang / 'di rnams zho gnyis gnyis chu srang sum cu rtsa gnyis kyi nang du bskol te bzhi cha lus pa dang /de las btus pa dang / thug pa la sogs pa dang sbyar te blud do/ /ma du lung ka'i me tog srang nyis brgya lnga bcu rtsa drug dang / byi dang ga srang brgya nyi shu rtsa brgyad dang / tsi tra ka srang drug brgya rtsa bzhi dang / bse shing gi 'bras bu srang sum cu rtsa gnyis dang /btsod srang brgyad dang / 'di rnams chu srang stong lnga brgya rtsa drug dang bskol la/ sum cha srang lnga brgya rtsa bcu gnyis lus pa dang grangs pa'i nang du sbrang rtsi srang sum cu rtsa gnyis btab ste/ sug smel dang pad+ma'i rtsa ba dang / a ka ru dang / tsan+dan dang 'di rnams kyi lde gus bum pa snum can gyi nang du gong gi sman bcug la zla ba gcig bzhag ste sman pa'i chang 'thungs na pho ba'i me drod skyed pa dang /lus kyi nyams stobs 'phel ba dang / khrag mkhris sel ba ste/ khyad par du skem nad dang / mdze dang / sha bkra dang / gcin snyi ba rnams 'joms so//yang na ma du lung ka'i khu ba phyed du bar bskol ba'i nang du sbrang rtsi de'i bzhi cha gcig btab la sbyor ba gong ma bzhin du byas pa'i chang zan phan pa dang lhan cig bsten na pho ba'i nad thams cad zhi ste phan yon gong ma dang 'dra'o/ /de bzhin du rgun 'bru bu ram shing dang / 'bra go rnams kyi khu ba phyed du bar bskol te sbrang rtsi bzhi cha gcig btab ste sbyor ba gong ma ltar byas pa yang phan yon de dang 'dra'o//shing kun dang / pu tse shel dang / shu dag dang / bong nga dang / dug mo yungs dang / gze ma dang / tsha ba lnga dang / pa tha dang 'di rnams zho gnyis gnyis dang / lan tshwa rnam lnga srang re re dang /'di rnams cham chom brdungs pa dang / mar dang til mar gnyis srang bcu drug bcu drug dang / zho srang drug cu rtsa bzhi dang / 'di rnams me mi che ba dang bskol te khu ba du ste nur nur por gyur pa dang / mar dang dngas snyigs phye la snyigs ma zhi ga kha khab can gyi nang du bsregs te thal bar gyur pa dang / snga ma'i mar dang lhan cig lag pa'i nang du lde gur byas te zho gnyis tsam 'thungs la de zhu ba'i tshod tsam na sbrang rtsi la sogs pa mngar ba'i zas zos na rlung dang bad kan las gyur pa'i nad thams cad las grol te khyad par du dug dang dbyig dug 'joms so/ /tig ta dang / pu tse shel dang / pa to la dang nim pa dang / par pa ta dang / 'di rnams gong ma ltar bsregs pa'i thal ba dang / ma he'i gcin dang bsres te 'thungs na me drod skyed par byed do/ /yang na ser po rnam gnyis dang / shu dag dang / ru rta dang / tsi tra ka dang / pu tse shel dang / ga dur dang / 'di rnams kyi phye mar gcin dang sbyar ba 'thungs na me'i drod skyed do//su d+hA k+Shi ra'i shing srang bzhi dang lan tshwa rnam gsum srang re re dang bar ta ka bskol ba bskams pa srang bzhi dang / arka srang brgyad dang / tsi tra ka srang gnyis dang / 'di rnams yang gong ma ltar bsregs pa'i thal ba bye'u bar ta ka'i khu ba dang ri lur byas te/kha zas kyi gong du yang dang yang du zos na zas myur du 'ju zhing khyad par du lud pa dang / dbugs mi bde ba dang / gzhang 'brum dang / gsud pa dang / cham pa dang / snying nad rnams zhi bar byed cing 'joms so/ /yang na kha lud dang / zur pa dang / ra sna dang / tsha ba gsum dang / a ru ra dang / swa rdzi ka'i thal ba dang / nas tshig 'khus pa'i thal ba dang / lan tshwa rnam lnga dang / 'di rnams btags pa'i phye ma chu dro 'jam tsam dang 'thungs na stobs dang mdog dang me drod 'phel bar byed do/ /bad kan gyi pho ba'i nad de rlung dang bcas pa yin na ni gong gi sman de dag mar dang bskol te sbyin no//yang na thang la 'bar gyis bshad pa'i sman mar gcin nad kyi skabs su bstan pa dang / srang drug pa zhes bya ba'i sman mar gcong chen po'i skabs su bshad pa dang / go bye'i sman mar skran nad kyi skabs su bstan pa de dag las gang yang rung ba nyes pa'i stobs che chung dang sbyar te gtang ngo //lan tshwa nag po dang / kha ru tsha dang / bul tog dang / swardzi ka'i thal ba dang / nas tshig 'khus pa'i thal ba dang / sab ta la dang / kaN+Da ka ri dang / tsi tra ka dang / 'di rnams gcig tu snga ma bzhin du bsres te thal ba chu dang bsres pa la ras kyis lan bdun btsags te khu ba srang drug cu rtsa bzhi'i nang du mar srang brgya nyi shu rtsa brgyad bcug ste bskol te mar lus pa dang /ran par 'thungs na me'i drod skyed do/ /'dus pa'i pho ba'i nad la nad stobs ji lta ba bzhin du las rnam lnga'i dpyad bya'o/ /bad kan can mchil ma mang zhing me drod chung ba la ni rtsub pa dang /kha ba dang / me'i drod skyed pa'i sman sbyar ro/ /lus rjud pa la ni snum pa dang / rtsub pa dang bcas par res kyis bstan to/ /rlung gi shas che zhing me drod chung ste lus sha zad cing skem pa la ni tsha ba dang drod skyed pa'i sman tsha ba rnam lnga la sogs pa dang sbyar ba'i sman sbyin no/ / me grod chung zhing mkhris pa shas che ba la ni drod skyed pa'i bag kha ba dang / tsha ba dang / mngar ba'i sman dang lhan cig sbyar ba blud do/ /rlung shas che zhing me drod chung ba la ni snum dang skyur dang lan tshwa dang ldan pa rab tu bsngags so/ /nyam chung ba la ni me drod skyed cing snum bstan pa ni mchog yin no/ /snum shas che ba la ni mar dang zas lci ba rnams kyang spang ngo //skyes bu gang me drod chung zhing bad kan zad de phyi sa 'gag cing / res 'ga' sla bar 'byung ba la ni lan tshwa dang sbyar ba'i mar nyung ngu zos na me drod dang mnyam du gnas pa'i rlung de gnas su 'dren par byed do/ /rang gi las drod skyed par 'gyur ro//bad kan zad cing me drod chung la ma zhu ba be'u snabs su 'khru ba la ni/ mar la me'i drod skyed pa'i sman dang sbyar ba blud na me dang mnyam du gnas pa'i rlung gi gnas dag pas phyir rang gi gnas su 'ong la/ de ltar me dang mnyam du gnas pa'i rlung dang me drod lhan cig gnas na skyes bu'i stobs myur du skyed par byed do//phyi sa 'byung dka' la sra bar 'ong ba la ni/ mar lan tshwa dang bcas pa zas kyi nang du btung ngo / /khong rtsub cing me drod chung ba la ni mar ram til mar drod skyed pa'i sman dang sbyar ba blud do/ /snum mang du 'thungs te drod nyams pa la ni slon khrus kyis lus dag par byas nas kha zas kyi cho ga tshul bzhin du bya'o//nad byang ste me drod chung ba la ni mar nyi tshe ba'i sman dang sbyar bas drod skyed do/ /lam dang smyung ba byas pas lus nyam chung zhing / me'i drod nyams pa la ni nas thug mar gyis btab pa blud do/ /yang na 'bras kyi khu bas stobs skyed cing gang me drod skyed pa nyams stobs 'phel bar byed pa'i sman gang yang rung bas bya'o//yun ring du 'dod pa spyad pas sha zad cing lus nyam chung ste ring pa pho ba'i drod nyams pa'i mi la ni srog chags sha rjen za ba'i sha skyur dang sbyar ba'am/ ro tsha ba yang ba dron po 'thungs na dri ma dag par 'gyur te/ myur du me drod skyed do//de yang shas lus skyed pa'i phyir nying sha can gyi sha khyad par du nyams stobs skyed par byed do/ /snum dang / a sa ba'i chang dang / a ri ti'i chang dang / sman bskol dang / zas 'phrod pa rnams yang dag par sbyar na lus kyi stobs dang me drod 'phel bar byed do/ /ji ltar phyi rol gyi me gnas pa la shing gi snying po seng ldeng la sogs pa bcug na me rtag pa dang 'dra bar lus kyi me la yang snum dang bcas pa'i zas zos na me drod skyed cing brtan par 'gyur ro//zas ma zos pa dang / zas ha cang 'grangs pa las me'i drod skyed par mi byed de/ ji ltar shing med pa dang / shing mangs pas me cher mi 'bar ba bzhin no//gang gi tshe bad kan bri ste mkhris pa rang gi gnas su rlung dang lhan cig gnas pas drod skyed pa de'i tshe me dang rlung 'dres pa yin te/ des na dang po kha zas myur du 'ju bar byas nas/ de'i 'og tu khams dang mdangs thams cad bsregs btsos nas 'chi bar 'gyur ro/ /skyes bu de'i nad khong na yod kyi bar du tha mal pa yin na yang de ma thag par 'ju ste/de nas khams rnams la yang 'jug par 'gyur ro/ /me drod shin tu che ba las skom dad dang / dbugs mi bde ba dang / tsha ba dang / brgyal bar byed pa'i nad 'byung bar 'gyur ro/ /me'i drod che ba de lta bu la ni/ kha zas lci ba dang /snum pa dang / bska ba dang / smin skyen pa'i zas dang / grang ba dang / brtan pa la sogs pa'i bza' ba dang btung bas zhi bar bya ba ni chus me bsad pa bzhin no/ /kha zas ma zhur zin kyang kha zas yang dang yang du bza' bar bya ste/ kha zas ma zos na nang gi me'i bud shing med pas khams la gnod de 'chi bar 'gyur ro//me'i stobs ches pa'i skyes bu la ni til dang mon sran sde'u la sogs pa las byas pa'i sa ra'i thug pa dang / 'o thug dang tshil dang zhag la sogs pa'i snum dang / nas thug bu ram dang sbyar ba'i thug pa dang / srog chags chu la gnas pa rus sbal la sogs pa dang /chu 'gram na gnas pa'i ngang pa la sogs pa 'di rnams kyi sha mar la brngos pa dang / khyad par du nya'i sha 'jam po chu mi g.yo ba la gnas pa dang / lug sha legs par brngos pa zos na me'i drod skyed do/ /des kyang ma zhi na 'o ma spra tshil dang sbyar ba'am/ yang na mar dang spra tshil du sbyar ba skom du blud do//bag phye dang mar dang 'o ma sbyar ba'i skom mang du blud do/ /yang na bag phye srog chags thang la gnas pa'i sha khu dang til mar sbangs pa'i snum gang yang rung ba dang sbyar ba blud do/ /yang na sha ma dur byid 'o ma dang sbyar ba'i bkru sman gtang ngo / /lan mang du mkhris pa sel ba'i sman btang la/ de'i 'og tu 'o ma dang bcas pa'i zas bza'o//kha zas lci ba dang / mi gtsang ba dang / bad kan slong bar byed pa'i zas dang zas zos pa'i 'og tu nyin par nyal bar byed pas kyang pho ba'i drod 'joms par byed do/ /pho ba'i drod shas che na kha zas sreg par byed la/ de nas nad gzhi dang / khams dang / srog rnams rim bzhin du bsregs nas 'chi bar 'gyur ro//de ltar zas lci ba la sogs pa de dag ni rang bzhin gyis mi mthun pa yin no/ /yang sbyor ba'i dbang gis shes par bya ste/ ci 'dod pa bzhin du mi rung ste/ de bas na mi rnams kyi stobs me las 'byung la/ stobs las ni srog grub pa de bas na me'i drod skyed cing me drod ran par bya ba la 'bad cing bsrung bar bya'o//de lta bas na me drod nyams na ni mi'i srog kyang nyams par 'gyur ba yin te/ me drod che chung du song na ni nad sna tshogs kyang 'byung la/ me drod ma nyams na ni nad med cing tshe ring bar 'gyur ro/ /gso ba'i gnas las pho ba'i nad gso ba'i le'u bcu pa rdzogs so// // de nas gcin 'gags pa'i nad gso ba'i le'u bshad par bya'o/ /de la rlung las gyur pa'i gcin 'gags pa'i nad la ni/ rlung 'joms pa'i sman til mar dang sbyar bas lte ba'i 'og man chad du bsku byug bya ste/ snum dang ldan pa'i dugs dang / blugs pa'i dugs dang byug pa rnams bya'o//rtsa ba bcu pa dang / ba la dang / e raN+Da dang / nas dang / nye'u shing dang / ba spru ba dang / rgya sran dang / rgya shug dang / lcags dang / ba spru ba me tog dmar po can dang / sru sru'i rtsa ba dang / 'di rnams btags pa'i phye ma mar dang /phag tshil dang / lan tshwa rnam lnga dang chu dang tshul bzhin bskol te/ btung ba dang / byug pa dang / dugs la sogs pa byas na zug gzer 'joms pa'i mchog yin no/ /yang na gong gi sman de rnams 'bru mar 'byung ba'i 'bras bu'i rigs rnams dang / skyur dang snum mang po dang ldan par btung ba dang /zas dang byug pa la sogs pa byas na phan yon gong ma dang 'dra'o/ /btung ba ni kha ru tsha mang po dang sbyar ba'i chang 'thungs na gcin 'gags pa sel to/ /mkhris pa las gyur pa'i gcin 'gags pa'i nad la ni bsil bas lus la blugs pa dang /byug pa dang lums bya'o/ /nye'u shing dang gze ma dang / ba ta ri dang / rgun 'bru dang / rtsa'i rtsa ba dang / 'di rnams tshul bzhin bskol ba'i nang du sbrang rtsi dang / sha kha ra btab pa blud do/ /ba sha ka dang / ga gon dang / er ba ru dang / le brgan rtsi 'di gsum gyi sa bon dang /gur kum dang / 'di rnams kyi phye ma rgun chu dang sbyar ba 'thungs na gcin 'gags pa'i nad thams cad sel to/ /yang na rgyal mo ga gon gyi sa bon dang shing mngar dang / skyer pa'i phye ma dang 'bras bkrus pa'i chu dang 'thungs na yang phan no/ /yang na rgun 'brum cham chom brdungs nas chu dang sbyar ba 'thungs na phan no//bad kan las gyur pa'i gcin 'gags pa'i nad la ni thog mar dugs byas la de'i 'og tu rno ba dang / dro ba dang / tsha ba'i skyug sman btang ngo / /bza' ba ni nas las byas pa'i zan dang / khur ba la sogs pa rno ba dang /tsha ba dang / nas tshigs 'khus pa'i thal ba dang / dar ba dang bcas pa sbyin no/ /btung ba ni sug smel lam/ skyu ru ra'i 'bras bu gang yang rung ba dang chang du sbyar ba blud do/ /yang na bya bzhad kyi rus pa dang / gze ma dang / sug smel dang / tsha ba gsum dang /'di rnams sbrang rtsi dang ba gcin dang sbyar ba btung ngo / /yang na kaN+Da ka ri bskol ba'i khu ba sbrang rtsi dang sbyar ba blud do/ /yang na shing ti pa ra ga'i sa bon zhib tu btags pa'i phye ma dang dar ba bskyos te blud do/ /yang na d+ha ba dang / sab ta par+Ni dang / dug mo yungs dang /sle tres dang / dong ga dang / ke'u ka dang / sug smel dang / she ta ka rany+dza dang / 'di rnams bskol ba'i khu ba'i nang du sbrang rtsi dang sbyar ba 'am yang na de rnams sbyar ba'i thug pa blud do/ /yang na byu ru btags pa'i phye ma 'bras bkrus pa'i chu dang lhan cig btung ngo //yang na shing pa ta la'i thal ba'i chu dang sbyar ba lan bdun btsags pa'i khu ba til mar dang sbyar ba blud do/ /yang na shing pa ta la dang / ya bak+Sha ra dang / pa ri pa tra dang / til dang / de rnams kyi thal ba chu dang bskyos pa dang / chang dngas ma dang lhan cig sbyar ba'i nang du shing tsha dang sug smel dang /spangs ma dang / 'di rnams gsum gyi phye mas btab la blud do/ /gong gi btung ba dang / lde gu'i sman thams cad kyi nang du bu ram bskol te/ khaN+Da tsam sra bar gyur pa btab la mnyes te sbyin no/ /'dus pa las gyur pa'i gcin 'gags pa'i nad la ni nad gzhi so so'i gso ba dang mthun par sbyar ro//rde'u yun mi ring du chags pa la yang de ltar nad gzhi so so dang mthun pa'i sman dpyad de rlung nad 'joms pa'i 'jam rtsi mas gtong ba la sogs pa yang de ltar sbyar ro/ /rde'u chags pa'i nad ni shin tu mi bzad pa yin te 'chi bdag gi gzugs dang 'dra'o//de yang rde'u nar ma son pa la ni sman gyis gso'o/ /nar son pa la ni mtshon gyi las bya ste/ de la dang po rde'u ji ltar chags pa'i mtshan nyid shes par byas nas snum chos la sogs pa'i rim pa bya bar 'dod de/ sru sru'i rtsa ba dang / ba su ka dang /ba si ri dang / a sman ta dang / nye'u shing dang / lcam pa dang / a ti ba la dang / go bye dang / pu tse shel dang / ka tsa ka dang / brak+Shi da ni dang / shing sha ka'i 'bras bu dang / bya gri dang / gu tha dang / gzem dang / nas dang / rgya sran dang /rgya shug dang / pa ra na dang / kan ta ka'i 'bras bu dang / 'di rnams mar dang tshul bzhin bskol ba'i nang du u sha ka'i sde tshan gyi phye ma btab pa 'thungs na/ rlung las gyur pa'i rde'u myur du 'jig par byed do/ /yang na e raN+Da dang / bri ha ti dang / kaN+Da ka ri dang / gzem dang / bu ram shing 'di rnams kyi rtsa ba'i phye ma zho mngar po la btab ste blud na rlung las gyur pa'i rde'u 'jig par byed do/ /mkhris pa las gyur pa'i rde'u chags pa la ni ku sha dang / ka sha dang / 'dam bu dang / gu tha dang / ing ka tha dang / nye'u shing dang / sru sru'i rtsa ba dang / dar ba dang / bi da ri dang / ba ri hi dang / 'bras kyi rtsa ba dang / gze ma dang / ba lu ka dang / ba ta ka dang / lcags phye dang / ku ru ta ka dang / ba spru ba dang / shi ri sha dang de rnams bskol ba'i khu ba mar dang lhan cig bskol ba'i nang du ga gon la sogs pa'i sa bon dang / ut+pa la'i sa bon dang / shing mngar dang / brag zhun dang 'di rnams kyi phye mas btab ste 'thungs na phan no/ /bad kan las gyur pa'i rde'u chags pa la ni sman ba ru na'i sde tshan dang / rlung 'joms pa'i sman thang shing la sogs pa'i sde tshan dang / byi dang ga dang / ha re Nu ka dang / gu gul dang / na le sham dang / ru rta dang / kru trug tres dang / bye'u rug pa dang / de rnams bskol ba'i khu ba mar dang yang bskol ba'i nang du u sha ka'i sde tshan btags pa'i phye ma btab pa'i mar blud na bad kan las gyur pa'i rde'u myur du 'jig par byed do/ /bza' ba dang / btung ba ni 'o ma dang /thug pa dang thal sman dang sbyar ba'i nad gzhi so so dang mthun pa'i sman rnams kyang bza' btung gi nang du sbyar ro/ /rde'u phye mar chags pa la pi tsu ka dang / a ko la dang / ut+pa la'i 'bras bu rnams chu dron po dang sbyar ba'i nang du bu ram btab pa 'thungs na rde'u phye mar chags pa 'byin par byed pa'i mchog yin no//khrung khrung dang / rnga mo dang / bong bu dang / 'di rnams kyi rus pa dang / gze ma dang / ta la pa tri ka dang / a dza mo dang / ka dam ba'i rtsa ba dang / bca' sga 'di rnams chu dron po'am/ chang dang sbyar te 'thungs na rde'u phye mar chags pa 'jig par byed do//gring t+ya kun da ka'i sa bon gyi phye ma sbrang rtsi dang ldan par lug gi 'o ma'i nang du bcug ste/ zhag bdun gyi bar du 'thungs na rde'u 'joms par byed do/ /shi kru'i rtsa ba bskol ba dro 'jam tsam 'thungs na rde'u gnas nas skyod par byed do/ /til dang /a pa marga dang / chu shing dang / pa la sha dang / 'di rnams kyi thal ba lug gi gcin dang lhan cig 'thungs na phye mar chags pa'i rde'u chags pa gnyis 'joms par byed do/ /yang na lcam pa'i rtsa ba btsir ba chang la sogs pa'i nang du bsres pa 'thungs na phan yon gong ma dang 'dra'o//yang na rde'u chags pa'i zug gzer gyis nyam thag pa la ni lcam pa'i rtsa ba de nyid 'o ma dang sbyar ba blud do/ /yang na a ru ra'i rus pa 'o ma dang tshul bzhin bskol ba'am ba spru ba'i 'o ma dang bskol ba'am/ yang na bar hri shi ka'i rtsa ba 'bras bkrus pa'i chu dang thog mar 'thungs te de'i 'og tu 'o ma dang bcas pa'i kha zas bza'o//lhag ma ni gcin 'gags pa'i sman gyi ci lta ba bzhin du 'dir yang sbyar bar bya'o/ /yang na gze ma dang / de'i nyis 'gyur gyi bri ha ti la sogs pa'i sde tshan dang tshul bzhin du mar dang 'o ma bskol ba 'thungs na gcin nad thams cad sel to//thang shing dang / gla sgang dang / mur ba dang / shing mngar dang / a ru ra dang / 'o ma'am/ chu dang sbyar te 'thungs na gcin 'gags pa'i nad thams cad la phan no/ /yang na byi tsher ba bskol ba'i khu ba'am/ ka ku pa bskol ba'i khu ba'am/yang na 'bras bu gsum btags pa'i phye ma rgyam tsha dang / chu dron dang sbyar ba btung bar bya'o/ /yang na bya gri dang gze ma bskol ba'i thug pa pha ni ta zhes bya ste blud do/ /yang na go bye'i sde [(]tshen [,]tshan [)]bskol ba 'am/ khyim bya'i sha khu dang sbyar ba'i thug pa blud do//yang na brag zhun sman bi ra ta ka'i sde tshan yang dang yang du bskol ba sbyin no/ /yang na chang legs par smin par 'thungs te/ rta rgyug pa'am/ shing rtas myur du shugs kyis 'gro zhing lus bskyod pas rde'u gnas nas 'pho bar 'gyur ro/ / rde'u gong por chags pa dang rde'u phye mar chags pa la ni rnam pa thams cad du bi ra ta ka la sogs pa'i sde tshan bza' ba dang btung ba dang thams cad la sbyar bar bya'o/ /bkru sman gyi don du seng phrom gyi mar rlung nad kyi skabs su bshad pa dang / khyad par du 'jam rtsi mas gtong ba'i las bya'o//khu ba las gyur pa'i rde'u chags pa la ni nyams stobs dang ldan pa zhig na/ pho mtshan gyi lam nas 'jam rtsi btang ste gnas dag par bya'o/ /gzhan yang skyes bu des thog mar khu ba 'phel ba'i cho ga khyim bya'i sha dang / mon sran gre'u dang / byi'u mchil pa dang /de rnams kyi sha dang khu ba ngoms par 'thungs la bud med 'dod pa'i shas che ba bsten cing nyal po byas na phan no/ /de la rde'u mtshon gyis dral te dbyung ba'am yang rde'ur smin nas nges par red pa ni dral bar 'os pa yin la/ ma smin pa la ni gong gi sman gyis gso bar bya'o/ / de la rde'u 'byin pa dang dpyad chen po 'di ni shin tu nyen che ste/ sos shi bsdo bar dam bca' dgos pa yin pas sman pas sa bdag gi rgyal po la sman dpyad kyi yan lag bgyi bar thag bcad de de'i 'og tu sman pas mtshon legs par byas nas shin tu brtags te las brtsam par bya'o/ / de yang gso ba'i dpyad ma byas na ni nges par 'chi bar 'gyur la/ byas na ni the tshom dang bcas shing 'tsho ba yang srid pas shin tu bag dang bcas par dpyad bya ba'i rigs so/ /dpyad rtsom pa'i sman pa bdag nyid kyang sman dpyad kyi lung legs par khong du chud cing gso ba'i las mang po grub pas bya dgos pa yin no//de la rde'u 'byin par 'dod pas thog ma nas nad pa la snum gyi cho gas lus dag par byas la/ de nas rde'u gsal por mngon par bya ba'i phyir lus cung zhig sbyar te rid par bya ste/ de'i 'og tu lus mar gyis bskus la cung zhig rngul ba'i cho ga bya'o//de nas bde legs su 'gyur zhing rang gi lus bsrung ba'i phyir bkra shis dag bya bar rigs so/ /de nas snying stobs bskyed pa'i phyir thog mar rde'u 'byin khar chang bzang po mang du blud la/ rta'am shing rta la bskyon te drag tu rgyugs na gnas snga ma las rde'u 'og tu rang 'bab par 'gyur ro//thabs des rde'u 'og tu ma 'phos na btsir ba la sogs 'og nas 'byung ba'i cho ga rnams bya'o/ /de nas nad pa la zan cung zad byin la nad pa spang leb kyi khri pus mo tsam mtho ba'i steng du stan nang tshangs can la sogs pa 'jam rtsi bting ba la mi cig rgyab nas rten thabs su 'dug la//de'i pang par nad pa bzhag ste lte ba yan chad kyi ro stod cung zad bstod la pus mo gnyis bkug ste sgyid khung gnyis nas ras kyis brangs la lag ngar gnyis dang bcas pa mi 'gul bar dam du rked par bcing ngo / /de nas nye 'khor na 'dug pa rnams kyis spro ba bskyed do//de nas lte ba man chad bsku byug byas te/ lho ba g.yon logs nas/ mar la khu tshur gyis mthar chags su phul thabs kyis btsir la/ ji srid du rde'u 'og tu phyin par gyur na lag pa g.yon pa'i mdzub mo dang gung mo gnyis sen mo bregs la til mar gyis bskus nas bshang ba'i lam nas bcug ste/nam rde'u la reg pa dang / phyi rol gyi bshang ba'i sgo dang / 'bras bu'i mtshams kyi srubs breng breng por stobs kyis phul te de yang ji srid gzhung mthon por gyur gyi bar du sor mo gnyis kyis btsir zhing phyi rol nas kyang khu tshur gyis dgug ste tshan gyis phul bar bya'o//de nas mtho bar gyur pa dang / dbus breng breng po'i srubs kyi dkyil du me tshon mi gdab par g.yas g.yon gang mtho ba'i steng phyogs kyi srubs kyi mchan du zabs su nas gang tsam la rma kha'i che chung ni rdo'i shong tshad kyi rma dral la rde'u che chung ci yod pa ma lus par dbyung ngo //ci ste lag pas rde'u mthon na lcags kyu mi rno bas phyir drangs te ma lus par dbyung ngo / /bud med kyi rde'u chags pa la ni chu so'i g.yas g.yon gyi ngos gang yang rung ba la yod do/ /de yang mngal la brten te 'dug pas mdzub mo dang gung mo gnyis gong ma bzhin du bcug ste gang phyogs na yod pa myang nas g.yas g.yon gang na yod na yang de'i phyogs kyi ngos la dral lo//cho ga gzhan ni skyes pa dang 'dra'o/ /gzhan du log par dral na ni rma kha las rtag tu gcin 'dzag pa'i skyon du 'gyur ro//skyes pa la yang btsir drags na lgang pa zhar nas rtag tu gcin 'dzag pa'i skyon yod de de bas na skyes pa'i chu sor rde'u phyin khar dal gyis phul la mnye'o/ /lan cig dral nas rde'u phyir byung na ni legs pa'i mtshan ma yin no//lan cig dral bas rde'u ma thon na nyes pa yin te yang mi bsnan no/ /de ltar dral ma thag tu mtshon phyir phyung la/ rde'u yang ting thogs la phyung ma thag tu snod chu dron gyis bkang ba'i nang du ro smad bcug la dugs byas na khrag ngan phyir byung zhing nad nyung bar yang 'gyur ro//rma kha chu mi shor bar bsrung ngo / /de nas rma kha'i nang na khrag ngan yod na btsir la dbyung ngo / /de ltar byas na yang nang du rde'u'i dum bu khrag ngan lus su dogs na shing 'o ma can cham chom brdungs la chu dang bskol ba'i khu ba lgang pa'i nang du bcug la pho mtshan gyi bu ga'am rma gang yang rung ba nas 'jam rtsi'i thabs su btang na rde'u'i dum bu dang khrag ngan thams cad 'byin te/gcin gyi gnas dag par gyur pa la gcin yang legs par 'byung ngo / /gong du 'o ma can gyi shing zhes smos pa ni sman pa rnams 'di lnga la 'dogs/ n+ya gro d+ha dang /u dum wA ra dang / a shwad+tha dang / ka pid ta dang / p+lag sha ste lnga po 'di dag yin par 'dod do/ /de nas mar dang sbrang rtsi cha snyoms la rma khar bsku'o/ /gcin gyi gnas dag par bya ba'i phyir bu ram yog tshad du bza'o/ /kha zas ni zhag gsum gyi bar du snga dro phyi dro dus gnyis su khrus dang bkru sman dang /gze ma dang / 'di rnams bskol ba'i khu ba la gzhi blangs pa'i 'bras thug dro 'jam tsam mar dang ldan pa sbyin no/ /de nas nyi ma bcu pa'i bar du 'bras chan nyung shas mar dang 'o ma dang ldan par byas pa sbyin no/ /de phan chad ni shing thog skyur po se'u 'bru la sogs pa dang skam na gnas pa'i ri dgas kyi sha khu dang 'bras chan chung ngu za'o//de nas kha zas kyi rim pa bskyed do/ /shing 'o ma can bskol ba'i khu bas ji srid sos kyi bar du rma bkru bar bya'o/ /yang rma'i than kor du pra puN+Da rI ka dang / btsod dang / shing mngar dang / seng phrom dkar po dang / 'di rnams btags pa'i phye ma chu dang lde gur byas pas bkru'o/ /yang na sman gong ma'i nang du yung ba dang skyer pa bsnan te phye mar byas pa la til mar dang sbyar bas rma la bsku'o/ /gzhan yang gong mi'i sbyor ba'i sman gyi nang du sbrang rtsi dang sbyar ba zhag bcu'i bar du rma la dugs bya'o//yang na sman de nyid kyis zhag bdun gyi bar du gcin gyi rgyun srang kun tu yang dugs bya'o/ /de ltar byas kyang gcin rma las 'byung zhing pho mtshan nas mi 'byung na/ mdo'i gnas su ji ltar bshad pa bzhin du rma mes bsregs na rma 'drub pa'i rigs so//yang na mngar ba'i sman sna tshogs sbrang rtsi dang sbyar ba'i khu ba lgang pa'i nang du blugs te sbu gu phra mo dang pho mtshan gyi bu ga nas yar 'jam rtsi'i thabs su btang na gcin bde bar 'byung zhing mkhris pa yang sel to/ /rma 'dru ba nas lo gcig gi bar du srung ba ni ri dang shing la mi 'dzeg /rta dang glang po che dang shing rta la mi zhon nyal po spang chu la mi rkyal mtshon gdab tu mi rung ba'i gnas brgyad yod de/ rlig pa dang / gcin dang / khu ba 'bab pa'i gnas dang / lgang pa dang pho mtshan dang bshang ba'i sgo'i mtshams kyi srubs dang pho mtshan gyi rtse mo dang /mo mtshan gyi kha dang / 'di dag ni gnad kyi gnas brgyad yin pas mtshon mi gdab bo/ /gcin 'gags pa'i nad gso ba'i le'u bcu gcig pa rdzogs so// //de nas gcin snyi ba za gu'i nad gso ba'i le'u bshad par bya'o//de la gcin nad yod pa'i nad pa stobs dang ldan na thog mar yungs kar dang / nim pa dang / nye'u shing dang / ba ru ra dang / ka rany+dza dang / 'di rnams gang yang rung ba'i mar gyi nang du gze ma btab pa bskol te mar 'ba' zhig lus pas snum chos byas la de'i 'og tu skyug sman dang bkru sman gtang ngo //de'i 'og tu bye'u rug pa'i sde tshan bskol ba'i khu ba'i nang du gla sgang dang / thang shing dang / dong gra gsum btags pa'i ni ru ha mas gtang bar bya'o/ /yang na mkhris pa la phan pa'i sman bskol ba'i khu ba'i nang du n+ya gro d+ha'i sde tshan gyi phye ma btab pa'i ni ru ha gtang ngo //de ltar dag par byas nas srog chags thang la gnas pa'i sha khu dang thug par byas pa blud do/ /gal te thug pa ma blud na ni gcin 'gags pa dang / skran dang khams zad pa dang / chu so gzer ba'i nad 'byung ste/de la ni gong gi thug pa la sogs pa'i sbyor bas gcin 'gags pa dang / khams zad pa zhi bar bya ba dang / bsrung bar bya ba'i sbyor ba bya ste/ gcin nad thams cad la cho ga de ltar bya'o/ /skyu ru ra bskol ba'i khu ba'i nang du yung ba'i phye ma dang sbrang rtsi btab pa sbyin no//yang na skyer pa dang / thang shing dang 'bras bu gsum dang / gla sgang 'di rnams chu dang bskol ba'i khu ba grang mo'i nang du sbrang rtsi btab pa blud na gcin nad sel to/ /yang na tsi tra ka dang / 'bras bu gsum dang / skyer pa dang / dug mo yungs kyi shun pa dang / 'di rnams bskol ba'i khu ba'i nang du sbrang rtsi btab pa blud na phan no/ /yang na sle tres kyi khu ba sbrang rtsi dang sbyar ba 'am/ yang na skyu ru ra'i khu ba sbrang rtsi dang sbyar ba blud na phan no/ /yang na seng phrom dang / a ru ra dang / gla sgang dang / kad pa la dang / 'di rnams kyi khu ba 'am/yang na pa tha dang / byi dang ga dang / a rdzun dang / byi tsher ba dang / 'di rnams kyi khu ba 'am/ yang na seng ldeng dang / skyer pa dang / byi dang ga dang 'di rnams bskol ba'i khu ba 'am/ sman gyi sbyor ba 'di gsum gang yang rung ba'i nang du sbrang rtsi btab pa blud na bad kan las gyur pa'i gcin nad sel to//mkhris pa las gyur pa'i gcin nad la ni pu shel tsi dang / seng phrom dang / a rdzu na dang / tsan+dan dang / 'di rnams bskol ba'am/ yang na pa to la dang / nim pa dang / skyu ru ra dang / sle tres dang 'di rnams lhan cig bskol ba dang /yang na seng phrom dang / ba la ka dang / skyer pa dang / da ta ka'i me tog dang 'di dag bskol ba'i khu ba 'am sbyor ba de gsum gyi nang du sbrang rtsi btab pa gang yang rung ba blud na phan no/ /mkhris pa dang bad kan gyi gcin nad la rang gi sman gang yin pa bskol ba'i khu ba 'am/yang na gcin gyi nang du nas dang gro sbangs pa las zas la sogs pa g.yos su byas pa bza'o/ /rlung las gyur pa'i nad la ni snum dang sbyar ba bza'o/ /gcin snyi ba'i nad la ni rta dang ba lang gang yang rung ba la nas byin te/ de'i lci ba las byung ba'i nas las g.yos su byas pa'i snum khur dang phye dang zan la sogs pa byas te byin na phan no//yang na 'od ma las skyes pa'i 'bru las gong ma ltar g.yos su byas te zos na phan no/ /yang na ci tse dang / bra'o dang / sran mud ga la sogs pa'i gang bu las skyes pa'i 'bru dang 'bras rnying pa dang /'di rnams las g.yos su byas pa byin na phan no/ /yang na til dang / yungs kar gyi [(]chigs [,]tshigs [)]ma skyur dang sbyar ba'i thug pa kha la zhes bya bar grags pa yin te 'thungs na phan no/ /btung ba ni ka pid ta dang shing tin du dang / 'dzam bu dang 'di rnams kyi 'bras bu'i khu ba skyur po rgun chus dmar por bsgyur ba btung ngo //tshod ma ni khu ba'i bag pa to la dang / sap+ta la sogs pa la bya'o/ /bza' ba ni la du dang phye dang sbrang rtsi dang / 'bras bu gsum dang bcas pa'i skom bag bza'o/ /srog chags thang las skyes pa'i thur ma bsregs te chu ser bskams pa'i sha bza'o//'og nas smos pa'i lcags las byas pa'i sbyor ba yang 'dir sbyar ro/ /de'i 'og tu rgun chang dang a riSh+Ta dang / a sa ba'i chang dang / 'di rnams yongs su smin pa'i chang rnying pa dang dro ba'i btung ba sbyin no//de bzhin du a sa na'i sde tshan bskol ba'i chu'am rtswa dUr ba dang bskol ba'i chu'am sbrang rtsi'i chu btung bar sbyin no/ /'bras bu gsum bskol ba'i chu'i nang du nas nub gcig spangs la nyin gcig bskol te/ legs par btags pa'i phye ma sbrang rtsi dang bcas par bu ram dang sbyar ba blud do//shing sA la dang / lo ma bdun pa dang / kam pi l+ya dang / brig sh+ka dang / ba ru ra dang / ka pid ta dang / ro hi dang / 'di rnams kyi me tog phye mar byas te sbrang rtsi dang lhan cig bza' ba 'am/ yang na skyu ru ra'i khu bar sman gong ma'i phye mas btab pa 'thungs na bad kan dang mkhris pa las gyur pa'i gcin nad sel to//gze ma dang / skyer pa dang / seng phrom dang / kad pa la dang / shu dag dang / ardzu na dang / shug pa dang / asman ta ka dang / nim pa dang /tsan+dan dang / a ka ru dang / ti mu sa dang / pa to la dang / ga pur dang / btsod dang / bong nga dkar po dang / go bye dang 'di rnams til mar dang tshul bzhin du bskol ba 'thungs na rlung dang bad kan las gyur pa'i gcin nad la phan no/ /mkhris pa las gyur pa'i gcin nad la ni gong ma'i sman mar dang bskol ba blud do//'dus pa'i gcin nad la ni mar dang til mar dang bsres pa bskol ba blud do/ /yang na rtsa ba bcu pa dang / zur pa dkar po dang / dan ti dang / thang shing dang / ba sbru ba rnam gnyis dang / snu hi dang / ar ka'i rtsa ba dang / a ru ra dang / b+hu ka dam pa dang / bse shing gi 'bras bu dang / ka rany+dza'i rtsa ba dang / ba ra na'i rtsa ba dang / pi pi ling gi rtsa ba dang / ma nu'i rtsa ba dang / 'di rnams srang bcu bcu dang / nas dang / rgya shug dang / rgya sran 'di rnams srang bcu drug bcu drug dang /chu bre nyi shu rtsa bzhi dang tshul bzhin du bskol nas bzhi cha lus pa'i nang du pi pi ling rnam gnyis dang / dbyi mo dang / ni tsu la dang / ro hi ta ka dang / dur byid dang / byi dang ga dang / kam pi l+ya dang / ga bra'i rtsa ba dang / de rnams btags pa'i phye ma dang /mar bre gang dang yang tshul bzhin du bskol te mar lus pa ni thang la 'bar gyis bshad pa'i mar zhes bya ste/ de las ran par 'thungs na gcin nad thams cad dang 'brum bu phra mos nyam thag pa las rgyal bar byed do/ /khyad par du skya rbab dang / khong 'bras dang /skran dang / gzhang 'brum dang / skrang pa dang / skem pa dang / dbyig dug dang / dmu rdzing dang / lud pa dang / dbugs mi bde ba dang / skyugs pa dang / tshil rgyas pa dang / mcher pa na ba dang / dreg dang mdze dang / smyo byed dang / brjed byed las rgyal bar 'gyur ro//yang na seng phrom dang / mur ba dang / zur pa dkar po dang / byi dang ga dang / ga bra'i rtsa ba dang / rgya spos dang / chu srin sen mo dang / sla ba dang / dug mo yungs dang / ru rta dang / kra mu kra dang / pri yang ku dang / bong nga dkar po dang /tsi tra ka dang / bi sha rnam gnyis dang / dri rnam bzhi dang / tig ta dang / pu shel tse dang / la la phud dang / ma nu dang / pa tha dang / pi pi ling gi rtsa ba dang / dbyi mo dang / 'bras bu gsum dang / sman 'di rnams zho gnyis gnyis su srang lnga brgya rtsa bcu gnyis dang bskol te bzhi cha lus pa dang /tshigs ma bor te bsgrangs pa'i nang du sbrang rtsi bre do bcug la zla ba phyed kyi bar du snod snum can gyi nang du bzhag pa ni seng phrom gyi a sa ba'i chang zhes bya ste/ de las ran par 'thungs na gcin nad dang / gzhang 'brum dang / mdze dang yi ga 'chus pa dang /srin bu'i nad dang / skya rbab dang / pho ba'i nad dang / tshil rgyas pa'i nad las thar bar byed do/ /yang na seng phrom la sogs pa gong ma'i sman srang nyi shu chu srang bzhi stong dgu bcu rtsa drug gi nang du bskol te/ bzhi cha srang stong nyi shu rtsa bzhi lus pa'i nang du bu ram srang nyis brgya dang /sbrang rtsi srang drug cu rtsa bzhi dang / dug mo yungs kyi sde tshan btags pa'i phye ma bcug ste rdza ma snum can sra ba'i nang du pi pi ling gi phye ma dang sbrang rtsis nang ngos bskus la/ rdza ma'i phyi rol nas kyang rgya skyegs bzhus pas bskus pa'i nang du bcug la seng ldeng gi me mdag gi nang du lcags srab cing rno ba lo ma lta bu leb leb po byas te bsregs la/sman khu'i nang du bcug ste/ de bzhin du yang bsreg cing yang bcug la lan mang du byas te/ nas kyi phung po'i nang du zla ba gsum mam bzhir bzhag pa ni lcags las byas pa'i chang zhes bya ste/de las ran par 'thungs na phan yon gang ma bas kyang khyad par du 'phags so/ /gcin nad la ni sman rtsub pa dang sbyar ba'i lde gu sla bas lus shugs drag tu dril cing lus kyi rtsal dang / nub mo mi nyal ba dang / gang yang bad kan dang tshil 'joms pa'i bag phyi dang nang gnyis nas zas dang /spyod lam bsten na phan no/ /brag zhun srang brgya a sa na'i sde tshan bskol ba'i khu ba'i nang du sbangs te phyir phyung la/ yang skams te yang sbangs shing bran pa lan mang du byas la/ bcud kyis len gyi cho ga ltar btung zhing a sa na'i khu ba las gzhi blangs pa'i 'bras chan dang /srog chags thang la gnas pa'i sha khu dang bcas pa zos na/ gcin nad kyis nyam thag pa thams cad dang / gzhan gyis gtses pa la yang phan te/ 'bras kyi phreng ba dang / lba ba dang / thor bu dang /tsho ches pa dang / mdze nad dang / mtshan bar rdol ba dang / srin bu'i nad dang / rkang bam dang / skrangs pa rnams la phan pa'i bcud kyis len gyi mchog yin no/ /gcin nad kyi skyes bu ni drang srong btsun pa ltar 'bras bu dang rtsa ba dang / sdong bu rnams zas su bza' zhing lham dang /gdugs spangs la dpag tshad brgya tshun chad du 'gro ba 'am/ yang na khron pa la sogs pa chu'i gnas rko ba'i las bya'o/ /yang na ba ling gi gcin dang / lci ba bza' zhing btung la ba lang gzas su 'gro ba dang lhan cig 'gro bar bya'o/ /nad pa rjud cing rid pa yin na ni tshil dang gcin mi skyed la lus 'phel zhing rgyas pa'i sman dang kha zas sbyar bar bya'o//kham phor shar ba lta bu'i nad la sogs pa'i 'brum bu phra mo'i nad bcu 'byung ba'i nad ma smin pa la ni skrangs pa'i gso ba bya la smin pa la ni gso ba'i cho ga bya'o//thog mar nad gzhi brtags te n+ya gro d+ha la sogs pa shing 'o ma can gyi shun pa bskol ba'i khu ba dang / ra'i 'o ma ni rab tu bsngags so/ /dang po slon khrus kyis lus dag par byas te de yang gcin nad la ni rno ba dang rtsub pa'i bkru sman gtong ngo / /yang na sug smel gyi sde tshan til mar dang sbyar bas rma 'drub par bya zhing dong gra la sogs pa'i sde tshan bskol bas lus dril bar bya'o//sman a sa na'i sde tshan bskol ba'i chus bkru zhing blugs par bya'o/ /dug mo yungs kyi sde tshan bskol ba ni bza' ba dang btung bar sbyar ro/ / pa tha dang / kru trug tres dang / sha rang gash+tha dang / thal tres dang / kaN+Da ka ri dang / sab+ta par+Ni dug mo yungs kyi rtsa ba dang / kad pa la dang / dong gra dang 'di rnams btags pa'i phye ma sbrang rtsi dang lde gur byas te bldag pa dang / yang na skya rbab kyi gso ba'i nang nas lcags phye cha dgu pa zhes bya ba'i phye ma dag 'dir sbyar ro//sbrang rtsi lta bu zhes bya ba'i gcin nad na bar gyur na skyes bu rnams kyis yongs su spang bar bya ste 'on kyang brag zhun brgya'i sbyor ba dang / pu na rna'i sbyor ba ni bya bar bshad do/ /gso ba'i gnas las gcin snyi ba za gu'i nad gso ba'i le'u ste bcu gnyis pa rdzogs so// //de nas khong 'bras gso ba'i le'u bcu gsum pa bshad par bya ste/ de la 'bras so cog ma smin pa'i tshe na ni skrangs pa gso ba'i cho ga ltar so so'i rtags dang mthun par gtar ga bya ste khrag dbyung ngo / /smin zin pa la ni dral la rma gso ba'i cho ga ltar bya'o//de nas rlung las gyur pa'i rma la ni rtsa ba lnga dang lan tshwa shas che ba dang bskol ba'i chus rma bkru bar bya'o/ /gzhan yang me pa da ru'i sde tshan dang / shing mngar dang lan tshwa dang til dang lhan cig sbyar bas rma bkru'o/ /yang na bkru sman gang yang rung ba'i nang du dri bi tsa btab ste snum chen po bzhi gang yang rung ba bsres te blud la khrus byas te lus dag par bya'o//de nas rma 'drub par bya ba'i phyir ba da ri'i sde tshan dang dur byid bsres pas rma bsku bar bya'o/ /mkhris pa'i rma la ni n+ya gro d+ha la sogs pa'i 'o ma can gyi shing las byung ba'i 'o mas bkru bar bya'o//de nas shing mngar dang / til dang / a ru ra 'di gsum gyis bsku'o/ /rma 'drub par bya ba'i phyir btsod dang / pu shel tse dang / shug pa dang / pa ya s+ya dang / ser po rnam gnyis dang / 'bras bu gsum dang / shing mngar 'di rnams 'o ma dang lhan cig bskol te 'o ma ni du mar ni lus pa bsku'o//yang n+ya gro d+ha'i sde tshan gyi shing dang / lo ma dang / 'bras bu dang / shun pa dang / mar bskol bas bskus na 'drub par 'gyur ro/ /bad kan las gyur pa la ni dong gra'i sde tshan bskol bas rma bkru'o//de nas phye dang ser po rnam gnyis dang / shing nye rong dang / til mar dang 'di rnams kyis bsku'o/ /yang na rgya sran dang / dan da dang / sha ma dur byid dang / kru trug tres dang / seng phrom dkar po dang / rgyam tsha dang / til dang ba gcin dang sbyar bas bskus na rma 'drub par 'gyur ro//de bzhin du glo bur du snad pa'am/ khrag las gyur pa'i 'bras la ni mkhris pa las gyur pa la ji ltar gso ba bzhin du bya'o/ /khong 'bras nang du ma smin pa la ni mar gyi sde tshan bskol ba'i nang du u sha ka'i sde tshan gyi phye mas btab ste bad kan gyi dus las yol ba dang blud par bya'o//yang na bkru sman gang yang rung ba mar dang sbyar ba'i nang du gong gi sman sde tshan gnyis kyi phye mas btab pa blud do/ /yang na nad ma smin pa la ni bkru sman drag po dang / 'jam rtsi mas gtang bar bya ste de yang gong gi sde tshan gnyis las nad gzhi gong dang mthun pa sbyar la mas gtang bar bya'o//dang por nad ji lta ba bzhin du sbrang rtsi dang na le sham dkar pos btab pa'i bza' ba dang btung ba dang bsku ba byas sam blud na khong 'bras ma smin pa 'joms par byed do/ /gzhan yang kyi lce ba dang / shing mngar dang / 'bras bu gsum dang /nim pa dang / pu shel tsi 'di rnams cha snyoms pa dang dri bi ta dang / pa ta la'i rtsa ba 'di gnyis kyi lci ba'i bzhi 'gyur dang / sran chung de'i brgyad 'gyur rnams chu dang mar dang tshul bzhin bskol nas blud na khong 'bras dang / skran dang / me dbal dang / lus tsha ba dang /dran pa nyams pa dang / sa bon mangs pa dang / skom dad che ba dang / brgyal ba dang / slon pa dang / snying na ba dang / khrag mkhris dang / mdze dang / mig ser gyi nad dang / 'di rnams la phan no/ /yang na kyi lce ba srang bzhi chu srang sum cu rtsa gnyis dang bskol te bzhi cha lus pa dang /skyur ba'i khu ba srang bzhi dang / 'o ma srang bzhi dang / mar srang bzhi dang / tig ta dang / tra yan ti dang / byi tsher ba dang / gla sgang dang / ta ma la gi dang / ram nye ba dang / dzi ban ti dang / tsanan+da dang ut+pa la dang / 'di rnams zho gnyis cham chom brdungs la gcig tu bskol la mar 'ba' zhig lus pa blud pa'am/yang na rgun 'bru'am/ ma du ga'i me tog dang / 'bra go dang / bi da ri dang / nye'u shing dang / pa ru sha dang / 'bras bu gsum dang / 'di rnams bskol ba'i khu ba'i nang du mar dang 'o ma dang / bu ram shing gi khu ba dang /skyur po dang 'di rnams cha mnyam ste a ru ra'i phye mas btab nas bskol la mar lus pa dang grang ba'i nang du sha kha ra dang / sbrang rtsi dang mar gyi bzhi cha dang bsres nas blud na phan yon gong ma dang 'dra bar shes par bya'o/ /de la nad tshabs che chung dang sbyar bas gar skrangs pa'i steng du rdabs rwa dang /ku ba dang / srin bu pad pa dang gsum gyis khrag dbyung ba'am/ yang na gtar ga 'di bzhi gang yang rung bas khrag dbyung ngo / /de la 'bras che chung 'dra bar smin pa'i mtshan ma ni phyi rol du 'bur bar snang ste/ de yang phyogs gcig tu 'dus pa dang 'dug ste/steng du lag pas reg na rab tu na zhing mnan na gshong bar 'dug la lus tsha bar byed de/ de la ni gong gi bkru sman gyis byug go/ /de la 'bras smin pa'i mtshan ma mthong nas mtshon gyis dral te/ rma gso ba'i cho ga bstan par bya'o/ /khong 'bras nang du smin pa'i mtshan ma yang de ltar blta'o//khong 'bras smin nas gong 'og tu mched par byed de/ de yang smin nas myur bar dpyad ma byas pa dang / kha zas mi mthun pa zos pa'i nyes pas rma skrangs pa mched cing 'drul bar 'gyur ro/ /de yang zhag bcu gnyis kyi bar du gong 'og tu mi mched par bya ba'i cho gas bsrung bar bya ste/de yang ba ra na la sogs pa'i sde tshan bskol ba'i khu ba dro 'jam tsam mam yang na shi kru dang sbrang rtsi sbyar ba 'am/ yang na 'bras kyi thug pa la shi kru dang / sbrang rtsi sbyar ba'am/ yang na nas dang / rgya shug dang / rgya sran gyi khu ba btung ba 'am/bza' ba 'am/ btung ba ni rab tu bsngags so/ /zhag bcu nas ni/ kyi lce ba la sogs pa'i mar gong du smos pa'am/ yang na seng phrom dkar po dang sbyar ba'i mar gong du rlung gi skabs su bstan pa blud la sman gyi stobs kyis nad 'jil bar bya'o//de nas tig ta'i mar mdze nad kyi skabs su bstan pa'i nang du sbrang rtsi dang sbyar ba cung zad sbyin no/ /skran gyi bcos thabs ji snyed 'byung ba thams cad khong 'bras la yang thabs des gso bar bya'o/ /gzhan yang khong 'bras kyi nad thams cad la gu gul dang /brag zhun gnyis gang yang rung bas zas dang sman thams cad la sbyar bar bya'o/ /khong 'bras ni smin du mi gzhug ste/ mi smin pa'i cho ga la 'bad par bya'o/ /ci ste smin na ni shin du nyen che ste gso bar dka'o/ /khong 'bras zhes bya ba ni myur du smin par byed pa'i rang bzhin yin no//'bras khong du na zhing tsha ba la ni legs par brtags te gcin snyi ba'i nad gso ba bzhin du 'di yang thabs de ltar gso bar bya'o/ /bud med kyi nu mar 'bras byung ba la ni smin par bya ba'i cho ga mi bya ste/ rma'i skabs las 'byung ba'i dpyad bzhin bya'o/ / myur du smin na ni shas che ba dang 'jam pa'i phyir tshabs cher 'drul ba'i skyon no/ /rang smin pa dang nu sor gyi mtha' skor gnag mtshams kyi nang rol tu mtshon mi gdab par bsrung ste/ gzhan yang gang yang rung bar mtshon gyis dral ba'i las bya'o/ /'bras de na yang rung min yang rung /smin yang rung ma smin yang rung ste/ rtag tu nu ma las bzho bar bya'o/ /de nas shing nye rong gi phye mas rlung shas che ba'i nad yin na ni snum shas cher btab ste byin la khrus byas te lus dag par bya'o/ /de la snum ni 'di dag ste/ a mra'i 'bras bu'i sman mar ram e raN+Da'i sman mar ram su gu ma da'i sman mar ram/mi tra ka'i sman mar ram 'di rnams kyi mar gang rnyed pa dang sbyar ro/ /de nas rlung las gyur pa la phan pa'i sman tshogs zhib tu btags te/ chu dang mar tshul bzhin bskol te chu du mar lus pa dang / bkru sman drag po mas gtang ba'i thabs du mas gtang bar bya'o//de nas sha khu dang bcas pa'i zas sbyin no/ /de'i 'og tu shing mngar gyi phye til mar dang bskol bas lus bsku bar bya'o/ /rlung las gyur ba'i 'bras smin pa la ni rlung la phan pa'i sman dang dugs dang bsku byug la sogs pa bya ste/ smin nas dral la rma gso ba'i cho ga ltar bya'o//mkhris pa dang / khrag las gyur pa ma smin pa la ni gong du bgrang ba'i cho ga bstan pa bzhin bya'o/ /smin nas 'dral la rma gso ba'i cho ga ltar bya'o/ /rtag tu bar ma chad par khrag kyang dbri'o/ /bad kan las gyur pa la ni skyer pa'i phye ma ba gcin dang sbyin no//sbyin par bya ba'i cho ga ma gtogs pa phye ma bad kan las gyur pa'i 'bras gso ba'i cho ga rnams 'dir bya'o/ /bad kan las gyur pa'i 'bras rang smin pa'i tshe na ni dral te/ su ma na'i me tog dang go bye dang / ang go la na sap+ta par+Na dang / pa to la dang / nim pa dang /yung ba dang / byi dang ga dang / dug mo yungs dang / 'di rnams til mar dang sbyar la rma dag par bya ba'i phyir blud pa ni rab tu bsngags so/ /tshil las gyur pa'i nu ma'i nad la ni byi'u rug pa'i sde tshan btags te ba gcin dang sbyar ba 'am/ yang na klad pa bkru ba'i sman btags pas dugs byas la smin pa dang /nu sor gyi mtha' nag por mtshon gyis mi gdab ste phyi rol nas gtsags bus legs par dral nas rnag phyung la sbrang rtsi dang rgyam tsha dang nag tshur sbyar bas rma bkrus te dar skud kyis btsem mo/ /tshil las gyur pa'i nu ma'i rma dag par bya ba'i phyir ldong ros dang /ba bla dang / su ma na dang / pi pi ling mU la dang / go bye dang / 'di rnams til mar dang dro 'jam tsam sbyar bas rma bkru'o/ /ji srid rma ma 'drub kyi bar du snum dang bcas pa'i dugs bya'o/ /chu so'i gnas su 'bras byung ba la ni ras snum can gyis dugs byas la ras kyis rked par bcing ngo //de'i 'og tu bshang ba'i sgo dang / 'bras bu'i bar srubs breng breng po'i 'og tu 'bru'i kha 'dra ba'i mtshon gyis dral te/ rnag 'dzag tu 'jug la dmu rdzing gso ba'i thabs bzhin du dbug pa dang /sbu gu'i rma bkag pa rnams/ bcing ba dang / sman gyis dag par byas nas rma 'drub pa'i cho ga bya'o/ /khong 'bras long ka'am rgyu ma la 'byung ste/ rlig pa'i 'og tu phyin pa dang / rlung las gyur pa'i 'bras gso ba'i cho ga bzhin du bya'o/ / gzhan yang ba spru ba srang brgyad dang / rtsa ba bcu pa dang / a shwa gan d+ha dang / e raN+Da dang / nye'u shing dang / rtswa dUr ba rnam gnyis dang / 'dam bu dang / rtswa ku sha dang / bu ram shing gi rtsa ba dang / ma ta ka la dang / 'di rnams kyi rtsa ba re re la yang srang bcu bcu cham chom brdungs te chu srong nyis stong bzhi bcu rtsa brgyad dang /bskol la srang nyis brgya lnga bcu rtsa drug lus pa dang phyir phyung la btsags te grang ba'i nang du bu ram srang sum cu rtsa gnyis dang 'o ma bre do dang / e raN+Da'i mar bre do'i nang du pi pi ling gi rtsa ba dang / lce myang tsha dang / shing mngar dang /la la phud dang / rgun 'brum dang / dong gra dang / 'di rnams lhan cig tu bskol la/ 'o ma du/ mar lus pa ni su ku ma ru zhes bya ba'i bcud kyis len pa yin te/ sman mar 'di ni tsha ba dang / rlung dang / lam du 'gro ba dang / bzhon pa la sogs pa la 'gro ba'i tshe yang bsrung mi dgos par bza'o//de yang gzhon nu rnams dang / phyug po rnams dang bud med rnams dang / skyid de ba rnams dang / bud med mang po'i khyim thab rnams la sbyar bar bya'o/ /dpal skyed pa dang / rtsod pa zlog par byed de/ rtag tu bsten na sdug cing mdzes pa dang lus sha skyed pa dang /de bzhin du rlig rlugs dang / khong 'bras dang / skran dang / gzhang 'brum dang / mo mtshan dang / pho mtshan gyi nang dang / rlung nad kyis nyam thag pa dang / skrang pa dang / dmu rdzing dang / dreg dang / mchin pa na ba dang / rtug skam 'di rnams zhi bar byed pa'i mchog yin no/ /gzhang la khong 'bras 'byung ba la ni snum chos dang / khrus dang / 'jam rtsi mas gtong ba la sogs pas thog mar zhi bar byas la des zhi bar ma nus na dang po yang 'jam rtsi byas te/ rgyu zhabs kyi spu mtshams g.yas g.yon du mtshon zla ba bkas pa lta bu bsregs pas dbug la/rlung gis 'gags pa de dal gyis dbyung ngo / /de la dbug pa'i tshad ni sman pa kha cig na re mthe bong gi tshigs dang po nub pa tsam zabs su gtang ngo zhes zer ro/ /yang kha cig na re zabs su srin lag gi tshigs dang po nub pa tsam gtang ngo zhes zer ro//dral ba ni dang po pags pa phug la mthe bong gis rma kha'i pags pa bteg ste/ de nas de'i 'og tu mtshon gyi rtse mo drang por zabs su mi gtang bar rtse mo lte ba phyogs su tshad bzhin du gtang ngo / /yang na sman pa kha cig na re mchin pa'i khong 'bras la ni bad kan dang rlung gi khong 'bras gso ba'i thabs ltar bya'o//sman pa kha cig na re/ mthe chung dang / srin lag gi tshigs dang po'i tshad tsam gtang ngo / /zhes zer ro/ /khong 'bras gso ba'i le'u bcu gsum pa rdzogs so// // de nas skran nad gso ba'i le'u bcu bzhi pa bshad par bya ste/ de la rlung las gyur pa'i skran nad ni phyi sa dang rlung 'gag cing mi bzad par na ba yin te/ de yang rtsub pa dang grang ba'i rgyu las byung ba yin pas de la ni rlung nad kyi skabs su bshad pa'i 'bru mar sbyar bas bza' ba dang / btung ba dang / 'jam rtsi gtang ba dang / bsku byug dang / snum chos bya'o/ /khyad par du lto sbo zhing na ba dang / rengs pa dang / rtug pa 'gags pa 'di rnams la ni dugs bya ste/ rgyun srang mnyen par byas na/ rlung nad tshabs che ba la phan te/ rgyal bar byed do/ / snum chos kyis ni khyad par du phyi sa 'gags pa dang / skran nad sel to/ /skran nad lte ba'i khong du byung ba la ni/ khyad par du snum gyi btung ba sbyar ro/ /zhu ba'i skabs su skrang 'byung ba la ni 'jam rtsi mas gtong ba phan no/ /skran lto ba'i nang du byung ba la ni snum gyi 'jam rtsi gnyi ga bya'o//rlung las gyur pa'i skran me drod che zhing rlung gis phyi sa 'gags pa la ni nyams stobs 'phel ba'i bza' ba dang / btung ba dang / snum pa dang / dro ba'i bag sbyar ro/ /snum gyi btung ba dang bkru sman drag po dang / 'jam rtsi mas gtong ba rnams la yang dang yang du sbyar na/rlung las gyur pa'i skran la phan no/ /bad kan dang mkhris pa ni sman pas mi 'byung bar bsrung ngo / /'jam rtsi ni rlung skran 'joms pa'i mchog tu rig par bya ste/ de yang dang po rlung gi rang gi gnas su zhi bar byas na de ma thag skran sel to/ / de bas na bkru sman drag po dang 'jam rtsi mas gtang ba yang dang yang du byas na/ rlung dang / mkhris pa dang / bad kan gyi bdag nyid kyi skran yang zhi bar 'gyur ro/ /shing kun dang / kha ru tsha dang / tsha ba gsum dang / rtsab ru tsha dang / bal po se'u dang / ma nu dang / go snyod dang / 'u su dang / zi ra dang / la la phud dang / star bu dang / ya bak+Sha ra dang / kru trug tres dang / zur pa dang / a dza gan+d+ha dang / sug smel dang / bye'u rug pa dang / 'di rnams cham chom brdungs te/ zho dang / mar dang / lhan cig tshul bzhin bskol ba las ran par 'thungs na rlung las gyur pa'i skran nad sel to//khyad par du zug gzer dang lto sbo ba 'phrog go/ /spa ma'i 'bras bu dang / tsha ba gsum dang / zi ra dang / tsha ba lnga dang / a dza mo rda dang / go snyod dang / lce myang tsha dang / 'di rnams cham chom brdungs te/mar dang lhan cig zho dang bskol/ zho du ba dang phyir phyung la 'o ma'i nang du yang bskol la/ de bzhin du bal po se'u dang / la phug skam po dang / rgya shug skyur po dang / de gsum gyi khu ba'i nang du bskol ba'i mar las ran par 'thungs na rlung las gyur pa'i skran dang /dmu rdzing dang / lto sbo ba dang / rtsib logs na ba dang / snying na ba dang / lto ba na ba dang / mo mtshan gyi nad dang / gzhang 'brum dang / pho ba'i nad dang / lud pa dang / dbugs mi bde ba dang / yi ga 'chus pa dang / rims rnams sel bar byed do/ / yang na rtsa ba bcu pa dang / pa lang ka dang / su sha bi dang / ba spru ba rnam gnyis dang / ma nu dang / e raN+Da dang / ra sna dang / a shwa gan+d+ha dang / ga bra'i rtsa ba dang / zur pa dkar po dang / sle tres dang / su ti ka rany+dza dang / 'di rnams srang gnyis gnyis dang /nas dang / rgya shug dang / rgya sran dang / mon sran gre'u dang / 'di rnams srang bcu drug bcu drug dang / de rnams cham chom brdungs te/ chu srang lnga brgya rtsa bcu gnyis dang bskol te/ bzhi cha lus pa'i nang du zho srang brgya nyi shu rtsa brgyad dang / bal po se'u dang /a mra ta ka dang / ma du lung ga dang / 'di rnams rang gi khu ba srang sum cu rtsa gnyis gnyis dang / mar srang sum cu rtsa gnyis dang / nas so ba'i rtsab mo dang / 'bras kyi chang skyur dang / tshwa dang 'di rnams srang sum cu rtsa gnyis gnyis dang / ga bra'i rtsa ba dang /g.yer ma dang / shu dag dang / pi pi ling gi rtsa ba dang / ra sna dang / tsi tra ka dang / 'u su dang / ti mus dang / la la phud dang / star bu dang / zi ra nag po dang / go snyod dang shing kun dang / spa ma'i 'bras bu dang / ga bi dang / zangs rtsi ba dang /a shwa ka dang / dur byid dang / dan da dang / mur ba dang / hasti pi pi ling dang / byi dang ga dang / bal po se'u dang / gze ma dang / rgyal mo ga gon gyi sa bon dang / spang spos dang / sru sru'i rtsa ba dang / shu ti dang / thal ba rnam gnyis dang / bye'u ru ga pa dang /thal tres dang / ni li ni'i 'bras bu dang / lan tshwa rnam gsum dang de rnams zhib tu btags pa'i phye ma btab ste bskol bas mar 'ba' zhig lus pa ni/ zho la sogs pa'i sman mar zhes bya ste/ de las ran par 'thungs na gong du smos pa'i nad shin du gso dka' ba yang myur du sel bar byed do//de bzhin du brjed byed dang smyo byed dang / gcin 'gags pa dang / rlung nad rnams myur du sel bar byed do/ /yang na tsha ba gsum dang / 'bras bu gsum dang / 'u su dang / dbyi mo dang / byi dang ga dang / tsi tra ka dang 'di rnams mar dang 'o ma dang bcas pa bskol ba 'thungs na rlung las gyur pa'i skran sel to//shun pa bshus pa'i sgog skya srang brgya dang / rtsa ba lnga chen po srang re re dang / chu srang gong dang bskol la bzhi cha lus pa'i phyed dang mnyam pa'i se'u 'bru'i rang gi khu ba dang / chang dang 'bras kyi rang skyur dang /zho dang de rnams re re yang gong ma'i khu ba'i phyed phyed dang mnyam pa dang / tsha ba gsum dang / 'bras bu gsum dang / shing kun dang / la la phud dang / dbyi mo dang / ti mus dang / star bu dang / rgyam tsha dang / thang shing dang / 'di rnams srang re re zhib tu btags pa'i phye ma mar srang sum cu rtsa gnyis dang yang bskol te/ mar lus pa dang ran par 'thungs na rlung nad thams cad las gyur pa'i skran sel ba'i mchog yin no/ /yang na gcong chen po gso ba'i skabs las byung ba'i srang drug pa zhes bya ba'i sman mar blud do/de yang 'o ma'i skyin par chang ngam chang gi dngas ma 'am/ se'u 'bru'i khu ba'am zho'i spris ma gang yang rung ba dang sbyar ba'i sman mar 'thungs na rlung las gyur pa'i skran sel to/ /gal te rlung gi skran la bad kan stsogs te/ me drod nyams shing yi ga 'chus pa dang /snying 'dzag pa dang / lus lci ba dang snyom par 'gyur te/ de la skyug sman gtang ngo / zug gzer dang / lto sbo ba dang / rtug pa 'gags pa dang / khong pa snum par shes na sman bskol ba'i chu dang phye ma dang / ri lu dang / sman mar sbyar bar bya ste/ de yang rgya shug dang / se'u 'bru dang / chu dron dang / dar ba dang / chang dang / rtsabs skyur po dang lhan cig sbyar ba gtang ngo / /yang na nad par sman gyi phye ma zos la de'i 'og tu mar dang bcas pa'i thug pa rkyang rkyang po btung ba'am/ zas bza'o//yang na 'og nas smos pa'i sman gyi phye ma/ ma du lung ga'i khu ba'i nang du lan mang por bran pa'i phye ma dang / bad kan dang rlung 'joms pa'i ri lu la sogs pa bya'o/ /yang na shing kun dang / shu dag dang / a ru ra dang / a dza gan+d+ha dang / se'u 'bru dang /ti mu sa dang / 'u su dang / pa tha dang / puSh+kar mU la dang / zur pa dkar po dang / spa ma'i 'bras bu dang / tsi tra ka dang / thal ba rnam gnyis dang / lan tshwa rnam gnyis dang / tsha ba gsum dang / zi ra dang / dbyi mo dang / da tra gi dang / star bu dang / 'di rnams lhan cig tu sbyar ba'i phye ma las ran par zos na/snying ga dang / rtsib logs dang / chu so dang / mjug to dang / mngal dang 'jang dang / 'di rnams su zug cing na ba dang / rlung dang bad kan dang / ma zhu ba las byung ba'i nad dang / gso dka' ba'i skran dang / rlung dang gcin dang /phyi sa 'gags pa dang / ske 'gags pa dang / stod 'dzings pa dang / skya rbab dang / yi ga 'chus pa dang / mcher pa na ba dang / gzhang 'brum dang / skyigs bu dang / rlig rlugs dang / lto sbo ba dang / dbugs mi bde ba dang / lud pa dang me'i drod nyams pa rnams 'joms par byed do//rgyam tsha dang / la la phud dang / ti mus dang / pi pi ling dang / dong gra dang / 'di rnams yas kyi rim bzhin du cha re re bskyed pa dang / de rnams spyi dang mnyam pa'i a ru ra dang lhan cig sbyar ba ni/ mngon sum du me dang mnyam pa yin no//yang tsha ba gsum dang / ti mu sa dang / rgyam tsha dang / zi ra rnam gnyis dang / shing kun dang 'di rnams cha snyoms pa ni/ shing kun brgyad pa'i phye ma zhes bya ste/ de las kham dang por mar dang bsres pa zos na khong drod bskyed cing rlung las gyur pa'i skran sel to//yang shu dag dang / lce myang tsha dang / li dong gra dang / la la phud dang / a ru ra dang / ma nu dang / ru rta dang / dur byid dang / dan da'i rtsa ba dang / 'di rnams dang po'i cha re res kun la bskyed pa ni stag lta bu'i phye ma zhes bya ste/ de las chu dron dang sbyar te 'thungs na dper na stag gis ri dgas kyi tshogs bcom pa bzhin du/khong pa'i nad thams cad dang / skran dang / dmu rdzing la sogs pa'i nad 'joms par byed do/ /rgyam tsha dang / pi pi ling dang a ru ra dang / ti mu sa dang / 'di rnams kyi phye ma chu dro 'jam tsam dang sbyar te btang na/bad kan dang rlung las gyur pa'i nad 'jig par byed do/ /lcags mdas lus 'bigs pa bzhin no/ /yang na khams slang gi steng du pi ka rany+dza'i lo ma bting ba de'i steng du in dra ba ru ni dang / dbyi mo dang / kru trug tres dang / bca' sga dang /pi pi ling dang / na le sham gyi phye ma rim bzhin du bdal ba'i steng du lan tshwa btab nas de lta bu rim pa bzhin du brtsegs nas phru ba sar pas dud pa ma shi bar bkag la 'og nas me btang ste bsregs la tshig par gyur pa de btags nas zho ga chu dang sbyar te 'thungs na/skran dang / dmu rdzing dang / skya rbab kyi nad dang / gzhang 'brum rnams la phan no/ /shing kun dang / de'i sum 'gyur gyi rgyam tsha'i phye ma dang / de'i sum 'gyur gyi e raN+Da'i mar dang / de'i sum 'gyur gyi sgog skya'i khu ba dang / de rnams lhan cig sbyar la 'thungs na skran dang /dmu rdzing dang / rgyu rlugs kyi zug gzer 'joms par byed do/ /yang na kha lung gi khu ba dang / shing kun dang / lce myang tsha dang rgyam tsha dang 'di rnams chang gi nying khu'i nang du btab ste 'thungs na rlung las gyur pa'i skran sel to/ /bca' sga zho gnyis dang /bu ram zho bzhi dang / til nag po phub ma med pa srang gcig dang / 'di rnams lhan cig phye mar byas te zos la de'i 'og tu 'o ma dron po 'thungs na/ rlung las gyur pa'i snying nad dang / skran dang / gzhang 'brum dang / mo mtshan du zug pa dang / rtug pa 'gags pa rnams las rgyal bar byed do//rlung las gyur pa'i skran la ni/ e raN+Da'i mar chang gi dngas ma las gtang ngo / /rlung dang bad kan rjes su 'brel pa yin na yang sbyor ba de ltar bya'o/ /rlung dang mkhris pa 'brel pa yin na 'o ma dang lhan cig gtang ngo / / gal te rlung las gyur pa'i skran mkhris pa cher skyes na ni tsha ba che ba yin te/ de la ni snum dang bcas pa'i bkru sman bya'o/ /bkru sman byas kyang tsha ba de bzhin du yod na khrag dbri ste gtar ga bya'o/ /sgog skya shun pa skam po srang bzhi dang / de'i brgyad 'gyur gyi chu dang / 'o ma dang lhan cig bskol te/'o ma lus pa dang / de las ran par 'thungs na/ rlung las gyur pa'i skran dang / rtug pa 'gags pa dang / zhen pa'i rlung dang / rims mi bzad pa dang / snying nad dang / khong 'bras dang / skem byed dang / 'di rnams myur du zlog phar byed do//til mar dang / chang gi dngas ma dang / ba gcin dang / rang skyur dang / nas tshig 'khus pa'i thal ba dang / 'di rnams lhan cig tu sbyar ba 'thungs na/ skran dang / dmu rdzing dang / lto sbos pa rnams la phan no/ /yang na kru trug tres dang /pi pi ling dang mU la dang / e raN+Da dang / bca' sga dang / shing kun dang / rtsab ru tsha dang rgyam tsha dang 'di rnams tshul bzhin bskol ba 'thungs na zug gzer dang lto sbo ba dang rtug pa 'gags pa rnams la phan pa'i mchog yin no/ /ma nu dang / e raN+Da'i rtsa ba ba dang /nas dang / byi tsher ba dang / ba sha ka dang / 'di rnams tshul bzhin du bskol ba 'thungs na lto sbo ba dang / lus tsha ba'i nad 'joms so/ /yang na ma nu dang / e raN+Da dang / rtswa dUr ba dang / 'di rnams kyi rtsa ba dang / thang shing dang / bca' sga dang / de rnams bskol ba'i khu ba 'thungs na/khong pa na ba dang / rgyab kyi sgal tshigs su zug pa la phan no/ /rlung las gyur pa'i skran la ni/ brag zhun dang / pa ya s+ya dang / rtsa ba lnga pa che chung gang yang rung ba chu dang bskol ba blud do/ /rlung skran dang / rtug pa 'gags pa la ni/nas chan snum dang ldan pa byin te/ pi pi ling dang / la phug skam po'i khu bcud dang sbyar ba'i zas sbyin no/ /yang na nas kyi zan 'o ma dron po dang lhan cig sbyin no/ /yang na ni mon sran gre'u dang / mon sran sde'u la sogs pa'i zan dron snum dang / lan tshwa mang po dang ldan ba'i zas za'o//rlung las gyur pa'i skran dri ma dang bcas pa la ni/ ni li ni dang / dur byid dang / dan ti dang / a ru ra dang / ka li l+ya ka dang / rtsal ru tsha dang / nas tshig 'khus pa'i thal ba dang / dong gra dang / 'di rnams mar dang lhan cig bkru sman gtang ngo //yang na ni li ni dang / 'bras bu gsum dang / ra sna dang / ba la dang / pu tse shel dang / pi dang ga dang kaN+Da ka ri dang / 'di rnams srang re re dang chu srang brgya nyi shu rtsa brgyad dang lhan cig bskol te/ khu ba brgyad cha lus ba'i nang du/ mar bre gang dang /zho bre gang dang / su d+hA k+Shi ra srang gcig dang lhan cig bskol te/ mar lus pa ni ni li ni'i mar zhes bya ste/ de las srang re re dang thug pa rkyang po dang lhan cig bsres pa las srang re re zos te legs par 'khrus pa dang / sha khu'i bza' ba byin na/skran dang / mdze dang / dmu rdzing dang / sme ba dang / skrang ba dang / skya rbab dang / rims dang / sha bkra dang / mcher pa na ba dang / smyo byed rnams 'joms par byed do/ /mdor na rlung las gyur pa'i skran nad gso ba la ni/ khyim bya dang / rma bya dang / sreg pa dang / khrung khrung dang / bye'u bra d+he ka dang / 'di rnams sha khu'i ched du sbyar ro/ /zas su ni 'bras zhag drug cu pa la sogs pa sbyar ro/ /btung bar ni chang sbyar ro/ /snum bag ni mar sbyar ro/ /rlung las gyur pa'i skran nad can la ni/ zas nyung zad ran pa dro ba dang snum pa dang sla ba bza'o//btung ba ni chang gi nying khu dang / 'u su bskol ba'i chu dron po 'thungs na phan no/ /mkhris pa las gyur pa'i skran nad la ni thog mar snum pa dang / dro ba'i rgyu las 'byung ste/ de las rgun 'bru dang / a ru ra dang / bskol ba'i nang du bu ram bcug pa'am/ yang na ka pi l+ya sbrang rtsi dang sbyar ba blud la khrus bya'o/ /yang na khrag mkhris gso ba'i bkru sman nam/ cho ga grub pa'i nang gi bkru sman gang yang rung ba gtang ngo / /rtsub pa dang dro ba las byung ba'i mkhris pa'i skran la ni kha ba'i sman sbyar ba dang / yang khrag mkhris gso ba las byung ba'i ba sha ka'i sman mar sbyar ba'am/yang na rtswa'i rtsa ba lnga dang / sbyar ba'i mar ram/ yang na 'tsho byed sde bcu dang bskol ba'i mar gang yang rung ba blud na mkhris pa las gyur pa'i skran zhi bar byed pa'i mchog yin no/ /yang na 'tsho byed sde bcu de nyid 'o ma dang bskol ba 'am/ yang na n+ya gro d+ha'i sde tshan bskol ba 'thungs na yang mkhris pa'i skran sel to/ /rtsub pa dang dro ba las gyur pa'i skran nam/ skran thams cad la ni sman pas bkru sman mar ram 'o ma dang lhan cig sbyar ba'i bkru sman sbyar ro/ /skyu ru ra dang / bu ram shing gi khu ba srang drug cu rtsa bzhi dang mar srang sum cu rtsa gnyis dang /a ru ra srang brgyad dang 'di rnams lhan cig bskol te/ mar lus pa las ran par 'thungs na/ mkhris pa las gyur ba'i skran sel to/ /yang na mkhris pa khong 'bras gso ba'i nang nas 'byung ba'i seng phrom gyi mar 'thungs na yang phan no/ /yang na rgun 'bru dang pa yas s+ya dang /shing mngar dang / shug pa dang / tsan+dan dkar po dang / sbrang rtsi dang 'di rnams 'bras bkrus pa'i chu dang lhan cig 'thungs na mkhris pa las gyur pa'i skran nad sel to/ /kyi lce ba srang gnyis chu srang drug cu rtsa bzhi dang bskol te brgyad cha lus pa dang / tshigs ma bor la 'o ma dron po dang lhan cig btung bar bya'o/ /de'i 'og tu me'i drod ji lta ba bzhin du 'o ma dron po dang blud na mkhris pa'i nad dang / mkhris pa las gyur pa'i skran sel bar byed do/ /mkhris pa las gyur pa'i skran nad kyis lus tsha ba la ni mar grang mos bsku zhing / bsil ba'i sman tsan+dan dang / u shi ra'i phye ma dang sbyar bas byug par bya'o/ /chu las skyes pa'i pad+ma la sogs pa'i lo mas lus la reg cing bkab pa dang / snod chus bkang ba'i nang du spying par bya'o/ /dang po lus tsha zhing zug gzer che la me drod chung ba la gtar ga byas te/khyad par du mkhris pa las gyur pa'i skran la bya'o/ /de ltar khrag mang du phyung bas nad kyi rtsa ba chad de/ skran yang zad cing khrag ro skyur bar byung ste khrag dang nad kyang med cing nyam chung ba la/ srog chags thang las skyes pa'i sha khus nyams brta bar bya'o/ /de ltar nyams brtas nas kyang nyes pa'i lhag ma cung zhig yod pa ltar na/yang dang yang mar bsten cing goms par bya'o/ /khrag dang mkhris pa las gyur pa'i skran shas cher g.yos te/ bya ba gang gis kyang ma thub ste/ skran khong du smin cing na ba la ni/ mkhris pa las gyur pa'i khong 'bras gso ba'i cho ga thams cad kyang bya'o//mdor na kha zas ni 'bras sA lu la sogs pa bya'o/ /'o ma ni ba dang ra'i 'o ma sbyar ro/ /tshod ma ni pa to la la sogs pa bya'o/ /sha ni srog chags thang las skyes pa'i sha rnams bya'o/ /snum du ni mar bya'o//tshod ma dang / bza' ba'i nang du sbyar ba ni skyu ru ra dang / pa ru sha ka dang / rgun 'bru dang / 'bra go dang / se'u 'bru dang / kha ra dkar po rnams dang sbyar ro/ /btung ba ni snum ba la dang / bri ha sti la sogs pa rtsa ba chung ngu lnga bskol ba'i chu dang sbyar ro//bad kan las gyur ba'i skran la ni thog mar slon bya ste/ gal te slon mi thig ste nyam chung ba la ni smyung ba bya'o/ /slon dang smyung ba byas ba'i 'og tu me drod skyed par byed pa'i phyir sman kha ba dang / dro ba dang / tsha ba dang / sbyar ba'i thug pa la sogs pa'i zas dang / shing kun la sogs pa'i phye ma nas tshig 'khus pa'i thal ba dang /shing kun dang / star bu dang / 'di gsum sman gcig gi nyis 'gyur du byas pa gtang ngo / bad kan las gyur ba'i skran nad phyir 'bur ba'am/ yang na mi mngon par 'dug cing / tshor ba med la sra zhing brtan pa dang / lto sbo ba la sogs pa'i nad dang bcas pa la ni/ dugs bya ste snyi ba'i cho ga bya'o/ /bad kan las gyur ba'i skran can la ni ya bak+Sha ra dang / sman tsha ba sbyar ba'i btung ba sbyin no/ /yang na rtsa ba bcu pa bskol ba'i khu ba tsha ba gsum dang / nas tshig 'khus pa'i thal ba dang / rgyam tsha dang /shing kun dang / rtsal ru tsha dang / se'u 'bru dang / de rnams mar dang tshul bzhin sbyar ba 'thungs na/ bad kan las gyur ba'i skran las myur du rgyal bar byed do/ /go bye srang gnyis dang / rtsa ba chung ngu lnga srang re re dang / chu srang brgya nyi shu rtsa brgyad dang bskol te bzhi cha lus pa dang /de dang mnyam pa'i mar dang / mar dang mnyam pa'i 'o ma dang / byi dang ga dang / shing kun dang / rgyam tsha dang / nas tshig 'khus pa'i thal ba dang / zur pa dang / rtsal ru tsha dang / ha ti pi pi ling dang / ra sna dang / shing mngar dang / shu dag dang / pi pi ling dang /dong gra 'di rnams zho gnyis dang lhan cig yang bkol ba'i sman mar 'di ni go bye'i mar zhes bya ste/ de las ran par zos na/ bad kan las gyur ba'i skran 'joms pa'i mchog yin te/ de bzhin du mcher ba dang / skya rbab kyi nad dang / pho ba'i nad dang / lud pha dang /dbugs mi bde ba sel to/ /mar de zos pa'i 'og tu bad kan gyi skran can gyi lus thams cad la ni dugs bya'o/ /skran thams cad la ni snum chos byas la de'i 'og tu dugs byas nas/ gso ba gang byas kyang nges par 'grub ste dugs ma byas na gso dka' 'o/ / thog mar bad kan gyi skran la snum chos dang dugs byas te snyi bar gyur pa dang / mdo'i gnas nas byung ba'i bum pa'i cha spyad kyis skran nang nas drang ba'i dpyad bya ste/ skran gang du yod pa'i sar ras kyis dkris la/ skran gyi tshod shes pa'i sman pas mtshon rnon pos ras kyi steng nas rma dral la zin pa dang /lham mkhan gyi shing gi cha spyad dam/ lcags las byas pa'am/ ra'i rmig pa'am/ me long gang yang rung bas btsir la nang gi dri ma phyir phyung ba dang dag par phyi bar bya'o/ /skran de snying ngam rgyu ma'i phyogs gang na yod pa'i sar dral ba'i dus su mtshon gyis ma phog par bsrung bar bya'o//til dang / yungs kar dang / zar ma'i sa bon 'di rnams btags pa'i phye mas rma byug par bya'o/ /de nas bad kan las gyur pa'i skran gyi rma de lcags kyi snod dro ba tsam dang bsres te dugs bya'o//bya ba'i rim pa de dag gis bad kan las gyur pa'i skran nad snyi bar gyur pa la ni snum bag dang ldan pa'i khrus dang / rtsa ba bcu pa dang sbyar ba'i 'jam rtsi sbyar ro/ /pi pi ling dang / skyu ru ra dang / rgun 'bru dang / sha ma dur byid la sogs pa'i sde tshan dang / 'di rnams srang re re dang / e raN+Da'i mar dang / rtsi mar bre re re dang / 'bru mar gyi drug 'gyur gyi 'o ma dang lhan cig bskol la mar lus pa 'di ni/ 'dres pa'i sman mar zhes bya ste/ des bkru sman du blud na skran sel ba'i mchog go/ /de bzhin du sha rgyas pa dang / khong 'bras dang / zug gzer dang / rlung nad rnams la bdud rtsi dang 'dra'o/ /yang na ni li ni'i sman mar gong du bstan pa de las srang gnyis gnyis tsam btung ba'am/ de bzhin du khong 'bras kyi skabs su bshad pa'i su ku mar zhes bya ba'i sman mar dang / dmu rdzing gi skabs su bshad pa'i sman mar gang yang rung ba btung bar bya'o/ /yang na dan ti dang tsi tra ka dang / a ru ra dang / 'di rnams srang nyi shu rtsa lnga dang chu srang lnga brgya rtsa bcu gnyis dang bskol te/ brgyad cha srang drug cu rtsa bzhi lus pa dang / a ru ra ma gtogs pa'i tshigs ma bor te/khu ba a ru ra dang bcas pa'i nang du bu ram srang nyi shu rtsa lnga dang / til dang dur byid kyi phye ma srang bzhi bzhi dang / pi pi ling dang / bca' sga'i phye ma zho gnyis gnyis dang / 'di rnams lhan cig tu me mi che ba dang bskol te/ bcur 'dod pa tsam gyi lde gur gyur pa dang phyir phyung la bsgrangs pa'i nang du sbrang rtsi srang bzhi dang /dri sna bzhi'i phye ma srang re re btags pa las/ a ru ra'i 'bru re re dang bcas pa'i lde gu srang re zos na khong snum zhing / nad med la bde bar bre re re tsam 'khru ste/ de yang skran dang / snying nad dang /gzhang 'brum dang / skrangs pa dang / lto sbos pa dang / bcos pa'i dug dang / mdze dang / dmu rdzing dang / ud kle sha'i nad dang / yi ga 'chus pa dang / mcher pa na ba dang / pho ba na ba dang / rims mi bzad pa dang / skya rbab dang / mig ser rnams 'joms par byed de/'di ni dan ti dang / tsi tra ka dang / a ru ra'i lde gu zhes bya'o/ /yang na pu dash+ka ri'i chu 'o ma'i nang du dur byid kyi phye ma bcug la bran te/ mar dang sbrang rtsi zho gnyis dang / lde gur byas pa byin la bkru sman 'jam po bya'o/ /ru rta dang / dur byid dang / dan da dang / a ru ra dang /ya bak+Sha ra dang / gu gul dang / 'di rnams kyi phye ma ba gcin dang lhan cig gam yang na gu gul nyi tshe ba gcin dang btung ngo / /yang na cho ga grub pa'i nang nas bshad pa'i bkru sman drag po dang / bad kan las gyur pa'i skran la sbyar ro/ /bad kan las gyur pa'i skran rtsa ba zug pa dang /rgya che ba dang / sra ba dang / tshor ba med pa dang / sbo ba dang / phyir sbo ba 'di rnams kyi thal sman gyi a ri rta dang / me las bya'o/ /bad kan las gyur pa'i skran nad la ni gzhang 'brum dang / rde'u dang / pho ba gso ba'i nang du bshad pa'i thal sman rnams sbyar te/zhag gcig gam gnyis gsum gyi bar du ngal gso zhing sbyar ro/ /sman pas lus kyi stobs dang nad zad par bya ba'i rim pa la 'bad do/ /yang na thang shing dang / sham dur byid dang / dan da dang / pu tse shel dang / tsha ba rnam lnga dang / swa tsi ka'i thal ba dang / nas tshig 'khus ba'i thal ba dang / 'bras bu gsum dang / pa tha dang / zi ra nag po dang / ru rta dang / sar+Na su gan d+ha dang / 'di rnams srang phyed phyed dang / lan tshwa rnam lnga srang re re dang / zhib tu btags pa'i phye ma til mar dang zhag dang / zho dang mar dang de dag legs par sbrus la rdza ma kha sbyar gyi nang du bsregs la dud pa ma shor bar bya ste/rdza ma dmar por gyur pa dang / phyung la de'i thal ba 'o ma dang mar dang / dar ba dang chang la sogs pa gang yang rung ba dang sbyar te/ ran par 'thungs na skran dang / rlung las gyur pa'i rtug pa 'gags pa dang /rlig rlugs dang / gzhang 'brum dang / dmu rdzing dang / pho ba'i nad dang / srin bu dang / brjed byed kyi gdon dang / smyo byed dang mngal nad dang / khu chu las gyur pa'i rde'u'i nad dang / de bzhin du byi ba dang / sbrul la sogs pa'i dug dang /de rnams thal sman 'dis zhi bar byed do/ /bad kan ni mngar ba dang / snum pa'i bdag nyid yin pas de la ni sha khu dang / mar dang 'o mar bcas pa'i thal sman rnon po btang na/ bad kan las gyur pa'i skran khong par dum bu dum bur bcad nas 'byung bar byed do//chang dang snum yun ring du bsten pas me'i drod chung zhing yi ga 'chus pa la ni a sa ba dang / a ri sta'i chang legs par smin par sbyar te rgyun srang gi lam dag par bya'o/ /'bras dmar po la sogs pa'i 'bras dang / 'bras drug cu rnying pa dang / rgya sran dang / srog chags thang las skyes pa'i sha dang / pu ti ka rany+dza dang / tsi tra ka dang / a ga ni man tha dang / la la phud dang / par+Na dang / 'di rnams kyi myu gu dang / shi kru dang / bil ba gzhon nu dang / la phug skam po gzhon nu dang / kha lung dang / shing kun dang / star bu dang / nas tshig 'khus pa'i thal ba dang / se'u 'bru dang / tsha ba gsum dang / dar ba dang / mar dang / til mar dang / 'di rnams dang ci ltar 'tsham pa bzhin du kha zas sbyar ro/ /btung bar ni chang gi dngas ma dang / 'bras kyi rang skyur dang / zhog chu dang dar ba rnams las gang yang rung ba'i nang du la la phud dang lan tshwa'i phye mas btab pa'am/ yang na rtsa ba lnga pa bskol ba'i khu ba 'am/ yang na rgun chang rnying pa blud do/ /yang na pi pi ling dang / pi pi ling gi rtsa ba dang / kru trug tres dang / go snyod dang / lce myang tsha dang / 'di rnams kyi phye ma chang ngam chang gi snyigs ma dang bsres te 'thungs na bad kan las gyur pa'i skran myur du sel to/ /gal te slon dang / smyung ba dang / dugs dang sman mar dang / bkru sman dang / 'jam rtsi dang / thal sman dang / a sa ba dang / a bI sta'i chang dang / ri lu dang phan pa'i zas rnams bsten kyang ma zhi ste/ bad kan gyi skran gting zug par gyur na de la ni khrag dbyung zhing lcags la sogs pas bsreg par bya'o/ /de nas sman pas skran gyi steng ras kyis dkris la/ ras kyi steng nas mi drag pas mnan te/skran gyi than 'khor kun tu lde gu 'am/ lcags bsregs pa'am/ gtsub shing bsrubs pa'i mdag ma 'am/ tin tu ka'i mdag ma gang yang rung bas bsreg go/ /lte ba dang / chu so dang / rgyu ma dang / snying dang / lte ba'i 'og gi spu 'di rnams su mes sreg pa spang ngo //de nas bsil ba dang / bska ba dang / mngar ba'i sman gyis me'i stobs zhi bar bya ste/ de'i 'og tu rma gso ba'i cho ga bya'o/ /ma zhu ba las gyur pa'i skran la ni thug pa la sogs pa me'i drod skyed pa'i cho ga bya ste/ khyad par du smyung ba byas na phan no//'dres pa las gyur pa'i skran la ni dus shes pa'i sman pas rang rang gi gso ba bzhin du gso'o/ /bud med kyi khrag skran la ni bu btsas pa'i 'og tu snum chos dang dugs byas la snum chos dang bcas pa'i bkru sman bya'o/ /btung bar ni til bskol ba'i khu ba'i nang du bu ram dang mar dang tsha ba gsum dang /ga bra'i rtsa ba'i phye ma dang ldan par byas pa byin te/ bud med zla mtshan nyams pa la sbyar ro/ /ga bra'i rtsa ba dang pi pi ling dang / ka rany+dza'i shun lpags dang / pi pi ling gi rtsa ba dang / thang shing 'di rnams kyi phye ma til bskol ba'i khu ba'i nang du btab ste 'thungs na/bud med kyi khrag skran sel to/ /yang na shing pa la sha bsregs pa'i thal ba dang chu dang bsres pa btsags pa'i khu ba srang nyis brgya lnga bcu rtsa drug dang / til mar dang mar srang nyi shu rtsa brgyad brgyad dang bskol te mar lus pa dang /de las ran par 'thungs na skran snyi zhing lhod par 'gyur ro/ /des kyang lhod pa 'am snyi bar ma gyur na/ til chu thags su byas pa 'am/ yang na shri khaN+Da gang yang rung ba dang thal sman sbyar te mo mtshan nas bkru sman gtang ngo / /yang na nas tshig 'khus pa'i thal ba dang /shri khaN+Da gnyis nya phrug gi sha brdungs pa'i nang du brngos te/ mo mtshan nas bkru sman gtang ngo / /yang na phag rgod dang / nya'i mkhris pa ras ma la legs par bsgos te bsgril la mo mtshan nas yar gzhug go/ /mngal dag par bya ba'i phyir bu ram dang thal sman dang /phabs su sbyar ba gtang ngo / /khrag mkhris la phan pa'i ut+pa la'i sdong bu bsregs pa'i thal sman sbrang rtsi dang mar du sbyar ba'i lde gu sbyin no/ /bud med khrag skran can la ni sgog skya dang chang legs par smin pa dang nya sha rnams sbyar ro/ /yang na rtsa ba bcu pa dang 'o ma dang thal sman ba gcin dang sbyar ba'i 'jam rtsi mas gtong ngo //cho ga'i rim pa de ltar byas kyang khrag skran de ma byung na dral ba'i cho ga byas na phan no/ /de nas bud med de'i lus la mar dang til mar bsres pas bsku byug byas la khrag shas cher 'byung na gcad par bya ste/kha zas ni sha khu dang bcas pa'i 'bras chan dang de bzhin du btung bar yang chang sar pa sbyin no/ /de ltar byas kyang khrag mang du byung na khrag mkhris kyi gso ba ji lta ba bzhin du bya'o/ /rlung gi nad byung ba na ni rlung nad gso ba thams cad bya'o/ /lto sbo ba la sogs pa dang /rlung gis phyi sa 'gags pa dang / rlung nad ma zhu ba las byung ba'i nad gang yang rung ba byung na/ so so'i gso ba thams cad bya'o/ /skran gso ba'i le'u bcu bzhi pa rdzogs so// //de nas dmu rdzing gso ba'i le'u bshad par bya ste/dmu rdzing ni nyes pa shas cher bstsags te/ rgyu srang rnams 'gags pa las 'byung ba yin te/ de bas na de la ni yang dang yang du bkru sman gtang bar bya'o/ /dmu rdzing can gyi nad pa la btung bar ni nyin mtshan du e raN+Da'i mar ba gcin nam 'o ma dang lhan cig btung ba 'am yang na ba gcin nam ma he'i gcin nyi tshe zla ba gcig gam gnyis kyi bar du sbyin no//lus nyams 'phel zhing rgyas par bya ba'i phyir/ ba dang rnga mo'i 'o ma nyi tshe zla ba gcig gam gnyis kyi bar du blud do/ /khyad par du lus tsha ba dang / lto sbo bas nyam thag pa dang /skom dad che ba dang / brgyal ba zil gyis non pa la yang rnga mo'i 'o ma sbyar ro/ /rtsub cing rlung shas cher g.yo ba las gyur pa'i dmu rdzing gi nad dag par 'dod na ni/ sman mar dmu rdzing 'joms pa gang yang rung bas snum chos sbyar bar bya'o/ /sman mar srang drug pa zhes bya ba rtsa ba bcu pa bskol ba'i chu dang zho ga chu srang brgya nyi shu rtsa brgyad brgyad dang bskol ba blud do//yang na dong gra srang gsum dang mar dang til mar srang bcu drug dang / de bzhin du zho ga chu srang brgya nyi shu rtsa brgyad dang bskol te mar lus pa dang de las ran par 'thungs na dmu rdzing gi nad thams cad 'joms te/khyad par du yang bad kan dang rlung las gyur pa'i dmu rdzing 'joms pa'i mchog yin no/ /mar srang sum cu rtsa gnyis dang / mar de'i bzhi 'gyur gyi chu dang chu'i nyis 'gyur gyi ba gcin dang / tsi tra ka srang gcig gi phye ma bskol te mar lus pa dang /thal sman dang lhan cig dmu rdzing can gyi nad pa la blud par bya'o/ /yang na ni nas dang / rgya shug dang / rgya sran dang / rtsa ba bcu pa tshul bzhin bskol ba'i khu ba'i nang du chang dang / rang skyur dang / mar dang bsres te yang bskol te mar lus pa blud do//mar de rnams kyi sbyor ba de dag gis khong snum zhing lus kyi nyams stobs skyed la/ rlung zhi zhing nad rang gi gnas las bskyod pa dang / cho ga grub pa las 'byung ba'i bkru sman bya'o/ /pa to la'i rtsa ba dang / 'bras bu gsum dang / skyer pa dang byi dang ga dang / 'di rnams zho gnyis gnyis dang / ka pi l+ya zho bzhi bzhi dang / ni li ni zho drug dang / tri bi tsa zho brgyad dang / 'di rnams btags pa'i phye ma gcin dang sbyar ba'i bkru sman blud do/ /des legs par 'khrus pa dang / thug pa dang / srog chags thang la gnas pa'i sha khu sbyin no//de nas zhag drug gi bar du 'o ma tsha ba gsum dang tshul bzhin bskol ba blud do/ /phye ma'i sbyor ba de dag yang dang yang du byas na dmu rdzing thams cad 'joms so/ /yang na bi sha la dang / shang gi ni dang / dan ti dang / seng phrom gyi shun lpags dang /shu dag dang 'di rnams btags pa'i phye ma kar ka na du dang / rgun 'brum dang / rgya shug dang / 'di rnams kyi khu ba ba gcin dang sbrang chang gang yang rung ba dang lhan cig bkru sman gyi don du gtang ngo / /la la phud dang / spa ma'i 'bras bu dang / 'u su dang / sha ta puSh+pa dang / zi ra nag po dang / ka ra bI ra dang / pi pi ling gi rtsa ba dang / a dza gan+d+ha dang / zur pa dang / shu dag dang / zi ra dang tsha ba gsum dang / khron bu dang / 'bras bu gsum dang / thal ba rnam gnyis dang / ma nu dang / ru rta dang / lan tshwa rnam lnga dang / phyi dang ga dang /'di rnams cha snyoms pa dang / dan ti cha gsum dang / dri bid ta dang / bi sha la cha gnyis dang / sa ta la cha bzhi dang / 'di rnams btags pa'i phye ma ni sred med kyi bu'i phye ma zhes bya ste/ 'di bsten na khyab 'jug gis lha ma yin bcom pa bzhin du nad kyi tshogs du mas btab pa'i nad mi 'phel zhing sel bar byed do//dmu chu la ni dar ba las gtang ngo / /rlung gis lto sbo ba la ni chang las gtang ngo / /rlung nad la ni chang bkrus pa las gtang ngo / /phyis 'gags pa la ni zho ga chu las gtang ngo / /gzhang 'brum la ni se'u 'bru'i khu ba las gtang ngo //mkhregs pa la ni da trig gi khu ba las gtang ngo / /ma zhu ba la ni chu dron po las btang ste/ 'dis mtshan bar rdol ba dang / skya rbab kyi nad dang / lud pa dang / dbugs mi bde ba dang / ske 'gags pa dang / snying nad dang /pho ba'i nad dang / mdze dang / pho ba drod chung ba dang / rims dang / mche ba'i dug dang / rtsa ba'i dug dang / dug sbyar ma rnams la phan no/ /rang gi nyams stobs dang sbyar te/ sngar snum bag gis brtas la de nas bkru sman gtang bar bya'o/ /spa ma'i 'bras bu dang /khron bu dang / 'bras bu gsum dang / pu tse shel dang / ni li ni dang / kyi lce ba dang / ta la dur byid dang / shu dag dang / rgyam tsha dang / kha ru tsha dang / pi pi ling rnams phye mar byas te/ se'u 'bru'i khu ba 'am/ 'bras bu gsum gyi khu ba 'am/ sha khu 'am ba gcin nam/chu dro 'jam tsam las gtang ba 'di ni skran thams cad dang / mcher pa na ba dang / dmu rdzing thams cad dang / sha bkra dang / mdze dang / lhog pa dang / pho ba'i drod ma snyoms pa dang / lud pa dang / gzhang 'brum dang / skya rbab kyi nad dang / mig ser dang / ljang khu kha dang / rlung dang mkhris pa dang / bad kan rnams la phan te/ bkru sman 'di rnams kyis myur du sos par byed de/ 'di ni spa ma la sogs pa'i phye ma zhes bya'o/ /ni li ni dang / lcang ma dang / tsha ba gsum dang / nas tshig 'khus pa'i thal ba dang / lan tshwa rnam lnga dang / kru trug tres dang / 'di rnams kyi phye ma mar dang sbyar te 'thungs na/ dmu rdzing dang skran sel to/ /de ltar yang dang yang du bkru sman btang ba'i bar du nyams stobs bskyed par bya ba'i phyir/ gong ma ltar rnga mo 'am/ ba 'am/ ra'i 'o ma gtang ngo / /dmu rdzing gi nad tshabs che ba la ni snum dang bcas pa'i bkru sman myur du btang ste/nyam chung ba la ni mi bsdad do/ /mar srang brgya nyi shu rtsa brgyad kyi nang du a ru ra srang sum cu rtsa gnyis btags pa dang lhan cig me la bzhus pa dang / kha gzar gyis dkrug cing nas kyi sbun pa'i nang du zla ba gcig bzhag la/de nas phyung la yang bzhus te yang a ru ra bskol ba'i chu dang / zho skyur bo dang ldan par bskol te/ de las ran par 'thungs na dmu rdzing dang / sbyar ba'i dug dang / gtun lta bu'i nad dang / lto sbo ba dang / skran dang / khong 'bras dang / de bzhin du mdze dang smyo byed dang / brjed byed rnams 'joms par byed do/ /yang na ba'i 'o ma dang / shri khaN+Da dang bcas par bskol te bsgrangs la/ kha gzar gyis dkrugs te/ de las byung ba'i mar dang shri khaN+Da yang bskol ba'i khu ba dang bcas par 'thungs na phan yon gong ma dang 'dra'o//yang na 'o ma srang lnga brgya rtsa bcu gnyis dang / shrI khaN+Da'i 'o ma srang bcu drug dang lhan cig mnan te/ zhor smin pa dang bsrubs pa'i mar dang / tri bi tsa bcug pa la yang bskol te 'thungs na phan yon gong ma dang 'dra'o/ /de bzhin du mar bre gang dang / mar gyi brgyad 'gyur gyi 'o ma dang /su d+ha k+Shi ra srang gcig dang / dur byid srang drug dang / gong gi phye ma dang 'di rnams dang lhan cig bskol te/ mar nyi tshe lus pa blud do/ /de'i 'og tu thug pa dang / khu bcud mngar po dang 'o ma btung ngo / /mar khod par zhu ste 'khrus pa dang / bca' sga bskol ba'i khu ba dron po blud do/ /de nas thug pa dang / rgya sran gyi yu sha yang rim pas blud do/ /de ltar khong pa rtsub par gyur pa dang / zhag gsum gyi bar du gong ma'i mar dang lhan cig zas sbyin no/ /gong ma'i rim pa de ltar yang dang yang du sman mar btung ngo //sman mar gyi sbyor ba de dag sman pa mkhas pas tshul bzhin byas na/ skran rnams dang / sbyar ba'i dug rnams dang / dmu rdzing rnams zhi bar byed do/ /yang na sman pi lu btags pa'i phye ma dang / mar bskol ba 'thungs na/ lto sbo zhing zug pa rnams la phan no/ / yang na seng phrom gyi sman mar ram/ ni li ni'i sman mar ram/ 'dres pa zhes bya ba'i sman mar gang yang rung ba blud do/ /bkru sman de dag gis nad gzhi dang bral ba dang / thug pa la sogs pa'i 'bras chan la sogs pa yang ba ran par kha zas kyi tshod zin par bya'o/ /nyes ba'i lhag ma cung zhig lus pa lta na/a ru ra rdog ma stong pa gcin dang lhan cig bza' ste/ btung ba ni 'o ma sbyar ro/ /yang na pi pi ling rdog ma stong shri khaN+Da'i 'o ma'am/ chu dang spangs te zos la de'i 'og tu 'o ma btung ngo / /yang na pi pi ling bskyed pa'i cho ga bcud kyis len gyi skabs su bshad pa zos na de'i 'og tu 'o ma btung ba'am/yang na bcud kyis len gyi skabs su bshad pa'i brag zhun zos la/ de'i 'og tu 'o ma btung ba'am/ yang na gu gul bcud kyis len du smos pa ltar zos la/ 'o ma btung ba'am/ yang na 'o ma dang sge'u gsher gyi khu ba cha snyoms pa 'thungs na phan no//yang na dmu rdzing gi nad lhag ma lus pa la ni tsi tra ka dang / thang shing btags pa'i phye ma dang 'o ma sbyar ba btung ba'am/ de bzhin du bzas gzhan mi za bar ha ti pi pi ling dang / bca' sga 'o ma dang sbyar ba zla ba gcig btung ngo //yang na byi dang ga dang / kru trug tres dang / dan ti dang / dbyi mo dang / tsha ba gsum 'di rnams btags te 'o ma dang lhan cig sbyar ba zho gnyis tsam 'thungs na dmu rdzing tshabs che ba las rgyal bar byed do/ /kha zas ni 'o ma'am/ su d+hA k+Shi ra 'o ma dang mar dang bcas pa zla ba gcig tu bza'o//yang na shri khaN+Da'i 'o ma'i nang du pi pi ling dang / a ru ra sbangs la btags te khur ba'i nang du btab la sbyin no/ /gal te dmu rdzing can rlung nad kyis rtsib logs su zug pa dang / rengs pa dang / ro stod 'dzings par gyur na de la ni bil ba'i thal ba dang /til mar sbyar ba blud do/ /yang na tin du ka dang / ba la dang / ba la sha dang / til gyi sdong bu dang / chu shing dang / a ba marga dang / ag ni man tha dang / 'di rnams kyi thal ba chu dang sbyar la ras kyis btsags te/ til mar dang lhan cig bskol la blud do/ /rlung las gyur pa'i dmu rdzing bad kan dang lhan cig ldan pa'am/ mkhris pa dang ldan pa dang / de gnyi ga dang ldan zhing rlung stobs che bar gyur pa de la ni e raN+Da'i mar nad gzhi so so dang sbyar ba btang na phan no/ /yang na thang shing dang /rgya skyegs shing dang / ha ti pi pi ling dang / shi kru dang / a shwa kar+Na dang 'di rnams btags pa'i phye ma ba gcin dang sbyar ba'i lde gus dmu rdzing gi phyi rol nas bsku'o/ /yang na brish+tsi ka li dang / shu dag dang / bca' sga dang / rtsa ba lnga pa dang / ba spu ba dang / 'u su dang / ru rta dang / 'di rnams bskol ba'i khu ba'am/ yang na ba gcin gang yang rung bas phyi rol nas dkrugs so/ /de ltar khrus la sogs pa byas nas nad phyung ste/ lto ba zhum par gyur pa dang / yang lto ba rlung gis mi sbo ba'i phyir sa la dang / ba la'i sde tshan dugs kyi skabs su bshad pa bzhin du dugs byas te/ras kyis lto ba bcing bar bya'o/ /de ltar legs par khrus byas nas lto ba yang sbo ba lta na snum dang skyur dang lan tshwa dang bcas pa'i bkru sman drag po bya'o/ /rlung bad kan dang bcas pas lto sbo bar byed pa la ni sman rno ba dang / thal sman dang gcin dang bcas pas 'jam rtsi mas gtong bar bya'o//de ltar gong du bstan pa'i bya ba de dag ni dmu rdzing spyi'i cho gar grags pa yin no/ /rlung las gyur pa'i dmu rdzing can nyams stobs dang ldan pa la ni/ sman byid ri'i sde tshan mar dang bskol ba blud la khong snum par gyur pa dang /yan lag thams cad la dugs bya ste/ seng phrom gyi mar ram/ 'dres pa'i sman mar gyis bsku sman bya'o/ /de ltar khrus byas pa'i 'og tu nyams stobs bskyed par bya ba'i phyir thug pa dang 'o ma sbyin no/ /nyams rnyed nas rim gyis 'o ma spang bar bya ste/ yang khong pa ltam mam/sngo bar byed na ni gong du smos pa'i bkru sman yang bya'o/ /de nas me drod chung zhing rtug pa 'gags par gyur pa la ni/ sha khu skyur dang lan tshwa cung zad dang ldan pas yang snum chos bya ste/ de nas dugs byas la rtsa ba bcu pa dang sbyar ba'i 'jam rtsi mas gtong ngo //de nas sman rno ba dang lhan cig 'jam rtsi mas gtong ngo / /rlung las gyur pa'i dmu rdzing khong rtsub cing phyi sa dang 'phyen 'gags pa dang me'i drod che ba dang / khong pa 'khrug cing gyo la rus pa dang tshigs dang rtsib logs dang rgyab dang / mjug to rnams su zug cing na ba la ni til dang /e raN+Da'i mar dang / rlung nad 'joms pa'i sman dang / skyur dang ldan par lhan cig bskol te/ mar lus pa des ha nu ba sa mas gtong ngo / /nyams stobs chung zhing khrus mi theg pa la ni dmu rdzing zhi bar bya ba'i sman 'jam rtsi dang 'o ma dang mar dang /sha khu la sogs pa sbyar ro/ /mkhris pa las gyur pa'i dmu rdzing can gyi nad pa nyams stobs dang ldan pa la ni sman mngar ba dang sbyar bas snum chos bya ste/ sha ma dur byid dang / 'bras bu gsum dang mar lhan cig bskol te khrus bya'o/ /de nas n+ya gro d+ha'i sde tshan las bskol ba'i nang du kha ra dang sbrang rtsi dang mar mang du blugs te/bkru sman drag po byas na phan no/ /de bzhin du n+ya gro d+ha'i sde tshan bskol ba'i 'jam rtsi mas gtong ngo / /dmu rdzing can gyi nad pa nyam chung ba la ni/ dang po a nu ba sa na gtang ngo / /de nas 'o ma'i 'jam rtsis dag par bya'o//me stobs skyes pa la ni snum chos bya ste/ yang dang yang du bkru sman bya'o/ /'o ma 'am dur byid sbyar ba 'am/ e raN+Da'i mar dang sbyar ba'am/ yang sa la 'am/ kyi lce ba 'o ma dang sbyar ba 'am/ yang na dong ga 'o ma dang sbyar bas bkru sman bya'o//mkhris pa las gyur pa'i dmu rdzing bad kan dang bcas pa la ni ba gcin dang sbyar ba'i 'o mas bkru sman bya'o/ /mkhris pa las gyur pa'i dmu rdzing rlung dang bcas pa la ni tig ta'i sman mar 'o ma dang bcas pas yang dang yang du bkru sman bya'o/ /'bras gang yang rung ba'i 'o ma dang lhan cig sbyin pa'am/yang na byi da ri'i sde tshan 'o ma dang bskol ba sbyin no/ /'o thug sbyar bas dmu rdzing gi phyi rol nas bsku'o/ /'jam rtsi dang bkru sman dang 'o ma btang ba de dag yang dang yang du rim pa de lta bu 'bad pa dang bcas pas ma yengs par byas na nges par mkhris pa las gyur pa'i dmu rdzing las rgyal bar byed do//bad kan las gyur pa'i dmu rdzing la ni dug mo yungs kyi sde tshan la mar dang bskol bas btung ba la sogs pas snum chos byas la/ de'i 'og tu dugs byas nas nyams stobs dang ldan pa zhig na shri khaN+Da mar dang sbyar bas khrus bya'o//de'i 'og tu me'i drod bskyed par bya ba'i phyir/ bad kan 'joms pa'i sman tsha ba dang thal sman dang ldan pa'i bza' ba thug pa la sogs pa rim gyis sbyin no/ /yang na mu ka ka'i sde tshan dang / tsha ba gsum dang ba gcin dang sbyar ba'i til mar dang 'di rnams lhan cig bskol la/bkru sman drag po mas gtong ngo / /de'i 'og tu mu ka ka'i sde tshan til mar dang bskol ba'i 'jam rtsis btang ba yang de dang 'dra'o/ /kha zas ni tsha ba gsum dang / 'o mar bcas pa'am yang na rgya sran gyi khu bcud dang ldan par sbyin no//bad kan las gyur pa'i dmu rdzing 'bur ba dang brtan pa dang / rlongs bag tu 'dug pa dang yi ga 'chus pa dang / snying na ba dang / me drod chung ba dang / chang nad che ba la ni a riSh+Ta'i chang dang / nas tshig 'khus pa'i thal ba chu dang sbyar ba ras kyis btsags la btung bar sbyin no//shing kun dang / pi pi ling dang / 'bras bu gsum dang / thang shing dang / ser po rnam gnyis dang / bse shing gi 'bras bu dang / na le sham dkar po dang / pu tse shel dang / seng phrom dang / shu dag dang / bca' sga dang /bong nga dkar po dang / gla sgang dang / ru rta dang / sa ra la zhes bya ba ko nyon tse dang / lan tshwa rnam lnga dang 'di rnams zhib tu btags la zho dang snum rnam bzhis sbrus la rdza ma kha sbyar gyi nang du du ba ma shor bar bsregs pa'i thal ba phyung la de la zho gnyis gnyis chang gi dngas ma dang /zho ga chu dang / chu dron dang / a riSh+Ta dang / a sa ba'i chang dang / nas chang dang / 'di rnams gang yang rung ba dang lhan cig sbyar ba 'thungs na dmu rdzing dang skran dang gtun lta bu'i nad dang / tu ni dang / skrang ba dang / gsus pa dang mcher pa na ba dang / snying na ba dang / gzhang 'brum dang / rtug pa 'gags pa rnams zhi bar byed do/ /bad kan las gyur pa'i dmu rdzing nyam chung ba la ni ha ri sta'i chang dang / ba gcin gyi btung ba dang / sman gyi phye ma dang / lcags las byas pa'i btung ba dang / til mar thal sman dang bcas pa'i btung ba dang /de dag gang yang rung ba dang sbyar na rgyal bar byed do/ /yungs kar dang / phabs dang / la phug gi sa bon dang / de dag btags pa'i phye ma ba gcin dang lde gur byas pas dmu rdzing bskus la/ phyi rol nas dugs bya ste/de ltar yang dang yang du bya ba'i rim pa sbyar ro/ /'dus pa las gyur pa'i dmu rdzing lus stobs dang me drod chung zhing nad gzhi rnams tshabs che ste/ gcig la gcig gnod par gyur pa ni gsor mi rung ste spang ngo / /de ni gal te ma byas na ni nges par 'chi la/byas na ni 'tsho yang srid pas gso ba 'di dag bya ste/ dan ti dang tra ban ti'i 'bras bu'i mar gyi btung ba byin na rab tu bsngags so/ /'dus pa'i dmu rdzing la nad gzhi gsum gyi gso ba tshul bzhin du byas kyang ma thub na/ nye du rnams la dris nas ka ka da ni dang / 'ol ma se dang /ka ra bI ra dang / 'di gsum gyi rtsa ba btags pa'i phye ma chang dang lhan cig btung ngo / /yang na bza' ba dang btung ba'i nang du bstan pa'i dug dag pa sbyin no/ /yang na sbrul khros pa'i khar shing tog bcug la gdug pas zos zin pa'i shing tog byin na nad gzhi rnams gcig tu bsdus nas dug gi mthus dkrugs te phyi rol du 'byin cing 'jig par byed do//sbyor ba'i rim pa de dag byas nas gal te dug de nad kyi steng du bab na ni nad de 'jig par byed la/ lus tha mal pa la bab na ni 'chi bar 'gyur ro/ /ci ste dug gi nad zhi ba ltar na chu grang mos lus khrus byas la de'i 'og tu 'o ma sbyin no//yang na dug dang / dur byid dang / man du ka par ni dang / rgya sne'u dang / nas dang / ka la sha ka dang / de rnams las gang yang rung ba'i rang gi khu ba skyur dang / lan tshwa dang / snum med par slon pa'am skam po gang yang rung ste/kha zas gzhan mi bza' bar zla ba gcig tu bza'o/ /gal te skom na yang de rnams rang gi khu ba blud do/ /de bzhin du gong ma'i cho ga de dag gis zla ba gcig nas nad med par 'gyur te/ lus nyam chung na srog bsrung bar bya ba'i phyir rnga mo'i 'o ma blud do//mcher pa'i nad dmu rdzing la ni nad gzhi ji lta bar snun chos dang dugs bya ste/ zho dang 'bras chan du bcas pa zos la lag pa g.yon pa la gtar gas khrag dbyung ngo / /nad pa des nyams stobs rnyed pa dang / yang snum chos byas te/ nyes pa'i lhag ma slon khrus kyis lus dag par byas la/rgya mtsho'i nya phyis kyi phye ma dang / thal sman dang 'o mar sbyar ba blud do/ /de bzhin du pu ti ka rany+dza la rtsabs skyur po dang sbyar te/ bskyos pas ras kyis btsags pa'i nang du lce myang tsha dang pi pi ling shas cher btags pa'i phye mas btab pa blud do//yang na shi kru bskol ba'i nang du/ rgyam tsha dang / tsi tra ka dang / pi pi ling gi phye ma btab pa blud do/ /yang na shing kun la sogs pa'i phyi ma skran nad gso ba'i le'ur bshad pa dang / thal sman sna tshogs dang / sman mar srang drug pa che chung dang sbyor ba de dag gang yang rung ba me drod ji lta ba bzhin du sbyin par bya'o//yang na pi pi ling dang / dong gra dang / dan ti cha mnyam pa dang / a ru ra sna gcig gi nyis 'gyur dang / lce myang tsha sna gcig gi phyed dang / 'di rnams phye mar byas te chu dron la gtang ngo / / byi dang ga dang / kru trug tres dang / phye dang / rgyam tsha dang / shu dag dang / de rnams kyi phye ma mar dang sbrus te rdze'u kha sbyar gyi nang du bsregs la/ de'i thal ba 'o ma dang lhan cig 'thungs na/ skran dang mcher ba'i nad 'joms par byed do/ /yang na rgya shug gi 'o ma btags pa'i til mar dang bsres pa lde gur byas pa mcher pa'i dmu rdzing gi steng du bskus la legs par mnyes la/gtun shing gis brdung ba dang btsir te/ de nas 'o ma 'thungs na mcher pa'i dmu rdzing 'joms so/ /yang na shing ro hi ni'i lcug ma rtsa ba nas bcad de bskams la/a ru ra dang lhan cig btags pa'i phye ma chu dang zhag bdun gyi bar du sbangs la 'thungs na/ mig ser dang / mcher ba dang / skran dang / gzhang 'brum dang / srin bu dang / skrang ba dang / dmu rdzing dang / de rnams la phan no/ /ro hi ta'i shun phrags srang nyi shu rtsa lnga dang /rgya shug skam po srang sum cu rtsa gnyis cham chom brdungs te bskol ba bzhi cha lus pa dang / tshigs ma bor ba'i nang du tsha ba rnam lnga srang re re dang de spyi dang mnyam pa'i ro hi ta'i shun phrags rnams btags pa'i phye ma dang /mar srang sum cu rtsa gnyis 'o ma srang drug cu rtsa bzhi dang yang bskol te/ mar lus pa las ran par 'thungs na mcher pa'i dmu rdzing tshabs che ba yang myur du sel bar byed do/ /yang na chu shing dang / til gyi sdong bu dang / gze ma rnams bsregs pa'i thal ba til mar dang bskol ba las ran par 'thungs na bad kan dang rlung las gyur pa'i mcher pa'i dmu rdzing las rgyal lo//sbyor ba de dag gis ma zhi ste rlung dang bad kan las gyur pa'i mcher pa'i dmu rdzing rnag tu red pa ni skran gso ba'i cho ga bzhin du me'i las bya'o//mkhris pa las gyur pa'i dmu rdzing la ni/ 'tsho byed sna bcu mar dang bskol ba rab tu bsngags te/ de bzhin du 'o ma'i 'jam rtsi dang / khrag dbyung ba dang / slon khrus kyis lus dag par bya ba dang / 'o ma'i btung ba sbyar ba rab tu bsngags so/ /mchin pa'i dmu rdzing gi gso ba ni/mcher pa'i dmu rdzing gi gso ba thams cad bya ste/ khyad par du lag pa g.yas pa la gtar ga bya'o/ /gzhang 'gags pa'i dmu rdzing la ni thog mar dugs byas la ba gcin sman rnon po dang / til mar dang lan tshwa sbyar bas bkru sman drag po dang /'jam rtsi mas gtong ba dang / phyi sa sla bar gyur pa'i zas dang bkru sman rnon po rnams gtang bar bya'o/ /gzhan yang rlung gis rtug pa 'gags pa dang / rlung la phan pa'i gso ba thams cad kyang 'dir spyad do/ /rgyu ma rdol ba'i dmu rdzing la dugs ma gtogs pa'i bad kan gyi dmu rdzing gi gso ba thams cad bya'o//sman pas chu ser la sogs pa bzhin du yang dang yang du gzags par bya'o/ /lto ba chus gang ba'i dmu rdzing la ni ba gcin dang / sman rno ba dang / thal sman dang sbyar ba'i bza' ba dang btung ba sbyar ro//me'i drod skyed pa dang / bad kan 'joms pa'i bza' ba nye bar bsten par bya'o/ /ra'i ril ma bsregs pa'i thal ba ba gcin dang sbyar te ras la btsags la bskol te/ ska bar gyur pa dang / de'i nang du pi pi ling dang pi pi ling gi rtsa ba dang bca' sga dang / lan tshwa rnam lnga dang / dur byid dang / dan da dang / 'bras bu gsum dang / khron bu dang / kar ka ta sring gi dang / swa rtsi ka'i thal ba dang / shu dag dang / sa ta la dang / 'di rnams btags pa'i phye ma zho gnyis gnyis bcug la/ rgya shug gi 'bras bu tsam gyi ri lu byas te/rang skyur gyi nang du mnyes la ran par 'thungs na ma zhu ba dang skrang ba dang dmu rdzing shas che ba rnams sel to/ /de la dmu rdzing mtshon gyis dral ba ni/ dmu rdzing rnam pa brgyad las/ gsum ni dral ba'i cho ga bya ste/ de yang gang zhe na/ gzhang 'gags pa'i dmu rdzing dang /rgyu ma rdol ba'i dmu rdzing dang / lto ba 'chus pa'i dmu rdzing dang gsum mo/ /thog mar ni dmu rdzing brgyad po kun kyang sman gyis gso bar bya'o/ /des ma thub na sman pas mtshon gyis khong phye ba'i dpyad bya ste/ thog mar nad pa'i dpyad rtsom pa yang gya tshoms su byar mi rung ste/nad pa'i nye du rnams kyis rgyal po la thugs tshod du gsol nas sman pas bdag nyid kyi spyad kyi mtshon legs par bya ste brtags la sbyor ba brtsam par bya ste/ de la dmu rdzing brtol bar 'dod pas dang por gzhang 'gags pa'i dmu rdzing dang /rgyu ma rdol ba'i dmu rdzing gnyis la thog mar snum gyi cho ga dang dugs bya ste/ nad pa'i lte ba'i 'og tu sor bzhi bcal la/ de nas g.yon ngos dku'i phyogs su sor bzhi bcal bar rma kha sor bzhi tsam dral lo/ /rgyu ma la ma phog par bag bya'o/ /dral zin pa dang /rma'i nang nas rgyu ma'i nang du spu'i gong bu 'am rdo 'am/ dring ba'i ril bu 'byar bas rgyu ma 'gags pa 'am/ shing tshal lam/ rus pa 'am/ zug rngu gang yang rung bas rgyu ma rdol ba gang yin pa de legs par brtags te/ de yang lag pa snum gyis bskus pas myang zhing lta'o//gal te spu'i gong bu'am/ dri ma'i ril bus 'gags pa yin na/ de la ni rgyu ma'i phyi rol nas cung zad mnyes la snga ma'i gnas nas 'gog pa'am bskyod pa 'am/ btsir ba tsam gyis dbyung bar 'gyur ro/ /zug rngus rdol ba la ni/zug rngu phra 'am drang du 'dod pa lta bu la ni/ spre'u'i so lta bu'i skam pas phyir drangs la dbyung ngo / /zug rngu lci ste dbyung du mi 'dod pa 'am sbom pa la ni/ rgyu ma dang mtshams su bcad do/ /gal te chu ser dang / dri ma ngan pa rgyu ba yod na yang bu ga btsir la de nyid nas phyir dbyung ngo //de nas mar dang sbrang rtsi bsres pas rgyu ma bsku'o/ /cho ga de nyid byas zin pa dang / rgyu smad kyi nang grol ro stod phyogs su dbugs ring pos phyogs gcig tu drangs pa ltar byas pas rgyu ma snga ma'i gnas su bde bar rang 'dug pa'i rigs so/ /de nas phyi'i lto ba'i rma dar skud kyis btsems la/sa nag po dang / shing mngar chu dang sbyar ba'i lde gus rma dang lto ba bskus la/ ras kyis rma dang rked pa dkris te gzhag go/ /de nas rlung med pa'i gnas su 'o ma 'ba' zhig gis gsos la/ mal snum can bcas la bsnyal lo//lto ba chus gang ba'i dmu rdzing la ni rlung dang mthun pa'i sman dang til mar du sbyar bas lus bsku bar bya'o/ /de nas lto ba ras kyis dkris te chu dron pos steng du blugs la dugs bya'o/ /de la mtshon gdab sa ni gong ma dang mthun/ rma kha ni sor gcig gi thad du dbug go//mtshon ni 'bras kyi rtse mo 'dra bas dral lo/ /de ltar dral ma thag tu shing sbu gu can 'jam po'i tham bus thabs su bcug la/ sbubs kyi nang nas nad cung zad phyung la gzag go/ /de nas ras sam pags pas dam du bcings la rlung mi shor bar bya'o/ /de nas zhag gsum gyi bar du mi bsgul bar gsum pa nas zhag bcu drug gi bar du nyin re khad kyis dbyung ngo //zhag bcu drug lon nas sbu gu phyung ste/ til mar dang lan tshwa btab pas rma kha bskus la ras kyis lto ba bcing la/ de nas zhag gsum pa nas zhag bcu drug gi bar du ras bkrol zhing rma btsir la gong ma'i sman gyis kyang de bzhin du bsku/ci ste brtol ma thag tu 'phral nad dus gcig tu phyung bar gyur na skyon 'di dag yod de/ skom dad che ba dang / tsha ba skye ba dang / yan lag zug cing na ba dang / 'khru ba dang / dbugs mi bde ba dang / lud pa lu ba dang / lag pa dang rkang pa tsha ba dang / 'di rnams 'byung bas khad kyis zhag re dbyung bar bya'o/ /nad 'byin pa'i tshe dal bus btsir ro/ /de nas rlung med pa'i gnas su bzhag nas zhag dang po smyung bar bya'o/ /de nas zhag gnyis pa la tshwa dang snum med pa'i 'bras thug sbyin no//de nas zla ba drug gi bar du kha zas gzhan mi bza' bar 'o ma 'ba' zhig sbyin no/ /de nas zla ba gsum gyi bar du 'o ma las gzhi blangs pa'i 'bras thug sbyin no/ /de nas zla ba gsum gyi bar du ci tse dang / khre'i thug pa la 'o ma dang lan tshwa cung zad btab ste/se'u 'bru bskol ba'i khu ba bsres pa btung ngo / /de ltar byas pa'i rim pas lo gcig gi bar du bsrungs na ni/ lto ba chus gang ba'i dmu rdzing 'joms par byed do/ /srog 'tshol ba'i slob dpon sman pas ji ltar bstan pa'i lung mnyan par byas nas cho ga bsrung ba la 'bad par bya ste/zas thub par bya zhing lto 'dun la sogs pa mi bya'o/ /gzhang 'gags pa'i dmu rdzing dang / rgyu ma rdol ba'i dmu rdzing gnyis kyi cho ga dang / bsrung ba yang 'di dang 'dra bar lo gcig gi bar du bya'o/ /de ltar lo gcig gi bar du bsrung ba byas nas phyis nad mi skye zhing brtan par bya ba'i phyir sman gyi sbyor ba 'og nas 'byung ba 'di dag bya'o//de la dmu rdzing brgyad po kun kyang phal cher nad gzhi 'dus pa la sogs pa las 'byung ba ste/ de bas na rlung la sogs pa gso bar bya ba ni rnam pa thams cad du bsngags te/de yang rlung la sogs pa khong pa'i nang du zhugs te drod nyams par byed na/ de nas ni kha zas dro ba dang yang bar byas pa'i nad du rtsa ba lnga pa dang / lan tshwa dang / skyur dang / snum cung zad dang bcas pa'i thug pa sbyin no/ /yang na nas rnying pa dang / 'bras zhag drug cu pa gcin gyis bran te bskams la 'o mas gzhi blangs te thug pa bya ste ci 'dod pa sbyin no//skom du ni bu ram shing bskol ba'i khu ba blud na nad gzhi gsum las gyur pa'i dmu rdzing las bzlog ste/ rang rang gi gnas su zhi bar byed do/ / dmu rdzing can kun gyis bsrung bar bya ba ni/ shin tu dro ba dang / skyur ba dang / rtsub pa dang / lan tshwa dang / phyi sa 'gags pa'i zas dang / grang ba dang / lci ba dang / bu ram dang / til las byas pa'i zas dang / chu 'thung ba dang / sngo rngad dang / rlan la 'dug pa dang 'di rnams shas cher mi spyad mi bsten gzhan yang spang bar bya ba 'di dag bya ste/lus kyi rtsom pa dang / lam du 'gro ba dang / bzhon pa'i 'gro ba dang / 'ong ba spang bar bya'o/ /skom du ni dar ba ha cang sla ba yang ma yin ska ba yang ma yin mngar ba yang ma yin pa'i btung ba bsngags te/de yang nad kyi gzhi dang sbyar te btung ngo / /de yang rlung las gyur pa'i dmu rdzing la ni/ na le sham dang / kha ras btab pa sbyin no/ /bad kan las gyur pa la ni la la phud dang rgyam tsha dang zi ra dang sbrang rtsi dang / tsha ba gsum 'di rnams kyis btab pa sbyin no//'dus pa las gyur pa la ni ba tsha can gyi tsha dang / tsha ba gsum gyis btab pa'i dar ba sbyin no/ /gzhang 'gags pa'i dmu rdzing la ni/ spa ma'i 'bras bu dang / la la phud dang / lan tshwa dang / zi ra rnams btab pa sbyin no/ / rgyu ma rdol ba'i dmu rdzing la ni pi pi ling dang sbrang rtsis btab pa sbyin no/ /lto ba chus gang ba'i dmu rdzing la ni/ tsha ba gsum gyis btab pa'i dar ba sbyin no/ /mchin pa'i dmu rdzing la ni/ sbrang rtsi dang / shu dag dang / sga dang / nye'u shing dang / ru rta dang / rgyam tsha dang / til mar dang 'di rnams btab pa blud do/ /khyad par du dar ba'i skom gyi phan yon ni/ lus lci ba dang / me'i drod nyams pa dang / yi ga 'chus pa dang / tshil rgyas pa'i nad dang / 'khru ba drag pos lus shin tu nyam chung bar gyur pa la ni 'o ma bdud rtsi dang 'dra bar shes par bya'o//gso ba'i gnas las dmu rdzing gso ba'i le'u bco lnga ba rdzogs so// //de nas skya rbab kyi nad gso ba'i le'u bshad par bya ste/ skyes bu gang skya rbab na ba la ni/ thog mar dge ba'i sman mar dang / ba'i rnam lnga'i sman mar dang /tig ta chen po'i sman mar mdze nad kyi skabs su bshad pa dang / dong ga'i sde tshan bskol ba'i sman mar 'di rnams gang yang rung ba blud do/ /se'u 'bru rang gi khu ba srang brgyad dang / 'u su srang gnyis dang / tsi tra ka srang gcig dang / bca' sga srang gnyis dang /pi pi ling srang phyed dang / 'di rnams btags pa'i phye ma mar srang nyi shu dang / chu srang brgya nyi shu rtsa brgyad dang tshul bzhin du bskol te mar lus pa dang ran par 'thungs na snying nad dang skya rbab dang / skran dang / gzhang 'brum dang / mcher pa dang / rlung dang bad kan gyis nyam thag pa sel to/ /de'i me drod skyed pa dang / dbugs mi bde ba dang / lud pa 'joms shing rlung lam log par zhugs pa lugs bzhin 'byung la/ bud med bu 'byung dka' ba la yang rab tu bsngags so/ /de nas skya rbab na ba'i nad pa de snum chos legs par bya ste/sman rno bas slon bya'o/ /de nas yang snum chos bya ste/ 'o ma ba gcin dang sbyar ba 'am/ re re yang rung bas lan mang du bkru sman bya'o/ /dan ti'i 'bras bu'i khu ba dro 'jam tsam gyi nang du tang pal gyi 'bras bu dang / rgun 'bru'i 'bras bu srang bzhi bzhi bcug ste nub gcig sbangs la/nang par mnyes nas btsags pa 'thungs na/ skya rbab kyi nad las rgyal bar byed do/ /yang na ba gcin gyi nang du a ru ra'i phye mas btab ste btung ba 'am/ yang na 'bras bu gsum ba gcin dang bskol ba'i nang du a ru ra'i phye ma btab pa 'am/yang na khron bu dang / sha ma dur byid dang / thang shing dang / bca' sga dang / 'di rnams ba gcin dang btags te btung ba'am/ yang na sman de dag nyid ba gcin dang bskol ba btung ngo / /yang na sman de dag nyid 'o ma dang tshul bzhin du bskol la 'thungs na nyes pa rnams 'joms so//yang na lcags phye ba gcin dang 'o ma gang yang rung ba'i nang du bzhag la sbyin no/ /de zhu ba'i tshod tsam na 'o ma 'am mngar ba'i khu ba gang yang rung ba lhan cig bza'o/ /de ltar slon khrus kyis stod smad du lus dag par byas nas/a ru ra dang / sbrang rtsi dang / mar sbyar ba'i lde gu sbyin no/ /byi sha la dang / pu tse shel dang / gla sgang dang / ru rta dang / thang shing dang / dug mo yungs dang / 'di rnams zho gnyis gnyis dang / mur ba srang phyed dang / bong nga zho gcig dang 'di rnams btags pa'i phye ma chu dro 'jam tsam dang 'thungs na/de nas sbrang rtsi bldags na skya rbab dang / rims dang / lus tsha ba dang / lud pa dang / dbugs mi bde ba dang / yi ga 'chus pa dang / skran dang / lto sbos pa dang / ma zhu ba rlung dang bcas pa dang /khrag mkhris rnams las rgyal bar byed do/ /yang na ba sha ka dang / kru trug tres dang / 'bras bu gsum dang / pu tse shel dang / tig ta dang / nim pa dang / 'di rnams cham chom brdungs te bskol ba'i khu ba bsgrangs pa'i nang du sbrang rtsi btab pa 'thungs na skya rbab dang /mig ser dang khrag mkhris 'joms par byed do/ /yang na tsha ba gsum dang / tsi tra ka dang / byi dang ga dang / 'bras bu gsum dang / ga dur dang / 'di rnams btags pa'i phye ma spyi dang mnyam pa'i lcags nag po'i phye ma mar dang sbrang rtsi dang sbyar te/dar ba 'am chu dron po dang 'o ma dang bcas par 'thungs na/ mig ser dang / skya rbab dang / snying nad dang / mdze dang / gzhang 'brum dang / gcin nad thams cad sel bar byed do/ /dong gra dang / lcags phye dang / til dang / bu ram 'di rnams cha mnyam pa dang /sman sna gcig gi nyis 'gyur gyi pi pi ling dang / de rnams ri lur byas pa zos na skya rbab la phan no/ /yang na ta bya dang / skyer pa'i shun pa dang / dbyi mo dang / pi pi ling gi rtsa ba dang / thang shing dang / tsha ba gsum la sogs pa sbyor ba gong ma'i sman dang /de rnams spyi'i nyis 'gyur gyi lcags phye dang phye mar byas la sman re re'i brgyad 'gyur gyi ba gcin dang / sman sna so sor bskol la ri lur byar 'dod pa tsam gyi skan ter gyur pa dang gcig tu bsres te ri lur byas pa ni lcags phye'i ri lu zhes bya ste/ de las ci ran dar ba dang sbyar te 'thungs na skya rbab kyi nad rnams la srog sbyin par byed do//gzhan yang mdze dang / ma zhu ba dang / skrang ba dang / brla rengs pa dang / yi ga 'chus pa dang / gzhang 'brum dang / mig ser dang / gcin nad dang mtsher pa'i nad rnams kyang zhi bar byed do//yang na ta bya dang / brag zhun dang / dngul dang / lcags kyi dri ma dang / de rnams srang lnga dang / tsi tra ka dang / 'bras bu gsum dang / tsha ba gsum dang / byi dang ga dang / de rnams srang re re dang / sha kha ra srang brgyad dang / 'di rnams kyi phye ma sbrang rtsi dang sbyar ba zos na/skya rbab dang / dug dang / lud pa dang / gcong chen po dang / rims mi bzad pa dang / mdze dang / ma zhu ba dang / gcin nad dang / skrang ba dang / dbugs mi bde ba dang / yi ga 'chus pa rnams la phan te/ khyad par du brjed byed kyi nad dang /mig ser dang / gzhang 'brum rnams 'joms par byed do/ /yang na dug mo yungs dang / 'bras bu gsum dang / nim pa dang / pa to la dang / ga dur dang / dong gra dang 'di rnams bskol ba'i khu ba'i nang du brag zhun srang brgyad bcug ste/zhag bcu'am/ nyi shu 'am/ sum cu'i bar du yang sbang zhing yang skam pa lan mang du byas pa dang / brag zhun dang mnyam pa'i sha kha ra dang / smig rkang pa dang / pi pi ling dang / skyu ru ra dang / kar ka ta sring gi srang re re dang / kaN+Da ka ri'i rtsa ba dang 'bras bu gnyis srang gcig dang /dri sna gsum zho gnyis gnyis dang / sbrang rtsi srang gsum dang lhan cig ri lu zho gnyis pa'i tshad du byas la/ zas gzhan ma 'dres par zos pa'i 'og tu se'u 'bru'i khu ba dang 'o ma dang / thang la gnas pa'i bya'i sha khu dang / chu dron po dang /a sa ba'i chang dang / nas chang dang / de rnams gang yang rung ba 'thungs na/ skya rbab dang / mdze dang / rims dang / mcher pa dang / mgo 'khor ba dang / gzhang 'brum dang / mtshan bar rdol ba dang / rma rnags pa dang / snying nad dang / khu chu dang / gcin dang / tsha ba'i nad zhi bar byed de/ de bzhin du skem byed dang / sbyar ba'i dug dang / dmu rdzing dang / lud pa dang / rtsa ba'i nad dang / khrag dang / mkhris pa dang / skrang ba dang / skran dang / mgul pa'i nad dang / de bzhin du rgyu rlugs dang /mgo 'khor ba yang ri lu 'dis 'joms par byed de/ nad thams cad 'phrog cing zhi bar byed do/ /rgun 'brum dang / pi pi ling srang bcu drug bcu drug dang / sha kha ra srang lnga bcu dang / de bzhin du shing mngar dang / bca' sga dang / smig rkang dang / 'di rnams srang gnyis gnyis phye mar byas te/skyu ru ra'i 'bras bu'i khu ba srang lnga brgya bcu gnyis kyi nang du bcug ste/ me chung ngu la bskol te lde gur gyur pa dang phyung la bsgrangs pa'i nang du/ sbrang rtsi srang sum cu rtsa gnyis dang sbyar ba'i lde gu lag pa'i mthil du bzhag ste/ de las zho gnyis gnyis zos na/ha li ma ka zhes bya ba'i nad dang / skya rbab dang / mig ser rnams sel to/ /yang rtsa ba lnga chung ngu'i khu ba dang / rgun 'brum dang / skyu ru ra rang gi khu ba dang / bza' ba dang / btung ba dang / lhan cig sbyar ba btang na/ skya rbab kyi nad dang /mig ser gyis nyam thag pa sel to/ /de ltar gong du bstan pa de dag ni skya rbab kyi gso ba spyir bstan pa yin te/ de bzhin du sman pa mkhas pas nad so so'i dmigs shes par bya ste/ ji ltar mthun mthun du sbyar ro/ /rlung las gyur pa'i skya rbab la ni gong du smos pa bzhin du snum shas cher sbyar ro//mkhris pa las gyur pa la ni kha ba dang / bsil ba'i bag sbyar ro/ /bad kan las gyur pa la ni rtsub pa dang / tsha ba dang dro ba'i bag sbyar ro/ /'dus pa las gyur pa la ni de rnams bsres pa sbyar ro/ / tsha ba gsum dang / bil ba dang / ser po rnam gnyis dang / 'bras bu gsum dang / ba spru ba rnam gnyis dang / gla sgang dang / lcags phye dang / byi dang ga dang / thang shing dang / brish+tsi ka li dang / ga bra'i rtsa ba dang / 'di rnams cham chom brdungs te/'o ma dang mar tshul bzhin du bskol ba 'thungs nas zhag zos pa las gyur pa'i dmu rdzing gi nad thams cad myur du zhi bar byed do/ /de bzhin du nA ga ge sar dang / shing mngar dang / pi pi ling dang / rtswa ku sha dang / 'di rnams cham chom brdungs te/'o ma dang / mar dang / tshul bzhin du bskol ba 'thungs na phan yon gong ma dang 'dra'o/ /sa zhag zos pa'i skya rbab kyi nad pa sa zhag la sred pa yin na ni/ de sun dbyung bar bya ba'i phyir byi dang ga dang / nim pa'i khu ba dang /pa ta dang / mur ba 'di rnams kyi khu ba gang yang rung ba sa zhag las brkos pa zos na phan no/ /sa zhag gi bye brag 'dod pa zos nas nad tha dad pa 'byung bar gyur na sman pas so so dang mthun pa'i sman sbyar ro/ /mig ser gyi nad kyis btab pa la ni mkhris pa la phan pa'i sman nam/skya rbab la phan pa'i sman gang yang rung ba sbyin no/ /a ru ra rdog ma brgya bskol ba'i khu ba'i nang du/ a ru ra lnga bcu btags pa'i phye ma dang / mar srang sum cu rtsa gnyis dang tshul bzhin du bskol te/mar lus pa las ran par 'thungs na/ skran dang mig ser dang / skya rbab thams cad sel to/ /dong ga dang / tsha ba gsum gyi phye ma bu ram shing ngam/ bi da ri 'am/ skyu ru ra'i khu ba gang yang rung ba'i nang du btab ste/srang gcig tsam 'thungs na/ mig ser gyi nad 'joms so/ /yang na dan da btags pa'i phye ma de'i nyis 'gyur gyi bu ram dang bcas pa chu grang dang btung ba'am/ gang yang rung ba dang sbyar ba sbyin no/ /yang na 'bras bu gsum dang / sle tres dang nim pa 'di rnams kyi khu ba gang yang rung ba'i nang du sbrang rtsi btab ste/ nang re nang re sbyar te 'thungs na/ mig ser gyis nyam thag pa la phan no/ /skyer pa dang / btsag yug snam dang / skyu ru ra rnams sbyar ba'i mig sman du sbyar ba yang mig ser rnams 'joms so//mig ser gyis btab pa'i nad pa phyi sa til btags pa'i phye ma 'dra ba dkar po 'byung zhing bad kan gyis lam 'gags pa la ni bad kan dang mkhris pa 'joms pa'i sman gyis gso'o/ /kha zas rtsub pa dang / grang ba dang / lci ba dang /mngar ba dang / rtsol ba byas pa'i rgyu rlung gis bad kan 'khrugs par byas te/ mkhris pa'i phyi rol nas bton pa'i dbang gis skyes bu de'i gcin dang mig dang pags pa rnams ser por gyur cing / phyi sa dkar por 'byung la nad 'khrugs te/ phyi sa 'gags pa dang / snying lci ba la sogs par gyur te/ de'i dbang gis lus rjud pa dang / me drod chung ba dang / rtsib logs su zug pa dang / skyigs bu dang / lud pa dang / yi ga 'chus pa dang / rims kyis 'debs te/ mkhris pas yan lag thams cad du khyab pa yin la/ de la ni rim gyis brdal la gso'o/ /de ltar mig ser gyis khyab pa'i nad pa la ni/ rma bya dang / khyim bya dang / sreg pa'i sha khu dang / yang na la phug skam po dang / rgya sran gyi khu bcud gang yang rung ba'i nang du rtsub pa dang / tsha ba dang / skyur ba dang sbyar ba'i zas sbyin no//gzhan yang shin tu tsha ba dang / skyur ba dang / rno ba dang / lan tshwa dang / shin tu dro ba rnams bsngags so/ /kha lung gi khu ba tsha ba gsum dang sbyar ba'i lde gu bldag par bya'o/ /de ltar gong ma'i gso ba de dag byas na/ mkhris pa rang gi gnas su 'ju ste/des na phyi sa yang mdog tha mal par 'gyur zhing / rlung sgra dang bcas pa yang zhi bar 'gyur ro/ /de ltar mdog 'gyur te/ snga ma las log pa ltar snang na yang de brta bar bya ba'i cho ga bshad par bya ste/ de la mig ser gyi nad gso ba 'phyis nas de khong du zhugs te dkyel du gyur pa la ni brag zhun dang /mak+Shi ka da ru dang / gser gyi dri ma gang yang rung ba ba gcin dang sbyar ba zla ba gcig gi bar du bsten par bya'o/ /ha li sa ka zhes bya ba'i nad la ni/ sle tres kyi rang gi khu ba dang / 'o ma dang / ma he'i mar 'o ma'i phyed dang / 'di rnams bskol ba'i mar gyi btung ba la sogs pas lus kyi snum chos bya ste/ de nas skyu ru ra'i khu ba dang dur byid dang sbyar bas bkru sman bya'o/ /kha zas ni mngar ba dang / rlung dang mkhris pa 'joms pa gtang ngo / /de bzhin du gong du smos pa'i rgun 'bru'i lde gu dang /mngar ba'i sman dang sbyar ba'i zas bza' zhing 'og nas smos pa'i 'o ma'i 'jam rtsi mas gtong ba rnams yun ci ring du bya'o/ /btung bar ni rgun chang dang / a ri ta'i chang me drod dang sbyar te ci rigs su sbyin no/ /yang na a ru ra'i lde gu lud pa gso ba'i skabs las byung ba'am/yang na pi pi ling dang / shing mngar dang / ba la dang / de rnams gang yang rung ba 'o ma dang sbyar te nad gzhi dang me drod dang dpags la gtang ngo / /de bzhin du sman pa mkhas pas skrang nad gso ba'i dpyad ji snyed pas skya rbab kyi nad thams cad la sbyar ro/ / gso ba'i gnas las skya rbab kyi nad gso ba'i le'u ste bcu drug pa rdzogs so// //de nas 'or nad gso ba'i le'u bshad par bya ste/ de la nad gzhi thams cad 'dus pa 'am ldan pa'am/ nad gzhi re re las gyur pa'i skrangs nad gang yang rung ba ma zhu ba dang bcas pa de la ni thog mar lus sha sri zhing smyung ba bya'o//de'i 'og tu kha zas kyang yang ba bza' zhing skom du ni/ dong gra dang / bong nga dkar po dang / thang shing dang / byi dang ga dang / dug mo yungs dang / na le sham bskol ba'i chu dron po blud do/ /yang na a ru ra dang /bca' sga dang / thang shing dang / ba spru ba dang / de rnams bskol ba'i khu ba blud pa'am/ yang na skya rbab kyi nang du bshad pa'i lcags phye cha dgu pa bskol ba blud do/ /'or nad shas che ba la ni de dag par bya ba'i phyir a ru ra'i phye ma ba gcin dang sbyar ba blud do//yang na 'bras bu gsum bskol ba'i nang du pu tse shel dang / dur byid dang / tsha ba gsum gang yang rung ba'i phye ma btab pa blud pa'am/ yang na 'bras bu gsum gang yang rung ba'i nang du gu gul lam brag zhun btab pa blud pa 'am/'or nad skrangs pa de me drod chung zhing ma zhu bas khyab ste/ rtug pa 'gags pa'am/ yang na phyi sa sla bar 'byung ba la ni kha ru tsha dang / tsha ba gsum sbrang rtsi dang / dar ba dang sbyar ba bza' ba 'am/ yang na a ru ra dang bu ram bza' ba 'am/ yang na bu ram dang bca' sga sbyar ba zos pa'i 'og tu dar ba btung bar bya'o//yang na sge'u gsher dang / bu ram cha mnyam pa sbyar te/ dang po'i zhag srang phyed zos la/ de nas zhag bcu'i bar du srang phyed phyed kyis skyed de/ zhag bcu gcig pa nas srang phyed phyed kyi zhag bcu'i bar du mi bri ste/srang phyed du phyin pa dang / yang zhag bcu'i bar du srang phyed phyed zhag re skyed de/ de ltar zla ba gcig gi bar du zos la/ sman de zhu ba'i tshod tsam na/ btung ba ni/ ma sha ka'i khu ba dang / 'o ma dang / sha khu gsum bad kan dang / mkhris pa dang /rlung gang yin pa brtags te/ nad gzhi dang re re nas sbyar te 'thungs na skran dang / dmu rdzing dang / gzhang 'brum dang / 'or nad dang / gcin nad dang / dbugs mi bde ba dang / cham pa dang / lus snyom pa dang / 'ju stobs chung ba dang / mig ser dang /skem byed dang / brjed byed dang / smyo byed dang / lud pa dang / bad kan rnams sge'u gsher dang / bu ram gyi sbyor ba 'di byas na myur du rgyal bar byed do/ /sge'u gsher gyi khu ba dang / dong gra'i phye ma dang / 'o ma dang mar lhan cig bskol te/ ran par 'thungs na 'or nad dang /cham pa na ba dang / dmu rdzing dang / me drod nyams pas nyam thag pa rnams zhi bar byed do/ /ma zhu ba med bzhin du phyi sa 'gags shing 'or nad kyis nyam thag pa la ni/ tsha ba gsum dang / dur byid dang / dan ti dang / kru trug tres dang / de rnams 'o ma dang bskol te blud do//ba'am ma he gang yang rung ba'i gcin dang / 'o ma btung zhing bza' ba yang 'o ma dang bcas par bya'o/ /zhag bdun nam yang na zla ba gcig gi bar du rnga mo'i 'o ma nyi tshes nyams brta bar bya'o/ /ti mu sa dang / nas tshig 'khus pa'i thal ba dang /la la phud dang / tsha ba rnam lnga dang / na le sham dang / se'u 'bru dang / pa tha dang / 'u su dang / star bu dang / ba la dang / bil ba dang / de rnams zho gnyis gnyis dang / chu srang lnga brgya rtsa bcu gnyis dang mar srang sum cu rtsa gnyis dang bskol te mar lus pa dang /de las ran par 'thungs na 'or nad dang / gzhang 'brum dang / skran dang / gcin nad rnams 'joms so/ /tsi tra ka'i phye ma 'o ma'i nang du btab ste zhor red pa dang / de las byung ba'i mar sar dar ba dang bcas pa'i nang du yang tsi tra ka'i phye mas btab ste bskol la/mar lus pa las ran par 'thungs na/ phan yon gong ma dang 'dra'o/ /nad kyi stobs dang / dus shes pa'i sman pas thang la 'bar gyis sman mar gcin nad kyi skabs las 'byung ba dang / tig ta chen po'i sman mar mdze nad gso ba las bshad pa dang /dge ba'i sman mar smyo byed kyi nang nas 'byung ba dang / a ru ra'i sman mar dmu rdzing las bshad pa rnams ci rigs par sbyar ro/ /rtsa ba bcu pa srang sum cu rtsa gnyis dang / mar srang sum cu rtsa gnyis dang / mar gyi bcu drug 'gyur gyi chu dang / a ru ra dang bu ram srang brgyad dang /'di rnams bskol ba'i nang du dri sna gsum dang / tsha ba gsum dang / nas tshig 'khus pa'i thal ba cung zad tsam dang / 'di rnams kyi phye ma btab ste lde gur gyur pa dang / bsgrangs pa'i nang du sbrang rtsi srang bcu drug btab ste/ de las ran par bldags na/'or nad tshabs che ba dang / rims dang skran dang / gcin nad dang / lus skem zhing rid pa dang / ma zhu ba dang / khrag mkhris dang / rlung dang / sgregs pa skyur por 'byung ba dang / mdog 'gyur ba dang / gcin dang / rlung dang /khu chu'i nad dang / dbugs mi bde ba dang / yi ga 'chus pa dang / mcher pa na ba dang / sbyar ba'i dug dang / dmu rdzing rnams sel to/ /nas dang 'bras rnying pa'i kha zas rtsa ba bcu pa'i khu ba las gzhi blangs la/ lan tshwa dang snum nyung shas btab ste byin na 'or nad la phan no//rgya sran ku lad tha dang / mon sran sde'u'i khu bcud thal sman dang / tsha ba gsum dang ldan pa dang / de bzhin du srog chags thang la gnas pa rus sbal dang / god dang / sha ya ka dang / 'di rnams kyi sha khu pi pi ling dang sbyar ba zos na yang 'or nad 'joms so//btung ba ni dar ba mi skyur ba 'am yang na rgun chang dang / a riSh+Ta'i chang dang / a sa ba'i chang gang yang rung ba tsha ba gsum dang ldan pa sbyin no/ /yang na zi ra dang zur pa dang / dzi ban ti dang / ka ra bI ra dang /ma nu dang / tsi tra ka dang / bil pa'i rkang dang / ya bak+Sha ra dang / da tri ga dang / 'di rnams re re yang rgya shug gi 'bras bu'i tshad dang ldan pa'i thug pa mar dang til mar sbyar te 'thungs na/ 'or nad dang / skrang pa la phan pa'i mchog yin te/ de bzhin du 'khru ba dang / snying nad dang / skran dang / gzhang 'brum dang / me drod chung ba dang / gcin nad rnams la phan no/ /de bzhin du tsha ba rnam lnga rgya shug gi tshad tsam dang / mar dang til mar du brngos pa'i thug pa 'thungs na yang phan yon de dang 'dra'o/ / yang na rdo dreg dang / ru rta dang / sto ne ya dang / ha re Nu ka dang / a ru ra dang / shug pa dang / shri besh+ta ka dang / chu srin sen mo dang / 'bu su hang dang / thang shing dang / bri yang ku dang / spang spos dang / pi pi ling dang / dbyi mo dang / ku tan na ta dang / bya ma ka dang /ba la ka dang / dri sna bzhi dang / bal bu'i lo ma dang / gla sgang dang / gan+d+ha pa la sha dang / 'di rnams btags pa'i phye ma til mar dang sbyar bas bsku ba dang phye ma chu dang sbyar ba'i khrus dang / lde gu'i byug pa rnams bya'o/ /yang na nim pa dang / ba spru ba me tog dmar po can dang /nag ta ma la dang / arka bskol ba'i chus khrus bya'o/ /yan lag phyogs gcig skrangs pa la ni ba spru ba dang / ka ra bI ra dang / king shu ka dang / byi sha la dang / 'bras bu gsum dang / seng phrom dang / na li ka zhes bya ba ka po da tsa ra na dang / thang shing dang / spang spos dang / ko sha ta ki dang / bong nga dkar po dang / ta la'i lo ma dang / dza yan ti zhes bya ba tang ga ri dang / 'ol ma se dkar po dang / ka ka da ni dang / sA la'i shing dang / dbyi mo dang / bri sha kar ni dang / bri ti dang / rid d+hi dang / hasti kar Na zhes bya ba e raN+Da dang /'di rnams btags pa'i phye ma chu dro 'jam tsam dang lde gur byas te bskus na phan no/ /rlung las gyur pa'i 'or nad skrangs pa la ni zla ba phyed kyi bar du dur byid dang mar sbyar ba 'am yang na e raN+Da'i mar 'ba' zhig btung ngo / /rlung gis rtug pa 'gags pa la yang sbyor ba de nyid bya'o//e raN+Da'i mar 'o ma 'am sha khu dang ldan bar zas kyi gong du bza'o/ /rlung gi skrangs nad la ni rlung 'joms pa'i sman gyis bsku byug bya'o/ /yan lag phyogs gcig skrangs pa la/ kha lud dang / ag ni man tha dang /spang spos dang / bca' sga dang / thang shing dang / de rnams kyi lde gus bsku'o/ /mkhris pa las gyur pa'i 'or nad la ni tig ta'i sman mar ram/ n+ya gro d+ha'i sde tshan mar dang bskol bas bsku'o/ /skom dad che ba dang / rmongs bag tu 'dug pa dang / lus tsha ba la ni 'o ma dang mar dang byug pa dang bsku ba grang mo byas pas rab tu phan no//yang na pa to la'i rtsa ba dang / kyi lce ba dang / shing mngar dang / pu tse shel dang / a ru ra dang / thang shing dang / skyer ba dang / tsan+dan dang / dan da dang / bi sha la dang / lcang ma dang / pi pi ling dang / 'di rnams mar dang lhan cig bskol te 'thungs na khong pa tsha ba dang / skom dad che ba dang / mgo 'khor ba dang / 'dus pa'i nad dang / me dbal dang / skrang ba dang / lus tsha ba dang / rims mi bzad pa rnams sel to/ /bad kan las gyur pa'i 'or nad la ni dong ga'i sde tshan til mar dang bskol ba blud do//rtsa rgyun 'gags pa dang me drod chung ba dang yi ga 'chus pa dang / rmongs bag tu 'dug pa la ni thal sman a sa ba'i chang dang / a riSh+Ta'i chang dang / ba gcin dang / dar ba dang lhan cig bskyos te gtang ngo //pi pi ling dang / til mar la sogs pa'i tshigs ma rnying pa dang / shi kru'i shun pa dang / zar ma dang 'di rnams btags pa'i phye ma ba gcin dro 'jam tsam dang sbyar te byug pa dang / lus dril ba la sogs pa bya'o/ /ru rta dang / ag ni man+tha dang /tsitra ka dang / rgya sran dang / dong gra rnams pa gcin dang chu dang tshul bzhin bskol ba'i chus lus khrus bya'o/ /tsa rong dang / a ka ru'i lde gus lus byug go/ /ka la zhes bya ba nA ga ba la dang / a dza shring gi dang / ko nyon tse dang / a dza gan+d+ha dang / a shwa gan+d+ha dang /am paSh+Ta dang / 'di rnams sbyar ba'i lde gu ni yan lag phyogs gcig skrangs pa la rab tu bsngags so/ /yang na rlung la sogs pa'i nad gzhi shes par byas la/ nyes pa ji lta ba bzhin du gtar ga byas te khrag dbyung ngo / /nad gzhi rnams 'dres na gang shas che ba brtags te thog mar de gso bar bya'o//tha we dang / pa tha dang / gla sgang dang / tsha ba sna lnga dang / kaN+Da ka ri dang / skyer pa dang / de rnams chu dron dang sbyar te gtang ba 'am/ yang na tig ta dang / bca' sga dang de gnyis chu dron la sbyar te 'thungs na/ nad gzhi gsum las gyur pa'i 'or nad yun ring du lon te tshabs che ba yang zhi bar byed do//bdud rtsi rnam pa gnyis shes bya'o/ /sle tres dang / a ru ra dang / ba spru ba dang / thang shing dag gu gul dang / de rnams ba gcin dang sbyar te 'thungs na/ skrang pa dang / dmu rdzing dang /mdze dang / skya rbab dang / srin bu'i nad dang / bad kan dang gcin nad dang rlung stod du zhugs pa rnams 'joms so/ /gong du smos pa de dag ni nad gzhi las 'or nad las skrangs pa'i gso ba bshad pa yin no/ /de la snad pa las gyur pa la ni khrag dbyung bas nad sbyang bar bya ste/de nas sman bsil ba'i nus pa dang ldan pa dang / mar bsres pa bsku ba dang / byug pa rnams bya'o/ /dug gis phog pa'i 'or nad la ni dug gi gso ba rnams 'dir sbyar ro/ /srog chags chu dang thang gnyi ga la gnas pa dang / rjud pa'i sha dang /pa to la la sogs pa tshod ma'i lo ma skam po dang / til dang / bu ram las byas pa'i kha zas dang / 'bras la sogs pa btags pa'i zas dang / zho dang lan tshwar bcas pa dang / zas kyi mi bag can dang / chang skyur dang / yos dang / sha skam dang / phan gnod bsres pa'i zas dang / zas lci ba dang / zas mi bsod pa dang / lus za bar byed pa'i zas dang nyin par nyal ba dang / nyal po rnams spang bar bya'o/ /gzhan yang skrang bar 'gyur ba'i bza' btung thams cad spang zhing dor ro/ /gso ba'i gnas las 'or nad gso ba'i le'u ste bcu bdun pa rdzogs so// //de nas me dbal gso ba'i le'u bshad par bya ste/ de la thog mar me dbal byung ba la ni smyung ba dang / rtsub chos dang / khrag dbyung ba dang / skyug sman dang / khrus sman rnams bya'o//kha cig tu ni snum chos bya zhes zer ro/ skyug sman ni po son cha dang / dug mo yungs dang shing mngar sbyar ba 'am/ yang na til dang / nim pa'i lo ma dang / po son cha sbyar ba rnams kyi skyug sman btang na me dbal la phan no/ /me dbal nang du zhugs pa la ni khyad par du kyi lce ba dang /rgun 'brum dang / 'bras bu gsum dang / de rnams kyi khu ba gang yang rung ba'i nang du dur byid btab pa 'am/ yang na 'o ma dang / mar dang / dur byid kyi phye ma dang sbyar ba'i bkru sman bya'o/ /nad gzhi chung ste slon khrus mi dgos pa la ni/tsan+dan dang ut+pa la sbyar ba 'am/ yang na gla sgang dang / nim pa dang / pa to la dang / pu tse shel gyi sde tshan dang lhan cig sbyar bas zhi bar bya'o/ /yang na thal tres dang / skyu ru ra dang / pu shel tse dang / gla sgang rnams lhan cig bskol ba'i chus zhi bar bya'o/ / me dbal gyi nad skom dad che ba la ni/ byi tsher ba dang / bar pa ta dang / sle tres dang / bca' sga dang / de rnams bskol ba'i khu ba'am yang na grangs pa blud do/ /yang na skyer pa dang pa to la dang / pu tse shel dang / sran chung dang / 'bras bu gsum dang / nim pa dang / shing mngar dang / kyi lce ba bskol te mar dang lhan cig 'thungs na me dbal gyi nad skom dad che ba la phan no/ /me dbal gyi nad yan lag rnams su nad khrag yod pa la ni thog mar nad gzhi ji lta ba bzhin du lce la srin bu pad pa dang ku ba rnams kyis khrag dbyung ngo //gal te gtar ga ma byas na ni khrag rnag tu 'gyur te/ pags pa dang sha dang rus pa rnams su zhugs par 'gyur ro/ /sbyor ba de dag gis ma zhu ba med cing bad kan zad do/ /mkhris pa dang rlung shas che bar gyur pa la ni tig ta'am/tig ta chen po'i sman mar mkhris pa'i mdze nad kyi skabs su bshad pa'am/ kyi lce'i sman mar rnams gtang ngo / /de ltar gtar ga dang slon khrus kyis khong pa'i me dbal dag ste/ rlung la sogs pa'i nad gzhi'i dbang gis pags pa dang sha la brten pa la ni phyi rol nas byug pa byas nas/me dbal de ma thag zhi bar byed do/ /de yang rlung las gyur pa'i me dbal ni shu ti dang / gla sgang dang / ba ra hi dang / 'od ma dang / ar ta ka la dang / 'u su dang / thang shing dang / pi pi ling dang / shi kru dang / ru rta dang / 'di rnams kyi byug pa byas na phan no//mkhris pa las gyur pa la ni n+ya gro d+ha la sogs pa'i sde tshan nam/ de bzhin du pad+ma dang / ut+pa la dang / nya lcibs dang / chu'i nang gi 'dam bag dang / pad+ma'i rtsa ba dang / sring ga ta ka dang / sha kha ra dang / tsan+dan dang / ba la ka dang / mu tig dang / nor bu dang / btsag yug snam dang / pa ya s+ya dang / pra puN+Da rI ka dang / shing mngar dang / shug pa dang / mar dang / 'o ma dang / de rnams sbyar ba'i byug pa bya ba'am/ n+ya gro d+ha'i rtsa ba gzhon nu dang / chu shing gi snying po rnams lan brgyar bkrus pa'i mar dang lde gur byas pa'am/yang na pad+ma'i tshogs mar dang sbyar ba gong ma ltar byas pas byug pa bya'o/ /yang na pad+ma skyes pa'i 'dam bag grang mo'am/ yang na mu tig dang / dung dang / byi ru dang / nya phyis dang / btsag yug snam dang / 'di rnams gang yang rung ba btags pas byug go /bad kan las gyur pa'i me dbal la ni 'bras bu gsum dang / shug pa dang / pu shel tse dang / btsod dang / ka ra bI ra dang / 'dam bu'i rtsa ba dang / a nan da'i rtsa ba dang / 'di rnams kyi lde gus bskus na phan no/ / yang na da ba dang / lo ma bdun pa dang / seng ldeng dang / thang shing dang / ku sman da ka dang / gla sgang dang / dong ga 'di rnams kyi lde gu 'am/ yang na bar na'i sde tshan gyi lde gus bsku'o/ /yang na dong ga'i lo ma dang / sle sman ta ka'i shun pa dang / in+d+ra ba ru na'i lo ma dang /ka ka hwa dang / shi ri sha'i me tog dang / 'di rnams kyi lde gus byug go/ /gong du smos pa'i byug pa sbyor ba sman sha ta puSh+pa la sogs pa de dag nyid kyis so so'i nad gzhi bzhin du byugs pa dang / bsku byug dang / sman mar dang / phye ma rnams kyang de las bya'o/ / gang yang rlung shas che ba la ni sman mar shas cher gtang ngo / /bad kan gyi gnas su me dbal ma zhu ba dang bcas pa la ni dro ba dang / rtsub pa cher sbyar ro/ /mkhris pa'i gnas su zhugs pa la ni bsil ba dang mar dang ldan par sbyar ro/ /shin tu bsil bag dang ldan pa'i shing mngar dang sbyar bas byugs te/ras srab mos phyi rol nas dkris la de ltar yang dang yang du brje zhing lan mang du bya'o/ /gal te bar bar du thag khyer na ni nus pa chung bar 'gyur ro/ /ldan pa'i nad la ni gang gi sbyor ba gnyis gnyis bsres te btang na phan pa'i mchog yin no//de dang 'dra ba'i me dbal la ni mar lan brgyar bkrus pa'i mar nyi tshes bsku bar bya'o/ /yang na mar gyi snying khu'am/ shing mngar bskol ba'i khu ba'am/ kha ra dkar po bskol pa'i chu'am/ pad+ma 'am/ ut+pa la'i chu'am/ 'o ma 'am/ bu ram shing bkol ba'i khu ba'am/ de rnams gang yang rung ba grang mo'i rgyun blugs so/ /tig ta chen po'i sman mar ni me dang 'dra ba'i me dbal la btung ba dang / byug pa dang blugs pa rnams byas na phan pa'i mchog yin no/ /mdzer pa lta bu'i me dbal la ni khrag mkhris gso ba'i bya ba ji skad bshad pa bzhin du gso ba ltar bya'o//de bzhin du bad kan dang rlung 'joms pa'i sman dang zan dugs dang / byug pa la sogs pa byas na phan no/ /yang na mdzer pa lta bu'i me dbal zug gzer dang bcas pa la ni rtsa ba bcu pa dang /til mar bskol ba dron po 'am/ ba gcin dron po 'am/ chu dron mo gang yang rung bas blugs par bya'o/ /yang na shi kru'am/ nag ta ma la dang / la phug skam po dang / ba ru ra dang de rnams gang yang rung ba'i phye ma chu dron po dang lde gur byas te/mdzer pa lta bu'i me dbal la bsku'o/ /dan ti dang / tsi tra ka dang / shing tsha dang / shrI khaN+Da dang / arga'i lo ma dang / bu ram dang / go bye'i rus pa dang / nag tshur dang / 'di rnams lde gur byas pas bskus na phyi rol gyi rdo yang 'bigs par 'gyur na bad kan las gyur pa'i me dbal mdzer pa lta bu'i phyi rol pags pa la brten pa lta smos kyang ci dgos/mdzer pa lta bu'i me dbal yun ring du gnas pa la ni la phug dang rgya sran ku lat+tha dang / se'u 'bru dang bcas pa'i khu bcud sbyin no/ /rtag tu gro dang nas kyi zas bza'o//rgun chang dang / bu ram chang dang / sha kha ra'i btung ba dang / de bzhin du chang gi snying po sbrang rtsi dang sbyar ba'i nang du kha lung gi khu ba bcug pa'am/ yang na 'bras bu gsum gyi sbyor ba sbrang rtsi dang sbyar ba'am/ yang na pi pi ling gi sbyor ba sbrang rtsi dang sbyar ba'am/yang na thang shing gi sbyor ba dang / sle tres kyi sbyor ba dang / yang na brag zhun gyi sbyor ba dang / yang na gla sgang gi sbyor ba dang / go bye'i sbyor ba dang / yang na sbrang rtsi'i sbyor ba 'di rnams kyi btung ba gang yang rung ba sbyar ro/ /nam tshong yan chad du zhugs pa la ni mgo'i bkru sman dang /dud pa brngub pa la sogs pa bya'o/ /gzhan yang skran nad kyi gso ba thams cad kyang 'dir sbyar ro/ /gzhan yang lcags dang / gser dang / lan tshwa dang / rdo dang de rnams gang yang rung bas bsreg go/ /gong du bstan pa'i sbyor ba sna tshogs de dag gis ma zhi ste/mdzer pa lta bu'i me dbal rdo bzhin du sra ste nye bar ma zhi na/ thal sman dang / rim gyis me dang / gser gyis bsregs na phan no/ /mdzer pa lta bu'i me dbal rgyu de dag gis smin par byas pa dang / mtshon gyis dral te dbyung bar bya'o/ /me dbal gyi khrag rang gi gnas las nyams te 'khrugs pa la ni khrag dbyung ngo //de ltar yang dang yang du gtar ga byas pa'i 'og tu rlung dang bad kan 'joms pa'i sman gtang ngo / /bsregs pa dang / smin pa'i dbang gis rul zhing myags pa la ni phyi nang gnyi ga nas rma gso ba'i cho ga ji lta ba bzhin bya'o//skyer pa dang / byi dang ga dang / kam bi l+ya dang de rnams til mar dang sbyar bas bskus na rma la phan no/ /bad kan dang mkhris pa shas che ba'i me dbal la ni/ dUr ba'i rang gi khu ba dang mar sbyar ba phan no/ /me dbal la ni slon khrus kyis lus thams cad kyang bya bar 'os pa yin la/khrag dbyung ba nyi tshe yang de dang 'dra bar las byed de/ de yang me dbal gyi nad de khrag mkhris dang ldan na ni khrag dbyung la mi ldan na ni mi dbyung ste/ me dbal de nyid khrag la brten pa yin pas lan mang du khrag dbyung bar 'os pa yin no//nad gzhi mang po 'dus pa'i me dbal la ni mar nyi tshe mi sbyin te/ gal te gtong na yang bkru sman dang sbyar la gtang ngo / /ci ste mar nyi tshe byin na ni khrag de nyid gzhi tshos par byed de skyon du 'gyur ro/ /gso ba'i gnas las me dbal gso ba'i le'u bco brgyad pa rdzogs so// //de nas mdze nad gso ba'i le'u bshad par bya ste/ de la mdze nad thams cad la ni thog mar snum gyi btung ba nye bar spyad par bya'o/ /de la rlung las gyur pa'i mdze nad la ni rtsa ba bcu pa dang / sle tres dang / e raN+Da dang /sha rang ga sta dang / de rnams kyi phye ma mar ram til mar gang yang rung ba dang bskol ba 'thungs na phan no/ /pa to la dang / nim pa dang / pu tse shel dang / skyer pa dang / pa ta dang / byi tsher ba dang / skra lo dang / kyi lce ba dang /de rnams srang re re chu srang nyis brgya rtsa bcu drug dang bskol te/ brgyad cha lus pa'i nang du kyi lce ba dang / gla sgang dang / tig ta dang / dug mo yungs dang / pi pi ling dang / tsan+dan dang / de rnams zho gnyis gnyis dang / mar srang bcu gnyis dang / yang bskol la mar lus pa ni tig ta'i sman mar zhes bya ste/de las ran par 'thungs na mkhris pa dang / mdze dang / me dbal dang / 'brum bu phra mo dang / lus tsha ba dang / skom dad che ba dang / mgo 'khor ba dang / g.ya' ba dang / skya rbab kyi nad dang / 'bras dang / rma 'grams pa dang / 'brum bu dang / khong 'bras dang / skran dang / skem byed kyi nad dang / smyo byed dang / myos pa dang / snying nad dang / rab rib dang / ngo shig dang / pho ba'i nad dang / sha bkra dang / mig ser dang / mtshan par rdol ba dang / brjed byed dang /bud med kyi zla mtshan gyi nad dang / sbyar ba'i dug dang / gzhang 'brum dang / khrag mkhris rnams la phan no/ /gzhan yang mkhris pa las gyur pa'i nad shin tu gso dka' ba yang 'byang bar byed do/ /lo ma bdun pa dang / par pa ta dang / dong ga dang / pu tse shel dang /shu dag dang / 'bras bu gsum pa dang / shug pa dang / pa tha dang / ser po rnam gnyis dang / thal tres rnam gnyis dang / pi pi ling dang / nim pa dang / tsan+dan dang / shing mngar dang / bi sha la dang / dug mo yungs dang / sle tres dang / tig ta dang /pu shel tse dang / ba sha ka dang / mur ba dang / nye'u shing dang / pa to la dang / bong nga dkar po dang / gla sgang dang / kyi lce ba dang / byi tsher ba dang / de rnams kyi phye ma dang / mar dang mar gyi brgyad 'gyur gyi chu dang / skyu ru ra'i khu ba mar gyi nyes 'gyur dang / 'di rnams tshul bzhin bskol ba'i mar ni tig ta chen po'i sman mar zhes bya ste/ phan yon gong ma bas kyang shas che ba bzang bar 'dod do/ /mdze nad bad kan las gyur pa la ni nim pa dang / lo ma bdun pa dang / tsi tra ka dang / ru rta dang / tsha ba gsum dang / bi la ya dang / dong ga dang / 'di rnams mar dang tshul bzhin bskol ba blud do/ /mdze nad thams cad la ni ba la ka ta'i mar ram/ yungs kar gyi mar mchog tu bsngags te blud par bya'o/ /yang na byi dang ka dang / a ru ra dang / go bye rnams tshul bzhin bskol ba'i mar blud do//yang na dong ga'i rtsa ba mar dang lan brgya bskol ba'i mar blud cing seng ldeng gi chu bsten te 'thungs na/ mdze nad las myur du rgyal lo/ /gong du bstan pa'i mar gyi sbyor ba de dag gis bsku byug la sogs pa yang des bya'o/ /de ltar snum chos byas pa'i 'og tu me dbal gyi nad la smos pa'i slon khrus kyi sman 'dir yang sbyar te slon khrus bya'o//de nas sman pas nad pa'i nyams stobs brtags te/ dpral ba dang lag pa dang rkang pa rnams las khrag dbyung bar bya ste/ de yang ji ltar gtar ga bya zhe na/ mdze nad shas chung ba la ni zhal zhal gyis khrag dbyung ba dang /gzhan yang ku ba la sogs pas ji ltar khrag dbyung ba ni nad gzhi dang sbyar nas gtar ga'i le'u las bltas te bya'o/ /khrag phyung ba dang / slon khrus byas pas khong pa stong pa la ni rlung 'joms pa'i sman dang sbyar ba'i snum rim gyis bsten na/lus 'jig par byed pa'i rlung zhi bar byed de/ mi 'jig cing srung bar byed do/ /bla sha dang / sle tres dang / nim pa dang / 'bras bu gsum dang / pa to la dang / kaN+Da ka ri dang / ka rany+dza dang / 'di rnams chu dang tshul bzhin bskol ba'i nang du sman de nyid kyi phye ma dang /mar dang yang bskol te mar lus pa ni rdo rje can zhes bya ba'i sman mar yin te de las ran par 'thungs na/ me dbal dang / rims dang / mig ser dang / khrag lud pa dang / mdze nad rnams 'joms so/ /yang na 'bras bu gsum dang tsha ba gsum dang /kaN+Da ka ri rnam gnyis dang / pu tse shel dang / dur byid dang / dan da dang / dong ga dang / bong nga dkar po dang / tsi tra ka dang / pa tha dang / de rnams zho gnyis gnyis zhib tu btags pa dang / su d+ha k+Shi ri'i 'o ma sar pa srang sum cu rtsa gnyis dang bskol te/mar lus pa las ran par btung ba dang / snum chos dang bkru sman du sbyar na/ mdze ma rungs pa dang / sha gzi gu dang / mcher pa na ba dang / rgyu rlugs dang / rde'u 'gags pa dang / skran dang / de rnams gso dka' ba yang rdo rje chen po zhes bya ba'i sbyor ba 'dis zhi bar byed do//yang na dan ti srang brgya nyi shu rtsa brgyad chu srang lnga brgya rtsa bcu gnyis dang bskol te/ bzhi cha lus pa'i nang du mar srang sum cu rtsa gnyis dang / dmar ga zhes bya ba ko sha ta ki'i phye ma srang gcig btab ste ran par 'thungs na gong 'og gnyis kar dag par 'gyur ro//yang na a brta ka zhes bya ba sA t+ya ba srang brgya chu srang lnga brgya rtsa bcu gnyis kyi nang du bskol te/ brgya drug cu rtsa bzhi lus pa'i nang du a brta ka'i phye ma dang / mar srang sum cu rtsa gnyis dang yang bskol la mar lus pa las ran par 'thungs na/de yang zhag re mi bza' bar zhag res bar bcad cing zos la sman de zhu ba'i tshod tsam na/ khre rgod kyi zas dang / rtsabs kyi rang skyur dang lhan cig zos na/ mdze dang / sha bkra dang / a ba'i rnams la phan te/gzhan yang 'bras kyi phreng ba las rgyal bar 'dod pa dang / bu mang po skyed par 'dod pa dang / dran pa 'dzin par 'dod pa rnams kyis kyang bsten par bya'o/ /ni li ta ka'i tshil sbrang rtsi dang dzA ti'i khu ba dang ldan pa 'am/ yang na mar dang ni li ta ka cha snyoms pa 'am/yang na seng ldeng dang / a sa na bskol ba'i chu dzA ti'i khu ba dang ldan par 'thungs na mdze nad 'joms so/ /bza' ba ni 'bras dmar po la sogs pa dang / nas dang / gro dang / ci tse dang / khre dang / sran mung+ga dang / sran chung dang / tu ba ri dang tshod ma kha ba rnams dang /skam sar gnas pa'i sha khu 'bras bu gsum dang / pa to la dang / seng ldeng dang / nim pa dang / go bye rnams sbyar ba sbyin no/ /btung bar ni chang sman mthun pa dang sbyar ba'am/ dar ba'i nang du so mar dza btab pa blud do/ /bza' ba dang btung ba de dag kyang mi skyur ba dang /mi tsha ba dang / mi rno ba byin na mdze nad la phan no/ /gzhan du na/ zho dang 'o ma dang / bu ram dang chu dang thun mong du gnas pa'i sha dang / til dang mon sran gre'u rnams ni mdze na ba rnams kyis thag ring du spang bar bya'o/ /pa to la'i rtsa ba dang / 'bras bu gsum dang /bi sha la dang / lnga po de dag re re yang ma sha bcu drug bcu drug dang / kyi lce ba dang / pu tse shel zho phyed phyed dang / dong gra bzhi cha dang / de rnams spyir srang gcig yod pa de btags la chu dang tshul bzhin bskol ba 'thungs na/ rlung la sogs pa'i nad gzhi sbyong bar byed do//sman de zhu ba'i tshod tsam na skams la gnas pa'i ri dgas dang bya rnams kyi sha khu 'bras rnying pa'i chan dang sbyar te zos na mdze nad thams cad dang / skrangs pa dang / pho ba'i nad dang / gcin sri ba dang / ha li ma ka zhes bya ba'i nad rnams la phan te/ zhag drug tu sbyor ba de ltar byas na snying dang chu sor zug pa dang /rims mi bzad pa rnams kyang zhi bar byed do/ /byi dang ga'i nang gi snying po dang / skyu ru ra dang / a ru ra dang / de dag srang re re dang / da na tri srang gsum dang / bu ram srang bcu gnyis dang / 'di rnams ri lur byas te byin na mdze dang /sha bkra dang / dbugs mi bde ba dang / lud pa dang / gzhang 'brum dang / gcin nad dang / mcher ba na ba dang / thor bu'i nad dang / tshigs kyi steng na gnas pa'i 'brum bu'i nad dang / skran rnams 'joms te sbyor ba 'di ni gnod sbyin nor bu bzang po zhes bya ba des/nyan thos kyi dge slong gcig nad kyis srog 'dor du nye ba dang / de'i don du sbyor ba 'di bshad pas/ ril bu 'di'i ming yang nor bu bzang po zhes grags pa yin no/ /tig ta dang / nim pa dang / 'bras bu gsum dang / shug pa dang /bong nga dkar po dang / pi pi ling dang / mur ba dang / pa to la dang / ser po rnam gnyis dang / pu tse shel dang / in dra ba ru ni dang / dug mo yungs dang / shu dag dang / 'di rnams cha snyoms pa dang / dan ti dang / de'i nyis 'gyur gyi dur byid dang /de'i nyis 'gyur gyi bram+hi dang / 'di rnams kyi phye ma mar dang sbrang rtsi dang lde gur byas pa ran par zos na mdze dang gcin nad dang / rmongs bag tu 'dug pa rnams la phan pa'i mchog yin no/ /yang na 'bras bu gsum dang / pi pi ling dang / byi dang ga dang /'di rnams sbrang rtsi dang / til mar dang / mar dang lde gur byas pa 'am/ yang na ka ko u dum bA ra dang / byi dang ga dang / nim pa dang / gla sgang dang / tsha ba gsum dang / de rnams kyi phye ma brik+Sha bskol ba'i khu ba'i nang du btab ste 'thungs na pags pa'i nad thams cad 'joms so//dug mo yungs dang / tsi tra ka dang / nim pa dang / thang shing dang / seng ldeng dang / a sa na dang / lo ma bdun pa dang / 'di rnams bskol ba'i nang du mar dang / a ru ra'i phye ma dang / sbrang rtsi dang ldan par zos na mdze nad 'joms so/ /seng ldeng dang / nim pa dang / sle tres dang / pa to la'i rtsa ba dang / byi tsher ba dang / 'di rnams bskol ba ni seng ldeng la sogs pa sman gyi sbyor ba drug ces bya ste/ ji ltar lha ma yin khyab 'jug gis bcom pa bzhin du/ mdze nad thams cad 'joms so/ /skyer pa dang / nim pa dang /seng ldeng dang / 'di rnams kyi shun phrag bskol ba 'thungs na mdze nad sel to/ /yang na skyer pa dang 'bras bu gsum dang / nim pa dang / pa to la'i rtsa ba dang / pu tse shel dang / shu dag dang / btsod dang 'di rnams bskol ba 'thungs na/ bad kan dang mkhris pa las gyur pa'i mdze nad gcod do//dam pa'i chos yang dag par bsten pas 'khor ba'i 'ching ba gcod pa bzhin no/ /gong gi sman de dag ba'i mar dang bskol ba'i mar ni rlung las gyur pa'i mdze nad sel ba'i mchog yin te myur du rgyal bar byed do/ / de bzhin du seng ldeng dang / nim pa dang / skyer pa dang / sle tres dang / thang shing dang / 'di rnams re re nas ba'i mar dang sbyor ba gong ma ltar byas na phan no/ /pa tha dang / skyer pa dang / tsi tra ka dang / dan ti dang / dug mo yungs dang / pu tse shel dang / 'di rnams kyi phye ma ba gcin dang /chu dron po gang yang rung ba las zla ba gcig gi bar du 'thungs na/ mdze'i nad dang / gzhang 'brum dang / gcin gyi nad dang / skrangs pa dang / skya rbab dang / ma zhu ba dang / srin bu'i nad la phan no/ /rgya skyegs dang / dan da dang / mur ba dang / 'bras bu gsum dang / tsi tra ka dang / pa tha dang / byi dang ga dang / a ba ma rga dang / tsha ba gsum dang / skyer pa dang / lo ma bdun pa dang / ba sha ka dang / btsod dang / nim pa dang / thang shing dang / rtsa ba lnga pa che chung dang / 'di rnams kyi phye ma ba gcin dang sbyar ba zla ba gcig gi bar du btung zhing phan pa'i zas dang lhan cig bsten na/mdze nad thams cad 'joms so/ /skyer pa dang / pi pi ling dang / dong gra dang / byi dang ga dang / to ba ri dang / tsi tra ka dang / ta bya dang / 'di rnams yas kyi rim bzhin du cha res bskyed pa'i phye ma ba gcin dang bcas pa 'thungs na/mdze nad shin tu mi bzad pa rnams kyang 'joms so/ /tsha ba gsum dang / 'bras bu gsum dang / til dang / go bye dang / de rnams kyi phye ma mar dang sbrang rtsi dang kha ra dkar po dang sbyar ba'i ri lu ni/ tsha ba gsum la sogs pa'i cha bdun pa'i ri lu zhes bya ste/de las ran par zos na/ mdze nad las rgyal zhing bcud kyis len du 'gyur la/ bud med la nyal phod par 'gyur ro/ /so ma ra dza dang / tsi tra ka dang / skyer pa dang / byi dang ga dang / tu pa ra'i rus pa dang / go bye dang / 'bras bu gsum dang /de rnams kyi phye ma bu ram dang ri lur byas te/ rtag tu goms par byas na mdze nad thams cad sel to/ /byi dang ga dang / go bye dang / so ma ra dza dang / tsi tra ka dang / ba ra hi dang / a ru ra dang / lang ga li dang / pi pi ling dang / til nag po dang / 'di rnams kyi phye ma bu ram dang ri lur byas te zos na mdze nad 'joms so//so ma ra dza dang / byi dang ka'i snying po dang / pi pi ling dang / pi pi ling gi rtsa ba dang / lcags kyi phye ma dang / skyu ru ra dang / de rnams kyi phye ma til mar dang lde gur byas te zos na/ mdze nad gso dka' ba yang 'joms so//yang a ru ra dang / go bye dang til mar dang de rnams kyi phye ma bu ram dang ri lur byas te zos na mdze nad las rgyal bar byed do/ /'dir bu ram dang / sman gyi tshad ma smos pa rnams ni sman spyi'i nyes 'gyur gyi bu ram dang sbyor cig /yang na go bye dang /byi dang ga dang / so ma ra dza rnams kyi phye ma bu ram dang / ri lur byas te zos na phan yon yang de dang 'dra'o/ /yang na byi dang ga dang / seng ldeng dang / brag zhun gyi phye ma las ran par zos na 'brum bu phra mo dang / sha gzi gu dang / shu ba rnams 'joms so/ / byi dang ga dang / tsi tra ka dang / skyu ru ra dang / lcags kyi phye ma dang / pi pi ling dang / kha ra rnams btags pa'i phye ma til mar dang btags pa'i lde gu bldags na/ mdze nad gso dka' ba las rgyal bar byed do/ /gla sgang dang / tsha ba gsum dang / 'bras bu gsum dang /btsod dang / thang shing dang / rtsa ba lnga pa rnam gnyis dang / lo ma bdun pa dang / nim pa dang / shing tsha dang / bi shal dang / tsi tra ka dang / mur ba rnams btags pa'i phye ma dang / sman sna gcig gi dgu 'gyur gyi nas phye dang / sbrang rtsi cha gcig dang / mdze 'joms pa'i sman rnams bskol ba'i khu ba dang bskyos te rtag tu 'thungs na mdze nad zlog par byed do/ /de bzhin du 'or nad dang / skya rbab kyi nad dang / sha bkra dang / pho ba'i nad dang / gzhang 'brum dang / rlig rlugs dang / mtshan bar rdol ba dang / 'brum bu phra mo dang /'brum bu dang / 'brum chen gyi nad 'joms so/ /tu par zhes bya ba a ta ka'i rus pa dang / go bye dang / so ma ra dza dang / tsi tra ka'i rtsa ba dang / 'di rnams re re yang bcud kyis len gyi sbyor ba bzhin du sbyar te bsten par bya'o/ /gong ma'i sman gyi sbyor ba gong du bstan pa de dag gis khong pa'i nang gi mdze nad dag ste/pags pa'i phyi rol du byung ba la ni sman gyis byugs pa phan te/ lus dri ma dang bcas pa la sman rnon po'i byug pa bskus pas mdze nad tshabs cher thu bar snang ste/ mdze nad 'khor ling can dang gting zug pa dang / sra ba rnams la ni 'bru'i thum bu la sogs pas dugs byas te/ snyi zhing mthon por gyur pa dang / mtshon gyis zhal zhal bya zhing phyi ste/ de'i 'og tu sman gyis byug par bya'o/ /mdze nad gang lus kyi dbang po rnams nyams shing pags pa mtshon gyis zhal zhal byar mi rung ba de la ni dang po khrag phyung ste/de'i 'og tu thal sman rnon pos bsreg par bya'o/ /mdze nad sra ba dang / rtsub pa dang / bem bem por mi tshor bar 'dug pa dang / yun ring du lon pa dang / brtan pa rnams la ni mdze nad 'joms pa'i sman gyi byug pa dang btung bar blud do//de'i 'og tu dug 'joms pa'i sman dang dug sngags kyis btab pa bsres te sbyin no/ /mdze nad gang lus rengs shing gyong pa dang / tshor bag med pa dang / rngul mi 'byung ba dang / shin tu g.ya' ba rnams la ni ba lang gi lci ba skam po dang / rgya mtsho'i dbu ba 'am/mtshon gang yang rung bas bzhar te/ de'i 'og tu sman gyis byug par bya'o/ /gla sgang dang / 'bras bu gsum dang / po son cha dang / ka rany+dza dang / dong ga dang / dug mo yungs dang / lo ma bdun pa dang / ru rta dang / pri yang ku dang / skyer pa dang / yungs kar dang / 'di rnams tshul bzhin bskol ba ni yungs kar gyi sbyor ba zhes bya ste/ lus bkru ba dang / byug pa dang / des bzhar ba dang / slon khrus kyang byas na/ pags pa'i nad dang / mdze dang / skrang pa dang / skya rbab kyi nad rnams kyang 'joms so/ / ka ra bI ra dang / nim pa dang / dug mo yungs dang / dong ga dang / tsi tra ka dang / 'di rnams kyi rtsa ba ba gcin dang lhan cig bskol te/ dril du btub pa tsam phyung ste/ de'i lde gus bskus na mdze nad 'joms so/ /ka ra bI ra dkar po'i rtsa ba dang / dug mo yungs dang /ka ra ny+dza'i 'bras bu dang / skyer pa'i shun pa dang / su ma na'i lo ma dang / 'di rnams kyi phye ma lde gur byas pas bskus na yang mdze nad 'joms par kun gyis mngon sum du mthong zhing grags pa yin no/ /shri sha'i shun pa dang / ras bal gyi me tog dang / dong ga'i lo ma dang / mon sran sde'u dme ru'i rtsa ba dang / lo mar bcas pa dang / 'di bzhi btags pa'i phye ma'i lde gus bskus na yang phan no/ /nim pa dang / ser po rnam gnyis dang / bye'u rug pa dang / pa to la dang / ru rta dang / a shwa gan+d+ha dang / thang shing dang / shi kru dang / yungs kar dang / g.yer ma dang / 'u su dang / bla ba zhes bya ba ku Tan na Ta dang / tsan+dan dang 'di rnams cha snyoms pa'i phye ma dar ba dang btags te/ thog mar til mar gyis lus byugs la/ de nas lde gu dril ba byas na mdze nad g.ya' ba dang /'brum bu dang / 'brum bu phra mo dang / mdze dang skrangs pa rnams zhi bar 'gyur ro/ /yang na gla sgang dang / skyer khaN+Da skam po dang / skyer pa dang / nag tshur dang / kam pi l+ya dang / ru rta dang / seng phrom dang / mu zi dang / sra rtsi pog dang /byi dang ga dang / ldong ros dang / ba bla dang / ka ra bI ra'i shun pa dang / 'di rnams phye mar byas la sngar til mar gyis lus bskus pa'i steng du btab na/ shu ba dang / g.yan pa dang / 'brum bu phra mo dang / khyi rngo dang rkang shu la sogs pa'i 'dus pa'i nad sel bar byed do//shri khaN+Da'i shing gi sdong bu'i nang du yungs kar btags pa bcug ste/ rdza slang gi nang du me mi che ba la btsos la/ de las lde gur byas pas bskus na rkang shu sel bar byed do/ /ji ltar 'dod chags kyis zil gyis non pa dag ngo tsha spangs pa bzhin no//ldong ros dang / ba bla dang / na le sham dang / de rnams til mar dang / shing a rka'i 'o ma dang sbyar ba bskus na/ mdze 'phrog par byed do/ /de bzhin du ka rany+dza dang / tsakra mar da dang / ru rta dang / de rnams ba gcin dang btags pa 'thungs na yang phan no//yang na gu gul dang / na le sham dang / byi dang ga dang / yungs kar dang / nag tshur dang / sra rtsi pog dang / gla sgang dang / ko nyon tsi'i thang chu dang / ba bla dang / mu zi dang / ldong ros dang / ru rta dang / kam pi l+ya dang / ser po gnyis dang / de rnams kyi phye ma tsakra mar da'i mar dang bsres pa'i lde gur byas la/thog mar mtshon gyis bzhar la/ de'i steng du bskus pa nyi ma la bzhag ste 'dug na mdze nad gtan du zhi bar byed do/ /yang na na le sham dang / shing ta la'i lo ma dang / ru rta dang / ldong ros dang / nag tshur dang /'di rnams til mar dang sbyar ba zangs ma'i snod la zhag bdun bzhag ste des zhag bdun gyi bar du nyi ma tsha ba la bsku zhing bsten na sha bkra 'joms so/ /sha bkra gsar ba la ni lus kyi phyi khrus mi bya bar slon khrus byas la de'i sbyor ba gong ma zla ba gcig bsten na phan no//a pa marga bsregs pa'i thal ba chu nang du bskyos te/ lan bdun btsags la pri yang ku'i mar dang sbyar la bskol bas lus bsku byug byas na sha bkra sel to/ /ka ka dzang ga'i rtsa ba dang / ras bal gyi 'dab ma dang / la phug gi sa bon dang / de rnams dar ba dang btags te sbyar ba/gza' mig dmar la bab pa'i dus su bskus na/ sha bkra sel bar grags pa yin no/ /dzi ban ti dang / btsod dang / skyer pa dang / kam pi l+ya dang / spangs ma dang / de rnams cham chom brdungs te mar dang til mar dang / mar gyi bzhi 'gyur gyi 'o ma dang bskol ba'i nang du sra rtsi pog dang /spra tshil gyis btags pa bskus na 'bras byer ba 'jig par 'gyur te/ de bzhin du pags pa gcig pa'i mdze dang / 'brum bu phra mo'i mdze nad dang / 'bras mi 'byor ba rnams kyang zhi bar byed do/ /lo ma bdun pa'i rtsa ba dang / shri sha'i shun phrag dang / a shwa mar dang / a rka dang / su ma na dang / tsi tra ka dang / thal tres dang / nim pa dang / 'di rnams kyi shun phrags dang / ka rany+dza'i 'bru dang / yungs kar dang / tsakra mar da dang / 'bras bu gsum dang / byi dang ga dang / tsha ba gsum dang /ser po rnam gnyis dang / 'di rnams phye mar byas la til mar dang / de'i bzhi 'gyur gyi ba gcin dang bskol te/ mar 'ba' zhig lus pa ni rdo rje can zhes bya ba rdo rje dang mnyam pa'i lde gu yin te/ de las bsku byug byas na/ pags pa'i nad thams cad dang / rma 'grams pa dang / rlung dang bad kan las gyur pa'i mdze nad sel to/ /e raN+Da dang / skyer khaN+Da dang / ga pur dang / shing nim pa dang / ka taM pa dang / ga ba'i rtsa ba dang / kam pi l+ya dang / byi dang ga dang / in dra ba ru Ni dang / nir gun thi dang /go bye dang / thang shing dang / khron bu dang / shing ko nyon tse'i thang chu dang / gu gul dang / ldong ros dang / lan tshwa dang / shing ta la dang / bca' sga dang / 'di rnams btags pa'i phye ma dang / til mar bskol ba'i nang du su d+hA k+Shi ra zhes bya ba shi ri khaN+Da'i lo ma dang /a rka'i lo ma cha mnyam pa dang lhan cig lde gur byas pa ni/ rdo rje chen po'i lde gu zhes bya ste/ des bskus na phan yon rdo rje can dang 'dra ste/ lhag par yang 'dis ni sha bkra dang / 'bras kyi phreng ba dang / gzhang 'brum rnams 'joms so/ / ru rta dang / a sho mar zhes bya ba te dzo ba ti dang / su d+hA k+Shi ra dang / rgyam tsha dang / 'di rnams btags pa'i phye ma ba gcin dang / til mar dang sbyar ba'i nang du cung zhig btab ste 'thungs na mdze nad las rgyal ba'i mchog yin no/ /yungs kar gyi mar spra tshil dang / shi kru dang / gu gul dang / spangs ma dang / skyer khaN+Da dang / 'di rnams bskol ba'i mar gyis bskus na mchan khung gi nad dang / rkang shu rnams myur du zlog par byed do/ /rgya skyegs dang / tsha ba gsum dang / tsakra mar da dang / ko nyon tse'i thang chu dang / ru rta dang / yungs kar dang / la phug gi sa bon dang / ser po rnam gnyis dang / 'di rnams kyi phye ma dar ba dang sbyar ba'i lde gus bskus na/ shu ba thams cad la phan no/ /zhes drang srong rnams kyis gsungs so/ /tsi tra ka dang / shi kru dang sbyar ba 'am/ yang na sle tres dang / a pa marga dang /thang shing zho ga chu dang sbyar ba 'am/ yang na seng ldeng dang / shing dwa ba 'am/ yang na dan ti dang / dra ban ti'am/ yang na rgya skyegs dang / skyer khaN+Da 'am/ yang na sug smel dang / purna ba'am/ sbyor ba drug po de rnams las gang yang rung ba'i phye ma zho ga chu dang sbyar ba bskus na/rlung dang bad kan las gyur pa'i mdze nad sel to/ /dza la zhes bya ba bA lu ka dang / b+ha bya zhes bya ba ru rta dang / nA ga ge sar dang / gan+d+ha b+ha dra dang / tsan+dan dang / u shi ra dang / de rnams gong ma'i cha res bskyed pa'i phye ma lde gur byas te bskus na/ bad kan dang mkhris pa las gyur pa'i mdze nad sel to/ /mdze nad lus tsha ba dang bcas pa la ni/ gong du smos pa'i tig ta'i sman mar dang / mar lan brgyar bkrus pa dang / til mar dang tsan+dan dang / shing mngar dang / pra puN+Da rI ka dang / ut+pa la dang / tshul bzhin bskol ba'am/'di rnams gang yang rung bas bskus na phan no/ /gang gi lus 'drul zhing yan lag chad pa dang / lus tsha ba dang / 'brum bu byung ba dang / pags pa myags pa dang bcas pa la ni bsil ba'i byug pa dang / blugs pa dang / gtar ga dang / bkru sman dang /tig ta'i sman mar rnams byin na phan no/ /seng ldeng dang / ba sha ka dang / nim pa dang / dug mo yungs dang / 'bras bu gsum dang / byi dang ga dang / sle tres dang / 'di rnams ba gcin dang sbyar bas nang dang phyi rol nas btung ba dang / blugs pa la sogs pa byas na/srin bu las gyur pa'i mdze nad 'joms so/ /de la rlung shas che ba'i mdze nad la ni thog mar sman mar bya'o/ /bad kan las gyur pa'i mdze nad la ni thog mar skyug sman gtang ngo / /mkhris pa las gyur pa la ni/ dang po gtar gas khrag dbyung ba dang bkru sman rnams bya'o//de la mdze nad thams cad la khrag gi nyes pa med cing / slon khrus kyis khong dag na ni/ gong du smos pa'i bsku byug la sogs pa'i sman byas na/ de ma thag phan par 'gyur gyi khrag gi nyes pa dang bcas shing khong ma dag na ni de ltar ma yin no/ /de ltar khrag gi nyes pa yang med/khong pa yang dag par byas gong du smos pa'i snum la sogs pa'i sman dus dang mthun par sbyar na/ mdze nad thams cad nges par bzlog ste gso sla'o/ /de la nad gzhi mang po 'dus pa'i mdze tshabs che ba la ni slon khrus la sogs pas khong pa yang dang yang du sbyang bar bya'o//de ltar sbyang ba byas pas nad pa nyams stobs chung zhing rlung gis nyam thag par gyur na/ srog myur du 'jig par 'gyur bas de bas na sman pas srog bsrung ba la 'bad do/ /de ltar gso ba thams cad kyis mdze nad sos par gyur na/phyis mi 'byung bar bya ba'i phyir lus kyi ro stod dag pa'i ched du zla ba phyed phyed cing slon sman bya'o/ /lus kyi rma dag par bya ba'i phyir zla ba re re zhing bkru sman bya'o/ /mgo bo dag par bya ba'i phyir zhag gsum zhing mgo bo'i bkru sman bya'o/ /de bzhin du zla ba drug cing gtar ga bya ste khrag dbyung bar bya'o//gal te mdze nad las slon khrus ma legs shing khong dag par ma gyur na phyir nad gzhi cher 'khrugs te/ nad slar skye zhing gsor mi rung bar 'gyur bas de bas na mdze'i nad gzhi ma lus par rtsad bcad cing drungs dbyung bar bya'o/ / gso ba'i gnas las mdze nad gso ba'i le'u bcu dgu pa rdzogs so// //de nas sha bkra dang srin bu'i nad gso ba'i le'u bshad par bya ste/ de la sha bkra'i nad ni/ mdze nad pas kyang shin tu smad pa yin no/ /de bas na myur du gso ba'i cho ga la 'bad de ma byas na gsor mi rung bar 'gyur te me nyung ngu las 'bar bas khyim tshig pa dang 'dra'o//de bas khyad par du lus kyi sha bkra la thog mar slon khrus kyis lus dag par bya'o/ /sha bkra la ni shri khaN+Da dang / so mar dza bskol ba'i khu ba 'am/ yang na rang gi khu ba bu ram dang bcas pa blud nas/de'i 'og tu nyams stobs ji lta ba bzhin du bsku byug byas la/ nyi ma la ji srid bzod kyi bar du gzhag par bya'o/ /sbyor ba de dag zhag gsum gyi bar du bsten la/ skom dad skyes par gyur na thug pa blud do/ /de ltar nyi ma la zhag gsum bzhag pas chu skyes pa la ni tsher mas brtol la gzag par bya'o//de nas so ma ra dza dang / a sa na dang / pri yang ku dang / shu ti dang / 'di rnams cho ga bzhin du nang re nang re bzhin zla ba phyed kyi bar du gtang ngo / /yang na rgya skyegs shing gi khu ba dang / hwags dang sbyar ba'i chu gong ma ltar nyams stobs dang sbyar te gtong ngo //shing phal gu dang / skyu ru ra'i shing dang / dug mo yungs kyi shing gi shun pa btags pa so ma ra dza'i khu ba'i nang du btab pa 'thungs pa dang / lus dro bar 'gyur te chu bur byung na tsha ba med pa'i zas dar ba dang lhan cig bza'o/ /yang na ba gcin gyi nang du tsi tra ka dang /tsha ba gsum gyi phye ma dang / sbrang rtsi dang sbyar ba snod snum can gyi nang du bcug pa zla ba phyed kyi bar du bzhag la de las ran par btung ngo / /gzhan yang btung ba la sogs pa'i bya ba thams cad mdze nad kyi cho ga ltar bya'o/ /yang na bring gar dza til mar dang brngos te/lcags snod kyi nang du bcug pa bza' zhing a sa na'i sa bon 'o ma dang bskol ba 'thungs na sha bkra 'joms so/ /yang na pu ti ka rany+dza dang / dong ga dang / arka dang / shri khaN+Da'i shing dang / dzA ti dang / de rnams kyi shun pa btags pa ba gcin dang sbyar ba'i lde gus bskus na/sha bkra dang / gzhang 'brum dang / shu ba dang / g.yan pa dang / 'brum bu dang / rma 'grams pa rnams 'joms so/ /yang na tsi tra ka dang / glang po che'i pags pa bsregs pa'i thal ba til mar dang sbyar bas bskus na yang sha bkra sel ba'i mchog yin no//yang na sbur ba nag po'i sha dang dong ga'i lo ma dang lde gur byas te bskus na/ de gcig pus kyang sha bkra 'jig par byed do/ /chu bur phyir dbyung ba'i phyir ba gcin dang nub gcig sbangs te/ grib ma la skams pa de bzhin du lan gsum byas la/de'i 'og tu zhib tu btags te shri khaN+Da'i 'o ma dang sbyar bas bskus na sha bkra 'joms so/ /sbrul nag po'i sha rdze'u kha sbyar gyi nang du dud pa ma shor bar bsregs te/ snag tsha 'dra bar song ba'i thal ba ba ru ra'i mar dang sbyar bas bskus na yang sha bkra 'joms so//de bzhin du rma bya'i mkhris pa nyi tshe 'am/ yang na ba la ka bsregs pa'i thal ba rma bya'i mkhris pa dang bsres pas bskus na sha bkra sel to/ /so ma ra dza srang bzhi dang / ba la srang gcig btags ba ba gcin dang sbyar bas bskus na yang sha bkra'i mdog bsgyur cing pags pa'i mdog tha mal par skyed pa'i mchog yin no//glang po che'i rtug pa legs par bsregs te thal bar gyur pa dang / glang po che'i gcin dang bskyos te btsags pa srang brgya rtsa bcu gnyis dang / de'i bcu cha gcig gi so ma ra dza'i phye ma btab ste bskol la ska bar gyur pa dang /sha bkra'i pags pa'i phyi rol bzhar ba'i steng du bskus na sha bkra 'joms so/ /mdor na mdze dang pags pa'i mdog nag po snag tsha 'dra ba dang / thig le lta bur chags pa dang rma'i sha rnying pa phyir 'bur ba dang / de rnams la thog mar bzhar la de'i 'og tu bsku byug byas na/ sha bkra la sogs pa 'joms so/ /go bye dang / tsi tra ka dang / shing su d+hA k+Shi ra dang / arka'i rtsa ba dang / 'ol ma se dang / tsha ba gsum dang / dung dang / spangs ma dang / ru rta dang / lan tshwa rnam lnga dang / thal ba rnam gnyis dang /lang ga li dang / 'di rnams btags pa'i phye ma su d+hA k+Shi ra dang / a rga'i 'o ma dang bskol te/ ska bar gyur pa dang / lcags snod kyi nang du bcug ste/ de las thur mas bskus na mdze dang / sha bkra dang / sme ba dang / pags pa'i mdog snag tsha 'dra bar gyur pa dang /gzhang 'brum dang / pags pa'i sha mdzer dang de rnams 'joms par byed do/ /mdor na sha bkra yod pa'i nad pa la ni slon khrus kyis lus dag par bya ba dang / gtar gas khrag dbyung ba dang / kha ba dang / bska ba'i zas kyis lus rtsub par bya ba dang /phye'i zas rnams bsten to/ /gal te de dag sdig pa zad pa lta na sos pa srid kyi de lta ma yin na ni gso dka'o/ /de nas srin bu gso ba bshad de/ /de la khong pa'i srin bu bad kan las gyur pa la ni thog mar snum chos dang dugs byas la/ bu ram dang 'o ma dang sbyar ba btung ba'am/yang na nya sha la sogs pa bza' ste/ nub mo bde bar bsnyal la srin bu kun rang gi gnas las byung nas/ zas mngar bag can la 'du bar 'gyur ro/ /de'i 'og tu bye'u rug pa'i sde tshan ba gcin dang chu dang bskol la de'i nang du pi pi ling dang / po son cha dang / byi dang ga dang / swartsi ka'i thal ba dang / 'di rnams phye mar byas la til mar dang sbyar nas bkru sman drag po mas gtong bar bya'o/ /de ltar ni ru ha mas gtong ba'i rjes la bkru sman gtang bar bya ste/ tri bi ta dang / po son cha dang / pi pi ling dang / 'di gsum gyi phye ma bye'u rug pa'i sde tshan bskol ba'i nang du btab la blud do//khong pa'i nang dag par bya'o/ /de ltar slon khrus byas pa'i rjes la tsha ba lngas btab pa'i 'bras thug sbyin par bya'o/ /de nas sman tsha ba dang kha ba bskol ba'i chus lus la blugs par bya'o/ /slon khrus kyis lus dag par byas nas/byi dang ka'i mar gyi 'jam rtsi mas gtong bar bya'o/ /mgo bo'i srin bu la ni mgo khrus kyi sman du bshad pa gtang bar bya'o/ /bza' ba ni shin tu tsha ba dang / kha ba dang snum cung zad dang bcas pa sbyin no/ /de nas dar ba las gzhi blangs pa'i thug pa'i steng du/byi dang ga dang / pi pi ling dang / na le sham dang / pi pi ling gi rtsa ba dang / na le sham dkar po dang / swa rtsi ka'i thal ba rnams kyi phye mas btab pa blud par bya'o/ /yang na shri sha ka dang / gi ri kar+Ni dang / pa ri bra ta ka dang / ka b+hu ka dang / pa la sha'i sa bon dang /man du ra dang / pu ti ka dang / 'di rnams gang yang rung ba bskol ba'i khu ba'i nang du sbrang rtsi dang sbyar ba blud do/ /yang na bye'u rug pa'i sde tshan las sman gang yang rung ba sbrang rtsi dang sbyar ba'i lde gu bldag par bya'o/ /yang na bye'u rug pa'i sde tshan dang / tri bi tsa'i phye ma dang byi dang ga dang chu dang bskol ba'i nang du btab pa blud do//srin bu can la gong gi sde tshan gyi sman dang / tri bi tsa'i phye ma sbrang rtsi dang sbyar ba bldags pa'am/ yang na 'bras bu gsum gyi khu ba'i nang du bye'u rug pa'i sde tshan dang / tri bi ta btags pa'i phye mas btab ba blud do//mgo bo'i srin bu la ni rta rtug btsir ba'i khu ba dang / byi'u rug pa'i sde tshan las sman gang yang rung ba dang / tri bi ta'i phye mas btab pa'i lde gus bsku bar bya'o/ /gzhan yang srin bu'i nad kun la dra ban ti'i ge sar legs par btags la bag phye dang bsres la btsos pa'i snum khur bza' bar bya'o//de nas 'bras kyi skyur po 'am tsha blud do/ /yang na tsha ba lnga dang / lan tshwa btab pa'i dar ba yang sla tsam sbyin no/ /yang na sman a pa marga dang / ni rgun thi'i lo ma btags la bag phye dang bsres la btsos pa'i snum khur bza' bar bya'o//btung ba ni gong ma dang 'dra/ yang na byi dang ga'i phye ma dang / bag phye bsres pa'i snum khur bza'o/ /yang na byi dang ga shun pa bor ba'i nang gi 'bru btags la/ ba la ta ga'i mar dang cha snyoms te bsres la phyed ni kha nas btung /phyed 'jam rtsi thabs su mas btang la nyi ma tsha ba la 'der gzhug go/ yang na sa ra la dang / thang shing gi mar cha snyoms la bsres te/ gong ma'i cho ga bzhin bya'o/ /bshang ba'am mi gtsang ba'i nang du skyes pa'i srin bu la ni khrus dang 'jam rtsi btang ba las 'da' ba med do//nges par gtang bar bya'o/ /bad kan las gyur pa'i srin bu la ni mgo bkru ba'i sman dang / slon dang / khong du zhi ba'i sman gtang ngo / /khrag las gyur pa'i srin bu la ni mdze nad gso ba'i cho ga ltar bya'o/ /khrag las gyur pa'i srin bu dang / skra rtsa za bar byed pa'i srin bu ni/in dra lub ta zhes bya ba mgo gso ba'i cho ga 'og nas 'byung ba bzhin gso'o/ /rnag las skyes pa'i srin bu la ni rma 'grams pa'i dpyad 'og nas 'byung ba bzhin bya'o/ /srin bu yod pa rnams kyis kha zas 'di dag spang bar bya ste/ 'o ma dang / sha dang / mar dang / bu ram dang / zho dang / sngo rngad kyi tshod ma dang 'di rnams mi bza' ste/ mdor na mngar ba dang / skyur ba rnams spang bar bya'o/ /gso ba'i gnas las sha bkra dang srin bu'i nad gso ba'i le'u nyi shu pa rdzogs so// //de nas rlung nad gso ba'i le'u bshad par bya'o//de la rlung nad 'ba' zhig bad kan dang / mkhris pa ma 'dres pa la ni tshil dang / mar dang / rkang dang til mar te bzhi po de dag las btung ba la sogs pa'i snum chos sbyar ro/ /de nas rlung nad can gyi nad pa de khong snum gyis zhen par gyur nas bar der ngal bsos la de'i 'og tu snum chen po bzhi 'o ma dang lhan cig tu sbyar te snum chos su bya ba dang /de bzhin du grong dang / thang dang / chu la gnas pa'i srog chags kyi sha khu gang yang rung ba snum chen po bzhi dang sbyar ba btang ba dang / gzhan yang 'bras kyi 'o thug dang / kri sa ra skyur dang /lan tshwa dang ldan par btung zhing de'i 'og tu snum dang ldan pa'i 'jam rtsi mas gtong ngo / /sna sman dang skyo ma dang / kha zas rnams kyang snum dang sbyar ba sbyin no/ /de ltar khong snum gyis zhen par gyur na/ snum chen po bzhi btang zhing gding ba'i dugs la sogs pa yan lag brgyad pa bsdus pa las 'byung ba rnams 'dir sbyar ro//rlung nad kyis lus yang yang por gyur pa dang / rengs pa dang / nad dang bcas shing zug pa la yang snum dang bcas pa'i dugs byas na ji ltar 'dod pa bzhin du lus kyi bya ba nus par 'gyur te/ ji ltar shing skam po yang dugs dang snum la sogs pa'i cho ga byas na/ ci dgar mda' la sogs pa byar yod na/ lus can rnams la smos kyang ci dgos/ de ltar dugs byas pa'i yon tan ni ba spu langs pa dang / na ba dang / zug gzer che ba dang / rtsol ba mang ba dang /lus skem pa dang / rengs pa la sogs pa myur du zhi bar 'gyur zhing lus kyi sha mnyen par 'gyur/ rlung na ba'i nad pa la snum chos sbyar ba'i yon tan ni/ dngas ma la sogs pa'i lus zungs rnams myur du 'phel zhing lus kyi nyams stobs dang / me'i drod 'phel zhing 'tsho ba yang yun ring du gnas par byed do/ /de ltar rlung nad can gyi skyes bu la lan cig ma yin par phog mang du snum chos dang dugs yang dang yang byas na/ khong snum zhing 'jam par 'gyur te/ rlung nad gnas par mi 'gyur ro/ /gal te snum la sogs pa gong ma'i sbyor ba de dag gis ma zhi na ni nges par nad gzhan dang 'dres pa yin te/de nas bkru sman 'jam po snum dang bcas pa btang ste/ de yang seng phrom dang / sa ta la gang yang rung ba mar dang bskol ba blud pa 'am/ yang na e raN+Da'i mar 'o ma dang bskol ba blud na/nad 'phrog cing zhi bar 'gyur ro/ /snum pa dang / skyur ba dang / gro ba dang / lan tshwa la sogs pas dri ma sogs shing rtsa rgyun 'gags te rlung tshul bzhin mi 'byung ba la ni bkru sman btang na/ rlung lugs bzhin du 'byung ngo / /skyes bu rlung nad can nyams stobs chung zhing bkru sman btang bar ma 'os pa la ni drod skyed pa dang /smin pa'i zas dang bcas pa'i ni ru ha mas gtong ba'am/ yang na drod skyed pa dang / smin pa'i sman dang / zas lhan cig gtang ngo / /de ltar slon khrus byas pa'i 'og tu me drod tshabs cher skyes par gyur pa la yang snum chos dang dugs bya'o//skyug sman byas pa'i 'og tu thug pa la sogs pa'i rim pa ma byas par kha zas ran bar zos pas pho ba'i nang du rlung zhugs pa la ni mdze nad kyi skabs su bshad pa'i sman drug pa'i phye ma 'am/ yang na shu dag gi sde tshan gyi phye ma gang yang rung ba chu dro 'jam tsam dang sbyar ba blud do//byug pa la sogs pa'i rim pa byas pas me drod shas cher skyes pa la ni rlung nad nyi tshe'i cho ga bzhin bya'o/ /lte ba'i phyogs su rlung zhugs pa la ni bil ba gzhon nu dang / nya sha g.yos su byas pa byin no//lte ba'i 'og tu zhu ba'i gnas su rlung zhugs pa la ni/ 'jam rtsi'i las byas na rab tu bsngags so/ /yang na dang po mar ram til mar 'thungs la/ de'i 'og tu zas zos na phan no/ /khong pa'i nang du rlung zhugs pa la ni thal sman dang phye ma la sogs pa drod skyed cing smin par byed pa'i sman bsten na phan no//snying gi nang du rlung zhugs pa la ni sa la par+Ni 'o ma dang sbyar ba blud do/ /mgo bo'i nang du rlung zhugs pa la ni sna nas sman mar gtang ngo / /de bzhin du snum dang bcas pa'i sna sman dang / dud pa brngub pa la sogs pa bya'o//rna ba la sogs pa gzhan rnams la rlung zhugs na yang so so dang mthun pa'i sman sbyar na phan no/ /rlung nad pags pa la brten pa la ni dugs dang bsku byug dang rlung med pa'i gnas su 'dug pa dang / zas yi gar 'ong ba bsten na phan no/ /rlung nad khrag la gnas pa la ni bsil ba'i byug pas byugs pa dang /bkru sman dang khrag dbyung ba rnams byas na phan no/ /rlung sha dang tshil la brten pa la ni bkru sman byas na phan te/ de bzhin du ni ru ha dang zhi ba'i sman rnams byas na phan no/ /rlung rus pa dang rkang la gnas pa la ni phyi nang gnyis ka la snum chos byas na rgyal bar byed do//rlung khu chu la gnas pa la ni sems dga' bar bya ba dang / nyams stobs skyed cing khu chu 'phel bar bya ba'i zas bsten na phan no/ /rlung gis khu chu 'gags te 'byung du mi ster ba lta na ni bkru sman byin na phan no/ /de'i 'og tu bza' ba la sogs pa'i rim pa gong du smos pa ltar byas na phan no//rlung khu chu la gnas par gyur na/ bu tsha yang sha skem par 'gyur ro/ /de sha skem pa'i bu la ni kha ra dkar po dang / tang pal dang / shing mngar rnams 'o ma dang sbyar ba blud na sha skye bar 'gyur ro//rlung rgyus pa dang tshigs dang rtsa rnams su zhugs pa la ni snum pa dang tsha ba'i sman bsten pa dang / chu lums kyi dugs bya'o/ /rlung gis yan lag 'khums pa la ni mon sran gre'u dang / rgyam tsha til mar dang sbyar bas bskus na phan no/ /khrag phyung bas lus skyes te lus bem bem por gyur cing tshor ba med pa la ni/khyim gyi dud pa dang / lan tshwa dang / til mar dang sbyar bas bskus na phan no/ /tshor ba dang bcas pa yin na ni chu lums kyis dugs bya'o/ /a ba ta na rang dbang can zhes bya ba'i rlung nad yod de/de'i mtshan nyid ni mig 'gul mi shes bskyod mi nus shing 'dod pa'i rtsol ba mi shes la khu chu mi 'byung ba rnams yin te/ de la ni myur du gso bar bya ste/ thog mar dugs dang snum chos byas la/ de'i 'og tu mgo khrus kyi sna sman rnon po gtang ngo / / de nas bi da ri'i sde tshan bskol ba dang / zho dang 'o ma dang sha khu dang mar cha snyoms te bskol la mar lus te 'dug pa blud do/ /de nas thug pa rkyang rkyang po la sogs pa rim gyis byin na/ rlung gis khyab par 'gyur te/ de ma thag phan no/ /rgya sran dang nas dang /rgya shug dang / rlung 'joms pa'i sman thang shing gi sde tshan la sogs pa dang skom gsher gnyi ga na gnas pa'i sha dang lhan cig bskol te bzhi cha lus pa'i nang du rang skyur dang / 'o ma dang mngar ba'i sde tshan gyi phye ma dang / snum chen po bzhi bcug ste bskol la snum lus pa dang /de las blugs pa dang / bsku byug dang lus gzhug pa dang bza' ba dang btung ba dang / snar blugs pa dang 'jam rtsi la sogs pa byas na/ rlung nad 'joms par byed do/ /de dag la sogs pa snum chos dang dugs kyi cho ga'i nang nas 'byung ba'i rlung la phan pa rnams 'dir sbyar ro//de la a pa ta na ka zhes bya ba rlung nad kyis nyam thag pa'i skyes bu la ni mgo khrus kyi sna sman lan mang du yang dang yang du bya ste/ de yang bad kan sel cing rno ba'i sman gyis sbu gu nas 'bud pa 'am yang na sman gyi phur ma sna sgo nas btsir zhing blugs na/rlung legs par sbubs su rgyu zhing de bzhin du 'du shes rnyed par 'gyur ro/ /kha ru tsha dang / a ru ra dang / tsha ba gsum mar dang bskol te byin na rlung shas che ba la phan no/ /yang seng phrom dang / 'bras bu gsum srang brgyad dang / rtsa ba chen po lnga srang sum cu rtsa gnyis dang /e raN+Da dang / bri ha ti dang / dur byid srang re re dang / chu srang lnga brgya rtsa bcu gnyis dang bskol te/ bzhi cha lus pa'i nang du zho srang brgya nyi shu rtsa brgyad dang / nas tshig 'khus pa'i thal ba dang / bil ba srang gsum dang mar srang sum cu rtsa gnyis dang yang bskol te/ mar 'ba' zhig lus pa las ran par bsten na/rlung nad ma rungs pa dang / yan lag thams cad la gnas pa dang / mo mtshan gyi nad dang / rgyu rlugs kyi nad dang skran dang / dmu rdzing rnams sel bar byed do/ /gong du seng phrom gyi cho ga ji lta ba bzhin du ram mya ka dang / a sho ka yang bkru sman gyi don du 'dir sbyar ro//gso ba de dag ni rlung nad a ba ta na ka gzhan dbang can nyi tshe la sbyor ba yin no/ /a pa ta na ka zhes bya ba'i rlung nad bad kan dang ma zhu ba dang mkhris pa dang 'dres pa yin na yang gso ba de ltar bya ste/ de yang rlung de bad kan dang bcas shing snying dang rtsib logs na bar gyur pa la ni g.yer ma dang /a ru ra dang / shing kun dang / ma nu dang / lan tshwa rnam gsum btags pa'i phye ma nas bskol ba'i khu ba dang sbyar ba btung ba 'am/ yang na shing kun dang / bca' sga dang / kha ru tsha dang / se'u 'bru dang / star bu dang / 'di rnams kyi phye ma nas dang bskol ba'i khu ba dang sbyar ba 'thungs na phan no//bad kan dang rlung 'joms ba'i gso ba snying nad kyi skabs su bshad pa 'dir sbyar na rab tu bsngags so/ /da rgan zhes bya ba'i rlung nad lus nang du gug pa dang / phyir dgye ba rnam pa gnyis yod de/ de la ni klad pa gzhogs phyed na ba'i gso ba ji lta ba bzhin du bya ste/de bzhin du shing sgrom bu ram gyis bkang ste lus bcing bar bya'o/ /da rgan gyi rlung nad nang du zhugs pa ni gso dka'o/ /gzhu ltar rengs pa'i da rgan zhes bya ba'i rlung nad yod do de'i mtshan nyid ni so so'i mdog 'gyur zhing gdong dang yan lag rnams zhig pa dang /dran pa nyams pa dang / rngul rtag tu 'byung ba yin te/ de ni zhag bcu las mi 'tsho ste/ gzhan du na shugs zhan cing 'tsho ba lta na yang lus gzhu ltar sgur ba dang / glen pa dang / 'theng ba dang / lag pa zha ba dang / gzhogs phyed na ba dang /'phye bo dang / dbang po ma tshang ba la sogs pa rnams su 'gyur ro/ /'gram pa rang gi gnas nas nyams pa zhes bya ba'i rlung nad yod de/ de la ni snum chos dang dugs bya ste/ de'i 'og tu snum sman pa mkhas pas gzhug par bya'o/ /ko sko phyir 'byung ba 'am nang du zhugs par gyur na yang de tshul bzhin du chud par gzhug go/rlung nad kyis lce ldibs te smra mi nus pa la ni rlung nad kyi gso ba byas pa bzhin du bya'o/ /rlung nad klad pa gzhogs phyed na ba la ni mgo til mar gyis bsku zhing rna ba dang mig brta bar bya'o/ / klad pa gzhogs phyed skrangs pa yin na ni skyug sman gtang ngo / /tsha ba che zhing dmar la nyams stobs yod na ni gtar gas khrag dbyung ngo / /rlung gzhogs phyed na ba zhes bya ba'i nad yod de/ de la ni thog mar snum chos bya ste snum dang ldan pa'i bkru sman bya'o/ / dpung pa 'jas pa zhes bya ba'i rlung nad la ni sna sman btang zhing ma zhu ba med pa yin na zas kyi khong du snum bag sbyin no/ /brla rengs par byed pa zhes bya ba'i rlung nad la ni/ snum chos dang / slon khrus dang lus dag par bya ba'i cho ga mi phan te/ phal cher bad kan dang tshil dang ma zhu ba las gyur pa yin te/de la ni rtsub pa dang ldan pa'i cho gas bad kan zad par bya ste/ de yang bza' ba ni nas dang / khre dang / khre rgod rnams bsngags so/ /tshod ma ni lan tshwa dang 'bru mar nyung zad dang bcas pa 'am/ yang na srog chags thang las skyes ba'i sha khu mar dang mi ldan pa'i tshod ma'ang mi'i zas dang lhan cig zos na rab tu bsngags so//rlung nad brla rengs pa zhes bya ba phyug po'i nad la ni dug mo yungs kyi sde tshan nam/ shu dag gi sde tshan gang yang rung ba bskol ba lan tshwa dang bcas pa dro 'jam tsam nyi tshe blud pa'am/ yang na mdze nad kyi skabs su bshad pa'i sman drug pa'i phye mas btab pa blud do//yang na 'bras bu gsum dang dbyi mo dang / pu tse shel dang / pi pi ling dang / 'di rnams kyi phye ma sbrang rtsi dang sbyar ba'i lde gu'am/ yang na dbyi mo dang / a ru ra dang / tsi tra ka dang / thang shing btags pa'i phye ma sbrang rtsi dang sbyar ba bldag par bya'o//a ru ra dang / gu gul dang / brag zhun gang yang rung ba ba gcin dang sbyar ba btung bar bsten to/ /tsha ba gsum dang / tsi tra ka dang / gla sgang dang / 'bras bu gsum dang / pi pi ling dang / byi dang ga dang /dgu po de spyi dang mnyam pa'i gu gul rnams lhan cig btags pa'i phye ma zos na/ brla rengs pa'i nad tshil dang bad kan ma zhu ba las gyur pa dang / rlung thams cad las rgyal bar byed do/ /gong du smos pa'i sbyor ba de dag gis bad kan dang tshil du bcas pa'i rlung nad thams cad zhi bar byed pa yin no//brla rengs pa'i nad la ni/ thal sman ba gcin dang sbyar bas dugs dang blugs pa dang dril ba rnams bya'o/ /bad kan pags pa'i phyir byung ba la ni yungs kar dang ka rany+dza'i 'bras bu ba gcin dang sbyar bas bskus na phan no//arka dang / ag ni man+tha dang / nim pa dang / de rnams kyi rtsa ba dang / thang shing dang / yungs kar dang / bong ba bsregs pa dang / grog mo'i sa phung dang / 'di rnams kyi phye ma sbrang rtsi dang sbyar ba'i lde gus bskus na phan no/ /brla rengs pa'i nad kyis btab pa'i nad pa des bad kan zad par bya ba'i phyir lus kyi rtsol ba dang ngal ba'i las bsten to//de bzhin du thang la mchong ba dang / ci nus kyis bud med la nyal po bsten par bya'o/ /de bzhin du mtsho mi g.yo ba la bde bar 'jug pa dang / chu bo rgyun las bzlog ste brgal du gzhug go//de ltar sbyor ba de dag gis bad kan dang tshil zad par byas pa'i 'og tu/ rlung la phan pa'i sman snum la sogs pa sbyar bar bya'o/ /rlung nad lhag ma gri ta la sogs pa rkang pa yan chad la gnas pa la yang nyams stobs dang / dus kyi bye brag dang / gang na yod pa brtags te/gong du smos pa'i gso ba bzhin du bya'o/ /sa ha ra tsa dang / thang shing dang / dong gra dang / de rnams kyi phye mar byas pa til mar dang sbyar ba 'thungs na/ rlung gis lus gzir te 'gro mi nus pa yang de ma thag thogs pa med par 'gro nus par 'gyur ro/ /ra sna dang / dong gra dang / tsi tra ka dang / pi pi ling dang / zur ba dang / ma nu dang / 'di rnams btags pa'i phye ma mar dang sbyar ba 'thungs na rlung nad 'joms pa'i mchog yin no/ /nim pa dang / sle tres dang / ba sha ka dang / pa to la dang / kaN+Da ka ri 'di rnams srang bcu bcu chu srang lnga brgya rtsa bcu gnyis dang bskol te/khu ba brgyad cha lus pa'i nang du mar srang sum cu rtsa gnyis dang / pa tha dang / byi dang ga dang / thang shing dang / ha sti pi pi ling dang / dong gra dang / skyer pa dang / shu ti dang / dbyi mo dang / ru rta dang / te dzo ba ti dang / na le sham dang / dug mo yungs dang / ti mu sa dang / kru trug tres dang / pu tse shel dang / go bye dang / shu dag dang / pi pi ling gi rtsa ba dang / btsod dang / bong nga dkar po dang / bong nga ser po dang / la la phud dang / sman 'di rnams zho gnyis gnyis dang / yungs ma'i sa bon phub ma dang phral ba srang lnga dang /'di rnams btags pa'i phye ma btab ste yang bskol la mar 'ba' zhig lus pa las ran par 'thungs na/ rlung nad chen po rus tshigs dang rkang rnams su zhugs pa yang zlog par byed do/ /de bzhin du mdze nad rus pa dang / rkang rnams su zhugs pa la yang phan no/ /gzhan yang rma'i sbubs 'grams pa dang / lba ba dang / mtshan par rdol ba dang / 'bras kyi phreng ba dang / nam tshong yan chad kyi nad thams cad dang / skran dang / gzhang 'brum dang / gcin nad dang / gcong chen po dang / dbugs mi bde ba dang / yi ga 'chus pa dang / sna chu 'dzag pa dang / lud pa dang / skrangs pa dang / snying nad dang / skya rbab dang / myos pa dang / khong 'bras dang / rlung nad dang khrag nad rnams sel te/ rlung mgor zhugs pa la ni bil ba gzhon nu dang / 'o ma bskol ba'i khu ba mar gyi snying khu dang yang bskol ba'i mar las srang phyed tsam snar blugs na phan no//yang na bil ba gzhon nu dang / 'o ma bskol ba'i nang du chu srin na kra dang / nya dang rus sbal dang / 'ug pa dang / de rnams gang yang rung ba'i zhag dang yang bskol la/zhag lus pa las srang phyed dam srang gcig snar blugs na khyad par du rlung nyi tshe sel bar byed do/ /til gyi tshigs ma rnying pa dang rtsa ba chen po lnga so sor bskol la/ de nas gcig tu bsres pa'i nang du 'bru mar dang / de'i brgyad 'gyur gyi 'o ma dang yang bskol te/mar 'ba' zhig lus pa las ran par 'thungs na/ khyad par du rlung nad dang bad kan dang bcas pa 'joms so/ /sman pra sa ra srang brgya bskol ba'i khu ba'i nang du mar srang sum cu rtsa gnyis dang / 'o ma de dang mnyam pa dang / me da rnam gnyis dang / sha ta puSh+pa dang /btsod dang / ru rta dang / ra sna dang / tsan+dan dmar po dang / dzi ba ka dang / zangs rtsi ba dang / ram nye ba rnam gnyis dang / thang shing dang / sman 'di rnams btags pa'i phye ma btab ste yang bskol te/ mar lus pa las ran par 'thungs na rlung nad thams cad 'jig par byed do/ / sa ha tsa ra'i rtsa ba dang yal ga dang bcas pa srang brgya dang / de dang mnyam pa'i rtsa ba bcu pa dang / nye'u shing srang lnga bcu tham pa dang / chu srang nyis stong bzhi bcu rtsa brgyad bskol te/ bzhi cha srang lnga brgya rtsa bcu gnyis lus pa'i nang du dbyi mo dang / chu srin sen mo dang / ru rta dang / tsan+dan dang / sug smel dang / gur kum dang / pri yang ku dang / na li ka dang / ba li ka dang / rdo dreg dang / btsod dang / spang spos dang / a ka ru dang / thang shing dang / tsa rong dang / shu ti dang / du ru ska dang / rgya spos dang / 'di rnams srang re re btags pa'i phye ma dang / gong gi sman khu dang mnyam pa'i ra'i 'o ma dang / til mar de dang mnyam pa rnams lhan cig bskol te/ mar 'ba' zhig lus pa las ran par 'thungs na rlung nad gso dka' ba yang 'jig par byed de gzhan yang rlung gis 'dar ba dang / sha 'gul ba dang lus rengs pa dang / skem byed la sogs pa dang bcas pa'i rlung nad dang /skran dang / smyo byed dang / cham pas btab pa dang / mo mtshan gyi nad rnams 'joms par byed do/ /sa ha tsa ra srang brgya bskol ba'i khu ba'i nang du til mar srang brgya nyi shu rtsa brgyad dang / 'o ma til mar gyi bzhi 'gyur dang / sa ha tsa ra'i rtsa ba srang bcu'i phye ma'am/yang na sa ha tsa ra med na rgya spos dang / shu dag dang / sa la par+Ni dang / ru rta dang / thang shing dang / sug smel dang / rdo dreg dang / spang spos dang / shu ti dang / tsan+dan dmar po dang 'di rnams srang re re'i phye ma btab ste bskol ba'i nang du sha kha ra srang bco brgyad bcug pa ni drang srong gzings can gyi sman mar zhes bya ste/de las ran par 'thungs na rlung nad gso dka' ba dang / rlung nad khong du 'khyil pa dang / smyo byed dang / skran dang / rlig rlugs las rgyal bar byed do/ /ba la srang brgya dang / sle tres srang nyi shu rtsa lnga dang / ra sna srang phyed dang bcu gsum chu srang khri nyis stong brgyad brgya dang bskol te/ brgyad cha gcig srang brgya nyi shu rtsa brgyad lus pa'i nang du zho dang / zho ga chu dang / bu ram shing gi khu ba dang / tshwa dang / til mar dang de rnams re re yang srang brgya nyi shu rtsa brgyad brgyad dang /ra'i 'o ma srang drug cu rtsa bzhi dang / zur pa dkar po dang / ko nyon tse dang / skyer pa dang / sug smel dang / btsod dang / a ga ru dang / tsan+dan dang / shug pa dang / a ti ba la dang / gla sgang dang / mung+ga'i lo ma dang / he ru Nu ka dang / shing mngar dang / bye'u rug pa dang / bya khran kha zhes bya ba rgya mtsho nas byung ba'i chu srin sen mo dang / zangs rtsi ba dang / dzi ba ka dang / rgya skyegs shing dang / bo la dang / gla rtsi dang / na li ka zhes bya ba ka po ta tsa ra na dang / dzA ti b+ha dra dang / 'bu su hang dang / gur kum dang / rdo dreg dang / dzA ti pha la dang /kad pa la dang / ba la dang / shing tsha dang / pog dkar po dang / ga phur dang / tu ruska dang / shi ni ba sa ka dang / li shi dang / chu srin sen mo dang / ka ko la dang / ru rta dang / spang spos dang / pri yang ku dang / sto ni ya dang / rgya spos dang / bya ma ka dang / shu dag dang / ma de na ga dang /p+la ba zhes bya ba ku tan na Ta dang / nA ga ge sar dang / 'di rnams srang re re btags la btab ste yang bskol la phyir phyung ste tshigs ma bor ba'i nang du gan+d+ha b+ha dra btags pa'i phye ma btab ste cho ga bzhin sbyar te byin na/ lud pa dang / dbugs mi bde ba dang / rims dang / brgyal ba dang / skyugs pa dang / skran dang / zad byed dang / glo 'grams pa dang / mcher pa na ba dang / skem byed dang / brjed byed dang / bkra mi shis pa rnams 'jig par byed de/ 'di ni ba la'i til mar bzang po zhes bya ba yin te/ rlung nad 'joms par byed do//gong du bstan pa'i sman mar de dag gi btung ba dang / sna sman dang / bsku byug rnams dus su legs par snum chos byas na/ rlung nad ma rungs pa rnams myur du zhi bar byed cing bud med bu med pa yang bu skyed par byed do/ /gang gi tshe bad kan dang / mkhris pa smin pa'i gnas na 'dug pa las gong gi snum chos dang /dugs la sogs pa byas pas cung zhig snyi ba'am sla bar gyur pa lta na yang 'jam rtsis zhi bar bya'o/ /gso ba'i gnas las rlung nad gso ba'i le'u ste nyi shu rtsa gcig pa rdzogs so// //de nas dreg nad gso ba'i le'u bshad par bya ste/de la dreg nad can gyi nad pas thog mar snum chos byas la rlung bsrung zhing khrag nyung ngu nyung ngu dbyung ngo / /gzhan du na nad gzhi'i stobs dang / nyams stobs che chung brtags te lan mang du dbyung ngo / /de la dreg nad na zhing gzer la tsha zhing mdog dmar ba la ni/srin bu pad pas khrag dbyung ngo / /dreg nad can gyi lus bem bem por song zhing lus g.ya' ba dang / na zhing tsha ba che ba la ni/ rwa dang ku bas khrag dbyung bar bya'o/ /phyogs kun tu gnas 'pho zhing na ba la ni rtsa nas khrag gtar ba dang / zhal zhal thabs su khrag dbyung bar bya'o//lus na zhing rlung shas che ste lus rtsub pa la ni khrag dbyung du mi rung ngo / /gal te de lta bu la gtar ga byas na/ khrag zad de rlung 'khrugs nas zab tu skrang pa dang / lus rengs pa dang / 'dar bu dang / chu ba dang rtsa rnams la nad 'byung zhing lus dri ma dang bcas la nad gzhan rnams kyang 'byung bar 'gyur ro//de la thog mar snum chos bya ste de'i 'og tu snum dang ldan pa'i khrus bya'o/ /rlung shas che ba'i dreg nad la ni mar rnying pa gtang ngo / /sra ba zhes bya ba shing shar ka dang / k+Shi ra ka ko la dang / pa ya s+ya dang / dzi ba ka dang / zangs rtsi ba dang /'di rnams cha snyoms te btags pa'i phye ma mar dang 'o ma dang lhan cig bskol te/ de las ran par 'thungs na dreg nad thams cad 'joms so/ /rgun 'brum dang ma du ka bskol pa'i khu ba'i nang du mar dang / kha ra dkar po btab ste bskol ba'i mar btung ba 'am/de bzhin du 'o ma dang sle tres kyi khu ba'i nang du mar dang / sha kha ras btab ste bskol ba'i mar yang btung ngo / /yang na til mar dang / li kha ra bsres pa blud do/ /ba la dang nye'u shing dang ra sna dang / pi lu dang rtsa ba bcu pa dang / dur byid dang / e raN+Da dang de rnams 'o ma dang tshul bzhin bskol ba blud na/rlung gis nyam thag pa 'joms so/ /yang na 'o ma bzhos ma thag pa dron po ba gcin dang bsres pa blud na nad gzhi'i lugs bzhin 'byung bar 'gyur ro/ /mkhris pa shas che ba'i dreg nad la ni nye'u shing dang /pu tse shel dang / pa to la'i rtsa ba dang / 'bras bu gsum dang / sle tres dang 'di rnams sam yang na sman kha ba dang mngar ba rnams dang 'di rnams gang yang rung ba mar ram 'o ma gang 'byor pa dang bskol ba 'thungs na phan no/ /dreg nad gzhi shas che ba la ni 'o ma dang e raN+Da sbyar ba'i bkru sman btang ngo //de zhu ba'i tshod tsam na 'bras dang 'o ma lhan cig bza'o/ /yang na a ru ra bskol te mar dang brngos pa btung ngo / /yang na tri byid kyi phye ma rgun chu'am 'o ma gang yang rung ba dang sbyar ba blud do/ /yang na dreg nad can gyi nad pa la ni 'o ma'i 'jam rtsi mar dang bcas pa btang ste dri ma sbyang bar bya'o//gang gi phyir dreg nad la ni 'jam rtsi mas gtong ba las lhag pa med de khyad par du gzhang dang rtsib logs dang / rus tshigs dang dmu rdzing gis nyam thag pa rnams la phan no/ /bad kan shas che ba'i dreg nad la ni gla sgang dang /rgun 'brum dang / skyer pa dang / 'di rnams bskol ba'i khu ba sbrang rtsi dang sbyar ba'am/ yang na 'bras bu gsum bskol ba'i khu ba'am/ yang na sle tres bskol ba'i khu ba sbrang rtsi dang sbyar ba blud na phan no/ /bad kan gyi dreg nad can la ni thog mar ji ltar 'os par snum chos byas la skyug sman btang ste/de'i 'og tu 'jam chos dang rtsub chos gang rigs bya'o/ /'bras bu gsum dang tsha ba gsum dang pa to la dang / shing tsha dang / cung hang dang tsi tra ka dang shu dag dang / byi dang ga dang / pi pi ling gi rtsa ba dang /spang spos dang / ba sha ka'i shun phrag dang / ri d+hi dang / lang ga li dang / dbyi mo dang / 'di rnams cha snyoms pa'i phye ma dang lde gur byas te lcags snod kyi nang du bcug la nub gcig bzhag ste/ phyi de nyi ma phyed tsam na de las ran par zos na dreg nad nad gzhi gsum las gyur pa dang /zug gzer shin tu tshabs che ba la phan no/ /ko ki la k+Shi zhes bya ba bskol ba'i khu ba btung zhing de nyid kyi tshod ma dang lhan cig zas zos na dreg nad 'jil bar byed de/ ji ltar snying rje la goms pas khro ba sel ba bzhin no//rtsa ba chen po lnga dang / skyu ru ra'i khu ba le li ta ka'i zhag dang / lhan cig 'thung zhing tshangs par spyod na/ lus la dreg nad gting zug pa las rgyal bar byed do/ /gong du bstan pa de dag ni nang gi gso ba bstan pa yin la/ da ni phyi rol gyi dreg gi gso ba bshad par bya ste/de yang skyur rtsabs brgya nyi shu rtsa brgyad dang / til mar dang / de'i bzhi cha'i sra rtsi pog dang chu mang du bskol te de las ran par 'thungs na rims dang tsha bas nyam thag pa rnams 'jig par byed pa'i mchog yin no/ / yang na til mar btsod dang spra tshil dang bcas pa gong bur byas pa'am/ sra rtsi pog dang thal tres dang til mar dang gong bur byas pas lus la bskus na dreg nad 'joms so/ /rtsa ba bcu pa dang 'o ma lhan cig bskol ba 'am/ yang na mar dang chu dron po lhan cig sbyar te blugs pa byas na rlung shas che ba'i dreg nad de ma thag 'joms par byed do//lus rengs pa dang brkyang bskum byed 'dod pa dang na bas nyam thag pa la ni snum bzhi po sman mngar ba dang sbyar te blugs pa byas na phan no/ /lus tsha na ni grang mo'i rgyun blugs so/ / ba'i 'o ma dang lug gi 'o ma dang ra'i 'o ma til dang bsres pa'am/ yang na 'tsho byed sde bcu bskol ba'am/ rtsa ba chung ngu lnga bskol ba'i blugs pa yang rab tu phan no/ /blugs pa'i ched du rgun chu dang / bu ram shing gi khu ba dang / chang dang / zho ga chu dang rtsab mo skyur po dang /'bras bkrus pa'i chu dang / sbrang rtsi'i chu dang / sha kha ra'i chu 'di gang yang rung ba blugs na/ dreg nad tsha ba che ba la ni bsngags so/ /bud med snying du sdug cing snyan par smra ba lag pa dang nu ma tsan+dan gyi lde gu bskus bas mthang sbyar na lus tsha zhing na ba dang dub pa sel te bsil zhing bde bar 'gyur ro//dreg mdog dmar zhing nad dang bcas la tsha ba dang ldan pa la ni/ khrag phyung la lde gus bskus te de yang pra puN+Da rI ka dang / btsod dang / shing mngar dang / skyer pa dang / tsan+dan dang kha ra dkar po dang /e ra ka'i phye ma dang / sran chung dang / pu shel tse dang / shug pa dang 'di rnams kyi lde gus bskus na tsha zhing na ba dang / shu ba mched pa dang skrangs pa rnams zlog par byed do/ /kri sa ra ti la dang / mung+ga la sogs pa las byas pa rlung 'joms pa'i sman dang lhan cig bskol ba'i snum gyis glan na zug gzer 'joms so//de bzhin du mung+ga dang / 'o ma rlung la phan pa'i sman dang snum du sbyar bas bsku ba'am/ yang na til dang yungs kar snum dang bcas pa'i zan gyis glan na yang zug gzer 'joms so/ /srog chags chu las skyes pa dang /mthu rtsal gyis bzas tshol ba'i sha dang / chu 'gram na gnas pa'i sha zhib mor gtubs pa lan tshwa dang legs par sbyar ba 'tsho byed sde bcu'i sman dang snum dang bcas pas glan pa byas na rengs pa dang / zug cing na ba dang / skrangs pa dang bya rmyang dang yan lag 'khums pa rnams myur du 'joms so//'tsho byed sde bcu'i sman 'o ma dang zhag dang btsos te bskus na phan yon de dang 'dra'o/ /yang na sa ha tsa ra'i rtsa ba dang / dzi ban ti dang mar dang ra'i 'o ma dang / lde gus glan pa'am/ de bzhin du til 'o mas bran te bskams la brngos nas btags pa'i 'o ma dang sbyar ba'i lde gus bsku ba'am/yang na zar ma btags te 'o ma dang sbyar ba'am/ yang na nye'u shing gi phye ma 'o ma dang sbyar ba de dag gang yang rung bas glan na/ rlung shas che zhing zug gzer dang bcas pa 'joms so//yang na ba gcin dang thal sman dang chang dang mar rnams bskol bas byug pa byas na/ zug gzer dang bcas pa sel to/ /mar dang / rgun tsha dang lhan cig bskol bas blugs pa dang bsku byug byas na bad kan shas che ba'i dreg nad la phan no//khyim gyi dud pa dang / shu dag dang / ru rta dang nye'u shing dang / ser po rnam gnyis dang de rnams kyi bsku ba sbyar na rlung dang bad kan shas che ba sel to/ /shi kru dmar po'i sa bon btags pa'i phye ma 'bras kyi rang skyur dang ldan pa'i lde gus yang dang yang bsku zhing tshwa la sogs pas blugs pa byas na rlung dang bad kan shas che ba'i dreg nad la phan no//rtogs par sla ba'i dreg nad la ni byug pa dang bsku ba dang blugs pa dang chu nang du 'dug pa rnams sbyar bar bya la/ rtogs par dka' ba'i dreg nad la ni bkru sman dang / bkru sman drag po dang snum gyi btung ba rnams sbyar ro//rlung dang bad kan shas che ba'i dreg nad la ni byug pa dron po btang ngo / /gal te grang mo byas na ni lus tsha ba dang / skrang pa dang / na ba dang / g.ya' ba dang / rengs par 'gyur ro/ /khrag dang mkhris pa shas che ba'i dreg nad la ni byug pa la sogs pas bsil bar bya ste/gal te dro ba byas na ni skem byed dang / mdog dmar ba dang rngul 'byung ba dang lus gas par 'gyur ro/ /shing mngar srang brgya tshul bzhin bskol te bzhi cha lus pa dang / de'i nang du til mar srang brgya nyi shu rtsa brgyad dang /til mar dang mnyam pa'i 'o ma dang bsres pa'i nang du sti ra dang / bca' ba'i 'bras bu dang / mur ba dang / pa ya s+ya dang / nye'u shing dang / a ka ru dang / tsan+dan dang / han sa pa ti dang / spang spos dang / me da rnam gnyis dang / sle tres dang / ra mnye ba rnam gnyis dang / 'tsho byed dang / dzi ba ka dang / zangs rtsi ba dang / shing tsha dang / gan+d+ha b+ha dra dang / chu srin sen mo dang / ba la ka dang / pra puN+Da rI ka dang / btsod dang / thal tres dang / in dra ba ru ni dang / ku tan na ta dang / 'di rnams srang re re btags pa'i phye ma btab ste bskol la mar 'ba' zhig lus pa las sbyor ba rnam pa bzhi po btung ba dang snar blugs pa dang /bsku byug dang / 'jam rtsi mas gtong ba rnams byas na/ mkhris pa dang tsha ba dang rims kyis nyam thag pa la phan no/ /yang na sman bskol ba'i khu ba'i nang du ba la'i phye ma dang til mar dang de dang mnyam pa'i 'o ma dang yang bskol la/de bzhin du til mar de 'o ma dang lan brgya stong gi bar du bskol te/ de las ran par 'thungs na dreg dang rlung zhi bar byed de/ khyad par du bcud kyis len gyi mchog tu 'gyur zhing dbang po rnams gsal bar byed de/tshe dang lus 'phel zhing rgyas pa dang / skad snyan pa dang / khu chu dang / khrag gi nad rnams 'joms par byed do/ /rlung 'khrugs shing tshil dang bad kan lhag par skyes pas rtsa'i nang du rgyur mi ster te 'gags na thog mar snum bsten cing nyams brta ba'i cho ga mi bsngags so//de la ni dang po brla rengs pa'i cho gar bshad pa rnams bya ste/ de'i 'og tu sman snum dang ldan par sbyar ro/ /ji ltar khrag gi skyon med par 'gyur ba'i bya ba'i cho ga thams cad bya'o//de la srog ces bya ba'i rlung la sogs pa rnam lnga 'khrugs par snang na/ ma nor bar rlung nad gso ba'i skabs su bshad pa'i gso ba'i rim pa dang / rlung lnga po re re gang 'khrugs pa brtags te de nyid kyi stobs che chung las gso bar bya'o/ / rlung nad ma zhi ba dang bcas pa la ni thog mar dugs dang / smyung ba dang / smin par bya ba dang / rtsub pa'i sman du byug pa dang / blugs pa la sogs pa ma zhu ba med par byas la de'i 'og tu rlung nyi tshe'i gso ba bya'o/ /skem byed dang / bya rmyang dang rkang lag 'khums pa dang /rengs pa dang / tshor ba med pa dang / 'dar bu dang / 'gram pa'i tshigs byor ba dang / kha yo ba dang / 'theng ba dang / zha ba dang / dreg nad dang / tshigs 'khrul ba dang / gzhogs phyed na ba dang / gzhan yang tshil dang / rkang dang / rus pa'i nang du zhugs pa'i nad 'di rnams tshabs cher na ba yin pas yun mi ring na ni 'bad pa dang bcas pas gsor rung ste/de bas na nad gsar zhing nad pa nyams stobs dang ldan ba zhig na myur du gso bar bya'o/ /rlung nad mkhris pa dang bcas pa yin na ni res kyis dro ba dang grang ba'i gso ba lan mang du bya'o//yang na 'tsho byed sde bcu dang mar bskol ba blud do/ /rlung nad mkhris pa dang ldan pa la ni srog chags thang las skyes pa'i sha dang / nas dang / 'bras sA lu'i zan byin te/ 'o ma dang ldan pa'i bkru sman 'jam po yang btang ngo / / rtsa ba chen po lnga dang ba la bskol ba 'o ma dang ldan pa'i 'jam rtsi mas gtong ngo / /til mar sman mngar ba dang sbyar ba'i 'jam rtsi dus su btang na phan no/ /yang na shing mngar dang til mar ram/ yang na mar ram 'o ma'am yang na rtsa ba lnga pa bskol ba'i khu ba'am/ yang na chu grang mo dang de rnams gang yang rung bas blugs pa byas na mkhris pa dang ldan pa'i rlung nad la phan no//bad kan dang ldan pa'i rlung nad la ni nas kyi zan dang / skam na gnas pa'i ri dgas dang / bya'i sha dang / dugs dang / bkru sman drag po rnon po dang / slon khrus kyang phan te/mar rnying pa dang / til dang / yungs kar gyi 'bru mar rnams sbyar na phan no/ /rlung bad kan dang mkhris par ldan pa la ni dang po mkhris pa gso zhing de nas bad kan rim gyis gso'o/ /rlung dang khrag 'dres pa la ni dreg nad kyi gso ba ji skad bshad pa rnams bya'o//rlung shas rgyas pa dang bcas pa la ni dugs dang bsku byug dang / sha khu dang / 'o ma dang snum rnams sbyor ba bzhin byas na phan no/ /rlung nad brla rengs pa dang bcas pa la ni gcin nad dang / tshil rgyas pa dang / rlung nad brla gso ba rnams 'dir sbyar ro/ / rlung nad rus pa dang / rkang la gnas pa la ni snum chen po rnams sbyar ro/ /rlung khu chu la gnas pa la ni gong du bshad pa'i cho ga byas na phan no/ /rlung pho ba'i nang du byung ba la ni zas 'ju bar byed pa dang / me drod skyed pa'i sman dang skyug sman dang / kha zas yang ba tshod zin par byas na phan no//rlung gcin gyi gnas su byung ba la ni gcin 'phel ba'i sman dang dugs dang / pho mtshan nas sman mas gtong na phan no/ /rlung bshang ba la gnas pa la ni e raN+Da'i mar phan te/ de bzhin du snum dang ldan pa'i bkru sman dang 'jam rtsi phan no//lus zungs kun tu rlung gis khyab pa la ni bad kan dang rlung mi 'khrug cing / rlung dang rjes su mthun pa'i sman myur du byas na phan no/ /yang na de la ni gang thur du 'khru bar mi 'gyur ba dang / snum pa dang / rtsa rgyun dag pa'i sman dang de dag gang yang rung ba bza' btung kun la sbyar ro/ /phal cher lgang pa nas sman mas gtong ste/ de yang mngar ba dang / snum pa'i 'jam rtsi mas gtong ngo / /de nas lus kyi nyams stobs brtags te/ stobs dang ldan pa yin na ni bkru sman 'jam po gtang ngo //de bzhin du bcud kyis len gyi sbyor ba ji snyed pa byas na yang rab tu bsngags te khyad par du brag zhun dang / 'o ma'i sbyor ba dang / de bzhin du gu gul nyi tshe dang b+har ga pas bshad pa'i tshangs pa'i bcud kyis len zhes bya ba'i nang du kha ra dkar po srang stong chig brgya dang sbyar ba'i lde gu yang rab tu phan no//gzhang kha'i nang du thur du sel ba zhes bya ba'i rlung yod de/ de nad gzhi gang yang rung ba dang 'brel cing na ba la ni me drod skyed pa dang / phyi sa ska bar 'gyur ba dang / rlung bde bar 'byung bar bya zhing gcin sbyang ba'i phyir yang sbyor ba de dag bya'o//de dag ni rlung dang ldan pa'i nad kyi gso ba mdor bstan pa yin te/ srog ces bya ba'i rlung la sogs pa rlung nad rnam pa lnga po yang sman pas gang dang ldan pa brtags te so so'i gso ba bzhin du bya'o/ /de la stod du rgyu ba'i rlung ni sman pas stod du drang zhing gso'o//thur du sel ba'i rlung ni smad du drang zhing gso'o/ /me dang mnyam du gnas pa'i rlung ni mnyam pa nyid du gso zhing gzhug go/ /khyab byed kyi rlung nad ni gsum ka'i sbyor ba bya'o/ /bzhi po de dag pas kyang srog ces bya ba'i rlung khyad par du bsrung bar bya ste/rlung de dag gnas na lus gnas pa'i phyir ro/ /de ltar nad gzhi de dag rang gi gnas spangs te lam gzhan du zhugs par gyur na/ de las slon te so so'i gnas su bzhag ste gso'o/ /rlung nad khrag mkhris dang ldan pa ma gtogs pa lhag ma'i nad gzhi gang dang ldan yang bcud kyis len gyi cho ga bzhin du sgog pa bsten na phan no//stod du rgyu ba'i rlung la sogs pa mkhris par ldan pa yin na ni thog mar mkhris pa gsos la de'i 'og tu rlung gso bar bya'o/ /de bzhin du khrag dang ldan pa yin na yang thog mar khrag dang dreg nad kyi gso ba bya zhing /de'i 'og tu rlung gso'o/ /khrag mkhris dang rlung 'dres pa'i nad la yang bcud kyis len gyi cho ga sna tshogs brtags te 'dir sbyar ro/ /nad gzhi ji lta ba bzhin du gso ba yang ma nor bar bsten pa yin te/tshe'i rig byed kyi 'bras bu ni gso ba'i gnas yin te/ nad rnams kyis nyam thag pa 'phral du 'jig par byed pa yin no/ /de lta bas na 'di ni gso ba zhes kyang bya/ phan pa zhes kyang bya/ sbyor ba zhes kyang bya/ sman pa zhes kyang bya/ sman zhes kyang bya/zhi bar byed pa zhes kyang bya/ bsngags pa zhes kyang bya ste/ de dag ni ming gi rnam grangs yin no/ /gso ba'i gnas las dreg nad gso ba'i le'u nyi shu rtsa gnyis pa ste tha ma rdzogs so// //sman pa'i bdag po seng ge sbas pa zhes bya ba'i bu/sman pa chen po pha gol zhes bya bas/ yan lag brgyad pa'i snying po mdzad pa las/ gso ba'i gnas zhes bya ba le'u nyi shu rtsa gnyis pa rdzogs s+ho// //yan lag brgyad pa'i snying po gnas bzhi pa'o// //sman dpyad yan lag brgyad pa'i snying po las/cho ga grub pa rnam pa drug /ces bya ba cho ga grub pa'i gnas lnga pa brjod par bya ste/ de la gso ba'i gnas de yang cho ga grub pa la ltos dgos pa yin pas/ gso ba'i 'og tu cho ga'i gnas bshad par rigs so/ /de la thog mar skyug sman gtang ba'i cho ga bshad par bya ste/de yang drang srong chen po rgyun shes kyi bu la sogs pas bshad pa na re/ de la po son cha dang / dur byid gnyis ni slon dang khrus kyis nad thams cad la phan pa'i mchog yin te/ nad kyi bye brag re re la/ bzang ba dzi mu ta la sogs pa gzhan ni yod na thams cad la khyab par bsngags pa ni/de gnyis las lhag pa med do/ /de la skyug sman gtang ba'i dus ni/ dpyid dang sos ka'i mtshams kyi zla ba dang / tshes grangs dang / nyi ma shis pa la gtang ngo / /de la skyug sman po son cha btang ba ni son cha'i 'bras bu de/ha cang mdog ser po yang ma yin zhing skya bor song ba ni smin pa'i tshad yin te/ de blangs la phyis nas rtsa ku sha las snod du byas pa'i nang du bcug ste the gus bcings nas ba lang gi lci bas phyi rol nas byug ste/ de nas 'bru'i phung po'i nang du zhag brgyad kyi bar du bzhag ste/de yang ku shas dkris pa'i yon tan ni/ 'jam zhing mngar la dri zhim par 'gyur ro/ /de ltar zhag brgyad lon pa dang phyung la nyi ma la bskams pa dang / pi pi ling yang de ltar byas te bskams la/ til gyi tshigs ma btags pa'i phye ma zho dang mar dang /sbrang rtsi dang sbyar bas bskus te de bskams pa dang / bum pa'i nang du bcug ste ji tsam na dgos pa'i dus su sbyar ro/ /de nas po son cha dang pi pi ling gi sbyor ba de mthe bong nang du bcug pa'i chang pa gang tsam phye mar byas la shing mngar dang /ko bi da ra dang / kar bu da ri zhes bya ba sle sman ta ka dang / bim pa dang / nim pa dang / lcang ma dang / sha na pus shi shu zhes bya ba dang / sa da puSh+pa zhes bya ba arga dang / a pa marga dang / 'di rnams gang yang rung ba zhig cham chom brdungs te/ nub gcig sbangs la bskol ba'i khu ba snyim pa gang gi nang du btab ste bskol la snga dro blud do//mdo'i gnas su bstan pa'i cho ga bzhin du legs par skyug tu gzhug go/ /khyad par du bad kan gyi rims dang cham pas btab pa dang / skran dang khong 'bras rnams la skyug sman bya ste/mkhris pa byung na bcad do/ /pi pi ling dang / po son cha bskol ba'i khu ba 'am/ yang na ko pi da ra'i khu ba gang yang rung ba'i nang du pi pi ling dang / po son cha'i phye ma'i sbyor ba dang / phye ma de'i sum cha'i 'bras bu gsum gyi phye ma btab ste blud na rims dang / yi ga 'chus pa dang /lba ba dang / thor bu dang / 'brum chen dang / dmu rdzing rnams la phan no/ /gal te mkhris pa bad kan gyi gnas su zhugs pa la ni/ dzi mu ta dang / ko sha ta ki rnam gnyis dang / dug mo yungs dang / 'di rnams gang yang rung ba zhig bskol ba'i khu ba'i nang du gong gi po son cha dang /pi pi ling gi sbyor ba'i phye ma btab ste blud do/ /snying tsha ba dang khrag mkhris rgyas pa la ni/ pi pi ling brgya 'o ma dang bskol ba'i nang du po son cha'i sbyor ba btab ste blud do/ /yang na po son cha'i sbyor ba gong ma'i phye ma 'o ma dang bskol te zhor gyur pa dang /de'i zho 'am zho'i spris ma 'thungs na bad kan las gyur pa'i skyugs pa dang / cham pas btab pa dang / mun thibs zhes byed pa la phan no/ /lus skem zhing me drod kyis nyam thag pa la ni po son cha dang / de ba ta li/ ko sha da ki dang / dug mo yungs dang /ku ba kha bo dang / 'di rnams 'o ma dang tshul bzhin bskol ba'i nang du gong du smos pa'i sman gyi phye ma dang / po son cha dang / pi pi ling gi sbyor ba'i phye ma btab ste/ 'o ma dang yang bskol la/ de las byung ba'i mar blud do/ /yang na pi pi ling dang / po son cha'i 'bras bu'i khu ba go bye'i cho ga bzhin du bya ste/lde gu skya ba la dril du btub pa tsam gyi tshod byin la bde bar skyug tu gzhug go/ yang na lde gu de nyid bza' ba dang btung ba'i nang du btab ste bza' ba'am/ yang na gong gi pi pi ling dang / po son cha'i sbyor ba bskol ba dang lhan cig gtang ngo //yang na po son cha dang / pi pi ling dang / nim pa dang / arka dang / de dag gang yang rung ba bskol ba'i nang du dug mo yungs kyi sde tshan btags pa'i phye ma btab ste blud na/ nyams brtas pa las gyur pa'i nad gting zug pa yang zhi bar byed do//byis pa gzhon nu bad kan dang mkhris pa yod cing skyug sman btang mi bzod pa la ni thog mar 'grangs par byas nas/ de'i 'og tu po son cha'i me tog gam 'bras bu gang yang rung ba legs par btags la me tog gi phreng ba la phye mas bsgos te sna sgor mnam na bde bar skyug par 'gyur ro//yang na thug pa 'am/ sha khu 'am/ kri sa ra la sogs pa'i nang du po son cha'i phye mas btab ste blud na yang skyug par 'gyur ro/ /yang na dzi mu ta la sogs pa'i gong du smos pa'i sman drug po yang po son cha'i sbyor ba bzhin du byas la khyad par du dzi mu ta'i sbyor bas ni rims dang /dbugs mi bde ba dang lud pa dang / skyigs bu la sogs pa'i nad la yang sbyar ro/ /yang na dzi mu ta'i me tog gam med na 'bras bu'am/ yang na 'bras bu spu dang bcas pa'am/ de dag gang rnyed kyang rung ste/ 'o ma bskol ba dang sbyar la skyug sman gyi don du btang ba 'am/ yang na dzi mu ta'i 'bras bu ma smin pa dang zho'i spris ma la sbyar ba byin na skyug par 'gyur ro/ /yang na dzi mu ta'i 'bras bu ser skyar song ba'i phye ma 'o mar bskol la zho skyur por gyur pa la btab na skyug par 'gyur ro//a sa ba'i chang gi dngas ma'i nang du dzi mu ta'i rtsa ba mnyes te blud do/ /dzi mu ta'i sbyor ba de dag gis bad kan dang / yi ga 'chus pa dang / lud pa lu ba dang / skya rbab dang / gcod chen po rnams la sbyor ba 'di btang na phan no//ku ba dang ko sha ta ki rnam gnyis dang sbyor ba gong ma bzhin 'o ma dang me tog dang 'bras bu'i cho ga ji lta ba bzhin bya'o/ /yang na de gsum legs par smin pa blangs te skam po btags pa'i phye ma btsags pa srang phyed 'o ma'i nang du bskyos pa blud na rlung dang mkhris pa la phan no//pa to la'i rtsa ba bskol ba'i khu ba 'am/ yang na dong ga'i sde tshan las pa tha yan chad sman dgu las gang yang rung ba'i khu ba'i nang du dzi mu ta'i 'bras bu gnyis sam gsum cham chom brdungs te 'thungs na mkhris pa dang bad kan gyi rims nad can la phan no//yang na dzi mu ta btags pa'i phye ma mkhris pa'i rims la ni chu grang mo dang sbyar te gtang ngo / /bad kan dang rlung 'dres pa'i rims la ni chu dro 'jam tsam dang sbyar ba byin no/ /lud pa dang dbugs mi bde ba dang /dug dang / skyugs pa dang / rims dang / bad kan shas che ba dang / mun thibs zhes byed pa'i nad dang / de rnams dang ldan pa'i skyes bu la ni ku ba kha bo'i skyug sman rab tu bsngags so/ /ku ba kha bo'i 'bras bu dang /me tog dang / me tog med pa'i dus su ni myu gu dang / lo ma gsar pa 'o ma dang bskol ba mkhris pa dang / bad kan du ldan pa'i rims mkhris pa shas che ba la gtang ngo / /ku ba kha bo legs par smin pa'i nang gi 'bras bu phyung ste/'o ma'i nang du bcug ste zhor gyur pa dang / bad kan las gyur pa'i lud pa dang / dbugs mi bde ba dang / skyug sman gyi don du blud do/ /yang na skya rbab dang / mdze dang / dug gis nyam thag pa la ni ku ba kha bo'i sa bon zhog chu dang sbyar ba sbyin no//yang na ku ba kha bo'i sa bon dar ba bskol ba'i nang du btab ste/ rgyam tsha dang / sbrang rtsi dang bcas pa blud na phan yon gong ma dang 'dra'o/ /yang na ku ba kha bo'i sa bon ra'i 'o ma'i nang du bran te ra'i 'o ma de nyid dang bcas pa 'thungs na dug dang /skran dang / dmu rdzing dang / thor bu dang / 'bras dang / rkang bam rnams la phan no/ /nas phye'am yang na ku ba kha bo'i sa bon gang yang rung ba'i ku ba'i rang khus bsgos te skyo mar byas pa blud na bad kan las gyur pa'i rims dang /lud pa dang / lkog ma'i nad dang / ma zhu ba rnams la phan no/ /skran dang rims rnying pa la ni ku ba kha bo'i phye ma sha khu dang lhan cig blud na legs par skyug cing nyam chung bar yang mi 'gyur ro/ /ku ba kha ba'i 'bras bu dang /me tog rang gi khu ba bskams te btags pa'i phye ma me tog gi phreng ba la bsgos te man man bde bar skyug par byed do/ /skyid de ba'i skyug sman du sbyar ro/ /lud pa dang / skran dang / /dmu rdzing dang /lkog ma'i nad dang / de bzhin du rlung bad kan gyi gnas su zhugs pa dang / kha dang mgrin par bad kan gnas pa dang / bad kan sogs shing brtan pa'i nad rnams la sman d+ha mar ka'i skyug sman 'dod pa yin te/zangs rtsi ba dang / kha sral phre'u dang / nye'u shing dang / ra mnye ba rnam gnyis dang / shra ba ni dang / me da rnam gnyis dang / ma du li ka dang / 'di rnams gang yang rung ba'i phye ma dang / ra dzA ko sha ta ki zhes bya ba d+ha mar ka'i phye ma dang bcas pa sbrang rtsi dang sha kha ra dang sbyar ba'i lde gu zos na lud pa dang snying tsha ba la rab tu bsngags so//mkhris pa tsha ba dang bad kan dang ldan pa la yang gong gi sbyor ba gang yang rung ba chu dro 'jam tsam dang sbyar ba gtang ngo / / 'u su dang g.yer ma bskol ba'i khu ba'i nang du d+ha mar ka'i phye ma btab ste blud na dug nad 'joms so/ /bim pa dang / ba spru ba dang / ka sa mar d+ha ka gang yang rung ba bskol ba'i khu ba'i nang du d+ha mar ka'i 'bras bu gcig gam gnyis mnyes la tshigs ma bor te dngas ma blud na snying nad la phan no//d+ha mar ka'i 'bras bu 'o ma dang lhan cig bskol te/ de las byung ba'i mar btung ba 'am/ yang na po son cha dang / dug mo yungs dang / dzi mu ta'i 'bras bu dang /kri ta be ta na dang / 'di rnams re re nas sbyor ba de ltar byas na skyug sman du bzang ngo / /mdze dang / skya rbab kyi nad dang / mcher pa'i nad dang / skrang pa dang / skran dang / sbyar ba'i dug dang / 'di rnams la ni tsha ba dang /rno ba dang / dro ba'i skyug sman bsngags so/ /po son cha dang / ku ba kha bo dang / d+ha mar ka dang / dug mo yungs dang / dzi mu ta dang / kri ta be d+ha ka de rnams gang yang rung ba gcig dang / ko sha ta ki cha snyoms te bskol ba'i khu ba dang /yul ser che ba nas byung ba'i sha khu dang lhan cig bskol te/ lan tshwa dang bcas pa blud do/ /yang na po son cha la sogs pa'i 'bras bu gang yang rung ba cig dang / pi pi ling cha mnyam pa ko sha ta ka'i khu ba dang sbyar ba'am yang na ko sha ta ki bskol ba'i khu ba dang sbyar ba blud do//dug mo yungs kyi sbyor ba'i skyug sman ni byis pa shin tu gzhon nu la gtang ba yin te/ de bzhin du bad kan dang khrag mkhris dang bcas pa dang /rims dang / shu ba mched pa dang / snying nad dang / dreg nad dang / mdze dang / 'di rnams la rab tu bsngags so/ /yungs kar dang / ma du ka dang / rgyam tsha dang / de rnams gang yang rung ba bskol ba'i khu ba'am/yang na dug mo yungs kyi sa bon kri sa ra dang ldan pa skyug sman gyi don du blud do/ /dug mo yungs kyi sa bon arka'i 'o ma'i nang du zhag bdun gyi bar du bsgos shing bran te/ bskams la btags pa'i phye ma po son cha dang /dzi mu ta dang / ku ba kha bo dang / dzi ban ti dang / dzi ba ka dang / de rnams gang yang rung ba cig bskol ba'i khu ba'i nang du btab ste blud do/ /slon sman gyi sbyor ba po son cha la sogs pa 'di dag ni gtsor smos pa tsam du zad kyi/ skyes bu blo dang ldan pa rnams kyis gzhung gzhan las 'byung ba rnams kyang ci rigs su sbyor cig /cho ga grub pa'i gnas las le'u dang po rdzogs so// //de nas bkru sman gtang ba'i cho ga'i le'u bshad par bya ste/de la dur byid dang po zos shing ma zhu ba'i tshe na ni ro bska la mngar zhing rtsub pa yin te/ zhu nas ni ro tsha ba yin la bad kan dang mkhris pa 'joms shing rtsub pas ni rlung 'khrug par byed do/ /dur byid de sman dang sbyar na ni rlung dang mkhris pa dang bad kan gsum 'joms te/khyad par du cho ga bzhi ldan par byas na nad gzhi thams cad las rgyal bar byed do/ /dur byid de yang rnam pa gnyis te/ rtsa ba smug nag tu 'dug pa dang / dur byid dkar po dang gnyis su bshad do//de gnyis las dur byid dkar po ni mchog tu bsngags te/ cho ga bsrung mi dgos shing bkru sman 'jam po yin te/ skyid de ba sdug ma myong ba rgan po dang rgyu snyi ba rnams la gtang ba yin no/ /dur byid smug nag ni brgyal zhing rmongs bag tu byed la/mgrin pa gra mas gang zhing brud pa ltar byed la/ rno zhing myur du 'khru ba'i bdag nyid yin pas lto shin tu sra ba dang / nad gzhi mang pos nyam thag ste lus shin tu zad pa la bsngags so/ /dur byid de btung ba'i dus su yang rtsa ba g.yas g.yon du ma 'phros shing zabs su drang por 'dug pa de phyung la dbus kyi snying po bor te shun pa bskams la sbas nas snod du gzhug go//de nas bkru sman du sbyar ba ni rlung nad can la ni dur byid phye mar bya ste/ rgyam tsha dang / bca' sga nyung zad dang / skyur dang sbyar te blud do/ / mkhris pa las gyur pa'i nad la ni dur byid mar dang / sbrang rtsi dang kha ra dang bcas pa 'o ma dang rgun chu dang bu ram shing gi khu ba dang tang pal dang sman mngar ba'i sde tshan dang / 'bras bu gsum dang / de rnams kyi khu ba gang yang rung ba dang sbyar ba blud do/ / bad kan las gyur pa'i nad la ni sA lu'i khu ba dang / ba gcin dang / rtsabs skyur po dang / tsha ba rnam lnga'i khu ba dang bad kan 'joms pa'i sman nyung shas dur byid kyi phye ma dang sbyar ba blud do/ /dur byid bskol ba'i khu ba grang mo'i nang du kha ra dang /sbrang rtsi dang / dri sna gsum dang sbyar ba blud pa 'am/ yang na dur byid kyi phye ma kha ra dang sbrang rtsi dang sbyar ba'i lde gu bldags na bkru sman yid du 'ong ba yin no/ /a dzA gan d+ha dang / smyig rkang dang / bi da ri dang / sha kha ra dang / 'di rnams dang dur byid kyi phye ma sbrang rtsi dang mar sbyar ba'i lde gu bldags na 'dus pa dang /rims dang / lus rengs pa dang / lus tsha ba dang / skom dad kyis gzir ba legs par 'khru bar byed do/ /yang na bu ram shing gi sdong bu bkas te/ dum bu gnyis su byas pa'i nang ngos dur byid kyi phye ma lde gur byas te/bskus te slar sbyar bas snod kha sbyar gyi nang du cho ga bzhin du tshos par byas nas zos pa na 'dus pa las gyur pa'i nad legs par 'khru bar 'gyur ro/ /shing tsha dang sug smel mnyam pa dang / de gnyis dang mnyam pa'i ni li ni dang / sman gsum po de dag dang mnyam pa'i dur byid dang / sman de bzhi dang mnyam pa'i sha kha ra dang /'di rnams kyi phye ma rgun 'bru'i khu ba'i nang du sbrang rtsi dang phyes btab pa'i skyo ma 'thungs na rlung dang / mkhris pa dang / bad kan las gyur pa'i nad dang / me'i drod chung ba dang / skyes bu skyid de ba dang / shin tu gzhon pa rnams la cho ga bsrung mi dgos par 'khru bar byed do//byi dang ga phub ma med pa dang / 'bras bu gsum dang / nas tshig 'khus pa'i thal ba dang / pi pi ling dang / sman sna gcig gi sum 'gyur gyi dri bi tsa dang / de rnams kyi phye ma sbrang rtsi 'am/ mar ram bu ram de rnams gang yang rung ba'i lde gu bldags na yi ga 'chus pa dang /skran dang mcher pa dang / dmu rdzing dang / lud pa dang / nad ha li mi ka dang / gzhan yang bad kan dang / rlung las gyur pa'i nad myur du sbyong bar byed do/ /byi dang ga dang / pi pi ling mung+ga la dang / 'bras bu gsum dang / 'u su dang / tsi tra ka dang / na le sham dang / dug mo nyung dang / zi ra dang / pi pi ling dang / hasti pi pi ling dang / ti mu sa dang / lan tshwa rnam lnga dang / 'di rnams zho gnyis gnyis phye mar byas pa dang / tri bi tsa srang brgyad kyi phye ma dang / til mar srang brgyad dang / skyu ru ra'i 'bras bu'i khu ba srang sum cu rtsa gnyis dang / bu ram srang sum brgya lnga bcu dang / de rnams lhan cig me mi che ba dang bskol ba ni dge ba'i bu ram zhes bya ba'i sbyor ba yin te/ dus thams cad du sbyor ba 'di byar yang rung ste/ cho ga bsrung mi dgos par 'di las ran par 'thungs na mdze dang / gzhang 'brum dang / mig ser dang / gcin nad dang / skran dang / dmu rdzing dang / mtshan bar rdol ba dang /pho ba'i nad dang / skya rbab kyi nad rnams 'joms shing bud med bu med pa la bu yang skye bar byed do/ /tsha ba gsum dang / dri sna gsum dang / gla sgang dang / byi dang ga dang / skyu ru ra dang / de spyi dang mnyam pa'i dur byid dang / de dang mnyam pa'i kha ra dkar po btags pa'i phye ma sbrang rtsi dang ri lur byas pa zos na gcin sri ba dang /rims dang / skyug pa'i nad dang / lud pa dang / skem byed dang / mgo 'khor ba dang / zad byed kyi nad dang / lus tsha ba dang / skya rbab kyi nad dang / me drod chung ba dang / dug thams cad la rab tu bsngags so/ / dur byid dang / dug mo yungs dang / pi pi ling dang / bca' sga 'di rnams kyi phye ma sbrang rtsi dang rgun 'bru'i khu ba dang sbyar te/ dbyar gyi dus su bkru sman btang bar bzang ngo / /dur byid dang / byi tsher ba dang / gla sgang dang / kha ra dang / ba la ka dang / tsan dan dang / shing mngar dang / sA ha la dang /'di rnams kyi phye ma rgun chu dang sbyar ba ston gyi dus su bkru sman bzang ngo / /tri bi ta dang / tsi tra ka dang / pa tha dang / zi ra dang / sa ra la dang / shu dag dang / rtsa sman khron bu dang / 'di rnams kyi phye ma chu dron dang sbyar ba dgun gyi dus su bkru sman bzang ngo / /dur byid dang kha ra cha mnyam pa ni so ga'i bkru sman bzang ngo //dur byid dang / kyi lce dang / spa ma'i 'bras bu dang / pu tse shel dang / khron bu dang 'di rnams kyi phye ma zhag gsum gyi bar du gcin gyi nang du sbangs shing snum chos byas pa'i mod la btang na dri ma thams cad 'byin par byed do/ /sha ma dur byid dang / byi tsher ba dang / ha ti pi pi ling dang / dug mo yungs dang / ni li ni dang / pu tse shel dang / gla sgang dang / 'bras bu gsum dang 'di rnams kyi phye ma sha khu dang mar dang / chu dron gang yang rung ba las dus thams cad du btang na khong rtsub pa la rab tu bsngags so/ /bkru sman dong ga ni bkru sman 'jam zhing ro mngar ba la bsil ba'i nus pa dang ldan pa yin pas rims dang /snying nad dang dreg nad dang / phyi sa 'gags pa la sogs pa'i nad la rab tu phan no/ /dong ga ni 'jam zhing nyen med pa'i bkru sman gyi mchog yin te/ byis pa dang rgan po dang lus skem zhing zad pa dang / shin tu gzhon pa la yang sbyar ro/ / de yang dong ga'i 'bras bu legs par smin pa'i dus su blangs na dong ga de yang skyon med cing srin bus ma zos pa khur gcig tsam blangs te phye ma'i nang du gzhug go/ /nub bdun lon pa dang phyung la nyi ma la bskam par bya'o/ /de nas shun pa dang 'bras bu bsal te snying po snod gtsang ma'i nang du gzhag go//byis pa lo bzhi nas bcu gnyis kyi bar du lon pa dang / mi skyid de ba lus tsha bas gdungs shing rtug skam gyis btab pa la ni dong ga'i snying po rgun chu dang sbyar la btang ngo / /dong ga'i snying po bskol ba grang mo chang gi dngas ma 'am/ zho ga chu 'am/ skyu ru ra'i 'bras bu 'am/ skyur po gang yang rung ba dang lhan cig sbyar ba'i nang du tri bid kyi phye mas btab pa blud do//dan da bskol ba'i khu ba'i nang du dong ga'i snying po dang bu ram bcug ste zla ba phyed dam gcig gi bar du bzhag pa'i chang btung bar bya'o/ /seng phrom gyi rtsa ba'i nang shun bor te phyi shun blangs te bskams la phye mar bya ste/de'i phye ma'i sum cha gnyis ni seng phrom bskol ba'i nang du sbangs te/ kha cig ni rtsa ba bcu pa bskol ba'i khu ba'i nang du sbangs pa yang bskams te/ yang phye mar byas pa'i zho ga chu dang / ba gcin dang / chang gi snying po dang / rgya shug dang / skyu ru ra'i khu ba rnams las gang yang rung ba dang sbyar te lag mthil du bzhag la btung ngo //yang na nas bskol ba'i khu ba'i nang du de nyid kyi phye ma dang / sha kha ra dang / mar dang sbyar ba'i lde gu de yang bkru sman gyi dam pa yin no/ /de la su d+hA k+Shi ra ni nad gzhi shas cher stsogs shing gso dka' ba yang myur du 'jig par byed la/ shin tu drag cing rtsub pa yin pas lto snyi ba dang / byis pa dang / rgan po dang / nad rnying can nyam chung ba la btang du mi rung ngo / /su d+ha k+Shi ra ste skran dang / dmu rdzing dang / sbyar ba'i dug dang / pags pa'i nad dang / gcin sbrang rtsi lta bu byung ba'i nad dang / skya rbab dang / dug 'joms pa dang /skrang ba dang / nad gzhis sems mi dran pa la yang su d+hA k+Shi ra zhes bya ba snu hi sbyar na phan no/ /su d+hA k+Shi ra shing de yang tsher ma rno ba mang pos khyab pa rab tu bzang ngo / /shing de yang lo gnyis sam gsum lon pa dpyid kyi dus su mtshon gyis dral te lo ma dbyung bar bya'o/ /bil ba la sogs pa rtsa ba chen po lnga dang /bri ha ti rnam gnyis dang / de dag gang yang rung ba re re bskol ba'i khu ba dang mnyam pa'i su d+hA k+Shi ra dang bsres te/ me'i mdag ma la ma reg pa tsam du bskams la ri lur byas la zho ga chu dang / ba gcin dang / chang gang yang rung ba dang sbyar te blud do//dur byid dang / dong ga dang / shang ki ni dang / dan ti dang / dra ban ti dang / sa ta la dang / 'bras bu gsum dang / khron bu dang / de rnams gang yang rung ba gcig gi phye ma su d+hA k+Shi ra'i 'o ma'i nang du sbangs shing bskam par bya ste/ de'i 'og tu sha khu'am mar gang yang rung ba sbyar te blud do//de bzhin du tsha ba gsum dang / 'bras bu gsum dang / tri bi tsa dang / dan ti dang / kru trug tres dang / de rnams kyang re re nas su d+ha k+Shi ra'i 'o ma dang / gong ma bzhin du byas pa bu ram dang / chu sbyar te btang ngo / /sman shang khi ni'i 'bras bu ya ba tig ta zhes bya ba ha cang mi skam pa blangs te phub ma med par byas pa dang /sa ta la'i rtsa ba yang de ltar byas la de gnyi ga yang rno bar 'khru bar byed pa yin te/ bad kan gyi nad dang / dmu rdzing dang / sbyar dug dang / skrang pa la sogs pa la sbyar bar bya'o/ /snying nad dang / bad kan dang rlung las gyur ba'i nad dang / de bzhin du khrag la yang sha khi na dang / sa ta la gnyis chang dang lan tshwa dang bcas pa zho gnyis tsam gyi ri lur byas te sbyar bar bya'o/ /dan ti'i rtsa ba glang po che'i sha ltar brtan zhing sbom pa dang / dra ban ti'i rtsa ba dmar la cung zad gnag par 'dug pa dang / gnyis ni rno ba dang / drod che ba myur du 'khru bar byed la/ mkhris pa dang bad kan ni 'ju bar byed do/ /dan ti'i rtsa ba glang po che'i so ltar brtan zhing sbom pa dang / dra ban ti'i rtsa ba dmar la cung zad gnag par 'dug pa dang gnyis ni rno ba dang / drod che la myur du 'khru bar byed pa yin pas/ rlung lci ba ni 'khru bar byed la mkhris pa dang /bad kan ni 'ju bar byed do/ /dan ti dang / dra ban ti'i rtsa ba de gnyis sbrang rtsi dang pi pi ling gi lde gus phyi rol nas byugs la rtsa dUr bas dkris te/ de'i phyi rol nas 'jim pas bskus nas me chung ngu'am nyi ma la skam mo/ /de ltar bya ba ni lus zungs zad pa'i nus pa gzhil bar bya ba'i phyir bya ba yin no//de ltar bskams pa dang / zho ga chu dang / chang dang dar ba dang / a sa ba'i chang dang / pi lu'i khu ba gang yang rung ba dang lhan cig sbyar te btang na skran dang / gcin nad dang / dmu rdzing dang / sbyar ba'i dug gis lus nyam thog pa la phan no//yang na de gnyis kyi phye ma dang / ri dgas dang / ra'i sha khu dang sbyar te btang na skya rbab dang / lto ba'i srin bu dang / mtshan bar rdol ba la phan no/ /rtsa ba bcu pa dang / dan ti dang / dra ban ti gnyis kyi phye ma cho ga bzhin yang bskol la mar lhag ma lus pa las 'thungs na me dbal dang /me dbal phra mo dang / khong 'bras dang / mchan khung tsha ba dang / 'di rnams las rgyal bar byed do/ /cho ga de bzhin du til mar bskol ba dang sbyar na yang / gcin nad dang / skran dang / gzhang 'brum dang / rtug pa 'gags pa dang / bad kan dang / rlung las rgyal bar byed do/ /de bzhin du snum chen po bzhi cho ga de ltar byas nas 'thungs na/ rtug pa dang rlung 'gags pa dang / de bzhin du rlung gis gnod par gyur pa la yang phan no/ /dur byid la sogs pa sman gong du bstan pa dgu po de dag ni bkru sman gyi nang nas mchog tu bshad do/ / a ru ra yang dur byid kyi cho ga ji lta ba bzhin du nye bar brtag cing dpyad par bya'o/ /bu ram srang brgyad dang / a ru ra rdog ma nyi shu dang / dan ti dang / tsi tra ka srang re re dang / pi pi ling dang / dur byid zho gnyis dang / 'di rnams lhan cig sbyar te/ ri lu bcur byas la zhag bcu bcu zhing ri lu re re zos te/de'i rjes la chu dron po 'thung zhing ri lu bcu po zad kyi bar la thabs de ltar byas na/ cho ga bsrung mi dgos par nad thams cad zlog par byed do/ /khyad par du pho ba'i nad dang / skya rbab dang / mdze nad thig le dmar po can dang / gzhang 'brum dang g.ya' ba dang 'di rnams la phan no//sman gyi dngos po nus pa chung ba yin na sman rnon po dang sbyar na las chen po byed do/ /sman thun che ba yin na yang sman rno ba dang ma sbyar na ni las nyung ngu byed pa yin no/ /dus kyi bye brag las brtags te rno ba dang 'jam pa'i sman legs par sbyar te gtang ngo //de ltar legs par sbyar bas ni sman rno ba yang 'jam por 'gyur la/ 'jam po yang rno bar 'gyur ro/ /de ltar gong du bshad pa'i bkru sman de dag kyang yid dang rjes su mthun pa'i sman shing tsha dang / nA ga ge sar dang / a mra ta ka dang / se'u 'bru dang / sug smel dang /kha ra dkar po dang / sbrang rtsi dang / kha lung dang chang la sogs pa dri zhim pos bsgos shing btab la ldan par byas la blud par bya'o/ /cho ga grub pa'i gnas las bkru sman btang ba'i le'u gnyis pa rdzogs so// //de nas skyug sman dang bkru sman dang de grub par bya ba'i cho ga'i le'u bshad par bya ste/gal te skyug sman de lto snyi ba dang / shin du ltogs pa dang / bad kan chung ba la gtang ngam/ yang na sman shin tu rno ba 'am/ grang ches pa'am/ thun chung ba 'am/ zas ma zhu ba 'am/ nyam chung ches pa la blud na/ slon gyen du mi 'byung bar thur du 'gro bar 'gyur te/ nyes pa phyir sogs par 'gyur bas/ de bas na de la ni yang snum la sogs pa gong ma'i rim pa byas nas sman yang gtong ngo / /bkru sman yang zas ma zhu ba dang / bad kan dang ldan pa la gtang ngam/ yang na bkru sman de nyid shin tu rno ba dang /dro ches pa dang / lan tshwa mang zhing sman thun ches pa dang / yi gar mi 'ong bzhin du byin na slar stod du 'byung bar 'gyur te/ de la ni gong du bshad pa'i cho ga bzhin du bkru sman yang bya'o/ /bkru sman de btang yang legs par ma gyur te/ pho ba la brten zhing 'khrur mi btub pa la ni goms shing yi gar 'ong ba spangs la/gang gnod pa mi skyed pa'i bkru sman gyis bsnan no/ /skyes bu gang gi lus snum chos dang dugs kyis zhen par byas pa la sman rnying pa rtsub pa'i bkru sman btang bas nad rang gi gnas nas bskyod cing 'khru ma nus pas mgo 'khor ba dang / skrang ba dang /skyigs bu dang / mun par mthong ba dang / skom dad che ba dang / byin pa'i nyan ba dang / lus g.ya' ba dang / mgo bo tsha ba che zhing mdog 'gyur ba la sogs pa'i nad de rnams skyed par byed do/ /nad pa de snum dang dugs kyis legs par byas kyang me drod che ba la sman rnying pa thun chung du gtang ba'am/yang na grang ba dang / ma zhu bas khong 'khyil la gtams shing dri ma 'byung mi nus te/ sbyor ba la sogs pas gong gi nad de dag 'byung bar 'gyur te/ de la ni til mar dang / lan tshwas lus bsku byug byas la gding ba'i dugs dang sha kha ra zhes bya ba'i dugs bya ste/ de'i 'og tu ni ru ha gtong zhing zas su srog chags thang las skyes pa'i sha khu sbyin no//de'i 'og tu po son cha dang / pi pi ling dang / thang shing dang / til mar sbyar ba'i 'jam rtsi gtang ngo / /de nas rlung 'joms pa'i sman gyis snum chos byas la/ bkru sman rnon po gtang ngo / /nad gzhi stobs che zhing khong rtsub la me drod che ba la sman thun nyung ngu btang bas nad glongs la khong du 'khyil zhing nad gzhis lam bkag nas lte ba'i phyogs su shas cher sbo zhing /rgyab dang / rtsib logs dang / mgo bo rnams su zug pa dang / dbugs mi bde ba dang / phyi sa dang / gcin dang /rlung rnams mi bzad par 'gag par byed de/ de la ni bsku byug dang / dugs dang / rengs bu mas gtong ba dang / bkru sman drag po dang 'jam rtsi mas gtong ba rnams bya'o/ /yang na gzhang 'brum gyi skabs su bshad pa'i rtug skam gso ba'i cho ga byas na rab tu bsngags so//rtsa ba lnga pa dang / nas tshig 'khus pa'i thal ba dang / shu dag dang / pu ti ka rany+dza dang / lce myang tshwa dang / 'di rnams nas kyi thug pa dang legs par sbyar ba 'thungs na zug gzer dang / rtug pa 'gags pa dang / lto sbo ba rnams 'joms so/ /pi pi ling dang / se'u 'bru dang / thal sman dang / shing kun dang / bca' sga dang / star bu dang / lce myang tshwa dang 'di rnams chang ngam mar ram chu dron po gang yang rung ba dang sbyar ba btang na/ tshad pa dang bad kan du 'khru ba dang / rtag tu 'dzag pa dang / zug cing na ba dang / mkhregs pa rnams la phan no//sman 'thungs nas dri ma ci bder ma btang ste 'gags na/ nad gzhi gsum 'khrugs te snying gi phyogs su nad log nas ro stod shin tu mi bzad par 'dzings par 'gyur te/ de bzhin du rtsib logs su zug pa dang / skyigs bu dang / lud pa dang / nyam chung ba dang / kha chu 'dzags pa dang /mig mi brtan par 'gul ba dang / lce 'cha' ba dang / dran pa nyams pa dang / so krig krig bdar bar 'gyur te/ de la ni sman pa rmongs pa med par byas te/ nad mkhris pa yin pa lta na ni sman mngar ba dang sbyar ba'i skyug sman gtang ngo / /bad kan ltar snang na ni sman tsha ba dang lhan cig skyug sman gtang ngo //de nas nyes pa'i lhag ma lus pa lta na ni/ drod skyed pa'i sman btang la nad smin par bya'o/ /de'i 'og tu nad pa de'i me drod dang nyams stobs bskyed pa'i phyir sman dang btung ba rnams bya'o/ /sman gyi sbyor ba drags te shas cher skyugs pa la ni rlung gis snying gzir zhing na bar 'gyur ro//de la ni snum pa dang / skyur ba dang / lan tshwa sbyin no/ /mkhris pa dang bad kan gyis snying na ba la ni rang rang gi sman sbyar ba gtang ngo / /de la sman 'thungs nas bad kan gyis rlung bkag ste 'byung du mi ster ba 'am/ yang nad tshabs cher 'byung ste rlung 'khrugs nas yan lag 'khums pa dang /rengs pa dang / 'dar ba dang / zug gzer byed pa dang / lus zhig pa dang / lus brdung ba snyam byed pa dang / zug par 'gyur te/ de la ni rlung 'joms pa'i sman thams cad dang snum chos dang / dugs dang 'jam rtsi mas gtong ba dang /bsku byug dang / chu lums la sogs pa byas na rab tu bsngags so/ /lto snyi zhing shin tu bkres pa las bkru sman thun che zhing rno ba byin na/ myur du bad kan dang mkhris pa yang 'dren zhing lus zungs rnams 'byin zhing zad par byed do/ /de ltar bkru sman kyi sbyor ba drags pa de la ni sman gyi lhag ma khong na 'dug pa de skyug sman gyis yang drang bar bya'o//skyug sman gyi sbyor ba drags pas mang du skyugs pa la ni bkru sman 'jam po gtang ngo / /gzhan yang sbyor ba drags pa de la ni/ lus la blugs pa grang mo dang / chu grang gi nang du lus gzhug pa dang /bza' ba dang btung ba la sogs pa yang shin tu grang mo sbyar na chad par 'gyur ro/ /tsan dan dkar po dang / stang zil dang / pu tse shel dang / de rnams kyi phye ma dang / ra'i khrag dang / sha kha ra'i chu'i nang du 'bras yos kyi phye ma btab pa'i skyo ma 'thungs na/ 'khru ba'i sbyor ba drags pa gcod cing phan pa'i mchog yin no//slon sman gyi sbyor ba drags pa la ni chu grang mos blugs pa dang / rgun 'bru la sogs pa'i khu ba mar dang sbrang rtsi dang kha ra dang ldan pa'i skyo ma blud do/ /sgregs pa dang bcas pa'i slon tshabs cher 'byung ba la ni mur ba dang / 'u su dang / gla sgang dang / ma du ka dang / stang zil rnams kyi phye ma sbrang rtsi dang lde gur sbyar ba sbyin no/ /skyugs bzhin du lce nang du 'khums pa la ni snum pa dang / skyur ba dang / lan tshwa dang ldan pa yid du 'ong ba'i sman mkhur bar bcang ba dang / de bzhin du yid du 'ong ba'i mung+ga la sogs pa'i khu bcud dang sha khu phan no//lce nang du 'khums pa'i nad pa'i drung du skyes bu gzhan zhig shing tog skyur ba zar bcug na phan no/ /lce phyir phyung ste sdud mi nus pa la ni til dang rgun 'brum btags pa'i lde gus bskus te slar gzhug par bya'o/ /skad 'gags shing rlung nad skyes pa la ni dus shes pa'i sman pas nas thug mar dang sha khu las gzhi blangs pa'i thug pa sla mo byin te/de bzhin du snum chos dang dugs sbyor bar bya'o/ /de la sman gyi sbyor ba thun ches te drags pas khrag 'byung ste/ de'i ming ni srog stong pa zhes bya bar bshad de/ 'di ni srog dang bcas par 'byung ba yin no//de ltar 'byung ba'i khrag dang zas su bsres te khyi 'am bya rog la byin la des zos par gyur na nad pa 'tsho ba yin la/ ma zos na ni mkhris pa srog ces bya ba 'byung ba yin pas 'chi bar ston to/ /yang na ras dkar po la khrag gis bsgos te bskams la de'i 'og tu chu dron gyis bkrus na/mdog gyur pa tsam las ma dag par gyur na srog ces bya ba mkhris pa byung ba yin pas 'chi ba yin la/ dag cing rjes med pa yin na ni khrag yin te 'tsho bar bstan no/ /sbyor ba drags pa las skom dad che ba dang / brgyal ba dang / ma zhu bas nyam thag par 'gyur te/ de la ni mi 'chi bar bya ba'i gso ba myur du khrag dang mkhris pa'i 'khru ba gcod pa'i sman gyis srog bsrung bar bya'o/ /ri dgas dang / ba lang dang / ma he dang / ra dang 'di rnams gson pa'i khrag phyung ma thag blud na srog slar rnyed de brtan par 'dzin par 'gyur ro/ /de bas na khrag de srog ces bya ba'i mkhris pa'i gnas su song ste brtas par byed do//ri dgas la sogs pa'i khrag de nyid dkrugs te khrag gis 'jam rtsi mas gtong bar yang bya'o/ /yang na pi pi ling dang / tang pal dang / shing mngar dang / dUr ba dang / pu tse shel dang / 'di rnams 'o ma dang lhan cig bskol ba'i nang du mar gyi nying khu dang stang zil dang bcas pa grang mo'i 'jam rtsi mas gtong bar bya'o//yang na 'khru ba gso ba'i skabs su bshad pa'i pid tsa'i 'jam rtsi shin tu grang ba'am/ /yang na mar gyi nying khu'i 'jam rtsi mas gtong bar bya'o/ /gzhang phyir byung ba'i nad la ni dang por sman bskol ba'i khu bas 'khru ba bcad la de nas slar gzhug go//dran pa nyams pa la ni snyan tshig gi rig byed dang / gling bu dang / glu dbyangs la sogs pa snyan pa'i sgra thos par byas na dran pa rnyed par 'gyur ro/ /skyug sman dang bkru sman de grub par bya ba'i cho ga'i le'u gsum pa rdzogs so// //de nas sman mas gtong ba'i cho ga'i le'u bshad par bya ste/ ba la dang / sle tres dang / 'bras bu gsum dang / ra sna dang / rtsa ba bcu pa dang / 'di rnams srang re re dang / po son cha'i rdog ma brgyad dang / ra'i sha srang lnga bcu dang /sman de rnams kyi bcu drug 'gyur gyi chu srang nyis brgya lnga bcu rtsa drug dang bskol te btsags la/ tshigs ma bor te bzhi cha srang drug cu rtsa bzhi lus pa'i nang du/ la la phud dang / po son cha dang / bil ba dang / ru rta dang / sha ta puSh+pa dang / shu dag dang / gla sgang dang /pi pi ling dang / 'di rnams kyi phye ma dang / bu ram dang / sbrang rtsi dang / mar dang / til dang / lan tshwa dang ldan par bya ste/ dro 'jam tsam las cho ga bzhin du 'jam rtsi mas btang na mchog yin te/ nad thams cad 'joms par byed de/ nad med pa la btang na yang tshe ring ba dang lus brta bar byed do//phye ma dang bskol ba'i tshad ni sman bskol ba'i khu ba'i brgyad cha'i phye ma dang / bu ram srang gcig dang / mar dang / sbrang rtsi bzhi cha dang / lan tshwa ci ran tsam btab ste bskol la gtang ngo / /'jam rtsi sbyar ba'i tshad gzhan du ma smos pa rnams kyang thabs 'di bzhin du sbyar bar bya'o//rtsa ba bcu pa dang / ra sha lhan cig cho ga bzhin du bskol ba'i nang du til mar dang / mar dang / zhag dang / snum po gsum btab ste/ mas btang na ni ru ha'i mchog tu drang srong rnams kyis bshad de/ rlung nad thams cad 'phrog go / ba la dang / pa to la dang / rtsa ba chung ngu dang / kyi lce ba dang / e raN+Da dang / nas dang / sman de rnams tshul bzhin du bskol ba'i khu ba srang sum cu rtsa gnyis kyi nang du ra'i sha khu srang sum cu rtsa gnyis bcug la yang bskol te khu ba srang sum cu rtsa gnyis lus pa'i nang du pri yang ku dang / pi pi ling dang /gla sgang gsum gyi phye mas sman khu'i brgyad cha dang / til mar dang / mar dang / sbrang rtsi dang / rgyam tshwa rnams lhan cig bskol te 'jam rtsi mas btang na de ma thag me drod dang nyams stobs dang / sha skye bar byed cing mig gsal bar 'gyur ro/ /e raN+Da'i rtsa ba srang gsum dang / ba la sha srang gsum dang / rtsa ba lnga chung ngu dang / ra sna dang / ba la dang / sle tres dang / a shwa gan d+ha dang / ba spru ba dang / dong gra dang / thang shing dang / de rnams srang re re dang / po son cha rdog ma brgyad dang / de rnams chu srang nyis brgya lnga bcu rtsa drug dang bskol te brgyad cha lus pa'i nang du shu dag dang / shu ti dang / spa ma'i 'bras bu dang / pri yang ku dang / shing mngar dang / pi pi ling dang / dug mo yungs kyi sa bon dang / gla sgang dang / skyer khaN+Da dang / 'di rnams zho gnyis gnyis zhib tu btags pa dang / lan tshwa ci ran tsam dang / sbrang rtsi dang / til mar dang / ba gcin dang / 'di rnams dang sbyar ba'i 'jam rtsi mas btang na stod du skyugs pa dang /me drod skyed pa dang / byin pa dang / brla dang / rkang pa dang / mjug do dang / rgyab dang / lto ba dang / snying dang / pho mtshan rnams su zug pa dang / lus lci ba dang / rlung dang bshang gci 'gags pa dang / skran dang / rde'u chags pa dang /rlig rlugs dang / pho ba'i nad dang / gzhang 'brum dang / de dang de la sogs pa bad kan dang / rlung las gyur pa'i nad thams cad las rgyal bar byed do/ /shing mngar dang / seng phrom dang / a ru ra dang / tsan dan dang / pad+ma dang / ut+pa la dang / 'di rnams 'o ma'i mchog ba'i 'o ma dang tshul bzhin bskol te bsgrangs pa'i nang du 'tsho byed sde bcu'i phye ma dang /kha ra dang / sbrang rtsi dang / mar dang sbyar ba'i 'jam rtsi mas gtong na mkhris pa las gyur pa'i nad la phan no/ /ra sna dang / ba sha ka dang / btsod dang / byi tsher ba dang / ba la dang //rtswa'i rtsa ba lnga zhes bya ba dur byid dang / ku sha dang / bu ram shing dang / 'dam bu dang / 'bras sA lu dang / 'di rnams kyi rtsa ba dang / rtsa ba lnga chung ngu dang / thal tres dang / tsan dan dang / shug pa rnam gnyis dang / shing mngar dang / seng phrom rnam gnyis dang / 'di rnams srang phyed phyed chu dang tshul bzhin bskol ba'i khu ba dang /'o ma srang drug cu rtsa bzhi dang yang bskol te 'o ma nyi tshe lus pa dang / de'i nang du dzi ban ti dang / me da rnam gnyis dang / nye'u shing dang / bi da ri dang / ra mnye ba rnam gnyis dang / rgun 'bru dang / kha ra dkar po dang / dzi ba ka dang /pad+ma ge sar dang / pra puN+Da rI ka dang / ut+pa la dang / puN+Da rI ka dang / seng phrom dang / kha sral phre'u dang / shing mngar dang / nA ga ge sar dang / mun dza ta ka dang / tsan+dan rnam gnyis dang / 'di rnams kyi phye ma btags pa dang / mar dang sbrang rtsi dang rgyam tshwa dang ldan par bya ste/bsgrangs pa'i ni ru ha mas gtang ngo / /ni ru ha btang nas slar byung ba lta na srog chags thang la gnas pa'i sha khu'am/ yang na 'o ma dang lhan cig 'bras chan byin la/ de'i 'og tu lus khrus byas na lus tsha ba dang / 'khru ba'i nad dang / khrag dang mkhris pa rgyas pa dang /snying nad dang / skya rbab kyi nad dang / rims mi bzad pa rnams dang / skran dang / gcin 'gags pa dang / mig ser la sogs pa mkhris pa las gyur pa'i nad do cog sel to/ /ko sha ta ki dang / dong ga dang / thang shing dang / mur ba dang / gze ma dang /dug mo yungs dang / arka dang / pa tha dang / rgya sran dang / bri ha ti dang / 'di rnams srang lnga de drug 'gyur gyi chu srang brgyad cu dang bskol la/ bzhi cha srang nyi shu lus pa dang / de'i nang du yungs kar dang / sug smel dang / po son cha dang / ru rta dang / 'di rnams kyi phye ma zho gnyis gnyis dang /sbrang rtsi dang / po son cha'i mar dang / thal sman dang / yungs kar gyi mar de rnams srang gnyis gnyis dang ldan pa'i ni ru ha mas gtong na me drod chung ba dang / zas yi gar mi 'ong ba dang / bad kan las gyur pa'i nad thams cad 'joms so/ /de nas shin tu gzhon pa 'am skyid de ba'i mi la ni snum zhing 'jam pa'i sman srang gnyis gnyis tsam gyi tshad tsam gtang bar bya ste/de yang 'o ma srang bzhi dang / sbrang rtsi dang / til mar dang / mar srang gnyis gnyis dang / 'di rnams kha gzar dang / dkrugs te 'jam rtsi mas gtong na rlung nad 'joms so/ stobs 'phel zhing mdog gsal bar byed do/ /til mar dang / chang gi dngas ma dang / sbrang rtsi dang / mar dang / de dag khyor re re dang / bil ba la sogs pa rtsa ba chen po bskol ba'i khu ba srang bzhi dang / 'di rnams mas gtong na rlung nad rnams las rgyal bar byed do/ /pa to la dang / nim pa dang /bu ti ka dang / ra sna dang / lo ma bdun pa dang / 'di rnams srang re re bskol ba'i khu ba srang gnyis gnyis dang / mar srang gnyis kyi nang du yungs kar gyi phye ma btags pa'i khu ba lnga zhes bya ba yin te/ mas gtong na mig nad dang / srin nad dang / mdze nad dang / gcin nad rnams 'joms so//til mar dang / ba gcin dang / zho ga chu dang / rtsabs skyur po de rnams srang gnyis gnyis yungs kar btags pa'i phye ma dang / sbrang rtsi dang sbyar ba'i 'jam rtsi byas na bud med la phod par 'gyur ro/ /de nas de'i 'og tu sbyor ba mas gtong na rtug pa 'gags pa dang / lto sbo ba 'jig par byed do/ /pa ya s+ya dang / bu ram shing dang / sa la par+Ni dang / ra sna dang 'di rnams gang yang rung ba bskol ba'i nang du pi pi ling btags pa'i phye ma dang / sbrang rtsi dang mar dang bsres pa'i 'jam rtsi byas na bud med la phod par 'gyur ro/ /de nas de'i 'og tu kun la 'bras bu mngon du grub cing gnod pa med la stobs dang lus 'phel shing rgyas pa dang /bde bar byed pa'i 'jam rtsi dus thams cad du sbyar bar bya ba bshad par bya ste/ de yang sbrang rtsi dang / til mar cha mnyam pa dang / rgyam tshwa zho gnyis dang / shu ti zho bzhi dang / 'di rnams btags pa'i phye ma e raN+Da'i rtsa ba bskol ba'i khu ba'i nang du sbyar ba ni/sbrang rtsi dang til mar cha mnyam pa zhes bya ba yin te/ de la ni ru ha mas gtong na bcud kyis len du 'gyur te/ gcin nad dang / gzhang 'brum dang / srin bu'i nad dang / skran dang / rgyu cher skyes pa'i nad rnams sel to/ / sbyor ba gong ma'i nang du shing mngar gyi phye mas bsres na mig la phan te khrag dang mkhris pa la yang phan no/ /gla sgang btags pa'i phye ma sbrang rtsi dang til mar dang / sha khu dang mar dang sbyar ba ni ya ba na zhes bya ste/ des 'jam rtsi byas na gzhang 'brum dang / brla dang / rlig pa dang / pho mtshan rnams su zug pa las rgyal bar byed do//yang na sbrang rtsi dang / mar dang / zhag dang / til mar srang gnyis gnyis kyi nang du rgyam tshwa zho gcig dang / spa ma'i 'bras bu srang phyed kyi phye ma dang sbyar ba ni de yang ya ba sa zhes bya ste/ 'jam rtsi mas gtong na phan yon gong ma dang 'dra'o/ /yang na e raN+Da'i rtsa ba bskol ba'i khu ba'i nang du shu dag dang /pi pi ling dang / po son cha gsum pa'i phye ma dang / sbrang rtsi dang / til mar dang / rgyam tshwa ci ran tsam btab pa ni yug ti ra Tha zhes bya ste/ de'i 'jam rtsi mas gtong bar bya'o/ /yang na e raN+Da'i rtsa ba bskol ba'i nang du shu dag dang /shu ti dang / shing kun dang / rgyam tshwa dang / thang shing dang / ra sna dang / de rnams btags pa'i phye ma sbrang rtsi dang sbyar ba ni nyes pa 'phrog pa zhes bya ba'i 'jam rtsi yin te/ 'jam rtsi mas gtong na dge bar 'gyur ro/ /yang na rtsa ba lnga bskol ba'i khu ba'i nang du pi pi ling dang /rgyam tshwa dang / shing mngar dang / de rnams btags pa'i phye ma dang / sbrang rtsi dang til mar btab pa ni grub pa'i 'jam rtsi zhes bya ba yin par shes par bya'o/ /yang na rtsa ba bcu pa dang / 'bras bu gsum dang / po son cha dang / bil ba dang / de rnams ba gcin dang tshul bzhin bskol ba'i nang du pa tha dang /dug mo yungs dang / gla sgang dang / po son cha dang / lan tshwa dang de rnams kyi phye ma sbrang rtsi dang / til mar dang / mar dang thal sman btab pa ni yug ti ra tha zhes bya ste de las ran par mas gtong na/ bad kan gyi nad dang / skya rbab dang / gsud pa dang / khu chu dang / rlung 'gags pa dang / khong 'khrugs pa rnams la rab tu bsngags so/ /gla sgang dang / pa tha dang / sle tres dang / e raN+Da dang / ba la dang / ra sna dang / ba spru ba dang / btsod dang / dong ga dang / pu tse shel dang / kyi lce ba dang / ba ru ra dang / rtsa ba lnga pa chung ngu dang /de rnams srang re re dang / de rnams chu srang brgya nyi shu rtsa brgyad dang tshul bzhin bskol te bzhi cha lus pa dang btsags te tshigs ma bor ba'i dngas ma 'o ma srang drug cu rtsa bzhi dang yang bskol te/ 'o ma lus pa dang / 'o ma'i bzhi cha'i srog chags thang la gnas pa'i sha khu dang mar dang /sbrang rtsi dang / rgyam tshwa dang / shing mngar dang / shu ti dang / pi pi ling dang / dug mo yungs dang / skyer khaN+Da dang / 'di rnams btags pa'i phye ma btab ste bsres pa'i 'jam rtsi dro 'jam tsam mas gtong na/ lus kyi sha dang me drod dang / stobs dang / khu chu rnams 'phel zhing dreg nad dang /rmongs bag tu 'dug pa dang / gcin nad dang / gzhang 'brum dang / skran dang / bshang ci 'gags pa dang / rims mi bzad pa dang / shu ba mched pa dang / rgyu rlugs dang / bad kan tshad par 'khru ba rnams 'joms te/ de bzhin du brla phrag dang / brla dang /rked pa dang / dku dang / gnya' rengs dang / rna ba dang / mgo bo rnams su na zhing zug pa dang / zla mtshan gyi nad dang / smyo byed dang / skrang pa dang / lud pa dang / rde'u chags pa dang / rlung 'khyil ba rnams sel to/ /gzhan yang mig la phan zhing bu skye bar byed de/ ya ba na zhes bya ba'i 'jam rtsi'i mchog yin te/bcud kyis len du 'gyur ro/ /ri dgas gdong chung ba ri bong dang / phag la sogs pa'i sha rtsa ba bcu pa dang lhan cig bskol ba'i khu ba'i nang du spa ma'i 'bras bu dang / shu ti dang / gla sgang btags pa'i phye ma dang / snum chen po bzhi dang ldan pa'i ni ru ha mas gtong na/rlung 'phrog pa'i mchog yin te/ shin tu bud med la nyal phod par 'gyur ro/ /rma bya'i gshog pa dang / mkhris pa dang / rgyu ma dang / rkang pa dang / mchu dang / rtug pa rnams bor ba'i sha 'ba' zhig dang / rtsa ba chung ngu lnga srang re re dang / sman gyi brgyad 'gyur gyi chu dang 'o ma lhan cig bskol te 'o ma lus pa'i nang du/bi da ri dang / pi pi ling dang / shing mngar dang / shu ti dang / po son cha btags pa'i phye ma dang / mar dang / sbrang rtsi dang / lan tshwa cung zad btab ste/ de las 'jam rtsi mas gtong na lus kyi stobs dang khu chu 'phel bar byed pa'i mchog yin te/rma bya'i cho ga ji lta ba bzhin du sreg pa la sogs pa khron rko bas kha zas tshol ba thams cad dang / bye'u la sogs pa mchus zas thu ba thams cad dang / seng ge la sogs pa mthu rtsal gyis zas tshol ba thams cad kyi sha re re la yang cho ga de ltar bya ste/de bzhin du chu la gnas pa ngang pa dang / ro hi ta la sogs pa'i sha rnams rma bya'i cho ga ltar bya ste/ nya sha la ni 'o ma spang ngo / /srog chags go da dang / sre mo dang / byi la dang / sha l+ya ka dang / byi ba dang / de rnams kyi sha srang bcu bcu dang / rtsa ba lnga pa de dang mnyam pa dang /sman gyi brgyad 'gyur gyi 'o ma dang tshul bzhin bskol la 'o ma lus pa'i nang du/ po son cha dang / pi pi ling dang / lan tshwa rnam gnyis kyi phye ma dang / kha ra dang / til mar dang / sbrang rtsi dang / mar dang ldan pa'i 'jam rtsi sbyar te btang na bcud kyis len du 'gyur te/ lus kyi rtsol bas glo 'grams pa dang / dbang po rnams mi gsal ba dang / stobs dang gzi mdangs nyams pa dang / khu chu dang bshang gci 'gags pa dang dreg nad la phan zhing de bzhin du rta dang glang po che dang / shing rta la sogs pa las lhung zhing rkang lag chag cing grugs pa rnams la 'jam rtsi btang na slar 'tsho bar 'gyur te/ro tsa bar byed pa'i yul yin no/ /bza' ba ni kha sral dang / byi tsher ba las gzhi blangs pa'i 'o thug sbyin no/ /e raN+Da la sogs pa'i 'jam rtsi mas gtong ba'i sbyor ba de dag ni cho ga bsrung mi dgos par grub pa'i sman du bshad pa yin no//da ni rlung nad 'joms shing bsrung ba dang bcas pa'i 'jam rtsi mas gtong ba brjod par bya ste/ de yang rtsa ba bcu pa dang / ba la dang / ra sna dang / a shwa gan d+ha dang / ba spru ba dang / sle tres dang / e raN+Da dang / tig ta dang / ga bra'i rtsa ba dang / ba sha ka dang / b+hu ti ka dang / nye'u shing dang / sa ha tsa ra dang / ka ka na se dang / de rnams srang re re dang / nas dang / mon sran gre'u dang / zar ma dang / rgya shug dang rgya sran dang / 'di rnams srang gnyis gnyis chu srang nyis stong bzhi bcu rtsa brgyad dang tshul bzhin bskol te/ bzhi cha khu ba srang lnga brgya rtsa bcu gnyis lus pa'i nang du a ru ra dang /'tsho byed sde bcu re re'i phye ma dang / til mar srang brgya nyi shu rtsa brgyad dang lhan cig bskol te/ 'jam rtsi mas gtong na rlung nad thams cad sel bar byed do/ /yang na thang la gnas pa'i srog chags kyi zhag 'tsho byed sde bcu dang / gong ma bzhin byas pa'i 'jam rtsi btang na rlung nad thams cad sel to//yang na shu ti dang / nas dang / bil ba dang / rang skyur dang / til mar de rnams tshul bzhin bskol ba'i til mar ni rlung nad can la sbyar ro/ /yang na rgyam tsha me'i nang du bsregs te dmar por gyur pa dang / mar gyi nang du smyugs te/ de bzhin du yang dang yang byas pa'i mar gyi 'jam rtsi mas gtong na rlung nad las rgyal bar byed do//dzi ban ti dang / po son cha dang / me da rnam gnyis dang / sra ba ni dang / shing mngar dang / ba la dang / shu ti dang / zangs rtsi ba dang / pi pi ling dang / ka ka na si dang / nye'u shing dang / kha sral ba dang / ra mnye ba 'o ma can dang /ka ra ka ta shring gi dang / zur pa dang / shu dag dang / 'di rnams btags pa'i phye ma dang mar dang / til mar dang / de'i bzhi 'gyur gyi 'o ma dang sbyar te 'jam rtsi mas gtong na/ nyams brta ba dang / rlung dang mkhris pa 'joms shing nyams stobs dang me drod dang khu chu 'phel bar byed de/khrag dang khu ba'i nad 'phrog cing bu skyed par byed do/ /yang na rgyam tsha dang / po son cha dang / ru rta dang / shu ti dang / lcang ma dang / shu dag dang / ba la ka dang / shing mngar dang / ga bra'i rtsa ba dang / thang shing dang / kad pa la dang / dong gra dang / ma nu dang / med dang /dbyi mo dang / tsi tra ka dang / zur pa dang / byi dang ga dang / bong nga dkar po dang / tri bi tsa dang / ha re Nu ka dang / ni li ni dang / thi ra dang / bil ba dang / ti mu sa dang / pi pi ling dang / dan ti dang / ra sna dang / 'di rnams cha mnyam ste e raN+Da'i mar ram/ til mar dang / bskol ba las 'jam rtsi byas na/ bad kan las gyur ba'i nad thams cad 'joms te/ de bzhin du rlig rlugs dang / phyi sa 'khyil ba dang / skran dang / gzhang 'brum dang / mcher pa na ba dang / gcin nad dang / brla rengs pa'i nad dang / lto sbo ba dang / rde'u chags pa rnams myur du sel bar byed do//yang na bil ba la sogs pa'i rtsa ba lnga til mar dang bskol ba'i 'jam rtsi mas gtong na/ rlung nad dang bad kan gyi nad 'joms so/ /yang na bad kan la phan pa'i sman tsha ba lnga la sogs pa dang til mar lhan cig bskol te 'jam rtsi byas na yang phan no//yang na til mar dang de'i brgyad 'gyur gyi rang skyur dang lhan cig bskol ba'i nang du/ po son cha'i phye mas btab pa'i 'jam rtsi bad kan can la gtong ngo / /rmongs bag tu gyur pa la ni mas gtong ba rno ba 'jam po 'dod de/ de rno ba btab pa'i rjes la ni/ 'jam pa'i sman btang ste/de yang 'jam pa ni/ snum pa dang mngar ba dang / bsil ba rnams so/ /'jam pa'i rjes la ni rnon po btang ste/ de la rno ba'i sman ni ba gcin dang / bi lu dang / kru trug tres dang / lan tshwa dang / thal sman dang / yungs kar rnams so/ /de yang dus dang gnas skabs shes par byas nas 'o ma dang mar la sogs pa ni 'jam pa la sbyar ro//thog mar sman pa blo dang ldan pas nad pa'i nyams stobs dang dus kyi bye brag dang / nad gzhi dang / rang bzhin gyi bye brag shes par byas nas nad gzhi so so dang mthun pa'i sman gyi sde tshan gang yin pa dang sbyar ba'i 'jam rtsi mas gtong bar bya'o//nad pa tsha bas nyam thag pa la ni bsil ba'i 'jam rtsi gtang zhing nyams brta ba'i kha zas la sogs pa yang bsil bag sbyar ro/ /grang bas nyam thag pa la ni sman dang ldan pa'i 'jam rtsi kha zas la sogs pa drod bag sbyar ro/ /skyes bu gang gi mdze nad dang /tshil rgyas pa'i nad dang / gcin nad rnams la ni bkru sman sbyar bar rigs kyi nyams brta ba'i 'jam rtsi mi bya'o/ /lus zad pa dang / glo 'grams pa dang / nyam chung ba dang / brgyal ba dang / lus rjud pa dang / lus skem pa dang / slon khrus kyis lus dag zin pa rnams la ni/skyug sman dang / bkru sman mi bya'o/ /de bzhin du gang gi srog zungs phyi sa brtan par 'dzin pa la yang bkru sman mi btang ngo / /cho ga grub pa'i gnas las sman mas gtong ba'i cho ga'i le'u ste bzhi pa rdzogs so// //de nas sman mas gtong ba'i cho gas nad phyin te sos par bya ba'i cho ga'i le'u bshad par bya ste/de la nad pa snum dang dugs ma byas pa dang lto shin tu lci ba lams gtong ba'i sman grang mo dang / snum dang / lan tshwa nyung ba dang / sman thun tshad chung ba dang / yang na bska ba mas gtong na sman gyi stobs chung bas nad gzhi 'khrugs nas mi 'byung ste sbyor ba log pa des ni rlung dang phyi sa dang gcin 'gags shing chu so dang lte ba rnams su na ba dang /lus tsha zhing dang ka mer mer por byed pa dang / gzhang skrang ba dang / g.ya' ba dang / 'bras byung ba dang / mdog 'gyur ba dang / gnas la mi dga' ba dang / me drod chung bar 'gyur te/de la ni 'khru ba gso ba'i le'u las 'byung ba'i sman bu ti ka dang / pi pi ling dang / bca' sga dang / shu dag dang / 'u su dang / a ru ra bskol ba 'am/ yang na bil ba dang / 'u su dang / gla sgang dang / bca' sga dang / bal dang / de rnams bskol ba 'am/ sbyor ba de gnyis gang yang rung ba dron po 'thungs na rab tu bsngags so//yang na rtug pa 'gags te zug gzer che ba la ni po son cha'i reng bu btang zhing dugs bya ba dang / dus tshod shes par byas la bkru sman yang btang ste/ bil ba'i rtsa ba dang / dur byid dang / thang shing dang / nas dang /rgya shug dang / rgya sran dang / 'di rnams btags ba'i chang dang / ba gcin dang lhan cig mas gtong na phyi sa 'gags pa sel par 'gyur ro/ /de la nad gzhi stobs che ba 'am/ khong du rtsub pa 'am/ lto sra ba la sman thun chung ba dang / nus pa chung ba'i sman mas gtong na/nad gzhi rnams slong ste/ rlung rgyu ba'i rgyu srang 'gags nas/ rlung lam log par song ste/ lto sbos shing gnad rnams kyang shin tu gzir zhing na bar 'gyur ro/ /de bzhin du lus tsha ba dang / gzhang dang / lto ba dang / rlig pa dang / chu so rnams su zug cing na ba dang /rlung de snying la brten cing lus thams cad du 'pho ste na bar 'gyur ro/ /de ni bsku byug dang dugs bya ste/ po son cha'i reng bu sbyar bar bya'o/ /yang na bil ba la sogs pa gong du smos pa'i sman bskol ba'i nang du pi lu'i 'bras bu dang / dug mo yungs kyi phye ma dang / ba gcin du sbyar ba ni ru ha mas gtong na phan no//yang na ko nyon tse dang / thang shing dang / til mar dang sbyar ba'i 'jam rtsi mas gtong bar bya'o/ /mas gtong ba de bar du bcad cing btang ba'am/ yang na btsir drags pa'am/ thun ches pa 'am/ lan tshwa dang snum med pa 'am/ grang ba 'am/ sman nyung ba 'am 'jam po btang bar gyur na ni rlung gis gyen du phul te kha 'am/sna nas 'byung bar 'gyur la/ de'i dbang gis brgyal ba dang / brang tsha zhing kha nas chu 'byung ba dang / skom dad che ba dang / lus tsha ba la sogs pa skye bar 'gyur ro/ /de ltar brgyal ba la sogs par gyur na/ de ma thag tu chu grang mos gdong la gtor ro//brgyal ba des dub par gyur pa la ni/ rlung yab kyis g.yab cing dbugs bsdams te brngub tu gzhug go/ /de nas nad pa de kha bub tu bzhag ste/ rgyab dang rtsib logs dang lto ba rnams su lag pa la sogs pa dron pos mnye zhing dugs bya'o/ /de nas rgyal bu'i skyes bus tshig spyo ba dang bcas pas skra las drangs shing drud pa dang /mtshon dang me mched pa dang / sbrul dang / mche ba can la sogs pas 'jigs par byas na/ mas gtong ba de tshul bzhin du 'byung bar 'gyur ro/ /des kyang ma thub na ji ltar yang mi 'chi ba'i thabs bya ste/ lag pa gnyis sam ras kyis mgul pa dam du bcings na srog ces bya ba dang /gyen du rgyu ba'i rlung gi lam 'gags te/ thur du sel ba'i rlung zhes bya ba des rang gi gnas su 'og tu myur du 'dren par byed do/ /yang na ru rta dang seng phrom gnyis kyi phye ma rang skyur dang bskol te blud na dro ba dang / rno ba dang / 'khru ba'i rang bzhin yin pas/ mas gtong ba'i sman de lugs bzhin 'byung ngo / /yang na dur byid dang / a ru ra'i phye ma ba gcin dang bskyos pa 'thungs na thur du 'byung bar 'gyur ro/ /zhu ba'i gnas su mas gtong ba'i sman 'dug pa la ni thog mar dugs byas la/ de'i 'og tu rtsa ba bcu pa dang /nas dang rgya shug dang rgya sran rnams ba gcin dang lhan cig bskol te ni ru ha mas gtong ngo / /yang na sle tres dang / smyug ma'i lo ma dang / bu ta ka rany+dza'i shun pa dang / lo ma dang / zur ba dang / thang shing dang / b+hu d+hi ka dang / 'di rnams ba gcin dang bskol la/ til mar dang bu ram dang /rgyam tsha dang bcas pa'i nang du bkru sman gyi phye mas btab pa mas gtang ngo / /mas gtong ba'i sman de brang gi nang du byung ba la ni bil ba la sogs pa rtsa ba lnga bskol ba mas gtong ngo / /mgo bor byung ba ni snar blugs pa'i sman dang dud pa btang ba dang / yungs mar gyi lde gus mgo bo bsku'o//mas gtong ba'i sbyor ba drod ches pa dang / rno ches pa dang / skyur drags pa dang / bska ches pa'i sman nad pa dugs ma byas pa dang / nad gzhi chung ba dang / rgyu snyi ba la gtong ba 'am/ yang dang yang btang na ni sbyor ba drags pa yin te/ khong pa'i nang du nad skyed par byed do//mas gtong ba'i sbyor ba drags te mang du 'khru na bkru sman drags pa'i gso ba ji lta ba bzhin du bya'o/ /yang na mas gtong ba'i sman dang / thal sman dang / skyur ba dang / dro ba dang / rno ba dang lan tshwa rnams mkhris pa'i rang bzhin can la sbyar la/ gzhang gi nang du tsha ba skyes te brus pa snyam byed cing gnod pa dang bcas par 'khru bar byed de/'khru ba de yang khrag btsos pa lta bu 'byung la mkhris pa yang shugs drag pos shas cher 'byung ste/ yang nas yang du dran pa stor bar 'gyur ro/ /de la ni khrag dang mkhris pa'i 'khru ba'i gso ba rab tu bsngags so//de bzhin du gzhang tsha ba la sogs pa'i nad de la ni/ dur byid kyi phye ma rgun chu'i nang du bskyos pa blud do/ /ji ltar mkhris pa'i 'khru ba gso ba bzhin du/ rlung dang mkhris pa gso ba'i cho ga byas na yang gnod pa sel bar byed do/ /de ltar skyes bu de'i khong dag pa lta na/ thug pa grang mo khar dang bcas pa blud do/ /de ltar 'khru ba'i 'og tu bshang ba zad par 'gyur ba dang / bza' bar ni mon sran gre'u'i khu bcud dang / mon sran rde'u la sogs pa'i chan dang lhan cig sbyin no/ /btung bar ni zho dang chang blud do/ /de rtsub por gyur ba'i sbyor bas nad phyin te sos par bya ba bstan to//da ni snum chos kyi 'jam rtsi mas btang bas nad phyin te sos par bya ba bshad par bya ste/ de yang rlung las gyur pa'i nad la 'jam rtsi grang ba 'am/ nyung ba btang ba dang / mkhris pa las gyur pa la ni shin tu rno ches pa btang ba dang / bad kan las gyur pa la 'jam pa dang /de bzhin du grang ches pa la 'jam rtsi 'ju dka' ba dang / dri ma mang du stsogs pa la sman nus stobs chung ba btang na/ snum rlung la sogs pa'i nad gzhi dang 'dres nas nang du 'khyil te slar 'byung bar mi 'gyur te/ de ltar rlung dang 'dres te phyir mi 'byung ba des ni/ rengs pa dang /mkhris pa las gyur pa la ni/ brla stobs zhen pa dang / skyigs bu dang / rims dang / gzir ba dang / yan lag brdung brdung ba snyam byed pa dang / rtsib logs na ba dang / 'dar bu rnams 'byung bar shes par bya'o/ /de lta bu la ni snum pa dang / lan tshwa dang / dro ba dang / rno ba'i sman ko nyon tse'i mar dang /ra sna dang / rang skyur dang / chang dang / rgya shug dang / rgya sran dang / nas rnams bskol ba 'am yang na ni ru ha mas gtong na sel bar byed do/ /de nas zas zos la gong gi ni ru ha'i sman gyi sbyor ba gnyis po gang yang rung ba til mar dang sbyar ba'i 'jam rtsi nyi ma phyed phyed tsam na gtong ngo //'jam rtsi mas gtong ba de nang du mkhris pa dang 'dres nas phyir mi 'byung ba'i mtshan ma ni skom dad che ba dang / tsha ba che ba dang / mdog dmar ba dang / rmongs bag tu 'dug pa dang / mdog 'gyur ba dang / mun par mthong ba dang / rims kyis 'debs pa rnams yin par shes par bya ste/de la ni kha ba dang mngar ba'i sman rnams sbyar ba'i ni ru ha mas gtong bar bya'o/ /'jam rtsi mas gtong ba de bad kan gyi nang du 'khyil te phyir ma byung ba'i mtshan ma ni snyom pa dang / rims grang mos thebs pa dang / sgyid zhan pa dang / cham pas btab pa dang / yi ga 'chus pa dang / lus lci ba dang / brgyal ba dang / rab tu na ba yin par shes par bya ste/ de la ni bska ba dang / kha ba dang / tsha ba'i sman dang / ba gcin las gzhi blangs la/ po son cha dang / skyur dang / til mar dang bcas pa'i ni ru ha mas btang bas zhi bar bya'o/ / 'grangs ches pa la 'jam rtsi mas btang nas phyir ma byung ba'i mtshan ma ni/ skyug bro ba dang / brgyal ba dang / yi ga 'chus pa dang / snyom pa dang / gzer ba dang / rmya ba dang / yan lag brdung brdung ba snyam byed pa dang / gzhan yang ma zhu ba'i mtshan ma rnams 'byung zhing lus tsha bar byed de/de la ni sman rno ba bskol ba'i nang du lan tshwa'i phye ma btab pa blud de zhu bar gyur pa dang / bkru sman 'jam po btang la dar ba las gzhi blangs pa'i bza' ba dang btung ba phan no/ /'jam rtsi mas gtong ba de phyi sa dang gnyis 'dres nas nang du sogs shing phyir 'byung du mi 'dod pa'i mtshan ma ni phyi sa dang gcin dang /rlung 'gags pas nyam thag pa dang / lus lci ba dang / lto sbo ba dang / ro stod 'dzings pa rnams yin par shes par bya ste/ de la ni snum pa dang dugs dang / reng bu mas gtong ba dang / dur byid dang / bil ba la sogs pa gong du smos pa'i sbyor bas ni ru ha dang /a nu ba sa na mas gtang ngo / /yang na rtug pa 'gags pa'i cho gar bshad pa bzhin bya ste zhi bar bya'o/ /kha zas ma zos te ltogs pa dang / gzhang tsho ste ltogs pa dang / thug pa'am yang na nyung ngu 'thung ba la 'jam rtsi shugs drag pos mas gtang bar byas na ro stod du 'byung zhing de nas mgrin par 'byung ste/mgo bo'i bu ga sna tshogs su 'byung bar 'gyur ro/ /de ltar byung ba ni nas dang / dur byid dang / rgya shug dang / rgya sran dang / 'di rnams ba gcin dang / til mar dang / tshul bzhin du bsgrubs pa la ni ru ha dang / 'jam rtsi mas gtang bar bya'o//'jam rtsi mas gtong ba de mgul bar byung ba la ni mgul ba bsdams pa dang / bcing ba dang / bkru sman gtang ba dang / skyug pa 'joms shing sman gyis bzlog par bya'o/ /'jam rtsi de ma tshos par btang na ni gzhang gi nang du yog pa ltar 'dug cing / rgyu srang rnams su tshul bzhin mi 'gro ste/de yang zug gzer che la rmongs bag tu 'dug cing g.ya' ba dang / skrang bar byed do/ /de la ni sman rno ba mas gtong ba 'am/ de bzhin du arka'i lo ma bskol ba'i til mar dang bsgrubs pas mas gtong ngo / /'jam rtsi nang du gtong khar rlung legs par ma byung ste/ sbu bu'i kha nas sngon du rlung song ngam/yang na rgyu srang rnams 'gags te 'gror ma 'dod pa'am/ yang na sman lhag ma ma lus par btang ste/ de'i rjes la sbubs su zhugs nas rlung 'khrugs par 'gyur te/ na zhing zug par gyur pa de la ni bsku byug dang / gzhang gi phyogs su dugs bya ba dang /rlung 'joms pa'i sman rnams sbyar ro/ /'jam rtsi nang du brtad thabs su bcug ste/ phyung ba'i dus su yang ring thabs su phyung ngam/ sbu bu yon par gtong ngam/ gtong zhing nad pas lus 'gul bskyod byas na/ rked pa dang / gzhang dang / rje ngar dang / brla dang chu so rnams su rengs shing nad kyis nyam thag par 'gyur te/de ni rlung 'joms pa'i bza' ba dang / dugs dang / bsku byug dang / mas gtong ba rnams kyang rlung la phan pa'i sman dang sbyar ba btang na phan no/ /'jam rtsi gtong bzhin du bcing ba lhod dam grol te mar phyir bor te/ rlung nang du zhugs nas brang dang mgo bor zug gzer skye zhing rlung gi stobs che na ni gong ma'i gnod pa rnams kyang skyed par 'gyur te/de bas na de la ni bil ba la sogs pa rtsa ba lnga'am/ yang na po son cha la sogs pa'am/ sham dur byid la sogs pa sbyar te de gsum gang yang rung ba ba gcin dang sbyar ba mas gtang ngo //'jam rtsi mas gtong ba de btsir drags na ni khong pa dang / mgul par 'gro bar 'gyur te/ de la ni sman mas gtong ba dang / bkru sman gtong ba dang / mgul pa bsdams pa'i las rnams bya'o/ /de ltar slon khrus la sogs pas lus dag par byas nas/ de'i 'og tu sman pas lus kyi nyams stobs dang me'i drod chung ba la bza' ba dang btung ba mi mthun pa rnams bsgrims nas bsrung bar bya ste/ji ltar sgong gzhon nu'am 'bru mar gyis gang ba'i snod bzhin bsrung bar bya'o/ /de ltar slon khrus kyis lus dag pa'i nad pa de la ni thog mar kha zas mngar ba dang yi gar 'ong ba sbyin no//de'i 'og tu skyur ba dang lan tshwar bcas pa sbyin no/ /de'i 'og tu mngar ba dang kha ba sbyin no/ /de'i 'og tu bska ba dang tsha ba sbyin no/ /de ltar ro rnams gcig la gcig mi mthun pa sbyin no/ /ji ltar snun pa dang rtsub pa bzhin no/ /rim pa de ltar byas pa'i sbyor bas lus nyams tha mal par sbyar bar bya'o//lus kyi nyams tha mal pa zhes bya ba ni lus thams cad nus shing nyams stobs brtan pa yin te/ rang bzhin gyi lus zhes bya'o/ /cho ga grub pa'i gnas las sman mas gtong ba'i cho gas nad phyin te sos par bya ba'i le'u ste lnga pa rdzogs so// // de nas sman gyi cho ga'i le'u bshad par bya ste/ de la thog mar sman pas yul ji lta bu las btu bar bya zhe na/ dro grang mnyam pa'i yul dang thang mnyam pa dang / sa mdog snum pa dang / gnag pa dang gser gyi mdog ltar 'dug pa dang / de dag kyang sa phyogs gang gtsang zhing snyi ba dang /chu g.yas phyogs su 'bab cing rtswa ku sha dang / b+hu ti ka la sogs pa yod pa'i sa dang / gshol la sogs pas rmos pa'i sa las skyes pa blangs la/ shing chen po'i grib ma la sogs pas gnod pa byas pa dang / de bzhin du dur khrod dang / mchod rten dang / lha khang dang / mchod rten rnying pa'i drung du skyes pa dang /grog ma'i gnas su skyes pa'i sman rnams spang ste/ de bzhin du srin bu la sogs pas zos pa dang / nyi mas tshig pa dang / nags tshig pa'i nang du skyes pa dang / 'byung po gnas pa'i shing drung du skyes pa dang / shing chen po'i lo ma dang / yal ga la sogs pa las 'bab pa'i chu phog pa dang /shing gi lo ma las nyi ma 'bab pa'i dug [(]kyis [,]gis [)]phog pa'i sman dang / 'di rnams lta bu spang ste/ rtsa ba chen po byang phyogs su bstan te zug pa'i sman rnams dus ji lta ba bzhin du brngas pa dang / mdog dang dri la sogs pa dang ldan pa rnams blangs na rab tu bsngags so//de nas sman pa bdag nyid lus khrus dang gtsang sbra dang smyung ba byas la bkra shis pa'i cho ga 'don cing shin tu gus pa dang bcas pas gnas dge zhing shis pa las skyes pa'i sman rnams bcud dang / yon tan dang dus kyi bye brag shes par bya ste lo gcig tshun chad kyi sman sar pa btu zhing spyad par bzang ngo //bu ram dang / mar dang / sbrang rtsi dang / 'bru thams cad dang / pi pi ling dang / byi dang ga dang / ming du smos pa de dag ni brling pa bzang ngo / /de la ba lang la sogs pa'i 'o ma thams cad spyad pa'i tshul ni ba gzhon zhing nyams stobs dang ldan pa khrag la sogs pa'i lus zungs ma nyams pa dang /spu dang / rwa dang rmig pa la sogs pas brgyan pa/ nad med cing be'u btsas nas yun ring du lon pa'i 'o ma dang / gcin dang lci ba la sogs pa blang ngo / /lan tshwa ma gtogs pa sman thams cad khu ba dang phye ma dang / bskol ba dang / sbangs pa grang mo dang /phan Ta dang / de dag 'di ltar btags par bya ste/ sbyor ba lnga po de dag kyang gong ma bzhin du nus pa che ba yin no/ /de la rang gi khu ba zhes bya ba ni sman de ma thag btus la brdungs te tshags kyis btsags pa'i rang gi khu ba'o/ /phye ma zhes bya ba ni sman btags pa'i phye ma gzhan la gdab pa'i ched du byas pa'o//yang na sman skam po btags pa'i phye ma la yang bya'o/ /bskol ba zhes bya ba ni sman thams cad pa 'am/ cham chom brdungs pa cho ga bzhin du chu dang lhan cig bskol ba la bya'o/ /sbangs pa'i grang mo zhes bya ba ni sman rnams chu grang gi nang du bcug la bsil ba'i sar nub gcig bzhag ste tho rangs btung ba'o//phan Ta zhes bya ba ni chu bskol ba dron po'i nang du sman bcug la brdungs te mnyes la bsros te btsags te btung ba'o/ /rang gi khu ba la sogs pa de dag kyang nad kyi stobs che chung la brtags te cho ga bzhin du ran par gtang ngo / /de yang drang srong chen po rgyun shes kyi bus bshad pa na re sman gyi tshad ran pa zhes bya ba ni nges pa med de/nad kyi bye brag dang lto sra snyi dang / nyams stobs che chung dang / dus dang yul gyi bye brag shes par byas nas sman yang de bzhin du brtag par bya'o/ /'on kyang rang gi khu ba btung ba'i 'bring tshad ni srang bzhi'i tshad tsam ni ran pa yin no zhes bshad do//phye ma bskol ba'i tshad ni sman gcig chu srang bcu drug dang bskol te/ bzhi cha gcig lus pa btung ba'o/ /sman bskol te bsgrangs pa'i sman bskol ba'i khu ba srang drug gi nang du sman gcig bcug nas nub gcig sbangs pa blud do/ / phan Ta ni chu srang bzhi'i nang du sman srang gcig bcug la nub gcig sbangs pa'o/ /mar bskol ba'i tshad ma smos pa rnams ni sman gyi phye ma'i bzhi 'gyur gyi 'o ma dang / de'i bzhi 'gyur gyi chu dang bskol lo/ /chu nyi tshe dang bskol ba yin na ni mar ci tsam pa'i bzhi cha'i phye ma dang / de'i bcu drug 'gyur gyi chu dang bskol ba'o/ /sman bskol ba'i khu ba dang sbyor ba yin na ni mar gyi brgyad cha'i phye ma dang lhan cig bskol ba'o zhes zer ro/ /bskol te tshos pa'i tshad ni sman gyi tshigs ma lag par mi 'byar te dril tu btub pa'am/ yang na mer bcug ste sgra med pa dang / gang gi tshe mdog dang dri dang ro rnams ma 'gyur te ldan pa'i tshe na ni tshos pa'i tshad yin te de ma thag phyung ngo / /mar tshos ba'i tshad ni lbu ba zhi ba'o/ /til mar tshos pa'i tshad ni lbu ba byung ba'o/ /lde gu'i tshad ni gang du btub cing chu nang du bcug na nang du 'bying ba'o/ /tshos pa'i tshad kyang rnam pa gsum ste/tshos pa dang po tshigs ma dang dngas ma 'dres pa'o/ /tshos pa ran pa'i tshad ni dngas snyigs phyed pa'o/ /rab tu tshos pa ni snyigs ma cung zad cig mdog nag por gyur la/ de yang dril du btub pa'i tshad do/ /rab tu tshos pa de ni snum shas chung zhing nus pa zhan pa yin no/ /tshos pa dang po ni drod nyams par byed do//tshos pa ran pa ni snar blugs pa la sbyar ro/ /rab tu tshos pa ni lus bsku ba la sbyar ro/ /tshos pa ran pa ni btung ba dang mas gtong ba gnyis la sbyar ro/ /ma sha drug la sha na gcig /sha na bzhi la zho gnyis/ de bzhi la srang gcig /de'i bzhi 'gyur ni ku d+ha ba zhes bya ste srang bzhi'o//de'i bzhi 'gyur la bre'u chung gang ngo / /bre'u chung bzhi la a d+ha ka ste bre 'bring ngo / /bre 'bring bzhi la bre bo che gcig go/ /bre bo che bzhi la ba ha zhes bya ba'i tshad do/ /ku d+ha ba la sogs pa'i tshad bstan pa de dag ni phye ma dang sman bskol ba'i nang du gdab pa skam po'i tshad bstan pa yin gyi/gal te sman rlon pa 'am/ sman khu lta bu ni nyis 'gyur du skyed de sbyar ro/ /gong du sman gyi srang tshad nges par ma smos pa rnams ni cha snyoms te sbyar ro/ /sha na gnyis la zho gcig yin te de'i ming gi rnam grangs ni bA ta ka dang / ko la dang / ba Da ra dang / tra k+Shu ma ste de dag ni ming gi rnam grangs so//zho gnyis la kar sha gcig yin te/ de'i ming ni ak+Sha dang / pi tsu dang / pa ni ta la dang / su bar+Na dang / ka ba la gra ha dang / kar sha dang / bi d+ha pa da dang / ti na tu ka dang / pa Ni dang / ma Ni ka dang / de dag ni kar+sha'i ming gi rnam grangs so/ /kar sha gnyis la shu ti zhes bya ba yin te/de'i ming ni at+tha myi ka dang pi tsu zhes bya ste ming gi rnam grangs so/ /kar sha bzhi la srang gcig ste de'i ming la pa la dang / pra pun tsa dang / bil ba dang / muSh+Ti dang / a sra dang / tsa tur ti ka dang / de dag ni srang gcig gi ming gi rnam grangs so/ /srang gnyis la khyor gang /khyor do la snyim gang / snyim pa do la phul gang / a da ka zhes bya ba bre 'bring gi ming gi rnam grangs la/ A d+ha ka ma dang / b+ha dzA dang / ka na ste de dag ni bre 'bring gi ming gi rnam grangs so/ /dro na ste bre bo'i ming gi kum pa dang / g+ha d+ha dang / ma na ste de dag ni ming gi rnam grangs so//srang brgya la tu la zhes bya ste/ de'i nyis 'gyur la khur gcig ces brjod do/ /ri gangs can dang / ri 'bigs byed ri bran sna tshogs kyis bskor ba ni sman sna tshogs pa'i gzhi yin te/ de yang ri gangs can ni byang phyogs na gnas te de la ni bsil ba'i nus pa dang ldan pa'i sman sna tshogs skye'o//ri 'bigs byed ni lho phyogs na gnas te/ de la ni dro ba'i nus pa dang ldan pa sna tshogs skye'o/ /cho ga grub pa'i gnas las sman gyi cho ga bstan pa'i le'u ste drug pa rdzogs so// //sman pa'i bdag po seng ge sbas pa zhes bya ba'i bu sman pa chen po pha khol zhes bya bas yan lag brgyad pa'i snying po mdzad pa las/yan lag brgyad pa'i snying po'i gnas lnga pa'o// //sman dpyad yan lag brgyad pa'i snying po las mchog bzhi bcu pa'i cho ga'i le'u brjod par bya ste/ de yang thog mar byis pa gso ba'i cho ga'i le'u bshad par bya'o/ / dang por byis pa btsas ma thag tu mar dang rgyam tsha dang ldan pa'i chus lus bkru bar bya'o/ /de nas mngal nas byung ba'i sdug bsngal gyis nyon mongs pa la/ ba la dang 'bru mar gyis bkru'o/ /de'i 'og tu byis pa'i rna ba'i drung du rdo gnyis brdungs pa'i sgra bsgrag go/ /de nas byis pa'i g.yon phyogs nas sngags 'di brjod do//Ang gad Ang gad sam b+ha ba si/ hr-i da yA da a byid dza ya so/ Ad ma be su tra na mA si/ sa dza ba shar da na sha tam/ sha tA pu sha ta bar sho sa/ d+hir g+ham yur ba sa nu hi/ na k+Sha tra Ni tri sho rA ti/ ra hash+sha da twA bi rak+Sha tu/ de nas byis pa de nad med cing bde bar 'gyur ba dang /lte ba'i rtsa ba sor gcig la the gus bcings te/ de nas sor bzhi lus pa dang bcad la/ the gu gong du sko ba la bstod de bzhag la skam mo/ /de'i 'og tu lte ba la ru rta til mar dang ldan pas bsku'o/ /de'i 'og tu shing 'o ma can rnams sam/ yang na sman dri zhim po rnams chu dang bskol ba/dro 'jam tsam gyi nang du gser dang dngul bsregs te nang du smyugs la des lte ba bkru'o/ /de la lag pa g.yas pa'i mdzub mos byis pa'i mtshog ma'i steng du ras bal snum can gyis lan gnyis lan gsum cung zhig mnan te bzhag ste/ mgo bor das dkris te gzhag go//de nas blo dang tshe dang nyams stobs skyed pa'i phyir/ bi sha la dang / brah+mi dang / shu dag dang / shang ka puSh+pa dang / de rnams btags pa'i phye ma mar dang sbrang rtsi dang lde gur byas te/ thun tshad ha re Nu ka'i tshad tsam bya'o/ /yang na gser dang / shu dag dang / mu men dang / a ru ra dang /'di rnams zhib tu btags pa'i phye ma mar dang sbrang rtsi dang sbyar ba 'am/ yang na gser dang skyu ru ra'i phye ma sbrang rtsi dang sbyar ba gtang ngo / /mngal gyi mi gtsang ba'i dri ma dag par bya ba'i phyir shu dag dang rgyam tsha mar dang sbyar bas slon bya'o/ /byis pa btsas pa'i las dang cho ga lhag ma rnams ni skye dgu'i bdag gis bshad pa bzhin du byas na snying la gnas pa'i rtsa rnams 'phel zhing rgyas par 'gyur ro//de nas zhag gsum pa 'am bzhi pa nas bud med kyi 'o ma 'byung bar 'gyur ro/ /'o ma mi 'byung ba'i zhag dang po la ni mar dang sbrang rtsi dang sman a nan ta bsres te sbyar ba la sngags kyis btab ste byis pa la dus gsum du sbyin no//zhag gnyis pa la ni sman lag sh+ma na dang mar sbyar ba sbyin no/ /zhag gsum pa la ni zhun mar nyi tshe blud do/ /nam gyi mtshan stod la ni zhun mar ram ma'i nu zho lag mthil gang tsam sbyin no/ /'o ma 'am mar sar ni dus gnyis su blud do//nu zho ni ma nyid kyis blud na nyams stobs 'phel bar 'gyur ro/ /'o ma mang ba dang bu la mnyes gshin cing brtse ba'i nu ma bsnun pa'i ma ma gnyis bya ste/ de yang yan lag lhag chad med cing smad pa ma yin pa dang / tshangs par spyod pa dang rigs mnyam pa dang / nad med cing rang bzhin du gnas pa dang / dar la bab pa dang / bdag nyid kyi bu tsha sngar skyes pa shi ma myong ba dang / lto 'dun chung ba rnams las bya ste/ ma ma de gnyis kyang bza' ba dang btung ba phan pa bsten par bya'o/ /de la nu zho nyams pa'i rgyu ni bkres pa dang khro ba dang smyung bar 'dug pa dang /lus kyi rtsol ba drags pa rnams yin no/ /nu zho skyed pa'i phyir bu ram chang ma gtogs pa'i chang dang srog chags gsher sa na 'dug pa'i sha khu dang gang yang 'o ma 'phel bar byed pa'i sman bsten par bya'o/ /mya ngan la sogs pa ni 'o ma bri bar byed pa'i rgyu yin no//kha zas mi mthun pa rnams bsten pa dang / bkres par 'dug pa dang / sems gzhan du gyur pa dang / sbrum pa'i dus su lus zungs rnams nyams par gyur te/ des nu zho ma rungs par byas te byis pa'i nad skyed par byed do/ /bud med nu zho skams shing med par gyur na ni ra'am ba'i 'o ma yang yon tan de dang 'dra bas blud par bya'o//yang na bri ha ti la sogs pa rtsa ba chung ngu lnga gong ma'i 'o ma dang bsgrubs pa 'am/ yang na thi ra rnam gnyis li kha ra dang ldan pa blud par bya'o/ /khyad par du zhag drug gi bar du bsrung ba dang gtor ma yang bya ste/ de bzhin du de'i nye du rnams kyis kyang gnyid mi log par dga' ba dang mchog tu dga' ba bskyed par bya'o//de nas zhag bcu tshang ba dang / rang rang gi rigs dang mthun pa'i cho ga byas te/ btsas pa'i mal las blang bar bya'o/ /de nas lha la mchod pa la sogs pa byas nas byis pa'i ming gdags so//lus mdog mdzes par bya ba'i phyir ldong ros dang / ba bla dang / gi wang dang / a ka ru dang / tsan+dan rnams kyi byug pas lus bsku'o/ /ming btags pa yang rgyu skar dang / rang lha dang / nye du rnams gang yang rung ba las cha dras te'am/ yang na yi ge mnyam pa las ming gdags so//de nas gzugs kyi bye brag bshad pa la brten nas tshe brtag par bya'o/ /byis pa gso shes pa'i sman pas shar ram/ byang du mgo bstan par bya'o/ /gos bkrus pa gtsang la gnyer ma med cing 'jam pas bskon te rtswa'i mal stan la bzhag ste/ gos dang stan rnams la gdon 'joms pa'i sman gyi bdug pas bdugs te/de yang bya rog gi dug dang / dur byid sbyar bas bdugs na rab tu bsngags so/ /shang shang te'u dang / bse rwa gcig la sogs pa'i rwa na yod pa'i nor bus byis pa bsrung ba'i ched du rtag tu gdags so/ /sman brah+mi dang /in tri zhes bya ba sha la dang / dzi ba ka la sogs pa'i sman de rnams gang la dga' ba'i sman gyis lag pa gnyis dang mgul pa dang / spyi bo rnams su gdags so/ /khyad par du shu dag dus su rtag tu drung du brten na tshe ring ba dang / yid gzhungs pa dang / dran pa dang / bde legs su byed cing gdon rnams las srung bar byed do//de nas byis pa nad med cing zla ba drug gam bdun nam brgyad lon pa dang dgun gyi dus su nyin zhag dge ba la ma ma'i sar bzhag nas dbugs dbyung zhing spro ba skyed cing / rna ba gnyis dbug par bya ste/ sman pas khye'u'i rna ba g.yas pa thog mar phug la/bu mo'i ni g.yon pa dang por dbug go/ /de yang sman pa'i lag pa g.yas pas khab blangs te/ lag pa g.yon pas rna shal bzung la de'i dbus su mkhur tshos dang cung zhig nye bar nyi ma'i ngos su bstan na/ sha ma bzhin du shin du srab par snang ba de na lha'i bug pa zhes bya ba yod de/der le brgan rtsi'i thig le'i mtshan ma btab ste/ lag pa gcig gis dal gyis lan cig dbug ste gong 'og dang ngos gnyis su mi yo bar bya'o/ /gal te yo ba lta na ni de dag tu ka li ka zhes bya ba dang / mar d+ha ni zhes bya ba dang / rag ka ta zhes bya ba'i rtsa rnams yod do//de dag tu phog na mdog dmar ba dang / na ba dang / tsha ba dang / skrang ba dang / tsha ba 'ur 'ur por 'dug pa dang / drag tu na ba dang / gnya' ba rengs pa dang / pa ta na ka zhes bya ba'i rlung nad du 'gyur ro/ /gal te nad de dag tu gyur na ni de dag gi bye brag shes par byas nas myur du gso bar bya'o//gnas ma nor bar phug na ni khrag mi 'byung la nad med cing dmar ba la sogs pa'i skyon yang med do/ /dbug pa'i khab de yang skud pas btags la mar gyis bskus te phug la skud pa drang bar bya ste/ de nas yang til mar tshos pa'i rgyun gyis bu gar blugs so//de ltar rna shal phug zin pa'i 'og tu phan pa'i zas sbyin no/ /de nas ras bal gyi 'da' bas rna ba g.yon gyi bu gar glan la zhag gsum gyi bar du gzhag go/ /rma 'tsho ba dang rim gyis dal bus bu ga bskyed par bya'o/ /de nas byis pa de'i so skyed pa dang / rim gyis nu zho de las bzlog par bya'o//'o ma ni gong du smos pa bzhin sbyar ro/ /kha zas kyang yang zhing nyams brta ba rnams sbyin no/ /byis pa nu zho mi 'thung ba la ni shing pi ya la'i rkang dang / ma du ka'i me tog dang / sbrang rtsi dang / 'bras yos dang / kha ra dkar bo dang / 'di rnams la nan tur byas te byis pa la byin na tshim zhing nyams stobs skyed do//bil ba gzhon nu dang / sha kha ra dang / sug smel dang / 'bras yos kyi phye ma dang / de rnams kyi skyo ma blud na me drod skyed do/ /da ta'i me tog dang / sha kha ra dang / 'bras yos kyi phye ma dang / skyo ma blud na glad tsha ska sla ran par 'byung ngo //gal te byis pa de nad byung na gnod par mi 'gyur ba'i sman 'jam po sbyin no/ /nad gzhan gyi bla brnan gyis 'dres pa las yang bkru sman gyis zhi bar bya'o/ /ji ltar byis pa'i blo gzhan du gyur pa na yang / sdangs par 'gyur ba'i bag mi bya ste/ gal te sdangs par gyur na ni gdon gyis zin pa'i rgyur 'gyur ro//byis pa de gos kyi rlung yab kyis g.yab pa dang / gzhan gyis bgom zhing reg pa las kyang bsrung bar bya'o/ /bra h+mi dang / yungs kar dang / shu dag dang / thal tres dang / ru rta dang / rgyam tsha dang / pi pi ling dang / 'di rnams dang tshul bzhin bskol ba'i sman mar blud na/skad gsal ba dang / yid gzhungs pa dang / dran pa myur bar byed do/ /de bzhin du tshe ring ba dang / sdig pa zhi bar byed pa dang / gdon 'joms pa dang / 'byung po dang / smyo byed rnams las zlog bar byed do/ /shu dag dang / so ma ra dza dang /man du ka pa ra ni dang / shang ka puSh+pa dang / nye'u shing dang / brah+mi so ma zhes bya ba ni nA dang / sle tres dang / brah+mi dang / 'di rnams srang re re cham chom brdungs te/ mar srang sum cu rtsa gnyis dang / 'o ma mar gyi bzhi 'gyur dang / tshul bzhin bskol te mar lus pa ni yan lag brgyad pa'i mar zhes bya ste/de las ran par blud na skal ba ldan pa dang / tshe ring ba dang / tshig gsal ba dang / yid gzhungs pa dang / dran pa gsal bar byed pa'i mchog yin no/ /ra'i 'o ma dang / a ru ra dang / tsha ba gsum dang / ba ta dang / shu dag dang / shi kru dang / rgyam tsha dang / de rnams mar dang lhan cig bskol te/ mar lus pa ni dbyangs can zhes bya ba'i mar yin te/ de las ran par 'thungs na skad gsal ba dang / yid gzhungs pa dang / dran pa myur ba dang / me drod skyed par byed do/ /shu dag dang / sle tres dang / nye'u shing dang / a ru ra dang /shing gi ni dang / byi dang ga dang / bca' sga dang / a pa marga dang / 'di rnams mar dang lhan cig bskol te 'thungs na yang phan yon gong ma dang 'dra'o/ /gser dang / gi ri kar+Ni ka dang / shu dag dang / ru rta rnams lhan cig sbyar ba 'am/ k+Sha ri ki dang / gser lhan cig sbyar ba 'am/gser dang mad tsha ak+Sha zhes bya ba gan da dur ba dang / shang ka puSh+pa dang / de rnams lhan cig sbyar ba'am/ yang na gi ri kar+Ni ka dkar po dang / gser dang / shu dag dang / de rnams lhan cig sbyar ba 'am/ sbyor ba bzhi po de dag gang yang rung ba sbrang rtsi dang / mar dang sbyar ba'i lde gus byis pa de lo gcig gi bar du bldag tu bcug na lus kyi nyams stobs dang /mdog dang / blo gsal bar byed pa'i mchog yin no/ /shu dag dang / shing mngar dang / rgyam tsha dang / a ru ra dang / dong gra dang / ti mu sa dang / ru rta dang / pi pi ling dang /zi za dang / de rnams kyi lde gu byin na yang tshig gsal bar byed ba'i mchog yin no/ /byis pa gso ba'i cho ga'i le'u dang po rdzogs so// //de nas byis pa'i nad gso ba'i le'u bshad par bya ste/ de la byis pa gso ba ni rnam pa gsum du bshad de/'o ma dang / zas dang / de gnyis ka'o/ /de gnyis la skyon med na ni tha mal par gnas shing nad med pa yin la de gnyis skyon dang bcas na ni nad 'byung ba yin no/ /'o na skyon med pa ni chu'i nang du bcug na chu dang lhan cig tu 'gyur ba ni skyon med cing dag pa yin no/ / de la ma'i nu zho rlung gis ma rungs na ni 'o ma chu'i nang du blugs na steng du 'byung zhing ro bska ba dang / lbu ba dang bcas pa dang / rtsub pa dang byis pa'i bshang gci sra zhing 'gag par byed do/ /mkhris pas ma rungs pa'i rtags ni 'o ma bsregs na dro zhing ro skyur ba'am/ tsha ba dang chur blugs na ser po shar shar po snang ba dang byis pas 'thungs na lus tsha bskyed do//bad kan gyis ma rungs pa'i rtags ni/ 'o ma'i ro lan tshwa bro zhing bska ba dang / chur blugs na 'og na 'bying ba dang / spyin bag nal nal por 'dug pa yin no/ /nad gnyis 'dres pa ni ldan pa zhes bya'o//gsum 'dres pa ni 'dus pa zhes bya'o/ /'o ma'i rang gi nyes pa ji lta ba bzhin ba'i 'o ma blud na byis pa la yang nad de dag skyed par byed do/ /de la byis pa chung ngu na ba'i mtshan ma ni yang dang yang du drag tu ngu ba dang / yang na byis pa rang nyid kyi lag pas lus la lhag par nyug pa 'am/ yang na gang du reg par mi bzod pa der na ba yin no/ /gal te mgo bo na na ni mig 'dzums par byed pa yin no/ /snying mi bde na ni lce dang mchu sos gnon zhing dbugs mi bde la khu tshur 'chang bar byed pa yin no/ /khong pa mi bde na bshang gci 'gag//stod du skyug /nu zho mi 'dod/ rgyu ma khru lu lu zer/lto sbo/ ro stod sgu/ gsus pa mtho bar 'dug pa rnams yin no/ /chu so dang pho mtshan du mi bde na ni bshang gci 'gag/ sdangs shing phyogs kun tu lta ba yin no/ /de ltar mi bde na nu zho bsnun pa'i ma ma la nad gzhi ji lta ba bzhin du gos pa bya ste/ rlung gi bdag nyid kyis nu zho ma rungs par gyur pa la ni rtsa ba bcu pa bskol ba'i khu ba zhag gsum blud do//yang tsi tra ka dang / shu dag dang / pa tha dang / pu tse shel dang / ru rta dang / la la phud dang / thang shing dang / ko nyon tse dang / brish+tsi ka la dang / pi pi ling dang / bca' sga dang / de rnams bskol ba'i khu ba blud do//de nas rlung 'joms pa'i sman mar blud de/ /btung bar ni chang gi dngas ma blud do/ /de'i 'og tu snum dang ldan pa'i bkru sman gtang ngo / /de nas sman mas gtong ba'i las bya ste/ dugs la sogs pa rlung 'joms pa'i sman yang gtang ngo / /ra sna dang / ti mu sa dang / ko nyon tse dang / thang shing dang de rnams phye mar byas te mar dang sbyar ba'i lde gu byas te sbyin pa'am/ yang na sman de rnams tshul bzhin bskol te kha ra dkar po dang sbyar ba blud do/ /mkhris pas nu zho ma rungs par gyur pa la ni/ sle tres dang / nye'u shing dang / pa to la dang / nim pa dang / tsan+dan dang / thal tres dang /de rnams bskol ba'i khu ba ma ma dang byis pa gnyi ga la blud do/ /yang na 'bras bu gsum dang / 'bras gang dang / tig ta dang / pu tse shel dang / thal tres la sogs pa'i sde tshan dang / pa to la la sogs pa'i sde tshan dang / shug pa'i sde tshan dang / sde tshan gyi sbyor ba de dag gang yang rung ba mar dang lhan cig bskol ba'i sman mar blud nas de'i 'og tu mkhris pa la phan pa'i bkru sman gtang ngo //sman bsil bas bsku ba dang byug pa la sogs pa yang sbyar ro/ /bad kan gyis nu zho ma rungs par gyur pa yang shing mngar dang lce myang tsha dang ldan pa'i mar gyis byis pa la blud do//de'i 'og tu rgyam tsha dang shing mngar dang / pi pi ling rnams sbrang rtsi dang sbyar ba'i lde gus slon bya'o/ /yang na po son cha'i me tog gi lde gus ma'i nu ma dang / byis pa'i so dang / mchu la bskus na byis pa bde bar skyug par 'gyur ro/ /ma la ni skyug sman drag pos slon du gzhug go//ldan pa'i nad la ni gla sgang la sogs pa bskol ba blud do/ /de bzhin du rgya spos dang / sri thI ka dang / sgron shing dang / dug mo yungs dang / de rnams bskol ba yang blud do/ /yang na bong nga dkar po dang / gla sgang dang / shu dag dang / tsha ba lnga dang de rnams bskol ba blud do/ / nu ma'i zho la nad gzhi gsum gyi mtshan ma ni ma zhu ba be'u snabs 'byung zhing dri nga la chu dang 'dra bar slan ter 'byung ba dang / phyi sa sri ba dang / mar yang dang yang rgyun mi 'chad par 'byung ba dang / lbu ba dang bcas shing nad mdog sna tshogs su 'byung ste/ gcin mdog kyang ser ba dang /bska bar 'byung ba dang / rims kyis 'debs pa dang / kha zas yi gar mi 'ong ba dang / skom dad che ba dang / skyug bro ba dang / sgregs pa skyur por 'byung ba dang / bya rmyang byed pa dang / yan lag chag pa snyam byed pa dang / yan lag bskyod cing 'degs pa dang /'khun pa dang / lus 'dar ba dang / mgo 'khor ba dang / sna dang / mig dang / gdong tshos pa la sogs pa'i nad skye bar 'gyur te/ gzhan yang de dang 'dra ba'i nad mang du 'byung ste/ de'i ming ni nad shin du mi bzad pa k+Shi ra sa ka zhes bya ba yin no/ /de lta bu'i nad pa la ni ma bu gnyis ka la skyug sman bya ste/thug pa rkyang rkyang po la sogs pa'i rim pa yang sbyar te/ shu dag la sogs pa'i sde tshan yang sbyar ro/ /yang na ser po rnam gnyis la sogs pa 'am yang na bong nga dkar po dang / pa tha dang / pi pi ling dang / pu tse shel dang / gla sgang dang de rnams bskol ba'am/yang na pa tha dang / bca' sga dang / sle tres dang / pu tse shel dang / te dzo pa ti dang / thang shing dang / thal tres dang / gla sgang dang / mur ba dang / dug mo yungs dang / de rnams bskol ba'i khu ba blud na yang nu zho'i skyon sel ba'i mchog yin no/ /dus la mkhas pa'i sman pas nad gzhi ji lta bu'i rjes su 'brel pa'i nad kyi gso ba la yang ci rigs par bya'o//byis pa de thog ma so skyes pa'i dus su nad thams cad slong bar byed do/ /khyad par du rims dang / khong 'khru ba dang / lud pa lu ba dang / skyug pa dang / mgo na ba dang / mig rnag 'dzag pa dang /mig mchu'i sha skyes pa dang / me dbal la sogs pa skye bar 'gyur te/ ji ltar byi la sgal tshigs bye ba'i dus dang / rma bya cod pan skyes pa'i dus dang / byis pa so skyes pa'i dus de ni nad ma rungs pa thams cad slong bar byed do/ /skyon gyi rang bzhin las nad ji ltar 'byung ba dang / nad ji ltar shas che zhing stobs che ba dang /dus dang yul la sogs pa rnams brtags nas sman pas sman sbyar bar bya'o/ /nad gzhi 'khrugs te rims la sogs pa rnams su gyur pa ni/ sman yang de dag nyid kyis gso bar bya ste/ sman gyi thun tshad chung tshad du gtang ngo / /lus chung ba dang / sdug ma myong ba dang /zas thams cad la brten te rtag tu 'o ma dang mar las goms par byas pa'i byis pa'i lus ni snum pa yin te/ de bas na 'phral sman 'jam po'i slon sman btang ste/ de yang nu zho ngoms par 'thung du bcug na skyug par 'gyur ro/ /'o ma dang kha zas gnyis kyis 'tsho ba'i byis pa la ni skyug sman thug pa sla ba dang bsres pa blud pa skyug tu gzhug go//zas nyi tshes 'tsho ba'i byis pa la ni skyug sman mar dang sbyar ba gtang ngo / /gal te mas gtong ba'i sman zos pa yin na ni mas gtong ba'i bkru sman bya'o/ /sna sman rngub pa'i sman dang / sna'i bkru sman yang bya'o/ /bkru sman la sogs pa gong du bshad pa de dag ma ma la yang sbyar ro//mur ba dang / tsha ba gsum dang / 'bras bu gsum dang / rgya shug gi 'bras bu dang / 'dzam bu'i shun pa dang / thang shing dang / yungs kar dang / pa tha dang / de rnams kyi phye ma sbrang rtsi dang lde gur byas te bldag tu bcug na nu zho'i skyon sel ba'i mchog yin no//pi pi ling dang / dan da ka'i me tog dang / skyu ru ra'i 'bras bu dang / de rnams kyi phye ma dang / sbrang rtsi dang sbyar bas so rtsi bskus pa'am/ yang na bya lA bi dang / sreg pa'i sha skam zhib tu btags pa sbrang rtsi dang sbyar bas so rtsi bskus na byis pa'i so rtsa myur du bde bar skye'o//shu dag dang / bri ha ti rnam gnyis dang / pa tha dang / tsha ba gsum dang / bong nga dkar po dang / gla sgang dang / sman mngar ba'i sde tshan dang / de rnams mar dang lhan cig bskol te mar lus pas so rtsa bskus na so bde bar skyed do/ /skyer pa dang /sre ya ni dang / bri ha ti dang / kr-iSh+Na par+Ni dang / shu ti dang / de rnams sbrang rtsi dang mar dang lhan cig lde gur byas te bldag tu bcug na/ pho ba'i me drod skyed pa'i mchog yin te/ rlung nad lugs bzhin 'byung zhing tshad par 'khru ba dang / rims dang / dbugs mi bde ba dang / mig ser dang / skya rbab dang / lud pa las rgyal bar byed do/ /khyad par du byis pa'i nad thams cad la bsngags te/ nyams stobs dang mdog gsal bar byed do/ /btsod dang / da ta ki dang / seng phrom dang / ku Tan na Ta dang / mung+ga par+Ni dang / ba sha par+Ni dang / mung+ga'i 'bras bu dang / bil ba gzhon nu dang / ras bal gyi sa bon dang / 'di rnams chu dang lhan cig bskol ba'i khu ba'i nang du mar dang thal sman gyi khu ba dang / zho ga chu dang ldan par lhan cig bskol te mar lus pa las ran par blud na/ so las gyur pa'i nad myur du 'jig par byed do//de bzhin du nad rnam pa sna tshogs pa yang sel bar byed do/ /zhes drang srong 'drob skyong gis bshad do/ /so las gyur pa'i byis pa'i nad la ni ha cang gso ba mi bya ste/ so skyes pa'i nad ni rang nyid zhi bar 'gyur ro/ /byis pa de nyin par lhag par gnyid log pa dang /chu grang 'thungs pa dang / bad kan skyes pa'i nu zho bsten pa'i rgyus bcud dngas ma rgyu ba'i sbu gu rnams bad kan gyis 'gags te/ de las kha zas yi gar mi 'ong ba dang / cham pas 'debs shing sna chu 'dzag pa dang / rims kyis 'debs pa dang / lud pa rnams skye bar 'gyur te/des na byis pa'i lus skam par 'gyur zhing zad pa dang / lus snum zhing mig dang gdong dkar por 'gyur te/ de la rgyam tsha dang / tsha ba gsum dang / sha rang ga sha dang / pa tha dang / gi ri gdam pa ka dang / de rnams kyi phye ma mar dang sbrang rtsi dang sbyar bas kha zas yi gar mi 'ong ba dang /lus skem pa la sbyar ro/ /shing a shwa ka dang / pu tse shel dang / tsha ba rnam lnga dang de rnams kyi phye ma'am/ yang na rgya shug dang / da ta ki dang / skyu ru ra dang / de rnams kyi phye ma dang / phye ma de gnyis gang yang rung ba mar dang sbyar ba byin na phan no/ / sti ra dang / shu dag dang / bri ha ti rnam gnyis dang / bu tshang rdo dang / pi pi ling dang / rgya spos dang / lcang ma dang / ut+pa la dang / ba spru ba dang / ga bra'i rtsa ba dang / gla sgang dang / de rnams zho gnyis dang / mar srang bcu drug dang / lhan cig bskol te bsgrubs pa las ran par blud na rgyu srang dag par byed pa'i mchog yin no//yang na bri ha ti dang / a shwa gan d+ha dang / bye'u rug pa dang / pi pi ling dang / de rnams kyi phye ma'i sbyor ba'i sman bskol ba'i nang du btab ste/ mar dang yang bskol la mar lus pa las ran par blud na yang phan yon gong ma dang 'dra'o/ / shing mngar dang / pi pi ling dang / seng phrom dang / dug mo yungs dang / ut+pa la dang / tsan+dan dang / bal bu dang / thal tres rnam gnyis dang de rnams mar dang tshul bzhin bskol te mar lus ba las ran par 'thungs na lus skem pa las rgyal bar byed do/ /bu ram shing dang chu nas skyes pa'i shing mngar dang /ga bra'i rtsa ba dang / pi pi ling dang / thang shing dang / a shwa gan d+ha dang / ram nye ba rnam gnyis dang / ra sna dang / zangs rtsi ba dang / dzi ba ka dang / 'dam pa gnyis dang / byi dang ga dang / de rnams cham chom brdungs te mar dang ri bong gi mgo bo bskol ba'i khu ba dang /tshul bzhin bskol te mar lus pa las ran par 'thungs na/ lus skem pa las 'phel zhing brtas par byed pa'i mchog yin no/ /shu dag dang / skyu ru ra dang / rgya spos dang / a ru ra dang / tsa rong dang de rnams ra thug gi gcin dang chang dang / 'bru mar dang de rnams lhan cig bskol ba'i mar gyis bskus na phan no//rgya skyegs kyi khu ba bre gang dang / de dang mnyam pa'i til mar dang / de'i bzhi 'gyur gyi zho ga chu dang / a shwa gan d+ha dang / skyer pa dang / thang shing dang / ru rta dang / gla sgang dang / tsan+dan dkar po dang / mur ba dang / pu tse shel dang /shu ti dang / ra sna dang / shing mngar dang / de rnams cha mnyam ste cham chom brdungs pa dang lhan cig bskol te til mar lus pa ni rgya skyegs la sogs pa'i til mar zhes bya ste/ des bsku byug byas na nyams stobs dang / rims dang / glo gcong zad byed dang / smyo byed dang / dbugs mi bde ba dang / brjed byed dang / rlung sel bar byed de/ gnod sbyin dang / srin po dang / 'byung po rnams 'joms te bud med sbrum ma la yang bsngags so/ /bong nga dkar po dang / kar ta sring gi dang / pi pi ling dang / de rnams kyi phye ma sbrang rtsi dang lde gur byas te bldag go//bong nga dkar po sbrang rtsi dang sbyar ba gcig pus kyang lud pa dang / rims dang / skyug bro ba dang / bla brnan gyi nad rnams la phan no/ /byis pa gang du zho 'thungs pa la yang dang yang slon pa la ni bri ha ti rnam gnyis kyi 'bras bu'i khu ba'am/ tsha ba rnam lnga'i phye ma dang / mar dang sbrang rtsi de rnams lde gur byas te sbyin no//pi pi ling dang / lan tshwa rnam lnga dang / byi dang ga dang / man dar zhes bya ba na ri b+ha tra ka dang de rnams mar dang sbrang rtsi dang sbyar ba'i lde gu'am/ yang na tsha ba gsum dang / srog chags sha la l+ya ka dang / go da dang / shwa byid dang / rma bya dang de rnams gang rnyed pa bsregs te snag tshar byas pa las mar dang sbrang rtsi dang sbyar ba 'am/yang na seng ldeng dang ka gu ba dang / bal bu dang / ru rta dang / tsan+dan dkar po dang / de rnams kyi phye ma 'o ma dang mar dang lhan cig bskol te/ mar lus pa 'thungs na byis pa'i nad skyug pa sel bar byed do//gal te byis pa de ma'i khong nas so skyes pa byung ngam ya so dang po skyes pa byung na mi dge ba yin te/ de la ni bram ze las zhi ba'i cho ga bya'o/ /byis pa'i bad kan 'khrugs te rkan las sha mdzer 'byung zhing skrang zhing 'og tu 'bab par gyur na/ nu zho mi 'dod cing / gcin sri ba dang / lto sbo ba dang / khong 'khrugs pa dang / skom dad che ba dang / kha dang / lkog ma dang / mig na ba dang / gnya' ba 'degs mi nus pa dang / skyug pa yin te de la ni nas tshig 'khus pa'i thal ba dang / sbrang rtsi dang sbyar te skrangs par bsku zhing 'bab pa bteg par bya'o/ /rkan bskams pa la ni pi pi ling dang /bca' sga dang / ba'i gcin khu dang / rgyam tsha dang de rnams lhan cig sbyar ba 'am/ yang na bca' sga dang / skyer pa dang / bring ga ra dza dang / n+ya gro d+ha'i lo ma dang de rnams kyi phye ma dog le'i nang du ba lang gi lci ba'i khu ba dang bsres pa blugs la bsres te/ des n+ya gro d+ha'i lo ma dang bsgos te spyi bo'i steng du bkab la bcings te gzhag go//dog le'i nang du ba lang gi lci khu dang sman mar sbyar bas dar la bsgos te rkan dang kha la bsku zhing glan par bya'o/ /a ru ra dang / shu dag dang / ru rta dang / de rnams kyi phye ma sbrang rtsi dang bcas pa/ nu zho dang bcas pa lhan cig byis pa la blud na rkan 'bab ste skrangs shing sha mdzer 'byung ba las grol bar byed do//byis pa'i lus dri mas yogs pa 'am/ lus rab tu rngul ba'i dbang gis gzhang gi nang du khrag dang bad kan las gyur pa'i rma zangs ma'i mdog lta bu shin du g.ya' ba dang bcas pa 'byung ste/de'i rgyus bla brnan gzhan gyi nad mang du 'byung bar 'gyur te/ de la kha cig na re ma tri dza zhes bya ba'i byis pa'i gdon yin no/ /zhes smra'o/ /gzhan dag ni srul po'i gdon yin no zhes kyang zer ro/ /byis pa'i rgyab dang / brang dang / gzhang dang rked par gong ma'i nad de 'byung ba yod de/de ni ming med cing smad pa yin no zhes kha cig smra ste de lta bu'i nad la ni skyu ru ra dang / 'o ma dang sbyar bas bkrus la dag par bya'o/ /de bzhin du mkhris pa dang bad kan 'joms pa'i sman gyis yang dag par bya'o/ /yang na tsan+dan dang kha ra dkar po dang bcas pa'i chu grang mos khong pa nas btung bar blud do//skyer khaN+Da dang sbrang rtsi sbyar bas rma la byug go/ /bi da ri dang 'bras bu gsum dang / rgya shug dang / shing p+lag sha bskol ba'i khu bas blugs par bya'o/ /nag tshur dang / gi'u wang dang / spangs ma dang / ldong ros dang / ba bla dang /skyer khaN+Da dang / de rnams btags pa'i phye mas rma la gdab pa 'am/ yang sman nyid skyur dang btags pa'i lde gus bsku bar bya'o/ /yang na shing mngar dang / dung dang / stad zil zhib tu btags pa'am/ yang na thal tres dang / dung gi snying po dang de gnyis kyi phye ma'am/ yang na a sa na'i shun phrags zhib tu btags pa'i phye ma'am/ sbyor ba de dag gang yang rung ba rma la gdab bo/ /gang du dmar zhing skrang ba'i shas che ba der ni srin bu pad pas khrag 'jib tu gzhug go/ /gzhang gi nang du byung ba'i smad pa'i nad ku Ta ka zhes bya ba de la ni mkhris pa'i rma gso ba'i sman thams cad rab tu bsngags so//pa tha dang / byi dang ga dang / ser po rnam gnyis dang / gla sgang dang / ga bra'i rtsa ba dang / ba spru ba'i rtsa ba dang / bil ba dang / tsha ba gsum dang / bri lci ka li dang / de rnams mar dang lhan cig bskol te lde gur byas la zos na byis pa'i nad ma tri dza zhes bya ba dang /sa zos te nad du gyur pa las grol bar byed do/ /nad la phan pa'i sman gang yang rung nu ma la byugs te byis pas 'thung du bcug na nad las rgyal bar byed do/ /de nas cung zad na bkru bar bya'o/ /byis pa'i nad gso ba'i le'u ste gnyis pa rdzogs so// // de nas byis pa gdon gyis zin pa gso ba'i le'u bshad par bya ste/ sngon lha chen po ma hA de bas rang gi bu gzhon nu gdong drug bsrung bar bya ba'i ched du skyes pa'i gzugs can lnga dang / bud med kyi gzugs can bdun te de ltar gdon gyi lus bcu gnyis sprul par gyur to/ /de la skyes ba'i gdon rnam pa lnga ni/skem byed kyi gdon dang / byi sha ka zhes bya ba dang / lug mgo can gyi gdon dang / khyi'i gdon dang / yi dwags kyi gdon ni lnga po de dag go/ /bud med kyi gzugs can gyi gdon ni bya'i gdon dang / srul po'i gdon dang / srul po bsil byed kyi gdon dang /srul po mthong byed ces bya ba'i gdon dang / gdong 'khur ba lta bu'i gdon dang / nam gru'i gdon dang / nam gru skem pa'i gdon dang / bdun po de dag go/ /gdon de rnams kyis thog mar zin pa'i spyi'i rtags ni rtag tu ngu ba dang / rims kyis 'debs pa dang / sngang ba dang / glal ba dang / smin ma 'degs pa dang /dman par 'dug ba dang / kha nas lbu ba 'dzag pa dang / gyen du lta ba dang / mchu la sos 'debs pa dang / mtshan mo gnyid mi log cing ngu ba dang / 'khun pa dang / nu zho mi 'dod pa dang / skad 'gyur ba dang / rang gi ma ma'i lus la glo bur sen mos 'brad pa rnams te de dag ni gdon spyi'i mtshan ma yin no//de la skem byed kyi gdon gyis zin ba'i rtags ni mig ya gcig mchi ma 'dzag cing yang dang yang mgo sprugs pa dang / lus kyi gzhogs phyed nyams pa dang / lus kyi khong rengs pa dang / rngul ba dang / gnya' ba mthon por 'degs pa dang /so 'khrigs pa dang / nu zho mi 'dod pa dang / sngang bzhin du ngu ba dang / skad 'gags pa dang / kha yo bar 'gyur ba dang / kha chu 'dzag pa dang / shas cher bar snang la kha lta ba dang / khrag dang zhag gi dri bro ba dang / rtag tu skyo zhing yid mi bde ba dang / byis pa de yang dang yang khu tshur 'chang ba dang / mig dang za 'gram dang / smin ma ya gcig 'gul ba dang mig gnyis ka dmar ba rnams yin te/ des zin na ni nges par lus nyams pa'am 'chi bar 'gyur ro/ /de la byi sha ka'i gdon gyis zin pa'i rtags ni 'du shes nyams pa dang / skra yang dang yang 'bal ba dang / mgo 'dud cing gnya' ba gug pa dang / glal zhing rkyong bar byed pa dang / bshang gci 'byung ba dang / dbu bas slon pa dang / nam mkha' la lta ba dang / lag pa dang / smin ma dang rkang pa rnams kyis gar byed pa dang / rang gi lce dang nu ma la sos 'debs pa dang /rims drag pos 'debs pa dang / mtshan mo gnyid mi 'ong ba dang / rnag dang khrag gi dri bro ba rnams yin no/ /de la lug mgo can gyi gdon gyis zin pa'i rtags ni/ sbo ba dang / lag pa dang rkang pa gnyis 'gul ba dang / lbu ba skyug pa dang / skom dad che ba dang / khu tshur 'cha' ba dang / skad gsang dma' ba dang / mdog 'gyur ba dang / 'khun pa dang / tshad pa bad kan du 'khru ba dang / skyug pa dang / lud pa lu ba dang / skyigs bu 'byung ba dang / nub mo gnyid mi log pa dang / mchu la sos gnon pa dang / lus 'khums pa dang / khong rengs pa dang / ra thug gi dri bro ba dang / bar snang la lta zhing dgod pa dang / rkang lag rkyong ba dang / rims kyis 'debs pa dang / brgyal ba dang / mig ya gcig skrang ba la sogs pa'i nad rnams dang ldan pa yin no/ /khyi'i gdon gyis zin pa'i rtags ni lus 'dar ba dang / ba spu langs pa dang / lus rngul ba dang / mig 'dzums pa dang /lce phyir 'byin cing sos gnon pa dang / skad 'dzer ba dang / skyug pa dang / bshang ba'i dri bro ba dang / khyi bzhin du zug pa rnams yin no/ /de la yi dgas kyi gdon gyis zin pa'i rtags ni ba spu ldang ba dang / yang dang yang ldang ba dang / bab bab du ngu zhing lus tsha ba dang / lud pa lu ba dang /tshad par 'khru ba dang / skyug pa dang / glal ba dang / skom dad che ba dang / brkyang bskum byed pa dang / lus bskams pa dang / khong rengs pa dang / mdog 'gyur ba dang / khu tshur 'cha' ba dang / mchi ma 'dzag pa dang / mtshan ma de dag dang ldan na byis pa gdon gyis zin pa yin no//de la bya'i gdon gyis zin pa'i rtags ni/ rkang lag gnas nas nyams pa dang / tshad par 'khru ba dang / lce dang rkan dang lkog mar rma byung ba dang / tshigs su 'brum bu byung zhing tsha ba dang / na ba dang / smin pa dang / de yang tshigs rnams su yang dang yang 'pho ba dang / nyin mtshan du 'brum bu des chu ser 'dzag pa yin te/khyad par du kha dang rkub tu yang smin pa dang / 'jigs pa dang / bya'i dri bro ba dang / rims kyis 'debs pa rnams yin no/ /srul po'i gdon gyis zin pa'i rtags ni/ skyug pa dang / lus 'dar ba dang / skom pa dang / mtshan mo gnyid mi 'ong ba dang /skyigs bu dang / lto sbo ba dang / khong 'khru zhing phyi sa sla ba dang / skom dad che ba dang / gcin 'gags pa dang / yan lag gnas nas nyams pa dang / spu zing zhes byed pa dang / bya rog ltar lus rngul bro ba rnams yin no/ /srul ba bsil byed kyi gdon gyis zin pa'i rtags ni/lus 'dar ba dang / ngu ba dang / 'phred mig tu lta ba dang / skom dad che ba dang / rgyu ma 'khru ba dang / zhag dang rnag gi dri bro ba dang / rtsib logs ya gcig grang zhing ya gcig dro ba rnams yin no/ /de la srul po mthong byed kyi gdon gyis zin pa'i rtags ni skyug pa dang / lus tsha ba dang / lud pa lu ba dang / gnyid chung ba dang / khong 'khru ba dang / phyi sa'i mdog 'gyur ba dang / dri nga ba dang / shas cher lus skem pa dang / mthong ba zhan pa dang / mig na ba dang / g.ya' ba dang / mig mchu'i sha skyes pa'i mig nad 'byung zhing skrang ba dang / skyigs bu dang / yid mi bde ba dang / nu zho mi 'dod pa dang / lus mdog 'gyur ba dang / skad drag tu 'don pa dang / 'dar ba dang / nya'am skyur ba'i dri bro ba rnams yin no/ /khur ba lta bu'i gdong can gyi gdon gyis zin pa'i rtags ni lag pa dang rkang pa dang gdong rnams mi mdzes shing mi sdug par 'gyur ba dang /drag tu 'don pa dang / lto ba'i steng gi rtsa rnams nag por 'gyur zhing mdog nag pos khyab par 'dug pa dang / lus tsha ba dang / zas yi gar mi 'ong ba dang / rkang lag mi bde ba dang / ba gcin gyi dri bro ba rnams yin no/ /nam gru'i gdon gyis zin pa'i rtags ni/ mdog sngo bsangs su 'dug pa dang /rna ba dang mig nyed pa dang / lud pa lu zhing dbugs mi bde ba dang / mig phan tshun 'gul ba dang / kha yo zhing dmar ba dang / ra thug gi dri bro ba dang / lus tsha ba dang / skem pa dang / phyi sa ser por 'byung zhing sla ba rnams yin no/ /de la nam gru skem byed kyi gdon gyis zin pa'i rtags ni/rims kyis lus zad pa dang / skra 'bal ba dang / zas mi 'dod pa dang / skad gsang dma' ba dang / mdog 'gyur ba dang / phyi sa'i mdog sna tshogs su 'dug pa dang / lto ba la thor bu 'byung zhing sra ba dang / ngu ba dang / bya rgod kyi dri bro ba dang / yun ring du na ba dang /lto'i thor bu de yang zlum por 'dug pa dang / bshang gci sna tshogs snang ba dang / lce'i dbus dmar zhing dkar mdog sngo bsangs su 'dug pa de ni spang bar bya ste/ kha zas mang du zos kyang nyams stobs yongs su zad cing skom dad kyis zin te/ mig kong du bros pa ni nam gru skem byed kyis khyer ba yin par shes par bya ste/de dag ni bud med kyi gzugs can gyi gdon bdun yin no/ /gdon de dag ni mi la ci'i phyir 'tshe zhing 'jug ce na/ mchod pa 'dod pa'i phyir 'jug pa yin no/ /de la 'tshe ba'i bdag nyid ces bya ba'i gdon gyis zin pa'i mtshan ma ni byis pa'i sna chu 'dzag pa dang /lce 'gags pa dang / sbrid pa rtag tu 'byung ba dang / lus mi bde ba dang / mchi ma 'dzag pa dang / mdog sdug pa dang / skad gsang dma' ba dang / dri nga 'byung ba dang / lus zungs zad pa dang / rang gi bshang gci mi sbed par nyed pa dang / lag pa gnyis bskor zhing bdag gam gzhan la rdeg pa dang /de bzhin du mtshon dang shing la sogs pas kyang de ltar rdeg pa dang / me 'bar ba'i nang du 'jug pa dang / chu'i nang du mchong ba dang / khron pa'i nang du bab chol du 'jug pa dang / gzhan yang de dang 'dra ba'i rnam pa byed pa dang / skom dad che ba dang / lus tsha ba dang / rmongs bag tu 'dug pa dang / kha nas rul dri bro ba dang / rtag tu skyug pa dang / bu ga'i sgo kun nas khrag 'dzag pa dang / 'chi ltas 'byung ba de dag dang ldan pa de ni yongs su spang bar bya'o/ /'dod pa la dga' ba zhes bya ba'i gdon gyis zin pa'i rtags ni/ bud med dang dben par 'dod pa dang ldan pa'i tshig smra ba dang /dri zhim po dang / phreng ba dang / rgyan la dga' ba dang / snying dga' ba dang / sems zhi bar gnas pa yin te/ des zin na ni gso dka' ba yin no/ /gtor ma 'dod pa zhes bya ba'i gdon gyis zin pa'i mtshan ma ni/ sgyid zhan pa dang /kha myang zhing ldag par byed pa dang / mchu dang / lkog ma dang / rkan skam pa dang / ltogs pa'i tshul du lta ba dang / ngu ba dang / dman pa'i sems kyis rgyug pa dang / kha zas slong zhing byin na 'grangs shing ngoms par mi 'gyur te/ de ni gso sla ba yin pa zhes bya'o/ / de la 'tshe ba'i bdag nyid can gyi gdon la ni dud pas bdug pa dang / grub pa'i sngags yang dang yang bzlas pas zhi bar bya'o/ /'dod pa la dga' ba dang / gtor ma 'dod pa la ni ji ltar 'dod pa bzhin du gtor ma sbyin no/ /de la gsor rung ba'i gdon la ni khang thog dben par chag chag dang /skyong nul byas pa'i steng du byis pa bzhag la zhag gsum gyi bar du me ma shi bar bzhag ste thal bas byis pa'i mtha' nas bskor bas me tog dang lo ma dang 'bras bu dang / kha zas dang yungs kar gyis chal par bkram la gdon 'joms pa'i yungs kar dang ske tshe'i 'bru mar gyi me mar sbar na sdig pa sel bar byed do//las byed pa'i g.yog kyang 'khrig pa dang / sha dang chang las ldog par bya'o/ /de nas byis pa mar rnying pas bsku byug byas la/ chu dro 'jam tsam gyis khrus byas te/ de'i 'og tu ba bla dang / nim pa dang / ag ni men tha dang / dong ga dang / pa ri b+ha tra zhes bya ba man+da ra dang /ka Ta ka dang / 'dzam bu dang / ta ma la dang / bu di ka dang / lcam pa dang / a pa marga dang / pi pi ling dang / shi kru mngar po dang / ka ka dzang ga dang / ge ri kar ni ka dkar po dang / ka pid tha dang / 'o ma can gyi shing lnga dang / ka rany+dza dang / ka dam pa dang /de rnams sbyar ba'i dud pas bdug go/ /yang na gung dang / stag dang / sbrul dang / seng ge dang / dred dang de rnams kyi pags pa mar dang bsres pa'i dud pas bdug pa 'am/ yang na pu ti ka rany+dza'i rtsa ba la sogs pa'i yan lag bcu pa dang / yungs kar dang / shu dag dang / go bye dang / ti mu sa dang / ru rta dang / de rnams mar dang sbyar ba'i dud pas bdugs na yang gdon thams cad las rnam par grol bar byed do/ /yang na yungs kar dang / nim pa'i lo ma dang / a sha khu ra'i rtsa ba dang / shu dag dang / stag pa'i lo ma dang /de rnams mar dang sbyar ba'i dud pas bdugs na yang gdon thams cad sel lo/ /yang na glang gi rwa dang spu dang / rus pa dang / pags pa dang / byi la'i rtug pa dang / nim pa'i lo ma dang / nim pa'i thang chu dang / pu tse shel dang / spra tshil dang / bri ha ti rnam gnyis dang /ras bal gyi sa bon gyi rus pa dang / nas so ba dang / ra'i spu dang / thang shing dang / yungs kar dang / rma bya'i sgro dang / shri bi sa zhes bya ba ko nyon tse'i thang chu dang / phub ma dang / mi'i skra dang / shing kun dang de rnams kyi phye ma ras ma'i snod kyi nad du ra gcin dang sbangs te/ dud pas bdugs na gdon thams cad dang rims mi bzad pa rnams la phan no//yang na dUr ba dang / a mra'i tshi gu dang / rgya spos dang / na le sham dang / sbrang rtsi dang / dong gra dang / kr-iSh+Na par+Ni dang / gla sgang dang de rnams btags pa'i phye ma mar dang rtsa ba bcu pa bskol ba'i khu ba 'o ma dang tshul bzhin bskol te mar lus pa las ran par blud na gdon las rgyal bar byed pa'i mchog yin no//ra sna dang / a shu ma ti'i lo ma dang / rtsa ba lnga pa dang / ba la dang / gla sgang dang / de rnams bskol ba'i khu ba'i nang du/ thal tres dang / tsha ba gsum dang / tsi tra ka dang / pa tha dang / byi dang ga dang / shing mngar dang / pa ya s+ya dang / shing kun dang / thang shing dang / pi pi ling mU la dang / dug mo yungs dang / de rnams btags pa'i phye ma dang / mar lhan cig bskol te/ mar lus pa las ran par blud na byis pa la rtag tu phan pa yin te/ nad thams cad dang gdon 'phrog cing me drod skyed pa dang stobs dang mdog ster bar byed do//thal tres dang / mu ra dang / bra h+mi dang / shang khi ni dang / ru rta dang / shu dag dang / yungs kar dang / a shwa gan d+ha dang / byi'u rug pa dang / de rnams mar dang lhan cig bskol ba'i mar lus pa de las btung ba dang byug pa byas na gdon thams cad 'jig par byed do//gang yang 'byung po'i rig sngags kyis sman mar la bzlas par bya'o/ /sa gtsang mar dkyil 'khor khru gang bar byas te ba lang gi lci bas byugs nas 'bras grus pa dkar po chag grum med pa'i snod kyi nang du bkang la yon dang bcas pa der gzhag go//du ba med pa'i me snod dang bcas pa dang / chu snod dang bcas pa dang / gu gul dang / mar dang / me tog dkar po dang / gtor ma dang / spos dang / dUr ba dkar po dang / yungs kar dang / bsreg blugs kyi rdzas de dag kyang bzhag la/de nas sman pa gos gtsang ma kha dog gsum dang ldan pa 'am/ yang na gos dkar po gyon te kha shar du bltas nas dkyil 'khor gyi sar 'jug par bya ste/ gro ba'i dum bu blangs nas gro ba la gzhan gyis mi thub pa zhes bya ba'i rig sngags gi wang gis bris pas dkris la cho ga bzhin du bsgrub na 'byung po dang gdon thams cad las rgyal bar byed do//lag sh+man dang / sa ha de ba dang / nA ga dan ti dang / ka dam ba ra dang / kha sral dang / kar ka ti shring ga dang / ku ba kha bo dang / b+hi ha ha ti dang / khar na sa dang / be sha la dang / ma ha ki sha dang /nye'u shing ba dang / de rnams btags te rig sngags kyis btab nas gro ba'i nang du bcug ste/ byis pa byang phyogs su kha ltar bcug la mgul du gdags so/ /de dag ma 'byor na zar ma'i skud pa sra ba la mdud pa bor te sngags bzlas par bya'o/ /byis pa bsrung ba'i phyir dang por rang byung chen po la phyag bya ste/sngon gyi drang srong chen po rnams kyis zhi bar byas pa yin pas gdu bu'i srung ba'i skud pa gdags par bya'o/ /in dra pra ti sa ram du b+h+ya/ ye tsa ta sa nu tsa ri Na/ badzra rA sha ni d+ha ra b+hU ta me g+ha bin dA nu swa ri Na ai ra pa Na/ skan d+ha ga tam/ ye na ya ti pU ra Na da ram/ya ma b+hi ba sa to rA dza ye dza ta s+yA nu tsa ri Ni/ me tsa suM ka ri sring hoSh+Na/ ga dza ba dzi sA mA nA nA/ kA lak+Sha kA la ya sai pA shai sta ma dak+Sha/ b+h+r-i ku Ti mu kha shag ti mung+ga ra/ haste tsa kha da ga pra sA d+hA ra shu ye/ pA sha rat+na ka ro rA dza/ to brid sA ga rA la ya/ sha rad prag Na ka ra/ yo tsa ta s+yan nu tsA re Na/ma ho ra n+yi man tam be ge na/ k+Sho ba yan ti/ se ram pa hi dA nA d+hI po b+he sha b+ha na sar+b+ba yak+Sha di bo/ bU bi nA nA/ ka rash+tsa ye/ b+hU ta skye ba nu tsA rA sA dA/ I dit+t+ya b+ha sA b+ho ru/ dra ma tu trash+tsa shi nA bA pai te/ sarba na ma sA ta ma/ i mam pra ti sa kri yam/ dIr gA mA yA/ ra ro gan tsA/da bA dA san tu/ san ti de b+ha ga bAn bra h+ma swa sti na rat+ta/ pa ra b+ha u swa sti be daMsh+tsa yag n+ya shA ig ni sha ma u tsa/ swasti ti shri Di te b+hi ra hi la/ sh+mi me d+ha k+ta ma t+ya ti/ swasti duSh+Tash+tsa/ ba su hrI b+hud d+hi re ba tsa/ swa sti ru tri ba sha ba kA shu/ skan d+ha sha ka ti d+ha ra b+hU ti/swasti dA ta tsa/ su bar+Na sh+tsa ma hA la/ swasti de bAsh+tsa rak+Shash+tsa/ ma tsA de ba pA ma ga ma/ dur bya hrid ni/ duHswa ba na ma na tsi na ti ta na tsi/ duSh+Ta d+hin ma b+ha yaM kri to/ bA tsa pra ti hi/ te ma ya/ rak+Sha pra ti sa rA/ t+yu b+h+yam/ b+ha de ya ma ba pA gA te ni/ nir brid ta ma ni ru de go/ dzI ba baR+She sha tam su khi/snum khur dang / nas kyi khur ba dang / tshod ma dang / swasti ka dang / u lo pi la sogs pa dang / mi sri ka dang / kur ma dang / bu da bu da dang / yung ba dang / kri sa ra dang / ya ba ka dang / sbrang rtsi dang / til btags pa'i phye ma dang / lan tshwa dang /zho dang / zan dron dang / nis pa pa dang / 'byung po'i zas can dang / 'o ma dang / sha khrag rjen pa dang / btsos pa dang / nya dang / phye dang / chang dang / a sa ba'i chang dang / dri dang / phreng ba dang / 'bras bu dang / gser dang / gu gul dang / pog dkar po'i bdug pa dang /bye'u rug pa dang / zhim thig le dang / nirgun thi dang / me tog lo ma dang bcas pa dang / de rnams spags dang bcas pa'i gtor ma byas la/ byis pa'i khyim de nyid kyi phyogs bzhi nas sbyin par bya ste/ de bzhin du bzhi mdo dang / sum mdo dang / lha'i gnas dang /ba lang gi lhas dang / shing gcig gi drung dang / chu mig dang de rnams las nam sros pa'i dus su mar me dang bcas par gtang ngo / /de nas dkyil 'khor zlum po 'am/ gru bzhir byas te ba lang gi lci ba sa la ma lhung bas byugs la rtswa dar ba dang / me tog yid du 'ong bas brgyan te/de'i steng du 'byung po'i bdag po 'khor dang bcas pa bkod la/ 'byung po'i phyogs su kha shar du bdag bltas la/ rig sngags 'di brjod de gtor ma sbyin no/ /de la sngags ni/ oM na maHa bi ba ra kas/ na maHku rung b+ha ya/ na ma sab ta nam ma tri nam na maH skan ha ya/hi li ti/ mi d+hi li ti/ hi lid tA/ pa li ni swA hA/ de ni bzhugs su gsol ba dang / bud med kyi gzugs can gyi gdon spyan drangs pa yang yin no/ /sngags des khyor ba gang gi chu la lan bdun bzlas brjod bya ste/ bdag gi lus la gtor na bdag nyid bsrung ba byas par 'gyur ro//gdon de rnams 'dus pa dang gtor ma la so so'i bden pa'i dmod pa dang ldan pa'i sngags 'di brjod par bya ste/ pra dza ba to tsa ya s+ya t+yam/ a mi ri shA ri/ d+harma rA dzA ya s+ya t+yam/ ya tsa s+ya t+yam/ ta pa si shu/ d+hA nA d+hI pa ti ya tsha t+yam/ dzA lA d+hI pe/ ya s+ya t+yam/ ag ni ho tre shu/ s+ya t+yam yaM shrI ti ye shud tsa/ pa hi bra ha/ su yaM s+ya t+yam/ i shI ri tsa ma hAd+ma ni/ a te tu s+ya t+yam s+yad t+ya bas ma yeg+hu he ka set+ya ti na/ dar sha ya dra ma swa ru pA Ni/ s+yat+yam rak+Sha te sarba shi/ a man tri tra ma ya s+yo mya/ s+ya mya ru pa pra tIts+tsha da/ ba lI tsha su pa hri tram sarba sarba ko ma ka gra he/dar sha ya dwa maswa ru pA Ni/ ba lan tsa pri ti gra ya stam/ de nas de'i 'og tu mnyam par bzhag ste/ rigs kyi gsang sngags 'di brjod do/ /oM la ni lA/ khA lA khA lA/ na gu la gra ha kA ri ka se nA nu se na/ mA tA tsa ma hA se na ya sha swa ni/ kri ta mA lA k+Sha ta shar/e tA stu gra ha ma ta ra/ ku mA ra ba tsa nA shri gram pra mun tsan du shi/ shu ma ti mA ma/ ka la ka la po dza la sha ka ti/ king ki ni dz+wa la b+hu shi ta/ ku mA ra bA tsa nA/ hu tim/ saM bra ta mu tsa tam shi shu/ pa ta ka kur ku Ta tsha Tam/ gan d+ha ba ra hri da ra shi khI sha ra stam bash+tsa te/mu tra mud tsa ta mA tu ra shi shu gan da d+hu pa mA l+yaMts+tsha/ ku mA ra te pra yats+tsha tri/ nas+tha ta byam tad gra ya/ swaM gA ti ma g+ha tsa ma tsi ram/ da tra sarba ku mA ra na ma saM ga ta gan mA da ne/ raka terba tsa pa ta rak+ta shu ga ni ba sa ni/ ku mA ra s+ya kha yam ta tri/ yA ta ba lam bi mun tsa ta shan mu kha d+ha sha k+Sho/be tra si ka le do bar/ bi ra ku mA ri di ba ti/ ste ba pusto bi shi d+ya t+yam bra ha ma no bra h+ma no bra h+ma na nan tru/ sarba be di ba da mA par/ yak+Sha rAk+Sha sa nA gA nAM gan d+ha ra bA a su ra yo ra pi/ pi shA tsa b+hU ta saM ga nA ma/ bya da mi/ tsA mA ri shA rA/ ag n+ya pa ya ti skan d+ho/ ga mya trA mA ga na da ma da nAm/gro ho ya ko pa yod da ny+yam/ ku mA ra swa ya shasbi ni/ rtan tsu ta sa brek+Sha bri ma b+ha ya pa ri sha d+ho b+ha bed/ /de ltar gtor ma btang ba'i 'og tu me la sbyin sreg gis mchod par bya ste/ de yang bca' ba dang / bza' ba dang / me tog la sogs pa ser skya dang / dmar po la sogs pa rnam pa sna tshogs dang /dri rnam pa sna tshogs dang / gu gul gyi bdug pa dang / seng ldeng la sogs pa'i yam shing bya'o/ /yang na tsan dan gyi shing gis bya ste/ de yang grangs brgya rtsa brgyad sbyin sreg bya'o/ /gdon thams cad las grol bar byed pa'i me dbyug pa lta bu zhes bya ba'i rig sngags brjod par bya ste/oM bra h+ma bya ta na lam de bam/ ha s+yag bya pa ti tsam kam/ de ba na sa pra mu kha ma swa ti swA hA/ a ba hA ra hU dzam/ sa hi bad t+yam ha na tan si/ pA dA ka sa bak+Sha na/ twam ya ga nyash+tsa/ yu pash+tsa/ twam hi d+ha ra ma ba tang / ga ti hi ran n+ya rA tA de ba stAm/ twam hi be dang bi dang ga ti/dur khri tA nAm/ bi nA ya sha yA twam/ hi ud pa da ti su re/ da ha sa gra ha de ba twam/ i dam duSh+Ta sa bri gra ha/ ag na ye swA hA/ twam ti shAn ti ka ro ba na ni/ stam ma ru ta ro dan/ ha ri pra dA na g+ha di ri shi/ dI mAm ni gri h+ya gu h+yam kam/ ud ma da ya ti/ te dza swa tsA/na maH sha ma tsI ting ku ru/ duSh+Ti g+hA b+ha rasna stam/ swam swarbo pa dra be shu tsa/ yA kri tri na ho mye na shi g+h+ra ma shAn ti pradz+nyA ya de a hi b+han ti de ba nA ma/ twam hi bag tram pu ra ta nA ma/ te na sa ya te na de bA shang / i ma sA d+ha ya/ me gra ham/ na mastu te bya bA ha dan di/ da ha da ha/ dar sha ya dar sha ya te dza te dza mo Ta ya mo Ta ya/ a pasma ra mud g+ha Ta ya/ ku mA ra bi shA tsa/ ri ba ti ro da na trA sa na/ kam pa na/ ud kam pa na/ pI dzra bad de ba yak+Sha gan d+har ba/ b+hu tA nAm/ nA ga rak+Sha sa/ san dar dza na/ b+haN+Da na/ bi d+hu gra sa ra ya/ b+ha na b+ha nA/ ag ni d+han+t+ra/ ag ni bIt+ya na ma te/ dzra sa swa na/ un mAn da ya swA hA/ b+hur b+hu wA ya swA hA/ di ba ta te dza sa swA hA/ ha bya bA ha na ya swA hA/ ya ma ye swA hA/ sbyin sreg 'dis ni byis pa'i gdon mtha' dag 'jig par byed do/ /de bzhin du gtor ma dang / sbyin sreg dang / bdug pa dang / khrus kyi tshul sngags kyi rgyud rig sbyar bar bya'o//bu ti ka rany+dza'i shun pa dang / 'o ma can gyi shing gi shun pa dang / lo ma dang / ku ba dang / bi la sha dang / s+yo na ka dang / bil ba dang / ka pid tha dang / de rnams cha mnyam ste nub mo bskol la byis pa rnams la nub mo khrus byas na shis pa yin no//gzhan du na gdon gyis zin pa las bla brnan gyi nad ldan pa lta bu'i nad gso ba byung na ni/ byis pa'i nad gso ba las bshad pa'i sman gyi sbyor ba rnams bya'o/ /byis pa gdon gyis zin pa gso ba'i le'u gsum pa rdzogs so// // de nas gdon gyi dmigs shes par bya ba'i le'u bshad par bya ste/ thog mar sman pas nad pa'i shes pa dang / smra ba dang / spyod pa dang stobs ci 'dra ba las gdon gyi rtags shes par bya ste brjod par bya'o/ /de yang skyes bu gang gis spyod tshul dang / rang bzhin dang / 'gro ba dang /byed pa rnams lha dang / lha ma yin dang / dri za la sogs pa gang gi rtags dang / mthun par byed pa de'i mtshan nyid shes par bya ste brtag go/ /de la lha dang lha ma yin la sogs pa gdon gyi rigs rnam pa bcwa brgyad yod do/ /de dag kyang rgyu med par ni gdon 'jug mi nus te/rgyu de yang gang zhe na/ 'phral gyi rkyen dang / sngon gyi las las gyur pa yin te/ de yang shes rab nyams pas chags pa dang / zhe sdang dang / gti mug la sogs pa shas cher skyes pa dang / chos lugs nyams par byas pa dang / brtul zhugs nyams pa dang / spyod lam log par byed pa dang /bla ma la sogs pa mchod par 'os pa la mi mchod pa dang / bdag nyid kyi gzhung lugs nyams par byas pa dang / bdag nyid gsod par byed pa dang / rgyu de dag byas pas gdon gyis glags rnyed de skyes bu'i lus la 'jug cing gnod par byed do/ / gzhan yang gdon gyis glags rnyed par byed pa'i rgyu ni sdig pa'i las rtsom pa dang / sngon mi dge ba'i las byas pa dang / bdag nyid gcig pur grogs med par khang stong dang / dur khrod dang / bzhi mdo dang / mchod rten la sogs pa'i drung du mtshan mo brten cing gnas pa dang /mtshan mo gcer bur rgyu ba dang / de bzhin du bla ma mchod par 'os pa smod pa dang / dus dang cho ga ma yin par 'khrig pa spyod pa dang / mi gtsang bas lha mi mnyes par byed pa dang / gzhan gyi bud med bu btsas ma thag pa la 'dres par spyod pa dang / sbyin sreg dang / sngags dang /gtor ma dang / mchod pa la sogs pa la yo byad mi 'byor ba dang / mdor na mdo'i gnas su nyin par gyi spyod lam bstan pa log par byed pa las gdon 'jug cing gnod par byed pa yin no/ /de la lha'i gdon ni zla ba yar ngo'i tshes gcig dang / tshes bcu gsum la mi la 'jug par 'gyur ro//lha ma yin gyi gdon ni yar ngo'i tshes bcu gsum dang mar ngo'i bcu gnyis la 'jug par 'gyur ro/ /dri za'i gdon ni tshes bcu bzhi dang bcu gnyis la 'jug go/ /klu'i gdon ni tshes lnga la 'jug par 'gyur ro/ /gnod sbyin gyi gdon ni zla ba yar ngo'i tshes bdun dang bcu gcig la 'jug par 'gyur ro//tshangs pa'i srin po'i gdon ni yar ngo'i tshes lnga dang / tshes brgyad dang / bco lnga la 'jug par 'gyur ro/ /srin po dang sha za'i gdon ni zla ba mar ngo'i tshes gcig dang dgu dang bcu gnyis la 'jug par 'gyur ro/ /yi dgas kyi gdon ni gnam stong dang tshes bcu la 'jug pa yin no//bla ma rgan pa la sogs pas smon pa byas pa las byung ba'i gdon ni phal cher tshes brgyad dang dgu la 'jug go/ /gdon de dag kyang phal cher nam sros pa'i dus su 'jug pa yin no/ /de la skyes bu'i lha'i gdon gyis zin pa'i rtags ni bzhin mdangs pad ma kha bye ba lta bur 'dug pa dang /zhi ba'i mig tu lta ba dang / mi khro ba dang / smra ba nyung ba dang / rngul dang bshang gci 'byung ba dang / zas mi 'dod pa dang / lha dang bram ze la mchog tu 'dzin pa dang / gtsang sbra che ba dang / saMskr-i ta'i skad du smra ba dang / yun ring po nas mig 'byed pa dang / lus dri zhim pa dang / gzhan la mchog ster zhing bkra shis pa la sogs pa'i tshig sbyin pa dang / phreng ba dang / gos dkar po dang / 'bab chu dang / ri bo dang / khang pa mthon po la dga' ba dang / gnyid med pa dang / gzhan la gnod pa mi byed pa dang / mtshan ma de dag dang ldan na lhas dbang du byas pa yin no/ /de la lha ma yin gyi gdon gyis thebs pa'i rtags ni/mig yon por lta ba dang / rang bzhin ma rungs pa dang / lha dang / bla ma dang / bram ze rnams la zhe sdang ba dang / 'jigs pa med pa dang / rims kyis snyems pa dang / dpa' zhing brtan pa dang / khro ba can dang / rtsol ba zhen pa dang / drag po dang /skem byed dang / khyab 'jug dang / dbang po yang bdag yin no/ /zhes smra ba dang / sha dang chang la dad cing dga' ba ni lha ma yin gyi gdon yin no/ /dri za'i gdon gyis thebs pa'i rtags ni/ rang gi spyod pa la dga' zhing lus dri zhim pa dang / rtag tu snying dga' zhing glu gar la dga' ba dang / de bzhin du khrus dang / skyed mos tshal dang / gos dang phreng ba la dga' zhing byug pa dmar po la mos pa dang / sgeg pa dang / 'gying ba 'dod pa ni dri za'i gdon gyis zin pa'i rtags so/ /klu'i gdon gyis zin pa'i rtags ni/ mig dmar ba dang /khro ba'i ngang tshul dang / mig har har por bgrad pa dang / yon por 'gro ba dang / mi brtan zhing 'gul ba dang / rgyun du dbugs rgod pa dang / lce yang nas yang du 'byin pa dang / kha'i gra la lces byug pa dang / 'o ma dang / bu ram dang / khrus la dga' ba dang / kha bub tu nyal ba dang / gdugs mthong na 'jigs pa ste de ni klu'i gdon gyis zin pa'i dbang du byas pa'o/ /gnod sbyin gyi gdon gyis zin pa'i rtags ni/ mig bgrad cing dmar la 'bur ba dang / lus dri zhim pa dang / gzi mdangs shin tu bzang ba dang / gar dang / gtam dang / glu dang / khrus dang / phreng ba dang / byug pa la dga' ba dang / nya dang sha la sred pa dang / spro ba dang / dga' ba che ba dang / stobs che ba dang / nad med pa dang / lag pa'i rtse mo 'gul zhing khyed cag rnams la nor la sogs pa ci zhig sbyin zhes smra ba dang / gsang ba'i tshig mi thub pa dang /sman pa dang / bram ze la spyod pa dang / khro bag chung ba dang / 'gros myur ba dang / 'di dag ni gnod sbyin gyi gdon gyis zin pa'i rtags so/ /tshangs pa srin po'i gdon gyis zin pa'i rtags ni/ dgod cing gar la dga' ba dang / las drag po byed pa dang / rgyu med par rdeg pa dang /dmod pa dang bcas pa'i tshig ngan pa smra ba dang / 'gros myur ba dang / lha dang / bram ze dang / sman pa la sdang ba dang / shing ngam mtshon la sogs pas bdag nyid la bsnun pa dang / kwa ye kwa ye zhes bod par smra ba dang / bstan bcos dang rig byed sngon thos pa 'don pa dang /de dag ni tshangs pa'i srin po'i gdon gyis zin pa'i mtshan ma'o/ /sin po'i gdon gyis zin pa'i rtags ni khro mig tu lta ba dang / khro gnyer dang ldan pa dang / rtab bag tu byed pa dang / gzhan la rdeg pa dang / rgyug cing 'gro ba dang / skad kyi bor 'don pa dang / gdong 'jigs su rung ba ston pa dang / kha zas ma zos kyang stobs dang ldan pa dang / gnyid med pa dang / mtshan mo rgyu ba dang / ngo tsha mi shes pa dang / gtsang sbra med pa dang / dpa' ba dang / ma rungs pa'i las byed pa dang / tshig rtsub po smra ba dang / khro ba dang / khrag dang / phreng ba dmar po dang /bud med dang / sha dang chang la dga' ba dang / khrag gam sha mthong na rkan gtog cing mchu bldag pa dang / kha zas za ba'i dus su dgod pa dang / 'di dag ni srin po'i gdon gyi mtshan ma'o/ /sha za'i gdon gyis zin pa'i rtags ni/ sems tha mal par mi 'dug pa dang / sa gcig la mi gnas pa dang /kun tu rgyug pa dang / zas kyi lhag ma dang / glu dang / gar dang / sha dang chang rnams la dga' ba dang / dmod mo dang bcas pa'i tshig ngan pa smra ba dang / bzhin mdog zhan pa dang / rgyu med par ngud mo 'debs shing sen mos lus 'brud pa dang / lus rtsub pa dang / skad nyams pa dang /bdag sdug go zhes smre sngags 'don pa dang / 'brel pa dang mi 'brel ba'i tshig tu smra ba dang / dran pa nyams pa dang / gnas la dga' ba dang / mi brtan pa dang / gcer bur byung ba dang / dri ma can dang / srang kha na 'dug pa'i gos ci snyed pa gon pa dang / rtswa phreng bar byas nas lus la brgyan pa dang /shing la rta zer te bzhon pa dang / mi gtsang ba lud phung gi steng du 'dug pa dang / zas mang du za ste 'di ni sha za'i gdon gyis zin pa'i mtshan ma'o/ /yi dgas kyi gdon gyis zin pa'i rtags ni/ gzugs dang bya ba dang dri yi dgas dang 'dra zhing 'jigs skyen pa dang /zas mi 'dod pa dang / rtag tu rtswa gcod pa ste/ 'di dag ni yi dgas kyi gdon gyis zin pa'i mtshan ma'o/ /grul bum gyi gdon gyis zin pa'i rtags ni/ tshig mang po smra zhing glal ba dang / gdong nag pa dang / mi sdod par 'gro ba dang / rang gi rlig pa cher skrangs shing 'phyang ba ni grul bum gyi gdon gyi mtshan ma'o/ /byad stems kyi gdon gyis zin pa'i rtags ni/ shing dang bong ba thogs shing 'gro ba dang / srang kha'i phyag dar gyi dum bu gyon pa dang / gcer bur rgyug pa dang / lhag mig tu lta ba dang / rtswa'i rgyan byed pa dang / dur khrod dang / gnas stong pa dang / srang dang / shing gcig gi drung du brten pa dang / til gyi zas dang / sha dang chang la chags pa ste 'di ni byad stems kyi gdon gyis zin pa yin no/ /g.yengs byed kyi gdon gyis zin pa'i rtags ni/ tshig rtsub pa smra ba dang / zas mi 'dod cing chu nye tshe slong ba dang / sngangs shing mig dmar bas lta ba dang / tshig drag pa ste/ 'di ni au ki ra Na zhes bya ba'i gdon gyis zin pa'i mtshan ma'o/ /ro langs kyi gdon gyis zin pa'i rtags ni/ dri dang phreng ba la dga' ba dang / tshig bden par smra ba dang / tshig yongs su 'dar ba dang / gnyid che ba ni ro langs kyi gdon gyis zin pa yin no/ /sngon gnyen shi ba 'drer gyur pa'i gdon gyis zin pa'i rtags ni/ mthong ba mi gsal ba dang / bzhin zhan pa dang / rkan bskams pa dang / mig dang rdzi ma 'gul ba dang / gnyid che ba dang / me'i drod chung ba dang / g.yon phyogs su gos gyon pa dang / til dang / sha dang / bu ram la dga' ba dang / tshig 'khrul ba dang / 'di ni sngon gyi gnyen shi ba'i gdon gyis zin pa'i mtshan ma'o/ /bla ma dang rgan pa dang grub pa rnams kyi dmod pa las byung ba'i gdon gyis zin pa'i rtags ni/ spyod lam dang zas la sogs pa gdon so so'i rtags dang /ji ltar mthun pa yin pa de ltar ngos gzung bar bya'o/ /mdor na byis pa'i tshogs kyi rjes su 'brang ba'i gdon dang gcer bur 'dug cing skra gyen du brdzes pa dang / sems sdug bsngal gyis gdungs pa dang / yun ring por gdon gyis zin pa ni spang bar bya'o/ /gdon gyi dmigs bstan pa'i le'u ste bzhi pa rdzogs so// //de nas gdon nad de dag gso ba'i le'u brjod par bya ste/ gang gis lus la 'khrig pa dang gtor ma la sogs pa 'dod pa'i gdon rnams kyis mi gtse bar 'dod pa rnams kyis bzlas brjod dang / sbyin sreg dang / gtor ma dang / brtul zhugs dang / dka' thub dang / tshul khrims dang / bsam gtan dang / sbyin pa dang / shes rab dang / snying rje la sogs pa rnams bsten na rgyal bar byed do/ /gdon gyis mi brdzi'o/ /shing kun dang / tsha ba gsum dang / ba bla dang / gla rtsi dang / sgog pa dang / arka'i rtsa ba dang / spang spos dang / a dza lo mi dang / go li mi dang / 'bam po dang / shu dag dang / gan d+ha pri yang ku dang / ku kU ti dang / sarba gan d+ha zhes bya ba gan d+ha ku li dang / ka na zhes bya ba ka ka da dang / la ba ka dang / ra mnye 'o ma can dang / badzra kro d+ha dang / sle tres dang / kar ka ta shring gi dang /mo ha na bal li dang / lig bu mig dang / yungs kar dang / gzhan yang gdon 'joms pa'i sman ji snyed pa dang / bong bu dang / rta dang / khyi dang / lug dang / rnga mo dang / rak+Shi dang / go d+ha dang / sre mo dang / reg 'byam dang / gung dang / byi la dang / ba lang dang / seng ge dang / stag dang / rgya mtsho na gnas pa'i srog chags kyi pags pa dang / mkhris pa dang / so dang / sen mo dang / de rnams mar rnying pa 'am/ sar pa'am/ til mar ram/ gang yang rung ba dang lhan cig bsgrubs te/ des btung ba dang / snar blugs pa dang / bsku mnye dang /phye ma'i dud pas bdug pa dang / ri lur byas te/ de la mig sman dang / snar phye mas bud pa dang / bsku ba dang / bskol ba'i khu bas blugs pa la sogs pa ci rigs par byas nas gdon smyo byed dang / brjed byed dang bcas pa zhi bar bya'o/ /ha ti pi pi ling dang / pi pi ling gi rtsa ba dang / tsha ba gsum dang / skyu ru ra dang / yungs kar dang / srog chags go d+ha dang / sre mo dang / byi la dang / dza sha dang / de rnams kyi mkhris pa lhan cig btags pa'i phye ma sna nas gtong ba dang / bsku byug dang / blugs pa la sogs pa byas na gdon 'joms so//yungs kar dang / shu dag dang / shing kun dang / pri yang ku dang / ser po rnam gnyis dang / btsod dang ka ni dkar po dang / 'bras bu gsum dang / shi ta ka Ta bi dang / nim pa'i lo ma dang / ka rany+dza ka dang / shri ya'i sa bon dang / thang shing dang / tsha ba gsum dang /de rnams btags pa'i phye ma dang / mar ci tsam pa'i bzhi 'gyur gyi ba gcin dang / bskol ba'i sman mar ni don grub kyi sman mar zhes bya ste/ de las ran par btung ba dang snar blugs pa byas na/ gdon thams cad 'joms par byas shing khyad par du lha ma yin gyi gdon sel te/gshed byed dang / bkra mi shis pa dang / dug dang / smyo byed dang / rims dang / brjed byed dang / sdig pa rnams 'joms so/ /sman de nyid kyi phye mar gcin dang sbyar te btung ba'am/ snar blugs pa dang / byug pa dang / khrus dang / dril ba rnams byas na gong du bstan pa'i yon tan thams cad dang khyad par du rgyal po'i sgor yang dgos pa'i don thams cad 'grub par 'gyur ro//yungs kar dang / tsha ba gsum dang / shu dag dang / a shwa gan d+ha dang / ser po rnam gnyis dang / shing kun dang / kun dong gi rtsa ba dang / ka rany+dza'i sa bon dang /shir sha'i me tog dang / ka pid ta'i 'bras bu dang / shun phrags dang / rgyam tsha dang / ta ga ru dang / ru rta dang / son ka'i rtsa ba dang / ge ri kar ni dkar po dang / de rnams btags la ra gcin dang / legs par bsgos te ba lang gi mkhris pa dang bsres te ri lur byas la sbyin na/rma red pa dang / smyo byed dang / mun thibs zhes byed pa dang / mtshan mo mi mthong ba dang / dran pa stor ba dang / chus khyer te brgyal ba dang / dug mda' la sogs pas phog pa dang / sbrul gyi mche bas zin te brgyal ba dang / de rnams la mig tu bsku ba dang /snar blugs pa dang / bsku ba byas na zhi bar byed do/ /ras bal gyi sa bon dang / rma bya'i sgro dang / bri ha ti dang / ma hA de ba la phul ba'i me tog rnying pa dang / po son cha dang / shing tsha dang / spang spos dang / byi la'i rtug pa dang / 'bras kyi phub ma dang /shu dag dang / mi'i skra dang / sbrul gyi pags pa brjes pa dang / glang po che'i so dang / glang gi rwa dang / shing kun dang / na le sham dang / 'di rnams cha mnyam ste btags pa bsregs pa'i dud pas bdugs na skem byed kyi gdon dang / smyo ba dang / sha za dang / lha'i gdon gyis thebs pa rnams sel ba'i mchog yin no//yang na bca' sga dang / pi pi ling dang / na le sham dang / gan+d+ha b+ha dra dang / gur gum dang / pi pi ling gi rtsa ba dang / kaN+Da ka ri dang / yung ba dang / skyer pa'i rtsa ba dang / ru rta dang / yungs kar dang / yungs nag dang / ba la ka dang / dug mo yungs dang / tsan+dan dkar po dang / sgog skya dang / a ru ra dang / ba ru ra dang / pu shel tsi dang / pu tse shel dang / shu dag dang / spangs ma dang / shing mngar dang / ba bla dang / tsan+dan dmar po dang / sug smel dang / ldong ros dang / shug pa dang / pog dkar po dang / rgya spos dang / me tog ma du ka'i shing dang / pri yang ku dang / bong nga dkar po dang / skyer khaN+Da dang / dbyi mo rnams cha mnyam ste/ zhib tu btags la de rnams spyir bsdoms pa'i bzhi 'gyur gyi mar rnying pa dang / gcin gyi sde tshan mdo'i gnas su bstan pa las gcin mar dang cha snyoms te re re nas bskol la gcin dang mar lus pa btsags pa ni gdon khus 'debs pa'i mar yin no//zhes sngon gyi mkhas pa dag 'dod de/ de las ran par 'thungs na gdon sel ba'i mchog yin no/ /yang na spos dang / shing mngar dang /ka rany+dza dang / rgya skyegs dang / pa to la'i rtsa ba dang / btsod dang / shu dag dang / pa to la dang / shing kun dang / yungs kar dang / kaN+Da ka ri dang / ser po rnam pa gnyis dang / gan d+ha pri yang ku dang / pu tse shel dang / rgya shug gi 'bras bu dang / tsha ba gsum dang /'bras bu gsum dang / gtso 'bras dang / thang shing dang / byi dang ga dang / any+dza gan d+ha dang / sle tres dang / ad ko la dang / ko sha ta ki dang / shi kru dang / nim pa dang / gla sgang dang / dug mo yungs dang / ru rta dang / shi ri sha'i me tog dang / sa bon dang / gi ri kar+Ni dang / dan ti dang / kru trug tres dang / bil ba rnams cha snyoms te zhib tu btags la de rnams spyir bsdoms pa'i bzhi 'gyur gyi mar rnying pa dang / gcin nam brgyad dang / de re re nas gong ma bzhin du bskol la/ gcin dang mar nyi tshe lus pa btsags pa'i ming ni gdon khus 'debs pa'i mar chen po zhes bya ste/cho ga bzhin du legs par sbas la/ de las btung ba dang / mig la bsku ba dang / snar blugs pa dang / lus bsku ba byas na gdon yin no cog thams cad dang / smyo byed dang / mdze dang / rims rnams sel bar byed do/ / dus gang dang gang gi nyin zhag la gdon gyis zin pa'i nyin zhag de dang de'i dus su/ lhag par gtor ma dang / sbyin sreg la sogs pa sman pas ji lta ji ltar rigs pa bzhin sbyar ro/ /gzhan yang khrus dang / gos dang / sha dang / tshil dang / chang dang / 'o ma dang / bu ram la sogs pa gdon gang la dad cing sred pa de'i tshe de la sbyin no//gdon thams cad la ni rin po che rdo rje dang / bai DUr+ya dang / margad la sogs pa dang / su ma na la sogs pa'i me tog dri zhim pa'i phreng ba'am/ yang na sman gyi rigs dri zhim pa dang / phreng ba dang / mon sran sde'u dang / mo sran na gul la sogs pa'i 'bru dang / sbrang rtsi dang / zhun mar dang / khur ba dang / la du la sogs pa sbyin te sbyor ba de dag ni gdon gyi cho ga spyir bstan pa yin no/ /de la lha'i gdon dang / drang srong dang / rgan po dang / grub pa dang / bla ma dang / gdon lnga po de dag la ni lha khang nas gtor ma sbyin no//de las kyang lha'i gdon la ni byang phyogs su bltas te sbyin no/ /lha ma yin gyi gdon la ni dus ji lta ba bzhin du nub phyogs su kha bltas te bzhi mdo nas gtor ma sbyin no/ /dri za'i gdon la ni ba lang gi lam nas gos dang rgyan dang chas pa'i gtor ma sbyin no//sngon gnyen shi ba 'drer gyur pa'i gdon dang / klu'i gdon la ni 'bab chu'i ngos nas gtor ma btang ste/ de las kyang klu'i gdon la ni khyad par du shar lho'i mtshams su kha bltas te gtor ma gtang ngo / /gnod sbyin gyi gdon la ni gnod sbyin gyi gnas sam/ yang na chu bo gnyis 'dom pa'i mdo las gtang ngo / /srin po'i gdon dang / tshangs pa srin bu'i gdon la ni lam gyi bzhi mdo dang / nags tshang tshing 'jigs su rung ba las lho phyogs su kha bltas te gtor ma sbyin no/ /tshangs pa srin po'i gdon la ni shar phyogs su kha bltas te sbyin no/ / sha za'i gdon la ni gnas stong pa nas nub phyogs su kha bltas te gtor ma sbyin no/ /de la lha'i gdon la ni gtor ma shin tu gtsang zhing dge bar bshams la/ de yang me tog dkar po las byas pa'i phreng ba dang / a ka ru la sogs pa dri zhim po dang / 'bras kyi 'o thug dang / 'bras chan dang /zho dang / gdugs dkar po dang bcas pa 'dod pa yin no/ /shing kun dang / yungs kar dang / shu dag dang / tsha ba gsum dang / 'di rnams srang phyed phyed btags pa'i phye ma mar srang sum cu rtsa gnyis dang / mar bzhi 'gyur gyi ba gcin dang lhan cig bskol te mar 'ba' zhig lus pa las btung ba dang /snar blugs pa dang / bsku ba byas na lha'i gdon las grol bar 'gyur ro/ /de bzhin du shu dag dang / shing kun dang / sgog skya dang / de rnams kyi phye ma ra gcin dang btags te/ snar blugs pa dang / mig tu bskus na yang lha'i gdon las thar ro//lha ma yin gyi gdon la ni shing tog ji snyed pa dang / pu shel tsi dang / pad ma dang / ut+pal dang sbyar ba'i gtor ma sbyin no/ /klu'i gdon la ni su ma na la sogs pa'i me tog dang / 'bras yos dang / bu ram dang sbyar ba'i snum khur dang / bu ram dang sbyar ba'i 'bras chan dang / zas mchog ces bya ba'i 'o thug dang / sbrang rtsi dang / 'o ma dang / sa nag po dang / nA ga ge sar dang / shu dag dang / pad+ma dang / gu gul dang / pu shel tsi dang / ut+pa la dmar po'i 'dab ma dang ldan pa'i gtor ma sbyin no/ /seng phrom dkar po'i lo ma dang / rgya spos dang / nA ga ge sar dang / yungs kar dang 'di rnams chu grang mo dang btags te/ snar blugs pa dang / mig la bskus na klu'i gdon las thar ro/ /gnod sbyin gyi gdon la ni 'o ma dang / zho dang / mar dang / 'bras chan bsres pa'i zas dang / gu gul dang / sgron shing dang / pad+ma dang /pu shel tsi dang / gos dang / gser rgyan du byas pa 'am/ ma byas pa'ang rung ba'i gtor ma sbyin no/ /mar dang / 'o ma dang / ba gcin dang / cha snyoms te bskol ba las btung ba dang / snar blugs pa dang / bsku byug byas na gnod sbyin gyi gdon la phan no//a ru ra dang / ser po rnam gnyis dang / sgog skya dang / na le sham dang / shu dag dang / nim pa'i lo ma dang / 'di rnams btags par gcin dang sbyar te/ snar blugs pa dang / mig la bskus na yang gnod sbyin gyi gdon las grol lo/ /tshangs pa'i srin po'i gdon la ni nas phye bre do las byas pa'i snod bkang ba dang /bum pa gang ba'i chu dang / til btags pa'i phye dang / gdugs dang / gos dang / gur gum la sogs pa'i byug pa dang ldan pa'i gtor ma sbyin no/ /seng ldeng srang nyi shu bskol ba'i khu ba'i nang du tsha ba gsum dang / 'bras bu gsum dang / shing kun dang / shu dag dang / shu ti dang / yungs kar dang / nim pa'i lo ma dang / sgog skya dang / de rnams kyi phye ma mar srang nyi shu rtsa brgyad dang / ba gcin mar gyi sum 'gyur dang lhan cig bskol ba de las yang btung ba dang / snar blugs pa dang / bsku byug byas na phan no//srin po'i gdon la ni til btags pa'i phye ma dang / me tog dkar po dang / 'bras dang / mo sran gre'u la sogs pa bsres pa'i chan dang / sha btsos pa dang / sha rjen pa dang / nis pa pa dang / khrag dang bcas pa'i gtor ma sbyin no/ /ka rany+dza dang / shri sha dang /pa tra la nag po gnyis kyi rtsa ba dang / shun phrags dang / me tog dang / 'bras bu dang / bil ba'i rtsa ba dang / tsha ba gsum dang / shing kun dang / dug mo yungs dang / sgog skya dang / skyu ru ra'i 'bras bu dang / 'di rnams kyi phye ma ba gcin dang / ha cang mi sla mi ska tsam du sbyar te/snar blugs pa dang / mig tu bskus na srin po'i gdon la phan no/ /yang na sman de dag nyid mar dang ba gcin mar gyi bzhi 'gyur dang lhan cig sbrus te bskol la lhag ma lus pa dang / btung ba dang snar blugs pa dang bsku byug byas na srin po'i gdon zlog par byed do/ / sha za'i gdon la ni bu ram chang dang / til gyi tshigs ma dang / til gyi phye ma dang / zho dang / la phug dang / lan tshwa dang / mar dang / 'byung po'i zas 'bras dang / sran ma sha la sogs pa bsres pa'i chan dang / phye las byas pa'i zan dang bcas pa'i gtor ma sbyin no/ /ser po rnam gnyis dang /btsod dang / shu ti dang / lan tshwa dang / dong gra dang / shing kun dang / pri yang ku dang / tsha ba gsum dang / sgog skya dang / 'bras bu gsum dang / shu dag dang / pa Ta li dang / gi ri gar+Ni ka dkar po dang / shri sha'i me tog dkar po dang / 'di rnams ba gcin dang /de'i bzhi cha'i mar dang lhan cig bskol te/ de las btung ba dang / bsku byug byas na sha za'i gdon sel to/ /yang na sman de nyid ra'i gcin dang btags te mig tu bsku ba dang / snar blugs pa yang phan no/ /lha'i gdon dang / drang srong gi gdon dang / sngon gyi gnyen shi ba 'drer gyur pa'i gdon dang /dri za'i gdon dang / de dag la ni sna sman rno ba gtang bar bya ste/ 'jam pa'i bag sman mar la sogs pa spyad par bya'o/ /sha za'i gdon ma gtogs pa'i gdon thams cad la mi mthun zhing mi 'phrod pa'i zas mi sbyin te/ gal te mi mthun par byin par gyur na/gdon de dag ni mthu stobs che ba yin pas khros te sman pa dang nad pa gnyis ka gsod par byed do/ /'phags pa spyan ras gzigs dbang phyug 'jig rten mgon po phyag bcu gnyis pa'i gzungs sngags bzlas na/ nad thams cad gso bar byed cing gdon thams cad las kyang rgyal bar byed do//de bzhin du smyo byed dang / brjed byed la sogs pa mdor na sems 'khrugs pa'i gdon thams cad zlog par byed pa'i mchog yin no/ /gzhan yang nad pa des lus gtsang sbra byas te/ rig sngags kyi rgyal mo rma bya chen mo dus rtag tu mdun du bklags te nyan du bcug na yang phan no//gzhan yang gdon gyi mgon po dpal ldan dbang phyug chen po dang / de'i 'khor rnams mchod pa byed pa dang / de bzhin du grub pa'i rig sngags bzlas brjod byas na yang gdon thams cad sel bar byed do//gzhan yang 'og nas smyo byed kyi cho ga thams cad 'dir byas na phan no/ /'dir brjod pa thams cad kyang smyo byed la phan te/ gcig la gcig phan tshun phan pa yin pas ci rigs par sbyar na zhi bar 'gyur ro/ /gdon nad gso ba'i le'u ste lnga pa rdzogs so// // de nas smyo byed kyi nad gso ba'i le'u bshad par bya ste/ de la smyo byed kyi nad ni nad gzhi gsum re re las gyur pa dang / sems gdungs pa las gyur pa dang / dug las gyur pa ste drug yod do/ /de la smyo byed ces bya ba ni lus dang sems kyi rgyu srang nad gzhis log par bsgyur te/gnod par gyur pa la smyo byed ces bya'o/ /de la smyo byed ni bza' ba dang / btung ba gnod pa bsten pa dang / bza' ba dang btung ba g.yos rnyings par gyur pa'i zas dang / mi 'dod bzhin du zos pa dang / zas sgom mi gtsang ba zos pa dang / kha zas mi snyoms pa zos pa dang / kha zas kyi sbyor ba log par byas pa dang /sems gdungs pa dang / snying stobs chung ba dang / nad kyi shugs kyis dran pa nyams pa dang / glo gcong zad byed kyi nad la mi bzad pa bsten pa dang / mchod par 'os pa'i lha dang bla ma la sogs pa la mchod pa mi byed pa dang / snying na ba dang / snying mi dran pa dang / dug dang / dbyig dug dang / nyes pa'i dug la bsten pas smyo byed kyi nad 'byung ba yin no/ /rgyu gong ma de dag gis skyes bu snying stobs zhan pa'i snying gi nang du nad gzhi rnams kyis gnod par byas pas blo dri ma dang bcas par 'gyur te/ yid rgyu ba'i sbu bu rnams bkag nas de'i 'og tu smyo byed du 'gyur te/des blo dang rnam par shes pa dran pa rnams 'khrugs shing lus kyi bde ba dang sdug bsngal ba yang mi tshor te nyams la shing rta kha lo sgyur ba dang bral ba bzhin du/ rtsom pa thams cad kyang ma bsams bzhin du gtang med par 'gyur ro//de la rlung las gyur pa'i smyo byed kyi mtshan ma la ni lus sha zad de rid par gyur pa dang / gzhi med par ngu ba dang / dmod pa dmod pa dang / dgod pa dang / 'dzum pa dang / gar byed pa dang / glu len pa dang / rol mo byed pa dang / lus 'gul skyod byed pa dang / yan lag gi tshogs nyed cing tsheg sgra 'don pa dang /gzhi yod bzhin du ci'ang mi byed pa dang / gling bu dang / pi wang dang / rjes su mthun pa'i sgra yang dang yang du 'don pa dang / kha nas lbu ba rgyun du 'dzag pa dang / kha nas tshig cal col mang du smra ba dang / lus la rgyan med bzhin du rgyan yod do zhes zer ba dang /bzhon pa ma yin pa la zhon pa yin no zhes zer zhing zhon par rtsol ba dang / zas med pa la zas 'dod pa skad zer ba la zas rnyed cing mthong na mi 'dod pa dang / mig shin tu zlum shing rtsa dmar ba dang / kha zas zhu ba'i 'og tu nad che bar ldang ba yin no/ /mkhris pas smyos pa'i mtshan ma ni gzhan la sdigs mdzub bsgreng ba dang /khro zhing rngam pa dang / khu tshur dang bong bas gzhan la brdeg cing skrod pa dang / krang ba dang / grib ma dang / chu 'dod pa dang / gcer bur 'dug pa dang / lus kyi mdog ser ba dang / me mi snang bar me 'bar ro zhes smra ba dang /nyin par skar ma mthong ba dang / mar me med par mar me mthong ba rnams yin no/ /bad kan las smyo byed du gyur pa'i rtags ni kha zas yi gar mi 'ong ba dang / slon dang kha zas nyung ngu za zhing smra ba nyung ba dang / bud med shas cher 'dod pa dang / gcig pu dben pa la dga' ba dang /kha chu dang snabs 'dzag pa dang / 'jigs skyen pa dang / gtsang ba la mi dga' ba dang / gnyid che ba dang / gdong skrang pa dang / nad de yang nub mo cher ldang zhing zas zos ma thag shas cher ldang ba rnams yin no/ /mtshan ma thams cad dang ldan na ni 'dus pa las gyur pa'i smyo byed kyi rtags su blta ste/de ni mi bzad pa yin pas sman pas yongs su spang bar bya'o/ /sems gdungs pa las smyo byed du gyur pa'i mtshan ma ni/ nor dang snying du sdug pa la sogs pa bral bar dka' ba dang bral te/ de'i sdug bsngal gyis zil gyis mnan nas lus kyi dbal skya zhing bzhin shin du zhan pas ngu zhing kyi hud ces smre sngags 'don zhing yang dang yang du dran pa stor bar gyur pa dang /glo bur du brgyal bar gyur te/ nor dang snying du sdug pa la sogs pa'i yon tan brjod cing mya ngan gyis sems nyon mongs pa de la rtse gcig tu mi sems pa dang /mtshan thog thag tu mi nyal bar sems sna tshogs su sems pa yin no/ /dug 'thung ba las smyo byed du gyur pa'i rtags ni gdong sngo skyar 'dug pa dang / gzi mdangs nyams pa dang / mig la sogs pa dbang po'i stobs nyams pa dang / dug gi mthus 'ju ba'i dus na yang dran pa nyams shing mig dmar bar gyur pa la ni gso ba'i cho ga med de spang bar bya'o//de la rlung las gyur pa'i smyo byed du gyur pa'i nad la ni thog mar sman mar sbyar te btung bar bya'o/ /rlung dang gzhan 'dres pa yin na ni/ bkru sman dang slon sman 'jam po snum dang bcas par gtong ngo //bad kan dang mkhris pa las gyur pa'i smyo byed la ni dang po snum dang dugs bya ste/ de'i 'og tu slon dang khrus byas te/ de nas dugs byas nas mas gtong ba dang mgo khrus kyang bya'o/ /de ltar slon khrus la sogs pas lus dag par byas nas dran pa rnyed par 'gyur ro/ /de ltar byas pa'i 'og tu mig sman dang /sna sman rnon po yang sbyar la gtang ngo / /de bzhin du sems dga' ba skye ba dang / dbugs dbyung ba dang / sngangs su gzhug pa dang / 'jigs par bya ba dang / rdeg pa dang / brdeg par bya ba dang / de bzhin du bsku byug dang / dril ba dang / du ba rngub pa dang / sman mar btung ba la sogs pa slon khrus kyis lus dag pa'i 'og tu sems tha mal pa la de dag sbyar bar bya'o/ /shing kun dang / kha ru tsha dang / tsha ba gsum dang de rnams srang gnyis gnyis btags pa'i phye ma mar srang brgya nyi shu rtsa brgyad dang / de'i bzhi 'gyur gyi ba gcin dang lhan cig bskol te/mar lus pa de las ran par bsten na/ smyo byed dang / 'byung po dang / brjed byed rnams sel ba'i mchog yin no/ /bram+hi rang gi khu ba srang drug cu rtsa bzhi dang / mar srang sum cu rtsa gnyis dang / tsha ba gsum dang / sha ma dur byid dang / bim bi ta dang / shang kha puSh+pa dang /dong ga dang / sab ta la dang / byi dang ga dang / 'di rnams zho gnyis gnyis btags pa'i phye ma dang tshul bzhin bskol te mar lus pa ni bram+hi'i mar zhes bya ste/ de la zhag re srang res bskyed de srang bzhir phyin gyi bar du zos na smyo byed de 'phrog par byed do/ /bud med bu med pa la bu ster bar byed cing skad snyan pa dang /tshig gsal ba dang dran pa dang yid gzhungs par byed cing dpal skyed par byed do/ /'bras bu gsum dang / bi sha la dang / ha re Nu ka dang / thang shing dang / e la ba lu ka dang / thal tres rnam gnyis dang / ser po rnam gnyis dang / s+thi ra rnam gnyis dang /pri yang ku dang / rgya spos dang / bri ha ti dang / ru rta dang / btsod dang / dong ga dang / nA ga ge sar dang / se'u 'bru dang / byi dang ga dang / bal bu'i lo ma dang / sna ma'i me tog kha ma phye ba dang / ut+pa la dang / dan ti dang / shug pa dang / tsan+dan dkar po dang / 'di rnams zho gnyis gnyis dang btags te/mar srang sum cu rtsa gnyis dang tshul bzhin bskol ba ni dge ba'i sman mar zhes bya ste/ de las ran par 'thungs na gdon gyis zin pa dang / smyo byed dang / lud pa lu ba dang / brjed byed dang / sdig pa rnams 'joms par byed de/ de bzhin du skya rbab dang / g.yan pa dang / dug dang / skem byed dang / rmongs bag dang / gcin nad dang / rims nad dang / dbyig dug dang / khu chu zad pa'i nad dang / dran pa stor ba dang / lkugs pa dang / me drod chung ba rnams la phan te/ gzhan yang stobs skyed pa dang / yid gzhungs pa dang / dran pa myur ba dang /bkra shis pa dang / tshe ring ba dang / lus mdzes mdangs dang ldan pa dang / skal ba dang ldan pa dang / lus brtas par byed pa dang / bu skyed par byed pa'i mchog yin no/ /yang na gong ma'i sman las e la ba lu ka yan chad bdun ma gtogs pa thal tres rnam gnyis la sogs pa sman sna nyi shu rtsa gcig re re yang srang phyed dang gnyis gnyis cham chom brdungs la srang brgyad la phul gong du brtsis pa'i chu phul drug cu rtsa bzhi dang bskol te/bzhi cha lus pa'i nang du mar srang sum cu rtsa gnyis dang / ba be'u mang du skyes pa'i 'o ma mar gyi bzhi 'gyur dang / me da rnam gnyis dang /ra mnye ba dang / bung tshang rdo dang / kha sral phre'u dang / bu ram shing dang / mung+ga par+Ni dang / 'di rnams kyi phye mas btab ste yang bskol la mar lus pa ni dge ba chen po'i sman mar zhes bya ste/ gong ma'i phan yon pas lhag ste lus nyams brta bar byed cing nad gzhi sel ba'i mchog yin no//spang spos rnam gnyis dang / chu rtsa dang / kha sral phre'u dang / shu dag dang / kyi lce ba dang / ra mnye ba dang / tsa rong dang / pu tse shel dang / sle tres dang / bar ra he dang / tshad tra dang / a ta tshid tra dang / ba lang ga sha dang / ma hA bu ru shan dan ta dang / skyu ru ra dang / na ku la rnam gnyis dang / ka tam b+ha ra dang / bI sh+tsi ka li dang / sa la par+Ni dang / 'di rnams cha snyoms te mar dang tshul bzhin bskol ba ni sha za chen po'i mar zhes bya ste/ de las ran par 'thungs na/ nyin bzhi pa'i rims dang / smyo byed kyi gdon dang / brjed byed kyi gdon 'joms te blo gsal ba dang / dran pa dang / yid gzhungs pa dang / byis pa rnams kyi lus brta zhing 'phel bar byed pa ni bdud rtsi dang 'dra'o/ /bra h+mi dang / in+d+ra bA ru ni dang / byi dang ga dang / tsha ba gsum dang / shing kun dang / spang spos dang / mur ba dang / ra sna dang / bong nga dkar po dang / sgog skya dang / bi sha la dang / bye'u rug pa dang / shu dag dang / khre dang / nA ga dan tra dang / byi tsher ba dang / a ru ra dang / big pan 'di rnams glang po che'i gcin dang btags te/ chang bur byas nas grib ma la bskams te/de nas snar blugs pa dang / mig tu bsku ba dang / lus la byug pa dang / dud pas bdugs pa byas na smyo byed sel bar byed do/ /snar rngub pa'i sman sna tshogs yungs kar gyi mar dang sbyar ba snar blugs par bya'o/ /yungs kar gyi mar gyis lus bsku byug byas la/yungs kar de nyid kyi phye ma snar blug go/ /yang na mdo'i gnas su bstan pa'i dud pa'i sman rnon po shing kun dang sbyar ba'i dud pas bdugs na phan no/ /wa dang / sha l+ya ka dang / 'ug pa dang / dza du ka dang / byi ba dang / ra thug dang /'di rnams kyi gcin dang / rtug pa dang / spu dang / pags pa dang / mkhris pa dang / sen mo dang / 'di rnams kyi dud pas sna dang lus la byug pa dang / mig la bsku ba dang / lus bkru ba dang blugs pa la sogs pa smyo byed can la spyad do/ /rlung dang bad kan gyi shas che ba'i smyo byed la ni khyi dang /ba lang dang nya rnams kyi sha rul pa'i dud pas rtag tu bdug go/ /mkhris pa las gyur pa'i smyo byed la ni/ tig ta'i mar dang / sman 'tsho byed kyi mar dang / snum sna gnyis dang / de bzhin du bza' btung yang bsil ba dang / mngar ba dang / yang ba rnams bsngags so/ /gzhan yang gtar ga gdab pa'i cho ga bzhin du byas te/ brang dang / mig 'gram dang / dpral ba'i dbyes las khrag gtar ba dang / yang na sha gtsang ma tshim tshad du bza' ba dang / rlung med pa'i phyogs su mal bcas te gzhag pa dang yang sems rmongs pa'i nad las grol bar byed do//yang smyo byed kyi nad kyis zin pa'i nad pa de chu'i nang du bskyur ba dang / khron pa'i nang du bcug pa dang yang na ltogs ltogs su lus dbri bar bya'o/ /yang na grogs po snying du sdug pas chos dang don dang ldan pa'i gtam gyis dbugs dbyung zhing drung du bsdad de sems dga' bar bya'o//yang na nye ba sdug pa shi ba'am/ rmad du byung ba'i gtam rnams brjod par bya'o/ /yang na rkang lag bcings la yungs kar gyis byugs te gan rkyal du nyi ma dron po la gzhag par bya'o/ /yang na kha sral phre'u btags pa'i lde gus bskus pa 'am/yang na lcags bsregs pa'am/ chu bskol ba'am/ til lam mar gang yang rung bas lus bsreg go/ /yang na lcag gis gzhu ba'am/ yang na thag pas btags te g.yang sar bskyur ba 'am/ yang na mtshon dang rdo dang mi med pa'i khang pa stong pa gcig pur gzhag par bya'o//yang na sbrul chen po sngon med pa bstan la 'jigs su gzhug go/ /de bzhin du glang dang / seng ge dang / glang po che la sogs pa gang yang rung bas 'jigs su gzhug go/ /yang na rgyal po'i skyes bus legs par bcings nas rgyab tu phyung la gsad sar khyer ba yin no//zhes smras na sdigs mdzub la sogs pas bsdigs te 'jigs su gzhug go/ /gang gi phyir sbyor ba de dag byas na/ lus kyi sdug bsngal dang srog gi 'jigs pas dran pa rnyed par 'gyur ro/ /zhes sngon gyi slob dpon dag bzhed do//'on kyang sbyor ba de dag thams cad byas na smyo byed kyi nad thams cad las rgyal bar byed do/ /gso ba grub pa de dag kyang yul dang dus la sogs pa la brtag legs par sbyar bar bya'o/ /gang zhig gnyen sdug pa dang nor bzang po dang bral te dran pa stor bar gyur pa la ni nor dang gnyen sdug pa la sogs pa de nyid yod do zhes brjod cing dbugs dbyung ngo //'dod pa dang / mya ngan dang / 'jigs pa dang / khro ba dang / dga' ba dang / phrag dog dang / chags pa las gyur pa'i smyo byed la ni de gnyis gcig la gcig phan tshun gnyen por byas te zhi bar bya'o//smyo byed kyi nad de yang gdon dang 'brel pa yin te/ gdon dang smyo byed gang gi shas che ba'i mtshan ma dang / rang bzhin brtags te/ de'i 'og tu gdon nad dang smyo byed kyi sman ci rigs par sbyar ro/ /gal te gdon dang 'brel pa yin na ni gtor ma sbyin par bya ste/til gyi phye ma dang / nas kyi phye ma'i zan dang / chang bu dang / zas snum zhing mngar ba dang / 'bras chan khrag gis bsgos pa dang / sha rjen pa dang / btsos pa dang / 'bru'i chang dang / sbyar ba'i chang dang / a sa'i chang dang / me tog a ti mug ta dang /sri shing gi me tog dang / sa ha tsa ra'i me tog dang bcas pa'i gtor ma ba lang gi stegs dang chu klung dang zam ngogs las gtang bar bya'o/ /skyes bu gang sha dang chang spangs pa dang / sdom pa la gnas pa dang / lus ngag yid gsum gtsang zhing dag pa dang / snying stobs dang ldan pa'i blo can la ni lhan cig skyes pa dang / glo bur las byung ba'i smyo byed rnams kyis nam yang tshugs par mi 'gyur ro/ /dbang po rnams kyi yul ji lta ba bzhin du gsal bar byed cing / de bzhin du lus dang sems kyang dngas la lus zungs rnams rang bzhin du gnas par gyur na smyo byed dang bral ba'i mtshan ma yin no//smyo byed kyi nad gso ba'i le'u ste drug pa rdzogs so// //de nas brjed byed kyi nad gso ba'i le'u bshad par bya ste/ de la brjed byed ces bya ba ni dran pa nyams pa'i bdag nyid yin te/ des blo dang sems yongs su 'khrugs pa yin la/ de yang sems las drags pa dang / mya ngan dang 'jigs pa la sogs pa 'byung ba yin no/ /nad gzhi rnams ni smyo byed dang 'dra ste/ nyes pa 'khrugs nas lus dang sems la zhugs te/ snying la g.yogs pas sems kyi bdag nyid nyams par byas te/'du shes rgyu ba'i rgyun rnams bkag pas mun par zhugs pa snyam byed cing blo rmongs par 'gyur te/ las kyi bya ba ci byed kyang smad cing 'jigs su rung ba'i las byed cing so 'khrigs pa dang / kha nas lbu ba 'byung ba dang lag pa dang rkang pa 'gul zhing bskyod pa dang /gzugs med pa mthong zhing yod pa mi mthong ba dang / 'dar zhing sa la 'gyel ba dang / mig dang smin ma yo bar gyur pa dang / nad stobs dang bral nas bzod zad pa yin no/ /de yang brjed byed de yun ring du lon pa ni 'gyur ba de dag tshabs che ba yin no//de ltar gyur pa'i brjed byed de yang rlung dang / mkhris pa dang / bad kan dang / 'dus pa dang bzhi'o/ /de la brjed byed kyis thog mar zin pa'i tshul ni snying 'dar zhing stong pa snyam byed pa dang / mgo 'khor ba dang mun thibs zhes byed cing mun par mthong ba dang /mig zam zim du 'dug pa dang / rdzi ma 'khrugs pa dang / mig gyur pa dang / sgra mi grag bzhin du thos pa dang / rngul 'byung ba dang / kha chu dang snabs 'dzag pa dang / kha zas mi 'ju zhing yi gar mi 'ong ba dang / khong pa 'khrugs shing khru lu lu zer ba dang / nyams 'tshag zad pa dang /gnyid med pa dang / yan lag brdung brdung ba snyam byed pa dang / skom dad che ba dang / de rmi lam na yang glu len pa dang / gar byed pa dang / til mar dang / chang 'thung ba dang / til mar dang chang gi gcin 'byung bar rmi ba rnams yin no/ /de la rlung las gyur pa'i brjed byed kyi mtshan ma ni brla gnyis 'gul ba dang /yang dang yang sa la 'gyel ba dang / yang dang yang dran pa stor zhing rnyed pa dang / tshig mi gsal ba smra ba dang / mig zlum la phyir 'bur ba dang / rngam pa drag tu 'don cing dbugs mi bde ba dang / kha nas lbu ba 'byung ba dang /mgo 'gul zhing 'dom pa dang / so 'khrigs pa dang / gre ba rlung gis gang ba dang / yan lag phan tshun brdeg pa dang / khu tshur bsdams nas mthe'u chung nas bzung ste/ sor mo rnams rim gyis rkyong ba dang / lus rtsub pa dang / mig dang / pags pa dang /sen mo rnams rtsa gnag cing dngos po rnams nag por mthong ba dang / rang bzhin gyis mig bstan pa dang / lus rtsub pa rud rud por 'dug cing g.yo ba dang / mdog mi sdug pa dang / bzhin 'gyur ba rnams yin no/ /mkhris pa las gyur pa'i brjed byed kyi rtags ni/dran pa yang dang yang nyams shing yang dang yang 'dus shing rnyed pa dang / mig dang gdong dang / pags pa'i mdog ser zhing lbu ba ser por 'byung ba dang / sa la rkang lag gis brdeg pa dang / mig lam du 'jigs su rung ba dang / 'tsher ba dang / khro bo'i gzugs mthong zhing skom dad dang bcas pa yin no//bad kan las brjed byed du gyur pa'i mtshan ma ni yun ring po nas dran pa stor zhing dran pa rnyed pa yang bul ba dang / kha zas nyung ngu za zhing byed spyod nyung ba dang / kha chu yang dang yang du 'byung ba dang / mig dang / sen mo dang / kha'i nang dkar ba dang /gzugs rnams dkar por mthong ba yin no/ /'dus pa las gyur pa'i brjed byed kyi mtshan ma thams cad dang ldan pa ni spang bar bya'o/ /de la glo dang snying dang dran pa'i sbu bu rnams su dri ma 'gags pa'i brjed byed la ni thog mar de dag par bya ba'i phyir sman rnon po dang bcas pa'i slon la sogs pa'i lums bya'o//rlung las gyur pa'i brjed byed la ni phal cher sman mas gtong ba rnams bya'o/ /mkhris pa las gyur pa la ni phal cher bkru sman sbyar ro/ /de ltar gong du slon khrus kyis lus dag par byas nas spro ba bskyed do//de'i 'og tu brjed byed kyi sman bshad par bya ste/ ba'i lci ba'i khu ba dang / 'o ma dang / zho dang / gcin dang / mar dang / de rnams cha snyoms te bskol ba ba'i rnam lnga'i mar zhes bya ste/ de las ran par 'thungs na/ brjed byed dang / rims dang / smyo byed dang / mig ser rnams sel lo/ /rtsa ba rnam pa lnga pa gnyis dang / 'bras bu gsum dang / ser po rnam gnyis dang / dugs mo yungs kyi shun phrags dang / lo ma bdun pa dang / a pa marga dang / ni li ni dang / pu tse shel dang / dong ga dang / ma nu dang / shing phal gu'i rtsa ba dang / byi tsher ba dang / sman de rnams chu srang gnyis gnyis chu srang brgyad la chu phul gang du brtsis pa'i chu phul drug cu rtsa bzhi dang bskol te/ bzhi cha lus pa'i nang du ga bra'i rtsa ba dang / pa tha dang / a ta ka zhes bya ba ru ba ri dang / dan ti dang / dur byid dang / tsha ba gsum dang / ro ha sha dang / b+hu ti ka dang / mur pa dang / ci skrigs dang / ha ti pi pi ling dang / thal tres rnam gnyis dang / ma nu yan ti zhes bya ba sen rtsi dang / tsi tra ka dang / lcang ma dang / 'di rnams zho gnyis dang / mar srang sum cu rtsa gnyis dang / ba'i rnam lnga re re yang de dang lhan cig bskol te mar lus pa ni ba'i rnam lnga chen po'i mar zhes bya ste/ de las ran par 'thungs na/ brjed byed dang / rims dang / dmu rdzing dang / mtshan par rdol ba 'phrog pa'i mchog yin te/ skran nad dang / gzhang 'brum dang /mig ser dang / skya rbab dang / skran dang / lud pa dang / gdon rnams 'joms par byed do/ /shu dag dang / ru rta dang / da shang kha puSh+pa dang / mar rnying pa dang / mar gyi bzhi 'gyur gyi sman bram+hi rang gi khu ba dang / de rnams lhan cig bskol te/de las ran par 'thungs na/ yid gzhungs shing smyo byed dang / bkra mi shis pa rnams dang / brjed byed dang bsdigs pa rnams las rgyal bar byed do/ /yang na 'tsho byed sde bcu srang re re btags pa'i phye ma/ til mar dang / mar srang sum cu sum cu dang /'o ma phul drug cu rtsa bzhi dang 'di rnams chu dang tshul bzhin bskol te mar lus pa las ran par 'thungs na brjed byed las grol bar byed do/ /yang na 'o ma dang / bu ram shing gi khu ba srang nyi shu rtsa brgyad dang / mar srang sum cu rtsa gnyis dang / de'i brgyad 'gyur gyi tang pal gyi khu ba dang /'tsho byed sde bcu zho gnyis gnyis kyi phye ma tshul bzhin bskol te mar lus pa las ran par 'thungs na rlung dang mkhris pa las gyur pa'i brjed byed myur du 'jig par byed do/ /yang na rtswa ka sha dang / ku sha dang / bi da ri dang /bu ram shing dang de rnams 'o ma dang lhan cig bskol te/ 'o ma lus pa las ran par 'thungs na yang phan yon de dang 'dra ste/ shing mngar gyi phye ma dang / mar dang / mar gyi bco brgyad 'gyur gyi sman da'i khu ba dang tshul bzhin du bskol te mar lus pa las ran par 'thungs na brjed byed 'phrog par byed do//yang na ba ser skya'i sna nas blugs na brjed byed las rgyal ba'i mchog yin no/ /khyi dang / wa dang / byi la dang / seng ge la sogs pa gang yang rung ba'i mkhris pa gong ma ltar btang na yang bsngags so/ /srog chags go d+ha dang /sre mo dang / glang po che dang / khyu mchog dang / dred dang / ba lang dang / de rnams kyi mkhris pa gang yang rung ba dang til mar bskol te/ til mar lus pa las bsku ba dang / sna nas blugs pa byas na yang bsngags so/ /'bras bu gsum dang / tsha ba gsum dang /ko nyon tse dang / nas tshig 'khus pa'i thal ba dang / pha nid tsa dang / su shA hA dang / a pa marga dang / ka rany+dza'i sa bon dang / 'di rnams til mar ra gcin dang bskol la mar lus pa las snar blugs pa'am/ yang na sman de rnams kyi phye ma sbu gu nas sman pas snar bud par bya'o//yang na sre mo dang / 'ug pa dang / spre'u dang / bya rgod dang / sbrul dang / bya rog dang / srog chags ka Ti ka dang de rnams gang rnyed pa'i mchu dang / sgro dang / rtug pa rnams kyi dud pas brjed byed can la bdug go/ /yang na til mar ram/ sgog skya 'am/'o ma'am nye'u shing gang yang rung ba bsten na phan no/ /yang na sman bram+hi dang / ru rta dang / shu dag gang yang rung ba'i khu ba sbrang rtsi dang ldan pa bsten na phan no/ /nad gzhi gsum mnyam du 'khrugs te/ gnad chen po snying dang sems la brten nas lus dang sems la gnod par byas te/brjed byed kyi nad 'byung na ni sman gzhan gyis gso bar dka' ste/ de la ni bcud kyi cho gas gso bar bya'o/ /de bas na brjed byed kyi nad kyis nyam thag pa'i nad pa de la ni/ me dang / chu dang / g.yang sa la sogs pa mi bzad pa rnams las dus thams cad du bsrung zhing bskyang bar bya'o//de ltar sems gyur pa'i nad pa de brjed byed kyis sems gyur pa'i nad las grol ma thag ni khyod 'di ltar 'byung pos zin par 'gyur ro zhes bya ba la sogs pa'i tshig brjod par mi bya ste/ lus dang sems nyon mongs pa'i skyes bu de la ni yul yid du 'ong ba la sogs pas sems brta zhing gso bar bya'o//brjed byed kyi nad gso ba'i le'u ste bdun pa rdzogs so// //de nas rdzi ma dang mig mchu'i nad ngo shes par bya ba'i le'u bshad par bya ste/ de la mig nad do cog slong bar byed pa'i kha zas la sogs pa zos pa dang /khyad par du mig la gnod pa'i zas zos pa dang / gzhan yang mig ni phal cher mkhris pa 'khrugs na mig kyang de'i rjes su na bar byed pas na nad gzhi gang las gyur kyang rung ste/ nyes pa'i dri ma rtsa'i [(]sdubs [,]sbubs [)]nas gyen du 'byung ste/ mig mchu dang / mig gi grwa mtshams dang / mig gi 'bras bu dkar po dang / nag po dang / mthong ba'i mig dang / de dag gang yang rung ba'am/ yang na thams cad la yang rung ste brten nas nad gzhi ji lta ba bzhin du nad skyed do/ /de la rlung las gyur pa'i mig nad kyi mtshan ma ni mig chu'i rtsa la rlung zhugs par gyur te/de yang gnyid log pa las sad na dbyer mi 'dod cing nad dang bcas pa dang / mig bye mas gang ba snyam byed pa dang / 'byed pa'i dus su yang dka' bas 'byed cing mchi ma zag pa dang / mig mnyes na cung zhig phan pa snyam byed pa de ni mig nad 'byed dka' ba yin no//zhes sngon gyi drang srong dag 'chad do/ /de la mig nad 'dzums pa zhes bya ba'i mtshan ma ni/ rlung gis mchu bskyod de yang dang yang du mig 'byed cing 'dzums pa ste/ de yang nad med pa'o/ /de la rlung gis mig nad nyams pa zhes bya ba ni rlung gis mig gi 'gul rtsa nyams par byas pas 'byed 'dzums kyi rtsol ba mi shes te/de yang mig mchu 'og ma rtag tu lhod par byed pa'o/ /de la mkhris pa las gyur pa'i mig mchu'i nad kyi mtshan ma ni/ mig mchu'i nad dam phyi rol gang yang rung ba ku mu ta'i sa bon gyi mdog lta bu'i 'brum bu phra mo 'byung zhing de yang brtol na yang gang ba ni ku mu ta'i sa bon lta bu'i mig mchu'i nad ces bya'o//de la mkhris pas slong ba zhes bya ba'i mig mchu'i nad ni mig mchu rab tu tsha zhing shin tu na la mdog dmar zhing reg par mi bzod pa yin no/ /gzhan yang mig mchu'i nad ni nad gzhi rdzi ma'i nang du zhugs nas g.ya' zhing tsha ste/de'i 'og tu rdzi ma byi bar byed de/ de'i ming ni rdzi ma 'byi ba zhes bya ba'i mig mchu'i nad yin no/ /bad kan las gyur pa'i mig mchu'i nad ni 'brum bu phra mo dkar po yungs kar tsam la ma thug par 'byung ba dang / skrang pa dang / mig rus khyab pa dang / na ba dang / g.ya' ba dang / mchi ma spyi bag can dang ldan pa de ni mig mchu'i nad sha skyes pa zhes bya bar bshad do/ /bad kan gyis slong ba zhes bya ba'i mig mchu'i nad ni 'byed 'dzums mi shes pa dang / mig rngus khyab par 'dug pa yin no//gzhan yang bad kan las gyur pa'i mig mchu'i nad ni thor bu rgya shug tsam mam/ de bas yid tsam chung bar 'byung ste/ de yang dkar la na zhing sman pa dang / g.ya' ba dang / sra ba rnams yin te/ mig mchu'i nad de la ni lag g+ha na zhes bya ba yin no/ /khrag las gyur pa'i mig mchu'i nad kyi mtshan ma ni 'brum bu khrag 'dra ba stug po mang du 'byung ste/de'i ming ni mig mchu khyab par byed pa zhes bya'o/ /gzhan yang dmar po shar shar po khrag gi mdog tu snang zhing de yang reg par mi bzod pa yin te/ de ni khrag gis slod ba'i mig mchu'i nad ces bya'o//mig mchu'i nad sha che ba'i 'brum bu sra ba dang / snum pa dang / tsha ba dang / na ba dang / mdog dmar zhing khrag gi mdog tu gyur zhing khrag 'dzag la bcad pa bzhin du 'phel ba ni khrag las byung ba yin no/ /de'i ming ni khrag gi mig mchu'i nad ces bya'o//yang na khrag las gyur pa'i mig mchu'i nad ni mig mchu'i dkyil lam/ mig mchu'i mtha' ma la mon sran sde'u tsam gyi tshad tsam zangs ma'i mdog 'dra bar 'byung zhing g.ya' ba dang / zug gzer dang bcas pa la brtan par gnas pa de ni stang zil lta bu'i mig mchu'i nad ces bya'o//de la 'dus pa las gyur pa'i mig mchu'i nad ni mig mchu'i phyi rol skrang ba ltar 'dug la nang du sbu bu phra mos khyab par 'dug ste/ nang chus khengs shing de yang 'dzag pa dang / pad ma'i rtsa ba dang 'dra ba ni pad ma'i rtsa ba lta bu'i mig mchu'i nad ces bya'o//khrag gis nad gzhi rnams bslangs te mig mchu'i nad du gyur pa ni nad gzhi rnams lhan cig 'khrugs te/ rgyu med par rnag dang chu ser res 'ga' mi 'dzag pa dang / res 'ga' 'dzag pa ni mig mchu'i nad khrag gis slong ba zhes bya'o/ / nad gzhi gsum khrag dang bcas pa'i mig mchu'i nad ni sngo bsangs su 'dug pa dang / zug gzer byed pa dang / rnag dang bcas shing skrang pa dang ldan pa ni sngo bsangs lta bu'i mig mchu'i nad ces bya'o/ /khrag dang nad gzhi rnams 'dres pa las gyur pa'i mig mchu'i nad ni mig mchu gnyis 'byar ba dang /g.ya' ba dang / mdog dmar zhing skrang pa dang bcas pa ni/ mig mchu'i nad 'byar bag ces bya'o/ /mig mchu'i nad 'brum bu phra mo bye ma 'dra bas nang du khengs shing sra ba dang rtsub pa de ni mig mchu'i nad bye ma lta bu zhes bya'o/ /gang zhig mchu gnag cing 'dam ltar 'dug pa de ni mig mchu'i nad 'dam lta bu zhes bya'o//skyes bu gang gi mig mchu'i sha cher skyes zhing mthug la mthon dman med cing rang gi mdog gzhan dang ma 'dres par 'dug pa de ni mig mchu'i nad shas che ba zhes bya'o/ /yang na mig mchu'i nad ni byis pa so skyes pa'i mtshan ma'i rtags su 'byung ste/rgyu des mig mchu skrang zhing mig dmar ba dang / bltar mi bzod pa dang / mig mchu zug gzer dang bcas shing 'byar bar 'dug pa dang / rna ba dang sna dang mig rnams lag pas nyed pa yin te/ de ni mig mchu'i nad ku kun ka zhes bya ba yin no//mig mchu'i nad rdzi ma 'khrugs te mig mchu'i spu zhum par gyur nas/ mig mchu la nang du lta zhing mig mchu 'debs mi nus pa dang / rdzi ma btogs na res 'ga' nad zhi la yang spu sar pa skyes pa dang / tsher ma'i rtse mo bzhin du rno ba des mig la zug pa skrang bar 'gyur te/de ni mig mchu'i nad rdzi ma 'khrugs pa zhes bya'o/ /yang mig mchu'i nad sna gong phyogs kyi mig gi grwa mtshams kyi mig mchu'i phyi rol du thor bu 'byung zhing sra la mthon por 'dug pa dang / smin pa'i dus su khrag dang rnag 'dzag cing yang dang yang du rnag khrag gis khengs pa de ni mig mchu'i nad me dbal chung ngu zhes bya'o//nad gzhi gsum dang khrag las gyur pa'i nad ni mig mchu'i dbus su sha'i mdzer pa lta bu 'byung zhing mkhrang ba dang / sra ba dang / nad med cing ring por 'phyang ba de ni mig mchu'i nad thor bu lta bu zhes bya'o//nyi shu rtsa bzhi po de dag ni mig mchu la brten pa'i nad du bshad do/ /de rnams las dang po ni 'byed dka' zhes bya ba'i mig mchu'i nad ni sman gyis gso bar bya ba yin no/ /de'i 'og ma gnyis dang mig tu 'brum bu byung ba ni spang bar bya'o//de ltar rdzi ma 'khrugs pa zhes bya ba'i nad ni lan 'ga' gsor rung zhing res 'ga' thu bar byed pa ni/ yun ring du na bar byed pa yin no/ /lhag ma rnams ni mtshon gyi las kyis gso bar bya ste/ de yang rdzi ma 'byi ba zhes bya ba'i mig mchu'i nad ni mtshon gyis gtsags bar bya'o//mig mchu'i nad thor bu ni gcad par bya'o/ /de la lag g+ha na dang / ku mu ta'i sa bon lta bu dang / pad ma'i rtsa ba lta bu dang / ud tsang ga zhes bya ba lta bu dang / dngul rdo lta bu zhes bya ba dang / me dbal phra mo lta bu rnams ni mtshon gyis dral bar bya'o/ /mig mchu'i shas skyes pa dang /sngo bsangs dang / bye ma lta bu dang / khrag gis nad gzhi slong bar byed pa zhes bya ba dang / 'dam bu lta bu zhes bya ba dang / sha che ba zhes bya ba dang / ku ku na zhes bya ba dang / de rnams ni mtshon gyis bzhar bar bya'o/ /mig mchu'i nad dmigs brtag pa'i le'u ste brgyad pa rdzogs so// //de nas mig mchu'i nad bsal ba'i le'u bshad par bya'o/ /de la mig mchu'i nad 'byed dka' ba zhes bya ba la ni mar rnying pa dang / rgun 'bru dang / chu tshul bzhin bskol te kha ra btab pa btung bar bya ste/ de bzhin du snar blugs pa dang / dud pa dang / mig sman snum dang sbyar ba gtang ngo / /ku mu ta'i sa bon lta bu'i mig mchu'i nad la ni mtshon gyis gtsags la/ de'i steng du rgyam tsha'i phye mas gdab par bya'o/ /shing mngar dang / skyu ru ra dang / pa to la rnams bskol ba'i chus kyang blugs so//de la mtshon gyi las bya dgos pa'i mig mchu'i nad la ni thog mar slon khrus kyis lus dag par byas la/ de'i 'og tu nad pa rlung med pa'i gnas su gan rkyal du bzhag la nad g.yog gis mi 'gul bar bzung la ras 'jam po chu dron du bcug pas mig mchu'i phyi rol du dugs byas la/de'i 'og tu lag pa g.yon pa'i mthe bong dang mdzub mo gnyis gong ma'i ras kyis dkris la des mig mchu gnyis phye zhing phyir bzlog par bya'o/ /de ltar byas na mi 'jil zhing brtan par byas pa'i phyir ro/ /de nas mtshon rtse mo dkyil 'khor lta bu 'am/sha kha tra 'am/ she pha li'i lo ma lta bu'am/ rgya mtsho'i lbu ba gang yang rung ba'i mtshon gyis yid 'phred du rgya gram du gdab po/ /de nas khrag byung ba dang / ras bal gyis phyi'o/ /gal te khrag ma byung na ni/ yang mtshon gyis legs par dral te phyis la/de'i 'og tu nad gzhi rang rang dang mthun pa'i sman sbrang rtsi dang sbyar ba rmar gdab po/ /de'i 'og tu chu dron gyis bkru'o/ /de nas mar dang sbrang rtsi dang nas phye bsres la zan thabs su byas pas mig la glan la/ de'i steng du ras mar gyis byugs pas dkris te rna ba'i gong 'og tu brtod la bzhag go//ras de yang zhag rer bkrol zhing rang rang dang mthun pa'i sman yang blugs so/ /zhag bzhi lon nas snar blugs pa la sogs pa yang bya'o/ /zhag lnga pa la ni ras bkrol la btang ste glan mi dgos so/ /de ltar mtshon gyis legs par bzhar legs pa'i mtshan ma ni/mig mchu ni mthon dman med cing mnyam pa dang / dmar skyar 'dug cing sen mo'i mdog tu snang ba dang / skrang pa dang / g.ya' ba dang / reg cing bsgul na yang na ba med par rig par bya'o/ /de las bzlog pa ni ma legs pa'i mtshan ma yin te/de la ni yang mtshon gyis bzhar te bzla bar bya'o/ /gal te mtshon gyis bzhar drags na ni mig mchu na zhing zug pa dang / rdzi ma 'byi ba dang / 'dzag pa mang bar 'gyur te/ de la ni snum chos dang / dugs la sogs pa rlung la phan pa'i sbyor ba byas na phan no zhes sman pa rnams 'dod do/ /de'i 'og tu seng phrom dkar po mar sar gyis bskus te/ e raN+Da'i rtsa ba'i phye ma'i lde gus byugs pa rdze'u kha sbyar gyi nang du bsregs te tshos pa dang / chus bkrus te skams la btags pa'i phye ma bud med dang ra'i 'o ma gang yang rung ba dang sbrus la ras kyi nang du thum bur byas te mig la dugs bya'o//yang na seng phrom dkar po la 'bras thug po che'i phye ma'i lde gus cho ga gong ma ltar byas pa las de'i phye ma zho ga chu dang mnyes te/ dugs byas na mtshon gyis bzhar drags pa la phan no//yang na zho ga chu nyi tshes blugs pa bya zhing srog chags skam na gnas pa'i sha dang lhan cig bza' bar bya'o/ /mig mchu la 'brum bu phra mo sra zhing mthon po byung ba la ni 'bras kyi so 'dra ba'i mtshon gyis dral te de btsir la sman gyis btab pa dang / bsku ba la sogs pa ni snga ma bzhin du sbyar ro//gong du smos pa'i bzhar ba la sogs pa'i dpyad thams cad kyang dral ba 'dir sbyar bar bya'o/ /mkhris pa dang khrag las gyur pa'i mig mchu'i nad la ni/ sman mngar ba'i sde tshan dang mar sbyar bas dang po btung ba la sogs pa snum chos dang sbyar te/de'i 'og tu khrag gtar ro/ /de nas shing nye rong gi bkru sman gtang ngo / /mig mchu'i nad mtshon gyis bzhar te khrag byung ba dang / shing mngar bskol ba'i chus bkrus te/ tsan+dan dkar po 'o ma dang sbyar bas blugs pa byas na phan no/ /rdzi ma 'byi ba'i mig mchu'i nad la ni spu thog ma gang nas 'byi ba'i spu'i khung bu khab kyis gtsags te khrag dbyung ba'am/yang na srin bu pad pas khrag dbyung ba phan no/ /yang na rdzi ma'i nad la 'o ma dang / bu ram shing gi khu ba dang sbyar ba'i mar gyis slon bya ba dang / mngar ba dang /bsil ba'i sman dang bskol ba'i mar gyi sna sman btang na phan no/ /yang na nag tshur dkar po'i phye ma zangs ma'i snod kyi nang du bcug la byi'u rug pa'i sman gyi khu bas zhag bcu'i bar du bran cing de'i 'og tu bskams la de'i 'og tu mig tu bskus na/ rdzi ma 'bye ba'i nad la phan pa'i mchog yin no//mig mchu'i nad sha skyes pa la 'brum bu phra mo 'byung ba'i nad la ni thog mar mtshon gyis bzhar la bca' sga dang / rgyam tsha gnyis kyi phye ma btab ste/ de'i 'og tu chu dron gyis bkru'o/ /seng ldeng dang / aT+Ta ka zhes bya ba tu ba ri dang / na le sham dkar po chu dang lhan cig bskol ba'i chu'am/ yang na ser po rnam gnyis dang / 'bras bu gsum dang / shing mngar rnams bskol ba'i khu ba sbrang rtsi dang sbyar bas blugs par bya'o/ /bad kan las gyur pa'i mig mchu'i nad la ni nag tshur dang / rgyam tsha dang / ldong ros dang /pi pi ling dang / skyer khaN+Da dang 'di rnams zhib tu btags pa'i phye ma sbrang rtsi dang sbyar bas blugs par bya'o/ /gzhan yang bad kan la phan pa'i sman skyug sman dang / mig sman dang / sna nas gtong ba thams cad kyang 'dir bya'o/ /mig mchu'i nad g+ha na zhes bya ba la ni/ bad kan las gyur pa'i mig mchu'i nad la phan pa'i sman thams cad 'di la yang phan te/gal te des ma zhi na me'i las thams cad bya'o/ /ku ku na ka zhes bya ba byis pa'i mig mchu'i nad la ni seng ldeng dang / 'bras bu gsum dang / nim pa'i lo ma rnams lhan cig yungs kar gyi mar dang sbyar bas btung ba la sogs pa snum chos byas te/pi pi ling dang / shing mngar dang / rgyam tsha dang / zhun mar rnams sbyar bas nu ma bsnun pa'i ma la slon bya'o/ /de'i 'og tu a ru ra dang / pi pi ling dang / rgun 'bru bskol ba'i bkru sman byas na yang phan no//de nas ma ma de la gla sgang dang / ser po rnam gnyis dang / pi pi ling rnams btags pa'i 'dag gus nu ma la byug go/ /yungs kar mar dang bsres pa'i dud pas nu ma la bdug go/ /de ltar na slon khrus la sogs pas nu ma bsnun pa'i ma ma'i lus dag pa dang / pa to la dang /gla sgang dang / rgun 'bru dang / sle tres dang / 'bras bu gsum dang / 'di rnams bskol ba'i btung ba blud do/ /de'i 'og tu byis pa'i mig mchu mtshon gyis bzhar ba'am/ yang na srin bu pad pas 'jib tu gzhug ste/ de nas skyu ru ra dang a sman ta ga dang /shing 'dzam bu dang / de rnams kyi 'o ma bskol ba'i khu bas blugs par bya'o/ /yang na byis pa la ni phal cher snum dang 'o mas bskyed pa yin pas bad kan gyi nad 'byung ste/ de bas na byis pa'i nad thams cad la thog mar slon sman btang na mchog tu bsngags so//de yang 'o ma nyi tshe 'thungs pa'i byis pa la ni/ rgyam tsha dang / pi pi ling dang / a pa marga'i 'bras bu dang / mar dang 'o ma dang / sbrang rtsi dang ldan pa'i slon sman gtang ngo / /'o ma dang zas 'dres mar bsten pa'i byis pa la ni shu dag gi phye ma sbrang rtsi dang bcas pa'i slon sman gtang ngo //zas nyi tshe bsten pa'i byis pa la ni po son cha shing mngar dang sbyar ba gtang ngo / /skyug sman de dag byis pa'i nad thams cad la phan pa'i steng du khyad par du ku ku na ka zhes bya ba'i byis pa'i nad la phan no/ /yang na sman sab ta dang mar lhan cig bskol ba'i mar blud na gong 'og gnyis ka sbyor rung bar byed do//ser po rnam gnyis dang / seng phrom dang / shing mngar dang / pu tse shel dang / nim pa'i lo ma dang / 'di rnams sbrang rtsi dang 'o ma dang ldan pa'i zangs ma'i phye ma 'am/ lcags kyi phye ma gang yang rung ba dang bses pa'i ri lu byas te btang na byis pa'i mig mchu'i nad la phan no//yang na sug smel dang / sgog skya dang / ka ta ka dang / dung dang / nal sham dang / pha ni dza ka dang / 'di rnams chang la bdar la kad pha la dang bcas pa'i bdar bu byas te btang na/ ku ku na ka zhes bya ba'i byis pa'i nad dang / sha skyes pa zhes bya ba'i mig mchu'i nad la phan no/ /rdzi ma 'khrugs pa zhes bya ba'i nad la ni thog mar slon khrus kyis lus dag par byas te/ de'i 'og tu mig gi rdzi ma yar bteg la rdzi ma cha gsum du bgos pa'i cha gnyis smin ma dang sbyar/cha gcig tsam bzhag de nas nas gang tsam nas kyi dbyibs 'dra bar 'phred du mtshon gyis dral la khrag gzags so/ /khrag gi shugs zad pa dang / 'phral ba la ras kyis dam du dkris la rdzi ma tshom bur byas te de'i bar mtshams mon sran sde'u tsam bzhag la/ glad pa'i rdzi ma'i tshom bu 'phral ba'i ras la rdzi ma brtod de/ ba lang ngam rta'i spu 'am/ zar ma'i skud pas btsems te/ khab skud gzhu 'dra bas drub po/ de yang ha cang dam lhod du ma song bar ran par bya'o/ /de nas ras 'jam po mar dang sbrang rtsi byugs pas bcing ba med par steng nas g.yogs so//gal te zug gzer yod na ni n+ya gro d+ha'i sde tshan bskol ba'i khu ba 'o ma dang bcas pas blugs so/ /de nas brtan par gyur te zhag lnga lon pa dang skud pa bkrol te btsag yug snam gyi phye mas gdab po/ /de'i 'og tu sna sman dang mig sman rnon po sbyar ro//cho ga de dag gis kyang rdzi ma 'khrugs pa'i nad zhir ma 'dod na/ rdzi ma gang ring ba skam pas bzung ste/ phyung ste de'i bu ga'i rjes la thal sman rnon po'am/ khab rtse 'dra ba'i mtshon rnon po me'i mdog 'dra bar byas pas bsreg go/ / mig mchu'i nad me dbal lta bu la yang dang po mtshon gyis dral la/ thal sman rnon po 'am mes bsreg go/ /thor bu byung ba la ni thor bu bcad la/ de'i 'og tu thal sman nam mes bsreg go/ /mig mchu'i nad gso ba'i le'u ste dgu pa rdzogs so// // de nas mig gi grwa mtshams dang / mig gi 'bras bu dkar po dang nag po'i nad dmigs shes par bya ba'i le'u bshad par bya ste/ de la rlung las gyur pa'i mig gi grwa mtshams kyi nad kyi mtshan ma ni rlung gis mchi ma 'byung ba'i rgyun bkag pas mig mchu'i grwa mtshams dang /mig gi 'bras bu dkar po'i mtshams sna gong phyogs nas chu dang 'dra ba'i mchi ma 'byung la/ de yang mig nad med cing rtsa dmar la skrang ba yin te/ de ni mig nad kyi chu 'dzag pa zhes bya'o/ /bad kan las gyur pa'i mig nad kyi mtshan ma ni mchil ma dang 'dra ba spyi bag tu 'dug pa dang /mdog dkar ba dang / 'dzag pa dka' ba dang / mang du 'dzag pa yin te/ de ni bad kan 'dzag pa zhes bya ba'i nad yin no/ /yang na bad kan las gyur pa'i rtags ni/ mig gi grwa mtshams su mthon po tsog tsog por skrang pa dang /chu lan tshwa can gyi chu bur 'dra bar steng du 'byung zhing chu bur de yang rtsa ba chen po dang / snum pa dang / 'gul ba dang / mdog dkar ba dang / 'jam pa dang / 'byil bag tu 'dug pa dang / yun ring du mi shes pa dang / g.ya' ba dang / zug gzer ba med pa de ni u pa na ha zhes bya ba'i mig gi grwa mtshams kyi nad yin no//khrag las gyur pa'i mtshan ma ni mchi ma mang du 'dzag cing tsha ba dang / zangs ma'i mdog 'dra ba dmar por 'byung ba yin te/ de ni mig gi nad dmar por 'dzag pa zhes bya'o/ /mig mchu'i grwa mtshams dang /mig gi 'bras bu dkar po'i mtshams la brten pa'i 'brum bu phra mo ni sran sde'u tsam 'byung ste/ de yang mdog zangs ma bzhin du dmar la tsha zhing zug gzer dang ldan pa dang / brtol na khrag 'dzag pa yin te/ de ni par pa ni zhes bya ba'i mig nad yin no//nad gzhi gsum dang khrag las gyur pa'i mig nad kyi rtags ni/ mig gi sna phyogs nas pags pa dang / sha smin pa'i dbang gis mchi ma rnag dang bcas pa yang 'dzag ste/ de'i ming ni rnag 'dzag pa'i mig nad ces bya'o/ /gzhan yang mig sna phyogs kyi grwa skrang pa dang /na ba dang / rma phra mo 'byung ba dang / yang dang yang chu ser dang / rnag 'dzag pa dang / nad dang bcas pa de ni rnag gar po 'dzag pa'i mig nad ces bya'o/ /sna phyogs kyi mig 'gram gyi nang du skrang pa dang / zug gzer che ba dang / tsha ba 'byung ba'i nad ni me dbal phra mo'i nad ces bya'o//mig zur gang yang rung bar mig mdzer 'byung ste/ de yang g.ya' ba dang / rdzi ma 'byi ba dang / rnag 'dzag pa dang / srin yod pa dang / nad dang bcas pa de ni mig mdzer gyi nad srin bu can zhes bya'o/ /de la mig gi grwa mtshams kyi nad dgu las/u pa na ha dang / mig mdzer gyi nad srin bu'i nad dang / mchi ma rnag gar por 'dzag pa dang / parba ni dang / bzhi po de dag ni mtshon gyi las kyis gso bar bya'o/ /lhag ma lnga las bzhi ni sman gyis gso bar bya'o/ /me dbal phra mo'i mig nad ni spang bar bya'o//da ni mig gi 'bras bu dkar po'i nad dmigs brtag pa bshad de/ de la mkhris pa las gyur pa'i mig nad ni mig gi 'bras bu dkar po'i steng du nag po'am/ sngo bsangs sam ser po lta bur thig le byung ba 'am/ yang na me long g.ya' dang bcas pa ltar snang la tsha ba dang /nad med cing cung zad 'khru ba dang / skom dad che ba dang bcas pa yin te/ de'i ming ni nya phyis lta bu'i mig nad ces bya'o/ /de la bad kan las gyur pa'i nad mig gi 'bras bu dkar po'i steng du sha mdog dkar po cung zhig skyes te/de yang rim gyis yun ring po nas 'phel ba de ni mig mdzer dkar ba'i nad ces bya'o/ /yang na mig gi 'bras bu dkar po la chu'i thigs pa 'dra ba'i nad 'byung ste/ de la skrang pa dang / zug gzer chung ba dang / mdog dkar ba dang / mthug pa dang / 'jam pa dang / lci ba dang / snum pa gang yin pa de ni bad kan gyis bsgongs pa'i mig nad ces bya'o/ /yang mig gi 'bras bu dkar po'i steng du phye ma lta bu'i thig le 'byung zhing de yang mthon por 'dug pa yin te/ de ni 'bras phye'i thig le lta bu zhes bya ba'i mig nad ces bya'o//khrag las gyur pa'i mig gi 'bras bu dkar po'i nad mdog dmar po shar shar por 'gyur zhing tsha 'ur 'ur por 'dug la na ba dang bcas pa dang / mchi ma dang skrang pa med pa yin te/ de'i ming ni mig rtsa 'gyur ba zhes bya'o/ /de nyid gso ba ma byas par bzhag na ni khrag cher skyes te khrag dang bcas pa ni mig gi rtsa ba brtse ba zhes bya ba'i nad yin te/lta ba la sogs pa'i rtsol ba mi nus par 'gyur ro/ /mig gi 'bras bu dkar po'i steng du khrag gis gang ba'i rtsa'i dra bas g.yogs te/ de yang stug pa dang mthon por 'dug pa de ni rtsa'i dra ba lta bu'i mig nad ces bya'o//yang mig gi 'bras bu dkar po'i steng du sha ma thug por 'byung zhing de mtho dman med pa 'jam pa pad ma 'dra ba yin te/ de'i ming ni khrag las gyur pa'i mig mdzer gyi nad ces bya'o/ /yang na mig gi 'bras bu dkar po'i steng du thig le dmar po ri bong gi khrag lta bu dmar por snang zhing nad med pa 'jam por 'dug pa de ni ling tog dmar po zhes bya'o//mig gi 'bras bu dkar po'i steng du nad gzhi gsum las gyur pa'i mdzer mdog dmar po dang / sngo bsangs su 'dug pa dang / 'jam pa dang / myur du mched pa dang / shas kun du khyab pa la de ni khyab byed kyi mig nad ces bya'o/ /yang mig 'bras dkar po la nad gzhi 'dus pa dang / khrag las gyur pa'i nad rgyus pa lta bu nar nar por gyur pa ni rgyus pa lta bu'i mig mdzer gyi nad ces bya'o/ /yang na mig 'bras dkar po'i steng du sha'i ril ril por khrag skam gyi mdog ltar sngo bsangs su 'dug cing mthug la rgya che bar snang ba de ni sha'i mig mdzer ces bya'o//yang mig gi 'bras bu dkar po'i steng du 'bras bu phra mo yungs kar gyi 'bru tsam mdog gnag pa dang / tsha ba dang /reg na rtsub pa dang / rtsa mang pos g.yogs par snang ba de ni 'brum phran rtsas g.yogs pa'i mig nad ces bya'o/ /de dag las mig nad nya phyis lta bu dang / mig rtsa brtse ba'i nad dang / mig rtsa 'gyur ba'i nad dang / 'bras phye'i thig le lta bu dang / bad kan gyis bsgongs pa'i mig nad dang /ling thog dmar po dang drug po de dag ni sman gyis gso bar bya'o/ /lhag ma bdun ni mtshon gyi las kyis gso bar bya'o/ /bdun po de dag sar pa'i dus na ni sman gyis gso'o/ /mig mdzer gyi nad rnam pa lngar bshad pa de dag mig gi 'bras bu nag po'i steng du 'byung ste/rgyus pa dang rtsas g.yogs par snang na de ni mtshon gyis gcad par bya'o/ /mthong mig gi steng du pags pa la sha 'byar ba lta bu mthon por phyin par snang na de ni spang bar bya'o/ /mig gi 'bras bu nag po'am/ mthong gi steng du mkhris pa las gyur pa'i ling tog 'byung ste/mig gi pags pa rdol nas zug gzer dang bcas shing mchi ma 'byung ba dang / na ba dang / dmar ba yin te/ de'ang 'dzam bu'i 'bras bu smin pa dang 'dra bar snang zhing cung dmar bar 'dug pa de ni zad byed kyi ling tog ces bya ste/ gso dka' ba yin no//ling tog gi nad de cher skyes nas ni cher zabs su pags pa'i rim pa gnyis phug nas 'dug pa yin te/ de'i mtshan ma ni na ba dang / gzer ba dang / mchi ma la sogs pa shas cher 'byung ba dang / khab kyis phug pa ltar snang ba yin te/ de ni mi la ba tsam du gsor rung ngo //ling tog de yang snga ma bas shas cher skyes te/ pags pa'i rim pa gsum phug nas rmas kun du khyab par snang ba ni/ gso bar mi nus so/ /yang mig gi 'bras bu nag po bad kan las gyur pa'i ling tog ha cang mi dkar bar dung gi mdog ltar snang ba de ni/ ling tog ma 'dres pa zhes bya ste/gso bar sla ba yin no/ /yang mig gi 'bras bu nag po la khrag las gyur pa'i ling tog 'brum bu phra mo zangs ma'i mdog lta bu 'byung ba dang / mchi ma'i mdog kyang zangs ma'i mdog ltar dmar zhing 'byar bag tu 'byung ba dang / rab tu na ba dang / ra'i ril ma dang 'dra ba'i 'brum bu phyir 'bur bar byung la cung zad nag pa de ni ril ma lta bu zhes bya ba'i ling tog yin te spang bar bya'o/ /yang na nad gzhi gsum dang khrag las gyur pa'i ling tog 'byung ste/ de yang tsha ba dang / na ba dang / zangs ma'i mdog 'dra ba'i rtsas g.yogs par 'dug pa dang /rgyu med par mchi ma grang ba dang dro ba res kyis 'dzag pa dang / yang na ska ba dang sla ba res kyis 'dzag pa yin te/ de'i ming ni ling tog rtsas g.yogs pa zhes bya ba yin te spang bar bya'o/ /yang na nad gzhi gsum dang / khrag las gyur pa'i ling tog mthong ba'i mig steng du 'byung ste/'bras bu nag po thams cad dkar por bsgyur te/ mdog dkar po sprin lta bus yogs pa'am yang na 'bras nis pa ba'i lo ma lta bus yogs la shin tu mi bzad par na zhing rtsa dmar ba dang / tsha zhing skrang pas nyen pa yin te/ de'i ming ni ling tog tshos pa zhes bya ste/yongs su spang bar bya'o/ /gang gi mig gis mthong ba nyams shing mig gi mtha' sngo bsangs su 'dug pa dang / yang na dmar ba'am/ yang na phyir 'bur bar 'dug pa'am/ yang na zabs su zhugs pa'am/ yang na mchi ma 'dzag cing rma 'khyims pa 'am/yang na rnyings pa 'am/ yang na mthon dman du 'dug ste mi mnyam pa dang / yang na dbus su chad pa ltar snang ba'am/ mtshan ma de dag gang yang rung ba dang ldan pa'i ling tog ni yongs su spang bar bya'o/ /de ltar mig gi 'bras bu nag po'i nang du nad gsor rung ba dang mi rung ba rnam pa lngar bshad pa yin no//mig mchu'i nad dang / mig gi 'bras bu dkar po dang / mig gi 'bras bu nag po'i nad dmigs shes par bya ba'i le'u ste bcu pa rdzogs so// // de nas mig zur gnyis dang / mig gi 'bras bu dkar po dang nag po rnams kyi gso ba'i le'u bshad par bya'o/ /de la mun pa na ha zhes bya ba'i nad la ni thog mar sman pas dugs byas la/ de'i 'og tu gtsags bu 'bras kyi rtse mo 'dra bas phug la/ de nas rtse mo dkyil 'khor 'dra ba'i mtshon gyis bzhar bar bya'o//de'i 'og tu pi pi ling dang / rgyam tshwa gnyis kyi phye ma sbrang rtsi dang sbyar bas bskus la/ mig mchu'i cho ga bzhin du ras kyis bcing ba la sogs pa bya'o/ /de nas pa to la'i lo ma dang / skyu ru ra'i lo ma bskol bas blugs so//par pa ni zhes bya ba'i nad kyi thur bu ni lcags kyu gug pos cha dang po nas bzung ste/ 'phel gtsags kyis phyed du bcad do/ /gzhan ltar byas na ni mchi ma rgyu ba'i sbu gu la gnod par 'gyur ro/ /de nas sbrang rtsi dang rgyam tshwa sbyar bas gdab bo/ / gso ba lhag ma ni mig mdzer gyi cho ga bzhin du bya'o/ /mchi ma rnag gar por 'dzag pa'i nad la ni thog mar rtsa gtar te khrag phyung la/ de'i 'og tu sman gyi byug pas byug go/ /de'i gso ba ni mig smin pa'i cho ga ma nor bar 'dir bya'o/ /de bzhin du rgyam tsha dang / sge'u gsher dang / nag tshur dang / lcags dang zangs ma legs par btags pa'i phye mas btab pa'am yang na sman de rnams sbrang rtsi dang mig sman du sbyar bas gtang ngo / /mig mdzer gyi nad srin bu can la thog mar ba lang gi lci ba la sogs pas dugs byas la/ mtshon 'bras kyi rtse mo 'dra bas dbug la mtshon rtse dkyil 'khor 'dra bas phyi bar bya'o//'bras bu gsum dang / nag tshur dang / rgyam tsha rnams sbrang rtsi dang sbyar bas gdab bo/ /nya phyis lta bu'i mig nad la ni bad kan 'dzag pa zhes bya ba'i gso ba thams cad 'dir bya'o/ / bad kan bsgongs pa zhes bya ba'i mig nad dang / 'bras kyi thig le lta bu zhes bya ba'i mig nad gnyis ni gtar ga ma gtogs pa lhag ma bad kan 'dzag pa'i cho ga bzhin du bya'o/ /de bzhin du gnyis po de la ni tsha ba gsum dang / kad pha la dang 'di rnams btags pa'i phye ma kha lung gi khu bas bsgos te/mig sman du gtang ngo / /sri shing gi me tog kha ma bye ba dang / rgyam tsha dang / thang shing dang / bca' sga dang / 'di rnams btags pa'i phye ma chang gi dngas ma dang mig sman du sbyar na skrang pa dang / g.ya' ba sel bar byed do/ / mig nad rtsa 'gyur ba dang / brtse ba dang rtsa 'dra bas g.yogs pa dang / ling tog dmar po dang / dra ba'i dra ba lta bu ste bzhi po de dag ni khrag 'dzag pa'i cho ga bzhin du bya'o/ /khyad par du rtsa 'gyur ba'i mig nad la ni mar dang sbrang rtsi sbyar bas bsku'o/ /rtsa brtse ba zhes bya ba'i mig nad la ni skyer khaN+Da zhib tu bdar la sbrang rtsi dang sbyar bas mig la bsku'o//ling tog dmar po la ni sbrang rtsi dang / kha ra dang zho ga chu dang sbyar ba blugs na phan no/ /de bzhin du ling tog dmar po la ni/ shel dang / dung dang / shing mngar dang / gur kum dang / 'di rnams sbrang rtsi dang sbyar ba'i mig sman gtang ngo //yang na ling tog dmar po la ni/ dung dang / sbrang rtsi sbyar ba'am/ yang na kha ra dang rgya mtsho'i lbu ba sbyar ba blugs na phan no/ /gong du mig mdzer gyi nad rnam pa lnga bshad pa las/ dud ka lta bu dang / dmar ba dang / zho 'dra ba'i nad gang yin pa de dag ni ling tog gso ba'i cho ga bzhin du bya'o//mig mdzer lnga po gang byung yang rung ste/ thog mar nad pa gan rkyal du bzhag la dugs bya ste/ kha lung dang / rgyam tshwa sbyar bas mig bskus la lag pas mnye bar bya'o/ /de ltar mig mdzer shas cher byung ste/rang gi gnas nas bskyod pa dang / nad g.yog gis 'dir khyad par du mgo bo mi 'gul bar dam du bzung la mig mdzer gang phyogs na cher yod pa brtags te/ mthong ba'i mig bsrung zhing gang du cher skyes pa de dang der mtshon lcags kyu rab tu gug pa 'am/ mtshon mu tsa t+ya zhes bya ba dang / mtshon se'u tsi tsi tra zhes bya ba gang yang rung ba legs par bzung nas rma cher mi gdod cing mtshon rtse dkyil 'khor lta bus bcad de/ de yang sna gong g.yas kyi mig phugs kyi 'gram nas cha bzhir bgos te/ cha gcig lus pa tsam nas bcad de sna gong phyogs kyi mig zur nas mchi ma byung ba'i sbu bu yod de/de bsrung bar bya'o/ /gal te der mtshon gyis phog na ni rtag tu mchi ma 'dzag pa'i skyon du 'gyur ro/ /gal te mig gi 'gram phyogs su mig mdzer yod na ni nad pa sna gong phyogs su bltar bcug nas yang cha bzhir bgos te/cha gcig lus pa tsam nas gcad par bya ste/ der yang mchi ma 'dzag pa bsrung bar bya'o/ /de ltar na mtshon gyis legs par bcad pa'i 'og tu tsha ba gsum dang / rgyam tshwa dang / sbrang rtsi dang sbyar bas bsku'o/ /de'i 'og tu zhun mar dron pos blugs so//de nas zhun mar sbrang rtsi dang sbyar bas bsku'o/ /de'i 'og tu ras kyis gong ma ltar chings shig /de nas zhag gsum pa la ras bkrol nas ka rany+dza 'o ma dang bsgrubs pa bskol te blugs par bya'o/ /yang na ser po rnam gnyis dang / pa to la dang / shing mngar dang / rgya skyegs shing dang 'di rnams bskol ba'i khu ba'i nang du ka rany+dza'i me tog kha ma bye ba dang / sbrang rtsi btab pas blugs par bya'o/ /de nas zhag lnga 'am bdun nam mig gi nad rung ba 'dra na ras dgrol bar bya'o/ /de mtshon gyis legs par bcad na ni nad med cing bde bar 'gyur ro//bcad ma legs na ni nad 'byung bar 'gyur ro/ /de la ni sman gyis blugs pa dang / bsku ba dang / bzhar ba dang mig brta ba'i cho ga rnams legs par gyis shig/ kha ra dkar po dang / ldong ros dang / e la ba lu ka dang / tsha mchog rgyam tshwa dang / bca' sga dang / de rnams zho re re dang / skyer khaN+Da srang phyed dang / 'di rnams sbrang rtsi dang sbyar ba mig tu bskus na/ bad kan las gyur pa'i rab rib dang / mig chu ser gyis gang ba dang / ling tog dang / mig mdzer bcas pa'i lhag ma lus pa la phan no//'bras bu gsum gyi shun pa re re nas chu thags su byas te/ lde gu 'dra bar gyur pa dang / rdze'u kha sbyar gyis bsregs pa rang gi khu ba dang sbrus te skam/ de nas btags te de ltar yang dang yang byas na snag tsha 'dra bar gyur pa dang / rgyam tshwa nyis 'gyur dang so sor bsres la yang btags te/phye ma gsum po de dag ni bzhar zhing phyi ba'i 'og tu bsku ba'i sman gyi mchog drang srong chen po mu khyud kyis bshad do/ /rtsa'i dra bas g.yogs pa lta bu zhes bya ba'i nad rtsa rnams shin tu sra bar 'dug pa yang sman gong mas bsku'o/ / des zhir ma 'dod na ni mig mdzer dang 'brum bu'i cho ga bzhin du gso bar bya'o/ /ling tog thams cad la ni thog mar nad gzhi gang yin pa brtags te/ snum pa'am rtsub pa gang dang sbyor ba dang / 'bras bu gsum dang sbyar ba yin no/ /de bzhin du tig ta chen po'i sman mar yang blud de gtar ga bya'o//bkru sman dang blugs pa la sogs pa yang 'dod pa yin no/ /ling tog zad byed la ni de bzhin du tig ta chen po'i sman mar yang blud de gtar ga bya'o/ /bkru sman dang blugs pa la sogs pa yang 'dod pa yin na dur byid dang lan gsum bskol ba'i khu ba mar dang yang bskol te/mar lus pa las ran par blud do/ /de'i 'og tu srin bu pad pa'am/ gtar gas khrag dbyung ngo / /ut+pa la dang / ra mnye ba rnam pa gnyis dang / rgun 'bru dang / shing mngar dang / bi da ri dang / 'di rnams chu dang bskol ba'i khu ba 'am/yang na ra'i 'o ma dang bskol te/ 'o ma lus pa gang yang rung ba'i nang du kha ra dkar po btab ste mig tu blugs na ling tog zad byed sel to/ /gal te mig dmar zhing mchi ma 'dzag ste nad dang bcas pa la ni drang srong mu khyud kyi mig sman gyis zhi bar bya'o//sring shing gi me tog dang / rgya skyegs dang / btsag yug snam dang / tsan+dan dkar po rnams ri lur byas te bskus na khrag dang / mkhris pa dag par byed cing zad byed kyi ling tog 'joms par 'gyur ro/ /yang glang po che dang / phag dang / rnga mo dang / ba lang dang / rta dang / ra dang / bong bu dang / 'di rnams kyi so dang / dung dang / mu tig dang / rgya mtsho'i lbu ba dang / de rnams cha snyoms te sman sna gcig gi bzhi cha'i na le sham rnams lhan cig ri lur byas te bskus na/ ling tog zad byed kyis khyab par gyur pa las zlog par byed do//yang na ta ma la'i lo ma dang / ba lang gi so dang / dung dang / rgya mtsho'i lbu ba dang / bong bu'i rus pa dang / zangs ma de rnams ba gcin dang ri lur byas te/ mig la bskus na ling tog thams cad sel to/ /yang na margad la sogs pa rin po che dang / glang po che la sogs pa'i so dang / phyugs kyi so rnams dang / gser la sogs pa'i 'byung khungs kyi nor bu dang / tsha ba gsum dang / sug smel dang / ka rany+dza'i sa bon dang / sgog skya dang / gang yang rma 'tsho ba'i sman gyi rigs dang 'di rnams ri lur byas te mig la bskus na ling tog rma dang bcas pa dang /rma zab pa dang / mig sprin gyi steng gi ling tog thams cad 'joms par byed do/ /ling tog pags pa phug nas zabs su song zhing nad dang bcas pa la snum gyi btung ba dang / snar blugs pa dang / zas bcud can zos kyang brta ste 'tsho bar 'gyur ro//nad med pa la sman gyi phur ma bsreg cing btsos pa'i khu ba'i thigs pa mig tu blugs shing tshim par byas na phan no/ /ling tog nyi tshe la ni skyer pa dang / shing mngar dang / thal tres dang / seng phrom sha ra ba dang / de rnams bskol ba'i khu ba'am yang na seng phrom btags pa'i phye ma chu dron gyi nang du smyugs shing de'i thigs pa gang yang rung ba blugs na phan no//yang na bri ha ti'i rtsa ba dang / shing mngar dang / zangs ma'i phye ma dang / rgyam tshwa dang / dong gra dang / skyu ru ra'i 'bras bu bskol ba de rnams chu thags su byas ba'i lde gus zangs ma'i snod la bskus te/nas dang / skyu ru ra'i lo ma dang / mar gsum bsres pa'i dud pas lan mang du bdugs pa'i zangs ma'i snod kyi sman dang bcas pa'i nang du chu dang sbrang rtsi bcug la mnyes te ri lur byas pa de ni mthon kha chen po lta bu zhes bya ste/ ling tog nyi tshe sel bar byed pa'i mchog yin no//yang ling tog ma 'dres par brtan zhing mthug par snang ba de la ni lan mang du khrag gtar zhing mgo dang lus kyi khrus dang / sman gyi phur ma btsos pa'i khu ba'i thigs pa blugs pa lan mang du bya'o/ /gzhan yang na le sham dang / pi pi ling dang / shri sha'i 'bras bu dang / rgyam tshwa dang de rnams kyi phye ma 'am yang na 'bras bu gsum bskol ba'i nang du rgyam tsha bcug pas bsgos na gnas nas skyod par byed do/ /yang na dung dang / rgya shug tshi gu dang / ka ta ka dang / rgun 'bru dang / shing mngar dang / sbrang rtsi dang /de rnams sbyar ba bsku ba'am/ yang na so dang / rgya mtsho'i lbu ba dang / shri sha'i me tog de dag chang dang sbyar te bskus na yang ling tog nyi tshe gnas nas skyod par byed do/ /yang na skyu ru ra dang / pha nid dza ka'i khu ba'i nang du ba lang gi lci ba thal bar byas pa nub gcig sbangs te skams la btags pa'i phye mas bskus na yang ling tog nyi tshe gnas nas skyod par byed do//yang na mon sran sde'u phub ma dang bral ba dang / dung dang lhan cig btags te sbrang rtsi dang sbyar bas bskus na yang phan no/ /yang na ma du ka'i snying po sbrang rtsi dang sbyar ba 'am/yang na ba ru ra'i tshi gu sbrang rtsi dang sbyar bas bskus na ling tog nyi tshe gnas nas skyod par byed do/ /yang na ba lang dang / bong bu dang / rta dang / rnga mo dang / de rnams kyi so dang / dung dang / rgya mtsho'i lbu ba dang / de rnams ardzu na bskol ba'i khu ba dang / ri lur byas pas mig la bskus na ling tog gnas nas skyod de 'jig par byed do//ling tog mthon por 'dug pa'am/ mthug pa 'am/ zug rngu 'dra ba 'am/ de gsum gang ltar 'dug kyang rta rnga la sogs pas bzhar bar bya'o/ /ling tog rtsas g.yogs pa zhes bya ba de ni gal te mthong ba ma nyams na mig rma gso ba'i cho ga ltar gyis shig /yang na pra puN+Da rI ka dang / shing mngar dang / bung tshang rdo dang / bri ha ti dang / a ka ru dang / lig bu mig dang de rnams ra'i 'o ma dang btags pa'i lde gu sbyar la thog ma nas mar gyi dud pas bdug /de'i 'og tu skyu ru ra'i dud pas yang bdugs la/ de nas ri lur byas te/ mig tu bskus na phan par byed pa'i mchog yin no/ /sbyor ba de dag gis kyang ma zhi na mig mchu'i skabs su bshad ba'i mtshon gyi las dang / ra'i ril ma lta bu'i ling tog gi cho ga bya'o//ra'i ril ma lta bu'i ling tog dang / de bzhin du gsor mi rung ba'i ling tog gzhan dag gal te zug gzer dang bcas pa yin na ni de zhi bar bya ba'i phyir snum gyi btung ba dang / khrag dbyung ba la sogs pas zhi bar bya'o/ /de bzhin du ling tog phyir 'bur zhing mthon por snang ba yang dbri bar bya zhing 'joms pa'i sman bya'o//rgya star dang / go bye dang / shing ta la dang / ka ri ra dang / smyig ma dang de rnams kyi rus pa bsregs pa'i thal ba btsags pa'i thal khu'i nang du rnga mo'i rus pa btags pa'i phye ma btab ste bskol la/ de bzhin du yang dang yang du byas la mig tu bskus na/ ling tog gsor mi rung zhing mdog gyur pa yang 'joms so/ /sbyor ba de dag ni ling tog gsor mi rung ba yang 'joms par byed na gsor rung ba lta smos kyang ci dgos te yon tan dpag tu med do/ /ra'i ril ma lta bu zhes bya ba'i ling tog gsor mi rung ba de ni ngos gnyis nas gtsags bu khab rtse 'dra bas dral te mthe bong gnyis kyis btsir la chu ser gzag go//de'i rma'i nang du ba lang gi sha'i phye ma dang tshil rlon pas rma'i nang du bcug ste/ de'i 'og tu ras kyis dkris te bcing ba dang /dgrol bar yang dang yang bya'o/ /de nas zhag bdun lon te rma rub cing mig gi 'bras bu nag po mi mnyam pa med cing brtan par gyur pa dang / snum dang bcas pa'i mig sman btang zhing mar dang 'o mar sbyar ba'i sna sman yang blugs so/ /de ltar cho ga byas kyang chus yang khengs pa lta na dbug pa dang /dral ba la sogs pa'i cho ga ci rigs par bya ste/ ci nas kyang gcad drags te/ mthong ba'i mig nad du ma zhugs pa'i thabs bya'o/ /de ltar ling tog thams cad so so'i nad dang rjes su mthun pa'i sman dang sbyar ba'i mar gyis snar blugs pa la sogs pa rtag tu bsten par bya ste/de bzhin du mthong ba'i mig nyams par mi 'gyur zhing nad kyi stobs mi rnyed par bya ba'i ched du/ dus rtag tu mig sman rnon po bsten par bya'o/ /mig gi 'bras bu dkar nag dang / mig gi gra mtshams kyi nad gso ba'i le'u ste bcu gcig pa rdzogs so// //de nas mig rab rib tu gyur te mi mthong ba'i nad dmigs brtags pa'i le'u bshad par bya'o/ /de la nad gzhi gang yang rung ba rtsa'i nang du zhugs te/ rab rib kyi rim pa de ltar dang pos khebs pa'i rtags ni rgyu med par dngos po rnams gsal bar mi mthong ba dang /yang na dngos po med pa gsal bar mthong ba yin no/ /mthong ba'i mig la rab rib rim pa gnyis kyis khebs pa'i rtags ni rgyu med par dngos po rnams gsal bar mi mthong ba dang / dngos po mi snang ba thams cad mthong la/drung na 'dug pa'i dngos po gsal ba ni rab tu bsgrims te brtags na gzod mthong ba dang / thag ring ba dang / phra ba'i dngos po mi mthong ba dang / ring ba ni nye bar mthong la nye ba ni ring bar mthong ba yin no/ /de bzhin du nang gi gnang zlum po la sogs pa ji lta ba bzhin du phyi'i gzugs kyang de bzhin du mthong ba dang /nyes pa de mthong ba'i mig gi 'bras bu brten pa yin na ni/ dngos po gcig gnyis su mthong ba dang / mang po gcig tu mthong ba dang / nyes pa de lta bu mig gi nang du zhugs na ni dngos po che ba ni chung bar mthong la/ chung ba ni che bar mthong ba yin no//mthong ba'i mig gi 'og phyogs su nyes pa brten pa yin na ni drung na 'dug pa mi mthong ba yin no/ /nyes pa steng phyogs su brten pa yin na ni thag ring ba'i dngos po mthong ba yin no/ /mthong ba'i mig gi g.yas g.yon gnyis ka la nyes pa brten pa yin na ni g.yas g.yon gyi dngos po rnams mi mthong ba yin no//mthong mig la spris g.yogs pa'i rim pa gsum du g.yogs pa la ni/ steng 'og gnyis su mi mthong zhing mthong ba yang ras srab mos mig bkab pa tsam du mthong ba yin no/ /ji ltar skyi mdog 'gyur ba bzhin du mthong ba de yang de ltar 'gebs par byed do//gnas skabs rim pa de dag tu gso ba ma byas na ni/ gnas skabs bzhi pa la nyes pas mthong ba'i mig khyab par 'gebs te/ gtan du mi mthong ba yin te/ de dag ni rab rib kyi mtshan ma spyir bstan pa yin no//de la rlung las gyur pa'i rab rib kyi mtshan ma ni dngos po rnams 'gyur bar mthong ba dang / dngos po brtan pa 'gul bar mthong ba dang / mi gsal bar mthong ba dang / 'od rtsa dmar bar mthong ba dang / res 'ga' gsal bar mthong ba dang / de bzhin du dra ba ris su mthong ba dang /skra shad 'dzings pa mthong ba dang / med bzhin du sbrang bu dang / 'od zer mthong ba rnams yin no/ /de ltar rlung las gyur pa'i rab rib kyi nad gso bar ma byas te/ spris g.yogs pa rim pa gsum par gyur na ni mig gi 'bras bu rtsa dmar por 'gyur zhing bzhin gyi gdong la sna med par mthong ba dang /zla ba dang me la sogs pa gcig la du mar mthong ba dang / yon po drang por mthong zhing drang po yo bar mthong ba yin no/ /nad de cher skyes te gnas skabs bzhi par gyur na rdul lam du bas khebs pa ltar snang ba'am/shin tu gsal bar snang ba 'am/ yang na mthong ba'i mig rgya che ba dang / yang na mig 'dzums pa'i snang ba ni/ mthong ba nyams shing long ba zhes bya'o/ /yang rlung gis mthong ba'i mig gi rtsa 'khums par byas nas mthong ba'i mig zabs su zhugs te/ nyes pa des mthong ba nyams pa yod de de ni zabs su zhugs pa'i mig nad du drang srong rnams kyis bshad do/ /mkhris pa las gyur pa'i rab rib kyi mtshan ma ni glog dang / srin bu me khyer dang / me sgron gyi 'od ltar mthong ba dang / rma bya dang / sreg pa'i sgro ltar tshon sna tshogs su mthong ba dang /dngos po rnams phal cher sngon por mthong ba yin no/ /mkhris pa'i rab rib gso ba ma byas pa/ spris g.yogs te rim par gyur pa ni/ mthong ba'i mig gi 'bras bu khar ba phyis pa ltar sngon por snang zhing gzugs kyang de ltar mthong ba dang / nyi ma dang /zla ba 'khyims pa dang / me dang / smig rgyu dang / 'ja' tshon rnams mthong ba yin no/ /spris g.yogs pa bzhi par gyur na ni mthong ba'i mig bung ba ltar sngo ba dang / dngos po rnams mi mthong ba dang / 'bras bu snum par 'dug pa de ni mthong ba nyams pa yin te/de yang mig gi 'bras bu chung ngur 'gyur zhing dngos po rnams chung ngur mthong ba yin te/ de ni chung ngu mthong ba zhes bya'o/ /yang mig ser por 'gyur zhing dngos po rnams kyang ser por mthong ba de ni mkhris pa ma rung ba'i nad ces bya'o/ /bad kan las gyur pa'i rab rib kyi mtshan ma ni phal cher phyi rol gyi dngos po rnams snum pa dang /dkar por mthong ba dang / de bzhin du dung dang / zla ba dang / me tog kun da dang / ku mu ta'i mdog ltar mthong ba yin no/ /de bzhin du gso ba ma byas te/ spris g.yogs pa gsum par gyur na ni zla ba dang nyi ma'i 'od med cing me mar la sogs pas bskor ba lta bur mthong zhing mig 'bras dkar por gyur pa yin no//de nyid gso ba ma byas par rim pa bzhi pa'i spris g.yogs par gyur na ni mthong mig gi steng du bad kan mngon du snang zhing / de yang 'jam lta mnyam pa nyams par byas pa yin te/de yang pad ma'i 'dab ma kha bye ba'i steng du chu'i thigs pa 'dug pa ltar snang ba dang / gal te dros na ni chung bar 'gyur la grib mas phog pa 'am/ grang bas nyen na ni yongs su khyab par byed/ mdog kyang dung dang / zla ba dang / me tog kun da dang /shel ltar dkar ba yin te/ de ni mthong ba nyams te long ba'i rtags so/ /de la khrag las gyur pa'i rab rib kyi mtshan ma ni mig gi 'bras bu dmar zhing dngos po rnams mun par mthong ba yin no/ /de nyid gso ba ma byas na ni spris g.yogs pa'i nad rim pa gsum par 'gyur te/mthong mig dmar ba'am gnag par 'gyur zhing gzugs kyang de ltar mthong ba yin no/ /de nyid la yang ma gsos na spris g.yogs pa rim pa bzhir gyur na yang mthong mig dmar ba 'am nag por 'gyur te 'od med cing long ba'i rtags so/ /ldan pa'i nad dang 'dus pa'i rab rib thams cad kyi mtshan ma yang 'dres pa'i rtags dang ldan pa yin te/glo bur du dngos po res 'ga' gsal bar mthong / res 'ga' mi gsal bar mthong ba yin no/ /lhag ma spris g.yogs pa'i rim pa gsum par gyur pa ni/ mthong ba nyams shing long ba'i mtshan ma ni lta ba'i mig tshon sna tshogs su snang zhing gzugs kyang sna tshogs su mthong ba yin no//gang gis mthong ba'i mig la nad gzhi rnams 'dus te sre mo'i mig 'dra bar 'gyur zhing nyin par kha dog sna tshogs su mthong la mtshan mo mi mthong ba yin te/ ne'u le lta bu'i mig long ba zhes bya'o//yang na nad gzhi thams cad las gyur ba'i mig nad nyi ma nub phyogs kyi ri las nub ste 'od mi snang ba ni mthong ba'i mig nad bzhis khebs te mi mthong la/ nang par nyi ma shar te 'od kyis phog na spris g.yogs pa 'ju zhing rjes par 'gyur te/ de ni nyin par gsal bar mthong zhing mtshan mo mi mthong ba'i nad ces bya'o/ /yang lus tsha bas gdungs pa las de ma thag chu grang gi nang du zhugs par gyur na/ de'i dbang gis nad gzhi gsum 'khrugs par byas te/ gyen du mig gnyis la tsha ba zhugs te/ des mig mchu cung zad tsam tsha ba dang /mig gi dkar po cung zad dri ma dang bcas par snang ba dang / nyin mo gsal por mi mthong la nub mo long bar 'gyur te/ de ni tsha bas mig ma rungs par shes par bya'o/ /yang kha zas skyur ba shas cher zos pas nad gzhi gsum khrag dang bcas pas mig nad khyab pas/rnag dang g.ya' ba dang / dri ma dang bcas pa de dag ni skyur gyis gnod pa'i mig nad du mkhas pa dag 'dod do/ /gzhan yang mya ngan dang / rims dang / 'go ba'i nad la sogs pas rlung la sogs pa'i nad gzhi 'khrugs te/ mig gi dkyil 'khor thams cad dud kar 'dug cing dngos po rnams kyang dud kar mthong ba yin no/ /de ni mig nad dud ka lta bu zhes bya'o/ /yang gang zhig snying stobs chung ba dag glo bur du nyi ma'i 'od la sogs pa'i gzugs rmad du byung ba mthong na/ de'i rgyus mig la brten pa'i rlung gis nad gzhi 'khrugs te/mig gi mdangs bskams par byas pas lta ba'i mig gi mthong ba nyam chung bar 'gyur te/ mdog kyang bai DUr+ya ltar 'dug cing mig har bag tu 'dug pa dang / nad med pa de ni rang bzhin gyi mig nad ma yin te/ de'i ming ni 'go ba'i mig nad ces bya'o//mthong ba'i mig gi nad de dag las kyang bad kan las gyur pa'i mthong ba ma gtogs pa rlung dang / mkhris pa dang / khrag dang / 'dus pa dang ldan pa dang / 'go ba'i nad dang / de bzhin du mig zabs su zhugs pa dang / mthong ba'i mig zhum zhing chung ngur song ba dang de rnams ni spang bar bya'o//rlung dang / mkhris pa dang / bad kan dang ldan pa dang / 'dus pa dang / khrag las gyur pa dang / de rnams spris g.yogs pa'i nad rim pa gsum dang / sre mo'i mig lta bu'i nad dang / bdun po de dag ni mi la ba tsam du gso bar nus so//lhag ma bcu gnyis po rlung dang / mkhris pa dang / bad kan dang ldan pa dang / 'dus pa las gyur pa'i rab rib drug dang / mkhris pas ma rungs par gyur pa dang / bad kan gyis mthong ba nyams pa dang / nad gzhis ma rungs pa dang / tsha bas gnod pa dang / skyur gyis ma rungs par byas pa dang / dud ka lta bu zhes bya ba dang / de rnams ni myur du gso bar bya ste/ de dag ni mthong ba'i mig gi nad nyi shu rtsa bdun du drang srong rnams kyis bshad pa yin no/ /mig nad rab rib kyi nad gzhi bshad pa'i le'u ste bcu gnyis pa rdzogs so// //de nas mig nad rab rib gso ba'i le'u bshad par bya ste/ gal te rab rib kyi nad de gso bar ma byas na ni spris g.yogs pa'i nad gnas skabs gsum par 'gyur te/ de yang gso ba ma byas na mthong ba nyams shing long bar 'gyur ro//de bas na mig nad thams cad kyi nang nas rab rib ni shin tu mi bzad pa yin te/ de lta bas na rab rib byung ma thag gso ba'i rigs so/ /sman 'tsho byed srang brgya/ chu srang lnga brgya rtsa bcu gnyis kyi nang du bskol te/ bzhi cha lus pa dang / de'i nyis 'gyur gyi 'o ma dang / mar srang sum cu rtsa gnyis dang / puN+Da rI ka dang / ra mnye ba rnam gnyis dang / pi pi ling dang / seng phrom dang / rgyam tsha dang / shing mngar dang / rgun 'bru dang / thang shing dang / kha ra dkar po dang / 'bras bu gsum 'di rnams zho gnyis gnyis btab ste lhan cig bskol la mar 'ba' zhig lus pa las nyal khar ran par 'thungs na rab rib 'joms pa'i mchog yin no//yang na rgun 'bru dang / tsan+dan dkar po dang / btsod dang / ra mnye ba rnam gnyis dang / dzi ba ka rnam gnyis dang / kha ra dkar po dang / nye'u shing dang / me da rnam gnyis dang / puN+Da rI ka dang / shing mngar dang / ut+pal dang / 'di rnams kyi phye ma dang / mar rnying pa dang / 'o ma bre re re dang / chu dang tshul bzhin bskol te mar lus pa ni rgun 'bru'i sman mar zhes bya ste/ de las ran par 'thungs na/spris g.yogs pa'i rim pa dang / rab rib dang mig gi rtsa la khrag zhugs te dmar po shar shar por snang ba'i nad dang / 'go ba'i nad 'joms so/ /yang na pa to la dang / nim pa dang / pu tse shel dang / skyer pa dang / pu shel tse dang / 'bras bu gsum dang /ba sha ka dang / byi tsher ba dang / kyi lce ba dang / sro lo dang / 'di rnams srang re re dang / skyu ru ra srang bcu drug dang / chu srang lnga brgya rtsa bcu gnyis dang lhan cig bskol te bzhi cha srang brgya nyi shu rtsa brgyad lus pa'i nang du gla sgang dang / tig ta dang / shing mngar dang / dug mo yungs dang / ba lu dang / tsan+dan dang / pi pi ling dang / 'di rnams srang phyed phyed btags pa'i phye ma dang / mar srang sum cu rtsa gnyis dang tshul bzhin bskol te/ mar 'ba' zhig lus pa ni skyu ru ra'i sman mar zhes bya ste/ de las ran par 'thungs na/ mig dang /rna ba dang / sna'i nad las rgyal bar byed do/ /de bzhin du khong 'bras dang / rims dang / shu ba mched pa'i nad ma rungs pa dang / 'brum bu dang / mdze nad rnams sel to/ /khyad par du ling tog dang / rab rib dang / mtshan mo mi mthong ba dang / dro ba dang / sgyid skyur ba dang / lus tsha ba rnams 'joms par byed do/ /'bras bu gsum srang brgyad dang / chu srang brgya nyi shu rtsa brgyad dang bskol te bzhi cha lus pa dang / de dang mnyam pa'i 'o ma dang / mar srang bcu drug dang yang 'bras bu gsum gyi phye ma srang gcig btab ste yang bskol la/mar lus pa ni 'bras bu gsum gyi sman mar zhes bya ste/ kha ra'am sbrang rtsi dang 'bras bu gsum gyi khu ba dang / de gsum gang yang rung ba dang lhan cig 'thungs na rab rib thams cad 'joms so/ /yang na shing mngar dang / ra mnye ba rnam gnyis dang / kaN+Da ka ri dang /pi pi ling dang / a ru ra dang / ut+pa la dang / kha ra dkar po dang / rgun 'bru dang / 'di rnams srang re re dang / mar dang ra'i 'o ma srang sum cu rtsa gnyis gnyis dang / 'bras bu gsum dang / ba sha ka dang / bring ga ra dza dang / de gsum gyi rang gi khu ba srang sum cu rtsa gnyis gnyis dang /de rnams lhan cig bskol te mar lus pa ni 'bras bu gsum gyi sman mar chen po zhes bya ste/ de las ran par 'thungs na ling tog sel ba'i dam pa yin no/ /'bras bu gsum dang / shing mngar btags pa'i phye ma sbrang rtsi dang sbyar ba'am/ yang na 'bras bu sum mar dang sbyar ba'i lde gu zla ba gcig gi bar du phan pa'i zas dang / lhan cig nyal khar bsten cing skom du skyu ru ra'i chu 'thungs na bya 'dab bzangs kyi mig bzhin du rno bar 'gyur ro/ /zhes rgyal po'i drang srong chen po legs ldan mu khyud kyis bshad do/ / drub mar cang dang / lcags dang / gser dang / shing mngar dang / kha ra dkar po dang / mar rnying pa dang / sbrang rtsi dang / 'di rnams gang rnyed pa 'bras bu gsum dang sbyar ba las ci 'dod pa zos na rab rib 'joms pa'i gtso bo yin no/ / yang na 'bras bu gsum bskol ba'i nang du zhun mar gyis btab pa 'thungs na rab rib sel to/ /yang na snum khur ram/ sran tshod dang / phye ma dang / lhan cig 'bras bu gsum dang phye ma bsten na mig nad rab rib sel to/ /yang na 'o thug gi nang du 'bras bu gsum gyi phye ma btab ste bsgrangs pa sbrang rtsi dang sha kha ras btab pa 'thungs na rab rib la phan no//yang na rgun 'bru dang / li kha ra dang / sbrang rtsi dang / de gsum gang yang rung ba dang / a ru ra dang lhan cig sbyar te/ rab rib can gyi nad pas nang par ram zas kyi gong du rtag tu bsten par bya'o//lig bu mig cha drug cu rtsa bzhi dang / zangs ma dang / dngul dang / gser cha re re dang / 'di rnams snod kyi nang du bzhu ste/ gcig tu gyur pa dang / ro rnam drug gi sde tshan gcig gi sman khu'i nang du gser la sogs pa'i gong bu de me'i nang du bsros pa bcug la/de bzhin du lan bdun de ltar byas la ro lhag ma lnga po re re'i khu ba yang gong ma ltar byas te/ bdun phrag drug po bzhi bcu rtsa gnyis kyi bar du gong bu de sman khus bsgos pa de dang / bai DUr+ya dang / mu tig dang /dung dang / de gsum cha re re lhan cig btags pa'i phye ma ni/ lig bu mig la sogs pa'i mig sman zhes bya ste/ phye ma des mig tu btab na rab rib thams cad sel to/ /rgun 'bru dang / pad+ma'i rtsa lag gi rang gi khu ba dang / 'o ma dang /chang dang / zhag dang / char pa'i chu de rnams re re'i nang du yang gong ma'i lig bu mig gi gong bu yang gong ma ltar byas te lan bdun bdun bsgos te phye mar byas pa dung gi snod kyi nang du bcug ste mig sman du bsten na mig gsal bar byed do/ /mig thams cad la phan pa'i mchog yin no//zhes lus 'phags kyi bdag po dza na ka zhes bya bas bshad do/ /sbangs ma srang gnyis rgya shug gi sol ba'i nang du bsregs pa de las srang gnyis tsam blangs la/ ra'i 'o ma dang sbrang rtsi dang gsum po re re'i nang du yang gong ma ltar lan bdun bdun byas pa de dang /drub mar cang dang / na le sham dang / lig bu mig dang / pu tse shel dang / rgya spos dang / lcum tsha dang / seng phrom dang / ldong ros dang / a ru ra dang / pi pi ling dang / sug smel dang / rgya mtsho'i lbu ba dang / stang zil dang /'di gnyis zho gnyis gnyis/ shing mngar srang gcig 'di rnams snod kyi nang du bzhus te/ de rnams btags pa'i phye ma ni spangs ma'i mig sman zhes bya ste/ mig nad spris g.yogs pa gsum dang / mig mdzer dang / mtshan mo mi mthong ba dang / mig dmar po shar shar po dang / de rnams 'joms par byed de/ khyad par du phye ma 'dis ni rab rib sel te/ ji ltar nyi mas rab rib kyi mun pa sel ba bzhin no/ /spang spos dang / dri sna gsum dang / lcags dang / gur gum dang / nI la ut+pa la dang /a ru ra dang / spangs ma dang / kha ra dkar po dang / nor bu don zad dang / dung dang / rgya mtsho'i lbu ba dang / na le sham dang / stang zil dang / pi pi ling dang / shing mngar dang / 'di rnams btags pa'i phye ma rgyu skar dang / zla ba gcig byung ba'i dus su mig gnyis la bskus na/mig mdzer dang / rab rib dang / mig dmar po shar shar po 'byung ba dang / g.ya' ba dang / spris g.yogs pa'i rim pa gsum la sogs pa zhi bar 'dod do/ /na le sham dang / 'bras bu gsum dang / de rnams cha re re dang / pi pi ling dang / rgya mtsho'i lbu ba cha gnyis dang / stang zil cha dgu dang / de rnams zhib tu btags pa'i phye ma rgyu skar nag pa la bab pa'i tshe mig sman du sbyar na/ bad kan la sogs pa'i rab rib thams cad las rgyal bar byed do/ / yang na ba gcin dang / ba dang ra la sogs pa'i lci ba dang / ril ma'i khu ba dang / rtsab mo skyur po dang / bud med kyi 'o ma dang / dug gi lo ma dang / sbrang rtsi dang de rnams re re la yang spangs ma bsregs te/ 'bar ba lan du mar bcug ste de'i 'og tu phye mar byas te/skyes bu gang gi mig sman du sbyar bar byas na nam mkha' lding gi mig bzhin du rno bar 'gyur ro/ /zha nye yang dang yang du bsregs te/ 'bras bu gsum dang / dug dang / bring+ga ra dza dang / shing mngar dang / de rnams re re bskol ba'i khu ba sna re dang / mar dang / ra'i 'o ma dang 'di rnams re re la yang lan bdun bdun gong ma ltar blud la bsgos te/ de'i 'og tu zha nye de mig sman gyi thur mar byas te sman gyis bsgos sam ma bsgos pa nyi tshes kyang rung ste/ mig tu byugs na rab rib dang / mig mdzer dang / rnag dang / chu ser 'dzag pa dang / mig 'byar bag dang / g.ya' ba dang / tshor ba med pa dang / dmar po shar shar por snang ba 'joms par byed do/ /zha nye bzhus pa'i dngas ma dang / dngul chu cha snyoms te de gnyis spyi dang mnyam pa'i lig bu mig dang / ga bur cung zad btags pa'i phye ma mig sman du sbyar na rab rib thams cad 'joms so//bya rgod legs par shi ba'i mgo bo nyi ma 'char ka'i mdog ltar dmar ba ba lang gi lci bas bsregs pa'i thal ba dang / lig bu mig cha snyoms te bsregs pa'i phye ma 'di ni bya rgod kyi mgo bo'i phye ma zhes bya ste/ 'dis mig sman gyi sbyor ba byas na bya rgod kyi mig bzhin du rno bar 'gyur te/mig gi stobs bskyed do/ /yang na sbrul nag po'i mgo bo bcad de mgo bo de'i nang du lig bu mig mar dang bsres pa bcug la kham phor kha sbyar gyi nang du dud pa ma shor bar bsregs te tshos pa dang / spang spos dang / gan d+ha b+ha dra dang lhan cig btags te phye mar byas pa de mig sman du sbyar na mig gi 'bras bu rdol ba yang srung bar byed do//yang na bum pa gang gi 'o ma'i nang du sbrul nag po shi ba'i ro dang / sdig pa'i khog pa bzhi bcug ste zhag nyi shu rtsa gcig gi bar du bzhag la rul bar gyur pa dang bsrubs la/ de las mar byung ba de khyim bya la byin te/khyim bya'i rtug pa des mig sman du bskus na long bar gyur pa yang nges par mthong nus par 'gyur ro/ /yang na sbrul nag po'i zhag dang / dung dang / ka ta ka'i 'bras bu dang / lig bu mig dang / 'di rnams mig sman du sbyar na/ long bar gyur pa yang ring po mi thogs par mthong ba bskyed do//yang na na le sham rdog ma bcu dang / drub mar cang zho gcig dang spangs ma srang gcig dang / shing mngar zho gnyis dang / de rnams 'o ma'i nang du sbangs shing brlan par bya ste/ du ba ma shor bar byas nas bsregs pa'i phye mas mig la bskus na gzhan dang mi 'dra bar khyad par du rab rib 'joms pa'i mchog yin te zla med do//yang na ba ru ra'i tshi gu dang / na le sham dang / skyu ru ra dang / spangs ma dang / shing mngar dang / de rnams chu thags su byas te/ ri lur byas la grib ma la bskams te mig tu bskus na/ring po mi thogs par rab rib 'joms par byed do/ /yang na na le sham dang / skyu ru ra dang / rgya mtsho'i lbu ba dang / spangs ma dang / lig bu mig dang / drub mar cang gi rdo dang / de rnams gong ma'i go rims bzhin du cha res bskyed de/ mig sman du sbyar ba ni drub mar cang cha drug pa zhes bya ste/ des mig tu bskus na rab rib dang / mig mdzer dang / rnag tu 'dzag pa dang / spris g.yogs pa dang / g.ya' ba rnams 'phrog go/ /yang na an+da rnyil la sogs pa rin po che rnams dang / dngul dang / shel dang /gser dang / lig bu mig dang / zangs ma dang / lcags dang / dung dang / tsan+dan dmar po dang / btsag dmar po dang / de rnams btags te mig sman du sbyar na mthong ba'i mig nad thams cad sel bar byed do/ /yang na til mar dang / ba ru ra'i mar dang / bring ga ra dza dang /a sa na'i rang gi khu ba dang / de rnams lcags snod du bskol te snar blugs pa byas na mthong ba'i mig gi nyams stobs skyed par byed do/ /yang na nad kyi tshul dang sbyar te sman gcig gis nad thams cad sos pa ni ma yin te/ snum gyi btung ba dang / khrag 'dzag pa dang / bkru sman dang / sna sman dang / mig sman bsku ba dang / mgo bo'i bkru sman dang sman mas gtong ba dang / nyams brta bar bya ba dang / byugs pa dang / blugs pa la sogs pa ci rigs par mig nad can la sbyar ro/ /de ltar bstan pa de ni rab rib kyi gso ba spyir bstan pa yin no//da ni nad gzhi re re'i gso ba bshad kyis nyon cig /de la rlung las gyur pa'i rab rib la ni rtsa ba bcu pa bskol ba'i khu ba'i nang du mar dang / mar gyi bzhi 'gyur gyi 'o ma dang / 'bras bu gsum gyi phye ma bskol la mar lus pa las btung ba la sogs pa snum chos byas te/de'i 'og tu 'bras bu gsum dang / rtsa ba lnga bskol ba'i khu ba'i nang du 'o ma dang / e raN+Da'i mar dang bsres te bkru sman du sbyar ro/ /yang na dzi ban ti'i rtsa ba dang yal ga dang bcas pa srang brgya chu srang lnga brgya rtsa bcu gnyis dang bskol te brgyad cha lus pa'i nang du til mar dang /'o ma srang sum cu rtsa gnyis gnyis dang / ba la rnam gsum dang / dzi ban ti dang / nye'u shing gnyis kyi rtsa ba srang re re dang / shing mngar srang bzhi dang / de rnams lcags snod kyi nang du bskol te lcags snod de nyid kyi nang du zla ba gcig gi bar du bzhag la/de nas sna sman du sbyar na rlung dang mkhris pa las gyur pa'i nam tshong yan chad kyi nad 'joms te/ khyad par du lta ba'i mig la brten pa'i nad sel cing / skra skye la gnya' ba dang / phrag pa dang / bzhin 'phel zhing rgyas par byed pa dang / gzhon nur gyur zhing lus sha mdzes par byed do//yang na e raN+Da dkar po'i rtsa ba dang / bri ha ti'i 'bras bu dang / thang shing dang / shu dag dang / rgya spos dang / go sha ya dang / bil ba'i rtsa ba dang / til mar dang / 'o ma dang / de rnams tshul bzhin du bskol te mar lus pa las snar blugs na rlung dang bad kan las gyur pa'i nam tshong yan chad kyi nad thams cad las rgyal bar byed do//yang na stag dang / phag dang / bya rgod dang / sbrul dang / khyim bya dang / de rnams gang yang rung ba'i tshil dang / sbrang rtsi dang sbyar te mig tu bskus la de'i 'og tu lig bu mig sha khu dang 'o ma'i nang du gong ma'i cho ga bzhin du lan bdun smyugs te mig sman sbyar na rab rib 'joms par byed pa'i mchog dam pa yin no//de ltar byas kyang rab rib zhir ma 'dod na mig brta ba'i cho ga bya ste shu ti dang / ru rta dang / spang spos dang / ra mnye ba rnam gnyis dang / shing mngar dang / pra puN+Da rI ka dang / ko nyon tse dang / pi pi ling dang / thang shing dang / mar dang / de'i brgyad 'gyur gyi 'o ma dang / de rnams lhan cig bskol te btang na mig brta ba'i sman gyi mchog yin no/ /ri dgas e na ya'i tshil dang / 'o ma dang / shing mngar dang / pu shel tsi dang / tsan+dan dkar po rnams cham chom brdungs te bskol la kha gzar gyis dkrugs te/ tshos pa dang snyigs ma bor te nyams brta ba'i sman du sbyar na yang phan yon de dang 'dra'o/ /de bzhin du srog chags sha be ta dang / reg 'jam dang /go da dang / khyim bya dang / sreg pa dang / rma bya dang de rnams gang yang rung ba'i tshil dang / shing mngar dang / pu shel tse dang / tsan+dan dang / 'o ma dang / cho ga gong ltar sbyar na yang nyams brta bar 'gyur ro/ /yang na snum gyis mig brta ba dang / sman gyi phur ma bsregs shing btsos pa'i khu ba'i thigs pa mig tu blugs na yang mig gsal bar byed do//'dir rlung las gyur pa'i sna chu 'dzag pa'i cho ga thams cad kyang bya ste/ mas gtong ba'i ni ru ha dang / 'jam rtsi yang sbyar ro/ /mkhris pa las gyur pa'i rab rib la ni 'tsho byed sde bcu dang /'bras bu gsum btags pa'i phye ma dang / mar bskol ba blud de snum gyis zhen pa dang / gtar kas khrag dbyung ngo / /sha kha ra dang / shing nye rong dang / sug smel gyi phye ma sbrang rtsi dang sbyar ba'i sman gyis khrus bya'o/ /de bzhin du bsil ba'i blugs pa dang /byug pa la sogs pa yang sbyar bar bya'o/ /yang na thal tres dang / shug pa dang / pu shel tse dang / mu tig dang / seng phrom dang / tsan+dan dkar po rnams btags te ri lur byas nas mig tu bskus na yang mkhris pa las gyur pa'i rab rib la phan no/ /yang na gan d+ha b+ha dra dang /ut+pa la dang / nA ga puSh+pa dang / ga pur dang / shing mngar dang / btsag yug snam rnams kyi phye mas mig sman byas na phan no/ /dngul rdo dang / spangs ma cha lnga lnga dang / kar ka ta sring gi dang / skyu ru ra'i 'bras bu cha gsum gsum dang / shel dang / ga pur cha re re de rnams kyi phye mas bskus na rab rib 'joms so/ /zhun mar dang / mar gyi bzhi 'gyur gyi 'o ma dang / 'tsho byed sde bcu dang / kha ra dkar po dang / ut+pal sngon po zho gnyis gnyis bskol ba'i mar gyis snar blugs pa'i sman yang bya'o/ /bad kan las gyur pa'i rab rib kyi sman la ni sle tres bskol ba'i khu ba'i nang du 'bras bu gsum dang /pi pi ling dang / mar lhan cig bskol ba'i mar gyis snum chos byas la/ de'i 'og tu gtar gas khrag dbyung ngo / /de nas dan ti dang / dur byid bskol ba'i nang du gla gor zho sha dang /a ru ra dang / bca' sga dang / pi pi ling gi phye mas btab la bkru sman du blud do/ /rtsa ba bcu bskol ba'i nang du hri be ra dang / thang shing dang / ser po rnam gnyis dang / pi pi ling dang / de rnams 'o ma dang / til mar dang bskol ba'i mar gyi sna sman gtang ngo / /yang na dung dang /pri yang ku dang / ldong ros dang / tsha ba gsum dang / 'bras bu gsum dang / de rnams kyis ri lur byas pa ni dri ma med pa zhes bya ba'i ri lu yin te mig la bskus na/ mig dang zhing dri ma med par 'gyur ro/ /yang na lcags nag po'i phye ma dang / tshwa ba gsum dang / rgyam tsha dang / 'bras bu gsum dang / de rnams ri lur byas pa ni khu byug ces bya ba'i ri lu yin te/ mig la bskus na mig gsal bar byed do/ /yang na ri bong dang / bong bu dang / glang dang / seng ge dang / rnga mo dang / de rnams kyi so dang / 'phral ba'i rus pa dang / ba lang dkar po'i spu dang /na le sham dang / dung dang / tsan+dan dkar po dang / rgya mtsho'i lbu ba dang / de rnams btags pa'i phye ma bud med kyi nu zho dang sbyar ba'i ri lur byas te mig la bskus na rab rib dang ling tog las rgyal bar byed do/ /khrag las gyur pa'i rab rib la mkhris pa'i rab rib kyi gso ba ji lta ba bzhin du byas te/khyad par du bza' ba dang / spyod lam la sogs pa shin tu bsil bas khrag gi nyes pa sel bar byed do/ /rgun 'bru dang / spang spos dang / seng phrom dang / shing mngar dang / dung dang / zangs ma dang / tsan+dan dang / pad+ma dang / shu dag dang / ut+pa la dang / de rnams ra'i 'o ma dang btags te/ ri lus mig sman byas na khrag las gyur pa'i rab rib myur du 'jig par byed do/ /ldan pa dang 'dus pa las gyur pa'i rab rib la ni nad gzhi gang gi shas che chung dang sbyar te/ gong gi gso bdag las ji ltar mthun par sbyar ro//de bzhin du ma ka dang / byi dang ga dang / sgron shing dang / na le sham dang / 'o ma dang / til mar rnams lhan cig bskol te/ mar lus pa las sna sman btang ba'am/ yang na sman de nyid 'o ma dang sbyar ba'i byug pas gdong la bskus na yang ldan pa dang 'dus pa'i rab rib 'joms par byed do//yang na rgya spos dang / ut+pal sngon po dang / a nan ta dang / shing mngar dang / su ni sha dang / de rnams btags pa'i phye ma til mar gyis bskol ba'i mar gyis sna sman du btang ba dang / mgo la bsku ba dang / mas gtong ba byas na rab tu bsngags so/ /yang na pu shel tse bskol ba'i khu ba'i nang du pi pi ling dang / rgyam tshwa btags pa'i phye mas btab ste ras la btsags pa'i dngas ma'i nang du mar bcug ste/ yang bskol la ska bar gyur pa dang bsgrangs pa'i nang du sbrang rtsi dang sbyar te mig tu bskus na 'dus pa las gyur pa'i rab rib thams cad la phan no//yang na 'ug pa la sogs pa nub mo rgyu ba'i sems can gyi rus pa rkang gang ba lig bu mig dang bcas pa 'bab chu glang mo'i nang du zhag nyi shu'am/ zla ba gcig gi bar du bzhag ste/ de'i 'og tu phyung la bskams te me tog lug ru ba dang /shing mngar rnams phye mar byas te mig tu bskus na 'dus pa las gyur pa'i rab rib sel ba'i mchog yin no/ /spris g.yogs pa'i mig nad rim pa gsum pa la ni khrag gtar ba ma gtogs pa rim gyi gso ba thams cad bya'o/ /gal te gtar ga byed na ni ras kyis mgul ba bsdams pas nad gzhi rnams myur du 'dus te/long bar gyur pa'i skyon yod pas gtar ba'i dmigs yod na yang srin bu pad pas khrag dbyung ngo / /bu ram dang / rgya mtsho'i lbu ba dang / pi pi ling dang / lig bu mig dang / na le sham dang /gur gum rnams kyi phye ma sbrang rtsi dang sbyar bas mig la bskus na spris g.yogs pa'i nad yang ba sbyong ngo / /sre mo'i mig lta bu'i mig nad la ni mig 'dus pa las gyur pa'i gso ba thams cad 'dir sbyar ro/ /mar dang sbrang rtsi dang ba lang gi lci khu gsum gyi nang du skyer khaN+Da dang /btsag yug snam dang / bal bu dang / de rnams kyi phye ma dang sbyar ba'i mig sman gyis bskus na mtshan mo mi mthong ba la phan no/ /yang na zho'i nang du na le sham bdar bas mig tu bskus na yang mtshan mo mi mthong ba la phan pa'i mchog yin no/ / ka rany+dza dang / ut+pa la dang / btsag yug snam dang / pad+ma'i ge sar dang / de rnams ba lang gi lci khu'i nang du btags te ri lur byas pa ni nad gzhi thams cad las gyur pa'i mig nad 'joms so/ /yang na kon ti zhes bya ba ha re Nu ka dang / pi pi ling dang / lig bu mig dang / rgyam tsha rnams btags pa'i phye ma ra gcin dang sbyar ba ri lur byas te mig la bskus na phan yon de dang 'dra'o/ /yang na ka la na dang / tsha ba gsum dang / 'bras bu gsum dang / ldong ros dang / ba bla dang / rgya mtsho'i lbu ba dang / de rnams ra'i 'o ma dang btags te ri lur byas te mig la bskus na phan yon de dang 'dra'o//yang na mchin pa'i nang du pi pi ling bcug ste ma tshig par bsregs la tshos pa dang phyir phyung la mnyam ste/ de'i 'og tu btags la sbrang rtsi dang sbyar bas mig la bskus na mtshan mo mi mthong ba'i nad sel ba'i mchog yin no/ / mtshan mo mi mthong ba'i nad pas bza' ba ni ma he'i mchin pa dang / mcher pa til mar dang lhan cig bza'o/ /yang na 'tsho byed sde bcu'i 'o ma mar dang lhan cig sbrus te bza'o/ /de bzhin du a ti mug ta dang / e raN+Da dang / lang ga li dang / shu ti dang / de rnams kyi lo ma mar dang brngos te bza' bar bya'o//yang na dro na puSh+pa zhes bya ba'i lo ma mar dang brngos te bza' btung du sbyar na yang rab tu bsngags so/ /mig nad dmar po shar shar por 'dug pa dang / mkhris pas skyur ba dang / dro ba dang tsha ba dang bcas pa'i mig nad la ni mar rnying pa'i btung ba la sogs pas snum chos bya ste/bsil ba'i nus pa dang ldan pa'i sman gyi khrus dang byug pa sbyar ro/ /ba lang gi lci ba'i khu ba dang / 'o ma dang / mar dang / btsag yug snam dang / bal bu'i lo ma rnams bskol te mig tu blugs pa'am/ yang na btsag yug snam dang /bal bu'i lo ma'i mig sman du byas pa yang phan yon gong ma dang 'dra'o/ /me da rnam gnyis dang / btsod dang / seng phrom dang / a nan ta dang / skyer pa dang / shing mngar dang / 'di rnams mar dang / til mar dang / mar gyi brgyad 'gyur gyi 'o ma dang bskol ba'i sman mar gyi sna sman btang na phan no/de bzhin du 'o ma'i mar gyis mig brta bar bya ba'i phyir blugs par bya'o/ /des kyang ma zhi na khrag gtar bar bya'o/ /rnam pa gzhan yang snad pa dang / 'jigs shing sngangs pa dang / mya ngan dang / kha zas rtsub pa zos pa dang /stan med par nyal ba dang / de bzhin du skyug sman dang / bkru sman dang / snar blugs pa ma legs pa dang / mig brta ba'i thal sman gyi thigs pa blugs ma legs pa dang / skyugs drags pa dang / bkres pa dang / skom dad ches pa brnags pa dang /mig nad yal bar bor te yun rings pa dang / rnam pa de dag gis kyang rab rib bzhin du mthong ba'i nad skyed par bshad de/ de la ni rlung la sogs pa'i nad gzhi gang yin pa brtags te rang rang dang mthun pa'i sman sbyar ro/ /gzhan yang nyi ma'i zer dang / mi'i 'od dang / glog la sogs pa 'tsher ba la rnam par bltas pas mig nyams pa la ni bsil ba'i sman dang sbyar ba'i mar ram/ gser zhun mar dang sbyar bas sman du sbyar ro/ /de lta bas na skyes bu rnams kyis mig ni dus thams cad du bsrung bar bya ste/ ji srid du 'tsho ba gnas par 'dod pas mthu gtugs te gso bar bya'o//ci'i phyir zhe na/ gang dag mig dang bral na mun par 'gyur te nyin mo dang mtshan mo yang bye brag med cing nor mang po 'dod na yang don med pa yin no/ /de la dus rtag tu bsten par bya ba ni 'bras bu gsum dang /dus dus su khrag dbyung bar bya ba dang / slon khrus kyis lus sbyang ba dang / sems dga' bar bya ba dang / yid bde bar bya ba dang / mig sman gyi sbyor ba bsten pa dang / til mar dang mar la sogs pa'i sna sman bsten pa dang / bya sha'i bya na bsten pa dang rkang pa gnyis bkru zhing byi dor byas te bkru ba dang /dril ba la sogs pa'i rim gro bya ba dang / rtag tu zhun mar btung ba dang / kha zas gnod pa rnams spang ba dang / shin tu phra ba dang / g.yo ba dang / 'tsher ba'i dngos po la mi lta ba dang / de dag ni skyes bu rnams kyis mig bsrung bar drang srong chen po mu khyud kyis bshad do//rab rib kyi nad gso ba'i le'u ste bcu gsum pa rdzogs so// //de nas mig gi mthong ba nyams pa gso ba'i dpyad kyi le'u bshad par bya ste/ de la bad kan gyis mthong ba nyams pa legs par smin pa la ni dbye ba'i dpyad bya'o//de yang smin pa'i mtshan ma ni shin tu dka' ba de/ mchil ma'i thal ba lta bu yin yang de la thur mas dbye'o/ /de la ma smin pa'i mtshan ma ni/ zho ga chu ltar dang zhing sla bar 'dug pa ste/ shin tu srab pa'o/ /de la ni thur mas phye yang slar steng du 'gro ste tshor ba drag po yang myong la mthong ba yang slar 'gebs par byed do//de lta bas na dpyad byed par 'dod pas thog mar smin par bya ba'i cho ga bya ste/ kha zas dang sman gyis bad kan skyed par byed do/ /rlung dang mkhris pa'i shas kyis 'dres na ni gso bar dka' ste/yun ring bar 'gyur bas rlung mkhris ni bsal bar bya'o/ /de la bad kan 'ba' zhig gis long ba'i mtshan ma ni bad kan gyis long ba de la rlung dang mkhris pas zil gyis non na ni mdog sngon por 'gyur te/ de bas na rlung dang mkhris pa bsal ba'i cho ga mang du bya ste/ sngon po las dkar por gyur pa na gzod dbye'o/ /de la dbyer mi rung ba drug yod de/ 'khor ba lta bu dang / kha ra lta bu dang / gra ma lta bu dang / gra ma mes bcad pa lta bu dang / zla ba lta bu dang / gdugs lta bu dang drug go/ /de la 'khor ba zhes bya ba ni mig gi 'bras bu 'khor ba'i tshul du rtag tu 'gul ba ste/chu 'khyil ba lta bu'o/ /mdog ni dkar la cung zad dmar ro/ /kha ra lta bu zhes bya ba ni dper na sha kha ra'i mdog lta bu'am/ shing arga'i lo ma la lan tshwas btab pa lta bu ste/ dkar la cung zad dmar zhing de nyid kyang shin tu bska bar 'dug pa'o//gra ma lta bu zhes bya ba ni mig gi 'bras bu la 'bras kyi gra ma lta bu'i ri mo snang ba'o/ /gra ma mes bcad pa lta bu ni dper na/ 'bras kyi gra ma mes bcad na dum bur snang zhing chad 'phro gnag pa bzhin du mig gi 'bras bu la yang de ltar snang zhing de yang nad dang bcas pa'o/ / zla ba lta bu zhes bya ba ni dbyibs zla ba gang ba ltar 'dug la de yang kha ra'i mdog lta bu'o/ /gdugs lta bu ni gdugs ltar zlum zhing kha dog sna tshogs su 'dug pa ste/ drug po ste de dag gang yang rung ba snang na ni li ka zhes bya ste gsor mi rung ngo / /gzhan yang skyon 'di dag yod na yang dbyer mi rung ste/gong du mig gi gtar ga bstan pa'i skabs su skom pa la sogs pa bsrung ba bzhin du 'dir dbye ba'i dus su yang bsrung bar 'byung ste/ de yang skom dad che ba dang / cham pas btab pa dang / lud pa lu ba dang / de bzhin du dpyad kyis 'jigs pa dang /rtag tu skyug pa dang / mgo bo dang / rna ba dang / mig 'di rnams mi bde na dpyad mi bya'o/ /de nas mi dbye ba'i dus tshigs bstan pa ni dpyid zla 'bring po dang / dbyar zla tha chungs dang / ston zla tha chungs la bab pa'i tshe snum gyi cho ga dang / dugs kyi cho ga byas nas slon khrus kyis lus dag par bya'o/ /de nas nyams brtas nas de dang mthun pa'i zas dang skom sbyin no/ /de'i 'og tu sa phyogs gsal bar nad pa bzhag la snga dro dang por dbye bar bya ste/ sman pa khri pus mo tsam mtho ba'i steng du 'dug nas/nad pa sman pa'i mdun drang por kha shar phyogs su bstan te/ stan 'jam pa gang yang rung ba la bzhag nas rkang pa gnyis brkyang du gzhug /nad pa'i rgyab tu nad g.yog bzhag nas nad g.yog gi lag pa gnyis kyis nad pa'i mgo bo dam du bzung ste/mi 'gyur bar byas nas bag yangs su gzhag go/ /de nas nad pa'i mig sman pa'i kha'i dbugs dron pos dugs byas la/ sman pa'i mthe bos nad pa'i mig dal gyis mnyes nas sman pa'i mig la drang por 'bru tshugs su bltar bcug la/ mig gi nad kyi spri 'am dri ma snga ma'i so las cung zhig g.yo bar snang na nad pa rang gi mig sna gong du bltar bcug la/nad g.yog gis mgo bo dam du bzung la mi 'gul bar byas nas thur ma gzugs pa'i tshad ni nad pa'i mig rang gi sna gong du bltas pa las nag po'i mtha' nas bzung ste/ dkar po 'ba' zhig la cha bzhir bgos nas cha gsum ni nag po'i phyogs su lus/cha gcig mur 'gram logs su lus pa'i mtshams na lha'i bug pa zhes bya ba yod de/ der mig gi thur ma mdzub mo dang / gung mo dang / mthe bo gsum gyis dam du bzung la/ ltag 'og tu ya yor ma gyur par 'phred drang por gzugs te/mig gi 'bras bur phyin par btang / nad pa'i mig g.yon pa ni sman pa'i lag pa g.yas pas dbug /mig g.yas pa ni sman pa'i lag pa g.yon pas dbug ste/ de ltar nang du thur mas phug pa las legs pa'i mtshan ma ni bus zhes bya ba'i sgra 'byung la/de yang nad med cing chu'i thigs pa 'ga' yang 'byung ba'i rigs so/ /de nas nad pa skyed do/ /ci ste mig las mchi ma 'ong ngam dmar por gyur na 'o ma cung zhig blugs so/ /thur ma'i rtse mo yang ha cang mi rno bas nang du dal bus rim gyis phul te/rtse mo dbus su phyin nas sna gong phyogs su phyi ba ltar byas la 'og phyogs su gtang ngo / /ci ste 'og tu btang yang phyir log pa ltar byed na nad pa rang gis sna bud pa ltar byas na 'og tu 'gro ba'i rigs so/ /gal te thur mas phyis kyang mi 'gul na yang snga ma bzhin du dbugs dron pos mig tu dugs byas la thur mas phyis na 'og tu 'gyur ro//de nas gzugs kyi rnam pa phra rags mthong na thur ma rim gyis phyir dbyung ngo / /de nas ras bal dron po snum can gyis dugs byas la ras kyis dkris nas gan rkyal du bsnyal la gzhag go/ /mig ya gcig la cho ga ji ltar bstan pa bzhin du ya gcig la yang de ltar shes par bya'o//de nas rlung med pa'i gnas su mgo bo dang rkang pa mar gyis bskus te gzhag la/ phan pa'i zas dang spyod lam zhag bdun gyi bar du bsten par bya'o/ /dus de'i bar du bsrung bar bya ba ni cham pa dang / lud pa dang / sgregs pa dang / mchil ma 'di rnams ci nas kyang dgag/ cham pa la sogs pa dang / bad kan skye bar byed pa'i rgyu ni chu yin pas chu btung ba spang bar bya'o/ /yang cher skom na chu bskol ba sga btab pa cung zad btung / gzhan yang kha phub tu 'dug pa dang / khrus dang so shing bca' ba yang mi bya/ci nas kyang bad kan skye bar byed pa'i kha zas dang / btung ba thams cad spang ngo / /nad pa des sbrid pa dang lam du 'gro bar mi bya/ kha zas dang btung ba drod bag bsten cing grang ba dang / bsil bag spang / nad pa nyams stobs dang ldan pa zhig na smyung bar bya/ gal te mi bde ba 'am rlung langs pa ltar byed na ba mar dron pos bsku/ kha zas ni nas kyi zan cung zad sla ba tsha ba gsum dang / skyu ru ra btab pa sbyin/ yang na gong ma bas sla ba 'dag gu tsam gyi zan lhag ma'i spod dang snum dang bcas par byas la sbyin no/ /mig phyi nas zhag gsum lon pa dang /bcings pa bkrol te/ rlung la phan pa'i sman sna tshogs bskol ba'i sman gyi khu ba mig tu blugs so/ /de bzhin du zhag bdun pa'i bar du yang thabs de ltar bya/ gal te gsum pa nas drug pa'i bar du sman ma 'byor na yang bdun pa la mi blugs su mi rung ngo / /ji srid du mig gi mthong ba brtan por ma gyur gyi bar du cho ga bsrung ba la 'bad par bya ste/de yang gzugs shin tu phra ba dang / srog chags phra ba dang / shin tu 'tsher ba gang yang rung ba la mi lta/ mig gis lta ba yang rim gyis dal bus lta'i/ cig char bab chol du mi lta/ gal te mig skrangs nas dmar por gyur tam/ mig nad gzhan gang yang rung ba byung na/ de dang por thur mas phug nyes pa 'am/ kha zas mi mthun pa ci las gyur pa brtags nas skrangs pa la sogs pa so so'i nad dang mthun pa'i sman gyis gso'o/ /de yang mig skrangs pa la sogs pa'i nad gang yang rung ba byung na rtswa dUr ba dang /nas so ba dang / btsag yug snam dang / thal tres dang / 'di rnams cha snyoms nas mar dang ldan par byas te chu 'thags su byas nas bskus na mig gi skyon sel lo/ /yang na yungs kar dang / til gnyis kyi phye ma kha lung gi khu ba dang sbyar te bskus na yang sel to/ /yang na pa ya s+ya dang / thal tres kyi lo ma dang / btsod dang / shing mngar rnams phye mar byas la ra'i 'o ma dang sbyar ba'i 'dag gu dro 'jam tsam gyis bskus na yang mig bde bar byed pa'i mchog yin no//yang na seng phrom dang / rgyam tsha dang / rgun 'bru dang / shing mngar dang / 'di rnams ra'i 'o ma dang sbyar ba bskol ba'i khu bas mig tu blugs na mig nad 'joms par byed do/ /yang na shing mngar dang / ut+pa la dang / ru rta 'di rnams ra'i 'o ma dang bskol ba'i khu ba 'am/yang na rgun 'bru dang / rgya skyegs gnyis ra'i 'o ma dang bskol ba'i khu ba blugs na yang mig nad sel to/ /yang na rlung la phan pa'i sman ji snyed pa cham chom brdungs te/ ra'i 'o ma dang / 'o ma'i bzhi 'gyur gyi chu dang bskol te/ chu du/ 'o ma lus pa dang phyir phyung ste btsags pa'i khu ba'i nang du 'o ma ji tsam pa'i mar dang /shug pa'i sde tshan gyi sman btags la phye mar byas la/ mar dang / 'o ma dang / lhan cig bskol nas 'o ma ni du/ mar lus pa dang des bsku ba la sogs pa byas na ni mig nad kun la phan te/lhag par yang khrag las gyur pa sbyong ngo / /de ltar byas kyang khrag nad ma zhi na nad pa de yang snum chos bya zhing dugs byas la mig rtsa la gtar ga bya'o/ /ji ltar gtar ba ni mig nad kyi gtar ga'i skabs la blta'o/ /de ji ltar bya ba legs par gyur na tsha ba dang 'jam pa'i sman btang ste/arga'i rtsa ba dang / na le sham dang / ba bla dang / skyer khaN+Da rnams kyi phye ma bu ram dang ri lur byas la char pa'i chu dang bdar bas mig la bskus na yang phan no/ /yang na dzA ti dang / shri sha dang / da ba dang / kar ka ta shring gi rnams kyi me tog dang /bai DUr+ya dang / mu tig gi 'bras bu dang 'di rnams btags te ra'i 'o ma dang 'dag gur bya ste/ zangs ma'i snod la bskus nas bskams pa dang / phyir bkog la yang btags te/ yang ra'i 'o ma dang lde gur byas nas yang bsku ba dang /skam pa zhag bdun gyi bar du thabs de ltar byas nas thabs la ri lur byas nas grib skams su byas te/ 'o ma dang sbyar bas mig la bskus na mthong ba dang gsal ba dang stobs skye bar 'gyur ro/ /yang na lig bu mig dang / byu ru dang / ldong ros dang / rgya mtsho'i lbu ba dang /na le sham rnams kyi phye ma ra'i 'o ma dang 'dag gur byas la/ zangs ma'i snod la gong ma ltar byas pas mig la bskus na yang phan yon gong ma dang 'dra bar shes par bya'o/ /mig gi mthong ba nyams pa gso bar bya ba'i le'u ste bcu bzhi pa rdzogs so// // de nas mig nad sna tshogs thams cad kyi nad gzhi brtag pa'i le'u bshad par bya ste/ de la rlung las gyur pa'i mig nad kyi mtshan ma ni mchi ma mang du 'dzag pa dang / sna bus pa ltar rgyas shing gang ba dang / skrang ba'i shas chung ba dang / mur 'gram dang / 'phral ba dang / smin ma dang / mig dang / kha dang 'di rnams su zug cing 'phar ba dang / rngu ma skam po cung zad yod pa dang / mchi ma grang mo sla ba 'byung ba dang / ldang dub tu na ba dang / mig 'byed 'dzums dka' ba dang / mig gi nang du srin bu rgyu ba snyam byed pa dang / mig gang zhing bus pa snyam byed pa dang /gra mas gang ba snyam byed pa dang / snum gyis bskus pas dro bas zhi bar gyur pa de ni rlung las gyur pa yin no/ /rlung nad de yal bar bor te gso ba ma byas pa la ni mig nad gdung ba zhes bya bar 'gyur te/ de'i mtshan ma ni rna ba gnyis las sgra 'byung ba dang / mgo 'khor ba dang /'phral ba dang / mig dang / smin ma la sogs par gtsub shing gis gtsubs pa snyam sems pa yin no/ /de yang bag med pa las yal bar bor na ni mig tu gdung ba 'joms byed ces bya bar 'gyur te/ de'i rtags ni nad kyi rnam pa sna tshogs 'byung zhing mthong ba'i mig la rma 'byung zhing nyams par 'gyur ba yin no//yang na mig gi nang du nad 'khrugs te/ mig steng gi gnad kyi rtsa dang mur 'gram mam/ de las gzhan du yang rung ste/ rlung zhugs nas mi bzad par na ba dang / dbyar bag tu 'dug pa dang / skrang ba dang /mig 'gyur ba dang / zhum pa dang / mchi ma 'dzag pa de ni rlung nad gzhan du zhugs pa'i mig nad ces bya'o/ /de la mig nad rlung gi rnam grangs zhes bya ba yod de/ de'i mtshan ma ni mig yo bar 'gyur ba dang / mig snga na bas chung bar 'gyur ba de lhag ma'i mig nad kyi tshul ni gong ma dang 'dra'o//mkhris pas 'dzag pa'i mig nad kyi mtshan ma ni mig tsha ba dang / du ba 'byung ba snyam sems pa dang / mig mchu'i phyi rol skrang zhing sngo bsangs su 'dug pa dang / mig gi nang gnag pa dang / mchi ma tsha ba dang ser po 'byung ba dang / mig gi mdog dmar ba dang /dngos po rnams ser por mthong ba dang / rma lan tshwas btab pa snyam byed pa yin no/ /de nyid yal bar bor te gso ba ma byas pa ni mig nad gdung ba zhes bya bar 'gyur te/ de'i rtags ni me mdag 'bar ba ltar 'dug pa dang / mchi ma'i mdog ltar snang ba yin no//de la bad kan las gyur pa'i mig nad kyi mtshan ma ni mig tshor ba med pa dang / cher skrang ba dang / cher g.ya' ba dang / gnyid che ba dang / zas la mi dga' ba dang / mig rngu ba dang / mchi ma snum pa dang / mang ba dang / dkar ba dang / spyi bag tu snang ba yin no//de nyid gso ba ma byas te yal bar bor ba las ni yang mig nad gdung ba zhes bya bar 'gyur te/ de'i rtags ni mig gi 'bras bu nag po dmar por 'gyur ba dang / cham pas 'debs pa dang / sna bus pa ltar gang zhing rgyas pa dang / mig bye mas gang ba snyam byed pa yin no/ / de la khrag las gyur pa'i mig nad kyi mtshan ma ni mchi ma khrag tu 'dzag pa dang / mig dmar po shar shar por snang ba dang / rngu ma dmar ba dang / mig gi 'bras bu dkar po yang dmar ba dang / dngos po dmar por mthong ba dang / gzhan yang mkhris pa'i rtags kyang 'dir blta'o/ / de nyid yal bar bor ba yang mig nad gdung ba zhes bya bar 'gyur te/ de'i rtags ni mig mtha' zangs ma'i mdog ltar 'dug pa dang / mig chung ba snyam sems shing na ba dang / me tog ban du ka ltar dmar ba dang / tA mya ni zhes bya ba dang / reg na mi bzod pa dang / khrag gi nang du nim pa'i 'bras bu bcug pa bzhin du mig gi 'bras bu la yang de ltar snang ba dang /dngos po rnams me 'bar ba'i mdog tu mthong ba yin no/ /de la 'dzag pa'i mig nad la khyad par du mig nad gdung ba thams cad ni rlung la sogs pa'i nad gzhi bye brag gis tshabs che ba yin te/ khyad par du mur 'gram dang /so dang / mkhur tshos dang / mgo bo rnams su lhag par na bar byed do/ /rlung dang mkhris pa las gyur pa'i mig nad kyi mtshan ma ni mig gi nang du brud pa snyam sems pa dang / na zhing rdol ba snyam sems pa dang / rnag gis g.yogs pa ltar 'dug pa dang /mig mchu rtsub cing reg mi bzod pa dang / mig 'byed 'dzums dka' ba dang / mig 'dzag pa nyung zhing skam pa dang / grang bar 'dod pa dang / na ba dang / smin pa dang bcas pa yin te/ de ni mig nad skam zhing smin pa zhes bya'o/ /nad gzhi gsum khrag dang bcas pa las gyur pa'i mig nad kyi mtshan ma ni skrang ba dang /rab tu na ba dang / tsha ba dang / rtag tu 'dzag pa dang / mig gi 'bras bu dkar po la u dum bA ra'i 'bras bu 'dra bar snang ba dang / mchi ma yang grang ba dang / dro ba dang / rtsub pa dang / spyi bag dang / sla ba dang / ska ba ris kyis 'byung ba de ni mig nad skrang ba dang smin pa dang bcas pa zhes bya'o/ /cung zad skrang ba zhes bya ba'i mig nad kyi mtshan ma ni skrang ba gong ma bas tshabs che ba la sogs pa rtags lhag ma de nyid dang 'dra'o/ /mig nad smin pa zhes bya ba'i mtshan ma ni skrang ba dang / sa ma ram pa dang / dri ma dang bcas pa'i mchi ma 'dzag pa dang / mthong ba'i mig la khad kyis g.yogs pa ltar snang ba dang / mig 'bras dkar po la dmar zhing rnag dang bcas pa dang / tsha ba dang / mi mthong ba dang / na zhing zug gzer tshabs che ba yin no//nad gzhi nyes pa rnams 'khrugs te/ khyad par du mkhris pa dang / khrag shas ches pas zas zos pa'i dngas ma skyur por gyur pa rlung la sogs pas mig tu son par byas te/ mig rtsa la chags pa nas mig gi mdog kyang dmar nag tu 'gyur ba dang / de bzhin du skrang ba dang /tsha ba dang / smin pa dang / mchi ma 'dzag pa dang / mthong ba mi gsal ba yin te/ de ni skyur gyis bskyed pa'i mig nad ces bya'o/ /de ltar mig nad sna tshogs kyang rnam grangs bcu drug tu bshad de/ des na mig nad rtsub pa 'joms byed dang / mig nad smin pa zhes bya ba gnyis ni yongs su spang bar bya'o//de la mig nad gdung ba zhes bya ba la cho ga legs par ma spyad na ni shin tu nyen che ste/ de yang rlung las gyur pa'i mig nad gdung ba cho ga nyes par byas na ni zhag lngas mthong ba nyams par 'gyur ro/ / bad kan las gyur pa'i mig nad gdung ba la cho ga log par spyad na zhag bdun gyis mthong ba nyams par 'gyur ro/ /khrag las gyur pa'i mig nad la cho ga nyes par byas na zhag gsum gyis mthong ba nyams so/ /mkhris pa las gyur pa'i mig gdung ba'i nad la cho ga log par byas na de ma thag mthong ba nyams par 'gyur ro//mig nad sna tshogs thams cad kyi nad gzhi bshad pa'i le'u ste bco lnga pa rdzogs so// //de nas mig nad sna tshogs gso ba'i le'u bshad par bya ste/ de la mig nad 'dzag pa thams cad thog mar 'byung ba'i tshe ni sman rnon po dang sbyar ba'i sman mkhur bar bcang ba dang /sna sman gtang ba dang / smyung ba byas te rlung las gyur pa ni ma gtogs so/ /mig tsha ba dang mig bad kan gyis yogs pa ltar 'dug pa dang / mig mdog dmar ba dang / mchi ma 'dzag pa dang / skrang pa la sogs pa'i mig nad thams cad la ni gan d+ha b+ha dra dang /sug smel dang / na le sham dang / btsag yug snam dang / de rnams 'dag gur byas pas mig gi phyi rol tu bskus na zhi bar 'gyur ro/ /rlung las gyur pa'i mig nad la ni skyer khaN+Da dang / shing mngar dang / rgya spos dang / tsan+dan dang /rgyam tsha rnams sbyar ba'am/ yang na rgyam tsha dang / bca' sga dang / skyer khaN+Da rnams mar gyi snying khu las btags pa'am/ yang na seng phrom dkar po mar las brngos te 'dag gur byas pa 'am/ sbyor ba de dag gang yang rung ba bskus na phan no/ /mkhris pa dang khrag las gyur pa'i mig nad la yang spang spos dang /shug pa dang / bung tshang rdo dang / shing mngar dang / de rnams kyi 'dag gus bskus na phan no/ /bad kan las gyur pa'i mig nad 'dzag pa la ni ldong ros dang / pri yang ku dang / sbrang rtsi dang sbyar bas mig gi phyi rol pags pa la bskus na phan no//'dus pa las gyur pa'i mig nad 'dzag pa la ni mig sman de thams cad sbyar ba bsku'o/ /na le sham dkar po cha gcig dang / ldong ros cha bzhi dang / seng phrom dkar po cha bcu drug dang / de rnams zhib tu btags te ras kyi nang du phur mar byas te/ zug gzer bdo ba'i dus su mig la glan no/ /rgya sran ku lat+tha ras kyi nang du thum bu byas te/ dgon pa'i ba lang gi lci ba'am/ ra'i ril ma bskol ba'i khu ba'i rlangs par btsos te tshos pa dang sen mos shun pa bshus la bskams te btags pa'i phye mas nub mo lan cig bskus pa tsam gyis kyang nad gzhi 'khrugs pa de ma thag zhi bar byed do//shu ti dang / a ru ra dang / spangs ma dang / shing mngar dang / seng phrom dang / 'di rnams zhib tu btags te/ ras kyi nang du phur mar byas te/ lhod par bcings nas/ 'bras rtsabs skyur po zangs snod kyi nang du bcug ste/phur ma'i thum po de yang de'i nang du bcug pa des mig tu bdugs na mig nad kyi rnam grangs sna tshogs sel to/ /skyer pa srang gcig chu srang bcu drug gi nang du bskol te/ brgyad cha lus pa'i nang du sbrang rtsi btab pa mig tu blugs na nad gzhi thams cad las gyur pa'i mig nad sel to//shi kru'i lo ma rang gi khu ba sbrang rtsi dang sbyar ba mig tu blugs na/ rlung dang mkhris pa dang bad kan la sogs pa nad kyi rnam grangs mang po las kyang rgyal bar byed do/ /de la rlung las gyur pa'i mig nad 'dzag pa la ni e raN+Da gzhon nu'i lo ma dang rtsa ba cham chom brdungs la ra'i 'o ma dang tshul bzhin bskol te mig tu blugs na/zug gzer de ma thag 'joms par byed do/ /yang na phye zan dron po mig tu bdugs na yang phan yon de dang 'dra'o/ /yang na rlung las gyur pa'i mig nad 'dzag pa la ni bil ba la sogs pa'i rtsa ba lnga dang /e raN+Da'i rtsa ba dang / bri ha ti dang / ma du shi kru dang de rnams cham chom brdungs te bskol ba'i khu ba dro 'jam tsam blugs na phan no/ /yang na ba la ka zhes bya ba de ni d+hi be ra dang / rgya spos dang / sha rang gaSh+Ta dang / u dum bA ra'i shun pa dang /bu ram shing dang / de rnams chu dang 'o ma dang tshul bzhin bskol te 'o ma nyi tshe lus pa mig tu blugs na mig nad rlung las gyur pa zug gzer dang bcas pa sel ba'i mchog yin no/ /de la mkhris pa las gyur pa'i mig nad la ni btsod dang / skyer ba dang / rgya skyegs dang /rgun 'bru dang / shing mngar rnam gnyis dang / ut+pa la dang / de rnams bskol ba'i khu ba'i nang du kha ra btab ste mig tu blugs pa byas na/ khrag dang mkhris pa las gyur pa'i mig nad 'dzag pa sel to/ /rgun 'bru dang / shing mngar dang / 'di gnyis zhib tu btags te phye ma ras 'jam po'i nang du phur ma byas te lhod par bcings nas char pa'i chu'i nang du smyugs te mig tu blugs na khrag dang mkhris pa las gyur pa'i mig nad 'dzag pa sel to//yang na pra puN+Da rI ka dang / shing mngar dang / skyer pa dang / 'di rnams zhib tu btags te/ras 'jam po'i nang du thum por byas te/ nu zho kha ra dang bcas pa'am ra'i 'o ma'i nang du sbangs te mig tu blugs na/ mig tsha ba dang / na ba dang / mdog dmar ba dang / mchi ma 'dzag pa rnams sel to/ /seng phrom dkar po dang / shing mngar mar gyi nang du brngos te btags pa'i phye ma ras 'jam po'i nang du thum por byas te/bud med kyi nu zho'i nang du smyugs te mig gi nang du blugs na khrag dang mkhris pa las gyur pa'i mig nad snad pa las rgyal bar byed do/ /bad kan las gyur pa'i mig nad 'jog pa la ni dong gra dang / 'bras bu gsum dang /nim pa dang / seng phrom dkar po dang / 'di rnams bskol ba'i khu ba dro 'jam tsam blugs na phan no/ /'dus pa las gyur pa'i mig nad 'dzag pa la ni sman gyi sbyor ba 'dres pa yang blugs par bya'o/ /gzhan yang rlung las gyur pa'i mig nad 'dzag pa la ni mar rnying pa btung ngo //mkhris pa las gyur pa'i mig nad la ni mar rnying pa kha ra dang bcas pa blud do/ /bad kan las gyur pa la ni mar rnying ba tsha ba gsum dang sbyar ba de'i nang du nas tshig 'khus pa'i thal ba'i phye ma btab pa blud do/ /de ltar snum gyis zhen pa dang / gtar ga byas te khrag dbyung ngo //de'i 'og tu yang snum chos byas te/ de nas yang bkru sman gtang ngo / /de la mig nad gdung ba la ni yul gsher sa na gnas pa'i srog chags kyi sha g.yos su legs par sbyar ba'i byug pa dron pos mgo dang gdong la bskus na zug gzer zhi bar byed do/ / mig nad tsha ba la ni 'o ma dang mar sman grang mo dang sbyar bas byug rtsi byas te bsku'o/ /gso ba gzhan ni rab rib gso ba'i nad gzhi brta ba bzhin 'dir sbyar ro/ /cho ga de dag ni mig sman thams cad la snga ma bzhin no/ /mig nad gdung ba la thabs de dag gang gis kyang ma zhi na/ smin ma'i steng du me btsa' btab na phan no/ /ba'i zho snum med pa dngul la ma zangs ma'i snod kyi nang du blugs te/ ji srid du sngon por gyur pa dang bskams te/ de'i phye ma zho ga chu dang ri lur byas te mig tu bskus na rlung las gyur pa'i mig nad 'joms par byed do/ sring shing gi me tog kha ma bye ba dang /dung dang / 'bras bu gsum dang / shing mngar dang / ba bla dang / de rnams btags pa'i phye ma char pa'i chu dang ri lur byas te bskus na/ khrag dang mkhris pa las gyur pa'i mig nad sel to/ /rgyam tsha dang / 'bras bu gsum dang / tsha ba gsum dang / dung gi snying po dang / rgya mtsho'i lbu ba dang / e la ba lu ka dang / sra rtsi pog dang de rnams ri lur byas pas bskus na/ bad kan las gyur pa'i mig nad sel to/ /pra puN+Da rI ka dang / shing mngar dang / skyer pa dang / de gsum srang brgyad brgyad chu srang lnga brgya rtsa bcu gnyis kyi nang du bskol te bzhi cha lus pa dang /tshigs ma bor ba'i dngas ma de yang bskol te/ ska bar gyur pa'i nang du ra gan gyi dud pa srang bcu dang / na le sham zho gnyis kyi phye ma btab ste/ ri lu 'am phye mas kyang rung ste bskus na mig nad thams cad las gyur pa'i mig nad 'dzag pa dang /dmar ba dang / brud pa snyam byed pa rnams 'joms te/ de ma thag gsal bar 'gyur te/ sbyor ba 'di ni phyugs bdag gi ming du bshad pa'i nang na gsang ba dam pa'i mig sman gyi mchog yin no/ /de la mig nad skam zhing smin pa la ni sman mar btung ba dang /'tsho byed sde bcu dang sbyar ba'i mig brta ba'i sman blugs pa dang / mar de nyid kyis snar blugs pa'am/ yang na til mar snar blugs pa rab tu phan no/ /'dir blugs pa ni 'o ma dro 'jam tsam rgyam tsha dang bcas pa blugs na phan no/ /yang na bca' sga bud med kyi nu zho dang btags te mar dang sbyar bas mig tu bskus na phan no//yang na gsher sa nas skyes pa'i srog chags kyi sha'i zhag bca' sga dang / rgyam tsha cung zad dang bcas pa blugs na phan no/ /yang na mi'i skra mar gyis sbags te kham phor kha sbyar gyi nang du dud pa ma shor bar bsregs te/de las snag tshar gyur pa dang mar gyis bsgos te lcags sam me long gi steng du btags la/ de'i phye mas bskus na mig sman gyi mchog tu bshad do/ /de la mig nad las skrang pa smin pa dang bcas pa dang / cung zad skrang pa'i mig nad gnyis la ni snum chos byas te/khrag gtar la de'i 'og tu yang snum chos byas te/ rgun 'bru dang / a ru ra gnyis bskol ba'i nang du dur byid kyi phye ma dang mar btab ste bkru sman gtang ngo / /seng phrom dkar po mar gyi nang du brngos te phye mar byas pa ras kyi nang du phur ma byas te/chu dron dang mnyes la mig tu blugs na ni mig gi zug gzer 'joms pa'i mchog yin no/ /yang na skyer pa dang pra puN+Da rI ka dang gnyis bskol ba'i khu ba blugs na yang phan no/ /mig brud pa snyam byed pa dang / mig dmar ba dang mchi ma 'dzag pa rnams la sAn d+ha ba zhes bya ba'i sbyor ba bya ste/de rnams kyang lcags kyi gzhi la zangs ma ba gcin dang btags te mar gyi dud pas bdugs la mig tu blugs na mig gi zug rngu 'joms so/ /yang na zangs ma'i snod kyi nang du ba'i zho'i spris ma bcug ste/ pi pi ling dang / rgyam tsha gnyis zhib tu btags la mig sman du sbyar na/de yang sAn d+ha ba zhes bya ba ste mig tu blugs na phan no/ /yang na zangs ma'i snod kyi nang du bud med kyi 'o ma dang dung bdar te dong ga 'am nas gang yang rung ba mar gyis bsgos pa'i dud pas bdugs la mig tu bskus na/ mig brud pa snyam byed pa la sogs pa'i mig nad mi bzad pa las grol bar byed do//de yang sAn d+ha ba zhes bya ba yin no/ /yang na u dum bA ra'i 'bras bu lcags snod kyi nang du bud med kyi zho dang sbyar te/ shing sh+ya ma'i lo ma mar gyis bsgos pa'i dud pas bdugs te mig tu bskus na/ mig nad tsha ba dang /zug gzer che ba dang / mdog dmar ba rnams la phan no/ /yang na shi kru'i lo ma rang gi khu ba zangs ma gnyis kyi bar du btags te me mar gyi dud pas bdugs na/ de yang sAn d+ha ba zhes bya ba ste des mig tu bskus na mig nad skrang pa dang / mchi ma 'dzag pa dang / zug gzer dang bcas pa rnams 'jil bar byed do/ /yang na kha ra'i snod kyi gzhi la gyo mo'i dum bu til gyi chu dang bdar te nim pa'i lo ma mar gyis bsgos pa'i dud pas bdugs la des mig tu bskus na/ mig nad brud pa snyam byed pa dang / mdog dmar ba dang / mchi ma 'dzag pa dang /zur gzer che ba rnams la phan no/ /de yang sAn d+ha zhes bya'o/ /sman gyi sbyor ba sAn d+ha zhes bya ba des mig zug gzer dang bral ba lta na/ de'i 'og tu bud med kyi nu zho lan gsum gyi bar du blugs par bya'o/ /yang na bal bu'i lo ma dang / pi pi ling dang / rgya sbos dang / lcags phye dang / stang zil dang / sna ma'i me tog dang / nag tshur dang / rgyam tsha dang / de rnams ba gcin dang bdar ba'i 'dag gus zangs ma'i snod la byugs te/ zhag bdun du bzhag ste de nas yang gcin dang btags pa'i ri lu bya ste grib mar bskams la bud med kyi nu zho dang bdar nas mig tu bskus na/mig brud pa snyam byed pa dang / mchi ma 'dzag pa dang skrang ba dang / g.ya' ba rnam par 'jig go/ /yang na kaN+Da ka ri'i shun pa dang / shing mngar dang / zangs ma'i phye ma dang / de dag ra'i 'o ma dang btags te sh+ya mi dang /skyu ru ra'i lo ma mar gyis bsgos pa'i dud pas bdug pa mig la bskus na/ skrang pa dang / zug gzer che ba rnams sel te/ de la skyur gyis skyed pa zhes bya ba'i mig nad la ni mkhris pa'i mig nad kyi gso ba thams cad bya'o/ /bad kan dang mkhris pa dang khrag dang 'dus pa dang /'di rnams re res bslang ba'i mig nad dang / ku kun zhes bya ba'i mig nad dang / rdzi ma'i nang du zhugs pa zhes bya ba'i mig nad dang / mig skam zhing smin pa zhes bya ba dang / pad ma'i rtsa ba lta bu zhes bya ba'i mig nad dang / skrang ba chung ba zhes bya ba'i mig nad dang /gzhan yang bad kan dang khrag dang / mkhris pa dang 'di rnams re re 'dzag pa'i mig nad dang / de gsum las gyur pa btung ba'i nad sna re dang / rlung nad ma gtogs pa mig nad bco brgyad po de dag ni mig tshag pa zhes bya ba ste/ de dag ni nye bar 'tsho ba yin te gso bar bya'o//de dag rang rang gi gso ba'i nad so so'i le'ur bshad zin to/ /gal te de las mig tshag pa zhes bya ba'i nad du gyur na ni de'i gso ba spyir brjod par bya ste/ de la thog mar snum chos byas te slon bya'o/ /de nas gtar ga bya ste khrag dbyung ngo / /de nas bkru sman btang ste/mig mchu mtshon gyis bzhar ba byas na mig nad thams cad dag par 'gyur ro/ /spangs ma srang gcig dang / na le sham dkar po srang nyi shu rtsab mo srang sum cu'i nang du btags te/ zangs ma'i snod kyi nang du bcug ste blugs na/ mig tshag pa'i nad lo du ma lon pa yang zhi bar byed do//de bzhin du mig nad g.yogs pa snyam byed pa dang / tsha ba dang / mchi ma 'dzag pa dang / g.ya' ba dang / skrangs pa rnams 'joms par byed do/ /ka rany+dza'i sa bon dang / bye'u rug pa dang / sna ma'i me tog kha ma bye ba 'di rnams cham chom brdungs te bskol ba'i tshigs ma bor te yang bskol la stang zil dang lhan cig mig sman du blugs na/mig tshag pa'i nad la phan te/ khyad par du mig g.ya' ba dang / rnag 'dzag pa dang g.ya' ba 'joms pa'i mchog yin no/ /skyer khaN+Da dang / sra rtsi phog dang / ra gan gyi dud pa dang / ldong ros dang /rgya mtsho'i lbu ba dang / rgyam tsha dang / btsag yug snam dang / na le sham dang / 'di rnams sbrang rtsi las btags pa mig sman du bskus na/ rnag 'dzag pa dang g.ya' ba 'joms pa'i mchog yin no/ /yang na rgya spos a ru ra'i khu ba'i nang du btags pas mig tshag pa la bskus na phan no//thang shing ra gcin gyi nang du snum dang bcas pas bskus na mig nad 'dzag pa tshag pa 'joms so/ /yang na rgyam tsha dang / 'bras bu gsum dang / pi pi ling dang / pu tse shel dang / dug gi snying po dang / zangs ma'i phye ma dang /de rnams sbyar ba'i mig sman gyis bskus na mig tshag pa dang ling tog rnams 'joms so/ /nag tshur bya ba la ma'i phye ma bye'u rug pa'i khu bas bskol te/ zangs ma'i snod kyi nang du zhag bcu bzhi'i bar du bzhag la mig tu bskus na mig chu ser gyis gang ba dang /rdzi ma byi ba'i nad las rgyal bar byed do/ /ba bla dang / so ba'i la zhes bya ba stang zil dang mnyam pa'i zangs ma'i phye ma zhib tu btags pas mig sman du sbyar na/ thur ma gcig gis kyang rdzi ma skyed cing mig tshag pa'i nad sel to/ /yang na rgya skyegs dang / nir gun thi dang /breng ga ra dza dang / skyer pa dang 'di rnams kyi khu ba'i nang du ras kyi dum bu zhag bdun gyi bar du sbangs te/ de nas phyung la ras de sdong bur byas la mar mer bsregs te/ dud pa chags pa'i snag tshas bskus na phan no/ /mig chu ser gyis gang ba'i nad pa la dus rtag tu mig mchu mtshon gyis bzhar ba dang /khrag dbyung ba dang yang dang yang bkru sman bsten par bya'o/ /mig tshag pa zhes bya ba'i mig nad chu ser rnag tu 'dzag pa sbyor ba de dag gis zhi bar ma 'dod na ni mig thur phra mo me la bsregs pas bsrung ngo / /de ltar mig nad dgu bcu rtsa bzhi po de dag gi rgyu dang mtshan nyid dang gso ba gcig la gcig ma 'dres par thams cad bshad pa yin no//de la skyes bu rnams kyi mig la nad med cing tha mal par 'dug pa yin na yang mig la gces par 'dzin pa rnams kyis ni dus thams cad du nas dang / gro dang /'bras drug cu pa dang / khre rgod dang / mon sran sde'u la sogs pa de dag kyang rnying pa dang gang yang bad kan dang / mkhris pa 'joms pa'i sman zhun mar mang du btab pa'i zas dang / tshod ma yang de bzhin du cho ga bzhin du bya'o/ /bya na yang srog chags thang la gnas pa'i sha dang /se'u 'bru dang / kha ra dkar po dang / rgyam tsha dang / 'bras bu gsum dang / sbrang rtsi rnams bsten no/ /btung bar ni char pa'i chu sbyar ro/ /de bzhin du gdugs dang / lham dang bcas shing 'gro bar bya ste/ cho ga ji lta ba bzhin du lus sbyang bar bya'o/ / de bzhin du nad med pa tha mal par 'dug pa rnams kyis kyang 'di dag spang bar bya ste/ 'byung ba rnams kyi shugs mi dgag pa dang / ma zhu ba'i zas cher mi bza' ba dang / gang yang zas tsha ba dang / sman tsha ba dang / phyi sa 'gag par 'gyur ba'i zas dang / sman dang thams cad spang bar bya'o//rkang pa gnyis kyi dbus na rtsa che zhing sbom po'i rtsa gnas te/ de las mig tu gyes pa'i rtsa du ma yod pas lhag par yang rkang pa la yang bsku ba dang byug pa dang / dril ba la sogs pa byas na mig la phan no/ /gal te rkang pa la dri ma dang / tsha ba dang / snad pa la sogs pas gnod par gyur na ni mig kyang ma rung bar 'gyur ro//de lta bas na mig la phan par 'dod pa rnams kyis rkang pa bsku ba dang / dril ba dang / byug pa dang / lham gyon pa la sogs pa rtag tu bsten par bya'o/ /mig nad sna tshogs gso ba'i le'u ste bcu drug pa rdzogs so// //de nas rna ba'i nad gzhi shes par bya ba'i le'u bshad par bya ste/ de la rlung las gyur pa'i rna ba'i nad kyi mtshan ma ni cham pas btab pa ste gso ba ma byas pa dang / chu la rkyal nas rna ba'i nang du chu zhugs te legs par ma phyin pa dang / rna ba g.ya' ste brud pa las brud nyes te/rlung 'khrugs nas nad du gyur pa dang / gzhan yang rna ba 'khrugs par gyur pa'i rgyu bza' ba dang / spyod lam log par bsten pa dang / sgra mi snyan pas rna ba'i thos par byed pa'i rtsa sbubs kyi nang du rlung zhugs te/ shin tu zug cing shugs drag par na ba dang /klad pa'i phyed na zhing rengs par byed pa dang / grang zhing bsil ba la mngon par mi dga' ba dang / gal te nad de smin na yang yun ring nas gzod smin la/ chu ser sla mo cung zad 'dzag pa dang / glo bur du rna ba stong pa snyam du sems pa dang / rna ba'i nang res zhum par 'gyur zhing res yangs par 'gyur ba yin na//mkhris pa las gyur pa'i rna ba'i nad kyi mtshan ma ni na zhing tsha ba dang bcas pa dang / grang ba 'dod pa dang / skrang pa dang / rims kyis 'debs pa dang / myur du smin cing rnags pa dang / rab tu smin nas kyang rang gi mdog chu ser ser por 'dzag pa dang /gang dang gang du chu ser des reg pa de dang der smin cing rnag par 'gyur ro/ /bad kan las gyur pa'i rna ba'i nad kyi rtags ni myur du smin pa dang / 'gram pa dang / mgrin pa lci ba dang / zug gzer mi drag pa dang / g.ya' ba dang / skrang pa dang /dro bag 'dod pa dang / smin nas ni dkar ba dang / ska ba 'dzag par 'gyur ba yin no/ /glo bur du snad pa la sogs pas khrag 'khrugs pa'i rna ba'i nad kyi mtshan ma ni rna ba shin tu zug cing na ste/ khrag 'khrugs pa de yang mkhris pa dang lhan cig 'khrugs shing na ste/de yang mkhris pa'i mtshan nyid cung zad tsam dang ldan pa'am/ yang na shas che ba dang ldan pa yin no/ /'dus pa las gyur pa'i rna ba'i nad kyi mtshan ma ni gzer ba dang / skrang ba dang / rims kyis 'debs pa dang / mi bzad par na ba dang / grang ba dang /dro ba res kyis 'dod pa dang / rna bas sgra mi thos pa dang / nad smin nas ni rnag dang chu ser dkar ba dang / gnag pa dang / dmar ba dang / ska ba res kyis 'dzag pa yin no/ /rna ba'i nang gi rtsa sgra thos par byed pa'i rtsa rgyun yod de/ der rlung zhugs nas rgyu med par sgra sna tshogs yang nas yang du thos pa de ni rlung nad sgra can zhes bya ba'o/ /zhes drang srong rnams kyis bshad do/ /bad kan dang rlung ldan pa las gyur pa'i rna ba'i nad gso ba ma byas te yal bar bor ba las ni thog mar skad gsang mthon pos smras na thos par 'gyur te/de'i 'og tu rim gyis 'on par 'gyur ro/ /rlung gis bad kan bskams te rna ba'i rgyun srang bkag pa las na ba yin te/ de ni pra te ha na zhes bya ba'i rna ba'i nad du bshad do/ /bad kan rna ba la brten par gyur na rna ba g.ya' ba dang / skrang par 'gyur ba ni skrang pa dang g.ya' ba'i rna ba'i nad ces bya'o//mkhris pas bad kan tshos par byas te nad dang bcas pa'am/ nad med kyang rung ste rnag ska ba mang du 'dzag pa ni rna nad rnags pa zhes bya'o/ /rlung la sogs pa'i nyes pas rna ba'i sha dang khrag rul par byas nas/de las srin bu skyes te des zos pa las mi 'dzag par na ba de ni rna ba'i nad srin bu can zhes bya'o/ /rna ba'i nad g.ya' zhing phrugs pa las rma 'byung ste 'bras bur gyur pa ni gong du khong 'bras kyi mtshan nyid ji lta ba bzhin du shes par bya'o/ /de bzhin du rna ba skrang pa la gso ba ma byas te yal bar bor na/nad gzhi ji lta ba bzhin du thor bu dang 'brum bu 'byung ste/ de yang rab tu na ba dang / rnag gis gang ba dang / 'on par 'gyur ro/ /ma'i mngal du rlung gis rna ba bskums te bsdus pa ni/ rna nad zhum pa zhes bya'o/ /yang na ma'i mngal gyi nang du rna ba sha'i thor bu shin tu sra ba gcig gam mang du yang rung ste/pi pi ling gi tshad tsam 'byung ba de ni rna nad pi pi ling lta bu zhes bya'o/ /'dus pa las gyur pa'i rna ba'i nad ni nad gzhi rang dang mthun pa'i mdog tu snang zhing rab tu na ba dang / rengs pa dang / skrang par 'gyur te de la yal bar bor te gso ba ma byas pa las ni nad smin te 'dzag pa yang yungs mar lta bur 'byung zhing rma 'tsho dka' ba'am/rma 'drub na yang nges par rna drung 'khums shing zhum par 'gyur te/ de'i ming ni rna nad bid ri ka zhes bya'o/ /rna ba'i rtsa'i nang du rlung nad zhugs te/ rna ba'i drung skem pa yod de/ de'i ming ni rna drung gi nad skem byed ces bya'o/ /rna shal rlung gis bskams te srab mor song zhing pi wang gi rgyud bzhin du thang chad pa ni rna shal gyi nad rgyud can zhes bya'o/ /skyid pa 'am sdug ma myong ba'i rna shal phug ste skrangs pa las ma gsos na de ma thag shas cher skrang zhing 'phel bar 'gyur ba dang /nad dang bcas pa dang / me tog pa ri po Ta ltar rtsa dmar ba yin te/ de ni pa ri bo Ta na zhes bya ba'i rna shal gyi nad ces bya'o/ /rna cha shin tu lci bas rna ba grang ste khrag dang mkhris pa skyed de mdog dmar ba dang / sngo bsangs su 'dug pa dang /na ba dang / tsha 'ur 'ur po dang / myur du smin pa dang / skrang pa dang / 'brum bu dang / 'brum bu phra mo dang / rnag dang ldan pa de ni ud pa da zhes bya ba'i rna ba'i nad yin no/ /rlung dang bad kan las gyur pa'i rna shal gyi nad kyi rtags ni skrang zhing nad med pa dang /sra zhing gyong ba dang / nad gzhi rang gi mdog tu snang ba de ni u man tha zhes bya ba'i rna shal gyi nad ces bya'o/ /rna shal phug nyes te brgyangs pa las 'dus pa'i nad 'byung ste de yang g.ya' ba dang / tsha ba dang / skrang ba dang / myur du smin pa de ni sdug bsngal skyed pa zhes bya ba'i rna shal gyi nad ces bya'o//de ltar rna shal gyi nad de gso ba ma byas te/ yal bar bor na ni bad kan dang khrag las gyur ba'i 'brum bu phra mo 'byung zhing de yang rnags pa dang / g.ya' ba dang / nad dang bcas te srog chags phra mo skye zhing rnag ldag cing bza' ba yin te/de ni rna shal gyi nang srog chags phra mos zos pa'i rna nad ces bya'o/ /de ltar rna ba'i nad kyi bye brag nyi shu rtsa lnga bshad pa las 'dus pa las gyur pa'i rna ba'i nad pi pi ling lta bu zhes bya ba dang / bi da ri zhes bya ba dang / 'khums shing zhum pa zhes bya ba dang /bzhi po 'di dag ni gsor mi rung ngo / /pi wang gi rgyud lta bu zhes bya ba'i rna nad ni mi la ba tsam du gsor rung ngo / /lhag ma rnams ni ci rigs par sman gyis gso bar bya'o/ /rna nad kyi dmigs brtags pa'i le'u ste bcu bdun pa rdzogs so// // de nas rna ba'i nad gso bar bya ba'i le'u bshad par bya ste/ de la rlung las gyur pa'i rna ba'i nad la ni thog mar sha khu blud la de'i nub mo rlung 'joms pa'i sman dang sbyar ba'i mar blud do/ /de nas dugs byas la de'i 'og tu a shwad+tha dang / bil ba dang / arka dang / e raN+Da dang /de rnams kyi 'o ma gang yang rung ba'am/ yang na la phug dang / gu gul gang yang rung ba 'bru dang / rgyam tshwa dang bsgos te/ kham phor kha sbyar gyi nang du cho ga bzhin du btsos la/ tshos pa dang phyung la btsir ba'i khu ba dro 'jam gyis rna ba dgang ngo / /yang na dar ba la sogs pa rlung 'joms pa'i sman gyi sde tshan dar ba skyur po dang /zho ga chu dang / rtsab mo la sogs pa'i skyur dang / ba dang / ma he la sogs pa'i gcin dang / snum chen po bzhi dang / de rnams dang lhan cig bskol te/ mar lus pa las rna bar blugs na rna ba'i zug gzer shin tu mi bzad pa yang sel to//yang na rtsa ba chen po lnga gang yang rung ba'i shing gi thor to sro ma'i ras kyis dkris la til mar gyis bskus te/ me'i nang du bsregs pa'i snum gyi thigs pa blugs na de ma thag rna ba'i zug gzer 'joms so/ /yang na thang shing dang /ru rta rnams las gang yang rung ba'i cho ga gong ma bzhin du byas na yang phan yon de dang 'dra'o/ /rlung nad dang rlung gi chom pa gso ba thams cad kyang 'dir byas na phan no/ /de la rlung gi rna nad can gyis chu la sogs pas mgo bskru ba dang / chu grang mo'i btung ba nyin par yang spang bar bya'o//mkhris pa las gyur pa'i rna ba'i nad la ni kha ra dkar po dang bcas pa'i mar gyis snum chos byas la/ mkhris pa la phan pa'i bkru sman gtang ngo / /rgun 'bru dang / shing mngar 'o ma dang lhan cig bskol te rna bar blugs na rab tu bsngags so/ / shing mngar dang / dUr ba dkar po dang / tsan+dan dkar po dang / pu shel tsi dang / bung chang rdo dang / seng phrom dang / dzi ba ka dang / pad+ma'i rtsa lag dang / pad+ma dang / btsod dang / thal tres dang / 'di rnams shing mngar bskol ba'i khu ba srang sum cu rtsa gnyis dang /de'i nyis 'gyur gyi 'o ma dang / til mar srang brgyad dang de rnams tshul bzhin du bskol te/ mar lus pa las rnar blugs pa dang / rna bar dgang ba dang / bsku byug tu sbyar na rna ba'i zug gzer dang tsha ba sel bar byed do/ /yang na sbrang rtsi nyi tshe'i cho ga de ltar byas na yang phan yon de dang 'dra'o//yang na gong gi sbyor ba'i sman shing mngar la sogs pa mar dang lde gur byas te/ rna ba'i phyi nang du byugs na yang phan no/ /bad kan las gyur pa'i nad la ni pi pi ling mar dang lhan cig bskol ba blugs la thog mar slon sman bya'o//gang yang bad kan la phan pa'i dud pas btang ba dang / sna sman btang ba dang / mkhur bar bcang ba dang / dugs bya ba la sogs pa yang sbyar ro/ /sgog skya dang / sge'u gsher dang / na le sham dkar po dang / mu rang ga dang / la phug dang / chu shing dang de rnams gang yang rung ba'i khu ba dro 'jam tsam dang sbyar ba rna bar blugs pa thag gi zad nas phyir pho ba na rna ba'i nad sel to/ /yang na arka'i myu gu skyur ba gang yang rung ba dang btags te/ 'bru mar dang / rgyam tsha dang ldan pa'i nang du shri khaN+Da'i sdong bu'i dbus su phug ste/arka'i lo mas g.yogs la kham phor kha sbyar gyi nang du bcug ste me la btsos te khu ba btsir bas rna bar blugs na/ rna ba'i zug gzer 'joms pa'i mchog yin no/ /yang na ma du lung ga dang ka pid tha gang yang rung ba'i khu bas rna ba bkang na yang phan no/ /yang na tshwas rna ba bkang la rgya mtsho'i lbu ba'i phye mas gdab pa byas na yang phan no//yang na ra dang lug gi gcin dang 'od ma'i shun lpags til mar dang lhan cig bskol la blugs pa 'am/ yang na yungs mar shing kun dang / g.yer ma dang / dong gra rnams lhan cig bskol la blugs pa dang /sbyor ba de dag gang yang rung ba byas na yang phan no/ /de la khrag las gyur pa'i rna ba'i nad la ni mkhris pa gso ba thams cad bya ste/ khyad par du gtar ga byas na phan no/ /rna ba'i zug gzer nad smin te rnag 'dzag pa la ni dud pas bdug pa dang /sman mkhur bar bcang ba dang / sna sman rnams sbyar ro/ /de bzhin du gang yang rma 'khyims pa dang / red pa'i cho ga thams cad kyang 'dir sbyar ro/ /sman gyi lde gus rna bar byugs la ras bal gyi ye 'us nyin re lan gnyis su phyi zhing dag pa dang / gu gul gyi dud pas bdugs la sbrang rtsis rna ba dgang bar bya'o//yang na bye'u rug pa'i sde tshan bskol ba'i khu ba ras bal gyi ye'u las bsgos la rna ba'i nang du chub par bskul zhing bye'u rug pa'i sde tshan gyi phye mas gdab po/ /gang gis rna ba la zug gzer dang / rnag dang / lci ba yod pa de la sde tshan gyi cho ga de dag gis zhi bar byed do zhes drang srong rnams kyis bshad do//pri yang ku dang / shing mngar dang / am pas+tha dang / da ta ki dang / ut+pa la dang / 'dab ma rnam bzhi dang / btsod dang / seng phrom dang / rgya skyegs dang / de rnams ka pid ta'i rang gi khu ba dang /til mar lhan cig bskol te rna bar blugs na rnag khrag zag pa zhi bar byed do/ /rna ba'i nad sgra can dang / 'on par gyur pa gnyis la ni chu las gyur pa'i rna nad kyi gso ba thams cad 'di la sbyar ro/ /rna ba'i nad sgra can dang 'on pa gnyis bad kan dang bcas pa yin na ni dang po slon la sogs pas bad kan sbyangs la de'i 'og tu e raN+Da dang /shi kru dang / la phug gzhon nu dang / de rnams kyi lo ma bskol ba'i khu ba dang / de'i bzhi 'gyur gyi til mar dang / de'i brgyad 'gyur gyi 'o ma dang / shing mngar dang / ra mnye ba'i phye ma dang de rnams lhan cig bskol te mar lus pa las rnar blugs pa dang / bsku byug dang / rna ba bkang ba la sogs pa byas na rna ba sgra dang bcas pa dang / 'on pa dang / zug gzer rnams nges par 'joms so/ /yang na bong nga dkar po dang / shing kun dang /shu ti dang / skyer pa'i shun pa dang / swa rdzi ka'i thal ba dang / tsha ba gsum dang / til mar dang / til mar gyi bzhi 'gyur gyi tshwa dang de rnams lhan cig bskol te mar 'ba' zhig lus pa las rna bar blugs na rna ba zug pa dang / chu ser 'dzag pa dang / rna ba 'on pa dang /sgra dang bcas pa sel to/ /rna ba sgra za zi zer ba la ni yungs mar gyis rna ba bkang na phan no/ /la phug skam po dang / bca' sga bsregs pa'i thal ba dang / shing kun dang / bca' sga dang / shu ti dang / shu dag dang / ru rta dang / skyer pa dang / shi kru dang /skyer khaN+Da dang / kha ru tsha dang / ya bak+Sha ra dang / sardzi ka'i thal ba dang / lan tshwa khrol bu dang / rgyam tsha dang / gro ba'i dud pa dang / rtsal ru tsha dang / gla sgang dang / de rnams til mar dang / de'i bzhi 'gyur gyi dgun tshwa dang / kha lung gi khu ba tsha dang mnyam pa dang de dang mnyam pa'i chu shing gi khu ba dang lhan cig bskol te mar lus pa las rna bar blugs pa byas na rna ba g.ya' ba dang /sgra dang bcas pa dang / rna ba 'on pa dang / rna ba 'dzag pa dang / zug gzer che ba dang / srin bu yod pa de rnams gso dka' ba yang thal sman gyi til mar zhes bya ba 'dis myur du 'joms par bya'o//mchog tu kha dang so'i nad la bsngags te/ rna ba phug ste tshor ba med pa la ni rna ba'i nye 'khor las gtar ga bya'o/ /rna ba skrang zhing rnag dang bcas te gsal por mi thos pa la ni skyug sman byas na phan no//byis pa dang rgan po 'on te lo grangs du ma lon pa la ni spang bar bya'o/ /rna ba thog ma smin cing 'jam par bya ba'i phyir snum dang dugs res kyis bya ste/ de'i 'og tu ras kyis rna ba'i nad dag par bya'o/ /de nas 'bru mar gyis rna ba gang bar byas na phan no/ / sbyor ba de dag ni rna spabs kyis gang ba dang / bad kan can la sbyar ba yin no/ /rna ba skrang ba ni rnar blugs pa'i sman dang / mkhur bar bcang ba dang / du ba brngub pa dang / gang yang bad kan 'joms pa'i sman tsha ba dang / dro ba'i byug pa la sogs pa thams cad byas na phan no//rna ba rnag 'dzag pa dang / srin bu can gnyis la ni rna ba rnag 'dzag pa'i sbyor ba thams cad sbyar ro/ /rna nad srin bu can gnyis la ni khyad par du yungs mar tsha bas blugs na phan no/ /rna ba'i nang nas 'bras byung ba la ni dang po slon byas la/de'i 'og tu gso ba ni khong 'bras kyi gso ba ji lta ba bzhin du mkhris pa'i rna nad kyi gso ba yang de dang sbyar ro/ /rna ba'i nad thor bu dang 'brum bu byung ba la ni sna'i 'brum bu'i gso ba thams cad bya'o/ /rna nad bi da ri ka zhes bya ba de smin kyang rung ma smin kyang rung ste nad gzhi ji lta ba bzhin du brtags te rna ba'i 'bras nad kyi gso ba yang thams cad bya'o//rna shal skam pa'i nad la ni rlung gi nad kyi gso ba ji lta ba bzhin du rnar blugs pa dang / byug pa la sogs pa ci rigs su sbyar ro/ /de ltar byas la legs par zhen pa dang /rna shal til mar gyis bskus la/ pi ya la'i sa bon dang / shing mngar dang / a shwa gan d+ha dang / nas dang de rnams kyi rna drung dang / rna shal la bsku zhing dril lo/ /de'i 'og tu sha rgyas shing 'phel bar bya ba'i phyir bsku byug rtag tu bya'o//nye'u shing dang / a shwa gan d+ha dang / pa ya s+ya dang / e raN+Da dang / dzi ba ka dang de rnams 'bru mar dang 'o ma dang lhan cig bskol te mar lus pa las ran par 'thungs na/ rna ba'i rna shal 'phel zhing rgyas par 'gyur ba'i mchog yin no//yang na 'tsho byed kyi 'bru mar dang / 'o ma dang / yul ser che ba la gnas pa'i srog chags kyi sha bskol bas bskus na rna drud rna shal sha skye bar 'gyur ba'i mchog yin no/ /rna cha lci bas bu ga 'ol du cha ba la ni mtshon gyis bcad de rma sbyar la yang sha skye ba'i gso ba bya'o//pi wang gi rgyud lta bu'i rna nad la yang / mi la ba tsam du gsor rung ba'i cho ga bya'o/ /me tog pa ri po Ta zhes bya ba'i rna nad kyi gso ba yang de ltar bya'o/ /ut+pa da zhes bya ba'i rna ba'i nad la ni srin bu pad pas khrag 'jib tu gzhug cing bsil ba'i nus pa dang ldan pa'i sman gyis byug par bya'o//shing 'dzam bu dang / a mra'i lo ma dang / ba bla dang / shing mngar dang / seng phrom dang / til dang / btsod dang / ut+pa la dang / ka tam pa dang / thal tres dang / de rnams til mar dang / til mar gyi bzhi 'gyur gyi rtsabs skyur po dang lhan cig bskol te mar lus pa las bsku byug bya ba'am/yang na me dbal gso ba'i skabs nas 'byung bas bsku byug bya'o/ /un man tha zhes bya ba'i rna ba'i nad la ni srog chags go d+ha dang / kar ka Ta dang / de gnyis kyi zhag dang / ta la'i lo ma dang / a shwa gan d+ha dang /arka dang / so ma ra tsa'i sa bon dang / rgyam tshwa dang / bye'u rug pa dang / lang ga li dang / til mar rnams lhan cig bskol ba las mar lus pas bsku byug dang sna sman rnon po yang gtang ngo / /rna shal phug nyes pa'i rna ba'i nad la ni a sman ta dang / 'dzam bu dang / a mra gsum gyi lo ma bskol ba'i khu ba blugs par bya ste de'i 'og tu til mar gyis bskus la/ shing mngar dang / btsod dang / pra puN+Da rI ka dang / yung ba dang / 'di rnams zhib tu btags pa'i phye mas gdab po/ yang na rgya skyegs dang / til mar sbyar bas bsku byug byas na phan no//srog chags srin bus zos pa'i rna nad la ni ba lang gi lci ba'i dugs mang du byas la/ byi dang ga'i snying po btags pa'i phye ma be'u mang du btsas pa'i gcin dang sbyar te bsku byug mang du bya'o/ /yang na dug mo yungs dang / shing ing ku ta dang /ka rany+dza'i sa bon dang / dong ga'i shun pa dang / de rnams kyi phye ma ba gcin dang lde gur byas te byug go/ /yang na sman gong ma de nyid kyi steng du nim pa'i lo ma dang / na le sham dang / sbrang rtsi'i tshigs ma dang / de rnams yungs mar dang lhan cig bskol bas rma byung ba la bsku byug bya'o//rna ba stobs kyis drangs te 'ol ba la ni thog mar lus dag par bya ste/ ji ltar sbyor ba'i thabs su mtshams sbyar ro/ /rna ba 'ol ma thag pa la ni khrag dag pa des de ma thag sbyar la de nas slon khrus kyis lus dag par bya'o/ /de'i 'og tu rna drung gi skra tshoms nas bcings te/de nas mtshon gyis rna shal bcad pa dang / bzhar la ci rigs par mthon dman med par legs par sbyar la/ zhun mar dang sbrang rtsis byugs la ras bal gyis glan te/ skud pas mi dam mi lhod par bcing ngo / / de nas gtar ga'i cho ga bzhin du khrag dbyung ste/ rma la phan pa'i sman gyi phye ma yang gdab par bya'o/ /gso ba gzhan dag ni rma gso ba'i cho ga ltar bya'o/ /de nas zhag bdun lon pa dang / 'bru mar ma tshos pas bskus la ras bal gyis glan pa dal bus bkrol lo/ /de nas rma 'drubs te mthon dman med cing brtan la snga ma ltar sor chud cing nad med pa lta na bu ga yang rim gyis brgyang ngo //nya lcibs dang / kha sral phre'u dang / ser po rnam gnyis dang / bri ha ti'i 'bras bu dang / a shwa gan d+ha dang / ba la dang / hasti pi pi ling dang / yungs kar ser po dang /ka sha ta ki dang / a shwa ma ra dang / ru shi dang / shing lo ma bdun pa dang / 'di rnams kyi rtsa ba dang / tshud tsun d+ha ri zhes bya ba na da mu shi dang / sa nag po dang / sbrang ma'i mkhar dang / bye'u dang / chu las skyes pa'i srin bu pad+ma'i sha dang / seng phrom dkar po'i rtsa ba dang /'di rnams cham chom du brdungs te/ til mar dang / ma he'i mar dang / rta dang / glang po che'i gcin dang ches rab tu bskol te mar lus pa las rna bar bskus na/ rna ba'i bu ga skyed cing 'byor pa'i mchog yin no/ /de la skyes bu na tshod la gnas pa gang zhig gi rna ba chad par gyur na thog mar lus dag par byas la/de'i 'og tu gso bar bya ste/ rna ba'i rma ci tsam pa'i bdag nyid mkhur tshos kyi pags pa shing shun bshus pa bzhin du bshus la sha ma snad par bya ste/ rna ba'i phyogs kyi pags pa'i zur mi bcad par rna ba'i rma la bskus te/de nas rna ba'i rma legs par bzhar la mkhur tshos kyi pags pa bshus ma thag pa gsar pas glan te/ ras skud phra mos legs par btsems la ras kyis dkris la gzhag go/ /dbugs bde bar 'byung bar bya ba'i phyir shing bu sbu gu can gnyis kyi tham bu bcug la gzhug go//de'i 'og tu til mar tshos pas bskus la/ de nas rma shing dang / shing mngar dang / stang zil dang / gzhan yang gtar ga'i gso ba'i sman rnams zhib tu btags pa'i phye mas gdab po/ /bcings pa'i steng nas sbrang rtsi dang mar sbyar bas bsku'o/ /nye bar spyad pa thams cad kyang chu dron pos bya'o//gso ba gzhan rnams nad gzhi'i bye brag shes par bya ste/ de dang mthun par rma gsar pa gso ba'i cho ga thams cad 'dir bya'o/ /de ltar rma legs par 'drubs nas rna ba'i nye 'khor gyi sha 'phyang ba dang / lhag pa ltar snang yang legs par bcad de yang mtshams zhib tu btsem mo//gang du dma' 'am bshor ba ltar snang na ni skyed de/ rna ba'i dbyibs ci rigs par legs par sbyar ro/ /rna ba de ma thag gsar du chad pa yin na yang cho ga de ltar bya'o/ /rna ba'i tham bu'i shing gnyis kyang mchu'i drang thad nas rna ba'i dbyibs mi nyams pa'i phyir drang por legs par gzhag go//rna ba'i nad gso ba'i le'u ste bco brgyad pa rdzogs so// //de nas sna nad kyi dmigs brtags pa'i le'u bshad par bya ste/ de la sna nad cham pa zhes bya ba'i rgyu ni kha sbub tu nyal ba dang / sna'i nang du rdul zhugs pa dang /drag tu smra ba dang / nyin par gnyid log pa dang / nub mo gnyid ma log pa dang / gos ngan pa dang / yang na gos lci ba gyon pa dang / dro ba'i rjes la chu grang 'thung ba dang / nyal po dang / lam gyis dub pa'i 'og tu chu mang du 'thung ba dang / skyug pa dang / mchi ma 'byung ba bkag pa'i rgyus rlung nad shas cher 'khrugs par 'gyur te/ sna chu 'dzag cing cham pa skyed pa yin no/ /de gso bar ma byas na klad pa zad par byed do/ /de la rlung las gyur pa'i sna nad cham pa'i mtshan ma ni gdong skem pa dang / sbrid pa drag tu 'byung ba dang /sna subs shing na ba dang / so dang mur 'gram dang / klad pa na ba dang / smin ma'i steng du grog ma rgyu ba snyam byed pa dang / skad zhen pa dang / myur du ma smin pa dang / sna nad mchil ma dang snabs bsil bar 'dzag pa yin no/ /de la khrag dang mkhris pa las gyur pa'i mtshan ma ni/skom dad che ba dang / lus tsha ba dang / sna'i phyi nang du 'brum bu phra mo 'byung ba dang / sna'i rtse mo btses pa 'dra ba dang / mgo 'khor ba dang / 'dzag pa yang mdog dmar ba dang / ser ba yang yin no//bad kan las gyur pa'i sna nad kyi mtshan ma ni kha zas yi gar mi 'ong ba dang / dbugs mi bde ba dang / lus lci ba dang / skyug pa dang / kha mngar mi bro ba dang / g.ya' ba dang / snum pa dang / 'dzag pa dkar zhing ska ba rnams yin no/ /'dus pa las gyur pa'i sna nad kyi mtshan ma ni nad ldang dub tu byed pa rnams yin no//khrag ma rung bar sna'i rtsa slubs kyi nang du zhugs nas cham par gyur pa'i mtshan ma ni brang gi nang bem bem por gyur pa dang / mig dmar ba dang / dbugs dri mi zhim pa dang / sna g.ya' ba dang / mchi ma dang sna chu 'dzag pa dang gzhan yang mkhris pa'i mtshan nyid kyang 'dir lta'o//sna nad cham pa de dag kun yal bar bor te gso bar ma byas na ni shas cher 'phel bar 'gyur te/ gong du bshad pa'i nad de dag pas tshabs cher skyes nas dbang po rnams gzir bar 'gyur te me drod nyams pa dang /tsha ba che ba dang / dbugs mi bde ba dang / lud pa dang / brang dang / rtsib logs su zug cing na ba dang / glo bur du nad mang du 'khrug cing kha dri mi zhim zhing skam pa dang / sna'i nang rul ba dang / skem pa dang / snabs btsir na 'gag cing mi phyin pa dang / 'dzag pa yang ril ril por rnag 'dra bar 'byung zhing de yang dkar ba dang /gnag pa'i mdog tu srin bu dang bcas pa 'byung zhing / srin bu de yang snum zhing ring ba dang dkar zhing phra ba rnams yin te/ de nyid smin pa'i mtshan ma ni lus yang ba dang / sbrid pa zhi ba dang 'dzag pa yang 'jam zhing ser ba dang /dri dang ro mi tshor ba rnams yin no/ /de la dud pa rnon po brngubs pa dang / nyi ma'i 'od kyis shas cher phog pa dang / skud pa dang rtsa la sogs pas snad pas sna'i rmen bu rnyi ma ma rung bar byas pas rlung 'khrugs te rtsa sgo 'gags shing / sna'i sum mdor rlung zhugs te drag tu sbrid pa 'ong zhing sna chu 'dzag pa yang yod do//sna'i sbubs su 'dzag pa rlung gis bskams te/ nang du gra mas gang ba snyam sems shing dbugs bde bar mi phyin te 'byung dka' ba dang / sna bus pa bzhin du gang bar 'gyur te/ de ni sna nad skam pa zhes bya'o/ /sna'i nang du bad kan gyis rlung bkag ste reng bu sra bas gang ba snyam sems shing /dbugs kyi 'byung rngub bkag nas rgyun srang rnams dogs par gyur pa'i nad kyang yod do/ /mkhris pas sna nad smin te sha dang / pags pa zug gzer dang bcas shing 'dzag pa chu dang 'dra ba sla bar 'byung ste/ khyad par du nub mo 'dzag pa de ni sna nad smin pa 'dzag pa zhes bya'o/ /bad kan shas che ba'i sna nad kyi rtags ni sna'i rtsa rgyun 'gags pa dang / dbugs sgra dang bcas par 'byung ba dang / snga ma bas ches sna chu 'dzag pa dang / nad smin pa dang / sna sbubs nas rnag ska ba dang / ser ba mchi ma 'dzag pa bzhin du rgyun du 'byung ste/de yang spyi bag tu 'byung zhing 'dug pa yin no/ /khrag ma rung ba'i sna nad skyes pa'i rtags ni sna'i phyi nang rab tu tsha ba dang / reg na mi bzod pa dang / dbugs 'byung ba yang tsha zhing dku ba 'byung ba yang yin no/ /rkan phugs su nad gzhi 'khrugs te/rlung dang bad kan dang bcas pa'i rnag sna dang kha nas 'dzag cing 'byung bar 'gyur te/ de ni sna nad rnag can zhes bya'o/ /'dus pa las gyur pa'am/ glo bur du snad pa las gyur kyang rung / rnag dang khrag sna'i sgo nas 'dzag cing spyi bo tsha ba de ni sna nad rnag khrag can zhes bya'o//mkhris pa dang bad kan gyi rgyun srang rlung gis 'gags te/ sna nang gi 'dzag pa rnams bskams nas bsgongs pa skam po de ni bad kan bsgongs pa zhes bya'o/ /sna nad thor bu dang 'brum bu can zhes bya ba ni/ nad gzhi dang mthun pa'i mdog tu snang ba'i 'brum bu 'byung la/de thams cad dbugs 'byung dka' zhing sna chu 'dzag pa dang / sbrid pa rtag tu 'byung ba dang / sna skad du subs par smra ba dang / rnag 'dzag pa dang klad pa na ba rnams yin no/ /de rnams ni rnam pa bco brgyad de/ de las gang yang rung ba'i gso ba ma byas na ni nad 'phel zhing thu bar 'gyur ro//sna nad kyi dmigs brtag pa'i le'u ste bcu dgu pa rdzogs so// //de nas sna nad gso ba'i le'u bshad par bya ste/ de la sna nad cham ba thams cad la/ thog mar nad pa rlung med pa'i khang par bzhag ste/snum chos dang / dugs dang / slon dang / du ba brngub pa dang / mkhur bar bcang ba de rnams bsten la/ gos kyang lci zhing dro ba dang / mgo la thod chen po bcing ba dang / kha zas yang ba dang / skyur ba dang / lan tshwa dang / snum pa dang / dro bag dang /mi sla ba dang / skam sa'i sha dang / bu ram dang / 'o ma dang / mon sran tsa na ka dang / zho dang se'u 'bru dang / tsha ba gsum shas che ba'i g.yos su sbyar ba dang / nas dang / gro shas che ba'i g.yos kha zas dang / la phug gzhon nu dang / rgya sran ku lang+tha'i khu bcud kyang rab tu bsngags so//rtsa ba bcu pa bskol ba'i khu ba dro 'jam tsam mam/ chang rnying pa btung bar blud do/ /tsa rong dang / ag+ni man+tha dang / shu dag dang / zi ra dang / zi ra nag po dang / de rnams kyi phye ma dang snum sbyar bar bya'o/ /tsha ba gsum dang / bal bu'i lo ma dang /dbyi mo dang / da trig dang / star bu dang / tsi tra ka dang / zi ra dang / de rnams srang gnyis gnyis dang / shing tsha dang / sug smel dang / gan d+ha b+ha dra de dag srang phyed phyed dang / bu ram rnying pa srang lnga bcu dang tshul bzhin du bskol te ri lur byas pa zos na sna nad cham pa dang /dbugs mi bde ba dang / lud pa lu ba rnams 'joms te/ yi ga 'bye ba dang / skad snyan par byed pa'i mchog yin no/ /shu ti'i shun pa dang / ba la dang / so na ka dang / e raN+Da dang / bil ba dang / dong ga de rnams kyi rtsa ba dang / zhag dang mar dang spra tshil dang sbyar ba'i dud pas bdugs pa'am/yang na kham phor kha sbyar chung ngu'i nang du mar dang phye bsres pa bcug la bsregs pa'i dud pas bdugs na phan no/ /sna nad can gyis spang bar bya ba ni lus bkru ba dang / lus gtsang sbra spyod pa dang / shas cher ngal ba dang / chu grang mo rnams spang bar bya'o//de la rlung las gyur pa'i sna nad cham pa la ni rlung 'joms pa'i sman dang bskol ba'i mar ram/ lan tshwa rnam lnga'am/ sman bi da ri'i sde tshan nam/ de dag gang yang rung ba mar dang bskol ba blud pa'am/ de bzhin du dugs dang sna sman la sogs pa byas te/ klad pa phyed na ba'i sman yang 'dir sbyar ro//de la mkhris pa dang khrag las gyur pa'i sna nad la ni sman mngar ba'i sde tshan dang / mar lhan cig bskol ba blud pa dang / de bzhin du sman gyis blugs pa dang / byug pa yang sman bsil ba'i nus pa dang ldan pa la sbyar ro/ /sman dra ba'i shun pa dang / 'bras bu gsum dang / khre dang / shing par+Ni dang / shing mngar dang / seng phrom dang / til mar dang / de'i bcu 'gyur gyi 'o ma dang / skyer pa dang de rnams lhan cig bskol te mar lus pa las sna sman gtang bar bya'o/ /bad kan las gyur pa'i sna nad la ni smyung bar 'dug pa dang / yungs kar gyi 'dag gus mgo la byug pa dang / ya bak+Sha ra mar dang bcas pa blud de slon du gzhug go/ /lan tshwa dang / tsha ba gsum dang / byi dang ga dang / dug mo yungs dang / zi ra dang de rnams ra gcin dang btags te snar blugs par bya'o/ /'dus pa las gyur pa'i sna nad cham pa la ni sman tsha ba dang /rno ba dang sbyor ba'i mar gyis snar blugs pa dang / mkhur bar bcang ba rnams byas na/ gcong chen po dang / srin bu'i nad dang / sna nad ma rung ba rnams sel to/ /tsha ba gsum dang / e raN+Da dang / byi dang ga dang / thang shing dang / bong nga dkar po dang / ru rta dang / ing gu ta dang / bar ta ka'i sa bon dang / shing nye rong dang / yungs kar dang / pu ti mad tsha ga dang / ag+ni man+tha'i me tog dang / pi lu dang / na le sham dkar po dang / rta rtug btsir ba'i khu ba dang / de'i gcin dang / glang po che'i gcin dang de rnams lhan cig sbyar ba'i 'dag gus zar ma'i skud pa la bsgos te reng bur byas la/de'i dud pas sna dang / khar brngubs na phan no/ /sbrid pa mang du 'byung ba dang bad kan snar bsgongs pa gnyis la ni sman rnon po bud par byas na phan no/ /bca' sga dang / ru rta dang / pi pi ling dang /byi dang ga dang / rgun 'bru dang de rnams bskol ba'i nang du sman de nyid kyi phye ma dang / mar ram til mar gang 'byor pa dang yang bskol te/ mar lus pa las sna sman btang na/ sbrid pa mang du 'byung ba dang bad kan bsgongs pa sel to/ /sna skam pa la ni 'dru mar gyi bza' ba dang btung ba la sogs pa byas te sha khu dang sbyar ba gtang ngo //de bzhin du ba la'i mar gyis snum chos dang bdug pa dang / dugs la sogs pa sna bus pa ltar gang ba la yang de ltar bya'o/ /sna nad dbugs tsha zhing dku ba la ni mkhris pa 'joms pa'i sman dang /sna sman rnon po la sogs pas sna chu 'dzag go/ /sna nad rnag can la ni bad kan gyi sna nad kyi gso ba rnams bya'o/ /yang na thog mar slon bya ste/ de'i 'og tu rgya skyegs dang / ka rany+dza dang / na le sham dang / byi dang ga dang / shing kun dang / pi pi ling dang / bu ram dang / de rnams lug gi gcin dang btags te sna sman gtang ngo / /yang na shi kru dang / bri ha ti dang / dan ti dang / tsha ba gsum dang / lce myang tsha dang / byi dang ga dang / bye'u rug pa dang de rnams til mar dang sbyar te/ sna sman byas na mchog tu phan no/ /sna nad khrag can zhes bya ba la ni khrag las gyur pa'i sna nad kyi gso ba ltar sbyar ro//sna nad thor bu dang / 'brum bu can zhes bya ba shas cher skyes pa la ni rma 'khyims pa'i gso ba ji lta ba bzhin du bya'o/ /de bzhin du dan ti dang / shing nye rong dang / rgyam tsha dang / ldong ros dang /pi pi ling dang / tsi tra ka dang / de rnams btags pa'i phye ma mar dang sbrang rtsir sbyar ba'i reng bu byas te snar bcug na phan no/ /gzhan yang shing kun la sogs pa'i sna sman yang de ltar sbyar te/ lhag ma sna nad khrag can gyi gso ba yang 'di la sbyar ro//sna nad gso ba'i le'u ste nyi shu pa rdzogs so// //de nas kha nad kyi dmigs brtag pa'i le'u bshad par bya ste/ nya dang / ma he dang / phag dang / de rnams kyi sha zos pa dang / la phug rjen pa zos pa dang / mon sran sde'u'i tshod ma dang / zho dang / 'o ma dang / hwags dang / de dag bsten pa dang / khas bub tu nyal ba dang / so shing gis snad pa dang / dud pa dang / skyug pa dang / mkhur ba na ba'i sman nyes pa dang / gtar ga nyes pa ste/ rgyu de dag gis bad kan shas cher 'khrugs nas kha'i nad skyed pa yin no/ / de la rlung las gyur pa'i mchu nad 'gas shing dum bur song ba yod de/ de ni mchu 'gas pa'i nad ces bya'o/ /yang na rlung gis mchu rengs shing zug gzer dang bcas pa de ni rlung gi mchu nad ces bya'o/ /mchu drud cing dral ba snyam byed pa dang / reg na rtsub po rud rud por 'dug pa dang /mdog gnag pa de ni mchu gshags pa lta bu'i nad ces bya'o/ /mkhris pa'i mchu nad kyi rtags ni kha zas rno ba za mi 'dod pa dang / 'brum bu phra mo ske tshe'i 'bru lta bus khyab par 'dug pa dang / de yang myur du smin cing mang du rnags pa yin no/ /bad kan las gyur pa'i mchu'i nad kyang grang ba mi bzod pa dang /lci ba dang / skrang pa ltar 'dug pa dang / 'brum bu dkar pos khyab pa ltar 'dug pa yin no/ /'dus pa las gyur pa'i mchu nad ni/ mdog sna tshogs su 'dug pa dang / dring ba dang / spyi bag tu 'dzag pa dang / glo bur du mdog nag por 'gyur ba dang /skrang pa dang / smin pa mi snyoms pa yin no/ /khrag 'khrugs pa las gyur pa'i mchu nad ni mdog dmar ba dang / khrag zad pa dang / 'bra go 'dra ba'i thor bu 'byung ba yin no/ /sha las gyur pa'i mchu nad ni sha'i 'brum bu mchu la snang zhing rim gyis srin bu skye ba yin no//tshil las gyur pa'i mchu'i nad ni skrang zhing rnags te 'bru mar lta bur 'dzag pa dang / g.ya' ba dang bcas shing reg na 'jam pa yin no/ /snad pa las mchu nad du gyur pa ni mchu yang dang yang gshags shing bsdus pa snyam sems pa dang / g.ya' ba rnams yin no//rlung dang bad kan 'dres pa'i mchu'i nad ni chu bur lta bu'i 'brum nad ces bya'o/ /de la mkhur ba'i me dbal phra mo zhes bya ba ni skrang pa brtan zhing mkhur ba nyid tsha 'ur 'ur por 'dug pa yin no/ /de la rlung las gyur pa'i so nad ni dro bas reg na bde ba dang /grang bas reg na lhag par na ba dang / so zug gzer che zhing chag pa snyam byed pa yin no/ /de ni so nad grang zhing chag pa lta bu'i nad ces bya'o/ /rlung gis phog pa dang skyur ba'i zas kyis so brtse ste/ kha zas grang mo zos na sos mi bzod pa dang /skyur ba de nyid zos na nad dang bcas shing byung ba snyam byed pa de ni so brtse ba'i nad ces bya'o/ /so na zhing zug la bye zhing chag par 'gyur ba yang yod de de ni so bye ba'i nad ces bya'o/ /so 'gul zhing kha zas zos na cher na ba ni so 'gul ba'i nad ces bya'o/ /gang gi so brtsegs mar skyes pa ni so lhag gi nad ces bya'o//gang gi so lhag skyes pa'i dus su lhag par na zhing skyes phan chad zhi ba de ni so skyes pa'i nad ces bya'o/ /rlung dang bad kan gyis so skams pa 'am/ so'i dri ma ma bkrus pas dri mi zhim par 'gyur te/ de nyid yal bar bor na so nad kha ra lta bu zhes bya ba 'byung ngo //yang gang gi so dum bu dum bur yang dang yang gogs pa de ni so dum bur gogs pa'i nad ces bya'o/ /yang khrag dang mkhris pa dang / rlung gis so sngo bsangs su gyur pa de ni so nad sngo bsangs zhes bya'o/ /so'i rtsa bar rlung la sogs pa'i nyes pa 'khrugs te/so'i nang skams shing stong par byas nas dri mas gang bar 'gyur te/ de ni so rtsa'i nad khong stong zhes bya'o/ /yang so'i rtsa ba rnams su srin bu phra mo skyes nas ldang dub tu drag tu na ba dang 'gul ba de ni srin bu'i nad rnag can zhes bya'o/ /yang so phyung ba las rnag dang khrag 'dzag ste/de'i nang du srin bu skye ba ni so nad srin bu can zhes bya'o/ /gzhan gyi rgyu med par bad kan dang khrag gnyis kyis rnag dang khrag 'dzag la/ so'i rnyil rang 'bab pa dang / reg na 'jam pa dang / rul ba dang / mdog dkar bar 'gyur te/ de ni so nad khrag 'dzag pa zhes bya'o//grang zhing bsil ba'i nyes pas mkhris pa dang khrag skyes te smin pa dang / so'i rnyil tshos par byed pa dang / sha glo zhing khrag 'byung ba ste/ de ni u pa ko sha zhes bya ba'i so nad ces bya'o/ /so rtsi g.ya' ste khrag gis gang zhing khrag 'dzag pa de ni khrag 'dzag pa'i rnyil nad ces bya'o//so 'gul zhing zug gzer chung la kha rul bro ba de ni rul ba'i rnyil nad ces bya'o/ /bad kan dang khrag gi rgyus so gnyis sam gsum gyi bar du rgya shug gi tshi gu tsam skrangs pa de ni so'i nad sha 'bur ba zhes bya'o/ /nad gzhi gsum khrag dang bcas pas rnyil phyi nang du skrang zhing lci ba dang /na ba dang / tsha ba dang / brtol na rnag dang khrag 'dzag pa de ni so rnyil gyi 'bras nad ces bya'o/ /mkhris pa dang khrag gis so'i rtsa bar skrangs pa dang / na ba dang / kha chu 'dzag pa dang / rnyil rang nyid 'drul zhing 'byung ba de ni khong stong zhes bya'o//'dus pa las gyur pa'i so rtsa'i nad ni tsha ba dang ldan zhing rnag khrag 'dzag pa dang / so dang 'brel ba'i rgyus pa rnyid cing stong pa de ni so rtsa'i nad khong stong chen po zhes bya ba yin no/ /bad kan gyis so'i bar du sha'i gzer bu lta bur skrangs pa dang /'gram pa dang rna ba rab tu na ba dang / gso ba byas kyang mi rung ba de ni so'i sha lhag ces bya'o/ /glo bur du so shing la sogs pas snad cing reg pa las rnyil gyi nad drag cing che ba 'byung ste/ gong du so 'gul ba de ni bi da ri zhes bya ba'i so rtsa'i nad yin no/ /rnyil gyi nad de gso ba ma byas na ni gsor mi rung ba'i nad du 'gyur ro//kha'i nang du nad gzhi rnams kyis pags pa dang / sha dang rus pa rnams rul bar byas te/ nyes pa rnag dang bcas par rtsa sbubs phra mo nas yang dang yang 'dzag pa yod de/ de yang nad gzhi rnam pa lnga so so'i mtshan nyid bzhin du shes par bya'o//de la rlung las gyur pa'i lce'i nad ni lce rtsub pa sha kha'i lo ma 'dra ba dang / ro mi tshor ba dang / lce gas pa rnams yin no/ /mkhris pa las gyur pa'i lce'i nad ni tsha ba dang / sha'i 'brum bu mdog dmar pos khebs pa yin no//bad kan las gyur pa'i lce'i nad ni shing shal ma la'i tsher mas khebs pa lta bur 'dug pa dang lci zhing mthug pa dag yin no/ /bad kan dang mkhris par ldan pa'i lce'i nad ni lce'i 'og tu skrang zhing mtho ba dang / lce gyong ba dang / smin pa dang / nya'i dri bro ba dang /lce'i sha 'drul ba de ni lce nad a la sa zhes bya'o/ /lce'i 'og gi rtsar lce'i rtse mo 'dra bar skrang zhing sha'i myu gu skyes te kha chu 'dzag pa dang / lce rengs pa dang / reg na rtsub pa de ni bad kan dang mkhris pa dang khrag las gyur pa yin te/ de ni lce lhag ces bya ste/na zhing g.ya' ba dang / smra mi nus shing kha zas za mi nus par 'gyur ro/ /de dang 'dra bar lce phugs su yang lce lhag skyes pa yin te de ni lce'i steng na gnas pa yin no/ /de la rkan gyi sha nang du rlung 'khrugs te/ 'brum bu phra mo sra ba mang du mthug pa 'byung ste/de yang nad dang bcas shing 'dzag pa dang ldan pa de ni bad kan gyi 'brum bu zhes bya'o/ /rkan phugs su bad kan dang khrag 'khrugs te/ nya'i lgang pa 'dra bar skrang zhing 'og tu bab ste/ reg na 'jam pa dang / spyi bag tu 'dug pa dang / zas zos pa rnams sna nas 'byung zhing /lkog ma 'gag par byed pa dang / skom dad che ba dang / lud pa lu ba dang / skyug par byed de de'i ming ni lce'u chung gi nad ces bya'o/ /yang rkan gyi nang gi sha cher skyes te nad med pa de ni sha'i tshogs zhes bya ba'i nad yin no/ / rkan gyi phugs su pad+ma dmar po'i mdog dang 'dra bar skrangs pa de ni rkan gyi nad chu bur lta bu zhes bya'o/ /yang rkan gyi dbus su rus sbal gyi rgyab 'dra ba'i sha yun ring po nas 'phel zhing skye la nad med pa de ni bad kan las gyur pa yin te/ de ni rus sbal gyi rgyab 'dra ba'i nad ces bya'o//yang rkan la rgya shug gi 'bras bu lta bu'i 'brum bu nad med cing brtan par 'dug pa de ni bad kan dang tshil las gyur pa yin te de ni rkan gyi nad 'bur ba zhes bya'o/ /mkhris pa las gyur pa'i rkan gyi nad ni myur du smin pa dang / rnag 'dzag cing cher na ba de ni rkan nad smin pa zhes bya'o//rlung dang mkhris pa'i rkan nad ni tsha ba dang / bya rmyang byed pa dang / rkan skams pa de ni rkan skams pa'i nad ces bya'o/ /de ltar na rkan nad brgyad du bshad pa yin no/ /lce'i rtsa ba lkog ma dang 'brel pa'i nang du sha'i myu gu lta bur skyes te/myur du 'phel zhing mgul ba skem pa la 'phral ba dang / rna ba na ba de ni rlung las gyur pa yin no/ /sha lhag de myur du mi bzad par sra la rgyun srang rnams bkag nas 'dug pa de ni ro hi na zhes bya ste/ myur du ma gsos na srog la 'bab par 'gyur bas gso ba myur du bya'o//mkhris pa las gyur pa'i lkog ma'i nad ni tsha zhing rab tu na ba dang / skom dad che ba dang / rmongs bag tu 'dug pa dang / lkog mar dud pas bdug pa snyam byed pa dang / nad myur du 'phel ba dang / myur du smin pa dang /lhag par dmar ba dang / reg mi bzod pa dag yin no/ /bad kan las gyur pa'i lkog ma'i nad ni 'jam zhing dkar ba yin no/ /khrag las gyur pa ni 'brum bu phra mo me'i 'dab ma ltar dmar bas khyab pa dang / rna ba na bar byed pa dang mtshan ma gzhan ni lkog ma'i mkhris pa'i nad dang 'dra'o//'dus pa las gyur pa'i nad ni zabs su smin cing mtshan ma kun dang ldan pa yin no/ /bad kan shas che ba'i lkog ma'i nad ni rgya shug gi 'bras bu tsam du skrang zhing gong bur 'dug pa yin te/ de yang nang du tsher mas zug pa bzhin du na la rgyun srang 'gags pa de ni sha lu ka zhes bya'o//lkog ma'i nang du 'brum bu mtho zhing zlum pa 'byung ste/ de yang tsha 'ur 'ur por 'dug pa dang / rims kyis 'debs pa dang / lkog ma'i ngos gnyis su mched cing 'gram pa'i tshigs gnyis su brten pa dang /mgul ba'i nang du ras bal gyi 'bras bu 'dra bar 'dug pa de ni lkog nad brin da zhes bya'o/ /yang mgul ba'i nad nang skrang zhing reg na spyi bag tu 'dug pa de ni lkog ma'i nang du d+hi ke ri ka zhes bya'o/ /yang na lkog ma'i phyi nang du tshabs cher skrang zhing brtan pa dang /dra bas 'gul ba'i lam bkag pa dang / mgo lci ba dang / snyom pa dang / kha chu 'dzag pa dang / rims kyis 'debs par byed pa yin te/ de ni lkog ma'i nad gso dka' zhes bya'o/ /yang lkog ma'i nang du gdu bu ltar skrangs te/ de yang rgya che ba dang /mthon por 'dug la nad tshabs chung ba ni lkog ma'i nad gdu bu lta bu zhes bya'o/ /yang lkog ma'i nang du nad gzhi'i nyes pa dang / sha'i mdzer ba gcig gam mang yang rung skyes la/ de yang nad chung ba la ni sha mdzer lta bu'i lkog nad ces bya'o/ /nad kyis rtsa rnams su khyab ste dbugs shin tu dka' bas 'thon pa de ni lkog nad kyi la yu ka zhes bya'o//lkog ma'i nang du sha'i myu gu mang pos khyab ste/ shin tu skom dad che ba dang / tsha ba che ba dang / mgo bo na ba de ni sha'i myu gu lta bu'i nad ces bya'o/ /lkog ma'i nad sha'i reng bu lta bus lkog ma'i nang khyab ste/ tshabs cher na ba ni sha tag g+hi ne zhes bya'o//lkog ma'i nang du nad kyis myur du khyab pa dang / tshabs cher na ba dang / lkog ma'i nang du skrang ba dang / rnag dang 'dra ba 'dzag pa de ni lkog ma'i 'bras nad ces bya'o/ /lkog ma nas lce'i tha ma'i bar du smin mi shes par skrang zhing khrag dang bcas par brtan par byed pa de ni lkog ma'i nad rmen bu zhes bya'o//rlung dang bad kan dang tshil gyis skrangs pa yun ring po nas 'phel zhing / rlig pa bzhin du phyi rol du glo bar skye ba de ni lkog ma'i nad lba ba can zhes bya'o/ /yang na de nyid rtsa gnag cing shas cher na ba dang / rtsa sngo bsangs kyis khyab pa dang / lkog ma dang /rkan skams pa dang / lces ro mi tshor ba de ni rlung gi lkog ma'i nad ces bya'o/ /bad kan las gyur pa'i lkog ma'i lba ba ni brtan pa dang / mdog dkar ba dang / reg na grang ba dang lci ba yin te/ tshabs cher skyes na ni lkog ma dang rkan bad kan gyis rlung g.yos shing kha mngar ba yin no/ / bad kan dang tshil 'dres pa las gyur pa'i lkog nad lba ba cher skyes na ni drod med pa dang / lus la cher mched pa dang / sgra ngar ngar por 'don cing skad chung bar 'gyur ro/ /bad kan gyis rlung bkag ste mgul pa skams shing skad 'gags pa dang / ta mya 'khrugs pa dang / rtag tu dbugs mi bde ba yin te/de ni lkog ma'i nad skad nyams pa zhes bya'o/ /rlung gis kha'i nang kun du rma skyed de/ rma de yang mdog dmar skyar 'dug pa dang / rtsub pa dang / phan tshun 'pho ba dang / mchu shin tu dmar ba dang / pags pa 'gul ba dang / lces grang ba mi bzod pa dang / lce bsgul dka' ba dang /'gags pa dang / tsher ma gshibs pa ltar 'dug pa dang / lce 'byin par dka' ba de ni kha'i nad smin pa zhes bya'o/ /gzhang 'brum dang / skran dang / bad kan rnams kyis smad kyi rlung rang gi gnas nas nyams par byas nas stod du 'byung ste/ kha dri mi zhim par byed pa ni ur d+ha g+hu da zhes bya'o//mkhris pa las gyur pa'i kha'i nad ni smin pa dang / tsha 'ur 'ur po dang / dbugs grang mo rngub 'dod pa dang / kha bro ba dang / snad pa rma'i steng du thal sman blugs pa snyam sems pa yin no/ /khrag las gyur pa'i kha nad kyang de dang 'dra bar blta'o//bad kan las gyur pa'i kha'i nad ni kha mngar ba dang / g.ya' ba dang / rma 'byil bag can du yang 'dug pa yin no/ /yang bad kan las gyur pa'i 'brum bu mkhur tshos kyi nang du brten te 'byung ba mdog gnag cing skya ba skyes te bdar zhing bcad de mnyes pa la sogs pa byas na ni phyir zhing thu bar byed do//nad gzhi 'dus pa las khrag dang bcas pa'i kha nad smin pa ni nad gzhi kun gyi mtshan ma dang ldan pa yin no/ /so shing la sogs pas kha'i nang ma rungs par byas te rnag 'dzag par gyur na ni kha nad rnag 'dzag par 'gyur ba zhes bya ste/ de ltar kha nad rnam pa brgyad du bshad pa yin no/ /mchu dang mkhur tshos dang / so dang / so'i rtsa ba dang / lce dang / rkan dang / mgul pa dang / kha dang 'di rnams kun la spyir nad bdun cu rtsa lngar bshad de/ de yang bcu gcig dang / gcig dang / bcu dang / bcu gsum dang /drug dang / brgyad dang / bco brgyad dang / brgyad de mchu la sogs pa'i nad dang go rims bzhin du sbyar ro/ /so'i nad ka ra la dang / sha dang khrag las skyes pa'i mchu nad dang / mchu'i 'brum bu dang / 'brum bu skam po dang / rus sbal gyi rgyab 'dra ba'i nad dang /sha lu ka dang / khong stong dang / khong stong chen po rnams gsor mi rung ngo / /skad nyams pa dang / ur d+ha gu da dang / sngo bsangs dang / shag tag g+hi ni dang / gdu bu lta bu dang / rma 'khyil pa lta bu'i nad dang / 'dus pa las gyur pa dang / khrag las gyur pa dang / ro hi na'i nad thams cad dang / so 'gas pa'i nad dang / so chag pa dang / smin pa'i nad dang / lce lhag dang / lba ba dang / skad nyams pa dang / dbugs dka' bas thon pa dang / kha nad smin pa dang / so brtse ba'i nad dang / so gogs pa'i nad dang / de dag ni mi la ba tsam du gsor rung ngo / /lhag ma ni mtshon dang / sman gyis gso bar bya'o/ /kha nad kyi dmigs brtag pa'i le'u ste nyi shu rtsa gcig pa rdzogs so// //de nas kha nad gso ba'i le'u bshad par bya'o/ /de la mchu 'gas pa'i nad la ni dang po mtshon gyis dras te/de'i 'og tu btsems la de nas rma gso ba'i cho ga ji lta ba bzhin du bya'o/ /shing mngar dang / khre dang / seng phrom dang / shra ba ni dang / thal tres dang / ut+pa la dang / pa to la dang / ka ka ma tsi dang / de rnams til mar dang lhan cig bskol te bsku bar bya'o//yang na snum 'joms pa'i sman mngar ba ji snyed pa til mar dang bskol te/ til mar lus pa las sna sman du sbyar ro/ /yang na snum chen po bzhis rlung 'joms pa'i sman dang bskol ba'i mar gyis ras bal gyi 'dab ma dang bsgos te mchu la glan na rlung las gyur pa'i mchu'i nad sel to//sA la'i thang chu spra tshil dang / gu gul dang / thang shing dang / shing mngar dang de rnams kyi phye mas rma la gdab par bya'o/ /mchu gshags pa lta bu'i nad la ni e raN+Da'i lo ma dang 'o ma bskol bas dugs bya'o//mchu 'gas pa'i sna sman du bshad pa yang 'dir klad par dugs bya ste nyams brta bar bya'o/ /mkhris pa dang snad pa las gyur pa'i mchu nad la ni srin bu pad pas khrag dbyung ngo / /yang na seng phrom dang / sra rtsi phog dang / shing mngar dang / sbrang rtsi dang bcas pa'i phye mas mchu la gdab po//yang na sle tres dang / shing mngar dang / rma shing mar dang lhan cig bskol te mar lus pa las bsku byug bya'o/ /sha dang khrag las gyur pa'i mchu nad la ni mkhris pa'i khong 'bras kyi gso ba 'dir sbyar ro/ / mchu nad gsar du byung ba la yang de bzhin du bya'o/ /bad kan las gyur pa'i mchu nad la ni khrag gtar te/ de'i 'og tu pa ti'i thal ba dang / sbrang rtsi dang tsha ba gsum sbyar bas bsku'o/ /de bzhin du du ba btang ba dang / sna sman dang mkhur bar bcang ba rnams kyang bad kan 'joms pa'i sman dang sbyar ba gtang ngo //tshil las gyur pa'i mchu nad la ni/ thog mar dugs byas la de'i 'og tu dral te tshil phyung la de nas mes bsregs te/ pri yang ku dang / seng phrom dang / 'bras bu gsum dang / sbrang rtsi dang sbyar bas bsku bar bya'o/ /chu bur lta bu'i mchu'i nad la ni thog mar brtol la/sman rnon po dang sbrang rtsi dang sbyar bas byug par bya'o/ /chu bur de tshabs cher skyes pa la ni thal sman nam me'i las kyis gso bar bya'o/ /mkhur ba'i nad me dbal phra mos khyab pa la ni skrang nad kyi gso ba thams cad 'dir sbyar ro/ / so nad gso ba/ de la rlung las gyur pa'i so nad la ni thog mar dugs bya ste/ de'i 'og tu so rtsa mtshon gyis dral la mes bsreg go/ /gla sgang dang / rgyam tsha shas che ba dang / sbrang rtsi dang til mar sbyar bas bsku'o/ /se'i shun pa dang / 'bras bu gsum dang / skyer khaN+Da dang /'dzam bu'i rkang dang / pri yang ku dang / bca' sga dang / de rnams 'o ma dang lhan cig bskol ba'i khu ba mkhur bar bcang ngo / /e raN+Da'i mar sna sman du sbyar ro/ /so brtse ba dang / so bye ba'i nad la ni rlung 'joms pa'i gso ba thams cad bya'o/ /yang na til mar dang /shing mngar dang / sbrang rtsi dang / 'o ma rnams bskol te/ mkhur bar bcang ngo / /so 'gul ba'i nad la ni rtsa ba bcu pa mar dang bskol te mkhur bar bcangs na phan no/ /yang na spangs ma dang / seng phrom dang / pi pi ling dang / 'bras bu gsum dang /shing mngar dang / lan tshwa dang / de rnams bdar ba'i khu ba sman du sbyar ro/ /snar blugs pa dang mkhur ba spo ba dang / kha zas la sogs pa yang gnas skabs ji lta ba bzhin du snum dang sbyar ba gtang ngo / /so lhag gi nad dang / so dum bur gogs pa gnyis la ni thal sman gang rnyed pas so bsku bar bya'o//so'i nad srin bu can ni thog mar batral la/ gong ma bzhin du thal sman gyis btab ste khrag gzags la/ khrag zad pa dang bsregs la rma gso ba'i cho ga thams cad bya'o/ /so nad sha kha ra zhes bya ba la ni/a hrid shra dang dan+da'i rtsa ba gnyis kyis so brud la/ de'i 'og tu thal sman gyi phye ma sbrang rtsi dang sbyar bas bsku'o/ /so nad dum bur gogs pa la ni so brtse ba'i gso ba rnams 'dir spyad do/ /so nad srin bu can so mi 'gul ba la ni thog mar dugs byas la khrag dbyung ngo / / snum chos bya ba dang / byug pa dang / mkhur bar bcang ba dang / snar blugs pa la sogs pa rlung 'joms pa'i sman dang / snum dang bcas par sbyar ba gtang ngo / /so'i nad khong stong du 'dug pa la ni bu ram mam/ spra tshil gang yang rung bas nang stong pa bkang ste bsreg pa 'am/ yang na shing lo ma bdun pa dang /arga'i lo mas bkang na srin bu'i zug gzer 'joms so/ /shing kun dang / kad pa la dang / nag tshur dang / swardzi ka dang / ru rta dang / byi dang ga dang / de rnams kyi phye ma so la gdab pa dang / yang na phye ma de nyid ras la bsgos te so la gdab cing glan na so'i zug gzer 'joms so//yang na sman de nyid til mar dang bskol bas mkhur bar bcangs na yang phan no/ /yang na e raN+Da dang / bri ha ti rnam gnyis dang / b+hu ga dam pa dang / de rnams bskol ba'i khu ba mkhur bar bcang ngo / /gso ba'i sbyor ba mang du byas kyang nad ma zhi ste/ nad gting zug pa lta na dang po skam pa chung ngu'am/ so dbyung ba'i spyad kyis so thog mar rtsa ba nas dbyung ngo / /de nas shing mngar gyi phye ma til mar dang sbyar ba mkhur bar bcang bar bya'o/ /de'i 'og tu sman bi da ri dang / shing mngar dang / shring ga ta ka dang / rgun 'bru dang / til mar dang / de'i bcu 'gyur gyi 'o ma dang lhan cig bskol te mar lus pa sna sman du sbyar ro/ /de la so dbyung du mi rung ba ni/ lus skam zhing nyam chung ba dang / rgan po dang rlung nad kyis nyam thag pa dang ya so dang de dag dbyung bar mi bya ste/ gal te phyung na ni bla brnan mang du 'byung bar 'gyur ro/ /de ltar yin na yang gal te phyung ba lta na ni snum pa dang /mngar ba dang / bsil ba'i rim pa rnams byas na phan no/ /so nad khrag mang du byung ste grang ba la sogs pas nyes pa lta na ni gla sgang dang / ardzu na'i shun pa dang / 'bras bu gsum dang / sri yang ku dang / skyer khaN+Da dang / bca' sga dang / de rnams kyi phye ma sbrang rtsi dang bcas pas gdab pa'am sman de nyid bskol ba'i khu ba mkhur bar spo bar bya ba dang / sman mngar ba'i sde tshan til mar dang sbyar bas snar blugs pa rnams bya'o/ /so rnyil gyi nad u pa ku sha zhes bya ba la ni chu tshan mkhur bar bcangs te dugs bya'o//de nas dkyil 'khor gyi dbyibs 'dra ba dang / shing sha kha'i lo ma 'dra ba'i mtshon gyis lan mang du brud par bya'o/ /de'i 'og tu mar gyi snying khu sbrang rtsi dang sbyar bas bsku'o/ /rgya skyegs dang / pri yang ku dang / rma shing dang / rgyam tsha dang / btsag dang / ru rta dang /bca' sga dang / na le sham dang / shing mngar dang / skyer khaN+Da dang / de rnams bskol ba'i khu ba dro 'jam tsam mkhur ba spo zhing bcangs te/ de'i 'og tu mar gyi snying khu'am til mar gang yang rung ba mkhur bar bcing ngo / /sman mngar ba'i sde tshan dang mar sbyar ba ni sna sman dang mkhur bar bcang bar bzang ngo //so nad 'bur ba zhes bya ba la ni thog mar dugs byas la/ de'i 'og tu bcad pa dang / dbug pa dang / brud pa rnams bya'o/ /de nas shing mngar dang / swardzi ka dang / bca' sga dang / rgyam tsha dang / de rnams kyi phye mas gdab po/ / so rnyil gyi 'bras nad la ni sman tsha ba dang / rno ba dang / dro ba dang / rtsub pa rnams kyis mkhur ba bcang ba dang / bsku ba rnams bya'o/ /pu tse shel dang / ru rta dang / ba spru ba dang / skyer pa dang / de rnams kyi phye mas brud par bya'o/ /sman bsil ba'i nus pa dang ldan pas smin du mi gzhug par mtshon gyis bsrung ngo //gal te smin pa lta na ni mtshon gyis dbral la tshos pa nyid du bsreg go/ /rnyil gyi nad khong stong zhes bya ba la ni thog mar mtshon gyis bcad pa 'am brud de de'i 'og tu seng phrom dang / gla sgang dang / shu ti dang / 'bras bu gsum dang / skyer khaN+Da dang / rma shing dang / rgya skyegs shing dang / de rnams kyi phye ma sbrang rtsi dang sbyar bas gdab par bya'o/ /sman de dag nyid kad pa la dang bcas par bskol ba'i khu ba mkhur bar bcang bar bya'o/ /shing mngar dang / seng phrom dang / dUr ba dkar po dang /thal tres dang / a ka ru dang / tsan+dan dang / btsag yug snam dang / kha ra dkar po dang / de rnams til mar dang lhan cig bskol te sna sman du sbyar ro/ /so rtsa'i sha lhag skyes pa'i nad la ni mtshon gyis bcad de/ de'i 'og tu shu dag dang / te dzo pa ti dang / pa tha dang / swardzi ka'i thal ba dang / de rnams kyi phye ma sbrang rtsi dang sbyar bas rma la gdab po/ /pa to la dang / nim pa dang / 'bras bu gsum bskol ba'i khu bas kha bkang ba byas na phan no/ /so rtsa'i nad bi da ra ba zhes bya ba la ni/ mtshon dkyil 'khor 'dra bas khrag dbyung la de nas thal sman gyis gdab po//sna sman dang mkhur bar bcang ba yang sman bsil bas bya'o/ /gzhan yang lus gong 'og tu dag par bya zhing mgo'i khrus sman yang sbyar ro/ /so nang stong pa'i rtsa bar so skyes pa ni phyung la bsreg par bya'o/ /gang gi so yo zhing 'chus pa lta na ni bsrang ste mtshams su bu ram mam spra tshil gyis dgang ngo //sring shing gi me tog dang / po son cha dang / seng ldeng dang / swa du kan ta ka dang / de rnams bskol ba'i khu bas bkru bar bya'o/ /lce nad gso ba de la rlung las gyur pa'i lce nad tsher ma ltar rtsub pa la ni/ shing 'o ma can gyis kha bkang zhing /til mar gyi sna sman yang sbyar ro/ /de bzhin du rlung gi mchu nad gso ba'i cho ga thams cad kyang 'dir sbyar ro/ /mkhris pa las gyur pa'i lce'i nad la ni mtshon gyis bzhar la khrag dbyung ngo / /de'i 'og tu sman gyis gdab pa dang / mkhur bar bcang ba dang / sna sman yang sbyar ro/ / mngar ba'i sman dang sbyar ba byas na phan no/ /bad kan las gyur pa'i lce nad la ni dang por yungs kar dang / tsha ba gsum la sogs pa sman rnon pos dugs byas na phan no/ /lce nad a las zhes bya ba la ni mtshon gyi las mi bya'o/ /lce'i 'og tu lce lhag skyes pa'i nad la ni lcags kyu gug pos bzung la drangs te mtshon dkyil 'khor 'dra bas bcad de/de'i 'og tu sman rnon pos bsku ba la sogs pa bya'o/ /lce phugs su lce lhag skyes pa'i nang la ni dang po khrag gzags te nas tshig 'khus pa'i khu ba'i thal bas gdab po/ /lce'u chung gi nad la ni snar blugs pa dang /mkhur bar bcang ba dang / brud pa la sogs pa'i cho ga bad kan gyi gso ba rnams 'dir sbyar ro/ /lce'u chung gi nad ga gon gyi sa bon bzhin du tshabs cher skyes te skrangs na ni sman pa mdun du 'dug ste lcags kyu gug pos mdun du drangs la/ mtshon dkyil 'khor 'dra bas rtse dang rtsa bar ma song ba'i dbus su bcad do//bcad drags na ni khrag zad de 'chi bar byed do/ /bcad chung na ni nad 'phel bar byed do/ /de ltar bcad pa'i 'og tu na le sham dang / bong nga dkar po dang / pa tha dang / shu dag dang / ru rta dang / gla rtsi dang / lan tshwa dang / de rnams kyi phye mas gdab po//pu tse shel dang / bong nga dkar po dang / pa tha dang / nis pa pa dang / ru rta dang / shu dag rnams bskol ba'i khu bas mkhur ba dgang bar bya'o/ /rkan nad gso ba/ rkan nad sha'i tshogs zhes bya ba dang / chu bur lta bu dang / rus sbal gyi rgyab 'dra ba dang gsum la ni mtshon gyis brud pa'i las bya'o//de nyid smin kyang rung ma smin kyang rung / nag tshur dang / skyer khaN+Da dang / sbrang rtsi dang sbyar bas bsku'o/ /mngar zhing bsil ba'i sman bskol ba'i khu ba mkhur bar bcang bar bya'o/ /smin zin nas ni pad+ma bzhin du mtshon gyis dral te/ sman rno ba dang dro bas gdab bar bya'o//ba sha ka dang / nim pa dang / pa to la la sogs pa rno ba'i sman rnams kyang mkhur bar bcang ngo / /rkan skam pa'i nad skom dad med pa la ni kha zas kyi gong du zhun mar blud de/ de'i 'og tu kha zas bza'o/ /btung bar ni pi pi ling dang / bca' sga bskol ba'i khu ba blud do//mkhur bar bcang ba ni skyur gang yang rung bas bya'o/ /snum chos su ni thang las skyes pa'i sha khu sbyin la/ zhun mar dang 'o ma ni sna sman du blugs so/ /lkog ma'i nad gso ba thams cad la thog mar gtar gas khrag phyung ste/ sna sman rnon po'i las bya'o/ /skyer pa'i shun pa dang /skyer khaN+Da dang / nim pa dang / dug mo yungs bskol ba'i khu ba'am/ yang na a ru ra bskol ba'i khu ba'i nang du sbrang rtsi dang sbyar ba blud do/ /smin pa'i sman bya'o/ /'bras bu gsum dang / tsha ba gsum dang / nas tshig 'khus pa'i thal ba dang / skyer pa dang / tsi tra ka dang / skyer khaN+Da dang / pa tha dang / te dzo pa ti dang / nis pa pa dang / de rnams tshwa dang / ba gcin dang sbyar ba'i ri lur byas pa dang / phye mar byas nas gdab pa dang / mkhur bar dgang ba la sogs pa ci rigs par bya'o/ /lcang ma dang / ge ri kar+Ni ka dang /gla sgang dang / thang shing dang / bca' sga dang / shu dag dang / dan ti dang / mur ba dang / de rnams lhan cig sbyar ba'i lde gu dro 'jam tsam bskus na na zhing skrangs pa sel to/ /de la rlung las gyur pa ro hi na'i nad la ni phyi nang gnyis nas dugs bya ste/ myur du lan tshwa dang ldan pa'i mtshon nam sen mos bzhar zhing dbri bar bya'o//rtsa ba lnga bskol ba'i khu ba mkhur bar dgang ba ste/ til mar gyi sna sman yang sbyar ro/ /mkhris pa las gyur pa'i lkog ma'i nad la ni khrag phyung la/ kha ra dkar po dang / pri yang ku dang / sbrang rtsi sbyar bas bsku bar bya'o/ / seng phrom dang / rma shing bskol ba'i khu ba mkhur bar bcang ngo / /rgun 'bru dang / pa ru ka sha bskol ba'i khu ba mkhur bar bcangs na yang phan no/ /khrag las gyur pa'i lkog ma'i nad la ni cho ga gong ma bzhin du byas te gso bar bya'o/ /khrag las gyur pa'i lkog ma'i nad ni gso dka' ste spang bar bya'o zhes kyang bshad do//bad kan las gyur pa'i lkog ma'i nad la ni me mdag dud pa can gyis bdug pa dang / sman tsha ba rnams kyis gdab par bya'o/ /yang na a pa marga'i 'bras bu dang / ge ri kar+Ni dkar po dang / dan ti dang / byi dang ga dang / rgyam tsha dang / de rnams til mar dang sbyar bas sna sman dang mkhur bar bcang ba rab tu bsngags so//lkog ma'i nad brin da dang / sha lu ka dang / du d+hi ke ri ka dang / kyi la yu ka dang / de rnams la yang gso ba gong ma bzhin du bya'o/ /lkog ma'i 'bras nad la ni khrag gzags te/ 'bras bu gsum dang / gi wang dang / skyer khaN+Da dang / btsag yug snam dang / seng phrom dang / lan tshwa dang / rma shing dang / pi pi ling dang / de rnams kyis byug pa dang / mkhur bar bcang bar bya'o/ /de la rlung las gyur pa'i lba ba'i nad la ni til dang / le brgan rtsi dang / zar ma dang / pi la ya dang / a sa la dang / de rnams kyi sa bon btags pas dugs bya ste/de'i 'og tu dbyung bar bya'o/ /de nas rma 'drubs pa dang / she kru dang / seng phrom dang / ag+ni man+tha dang / hasti pi pi ling dang / ba spru ba dang / shing ta la dang / a ru ra dang / arka'i rtsa ba dang / kar ka ta'i me tog dang /de rnams sbyar ba'i lde gus yang dang yang bsku bar bya'o/ /yang na e ka shi ka chang ngam rang skyur las btags te bsku'o/ /sle tres dang / nim pa dang / dug mo yungs dang / han sa pa ti dang / ba la rnam gnyis dang / thang shing dang / pi pi ling dang / de rnams til mar dang lhan cig sbyar te blud do//bad kan las gyur pa'i lba ba'i nad la yang cho ga gong ma ltar bya'o/ /yang na a za gan d+ha dang / bong nga dkar po dang / bi sha l+ya dang / a tsa shring gi 'ol ma se dang / ku ba kha bo dang / shu ka ha dang / rgya skyegs shing gi thal ba dang / de rnams btags pa'i phye mas byug pa dang /dugs kyis bzhu ba la sogs pa yang bya'o/ /mu k+Sha ka'i thal ba ba gcin dang bskyos te btsags pa'i khu ba'i nang du ci tse btsos pa'i zas dang btung ba yang spyad do/ /yang na dug mo yungs kyi sde tshan dang / lan tshwa rnam lnga dang / til mar dang lhan cig bskol te blud do//de bzhin du bad kan 'dzoms pa'i bdug pa dang / slon dang / sna sman la sogs pa yang bsten par bya'o/ /tshil las gyur pa'i lba ba'i nad la ni dang po khrag gtar la de nas bad kan 'joms pa'i sman bsten no/ /yang na sman a sa na'i sde tshan ba gcin dang bskol ba'i khu ba snga dro'i dus su btung ngo //de ltar byas kyang ma zhi na smin par bya ba'i cho ga byas la rma gso ba'i cho ga thams cad 'dir sbyar bar bya'o/ /kha nad gso ba/ kha nad smin pa la ni 'bras bu gsum dang / pA tha dang / rgun 'bru dang / sna ma'i me tog dang / de rnams bskol te bsgrangs pa'i nang du sbrang rtsi btab pa khar bcang zhing bsku bar bya'o//yang na zhim thig le'i sde tshan btags pa'i phye ma bldad cing kha'i ljab ljib phyir dbo'o/ /rlung gis kha nad smin pa la ni pi pi ling dang / lan tshwa dang / sug smel gyi phye mas gdab po/ /yang na rlung 'joms pa'i sman dang / bskol ba'i sna sman dang / mkhur bar bcang ba yang bya'o/ /mkhris pa dang khrag las gyur pa'i kha nad la ni khrag mkhris 'joms pa'i sman sbyar ro/ /bad kan las gyur pa ni bad kan 'joms pa'i sman bsten no/ /kha'i 'brum bu sra zhing brtan pa la ni sha kha pa tra zhes bya ba'i mtshon gyis dbral bar bya'o//skyon gang dang gang gi shas che ba brtags te 'dus pa'i nad la yang gso ba de ltar bya'o/ /kha'i 'brum bu tshabs cher skyes pa la ni dang po bcad la swardzi ka'i thal ba dang / bca' sga'i phye ma sbrang rtsi dang sbyar bas rma la gdab cing / de gnyis bskol ba'i khu ba sbrang rtsi dang sbyar ba mkhur bar bcang ngo //yang na sle tres dang / nim pa btags pa'i phye ma sbrang rtsi dang til mar dang sbyar ba mkhur bar bcang ngo / /kha zas ni nas las byas pa bza' zhing sman rno ba dang sbyar ba'i til mar gyis sna sman dang bsku byug bya'o/ /kha nas rnag 'byung ba la ni du ba brngub pa dang / sna sman rnon po gtang bar bya'o//btsod dang / seng phrom dang / da ta ki dang / pri yang ku dang / shug pa dang / de rnams chu dang sbyar bas kha'i nang du bkru bar bya ste/ phye mas kyang kha'i nang du gdab po/ /so nang u pa ku sha'i bsil chos dang sna sman la sogs pa yang 'dir sbyar ro/ /'bras bu gsum dang / tsi tra ka dang / tig ta dang / shing mngar dang / yungs kar dang / tsha ba gsum dang / gla sgang dang / ser po rnam gnyis dang / ya bak+Sha ra dang / da trig dang / skyur dang / tsan+dan dang / lcang ma dang / a shwang+tha dang / 'dzam bu'i myu gu dang / shun phrag dang / a hi ma ra'i shun pa dang / seng ldeng gi snying po dang de rnams bskol te tshigs ma bor la dngas ma yang bskol te skan ter song ba'i nang du sman de nyid kyi phye ma btab ste ri lur byas pa kha'i nang du rtag tu mur zhing bzhag na/lkog ma'i nad dang / mchu nad dang / rkan la sogs pa kha'i nad shin tu gso dka' ba yang 'joms par byed do/ /khyad par du ro hi na'i nad dang /kha skams pa dang / lces ro mi tshor ba rnams sel bar byed do/ /zhes lus 'phags kyi bdag pos bshad pa yin no/ /seng ldeng srang brgyad cu rtsa gnyis chu srang nyis stong bzhi bcu rtsa brgyad kyi nang du bskol ba'i khu ba'i nang du tsan+dan dang / a ka ru dang / gur gum dang /pa ri be la dang / ba la dang / pu shel tse dang / thang shing dang / seng phrom dang / rgun 'bru dang / btsod dang / mon cha ra dang / shug pa dang / byi dang ga dang / 'bu su hang dang / chu srin sen mo dang / rgya spos dang / kad pa la dang / sug smel dang / bya ma ka dang / rma shing dang / de rnams zho gnyis gnyis dang / til mar srang sum cu rtsa gnyis dang bskol te mar 'ba' zhig lus pa las btung ba dang / sna sman du btang ba dang / mkhur ba bkang zhing bcang bar byas na/ kha'i nang gi nad thams cad sel zhing khyad par du mig bya rgod ltar gsal ba dang / rna ba'ang phag pa bzhin du gsang bar byed do//tsakra marda dang / skyer pa dang / seng phrom rnams kyis lde gu byas te gdong la bskus na ngo khabs dang sme ba dang dri ma la sogs pa'i skyon thams cad sel zhing gdong pa zla ba ltar mdangs gsal bar 'gyur ro/ /sa ha ra dza srang brgyad cu chu srang nyis stong bzhi bcu rtsa brgyad dang bskol te bzhi cha lus pa'i nang du seng ldeng dang /'dzam bu dang / shing mngar dang / shur ba dkar po dang / shing lcang kong dang / hasti ma ra dang / ut+pal sngon po dang / de rnams srang phyed phyed zhib tu btags te/ til mar srang sum cu rtsa gnyis dang bskol te/ mar lus pa las mkhur bar bcang na/kha'i nad thams cad 'joms par byed cing / khyad par du so 'gul zhing yo ba brtan par byed do/ /seng ldeng gi snying po srang nyis brgya dang / a ri me da sa'i shun pa srang brgyad chu srang nyis stong bzhi bcu rtsa brgyad dang lhan cig bskol te/ bzhi cha lus pa dang tshigs ma bor la dngas ma yang bskol la skan ter song ste bsgongs pa'i nang du dbyi mo dang /ba la ka dang / rma shing dang / btsag dang / tsan+dan rnam gnyis dang / seng phrom dang / pra puN+Da rI ka dang / shing mngar dang / rgya skyegs dang / an dza na rnam gnyis dang / da ta ki dang / kad pa la'i 'bras bu dang / ser po rnam gnyis dang /'bras bu gsum dang / dri sna bzhi dang / a ga ru dang / gla sgang dang / btso dang / n+ya gro d+ha'i myu gu dang / spang spos dang / byi tsher ba dang / shug pa dang / o la ba lu ka dang / btsod dang / de rnams zho gnyis gnyis zhib tu btags pa'i phye ma dang / dzA ti b+ha dra dang / dzA ti pa la dang / li shi dang / ka ko la dang / ko la ka dang / de rnams srang re re dang / ga pur shel mdog dkar po dri ma med pa srang nyi shu dang / de rnams kyi phye ma yang bcug ste ri lur byas la rtag tu khar bzhag na kha'i nad thams cad sel lo/ /gong gi sman kun ma 'byor na/ de las gang rnyed pa'i sman gyi phye ma dang /til mar bskol la/ cho ga gong ma bzhin du byas te mkhur bar bcangs na/ kha'i nad thams cad sel lo zhes bshad do/ /so brtan par byed pa'i mchog yin no/ /yang sman gong ma de nyid dang / seng ldeng gi snying po ri lur byas pa dang / a ri me da sa dang sbyar ba'i til mar dang sbyar te btung na/nad med cing tha mal pa zhig na yang nyin re bsten na so brtan par 'gyur ro/ /rgun 'bru dang / sle tres dang / su ma na dang / su ma na'i lo ma dang / skyer pa dang / byi tsher ba dang / 'bras bu gsum dang bskol ba sbrang rtsi dang sbyar ba 'dis mkhur bar bcang bar byas na kha'i nad thams cad sel bar byed do//pa tha dang / skyer pa dang / ru rta dang / gla sgang dang / btsod dang / pu shel tse dang / yung ba dang / seng phrom dang / te dzo ba ti dang / de rnams kyi phye ma sbrang rtsi dang sbyar bas bsku bar byas na/ so'i rnyil na bas nyam thag cing g.ya' ba dang / smin pa dang / 'dzag pa rnams 'joms so//khyim gyi dud pa dang / skyer khaN+Da dang / pa tha dang / tshwa ba gsum dang / ya bak+Sha ra dang / tsi tra ka dang / lcags phye dang / 'bras bu gsum dang / te dzo pa ti dang / de rnams kyi phye ma sbrang rtsi dang sbyar ba ni/ ta la ka'i phye ma zhes bya ba ste khar bcangs na kha'i nad dang / so 'gul ba'i nad rnams la phan no//skyer pa dang / rgyam tsha dang / ldong ros dang / nas tshig 'khus pa'i thal ba dang / ba bla dang / de rnams kyi phye ma mar dang sbrang rtsi dang sbyar ba ni si tra pa zhes bya ba'i phye ma yin te/ de khar bzhag na kha dang so 'gul ba'i nad rnams zhi bar byed do/ /ba gcin gyi nang du a ru ra'i tshi gu bskol te zhu ba dang /de'i khu ba ba la ka dang / shu ti dang / ru rta gsum gyi phye ma bskol ba khar bzhag na/ kha'i nad yun ring ba yang 'joms par byed do/ /ji ltar rgyal pos gnang ba'i skyes bu phung khrol gyis mi tshugs pa bzhin no/ /lo ma bdun pa dang / pu shel tse dang / pa to la dang /bca' sga dang / 'bras bu gsum dang / pi sha la dang / kyi lce ba dang / tig ta dang / ser po rnam gnyis dang / sle tres dang / de rnams bskol ba'i khu ba sbrang rtsi dang sbyar ba 'thungs pa'am/ khar bzhag na yang rung ste/ kha'i nang na gnas pa'i nad ma lus pa sel bar byed do/ / skyer pa rlon pa rang gi khu ba bskol te/ skan ter song ba'i nang du btsag gi phye mas btab ste/ sbrang rtsi dang bcas pas kha bkang zhing bzhag na/ kha'i nad smin pa dang / rma 'khyims pa sel bar byed do/ /pa to la dang / nim pa dang / shing mngar dang / ba sha ka dang / sna ma'i me tog dang /a ri me da sa dang / seng ldeng dang / 'bras bu gsum dang / de rnams re re yang skyer pa'i cho ga bzhin du sbyar te gtang bar bya'o/ /seng ldeng dang / lcags phye dang / 'bras bu gsum dang / ardzu na dang / sen rtsi dang / a ti mar dang / de rnams chu dang bskol pa'i khu ba mkhur bar bcang na kha dang so nad rnams zhi bar byed do//kha'i nad dang / so rtsa'i nad bad kan dang khrag shas che ba'i nad rnams la ni khrag ngan mang du dbyung ste/ lus kyi sman dang / slon dang / mgo bo'i bkru sman dang / mkhur bar bcang ba la sogs pa yang kha ba dang tsha ba'i sman gyis bya ste/ de ni phal cher bad kan dang mkhris pa 'joms pa'i sman dpyad bya'o/ /kha zas ni nas dang / ci tse ba dang / khre dang / bra bo dang / de rnams phub ma med par byas te/ tsha chu'am thal sman gyi chu nad du sbangs la snum med par byas te bza'o/ /khu bcud dang / khur ba la sogs pa gang yang bad kan 'joms par byed pa'i zas bza'o//srog gi rlung gi lam la gnas pa yin te/ gal te lkog ma'i nad kyis dbugs bde bar mi 'byung zhing bkag na ni 'chi bar 'gyur te/ de bas na lkog ma'i nad ni myur du gso bar bya ba yin no/ /kha nad gso ba'i le'u ste nyi shu rtsa gnyis pa rdzogs so// // de la mgo bo'i nad skye ba'i rgyu ni dud pa dku ba'i nang du 'dug pa dang / nyi tshan la 'dug pa dang / kha ba grang mo'i nang du 'dug pa dang / chu nang du rtse ba dang / nyin par gnyid mang du log pa dang / nub mo gnyid ma log pa des/ rngul la sogs pa'i nad skyed pa dang / mdun nas rlung gis phog pa dang / mchi ma 'byung ba dgag pa dang / ha cang du drags pa dang / mgo la srin bu yod pa dang / 'byung ba'i shugs bgags pa dang / khur lci ba khur ba dang / mgo la byi dor drags pa dang / bsku byug drags pa dang / gzhan la zhe sdang chen po skyed pa dang /dngos po gcig la yun ring du lta ba dang / ma goms pa'i zas zos pa dang / dring ba bsnams pa dang / ma zhu ba dang / smra ba drag po la sogs pa'i rgyus nad mgo bo'i nang du zhugs te na bar byed do/ /de la rlung las gyur pa'i mgo nad kyi rtags ni mur 'gram gnyis su zug cing na ba dang /so'i phreng ba rnams phug pa snyam sems pa dang / smin mtshams dang / dpral ba lhung ba snyam sems pa dang / rna bas sgra mi thos pa dang / mig phyung ba snyam du na ba dang / mgo 'dam pa dang / tshigs rnams bye ba snyam byed pa dang / rtsa'i dra ba rnams 'phar ba dang /gnya' ba dang / 'gram pa 'byar ba snyam byed pa dang / gsal zhing 'tsher ba mthong mi bzod pa dang / sna chu 'dzag pa dang / glo bur du ldang dub pa dang / snum gyis bsku zhing dugs dang mgo bcing ba la sogs pa byas na cung zhig zhi zhing mnyen par 'gyur ba yin no//mgo bo gzhogs phyed na ba'i rtags ni klad pa'i phyed rab tu na ba yin te/ zla ba phyed phyed dam zla ba gcig na ste de'i 'og tu rang nyid zhi bar 'gyur ro/ /tshabs cher skyes na ni mig gam rna ba la gnod par byed do/ /mkhris pa las gyur pa'i mgo nad kyi rtags ni mgo rab tu na ba dang /dbugs tsha zhing du ba byung ba snyam sems pa dang / tsha ba dang / lus rngul ba dang / mig tsha 'ur 'ur por 'dug pa dang / brgyal ba dang / nub mo dang / grang ba'i dus su cung zad bde ba rnams yin no/ /bad kan las gyur pa'i klad pa'i nad kyi mtshan ma ni kha zas yi gar mi 'ong ba dang /mgo lci ba dang / tshor ba med par bem bem por 'dug pa dang / reg na grang ba dang / rtsa mi 'phar ba dang / sgyid skyur ba dang / gnad rnams su mtshan mo lhag par na ba dang / snyom pa dang / mig 'bur skrang ba dang / rna ba g.ya' ba dang / skyur ba rnams yin no//khrag las gyur pa'i mgo nad kyi mtshan ma ni mkhris pa bas shas cher na ba yin no/ /lhag ma ni mkhris pa bzhin du blta'o/ /'dus pa las gyur pa'i mgo nad kyi rtags ni/ thams cad kyi mtshan ma dang ldan pa yin no/ /kha zas zhag lon pa dang / rnying pa dang / rul pa zos pas mgo'i khrag dang / sha rul bar byas te/ des 'dus pa'i nad skyes shing 'khrugs te/ mgo bor srin bu skyes te/ khrag 'thung bar byed do/ /de'i rgyus mi bzod par na ba dang / sems nyams par byed pa dang / lud pa lu ba dang / nyams stobs zad pa dang / mgo rtsub pa dang / skrangs pa dang / mgo bcad pa snyam byed pa dang / tsha 'ur 'ur por 'dug pa dang / mgo 'dam pa dang / rnags pa dang / mgo'i thod pa dang / rkan rnams su g.ya' ba dang / skem pa dang / srin bu rgyu ba snyam sems pa dang / snabs zangs mdog bzhin du dmar zhing dngas pa 'byung ba dang / rna ba sgra 'ur 'ur zer ba yin te/ de ni klad pa'i nad srin bu las gyur pa zhes bya'o/ /de la rlung shas che ba mgo'i nad ni mgo bo 'gul zhing 'dam pa yin te/ de'i ming ni mgo 'dam pa'i nad ces bya'o/ /khrag mkhris shas che ba'i mgo nad ni/mur 'gram gnyis skrangs pa dang / drag tu na zhing tsha ba dang nub mo gnyid mi 'ong ba dang / glal ba dang / rims kyis 'debs pa dang / dran pa nyams pa dang / kha bro ba dang / gdong ser ba dang / de rnams dang ldan pa ni mur 'gram gyi nad ces bya ste/gso ba ma byas te yal bar bor na ni/ zhag bdun nas ni srog 'phrog pa yin te/ gso ba myur du byas na ni 'tsho ba yin no/ /mkhris pa dang rlung dang ldan pa'i mgo nad kyi rtags ni mur 'gram dang / mig dang / smin ma dang / 'phral ba rnams su na zhing zug la 'bar ba yin te/de yang nyi ma shar nas phyed kyi bar du cher na ba dang / lhag par nyi ma phyed la tshabs cher na zhing 'phar ba yin te/ de la ni dong gra la sogs pas gso bar byas kyang mi phan te/ nyi ma phyed phan chad nas rang nyid rim gyis zhi ba de ni/ mgo'i nad nyi ma ltar 'khor ba yin zhes bya ba ste/de ltar mgo nad rnam pa bcur bshad pa yin no/ /mgo nad de nyid kyi bye brag las thod pa'i nad rnam pa dgu bshad pa yin te/ yang rlung las gyur pa'i klad pa'i nad mngal gyi nang na yod pa'i dus su yang 'byung bar 'gyur te/ de yang mdog gnag pa dang /nad med pa dang / skrang ba yin te/ de ni nye ba'i mgo zhes bya ba'i klad pa'i nad yin no/ /mgo nad thor bu can 'brum bu can zhes bya ba yod de/ de yang nad gzhi ji lta ba bzhin du shes par bya'o/ /mkhris pa dang khrag dang / bad kan las gyur pa'i klad pa'i nad yod de/ nad des mgo'i nang rul bar byas te/ srin bu skyes nas zos pa las 'brum bu khre'am/ 'bras dkar po tsam 'byung ba ni ba la ta ka lta bu'i mgo nad ces bya'o/ /bad kan dang / rlung las gyur pa'i klad pa'i nad mgo g.ya' ba dang / skra 'byi ba dang / tshor ba med pa dang / rtsub pa la pags pa'i phyi shun gog pa de ni klad pa'i nad ru na ka zhes bya ba yin no//mkhris pa dang rlung 'dres pa ba spu'i khung bu nang du zhugs te/ skra rtsa 'byi bar 'gyur zhing / de'i shas kyis nang du bad kan dang khrag zhugs te/ sbubs rnams skyer mi ster de 'gog par byed pa de ni klad pa'i nad in+d+ra lu pa ta zhes bya'o//gzhan dag ni re ru dza zhes bya bar 'dod do/ /kha cig ni spu 'byi zhes 'dod do/ /mi rnams kyi na tshod 'gyur ba bzhin du rim gyis skra 'byi zhing spyi cer du 'gyur ba yin te/ de yang rlung las spyi cer du gyur pa'i rtags ni tshig pa bzhin du mdog gnag pa yin no//mkhris pa'i spyi cer ni rtswa tshos pa lta bus khyab pa yin no/ /bad kan gyi spyi cer ni pags pa mthug cing mdog gnag pa dkar ba yin te/ de ltar nad gzhi rang rang gi mdog bzhin du pags pa'i mdog kyang de ltar shes par bya'o/ /nad gzhi thams cad kyi mtshan ma dang ldan te/sen mo'i mdog ltar snang ba dang / yang na mes bsregs pa bzhin du spu med cing tsha 'ur 'ur por 'dug pa de ni gsor mi rung ngo / /mya ngan dang chad pa dang khros pa las skyes pa'i lus kyi drod gang yin pa de spyi bor zhugs nas des skra'i rtsa bar tshos shing smin par byas nas skra dkar skye bar 'gyur ro//de la rlung las gyur pa'i skra dkar gyi mtshan ma ni spu grugs pa can dang / cung zad sngo bsangs su 'dug pa dang / sra zhing rtsub la chu'i nad mdog ltar 'dug pa yin no/ /mkhris pa'i skra dkar gyi mtshan ma ni tsha ba dang / mdog cung zad sngo bsangs su 'dug pa dang /bad kan gyi skra dkar gyi mtshan ma ni snum pa dang / 'phel ba dang / sbom pa dang / mdog dkar ba yin no/ /'dus pa las gyur pa'i skra dkar gyi mtshan ma ni 'dres pa yin no/ /'dus pa'i mgo nad las gyur pa'i spyi cer dang / skra dkar la sogs pa gzhan dag ni gsor mi rung ngo //lus gyur pa las byung ba'i spyi cer dang / skra dkar ni bcud kyis len gyi cho gas gso bar bya'o/ /mgo nad kyi dmigs shes par bya ba'i le'u ste nyi shu rtsa gsum pa rdzogs so// //de nas mgo nad gso ba'i le'u bshad par bya ste/de la rlung las gyur pa'i mgo nad la ni rlung gi cho ga rnams spyad par bya ste/ de yang thog ma dang nyal khar mgo bo mar gyis bskus te/ mar khu dro 'jam dang / 'o ma btung bar blud do/ /sran ma sha dang rgya sran dang / sran mung+ga ste/ de la rlung las gyur pa'i mgo nad la/ de rnams gang yang rung ba mar dang ldan par sbyar bar bza'o/ /til mar dang 'o ma bsres pa'i btung bar blud pa'am/ til mar ma rnyed pa na til btags pa'i 'o ma dang lhan cig sbyar ba blud do/ /de'i 'og tu glan pa'i dugs sam/ yang na sha brdungs pa 'u su dang sbyar bas mgo la dugs byas na phan no//rlung 'joms pa'i sman rtsa ba bcu pa la sogs pa 'o ma dang sbyar bas mgo la blugs par bya'o/ /snum dang ldan pa'i sna sman gtang ba dang / du ba rngub pa dang / de bzhin du mgo bo dang / rna ba rnams nyams brta bar bya'o/ /sman ba ra na'i sde tshan 'o ma dang chu dang bskol la/'o ma lus pa dang / de bsrubs la mar sar phyung ba dang / mngar ba'i sde tshan gyi sman dang / yang bskol ba'i khu ba mar des snar blugs pa byas na rab tu bsngags so/ /yang na mngar ba'i sde tshan de nyid dang / 'o ma yang bskol ba mar dang kha ra dang ldan pa sbyin no//ras bal gyi sa bon dang / shing tsha dang / gla sgang dang / sna ma'i me tog kham bye ba rnams kyi phye ma chu dron dang sbyar te sna sman du btang na/ mgo nad zug gzer dang bcas pa 'joms so/ /li kha ra dang / gur gum dang / mar lhan cig bskol te snar blugs na/khrag dang mkhris pa las gyur pa'i klad nad sel to/ /yang na ru rta dang / rgya spos dang / ut+pa la dang / tsan+dan dang / de rnams mar dang sbyar ba'i 'dag gus mgo la byugs na phan no/ /rlung gi nad la gnod pas 'dir gtar ga ni mi bya'o/ / ji skad bstan pa bzhin du gso ba de dag gis ma zhi na ni me'i las bya ste/ bad kan la yang de ltar me btsa' bya'o/ /klad pa phyed na ba'i rlung 'joms pa la yang cho ga de ltar bya'o/ /de bzhin du nad gzhi'i tshul dang sbyar te gso ba yang ci rigs par sbyar te/ shri sha'i sa bon dang /a ba marga'i rtsa ba dang / lan tshwa lce myang tsha dang sbyar bas sna sman gtang ngo / /sa la par+Ni 'am/ yang tsakra marda gang yang rung ba skyur dang sbyar bas mgo bo bsku'o/ /klad nad nyi ma ltar 'khor ba rnams la yang cho ga gong ma ltar bya ste khyad par du khrag dbyung ngo //mkhris pa las gyur ba'i mgo nad la ni thog mar snum chos bya ste/ de'i 'og tu khrag gtar ro/ /sman bsil ba'i nus pa dang ldan pa'i byug pas byugs pa dang / blugs pa dang / lus slon khrus kyis sbyang ba dang / mas gtong ba yang bya'o/ /yang na 'tsho byed sde bcu 'o ma dang mar dang lhan cig bskol ba'i mar gyi btung ba dang snar blugs pa yang spyad do//khrag las gyur pa'i mgo bo'i nad la yang / mkhris pa'i gso ba ji lta ba bzhin du bya'o/ /mur 'gram gyi nad kyang mkhris pa'i gso ba ltar bya ste/ tshabs che zhing yun ring ba ni spang bar bya'o//bad kan las gyur pa'i mgo bo'i nad la ni mar rnying pas snum chos byas la sman tsha ba'i skyug sman gtang ngo / /dugs dang byug pa dang sna sman la sogs pa'i rtsub pa dang / dro ba dang rno ba'i sman gyis bya'o/ /'dus ba las gyur pa'i mgo nad la ni sman gyi gso ba yang 'dres par sbyar te/smyung ba yang rab tu bsngags so/ /srin bu las gyur pa'i mgo nad la ni srin bu srog chags gang yang rung ba'i khrag gis snar blugs na/ nang gi srin bu la khrag gis reg ste/ de'i dris srin bu brgyal nas/ sna dang kha'i sgo nas phyir 'byung bar 'gyur ro//de nas sman shin tu rno bas sna sman dang / du ba rngub pa dang / bsku byug dang / srin bu la phan pa'i sman sbyar bar bya ste/ byi dang ga dang / swartsi ka'i thal ba dang / dan ti dang / shing kun dang / de rnams ba gcin dang sbyar ba'i khu bas sbyor ba byas na phan no//sman tsha ba gang yang rung ba dang / nim pa dang / ing gu ti dang / bi lu dang / de dag gang yang rung ba'i 'bru mar gyi sna sman yang sbyar ro/ /yang na byi dang ga ra'i gcin dang bsres nas snar blugs na srin bu 'joms pa'i mchog yin no/ /sman pu ti mad tshwa dang /byi dang ga gnyis sbyar te du ba rngub pa dang / snar blugs pa dang / sman du sbyar na phan no/ /srin bus khrag 'thung ba yin pas/ 'di la khrag mi dbyung ngo / /de la mgo 'dam pa'i nad la ni rlung gi mgo nad gso ba thams cad bya ste/ bsreg pa'i las ni ma gtogs so//nye ba'i mgo zhes bya ba'i klad pa'i nad skyes pa'i snga rol du'am skyes ma thag gsar du byung ba yang rung ste/ de la ni rlung nad gso ba'i cho ga bzhin bya la/ smin nas ni 'bras nad kyi gso ba ltar bya'o/ /mgo nad thor bu dang / 'brum bu can la ni khong 'bras cung zad smin pa'i cho ga rnams bya'o//ba la ta ka lta bu zhes bya ba'i mgo nad la ni srin bu pad bas gtar te/ nim pa'i chus blugs par bya'o/ /stag rtug gi khu ba'i nang du lan tshwa shas cher btab ste byug go /yang na pa to la dang / nim pa'i lo ma 'am/ yang na yung ba dang / til gyi tshigs ma rnying pa dang / khyim bya'i rtug pa gnyis lhan cig sbyar ba 'am/ sbyor ba gsum po gang yang rung ba ba gcin dang sbyar ba'i 'dag gus bskus na phan no/ /ru rta'i phye ma til mar dang / sla nga'i nang du brngos te/ mgo nad pa la ta ka zhes bya ba la bskus na/ g.ya' ba dang / gnag pa dang / tsha 'ur 'ur por 'dug pa dang / nad kyis nyam thag pa rnams 'joms so/ /ma la ti dang / tsi tra ka dang / ka ra bI ra dang / ka rany+dza dang / de rnams til mar dang bskol bas skra bregs pa'i 'og tu bskus na/ ba la ta ka zhes bya ba'i nad thams cad sel to//de ltar byas kyang ma zhi na slon la sogs pas mgo nad dag par bya ba la 'bad par bya'o/ /klad pa'i nad da ru na ka zhes bya ba la ni thog mar dpral ba'i rtsa nas gtar ga byas la/ mgo bkru zhing phyi bdar la sogs pa'ang bya'o/ /sna sman dang sna'i sbu bu'i sman yang bya'o//pi la ya'i sa bon dang / shing mngar dang / ru rta dang / mon sran gre'u dang / yungs kar dang / rgya skyegs dang / dong ga'i lo ma dang / tsakra mar d+ha dang / skyu ru ra'i 'bras bu rnams sbrang rtsi dang 'dag gur byugs na phan no/ /khre rgod kyi sog ma bsregs pa'i thal ba chu dang sbyar bas bskus na phan no//klad pa'i in+d+ra lu pa ta zhes bya ba la ni nad gzhi ji lta ba bzhin du khrag gtar ba dang / zhal zhal bya ste/ de'i 'og tu nag tshur dang / ldong ros dang / spangs ma dang / na le sham dang / 'u su dang / thang shing rnams sam/ yang na 'ol ma'i 'bras bu dang / rtsa ba 'am/ yang na ling gi rtsa ba 'am/ ka ra bI ra rang gi khu ba 'am/ yang na kaN+Da ka ri rang gi khu ba'am/ bskol ba'i khu ba sbrang rtsi dang sbyar ba'am/ yang na lung tang tse'i 'o ma'am/ sman go bye'i khu ba'am/ yang na til gyi me tog dang / gzem mar dang sbrang rtsi dang sbyar ba'am/ yang na glang po che'i so bsregs te/ snag tshar byas la til mar dang sbyar ba'am/ sbyor ba brgyad po de dag las gang yang rung bas bskus na ni in+d+ra lu pa ta zhes bya ba skra 'byi ba'i nad la phan pa'i mchog yin no/ /de la skra dkar skyes pa'i nad la ni skra bzhar la lug gi rwa glang po che'i so bzhin du snag tshar byas te bskus la/ji srid skra nag por ma song gi bar du chu blugs pa la sogs pa yang spang ngo / /spyi cer dang / skra dkar dang / gnyer ma dang skra ser por gyur cing skyes pa la ni thog mar slon khrus kyis lus sbyangs la sna sman dang gdong dang mgo rnams su bsku byug rnams yang dag par spyad par bya ste/bri ha ti la sogs pa rtsa ba bcu pa til mar dang bskol ba'i mar gyis sna sman blugs so/ /yang na nim pa'i mar gyis zla ba gcig gi bar du sna sman blugs te/ btung ba 'o ma blud do/ /rams dang / shri sha dang / e raN+Da dang / de rnams bring ga rA dza'i rang gi khu ba'i nang du sbangs te blugs pa'am/ yang na lcags skyogs 'o ma dang btags pa'i 'dag gus shing e ran lu dang / ba ru ra'i shing dang / til dang / zangs ma'i sa bon dang / kA kA ti ka'i sa bon rnams cha snyoms pa la bsgos te/ nyi ma'i 'od lta bu la bskams la/de'i 'bru mar btsir la phyung ste/ mar de btsos nas sman du blugs pa dang / mar nyi tshe 'thungs na skra dkar med par byed do/ /sa ha ra dza dang / bring ga rA dza dang / bye'u rug pa dang / de rnams re re'i khu ba srang sum cu rtsa gnyis gnyis/ 'o ma srang sum cu rtsa gnyis dang /til mar srang brgyad dang / shing mngar srang gcig gi phye mas btab ste bskol la mar lus pa dang / rdo'i snod dam/ shing a sa na'i snod dam/ lug gi rwa'i nang du bzhag ste/ sna sman du btang na skra dkar la phan no/ /yang na pa ya s+ya dang / ka ra bI ra gnyis 'o ma dang btags te skra dkar phyung ba'i rjes la bsku bar bya'o//de bzhin du skra dkar 'joms pa'i sman gyis bsku'o/ /bi la ya dang / shing mngar dang / dzi ban ti'i sde tshan dang / til nag po dang / sa nag po dang 'o ma rnams sbyar ba'i 'dag gus sbyar te bskus na skra ser ba dang /gnyer ma rengs par byed do/ /til dang / skyu ru ra dang / pad+ma'i ge sar dang / shing mngar dang / de rnams kyi phye ma sbrang rtsi dang / 'dag gur sbyar te mgo la bskus na skra 'phel zhing rgyas par byed do/ /spang spos dang / ru rta dang / til nag po dang / thal tres dang / ut+pa la sngon po dang / de rnams btags te 'o ma dang sbrang rtsi dang sbyar bas bskus na skra skye zhing 'phel ba'i mchog yin no/ /lcags phye dang / bring ga rA dza dang / 'bras bu gsum dang / sa nag po dang / de rnams kyi phye ma bu ram shing gi khu ba'i nang du zla ba gcig gi bar du bzhag la/de nas mgo la bskus na skra rtsa ba dang bcas pa nag por byed de/ sran ma sha dang / khre rgod dang / 'bras rtsabs dang / nas thug dang / lcags phye dang / de rnams tshwa skyur po'i nang du zhag gsum sbangs te/ mgo la bskus na bya dkar yang mdog nag por byed na/skra lta smos kyang ci dgos/ pi pi ling dang / pra puN+Da rI ka dang / shing mngar dang / tsan+dan dang / ut+pal sngon po dang / de rnams kyi phye ma skyu ru ra'i khu ba dang / til mar dang lhan cig bskol te/ mar lus pas sna sman dang bsku byug tu bsten na/klad pa'i nad thams cad dang / skra dkar med par byed do/ /nye'u shing dang / dzi ban ti'i khu ba dang / sle tres dang / 'o ma dang / snum rnam gnyis lhan cig bskol te/ 'o ma dang mar lus pa'i nang du 'tsho byed sde bcu'i sman gyi phye mas btab la yang bskol te/mar lus pa las snar blugs na/ nam tshong yan chad kyi nad sel bar byed do/ /rma bya'i sgro dang / mkhris pa dang / rgyu ma dang / rkang pa dang / rtug pa dang / mchu dang / de dag bor ba'i sha nyi tshe dang / rtsa ba bcu pa dang / ba la dang / ra sna dang / shing mngar dang sman de rnams srang gsum gsum rnams chu dang bskol te/bzhi cha lus pa'i nang du mar srang sum cu rtsa gnyis dang / de'i bzhi 'gyur gyi 'o ma dang / dzI ban ti dang / 'bras bu gsum dang / me da dang / rgun 'brum dang / ba ru ra dang / pa ru sha ka rnam gnyis dang / sa mang ga dang /dbyi mo dang / ga bra'i rtsa ba dang / tang pal dang / su ti ka dang / kha sral phre'u dang / ma hA me da dang / shing ta la dang / 'bra go dang / pad+ma'i rtsa lag dang / khardzu ra'i rtsa ba dang / shing mngar dang / dzi ba ka dang / nye'u shing dang / byid ri dang / bu ram shing dang / bri ha ti dang / thal tres rnam gnyis dang / bu ram shing dang / mur ba dang / gze ma dang / zangs rtsi dang / shing ga ta la ka dang / rgun 'bru go stan dang / ra sna dang / nyi ra dang / lca ba dang / sug smel dang / zur ba dang / ma nu dang / ba spru ba dang / nu gang dang / bu tshang rdo dang / byi tsher ba dang me tog ma tu ka dang /star ka dang / bA tA ma dang / muny+dza ta ka dang / shri shi da dang / de rnams zho gnyis gnyis btags pa'i phye ma btab la bskol te mar lus pa ni rma bya chen po'i sman mar zhes bya ste yon tan gong ma bas che ste/ lus zungs brtas shing dbang po gsal bar byed pa dang /skad 'gags pa dang / lud pa dang dbugs mi bde bas nyam thag pa 'joms te/ de bzhin du zla mtshan zag pa dang / khu chu'i skyon la rab tu bsngags te/ nad med cing mo gsham la yang bu ster bar byed do/ /de bzhin du byi ba dang / khyim bya dang / dad pa dang / ri bong dang / de rnams gang yang rung ba'i re re nas rma bya'i cho ga bzhin du ma lus par byas na yang phan yon de dang 'dra'o/ /de ltar nam tshong yan chad kyi nad nyis brgya sum cu so gcig po phan tshun ma 'dres par rgya cher bza' ba yin no/ /skyes bu rnams kyi lus kyi rtsa ba ni mgo bo yin la yan lag gzhan rnams ni yal ga lta bu yin no zhes drang srong rnams smra ste/de'i phyir mgo bo lus kyi rtsa ba lta bu la mtshon dang nad la sogs pas gnod par 'gyur na/ myur du gso bar bya ba gces so/ /dbang po rnams dang / srog kyang mgo la brten te gnas pas/ des na yan lag gi dam pa mgo bo bsrung ba la 'bad par bya'o//mgo bo'i nad gso ba'i le'u ste nyi shu rtsa bzhi pa rdzogs so// //nam tshong yan chad kyi nad gso ba'i rgyud bshad zin to// //de nas rma gso ba'i le'u bshad par bya'o/ /de la rma la rnam pa gnyis te/ lhan cig skyes pa dang / glo bur du byung ba gnyis so/ /de yang rma red pa dang / rma ma red pa'i bye brag gis rnam pa gnyis te/ de la lhan cig skyes pa'i rma ni nad gzhi'i dbang gis lus las skyes pa'o/ /glo bur du byung ba'i rma ni phyi rol gyi mtshon la sogs pa phog pa las byung ngo //de la rma red pa ni nad gzhi dang bcas pa ste ma rungs pa'o/ /rma ma red pa ni dag pa ste/ nad gzhi dang mi ldan pa'o/ /nad gzhi rnams dang khrag 'dres te/ rma red pa'i mtshan ma ni phag che la kha chung ba dang / yang na kha che la phag chung ba dang rma sra zhing rdo 'dra ba dang /yang na shin tu tsha ba dang / shin tu zab pa dang / yang na rma mtho ba dang / rma shin tu grang ba 'am/ yang na shin tu dro ba dang / mdog dmar ba dbal skya ba dang / rnag dang chu ser 'dzag pa dang / lus zad pa dang / rnag dang / sha dang / rgyus pa dang / rmas rtsa g.yogs pa dang / rma mched cing rab tu na ba dang / tsha ba dang / skrangs pas rab tu na ba dang / g.ya' ba la sogs pa'i bla brnan de dag dang ldan pa yun ring por rma 'tsho dka' ba yin te/ bcwa lnga po de dag ni rma ma rungs pa'i rtags so/ /rlung las gyur pa'i rma'i mtshan ma ni rma mdog rtsa gnag cing 'byar ba dang /thal ba dang / thi ba dang / rus pa'i mdog tu snang ba dang / rma'i nang nas zho ga chu dang / sha bkrus pa'i chu dang 'dra ba slan te nyung ngur 'byung ba dang / sha zad cing shin tu na zhing zug pa dang / rtsub cing 'gags pa yin no//mkhris pa las gyur pa'i rma'i mtshan ma ni rma myur du smin pa dang / rma'i mdog ser ba dang / sngo ba dang / ser skya dang / kham par 'dug pa dang / gcin gyi mdog tu 'dug pa dang / rgya skyegs shing gi khu ba lta bu dang / thal chu lta bu dang / til mar lta bu'i chu ser tsha ba mang du 'byung ba dang /rma kha thal sman gyis btab pa dang / khab kyis gtsags pa bzhin du na zhing dmar la tsha zhing smin pa dang ldan pa'o/ /bad kan las gyur pa'i rma'i mtshan ma ni mdog skya ba dang / g.ya' ba dang / chu ser dkar zhing bska ba mang du 'dzag pa dang /rma'i thon 'khor mkhrang zhing mthon por 'dug pa dang / rgyus pa dang / rtsa'i dra ba snang zhing zug gzer chung ba yin no/ /khrag las gyur pa'i rma'i mtshan ma ni byu ru'i mdog ltar shin tu dmar ba dang / chu ser khrag dang bcas par 'dzag pa dang /rta'i gnas kyi dri ltar bro ba dang / gzhan yang mkhris pa'i rma'i mtshan ma yang 'dir sbyar ro/ /nad gzhi gnyis 'dus pa las gyur pa'i rma dang / gsum 'dus pa las gyur pa'i rma'i mtshan ma yang gang dang gang 'dus pa de dang de'i mtshan ma 'dres pa brtags te shes par bya'o//rma dag cing ma red de gnod pa byed pa'i mtshan ma ni/ lce'i mdog 'dra bas 'jam zhing mnyen pa dang / rma'i thon 'khor skya nar 'dug pa dang / 'brum phran snyam du 'byung ba dang / yang na rma'i dbus su chung zhing mtho ba 'byung ba rnams yin no//pags pa dang / sha dang / rtsa dang / rgyus pa dang / tshigs dang / rus pa dang / nang rol dang / gnad dang / brgyad po de rnams su kha 'byung ba ni gso dka' ba dang / de yang go rims bzhin du 'og ma 'og mas gso dka'o/ /skyes bu'i snying stobs che zhing phog snya dang ldan pa dang /sha che zhing me'i drod dang ldan pa dang / lang tsho dang ldan zhing nyams stobs dang ldan pa dang / rma'i sgros zlum pa dang / dkyus ring ba dang / zur gsum dang / zur bzhi po yod pa de ni gso sla ba yin no/ /de bzhin du dpyi dang / rkub dang / pho mtshan dang / mchu dang / rgyab kyi sgal tshigs dang / rgyab kyi gzhung dang / kha dang mkhur tshos su rma byung ba yang gso sla'o/ /rma gso dka' ba ni mig dang / snying dang / sna dang / mig 'gram dang / lte ba dang / pho mtshan dang / rkub kyi bar bred bred po dang /lto ba dang / rna ba dang / rtsib logs dang / mchan khung dang / nu ma rnams su byung ba'i rma dang / rma'i nang nas lbu ba dang / chu ser dang / rnag dang / rlung 'byung zhing zug rngu dang bcas pa dang / stod du skyugs pa dang / mtshan bar rdol ba dang / gdong gi nang du byung ba dang / rked pa dang / rus pa la brten pa la/ mdze nad can la rma byung ba dang / dug bsten pa dang / lus skem pa dang / gcin nad sbrang rtsi lta bus btab pa dang / de rnams la rma byung na gso dka' ba yin te 'tsho bar yang dka'o/ /gang yang rma'i steng du rma byung ba dang /shu ba chen po'i nad dang / rims dang / tshad par 'khru ba dang / lud pa lu ba dang / skom dad che ba dang / gnyid med pa dang / dbugs mi bde ba dang / rma rnags mi shes pa dang / klad pa'i srubs bye zhing klad rgyas snang ba dang /rgyus pa rul bar byas pa dang / rtsa chad pa dang / rma phug ring ba dang / srin bus zos pa dang / rus pa chad pa dang / zug rngu dang / dug dang bcas pa dang / rma brtags pa dang / log par bcings pa dang / snum shas che ba dang / rtsub pa dang / rma'i nang du spu la sogs pa zhugs pa dang /'gul bskyod mangs pa dang / khong pa ma dag pa dang / 'grangs ches pa dang / lus rab tu rjud pa dang / chang mang du 'thung ba dang / nyin par gnyid log pa dang / nyal po bsten pa dang / mtshan mo gnyid ma log pa dang / rma'i cho ga log par byas pa dang / 'di rnams spyad na ni gso ba byas kyang mi 'grub bo/ /gang gi rma gso ba mdog thi ba'i mdog tu 'dug pa dang / nang gi rnag zad pa dang / sha'u phra mo brtan par 'byung ba ni myur du 'tsho bar 'gyur ro zhes bshad do/ /gal te rma skrangs pa lta na ni nad gzhi ji lta ba bzhin du slon khrus kyis sbyang bar byas te/lus dag nas de'i 'og tu sman gyi sbyor ba byas na myur du 'tsho bar 'gyur ro/ /ci ste rma skrangs par gyur na ni/ rgyun du bsil ba'i cho ga bya ste/ ji ltar skyes bu mes tshig pa la yang me de nyid la bdugs pas phan pa bzhin du gang gi rma skrangs shing mkhrang la mdog nag par 'gyur zhing na ba dang bcas la/dug dang ldan pa la ni khyad par du srin bu pad pa la sogs pas khrag dbyung ngo / /de ltar khrag ngan dang bral bar lta na de ma thag skrangs pa dang / mdog dmar ba dang /zug gzer zhi bar byed do/ /de ltar khrag phyung bzhin du sman bsil ba'i nus pa dang ldan pa dag ci tsam du btags pa 'o ma dang / bu ram shing gi khu ba'i nang du mar lan brgya sbrus pa'i mar dang ldan par byas nas bskus na/ snga ma ma skams par phyis kyang bskus la zhag rer de ltar bya'o//de ltar bya ba yang bsku ba'i zhag la sbyar gyi/ sbyar nas zhag lon pa mi rung ngo / /byug pa dang / blugs pa dang / bsku ba la sogs pa yang 'phral la byas pa can gyi rnyings pa mi phan no/ /n+ya gro d+ha dang / u dum+bA ra dang / a shwad+tha dang / p+lak+Sha dang / lcang ma dang / 'di rnams kyi shun lpags btags pa'i phye ma mar dang lde gur sbyar bas bskus na/ skrangs pa sel ba'i mchog yin no/ /rlung las gyur pa'i skrang pa mkhrang zhing sra ba zug gzer che zhing khrag 'dzag bzhin du rma skrangs shing na ba 'di lta bu la ni/ dugs dang gsher sa'i sha las g.yos su byas pa'i zas dang / zar ma dang / til mar brngos te/ 'o ma dang btags la bskus na/ rma na zhing na la skrangs pa tshabs che ba yang sel to/ /bad kan dang rlung gis rma skrangs pa la ni sra la brtan zhing zug gzer chung ba yin te/de la ni bad kan dang rlung 'joms pa'i sman dang sbyar ba'i nus pa snum gyis bsku byug bya ste/ de'i 'og tu 'od ma'i sbu gu nas rim gyis dugs byas la/ de'i 'og tu skangs pa snyi bar bya ba'i phyir lag pa'i mthil lam mthe bos mnye bar bya'o/ /de'i 'og tu nas dang / gro dang / mon sran sde'u rnams bskol te btags pa'i phye ma lde gur bskus na yang skrangs pa snyi bar 'gyur ro/ /des kyang zhi bar ma gyur na dugs bya'o/ /de la yang rma smin na ni zhi bar 'gyur la ma smin na ni de lta ma yin no/ /de la dugs ni/ rgya shug dang / til dang /zar ma dang / rgyam tsha dang / phabs dang / ru rta'i phye ma dang / skyur po dang sbyar ba'i zan dron gyis glan pa'i dugs byas na rab tu bsngags so/ /legs par smin na ni skrang pa'i phyogs gcig tu mthon por 'dus par 'gyur te/ de la ni ci rigs par btsir ro/ / shin tu gzhon pa 'am skyid de ba dag drag tu btsir ba la sogs pa'i las mi bzod pa la ni gu gul dang / zar ma dang / ba bla dang / gtsang sman khron bu dang / rta'i rtug pa dang / thal sman gyi sman rnams kyis skrang pa smin pa la rang rdol du gzhug go/ /rma nang du 'khyims te phyir byung du ma 'dod na/phan tshun mched par rgyu zhing gnas rnams su zhugs pa la ni snum med sman gyis rnags dbyung ba'i ched du rma nang du bskus la rnag 'jib tu gzhug go/ /rma skoms par gyur na ni 'jib sman dang / sman gyis bsku ba rnams spang bar bya'o/ / 'jib sman dang byug pa de dag kyang rma khar mi bsku ste/ sbyor ba de dag byas na nyes pa rnams mi 'byung ngo / /de la 'jib sman ni bod sran dang / nas dang / gro dang / mon sran sde'u dang / bra bo dang / gzhan yang sman spyi bag can rnams lhan cig sbyar la 'jib rtsi bya'o/ /gcin nad dang /mdze nad kyi rman tshabs cher red pa la ni byi'u rug pa dang / dong ga'i sde tshan gnyis kyi dang po sman bdun bdun bskol ba'i khu bas rma bkru bar bya'o/ /yang na pa to la dang / nim pa'i 'o ma bskol bas bkru'o/ /rma dag pa yang rung ma dag pa yang rung ste/ de la ni n+ya gro d+ha la sogs pa gong du bstan pa'i sman lnga'i shun phrags bskol ba'i khu bas rma bkru bar bya'o/ /yang na pa to la dang / til dang / shing mngar dang / dur byid dang / dan ti dang / ser po rnam gnyis dang / nim pa'i lo ma dang / rgyam tsha dang / 'di rnams sbyar ba'i 'dag gus bskus na rma sbyong bar byed do//rma kha tshigs dang gnad rnams su byung ba la ni dur byid dang / dan+ti dang / lang ga li dang / rgyam tsha dang / sbrang rtsi dang sbyar ba'i chang bu phra mo byas te/ rma nang du bcug na sbyor bar byed do/ /rlung gis rma zug gzer drag po dang bcas shing rnag khrag 'dzag pa la ni nas dang /gro dang / mon cha ra dang / shri preSh+Ta dang / thang shing dang mar dang bcas pa'i dud pas bdug go /khrag dang mkhris pa shas che ba'i rma la ni shin tu bsil ba'i nus pa dang ldan pa'i sman gyis bsku'o/ /rma kha skams shing sha bri la rma zab pa la ni sha skyed pa'i sman bya ste/de yang n+ya gro d+ha dang / shug pa'i sde tshan dang / a shwa gan+d+ha dang / ba la dang / til dang / de rnams kyis bsku ba dang / sha za ba'i srog chags kyi sha cho ga bzhin du g.yos su byas te/ zos na sha skyed de/ sems kyang dri ma med par byed do/ /rma kha'i sha gsar ba phyir 'bur zhing rlo ba la ni srin bu shing gi me tog dang / nag tshur dang / ldong ros dang / ba bla dang / gu gul dang / kru trug tres dang / 'di rnams kyi 'dag gus bskus pa phan no/ /gal te sha de mthon por mthug cing sral g.ya' zhing yun ring po nas 'tsho ba la ni thal sman gyi las kyis gso bar bya'o//rde'u 'byin pa'i rma las gcin 'byung ba dang / tshigs su chad pa rnams la ni mdo'i gnas su ji skad bstan pa'i cho ga rnams bya'o/ /rma'i cho ga tshul bzhin byas kyang mi 'grub pa la ni me'i las rnams bya'o//de ltar rma'i kha rab tu sha rlo ba la sogs pa'i cho ga gong du bstan nas/ da ni rma 'tsho zhing 'drub par bya ba'i phyir sman sbyar bar bya ste/ a shwa gan+d+ha dang / seng phrom dang / kad pa la dang / shing mngar dang / btsod dang / da ta ka'i me tog dang /'di rnams kyi phye ma sbyar na rma 'tsho bar byed pa'i mchog yin no/ /rma ma smin pa dang / rma kha'i sha rul zhing 'drubs su mi 'dod pa la ni sman kha ba dang / mngar ba bskol ba'i nang du til mar dang / shing mngar gyi phye ma btab ste/ snum dang ldan pa dro 'jam tsam gyis bskus na rma 'drub par 'gyur ro//gong ma ni sbyor ba de'i steng du nim pa'i lo ma dang sbrang rtsi dang sbyar te bskus na/ rma'i cho ga sbyong ba'i mchog yin no/ /yang na sbyor ba de nyid zhun mar dang bcas pas bskus na yang rma myur du 'tsho bar byed do/ /gang du til med pa'i gnas su nas kyi skyin pa bya'o//zhes de nyid rigs pa'i sman pa rnams 'dod do/ /khrag dang mkhris pa las gyur pa'i rma dang / rma dug can dang / glo bur du byung ba'i rma dang / zabs su song ba'i rma dang / tsha ba dang bcas pa'i rma la ni mar dang 'o ma dang /rma 'tsho ba'i sman dang lhan cig sbyar te btang na rma 'tsho bar 'gyur ro/ /bad kan dang rlung las gyur pa'i rma la ni rma sman dang bskol ba'i nang du til mar dang sbyar ba btang na/ rma 'tsho bar 'gyur ro/ /nag tshur bya bal ma dang / seng phrom dang / a ru ra dang / sra rtsi pog dang / li khri dang / dngul rdo dang / spangs ma dang / 'di rnams kyi phye ma po son cha dang / til mar dang bcas pa btang na rma 'tsho ba'i mchog yin no/ /rma kha mnyam pa dang / rma'i sha brtan pa dang / pags pa la rma 'byung ba la ni ka kum dang / u dum+bA ra dang / a shwad+tha dang / shing 'dzam bu dang / kad pha la dang / seng phrom dang / 'di rnams btags pa'i phye mas btab na yang rma dag pa yin no/ /rma kha gsar pa pags pa dang / sha'u skyer mi 'dod pa la ni/ ka gu ba la sogs pa gong gi shing de rnams kyi phye mas btab na pags pa myur du skye bar 'gyur ro//rgya skyegs dang / ldong ros dang / btsod dang / ba bla dang / ser po rnam gnyis dang / 'di rnams kyi phye ma mar dang sbrang rtsi dang sbyar ba'i lde gus bskus na/ pags pa'i rma dag par byed pa'i mchog yin no/ /skyer pa dang / pri yang ku dang / a mra'i rus pa dang / he ma ka la dang / dngul chu dang / 'di rnams kyi phye ma ba lang gi lci ba btsir ba'i khu ba dang sbyar ba'i lde gus bskus na pags pa'i rang bzhin gyi mdog bskyed pa'i mchog yin no/ /spu skyed pa'i don du glang po che'i so snod kha sbyor gyi nang du dud pa ma shor bar bsregs pa dang /skyer kha Na dang til mar sbyar bas bskus na spu skye ba dang / de bzhin du srog chags rkang pa bzhi pa'i sen mo dang / spu dang / rus pa dang / pags pa dang / rwa dang / rmig pa dang / 'di rnams gong ma bzhin du bsregs la snag tshar byas pa til mar dang sbyar bas bskus na spu skye bar 'gyur ro//rma dang ldan pa'i skyes bus ni kha zas kyi phan gnod gang bsrung ba ni/ mdo'i gnas mtshon gyi las bstan pa'i skabs su blta bar bya'o/ /rlung las gyur pa'i rma la ni rtsa ba che chung lnga'i sde tshan dang / rlung 'dzoms pa'i sman dang sbyar ba gtang ngo //de bzhin du mkhris pa las gyur pa'i rma la ni/ n+ya gro d+ha dang / shug pa'i sde tshan gnyis dang / mkhris pa 'joms pa'i sman dang sbyar te gtang ngo / /bad kan las gyur pa'i rma la ni/ dong ga'i sde tshan dang / gang bad kan 'joms pa'i sman dang sbyar ba gtang ngo //nad gzhi 'dres pa las gyur pa'i rma la ni sman yang 'dres par sbyar la gtang ngo / /gong gi sman gyi sbyor ba de dag ni bkru ba dang / byug pa dang / sman mar dang / 'bru mar dang / khu ba bya ba dang / phye ma dang / gdar bu dang sbyor ba bdun po de dag gis ji ltar rigs pa bzhin du sbyar ro//dzA ti dang / nim pa dang / pa to la'i lo ma dang / pu tse shel dang / skyer pa dang / yung ba dang / thal tres dang / btsod dang / a ru ra dang / spra tshil dang / spangs ma dang / shing mngar dang / ka rany+dza'i sa bon dang / 'di rnams mar dang tshul bzhin bskol te sbyar la btang na rma kha chung ba dang gnad la brten te rnag 'dzag pa dang / rma zab cing zug gzer dang bcas pa dang / rma mched pa la phan te de dag cing 'tsho bar byed do/ /rma gso ba'i le'u ste nyi shu rtsa lnga pa rdzogs so// //de nas glo bur du rma gso ba'i le'u bshad par bya ste/ de la glo bur du byung ba'i rma ni/ 'phral du mtshon la sogs pas smas pa las 'byung ste/ de yang rma 'byung ba'i gnas kyang mtha' yas mod kyi/ re zhig smas pa'i rma rnam pa brgyad du bshad cing brjod par bya ste/de yang pags pa bshus pa dang / rma nyis rtseg tu 'byung ba dang / rnam par chad pa dang / rab tu 'phyang ba dang / yan lag lhung ba dang / rngu ba zug pa dang / gnad du bsnun pa dang / grugs pa'i rma rnams so//de la pags pa bshus pa'i rma ni pags pa tsam shus te/ chu ser nyi tshe 'am/ khrag cung zad dang bcas pa 'dzag la nad dang bcas pa yin no/ /rma nyis rtseg tu 'byung ba ni dang por gcig gis bsnun la de dang nye bar yang bsnun pa yin no/ /rnam par chad pa'i rma ni mtshon gyis lan cig bcad pa'i steng du yang brnan pa'o//rab tu 'phyang ba'i rma ni rus pa'i lhag ma tsam gyis 'brel te 'phyang bar 'gyur ba'o/ /yan lag lhung ba'i rma ni yan lag 'ur por chad de sa la lhung ba'o/ /rngu ba zug pa zhes bya ba'i rma ni mtshon rtse shin tu phra ba lus la zug ste/khong par zhugs pa ma gtogs par mtshon nang du lus pa'o/ /bsnun zhes bya ba ni gnad du bsnun pa'o/ /grugs pa zhes bya ba'i rma ni khrag dang rkang gnyis 'brel bar 'khrugs pa'o/ /mtshon gyis drag tu bsnun zhing phog na ni/rma kha yangs shing rgya chen por song ste/ rus pa dang mtshams bye ba yin no/ /de ltar rma glo bur du byung ba la ni shing mngar dang mar sbyar bas bsku'o/ /yang na shin tu zug gzer che ba la ni/ ba bla'i 'bru mar dro 'jam tsam gyis bsku'o/ /smas te khrag mang po byung zhing tsha ba skyes na de gzhi la bar bya ba'i phyir/sman mngar ba dang bsil ba'i sman snum pa dang bcas pa rma khar blugs so/ /glo bur du 'byung ba'i rma kha rgya chen por song na ni rub par bya ba'i phyir sbrang rtsi dang mar sbyar bas bsku zhing mkhris pa 'joms pa'i bsil ba'i sman rnams kyang sbyar ro//de'i 'og tu slon khrus kyis lus sbyang ba dang / smyung ba bya ba dang / zas zos pa'i 'og tu rtag tu gtar gas khrag dbyung bar bya'o/ /de la pags pa bshus pa'i rma dang / grugs pa'i rma gnyis la ni khyad par du cho ga gong ma ltar bya ste/gang gi phyir zhe na de gnyis ni 'dzag pa nyung zhing myur du smin pas so/ /rma gzhan ni phal cher rma mang du 'byung ste/ khrag mang du 'dzag cing zad pas/ rlung 'khrugs nas zug gzer skyed par byed do/ /de la ni rlung 'joms pa'i sman dang sbyar ba'i btung ba dang /blugs pa dang / dugs dang / bsku ba dang / byug pa dang / 'jam rtsi mas gtong ba rnams bya'o/ /glo bur du byung ba'i rma la 'phral gyi gso ba de dag byas nas zhag bdun gyi bar du bzhag go/ /de ltar zhag bdun gyi bar du 'das te/ zug gzer gyi shugs glod pa dang / de'i 'og tu gong du smos pa'i cho ga rnams spyad do/ /de ltar bshad pa de dag ni rma spyi'i cho gar bstan pa yin no/ /da ni re re'i gso ba bshad par bya ste/ de la pags pa bshus pa'i rma la ni zug gzer che zhing zhi bar bya ba'i phyir myur du rma la sman gyi phye ma sbyar ro//rma nyis rtseg tu 'byung ba la ni 'dag gu la sogs pa sbyar ro/ /rnam par chad pa dang / rab tu 'phyang ba'i rma la ni cho ga bzhin du btsems te bcings la rnag gzags shing btsir bar bya'o/ /mtshon gyis mig bcar ba de ni gsor mi rung ngo //gang gi mig gnas nas bskyod de phyir 'byung zhing 'phyang ba la ni snga ma'i gnas ji lta ba bzhin du bzhag la/ sman pas mig gi dbus su rtsa las gtar zhing pad+ma'i 'dab ma gnyis kyi bar du btsir zhing khrag gzag go/ /de nas mar gyis bsku ba dang /sna sman dang mig brta ba'i cho ga byas na phan no/ /shing mngar dang / dzi ba ka dang / zangs rtsi ba dang / ut+pa la dang / de rnams ra'i 'o ma dang lhan cig bskol te mig tu blugs na/ mig nad snad pa thams cad las rgyal bar byed pa'i mchog yin no//mtshon gyis snad de mig phugs su zhugs pa la ni mgul ba bsdams pa dang / skyug tu gzhug pa dang / lud pa dang / sbrid pa 'byung ba'i thabs bya ba dang / dbugs rngub cing bsdams pa rnams byas na phan no/ /yang na mig snad pa'i gso ba rnams byas na phan no//rna ba snad cing smas te gnas las nyams na ni/ rma btsems la rma'i nad thams cad til mar gyis dgong ngo / /lhag par mtshon gyis bcad de smas na ni rma'i nang nas rlung ldang bar 'gyur te/ de la ni de ma thag myur du rma gnyis legs par sbyar te btsems la bcings te ra'i mar gyis bskus na rab tu bsngags so//nad pa des kha zas bza' ba yang gan rkyal bzhag pa'am/ mgo phyir bskyed pas bza'o/ /mal cha yang mi 'gul ba legs par byas te bzhag go/ /rkang lag 'phred du smas te rma byung ba ni rma kha legs par bsdus te bcug la ras bal lhan par btsems par bya'o//btsems la dbang bu dang bcas pa bcings te ras mthug pos dkri bar bya'o/ /phrag gong snad cing rma byung ba la ni ba lang gi pags pas mchan khung nas yar phrag par bcing ngo //rlig pa mtshon gyis smas te rkang pa gnyis kyi bar nas mar 'phyang ba la ni lgang pa'i nang du chu blugs pa la mas gtong pa'i sbu bu nas drangs pa'i chu drag po'i rgyun gyis bkru ste/ de'i 'og tu rlig pa rang gi gnas su bsdus te bcug la ras bal dang ldan par btsem par bya'o//dpyi smas shing snad pa la ni smas pa'i rma kha rang gi nang du bsdus te bcug la/ ba lang gi pags pas brla phrag nas yar bcings te/ ras kyi steng nas dkri bar bya'o/ /de la snum gyi blugs pa yang bya'o//gal te rma rnags na ni pri yang ku dang / a ga ru dang / sug smel dang / sna ma'i me tog dang / tsan+dan dang / par pa ta dang / ldong ros dang / skyer pa dang / sle tres dang / spangs ma dang / de rnams til mar dang sbyar ba'i mar gyis bskus na rma 'tsho bar 'gyur ro//rkang lag 'ud por chad na ni til mar bskol ba'i nang du bcug cing bsregs la pags pa'i shubs su bcug ste bcing bar bya'o/ /de'i 'og tu rma gso ba'i cho ga rnams spyad do/ /rngu ba zug pa'i rma la ni thog mar zug rngu byung la de'i 'og tu rma gso ba'i cho ga bzhin bya'o//grugs pa'i rma la ni rkang lag chag grugs kyi gso ba rnams sbyar ro/ /mgo bo la mtshon la sogs pa'i zug rngus zug pa la ni thog mar zug rngu phyung la skra tshoms bsnyil bas gzhug cing btsags la bzhag go/ /gal te klad rgyas 'dzag na ni rlung 'khrugs nas na ste/de ni rlung gi gso ba rnams bya'o/ /gzhan du byas na ni 'chi bar 'gyur ro/ /mgo bo'i rma lpags kyis rub na ni skra nyag re res rim gyis dbyung ngo / /gang gi klad rgyas mang du 'dzag ste bri bar gyur pa la ni srog chags gzhan 'phral bsad ma thag pa'i klad rgyas zar gzhug go//yan lag gzhan du zug rngu zug pa la ni/ thog mar zug rngu phyung la snum dang ldan pa'i reng bu bcug la btsang ngo / /gang gi rma kha chung zhing phugs su song ste/ khrag mang du 'dzag pa la ni tsakra mar d+ha'i mar gyis rkang pa bkang ste mas gtong ba'i sbu bu chung ngu dang rma'i nang du phul zhing gtang ngo //de la rma gnad du bsnun pa'i rma las khong pa'i nang du bsnan pa'i rtags ni/ lto ba khrag gis gang ba dang / brgyal ba dang / glo snying dang / rtsib logs su zug cing na ba dang / rims kyis 'debs pa dang /lus tsha ba dang / skom dad che ba dang / sbo ba dang / kha zas la mngon par mi dga' ba dang / bshang gci dang / rlung 'gags pa dang / dbugs mi bde ba dang / mig dmar ba dang / rngul ba dang / kha nas khrag gi dri bro ba dang / lus las dri nga bar 'byung ba yin no/ /khrag de pho ba'i gnas su byung na ni khrag gis skyugs pa dang / lto sbo ba dang / shas cher na zhing shin tu ma rungs par 'gyur ro/ /zhu ba'i gnas su long kar khrag de byung na ni/ shin tu khong lci zhing zug gzer dang bcas pa dang /lte ba'i 'og tu grang ba dang / gdong gi bu ga nas khrag 'byung ste/ de yang ma zhu ba'i gnas kyi khrag steng du 'gro ba'i lam med na/ gang nas 'byung zhe na/ de ni rtsa rgyun phra mo las steng du 'dzag pa yod de/ ci ltar lgang pa kha thur du bltas kyang rtsa rgyun phra mo las gcin gyi thigs pa nang du 'bab pa bzhin no//de la khong pa'i nang du khrag yod pa dang / lgang pa skrangs pa dang / dbugs mi bde ba 'thon pa dang / mig dmar ba dang / gdong skya ba dang / lto ba sbo ba'i mtshan ma dang ldan na ni spang bar bya'o/ / de la ma zhu ba'i mtshan ma'i gnas su khrag byung ba la ni/ slon sman byas na phan no/ /shu ba'i gnas long kar khrag byung ba la ni/ bkru sman dang ni ha ru gnyis snum med cing dro bas sbyar bar bya'o/ /kha zas ni nas dang / rgya shug dang / rgya sran gyi khu ba snum med cing nas thug rgyam tshwa dang bcas pa bza'o//khong pa'i nang du mtshon gyis phog ste khrag mang du 'dzag pa la ni khrag gi btung ba blud do/ /lto bar bsnun pa'i rma las ni rgyu ma chad rdol du gyur tam/ ma gyur pa'i bye brag shes par bya ste/ de yang ma rdol ba ni brgyal ba la sogs pa'i bye brag tshor ba shas chung ba yin no//gal te rdol na ni brgyal ba la sogs pas shas cher mi bde ba yin no/ /de la rgyu ma ma rdol ba ni 'tsho ba the tshom dang bcas pa yin no/ /rgyu ma rdo la ba ni 'tsho bar mi 'gyur ro//khong pa mtshon gyis smas te bshang gci rang tshul bzhin rang gi lam nas 'byung yang gnod pa dang / sdug bsngal dang bcas pa de yang 'tsho bar the tshom dang bcas pa yin no/ /khong pa ni rdol rgyu ma ni ma rdol bar phyir byung ba la nang du bsdus te slar gzhug go//gal te gzhug tu ma 'dod na ni dbugs gyen du brngubs na/ rgyu ma rang gi gnas su slar zhugs par 'gyur ro zhes kha cig smra'o/ /rgyu ma phyir byung ba de ni yun ring rdol te rdul la sogs pas gos na 'o mas bkru ste/ nang du zhugs pa'am lag pa'i sen mo bregs la mar gyis bskus te/rim gyis legs par gzhug go/ /rgyu ma phyir byung ba de ni yun ring du lon te skams na ni 'o mar sbang zhing mar gyis bskus la rim gyis legs par gzhug go/ /rgyu ma de rang gi gnas su legs par phyin pa rang nyid kyis dbugs rngub pa la sogs pa mi nus na gzhan gyis lag pa'i sor mo nad pa'i lce phugs su bzhag la skyug tu gzhug go /de bzhin du rgyu ma nang du gzhug khar zug gzer gyis brgyal na gdong la sogs par chus gtor ro/ /rma'i kha sgros chung zhing / rgyu ma sbom zhing che ste/ rgyu ma nang du zhugs su ma 'dod na/de shong ba'i tshad tsam dral la nang du gzhug go/ /rgyu ma de rang gi gnas su legs par phyin par shes na rma de btsem par bya'o/ /gal te rgyu ma sngar ji ltar 'dug pa bzhin du ma song ste/ rgyu ma 'chus shing 'khrug par bcug na ni 'chi bar 'gyur ro/ / de nas ras snum gyis bsgos pas dkris la steng nas mar gyis kyang bsku'o/ /de'i 'og tu tsi tra ka'i 'bru mar 'o ma dang sbyar ba dro 'jam tsam blud na bshang ba sla zhing rlung dang bcas pa bde bar 'byung bar 'gyur ro/ /cho ga gong ma ji lta ba bzhin du lo gcig gi bar du rma bsrung ba la 'bad par bya'o//smas te lto tshil phyir byung nas thal ba dang sa la sogs pa'i dri mas gos na ni rtsa ba bcu pa'i sman btags la khol ba'i khu bas bkrus la/ sman pa mkhas pas tshil ji tsam phyir byung ba'i mtshams su skud pas dam du bcings te mtshon rnon pos bcad pa'am/yang na mtshon me la bsregs pas bzhu'o/ /gzhan du log par bcad na ni khong pa na zhing zug la rgyu ma sgra dang bcas pa 'am/ yang na 'chi bar 'gyur ro/ /de ltar byas pa'i 'og tu ras sbrang rtsis byugs pas bcings la kha zas zhu ba'i tshod tsam na mar blud do//dan di dang / rgya skyegs dang / gze ma dang / shing mngar dang / de rnams 'o ma dang bskol ba blud pa 'am yang na gong du smos pa'i cho ga bzhin du byas na na zhing tsha ba las rgyal bar byed pa'i mchog yin no/ /tshil gyis thor bu gso ba'i nad du bshad pa'i 'bru mar gyi bsku byug byas na yang phan no//bal bu'i lo ma dang / shug pa dang / spang spos dang / ha re Nu ka dang / a ka ru dang / tsan+dan dang / ser po rnam gnyis dang / pad+ma'i sa bon dang / pu tse shel dang / de rnams til mar dang bskol ba'i khu ba bskus na/rma glo bur du byung ba gso bar byed pa'i mchog yin no/ /mtshon gyis bsnun tam/ g.yang sa nas lhung ste dran pa nyams shing rmongs bag tu gyur pa ni rlung dang / khrag 'joms pa'i sman gyis mnye ba dang / dril ba dang / lus dag par byed pa la sogs pas tshim par bya'o/ /lus kyi yan lag gi tshigs bye ba dang / lus tshabs cher snad pa dang / khrag zag pa dang / gnad du bsnun pa dang / de rnams la ni zom bzang po lus shong ba tsam til mar gyis bkang ste/ lus gzhug cing de'i 'og tu sha khu sbyin no//glo bur du byung ba'i rma gso ba'i le'u ste nyi shu rtsa drug pa rdzogs so// //de nas chag grugs gso ba'i le'u bshad par bya ste/ de la thog mar lhung ba dang / snad pa la sogs pas rus pa'i tshigs dang / tshigs ma yin par bye ba dang /chag pa rnam pa gnyis su 'gyur ro/ /de la tshigs byung ba'i rtags ni brkyang bskum gyi rtsol ba ni mi nus so/ /rus pa chag pa'i mtshan ma ni shas cher skrang ba dang / dus thams cad du zug cing na ba dang / bsgul bskyod phra mo tsam yang mi nus pa dang / myangs na rus pa khrol sgra grag pa ste/ de dag ni chag pa'i mtshan nyid mdor bstan pa'o/ /de la chag grugs kyi sbyor ba mang du smos pa las sbyor ba mang du ji lta ba bzhin du nyung zhig brjod par bya ste/ thog mar rus pa chag par gyur na rus pa 'khrol ba'i sgra grag go/ /de la rus pa gang yang rked khums su chag pa ni gzhug par sla zhing 'tsho bar yang sla'o//rus pa chag pa de zug cing ma chag pa tsam du lus pa'am/ yang na rus pa gzhol phyogs chag ste/ drangs kyang mtho dman du song ba ni shin tu gso dka' ba yin no/ /de bzhin du lus rjud pa dang /nyams stobs chung ba dang / rlung nad na ba dang / zas nyung ngu za ba dang / klad pa'i tshigs dang / rkang pa'i tshigs bye zhing 'byung ba dang / gdong bu'i rus pa chag pa dang / 'di rnams ni gso ba spang bar bya'o/ /gzhan yang mgo'i rus pa bye zhing mi 'byor ba dang phrad pa'i rus pa dum bur song ba dang /mur 'gram dang spyi gtsug slad de chag pa dang / yang na rus pa chag pa de legs par ma bcings pa dang / bcings kyang bar du bskul bskyod kyis grugs pa dang / yang na lam du 'gro zhing bskyod drags pas grugs pa dang / gso ba log pa byas pa rnams kyang spang bar bya'o//gang yan lag la sogs pa gcus pa'am/ drangs pas yan lag gi rus pa phra mo chag gam/ yang na tshigs byung ngam/ rus pa snyi ba chag gam/ yang na rus pa sbubs can chag gam/ yang na klad pa zhom pa 'am/de las gzhan pa'i rus pa chag ste/ chag 'phro mthon dman du song na/ gang mtho ba mnan cing dma' ba bteg ste/ drang por legs par gzhug go/ /phrag pa'i rus pa chag ste/ chag 'phro shin tu dma' bar gyur pa las dma' ba yar bteg ste bcug la pags pa sar pas dam du bcing bar bya ba'i cho ga bya'o//lus kyi tshigs 'gul ba dang / mi 'gul ba thams cad rig par chag gam/ byung na yang cho ga de ltar bya'o/ /gzhan yang rkang lag gi rus pa la sogs pa chag pa gang yang rung ba de dag kyang ci nas legs par bcug la mi 'gul ba'i thabs su bya ste/ras mar mang po bskus pas dkris la bcings te/ ka dam pa dang / u dum+bA ra dang / a shwad+tha dang / sA la'i shing dang / a rdzu na'i shing dang / rgya skyegs kyi shing dang / smyug ma dang / 'od ma dang / de rnams gang yang rung ba'i shun pa dang /gshag ma'i byang bu zhing che zhing srab la 'jam pas dbang du byas la bsdams te ku sha'i srad bus bcing bar bya'o/ /gal te lhod par bcings na ni 'byor ba bye zhing chag pa brten par mi 'gyur ro/ /bcing ba bsdam drags na ni shin tu na zhing zug gzer dang /tsha zhing khol ba dang / skrang bar yang 'gyur ro/ /bcings pa de tsha ba'i dus na ni zhag gsum gsum zhing lan re bkrol lo/ /grang ba'i dus na ni zhag bdun bdun zhing bkrol lo/ /dro grang mnyam pa'i dus na ni lnga lnga zhing bkrol lo/ /yang chag grugs kyi nad gzhi dang /stobs che chung dang sbyar la ci rigs par gyis shig /bkrol ba'i bar skabs kun tu n+ya gro d+ha la sogs pa bskol ba'i khu ba bsgrangs pas bkru zhing blugs par bya'o/ /gal te zug gzer dang bcas pa yin na ni/ rtsa ba chen po lnga bskol pas bkru'o/ /de bzhin du sman pas yul dang dus kyi bye brag shes par byas nas/tsakra mar da'i mar rlung 'joms pa'i sman dang sbyar ba'i lde gu dro 'jam tsam gyis bsku bar bya'o/ /gzhan yang shin tu bsil ba'i byug pa dang / blugs pa yang rgyun du bya'o/ /ba'i 'o ma dang mar dang sman mngar ba dang sbyar ba bskol ba rgya skyegs dang bcas pa grang mo nang re bzhin blud do//chag grugs rma dang bcas pa 'byung ba la ni sbrang rtsi dang mar shas cher sbyar bas bsku'o/ /gzhan yang skrangs pa gso ba'i cho ga las 'byung ba bzhin du sman bskol ba'i khu ba blugs pa la sogs pa bya'o/ / rma kha las sha'i dum bu 'phyang ba lta na ni sbrang rtsi mar dang sbyar bas bskus la slar sbyar te legs par bcing ngo / /de ltar bcings nas sha 'phyang ba de legs par sbyar ba 'dra na pri yang ku dang / seng phrom dkar po dang / kad pha la dang / btsod dang / da ta ki dang /'di rnams kyi phye mas gdab pa 'am/ yang na da ta ki dang / seng phrom gyi phye mas rma kha la btab na myur du rma 'drub par 'gyur ro/ /de dag ni chag grugs kyi gso ba rim par bstan pa yin te/ lus kyi khams nyams pa dang / dgun gyi dus dang / nyams stobs dang /lus shas che ba dang / nad gzhi chung ba rnams kyi rma ni gso sla ba yin te/ gzhan du ni gso dka' ba yin par bshad do/ /de la thog ma dang / bar ma dang / tha ma'i bar dus 'o ma yang dang po nas rim par myur du bskyed de/ blugs pa la sogs pa cho ga ji lta ba bzhin du byas na/rim gyis rma kha brtan par 'gyur te/ tshigs byung ba dang / rus pa chag pa yang slar 'byor par byed do/ /rked pa dang / brla dang / rje ngar gang yang rung ba chag na/ de la ni lus mi 'gyur ba'i cho ga bya ste/ nyal khri spang leb la gzer bu lnga btab ste/ de yang byin pa g.yas g.yon gnyis nas gzer re re dang / brla ngos gnyis nas re re dang / rkang pa'i mthil drang nas gcig ste/ de ltar gzer lnga'i bar du mi 'gul bar bzhag go/ /sta zur dang / sgal tshigs dang / gdong pa gang yang rung ba'i tshigs byung ngam chag na bkrol ba la sogs pa'i cho ga gong ma bzhin du bya'o//gal te yun ring po nas bkrol ba la sogs pa zhig yin na ni snum dang dugs la sogs pas 'jam po byas te gzod bkrol lo/ /bkrol ba'i 'og tu gal te chag 'phro ma zhugs sam grugs pa ltar na yang gong ma bzhin du'am sman pa'i blos ci rigs par yang legs par brtag ste gzhug go//sngar rus pa chag cing shas cher na ba dang bcas pa de legs par 'drub par 'gyur ba las phyis snad pa'am/ lhung ba la sogs pas yang chag par gyur na ni sngar ji ltar chag pa bzhin du 'am/sman pa'i blos ci rigs par yang brtags te gso bar bya'o/ /de ltar chag grugs su gyur pa la ni sman pas ci nas rnags par mi 'gyur bar bsrungs te/ gal te rnags par gyur na ni sha dang rtsa dang rgyus pa dang 'di rnams la gnod pas 'drub par mi 'gyur te/ zhigs par 'gyur ro/ /gzhan yang rlung nad kyi cho ga'i nang du bshad pa'i snum gyi sbyor ba rnam pa bzhi po sna nas gtang ba dang / 'jam rtsi la sogs pa stobs bskyed pa'i phyir 'di la yang sbyar bar bya'o/ /de bzhin du kha zas kyang 'bras sA lu dang / mar dang / sha khu dang / 'o ma la sogs pa dang / sran chung dang mung+ga la sogs pa bsil ba'i nus pa dang ldan pa dag tshod zin par chag grugs can la sbyar bar bya ste/ ci nas chag grugs 'byor bar byed pa'i bag bsten par byed do/ /chag grugs bye zhing mi 'byor ba'i rtags ni kha ba'i bag dang /thal sman dang / skyur dang / nyal po dang / nyi ma dang / rtsol ba rnam gnyis brten par mi bya ste spang ngo / /de bzhin du kha zas rtsub pa rnams kyang spang bar bya ste/ mi bsngags so/ /til nag po phub ma med pa ras kyi nang du thum por byas te dam du bcings nas chu'i nang du zhag bdun gyi bar du nub re sbangs nyin re bskams te/de bzhin du 'o ma dang / shing mngar bskol ba'i khu ba dang re rer yang cho ga gong ma ltar bya ste/ de nas zhag bdun gyi bar du 'o ma la sogs pa'i nang du sbangs shing bskams te khu ba zhen pa dang / til nag po rdul med pa btags pa'i phye ma dang / spang spos dang / ba la ka dang / btsod dang / chu srin sen mo dang / shu ti dang / gla ba dang / ru rta dang / ba bla rnam gsum dang / a ka ru dang / tsan+dan dang / gur gum dang / thal tres dang / ko nyon rtse'i thang chu dang / sra rtsi pog dang / thang shing dang / sman shug pa'i sde tshan la sogs pa dang / dri zhim po'i sbyor ba de dag btags pa'i phye ma 'o ma dang lhan cig bskol te/ btsir ba'i 'bru mar 'byung ba dang / de'i nang du rdo dreg dang / ra sna dang / sa la par+Ni dang / ka sha ra ka dang / gan+d+ha pri yang ku dang / rgya spos dang / gan+d+ha b+ha dra dang / seng phrom dang / k+Shi ra bi da ri dang / rtsa dUr ba dang / gong gi spang spos la sogs pa'i phye ma dang lhan cig tshul bzhin bskol ba ni 'bru mar dri zhim po'i mchog ces bya ste/ de las ran par spyad na ni myur du nad med cing rus pa brtan par byed do//rlung dang mkhris pa las gyur pa'i nad shas che ba yang 'bru mar gyi sbyor ba 'di bsten na myur du zhi bar 'gyur ro/ /rgyud phyi ma mchog grub pa'i gnas las chag grugs gso ba'i le'u ste nyi shu rtsa bdun pa rdzogs so// // de nas mtshan bar rdol ba'i nad dmigs bstan cing nad gso pa'i cho ga'i le'u bshad par bya ste/ de la mtshan bar rdol ba'i nad rgyu ni glang po che dang rta la rgyun tu zhon pa dang / mal mkhrang ba la nyal ba dang / tsog tsog por 'dug pa dang / gzhan yang gzhang 'brum gyi nad gzhir bstan par bsten pa dang /kha zas mi mthun pas rma smin par ma tshor ba dang / yang na glo bur du byung ba'i rma smin par ma tshor ba dang / dam pa rnams la mang du smod pa'i nyes pas phal cher rkub kyi tshu rol sor gcig gam gnyis la phol mig sngon du 'byung zhing / de rdol bar byed pa las nang ngam phyi rol du rma 'byung ste/sha dang khrag ma rung bar byas te rul bar byed do/ /de nas rma de chu so dang / gcin gyi gnas su 'gro bar byed do/ /'dzag pa dang ldan pa'i bdag nyid can yin te/ de gso ba log par byas na ni mtshan bar rdol ba'i rma de mched par byed do//de yang mo mtshan dang / chu so dang / gzhang dang / de rnams su cher mched cing rgyas la rma skyed pa'i nang nas rlung dang gcin dang phyi sa 'byung bar 'gyur ro/ /de yang nad gzhi re rer gyur pa dang ldan pa dang / 'dus pa dang / glo bur du byung ba dang / rnam pa brgyad du bshad par bya'o//de smin pa'i mtshan bar rdol ba zhes bya ste/ de yang nad kyi rtsa ba mi mngon pa dang / tshabs cher na ba dang / rma mi 'drub cing 'khrugs pa rnams yin te/ gzhan du na ni phol mig nyi tshe yin no/ /de la rlung las gyur pa'i phol mig gi mtshan ma ni mdog sngo nag tu 'gyur ba dang /na zhing zug pa dang / 'phar ba dang / nad dang bcas pa yin no/ /mkhris pa las gyur pa'i rtags ni rnga mo'i mgrin pa bzhin du mtho ba dang / mdog dmar ba dang / tsha ba che ba dang / rims kyis 'debs pa rnams yin no/ /bad kan las gyur pa'i phol mig gi mtshan ma ni brtan pa dang /snum pa dang / nad kyi rtsa ba 'phros pa dang / mdog skya ba dang / g.ya' ba rnams yin no/ /rlung dang mkhris pa las gyur pa'i mtshan ma ni mdog nag pa dang / dmar ba dang / tsha 'ur 'ur por 'dug pa dang / mi bzod par na ba rnams yin no//bad kan dang rlung las gyur pa'i phol mig gi mtshan ma ni/ cung zad dkar zhing cung zad gnag pa yin no/ /'dus pa las gyur pa'i phol mig gi mtshan ma ni rkang pa'i mthe bong dang mnyam pa'i phol mig byung zhing zug gzer che ba dang / kha zas yi gar mi 'ong ba dang / skom dad che ba dang / tsha 'ur 'ur por 'dug pa dang / rims kyis 'deb pa dang / slon pa la sogs pa nad sna tshogs kyis gnod pa yin no/ /rlung las gyur pa'i phol mig gso ba ma byas te smin na ni rma kha mang du 'byung ba ste/ de yang ji ltar bug brgya pa'i tshags ma las chu 'dzag pa bzhin du rma kha de las kyang 'dzag pa dang /lbu ba dang bcas par rgyun du 'dzag pa de rma kha brgya pa zhes bya'o/ /mkhris pa las gyur pa'i nad kyang rlung dang 'dra ste/ de ni rnga mo'i mgrin pa zhes bya'o/ /bad kan las gyur pa'i nad ni 'dzag pa spyi dang skabs mang du 'byung ste/de ni kun tu 'dzag pa zhes bya'o/ /rlung dang mkhris pa las gyur pa'i nad kyis bshang sgo'i phyi rol du khyab cing mched de 'khor ba ltar 'dug pa de ni pa ri k+Sha pa zhes bya'o/ /rlung dang bad kan las gyur pa'i nad gzhang la brten te drang por 'byung ba de ni mtshan bar rdol gyi nad drang po zhes bya'o//bad kan dang mkhris pa las gyur pa'i nad thog mar gzhang 'brum gyi gnas su byung zhing de la brten te 'khrugs nas gzhang 'brum gyi rtsa bar g.ya' ba dang / skrang ba dang / tsha ba dang / gzhang 'brum gyi rtsa pa der myur du smin te rdol cing rnags pas rgyun du 'dzag pa de ni gzhang 'brum gyi mtshan bar rdol ba zhes bya'o//'dus pa las gyur pa'i nad kyi mtshan ma ni bshang sgo'i phyi rol du dung 'khyil pa lta bur 'byung zhing der yang 'brum bu mang du snang ste nad kyi shugs drag pa de ni dung 'khyil ba lta bu'i nang mtshan bar rdol ba'i nad ces bya'o//mtshan bar rdol ba'i nad kyis sha rnags par byas te zad pa las gdong mo'i rus pa la thug pa dang / 'phred du lam log par mched cing rma 'byung ste/ de'i tshe rnag rnying pas shu ba byung zhing srin bu skyes te des gzhang kun tu za bar byed cing gzhang rdol bar 'gyur te/rma bas khyad par du tsha ba dang / g.ya' ba dang / na ba la sogs ba skyes pa yin te/ de ni lam log par song ba'i mtshan bar rdol ba'i nad ces kyang bya/ zad byed ces kyang bya'o/ /de rnams las 'dus pa las gyur pa dang /zad byed kyi mtshan bar rdol gnyis ni spang bar bya'o/ /lhag ma rnams ni gso dka'o/ /gzhang gi gnyer ma 'dzum byed dang / mtshan dang bshang sgo'i bar mtshams la mtshan bar rdol ba'i nad byung na ni/ 'brum bu gso ba'i cho gas 'bad pa dang bcas par gso'o//gong 'og tu slon khrus la sogs pas lus sbyong zhing khrag byung ba la blugs pa la sogs pas ci nas smin par mi 'gyur ba'i thabs bya'o/ /gal te smin na ni nye bar snum chos dang dugs bya ba dang chu nang du lus gzhug par bya'o/ /mtshan bar rdol gyi nang du nad brtag pa ni/gzhang 'brum brtag pa'i cha byad lta bu'i gzhang 'brum ji ltar brtags pa ltar bya ste/ de yang kha thur du lta ba dang / gyen du lta ba dang / nang du lta ba dang / phyi rol tu lta ba legs par brtags te/ de la nang du lta ba ni sman pas legs par brtags te mtshon gyis dral zhing bcad do//kha phyir lta ba ni thal sman gyis gso'o/ /yang na sman pa mkhas pas me'i las bya'o/ /rnga mo'i mgrin pa lta bu la yang thal sman gyi las bya'o/ /rma kha brgya pa la ni cha spyad sbubs can gcig gis nang du bcug ste gcad par bya ste/ rma legs par 'drub na ni legs pa yin la rma rnying ste 'tshor mi btub na ni nyes pa yin te 'chi ba yin no//pa ri k+Sha pa zhes bya ba'i mtshan bar rdol ba la yang cho ga gong ma ltar bya ste/ thal sman dang ba gcin sbu bu nas gtang ba yang bya'o/ /gzhang 'brum gyi mtshan mar rdol ba'i nad la ni sman pas brtags te/gong gi gzhang 'brum la phan pa'i sman gyi phye mas gdab bo/ /zad byed kyi mtshan mar rdol ba'i nad la ni zug rngu dbyung ba'i cho ga rnams bya'o/ /srin bu 'joms pa'i bza' ba dang / byug pa dang kha zas kyang sbyin no/ /de bzhin du glan pa'i dugs dang /sbu bu'i dugs la sogs pa snum chos byas na zug gzer la phan no/ /dung 'khyil ba lta bu bu ga mang du byung ba'i nad la ni sman pas brtags te gcad pa'i las bya'o/ /de la mtshon ni sarba do b+had tra zhes bya ba dang / de la lang ga zhes bya ba dang /lang ga lang zhes bya ba dang de rnams kyis bya'o/ /ngos su byung ba la ni mtshon go tir ta ka zhes bya bas bcad do zhes 'dod do/ /mtshan mar rdol ba thams cad la ni mtshon sarba do b+had tra zhes bya bas bcad do/ /ad ga la'i mtshon gyis ni ngos gnyis pa la yod pa bcad do//bcad pa'i 'og tu ni thams cad kyang bsregs par bya'o/ /'dzag pa'i lam thams cad kyang de bzhin du bsreg par bya ste/ phyis mi skye ba'i phyir ro/ /khong dag par bya ba'i phyir bar bar du sman pas slon khrus kyis lus sbyong bar bya'o/ /byi la'i rus pa'i phye ma 'bras bu gsum bskol ba'i khu ba'i nang du btab ste lde gur byas te rma bkru bar bya'o//dzo ti sma ti dang / ma la yu dang / lang ga li dang / shi lu dang / dur byid dang / pa thA dang / tsi tra ka dang / swa rdzi ka'i thal ba dang / ka ra bI ra dang / shu dag dang / su d+ha k+Shi ra dang / a pa marga dang / til mar dang lhan cig bskol te mar lus pa las mtshan mar rdol ba'i nad pa la bsku byug tu byas na 'di ni phan par byed pa'i mchog yin no zhes bshad do/ /shing mngar dang / seng phrom dang / pi pi ling dang / sug smel dang / ha ri Nu ka dang / ser po rnam gnyis dang / pri yang ku dang / lan tshwa dang / thal tres dang / pad+ma'i snying po dang / shug pa dang / da ta ki dang / spra tshil dang / sra rtsi pog dang / ru rta dang / ba ru di ka dang / kha lung gi lo ma dang / de rnams 'bru mar dang lhan cig bskol te/ mar lus pa las bsku byug byas na 'brum chen dang /mdze dang gcin nad sbrang rtsi lta bu dang du ma 'joms par byed do/ /byi dang ga'i snying po dang / 'bras bu gsum dang / pi pi ling dang / pi pi ling mU la dang / de rnams sbrang rtsi dang / til mar sbyar ba'i lde gu zos na srin bu'i nad dang / mtshan bar rdol ba dang /mdze nad dang / gcin snyi ba dang / smas pa dang / rma 'khyims pa dang / de rnams 'joms shing 'tsho bar byed do/ /sle tres dang / sug smel dang / byi dang ga dang / dug mo yungs dang / ba ru ra dang / a ru ra dang / skyu ru ra dang / gu gul dang / de rnams kyi phye ma rim bzhin du cha res bskyed pa'i phye ma sbrang rtsi dang lde gur byas te zos na 'brum bu dang /tsho zhing sbom pa dang / mtshan bar rdol gyi nad rnams las rgyal bar byed do/ /pi pi ling dang / tsi tra ka dang / byi dang ga dang / dug mo yungs dang / de rnams cha snyoms pa'i phyed kyi 'bras bu gsum dang /de rnams spyi dang mnyam pa'i gu gul dang / de rnams kyi phye ma sbrang rtsi dang sbyar ba bldags na nad thams cad 'joms par byed do/ /gu gul srang lnga dang / pi pi ling dang / 'bras bu gsum srang re re dang / shing tsha dang / sug smel zho gnyis gnyis kyi phyi ma sbrang rtsi dang sbyar ba zos na mtshan mar rdol ba dang /mdze dang skran 'joms par byed do/ /gong gi sman gyi phye ma de nyid dang / bca' sga'i phye ma bsregs pa rtsa ba bcu bskol ba'i khu bas bsgos pa mang du zos na khyad par du rlung gi nad las rgyal bar byed do/ /seng ldeng dmar po'i snying po'i phye ma sman a sa na bskol ba'i khu ba'i nang du bsgos pa dang /de dang mnyam pa'i gu gul dang gnyis sbrang rtsi dang lde gur byas nas zos na mdze dang / gcin snyi ba dang / 'brum bu dang / mtshan mar rdol ba rnams sel to/ /de dag mtshan mar rdol ba gso ba'i bye drag yin te lhag ma bza' ba dang btung ba la sogs pa rnams ni rma gso ba'i cho ga las 'byung ba rnams bsten cing sbyin par bya'o//mtshan bar rdol ba la sogs pa rma sos nas kyang lo gcig gam de bas lhag pa yang rung ste/ rta zhon pa dang / stobs 'gyed pa dang / 'byung ba 'gags pa dang / chang btung ba dang / nyal po dang / kha zas lci ba dang / ma goms pa dang / rtsal drags pa la sogs pa yongs su spang bar bya'o/ /mtshan mar rdol ba'i nad dmigs bstan cing gso ba'i cho ga'i le'u ste nyi shu rtsa brgyad pa rdzogs so// // de nas thor bu dang / 'brum bu dang / rkang bam dang / 'brum chen dang / rma 'khyims pa rnams kyi nad dmigs brtags pa'i le'u bshad par bya ste/ de la bad kan dang / sha dang tshil dang khrag 'dus pa las thor bu zlum po mtho ba skrangs pa de ni thor bu zhes bya'o/ /de la yang nad gzhi rnams dang /rtsa dang khrag dang sha dang / tshil dang / rus pa dang / rma las gyur pa'i thor bu dang rnam pa dgur 'gyur ro/ /de yang rlung las gyur pa'i thor bu ni rgya cher mched pa dang / zug cing na ba dang / pags pa mdog nag pa dang / gnas gzhan dang gzhan du 'pho zhing 'gro ba dang /ldang dub byed pa dang / 'jam pa dang / lgang pa bus pa ltar 'dug pa dang rdol na chu ser rnams 'dzag pa yin no/ /mkhris pa las gyur pa'i thor bu ni tsha 'ur 'ur por 'dug pa dang / mdog ser ba'am yang na dmar ba dang myur du smin pa dang brtol na khrag dron mo 'dzag pa yin no//bad kan las gyur pa'i thor bu'i mtshan ma ni nad med pa dang / sra ba dang / reg na grang ba dang / mdog dkar ba dang g.ya' ba rnams yin no/ /gal te smin na ni rnag ska ba 'dzag pa yin no/ /nad gzhi khrag dang 'dres pa'i thor bu ni srin bu dang bcas par 'byung ba yin no//sha dang rtsa 'dres pa las byung ba'i thor bu ni tshor ba med cing bem bem por 'dug pa ste/ mtshan ma gzhan ni mkhris pa dang 'dra'o/ /sha skyes pa'i zas bsten pas sha rung bar 'gyur ro/ /thor bu 'byung zhing de yang snum pa dang / che ba dang / sra ba dang / rtsa'i dra bas khyab par snang ste/ mtshan ma lhag pa ni bad kan dang 'dra'o/ /tshil skye ba'i zas bsten pas tshil zabs cher skyes nas rlung gis sha dang pags par tshil drangs te thor bur gyur pa ni shin tu snum pa dang 'jam pa dang rtsa brtan pa yin te rtags lhag ma ni bad kan gyi thor bu dang 'dra ste ldang dub kyang byed do//de gal te rdol na ni tshil mthug po dmar ba dang dkar ba dag 'byung ba yin no/ /rus pa chag gam nad pa la thor bur gyur pa ni shin tu mtho ba'am/ yang na dma' ba 'byung ste de yang rkang bam la sogs par byung ste/de yang chu la sogs par bab chol du song ba las 'byung ba yin no/ /rtsol ba drags pas rtsa dang khrag 'khrugs shing rlung gis rtsa 'khums te yo ba dang skem pa dang / mi 'phar ba dang / nad nyung zhing mdud pa'i thor bur 'gyur te de ni rtsa'i thor bu zhes bya'o/ / rma 'drub kyang rung / ma 'drub kyang rung ste/ ro kun dang ldan pa'i zas bsten pa dang / rma la ras ma mthug pos dkris pa 'am/ yang na ma dkris par gzhag pa'am/ lus kyi rma la rdo la sogs pas phog pa dang / rlung nad la khrag shas cher phyung ba 'am/ yang na ma phyung ba yang rung rlung 'khrugs te rma'i kha zlum por 'gyur zhing rma skams pa dang /tsha 'ur 'ur por 'dug pa dang g.ya' ba rnams yin te de ni rma'i thor bu zhes bya'o/ /de la gsor rung ba'i 'brum bu'i nad gzhi gsum dang / khrag dang tshil las gyur pa la ni/ mgul par rgyu ba sbom po dang /gnad dang mgul pa dang / lto ba rnams su 'brum bu che zhing zum ste/ de'i mtshan nyid ni nang na tshil nad gzhi rnams dang lhan cig 'khrugs pa yin te/ de yang bad kan dang tshil shas che zhing brtan pa dang smin mi shes pa yin no/ /rtsa'i nang du khrag gnas pa de nad gzhi rnams kyis ma rung bar 'gyur te khrag tshos shing rgyas pas sha'i gong bur gyur pa yin no//pags pa'i phyi rol du shu ba mang pos khyab cing shas cher skyes pa dang / rgyun du khrag ngan 'dzag pa de ni khrag gi 'brum bu zhes bya'o/ /'brum bu de rnams las khrag dang sha las gyur pa ni spang bar bya'o//lhag ma bzhi ni gsor rung ngo / /de la rkang bam gyi nad ni chu so dang / brla phrag gnyis kyi bar dang / brla la sogs pa lus kyi smad la brten te bad kan dang / sha dang / khrag gi nyes pa rim gyis yun ring po nas rkang pa 'dus te sbom par skrangs shing sra ba de ni rkang bam zhes bya'o//de la rlung las gyur pa'i rkang bam gyi mtshan ma ni 'brum bu dang bcas shing mdog gnag la glo bur du na zhing rtsub pa yin no/ /mkhris pa'i rkang bam gyi nad ni mdog ser ba dang / tsha 'ur 'ur por 'dug pa dang / rims kyis 'debs pa yin no/ /bad kan las gyur pa'i rkang bam ni thi ba dang / snum pa dang / zug gzer chung ba dang shu bas khyab pa yin no/ /rkang bam de tshabs che zhing mang du 'dzag pa la lo gcig las 'das pa de ni spang bar bya'o/ /slob dpon kha cig na re rkang pa la rkang bam ji ltar 'byung ba bzhin du lag pa dang /rna ba dang / mchu dang sna rnams kyi phyogs dang nye bar rkang bam gyi nad 'byung ngo zhes smra'o/ /de la 'brum chen zhes bya ba ni nad gzhi dang tshil 'khrugs te/ de mgul pa dang / rtse'u chung gnyis dang / mig dang / mchan khung dang / chu so dang brla brag rnams la brten te mdog nad gzhi rang gi mdog tu snang zhing sra ba dang / snum pa dang / bum sha dang / skyu ru ra'i tshad tsam 'byung zhing de'i nye 'khor du 'bras mang po 'byung la myur du mi smin pa dang smin na ni nad chung ba yin no/ /kha cig ni smin nas 'dzag par 'gyur/kha cig ni zhig nas skye/ kha cig ni yun ring du gnas kha cig ni rtswa dUr ba bcad pa bzhin du 'phel bar byed do/ /de ni 'brum chen gyi nad 'bras kyi phreng ba zhes bya'o/ /'bras kyi phreng ba'i nad rims dang / skyug pa dang rtsib logs su zug pa dang /lud pa lu ba dang / sna chu 'dzag pa dang ldan na ni spang bar bya'o/ /de la rma 'khyims pa'i nad ni rma skrangs pa smin nas ma rdol ba dang / rma la gnod pa rnams bstan pas sha la sogs pa'i nang du rnag gis gang zhing rjes su zhugs nas phugs ring du 'gro ste sbu bu nas chu 'dzag pa bzhin du rnag 'dzag par 'gyur zhing rma'i phugs drang po gcig las byer te sna tshogs su 'gro ba yin no//de la yang nad gzhi rnam pa gsum dang 'dus pa dang zug rngu ste rnam pa lngar 'gyur ro/ /de la rlung las gyur pa'i rma 'khyims pa ni rma kha chung zhing nad dang bcas pa dang /mdog 'gyur ba dang 'dzag pa lbu ba dang bcas par 'byung zhing nub mo lhag par 'dzag pa yin no/ /mkhris pa las gyur pa'i rma ni skom dad che ba dang / rims kyis 'deb pa dang / lus tsha bar gyur pa dang /mdog ser ba dang / rul ba'i dri bro ba dang / rnag bro ba 'byung ba dang / nyin par lhag par 'dzag pa rnams yin no/ /bad kan las gyur pa ni 'dzag par sla ba dang / spyi bag tu 'dug pa dang / g.ya' ba dang / sra ba dang mtshan mo cher rnags pa yin no/ / 'dus pa las gyur pa ni kun gyi mtshan ma dang ldan pa yin te spang bar bya'o/ /zug rngu zug pa'i rma 'khyims pa ni zug rngu nang nas yod pa ma phyung na rma phugs byer bar byed do/ /de nas rnag lbu ba dang bcas pa dang / sla ba dang / dang ba dang / dro ba dang / khrag dang bcas par 'byung bar 'gyur te rtag tu nad dang bcas pa yin no//thor bu dang 'brum bu la sogs pa'i nad dmigs brtags pa'i le'u ste nyi shu rtsa dgu pa rdzogs so// //de nas thor bu dang 'brum bu la sogs pa gso ba'i le'u bshad par bya ste/ de la thor bu ma smin pa la ni rang rang gi nad gzhi ji lta ba bzhin du skrang ba'i cho ga rnams bya'o//lus sbyang zhing dag par 'dod pas bri ha ti dang / tsi tra ka dang / kaN+Da ka ri dang / pi pi ling rnams mar dang bskol ba'i mar gyis snum chos byas te/ de'i 'og tu rno ba'i sman gyis slon khrus dang byug pa rnams sbyar ro//thor bu la dugs mang du bya zhing yang dang yang mnye bar bya'o/ /de dag ni khyad par du rlung gi gso ba bstan pa yin te/ mkhris pa'i khrag las gyur pa la yang srin bu pad pas khrag dbyung ba dang bsil ba'i cho ga mang du bya'o/ /bad kan las gyur pa la ni rlung gi cho ga ltar bya'o/ / da lta mod kyis ma smin pa la ni mtshon gyis bcad de khrag dbyung na ni mes bsreg go/ /ma lus par bcad na ni legs pa yin la lhag ma lus par bcad na ni phyis ldang ste nges par rgyas shing 'phel bar 'gyur ro/ /mas gtang ba'i sman dang gtar ga yang bya'o/ /'brum bu gso ba'i thor bu gso ba ji lta ba bzhin du nad gzhi dang sbyar te gso ba ma lus par byas na phan no//sha dang rma las byung ba'i thor bu ni de bzhin du gsos na sos tsam du 'jog nus so/ /thor bu tshigs las byung ba la ni thong lcags la sogs pa'i lcags bsregs pas bsreg ste til gyi lde gus rma la bskus na phan no//gos gnyis kyi dkris pa 'am/ yang na mtshon gyis dral la tshigs phyung ste rma bsreg go/ /rtsa las skyes pa'i thor bu gsar pa la ni sa ha ra dza'i 'bru mar blud de de bzhin du rlung 'joms pa'i sman dang dugs bya ste mas gtang ba'i sman dang gtar ga yang bya'o//'brum bu gso ba ni thor bu gso ba ji lta ba bzhin du nad gzhi dang sbyar te gso ba ma lus par byas na phan no/ /rkang bam gyi nad la ni snum chos dang dugs dang rlung 'joms pa'i sman gyis dugs bya ste/ long mo nas sor gnyis gyen du bcal ba'i rtsa la gtar ga gdab bo//de nas zla ba gcig gi bar du e raN+Da'i mar ba gcin dang sbyar ba blud do/ /sman zhu ba'i rjes ni 'bras rnying pa la sogs pa'i kha zas bca' sga dang 'o ma bskol ba dang bcas pa bza'o/ /yang na dur byid dang 'o ma sbyar ba blud do/ /yang de ltar byas kyang ma zhi na bsreg par bya'o//mkhris pa'i rkang bam la ni long mo'i 'og gi rtsa las khrag phyung na ni mkhris pa'i rkang bam thams cad las rgyal bar byed do/ /bad kan gyi rkang bam la ni rkang pa'i mthe bong la khrag gtar te kha zas su nas bsten na phan no/ / sman bskol ba'i khu ba sbrang rtsi dang sbyar ba btung ngo / /pi pi ling dang a ru ra bskyed pa'i cho ga yang bya'o/ /yungs kar dang bar d+ha ka'i rtsa ba gnyis kyi 'dag gus byug pa'am yang na 'u su'i lo ma'i byug pa yang bya'o/ /'brum chen gyi nad la ni slon khrus kyis gong 'og tu dag par byas nas de'i 'og tu dan+ti dang /dran pa ti dang / dur byid dang / ka sha hi dang / de ba da li dang / de rnams mar dang bskol ba blud par bya'o/ /bad kan dang tshil la phan pa'i sman dang / du ba brngub pa dang / mkhur bar bcang ba dang / sna sman rnams kyang bsten na phan no//de bzhin du gtar ga yang bya zhing skyer khaN+Da ba gcin dang sbyar ba btung ngo / /'brum chen thor bu bzhin ma smin pa la ni na ku la dang / lan tshwa dang bca' sga rnams kyi 'dag gus bsku bar bya'o/ /rgya mtsho'i phye ma dum bur byas la dugs bya ste mkhrang ba mnye bar bya'o/ / sha mi dang / la phug dang / shi kru dang / de rnams kyi sa bon dang / nas dang / yungs kar dang / de rnams btags pa'i phye ma dar ba skyur po dang bcas pas bskus na 'brum chen gyi thor bu dang 'bras nad rnams 'joms par byed do/ /de smin te rma kha nas khrag 'dzag pa la ni mkhris pa dang bad kan 'joms pa'i gso ba sbyar ro//gal te ma smin na ni 'brum chen gyi nad phyung ste thal sman dang me'i las bya'o/ /'ol ma se dkar po dang / lang ga li dang / a hi dang / ha re Nu ka dang / ka ka na ti pa la dang / de ba da la'i sa bon dang / kar ko Ti dang / bi sha li dang /ko shi ta ki dang / pa tha dang de rnams srang phyed dang / dug zho gnyis dang / ka rany+dza'i sa bon mar srang sum cu rtsa gnyis dang / ni rgun thi'i rang gi khu ba srang brgya nyi shu rtsa brgyad dang bskol te mar lus pa las btung ba dang bsku byug dang sna sman du sbyar na gsor mi rung ba'i 'bras kyi phye ma yun ring du lon zhing rnag mang du 'dzag pa yang 'dis 'drub par 'gyur ro//lang ga li'i phye ma dang / de'i bzhi 'gyur gyi til mar dang / de'i bzhi 'gyur gyi ni rgun thi'i rang gi khu ba bskol te mar lus pa las sna sman la sogs par sbyar na 'brum chen 'bras kyi phreng ba sel to//tsan+dan dang / thang shing dang / na le sham dang / ser po rnam gnyis dang / dur byid dang / gla sgang dang / de rnams srang re re dang / dug srang phyed dang / de rnams ba gcin las btags pa dang / sman bra h+mi'i khu ba dang / arka'i lo ma dang / ba lang gi lci khu dang / yungs mar srang sum cu rtsa gnyis dang / de rnams lhan cig bskol te mar lus pa las ran par bsten na mdze dang / rma 'khyims pa dang 'brum chen rnams myur du sel bar byed do/ /shu dag dang / a ru ra dang / rgya skyegs dang / pu tse shel dang / de rnams til mar dang bskol ba mar lus pa las 'thungs na 'brum chen rtsa ba nas 'byin par byed do//sha ra pung ka'i rtsa ba 'bras kyi chu dang btags te sna sman dang byug par sbyar na 'brum chen ma rungs pa dang dug dang srin bu rnams las rgyal bar byed do/ /u ta ma ra ka ri ni'i rtsa ba dang / pi lu'i lo ma dang /sa ha tsa ra dang / seng phrom dang / a ru ra dang / shing mngar dang / shu ti dang / tsi tra ka dang / de rnams 'bru mar dang 'o ma cha mnyam pa dang bskol ba las sna sman dang bsku byug dag rab tu bsngags so/ /ba lang dang / ra dang / lug dang / rta dang / de rnams kyi rmig pa bsregs te yungs mar dang sbyar bas bsku byug bya'o//yang na sbrul nag po dang / bya rog rang shi ba'i sha bsregs te sman i gu ta'i 'bru mar dang 'dag gur byas te bsku'o/ /de ltar byas kyang ma zhi ste/ rtsib logs dang byin pa la gnas pa'i 'brum chen gzhan 'byung na ni mas gtong ba rnams bya ste/de'i 'og tu tshil byung na mes bsreg par bya'o/ /rkang pa gyen du bteg ste rting pa'i tshad tsam long mo nas yar bcal bar rmen du mtshon gyis gcad par bya'o/ /zhes legs ldan mu khyud kyis bshad do/ /rting pa las yar sor bcu gnyis bcal na dbang po'i chu so zhes bya ba'i gnas yod do//de'i g.yas g.yon du dbral te dbus na nya'i sgo nga 'dra ba yod de de drangs shing dbyung bar bya'o/ /zhes drang srong legs par thos kyis bshad do/ /kha cig na re long mo'i rtsa ba tsog tsog po nas cha brgyad yar bcal ba na khu yod pa zhes bya ba nad dbus na yod pa ma gtogs par de'i ngos gnyis dbang po'i chu so dang rje ngar gyi rus pa'i bar du ba ru ra'i tshi gu tsam bcad do zhes 'chad do//de la rlung las gyur pa'i rma 'khyims pa la ni dbral la dugs dang bsku byug legs par bya ste/ a pa ma rga'i 'bras bu dang / til dang rgyam tsha rnams btags pa'i phye ma'i lde gus dugs bya'o//mkhris pa las gyur pa'i rma 'khyims pa la ni btsod dang / til dang / gan dar ba dang / ser po rnam gnyis [(]gyi [,]kyi[)]lde gus dugs bya'o/ /bad kan las gyur pa'i rma 'khyims pa la ni til dang rgyam tsha dang /dan+ti dang / nim pa dang de rnams kyi lde gus byugs par bya'o/ /zug rngu zug pa'i rma 'khyims pa la ni til dang / sbrang rtsi dang / mar sbyar ba'i lde gus dugs bya'o/ /de'i 'og tu dbral te zug rngu phyung la dag par bya'o/ /mtshon gyis dbral du mi rung ba'i sman gyis ni rma tshol gyis phug btsal te/de nas skud pa thal sman gyi chu'i nang du sbangs la/ rma 'tshol gyi rtse mo la btags te phugs su bcug na rma kha rgya chen por 'gyur te gso sla'o/ /gang yang rma gso ba la bshad pa'i reng bu dang / til mar bshad pa de yang rma 'khyims pa la rab tu bsngags te e raN+Da'i 'bras bu btags pa'i phye ma'i lde gus byug pa byas pa na yang rma 'khyims pa gso bar byed pa'i mchog yin no//rgya shug gi 'bras bu dang / shun pa dang / lan tshwa dang / rgya skyegs dang / gla gor zho sha'i lo ma dang / pri yang ku dang / 'o ma dang /snu hi dang / a rga'i lo ma dang / de rnams lhan cig sbyar ba'i reng bus rma'i nang du bcug na rma 'khyims pa myur du 'tsho bar byed do/ /rgya mtsho'i tsha dang / kha ru tsha dang / rgyam tsha rnams bsregs te tshos pa dang / gla gor zho sha dang / khyim gyi dud pa dang / a mra ta ka dang / seng ldeng gi lo ma dang / skyer pa dang / bi tso dang / de rnams btags pa'i phye ma 'gam par bya'o/ /bsku ba dang reng bu la sogs par byas na mi brtan pa'i 'byor ba bzhin du 'phel ba'i nus pa med pa'am/ sngar 'ching ba dam du bcing ba'i skyes bu 'gro ba'i nus pa med pa bzhin du rma mched pa'i nus pa med par 'gyur ro//thor bu dang 'brum bu la sogs pa gso ba'i le'u ste sum cu pa rdzogs so// //de nas 'brum bu phra mo'i nad dmigs shes par bya ba'i le'u bshad par bya ste/ de la bad kan dang rlung las gyur pa'i 'brum bu phra mo'i nad ni mon sran sde'u'i tshad tsam zlum po dang /snum pa dang / nad gzhi rang gi mdog tu 'dug pa dang / tha dad med cing byis pa la 'byung ba yin te de ni ra'i 'gram pa lta bu zhes bya'o/ /yang na 'brum bu nas kyi tshad tsam mang po mthug par 'byung ba de ni nas lta bu'i 'brum bu zhes bya'o/ / yang me dbal phra mo rtse mo med pa zlum po mthug cing mtho bar 'dug pa dang rnag nyung ba de ni me dbal phra mo zhes bya'o/ /de las thor bu lnga'am drug tu 'byung ste/ de yang rus sbal gyi rgyab ltar mthon por 'dug pa dang / sra zhing drag tu na ba dang rna mchog gam rna ba 'khor ling kun tu 'byung ba de ni rus sbal lta bu'i 'brum bu zhes bya'o//yang 'brum bu phra mo ut+pa la'i rtsa ba 'dra bar skrangs shing tshabs chung ngur na ba dang brtan par 'dug pa de ni pa na si ka zhes bya'o/ /yang 'brum bu 'gram pa'i tshigs mtshams nas byung ba de ni par na sha gar ta pa zhes bya'o/ /yang skyes bu na tshod lang tsho la bab pa'i dus su 'brum bu phra mo shing shal ma li'i tsher ma dang 'dra ba dang nad dang bcas shing mthug pa dang /nang na tshil yod pa skyes te des gdong ma rungs par byed pa de ni bzhin ma rungs par byed pa'i 'brum bu zhes bya'o/ /bad kan dang rlung las gyur pa'i 'brum bu dkar po pad+ma'i tsher ma bzhin du lus la khyab bar 'byung ste/de ni 'brum bu pad+ma'i tsher ma can zhes bya'o/ /mkhris pa las gyur pa'i 'brum bu phra mo u dum+bA ri'i 'bras bu smin pa ltar kha che zhing tsha ba dang / rims kyis 'debs par byed pa de ni rma kha yangs par byed pa 'brum bu'i nad ces bya'o//lus dang ngo gdong la 'brum bu phra mo mthug pa sran chung gi tshad tsam mdog sran chung 'dra ba tsha 'ur 'ur por 'dug pa dang / zug gzer dang ldan pa de ni 'brum bu sran chung lta bu zhes bya'o/ /de bas na shin tu mi bzad pa'i 'brum bu 'byung ste/ zug gzer dang bcas pa tshabs cher na ba de ni 'brum bu'i nad ces bya'o/ /rlung dang mkhris pa'i 'brum bu'i nad pad+ma'i snying po 'dra bar 'byung zhing de'i nye 'khor du 'brum bu phra mos khyab pa de ni 'brum bu'i nad gar d+ha zhes bya'o/ /yang na 'brum bu phra mo mchan khung dang nye 'khor du dkyil 'khor dang 'dra bar rgya che zhing mtho ba dang /mdog dmar ba dang / 'brum bu phra mo rnams kyis bskor ba 'dug pa ste de ni phal cher rlung las gyur pa yin te/ de'i ming ni mchan khung gi 'brum bu zhes bya'o/ /mkhris pa shas che ba'i 'brum bu 'bras yos lta bu mthug par 'byung ste de ni 'bras yos lta bu'i 'brum bu zhes bya'o//de dang 'dra bar 'brum bu chen po gcig 'byung ba de ni 'brum bu dra ba zhes grags so/ /lus tsha bas gdungs pas rngul te 'brum bu phra mo mthug pa dang nad dang bcas pa dang / ske tshe'i 'brum bu'i tshad tsam mdog dmar por 'byung ba de ni ske tshe'i 'bru lta bu'i 'brum bu zhes bya'o//mkhris pa shas che ba'i 'brum bu me dbal phra mo mched pa bzhin du byer te de yang skrangs pa dang smin pa dang sra ba dang dmar ba dang tsha bar byed pa de ni dza la gar d+ha ba zhes bya'o/ /mkhris pa shas che ba'i 'brum bu me dbal sha'i rang bzhin mi bzad pa dang /rims kyis ldan pa dang me'i mdog lta bu mchan khung phyogs su 'byung ste/ de'i ming ni me'i ro hi ni zhes bya ba ste zhag lnga 'am bdun nam zla ba phyed las 'tsho ba nyams par 'gyur ro/ /nad gzhi gsum gyi 'brum bu zlum po nam tshong yan chad du 'byung ste de ni pa ri pa la zhes bya'o//'brum bu mchan khung dang / chu so dang / brla gnyis kyi bar du sman bi da ri'i rtsa ba lta bu 'byung ste de ni bi da ri lta bu'i 'brum bu zhes bya'o/ /tshil dang rlung las gyur pa'i 'brum bu rgyus pa dang sha dang rtsa la brten te 'byung la gal te rdol na ni zhag dang mar dang sbrang rtsi lta bu mang du 'dzag par 'gyur te/des rlung bskyod de sha skams shing zlum por bsgongs te/ rma'i nang du gseg ma lta bu skyes pa dang khrag dang rnag mdog sna tshogs su 'byung ba dang / dri mi zhim pa'i nad gzhi dang bcas pa rnams 'dzag pa ste de ni 'brum bu gseg ma lta bu zhes bya'o//'dus pa las gyur pa'i 'brum bu lag pa dang / rkang pa'i mthil dang / tshigs dang nam tshong yan chad grog ma'i mgo bo 'dra bar rim gyis mang pos khyab par byed do/ /de yang na ba dang / tsha 'ur 'ur por 'dug pa dang g.ya' ba dang tshabs cher rul ba de ni 'brum bu grog ma'i kha lta bu zhes bya'o//rkang pa'i mthil du gseg ma 'am tsher ma zug pa las 'brum bu mdzer ba lta bur skyes pa ni ka da ra zhes bya'o/ /thor bu sel ba zhes bya ba'i rlung ni gzhang gi nang na gnas te/ de bshang ba dang lhan cig 'khrugs nas gzhang gi phyi nang du tsher ma lta bu'i 'brum bu skyes te/bshang ba 'byung dka' zhing sra ba de ni gzhang 'gags pa zhes bya ba'i 'brum bu yin no/ /mkhris pa dang rlung las gyur pa'i 'brum bu ni sen mo dang sha'i nang du smin cing zug gzer tsha ba dang ldan pa de ni 'brum bu nye ba'i sen mo zhes bya'o//kha cig na re tsam pa ma dang zad byed kyi nad ces bya'o zhes 'chad do/ /rtsub bag bza' ba dang / drud pa dang / snad pa las gyur pa'i 'brum bu sor mo gnag pa dang reg na shin tu rtsub pa de ni 'brum bu ku na kha zhes bya'o/ /'dam bag ma rungs pa sen mo'i nang du zhugs pa las 'brum bur gyur te g.ya' ba dang nang du rnag dang bcas pa de ni 'brum bu sor mo skrangs pa zhes bya'o//til nag po'i mdog tu snang ba'i 'brum bu ni til nag lta bu'i 'brum bu zhes bya'o/ /pags pa'i steng du mdog gnag cing nad med pa'i 'brum bu mdog dmar ba srog chags sbrang bu mchu rings tsam mthon por 'dug pa 'am yang na 'brum bu ma dog dkar ba dang gnag pa de ni pags pa'i mdzer pa zhes bya'o//de bzhin du lhan cig skyes pa'i 'brum bu mdog dmar ba de ni dza ru ma ni zhes bya'o/ /mdog gnag pa dang dkar ba ni dkyil 'khor lan tshwa na zhes bya'o//mya ngan dang khro ba la sogs pas rlung dang mkhris pa 'khrugs te gdong srab cing sngo ba'i thig le 'byung ba ni do shig ces bya'o/ /lus gzhan du byung ba la ni li ga zhes bya'o/ /de la rlung las gyur pa'i ngo shig ni rud rud por 'dug pa dang reg na rtsub pa dang mdog sngo bsangs su 'dug pa yin no//mkhris pa las gyur pa ni dbus dmar zhing mtha' sngo ba yin no/ /bad kan las gyur pa ni dkar zhing g.ya' ba yin no/ /khrag las gyur pa ni dbus dmar zhing mtha' zangs ma'i mdog ltar snang zhing skem pa dang / tsha tseg tseg byed cing bem bem por 'dug pa yin no/ /rlung gis bad kan pags par son par byas te/ der bad kan skams nas mdog dkar ba dang / tshor ba med pa dang / cher mi g.ya' ba dang / mi gnag pa de ni pags pa'i nad tshor ba med pa zhes bya'o/ /slon sman nyes te mkhris pa dang bad kan gnyis gcig la gcig 'khrugs nas dkyil 'khor lta bu'i nad du gyur te/de yang shas cher g.ya' zhing mang du 'byung ba dang ldan pa'i nad shas cher gyur pa de ni a ko tha zhes bya ba dang / de ltar 'brum bu phra mo'i nad kyi bye brag sum cu rtsa drug tu bstan pa yin no/ / 'brum bu phra mo'i nad dmigs brtags pa'i le'u ste sum cu rtsa gcig pa rdzogs so// //de nas 'brum bu phra mo la sogs pa gso ba'i le'u bshad par bya ste/ de la ra'i 'gram pa lta bu'i nad ma smin pa la ni srin bu pad pas khrag dbyung ngo / /nas lta bu'i 'brum bu'i nad la ni/thog mar dugs kyis bzhus la de nas thang shing dang / ru rta dang / ldong ros dang / ba bla rnams kyi lde gus bsku'o/ /pa sha na ga da ba'i nad la yang cho ga de ltar bya'o/ /de bzhin du smin pa'i rma'i gso ba rnams kyang sbyar ro/ /de la bzhin ma rungs par gyur pa'i nad la ni seng phrom dang /'u su dang / shu dag dang de gsum btags pa'i phye ma'am yang na n+ya gro d+ha'i lo ma 'am rgya star gyi lo ma gang yang rung ba tshwa dang sbyar ba'i lde gus bsku'o/ /des ma zhi na skyug sman dang / sna sman gtang ba dang dpral rtsa gtar ba rnams bya'o/ /pad+ma'i tsher ma lta bu'i nad la ni nim pa'i khu bas slon bya zhing nim pa bskol ba'i khu ba sbrang rtsi dang mar sbyar ba blud de nim pa dang dong ga sbyar bas byug par bya'o//de la rma kha yangs pa zhes bya ba nas grang ba can zhes bya ba'i bar gyi nad dang e ri be la ka zhes bya ba rnams ni mkhris pa'i me dbal gyi gso ba ji ltar bstan pa bzhin bya'o//me ro hi ni zhes bya ba'i nad la ni spang bar bya'o/ /dza la gar da pa zhes bya ba'i nad la ni smyung ba dang khrag dbyung bar bya ba dang / rtsub chos bya ba dang / slon khrus kyis lus sbyang ba dang skyu ru ra'i sbyor ba dang / bsil ba'i byug pa rnams rtag tu sbyar ro/ /bi d+ha ri zhes bya ba ni nad pa la khrag gtar te bad kan gyi thor bu'i gso ba rnams sbyar ro//gseg ma lta bu'i 'brum bu la ni tshil las gyur pa'i gso ba rnams bya'o/ /'brum bu grog ma'i kha lta bu nad rkang pa dang lag par byung zhing tshabs cher skyes pa dang / bu ga mang ba dang / skrang ba dang /gnad du byung ba rnams ni spang bar bya'o/ /mtshan ma de dang mi ldan pa rnams ni gso bar bya'o/ /de yang thog mar lus sbyang zhing khrag byung la de'i 'og tu lan tshwa dang / dong ga dang / a ka ru dang / ci tse ba dang / rgya sran nag po'i rtsa ba dang / dan+ti dang / til btags pa dang /nas phye rnams kyis bskus la smin pa dang / sha ma rungs pa mtshon gyis legs par bcad de thal sman nam me la bsreg par bya'o/ /ka da ra ka zhes bya ba'i nad ni mtshon gyis ma lus par phyung ste mar bskol bas bsreg par bya'o/ /gzhang 'gags pa'i 'brum bu la ni dza la mar ni'i gso ba rnams bya'o//nye ba'i sen mo zhes bya ba ni slon khrus kyis tsha ba zhi bar byas la mtshon gyi las kyis gso bar bya'o/ /kun kha'i nad ma rungs pa dang gseg ma lta bu'i nad la yang cho ga de ltar bya'o/ /yang na rtsabs kyis blugs par bya ste/ de nas nag tshur dang til dang ro tsa na dang nim pa'i lo ma'i lde gus kyang bsku'o//til nag po lta bu'i nad la ni me'i las bya'o/ /pags pa'i mdzer pa sbrang bu mchu rings lta bu'i nad la me shel seng ldeng gi me la bsregs pa'i thal bas bsku'o/ /de bzhin du pags pa'i sha mdzer de nyid dang dza rum ni gnyis la ni mtshon gyis bcad la gong ma'i thal bas gdab po//lan tshwa zhes bya ba'i nad la ni ji ltar gnas pa bzhin du gtar ga bya ste/ shing 'o ma can gyi shun pa dang / myu gu 'o ma dang btags te byug go/ /de yang ngo shig la ni ardzu na'i shun pa 'am/btsod gang yang rung ba sbrang rtsi dang sbyar ba'i lde gus bsku ba 'am/ yang na rta dkar po'i rmig pa bsregs pa'i snag tsha mar gsar dang sbyar bas bsku'o/ /yang na tsan+dan dmar po dang / btsod dang / ru rta dang / seng phrom dang / pri yang ku dang / n+ya gro d+ha'i myu gu dang /sran chung gi myu gu rnams kyi lde gus bsku ba byas na gdong gi mdog gsal zhing ngo shig 'joms so/ /zi ra rnam gnyis dang / til nag po dang / yungs kar dang de rnams 'o ma dang btags te bskus na gdong gi ngo shig sel bar byed do/ /yang na sran chung phub ma med pa brngos pa 'o ma dang btags te mar dang sbrang rtsi dang lde gur byas pas bsku'o//yang na shal ma li'i tsher ma rnon po 'o ma dang btags pas bsku'o/ /yang na rgya shug gi tshi gu'i phye ma bu ram dang sbyar bas bskus na phan no/ /yang na ri bong gi khrag sbrang rtsi dang sbyar bas bskus na phan no//yang na kha lung gi khu ba'i nang du ru rta zhag bdun gyi bar du sbangs te sbrang rtsi dang sbyar bas bsku'o/ /yang na mu sa la'i rtsa ba ra'i 'o ma dang btags pa sbrang rtsi dang sbyar bas bskus na phan no/ /yang na ba lang gi rus pa dang / mu sa la'i rtsa ba mar dang sbrang rtsi dang sbyar bas bskus na phan no//yang na ri bong gi khrag sbrang rtsi dang sbyar ba dang / de rnams kyi phye ma zho ga chu dang bu ram sar pa dang sbyar te bskus na phan no/ /yang na shing tin du ka'i lo ma'i rang gi khu ba'i nang du shing tin tu ka btags pas bskus na gdong rang gi mdog skyed par byed do//ut+pal dkar po dang / sngon po dang / pri yang ku dang / ru rta dang / ka la yi ka dang / rgya shug gi tshi gu dang / de rnams kyi lde gus gdong la dril zhing byugs na me tog pad+ma'i mdog bzhin du byed do/ /yang na gong ma'i sman de rnams btags te shing mngar bskol ba'i khu ba dang sbyar nas nad gzhi ji lta ba bzhin du snum dang sbyar te gdong la bsku'o//sme ba'am khams gso ba nas dang / sra rtsi pog dang / seng phrom dang / pu shel tse dang / spra tshil dang / de rnams kyi phye ma sbrang rtsi dang mar dang / bu ram dang / ba gcin dang bskol te dril du btub pa tsam gyi lde gus nyin re bzhin bsku ba byas na gdong ma rung bar byed pa'i ngo shig dang / lus ma rung bar byed pa'i sme ba rnams sel bar byed de gdong la bskus na pad+ma bzhin du byed do/ /rkang pa la bskus na ni pad+ma'i 'dab ma ltar 'gyur ro//gur gum dang / pu shel tsi dang / ka li ya ka dang / rgya skyegs dang / shing mngar dang / tsan+dan dkar po dang / n+ya gro d+ha'i rkang pa gzhon nu dang / shug pa dang / pad+ma ge sar dang / ut+pal dang / btsod dang / de rnams srang re re chu srang brgya nyi shu rtsa brgyad dang bskol te bzhi cha lus pa'i nang du rgya skyegs dang /le brgan rtsi dang / btsod dang / shing mngar dang / gur gum dang / de rnams zho gnyis gnyis btags pa'i phye ma dang til mar srang brgyad dang / de'i nyis 'gyur gyi 'o ma dang tshul bzhin bskol te mar lus pa las sna sman goms par byas na ni ling ga dang /ngo shig dang / skra dkar dang / gnyer ma dang / sme bas ma rungs par gyur pa rnams 'joms te gdong gi sha mdog skye bar byed do/ /btsod dang / sha ba ri'i seng phrom dang / tu ba ri dang / rgya skyegs dang / ser po rnam gnyis dang /ldong ros dang / gur gum dang / ru rta dang / gi wang dang / n+ya gro d+ha dkar po'i lo ma dang / tsan+dan rnam gnyis dang / ka li ya ka dang / dngul chu dang / rma shing dang / lang tang tse'i shun pa dang / pad+ma'i sa bon dang / pad+ma ge sar dang / spra tshil dang / spangs ma dang /shug pa dang / de rnams dang zhag dang rkang dang mar dang 'o ma dang shing 'o ma can gyi 'o ma dang de rnams bskol ba'i mar gyis bskus na ngo shig dang gnyer ma la sogs pa 'joms te gdong gi bzhin mdongs zla ba bzhin du rgyas par 'gyur ro/ /bring ga rA dza'i rang gi khu ba'i 'o ma dang chu dang lhan cig bskol te 'o ma lus pa las sna sman du sbyar na sel ba yin no//pags pa'i nad tshor ba med pa la ni rlung gi mdze nad gso ba'i cho ga ltar bya ste de sa'i 'og tu mes bsreg par bya'o/ /de la ud ko tha zhes bya ba'i nad la ni bad kan dang mkhris pa las gyur pa'i mdze nad gso ba rnams bya'o//ko tha zhes bya ba'i nad la ni rlung mkhris kyi gso ba thams cad sbyar ro/ /'brum bu phra mo la sogs pa gso ba'i le'u ste sum cu rtsa gnyis pa rdzogs so// //de nas gsang ba'i gnas kyi nad dmigs brtags pa'i le'u bshad par bya ste/de la thog mar pho mtshan gyi nad skye ba'i rgyu ni bud med la nyal po byas te 'dod pa zin ma thag yang spyad pa dang / yang na mo mtshan shin tu chung ba la 'jug pa dang zla mtshan gyi skyon dang ldan pa la 'jug pas nad gzhi rnams 'khrugs par 'gyur ba dang de bzhin du gzhan gyi bud med la chags bzhin du nyal po byed pa dang /bdag nyid mi 'dod bzhin du bud med la spyad pa dang / lam ma yin par 'jug pa dang / byis pa btsas ma thag pa la 'jug pa dang / 'dod pa spyad ma thag pa la ma bkrus par byed pa dang /bud med la chags pa'i dbang gis sbyar chu 'dzag pa dang / khu tshur dang / so dang / sen mos reg pa dang / sen mo'i dug gis reg pa dang / khu ba byung bas 'gags pa dang / ku sha la sogs pa rtsub pas drud pa dang rgyu de dag gis nad gzhi rnams 'khrugs te gsang ba'i gnas su a ba dan sha la sogs pa'i pho mtshan gyi nad nyi shu rtsa gsum 'byung bar 'gyur te/a ba dan sha zhes bya ba'i pho mtshan gyi nad la yang rnam pa lngar shes par bya ste/ de yang nad gsum las gyur pa re re dang / khrag las gyur pa dang 'dus pa las gyur pa'o/ /rlung las gyur pa'i pho mtshan gyi nad kyi mtshan ma ni pho mtshan skrang ba dang /na ba dang / sna tshogs su na ba dang / rtag tu 'greng ba dang / pho mtshan gyi pags pa gas pa yin no/ /mkhris pa las gyur pa'i nad la ni skrang zhing tsha ba 'ur 'ur por 'dug pa dang / u dum+bA ra'i 'bras bu smin pa bzhin du 'dug pa yin no//bad kan las gyur pa ni mkhrang ba dang / snum pa dang / g.ya' ba dang / grang ba dang lci ba rnams yin no/ /khrag las gyur pa ni khrag 'dzag pa dang 'brum bu nag po 'byung ba dang tsha ba 'ur 'ur por 'dug pa rnams yin no/ /'dus pa las gyur pa'i pho mtshan gyi nad la ni nad gzhi gsum gyi mtshan ma dang /rlig pa skrang ba dang / drag tu na ba dang / myur du smin pa dang / 'gas pa dang srin bu skye ba rnams yin no/ /de rnams khrag las gyur pa ni gso dka' ba yin no/ /'dus pa las gyur pa ni mi 'tsho ba yin no/ /nyes pa 'khrugs pas pho mtshan gyi nang ngam phyi rol du sha dang khrag las gyur pa sha mdzer skyes te/khrag 'dzag pa dang g.ya' ba yin te de'i ming ni sha mdzer pa lta bu'i nad ces bya'o/ /bud med kyi ni 'byil bag tu 'dug pa dang / khrag 'dzag pa dang / gdugs ltar 'dug pa yin te de'i ming ni gzhang 'brum lta bu'i nad ces bya'o//de gso bar ma byas na ni 'chi bar 'gyur ro/ /pho mtshan gyi phyi'am nad du bad kan dang khrag las gyur pa'i 'brum bu yungs kar gyi tshad tsam mthug par 'dug pa de ni yungs kar lta bu'i nad ces bya'o/ /yang pho mtshan gyi nad khrag dang bad kan las gyur pa'i 'brum bu mang po rgya che ba dbus su nas tsam 'byung ste zug pa dang ba spu langs pa yin te de'i ming ni a ba man tha zhes bya'o//khrag dang mkhris pa las gyur pa'i nad 'dzam bu'i rus pa ltar 'dug pa de ni kum b+hi ka zhes bya'o/ /pho mtshan gyi nad me dbal lta bu zhes bya ba yod de/de'i mtshan nyid ni gcin snyi ba'i skabs su bshad pa bzhin du blta'o/ /khrag dang mkhris pa las gyur pa'i 'brum bu mon sran gre'u dang / mung+ga'i lo ma'i tshad tsam yod pa de ni pho mtshan gyi nad ud dam zhes bya'o/ /pho mtshan gyi nad 'brum bu gcig la mang pos khyab ste/ji ltar pad+ma'i snying po la 'brum bus khyab pa ltar snang ste de ni pad+ma can zhes bya'o/ /pho mtshan gyi nang du lag pas drud pa las 'brum bu 'byung ba de ni 'drud pa'i 'brum bu zhes bya'o/ /pho mtshan shugs drag tu mnyes pa las rlung 'khrugs te ya yor song ba dang /mkhrang ba dang / rdul ba dang ldan pa de ni gtun bu lta bu'i rlung nad ces bya'o/ /pho mtshan mnyes pa las rlung 'khrugs te pags pa phyir bshus pa las na zhing tsha ba 'ur 'ur por 'dug pa dang / kha cig rmen par yang 'gyur te de'i ming ni pags pa phyir bshus pa'i nad ces bya'o//pho mtshan gyi pags pa rtse mo nas 'das par 'phyang zhing mdud par snang ba de ni pags pa nyil ba'i nad ces bya'o/ /bad kan las gyur pa'i pho mtshan gyi nad ni shin tu g.ya' ba dang / sra ba dang / rma 'byung ba dang / 'gas pa dang / 'tsho bar dka' ba de ni pho mtshan gyi pags pa'i nad a ba pa ti ki zhes bya'o//rlung gis pho mtshan gyi pags pa ma rungs par byas te nor bu la pags pa 'byar bas 'byung du ma ster te sbubs nas gcin 'byung ba yang rgyun phra bar 'byung zhing nad med pa yin te de'i ming ni nor bu kha ma bye ba zhes bya ba 'am/yang na nor bu 'gags pa'i nad ces bya'o/ /bad kan las gyur pa'i pho mtshan gyi nad gra mas gang ba snyam sems pa ni mdud pa lta bu'i nad ces bya'o/ /gra mas gang ba'am khrag las gyur pa ni pho mtshan gyi nad tshor ba med pa de ni tshor ba med pa'i nad ces bya'o//rlung dang khrag 'khrugs pa las gyur pa'i pho mtshan gyi nad ci tse tsam gyi bu gas khyab par 'byung ba de ni bu ga brgya pa'i nad ces bya'o/ /mkhris pa dang khrag las gyur pa'i pho mtshan gyi nad pags pa tshos shing tsha ba dang / tshabs cher tsha ba 'ur 'ur por 'dug pa de ni pags pa'i nad smin pa zhes bya'o//'dus pa las gyur pa'i pags pa'i nad smin pa ni pho mtshan gyi pags pa'i sha thams cad 'drul ba yin te de ni sha 'drul ba'i nad ces bya'o/ /yang pho mtshan gyi nad 'brum bu phra mo dmar ba dang gnag pa 'byung ste khyab pa dang na ba de ni khrag gi 'brum bu zhes bya'o//pho mtshan la ni sha'i 'brum bu 'byung ba ni gong gi sha'i 'brum bu bzhin du blta'o/ /pho mtshan la 'bras 'byung ba yang 'dus pa las gyur pa'i 'bras nad kyi mtshan nyid rnams 'dir blta'o/ /'dus pa las gyur pa'i 'bras nad ni pho mtshan mdog nag por gyur cing smin la rul te sha'u 'drul ba de ni ti la ka la ka zhes bya'o//de las kyang sha las gyur pa'i 'brum bu dang / smin pa dang / 'bras nad dang / ti la ka la ka zhes bya ba bzhi po de dag ni spang bar bya'o/ /lhag ma rnams ni gso bar bya'o//kha zas ma rung ba zos pa dang / mal stan mi bde ba la 'dug pa dang / nyal po lhag par bsten pa dang / khrag ngan skyes pa dang / gnod par 'gyur pa'i sman bsten pa dang / skyes pa'i sa bon gyi nyes pa dang / sngon gyi las las gyur pa dang /rgyu de dag gis mo mtshan gyi nad rnam pa nyi shur 'gyur ro/ /de la rlung gis mo mtshan ma rungs par gyur na ni na zhing zug pa dang / glal mang ba dang / tshor ba med pa dang / grog ma rgyu ba snyam byed pa dang / rengs pa dang / rtsub pa dang / khrag sla ba lbu ba dang bcas shing sla ba dang /myur du 'dzag pa dang / mdog rtsa nag pa dang / gzhan yang chu so dang / brla mtshams dang rtsib logs la sogs pa dang / long mo rnams dang / de dag tu rang rang gi nad skyed par byed de de ni mo mtshan gyi nad rlung las gyur pa yin no/ /de nyid la nyal po shas cher spyad na ni skrang ba dang ldan par 'gyur ro//shin tu gzhon pa la yang 'khrig pa spyad pas sgal tshigs dang / byin pa dang / brla gnyis kyi bar dang / de dag tu rlung 'khrugs te nad skyed pa de ni sngar spyad pa zhes bya'o/ /'byung ba'i shugs nang du 'khyil te rlung gis mo mtshan shin tu snang bar byas nas khrag lbu ba dang bcas par sri zhing 'gags pa mang du 'byung ste de ni mo mtshan gyi nad 'khyil pa zhes bya'o//yang rlung gis zla mtshan rtsub cing ma rungs par byas pa las bu tsha 'byung na yang skye zhing 'chi bar byed de/ de ni bu 'chi ba zhes bya ba'i mngal gyi nad yin no/ / kha zas mang du zos te 'grangs pa'i 'og tu mal stan mi mnyam pa la 'khrig pa spyad pa las rlung gis kha zas btsir te mo mtshan gyi nang na gnas pa'i sbu gu rnams 'chus par byas nas rus pa dang / sha'i sbu gu rnams su zug gzer bdo ba ni mo mtshan gyi nad nang du rtas pa zhes bya'o/ / rlung nad skyes pa'i kha zas bsten pas sa bon 'dzin pa'i mo mtshan gyi kha zhum par byas pa de ni khab mig lta bu'i mo mtshan gyi nad ces bya'o/ /rlung shas cher skyes pas bshang gci 'gags shing mngal skam par byed pa de tshor ba dang bcas pa de ni mngal nad skem byed ces bya'o/ /mngal gyi gnas su sa bon zhugs pa las rlung gis zhag drug gam zhag bdun gyi bar du 'jig cing de nas nad yod kyang rung med kyang rung sa bon phyir 'byin pa de ni sa bon 'byin pa zhes bya'o//mngal gyi nad rlung gis gzir ba las byis pa rum du chags pa'i sa bon la gnod par byas pas skyes pa la zhe sdang skyes pa de ni shin tu dmar ba yin pas gso ba ma byas na ni mo gsham du 'gyur ro//mngal gyi nang du rlung skyed pa mo mtshan gyi nad mngal shin tu kha zhum pa dang / yang na kha bye bar byed pa dang / gnas nas nyams pa dang / rlung gis mo mtshan gyi nad bzhin du na ba de ni sha mthon po zhes kyang bya/mo mtshan rgya cher song ba zhes kyang bya/ nad chen po zhes kyang bya'o zhes zer ro/ /mkhris pa las gyur pa'i mo mtshan gyi nad ni mkhris pa rang gi nad gzhi bskyed pa'i rgyu kha zas la sogs pa bsten pas mkhris pas mngal la brten te 'khrugs nas tsha ba dang /smin pa dang / rnags pa dang / dri nga ba dang / rims kyis 'debs pa dang / khrag 'dzag pa dang / 'dzag pa de yang shin tu tsha ba dang / ro myags pa dang / mdog sngo ba dang / ser ba dang / gnag pa la sogs pa mdog sna tshogs su 'dug par snang ba yin no//khrag las gyur pa'i mo mtshan gyi nad ni khrag tshabs cher 'dzag pa yin no/ /kha zas la sogs pa bad kan 'khrug par byed pa'i rgyu bsten pas mo mtshan nad chung zhing grang ba dang / g.ya' ba dang / 'dzag pa dkar ba dang /spyi bag tu 'byung ba rnams yin no/ /rlung dang mkhris pa mo mtshan gyi nang du 'khrugs te khrag 'dzag cing zad de/ tsha ba 'ur 'ur por 'dug pa dang / lus skem zhing mdog 'gyur ba de ni khrag zad pa'i mngal nad ces bya'o/ /bud med rang bzhin gyis nad mkhris pa shas che ba de skyes pa dang nyal po byed pa dang /sbrid pa dang / sgregs pa lta bu 'gags pas rlung mkhris pa dang bcas pa mngal gyi nang du 'khrugs par 'gyur te/ de yang skrang ba dang / reg mi bzod pa dang / nyam thag pa bzhin na ba dang / khrag sngon po dang / ser po 'byung ba yin no/ /ma zhu da mngal gyi nang du 'khrugs pa ste/ chu so dang mkhal ma lci zhing tshad par 'khru ba dang / yi ga 'chus pa dang / sta zur dang / chu so dang / brla gnyis kyi bar du na ba dang / tsha bar byed pa de ni mngal gyi nad ma zhu ba zhes bya'o/ /mngal gyi nang du rlung dang bad kan gyi nad kyis khyab ste 'dzag pa dkar ba dang /'byil bag tu 'byung ba de ni mo mtshan gyi nad u pa slu ta zhes bya'o/ /yang mo mtshan khrus dang gtsang sbra ma byas pas srin bu skyes nas mo mtshan rab tu g.ya' zhing g.ya' ba des 'dod pa la dga' ste de'i ming ni 'byin bag zhes bya'o/ / dus ma yin par 'khrig pa spyad pa'i rgyus rlung dang / mkhris pa dang / khrag mngal gyi nang du 'khrugs te/ pad+ma'i snying po zhes bya ba'i nad skyes nas zla mtshan gyi lam 'gag par byed de de ni pad+ma'i snying po zhes bya ba'i nad yin no/ /nad gzhi gsum mngal gyi gnas dang mo mtshan la brten te 'khrugs nas rang rang gi nad skyed de de ni mo mtshan gyi nad 'dus pa las gyur pa yin no//de ltar bud med kyi mngal dang mo mtshan gyi nang de dag gis khu chu 'dzin pa'i nus pa med de rgyu des na sa bon nam byis pa chags pa'i mthu med pa'i nad shin tu mi bzad pa skye bar 'gyur te/ rlung la sogs pa'i nad dang /zla mtshan gyi nad dang / gzhang 'brum dang / skran la sogs pas shin tu gnod par 'gyur ro/ /gsang ba'i gnas kyi nad dmigs brtags pa'i le'u ste sum cu gsum pa rdzogs so// //de nas gsang ba'i gnas kyi nad gso ba'i le'u bshad par bya ste/de la pho mtshan gyi nad gsar pa du ma byung ste pho mtshan gyi dbus kyi rtsa las gtar gas khrag dbyung ngo / /de'i 'og tu bsil ba'i cho ga rnams bya ste/ lhag par bkru sman gyis lus dag par bya'o/ /de nas til gyi phye ma mar dang sbrang rtsi dang sbyar bas bsku'o//smin nas ni dbral la shing 'dzam bu dang / a mra dang / shri shing dang / ga pa dang / shre ta kam+bu dzi dang / de rnams kyi myu gu dang / sra rtsi pog gi shing dang / rgya shug dang / bil ba dang / rgya skyegs shing dang / de rnams kyi shun pa dang / ti ni sha dang / shing 'o ma can gyi shun pa dang / 'bras bu gsum dang / de rnams chu dang bskol ba'i khu bas rma bkru bar bya'o/ /khu ba de nyid til mar dang bskol ba'i mar gyis rma la bskus na rma 'tsho bar 'gyur ro/ /spangs ma dang / gi ri ga dang / seng phrom dang / sug smel dang /ldong ros dang / ba bla dang / skyer khaN+Da dang / ha re Nu dang / nag tshur bya bal ma dang / rgya tsha dang / rgyam tsha dang / de rnams kyi phye ma sbrang rtsi dang sbyar bas bskus na pho mtshan gyi rma 'tsho bar byed do/ /'bras bu gsum rdze'u kha sbyar gyi nang du bsregs te mar dang sbyar bas bskus na rma 'tsho bar byed pa'i mchog yin no//de dag ni pho mtshan gyi gso ba spyir bstan pa yin no/ /nad gzhi re re las gyur pa'i nad ni skrang nad kyi gso ba bzhin du sbyar ro/ /sman gyis gso ba pho mtshan gyi nad ci nas kyang smin cing rnags par mi 'gyur ba'i thabs su bya'o//gal te smin na ni rgyus pa dang rtsa dang sha rnams phal cher 'jig par 'gyur ro/ /gzhang 'brum lta bu'i nad ni bcad la mes bsregs te lhag ma ni pho mtshan spyir bstan pa gso ba gong ma bzhin bya'o/ /yungs kar lta bu'i nad la ni mtshon gyis phra ba bris te/sman gong ma de nyid bskol ba'i khu bas blugs pa dang / phye mas gdab pa dang / de nyid til mar dang sbyar bas bskus na rma 'tsho bar 'gyur ro/ /a pa man tha'i nad la yang gso ba gong ma ltar bya ste khrag gzag go /kum b+hi ka'i nad smin pa ngos gnyi ga nas khrag gtar te rma dag par byas la tin+tu ka dang /'bras bu gsum dang / seng phrom dang / de rnams til mar dang sbyar te bsku ba dang byug pa la sogs pa byas na rma 'tsho bar 'gyur ro/ /pho mtshan gyi nad me dbal lta bu la ni khrag gtar te cho ga gong ma ltar bya'o/ /u dam zhes bya ba'i 'brum bu'i nad la ni lcags kyu gug pos 'brum bu bcad de mkhris pa'i me dbal gso ba'i rim pa bzhin du sman gyi phye ma dang sman bskol ba'i khu ba dang de rnams sbrang rtsi dang sbyar ba btang ste pad+ma can zhes bya ba la yang cho ga de ltar mtshungs par sbyar ro//pags pa smin pa dang /tshor ba med pa gnyis la ni ba la'i mar dro 'jam tsam gyis bskus shing blugs pa dang / sman mngar ba'i sde tshan sbyar ba'i ba la'i mar gyis dugs bya'o/ /de la gtun bu lta bu'i nad la ni khrag phyung ste/ bad kan gyi thor bu'i gso ba rnams spyad do/ / de la pags pa phyir bshus pa'i nad la ni mar gyis bskus pa la sman gyi byug pas byugs la dugs bya'o/ /de la zhag gsum mam lnga'i bar du sman e la ba la zhes bya ba'i sman gyis snum chos bya ste/ zhen pa dang dugs bya ste/ de nas yang stum chos byas la slar drang zhing gzhug par bya'o//pags pa gnyis pa'i nad la ni dang po dugs bya ste nor bu'i rtse mo nas yar rim gyis btsir zhing bteg la slar gzhug go/ /de'i 'og tu nor bu la yang dang yang snum chos bya ba dang / kha zas snum bag dang bcas pa zos na rab tu bsngags so/ /a pa pa ti ka'i nad la yang cho ga'i rim pa de bzhin du sbyar ro//de la bu ga brgya pa'i nad pho mtshan gyi sbu bu gnyis kyi nang na srin bus brten te kha 'gags par byas pa de la ni rlung 'joms pa'i sman dang sbyar ba'i snum gyis thog mar nang du bcug ste/ de'i 'og tu sman mar de nyid kyis blugs par bya'o//zhag gsum gsum zhing sbu gu che zhing yangs par gyur na ni mtshon gyis gcad par bya'o/ /sbu gu'i kha sbyor ba de dag gis ma zhi na ni bar gyi srub byed breng breng po ma gtogs pa mtshon gyis gdab tu rung ba'i sar dbral te rma gsar ba'i cho ga bzhin du bya'o/ / gal te pho mtshan gyi nad sra zhing mdud pa ltar gyur na ni sbu gu dugs bya ba dang / snum dang ldan pa dron pos byug pa byas la de nas mtshon gyis bris te/ sman bskol ba'i khu ba sbrang rtsi dang sbyar bas blugs so/ /khrag gi shas che ba'i 'brum bu la ni khrag las gyur pa'i khong 'bras kyi gso ba rnams bya'o//gzhan yang pho mtshan la nad kyi gnas skabs ji lta ba bzhin du rma gso ba rnams ci rigs par gyis shig /mo mtshan gyi gso ba mngal gyi nad dam mo mtshan gyi nad thams cad la ni rlung 'joms pa'i snum dang dugs dang mas gtong ba la sogs pa las thams cad byas na rab tu bsngags te lhag par rlung las gyur pa'i nad la sbyar ro//de la bud med kyi mo mtshan gyi nad ni rlung ma gtogs pa gzhan gang yang med do/ /de bas na bud med kyi mngal gyi nad gang yang rung ba la ni rlung 'joms pa'i sman sbyar bar bya ste/ de yang ba la'i mar dang 'dres pa zhes bya ba'i sman mar dang / su ku ma ra'i sman mar dang / de rnams kyi sman mar blud pa dang / dugs bya ba dang / snum chos la sogs pa byas na mngal dang mo mtshan yo ba yang drang por byed do/ /gal te mo mtshan yo bar gyur na lag pas bsrang la zhum pa yang dbral zhing bskyed par bya'o//phyir byung na nang du gzhug par bya'o/ /de dag ni mngal rang gi gnas nas nyams par byed pa yin te/ de ni bud med zug rngu dang bcas pa yin par 'dod do/ /de lta bu'i nad la ni sman 'jam pos slon la sogs pa las rnam pa lnga yang sbyar bar bya ste rnam pa thams cad du lus yongs su 'dag par bya ba dang /de bzhin du mas gtong ba dang / bsku byug dang / blugs pa dang / byug pa dang / shing bal gyi 'da' bas glan pa la sogs pa yang lhag ma de dag kyang bya'o/ /tang pal dang / 'bras bu gsum dang / rgun 'brum dang / ka mar d+ha dang / ser po rnam gnyis dang / sle tres dang / shing she rgya ka gtang ba dang / bsku byug dang / ba spru ba dang / ba sha ka dang / de rnams zho gnyis gnyis dang / mar srang sum cu rtsa gnyis dang bskol te mar lus pa las ran par 'thungs na rlung las gyur pa'i mngal nad thams cad 'joms te bu 'dzin par byed pa'i mchog yin no//shu dag dang / zi ra dang / go snyod dang / pi pi ling dang / ba sha ka dang / rgyam tsha dang / ti mu sa ka dang / ya bak+Shar dang / de rnams zhib tu btags te/ chang gi dngas ma dang sbrus la mar dang brngos te zos na mo mtshan gyi nad dang / rtsib logs su na ba dang / glo snying na ba dang / skran dang / gzhang 'brum rnams zlog par byed do/ /ba sha ka dang / kha lung gi rtsa ba dang / sen rtsi dang / lan tshwa dang / de rnams kyi phye ma chang dang sbyar te btung ba 'am/yang na pi pi ling dang / ut+pa kon tsi ka zhes bya ba go snyod dang / ra sna dang / gze ma dang / ba sha ka dang / de rnams 'o ma dang bskol la 'thungs na zug gzer 'phrog par byed do/ /sle tres dang / 'bras bu gsum dang / dan+ti dang / de rnams bskol bas blugs par bya'o//rgya spos dang / kaN+Da ka ri dang / ru rta dang / rgyam tsha dang / thang shing dang / de rnams til mar dang bskol ba'i mar las shing bal gyi 'dab ma la bsgos te mo mtshan la glan pa byas na zug gzer dang bcas pa 'joms so/ /mo mtshan gyi nad mkhris pa las gyur pa la ni blugs pa dang /bsku byug dang / ras bal gyi 'dab ma glan pa'i cho ga rnams bya'o/ /mkhris pa 'joms shing bsil ba'i nus pa dang ldan pa'i sman dang sbyar ba'i mar gyis snum chos bya'o/ /nye'u shing gi rtsa ba srang bzhi brgya brdungs te btsir ba'i khu ba dang /de dang mnyam pa'i 'o ma dang / mar srang brgya nyi shu rtsa brgyad dang / 'tsho byed sde bcu dang / nye'u shing dang / rgun 'bru dang / pa ru sha ka dang / pi ya la dang / ba la rnam gnyis dang / shing mngar dang / de rnams zho gnyis gnyis zhib tu btags pa'i phye ma dang /de rnams lhan cig bskol te bsgrangs pa'i nang du sbrang rtsi dang / pi pi ling gi phye ma srang brgyad brgya dang / kha ra srang sum cu btab ste lde gur byas pa las srang phyed phyed zos na mngal gyi nad dang / khrag nad dang / khu chu'i nad 'joms par byed do//nyal phod pa dang / bu skye ba'i mchog yin no/ /de bzhin du glo 'grams pa dang / glo gcong zad byed dang / khrag dang / mkhris pa dang / lud pa dang / dbugs mi bde ba dang / ha li ma ka zhes bya ba'i nad dang / mig ser dang /rlung dang / khrag las gyur pa'i nad dang / me dbal dang / glo snying na ba dang / mgo na ba dang / brjed byed kyis nyam thag pa dang / da rgan nang du 'gug pa dang / phyir gyed pa'i nad dang / myos pa dang / smyo byed rnams 'jig par byed do/ /gong gi bskol ba'i khu ba srang stong nyi shu rtsa bzhi'i nang du mar dang til mar srang phyed bsres pa srang brgya nyi shu rtsa brgyad dang /de'i bzhi 'gyur gyi 'o ma dang / pi pi ling dang / ka ka na si dang / kha ra dkar po dang / dzi ban+ti dang / k+Shi ra ka ko li dang / sti ra dang /nye'u shing dang / zi ra rnam gnyis dang / pa ya s+ya dang / shra ba ni dang / mon sran sde'u dang / shing pi lu dang / mon sran gre'u gsum gyi lo ma dang / de rnams btags pa'i phye ma dang lhan cig yang bskol te mar lus pa las 'thungs na rlung dang mkhris pa las gyur pa'i nad 'joms par byed de bu sbyin par byed pa yin te/mo mtshan nas khrag 'dzag pa dang / zla mtshan skyon dang bcas pa rnams la nad gzhi ji lta ba bzhin du gang dang ldan pa brtags te thun tshad kyang de ltar bya'o/ /shing mngar dang / sbrang rtsi dang /chu shing gi rtsa ba dang / skyer pa'i rtsa ba dang / shing ta la'i sa bon dang / pri yang ku dang / de rnams 'bras bkrus pa'i chu dang sbyar te 'thungs na khrag legs par gnas par byed cing khrag dkar ba dang / ha cang dmar ba rnams sel to/ /pa tha dang / shing 'dzam bu dang /a mra'i rkang pa dang / sru sru'i rtsa ba dang / skyer khaN+Da dang / am pa kas dang / shal ma li'i thang chu dang / sa mang+ga dang / dug mo yungs kyi shun phrag dang / bA la li ka dang / bil ba dang / bong nga dkar po dang / seng phrom dang / gla sgang dang / btsag dang / bca' sga dang / shing mngar dang / ma tsi ka dang / tsan+dan dmar po dang / kad pha la dang / ka dang ka dang / dug mo yungs dang / a nan ta dang / da ta ki dang / shing tog ma du ka dang / stang zil dang / de rnams btags pa'i phye ma sbrang rtsi dang / 'bras bkrus pa'i chu dang sbyar ba rgyu skar rgyal la blud na gzhang 'brum dang tshad par 'khru ste yang dang yang khrag tu 'byung ba dang /srin bu las gyur pa'i nad dang / byis pa rnams kyi srin nad rnams 'joms so/ /mngal dang mo mtshan gyi nad khrag gnag pa dang / dkar la rtsa gnag pa rnams sel to//phye ma 'di ni skar ma rgyal dang rjes su mthun pa yin te gong ma'i nad rnams la rab tu phan no/ /zhes drang srong chen po rgyun shes kyi bus mchog tu bsngags so/ /bad kan las gyur pa'i mngal gyi nad la ni sman thams cad rtsub pa dang dro bag tu sbyar ro//da ta ki dang / skyu ru ra'i lo ma dang / lig bu mig dang / shing mngar dang / ut+pa la dang / shing 'dzam bu dang / a mra'i tshi gu dang / nag tshur dang / seng phrom dang / kad pha la dang / tin tu ka dang / rgyam tsha dang / se'u 'bru dang / shing tshwa dang / u dum+bA ra dang bil ba gzhon nu dang /de rnams zho gnyis btags pa'i phye ma ra gcin dang de'i bzhi 'gyur gyi 'o ma dang / til mar srang sum cu rtsa gnyis bskol ba'i mar lus pa las bsku byug dang / ras bal gyi 'dab mas glan pa dang / mas gtong ba rnams byas na mo mtshan skrang ba dang /mo mtshan phyir rlog pa dang / bsku dka' zhing rengs pa dang / nal nal po spyi bag tu 'dzag pa dang / mo mtshan phyir 'bur ba dang / nang du zhum pa dang / mo mtshan 'brum pa dang ldan zhing zug gzer dang bcas pa rnams la phan no/ /kha zas su nas dang /btung ba ni a ru ra'i chang dang bur chang dang til mar rnams bsten par bya'o/ /pi pi ling dang / lcags phye dang / a ru ra dang / de rnams kyi sbyor ba sbrang rtsi dang bcas par sbyar na phan no/ /nag tshur dang / 'bras bu gsum dang / nag tshur bya bal ma dang /a mra dang / shing 'dzam bu'i rus pa dang / da ta ki dang / de rnams kyi phye ma sbrang rtsi dang sbyar ba blud na mo mtshan nas spyi bag tu 'dzag pa rnams dkon te rtsub par byed do/ /rgya skyegs shing dang / da ta ki dang / shing 'dzam bu dang / nag tshur dang /sa mang ga dang / mon cha ra dang / sra rtsi pog dang / de rnams kyi phye ma sbrang rtsi dang sbyar na mo mtshan dri mi zhim pa dang / spyi bag tu 'dzag pa dang / rnags pa dang / rengs pa rnams la 'dod pa yin no/ /dong ga'i sde tshan bskol ba'i khu bas blugs par bya ba dang /mo mtshan bsgul dka' zhing rengs pa dang / rtsub pa rnams la ni mnyen par bya ba'i cho ga rnams bya ste/ de yang sha khu legs par g.yos su byas pa dang / kri sa ra dang / 'o thug rnams kyis mo mtshan gyi nang du gzhag cing dgang bar bya'o//mo mtshan dri nga bar gyur pa la ni sman dri zhim pa dang sbyar ba'i til mar ram mar gyi nang du phye mas legs par btab pa dang / yang na phye ma nyid du sbyar na mo mtshan dri mi zhim pa rnams sel bar byed do/ /bad kan las gyur pa'i mo mtshan gyi nad la ni phal cher sman tsha ba dang /ba gcin dang sbyar ba mas gtong bar byas na phan no/ /mkhris pa las gyur pa'i nad la ni phal cher shing dang / 'o ma dang bcas pa mas btang na phan no/ /rlung las gyur pa la ni phal cher til mar dang skyur dang sbyar ba mas btang na phan no//'dus pa las gyur pa la ni thun mong du sbyar te mas btang na phan no/ /gso ba de dag gis mo mtshan dag par gyur na sa bon la skyon med cing tha mal par gyur pa dang / rnam par shes pa 'jug pa dang / tshogs pa de dag yod na bud med kyi bu chags shing tshor bar shes so//skyes pa'i dbang po la yang sa bon gyi mdog las nyes pa rnams brtags te/ gal te nad dang bcas pa yin na ni de 'joms par byed pa'i mchog sman las rnam pa lnga la sogs pas dag par bya'o/ /btsod dang / ru rta dang / rgya sbos dang / 'bras bu gsum dang / shu dag dang / ser po rnam gnyis dang / shing mngar dang / me da dang / la la phud dang / pu tse shel dang / pa ya s+ya dang / shing kun dang / ra mnye ba ser po dang / a shwa gan+d+ha dang / nye'u shing dang / de rnams zho gnyis gnyis btags pa'i phye ma mar srang sum cu rtsa gnyis dang /de'i bzhi 'gyur gyi 'o ma dang bskol te mar lus pa las ran par 'thungs na mo mtshan dang khu chu'i nyes pa thams cad la rab tu bsngags te/ tshe ring ba dang / lus nyams brta ste 'phel zhing rgyas pa dang / yid gzhungs pa dang / bkra shis pa dang /bu tsha skyed par byed pa'i mchog yin no/ /de bzhin du zla mtshan rgyu ba'i dus su mar de las ran par bud med la blud na bu skye bar 'gyur zhing mngal gyi nang du bu 'chir nye ba yang mar 'di 'thungs na 'tsho bar byed de rab tu bsngags so/ /sman mar 'di ni mchog tu byis pa rnams kyi gdon 'joms pa dang /lus brta ba'i dam pa yin te sman mar 'di'i ming ni 'bras bu'i sman mar zhes bya'o/ /gsang ba'i nad gso ba'i le'u ste sum cu rtsa bzhi ba rdzogs so// //sman dpyad yan lag lnga pa'o// //de nas dug nad kyi dmigs brtags shing gso ba'i cho ga'i le'u bshad par bya ste/sngon lha dang lha ma yin rnams bdud rtsi 'dod pa'i phyir rgya mtsho chen po bsrubs pa dang bdud rtsi'i sngon rol du dug gi skyes bu'i gzugs can shin tu mi bzad par snang ba lus shin tu 'bar ba'i gzi brjid dang ldan pa mche ba bzhi dang ldan pa/skra ser ba me ltar 'bar ba'i mig dang ldan pa des 'gro ba gang la bltas kyang brgyal zhing sa la lhags par gyur te/ de'i phyir dug ces bya'o/ /de nas tshangs pa chen pos hUM zhes brjod pas skyes bu dug gi gzugs can de yang gnas pa'i dug dang 'gro ba'i dug rnam pa gnyis su gyur nas rang gi lus mi snang bar song ngo //de nas 'chi ba'i bdag nyid can shin tu brtan pa dang / rlom sems pa'i nus pa dang ldan pa gang yin pa de kA la ku tra zhes bya ba dang / iN+Da zhes bya ba dang / ba tsha na zhes bya ba dang / shing gi zhes bya ba dang / ha la ha la zhes bya ba la sogs pa'i rtsa ba'i nad dang / gzhan yang sbrul dang / srog chags lu ta dang / mche ba can la sogs pa rnams su zhugs par gyur to/ /de gnyis las kyang 'gro ba'i dug ni shin tu mi bzad pa yin no/ de ltar gnas pa'i dug dang 'gro ba'i dug rnam pa gnyis ni bcos ma ma yin pa ste rang bzhin gyi dug ces bya'o//bcos ma'i dug ni dbyig dug ces bya'o/ /sman sna tshogs pa las byas pa yin te sbyor ba'i dbang gis byas pa'i dug dang 'gro ba'i dug ni myur bar 'chi ba'i nus pa med de/ yun ring ba nas 'chi ba'am/yang na skrang ba dang / skya rbab dang / dmu rdzing dang / smyo byed dang / gzhang 'brum la sogs pa skyed par byed do/ /de la dug gi rang bzhin ni rno ba dang / drod che ba dang / rtsub pa dang / bska ba dang / lus la myur du khyab par byed pa dang / yang ba dang / lus 'bar te mdangs can du gyur pa dang / phra ba dang / ro mi gsal ba dang / mi bzad par smin pa yin no/ /mi'i khong nas mdangs skyed par byed pa yod na dug gi yon tan rno ba la sogs pa rnams las bzlog par yod pa yin par shes par bya'o/ / dug de rlung dang mkhris pa la shas cher skyed pa'i nus pa dang ldan na ni mi rnams kyi srog de ma thag 'joms par byed do/ /dug de thog mar khong par phyin nas dang po khrag 'dzag pa 'khrug par byed do/ /nad gzhi rnams cha mnyam pa yin na yang bad kan dang / mkhris pa dang /rlung gi gnas su 'khrug par byed do/ /de nas snying gi gnas su phyin nas mi rnams kyi srog 'phrog par byed do/ /de la gnas pa'i dug gis dang po lus la phog pa'i tshul ni lce gnag pa dang / khong rengs pa dang / brgyal ba dang / sngang ba dang / ngal ba dang skyug pa yin no//gnas skabs gnyis pa la ni nad kyi shugs lus 'dar ba dang / rngul ba dang / tsha ba 'ur 'ur por 'dug pa dang / lkog ma na ba dang / dug ma zhu ba'i gnas su phyin te snying na ba dang / zug pa dang / rkan skams pa rnams yin no/ /gnas skabs gsum pa la ni ma zhu ba'i gnas pho bar phyin te shin tu zug pa dang /mig nyams zhan pa dang ser ba dang skrang bar 'gyur ro/ /gnas skabs bzhi pa la ni zhu ba'i gnas long kar phyin nas na ba dang / skyigs bu dang / lud pa skye zhing rgyu ma 'khrugs pa dang / mgo lhag par lci ba dang /bad kan rab tu 'dzag pa dang / mdog skya ba dang / tshigs rnams su zug pa yin no/ /gnas skabs lnga pa la ni nad gzhi thams cad 'khrugs shing na ba dang zhu ba'i gnas su zug cing na ba yin no/ /gnas skabs drug pa la ni 'du shes rab tu nyams pa dang / lhag par 'khru ba dang / phrag gong dang / sgal tshigs med pa dang / dpyi dang / de rnams bye zhing lhod pa yin no/ /gnas skabs bdun pa la ni skyes bu 'chi bar byed do/ /dug gis phog ma thag pa'i gnas skabs su dang po skyug sman btang ste chu grang gis gtor ro/ /de nas dug la phan pa'i sman mar dang sbrang rtsi dang sbyar ba myur du sbyin no//gnas skabs gnyis pa la ni gong ma bzhin du slon byas pa de'i 'og tu bkru sman bya'o/ /btung ba yang gong ma ltar sbyar ro/ /gsum pa la ni dug 'joms pa'i sman gyi btung ba dang / sna sman dang / mig sman dang sbyar na phan no//bzhi pa la ni snum dang bcas pa'i dug sman gyi btung ba sbyar ro/ /gnas skabs lnga pa la ni shing mngar bskol ba'i khu ba dang sbrang rtsi dang sbyar ba dug la phan pa'i sman gyi btung ba dang bcas pa gtang ngo / /drug pa la ni 'khru ba gso ba'i cho ga bya'o/ /gnas skabs bdun pa la ni sna sman bud pa dang /spyi bor rgya gram du dbral te de'i nang du sha 'am khrag gzhug par bya'o/ /ko sha ta ki dang / lang+ga li dang / pa tha dang / lcam pa dang / sle tres dang / a ru ra dang / she lu dang / shri sha dang / ge ri kar+Ni ka dang / yung ba dang / a hA dang /ba spru ba dang / sbrang rtsi dang / tsha ba gsum dang / bri ha ti rnam gnyis dang / thal tres dang / ba la dang / de rnams bskol ba'i khu ba las gzhi blangs pa'i 'bras thug grang ba'i nang du mar dang sbrang rtsi dang bcas pas slon khrus la sogs pa'i las byed pa'i 'og tu dug 'joms pa'i sman 'di thams cad sbyar ro//de bzhin du shing mngar dang / shing tog ma du ka dang / pad+ma ge sar dang / tsan+dan dang / stang zil dang / rgya spos dang / ru rta dang / ba bla dang / ldong ros dang / pri yang ku dang / tsha ba gsum dang / 'bu su hang dang / nA ga puSh+pa dang /ge sar dang / ha re N+ya ka dang / chu'i shing mngar dang / spang spos dang / gi wang dang / ka la ma ka dang / shri besh+ta ka dang / sra rtsi pog dang / shu ti dang / gur gum dang / ba la dang / ta ma la'i lo ma dang / bal bu'i lo ma dang / stag pa'i lo ma dang / pu tse shel dang / ser po rnam gnyis dang / de rnams bu mo gtsang ma smyung ba dang lus kyi khrus byas te gos gtsang ma bgos pas sman btags te sbrang rtsi dang sbrus la ri lur byas nas bram ze la mchod par byas nas ci rigs par sbyar te ri lur byas la sman pa des sngags 'di rtse gcig par bzlas brjod bya'o/ / na maHpu ru Sha sid+hA ya/ na ma nA rA ya tsa na/ ya ba sa'u nA b+hi/ dzA na ti/ ra Ne kr-iSh+Na pa rA dza yam e te n+ya s+yad t+ya ba kre Na/ a na do me pra sid+d+ha ru/ na mo bai DUr+ya ma te hU ru hU ru/ rak+Sha mAM sarba byi shwe b+h+yo/ go rI gan+d+ha rI/ tsaN+Da lI ma taM gI swA hA/ de ltar sngags kyis btab pa'i sman de ltar btab ste sngags 'di yang bzla'o//ha re ma'i swA hA/ zhes brjod do/ /des btung ba dang sna sman dang / skyug sman dang mkhrig mar bcings pa la sogs pa sbyar na dug ma lus pa thams cad dang / ro langs kyi gdon dang / sdig pa'i las thams cad dang / ma ra ka bya ti dang / mu ge'i gnod pa dang /'thab mo dang / ser ba'i 'jigs pa rnams sel zhing bde legs su 'gyur ba dang zhi bar byed pa'i mchog yin no/ /sbyor ba 'di ni zla shar zhes bya'o/ /khong par dug rang zhu ba dang / sman gyis zhi bar byas sam/ /mes bsregs sam/ rlung gis bskams kyang rung ste/dug gi rang bzhin gyi yon tan ni mi 'dor ba yin te/ de ni nyes pa 'khrugs par byed pa zhes bya ba'i dug gi las dang ldan pa yin te/ dug gi nus pa ni chung ba yin/ dug de bad kan dang ldan pa yin par ma shes na ni lo grangs su nad rjes su 'brel ba yin ste/dug des na zhing nyam thag par gyur na ni phyi sa mdog sna tshogs su 'byung zhing khong 'khrugs dang / khrag nad ma rungs par 'gyur ba dang / skom dad che ba dang / kha zas yi gar mi 'ong ba dang / brgyal ba dang / skyugs pa dang / skad 'dar 'dar por smra ba dang /me drod nyams pa dang / dug gis nad gzhi 'khrugs pas dmu rdzing gi rtags kyang de la snang ba yin no/ /gal te dug ma zhu ba'i gnas pho bar bab na ni bad kan dang rlung gi nad skyed par byed do/ /zhu ba'i gnas su bab na ni rlung dang mkhris pa skyed par byed do/ / dug mgo la bab na ni mgo'i skra 'byi bar 'gyur ro/ /ci ltar bya 'dab ma dang bral ba bzhin no/ /dug de lus zungs rnams la bab na ni lus zungs kyi nad skyes pa'am yang na lus zungs la brten nas nad gzhan skyed par byed do/ /yang na shar phyogs kyi rlung gis phog ste/ dug langs pa dang / kha zas ma zhu ba dang / nam rmugs te grang ba dang / nyin par gnyid log pa dang / kha zas mi mthun pa bsten pas lus zungs rnams 'khrugs par byas te dug langs pas nyes pa 'khrugs par byed pa zhes bya'o/ /de la gso ba ni thog mar dugs legs par byas la gong 'og tu lus sbyang bar bya'o//nyes pa 'khrugs par byed pa'i nad la ni dug 'joms pa'i sman sbrang rtsi dang sbyar ba bldag tu gzhug ste/ de yang pi pi ling dang / bya ma ka dang / spang spos dang / seng phrom dang / sug smel dang / swardzi ka dang / ku tan na ta dang / ru rta dang / shing mngar dang / tsan+dan dang / btsag yug snam dang / de rnams ni dug 'joms pa'i sman zhes bya ste/ des na dug 'joms pa'i sman nyi tshe dang sbyar gyi gzhan du ni mi sbyar ro/ /dug mda' la sogs pas phog pa'i mtshan ma ni yang dang yang phrad ma ma ti dang /mdog 'gyur zhing skya bor 'gyur ba dang / yang dang yang du yid 'byung ba dang / de'i lus la srin bu rgyu ba snyam du sems pa dang / lus la tshor ba med cing tsha tsag tsag byed pa dang / chu so dang / sgal tshigs dang / mgo dang / phrag pa dang / tshigs rnams su zug gzer dang bcas par 'gyur ba dang /khrag nag po nad khrag mang du 'dzag pa dang / skom dad che ba dang / brgyal ba dang / rims kyis 'debs pa dang / tsha ba 'ur 'ur por 'dug pa dang / mig dmar ba dang / skyugs pa dang / dbugs mi bde ba dang / skyigs bu dang / rma'i mtha' 'khor dmar zhing ser ba dang dbus gnag pa yin no//rma skrangs shing smin pa dang / dri mi zhim pa dang sha nag por 'gyur ba dang / sha rul zhing 'drul ba dang / spyi bag tu 'dzag pa rnams yin no/ /dug mdas gnad du ma bsnun pa med pa myur du snying ga'i phyogs su bsil ba'i cho ga rnams bya ste/zug rngu phyung la de'i 'og tu lcags bsregs pas rma bsreg par bya'o/ /yang na mu ka ka dang / ge ri ka dkar po dang / kad pha la'i shing shun dang / de rnams tam mra bal li dang / shi ri sha dang / grid da na khya dang 'di rnams kyi thal bas bsreg go/ / shu kha na ba dang / bong nga dkar po dang / kaN+Da ka ri'i rtsa ba dang / de rnams kyi lde gus rma la bsku'o/ /gzhan yang dug 'thungs pa dang / dug gis bzung ba'i gso ba ji ltar 'os par sbyar ro/ /rma rnags pa la ni mkhris pa'i me dbal gyi gso ba rnams spyad do/ / bud med rang skal ba dang ldan pa'i ched du rang gi khyim thab la dbyig dug kha zas dang sbyar ba sbyin pa 'am/ rgyal po dang 'khon pa'i dgras rgyal po'i 'khor nye bar gnas pa la gla rngan byin te kha zas kyi nang du dbyig dug byin na dbyig dug gis zin pa'i mtshan ma ni mdog skya ba dang / lus skem zhing rjud pa dang /me'i drod chung ba dang / lud pa lu ba dang / dbugs mi bde ba dang / rims kyis nyam thag pa dang / rlung lam gzhan du zhugs pa dang / rtag tu gnyid 'ong ba dang / sems las che zhing yid mi bde bar 'gyur ba dang / lto ba dang / mchin pa dang / mcher pa cher skyes te/skad gsang dma' ba dang / nyam chung ba dang / sgyid zhan pa dang / skrang ba dang / rtag tu lto sbo ba dang / rkang pa dang / lag pa skem zhing na ba dang / phal cher rmi lam gyi nang du ce spyang dang / byi la dang / sre mo dang / sbrul 'di rnams mthong zhing nags dang mtsho rnams kyang skam par byed pa mthong ba rnams yin no//bdag nyid kyi lus dkar po nag por mthong ba dang / sna dang mig kyang mdog 'gyur ba dang / dbang po rnams kyang nyams par mthong bar 'gyur ba yin no/ /de dang de la sogs pa'i gnod pa mang po skye bar 'gyur ba'i dbyig dug gis nyam thag par 'gyur ba des lus 'jig par 'gyur ro//la la ni de ma thag gso ba byas na 'tsho ba yod do/ /yang dbyig dug gis nyam thag pa la de ma thag slon pa'i kha zas sbyin te/ 'phral skyug tu gzhug go/ /de nas dag par byas nas gser sbyin par bya'o//lhag ma ni mdo'i gnas su bshad pa'i cho ga bzhin du bya'o/ /gser dang / drub mar cang dang / kha ra dang / sbrang rtsi sbyar ba'i lde gu bldag tu bcug na sbyor ba thams cad las byas pa'i dbyig dug drag po yang rab tu zhi bar byed do/ /mur ba dang / sle tres dang / rgya spos dang /pi pi ling dang / pa to la dang / dbyi mo dang / tsi tra ka dang / shu dag dang / gla sgang dang / byi dang ga dang / 'di rnams dar ba dang / zho ga chu'am/ sha khu skyur po dro 'jam tsam la btang na dbyig dug gis me'i drod nyams pa yang 'jig par byed do/ /phug ron gyi sha dang /zur ba dang / ma nu dang / 'di rnams bskol te grangs pa blud na dbyig dug dang / skom dad che ba dang / zug pa dang / lud pa dang / dbugs mi bde ba dang / sbos pa dang / lus mi bde ba tsha ba rnams 'joms par byed pa dang / dug gi rang bzhin can gyi mi la kha zas dus ma yin bar zos pas nad gzhi rnams dang lhan cig 'khrugs pa de ni byi sha sang ga ste zhes bya ba'i dug nad yin par bshad de/de las rgyal bar byed pas 'ga' zhig 'tsho bar 'gyur ro/ /byi sha sa ka zhes bya ba'i dbyig dug gi nad la bsrung bar bya ba ni bkres pa dang /skom pa dang / tsha ba dang / nyam chung ba dang / khro ba dang / mya ngan dang / 'jigs pa dang / ngal ba dang / ma zhu ba dang / 'khru ba dang / gang yang mkhris pa dang / rlung 'phel bar byed pa'i rgyu dang / til mar gyi me tog dang / 'bras bu snom pa dang /sa'i rlangs pa snom pa dang / 'brug gi sgra dang / glang po che dang / byi ba'i sgra dang / rol mo'i sgra dang / nyan pa dang / shar phyogs kyi rlung dang / ut+pa la'i dri snom pa dang / gang yang myos par 'gyur ba'i bag bsten na dug 'phel bar 'gyur ba yin te spang bar bya'o//dbyar ni char mang po 'bab pa'i dus yin te/ de'i tshe dug la chu mang pos brlan par byas nas khu ba gzags te bkrus na dug gi nus pa zhan par 'gyur te/ de bas na ston sprin med pa'i dus su skar ma ri byi shar te des dug gi mthu 'phrog pa yin no/ /de ltar sman pa mkhas pas nad kyi rang bzhin dang /gang la goms pa med pa dang / gnas skabs gang du nad 'khrugs pa dang / nad kyi stobs che chung brtags te de'i 'og tu gso ba'i las spyad par bya ste/ de la bad kan gyi rang bzhin can gyi dug nad la ni dro ba dang / rtsub pa dang / rno ba'i skyug sman dang byug pa sbyar ro/ /kha zas su ni ro bska ba dang / tsha ba dang / kha ba rnams su sbyar na dug gi gnod pa zhi bar byed do/ /mkhris pa'i rang bzhin can gyi dug nad la ni bkru sman dang / byug pa dang / blugs pa rnams kyang shin tu bsil ba'i nus pa dang ldan par byed do//kha zas su ni ro bska ba dang / kha ba dang / mngar ba rnams mar dang sbyar ba gtang ngo / /rlung gi rang bzhin can gyi dug nad la ni sman mngar ba dang / snum pa dang / skyur ba dang / lan tshwa dang / mar dang sbyar ba bza' ba dang / byug pa dang sha la sogs pa sbyar na yang phan no//'dus pa las gyur pa'i dug nad thams cad la ni bkru sman dang / byug pa dang / bza' ba dang / sman thams cad la yang mar dang sbyar ba bsngags te/ dug 'joms pa la ni mar dang 'dra ba gzhan gang yang med do/ /lhag par rlung shas che ba la bzang ngo //dug bad kan gyi gnas su byung na ni tshegs chung ngus gso sla ba yin no/ /mkhris pa'i gnas su byung na ni gso dka' ba yin no/ /dug nad kyi dmigs brtag cing gso ba'i le'u ste sum cu rtsa lnga pa rdzogs so// //de nas sbrul gdug pas zin pa gso ba'i cho ga'i le'u bshad par bya ste/de la sa'i steng na gnas pa'i sbrul gdug pa can gyi rigs mdor bsdu na rnam pa gsum ste/ gdengs ka can dang / lus 'khyil ba dang / khra bo'i rigs dang gsum ste dbye na rnam pa du ma grangs med pa yod mod kyi mdor bsdus te bshad par bya'o//sbrul gyi dug de dag gi yon tan ni khyad par du rtsub pa dang / tsha ba dang / skyur ba dang / drod che ba dang / mngar ba dang / bsil ba yin no/ /de la sbrul gyi rigs gdengs ka can dang / lus 'khyil ba dang / khra bo'i rigs gsum gyi bye brag las rlung gi rang bzhin dang /mkhris pa dang / bad kan gyi rang bzhin rnams go rims bzhin du so so nas sbyar ro/ /de la sbrul gzhon nu'i dug ni dbyar gyi dus su 'phel la sbrul bar ma'i dug ni dgun gyi dus su 'byung ngo / /sbrul rgan po'i dug ni sos ka tsha ba'i dus su ldang ngo / / de las gzhan pa'i sbrul gyi dug ni dus tshigs rnams kyi mtshams su 'byung ngo / /'khor lo dang / gshol dang / gdugs dang / g.yung drung dang / lcags kyu dang / de rnams kyi ri mo'i mtshan dang ldan zhing 'gros shin tu myur ba dang ldan pa de ni sbrul gdengs ka can zhes bya'o//sbrul 'khyil ba zhes bya ba ni ri mo 'khyil ba'i bye brag sna tshogs su 'dug pa yin no/ /sbrul gyi rigs khra bo zhes bya ba ni shin tu mdangs gsal ba'i ri mo dang ldan zhing snum pa dang / chu zheng kun tu mdog sna tshogs su ri mo de ltar snang ba'o/ /gzhan yang sbrul gyi rigs srog chags go ta'i bu go da ra zhes bya ba'i dug ni sbrul gdengs ka can dang 'dra'o//de dag las gzhan pa'i sbrul gyi rigs rkang pa bzhi pa ni rigs 'dres pa yin te/ mtshan nyid dang ri mo yang 'dres par snang ste des zin pa ni 'dus pa'i nad skyed pa yin no/ / sbrul gyi dug 'phel bar byed pa'i rgyu ni bza'o snyam pa dang / 'jigs pa dang / lhung ba dang / gzhan gyis reg pa dang / khros pa dang / sdig pa'i las dang / lha dang drang srong rnams kyis bskul bas sbrul mi la 'dzin pa yin te/ de dag ni yams kyi rims bzhin du tshabs che ba yin no//de ltar sbrul gyis zin pa'i rgyu ji lta ba bzhin du shes nas de lta de ltar gso bar bya'o/ /sbrul gyi rigs de las gzhan pa sdig pa byed pas lam bcad de gnas nas gang du skyes bu rgyu ba'i lus kha chu dang / dri ma dang / rnag tsam gyis reg cing gnod par byas te mche ba'i rma ni snang ba de ni mchus gnod par byed pa zhes bya'o//gang gi lus la mche ba gcig gam/ gnyis kyi rjes snang zhing khrag med pa de ni bya di da zhes bya'o/ /mche ba gnyis kyi rjes snang zhing khrag dang bcas pa de ni bya lup+ta zhes bya'o/ /mche ba gsum gyis bzung ste sha la sogs pa phug cing khrag rgyu ba'i gnas rnams su mche bas phog pa de ni bi tshi na zhes bya'o//mche ba bzhis khrag gi gnas phug ste khrag 'dzag pa de ni bi ti ta zhes bya'o/ /de la dang po gnyis ni dug med pa yin no/ /phyi ma gnyis gso ba med do/ /de la mche ba'i dug gis zin ma thag ni thog mar skrang ba de'i 'og tu khrag la zhugs pas na khrag ma rungs pas lus la khyab par byed do//de nas mkhris pa la khyab cing des lus thams cad la khyab par 'gro ste/ ji ltar chu la til mar gyis khyab pa bzhin no/ /rang bzhin gyis 'jigs pa skye ba'i mi la sbrul gyi lus kyis reg pa las sngangs te rlung 'khrugs nas brgyal bar byed skrangs par 'gyur ba de ni sbrul gyi lus kyis mngon par reg pa'i dug ces bya'o//dri mi zhim pa zhes bya ba'i srog chags yod de/ des bzung ba'am yang na srog chags gang yang rung ba nub mo ma tshor bar zin pa las bdag ni sbrul gyis zin no snyam nas dug gis rtog par rims dang /skyugs pa dang / brgyal ba dang / lus tsha ba skye ba 'am/ yang na mi bde ba 'am/ rmongs bag tu 'dug pa dang / tshad par 'khru ba de ni rtog pa las gyur pa'i dug nad ces bya'o//sbrul gyis zin pa'i rma nad dang bcas pa las skrang ba dang / g.ya' ba dang / zug gzer dang ldan pa dang / tsha ba 'ur 'ur por 'dug pa dang / rmen bu bu ga mdud pa ltar snang na ni dug dang bcas pa yin la de las bzlog par ni dug med pa yin no//de la gdengs ka chen po'i sbrul gyis zin pa'i dug gi shugs rnam pa bdun du gyur te/ de yang dang po ni khrag skyon dang bcas shing nag por 'gyur ba de bzhin du rma kha la sogs pa thams cad du mdog gnag cing lus la grog ma mang po rgyu ba snyam sems pa yin no//gnas skabs gnyis pa la thor bur skye bar 'gyur ro/ /gsum pa la ni mgo lci zhing dud pa dang / glo snying mi bde ba dang / rma rnags pa'o/ /bzhi pa la ni mchil ma mang ba dang / skyugs pa dang / tshigs rnams 'bye ba dang / sgyid skyur ba rnams yin no//lnga pa la ni tshigs rnams 'jig pa dang / tsha ba 'ur 'ur por 'dug pa dang / skyigs bu 'byung ba rnams yin no/ /drug pa la ni glo snying na ba dang / khong lci ba dang / brgyal ba dang / kha zas yi gar mi 'ju ba dang tshad pas 'khru ba rnams yin no/ / bdun pa la ni khu chu'i nus pa phyin te phrag gong dang / rgyab kyi sgal tshigs dang / rked pa'i tshigs rnams 'jig pa dang / spyod lam thams cad las ldog cing nub pa yin no/ /sbrul 'khyil ba'i rigs kyis zin pa la ni dug gi shugs lngar 'gyur te/ dang po la khrag 'dzag pa skyon can du byas nas ser por 'gyur la des lus dang /yan lag ser por 'gyur zhing tsha ba skye bar 'gyur ro/ /gnas skabs gnyis pa la ni skrang bar 'gyur ro/ /gsum pa la ni rma rnags pa dang / rngu ba la sogs pa skye bar 'gyur ro/ /bzhi pa la ni rims kyis 'debs shing lus tsha bar 'gyur ro//lnga pa la ni lus thams cad du khyab par 'gyur ro/ /sbrul khra bo'i rigs kyis zin pa la gnas skabs lngar 'gyur te/ dang po ni khrag ma rungs par byas nas mdog dkar bar 'gyur ba dang lus thams cad kyang dkar por 'gyur ro//gnyis pa la ni lus thams cad kyang shin tu lci bar 'gyur ro/ /gsum pa la ni rma rul zhing rnags pa dang / sna dang / mig dang / kha'i nang nas 'dzag pa yin no/ /bzhi pa la ni mgo lci ba dang / gnya' ba rengs par 'gyur ro/ /lnga pa la ni skad nyams pa dang /rims kyis 'debs pa dang / grang ba rnams yin no/ /lhag ma rnams ni sbrul gdengs ka can dang 'khyil pa bzhin no/ /de bas na dug gi shugs gnas skabs lnga pa la ni 'bad pa dang bcas pas gso ba myur du bya'o/ /sbrul chu'i nang du brgyal ba dang /'khrig pa zin nas nyam chung ba dang / sre mos 'jigs pa dang / sre mos pham par byas nas/ shin tu grang ba'i rlung gis brten pa dang / tsha bas gdungs pa dang / nad kyis gzir ba dang / skom pa dang / bkres pas gdungs pa dang / shin tu ngal ba dang lam ring po nas 'ongs te dub pa dang /sbrul spyod lam de dag ltar 'dug na ni sbrul gyi gdug pa med cing nyam thag pa yin no/ /sbrul de rtswa ku sha dang / sman dang / tsher ma dang ldan pa'i nags rnams su rgyu ba yin na ni sbrul de'i dug gi nyes pa med cing dug dang bral ba yin no//sbrul de dur khrod dang / mchod rten la sogs pa'i nang du rgyu ba dang / tshes lnga dang / bco lnga dang / gnam stong dang / tshes brgyad dang / tshes dgu dang / srod dang / tho rangs dang / nam phyed dang / nyi ma gung dang / dus de dag tu sbrul gyis zin pa dang / rgyu skar bra nye dang / smin drug dang / mchu dang / skag dang / sa ga dang / gre dang / chu stod dang / khrums stod dang / snubs dang / gzhan yang ne re ta zhes bya ba'i yud tsam gyi dus dang / dus de dag tu gnad du bsnun par zin na ni spang bar bya'o/ /skyes bu gang sbrul gyis zin ma thag mig dang gdong dkar por 'gyur ba dang /skra 'byi zhing rang lhags pa dang / lce gyong ba dang / yang dang yang brgyal ba dang / dbugs grang mo 'thon pa de ni mi 'tsho'o/ /gzhan yang sbrul gyi dug gis zin ma thag tu skyigs bu dang / dbugs mi bde ba dang / lud pa lu ba dang /skyugs pa dang / cig car glo snying na zhing zug pa de ni mi 'tsho'o/ /dug 'thung ngam/ dug bzung ngam/ dug mdas phog gam/ dug gis phog kyang rung ste/ rtags 'di dag dang ldan na skyes bu de nges par 'chi zhing 'tsho ba spang ba yin te/ de yang lbu ba skyugs pa dang /'du shes nyams pa dang / rkang pa dang / lag pa dang / gdong rnams gnag cing sngo bsangs su gyur pa dang / sna zhom pa dang / yan lag rnams zhig pa dang / tshigs lhod pa dang / phyi sa sla zhing khong 'khru ba rnams yin no/ /gzhan yang sna sman rnon po la sogs pa sbyar yang 'du shes mi rnyed pa dang /smas sam mtshon gyis smas na yang khrag mi 'byung ba dang / dbyug pas bsnun kyang rjes su rmugs par mi mngon pa de ni gshin rje'i khyim gyi nang du 'jug pa yin no/ /'chi ba'i mtshan ma de dag dang mi ldan na ni sman pas myur du khyim la me mched pa bzhin du gso bar bya ste/dug gi nad kyis srog lkog mar phyin pa tsam la bsrung zhing zhi bar bya ba la 'bad par bya ba yin no/ /sbrul gyis bzung ma thag nas se gol gtogs pa brgya'i bar du ni rma kha de nyid na dug 'dug pa yin no/ /de phan chad ni lus kyi khrag la sogs pa'i lus zungs rnams rim gyis khyab cing 'gro bar byed do/dug de khrag las gyur pa'i nang du ma khyab pa'i gong du de ma thag par rma'i thon 'khor bcad pa la sogs pa'i las ci ltar rigs par bsnyur te bya'o/ /sbrul gyis zin pa de ma thag par sbrul de nyid myur du bzung ste/rang gi sos gcad pa 'am/ sbrul ma zin na yang rung ste nye 'khor na bong pa'am sa'am/ shing la sogs pa ci mthong yang sos bcad de/ de ma thag glo bur du 'byung zhing rang gi mchil ma'am/ rna spabs kyis sbrul gyis zin pa'i rma la gdab po/ /de nas rma'i gong rol du lung tang gi phreng ba sor bzhi tsam chings shig /zar ma dang 'od ma la sogs pa'i skud pa la shes par grub pa'i sngags kyis btab ste/ dam du bcings te mnan na ji ltar chu bo la chu lon gyis bzlog pa dang 'dra bar rtsa'i rgyun srang rnams su dug rgyur mi ster zhing gcod par byed do//gnad dang tshigs rnams su sbrul gyis bzung ba la ni 'phral du dam du btsir zhing dug gzag cing dbyung ba byas na dug gi nad kyi shugs mi skye zhing ji ltar sa bon nyams pa'i myu gu bzhin no/ /sbrul gyi rigs 'khyil bas bzung ba'i rma ni mkhris pa'i rang bzhin can yin pas de la ni myur du gser dang lcags la sogs pa me la bsregs pa'am/yang na mgal mes rma kha bsregs par byas na dug gi nus pa thal bar rlag par byed do/ /de tsam gyis las sus mi bzod de bzod par bya'o/ /me'i las de ma gtogs pa gzhan ni mi bya'o//de'i 'og tu rma kha gzhibs te kha bkang la phyir dbo'o/ /de nas sa'am thal ba'am/ dug 'joms pa'i sman nam/ ba lang gi lci bas rma kha la gdab par bya'o/ /gal te dug des nang du khyab par song ba dang / lhag par sha che ba la ni rma dang lus su bcas pa thams cad la dug 'joms pa'i sman gyis bsku byug bya'o//tsan+dan dang pu shel tse chu dang sbyar bas blugs par bya'o/ /dug des kun la khyab pa la ni gtar ga byas te khrag phyung na gso ba'i mchog yin te/ khrag mang du phyung na ni dug gi rang bzhin nag po yang 'byung ba yin no//de la dug yod pa'i khrag ni dri nga ba dang / me'i nang du bsregs na sreg sreg zer ba yin no/ /de ltar khrag phyung ste dag pa lta na khrag de nad gzhi ci lta ba bzhin du shes par bya ste brtag go/ /rtsa mi snang ba la ni rwa dang srin bu bad pa gnyis kyis khrag dbyung ngo //khrag phyung ba'i lhag ma yod pa dug gi slan ter byas pa de ni lhag par bsil ba'i sman gyis blugs pa dang / byug pa la sogs pa lan mang du byas te bzlog par bya'o/ /sbrul gyis zin te dug gi mthus brgyal bar byed pa dang / snying 'dzag pa la ni sman bsil ba'i nus pa dang ldan pas blugs pa dang /gtor ba dang rlung g.yab kyis g.yab par byas te spu zing zhes byed du bcug na dug gi mthu rab tu zhi bar 'gyur ro/ /dug shin tu rno bas snying brus pa snyam sems pa la ni mar nyi tshe'am/ yang na dug 'joms pa'i sman dang /mar dang sbrang rtsi sbyar ba yin no/ /snying la dug bab na ni der bad kan nye bar shas cher sogs shing 'phel te/ lus lci ba dang / nad 'khrugs shing brang tsha la kha nas chu skyur 'byung ba yin te/ de la ni skyug sman gtang ngo / /de ltar slon bya ba de yang rtsabs skyur po dang /rgya sran dang / til mar dang / chang la sogs pa de dag spangs te gang yang dug 'joms pa'i sman dang slon byas na dug gis kun tu khyab par mi 'gyur ro/ /sbrul gyi dug gi rang bzhin dang / mi'i nad gzhi'i rang bzhin dang / gnas kyi bye brag zhib tu legs par brtags te gso ba rnams ma nor bar bya'o//shing sin du ba ra'i rtsa ba dang / gi ri kar ni ka dkar po dang gnyis kyi btung ba sbrul gdengs ka chen pos zin pa la sbyar ro/ /pa ka la dang / sbrang rtsi dang sbyar ba rnams sna sman du blud do/ /sbrul nag pos zin pa la ni thog mar khrag gtar te de'i 'og tu tsa ra ti dang /na ku li rnam gnyis dang sbyar ba'am/ yang na shi kru dang / bong nga dkar po gnyis dang sbyar ba gang yang rung ba'i lde gus bsku'o/ /btsod dang / dud pa dang / mar dang / sbrang rtsi dang sbyar ba btung bar blud do/ /rgya sne'u dang / tang phal dang / gi ri ka rnam gnyis dang /kha lung dang / kha ra dkar po dang / she lu dang / de rnams kyi btung ba dang sna sman du sbyar na phan no/ /de bzhin du gdengs ka chen po'i sbrul gyi gdug pa mi bzad pa dang / sbrul gyi rigs khra bo la yang dug 'joms pa'i sman de dag sbyar ro/ /a shra gan+d+ha dang /rgun 'bru dang / gi ri ka dkar po dang / sa nag po dang / pi pi ling dang / de rnams cha mnyam pa dang / byi'u rug pa dang / ka phid tha dang / bil ba dang / se'u dang / de rnams kyi lo ma rnams re re yang a shwa gan+d+ha'i cha phyed phyed sbrang rtsi dang ldan par sbyar te zos na sbrul 'khyil ba zhes bya ba'i dug la khyad par du phan no//shing 'o ma can lnga'i shun pa dang / 'bras bu gsum dang / shing mngar dang / nA ga puSh+pa dang / e la ba lu dang / dzi ba ka dang / zangs rtsi ba dang / pu shel tse dang / kha ra dkar po dang / shug pa dang / ut+pa la dang / de rnams sbrang rtsi dang sbyar ba'i dug sman ni gangs can zhes bya ste/ de'i 'dag gus bskus na sbrul 'khyil ba'i dug 'joms te/ de bzhin du skrang ba dang / shu ba mched pa dang / 'brum bu dang / rims dang / lus tsha ba rnams la phan no/ /tang pal dang / n+ya gro d+ha'i myu gu dang / dzi ba ka dang / zangs rtsi ba dang / kha ra dkar po dang / btsod dang / shing mngar dang / de rnams bskol ba'i khu ba blud na sbrul 'khyil bas zin pa 'joms so/ /smyug ma'i shun pa dang / sa bon dang / pu tse shel dang / pa ta la'i sa bon dang / bca' sga dang /shri sha'i sa bon dang / bong nga dkar po dang / ga be bu ga'i 'bru dang / rtsa ba dang / shu dag dang / de rnams ba gcin la btab pa'i 'dag gu ni yan lag brgyad pa zhes bya ste/ sbrul 'khyil pas zin pa'i rigs go da na sa zhes bya bas zin pa sel to/ /pu tse shel dang /bong nga dkar po dang / ru rta dang / khyim gyi dud pa dang / ha re Nu ka dang / tsha ba gsum dang / rgya spos dang / de rnams lhan cig sbyar ba zos na sbrul khra bos zos pa'i nad sel to/ /'dam bu mda' rgyu dang / dan ti dang gnyis kyi rtsa ba mtho nyi shu'i sa bon 'og na mar brkos te phyung la 'bras dang sa gnyis lhan cig byas te byug pas bsku'o//mar rnying pa'i nang du 'bras bu gsum gyi phye ma btab ste blud la de zhu ba'i tshod tsam nas las byas pa'i zan tshod ma dang bcas pa bza'o/ /ka ra bI ra dang / arka'i me tog dang / me tog ku su ma dang / lang ka li'i rtsa ba dang / pi pi ling dang / pa tha dang / na le sham dang / de rnams kyi rtsa ba phye ma rtsabs skyur po dang sbyar te 'thungs na gong ma'i sbrul las gzhan pa'i sbrul gyis zin pa'i dug thams cad la sbyar ro/ /shri sha'i me tog gi rang gi khu ba'i nang du shi kru zhag bdun gyi bar du sbangs te/de las btung ba dang / snar blugs pa sbyar na sbrul gyis zin pa'i nad thams cad la phan no/ /rgya spos dang ru rta srang gnyis dang mar dang sbrang rtsi srang gnyis dang sbyar ba'i lde gu byin na sbrul gyi rgyal po 'jog pos zin pa la yang sman 'di blud na bde ba sbyin par byed do//sbrul gyi rigs gdengs ka chen pos zin pa'i gnas skabs dang po la ni khrag phyung ste/ mar dang sbrang rtsi dang sbyar ba myur du blud do/ /gnas skabs gnyis pa la ni slon bya ste gong ma bzhin du mar dang sbrang rtsi dang sbyar bas bsku'o//gsum pa la ni dug 'joms pa'i sman dang sbyar te sman de nyid kyang snar blugs par bya'o/ /bzhi pa la ni skyug sman btang ste/ nas thug dug 'joms pa'i sman dang lhan cig blud do/ /lnga pa dang drug pa la ni sman bsil ba dang sbyar ba'i dug sman gtang ngo / /de bzhin du bsil ba'i nus pa sman blugs pa dang /byug pa yang dang yang du sbyar te/ slon sman rnon po blud la de'i 'og tu dug 'joms pa'i sman dang thug par sbyar ba blud do/ /gnas skabs bdun pa la ni dug 'joms pa'i sman rnon po dang / mig sman dang / sna sman sbyar ba dang / spyi bor mtshon gyis rgya gram du cung zhig dbral ba'i nang du sha 'am khrag gam pags pa gang yang rung ba gzhug go/ /sbrul 'khyil bas bzung ba'i gnas skabs gsum pa la ni slon khrus byas te thug pa blud do/ /dug 'joms pa'i sman ni rno ba dang / yang na shug pa'i sde tshan bskol ba'i khu ba blud do//sbrul khra bos zin pa'i gnas skabs dang po la ni rma la zhal zhal bya ste/ de'i 'og tu ku bas khrag phyung ste/ gong ma bzhin du dug 'joms pa'i sman blud do/ /drug pa la ni sman shin tu rno ba'i mig sman dang snar brngub pa rnams sbyar ro/ /gzhan yang grangs ma smos pa rnams ni sbrul gdengs ka chen pos zin pa'i gnas skabs kyi gso ba 'di yang sbyar ro//bud med sbrum ma dang / byis pa dang / rgan po rnams la ni khrag nyung shas dbyung ngo / /shing tsha dang / ldong ros dang / yung ba dang / rgya spos dang / ku sha'i khu ba dang / chu srin sen mo dang / ta ma la'i ge sar dang / 'bras kyi chu grang mo dang lhan cig sbyar ba blud na dug thams cad 'joms te/ ci ltar dbang po'i rdo rjes lha ma yin rnams 'joms pa bzhin no/ /bil ba'i rtsa ba dang / byi'u rug pa'i me tog dang / ka rany+dza ba la dang / ta ma la'i ge sar dang / thang shing dang / 'bras bu gsum dang / ser po rnam gnyis dang / tsha ba gsum dang / de rnams ra gcin dang zhib tu btags pa las mig sman btab pa dang / sna sman du sbyar na sbrul dang / srog chags lu ta dang / byi ba dang / sdig pa la sogs pa'i dug dang /gsud pa dang / ma zhu ba dang / dbyig dug dang / rims kyis btab pa dang / gdon gyis zin pa la sogs pas nyam thag pa'i mi la phan te bde legs su byed do/ /dug gis phog pa'i rma la dug gi lhag ma cung zad cig yod na yang byug pa la sogs pas ma lus par phyung ste/lhag ma lus na ni yang dug gi mthu skye bar 'gyur te/ ci ltar dug gis nad gzhi 'khrugs pa bzhin no/ /dug gi nyes pa snad pas rlung 'khrugs shing skyes na ni til mar dang / chang dang / rgya sran dang / skyur dang / de rnams ma gtogs pa'i lhag ma rlung 'joms pa'i gso ba thams cad sbyar ro//dug gis mkhris pa skyes pa la ni rims 'joms pa'i sman bskol ba dang / 'jam rtsi mas gtong ba rnams bya'o/ /dug gis bad kan skyes pa la ni dong ga'i sde tshan sbrang rtsi dang sbyar ba gtang ngo / /mu zi dang / rgun 'bru dang /pa ya s+ya dang / shing mngar dang / sbrang rtsi dang / de spyi'i phyed dang mnyam pa'i kha ra dkar po dang sbyar ba'i lde gu bldag go/ /chu la sngags kyis btab ste btung ba dang gtor ba rnams bya'o/ /snying dga' ba'i bag bsten cing sems dga' bar byed do/ / sbrul gyi lus kyis reg pa las byung ba'i dug dang / rtog pa las byung ba'i dug gis nyam thag pa yang cho ga gong ma bzhin du sbyar na phan no/ /rin po che ke ke ru dang / margad dang / mu tig dang / rdo rje dang / bai DUr+ya dang / gar+b+ha ma Ni dang / pi tsu ka dang / byi ba'i dug dang /de bzhin du ri kha ba can na skyes pa'i sman so ma ra dza dang / ba spru ba dang / dro na dang / ma hA dro na zhes bya ba dang / sbrul la yod pa'i nor bu dang / ma na si dang / dug zhi bar bya bar 'gyur ro/ /de bzhin du nus pa dang ldan pa'i sman rnon po rnams kyang bcang bar bya'o//gal te nub mo rgyu na yang gdugs dang / 'khar gsil dag lag tu thogs na de'i grib ma dang sgras lag 'gro rnams sngangs shing 'bye bar 'gyur ro/ /sbrul gdug pas zin pa gso ba'i le'u ste sum cu rtsa drug pa rdzogs so// //de nas srin bu srog chags lu ta la sogs pa'i dug gis zin pa'i dmigs brtags shing gso ba'i le'u bshad par bya ste/srin bu'i dug de yang sbrul gyi tshil dang / bshang gci dang / khu chu dang / sgo nga dang / khog pa dang / pags pa las skyes te/ srin bu de'i rang bzhin yang nad gzhi gsum dang /'dus pa dang / rnam pa bzhi dang ldan pa yin par shes par bya ste/ de yang rlung gi rang bzhin can gyi srin bu'i dug gis zin pa'i rtags ni rma kha che zhing zug cing na ba yin no/ /mkhris pa'i rang bzhin can gyi srin bus zin pa'i rtags ni 'dzag pa nyung ba dang /tsha ba dang / mdog dmar ba dang / shu ba mched pa dang / yang na shing pi lu'i 'bras bu smin pa dang / 'bra go'i 'bras bu smin pa dang 'dra bar 'dug pa yin no/ /bad kan gyi rang bzhin can gyi srin bus zin pa'i rtags ni zug gzer chung ba dang / u dum+bA ra smin pa 'dra ba yin no//'dus pa'i rang bzhin can gyi srin bus zin pa ni tshabs cher 'dzag cing rten thams cad dang ldan pa yin te de ni spang bar bya'o/ /srin bu gdug pa de dag gi mthu'i gnas skabs dang po la sogs pa sbrul gyi ltar blta bar bya ste/ de bzhin du skrang ba 'phel ba dang /khrag dri nga ba 'dzag pa dang / mgo dang mig lci ba dang / mgo 'khor ba dang / brgyal ba dang / dbugs mi bde ba dang / rab tu na ba yin te/ srin bu gdug pa spyi dang mthun par rma'i nang du pad+ma'i snying po lta bu 'byung zhing tsha ba dang / g.ya' ba dang / kha zas yi gar mi 'ong ba yin no//sdig pa shas zin pa'i dug ni shin tu rno ba yin te/ dang po me bzhin du lus la sreg par byed la de ma thag ro stod du mched par 'gro ste/ de'i 'og rma'i nang du 'dug pa yin te des bzung ma thag rab tu na zhing skrang ba dang 'gas pa rnams yin no/ /sdig pa de skye ba'i rgyu ni ba lang la sogs pa'i lci ba dang /pags pa bsregs te rul zhing rlan pa las skyes pa dang / sbrul gyi pags pa las skyes pa yin te/ rked pa phra ba'i sdig pa'i dug tshabs che ba yin te de yang mdog ser ba dang / gnag pa dang / rtsub pa dang / mdog sna tshogs su snang ba dang /nor bu gzi mdog tu snang ba yin no/ /sdig pa kha cig ni spu mang zhing tshigs kyang mang ba yin no/ /kha cig ni rgyab dmar zhing lto dkar ba yin no/ /kha cig ni mdog dud khar 'dug cing tshigs gsum yod pa dang / rked pa ser skyar 'dug pa yin no/ /kha cig ni thal ba'i mdog tu 'dug pa dang /sre mo'i mdog dang / khrag 'thung ba de ni dug chen po dang ldan pa yin no/ /kha cig ni me'i mdog tu snang zhing tshigs gnyis yod pa dang / lto dkar ba'am dmar ba 'am gnag pa yin no/ /sdig pa de rnams kyis zin pa'i rtags ni lce skrang ba dang /lce gyong ba dang / lus rengs pa dang / rims kyis 'debs pa dang / kha la sogs pa'i sgo nas khrag nag po mang du 'dzag pa dang / dbang po rnams kyis don mi tshor ba dang / rngul ba dang / brgyal ba dang / kha skam pa dang / rmongs pa dang / rab tu na ba dang / sha 'drul zhing lhags pa snyam sems pa'i nad pa de ni phal cher srog 'dor ba yin no/ /srog chags u tsi ting ga zhes bya ba'i srog chags ni khas 'dzin par byed pa dang / de yang gong ma bas tshabs cher na ba yin te/ sdig pa bas lus kyi g.yas g.yon gnyis ka nas 'dzin pa yin no//srog chags lu ta u tsi ting gas bzung ba'i mtshan ma ni pho mtshan 'greng ba'am/ ba spu langs pa dang / lus las rngul 'byung ba dang / rma mched pa dang / chu ser grang mor 'dzag pa dang / srin bu u tsi ting ga'i ming gi rnam grangs ni rnga mo dud kha zhes bya/mtshan mo rgyu ba zhes bya/ mtshan mo can zhes kyang bya ste/ de ni rlung dang mkhris shas che ba yin no/ /srin bu ka na ba zhes bya ba dang / bi ba zhes bya ba'i srin bu gnyis ni bad kan shas che ba yin no/ /de las kyang sdig pa'i dug dang / srin bu rnga mo dud ka zhes bya ba gnyis ni phal cher rlung shas che ba yin no//srin bu ka na ba zhes bya ba dang / bi ba zhes bya ba'i srin bu nad gzhi gang dang gang gi shas che ba legs par brtags te/ de dang de'i sman gyi yon tan gyis gso bar bya'o/ /de la rlung shas che ba'i rtags ni glo snying na ba dang / stod du rlung 'byung ba dang /lus khong rengs pa dang / rtsa ba rgya che ba song ba dang / rus pa dang / tshigs su zug pa dang / rna ba'i sgra za zi zer ba dang / lus gcus pa snyam byed pa dang / lus mdog gnag pa yin no/ /mkhris pa shas che ba'i rtags ni 'du shes nyams pa dang / drod che ba dang / dbugs tsha ba 'byung ba dang / glo snying tsha ba dang / khar kha ba bro ba dang / sha 'gas pa dang / lus skrang ba dang / mdog dmar zhing ser ba yin no/ /bad kan shas che ba'i dug nad kyi rtags ni skyug pa dang / kha zas yi gar mi 'ong ba dang / brang tsha zhing kha nas chu 'byung ba dang /cham pas btab pa dang / sna chu 'dzag pa dang / grang ba dang / kha mngar bro ba rnams yin no/ /de la rlung gi bdag nyid kyi dug gis zin pa la ni til gyi tshigs mas byug pa dang / til mar gyis bsku ba dang / pu la ka ka la sogs pa'i sbu bu'i dugs bya ba dang / lus 'phel zhing lus brta ba'i cho ga rnams byas na phan no/ /mkhris pa'i dug nad la ni bsil ba'i nus pa dang ldan pa blugs pa dang / byug pas 'jam rtsi bcad cing bzlog par bya'o/ /bad kan gyi shas che ba'i dug la ni thog mar skyug sman btang ste/ dugs bya ba dang / mtshon gyis bcad cing bzhar na phan no/ /srin bu'i rang bzhin nad gzhi rnam pa gsum du 'gyur ba de bzhin du gso ba yang de ltar byas na phan no/ /dugs dang / blugs pa dang / byug pa la sogs pa rnams kyang phal cher dron por sbyar na phan no/ /dug gis zin pa'i rma gzhan du mched cing rnags pa dang /pags pa rul ba la ni mi'i skra dang / yungs kar ser po dang / bu ram rnying pa rnams sbyar ba'i dud pas bdugs te/ de ni dug nad thams cad la bdug par bya ste zhes drang srong chen po 'drob skyong gis bshad do/ /srin bu'i dug dang / sdig pa'i dug mi bzad pa gnyis la ni sbrul gyi dug gi gso ba bzhin du bya ste/de bzhin du dug 'joms pa'i sman dang / gso ba thams cad dang / slon khrus kyis lus dag pa rnams spyad do/ /mon sran rde'u dme ru dang / dur byid cha snyoms te mar dang sbyar ba blud na srin bu'i dug g.yo bar mi 'gyur te/ji ltar rlung gis gangs te se mi bsgul ba bzhin no/ /shing 'o ma can gyi shun pa btags pa'i lde gus lus sbyang ba'i 'og tu bskus na srin bu las gyur pa'i dug thams cad 'joms so/ /gong du bshad pa'i byug pa mchog des bskus na skrangs pa dang / na zhing tsha ba dang bcas pa'i rims nad sel bar byed do//shu dag dang / shing kun dang / byi dang ga dang / rgyam tsha dang / ha ti pi pi ling dang / pa tha dang / bong nga dkar po dang / tsha ba gsum dang / de rnams lhan cig sbyar ba la ni yan lag bcu pa zhes bya ste/ de las ran par zos na srin bu'i dug thams cad las rgyal bar byed do zhes drang srong 'drob skyong gis bshad do//sdig pas zin pa la ni de ma thag tsakra mar da'i 'bru mar gyis bsku'o/ /yang na sa la par Ni bskol ba'i khu ba chu dro 'jam tsam gyis bsku ba 'am/ yang na rgyam tsha mar dang bcas pas yang dang yang bsku'o/ / rang skyur dro 'jam tsam mam/ 'o ma dang bcas pa'i lan tshwas bsku'o/ /mar brngos pa'i nang du go snyod dang / rgyam tsha btags pa'i phye mas btab pa'i lde gus rma'i thon 'khor du dugs bya'o/ /de nas rma'i steng du zhal zhal byas la/ yung ba dang / rgyam tsha dang /tsha ba gsum dang / shri sha'i me tog dang / 'bras bu btags pa'i phye ma ma du lung ga'i khu ba dang / ba gcin nam chang gi dngas ma dang sbyar ba'i 'dag gus bsku'o/ /de bzhin du til mar gyi tshigs ma'am/ ba lang gi lci ba dro 'jam tsam gyis byug go/ /btung ba ni mar dang sbrang rtsi dang bcas pa dang /'o ma dang sha kha ra shas cher btab pa blud do/ /phug ron gyi rtug pa dang / mar dang / rgya spos dang / bca' sga dang / 'di rnams kyi phye ma kha lung gi khu ba'i nang du btab ste 'thungs na sdig pas zin pa'i dug 'joms pa'i mchog yin no/ /rnga mo'i mche ba chu bal dang lhan cig sbyar ba ni sdig pa'i dug 'joms par byed do//shing kun dang / ba bla kha lung gi khu ba'i nang du btags pa'i lde gus byug pa dang / mig sman dang / ri lur byas te bsten pa dang sdig pas zin pa'i dug 'joms par byed pa'i mchog yin no/ /ka rany+dza dang / ardzu na dang / she lu na dang / ge ri kar+Ni ka dang / shri sha'i me tog dang / 'di rnams zho ga chu dang bcas par btags pas bskus na sdig pas zin pa'i dug 'joms so/ /gang myos shing rmugs shas byed pa dang / dbugs rngam pa 'thon pa dang / glal ba dang / mi bzad par na ba de la ni/a ru ra dang / yung ba dang / pi pi ling dang / btsod dang / bong nga dkar po dang / na le sham dang / ba spru ba dang / bkru sman dang / bar da ka'i khu ba'i nang du btags te byug pa bya'o/ /dug gis thams cad du khrag tu khyab pa la ni zho dang / mar blud pa dang / rtsa las khrag gtar ba rnams dang /sna sman dang / mig sman yang sbyar ro/ /dro ba dang / snum pa dang / skyur ba dang / mngar ba dang / rlung 'joms pa'i kha zas kyang sbyar ro/ /dong gra dang / khyim gyi thi ba'i rtug pa dang / ba lang gi khu ba dang / ba bla dang / rgyam tsha dang / 'di rnams sbyar ba'i lde gu'i dug sman 'dis sbrang ma'i rigs kyi dug myur du 'joms par byed do//sdig pas zin pa'i rma dus phyi zhig na dug gi gnod pa yang dag par bskyed pa la ni rma la byug pas bsku bar bya'o/ /u tsi ting ga zhes bya ba'i dug gi yang cho ga 'di bzhin du bya'o/ /glang po che'i rtug pa dang / tshad tra dang / ro hi sha'i rtsa ba dang / she lu'i khu ba dang lhan cig bsku ba dang / ri lu dang byug pa la sogs pa byas na sbrang ma'i dug 'joms par byed pa'i gtso bo yin te/ shri sha'i sa bon arga'i lo ma'i nang du phog gsum bsgos te/ pi pi ling gi phye mas bsres te dug 'joms pa'i sman 'dis ni srog chags go d+ha'i dug dang /sbrul gyi dug dang / srog chags lu ta'i dug dang / byi ba'i dug dang / sdig pa'i dug rnams sel bar byed do/ /shri sha'i sa bon dang / ka rany+dza'i sa bon dang / gur kum dang / ru rta dang / ldong ros dang / 'di rnams lhan cig sbyar ba'i dug 'joms pa'i sman 'di ni rgyal ba sangs rgyas kyis gsungs te/srin bu mtshan mo can dang / sdig pa'i dug lus la khyab pa gcig tu sdud par byed do/ /srog chags ka ti'i dug pas kyang srog chags lu ta'i dug mi bzad pa yin te/ de yang srog chags lu ta'i dbye ba yang bcu drug yod do/ / zhes kha cig 'chad do/ /kha cig ni nyi shu rtsa brgyad yod do/ /zhes zer ro/ /gzhan dag ni nyi ma'i phyi bzhin 'brang zhing stong phrag tsam du yod do/ /zhes 'chad do/ /srog chags lu ta zhes bya ba de'i tshul ni gnod pa byed par snang na yang mtshan nyid ni dug dang gcig go/ /srog chags lu ta de'i lus dang ming yang shes par dka' zhing 'dres pa yin te gnas su bzhag pa yang med do//de bas na nad gzhi la brtag par shes par bya ste/ de yang nad gzhi re re las gyur pa'i lu ta'i dug ni gso dka' ba yin te/ lu ta'i nad mkhris pa las gyur pa ni gsor mi rung ngo / / mkhris pa las gyur pa'i lu ta'i mtshan ma ni lus tsha 'ur 'ur por 'dug pa dang / 'brum bu gsum 'byung ba dang / rims kyis 'debs pa dang / rmongs bag tu 'dug pa dang / tsha ba che ba dang / mdog ser zhing dmar ba dang / rul ba dang / rgun 'brum gyi 'bras bu 'dra ba yin no/ /bad kan las gyur pa'i lu ta'i mtshan ma ni sra ba dang /mdog dkar ba dang / shing tog dang / ru ka'i dbyibs 'dra ba dang / gnyid che ba dang / grang ba dang / rims kyis 'debs pa dang / lud pa lu zhing lhag par g.ya' ba dang ldan pa yin no/ /rlung las gyur pa'i lu ta'i mtshan ma ni rtsub cing rud rud por 'dug pa dang /mdog gnag pa dang / tshigs rnams bye ba snyam byed pa dang / rims kyis 'debs par byed pa yin no/ /srog chags lu ta de'i rang rang gi dbye ba yang nad kyi rtags las shes par bya ba dang / 'dus pa las gyur pa'i gsor mi rung ba'i lu ta'i nad ni snying tsha 'ur 'ur por 'dug pa dang /dbugs mi bde ba dang / skyigs bu'i nad dang / mgo 'gyur mi shes pa dang / 'brum bu'i mdog dkar ba dang / ser ba dang / gnag pa dang / dmar ba dang / skrang ba dang / lus 'dar ba dang / slon pa dang / lus tsha ba dang / skom dad che ba dang / long bar 'gyur ba dang / sna yo bar 'gyur ba dang / mchu dang kha dang so gnag par 'gyur ba dang / rgyab kyi sgal tshigs dang / mgrin pa zhig par 'gyur ba dang / shing 'dzam bu smin pa'i mdog 'dra bar snang ba dang / rma'i sgo nas khrag 'dzag pa dang / de ni phal cher sa las byung ba'i srog chags lu ta'i dug yin par shes par bya ste/sa las byung ba'i srog chags lu ta de yang dug shin tu rno ba dang / 'bring dang / tha ma dang / rnam pa gsum du bshad do/ gso ba ma byas te yal bar bor na ni 'chi bar 'gyur te/ zhag bdun dang / zhag bcu dang / zla ba phyed dang go rims bzhin no//srog chags lu tas zin pa'i rma thams cad kyang shu ba'i 'khor ling lta bur snang ba dang / de yang dkar ba dang / rtsa gnag pa dang / ser ba dang / sngo bsangs su 'dug pa dang / 'jam pa dang / mthon por 'dug pa dang / rma'i dbus gnag pa dang / yang na bar sngo bsangs su 'dug pa dang /rma'i tha ma dra ba lta bus khebs pa yin no/ /rma de shu ba mched pa dang / skrang ba dang / lus tsha ba dang / zug gzer dang bcas pa dang / rims kyis 'debs pa dang / myur du smin cing rnags pa dang / so so nas 'gas pa dang ldan pa dang / lus gang du rnag gis reg pa dang rma skyed par byed do//gzhan dag na re srog chags lu ta'i dug rnam pa brgyad do zhes bya ba ni dbugs dang / mche ba dang / bshang ba dang / gci ba dang / khu chu dang / sen mo dang / khrag dang / khyad par du ni kha la dug yod do/ /srog chags lu ta'i dug de lte ba'i phyogs su 'byung ste/lus kyi gong 'og tu srin bu 'byung zhing rma skyed de/ des reg pa'i gos la sogs pa dang reg na yang na bar byed do/ /de la srog chags lu tas zin pa'i dug gi shugs dang po la ni nyi ma phyed kyi bar du khab kyis phug pa tsam gyi bu ga mang du snang ba yin no/ /de'i mdog rab tu mi gsal bar snang zhing /cung zad g.ya' ba dang / na ba dang ldan par byed do/ /zhag gnyis pa la ni gong ma ltar snang ba'i bu ga'i nang du 'brum bus khyab par snang zhing / mdog gsal ba dang / dbus mthon por 'dug pa dang / g.ya' ba dang / rmen bu ltar snang ba yin no/ / zhag gsum pa la rims kyis 'debs pa dang / ba spu langs pa dang / khrag mdog dmar ba 'khor ling rdza de ba lta bur snang ba dang / tshabs cher na zhing ba spu'i khung bu nas 'dzag pa dang bcas pa yin no/ /nyin zhag bzhi pa la ni shas cher skrangs shing lus tsha ba dang / dbugs mi bde ba dang /mgo 'khor bar byed do/ /zhag lnga pa la ni dug 'khrugs pa'i nad de dang der byed do/ /zhag drug pa la ni dug gi shugs gnad du 'byung bar byed pa yin no/ /zhag bdun pa la ni srog 'dor bar byed do/ /de bzhin du dug gi shugs rno ba dang / bar ma dang / tha ma'i dbye bas zhag bdun nam/bcu 'am zla ba phyed kyis 'chi bar byed pa yin no/ /gal te 'tsho ba yin na zhag nyi shus dug gi shugs rnam pa thams cad du zhi bar byed do/ /de nas srog chags lu tas zin pa la ni mtshon gyis myur du dbyung bar bya'o/ /shing 'dzam bu la sogs pa shing rnam pa brgyad kyis bsreg par bya'o//mkhris pa shas che ba la ni mi bsreg go/ /srog chags lu tas zin pa'i rma nad la brten cing gnas bcas te spu 'byi ba dang / rtsub pa dang / rgya cher song ba de ni bcad pa 'am/ bsreg par bya'o/ /gong du smos pa'i dug 'joms pa'i sman btags pa'i phye ma rgyam tsha dang /sbrang rtsi dang bcas te bsku'o/ /shing 'o ma can bskol ba'i khu ba grang mos blugs par bya'o/ /lus kun tu rma dang nad gang na yod kyang gtar gas khrag dbyung ba dang / rwa gang yang rung bas gtar ga bya'o/ /byang chub kyi shing dang / sman sle ma thang ka dang / ba ru ra dang / bri yang ku dang / ser po rnam gnyis dang / shug pa dang / de rnams sbrang rtsi dang mar dang sbyar ba grang mos blugs pa dang / byugs pa las thams cad la sbyar na lu ta dang / srin bu shi ta la sogs pa'i dug ma lus pa 'joms par byed do/ / rma shing dang / btsod dang / pad+ma ge sar dang / rgya spos dang / de rnams mar dang sbrang rtsi dang sbyar ba'i nang du tsam pa kas bsgos te btang na phan yon gong ma bas 'phags so/ /sman gong ma de nyid kyi nang du ba lang gi lci khu dang / sha kha ra dang / mar dang / sbrang rtsi dang sbyar ba yang phan yon gong ma dang 'dra'o//a pa marga dang / ldong ros dang / ba bla dang / skyer pa dang / bya ma ka dang / btsag yug snam dang / rgya spos dang / sug smel dang / ru rta dang / na le sham dang / shing mngar dang / de rnams mar dang sbrang rtsi dang sbyar ba ni dug 'joms pa'i sman man+da ra zhes bya ste/lde gu la sogs pa byas te bza'o/ /rgya spos dang / seng phrom dang / shu dag dang / pu tse shel dang / pa tha dang / sug smel dang / gur gum dang / de rnams dang lhan cig sbyar ba'i dug 'joms pa'i sman 'di ni nad gzhi mang po la sbyar bar bya ste/ gan+da ma da zhes bya'o//shing mngar dang / po son cha dang / a go la dang / ko sha ti ki dang / sin du ba ra dang / de rnams 'bras bu gsum bskol ba'i chu dang sbyar te 'thungs na/ bad kan las gyur pa'i dug nad mi bzad pa phyir 'byin te skyug par byed do/ /shri sha'i lo ma dang / rtsa ba dang 'bras bu'am/yang na ang go la'i lo ma dang / rtsa ba dang / 'bras bu dang / de gnyis gang yang rung ba 'bras bu gsum dang lhan cig bskol ba'i khu ba'i nang du/ ni li ni dang / dur byed la sogs pa'i phye ma btab ste bkru sman du sbyar ro/ /srog chags lu tas zin pa'i dug nad la tsha ba dang skrang ba la sogs pa'i nad zhi ba dang /pad+ma'i snying po zhes bya ba'i nad rma'i nang du 'byung ste/ de la ni dang po le brgan rtsi'i me tog dang / ba bla dang / gtsang sman khron bu dang / thi ba'i rtug pa dang / dur byid dang / rgyam tsha dang / dan+ti dang / de rnams sbyar bas rma la bskus na pad+ma'i snying po zhes bya ba'i nad 'byin par byed do//yang na ut+ta ma ka ni ri'i rtsa ba dang / smyug ma'i shun pa 'am/ yang na rgyam tsha dang / ru rta dang / dan+ti dang / pu tse shel dang / de rnams zho dang lhan cig sbyar ba 'am/ yang na ra tsa ko sha ta ki'i rtsa ba dang / phabs gnyis dar ba dang lhan cig sbyor ba'am/sbyor ba de dag gang yang rung bas bsku bar byas na/ pad+ma'i snying po zhes bya ba'i nad 'byin par byed do/ /de'i dus su dug 'joms pa'i sman gyis nyams brta bar bya ste/ de yang snum gyi bya ba ma lus pa dang / mar rnams legs par spyad do/ / dug gi nad kyis zin pa la ni til mar blud cing bsten na dug 'phel zhing rgyas par 'gyur te ji ltar rtswa la me mched pa bzhin no/ /ba lu dang / kang ka ta dang / thal tres dang / gla sgang dang / sha rtsi dang / s+yo na ka dang / nya lcibs dang / ut+pal sngon po dang / rgya spos dang / shing mngar dang / shing tsha dang / na ku li dang / shug pa dang / po son cha'i rkang dang / de rnams lhan cig sbyar ba 'am/ yang na skyer ba dang / 'bras gang dang / sarba lo tsa na dang / pi pi ling dang / bca' sga dang / pi pi ling gi rtsa ba dang / tsi tra ka dang / ba ra na dang / a ka ru dang / bil ba dang /pa ta li dang / nim pa dang / ru rta dang / she lu dang / nA ga ge sar dang / de rnams lhan cig sbyar ba 'am/ yang na bil ba dang / tsan+dan dang / rgya spos dang / ut+pa la dang / bca' sga dang / pi pi ling dang / lcamaM ma dang / bcung lcam dang / ru rta dang / nya phyis dang / shal ma li dang /'bras bu gsum dang / ba ti la dang / ga bra'i rtsa ba dang / sen du ba ra dang / ka ra g+ha da dang / shing tsha dang / de rnams lhan cig sbyar ba 'am/ sbyor ba de dag gang yang rung ba btung ba dang / mig sman dang / snar blugs pa dang / byug pa dang / blugs pa la sogs pa byas na dug 'joms pa'i sman gyi mchog yin te/mkhris pa dang / bad kan dang / rlung las gyur pa'i lu ta'i dug 'joms par byed do/ ci ltar phongs pas dbang rnyed na 'byor pa 'grub pa bzhin no/ /seng phrom dang / pu shel tsi dang / shug pa dang / pad+ma ge sar dang / tsan+dan ser po dang / tsan+dan dmar po dang / pri yang ku'i me tog dang / pa ya s+ya dang / pad+ma'i rtsa lag dang / de rnams sbyor ba thams cad sbyor ba las sbyar na srog chags lu ta'i dug thams cad 'joms so/ /srin bu'i dug can dang / srog chags lu ta la sogs pas zin pa'i nad brtags pa dang gso ba'i le'u ste sum cu rtsa bdun pa rdzogs so// //de nas byi ba dang a lang ka'i dug gis bzung ba'i nad dmigs brtags shing gso ba'i cho ga'i le'u bshad par bya ste/ de la byi ba'i bye brag ni rnam pa bco brgyad yod de/ pa tsa la dang / pu Ta la dang / ha sa na dang / tsi gi ri dang / tsi na dang / ka sha ya dan+ta dang / ko ki la dang / ka bi la dang / a si ta dang / a ru ra dang / sa thal dang / shwe ta dang / ka po Ta dang / ka pi lu dang / un du ra dang / tshu tshun da ra dang / ra la sa dang de rnams ni ming gi rnam grangs so/ /byi ba de dag gi dug gis zin pa'i mtshan ma ni/byi ba de dag gi khu chus lus la phog gam byi ba'i khu chus phog pa'i gos dang reg kyang rung ba ste/ des lus dang yan lag rnams su phog cing reg pas khrag skyon dang bcas par byas nas/ mdog dkar ba dang / thor bu dang / skrang ba dang / shu ba 'khor ling du byung ba dang /mgo 'khor ba dang / yi ga 'chus pa dang / lus grang ba dang / rims kyis 'debs pa dang / rab tu na ba dang / lus nyams rmas pa dang / 'dar ba dang / tshigs rnams su zug pa dang / spu zing zhes byed pa dang / rnag khrag 'dzag pa dang / brgyal ba dang /yun ring ba dang / nad dang 'brel ba yin no/ /byi ba'i phru gu mang du blangs te/ de'i skyug pa mi la reg pas bad kan dang 'brel pa'i nad du 'gyur te de yang skom dad che ba yin no/ /byi ba 'dod pa spyad cing de'i khu bas mi la reg pa'i dug ni yang dang yang ldang ba yin te gso dka' ba yin no//brgyal ba dang / lus skrangs pa dang / lus mdog 'gyur zhing dbal skya ba dang / rnags pa dang / rna bas sgra mi thos pa dang / rims kyis 'debs pa dang / mgo lci ba dang / kha chu dang / kha nas khrag skyug pa'i mtshan ma 'byung zhing gsor mi rung ba yin no/ /de la byi ba tshu tshun da ra zhes bya ba'i dug gis zin pa'i rtags ni chu sor skrang ba dang /mchu'i mdog 'gyur ba dang / byi ba 'dra bar rmen bus lus la khyab pa dang / byi ba nyid kyi dri bro ba de ni spang bar bya'o/ /byi ba'i dug gis bad kan gyi nad 'khrugs par byas te skrang ba dang / 'du shas rgyu ba 'am/ yang na mi rgyu ba la brten te khong pa'i nang dro ba dang / lus zungs rnams 'khrug par byed cing mi bzad pa dang / kha chu 'dzag pa dang / long ba dang / 'on par 'gyur ba dang / skrang ba de lus kun tu 'pho zhing byer ba yin no/ /byi ba'i mjug ma dang / 'gram pa dang / phrag gong dang / mgo bo rnams la gnas skyon pa dang /sdug bsngal gyi mgo dud pa dang / de lta bu'i byi ba'i dug gis zin pa'i rma ni tshor ba chung ba dang / khrag nag po 'dzag cing de'i 'og tu mig gang mgo bor zug pa dang / rims kyis 'debs pa dang / lus khong rengs pa dang / skom dad che ba dang / brgyal ba dang / gdug pa can gzhan gyi mche ba'i dug gis zin pa yang de bzhin du blta ste/ de yang ce spyang dang / dred dang / gung dang / stag dang / spyang ki la sogs pa rnams kyis zin na ni/ g.ya' ba dang / na zhing zug gzer dang bcas par mdog 'gyur ba dang / tshor ba med pa dang /rnags pa dang / gnyid chung ba dang / rims kyis 'debs pa dang / mgo 'khor ba dang / tsha 'ur 'ur por 'dug pa dang / mdog dmar ba dang / na zhing smin pa dang / skrang ba dang / rmen bu skyes pa dang / yan lag 'chums pa dang / rma 'gas pa dang / 'brum bu 'byung ba dang /pad+ma'i snying pho lta bu'i nad 'khor ling du 'byung ba dang / mtshan ma de dag dang ldan na ni dug dang bcas pa yin la/ dug med na ni mtshan ma de dag mi snang ngo / /srog chags lu ta'i dug gis zin na ni skyes bu gang yang rung ba bzung ba de nyid kyi rjes su rtags ston cing / de ma thag pa dang / rgyu med par 'gyel ba dang / me long dang chu la sogs pa'i nang du mthong ba dang / chu'i nang du gzhan gyis ma bzung bzhin du rengs pa 'am/ mthong ba 'am/ thos pa tsam gyis sngangs pa de ni chu'i nang du sngangs pa'i dug ces bya ste de ni spang bar bya'o/ /de la thog mar byi ba'i dug gis bzung bar 'gyur na de ma thag de'u bsreg par bya'o//yang na me long bsros pas dugs bya'o/ /de ltar ma byas na ni pad+ma'i snying po zhes bya ba'i nad shin tu mi bzad pa zug gzer dang bcas par 'gyur ro/ /de ltar bsregs pa'i 'og tu chu ser gzag go/ /yang mtshon gyis zhal zhal byas la de'i 'og tu shri sha dang /yung ba dang / rgya spos dang / gur gum dang / sle tres dang / de rnams kyis byug par bya'o/ /sol ba dang / khyim gyi dud pa dang / btsod dang / yung ba dang / rgyam tsha dang / de rnams kyis byug pa byas na/ byi ba'i dug las rgyal bar byed pa dang /kar ni ka zhes bya ba'i dug sel to/ /de nas rma kha skyur gyis bkrus te/ de nas yang sman gyis bsku'o/ /sman pi ling ti dang / karna ka dkar po dang / bil ba'i rtsa ba dang / sle tres dang / de dag gang yang rung ba dang gzhan yang dug gis skrangs pa 'joms pa'i sman dang lhan cig sbyar te byug pa byas la rtsa las khrag kyang myur du dbyung bar bya'o//sman ni li ni bskol ba'i nang du shri sha dang / rgya shug gi phye mas btab ste slon du gzhug go/ /ko sha ta ki dang / shri sha dang / dzi lu ta ga'i 'bras bu dang / po son cha dang / de rnams phye mar byas te/ zho dang sbyar ba blud nas slon du gzhug go//yang na shu dag dang / po son cha dang / dzi mu ta dang / ru rta dang / de rnams ba gcin dang btags te/ gong ma bzhin du byas la blud na byi ba'i dug 'joms so/ /bkru sman du ni li ni dang / dur byed dang / 'bras bu gsum gyi lde gus 'dod pa yin no/ /mgo khrus la ni shri sha dang /'bras bu 'dod pa yin no/ /mig sman du ba'i lci ba btsir ba'i khu ba'i nang du rtsa ba gsum gyi phye mas btab pa sbyar ro/ /ba lang gi lci khu'i du ka pid ta'i phye ma dang / sbrang rtsi dang sbyar bas lde gur bza'o/ /mon sne'u dme ru'i rtsa ba mar dang lhan cig bskol te btung bar blud na phan no//ser po rnam gnyis dang / ge ri kar+Ni ka dang / btsod dang / shing mngar dang / sle tres dang / de rnams mar dang sbyar ba'i btung ba sbyar nas yang bza'o/ /yang na thal tres kyi rtsa ba mar dang bskol ba 'am/ yang na ka pid ta rnam lnga mar dang lhan cig bskol ba gang yang rung ba btung bar blud na phan no//sin+d+hu ra dang / rgya spos dang / shi kru dang / bil ba'i rtsa ba dang / ba spru ba dang / shu dag dang / gze ma dang / dzi mu ta rnams bskol ba'i khu ba'i nang du sbrang rtsi dang ldan par blud do/ /kha zas su ni 'bras sA lu'i chan zho dang lhan cig zos na byi ba'i dug gis nyam thag pa sel to//sha ra phung ka'i rtsa ba sa bon btags pa'i phye ma dar ba dang sbyar ba btung ngo / /ang+ko la'i rtsa ba btags par thug gi gcin dang sbyar ba'i 'dag gus bsku ba dang / btung bar sbyar na ni byi ba'i dug thams cad 'joms so/ /ka pid ta'i snying po dang / shing ti la ka dang / til dang / ma ko la'i rtsa ba rnams kyi phye ma ba gcin dang sbyar ba blud do/ /yang na shing ti la ka btags pa'i phye ma 'o ma dang sbyar ba blud do/ /yang na she rgya ka'i rtsa ba sbrang rtsi dang sbyar ba 'bras bkrus pa'i chu dang sbyar ba blud do/ /yang na khu ba kha ba'i snod kyi nang du chu zhag gcig sbyar ba blud par bya'o//sin du ba ra'i rtsa ba dang / byi ba'i rus pa dang / rgya spos dang / bong nga dkar po rnams chu la btab ste/ snar blugs pa la sogs pa byas na byi ba'i dug sel bar byed do/ /byi ba'i dug de'i lhag ma lus pa na dus phyis nad gzhi rnams ji lta ji ltar skyed pa'i dus de dang de'i tshe dug de yang rjes su 'phel zhing skye bar 'gyur te/de la ni gnas skabs brtags te/ nad gzhi rang rang gi dug gso ba ji lta ba bzhin du 'joms pa'i sman gyis gso ba yang de ltar sbyar ro/ /a la ka zhes bya ba'i dug gis bzung ba la ni mar bskol bas rma bsreg par bya'o//gong du smos pa'i dug 'joms pa'i sman gyi lde gus bskus te/ mar rnying pa btung bar blud do/ /arga'i 'o ma dang ldan pa'i bkru sman yang myur du bya'o/ /ang ko la'i rtsa ba byang phyogs su zug pa de btus la bskol ba'i khu ba'i nang du 'bras bu gsum dang /shing pi pi ling dang / phye mar btab ba blud do/ /yang na lang tang rtse'i 'bras bu dang / ge ri kar+Ni dang / ba spru ba rnams bskol ba'i khu ba blud do/ /til btags pa'i lde gu dang / ru sha dang / lcags phye dang / 'o ma dang / bu ram bsres pa blud na/a la ka'i dug mi bzad pa yang 'joms par byed do/ /ji ltar sprin gyi tshogs rlung gis gtor ba bzhin no/ /a la ka'i dug gis zin pa'i mi la ni grub pa'i sngags dang / sman dang / rin po che dang ldan pas lus bkru bar bya'o/ /srog chags rkang bzhi pa dang / rkang bzhi pa'i so dang sen mo'i nang dug yod pas bzung na smas par 'gyur te/des skrangs pa dang / smin pa dang / mdog dmar ba dang / tsha ba skyes pa dang / chu ser 'dzag pa dang / nad dang bcas pa la ni so ma bal ka dang / a sha gar na dang / kha la ba go dzi ha dang / ha na sa pa ti ka dang ser po rnam gnyis dang /btsag dang / de rnams kyi lde gus rma la bskus na/ sen mo dang / so las gyur pa'i dug 'joms so/ /byi ba dang / a la ka'i dug gis bzung ba'i nad dmigs brtags shing gso ba'i cho ga'i le'u ste sum cu rtsa brgyad pa rdzogs so// // sman dpyad yan lag brgyad pa las dug gso ba bshad zin to// //de nas bcud kyis len gyi cho ga'i le'u bshad par bya ste/ de la bcud kyis len zhes bya ba ni/ tshe ring ba dang / dran pa dang / yid gzhungs pa dang / nad med pa dang / na tshod gzhon nur gyur pa dang / gzi mdangs skyed pa dang /skad gsal ba dang / lus dang dbang po rnams kyi stobs skye ba dang / ngag grub pa dang / ro tsa bar 'gyur ba dang / snying du sdug pa rnams thob par byed pa rnams yin no/ /de la ci'i phyir bcud kyis len zhes bya zhe na/ bcud la sogs pa nyams pa de thob par byed pa'i thabs ni bcud kyis len zhes bya'o//de sgrub pa yang na tshod dang po dang / bar ma la g.yul las rgyal ba'i bdag nyid can gyis bsgrub par bya'o/ /thog mar bcud kyis len bsgrub par 'dod na/ dang po rnam pa thams cad du snum chos dang khrag gtar ba dang / slon khrus kyis lus dag par bya ba gces so/ /gal te slon khrus kyis lus ma dag cing cho ga log par bcud kyis len gyis dang po ro tsa bar byed pa'i cho ga sgrub par byed na ni 'bras bu don med de/ ji ltar dri ma dang bcas pa'i ras la ri mo 'dri ba 'bras bu med pa bzhin no/ /de la bcud kyis len gyi sbyor ba bsgrub pa la rnam pa gnyis su drang srong rnams kyis bshad do//de yang khang pa rlung dang nyi mas ma phog pa'i gnas su 'dug pa dang / rlung dang nyi ma lhags pa'i gnas gnyis las gong ma mchog yin na/ khang pa bya ba de yang rlung med pa dang / 'jigs pa med pa dang yang thog gi nang du zhal zhal la sogs pas legs par bstar te/yo byad rnams dang / sman pa mkhas pas yang yo byad dang bcas pa nye bar bsags la/ khang pa yang dbang ldan gyi phyogs su kha bltas te/ gnas shis par bya ba dang / khang pa sbrel ma gsum du byas te skar khung shin tu phra bar btod do//de yang du ba dang / nyi ma dang / rul ba dang / srog chags gdug pa dang / bud med dang / glen pa sogs mi bgrod pa'i gnas su bya'o/ /de nas de'i 'og tu nyin zhag shis pa la yang phyi rol gyi lus kyi khrus gtsang sbra bya ste/ mchod par 'os pa rnams la mchod de khang pa der 'dug par bya'o//de nas slon khrus kyis lus sbyangs nas nyams stobs bde bar skyes pa dang / tshangs par spyod pa dang / blo brtan pa dang / dad pa dang ldan pa dang / g.yul las dbang po rnams rgyal bar bya ba dang / sbyin pa dang / tshul khrims la sogs pa la gnas pa dang /bden pa dang / brtul zhugs dang / chos bzhin du spyod pa dang / lha rjes su dran pa dang / gnyid log pa dang / mi log pa'i tshod tsam shes shing rig par spyod pa dang / sman la dga' zhing des pa dang ldan pa'i gang zag gis bcud kyis len brtsam par bya'o//de yang thog mar snum chos dang dugs byas pa'i skyes bus bkru sman dang / a ru ra dang / skyu ru ra dang / rgyam tsha dang / bca' sga dang / shu dag dang / yung ba dang / pi pi ling dang / byi dang ga dang / bu ram dang / de rnams chu dron dang sbyar bas bkru sman du bya'o//khrus de legs te lus dag pa dang / thug pa rkyang rkyang po la sogs pa dang kha zas kyi rim pa sbyar te/ de yang zhag gsum mam lnga'am bdun gyi bar du mar dang bcas par sbyor ro/ /yang na ya ba ka zhes bya ba 'o ma dang nas rnying pa'i phye ma sbyar ba lus dag ba'i 'og tu sbyin no//de ltar lto ba legs par sbyangs nas bcud kyis len gyi sbyor ba la 'jug par bya ste/ de yang sman pa mkhas pa mang pos gang dang gang la sman goms shing rig pas brtags te sbyar ro/ /a ru rdog ma stong dang /de'i sum 'gyur gyi skyu ru ra dang / rtsa ba lnga pa spyi la srang nyis brgya dang / sman de rnams spyi'i bcu 'gyur gyi chu dang bskol te/ lhag ma bcu cha gcig lus pa dang / a ru ra dang / skyu ru ra dang / rtsa ba lnga pa so sor phyung ste/ skyu ru ra dang / a ru ra brdungs pa'i rus pa phyung ste bor ba'i shun pa khu ba'i nang du bcug ste/de'i nang du shing tsha dang / sug smel dang / ga dur dang / skyer pa dang / pi pi ling dang / a ka ru dang / tsan+dan dang / sman rgya ka par+Ni dang / ka na ka dang / sha ka puSh+pa dang / shu dag dang / bla ba dang / shing mngar dang / byi dang ga dang / de rnams srang bzhi bzhi btags pa'i phye ma dang / kha ra dkar po srang brgya phrag bcu gcig dang / mar srang sum brgya brgyad cu rtsa bzhi dang / til mar srang nyis brgya lnga bcu rtsa drug dang / de rnams lhan cig bskol te lde gu tsam du gyur pa dang / phyir phyung la bsgrangs pa'i nang du sbrang rtsi srang sum brgya nyi shu bcug la kha gzar gyis dkrugs te/rdza ma snum can gyi nang du bcug la kha zas zhu ba'i 'og tu de las thun rab 'bring gsum du bshad pa las thun ci ran zhig gtang bar bya'o/ /de nas sman de zhu ba'i tshod tsam na/ 'bras drug cu pa dang 'o mar sbyar ba kha zas su bza'o/ / de ltar bshad pa'i bcud kyis len 'di tshangs pas bstan pa yin te/ drang srong bi ga na swa zhes bya ba dang / bal khyi l+ya zhes bya ba dang / de bzhin du yang gzhan yang drang srong dka' thub can mang pos bsgrubs te/ de yang snyom pa dang / ngal zhing dub pa dang / gnyer ma dang / skra dkar dang de rnams kyi nad sel zhing /yid gzhungs pa dang / dran pa gsal ba dang / stobs dang ldan pa dang / tshe yang dpag tu med pa 'tsho bar 'gyur ro/ /a ru ra dang / skyu ru ra rdog ma stong dang / pi pi ling 'bru stong dang / rgya skyegs shing gzhon nu'i thal ba chu dang sbyar te btsags pa'i khu ba snod kyi nang du bcug ste/a ru ra dang / pi pi ling rnams de'i nang du sbangs te grib ma la skams te phye mar byas pa de'i bcu 'gyur gyi kha ra dkar po dang / bzhi 'gyur gyi mar dang / sbrang rtsi dang de rnams mar snod kyi bum pa'i nang du bcug ste/ sa brkos ba'i nang du zla ba drug bzhag la de nas phyung ste/me drod ji lta ba bzhin du nang par sman bza' ste/ kha zas kyang legs par sbyar ba rtag tu bsten cing / sman ma lus par zos na lo brgya 'tsho zhing nad med pa dang / skra dkar med pa dang / lus kyi nyams stobs 'phel zhing / khyad par du dran pa gsal ba dang /yid gzhungs par 'gyur ro/ /rgya skyegs shing rlon pa sngon po'i thor to bcad de nang khru gnyis brkos pa'i nang du skyu ru ra sar ba legs par smin pas bkang ste/ phyi rol kun nas rtswa ku shas dkris la pad+ma skyes pa'i 'dam gyis phyi rol nas bskus te/ rlung med pa'i gnas su ba'i lci ba'i mes bsregs la btsos te/de nas skyu ru ra tshos pa dang / skyes bu des mar dang / sbrang rtsi dang bcas pa yog tshad du bza' zhing / btung bar ni 'o ma bskol ba ci 'dod pa blud de/ de ltar zla ba gcig gi bar du kha zas gzhan mi za bar de nyid kyis lus gso bar bya ste/gzhan yang spang bar bya ba ni spangs la/ chu grang mo ni 'bad pa dang bcas pas lus dang / lag pas kyang reg tu mi rung ste bsrung ngo / /de ltar tshul bzhin bsten na zhag bcu gcig 'das pa dang / skra dang / so dang / sen mo rnams lhags par 'gyur ro//ji ste nyin zhag nyung ngu spyad na yang gzugs bzang zhing bud med la phod pa dang / glang po che'i stobs dang 'dra ba thob ste/ khyad par du yid gzhungs pa dang / stobs dang ldan pa dang / blo che ba dang / snying stobs dang ldan par 'gyur te/ lo stong gi bar du 'tsho bar 'gyur ro//rtsa ba bcu pa dang / ba bla dang / gla sgang dang / dzi ba ka dang / zangs rtsi ba dang / ut+pa la dang / 'dab ma rnam gnyis dang / pi pi ling dang / me sha ti gi dang / me da rnam gnyis dang / lca ba dang / dzi ban+ti dang / sug smel dang / a ka ru dang /rgun 'brum dang / puSh+kar mU la dang / zur ba dang / ba spru ba dang / ka ko la rnam gnyis dang / sle tres dang / a ru ra dang / bi da ri dang / ba sha ka'i rtsa ba dang / 'di rnams srang re re chu srang lnga brgya rtsa bcu gnyis dang / skyu ru ra rdog ma lnga brgya tsam dang lhan cig bskol te/bzhi cha srang nyi shu lus pa las sman de btsags nas skyu ru ra'i rus pa phyung ste/ snod kyi nang du bcug nas mar srang drug dang til mar srang drug brngos te sha kha ra srang lnga bcu dang / sman gong ma de rnams lhan cig bskol nas lde gur byas pa dang / grang ba'i nang du sbrang rtsi srang drug dang /smig rkang srang bzhi dang / pi pi ling srang gnyis dang / dri rnam bzhi zho gnyis dang / de rnams kyi phye ma btab ste lde gur byas pa khang pa'i nang du 'dug pa nas thun ran par bza' zhing phan pa'i zas dang bcas pa ni drang srong rtsa ba nas bstan pa yin no/ /ming yang rtsa ba na'i bcud kyis len zhes bya ste/drang srong de sngon rgas 'khogs par gyur pa las bud med rnams kyi mig zim par byed pa dang / dbugs mi bde ba dang / rims dang / glo snying gi nad dang / dreg nad dang / gcin dang / khu chu la gnas pa'i nad dang / skad 'gags pa dang / de bzhin du nyams stobs skye ba dang /glo 'grams pa dang / glo nyams pa dang gcong zad byed kyis lus skams shing nyam chung ba dang / 'phel ba byed pa dang / dran pa dang / yid gzhungs pa dang / gzi mdangs skyed pa dang nad med cing tshe rab tu 'phel ba dang / rlung lugs su 'byung ba dang / bud med rnams la shin tu dga' ba skyed pa'i nus pa dang ldan pa dang /stobs skyed pa dang / dbang po rnams gsal bar byed pa dang / cho ga bzhin du byas na me'i drod kyang skyed par byed do/ /shing mngar dang / smig rkang dang / pi pi ling dang / rgyam tsha dang / lcags gang yang rung ba re re dang yang na gser nyi tshe dang /shu dag dang / mar dang / sbrang rtsi dang / kha ra dkar po dang / 'di rnams gang yang rung ba dang ldan par 'bras bu gsum gyi bcud kyis len zla ba gcig gi bar du bsten na nad thams cad 'joms par byed do/ /dran pa dang / yid gzhungs pa dang / blo skyed par byed do//man du ka par Ni rang gi khu ba'i nang du shing mngar gyi phye ma btab ste/ me'i drod ji lta ba bzhin du 'o ma dang lhan cig sbyar bar bya'o/ /sle tres bskol ba'i khu ba'i nang du sle tres kyi me tog dang / rtsa ba'i phye ma btab pa dang / shang kha puSh+pa bskol ba'i nang du de nyid kyi rtsa ba dang /me tog gi phye ma btab pa sbyar na tshe sbyin par byed pa dang / nad 'jig par byed pa dang / stobs dang / mdog dang / me'i drod dang / skad gsal bar byed pa dang / yid gzhungs par byed pa dang / bcud kyis len gyi sbyor ba la de dag las khyad par du shang kha puSh+pa'i sbyor ba bsten par bya'o//spangs ma dang / pu tse shel dang / pa ya s+ya dang / shing mngar dang / tsan+dan dang / thal tres dang / shu dag dang / 'bras bu gsum dang / tsha ba gsum dang / ser po rnam gnyis dang / pa to la'i rtsa ba dang / rgyam tsha dang / 'di rnams legs par btags te/ mar srang lnga brgya rtsa bcu gnyis dang /shang kha puSh+pa bskol ba'i khu ba srang stong lnga brgya sum cu rtsa drug 'o ma dang lhan cig bskol te mar lus pa las nye bar sbyar bar gyur na glen pa yin na yang tshig la dbang ba dang / thos pa 'dzin pa dang / spobs pa che ba dang / nad med par 'gyur ro/ / pad+ma'i rtsa ba dang / rtsa lag dang / pad+ma ge sar rnams 'o ma dang lhan cig bskol te mar lus pa las gser gyi bum pa'i nang du bcug pa de ni pad+ma rnam lnga'i bcud kyis len zhes bya'o/ /zhes sa steng kun tu grags so/ /de la tshul bzhin bsten na skyes bu'i nyams 'jig pa dang / zad pa yang skyed par byed do/ /ut+pa la'i sdong bu dang / rtsa ba dang / lo ma dang / ge sar mar dang 'o ma dang lhan cig bskol te mar lus pa las de gser gyi snod kyi nang du bcug pa de yang ut+pa la rnam pa lnga zhes bya ba'i sbyor ba zhes sa steng kun tu grags pa'i sbyor ba gnyis pa yin te/ byol song ba lang yang yid gzhungs par byed na skyes bu mi rnams lta smos kyang ci dgos/bram+hi dang / shu dag dang / rgyam tsha dang / shang kha puSh+pa dang / gan+d+ha dUr ba dang / bram+hi dang / so bar rtsa ba dang / byi shal dang / pi pi ling dang / 'di rnams re re yang nas gsum gsum tsam gyi tshad tsam dang /gser nas 'bru'i tshad tsam dang / dug til 'bru tsam dang / 'di rnams zhib mor btags te/ mar srang gcig dang sbyar ba'i lde gu bldags te/ zhu ba'i tshod tsam na kha zas mar shas che ba sbrang rtsi dang ldan pa zos la tshul de bzhin du nyin re bzhin lo gcig gi bar du bsten na blo brtan pa dang /dran pa dang / yid gzhungs pa dang / rga bas zil gyis gnon pa dang / nad kyis zil gyis non pa dang / sgyid skyur ba dang / snyom pa dang / ngal ba dang / dub pa dang / nad med cing lo brgya brgya yongs su rdzogs par 'tsho bar 'gyur ro/ / dpal dang / gzi brjid dang / mdangs dang ldan pa dang / lhag par mdze dang / sha bkra dang / skran dang / dug dang / rims dang / smyo byed dang / dbyig dug dang / dmu rdzing rnams las zlog par byed do/ /srid srung gi rig byed la sogs pas skyed par byed pa'i gshed byed kyi gnod pa dang /shin tu stobs che ba'i rlung gi nad kyang 'dis zhi bar byed do/ /ston dang po'i dus su sman na ga ba la'i rtsa ba skar ma rgyal dang ldan pa'i dus su phyung ste/ de las zho gnyis gnyis kyi phye ma thun tshad tsam 'gams la/ de'i 'og tu 'o ma blud pa 'am/ yang na mar dang sbrang rtsi dang ldan pa'i lde gu bldag cing kha zas gzhan mi za bar 'o ma nyi tshes gso bar bya ste/de bzhin du sbyor ba lo gcig gi bar du byas na stobs dang ldan zhing lo brgya 'tsho bar byed do/ /gze ma'i 'bras bu skye ba'i dus su rtsa ba dang bcas pa btus te/ grib ma la skams la de legs par phye mar byas nas gze ma rang bskol ba'i khu bas spangs nas thun che tshad du bza' bar bya'o//de'i 'og tu btung bar 'o ma de nyid dang 'bras sA lu kha zas su sbyin te/ de ltar byas pa ni gze ma'i phye ma srang brgya ba'i sbyor ba zhes bya ste/ de las zhag re srang gnyis zos na gzugs bzang ba dang / skal ba dang ldan pa dang /lo brgya thub pa dang / 'dod pa spyod pa dang / ji ltar nog rgyas pa dang / khyu mchog gis ba lang gi khyu la 'jug nus pa bzhin no/ /sman ba ra hi'i shun phrags dang phral ba rtsa ba shin tu rlon pa brdungs pa 'o ma dang sbyar bzos na de zhu ba'i tshod tsam na kha zas gzhan mi bza' bar 'o ma nyi tshe blud pa 'am/yang na sman ba ra hi'i rtsa ba de nyid rang gi khu ba bskol ba'i nang du legs par sbangs te/ mar dang / sbrang rtsi dang lhan cig sbyar ba'i lde gu sbyin pa 'am/ yang na sman bar hi bskol ba'i khu ba'i nang du de nyid kyi phye ma dang zos na/ mar rnams lhan cig bskol ba'i mar lus pa blud do/ /cho ga bzhin du sman bi da ri dang /ba la dang / a ti ba la dang / shing mngar dang / ka ka ma tsi dang / dzi ban+ti dang / ra sna dang / a ru ra dang / skyu ru ra dang / s+thi ra ste/ sa la par Ni dang / sle tres dang / man+du ka par+Ni dang / shang kha puSh+pa dang / a shwa gan+d+ha dang / nye'u shing dang / 'di rnams gang yang rung ba re re cho ga gong ma bzhin du sbyar na yang /yid gzhungs pa dang / blo dang rgas sra zhing na tshod brtan pa dang / nyams bde ba dang stobs sbyin par byed do/ /tsi tra ka'i me tog ser po dang / dkar po dang / nag po ni rang rang gi me tog gi mdog ji lta ba bzhin du tsi tra ka ser po dang / dkar po dang / nag po zhes bya ba yin te/ bcud kyis len gyi cho ga bzhin du spyad na phan yon phas kyi rim bzhin du che ba yin te/ de nas tsi tra ka'i rtsa ba phyung la grib skams su byas nas btags pa'i phye ma'i zhun mar dang sbrang rtsi 'am 'o ma 'am chu gang yang rung ba las lde gu byas nas bldags te/ de'i 'og tu phan pa'i zas dang / de ltar zla ba gcig gi bar du bsten na nad med cing lo brgya 'tsho ba dang /yid gzhungs pa dang / stobs dang ldan pa dang / lus mdangs dang ldan pa dang / me'i drod 'bar bar 'gyur ro/ /til mar dang lde gur byas te zla ba gcig gi bar du bsten na/ rlung nad gso dka' ba yang 'joms par byed do//gcin dang lhan cig sbyar nas 'thungs na mdze 'joms par byed do/ /dar ba dang lhan cig 'thungs na gzhang 'brum sel to/ /go bye legs par smin par dpyid kyi dus su 'bru'i phung po'i nang du bcug ste/ dgun gyi dus su phyung la sman mngar ba dang / snum pa dang / bsil ba dang nus pa dang ldan pas legs par sbyar te sman de'i brgyad 'gyur gyi chu dang go bye rdog ma brgyad bskol te/khu ba brgyad cha lus pa dang / 'o ma dang lhan cig sbyar ba grang mo blud de/ de ltar bskol ba'i khu ba rim par zhag bdun gyi bar du nyin re bzhin re res bskyed la/ de nas zhag bdun gyi bar du re res dbri zhing brgyad du phyin pa dang / de nas zhag bdun gyi bar du 'bru re res bskyed de/ nyi shu rtsa gcig lon pa dang / de'i 'og tu go bye'i 'bru gong ma brgyad kyi steng du go bye'i 'bru gsum gsum gyis zhag re re bskyed cing dbri ba yang gong ma ltar zhag nyi shu'i bar du bya'o//de ltar go bye'i 'bru bzhi brgya'i bar du dbri zhing bskyed par bya'o/ /de'i 'og tu zhag bdun gyi bar du gong ma brgyad pa'i steng du 'bru mar bdun bdun gyis bskyed cing dbri ba yang zhag bdun gyi bar du bskyed pa yang zhag bdun gyi bar du byas te/ bskyed pa'i tshul gyis 'bru stong rdzogs kyi bar du yang bya'o//kha zas za ba'i lugs ni mar dang / 'o ma dang / 'bras drug cu pa sbyin no/ /de bzhin du sman gyi sbyor ba de yang bdun dang gsum gcig gi bar du yang mar 'bri ba dang / bskyed pa'i go bye'i sbyor ba yang de ltar shes par bya'o/ /sngon legs par smon pa thob pa yang khyad par du me'i drod 'bar ba dang /gcin sri ba yang srin bu'i nad dang / mdze nad dang / gzhang 'brum gyi nad dang / tshil nad rnams sel bar byed do/ /go bye'i 'bras bu skyon med pa brdungs te zhib tu btags pa sa brkos pa'i nang du bum pa bzhag ste/ de'i khar bum pa zhabs su bu ga phug pa zhig bzhag ste/bum pa steng ma'i nang du ba la ta ka'i phye ma bcug la sa nag po'i 'jim pas kha dang mtshams thams cad bskus te/ ba lang gi lci ba skam po'i mes btsos te/ tshos pa dang / de'i khu ba bum pa 'og ma'i nang du 'dzag par 'gyur ba dang / de blangs nas de'i brgyad 'gyur gyi sbrang rtsi dang / nyis 'gyur gyi mar dang sbyar ba'i lde gu 'di yang sbyor bar bya'o/ /cho ga gong ma bzhin du kha zas la sogs pa bsten na phan yon gong ma dang 'dra'o/ /go bye'i 'bras bu smin cing rgyas pa rang lhung ba srang brgya nyi shu rtsa brgyad kyi bar tshad tsam so phag phye mar byas pa zhib mo bor ba'i rtsing po dang / chus mnye shing bkru ste/de nas go bye rlung la skams te cham chom brdungs la/ chu srang lnga brgya rtsa bcu gnyis bskol te/ bzhi cha lus pa dang phyung la btsags te/ tshigs ma bor la grangs pa'i khu ba de dang 'o ma srang lnga brgya rtsa bcu gnyis dang / yang bskol te khu ba du zhing 'o ma lus pa dang / de dang mnyam pa'i mar dang yang bskol te 'o ma zad cing mar nyi tshe lus pa dang /sha kha ra'i phye ma ci 'dod pa btab ste/ gcig tu gyur pa de kha gzar gyis dkrugs te/ 'bru'i phung po'i nang du zhag bdun gyi bar du sbangs la/ bcud kyi bdud rtsi dang 'dra bar gyur pa dang / skyes bu gang gis nang re de las ran par bsten cing bza' ste/de'i 'og tu chu 'am 'o ma dang / sha khu tshim tshad du blud la/ dran pa dang / yid gzhungs pa dang / blo gros dang / stobs dang ldan pa dang / snying stobs dang ldan pa dang / gser gyi ri bo 'dra bar mdog dkar ser du 'gyur zhing tshe ring ba dang / 'tsho ba yun ring du gnas par 'gyur ro/ / chu srang lnga brgya rtsa bcu gnyis dang / ba la ta ka gshegs pa srang sum brgya dang lhan cig bskol ba'i khu ba lus par srang brgya nyi shu rtsa brgyad dang / de dang mnyam pa'i til mar rnams snod kyi nang du bcug ste/ tig ta dang / bong nga rnam gnyis dang / 'bras bu gsum dang / brag zhun dang / skyer khaN+Da dang /'di rnams kyi phye ma btab ste/ yang bskol te mar lus pa las ran par bsten na mdze nad thams cad 'joms pa'i mchog yin no/ /yang go bye dang lhan cig skyu ru ra dang / zho'i spris ma dang / til mar dang / bu ram dang / 'o ma dang / nas phye dang / til dang / sbrang rtsi dang / til btags pa'i phye ma'i lde gu dang / mon sran sde'u la sogs pa'i tshod ma dang / 'di rnams gang yang rung ba srang gcig bsten pa dang / go bye'i bcud kyis len zhes bya ba ste/ lus skye bar byed pa dang / yid gzhungs par byed pa dang / tshe ring bar byed pa'i mchog yin no/ /go bye'i 'bras bu ni shin tu rno ba yin te/khong du zhu ba'i dus na me dang mnyam pa yin la/ cho ga ji lta ba bzhin du sbyar na ni bdud rtsi dang 'dra ba yin no/ /bad kan las gyur pa'i nad dang rjes su 'brel ba'i nad gang yang go bye'i nad dang / sbyor ba 'dis mi sel ba gcig kyang med de lhag par pho ba'i me drod myur du sbyin par byed pa dang /de ltar bcud kyis len gyi cho ga byed pa'i dus su rlung dang tshad par 'dug ba khyad par du spang bar bya'o/ /de bzhin du rgya sran ku lad tha dang / zho dang / tshwa dang / til mar gyis lus bsku ba dang / me la bsten pa rnams spang bar bya'o/ / shing du ba ri ka zhes bya ba nub phyogs kyi rgya mtsho dang / phyi rol gyi ngogs na skye ste/ de'i lo ma dang / 'bras bu rlung gis bskyod pa las shing bsgul te/ 'bras bu dang / lo ma rgya mtsho'i nang du lhung ba dang / de chu rlabs kyis tshu rol gyi 'gram du 'ongs pa dang / de dbyar sprin byung ba'i dus su legs par smin pa blangs la/'bras bu de'i shun pa bor te bskams la btags pa'i phye ma til btsir ba 'am/ le brgan rtsi bskol te mar phyung la/ tu pa ri'i 'bras bu'i mar yang de ltar byung ste/ de chu dang bskol te chu du mar nyi tshe lus pa dang phyir phyung la ba'i lci ba'i nang du zla ba phyed kyi bar du bskams la bzhag ste phyung la/de'i 'og tu thog mar snum chos dang / dugs byas la lus kyi dri ma dag par byas te/ de nas zhag bzhi pa'i bar du 'bras chan zos la nang re bzhin gong ma'i mar las lag mthil gang tsam blud la sbyin khar sngags 'di bgrang bar bya'o/ / man dzA sa ma ra ma hA bI h+ya/ ba sarba d+ha du bi shwa d+ha ya/ sham kha tsakra ga d+ha pa Ni stan Ag mya ba ya ti dzu ta/ de ltar byas pa'i 'bru mar de lan cig 'thungs pas kyang lus stod smad kyi nad thams cad sel bar byed do/ /de ltar zhag lnga'i bar du 'thungs pa'i 'og tu dgongs ka snum dang tshwa med pa'i nas thug grang mo blud de/zla ba phyed kyi bar du sran mung+ga'i khu bcud dang bcas pa'i kha zas zos la spang bar 'os pa rnams spangs na/ mdze nad thams cad 'joms so/ /yang na tu pa ri'i mar dang / de'i sum 'gyur gyi seng ldeng gi khu ba dang gong ma bzhin bskol te/ bsgrubs la zla ba gcig gi bar du bsrung ba la sogs pa'i cho ga legs par bya ste/ kha zas gzhan mi bza' ba dang / bsku byug la sogs pa sbyar te/ skyes bu mdze nad can rnams kyis sbyor ba 'di bsgrub par bya'o/ /'o ma'i sbyor ba yang seng ldeng gi khu ba ma gtogs pa mar dang sbrang rtsi dang ldan pa btung zhing kha zas su sha khu nyi tshe 'thungs na lo nyis brgya thub par 'gyur ro//mar de nyid kyis sna sman du zhag lnga bcu'i bar du sbyar na lus nyams stobs dang ldan pa dang / thos pa 'dzin pa dang / lo sum brgya 'tsho bar 'gyur ro/ /pi pi ling 'bru lnga'am/ brgyad dam/ bdun nam/bcu'am tshad de rnams gang yang rung ba mar dang sbrang rtsi dang sbyar te bcud kyis len gyi cho ga ji ltar btsal ba bzhin du spyad par bya'o/ /pi pi ling rdog ma brgyad gsum brgyad rgya skyegs shing gi thal ba'i nang du sbangs te/ de nas phyir phyung la bskams te mar dang yang brngos la sbrang rtsi dang bsres te snga dro kha zas kyi gong du gsum gsum bza'o//pi pi ling bcu zhag bcu'i bar du re re rim gyis bskyed de/ 'o ma yang de ltar bskyed la de bzhin nyi shur phyin pa dang / re res dbri ste bcu pa la thug pa dang / sman de zhu ba'i tshod tsam na 'bras drug cu pa 'o ma dang mar dang bcas pa kha zas su za'o//de ltar pi pi ling stong zad kyi bar du cho ga de ltar byas pa ni pi pi ling stod sbyor ba'i bcud kyis len zhes bya'o/ /de yang btags pa'i phye ma 'o ma dang sbyar te bza' ba ni me drod che ba la sbyin no/ /me drod bar ma la ni bskol ba blud do/ /de bzhin du pi pi ling ra'i 'o ma dang sbyar te/pi pi ling nyis stong gi bar du yang de ltar bya'o/ /pi pi ling gi sbyor ba de rnams cho ga gong ma bzhin du byas pa la ni lud pa lu ba dang / dbugs mi bde ba dang / mgul nad na ba dang / gcod chen po dang / gzhang 'brum dang / gcin snyi ba dang / skya rbab dang / rims ma rungs pa dang / skrangs pa dang / skyug pa dang / skyigs bu dang / mcher pa na ba dang / dreg nad rnams 'joms par byed do/ /yang na pi pi ling srang phyed chu dang lde gur byas te/ lcags snod kyi nang du bskus la nub gcig bzhag la/ de nas chu snyim pa gang dang lhan cig nang re la blud par bya ste//de ltar lo gcig gi bar du kha zas dang / btung ba dang bcas pa ci 'dod pa bsten no/ /bca' sga dang / byi dang ga dang / 'bras bu gsum dang / sle tres dang / shing mngar dang / yung ba dang / a ti ba la dang / ba la dang / gla sgang dang / thang shing dang / a ru ra dang / kru trug tres dang / mu zi dang / pi pi da ma dang / ut+pal dang / da ta dang / a shwa kar na dang / a sa na dang / ba la'i 'o ma'am snying po gang rnyed pa dang / de rnams re re yang pi pi ling gi sbyor ba bzhin du lcags kyi snod kyi nang du bsku ba la sogs pa'i sbyor ba byas te zos na lo brgya 'tsho zhing nad dang rgas pa las grol bar byed do//gong gi lcags snod la bsku ba'i sman sna re re'i sbyor ba gang yang rung ba 'dra ste/ 'o ma snyim pa gong dang bcas par 'thungs na/ gong du smos pa'i yon tan pas nyis 'gyur gyis cher skyed par byed do//shing a sa na dang / seng ldeng bskol ba'i khu ba'i nang du so ma ra dza'i phye ma sbangs te mar dang / sbrang rtsi dang / ru rta dang / a ru ra dang / lcags phye gsum btags pas btab ste/ 'dag gur byas pa las lo gcig gi bar du ldag cing kha zas rung zhing phan pa zos na kha zas las gyur pa'i nad yun ring ba yang 'dor bar byed do//mdze nad kyis lus tsha ba dang tshabs cher khyab cing na bar gyur pa'i skyes bu ni so ma ra dza dang / til nag po gnyis nges par lo gcig gi bar du zos na zla ba bzhin du lus mdog shin tu mdzes par 'gyur ro/ / skyes bu gang gis so ma ra dza phub ma med pa btags pa'i phye ma 'o ma dang lhan cig snod kyi nang du mnan te/ smin pa dang phyung la snying por gyur pa de sbrang rtsi dang sbyar ba'i lde gu bldags te/ de'i 'og tu dar ba legs par red pa 'thungs na mdze nad kyis lus kyi rkang lag dang sna la sogs pa 'drul zhing chad pa yang sor mo dang sna la sogs pa skye bar 'gyur te/ji ltar shing bcad pa'i 'og tu lo ma skye ba shin tu mdzes pa bzhin no/ /sgog skya ni thog mar sgra gcan zin gyis bdud rtsi brkus pa las khyab 'jug gis 'khor lo 'phangs te/ mgo bcad pa las bdud rtsi'i thigs pa sa la lhung zhing thigs pa las sgog skya rnams su gyur to//sgog skya de bram zes mi za ba ni lha ma yin gyi lus las byung ba'i khrag dang 'dres pa yin pas des mi za ba yin no/ /sgog skya de ni mngon sum gyis bdud rtsi nyid yin te/ grong gi bcud kyis len zhes bya'o/ /sgog skya de ni khyad par du grang ba'i dus su bsten par bya'o//dpyid bad kan ldang ba'i dus su lhag bar spyad do/ /dbyar sprin skyes pa'i dus su ni me dang rlung gis nyam thag pa yin pas de'i dus su bza' ba 'am yang na rtag tu bsten par bya'o/ /sog tsha ba'i dus su ni dus kyi spyod lam bsten cing lus dag pa dang dri ma med par bya ste/snum pa dang / bsil ba dang / mngar ba dang / sgog skya lhan cig bsten par bya'o/ /de bzhin du gos dang rgyan yang dus dang ji ltar mthun pa dang / g.yog 'khor rnams kyang mthun pa dang lhan cig sgog skya bsten par bya'o/ /ri kha ba can zhes bya ba'i drung na sha kha zhes bya ba'i yul yod de/der skyes pa'i sgog skya'i rtsa ba yul de'i mis dpyid kyi dus su shun pa phral te nub mo chang dang lhan cig zos pas me drod skyed do/ /sgog skya cham chom brdungs te btsir ba'i khu ba cha gcig dang chang legs par smin pa cha gsum sbyar ba nang par 'thungs na bzang ngo //yang na sgog skya'i khu ba de chang gzhan gang yang rung ba dang btung ba 'am/ yang na 'bru mar dang / zho ga chu dang rtsab mo 'am de dag gang yang rung ba dang lhan cig sgog skya'i khu ba thun tshad ran par dpyid kyi dus su btung bar bya'o/ /yang na 'o ma dang / mar dang /zhag dang / rkang dang / srog chags thang la gnas pa'i sha dang / de dag gang yang rung ba dang lhan cig bskol te/ nad gzhi ji lta ba bzhin du sbyar te btung ba 'am/ yang na sgog skya'i khu ba nyi tshe 'thungs na mkhur ba dgang ba tsam gyis kyang mid pa dag par byed do/ /zug gzer che zhing na ba la ni sgog skya'i khu ba de rgyun du dugs byas na rab tu bsngags te de'i 'og tu chu grang spong bar bya ste/gal te chu grang bsten na ni 'phral la skyug cing brgyal bar 'gyur ro/ /gzhan yang zug gzer che zhing tsha ba dang / ngal zhing dub pa'i dus su 'thungs na lus brtan zhing gzi mdangs skye bar 'gyur ro//gal te lus tsha ba skyes na ni bsil ba'i sman gyis bsku zhing chu'i rgyun phra mo'i thigs pas phog par bya ba dang / a ti mug ti ka dang / ga pur ma li ka'i breng bas lus la btags par bya'o/ /sgog skya nyi tshe srang brgyad dam/ srang bzhi pa'am/ yang na de'i rkang srang gcig btags pa'i phye ma kha zas dang snga dro dang po bsten par bya'o//de zhu ba'i tshod tsam na 'bras rnying pa'i chan dang me tog kun da dang / zla ba ltar dkar ba'i chan khu bcud dang 'o ma dang thang las skyes pa'i sha khu dang lhan cig bza' ste/ de ma thag chang btung bar bya'o//skom dad che ba la ni chang chu dang lhan cig btung ngo / /gal te chang mi btung ba zhig yin na ni rtsab mo dang rgun 'bru la sogs pa'i khu ba sla ba blud do/ /yang na sgog pa btags pa'i phye ma mar dang cha snyoms te 'dres par dkrugs nas mar snod du bcug ste zhag bcu bzhag pa'am yang na phyi ma de nyid zhag dang lhan cig bza'o//sgog skya shun pa bshus pa'i snying po dang / thur ma la bsregs pa'i sha'am/ yang na bza' ba sna tshogs sam/ yang na sha brdungs pa dang lhan cig gam/ yang na mar dang tshwa dang lhan cig gam/ yang na chang ci 'dod pa dang lhan cig gam/yang na kha zas yang ba dang / pid tshwa dang / de rnams gang yang rung ba dang lhan cig bza'o/ /khrag dang mkhris pa ma gtogs pa rlung nad nad gzhi gzhan dang lhan cig pa'am/ yang na rlung nyi tshe la ni sgog skya las lhag pa'i sman gzhan med do/ /gang zhig chu dang /bu ram dang / 'o ma la sred cing / sha dang chang dang skyur rnams la mi sred pa dang / shin tu skom dad che zhing brang tsha ba dang / 'ju stobs che ba la ni sgog skya byin na nges par gnod pa skyed do/ /de ltar sgog skya bsten pa'i 'og tu mkhris pa skye bar dogs na bkru sman 'jam po sbyar na de nyid kyis bcud len gyi yon tan yongs su rdzogs pa nyams su myong bar 'gyur ro//de la brag zhun zhes bya ba ni so ga tsha ba'i nyi ma'i drod kyis ri la phog pa las rgya skyegs kyi bcud 'dzag pa bzhin du gser la sogs pa'i rigs rnam pa drug tu 'byung zhing 'dzag pa de ni brag zhun zhes bya'o//gser gyi rigs la sogs pa drug po kun kyang kha ba dang / tsha ba dang / ha cang drod mi che ba dang / zhu ba'i rjes tsha ba yin no/ /brag zhun gyi rigs bcad du 'dod pa de ni lcags kyi rigs kyi brag zhun zhes bya'o/ /brag zhun ba gcin gyi dri bro ba dang / gu gul gyi mdog ltar gnag pa dang /'jam po 'byar bag tu 'dug pa dang / snum pa dang / mi skyur ba dang / ro mngar ba dang / 'jam pa dang / lci ba de ni brag zhun gyi mchog dam pa yin no/ /nad kyis btab pa'i skyes bu la yang brag zhun 'di rjes su mthun pa yin no/ /de la thog mar brag zhun lcags snod kyi nang du bcug ste/chus sbangs la bkrus te skams la bskams pa'i brag zhun dang mnyam pa'i sman bskol ba'i chu'i nang du sbang bar bya'o/ /de nas yang skams la de'i brgyad 'gyur gyi chu dang bskol te bzhi cha lus pa dang / tshigs ma bor te khu ba dro 'jam tsam gyi nang khu ba de dang mnyam pa'i brag zhun blugs la yang skams te/de ltar rang rang dang mthun ba'i sman bskol ba'i khu ba'i nang du sbang zhing skam pa lan bdun gyi bar du bya'o/ /de'i 'og tu tig ta'i sman mar gyis snum chos byas la slon khrus kyis lus dag par bya ste/ de nas brag zhun de 'bras bu gsum gyi khu ba dang sbyar la zhag gsum blud do//de nas zhag gsum gyi bar du pa to la'i khu ba dang sbyar ba gtang ngo / /de nas zhag gsum gyi bar du shing mngar gyi khu ba dang sbyar ba blud do/ /sbyor ba de dag kyang ji ltar rigs pa dus dang sbyar te gtang ngo / /brag zhun zhes bya ba de nyid ni lus la phan par byed pa yin te yon tan thams cad 'grub par 'gyur ro//cho ga log par byas na ni 'phral la gnod pa skyed do/ /brag zhun ni zhag bdun dang / zhag nyi shu rtsa gcig dang / zhag nyi shu rtsa dgu la brag zhun zho gnyis dang / srang phyed dang / srang gcig ste/ de ltar brag zhun gyi thun tshad rab 'bring gsum dang /zhag bdun la sogs pa go rims bzhin du sbyar na phan yon yang rim pa bzhin du bzang ba yin te/ de ltar sman legs par sbyar ba yang lus legs par sbyangs pa la bya ba yin no/ /zangs ma dang / lcags dang / dngul dang / gser dang / de rnams kun 'byor yang rung ste/ de'i phye ma dang / 'o ma dang / brag zhun lhan cig bsres te 'thungs na myur du bcud kyis len gyi cho ga 'grub par 'gyur ro/ /rgya sran dang / ka ka ma tsi dang / phug ron gyi sha rnams ni rtag tu spang bar bya'o/ /brag zhun gyi sbyor ba dus su cho ga bzhin 'bad de spyad na/sa'i steng na gsor rung ba'i nad gang las kyang mi rgyal ba med de/ nad med cing tha mal par 'dug pas kyang bsten na nyams stobs dang sag rtsa 'phel zhing sbyin par byed do/ /nyi ma dang rlung la sogs pas ma phog pa'i khyim gyi nang du 'dug cing rgyun du phyir mi 'byung bar bya ste/de ltar ma byas na ni rtsom pa don med par 'gyur ro/ /gang nyi ma dang / rlung dang lhan cig gnas pa'i sbyor ba'i bye brag bshad par bya ste/ gang gi lus la gnod par byed pa'i rgyu bde ba'i yo byad bsten pas nyams pa dang / chu grang mo dang / 'o ma dang / sbrang rtsi dang / mar dang / de rnams gang yang rung ba la zhe sdang zhing mi 'dod pa yang chu grang la sogs pa gong ma de las gsum mam yang na gnyis sam/ yang na ma lus pa kun yang rung snod gcig tu 'dres par bya ste/ sman gyi gong du zos na yang mi 'grub ste gnod pa skyed do/ /bu ram dang / sbrang rtsi dang / bca' sga dang / pi pi ling dang / rgyam tsha dang / de rnams gang yang rung ba dang lhan cig a ru ra gnyis rtag tu zos na lo brgya bde bar 'tsho bar 'gyur ro/ /a ru ra mar gyi nang du bskol la bza' zhing de'i 'og tu mar 'thungs na/ rgas sra zhing na tshod gnas pa dang / lus kyi nyams stobs 'phel bar byed de/ji ltar mkhas pa shes rab can gyis gzhan gyis byas pa'i bzo lan cig bstan pas shes pa bzhin no/ /skyu ru ra'i khu ba dang / sbrang rtsi dang / kha ra dkar po dang / mar dang de rnams lde gur bya ste/ phan pa'i zas dang lhan cig mi rnams kyis bsten na/ rga ba'i 'gyur ba rnam par 'jig cing zhi bar 'gyur te/ji ltar gzhung rgya che ba dag 'dzin par mi nus pa bzhin no/ /skyu ru ra dang / byi dang ga dang / shing a sa na'i snying po dang de rnams kyi phye ma dang / lcags kyi phye ma dang / til mar dang / mar dang / sbrang rtsi dang / de rnams lde gur byas te rtag tu bsten na gzhon pa'i na tshod dang mdzes pa nyams pa med par 'gyur ro//lcags phye dang / byi dang ga'i phye ma mar dang sbrang rtsi dang bsres la sbyar te/ za ma tog gi nang du lo gcig tsam bzhag la smin cing snying por gyur pa dang / lde gur byas te bldags na stobs dang ldan pa dang / 'tsho ba yun ring bar 'gyur ba dang skra nag por byed do//byi dang ga dang / go bye dang / bca' sga dang / de rnams mar dang / sbrang rtsi dang sbyar ba zos na rga ba'i chu bo dang / nad kyi rlabs las thar zhing skyes bu de mdog bzang zhing mdzes par 'gyur ro/ /seng ldeng dang / shing a sa na'i khu ba'i nang du 'bras bu gsum dang sbangs la skams pa'i phye ma mar dang sbrang rtsi dang sbyar ba'i lde gu cho ga bzhin du mi rnams kyis nges par bsten na gson bzhin du rga ba med pa de ni ngo mtshar che'o//sman dzi ba ka'i khu ba dang / sha kha ra dang / mar dang / sbrang rtsi dang / 'bras bu gsum gyi phye ma lde gur byas te/ lag mthil du bzhag ste/ sor mos bldag cing bsten na/ skyes bu rnams rgas pas gnod pa byung zin pa yang zlog par byed do/ /ba sbru ba sar pa srang phyed btags pa'i phye ma 'o ma dang lhan cig zla ba phyed dam gnyis sam drug gam lo gcig gi bar du bsten na rgas 'khogs pa yang phyir zhing lus sar pa skyed par byed do//murba dang / bri ha ti dang / aM shu ma ti dang / ba la dang / pu shel tse dang / pa tha dang / shing a sa na dang / thal tres dang / ka la nu sa ra dang / a ka ru dang / tsan+dan dang / de rnams re re yang ba spru ba'i cho ga bzhin du byas na phan yon yang de dang 'dra'o/ /nye'u shing bskol ba'i khu ba'i nang du de nyid kyi phye ma bcug la lde gur byas pa'i nang du mar dang sbrang rtsi gnyis btab ste zos na/de'i 'tsho ba bdag nyid can de la nad kyi chom pos nam yang gtses par mi 'gyur ro/ /a shwa gan+d+ha'i phye ma mar dang / til mar dang / chu dro 'jam tsam dang / de rnams las gang yang rung ba dang sbyar te/zla ba phyed kyi bar du bsten na lus skye zhing nyam chung ba yang 'phel zhing skye bar 'gyur ro/ /ji ltar lo thog sar pa la char legs par 'bab pa bzhin no/ /til nag po srang gcig nyin re zhing zos la de'i 'og tu chu grang 'thungs na lus 'phel zhing gso bar 'gyur te/ji srid 'chi ba'i mtha' la thug gi bar du so brtan par 'gyur ro/ /gze ma dang / skyu ru ra dang / sle tres dang / de rnams kyi phye ma mar dang sbrang rtsi cha re re bsres pa'i lde gu zos na/ bud med la phod pa dang / lus brtan pa dang / nad kyi sdug bsngal zhi bar byed pa dang / skra gnag cing lo brgya 'tsho bar 'gyur ro//til nag po skyu ru ra'am/ ba ru ra gang yang rung ba zho gnyis dang sbyar ba'i lde gu zos na/ ji ltar rma bya bzhin du mdangs bzang po skyed par 'gyur ro/ /brag zhun dang / byi dang ga dang / a ru ra dang / lcags phye dang / mu men dang / dngul chu dang /de rnams mar dang sbrang rtsi dang sbyar ba'i lde gu zos na lus rjud cing nyam chung ba rnams kyang yongs su rdzogs shing lus zungs 'phel la rgyas par 'gyur te/ ji ltar zla ba yar gyi ngo bzhin no/ /sman bring+ga rA dza'i khu ba zla ba gcig gi bar du nyin re zhing blud cing de'i 'og tu 'o ma 'thungs na stobs dang nus par bcas pa'i lo brgya 'tsho bar 'gyur ro//shu dag 'o ma dang / 'bru mar dang / mar dang / de dag gang yang rung ba dang sbyar ba zla ba gcig gi bar du bsten na/ rang gi lus srin bu la sogs pas blta mi nus zhing mthong ba dang / yid gzhungs pa dang / tshig gsal zhing mnyen par 'gyur ro//man sru ka par Ni btags pa'i phye ma mar dang brngos te zla ba gcig gi bar du zos na lus zad cing nyam chung ba sel to/ /'tsho ba yun ring ba dang / gnas pa dang / lus grims pa dang / gzhon sha chags pa dang / lus mdzes pa la sogs pa'i gzhir gyur pa yin no//sman lang ga li dang / 'bras bu gsum dang / lcags phye rnams srang lnga bcu bring+ga ra dza'i rang gi khu ba'i nang du btags te ri lu sum brgya byas nas grib ma la skams te/ thog mar ri lu'i phyed zos la de nas re re bza'o/ /de la sman bza' ba yang thog mar bkru sman bya ste rim gyis thug pa rkyang rkyang po dang /phyar langs tsam dang / gar ba dang / sha khu dang / 'bras chan la sogs pa rim gyis bza'o/ /bdag nyid gcig pu ma yengs par bsam pa brtan par zla ba gcig gi bar du mar gyis snum chos bya'o/ /de nas zla ba gcig gi bar du rnam pa thams cad du bdag nyid gcig pur 'dug par bya'o//ma zhu ba ni dus thams cad du 'bad pa dang bcas pas spang bar bya'o/ /sbyor ba de ltar lo gcig gi bar du nye bar sbyar na nad gser mi rung ba yang 'dis 'jig par byed do/ /shin tu rgas 'khogs pa yang stobs dang /lus mdzes pa dang / lus shin tu 'phel zhing rgyas pa dang / rna ba gsang ba dang / mig gsal ba la sogs ba yang na tshod gzhon nu bzhin du mthong zhing thos te lo lnga brgya'i bar du 'tsho bar 'gyur ro/ /seng ldeng dang / tsi tra ka dang / shing sha pa dang / a sa na'i shing dang / bong nga dkar po dang / byi dang ga dang / ba ru ra dang / go bye dang / 'di rnams btags pa'i phye ma dang / phye ma spyi'i bcwa brgyad 'gyur gyi chu dang / lcags kyi dum bu dang bcas pa lcags snod kyi nang du bcug ste/ zhag gsum nyi ma la bzhag la de'i 'og tu me che ba la bskol zhing dkrugs la lcags kyi dum bu dang bcas pa bzhi cha lus pa dang btsags la snyigs ma bor ba'i khu ba dang /'bras bu gsum gyi khu ba dang / de gsum re re yang sman khu ba dang mnyam pa dang / 'bras bu gsum re re yang khu ba'i cha gnyis gnyis dang /mar srang cha bzhi dang / de rnams lhan cig bsres la lcags snod kyi nang du bskol te mar lus pa'i nang du hwags dri ma med pa dang / kha ra dkar po dang / sbrang rtsi dang de dag rim gyis bcug ste de las ji ltar mdo khar 'ong ba btung ba dang / kha zas la sogs par zos shing bsten na nad med par 'gyur te dpal dang ldan zhing sdig pa rnams byang ba dang /nags kyi ma he bzhin du stobs dang ldan pa dang / rta bzhin du mgyogs pa dang / yan lag rnams brtan pa dang / skra bung ba'i mdog bzhin du sngo ba dang / kha nas dri zhim po dang mngar ba 'byung ba dang / bud med du ma la 'dod pa spyod nus pa dang / tshig gsal zhing blo dang ngag phun sum tshogs par 'gyur ba dang me drod che bar 'gyur ro/ /sbyor ba de ltar zla ba gcig gi bar du bsten na gser btso ma'i mdog dang ldan pa'i mi'i seng ger 'gyur te/nam du yang nad kyis btab cing bar du gcod par mi 'gyur te/ ji ltar mi'i seng ge lag na 'khor lo 'bar ba thogs pa'i 'jigs pas lha ma yin rnams kyis bar gcod ma nus pa bzhin no/ /de la thog mar slon khrus kyis khong dag par byas pa'i 'og tu bring+ga rA dza'i lo ma mar dang brngos te bsrung ba'i cho ga dang bcas par bza' ba dang /shing a sa na'i snying po 'o ma dang bcas pa blud cing bza' ba'i don du bsten te/ zla ba gcig gi bar du sbyar na lo nyis brgya'i bar du 'tsho bar 'gyur ba dang / lan cig brjod pa tsam gyis kyang thos pa 'dzin pa dang / dran pa'i dbang po nyams par mi 'gyur ro/ /bring+ga rA dza'i 'bru mar yang cho ga gong ma ltar byas na yon tan de nyid thob par 'gyur ro/ /khyad par du mdog nag por 'gyur ro/ /de ltar bdag gis bcud kyis len bshad pa 'di ni nus pa dang ldan pa 'bras bu dang bcas pa'i dus dang rjes su mthun pa mang pos mthun par bsngags pa yin no//bcud kyis len gzhan thob par dka' ba dang / sgrub mi nus pa de ni 'dir ma smras so/ /gal te bcud kyis len gyi cho ga nyams te nad skye bar 'gyur ba na de la ni nad gzhi rang rang gi sman gyis gso ba ji skad bshad pa bzhin du bya ste/bcud kyis len gyi cho ga ni dor bar bya'o/ /bden par sma ba dang / khro ba med pa dang / lhag pa'i bsam pa dang ldan pa dang / g.yul rnams las rgyal ba dang / sems zhi ba dang / dam pa rnams la rtag tu dga' ba ni bcud kyis len sgrub pa'i yon tan yin te/ yon tan de rnams tshogs na bcud kyis len 'grub pa yin te/ bdag nyid shes pa dang / tshe ring ba dang / 'jig rten 'di dang phyi ma gnyis kar dga' zhing skyid pa dang / bstan bcos dang rjes su mthun par spyod pa dang /bdag nyid kyi sems la lta ba dang / 'khor rnams dang rjes su mthun par 'jug go/ /don thams cad la blo mi 'khrul ba de ni bcud kyis len yongs su rdzogs pa yin no/ /bcud kyis len gyi cho ga bshad pa'i le'u ste sum cu rtsa dgu pa rdzogs so// //de nas sa bon gso zhing ro tsa bar bya ba'i le'u bshad par bya ste/ de la bud med kyi yul la rtag tu chags pa'i skyes bus ni ro tsa bar bya ba'i sman bya ste/ ro tsa ba'i sman byas na ni dga' ba dang / lus kyi nyams mchog brta ba dang / bu tsha rnams skye ba'i yon tan dang ldan zhing gnas pa yin te/ bu tsha'i rgyud mang du 'phel zhing skyed pa dang / de ma thag dga' ba skyed pa dang / ji ltar rta rgod ma la 'jug nus pa bzhin du bud med rnams la thogs pa med par 'jug nus pa dang / bud med rnams la chags shing dga' bar 'gyur ba dang /gang dang gang gis sa bon 'phel bar byed pa de ni ro tsa bar byed pa zhes bya ste/ de ni lus kyi dpung dang sag rtsa skye ba'i mchog kyang yin no/ /skye bo tshangs par spyod pa la gnas pa'i skyes bu la ni bdag rjes su yi rang ste/ gcig tu dri ma med cing chos dang grags pa 'phel ba dang /tshe 'di dang pha rol gnyi ga'i bcud kyis len pa yin no/ /'on kyang lus kyi nyams stobs chung ba dang / 'dod chags kyi nyon mongs pas gnod par 'gyur ba dang / lus zungs zad pa bsrung bar bya ba'i phyir rtsa ba'i sman rnams brjod par bya'o/ /skyes du gang gis ro tsa bar byed pa'i sman bsten na nyin dang mtshan thams cad du nyal po ma btang bar spyad kyang nus par 'gyur te/ci ltar chu shing gi khu ba 'dzag pa bzhin no/ /de nas thog mar snum chos byas la slon khrus kyis lus dag par bya ste/ de'i 'og tu ni ru ha dang 'jam rtsi mas gtong ba rnams bya'o//thog mar mar dang til mar dang / zhag dang / sbrang rtsi dang / sha kha ra dang 'o ma dang ldan pa sbyor ba shes pa'i sman pas sbyar la de'i 'og tu 'o ma dang sha khu sbyin no/ /ro tsa ba'i sbyor ba de ni khu chu dang tshe 'phel bar byed do/ /ji ltar ljon shing yal ga gcig pa grib ma med cing me tog dri nga ba dang /'bras bu med pa shin tu mi mdzes pa ni skyes bu bu tsha med pa yang de dang 'dra'o/ /bu tsha dang mnyam pa mthong na yid du 'ong ba dang phrad na dga' ba bskyed pa'i dngos po ni gang yang med do/ /ji ltar byis pa'i gnas skabs na 'khyor 'gros su 'gro zhing tshig mi gsal ba dang /rngul dang lhan cig 'dre zhing gdong kha chu dang / snabs kyi dri mas rnyog pa de la yang sems dga' bar byed pa'i gnas yin na yang rang gi bu chos dang snyan par smra ba dang / grags pas nga rgyal ba dang / rigs 'phel bar byed pa'i bu tsha lta smos kyang ci dgos te sems spro zhing snying dga' bar byed pa yin no//thog mar slon khrus kyis lus dag pa dang / me'i 'ju stobs ji lta ba bzhin du bud med la phod par bya ba'i sbyor ba rnams spyad par bya ste/ 'dam bu mda' rgyu dang / bu ram shing dang / ku sha dang / ka sha la sogs pa'i rtswa'i rtsa ba dang /bid ri dang / pu shel tse'i rtsa ba dang / kaN+Da ka ri dang / dzi ba ka dang / zangs rtsi ba dang / ba la dang / me da rnam gnyis dang / ra mnye ba rnam gnyis dang / nye'u shing dang / par Na rnam pa gnyis dang / a shwa gan+d+ha dang / a ti ba la dang / kha sral phre'u dang /ba spru ba dang / bi da ri dang / pa ya s+ya dang / dzi ban+ti dang / rid di dang / ra sna dang / gze ma dang / shing mngar dang / sa la par+Ni dang / de rnams re re yang srang gsum gsum dang / mon sran gre'u srang brgya nyi shu rtsa brgyad dang / chu srang stong nyi shu rtsa bzhi dang lhan cig bskol te khu ba srang brgya nyi shu rtsa brgyad lus pa'i nang du mar dang /bi da ri dang / skyu ru ra dang / bu ram shing dang / de rnams re re yang srang brgya nyi shu rtsa brgyad dang / 'o ma srang lnga brgya rtsa gnyis dang / sman bi da ri dang / kha sral dang / ra mnye ba rnam gnyis dang / shing mngar dang / phal gu ni dang / pi pi ling dang / rgun 'bru dang / ba da ri dang / 'bra go dang / shing tog ma du ka dang / de rnams btags pa'i phye ma btab pa dang / yang bskol te til mar ma lus pa dang / snyigs ma phyung ba'i nang du sman de rnams nyid kyi phye ma srang sum cu rtsa gnyis gnyis dang / sha kha ra srang brgya dang / pi pi ling srang bzhi dang / na le sham srang gcig dang / shing tsha dang / sug smel dang / nA ga ge sar dang / de gsum srang phyed phyed de rnams zhib tu btags pa'i phye ma dang / sbrang rtsi srang bcu drug dang de rnams lhan cig dkrugs pa'i lde gu las srang re re tsam zos la de'i 'og tu sha khu dang /'o ma 'thungs na ji ltar rta pho rgod ma la 'jug nus pa dang / byi'u ka ling+ka da bzhin du bud med la nyal po nus par 'gyur ro/ /sman bi da ri dang / pi pi ling dang / 'bras sha li dang / pi ya la dang / gze ma dang / kha sral dang / de rnams kyi phye ma srang bzhi bzhi dang / sbrang rtsi srang brgyad dang / sha kha ra srang lnga bcu dang / mar srang bcu drug rnams lde gur byas pa de las zho gnyis gnyis tsam gyi thun tshad du zos na bud med brgya'i nang du zhugs te 'dod pa spyad kyang mi ngoms so/ /kha sral phre'u dang / gro dang 'o ma sbyar ba blud pa 'am/ yang na mon sran gre'u dang /mar dang sbrang rtsi sbyar ba zos la de'i 'og tu ba be'u thog ma btsas pa'i 'o ma blud na mtshan thog thag gnyid mi log par bud med la spyad kyang bud med dub pa srid kyis skyes pa nyal pos dub pa mi srid do/ /ra thug gi rlig pa 'o ma dang bskol ba'i nang du til lan mang du sbangs te/kha ra dkar po dang bcas par gang gis zos na yang bud med brgya la 'dod pa spyad par 'gyur ro/ /sman bi da ri'i phye ma rang gi khu ba'i nang du sbangs shing skams pa sbrang rtsi dang mar dang lde gur byas te zos na bud med 'dod pa dang ldan pa bcu la 'jug nus par 'gyur ro/ /pi pi ling dang /skyu ru ra'i phye ma rang gi khu ba dang sbangs te sha kha ra dang / sbrang rtsi dang mar dang lhan cig lde gur byas te lhags la de'i 'og tu btung bar 'o ma blud na skyes bu lo brgyad cu lon na yang lang tsho la bab pa'i skyes bu bzhin du dga' ba thob cing nus par 'gyur ro/ /shing mngar gyi phye ma zho gnyis dang mar dang sbrang rtsi cha mnyam par sbyar ba bza' zhing btung bar 'o ma blud na rtag tu 'dod pa spyod nus par 'gyur ro//kar ka ta shring gi'i phye ma 'o ma'i nang du btab pa'i skyo ma blud nas/ kha ra dkar po dang mar dang 'o ma lhan cig pa'i kha zas zos na bud med rnams la phod pa yin no/ /sman pa ya s+ya 'o ma dang bskol te ba mar dang sbrang rtsi dang bcas par bza' zhing btung bar 'o ma blud na sa bon zad mi shes par 'gyur ro//kha sral gyi 'bras bu dang / me tog gi phye ma dang / sha kha ra dang / 'o ma bzhos ma thag dron po dang sbyar ba 'thungs na lung bong bzhin du skyes bu bud med la 'jug nus so//u tsha tra'i phye ma dang nye'u shing gi phye ma yang gong ma ltar bya ste/ zho'i spris ma zla ba ltar dkar ba dang / kha ra dkar po dang / 'bras drug cu pa'i chan dang / de dag gos kyi rlung yab kyis bsil bar byas pa zos na/ rgan pa yang gzhon nu bzhin du 'dod pa la phod pa yin no/ / gze ma dang / a ga ru dang / mon sran gre'u dang / kha sral gyi sa bon dang / nye'u shing dang de rnams btags pa'i phye ma 'o ma dang lhan cig blud na rgas 'khogs pa yang bud med brgya la 'jug nus pa yin no/ /gang yang mngar ba dang / snum ba dang / nyams brta ba dang / stobs 'phel ba dang /yi gar 'ong ba dang / de dag thams cad bstan kyang ro tsa ba'i bdag nyid du bshad do/ /de lta bas na sman gong ma de rnams cho ga bzhin du byas na ni 'dod pas dregs shing bud med rnams la 'jug nus par 'gyur te/ bdag nyid kyang shugs drags pa dang / bud med yon tan dang ldan pa lhan cig bsten na dga' ba skyed do//dbang po rnams bde bar byed pa'i dpag bsam gyi shing gi myu gu dang 'dra ba dang / me tog gi mda' lnga yul la bsam pa thag pa nas dga' ba skyed pa yin no/ /'dod pa'i yul re res kyang dga' zhing tshim par byed pa'i mchog yin na bud med kyi lus la yul thams cad dang ldan pa lta ci smos te dga' ba skyed par byed pa'i mchog yin no//bud med gang gi ming tsam thos na yang snying dga' bar byed pa yin na mthong ba dang mngon sum du spyad cing tshim pa la dga' ba skyed pa lta ci smos te/ sngon ma myong ba'i bde ba thob par byed pa yin no//brtul zhugs dang sdom pa dang dbang po rnams 'dren par gyur pa'i zhags pa yin no/ /bud med kyi sgyu rtsal la mkhas shing 'jo sgeg dang ldan pa dang / lus dang na tshod kyi byin byim bud pa dang / phyir ngo tsha dang bcas shing khrel yod pa dang / dben bar grims shing bag dang bcas pa dang /tshig 'jam pa dang ldan pa dang skyes pa ji ltar 'dod pa bzhin du mngon par dga' ba'i bud med de ni skyes bu rnams kyi ro tsa ba skyed pa'i mchog yin no/ /'dir 'dod pa spyad pa'i cho ga ma lus pa ni 'dod pa bzhin du mngon par dga' ba'i bud med de ni skyes bu rnams kyis spyod pa'i bstan bcos las ji skad bshad pa bzhin du bya ste/de yang yul dang dus dang nyams stobs ji bzhin du brtags te rjes su mthun par dgag par yang bya'o/ /de la 'dod pa'i bstan bcos ni sman dpyad kyi rgyud 'di las rgya cher ma bstan to/ /bsku byug dang / lus la dril ba dang / chus blugs pa dang / dri dang / phreng ba dang / gos sna tshogs dang / rgyan gyi rnam pa dang / glu dbyangs dang / snyan ngag la sogs pa'i gtam snyan pa dang / pi wang gi sgra dang mthun zhing ne'u ldangs rang gi dbang du gyur pa'i grogs po rnams dang 'grogs pa dang / rang gi khang pa'i nang na rdzing bu nyams dga' ba yod cing de'i nang du 'jug pa dang /pad+ma'i ge sar dang / bung ba sna tshogs dang / bya lding ba dang / ri zhol thams cad snang ba'i ri'i rtse mor 'dzeg pa dang / me tog rgyas pa'i nags kyi nang du zhugs pa dag mthong na bde ba ni ljon shing rigs sna tshogs yin no/ /rna ba'i yul bde ba ni khu byug gi sgra snyan pa grag pa bzhin yin no//lus kyi bde ba'i yul ni khyad par gyi rgyan gyis brgyan pa yin no/ /sems bde ba'i yul ni g.yog 'khor thams cad dang longs spyod pa yin no/ /so rtsi dang / chang gi dngas ma dang / chung ma yid du 'ong ba dang / bdag nyid lhan cig dben par gnas pa dang / mtshan mo zla ba'i 'od la 'dug pa dang /dngos po gang dang gang gis yid tshim zhing dga' bar byed pa de dang de ni ro tsa bar byed pa yin no/ /ut+pa la'i dris bsgos pa btung ba bzhin du rang gi chung ma'i kha dri zhim pa la 'o byed cing 'khrud pa dang / tshig snyan cing yid du 'ong bar smra ba dang / mal stan yid 'phrog pa me tog sna tshogs gcal du bkram pa ni/ji ltar lcug ma ge sar bcas pa lta bu'i mal stan la nyal ba dang / sems kyi nad dang lus kyi nad gang yang med pa dang / nor gyis phongs pa med pa dang / sems kyi gnod pa cung zad kyang med pa dang / ro tsa bar byed pa'i sbyor ba thams cad dang yang ldan pa de ni 'dod pa'i steng du 'dod pa yongs su rdzogs par byed pa yin no//rims la ni gla sgang dang par pa ta phan no/ /skom dad che ba la ni bong ba tshig pa bsregs pa chu'i nang du gsur ba sbyin na phan no/ /skyugs pa la ni 'bras yos phan no/ /chu so'i nad thams cad la ni brag zhun bsngags so//gcin sri ba la ni skyu ru ra dang yung ba phan no/ /skya rbab kyi nad la 'bras bu gsum dang lcags phan no/ /rlung dang bad kan la a ru ra phan no/ /mcher pa'i nad la pi pi ling gtang ngo / /rtug pa 'gags pa'i nad la ni byi dang ga bsngags so/ /dug la ni ka sha dar zhes bya ba shri sha phan no//tshil dang rlung 'dres pa'i nad la ni gu gul phan no/ /khrag dang mkhris pa la ni ba sha ka phan no/ /tshad par 'khru ba la dug mo yungs phan no/ /gzhang 'brum la ni go phye phan no/ /dbyig dug la ni gser phan no/ /sha che zhing tsho ba la ni skyer khaN+Da phan no/ /srin bu'i nad la ni srin bu 'joms pa'i byi dang ga phan no//glo gcong skem byed la ni ra'i sha 'am 'o ma sbyin no/ /mig nad la ni 'bras bu gsum phan no/ /dreg nad la ni sle tres phan no/ /pho ba'i nad la ni dar ba phan no/ /mdze nad la ni seng ldeng gi snying po rtag tu bsten par bya'o/ /smyo byed kyi nad la ni mar rnying phan no//nad thams cad la ni ldong ros phan no/ /mya ngan gyis non pa la ni chang blud na bzang ngo / /brjed byed la ni sman bram+hi phan no/ /gnyid med pa la ni 'o ma blud na phan no/ /cham pa la ni zho dang na le sham dang sha kha ra sbyar ba phan no/ /lus rke zhing nyam chung ba la ni sha sbyin na phan no// rlung nad la ni sgog skya sbyin na phan no/ /lus rengs pa la dugs byas na phan no/ /mig dang sna dang phrag gong dang lag ngar rnams kyi nad la ni a pa marga bsngags so/ /klad pa'i phyed na ba la ni mar sar dang hwags sbyin no/ /dmu rdzing gi nad la ni rnga mo'i gcin dang 'o ma sbyin no/ / mgo nad thams cad la ni sna sman bya'o/ /khong 'bras gsar du byung ba la ni khrag gtar bar bya'o/ /kha nad la ni sna sman dang mkhur ba dgang ba'i sman bya'o/ /mig nad la ni sna sman dang mig sman dang nyams brta ba'i sman sbyar ro/ /lus 'phel zhing rgyas par byed pa la ni 'o ma dang zhun mar phan no//brgyal ba la ni chu grang mo dang rlung dang grib ma phan no/ /me drod chung ba la ni lus ngal bar bya ba dang tsha dang sge'u gsher sbyar ba thun ran par bza'o/ /lus ngal zhing dub pa la nir sna sbyin no/ /sdug bsngal 'byung ba la ni bzod pa bzang ngo / /rtsol ba drags pa la ni brtan par gnas pa phan no//gcin sri ba la gze ma phan no/ /lud pa lu ba la ni kaN+Da ka ri phan no/ /rtsib logs su zug pa la ni ma nu phan no/ /rgas sra zhing na tshod gnas par bya ba la ni skyu ru ra sbyin no/ /rma byung ba la 'bras bu gsum dang gu gul phan no/ /de ltar gong du ba shad pa de dag sman gyi mchog bsdus pa yin te nad thams cad zhi bar byed pa yin no//de yang yul dang dus dang nad kyi stobs ji lta ba bzhin du brtags te sbyar bar bya'o/ /drang srong rgyun shes kyi bu la sogs pas legs par bshad pa'i gzhung ni ngoms mi shes pa rgya cher yod mod kyi drang srong chen po gzings can dang /me bzhin 'jug la sogs pa'i drang srong rnams kyis lhan cig blo mthun par byas te 'dus na drang srong me bzhin 'jug gis drang srong rgyun shes kyi bu la the tshom bcad de zhus pa'i skabs nas bdag gis mdo'i don mdor bsdus pa 'di bshad pa yin no/ / bcom ldan 'das 'di na kha cig nad pa snying stobs dang ldan pa dang sman gyi yon tan dang nad g.yog gi yon tan dang sman pa rgan po rnams kyis lung dang mthun par byas kyang / nad kyis lus zad cing srog 'gyur bar snang ba yod/ la la ni sman dang dpyad ma byas kyang zhi bar snang ste/'on kyang phan pa dang mi phan pa'i 'bras bu'i bye brag nges pa med par snang na 'dir bstan bcos kyis zhi bar byed pa'i rtog pa ni ji zhig yin zhes dris pa dang me bzhin 'jug la sogs pa slob ma'i tshogs rnams la de nyid kyi don ma lus pa sus bshad pa de ltar gso bar byas pa dang /ma byas pa yang mnyam zhing bye brag med de/ nad gso ba'i yan lag drug cu dang mi ldan zhing gso ba ma byas kyang nad med par 'gyur ba yang yod mod kyi/ 'on kyang nad kyi 'dam bur bying ba la lag pa las 'dren pa lta bu ni sman pa yin no/ /srog 'tsho bar 'dod pa thams cad kyi 'dren par 'gyur ba ni sman yin no//'di ltar nad gso ba'i cho ga ni yal bar mi bor zhing nges par blang bar bya ste/ cho ga bzhin du byas na gsor rung ba yin no/ /de las gzhan du yal bar bor na ni gsor mi rung ba yin no/ /de bas na rgyu med par bdag nyid zhi bar 'gyur ba med do//nad gang la gong du bstan pa'i gso ba thams cad phun sum tshogs par gso bar byas na ni de 'chi bar mi 'gyur te gso bar bya ba gces so/ /de bas na gso ba'i thabs yod kyi gso ba'i thabs med pa ma yin te gso ba yod do/ / sman pa blo dang ldan pas cho ga dang ldan par gso ba byas shing sman gyi yan lag bcu drug dang ldan du zin kyang sman gyi yon tan sngon gyi las log par song ste mi 'grub pa yang yod do/ /kha cig me chu dang / dugs byas pa dang / 'khru bcad pa la sogs pa grub pa'i las byas kyang mi 'grub pa yod de/de bzhin du lus nyams brta ba'i phyir 'o ma sbyin yang skem pa dang / lus nyam chung ba la sman be'u ga sbyar yang brta bar byed pa dang / kha cig la sha dang / kha sral phre'u la sogs pa nyal phod pa'i sman bsten kyang ro tsa mi nus pa dang / kha cig la 'khru ba bcad pa'i sman byas kyang mi phan te/ nges pa med cing the tshom dang bcas pa'ang yod do/ /sngags dang rgyu med par kha cig gis dug zos kyang 'ju ba yod kha cig ni mgul pa'i nad ro hi da zhes bya bas btab ste zhi bar byed pa'i sman ma bsten kyang rang zhi ba yod de/ 'on kyang grub pa'i mtha' thams cad la dus ma yin par nges par 'chi ba yod de/ de la 'bad pa chen pos gso bar byas te/ bzung na ni ji ltar yang 'chi bar mi 'gyur ro/ /de bas na tsan+dan la sogs pa ni tsha ba 'joms par byed la/ rims la ni smyung ba dang nyams brta ba rnams bya'o//zhes sngon chad du bstan bcos dag las grags shing ming du chags pa yin te/ nad gso ba'i yan lag rnam pa bzhi 'tshogs na legs par brtags te sman sbyar zhing gso bar bya'o/ /de bas na nad kyis btab cing nyam thag cing gzir ba la ni the tshom dang bcas pa'i gso ba mi bya ste som nyi spangs la gso'o// //de ltar sman gyi rgyud 'di ni 'gro ba rnams kyi nad mngon sum du sel bar byed pa'i bdud rtsi yin te/ nad kyis 'jigs shing snang ba rnams kyi rgud pa med pa'i bsrung ba'i skud pa yin te/ gal te sman pa blo zhan pa snod ngan pa 'dra ba snying la gnas na ni de ma thag dug ha la ha lar 'gyur te/ sman dpyad kyi don ma nor bar ma shes shing log par dpyad de sman dpyad kyi yi ge tsam gtsor ston cing 'don pa dang 'chang ba de ni ring du spang bar bya ste/ ji ltar gshin rje lag na zhags pa thogs pa bzhin no//sman pa mkhas pa'i rgyud du byung ba'i lung la brten pa'i gso ba'i las la goms pa de lta bu la brten pa ni rab tu bzang ba yin te/ mkhas pa rnams kyis man ngag bzang po de lta bu la 'dod par bya'o/ /de ltar sman gyi rgyud kyi yon tan thams cad dang ldan la rgyud kyi skyon thams cad ni spangs pa yin no//gso ba'i dpyad kyi bstan bcos ma lus pa thams cad la khyab cing gnas pa yin te/ de yang drang srong chen po rnams kyi dgongs pa rgya che zhing dri ma med pa rnams kyi lugs dang rjes su mthun pa rgya mtsho chen po ltar rgya che ba'i yan lag bsdus pa'i don gnyis nye bar mtshon pa yin no//sman dpyad yan lag brgyad pa rgya mtsho dang 'dra ba las bsrubs te/ yan lag brgyad pa bsdus pa bdud rtsi'i phung po dang 'dra ba 'di phyung ngo / /yan lag brgyad pa bsdus pa de las blo zhan zhing brtson pa chung ba rnams kyi don ched du rgyud 'di logs shig tu bshad do//'di ni lung chen por grags shing mchog tu 'grub pa yin la 'bras bu mngon sum du ston pa yin te/ ji ltar sngags kyi sbyor ba grub pa bzhin no/ /'di ni spyod pa can gyi gzhung ltar don med pa ni ma yin no/ /'di 'don pa dang rtogs pa dang rjes su bsgrubs pa de ni nges par yun ring du 'tsho ba dang /nad med pa dang / chos dang / nor dang / bde ba dang grags pa yang thob par 'gyur ro/ /rgyud 'di rtogs shing 'don na ni yan lag brgyad pa bsdus pa'i don yang rtogs par 'gyur te/ rang gi gso ba'i las la goms pa'i sman pa rnams kyang sems g.yos par 'gyur na yang mngon par brtson par byas te/sman dpyad kyi rgyud rgya che ba gzhan go zhing shes pa ni ngo mtshar kyang che ste/ gal te tsa ra ka dang / sru sru ta la sogs pas bshad pa'i sman gyi rgyud shes pas ni nad rnams kyi ming tsam yang khong du chud par mi 'gyur ro/ / ci ste tsa ra kas bshad pa'i sman dpyad kyi yi ge khong du chud kyang de ni gso ba yongs su rdzogs pa ma yin te/ nges par nad kyis nyam thag pa rnams gso bar mi nus so/ /legs par shes shing rig par bya ba'i sman dpyad kyi yi ge skyes bu'i tshe'i rig byed kun gyi sngon du 'gro ba 'di la skyo ba med cing mngon par brtson pa'i mchog gis mi 'jug pa de ni shin tu gti mug pa yin no//rlung dang mkhris pa dang bad kan la til mar dang mar dang sbrang rtsi go rims bzhin du phan zhing zhi bar byed do zhes tshangs pa'am tshangs pa'i bus bshad de/ de ni rtsing ma btags par sman gyi nus pa'i bye brag bcad cing phye ba yin no//de bas na bdag gis sman dpyad kyi rang bzhin shes nas sman gyi nus pa dang khyad par zhib tu brjod pa yin te/ des na zhe sdang dang phrag dog spang zhing gang rigs pa de blang bar 'os so/ /gal te drang srong chen po tsa ra ka dang / sru sru ta dang / gzings can la sogs pas bshad pa la dad pa zhig yod de yod na yang bdag gis de'i lung ci zhig ma brjod de smras so//de bas na legs par gsungs pa'i sman dpyad gyi rgyud 'di nyams su len pa'i rigs so/ /rang gi rang bzhin tshe yi rig byed rgya mtsho las/ /snying po bzhin du bsdus pa'i cho ga 'di bshad pas/ /dge ba gang zhig rab tu bsags pa thob gyur pa//des ni 'gro ba ma lus bde ba thob gyur cig /ro tsa bar byed pa'i le'u ste bzhi bcu tham pa'o// //sman pa'i bdag po seng ge sbas pa zhes bya ba'i bu sman pa chen po pha khol zhes bya bas yan lag brgyad pa'i snying po bsdus pa las rgyud phyi ma'i gnas rdzogs te yan lag brgyad pa'i snying po las gnas drug pa ste tha ma rdzogs so//sman dpyad yan lag brgyad pa'i snying po zhes bya ba ji snyed pa'i bshad pa rdzogs so/ /ma rig dbang gis 'di dag tu/ /cung zad nongs par gang gyur te/ /gang phyir bdag nyid khong blun pas/ /mkhas pa rnams la bzod par gsol/ /gal te 'byung khungs bzang po'i gser//mngon sum snang ba 'gro la gtad/ /bod kyi lha btsan po slob dpon byang chub sems dpa' lha bla ma dz+nyA na pra b+hA'i bkas/ tshe'i rig byed kyi rgya mtsho sman dpyad yan lag brgyad pa'i snying po zhes bya ba'i bshad pa 'di 'ang bsgyur cig ces bka' stsal nas bla ma'i zhabs drung du/rgya gar gyi A tsar+ya d+harma shrI warma dang / zhu chen gyi lo tsA ba i gu dge slong shAkya blo gros kyis bsgyur cing mar lo dge slong rig pa gzhon nu dang / mnyel bcor dge slong dbyig gi rin chen dang gsum gyis tshad la phab ste mjug bsdus nas rdzogs par bgyis so// //