361a1 @##/ /rgya gar skad du/ ts+tshan+da rat+nA ka ra nA ma/ bod skad du/ sdeb sbyor rin chen 'byung gnas zhes bya ba/ gsung gi dbang phyug 'jam dpal gzhon nur gyur pa la phyag 'tshal lo/ /nang gi mtshan mo bshes bral gyi/ /nang gi nyin byed thub pa ni/ /snang ba mchog gi bdag nyid can/ /rgyal ba nyi ma
361a2 la phyag 'tshal//rang gi snyan ngag dang gzhan gyi snyan ngag rnams la ji ltar bya ba bye brag tu rtogs par 'gyur ba'i phyir bstan bcos brtsam mo/ /de la dmar ser gyi sdeb sbyor rtsa ba'i mdo dang de'i dper brjod ni rgyal ba'i lhas mdzad do/ /de dag gis mdzad du zin kyang de yon brgyad rnams kyis shin tu
361a3 dben par gyur te/de ltar ni de la prAstA ra la sogs pa rnams la mdor bsdu ba med pa dang / lci yang gi ming la sogs pa rnams la tshigs su bcad pas ma bcings pa dang / phal cher mi gsal ba nyid dang / ngo mtshar ba'i sbyor ba bstan pa yang ma mdzad pa dang / ngal bso dang / lus dang / ming gi
ming 'dres pa dang sla ba yang med do/