CLOSE WINDOW

D4262
བོད་ཡིག

/ //rgya gar gyi mkhan po paN+Di ta ku mA ra ka la sha dang / lo tsA ba dge slong shAkya 'od kyis bsgyur cing zhus nas gtan la phab pa//[ ]@##/ /rgya gar skad du/ d+harma d+harmi bi ni sh+tsa ya/ bod skad du/ chos dang chos can gtan la dbab pa/ 'jam dpal gzhon nur gyur pa la phyag 'tshal lo//sdom la/ ngo bo dang ni rnam grangs dang / /de yi rgyas par dbye ba dang / /bye brag rnam gzhag nges pa'i tshig /rnam pa lnga yis shes par bya/ /de la chos dang chos can gyi rang gi ngo bo ni don rnams kyi khyad par dang khyad par gyi gzhi ste/ de yang spyir ni 'dod rgyal gyi sgra dang shes pa dang /don ston pa dang / 'jam pa'i sgra dang / shes pa'i yul lo/ /don ston pa de yang don tsam ston pa'i sgra dang / don gyi khyad par ston pa'i sgra'i tshul gnyis las sgra gnyis pa'i brjod bya'o/ /de la don tsam ston pa ni gzugs la bdag yod dam med ces the tshom za ba la mi rtag pa'i phyir ro zhes bdag med par bstan pa ni gtan tshigs mi rtag pa'i don tsam mam/dngos po tsam la the tshom za ba la mi rtag pa ni glo bur ba'o/ /ring du mi gnas pa'o zhes bya ba la sogs pa rnam grangs tsam gyis bstan pa ste/ thabs gzhan med pa'i phyir ro//der nges par gzung bar sbyar yang dngos po'i rkyen zhes te don med pa nyid yin no/ /chos dang chos can de ni tshig gi mtha' bzhi char la brten pa ste/ lung bsgo ba la sogs pa la yang skyes bu la bsgo ba la sogs pa gtsor sbyar yang chos dang chos can las mi 'da'o/ /de la ming gi rnam grangs ni khyad par dang khyad par gyi gzhi la sogs pa'o//de la dbye ba ni kun brtags pa'i chos dang yongs su grub pa'i chos las yongs su grub pa'i chos dpyad par bya ste/ de yang chos nyid dang / rnam par gzhag pa dang / gnas skabs kyi dbye bas rnam pa gsum du sbyar bar bya'o//de la chos nyid kyi chos dang / chos can ni don gzhan la mi ltos pas me'i tsha ba bzhin du chos nyid kyi grub pa ste/ de yang chos nyid de nyid pa dang / mtshan nyid pa'i dbye bas gnyis su gzung ngo / /de la de nyid pa ni bum pa la sogs pa dang / mi rtag pa dang / snam bu ma yin pa la sogs pa don gang la ji ltar grags pa de nyid yin par bsgrub pa rang gi sgras bstan pa ste/ dngos po dang mtshan nyid kyi sel ba ston pa bum pa ni bum pa nyid do/ /mi rtag pa ni mi rtag pa nyid do/ /snam bu ma yin pa nyid ni snam bu ma yin pa nyid do zhes bya ba la sogs pa lta bu'o/ / de la bum pa ni zhes bya ba'i chos can gyi sgra ni bkar ba dang rnam par gcod pa'i mtshams sbyor ba'i rkyen can gyis ni khyad par gzhan mi spong ba yin la/ bum pa nyid do zhes bya ba'i chos can gyi sgra ni bkar ba dang rnam par gcod pa yin gyi rkyen can yin pas khyad par gzhan spangs pa ste/ des na bum pa bum pa nyid yin par bstan pas dngos po'i khyad par gzhan snam bu la sogs pa rigs mthun pa las ni bkar/mtshan nyid kyi khyad par gzhan bum pa ma yin pa rnam par gcad de spangs pa yin no/ /des ni dngos po dang mtshan nyid gzhan dang ma 'dres pa bsal ba byas pa yin no//de yang lung bstan pa nye bar bstan pa'i mtha' can no/ /chos nyid mtshan nyid pa ni sgra gzhan gyis don gyi khyad par ji ltar grags pa de las gzhan pa bstan pa ste/ bum pa mi rtag pa dang / byas pa dang bdag med pa la sogs par bstan pa'i yul lo/ /snam bu ma yin pa dang / rtag pa ma yin pa la sogs pa yang sbyor te/de yang dgag bya la ltos pas rnam par gzhag pa'i chos yin gyi gzhan nyid kyi chos ni ma yin no/ /des na mi rtag pa la sogs pa yang mtshan nyid tsam du grub kyi/ bum pa ni 'bru yod ces bya ba la sogs pa ltar bsgrub par bya ba la ltos pa ni ma yin no/ / ci'i phyir mtshan nyid pa zhes bya zhe na/ spyi dang rang gi mtshan nyid des dngos po de mtshon par byed pa'i mtshan nyid kyis gzhag pa'i phyir ro/ /mtshan nyid de yang ltos pa'i bye brag gis khyad par gcig kyang gnyi ga'i bdag nyid yin no/ /chos nyid mtshan nyid pa la sogs pa 'og nas 'byung ba'i sgra rnams la nges par gzung ba'i rkyen rnam par gzhag pa ni gsal ba'i bye brag gis te/nyan pa po'i bum pa la sogs pa'i don la mi rtag pa tsam du grub kyang rtag pa'i lhag ma lus par dogs pa la chos kyi sgra la nges par gzung bar byas pas rang dang mi ldan pa dang / chos gzhan dang ldan pa rnam par gcad pa byas pa yin no//gang gi tshe bum pa la lto yangs pa mgrin pa zhum pa tsam du grub kyang snod gzhan la yang mtshan nyid de srid par dogs pa'i tshe chos la nges par gzung bar sbyar bas chos de chos can gzhan dang ldan pa dang / rang dang mi ldan pa'i lhag ma lus pa rnam par gcod pa yin te/ de dag ni de la phan pa'i rkyen can zhes bya'o//gang gi tshe 'dod pa de dag med pa'i tshe ni gnas gnyi gar nges par bzung ba sbyar yang dngos po'i rkyen tsam ste don med pa nyid do/ /chos nyid mtshan nyid pa de yang gnyug ma dang glo bur ba'i dbye bas gnyis su gzung ste/ gser gyi kha dog ser ba nyid dang / g.ya' sngon po lta bu'o//ci'i phyir glo bur ba yin zhe na/ me la sogs pa'i gzhan bsten pas rang gi byed pa las 'das shing mtshan nyid de las grol bar 'gyur ba'i dor bar bya ba nyid yin pa'i phyir ro/ /cig shos ni de las bzlog pa yin no/ /glo bur ba de yang kha cig tu ni grub pa dang bde ba thog ma dang tha ma gnyis ka nyams pa las shes par bya ste/chu'i rnyog ma bzhin no/ /kha cig tu ni bde ba nyams pa tha ma zhig las shes par bya ste/ gser gyi g.ya' 'am lcags kyi tsha tsha bzhin no/ /rnam par gzhag pa'i yang dmigs pa rnam par gzhag pa dang / don rnam par gzhag pa gnyis su gzung ngo //de la dmigs pa rnam par gzhag pa ni dmigs pa 'jug ldog go/ /don rnam par gzhag pa ni don 'jug ldog ste/ de dag glo bur gyi khyad par 'ga' zhig la ltos pas grub pa yin no/ /de la dang po ni dmigs pa po shes pa ltos pa yin la/ gnyis pa ni 'brel zla dang 'gal zla'i don la ltos pa'o//de nyid kyis na don rnam par gzhag pa zhes don bye brag tu bya'o/ /dmigs pa rnam par gzhag pa yang de dmigs pa dang / de la dmigs pa'i dbye bas gnyis su gsungs te/ dmigs pa de yang bum pa la sogs pa nyid dngos su myong bas dmigs pa dang /ma myong yang ma bskal bas dmigs par gzhag la/ ma myong yang ma bskal bas dmigs pa de ni ma bskal yang ma myong ba la ltos pas mi dmigs par yang gzhag go/ /gzhan yang bskal ba gsum gyi bskal ba de yang bskal bas mi dmigs pa'i chos su gzhag /de la dmigs pa dang mi dmigs pa yang / sa phyogs kyi bye brag la sogs par bum pa la sogs pa dmigs pa 'jug pa dang ldog pa yang snga ma bzhin no/ /de dag ni mngon sum dang rjes su dpag pa'i dbye bas ci rigs su gzung ngo / /rjes su dpag pa'i ma bskal ba ni rang bzhin phra ba las bzlog pa tsam mo//don rnam par gzhag pa'i yang rdzas dang yon tan gyi dbye bas gnyis su sbyar te/ de la rdzas zhes bya ba ni don dang shes pa dang 'brel pa'i don rnam pa gnyis gzhan la ma ltos pas bsgrub nus pa rgyu rkyen tshogs pa las byung ba'i bum pa la sogs pa 'dus byas kyi dngos nyid yin la/de la brten pa'i chos dang chos can ni rdzas kyi chos dang chos can no/ /yon tan ni 'dus byas de dag gi mtshan nyid mi rtag pa la sogs pa'i khyad par gos par byas pa rnams te/ de gzhir gzhag pa'i chos dang chos can rnams ni gnyis pa'o/ / 'o na gzugs dang sgra la sogs pa gang gis bsdus she na/ 'dir yon tan gyis bsdus pa ste/ bum pa la sogs pa la brten pa'i khyad par yin pa'i phyir ro/ /de yang rdzas kyi chos su sbyar ba'i tshe ni chos nyid kyi chos dang chos can du 'jog ste/ rang gi ngo bos grub pa de dag ci rigs su gzung ngo //'dir yang rtsod pa smra ba gzhan sgra dang dri la sogs pa rlung dang tsan+dan la sogs pa las yul rnam par chad pa na gnas pa'i phyir rdzas nyid du gzung ngo zhes 'dod do/ /de yang rigs pa ma yin te/ sgra yang dung la sogs pa la yul gzhan pa mi gnas par mngon sum gyis grub pa yin la/dri yang rlung la tsan+dan la sogs pas bsgos pa nyid kyi yul gzhan na dmigs pa ste/ dngos po la ma ltos par rang grub pa ni med do/ /de bas bum pa'i dkar ba dang / zlum pa la sogs pa 'jam pa dang rtsub pa'i bar du rdzas de'i yon tan du gzung bar bya ste/ rdzas su ni ma yin no//kha cig tu dbang po tha dad kyi yul yin pa'i phyir dngos po tha dad pa'o zhes zer na/ de yang rigs pa ma yin te/ dbyibs la sogs pas ma nges pa dang tsan+dan dang dung la sogs par ma bzung bar gud du bzung bar mi nus pa dang / kha cig tu yon tan so sor nges pa la dmigs pa yang dbang po rnams kyi nus pa so sor nges pa'i phyir ro//kha cig na re de dag gi khyad par shes pas 'dod pa'i tshe na rnam par gzhag pa'i chos can no zhes kyang zer ro/ /de la rdzas kyi chos dang chos can gyi don du 'jug pa dang ldog pa de yang yod par bsgrub pa dang med par dgag pa dang /yin par sgrub pa dang ma yin par dgag pa'o/ /yod par sgrub pa ni khyad par gzhan dang ldan pa bsgrub pa ste/ dngos po khyad par gzhan dang ldan pa dang / rang gi chos kyi khyad par gzhan dang ldan pa'o/ /de la dngos po gzhan dang ldan pa ni bum pa na 'bru yod/ nor yod/ 'o ma yod/ mar yod do zhes bya ba la sogs pa yin la/ de dag gi med par dgag pa yang de nyid do/ /rang gi khyad par ldan pa ni bum pa la yang lung yod/ ri mo yod/ dri ma yod ces bya ba la sogs pa yin te/ de dag med par dgag pa'i yang de snyed do/ / bsgrub par bya ba de dag dang dgag par bya ba de dag ni 'brel pa'i zla ste/ de dag la ltos nas grub pa de dag kyang rkyang pa yang yin la/ srid pa'i dgag pa dang / sgrub pa yang yin no/ /gzhan mi srid pa'i sgro 'dogs pa dgag pa bum pa la shes pa la sogs pa yod par sgro 'dogs pa mi srid pa'i sgro 'dogs pa dgag pa 'di yang yongs su grub pa yin pas 'di sbyar la/grub pa ni kun brtags pa kho na yin pas mi gzung ngo / /yin par sgrub pa yang srid pa dang mi srid pa gnyis so/ /de la srid pa yang 'gal zla la ltos par sbyar ba dang / 'brel zla la ltos pas rkyang pa dbye bas gnyis so/ /de la 'gal zla la ltos pa ni bum pa'i bzang po dang ngan pa dang chen po dang chung ngu la sogs pas chos 'gal zla'i dngos po re re la ltos na re re grub la/gnyis la ltos na 'gal ba'i chos gnyis 'grub pa'i phung po gsum pa yang 'grub ste des na sbyar ba zhes bya'o/ /de bzhin du bzang po ma yin pa dang ngan pa ma yin pa la sogs pa ma yin par dgag pa phung po gsum pa'i bar du 'grub par sbyar bar bya'o//yin par bsgrub pa dang ma yin par dgag pa'i 'brel zla la ltos pa rkyang pa ni bya ba'i chos te/ de yang rgyu dang 'bras bu la yod pa dang / byas pa po dang las la yod pa'i dbye bas rnam pa bzhir 'gyur te/de la rgyu dang byed pa po la ltos pa'i bya ba ni 'bras bu dang las la ltos nas dbye'o/ /'bras bu dang las la yod la ltos pa'i bya ba'i chos ni rgyu dang byed pa po ltos par grub cing dbye ba'o/ /de rgyu le yod pa'i bya ba'i chos ni bum pa dang dpal dang 'byor pas skyed par byed ces bya ba la sogs pa lta bu'o//byed pa po la yod pa'i bya ba'i chos ni bum pas chu 'chu/ 'o ma 'chu/ 'bru 'dzin/ nor 'dzin zhes bya ba la sogs pa lta bu'o/ /'bras bu la yod pa'i bya ba'i chos ni bum pa sa las gyur pa nyid dang / zangs las gyur pa nyid dang / mes btsos pa la sogs pa lta bu'o//las la yod pa'i bya ba ni bum pa 'di spyad par bya/ bcang bar bya/ sba bar bya/ tshogs par bya/ spyug par bya zhes bya ba la sogs pa lta bu'o/ /bya ba'i chos dang chos can de la yang gang gi tshe rgyu dang byed pa po'i gtso bo'i chos can du sbyar ba'i tshe ni 'bras bu dang las las chos bye brag tu byed pa'i chos can zhes bya la/gang tshe 'bras bu dang / las gtso bo'i chos can du sbyar ba'i tshe ni cig shos gnyis po bye brag tu byed pa'i chos can du sbyar ro/ /de dag ma yin par dgag pa yang dgag bya la ltos pa de nyid du sbyar ro/ /gzhan mi srid pa'i bum pa la snam bu re lde ka ba la sogs pa'i ngo bor sgro 'dogs pa ni kun brtags pa yin la/de dag dgag pa ni yongs su grub pa'i chos nyid du gzung ngo / /gsum pa gnas skabs kyis ni gnas skabs nyid yin pa'i phyir chos nyid kyi grub pa yang ma yin la/ don gzhan la ltos pas kyang ma yin pa/ bum pa'i nyal ba dang /langs pa dang / kha bub dang / gan rkyal la sogs pa'i chos re re zhig tu gzung ngo / /chos kyi grangs rab tu dbye ba ji snyed pa chos can gyi grangs kyang de snyed du 'gyur te/ chos can gcig ces bya ba ni khyad par gzhan mi spong ba'i sgra gcig gis brjod pa yin pa dang / dngos po cha shas med pa gcig la chos can du zhen pa'i bsam pas sbyar ba'i ngor byas pa tsam du zad do//bye brag rnam par gzhag pa ni chos dang chos can gyi dang / chos nang gi dbye ba gnyis su dbye'o/ /chos dang chos can gyi bye brag la chos nyid de nyid pa'i chos dang chos can gyi shan ni/ sgra gcig gis bstan pas khyad par gzhan spong ba dang /mi spong ba'i sgra'i shan 'ba' zhig tu zad de/ de las don gzhan mi srid pas don gyi khyad par gzhan spong ba dang mi spong pa'i shan ni kun brtags kho nar zad do/ /lhag ma chos nyid kyi mtshan nyid pa dang gnas skabs pa'i chos nyid dang /chos can gyi bye brag ni sgra tha dad kyis byas pa'i khyad par gzhan spong ba dang mi spong ba'i sgra'i shan dang / don gzhan srid pa nyid kyis na don gyi khyad par gzhan spong ba dang mi spong ba'i shan dang / khyab che chung gis byas pa'i ldog pa'i tha dad kyi shan dang gsum ste/ de las chos dang chos can gyi khyad par gyi gzhi yin pa'i phyir/khyad par gzhan spong ba dang mi spong ba'i chos dang / chos can bye brag tu byed pa'i gtso bo yin no/ /rnam par gzhag pa'i chos rnams dang chos can gyi bye brag ni sngar smos pa gsum pa gsum gyi steng du chos rnams ni don gzhan la ltos pa yin la/chos can ni ma ltos pa ste/ der yang bye brag tu byed pa'i gtso bo ni sngar bshad pa yin no/ /dngos po dngos kyi dbang du byas na chos nyid kyi chos dang chos can ni gcig kho nar yongs su grub pa yin pas shin tu gcig pa nyid yin te/ tha dad pa'i blos bslad pa yin no/ /skabs 'dir blos tha dad du 'dzin pa'i rten ni yang dag par chos can gyi sgra ni gcig nyid yin la/chos kyi sgra ni du ma yin te/ des na gcig dang du ma'i sgra tha dad kyis byas pa yin no/ /rnam par gzhag pa'i chos dang chos can ni don gzhan la mi ltos par dngos po dngos kyis yongs su grub pa med pas dngos po dngos kyi dbang du byas na kun brtags pa kho na ste/gzhan la ltos pa'i phyir blos gzhag pa kho nas zad do/ /gnas skabs kyi chos kyang gnas skabs nyid kyis yongs su grub pa yin pas gnas skabs tsam du gzhag go/ /chos nang gi bye brag la chos nyid kyi chos rnams ni 'o ma'i yon tan dkar ba dang /mngar ba dang / 'jam pa rnams dung dang / ka tsa lin da dang / sbrang rtsi la sogs pa'i spyod yul tha dad kyi dngos po rnams la 'jug pa dang / ldog pa mthong nas 'o ma la yang yon tan de dag tha dad du blos bzung ba yin te/ de lta bu'i ngo bo gcig pa zhes bya la/dngos po dngos kyi dbang du byas na 'o ma gsal ba'i rang bzhin tha na yul dang dus la sogs pa tsam gyis kyang gsal ba gzhan gyi rjes su 'brang ba de la yon tan de dag shin tu gcig pa yin no/ /rnam par gzhag pa'i chos rnams ni 'brel zla dang / 'gal zla la ltos pa'i tha dad kyis tha dad par byas la grangs kyang de'i grangs byas pa yin no//mi srid pa'i sgro btags pa rnams kyang dgag pa ltos pa tha dad kyis byas pa yin no/ /gzhan dag ni chos nyid kyi chos mi btags pa la sogs pa dang / dmigs pa dang mi dmigs pa dang bum pa na 'bru yod par ldan par bsgrub pa dang /'bru med par ldan par dgag pa la sogs pa chos thams cad mi rtag pa yin pa dang / dmigs pa ma yin pa dang / ldan pa ma yin pa dang bral ba ma yin pa la sogs pa la ltos pas bye brag rnam par gzhag go zhes zer na/ de yang mi rung ste/ mtshan nyid 'gal ba bzlog bya de dag rnam par gcad pa rnam par gzhag pa ni blo'i sal bas mtshan nyid de dag mtshon par rnam par gzhag pa yin gyi/ mtshan nyid 'gal ba rnam par gcad pa de dag chos 'gal ba de dag 'grub par byed pa ni ma yin pa'i phyir ro/ /de dag kyang grub par byed pa ni sngar bshad pa rnams kho nar bzung ngo //dngos po dngos kyi dbang du byas nas chos de dag las chos nyid kyi chos rnams ni shin tu gcig pa yin la/ rnam par gzhag pa'i chos rnams ni ri bong gi rwa lta bur med pa nyid yin pa ni chos dang chos can gyi skabs su bshad pa yin no/ /gnas skabs pa nyid kyang gnas skabs pa nyid du blta bar bya'o//nges tshig gzhan la brten pas na chos de dag dang ldan pas na chos can te/ bum pa la sogs pa'i rdzas ma gtogs par mi rtag pa la sogs pa'i yon tan gud du gzung bar mi nus pas na gzhan la brten pa zhes bya'o/ /chos dang chos can gtan la dbab pa slob dpon dze tA ris mdzad pa rdzogs so/