CLOSE WINDOW

D4161
བོད་ཡིག

rmi lam yid bzhin nor bu'i gtam slob dpon 'phags pa klu sgrub kyis mdzad pa rdzogs so// //kha che'i paN+Di ta shrI ra tha dang / lo tsA ba dge slong grags 'byor shes rab kyis bsgyur//[ ]sbyin pa'i gtam/ @##/ /rgya gar skad du/ dA na pa ri ka thA/ bod skad du/sbyin pa'i gtam/ dkon mchog gsum la phyag 'tshal lo/ /sbyin pa gter chen phyi bzhin 'brangs pa yin te chom rkun la sogs dbrog mi nus/ /sbyin pa sems kyi ser sna dang ni chags pa'i skyon gyi rdul rnams 'khru bar byed/ /sbyin pa 'khor ba'i lam dang ngal bsel ba yin te bzhon pa bde blag can//sbyin pa bde dgur sbyor ba du ma dag gi sgo bzang gtan gyi mdza' bo mchog /'byor cing dag pa phun sum tshogs dang kun du bka' nyan yon tan rnams dang ni/ /sum cu rtsa gsum lha yul grong khyer la gnas byad gzugs mdzes pa'i yon tan rnams/ /ci dang ci 'dod de dag thams cad sbyin pa dag gis nges par thob 'gyur te//de ltar don ni yongs su brtags par gyur nas su dag sbyin pa sbyin mi byed/ /sbyin pa me dang chu dang chom rkun 'jigs pa'i 'khrug pa rnams kyis bskyod mi nus/ /sbyin pa sgrib pa zad byed srid pa'i 'gro ba phyi bzhin 'brang ba'i mdza' chen yin//sbyin pa 'gro ba'i rgyun gyi yul rnams kun du srog chags rnams kyi 'jug pa yin/ /sbyin pa tshe rabs bgrang ba dag tu phyi bzhin 'brangs te ba phyir be'u 'brang ba bzhin/ /nor rnams kun gyi snying po blang ba dbang phyug rnams kyi gzhi ni sbyin pa yin zhe'o//blo can legs par 'dod pa yis/ /legs par bsgrims te sbyin pa sbyin/ /'khor bar yongs su 'khyam pa na/ /sbyin pa ma gtogs gnyen med do/ /sbyin pa 'jig rten rgyan yin te/ /sbyin pa ngan 'gro zlog pa yin/ /sbyin pa mtho ris skas yin te/ /sbyin pa zhi byed shis pa yin//'jig rten dag na rgyal po'i mchog /dpa' brtul dregs shing mthu che la/ /rgyal srid rgyas la dbang byed pa/ /bde 'byung sbyin pa byin las byung / /sum cu rtsa gsum gnas rnams na/ /brgya byin lha yi dbang byed pa/ /de yang phyin pa'i 'bras bu mchog /dam pa yin zhes mkhas rnams smra/ /mtshan mchog sum cu gnyis mnga' ba/ /dri med gzi brjid mtshungs med pa/ /'khor ba'i rgya mtsho rgal ba yang / /sbyin pa la ni brten te 'byung / /lha yi 'jig rten skas kyang yin/ /thar pa'i mthar gyi sgo yang yin/ / ngan song rnams las bzlog pa yin/ /phun sum tshogs kun rgyu yang yin/ /de yi phyir na mi rnams kyis/ /legs par bsgrims te sbyin pa sbyin/ /chags dang phrag dog la sogs pa/ /med par bsod nams bsags par gyis/ /sangs rgyas 'dra ba'i ston pa med/ /chos dang 'dra ba'i skyob pa med//dge 'dun 'dra ba'i zhing med de/ /de'i phyir gsum la dbul bar gyis/ /phrad par gyur pa'i mtha' ni 'bral bar 'gyur/ /phun sum tshogs pa'i mtha' ni ngan cing rgud/ /tshe 'di glog ltar 'gyur zhing 'jig la g.yo/ /de yi phyir na bag yod brtan por gyis/ /