| བོད་ཡིག |
93a1 rgya'i dpe la rigs pa la 'jug pa zhes snang / deng sang bod rnams rigs pa'i sgo zhes grags so//[# @#/ /rgya gar skad du/ he tu tsakra ha mAr+tha / bod skad du/ gtan tshigs kyi 'khor lo gtan la dbab pa/ 'jam dpal gzhon nur gyur pa la phyag 'tshal
93a2 lo//'khrul pa'i dra ba 'joms mdzad pa'i/ /thams cad mkhyen la phyag 'tshal nas/ /gtan tshigs tshul gsum 'khor lo yi/ /gtan la dbab pa bshad par bya/ /rjes su dpag par bya ba la/ /yod dang med dang gnyis ka yi/ /yod pa la ni yang dag ste/ /med dang gnyis ka ma grub
93a3 yin//the tshom gnyis te ma grub bzhin/ /ma grub sbyar ba de bzhin du/ /mthun pa'i phyogs la yod pa dang / /med pa de bzhin gnyis ka dang / /mi mthun phyogs la de bzhin no/ /gsum la rnam pa gsum gsum ste / /steng 'og gnyis la yang dag go /logs la 'gal ba gnyis
93a4 yin te//zur bzhi thun mong ma nges bzhin / /dbus na thun mong ma yin pa'o/ /gzhal bya byas dang mi rtag dang / /byas dang mnyan bya rtsol byung dang / /mi rtag rtsol byung lus can min / /rtag dang mi rtag rtsol byung dang / /rtag dang rtag dang rtag pa dang / /rtsol byung min dang mi rtag dang / /rtag pa la ni sgrub pa bkod/ /steng 'og
93a5 mi mthun logs dang sbyar//yang dag gtan tshigs gnyis yin no/ /logs dang mi mthun steng 'og sbyar/ /'gal ba'i gtan tshigs gnyis yin no/ /zur bzhi tha dad snol mar sbyar/ /thun mong ma nges rnam pa bzhi/ /logs gnyis thad kar sbyar bas ni / /thun mong ma yin ma nges pa'o/ /gtan tshigs
93a6 'khrul 'khor rnam dgu yis//dpe yi rnam pa 'di lta ste/ /nam mkha' bum dang bum mkha' dang / /bum pa glog dang nam mkha' bzhin/ /mkha' dang bum pa glog bzhin dang / /glog dang nam mkha' bum bzhin dang / /bum dang glog dang mkha' bzhin dang / /nam mkha' rdul phran las bum bzhin/ /de ni nges pa'i dbang
93a7 byas yin//the tshom za ba'i lugs la ni/ /yod dang med dang yod med dang / /phyogs gcig mtha' dag sbyor bas so/ /phyogs chos dgu'i 'khor lo slob dpon phyogs kyi glang pos mdzad pa rdzogs so// //za hor gyi mkhas pa bo d+hi satwa dang / dge slong d+ha rma A lo kas bsgyur cing zhus te gtan la phab pa'o// //