CLOSE WINDOW

D4231
བོད་ཡིག

/ //rgya gar gyi mkhan po dzi na mi tra dang / zhu chen gyi lo tsA ba ban+de ye shes sde la sogs pas bsgyur cing zhus te gtan la phab pa//[ ]@##/ /rgya gar skad du/ na ya bin+du TI kA/ bod skad du/ rigs pa'i thigs pa'i rgya cher 'grel ba/ 'phags pa 'jam dpal gzhon nur gyur pa la phyag 'tshal lo/ /skye ba'i gdung ba rgyun rab 'byung rgyu can/ /'gro las rnam par rgyal ba 'dod chags las/ /sogs pa'i dgra ldan bde bar gshegs pa'i gsung / /yid kyi mun pa spyod par mdzad pa rgyal/ /yang dag pa'i shes pa ni zhes bya ba la sogs pas ni rab tu byed pa 'di'i brjod par bya ba'i dgos pa brjod do//rab tu byed pa'i lus ni rnam pa gnyis te/ sgra dang don to/ /de la sgra'i dgos pa ni brjod par bya ba bstan pa nyid yin gyi gzhan ma yin pa de'i phyir de mi dpyad do/ /ci ste brjod par bya ba yang dgos pa med pa nyid yin na ni de bstan pa'i phyir sgra dgod pa'i rtsom pa yang mi bya bar 'gyur te/dper na bya rog gi so dgos pa med pa'i phyir rtogs pa dang ldan pa de brtag pa'i rtsom pa mi byed pa bzhin no/ /de bas na rab tu byed pa 'di brtsam par bya ba nyid du bstan pa'i phyir 'dis brjod par bya ba'i dgos pa bstan to/ /'di dag gi don ni gang gi phyir yang dag pa'i shes pa skyes bu'i don thams cad 'grub pa'i sngon du 'gro ba de bas na de bstan pa'i phyir 'di brtsams so zhes bya ba yin no//'dir ni rab tu byed pa'i brjod par bya ba yang dag pa'i shes pa'i dgos pa de skyes bu'i don thams cad 'grub pa'i rgyu nyid du bstan pas dgos pa brjod pa yin no/ /don 'di brjod pa na yang 'brel pa dang / dgos pa dang /brjod par bya ba rnams bstan pa yin te/ 'di ltar skyes bu'i don la phan pa'i yang dag pa'i shes pa rab tu byed pa 'dis bstan par bya ba yin par smra ba na yang dag pa'i shes pa ni sgra bkod pa 'di'i brjod par bya ba yin la/ de bstan pa ni dgos pa yin no/ /rab tu byed pa 'di ni dgos pa'i thabs su smras pa yin te/de bas na brjod par bya ba'i dgos pa bstan pa'i shugs kyis 'brel pa la sogs pa bstan pa yin no/ /ngag gcig po 'dis ni 'brel pa dang / brjod par bya ba dang / dgos pa rnams dngos su smra bar mi nus kyi/ gcig smra ba na gsum ni shugs kyis bstan te/ de la de zhes bya ba ni brjod par bya ba'i tshig go/ /bstan to zhes bya ba ni dgos pa'i tshig go/ /smra ba po rab tu byed pa mdzad par rtsol ba'i dgos pa dang / nyan pa rnams nyan pa'i dgos pa yang 'dir bsam par bya ste/ 'di ltar rtog pa dang ldan pa thams cad kyi 'jug pa ni dgos pa brtags nas 'jug go/ /de bas na slob dpon gyis rab tu byed pa ci'i phyir byas/nyan pa rnams kyang ci'i phyir nyan ces the tshom du gyur pa la bstan pa ni dgos pa yin no zhes brjod do/ /yang dag pa'i shes pa khong du chud par byed pa rnams kyi ston pa por bdag nyid bya ba'i phyir rab tu byed pa 'di byas la/ slob ma rnams kyang slob dpon gyis sbyar ba bdag nyid khong du chud par 'dod nas rab tu byed pa nyan pas na rab tu byed pa mdzad pa dang /nyan pa gnyis kyi dgos pa ni khong du chud pa yin no/ /'brel pa ston pa'i tshig ni med de shugs kyis khong du chud par bya'o/ /'di ltar yang dag pa'i shes pa bstan pa'i phyir rtog pa dang ldan pa rnams rab tu byed pa 'di rtsom pa ni 'di nyid thabs yin gyi gzhan ma yin par bstan pa nyid kyis rab tu byed pa dang dgos pa gnyis thabs dang thabs las byung ba'i 'brel pa yin no//rab tu byed pa nyan pa'i sngon rol du brjod par bya ba la sogs pa bstan du zin kyang tshad ma med pa'i phyir rtog pa dang ldan pa rnams 'dzin par mi 'gyur ba nyid ma yin nam/ rtsom pa'i phyogs su de dag bstan pas ci zhig bya zhe na/ rab tu byed pa ma thos par ni smras su zin kyang nges par mi 'gyur ba bden mod kyi/ bstan na tshad ma med pa'i brjod par bya ba la sogs pa la the tshom skye la/ the tshom las kyang rab tu 'jug par 'gyur ro/ /rtog pa dang ldan pa rnams don la the tshom yod pa ni 'jug pa'i yan lag yin la/don du mi 'gyur ba la the tshom yod pa yang ldog pa'i yan lag yin pa de bas na/ bstan bcos mdzad pa nyid kyis 'brel pa la sogs pa ni brjod par rigs so/ /'chad pa po rnams kyi tshig ni brtse ba la sogs pa'i don du gzhan du srid kyi/ bstan bcos mdzad pa rnams rab tu byed pa rtsom pa la ni brjod par bya ba la sogs pa'i log par ston pa'i dgos pa ma mthong la 'jug pa yang med de/de bas na de dag la the tshom bya bar rigs so/ /ma bstan na ni rtog pa po rnams rab tu byed pa 'di'i brjod par bya ba ni bya rog gi so brtag pa bzhin dgos pa med do zhes bya bar srid par 'gyur ba'am/ klu 'jog po'i spyi bo na rims nad sel ba'i rin po che'i rgyan gyi man ngag bzhin du bsgrub par mi nus pa'am/ma bag mar len pa'i rim pa'i man ngag bzhin du dgos pa'i 'dod par bya ba ma yin pa'am/ rab tu byed pa 'di bas dgos pa'i thabs sla ba yod pa'am/ rab tu byed pa thabs ma yin pa kho na'o zhes bya bar yang srid par 'gyur te/don med par srid snyam pa de dag las don med par srid snyam pa gcig yod na yang rtog pa dang ldan pa rnams 'jug par mi 'gyur ro/ /brjod par bya ba la sogs pa smras na ni don med par srid snyam pa dang mi mthun par srid snyam pa 'byung bar 'gyur la/ des kyang rtog pa dang ldan pa rnams 'jug par 'gyur ro//de bas na rtog pa dang ldan pa rnams 'jug par 'gyur bas na/ rtog pa dang ldan pa rnams 'jug pa'i yan lag tu don yod par srid do snyam du bya ba'i phyir 'brel pa la sogs pa bstan par bya'o zhes bya bar gnas so/ /mi slu bar byed pa'i shes pa ni yang dag pa'i shes pa yin no/ /'jig rten na yang sngon nye bar bstan pa'i don dang phrad par byed pa la mi slu bar byed pa zhes brjod do//de bzhin du shes pa yang bstan pa'i don dang phrad par byed na mi slu bar byed pa zhes brjod do/ /phrad par byed pa nyid kyang bstan pa'i don la 'jug par byed pa kho na phrad par byed pa nyid yin gyi gzhan ma yin te/ 'di ltar shes pa ni skyes bar byed pas don dang phrad par byed pa ma yin gyi/'on kyang don la skyes bu 'jug par byed pas na don dang phrad pa yin no/ /'jug par byed pa yang 'jug pa'i yul ston par byed pa nyid kyis/ skyes bu rnams btsan thabs su shes pas gzhug par ni mi nus so/ /de bas na don rtogs pa kho na tshad ma'i 'bras bu yin la/rtogs pa'i don la skyes bu bcug par gyur pa ni don dang phrad par gyur pa yang yin no/ /de ltar na don rtogs par 'gyur ba'i phyir tshad ma'i bya ba rdzogs pa yin no/ /de bas nam bcad pa'i yul can ni tshad ma yin te/ shes pa gang gis thog ma nyid du don rtogs pa de nyid kyis skyes bu bcug par gyur cing don dang phrad par gyur pa yang yin te/don de kho na la ni shes pa gzhan gyis lhag pa ci byar yang med do/ /de bas na bcad pa'i yul can ni tshad ma ma yin no/ /de la mthong ba nyid du shes pa'i don gang yin pa de ni mngon sum nyid kyis 'jug pa'i yul du byas pa yin no/ /gang gi phyir don gang la rnam par rtog pas mngon sum gyi byed pa nyid rjes su rtog pa de'i mngon du byas pa ston par byed pa ni mngon sum yin no//de bas na ma mthong ba nyid du shes par byas pa ni mngon sum gyis bstan pa yin no/ /rjes su dpag pa yang rtags mthong ba las nges pa 'jug pa'i yul ston par byed pa yin no/ /de lta yin dang mngon sum yang snang bzhin pa'i don nges par ston par byed pa dang /rjes su dpag pa yang rtags dang 'brel pa'i nges par ston par byed pa yin te/ de'i phyir de gnyis ni nges pa'i don ston par byed la nges na tshad ma yin no/ /rnam par shes pa gzhan ni ma yin te/ thob par nus pa'i don ston pa ni thob par byed pa yin la/ tshad ma yang thob par byed pa las yin na tshad ma gnyis las gzhan pa'i shes pas bstan pa'i don ni smig rgyu la chu bzhin du kha cig shin tu phyin ci log pa yin la/ de yang med pa'i phyir phrad par bya mi nus so/ /kha cig ni yid gnyis kyi don bzhin ni yid gnyis ni don bzhin du dngos po dang dngos po med pa ma nges pa yin la/ dngos po dang dngos po med pa gnyi ga'i don dang ldan pa'i 'gro ba yang yod pa ma yin la de bas na de dang 'dra ba phrad par mi nus so//rtags med par rnam par rtog pa nges par ma mthong bar 'jug pa thams cad kyis bstan par bya ba'i don ni dngos po dang dngos po med pa dag tu ma nges pa kho na yin pa de yang thob par mi nus so/ / de bas na phrad par mi nus pa shin tu phyin ci log pa dang dngos po med pa ma nges pa'i don ston par byed pas shes pa gzhan ni tshad ma ma yin no/ /don byed pa don du gnyer ba rnams kyis kyang don byed par nus pa thob pa'i rgyu mtshan gyi shes pa btsal bar bya ba yin la/ des btsal ba gang yin pa de nyid bstan bcos las kyang dpyad par bya ba yin te/de bas na don byed par nus pa'i dngos po bstan pa ni yang dag pa'i shes pa yin no/ /gang zhig des rab tu bstan pa nyid des thob par bya ba yin te/ de thob par byed pa nyid ni don thob pa rtogs pa nyid ni don thob pa'i bdag nyid yin no zhes brjod pa zin pa yin no zhes de la yul tha dad pa dang /dus tha dad pa dang / rnam pa tha dad pa ni rab tu bstan pa las dngos po gzhan nyid de 'di ltar dngos po gzhan nyid 'gal ba'i chos dang ldan pa las yin la/ yul dang / dus dang / rnam pa tha dad pa yang 'gal ba'i chos dang ldan pa yin no/ /de'i phyir rnam pa gzhan dang ldan pa'i dngos po 'dzin pa ni rnam pa gzhan dang ldan pa'i dngos po la tshad ma yin te/dper na dung dkar po la ser por 'dzin pa bzhin no/ /rnam pa gzhan gyi dngos po 'dzin pa ni/ rnam pa gzhan dang ldan pa'i dngos po la tshad ma ma yin no/ /yul gzhan na gnas par 'dzin pa yang yul gzhan na gnas pa la tshad ma ma yin te/ ji ltar sgo'i bu ga'i gseb kyi yul na nor bu'i 'od gnas pa la nor bur 'dzin pa'i shes pa ni khang pa'i phug na nor bu gnas pa la tshad ma ma yin pa bzhin no//dus gzhan dang ldan pa 'dzin pa yang / dus gzhan dang ldan pa'i dngos po la tshad ma ma yin no/ /ji ltar nam phyed yin pa la nyi ma'i gung gi ngo bor 'dzin pa'i rmi lam gyi shes pa ni nam phyed kyi ngo bo la tshang ma ma yin pa bzhin no//yul nges pa dang rnam pa nges pa de ni phrad par nus pa yin gyi dus gang yin pa go yongs su bcad pa'i dus gang yin pa de nyid dang phrad par mi nus pa ma yin nam zhe na/ gang gi dus na yongs su bcad pa'i dus de nyid kyi tshe ni phrad par bya ba yin par mi smra ste/ mthong ba'i dus kyang gzhan phrad pa'i dus kyang gzhan yin pa'i phyir ro//'on kyang dus gang du yongs su bcad pa'i dngos po de nyid dang phrad par bya ba yin te/ tha dad pa med par mngon par zhen pa'i phyir rgyun gyis zhugs pa la gcig pa nyid du blta bar bya'o/ /gang gi sngon du shes pa 'gro ba de la de skad ces bya ste/ 'bras bu bas rgyu snga ba la sngon du sang ba zhes bya'o//rgyu'i sgra smos na ni skyes bu'i don 'grub pa'i dngos kyi rgyu yin par shes par 'gyur ro/ /sngon du song ba'i sgra ni snga ba tsam la bya'o/ /yang dag pa'i shes pa ni gnyis te/ don byed par snang ba dang / don byed par nus pa la rab tu 'jug par byed pa'o/ /de nyid la rab tu 'jug par byed pa gang yin pa de 'dir dpyad par bya ba yin la/de yang sngon du song ba tsam yin gyi/ dngos po rgyu ni ma yin te/ yang dag pa'i shes pa yod na sngar mthong ba dran no/ /dran pa las mngon par 'dod do/ /mngon par 'dod pa las rab tu 'jug go/ /rab tu zhugs pa na phrad par 'gyur te/ de'i phyir mngon sum gyi rgyu ma yin no//don byed par snang ba ni mngon sum du phrad pa'i rgyu yin mod kyi/ 'on kyang de brtag par bya ba ma yin te/ rtog pa dang ldan pa rnams gang la don du gnyer ba rtog pa dang ldan pa the tshom za ba de nyid ni brtag par bya ba yin no/ /don byed par snang ba'i shes pa yod na ni skyes bu don grub zin pas des na de la don du gnyer ba rnams yid gnyis med de/de'i phyir de brtag par bya ba ma yin no/ /de bas na brtag par bya bar 'os pa dngos kyi rgyu ma yin pa yang dag pa'i shes pa bstan par bya ba'i phyir rgyu'i sgra gzhan nas sngon du song ba smos so/ /skyes bu'i don ni don du gnyer bar bya ba'i don te/'dod par bya ba zhes bya ba'i don to/ /dor bar bya ba'am blang bar bya ba yin no/ /dor bar bya ba'i don ni dor bar 'dod la/ blang bar bya ba yang blang bar 'dod pa yin no/ /dor bar bya ba dang blang bar bya ba las ma gtogs pa phung po gzhan ni med de/ btang snyoms su bya ba yang blang bar mi bya ba yin pa'i phyir dor bar bya ba nyid do//de 'grub pa ni dor ba dang len pa dang / rgyu la rag las nas 'grub pa ni skye ba la brjod la/ shes pa la rag las te 'grub pa ni rjes su sgrub pa ste/ dor bar bya ba la ni dor bar bya bar rjes su bsgrub pa'o/ /blang bar bya ba yang blang bar rjes su sgrub pa'o/ / de bas na dor bar bya ba dang / blang bar bya ba gnyis la 'dor ba dang len pa'i mtshan nyid rjes su sgrub pa ni 'grub pa zhes bya'o/ /'di ni thams cad kyang yin la skyes bu don 'grub pa yang yin no/ /thams cad kyi sgra ni 'dir rdzas ma lus pa la 'jug gi/ rnam pa ma lus pa la ma yin no/ /de bas na yang dag pa'i shes pa'i rgyus rnam pa gnyi ga yang 'grub po zhes bya ba'i don 'di ni ma yin la skyes bu'i don 'di ni ma yin gyi/'on kyang gang ji tsam grub pa de dag thams cad ma lus par sgrub pa 'di'i rgyu ni yang dag pa'i shes pa yin no/ /log pa'i shes pa las bya rog dang ta la tsam du yang don 'grub pa med de/ 'di ltar ci ste bstan pa'i don dang phrad par byed pa de lta na de las don 'grub pa yin la/bstan pa dang phrad par byed pa yang yang dag pa'i shes pa kho na yin no/ /bstan kyang ma phrad pa ni log pa'i shes pa yin la/ thob par byed pa ma yin yang ji ltar don 'grub pa'i rgyur 'gyur/ de bas na log pa'i shes pa gang yin pa de las ni don grub pa ma yin la/gang las don 'grub pa de ni yang dag pa'i shes pa kho na yin no/ /de bas na yang dag pa'i shes pa nyid ni 'bad de bstan par bya ba yin no/ /gang gi phyir de nyid skyes bu'i don 'grub pa'i rgyu yin pa de bas na/ ji tsam du skyes bu'i don 'grub pa ni yang dag pa'i shes pa'i rgyu can kho na yin no zhes ji snyed smras pa de thams cad ni yang dag pa'i shes pa ni skyes bu'i don grub pa thams cad kyi sngon du 'gro ba zhes bya bas bstan pa yin no//yin pas na zhes bya ba'i sgra ni 'dir de bas na zhes bya ba'i don yin la/ gang dang de yang rtag tu 'brel pa yin no/ /des na don 'di yin te/ gang gi phyir yang dag pa'i shes pa ni skyes bu'i don thams cad 'grub par sngon du 'gro ba yin pa de bas na de bstan no/ /ci ste sgra'i sbyor ba la yang dag pa'i shes pa gtso bor ma gyur mod kyi/ 'on kyang rab tu byed pa 'dir brjod par bya ba yin pa'i phyir gtso bor yin no/ /de bas na de zhes bya ba'i sgra de nyid dang sbyar bar bya'o//bstan par bya ba yin pas log par rtogs pa bsal ba'i sgo nas so sor bstan pa ni bstan to zhes bya ba yin no/ /'dir log par rtogs pa rnam pa bzhi ste/ grangs dang / mtshan nyid dang / spyod yul dang / 'bras bu'i yul lo/ /de la grangs las log par rtogs pa bsal ba'i phyir/rnam pa gnyis te zhes bya ba smos te/ 'di la rnam pa gnyis te bye brag gnyis yod pas na rnam pa gnyis so/ /yang dag pa'i shes pa'i gsal ba ni gnyis yin no zhes grangs bstan pa'i sgo nas kyang gsal ba'i dbye ba bstan pa yin no/ /gsal ba'i dbye ba bstan pa ni gsal ba so so la nges pa'i yang dag pa'i shes pa'i mtshan nyid bstan par nus kyi/gsal ba'i dbye ba ma bstan na ni gsal ba mtha' dag la khyab pa'i yang dag pa'i shes pa'i mtshan nyid gcig po mi slu ba de rten so so las yod par smra bar mi nus so/ /de bas na grangs kyi dbye ba bstan pas ni/ mtshan nyid bstan pa'i yan lag kho na yin te/gsal ba'i bdag nyid kyang grangs kyi dbye ba ma bstan par ni mtshan nyid kyi dbye ba bstan par mi nus pa'i phyir ro/ /de ltar na mtshan nyid bstan pa'i yan lag nyid yin pa'i phyir grangs kyi dbye ba thog mar bstan to/ /rnam pa de gnyis kyang gang zhe na/ mngon sum dang zhes bya ba smos te/ dbang po la brten pa'i don ni mngon sum yin no/ /dbang po la brten pa yang sgra bshad pa'i rgyu mtshan yin gyi/ 'jug pa'i rgyu mtshan ni ma yin no/ /dbang po la brten pa nyid 'dis ni don gcig tu 'dus pa'i don mngon sum du byed pa nyid mtshon pa yin te/ de nyid sgra 'jug pa'i rgyu mtshan yin no//de bas na gang cung zad don mngon sum du byed pa'i shes pa de ni mngon sum zhes bya'o/ /ci ste dbang po la brten pa kho na 'jug pa'i rgyu mtshan du gyur pa yin na ni dbang po'i shes pa 'ba' zhig mngon sum yin par smras kyi/ yid la sogs pa ni ma yin par 'gyur ro/ /dper na 'gro bas na ba lang zhes bya ba la/ba lang gi sgras 'gro ba'i bya ba bshad pa yin mod kyi/ 'on kyang 'gro ba'i bya bas nye bar mtshon pa don gcig la 'dus pa'i ba lang nyid sgra 'jug pa'i rgyu mtshan nyid du byed la/ de ltar na 'gro yang rung mi 'gro yang rung / ba lang ni ba lang gi sgrar grub pa bzhin no/ /'dis dpogs pas na dpag pa ste/byed pa bsgrub pa'i rjes su dpag pa'i sgras ni rtog pa dang bcas pa'i mtshan nyid kyi tshad ma bstan te/ rtags bzung zhing 'brel pa dran pa'i rjes la dpogs pa la ni rjes su dpag pa ste/ phyogs kyi chos bzung nas bsgrub par bya ba dang sgrub par byed pa 'brel par dran na rjes su dpag pa 'jug pa ni dus phyis 'byung ba zhes bya'o//dang zhes bya ba ni mngon sum dang rjes la dpag pa ni gnyis ka yang mthu mtshungs par sdud pa yin te/ ji ltar don med pa'i mi 'byung ba'i phyir don dang phrad par byed pas mngon sum tshad ma yin pa de bzhin du rjes su dpag pa yang don med na mi 'byung ba'i phyir yongs su bcad pa'i don dang phrad par byed pas tshad ma yin no zhes so//de la zhes bya ba ni bdun pa'i don dang sbyar nas dmigs kyis dgar ba byed pa yin no/ /de bas na tshig gi don 'di yin te/ de la ste mngon sum dang rjes su dpag pa de gnyis la zhes tshogs pa bstan pa yin no/ /mngon sum ni zhes phyogs gcig tu byed pa yin te/de la tshogs pa las mngon sum nyid kyi rigs kyis phyogs gcig po tha dad du byed pa ni dmigs kyis dgar ba'o/ /de la mngon sum nyid rjes su brjod nas/ rtog pa dang bral zhing ma 'khrul pa nyid sgrub pa yin te/ khyed dang nged cag la don la mngon sum du byed pa'i shes pa grags pa gang yin pa de ni rtog pa dang bral zhing ma 'khrul pa nyid yin par blta'o//rtog pa dang bral zhing ma 'khrul pa nyid ma grub pa yin na mngon sum gyis shes pa'i ngo bo gzhan ci zhig lus te/ gang zhig mngon sum gyi sgras brjod par bya ba yin na rjes su brjod ces de snyam du ni bsam par mi bya ste/'di ltar dbang po'i rjes su 'gro ba dang ldog par byed cing don la yang mngon sum du byed pa'i shes pa ni thams cad la rab tu grub pa ni mngon sum gyi sgras brjod par bya ba yin la/ de rjes su brjod nas rtog pa dang bral zhing ma 'khrul pa nyid sgrub par byed do/ /rtog pa dang bral te mi ldan pa ni rtog pa dang bral ba yin te/rtog pa'i ngo bo dang bral ba zhes bya ba'i don to/ /ma 'khrul pa nyid sgrub par byed nus pa'i dngos po'i ngo bo la phyin ci ma log par 'gyur ba'i ngo bo la bya'o/ /don byed par nus pa'i dngos po'i ngo bo ni dbyibs su bkod pa'i khyad par can gyi kha dog gi bdag nyid de/de la ma 'khrul pa gang yin pa de dag ni ma 'khrul pa zhes bya'o/ /mtshan nyid de gnyi ga yang log par rtogs pa bsal ba'i phyir yin gyi/ rjes su dpag pa bsal ba'i phyir ni ma yin te/ 'di ltar rtog pa dang bral ba smos pa nyid kyis rjes su dpag pa bsal ba yin mod kyi/de la ma 'khrul pa ma smos na ni ljon shing 'gro bar snang ba la sogs pa dang bral ba yin pa'i phyir mngon sum yin par 'gyur ro/ /de la zhugs pa'i ljon shing tsam dang yang phrad par mi slu ba yin pa'i phyir yang dag pa'i shes pa yang yin la/ rtog pa dang bral ba yin pa'i phyir mngon sum yang yin par rtog par 'gyur ba de bsal ba'i phyir/ma 'khrul pa smos te/ 'di ltar de ni 'khrul pa'i phyir mngon sum ma yin la/ tshul gsum pa'i rtags kyis bskyed pa med pa'i phyir rjes su dpag pa yang ma yin no/ /tshad ma gzhan yang yod pa ma yin te/ de bas na ljon shing 'gro bar mthong ba la sogs pa ni log pa'i shes pa yin par bstan to//ci ste log pa'i shes pa yin na de la ji ltar shing dang phrad par 'gyur zhe na/ de las shing dang phrad pa ma yin te/ des ni yul sna tshogs su 'gro ba'i shing yongs su bcad pa yin la/ phrad pa'i shing ni yul gcig na nges pa yin no/ /de bas na ljon shing gi yul 'gro bar snang ba gang yin pa yul de dang ni ma phrad pa yin la/yul gang dang phrad pa de ni ma mthong bas/ de las don gang yang phrad pa med kyi/ shes pa gzhan zhig kho na las shing la sogs pa'i don dang phrad pa yin no/ /de ltar na ma 'khrul ba smos pa ni log par rtogs pa gsal ba'i phyir yin no/ /de bzhin du ma 'khrul pa smos pas kyang rjes su dpag pa gsal ba yin mod kyi/rtogs pa dang bral ba smos pa ni log par rtog pa bsal ba'i phyir ro/ rjes su dpag pa ni 'khrul pa yin te/ rang gi snang ba don med pa la don du mngon par zhen par zhugs pa'i phyir ro/ /mngon sum ni gzung ba'i yul la phyin ci ma log pa yin no/ / ma 'khrul pa ni 'dir mi slu ba yin par gzung bar mi bya ste/ 'di ltar yang dag pa'i shes pa kho na mngon sum yin gyi/ gzhan ni ma yin no/ /de la yang dag pa'i shes pa yin pa'i phyir mi slu ba yin par grub zin pa la yang mi slu ba smos pa ni dgos pa med pa kho na yin no/ /de ltar na dag gi don ni mi slu ba'i shes pa mngon sum zhes bya ba gang yin pa de ni rtog pa dang bral zhing mi slu ba yin no zhes bya bar 'gyur te/mi slu ba lan gnyis smos pa 'di la dgos pa ci yang med do/ /de bas na don byed nus pa'i dngos po gzung bar bya ba la phyin ci ma log pa gang yin pa de ma 'khrul pa yin par rig par bya'o/ /rtog pa yang ci 'dra ba zhig 'dir gzung bar bya zhe na/brjod pa dang zhes bya ba smros te/ 'dis rjod par byed pas na brjod pa ste smra bar byed pa'i sgra'o/ /brjod pa dang 'dre ba ni rjod par byed pa'i rnam pa dang lhan cig shes pa gcig la gzung ba'i rnam pa nyid du tshogs pa ste/ de bas na gang gi tshe shes pa gcig la brjod par bya ba dang rjod par byed pa'i rnam pa gnyis tshogs par yod pa de'i tshe brjod par bya ba dang rjod par byed pa gnyis 'dres pa zhes bya'o//mngon par brjod pa dang 'dre bar rung ba'i brjod par bya ba'i snang ba shes pa gang la yod pa de la de skad ces bya'o/ /de la shes pa kha cig ni brjod pa dang 'dres par snang ba yin te/dper na brda la blo byang ba rnams kyis bum pa'i don la rtog pa na bum pa'i sgra dang 'dres pa'i don snang ba yin no/ /kha cig ni mngon par brjod pa dang ma 'dres par yang mngon par brjod pa dang 'drer rung bar snang ba yin te/ dper na byis pa brda la blo ma byang ba rnams kyi rtog pa lta bu'o//de la rtog pa ni brjod pa dang 'dres pa'o zhes smos na ni brda la blo ma byang ba'i rtog pa bsdus par 'gyur bas rung ba smos pas de yang bsdus pa yin no/ /ci ste brjod pa dang 'dres pa snang ba ma yin du zin kyang der skyes ba nyid kyis rtog pa ni brjod pa dang 'drer rung bar snang ba kho na yin no/ / brjod pa dang 'dres pa gang yin pa de yang rung ba zhes bya'o/ /de bas na gnyi ga yang rung ba smos pas bsdus pa yin no/ /brjod pa dang 'dres pa med na ji lta rung ba nyid du shes par bya zhe na/ snang ba nges pa med pa'i phyir ro/ /snang ba nges pa med pa yang snang ba nges pa'i rgyu med pa'i phyir ro/ /gzung ba'i don gyis rnam par shes pa skyed pa na snang ba nges par skyed par byed pa yin te/dper na gzugs kyis mig gi rnam par shes pa skyed pa na snang ba nges pa skyed pa bzhin no/ /rnam par rtog pa'i rnam par shes pa ni don las skyes pa ma yin no/ /de bas na snang ba nges pa'i rgyu nges pa med pa'i phyir snang ba nges pa med pa yin no//rnam par rtog pa don las mi skye'o zhes bya ba de yin par ci mngon zhe na/ don nye ba la mi ltos pa'i phyir ro/ /byis pa rnams kyang ji srid du nu ma mthong ba na de nyid 'di yin no zhes sngon mthong ba nyid du mi 'dzin pa de srid du du ba btang nas nu mkhar 'jug par mi byed do/ /sngon mthong ba dang phyis mthong ba gnyis gcig tu byed pa'i rnam par shes pa ni yul nye ba can ma yin te/sngon mthong ba nye ba ma yin pa'i phyir ro/ yul nye ba ma yin pa can ni don la mi ltos la/ mi ltos na snang ba nges pa'i rgyu med pa'i phyir snang ba nges pa med pa yin te/ de 'dra ba ni brjod pa dang 'drer rung ba yin no/ /dbang po'i rnam par shes pa ni nye ba tsam 'dzin pa'i phyir don la ltos pa yin la/don kyang snang ba nges pa'i rgyu yin pa'i phyir snang ba nges pa yin no/ /de bas na mngon par brjod pa dang 'drer rung ba ma yin no/ /de nyid kyi phyir rang gi mtshan nyid smra bar bya ba dang smra bar byed pa'i dngos por khas blangs kyang de rnam par mi rtog par brjod do//gal te rang gi mtshan nyid kho na smra bar bya ba dang smra bar byed pa yin pa de lta na yang mngon par brjod pa dang 'dres ba'i don gyi rnam par shes pa rnam par rtog pa yin no/ /dbang po'i rnam par shes pa ni don gyi sgo nas snang ba yin pa'i phyir mngon par brjod pa dang 'drer rung ba snang ba ma yin pas rnam par mi rtog pa yin no//'o na rna ba'i rnam par shes pa ni sgra'i rang gi mtshan nyid la 'dzin pa yin la/ sgra'i rang gi mtshan nyid kyang kha cig ni smra bar bya ba yin la/ kha cig ni smra bar byed pa yin pas mngon par brjod pa dang 'drer rung ba snang bar 'gyur la/ de lta na ni rnam par rtog pa dang bcas pa nyid du 'gyur ro zhe na/ de lta bu'i skyon med de rang gi mtshan nyid smra bar bya ba dang smra bar byed par dngos po yod du zin kyang / rang gi mtshan nyid brda'i dus na mthong ba nyid du bzung na smra bar bya ba dang smra bar byed pa yang bzung bar 'gyur ro/ /brda'i dus na yod pa'i mthong ba'i yul gyi dngos po nyid ni da ltar yod pa ma yin no//dper na brda'i tshe na yod pa'i mthong ba da ltar 'gags pa de bzhin du de'i yul gyi don yang da ltar med pa yin no/ /de bas na rna ba'i rnam par shes pas ston gyi dus na mthong ba nyid mi 'dzin pas na smra bar bya ba dang smra bar byed pa'i dngos po 'dzin pa ma yin no/ / tshul 'dis rnal 'byor pa'i shes pa yang sgra dang don mtha' dag snang ba yin mod kyi/ brda'i dus kyi mthong ba mi 'dzin pa'i phyir rnam par mi rtog pa yin no/ /de dang zhes bya ba ni rnam par rtog pa dang ste/ rnam par rtog pa'i rang gi ngo bo dang bral ba ste/ stong par gyur cing ma 'khrul pa'i shes pa gang yin pa de mngon sum yin no zhes 'og ma dang sbyar bar bya ste/rtog pa dang bral zhing 'khrul pa med pa ni phan tshun ltos pas ni mngon sum gyi mtshan nyid yin gyi/ so sor ni ma yin no zhes bstan pa'i phyir de dang bral zhing ma 'khrul pa gang yin pa de mngon sum yin no zhes mtshan nyid gnyis phan tshun ltos pa ni mngon sum gyi yul can nyid du bstan pa yin no//rab rib ni mig la gnod pa ste/ 'khrul pa'i rgyu 'di ni dbang po la yod pa'o/ /myur du bskor ba ni mgal me la sogs pa yin te/ mgal me la sogs pa dal bus bskor na 'khor los 'khrul pa mi 'byung bas de'i phyir myur du zhes smos pas 'khrul pa la bye brag tu byas so//rgyu de ni yul la yod pa'o/ /grus 'gro ba ni grur zhugs pa ste/ grus 'gro ba ni shing la sogs pa 'gro bar 'khrul pa 'byung bas zhugs pa zhes smos so/ /'khrul pa'i rgyu 'di ni phyi rol gyi rten la gnas pa yin no/ /'khrugs pa ni rlung dang mkhris pa dang bad kan la sogs pa ste/rlung la sogs pas 'khrul par gyur ba na ka ba la sogs pa la 'bar ba 'khrul pa skye'o/ /'khrul pa'i rgyu 'di ni nang la yod pa la/ /'khrul pa'i rgyu dbang po la yod pa dang / yul la yod pa dang / phyi rol gyi rten la yod pa dang / nang la yod pa de thams cad kyis ni dbang po nyid sgyur bar byed de/dbang po ma bsgyur bar dbang po 'khrul par mi rigs pa'i phyir ro/ /'khrugs pa la mthar thug pa de dag la sogs pa gang yin pa de dag la de skad ces bya'o/ /sogs pa smos pa ni ling tog dang / mig ser la sogs pa ni dbang po la gnas pa yin par gzung ngo / /myur du bskor ba la sogs pa ni yul la gnas pa yin te/mgal me yan man du bskor ba byas na me'i kha dog can gyi 'bigs par snang ba'i 'khrul pa 'byung ngo / /glang po che bzhon pa la sogs pa ni phyi rol gyi rten la gnas pa yin no/ /gnad mi bzad par bsnun pa la sogs pa ni 'khrul pa'i rgyu nang gi rten la gnas pa gzung ngo //de dag gis 'khrul pa gang du yang ma skyes pa'i rnam pa de lta bu'i shes pa de ni mngon sum yin no// //de ltar mtshan nyid bstan nas gang dag dbang po kho na lta ba po yin par rtog pa dang / yid kyi mngon sum gyi mtshan nyid la skyon brjod pa dang / rang rig pa dang / rnal 'byor pa'i shes pa khas mi len pa de dag gi log par rtog pa bsal ba'i phyir mngon sum gyi rnam par dbye ba ston pas/de ni rnam pa bzhi ste zhes bya ba smos so/ /dbang po dang 'brel pa'i shes pa ni dbang po'i shes pa zhes bya ba ste/ dbang po la brten pa gang yin pa de mngon sum yin no/ /yid kyi mngon sum la gzhan dag skyon brjod pa de bsal ba'i phyir yid kyi mngon sum gyi mtshan nyid bshad pa/dbang po'i rnam par shes pa rang bdag nyid kyi yul de'i de ma thag pa ni 'di la bar med pas de ma thag pa'o/ /bar yang bar chad dang khyad par la brjod de/ de bas na bar bkag pas na dbang pa'o rnam par shes pa'i yul gyi nye bar len pa las byung ba rigs 'dra ba'i skad cig ma gnyis par 'byung ba gzung ste/de lta yin dang rgyud gcig tu gtogs pa'i dbang po'i rnam par shes pa'i yul gyi skad cig la skad cig ma phyi ma bzung ba yin no/ /de ni dbang po'i rnam par shes pa gang yin pa dang lhan cig byed pa de dbang po'i rnam par shes pa gang la yod pa de la de skad ces bya'o//lhan cig byed pa yang rnam pa gnyis te/ phan tshun phan pa byed pa dang / bya ba gcig la byed pa'o/ /'dir ni skad cig gi dngos po la khyad par sgrub pa mi 'thad pa'i phyir bya ba gcig la byed pa nyid lhan cig byed par bzung ste/yul dang rnam par shes pa gnyis kyis yid kyi rnam par shes pa gcig la byed do/ /'di ltar de gnyis ni de la gnyi ga lhan cig byed pa nyid yin no/ /'di 'dra ba'i dbang po'i rnam par shes pa ni dmigs pa'i skyon byed pa'i tshul gyis kyang rnal 'byor pa'i rnam par shes pa gnyid pa de bsal ba'i phyir mtshungs pa de ma thag pa'i rkyen smos so//mtshungs pa mi shes pa nyid kyis mtshungs pa yang yin la bar ma chod pas de ma thag pa yang yin no/ /de'ang yin la rgyu nyid kyis na rkyen kyang yin pa'i de ma thag pa'i rkyen te des bskyed pa'o/ /'dis ni rgyu gcig tu gtogs pa kho na'i dbang po'i shes pa dang /yid kyi rnam par shes pa gnyis bskyed par bya ba dang skyed par byed pa'i dngos por gyur pa na yid kyi rnam par shes pa ni mngon sum nyid du smra ba yin no/ /de'i phyir rnal 'byor pa'i shes pa rgyud gzhan gyi rjes su 'brang ba yang bsal ba yin no/ /gang gi tshe dbang po'i rnam par shes pa'i yul las yid kyi rnam par shes pa'i yul gzhan yin pa de'i tshe bzung zin pa 'dzin pas tshad mar mi rung ba'i skyon yod do zhes bya ba bsal ba yin no//gang gi tshe dbang po'i rnam par shes pa'i yul gyi nye bar len pa las byung ba'i skad cig ma 'dzin pa de'i tshe dbang po'i shes pas gzung ba ma yin pa'i yul gzhan mi 'dzin pa'i phyir long ba dang 'on pa la sogs pa med pa'i skyon du thal bar 'gyur ba bsal ba yin no//yid kyi rnam par shes pa de yang mig gi bya ba 'das pa'i tshe mngon sum du 'dod do/ /mig byed pa dang ldan pa de'i tshe gzugs shes pa gang yin pa de thams cad mig la brten pa kho na yin te/ de ltar ma yin na ni rnam par shes pa gang yang mig la brten pa mi 'thad par 'gyur ro//yid kyi mngon sum de ni grub pa'am ma grub pa'i mtha' las grags pa yin no/ /'di sgrub par byed pa'i tshad ma ni yod pa ma yin no/ /ji ste de lta bu de yod du bcug na yang nyes pa 'ga' yang med do zhes bstan pa'i phyir 'di'i mtshan nyid bstan pa yin no/ / rang rig pa bstan pa'i phyir smras ba/ sems ni don tsam 'dzin pa'o/ /sems las byung ba bde ba la sogs pa ni bye brag gi gnas skabs 'dzin pa'o/ /thams cad kyang de yin la sems dang sems las byung ba yang yin no/ /bde ba la sogs pa 'ba' zhig nyams su myong ba gsal ba yin pa'i phyir rang rig pa yin gyi sems kyi gnas skabs gzhan ni ma yin no snyam du dogs pa bsal ba'i phyir thams cad ces bya ba smos te/sems kyi gnas skabs gang dag bdag nyid rig cing mngon sum du ma gyur pa ni 'ga' yang med do/ /ngo bo gang gis bdag nyid rig pa'i ngo bo de ni bdag nyid rig pa'i mngon sum mo//'dir gzugs la sogs pa snang ba na dus gcig tu nang gi bde ba la sogs pa'i rnam pa ni myong ba yin no/ /gzung bar bya ba'i rnam pa sngon po la sogs pa nyid sim pa la sogs pa'i rang bzhin du myong ba yin no zhes kyang brjod par mi nus te/ 'di ltar sngon po la sogs pa sim pa la sogs pa'i ngo bor myong ba ni nges pa med do//gal te 'di ni sim pa'i rang bzhin nyid yin na ni sngon po la sogs pa 'di bde ba'i rang bzhin no zhes bya ba nges par 'gyur ro/ /rang bzhin gang la rnam par rtog pas mngon sum gyi byed pa don mngon sum du byed pa nyid rjes su rtogs pa de ni mngon sum yin na/ sngon po la ni bde ba'i rang bzhin rjes su rtogs pa med do//de bas na sngon po myong ba'i tshe bde ba ma yin pa'i sngon po'i don las gzhan kho na'i bde ba myong ba yin no/ /de yang shes pa nyid yin pa de bas na shes pa nyams su myong ba ni yod do/ /shes pa'i ngo bo rig pa de yang bdag nyid kyis mngon sum du byed cing rnam par mi rtog pa dang /ma 'khrul ba yin te/ de bas na mngon sum yin no/ /rnal 'byor ba'i mngon sum bshad pa'i phyir smras par dang yang dag pa'i don ni bden pa la/ bden pa yang tshad mas mthong ba'i don te/ ji ltar 'phags pa'i bden pa bzhi lta bu'o/ /yang dag pa'i don bsgom pa ni yang nas yang du sems la bslan pa'o//sgom pa'i rab ni bsgom par bya ba'i don snang ba'i shes pa gsal bar snang ba rtsom pa'o/ /rab kyi mtha' ni gang gi tshe gsal ba'i snang ba cung zad ma rdzogs pa yin te/ 'di ltar ji srid du gsal bar snang ba nyid ma rdzogs par de srid du de khyad par du 'gro ba yin la gang gi tshe rdzogs pa de'i tshe ni khyad par du 'gro ba med do//de bas na rdzogs pa'i gnas skabs las snga rol gyi gnas skabs kyi gsal ba'i snang ba ni rab kyi mtha' zhes bya'o/ /mtha' de las byung ba gang yin pa nye bar gnas pa bzhin du bsgom par bya ba'i don gyi rnam pa shin tu gsal bar 'dzin pa'i shes pa ni rnal 'byor pa rnams kyi mngon sum yin no//des na 'dir gsal ba'i rnam pa brtsam pa'i gnas skabs ni sgom pa'i rab yin la/ 'di ltar lhang tsher gyis bar du chod pa bzhin no/ /gang gi tshe bsgom par bya ba'i don mthong ba de ni rab kyi mtha'i gnas skabs yin zhing /lag mthil du shel sgong bzhag pa bzhin du bsgom pa'i don mthong ba gang yin pa de ni rnal 'byor pa'i mngon sum yin no/ /de ni gsal bar snang ba yin la/ gsal bar snang ba nyid kyi phyir yang rnam par mi rtog pa yin no/ /rnam par rtog pa'i rnam par shes pa ni brda'i tshe mthong ba nyid du dngos po 'dzin pas sgra dang 'drer rung ba 'dzin pa yin la/brda'i tshe na mthong ba yang brda'i tshe na skyes pa'i shes pa'i yul nyid yin no/ /de ltar ston gyi shes pa zhig pa ni da ltar med pa de bzhin du sngon gyi shes pa zhig pa'i yul gyi dngos po yang da ltar yod pa ma yin no//des na med pa'i rang bzhin can gyi dngos po nye bar ma yin pa 'dzin pa'i phyir rnam par rtog pa ni mi gsal bar snang ba yin no/ /de bas na gsal bar snang ba'i phyir rnam par mi rtog pa yin la/ tshad mas dag pa'i don 'dzin pa'i phyir mi slu ba yin no/ /de bas na mngon sum gzhan bzhin du rnal 'byor mngon sum yin no//rnal 'byor ni ting nge 'dzin to/ /de dag la yod pa ni rnal 'byor pa ste/ de'i shes pa ni mngon sum yin no/ /'o 'i sgra ni yongs su rdzogs pa'i tshig ste/ mngon sum ni 'di dag tsam du zad do/ /de ltar mngon sum ni rtogs pa dang bral zhing / ma 'khrul ba nyid dang ldan pa'i rnam par phye ba bstan nas spyod yul la log par rtog pa bsal ba'i phyir/de'i zhes bya ba smos te/ mngon sum rnam pa bzhi po de'i yul de rtogs par bya ba ni rang gi mtshan nyid yin te/ rang thun mong ma yin pa de kho na nyid ni rang gi mtshan nyid do/ /dngos po la ni thun mong ma yin pa de nyid dang spyi yang yod la/thun mong ma yin pa gang yin pa de ni mngon sum gyis gzung bar bya ba yin no/ /tshad ma'i yul ni rnam pa gnyis te/ gang zhig rnam par bskyed pa ste gzung bar bya ba dang / gang zhig zhen pa'i bya ba ste thob par bya'o/ /gzung bar bya ba yang gzhan la zhen par bya ba yang gzhan yin no//'di ltar mngon sum gyis gzung bar bya ba ni skad cig ma gcig yin la/ mngon sum gyi stobs kyis bskyed pa'i nges pa'i zhen pa'i bya ba ni rgyun nyid yin no/ /mngon sum gyis thob par bya ba yang rgyun nyid yin no/ /skad cig ma ni thob par mi nus pa'i phyir ro/ /de bzhin du rjes su dpag pa yang rang gi snang ba don med pa la yang rang gi snang ba don du zhen pas 'jug pa'i phyir don med pa 'dzin pa yin no//yang sgro btags pa'i don 'dzin pa na rang gi mtshan nyid du 'dzin te/ de bas na rjes su dpag pa 'di 'jug pa'i yul ni zhes bya ba rang gi mtshan nyid yin la/ gzung bar bya ba ni don med pa yin no/ /des na 'dir tshad ma'i gzung bar bya ba'i yul ston pas mngon sum gyi yul rang gi mtshan nyid yin par bstan te/ /shes pa'i yul gang zhig rang gi mtshan nyid du rtogs par bya ba de yang gang yin zhe na/ don gang zhes smos te/ don gyi sgras ni yul gyi rnam grangs yin no//don de shes pa'i yul gang nye ba na gnas pa dang / mi nye ba yul thag ring po na gnas pa/ nye ba dang mi nye ba de dag las shes pa la snang ba gzung ba'i rnam pa gsal ba dang mi 'gal ba dag tu tha dad pa'o/ /shes pa'i yul zhig nye bas ni shes pa'i rnam pa gsal bar snang bar byed la/nye ba ma yin pa na ring ba'i yul na gnas pa nyid kyi ni mi gsal bar byed de de ni rang gi mtshan nyid yin no/ /dngos po thams cad kyang ring ba las ni mi gsal bar snang ngo / /nye ba las ni gsal te de nyid rang gi mtshan nyid yin no/ /ci'i phyir mngon sum gyi yul kho na rang gi mtshan nyid yin/'di ltar rnam par rtog pa'i yul gyi me la yang mthong ba'i bdag nyid kho nar nges pa yin no zhe na/ de nyid don dam par yod pa zhes smos te/ don dam pa dang bcos ma ma yin pa ste sgro ma btags pa'i rang bzhin yin la/ des yod pas don dam par yod pa'o/ /gang gi phyir don gang nye ba dang mi nye ba dag las snang ba gsal bar byed pa de nyid don dam par yod pa yin la/mngon sum gyi yul yang de nyid yin pa de'i phyir de kho na rang gi mtshan nyid yin no/ /yang ci'i phyir de nyid ni don dam par yod pa yin zhe na/ dngos po'i mtshan nyid don byed nus pa kho na yin pa'i phyir ro zhes bya ba smos te/don du gnyer bar bya ba yin pas na don te/ dor bar bya ba dang / blang bar bya ba'o/ /dor bar bya ba ni dor bar bsgrub par bya ba yin la/ blang bar bya ba yang blang bar bsgrub par bya'o/ /don dgos pa'i byed pa ni 'grub ba'o/ /de la nus pa ni mthu ste/ de nyid dngos po gang yin pa'i mtshan nyid de rang bzhin yin pa de ni mtshan nyid don byed nus pa'o/ /de'i dngos po ni don nyid de de'i phyir ro/ /dngos po ni de nyid don dam par yod pa'i rnam grangs yin no/ /de'i don ni 'di yin te/ gang gi phyir don byed nus pa la ni don dam par yod pa zhes brjod la/nye ba dang mi nye ba las shes pa'i snang ba tha dad par byed kyang don byed nus pa yin pa de'i phyir de nyid don dam par yod pa yin no zhes bya ba'o/ /don bya ba ni mngon sum gyi yul de nyid las 'grub kyi rnam par rtog pa'i yul la snang ba nyid du nges pa de lta na yang de mthong ba nyid ni ma yin te/de las don bya ba med pa'i phyir dang mthong ba las ni don yod pa'i phyir ro/ /de bas na de nyid rang gi mtshan nyid yin gyi/ rnam par rtog pa'i yul ni ma yin no/ /rang gi mtshan nyid du nges pa de lta na yang de mthong ba nyid ni ma yin gang zhig rang gi mtshan nyid ma yin pa de ni spyi'i mtshan nyid yin no/ /rnam par rtog pa'i shes pas nges pa'i don ni nye ba dag las shes pa'i snang ba tha dad par mi byed do//'di ltar sgro btags par bya ba'i me ni sgro btags nas yod pa dang / /sgro btags nas nye ba dang ring bar gnas pa yin no/ /sgro btags pa de nye ba dang ring ba las ni shes pa'i snang ba tha dad pa med do/ /de bas na rang gi mtshan nyid las gzhan zhes bshad do//spyi nyid du mtshon pas spyi'i mtshan nyid de thun mong gi ngo bo zhes bya ba'i tha tshig go/ /sgro btags pa'i ngo bo ni me mtha' dag gi spyi'i mtshan nyid yin la de yang rjes su dpag pa'i gzung bar bya ba yin no zhes bstan pa'i phyir/ de ni rjes su dpag pa'i yul yin no zhes bya ba smos te/gzung bar bya ba'i ngo bo yin no/ /spyi'i mtshan nyid ni rjes su dpag pa'i mtshan nyid yin no zhes bshad par 'dod pas rang gi mtshan nyid kyi ngo bo bshad pa'i gzhung 'di bzlas par bya dgos pas de bas na tshegs chung bar bya ba'i phyir mngon sum gyi skabs 'di rjes su dpag pa'i yul bstan to//yul la log par rtogs pa bsal nas 'bras bu la log par rtogs pa bsal ba'i phyir/ mngon sum gyi shes pa de nyid ces bya ba smos te/ mngon sum gyi shes pa bstan ma thag pa gang yin pa de nyid tshad ma'i 'bras bu yin no/ /ji ltar tshad ma'i 'bras bu yin zhe na/bshad pa don rtogs pa khong du chud pa'o/ /mngon sum gyi shes pa gang la ngo bo nyid yod pa de ni don rtog pa'i ngo bo yin te/ de'i dngos po de ni de nyid de de'i phyir ro/ /'di skad bstan te/ phrad par byed pa'i shes pa ni tshad ma yin no/ /phrad par nus pa yang don med na mi 'byung ba tsam 'ba' zhig las ni ma yin te/sa bon la sogs pa med na mi 'byung ba yin yang myu gu la sogs pa phrad byed ma yin pa'i phyir ro/ /de bas na gzung bar bya ba'i don las skyes bu zin kyang shes pa 'di'i gdon mi za bar bya ba gang byas na don dang phrad par byed pa'i las su bya ba 'ba' zhig yod pa yin la/gang rjes su bsgrubs pas shes pa brad byed du gyur pa de nyid kyang tshad ma'i 'bras bu yin no/ /phrad par byed pa'i phrad byed kyi bya ba yang 'jug pa'i yul rab tu sngon po kho na yin no zhes sngar bstan zin to/ /don rab tu sngon po'i ngo bo yang don rtogs pa'i rang bzhin gyi mngon sum de nyid yin te/de'i phyir de nyid tshad ma'i 'bras bu yin no/ /gal te shes pa ni don rtogs pa'i ngo bo yin pa'i phyir tshad ma'i 'bras bu yin na 'o na tshad ma ci yin zhe na/ smras pa/ shes pa 'di'i don dang 'dra ba gang yin pa ste mtshungs pa gang yin pa tshad ma yin no/ /'di la rnam par shes pa yul gang las skyes pa de ni yul de dang 'dra ba yin te/ji ltar sngon po'i don las skyes pa na sngon po 'dra ba bzhin no/ /ji ltar 'dra ba de yang rnam pa dang snang ba zhes kyang bya'o/ /shes pa las ma gtogs pa 'dra ba med pa ma yin nam/ de lta yin na ni shes de nyid tshad ma yin la de nyid 'bras bu yin no//dngos po gcig pa ni bsgrub par bya ba dang / sgrub par byed pa 'thad pa ma yin na ji ltar 'dra ba de tshad ma yin zhe na/ de'i dbang po zhes smos te/ de'i zhes bya ba ni 'dra ba la bya'o/ /de'i dbang gis te 'dra ba'i mthus don rtogs pa de khong du chud pa de 'grub pa ste 'grub pa'i gtan tshigs de'i phyir te/mngon sum gyi shes pa don rtog pa'i ngo bo ni 'dra ba'i dbang gis 'grub pa yin te/ rtogs pa yin no zhes bya ba'i tha tshig go/ /gang gi phyir rnam par shes pa sngon por snang ba de'i phyir sngon por rtogs par nges pa yin no//mig la sogs pa gang dag las shes pa skyes pa de'i dbang gis ni shes pa de sngon po myong ba yin par gzhag par mi nus kyi/ /sngon po 'dra ba myong bas na sngon po rig par rnam par gzhag go/ /gang gis dngos po gcig la 'gal bar 'gyur ba 'dir bskyed bya skyed byed kyi rgyu mtshan gyis ni bsgrub par bya ba dang sgrub par byed pa'i dngos po ni ma yin mod kyi/'on kyang rnam par gzhag pa dang rnam par 'jog pa'i sgo nas yin no/ /de bas na dngos po gcig la ngo bo 'gas ni tshad ma yin la/ ngo bo 'gas ni tshad ma'i 'bras bu yin par 'gal ba med do/ /'di ltar shes pa de dang 'dra ba ni rnam par 'jog pa'i rgyu yin la/rnam par gzhag par bya ba ni sngon po myong ba'i ngo bo yin no/ /rnam par gzhag pa dang rnam par 'jog pa'i ngo bo yang shes pa gcig la ji ltar rung zhe na/ bshad pa gang gi phyir rnam par shes pa de ni 'dra ba nyams su myong nas nges par byed pa'i shes pas sngon po 'dzin par 'jog ste/de bas na myong bar 'gyur ba'i 'dra ba ni rnam par 'jog pa'i rgyu yin la/ nges par byed pa'i shes pas shes pa de la sngon po myong bar rnam par gzhag pa ni rnam par gzhag par bya ba yin no/ /de bas na shes pa'i mi 'dra ba las bzlog nas 'dra ba'i rnam par 'jog pa'i rgyu'o//sngon por ma rtogs pa las bzlog ste sngon por rtogs pa'i ngo bo nyid ni rnam par gzhag pa yin no/ /rnam par 'jog par byed pa ni mngon sum gyis rtog pa byung ba'i rnam par rtog pa'i shes pa yin gyi/ mngon sum nyid ni rnam par mi rtog pa yin pa'i phyir bdag nyid sngon por rtogs par rnam par 'jog par mi nus so//nges par byed pa'i shes pas rnam par ma bzhag pa ni sngon por rtogs pa'i ngo bo'i shes pa yod du zin kyang med pa dang 'dra ba kho na yin no/ /de bas na nges par byed pa'i shes pas rnam par shes pa sngon por rtogs pa'i ngo bor rnam par gzhag pa ni sngon por rtogs pa'i bdag nyid du yod par 'gyur ro//de bas na mngon par zhen par byed pa nyid mngon sum gyi tshad ma yin no/ /zhen par ma byas par ni rnam par shes pa sngon por rtogs pa'i bdag nyid du rnam par gzhag pa med do/ /de lta bas na yang tshad ma'i 'bras du don rtogs pa'i ngo bo nyid ma grub pa yin no//de bas na sgrub par byed pa dam pa med pa'i phyir shes pa tshad ma nyid du mi 'gyur ro/ /zhen pa bskyed pas 'dra ba'i dbang gis shes pa sngon por rtogs pa'i ngo bor rnam par gzhag na ni 'dra ba rnam par 'jog pa'i rgyu yin pa'i phyir tshad ma grub pa yin no/ /ci ste de lta na mngon sum zhen pa dang bcas pa nyid tshad ma yin gyi/nyi tshe ba ni ma yin no zhe na/ de ni ma yin te/ gang gi phyir mngon sum gyi stobs kyis byung ba'i zhen pas ni don mthong ba nyid du zhen par byed kyi/ rtog par byed pa nyid du ma yin no/ /mthong ba yang don mngon sum du byed pa zhes bya ba mngon sum gyi byed pa yin no//rnam par rtog pa yin te/ 'di ltar don lkog tu gyur pa rnam par rtog pa na bdag nyid rtog par byed kyi/ mthong ba ni ma yin no zhes rtog pa'i bdag nyid rnam par rtog pa'i byed pa yin par ni myong ba nyid las nges pa yin no/ /de bas na rang gi byed pa btang ste mngon sum gyi byed pa ston par byed pa las don gang la mngon sum du song ba'i zhen pa yod pa der mngon sum kho na 'ba' zhig tshad ma yin no//mngon sum gyi le'u ste dang po'o// //de ltar mngon sum bshad nas/ rjes su dpag pa bstan pa'i phyir rjes su dpag pa ni rnam pa gnyis te zhes bya ba smos te bye brag gnyis so//'o na rjes su dpag pa'i mtshan nyid brjod par bya ba la rnam par dbye ba glo bur du ci'i phyir bstan ce na/ bshad pa/ gzhan gyi don gyi rjes su dpag pa ni sgra'i bdag nyid do/ /rang gi don gyi rjes su dpag pa ni shes pa'i bdag nyid yin no/ / de gnyis ni shin tu tha dad pas mtshan nyid gcig tu yod pa ma yin no/ /de bas na de gnyis so so'i mtshan nyid nges par bstan pa'i phyir rnam par dbye ba bstan to/ /rnam par dbye ba ni gsal ba'i dbye ba yin la/ gsal ba'i dbye ba bstan nas ni gsal ba so so la nges pa'i mtshan nyid bstan par nus kyi//gzhan du ni ma yin no/ /de bas na mtshan nyid bstan pa'i ched kho nar rnam par dbye ba smos so/ /rnam par dbye ba bstan pa med par ni mtshan nyid bstan par mi nus par rtogs nas thog mar rnam par dbye ba smras pa yin no/ /rnam pa gnyis po de yang gang zhe na/rang gi don zhes bya ba smras te/ rang gi yin te gang gis rang khong du chud par byed pa de ni rang gi don to/ /gzhan gyi don ni gzhan gyi yin te/ gang gis gzhan khong du chud par byed pa de ni gzhan gyi don to/ /rang gi don dang gzhan gyi don gyi rjes su dpag pa de gnyis kyi nang nas rang gi don shes pa'i khyad par ji lta bu yin zhe na/rjes su dpag par bya ba la tshul gsum pa'i rtags las zhes bya ba smos te/ gang la 'chad par 'gyur ba'i tshul gsum po yod pa de ni tshul gsum pa'o/ /mtshon par byed cing 'dis don ston par byed pas na rtags so//tshul gsum pa'i rtags de las skyes bu'i shes pa gang yin pa zhes pa 'di ni rgyu'i sgo nas bye brag tu byas pa'o/ /tshul gsum pa'i rtags las skyes shing tshul gsum pa'i rtags la dmigs pa yang yod pas rjes su dpag par bya ba la zhes bya bas bye brag tu byas te/ 'di ni yul gyi sgo nas bye brag tu byas pa yin no/ /tshul gsum pa'i rtags las skyes shing rjes su dpag par bya ba la dmigs pa shes pa de ni rang gi don gyi rjes su dpag pa yin no/ /mtshan nyid la log par rtogs pa bsal nas/ 'bras bu la log par rtogs pa bsal ba'i phyir smras pa/tshad ma'i 'bras bu gang yin pa de'i rnam par gzhag pa gang yin pa de ni 'dir rjes su dpag par bya ba la yang mngon sum dang 'dra ste/ mngon sum bzhin du rig par bya'o/ /ji ltar mngon sum sngon po dang 'dra ba nyams su myong ba na sngon por rnam par gzhag pa ste/ de bas na rnam par 'jog pa'i rgyu sngon po dang 'dra ba ni tshad ma yin la/sngon po khong du chud pa'i ngo bo nyid du rnam par gzhag pa ni tshad ma'i 'bras bu yin no/ /de bzhin du rjes su dpag pa yang sngon po rnam pa can du skye ba na sngon po khong du chud pa'i dngos por rnam par gzhag pa de bas na de sngon po dang 'dra ba ni 'di'i tshad ma yin la/sngon por rnam par rtog pa'i ngo bo nyid ni tshad ma'i 'bras bu yin no/ /sngon por rtog pa'i rang bzhin de ni 'dra ba'i dbang gis 'grub par 'gyur gyi gzhan du ni ma yin no/ /de ltar 'dir ni grangs dang mtshan nyid dang 'bras bu la log par rtogs pa dang spyod yul la log par rtogs pa ni mngon sum gyi le'ur bsal nas/bstan pa'i zhar la tshul gsum pa'i rtags kyi skabs su bab nas de nyid bstan pa'i phyir/ tshul gsum pa nyid kyi zhes bya ba la sogs pa smos te/ rtags kyi tshul gsum gang yin pa ste/ de brjod pa ni 'di yin no zhes bya ba ni tshig gi lhag ma'o//tshul gsum yang gang zhe na/ 'chad par 'gyur ba'i mtshan nyid rjes su dpag par bya ba de la rtags yod pa nyid du nges pa ni tshul gcig yin no/ /'dir nges pa'i sgra smos pa ma byas mod kyi/ 'on kyang tha mar byas pa la gong du thal ba'i tshul de gnyis kyang ltos par 'gyur ba yin no//gang gi phyir ji ltar myu gu la sa bon bzhin du rung btsam gyi sgo nas ni rtags lkog tu gyur pa shes pa'i rgyu mtshan ma yin te/ ma mthong ba'i du ba las mi rtogs pa'i phyir ro/ /bum pa la sogs pa la sgron ma bzhin du rang gi yul can gyi shes pa skyed pa la ltos nas lkog tu gyur pa gsal bar byed pa yang ma yin te/mthong yang 'brel ba ma nges pa las mi rtogs pa'i phyir ro/ /de bas na rtags kyis lkog tu gyur pa'i don rtogs pa'i byed pa ni lkog tu gyur pa'i don med na mi 'byung bar nges pa kho na yin gyi/ gzhan ni 'ga' yang ma yin no/ /de bas na rtags ni byed pa'i bdag nyid yin pa'i phyir rjes su 'gro ba dang /ldog pa dang phyogs kyi chos nyid du nges pa gdon mi za bar bya dgos pas tshul kun nges pa'i sgra la ltos par bya ba yin no/ /de la yod pa'i tshig gis ni mig gis gzung bar bya ba yin pa'i phyir zhes bya ba la sogs pa ma grub pa bsal ba yin no//nyid kyi tshig gis ni phyogs gcig la ma grub pa bsal ba yin te/ ji ltar ljon shing ni srog dang bcas pa yin te/ nyal ba'i phyir ro zhes ljon shing phyogs su byas pa la lo ma 'khum pa'i mtshan nyid kyi nyal ba ni phyogs gcig la ma grub pa yin te/'di ltar shing thams cad ni mtshan mo lo ma 'khum pa la brten pa ma yin te/ 'ga' 'ga' tsam kho nar zad pa lta bu'o/ /yod pa'i tshig gi rjes la nyid smos pas ni thun mong ma yin pa'i chos gsal ba yin no/ /ci ste rjes su dpag par bya ba nyid la yod pa zhes smras na ni mnyan par bya ba kho na gtan tshigs yin par 'gyur ro//res pa smos pas ni the tshom za ba ma grub pa thams cad bsal ba yin no/ /mthun pa'i phyogs ni mtshan nyid 'chad par 'gyur ba'o/ /de nyid la yod par nges pa ni tshul gnyis pa yin no/ /'dir yang yod pa smos pas 'gal ba bsal ba yin te//de ni mthun pa'i phyogs la yod pa ma yin no/ /nyid smos pas thun mong gi ma nges pa nyid bsal te/ de ni mthun pa'i phyogs kho na la yod pa ma yin gyi 'o na ci zhe na/ gnyis ka la yang yod pa yin no/ /yod pa smos pa las sngar nges par gzung ba smos pa ni yod pa yin yang mthun pa'i phyogs la ma khyab pa rtsol ba las byung ba dag kyang gtan tshigs nyid du bstan pa yin no//phyis nges pas gzung ba byas na ni don 'dir 'gyur te/ gang zhig mthun pa'i phyogs la yod pa nyid de gtan tshigs yin no zhes bya ba yin te/ rtsol ba las byung ba nyid gtan tshigs ma yin par 'gyur ro//nges pa'i tshig gis ni rjes su 'gro ba la the tshom za ba'i ma nges pa nyid bsal ba yin te/ ci ltar smras pa'i phyir 'ga' zhig ni thams cad mkhyen pa yin no zhes bya ba yin te/ mthun pa'i phyogs thams cad mkhyen pa la smra ba nyid the tshom za ba yin no/ / mi mthun pa'i phyogs 'chad par 'gyur ba ni mtshan nyid de la med pa nyid du nges pa ni tshul gsum pa yin no /de la med pa smos pas ni 'gal ba bsal ba yin te/ 'gal ba ni mi mthun pa'i phyogs la yod pa yin no/ /nyid smos pa'i mi mthun pa'i phyogs gcig la thun mong du yod pa bsal ba yin te/rtsol ba las byung ba nyid du bsgrub par bya ba la mi rtag pa nyid ni mi mthun pa'i phyogs gcig glog la sogs pa la ni yod pa yin la/ nam mkha' la sogs pa la ni med pa yin no/ /de bas na nges par byed pas 'di bsal to/ /med pa'i sgra'i snga rol du nges par gzung ba byas na ni don 'dir 'gyur te/mi mthun pa'i phyogs nyid la med pa gang yin pa de gtan tshigs yin la/ de lta na yang rtsol ba las byung ba nyid mthun pa'i phyogs la yang med do/ /de'i phyir gtan tshigs ma yin par 'gyur bas de ltar na de sngar ma byas so/ / nges pas ni mi mthun pa'i phyogs yas ldog pa la the tshom za ba bsal ba yin no/ /mthun pa'i phyogs nyid la yod pa zhes bstan na mi mthun pa'i phyogs la med pa nyid yin no zhes khong du chud pa ma yin nam/ ci'i phyir de gnyi ga gdung bar byas she na/ bshad pa/ rjes su 'gro ba'am ldog pa nges pa dang ldan pa kho na rab tu sbyar bar bya'i//gzhan du ni ma yin no zhes bstan pa'i phyir gnyi ga gzung bar byas so/ /sbyor ba 'di gnyi ga yang ma nges pa nyid yin na ni mthun pa'i phyogs la yod pa dang / mi mthun pa'i phyogs la med pa tsam nye gtan tshigs yin no zhes bya ba'i don 'dir 'gyur ro//de lta na yang de'i bu yin pa'i phyir de sngo bsangs yin te/ snang ba'i bu bzhin no zhes bya ba'i de'i bu nyid gtan tshigs yin par 'gyur ro/ /de'i phyir gang gis sgrub par byed pa dang bsgrub par bya ba dang 'brel bar rtogs par 'gyur ba rjes su 'gro ba dang ldog pa nges pa dang ldan pa dag kho nar sbyar bar bya ba yin no//nges pa dang ldan pa kho nar gdon mi za bar sbyar bar bya ba na yang gnyis las gcig kho na sbyar bar bya'i/ /gnyi ga ni ma yin te/ de bas rjes su 'gro ba'am ldog pa'i nges pa dang ldan pa kho na sbyar bar bya'o zhes bslab pa'i phyir gnyi ga gzung ba yin no//tshul de sum bstan pa'i zhar la rjes su dpag par bya ba dang / mthun pa'i phyogs dang / mi mthun pa'i phyogs bstan pas de dag gi mtshan nyid brjod dgos so/ /de la rjes su dpag par bya ba gang yin zhe na/ rjes su dpag pa bya ba ni 'dir zhes bya ba la sogs pa smos te/ gtan tshigs kyi mtshan nyid gtan la 'bebs pa 'dir chos can ni rjes su dpag par bya ba yin no/ /gzhan du bsgrub par bya ba khong du chud par bya ba'i tshe ni spyi rjes su dpag par bya ba yin la/ khyab pa nges par byed pa'i tshe ni chos rjes su dpag par bya ba yin par bstan pa'i phyir/'dir zhes bya ba smos so/ /shes par 'dod pa ste khong du chud par 'dod pa'i bye brag gi chos chos can gang la yod pa de la de skad ces bya'o/ /mthun pa'i phyogs gang zhe na/ mthun pa'i phyogs ni don mtshungs pa'o/ /mtshungs pa 'dra ba'i don nye bar btags nas mthun pa'i phyogs su brjod pa yin la/de yang mtshungs pa'i sgras khyad par du byas pa yin no/ /mthun pa'i phyogs ni mtshungs pa'i phyogs te/ mtshungs pa la mthun pa'i bstan pa yin no/ /gang gis phyogs dang mthun pa'i phyogs mthun pa yin no zhes bya ba/ phyogs dang mthun pa'i phyogs gnyis kyi spyi'i gang yin snyam pa la/bsgrub par bya ba'i chos kyi spyis zhes bya ba smras te/ bsgrub par bya ba yang 'di ma grub pa yin pa'i phyir dang / chos ni gzhan la brten pa'i phyir bsgrub par bya ba'i chos so/ /bye brag bsgrub par bya ba ma yin gyi/ 'on te spyi yin pa de bas na 'dir spyi bsgrub byar bstan to//de ni bsgrub par bya ba'i chos kyang yin la/ spyi yang yin te/ bsgrub par bya ba'i chos kyi spyis phyogs dang mtshungs pa ni mthun pa'i phyogs yin no zhes bya ba'i don to/ /mi mthun pa'i phyogs gang zhe na/ mthun pa'i phyogs ni zhes bya ba smos te/ mthun pa'i phyogs ma yin pa de ni mi mthun pa'i phyogs so/ /mthun pa'i phyogs ma yin pa gang zhe na/ mthun pa'i phyogs de las gzhan pa dang / de dang 'gal ba dang / mthun pa'i phyogs de med pa'o/ /mthun pa'i phyogs la gzhan pa dang / de dang 'gal ba ni ji srid du phyogs kyi rang gi ngo bo med pa'i ni mi shes pa de srid du khong du chud par mi nus so//de bas na gzhan pa nyid dang 'gal ba nyid du rtog pa'i shugs kyis na gzhan pa dang 'gal ba gnyis ni mthun phyogs med pa'i rang bzhin du rtogs so/ /de bas na med pa'i dngos po mthun pa'i phyogs med pa'i ngo bor rtogs pa yin la/gzhan pa dang 'gal ba gnyis ni shugs kyis na med pa'i ngo bor rtogs pa yin no/ /de bas na gsum char yang mi mthun pa'i phyogs yin no/ /tshul gsum po yang rtags gsum kho na dang ldan pa ste zhes bya ba ni bshad zin pa'i tshul gyis so/ /yang gi sgras ni brjod par bya ba gzhan bsdus pa'i phyir ro//gzhan gyis sngar tshul gsum dang tshul gsum pa'i rtags des pa yin no/ /tshul gsum nyid ni bshad zin pas tshul gsum pa'i mi dmigs pa yin no/ /tshul gsum pa'i rtags kyang gsum kho na yin te/ tshul gsum pa'i rtags ni rnam pa gsum yin no zhes bya ba'i don yin no//de dag kyang gang zhe na smras pa/ /dgag pa bsgrub par bya ba las tshul gsum pa'i mi dmigs pa dang / yod pa bsgrub par bya ba las tshul gsum pa'i rang bzhin dang 'bras bu'o/ /de la mi dmigs pa brjod pa'i phyir dper na zhes bya ba la sogs pa smos te/dper na zhes bya ba ni nye bar bstan pa'i don te/ ji ltar mi dmigs pa 'di ji lta ba de bzhin du gzhan yang yin gyi/ 'di 'ba' zhig ni ma yin no zhes bya ba'i don to// phyogs ni phyogs gcig go/ /bye brag tu gyur pa ni bye brag ste rtogs pa po'i mngon sum la bya'o//de lta bu yang thams cad ma yin pa de'i phyir 'ga' zhig na zhes bya ba smos te/ rtogs par byed pa'i mngon sum gyi phyogs 'ga' zhig na zhes bya ba ni chos can no/ /bum pa med de zhes bya ba ni bsgrub par bya'o/ /dmigs pa ni shes pa'o/ /de'i mtshan nyid ni skyed par byed pa tshogs pa yin te/'on te gang gi phyir deng dmigs pa mtshon par byed pa'o/ /der 'gyur ba'i don ni skyed pa nyid du tshogs par 'dus pa'i phyir te/ dmigs pa'i mtshan nyid du gyur pa ni snang ba zhes bya ba'i don to/ /mi dmigs pa de'i phyir ro zhes bya ba 'di ni gtan tshigs yin no//'on te gang zhig gang la med pa de ji ltar der snang zhe na/ snang ba nyid sgro btags pa'i phyir med du zin kyang der snad ba zhes bya ste/ gal te 'di na yod na ni lta ba kho nar 'gyur ro zhes de ltar brtag tu rung ba gang yin pa de ni der med kyang snang bar sgro gdags par bya ba yin no//de ltar brtag tu rung ba yang gang yin zhe na/ gang gi rang la dmigs pa mthong ba'i rgyu tshogs par gyur pa'o// /gang gi tshe tshogs par rig par bya zhe na/ gang gi tshe shes pa gcig la 'dre ba'i dngos po gzhan dmigs pa ste/ dbang po gcig gi shes pa'i gzung bar bya ba mig la sogs pa 'dod pa la mngon du phyogs pa'i dngos po gnyis gcig la gcig ltos pa na shes pa gcig la 'dre ba zhes bya'o/ /de gnyis yod pa na gcig nges par 'gyur ba ni ma yin te/ rtogs par byar rung ba nyid gnyi ga yang khyad par med pa'i phyir ro//de bas na shes pa gcig la 'dre ba cig shos snang ba na mthong ba'i tshogs pa tshad ma cig shos kyang gal te yod na ni mthong ba kho nar 'gyur ro zhes brtag par bya ba ni snang bar sgro btags pa yin la/ de mi dmigs pa ni snang ba mi dmigs pa yin no/ /de bas na bum pas dben pa'i sa phyogs de nyid dang /de la dmigs pa'i shes pa ni snang ba mi dmigs par nges pa'i rgyu yin pa'i phyir snang ba mi dmigs pa zhes bya'o/ /ji tsam du shes pa gcig le 'dre ba'i dngos po nges par ma gyur pa de srid du snang ba mi dmigs par nges pa med do/ /de bas na dngos po dang shes pa la yang mi dmigs pa zhes brjod pa yin no//mthong ba log pa tsam ni rang nyid ma nges pa'i phyir go bar byed pa ma yin no/ /de bas na snang ba ni bum pas dben pa'i sa phyogs dang de'i shes pa tshig gi shugs nyid kyis snang ba mi dmigs pa'i ngo bo yin par smra bar lta'o//dmigs pa'i mtshan nyid du gyur pa yang gang zhe na/ dmigs pa'i mtshan nyid du gyur pa ni zhes bya ba smos te/ dmigs pa'i mtshan nyid du gyur pa ni bum pa dmigs pa'i mtshan nyid du gyur pa nyid la bya'o/ /shes pa'i rkyen gzhan tshang bar gyur pa nyid ni zhes bya ba ni/bum pa yang shes pa skyed par byed pa yin la/ mig la sogs pa gzhan yang yin te/ snang ba'i bum pa las gzhan pa'i rgyu gang yin pa de ni rkyen gzhan yin la/ de dag tshogs pa ni 'dus pa'o/ /rang bzhin nyid de gzhan pa las khyad par du gyur pa yin pas khyad par can de khyad par dang ldan pa zhes bya ba'i don to//des na bum pa la sogs pa'i rang bzhin khyad par can 'di dang / rkyen gzhan tshogs pa 'di gnyis ni dmigs pa'i mtshan nyid du 'gyur ba yin par blta bar bya'o/ /rang bzhin khyad par can cig 'dra ba zhig ce na/ rang bzhin gang yod la zhes bya ba la sogs pa smos te dmigs pa'i rkyen snang du rung ba'i bum pa las gzhan de dag yod de bdog na rang bzhin gang yin pa mngon sum kho nar 'gyur ba de ni rang bzhin khyad par can yin no//de'i don ni 'di lta ste/ mngon sum gyi mtshan nyid 'di ni rtogs par byed pa gcig la ltos pa yin no//de lta yin dang lta ba po gcig lta ba la zhugs pa na snang na ni gnyi ga dang ldan pa yin no/ /mi snang ba yin na ni yul dang dus dang ngo bo nyid kyis bskal bas rang bzhin khyad par can dang bral ba yin la/ rkyen gzhan ni tshogs pa dang ldan pa yin no/ /rkyen gang gis lta ba po des mthong bar 'gyur ba de nye bar 'gyur ba yin te/de lta bas na de gang lta ba'i don du 'jug pa de dag nye ba yin no/ /lta bar ma zhugs pa na rung ba'i yul na 'dug kyang blta bar bya mi nus pa ni rkyen gzhan dang bral ba can yin la/ rang bzhin khyad par can dang ni ldan pa yin no//yul dang dus ring po dang 'dug pe ni gnyi ga dang bral ba yin no/ /de lta na 'ga' zhig mthong na ni rkyen gzhan dang bral ba zhes bya ba ma yin la/ rang bzhin khyad par can dang 'dra ba yin no/ /ma mthong na ni mthong bar nus pa'i yul na gnas pa rkyen gzhan dang bral ba yin la/gzhan ni gnyi ga dang bral ba zhes bya'o/ /mi dmigs pa'i dpe bkod nas/ rang bzhin gyi dpe dgod pa'i phyir/ rang bzhin zhes bya ba la sogs pa smos te/ rang bzhin gyi gtan tshigs zhes bya bar sbyar ro/ /gtan tshigs ci 'dra ba zhig bsgrub par bya ba'i rang bzhin yin zhe na/ rang bzhin gyi zhes bya ba smos te/ bdag nyid yod pa de 'ba' zhig ni rang yod pa tsam mo/ /de yod pa na yod par 'gyur ba'i ngo bo gang yin pa ste/ gang zhig gtan tshigs bdag nyid yod pa la ltos te yod pa yin gyi/ gtan tshigs yod pa las rgyu gzhan 'ga' zhig la ltos pa ni ma yin pa de ni rang yod pa tsam na yod pa bsgrub par bya ba yin te/bsgrub par bya ba de'i gtan tshigs gang yin pa de ni bsgrub par bya ba de'i rang bzhin yin gyi/ gzhan ni ma yin no/ /dper na zhes bya ba ni dpe 'god pa'o/ /'di ni zhes bya ba ni chos can no/ /shing ngo zhes bya ba ni bsgrub par bya ba'o//shing sha pa yin pa'i phyir zhes bya ba ni gtan tshigs so/ /de'i don ni 'di shing gi tha snyad du byar rung ba yin te/ shing sha pa yin pa'i phyir ro zhes bya ba 'di yin no/ /de la shing sha pa mang du yod pa'i yul na gang gi tshe shing sha pa'i tha snyad mi shes pa'i glen pa zhig la kha cig gis shing sha pa ring po zhig bstan te/'di shing yin no zhes brjod pa de'i tshe glen pa de ni shing sha pa ring po nyid shing sha pa tha snyad kyi rgyu mtshan ma yin par rtogs pa de'i tshe shing sha pa thung ngu gang yin pa mthong ba ni 'di shing ma yin no zhes rtogs so/ /glen pa de shing sha pa tsam gyi rgyu mtshan gyis shing nyid kyi tha snyad la gzhug par byed pa ring po la sogs pa'i rgyu mtshan gzhan gyis 'dir shing gi tha snyad byed pa ma yin gyi/'on kyang shing sha pa tsam gyi rgyu mtshan gyis yin te/ shing sha par gtogs pa'i yal ga dang ldan pa rgyu mtshan gzhan yin no zhes bya ba'i tha tshig go/ /'bras bu'i dpe dgod pa'i phyir/me yod do zhes bya ba smos te/ bsgrub par bya ba yin no/ /de na zhes bya ba ni chos can no/ /du ba yod pa'i phyir zhes bya ba ni gtan tshigs so/ /rgyu dang 'bras bu'i dngos po ni 'jig rten na mngon sum dang mi dmigs pa'i rgyu mtshan nyid du grags pas rang bzhin ltar 'bras bu'i mtshan nyid ni ma bstan to//tshul gsum pa'i rtags yin pa'i phyir rtags gcig kho nar ma yin nam/ 'on te rnam pa tha dad par byed na ni/ de lta na ni/ rang bzhin gyis rtags gcig pu'i rab tu dbye ba yang mtha' yas pa'i phyir gsum nyid du mi rigs so zhe na 'di la gnyis ni zhes bya ba smos te/'di la zhes bya ba ni gtan tshigs gsum po de rnams la'o/ /gtan tshigs gnyis ni dngos po bsgrub pa ste/ yod pa sgrub cing go bar byed pa yin no/ /gcig ni dgag pa go bar byed pa'i gtan tshigs so/ /dgag pa zhes bya ba ni med pa dang med pa'i tha snyad du bsgrub par blta bar bya'o//de'i don ni 'di yin te/ gtan tshigs ni bsgrub par bya ba sgrub par byed pa yin pa'i phyir bsgrub par bya ba'i yan lag yin la/ bsgrub par bya ba ni gtso bo yin no/ /de bas na bsgrub par bya ba la mkho ba'i gtan tshigs ni gtso bo bsgrub par bya ba tha dad pa'i phyir tha dad par dbye ba yin gyi/rang gi ngo bo las ni ma yin no/ /bsgrub par bya ba yang kha cig ni gtan tshigs las tha dad pa yin la/ kha cig ni tha dad pa dang tha mi dad pa yin no/ /tha dad pa dang tha dad pa ma yin pa yang gcig gis spangs te gnas pas gtan tha dad pa yin no/ /yod pa yang kha cig ni gtan tshigs las tha dad pa yin la/kha cig ni tha dad pa ma yin no/ /tha dad pa dang tha dad pa ma yin pa yang gcig gis gcig spangs te gnas pas gtan tshigs tha dad pa yin no/ /de bas na bsgrub par bya ba phan tshun mi mthun pa'i phyir gtan tshigs dag kyang tha dad pa yin gyi/rang gi ngo bos ni ma yin no/ /ci'i phyir gsum ni gtan tshigs nyid yin la/ ci'i phyir gzhan ni gtan tshigs nyid ma yin snyam du dogs pa la/ ji ltar gsum ni gtan tshigs nyid yin la/ gzhan ni gtan tshigs nyid ma yin pa de gnyi ga yang bstan pa'i phyir/ rang bzhin 'brel pa zhes smos te/ rang bzhin 'brel pa yin te/ rang bzhin 'brel ba nyid ni 'brel pa'i rang bzhin nyid ces bya ba'i don te rgyu dang rang gi ngo bo bsgrub par bya ba gnyi ga 'bras bu dang rang bzhin gyis 'brel par bye brag med pas tshig gcig gis gnyi ga bsdus so/ /na zhes bya ba ni gang gi phyir zhes bya ba'i don te/gang gi phyir rang bzhin 'brel pa yod na sgrub par byed pa'i don gyis bsgrub par bya ba'i don go bar byed pa yin pa de bas na gsum char yang go bar byed pa nyid yin la/ gzhan ni go bar byed pa nyid ma yin no/ /ci'i phyir rang bzhin 'brel pa yod pa kho na go bar byed pa'i dngos po yin la gzhan ni ma yin zhe na/des ma 'brel na zhes bya ba smos te/ des zhes bya ba ni rang bzhin bstan pa yin te/ rang bzhin des ma 'brel pa ni des ma bral ba'o/ /gang zhig gang la rang bzhin gyis ma 'brel pa de ni der mi 'khrul par nges pa med pa yin te/ 'brel pa'i yul gang yin pa de la mi 'khrul pa ni der mi 'khrul pa'o//de'i nges pa ni der mi 'khrul par nges pa ste/ de med pa'i phyir ro/ /don ni 'di yin te/ gang zhig gang la rang bzhin ma 'brel pa de ni ma 'brel pa'i yul de la gdon mi za bar mi 'khrul pa yin no zhes de dag med na mi 'byung ba nges pa mi 'khrul pa nges pa yod pa ma yin no//go bar bya ba dang go bar byed pa'i dngos po ni ma 'khrul pa nges pa las yin te/ rung ba tsam gyi sgo nas ni rtags sgron ma bzhin du lkog tu gyur pa rtogs pa'i rgyu mtshan du 'dod pa ni ma yin gyi/ 'on kyang mi 'khrul pa nyid du nges pa yin no//de bas na rang bzhin 'brel pa yod na ni med na mi 'byung ba nges pa yin la/ de las go bar bya ba dang go bar byed pa dngos po yin no/ /de bas na rang bzhin 'brel pa yod na don gyis don go bar byed kyi/ gzhan du ni ma yin no zhes bya bar gnas so/ /gzhan la rag las pa ma yin pa ni gzhan la rag las pa 'brel pa ma yin nam/'dir bsgrub par bya ba dang sgrub par byed pa de gnyis gang zhig gang la 'brel pa yin zhe na/ bsgrub par bya ba'i don la rtags 'brel pa de yang zhes bya ba smos te/ de yang bsgrub par bya ba'i don la rtags kyi rang bzhin 'brel pa yin te/ rtags ni gzhan la rag lus pa yin pa'i phyir 'brel pa yin la bsgrub par bya ba'i don la gzhan la rag lus pa ma yin pa'i phyir 'brel pa'i yul yin gyi/ 'brel pa ma yin no zhes bya ba'i tha tshig go/ /de la don ni 'di yin te/ de'i bdag nyid du khyad par med kyang 'brel pa gang yin pa ni go bar byed pa yin la/'brel pa'i yul gang yin pa de ni go bar bya ba yin no/ /gang zhig chos gang gi rang bzhin du nges pa de ni de dang 'brel pa yin te/ dper na mi rtag pa nyid la rtsol ba las byung ba nyid ces bya ba yin no/ /gang zhig de dang gzhan gyi rang bzhin de ni 'brel pa'i yul yin gyi/'brel pa ni ma yin te/ dper na rtsol ba las byung ba nyid ces bya ba la mi rtag pa nyid ces bya ba bzhin no/ /go bar bya ba dang go bar byed pa'i dngos po ni nges pa la ltos pa yin la/ rtsol ba las byung ba nyid kyang rang bzhin du nges pa yin te/ de'i phyir de nyid mi rtag pa nyid dang 'brel pa yin no//de bas na nges pa'i yul kho na go bar bya ba dang go bar byed pa'i dngos po yin gyi gzhan ni ma yin no/ /ci'i phyir rtags rang bzhin dang 'brel pa yin zhe na/ dngos su na zhes bya ba smos te/ bsgrub par bya ba'i don de'i bdag nyid gang yin pa de'i dngos po ni de nyid de/ de bas na de'i phyir ro/ /gang gi phyir sgrub par byed pa ni bsgrub par bya ba'i rang bzhin yin pa de bas na der rang bzhin 'brel zhes bya ba'i don to/ /ci ste bsgrub par bya ba'i rang bzhin sgrub par byed pa yin na bsgrub par bya ba dang sgrub par byed pa tha mi dad pa'i phyir dam bcas pa'i don gyi phyogs gcig gtan tshigs su 'gyur ro zhe na/dngos su na zhes bya ba smos te/ 'di gnyis don dam par yod pa'i tshul gyis tha dad pa ma yin no/ /rtag par rtog pa'i yul sgro btags pa'i ngo bo la ltos na ni/ bsgrub par bya ba dang sgrub par byed pa tha dad pa yin te/ nges pa la ltos pa nyid ni go bar bya ba dang go bar byed pa yin pa'i phyir ro//de'i phyir de gnyis kyi tha dad pa ni nges pa la gnas pa'i rang bzhin la ltos pa kho nar rigs kyi dngos po tha dad pa las ni ma yin no/ /de'i bdag nyid 'ga' zhig las ni ma yin gyi/ bsgrub par bya ba las byung ba'i rtags de nyid las kyang yin te/de las byung ba'i rtags kyang bsgrub par bya ba'i don dang rang bzhin 'brel pa yin no/ /ci'i phyir rgyu mtshan gnyis kyis rang bzhin 'brel pa'i rtags yin gyi/ gzhan gyis ni ma yin zhe na/ de'i rang bzhin ma yin pa dang zhes bya ba smos te/ de'i rang bzhin gang la yod pa ni de'i rang bzhin yin no//de'i rang bzhin yod pa ma yin pa ni de'i rang bzhin ma yin pa'o/ /'di de las byung ba 'di yin pas de las byung ba'o/ /de lta bu ma yin pa de ni de las byung ba ma yin pa'o/ /gang zhig gang gi rang bzhin dang gang las byung ba yang ma yin pa de ni de'i rang bzhin ma yin pa'o/ / 'di de las byung ba de 'di ba dang / skyed par byed pa ma yin pa de dang 'di 'brel pa med pa'i rang bzhin yin pas 'brel pa med pa'i rang bzhin yin pa'i phyir ro/ /ci ste de'i rang bzhin ma yin pa dang / skyed par byed pa ma yin pa dang yang 'brel pa'i rang bzhin 'ga' zhig yod na ni rgyu mtshan gzhan las kyang rang bzhin 'brel par 'gyur ba zhig na/'brel pa'i rang bzhin nyid ni rang bzhin 'brel pa yin gyi/ gzhan la ni rag las pa'i rang bzhin 'ga' yang med do/ /de bas na de'i bdag nyid dang de las byung ba gnyis kho nas rang bzhin 'brel pa yin no//de'i bdag nyid dang de las byung ba kho nas rang bzhin 'brel pa yin du zad mod/ 'bras bu dang rang bzhin gnyis kho na ji ltar go bar byed pa yin zhe na/ de'i bdag nyid dang de las byung ba de gnyis rang bzhin dang 'bras bu kho na yin pas zhes bya ba smos te/ bas zhes bya ba ni de bas na zhes bya ba'i don yin te/gang gi phyir rang bzhin dang 'bras bu kho na la de'i bdag nyid dang / de las byung bar gnas la/ go bar bya ba dang go bar byed pa'i dngos po yang de'i rgyu mtshan can yin pa de bas na 'bras bu dang rang bzhin de gnyis kho nas dngos po yod par grub po/ / 'on te dgag pa sgrub pa ni mi snang ba mi dmigs pa las kyang ci'i phyir 'dod par mi bya zhe na/ smras pa/ dgag pa'i tha snyad bsgrub pa ni gang gi phyir snang ba mi dmigs pa ci skad smos pa kho na las 'gyur te/ de bas na de las gzhan ma bstan to/ /de tsam gyis ci'i phyir yin zhe na smras pa/der dgag par bya ba'i dngos po yod na ni gang gi phyir snang ba mi dmigs pa mi srid do/ /de mi srid pa de bas na de las dgag par 'grub pa yin no/ /'on te de 'ba' zhig las ci'i phyir yin zhe na/ gzhan du na zhes bya ba smos te/ dngos po yod pa la de mi snang ba'i mi dmigs pa srid pa'i phyir zhes bya ba ni gzhan du na zhes bya ba'i sgra'i don yin no//de lta yin pa de bas na mi dmigs pa'i gzhan las dgag pa 'grub pa ma yin no/ /dngos po yod kyang de srid pa zhes bya ba 'di gang la zhe na/ yul dang dus zhes bya ba la sogs pa smos te/ 'dir rkyen gzhan tshogs pa dang rang bzhin khyad par can yin pa'i phyir dmigs pa'i rig gyur pa'i don bstan la/gnyis las gcig med na yang gcig kyang dmigs pa'i mtshan nyid du ma gyur pa'i don bstan to/ /yul 'dir dmigs pa'i mtshan nyid du ma gyur pa rnams la zhes bya bas ni rkyen gzhan dang bral ba can bstan to//gnyis las dus dang rang bzhin gyis bskal pa zhes bya bas ni rang bzhin gyis bskal pa bstan to/ /yul dang dus dang rang bzhin dang de rnams kyis bskal pa zhes bya bar sbyar te/ de dag la dngos po med par nges pa med pa'i phyir ro/ /dngos po yod pa la de srid par 'dod pa yin no/ / gang las nges pa med ce na/ de dag la sgrub pa po rang gi mngon sum gang yin pa de log kyang de rgyus dngos po med par nges pa med do/ /gang gi phyir dmigs pa'i mtshan nyid du gyur pa ma yin pa dag la bdag nyid kyis mngon sum log pa'i mtshan nyid mi snang ba mi dmigs pa srid do/ /de bas na ji skad du bstan pa kho nas dgag pa 'grub pa yin no//'on te snang ba mi dmigs pa 'di gang gi dus na tshad ma yin/ ci'i ngo bo yin/ ci zhig byed ce na/ mi rmongs pa zhes bya ba smos te/ sgrub pa po'i mngon sum ni bum pa la sogs pa'i don to/ /de log pa ni mi dmigs pa ste/ de'i rang bzhin med pa'i ngo bo zhes bya ba'i don to//de bas na rang bzhin med pa nyid ni bsgrub par bya ba ma yin te/ rang bzhin mi dmigs par grub pa'i phyir ro/ /bum pa la sogs pa med du zin kyang shes pa gcig la 'dre ba snang ba na mthong ba'i tshogs pa tshang ba can du shes pas blta bar bya ba nyid du brtag par bya ba yin pa'i phyir mngon sum zhes bstan to//de bas na shes pa gcig la 'dre ba snang ba'i don dang / shes pa de ni mngon log pa/ /zhes bya ste/ snang ba'i don dang blo de las mthong ba'i tshogs pa tshang ba nyid kyi sgo nas mngon sum nyid du brtag par bya bar log par khong du chud pa yin no//de bas na don dang shes pa kho na la mngon sum gyis bum pa med pa zhes bya'i/ /log pa tsam ni 'dir med pa zhes mi bya ste/ log pa tsam las snang ba log par nges pa med pa'i phyir ro/ /snang ba mi dmigs pa las snang ba log par nges pa ma yin nam zhe na/ de bden mod kyi shes pa gcig la 'dre ba 'ba' zhig snang na bum pa la sogs pa ci ste yod na ni snang ba kho nar 'gyur ro zhes snang bar rtog pa yin la/de las ni snang ba mi dmigs pa nges pa yin no/ /snang ba mi dmigs pa nges pa'i shugs kyis kyang snang ba med pa nges pa yin te/ ci ste der snang du rung ba yod na ni snang ba mi dmigs pa mi 'grub pa'i phyir ro/ /de bas na snang ba mi dmigs pa'i shugs kyis snang ba med par shes pa yin na/ tha dad du byed pa ma yin pas snang ba mi dmigs pas tha snyad du byas pa yin no/ /de bas na don gzhan shes pa gcig la 'dre bar snang ba na de'i shes pa ni mngon sum log par nges pa'i rgyu yin pa'i phyir mngon sum log par bstan par blta bar bya'o//ci ste med du zin kyang shes pa gcig la 'dre ba mngon sum du gyur pa la bum pa mngon sum nyid du sgo 'dogs pa de bzhin du shes pa gcig la 'dre ba mi rmongs par dran pa'i 'du byed 'das pa dang da ltar ba la de'i rang bzhin gyi bum pa med kyang sgro btags par blta bar bya'o//'dis ni snang ba mi dmigs pa mngon sum gyis bum pa log pa'i ngo bo yin la/ de yang grub zin pa des na bum pa med pa ni bsgrub par bya ba ma yin gyi/'on kyang med pa'i tha snyad yin no zhes bya bar bstan to/ /bum pa la sogs pa gang la mthong bas dran pa bskyed pa'i rang bzhin gyi 'du byed ma rmongs pa ste/ nyams pa med par yod pa de skad ces bya'o/ /sgrub pa po'i mngon sum 'das pa de dang sgrub pa'i mngon sum da ltar zhes bya bar sbyar ro//ma rmongs par dran pa'i 'du byed smos pa ni da ltar bye brag tu byed pa ma yin te/ 'di ltar 'das pa'i bum pas dben pa'i sa phyogs mthong ba la dran pa'i 'du byed rmongs pa yod pas bum pa mi dmigs pa la rmongs pa dang / bum pa mthong ba la rmongs par 'gyur/ da ltar gyi la ni bum pas dben pa'i sa phyogs mthong ba nas dran pa'i 'du byed la rmongs pa med do//de bas na bum pa mi dmigs pa la yang rmongs pa ma yin la/ bum pa la yang ma yin no/ /de bas na ma rmongs pa'i dran pa'i 'du byed smos pa ni da ltar gyi dgag bya khyad par du byed pa ni ma yin te/da ltar gyi don la ni dran pa'i 'du byed 'khrul pas med pa'i phyir ro/ /de'i phyir 'das pa dang da ltar gyi zhes bya ba la dang gi sgra byas pa yin te/ bye brag dang bral ba da ltar dang / bye brag dang ldan pa 'das pa bsdu ba ci ltar khong du chud par 'gyur ba de ltar byas so/ /de la don 'di yin te/'das pa'i mi dmigs pa gsal bar dran pa dang / da ltar gyi ni tshad ma yin no/ /de ltar na sngon 'di na bum pa yod pa ma yin te/ dmigs par ma gyur pa'i phyir ro zhes bya ba dang / med de mi dmigs pa'i phyir ro zhes shes par nus kyi/ 'di na bum pa phyis yod par 'gyur ba ma yin te/mi dmigs pas 'gyur ba'i phyir zhes bya ba ni shes par mi nus te/ ma 'ongs pa'i mi dmigs pa yod par the tshom za ba'i phyir ro/ /de ltar mi dmigs pa'i dus kyi bye brag bshad nas byed pa ston par byed do/ /med pa'i tha snyad ni med do zhes bya ba'i rnam par shes pa dang / de lta bu'i rnam pa can gyi sgra dang /dogs pa med par 'gro ba dang 'ong ba'i mtshan nyid kyi 'jug pa lus kyi med pa'i tha snyad de/ bum pa med par shes na ni the tshom med par 'gro ba dang 'ong ba la 'jug par byed do/ /med pa'i tha snyad ni rnam pa de gsum char yang 'jug par byed sgrub par byed pa ni mthong ba snang ba mi dmigs pa yin no//gal te yang bum pa med do snyam du shes pa ni mi dmigs pa kho na las 'gyur la/ med par nges pa yang 'di nyid yin mod kyi/ 'on kyang gang gi phyir mngon sum gyi phyogs nyi tshe dmigs pa de'i phyir 'di na bum pa med do zhes de ltar med par nges pa ni mngon sum gyis byed pa'i rjes su 'brang ba yin no//de bas na phyogs nyi tshe 'dzin pa'i mngon sum gyi byed pa rjes su 'brang ba'i med par nges pa ni mngon sum gyis byas pa yin no/ /gzhan yang sngar bshad pa'i tshul du snang ba mi dmigs pa'i nges par byed pa'i shugs nyid las mngon sum nyid kyis med par nges pa yin mod kyi/'on kyang mthong ba rnams kyang yod par dogs pa'i phyir na med pa'i tha snyad byed mi nus pa 'ba' zhig tu zad do/ /de bas na mi dmigs pa ni gang gi phyir snang ba la mi dmigs pa de bas na med do zhes pa'i tha snyad byed pa yin no/ /de bas na snang ba mi dmigs pa ni med par shes par byas pa la 'jug par byed kyi/ma byas pa la ni byed pa ma yin te/ des na med par nges pa ni mi dmigs pa las gyur pa yin yang mngon sum gyis byas pa la mi dmigs pas 'jug par byas so zhes bstan pa yin no/ /de ltar na mi dmigs pa ni med pa'i tha snyad du 'jug par byed pa yin no//ci'i phyir 'das pa dang da ltar gyi kho na la mi dmigs pa go bar byed pa yin no/ /de nyid kyis zhes bya ba smos te/ ji skad du bstan pa'i dus kyi mi dmigs pa'i las dngos po med par nges pa'i phyir ro/ /ma 'ongs pa'i mi dmigs pa ni rang nyid kyang the tshom za ba'i ngo bo yin te/ma grub pa de las ni dngos po med par nges pa ma yin gyi 'on kyang 'das pa dang da ltar yin no/ /da ni mi dmigs pa'i rab tu dbye ba bstan pa'i phyir/ de ni zhes bya ba smos te/ mi dmigs pa 'di'i rnam pa bcu gcig yod pas na rnam pa bcu gcig go//rnam par dbye ba gang las she na/ sbyor ba'i bye brag gis te/ sbyor ba ni sbyar ba ste sgra'i rjod byed kyi byed pa la brjod do/ /sgra yang kha cig ni dngos su/ kha cig ni don gzhan gyi sgo nas rjod par byed kha cig ni don gzhan 'gog pa'i sgo nas rjod par byed do/ /kun kyang snang ba mi dmigs pa yin par ni sgra ma smos kyang rig par bya'o//rjod par byed pa'i bye brag gis mi dmigs pa bye brag tu dbye'i// rang gi ngo bo la ni dbye ba med do zhes bya ba'i don to/ /rnam par dbye ba bstan pa'i phyir/ rang bzhin zhes bya ba la sogs pa smos te/ dgag par bya ba'i rang bzhin gang yin pa de mi dmigs pa ni dper na zhes bya ba ste/'di na zhes bya ba ni chos can no/ /du ba med de zhes bya ba ni bsgrub par bya'o/ /dmigs pa'i mtshan nyid du gyur pa las mi dmigs pa'i phyir zhes bya ba'i gtan tshigs so/ /gtan tshigs 'di yang snga ma bzhin du bshad par bya'o//dgag par bya ba'i 'bras bu gang yin pa de mi dmigs pa'o/ /dper na zhes bya ba ni dpe 'god pa'o/ /'di na zhes bya ba ni chos can no/ /du ba skyed pa'i nus pa thogs pa med pa thogs par yod pas gang dag yin pa thogs pa med pa de dag med de zhes bya ba ni bsgrub par bya ba'o/ / du ba med pa'i phyir ro zhes bya ba ni gtan tshigs so/ /rgyu ni gdon mi za bar 'bras bu dang ldan pa ma yin pas na 'bras bu ma mthong ba las ni nus pa thogs pa dag kho na med pa ni bsgrub par bya ba yin gyi/ gzhan ni ma yin no/ /nus pa thogs pa med pa yang skad cig ma tha mar gyur pa gang yin pa ste/gzhan rnams la ni gegs yod pa'i phyir ro/ /'bras bu mi dmigs pa'i yang gang du rgyu mi snang ba der sbyar bar bya ba yin gyi rgyu snang ba la ni snang ba mi dmigs pa kho na rtogs par byed pa yin no/ /de la khang pa'i yang thog na gnas pa na khang pa dag ram mthong du zin kyang dag ra'i ngos bzhi'i rtsig pa mtha' dag mthong zhing rtsig pa mtha' dag dang lhan cig tu snang ba zhes bya ba'i nam mkha'i phyogs du ba dang bral ba mthong ngo //de la du ba med par nges pa las ni me yul gang na gnas pas yul der ngu ba skyed par 'gyur ba'i nus pa thogs pa med pa'i me de med par rtogs par bya ba yin la/khang pa dag ra'i phyogs na yod pa'i mes kyang du ba yul der skye bar gyur pa yin pa des na phyogs de na me med par khong du chud par bya'o/ /khyim gyi dag ra'i phyogs rtsig pas yongs su bskor ba de rtsig pa'i mtha' thug par gnas pa snang ba'i bdag nyid can du bas dben pa'i nam mkha'i yul dang bcas te chos can du byed de/de bas na snang ba'i nam mkha'i cha shes can mngon sum du gyur pa'am/ mngon sum du ma gyur pa ni chos can yin par me med par shes pa'i shugs 'ongs pa yin no/ /'di ni zhes bya ba mngon sum gyi tshig tu bstan pa ni snang ba'i phyogs la ltos pa yin no//'dir 'ba' zhig la snang ba dang mi snang ba spyi chos can yin par ma zad kyi gzhan du yang yin te/ sgra skad cig ma nyid du bsgrub par bya ba la sgra gcig ni mngon sum du gyur pa yin la/ gzhan ni lkog tu gyur pa de bzhin du 'dir yang yin no/ /ji ltar 'dir chos can ni bsgrub par bya ba rtogs pa'i gzhir gyur pa snang ba dang mi snang ba'i cha shas bstan pa de bzhin du sbyor ba phyi ma rnams la yang rang nyid kyis khong du chud par bya'o//khyab par bya ba dgag par bya ba la khyab par byed pa'i chos gang yin pa de mi dmigs pa'o/ /dper na zhes bya ba ni dpe 'god pa'o//'di ni zhes bya ba ni chos can no/ /shing sha pa med do zhes bya ba ni shing sha pa'i dngos po med par bsgrub par bya ba yin no/ /khyad par byed pa'i shing med pa'i phyir zhes bya ba ni gtan tshigs yin no/ /mi dmigs pa 'di yang khyab par bya ba'i shing sha pa nyid snang ba med pa la sbyor ba yin te/dmigs pa'i rig byar gyur pa'i khyab par bya ba la ni snang ba mi dmigs pa nyid rtogs par byed pa yin no/ /de la gang gi tshe yul ka mthon po na lta 'og dkrigs te 'dug pa de dag las gcig ni shing stug po dang ldan la/ cig shos gzhan ni pho rdza stug po shing med par brag rdzong du 'dug go//lta ba pos kyang de nas 'dug pa'i shing mthong du zin kyang shing sha pa la sogs pa bye brag ni khong du ma chud pa gang yin pa lta ba po de la shing ni mngon sum du gyur pa/ shing sha pa nyid ni mngon sum ma yin no/ /shing med pa'i g.ya' brag de la shing med par snang ba mi dmigs par ni khong du chud pa de lta bu'i yul la khyab par byed pa'i shing med pa'i phyir shing sha pa nyid kyang med do zhes 'di med par sgrub pa'i phyir sbyor bar byed do//dgag par bya ba'i rang bzhin dang 'gal ba dmigs pa dgod pa la/ 'di la zhes bya ba ni chos can no//grang ba'i reg pa med do zhes bya ba grang ba'i reg pa dgag pa bsgrub par bya ba'o/ /me yod pa'i phyir zhes bya ba ni gtan tshigs so/ /mi dmigs pa 'di yang gang na grang ba'i reg pa mi snang ba der sbyar bar bya ba yin na ni/ snang ba la ni snang ba mi dmigs pa sbyor bar bya ba'i phyir ro//de bas me'i kha dog gi bye brag snang ba na grang ba'i reg pa ring du gyur pa'i phyir mi snang ba der 'dir sbyar bar bya'o/ /dgag par bya ba dang 'gal ba gang yin pa de'i 'bras bu dmigs pa ni go bar byed pa yin no/ /dper na zhes bya ba ni dpe 'god pa'o/ /'di na zhes bya ba ni chos can no//grang ba'i reg pa med do zhes bya ba ni grang ba'i reg pa'i dngos po med par bsgrub par bya ba yin no/ /du ba yod pa'i phyir zhes bya ba ni gtan tshigs so/ /gang na grang ba'i reg pa yod cing snang ba de yod na ni snang ba mi dmigs pa go bar byed pa yin la/ gang na 'gal ba'i me mngon sum du gyur pa de na ni 'gal ba mi dmigs pa go bar byed pa yin te/gnyi ga yang mi snang ba nyid la 'gal ba'i 'bras bu mi dmigs pa sbyor bar byed do/ /de la khang mig gzhan grang ba khyab par yod pa sel bar nus pa'i me rjes su dpog par byed pa ni gang gi tshe khang mig gi nang nas dud pa'i tshogs chen po byung bar mthong ba de'i tshe na/khyad par du gyur pa'i me yod par rjes su dpag pa las grang ba'i reg pa log par rjes su dpag pa yin no/ /'dir ni skar khung gi phyogs snang ba dang bcas te/ khang mig gi phyogs kun chos can yin par ni bsgrub par bya ba rtogs pa'i rjes su 'brangs nas snga ma bzhin du blta bar bya'o//dgag par bya ba dang 'gal ba gang yin pa des khyab par bya ba'i chos gzhan dmigs pa ste dper na zhes bya ba ni dpe dgod pa yin no/ /nges pa ni gdon mi za bar 'gyur ba'o/ /nges par 'gyur ba med pa ni zhes bya ba ni nges par 'gyur ba nyid dgag pa bsgrub par bya ba yin no//'jig pa ni chos can no/ /dngos po las byung ba'i yang zhes bya ba ni chos can gyi bye brag go/ /yang gi sgra'i don ni skyes shing byung ba yang 'jig pa'i ngo bo yin par nges par 'gyur ba med na ma skyes pa lta ci smos zhes bya ba yin no/ /skyed par byed pa'i rgyu las ma gtogs pa rgyu tho ba la sogs pa ni rgyu gzhan yin no//de la 'jig pa ltos pa yin te/ de ltos pa'i phyir zhes bya ba ni gtan tshigs so/ /rgyu gzhan la ltos pa zhes bya ba ni nges par 'gyur ba med pa nyid kyis khyab pa yin te dper na snam bu kha dog bsgyur ba ni btso blag mkhan la sogs pa rgyu gzhan la ltos pa'i phyir nges par 'gyur ba med pa bzhin du'o//nges par 'gyur ba med pa ni nges par 'gyur ba nyid dang 'gal ba yin la/ 'jig pa yang 'jig pa'i ngo bo'i bdag nyid kyi 'jig pa yang rgyu gzhan la ltos par 'dod do/ /de bas na 'gal bas khyab pa rgyu gzhan la ltos pa nyid dmigs pas nges par 'gyur ba nyid 'gog pa yin no//'di nges par 'grub pa nyid ni rtag pa yin la/ nges par 'gyur ba med pa nyid kyis 'jig pa nyid ma yin pa la bya'o/ /rtag pa nyid dang / rtag pa ma yin pa gnyis kyang phan tshun spangs te gnas pa'i phyir gcig la 'gal lo//de lta yin dang phan tshun spangs te gnas pa gnyis las gcig gang yin pa snang ba de la gnyis pa gang yin pa de'i bdag nyid dgag par bya dgos so/ /de'i bdag nyid dgag pa yang snang ba nyid du yin no zhes pa la 'grub pa yin te/ gang gi phyir de'i bdag nyid dgag pa ni 'di ltar byed pa yin te/gal te snang ba rtag pa yin na rtag pa'i rang bzhin du yang mthong ba med do/ /des na rtag pa ma yin no zhes so/ /de lta na yang dgag par bya ba rtag pa nyid snang ba bdag nyid du khas blangs nas dgag par bya bar 'gyur ro/ /'dre ba la sogs pa'i dngos po mi snang ba yang gal te bum pa snang ba'i bdag nyid yin pa 'gog par byed na ni/gal te snang ba 'di 'dre'i bdag nyid na 'dre nyid du snang bar 'gyur ba zhig na snang ba yang ma yin te/ des na 'dre ma yin no zhes snang ba'i bdag nyid khas blangs nas bya ba yin no/ /des na bum pa la sogs pa snang ba'i dngos po la dngos po'am/dngos po med pa'am/ snang ba'am mi snang ba'i de'i bdag nyid yin pa 'gog pa ni snang ba nyid khas blangs pa sngon du 'gro ba can yin no/ /de lta yin na ni ji ltar bum pa snang ba khas blangs nas 'gog pa ni snang ba mi dmigs pa las yin pa de bzhin du phan tshun spangs pa dang ldan pa thams cad kyang gzhan snang ba la 'gog pa ni snang ba mi dmigs pa kho nas yin no//de ltar na sbyor ba'i tshul de lta bu ni rang bzhin mi dmigs pa'i nang du 'dus pa yin no/ /dgag par bya ba'i 'bras bu gang yin pa de dang 'gal ba gang yin pa de dmigs pa ste/ dper na zhes bya ba ni dpe dgod pa yin no//'di na zhes bya ba ni chos can no/ /grang ba skyed pa la nus pa thogs pa med pa grang ba'i rgyu gang dag yin pa de dag med do zhes bya ba ni bsgrub par bya ba'o/ /me yod pa'i phyir zhes bya ba ni gtan tshigs so/ /gang na grang ba'i rgyu mi snang ba dang / grang ba'i reg pa yang mi snang ba der gtan tshigs 'di sbyor bar bya ba yin gyi/grang ba'i reg pa'am de'i rgyu snang ba la ni 'bras bu mi dmigs pa'am/ snang ba mi dmigs pa go bar byed pa yin no/ /de bas na de yang dngos po med par sgrub pa yin no/ /de'i phyir phyogs gang na grang ba'i reg pa yod kyang rgyang ring ba'i phyir rtog pa po la mi snang la/me ni gsal ba'i kha dog can yin pa'i phyir rgyang ring po yang snang ba der 'di sbyor bar bya'o/ /dgag par bya ba la khyab par byed pa gang yin pa de dang 'gal ba gang yin pa de dmigs pa ste/ dper na zhes bya ba ni dpe 'god pa'o/ / 'di na zhes bya ba ni chos can no/ /ba mo'i reg pa med do zhes bya ba ni bsgrub par bya ba'o/ /me yod pa'i phyir zhes bya ba ni gtan tshigs so/ /gang na dgag par bya ba ba mo'i reg pa dang / khyab par byed pa'i grang ba'i reg pa mi snang ba der gtan tshigs 'di sbyor bar byed pa yin gyi/ de gnyis snang ba nyid la ni 'di ltar ngo bo nyid dam/khyab par byed pa snang ba mi dmigs pa sbyor bar bya ba yin no/ /de lta na med par bsgrub pa 'di ni rtogs par byed pa rgyang ring po na 'dug la/ ba mo'i reg pa grang ba'i bye brag dang grang ba tsam ni lkog tu gyur pa yin la/ me ni gzugs kyi bye brag gis rgyang ring po na 'dug kyang mngon sum du gyur to//de bas na ni me la ni grang ba tsam med par nges pa yin la/ de las ni grang ba'i bye brag ba mo'i reg pa med par nges pa yin te/ grang ba'i bye brag ni grang ba'i spyis khyab par bya ba yin pa'i phyir te/ yul gyi bye brag de la rjes su dpag pa 'di sbyor bar bya'o//dgag par bya ba'i rgyu gang yin pa de mi dmigs pa ste/ dper na zhes bya ba ni dpe 'god pa'o/ /'di na zhes bya ba ni chos can no/ /du ba med do zhes bya ba ni bsgrub par bya'o/ /me med pa'i phyir zhes bya ba ni gtan tshigs so/ /gang na 'bras bu yod kyang snang ba mi 'byung ba der ni 'dir sbyor ba bya'o//'bras bu snang ba la ni snang ba mi dmigs pa nyid go bar byed pa yin no/ /de bas na dngos po med par bsgrub pa 'di lang mtsho chen po mi g.yo ba dgun rlangs pa mang du 'thul ba la nam mkha' 'o zi tsam du gyur ba na de na du ba yod kyang mi snang bas rgyu mi dmigs pas dgag par bya ba yin no//chu de'i steng na me 'bar ba yin na ni gzugs kyi khyad par nyid dmigs par 'gyur la/ 'bar ba yang ma yin te/ shing tshig pa la yod na der yang tshig pa yod na shing mngon sum du gyur pa yin no/ /des na me ni rang gi ngo bo 'am gzhi'i ngo bo de rnam par 'gyur bas na der sbyor ba 'di bya'o//dgag par bya ba'i rgyu gang yin pa de dang 'gal ba gang yin pa de dmigs pa ste/ dper na zhes bya ba ni dpe dgod pa'o/ /'di la zhes bya ba ni chos can no/ /spu langs zhes bya ba ni spu langs pa'o/ /de la sogs pa ni lhags pas nyen pa'i so tham tham byed pa la sogs pa'o//de las gzhan pa'i 'jigs pa dang / dad pa la sogs pa las bye brag tu gyur pa ni yul lo zhes bya ba la sogs pa'i bye brag ste/ de med do zhes bya ba ni bsgrub par bya ba'o/ /me gzhan las gdung ba nyid bye brag tu gyur pa ni grang ba zlog par nus pa yin pas na gdung bar byed pa'i bye brag ste/gdung bar byed pa kha cig yod du zin kyang / dper na sgron ma bzhin du grang bzlog par byed pa ma yin pa de lta bu bsal ba'i phyir bye brag smos so/ /gdung ba'i bye brag gang yin pa nye ba de la de skad ces bya'o//de'i dngos po ni de nyid de/ de bas na zhes bya ba ni gtan tshigs so/ /gang na grang ba'i reg pa yod kyang mi snang ba dang / spu long zhes byed pa'i bye brag yod kyang mi snang ba'i der 'di'i sbyor ba bya ba yin gyi/ spu long zhes byed pa'i bye brag snang ba nyid la ni snang ba mi dmigs pa sbyor bar byed pa yin la/grang ba'i reg pa snang ba nyid la yang rgyu mi dmigs pa'i sbyor bar byed pa yin no/ /de bas na dngos po med pa bsgrub pa 'di yang gdung bar byed pa'i gzugs kyi bye brag rgyang ring po nas kyang mthong ba yin la/ grang ba'i reg pa dang spu long zhes byed pa'i bye brag ni ma mthong ba de dag gi rgyu dang 'gal ba mi dmigs pas dngos po med par rtogs par byed pa de la 'di'i sbyor ba bya'o//dgag par bya ba'i rgyu gang yin pa de dang 'gal ba de'i 'bras bu de dmigs pa ste/ dper na zhes bya ba ni dpe 'god pa'o/ /phyogs 'di ni zhes bya ba la sogs pa'i bye brag dang ldan pa'i 'brel pa'o//spu long zhes byed pa la sogs pa'i bye brag gis ldan pa ni spu long zhes byed pa la sogs pa'i bye brag dang ldan pa'o/ /de dang 'brel ba'i mi ni spu long zhes byed pa la sogs pa'i bye brag dang ldan pa'i mi ste/ de de dang ldan pa ma yin pa ni bsgrub par bya ba'o//du ba yod pa'i phyir zhes bya ba ni gtan tshigs so/ /spu long zhes byed pa'i bye brag mngon sum du gyur na ni snang ba ma yin pa yin la/ rgyu grang ba'i reg pa mngon sum du gyur na ni rgyu mi dmigs pa yin la/ me mngon sum du gyur na ni rgyu dang 'gal ba dmigs pa'i sbyor ba bya ba yin gyi/'di gsum char yang mi snang ba 'di la sbyor bar bya ba yin no/ /de bas na dngos po med par sgrub pa 'di ni rtogs par byed pa rgyang ring po na 'dug la/ grang ba'i reg pas nyen pa'i spu long zhes byed pa la sogs pa'i bye brag yod du zin kyang mngon sum du ma gyur la/ gang na du ba mngon sum du gyur pa der 'di tshang ma yin no//du ba yang yul de na yod pa'i grang ba zlog par nus pa'i me rjes su dpog par byed nus pa ci 'dra ba de 'dir gzung bar bya'i/ du ba tsam gyis me tsam rjes su dpog par byed kyang grang ba'i reg pa sel ba dang / spu long zhes byed pa la sogs pa sel bar byed pa shes par nus pa ma yin pas du ba tsam ni gtan tshigs ma yin par blta bar bya'o//ci ste gcig ni dgag par sgrub pa'i gtan tshigs yin par bstan na dngos po med pa'i gtan tshigs bcu gcig tu ji ltar 'gyur zhe na/ 'bras bu mi dmigs pa la sogs pa zhes smos te/de dag ces bya ba 'dis ni mi dmigs pa'i sbyor ba bstan pa 'das ma thag pa bstan to/ /de la gang yang rung ba gzung bar thal bar 'gyur bas na 'bras bu mi dmigs pa la sogs pa smos so/ /'bras bu mi dmigs pa la sogs pa yang gsum mam/ bzhi zhig gzung bar thal bar 'gyur bas bcu zhes bya ba smos so//de la bcus kyang dpe bkod pa tsam gzur bar thal bar 'gyur ba la/ thams cad ces bya ba smos so/ /'di skad bstan te/ dpe sbyar bar bya ba dang 'dra ba thams cad kyang yin no/ /bcu smos pa med par thams cad smos pa byas na ni dpe sbyar bar byas pa mtha' dag go bar 'gyur la/bcu smos kyang dpe sbyar ba mtha' dag go bar 'gyur ro/ /thams cad smos pa lhag par byas na ni dpe sbyar ba dang 'dra ba mtha' rtogs par 'gyur ro/ /rang bzhin mi dmigs par 'dus pa ni de'i bdag nyid du 'gro ba yin te/ rang bzhin mi dmigs pa'i ngo bo nyid ces bya ba'i don to/ /rang bzhin mi dmigs pa'i sbyor ba las 'bras bu mi dmigs pa la sogs pa'i tha dad pa ma yin nam/ ci ltar der 'dus pa yin zhe na/ sbyor ba tha dad kyang zhes bya ba smos te/ sbyor ba'i sgra'i byed pa tha dad kyang 'dus pa yin no/ / 'di ltar sbyor ba tha dad ce na/ don gzhan yod pa dang zhes bya ba smos so/ /dgag par bya ba'i don las don gzhan yin par dmigs te/ rang bzhin 'gal ba dmigs pa la sogs pa'i sbyor ba la bya'o/ /dgag pa ni 'bras bu mi dmigs pa la sogs pa'i sbyor ba la bya'o//don las gzhan yod pa dang don gzhan dgag pa'i sgo nas sbyor ba tha dad pa yin no/ /gal te sbyor ba gzhan rnams su don gzhan yod pa dang dgag pa yin no/ /'o na ji ltar na du ba 'dus pa yin zhe na/ brgyud pa'i sgo nas zhes bya ba smos te/ zo chun brgyud pa lta bu zhes bya ba'i don to//'di skad bstan te/ sbyor ba de dag dngos su snang ba mi dmigs par rjod pa ma yin gyi/ snang ba mi dmigs pa la mi 'khrul pa nyid kyi don gzhan yod pa dag dgag pa rjod par byed do/ /de ltar zo chun brgyud pa'i tshul gyis 'di dag rang bzhin mi dmigs par 'dus pa yin gyi/dngos su ni ma yin no/ /ci ste sbyor ba tha dad pa'i phyir de ltar tha dad na ni de dag gzhan gyi don gyi rjes su dpag pa yin par brjod par bya ba'i sbyor ba tha dad pa ni sgra tha dad pa yin la/ sgra yang gzhan gyi don rjes su dpag pa yin no zhes dgos pa la/ sbyor ba mthong ba goms pa las/ zhes bya ba la sogs pa smos te/ bstan bcos las byung ba'i sbyor ba mthong ba dmigs shing / de goms pa yang nas yang du byed pa de'i rgyu mtshan de las de dag nyid kyang sgrub pa po rang yang ji skad du bstan pa'i rim pa de bzhin du rnam par gcod pa 'gog pa rtogs par 'gyur te/ bas zhes bya ba ni zhes bya ba'i don to//don 'di yin te/ gang gi phyir rang yang sbyor ba goms pa'i thabs 'dis rtogs par byed pa de bas na rtogs pa po rang la dgos pa sbyor ba tha dad pa rnams rang gi don gyi rjes su dpag pa la bstan pa yin no/ /gang yang gzhan khong du chud par bya ba nyid du dgos na ni de dag gzhan gyi don gyi rjes su dpag pa nyid yin no zhes brjod par bya'o//snang ba 'gog na ni rang bzhin mi dmigs pa'i sbyor ba yin par thal bar 'gyur bas 'bras bu mi dmigs pa la sogs pa ni rgyu la sogs pa mi snang ba kho na 'gog pa ma yin nam/ de lta yin na ni de dag rnam pa mi dmigs pas 'gog pa ma yin na de ltar sbyor ba de dag snang ba dmigs pa'i nang du 'dus she na/med pa dang med pa'i tha snyad sgrub pa mi dmigs pa de dag thams cad la zhes bya ba la sogs pa smos te/ med pa dang de'i tha snyad ni med pa dang tha snyad de rang bzhin mi dmigs pa la ni tha snyad bsgrub par bya ba yin no//lhag ma rnams la ni med par bsgrub par bya ba yin no/ /de gnyis bsgrub pa'i mi dmigs pa de dag thams cad la yang zhes bya ba la/ yang gi sgra ni phyir gyi don te/ gang gi phyir mi dmigs pa thams cad la dgag pa bstan pa gang yin pa de dag dmigs pa'i mtshan nyid du gyur pa kho na snang ba 'gog pa de bas na snang ba mi dmigs pa'i nang du 'dus pa yin no//snang ba kho na yin pa yang ci'i phyir zhe na/ rang bzhin zhes bya ba la sogs pa smos so/ /'dir yang ni zhes bya ba'i sgra ni rgyu'i don te/ gang gi phyir rang bzhin 'gal ba gang dag yin pa de dag la sogs pa mi dmigs pa dang /rgyu la sogs pa mi dmigs pas dgag pa bshad pa de bas na snang ba kho na dgag pa yin no zhes bya ba'i don to/ /ci ste rang bzhin 'gal ba la sogs pa dmigs pa dang / rgyu la sogs pa mi dmigs pas dgag pa bshad mod kyi/ /'on kyang ji ltar snang ba kho na dgag pa yin zhe na/dmigs pa'i mtshan nyid du gyur pa kho na dag las dmigs pa dang mi dmigs par yang rig par bya'o zhes bya ba smos so/ /'dir yang yang zhes bya ba rgyu'i don te/ gang gi phyir 'gal ba dang / khyab par bya ba dang / khyab par byed par gyur pa dang / 'bras bu dang /rgyur gyur pa zhes bya ba gang yin pa de dag gdon mi za bar dmigs pa yin la/ dmigs pa'i sngon du song ba'i mi dmigs pa rig par bya ste shes par bya'o/ /dmigs pa'i mi dmigs pa gnyis yod pa gang yin pa de ni snang ba kho na yin no/ /de bas na rang bzhin 'gal ba la sogs pa dmigs pa dang /rgyu la sogs pa mi dmigs pas dmigs pa dang mi dmigs pa dang ldan pa'i 'gal ba la sogs pa dgag pa byed pa ni snang ba kho na la byas par blta bar bya'o/ /rgol ba mang por sngar thal ba'i lan bsdu ba'i phyir yang yang gi sgra ni rgyu'i don yin te/ gang gi phyir lan 'di dang 'di dag yod pa de bas na rgol ba mi rigs so zhes bya ba ni yang gi don te/ci'i phyir dgag par bya ba'i 'gal ba la sogs pa la dmigs pa dang mi dmigs par rig par bya zhe na/ gzhan dag la ni zhes bya ba smos so/ /gang gi dmigs pa dang mi dmigs pa dang ldan pa las gzhan pa mi dmigs pa kho na gang yin pa de dag la ni 'ga' zhig dang lhan cig tu 'gal ba dang rgyu dang 'bras bu yod pa dang khyab par byed pa med na med pa mi 'grub po//gang gi phyir de lta yin pa de bas na 'gal ba dang rgyu dang 'bras bu dang med pa mi 'grub pa'i rgyu des na dmigs pa dang mi dmigs pa dang ldan pa kho na 'gal ba la sogs pa'i dgag par bya ba yin la/gnyis ka dang ldan pa yang snang ba kho na yin no/ /de bas na snang ba kho na dgag pa yin te/ 'gal ba dang 'bras bu dang rgyu yod pa dang khyab par byed pa med na khyab par byed pa med pa ni snang ba mi dmigs pa kho na las yin te/gcig yod pa na gzhan med par rtogs na ni 'gal ba yin par shes so/ /rgyu mngon par 'dod pa med na 'bras bu mngon par 'dod pa med par shes na yang rgyu dang 'bras bur khong du chud do/ /khyab par byed par mngon par 'dod pa med na yang khyab par byed par nges pa yin no//de la khyab par byed pa dang khyab par byed par shes pa'i rgyu mtshan du dngos po med pa khong du chud par bya dgos te/ 'di shing med na shing sha pa nyid med par shes na ni khyab par bya ba dang khyab par byed par shes pa yin zhing / dngos po med par khong du chud pa yang thams cad du snang ba mi dmigs pa kho na las yin no//de bas na 'gal ba dang rgyu 'bras dang khyab bya khyab byed kyi dngos po dran par byed pa ni 'gal ba la sogs pa dang khyab bya khyab byed kyi dngos po'i yul la/ dngos po med pa khong du chud pa'i rgyur gyur pa'i snang ba mi dmigs pa dran par bya'o/ /snang ba mi dmigs pa mi dran na ni 'gal ba la sogs pa yang mi dran no//de ltar gyur na ni 'gal ba la sogs pa yod pa dang dgag pa nyid kyis cig shos med par shes par mi 'gyur ro/ /'gal ba la sogs pa 'dzin pa'i dus na yod pa'i snang ba mi dmigs pa gdon mi za bar dran par bya ba na yang de kho na las dngos po med par shes pa yin no//de la ci ste snang ba mi dmigs pa dang bltar med du zin kyang sngon 'gal ba la sogs pa 'dzin pa'i dus kyi snang ba mi dmigs pa da ltar dran pa gang yin pa de nyid dngos po med par khong du chud pa'i rgyu yin no/ /de bas na snang ba mi dmigs pa da ltar med pa yin pas dngos po med pa sgrub pa ni snang ba mi dmigs pa'i sbyor ba las 'bras bu mi dmigs pa la sogs pa'i sbyor ba tha dad pa yin no//'gal ba bsgrub pa dang / rgyu la sogs pa dgag pa'i sgo nas kyang gang gi phyir snang ba mi dmigs pa 'phangs pa yin te/ de bas na dus gzhan na yod pa ngan pa'i yul du gyur pa'i snang ba mi dmigs pa las dngos po med par khong du chud pa dang / sbyor ba 'di dag kyang snang ba mi dmigs pa'i nang du 'dus pa yin no/ /de ltar na 'di thams cad kyis ni mi dmigs pa'i sbyor ba bcu po rnams brgyud pa'i sgo nas snang ba mi dmigs pa'i nang du 'dus par bstan par rig par bya'o//snang ba mi dmigs pa ni dngos po med pa dang med pa'i tha snyad bsgrub par bya ba la tshad ma yin par smras pa mi snang ba mi dmigs pas ni ci zhig byed ce na/ bskal ba'i zhes bya ba smos te/ yul dang dus dang rang bzhin gsum gyis bskal pa'i yul gang yin pa bskal ba'i yul yin pa de ni the tshom gyi rgyu yin no//rang bzhin ci 'dra ba zhig ce na/ smras pa/ mngon sum dang rjes su dpag pa log pa'i mtshan nyid de rang bzhin gang la yod pa log pa'i ngo bo nyid shes pa dang shes bya'i ngo bo ma yin no zhes bya ba'i don to//tshad ma las gzhal bya yod par gzhag pa ma yin nam/ de bas na tshad ma med pa'i phyir gzhal bya med par khong du chud par rigs so zhe na/ tshad ma log kyang zhes bya ba smos te/ rgyu dang khyab par byed pa log na ni 'bras bu dang khyab par bya ba ldog par yang 'gyur la/ tshad ma ni gzhal bya'i rgyu yang ma yin la/khyab par byed pa yang ma yin no/ /de bas na tshad ma gnyis log tu zin kyang don te gzhal bya ldog par mi 'grub po/ /de ltar mi 'grub pa'i phyir mi snang ba mi dmigs pa ni the tshom gyi rgyu yin gyi/ nges pa'i gtan tshigs ni ma yin no/ /gang yang tshad ma yod pas gzhal bya yod par 'grub pa de ni rigs yin te/tshad ma ni gzhal bya'i 'bras bu yin la 'bras bu yang rgyu med na mi 'byung ba'i phyir ro/ /rgyu ni gdon mi za bar 'bras bu dang ldan pa ma yin no/ /de bas na tshad ma las gzhal bya yod par rnam par gzhag go//tshad ma med pa'i phyir gzhal bya med par rnam par gzhag par bya ba ni ma yin no/ /rang gi don gyi rjes su dpag pa ste le'u gnyis pa'o// //rang gi don dang gzhan gyi don rjes su dpag pa gnyis las gzhan gyi don bshad par 'dod nas/ gzhan gyi don gyi rjes su dpag pa ni tshul gsum pa'i rtags rjod pa ste zhes bya ba smos so//rjes su 'gro ba dang ldog pa dang phyogs kyi chos nyid ces bya ba'i tshul gsum gang la yod pa de ni tshul gsum pa'o/ /tshul gsum pa yang yin la rtags kyang yin pa de brjod pa ste/ 'dis tshul gsum pa'i rtags 'chad par byed/ston par byed pas brjod pa'o/ /de ci yin zhe na tshig ste/ tshig gis tshul gsum pa'i rtags brjod pa yin no/ /gzhan gyi ches yin pas gzhan don no/ /yang dag pa'i shes pa'i bdag nyid ni rjes su dpag pa yin no zhes smras pa ma yin nam/ de ci'i phyir de ltar tshig gi bdag nyid la rjes su dpag pa zhes bya zhe na/rgyu la 'bras bu btags pa'i phyir ro zhes bya ba smos te/ tshul gsum pa'i rtags brjod pa las tshul gsum gyi rtags dran pa skye'o/ /dran pa las rjes su dpag pa yin te/ de bas na tshul gsum pa'i rtags brjod pa ni brgyud pa'i sgo nas rjes su dpag pa'i rgyu yin no//de ltar na rgyu tshig la 'bras bu rjes su dpag pa btags pa sgro btags pa byas te/ de ltar sgro btags pa'i phyir rgyu dag ni rjes su dpag pa'i sgras bstan te/ ngag ni rjes su dpag par btags pa yin gyi/ dngos ni ma yin no zhes bya ba'i tha tshig go//gang ji snyed nye bar btags nas rjes su dpag pa'i sgras brjod par nus pa de thams cad bshad par bya ba ma yin gyi/ 'on kyang rjes su dpag par bshad par 'dod pas rjes su dpag pa'i ngo bo brjod par bya ba ma yin pa'i phyir rgyu mtshan brjod par bya dgos la/ rgyu mtshan yang tshul gsum pa'i rtags yin no//de yang rang nyid rtogs pas rjes su dpag pa'i rgyu mtshan du yin pa'am/ gzhan gyis bstan pas so/ /de bas na rtags kyi rang gi ngo bo nyid dang / ston par byed pa'i sgra yang bshad dgos so/ /de la rang gi ngo bo ni rang gi don gyi rjes su dpag par bshad zin to/ / ston par byed pa'i sgra 'dir 'chad pa yin no/ /de bas na ston par byed pa'i sgras gdon mi za bar brjod par bya ba yin par byed pa'i phyir slob dpon gyis rjes su dpag pa'i sgras brjod pa yin no zhes bya ba ni don gyi rjes su dpag pa'i rnam par dbye ba bstan pa'i phyir/ de ni rnam pa gnyis te zhes bya ba smos te/gzhan gyi don gyi rjes su dpag pa de ni gang la rnam pa gnyis te bye brag yod pa te rnam pa gnyis so/ /ci'i phyir rnam pa gnyis yin zhe na/ sbyor ba zhes bya ba smos te/ sgra'i byed pa'i bye brag gis so/ /sbyor ba ni rab tu sbyor ba ste don brjod pa'o/ /sgra'i don brjod pa'i byed pa tha dad pa'i phyir rjes su dpag pa rnam pa gnyis so//rgyu mtshan rjod byed kyi byed pa gnyis po de nyid bstan pa'i phyir/ chos mthun pa nyid can dang chos mi mthun pa nyid can zhes bya ba smos te/ 'di la chos mtshungs pa yod pa de ni chos mthun pa yin la/ de'i dngos po ni chos dang mthun pa nyid do/ / 'di la mi 'dra ba'i chos yod pa ni chos mi mthun pa yin la/ chos mi mthun pa'i dngos po ni chos dang mi mthun pa nyid de/ dpe'i chos can dang lhan cig bsgrub par bya ba'i chos can gyi chos de 'dra bar gtan tshigs kyis byas pa de ni chos dang mthun pa zhes bya'o/ / mi 'dra bar gtan tshigs kyis byas pa ni chos dang mi mthun pa zhes bya'o/ /de la sgrub par byed pa'i ngag gang la rjod par byed pa chos mthun pa nyid yod pa de ni chos mthun pa nyid can te/ gang byas pa de ni mi rtag ste dper na bum pa lta bu'o/ /de bzhin du sgra yang byas pa yin no zhes bya ba'i ngag 'dir byas pa nyid kyis byas pa dpe dang bsgrub bya'i chos can gyi 'dra ba nyid brjod bya yin pa bzhin no//ngag gang la brjod par bya ba chos mi mthun pa nyid yod pa de ni chos mi mthun pa nyid can te dper na gang rtag pa de ni byas pa ma yin te/dper na nam mkha' lta bu'o/ /sgra ni byas pa yin no zhes bya ba 'dir byas pas byas pa bsgrub par bya ba dang / dpe'i chos can sgra dang nam mkha' dag gi mi 'dra ba nyid brjod par bya ba yin pa bzhin no/ /ci ste sbyor ba 'di gnyis kyang brjod par bya ba tha dad pa yin na/'o na bstan par bya ba tshul gsum pa'i rtags tha mi dad par ji ltar 'gyur zhe na/ 'di gnyis don du bye brag ci yang med do zhes bya ba smos te/ don ni dgos pa yin te/ bstan par bya ba'i dgos pa gang gi ched du rjes su dpag pa sbyor ba'o/ /de bas na 'di gnyis kyi dgos pa ni bye brag cung zad kyang med do//tshul gsum gyi rtags bshad par bya ba yin pas 'di gnyi ga yang de'i ched du sbyar bar bya ba yin te/ rnam pa gnyis kas kyang tshul gsum pa'i rtags bstan par bya ba yin no/ /de bas na 'di gnyis kyang dgos pa bstan par bya ba tha dad pa med do/ /de ltar na de las ni tha dad pa cung zad kyang med do//'o na brjod par bya ba yang tha dad par mi 'gyur ro zhe na/ sbyor ba'i bye brag ma gtogs par zhes bya ba smos te/ sbyor ba ni brjod pa'i tshig nyid yin no/ /rjod byed nyid tha dad pa las gzhan dgos pas byas pa ni tha dad pa yod pa ma yin no zhes bya ba'i don to//'di skad bstan te/ brjod par bya ba yang gzhan yin la/ bstan par bya ba'i dgos pa yang gzhan yin no/ /de la brjod par bya ba la ltos nas ni tshig nyid tha dad pa yin gyi/ bstan par bya ba ni tha dad pa med de/ rjes su 'gro ba smos pa ni 'og nas ston pa'i tshul gyis ldog pa rtogs par 'gyur la/ldog pas kyang rjes su 'gro ba rtogs so/ /de bas na bstan par bya ba tshul gsum pa'i rtags ni tha dad pa med do/ /gang na brjod par bya ba tha dad pa der shugs kyis rtogs par bya ba'i don kyang tha dad pa na ma yin te/ 'di ltar lha sbyin tshon po nyin par zan mi za'o zhes smras pa dang //lha sbyin tshon po mtshan mo zan za'o zhes bya ba'i ngag 'di gnyis brjod par bya ba tha dad du zin kyang rtogs par bya ba gcig kho na yin no/ /de bzhin du 'dir brjod par bya ba'i don tha dad kyang rtogs par bya ba gcig kho na yin no/ /de la zhes bya ba ni chos mthun pa dang chos mi mthun pa can gnyis kyi rjes su dpag pa can de gnyis la'o//re zhig chos mthun pa can mi dmigs pa'i dpe dgod pa'i phyir/ dmigs pa'i mtshan nyid du gyur pa gang zhes bya ba la sogs pa smos te/ dmigs pa'i mtshan nyid du gyur pa gang snang ba gang yin pa ma dmigs pa zhes bya ba 'dis ni snang ba mi dmigs pa de rjes su brjod pa'o//de ni med pa'i tha snyad kyi yul yin te/ /de med do zhes bya bar tha snyad du bya'o zhes bya ba'i don to/ /'dis ni 'di med pa'i tha snyad du rung ba nyid bsgrub par bya ba yin no/ /de bas na med pa'i tha snyad du rung ba'i nyid la snang ba mi dmigs pa nges par bstan te/snang ba mi dmigs pa ni med pa'i tha snyad du rung ba kho na yin no zhes bya ba'i don to/ /sgrub par byed pa bsgrub par bya ba'i don la nges par ston pas yang khyab pa bstan pa yin te/ ji skad du khyab par byed pa'i khyab pa ni de la yod pa kho na yin la/ khyab par bya ba yang de kho na la yod pa yin no zhes bstan pa khyab pa sgrub pa tshad ma'i yul ni dpe yin pas de nyid bstan pa'i phyir/ dper na zhes bya ba smos te/ dpe ni bsgrub par bya ba'i chos can las gzhan yin no zhes bya ba'i don ston to/ /mthong ba zhes bya ba ni tshad nges pa yin te/ ri bong gi rwa ni mig gi yul du byas pa ma yin mod kyi/'on kyang tshad ma'i sgo nas med pa'i tha snyad du rung bar shes so/ /ri bong gi rwa la sogs pa'i gang med pa'i tha snyad kyi yul de la de skad ces bya ste/ ri bong gi rwa la sogs pa ni snang ba mi dmigs pa tsam gyis med pa'i tha snyad yin par tshad mar grub pa yin no//de bas na ngag 'dis brjod par bya ba'i khyab pa ni tshad ma las shes par bya ba yin no/ /khyab pa bstan nas da ni snang ba mi dmigs pa'i phyogs kyi chos nyid bstan pa'i phyir/ phyogs kyi bye brag gang na zhes bya ba smos te/ phyogs ni sa'i phyogs gcig go/ /de nyid gzhan las bye brag tu gyur pa ni bye brag yin te/phyogs gcig gi bye brag yin pas na phyogs gcig na'o/ /'ga' zhig ces bya ba ni rtogs pa po'i mngon sum la bya ste/ phyogs gcig de yang med pa'i tha snyad kyi gzhir gyur pa sgrub pa po'i mngon sum gang yin pa de yin gyi/ gzhan ni ma yin no//dmigs pa'i mtshan nyid du gyur pa ni snang ba ste/ ji ltar bum pa med du zin kyang sgro btags nas dmigs pa'i rig byar gyur pa nyid yin par de ltar na bshad zin to/ /rang bzhin gyi gtan tshigs kyi chos dang mthun pa nyid can de'i sbyor ba bstan pa'i phyir de bzhin du zhes bya ba smos te/mi dmigs pa la ji lta ba de bzhin du rang bzhin gyi chos mthun pa can gyi sbyor ba yin no zhes bya ba'i don to/ /gang yod pa zhes bya bas yod pa rjes su brjod nas/ de thams cad mi rtag pa de zhes bya bas ni mi rtag pa nyid sgrub pa'o/ /thams cad smos pa ni nges pa'i don yin te/thams cad mi rtag pa yin gyi/ mi rtag pa nyid ma yin pa 'ga' yang med de/ gang yod pa de mi rtag pa kho na yin te/ mi rtag pa las gzhan du rtag pa la yod pa ma yin no zhes de ltar bsgrub par bya ba mi rtag pa nyid la yod pa nyid nges par bstan pa yin no/ / de ltar na 'dir khyab pa bstan pa'i tshig yin no/ /dper na bum pa la sogs pa lta bu'o zhes bya ba 'di ni khyab pa sgrub par byed pa tshad ma'i yul ston par byed pa yin no/ /dag pa zhes bya bas ni bye brag med pa'i rang bzhin gyi sbyor ba'o/ /bye brag dang bcas pa bstan pa'i phyir/ gang skye ba dang ldan pa zhes bya ba smos te/skye bar rang gi ngo bo thob pa gang la yod pa de skye ba dang ldan pa'o/ /gang skye ba dang ldan pa zhes bya bas ni skye ba dang ldan pa nyid rjes su brjod nas/ de ni mi rtag pa'o zhes bya ba mi rtag pa nyid bsgrub pa'o/ /de lta yin dang skye ba dang ldan pa ni mi rtag pa nyid la nges par bstan to//rang bzhin du gyur pa rang bzhin gyi bdag nyid kyi chos de'i bye brag gis bye brag tu gyur pa gtan tshigs su byas pa'i sbyor ba'o/ /skye ba med pa las ldog pa la brten nas dngos po la skye ba zhes brjod do/ /ldog pa de nyid ni gang gi tshe ldog pa gzhan las mi ltos par brjod par 'dod pa de'i tshe dngos po'i skye ba zhes tha dad par 'dra bar bstan cing skye ba tha dad pa lta bu des khyad par can du gyur pa'i dngos po yang skye ba dang ldan par brjod pa yin no//des na rang bzhin du gyur pa'i chos rtag pa'i tha dad pas khyad par can du gyur pa'i rang bzhin gyi sbyor ba yin par blta'o//gang byas pa de ni zhes bya ba ni byas pa nyid rjes su brjod nas mi rtag pa'o zhes sgrub pa ste/ des na mi rtag pa nyid la byas pa nyid nges par bstan to/ /de bas na mi rtag pa nyid kyis byas pa la khyab par bstan pa yin no/ /khyad par gyi bye brag gis zhes bya ba ni rang bzhin gyi sbyor ba zhes bya bar sbyar ro//khyab par ni khyab par du byed pa'o/ /de'i bye brag gis de khyad par tha dad pas khyad par can du gyur pa'i rang bzhin gyi sbyor ba zhes bya ba'i don to/ /'di la res 'ga' ni dag pa kho na'i don rjod par byed do/ /res 'ga' ni tha dad pa ma yin pa'i bye brag gis bye brag tu gyur pa'o/ / res 'ga' ni tha dad pa ste/ dper na lha sbyin zhes bya ba dag pa yin no/ /rna ba 'phyang ba can zhes bya ba ni tha dad pa med pa'i rna ba gnyis kyi bye brag can du gyur pa'o/ /ba khra mo can zhes bya ba ni tha dad pa'i ba khra mo'i bye brag can no/ /de bzhin du yod pa ni dag pa yin no/ /skye ba dang ldan pa ni tha dad pa med pa'i bye brag yin no//byas pa nyid ni tha dad pa'i bye brag yin no/ /ba khra mo can gyi sgra la ni tha dad pa'i bye brag brjod pa ste/ khra mo'i sgra dang ba'i sgra yang yod pa ma yin nam/ byas pa'i sgra la ni bye brag brjod pa'i sgra'i sbyor ba yod pa ma yin no snyam du dogs pa la/ rang gi ngo bo bsgrub par bya ba'i phyir gzhan gyi byed pa la ltos pa'i ngo bo zhes bya ba smos te/rgyu gzhan gyi byed pa'o/ /rang gi ngo bo bsgrub par bya ba'i phyir 'grub pa'i don du gzhan gyi byed pa la ltos pa gang yin pa de la de skad ces bya'o/ /ni zhes bya ba ni gang gi phyir zhes bya ba'i don to/ /gang gi phyir gzhan gyi byed pa la ltos pas bshad pa de bas na tha dad pa'i bye brag tu gyur pa'i rang bzhin du brjod do//tha dad pa'i bye brag gi tshig ma sbyar du zin kyang byas pa'i sgra nyid kyis tha dad pa'i bye brag gi tshig nang du 'dus pa yin no/ /de nyid kyi phyir byas pa'i sgra 'di ni ming gi bye brag yin te/ gang gi phyir byas pa'i rkyen 'di ni mi la byed pa yin no//gang du bye brag 'dus pa der ni bye brag gi tshig sbyar bar mi bya ba yin la/ kha cig tu ni bye brag rtogs pa yin te/ dper na byas so zhes brjod pa na rgyu rnams kyis zhes bya ba 'di rtogs pa bzhin no/ /der ni res 'ga' ni rgyu'i sgra sbyor bar byed la//res 'ga' ni sbyor bar mi byed do/ /rang gi sgra sbyor ba yang dper na rkyen gyi bye brag gis tha dad pa can nyid kyis sgra la rkyen tha dad pa lta bu'o/ /ji ltar byas pa'i sgra tha dad pa'i bye brag can gyi rang bzhin rjod par byed pa de bzhin du/ rkyen gyi bye brag gis tha dad pa nyid can la sogs pa gang dag yin pa dang /brtsal ma thag tu 'byung ba la sogs pa'i tha dad pa'i bye brag can gyi rang bzhin rjod par byed pa de dag kyang rang bzhin rjod par byed pa'i tshig gi sbyor ba yin par blta bar bya'o/ /rkyen rgyu rnams kyi bye brag khyad par yin te/ rkyen gyi bye brag des tha dad pa can du gyur pa ngo bo gang yin pa de ni/rkyen gyi bye brag gis tha dad pa can rkyen gyi sgra'o/ /de'i ngo bo ni rkyen gyi bye brag gis tha dad pa nyid yin no/ /rkyen gyi bye brag gis tha dad pa nyid rkyen de las ni sgra'i byas pa bsgrub par bya ba yin la/ brtsal ma thag tu byung ba nyid las ni mi rtag pa nyid yin no//de ni rkyen gyi bye brag gis tha dad pa'i sgra la ni tha dad pa'i khyad par brjod pa rkyen gyi bre brag gi sgra sbyor ba yin la brtsal ma thag tu byung ba'i sgra la yang brtsal ba'i sgra sbyar ba yin no/ /de ltar na rang bzhin gyi gtan tshigs kyis sbyor ba rnam pa gsum du bstan te/ dag pa dang tha dad pa ma yin pa'i bye brag can dang tha dad pa'i bye brag can no//'di de'i ltar bshad pa'i don ni 'ga' tshig gis 'khrul pas rang bzhin gyi gtan tshigs sbyar ba la rmongs par mi 'gyur bar bya ba'i phyir ro/ /'on te rang bzhin gyi gtan tshigs de dag ci 'brel pa ma grub pa'i bsgrub par bya ba'i rang bzhin la sbyor bar bya ba yin nam/'on te grub pa'i rang bzhin la zhes dogs pa la/ grub pa'i rang bzhin la sbyor bar bya'o zhes bstan pa'i phyir/ sgrub pa'i chos de dag thams cad ni zhes bya ba smos te/ rtogs par byed pa yin pa'i phyir sgrub pa'o/ /gzhan la brten pa'i phyir chos so/ /sgrub pa'i chos kho na tsam ste/tsam gyi sgras ltos par bya ba lhag pa bsal ba yin no/ /de dang rjes su 'brel pa ni rjes su zhugs pa dang rjes su 'gro ba'o/ /sgrub pa'i chos tsam dang rjes su 'brel pa gang yin pa de la de skad ces bya'o/ /gang gis grub ce na/ rang gi tshad ma ji lta bu dag gis te/ bsgrub par bya ba'i chos gang gi bdag nyid kyi tshad ma gang yin pa'i tshad ma de nyid kyis grub po zhes bya ba'i don to//rang bzhin gyi gtan tshigs la yang dbye na rnam pa mang du yod pa'i phyir 'brel pa bsgrub pa yang tshad ma mang bas tshad dag gis zhes mang po'i tshig tu bstan to/ /rtogs par bya ba yin pa'i phyir bsgrub par bya ba'o//gzhan la brten pa'i phyir chos te/ bsgrub par bya ba'i chos so/ /de'i don ni 'di lta ste/ sgron ma bzhin du rung ba'i sgo nas ni gtan tshigs go bar byed pa ma yin gyi/ 'on kyang med na med pa nyid du nges pa yin te/ bsgrub par bya ba med na ni mi 'byung bar nges pa kho na gtan tshigs kyi rtogs par byed pa'i byed pa yin gyi gzhan 'ga' yang ma yin no//thog ma gnod par byed pa'i tshad mas bsgrub par bya ba gtan tshigs dang 'brel pa gtan la dbab par byed pa/ phyis rjes su dpog par byed pa'i tshe ni byas pa zhes bya ba ni mi rtag pa'i rang bzhin yin no zhes kyang sgrub par byed pa dang bsgrub bya med na mi 'byung ba nyid du spyir dran par bya ba yin no//spyir dran pa'i don de nyid yang khyad par la sbyor bar byed pa ni sgra la yod pa'i byas pa 'di yang mi rtag pa'i rang bzhin yin no zhes bya ba'o/ /de la spyir dran pa ni rtags shes pa yin la/ bye brag tu gyur pa sgra la yod pa'i byas pa nyid mi rtag pa'i rang bzhin du dran pa'i ni rjes su dpag pa'i shes pa yin no//de ltar yin dang lkog tu gyur pa'i don rtogs par byed pa zhes bya ba ni med na mi 'byung bar shes pa nyid yin no/ /des na de tsam dang rjes su 'brel par nges pa'i bsgrub par bya ba'i chos la rang bzhin gyi gtan tshigs sbyar bar bya'o//gzhan la ni ma yin no zhes bya ba bstan pa yin no/ /sgrub par byed pa gal te de ltar sgrub par byed pa dang lhan cig 'brel pa nges par bya ba yin mod/ bsgrub par bya ba sgrub par byed pa'i chos tsam dang rjes su 'brel pa nges pa ci'i phyir gsal bar bya zhe na/ de nyid ces bya ba smos te/sgrub par byed pa'i chos tsam dang rjes su 'brel pa grub pa ni/ de'i rang bzhin yin pa'i phyir te zhes bya ba ni sgrub par byed pa'i chos kyi rang bzhin yin pa'i phyir ro/ /bsgrub par bya ba'i chos gang zhig sgrub par byed pa'i chos tsam dang rjes su 'brel pa dang ldan pa de nyid sgrub par byed pa'i chos de'i ngo bo yin gyi/gzhan ni ma yin no/ /'di 'dra ba kho na rang bzhin yin du zad mod bsgrub par bya ba'i rang bzhin nyid la ci'i phyir gtan tshigs sbyor zhe na/ rang bzhin yang gtan tshigs yin pa'i phyir te/ 'dir ni rang bzhin kho na'i gtan tshigs kyi skabs yin te/de bas na sgrub par byed pa'i rang bzhin du gyur pa gang yin pa de nyid bsgrub par bya ba yin la/ rang bzhin yang sgrub par byed pa'i chos tsam dang 'brel pa yin gyi/ gzhan ni ma yin gyi/ gzhan ni bsgrub par bya ba'i chos sgrub par byed pa'i rang bzhin yin na/ 'o na ni dam bcas pa'i don gyi phyogs gcig gtan tshigs su 'gyur ro zhe na/dngos su na zhes bya ba smos te/ don dam par ni bsgrub par bya ba dang sgrub par byed pa dag de'i bdag nyid yin gyi/ sgo btags te bsgrub par bya ba dang sgrub par byed pa tha dad pa yin no/ /bsgrub par bya ba dang sgrub par byed pa'i dngos po ni nges pa la gnas pa'i ngo bo yin la/nges pa la gnas pa'i ngo bo phan tshun ldog pas byas pa'i sgo btags pa'i bye brag gis tha dad pa des na sgrub par byed pa yang gzhan/ sgrub par byed pa dang bsgrub par bya ba yang gzhan yin no/ /'di ltar thag ring po nas yal ga la sogs pa dang ldan pa'i don la shing zhes ni nges la/shing sha pa zhes ni ma nges mod kyi/ de lta na de nyid shing yin la sha pa yang de nyid de/ des na dngos po la tha dad pa med kyang nges pas ldog pa'i dbye ba tha dad par kun du ston par byed do/ /de lta bas na nges pa la gnas pa'i ngo bo la ltos nas/ sgrub par byed pa yang gzhan bsgrub par bya ba yang gzhan yin la/des na dam bcas pa'i don gyi phyogs gcig gtan tshigs ma yin la/ dngos su na de'i bdag nyid kyang yin no/ /ci'i phyir sgrub par byed pa'i chos tsam dang rjes su 'brel pa kho na sgrub par byed pa'i rang bzhin yin gyi gzhan ma yin zhe na/de grub pa la zhes bya ba smos te/ gang zhig gang dang rjes su 'brel pa de ni de grub pa na ma grub pa ma yin te/ gang gi phyir de grub pa na ma grub pa de ni sgrub par byed pa'i rang bzhin nyid du mi rigs so/ /'di ltar grub pa dang ma grub pa gnyis ni dngos po dang dngos po med pa gnyis yin la/ dngos po dang dngos po med pa yang phan tshun spangs te/ gnas pa yin te/ ci ste sngar grub pa dang ma grub pa gcig yin par gyur na ni don gcig kho na la dus gcig tu dngos po dang dngos po med pa gnyis su 'gyur na/ dngos po dang dngos po med pa 'gal ba dag gcig tu rigs su yang ma yin te/ gcig ma yin pa ni 'gal ba'i chos dang ldan pa'i bdag nyid yin pa'i phyir ro/ /gzhan yang phyis skye ba ni sngar skye ba las tha dad pa'i rgyu can yin la/ 'bras bu tha dad pa yang rgyu tha dad pa sngon du song ba yin no/ /de bas na grub pa dang ma grub pa gnyis mi mthun pa'i chos tshogs pa'i bdag nyid kyi tha dad pa yin la tha dad pa'i rgyu can yang byed rgyu tha dad pa yin pas ji ltar gcig yin/de bas na sgrub par byed pa tsam dang rjes su 'brel pa kho na bsgrub par bya ba'i rang bzhin yin gyi/ gzhan na mi yin no/ /phyis grub pa sngar skyes pa'i rang bzhin ma yin du zad mod kyi/ bsgrub par bya ba ci'i phyir ma yin zhe na/sngar skyes pas phyis grub pa la 'khrul pa ste/ yongs su gtong ba gang yin pa de yang srid pa'i phyir phyis 'grub pa ni sngar grub pa'i bsgrub par bya ba ma yin no/ /de bas na sgrub par byed pa'i chos tsam dang rjes su 'brel pa kho na rang bzhin yin la/ de yang bsgrub par bya ba yin no//de ltar na ni sgrub par byed pa'i chos tsam dang rjes su 'brel pa grub pa kho na la rang bzhin gyi gtan tshigs sbyar bar bya bar gnas so/ /'bras bu'i gtan tshigs kyi sbyor ba la skabs kyis na chos mthun pa nyid can zhes bya ba ltos par bya ba yin no/ /gang na du ba yod pa zhes du ba rjes su brjod nas/de na me yod de zhes bya ba ni me yod pa rjes su sgrub pa'o/ /de ltar na snga ma bzhin du nges pa'i don khong du chud par bya'o/ /des ni rgyu dang 'bras bu yod pa'i rgyu mtshan gyi khyab pa bstan pa yin no/ /khyab pa sgrub pa tshad ma'i yul bstan pa'i phyir/ dper na tshang bang la sogs pa zhes bya ba smos te/tshang bang la sogs par mngon sum dang mi dmigs pa gnyis kyi rgyu dang 'bras bu'i dngos po'i bdag nyid med na mi 'byung ba nges pa yin no/ /'di na yang du ba yod do zhes bya ba ni bsgrub par bya ba'i chos can la phyogs kyi chos nye bar bsdus pa'o/ / 'dir yang zhes bya ba ni rang bzhin gyi gtan tshigs 'ba' zhig la ma yin gyi/ 'bras bu'i gtan tshigs 'dir yang ngo / /grub pa kho na zhes bya ba ni rgyu dang 'bras bur 'brel pa nges pa kho na la ste/ nges pa ni gdon mi za bar bya dgos so/ /'di bltar rung ba tsam gyi sgo nas gtan tshigs go bar byed pa ma yin gyi/med pa ma yin pa'i phyir zhes bshad zin to/ /chos mthun pa can gyi rang bzhin dang 'bras bu dang mi dmigs pa'i sbyor ba bstan pa yin no/ /chos mi mthun pa nyid can gyi sbyor ba bstan pa'i phyir/ chos mi mthun pa nyid can zhes bya ba smos te/gang yod pa zhes bya ba ni dmigs pa'i rig byar gyur pa gang yin pa ste/ bltar rung ba yod pa gang yin pa zhes bod pa nyid du rjes su brjod pa'o/ /de ni dmigs pa kho nar 'gyur te zhes bya ba ni dmigs pa nyid bsgrub pa'o/ /des na 'dis ni snang ba yod pa la mthong ba'i yul nyid kyis khyab pa bstan to//med pa log pa nges pa'i phyir sgrub par byed pa log pas khyab pa bstan to/ /de bas na khyab par byed pa bsgrub par bya ba'i chos med na ni gtan tshigs kyang yod par mi 'gyur te/ gtan tshigs med pas bsgrub par bya ba med pa la khyab pa'i phyir ro//gtan tshigs kyang yod do/ /de bas na khyab par byed pa sgrub par byed pa med pas khyab par bya ba bsgrub par bya ba med pa med de/ des na bsgrub par bya ba nges pa yin na/ de bas na chos mi mthun pa'i sbyor ba thams cad du sgrub par byed pa med pa nges par bstan par bya ba yin no zhes rigs pa yin no//rang bzhin gyi gtan tshigs kyi chos mi mthun pa nyid can gyi sbyor ba bstan pa'i phyir/ mi rtag pa nyid med na zhes bya ba smos te/ 'dir bsgrub par bya ba mi rtag pa nyid med pa gtan tshigs med pa la nges par brjod pa yin te/ de bas na rang bzhin gyi gtan tshigs gsum char yang gtan tshigs med par bsgrub par bya ba med pa la nges par khyab par bstan to//sgra ni yod pa'am/ skye ba dang ldan pa'am/ byas pa'o zhes bya ba ni gsum ka'i yang phyogs kyi chos bstan pa'o/ /'dir yang khyab par byed pa sgrub par byed pa med par brjod pa yin te/de bas na khyab par byed pa sgrub par byed pa med pa yang log pas bsgrub par bya ba rtogs pa yin no/ /'bras bu'i gtan tshigs kyi chos mi mthun pa nyid can gyi sbyor ba ni/ me med na zhes bya ba smos te/ 'dir yang me med pa la du ba med pas khyab par bstan to//'di na ni du ba yod do zhes bya ba ni khyab par byed pa du ba med pa med do zhes bya ba bstan pa yin no/ /de bas na khyab par bya ba me med pas na bsgrub par bya ba rtogs pa yin no/ /chos mthun pa nyid can la yang ldog pa ma bstan la/ chos mi mthun pa nyid can la yang rjes su 'gro ba ma bstan na de ji ltar tshul gsum pa'i rtags brjod pa yin zhe na/don gyis na chos mthun pas kyang ni zhes bya ba smos te/ brjod par bya ba chos mthun pa nyid dang ldan pa'i sbyor ba byas pa la yang don gyis te shugs kyis na/ chos mi mthun pa nyid ldog pa rtogs par 'gyur ro/ /ni'i don ni gang gi phyir te/de lta na ni de bas na tshul gsum pa'i rtags 'chad pa nyid yin no/ /gal te yang rjes su 'gro ba la ldog pa ma smras su zin kyang rjes su 'gro ba'i tshig gi shugs nyid kyis khong du chud par 'gyur ro/ /ji lta zhe na/ blos rtogs pa'i ldog pa de med na sgrub par byed pa la gtan tshigs rjes su 'gro ba blos yid ches pa med pa'i phyir ro//bsgrub par bya ba la gtan tshigs nges par ni rjes su 'gro ba'i tshig las khong du chud par bsgrub par bya ba med na sgrub par byed pa yod par dogs pa mi bya ste/ de ltar ma yin na bsgrub par bya ba la nges pa nyid yin par mi rtogs par 'gyur ro//bsgrub par bya ba med na sgrub par byed pa med par rtog pa yang ldog pa rtogs pa yin te/ de bas na rjes su 'gro ba'i tshig las bsgrub par bya ba la sgrub par byed pa yod par rjod pa'i shugs kyis ldog pa rtogs pa yin no/ /de bzhin du zhes bya ba ni rjes su 'gro ba'i tshig la ji lta ba de bzhin du don gyis na chos mi mthun pa can gyi sbyor ba rjes su 'gro ba ma brjod du zin kyang rtogs so//ji lta bu zhe na/ blos bzung ba'i rjes su 'gro ba de med na ni bsgrub par bya ba med na gtan tshigs med pa nyid du mi 'grub ste/ khong du chud par mi 'gyur ba'i phyir ro/ / gtan tshigs med pa la bsgrub bya med pa nges par ni ldog pa'i tshig las khong du chud pas gtan tshigs yod pa la bsgrub par bya ba med par dogs par mi bya ste/ de ltar ma yin na gtan tshigs med pa las nges par mi 'gyur ro/ /gtan tshigs yod na yang bsgrub par bya ba yod par rtogs kyang rjes su 'gro ba rtogs pa yin te/de bas na ldog pa'i tshig la sgrub par byed pa med pa las bsgrub par bya ba med par nges par brjod pa'i shugs kyis rjes su 'gro ba rtogs pa yin no/ /ci ste nam mkha' la sogs pa las bsgrub par bya ba med na sgrub par byed pa med du zin kyang /de lta mod kyi 'on kyang ci'i phyir gtan tshigs yod na bsgrub par bya ba yod ce na/ rang bzhin 'brel pa med na ni zhes bya ba smos te/ gang gi phyir de'i rang bzhin gyis 'brel pa gang yin pa de med na bsgrub par bya ba cig shos log pas sgrub par byed pa gzhan nges pa dang ldan zhing nges pa can du log pa ma yin no//'brel pa thams cad kyi rang bzhin 'brel pa de yang rnam pa gnyis te gang la de'i bdag nyid kyi mtshan nyid rgyu mtshan du yod pa de la de skad ces bya'o/ /gang la de las mtshan nyid yod pa de la de skad bya ste/ gang zhig gang du 'brel pa'i yul gyi don de ni rang bzhin nam rgyu yin te/gzhan du 'brel pa nyid mi 'thad pa'i phyir ro/ /de bas na rnam pa gnyis yin no zhes bsgrub par bya ba'i don rtags 'brel pa de yang zhes bya ba der bshad zin to/ /ni zhes bya ba ni gang gi phyir gyi don te/ gang gi phyir rang bzhin 'brel pa yod na bzlog par bya ba dang ldog par byed pa yod pa yin pa de bas na bsgrub par bya ba log na sgrub par byed pa ldog par brjod pas ni zlog par byed pa gnyis kyi 'brel pa bstan par bya ba yin te/ci ste sgrub par byed pa bsgrub par bya ba dang 'brel pa yin pa de lta na ni bsgrub par bya ba la log pa na nges par ldog par 'gyur ro//gang gi phyir 'brel par bya ba yin pa de ltar na bsgrub par bya ba log na sgrub par byed pa log pa'i tshig gang yin pa de 'brel pa bstan pas bsdus pa yin la/ gang yang des bsdus pa 'brel pa bstan pa de nyid rjes su 'gro ba'i tshig yin no//'brel pa yang nges pa bstan par bya ba yin te/ de ltar na brjod par bya ba ni rjes su 'gro ba yin no/ /gang gi phyir dpe la tshad mas 'brel pa bstan pa nyid rjes su 'gro ba yin gyi/ gzhan ni gang yin te/ de bas na bzlog par bya ba dang zlog par byed pa dag 'brel bar byed par shes par bya'o//de ltar na yang rjes su 'gro ba nyid kyang shes par 'gyur ro/ /de lta bas na zhes bya ba'i sgra ni rgyu'i don te/ gang gi phyir rjes su 'gro ba la yang ldog pa rtogs la/ ldog pas kyang rjes su 'gro ba rtogs pa de bas na tshig gcig gis kyang mthun pa'i phyogs dang mi mthun pa'i phyogs la yod pa dang med pa gnyi ga bstan pa yin no//'di brjod byar yin pa'i phyir na rjes su 'gro ba'i sgo ste/ thabs gang la yod pa de ni rjes su 'gro ba'i sgo can te dag go/ /de bzhin du ldog pa'i sgo ste thabs gang yod pa zhes bya ba/ bas zhes bya ba ni rgyu'i don te/gang gang gi phyir gcig gis kyang gnyi ga rtogs pa de bas na sgrub par byed pa'i tshig gcig la rjes su 'gro ba dang ldog pa'i tshig gi sbyor ba gnyi ga nges par bya ba med de/ don rtogs par byed pa'i phyir sgra sbyor bar byed pa yin la/ don kyang rtogs zin na sbyor bas ci zhig bya ste/rjes su 'gro ba'i tshig gcig po zhig sbyor bar bya'o/ /mi dmigs pa la yang ldog pa bstan pa'i sgo nas rjes su 'gro ba rtogs pa yin te/ gang yod pa la dmigs pa'i rig byar gyur pa zhes bya ba ni bsgrub par bya ba med pa'i tha snyad du rung ba nyid log pa'i rang bzhin bltar rung ba yod pa nyid bstan pa'o//de ni dmigs pa kho nar 'gyur ro zhes bya ba ni mi dmigs pa log pa'i rang bzhin mi dmigs pa nyid brjod pa'o/ /des na 'dis ni bsgrub par bya ba log pa la sgrub par byed pa log pas khyab pa bstan to/ /ci ste sgrub par byed pa yod kyang bsgrub par bya ba ldog par 'gyur na ni sgrub par byed pa med pas khyab pa ma yin par 'gyur ro//de bas na khyab pa bstan pa khong du chud par byed pas sgrub par byed pa yod pa la ni bsgrub par bya ba yod pas khyab pa bstan par bya'o/ /de bas na de 'dra ba mi dmigs pa ni zhes bya ba smos te/snang ba med do zhes bya bar yid ches pa la rjes su 'gro ba sgrub pa'o/ /gang gi phyir sgrub par byed pa ni bsgrub par bya ba'i chos dang / de'i bdag nyid dang de las byung ba gnyis kyi 'brel par rtogs par bya ba yin pa de'i phyir/ sbyor ba gnyi ga la yang phyogs bstan par bya ba nges pa med do//bsgrub par bya ba nges par rtogs pa'i sgrub par byed pa gang yin pa de nyid chos can la mthong ba las bsgrub par bya ba rtogs pa'i phyir te/ des na bsgrub par bya ba bstan pas ni ci yang byar med do/ /de bas bsgrub par bya ba bstan pa'i dgos pa med do//don 'di nyid mi dmigs pa'i sbyor ba la ston to/ /chos mthun pa nyid can gyi sbyor ba la shugs kyis phyogs 'di ni bum pa med do zhes bya bar 'gyur ro/ /shugs de ci zhe na/ dmigs pa'i mtshan nyid du gyur pa gang yang ma dmigs pa zhes bya ba ni mi dmigs pa rjes su brjod pa'o//de ni med pa'i tha snyad kyi yul yin pa la zhes bya ba de ni med pa'i tha snyad du rung ba nyid sgrub pa'o/ /de lta yin dang snang ba mi dmigs pa la ni med pa'i tha snyad du rung ba nyid kyis khyab par bstan pa yin no/ /'di na yang dmigs pa'i mtshan nyid du gyur pa zhes bya ba la sogs pas bsgrub par bya ba'i chos can la rtags yod par bstan to//ci ste bsgrub par bya ba'i chos can de la bsgrub par bya ba'i chos med na ni sgrub par byed pa'i chos kyang med par 'gyur ro/ /sgrub par byed pa'i chos ni bsgrub par bya ba'i chos la nges pa'i phyir zhes bya ba ni shugs yin no//chos mthun pa nyid can gyi sbyor ba la ji lta ba bzhin du chos mi mthun pa nyid can gyi sbyor ba la yang shugs nyid kyis 'dir yod pa'i tha snyad kyi yul bum pa yod pa ma yin no zhes bya bar 'gyur ro/ /shugs bstan pa'i phyir yod pa'i tha snyad kyi yul zhes bya ba smos te/yod pa'am dmigs pa'i mtshan nyid du gyur pa zhes bya ba ni snang ba zhes bya ba yin te/ 'di bsgrub par bya ba la log pa yin no/ /dmigs pa kho nar gyur na zhes bya ba ni sgrub par byed pa log pa'o/ /'dis ni bsgrub par bya ba log pa la sgrub par byed pa log pas khyab pa bstan to//'di na de 'dra ba'i bum pa mi dmigs so zhes bya ba ni ji ltar gzhan na snang ba mi dmigs pa de ltar phyogs 'di na snang ba de 'dra ba'i bum pa mi dmigs so zhes bya ba yin no/ /'dis ni bsgrub par bya ba'i chos can la bsgrub par bya ba log pa'i khyab par byed bsgrub par byed pa log pa med par bstan to//ci ste bsgrub par bya ba'i chos can la bsgrub par bya ba'i chos med na ni sgrub par byed pa'i chos kyang med par 'gyur na sgrub par byed pa'i chos can ni yod do zhes bya ba ni shugs yin no/ /de bas na shugs kyis 'di na bum pa med do zhes bya bar khong du chud par 'gyur bas phyogs mi bstan pa yin no//de bzhin du 'bras bu dang rang bzhin gyi gtan tshigs la yang de khong du chud par 'gyur bas phyogs mi bstan to/ /phyogs zhes bya ba'i sgra 'dis don ji lta bu zhig bstan par bya ba yin brjod par bya ba yin zhe na/ rang gi ngo bo kho nar zhes smos te/ bsgrub par bya ba'i kho nar ro//bdag nyid dang zhes bya ba ni rgol ba'o/ /'dod pa zhes bya ba ni smras pa 'ga' zhig ma yin gyi/ 'dod pa yang yin no zhes bya ba'i don to/ /de lta bu de yang mngon sum la sogs pas ma bsal ba'i don gang yin pa de phyogs zhes brjod do/ /ci ste phyogs bstan par bya ba ma yin na go ji ltar mi bstan par bya ba'i mtshan nyid brjod ce na/sgrub par byed pa'i rang gi yan lag yin pa'i phyir 'di'i mtshan nyid bstan pa ni ma yin gyi/ 'on kyang kha cig bsgrub par bya ba ma yin pa la ni bsgrub par bya ba dang / bsgrub par bya ba la yang bsgrub par bya ba ma yin par shes te/de bas na bsgrub par bya ba dang bsgrub par bya ba ma yin pa de la log par rtog pa bsal ba'i phyir phyogs kyi mtshan nyid bstan to/ /rang gi ngo bor 'dod pa zhes bya ba 'di'i bshad pa ni/ bsgrub par bya ba nyid du 'dod pa yin gyi zhes bya ba yin te/ phyogs la ni bsgrub par bya ba'i chos yin pa'i phyir ngo bo gzhan med do//de bas na rang gi ngo bo ni bsgrub par bya ba nyid yin no/ /kho na'i sgra'i bshad pa'i phyir/ rang gi ngo bo kho na zhes bya ba smos te/ kho na'i sgra'i logs shig tu bshad par bya ba ma yin nam/ ci'i phyir rang gi ngo bo'i sgra dang 'brel par bshad ce na/ brjod pa kho na'i sgra ni gsal bar byed pa'i tshig gi phrad yin pas tshig gzhan gyis brjod par bya ba'i don gyi khyad par gsal bar byed pa yin te/ des na khyad par can brjod pa'i tshig gzhan dang lhan cig gcig tu bstan to/ /sgrub pa nyid yin yang rung ba ni ma yin te zhes bya ba ni sgrub par byed pa nyid du 'dod pa yin la/ma grub pa yin pa'i phyir na bsgrub par bya ba nyid du yang 'dod pa de bsal ba'i phyir/ kho na'i sgra smos so/ /de'i dpe bstan pa'i phyir dper na sgra mi rtag pa nyid du bsgrub par bya ba la gtan tshigs mig gis gzung ba nyid sgra la ma grub pa'i phyir bsgrub par bya ba yin na ni zhes bya ba 'di ni bsgrub par bya ba nyid du 'dod pa bstan to//de zhes bya ba ni mig gis bzung ba nyid la bya'o/ /'dir ni zhes bya ba ni sgra la bya'o/ /bsgrub par bya ba kho nar ni mi 'dod do zhes bya ba ni bsgrub par bya ba nyid du 'dod pa'i nges pa med par ston pa'o//sgrub pa kho nar brjod pa'i phyir zhes bya ba ni gang gi phyir sgrub par byed pa nyid du yang 'dod pa yin gyi/ bsgrub par bya ba kho nar ni ma yin no/ /bdag nyid ces bya ba 'dis ni rang nyid kyi sgra bshad byar bkod nas de'i don bstan pa'i phyir/ rgol bas zhes bya ba smos so/ /rang nyid ces bya ba'i tshig phrad kyi sgra ni bdag nyid kyi zhes drug pa'i don dang /bdag nyid ces gsum pa'i don la 'jug go/ /des na 'dir ni rang nyid kyi sgras gsum pa'i mtha' can gyi rang nyid kyi sgra'i don la 'jug pa yin no/ /bdag nyid kyi sgra ni 'brel ba can gyi sgra yin la/ nye ba yang rgol ba yin pa de'i phyir rgol ba gang gi bdag nyid gsum pa'i don du brjod pa de nyid rgol bas zhes gsum pa'i don dang ldan par bstan pa yin gyi/rgol ba'i zhes bya ba 'di rang nyid kyi sgra'i rnam grangs ni ma yin no/ /rgol ba de yang yin zhe na/ de'i tshe bsgrub pa smra ba gang yin pa'o zhes bya ba smos te/rtsod pa'i tshe na bsgrub pa smras pa gang yin pa'o/ /'dis ni rgol ba du ma yod pa'i las rang nyid kyi sgras brjod par bya ba'i rgol ba'i khyad par du byas pa'o/ /gal te de ltar na rgol ba'i 'dod pa bsgrub bya yin no zhes brjod par 'gyur na/ brjod pa de nyid kyis ji ltar 'gyur zhe na/'dis rtsod pa'i dus de'i tshe rgol ba 'dis ni bsgrub par bya ba nyid du rang 'dod pa'i chos gang yin pa de kho na bsgrub par bya ba yin gyi/ chos cig shos ni ma yin no zhes bstan pa yin te/ tshig 'di'i 'bras bu ni rgol bas mi 'dod pa'i chos bsgrub par bya ba nyid bkag pa nyid yin no zhes bya ba'i don to//'on te bsgrub par bya ba nyid du srid pa'i chos gzhan gang na yod pa de bsal ba'i phyir 'di brjod ce na/ bstan bcos de byed pas zhes bya ba smos te/ rgol ba des bstan bcos de byed pas bsgrub par bya ba'i chos can de la chos du ma khas blangs pa na chos gzhan bsgrub par bya ba nyid du srid pa ma yin no//'di ltar gang gis bstan bcos gang zhig khas blangs pa de las bsgrub pa'i chos de thams cad des bsgrub par bya ba yin no zhes log par rtog pa yod pas na chos mang po zhig khas blangs su zin kyang rgol ba'i 'dod pa gang yin pa de nyid bsgrub par bya ba yin gyi/gzhan ni ma yin no zhes bya bar sbyar ba yin no/ /dngos po'i stobs kyis zhugs pa'i rtags ni bstan bcos la mi ltos pa ma yin nam/ de lta bas na ltos bar byed pa ma yin pa'i phyir bstan bcos la gnas te btsad par bya ba ma yin no zhe na/ bden mod kyi/ gal te yang gzu lums kyis bstan bcos 'ga' zhig la gnas par 'gyur bas na bstan bcos 'ga' zhig khas blangs nas/ sgrub par smra ba de lta na yang de'i 'dod pa gang yin pa de nyid bsgrub par bya ba yin no zhes bya ba'i phyir 'di smos so/ /'dod pa zhes bya ba 'dod pa'i sgras blangs nas 'chad pa'i don bdag gang la 'gal ba'i rtsod pa rtsom pa ste/bdag med do zhes bdag 'gog par smra ba ni bdag yod par smra ba dang 'gal ba yin no/ /sgrub pa dang 'gog pa gnyis 'gal ba'i phyir ro/ /rtsod pa'i rgyu des sgrub pa bkod pa'i don bdag de grub pa ste/nges par 'dod pa'i rgol bas ni don de bsgrub par bya ba yin no zhes 'dod pa'i sgras brjod par 'gyur ro/ /brjod par ro zhes mthar smos pa'i 'gyur ro'i sgra 'dir 'brel pa dag brjod par bya'o/ /gal te yang gi don gyi rjes su dpag pa la smras pa kho na bsgrub par bya ba rigs mod kyi/'on kyang tshig gis ma smras su zin kyang de ni shugs kyis smras pa'i phyir bsgrub par bya ba kho na yin no/ /ci'i phyir zhe na/ de ni zhes bya ba la sogs pa smos te/ de ni zhes bya ba ni don de'o/ /gang gi gzhi rten yin pas de'i rtsod pa'i gzhi yin no/ /de'i dngos po ni de nyid de de bas na'o//'di skad bstan te/ gang gi phyir rtsod pa bsal bar 'dod de rgol bas sgrub pa bkod pa de bas na rtsod pa'i gzhi gang yin pa de nyid bsgrub par bya ba yin no/ /'di ltar 'gal ba'i rtsod pa bsal ba'i don du bsgrub pa bkod de/ gal te bsgrub par bya ba ma yin na da bsgrub par bya bar rigs nges pa gzhan 'di ci zhig yod ces bya ba'o//dper na 'dus pa yin pa'i phyir mig la sogs pa ni gzhan gyi don byed de zhes bya ba ni gzhan gyi don rjes su dpag pa la ma smras su zin kyang bsgrub par bya ba yin par snang ba'i dper byed do/ /mig la sogs pa gang dag yin pa rna ba la sogs pa de ni mig la sogs pa zhes bya ste chos can no//'di gzhan gyi ched yin pas gzhan gyi don zhes bya ste/ gzhan gyi don byed pa nyid ni bsgrub par bya ba'o/ /'dus pa yin pa'i phyir ro zhes bya ba ni gtan tshigs so/ /mal cha dang / /stan la sogs pa'i yan lag bzhin no zhes bya ba ni khyab pa'i yul ston to//mal cha dang stan de dag la sogs pa gang dag yin pa de dag ni mal cha dang stan la sogs pa ste/ skyes bu nye bar longs spyod pa'i yan lag 'dus pa'i ngo bo yin pa de bzhin du tshad ma 'dir gal te yang mig la sogs pa ni bdag gi don byed pa yin no zhes bdag gi don nyid mi brjod mod kyi/ma brjod kyang bsgrub par bya ba ni bdag gi don nyid yin no/ /'di ltar grangs can rnams kyis ni bdag yod par smras la/ de dang mi mthun pa sangs rgyas pa rnams kyis ni bdag med do zhes smras so/ /de bas na grangs can rnams kyis rang gi smra ba dang mi mthun pa sangs rgyas pa rnams kyis smra ba gang yin rgyur byas nas mthun par smra ba bsal ba'i phyir dang /rang gi sgra gzhag pa'i phyir sgrub pa bkod de de bas na ma smras su zin kyang bdag gi don nyid bsgrub par bya ba yin te/ de ni rtsod pa'i gzhi yin pa'i phyir ro/ / mal cha dang stan la sogs pa skyes bu la mkho ba'i yan lag rnams ni 'dus pa nyid bdag gi don nyid dang rjes su 'gro ba ma grub pa la gzhan gyi don tsam dang ni grub pa de bas na/ gzhan gyi don zhes smras so/ /mig la sogs pa zhes bya ba 'dir sogs pa smras pas ni rnam par shes pa yang gzhan gyi don byed pa grub par 'dod do//rnam par shes pa las gzhan pa ni bdag kho na yin pas rnam par shes pa gzhan gyi don byed do zhes grub pa'i shugs kyis mig la sogs pa bdag gi don nyid du grub par 'gyur ro snyam du bsams nas/ gzhan gyi don byed ces smos pa byas so/ /'dod pa bsgrub byar brjod pa des na smras pa tsam kho na bsgrub par bya ba ma yin gyi/'on kyang phyir rgol gyi rtsod pa'i gzhi yin pa'i phyir na rgol bas bsgrub byar 'dod par skabs kyis rtogs par bya ba ni smras sam ma smras kyang rung bsgrub bya yin par bstan pa yin no/ /ma bsal ba zhes bya ba ni bshad par bya'o/ /mtshan de dag ces bya ba ni bsgrub par bya ba nyid du 'dod pa la sogs pa'i mtshan nyid smras pa gang yin pa thal ma thag pa'o//mtshan nyid de dag dang ldan pa yin du zin kyang phyogs ma yin du zin pa'i phyir khong du chud par bya ba'i phyir ma bsal ba zhes bya ba smos so/ /sgrub par 'dod du zin kyang phyogs ma yin pa ci 'dra ba zhig ce na/sgrub par 'dod pa'i don mngon sum dang rjes su dpag pa dang grags pa dang rang bzhin tshig rnams te/ de dag gis sel ba'i phyin ci log tu sgrub pa de ni phyogs ma yin no/ /de la zhes bya ba ni mngon sum la sogs bzhis bsal ba de la'o/ /mngon sum gyis bsal ba ci 'dra zhe na/dper na zhes bya ba smos te/ dper na 'di mngon sum gyis bsal ba yin pa de bzhin du gzhan la yang blta bar bya'o zhes bya ba ni dper na sgra'i don rna bas gzung du rung ba ni nyan du rung ba'o/ /mnyan du rung ba ma yin pa ni mnyan du mi rung ba ste/ rna bas gzung ba ma yin no zhes bya ba ni dam bcas pa'i don to//sgra rna bas gzung bar mi rung ba ni sgra rna bas gzung bar byar rung mngon sum du grub pa dang 'gal lo/ /rjes su dpag pas bsal ba ni sgra rtag go zhes bya ba lta bu ste sgra rtag pa nyid du dam bca' ba ni mi rtag pa nyid du rjes su dpag pas grub pa bsal to//grags pas bsal ba ni ri bong can ni zla ba'i sgras brjod par bya ba ma yin no zhes bya ba ni dam bca' ba'i don yin no/ /'di ni grags pas bsal ba yin te/ grags pa ni rnam par rtog pa'i rnam par shes pa'i yul te don la brjod do/ /grags pa ste rtog par bya ba nyid ni rnam par rtog pa'i rnam par shes pa'i yul du brjod pa yin la rtogs par bya ba'i rang bzhin rnam par rtog pa'i rnam par shes pa'i yul nyid des ni ri bong can gyi zla ba'i sgras brjod par bya ba nyid du grub pa yin no//'di ltar rnam par rtog pa'i rnam par shes pa'i gzung bar bya ba gang yin pa de ni sgra'i rnam pa dang 'drer rung ba yin la/sgra'i rnam pa dang 'drer rung ba gang yin pa de yang brda las byung ba'i sgras brjod par nus pa yin no/ /de bas na grags pa'i rang bzhin rnam par rtog pa'i yul nyid kyis grub pa zla ba'i sgras brjod par bya ba nyid ni zla ba'i sgras brjod par bya ba ma yin pa nyid la gnod par byed do//grags pa ni rang bzhin gyi gtan tshigs kyang yin te/ gang gi phyir brda las byung ba'i sgras brjod par bya ba nyid ni rnam par rtog pa'i yul nyid tsam dang rjes su 'brel pa yin no/ /de bas na rang bzhin gyi gtan tshigs ni dam bcas pa'i don bdag nyid kyis rjod par byed pa'i sgra'o//des bsal ba'i dam bcas pa'i don ni bsgrub par bya ba ma yin te/ dper na rjes su dpag pa ni tshad ma ma yin no zhes bya ba lta bu'o/ /'dir dam bcas pa'i don ni rjes su dpag pa tshad mas 'gog pa'o/ /rjes su dpag pa tshad ma ma yin no zhes bya ba'i rang gi tshig gi ngag 'dis de bsal ba yin no//'di ltar sbyor ba'i ngag 'di ni smra ba po sgra las byung ba'i shes pa don yod pa nyid du 'dod par ston par byed de/ 'di ltar nga'i las khyod la don gang las rtog pa skyed de don bden pa yin no zhes ston par mi byed na smra ba po ngag brjod pa nyid du mi 'gyur te/brjod pa'i don bden par gzhan gyis shes par bya ba ma yin na ni brjod pa'i don med do/ /gang yang ngag smra ba thams cad brdzun pa yin no zhes brjod pa de yang ngag 'di'i don bden pa nyid ston pas ngag brjod pa yin no/ /gal te ngag 'di'i don bden par bstan na de lta na ni bdag nyid kyi ngag kyang gzhan mi bden par 'gyur gyi/gal te 'di nyid kyi don mi bden na ni gzhan mi bden pa'i don can du bstan par mi 'gyur la/ de lta na yang smras pa'i 'bras bu ci yang med pas mi smra bar 'gyur ro/ /de bas na ngag las byung ba ngag gi don la dmigs pa'i shes pa bden pa'i don can du bstan pa kho nas smras pa po dag brjod pa yin no//de lta yin dang sgra'i phyi'i dngos po med na mi 'byung bar bstan pa sgra las skyes pa'i shes pa bden pa'i don du bstan par bya ba yin no/ /de bas na phyi'i don gyi 'bras bu sgra las skyes pa'i shes pa bden pa'i don can du ston pas ni 'bras bu shing las skyes pa'i rjes su dpag pa sgra las byung ba tshad mar bstan pa yin no//de'i phyir rjes su dpag pa ni tshad ma yin no zhes bya bas ni sgra las byung ba'i shes pa gzung bar bya ba med par bstan pa yin no/ /tshad ma ma yin pa ni don med pa nyid la brjod kyi gzhan ni ma yin no//sgra brjod pa'i shugs kyis kyang rang gi sgra don med par mi 'byung ba yin par bstan pa yin zhing / de lta na yang don yod par bstan pa yin no/ /de bas na don gyi 'bras bur brtags pa'i sgra las byung ba'i don yod par dam bcas pas med pa las gnod pa yin no/ /de bas na 'dir de ltar rang gi tshig gis dpag pa'i yod pas med pa la gnod pas rang gi tshig dang 'gal ba yin no zhes bya ba'i don 'di brjod pa yin no//gzhan dang ni bsal ba'i 'bras bu sgra las skyes pa'i shes pa ni bsal ba la dmigs shing don yod par 'dod de sgra sbyor ba ni des tshad ma ma yin pas dam bcas pa la gnod pa yin no zhes zer ro//de ni dmigs te 'di ltar 'dir grags pa ni rang bzhin gyi gtan tshigs yin la/ rang gi tshig ni 'bras bu'i gtan tshigs nyid du brtags par 'dod kyi dngos su ni ma yin no/ /bsams pa'i 'bras bu'i sgra ni dngos kho nar 'dod de/ de bas na de 'dir mi gzung ngo //gzhan yang ji ltar rjes su dpag par mi 'dod pa ni du ba med pa mi 'khrul bar mi tshol ba de bzhin du sgra bsam pa la mi 'khrul par mi tshol te/ sgra sbyar ba ni phyi'i 'bras bu rtogs pa'i don du yin no/ /de bas na sgra bsam pa med na mi 'byung ba nyid khas blangs sngon du btang nas sgra sbyor ba ni ma yin no//gzhan yang rang gi bsam pa rtogs par bya ba'i phyir sgra brjod pa ma yin gyi/ 'on kyang phyi'i dngos po yod par rtogs par bya ba'i phyir ro/ /de bas na sgra sbyor ba ni phyi'i dngos po med na mi 'byung ba nyid du khas blangs pa sngon du 'gro ba can yin te/de ltar na bshad pa snga ma nyid skyon med do/ /de lta yin dang ma bsal ba zhes smos pas phyogs lta bur mngon pas na/ phyogs ltar snang ba ste bshad ma thag pa bzhi po bsal ba yin no/ /de ni phyogs kyi mtshan nyid kyi tshig gis ngag dag rnam par gcod par byed pa de dag rnam par gcad pas phyogs kyi don ci 'dra ba zhig thob pa de bstan pa'i phyir rnam par gcad par bya ba bsdus nas bstan to//de ltar na zhes bya ba ni bstan ma thag pa'i tshul gyis so/ /grub pa las bzlog ste phyin ci log tu 'dug pa'i rgyus bsgrub par bya ba yin par blta bar bya ste/grub pa las bzlog pa'i don gang yin pa de ni phyogs yin no zhes bya ba'i don to/ /grub pa las phyin ci log kyang ma grub pa yin te/ de bas na ma grub pa ni bsgrub par bya ba yin yang thams cad ma yin gyi/ 'on kyang sgrub par byed pa nyid du bstan pa'i ma grub pa las kyang bzlog pa dang /rgol ba bdag nyid kyis bsgrub par mi 'dod pa'i ma grub pa las bzlog pa dang / de bzhin du smras pa tsam ma grub pa las bzlog pa dang / de bzhin du bsal ba las bzlog pa ni sgrub par byed pa yin no/ /rnam par gcad pa lnga dang 'bras bu'i don gang yin pa 'di ni ma grub pa dang /grub par byed pa ma yin pa dang / rgol ba bdag nyid bsgrub par 'dod pa dang / skabs kyis smras pa'am ma skyes pa dang / ma bsal ba ni bsgrub par bya ba yin te/ don ni de nyid ni ngo bo kho nar bdag nyid 'dod pa ma bsal ba zhes bya ba'i tshig de dag gis brjod pa yin no zhes bya ba'i don to//phyogs zhes brjod pa gang yin pa de ni sgrub par byed pa 'di yin no/ /de ltar na gang zhes bya ba'i sgra ni/ de bas na zhes bya ba'i don to/ /phyogs kyi mtshan nyid kha na ma tho ba med pa zhes bya ba ni kha na ma tho ba nyes pa med pa gang yin pa de ni kha na ma tho ba med par bstan pa bshad pa yin no//tshul gsum pa'i rtags bshad pa rdzogs te/ zhar la 'ongs pa'i phyogs kyi mtshan nyid brjod nas/ gtan tshigs ltar snang ba brjod par 'dod de/ gzhan gyi don gyi rjes su dpag pa'i ni tshul gsum pa'i rtags zhes bya ba la sogs pa de dag gi skabs 'byed par byed do/ / 'di ltar bstan te/ tshul gsum pa'i rtags 'chad par 'dod pas rjod par bya ba yin la/ ci ste de nyid dang de dang cha 'dra ba yang brjod na ni spang bar bya ba shes pa de dang bral ba'i blang bar bya ba bde blag tu shes par 'gyur ba de ltar na de bsal bar smras pa yin no/ /gzhan gyi don gyi rjes su dpag pa ni tshul gsum pa brjod pa ste zhes sngar smras zin to//de la zhes bya ba ni de ltar yin pa na ste/ gzhan gyi don gyi rjes su dpag pa tshul gsum pa'i rtags brjod pa yin pas na zhes bya ba'i don to/ /tshul gsum pa'i nang nas gcig ma smras na yang zhes bya ba la/ yang gi sgras gnyis kyang rung ste/bsgrub pa ltar snang ba yin te/ sgrub pa dang 'dra ba yin gyi sgrub pa ma yin no zhes bya ba'i tha tshig ste/ tshul gsum las sgrub pa ma rdzogs pa'i nyes pa yin no/ /ma smras pa 'ga' zhig tu ma zad kyi/ smras kyang ma grub pa'am the tshom za na yang ngo / /su'i zhe na/smras pa/ go bar byed pa slar rgol ba dang / go bar byed pa rgol ba gnyis kyi gtan tshigs ltar snang ba yin no/ /'on te tshul gang ma grub pa'am the tshom za ba yin/ gtan tshigs ltar snang ba'i ming ci yin zhe na/ chos can dang 'brel pa'i tshul gcig ma grub pa'am zhes bya ba smos te/chos can dang lhan cig tu 'brel pa ni chos can dang 'brel pa yin te/ gtan tshigs chos can la yod pa la bya'o/ /de ma grub pa'am the tshom za na ma grub pa zhes bya ba smos te/ chos can la ma grub pa nyid kyi phyir mi rtogs pa'i rgyu yin no/ /bsgrub par bya ba dang 'gal bar rtogs pa'am the tshom gyi rgyu ni ma yin gyi/'on kyang mi rtag pa'i rgyu yin te/ 'di las don 'ga' yang mi rtogs so/ /don 'di yang ma grub par ming btags pa nyid las rtag par bya'o/ /dpe bstan pa'i phyir/ dper na zhes bya ba la sogs pa smos so/ /sgra mi rtag pa'o zhes bya ba sgra mi rtag pa nyid kyis bye brag can du bsgrub par bya ba la mig gis gzung ba nyid mig gi yul nyid ni sgra la rgol ba dang phyir rgol ba gnyis ka yang ma grub pa lta bu'o//shing rnams la sems yod par zhes bya ba ni shing sems yod par bsgrub par bya ba la/shun pa thams cad ni shun pa thams cad yin te/ de bshus par gyur na 'chi bar nam mkha'i gos can dag gis smras pa ni phyir rgol ba sangs rgyas pa rnams la ma grub po/ /ci'i phyir ma grub ce na/ bshad pa/ /de ni rnam par shes pa dang / dbang po dang / tshe zhes zlas dbyi ba'o//de la rnam par shes/ pa ni dmigs par skyed pa'o/ /gzugs la sogs pa'i rnam par shes pa las dpag tu yod pa gang yin pa lus kyi nang du 'dus pa mig gi 'bras bu la sogs par gnas pa'i ngo bo de ni dbang po yin no/ /tshe zhes bya ba ni 'jig rten pa rnams srog zer ro//lung las grub par 'dir brjod par 'os pa ma yin pa de bas na 'dir srog gi ngo bo la tshe zhes bya'o/ /de 'gags shing nub pa'i mtshan nyid de kho na gang yin pa de la de skad ces smos so/ /de lta bu'i 'chi ba yin pa ni sangs rgyas pas khas blangs pa'i phyir ro/ /de ltar yin du zad mod/'on kyang ci'i phyir ma grub ce na/ smras pa/ rnam par shes pa la sogs pa 'gags pa'i bdag nyid da yang shing dag la mi srid pa'i phyir ro/ /'gags pa ni yod pa sngon du song ba yin te/ des na gang zhig shing dag la rnam par shes pa 'gags par 'dod pa de rnam par shes pa mi 'dod par ci ltar 'gyur/de bas na rnam par shes pa shing la yod par mi 'dod na ni de 'gags par yang mi 'dod pa yin no/ /skam pa yang 'chi ba zhes brjod la/ de ni shing la grub pa ma yin nam zhe na/ bden te/ 'on kyang rnam par shes pa yod pas khyab pa'i shi ba gang yin pa de 'dir gtan tshigs su byed la/de yod pas khyab pa yang rnam par shes pa 'gags pa yin gyi/ skam pa tsam ni ma yin no/ /de bas na gtan tshigs 'chi ba gang yin pa de ni shing la ma grub pa yin la/ skam pa'i bdag nyid 'chi ba grub pa gang yin pa ni gtan tshigs ma yin no/ /nam mkha'i gos can gyis ni bsgrub par bya bas khyab pa'am ma khyab pa'i 'chi ba ma brtags par 'chi ba tsam gtan tshigs su smras pa yin no//des na rgol ba 'dis ni gtan tshigs su gyur pa'i 'chi ba de ni ma shes la/ ma shes pa'i phyir grub pa yin te/ skam pa'i rang bzhin gyi 'chi ba shing la mthong ba'i phyir ro//phyir rgol bas ni shes pas de'i phyir ma grub bo/ /gang gi tshe rgol bas kyang shes pa de'i tshe ni rgol ba la yang ma grub par 'gyur ro zhes bya bar rigs so/ /bde ba la sogs pa sems pa med par sgrub pas zhes bya ba ni bde ba dang por byas pa'i sdug bsngal la sogs pa gang dag yin pa de bde ba la sogs pa'o//de dag sems pa med par bsgrub par bya ba la/ skye ba can nam mi rtag pa yin pa de bas na sems med pa yin no/ /gang skye ba can nam mi rtag pa yin pa de ni sems pa med pa yin te/ dper na gzugs la sogs pa lta bu'o/ /de bzhin du bde ba la sogs pa yang skye ba can nam mi rtag pa yin pa de bas na sems med pa yin no//sems can ni skyes bu'i ngo bo yin no/ /'dir yang skye ba can dang mi rtag pa nyid ni gtan tshigs kyi rnam grangs yin gyi cig car ma yin no/ /de gnyi ga yang grangs can rgol ba la ma grub bo/ /gzhan gyi don du gtan tshigs smra ba des ni gzhan la grub pa gang yin pa de gtan tshigs su brjod pa yin la/gzhan la yang med pa las skye ba'i skye ba can nyid dang / yod pa gtan nas 'jig pa'i mi rtag par grub pa yin no/ /de 'dra ba nyid gnyi ga yang grangs can rnams la ma grub bo/ /'dir yang mi rtag pa nyid dang skye ba can gyi grub par byed pa mi shes pa'i phyir rgol ba la ma grub pa yin gyi/ci ste mi rtag pa nyid dang skye ba can gnyis kyi tshad ma rgol bas kyang shes na ni rgol ba la yang grub par 'gyur ro/ /des nas tshad ma yongs su ma shes pa'i phyir 'di rgol ba la ma grub pa yin no/ /the tshom za na ma grub par bstan pa'i phyir de bzhin du bdag nyid dam zhes bya ba smos te/gtan tshigs kyi bdag nyid la the tshom za na ma grub pa yin no/ /de'i gzhi la zhes bya ba ni gtan tshigs de'i gzhi ste/ 'di la gtan tshigs brten pas na gzhi yin te/ gtan tshigs las gzhan gzhir gyur pa bsgrub par bya ba'i chos can la bya'o//de la gtan tshigs gnas pa na rtogs par byed pa'i tshul gyis gnas pa'o/ /gzhi de la the tshom za ba ni yid gnyis za ba'o/ /bdag nyid la the tshom za ba'i dpe bstan pa'i phyir/ dper na zhes bya ba smos te/ rlangs pa thog mar byas pa gang yin pa de ni rlangs pa la sogs pa'o//de'i dngos po rlangs pa la sogs pa nyid du the tshom za ba'o/ /'byung ba 'dus pa zhes bya ba ni sa la sogs pa'i 'byung ba'i tshogs 'dus pa'i 'dus pa bsags pa'o/ /me grub par bya ba'i phyir zhes bya ba ni me grub par bya ba'i ched du bzung na ma grub pa yin no/ / 'di skad bstan te gang gi tshe du ba yang rlangs pa la sogs pa nyid du the tshom za bar gyur na de'i tshe ma grub pa yin te/ rtogs par byed pa'i ngo bo ma nges pa'i phyir ro/ /du ba nyid du nges pa ni mes bskyed par bya ba'i phyir rtogs par byed par 'gyur ba yin la/ gang gi tshe the tshom za ba de'i tshe rtogs par byed pa ma yin pas ma grub pa zhes bya ba'i nyes pa yod do//dper na zhes bya ba ni gzhi ma grub pa'i dper byed pa yin no/ /ri sul 'di na zhes bya ba ni chos can no/ /ri mthon po'i phan tshun bsnol ba'i sa phyogs kyi ri sul na rma bya yod do zhes bya ba ni bsgrub par zhes bya ba'o/ / sgra grag pa'i phyir zhes bya ba ni gtan tshigs so/ /sgra grag pa ni rma bya ba'i sgra grag pa'o/ /ci ltar na gzhi ma grub pa yin zhe na/ /de grag pa'i yul mi rtogs pa lta bu'o zhes bya ba smos te/ rma bya'i sgra de grag ste 'ongs pa'i yul de la de skad ces bya ste/ rma bya'i sgra yul gang na grag pa de mi rtogs te rmongs par gyur na 'di ni gzhi ma grub pa yin te/ri sul mang po phan tshun bsnol bar 'dug pa la/ ci ri sul 'di kho na rma bya'i sgra grag gam/ 'on te gzhan na zhes gang gi tshe rma bya'i sgra grag pa'i ri sul la rmongs pa de ni tshe 'dir ni gzhi ma grub pa zhes bya'o/ /dper na zhes bya ba ni chos can ma grub na yang ma grub pa'i dper byed pa'o//yul thams cad na gnas shing 'dug pa ni thams cad na gnas pa ste/ khyab pa zhes bya ba'i don to/ /bdag khyab pa nyid du bsgrub par bya ba la/ /yon tan nyid thams cad na dmigs pa lta bu zhes bya ba ni rtags yin te/ bdag gi yon tan bde ba dang sdug bsngal ba dang /'dod pa dang zhe sdang la sogs pa yul kun na dmigs pa de'i dngos po de nyid do/ /yon tan ni yon tan can med par yod pa med de/ yon tan rnams ni yon tan can dang 'brel pa yod pa'i phyir dang / bdag g.yo ba med pa'i phyir ro/ /de bas na ci ste khyab pa ma yin na lho phyogs na dmigs pa'i bde ba la sogs pa ci ltar yul dbus na dmigs par 'gyur/de ltar na bdag thams cad na gnas pa yin no/ /de la 'dir sangs rgyas pa rnams la bdag ma grub pa kho na yin na/ de'i yon tan nyid thams cad na dmigs pa ci zhig grub par 'gyur te/ ma grub pa'i gtan tshigs ltar snang ba yin no/ /'di gnyis kyi bye brag ni snga ma ni gzhi la the tshom za ba'i sgo nas chos can la the tshom za bar bstan to/ /'di ni chos can ma grub par bstan pa yin no/ /de ltar na tshul gcig gi chos can dang 'brel par ma grub pa yang ma grub pa'i gtan tshigs ltar snang ba yin no//de bzhin du gzhan mi mthun pa'i phyogs la med pa zhes bya ba'i tshul gcig ma grub na yang nges pa'i gtan tshigs ltar snang ba yin te/ nges pa ni gcig kho nar nges pa ste/ dgos pa ste 'di la yod pas na nges pa'o/ /nges pa med pa yin te/ 'di ltar bsgrub par bya ba la nges pa yang ma yin bzlog pa la nges pa yang ma yin gyi/'on kyang phyin ci log tu the tshom za ba yin te/ nges pa ni gcig kho nar cig shos pa yid gnyis za ba'i gtan tshigs no ma nges pa zhes bstan to/ /dper na zhes bya ba la sogs pas ni dper byed pa yin no/ /rtag pa la sogs pa gang yin pa de ni rtag pa la sogs pa'i chos so//sogs pa'i sgras btsal ma thag pa 'byung ba ma yin pa nyid dang / rtsol ba las byung ba nyid dang rtag pa nyid du gzung ngo / /gzhal bya nyid la sogs pa gang yin pa de gzhal bya nyid la sogs pa'i chos so/ /sogs pa'i sgras mi rtag pa nyid dang /yang mi rtag pa nyid dang / lus can ma yin pa nyid gzung ngo / /chos can sgra la rtag pa la sogs pa'i chos bsgrub par bya ba na/ gzhal bya nyid la sogs pa'i chos can bzhi char yang mi mthun pa'i phyogs la med par ma grub pa ma nges pa yin te/ 'di ltar sgra rtag ste/ gzhal bya nyid yin pa'i phyir nam mkha' bzhin dang bum pa bzhin no zhes bya ba la/gzhal bya nyid ni mthun pa'i phyogs dang mi mthun pa'i phyogs khyab pa yin no/ /sgra brtsal ma thag tu byung ba ma yin te/ mi rtag pa yin pa'i phyir glog bzhin dang / nam mkha' bzhin dang / bum pa bzhin no zhes bya ba ni mi rtag pa 'di ni glog la sogs pa yod la/nam mkha' la sogs pa la med pas na mthun pa'i phyogs kyi phyogs gcig yod pa yin no/ /mi mthun pa'i phyogs la ni khyab pa yin te/ brtsal ma thag tu byung ba thams cad la yod pa'i phyir ro/ /sgra brtsal ma thag tu byung ba yin te/mi rtag pa nyid yin pa'i phyir bum pa bzhin dang / glog bzhin dang / nam mkha' bzhin no zhes bya ba'i mi rtag pa nyid ni glog la sogs pa la yod la/ nam mkha' la sogs pa la med pa yin pas mi mthun pa'i phyogs kyi phyogs gcig la yod pa yin no/ /mthun pa'i phyogs la ni khyab pa yin te/brtsal ma thag tu byung ba thams cad la yod pa'i phyir ro/ /sgra rtag pa yin te/ lus can ma yin pa'i phyir nam mkha' bzhin dang / rdul phra rab bzhin dang / las bzhin dang / bum pa bzhin no zhes bya ba'i lus can ma yin pa nyid ni gnyi ga'i phyogs gcig la yod pa yin te/gnyi ga'i phyogs gcig nam mkha' dang las la ni yod pa/ mthun pa'i phyogs kyi phyogs gcig rdul phra rab dang / mi mthun pa'i phyogs kyi phyogs gcig bum pa la sogs pa la med pa yin te/ bum pa dang rdul phra rab la sogs pa lus can yin pa'i phyir ro//bye brag pa dag rdul phra rab rtag par khas len pa de bas na mthun pa'i phyogs kyi nang du gtogs so/ /chos rnam pa 'di bzhi char yang mi mthun pa'i phyogs la med par ma grub par de bas na ma nges pa yin no/ /ji ltar tshul 'di ma grub pa'i ma nges pa yin pa de bzhin du mi mthun pa'i phyogs la med pa zhes bya ba tshul de nyid la the tshom za na yang ma nges pa yin no//de'i dper byed pa ni dper na brjod par 'dod pa'i mi la la zhig thams cad mkhyen pa ma yin te zhes bya ba yin te/ thams cad mkhyen pa ma yin pa ni bsgrub bya'o/ /brjod par 'dod pa ni smra bar 'dod pa'o/ /mi ni chos can no//'dod chags la sogs pa dang zhe sdang la sogs pa gang yin pa de 'dod chags la sogs pa dang ldan pa ste bsgrub par bya ba gnyis pa'o/ /'am zhes smos pa ni 'dod chags la sogs pa dang ldan par bsgrub par bya ba tha dad par bstan pa'i phyir ro/ /de bas na bsgrub par bya ba'i skabs ni thams cad mkhyen pa ma yin pa nyid dam 'dod chags la sogs pa dang ldan pa yin no//smra ba ni tshig gi nus pa'o/ /de la sogs pa gang yin pa de ni mig 'dzums pa dang 'byed pa la sogs pa'o/ /smra ba la sogs pa'i chos de mi mthun pa'i phyogs las ldog pa la the tshom za ba'i ma nges pa gang yin pa de la de skad ces bya ste/thams cad mkhyen pa ma yin pa nyid bsgrub par bya ba ni thams cad mkhyen pa nyid ni mi mthun pa'i phyogs so/ /de la tshig la sogs pa yod dam med the tshom za ba yin te/ de bas na smra ba thams cad mkhyen pa yin nam/ 'on te thams cad mkhyen pa ma yin zhes bya bar mngon pa med pas smra ba nyid ni ma nges pa yin no//thams cad mkhyen pa smra ba mi dmigs pa ma yin nam/ thams cad mkhyen pa la tshig de ji ltar the tshom za zhe na/ de nyid kyi phyir/ thams cad mkhyen pa smra ba ma dmigs so zhes bya bar mngon par mi dmigs pa gang yin pa'i rnam pa de lta bu'i rigs can de lta bu ni the tshom za ba'i rgyu yin pa'i phyir ro//ci'i phyir zhe na/ yul bltar mi snang ba'i bdag nyid gang yin pa de'i dngos po ni yul bltar mi snang ba'i bdag nyid do/ /'di ltar yul bltar mi snang zhing mi dmigs pa ni the tshom gyi rgyu yin gyi/ nges pa'i rgyu ma yin pa de bas na thams cad mkhyen pa ma yin pa'i mi mthun pa'i phyogs thams cad mkhyen pa nyid dang smra ba nyid dang ldog pa ni the tshom du gyur pa yin no//mi dmigs pa'i phyir thams cad mkhyen pa la smra ba nyid med do zhes ni mi smra'i/ 'on kyang thams cad mkhyen pa nyid dang smra ba nyid lhan cig 'gal ba'i phyir ro zhe na/thams cad mkhyen pa nyid dang smra ba nyid gnyis la 'gal ba med do/ /'gal ba med pa'i rgyu'i phyir yang ldog pa ma grub bo zhes bya bar sbyar ro/ /khyab pa dang ldan pa'i ldog pa ston pa ni/ thams cad mkhyen pa gang yin pa zhes bsgrub bya med pa'i rang bzhin thams cad mkhyen par rjes su brjod nas/de smra ba ma yin no zhes sgrub par byed pa smra ba nyid med par sgrub pa'o/ /de bas na bsgrub par bya ba med pa ni sgrub par byed pa med pa la nges pa yin pa'i phyir sgrub par byed pa med pas khyab pa bstan to/ /ldog pa'i khyab pa 'di 'dra ba ni smra ba nyid dang thams cad mkhyen pa nyid gnyis 'gal ba yod na 'grub par 'gyur na/'gal ba yang yod pa ma yin pa de bas na mi 'grub bo/ /ci'i phyir zhe na/ the tshom za ba'i phyir ro zhes bya ba smos te/ gang gi phyir 'gal ba med pa de bas na the tshom za ba yin no/ /the tshom za ba'i phyir ldog pa mi grub bo/ /ci'i phyir 'gal ba med ce na/ gang gi phyir 'gal ba ni rnam pa gnyis te/ ni zhes bya ba ni gang gi phyir ro/ /gang gi phyir 'gal ba med pa de bas na the tshom pa gnyis kho na ste/ gzhan med pa de bas na smra ba nyid dang thams cad mkhyen pa nyid gnyis 'gal ba med do/ /'gal ba rnam pa gnyis po gang zhe na/ rgyu ma tshang ba med par zhes bya ba smos te/rgyu ma tshogs te ma tshang ba med pa gang yin pa de la de skad ces bya'o/ /rgyu ma tshang ba las med pa gang yin pa de ni gang yang 'gal bar mi rtogs te/ de ni gang dang yang 'gal ba yod pa ma yin pa de bas na/ rgyu ma tshang ba med pa smras so/ /rgyu tshogs pa gang yin pa de yang dgag par sus kyang mi nus pa ma yin nam/de bas na 'gal ba gang las rtogs she na/ de lta na 'o na ni rgyu ma tshang ba med pa yang gang gis rgyu ma tshang bar byas pas med pa de dang 'gal bar rtogs pa yin no/ /de lta na yin dang gang zhig gang dang 'gal ba de ni de la cung zad byed pa kho na yin te/'di ltar grang ba'i reg pa'i skyed byed du gyur pas grang ba'i reg pa bzhin skyed pa'i nus pa 'joms par byed pa ni zlog par byed pas grang ba'i reg pa dang 'gal ba yin no/ /de bas na bzlog par bya ba'i rgyu ma tshang ba'i byed pas skyed par byed pa kho na 'gal ba yin no/ /'gal ba 'di lhan cig tu mi gnas pa yang yin te/de bas na 'gal ba gnyis ni skad cig gcig la yang lhan cig tu gnas par bya ba dang / bar ring por gnas pa gnyis la 'gal ba med pas na nye bar gnas pa dag zlog par byed pa dang / bzlog par bya ba'i dngos por gzhag go/ /de bas na gang zhig gang gis zlog par byed pa des ni de ltar myur na de skad cig gsum pa la zlog par byed do//skad cig ma dang po la ni tshogs pa na nus pa med pa'i gnas skabs su rung bar byed pa yin no/ /gnyis pa la yang 'gal ba nus pa med par byed do/ /gsum pa la ni nus pa med par 'gags pa'i yul der 'ong bar byed do//de la snang ba ni 'gro ba'i chos can yin te/ chu rlabs kyi tshul mthar gyis yul gnod pa na gang gi tshe mun pa dang bar ma chod pa'i snang ba'i skad cig skyed par byed pa de'i tshe snang ba dang nye ba'i mun pa sel ba med par skyed par byed do/ /des na snang ba dang nye bar 'dug pa gang yin pa de nus pa med par 'gyur ro//mun pa med de 'gags pa dang yul der snang ba skyed de/ de ltar na rim gyis snang bas mun pa sel bar byed do/ /dro ba'i reg pas grang ba'i reg pa zlog pa'i tshul yang de bzhin no/ /gang gi tshe mun nag gi yul de nyid du snang ba skyed par byed pa de'i tshe skad cig gang la mun nag gi yul du snang ba skyed pa'i skad cig ma skyed pa de nyid las mun pa ni mun pa gzhan la nus pa med par 'byung ngo //de ltar na nus pa med pa'i gnas skabs na skyed par byed pa nyid kyi sgo nas zlog par byed pas 'gal ba yin no/ /de bas na skad cig gang la skyed par byed pa de la ci ste myur bar zlog par byed na skad cig gsum pa la zlog par byed pas 'gal ba yin no//bskyed par bya ba dang skyed par byed pa'i dngos po yin pa'i phyir rgyun gnyis 'gal ba yin gyi/ skad cig ma gnyis ni 'gal ba ma yin no/ /ci ste rgyun ces bya ba dngos por yod pa ma yin pa de lta na rgyun can dngos por gyur pa yin no//des na don dam par ni skad cig ma gnyis ni 'gal ba ma yin te/ 'on kyang skad cig ma mang po rnams yin te/ 'di ltar sreg par byed pa'i skad cig ma yod pa na grang ba'i skad cig ma byung du zin kyang 'gag pa'i chos can du 'gyur ro zhes bya ba 'di yin no//rgyu gnyis bzlog par bya ba dang zlog par byed pa nyid kyi rgyu mtshan gyi 'gal bar gnas pa na yang rdul phra rab thams cad yul gcig na gnas pa med kyang 'gal ba ni ma yin te/ de dag rgyun gcig la gcig zlog par mi byed pa'i phyir ro/ / 'gro ba'i chos can gyi snang bas yul gang zhig gnod par byed pa'i yul de na gnas pa'i 'gal ba'i rgyun zlog par byed pa yin no/ /de bas na khang pa'i grwa'i phyogs gcig na gnas pa'i sgron ma'i 'od mun pa dang nye bar gnas kyang mun pa sel bar byed pa ma yin no/ /mun pas non pa'i phyogs su snang ba'i skad cig ma gzhan skyed par nus pa'i phyir ro//rgyu nus pa med pa'i bya ba'i rgyu mtshan can gyi 'gal ba ni rgyun la gnas pa nyid du bstan pa'i phyir/ byung ba zhes pa smos te/ grang ba'i reg pa rgyun rgyud mar 'jug pa 'byung ba la gzhan dro ba'i reg pa rgyun yod na med pa zhes bya ba yin no//gang dag 'gal ba ni dngos por yod pa ma yin no zhes smras pa de la 'di brjod par bya ste/ ji ltar 'bras bu ma skyes pa la bskyed par bya ba dang skyed par byed pa'i dngos po zhes bya ba gnyis la gnas pa yod pa ma yin yang 'bras bu yod pa ni rgyu sngon du 'gro ba can yin pa de bas na dngos po nyid yin no//de bzhin du ldog pa'i dngos po la ni 'gal ba zhes bya ba gnyis la 'gal ba yod pa ma yin yang / me'i rgyu mtshan gyis grang ba'i reg pa'i skad cig ma gzhan la nus pa med par 'gyur de bas na 'gal ba yang dngos po yod pa kho na yin no//dpe bstan pa'i phyir/ grang ba dang tsha ba zhes bya ba smos te/ de dag nyid reg pa yin te/ de gnyis bzhin no/ /grang ba dang dro ba'i reg pa gnyis kyi 'gal ba yang snga ma de dag bzhin du sbyar bar bya'o/ /'gal ba gnyis pa bstan pa'i phyir/ gcig gis gcig spangs te zhes bya ba smos te/yongs su dor ba'o/ /des gnas pa'i mtshan nyid de ngo bo nyid gang dag la yod pa de'i dngos po ni gcig gis gcig spangs te gnas pa'i mtshan nyid do/ /'di la gang yongs su gcod pa na gang rnam par gcod pa ste/ yongs su gcod pa zhes bya ba de ni rnam par gcad par bya ba yongs su spangs te gnas pa'i ngo bor blta bar bya'o//sngon po yongs su gcod pa na yang de'i ngo bo nyams par bcad pa yin te/ de rnam par ma bcad na sngon po yongs su mi gcod par thal bar 'gyur ba'i phyir ro/ /de bas na dngos po rnams kyi yod pa dang med pa gnyis ni phan tshun spangs te gnas pa'i ngo bo yin la/sngon po las gzhan pa'i ngo bo gang yin pa de ni sngon po'i dngos po med pa la mi 'khrul pa yin te/ sngon po ltar rung ba ser po la sogs pa dmigs pa na ni dmigs pas med par nges pa'i phyir ro/ /ji ltar sngon po ni dngos po med pa yongs su spong bar byed pa de bzhin du ser po la sogs pa med pa la mi 'khrul ba la yang yin no//de ltar dngos po dang dngos po med pa gnyis ni dngos su 'gal ba yin la/ dngos po ni med pa la mi 'khrul ba las 'gal ba yin no/ /yang gang zhig gzhan la med par nges she na/ gang rnam pa nges pa dang ldan pa'i don yin gyi/ rnam pa ma nges pa ni ma yin te/ skad cig ma nyid la sogs pa bzhin no/ /skad cig ma nyid ni sngon po la sogs pa thams cad kyi rang bzhin gyi bdag nyid yin te/ des na rnam pa nges pa ma yin no/ /de bas na skad cig ma nyid spangs par snang ba ni 'ga' yang med do//gal te de na dngos po med pa yang rnam par ma nges par 'gyur ro zhe na/ rnam pa nges pa zhes bya bar ji ltar 'gyur te/ gang gi phyir dngos po med pa ni ngo bos dben pa'i rnam par rtog pa yin no/ /de bas na mthong ba'am brtag pa yang rung ste/ nges pa'i rang bzhin nyid gzhan la med par nges pa yin gyi ma nges pa zhes bya bar/de ltar na brtag pa dang 'dre la sogs pa yang rnam pa nges pa brtags pa yin par lta bar 'di ni bdag nyid gcig par 'gal bar yang yin te/ gang zhig phan tshun spangs te gnas pa de dag ni gcig pa nyid med pa yin no//de nyid kyi phyir 'di ni mtshan nyid las gyur pa'i 'gal ba zhes bya ste/ dngos po rnams kyi rang bzhin 'di'i dgos pa yin pas so/ /'gal ba 'dis ni dngos po'i de nyid tha dad par rnam par gzhag par bya ba yin no/ /de nyid kyi phyir snang ba'i rang bzhin la 'gog pa gang yin pa de ni snang ba nyid du khas blangs nas dgag par bya ba yin te/'di ltar dngos po med pa dang sha za yang gang gi tshe ser po la 'gog par 'dod pa de'i tshe snang ba'i bdag nyid kho nas dgag par bya ba yin pas snang ba nyid du khas blangs nas dgag par bya ba yin te/ 'di ltar dngos po med pa dang sha za yang gang gi tshe ser po la 'gog par 'dod pa de'i tshe snang ba'i bdag nyid kho na dgag par bya ba yin pas snang ba nyid du khas blangs nas snang ba mi dmigs pa kho na las 'gog pa yin no//de lta na yang gcig gi ngo bo la yang yongs su bcad pa na de med pa'i ltar rung ba rnam par gcad par bya ba yin zhing //gang zhig de med pa la nges pa'i rnam pa can gyi bltar rung ba de yang snang ba rnam par gcad par bya ba yin te/ des na rang nyams pa bzhin du nyams pa dang ldan pa yang rnam par gcod pa yin no/ /phan tshun spangs te gnas pa'i ngo bo gang yin pa de thams cad ni des gcig pa nyid bkag pa yin te/des na 'gal ba 'di yod kyang lhan cig tu gnas par yang 'gyur ro/ /de'i phyir 'gal ba gnyis kyi byed pa tha dad de/ gcig gis ni grang ba dang dro ba'i reg pa dag gcig pa nyid 'gog par byed la/ gzhan gyis ni lhan cig tu gnas pa'o//yul yang tha dad pa yin te/ phan tshun spangs pa ni dngos po dang dngos po med pa mtha' dag la yin la/ lhan cig tu mi gnas pa'i 'gal ba ni dngos po nyid 'ba' zhig la yin no/ /de bas na byed pa tha dad pa dang yul tha dad pa yin pa de'i phyir 'di nyid gcig gi nang du 'dus pa med do//'gal ba rnam pa de gnyis ka yang smra ba nyid dang thams cad mkhyen pa nyid 'di gnyis la mi srid de/ 'di ltar rgyu ma tshang ba med pa'i thams cad mkhyen pa nyid ni smra ba nyid yod pa'i phyir med par rtog pa ma yin te/ thams cad mkhyen pa nyid ni mi snang ba yin la/mi snang ba yang dngos po med par nges par ma yin no/ /de bas na 'dis ni gzhan dang 'gal bar rtogs pa ma yin no/ /smra ba nyid yongs su spangs te thams cad mkhyen pa gnas pa yang ma yin te/ smra ba yongs su spangs pa'i shing la sogs pa de dag kyang thams cad mkhyen pa nyid du thal bar 'gyur ba'i phyir ro//smra ba nyid ni thams cad mkhyen pa nyid yongs su spangs pa yang ma yin te/ shing la sogs pa yang smra ba nyid du thal bar 'gyur ba'i phyir ro/ /'gal ba med pa de nyid kyi phyir smra ba nyid kyis yod pas thams cad mkhyen pa nyid 'gog par 'gyur ba ma yin no//ci ste de lta de la 'gal ba med na bum pa dang snam bu gnyis bzhin du de gnyis kyang lhan cig tu gnas par snang bar 'gyur ba zhig na/ mi snang bas na 'gal ba snang ba yin la/ 'gal ba'i phyir dngos po med par rtogs so snyam du dogs pa la/ mi 'gal ba bsgrub pa las ni zhes bya ba smos te/mi dmigs kyang 'di 'gal bar grub pa ma yin no/ /gal te yang lhan cig tu gnas pa ma dmigs pa de la yang 'on kyang de nyid 'gal ba ma yin no/ /gang gi phyir lhan cig pa ma dmigs pa tsam gyis 'gal ba ma yin gyi/ 'on kyang gnyi ga dmigs pa na bzlog par bya ba zlog par byed pa'i dngos pos nges pa las yin pa'i phyir ro//de bas na ma dmigs su zin kyang smra ba nyid bsgrub pas ma yin te/ de'i phyir de las gzhan med par rtogs pa ma yin no/ /de bzhin du smra ba nyid yin pa'i phyir 'dod chags la sogs pa dang ldan par rtog pa ma yin te/'di ltar ci ste tshig la sogs pa ni 'dod chags la sogs pa'i 'bras bur gyur pa yin na ni tshig la sogs pa las 'dod chags la sogs pa rtogs par 'gyur na/ 'bras bu yang ma yin te/ de ci'i phyir zhe na/ 'dod chags dang tshig la sogs pa yang rgyu dang 'bras bu'i dngos por ma grub pa'i rgyu'i phyir 'bras bu ma yin pa de bas na 'di las rtogs pa ma yin no//tshig na 'dod chags la sogs pa'i 'bras bu ma yin yang lhan cig tu rgyu ba yin no/ /de bas na 'dod chags la sogs pa dang lhan cig tu rgyu ba log pas tshig ldog go snyam du dogs pa la smras pa/don gzhan rgyu ma yin pa log pas lhan cig tu rgyu ba mthong ba tsam gyi sgo nas gzhan tshig la sogs pa ldog pa ni ma yin te/ de bas na smra ba nyid kyang yin la 'dod chags la sogs pa dang bral bar yang 'gyur ro/ /de ltar na zhes bya ba na gang gi phyir gyi don te/ de bas na thams cad mkhyen pa nyid ma yin pa las bzlog pa mi mthun pa'i phyogs su gyur pa thams cad mkhyen pa dang /'dod chags la sogs pa dang ldan pa ma yin pa la tshig la sogs pa ldog pa la the tshom za ba yin te/ de bas na tshig la sogs pa ma nges pa yin te/ de ltar tshul re re ma grub pa dang the tshom za bar gtan tshigs kyi skyon du smras nas/tshul gnyis ma grub pa dang the tshom za na gtan tshigs kyi skyon du smra bar 'dod nas/ tshul gnyis zhes bya ba smos te/ tshul gnyis phyin ci log tu grub par gyur na 'gal ba yin no/ /tshul ni gsum yod pa de bas na bye brag shes par bya ba'i phyir/gnyis po gang gis zhes smos so/ /khyad par can gyi rang bzhin ston pa ni/ /mthun pa'i phyogs la yod pa dang / mi mthun pa'i phyogs la med pa'o zhes bya ba ste/ phyin ci log tu grub pa'o zhes bya bar sbyar ro/ /byas pa nyid dang zhes bya ba ni rang bzhin gyi gtan tshigs so//brtsal ma thag tu byung ba nyid ni 'bras bu'i gtan tshigs yin te/ brtsal ma thag tu byung ba'i skye ba dang shes pa ni brtsal ma thag tu byung ba zhes bya'o/ /skye ba ni skye ba bzhin pa'i rang bzhin la bya'o/ /shes pa ni shes bya'i 'bras bu'o/ /de la 'dir ni brtsal ma thag tu byung ba'i shes pa gzung ste/des na 'bras bu'i gtan tshigs yin no/ /gtan tshigs 'di gnyis ni rtag pa nyid dang bsgrub pa la 'gal ba'i gtan tshigs ltar snang ba yin no/ /ci'i phyir 'di gnyis 'gal ba yin zhe na/ 'di gnyis kyi zhes bya ba smos te/ mthun pa'i phyogs rtag pa la ni byas pa nyid dang brtsal ma thag tu byung ba gnyis med pa kho nar nges pa yin la/mi mthun pa'i phyogs mi rtag pa nyid kho na la yod par nges par phyin ci log tu grub pa yin no/ /'di gnyis grub kyang ci'i phyir 'di gnyis 'gal ba yin zhe na/ smras pa/ de nyid ni bsgrub par bya ba rtag pa nyid las phyin ci log mi rtag pa nyid du bsgrub pa'i phyir ro//de bas na bsgrub par bya ba phyin ci log tu bsgrub pa'i phyir 'gal ba dag yin no/ /ci ste bsgrub par bya ba phyin ci log tu sgrub pa'i phyir 'di dag nyid 'gal ba yin no/ /gzhan gyi don gyi rjes su dpag pa la ni smras pa bsgrub par bya ba yin gyi/ma smras pa ni ma yin la/ 'god pa ni ma smras pa yin no/ /de bas na 'dod pa la gnod pa byed pa 'di gnyis las gzhan yin no zhes bstan pa'i phyir smras pa/ 'dod pa sgras ma smos pa la gnod par byed pa phyin ci log tu bsgrub pa'i phyir 'gal ba gsum pa yang yod pa ma yin nam/gnyis ni smras pa phyin ci log tu sgrub pa yin la/ 'di ni gsum pa yin no/ /'dod pa la gnod pa'i dpe brjod pa ni dper na zhes bya'o/ /mig la sogs pa ni chos can no/ /gzhan gyi don ni dgos pa po la legs par nye bar byed pa gang yin pa ni gzhan gyi don te bsgrub par bya'o//'dus pa yin pa'i phyir/ bsags pa yin pa'i phyir zhes bya ba gtan tshigs te/ mig la sogs pa ni rdul phra rab bsags pa'i ngo bo yin pa de bas na 'dus pa'i ngo bo zhes smos so/ /mal cha dang stan la sogs pa gang dag yin pa de mal cha dang stan la sogs pa'o//de dag nyid yan lag ste skyes bu'i longs spyod kyi yan lag yin pa'i phyir ro/ /'di ni khyab pa'i yul bstan pa'i dpe yin no/ /'dir ni gzhan gyi don byed pa nyid ces bya ba la khyab pa yin te/ 'di ltar mal cha dang stan la sogs pa 'dus pa'i ngo bo yin pa ni skyes bu'i longs spyod pa yin zhing phan par byed pa yin pa'i phyir gzhan gyi don byed pa nyid ces bya'o//ji ltar 'di 'dod pa la gnod par byed pa yin zhe na/ de ni 'dus pa ma yin gyi/ gzhan gyi don byed pa nyid du 'dod de/ phyin ci log tu bsgrub pa'i phyir 'gal ba'o zhes bya ba smos te/'dod pa ma yin pa'i yul can gzhan gyi don ni 'dus pa ma yin pa gzhan gyi don byed pa nyid du 'dod pa yin pas 'dus pa ma yin pa gzhan gyi don byed pa nyid du 'dod pa'o/ /rgol ba grangs can de ni 'dus pa ma yin pa gzhan gyi don byed pa nyid du 'dod pa'o/ de phyin ci log pa ni 'dus pa gzhan gyi don byed ces bya ba yin te/de bsgrub pa'i phyir 'gal ba yin no/ /grangs can dag bdag yod do zhes smra ba na sangs rgyas pa rnams kyis/ de ci'i phyir zhes dris pa dang / bdag grub par bya ba'i phyir tshad ma smra ba yin te/ de bas na mig la sogs pa ni 'dus pa ma yin pa'i bdag la phan par byed pa nyid du bsgrub par bya ba yin no//gtan tshigs 'di ni phyin ci log gis khyab pa yin te/ 'di ltar gang zhig gang la phan par byed pa de ni skyed par byed pa yin la/ bskyed par bya ba yang cig char ram rim gyis 'dus par 'gyur te/ de bas mig la sogs pa gzhan gyi don byed pa ni 'dus pa gzhan gyi don byed do zhes par 'grub bo//slob dpon phyogs kyi glang pos 'gal ba 'di yang bstan na/ rnam 'grel byed pa khyod bzhin du/ /de ci'i phyir ma smos she na/ cig shos kyis smras pa/ bsgrub par bya ba phyin ci log tu sgrub par byed pa 'di gnyis kho na'i nang du 'dus pa'i phyir ro//smras pa'i phyin ci log sgrub par byed pa ni ma yin na ci ltar smras pa'i phyin ci log sgrub par byed pa gnyis kyi nang du 'dus she na/ de ni zhes bya ba smos te/ ni zhes bya ba ni gang gi phyir zhes bya ba'i don te/ gang gi phyir 'dod pa la gnod pa de bsgrub par bya ba'i log par bsgrub pa'i sgo nas gtan tshigs 'di gnyis las tha dad pa ma yin no/ /smras pa phyin ci log tu sgrub par byed pa yin yang rung ma yin yang rung ste/ ji ltar de gnyis bsgrub par bya ba phyin ci log tu sgrub par byed pa de bzhin du 'dir yang yin pas de bas na smras pa phyin ci log tu bsgrub pa ci zhig bya/de bas na 'di gnyis kyi nang kho nar 'dug pa yin no/ /smras pa kho na bsgrub par bya ba ma yin nam/ de ji ltar bsgrub par bya ba phyin ci log bsgrub pa'i sgo nas tha dad pa ma yin zhe na/ 'dod pa zhes bya ba smos te/gang gi phyir/ 'dod pa dang smras pa gnyis la bsgrub par bya ba nyid kyi sgo nas ni phan tshun bye brag tha dad pa ci yang med do/ /de bas na 'di gnyis kho nar 'dus pa yin no zhes bya bar mjug bsdus pa'o/ /'di ltar phyir rgol bas shes par 'dod pa gang yin pa de ni skabs su bab pa yin no/ /skabs su bab pa yin pa de yang 'dod pa smra ba yin yang rung ste/sgrub par 'dod pas yul du bya ba yin gyi/ smra ba tsam 'ba' zhig ni ma yin pa de bas bye brag med do/ /tshul gnyi ga ma grub na 'gal ba yin par bshad zin to/ /de gnyis kyi nang nas/ gcig ni ma grub pa la cig shos la the tshom za na yang ma nges pa yin no//de ci 'dra ba zhig ce na/ 'dod chags dang bral ba gang yin pa de ni 'dod chags dang bral ba'o zhes bya ba ni bsgrub par bya ba gcig dang / thams cad mkhyen pa yin no zhes bya ba bsgrub par bya ba gnyis pa'o/ /smra ba'i phyir zhes bya ba ni gtan tshigs so/ /'di la ldog pa ni ma grub pa zhes bya ba smos te/bdag nyid 'dod chags dang bcas pa dang / thams cad mkhyen pa ma yin pa mi mthun pa'i phyogs la ni smra ba nyid mthong bas na ldog pa ma grub pa yin no/ /ci'i phyir rjes su 'gro ba la the tshom za ba yin zhe na/ phyogs dang mthun par 'gyur ba thams cad mkhyen pa dang /'dod chags dang bral ba dag ni bskal pa'i phyir te zhes bya ba smos te/ dbang po'i yul las 'das pa'i phyir ro/ /tshig la sogs pa dag ni dbang po'i rnam par shes pas shes par bya ba yin yang / dbang po'i yul las 'das pa thams cad mkhyen pa dang / 'dod chags dang bral ba gnyis la yod dam med the tshom za ba yin no//de bas ni smra ba'i phyir thams cad mkhyen pa yin nam/ 'on te ma yin zhes bya bar mngon pa med pas ma nges pa yin no/ /da ni gnyis nyid la the tshom za na ma nges par brjod pa'i phyir smras pa/ rjes su 'gro ba dang ldog pa'i tshul de nyid la the tshom za ba'i phyir yid gnyis kyi rgyu yin no//dpe dgod de bdag dang bcas par 'dug pa ni bdag dang bcas par 'dus pa yin no zhes bya ba ni bsgrub par bya ba yin no/ /lus zhes bya ba ni chos can no/ /gson po'i zhes bya ba ni chos can gyi bye brag ste/ shi ba la bdag yod par mi 'dod do//srog ni dbugs rgyu ba la sogs pa'o/ /sogs pa ni mig 'byed pa dang / 'dzums pa la sogs pa srog chags kyi chos de ni srog la sogs pa'o/ /de dag gang la yod pa de ni srog la sogs pa dang ldan pa gson po'i lus so/ /de'i dngos po ni de nyid de de bas zhes bya ste/ 'di gtan tshigs so/ /thun mong ma yin pa 'di yang the tshom za ba'i rgyu nyid du bsgrub par bya'o/ /phyogs kyi chos ni rgyu rnam pa gnyis kyis the tshom gyi rgyur gyur pa nyid yin te/ the tshom gyi rnam pa gang yin pa de dag gnyis kyi dngos po thams cad bsdus pa'i phyir dang / khyab par byed pa'i rnam pa de gnyis las yang yod par ma nges pa'i phyir ro//rnam pa gang dag gis dngos po thams cad ma bsdus pa'i rnam pa de dag la ni the tshom du mi 'gyur te/ 'di rnam pa gzhan srid na ni phyogs kyi chos can de chos gnyis las gcig dang 'brel bar bstan par mi nus te/ de bas na the tshom gyi rgyur mi 'gyur ro//chos gnyis ma nges par yod par ston na ni the tshom gyi rgyur 'gyur ro/ /gnyis ma nges par yod par yang bstan par mi nus na ni mi rtog pa'i rgyur 'gyur ro/ /nges par yong par bstan na ni 'gal ba'am gtan tshigs su 'gyur ro/ /de bas na gnyis kyi dngos po thams cad bsdus pa yin la/ci ste de gnyis la gcig pa yang yod par nges pa ma yin na ni de nyid la the tshom za ba'i rgyu yin no/ /yod par nges par yang 'gal te gcig la mi 'khrul par yod par nges na ni 'gal ba'am gtan tshigs su 'gyur ro/ /mi 'khrul pa ma yin par yod par nges pa yin na ni thun mong gis ma nges pa dang /mi mthun pa'i phyogs las ldog pa la the tshom za ba dang / ldog pa ma grub la rjes su 'gro ba la the tshom za bar 'gyur ro/ /gcig la yang yod par nges pa med pa'i phyir ni thun mong ma yin pa'i ma nges par 'gyur ro/ /de bas na thun mong ma yin pa'i ma nges pa nyid kyi rgyu rnam pa gnyis bstan pa'i phyir bdag dang bcas pa dang zhes bya ba smos te/bdag dang lhan cig tu 'dug pa ni bdag dang bcas pa'o/ /gang la 'brel pa de ni bdag med pa ste/ gang gi phyir de dag las phung po gzhan ni yod pa ma yin no/ /ji lta bu zhig ce na gang la dngos po'i chos srog la sogs pa 'di gnas par gyur pa'o//de bas 'di de gnyis la the tshom za ba'i rgyu yin no/ /ci'i phyir phung po gzhan med ce na/ smras pa/ bdag smras pa la ni dngos po yod pa dang / rnam par gcad pa ni dngos po med pa ste/ de gnyis kyis dngos po thams cad bsdus pa'i phyir de'i nang du 'dus pa'i phyir ro//gang la bdag yod pa de ni bdag dang bcas pa yin la/ gzhan ni bdag med pa de'i phyir phung po gzhan med do/ /the tshom gyi rgyu nyid du gyur ba'i rgyu rnam pa gnyis kyis dngos po thams cad bsdus pa bstan nas/ gnyis pa bstan pa'i phyir/'di gnyis las zhes bya ba smos te/ bdag dang bcas pa dang bdag med pa rnam pa gnyis kyi nang nas bdag dang bcas pa'am/ bdag med par cig la yang gnas shing yod par nges pa med do/ /srog la sogs pa ni dngos po chos yin pa'i phyir phung po gnyis las ma gtogs par gnas pa med do//de bas na 'di nyid kho na la gnas so zhes bya ba de tsam du ni shes na/ bye brag tu 'dug par nges pa ni med do zhes bya ba'i don 'di yin no/ /de bstan pa'i phyir smras pa/ bdag dang bcas pa nyid kyi bye brag dang ldan par sgrub pa la dngos po nges pa la ni srog la sogs pa'i chos ma grub ste/ma nges pa'i phyir ro/ /de ltar chos thun mong ma yin pa'i ma nges pa'i rgyu rnam pa gnyis bstan to/ /de bas na zhes bya ba la sogs pas ni phyogs kyi chos yin par gyur pa thams cad thun mong ngam thun mong ma yin pa'i ma nges par 'gyur ba de bas na mjug bsdu ba'i thabs kyis phyogs kyi chos kho na ston par byed de/gson po'i lus dang 'brel pa can gyi phyogs kyi chos zhes bya ba'i don to/ /'di ltar de gnyis las gcig la yang gnas par nges pa med pa de bas na/ de gnyis dang bral ba med de/ 'di ltar dngos po thams cad la khyab par byed pa'i dngos po'i chos rnam pa gnyis las gcig la nges par yod pa yin na ni rnam pa gzhan las nges par log pa yin no//de nyid kyi phyir bdag dang bcas pa dang / bdag med pa thams cad kyi dngos po las log pa nyid du ma grub pa'i phyir te zhes bya ba smos te/ re zhig srog la sogs pa ni bum pa la sogs pa kha cig las ni log pa kho na yin no//de bas na bdag dang bcas pa'am/ bdag med pa 'ga' zhig las log pa yin na zhes bya ba ni de tsam du ni nges par bya nus na/ thams cad las log pa yin par ni nges par mi nus so/ /de bas na gang las kyang log pa med do//ci ste de lta na de gnyis la rjes su 'gro ba nges pa yin mod ce na/ de la zhes bya ba smos te/ bdag dang bcas pa'am bdag med pa'i don la srog la sogs pa rjes su 'gro ba med do/ /ci'i phyir zhe na/ bdag gcig la yang zhes bya ba smos te/ bdag dang bcas pa'am bdag la med pa la ma grub pa'i rgyu'i phyir te/srog la sogs pa dngos po'i chos yin pas de nyid las 'ga' zhig la 'jug pa yin no zhes bya bar ni nges na/ bdag med pa kho na la 'jug par ni nges pa med pas ji ltar rjes su 'gro ba nges pa yod/ phyir rgol ba la ni bdag dang bcas pa 'ga' yang med pa yin pas de bas na gtan tshigs 'di'i bdag dang bcas pa la rjes su 'gro ba yang med ldog pa yang med pas bdag dang bcas pa la rjes su 'gro ba dang ldog pa gnyis med par nges pa ma yin nam/de yod par the tshom za ba ma yin no snyam du dogs pa la/bdag dang bcas pa'i dngos po las srog la sogs pa rjes su 'gro ba dang ldog pa gnyis med par nges pa med la/ bdag med pa la yang med do/ /bdag dang bcas pa dang bdag med pa las zhes bya ba'i snga ma'i sgra la ltos par blta'o/ /ji ltar rjes su 'gro ba dang ldog pa gnyis med par nges pa med ce na/smras pa/ rjes su 'gro ba'am ldog pa gang yin pa gcig med par nges pa ni cig shos gnyis pa yod par gdon mi za bar med na/ med pa yin te/ ci'i phyir yod par nges pa mi 'khrul pa yin no/ /de'i dngos po ni de nyid de de bas na'o/ / gang gi phyir gcig med par nges pa ni cig shos yod pa med na med pa yin te/ de bas na gcig la gnyi ga med par nges pa med do/ /ci'i phyir gcig med par nges pa ni cig shos yod par nges pa mi 'khrul pa yin zhe na/ rjes su 'gro ba dang ldog pa gnyis ni phan tshun rnam par gcod pa'i ngo bo yin pa'i phyir zhes bya ba smos te/phan tshun rnam par gcod pa ni dngos po med pa'o/ /de nyid ngo bo gang yin pa ste/ de nyid kyi ngo bo ni de nyid de de bas na'o/ /rjes su 'gro ba dang ldog pa gnyis ni yod pa dang med pa yin no/ /yod pa dang med pa gnyis ni phan tshun rnam par gcod pa'i ngo bo yin no//gang rnam par bcad pas gang yongs su gcod pa de ni yongs su spangs te gnas pa yin la rang med pa rnam par gcod pas kyang yod pa yongs su gcod do/ /de bas na rang med par rnam par bcad pas yod par gnas pa yin no/ /med pa ni rnam par rtog pas ji ltar bstan pa'i ngo bo med pa yin la/ngo bo yang rnam par bcad pa'i ngo bo yin te/ bdag dang bdag med pa bzhin du yongs su gcod par byed do/ /de lta yin dang rjes su 'gro ba med pa ni ldog pa yin la/ ldog pa med pa ni rjes su 'gro ba yin no/ /de bas na rjes su 'gro ba med par nges pa na yang ldog pa yod par nges pa yin la/ldog pa med par nges pa na yang rjes su 'gro ba yod par nges pa yin no/ /de bas na gal te bdag dang bcas pa ni dngos po med la/ bdag med pa ni dngos po yin pa de lta na yang de nyid srog la sogs pa'i rjes su 'gro ba dang ldog pa gnyis med par nges pa med de/dngos po gcig la dus gcig tu yod pa dang med pa gnyis cig car 'gal ba'i phyir de gnyis ka med par nges pa mi rung ba'i phyir ro/ /phyir rgol ba'i dor byas te/ bdag dang bcas pa dang bdag med pa'i dngos po yod med du bya ba yang ma yin no/ /'o na ci zhe na/ tshad ma'i dbang gis te/ des na gnyi ga la the tshom za'o/ /de bas na de gnyis la srog la sogs pa'i ldog pa yod med du the tshom za ba yin no/ /gang gi phyir de ltar 'ga' zhig la rjes su 'gro ba dang ldog pa gnyis yod par nges pa yang ma yin/ med par nges pa yang ma yin pa de bas na rjes su 'gro ba ldog pa gnyis la the tshom za'o//ci ste 'ga' zhig la rjes su 'gro ba dang ldog pa gcig med par nges pa yin na ni de nyid kyis gnyis yod par nges pa yin pas rjes su 'gro ba dang ldog pa la the tshom za ba kho nar mi 'gyur ro/ /gang gi phyir 'ga' la yang yod pa dang med par nges pa med pa de nyid kyi phyir rjes su 'gro ba dang ldog pa gnyis la the tshom za ba yin no//the tshom za bas ma nges pa yin no/ /ci'i phyir ma nges pa yin zhe na/ bsgrub par bya ba dang cig shos 'gal ba la rjes su 'gro ba dang ldog pa la de ltar the tshom za bas nges pa med pa'i phyir te/ mthun pa'i phyogs dang mi mthun pa'i phyogs gnyis la yod med the tshom za na bsgrub par bya ba mi 'grub pa la 'gal ba yang mi 'grub bo//bdag dang bcas pa dang bdag med pa'i rnam pa las rnam pa gzhan yang mi srid pa de bas na srog la sogs pa dang ldan pa'i phyir gson po'i lus chos can la bdag yod med the tshom za ba'i srog la sogs pa ma nges pa yin no//tshul gsum pa ma grub pa dang the tshom za ba gtan tshigs kyi nyes par bstan nam/ mjug bsdu ba'i phyir smras pa/ de ltar na bstan ma thag pa'i rim pas na tshul gsum po dag gi nang nas gang gi tshe tshul re re na grub pa'am the tshom za bar gyur pa dang /tshul gnyis gnyis ma grub pa'am/ the tshom za bar gyur pa de'i tshe ma grub pa dang / 'gal ba dang / ma nges pa'i gtan tshigs ltar snang ba dang / ci rigs par zhes bya ba ni gang ma grub pa dang / the tshom za na gtan tshigs ltar snang ba gang du rigs pa de ni ma grub pa'am the tshom za bar rnam par gzhag pa'i phyir te/gang dang gang la gang gi sbyor ba ni ci ltar rigs pa yin no/ /slob dpon gyis kyang 'gal ba mi 'khrul pa can yang the tshom gyi rgyur bshad pa ma yin nam/ gtan tshigs kyi 'gal bar sgrub pa gang yin pa de mi 'khrul ba'i 'gal ba ni 'gal ba mi 'khrul ba can no//yang na 'di 'gal ba yang yin te/ sgrub par byed pa gzhan gyis grub pa'i chos dang 'gal ba sgrub pa'i phyir dang / mi 'khrul pa can yang yin te/ rang gi bsgrub par bya ba 'gal ba mi 'khrul ba'i phyir 'gal ba la mi 'khrul ba can no//rang gi bsgrub par bshad pa bden yang ngas 'dir ma smos so/ /ci'i phyir zhe na smras pa/ rjes su dpag pa'i yul ni tshad mas grub pa'i tshul gsum pa las rjes su dpag pa 'byung ba de bas na de nyid rjes su dpag pa'i yul na/ skabs de la ni 'gal ba mi 'khrul ba can mi srid do/ / tshad mas ma grub pa'i tshul gsum pa'i gnas skabs la ni gang gi tshul tshad mas grub pa de nyid la gtan tshigs ltar snang ba de ni srid pa yin na/ tshad mas grub pa'i tshul gang yin pa la ni tshad mas grub pa'i tshul 'gal ba mi 'khrul ba can yod pa ma yin te/ de bas na mi srid la/mi srid pa de'i phyir ma smos so/ /ci'i phyir mi srid ce na/ 'bras bu'am rang bzhin nam mi dmigs pa'i zhes bya ba smos so/ /gang gi phyir 'gal ba mi srid pa'i phyir te/ 'bras bu dang rang bzhin de gnyis kyi mtshan nyid smos pa la zhes bya ba la/ 'bras bu ni rgyu las skye ba'i mtshan nyid kyi de kho na yin no//rang bzhin yang bsgrub par bya bas khyab pa nyid yin no/ /'bras bu gang yin pa dang rang bzhin gang yin pa de gang gis na 'gal bar 'gyur ba ji ltar na bdag gi rgyu dang khyab par byed pa'i rang bzhin yongs su 'dor bar gyur na mi dmigs pa'i mtshan nyid smos pa la yang zhes bya ba ni snang ba mi dmigs pa nyid mi dmigs pa'i mtshan nyid yin te/de yang dngos po med par mi 'khrul ba yin pa'i phyir 'gal ba nyid mi srid do/ /'on te de dag las gzhan las 'gyur ro snyam na/ gsum po de dag las mi 'khrul pa can gzhan med de zhes bya ba smos te/de bas na de dag nyid rgyu nyid yin no/ /'o na slob dpon phyogs kyi glang pos gtan tshigs kyi skyon 'di gang la gsungs she na/ smras pa/ gang gi phyir dngos po'i stobs kyis zhugs pa'i rjes su dpag pa la mi srid pa de bas na/ lung la brten pa'i rjes su dpag pa la brten te/'gal ba mi 'khrul pa can bstan te/ lung las grub pa la rjes su dpag pa gang gi tshul gsum byed pa de lung la brten pa'o/ /lung las grub pa'i tshul gsum pa'i tshad mas grub pa ma yin nam zhe na/ dngos po ma mthong ba'i stobs kyis zhugs pa yin pas na zhes smos te/ dngos po mthong ba ni rnam par rtog pa tsam mo//de'i stobs ni mthu'o/ /des zhugs pa ni tshad ma ma yin pa'i phyir te/ rnam par rtog pa tsam las rnam par gzhag pa lung las grub pa'i tshul gsum pa'i rjes su dpag pa ni tshad ma ma yin pa'i phyir ro/ /'o na lung las grub pa'i tshul gsum pa'i rjes su dpag pa de gang gi ched du byas she na/de'i don dpyad pa dag las zhes bya ba smos te/ lung gi don spyi la sogs pa gang yin pa de ni dbang po'i yul las 'das pa dang mngon sum dang rjes su dpag pa gnyis kyis phul du ma byas pa de dpyad pa la zhugs pa ni/ slob dpon gyis lung la brten pa'i 'gal ba mi 'khrul ba can bshad pa zhes bya ba gang yin pa lung la brten pa'i rjes su dpag pa la srid par 'gyur ro//ci'i phyir lung la brten pa'i rjes su dpag pa la yang srid par 'gyur zhe na/ smras pa/ bstan bcos byed pa rnams la rang bzhin log par 'gal ba'i ngo bo ston te/ sgrub pa de srid pa'i phyir 'gal ba mi 'khrul pa can srid do//'khrul pas zhes bya ba ni/ phyin ci log gis te/ phyin ci log par bstan bcos byed pa rnams ni med pa'i ngo bo de dang de sgro 'dogs par byed pa'i phyir ro/ /ci ste bstan bcos byed pa yang 'khrul pa yin na skyes bu gzhan la yid brtan du ci yod ce na/dngos po ji lta ba bzhin du zhes bya ba smos te/ gtan tshigs rnams ni rtogs pas gtan tshigs nyid du rnam par gzhag pa ma yin gyi/ rang bzhin gnas pas gzhag pa yin no/ /de bas na/ dngos po ji lta ba bzhin du gnas par 'dug pa bdag dang 'bras bu dang mi dmigs pa dag la ni mi srid de gnas pa ni don dam par yod pa'o//dngos po ni yod pa'o/ /dngos po ji lta ba bzhin du gnas par 'dug pa rnam par gzhag pa gang dag yin pa de dngos po ji lta ba bzhin du gnas par 'dug pa dag go/ /de dag ni ji ltar gnas pa'i de bzhin du bzhag pa yin gyi/rtogs pas ni ma yin no/ /de bas na de rnams la ni gang gis na 'gal ba mi 'khrul pa can srid par 'gyur ba nor ba'i go skabs med do/ /de la 'gal ba mi 'khrul pa can gyi dpe ni gang zhig yul 'di thams cad gnas pa rang dang 'brel pa can dag dang /cig car mngon par 'brel pa ni yul thams cad na gnas pa dang mngon par 'brel pa yin no/ /spyi ni yul thams cad na gnas pa dang mngon par 'brel pa bstan nas de thams cad du song ba yin pa nyid du bstan to/ /des na cig car du mngon par 'brel pa can dang thams cad du song ba la nges pas des khyab pa ston to//spyi de la drang srong chen po gzegs zan ni gcig pu g.yo ba med pa yin la/ thams cad na gnas pa rang dang 'brel pa can dag tu 'du ba'i sgo nas 'brel par smra'o/ /de la gzegs zan pa'i slob ma pe lu kas ni bsal ba dang bral ba'i yul na yang spyi gnas par bsgrub pa'i phyir tshad ma 'di smras so//dper na nam mkha' bzhin no zhes bya ba ni khyab pa bstan pa'i yul gyi dpe ste/ nam mkha' yang yul thams cad na gnas pa'i shing la sogs pa rang dang ldan pa can dag dang cig car du mngon par 'brel cing thams cad du song ba yang yin no//spyi yang yul thams cad na gnas pa rang dang 'brel pa can dag dang cig car du 'brel to zhes bya ba ni gtan tshigs kyi phyogs kyi chos nyid bstan pa yin no/ /'di rang bzhin gyi gtan tshigs nyid yin par sbyar ba'i phyir de dang 'brel ba can gyi zhes bya ba smos te/yul thams cad na yod pa'i rdzas de dag dang 'brel pa can spyi la yod pa'i rang bzhin de kho na tsam ni/ de dag 'brel pa'i rang bzhin tsam yin la/ de dang rjes su 'brel ba ni rjes su 'jug pa'o// /de gang zhe na/ de'i yul na 'dug pa'i rang bzhin nyid yin no/ / 'brel pa can de dag gi yul ni de'i yul lo/ /de'i yul na 'dug pa'i rang bzhin gang yin pa de ni de'i yul na 'dug pa'i rang bzhin nyid yin te/ de'i dngos po de bas na'o/ /gang zhig de dag dang 'brel pa can gyi rang bzhin de ni gdon mi za bar de dag gi yul na 'dug pa yin no/ / de bas ni spyi ni 'brel pa can de'i rjes su 'jug pa'i yul can de'i yul na 'dug pa yin no/ /bdag po ni ba lang dang rjes su 'brel pa can yin yang ba lang gi steng na mi 'dug pa'i rang bzhin ma yin nam/ de ji ltar na 'brel pa can yin pa'i phyir de'i yul nyid na 'dug pa yin zhe na/ gang na gang med pa zhes bya ba smos te/yul gang na gang med pa de ni de'i yul gang yin pa'i yul de la de'i rang gi ngo bo bdag nyid kyis khyab par byed pa ma yin no/ /'dir ni de dang ldan par ni 'du ba'i mtshan nyid kyi 'brel pa yin la/ de gnyis kyang yul tha dad pa ma yin pa kho na yin no/ /de bas na gang du gang 'du ba de ni des bdag gi ba'i ngo bor pang du blangs shing 'du ba can gyi ngo bo'i yul na bdag nyid gnas pas so//yul de'i ngo bo na gnas pa nyid de pang du blangs pa yin no/ /de ltar na de dang 'du ba yin no/ /de bas na rdzas gang la gang zhig 'du ba de ni de la bdag nyid kyis khyab pa dang ldan pa yin te/de'i yul na gnas pa yin no/ /de'i don ni 'di yin te/ de'i yul ni gnas pa'i dngos po la khyab pa de'i yul na yod pas khyab pa yin no/ /de'i yul na yod pa ma yin na ni de la khyab pa yang med pa'i phyir te/ khyab pa'i mtshan nyid kyi 'dug pa'i 'grel par yang mi 'gyur ba zhig na/khyab pa yang yod pa de bas de'i yul na 'dug pa kho na yin te/ 'di ni rang bzhin gyi gtan tshigs yin no/ /dpe tha ra'i sbyor ba bstan pa'i phyir/ sbyor ba gnyis pa yang zhes bya ba smos so/ /dmigs pa'i mtshan nyid du gyur pa gang zhig ces bya ba ni snang ba zhes bya ba'i don to//de bas na snang ba mi dmigs pa rjes su brjod nas/ de ni de na med de zhes bya ba ni tha snyad du bya ba med pa nyid bsgrub pa'o/ /de ltar na khyab par bya ba na snang ba mi dmigs pa yin la/ tha snyad du bya ba nyid ni khyab par byed pa yin par bstan to/ /dper na 'ga' zhig na bum pa med do zhes bya ba ni dpe'o//phyogs kyi chos nyid bstan pa'i phyir/ /gsal ba'i bar rnams la yang dmigs pa'i mtshan nyid du gyur pa mi dmigs so zhes bya ba smos te/ /gsal ba rnams kyi bar ni gsal ba'i bar yin no/ /gsal bas stong pa'i nam mkha' bzhin na//spyi snang ba yin yang gsal ba'i bar na rta la sogs pa'i gsal ba kha cig dang / stong pa nam mkha' la mi dmigs te/ de bas na de dag la med do zhes bya bar mngon no/ /mi dmigs pa 'di dang sngar smos pa'i rang bzhin ni phan tshun 'gal ba'i don gang yin pa de dag sgrub par byed pa'i phyir de gnyis chos can la gcig la the tshom skyed par byed do//don gcig la ni phan tshun 'gal ba'i rang ngo bor 'gyur ba mi rigs te/ 'di dag gcig gis ni gsal ba'i bar gsal bas stong pa'i nam mkha' na yod pa bsgrubs/ cig shos kyis ni de mi dmigs pas na med par bsgrub par gcig la dus gcig lhan cig tu yod pa dang med pa mi rigs te/de gnyis 'gal ba'i phyir ro/ /lung las grub pa'i phyir ni thams cad du song ba nyid dang thams cad du song ba ma yin pa nyid dang rjes su bsgrub pa de gnyis ni 'gal ba mi 'khrul pa can du gyur pa yin te/ 'di ltar ci gcig yin la/yul thams cad na gnas pa dang cig car mngon par 'brel pa dang / snang bar yang khas len to/ /de bas na 'brel pa can yin pa'i phyir thams cad du song ba nyid dang / snang ba yin pa'i phyir bar na mi dmigs pas na de thams cad du song ba ma yin pa nyid do/ /de bas na bstan bcos byed pas 'gal bas khyab pa ma mthong bar 'gal bas khyab par chos smra ba ni 'gal ba mi 'khrul pa'i go skabs 'byed pa yin gyi/dngos po la ni 'di mi srid do zhes bya bas gtan tshigs ltar snang ba ma bstan pa yin no/ /sgrub par byed pa'i yan lag yin pa'i phyir ji ltar gtan tshigs bstan cing de'i zhar la gtan tshigs snang ba yang bstan pa ma yin nam/de bzhin du sgrub par byed pa'i yan lag yin pa'i phyir dpe dang de'i zhar la dpe ltar snang ba bstan par bya ba ma yin no/ /de ci'i phyir mi bstan ce na/ smras pa// gtan tshigs kyi mtshan nyid gsum smos zin pas dpe des ci zhig bya/'on te de tsam gyis don khong du mi chud do zhe na/ de tsam gyis zhes bya ba smos te/ mtshan nyid bstan zin pa'i gtan tshigs de kho nas bsgrub par bya ba rtogs par 'gyur ba de'i phyir de kho na go bar byed pa yin no/ /de bas na de'i tshig kho na sgrub par byed pa yin gyi/ dpe zhes bya ba sgrub par byed pa'i yan lag ni logs shig na ci yang med do/ /gang gi phyir 'di yan lag ma yin pa de bas na dpe de'i mtshan nyid las logs shig tu ma brjod do/ /'o na gtan tshigs kyi dpe med na gtan tshigs khyab pa nges par ji ltar 'gyur zhe na/ gtan tshigs kyi dpe med do zhes mi zer ro//'on kyang gtan tshigs las logs shig na dpe zhes bya ba med de/ gtan tshigs nyid du dpe 'dus pa yin no/ /de bas na de'i mtshan nyid logs shig tu ma brjod do zhes smras kyi/ dpe'i mtshan nyid ni mi brjod do zhes de skad du ni ma smras so/ /ci ste de lta na tshig la mkho ba'i mtshan nyid kyang brjod par bya dgos pa kho na yin no zhe na/don go ba'i phyir ro zhes bya ba smos te/ go ba'i don ni dpe'i mtshan nyid gang la don te dgos pa'am brjod par bya ba go bar yod pa de la de skad ces bya'o/ /de'i dngos po ni de nyid de de bas na'o/ /dpe'i mtshan nyid bshad pa ni ji ltar dpe khong du chud par bya ba'i phyir yin la/dpe yang gtan tshigs kyi mtshan nyid kho nas khong du chud pa yin no/ /de bas na dpe'i mtshan nyid kyang dgos pa dpe rtogs pa gang yin pa de ni bgo ba ste/ grub pa'am brjod par bya ba dpe zhes bya ba yang go ba ste shes pa yin no/ /ji ltar de don go ba yin zhe na/smras pa/ 'bras bu dang rang bzhin dang mi dmigs pa rnams kyi gtan tshigs kyi tshul de dag spyir thun mong du bye brag med par bshad zin to zhes bya ba'i tha tshig go/ /de gang zhe na/ mthun pa'i phyogs la yod pa gang yin pa dang / mi mthun pa'i phyogs thams cad las ldog pa'i tshul gnyis po de ni bye brag med par bshad zin to//spyir bshad zin kyang rtogs par mi nus pas de bas na de nyid kyi bye brag gi mtha' brjod par bya dgos so/ /de bas na bye brag tu ni 'bras bu dang rang bzhin gnyis skye ba dang / de tsam gyi rjes su 'jug pa yin par bstan par bya ba bshad de/'bras bu ni skye bar shes na ni mthun pa'i phyogs kho na la yod pa dang / mi mthun pa'i phyogs thams cad las ldog pa yin par shes par 'gyur ro/ /rang bzhin ni de tsam gyi rjes su 'jug pa yin par bstan par bya ba bshad de/de zhes bya ba ni sgrub par byed pa'o/ /de nyid tsam yin te/ sgrub par byed pa tsam gyis rjes su 'jug pa rjes su 'gro ba ni sgrub par byed pa tsam yod na sgrub par byed pa yod pa yin la/ sgrub par byed pa yang gang gi tshe bsgrub par bya ba yod pa tsam nyid kyi de'i bdag nyid shes par 'gyur ba de'i tshe rang bzhin gyi gtan tshigs mthun pa'i phyogs kho na la yod pa dang /mi mthun pa'i phyogs thams cad las log par shes par 'gyur ro/ /de ltar na spyi'i mtshan nyid ni bye brag gi bdag nyid can du shes par bya'i/ gzhan du ni ma yin te/ de bas na bye brag gi mtshan nyid bshad do//ci ste de lta yin na/ des cir 'gyur zhe na/ de yang zhes bya ba smos te/ spyi'i mtshan nyid bstan par 'dod pas bye brag gi mtshan nyid ston par byed pa kho nas bstan par bya ba yin par sbyar ro/ /gang na du ba yod pa de na me yod la zhes bya ba ni 'bras bu'i gtan tshigs la khyab par bstan pa yin te/khyab pa yang rgyu dang 'bras bu'i dngos po bsgrub pa'i phyir tshad ma las nges pa yin no/ /de bas na dper na tshang bang lta bu'i zhes brjod par bya dgos so/ /me med na du ba yang med do zhes bya ba ni ldog pa bstan to/ /de yang dper na gzhan pa lta bu'i zhes bya bar bstan par bya dgos te/me log na du ba nges par ldog pa yin par bstan par bya dgos la/ de yang tshang bang las gzhan pa lta bu'i zhes bstan par bya'o/ /gang na byas pa nyid yod pa de na rtag pa nyid yod la zhes bya bas ni rang bzhin gyi gtan tshigs la khyab par bstan to/ /mi rtag pa nyid yin na byas pa yang mi srid de zhes bya bas ni ldog pa bstan to//khyab pa sgrub par byed pa'i tshad ma yang chos dang mthun pa'i dpe las bstan par bya ba yin la/ khyab par rab tu grub pa'i gtan tshigs kyang bsgrub par bya ba log na ldog par bstan par bya dgos so/ /de bas na gdon mi za bar de dper na/bum pa dang nam mkha' lta bu'o zhes bstan par bya ba yin no/ /de ltar ci'i phyir zhe na/ gzhan du na zhes bya ba smos te/ gang gi phyir gzhan du na spyi'i mtshan nyid kyi ngo bo mthun pa'i phyogs dag la yod pa dang med pa ji skad smos pa'i rnam pa dag ces bya ba mthun pa'i phyogs kho na la yod par nges pa dang mi mthun pa'i phyogs la med pa kho nar nges pa ji skad du smos pa'i rnam pa de dag bstan par mi nus so//bye brag gi mtshan nyid bstan nas ni ji skad smos pa'i rnam pa yod pa dang med pa nyid bstan pa yin no/ /bye brag gi mtshan nyid kyang gzhan du bstan par mi nus te/bsgrub par bya ba de'i 'bras bu ni de'i 'bras bu ste du ba'o/ /de'i dngos po ni de'i 'bras bu nyid do/ /de nyid nges pa yin te/ /'di ltar me la du ba ni de'i 'bras bu nyid du nges pa yin no/ /de'i 'bras bu nyid du nges pa bye brag gi mtshan nyid kyi ngo bo gang yin pa de ni gzhan du bstan par mi nus so//rang bzhin gyi rtags ni bsgrub par bya ba'i rang bzhin gyi khyad par/ yin pa'i bye brag gi mtshan nyid kyi ngo bo yang gzhan du bstan par mi nus so/ /'di ltar rgyu dang 'bras bu dang / de'i bdag nyid kyis dngos po tshang bang dang bum pa las shes par bya ba yin no//de bas na khyab pa sgrub par byed pa'i tshad mas ston par ni chos dang mthun pa'i dpe bstan par bya ba yin no/ /de'i 'bras bu nyid du rab tu bsgrub pa la ni rgyu'i dngos po med pa yin par rtogs par bya ba'i phyir chos dang mi mthun pa'i dpe bstan pa yin no/ /de nyid kyi phyir gdon mi za bar dngos po yang ma yin rgyu'i ngo bo med na 'bras bu'i ngo bo med pa ni dngos po'am dngos po ma yin pa yin no//de ltar na dngos po'am dngos po med pa chos dang mi mthun pa'i dper 'dod do/ /de bas na dpe med pa ni gtan tshigs kyi rjes su 'gro ba'am ldog pa bstan par mi nus so/ /de'i phyir na gtan tshigs kyi tshul bshad pa kho nas gtan tshigs la khyab pa sgrub par byed pa'i tshad ma ston par byed pa chos dang mthun pa'i dpe yin la/khyab par rab tu bsgrub pa'i gtan tshigs kyang grub pa med na med pa gang yin pa bstan pa'i phyir chos dang mi mthun pa'i dpe blang bar bya ba yin no zhes bstan pa yin no//don 'di bstan na dpe bstan pa kho na yin te/ khyab pa grub pa'i tshad ma ston pa dang ldog pa ston pa grub pa med na me blang bar bya ba'i don gang yin pa de'i don bstan pa na yang dpe bstan pa yin no/ /'di ga las she na bshad pa/ gang gi tshul de tsam du zad pa de'i dngos po ni de nyid de de bas na'o//dpe'i tshul ni de tsam du zad de/ 'di lta ste/ khyab pa sgrub par byed pa'i tshad mas ston pa nyid ces bya ba ni chos dang mthun pa'i dpe yin la/ khyab pa rab tu grub pa la yang bsgrub par bya ba log na ldog pa rab tu ston pa nyid yin te/ de yang gtan tshigs kyi ngo bo bshad pa kho nas bshad pa yin pas de'i mtshan nyid kyis ci zhig bya/gtan tshigs kyi tshul bshad pa las dpe'i de kho na nyid bstan pa 'dis ni dpe'i nyes pa dpe ltar snang ba yang bstan pa yin te/ 'di ltar sngar bshad pa grub par bya ba'i phyir dpe blangs pa yin yang rang gi 'bras bu sgrub par byed mi nus pa de ni dpe'i nyes pa yin no zhes shugs kyis bstan pa yin no//dper na zhes bya bas ni dpe ltar snang ba'i dpe dgod pa yin te/ sgra ni rtag pa yin te zhes bya ba ni sgra rtag pa nyid du bsgrub par bya ba yin no/ /lus can ma yin pa'i phyir zhes bya ba ni gtan tshigs so/ /las dang rdul phra rab dang bum pa bzhin no zhes bya ba de dag ni chos dang mthun pa'i dpe bstan pa yin no//de dag kyang bsgrub par bya ba dang / sgrub par byed pa'i chos dang / gnyi ga med pa'i dpe nyes pa yin no/ /bsgrub par bya ba med pa ni las te/ de mi rtag pa'i phyir ro/ /sgrub par byed pa med pa ni rdul phra rab yin te/rdul phra rab rnams lus can yin pa'i phyir ro/ /rdzas thams cad du song ba ma yin pa tshad ma yod pa ni lus can yin la/ thams cad du song ba ma yin pa dang / rdzas kyi rdul phra rab ni bye brag pa dag rtag par 'dod do/ /de bas na bsgrub par bya ba med pa ma yin no/ / bum pa ni gnyis ka med pa ma yin te/ bum pa mi rtag pa yin pa'i phyir dang lus can yin pa'i phyir ro/ /de bzhin du gang la bsgrub par bya ba'i chos la the tshom za ba de ni bsgrub par bya ba'i chos la the tshom za'o/ /de la sogs pa gang yin pa de dag la de skad ces bya ste/ bsgrub par bya ba'i chos la the tshom za ba dang /sgrub par byed pa'i chos la the tshom za ba dag gnyi ga la the tshom za'o/ /dper na zhes bya ba ni dpe 'god pa yin te/ 'dod chags la sogs pa dang ldan pa yin te zhes bya ba ni bsgrub par bya ba'o/ /smra ba'i phyir zhes bya ba ni gtan tshigs so/ /lam po che'i mi bzhin no zhes bya ba'i dpe la ni 'dod chags la sogs pa dang ldan pa nyid la the tshom za ba yin no//'di ni 'chi ba'i chos dang ldan pa yin pas 'chi ba'i chos can yin pa ni bsgrub par bya ba'o/ /mi 'di ni zhes bya ba ni chos can yin no/ /'dod chags la sogs pa dang ldan pa'i phyir zhes bya ba ni gtan tshigs te/lam po che'i mi bzhin no zhes bya ba ni dpe la yod pa the tshom za ba yin la/ bsgrub par bya ba 'chi ba'i chos can du nges pa yin no/ /thams cad mkhyen pa ma yin te zhes bya ba thams cad mkhyen pa ma yin pa nyid ni bsgrub par bya ba'o/ /'dod chags la sogs pa dang ldan pa'i phyir zhes bya ba ni gtan tshigs te/de gnyi ga yang lam po che'i mi'i dpe las thams cad mkhyen pa nyid dang / 'dod chags la sogs pa dang mi ldan pa yang yod pas the tshom za ba yin no/ /de bzhin du rjes su 'gro ba med pa zhes bya ba ni dpe gang la bsgrub par bya ba dang / sgrub par byed pa gnyis srid pa tsam du snang ba la/sgrub par byed pas khyab pa ma yin pa'i gtan tshigs de ni rjes su 'gro ba med pa zhes bya'o/ /rjes su 'go ba rab tu ma bstan pa ni dpe gang la rjes su 'gro ba yod kyang smra ba pos ma bstan pa de ni rjes su 'gro ba ma bstan pa yin no/ /dper na zhes bya ba ni rjes su 'gro ba med pa'i dpe dgod pa yin no//gang smras pa de ni zhes bya bas smras pa nyid rjes su brjod nas 'dod chags la sogs pa dang ldan pa nyid bsgrub par bya ba'o/ /de bas na smra ba nyid 'dod chags la sogs pa dang ldan pa nges pa na khyab pa bstan pa yin no/ /'dod pa'i mi bzhin no zhes bya ba la 'dod pa'i sgras slar rgol ba yang gzung bar bya'o//des na 'dod pa'i mi la smra ba nyid dang / 'dod chags la sogs pa dang ldan pa gnyis yod pa tsam du ni grub na khyab pa ma grub ste/ des na rjes su 'gro ba med pa'i dpe yin no/ /sgra mi rtag pa ste zhes bya ba ni mi rtag pa nyid ni bsgrub par bya ba'o//byas pa'i phyir zhes bya ba ni gtan tshigs so// /bum pa bzhin no zhes bya ba ni dpe 'di la rjes su 'gro ba ma bstan pa yin no/ /'dir byas pa nyid du bum pa dang sgra 'dra mod kyi/ 'on kyang mi rtag pa'i sgo nas 'dra bar ni rtogs par mi nus te/ha cang thal bar 'gyur ba'i phyir ro/ /ci ste byas pa nyid mi rtag pa'i ngo bo yin par shes par gyur na ni de lta na ni byas pa yin pa'i phyir mi rtag par rtogs par 'gyur te/ de bas na gang byas pa de ni mi rtag pa yin no zhes bya ba nyid mi rtag pa nyid la sogs pa brjod nas nges pa bsgrub pa'i phyir rjes su 'gro ba'i tshig gi don rtogs par bya ba'i yul dper blangs pa yin la/don de yang rjes su 'gro ba bstan pa nyid yin no/ /'dis ni rjes su 'gro ba'i tshig ma smras pa kho nar dper blangs pa yin no/ /'di 'dra ba ni chos dang mthun pa tsam kho nar nye bar sbyar ba yin la/ chos dang mthun pas ni bsgrub par bya ba mi 'grub bo//de bas na rjes su 'gro ba'i don dang ldan pa dpe yin la/ don de yang 'dir ma blangs la/ chos dang mthun pa'i don blangs pa nye bar mkho ba ma yin te/ de bas 'di smra ba pos nyes pa'i phyir dpe'i nyes pa yin no/ /smra ba pos ni 'dir gzhan la khong du chud par bya ba yin no//de bas na ci ste dngos po la skyon med mod kyi/ 'on kyang smra ba pos nyes par bstan pa yin pas nyes pa nyid yin no/ /de bzhin du dpe gang las rjes su 'gro ba phyin ci log yod pa de la de skad ces bya'o/ /gang mi rtag pa de ni byas pa'o zhes bya ba ni de nyid kyi dpe dgod pa byas pa nyid kyi dpe rtag pa nges par ni dpe bstan par bya ba yin te/de lta na ni byas pa'i phyir mi rtag pa khong du chud par 'gyur ba zhig na 'dir ni mi rtag pa la byas pa nyid nges par yod par bstan pas byas pa nyid du mi rtag pa la nges pa kho na yin no/ /de bas na byas pa nyid mi rtag pa nyid la nges par yod pa ma yin par bstan pa ci 'dra ba de 'dra bas ni mi rtag pa khong du chud pa med do//de ltar gang mi rtag pa zhes bya bas mi rtag pa rjes su brjod nas/ da ni byas pa po zhes bya bas byas pa nyid bsgrub pa'o/ /de bas na mi rtag pa nyid byas pa la nges par yod par bstan gyi/byas pa nyid ni mi rtag pa la ma bstan to/ /de ltar dper na mi rtag pa nyid ni brtsal ma thag tu byung ba nyid la nges par yod pa ma yin pas brtsal ma thag tu byung ba nyid rtogs par byed pa ma yin pa de bzhin du byas pa nyid las mi rtag pa nyid khong du chud par mi 'gyur te/ mi rtag pa yin pa'i phyir byas pa nyid yin par 'gyur ro//byas pa nyid ni dngos po gnas pa'i mi rtag pa nyid la nges par yod pa yin mod kyi/ 'on kyang smra bas nges par yod pa ma yin par bstan pa de bas na rang skyon can ma yin yang smra bas nyes ba'i phyir skyon yin no/ /de bas na rjes su 'gro ba phyin ci log kyang rjes su dpag pa la smra ba po'i nyes pa las yin gyi/dngos po'i ni ma yin te/ gzhan gyi don gyi rjes su dpag pa la ni smra ba po nyes pa yang bsam par byed pa yin pa'i phyir ro/ /chos mthun pa'i dpe'i nyes pa rnam pa dgu bstan nas chos mi mthun pa'i dpe'i nyes pa rnam pa dgu bstan pa'i phyir smras pa/sgra rtag pa nyid du bsgrub par bya zhing lus can ma yin pa gtan tshigs su bya ba la/ chos mi mthun pa'i dpe rdul phra rab ni bsgrub par bya ba ldog pa med pa yin te/ rdul phra rab rnams ni rtag pa'i phyir ro/ /las kyi sgrub par byed pa'i ldog pa med pa yin te/ las rnams lus can ma yin pa'i phyir ro//nam mkha' ni gnyi ga log pa med pa yin te/ rtag pa yin pa'i phyir dang / lus can ma yin pa'i phyir ro/ /bsgrub par bya ba la sogs pa gang dag yin pa de dag bsgrub par bya ba la sogs pa ste/ bsgrub par bya ba dang / sgrub par byed pa gnyi ga'o/ /de dag ldog pa yod pa ma yin pa ste/de gang dag la yod pa de dag ni bsgrub par bya ba la sogs pa ldog pa med pa can no/ /de'i dpe bstan zin to/ /dpe gzhan yang bstan pa'i phyir de bzhin du zhes bya ba smos te/ bsgrub par bya ba ldog pa ni bsgrub par bya ba ldog pa ste/ gang du bsgrub par bya ba ldog pa la the tshom za ba de ni bsgrub par bya ba ldog pa la the tshom za ba yin no//de la sogs pa gang dag yin pa de la de skad ces bya'o/ /bsgrub par bya ba ldog pa la the tshom za ba'i dper bya ba'i phyir/ dper na zhes bya ba smos te/ thams cad mkhyen pa ma yin no zhes bya ba ni bsgrub par bya ba gcig go//yid ches pa ma yin no zhes bya ba nyes pa ma zad do zhes bya ba bsgrub par bya ba gnyis pa'o/ /ser skya la sogs pa zhes bya ba ni chos can no/ /thams cad mkhyen pa dang 'dod chags dang bral ba'i zhes bya ba la sogs pa ni gtan tshigs yin te/ thams cad mkhyen pa dang yid ches pa de gnyis kyi rtags su gyur pa'i tshad ma phul du phyin pa ni rtags kyi bdag nyid tshad ma'i bye brag go//gang la yang thams cad mkhyen pa dang yid ches pa'i rtags su gyur pa tshad ma phul du phyin pa yod pa bstan pa de la de skad ces bya'o/ /de 'dra ba'i bstan pa gang dag gi dngos po ni de nyid de bas na'o//tshad ma phul du phyin pa ni 'dir skar ma'i shes pa'i man ngag la bsams te/ ser skya la sogs pa ci ste thams cad mkhyen pa'am yid ches pa yin na ni de'i tshe skar ma shes pa la sogs pa yang ci'i phyir ma bstan/ ma bstan pa de bas na thams cad mkhyen pa'am/ yid ches pa ma yin no//tshad ma 'dir ni chos mi mthun pa'i dpe ni/ gang zhig thams cad mkhyen pa'am yid ches pa de ni skar ma shes pa la sogs pa thams cad mkhyen pa'am yid ches pa'i rtags su gyur par bstan te/ dper na khyu mchog dang ldong ris dang de smra ba gang yin pa khyu mchog dang ldong ris la sogs pa ste/nam mkha'i gos can la sogs pa'i ston pa ni thams cad mkhyen pa dang yid ches pa yin no/ /de la 'dir chos dang mi mthun pa'i dpe khyu mchog dang ldong ris la sogs pa ni thams cad mkhyen pa ma yin pa dang yid ches pa ma yin pa nyid ldog pa the tshom za ba yin te/ 'di ltar skar ma shes pa yang ston la/thams cad mkhyen pa yang ma yin pa'am yid ches pa ma yin par 'gyur mod/ 'di la 'gal ba ci yod/ shes pa 'di ni ltas can 'khrul pa yin te/ thams cad mkhyen pa nyid rjes su dpog par byed par mi rung ngo / /gang du bsgrub par bya ba ldog pa la the tshom za ba yod pa de la de skad ces bya'o//dper na zhes bya ba ni de'i dpe'o/ /nges brngod kyi rig byed dang snyan dngags kyi rig byed dang / mchod sbyin can rnams kyi rig byed gsum ni gsum ste/ de rtogs pa ni gsum rig pa'o/ /brjod par 'dod pa'i ser skya la sogs pa gang la des gzung bar bya ba ma yin pa'i tshig yod pa ste/bsgrub par bya ba'o/ /'dod chags la sogs pa dang ldan pa'i phyir ro zhes bya ba ni gtan tshigs so/ /'dis chos mi mthun pa'i dpes gang la bsgrub par bya ba med pas khyab pa ston pa de ni chos mi mthun pa'i dpe yin no/ /gang dag yin pa gzung bar bya ba yod pa de ni tshig gzung bar bya ba zhes bya ba ste/bsgrub par bya ba la log par rjes su brjod nas/ de ni 'dod chags la sogs pa dang mi ldan pa ste zhes bya bas ni sgrub par byed pa med pa sgrub pa'o/ /gau ta ma la sogs pa gang dag yin pa de la 'di skad ces bya ste/ drang srong yid ches byung ba la sogs pa chos kyi bstan bcos dran pa de dag ni byed pa po yin te/gsum rig pa'i bram zes tshig gzung bar bya zhing bstan bcos byed pa yang yin te/ 'dod chags dang bral ba yang de yin no zhes bya ba gau ta ma la sogs pa'i chos can ni ldog pa'i yul yin no/ /gau ta ma la sogs pa las sgrub pa'i chos 'dod chags la sogs pa dang ldan pa ldog pa la the tshom za ba yin te/de dag gis tshig gzung bar byed pa yin zhing gsum rig pa yin yang 'on kyang ci de dag ci 'dod dang bcas pa yin nam/ 'on te 'dod chags dang bral ba yin zhes the tshom za'o/ /gang la gnyi ga ldog pa la the tshom za ba yod pa de la de skad ces bya'o//dper na zhes bya ba ni dpe'o/ /'dod chags dang bral ba ma yin no zhes bya ba 'dod chags dang ldan pa nyid ni bsgrub par bya ba'o/ /ser skya la sogs pa ni chos can no/ /yongs su 'dzin pa ni thob pa thog ma kho na bdag gir byed pa'o/ /bdag gir byas pa'i rjes la zhen pa'i ser skya gang yin pa de ni kun du 'dzin pa ste/yongs su 'dzin cing kun du 'dzin pa de gnyis dang ldan pa'i phyir ro/ /ser skya la sogs pa thob pa rnams bdag gir byed pa la/ bdag gir byas pa rnams mi gtong bas de 'dod chags la sogs pa dang ldan par mngon no//tshad ma 'di chos dang mi mthun pa'i dpe ni gang du bsgrub par bya ba med na sgrub par byed pa med par bstan par bya ste/ gang zhig 'dod chags dang bral ba de ni bsgrub par bya ba med par rjes su brjod nas/ de ni yongs su 'dzin pa dang kun du 'dzin pa med de zhes bya ba ni sgrub par byed pa med par sgrub pa'o//dper na khyu mchog la sogs pa lta bu ste zhes bya ba ni dpe'o/ /bsgrub par bya ba ste/ 'dod chags dang bral ba ma yin pa nyid dang / sgrub par byed pa ste/ yongs su 'dzin pa dang / kun du 'dzin pa dang / khyu mchog la sogs pa'i dpe de dag las ldog pa la the tshom za ba yin te/khyu mchog la sogs pa ni yongs su 'dzin cing kun du 'dzin pa dang mi ldan par yang the tshom za ba yin la/ 'dod chags dang bral ba yang the tshom za ba yin te/ khyed kyi gzhung gis 'dod chags dang bral ba dang / yongs su 'dzin pa med par 'byung mod kyi/ 'on kyang the tshom za ba kho na yin no/ /gzhan yang dpe gsum pa bstan pa'i phyir/ gang la ldog pa med pa de ni ldog pa med pa'o/ /'dod chags dang bral ba ma yin no zhes bya ba 'dod chags la sogs pa dang ldan pa nyid ni bsgrub par bya ba'o/ / smra ba'i phyir zhes bya ba ni gtan tshigs so/ /'dir ldog pa bstan pa ni gang la 'dod chags dang ma bral ba nyid med pa zhes bya bas bsgrub par bya ba med par rjes su brjod na de ni smra ba ma yin te zhes bya ba ni bsgrub par bya ba med pa sgrub ste/ de bas na sgrub par byed pa med pas ni bsgrub par bya ba med pa la khyab pa bstan to//rdo'i dum bu bzhin no zhes bya ba ni dpe'o/ /'di ji ltar ldog pa med pa yin zhe na/ rdo'i dum bu las ji tsam gnyi ga ldog pa de'i phyir ro/ /ci gal te rdo'i dum bu las 'dod chags dang bcas pa nyid dang smra ba nyid gnyi ga log pa yin mod kyi/ 'on kyang khyab pa ldog pa gang yin pa de ma grub pa'i phyir 'di ni ldog pa med pa yin no/ /khyab pa yang ci 'dra ba zhig ce na/ 'dod chags dang bral ba thams cad ces bya ba smos te/ bsgrub par bya ba med par brjod nas smra ba ma yin no zhes bya bas sgrub par byed pa med par ston pa yin no/ / de bas na bsgrub par bya ba med pa ni sgrub par byed pa med pa las nges par bstan pa yin te/ 'di 'dra ba ni khyab pa yin no/ /des na ldog pa de ma grub pa'i don 'di grub par bya ba'i phyir dpe yin na/ de ni rang gi bya ba mi byed pa'i phyir dpe'i nyes pa yin no/ /gang du ldog pa rab tu ma bstan pa de la de skad ces bya'o//sgra mi rtag ste zhes bya ba ni mi rtag pa nyid ni bsgrub par bya ba'o/ /byas pa'i phyir zhes bya ba ni gtan tshigs so/ /nam mkha' bzhin no zhes bya ba ni chos dang mi mthun pa'i dpe yin no/ /'dir gzhan gyi don gyi rjes su dpag pa'i tshe gzhan la don de khong du chud par bya ba yin la/de rang dag tu zin kyang ci ste pha rol pos ma dag par brjod pa ste/ de ni ji ltar brjod pa de ltar ni rigs pa ma yin la/ ji ltar rigs pa de ltar ni ma brjod kyi gtan tshigs ni brjod de/ de bas na gzhan gyi rjes su dpag pa la smras pas nyes pa'i phyir gtan tshigs sam dpe'i nyes pa yang yin no//'dra ba dang mi 'dra ba las bsgrub par bya ba khong du chud pa ma yin mod kyi/ 'on kyang bsgrub par bya ba nges pa'i gtan tshigs yin no/ /de bas na bsgrub par bya ba nges pa'i gtan tshigs ni rjes su 'gro ba ldog pa'i tshig gis brjod par bya'o/ /de ltar ma yin na khong du chud par byed pa'i smras pa ma yin no//de de bzhin du bstan pa ni dpe'i sgo nas bstan par bya'o/ /de bas na dpe zhes bya ba ni rjes su 'gro ba dang ldog pa'i tshig gi don bstan pa yin no/ /'dir ni ldog pa'i tshig ma sbyar bas de bas na chos dang mi mthun pa'i dpe smras pa/ mi 'dra ba tsam gyi sgo nas grub par byed pa bstan pa de lta bu ni sgrub par byed pa ma yin no/ /ldog pa yul gyi sgo nas ni sgrub par byed pa yin la/ de bzhin du ni ma bstan to/ /de bas na ldog pa bstan pa yin te/ smra ba po'i skyon gyis nyes pa yin no/ /gang gi tshe bsgrub par bya ba yin pa de'i tshe bsgrub par bya ba med pa sgrub par byed pa med pa la nges pa ni ldog pa'i tshig las bstan par bya ba yin no//de ltar na ni gtan tshigs las bsgrub par bya ba'i nges pa bstan pa yin no/ /ci ste bsgrub par bya ba med pa ni sgrub par byed pa med pa la nges pa yin par ma bstan na ni sgrub par byed pa yod du zin kyang bsgrub par bya ba med pa yin par srid par 'gyur ro//de lta na ni sgrub par byed pa la bsgrub par bya ba nges pa yin par grags par mi 'gyur ro/ /de bas na bsgrub par bya ba med pa ni sgrub par byed pa med pa la nges pa yin par brjod par bya dgos so/ /ldog pa phyin ci log ni sgrub par byed pa med pa la nges par bstan gyi/bsgrub par bya ba med pa ni sgrub par byed pa med pa nges pa yin par ma bstan no/ /'di ltar gang ma byas pa zhes bya bas sgrub par byed pa med pa rjes su brjod nas/ de ni rtag pa ste zhes bya bas bsgrub par bya ba med pa bstan to/ / de bas na don 'di yin te/ ma byas pa ni rtag pa kho na yin la/ de lta yin gyi ma byas pa nyid ni rtag pa nyid bsgrub par bya ba med pa la nges pa yin pa bstan gyi/ rtag pa nyid sgrub par byed pa med pa la ma yin no/ /de bas na bsgrub par bya ba nges pa'i gtan tshigs ldog pa'i tshig smras pa yin no//de lta bu ldog pa'i phyin ci log kyang smra ba pos nyes pa'i phyir nyes pa yin no/ /dpe'i skyon gyi dpe bstan nas/ nyes pa nyid kyi rgyu bstan pa'i phyir/ dpe ltar snang ba dag gis zhes bya ba smos te/ bsgrub par bya ba nges pa'i gtan tshigs bstan par bya ba'i phyir dpe brjod par bya ba yin na/de dag gis ni gtan tshigs spyi'i mtshan nyid gang yin pa mthun pa'i phyogs nyid la yod pa dang mi mthun pa'i phyogs thams cad la med pa de nges par bstan mi nus so/ /spyi'i mtshan nyid ni bye brag rtogs pa nyid kyis khong du chud par bya ba yin/ rang gi ni ma yin nam zhe na/ bye brag gi mtshan nyid ces bya ba smos te/ci ste bye brag gi mtshan nyid khong du chud par nus pa ni ci'i mtshan nyid kyang rtogs par 'gyur na/ bye brag gi mtshan nyid kyang de dag gis rtogs par mi nus so/ /de bas na don gyi dbang gi shugs kyis de dag gsal bar rig par bya ste/ bsgrub par bya ba nges pa'i sgrub par byed pa grags pa blang bar bya ba yin na/de mi nus pa'i phyir nyes pa yin te/ rang gi bya ba mi byed pa'i phyir ro/ /nus pa 'di tsam gyis sgrub par byed pa med par smras zin to/ /sun 'byin pa bstan pa'i phyir/ sun 'byin pa lta ba ni ma tshang ba nyid la sogs pa'i smras pa zhes bya ba smos te/smras pa 'dis brjod par bya ba'i phyir tshig la smras pa zhes bya'o/ /ma tshang ba nyid la sogs pa'i tshig sun 'byin pa yin par bshad pa'i phyir/ gang sngar zhes bya ba smos te/ ma tshang ba dang / ma grub pa dang / 'gal ba dang / ma nges pa bstan pa de dag brjod pa'i tshig gang yin pa de dag ni sun 'byin pa yin no//ma tshang ba nyid la sogs pa'i phyin ci log tu sgrub par mi byed pa ma yin nam/ de ji ltar sun 'byin pa yin zhe na/ smras pa ma tshang ba nyid la sogs pa'i pha rol po'i 'dod pa yang yin la/ don kyang yin pa des nges par grub pa la gegs byed pa'i phyir ro//'gal ba bzhin du gdon mi za bar phyin ci log tu bsgrub pa kho na'i phyir sun 'byin pa yang ma yin gyi/ 'on kyang pha rol po'i 'dod pa nges pa la gegs byed pa'i phyir ram/ nges pa med par byed pa yang yin te/ nges pa phyin ci log tu grub pa nyid kyang yod do//sun 'byin pa smras zin to/ /sun 'byin pa ltar snang ba ni sun 'byin pa bzhin du snang bas na sun 'byin pa ltar snang ba'o/ /de dag kyang gang zhe na/ ltag chod do zhes bya ba'o/ /ltag chod kyi sgra ni lan dang 'dra ba la ltag chod ces bya ba ste/ lan gyi gnas su rab tu sbyar ba'i phyir lan dang 'dra ba ni ltag chod yin no//lan dang 'dra ba de nyid lan gyi gnas su rab tu sbyar ba nyid du bstan pa'i phyir/ yang dag pa ma yin pa mi bden pa'i skyon brjod pa zhes bya ba smos te/ tshig 'dis brjod pas na brjod pa'o/ /de ni lan yin te/ lan dang 'dra ba'i ltag chod ni ltag chod rnams yin no//rigs pa'i thigs pa'i tshig gi dngos po cung zad bshad pa yis/ /zla nyi lta bu'i dge ba dri med bdag gis gang thob pa/ /ye shes chos mchog gang yin rga med go 'phang 'thob gyur nas/ /de phyir bdag ni 'gro la phan pa 'ba' zhig byed par shog/ /mkhas pa rnams kyis yongs rtsis na//tshig bcad rnams ni tshig stong dang / /de bzhin brgya phrag bzhi dag dang / /bdun cu rtsa bdun rab tu ldan/ /rigs pa'i thigs pa zhes bya ba'i rab tu byed pa'i rgya cher 'grel pa slob dpon chos mchog gis mdzad pa rdzogs so// //rgya gar gyi mkhan po dz+nyA na gar+b+ha dang /zhu chen gyi lo tsA ba dge slong d+harma A lo kas bsgyur cing zhus te gtan la phab pa/ rgya gar gyi mkhan po su ma ti kI rti dang / bod kyi lo tsA ba dge slong blo ldan shes rab kyis slad kyi yul dbus kyi dpe dang gtugs te legs par bsgyur cing zhus te gtan la phab pa'o/