302b1 lo tsA ba blo ldan shes rab kyis bsgyur ba'o// //[]@##/ /rgya gar skad du/ pra ti ban+d+ha sid+d+hi/ bod skad du/ 'brel ba grub pa/ thams cad mkhyen pa lta ba'i thibs po sel bar mdzad pa la phyag 'tshal lo/ /de nyid shes tshul don nges mngon
302b2 sum mtshan la de lam rjes zhugs kyis//mu stegs can ngan bsal bas rgyal phyir gang gi rgyal rnga rgyal chen nam/ /dam pa'i tshul lugs brjod pa'i bdag 'di gnod med nges par rab bsgrags pa/ /bde bar gshegs pa de la rtag tu rtse gcig blos ni phyag 'tshal lo/ /tshad ma
302b3 las don grub na yang //tshad ma de nyid las ma yin/ /'on te de grub ltos med na/ /de yang grub phyir bsgrub bya min/ /gnod bral rab grub nyams myong dang / /gzhan yang rtag min de yi ni/ /yan lag nyid kyi rang bzhin ni/ /thob la ltos pa med phyir ro/ /dngos rnams tshad ma tsam
302b4 gyis ni//bsgrub byar gnas na gang ji snyed/ /de ni de lta nyid 'grub phyir/ /ltos pa byas pa don med 'gyur/ /rtogs pa'i rang gi ngo bo ni/ /gang zhig ji ltar nyid du 'thad/ /'thad pa'i sgrub byed can gyi ni/ /'jal byed gzhal bya rnam par gnas/ /de yi rten ni mkhas rnams kyi/ /
302b5 'brel pa yin brjod de yang ni/ /dngos tha dad med spangs byas te/ /chos gcig bdag nyid can bdag yin/ /don rnams dngos tha dad med kyang / /de ji lta ba de ltar ni/ /rtogs min ji ltar rtogs de ltar/ /de min 'khrul ba dmigs phyir ro/ /de phyir chos bdag can gyi chos/ /thams
302b6 cad du ni bdag bzhin gzhan//spangs nas gnas pa thob min te/ /de nyid las 'di de ltar 'gyur/ /gcig la gzhan de'i bdag nyid dam/ /gzhan yang yod min khyad med phyir/ /de lta'i ngo bo'i chos gzhan der/ /de nyid dang ni rjes 'brel 'gyur/ /de gzhan gyur pa bkag pa'i phyir/ /yang
302b7 dag sbrel pa'i blo yis kyang //'brel pa brjod pa ma yin te/ /gcig la 'gyur de'ang don med can/ /kun bdag nyid phyir tshad ma yis/ /yul 'das rig par 'gyur min la/ /med na mi 'byung gnod med la/ /med yin rgyu 'bras de lta min/ /spyi ni lan cig mthong ba na/ /thams cad lan gcig
303a1 min pa min//mngon sum la ni brten pa'i phyir/ /rjes dpag la yang de rtogs min/ /gzhan du mi 'thad pa yang ni/ /mi 'khrul rtogs byed ma yin te/ /'gal dang mi 'khrul pa dag ni/ /med pas la lar srid phyir ro/ /de phyir 'di ni gang du yang / /tshad ma'i rtsa ba brten min te/ /
303a2 chos gzhan bdag nyid can chos las/ /rnam par dpyad pas nges pa yin/ /rang bzhin gzhan nam rnam dpyod pa'ang / /chos gzhan dag gis blo la ni/ /chos gcig bdag nyid can shes pas/ /rgyu min rang bzhin nyid kyis min/ /de de nyid phyir de rtogs na/ /de bzhin de blo de ltar/ /
303a3 'gyur/ /chos tha dad par nges phyir na/ /'jug pa gzhan dang ldan pa yin/ /dngos rtogs las te tshad yin phyir/ /dngos po 'thad pa las 'gyur zhing / /tshad las kyang de ni 'grub phyir/ /tshad ma 'thad pa las 'gyur nyid/ /de phyir chos bdag can chos dang / /chos
303a4 gzhan 'gal ldan de lta zhes//gzhan las 'gyur min de yi ni/ /rang bzhin las ni brten par 'gyur/ /dngos las dngos grub mthar thug pa/ /tsam zhig 'di ni nyer bstan gyi/ /de grub pa la rag las phyir/ /de grub min des sgrub byed min/ /don gyi de nyid nges pa
303a5 yi//blo 'di dngos la rten pa na/ /des gzhag don la tshad 'gyur gyi/ /'ga' yang de ltar min pa min/ /bstan bcos de der dngos po la/ /mkhas pas 'jal dang gzhal bya yi/ /gzhag 'di de yi rang bzhin nyid/ /nges rtogs las skyes yin zhes bya/ /'brel pa grub
303a6 pa slob dpon mkhas pa chen po bram ze'i rigs su sku 'khrungs pa chos kyi grags pa gnyis pa zhes 'jig rten na gtam du grags shing rtog ge ba phal pa'i gzhung 'jig pa dang /thogs pa med par don gyi de kho na rnam par 'jig pa'i blo'i mthu stobs kyi 'gran zla
303a7 dang bral ba/bde bar gshegs pa'i bstan pa la gces spras su 'dzin pas legs par bshad pa'i ro myang ba la sems rtse gcig tu gzhol ba dge bsnyen dam pa shaM kar n+lan das mdzad pa rdzogs so/ /paN+Di ta skal ldan rgyal po dang / lo tsA ba blo ldan shes rab kyis bsgyur ba'o// //