| བོད་ཡིག |
200a2 gzugs can min/ /bdag nyid tha dad sgra rnams rab tu sbyor/ /de phyir sgra ni dngos po mi smra yin/ /gzhan sel brtag pa'i tshig le'ur byas pa/ /slob dpon dge srungs kyis mdzad pa rdzogs so// //[]@##/ /rgya gar skad du/ I shwa ra bAM ga kA ri kA/ bod skad du/
200a3 dbang phyug 'jig pa'i tshig le'ur byas pa/ /thams cad mkhyen pa la phyag 'tshal lo/ /gang gis yang dag mkhyen gyur cing / /sems can rnams la ston byed pa/ /'gro mgon de la phyag 'tshal te/ /yang dag gtan la dbab par bya/ /las dang nyon mongs las skyes shing / /
200a4 skad cig ma dang de bdag med/ /thams cad mkhyen dang 'dod chags bral/ /bsdus te 'dir ni brjod par bya/ /glen blo gang zhig 'di dag kun/ /dbang phyug gis ni byas so zhes/ /smra ba de yang mi shes pa/ /gzhom phyir 'khor du gsal bar brjod/ /lus dang dbang po sa la
200a5 sogs//thams cad dbang phyug gis ma byas/ /lus 'bras rtogs pa tha dad phyir/ /dper na rgyu las skyes mthong bzhin/ /de yang dbang phyug bskyed bya na/ /blo ldan skye las grub 'gyur te/ /ji ltar bum pa de bzhin du/ /gzhan zhes gtam du brjod mi bya/ /byed pa la sogs
200a6 rtag pa yi//rgyu las skyes pa ma yin te/ /rim 'jug phyir na dper blo bzhin/ /bdag dang dbang phyug sel bar blta/ /gal te de yang dbang phyug las/ /log pa'i shes pa bzlog pa'i phyir/ /bstan bcos rtsom pa don med de'i/ /rgyu yod pa las skye phyir ro/ /dngos po
200a7 dbyangs dang ldan pa rnams//blo dang ldan pas byas 'grub pa/ /de yang chos kyi khyad par las/ /phyin ci log tu sgrub pa yin/ /lus sogs dbyibs dang ldan pa'i phyir/ /mi rtog du mas bskyed bya bar/ /gzung ste dper na khyim sogs la/ /de bzhin du ni mthong phyir ro/ /
200b1 blo dang ldan pa'i rgyu can du/ /'on te spyir ni sgrub byed na/ /grub pa sgrub ste gang gi phyir/ /thams cad las las skyes par 'dod/ /dngos rnams brgyan pa nyid do zhes/ /gtan tshigs yongs su bsgrags pa gang / /de yang ma grub dngos po kun/ /de yi ngo bor 'byung phyir ro/ /gang
200b2 phyir tha dad grub dngos rnams//bkod pa brgyan pa zhes bya na/ /de yang mig la sogs rnams la/ /khyim la sogs bzhin mi snang ngo / /dbang phyug 'dod pa'i dngos po de/ /dbang sogs yon tan mi ldan te/ /mi skye ba dang mi 'jig bzhin/ /khyab phyir nam mkha'i bdag nyid
200b3 bzhin//rgyu ldan phyir na gzhan gyis bskyed/ /dper na bum pa la sogs bzhin/ /ri bong rwa ni ma skyes la/ /rgyu nyid yod pa ma yin no/ /dgos pa med par byed pa ni/ /smyon pa rnams dang mtshungs par 'gyur/ /'on te dgos pa'i phyir yin na/ /de la dbang phyug yod mi 'gyur/ /
200b4 gal te dbang phyug gzhan dag dang / /las la ltos pa yin na ni/ /de la ltos na de la ni/ /dad pa kho nas dmigs par zad/ /gal te lus sogs gzugs yin na/ /thams cad byed pa ma yin te/ /lus ldan dbang po ldan pa'i phyir/ /byed phyir de las gzhan pa bzhin/ /ji skad
200b5 bshad pa'i gtan tshigs las//dbang phyug skye dang ldan pa dang / /'jig dang khyab pa nyid du ni/ /rnam pa kun du thal bar 'gyur/ /dbang phyug 'dod pas byed po na/ /la lar kun du ci phyir min/ /yon tan skyon dag rnam dpyad nas/ /la lar 'dod pa rab 'jug go/ /yon tan
200b6 skyon skye gang yin pa//dbang phyug sngon du 'gro yin na/ /des na de dag thams cad du/ /skye ba nyid du thal bar 'gyur/ /de tsam las ni skye ba'i phyir/ /'dod pa cig car skye bar 'gyur/ /sngar skyes ma yin gang yin te/ /phyis ni ji ltar skye bar 'gyur/ /'on te shes pa'i ngo bo na/ /dbang
200b7 po med par ga la zhig /ma sprul pa yi sngon rol du/ /shes bya med par ji ltar shes/ /'on te mi gsal rang bzhin na/ /rang dbang can du ji ltar sngon/ /'dod pa skye ba'i rgyu tsam ste/ /dper na chu la sogs bzhin na/ /rgyu yin na yang rtag pa dang / /ngo bo gcig tu rnam gnas phyir/ /dngos
201a1 po rnams ni thams cad du//rtag tu skye ba nyid du 'gyur/ /rigs pa'i lam gyi rjes 'brangs pa'i/ /mkhas pa'i tshul ni 'di nyid kyis/ /khyab 'jug tshangs pa la sogs pa'ang / /gsal bar khong du chud par bya/ /dbang phyug 'jig pa'i tshig le'ur byas pa/ /