69a1 /'gro ba du ma la phan par gyur cig /shong ston legs bshad lde mig blangs/ /legs sbyar skad kyi gter kha phye/ /gzhung lugs rgya chen rin chen rnyed/ /legs bshad dga' ston 'gyed la dbang //[ ]@##/ /rgya gar skad du/ saM ban+d+ha ud+de sha// bod
69a2 skad du/'brel pa mdor bstan pa/ gsung gi dbang phyug la phyag 'tshal lo/ /gang zhig pha rol phyin pa rdzogs/ /gang gsung 'gro la ston par mdzad/ /bde bar gshegs pa bya ba byas/ /skyob pa de la phyag 'tshal lo/ /gang zhig bsam gtan gyis bsten la/ /ngag gi 'byor pa rnams skye ba/ /khyab bdag
69a3 bdud bzhi'i dgra ston pa//'jam pa'i dpal gyis rgyal byed shog /gang zhig yon tan brjod la chags/ /skyon dang ldan la chags dang bral/ /yon tan skyon dag 'byed mdzad po/ /gzu bor gnas de la phyag 'tshal/ /'brel ba sgra yi bstan bcos kyi/ /don mchog gces par gnas pa ste/ /rig pa bzhi la
69a4 nyer mkho ba//gsal bar nye bar bstan par bya/ /gang du don gang ti sogs dang / /ta bya sogs dang de phan nam/ /tshig sdud kyis ni bsgrub pa de/ /brjod pa de las dang por 'gyur/ /brjod pa'i don gyi grangs mchog tu/ /ti sogs rnams kyis 'dzin par byed/ /rtags grangs rnam par dbye rnams ni/ /kr-ita
69a5 dang de phan tshig sdud kyis//ming gnyis ngag gam mang po rnams/ /gal te ngag la tshogs pa na/ /yan lag tshogs pa la brten grangs/ /ti sogs dang ni khyad par la'o/ /rang bzhin nam ni rnam 'gyur dang / /gang du gnyi ga'ang brjod nyid na/ /rjod par byed pas rang bzhin grangs/ /'dzin byed rnam 'gyur
69a6 gyis ma yin//gang du khyad par khyad par can/ /lhan cig don gcig 'gyur ba der/ /rtags la sogs rnams phal cher ni/ /khyad par can rnams khyad par la'o/ /rtags dang grangs ni tha dad na'ang / /dpe dang dper bya nyid yin la/ /dpe dang dper bya nyid dag gi/ /rnam dbye gcig pa kho na'o/ /sbyar ba'ang
69a7 rtogs par bya ba la'ang //khyod brjod pa la dbus ma'o/ /de bzhin de la phyi ma ste/ /de las gzhan du dang por 'gyur/ /gal te gcig tshe bya ba dang / /dus kyi tshig rnams rtogs byed na/ /ming sogs brjod la pha rol gyi/ /skyes bu gang de byings las 'gyur/ /gang tshe don dang bral ba yis/ /khyod dang nged
69b1 dag bstan byar 'gyur//gnyis po de dag sbyor ba la/ /byings las dbus dang phyi ma min/ /'gro dang rtogs dang zas don can/ /sgra don las med rnams kyi gang / /in med la ni byed po gang / /in la yang 'di las min can/ /hr-i kr-i'i in med byed po gang / /in la yang na 'di las 'gyur/ /a b+hi bAdi sha'i 'ang / /
69b2 Ad+ma ni yul la de bzhin/ /nI khA di hwA di sha b+h+wA ya/ /krAn+da'i byed pa po de las ma yin/ /ba hi'i kha lo ba min rgyu la'o/ /b+hak+Shi'i byings las 'tshe ba min pa la'o/ /nI dang ba ha sogs kyi gtso/ /du ha sogs kyis sgrub byed de/ /in mtha' rnams kyi las mkhas blangs/ /brjod bya sbyor ba po byed por/ /brjod par bya ba
69b3 yod min la//gzhan yang las las skyes par gsungs/ /las gzhan yang dag yong ba na/ /dus sogs ma brjod na yang ngo / /gal te gang zhig khyad par can/ /ti sogs kr-i tas brjod nyid cing / /bya ba khyad par gyis ma brjod/ /de yang brjod par 'gyur zhes pa'o/ /brjod pa nyid ni tshig gzhan gyis/ /brjod pa nyid du la lar 'gyur/ /
69b4 la lar brjod pa ma brjod nyid/ /la lar ma brjod ma brjod 'gyur/ /zhes pa 'brel pa mdor bstan pa thun mong du bstan pa ste dang po'o// //pa rasmai byed pa po brjod/ /Ad ma ni tshig don gsum rnams/ /byings kun pa la ya Na 'di/ /dngos po las bsgrub pa la 'gyur/ /byings kun pa la byed pa po/ bsgrub
69b5 la rnam 'gyur thams cad rnams//a d+ya ta nI'i rnam dbye la/ /sitsa saN byed po las la 'gyur/ /tsaN aN byed pa po la 'gyur/ /i tsa phal cher dngos las la/ /shwasta nI s+ya sitsa smon la/ /iT itsa bzhin du dngos las la/ /ta ni gra hi tr-I sha dbyangs mtha' las/ tshigs bcad phyed ni bye brag bshad par bya/ /
69b6 a ti pad ti pa rok+Sha/ /a d+ya ta nI h+yastanI/ /bzhi rnams 'das pa'i dus la 'gyur/ /brta mA na da ltar la'o/ /b+ha bi Sh+ya ti smon pa yang / /de las 'byung 'gyur la 'gyur ro/ /sang la shwa sta nI rtag tu'o/ /de nyid gzhan du'ang bye brag bshad/ /cho ga sogs la bdun pa dang / /lnga pa'o bsgo dang smon lama'ang
69b7 de//sgra gzhan sbyor la rang gi ni/ /spyod yul rnams las gzhan du'ang 'gyur/ /zhes pa ti sogs bstan pa ste gnyis pa'o// //dngos las la kr-i ta rnams 'gyur/ /las dang byed por ka li ma'o/ /la lar gzhan la'ang kr-i t+ya rnams/ /kha la'i don dag dngos las la/ /A shi ta nye tshig b+hU las/ /
70a1 dngos dang byed la kha 'gyur ro/ /byed la kraM nya las khyuTa?'o/ /las la Takra sa ka kwipra kyang blta/ /k+ta 'gro ba'i don las byung la/ /dngos las bzhi byed po la 'gyur/ /gal te las med las byed pa'am/ /gzhi dang dngos dag lak+ta 'gyur/ /dngos po gzhi dang las rnams la/ /za ba'i
70a2 don las k+ta rab grags//las brjod 'dod pa med pa yi/ /byings las dngos po tsam la'o/ /sh+liSha shinya bas dzraSha as+thA dang / /dza na ru ha las pha rol/ /k+ta gsum la 'gyur de bzhin/ /rtsom la'o lhag las la bshad/ /'di yi de ma thag brjod pa/ /thams cad las kyang byed po la'o/ /dngos la mang po g+hanya?
70a3 sogs rnams//de rnams 'ga' zhig byed drug la/ /rdzas bzhin kr-ita'i dngos por 'gyur/ /des na gnyis tshig la sogs kyang / /mang por yod la'ang las ni/ /dngos don du byas kr-ita rnams so/ /gal te byed po gcig bya ba/ /gcig min de tshe sngon dus las/ /dngos lak+tA sogs so 'di la/ /bya ba pha rol de don tum/ /
70a4 wu Na tr-i tsa la sogs thams cad rnams/ /byed pa po ni brjod par bstan/ shanatr-ing+ra An dang kwan su yang / /bya ba gzhan dang ltos bcas 'gyur/ /byings don 'brel la kr-ita rnams ni/ /dus gzhan rjod par byed par 'gyur/ /snga ma phyed dang lhan cig go/ /zhes pa kr-ita mdor bstan pa ste gsum pa'o// //
70a5 don gang la ni ti sogs sogs/ /de rnams sgrub par mi byed de/ /ma brjod pa nger la sogs la/ /ji lta ji ltar gnyis pa sogs/ /las la gnyis pa rab brjod de/ /byed po byed drug la gsum pa/ /byed pa la yang de nyid 'gyur/ /bzhi pa yang dag rab sbyin las/ /'byung khungs la ni lnga pa ste/ /'brel pa
70a6 tsam la drug pa ste//las dang byed po kr-ita sbyor la/ /gnyis dag thob na byed por min/ /g+hanya sogs kyi yang na'o a ka dang / /a yig la'i gnyis ka la yang 'gyur/ /kr-i t+ya rnams kyi 'di 'drar gnyis ka la'ang / /ma yin byed po 'ba' zhig la yang na'o/ /niSh+ThA uta mtha' mi zad u ka trin/ /shan tr-i A na
70a7 kwan su 'byung 'gyur gyi//in wa Nu der tshul ki bu lon la/ /Ni ni rnams sbyor ba las de ma yin/ /dngos la k+ta'i byed por yang na ste/ /shan tr-ing brjod dwiSha'i las la yang / /kr-inya'i 'bad la kr-ita dang kun bshad la'o/ /hr-inya? gyi'ang rjes su byed la de bzhin no/ /dran dang 'tshe don dag gi de bzhin te/ /tshim pa'i don gyi
70b1 byed la'ang yang na'o//bzhi la 'jug bzhin pa yi k+ta yi/ /byed pa po dang las dag la de'o/ /bzhi la bdun par shes par bya/ /k+ta in rang bzhin gyi las la/ /bya gang bya ba'i rtags la'ang / /de las mi gus la drug pa la'ang / /nges par dgar ba la de bzhin/ /las rab brjod dang a na la/ /gnyis pa'o sa ma
70b2 ya sogs dang //u pa ri sogs a b+h+ya sta/ u b+ha yo sogs tas mtha' yis/ /gtso 'dra yongs su brje ba la/ /pra tis sbyor ba las lnga pa/ /a d+his jo bo la bdun pa/ /u pas lhag pa las kyang de/ /bri thag nA na sbyor ba las/ /gsum pa dang ni lnga pa yang / /sto ka sogs sems can min las byed la/ /
70b3 bu lon rgyu las yon tan las yang na'o/ /gang gi don du cung zad nyid gyur pa/ /yang dag rab sbyin pa las bzhi bar 'gyur/ /gang la khro ba de las dang / /na mas la sogs pa la 'di/ /'gro don rnams kyis las la lam/ /min par g.yo ba la rnams bshad/ /ma n+yi ta'i 'ang nA ba sogs/ /min la mi gus
70b4 rtogs bya na'o//r-i te sbyor las lnga pa dang / /gnyis pa yang ste 'di gnyis so/ /bi nA sbyor las de dang ni/ /gsum pa'ang khyad par du 'gyur ro/ /mtshan nyid rgyu dang lhan cig gi/ /don sbyor ba las gsum pa'o/ /he tus drug pa'o rgyu don rnams/ /saR+Wa nA mi las thams cad/ /las la sogs rnams brjod 'dod
70b5 pas//rab tu sbyor las brtag par bya/ /zhes pa kA ra ka mdor bstan pa ste bzhi pa'o// //gang du gnyis pa sogs ming dang / /pha rol tshig gis sdud pa de/ /de yi skyes bu zhes bshad gang / /pha rol de phal cher pha rol/ /khyad par can dang khyad par ni/ /gal te de gnyis don gcig la/ /de
70b6 ni las 'dzin byed pa der//phal cher sngon ma khyad par ro/ /gang zhig de phan don dang ni/ /kun sdud pa'am phyi tshig la/ /gang du grangs dang 'grang bya'i tshig /bsdus pa ba gnyis par 'gyur ro/ /gnyis dag de yi skyes bu ste/ /des na de brten bya ba'o/ /gang du gcig min gzhan don na/ /de ni 'bru mang
70b7 por brjod bya//gal te g.yul la mthun gzugs la/ /phyogs rnams min dag phyogs / /ming dag ming rnams sdud pa la/ /gzhan dang gzhan ni sbyor ba dang / /kun sdud pa la dang don dag /sdud par byed pa zlas dbyer 'gyur/ /der dbyangs rab nyung phal cher sngon/ /gnyis kyi gang zhig mchod
71a1 tha yang //gang du rnam dbye sogs la ni/ /grangs med de mi zad 'gyur brjod/ /rA mdza min dang mi min las pha rol/ /sa b+hA drug pas de yi skyes bu can/ /ma ning a shwa la brjod bya'ang / /mang po sngon ma can tshA yA/ /se nA su rA shA lA dang / /nI shA tshA ya 'di yang na'o/ /u pa kra ma u pa
71a2 dz+nyA//dang po gsal byed rtag tu'o/ /rA ta a han skyes par shes bya ste/ /a ha'ang puN+yasu da ni min las/ /grangs med la pha rol pa thA ma ning / /ku las bil sa yang na zhes par bstan/ /zhes pa bsdu ba mdor bstan pa ste lnga pa'o// //'brel pa byed drug tshogs pa dang / /dngos por rigs dang gzhan la
71a3 yang //de phan drag pa rnams bshad do/ /sdud pa'i mtha' dang grangs med pa'ang / /zhes pa de phan mdor bstan pa ste drug pa'o// //'brel pa mdor bstan pa zhes bya ba kA yas+tha tsAM ka dA sas mdzad pa rdzogs so// //stag sde ba seng ge rgyal mtshan gyi sras kyi thu bo skad gnyis smra ba rnams kyi mchog /shong
71a4 ston rdo rje rgyal mtshan gyis legs par bshad pa'i srol la brten nas legs par sbyar ba brda sprod pa'i tshul cung zad rig pa dpal ldan blo gros brtan pas/dge ba'i bshes gnyen rtogs shing dpon po dang / bde ba chos kyi bzang po la sogs pas mthun rkyen bsgrubs pa la brten nas bsgyur cing zhus te gtan la phab pa'o// //