CLOSE WINDOW

D4195
བོད་ཡིག

bod btsun rnams la brdzangs pa'i spring yig go//[ ]@/ /dad skyed sgron ma bzhugs so// @##/ /sems can dam pa'i chos la dad pa skyed mdzad pa'i/ /dad pa skyed mdzad bla ma dam pa dang / /mos pas yon tan 'byung ba'i dkon mchog la//bdag nyid gus pas de la phyag 'tshal lo/ /zhe sdang me yis rang gi rgyud bsregs shing / /gti mug mun pas shes rab dmigs bu ljongs/ /'khor ba'i g.yang sar lhung bas sdug bsngal rgyun mi 'chad/ /'khor ba'i btson rar bzung zhing lcags bcug pa'i//ma 'ongs skye bo'i don du bdag gis brtsam par bya/ /bdag gi rgyud la legs par tshur bltas bas/ /mi lus 'di ni shin tu thob par dka'/ /gyang ngos sran ma gtor ba gcig chags srid/ /thams cad sa la ltung nas song ba ltar/ /mi lus thob dka' sems can grangs la ltos//rgya mtsho gcig nas gnya' shing bug pa dang / /rus sbal phrad pa bas kyang dud 'gro nas/ /mi nyid ches thob dka' bas mi dbang gis/ /dam chos spyad pas de 'bras mchis par mdzod/ /sbyin nor 'dra ba'i mi lus 'di thob tshe/ /'di la phan pa'i thar pa ma bsgrubs par//phyis ni dal 'byor phun sum tshogs pa 'di/ /thob par dka' ba'i tshe 'di chung ma gsan/ /'jig rten spyod pa dag la phar bltas pas/ /thar la mi mos sdig la dga' ba skye / /mtho la phrag dog mnyam la 'gran sems byed/ /dma' la nga rgyal bstod na dregs pa skye //mi snyan brjod na khong nas 'khrug par 'gyur/ /rang don thar pa rgyab tu bor byas nas/ /'khrul don bu dang nor la bdag tu 'dzin/ /skyabs pa'i chos bzhag thar pa'i lam sna bor/ /sdug pa'i mi chos glen pa'i bu nor sog /ji tsam sdig pa bsdos nas nor bsags kyang //sdig pa'i rnam smin rmongs pa bdag nyid 'khur/ /bsags pa'i nor ni kho bdag bu tsha khyer/ /ro dang mtshungs kyang bdag nyid bzang por 'dzin/ /'khor ba'i btson rar tshud kyang 'bros bsam med/ /phyi na rten med zas nor bu la chags/ / dad ldan pha ma'i gdung sems rtsad nas bral/ /bdag ni stobs bzad gzhan ni dregs pa 'joms/ /gzhan gyi nor dang rdzas la chags pa skye/ /ma bcol gzhan la gnod pa'i kha gtogs zer/ /nyan bshad dus na bsam pa logs su gtong / /dkon mchog mthong na skyon med gshe tshig smra//sems can mthong na zhe sdang gsod sems skye/ /'di la skyid na phyi ma sdug mod zer/ /de dang ldan pa'i sems can skye bo de/ /mi lus chud gsan ad tsa snying re rje/ /gling mchog bzhi na 'dzam gling 'dir skye dka'/ /'di na sems can grangs mang gnas pa la/ / mi lus 'di ni shin tu thob dka' na/ /'on long zha bor gyur kyang chos spyod dka'/ /sgro skur med pa'i lus thob gzhon pa'i tshe/ /dam chos mi spyod mi lus chud re gsan/ /gang zhig gser snod rin chen spras pa yis/ /ngan skyugs 'phyag par byed pa de bas kyang / /gang zhig mi ru skyes nas sdig pa dag /byed pa de dag rab tu blun pa lags/ /na dang rga dang 'chi ba'i dus byung na/ /mi lus chud gsan 'gyod kyang phan pa med/ /dper na zon med dgra phyogs phyin pa'i tshe/ /dgra yis zin nas 'gyod pa'i 'bras sems skye / /skyes kyang phan med bdag gis mi thar na//de 'dra de bas chos la 'bad par rigs/ /phyis 'jigs dogs nas sngon du mkhar dpe rtsig /phyi ma ngan song 'jigs nas sngon du spyod/ /lo dus su ni dar cig mi sdod na/ /nam la yod de tshe la long med do/ /lo zlas 'das shing 'chi dang phar phar nye/ /rang gi tshe ni gad kha'i shing pu 'dra//'chi bdag bdud ni gad rtsi'i chu bo 'dra/ /skye rga na 'chi rang thag re mos 'dra/ /mi rtag 'gyur ba dbyar dgun ston dpyid 'dra/ /snga ma shi ba'i mi rnams kun gyis kyang / /rtag tu re zhing bu dang nor bsags kyang / /bu nor phyir lus bdag la phan pa med/ rang nyid dge sdig gnyis dang sbrags nas 'gro/ /nor dang rdzas ni shing ga'i bye'u chung 'dra/ /mi rtag nges kyis chags sems gnyen pos chod/ /skyid sdug mi rtag kha song di ring 'dra/ /chos la 'gro bar chas tshe gnyen 'dun tshogs/ /yon tan brjod cing mi chos bya dgos zer/ /nor gyis brid cing de yi bar du gcod//dug bum thogs nas gtor du 'ongs dang mtshungs/ /bdag la bya snyam gnyen 'dun smra ba nyan/ /bde ba bkag nas g.yang sar gtong dang mtshungs/ /'khor ba'i bu tsha dug gi me tog 'dra/ /mthong na dga' ste ngan song rgyu sogs yin/ /bdag nyid 'chi bdag bdud kyis bslus pa'i tshe//mal gyi tha mar nyal nas lus gdungs te/ /zas kyi tha ma skyug kyang dur brgyags snyod / /pha ma gnyen 'dun rnams kyis mtha' bskor te/ /de tshe rang la ci yis phan sems dang / /shags kyis mi lo dpa' bos 'thab tu med/ /mkhar gyis mi thub nor gyis slu ru med//gnyen gyis mi phan sdar ma 'bros su med/ /zug gzer che yang gnyen 'dun bskor mi btub/ /gson tshe byams kyang shi nas 'jigs nas 'bros/ /yul mkhar bor nas rang shong gcig tu skyel/ /gnyen 'dun bor nas bdag rang gcig pu 'khyam //bdag la byams kyang phyi nas 'ong ba med/ /de 'dra'i gnyen rtsa dgos kyi rdul bzhin spongs/ /byang sems myu gus rtsad nas ma bsregs par/ /byang chub mchog gi sems de rtag tu zung / /byang chub sems bskyed gyur na skad cig gis/ /'khor ba'i btson rar bsdams pa'i nyam thag rnams//bde gshegs sras su dgongs te byin gyis rlobs/ /sems can mi bde bsal bar 'dod pa dang / /'khor bar gnas dang bral bar 'dod pa rnams/ /byang chub mchog gi sems 'di rtag tu bskyed/ /'phags pa'i gdams dag don chen 'di lags te/ / khyod kyis thugs dul mdzod cig bcom ldan gyis/ /byang sems chos kyi rtsa ba lags par gsungs/ /khengs grags dge ba bsod nams 'bras bu bzhin/ /bden par spyad kyang zad par 'gyur ba yin/ /sems bskyed pa yi yon tan rtag par yang / /'bras bu 'byin cing mi zad 'phel ba yin//sdig pa'i phung po ri rab tsam yod kyang / /sems bskyed tsam gyis de dag zhi nus na/ /de la bag can rnams kyis cis mi rten / /des ni dus mtha'i me bzhin sdig chen rnams/ /skad cig gcig gis de dag bsreg par nus/ /de phyir bdag gis sems bskyed g.yo ba dang / / smon dang 'jug pa gnyis kyis sems bskyed de/ /mi ldog rtse gcig pa yi dad pa yis/ /byang chub sems de rtag tu gzung bar bya/ /de nas le lo gnyid kyi dbang song bas/ /sems bskyed brjed kyang bsod nams shugs la 'phel/ /rgyun mi 'chad pa'i chu bo'i gzhung dang mtshungs/ /nam yang 'byung ste yon tan brjod mi lang //sems bskyed dad pas dam chos sgor zhugs pa'i/ /skyes bu dam pas man ngag 'di ltar zung / /mi khom gnas su skyes na chos spyad dka'/ /rang la dbang yod bzhin du dbang med zer/ /bdud kyis mngon bslus rang nyid phung bar 'gyur/ /thar pa bdag la rag las 'di la ni//gzhan gyis ci yang grogs bgyir ma mchis kyis/ /mi lus thob tshe dal gyis spyad par rigs/ /bde sdug zin pa med kyis dam chos spyod/ /'jig rten longs spyod sus za cha med kyis/ /sngun na sdod kyi son ma 'bad par rigs/ /gal te mi lus thob nas gzhon pa'i tshe//'jig rten dga' ba'i ca co sogs bor la/ /gzhon pa'i tshe ni dam chos dang du long / /bu tsha snying sdug 'khor ba'i rtod phur yin/ /bu tsha bden par 'dzin pa'i rmongs pa 'ga'/ /lus la shig za bya ra mig gis byas/ /sor mo'i rgya ba bkye nas gshed mas gsad //rnam smin gdong na sdod de phyi mar smin/ /sdug bsngal myong tshe bu yis bdag mi phan/ /khyod kyis dge slong bram ze lha dang ni/ /mgron dang yab yum sras dang btsun mo dang / /'khor gyi slad du sdig pa mi bgyi ste / /dmyal ba'i sdug bsngal bskal 'dod 'ga' ma mchis// de phyir bu la ma chags chos la 'bod/ /gzhon tshe dam pa'i chos la ma 'bad na/ /rgas nas nyan 'dod rna bas sgra mi thos/ /shes rab bying bas blo la rtogs pa dka'/ /chos la 'gro 'dod lus la nus pa med/ /chos la dga' yang bdag gis spyod mi nus/ /gzhon pa'i tshe na dam chos cis mi spyad//dam pa'i chos la bden par ngo yis zung / /'jig rten bde ba sprin bzhin 'gyur ldog che/ /chos la spyod na phyug por mkhyen par mdzod/ /'jig rten nor gyis phyug pas phung bar nges/ /sdig bcu spangs nas dge bcu dang len pa/ /mdzangs pa lags te skyes bu phyi mar bde//mi 'khyag tsam du dag dug gon byas shing / /mi ltogs tsam du zas ngan zos byas la/ /longs spyod bla med byang chub bsngo bar bya/ /nor rnams kun gyi nang na chog shes pa/ /rab mchog lags par lha mi'i ston pas gsungs/ /kun du chog shes mdzod cig chog shes na//nor mi bdog kyang yang dag 'byor pa lags/ /bdag ni khyod la byams pa'i zhal ta zer/ /bdag la zas nor skyabs kyi re ba med/ /ngan song 'khor ba'i gnas dang bral phyir gdams/ /bka' ltar mi byed gti mug smad pa'i gnas/ /g.yang sar 'gro yang dogs zon bya dgos na//bskal pa'i gting lhung g.yang sa smos ci dgos/ /di ring sang la 'chi bar mi 'gyur zhes/ /bde bar 'dug pa bdag gis ga la rigs/ /chos spyad gzhon yang shi ba bde ba ste/ /zhing khams dag par 'gro zhing sdug bsngal med/ /chos med rgan rgon shi ba skyid ces smra//shi sdug lags te ngan song gnas su 'gro/ /skyid sdug gnyis kyi bye brag mkhyen par mdzod/ /chos dang ldan na dman yang bkur sti thob/ /chos kyi dag byung mkhas pas bshad kyi nyon/ /'jig rten nor dang ldan zhing dam chos rdzas kyis spyod/ /chos la ma thongs rdzas kyi mngon zhen gyis//longs spyod rnams ni skar ma'i rang bzhin la/ /yongs su ma btang de dag nges par 'gyur/ /dgra dang chom rkun dag dang rgyal pos 'joms/ /mi bsad stong du 'gro srid rkun pos rku yang srid/ /chos la btong ba'i brtson 'grus spyad par rigs/ /longs spyod g.yo ba snying po med mkhyen nas//dge slong bram ze gnyen dang bshes rnams la/ /sbyin pa tshul bzhin stsal bgyi pha rol du/ /sbyin las gzhan pa'i gnyen mchog ma mchis so/ /'gron po yun rings rgyags su sbyin pa rme/ /rdzas rnams myur du thod cig skyes bu dad pa can/ /byin rlabs 'dir 'byung phyi ma gdong na sdod//bde skyid 'dod dang sdug bsngal spong 'dod dang / /rigs mtho bzhin legs bde ba'i gnas thob dang / /bde mthong mos shing sdug bsngal spong 'dod pas/ /dam chos 'di ni rtag tu spyad par bya/ /lha dang mi yi bde ba thob 'dod pas/ /dge bcu spyod de lus kha bsrung ba ni//'dod log g.yem dang srog gcod rku ba dang / /brdzun dang phra ma tshig rtsub 'khyal pa dang / /brnab sems gnod sems log par lta ba dang / /rang don lags kyis sdig bcu rgyab tu bor/ /rang la byams shing brtse bas 'bad par bya/ /rngon pa mi rgod rkun po jag pa sogs//sdig pa'i rkyen sogs grogs po 'dug pa spong / /kun du dge ba'i slob dpon sman bzhin bsten/ /'on long zhar sgur lus thob rgud pa dang / /dbul phongs bzhin dan las las nad mang rnams/ /rnam smin lags kyis gzhan la yus ma ches / /mtho ris ngan song gnyis la gang mos pa//rang dbang yod kyis skyid sdug khyad par nyon/ /gal te mtho ris thar pa mngon zhe na/ /yang dag lta ba goms pa dag tu mdzod/ /rnam rtog ri bos mnan pa'i sems can rnams/ /sdug bsngal 'di la bzod pa'i glags med de/ /'khor bas 'khor te zo chu khyud mo 'dra//rnam rtog rlung gis khyer te rtsi shing lo 'dab 'dra/ /rnam rtog rgyud la skyes te rtswa la me mched 'dra/ /ye shes skad cig mi gnas dbyar kha'i she mun 'dra/ /phyi yi sdug bsngal bzhi ni rang sems myong / /yod na mi thub med na btsal mi rnyed/ /byams dang bral dogs sdang dang phrad kyi dogs//nang gi sdug bsngal bzhis ni rang lus 'joms/ /ma lus 'byung tshe brag bar btsir ba 'dra/ /ma yis mchod sa tshe g.yang la phyin pa snyam/ /lhung tshe tsher ma'i dang du bsgyur ba snyam/ /blangs na bye chung khra yis khyer ba snyam/ /skye ba'i sdug bsngal rang lus rdul bzhin rlog /lo zla 'das shing rgas pa shugs kyis 'od/ /rgas tshe mgo la skra dkar so yang med/ /rna bas mi thos mig gis rang mi mthong / /'dug na rang lus sa rdo chad pa 'dra/ /langs na spang las phur pa 'byin dang mtshungs/ /phyi sgor 'gro yang sgur nas gog cing 'gro/ /zas skom 'dod na gzhan la rag las slong //bu tshas mthong yang mi mos yid mi 'ong / /dug po bskon zhing sgo rtsa srung du gtod/ /gzhan dag 'ong nas ngo tsha phar zur zer/ /khyim mtshes byis pa gshe zhing 'tshe ru 'ong / /'tshogs par phyin na skyugs bro phar song zer/ /shi skal chad de rgan rgon yi dgas skye//ngo tsha khrel 'dzem shor de gzhan gyis skyur / /bu smad kun yang shi na rung zhes smras / /rkang lag 'dar zhing kha mig chu yis khengs/ /lus kyi stobs shor ber ga grogs su tshol/ /legs par smras kyang gzhan gyi rnar mi snyan/ /bde bar nyal kyang lus tshigs khol zhing na/ /gzhan la gtam smras rgas pa'i ngag mi snyan//rgas pa'i sdug bsngal bshad na kun la'ang / /lus la nad med bde sdug re ba rnams/ /nges pa 'dod pas nongs dang 'chi ba dang / /na rga la sogs sdug bsngal du ma yi / /'byung gnas 'khor ba la ni skyo mdzod cig /de yi nyes pa'i shas kyang mkhyen par mdzod//khams gsum 'khor ba'i lam la bde ba med/ /rigs drug sems can nad la grangs re mang / /dug lnga dug gsum nad kyi dbal re cha/ /thog mtha' med pa nad kyi yun re ring / /de ltar lags te ma rig bde ru med/ /'chi bdag bdud kyi zhags pas zin pa'i tshe/ /lus ngag yid gsum nad kyis thebs pa'i tshe//ngag gi sdug bsngal rnga mo bu stor 'dra/ /lhang lhang tser tser cis kyang nad kyi dbang / /lus kyi sdug bsngal skam la nya skyur 'dra/ /rgal bu stod stod 'phar yang nyams stobs med/ /'bros par bsams kyang thar ba'i dus mtha' med/ /gzer gyis lus btab ngo tsha khrel 'dzem shor//gnyen 'dun bskor yang sdug bsngal rang gis myong / /zas skom kha ru bcug kyang bro brlag med/ /nye bas bos kyang kha nas skad mi thon/ /ji ltar nyal kyang bde ba'i bar skabs med/ /sdig la 'gyod pa skyes kyang bshags long med/ /na ba'i sdug bsngal lags te kun la 'ong //des na mi ni yang dag nyid du mi bde zhing / /mi gtsang bdag med pa ru rig par bgyi/ /'chi ba'i tshe na dge sdig las kyis 'byed / /dge ba can ni 'chi tshe bde ba mthong / /mun pa'i khams nas bde ba byung ba dang / /lus la chags pa med cing lus sems bral nas dga'//bde gshegs bskor ba byed cing chos bshad mthong / /bde ba'i zhing khams byung bas mos pa 'byung / /gdugs dang rgyal mtshan mchod pa'i rdzas 'bul dang / /'gro drug gnas mthong snying rje'i sems 'byung ste/ /de dang ldan na bde ba'i gnas su skye/ /sdig can dag ni 'chi tshe nyes skyon mthong //snang ba'i khams ni mun pa nam sros bzhin/ /mtho na spyi tshugs thur la song ba mthong / /lag na 'dug pa gdug pa'i mtshon char mthong / /sgra skad thams cad gdug rtog sgra ru thos/ /sdig pa byas na ngan song lam du ston/ /'chi bdag gshin rjes rgyab nas phul zhing brdeg / srog gcod bdud kyis gdong nas brtson bzhin khrid/ /gcan gzan gdug pa'i 'brug sgra bzhin du sgrogs/ /mtshon cha gdug pa'i dbal ni rtsang bzhin 'dzugs/ /'khor ba'i g.yang sar ri gzar rbab bzhin 'dril/ /yi dgas gnas na sdug bsngal dpag tu med/ /bkres skom grang ngo ngal dang 'jigs pa yis//skyed pa shin tu mi bzad sten 'tshal lo/ /mgo lus skom par mi mthun rgyu las byung / /skom skyugs bro zer sna yi rgyu las byung / /sdug bsngal che ste las la zad dus med/ /gal te tshe zad dmyal ba'i gnas 'gro ste/ /skad cig yud kyis gnas der myur par phyin//dmyal ba'i sdug bsngal rig na mchi ma 'ong / /btsong khu rgyal po 'phrang du bsdad nas ni/ /gson po pags pa bshus shing yan lag 'don/ /de ltar byas kyang rnams smin 'chir mi 'dod/ /bye ba phrag brgya nyams su myong yang ni/ /ji srid mi dge de zad ma gyur pa//de srid sdog dang 'bral bar mi 'gyur ro/ /dmyal ba'i lcags khad mthong na dga' snyam sems/ /las kyi sgo phye nang du dbang med 'gro/ /las rlung phug nas sgo gcod mun pa 'thibs/ /phyogs mtshams kun nas me 'byung 'bros sa med/ /sha rus tshig kyang 'chi ru las kyis 'tsho/ / rang nyid zangs su 'tshod cing sha rus bral/ /phur bzhi rgyang shing steng 'og lcags kyis btab/ /lcags gzer steng 'og lus la gang bar 'debs/ /gal te 'gul na lhu tshigs rus pa 'bral/ /lcags kyi bya phra mkha' la lding zhing 'debs/ /mtshon cha'i 'khor los lus la dum bur gcod//lcags kyi tho chen mkha' la lding zhing brdeg /sog les spyi bo'i gtsug nas rkang mthil gshog/ /spu gris gtams pa'i ri la dbang med 'dzeg /rnag khrag bshul ba'i dri ma dpag tshad khyab/ /rang gis rang bsregs skye bo rang gis len/ /'chongs pa de ltar lags te lha mi dang / / dmyal ba yi dgas dud 'gro rnam dag tu/ /skye ba [(]bzad [,]bzang [)]po ma lags skye ba ni/ /gnod pa du ma'i snod gyur lags pas mkhyen par mdzod/ /des na 'jig rten bde nus ci la phan/ /de phyir bdag gis bshad pa'i man ngag nyon/ /'gro ba'i don mdzad bla ma dam pa yis/ /ma 'ongs sems can skye pa'i don dag tu/