CLOSE WINDOW

D4165
བོད་ཡིག

/ //rgya gar gyi mkhan po dza ran+d+ha na dang / zhu chen gyi lo tsA ba rin chen bzang pos bsgyur cing zhus te gtan la phab pa'o/ /[ ]@##/ /rgya gar skad du/ shI la ka thA br-it+ti/ bod skad du/ tshul khrims kyi gtam gyi 'grel pa/ dkon mchog gsum la phyag 'tshal lo//gang zhig bdud las rgyal zhing pha rol phyin drug rdzogs/ /brtse bas gzhan don mdzad pa de la phyag 'tshal lo/ /gzhan dag drang bas min la rang nyid drang phyir ni/ /dam ba'i rjes su 'brangs la tshul khrims 'di nyid bshad/ /de bzhin du spyi'i don ni pha rol tu phyin pa'i nang nas tshul khrims ni sa gzhi lta bu yin par dgongs nas/de nyid sbyin pa las khyad par du 'phags par bsgrub pa'i phyir/ dpe'i sgo nas bstan pa ni/ /rgya mtsho dang ni glang rjes kyi/ /khyad par dag ni gang yin pa/ /sbyin pa dang ni tshul khrims kyi/ /khyad par dag ni de yin no//zhes bya ba 'dis smos so/ /ni zhes bya ba ni nges par gzung ba'o/ /de zhes bya ba ni 'das ma thag pa'o/ /yin no zhes bya ba ni ngag rdzogs pa ste go bar zad do/ /de nyid tshul khrims kyi sgo nas rgyas par bstan pa'i phyir/ gang zhig ces bya ba la sogs pa smos so/ /de ji ltar mngon zhe na lung dang rigs pa ste/de la lung ni zla ba sgron ma las/ bskal pa bye ba gang+gA'i bye snyed du/ /sangs rgyas dag ni gang+gA'i bye snyed la/ /gdugs dang ba dan mar me'i phreng ba dang / /zas dang skom gyis dad sems mchod byas pas/ /gang gis dam pa'i chos ni 'jig pa'i tshe/ /de bzhin gshegs pa'i bstan pa dgag pa ni//nyin zhig gcig tu bslab pa gcig bzung na/ /de bas bsod nams 'di ni khyad par 'phags/ /zhes 'byung ste/ rgyas par ni mdo nyid la blta bar bya'o/ /gzhan yang tshul khrims kyi 'bras bu ni mtho ris yin la sbyin pa'i 'bras bu ni 'byor pa yin te//rgyu de log na cig shos dang ldan du zin kyang ngan song gi 'gro ba dag ni bsod nams bsags pa'i rten du rung ngo snyam du bsams pa yin no/ /gang zhig dad pa'i sems kyis ni/ /zhes bya ba la gang zag gi yid ches pa la sogs pa'i sgo nas so/ /lo brgyar sbyin pa byin pa bas//zhes bya ba ni mtshon pa ste/ dus yun ring por 'bad pa byas kyang zhes bya ba'i don to/ /gang zhig nyin gcig tshul khrims ni/ /zhes bya ba ni tshad 'jog pa ste/ dus mnyam par ni ma yin te/ tha na nyin gcig tsam zhes nges par bzung ba'o/ /bsrung ba de las khyad par 'phags//zhes bya ba ni bsrung ba'am 'bad pa'am ched du gnyer ba ste/ de gang la yod pa de la de skad ces bya'o/ /da ni de las lhag pa 'am khyad par 'phags pa ste/ mi mtshungs pa zhes bya ba'i tha tshig go/ /gzhan yang slob dpon gyis de nyid kyi rgyu mtshan bstan pa'i phyir ro/ /sbyin pa shan pa rnams dang ni//zhes bya ba la sogs pa smos te/ rnams zhes bya ba'i sgra ni du ma ste/ /shan pa dang nya pa dang tshong pa la sogs pa thams cad la bya'o/ /rigs ngan rnams kyang ster bar byed/ /ces bya ba ni 'jig rten na tha chad du gyur pa gdol ba de dag tshul khrims kyis dben la sbyin ba gtong bar byed do//gang yang rung bas tshul khrims ni/ /zhes bya bas ni skyes bu dam pa sems pa lus ngag dul ba gnyen po stobs dang ldan pa dag gis kyang ste/ gzhan lta ci smos zhes bya ba'i don to/ /yongs su srung bar mi nus so/ /zhes bya ba la de'i phyir tshul khrims khyad par du 'phags zhes bya ba'i tha tshig gi lhag ma'o//ji lta zhe na skyes bu dam pas kyang tshul khrims rin po che dang 'dra bar dri mas dben pa rdul phra mo dag gis ma gtses pa de lta bu ma byung bar du dka' ste/ bar chad mang ba'i phyir dang / snyigs ma'i sems can dag gis ga la nus snyam du bsams pa yin no//yongs su'i sgra ni lung du ste khyab pa'am chub par bsgrub pa'i mthu med de zhes bya ba'i don to/ /rgyu mtshan gnyis pa bstan pa'i phyir/ sbyin pa rab tu 'byor gyur kyang / /zhes bya ba la don 'di yin te/ da lta sbyin pa la gnas pa 'am de'i 'bras bu la spyod pa ste ldan zhes bya ba'i tha tshig go//yang na sbyin pas zhes gsum pa'i sgrar blta bar bya'o/ /de ni sbyin bdag chen po min/ /zhes bya ba smos pa yin te/ tshul khrims kyis lus dag pa'i phyir rta cang shes la sogs pa dag yin no/ /tshul khrims rnam par dag pa yis/ /zhes bya ba ni de ltar tshul khrims la gnas pas de'i 'bras bu la spyod pa ste/rnam par dag pa dang ldan zhes bya ba'i tha tshig go/ /sbyin bdag chen po yin par bshad/ /zhes bya ba ni bdag nyid chen po ste/ tshul khrims kyis 'phangs pa'i phyir lha'i dbang po la sogs pa bzhin no/ /gal te 'o na sbyin pa dang ldan pa sbyin bdag ma yin na/'o na mdo las tshul khrims dang mi ldan pa yang sbyin pa'i sa can de la sbyin bdag ces pa ji lta bu zhe na/ de ni sbyin bdag tsam yin yang sbyin bdag chen po ni ma yin te/ pha rol tu phyin pa gzhan gyis ma zin pa'i phyir ro zhes bya ba'i don to/ /ji ltar sbyin pa de mchog yin yang tshul khrims la ltos shing dman par bstan nas/da ni tshul gzhan gyi sgo nas tshul khrims de nyid khyad par du 'phags pa bstan pa'i phyir/ mgo bo bregs pa'am gtsug phud ldan par rgyu/ /zhes bya ba la sogs pa smos te/ mgo bo bregs pa ni skra bregs pa'am zhes bya'o//gtsug phud can ni thor gtsug ste kun du rgyu'i rtags yin no/ /de nyid ldan par zhes bya ba'i sgrar sbyar te des rgyu zhing gnas par byed ces bya ba'i tha tshig go/ /tshul khrims chu yis ral pa khyab par 'chang / /zhes bya ba ni spyod pa'i tshul gzhag ba ste//tshul khrims kyi ched du zhes bya'o/ /de nyid khyab pa'i ral pa'am ral pas khyab pa ste/ de 'chad ba gang yin pa de la de skad ces bya'o/ /cha lugs sna tshogs dag gis spyod gyur kyang / /zhes bya ba ni cha byad du ma dag gi sgo nas dpa' ba byas kyang zhes lhag ma dang ldan par ston pa yin no//de ltar 'bad na don dang ldan nam snyam du bsams na/ gal te tshul khrims med na g.yo sgyus spyod/ /ces smos te/ gal te rtag pa'i mtha' bzung nas de yang tshul khrims med na ste/ thog ma nas ma thob pa'am/ thob kyang nyams shing zhig nas bdag nyid slu ba ste 'bad pa 'bras bu med ces bya ba'i don to//de ltar ci mngon zhe na/ dge slong la rab tu gces pa'i mdo las/ dper na sdong po bzang po la/ /yun rings yal ga 'khrungs pa bzhin/ /mi de rtags tsam yun rings na/ /kha na ma tho rtag 'phel dang / /sdig pa'i las rnams 'phel bar bshad//ces 'byung ba'i don ni 'di dag yin te/ rgyas par ni mdo nyid du lta'o/ /de tsam du zad dam zhe na/ tshul khrims nyid khyad par du 'phags pa sgrub pa de'i 'thad pa gnyis pa bstan pa'i phyir/ gang+gA bgrod pa chu bo na dar sod ba'am/ /zhes bya ba la sogs pa smos te/'di dag ni mtshon pa tsam ste/ des ni 'am zhes bsu ba mdzad/ /de bzhin du/ dbyangs can chu'am rdzing bur song ba'am/ /zhes bya ba ni dbyangs can gyi chu bo'am rdzing bur 'jug pa la sogs pa dag /ne le sha ni sten par byed pa yang / /zhes bya ba ni gang la ne le sha yod pa der ro//yang zhes bya ba ni de dag kyang de bzhin du chur 'jug pa dang / mer 'jug pa dang / nyi ma la lta ba dang / zla ba la lta ba dang / g.yang la mchong ba dang / gsal shing la sogs pa la zhon pa 'di dag don dang bcas pa yin nam snyam pa la gal te tshul khrims kyis rgud la don med ces gsungs te 'bad pa 'bras bu med ces bya bar snyegs so//des na bag chags ngan pa la bdag phyin ci log gi dbang gis lam gol par 'jug cing bde bar gshegs pa'i bka' la yang yid mi ches shing lam drang po la 'gror mi btub pa'i snying rje'i gnas yin no/ / de bas na tshul khrims kyi nor 'di ni gru dang 'dra ba la 'phags pa'i nor gang gi nor las mchog yin la pha rol tu phyin pa drug gi nang na yang gtso bo yin te/ rin po che 'di gsum gyis sangs rgyas rnams kyis bsngags so snyam du bsams pa yin no/ /de ltar tshul khrims khyad par du 'phags pa bsgrubs zin nas/da ni 'di'i yon tan ston pa de nyid dpe'i sgo nas bstan pa'i phyir/ ji ltar tshul khrims bla med ldan pa'i dri/ /zhes bya ba la sogs pa smos te/ ji ltar zhes pa ni dri ba bkod pa ste/ de ltar zhes 'og ma dang 'brel lo/ /tshul khrims de bslab pa yin pa'i phyir ro//bla med ldan pa'i dri zhes bya ba ni gong na med pa de ldan pa'am de la gnas pa'i dri ni de'i dri ste rjed pa zhes bya ba'i don to/ /dam pa mtho ris 'di na mi zad ldan/ /zhes bya ba la dam pa ni mchog yin la mtho ris ni gnas bcu la sogs pa'o/ /de nyid la bde 'gro zhes kyang bya ste/ de'i gnas sam rten 'di ni tshul khrims kyi dri mi zad pa ste/drag cing mu med par smin zhes bya ba'i tha tshig go/ /de ltar phreng ba'i dri ni khyab min zhing / /zhes bya ba ni sdom brtson gyi dri de ltar me tog phreng ba la sogs pa'i dris ni khyab mi nus te/ dman zhing mthu med pa'i phyir ro/ /'o na sman sna tshogs kyi sbyor ba'i byug pa dag gis nus sam zhe na/de bzhin byug pa'i dri yang khyab mi 'gyur/ /zhes bya ba smos te/ tshul khrims kyi 'khor lo skye ba du mar mtho ris kyi skas la rgyu ba bzhin du/ byug pa dang dpag bsam gyi shing la sogs pa'i dris ni ga la nus zhes bya ba'i don yin no//de ltar yon tan bstan nas de'i 'bras bu bstan pa'i phyir slob dpon gyis/ 'di na bdag dga' gzhan du 'gro ba bde/ /zhes bya ba la sogs pa smos te/ 'di na zhes bya ba ni sdom brtson gyi gzhi 'di na'o/ /bdag dga' zhes bya ba ni mtshon pa ste/ gang zag la la dag go/ / gzhan du 'gro ba bde zhes bya ba ni gnas gzhan du ste/ 'jig rten pha rol la sogs par 'gro ba na sems bde bar 'gro ba ste de nyid rgyas par mdo dag las blta bar bya'o/ /grags dang dga' nyid kun gyis bkur ba ste/ /zhes bya ba la grags pa de ni 'jig rten du grags pa'o/ /dga' ba ni bdag nyid dga' ba ste/tshul khrims kyi dbang gis ni snying por mthong zhes bya ba smos te/ chos ldan zhes bya ba ni khrims ldan can yin pa'i phyir ro/ /kun gyis bkur ba ste zhes bya ba ni gang zag de la sems can mang po dag gis bkur zhing rim gro byed pa'o/ /de bzhin du sangs rgyas dang byang chub sems dpa' rnams kyis kyang dgongs par 'gyur te/de skad du slob dpon tsan+d+ra go mis/ de tshe de la dge ba'i phyir/ /rgyal ba sras dang bcas rnams kyis/ /dge ba'i thugs kyis rtag par yang / /bu sdug 'dra bar dgongs par 'gyur/ /zhes gsungs pa 'di nyid yin te/de tsam du zad dam zhe na/ chos ldan 'bras bu de de mang por mthong / /zhes bya ba smos te/ chos ldan zhes bya ba ni khrims ldan no/ /'bras bu ni 'bras bu ste 'dod pa'i don yin pa'i phyir ro/ /de de mang por mthong zhes bya ba ni de dang de dag ste/gzhan dpag tu med do zhes bya ba'i don to/ /ji ltar zhe na/ tshul khrims 'bras bu drang srong chen pos gsungs/ /zhes bya ba ston te de'i 'bras bu ni lhag par yang drang srong chen pos gsungs te/ de ni che ba'i bdag nyid yin pa'i phyir ro/ /de nas de nyid rgyas par ni sdang ba dor zhing gus pa skyes pas bstan bcos dang mdo sde la blta bar bya'o//da ni 'bras bu de nyid gnyen po 'am dpe rnam pa drug gi sgo nas bstan pa'i phyir/ tshul khrims nad la sman pa'i mchog yin zhing / zhes bya ba smos te/ dper na shin tu yun rings nad kyis gdungs pa de dag la sman pa mkhas pa dag gis nad kyi rgyu las phye nas sman bzang po dag gis sbyor ba bzhin du/ngan 'gro sdug bsngal nad dang 'dra ba du ma dag gis gzir ba de dag la tshul khrims ni sman pa'i mchog yin te/ nad de dag las thar par byed pa'o/ /mun pa'i sgron ma nyam thag la skyabs dang / /zhes bya ba la gzhan yang mun pa'i tshogs shin tu chen po dag la mar me la sogs pa chung ngu dag gis de dag thams cad sel ba de bzhin du ma rig pa'i mun pa'i tshogs dpag tu med pa dag la tshul khrims kyis dngos sam brgyud pa'i sgo nas sgron ma'i mchog yin no//de bzhin du sdug bsngal sna tshogs kyis nyam thag pa de dag la tshul khrims ni skyabs kyi mchog yin no zhes bya ba'i don to/'jigs la bsrung dang phongs la nye du dang / /zhes bya ba mi dang mi ma yin pas 'jigs pa bsrung ba'i mchog yin zhing phongs shing rgud pa nye du la sogs pa lta bu ste/ tshul khrims zhes sbyar ro/ /'chi ba'i rgya mtsho mtha' med gzigs gyur yin//zhes bya ba ni dper na rgya mtsho las 'gro ba na gzings la brten nas 'gro ba bzhin du tshul khrims ni 'khor ba'i rgya mtsho chen po la gzings dang 'dra ba'o/ /de dag la sogs pa phan yon dpag tu med pa mdo las bshad de/ tshul khrims yang dag pa'i mdo las/de phyir ston pas tshul khrims rab bsngags bshad/ /tshul khrims ldan pa sangs rgyas 'byung dang phrad/ /tshul khrims ldan pa rgyan rnams kun gyi mchog /tshul khrims ldan pa dri dang byug pa yin/ /zhes 'byung ste rgyas par ni mdo nyid la blta'o/ / de ltar tshul khrims rnam par dag pas sems la 'gyod pa med/ sems la 'gyod pa med pas sems dben zhing ting nge 'dzin las su rung ste/ de bas na rin po che dang 'dra ba 'di ni lam gyi mchog yin no snyam du bsams pa yin no/ /da ni 'bras bu'i sgo nas gang zag gi khyad par bstan pa'i phyir/gang zhig 'dul ba'i tshul khrims rnam 'jig tshe/ /skrag zhugs tshul khrims ldan pa yod ma yin/ /zhes bya ba smos te gang zhig ces bya ba ni gang zag go/ /'dul ba'i tshul khrims zhes bya ba ni 'dul ba las gsungs pa'i tshul khrims so/ /rnam 'jig tshe zhes pa ni btang ba'i tshe ste med par 'gyur zhes bya ba'i don to//skrag zhugs zhes bya ba ni de'i dbang gis te 'jigs pa'o/ /tshul khrims ldan pa zhes pa ma nyams pa ste/ gang la yod pa de la de skad ces bya'o/ /yod ma yin zhes bya ba ni 'jigs pa'am bag khums pa med pa yin te/ tshul khrims de'i dbang gis bdag nyid dga' bar ma bshad na 'jigs pa lta ga la srid ces bya ba'i don to//de ltar 'bras bu bshad zin nas de nyid bsrung bar gdams par 'dod nas/ /de bas 'jig rten gzhan mtha' rgal sems kyis/ /gang zhig bgrod 'dod des ni tshul khrims bsrung / /zhes smos te de bas zhes bya ba ni de bas na'o//'jig rten gzhan mtha' zhes bya ba mtha' gzhan te/ de dag kyang sdug bsngal gyi gzhi yin pa'i phyir ro/ /rgal sems kyis zhes bya ba ni de las 'da' bar 'dod pa ste/ go cha bgos nas zhes bya ba'i don to/ /gang zhig ces bya ba ni gang zag ste skyes bu'o//bgrod 'dod des zhes bya ba ni 'gro bar 'dod pa nges so/ /ni zhes bya ba'i sgra ni nges par gzung ba ste gang zhe na tshul khrims te/ de gnas pa'i ched du srungs shig ces brtse ba'i tshul gyis bsgo bar mdzad do/ /da ni tshul khrims de nyid bye brag tu bstan pa dang / zhar la shes rab kyi 'bras bu'i sgo nas gdams pa ni/tshul khrims dri med ma lus ji bzhin gzhag /shes rab zhi bas yid ni yongs smin 'gyur/ /zhes bya ba smos te/ thams cad yin nam zhe na/ tshul khrims dri med ces bya ba ni rigs bdun la sogs pa sems pa ngo bo spong ba bdun 'khor dang bcas pa de nyid srung zhing dag pa'o//ma lus pa ni lus pa med pa ste/ /ltung ba phra mo tsam la 'dzem pa'i phyir ro/ /ji bzhin gzhag ces bya ba ni ji skad bshad pa bzhin du gzhag cing gdams pa'o/ /tshul khrims kho nar zad dam ce na/ shes rab zhi zhes bya ba smos te/ shes rab zhi ba ni zhi gnas dang lhag mthong yin no/ /yid ces bya ba ni yid kyi rnam par shes pa ste/ chos mngon pa las rab tu grags pa'i phyir ro/ /yongs su smin 'gyur zhes bya ba ni las su rung ba ste khyad par can no/ /'di dag kyang mtshon pa ste de bzhin du gzhan du yang yin no/ /ji skad du slob dpon shAn ta de bas/bzod bya thos pa btsal bar bya/ /de nas gnas lugs gnas par bya/ /'di dag legs par bshad pa yin no/ /da ni de dag tshul khrims la rag lus pas mjug bsdu ba'i tshul gyis bstan pa ni/ de bas rga shi nad 'jigs rnam thar pa/ /gang zhig thob 'dod des ni tshul khrims srungs//zhes bya ba smos te/ de bas zhes bya ba ni de bas na'o/ /rga 'chi nad 'jigs zhes bya ba ni ma rig pa la sogs pa ste/ rten 'brel yan lag bcu gnyis srid pa len pa'i tshul lo/ /rnam thar zhes bya ba ni de las ldog ste spong bar byed ces pa'i tha tshig go/ /gang zhig ces bya ba ni snga ma bzhin no//thos 'dod zhes bya ba ni don du gnyer te/ bzod pa can gyi skyes bu thabs la mkhas pa des so/ /ji ste nges pa kho nar tshul khrims srungs te/ de bas ni zhes bya ba'i sgra smos te/ don dag bstan pa yin no snyam du bsams pa yin no/ /bdag 'dra mkhas pa'i don la mkhas par bsam par mi nus kyang //cung zad dman la phan phyir 'phags pa'i rjes 'brangs te/ /lo brgya brtse ba can gyi gtam la rnam bshad pas/ /nyes pa mang yod mkhas pa rnams la bzod par gsol/ /'di la bsod nams cung zad bdag gis bskrun nges ni/ /'gro ba rgyal ba thob nas de bzhin gzhan dag kyang /