133a7 /[ ]@/ /lho za mo tshangs dbyangs la sdug bsngal gyi bye brag bstan pa bzhugs so// @##/ /slom ma lho za tshangs ba'i dbyangs zhes bya ba zhig gis me tog gtor/ gung skyems drangs
133b1 gus pa bgyis nas/rje lha gcig lags 'khor ba'i sdug bsngal gyi mtshan nyid 'di kho na yong ji lta bu lags/ bka' stsal par zhu zhes gsol bas/ slob dpon gyis cung zad tsam zhig btud de dgongs nas tshigs su bcad pa 'di dag bka' stsal to/ /thog ma med pa'i
133b2 dus ni bgrangs pa nas//rang sems 'khrul ba'i lus la chags pa yis/ /skye gnas mang po brgyud cing skye shi mang po myong / /'khor ba'i sdug bsngal 'di la bzod pa'i glags med do/ /dmyal ba yi dgas byol song sdug bsngal mi bzad pa/ /gsum dang brgyad kyi sdug
133b3 bsngal 'dam rdzab yin//skol cag kun kyang 'dam rdzab 'di la gnas/ /regs par ldan pa'i skyes bu'i shes rab kyis/ /bka' dang bstan nas nan tan bstan pa 'di/ /mi khom gnas brgyad skyes tshe ma nyan dbang med/ /khom ldan mi lus thob pa gsan du gsol/ /
133b4 bskal par bsags pa'i bsod nams rgya mtsho yis/ /rab tu dkon pa'i khom ldan mi lus thob/ /lho yi 'dzam bu'i gling du skye ba dkon/ /shAkya thub pa'i bstan pa'i chos bslab 'tshal/ /phung po 'di ni sems dang gnang gzhes 'bral/ /sdig dang bsngos nas ci bsnyod
133b5 ci bskon yang //ro stod ro smad chags pa'i gzugs phung 'di/ /sdug bsngal rtsa gzhi chen por shes par gyis/ /de yi phyir na gzugs la ma chags shing / /rnam shes ma rig mun la chags pa ni/ /shes rab me ltar 'bar ba'i sgron ma yis/ /ma rig mun rum gting nas
133b6 thar bar 'gyur//'dod chags zhe sdang gti mug dbang po ches/ /btsog pa'i mngal gnas sdug bsngal sna tshogs myong / /ma yi drag dal tsha grang 'grangs bkres kyis/ /'gyur ba'i sdug bsngal der che phyis mi smos/ /'byung ba'i dus na sog mig drangs pa snyam/ /
133b7 dbugs chad brgyal nas ngan song sgo ru byung / /byung bas tsher ma'i nang du bsgyur ba snyam/ /blangs pas bye'u chung khri yis khyer ba snyam/ /ba spu'i gu gar lhags pa'i mda' re byung / /nyams su tshor ba'i sdug bsngal sna tshogs myong / /skye ba'i sdug bsngal 'di la bzod pa'i
134a1 glags med do//phung po 'di la rgas pa yongs kyis 'ong / /mgo la skra med kha nas so yang med/ /mig kyang mi mthong rna ba'ang mi thos la/ /rtag tu nad pa ji bzhin mal na nyal/ /ldang yang mi nus sgur ram gog ci 'gro/ /zas 'dod skom 'dod kun gyis 'bod cing
134a2 slong //rgas pas nyam thag gzugs kyi phung po de/ /me long grib ma mthong na 'dre bas 'jigs/ /gnod pa ma byas mi byed byed mi 'gyur/ /khyim mtshes byis pa kun kyang shi na dga'/ /rgyas pa'i sdug bsngal 'di la bzod pa'i glags med do/ /phung po 'di la na ba yongs kyis 'ong / /
134a3 ci na yang mi bzod pa'i glags med de/ /shi ru dogs nas sdug bsngal nyam thag pas/ /sha la mes sreg gtar ka dbug dral byed/ /snum gyi rang bzhin kha la btung dka' yang / /shi dogs phan re dbang med brnag cing 'thung / /blo log mi yis bsgyur kyang slongs te/ /nad
134a4 gram sems rten snying la kun 'dus nas//gnad gcod na ba'i sdug bsngal bzod pa'i glags med/ /phung po 'di la shi ba yongs kyis 'ong / /phyogs bzhi'i ngos nas ri rdib ji bzhin du/ /de la zhur med de la gsol du med/ /dang po 'chi ba'i nad de bzod glags med/ /
134a5 tshig kyang 'chol nas mig kyang khur bur bros/ /re gdung bred do 'o byas snying gtugs nas/ /dus shing gdungs nas sme sngags mang po bton/ /'jus shing 'phyangs kyang phan pa ci yang med/ /gshes ma 'chi bdag srog gcod snying bcu pa'i/ sdug bsngal nang na shi ba mi phod de/ /shi
134a6 las thar pa'i sems can gcig kyang med//med pa btsal gyis mi rnyed sdug bsngal ni/ /yul dang gnas spangs gnyen por phyogs bzir brgyugs/ /sgyu dang zol gyis bslus nas 'dod pa btsal/ /lam gyis dub dang bkres skom sdug bsngal khyad bsad nas/ /sha rus bye ba
134a7 tsam du nyon mongs than bskol te//khyim du nam phyin snyam pa'i yid kyis gdung bas myos/ /gal te rnyed pa grub nas khyim du phyin na yang / /'di bas lhag btsal snyan nas yang ni tshol khro'i lam du zhugs/ /btsal ba grub pa dgra dang phrad de kun phyogs sgron mor btang / /rang
134b1 yang ma bsad brdegs nas btang ba 'on kyang rigs pa che//khyim du phyin nas bu smad dang phrad na yang ngo 'dzum gnag/ /chom rkun la sgugs byed pa'ang sdug bsngal lhag par che/ /tshong ba sgyu zol bre srang sgyur zhing slu byed dang / /ma byin len dang 'phrog rlom byed dang 'jab bu dang / /mthus
134b2 'phrog khrel dang bral ba ci dgos yi dgas skye//med pa btsal ba 'di yang bzod pa'i glags med do/ /yod pa btsal bas mi thub sdug bsngal chen po ni/ /bdag shi gzhan gyi dbang du gyur gyis dogs pa'i sdug bsngal dang / /bu tsha gnyen bshes shi ru ngogs pa'i sdug
134b3 bsngal dang //ci nas pha rol mthos kyis dogs pa'i sdug bsngal dang / /nor phyugs shor gyis dogs pa'i sdug bsngal dang / /nye drung shi nas phrad 'dod mi phrad 'di yang sdug bsngal glags med do/ /sdang ba'i dgra dang phrad kyis dogs pa'i sdug bsngal ni/ /be rga mtshon gyis
134b4 mgo lus med par brdegs//ci yod phrogs nas ral gri rno rtul sad/ /snying rje ye med dgra dang phrad pa yi/ /sdug bsngal 'di yang bzod pa'i glags med do/ /byams sdug gnyen dang bral gyis dogs pa'i sdug bsngal ni/ /pha ma bu tsha gnyen bshes phangs pa rnams/ /dbang
134b5 med las kyis shi nas bral ba'i tshe//dus skabs med par mi bskyud sems la dran/ /gdung sems mya ngan 'di ltar bskyud mtha' med/ /phung po zhig pa tsam du mya ngan cher byas te/ /yod dam snyam nas brtags na gal yod de med/ /sra chas dam du bcings nas sa 'og
134b6 sbas pa ste//rul myags bskams nas thal ba'ang dengs pa la/ /brgya bos stong bos rnams ni mi thos na/ /dko byams sdug gnyen dang bdag tu phrad par ga la 'gyur/ /byams sdug gnyen dang bral du dogs pa'i sdug bsngal 'di la'ang bzod pa'i glags med do/ /
134b7 sdug bsngal 'di brgyad lon pa'i phung po yin/ /lnga phung 'grub par byed pa'i rtsa ba dug lnga yin/ /dug lnga rang dgar spyod pa'i sems can ni/ /sems can lus ni sna tshogs tshang bar blangs/ /de yi nang nas gzugs rab 'phags pa'i rgyu/ /mi lus rin chen bzang sdug mdzes
135a1 thob ldan//btsan phyug ba de skyid thob pa'i skyes bu yang / /mi tshe 'di la dge ba ma spyad na/ /dmyal ba yi dgas ngan song gnas su lhung / /rang la rang sdang rang sdug btson rang chud/ /sdug bsngal sde brgyad nang na rtag tu 'khor zhing 'khyam/ /'phags
135a2 pa nyan thos yon tan smon pa yis//phung po sdug bsngal dgrar mthong skyon rnams spong / /bsrung ba'i tshul khrims dag cing gtsang bar gyis/ /gsung rab rgya mtsho zhal thon par ma bcad/ /sdig pa byang bar 'dod na rtag tu mthol bshags gyis/ /dgra bcom mos pas spyod
135a3 pa grub pa dang //bden gnyis don rtogs theg pa chen po yi/ /chos dang gang zag bdag med rtogs par gyis/ /mkhyen bzhi sku gsum grub la phyag 'tshol mchod/ /sdug bsngal brgyad spangs bde la rtag gnas 'gyur/ /slob dpon ka ma la shI las
lho za mo tshangs pa'i dbyangs la sdug bsngal brgyad kyi bre brag bstan pa rdzogs so/