CLOSE WINDOW

D4246
བོད་ཡིག

/'jig rten grags pa bzla na ni/ /don gzhan brjod pa'i sgra 'ga' zhig /yongs su rtog par byed pa ltar/ /de bzhin 'dir yang cis mi 'dod/ /thos pa brtag pa'i tshig le'ur byas pa/ /slob dpon dge srungs kyis mdzad pa rdzogs so// //[]@##/ / rgya gar skad du/ a n+yA po ha bi tsa ra kA ri kA/ bod skad du/ gzhan sel brtag pa'i tshig le'ur byas pa/ thams cad mkhyen pa la phyag 'tshal lo/ /de phyir rang bzhin tha dad la/ /'bras sogs mtshungs pa mthong ba'i phyir/ /blo yi gcig tu sgro btags nas//tha snyad rnams la rab tu 'jug /gang dag rtag par dus gcig tu/ /don gyi bya ba gcig byed pa/ /de dag 'dus pa'i sgrar brjod do/ /khyim dang dmag dang nags tshogs bzhin/ /gang dag dus dang rnam rtog gis/ /'bras bu gcig ni byed pa rnams//de dag rigs sgrar brjod bya ste/ /dper na bde sdug la sogs bzhin/ /gang dag rim gyis 'brel par ni/ /skye zhing don byed bzod pa rnams/ /de dag rgyun sgrar brjod bya ste/ /rgyun dang rang bzo'i rgyun bzhin no/ /gcig yin du mar rung yin zhing / /blo yis char ni rnam brtags nas//gnas skabs bye brag bstan bya ste/ /gnas dang skye dang rnam 'jig bzhin/ /gang yang dngos gcig yul can ni/ /nyi zla nam mkha'i sgra bzhin no/ /mchu dus cha shas bye brag la/ /de yang bye brag med par 'jug /gang dag dngos sgra der de bzhin/ /dngos med la ni gang dag yin//de dag phyi la mi ltos par/ /blo yis rnam brtags don brjod bya/ /gal te sgra'i don rnam shes la/ /rang gi mtshan nyid mi snang na/ /de la snang ba ma yin pa/ /der ni nges pa ga la yod/ /'di ltar bye brag don med cing / /bye brag mthong ba sngon 'gro'i phyir/ /bye brag rnams su sgro btags smras//kho na nyid du 'khrul ba yin/ /dbang don sgra yi don ma yin/ /de med bzhin du snang phyir dang / /tha dad rnam par dmigs phyir ro/ /gcig dang du ma'i gzugs ldan min/ /mngon sum gyis ni don gzugs gcig /mthong ste sgra dang nyer gyur na/ /de nyid byed po la sogs gzugs//sna tshogs su ni 'dzin par 'gyur/ /lce yi dbang pos gzhan du myang / /sgra yi mngar bar brjod pa gzhan/ /de phyir dbang don rnam kun du/ /sgra yi spyod yul ma yin no/ /sgra yi don gsal byed pa ni/ /rnam par rtog pas sgro btags nyid/ /de nyid phyir na byed po rnams//brjod 'dod sgo nas 'jug par 'dod/ /gang du ba lang ltos zhes smra/ /mig ni rig rig byed 'gyur ba/ /de sgra'i don gyi rnam shes ni/ /rang mtshan nyid la blta bar 'dod/ /blta ba'i bya ba sbyor ba ni/ /der rung rab tu ston byed na/ /dga' dang bcas pa'i rgyud la ni//blta bar 'dod par byed par 'gyur/ /'on te der ni don gyi gzugs/ /sgra yis rab tu gsal 'dod na/ /gang gi ming ni 'jug 'gyur ba/ /blta bya lhag pa de ci zhig /mthong bzhin du ni mi rnams kyis/ /'ga' zhig gis ni sgra brjod gang / /de mthong btags pa mi phyed pa//rmongs shing shin tu g.yo rnams kyis/ /gnyis ka'i rnam par rtog pa la/ /don yod na ni gzugs gzhan zhig /snang ba gang yin don gcig la/ /zhen pas de la brdar 'dogs so/ /brdas bsgos 'di ni ci zhig yin/ /cig shos kyis kyang 'di yin zhes/ /ji srid rnam rtog mi dmigs pa//de srid brda ni mi 'byung ngo / /de phyir smra po nyan pa po'i/ /blo gnyis mtshungs snang spyod yul gcig /kho na nyid du phyi rol don/ /sgra yi spyod yul 'ga' yang med/ /rang gi blo la snang ba ni/ /rig pa yin yang phyi rol dang / /gcig par 'dzin pa'i nga rgyal skye//rab rib can du mtshungs blo bzhin/ /rang gi mtshan nyid mtha' yas phyir/ /brjod bya min phyir de la ni/ /brdar 'dogs mi 'dod blo la ni/ /snang ba'i phyir na spyi la'ang min/ /de phyir blo yi don la ni/ /brdar 'dogs phyi rol gnas la min/ /gang la skyes bu brdar 'dogs pa//tha snyad la yang de rtogs so/ /phyi'i don yod dam med kyang rung / /blo yis brtan pa'i gzugs gang yin/ /de nyid nyan po'i sems la ni/ /sgra de rnams kyis go bar byed/ /kun las bzlog pa'i ngo bo ni/ /'ga' zhig las ni rnam ldog pa/ /mi rnams kyis ni rab bsgrubs par//sgra ni yang dag sbyor bar byed/ /'ga' zhig las ni rnam ldog pa/ /ldog pa la ni yang ltos nas/ /khyad par khyad par gzhi nyid de/ /de ltar sgra don tha dad do/ /'ga' las ldog pa'i bye brag gis/ /brda yi rjes su byed pa'i sgra/ /tha dad don te de nyid du/ / dngos min gzhan yang gcig pa min/ /de phyir mang las ldog srid na/ /de la ji ltar brda gcig tu/ /'dogs zhes smra ba gang yin pa/ /de ni dpyad pa ma yin no/ /thams cad las ni ldog pa yi/ /gcig po de ni gang gang las/ /rnam par ldog pa'i sems byed pa/ /ngo bo des ni sgra sbyor ro//med kyang mthong ba gang yin dang / /gang yang yod kyang ma mthong ba/ /de gnyi ga yang bor nas ni/ /de yi ldog pa bsam par bya/ /ldog rnams de la sngon po dang / /ser po bzhin du mi snang gi /de la ldog pa'i ngo bo yi/ /don gcig 'ba' zhig snang bar 'gyur//gang gi spyi ni gcig yin zhing / /mngon sum gyis ni nges 'gyur de'i/ /ji ltar ba lang zhes bya'i brdas/ /ba lang nyid ni 'ba' zhig brjod/ /kun la 'brel ba ma mthong ba'i/ /byis pas brda 'dogs ji lta bu/ /de phyir 'brel brtag go zhes/ /kha cig smra ba de mi bzang / / gang zhig nye na sgra gang zhig /rtogs shing ma rtogs gzhan du ni/ /mthong dang ma mthong goms pa las/ /bdag nyid kyis ni brda nges so/ /sgra rjes 'gro dang ldog gnyis kyis/ /dngos po gcig pu la yang 'di/ /khyad par spyi yi ngo bor ni/ /yang dag 'jog par byed pa yin/ / thams cad la ni brda kun gyis/ /sa bon khong na yod mod kyi/ /gang du blo yongs smin 'gyur pa/ /der de rab tu rtogs par 'gyur/ /rang gi rkyen gyi stobs kyis ni/ /mi rnams kyis ni brdar 'dogs so/ /gzhan la de yi mtshan ma ste/ /de phyir de zhes rjod par byed/ /'brel pa brtag pa yin na ni//skyes bu'i 'dod la rag las nas/ /gzhan gyis gzhan la sbyor byed pa'i/ /brda ni don la mi srid do/ /tha snyad la ni byang gyur pa/ /sgra tsam 'dzin par byed pas na/ /brjod par bya la dran pa skye/ /du ba las ni me bzhin no/ /lkog gi don la brdar 'dogs pa//de yi mtshan nyid 'di 'dra'o zhes/ /mthong ba bstan nas rjod byed de/ /mtho ris la sogs sgra bzhin no/ /de phyir sgra don thams cad du/ /nor ba yin te brda bsgos pa/ /yang dag min don ston byed de/ /rtswa mchog la ni glang tshol bzhin/ /don nyid log pa yin yang ni/ / gang la brgyud don 'brel yod pa/ /de mi slu ste gzhan ma yin/ /rmi lam bden dang brdzun sogs bzhin/ /nor bu rin chen 'od gnyis la/ /rin chen blos ni mngon rgyug pa/ /shes pa nor par khyad med kyang / /don bya ba la khyad par yod/ /gang phyir bye brag don byed cing / /bye brag mthong ba sngon 'gro ba//de phyir bye brag rnams la ni/ /sgra don sgro btags nas 'jug go/ /bye brag yongs su ma shes phyir/ /skyes pa dag ni sgra don la/ /phyi rol snyam du rlom byed cing / /phyi rol nyid la rgyug par byed/ /blo yis bstan pa'i ngo bo la/ /smra ba po ni sgra dag gis/ / yod dang 'gog pa thams cad byed/ /ji ltar yang ni phyi la min/ /yod pa bsags pa'i ngo bo'i don/ /'gog pa med pa'i bdag nyid de/ /smra ba po yi bye brag gis/ /sgra las cig car gcig la nges/ /rang rkyen dbang gis gcig pa dang / /du ma'i ngo bor nges 'gyur te/ /nye bas kha dog bsgyur ba yis//nor bu rnams dang shel bzhin no/ /de phyir bstan bcos byed pa rnams/ /dngos po gcig pu la yang ni/ /blo gros tha dad gzhan du na/ /thams cad mtshungs par 'dzin par 'gyur/ /brda yis rjes su mthun byed pa/ /nor ba'i sa bon mtshungs pa'i phyir//smra ba po dang nyan pa'i blo/ /don gcig 'dzin par snang bar mtshungs/ /thog med bag chags goms phyir zhing / /de yang rang bzhin gyis gnas phyir/ /sgra don yul la de lta bur/ /blo ni 'khrul pas rab tu 'jug /kun du tha dad mi snang la/ /blo yi sgra don de nyid la//spyi'o snyam du rlom byed cing / /de bzhin bye brag sogs mtshan nyid/ /gzhan las log pa'i ngo bo yis/ /dngos po'i ngo bo gzhan du snang / /de phyir gzhan sel zhes bshad de/ /de bzhin du ni dngos po'i cha/ /de phyir sgra 'di de de min/ /'jug dang mi 'jug 'bras bu yin/ /de phyir gzhan rnams bcad pa ni//dngos po'i char ni rab tu bstan/ /gang las log pa'i dngos de dag /de dag de bzhin kho nar snang / /spyir ni bye brag rnams la min/ /blo la snang ba ma yin no/ /shes bya min sogs las log pa/ /tha snyad 'dogs pa rnams la snang / /de phyir shes bya sogs tshig la'ang //gzhan sel rab tu bsgrubs pa yin/ /shes bya min pa'i sgra don gang / /de nyid rnam par log byed de/ /shes bya'i sgra dang 'gal ba'i phyir/ /seng ldeng shing sha pa sogs bzhin/ /'on te shes bya min don med/ /sgra ni ji ltar rab tu 'jug /gal te shes bya med la de//de nyid rnam par zlog par byed/ /gang phyir med par dgag pa yang / /ldog par byas pa yin pas na/ /de med pa yi sgo nas ni/ /bsgrub bya sgrub byed gtan tshigs yin/ /gzhan dngos rnam par bcad pa la/ /brda ru 'dogs par byed na ni/ /shing dang shing min dngos po dag /phan tshun rten pa nyid du 'gyur/ /shing min ltos nas shing ma yin/ /shing la brten nas shing min min/ /phan tshun rnam par dben pa yis/ /de de min dbye rig sgo nas/ /de'i dngos min par bor nas su/ /de lta bu la ci nas kyang / /mi ni 'jug par 'gyur snyam nas/ /tha snyad 'dogs pas brdar 'dogs so//brdar 'dogs pa la rigs mi mthun/ /rnam par bcad nas 'di nyid ces/ /bya bar gdon mi za bar 'dod/ /gsal ba nges la brten phyir ro/ /gzhan la yin na de lta na/ /de don nges pa nyid mi 'gyur/ /ngag gi 'bras bu rnam gcod de/ /de med na ni 'bras bu med//shing ni shing min rnam gcod do/ /shing la brten nas shing min min/ /shing min med pa ma rtogs pa/ /shing de phan tshun ltos ma yin/ /sgra yi byed pa'i bye brag gis/ /bye brag 'dir ni rab bsgrags kyis/ /dngos po'i bye brag gis min na/ /ci phyir de sgro btags sun 'byin//shing min me yi ngo bo yi/ /shing la sogs pa sel ba'i phyir/ /shing dngos bye brag gis min te/ /de phyir phan tshun rten ma yin/ /sgra yi don yang gzhan yin la/ /dngos po'i don yang gzhan du 'dod/ /shing ni sgra sogs sogs pa ste/ /sgra don 'brel ba med pa nyid//rtags dang grangs dang rnam dge sogs/ /thams cad 'dres pa'i bdag nyid de/ /mig gis gsal bya sgra yis ni/ /skyes bu la sogs bstan pa yin/ /de ltar bye brag ldog mtshan nyid/ /bdag nyid gcig tu go ba yin/ /tha dad min phyir de bzhin du/ /rigs dang bye brag sogs brjod min//'dis ni gzhan sel zhes bya la/ /ba lang sogs rtogs bya ba'i phyir/ /sgra gzhan btsal bar bya'o zhes/ /smras pa gang yin de bsal to/ /ldog pa dang ni log pa gnyis/ /tha dad na ni 'dir 'gyur na/ /tha dad min na sgra gzhan zhig /ci yi phyir na yongs su rtog /de la sogs pa gzhan sel la/ /nyes pa bstan pa gang dag yin/ /de dag gis ni gnas mi thod/ /mkhal la lcag gis rdob pa bzhin/ /'di ni kho na nyid bsam pa/ /sgra yi don yang gnas par bya/ /'jig rten tha snyad rnams la ni/ /rang gi bsam pa'i rjes su 'jug/ / don de ji ltar go 'gyur ba/ /de de bzhin du gtan la 'bebs/ /tha snyad kyis ni gnyer ba'i phyir/ /de de bzhin du gzhan du min/ /kun mkhyen kho na'i don la ni/ /glang po mig 'dzums bzhin mdzad nas/ /tha snyad la ni rnam gnas nas/ /'jig rten bzhin du don ston mdzad/ /ka tam kar ko ta ka pa ta sogs//phan tshun rnam ldog dngos po gang dag yin/ /de dag blos dngos gcig tu yongs brtags nas/ /shing dang ljon shing sgrar ni btags pa yin/ /gcig pa yin yang du mar yongs brtags nas/ /skye 'jig gnas dang gzugs can/ /