| བོད་ཡིག |
188b3 /[ ]@##/ /rgya gar skad du/ sarba dz+nyA sing+ng+hi kA ri kA/ bod skad du/ thams cad mkhyen pa grub pa'i tshig le'ur byas pa/ thams cad mkhyen pa la phyag 'tshal lo/ /de phyir gal te don kun rig /nyes spangs 'ga' zhig yod
188b4 na ni//de las rig byed don 'grub kyi/ /gzhan du long ba brgyud pa yin/ /thos las shes pa phul phyin dang / /ldan pa'i skyes bu yod ces 'byung cho/ /de phyir shes ldan skyes bu kun/ /mi shes pa dang 'brel pa yin/ /'on te de ni dgongs pa ste/ /gzhan du dgongs nas bstan yin
188b5 na//de ltar sems pa spangs pa yi/ /rtag la ji ltar dgongs pa yin/ /gal te rigs pas bsal phyir na/ /thos pa tshad ma ma yin 'gyur/ /de phyir mchod sbyin sogs tshig la'ang / /tshad ma'i rgyun ni ci zhig yod/ /gal te gang la rigs pa yi/ /gnod med rig byed de blangs na/ /
188b6 ci phyir rigs pas mi gnod pa'i/ /nal bu'i tshig kyang blang mi bya/ /mngon sum min pa'i dgongs rnams la/ /rigs dang dngos la brten ma yin/ /lung la brten pa yin zhe na/ /de nyid dngos su rtog pa yin/ /de phyir thos pa tshad ma na/ /don kun rig pa'i skyes bu grub/ /de spong ba yi
188b7 glen rnams la//mchod sbyin mtho ris sogs tshig rnams/ /tshad ma yod pa ma yin te/ /rig byed phyogs gcig gyur pa'i phyir/ /kun mkhyen yod pa'i tshig bzhin no/ /gal te me sogs yod tshig dang / /rig byed tshad ma'ang de yod de/ /rig byed yan lag gyur pa'i phyir/ /me
189a1 bzhin sreg sogs tshig bzhin na//de yang kun la rung ba'i phyir//don gcig nges la dbang phyug min/ /de phyir brjod 'dod sgra rnams ni/ /don gcig gnas pa'i rgyu yin no/ /don gang brjod par 'dod pa la/ /mi yis sgra de brjod pa ni/ /de nyid sgra
189a2 de'i brjod bya zhes//mngon par brjod par bya ba yin/ /de yang brda las shes bya ste/ /de phyir gang gis bsngags brjod dang / /mchod sbyin snyan ngag rig byed byas/ /shes mthu ldan pa 'ga' yod do/ /gal te byed po shes ldan na/ /ji ltar bdag la sogs pa bstan/ /bdag
189a3 med kho na zhes bshad la//de ni gzhan du mi smra'o/ /de lta'ang gzhan don gnyer ba ni/ /'ga' zhig nyan pa po la ltos/ /dgongs pa'i dbang gis 'ga' zhig ni/ /de ni gzhan du ston par 'gyur/ /tha snyad 'dogs pa'i sems can ni/ /bsam pa sna tshogs snang bas na/ /
189a4 de phyir de yi bsam pa yang / /bdag 'dras shes par mi nus so/ /yang na sems rgyun la dgongs nas/ /log pa'i lta ba yongs spong ba'i/ /'bras bu ster bar 'gyur ba ni/ /de ni sems can ston pa yin/ /rig byed mchod sbyin las la ni/ /srog gcod la sogs gang bshad
189a5 dang //cho ga la ni mngon spyod sogs/ /ma bgrungs sems can gnod byed pa/ /de dag don byed la ltos nas/ /'ga' zhig gis ni yi rang ste/ /dper na yul 'khor bsrung ba'i phyir/ /sdang ba'i sems can btang ba bzhin/ /yang na nga rgyal can kyi mi/ /'ga' zhig
189a6 gis ni ched du bstan//cho ga gzhan gyis mnyes pa yi/ /lha rnams gsol ba'i las byed do/ /yang na sngon las rnam smin gyis/ /de ni mthu dang ldan pas na/ /gang zhig srog gcod byas na yang / /mthu las nyams par mi 'gyur ro/ /sngags sman gdon 'dre'i mthu la
189a7 sogs//rab tu ston par byed pa'i phyir/ /de shes skyes bu 'ga' zhig 'byung / /mi shes phyir na ji ltar ston/ /'on te rang gi blos brtags nas/ /'ga' yis de ni rab bstan te/ /'jig rten 'di na de tshun chad/ /lung ni rab tu gnas she na/ /de rigs ma yin gdon 'dre
189b1 dang //gsang sngags ched dpyad rigs pa rnams/ /ming tsam gyis ni ji ltar yang / /shes par nus pa ma yin no/ /chags la sogs dang 'brel pa ni/ /mkhas la mngon par brtson yang ni/ /gnod dang gsang sngags mthu yis ni/ /rnam pa kun du shes dbang med/ /de
189b2 phyir gang gis lung bstan nas//da dung shes pa skye 'gyur ba/ /mngon sum ma yin mthong ba yi/ /'jug par byed pa'i skyes bu yod/ /thams cad mkhyen pa grub pa'i tshig le'ur byas pa/ slob dpon dge srungs kyis mdzad pa rdzogs so// //