CLOSE WINDOW

D4162
བོད་ཡིག

'jig rten 'di kun bde ba mngon par 'dod/ /skyes bu bde la longs spyod med par min/ /longs spyod sbyin las byung bar mkhyen nas ni/ /thub pas dang por sbyin pa'i gtam dag mdzad/ /slob dpon klu sgrub kyis mdzad pa sbyin pa'i gtam rdzogs so// // @##/ /rgya gar skad du/b+hA ba saM krAn ta pa ri ka thA/ bod skad du/ srid pa las 'das pa'i gtam/ 'jam dpal gzhon nur gyur pa la phyag 'tshal lo / /dngos med dngos las mi skye ste/ /dngos med las kyang skye ma yin/ /dngos po rtag tu skye ba ste/ /dngos 'khrul nam mkha'i me tog bzhin/ / mkha' dang 'dra ba'i chos yod na/ /gzhan ni mkha' dang 'dra ba skye/ /brten nas thams cad mkha' dang 'dra/ /de nas srid pa med pa can/ /ngo bo nyid kyis las med cing / /rgyu med 'bras bu yod ma yin/ /'di dag thams cad med pa ste/ /'jig rten pa med 'jig pa med/ /ma skyes pa yi dngos po gang //ji ltar gzhan zhig skyed par 'gyur/ /'jig rten dang por ma byung ste/ /'ga' zhig gis kyang sprul pa min / /zla ba seng ge'i grong khyer bzhin/ /'jig rten don med gyi na 'khyams / /'jig rten rnam par rtog las 'byung / /rnam rtog sems las yang dag 'byung //sems ni lus la brten pa ste/ /de phyir lus ni rnam dpyad do/ /gzugs ni stong pa tshor ba rang bzhin med/ /'du shes med de 'du byed yod ma yin/ /'byung ba spangs nas sems dang sems byung med/ /de phyir lus ni rtog bral ngo bo yin/ /sems med chos rnams de dag med//lus med khams rnams yod ma yin/ /gnyis su med pa'i las 'di ni/ /de nyid rig pa rnams kyis bstan/ /'di dag thams cad dmigs med par/ /gnyis su med par bstan pa yin/ /blo ni dmigs pa med byas nas/ /dmigs pa med par 'byung bar 'gyur/ /sbyin dang tshul khrims bzod brtson 'grus//bsam gtan la sogs brten byas nas/ /yun mi ring ba'i dus kyis ni/ /byang chub dam pa thob par 'gyur/ /thabs dang shes rab la gnas te/ /sems can rnams la brtse bar bya/ /myur ba kho nar thams cad mkhyen/ /thob par 'gyur bar the tshom med/ /'di dag thams cad ming tsam ste//'du shes tsam la rab tu gnas/ /rjod par byed las tha dad pa'i/ /brjod par bya ba yod ma yin/ /chos rnams thams cad ming med de/ /bdag med par yang yongs su gsal/ /yang dag min pa'i chos 'di dag /rnam par rtog pas kun nas bslang / /gang gis stong pa zhes brtags pa'i//rtog pa de yang 'dis stong ngo / /mig gis gzugs rnams mthong bar ni/ /de nyid gsungs pas gang bshad pa/ /log par zhen pa'i 'jig rten la/ /kun rdzob bden par brjod pa yin/ /gang du tshogs par mthong ba ni/ /'dren pas ston par byed pa yin/ /blo dang ldan pas don dam gyi//nye bar brtags pa'i sa de gsungs/ /mig gis gzugs ni mi mthong ste/ /yid kyis chos rnams mi rig go/ /'jig rten pa yi yul min gang / /'di ni mchog tu bden pa'o/ /mig med gzugs kyang yod min zhing / /snang ba yid la byed pa med/ /sems ni rmi lam bzhin du 'khrul/