187b5 rgya gar gyi mkhan po shAkya siM ha dang / zhu chen gyi lo tsA ba ban de dpal brtsegs kyis bsgyur cing zhus nas gtan la phab pa'o//[ ]@##/ /rgya gar skad du/ na yA lo kA sid+d+hi/ bod skad du/ rigs pa grub pa'i sgron ma/ 'phags pa 'jam dpal la phyag
187b6 'tshal lo//ma rtogs log rtogs the tshom las/ /grol nas nges don gnas bya'i phyir/ /phyogs shes nga rgyal bcom nas ni/ /bden dang 'brel ba'i mtshon byed dgod/ /gzhal bya 'jal byed 'jal tshul dang / /dgos ched bsdus don dbye ba dang / /'dus 'bras bus
187b7 lus gzhag go//snang grags myong rig chos rnams la/ /bden dang 'brel pa'i mtshon byed kyis/ /rang gi ngo bo rgyu 'bras dang / /de dag sgro skur bral bar 'jal/ /des ni rang gi ngo bo dang / /byed dang mngon par grub pa dang / /rigs pa'i the tshom sel ba dgos/ /bsdu na ngo bo
188a1 nges tshig dang //tshig dang mi mthun phyogs kyis bsdu/ /bden dang 'brel pa mtshon pa'i ngo / /ngang tshul ji ltar gnas pa de/ /ldan dang 'brel legs 'grig dang thob/ /tshig don gnas lugs mtshan ma dang / /nges pa'i shes pa 'brel legs tshig/
188a2 rtogs nas lam zhugs don grub pa'o/ /de bral nga rgyal tshan kha yis/ /mu cor 'dod rgyal smra ba'o/ /dbye na grangs dang mtshan nyid dang / /'jal ba'i tshad dang thal ba'i sa/ /chos nyid bya byed ltos 'thad sgrub/ /de yi cha yis khyab pas na/ /chos rnams rten cing 'brel
188a3 bsgrub pa//mtshon par bya ba mtshon byed pa/ /de nyid yin par sgrub pa'o/ /chos nyid byed dang mngon par grub/ /rigs pa'i dngos gzhi dri med cing / /dngos gzhing snang ba ma log pa/ /de srid rigs pa bzhis 'jal tshad/ /chos nyid thal drags dngos por 'gyur/ /
188a4 bya ba byed pa rgyur smrar 'gyur/ /ltos pa ltos dgos dbang phyug rgyu/ /'thad sgrub mngon pa'i nga rgyal 'gyur/ /'dus thams cad chos nyid de/ /ji ltar sgrub kyang bya byed dang / /ltos pa'i rigs pas grub pa la/ /'thad pa sgrub pas nges mtshon pa/ /chos nyid ngang las ma
188a5 'das pas//gtan tshigs gtan la 'bebs sgrub na/ /rigs pa thams cad gtan tshigs nyid/ /gtan la 'bebs par 'dus pa yin/ /de la mngon sum rjes su dpag /rang bzhin gtan tshigs nyid 'dus te/ /de chos khyab pa mtshan nyid pas/ /ma 'bel khyab
188a6 pa mi sred la//tha dad 'brel pa'ang mi 'thad de/ /'di ltar rgyu 'bras 'brel pa yang / /rgyu yi rang bzhin 'bras skyed pa'i/ /bya ba byed pa las mi 'da'/ /'bras bu'i rang bzhin rgyu nyid la/ /ltos te 'byung ba las mi 'da'/ /tha dad gyur pa'i 'brel pa ni/ /mkhas pa
188a7 nam yang mi 'dod la//bya ba byed pa tshogs pa na/ /ltos pa mi 'byung mi srid de/ /ltos pa'i 'bras bu gcig byung na/ /byed pa tshogs las ma byung min/ /byed pa log na ltos pa ldog /ltos med byed pa tshogs pa yang / /gshis la srid pa ma yin pas/ /med na
188b1 mi 'byung rag las 'brel//khyab pa rang bzhin nyid du bas/ /des ni ma rtogs log rtogs dang / /the tshom las grol nges don gshes/ /thams cad mkhyen pa yul med cing / /stong nyid brgyan pa'i sangs rgyas pa'o/ /phyogs lta gcod pa'i rigs pa'i tshig /
188b2 skyes thob shes rab la brten te/ /mdor bsdus dge bsnyen ngas bkod 'dis/ /kun kyang rigs pa'i gnas grol shog /rigs pa grub pa'i sgron ma zhes bya ba slob dpon tsan+d+ra go mis mdzad pa rdzogs so// //paN+Di ta shrI siM ha pra b+hA dang / lo tsA ba dge
slong bai ro tsa nas bsgyur ba'o/