CLOSE WINDOW

D4256
བོད་ཡིག

/ //[]@##//rgya gar skad du/ A po ha sid+d+hi/ bod skad du/ sel ba grub pa/ thams cad mkhyen pa la phyag 'tshal lo/ /kun mkhyen 'khrul bral dus gsum gnas pa yi/ / don rnams ji bzhin gzigs pa la btud de/ /brtse la gnas nas sel ba la brten pa'i/ /bdag gzhan rab tu smra ba'i 'khrul bsal bya/ /sel ba gzhan gcod don la ni/ /sgrub pa med pa las byung ba'i/ /shes pa'i bya ba de rnam gnyis/ /de dag la ni brjod pa yin/ / sgrub pa dang rnam par gcod pa dag gi don la shes pa bya ba gnyis dang ldan pa yin pa'i phyir sgrub pa'i bdag nyid kyi byed pa med na zla ba gnyis la sogs pa'i shes pa bzhin du don la rnam par rtog pa rnams 'bras bu med pa nyid ni ma yin te/ rnam par gcod pas 'jug pa'i phyir ro/ / rnam par gcod pa nyid ni gzhan sel ba yin no/ /de la sgrub pa myong nyid rnam gcod ni/ tha dad dngos po la rnam par shes pa'i bsgrub pa'i bya ba ni don myong ba nyid bya ba yin la/ rnam par gcod pa ni rang bzhin gzhan du gyur pa dang 'dres pa tha dad pa'o/ /'di ltar de ni rang rgyu las//byung yang sgro btags pa las ni/ /gzhan du gyur pa bsal bya yin/ /don rnams rang gi rgyu las tha dad par sgrub pa yin yang dngul la sogs pa'i shes pas nya phyis la sogs pa dag la bzhin du sgro btags kyi rang bzhin gzhan sgro btags pas tha dad pa med par byas pa dag rnam par gcod par byed pa'i shes pas tha mi dad pa sel bar byed do//ji ltar na shes pa 'khrul pa'i dbang gis de lta bu'i ngo bor gyur pas rnam pa de lta bu ma yin pa'i don yang de ltar 'gyur zhing / gang gis sgro btags pas don rnams tha mi dad par 'gyur zhe na/ don nyid de ltar gyur par ni mi smra ste/sgro btags pa nyid med par thal ba'i phyir ro/ /'on kyang / don la shes pa'i byed yod pa/ /de la cung zad byas pa med/ /shes pa bzhin du der yang ni/ /rtogs pa'i 'bras bu la ltos yin/ /don la rtogs pa 'jug pa na/ /phyi rol gyi don la ni cung zad byas pa med pa nyid de/de la 'ga' zhig yod pas rang bzhin gyis khyad par grub pa med pa'i phyir ro/ /gal te shes pas don rtogs par byed pa'i phyir ji ltar cung zad kyang mi byed pa nyid ce na/ ma yin te/ rtogs pa zhes bya bas ni rtogs pa po nyid kyis ci zhig ltar gyur pa brjod pa yin gyi don gyi ngo bor gyur ba'i khyad par ni/'ga' yang ma yin pa'i phyir/ rtogs par byas pas don la 'ga' zhig byas pa ni ma yin no/ /don rig pas don yul du byed do zhe na/ yul du byed pa zhes bya ba rang bzhin gyi khyad par sgrub pa ni ma yin no/ /ci ltar mi sgrub/ gang gi phyir gsal bar byed pas dngos po gsal bar byed do zhe na/gal te de lta na gzhan rtogs pa'i don du gzhan gyi dbang po la sogs pa'i byed pa la mi ltos par 'gyur te/ dper na byas pa yang gzhan gyis mi byed pa bzhin no/ /don gyi bdag nyid thams cad la thun mong yin pa'i phyir gsal ba'i bdag nyid kyang tha dad pa med par thal ba'i phyir ro//'o na ci ltar don la 'jug ce na/ de la brten nas rtogs pa po la 'bras bu grub pa'i phyir ro/ /de'i phyir ci ltar rtogs pa po de ni khong du chud pa don la bya ba 'jug pa yin pa de bzhin du rnam pa gzhan du 'gyur ba yang yin no//'di ltar/ de yi ngo bo ma spangs par/ /ngo bo gzhan rig byed pa de/ /rnam gzhan 'bras can don rnams ni/ /rnam pa gzhan du rig phyir ro/ /nya phyis la dngul du shes pas nya phyis kyi rang bzhin gyi yul yongs su spangs nas gam du dngul rtogs par byed pa ni ma yin gyi/ 'on kyang nya phyis kyi rang gi ngo bo'i yul non pas nya phyis kyi rnam par rjes su zhugs pa bzhin du rtogs so//de'i phyir nya phyis 'di la dngul nyid du rtogs par byed do zhes brjod do/ /de bzhin du 'di rtogs par byed pa na rtogs pa po la gzhan rnam pa gzhan gyi ngo bor byed pa'i phyir de la 'dis de tha mi dad pa'i 'bras bu yin no//de lta ma yin na nya phyis kyi rang gi ngo bo mngon sum yin yang mi snang bar mi 'thad do/ /de'i rnam pa 'dres pa tha dad pa med pas na shes pas rtogs pa po la rnam pa gzhan du gyur par byas pas na rang gi ngo bo so sor mi snang bar 'thad pa yin no/ /gal te don gzhan gyi ngo bor rtogs par byed kyi rnam pa gzhan du byed pa ni ma yin pa ma yin nam zhe na/lha rnams dga' ba rang gis smras pa yang nges par mi zin pa ni khyad du gsad par bya ba nyid de/ tha dad pa med par phyed pa ni gzhan du rtogs par byed pa la khas blangs pa'i phyir ro/ /de'i phyir des rtogs pa po la don tha mi dad par byas so zhes brjod kyi/dngos po la ni ma yin no/ /'di'i de tha dad pa med par byed pa'i 'bras bu ni de nyid la yin gyi dngos po la ni ma yin te gzhan du rtogs pa nyid kyis don bsre bar byed pa'i rang bzhin yin pa'i phyir ro/ /de bzhin de ni de nyid la/ /bsal ba rnam dpyod blo 'bras yin//de ji ltar shes pa'i don gyi khyad par du byed pa'i rtogs par byed pa ni 'jal bar byed pa po la yin gyi don la ni ma yin la/ sgro 'dogs kyi 'bras bu gzhan du rtogs pas tha dad pa med par byas pa yang de nyid la yin pa de bzhin du rnam par gcod pa'i blo'i dgos pa de las gzhan du gyur pa nyid bsal ba yang 'jal bar byed pa po nyid la yin no//shes pa lta bur sgrub pa'i 'bras bu dang / rnam par gcod pa'i gzhan las tha dad pa de yang rtogs pa po la yin no/ /rang bzhin gzhan du rtogs par bya ba'i dngos po de'i rang bzhin dang tha mi dad par gyur pa rtogs pa po'i de nyid du rtogs pa bzlog pas de las ldog pa gang yin pa de/gal te bzlog nas rang gi ngo bo rtogs pa de lta na yang bzlog pa yang rtogs pa yin pa'i phyir/ gnyis po 'di bya ba yin te/ sgrub pa dang rtogs par khyad par med pa'i phyir ro/ /tha dad par byed pa nyid ni rnam par gcod pa'i byed pa thun mong ma yin pa yin no//des na gal te rtogs par gyur pa yang ldog pa'i sgo nyid nas 'jug pas khyad par can du gyur pa yin no zhes kyang bstan par bya'o/ /de'i phyir tha mi dad pa sel ba nyid don la rnam par gcod pa'i blo'i dgos pa'i gtso bo yin no/ /de'i phyir gcig na'ang tha dad phyir//don rig pa las nyams pas na/ /blo don tha dad gcig la ni/ /'khrul pa tha dad srid phyir ro/ /gang gi phyir don la don gyi mthar thug pa'i shes pa'i byed pa sgrub pa dang / rnam par gcod pa gnyis yin pa de'i phyir don rig pa'i bdag nyid can sgrub pa'i byed pa nyams pa na/sngon po la sogs pa'i shes pa dag rnam par gcod pa'i don nyid kyis don la 'jug pa yin gyi ngo bo rtogs par bya ba'i don du ni ma yin no/ /yang ji ltar na don rig pa med ce na/ de yod na shes pa de don ci lta ba de lta ba nyid du thal bar 'gyur ba'i phyir ro/ /'di ltar gang zhig gang rig par byed pa de/gal te de'i rang bzhin ma yin par rig par byed na ni de rig par byed pa ma yin pa nyid du 'gyur te/ dung ser por shes pa la sogs pa bzhin no/ /rnam par rtog pa'i shes pa ni don tha dad pa med na yang tha dad pa'i rnam pas 'jug ste/ ba lang dkar po rags mo thung ngu zhes bya ba lta bu'o//de bzhin du ba lang ba lang zhes khra bo la sogs pa la blo tha mi dad na yang / de thun mong ma yin pa nyid kyis tha dad pa'i phyir ro/ /de'i phyir don la tha dad pa dang 'dres pa dag tu rtogs par byed pas de'i rtogs pa'i byed pa bsal bar gyur pa/'di ci srid du byed pa gzhan dang ldan pa bsal bar ma gyur gyi bar du da rung yang dngul la sogs pa'i shes pa bzhin du zla ba gnyis la sogs pa'i nang du gzhug par mi bya'o/ /dngul gyi blo ni nya phyis rtogs pa'i byed pa dang bral yang nya phyis nya phyis ma yin pa las tha dad pa la byed pa yod pa ma yin no//des na de'i ngo bo la ma rig par don la sgro 'dogs pa'i rang bzhin can 'di 'khrul pa kho na yin pa de bzhin du sngon po la sogs pa'i shes pa ni de lta ma yin te/ rnam par gcod pa'i 'jug pa grub pa'i phyir te/ de ni 'di'i shes pa dang rjes su mthun pa'i phyir ro//de bzhin du cha med pa nyid kyi don gyi rang bzhin tha dad pa med pa'i bdag nyid yin na yang / de thun mong ma yin pa'i phyir dang / gang dang gang las de thun mong ma yin pa de dag kyang mang po'i phyir de la 'khrul ba tha dad pa mang po skye bar 'thad pa yin te/ de ni zlog pa sgro 'dogs pa'i bdag nyid can yin pa'i phyir dang /de dag kyang mang po nyid yin pa'i phyir ro/ /yang dag pa'i shes pa ni cha med pa la rnam pa du mar snang bar mi 'gyur gyi phyin ci log ni ma yin no/ /de'i phyir 'khrul ba sel ba nyid kyis don tha dad pa can dag ni gcig la ste/ tha mi dad par 'gyur ro//'khrul ba tha dad pa dag ni shes pa tha dad pa dag kho nas bzlog pa'i phyir ro/ /de'i phyir don tha mi dad na yang shes pa tha dad pa thun mong ma yin pa'i 'bras bu can rnams rnam par gcod pa'i don can nyid kyis phyin ci ma log pa yin yang 'jug par 'gal lam/ phyin ci ma log pa de yang gang yin zhe na/dper na sgrub pa don ci lta ba de ltar shes pa de bzhin du rnam par gcod pa yang don ji lta ba kho nar zlog par byed pa yin te/ dngul la sogs pa'i shes pa ltar log pa ni ma yin no/ /de bzhin du rang gi mtshan nyid rnam pa tha dad pa la 'khrul ba tha dad pa ni khyad par te/skabs kyi tha dad pa la ltos pa nyid do/ /de yang gal te tha dad pa de dag la tha mi dad par 'gyur ba de ltar na 'gyur ba yin no/ /de'i phyir na bdag nyid tha dad pa'i khra bo la sogs pa so so re re zhing ba lang ma yin pa'i sgro 'dogs dang 'brel pa dag la de bzlog pa'i phyir pa lang gi shes pa gcig 'jug pa srid pa yin no//de dag la yang dag pa'i shes pa ni rang bzhin gcig par mi 'gyur gyi 'khrul ba dang / de bzlog pa'i 'bras bu can rnam par gcod pa'i shes pa ni ma yin no/ /de'i phyir de med na rtogs pa dang 'dra ba'i rnam par gcod pa nyid kyi ni don rnams la rnam par rtog pa'i byed pa yin no//gang gi tha dad pa'i sgro 'dogs pa dag tha dad pa la rnam par gcod pa tha dad par 'gyur pa brjod du med pa'i rang bzhin can gyi rang bzhin la bdag nyid gang gis mi 'dra ba ci zhig yod/ don tha mi dad pa la ni mi rtag pa dang byas pa la sogs pa'i chos yod pa ma yin na de ji ltar 'di rtag pa'am ma byas pa las dbye bar 'gyur zhe na/khyed kyis yang dag par ma rtogs te/ de tha mi dad kyang byas pa nyid la sogs pa tha dad par mi 'gyur gyi/ med pa nyid du ni ma yin no zhes bshad par bya'o/ /de'i phyir de las de'i ngo bo tha dad pa med pa can ji ltar mi dbye bar 'gyur/gal te 'di ni sngon po ma yin pa ma yin no zhes rnam par gcod par bya ba la brten pa'i dgag pa'i don gcod par byed pa'i shes pa nyid rnam par gcod par byed pa brjod pa ma yin nam/ sngon po'o zhes bya ba ni ma yin te/ des na rnam par gcod pa sgrub pa las gzhan pa'i shes pa'i bya ba yin yang dgag pa'i don gcod par ma rtogs pa'i shes pa ni rnam par gcod pa'i yul can ma yin no zhe na/'di ni gtan du grags pa yin te/ 'di ltar/ dgag don sgrub pa ma yin gyi/ /bkag nas khyad par byed min te/ /khyad par la ni rten phyir yang //'di la 'di ni sngon po ma yin pa yang ma yin no zhes sngon po ma yin pa la brten pa'i dgag pa'i don gyis ni rnam par gcod pa'i rten du gyur pa 'di ni sngon po'o zhes rtogs par 'gyur ba gcod par nus pa ma yin te/ dgag pa'i don ni dgag par bya ba med pa tsam yin pa'i phyir ro//de'i phyir sngon po ma yin pa ma yin no zhes bya bas sngon po ma yin pa med do zhes bya ba de tsam zhig rtogs pa na bzlog nas 'di zhes bya bar rtogs pa dang de 'brel par khong du chud par nus pa ni ma yin no/ /gang gis de khyad par du byed par 'gyur/ ji ltar mi 'gyur zhe na/ sgrub pa ma yin pa'i phyir ro/ /de ma yin no zhes rtogs kyi gzhan cung zad cig yin no zhes ni ma yin pa'i phyir 'dir gang zhig khyad par du byed pa yin/ dgag pa'i don bsgrubs pa ni bkag pa ma yin gyi/ 'on kyang dgag bya med par rtogs pa tsam yin no/ / de'i phyir sngon po ma yin pa bkag pa na dgag pa'i don 'di'o zhes rtogs par rung ba rtogs pa nyid khyad par nyid du bzod pa ni med de/ /de ma yin no zhes bya ba de tsam zhig rtogs pa'i phyir ro/ /sgrub na ni dgag pa ma rtogs par 'gyur ba'i phyir ro/ /dper na dngos po med pa byed pa la/ de byas pas gzhan la cir 'gyur zhes brgal zhing brtags pas dngos po med par mi 'grub pa de bzhin du/shes pa las gzhan bsgrubs pas dgag pa rtogs par ni mi 'gyur ro/ /de med do zhes rtogs par bya ba la sgrub pa khong du chud pa med pa'i phyir ro/ /'dir sngon po la 'di ni sngon po ma yin pa'o zhes sngon po ma yin pas khyad par can du snang ba ma yin te/mdun na snang ba la sngon po ma yin no zhes bya bar rtogs pa'i phyir ro/ /dgag pa'i don yang sngon po ma yin pa la brten pa yin no/ /khyad par la brten pa'i chos kyis ni khyad par can rtogs par byed pa ma yin te/ 'di ni ba khra mo can no zhes rtogs pas na lhas byin la yon tan khra bo nyid yin no/ /ji ltar de la yon tan de dang ldan pa'i rdzas gcod pa de bzhin du/ 'di la dgag pa'i don gyis nye bar bsgyur ba'i sngon po ma yin pa gcod par ni khong du chud par mi bya ste/ de'i bdag nyid sngon po ma yin pa dgag par bya ba yin pa'i phyir ro//de la brten pa'i dgag pa de yang sngon po'i khyad par du 'gyur ba ni ma yin no/ /de'i phyir rnam par gcad par bya ba la brten pa'i dgag pa'i don gcod pa'i shes pa ni rnam par gcod par byed pa ma yin no/ /'o na 'dir rnam par gcod pa rtogs pa ci ltar yin zhe na brjod pa/dgag bya tha dad med gnod byed/ /sgro 'dogs kyis ni dben pa 'dir/ /rnam gcod gzhan du ji ltar yin/ /sngon po yod do med do zhes bya ba'i sgrub pa dang dgag pa dag las gzhan pa 'di ni sngon po ma yin pa ma yin no zhes bya ba ni rnam par gcod pa'i byed pa yin no//de la rtogs pa tsam ni sgrub pa'i byed pa yin la de med par rtogs pa tsam ni dgag pa yin no/ /de'i phyir 'di zhes sngon po rtogs pa tsam ni sgrub pa 'ba' zhig tu 'gyur la/ sngon po ma yin pa ma yin no zhes bya ba ni dgag pa 'ba' zhig tu 'gyur ro/ / sngon po ma yin pa bkag pas kyang sngon po la byed pa dang ldan pa'i shes pa sngon po'i yul can du gyur pa ni rnam par gcod pa'i yul can yin no/ /de'i phyir sngon po ma yin pa la brten pa'i dgag pa'i don nye bar sgyur bar byed pa nyid kyis sngon po la ni de'i 'di mi 'thad do/ /des na sngon po ma yin pa la brten pa'i dgag pa'i don rtogs pa na/sngon po la 'di ni sngon po ma yin no zhes bya bar tha dad pa med pa gang yin pa de/ de'i shes pa log pa bsal ba de nyid kyis 'di'i sngon po'i mthar thug pa dang / sngon po ma yin pa rnam par gcod pa yin gyi/ de bkag pas ni sngon po la rnam par rtog par bya ba cung zad kyang yod par 'gyur ba ma yin no//rnam gcad la brten dngos med pa/ /rtogs pa'am yang na 'gal ba las/ /'khrul sems rnam gcod de med pa'i/ /shes pa la yang khyad par med/ /sngon po la 'di ni sngon po ma yin pa ma yin no zhes rnam par gcod pa'i shes pa ni sgro 'dogs kyis shes pa bzlog pa nyid bya ba yin pa'i phyir 'di ni dngul ma yin no zhes bya ba ltar de'i yul rtogs pa las kyang der 'gyur ba yin no//de la dngul med par rtogs na de las dngul gyi shes pa ldog par 'gyur ro/ / gal te de la dngul med par shes pa rnam par gcod pa yin par 'gyur ro zhe na/ gal te de med pa la gzhi grub na ni 'gyur ro/ /de la ni dngul yin pa de la yang dngul ma yin no zhes dgag pa'i don yin no/ /de ltar na nya phyis rtogs par ci ltar 'gyur te/ des na 'di ci ltar nya phyis kyi yul can yin/'dis ni dngul gyis dben pa dang dngul las ldog par shes pa la sogs pa yang bstan pa yin no/ /chos gzhan sgrub na ni dngul lo ltos nas cung zad kyang ma rtogs par 'gyur la/ de ldog pa tsam gyi rang bzhin nyid yin na yang nya phyis sgrub pa med pa'i phyir ro//des sgro 'dogs kyis shes pa ldog pa nyid bya ba yin la/ de ni dngul bkag pa'i don rtogs pa'am/ nges pa dang sgro 'dogs dag 'gal ba las kyang 'gyur ba yin no/ /dngul med par ma rtogs kyang nya phyis shes na dngul du shes pa med bar 'gyur ba'i phyir nya phyis shes pa ni/'di dngul ma yin no zhes bya ba 'di las rnam par gcod par byed pa nyid du khyad par yod pa ma yin no/ /gal te de sel ba ni 'khrul pa yod pa la ltos pa ma yin nam/ de med par ni ma yin no zhe na/ de ni med de/ sgro 'dogs gnas la de ltos min//sgro 'dogs yod pa la ltos te/ /sgro 'dogs par byed pa zlog pa nyid ni gzhan rnam par gcod par byed pa ma yin te/ thug pa med par thal bar 'gyur ba'i phyir ro/ /rnam par rtog pa'i sgro 'dogs nyid rnam par rtog pas bzlog par bya ba yin gyi/ rnam par rtog pa med pa zla ba gnyis la sogs pa ni ma yin no/ /rang gi rgyu'i dbang gis bzlog pa rtogs kyang mi zlogs pa'i phyir ro/ /de yang rnam par rtog pa nyid kyis rnam par gcod pa'i yul can yin pa'i phyir de yang sgro 'dogs gzhan la ltos pas na thug pa med par 'gyur ba'i phyir ro//'on ji ltar zlog par byed pa nyid yin zhe na/ gzhan gyi don rtogs nus pa dag /ji ltar gnas bzhin 'byung gyur pa/ /de ltar gzhan du rig pa spongs/ /shes pa skad cig ma dag ni shes pa gzhan gyis zlog par mi 'thad do/ /de nyid kyi phyir 'gal ba'i don mngon sum du byas kyang /mngon sum rtog pa med pa gzhan gyis zlog par byed pa ma yin te/ mgal me 'khor ba med pas 'khrul pa ldog cing / rang gi ngo bo ji lta ba bzhin mngon du byed pa'i shes pa skyes pa na des 'khor lor 'khrul pa med pa bsal ba'i phyir te/ gcig rang gi rgyu med pas log pa na rgyu gzhan gyi dbang gis gzhan skye ba'i phyir phan tshun bzlog pa ma yin pa'i phyir ro//rnam par rtog pa ni de lta ma yin te/ 'gal ba'i rnam par rtog pa skyes pa na yang rnam par rtog pa gzhan 'byung ba srid pa'i phyir ro/ /de lta ma yin na ni 'di dngul ma yin no zhes bya bar mi 'gyur ro//de'i phyir nya phyis kyi rnam par rtog pa'i sngon rol bzhin du de ltar yang dngul gyi shes pa yod pa yin te/ de lta ma yin na dgag pa med par 'gyur ba'i phyir ro/ /dngul du shes pa'i yul rnam par dpyod par nus pa nya phyis kyi shes pas dngul gyi rnam pa snang bar ma rtogs shing /rang gi yul rnam par rtog pa las dngul du shes pa'i spong bar byed de/ de las bzlog pa'i rang gi yul bden par nges na/ de bden par mngon par zhen par mi srid pa'i phyir ro/ /dngul la mi bden par nges ba dag la dgag bya'i yul nye bar 'jog pa nyid kyis de yod pa yin yang nye bar brtags pa'i don dang yid kyis rgyal srid la sogs pa ltar rtogs bzhin pa mi bden pa'i ngo bo nyid du 'gyur ba yin/de nyid kyi phyir sgro 'dogs pa'i dus su de las bzlog pa'i dngos po mi bden par shes pas na nya phyis kyi shes pas nya phyis shes pa ni rnam pa ji ltar dngul rtogs pa de lta bur 'gyur ro//de'i phyir 'gal ba'i shes pa bstan par 'gyur na gzhan dag 'bad pas mngon sum du grub kyang zhen par 'jug pa gang yin/ 'di nyid de dag gis gnod par byed pa nyid yin no/ /de nyid kyi phyir snang ba'i rtsa ba can nyid kyis bstan par rtogs par khas blangs na sgro 'dogs yod na nges pa med la/nges pa yod na sgro 'dogs med do zhes brjod pa yin no/ /des na rtogs pa phal pa la rtag pa'i shes pa spang bar mi nus kyang / skad cig ma nyid rjes su dpog pa'i dus su tshad ma can ma yin par shes pa ni bzlog par brjed pa can yin no//slar skye ba'i chos can yin yang de'i dus su med pa yin no/ /de lta na 'o na ni zla ba gnyis su sgro 'dogs pa rnam par rtog pa med pa la yang / rgyu'i skyon rtogs pa'i rtsa ba can gyis shes pa zlog par byed pa yin par 'gyur ro zhe na/ma yin te/ shes pa de'i rtsa ba can de lta bu'i rnam par rtog pas byas pa tha mi dad pa'i zlog par byed pa nyid de/ de log na yongs su gcod pa'i rang bzhin gcig tu sbyor bar byed pa dbang po'i bslad pa yod kyang sbyor bar byed pa ma yin pa nyid do/ /de'i phyir dbang po'i shes pa yang rnam par rtog pa can du gyur pa rnam par rtog pas bzlog par bya ba yin la/rnam par rtog pa can du gyur pa'i dbang po shes pa gsal bar snang bas kyang rnam par rtog pa zlog pa yin pa'i phyir mngon sum ni sgro 'dogs sel ba'i byed pa can ma yin no/ /de bzhin du brtag pa'i shes pa rjes su 'jug pa rgyun ma chad kyang /de'i dus na bden pa nyid du mngon par zhen pa med pa yin no/ /tha dad sgrub pas don la ni/ /byed bcas grub 'di'i rtogs pa ni/ /rnam phye'i don gyis mthar thug phyir/ /ldog pa'i yul can yin par brjod/ /de'i phyir de ltar tha dad pa'i 'bras bu can du grub pa'i shes pa dag kyang sgro 'dogs rnam par gcod pa nyid kyis tha dad par byed pa yin pa'i phyir dang /de'i 'bras bu can nyid du yang 'thad pa'i phyir sngon po la sogs pa'i shes pa dag ni tha dad pa sgrub pa nyid kyis don gyi yul la byed pa dang bcas par grub po//sgro 'dogs par byed pa'i shes pa'i dbang gis sbyar ba'i rigs mi mthun pa dang tha mi dad par gyur pa'i dngos po sgro 'dogs sel bas ldog par byed pa yul du gyur pa'i phyir rigs pa'i byed pa can yang 'di dag ldog pa'i yul du brjod de/ dper na nya phyis kyi rnam par rtog pas nya phyis ma yin pa dang tha mi dad par gyur pa'i nya phyis ldog par byas pa ldog pa'i tshul gyis nya phyis kyi rang bzhin yul du byed pa bzhin no//gzhan dang ma 'dres pa'i dngos po'i rang bzhin yul du byed pa tsam gyis ni ldog pa'i yul can nyid ma yin te/mngon sum la yang thal bar 'gyur ba'i phyir ro/ /bsal nas rtogs pa go sel ba'i yul can du ji ltar mi 'gyur/ mngon sum ni sel bar byed pa ma yin te/ rtag pa'i sgro 'dogs yod kyang skad cig ma dang / dngul gyi sgro 'dogs yod kyang nya phyis rtogs pa'i phyir ro/ / gal te ba lang la ba lang ma yin pa med pa ldog pa yin gyi/ ba lang nyid ni ma yin ba ma yin nam/ de'i phyir ji ltar bsal nas ba lang rtogs pas ldog pa rtogs par 'gyur zhe na/ tha dad don shes bzhin/ dper na 'di ni sngon po ma yin no zhes bya ba tha dad pa'i don can gyis shes pa rgol ba gnyi ga la grub pa ldog pa'i yul can du/brjod pa de bzhin du 'di yang yin no/ /de yang 'di'o zhes rtogs pa'i don gyis mthar thug pa'am/ sngon po ma yin pa zhes bya ba 'di'i mthar thug pa yin grang / de la gal te phyogs phyi ma ltar na ni 'di dgag pa'i shes pa nyid du 'gyur ro//des na ji ltar shes pa ldog pa'i yul can du yang 'gyur la/ dngos po gzhan gyi yul can du yang brjod par bya/ shes pa 'di ni sngon po'i yul can nyid kyi 'jug pa yin no/ /sngon po ma yin pa bkag pa zhes bya ba 'di ni sngon po'i ci yang ma yin pa'i phyir ji ltar de rtogs pas sngon po'i yul can nyid du 'gyur/de ni sngon po ma yin pa nyid kyi yin la/ de yang sngon po la sbyar ba yin no/ /de la sngon po ma yin pa nyid rtogs par bya ba ni ma yin la/ dgag pa yang ma yin te/ de'i rang bzhin ma yin pa'i phyir ro/ / 'di ni ldog pa'i yul can yin la ldog pa gang yin pa de nyid log pa yin no/ /'di ni rigs pa yin te/ de tshad ma'i yul nyid yin na dngos po gzhan nyid dngos po med pa yin pa'i phyir ro zhes ma dmigs pa'i skabs su bstan zin to/ /de'ang 'dir/ de bzhin du kho nar rtogs par byed//ji ltar tha dad pa'i yul can gyi shes pa de tha dad pa'i sgo nas rtogs par byed pa de bzhin du/ sngon po la sogs pa'i shes pa yang yin te/ 'di ltar de dag gis kyang rnam par gcod pa yul du byed pa yin no/ /rang gi don la tha dad blo/ /bye brag med phyir 'jug khyad yin//tha dad pa zhes bya ba dngos po'i rang gi bdag nyid rnam par gnas pa las gzhan pa ni med do/ /de la dngos po gzhan med do zhes bkag kyang de'i khyad par 'ga' yang brjod pa med pa'i phyir te/ rang gi bdag nyid la rnam par gnas pa'i dngos po nyid la de skad brjod pa'i phyir ro//des na tha dad pa rtogs pas rang bzhin nyid rtogs par bya ba yin pa'i phyir don tha mi dad pa nyid na rtogs pa du mar mi 'gyur ro/ /'o na ji ltar tha dad ce na/ byed pa tha dad pa'i phyir ro zhes smra'o/ /rang gi bdag nyid tsam la rnam par gnas pa'i dngos po gzhan dang ma 'dres pa'i lus kyi dngos po rang gi rgyu nyid las byung yang /log pa'i shes pas rnam pa gzhan du rtogs pas dngos po gzhan gyi bdag nyid du byas pa gang yin pa de bsal bas rtogs par byed pa yin pa'i phyir ro/ /de'i phyir de ltar sre bar byed pa'i shes pa sel bas rang bzhin rtogs pa ni gzhan sel ba'i yul can yin no//gal te don tha dad pa med pa dang tha dad pa la 'khrul ba la ltos te shes pa tha dad pa dang tha mi dad pa skye ba na/ rtogs par 'gyur ba'i rang bzhin la tha dad pa'am tha mi dad par ji ltar rtogs te/de ni de la med pa'i phyir ro/ /gcig la du ma'am/ du ma la gcig yod pa ni ma yin no/ /tha mi dad pa la tha mi dad par rtogs na yang tha mi dad pa'i shes pa tha dad pa'i sgo 'dogs rnam par gcod pa'i 'bras bu can de mi 'gyur ba ni phyir tha dad pa'i yul can nyid ma yin no/ /de bzhin du tha dad pa tha dad pa nyid du rtogs pa tha dad pa'i shes pa'i rten du gyur pa la tha mi dad pa'i sgro 'dogs rnam par gcod par byed pa nyid kyis tha dad pa'i don can nyid ma yin no zhe na/'dir brjod pa/ tha dad rjes mthun lag pa'i don/ /tha dad 'dres pa'i rang bzhin chos/ /der brten bdag gis rtogs zhes 'brel to//rnam par rtog pas brtags pa'i chos ba lang dang / dkar po dang 'gro ba zhes bya ba de lta bu la sogs bdag ni log pa'i don yin te/ phyi rol med pa'i phyir dang / rtog pa tsam la brten pa yin pa'i phyir ro/ /tha dad pa'i rjes su mthun pas na tha dad pa dang 'dres pa'i rang bzhin gyi chos de dag gis shes pa de ldog pa'i yul can yin no//ji ltar 'khrul pa tha dad pa las gcig la tha dad pa tha dad pa dag dang / 'khrul pa gcig las tha mi dad pa yin pa de bzhin du ngo bo yang tha dad pa dang 'dres par rtogs pa yin no/ /'di ltar dkar po ma yin pa dang ba la dam yin pa'i 'khrul pa'i gzhir gyur pa gcig nyid la de bzlog pa'i 'bras bu can gyi shes pa tha dad pa 'jug pa dag rnam pa tha dad pa med par ni tha dad par mi 'gyur ro//rtogs pa'i bdag nyid kyis ni blo tha dad pa ma yin te/ 'on kyang 'dzin pa tha dad pa nyid las yin no//de'i phyir 'di rtogs par bya ba tha dad pa 'gog pas tha dad pa tha dad pas na/ tha mi dad pa la tha dad pa'i 'khrul pa bzlog pa yin no/ /tha dad pa la tha mi dad pa yang de bzhin no/ /de'i phyir tha dad pa dang 'dres pa dag de ltar tha dad pa'i rjes su mthun pa yin la/ rnam par dbye bar bya ba dang mi mthun par rtogs pa'i phyir yang tha dad pa'i rjes su mthun pa yin no//'byed par byed pa ni rnam pa gang zhig brtags pas 'khrul pa sel bar nus pa de'i bdag nyid can du 'gyur dgos so/ /des na ba lang ma yin par sgro 'dogs pa zlog par byed pa ni ba lang du rtogs par byed pa yin te/de'i phyir rnam pa gcig la ba lang gi rnam pa nyid tha dad pa yin la/ tha dad pa 'dres pa de nyid yin no/ /de'i phyir tha dad pa dang tha mi dad par rtogs pa dag ni tha dad pa'i sa bon can yin te/ gang zhig gang la med pa de sgro 'dogs par byed pa ni 'khrul pa yin la/de zlog pa yang rnam par rtog pa yin pa'i phyir tha dad pa'i sa bon can yin no/ /de skad du phan tshun du tha dad pa 'di'i sa bon yin zhes bshad do/ /de lta na yang 'khrul pa'i rnam pa'i gnyen po nyid kyis de zlog par byed pa tha dad pa dang 'dres pa lta bu'i khyad par can gyi rnam pa rtog par byed pas de las bzlog pa'i dngos po de'i bdag nyid kyis rtogs par ji ltar 'gyur/don ji lta bu de lta bu'i rnam pa can gyi shes pa ni de gsal bar byed pa'i rang bzhin nyid kyis de rtogs par 'gyur ba yin na/ tha mi dad pa'i don la tha dad par 'dzin pa dang / tha dad pa la tha mi dad par shes pa go ci ltar de'i yul can yin/de'i phyir ji ltar gzhan bzlog pa'i sgo nas rtogs pa 'di don gyi yul can yin zhe na/ de ni bden te/ de nyid kyi phyir/ de ni de don can min te/ /de dag tu 'khrul der nges pa/ /de yi blo la brten phyir ro/ /shes pa de ni tha dad pa dang 'dres pa'i rnam pa'i bdag nyid kyis na de las bzlog pa'i dngos po'i yul can bsal pa yin te/tha dad pa dang 'dres pa'i rang bzhin du 'khrul pa nyid do/ /de lta mod kyi nya phyis la dngul gyi rnam pa ltar 'di de la de'i bdag nyid rnam pa thams cad du 'khrul pa ni ma yin te/yod pa'i don gyi blo la brten pa'i phyir ro/ /'di ltar sngon po nyams su myong ba'i 'du byed kyi mthu las byung ba'i sngon po'i rnam par rtog pa ni/ tshal dmigs pa dang / dngos po gzhan dang 'dres pa de'i rang bzhin yul du byed pa yin no/ /de'i phyir 'di ni sngon po nyid rtogs pa yin no//de'i phyi rol gyi sngon po dang ni mi mthun te/ tha dad pa dang 'dres pa dag dang / long ba dang 'on pa la sogs pa med par thal bar mi 'gyur ba'i rgyu mtshan sngon po rtogs par khyad med kyang / mngon sum dang mngon sum ma yin pa'i rgyu snang ba tha dad pa'i yang phyir ro/ / dper na mig ser gyi nad dang ldan pas dung nyid rtogs pas de la ser por gcod pa phyi rol gyi dang mi 'dra ba'i phyir de rtogs pa ma yin pa bzhin no/ /gal te sngon po'i rnam par rtog pa dang ser por snang ba de'i dngos po'i yul can ma yin pa de lta na yang / ser por snang ba ni phyi rol gyi dngos po'i yul nges par byed pa ma yin no//sngon po'i rnam par rtog pa ni de lta ma yin te/ mthong ba'i dngos po'i rang bzhin du zhen pas rang gi yul la 'jug pa'i phyir ro/ /de'i phyir 'di ni sngon po nyid rtogs pa yin la/ phyi rol yang sngon po yin no/ /mthong ba dang mi mthun pa ni de la mthong ba nyid du zhen pas bsgribs pa des na de la phyi rol rtogs par brjod kyi dngos po la ni ma yin no//dud ser po la yang gnod byed skyes pa'i sngon rol du don gyi yul can nyid du zhen pa ma yin nam zhe na/ bden mod kyi/ de lta bu ni yod pa ma yin gyi/ ser por zhen pa'i phyir dang /de yang med pa'i phyir ro/ /'dir mthong ba'i sngon por zhen par byed pa de la yang de kho na ltar yin no/ /de la ni gnod pa yod pa'i phyir tha dad du rtogs kyi/ 'dir ni de lta ma yin no/ /de'i phyir sngon po tsam rtogs pa dang / ji lta ba bzhin du zhen pa la ltos te/ dngos po rtogs pa nyid do/ /tha dad rjes 'gros stong pa yi/ /phyi don yod phyir/ don la ba lang dkar po dag tha dad pa med kyi rang gi ngo bo ni ma yin no/ /ji lta bu zhig chos nyid gcod pas rtogs pa de lta bu dngos su gcig pa yin pa'i phyir ro/ /rnam pa de lta bu'i rang bzhin can de ni pa lang nyid yin te/tha dad pa'i 'khrul pa sel ba nyid kyis tha dad par gyur pa'i rnam par rtog pas de'i rang bzhin tha dad par byas pa yin no/ /ba lang ma yin pa 'khrul pas ni rta la sogs par sgro 'dogs pa yin la/ dkar po ma yin par 'khrul pas ni/ de la ba lang nag po la sogs pa yang yin no//de bzhin du khra bo dang ser po la sogs pa dag tha mi dad pa'i ba lang gi bdag nyid kyis mi bden pa yin gyi/ ba lang gi rang bzhin nyid ni ma yin no/ /de thams cad la ba lang ma yin pa ma yin par sgro 'dogs par bzod pa'i phyir re re zhing 'khrul pa tha dad pas 'khrul pa zlog par byed pa'i rnam par rtog pa yang /rnam pa tha mi dad pa'i phyir tha mi dad par 'gyur ba yin no/ /gzhan du na/ de yi tha dad kyang med 'gyur/ /gal te bde bar gshegs pa dag tha dad pa dang 'dres pa dang bral ba'i ba lang nyid dkar po nyid kyang mi 'dod na ni//de la ba lang ma yin pa las tha dad pa'am/ dkar po ma yin pa las tha dad par yang mi 'gyur te/ ba lang ma yin pa nyid ba lang ma yin pa las ldog pa 'am/ /dkar po ma yin pa nyid las zlog pa ni med do/ /de nyid kyi phyir dngos po med pa'i chos nyid kyang ma yin te/de'i rang gi ngo bo nyid de ltar snang ba'i phyir ro/ /dngos po la gcig dang du mar 'dzin pa ni 'khrul pa yin no zhes bshad do/ /don la brten pa yin na yang / /des stong ma yin phyir te yang / /gal te tha dad pa dang 'dres pa dag nyid 'khrul pa nyid kyi rang gi ngo bo la ma yin pa dang /der rtogs pa yang zhen pa la ltos nas yin na/ de'i phyir zhen pa la ltos nas sgrub pa nyid rang gi sgra'i don du 'gyur mod/ 'thad par dka' ba'i gzhan sel ba'i yul can gyis ci zhig bya snyam na/ de la brjod pa/ dngos po la brten nas 'jug pa'i rnam par shes pa don la brten pa yin yang de gtong ba ma yin pa'i phyir ro//don rig pa/ yod kyang de ni gnas phyir ro/ /sgro 'dogs rnam par gcod par byed pa nyid kyang rtogs pa'i phyir dang / /rnam par gcod pa'i shes pa rnams kyi rnam par gcod par byed pa nyid kyang /de nyid las sgrub pa'i phyir 'di sngon po ma yin no zhes bya ba'i shes pa dang khyad par med pas na/ sngon po la sogs pa'i shes pa gal te don gyi yul can yin yang sel ba'i yul can kho na'o/ /tha dad pa dang rjes su 'gro ba 'gal ba'i phyir dang / rnam par gcod pa'i yul can nyid du yang de 'thad pa'i phyir/de'i yul can nyid ma yin na ni/ rnam par gcod pa'i yul can nyid du gsal ba nyid do/ /gal te 'di dag gi don la brten pa'i byed pa 'di med na ni ji skad bshad pa'i tshul gyis bsgrubs pa'i yul can du 'gyur ba kho na'o/ / gal te gang gi rnam bcad kyi bdag nyid de rang rig pas rtogs pas na gang gi rnam pa 'dzin pa de la don rig par 'gyur ba ma yin na/ snang ba tha dad pa la sogs pas dngos po dang mi mthun pa'i rnam pa can gyi rnam par rtog pa'i shes pa ni dngos po snang ba can ma yin pas ji ltar dngos po des pa'i rang bzhin du 'gyur zhe na/nyes pa 'di ni med de/ 'di ltar/ don nges pa ni myong ba min/ /de nyid min pa myong ba ni/ /ci bzhin myong bya gnas pa'i phyir/ /med par rtogs 'gyur chu sogs bzhin/ /gang gi de mi snang na de ma nges par 'gyur ba don nges pa zhes bya ba don myong pa yin par mi brjod do/ / de ci'i phyir zhe na/ re zhig yul med par smra ba'i sha za nyid ldang bar 'gyur ba'i phyir ro/ /des ni re zhig 'di nyid bzlog pa na myong ba'i rang bzhin nyid gzhag par bya ste/ des na de'i 'dod pa brjod do/ /gang gi phyir don myong ba yin na gang myong ba de nyid yul du 'gyur te/ myong ba ni myong bar 'gyur ba'i chos las lhag pa med par rig par byed pa yin pa'i phyir ro//de bdag nyid don du zhen par byed pa'i phyir bdag nyid yul du byed par ni mi nus te/ bdag nyid ni don las gzhan yin pa'i phyir don rig pa'i yul bdag nyid ma yin pa'i phyir ro/ /dper na smig rgyu la chur rig pa'i yul ni chu nyid yin no//'on kyang smig rgyu la nyams su myong ba nas chur zhen pa yin pa'i phyir gang las smig rgyu la chur nges so zhes bya ba'i tha snyad du 'gyur ba de la de sgro btags par brjod pa yin no/ /de ltar bdag nyid nyams su myong ba nas don du sgro 'dogs pa ni ma yin te/skad cig gnyis su gnas pa med pa'i phyir ro/ /de'i phyir bdag nyid nyams su myong ba dang dus mtshungs par nges pa'i yul ni dngos po med pa yin no/ /de bdag nyid du gyur pa'i yul gyi rnam pa las tha dad par ma nges pa nyid kyis bdag la sgro btags pa yin du chug kyang /'di de bzhin du myong bar ni mi brjod do/ /bdag nyid ces nges pa ni ma yin gyi/ 'on kyang don no zhes nges pa yin no/ /de'i phyir rnam par rtog pa ni bdag nyid dang 'gal ba'i don myong ba'i rang bzhin yin no/ /de yang gal te rnam pa de lta bu'i don yod na ni/ don gyi yul can nyid du 'gyur ba yin na/ de med pa'i phyir yul med pa nyid du 'gyur ro/ /'di ni zla ba gnyis sogs bzhin/ /snang ba med phyir myong min te/ /lugs ngan sel bar byed pa dag/ /rang bdag rig byed yin par 'dod/ /gal te nges pa don rig pa yin na de de ltar 'gyur ba zhig yin na/rig pa ma yin pas ji skad brjod pa'i lta ba ngan pa zlog par byed pa dag rang gi bdag nyid rig par byed par 'dod do/ /ji ltar rig pa ma yin na/ zla ba gnyis la sogs pa ltar snang ba med pa'i phyir ro/ /don rig par byed pa rnam par rtog pa med pas don rtogs pa ni rnam pa gzhan yin la/rnam par rtog pas rtogs pa yang gzhan yin te/ de lta ma yin na mngon sum dang mngon sum ma yin par rtogs pa med par 'gyur ro/ /de'i phyir rig par bya ba ji lta ba bzhin gyi don la don du rtogs par byed pa de nyid don rtogs pa yin te/ dper na gang la sngon po gsal ba de nyid sngon po rtogs pa yin pa bzhin no//'di ltar/ de lta'i don ni med kyang bla/ /don gyi yul can grub pa yin/ /shes las rnam gzhan rtogs pa ni/ /de lta'i don kyang dngos blo min/ /don gyi yul gyi dngos po la gnod pa med pa'i rtogs pa gang yin pa de ni ci ltar snang ba'i don yod pas de rtogs pa nyid du grub pa ni yod pa'i don rtogs par 'gyur ba yin no//med na ni don rtogs pa nyid 'khrul pa yin te/ don med par rab rib la sogs pas de ltar bskyed pa'i phyir ro/ /rtogs pa de dang mi mthun par snang ba ni de lta bu'i don yod kyang don rtogs pa ma yin te/rjes su dpag pa'i shes pa bzhin no/ /de'i phyir gal te rnam par rtog pa don med kyang don du zhen pa'i rang bzhin don rtogs pa nyid yin na rmi lam du dmigs pa'i rnam par rtog pa med pa sngon po gsal ba ltar sngon por rnam par rtog pa sngon por rig par 'gyur ba yin no//de'i phyir 'di la ni 'khrul kyang don rtogs pa med do/ /blo la ji ltar don snang ba/ /de ltar sngon po dngos po nyid/ /de yod na yang ci bzhin du/ /snang dang 'gal te dngos blo min/ /ci ste yang sngon po ni don byed nus pa'i dngos po yin la/rnam par rtog pa la yang de ltar rtog pa yod pa'i phyir de nyid dngos por zhen pa yin no/ /bdag ni de lta ma yin pa'i phyir te bdag gi yul can ma yin la/ de lta bur gyur pa yang med pa'i phyir med pa snang ba yin no/ /de ni ma yin te/ gang gi phyir sngon po don byed par nus pa'i dngos po yin no zhes gang las rtogs//'di de ltar tshad mas rtogs pa'i phyir ro zhe na/ 'o na de la ci lta bur gyur pa nyid du snang ba de lta bur gyur pa nyid dngos po de yin la de lta bur gyur ba nyid ni snang ba'i blo yin no/ /rnam par rtog pa'i blo la ni de ltar snang ba med de/de'i phyir de dngos po ma yin pa la de dngos po shes pa yang ma yin no/ /rmi lam na ni de ltar snang ba yod pa'i phyir de dngos po shes pa yin no/ /gal te dngos po grub na ni dngos po yod pa la yin la/ de med pa'i phyir ni dngos po med pa la rnam par shes pa 'khrul ba nyid do//rnam par rtog pa'i shes pa pa de ltar snang ba dang mi mthun pa nyid kyis dngos po rtogs pa ma yin pa las/ gal te sngon po yod pa la de ltar 'dzin nus na 'di dngos po'i blor 'gyur ro/ /de ltar ni ma yin te/ de snang na rang gi ngo bo ci lta ba bzhin snang ba'i phyir/ gsal ba mtshon pa'i snang ba skye bar thal bar 'gyur ro/ /rgyu tha dad pa'i phyir snang ba tha dad do zhe na/ rgyu tha dad la 'gal te de/ /snang na blo dbye gang las yin/ /gal te sgra'am blo las rig par bya ba la blo tha dad par byas na de snang ba med par thal bar 'gyur ro/ /de'i blo skyes pa la de snang ba'i phyir de yul du 'gyur ba yin no//gal te de snang na blo tha dad pa ga las yin/ des na gang gi tshe snang ba'i don snang bar mi bzod pa des na 'di dngos po'i blo ma yin no/ /dngos po rtogs pa med na ni/ /gang las rang bdag dmigs ma yin/ /gang gi tshe de ltar dngos po'i blo med pa de'i tshe dngos por zhen pas nyams su myong bas grub pa gang zhig yin/gang gis bdag gi yul can nyid du mi 'gyur/ des na/ gang snang de 'dir bdag nyid de/ /gzhan gang de ni mi snang nyid/ /dngul sogs snang dang nyi phyis las/ /gzhan nyid du yang rtogs pa yin//sngon po'i rang bzhin de la snang ba'i phyir de shes pa nyid du mi 'gal lo/ /phyi rol du zhen pa gang yin pa de ni rig par bya ba ma yin pa'i phyir de lta bur gyur pa med pas med pa'i yul can nyid du mi 'gyur ro/ /gal te mi gsal bar snang bas dngos po rig pa ma yin na/thag ring por don rnams de ltar rtogs pa'i phyir dbang po'i shes pa dngos po'i yul can ma yin par 'gyur ro/ /dngos po'i yul can ma yin pa kho na'o zhe na/ mi gsal bar snang bas zla ba gnyis la sogs pa dang mi mthun par shes pa 'di rnam par rtog pa bzhin du 'khrul pas dngos po rig par yang mi 'gyur ro//ma yin te/ thag ring po ma yin pa dang bskal par mi gsal bar snang ba nyid kyis nye bar mtshon pa'i phyir ro/ /'di 'ba' zhig ni khyad par ma yin te/ 'dir mi mthun pa nyid ni nyams su myong bas grub pa nyid do/ /de lta ma yin na/thag ring po nas sdong po dmigs pa dang / de nyid du rtog pa dbang po'i byed pa 'jug pa la mthong ba dang brtags pa nyid du rnam par phye nas rtogs par mi 'gyur ro/ /de'i phyir mi gsal bar snang yang rnam par rtog pa dang mi mthun pa zla ba gnyis bzhin du 'di ni sngon po rtogs pa nyid yin no//de ltar rnam par rtog pa la dngos po rtogs pa 'ga' yang med pas na rnam pa de lta bu'i dngos po med pa'i phyir med pa'i yul can nyid ma yin no/ /dngul la sogs pa la ni dngul snang ba dang / nya phyis la sogs pa las gzhan yin pa'i phyir myong ba de nya phyis kyi yul can ma yin te/'on kyang dngul gyi yul can nyid do/ /nya phyis kyi yul nyid du de ltar rtogs pas phyin ci log tu rtogs par brjod kyi nyams su myong ba nyid kyis de ltar rtogs pa'i phyir ni ma yin te/ khyad par dang khyad par can gyi ngo bo rtogs pa med pa'i phyir ro//rnam par rtog pa'i sngon po'i rnam pa ni shes pa la yang srid pa dang / don du nges pa don myong ba yang ma yin pa de'i phyir 'di med pa'i yul can nyid 'jug pa ma yin no/ /gzhan yang / de yi ngo bor snang ba las/ /myong ba gzhan 'ga' yod ma yin/ /don gyi ngo bor snang yang ni//de ni blo yi 'dra nyid yin/ /lhag par zhen pa don rig pa nyid yin na bdag nyid ma nges pa'i phyir yul ma yin la/ don nges pa'i phyir don nyid yul yin zhing / de lta bu yang yod pa ma yin pa'i phyir med pa'i yul can nyid du 'gyur te/ de lta ma yin na de'i yul can nyid du yang mi 'grub pa'i phyir ro//don myong ba nyid yin yang bdag yul yin par ni mi 'gal te/ zla ba gnyis la sogs pa'i shes pa bzhin no/ /'di ltar myong ba zhes bya ba don gsal ba nyid ma gtogs pa gzhan ni 'ga' yang med do/ /de'i phyir gsal ba de ni don yin la/ bdag ni de las gzhan yin pa'i phyir bdag yul ma yin zhe na/ de lta bu med pa'i phyir yul med pa nyid yin no/ /shes pa yang don ci lta bur gyur pa rnam pa de lta bu'i gzugs brnyan dang 'brel pas gang snang ba na snang ba 'di ni don yin no zhes brjod de/ de ltar snang ba de shes pa las yang mi srid pa ni ma yin no//gal te de ltar snang ba de don gyis byas pa yin pa de lta na de ltar snang ba de don gsal ba'i rang bzhin yin pa'i phyir don rtogs pa nyid do/ /gtod par byed pa don gyi byed pa med na ni de shes pa de tsam snang bar byed de/ zla ba gnyis la sogs pa'i shes pa bzhin no//de lta ma yin na ni rnam par rtog pa med pa'i shes pa yang don gyi rnam pa can du mi 'gyur ro/ /gal te rnam par rtog pa med pa ni snang ba don gyi rjes su 'gro ba dang ldog pa'i rjes su byed pa can yin gyi/ 'ga' yang nges pa ni ma yin no/ /des na 'di'i 'dzin pa dang mi 'dzin min snang ba la ltos pa yin no//rnam par rtog pa ni phyi rol gyi sreg pa dang rjes su 'brel ba yod pa dang med par snang ba ma yin yang phyi rol nges pa yin te/ de'i phyir nges pa nyid de'i bzung ba yin no/ /de yang phyi rol nyid yin gyi rang gi ngo bo ni ma yin zhing / rnam pa de lta bu yang med pa'i phyir yul med pa nyid do zhe na/ 'di la bshad zin to/ /zhen pa zhes bya ba gal te rig par byed pa ma yin na/ de las yul gnas pa med pa'i phyir de la ltos nas 'dzin pa dang / 'dzin pa ma yin no/ /'on te myong bar byed pa yin na de myong ba zhes bya ba ni zhig /de lta bur gyur pa'i don gsal bar byed pa'o/ /ji lta bur gyur pa gsal bar byed pa de lta bu nyid du gyur nas rang nyid snang ba'i phyir gang gis med pa'i yul can du 'gyur ba/ blo gros ngan pas brtags pa'i dngos po med pa snang ba zhes bya ba 'di bzung ba'i rnam pa las dpag pa ci yod/gal te de lta na rtog pa med pa dang khyad par med par thal bar 'gyur ro/ /bden te myong ba'i bdag nyid kyis yin no/ /khyad par ni myong ba'i rang bzhin ma yin pa zhen pa nyid las yin no zhes 'chad par 'gyur ro/ /gal te shes pa'i rnam par shes pa dang tha mi dad pa'i phyir de'i dus pa nyid kyis snga ma dang phyi mar yod pa ma yin pa'i phyir dang /rang gi mtshan nyid kyi rang bzhin yin pas rjes su 'gro ba med pa'i phyir mtshams sbyor ba'i rang bzhin gyis rtogs pa mi 'jug pas rnam par rtog pa nyid du mi 'thad do/ /gal te 'di rang rig pas rang gi bdag nyid ji lta ba bzhin snang ba de tsam gyis mthar phyin pa yin na ni de'i tshe zla ba gnyis kyi shes pa bzhin du rang gi bdag nyid la rnam par rtog pa med pa nyid do//'on te sngon po la sogs pa'i shes pa bzhin du myong ba'i rang bzhin de don gyi mthar thug pa nyid yin na/ de'i tshe ji ltar snang ba de dang tha mi dad pa'i phyir rang gi ngo bos de lta bu'i rnam pa can yin pas de gsal ba nyid du 'gyur ba'i phyir/de lta na yang rtog pa med pa nyid do/ /de'i phyir sngon po'i rnam pa yod kyang rnam par rtog pa ni tha dad par snga ma dang phyi ma dang / phyi rol gyi rang bzhin du snang ba dang rjes su 'gro ba rig pa'i rang bzhin nyid du 'dod par bya ba kho na'o//des na rnam par rtog pa 'di'i de rnam pa can ma yin yang de'i rig pa yin la de'i yul de 'dra ba de yang med pa'i phyir bdag nyid du gyur pa ma yin pa nyid 'di ni sgro 'dogs pa zhes bya'o zhe na/ 'di la smras pa/ shes pa'i dngos por mi 'thad rnams/ /gal te rig na 'khrul ma yin/ /min na de dag shes par yang / /rnam par rtog pas ni snga ma dang phyi ma mthong ba nyid dang / tha mi dad par yul rtogs par bya ba yin te/ de lta ma yin na de sgra'i yul nyid du mi 'grub pa'i phyir ro//brjod par bya ba ma yin pa'i yul can nyid yin na ni rnam par rtog pa med pa nyid du thal bar 'gyur ba'i phyir ro/ /de'i phyir gal te shes pa'i ngo bor mi 'thad pa'i chos de dag rig par 'dod na ni de shes pa'i ngo bor mi srid par 'gyur ba yin no/ /gal te 'dir ni sngar mthong ba nyid rig par bya ba yin no//shes pa ni da ltar byung ba yin pa'i phyir sngar mthong ba ma yin pas de de'i rnam par rig par mi 'gyur ro/ /de lta yin dang rnam par rtog pa 'khrul pa zhes bya bar mi 'thad par 'gyur ro/ /de'i phyir don med par ga la 'gyur/ /gal te don sngar mthong ba de ltar rig na don nyid rig par 'gyur ro//rig pa de ltar zhugs kyang don gzhan rig pa zhes bya ba ni ma yin no/ /des na mthong ba snga mas yul du byas pa rtogs pas sngon mthong zhing yul du byas pa nyid rtogs pa yin no/ /'on te 'di de ltar rtogs pa ni ma yin te/ de'i yul can nyid du thal bar 'gyur ba'i phyir ro/ /'o na sngar ma mthong ba'i rang bzhin du rtogs pa yin no/ /de lta yin dang de nyid kyis gsal ba nyid mi 'thad pa ci yod sgro 'dogs pa sngon ma mthong ba'i rang bzhin nyid la sngon mthong ba nyid du rtogs pa yin no zhe na/ de ni ma yin te/ gang gi phyir/ 'khrul pa yin yang mi tshor min/ /sgro btags la sngon mthong ba nyid du rtogs par 'dod pas kyang sngon mthong bar rtogs pas sngon mthong ba nyid rtogs pa yin no zhes 'dod par bya'o/ /de lta ma yin na 'di sngon mthong ba nyid du rtogs par mi 'gyur gyi/ 'on kyang sgro btags pa'i yul can nyid do//'khrul pa yang rnam pa ci ltar 'khrul pa de'i ngo bor rig pa yin te/ dper na nya phyis la dngul du rtogs pas dngul tshor ba med pa ni rtogs pa ni ma yin te/ dngul nyid du ma rig par thal ba'i phyir ro/ /'o na dngul gyi shes pa dngul gyi yul can nyid du 'gyur ro//dngul gyi shes pa yang yin la/ dngul gyi yul can yang ma yin no zhes gang gis de ltar brgal zhing brtag par bya ba/ de de'i shes pa yin pa'i phyir de'i yul gzhan gang zhig yin par 'gyur/ 'o na ji ltar bdag nyid snang ba yin/ yul dang dus des rnam par bcad pa'i phyi rol gyi dngul med pa'i phyir shes pa'i bdag nyid dngul gyi rnam par snang ba yin no zhes de rig pa dag 'dzin to//'di ni phyi rol gyi ngo bo nyid dang / snga ma dang phyi ma'i rang bzhin du rig pa gang yin pa de shes pa'i rang bzhin la mi srid pa'i phyir/ yul med pa nyid du blo gros ngan pa dag 'khrul pas de la de skad brjod pa yin no//gal te 'di snga ma dang phyi ma phyi rol gyi rang bzhin nyid rtogs pa yin na rang gi yul can du mi 'gyur ro/ /de lta na yang rang gi mtshan nyid yul yin par thal lo/ /de yang 'thad pas spang bar bya ba yin no/ /ci ste de ltar rig pa ma yin na 'di shes pa'i ngo bo dang mi 'gal lo//de nyid kyi phyir sgro btags pa la phyi rol nyid du zhen pa yang 'thad pa ma yin te/ phyi rol du rig pa ni phyi rol gyi yul can ma yin par mi 'thad pa'i phyir ro/ /phyi rol dang mi mthun pa'i rang bzhin can yin pa'i phyir te sgro btags pa yin par 'dod pa gang yin pa phyi rol dang mi mthun pa'i phyir de lta bu'i dngos po shes pa nyid du yang mi 'thad pa ni ma yin no//gal te de la phyi rol nyid du rtogs na shes pa nyid las 'gyur mod/ /'on te sgro btags rtogs pa nyid phyi rol rtogs pa yin na phyi rol dang mi mthun pa'i yul can yin pa'i phyir phyi rol rtogs pa ma yin par 'gyur ro//gal te rnam par rtog pa'i yul shes pa'i rnam pa nyid yin na rnam par rtog pa nyid med par thal bar 'gyur ba'i phyir/ bdag gi yul snang ba las khyad par du gyur pa'i rig pa'i bdag nyid du khas blang bar bya ba yin nam zhe na/ de ni bden mod kyi de lta na yang //rnam pa ji lta'i don rig pas/ /rtogs yin de rig med pa'i phyir/ /shes chos mngon par slob pa la/ /nges par brjod de bde sogs bzhin/ /gal te de'i rnam pa tsam gyis de gsal ba yin na rtog pa med par thal ba'i phyir ro/ /rig pa bla lhag pa nyid kyis rtogs pa dang bcas par brjod par bya ba yin yang /de'i rnam pa ma yin par rig pa ni med de gzhan du ji skad bshad pa bzhin no/ /rig par bya ba dang rig par byed pa dag tha dad par snang ba yang med do/ /de lta mod kyi khas blangs nas kyang brjod par bya ste/ rnam pa ji lta bu'i rang bzhin rig pa 'di rnam par rtog pa yin par 'dod pa de lta bu ni 'dir rig pa med do//'dir don rig pa nyid kyis rnam par rtog par 'gyur ro/ /de yang gal te don snang ba nyid kyis rig pa min na rtog pa med par 'gyur ro/ /gang gi tshe snang ba'i rang bzhin spangs nas sngon po dang phyi mar mthong ba'i rang bzhin du de rig par byed pa de'i tshe ni de'i yul can nyid du 'gyur na de yang rig pa ma yin te/de ltar rig pa med pa'i phyir ro/ /de lta bu'i don ni yod pa yang ma yin te/ tha dad pa dang tha mi dad pas dbang du byas pas don zhes rtogs pa'i rang bzhin pha rol po rang nyid kyis de ltar khas ma blangs pa'i phyir ro//phyi rol gyi don ni dngos po dang dngos po med pa la ltos pa dang bcas pa ma yin la/ rnam par rtog pa la snang ba de ni sngon dang phyis mthong ba nyid kyis de ltar bsgrub par bya ba yin pa'i phyir de la ltos pa dang bcas pa yin no/ /de'i phyir don rig par bya ba med pa'i phyir 'di don rig pa ma yin no//rig par bya ba gang yin pa de don ma yin no/ /de ltar rig pa med pa ni ma yin no/ /gal te don ma yin na 'di don rig pa yang ma yin no zhe na/ lha rnams dga' bas 'di lta bu nyid du nges par byas pa yin te/ dngul snang ba nyid la dngul rig pa ni dngul rig pa yin pa'i phyir ro//don ji lta bur 'gyur ba de lta bur rig pa ma yin na de don rig pa ji ltar yin/ gal te shing gi don phyi rol du nges pa nyid yin la/ don zhes ci 'dra bar 'dris pa de 'dra ba yod pa ma yin pa'i phyir yul med par brjod do/ /de tsam gyi don rig pa med pa ni ma yin no//yul dang dus gang gis khyad par can gyi dngul du nges pa de'i yul dang dus de med dngul du rig pa yang med pa ni ma yin te/ de'i phyir rnam pa de lta bu'i don med pas don rig pa ma grub pa ni ma yin no zhe na/ mi mthun pa nye bar bkod pa ste/dngul ji ltar gyur pa de lta bur gsal ba de na med pa'i phyir med pa 'di dngul rig par 'gyur ro/ /de bzhin du don ji lta bur gyur pa rnam pa de lta bur rig pa yod pa las yul dang dus 'ba' zhig med pa yin pa'i phyir med pa'i yul can nyid du 'gyur ba yin no/ /gang gi tshe don dang rjes su mthun pa 'ga' yang rig pa med pa'i phyir don ci ltar gyur pa de lta bur rig pa med pa nyid yin pa de'i tshe de las bzlog pa bdag nyid kho na rig pa yin no//de bzhin du nya phyis la dngul du rig pa yang bdag gi yul can nyid de de yang rnam par rtog pa dngul gyi rang bzhin ji lta ba bzhin rig pa med pa'i phyir ro//de'i phyir 'di la don rig pa yod pa ma yin no/ /de ltar na yang 'di ltar 'gyur ba yin te sngon mthong ba sgra la sogs pa sbyor ba'i phyir/ don byed pa dang ldan pa bzhin du mthong ba la ltos pa med pas de dang ldan par mthong ba'i don la yang 'jug pa'i phyir ro/ / des na de ltar rig pa med kyang der mngon par rlom pa yod pa'i phyir de la de ltar tha snyad byed do zhes smra'o/ /mngon par rlom pa yang shes pa'i chos yin te/ bde ba la sogs pa bzhin no/ /dper na rig pas mngon par rlom mo/ /rigs btsun pas mngon par rlom mo zhes bya ba de rig pa tsam la ni brjod pa ma yin pa bzhin no//rigs btsun pa'am rig pa rig go zhes bya ba nyid kyis ni de ltar tha snyad byed pa yin no/ /de'i 'dod chags la sogs pa bzhin du shes pa'i khyad par mngon par rlom pa zhes bya ba ni yod pa yin no/ /des na ma grub pa'i phyir dang / 'gal ba'i phyir rig pa yod kyang rig pa ma gtogs par mngon par rlom pa gdon mi za bar khas blang bar bya ba yin pas/ rnam rtog rjes su 'brel 'jug pa/ /rang bdag mthar thug nges par rtog /mngon par rlom pa de nyid kyis/ /rnam rtog yul rnams can yin pa//de phyir med pa rig min bshad/ /thams cad kyi rig pa ni don mi 'dra ba'i rnam par shes pa nyid yin pa'i phyir rtog pa'i ngo bo rnam par rtog pa ni de nyid kyis yul gyi rnam pa can yin no/ /de yang ji ltar nyams su myong ba bzhin du rang bzhin de tsam gyis ni de ma yin te/ 'on kyang de nyid rnam par rtog pa'i chos dang ldan pa'i phyir lhag par zhen pas yin no/ /de yang 'jug pa ni mi gsal ba'i rang bzhin la ni 'jug pa ma yin te/ ma rtogs pa 'ga' la yang mngon par rlom pa med pa'i phyir ro/ /'di la don rig pa ni med pa'i phyir rang gi bdag nyid gsal ba nyid na don nges par brjod do//de yang don gyi rang bzhin gyis 'jug pa'i phyir phyin ci log yin no/ /gang gi yul med par 'gyur ba ji ltar nya phyis la dngul bzhin du bdag nyid don med pa la don du rig par byed pa ma yin pa'i phyir don gyi yul can ni ma yin no/ /'on kyang don rig pa dang rjes su mi mthun pa'i rig pa'i chos med pa la 'jug pa yin te/rmi lam gyi bud med kyi rnam pa 'khrul pa'i yul la de ltar zhen pa bzhin no/ /de'i phyir rang gi snang ba don med pa la don du zhen nas 'jug pa'i phyir ro zhes bya ba sgra ji lta ba bzhin du 'thad pa yin no//des na 'di rang gi bdag nyid la sngon dang phyi ma phyi rol gyi rang bzhin du 'jug pas rnam par rtog pa'i chos kyis 'jug par brjod pa yin no/ /de'i phyir rang gi bdag nyid la sngon dang phyis mthong ba'i rang bzhin du/ rnam par rtog par byed pas rnam par rtog par brjod do/ /de ltar mngon par zhen na sgras 'brel par rung ba'i yul yin pa'i phyir ro//ji ltar zhen pa bzhin du de'i/ /don gyi rang bzhin gsal ba'i phyir/ /brtags med rnam par rtog pa'i shes pa ni zhen pa nyid kyi yul gyi rnam pa can ma yin pa'i phyir 'dis ji ltar zhen pa de nyid rnam par rtog pa'i yul yin no//rnam par rtog pa'i rang bzhin ni sngon dang phyis mthong ba'i don du zhen pa yin no/ /'ga' yang myong ba med pa ni zhen pa ma yin pa'i phyir/ rang gi bdag nyid de ltar snang ba nyid na 'jug pa yin te de'i phyir rang gi bdag nyid la sgro 'dogs pas/ de ltar btags pa don zhes brjod do//shes pa la ni phyi rol gyi rang bzhin dang / sngon dang phyis mthong ba 'ga' yang yod pa ma yin pa'i phyir btags pa med par brjod do/ /de ltar med pa snang ba ni ma yin te/ zhen pa ni snang ba'i bdag nyid ma yin pa'i phyir ro/ /des na myong ba gang yin pa de ni rnam par shes pa rang nyid do//des na zhen pa'i 'jug pa dpyad na/ mi snang ba la mi 'jug pa'i phyir/ rang gi bdag nyid kho na rnam par rtog pa'i yul yin te/ ji skad du/ sgra las shes pa tha dad ltar/ /don gyi gzugs brnyan snang ba gang / /zhes bshad pa yin no/ /zhen pa'i rang gi ngo bos brtags na ni med pa nyid de/ci skad du/ sgra don 'di dang gzhi mthun nyid/ /yod pa min yang ji lta bur/ /grags pa bzhin du brjod pa ste/ /dngos po la 'di mi srid do/ /zhes bshad do/ /tha snyad byed pa po'i blo la ltos nas ni gang gis sgrub pa'i yul can nyid gsal ba yin te/ gzhan sel ba'i sgo nas don la 'jug par brjod pa/phyi rol gyi don nyid de/ ci skad du/ de mi byed/ yongs spong yan lag ngo bo'i phyir/ /dngos po tha dad rten can phyir/ /don la mi slu yin par 'dod/ /ces bshad pa yin no/ /'di'i tha dad dang / 'dres pa'i rang bzhin ngo bo min/ /phyi dang nang gi ngo bor ni/ 'gal phyir/ btags pa ji ltar zhen pa bzhin med pas shes pa la sngon dang phyi ma dang / phyi rol med pa'i phyir/ cig rnam pa thams cad du/ med pa yin nam zhe na/ ma yin no zhes brjod do/ /rang bzhin ni med pa ma yin no/ /mi gsal bar snang ba'i dngos po ni med pa ma yin te/ rnam par shes pa'i rang bzhin yin pa'i phyir ro//de ni ji ltar zhen pa'i phyi rol nyid du med pa yin gyi/ rang gi ngo bor ni yod pa nyid de/ rmi lam dang zla ba gnyis la sogs pa'i rang bzhin no/ /gal te rang bzhin yod pa yin na de shes pa'i bdag nyid du gnas pa thob pas/ ba lang dkar po zhes tha dad pa yang gcig gi rnam pa dang /de bzhin du 'di yang ba lang zhes 'dres pa'i rnam pa'i spyi bzhin nyid du yod pa kho na ste/ phyi rol gyi rang bzhin 'ba' zhig gis med par 'gyur ro/ /des na shes pa'i rang bzhin chos du ma'i bdag nyid du gyur pa'i chos can dang spyi yod pa yin te/zla ba gnyis la sogs pa bzhin no/ /zla ba gnyis phyi rol du med kyang shes par med pa ni ma yin no/ /de bzhin du spyi'am ba lang nyid dang / dkar po nyid dang 'brel ba'i bdag gis don kyang 'gyur ro zhe na/ ma yin zhes smra ste/ btags pa ni phyi rol nyid bzhin du tha dad pa dang 'dres pa'i rang bzhin nyid du yang med pa yin no//ba lang dkar po zhes shes pa la tha dad par snang ba sgra tha dad pa'i bzung ba rang bzhin du ma shes pa gcig gi yul du byas pa dag phan tshun 'dres pas ngo bo gcig tu gyur pa ni rnam par shes pa'i rang gi ngo bor gyur pa ma yin no//spyi yang de bzhin no/ /ji ltar yang ma yin zhe na/ phyi dang nang du 'gal ba'i phyir te/ gnyi gar yang med pa'i phyir ro/ /de'i phyir ba lang 'ba' zhig gi rnam par rtog pa ba lang zhe'ang de'i rtogs pa tsam la dkar po zhes bya ba tsam du rtogs pa de tsam nyid rnam par shes pa'i rang bzhin yin gyi/de lta bu shes pa gcig tu rjes su 'brel ba'am khyad par gzhan las rjes su song ba'i spyi ni ma yin no/ /yang ci'i phyir 'gal zhe na/ bshad pa phyi rol tha dad kyang / /rjes 'brel med phyir gcig na yang / /rnam kun gcig tu rtogs phyir ro/ /gang gi rnam pa de lta bu gcig gi rnam pa 'di blo la yod par 'gyur ba ba lang dkar po zhes rnam pa tha dad pa nyid du snang ba dag rjes su 'brel pa las rang bzhin gcig tu gnas pa ni ma yin no//don de ni de ltar zhen pa yin te/ des na gal te tha dad kyang gzhan gyi rang bzhin du 'gyur ba don la yod na/ de'i tshe ba lang yon tan dkar po'i rang bzhin yin pa'i phyir ba lang zhes rtogs pa na/rang bzhin re bar 'gyur la/ de lta yin par gyur dang re bar gyur pa de nye bar rung ba yin pas ba lang nyid dkar po'i rang bzhin du rtogs par gyur pa na de lta yang ma yin no/ /gzhan ni gzhan gyi rang bzhin du 'gyur ba ma yin te/gnyi ga yang rang gi bdag nyid kho na la rnam par gnas pa'i phyir ro/ /des na de'i rang bzhin ma yin pas ba lang dkar po'i rang bzhin du rtogs pa ma yin pa'i phyir ba lang zhes rtogs pa na yon tan dkar po re ba ma yin la/ 'di de ltar rung ba yang ma yin no/ /de'i phyir nye ba yang ma yin no//de lta yin dang bum pa dang snam bu zhes bya ba bzhin du rtogs par 'gyur ro/ /sgra nyid kyis de de'i rang bzhin nyid du sgrub par byed do zhe na/ ma yin te/ de ltar rtogs pa nyid la de ltar sbyar na de ltar rtogs pa'i phyir ro/ /ma rtogs na ni mi sbyor ba'i phyir ba lang bum pa zhes bya ba ltar rtogs par mi 'gyur ro//de'i phyir tha dad pa dag la rjes su 'brel pa med pas rjes su 'brel pa'i rang bzhin gyi dngos po ngag gi don gcig ni yod pa ma yin no/ /de bzhin du ba lang skul cig ces bya ba yang rjes su 'brel pa ma yin te/ bya ba dang byed pa po med pa'i phyir ro/ /'on te ba lang nyid dkar po'i bdag nyid can yin pa'i phyir de'i rang bzhin de de ltar rtogs so//de bzhin du rnam par rtog pa la yang de ltar rtogs pa'i phyir de'i ngo bor rtogs so zhe na/ de ltar ni nus pa ma yin te/ tha dad pa med na ba lang zhes bya ba rnam pa thams cad rtogs par thal ba'i phyir te/ dkar po nyid la sogs pa ma rtogs pa'i rnam pa med pa'i phyir ro//tha dad rten pas gcig la ni/ /tha dad la yang brda las ni/ /nges phyir rang bzhin gcig nyid de/ /blo rnams gcig pa nyid kyis min/ /ci ste rnam par gcod pa'i don nyid kyis na rtogs pas de dang rjes su mthun par rang bzhin du ma brtags pa yin gyi dngos por ni ma yin la/sgra ni de la brten pa yin no zhes brjod na yang de la ba lang dkar po'i bdag nyid yin pa'i phyir sgra rnams dngos po'i yul can ma yin pas gcig gis thams cad rtogs pa ma yin pa'i phyir/ ba lang zhes rtogs pa na rang bzhin re bar 'gyur ro/ / des na tshig gi don rtogs pa bzhin du rjes su 'brel pa yang brda las 'byung bar 'gyur ro/ /ji ltar dkar po'i sgras dkar po'i don brda las rtogs par byed pa de bzhin du/ gang gi rang bzhin du mngon sum gyis rtogs pa de'i rang bzhin tha dad par bstan na de'i rang bzhin nyid du 'gyur te/ de ltar brdar byas pa'i phyir ro//de la tshig gi don gnyis gcig gi rang bzhin du gyur pa rnam par shes pa'i rnam pa gcig nyid ni ma yin gyi/ 'on kyang dkar po zhes rtogs pa ni phyi rol ltar ba lang gi rang bzhin nyid du nges par byed de/ des na tha dad pa'i bdag nyid ni gcig la yod pa ma yin no//da ni 'dres pa ci ltar med pa ston te/ rjes 'brel med phyir tha dad dam/ /gzhan gyis 'dri ba yod ma yin/ /gal te dngos po rnams tha dad pa'am tha dad pa med pa'i bdag nyid kyis 'dres par snang na de'i tshe 'di phyi rol bkag pas shes pa'i bdag nyid du 'gyur ba'i phyir/kun rdzob tu yod par yang 'gyur ba yin no/ /zla ba gcig la brten nas zla ba gnyis su snang ba de lta bu ni gcig la med pa'i phyir phyi rol du mi 'thad do/ /de'i rang bzhin can ma yin pa'i rnam par shes pa ni de ltar snang ba ma yin pa'i phyir/ zla ba gnyis shes pa'i bdag nyid du yod pa yin no//de bzhin du spyi yang gsal ba rnams la tha dad pa'am tha mi dad par rig na/ de yang gsal ba rnams la srid pa bkag pas shes pa'i bdag nyid du yod par 'gyur te/ de'i rnam pa can ma yin na rnam par shes pa de ltar snang ba med pa'i phyir ro/ /'di ltar ba lang ba lang zhes gsal ba rnams la rnam par shes pa skye'i/gang gi phyir tha dad pas 'di dag 'dre bar 'gyur ba khra bo la yod pa'i rang bzhin gang yin pa de nyid khu yu la yang yod do zhes de la tha dad pa rjes su song ba rjes su 'brel bar byed pa ni med do/ /khra bo gang yin pa de nyid khu yu yin no zhes tha dad pa med par yang ma yin no//de'i phyir tha dad pa dang tha mi dad pa dag tu spyi rig pa med pa'i phyir spyi ni rnam par shes pa'i rnam pa ma yin no/ /gang gi phyir tha dad pa dang tha mi dad pa dag gis gsal ba rnams la rjes su 'brel par byed pa med pa de'i phyir spyi med do/ / rtogs par bya ba ni rtogs pa'i tshad ma can yin pa'i phyir tha dad pa'am tha mi dad pas de ltar rtogs pa med pa'i phyir/ tha dad pa'am tha dad pa med pa'i spyi yod pa ma yin no/ /gal te khyad par phan tshun mi 'dra ba rnams la yang ba lang ba lang snyam pa'i shes pa tha mi dad pa ni khyad par gcig dang 'brel pa med par mi 'thad do//'di dag gi rang gi bdag nyid la ni rigs mi mthun par mngon par 'dod pa dang / tha dad par mi 'dra ba yod pa ma yin no/ /des na khra bo la ltos nas khu yu dang bum pa dag khyad par med kyang khra bo khu yu dag la ni ba lang ba lang snyam du rtogs la/bum pa la ma yin pa gang yin pa de ni de dag la ba lang nyid gcig dang 'brel pa'i phyir ro/ /de'i phyir 'di dag don gcig dang 'brel pa'i phyir rnam pa gcig tu rtogs pa'i yul yin gyi/ gzhan dag ni ma yin no/ /des na don rnams la tha dad pa med par rtogs pa ni 'di kho na ste/gang zhig des yul du byas pa de dag la rigs mthun pa nyid du rnam par gzhag pa'i rgyu ci zhig yod pa'o zhe na/ de ni de lta ma yin te/ gang gi phyir/ khyad par gzhan gyi rnam phye med/ /de las gzhan dang tha mi dad/ /rigs 'jug gegs kyi bdag nyid do/ /ba lang shes pa'i spyod yul yin//ba lang ba lang snyam pa'i rnam par shes pa ni don tha dad pa med pa'i sgrub byed du mi 'thad de/ rnam par shes pa de'i spyod yul ni yul dang dus dang bdag nyid tha dad pa'i khyad par yin pa'i phyir te/ 'di na da ltar 'di dang 'di la'o zhes rtogs pa'i phyir dang / rtag pa pa khyab pa gcig pu la ni de med pa'i phyir ro//khyad par nyid yin pa de ni bden mod kyi/ 'on te ba lang nyid kyi mtshan nyid khyad par gcig gi sgo nas yin no zhe na/ ma yin no zhes brjod do/ /gzhan gyi rnam phye med/ ba lang nyid kyi khyad par can du khyad par rtogs pa med pa'i phyir 'di gzhan gyi sgo nas gzhan yul du byed pa ni ma yin no//dper na dbyug pa can dbyug pa'i khyad par can du shes pa de bzhin du khra bo ni ba lang nyid kyi khyad par can du ma yin no/ /rtogs pa'i yul gang ji ltar rtogs pa med pa de ni de ltar rnam par shes pa'i yul du 'gyur ba ma yin no/ / ba lang snyam pa'i shes pas kyang gcig nyid rtogs kyi de la 'brel pa med pa'am/ khyad par dang khyad par can du gyur pa gnyis rtogs pa ni med de/ de'i phyir 'di ba lang nyid kyi sgo nas rdzas rtogs pa ni ma yin no/ /ba lang nyid rdzas dang tha mi dad par rtogs pa'i phyir rnam par bcad pa yin te/de nyid kyi phyir tha dad par ma rtogs so zhe na/ ma yin te/ tha mi dad par nye bar 'dogs pa ni gnyis rtogs pa nyid yin na srid pa'i phyir te/ khur bu pa la ba lang zhes bya ba bzhin no/ /rdzas nyid rnam pa gcig tu rtogs par 'gyur ba'am/ spyi nyid la yin gyi/ spyi'i khyad par gyi rdzas rtogs pa ni ma yin no/ /spyi nyid rtogs pa ni ma yin te/ khyad par gyi chos su rtogs pa'i phyir ro/ /gzhan yang ba lang snyam pa'i shes pas yul du byas pa'i rang bzhin ni ba lang dkar po/ /ba lang khu yu zhes khyad par dang gzhi mthun par snang gi 'di la ba lang nyid yod la/'di yang ngo zhes ni ma yin no/ /khyad par yang khyad par gzhan la yang tha mi dad par rig pa 'jug pa'i gegs byed pa yin no/ /'di'i khyad par gzhan la yang tha mi dad par rig pa ni rjes su 'brel par byed pa nyid yin no/ /de la khyad par tha mi dad par snang ba ni 'di ni 'di la yin la 'di la yang ngo zhes tha dad pas rjes su 'brel par byed mi nus so//de nyid 'di yin no zhes tha mi dad pas kyang ma yin te/ khyad par yang rjes su sbyor bar thal ba'i phyir ro/ /khyad par ni khyad par gzhan gyi bdag nyid can ma yin no//de dang tha mi dad par snang la tha dad pa dang rjes su 'brel pa ni de spangs nas rjes su 'brel par nus pa ma yin no/ /rtogs pa gzhan gyis de'i bdag nyid kyi dngos po spangs pa yin na yang de la yod pa yang yod pa ni 'di na'o zhes tha dad pa nyid kyis rjes su 'brel bar 'gyur na/ de ltar ni rtogs pa med la khas kyang mi len te 'brel pa rtogs par dka' bas spyi dang khyad par dag tha dad par rtogs pa med pa'i phyir ro//de'i phyir gang gi yul du gyur pa spyi yin par 'gyur ba tha mi dad pa yin par rtogs pa ni yod pa ma yin pa nyid do/ /'di la ba lang ngo snyam pa'am/ba lang ngo snyam pa nyid kyang khyad par dang gzhi mthun pa nyid de/ de la yang khyad par gzhan la rjes su sbyor ba ni med do/ /des na spyi'i shes pa med pas 'di zla ba gnyis bzhin du shes pa'i rnam pa nyid ma yin no/ /gal te 'di la ba lang ngo snyam pa rjes su 'brel par byed pa ma yin mod/rigs mi mthun par mngon par 'dod pa'i khyad par spangs nas khyad par gzhan la 'jug pa'i shes pa de nyid de las gzhan rnams kyis rigs gcig go bar byed pa yin no/ /de ltar ni mi nus te/ 'di ltar/ phan tshun log par gyur pa yi//rang rten rnam par rig pa ni/ /khyad par khyad par can tsam la/ /nus yod dngos gcig la ma yin/ /'di ni bshad zin te/ gzhan tha mi dad par nye bar btags pa las sam/ khyad par can dang khyad par can gyi dngos po yin pa'i phyir/ 'di ba lang zhes rnam pa gcig tha dad par rtogs pa ni cung zad kyang med do//de bas na 'di ni ba lang gcig yin la/ 'di gzhan yin no zhes rang bzhin de nyid de ltar rtogs pa gzhan dang tha dad par rtogs pas phan tshun log par rtogs pa yin te/ de lta ma yin na/ ba lang gzhan yin no snyam du shes par mi 'gyur ro//khyad par la ltos nas gzhan nyid do zhe na/ ma yin te/ rnam pa gzhan snang ba med pa'i phyir ro/ /ba lang zhes gzhan nyid du rtog pas na rtog pa gcig gi yul du byas pa'i phyir dang khyad par dag las gcig dang 'brel pa zhes bya bar nus pa ma yin te/snam bu dkar po ring ngo zhes bya ba lta bu'o/ /de'i phyir 'di ba lang / 'di yang ba lang zhes ba lang gi rnam pa nyid kyis ba lang ba lang gzhan las log par snang ba na khyad par bye brag can rtogs par byed kyi/ tha mi dad pa 'ga' zhig tha dad du snang ba las 'di ma yin no//des na khra bo dang bum pa gnyis khu yu las tha dad par khyad par med kyang / gang las de la ba lang nyid yin pa na ba lang las tha dad par 'gyur la/ bum pa ni ma yin par 'gyur ba nyams su myong bas grub pa'i khyad par yod pa yin te/ phan tshun rnam par dbye bas tha dad pa'i bdag nyid ba lang dang rta'i tshogs gnyis tha dad par snang ba'i phyir ro//des na slob dpon gyis 'di nyid tha dad pa rnams 'bras bu gcig la nus par sgrub pa'i sgo nas de dang der bstan pa yin no/ /de'i phyir rtogs pas ni gang las ba lang ma yin pa las log par tha mi dad par 'grub pa khyad par bye brag tu gyur pa tsam nyid 'grub kyi spyi ni ma yin no//gsal ba tha dad med gcig dang / /tha dad tha dad min pa'ang med/ /tha dad rig dang tha dad kyi/ /rang bzhin can chos der gcig phyir/ /gsal ba rnams las tha mi dad par gcig gam/tha dad pa dang tha mi dad pa gcig ni de dag la med do/ /gang las she na/ rtogs pa dpyad pa ji skad bshad pa nyid las so/ /'di ltar khyad par rnams ni tha dad par rig pa yin gyi/ tha dad par ni ma yin no zhes brjod pa yin no/ /khyad par gyi bdag nyid kyis tha dad kyang spyi'i bdag nyid kyis tha mi dad do zhe na/de lta na 'o na spyi dang khyad par dag tha dad pa tha mi dad pa'i rang bzhin du 'gyur ro/ /gang gi phyir tha mi dad pa med par ni spyi tha mi dad pa med par mi 'thad la tha dad pa med na yang spyi'i bdag nyid kyis tha mi dad cing khyad par gyi bdag nyid kyis tha dad do zhes bya ba mi 'thad pa'i phyir ro//tha dad pa dang tha mi dad pa'i rang bzhin du rtogs pa ni med de/ ba lang khra bo zhes ba lang nyid dang khra bo nyid la sogs pa'i chos rnams kyi rig pa tha dad pa med pa'i phyir ro/ /gal te ldog pa tha dad pa la brten pa'i chos tha dad pa khas blangs pa ma yin nam zhe na/bden te/ rtogs pa dang ma rtogs pa'i rgyu mtshan can bsgrub bya sgrub byed kyi de ni yod pa yin te/ ba lang zhes gcig gi bdag nyid du rtogs pa na de'i bdag nyid kho na'i rang bzhin ma rtogs par bsam pa'i rang bzhin la re bar rig pa'i phyir te/dkar po zhes rtogs pa na de'i bdag nyid du rtogs pa'i phyir ro/ /'di ni ji ltar rtogs pa de ltar der de nyid yin par khas blang bar bya ba yin na/ ba lang dkar po'o snyam pa la ni tha dad par rig pa med do/ /de'i phyir spyi tha dad pa dang tha mi dad par smra ba yang rtogs pa'i tshad ma can ma yin gyi/khyad par bye brag can sgrub par byed pa nyid do zhes brjod do/ /spyir smra ba rtogs pa nyid gtsigs so cher bzung ste/ bde bar gshegs pa dang 'gran pa'i phyir rang gi phyogs kyang rtogs pa nyid kyis bsgrub pas rtogs pa nyid med pa'i sgo nas lan btab pa yin te/ci skad du/ blo yi snang ba tha dad de/ /de dag mtshungs zhes 'dzin phyir ro/ /zhes bya ba la sogs pa bshad pa yin no/ /dngos po rnam par dpyad pa ni rgyas par rnam 'grel nyid dam/ rnam 'grel gyi rjes su 'brang ba las khong du chud par bya'o/ / 'bras bu de byed gcig nyid la/ /de ltar rtogs la ltos te yang / /blo 'gyur phyir na myong ba las/ /tha dad med min nges rten yin/ /ci ste yang gal te ba lang ngo zhes bya ba de lta bu la sogs pa'i shes pa khyad par gyi yul can nyid yin te/ zla ba gnyis la sogs pa bzhin du yod par thal ba'i phyir spyi snang ba med pa nyid yin na/'o na ji ltar rnam par rtog pa spyi'i yul can nyid dang / gzhan sel ba spyi'i tha snyad du brjod ce na/ 'dir bshad pa/ 'dir me la sogs pa du ba la sogs pa'i 'bras bu byed pa can dag mngon sum dang mi dmigs pa dag las du ba la sogs pa rang gi 'bras bu dang 'brel pa ma rtogs par ni 'bras bu de byed pa nyid du nges pa ma yin no//des na 'bras bu de byed pa nyid rtogs pa la ltos te 'bras bu de byed pa nyid kyi blor 'gyur ro/ /de yang gsal ba gcig nyid la de ltar rtogs pas bsal ba gzhan la yang mthong ba la ltos pa med par rtogs par 'gyur ro//des na gsal ba de ni gsal ba de'i rang bzhin can nyid du nges pa yin te/ gsal ba rigs mi mthun pa dag 'bras bu gcig byed pa yin yang gcig la ltos pas gzhan la rtogs pa med pa'i phyir ro//sle tres la rims sel ba'i nus pa rtogs pas sle tres kyi gsal ba gzhan la de ltar rtogs kyi/ sha ri ba la ni ma yin pa bzhin no/ /de nyid kyi phyir tha dad pa 'dres pa'i rnam pa can gyi spyi'i rtogs pa 'khrul pa yin yang don la mi slu bar srid pa yin no/ / de lta ma yin na gzhan nyid la de ltar rtogs pa'i phyir nya phyis la dngul du rtogs pa ltar tshad ma ma yin pa nyid du 'gyur ro/ /de ltar tha mi dad pa'i rang bzhin rig pa ni ma yin te/ tha dad pa'am tha mi dad pas de ltar rtogs pa bkag pa'i phyir ro/ /de'i phyir spyi rtogs pa grub pa ni ma yin gyi/ma rtogs kyang 'di phyi rol gyi don bzhin du nges pa yin no/ /des na brjod du med pa spyi'i rtogs pa 'di ni 'jug pa tha mi dad pas dpag pa yin no/ /de nyid kyi phyir/ de la bsam pa'i dbang gis ni/ /spyi yod par ni rab tu bsgrags//de yi ji ltar kun brtags pa/ /de ni dam pa'i don du med/ /ces bshad do/ /de ltar rang gi bdag nyid tha dad pa med par shes par byas pas don 'dres par 'gyur ba yin te/ don de dang tha mi dad pa med par brtags pa'i phyir dang / lhag par zhen pa'i ngor don gyi yul can nyid du khas blangs pas de la yang don nyid du yang brjod pa'i phyir ro//de'i phyir/ de ltar shes pa'i rnam pa nyid/ /ci zhes bya bar brjod pa yin/ /ji skad du/ gang gi rang gi ngo bo yis/ /gzhan gyi ngo bo sgrib byed pa/ /zhes bya ba dang de bzhin du/ /gal te spyi ni shes pa yi//rang bzhin nyid du thal bar 'gyur/ /de ltar 'dod phyir skyon yod min/ /don gyi ngo bo nyid kyi spyi/ /zhes bshad do/ /de'i phyir tha dad pa'i rang bzhin gyi don tha dad pa'i sgo nas brtags pas rnam par rtog pa gzhan sel ba'i yul can yin gyi/ blo chung zhing phyin ci log tu gyur pa rnam 'grel gyi rjes su 'brang bar mi nus pa dag gis ji ltar brtags pa gang yin pa de ni 'thad pa ma yin te/'di ltar/ med sgro 'dogs na dngos po dang / /dngos med de yang 'dod ma yin/ /de dag de lta nyid yin na/ /rang bzhin rang bzhin med gang las//don ni dngos po'am dngos po med par nges pa yin no/ /gang na 'di yod pa des ni yod pa nyid yin la/ gang na med pa de ni med pa nyid de/ yod dam med ces ma nges pa ni ma yin no/ /yod na bdag nyid thams cad kyis yod pa dang / med na med pa yin no//de la gal te yod pa de rnam par rtog pas brtags pa yin na shing yod do zhes yod pa'i don dang 'brel par mi 'gyur te/ yod pa'i don lhag pa la mi ltos pa'i phyir/ dper na shing yod do zhes rtogs pa 'brel par mi 'gyur ba bzhin no/ /'on te med pa de'i phyir dgag pa'i don dang 'brel par mi 'gyur te/dper na med do zhes rtogs pa yang dgag pa'am/ sgrub pa gzhan dang 'brel par mi 'gyur ba bzhin te/ med pa ni yod pa nyid du 'gal ba'i phyir ro/ /de bzhin du gzhi mthun pa'i chos gcig bkag na de'i bdag nyid kyis med pa yin gyi/bdag nyid thams cad kyis ni ma yin te/ dper na sgra rtag pa ma yin no zhes bya ba bzhin no/ /'di la de'i bdag nyid yin yang rtag pa nyid med ces bya bar rtogs kyis/ sgra yang ni ma yin no/ /de bas na rnam par rtog pa phyi rol ji ltar gyur pa de lta bu nyid sgro 'dogs pa ma yin pa'i phyir bsgrub pa'i rang bzhin sgro 'dogs pa ma yin no//rnam par rtog pa de sgro 'dogs par byed pa'i rnam pa ni rab tu grub pa yin no/ /phyi rol ji ltar gyur pa de lta bur gyur pa sgro 'dogs pa yin pa sgrub pa'i rang bzhin sgro 'dogs par byed par 'gyur na/de lta ni ma yin no/ /de'i phyir shing la sogs pa mthong ba la bsgrub pa'i rang bzhin shing gi yod pa nyid dang / med par dgag pa'i rang bzhin shing med na yod pa yin no/ /de'i phyir de'i bsgrub pa'i rang bzhin sgro gdags par mi nus pas/ med par dgag pa'i rang bzhin sgro 'dogs pa yin te/phyi rol med par dgag pa'i mthar thug pa med par dgag pa'i khyad par can shing gi rnam pa lhag par sgro 'dogs pa'i phyir ro/ /de lta yin dang dngos po dang dngos po med pa thun mong ba nyid 'thad pa yin no/ /shing ma yin pa las log pa sgro 'dogs pa'i phyir te/med pa las log pa ni ma yin zhes des gang brjod pa de ni ma 'brel ba yin te/ sgrub pa'i rang bzhin phyi rol gyi rnam pa las gzhan nyid yin na yod do zhes rtogs pa la yang bsgrub pa'i rang bzhin nyid do/ /des na rnam par rtog pas yod do zhes rtogs pa gang yin pa de ni yod pa'i don ma yin te/ci yod ces de yang chos can la ltos pa yin pa'i phyir dper na shing zhes rtogs pa shing ma yin pa bzhin no/ /de'i phyir de la ltos pa'i phyir shing gi don phyi rol dang / mi mthun par mi 'gyur ro/ /phyi rol ni yod pa'i bdag nyid can nyid kyis yod pa gzhan la ltos pa med pa'i phyir 'di mtshan nyid mi mthun par brjod pa yin no//rnam par rtog pa'i yul ni yod pa'i don la ltos pa yin yang / yod pa'i don la ltos pa nyid du mi 'gyur te/ de de las gzhan yin pa'i phyir ro/ / de bas na 'di mi mthun pa'i sgrub par byed pa ma yin no/ /de nyid yod pa'i don ma yin mod de/ 'di'i de la ltos pa nyid ni yod pa ma yin no/ /de yang dngos por 'gal ba yin te/ de'i rang bzhin yin pa'i phyir ro zhe na/ ma yin te/ de nyid ltos par bya ba yin pas yod pa'i don la ltos pa nyid ma grub pa'i phyir ro//de ni rnam par rtog pa las snang bar nus pa ma yin pa'i phyir ji ltar nges pa ltos par 'gyur te/ sngon shes pa ma shes pa nyid ltos par bya ba yin pa'i phyir ro/ /de ni nam yang rtogs pa med do/ /mngon sum gyis shes pa nyid do zhe na bden mod kyi/rnam par rtog pa la zhugs pa med pa'i phyir rnam par rtog pa'i gnas skabs su ltos par bya ba ma yin par 'gyur ro/ /de bzhin du phyi rol gyi dngos po med pa yang rnam par rtog pa'i yul ma yin te/ de ni rang bzhin med pa nyid kyis rtogs pa'i yul ma yin pa'i phyir ro//'di'i mtshan nyid mi mthun pa ni rtogs pa'i yul nyid yin no/ /ci ste dngos po dang dngos po med pa de dag nyid kyang rnam par rtog pa'i yul du yang 'gyur na/ 'o na shing yang shing nyid yin pa'i phyir ji ltar sgrub pa'i rang bzhin sgro mi 'dogs pa zhes bya/shing min bkag pa shing gi ni/ /rang bzhin ma yin de rtogs na/ /shing rtogs mi 'gyur gal te der/ /'gyur na de ltar 'gyur ba yin/ /de dag phyi rol sgro 'dogs par bsgrub pas de ltar 'khyams pa yin te/ der gyur pa'i grub pa'i rang bzhin sgro mi 'dogs kyang med par dgag par sgro 'dogs par khas blangs pa'i phyir ro//de lta ma yin na ni sgro 'dogs pa bkag pa nyid kyis rtsod pa 'di rdzogs pa'i phyir gzhan sel ba yul nyid du mi 'gyur ro/ /de la yang gal te shing ma yin med par bkag pa'i rang bzhin shing gi rang bzhin no zhes bya bar grub na de'i tshe de sgro btags par 'gyur ba yin no//de ni yod pa ma yin no/ /shing la ni shing ma yin med kyi/ de med pa yod pa ni ma yin no/ /des na 'di rtogs pas shing la ci zhig rtogs par 'gyur ro/ /yang na shing la shing ma yin/ /bkag pas yod pa yin du chug pa de lta na yang /gal te de bsgrub pa'i rang bzhin nyid yin na de'i tshe sgro 'dogs pas na de nyid sgro btags par 'gyur ba'i phyir sgrub pa'i rang bzhin du sgro mi 'dogs pa ma yin no/ /ci ste yang bsgrub pa'i rang bzhin tsam ma yin na/ de lta na 'o na shing zhes med par bkag pa sgro btags kyang shing la ci zhig sgro btags par 'gyur te/gzugs sgro btags pas ro bzhin no/ /gzhan yang 'di dngos po ni rang dang gzhan gyi rang bzhin gyis yod pa dang med pa'i bdag nyid yin no zhes mu stegs byed gzhan gyi 'dod pa lta bur ma 'dres par khas blangs par 'gyur ro//gang yang shing gis rtogs pas de la gnas pa shing ma yin med par bkag pa rtogs par sems pa de'i shing ma yin med do zhes med par bkag pa na shing rtogs par 'gyur ro/ /gal te yang shing la yang med par dgag pa yod na ci ltar mngon sum gyis ma rig /mngon sum ma yin na yang bzung ba dang ma bzung ba dag ji ltar don gcig gi rang bzhin du 'gyur/ de'i phyir gzhan sel ba yul du brjod pa yang ma 'brel ba nyid do/ /blo gang la ni gang snang med/ /de la de sgro 'dogs pa med/ /rjes su dpog kyang 'gal ba yin//rang bzhin rig pa der brten min/ /gal te shing zhes rtogs pa la dgag pa'i don rtogs pa yod na med par dgag pa'i rang bzhin gyi don sgro btags par 'gyur ro/ /de'i phyir 'di ci ltar med par dgag pa'i khyad par can yin/ dgag pa'i don mi snang yang dngos su na shing ma yin pa las log pa'i shing / sgro 'dogs pa yin te/ phyi rol bzhin du shing ma yin pa bkag pa ni de la yang yod pa'i phyir ro/ /sgro btags pa de nyid ni dgag pa'i don med par dgag pa'i rang bzhin sgro btags pa yin no zhe na/de ni ma yin te/ rnam par rtog pa'i yul du 'gyur ba ni mi rtogs pa mi srid pa'i phyir ro/ /ma rtogs kyang dngos po'i mthu las byung ba'i rang bzhin ni rtogs pa'i yul la srid pa ma yin te/ skad cig ma nyid kyang yin par thal ba'i phyir ro//de bzhin du rnam par rtog pa med pa'i yul la yang 'gyur ro/ /gal te yang 'di shing yin na shing ma yin pa las tha dad par 'gyur ro/ /de lta yin dang sgrub pa'i rang bzhin sgro 'dogs par 'gyur ro/ /dgag pa'i don rtogs pa med kyang rjes su dpag pa las sgro 'dogs pa yin no zhe na/ma yin te/ de dang mi 'gal bar rig pa la de rjes su dpag pa srid pa'i phyir sngon po la skad cig ma nyid bzhin no/ /'gal ba ni ma yin te/ de la dro ba ma yin pa bzhin no/ /dgag pa rjes dpag 'gyur ba dang / /gtan tshigs bsgrub bya khyad med 'gyur/ / dngos med dngos med sgrub byed la/ /don chos 'brel pa'ang med par 'gyur/ /gzhan sel ba ni med par dgag pa yin la/ rjes su dpag pa yang de'i yul can yin pa'i phyir skad cig ma ma yin pa med do/ /me ma yin pa med do zhes rjes su dpag pa mtha' dag dgag pa'i rang bzhin du 'gyur gyi/skad cig ma nyid du rtogs par ni ga la 'gyur te/ de ni sgrub pa'i rang bzhin yin pa'i phyir ro/ /gtan tshigs kyang rnam par rtog pa'i yul yin pa'i phyir sgrub byed med par dgag pa yin la/ bsgrub bya yang de nyid yin pa'i phyir bsgrub bya gang yin pa de nyid sgrub byed du 'gyur ro//gsal bya tha dad pas tha dad do zhe na ma yin te/ tha dad pa ni yod pa nyid kyi khyad par du rtogs pa'i phyir ro/ /med pa ni yod pa ma yin no/ /dngos po nyid dngos po la bsal bar bya ba yin na de ni sgrub pa'i rang bzhin rnam par rtog pa med pa'i yul yin pa'i phyir ji ltar bsal bya tha dad par 'gyur/dngos po nyid dngos po'i bdag nyid dang / dngos po'i bskyed par bya ba yin pa'i phyir dngos po'i rang bzhin de'i bdag nyid dang / de las byung ba ji ltar sel ba'i bdag nyid kyis bsgrub bya dang sgrub byed la yod par 'gyur//sel ba nyams su myong bas kyang / /brtags pa don blo min de las/ /nges dang ldan pa'ang ma yin te/ /rtogs med la yang yod phyir ro/ /ji skad du/ ji skad bshad pa'i tshul gyis don dang mi mthun pa yin yang / sgro btags pa la don nyid du rtogs pa de las gzhan pa las ldog pas byas pa'i 'dra ba la ltos pa can ni med par dgag pa sgro btags pa med par mi 'gyur ro//de bzhin du gal te sgro btags pa min na ji ltar yang / shing ma yin pa la ldog pa'i bdag nyid can nges pa'i bdag nyid kyis shing rtogs par mi 'gyur ro//nges pa'i bdag nyid bsgrubs pa'i shugs kyis 'gyur ro zhe na/ de nyid ldog pa med na ga las zhes brjod pa de yang mi rigs te/ don rnam pa gzhan myong ba la gzhan du rnam par rtog pa'i rgyu ni mthong ba dang rnam par brtags pa dag 'dra ba yin par brjod de/ dper na smig rgyu myong ba la chur rnam par rtog pa bzhin no/ /de ltar gzhan las ldog pa myong ba na/ don du rtogs pa ni ma yin no/ /rtogs pa 'di ni gcig nyid yin te/ gang gi tshe 'dra ba nyams su myong ba 'di nyid kyi tshe don du lhag par zhen pa'i phyir 'di dag la rgyu mtshan can gyi dngos po ci zhig yod/gzhan sel ba rtog pa kho nas nges pa nyid kyang ma yin te/ mngon sum de'i yul can ma yin pa yang de ltar gyur pa rtogs pa'i phyir ro/ /sgrub pa dang dgag pa dag ni blo la ma yin zhing / gzung ba'i rnam pa ma yin la/ sgro btags pa'i rang bzhin la yang ma yin te/thams cad rang gi rang bzhin du yod par mi 'khrul pas sgrub pa don med pa'i phyir dang / dgag pa 'gal ba'i phyir ro zhes smras pa gang yin pa de yang ma 'brel pa yin te/ 'di ltar/ 'khrul pa mi slu gnod pa las/ /phyi rol yod dang med par ni//rtogs byed gzhan ni de spangs nas/ /tha dad med par rig phyir ro/ /don du snang ba skyes pa der the tshom za ba mi slu ba dmigs pa las de bzhin du rtogs te/ der snang ba dang po nyid du grub pa la ci 'di ci ltar snang ba de kho na ltar yin nam/ 'on te de lta ma yin zhes the tshom za ba/mi slu ba las rtogs na phyi rol bsgrub par 'gyur ba'am/ gnod pa bkag na phyi rol nyid bkag par 'gyur ba yin te/ de ltar rtogs pa la rtsod pa med pa'i phyir ro/ /yid bslad pa med pas bum pa yod do/ /bum pa med do zhes sgrub pa dgag pa khong du chud pa gang yin pa de ni nges pa la ltos nas phyi rol gyi mthar thug pa nyid yin te/sgra'i don rnam pa gsum dang / tshig gi don rjes su 'brel pa ni sngar rnam par phye ba'i phyir ro/ /'di 'ga' zhig la rnam par bzhag nas 'ga' zhig tu sgrub pa'am 'gog pa ni ma yin te/tha dad par rtogs pa ma grub pa'i phyir ro/ /ji ltar grub la don rang gi /bdag nyid gnas dngos rig pa ltar/ /dgag pa'i blo la dgag pa yi/ /don dang 'brel par 'gyur ba min/ /bsgrub pa la ni rang gi bdag nyid la gnas pa'i don sgrub bzhin pa'i chos dang 'brel par rtogs pa yin te/rtogs pa'i ba lang sngon po'i bdag nyid du rig pa bzhin no/ /med do zhes bya ba ni bum pa'i bdag nyid rnam par gnas pa nyid dgag pa'i don dang 'brel ba ma yin gyi/ 'on kyang de'i bdag nyid ldog pa rtogs pa nyid 'di'i dgag pa rtogs pa yin no//med pa'i don ni ldog pa yin la/ de yang bum pa'i sgra sbyar ba med na yul med par 'gyur ba'i phyir de sbyar bas bum pa med par rtogs pa yin no/ /de bas gal te bum pa yin na ji ltar med ces bya ba 'gal bar mi 'gyur/ med pa la sgra sbyor ba yang sgra rnams don yod pa la mi ltos pa nyid kyis mi 'gal lo//des na 'di 'brel ba med pa'i phyir ji skad bshad pa'i lam bzung ba nyid rigs so/ /mkhas rlom pas kyang gang la ji bzhin blo ma rnyed/ /rab brtags tshig la'ang gsal 'dzin rmongs pas phongs gyur pa//mu stegs lta ngan rgya cher 'joms pa'i gzhan sel 'di/ /ji bzhin bstan la mkhas rnams dpyod par mi byed dam/ /gzhan sel ba grub pa dge bsnyen dam pa/ mkhas pa chen po bram ze shaM ka rA nan+das mdzad pa rdzogs so// //grong khyer dpe med du kha che'i paN+Di ta ma no ra tha dang /