CLOSE WINDOW

D4152
བོད་ཡིག

@##/ /rgya gar skad du/ ha ri b+hAT+Ta nA ma dzA ta ka mA la/ bod skad du/ seng ge zhabs 'bring pa'i skyes pa rabs kyi phreng ba zhes bya ba/ 'jam dpal gzhon nur gyur pa la phyag 'tshal lo//gang zhig ma lus pha rol phyin pa'i stobs kyis thong gyur pa'i/ /zhi ba'i go 'phang gis ni me tog tog can sdug bsngal mdzad/ /rnam par dag pa'i yon tan 'od zer dkyil 'khor can rmongs la//mun pa sel bar mdzad pa'i thub pa de la phyag 'tshal shog /slob dpon dpa' bos mdzad pa'i skyes pa'i rabs kyi rgyud rnams dang / /gzhan dag mnyam pa nyid du rjes su 'gro phyir byed nus min//bsil ba'i 'od kyis ku mu da ni so sor byed nus kyi/ /skar ma'i tshogs gzhan gcig tu bsdus kyang mi nus pa nyid do/ /snyan dang gas mkhas chen rnams kyi snyan dngags nyid ni 'di shes pas//shin tu lung la mkhas par grags pa nyid du ngag 'gro sde/ /byang chub sems dpa'i spyod par grags pa la ni de ltar yang / /rang don 'dod la mkhas pa bdag gis 'di dag nges par sbyar//gal te 'jig rten bya ba la rgod bdag la 'dir skyon gang / /'on kyang ngo tsha med pas smra na bden par brjod med kyi/ /rang don bsgrub par 'dod pa yon tan dag la srid pa gang / /thams cad bzod pa'i skyes bus 'byung ba'i phyir ni rig pa ste//zas gtsang sras kyi rig pa dang po bdag ni smra ba na/ /nges par yon tan grags pa la mkhas bdag gyur cig /goms pa bsags pa'i mkhas pa nyid kyis rnam par dag pa'i blos//ri mo mkhan gyi gzugs ltar 'jam po ci zhig mi 'dri 'am/ /lus dang ngag dang yid dag gis kyang dge ba yi ni las/ /skyes bu le lo can gyi yid kyis thob par nus ma yin/ /me tog du ma don gnyer 'bad med gal te 'gyur ba na//me tog las byung sbrang rtsi bung bas 'thung bar mi 'gyur ram/ /kye ma rgyal ba'i yon tan brjod pa chung yang dge ba'i phyir mi nus/ /de slad snyan dngags mkhan ni su zhig gus pa lhod par byed/ /rnyed pa chen po rnam par mthong na gtong ba chung ba ni//blo ni rgyu chen ldan pas tshong phyir thogs par mi rigs so/ /de phyir rnam pa gang gis mi lus thob pa rtogs byas nas/ /bstan pa 'di yang drang srong gi ni rab rib bsal mdzad de/ /yun ring pos kyang mi 'dra'i bstod pa rdul gyis khyab pa yi//tshig ni sangs rgyas rtogs pa brjod pa'i chu rnams kyis ni bkru bar bya/ /gang gi phyir chos kyi gtam la mkhas pa 'di ni mdo sde'i rjes su brjod pas phyis byang chub sems dpa'i skyes rabs rjes su brjod de ri mo bris pa'i khang pa la mar me'i 'od dang 'dra bas bde blag tu gsal bar nyan pa po'i skye bo'i yid la dga' ba lhag par skyed par byed pa/khams gsum du skyes pa'i sems can rnams kyi sdug bsngal gyi rgud pa bsal bar bya ba'i phyir smon lam chen po yang dag par bskyed pa'i bcom ldan 'das kyi spyod pa rjes su brjod par 'gyur ba'i gnyid rmugs pa'i skyon bsal nas yid mnyam par gzhag pa'i nyan pa po rnams kyis bdud rtsi bzhin du 'thung bar 'dod pa rnams kyis 'khor ba'i sdug bsngal du ma 'dzad pa'i phyir du yang dag par myang bar bya'o//rnam pa sna tshogs nyon mongs sbrul lta bu'i/ / srid tshogs sa 'og nas ni 'gro don phyir/ /sangs rgyas nyid phyir smon lam rgya chen po/ /bdag nyid che min rnams la 'byung ba min/ /'di ltar rje sa su thos te/ sngon 'das pa'i dus na rtag tu me tog 'byung ba'i skyed mos tshal nyams dga' ba mtha' dang ldan pa skye bo'i tshogs mtha' med pa la kun nas mi gnod pa'i rtsig pa'i ngos bzhi dang tshong dus na/nor bu dang / gser gyi ka ba'i phreng bas yid 'phrog par byed pa'i khang pa rnams kyis bar du chod pa/ ston ka'i dus pas lhag pa'i dri ma dang bral ba'i skar ma'i bdag po dang / skar ma'i tshogs kyis mngon par brgyan pa mtho ris dang 'dra ba'i 'od dang ldan pa 'od ldan zhes bya ba'i rgyal po'i pho brang byung bar gyur to//de la yang mtha' dag gis sa'i bud med la mu tig gi chun po'i srog shing du gyur pa'i nor bu dang 'dra bar dri ma med pa'i rab tu snang bas rab snang zhes bya ba'i rgyal po byung bar gyur to/ / gang gi khang pa'i nang du dri med shel gyi rtsig ngos la/ /rna bar me tog phreng dang thig le rab tu snang ba yi/ /bud med rnams kyi lag pa 'jam po rgyan gyi cho ga ltar/ /me tog 'dzin pas yongs su ngal ba'i sdug bsngal 'dzin mi 'gyur/ /gang zhig nye ba rnams ni chu 'dzin dang 'dra mthong ba ste//sbyin pa'i chu yis yongs su 'phel ba'i sa bon ni/ /gang gi khro ba yis ni stobs dang ldan pa'i dgra rnams kyang / /nyin mo glog gis byung ba'i me ltar bzod par mi 'gyur ro/ /dus gcig na de lta bu'i 'byor ba dang stobs 'byung ba nyi ma shar ba'i ri'i rtse mo dang 'dra ba'i dri ma med pa'i nor bu stong phrag gis rnam par shar ba'i logs gnyis su seng ge'i khri lhag par gnas pa'i sa'i bdag po de'i gnas ji lta ba bzhin du bzhugs pa'i bram ze dang rgyal po dang blon po chen po dang //blon po dang pho nya'i tshogs dang ldan pa/ tha mal pa'i skye bo yongs su dogs pa dang ldan pa sgo ba rnams kyis bkag bzhin pa/phyi rol du nges par bcings pa'i glang po che dang rta dang shing rta'i mchog gi 'dug sa la kun nas gzigs shing kun nas 'ongs te/ zhugs pa rjes su gnang ba'i nags na rgyu ba rnams kyis sa'i steng du rnam par gzhag pa'i pus mo dang rang bzhin du yang ba'i yid dang ldan pa'i phyir brtabs pa dang tshig mi gsal ba dang dor ba'i tshig rnams kyis nges par zhus so//bdag cag gis ni nags mthug pa la glang po che yi tshogs nang na/ /glang po mthong ste ku mu ta yi tshogs ltar dkar ba yi ni gzugs/ / sar pa'i chu 'dzin tshogs kyis 'dor bar byas pa'i rtsa ba la/ /kha ba can gyi ri yi rtse mo dang mtshungs gzugs kyi bzhin dang ldan/ /de ni de 'dzin pa la lha tshad ma yin zhes bya'o/ /de nas gshol gyi rtse mos rmo bzhin pa'i mo sta'i 'bras bu dang ku sha'i rtswa yang yang dag par byung ba'i tsag tsag zhes bya ba'i sgra dang ldan pa 'ga' zhig tu zhing srung ma'i lag pa'i thal mo'i sgras rnam par bsres pa'i teb teb kyi sgras kun nas skrag pa'i yang dag par blangs pa'i ne tso'i gshog pas 'phangs pas rnam par bskyod pa'i yongs su gyur pa'i spre'u'i dum bu'i gos kyi dra ba can dang /'bras khur ba'i yongs su tshol bar gyur ba'i zhing pa rnams dang / nye bar nges par 'brel ba'i skrag pa'i bya rgod can dang / rdzing gi chu rnyog pa can la gnas pa'i skyug ldad du gyur pa'i ma he mo'i rigs mthun pa'i phyogs kyi gdong gis bsgul bas bzlog par byas pa'i de'i yan lag dang ldan pa dang /thos bzhin pa'i rab tu bskyod pa'i ba glang gi tshogs bskyod pa'i sil sil gyi sgra dang ldan pa dang / zhing gi pad+ma rnams kyi sdong bu lhung bas ngang skya dang / ngur pa dang khrung khrung bza' gnyis dang ldan pa dang / grong dang / grong khyer dang yang dag par 'brel ba'i zhing gis las shin tu 'das nas dmag gi tshogs kyis kun tu skrag pas rnam par byed bar gyur pa'i ri kyi tshogs kyis khyab pa dang /rta rnams kyi rmig pas gcod par gyur pa'i rtswa sar pa'i myu gu can de'i ri'i nags can de'i ston ka'i dus yang dag par byung ba na/ glang po che 'dzin pas mngon par 'phel ba'i ltad mo dang ldan pa'i shing rta mchog la zhon pa gdugs dkar pos nyin mor byed pa'i 'od zer gyis yang dag par bzlog par byas pa'i rgyal po de nags gzhan du rab tu zhugs par gyur to//de nas glang po'i bdag po ring nas tshogs kyi dbus su der gnas pa/ /dri zhim bsil ba'i dri ldan me tog shing dag dum bu byed bzhin pa//sa yi bdag pos mthong bar gyur pa smyon chu'i ri mo nye bar gnas pa la/ /bung ba'i tshogs kyis bskor zhing rna ba cung zad bskyod pas sdebs par byed/ /de nas re zhig glang po'i bdag po 'di dang bdag cag gis glang po che smyon pa 'di 'thab pa blta bar bya'o zhes rnam par bsams nas rgyal po rab snang gis kun nas bsdams pa zhes bya ba'i glang po che 'dul ba la glang po'i mchog 'di ni gdong g.yogs rab tu bsal bar byas nas nags kyi glang po che dang lhan cig 'thab pa'i phyir yang dag par bskul bar gyis shig ces bsgo'o//ji ltar lhas bka' stsal pa bzhin du bya'o zhes sna brkyang bas 'thab pa la spro ba skyes pa'i glang po che gzhan gyi dmag tshogs ldog par byed pa de la mngon du phyogs pa glang po che 'dul bar byed pas byed par 'gyur ro/ /de nas phan tshun mthong ba'i khros pas shin tu lhag pa'i mngon par 'phel ba smyon chu'i thigs pa'i phreng bas kun nas brlan pa dang /dri zhim par byas pa'i sa'i rdul dang ldan pa kun nas lci ba'i mche bas yang dag par phrad pa'i sgras 'jigs par byed pa/ 'di ni bros so bros so zhes dmag mi'i skye bos lta bar gyur pa dag la yun ring por 'thab mo byung bar gyur to//phan tshun so sor 'thab pas tha dad gdong can kun nas zlum pa ser skya'i mig ldan pa/ /kun nas 'phangs pas rnam par brtags pa'i sna ldan dkar dang dkar min sprin gyi 'od ldan pa/ /khros pas sna ni gyen du bslang ba'i glang po dag la sbom pa'i bskyod pa'i chu ldan pa//cung zad 'dab ma dkar dang dmar ba'i gsal bar 'gro 'gyur de dag gi ni dkan gnyis dag /dkar ba'i gnyis 'thung bdag po mche ba rnam par 'phrad pa yis/ /yang dag 'byung ba'i me stag gis ni khyab par byas pa dang / / de nas rgyal po'i glang po che de'i mche ba la brten pa'i/ /lcags kyis dkris pa yongs su glod pa 'byung bar gyur pa ste/ /glang po chen des ni sa yi bdag po'i glang po che ni bcom/ /'dul byed de ni ngo tsha dang ldan thur du blta bar gyur/ /de yi tshogs la glang po'i dbang po de ni slar yang zhugs//zab mo sa yi bdag po yang ni ngo mtshar dang bcas gyur/ /des na rgyal po rab snang la blon po chen po rnams yang 'dus nas/ lha glang po che rnams thams cad kyis kyang 'di ni bsgrub par dka' ba ste/ sngags kyi bzlas pa dang sman gyi stobs rnams kyis du mas 'thung ba 'di dbang du bya'o zhes zhus so de bzhin du bya'o zhes rgyal po des brjod nas slar rgyal po'i pho brang du gshegs par gyur to//de rnams kyang thabs des spos kyi glang po de la glang mo rnams kyis yongs su bskor ba 'ongs nas glang po che'i ra bar zhugs par byas te/ ka ba la bcings nas glang po che de 'ongs so zhes rgyal po la zhu ba byas par gyur to//de nas rgyal pos kun nas song ba zhes bya ba glang po che 'dul byed la bzang po de ltar 'di glang po che'i rgyal po dul bar bya ba ji ltar bdag la bzhon par rung bar 'gyur ba zhig ces bka' stsal to/ /des kyang mgos phyag 'tshal ba dang bcas pas rgyal po'i ngag gzung nas glang po che de 'dul ba la zhugs so//gang gang glang po 'dul ba des/ /bslab pa yang dag brtan gyur pa/ /blo ldan slob ma bzang po ltar/ /glang po de dang de ni gzung / /de nas glang po chen po yang dag yongs nas ni//glang chen rnams kyi nga rgyal rgyags pa phrog byed pa/ /rnam par 'dud pa'i spyi bo 'dul bas thal mor bcas/ /sa yi dbang phyug la ni glang po 'dul bar zhus pa'o/ /'di ni dul bas skyong ba'i glang po che/ /shin tu sa skyong gzhan la zlog par byed pa de/ /glang po'i dbang po'i bslab pa thob nas de ltar ni//rgyags pa yang ni de ltar min na mgu mi byed/ /lcags kyu med pas kyang ni smyug ma med pas kyang / /rnam par 'gyur ba 'gro min dus sogs med pas kyang / /bdag gis longs shig ces bya slar ni bskul byas pa/ /glang po 'di ni 'bar ba'i lcags kyi ri lu za//de nas de'i steng du rgyal po zhon nas rtog /glang po'i dbang po 'di ni kha ba'i ri dang 'dra/ /'on kyang rang nyid rin po che ni rtog la mkhas/ /ngo mtshar skyes pa nyid kyis 'di ni brtag par gyis/ /de nas rgyal po rab snang glang po che'i mchog de la zhon nas ston ka'i dus ltar dkar ba'i nyin mor byed pa sprin la zhon pa ltar btsun mo'i 'khor gyis bskor ba dang bcas pa bag med pas nags su rtse ba nyams su myong ba'i don du zhugs par mdzad do//de nas mtsho nang sgeg bcas chu ni yan lag la ni gtor byed pa/ /gsal ba 'dud pa bcag pa'i pad ma'i rtsa ba dum bur byed pa ni//glang mo mthong bas glang po'i rgyal po sgeg pas kyang ni 'gro 'gyur te/ /pad mas pad ma bcag par gyur pa mngon par bzod par byed pa yi/ /pad ma'i nags tshal gyi ni dbus su glang mo de ni des mthong nas/ /glang po'i bdag po chags pa'i gzugs dngos kyi ni sems la khyab//'chal pa rtsub pa'i ngag gis 'dul bar byed pas bzlog par gyur pa yang / /shin tu mgyogs par rgyug pa de yang 'jigs pas rab tu 'gro bar 'gyur/ /glang po rjes su 'gro ba rab tu zhugs pa glang po de la ni/ /ri mo'i mdog ni dmar po lus kyis rnam par 'byed pa yang //mgyogs par rjes su song ba'i rta rnams kyis ni rlung gis 'chag pa ni/ /bzhon pa bzhin du 'gram la gnas pa'i bran gyis cung zad mthong bar 'gyur/ /khyod kyis bdag ni nam yang btang ba yin te/ /khyod kyis brtse ba med pa ci zhig 'di lta bu/ /de ltar rkang pa drug pa'i phrang ba yud tsam zhig /sgra 'byin de yi lam la rjes su 'gro bar 'gyur/ /glang po'i dpral ba'i dbyes la lcags kyus btab kyang de/ /'dul bar byed pas de ni phyir ldog mi nus te/ /skyes pa yang ni 'dul bar bya ba nus ma yin/ /ci zhig dud 'gro 'dod pa'i don la dman pa'i blo//de na myur ba nyid du ma he'i ra dang dri ma dang bcas pa'i nags kyi me'i du bas mi gsal ba'i ri'i tshang tshing gi nang shin tu mi mnyam pa'i sa'i cha dang ldan pa'i phyogs gcig na glang po che tshogs kyis shing rtsa ba nas bton pa'i rtse mo nas 'phur ba'i 'dab chags rnams kyi tshang nas sgong nga lhung ste chag pa'i dum bu rnams kyi bsres pa dang ldan pa/stag rnams kyis nye bar longs spyod cing zos pa'i rlan gyis shin tu gos pa la bya rgod dang / khrad dang / ce sbyang rnams za ba dang ldan pa/ shing bya'i sgra shin tu rtsub pas 'jigs par byed pa/ skya rengs zhes bya bas shing rta skul bar byed pa'i 'od zer gyis kun nas gdungs pa'i sa 'dzin gyi rtse mo rdo'i tshogs dang ldan pa/dam pa ma yin pa dang 'brel ba lta bur mngon par mi dga' ba'i gnas su glang po de 'jigs pa dang ldan pas rab tu zhugs par gyur to/ /de yang chags pa'i dbang gis tsher ma dang ldan pa'i smyug ma'i shing gi yal ga lhung ba zug pas/brla dang rje ngar dang lag pa dang brang gi mthil las rab tu 'dzag pa'i khrag dang ldan pa'i sa'i bdag po khur zhing lcags kyu btab pa rnams mi tshor bar dgon pa de nyid du zhugs par gyur to/ /pa la sha dang u dum bA ra lta bu dmar skya'i bzhin ldan skad cig mi g.yo bar//dril bu'i ma la ngo mtshar bas ni shing la gnas pa'i yal ga'i ri dgas rnams kyis blta byas pa/ /glang po che ni lcags kyu shor bas ku sha'i tshogs kyi thang ni sngo bsangs rnam spangs nas/ /rtswa sar bcad nas za zhing mgrin pa gyen du lta ba'i ri dgas rnams kyang yud tsam mthong //de nas glang po 'dul bas rgyal po de la lha lags glang po'i bdag po 'di da ni lcags kyu med pa nyid kyis skye bo ngan pa ltar ngo tsha dang bral ba'i phyir shin tu yang dbang du bya ba ma yin pa ste/ gal te rnam pa gang gis kyang glang po gdug pa can 'di shing kha cig gi 'og nas 'gro bar gyur pa de bas na de'i yal ga bzung nas lhas bdag nyid brtan par bya'o zhes zhus so//de nas rgyal po de cod pan dang dpung rgyan dang mu tig gi chun 'phyang dang / na bza' lhung ba na tso rnams kyis myang bar byas te/ sin d+hu ras rjes su kha bsgyur ba'i gtso mo'i mchu dang rjes su mthun pa'i 'bras bu dang ldan pa/'bras bu med pa'i srog gi re ba can rnam pa gang gis kyang n+ya gro d+ha'i shing gi yal ga yun ring por ma phrad pas shin tu 'dod pa skyes shing yid du 'ong ba ltar 'phyangs shing 'khyud par gyur nas shing gi sdong bu mchog la gnas par gyur to//mche ba gnyis pa rnams kyi bdag po so ba'i shing rnams kyi/ /yal ga'i rtse mo rnams kyis bshig pa'i rna ba'i rnga yab ni/ /ring ba'i phyir ni mig gi lam las 'das pa mthon po dang / /dril bu'i sgra des skyong gis ni thos par ma gyur to/ /de nas mi'i bdag po de'i btsun mo'i 'khor gyi bud med rnams ngu bro bas bzlog pa dang bcas pas rab tu zhugs te sa'i bdag po'i mya ngan gyi dbang gis sa'i steng na gnas par yang nas yang du 'di ltar sdug bsngal byed pa'i phyir rtsom par gyur to//sa rdul lhung ba skyes pa la ni 'ga' zhig tu/ / ri yi tshang tshing che ba'i brag gis mi mnyam la/ /sa bdag rgyal po de ni mtshon cha dang bral ba/ /'jigs pa dang bcas nags nas ci ltar 'ong bar 'gyur/ /rnam par lhung bas chag dang byung ba'i dpung pa lag /yang na de ni snyom pa'i stobs ldan gnod byas pa/ /rkang mthil 'jam po dag la ku sha'i rtse rnams 'bigs//deng sang chu ni 'thung 'dod ci ltar 'thung bar 'gyur/ /ma bsams pa yi rgud pa de ni thob byas pa/ /skye bo rnams kyis bskor kyang ji ltar glang po ches/ /yang na bde sdug 'bras bu can gyi lha yi lam/ /gang zhig su zhes bya ba 'da' bar byed par 'gyur//gal te mi yi bdag po de yi cung zad mi shes pa/ /nges par bdag cag kyang ni 'chi bar 'dod pa ste/ /'on te glang po'i bdag po gnya' ral can gyis kyang / /glang mo'i tshogs ni nags kyi ri la dga' ba min/ /glang po 'dul des bka' stsol yang dag rtogs nas shes bya ba//sa yi steng gi dbang po de ni gson zhes su zhig smra'am/ /slar yang bzhed pa yis ni yid 'phrog zla ba'i zhal can de/ /mi yi bdag po'i dpal ni 'dzin cing nam zhig mthong 'gyur zhe'o/ /de ltar btsun mo'i 'khor de rnams smre sngags 'don pa rtse gcig pa mig gi mchi mas smug rtsi bkrus pa de yang yang dag par dbugs phyung nas blon po'i skye bo 'khor dang bcas pa shing rta rnams la zhon nas rim gyis song ste/glang po che'i bdag po de'i rkang pa'i rjes kyis rtswa dang bong ba kun nas brdzis pa dang / smyon chu'i thigs pa kun nas lhung bas rtswa'i myu gu'i mthar thug pa dri dang bcas pa dang /sbrang rtsi byed pa'i tshogs kyis kun nas bskor ba'i lam de rjes su tshol bar gyur to/ /der mu tig gi tshogs las lhung ba'i lci ba'i rin po che'i tshogs kyi gzhi dri dang bcas pa dkar po mu tig gi tshogs kyi skud pa 'dug pa rtswa la thogs pa ri dang nye bar de nas mu tig gi phreng ba de na gnas pa g.yo zhing shin tu dkar ba'i lto 'phye dang 'dra ba'i 'od kun nas byed nus pa mi'i bdag po'i skye bo des mthong ngo //mu tig gi phreng ba mthong bas kyang nges par lha nye bar gnas so zhes bsams par gyur pa'i blon po de rnams de nas cung zad kyi bar du phyin nas n+ya gro d+ha de'i 'og tu rgyal po de skom pas bskams te lus skya bor gyur cing kun nas cod pan lhung ba shin tu rno ba'i tsher ma can gyis rgyas pa'i shing rnams kyis phog pas sdug bsngal gyi tshor ba mthong bar gyur to//rta dang shing rta rnams las babs te dga' ba'i yid dang ldan pa rnams pad ma'i rtsa ba'i bug pa rnams las nges par byung ba'i lha'i dbang po lha rnams kyis mthong ba bzhin du gus pa dang bcas pas bsnyen bkur byed par gyur to//mi'i bdag po des kyang ma lus pa de rnams la smras par gyur to/ /de nas blon po de rnams yi rang ba ni shing rta bcu pa'i sras ltar shing rta'i mchog de la bskyon nas dgon pa'i sa phyogs de las slar grong khyer der 'ongs pa na rta babs la dri zhim po rnam pa sna tshogs pa'i me tog gi phreng ba rnams kyis bcings par gyur pa na bung bas nges par 'brel zhing rgyal mtshan dang ba dan gyis skul bar byed pa/dri dang bcas pa'i chus lam po che'i bar dri zhim por byas pa/ sna tshogs pa'i gar gyi dga' ston la 'jug pa rgyal po'i pho brang 'od ldan gyi grong khyer ba rnams kyi yid dga' bar byas par gyur to/ /glang po che de yang glang mo de la 'dod pas ltad mo byed pa ni dregs pa dang bcas pa'i gshol 'dzin pa'i rtse ba ltar goms par byed cing /glang po 'dul ba 'jigs pa dang ngo tsha bas rnam par rmongs pa'i yid kyis de dang lhan cig tu rgyal po de'i drung du 'ongs so/ /skrag pas 'dar ba bskyed pa'i glang po 'dul ba des/ /de nas mthong bas mi yi bdag po de yin/ /spyan gnyis khros pas skad cig gis ni 'gyur ba can//ut+pal dmar po ze'u 'bru med pa bzhin du dmar/ /khro ba'i sgra can gyis dri ma dang bcas par byas pa'i zhal gyi zla ba can gyi rgyal pos bdag nyid ngan pa glang po 'dul byed dman pa kwa'i ci khyod su zhig gis bskul ba yin/ gang gi phyir dregs pa 'dzin pa'i glang po che ngan pa 'di la khyod kyis bdag bskyon par gyur to zhes smras so//ji ltar glang po che'i mchog 'di bdag gi tshig gis lcags kyi ri lu 'bar bar 'gyur ba za'o zhes 'on kyang khyod kyi bden pa da ltar blta yis/ de nas nyi ma shar ba dang / /'dra ba'i glang chen mdun du de//byin za dbus nas phyung nas ni/ /lcags kyi ri lu gzhag par gyur/ /blon po chen po la smras pa/ /ngo mtshar can gyi blon pos bskor/ /glang po'i thog tu zhon nas ni//lcags kyi ri lu khyer shog ces/ /de ltar des ni thos pa dang / /smyug ma mdun du blangs nas su//glang po long shig ces smras pas/ /de yang mi mthun nyid ma gyur/ /lcags ril len par 'dod pa de/ /mthong nas glang chen de yang ni/ /glang po che ni 'di las bzlog /kun nas bsdams pa rgyal pos smras/ /glang po 'dul byed des ni glang po bzlog pa dang / / de nas slar yang mi yi bdag pos smras pa ste/ /lus po tsam ni rnam par 'dul bar nus yin gyi/ /sems kyi g.yo ba 'di ni tshar gcod nus ma yin/ /de nas gnas gtsang ma'i lha cig bar snang la gnas te sa'i bdag po 'di gal te sangs rgyas bcom ldan 'das rnams kyi yon tan gyi tshogs thos na de nas the tshom med par sangs rgyas nyid kyi phyir smon lam byed ces bya ba'o//de'i phyir 'di 'dir dus la bab pas glang po skyong ba 'di nyid la bdag rjes su zhugs so zhes rnam par bsams nas skad cig nyid kyis de'i lus la rjes su zhugs par gyur to//de nas kun nas bsdams pa'i rgyal po de la gsol pa/ /dka' thub kyis ni yan lag ring gyur 'dod pa rnams/ /'dod lhas thub pa rnams kyang rnam 'gyur thob byas pas/ /de rnams kyis kyang gal te yid ni 'dul nus min/ /gzhan gyis rab tu byed pa ji ltar byas par 'gyur//rgyal pos smras pa/ su zhig gis sems 'dul ba nus par 'gyur/ kun nas bsdams kyis gsol pa/ sangs rgyas zhes bya 'gro ba'i mgon/ /byung 'gyur 'byung ba rnams nyid ni/ /de rnams rang dang gzhan gyi sems/ /'dul bar byed par nus pa yin/ / sangs rgyas zhes bya'i tshig thos nas/ /ngal ba de las de yi ni/ /dang ba spu langs byung rnams kyis/ /mang po nyid du yang dag thob/ /rgyal pos smras pa/ bzang po sangs rgyas rnams la ji lta bu'i mthu dang ldan pa re zhig smros shig /kun nas bsdams kyis gsol ba/ /ma rig rab rib long rnams kyi//srid pa gzhan ni bzlog phyir ro/ /gang de rtogs bya'i go 'phang zhi/ /de rtogs pas ni de bzhin gshegs/ /de nas rgyal po de yid rab tu dga' ba dang ldan pas slar smras pa/ 'o na re zhig sangs rgyas nyid ji ltar rtogs par bya ba brjod par gyis shig ces so/ / sbyin dang tshul khrims bzod brtson 'grus/ /bsam gtan shes rab yang dag ldan/ /slob mar gyur pa'i mi rnams kyis/ /'bad pas sangs rgyas nyid ni thob/ /de nas rgyal bo des sangs rgyas nyid rtogs pa'i lam la nye bar dmigs nas 'di ltar smon lam byas par gyur to/ /sems can rnams ni zhi don du//sbyin sogs yon tan mang ldan pa/ /sangs rgyas rtogs bya la mkhas pa/ /de nas myur du bdag gyur cig /de nas de ltar smon lam chen po byang chub sems dpa' dag pa yis/ /byas pa'i blo can byas par gyur la blo ldan rnams ni dga' bar 'gyur/ /rang gi stobs ni rnam par nyams pa'i yid ni rgya yi dbus gnas pa//mdas phug ri dgas ltar ni me tog rgyal mtshan gyis ni sdug bsngal myong / /yid kyi zhing rnams kyis ni 'dzin pa'i smon lam shing ni skye bo dga' byed pa/ /phal cher yang dag 'byung ba dang po snying rje'i me tog gis ni nus ldan pa//rim gyis rgyun ma chad par 'dod pa'i dbang phyug chen po sbyin pa'i chu yis ni/ /'bras bu don du gnyer ba'i sa skyong nyin re zhing du zhing dang 'dra bar 'chu/ /sa yi bdag po spyod pa nam mkha' lta bur rgyas pas rab tu brgyan par byas pa ni/ /bsal bar dka' ba 'gro ba'i mi shes rab rib g.yogs pa bsal bar 'dod pa yis//rgyal po zla ba'i smon lam ston ka dang 'dra rtsom pas dri ma dang bral rgyas/ /shin tu sbyin pa'i zla 'od don du gnyer la ku mu da yi dga' ba skyed par byed/ /g.yog rnams glang po'i phru gu ltar ni shin tu skyong byed pa/ /dpal ni glang mo bzhin du yun ring por ni mnyes byed cing //sbyin pa'i don du gnyer ba 'dod pa rnams ni 'ongs nas ni/ /sa bdag de la glang po'i dbang po bung ba ltar ni bskor/ /gang zhig sngon ni thob dka' me ltar 'gyur ba ste/ /gang zhig nyid ni bya bas dkyil 'khor 'byin 'khyog pa yi mig dang ldan//de nyid byang chub la ni rnam 'brel nges pa can/ /mi yi bdag po mtsho bzhin skye bo rnams la bskyed/ /lus can rnams kyi ser sna'i mun pa bsal ba ni/ /rim gyis yid ni rang bzhin gzhan du 'gro ba ste/ /du ba gang zhig nyid ni mig la rab gnod pa/ /de nyid bsags pa sprin nyid du ni 'gro ba'o//shin tu sbyin la sems rtse gcig pa'i rgyal po la/ /'bangs kyi skye bo yang ni sbyin pa de la sbyin/ /gang phyir dus nyid de lta bu de 'ga' zhig tu/ /zhing rnams gang du 'bras bu mang bar 'gyur ba yin/ /yon tan la ni rjes chags mi bdag mthong nas ni/ /blon po rnams kyang yon tan la 'dod skyed par byed//ri bong can gyi 'od kyis rjes su 'brel gyur ba/ /chu shel dri ma dang bral chu ni ster bar byed/ /yon tan dang bcas skye bos sbyar bar gyur pa ni/ /mdzes pa'i yid ni yon tan rjes chags su mi 'gyur/ /thub pa'i spyod yul 'ongs te dman pa'i blo ldan pa/ / sbrul dang ri dgas kyang ni drag po'i ngo bo 'dor/ /de ltar sangs rgyas yon tan rjes mthun yi ge can/ /glang po 'dul ba la ni yid 'phrog ngag thos nas/ /srid pa'i 'ching ba 'joms pa'i rgyu can smon lam 'di/ /sngar byung shAkya'i sras kyi 'byung bar 'gyur ba yin/ / de ltar bde bar gshegs pa'i yon tan gyi che ba'i bdag nyid thos pa'i skyes pa khyad par can rnams lus can rnams kyi 'khor ba'i sdug bsngal rnam par gcod pa'i phyir dang / sangs rgyas nyid rtogs pa'i phyir brtson 'grus kyi go cha gyon pa zhes bya ba rnam par bsams nas yang dag par rdzogs pa'i byang chub thob pa'i don du slob bzhin pa'i blo can gyis thog ma nyid du sbyin pa'i pha rol tu phyin pa la 'bad par bya zhes bya'o//rab snang gi skyes pa'i rabs te dang po rdzogs so// //gang zhig gzhan gyi sdug bsngal rnams kyis sdug /de ni rnam par gcod phyir dam bca' byas/ / 'gro ba rnams kyi don ni byed gyur pa/ /de nyid shin tu sdug bsngal rnams ni bzod/ /'di ltar rjes su thos te sa'i steng na cod pan du gyur pa tshul gyis rab tu gdung bas blon po chen po thams cad las rnam par rgyal ba'i rgyal po tshangs pas byin gyis brlabs pa'i grong khyer bA rA Na sI'i rgyal po'i pho brang na/bsod nams kyi tshogs sna tshogs pa nye bar bsags pa/ bstan bcos du ma'i cha la mkhas pa'i grags pas rab tu grags pa/ gtong ba dang khrel yod pa dang bzod pa la sogs pa'i yon tan rnams lhag par gnas pa/ bshes pa dang don du gnyer ba dang gnyen 'dun du gyur pa'i skye bo rnams kyi yid du 'ong ba'i ded dpon shin tu dga' ba zhes bya ba'i byang chub sems dpa' byung bar gyur to//dus kun du ni thams cad nyid/ /kun gyi phyir ni sbyin bya zhes/ /sems can kun la brtse ba yi/ /de yi dam bca' byung bar gyur/ /'jig rten sdug bsngal bcad pa'i phyir//shin tu byas pa'i sems rnams kyi/ /sems can la che dam bca' ni/ /chen po nyid rnams la ni skye/ /gtong bas skye bo rab dga' byed/ /des na sems dpa' dag par 'gyur/ /ston ka'i dus na zla ba bzhin/ /chen po shar bas mun pa sel/ /bdag cag don du 'dis ni 'dzin//longs spyod bsod nams stobs kyis rnyed/ /don du gnyer rnams rdzas rnams la/ /de yi bdag 'dzin de ltar dmigs/ /nges par legs pa'i blo gros 'di yi smon lam sa bon ni/ /yid kyis 'di la ni rgyal ba nyid kyi 'bras bu'i phyir/ /sngon ni sbyin pa'i pha rol phyin pas bsod nams kyi ni las//de ni phrad pas dga' ba bzhin du myur du sprad nas 'khyud/ /de ltar dge ba'i rtsa ba nye bar bsags pas sbyin pa chen po la zhugs pa/ sems can gyi don gyi phyir snying rje'i lcag gis yid kyi rta yang dag par bskul bar byas pa/ nges pa'i shing rta la lhag par zhon pa'i byang chub sems dpas/nyin par 'di ni gtong mi 'gyur/ /sbyin pa'i pha rol phyin pa zhes/ /lhag ma pha rol phyin rnams de'i/ /phrad 'dod lta bur gnas par gyur/ /de nas bdag nyid chen po de so ga'i dus kyi nyin mor byed pa'i 'od zer ltar chu'i snod kyis chu kun nas 'thung bar gyur pa nyid dam re rer don du gnyer ba rnams kyis lhag ma cung zad tsam mdzod kyi snying po mthong nas/slong mo pa'i skye bo'i re ba 'bras bu med par byed pa mi nus pas rin po che'i gling du mngon par 'gro bar 'dod cing / sna tshogs pa'i zong gis yongs su gang ba/ mthon po'i rlung ras la 'jam pa'i rlung lhung ba dang /shin tu mkhas pa'i skya chen 'dzin pa rnams kyis skya ba 'dzin pa rnams dang / yid ches pa'i 'khor gyi skye bo rnams kyis lhag par gnas pa'i gzings su zhugs nas/ tshong pa'i skye bo du mas yongs su bskor ba/ a ta sa yi me tog kha bye bkram pa dang 'dra ba'i//nam mkha'i chu nyid du ni kun nas 'ongs pa 'dra ba ste/ /'od ldan lto 'phye'i nor bu mar me stong gi nang nas ni/ /zab cing bgrod par dka' ba'i chu ldan rgya mtsho 'khrug par byas/ /gzings 'gro ba'i dbang gis chu mtho ba'i 'gram gyi shing rnams bum pa ltar skad cig nyid du ni yang dag par mthong nas rlung gi stobs kyis 'byung bar gyur pa'i rlabs chen po rnams kyis mi mnyam pa mdun du rgyug pa dang 'dra bar rim gyis rgya mtsho chen po la brgal nas rin po che'i gling du phyin te/rnam pa sna tshogs pa'i rin po che rnams blangs nas tshong pa de rnams dang lhan cig tu gegs med par shin tu dga' bas slar log ste 'gron po thang gi lam nas khrid pa brtsams par gyur to//'di la brten nas don gnyer tshogs ni rgyab phyogs ma song ste/ /'di yi sems ni dgra dang bu la'ang mnyam par 'jug pa zhes/ /de ltar yon tan rnams ni brjod cing yon tan 'dod pa yis//de yi 'gron po rkun mo'i tshogs kyis kyang ni choms mi 'gyur/ /tshul khrims gtsang mas brgyan pa'i skye bo la/ /'gro ba'i don du so sor 'brel ba'i sems/ /'on kyang chos la rgyab phyogs skye bo ni/ /bshes pa bzhin du bzang ba nyid du 'gro/ /de nas bdag nyid chen po de bA rA Na sIr nye bar 'ongs nas dga' ba'i yid can gnyen 'dun rnams kyis mthong bar gyur te rang gi khyim du rjes su zhugs nas rin po che'i gling nas rnyed pa la rang dbang du spyod pa nges don du gnyer ba'i skye bo rnams la yang nyin re bzhin du 'gyed par byas par gyur to//bdag nyid chen po des ni gzhan don phun sum tshogs//rgya che'i sems dang ldan pas sbyin pa rab sbyin cing / /'bras bu dang bcas don gnyer mang po 'ongs pa yi/ /don gnyer rnams kyis khyim gyi sgo ni stongs ma gyur/ /de nas bdag nyid chen po de dus gcig gi tshe mal cha mchog la gnas shing nub mo 'di bsams par gyur to//nor 'di yang skye bo don du gnyer ba la so sor mchod pa'i phyir nus pa nyid ma yin snyam mo/ /slar ni sbyin pa'i 'bras bu ji lta bu bsgrub par bya/ gang gis bdag la rtag tu sbyin pa rgyun ma chad pas yid tshim pa don du gnyer ba rnams la 'gyur zhes bya'o/ /gzhan yang mtshan mo 'di myur du 'da' ba ni gang gi phyir bdag gis don du gnyer ba'i tshogs rnams la ji ltar dgye bar bya zhes bsams so//skye bo thams cad na ba'i dus su gnyid 'dod de/ /sems ni bde ba'i phyir ni ngal bas gdungs pa'am/ /'di ni sbyin pa'i bdag po ster ba'i gegs byed ces//dam pa de ni gnyid log pas ni sdug bsngal gyur/ /de nas sems dpa' chen po de gnyid kyi dbang du nye bar song ba na rmi lam du 'od zer dri ma med pa 'khor yug la mngon par 'byung ba'i 'obs lam na lus nus pa bung ba'i tshogs kyis shin tu nag pa lhod pa'i skra'i tshogs kyis dpung pa phyogs gcig bkab par byas te/pad ma'i 'dab ma ltar shin tu dmar zhing yangs pa'i mig dang ldan pa/ gser gyi bum pa dang rjes su mthun pa'i nu ma'i steng du khyab pa'i mu tig gi chun po dang nor bu'i 'od kyis kun nas gsal bar byas pa'i brang gi mthil can/ me tog ban du dzi ba sar pa ltar shin tu dmar ba'i mchu dang ldan pa/gsus gnyer gsum ni skas kyi gdang bu la 'dzegs pas rab tu srab pa'i sru'i phreng ba 'khyog zer bar byas pa/ zla ba'i mdzes pa gzugs dang ldan pa ltar rna ba'i rgyan gyi nor bu'i 'od kyis mkhur tshos kyi smug rtsi 'dor ba/ srab pa dang dkar ba'i stod g.yogs kyis yan lag sbas pa/ston ka zla ba tshes pa'i 'od kyis kun nas khyab pa'i gser gyi sku gzugs ltar rjes su mthun pa'i lha mo mthong ngo / /des kyang mngon par gsal bar gyur pa'i so dang nor bu'i 'od kyis bzhin snang bar byas te/ gsal ba dang 'jam pa'i tshig gis 'di skad ces gsungs so//sbyin la shin tu chags pas mdzod kyi phun tshogs ni/ /khyod kyis 'di ni rim gyis srab pa nyid du 'gyur/ /mtshan mo mdzes pas zla ba'i mdzes pa zad pa ste/ /rgya mtsho'i rlabs ni nges par bzlog par 'gyur ba ltar/ /de nas khyed la shar ba song ba 'gro 'gyur te//lta ba bzlog cing don du gnyer la rgyab phyogs pa/ /skad dang bral ba yid 'ong dngos ni lhung ba yi/ /ston ka'i dus ni sprin la yun rings rma bya bzhin/ /de ltar 'dzad par 'gyur ba'i mdzod kyi phun tshogs la/ /khyod ni don gnyer rnyed nas mya ngan 'gro 'gyur te//khyod kyi sbyin 'dod 'di ni shin tu grags pa ni/ /nam zhig kyang ni rnam par 'gyur bar 'gro mi 'gyur/ /shing ni zad pa'i song bar g.yo ba'i 'od zer gyis/ /me ni 'bar ba zad par yang ni rab 'gro ste/ /phal cher goms pas rnam par 'phel ba'i skye bo ni/ /chen po rnams kyi sbyin 'dod rgud kyang de lta min//'di ni nor rnams yongs su zad kyang don gnyer rnams/ /slong la brten pa'i 'jigs pa 'jigs par mi byed de/ /de ltar gsal bar byas pa'i nges pa skyed rnams kyis/ /skye ba dka' ba la yang rgya chen nyid mi spong / /de ltar khyod ni bden par smra ba ste//srid pa rnam par gcod pa'i go 'phang tshul byed pa/ /bya ba nyung ba nyid ni myur du bcings nas su/ /'jig rten rnams la 'byor phyir rgya shug gling du gshegs/ /bdag gis nye bar bstan pa de nyon cig /'gro ba sa 'dzin klu dang gnod sbyin gyis 'jigs pa//rgya mtsho mang ba rnams kyis kyang ni 'gag 'gyur ba/ /de ni shin tu sgrub pa'i don du khyod nyid nus/ /ri bo ma la ya la 'dzeg byed bdud rtsi zhes/ /brtson pa btang na gtsang ba'i dri ldan sman yod de/ /dgang blugs yongs su smin nas de zo shig /ngal dang skom pa sel dang bkres pa sel ba'i phyir//gling rnams brgya phrag lnga dang 'jigs pa'i chu ldan chu bo de dang de rnams 'das nas ni/ /chu gter rnams la bsod nams dang ni brtson 'grus kyis ni gzings rnams dbus nas rgal nas kyang / sa 'dzin mthon po'i steng na chen mo ming gi tshogs ni chen po zhes bya sman yod de//de ni blangs nas lto 'phye chen po'i dug ni chad par bya phyir der ni byed song cig /lcang ngar gyis phug par byas pa'i spa'i nags rgal bar byas nas rgya mtsho'i 'gram dus 'dzin gyi phug gi nang na gnas pa skar ma'i mig ces bya ba srin po khyod kyis mthong bar 'gyur te/gnyid log pa las sad pa bzhin du 'bar ba'i mes 'bar ba/ /gang gis mig dang nyi ma'i dkyil 'khor 'dra ba'i 'bras bu can/ /kun nas ser ba'i rdzi mas yongs bskor lam gyi pri ka can/ /gnyid sangs pa la bskum pa dang 'dra bar ni 'dzums med pa/ /de ni gnyid log pa na mthug pa'i dbugs kyi rlung gis ni//shing rnams kyi ni me tog dkar po rab tu rnyings par 'gyur/ /'di yi lce ni g.yo ba rnam par 'gyur te kha yi sbyor ba las/ /'jigs pa'i sgra yi chu 'dzin pa las glog 'gyu'i rgyun bzhin no/ /de nas gnod sbyin dang lto 'phye rnams zhi ba'i don du 'das pa'i sangs rgyas rnams kyis gsungs pa'i mdo'i tshig rnams 'don cing khyod kyis 'gro bar byas te song nas kyang shin tu ring ba ma yin pa ni skyed mos tshal rnam pa sna tshogs pa'i me tog rnams kyis dri zhim pa'i rlung dang ldan pa rin po che du mas rab tu snang bar byas pa'i rgya mtsho'i 'gram na sa 'dzin rnams kyis rab tu byas pa du ma tha dad pa'i skye bo rnams kyis yang dag par gnon pa'i skyes bu'i lam shi ba med pa'i grong dang 'dra ba'i ro hi ta zhes bya ba'i grong khyod kyis mthong bar 'gyur ro//der yang zla ba nya ba ltar yid du 'ong ba rnam pa sna tshogs pa'i yon tan gyi tshogs dang ldan pa ded dpon ma g+ha zhes bya ba yod de//de ni rgya shug gi gling gi lam khyod la nye bar ston par 'gyur ro/ /ded dpon chen po de yang nad shin tu drag po nyid kyis seng ge dang stag gis 'jigs su rung ba'i ri bo dang nags kyis khyab pa'i dpag tshad mang por song ste dus dus kyi lam gyis sbyar bar 'gyur ro//khyed kyang der sdug bsngal mi bya'o/ /snying rjes rab tu bskul ba ni/ /sems can phan phyir bstan pa rnams/ /spro ba dang 'brel rang bzhin chos/ /'dod pa yang dag sgrub pa yin/ /phyi nas lha'i mthu dang bsod nams kyi mthus ring por 'da' bar bya ste/kha ba can gyi ri'i rtse mor rjes su byed pa'i ra bas yongs su bskor zhing dngul gyi grong khyer sgo bcad pa khyod kyis mthong bar 'gyur zhes bya ba'o/ /der yang khyod kyis mdo'i tshig de rnams nyid gdon par bya'o/ /de nas sgo glegs de rang nyid kyis phye ba 'byung bar 'gyur ro/ /de yi rjes su mi 'am ci mo bzhi ni nges par 'byung bar 'gyur te lci ba yi//nu ma'i bum pa'i khur gyis shin tu ngal zhing dgod pa'i dbang gis so yi 'od ni gsal/ /smin ma'i ri mo che bar ldan zhing ut+pal 'dab ltar sngo ba'i mig ldan pa/ /srab cing dkar ba'i lha las 'byung ba'i gos kyi na bza' 'dzin par byed pa mo//'jam pa'i rgod pas zur mig gis lta ba dang smin mtshams sgeg pas 'dod pa'i lha gsal bar byas pa de rnams la yang khyod kyis sring mo'i 'du shes bskyed par bya'o/ /de rnams kyang khyod la rgya shug gi gling gi lam ston par byed par 'gyur ro/ /de nas rgya shug gi gling gi bdag po mi 'am ci'i rgyal po rnams kyis rab tu spro ba skyed de khyod la yid bzhin nor bu sbyin par 'gyur ro//der yang bai DUr+ya'i rang bzhin gyi grong khyer dang nye ba skyes pa skyed mos tshal du yongs pa ma rmos par btab pa'i lo thog gi 'bras bu sbun pa med par za zhing ston ka'i sprin zhes bya ba skyes pa ltar rta'i rgyal po khyod kyis mthong bar 'gyur ro//des khyod la nam mkha'i lam gyis don byas pa'i bA rA Na sIr 'gugs par 'gyur ba yin no zhes bya ba smras nas lha mo de mi snang bar gyur to/ /byang chub sems dpa' yang dge ba'i rmi lam mthong bas rab tu dga' ba mchog 'dzin cing nges par bdag rgya shug gi gling du phyin pa'i 'bras bu rnyed par 'gyur zhes bya ba rnam par bsams nas lha rnams mchod par byas te/dge sbyong dang bram ze dang sdug phongs rnams la sbyin pa byin nas ji ltar lha mos nye bar bstan pa'i lo bcu gnyis rgya shug gi gling du phyin te mi'am ci'i bdag po'i drung nas yid bzhin gyi nor bu de thob nas ci nas kyang rta'i bdag po de 'ong ngam sems shing 'dug go//bsod nams las can de las kyang ni rnam bsams pa/ /gzhan don sgrub pa la ni nges par 'brel sems kyis/ /zla ba'i 'od zer rnams kyi spro pa'i spungs pa ltar//rta yi rgyal po de yang kun nas myur du 'ongs par gyur/ /kun nas 'ongs te mi yi skad du des smras pa/ /gos kyi skud pa'i rnam pa mthun pa'i ze'u sogs can/ /grong khyer 'di las ri dang rgya mtshos bgrod dka' ba'i/ /rang yul las phyogs nam mkha'i lam las su bdag khyer//rab tu dga' ba yon tan la dga' yon tan can gyis dbyen/ /rta mchog zla ba'i 'od zer ltar ni dkar ba de la smras/ /bung ba rgyas pa rnams kyis khyab pa'i skyed mos tshal gyi nang / /bdag gi bA rA Na sIr rta rgyal khyed kyis myur khrid cig /de nas rta yi rgyal pos bstan pa'i sems can de la smras//bdag gi rgyab 'di la ni zhon nas yan lag brtan par shog /rang gi gos la dag pa'i 'od zer rin po che bcings nas/ /de ni bya yi rgyal po dang mnyam sprin la zhon par gyur/ /mig pa rnams kyis thug med chu 'dzin 'bigs shing 'ga' zhig tu//glog ni kun du snang bas yan lag kun nas ser byas pa/ /nam mkhar phyin nas g.yo med rgya mtsho'i chu ltar sngo ba yi/ /bA rA Na sIr rta yi rgyal po de ni babs par gyur/ /de yang rang gi khang pa dang nye bar 'jug ste sprin gyi shugs slar yang rgya shug gi gling nyid du log par gyur to//byang chub sems dpas kyang zhugs nas rab tu dga' ba'i yid dang ldan pa don du gnyer ba rnams dang gnyen bshes rnams kyis bsdus te rang gi khyim du zhugs nyi ma gzhan la phyir byung ste/ yid bzhin nor bu de rgyal mtshan gyi mchog la bzhag nas 'di skad ces smras so/ / gang zhig gang gang rdzas 'dod pa/ /mi rnams kyis ni 'di rnyed dka'/ /yid bzhin nor 'di yang dag par/ /de phyir de de sbyin gyur cig /de'i tshe yul de na zhing pa'i skye bo chu med pa nyid kyi chu 'dzin dkar po rnams kyis ma lus par khyab pa'i phyogs kyi mtha' can/ shi ba'i ba glang rnams kyi lus la kha'i tshogs gnas pa dbul po'i tshogs kyis shin tu khyab pa/slong mo'i nye bar spyod pas ma rnyed pa'i mu ge chen po byung bar gyur to/ /de nas skye bo de rnams 'ongs te rab tu dga' ba la re zhig nor bu'i mchog 'bras kyi so ba nyid phob shig ces smra bar gyur to/ /de ltar shog cig ces bya ba byang chub sems dpas smras pa dang /rnam par bsams nas nor bu chen po 'di la bltas so/ /'ga' zhig pa la sha yi shing / /nang 'byung nam mkha' las ltung ba'i/ /'bras so mang pos sa 'di ni/ /bar ma chad par byung bar gyur/ /de nas nor bu sna tshogs spro ba'i 'od ldan pa//gtsang ba'i 'od dang ldan pa'i rgyan rnams yang dang yang / /rlung gis rnam par g.yo ba kun nas ltung ba ni/ /srab pa'i gos rnams kyang ni nam mkha' las ltung ste/ /de nas sna tshogs rgyan dang gos kyi phreng ba dang / /dga' ston sna tshogs dang ni dbyangs snyan sgra 'jug pa'i//ngo mtshar dang bcas skye bo tshogs la brtse bas te/ /mdun gnas don gnyer rnams ni 'di ltar tshim par gyur/ /kye ma kyi hung shin tu ngo mtshar 'dod 'di ni/ /gzhan la phan phyir skye ba blangs gyur te/ /e ma kun da ltar dkar grags pa rnams kyis ni//yongs su 'dor ba'i sa ni rgod pa 'dra bar byed/ /cis kyang skye bo de lta bu ni yod nyid de/ /rang gi skal ba'i phun sum tshogs dge la dmigs pa'i/ /khyod cag lta bu'i 'gro ba'i don ni byed rnams la/ /gang zhig de ltar skye ba skye bar don yod pa/ /sdug bsngal chen po las grol ba'i//nyon mongs med pa'i 'bras chen ster/ /chos kyi rnam par smin ltar khyod/ /don gnyer rnams kyis bde ba'i rgyu/ /de ltar bdag nyid kyis sdug bsngal la ma rtsis shing 'gro ba rnams la bde bar byed pa rnams kyi snying rje chen po dang ldan pa'i bdag nyid chen po dam bcas pa las 'da' bar mi byed de//de ltar bdag gi bde ba la ma ltos par gzhan don sgrub par byed pa la mkhas pas byang chub tu 'gro bar bya zhes 'gro ba'o/ /rgya shug gi gling du 'gro ba'i skyes pa'i rabs te skyes pa'i rabs gnyis pa'o// //mi shes mun pa bsal ba'i don du ni//byang chub sems dpa' las gzhan nus pa min/ /legs par smras pa'i nor bu 'ga' zhig ni/ /srog gi rin gyis nyos par gyur pa yin/ /'di ltar rjes su thos pa yin te/ thos pa dang tshul khrims la sogs pa'i yon tan rnams kyis mngon par mtshon cing /sa'i steng du rgyan du gyur pa/ sems can rnams brtse ba dang ldan pa/ dus rtag tu 'jug pa'i tshangs pa'i dbyangs kyis me'i sbyin sreg la yam shing dang ku sha'i las kyi mtha' dang ldan pa dul bar gyur pa'i slob ma rnams kyis yongs su bskor ba'i slob dpon dang ldan pa'i bram ze'i rigs la 'jig rten pa la phan pa'i don du brtson 'grus dang ldan pa'i byang chub sems dpa' dbang du bya ba'i phyir 'khrungs par gyur to//bdag nyid chen po de nyi ma re re zhing yang dag par rdzogs par gyur pa'i mdzes pa dang ldan pa ni/ 'gro ba'i yid 'ong ji lta ji ltar kun nas 'phel//ri bong can ltar 'od zer rnams kyis mun 'byed cing / /de lta de ltar chen po'i rigs can che ba des/ /rgya mtsho'i chu ltar 'phel ba kun nas byung bar gyur/ /la la zhig nyid skal ba che/ /dam pa rnams la 'dod pa skye/ /gang la dmigs nas rigs kyi dpal/ / shing gi yal ga bzhin du 'phel/ /mthu chen po dang ldan pa tshangs skud 'dogs pa'i 'du byed byas pa/ bag med mang ba'i lang tsho la gnas par gyur pa yang / chags pa'i skyon rnam par bzlog pa de'i chos 'dor ba nyid mchog tu mthong nas nye 'dun rnams kyis chos 'dod pa zhes bya ba rjes su mthun pa'i ming btags par gyur to//srog chags phal cher 'jig rten la/ /yon tan can nam yon tan gyi/ /ming yang bsod nams las byung ba/ /dga' ba nyid du rab tu 'gyur/ /de la yang rnam pa sna tshogs pa'i don dang ldan pa'i bstan bcos legs par smras pa rnams la yang mchog tu dga' bar gyur to//legs par smras pa don du gnyer ba de yi legs dpyad ni/ /mkhas pa gang las kyang ni mnyan par 'gyur ba yis/ /shin tu sna tshogs las byed dga' bar gyur pa ni/ /ba spu langs dang thigs pa 'jug pa byas par gyur/ / gtsang ba 'jig rten rnam par snang bar byed pa kun nas ni/ /mdzes pa mun pa 'bigs par byed pa 'ong bar grags pa dang / /dge ba gang gi snying ga ri bong can gyi mtshan ma ltar/ /skyes bu bzang po'i legs par bshad pas ci phyir bder mi 'gyur/ /gang las legs par bshad pa shin tu legs par bshad pa zhes//rab rib thar byed thos par gyur pas rab rib 'byed pa ni/ /blo yi che ba rab tu grags pa chen po rnams kyi 'du ba'i sar/ /tho rangs mchog tu de ni de la stong phrag brgya sbyin 'gyur/ /bdag nyid chen po de yang gang dang gang du 'gro bar gyur pa de dang der skye bos so sor mchod par gyur to//de nas dus gcig gi tshe na gdug pa'i sems dang ldan pa bram ze gzhan dag de la gnod pa byed par 'dod pas bdag nyid chen po de'i rnyed pa dang bkur sti'i khyad par de nyid re rer mngon par 'phel bar gyur pa mi bzod pas khro ba dang ldan pas myur du gom pa 'dor bas de'i gan du 'ongs par gyur te/yon tan gyis rnyed mchod pa ni/ /gzhan las thob min skye bo ngan/ /mchod sbyin pa yi mkhas pa yang / /gzhan dag la yang phrag dog byed/ /gdug pa'i bdag nyid bram ze'i gzugs 'dzin pa de yang sha za ltar sems dpa' chen po gang na der nye bar song ste 'di skad ces smras so//bdag gis thos pa khyod ni shin tu legs spyad dga'/ /shes pa'i khyad par can la nor ni sbyin pa po/ /de phyir bdag ni skye ba shes pa khyed can du/ /legs par bshad pa rnams kyis khyer zhing nye bar 'ongs/ / bung ba rnams ni yongs su bskor bar byed gyur pa/ /lhan cig byed pa'i snye ma kha bye rnam spangs nas/ /mche ba can gyi smyon chu 'thung 'dod yang dag 'gro/ /de la yon tan khyad par de ni nges par mthong / /de nas byang chub sems dpa' legs par bshad pa'i skyes su 'bul bar byed pa'i bram ze de mthong nas rab tu dga' bas ba spu rab tu langs par gyur pa'i mdzes pa dang ldan pa kun nas langs te legs par 'ongs pa dang /legs par bshad pa'i rin po che 'tshong ba'i bram ze la bdag cag ni legs par bshad pa'i nor bu rnams nyo'o zhes bya ba smras nas bram ze de bdag nyid kyi gdan chen po la 'dug tu bcug ste rang nyid sa la 'dug par gyur to//de nas chos 'dod pa la grogs po rnams ngo mtshar dang bcas pas 'di skad ces smras par gyur to/ /legs bshad rnams ni thos par 'gyur ba zhes bya khyod kyi bzhin ni dgod dang bcas par 'gyur//thos nas mig gnyis mchi ma dang bcas pas ni dga' bas dpal gang yang ni 'gro bar 'gyur/ /yan lag gcod pa'i dbang gis dri zhim ku mu ta ni dal gyis kun nas phye 'gyur te/ /zla ba'i 'od zer mun pa bsal bar byed pa thob nas mdzes pa mchog ni rgyas par 'gyur//de nas chos 'dod gus pa mang ba dang bcas pas bram ze de mthong ste de la slob ma'i skye bo nyan par 'dod pa la/ slob dpon gyis mngon par brjod par 'os so zhes smras so/ /de nas sdig can des gal te khyod legs par bshad pa'i rin po che 'dod pa'i phyir du ba med pa'i mes yongs su gang ba'i 'obs chen po la bdag nyid mchong bar nus na de nas bdag gis legs par bshad pa sngon ma thos pa yid du 'phrog pa 'di sbyin par bya'o zhes de la smras so//de nas byang chub sems dpas sems can rnams la yongs su 'phel ba'i blo dang ldan pa 'di smras par gyur to//bram ze chen po bdag nyid kyi sdug bsngal la mi ltos par bdag cag lta bu rnams la 'di ni bya dka' ba ma yin te 'on kyang / legs bshad 'gro ba rnams phyir dam pa'i skye bo las/ /zhing las 'bras bu bzhin du bdag gis kun nas bsags pa ste/ / me dang ldan pa'i 'obs chen nang du bdag ni 'gro ba la/ /skye bo 'di ni rnam pa gang gis de ni 'dzin par 'gyur/ /bram zes smras pa/ legs par bshad pa 'di ni skye bo'i tshogs ma lus pa la thos par bya ste/ de nas me'i 'obs su bdag nyid mchong bar gyis shig /byang chub sems dpas smras pa/ji ltar slob dpon 'dod pa de ltar bgyi'o/ /rnam par rtog pa'i rgya mtsho shin tu rgya che ba/ /yun ni ring por rgal bar dka' ba ma brgal zhing / /gti yug rab rib chen po zad par byed pa yis/ /byang chub nor bu 'gro bas ji ltar rnyed par 'gyur/ /de bas bdag gis legs par bshad pa 'di 'dod pas//sreg blugs za ba la ni chu bzhin zhugs par bgyi/ /chos kyi gtam gyis phrogs pa'i sems ldan bdag la ni/ /sreg blugs 'dzin pa yang ni sdug bsngal byed mi 'gyur/ /de ltar thos nas 'obs chen po ni brko byas te/ /de ni me dang ldan par mi rnams byed du bcug /khyim gzhan nas ni phyi rol du ni byung nas ni/ /skad cig de la bram ze srin po lhan cig pas/ /blo gros chen pos sreg blugs za ba 'bar ba la/ /mchong ba'i don du nges par byas pa'i yid ldan pas/ /mchi mas gang ba'i mig dang ldan pa'i grogs rnams kyis//grogs po nyid kyis yongs su 'khyud nas de ni bkag /de nas chos 'dod la grogs po rnams dang gnyen 'dun rnams sdug bsngal gyi mig mchi mas yongs su gang bas sgra dang bcas pas 'di skad ces smras so/ /shin tu legs par bshad pa 'dis ci zhig bya ste/bya ba dang bya ba ma yin pa la mi ltos pa dri ma med pa'i rigs las skyes pa skar ma'i bdag po'i 'od zer ltar rnam par dag pa grags pa'i rten mi lus rnyed par dka' ba 'di la brnyas par byas nas gnyen 'dun gyi skye bo yang shin tu sdug bsngal gyi skal ba can du byas nas bdag nyid yongs su 'dor bar 'dod pa ste/'o na lam ma yin par 'gro ba'i blo 'di bzlog par gyis shig /re zhig khyod kyis lta bar gyis shig /gang rnams zhes bya rtag tu shin tu yid 'ong skye bo la/ /bung bas kyang ni 'dod pa'i 'bras ster grogs po'i skye bo la/ /srog de rnams kyis bdag gi bde la ma ltos nyo ba ste//ci phyir legs par bshad pa shin tu legs par bshad pa zhes/ /de nas byang chub sems dpa' skye bo'i tshogs de la legs par bshad pa'i yon tan brjod par 'dod pas chos bstan pa 'di ltar byas par gyur to/ /rnam par shes pa 'bar bar byed cing spobs pa rgyas par byed//de nyid rab tu gsal bar byed cing lam ngan gcod par byed/ /dam pa'i legs par bshad pa kye ma yongs su bsags gyur pa/ /dge ba'i bshes gnyen ltar ni phan pa ji bzhin byed mi 'gyur/ /gang du shar ba'i dri ma med pa'i lam la nyi ma shar//skyes pa rnams kyi blo ni pad+ma lta bur rnam phye 'gyur/ /shin tu rab rib 'bigs pa gzhan las legs pa'i blo gros kyis/ /de ni gzung bya bdag nyid tshul gyis legs bshad ci ltar min/ /de phyir bdag gis me yis sreg pa la ni ma bsams shing / de bzhin gshegs pa'i go 'phang rjes su bsgrub par 'dod bzhin du/ /shes rab bla ma bla ma bzhin du nyung min legs bshad phyir/ /dga' zhing lus kyi yon tan rnams kyis bla ma mchod par bya/ /mi lus lha yi mchod pa'ang rung / /legs par byas pa'i rten gyis thob/ / legs par bshad pa'i bcud len ni/ /bsod nams kyis thob brgya lam na/ /de'i phyir bdag dge ba'i phyogs la dmigs pa'i khyed cag bgegs byed pa'i phyir 'os pa ma yin te/ /de bas grogs po de rnams dang gnyen 'dun rnams la yang rjes su chags pa dang bcas pa rnam par bzlog nas bdag nyid me'i rang bzhin du byed pa'i phyir shing sdong po la zhon nas/bram ze de la ni slob dpon legs par bshad pa de rab tu brjod par mdzod cig ces smras so/ /bram zes smras pa/ rtag tu rab sbyin la mkhas shing / /gtso bo g.yer bag can rnams kyis/ /tshul khrims dri med la gnas pa'i//shin tu brtson 'grus go cha yis/ /mi zad go 'phang thob par 'gyur/ /zhes bya ba'o/ /de nas byang chub sems dpa' yang rab tu dga' bas tshigs su bcad pa de bzung nas skye bo'i tshogs de la thos par byed cing gnas so/ /de nas grogs po de rnams la des don 'di smras so//dge ba la dmigs khyed nyid kyis ni legs bshad pa/ /mchog tu dga' ba yang yang bskyed pa ste/ /gang phyir sdug bsngal rgyu nyid du ni nyer song ba/ /'o na de phyir bdag cag la ni legs bshad min/ /de nas der rang bzhin gyi snying rjes brlan pa'i bsam pa dang ldan pa'i ma mo'i tshogs ni dam pa de'i 'brel ba med pa yang mya ngan gyi dbang gis 'di ltar rtse gcig pa'i yid mi bde ba byung bar gyur to//dri zhim ngag gi sbrang rtsi shin tu dri zhim pa/ /yongs su spros pa'i 'od zer ge sar ldan/ /zhal gyi chu skyes dang la ldan 'di ni sreg blugs za/ /snying rje dang bral ji ltar 'di ni sreg par byed//rnam par dag pa'i gser ltar dkar ba'i me yis ni/ /yongs su rnyings gyur yongs su sgra sgrogs mig ldan pa/ /'di yi lus kyi kye ma 'byung bar gyur pa ste/ /rab tu tshig pa'i shing dang 'dra ba dri ma can/ /tog tog sgra ni 'byung gyur pa/ /me yi nang du 'jug pa ni//lus po 'di ni dag gyur cing / /'di ni su zhig blta bar nus/ /rnam pa gnyis su byed 'gyur ba'i/ /gling bu rnams kyi dus tshigs sgra/ /gnyen 'dun rnams kyi re ba 'di'i/ /ji ltar sgra ni gsal thos 'gyur/ /rlung gis chags pa 'di rnams ni/ /bskyod pas 'dab ma lhags rnams kyis//'di ni sreg par ma byed cig /shing rnams me la bzlog bzhin byed/ /sdug bsngal chus ni mig dmar ba'i/ /ha ha zhes pa'i yig gcig ngag /'di yis gnyen 'dun sdug bsngal ba'i/ /bdag cag yid ni rnam par gdung / /'di ni 'di 'dra'i ngag byas te//don du gnyer la 'dir nor sbyin/ /de ltar dam pa'i grogs 'di rnams/ /mchi ma dang bcas ston par 'gyur/ /nye bar min par bdag cag gi /yid ni sdug bsngal sreg par byed/ /grogs po'am ni gnyen rnams ni/ /srog chags ji ltar 'dzin par byed/ /de bas na shin tu snying rje ba'i drag po'i las bya dka' ba 'di lta ba 'di nus pa ma yin no zhes bya ba mngon par brjod nas bud med kyi skye bo de khyim la mngon par phyogs te rab tu song bar gyur to//de nas byang chub sems dpas smon lam 'di ltar byas par gyur te/ bdag ni brgya byin go 'phang dge bas rnyed pa don mi gnyer//rig 'dzin bdag po nyid kyang min te rgyal srid kyang ma yin/ /dge ba skyes pa 'di yis 'gro ba 'di la bde gshegs nyid/ /thos nas sdug bsngal zad pa'i don du 'byung bar 'gyur bar shog /de ltar brjod nas bdag nyid chen po des bdag nyid dor te dor ma thag tu me de 'bar ba'i tshogs dang du ba'i tshogs nye bar zhi nas dri zhim pa'i pad+ma kha phye ba'i dris dri zhim par byas pa'i phyogs kyi dbus su pad+ma dang lo ma sngon po la gnas pa'i dri ma dang bral ba'i chu'i thigs pa dang ldan pa/shel dang 'dra ba'i thigs pas khyab pa'i mar gad kyi brag dang rjes su mthun pa'i tshogs dang ngar ngur zung dang /ngang pa dang / chu skyar rnams kyis nye bar mdzes par byas pa pad+ma'i 'byung gnas nyid du 'gro bar gyur to/ /don byas 'dra ba pad+ma nyid/ /rlom pa'i sems kyi pad+ma la/ /de yang blo ldan rnams kyi mchog / bdag nyid gnas pa mthong bar 'gyur/ /zhabs dang nye bar myos pa'i bung ba'i 'khor ba ni/ /zhi ba'i chos 'dod pa la chos ni gsungs gyur pa/ /pad+ma'i 'dab ltar rgyas pa'i spyan ni pad gnas pa/ /pad+ma'i skye gnas mdzes pa shin tu 'dzin par gyur/ /'di ni rmi lam yin te 'on te 'di sgyu ma//me ni 'di gang gang du 'di ni chu skyes nyid/ /de ltar ngo mtshar phangs pa'i sems ldan pa/ /de la mthong zhing skye bo de rnams ngag tu smra/ /skye bo de rnams de ni mthong bar gyur pa la/ /chu skyes dbus su gnas par 'dod pa mthong ba ni/ /dga' ba'i mchi ma yang dag 'byung ba'i skad cig gis//khro bas mya ngan mchi ma'i chu ni gtong ba ltar/ /de nas nam mkha' las ni ze'u 'brus khyab pa'i dri ldan lhung ba ltar/ /bung ba'i phreng rnams kyis ni kun nas rjes su 'gro ba me tog char/ /bdud kyang me tog gis byas gzhu ni bzung nas logs su 'byung 'gyur te//mya ngan nye bar 'dzin cing lag pa rnam par gnas pa'i 'khor lo can/ /de nas bram ze de 'bar ba'i sol ba'i dbus su gnas pa dang 'dra ba'i bdag nyid kyi dbugs dri bas mngon par tsha ba'i bzhin gyi bar dang ldan pa bdag nyid rnam pa gang gis kyang 'dzin cing 'di skad ces smras so//sa yi bug pa zab mo la ni yongs su spro byed pa/ /me dang 'dra bar mdun du che ba dag ni mthong ba ste/ /'di la rim gyis yongs su bsdigs byed shin tu sdug bsngal gyis/ /sa la bdag gi gzugs ni rnam par nub pa lta bur byed/ /drag po'i me ldan dmyal ba 'dir ni bdag ni lhung gyur pa//chos 'dod khyod ni de ring 'dir ni bdag gi skyabs gyur cig /'dod pa mthon po gzhan la phan par byed pa chen po rnams/ /khyed cag lta bu grogs po dang ni dgra la mnyam sems ldan/ /de nas byang chub sems dpa' de la snying brtse bas bden pa'i byin gyi rlabs byas par gyur te/bden pa gang gis sems can don/ /byang chub spyod pa bdag spyod pas/ /dmyal ba 'bar ba'i me ldan par/ /des ni bram ze ma song cig /de ltar byang chub sems dpas bram ze de la gnas pa'i skad cig de nyid du ha ri tsan dan gyis rjes su byugs pa dang 'dra bar bdag nyid rab tu dga' bar gyur to//dge ba'i bshes gnyen la brten nas/ /'gro ba'i don la mkhas pa la/ /sdig pa byas pa rnams kyi yang / /sdig pa myur du 'jig par 'gyur/ /de nas byang chub sems dpa' la rab tu dga' ba'i yid dang ldan pa'i grogs po dang gnyen bshes dang don du gnyer ba rnams kyis kun la snang bar gyur pa'i sbyin pa dang tshul khrims la sogs pa yang dag pa'i gzi brjid kyi don du chos dang mthun pa'i gtam byas par gyur to//lus dang rjes su dpag pas kyang / /gnyi ga ma nges rgyu phyir ni/ /khyad par nges par skyed pa'i phyir//mngon sum shin tu stobs dang ldan/ /yongs su gtong ba chen po 'di ni ngo mtshar bcas/ /yun rings rnam mthong bdag la me lce 'phro ba ni/ /me 'di mngon sum lus can rnams la thams cad du/ /rab rgyas pad+ma'i 'byung gnas nyid du nye bar song / / de nas rgya ni che ba'i las kyi mthu 'di dang / /ngo mtshar chen po yang dag par ni mthong nas ni/ /dge mi dge yi 'bras bu bde dang sdug bsngal yod pa ste/ /'di ni rnam par bsams nas lam ni ngan pa spongs/ /bdag med nyid kyis rnam par btsums pa'i bdag nyid kyi/ /lus can rnams kyi rab sad nye bar mkho ba ste//mkhas pa rnams ni gsal bar blo yi mig rnams la/ /rab sad yod pa la ni ci zhig rab tu sad/ /phan pas mngon par phyogs rnams la yang chos dag gis/ /dam pa rnams ni shin tu rab sad skyed par byed/ /lcag gis yang dag bskul bas rab tu 'gro ba yi//rta rnams la ni 'gros kyi khyad par 'byung bar 'gyur/ /g.yo sgyu mang ba'i khyim gyi gnas ni skyong byed pa'i/ /blo ldan rnams la cung zad kyang ni yid brtan med/ /rab tu grag pa'i mche gnyis myos pa 'dzeg rnams la/ /lcags kyu ma btab par ni gnyid ni mi rigs so//bu chung smra ba dang ni khyim ni phun sum tshogs ldan pa/ /sgeg dang gzugs byad rnam par mdzes pa'i bud med rnams/ /rab tu chags can blo med rnams kyi 'di thams cad/ /zhi ba rjes su mthun la lam ni 'gag par byed/ /rnam pa gang gis mi khom brgyad po dang bral ba'i//mi lus shin tu rnyed dka' 'thob nas kyang / /gang zhig bag med bsten pas zhi ba'i don mi myur/ /'di ni ba glang rnams kyi gral du rnam par sbyar/ /'di ni thob dang thod ni thob bya ma yin pa/ /'di ni byas dang 'di ni byed 'gyur mi rnams la/ /de ltar yid kyi sna tshogs pas zad pa//yid kyi shing rtas 'jug pa 'gro bar mi 'gyur ro/ /yul rnams la ni nye bar longs spyod mthar ni rtsub pa ste/ /sbrul gyis dkris pa'i tsan dan bzhin du yongs su 'khyud pa ni/ /bde ba zhes bya yang dag ma yin kun rtog rjes 'gro ba'i/ /skye bo rnams ni sdug bsngal dra ba mang la lhag par nyal//kye ma ma rig pas ni 'gro ba ma lus 'og tu byas/ /glo bur skyes pa'i dri ma rnams kyis dri mar bcas pa smad/ /gang zhig 'di ni bsdus byas 'chi ba'i sgra yi spyod yul ni/ /glang po che ni nyal ba bzhin du babs nas gnas par 'gyur/ / g.yo sgyu can gyi sgrib pa'i sgra rnams kyis ni lam bzang 'phrog /mi rtag pa yi 'jigs pa rtag tu rnam par bsam par ma byas shing / /bde bar gshegs pa'i rjes su bstan pa'i gru ni spangs byas nas/ /'gro ba sdug bsngal rgya mtsho la ni rnam par nub par 'gyur/ / skad cig re rer srog ni nye bar zad par 'gyur ba ste/ /du ba'i lam can rab tu zhi bar 'gyur ba'i gzugs bzhin du/ /de bas rtag tu yul rnams la ni rtag tu rgyab kyis phyogs pa 'di/ /myur ba dang bcas phan pa'i phyir ni blo gros dang ldan mdzod/ /de ltar tshig ni rigs pa ma ldan gal te bdag gis smras pa ni//ji ltar 'dod pas 'dod pa'i bde ba'i chos 'brel nyams su myong bar gyis/ /'on te 'di ni yon tan dang ldan dam pa rnams kyis bsams byas kye/ /yul la sred pa 'gag par byed pa'i zhi ba mchog ni bsten par mdzod/ /de ltar chos bstan pa mdzad nas byang chub sems dpa' grogs po'i skye bo dang bcas pa khyim du zhugs par gyur to//de ltar legs par spyod pa la mkhas pa'i bcom ldan 'das des srog rnams kyis kyang legs par bshad pa rnams nyo bar mdzad do zhes bya ba bsams nas dus rtag tu sdug bsngal gcod par 'dod pa'i shes rab can gyi chos kyi gtam nyan pa la gus pa chen po bya'o//dge ba'i [(]bshen [,]bshes [)]gnyen la brten pa yang mngon par 'dod pa'i 'bras bu 'grub par byed par 'gyur bas na/ /de'i phyir de dang rjes su 'jug pas gnas par bya zhes bya'o/ /chos 'dod pa'i skyes pa'i rabs zhes bya ba ste skyes pa'i rabs gsum pa'o// //dam pa dud 'gro'i skye gnas son rnams kyang / /gzhan don srog ni kun nas gtong ba ste/ /su zhes bya ba skyes par gyur pa ste/ /nor tsam la ni su zhig chags par byed/ /'di ltar rjes su thos te/ g.yo ba med pa nges par thim pa'i ne tso'i tshogs dang /rtswa sngon pos nye bar khyab pa'i sa'i cha rnam pa sna tshogs pa'i ri'i rtse mor shing rnams kyi grib ma nye bar 'dug cing skyug ldad byed par gyur pa'i ri dwags kyi tshogs dang ldan pa dang / bung ba'i tshogs kyis bskor zhing nye bar sgra 'byin par gyur pa'i me tog skyes pa'i ljon shing rnams la yang dag par reg pas dri zhim pa'i rlung gis bskyod par gyur pa'i ri las 'bab pa'i chus dag par byas pa'i brag gis rgyab kyi mtha' dang ldan pa dang /thub pa'i skye bo rnams kyi yid dang rjes su mthun pa dang / rigs dang ldan pa'i shing dang ljon shing rnams kyi ze'u 'bru lhung bas chu bo'i rlabs kyis kun nas gdungs pa'i ku mu da ltar dkar ba'i dbu ba'i tshogs kyis brgyan par byas pa'i chu dang ldan pa dang /mchog gi chu dang 'dab chags rnams kyi sgra 'byin pa'i pad+ma'i nags dang ldan pa'i ri bo'i nags 'ga' zhig gi nang du byang chub sems dpa' ri bong byung bar 'gyur te/der lhan cig gnas pa'i yon tan las mngon par 'phel ba'i grogs bshes rab tu zhi ba nye bar bsags pa'i dbang po'i tshogs nye bar zhi ba/ grong pa'i chos kyi nye bar longs spyod pa la rgyab tu phyogs pa'i yid dang ldan pa/ ri dgas kyi pags pa dang spyi blugs tsam yongs su 'dzin zhing dka' thub kyis gdungs pa'i dka' thub pa de'i grogs su byung bar gyur to//zhi dang chos ni mtshungs pa dang / /bde sdug bskyed pa mnyam pa dang / /de dag phan tshun ma mthong zhing / /grogs bshes mchog dag dga' mi 'gyur/ /byis pa'i dus na ri bong dang bral ba//cung zad dus na dro min 'od zer 'byung / /ri bong rnam pa des ni brgya lam na/ /brtul zhugs can des legs par byas pa min/ /gom pa bdun du dor ba'i grogs bshes nyid yin te/ /rang bzhin gyis dag sems ldan dam pa rnams la ni/ /phan tshun yon tan gtam gyis yid ni ches gyur pa'i//nges par 'brel pa'i bsam ldan rnams la smos ci dgos/ /skyes pa ting 'dzin gnas pa rnams kyi blo la ni/ /chos kyi don du gsal ba nyid ni 'byung ba ste/ /rab tu yang ba'i yid ldan dud 'gro rnams la ni/ /chos la rtsom pa'i 'du shes ci phyir gyur pa yin//kye ma ri bong skyes pa 'di ni gang du skye/ /gang du tshig brtan 'di ni zhi ba 'di gang du/ /'di ltar lha rnams la ni byung bar gyur pa yin/ /ri bong nyid la ngo mtshar ba dang bcas pa'i sems/ /de nas dus nam zhig na chu med pa nyid kyis kun skya ba dang phrag dog dang bcas pa'i zhing ba'i skye bo rnams kyis mthong bar gyur pa dang /glog gi rgyun gyi sgeg pa rnam par zlog pa dang / rlung gi stobs kyi tshogs rnam par chad pa'i sprin gyi tshogs yod pa la nyin mor byed pa'i 'od zer rnams kyis bskams pa'i chu lhag ma dang bcas pa dang / snying po yongs su rnyings pas yang ba'i lo tog rnams kyis bkab pa'i zhing rnams yod pa la lan cig chu rnam par chad pas rab tu gram pa'i chus rnam par grol ba shin tu rgya che ba'i chu'i 'gram na chag pa dang /gan rkyal du nya phyis gnas pa'i chu bo rnams yod pa dang / rdul babs pas rdul gyis ma nus pa'i rnam par 'brel ba'i dbugs kyis rab tu bskyod pa'i mgrin pa dang ldan pa myos pa'i dus la yang gar gyi bya ba rnam par bzlog pa'i mgrin pa sngon po can rnams yod pa la dma' bar skyes pa'i rtswa sar pa'i myu gu bskams pas sa la rtswa za ba ma rnyed pa nyid kyis kun nas dkris pa'i lto ba dang ldan pa dal gyis 'gro bas bskyod pa dang lkog shal 'phyang zhing lhod pa can 'o ma zad pas nu 'bur chung ba/kun nas stobs chung ba'i ba be'u dang ldan pa yod pa'i dus na/ sngo dang 'dra ba'i nas ngan pa 'tshal bas rid pa dang rtsub pa'i yan lag can dbul po'i skye bo yod pa na/ mu ge'i skyon gyis don du gnyer ba la bkur sti rgyab tu phyogs par byas pa'i grong dang ldan pa/skabs skabs su bsgrub pa'i sgra thos bzhin pa'i ba glang gi ra ba rnams yod pa'i dus su/ dka' thub pa des ri bong de la kye ma phan par byas pa la yang phongs pa'i dus su rang bzhin gyis dman pa'i srog chags rjes su 'jug pa ma yin te zhes bya ba smras so//khyod kyis blta bar gyis shig gang gi phyir 'di ni/ /chu rgyun 'bab pas rnam 'byed zla ba'i nor bu can gyi sgro tshogs dga' bas rgyas byed cing / /gar gyis sgeg par ldan pa sngon du rnam bsams skad kyis gang zhig la ni bstod bzhin pa//rma bya chu med pa yi sprin de nyid la mig gnyis blta ba la ni le lo can/ /phal char skal ba dang ldan nyid la rang gi don la mkhas pa'i skye bo rten par byed/ /chu dang bral ba'i chu 'dzin rnams ni so sor 'gyur te dbang po'i gzhu ni rnam par chad/ /ri yi phug rnams dang ni 'brel pas zab mo'i tshig rnams rma bya rnams kyis thos min te//dngos po thams cad rang bzhin gyis ni 'jig ces bsams bzhin mya ngan gyis ni yun ring por/ /glog gi gar mkhan mas ni 'jam ba'i sgeg pas gar byed pa yang yongs su dor bar byed/ /'bras bu can gyi shing gi nags ni 'bras zad 'gyur te ljon shing rnams ni skam par 'gyur//rim gyis pad+ma'i rtsa ba rnams ni rnyings pas pad+ma'i rtsa ba'i 'dab ni sra 'gyur ba/ /'dir ni bdag gi shing lo'i khang par gang zhig rgya shug dang ni e gu d+hi 'bras tshogs/ /de yang zad de shin tu bya dka'i dka' thub don du ltad mo ci ltar byed par 'gyur//kha zas med pas skad cig re rer lus po 'di ni nus pa med par 'gro ba ste/ /nus pa med pas rnal 'byor rnams kyi sems la rab tu 'joms phyir ting 'dzin ga la brtan/ /ting 'dzin dman pa'i yid can shes rab can yang de nyid mngon du phyogs par ci phyir 'gyur//de nyid ma mthong bas kyang gti mug rab rib bcings pa phyis ni don med ngal bar 'gyur/ /de phyir pags pa'i spyi'u blugs shing shun gos rnams dor byas nas/ /rang gi khyim du gnyen 'dun skye bo lhan cig gnas par bgyi/ /mu ge'i skyon las thal bar gyur nas slar ni nags nang du//byams pa 'dir ni khyod dang lhan cig yun rings gnas par bgyi/ /de nas byang chub sems dpa' yun ring por lhan cig tu gnas pas mngon par 'phel ba'i gnyen bzhin pas brlan pa'i snying gtam drang srong de la smras pa/ 'ching ba'i sdong po bton nas bde ba mngon 'dod cing //rnam pa gang gis mche gnyis pa ni nags mthar song / /slar ni lcags kyu 'debs pa'i sdug bsngal ma dran pas/ /mi shes pa ni skye bo'i nang nyid 'gro bar 'dod/ /zhi dang shes rab nyid dang dka' thub yon tan dang / /shes bya la ni ji bzhin rjes 'gro'i thos pas kyang //khyod ni thub pa gzhan rnams zil gyis mnan nas gnas/ /nyi mas mar me bzhin du ring ba'i 'od zer gyis/ /mun pa med pa'i rnam par dben pa'i mig gis ni/ /de ltar khyod kyi bstan bcos nges par yang ni mthong / /spyod yul las 'das yul la rab tu zhugs 'dod pa//ji ltar bag med byed bzhin zhes bya mtshon pa yin/ /mun pa rnam par 'byed cing ji ltar gsal byed pa/ /lus can rnams la yid ni dang ba bskyed pa ste/ /rmongs pas mkhas pa rnams kyi legs bshad mi shes pas/ /dmus long zla ba'i dkyil 'khor gsal bar byed pa bzhin//legs par blo yi mar me med pas dka' thub ma/ /bde ba rjes chags 'dor byed ces bya gtam gang yin/ /khyim pa nyid la gang zhig yid ni dga' byed pa/ /rnam par dag pa'i bsam ldan de ni che mi rigs/ /thun gsum du ni mar gyi sreg blugs dris bsgos pa'i//rgya shug dang ni eM gu d+hi 'bras nang zhugs pa/ /chu la brten pa'i ngang skya dang ni sa ra sas/ /zhing la nye bar sbas pa'i shing lo'i khang pas brgyan/ /dka' thub can gyi bu mos blugs pa'i bum chu yis/ /rab tu gtor zhing 'byung ba'i shing ni chung ba rnams/ /'gram du shing gi grib mas chu rnams 'gag pa ni//kun nas dbugs 'byung me tog dri zhim rlung ldan pa/ /dka' thub can gyi bu rnams yongs 'khor rjes 'gro ba'i/ /ri dgas rnams kyi myur bar dam byas 'ga' zhig tu/ /bzlas pas kha spu 'gul zhing mgrin pa rengs pa yi/ /dka' thub nor can rnams kyis ri bo tshad tshing rten//kye ma mnyes gshin brtan pas nges par 'brel ba'i sems/ /dam min bde ba myong ba'i cha dang rjes chags pas/ /chags can shes rab med pa rnams kyi sems 'di ni/ /ri rtse'i sa rnams chags pa bskyed par mi 'gyur ram/ /mi dge'i skye bo rnams kyis brten bya lam ngan thob nas gti mug gis//nges par mi shes pa ni mnyes gshin zhags pa ma spangs nyams par 'gyur/ /legs par byas pa rnams kyi rjes su 'gro ba'i lam yang yang dag 'dzin/ /gang phyir rdul bral lam ni gnas par mi 'gyur 'di ni 'dir ma thob/ /khyim na gnas pa'i sdug bsngal gyi skyon mang po dang ldan pa'o zhes bya bar shes nas/zhi ba dang rjes su mthun pa rnam par grol ba'i lam gsal bar byed pa'i rab tu byung ba nyid 'di spangs nas bde ba cung zad tsam gyi phyir 'jigs pa chen po'i sdug bsngal gyi sa 'og tu zhugs pa'i phyir khyod nyid 'dod pa ste/gang yang khyod kyis mngon par brjod pa ni/ slar yang bdag dka' thub kyi don du nags su 'ong bar bya'o zhes bya ba 'di ni dad par bya ba ma yin te/ ci'i phyir zhe na/ gang gi phyir khyim na gnas pa ni gegs mang ba ste/ dbang po'i don la dbang du song ba'i 'dod can ma/ / mthong bar byed cing dgod pa'i sgeg pa'i rgyan gyis brgyan/ /ma smras 'bras bu ster ba'i dka' thub can ri la/ /gzhan yang drang srong chen po yul rnams la rjes su 'jug pa'i srog chags ni sdug bsngal chen po nyams su myong ba yin te/ ltos shing rngon pa'i glu yis ri dgas ni//mda' yis 'ben du khyer ba ltar/ /yul rnams myong bar 'dod rnams kyi/ /rgud pa rnam nyid 'byung bar 'gyur/ /so chag pa ni nyi mar ltung ba shi bar 'gyur ba ste/ /phyi ba tsha ba'i sdug bsngal nye bar nyams su myong nas ni/ /ji ltar yid du 'ong ba'i gzugs la sems dang bcas rnams kyi//sdug bsngal la ni chags pa rnams kyi drung du mi 'gyur ram/ /gal te mchil pa la gnas sha ni bzung bar mi 'gyur ram/ /lus can 'di ni chu las su zhig gis ni 'don par byed/ /bde ba la ni chags pa'i blo can mdun du rjes 'brel ba'i/ /rmongs pa'i skye bo yis ni 'jigs par rnam par mthong mi byed//zum pa'i pad+ma la ni bung ba gnas par byed pa ste/ /shin tu dri la chags pa dka' ba kun nas thob 'gyur te/ /glang po ches ni nags nas glang mo'i rjes su 'brang byed cing / /shin tu rno ba'i lcags kyu'i sdug bsngal chen po bzod par 'gyur//chung ba'i blo can rnams ni rnam rmongs rgud pa'i rten yin la/ /blo brtan bdag nyid chen po rnams kyis kun nas spong ba ste/ /gal te rtag 'byung bde la 'dod pa khyed rnams la ni yod/ /de phyir dug bzhin yul gyi sbrul gyi spyod yul sgong bar mdzod/ /drang srong gis smras pa/gnod pa la sogs du ma dang skyon gyi mda' rnams kyi 'ben du gyur pa ni khyim na gnas pa ste/ bde ba cung zad myong bas rmongs par byas pa'i bdag nyid can rnams kyis yongs su dor ba'i don du nus pa ma yin te 'on kyang / shin tu snying grogs ri bong tshul khrims rgya mtsho can/ /khyed nyid kyi ni yon tan rnams ni de lta bu//bdag gi sems ni 'phro bar gang rnams kyis 'gyur ba/ /zhi ba 'dod pas slar yang 'dir ni 'ong bar byed/ /byang chub sems dpas smras pa/ gal te khyod gdon mi za ba nyid du mngon par 'gro ba 'dod pa de lta na yang nyi ma gcig po 'di 'dir gnas par byas te/nang par rang gi 'dod pa khyed kyis rjes su 'grub par gyis shig /de nas thub pa des 'di ltar bsams shing 'dug ste/ nges par bdag la 'di spyan drang bar 'dod pa'o snyam mo/ /'dzam bu'i tshal ni 'bras bu rnams kyis mngon dga' 'ga' zhig 'dis/ /mthong bar gyur tam 'on te tsU ta'i shing 'dir 'bras skyes shing //smin zhing shin tu dmar ba 'jam pa'i 'bras bu'i dri ldan pa/ /u dum bA ra'i shing ngam ri gzhan 'ga' zhig tu ni mthong / /de nas ri bong mtshan mo de 'das pa dang tho rangs kyi dus su nags de thams cad la yongs su bskor zhing rtsa ba dang 'bras bu ma rnyed pa la sems shing gnas so//lto stong dang ldan bkres pa dang bcas yan lag rid pa 'di/ /zhi ba'i thub pa bde sdug mnyam pa grogs bzang yod pa la/ /bdag ni rtswa sngon nags kyi nang du ji ltar za bar byed/ /bsil bar dri ma med pa'i chu ni ji ltar btung bar bgyi//yang na don du gnyer ba'i skye bo re ba sgrub par byed nus pa'i lus 'di yod pa la bdag nus pa med pa dang 'dra bar yid mi bde bas ci'i phyir gnas par byed/ /de nas drang srong de'i drung du song nas smras pa/ /drang srong chen po re zhig yud tsam bzhugs shig ji srid bdag gis kha zas kyi tshogs cung zad dbul bar bgyi'o//de nas thub pa de 'di ltar ldum gyi rtsa ba dang 'bras bu kun nas zad pa'i nags 'dir slar kha zas nye bar sdud pa'i nus pa ji lta bu 'di la yod par 'gyur snyam du bsams so/ /de nas bdag nyid chen po des sol ba'i phung po 'bar bar mthong nas smon lam 'di ltar mngon par 'phel zhing 'dug go//ji ltar don gnyer bkres pa zhi phyir sdug bsngal dang bral ba/ /bdag gis sreg blugs za ba 'bar zhing 'khrungs la srog rnams dor/ /de ltar 'gro ba rnams kyi sdug bsngal sel bar byed pa ni/ /shin tu rnyed par dka' ba'i stobs bcu nyid ni thob par bgyi//gzhan gyi don la rang gi bdag nyid dor ba rab tu dga' ba'i yid des de ltar bsam byas nas/ /nyon mongs bcas par bya phyir zhi ba'i go 'phang mngon par 'dod cing srog chags rnams kyi gnyen du ni/ /nags kyi me de rnams kyang 'bar ba'i tshogs ni nye bar zhi gyur de yi bsod nams mthu yis te//sgeg pa'i chu rlabs ri mo can dang rab bskyod bung ba'i tshogs ldan pad+ma'i 'byung gnas nyid du gyur/ /de nas thub pa des sdug go zhes brjod nas me zhi bar bya ba'i phyir chus gang ba'i spyi blugs bzung ste/ de'i drung du nye bar song nas bdag nyid chen po de rnam par kha bye ba'i pad+ma dkar po'i dbus su nye bar gnas bzhin pas chos ston par mdzad pa mthong bar gyur to//ri bong des ni shin tu byin gyis brlabs pa ni/ /chu nang pad+ma dkar po des ni mdzes par gyur/ /ston dus gsal ba'i nam mkha' la ni rab gsal ba//ri bong gis mtshan gzugs ni gsal bas mtshan pa ltar/ /de nas pad+ma dkar po'i nang du gnas pa'i ri bong de mthong nas thub pa de ngo mtshar ba'i yid dang ldan pas bstod pa 'di rab tu smra bar gyur to/ /e ma gzhan gyi don ni sgrub pas bkra shis pa/ /grags pa'i gter khyod kyi ni phrin las 'di ngo mtshar /bsam byas bdag nyid chen po'i khyad par yang dag bsten/ /blo gros chen po su dag ri bong ltar khyed spyod/ /rlung gis kha lo sgyur ba rab 'bar 'di gang du/ /pad+ma'i nags tshal nyid ni 'di 'dra gang du yang / /bdag nyid chen po rnams kyi bsod nams stobs kyis ni//byin gyis brlabs pas dug shing 'di yang sman shing 'gyur/ /de nas bdag nyid chen po de pad+ma dkar po las babs nas thub pa de dang lhan cig tu shing lo las byas pa'i khang par zhugs te/ /byang chub sems dpa'i mdzad pa shes pas ngo mtshar ba'i yid dang ldan pa'i lha'i dbang pos kun nas mig sman gyi ri bo ltar sngo ba'i chu 'dzin gyi tshogs kyis nyin mor byed pa bsgribs pas yun ring po ma yin pa'i 'od kyi gsal bas kun nas dmar ba'i phyogs kyi bar dang ldan pa'i nam mkha'i mthongs byas so//de nas rab tu bskyod byas chu yis bsil ba'i rlung rnams ni//kun nas shing los byas pa'i khang pa byed cing rgyu bar 'gyur/ /ri bong lhan cig byed pa'i shing la ne tso rnams brten pa/ /yang dag 'byung ba'i phred can 'bras bu dang bcas rnam mdzes gyur/ /bung ba'i gling bu rnams kyi sgra ni kun nas 'byung ba dang / / chu yi ri ni 'bab chu dang bcas rdza rnga bzhin du sgra sgrogs dus/ /ri yi steng du gnas pa'i rma bya dang 'bral nam mkha' la/ /sprin ni sad pa rnam par ldang bar byed cing gar byed 'gyur/ /lha dbang yid ni 'phrog par byed pa'i gzhung ni rgyas byas nas/ /gang zhig mang ba bsil ba'i char chu 'bab par byas pa ni//chu 'dzin rnams ni so ga rnam par ldang bar zad byas pa/ /spro zhing yun mi ring ba'i 'od zer rnams kyis rnam par rgyas/ /kun nas 'khor ba'i bung ba nges par ltung bas khros pa ni/ /kun nas dbugs bung rab tu bzhon pa'i ke ta'i shing gnas pa/ /dbugs ni bung ba rang gi ngo bo 'khyil pa'i lus 'dzin pa//yang dang yang du lto 'phyes gdengs ka rgyas par byed par 'gyur/ /bud med med par ba yi mthong bar spro bas spro/ /ri lam shing la brten pa'i lam pa yis/ /chu rgyun nang na spyod pa'i nyung ba ni/ /'tshed byed rnams kyi ngag ni kun thos 'gyur//ngo bo lam pa'i bud med rnams kyis 'phrog par byed pa'i glog /mthong ste chu rnams gtong la zur gyis blta ba'i mig /mche ba gnyis pa'i steng du rlung gis bskyod pa ni/ /rgyal mtshan la bcings ba dan gur kum gyis btsos bzhin/ /rma bya'i sgro dang bsres pa'i ka sha'i nyag ma ni//'ga' zhig bskor zhing kun nas bskor ba'i si len dra/ /chu bo rnams kyi chu ni rnyog can 'gyur ba ste/ /'gram du 'dzam bu'i 'bras bu lhung bas dbu ba 'byed/ /chu bo'i 'gram rnams 'dzam bu'i 'bras bu rnams kyis 'brel pa ste/ /ne'u gsing 'jam po dang 'brel nyams dga' mdzes pa lta bar gyis//chu yi thigs pa lhung bas sgra sgrogs shing lo'i khang pa na/ /thub pa de ni ri bong lhan cig gnas shing rab dgar gyur/ /de nas de la dris pa ste/ /rnam par rtog pa chen po 'dis/ /lha yi bde ba 'dod pa khyod/ /lha dbang gnas ni 'dod dam ci/ / ri bong brtan pa'i sems ldan pa'i/ /dka' thub can de la ni smras/ /srog chags sdug bsngal zhi bya'i phyir/ /bdag ni sangs rgyas nyid 'dod do/ /de nas de la thub pas smras/ /gang tshe sangs rgyas khyod 'gyur ba/ /de tshe bdag slob bdag gyur cig /des kyang de la khas blangs so//de ltar dud 'gro'i skye gnas su skyes pa na yang bcom ldan 'das 'di byang chub sems dpa' rnams kyi spyod pa la spyod cing srog rnams kyis kyang gzhan rnams la phan pa mdzad pa ste/ de bas na sangs rgyas bcom ldan 'das la dang ba dang rtse gcig pas gnas par bya zhes bya ba ni/ri bong gi skyes pa'i rabs te/ skyes pa'i rabs bzhi pa'o// //byang chub sems dpa'i mgo bo yongs su gtong ba ste/ /su zhig ngo mtshar bar ni gang phyir ma gyur tam/ /yang na 'bras bu dang ni rjes su mthun pa ni/ /phal cher chen po rnams kyi kun nas rtsom pa rnams//'di ltar rjes su thos te/ sreg blugs 'dzin pa'i grogs po'i stobs kyis yang dag par skyes pa'i rlabs chen po dang ldan pa'i 'o ma'i rgya mtsho'i rjes su byed pa'i kha ba can gyi ri dang 'dra ba'i mu tig gi phreng bas mngon par brgyan par byas pa'i lus ngan gyi phyogs kyi bud med la rab tu dga' ba'i yid can lha'i bzo bo bi shwa karmas smug rtsi dang 'dra bar bris pa/rnam pa sna tshogs pa'i skye bos kun nas gnod par byas pa rlung gis rnam par bskyod bzhin pa'i skyed mos tshal gyi me tog rnams kyi dris dri zhim par byas pa'i phyogs rnams kyi dbus dang bcas pa/rtag tu lo legs pa'i phyir mdzod dang bang mdzod yongs su gang ba can grong khyer gyi ngo bos dpal gnas pa dang 'dra ba'i bzang po'i brag ces bya ba'i rgyal po'i pho brang byung bar gyur te/ gang zhig 'di da ltar yang bzang po'i brag ces bya ba'i grags pa thob pa'o/ /de nas rgyal po'i tshul gyi lag pa'i stobs kyis rgyal po'am rgyal po'i blon po chen po gzhan 'pham par byas pa/chu bo rnams rgya mtsho dang 'dra ba phun sum tshogs pa thams cad kyi rten rig pa thams cad kyi snod du gyur pa 'byung po rnams la brtse ba dang ldan pa/ dri ma dang bral ba'i zhal gyi zla ba mdzes pas zla ba'i 'od skyengs par byed pa'i rgyal po zla 'od ces bya ba byung bar gyur te/dgra'i grong khyer rnams na mi mo'i pad gnas dpal ni 'phrog byed cing / /grogs po'i skye bo ku mu da rnams la ni bde ba skyed byed pa/ /mi yi bdag po zla ba de yi lus kyi 'od nyid mtshan mo'i dus la ni//mun pa'i tshogs ni zad par byed cing mar me'i 'bras bu byed par gyur/ /rgyal po de la yang 'jig rten las 'das pa'i skye bo ma lus pa nyid ngo mtshar bar byed pa'i dam bca' 'di byung bar gyur to/ /gal te bdag la don gnyer la la slong gyur na/ /mig dag dang ni srog gi rten gyi mgo bo'am//srid pa 'jig par byed pa'i go 'phang 'gro 'dod pa/ /don du gnyer la bdag ni chad par mi byed do/ /brgya phrag bcu'i nor la skya rengs dang 'dra bar byang chub sems dpa'i mdun du rtag tu rgyu ba blon po'i tshogs rnams kyi gtso bo shes rab chen po dang ldan pa zla ba chen po zhes bya ba'i blon po byung bar gyur te/phan tshun yon tan smra ba po/ /phan tshun phan la mngon phyogs la/ /de dag nam yang yod min te/ /phan tshun rnam par 'bral ba can/ /de nas dus 'ga' zhig gi tshe zla ba chen pos mtshan mo gnyid kyi dbang du nye bar song ba na/ rmi lam du shing lo'i phung po tshig pa ltar song ba sngo ba dang rtsub pa'i 'od can gyi 'bar ba'i me'i tshogs ltar skra dang kha spu rnams ser skya dang ldan pa seng ge'i sen mo ltar 'khyog pa dang rno ba'i sen mo can chus bud par byas pa'i lci ba'i chu 'dzin ltar gsus pa che ba/lcags kyi ka ba ltar grims pa dang che ba'i lag pa dang brang dang ldan pa/ri bong can gyi cha ltar 'khyog pa'i mche ba rnams kyis rnam par 'byed pas shin tu mdzes pa/ 'phro zhing yun ring po ma yin pa'i 'od kyis rnam par g.yo bas smin ma bskyod pa/ khrag dang bcas pa'i skyes pa'i pags pas smad g.yogs par byas pa'i gnod sbyin rnams kyis mi'i bdag po de'i nye bar 'phrog bzhin pa dang cod pan gyi gtsug gi nor bu rnam par lhung ba mthong bar gyur to//gnyid sad nas yid mi bde bas 'di ltar bsams par gyur to/ /kye ma bdag gi rmi lam rnam par smin pa rtsub pa 'di mthong ngo / /bdag cag gi rje bo'i lus kyang blangs na don du gnyer ba la bdag gis sbyin par bya'o zhes dam bcas te/de bas na ji srid du mi'i bdag po de'i mgo bo su zhig slong bar mi byed pa de srid du du ma rin po che'i rang bzhin gyi mgo bo rnams bzo bo rnams la byed du gzhug go snyam mo/ /de rnams nyid kyis kyang mgo bo slong ba su zhig la phyi rol nyid du so sor mchod nas gtang bar bya zhes te/sa skyong bas ni sa 'di na/ /dbang po skyong byed skyong byed cing / /yun ring byas bdag nyid 'tsho zhing / /skye bo ma lus gso bar byed/ /de nas zla ba chen po blon po rnams kyi gtso bos rin po che'i rang bzhin gyi mgo rnams byed du bcug ste/phyi rol nyid du slong ba pa'i skye bo rnams la gang gis don grub ces bya ba rnam par spyod cing 'dug go/ /de nas spos ngad ldang ba'i ril spra'i gdong can skra dang sma ra yongs su smin pa/ ma byas pa'i khro gnyer byas pa 'dra ba/ sdong dum tshig pa ltar dkar ba ma yin pa dang pags pa rtsub pa dang ldan pa dang /'gro ba la srin bu pad+ma ltar 'khyog pa dang rags pa'i rtsa'i dra bas mi mnyam pa'i byin pa dang brla dang lag pa dang ldan pa dang / sbrul ltar rang bzhin gyis drag pa/ drag po'i mig can zhes bya ba'i bram ze so sor gnas par gyur to//de la bsam pa kun nas byung ste/ zla 'od ces bya ba'i rgyal po thams cad gtong ba ste/ de bas na re zhig 'gro bar bgyi'o/ /rgyal po de la mgo bo blangs pas dam bca' don med par bya'o snyam mo/ /mgo bo rab tu sbyin pa'i nus pa su zhig ces bya ba la yod pa zhes bya ba rnam par bsams nas//rim gyis bzang po'i brag tu 'ongs par gyur to/ /de nas sa 'dzin bcas pa rnam g.yos te/ /yang dang yang du rgya mtsho 'khrug pa'i sa/ /chu bo'i chu ni gang ba rnyog pa can/ /bskyod pa'i nya rnams kyis ni g.yos pa'i bar/ /nyi zla dag ni rnam par mdzes mi 'gyur//rdul gyis 'od med me long rnam pa can/ /phyogs rnams kun nas dri ma can gyur te/ /bdag po myang ba byas pa dang ni 'dra/ /dus ma yin pa yal ga can rnams las/ /me tog sngo skya ge sar can 'byung ste/ /rdul tshogs 'byung ba'i rlung rnams ldang ba ni/ /gtsug phud cha yis rjes su 'gro ba ltar//rgyu dang mi rgyu dang bcas sa 'byung ste/ /dri bcas rid pa'i skye bos khyab cing khyab/ /mtshan mo kun nas dud pa'i skar ma can/ /nub dang nye bar song ba'i zla ba bzhin/ /nags kyi bdag po rnams kyang rtswa 'jam pa/ /ba rnams 'o ma skad cig gis zad 'gyur//gtsang bar gyur kyang zhugs pa'i sreg blugs can/ /mchod sbyin byed pa'i me ni de mi 'bar/ /de nas rnam pa sna tshogs pa'i mtshan ma ngan pa mthong nas bzang po'i brag la gnas pa'i skye bos 'di ni ci zhig ces bya ba kun nas dogs par byed cing kun nas g.yeng ba dang bcas pas 'gro bar gyur to//der ni gang zhig shin tu mkhas pa de rnams rgyal po'i brlag pa nye bar rtogs par gyur pa yid mi bde bar gyur nas 'di ltar smras par gyur to/ /dka' ba sdug bsngal las skyes pa/ /sa skyong 'di la ma gyur cig /gang gi dpung pa'i grib ma la/ /brten nas lus can bde bar nyal//de nas mchi ma dang bcas pa'i/ /mig dang ldan pa'i grong khyer gyi lha mos blon po zla ba chen po la/ drag po'i mig can zhes bya ba'i bram ze 'di rgyal po 'di'i dbu slong ba'i phyir 'ongs pa ste/ de bas na thabs gang gis kyang 'di bzlog par mdzod cig ces smra zhing 'dug go//de nas blon pos rin po che'i rang bzhin gyi mgo de rnams spungs te/ bram ze chen po gang gis khyed kyi don 'grub pa de bdag nyid kyis don bsgrub par bya yis khyod kyis rgyal po mthong bas dgos pa ci zhig yod ces drag po'i mig can la smras so/ /gal te nor ni chung ba'i skyes bu las kyang ni//'dod pa rnyed 'gyur de phyir nor mang bas ni ci zhig bya/ /gal te glang chen gom pa tsam ni brkos pa'i chus/ /skom pa sel na rgya mtshos dgos pa ci zhig smros/ /bram zes smras pa/ rags pa'i 'o ma'i nu 'jing ldan zhing sprin dkar ltar ni 'od ldan pa rnams be'u bcas mi 'dod de//cung zad rna ba g.yo ba skor ba'i bung ba'i tshogs myos pa yi glang po'i dbang po rnams mi 'dod/ /rgyan yang gsal ba gsal ba'i 'od zer ldan pa'i nor bu rnams dang gos kyang khyad par can mi 'dod/ /'di ni thams cad ster ba zhes bya de phyir bdag ni sa skyong 'di las mgo bo slong bar 'dod//blon pos smras pa/ dam pa rin chen rang bzhin mgo bo 'di rnams ni/ /dad pa rtse gcig pas ni bdag gis khyed la 'bul/ /gal te 'di rnams kyis ni khyed la don med na/ /da lta nyid du bdag gi mgo bo khyer bar mdzod/ /rje bo'i don du srog 'dzin pa'i/ / 'bangs kyi don ni bstan 'gyur ba/ /de yi don du 'grub gyur pa/ /gal te de rnams don byas nyid/ /bram zes smras pa/ yang dang yang du smras pa 'dis ci zhig bya/ /mngon spyod kyi las la sa'i bdag po'i mgo bos bdag la dgos pa yod do/ /de nas rgyal po zla 'od lha'i mig gis mgo bo slong ba po de phyi rol na gnas pa mthong nas langs te dga' ba'i grogs po dang 'dra bar blon po'i gtso bo de la smras pa/mang pos smras pas chog ste don du gnyer bar ma byas pas 'khor ba'i rgya mtsho las rgal ba'i phyir zam par gyur pa byang chub sems dpa' rnams kyi don du gnyer ba rnams te/pha rol ring zhing rgal dka' ba/ /rgya mtsho rgal bar 'dod pa las/ /gang zhig 'brel ba'i gru gcog pa/ /de ni ji ltar grogs por brjod/ /de nas chos la grogs gyur pa'i/ /skyes bu chos kyi rjes 'jug la/ /spro ba nyid du bya ba ste/ /chos kyi gegs ni mi rigs so//gal te don gnyer 'di lta bu/ /thar pa'i rgyu ni med gyur na/ /sbyin pa'i pha rol phyin pa 'di/ /byang chub sems dpas ji ltar rdzogs/ /de ltar bla ngas te ral gri blangs/ /mi bdag 'dis ni bram ze la/ /bram ze bdag gi mgo chod cig /ces bya sdug bsngal med par smras//bram ze gang du sems ni snying rje med pa gang du ste/ /gtum po dang ni yang dag 'brel pa lta bu bdag 'dis zhes/ /mchod phyir thogs pas yun ring por ni rnam bsams nas/ /bram ze'i brang la ngo tsha dang bcas 'dra bar gnas par gyur/ /de nas bram ze des smras pa//blon po dang grogs po dang gnyen 'dun gyi skye bos yongs su bskor bar byas pas khyed la bdag gcig pus mgo gcod par nus pa ma yin te/ /de bas na khyed gcig pu 'dug par 'os so zhes zer ro/ /de nas rgyal po des mna' dang bcas par sdug bsngal gyi chus kun nas gdungs pa'i mig dang ldan pa'i skye bo'i tshogs de bzlog nas ral gri'i lag pa can gyi bram ze de dang rjes su 'gro bar gyur pa rin po che'i snying po zhes bya ba'i skyed mos tshal du song bar gyur to//de nas blon po zla ba chen pos 'di ltar smre sngags kyis kun nas bslang ba'i yi ge smras pa/kye ma mi yi bdag po mgo bo med pa ni/ /de ring su zhig gis ni nges par lta bar nus/ /mchod sbyin byed pa'i nus pa nye bar nyams pa ni/ /mchod sbyin srin po rnams kyis nye bar nyams pa ltar/ /sa ni skyod ba med par de ring grong khyer 'dir/ /shin tu phongs par rnam par snang ba nyid 'gyur te//bud ba'i tshogs kyis bskor bas khyab pa'i chu nas ni/ /glang por nams kyis pad+ma rgyas pa 'don pa ltar/ /de bas ji srid mi yi bdag po 'di ni shi ba ma thos par/ /de srid thog ma nyid du bdag gi srog 'di btang bar bgyi/ /de ltar rnam par bsams nas ting 'dzin stobs kyi blo ldan de//rang lus rnam par spangs nas rang 'byung 'gro ba nyid du gyur/ /skyes bu de nyid don byas bde ba yang dag thob nas ni/ /zla ba'i 'od ltar dkar ba'i las ni 'gro la gsal byas nas/ /grogs po rnams la rgud pa chen po thob par blta byas te/ /gang zhig thog ma nyid du lus kyi 'jig pa thob par gyur//de nas rin po che'i snying po zhes bya ba'i skyed mos tshal du zhugs pa'i rgya la po la de'i btsun mo'i 'khor du 'o dod 'bod pa'i sgra chen po kun nas byung bar gyur to/ /skyed mos tshal der zhugs nas bram ze des rgyal po la smras pa/ /gson pa'i gzugs de ltar gnas pa'i khyed kyi mgrin pa la bdag gis ral gri rdeg par nus pa ma yin no//rgyal pos smras pa/ bram ze de bas na rtag tu me tog 'byung ba'i tsam pa ka'i shing 'di la bdag bcing bar gyis shig /bram ze des kyang de ltar byas par gyur to/ /de nas skyed mos tshal na gnas pa'i lha mo rnams drag po'i las can de la 'di skad ces smras so//'gro ba'i gnyen du gyur pa yi/ /sa yi bdag po 'di yi ni/ /mgrin par rno ba'i ral gri yis/ /ji ltar sdig can khyod rdeg byed/ /rgyu mtshan med pa'i drag po nyid kyis rtsub pa'i yid/ /khyod ni gal te sa yi bdag po'i mgo gcod na//me stag 'phro bar byed pa'i thog gis khyed kyi yang / /mgo 'di bdag cag rnams kyis khyad par du brlag bgyi/ /de nas rgyal po des nags kyi lha mo rab tu myos pa rnams la gus pa dang bcas par 'di ltar bzlog cing 'dug go/ /bdag bla na med pa yang dag par rdzogs pa'i byang chub tu 'gro bar 'dod pa la khyed cag rnams kyis bar chad chen po bya bar ni mi rigs te/gang gi phyir rjes su yi rang bas ni bsod nams thob par 'gyur ro/ /'di las gzhan du na dge ba'i phyogs nyams pa nyid du 'gyur ro/ /don gnyer slong bzhin pa rnams la//bdag gis mgo rnams sngon yang byin/ /mgo bo 'dis ni gzhan rnams kyi/ /stong phrag yongs su rdzogs par 'gyur/ /de ltar byang chub sems dpa'i tshig thos nas lha mo de rnams gnas de nas log par gyur to/ /de nas rgyal po des 'di ltar smon lam btab ste//'jig rten yun ring ngo mtshar skyed byed pa'i/ /mgo bo byin pa 'di las dge ba gang / /byang chub thob nas des ni zhi ba gang / /phra rab rdul ldan dbang po bdag la shog /bzang po'i brag ces bya ba'i grong khyer 'di nyid dang / /bdag gis gang la mgo bo rnams ni byin pa ste//yid ni mngon par dga' ba'i gnas der mchod rten ni/ /chen po lus 'dzin rnams la phan pa'i don gyur cig /de ltar smon lam btab pa'i sa bdag nyid kyi ni/ /snying rje 'jam pa'i sems dang ldan la snying rje med pa des/ /lto 'phye'i 'od dang 'dra ba'i 'od ldan ral gris glo bur du//zhal gyi 'dam skyes pad+ma bzhin du gcod par gyur/ /de nas skad cig gis ni sa'i bdag po'i mgo bo gcod pa la/ /me tog kha bye mchi ma'i thigs pa dor bas rjes 'brel pa/ /rlung gis bskyod pa'i rang 'dab lag pa rnams kyis bdag nyid la/ /lcug ma gzhon nu ma rnams rang dbang med par brdung bar gyur pa bzhin//rlung gis rnu ba bskor ba'i ma lus 'byed pa ni/ /rlung gis rnam 'khrugs rlabs kyi lag pas pad gdong g.yo byas pa'i/ /skyed mos tshal der pad+mo'i bud med rnams kyi tshogs byung ba/ /rkang pa drug pa'i skad kyis mya ngan dang bcas bzhin du gyur//sgra sgrogs rgya mtsho'i chu yi rnam 'gyur can/ /sa ni g.yo bar gyur cing lha rnams kyang ni ngo mtshar gyur/ /nam mkha' sa dang phyogs rnams ngos la dri zhim bsgos byas pa'i/ /man dar ba'i char ni sa bdag lus la 'bab par gyur/ /rgyal po 'jig rten pha rol song bar gyur na rgyal po'i khab//dpal med skye bo mang pos khyab pa mdzes par mi 'gyur ro/ /sgra med pa dang g.yo med chu skyar dang ni ngang pa can/ /nyin mor byed pa nub par gyur pa la ni pad+ma ltar/ /de nas tshangs pa'i 'jig rten sa skyong gshegs par gyur pa de la ni/ /rgya mtsho'i chu yi rlabs bskyed pas ni skad med pa yi sdug bsngal shugs ldan pa//sa ni du ba ltar ni mthon po rnams la ring por 'dzeg byas nas/ /ser skya dang ni dkar po'i 'od ldan ri rab gangs kyi dpung pa can/ /bram ze des kyang de'i mgo bo'i skra la yang dag par bzung nas skyed mos tshal de las phyir 'byung bar brtsams so//de nas bzang po'i brag la gnas pa'i skye bos mya ngan gyi dbang gis 'di skad ces smras so/ /mi skyong seng ge'i khri la gnas pa'i 'bangs rnams kyis/ /dga' ba skyes pa'i gdong gis ji ltar mthong ba ni/ /mtsho las skyes pa rnying pa lta bu'i mgo bo de/ /bram zes skra nas bzung nas khyer ba nyid du gyur//gzhan yang gang zhig shar gyi ri bor yang dag gnas pa'i ri bong can gyi mdzes chen 'dzin byed cing / /glang po mchog gi rgyab gnas gyen lta'i gdong can rgyal po rnams kyis gus pa dang bcas mthong / mgo bo bcad pas rnam par 'gro ba'i 'thug pa'i khrag gis brang gi steng ni nyer gos pa//'og tu blta zhing bskor ba'i khri rnams kyi ni sa yi bdag po 'ding ba kun nas lta ba'o/ /blon po skyabs med du zhing shin tu che ba'i sreg pa'i sar/ /ga pur dang ni tsan dan du ru ska yi shing ldan byas nas ni/ /mi yi bdag po der ni bcug nas rlung yang rlung gis ni//sreg blugs 'dzin pas gsang sngags kyis ni bsnun pas 'bar zhing 'byung / /de nas 'bar bzhin pas sreg pa mthong nas smre sngags 'don par gyur pa'i skye bo'i tshogs des 'di skad ces smras so/ /kye ma bcom ldan 'das ma mi rtag pa zhes bya ba khyad par med pa ste//dal zhing so yi rnam par byugs pa sngar ni ri bong 'dzin pa'i mdzes pa 'phrog par byed pa'o/ /gang zhig bud med rnams kyi sor mo'i ze'u 'bru gi wang 'dzin pa rnams kyis reg pa ni/ /de yi lha yi dbang po'i rgyal mtshan lhung ba dang 'dra zhi ba la ni dmigs par byed pa yi//g.yo ba'i sbyin sreg 'bar ba'i sor mo rnams kyis rgyal po'i lus ni kun nas sreg par byed/ /de ltar smre sngags bton nas skye bo'i tshogs de mya ngan gyis 'khrug pa'i yid can gyis rang rang gi gnas su song bar gyur to/ /de ltar na rang gi mgo bo yongs su gtong ba la yang yid mi g.yo bas byang chub sems dpar gyur pa'i bcom ldan 'das kyis mdzad do zhes bya ba rnam par bsams nas byang chub 'dod pa gzhan gyis kyang gtong ba la rtse gcig pa'i dam pas gnas par bya zhes bya'o//bcom ldan 'das kyi skyes rabs 'di/ /dgra bcom rnams la mchod bya'i mchog//'khor ba'i sdug bsngal chen po'i rgyun/ /rgyal bar mdzad pa nyid kyis gsungs/ /de tshe zla 'od ces bya ba'i/ /sa yi bdag por bdag gyur te/ /shA ri'i bu ni blon por gyur/ /bram ze de nyid lha sbyin no/ /zla 'od kyi skyes pa'i rabs te skyes pa'i rabs lnga pa'o// //byang chub sems dpas bud med nyid dus na'ang / /rang lus las ni sha ni bcad cing byin/ /gzhan don nus pa'i mi yi lus nyid la/ /lhag pa'i bsam pa stobs ldan smos ci dgos/ /'di ltar rjes su thos te/ rnam pa sna tshogs pa'i skyed mos tshal sngo bas mthar thug par byas pa/nor sbyin dang 'dra bar gyur pa'i tshong pa'i skye bos yongs su gang ba'i tshong 'dus kyi lam dang ldan pa/ dri za'i yul la dkar po gtso bor gyur pa/ sa la rgyan dang 'dra ba ut+pa la dang ldan pa zhes bya ba rgyal po'i pho brang gang zhig rdzogs pa dang ldan pa zhes bya ba da ltar yang grags par gyur pa'o//de la lang tsho dang pos nye bar bsags bzhin pa'i mdzes pa'i rang gi sa la lha mo dang 'dra ba'i byang chub sems dpa' gzugs ldan ma zhes bya ba'i bud med byung bar gyur te/ nye bar zhi ba nyid kyis gzhan la phan pa ni/ /grub par byed dang yid kyang gsal bar byed nyid kyis//skye bo rnams la shin tu ngo mtshar byed 'gyur ba/ /de ni snying rjes gzugs dang ldan pa 'dra bar snang / /de nas dus gcig gi tshe yul der dge ba'i rtsa bzad pas mdzod dang bang mdzod kun nas zad pa mthong nas kun nas phongs pa'i skye ba dang ldan pa la skya rengs kyi kha lo sgyur ba'i 'od zer rnams kyi tsha bas lhag ma dang bcas pa'i kha ba can ri'i kha ba rnam par zhu ba dang /kha ba med pa nyid kyis chu bo kun gyi chu kun nas skams pa dang / chu med pa nyid kyis zhing pa rnams kun nas rnyings pa de mthong nas zhing pa'i skye bo yid mi bde ba dang / don du gnyer ba rnams kyi yid kyi re ba yongs su ma rdzogs pa dang /shin tu stobs chung ba'i ba glang rdzi rnams kyis rjes su 'gro bzhin pa'i shi ba lhag ma'i ba glang gi tshogs dang ldan pa/ kha zas la rtse gcig pa'i dbul po'i skye bo dang ldan pa/ dam pa ma yin pa'i skye bos 'brel ba dang 'dra bar gnod pa byed pa'i mu ge shin tu che ba byung bar gyur to//yid 'ong nu ma'i rdeg po nub gyur pa/ /gtsang ba'i gser gyi bum pa dang 'dra ba'i/ /kha zas med pa'i bud med rnams kyis ni/ /so 'dzin lci ba sra ba nyid ni dor/ /bde ba yongs su dman pa 'dzin par byed bzhin pas/ /lhag pa dpung pa'i yal ga rnams la sra ba nyid//yongs su phongs pa'i mig can bud med rnams kyi ni/ /gdu bu rnams ni lhod pa nyid du kun nas 'gyur/ /kun nas yegs pa'i skra rnams kyis ni khyab gyur pa/ /mtshan mo zad pas ri bong mtshan ltar 'od med cing / /smin ma sgeg pa'i rgod pa 'byung ba rnam bral ba//bud med rnams kyi gdong pa rnams ni byung bar gyur/ /khyim gyi nang du 'dag pas nye bar byugs nas ni/ /bza' ba rnying pa byis pa la ni sbyin byas nas/ /khyim bdag mo ni rang gis de ltar gdung ba min/ /khyim bdag lam gyis bkres ldan mthong nas 'dzin mi 'gyur/ /be'u shi ba nyid kyis rtswa yi bza' ba 'dor ba ni//skad 'don pas ni g.yo bar gyur pa'i lkog shal ldan/ /nags nas bdag po'i khyim du 'ongs pa'i ba nyid ni/ /lhag par mchi ma dang bcas mig ldan byed par gyur/ /rim gyis kun nas stobs chung nyid du song ba yi/ /rtswa za med pa nyid kyis rim gyis 'gro rnams kyi//lhag par lhod pa nyid du song bar gyur pa ste/ /ba rnams nu 'jing rnams la 'o ma zad par gyur/ /kun nas stobs ni chung ba dman pa cung zad mthong nas ni/ /mjug ma'i rtsa ba la ni nye bar dmigs nas kun 'khrugs pa/ /rnam pa gang gis kyang ni rung ba'i tshig la gsal ba ni/ / phyugs rdzis rgas shing yan lag rid pa'i ba ni bslang bar gyur/ /bza' dang btung ba zad pas ba glang nor ni shi ba yang / /gos ni rnying ba gon pas lus po skya ba dang ldan pa/ /skye bo gnas pas nye bar nyams pa'i yul phyogs de la ni/ /khyim las phyi rol byung ba'i don du nus par mi 'gyur ro//de nas gzugs ldan mas khyim 'ga' zhig tu bud med gang zhig mngal phyir byung ba'i dbang gis shin tu lhag par rab tu 'bar zhing dregs pa'i mes gdung bar byas pa'i lus can 'gram pa dang mig dang lto ba shin tu zhom pa'i khung bu can rtsib ma'i phreng ba mngon par gsal ba/shin tu dri ma can gyi gos rul gyis yan lag g.yogs pa/ bdag nyid la mnyes gshin pa'i gus pas bu la chags pa dang bral ba'i bud med su zhig bu de nyid za bar 'dod pa mthong ngo / /mthong nas kyang sring mo shin tu drag pa'i las 'di khyed byed par 'dod dam zhes bya ba de la smras so//bud med de yang 'di ltar bsams te gzugs ldan ma zhes bya ba 'di ni sbyin pa'i ngang tshul can la snying rje dang ldan pa ste/ /de bas na gal te bdag gis 'di la bya ba 'di smras par gyur na nges par 'di bdag la bkres pa'i gnyen po byed par 'gyur zhes bya ba rnam par bsams nas smras pa/sring mo bdag shin tu mngal byung bas mngon par 'phel ba'i bkres pa'i mes kun tu song ba'i lus dang ldan pa ste/ de bas na bu chung 'di za bar 'dod do zhes bya ba'o/ /brang skyes zhes bya'i bu chung 'di/ /sdang bar byed pa ltar mthong zhing / /bdag cag sems can rnams la ni//chos dang chos min dag mi mthong / /de nas gzugs ldan ma snying rje skyes par gyur pa'i mchi mas gang bar gyur pa'i mig gi ut+pa la dang ldan pa des bud med la 'di skad ces smras so/ /snying rje dang bcas ngus pa tsam gyis rnam mthong ba'i/ /sdug bsngal can 'di khyim pa'i skra yis khyab pa ni//ri dgas phru gu ltar ni yid 'phrog mig ldan pa'i/ /snying rje med ma khyod ni byis pa ji ltar za bar byed/ /myur du 'gro bas rab bskyod mtho ba'i gtsug phud can/ /sa yi rdul gyis mig gi rdzi ma rtsub gyur pa'i/ /byis pa gzhan gyi bu la yang ni 'jam sems pa//bud med rnams la byams pa nyid ni 'byung bar 'gyur/ /rgod pas rnam par 'phro byas pa yi mchu yi 'dab ma can/ /khyad par byas pa shin tu rgya che'i mig dang ldan/ /zur chag smra bas khyab pa ji ltar 'di la ni/ /bu yi gdong pa blta ba'i don du ci yi phyir mi nus//rta yi 'gros kyi lad mo byis pa'i phyir ni byed bzhin pa/ /dbyug pa'i rta la gnas pa dri can gtsug phud kyis khyab pa/ /rgod pas 'phro ba'i so yi phreng ba 'khyog cing mdzes ldan pa/ /bud med su zhig bu ni blta ba'i phyir ni 'dod ma yin/ /mchu gnyis phye ba dga' bas kun nas lta bar gyur pa ni//kha zas za bar 'dod pas rtsub pa'i sgra ni sgrogs byed pa/ /khwa ta mo ni bkres pas yongs su gdung yang phru gu ni/ /rjes 'gro 'bad pas gson bud med dam pas spos ci dgos/ /gzhan yang brgya lam na skye bos 'di thos nas sha za mo ltar khro ba'i dbang gis 'di bu gsod pa zhes bya ba yin pas yul phyogs 'di nas skrod par byed do//de bas na 'di ma brtsams pa las yid skyo bar gyis shig ces bya ba'o/ /stag mos ri dgas phru gu ltar/ /bu chung 'di ni bza' byas nas/ /ri dgas sdig can rab 'bar 'di/ /lcags kyi ri lu za bar byed//des smras pa/ sring mo ji ltar bya ste gang gi phyir yan lag thams cad nas byung ba'i bkres pa'i me 'di bzod par mi nus so zhes zer ro/ /de nas gzugs ldan ma 'di ltar bsam par byed de/ /gal te bdag byis pa blangs nas 'gro bar gyur pa na de'i tshe nges par 'di srog dang bral bar 'gyur ro//'on te 'di la bkres pa zhi ba'i don du bza' ba shin tu ring po nas blangs par gyur na de nas 'dis bu 'di srog dang bral bar byed par 'gyur ro/ /dus las 'das pa 'bras bu med pa'i las byed cing / /rmongs pas 'jig rten spyod pa nyid du ngal bar 'gro/ /dro ba'i 'od zer ji srid du ni nub mi 'gyur//de srid nyid du nyi ma skyong ba gzung bar rigs/ /de nas 'dir dus la bab pas rang gi sha rnams kyis 'di ni tshim par bgyi zhes zer ro/ /sdig can snying po med 'di yi/ /lus las snying po blang bya ste/ /chu klung gis zos rtsa 'gul ba'i/ /'gram gyi shing las 'bras bu bzhin//de nas bud med des slar smras pa/ /sring mo song shig dang khyod kyi drung du bdag gis byis pa 'di bag med par byed mi nus so/ /de nas gzugs ldan mas de la smras pa/ /gal te khyod la 'dir mtshon cha cung zad yod na re zhig long shig / des kyang gzugs ldan ma la mtshon cha gtad cing 'dug go/ /de nas gzugs ldan mas ni rang gi lus kyi sdug bsngal ma bsams shing / /gser gyi bum pa'i rnam pa can gyi nu ma gnyis bcad nas/ /mtshon cha shin tu rnon po des ni khrag ni 'bab byed pa/ /bkres pas nye bar gdungs pa'i bud med de la byin par gyur//bdag gis sdug bsngal ltos med par/ /srog chags rnams kyi sdug bsngal sel/ /gzhan gyi sdug bsngal gyis gnod de/ /gang phyir rang sdug bsngal gyis min/ /nu ma gnyis po de yang bud med de la byin nas gzugs ldan ma rang gi khyim gyi nang du rab tu zhugs par gyur to//nu ma gnyis bcad rnam par 'dzag pa'i khrag gis ni/ /mu tig har dang gos dang skye rags bcings ba gos/ /gzugs ni bzang ba tsan dan dmar pos gos pa la/ /gser gyi sku gzugs 'dra ba'i bud med de byung gyur/ /de nas gzugs ldan ma la khyim thab kyis ngo mtshar ba dang bcas pas stan las langs te dris ba/khyed la dge ba 'di gang gis/ /mdzes ma dge ba med pas ni/ /lus la sha za bzhin du yang / /'o ma 'dzin dag bcad par byas/ /des kyang gtam de khyim thab la brjod pa/ /'phags pa'i bus mngal byung bas mngon par 'phel ba'i bkres pa'i me dang ldan pa'i bud med de la myur du bza' ba dang btung ba sbyin par 'os zhes slar smras so//gzugs ldan ma'i khyim thab des kyang ngo mtshar ba'i yid dang ldan pas de ltar bya zhes brjod nas/ snying rje'i snod du gyur pa yi/ /des smras la la shin tu zhim//snod kun nas 'byung za ba ni/ /phongs pa'i bud med de la byin/ /de nas skye bo'i tshogs des ni/ /gzugs ldan ma yi ngo mtshar de/ /mthong nas yud tsam ngo mtshar bas/ /sor mo'i 'dab ma bskyod cing 'dug /'jig rten 'di yang de la smras/ /khyod kyi phrin las 'di yis ni//ser sna can gyi sems kyang ni/ /nges par gtong la rab spro byas/ /sbyin pa'i pha rol phyin pa gang / /byang chub 'dod rnams kyis thos 'di/ /'jig rten phan phyir de ni khyod/ /ngas par gzugs dang ldan par gnas/ /bud med nyid ni gang du blo rno 'di gang du/ /gtong ba 'di ni gang du 'jam nyid 'di gang du//dam pa 'di yis kun nas gtong ba sngon 'gro ba'i/ /gtong bas gtong ba dang ldan gzhan dag ngo tshar byas/ /de nas gzugs ldan ma'i khyim thab des bden ba'i byin rlabs 'di ltar byas par gyur to/ /ji ltar skyes pa gzhan gyi yang / /sbyin pa 'di 'dra mi thos pa//de ltar myur du bden pa des/ /bdag gi nu med nu 'byung shog /bden pa'i byin gyis brlabs byed pa'i/ /de ltar khyim bdag des smras pa/ /nu ma'i khur gyis mi nus pa/ /de yi brang la slar skyes gyur/ /sbyin pa'i chu yis 'jig rten skom pa sel byed cing / /so yi 'od zer ze 'brus yid 'phrog zhal gyi pad+ma can//grong khyer de la lci ba'i nu 'jing gi ni ngang skya can/ /gzugs ldan ma ni slar yang pad+mo kun nas snang bar gyur/ /de nas lha'i bdag pos 'jig rten pa thams cad kyi gtong ba las lhag par gyur pa'i gtong ba 'dis gzugs ldan ma bdag lha'i grong khyer las lhung bar byas nas rang nyid kyi bdag po nyid byed 'dod par slar ci zhig 'gyur ram zhes bya ba rnam par bsams nas/dogs pa dang bcas pa'i yid dang ldan pas dgongs pa de'i shes par 'dod bzhin pas/ /rab tu brgyad bar byas pa'i chu 'dzin pa'i tshogs kyis shin tu sngo ba'i bar snang la 'dug ste/ut+pa la dang ldan pa'i rgyal po'i pho brang du zhugs nas pad+ma'i sdong po'i skud pa ltar dkar ba'i mchod phyir thogs kyis brang gi dbus su mngon par brgyan par byas pa dang ldan pa dang / mgrin par btags pa'i phreng ba dang ldan pa dang / /bud med kyi mig dang 'dres pa ltar/ khri snyan sa le nag po'i pags pa phug pa'i phyogs su bkal bar byas pa/lag pa g.yas pas shing lo'i thum bu gnyis thogs pa/ bram ze gnyis skyes kyi gzugs mngon par sprul nas slong mo don du gnyer ba zhes bya ba gzugs ldan ma'i khyim du phyin par gyur to/ /de nas gzugs ldan mas rnam pa sna tshogs pa'i bza' ston blangs nas bram ze gnyis skyes kyi brgya byin la byin no//gnas skabs la bab pa sngon du 'gro bar/ lha yi bdag pos 'di la smras/ /khyed kyis nu ma yongs btang bas/ /kun nas 'byung zhing khyab pa ni/ /bcag pa'i dung ltar dkar ba yi//grags pas 'gro ba brgyan par byas/ /dka' thub 'dis ni ci zhig khyod/ /lha yi dbang po'i gnas 'dod dam/ /bzang mo ngo mtshar dbang gis khyod/ /nyid la bdag ni 'dri bar byed/ /de nas lha yi bdag po la ni ji bzhin des smras pa/ /sa gsum zhi ba'i don du rgyal ba nyid ni bdag 'dod de//bram ze bdag gi bden pa 'dis ni de ltar 'gro ba la/ /yon tan rnams kyi rten gyur des ni skyes pa'i dngos por shog /tshig ni de ltar smras pa des ni skyes pa nyid gyur te/ /dga' ba'i sems ldan brgya byin yang ni rang gi grong khyer song / /'gro ba la ni ngo mtshar ba de 'byung bar shes nas ni//'jig rten pa yang shin tu brten pa'i ngo mtshar can du gyur/ /kha spu 'byung ba rnam bskyod mig sman phye ma ltar gnag pa/ /skyes par gyur ba nye bar mthong nas de zhal zla ba la/ /nyid du glang po'i 'phral sgong ltar tsho nu 'bur gnyis po ni/ /yangs pa'i brang la ngo tsha ltar nyid kyis ni mi snang gyur//byang chub sems dpa' la yang gzugs dang ldan pa zhes bya ba 'jig rten du ming du grags par gyur to/ /de nas ut+pa la ldan pa'i rgyal po'i pho brang la dus gcig gi tshe na rgyal po sras med par grongs pa nyid nye bar song bar gyur te/ rgyal po grongs par gyur pa sgra gcan gyis gzung ba'i mtshan mo byed pa'i mtshan mo ltar grong khyer de mdzes par ma gyur to//rgyal po zhig pas mngon par 'phel ba'i mya ngan dang ldan pa'i blon po rnams la nyams pa 'ga' zhig la btsun mo'i 'khor gyi skye bo la dbugs dbyung bar byas nas grong khyer ba'i tshogs la 'di skad ces smras so//gtso bo med pa'i phyir yul 'dir brgya lam na dgra rnams 'ongs te rang gi nor dang bral bar byed par 'gyur te/ de bas na khyim rab tu 'bar ba bsal ba'i don du khron pa rab tu rko ba dang 'dra bar dus 'das pa sdug bsngal gyi rgyu bdag cag 'dod par 'gyur bar bya'o//de bas na 'dir dus thob pa 'di 'dir gzhon nu gzugs ldan 'di la rgyal po'i mtshan ma lus pa tshang ba mngon par 'byung ba'i yon tan rnams kyis phun sum tshogs pa dang ldan pa ste/ de bas na 'di nyid bdag por bya ba'i phyir dbang bskur bar bgyi'o zhes zer ro/ /de nas gzhan la phan pa'i don du yid ni brtan byas te//de la dga' ba skyes pa'i grong khyer bas ni dbang bskur byas/ /rnga yab gnyis dang lan cig tu ni yid ni mngon dga' ba'i/ /gdugs dkar po ni 'khor gyi skye bos kun nas gzung bar gyur/ /tshong dus sar ni rta babs steng du me tog phreng bas 'brel//ri bo'i bung ba rnams kyi gar gyis yid ni mngon par dga'/ /dri yi chu yis spangs pas dri zhim byas pa'i lam nas 'gro/ /grong khyer pa rnams lus ngan grong khyer dang mtshungs grong khyer byas/ /chu 'dzin rnams ni dus su shin tu char pa sbyin gyur to/ /nye bar 'tsho bas nam yang sdug bsngal byed par mi 'gyur ro//der ni khrims kyis sa ni skyod bar byed pa'i sa bdag la/ /skye bos sdug bsngal 'di 'dra nam yang thos par mi 'gyur ro/ /ma rmos par ni 'bras bu che ba'i zhing ni byung gyur te/ /shing rnams rtag tu me tog dang ni 'bras mang ster bar gyur/ /rgyal po bzang po des ni rgyal srid skyong ba srid sgrub ltar//rnga mo rnams kyang rang nyid kyis ni 'o rgyun mang po 'jo/ /mi 'chad sbyin pas yongs su rdzogs pa'i yid kyi re ba ni/ /nus pa gsum ni 'byung bar ldan pa dbang po rnams rgyal ba/ /sna tshogs yon tan rnams kyi rgyan gyis brgyan pa'i lus ldan pa'i//sa skyong des ni rgyal po dang ni ldan pa'i sar ni gyur/ /de nas nor bu rnams kyis yid 'ong seng ge'i khrir bzhugs nas/ /mi dbang seng ge mi skyong rnams kyis zhabs pad 'dud byas pa/ /pad+ma 'dra ba'i zhal ldan rab tu shes rgya'i chos dang ldan/ /skye bo'i don du 'bras bu don dam chos ni ston par mdzad//sbyin pa'i rnam par smin pa che ba 'di ni blta bar bgyi/ /bdag gis 'di nyid du ni gang gis bud med nyid spangs te/ /skye ba'i 'bras bu grags pa'i tshogs gsum grags par byas pa ni/ /'jig rten bdag pos dga' bar byed pa'i skyes pa nyid ni 'di/ /sbyin pa'i shing las me tog tsam zhig 'dir ni rab tu skyes//pha rol du ni rgya che'i 'bras bu gzhan ni 'byung bar 'gyur/ /'di na lan grangs du mar spyad nas don gnyer sa la ni/ /tshul khrims dri med ma lus sbyin pa'i gter ni nges par mdzad/ /yon tan chu brlan med gyur na//gal te don gnyer zhing sa rnams/ /sbyin bdag sbyin pa'i 'bras 'dod pa/ /sbyin pa'i sa bon gang du gdab/ /grags dang bsod nams rab sbyin pa'i/ /gang zhig gnyen rnams las lhag pa/ /don gnyer rnams ni shes rab can/ /smin bskyod lto 'phyes su zhig skrag / gcig ni bstod pa mang po dang ldan ngag ni smra ste gcig kyang rtsub pa'i yi ge can/ /gcig ni nus pa dang bcas lta ste gzhan ni nor gyi nga rgyal gyis ni brnyas bcas dang / /gcig gis bsod nams grags pa dag ni legs par ster la gzhan ni dngos po gcig nyid do/ /ring por sbyin bdag bdag ltos yon tan 'di rnams kyis ni slong ba po ni rnam par rgyal//gal te phyogs rnams yon tan me tog phreng bas dri zhim pa ni byed 'gyur na/ /gal te slar yang snying dga'i 'bras bus longs spyod phyir ni 'dod pa mi chung yod/ /grags pa chen po'i grib ma can ni nor gyi shing rnams skye bar 'gyur ba ni//de bas don du gnyer ba'i skye bo'i sa la nyi ma re rer gdab par mdzod/ /de nas drug cu'i lo rnams 'jig rten pa la rjes bstan nas/ /yon tan ldan pa'i don gnyer rnams la yang yang bde byas te/ /ku mud ltar dkar ba'i grags pas phyogs rnams snang byas nas/ /stobs chen mi skyong de ni skye ba gzhan du 'gro bar 'gyur//de ltar bud med nyid du gyur pa na yang bcom ldan 'das des rang gi sha rnams kyang sbyin par mdzad na mi'i lus thob par gyur pa su zhig ces bya ba'i phyi rol gyi dngos po la ltos pa byed par gyur zhes de bas na gtong ba po'i skye bo rab tu spro ba bskyed pa'i phyir 'di brjod par bya'o//gzugs ldan ma'i skyes pa'i rabs te skyes pa'i rabs drug pa'o// //phyi rol gyur ba'i rdzas kyang dka' ba yis/ /dman pa rnams kyis yon tan can la dbul/ /dam pa rnams kyis dga' ba'i lus kyang ni/ /dud 'gro rnams la yang ni gtong bar mdzad//'di ltar rjes su thos bzhin pa yid 'phrog cing mthong bzhin pa ngo mtshar bar byed pa/ byang phyogs su snying por gyur pa pad+ma dang ut+pa la rnam par phye ba'i tshogs kyis skyed mos tshal mngon par brgyan par byas pa/ rlung gis rnam par bskyod bzhin pa'i lha'i nye 'khor na rgyal mtshan dang ba dan dang ut+pa la dang ldan pa'i rgyal po'i khab na/lha'i grong khyer gzhan dag gi shing pa ri dzA ta ka skyes par gyur pa dang 'dra bar byang chub sems dpa' tshong dpon gyi rigs mdzes par gyur to/ /de nas tshong dpon gtso bo'i rgyu skyes pas rab tu dga' ba rnyed pas dga' ston gyi khyad par sna tshogs pa la 'jug pa'i khang pa'i phyogs gcig na rnam pa sna tshogs pa'i rol cha rnams kyi sgra thos pas gar byed pa'i rma bya rnams kyis mngon par brgyan pa dang /sbrang rtsi byed pa kun nas 'dzag pa'i sbrang rtsi'i smyon chu bud med rnams kyi 'gram pa la mngon par chags par gyur pa dang / nor bu'i rang bzhin rta babs rnams la rnam pa sna tshogs pa'i dri zhim pa'i me tog gi phreng ba bcings par gyur pa dang /dga' bas smras pas 'khor gyi skye bo'i dga' ba dang ldan pa/ grogs po rnams dang gnyen 'dun gyi skye bo rnams kun nas tshim par byas pa'i rang gi khang par don du gnyer ba rnams la sbyin gtong chen po byin par gyur to//tshong dpon bu yi 'phro bar byed pa'i 'od kyis ni/ /bsil ba'i 'od zer can gyi 'od ni kun nas 'phrog /gal te de bas rang gi skye bos rjes mthun pa/ /'di yi ming ni zla 'od nyid ces btags par gyur/ /ri bong can sar bzhin du nyi ma re rer kun nas nye bar bsags bzhin pa'i 'od kyi mdzes pa dang ldan pa de thos pa dang tshul khrims la sogs pa'i yon tan gsal zhes bya ba'i bla ma gzhan dag la bstan bcos dang snyan dang gas kyi cha gzung ba'i don du phas gtad cing 'dug go//de nas de yi drung gnas la/ /thos pa dang ni shes rab kyis//yun mi ring ba'i dus nyid na/ /dbang po rnams rgyal de rgyal gyur/ /de yi shes rab mthong nas ni/ /slob ma kun pas khyad par can/ /legs smras rtsa gcig 'dri ba la/ /bla ma ngo mtshar dang bcas gyur/ /mun pa'i tshogs ni 'byed byed pa/ /lam dang lam min gsal byed pa//der ni rig pa lhag par mdzes/ /ku mu da 'byung zla chas bzhin/ /lha yi mig gis mthong nas ni/ /gter ni gang gang des thob pa'i/ /de de ma lus don gnyer la/ /dge ba thob pas sbyin par gyur/ /rang gi brtan pa 'dra ba des/ /de ltar sbyin pa sbyin par gyur//ji ltar don gnyer rnams kyi tshig /byin cig ces bya slar ma thos/ /de nas bla ma de'i slob ma brgya phrag lnga tsam po de rnams kyis zla 'od la 'di skad ces e ma don du gnyer ba rnams kyi steng du khyod kyi brtse ba chen po bdag cag gis bsam par bya ste/ gal te khyod la don du gnyer ba su zhig srog rnams kyang bslangs par gyur na nges par de la de rnams khyod kyis sbyin par 'gyur zhes smras so/ /byang chub sems dpas smras pa/ de ltar ma yin te slong ba po nyid ni brtse bas sbyin pa po las khyad par du 'phags te/ ci'i phyir zhe na/ gang zhig bdag nyid gnod byas nas//sbyin pa dge bar byed 'dod pas/ /slong ba'i sdug bsngal bzod pa ste/ /de 'dra brtse ba po ni med/ /'dir ni grags dang pha rol du/ /'bras bu gnyis don gnyer la ster/ /nor tsam ster ba'i sbyin pa po/ /de las de ni khyad par 'phags/ /don gnyer byin cig ces brjod cing //chung zhes bya bar mngon par brjod/ /sbyin bdag med ces rjod byed cing / /des ni shin tu chung bar 'gyur/ /phan pa'i phyir ni mthar 'gro bas/ /sbyin bdag dpag bsam shing 'drar byed/ /gsal byas 'bras bus sngags pa ni/ /don gnyer nyid de ci ltar chung //gal te 'gro ba la ni rnam par sbyar phyir yod mi 'gyur/ /kun nas bsod nams chung ster slong mo'i sprin rnams 'di/ /sbyin bdag rgya mtsho rnams ni 'byung ba ma yin te/ /yon tan ldan pa mu tig grags pa che ba'i lto ba bsten/ /de nas slob ma de rnams slar yang byang chub sems dpa' la 'dri bar gyur to//ci zhig khyod sbyin bdag chen po'i 'bras bu 'dis ni mchod sbyin brgya byas pa'i dpal 'dod dam/ 'o na sgyur ba nyid 'dod ces re zhig smra bar gyis shig /byang chub sems dpas smras pa/ bdag gi blo ni rang bzhin gyis 'jig pa'i go 'phang mngon par 'dod pa ma yin te/re zhig khyed cag rnams kyis blta bar gyis shig /srid pa'i thang ka'i dbus su gang gi gzugs/ /'du byed bzo bo rnams kyis byas gyur pa/ /de dang de ni mi rtag pa 'di ni/ /g.yo bas khro ba bzhin du 'jigs par byed/ /chags dang sdang la rgyab phyogs pa'i/ / gdug pa'i bdag nyid 'chi bdag la/ /srid pa'i rtser yang 'gro bya min/ /srog chags rnams kyi tshe'i gnas pa/ /bskyod bzhin pa yang zad par 'gyur/ /ri mo'i las la rnam bkod pa/ /skad cig re rer skya ris bzhin/ /drag po mi rtag pa thob nas/ /dpal ni yun ring 'bar ba min/ /bzhi mdor gnas pa'i mar me yi//rtse mo rlung gis bskyod pa bzhin/ /yid byung rmongs pa kha cig ni/ /mi rtag seng ge mo bzhin mthong / /de nyid blos byas gzhan dag ni/ /'jigs pa med pas sbyang mo bzhin/ /bsod nams byas pa'i blo ldan gyi/ /yid ni 'chi bdag gnod mi 'gyur/ / gdugs kyi grib mas bsgribs pa ni/ /lam zhugs nyi mas gdung mi byed/ /rgyags dang nga rgyal mun pa'i phyir ni 'di dag rnams/ /thos pa'i sbrul ltar thob par dka' ba rtag tu nyid/ /skye dgu rnams kyi longs spyod skad cig gis 'jig pa/ /rjes su 'brel ba'i sgra yi bstan bcos bsten pa ltar//de ltar 'gro ba rgyu dang mi rgyur bcas shes nas/ /chu yi shugs kyis 'jig pa'i dbu ba'i tshogs ltar don med pa/ /rgyags dang nga rgyal gti mug tshogs ni bzlog pa la/ /skye med don du skyes rnams re zhig 'bad pa mdzod/ /de bas na bdag khyab pa nyid du 'jig rten pa'i sdug bsngal zad par bya ba'i bla na med pa yang dag par rdzogs pa'i byang chub 'dod do//de nas slob ma de rnams rab tu dga' ba'i yid dang ldan pas slar 'di skad ces smras so/ /mang pos smras pas ci zhig bya ste/ smin ma'i dbus nas 'od zer 'phro ba mdzod spu'i ri bong mtshan ma 'dzin byed pa/ /mun pa rnam par rgyal ba'i 'od zer rnams kyis dkyil 'khor kun nas rgyas mdzad cing //'byung 'gyur gzugs can bde bar gshegs pa'i yon tan chen po khyod la mthong ba ste/ /gser ni bcad ltar 'od ldan lus 'dzin rnams la grol ba'i lam ni gsal byed 'gyur/ /bdag cag kyang rnam pa thams cad du mngon par rdzogs par byang chub thob pa khyed kyi slob mar gyur cig ces zer ro//byang chub sems dpas smras pa/ dgon pa chen po sbrul mang ba/ /'bad pa ldan pas rgal 'dod cing / /zhi ba'i gnas su 'gro 'dod pa/ /thabs ni su zhig 'dod mi byed/ /bdag nyid chen po 'dis bdud rtsi bgos skal bdag cag la zhal gyis bzhes so zhes bya ba rnam par bsams nas/dga' ba skyes nas song ba'i slob ma de rnams rang gi gnas su song ba dang / dus gcig na tshang tshing du nye bar song ba'i byang chub sems dpas 'di ltar bsams shing 'dug go/ /bdag gis don du gnyer ba'i skye bo'i don shin tu byas te/da ni rang gi sha dang khrag gis dud 'gro rnams tshim par bya'o zhes rnam par bsams nas mtshon cha dang sbrang rtsi dang mar blangs te/ gnyen 'dun rnams la ma smras par mtshan mo chen mo'i gos dang rjes su mthun pa'i thun mtshams su/ yol bas mi 'dor bar byas pa'i phyogs gzhan la mthug par gyur pa'i mun pas mi snang bar gyur pa'i 'gro ba la khyim gzhan du rab tu 'bar bzhin pa'i mar me'i 'od kyis reg pa ngo gdong mdzes pa nyis 'gyur du gyur pa'i gzhon nu ma'i skye bo rnams yod pa dang /khyad par du rgyan 'dzin par byas pa sgeg pa dang bcas pa'i smin ma'i ljon shing gyen du byas pa mthong bas//rgod pa dang sgeg pa'i mchil mas bkug pa'i 'dod pa can skye bo'i snying gi nya dang ldan pa'i smad 'tshong ma rnams yod pa dang / grogs mo'i skye bos ster bzhin pa'i dus btab pa thos pas g.yeng ba med cing g.yo ba med pa'i mig dang ldan pa'i bar mi mo rnams yod pa dang /dga' ba'i skye bo rnams kyis dus btab pa la spro ba dang ldan pa yod pa dang / dri'i thig le byas pa de mthong ba la 'phros pas me long gi nang du lta ba rnam par rgod pa'i 'dod ma rnams yod pa dang / 'o ma'i rgyun gyi sgra thos bzhin pa'i ba glang gi rdzi mo rnams kyis be'us ldag pas g.yo bar byed pa'i dril chung lkog shal dang ldan pa'i ba rnams yod pa dang lam gyi bzhi mdor ldugs pa'i skyugs ldad kyis bde bar mig rnam par btsums par byas pa'i tshong dus kyi khyu mchog rnams kyis lam 'gags par gyur pa'i grong khyer gyi lam rnams yod pa la/rgyags pa dang bcas pa'i thong gshol 'dzin pa'i 'gram pa dmar skya ltar dmar ba'i shar gyi ri bo'i rtse mor lhag par gnas pa'i ri bong can gyi mtshan ma yod pas/ku mu da'i tshogs rgyas pas skyed mos tshal dris bsgos pa'i mtshan mo'i dus su gyur pa na/ gzhan dag khyim thab shi ba'i skra lo ltar mgo yegs pa dang / du bas 'od med par byas pa'i rnam pa sna tshogs pa'i shing dang ldan pa/gyen du lta ba'i sdig pa can gyi ce spyang mo rnams kyi skad kyis kha phye ba'i ngo gdong gi bu ga nas rnam par byung ba'i sreg blugs 'dzin pa'i snang bas gsal shing la gnas pa'i skyes bu rnams kyi dpung par nges par 'brel pa'i shas che bar gyur pa'i mi g.yo ba'i bya rgod dang kaM ka gsal bar byas pa dang /shin tu drag pa'i bud med kyi tshogs kyis phyed tshig pa'i shing khang gi dbus su gnas pa'i skyes bu rnams kyis lus 'gags par byed bzhin pa dang / phyogs 'ga' zhig tu mtshan mo rgyu ba rnams la dogs par gyur pa'i mi sha'i skra thos pas 'byung po'i tshogs kyi gdong nas kha chu'i thigs pa rnam par 'dzag pa dang /gzhan du mkha' 'gro ma rnams kyi lag pa bdag gis bzung bar byas pa'i gri gug rnams kyis rnam par gcod bzhin pa'i skyes bu'i brla las rnam par 'dzag pa'i khrag gi rgyun gyis sa stengs kun nas bangs pa dang yang nas yang du sreg blugs 'dzin pa'i 'bar ba'i sor mo rnams kyis kun nas sdigs mdzub byed pa dang 'dra bar mun pa chen po bsal bar byas pa dang phyogs 'ga' zhig tu me tog kun da sar pa ltar dkar ba dang kun nas skya ba'i mgo bo'i thod pa dang ldan pa dang /phyogs gzhan du dur khrod gnas pa'i dge slong rnams kyis kun nas lta bzhin pa'i bud med rnams kyi lus la ce spyang gi tshogs kyis 'brel ba dang / phyogs 'ga' zhig tu rig sngags smra ba rnams kyis bris pa'i dkyil 'khor gyi mthar gnas pa'i phyogs skyong rnams la shubs nas bton pa'i dri ma med pa'i ral gri rnams kyi nang du son pa 'phro ba'i sreg blugs za ba'i gzugs brnyan gyis 'jigs su rung ba'i mthong ba dang ldan pa'i dur khrod chen por phyin par gyur to//byams pa'i sngags kyis lus bsrung bar byas pa'i byang chub sems dpa' la der sha za ba'i bud med kyi skye bos tho 'tshams par ma nus so//bdag nyid chen po de yang dur khrod kyi phyogs gcig na ce sbyang rnams kyis bkug pas rnam par skyong ba'i lto ba'i rgyu ma'i dra ba dang sha dang rtsib ma'i mtshams dri ma can gyis gsal ba dang / rlung gis bskyod pa'i ro bsregs pa'i thal ba'i chas kun nas skya bar byas pa'i skra lo 'jings par gyur pa/khras mchu 'thog pa nyid kyis snang bar gyur cing rnam par 'gyur ba'i so'i phreng ba dang ldan pa shi ba'i bud med mthong nas yid byung ba der song ba'i mi g.yo ba'i lta ba can gyis 'di skad ces/ kye ma 'dod chags can rnams kyis ring po ma yin par mthong ba'i blo ste/gang rnams kyis 'di lta bu'i chags bral gyi bud med kyi lus la yang chags pa skye bar 'gyur zhes smras so/ /yid 'phrog rnam par mi g.yo'i mig can gang la ni/ /dga' ba'i skye bos sin d+hu ra yi khyad par byas/ /de ring 'dir ni sgeg mo'i gdong can de nyid la//slar yang ce spyang gis ni rkang 'dzin byed/ /gang dag rgod pas cung zad 'od ni 'byung 'gyur ba/ /skye bo 'dod chags can gyi yid ni 'phrog byed pa/ /khyi dang khwa tas gcod pa rnam par rnying ba'i mchu/ /so rnams de nyid rnam par 'gyur ba nyid du song / /gang dag dga' bos rnam par mthong zhing dgar 'gyur te//rkang pa drug bcas chu skyes 'dab ma ltar ni mdzes/ /mig gnyis bya rnams kyis ni sha khrag 'phrog byas pa/ /de dag sbrul gyi tshad dang rjes su zlos pa can/ /yun ring gang dag lo ma ltar 'jam 'od ldan pa/ /smug rtsi dang bcas grogs mo'i skye bos byas gyur pa//'gram pa'i rus pa lhag ma can ni de dag gi/ /ma d+ha ka ltar skya ba da ltar gang du song / /de bas btsums par byas pa'i mig dang ldan pa'i gzhon nu ma'i/ /ba spu'i tshogs ni langs pa gang zhig dga' bos reg pa ni/ /nu 'bur gnyis ni 'gyur ba'i khrag gis shin tu dmar ba yi//de la khyi so rnams kyis de ring kun nas 'bigs par byed/ /dga' bo'i dbung rgyan gyis ni skra lo'i me tog lhung ba ni/ /gang zhig btsums par byas pa'i mig can 'khyud nas bde bar nyal/ /de ni dur khrod sa yi mal stan la ni nyal bzhin pa/ /glo bur 'ongs nas shin tu dga' mar ci ste 'khyud mi byed//rgyus pa rus pa sha dang khrag dang rgyu ma'i rang bzhin las/ /bud med ces bya mang ba'i skyon gyi sbrul gyis khyab 'di la/ /yang dag ma yin kun tu brtags pas nyams pa'i skye bo 'di/ /'dod chags dang bral dngos po la ni don med chags par 'gyur//de rnams skye ngan tshogs kyi rnon po'i mda' rnams kyis mi 'jigs/ /brtan pa de zhi ba de'i longs spyod de rnams nyid/ /bud med dug ni ljon shing gi ni rnam spangs nas/ /gang dag zhi ba'i 'bras bu can gyi dka' thub nags rnams gnas/ /de nas der du ba'i phung po mngon par 'thul ba'i mchod sbyin gyi shing dang ldan pa/mi'i rkang mar yongs pas dgang blugs nges par lhung zhing 'bar bar sol ba'i phung po rnams las su ra swa ra'i sgra 'byung ba dang / b+haN+Da ka'i bya'i skad mngon spyod kyi sngags brtsams pa'i las dang ldan pa'i dur khrod kyi mchod sbyin la mtshon cha rnon pos yan lag rnams kun nas bzhogs te/sbrang rtsi dang ni mar dag gis/ /'dzag pa'i chu yi rgyun gyis brlan/ /grog sbur rnams kyis zos bzhin pa/ /bdag nyid bdag nyid kyis ni 'di/ /lnga bdag phyugs nyid du ni khyer/ /der yang dri mas rtsub pa'i ril bur byas pa'i go cha ltar dri mar bcas pa'i 'od glang po che'i khrag gis nye bar gos pa'i ri dgas kyi bdag po'i sen mo ltar 'khyog cing dmar zhing rno ba'i mchu dang ldan pa/lto 'phye khros pa'i mig dang 'dra ba'i mig can/ lcags kyi tsher ma ltar rtsub pa'i sen mo rtsub cing dngar ba ma yin pa'i skad kyis bya'i chogs gzhan rnams kun nas skrag par byas pa/bya rnams kyis sra ba'i 'dab ma'i sgras 'gro ba kun du mtshon bzhin pa/ mthon por 'gro ba zhes bya ba'i 'dab chags ni/ ri bo ltar ni mthon po'i gzugs can de yi phrag par bya des ni/ /glo bur du ni mngon par 'dzeg par byas nas mtho yor ltar//ut+pa la chen po'i 'dab ma dang mtshungs mig ni gdon byas nas/ /khrag gis khyab pa'i mig rdzi'i ri mo slar yang lhung bar gyur/ /phrug pa rje skyong don du mnyes gshin pas ni reg byas pa/ /ri dgas mo ni mngon par phyogs par stag la yang ni rab tu 'gro/ /mnyes gshin pa yang snying rje zhes bya gzhan don sgrub pa'i phyir//skyed byed byang chub sems dpa' la ni ji ltar gnod par byed/ /de nas nam mkha' la 'gro ba des byang chub sems dpa' la dris par gyur to/ /nges par bdag gi 'don bzhin pa'i mig 'di la khyed kyi sdug bsngal chen po nyams su myong ngam zhes so//byang chub sems dpas smras pa/ /gal te gang gis kyang mi dgos pa'i bdag gi lus zad par song bar gyur na de nas bdag la sdug bsngal 'byung bar 'gyur te/ da lta'i nye bar dgos bar gyur ba sems can du ma rnams kyis mthong nas mchog tu dga' ba bdag gis nyams su myong zhes zer ro//gal te lus po 'di ni sdug bsngal rnams kyi rten/ /yan lag can rnams la ni 'grub pa nyid du 'gro/ /che ming mang 'dod rnams la de ltar rin chen ldan/ /'di las gzhan du lto 'phye bzhin du skyon mang ngo / /de nas byang chub sems dpas sha za rnams kyis ji ltar bde bar bdag la zo shig ces rnam par bsams nas/bdag nyid ri dgas dang 'dra bar ston zhing 'dug go/ /de na bya rnams yang dag 'ongs pa la/ /rgyun mi 'chad pa'i skad kyis 'jigs byas pa/ /de yi sha ni cig car zad 'gyur te/ /sems kyi brtan pa la ni rgyab phyogs min//de nas de yi lus ni yon tan me tog gi /dri yis lhag par dri zhim byas nas srog rnams kyis/ /ji ltar yang ni rnam par spangs te skyes pa yi/ /sdug bsngal gyis khyab bya rnams ltung ba'i gnas shing bzhin/ /de nas nus pa'i ri'i rtse mo nas shin tu ring bar kun nas longs spyod pa'i bung ba bzhin du kun da ltar dkar skar ma'i bdag po spangs nas mtshan mo song ba la/bzlas pa'i me tog rtse mo dang 'dra bar nyi ma'i gdong gis nye bar 'brel bar gyur pa'i shar gyi ri'i rtse mor nyi ma yod pa la nyin mor byed pa'i 'od zer rnams kyi lag pas yang dag par reg pa'i bde ba dang 'dra bar mngon par gsal bar gyur pa'i pad+ma'i sdong bu'i tsher ma rnams kyis kha spu langs shing gnyid dang bral ba'i pad+ma'i bud med rnams yod pa la srog chags ku ra ra rnams kyi skad rjes su byed pa'i rnam par grol bar gyur pa'i grong khyer gyi sgo dang sgo glegs yod pa la gnyid sad nas/byang chub sems dpa'i mi 'dod pa'i dogs pas yid sdug bsngal bar gyur pa grogs po dang 'khor gyi skye bo dang / gnyen 'dun gyi tshogs dang bcas pa bu tshol bas sems g.yengs pa de dang de la sems shing 'dug gi/ bdag gi bu de mtshan mo kun nas 'khor zhing sbrul gyis sos btab gyur tam ci//'on te snying rje dang bral so sor 'gugs byed rnams kyis rgyan rnams phrogs nas bsad/ /sa yi dbang phyug mche ba can gyi mche bas brang du kun nas brgyab pas zad par gyur/ /bcings pa'i ka ba bcag par byas nas gshin rje'i grong khyer ci zhig song bar gyur/ / rim gyis nye bar song nas dur khrod kyi phyogs gcig tu bya rgod rnams kyis sha la gcod par byed bzhin pa'i byang chub sems dpa' rnam pa gang gis kyang mngon par shes nas skye bo des tshong dpon la smra zhing 'dug go/ /kye ma bdag nyid chen po 'di shi ba nyid du nye bar song ste/ ji ltar rtog par byed pa de ltar nges par 'dis bdag nyid dud 'gro rnams la sbyin par bya zhes bya ba'o//de yang thos nas tshong dpon de dgra stas ma lus par gcod pa'i shing bzhin du ltung bar gyur te/ yun ring por 'du shes so sor skyes pa 'di ltar smre sngags 'don pa la rtse gcig par gyur to/ /bdag skyes 'di ni bya rnams kyis ni gcod bzhin pa//rul pa'i 'brel pa lhod pa 'di ltar rnam mthong nas/ /kye ma lha yi nyes par spyad pa chen pos ni/ /de lta na yang rtsub pa'i bsam ldan bdag ni 'tsho/ /dud 'gro rnams kyi brtsi ba 'di 'di 'dra/ /gal te rang gi lus ni sbyin pas gsal byas pa//sdig pa med pa'i pha dag kun nas dor byed pa/ /khyod kyis ji ltar snying rje med pa nyid ni brtsams/ /'jam pa'i ltan ldan mal cha yid ni 'phrog byed par/ /dkar po steng du g.yogs par bde bar nyal byas nas/ /de ring 'dir ni rus pa rnams kyis kun khyab pa'i/ /thal ba dang bcas shing khang sa mal ji ltar nyal//de ring mtho ris song ba'i snying rje'i grogs ldan du khyod la/ /skye bos lta 'dod byas pa rang bde la ni ma ltos pa/ /dam pa'i yon tan gtam gyis me tog rnams mchod gtam rnams la/ /yid ni 'phrog byed gang gi tshogs rnams bdag gis thos par gyur//khyod kyis bdag la gshin pa'i chu snyems mchi mas 'dres pa ni/ /lta 'dod sbyin par gyur ces bya ba gang zhig rnam bsams pa/ /mnyes gshen pas brlan dag pa'i yid kyis de shes 'gyur na ni/ /bud med kyis ni bdag yid re ba ci phyir nyams par byas//de ltar tshong dpon gyis yun ring por smre sngags 'don par byas nas byang chub sems dpa'i lus la mes 'du byas te/ mig gi chu rab tu 'dzag pas dbang bskur bar byas pa'i bzhin dang ldan pas stong pa dang 'dra bar smre sngags kyi sgra dang bcas par rang gi khyim du song bar gyur to//de nas ri rab kyi ni phyogs rer phug rnams las ni sgra chen grag /gser gyi rde'u chung dang ni rnga chen rnga chung rnams ni brdung byas nas/ /lha yi tshogs kyis mya ngan 'das pa'i me ni de la dri zhim pa'i/ /me tog char ni byang chub sems dpa'i rus pa'i phung po la 'bebs gyur//de ltar bcom ldan 'das des byang chub sems dpa'i spyod pa spyad cing gzhan gyi don du bdag nyid lan du mar yongs su gtong ba zhes bya ba rnam par bsams nas sangs rgyas bcom ldan 'das la mchog tu dad pa bskyed par bya'o zhes bya ba'o/ /tshong dpon gyi skyes pa'i rabs te skyes pa'i rabs bdun pa'o// //gzhan gyi don ni yang dag bsgrub pa'i phyir/ /byang chub sems dpa' rtswa bzhin lus ni btang / /gzhan la bde ba sgrub byed brtan pa rnams/ /rang gi bde ba la ni ltos pa min/ /'di ltar rjes su thos te/ ston kar chu 'dzin gyi tshogs gsal ba'i nam mkha' la zla ba ltar/ma lus pa'i ri bong can gyi dkyil 'khor gyi 'od zer rnams kyis snang bar byas pa'i mtshan mo la ku mu da'i tshogs kha bye ba dang 'dra bar/ rab tu myos pa'i nags kyi sa la pad+ma'i 'byung gnas bzhin du/ lang tsho dang po phun sum tshogs pa la dul ba dang 'dra ba/ gsal ba dang 'jam pa'i yi ge'i tshig dang ldan pa'i ngag la don dang 'dra bar ston ka'i zla tshes ring po nyid du song ba ltar dri ma med pa'i chu dang ldan pa'i gsal ba'i nya'i tshogs kyis gting du khyab pa/ 'gram gyi shing rnams kyi me tog gi rdul gyis kun nas ser skyar byas pa'i dbu ba'i phreng ba'i skye rags kyi tshogs dang ldan pa'i bA rA Na sI zhes bya ba'i chu bos brgyan par byas pa'i rang bzhin gyis dge bar gyur pa'i bA rA Na sIr rgyal po'i pho brang du/spros pa'i so'i nor bu rnams kyi 'od zer gyi snang bas mngon par brgyan par byas pa'i bzhin gyi pad+ma can zhes bya ba'i rgyal po byang chub sems dpa' byung bar gyur/mdzes pa dang ni gzugs dang gzi brjid rnams kyis kyang / /bde ba dang ni rmongs par byed pa gdung ba'i rgyu/ /ri bong mtshon dang me tog mtshon cha dro ba'i 'od/ /gang zhig nyams pas cig car du ni rgyal bar byas/ /nam mkhar 'gro ba rnams la 'bras bu dang bcas shing //pad+ma'i nags la phung ba'i tshogs rnams dang ni 'dra/ /gcig tu 'gro ba rnams kyi gnyen du gyur rnams la/ /gang la grogs po bzhin du bde ba 'byung bar gyur/ /'gro rnams don ni sgrub bde yang dag brtson pa'i bdag nyid can/ /snying rjes yongs su 'dzin dang rnam par dag pa'i blo ldan pa//gang gi snying gar ser sna rab tu rnam par ma zhugs te/ /khyim gyi sbrul ni sngags rnams kyis ni bsrung bar byas/ /gang gi bsam pa che ba rab tu grags pa'i sbyin pas ni/ /ser sna rnam par bzlog par byas shing phyogs rnams su ni khyab/ /slong ba'i skye bos nam yang byin zhes bya ba'i tshig rnams ni//chung bar byed pa'i slar yang 'jig rten pas ni thos ma gyur/ /snying gi kha ba'i ri las sbyin pa mnyam pa'i sa las 'jug pa ni/ /kun nas rdul ni nye bar bzlog pa 'jig rten ma lus khrus byas pa/ /gang zhig sa rnams kun gyis 'dud bya gzhan don gcig pa'i 'bras bu can//ri bong can gyi 'od zer rnam dag grags pa'i gang gA gzung bar gyur/ /gang gi rgud pa bsal byas te/ /de ring nor gyis tshim byas gang / /zhi ba'i lam la gzhag pa gang / /'di 'dra gang gis gnas par 'gyur/ /bdag nyid srid pa rnam gcod phyir/ / lam bzang la ni bzhag 'dod pas/ /gzhan don med pas 'ga' zhig gzhan/ /bya ba bdag nyid chen rnams med/ /dpung pa dang ni brtson 'grus kyis 'pham dgra las rgyal/ /gzhan gyi yul du stobs can gang gi stobs rnams ni/ /mngon par song ste mthong ba'i 'phel ba byung ba yi/ / rgya mtsho'i chu rnams 'gram gyi mthar ni song ba bzhin/ /sgra sgrogs phan tshun yin pa'i rnga dang ldan pa yis/ /gang gis khros pa rnam par rgyas bzhin glang po rnams/ /kun nas dbang du song ba byes su 'gro ba'i tshe/ /lcags kyu 'dzin rnams ji ltar yang ni 'byung bar 'gyur//'jig pa'i dbang gis smyon chu 'byung ba nyer zhi ba/ /ral gri dang ni mda' stan khu tshur lhod byas pa'i/ /g.yul ngos dgra rnams gang gi nga rgyal bzod min te/ /ri dgas bdag po la ni glang po che rnams ltar/ /gang la grags pa'i gzi brjid can gyis phan tshun du/ /don gnyer bde ba'i dngos po rnam 'phel phun tshogs can//'bras bu ster ba'i shing la bya bzhin skye dgu rnams/ /rtag pa nyid ni bde ba'i phyir ni ngal so 'gyur/ /de nas dus gcig gi tshe rgyal po de'i yul du khams mi snyoms pas lto ba'i me nye bar 'grib par 'gyur te/ nyin re bzhin du kun nas skya ba dang stobs chung ba'i lus can gzi brjid med pa'i skye bo'i tshogs nad chen pos btab par gyur to//byang chub sems dpa'i bkas sman pa rnams/ 'bad pa dang bcas par yang dpyad byed cing nad de bsal ba'i phyir skye bo de la nus par ma gyur to/ /de nas rgyal po des sman pa de rnams la smras pa/thabs gang gis skye bo rnams kyi nad 'di bsal nus par 'gyur zhes zer ro/ /sman pa rnams kyis smras pa/ lha lags gal te nya ro hi ta'i sha yod par gyur na de nas bdag cag gis skye bo 'di rnams nad med par byed nus so zhes gsol to/ /de nas rgyal po des mchog tu 'bad par byas kyang gang nas kyang nya ro hi ta nye bar rnyed par ma gyur to//de nas nam zhig de ni phyi rol byung ba dang / /glang chen skyed par gnas pas yid kyi dbang phyug ni/ /dkar po'i gdugs kyis rab tu log pa'i nyi ma la/ /rlung yab g.yabs pas rnam par g.yos pa'i na bza' can/ /de nas g.yog 'khor skye bos rjes su song ba'i sa skyong ni//glang po'i bdag po rnyed nas nad pa rnams kyis rnam mthong nas/ /mi nus bzhin ldan glo bur nyid du lag pa rnam bteg ste/ /mi skyong nad las bdag cag skyobs shig ces ni tshig smras gyur/ /de nas byang chub sems dpas nad dang ldan zhing yid 'khrug pa de rnams kyis snying rje ba'i 'o dod 'bod pa'i sgra thos nas/sems sdug bsngal bar gyur pa dang ldan pa brtse ba dang yongs su 'dris pa sdug bsngal gyi mchi mas mig gang bar byas pas 'di snyam du sems par gyur to/ /bdag la rgyal srid kyi bde bas ci zhig bya ste/ gang du bdag gi yul 'khor na gnas pa rnams la gnas skabs 'di zhes bya ba bsams par gyur to//khyim du zhugs nas blon po rnams la bos te/ bdag gis ni sras dbang bskur ba rab tu bya ba'i phyir 'dod pa zhes 'di skad ces smras so/ /de nas blon po rnams kyis smras pa/ lang tsho sar pas rtsub pa'i lus 'di yod pa la//sdang ba 'jigs par byed pa'i pha rol gnon pa ni/ /gzhan don rgyu yi mngon par mthong ba yod pa ste/ /khyed ni nags su 'gro bar 'dod pa dus min ci/ /rgyal pos gsungs pa/ ji ltar khyed cag rnams kyis rtog par byed pa de ltar ni ma yin no/ /blon po rnams kyis de'i phyir slar 'di la zhus pa/lha yi dgongs pa gang zhig yin/ /rgyal pos gsungs pa/ rmi lam ngan pa mthong bas dogs pa skyes pa bdag 'di ltar rtog par byed de dus 'ga' zhig na ma brtags pa nyid du mi rtag pa 'di kun nas 'ongs te bdag nyid nyams par byed de de bas na sras dbang bskur ba lta ba'i phyir 'dod do zhes zer ro//blon po rnams kyis smras pa/ ji ltar lhas bka' stsal ba de bzhin no zhes bya ba'o/ /de nas kun nas mtho ba gser gyi rta babs can/ /sil snyan mchog gis gsal ba yi sgra khyim mchog la/ /sras la dbang ni bskur bar byas gyur sras la byams//sa yi bdag po sa skyong rnams kyis 'dud byas pa'o/ /de nas gzhon nu des yab kyi drung du song nas zhus pa/ bdag gis ji ltar gnas par bgyi zhes bya ba yab kris bka' stsal bar mdzod cig /rgyal pos gsungs pa bu nyon cig rnam pa thams cad du dus nam zhig na yang tshe ldan khyod kyis don du gnyer ba rnams kyi steng du gus pa med par gnas par mi bya zhes bya ba'o//ltos shig /smod pa'i rgyu ste bde 'gro rnams ni 'gog byed pa/ /bsags pa sha za mo ni stong pa'i khang pa ste/ /legs pa'i zam pa 'jig par byed pa'i chu tshogs ni/ /'dod pas long ba rnams la ser sna dgra gyur pa//sngon ni rang gi nor la chags pa'i sman pa rnams/ /nya yi rgyal po zos pas bdag nyid tshim byas nas/ /smin ma bskyod pas 'od 'bar rtsub pa'i tshig rnams kyis/ /tha mar med ces slong ba po ni sreg par byed/ /blo ldan de rnams legs pa'i skye bo 'phags pa rnams//skye bo gzhan dang de rnams ngan song mi mthong ste/ /gang rnams kyis ni bdag nyid sdug bsngal rgyu las 'don/ /ser sna'i sbrul gyis khad pa nyid du ma byas pa'o/ /gzhan yang gang zhig dgag pa'i rdul gyi dri ma can gyi phongs pa'i tshig ni smra ba ste//ring nas skye bo de ni re ba slu bar byed pas slong mo rnams kyis yongs su spong / /skom pas rkan ni skams par gyur pa lam zhugs rnams kyang khrus dang btung ba'i bya ba rnams/ /dri ma med pa'i skye bo 'gro ba'i khyim gyi sgo yi chu la byed par mi 'gyur ro/ /kha spu ring ba rnams kyis mun pa'i gdong can ring por rab zhugs pa yi mig ldan pa//skye bo dbyig pa 'dzin pa rnams kyis gang tshe chu ni don gnyer yi dgas rnams ni bzlog /de nyid mkhyen pa skye dgu rnams kyi gnyen ni rgyal bas ser sna'i 'bras bu de gsungs te/ /de ltar yang dag bsams nas gzhan la phan pa rgyab tu phyogs pa'i blo gros skyes pas mi bya'o//bu gzhan yang 'jig rten du bdag nyid che bar 'dod pa khyod kyi bden pa dang / gtong ba dang / bzod pa dang / sbyin gnas la sogs pa'i yon tan gyi nor bu rnams kyis bdag nyid mngon par brgyan par bya'o/ /yon tan ldan zhing zhi ba 'gro ba rnams la phan min rnam gcod la mkhas pa//yon tan can ni mnyes gshin rnam 'jug legs pa'i blo ldan shin tu bden pa'i tshig /dpal dang yongs su chags pa rgyas pa'i dri mas dri ma dang bcas min pa ni/ /skyes pa rnams kyis skyes pa'i grangs sogs mdzes pa'i skye bo rnams ni 'jog par byed//gang dag dral 'dzin 'gro ba ma lus nang gi nad kyis dub pa sel byed pa/ /gang dag gis ni blo rnams dang ba mun bral nor bu rnams kyi 'od bzhin du/ /gang dag slong mo ba ni 'di la srog rnams kyis kyang dga' ba byed 'dod cing / /de rnams yon tan ldan pa rnams kyi dang po'i grangs la ji ltar 'jug mi bya//khyod kyis kyang skyes bu thun mong ba ltar/ yon tan dang ldan pa rnams la gus pa med par gnas par mi bya'o/ /ltos shig ma dros 'od zer 'thon nas yon tan can bzhin don du gnyer ba rnam dag thob/ /chu 'phel bas ni rgya mtsho skad cig der ni kun nas 'khrul bzhin grags par byed//mtshar ba dang ldan de nyid la ni rgya mtsho rnams kyi chu 'phel mi 'gyur te/ /rab tu dga' ba 'byung ba chen po chen po rnams nyid la ni 'byung bar 'gyur/ /de nas gsal bar gyur pa'i skar ma'i tshogs dang 'dres pa'i nam mkha' la ri bong can gyi khyad par brtsams pa'i shar gyi phyogs la dpe chags pa'i tshogs lhung bas rnam par bskyod pa'i mar me'i rtse mo'i sor mos sdigs mdzub dang 'dra bar sar pa'i chu gter ltar sngo bar snang ba'i mun pas bar rnam par grol ba'i khyim rnams la gnas pa'i srog shing la rnam par 'brel pa'i g.yo ba med pa'i khyim bya yod pa dang /a ka ru'i spos kyi dris dri zhim par byas pa'i byug pa'i bya bas g.yo zhing sgra sgrogs pa'i gdu bu rnams kyis brgyan par byas pa'i lag pa'i pad+ma can gyi bud med rnams kyis lhag par gnas pa dang / 'jam pa'i mal stan gyi dkyil dang ldan pa'i gnas pa'i khang pa rnams la rab tu ma 'brel ba'i skye bo nyo tshong gyur pa 'ga' zhig tu rnam par ma byas par gyur pa'i tshong dus kyi sar byang chub sems dpas sras la rjes su bslabs nas/mar me'i snang bas snang bar gyur pa'i rgyan rnams kyis mdzes pa dang ldan pa'i khyim gyi mchog gi sa la 'dzegs nas/ btsun mo'i 'khor gyi skye bo thams cad btang bar byas pa bA rA Na sI'i chu bo de la bdag nyid mchong bar 'dod cing 'di skad ces smras par gyur to/ /chu bo 'di la lus che ba/ /rin chen dkar po ltar dri med/ /tshul 'jig rten nad zhi'i phyir/ /ro hi ta nyar bdag gyur cig /de ltar skye dgu'i don du yongs 'phel shar ldan pa//brtse ba'i khyad par rjes su 'gro ba'i yon tan lus/ /lus ni btang bar byas te spro zhing khyab pa'i mchog//chu bo bA rA Na sIr sa yi dbang phyug gis/ /de nas sa bdag de ni rnam par mdzes par gyur/ /rang gi khyim nas chu la nges par mchong byed cing / ri bo mchog rab 'gram nas bskal pa'i shing 'dra bar/ /lha yi dbang phyug glang po dpral 'bur gyis brdungs pa/ /de nas sa yi skyong bas mchongs par gyur pa la/ /rlung gis bshig pa'i dkar bas khyab pa'i nam mkha' can/ /chu yis bskyod par byas pa'i nya yi tshogs dang ldan//bskyod pa'i ngang skya can gyi 'gram ni rgal bar gyur/ /chu bo de la mchongs pas skad cig gis ni de/ /kun nas mtho ba'i chu yi sgras ni 'jigs byas pa/ /kha ba can gyi ri mnyam pa dang 'dra ba'i lus/ /ro hi'i nya ni mi yi dbang po byung bar gyur/ /bdag nyid chen po des bye ma dkar po ltar yid 'phrog pa'i chu bo'i 'gram nas rgal nas gal te skye bo'i tshogs 'di bdag srog rnams las rnam par bral bar byed na de nas nyes par spyad pa'i 'bras bu dang ldan pas ngan 'gro la mngon du phyogs par 'gyur zhes bya ba'o//de bas na 'dir rnyed pa 'di rang nyid kyis dbang po thams cad 'gags par byas nas srog yongs su dor bar bya'o zhes bya ba rnam par bsams nas srog rnams dor bar gyur to//de nas rnyog pa can gyi chus dbang bskur ba dkar po mche ba gnyis pa dpral bar 'bur gnyis ldan pa/ nub pa'i ri'i rtse mo bzung ba'i bsil ba'i 'od zer can yod pa la shin tu srab pa'i rdul gyis nye bar bsams pa'i shel gyi nor bu dang 'dra ba'i rab tu srab par gyur pa'i skar ma yod pa rnams la ku mu da'i tshogs zum par gyur pa la pad+ma'i 'byung gnas gnyid log pa dang bral bar gyur pa rnams yod pa dang /ba bla'i rdul dang 'dra ba'i chung ba'i 'od zer gyis ri'i rtse mo rnams kun nas byug par byas pa yod pa rnams la mi'i bdag pos stong pa'i mal cha skyong bar byed pa'i skye bo las nye bar thos nas/blon po rnams kyis rgyal po de gang du gshegs par gyur ces bya ba khyim dang nye bar skyes pa'i skyed mos tshal nye bar mthong nas kun nas yongs su bskor cing /bA rA Na sI zhes bya ba'i rgya mtsho'i bud med kyi 'gram du mu tig gi phung po ltar ring bar gyur pa nya ro hi ta zhes bya ba mthong bar gyur to/ /gzugs ma mthong bar gyur pa nam mkha' la gnas pa'i lha rnams kyi zab pa'i tshig de rnams kyis kyang thos par gyur te/nad kyi sdug bsngal rnam gcod phyir/ /skye bo 'di la sa bdag de/ /bdag nyid chu bo'i chu la ni/ /dor nas ro hi ta nyar gyur/ /de nas blon po de rnams kyis de thos nas mya ngan gyi sdug bsngal gyis yid sdug bsngal bar gyur pas 'di skad ces smras so/ /kye ma snying rjes rgyal bo'i bdag nyid sems can rnams la phan don du 'di ltar yongs su dor bar byed cing /sa la ma lus pa 'di mgon med par gyur pa zhes bya ba rnam pa mang por de ltar smre sngags bton nas yid stong zhing rang gi khyim rnams su mngon par song bar gyur to/ /gtam 'di blon po rnams las ni/ /nye bar dmigs nas mun pas khyab//lha mo mchi ma 'dzag pa'i mig/ /sa bdag de la smre sngags 'don/ /'jig rten gnyen gyur khyod ni thos pa tsam gyis kyang / /rang nyid kyis ni sa bdag mtho ris song ba zhes/ /de ltar na yang mtha' med sdug bsngal skal ba can/ /'tsho bar 'dod pa bdag ni rnam spangs phyir ni 'dod ma yin//shin tu 'jam pa'i sems ldan khyed kyis brtse ba ni/ /nam yang sems ni rtsub med sdang bar byed pa yang / /skyon med par ni rjes su 'gro ba'i skye bo 'di/ /rjes su chags can rnam spangs ci phyir khyod ni song / /khros pa shin tu che ba drag mo rnam par mthong //bud med skye bo'i mdun du 'di ltar smra byed cing / /rgyu mtshan med pa'i phrag dog gis khros thur du blta/ /bdag la di ring nye bar 'ongs nas su zhig dang / /rna bar kha phye ut+pal sar pa byas pa can/ /dpral 'phyang skra rnams mdzes pa rlabs can byas nas ni/ /rgyan gyi don du sa la gnas par rim gyis te//yid 'phrog thig le bdag la su zhig byed par 'gyur/ /gang zhig spang par zhugs pas g.yob ba byas gyur pa/ /bdag gi dga' bos chags ldan dga' mo bzhin du gang / /de med pas ni de ring pi wang de yun ring / /khyim du bsam gtan ldan pa 'byung bar 'gyur//gang zhig gzhan gyi zla ba mdzes pas zhugs 'gyur ba/ /pad+ma gcig par gnas pa'i chu dang mtshungs pa nyid/ /de nyid mya ngan byed pa bzhin du kye ma ni/ /tho rangs zla ba'i rnam pa me long 'di ni byung / /yid 'phrog shing gi ra ba'i dbus su 'jug pa ni/ /yongs smin 'dzam bur ldan pa khyed cag la byin nas//bdag gi dga' bo med pas shir Sha'i me tog 'dra/ /ne tso khyod la di ring su zhig klog par 'gyur/ /bdag gi 'ga' bo grogs dang bral ba des song bas/ /slar yang bdag la skra lo bzhag pas dgos pa med/ /yun ring khyod ni med par byed pa don gnyer can//bdag gi di ring skra lo ci phyir 'ching mi 'gyur/ /de nas btsun mo'i 'khor gyi mdzes ma'i skye bo ni/ /de ltar lha mo'i smre sngags 'don pa nyes byas nas/ /me long lta bu'i gus pa gtong ba skad cig gis/ /yid ni 'phrog pa rgyan 'dogs sa ni dor bar gyur//gang dag mig ni tha ma dang 'brel mig thur ni/ /mig sman byed par 'dod pa myur du rnam spangs nas/ /sdug bsngal dang ni ldan pa phyed rdzogs bud med ni/ /mchi ma dang bcas rgyan gyis khyab par phyis par gyur/ /rnam par phyi zhing ge sar dang bcas me tog ni/ /mgo la skyes pa rnams ni kun nas bkrol nas ni//nus med dri zhim thigs pa'i dbye bas ser skya can/ /kha cig lhan cig byed pa'i snye ma bral bar byas/ /rnam par bskyod pa'i phreng ba'i rgyan gyis khyab pa'i gos/ /gzhan dag gis ni 'khyog pa'i dpral gnas skras khyab pa/ /bud med rnams ni lhung gyur bung bas 'khor ba ste//bskal pa'i rlung gis gdungs pa yid 'phrog bskal shing 'dra/ /kha cig bsnyen bkur ba yi skye bo las shes nas/ /mchi ma bcas pa'i mig can sa bdag shi ba nyid/ /mtshan mo'i pad+ma ltar khyab pa yi tshig ldan pa/ /sa la lhung ste bud med rnams ni shi bar gyur//gzhan ni rim gyis 'khor ba'i skye bos rnam par mthong bzhin pa/ /mi bdag zla ba'i 'od ni rnam par rgyal ba de bris nas/ /pang du yang dag gnas pa bud med du zhing sdug bsngal gyis/ /ri mo'i shing leb skya ris rnams dang lhan cig dor bar gyur/ /skra rnams rnam par 'dzings nas dri zhim kun nas chad pa yi//skud pa rnams kyis me tog kha phye rnams kyis ldan pa ni/ /gzhon nu ma ni kha cig gdu gu chad pa'i pad+ma ltar/ /dmar ba'i lag pa rnams kyis brang ni skad cig de la brdungs/ /de nas blon po chen po de rnams mya ngan gyi dbang gis mig gi mchi ma'i thigs pa 'byung ba'i snying rje rje 'dra ba'i smre sngags 'don pa dang lag pa'i sras che ba des/gzhan la snyim pa'i chu sbyin par byas nas btsun mo'i 'khor de rnams rnam pa gang gis kyang dbugs 'byung bar byas te/ nad kyis mnar ba'i skye bo de la smras par gyur to/ /rgyal po de'i dgongs pa ltar gyis shig /de ltar na de mchod par 'gyur ro zhes zer ro/ /de nas skye bo'i tshogs des mtshon cha rnams kyis bcad nas nya ro nyi ta de'i sha las blangs nas sman pas bsgo ba'i rim pas nye bar longs spyod par byas te nad de las rab tu grol bar gyur to/ /de ltar na bcom ldan 'das de byang chub sems dpar gyur pa'i tshe na yang sems can rnams kyi don du dka' ba spyad pa rnams mdzad pa de bas na snying rje chen po dang ldan pa'i sangs rgyas bcom ldan 'das de la sems dang bcas pa'i skye bo su zhig ces bya ba gus pa dang ldan par mi 'gyur ram zhes bya ba'o// pad+ma can gyi skyes rabs te skyes pa'i rabs brgyad pa'o// //bdag nyid kun nas gdung bar byas kyang ni/ /sbyin pa'i 'bras bu shes pas sbyin pa btang / /de ni zhing gi sa la ngal ba ste/ /gang zhig sa bon las ni 'bras bur dad/ /'di ltar rjes su thos te/ bA rA Na sI'i rgyal po'i pho brang na tshul gyi stobs kyis pha rol rnam par gnon pas rgyal po'i tshogs gzhan dbang du byas pa/'khor los sgyur ba ltar thogs pa med pa'i 'khor lo can khyad par rnam pa bzhis blon po'i tshogs brtags par byas pa/ thos pa dang / tshul khrims dang / gtong ba la sogs pa'i yon tan nor bu rnams kyi gter don du gnyer ba'i skye bo dang thun mong ba'i dbang phyug dang ldan pa/nor bu dkar po bcad pa ltar dkar ba'i grags pas rgya mtsho'i pha rol kun nas brgal bar byas pa gzhan gyi don sgrub pa'i phyir 'bad pas rtsol ba de dus gcig gi tshe na/ byang chub chen po nye bar rgyas par byas pa'i byang chub sems dpa' tshangs pas byin zhes bya ba'i rgyal po byung bar gyur to//su zhig rgud pa bsal byas te/ /de ring nor gyis tshim byas gang / /su zhig zhi ba'i lam la gzhag /gang gi 'di 'dra gnas pa 'byung / /bdag nyid srid pa rnam gcod phyir//lam bzang po la gzhag 'dod de/ /gzhan don med par gzhan 'ga' ni/ /bdag nyid che rnams bya ba med/ /der yang chos kyi rgyal srid rjes su skyong ba'i rgyal po la dus gcig na mu ge shin tu drag po byung bar gyur to/ /rim gyis kyang yul der rab tu srab pa'i chu gter mthong ba gcod pa'i dbang gis kun nas skams pa'i ku ba'i ljon shing chus bkab pa'i tshogs dang ldan pa dang /bang mdzod stong pa'i bug pa nas zhugs pa'i byi ba rnams kyis phyir 'byung bzhin pa'i rab tu srab pa'i sA lu'i snum pas rtsig pa'i rtsa ba khyab pa dang / gtun shing dang srub pa'i sgra ma rtogs pa dang /bkres pas rid pa'i ngu ba'i skye bos mthong bzhin pa'i sged po la kun nas gzhag pa'i rlangs pa dang ldan pa'i lo ma'i phung po dang ldan pa dang / don du gnyer ba'i skye bo rnams gyis sgo rnams na lhag par mi gnas pa dang / bu mo rnams kyis btus bzhin pa'i kun nas rnying ba'i lo ma ni lo ma dang ldan pa dang /shi ba las lhag mar gyur pa'i stobs chung ba'i ba glang gi tshogs kyis lhag par gnas par gyur pa'i skams pa dang rab tu chad cing 'grib pa'i ba glang gi tshogs dang ldan pa dang / mtshan mo mar me dang bral bas zhugs pa'i mun pas bgrod par dka' ba dang /dri ma can dang rnying pa'i gos gyon pa'i dbul ba'i skye bo dang ldan pa dang kha bas phyid pa'i pad+mo'i nags ltar khyim rnams dpal med pa nyid du song bar gyur to/ /de nas skye bo'i tshogs des kun nas nye bar 'ongs shing rgyal po la smras pa/ 'gro ba'i don du 'bad pa kun nas brtsams pa yis//brgya byin dang mtshungs sa yi dbang phyug khyod ni yod pa la/ /skye bo 'di ni bkres pa'i me yis gdungs pas nyams pa ni/ /stobs chung yan lag srog shing ji ltar skams par gyur/ /de nas skye bo de ni dri bcas rnying pa'i gos ldan pa/ /'od ni rtsub pa dregs pas nye bar gdungs shing sdug bsngal ba//bya ba rnam par bral ba yang dag mthong nas sa bdag ni/ /mig dag sdug bsngal gyis ni mchi ma yang dag 'byung bar 'gyur/ /de nas rgyal po des lo legs pa dus 'di tsam nas 'byung bar 'gyur zhes bya ba rnam par shes nas bang mdzod nas 'bras so ba'i tshad yongs te/skye bo'i tshogs de la 'bras chang pa re re nyi ma re re zhing byin par gyur to/ /bdag nyid kyis kyang chang pa gnyis mngon par 'tshal bar gyur ro/ /skye bo'i grangs 'jug par gyur pa de la bram ze gzhan dag sdod par ma gyur to/ /des kyang yun ring po nas gtam de thos nas nye bar 'ongs te/byang chub sems dpa'i mdun du sdug bsngal gyis yongs su phongs pa'i yi ge 'di smras so/ /rang gi skye bo'i grogs dang rnam bral bas/ /'dod pa'i phun sum tshogs pa ma 'ongs pas/ /sna tshogs rgud pa rnams kyi skyon gyis kyang / /kye ma 'gro ba gtam ni mang ba yin//bstan pa'i sdug bsngal zil gnon pa'i/ /slong ba sdug bsngal chen po'i phyir/ /yun ring lam gyis kun dub pa'i/ /mdun du ri la 'dzeg pa ltar/ /sdug bsngal bstan pa yid re nga / /'bras bu ma thob skye bo ni/ /yun ring bya byed 'ching bdag gis/ /shin tu 'di ni sdug bsngal byed//bde ba'i re ba'i khyim rmongs pas/ /mthon por 'dzeg pa'i mi rnams la/ /sdug bsngal skas rim phreng ba rnams/ /mdun du 'phel ba nyid du gyur/ /'di ni mi lus sdug bsngal nyid/ /skye ba dang ldan 'gag pa dang / /de lta na yang rmongs rnams la//bde pa'i 'du shes 'jug par gyur/ /rmongs pas sems kyi glang po skyon/ /dran pa'i stobs kyis lcags kyu dor/ /dbang po'i mche ba gnyis rnams kyis/ /sdug bsngal rgyu yis rings nas phrogs/ /so ga'i dus kyis gdungs par byas pa'i rma bya yang / /sa yi steng du gnas pa'i chu ni 'thung mi byed//nam mkha' la 'khor char dus skyes la sdod pa ni/ /khyad par 'dod pa'i sdug bsngal sten byed skye bo yin/ /gal te dbang po gcig la gnas par byas par gyur na de nyid la ni sdug bsngal 'byung / /stobs dang ldan pa gcig gis kyang ni khur bo chen po khur bor nus pa ma yin te//de ltar lha yi lam gyi rjes 'brang sdug bsngal shin tu che ba bdag gis rnam bsams nas/ /bdag nyid rnam pa du mar khyab bdag nyid kyis byas te dbang po thams cad la ni gnas/ /rgyal bos gsungs pa/ bram ze chen po bdag nyid kyi sdug bsngal 'di ltar yang dang yang du rjes su brjod pa rnams kyis ci zhig bya//gang gis dgos pa de myur du brjod par gyis shig ces zer ro/ /bram zes smras pa/ blangs par ma gyur pa yang lha yi dbang pos ster/ /gtsang zhing mang ba'i chu ni chung ba slong ba la/ /de lta na yang mi brtan de ni skad cig slong //don gnyer skye bo 'jigs pa gang phyir rang bzhin nyid/ /'dod pa chung ba bdag yid kyang / /sgrub par byed pa ma tshang bas/ /'gyod de gus pa ster de bas/ /sdom changs gcig ni bdag la rtsol/ /de nas byang chub sems dpas 'di ltar rnam par bsams par gyur te//kye ma 'dod pa chen po nyid ces bya ba sdug bsngal thams cad kyi rgyu mtshan du gyur pa ni/ 'dod pa chung ba la yang dgos pa'i bsam pa ngal bar byed pa nyid du 'gyur/ /'dod pa che ba la ni ngal ba ma spyad lhag par yid ni sdug bsngal byed/ /me ni khur med pa yang dka' bas sa 'dzin la ni kun nas 'dzeg pa ste//phrag par bkod pa'i che shing lci ba'i khur bus rab tu gnon pa smos ci dgos/ /de nas rnam par bsams nas rgyal po des bram ze de la nyi ma re re zhing bdag nyid kyi kham gnyis po de las kham gcig byin par gyur to/ /kham gcig zos pa de'i de nyid du yid tshim zhing rnam par bzhugs par gyur to//de nas blon po rnams kyis rgyal po de la ngo mtshar ba dang bcas pas 'di skad ces smras par gyur to/ /e me kham gcig zos pas kyang lha'i lus la stobs dang 'od rnams 'grib par ma gyur to/ /rgyal pos gsungs pa/ gang gi phyir 'dir chog shes pa ni bsngags par bya ba ste/khyed cag rnams ltos shig /chog shes pa dang chog mi shes dag ni/ /bde sdug rnam par byed pa shes byas nas/ /skye bo 'di ni bde ba 'dod pa ste/ /chog mi shes ni gtong bar mi byed do/ /bde ba'i sred pa ma btang zhing / / chags pa la sogs 'jug byed pa/ /sdug bsngal skas rim phreng rnams kyi/ /mthar ni su zhig 'gro bar 'gyur/ /lcags kyis lcags kyang brdung bar byas na 'jig par 'gyur ba ste/ /ka ba stobs ldan yang ni gnyis 'thung dbang pos gcog par byed/ /lha yi dgra sta'i so yis kyang ni yud tsam du lhung ba//srid pa'i ljon shing 'di ni rnam pa gang gis gcod mi 'gyur/ /chog shes sngags kyis yongs su skyong bar byed pa'i sems 'jug pa/ /yul gyi sbrul gyi 'jigs pa rnam spangs bde bar gnas pa ste/ /brten pa yang ni 'bras bu mi 'byung yid 'dod shing rnams la//lha yi gnyis 'thung gis ni chags pa rnams la zad mi 'gyur/ /bsnyen pa phongs pas nam yang mgo ni 'dud par mi byed don du gnyer ba chung yang mi 'gro ste/ /nor gyi nga rgyal rnams kyi mdun du rje bo bka' stsol zhes pa'i tshig ni smra min te/ /skye bo ngan pa sbrul rnams dag gi me ni phrag dog zhan par mi 'gyur te//chog shes thob pa gcig pu skye bar ldan pa nyid ni bde bar 'bras bu dang ldan blangs par gyur/ /de bas na shin tu bde ba 'dod pa'i skyes bus chog shes pa la yongs su 'dris par bya'o/ /de ltar e ma legs par gsungs pa zhes bya ba byang chub sems dpa'i tshig la mngon par bsten par byas te/blon po de rnams rang gi khyim du song bar gyur to/ /de nas lha'i dbang po la rgyal po de'i dka' ba spyad pa de dang gzhan la phan pa'i sgrub pa la mngon par phyogs pa mthong nas 'di ltar byung bar gyur to/ /e ma ngo mtshar ba ste gang gi phyir rgyal po tshangs pas byin 'di rang gi lus kyi sdug bsngal yang ma brtsis par nyi ma re re nyid du sems can gyi don du sgrub par byed ces bya ba'o//de bas na 'di'i nges pa re zhig shes par bya zhes rgyal po de'i bza' ba'i dus na bram ze'i gzugs su mngon par sprul nas lo ma'i thum po gzung zhing mdun du gnas te smras par gyur pa/cis kyang dug gi shugs kyis brgyal ba yi/ /don gnyer rnams kyis bdag gi sdug bsngal bsal bya ste/ /skom par gyur kyang ma ngus par ni nu ma dag /'thung 'dod la yang ma ni nu ma ster mi 'gyur/ /dregs pas gdungs pa'i lus ldan pa/ /yun ring lam gyis sdug bsngal bskyed//slong bzhin pa las bdag khyed/ /bzang ba cung zad bdag la stsol/ /de nas byang chub sems dpas rang gi bsam pas yid tshim par byas pa rab tu dga' ba mchog gi rjes su 'gro bas kham gcig po de gnyis skyes kyi gzugs dang ldan pa'i lha'i bdag po la byin par gyur to//de nas lha'i dbang phyug dri ma med pa dang rnam pa sna tshogs pa'i cod pan gyi nor bu rnams kyi 'od kyis kun nas bslang ba'i dbang po'i gzhu'i khor yug gis kun nas song ba'i lus dang ldan pa pus mo'i mthar rab tu 'phyang ba'i mu tig gi gter gyis mngon par brgyan par byas pa mgrin par bskor bar byas pa'i dri zhim po'i man dA ra ba'i me tog gi phreng ba dang nye bar bskor ba'i bung ba'i tshogs dang ldan pa'i bdag nyid kyis gzugs gsal bar byas te/yang dang yang du 'di ltar byang chub sems dpa' la mngon par bstod pa byas par gyur to/ / bdag gi ngor ni byang chub kyang / /lus can rnams ni sbyin pa ster/ /rang gi sdug bsngal ma bsams par/ /khyed las gzhan gyis ster ba min/ /snyan smra dam pa'i skye bo'i lam ni sten byed pa/ /gzhan la phan pa'i phyir ni rtag tu brtson pa rnams/ /khyed cag don du gnyer ba su zhig bde mi byed//'bras bu rjes su 'brel pas yid kyi re ba bzhin/ /gang phyir don gnyer mnyes gshin pas ni gnyen bzhin dga' ba skyes pa'i mig gis blta ba ste/ /gang zhig 'das pa'i dus min 'jam pa ster bar gyur te gang zhig gus pa nyung ba yang / /don du gnyer la lhag ma'i bde ba byin na gang zhig lan mang bde ba thob 'gyur ba//de ni ring byas pa yi lhag ma'i sbyin pa'i spyod pa mkhas pa rnams kyis sbyin pa po ni smra/ /rnam pa thams cad du sa 'di mgon dang bcas pa gang la khyed ni bsrung ba po ste de bas na zhing pa rnams la sa bon thams cad 'debs par mdzod cig /bdag ni di ring nyid nas brtsams te char pa 'bebs par 'gyur zhes bya ba smras nas mi snang bar gyur to//de nas 'bras kyi so ba thams cad 'debs pa yod pa la lha'i bdag po'i mthus bskyod par byas pa'i glog gis kun nas dkris par byas pa'i lto ba can/ gser gyis brgyan par byas pa'i glang po che dang 'dra bar kun nas gser gyi rgyan gyis brgyan pa'i glang po che bzhin du kun nas chus sbos pa'i che ba'i gzugs dang ldan pa/bsil ba dang 'jam pa'i rlung gis reg pa'i dbang gis rab tu srab par gyur pa'i dbugs kyis gnya' ba bskyod pa'i rma bya gyen du lta ba rnams kyis sgra 'byin pa dang / chu 'byung ba'i dus la kun nas tshim pa'i brtan pa rnams kyi 'brug dang 'dra bar kun nas phyogs kyi sgo dang bcas pa bar snang la chu 'dzin pa rnams kun nas 'khrigs par gyur to//de nas ka dam pa dang a rdzu na yi dris/ /'byed pa'i bsil ba'i rlung gis kun nas gdungs pa ste/ /lto 'phye rnams kyis ring bar tsan dan shing rnams ni//kun nas dbugs 'byung gnyen dang 'dra bar gtong bar gyur/ /tsU ta'i gser bzhin ser skya 'bras bu spangs byas nas/ /'jug cing nges par 'byung ba'i stobs ldan ne tsos ni/ /shing lo dang mtshungs mchu dang 'dzam bu'i 'bras bur ldan/ /lce ni gsal ba yongs su smin pa dum bur byas//chu 'dzin dus ni yun ring pos ni 'byung 'gyur ba/ /bde ba dang ldan khyim bdag gi ni pang gnas 'dra/ /rtswa yi myu gu chad pas gos med byas pa ste/ /sa ni spu langs ldan pa 'dra ba byung bar gyur/ /chu bo rab tu 'jug pa'i chus ni 'gram 'bigs pa/ /sA lu skyes pa ut+pal zum pas khyab pa ni//zhing gis rnams kun las yun ni ring por yang / /rnam par mthong zhing zhing pa rnams ni dga' bar gyur/ /shin tu sha ni nye bar 'phel bas pags pa mtho/ /sngo ba'i rtswa yi myu gu kun nas zad bzhin pa'i/ /zhag rer 'o ma 'phel bar 'gyur ba'i ba rnams kyi//nu 'jing rnams ni lci ba nyid du song bar gyur/ /rim gyis kyang kun nas srab pa dkar po'i chu 'dzin gyi dum bu rnams kyis khyab pa'i nam mkha' dang ldan pa dkar ba'i ka sha'i me tog gi gos kyi chu bo rnams kyis bar khyab pa/ kha phye ba'i pad+ma dang ut+pa la rnams kyis brgyan par byas pa'i chu'i rten ston ka byung ba la/mthing shing gis kha bsgyur ba'i khyim gyi rtsig pa dang 'dra bar nam mkha' sngo ba la chu 'dzin gyi gos dang bral ba/ ngo tsha ba dang bcas pa'i mtshan mo'i bud med ltar mthong nas ngo mtshar bar gyur pa dang 'dra bar skye bo rnams kyi mig la dga' ston du gyur pa'i ri bong can yod pa la/rab tu phye ba'i ut+pal sngon po'i rdul 'phrog pa'i/ /rnam par 'gro ba'i rlung gis cung zad 'dor ba ni/ /dri zhim sA lu rnams kyi srab pa'i dra ba'i tshogs/ /smin ma cha char ser skya nyid du khyer bar 'gyur/ /sar pa gser gyi phye ma dang ni mtshungs pa'i 'od ldan pa/ /sbrang gis brlan pa ut+pal dang ni pad+ma'i snod gnas pa//gsal zhing me tog ro yi cha yis slong mo ngal ba yi/ /sbrang byed dge slong la ni ston ka'i bud med sbyin par gyur/ /mun pa zad cing mtshan mo rnams la 'od ni 'ongs pa ste/ /zla ba'i nor bu dkar po'i 'jig pa'i dag pa 'gro bzhin pa//sgra bral chu ni rlabs kyi ri mo nyung zhing dang ba nyid/ /chu bo rnams kyi gsal ba'i nya yi tshogs ldan 'gro bar gyur/ /phyogs rnams kyi ni bar mtshams cung zad 'dres par gyur/ /sum cu'i bdag po'i gzhu yin dbus su chad pa byas pa ni/ /kun nas skye zhing 'dzag pa glog ni rab tu thim//sprin gyi tshogs rnams rlung gis nye bar g.yo ba nyid du gyur/ /rgya che ba yi mun pa bung ba ltar sngo gsal 'dod cing / /gdengs ka'i dgra dang gnyis 'thung bdag po'i dpral 'bur dang mnyam pa'i/ /mtshan mo'i ri bong can gyi bum pas sbyin par gyur pa ni/ /zla tshes chu yi ku mu ta ni 'thungs te btung 'dod pa//de nas mu ge'i sdug bsngal gyis nye bar 'tshe ba rnam par bzlog pa'i skye bo'i tshogs des bde bar bzhugs shing blon po'i tshogs kyis kun nas bskor ba'i rgyal po de'i gan du 'ongs nas/ /'dun pa la sogs pa'i dus su gus pa dang bcas pas 'di ltar smras par gyur to//khyod kyi bsod nams mthu yis ni/ /shin tu che ba'i mi dbang phyug /'gro ba'i sdug bsngal bsal ba ste/ /lo legs pa ni yang byung ngo / /sa stengs dga' ston gyur pa yi/ /'byung po kun la brtser ldan pa/ /sa yi bdag po sa 'di ni/ /mgon po khyod kyi mgon dang ldan//rin chen tshogs ni gtsang ba'i gzi brjid rgya mtsho dang / /bsil ba'i 'od zer can gyi 'od tshogs dri med pa/ /yal ga chen po can gyi 'bras bu phun tshogs dang / /lha lags khyod kyi phun tshogs rnams kyang gzhan don phyir/ /rgya mtsho'i rlabs chen chu ni ba tshwa can yin te//zla ba la ni mtshan ma dri ma can yod de/ /e ma khyed cag lta bu legs pa'i skye rnams slar/ /yid ni skyon gyi dri ma rnam par bral/ /khyed ni rgya che'i blo ldan gti mug mun pa ni/ /zad par byed pa gal te skye bar ma gyur na/ /sdug bsngal rgya mtsho'i chu la skyob par byed pa ni/ /'gro ba ma lus rnam par khyab pa nyams par gyur//de ltar na bcom ldan 'das de nyid byang chub sems dpar gyur pa na/ bdag nyid kyang sdug bsngal bar mdzad nas sems can rnams rjes su bzung ngo zhes bya ba rnam par bsams nas rgal bar dka' ba'i 'khor ba'i rgya mtsho 'di rgal bar 'dod pas dka' ba mchog la yang sbyin pa la rtse gcig pas gnas par bya zhes pa'o//tshangs pas byin gyi skyes pa'i rabs te skyes pa'i rabs dgu pa'o// //rang gi nad la brtsi bar ma byas te/ /gang zhig rang sangs rgyas la mar ni phul/ /nyon mongs pa yi nad kyi gso ba ni/ /de nyid skye bo 'di la byas par gyur//'di ltar rjes su thos te/ kha ba can gyi sa 'dzin pa'i rtse mo dang rjes su mthun pa'i lha rnams kyi nye 'khor gyi mngon par brgyan par byas pa/ rtag tu lo legs pa'i phyir rab tu dga' ba'i khyim bdag gis kun nas mchod par gyur pa'i don du gnyer ba'i skye bo dang ldan pa/ nor gyi bdag po'i phun sum tshogs pa dang 'dra bar shin tu dga' bar gyur pa ku mu ta dang ldan pa zhes bya ba'i rgyal po'i pho brang byung bar gyur te/ de lta bur gyur pa'i rgyal po'i pho brang 'di pa yang / dgra yi skye bo nye zhing skye bo la byams pa/ /yon tan nor can dpal gyi nor sbyin dang mnyam pa/ /rtsub min skyes bu'i bya ba brtan par grags pa ni//skyes bu seng ge zhes bya sa skyong byung bar gyur/ /ku mu ta yi mdog can zhes/ /'od dang ldan pa zla tshes ltar/ /sa skyong de yi btsun mo ni/ /mchod sbyin brgya pa'i btsun mo bzhin/ /de nas dge mo de'i sras ni/ /dge ba'i yon tan rnams kyi snod/ / bu la dga' ba dam pa ni/ /yid mig dga' byed skyes par gyur/ /ngag ni don ldan bzhin dag pa/ /tshul ni mig ldan 'dra ba dang / /des ni lhag par de mdzes te/ /mtshan mo zla ba ldan pa bzhin/ /de nas sras skyes pas rab tu dga' ba'i sa skyong la rgyal mtshan dang ba dan rab tu mtho ba'i rnam pa sna tshogs pa'i tshong dus kyi bzhi mdo can/shin tu dri zhim pa'i dri'i chus rgyal po'i lam chag chag btab pa/ lam gyi skye bo'i mchod pa la g.yengs pa'i mi'i bdag po'i nang mi'i skye bo dang ldan pa/ kun nas brdung bzhin pa rnam pa sna tshogs pa'i rol cha'i skad kyis btsun mo'i 'khor gyi gnas gang bar byas pa/brgyan bzhin pa'i gar mkhan mo'i tshogs dang ldan pa/ gar rtog pa'i khang pa'i mdzes pa la nye bar gnas pa'i gar gyi slob dpon rnams kyis blta bar gyur pa/ btson khang gi skyes bu bkrol bar gyur pa'i lha'i grong khyer gyi rnam pa can gyi grong khyer de byung bar gyur to//der ni mi yi dbang phyug la ni sras de skyes pa yi/ /gang phyir sems can rnams la yid ni phan 'dod 'gyur/ /di ring gzhon nu'i yon tan rjes mthun pa/ /skye bos phan 'dod ces bya ming du btags par gyur/ /de nas byang chub sems dpa' phan 'dod mtshon rnams thams cad gsal bas kun nas mtshon bzhin pa'i 'bras bu chen po dang ldan pa/shing gzhon nu ltar skyed bzhin pa'i me tog drung ba nyi ma re re zhing don du gnyer ba'i skye bo rnams kyis/ longs spyod chen po'i snying po la nye bar longs spyod pa/ byes su song ba zlog pa'i rim pas dga' bo'i grogs po ltar lang tsho sar pas kun nas khyab pa ni/'jig rten sdug bsngal byed rnams la/ /sdug bsngal drag po byed 'gyur ba/ /lus kyi phyed ni skam byed pa'i/ /nad kyis 'di ni nyams par byed/ /de ni nad kyis cung zad cig /kun nas skye bo nyid du gyur/ /mtshan mo mun pa 'jigs pa la//phyed ni zad pa'i zla ba bzhin/ /ji lta ji ltar rim gyis de'i/ /lus kyi phyed ni zad 'gyur ba/ /de lta de ltar 'jig rten gyi/ /snying gi nad ni 'phel bar 'gyur/ /yon tan can rnams phun tshogs rgud/ /bde sdug byed par 'gyur rnams la/ /skye dgu ma ltar 'gro ba ste//bde sdug nyams su myong ba can/ /de nas rgyal po des mya ngan gyi zug rngus snying zad par nyi ma re re zhing lus phyed 'grib par gyur pa'i phan 'dod mthong nas sman pa rnams la smras pa/ gang gis bdag gi rigs rgyud 'di rnams rnam par chad par mi 'gyur ba de ltar 'bad par mdzod cig /khyed rnams nyon cig /bdag gis dgra rnams thams cad pham par byas pa ste/ /nor rnams byin te grags pa yang ni rjes su bskyangs/ /'dir yang mi skyong dpal ni sras la rnam bkod nas/ /bdag zhi ba yi ched du dka' thub nags su 'gro 'gyur ram/ /de nas byang chub sems dpas nad dang rgas pa dang /'chi ba dang yang 'brel pa'i gtam gyis nang mi'i tshogs dang bcas pa'i yab kyi yid skyo ba bskyed cing 'dug go/ /lto 'phye rnams kyi tshad pa yi/ /nad rnams kyis 'khrugs lus la ni/ /bde ba bsams bzhin ci phyir 'di/ /lus can rnams la 'byung bar 'gyur//mi bde ba yi tshor ba kun nas khyab pa ni/ /mchi ma dang ldan gnyen rnams kyis ni mthong gyur pa/ /gang tshe nad kyi mda' rnams kyis ni 'bigs 'gyur ba/ /de tshe mi ni srid pa las ni skyong bar gyur/ /nad kyis btab pas rid byas yan lag srog shing ni/ /lam du kun nas 'dre zhing ldog pas khyab pa la//kha ba'i sman ni 'thungs pas mthong nas 'jigs ldan pa'i/ /skye bo'i yul gyi 'dod pa rnam par bzlog par gyur/ /dbang po rnams dang dran pa'i stobs ni nye bar gdung ba 'di/ /lus can rnams kyi spyi bor rkang pa rnam par bzhag nas ni/ /rab tu skye bar 'dod pa'i rtogs pas nga rgyal rgas pa la//skra dkar g.yo bas 'bad pa dang bcas rgod pa 'dra bar byed/ /dbang po rnams kyis sgrib pa chen po nye bar byed pa 'di/ /rgas pa rlung gi ri dgas ltar ni ring po nas mthong nas/ /skyes bu'i lang tsho'i rgyags pa 'dod pa dang ni lhan cig tu/ /rab tu 'phros par 'gyur te 'jigs pas khyab pa'i ri dgas bzhin//yan lag can rnams kyis ni lhod pa nyid du nye bar song ba 'di/ /yul rnams nye bar longs spyod kun nas stobs chung dbang por ldan/ /rgas pa 'dis ni kun nas lhag par zhon pa'i btsan thabs kyis/ /gzugs ni sgur bar byed de gzhu rgyud kyis ni gzhu bzhin no//tshul min gtso bo gang nyid du ni nges gnas byed pa zhes/ /kye ma lus 'di de nyid rgas pa nyid du ji ltar 'byed/ /gang gi yun ring 'og tu 'dug pa 'bras bu rnams ster ba/ /yal ga can de la ni su zhig dgra sta ltung bar 'dod/ /rnon po skyon gyi mda' rnams kyis ni ji ltar yang ni drag po'i yid la gdung byed pa'i//ring gnas gnad la byed ni nges gdung min nam gang phyir gson po bzhin du gnas par byed/ /gang du yang ni yun ring gnas pa'i shi ba'i rngon pas 'di ni rnam par rgyas byed pa/ /sems kyi ri dgas khyed ni rgas pa'i snying ni ril po las ni ji ltar 'da' bar 'gyur//de nas dman pa rnams kyis gnas dben pa la skyes bu'i seng ge dang 'dra bar ying pa de la smras pa/ sman rnams yod par gyur pa rnams la yang 'dab chags shang shang de'u'i sha med pas mar chen po smin pa yang 'di nas rab tu zhi bar byed par nus par 'gyur ba ma yin te/de bas na 'dir ci zhig bya zhes zer ro/ /de nas rgyal po des bya 'dzin pa la mkhas pa'i bya shor ba gnyis bos nas bka' bsgo ba/ bya shang shang de'u gang nas kyang khyed cag gis long shig /de'i phyir nor chen po rab tu byin pas khyed cag la sbyar bar bya ste/gzhan du na bya shor ba'i tshogs thams cad nyid bskrad par bya zhes zer ro/ /de nas bya shor ba de dag gis rgyal po de la zhus par gyur pa/ lha lag rgya mtsho'i 'gram na yal ga can gzhan rnams kyi bdag po dang 'dra ba spre'u'i chu zhes bya ba'i shing chen po yod de/ der yang mi skad smra ba'i shang shang de'u rnams so sor gnas pa ste de rnams kyang rgyal po la nye bar mkho ba'i tshogs pas 'dzin par nus kyi gzhan du ni ma yin zhes gsol to//rgyal pos gsungs pa/ gang dang gang gi dgos pa de dang de thams cad bdag gi mdzod 'di nas nye bar long shig ces zer ro//ji ltar lhas bka' stsal pa zhes rgyal po'i bka' thob nas/ /de nas bya ba yo byad 'dzin par byas pa de dag ni/ /de'i tshogs dang chu bo de dang de rnams rgal byas nas/ /yal ga can de'i yal ga 'bras bu can rnams 'dud pa che ba ni/ /rgya mtsho'i 'gram skyes gyen lta'i gdong can dag gis mthong bar gyur//rim gyis kyang kun nas der phyin nas gas pa'i nya phyis kha sbyor kha phye nas byung ba'i mu tig gi rdog ma rnams kyis khyab pa'i dkar po'i 'gram dang ldan pa'i dbus su rab tu rgyug pa'i spre'u dang byar ldan pa/ mig sman gyi phye ma'i tshogs ltar sngo ba'i chu dang ldan pa/rlabs chen po'i rgyun gyis la pa ka'i me tog bskul bas kun nas bsres pa'i dbu ba'i phreng bas bskor bar byas pa'i 'gram gyi ri mo can/ shin tu myur ba'i gzings 'gro bas sgra bskyod pa/ nang du chu srin kun nas 'khor bas kun nas chag pa'i gzhon nu ma'i byi ru can/ chu'i glang po rnams kyi snas mngon par brdungs pa'i g.yo ba'i dung gi tshogs dang ldan pa dang / sbrul mchog rnams kyi nor bu stong gi 'od rnams kyis sa 'og snang bar byas pa dang / mkha' lding gi gshog pa gnyis bskyod pas rlabs chen po'i tshogs rnam par 'khrug par byas pa/ shin tu yid 'phrog pa'i na li ge la dang pa na sa dang ka pun ta dang ba ku la dang /pun na ka dang / tsam pa ka dang / ti la ka dang / mya ngan med dang / lhan cig byed pa dang / u dum bA ra dang / /pa la k+Sha dang / n+ya gro d+ha'i shing gi nags rnams kyi mtha' mi mngon pa dang / mtha' med pa'i ngo mtshar sna tshogs pa'i gzhi dang /ke ta ka'i tshogs kyi me tog rnams reg pas dri zhim pa'i rlung gi stobs kyis tsan dan gyi shing rnam par 'khrugs pas nye bar sbas pa dang / ma la ya'i ri bo las 'bab pa'i dus kyi chus dag par byas pa'i brag gi dkyil na nye bar gnas pa'i rig pa 'dzin pa pho mo gnyis kyis lta bar gyur pa'i rgya mtsho chen po la lta bar byed pa'i bya ba gnyis kyis 'ongs nas mthong ste/shing gi tshogs de la nges par 'brel ba'i shang shang de'u rnams yal ga can de'i 'og tu/ pad+ma rnams kyis bkab pa'i chu ni che ba la/ /'gram gyi mtha' yi phyogs na dung rgyan rnams kyis ni/ / mal ni chen po gos kyis kun nas bskor byas pa'i/ /yid du 'ong ba dri zhim po ni bting bar gyur/ /rgya skyegs khu bas mtshan ma'i shel bzhin shin tu dmar/ /chang gi rlung gi rlabs ni 'byung bar byas pa ni/ /rgya chen gser gyi snod rnams la ni de dag gis/ /chang ni blugs shing 'dug pa nyid du gnas par gyur//der yang bya ba gnyis song ba la shing de las babs nas shang shang de'u gnyis ro myang bas bkug bzhin pa'i rnyi dang ldan pa/ mal de la 'brel nas chang de myang zhing 'dug par gyur to/ /myangs nas kyang myos pa'i dbang gis dran pa rnam par rmongs pas kun nas 'phur mi nus shing de nyid du nyal bar gyur to//de nas sna tshogs gos can mal gyi dbus su nyal bzhin pa/ /cung zad btsums par byas pa'i mig can kun nas btud pa'i gdong / /myur bar 'ongs nas bya 'dzin pa la mkhas pa de dag gis/ /rim gyis rtogs par byas nas bya ni gnyis po bzung bar gyur//yul gyi bde ba la ni nges 'brel yid ldan pa'i/ /rang gi phan dang gnod pa 'jug pa rtog byed pa'i/ /mod la lci ba'i sdug bsngal rjes su 'brel ba'i rgyu/ /bag med ci zhig bzhin du 'byung bar mi 'gyur ro/ /de nas shang shang de'u de dag rim gyis chang 'thungs pa'i myos pa dang bral nas bya shor ba gnyis po de la smras par gyur pa/bzhin bzangs dag khyed cag gis bdag cag dgos pa ci zhig gi phyir 'dzin pa smra bar gyis shig /bya shor ba dag gis kyang gtam de smras par gyur to/ /de nas shang shang de'u gcig gis 'di skad ces smras so//bya shang shang de'u 'di bzung nas re zhig khyed gnyis sdod cig /ji srid du bdag gis so d+ha zhes bya ba'i sman bcud kyis len gyi gtso bor gyur pa yod par bya yis/ /des mar btso bar byas nas rgyal po'i sras de la sbyin par bya ste/ de 'thungs pas kyang 'di shin tu skyes bu'i tshe dang ldan pa dang /gzugs dang stobs kyis pha rol rnam par gnon pa 'byung bar 'gyur ro zhes zer ro/ /rgyal po de yang dge ba la sbyar bar 'gyur ro zhes khas blangs pas/ bya shor ba de dag gi nang nas shang de'u cig song nas sman de blangs te myur bar 'ongs te bya shor ba de dag la gtad cing 'dug go//de nas kyang bya de dag der 'di skad smras nas de sman de blangs nas rgyal po'i gan du nye bar 'ongs te shang shang de'u'i phrin de smras nas sman de sman pa rnams la gtad cing 'dug par gyur to/ /rgyal po des kyang nor sbyin pa chen pos bya shor ba de dag yang dag par mgu bar mdzad do//de nas 'byung po'i rig pa la yongs su mthong ba nye bar spyod pa chen pos sman pa de rnams kyis bcud kyis len te/ kun nas btsos te byang chub sems dpa' la dngul gyi snod du bzhag nas btung ba'i phyir nye bar phul bar gyur to/ /grong khyer de dang shin tu ring ba ma yin par dbugs byung ba'i ri dgas kyi tshogs kyis lhag par gnas pa'i shing lo'i khang pa'i nye 'khor dang ldan pa dang /shing du ma'i me tog rnams kyis dri zhim par byas pa'i rlung gis rnam par bskyod pa'i pad+ma'i tshogs dang ldan pa dang / dka' thub kyi nor can gyi skye bos khyab pa'i dka' thub kyi nags chen po yod de/der yang rang sangs rgyas so sor gnas pa des lha'i mig gis byang chub sems dpa' mthong ste/ gzhon nu phan 'dod pa 'di sbyin pa'i pha rol tu phyin pa rdzogs par 'dod pa ste/ bdag la yang nad 'di nyid yod de bas na bcud kyis len gyis btsos pa'i mar 'di la bslang bar bya'o snyam mo//des kyang kho bo cag la de rab tu byin nas nad de las grol bar 'gyur ro/ /sbyin pa'i 'bras bu chen po yang sbyor bar 'gyur zhes rnam par bsams nas/ bud med mchog gi mig gi 'bras bu ltar nag pa'i/ /lhung bzed bzung nas de ni chos gos rnam 'phyang ba//shugs kyis mkha' las kun nas bsams te mkha' lding ltar/ /sa skyong khyim ni mdzes par rnam par bzhugs par gyur/ /sa skyong ba yi khyim der rab tu zhugs nas ni/ /che ba nyid kyis sgo srung rnams kyis ma mthong bar/ /zhi ba nye bar 'ongs nas 'gro la phan 'dod pa/ /byang chub tu ni rtse gcig phan 'dod la ni gsungs//dpag med 'od can sa skyong sras lags bdag la yang / /nad ni chen po don min lus ni skams byed pa/ /'di ni rab tu dang bas bzhu ba'i sems kyis ni/ /mar de las ni bdag cag la yang rab sbyin mdzod/ /de nas thub pa de la de ni dang ba ldan//nad de gus pa'i dbang gis bsam par ma byas shing / /dga' bas sa la pus mo gnyis ni btsugs byas nas/ /mar de bdag nyid kyis ni gus bcas phul bar gyur/ /ji lta ji ltar 'dis ni dri med 'di 'thungs pa/ /rim gyi rim gyis snying rje can ni thub pa che/ /rtag par rtag tu spobs pa rnyed pa phan 'dod can//de lta de ltar 'jigs pa bzhin du nad kyis btang / /de nas nad dang rnam par bral ba'i byang chub sems dpa' de mthong nas de la nyis 'gyur gyi dang ba skyes pa'i phyir/ ral gri phyis ltar sngo ba'i nam mkha'i dkyil du song nas rang sangs rgyas/ /nyin mo byed pa 'od zer 'bar ba kun nas reg pa ste//me ni 'od rnams 'byung ba skad cig gis ni sprul pa ste/ /bar chad med par dkar ba'i nor bu chag ltar dri ma med/ /chu ni dpung pas chu gter bzhin du sprul pa nyid du gyur/ /de nas bdag nyid chen po des rab tu dga' ba'i yid kyis byang chub sems dpa' mdun du song ba'i skye bos phyag btsal bar gyur cing dka' thub kyi gnas de nyid du log par gyur to//dga' ba'i yid dang ldan pa'i phan 'dod gdan la 'dug ste gus pa dang bcas par nye bar gnas pa'i skye bo'i tshogs de la phan pa tshol zhing chos las ma 'da' ba'i gtam 'di ltar byas par gyur to//rang sangs rgyas ni de la yang / /gus bcas mar ni phul ba la/ /bdag gi lus ni skad cig des/ /sdug bsngal med cing nad med gyur/ /sbyin pa'i zhing gi me tog dang / /'di lam 'ongs 'bras bu che/ /de ltar khyed rnams kyis shes nas/ / ser sna 'byung dor 'byung gyur cig/ /don gnyer nyid kyis bdag cag chung bar gyur te 'di la shin tu dge ba 'byung gyur cig /ngo tsha ba yi bud med bdag cag gis ni btang ste grags pa'i bud med bsten cing yun ring du/ /'di ni yang dag bsams bzhin rang gi ngal ba bral ba gang rnams sbyin pa por 'ongs pa//grogs po dang ni don gnyer phan pa tshol ba de rnams kyis mtshungs gzhan ni su zhig yod/ /grogs po'i rang bzhin skar ma'i bdag po ltar dkar me tog rnams ni gang zhig bsal byas na/ /che ba zhim pa'i ro ni rnam par smin pa rnyed par bla ba dge ba'i 'bras bu ste//gang zhig sbyin pa'i bdag po yi ni snying la bde ba bstod pa'i grib mas byed pa ste/ /slong ba po yi zhing de rab tu sbyin pa'i chu chen pos ni su zhig sbengs mi byed/ /gang zhig sbyin pa'i pha rol phyin pas sa la byang chub sems/ /sems can don du brtson pa'i blo can rim bzhin sbyang bar byed//gnas la don gnyer bcom ldan 'das de don dam mkhyen pa ni/ /dge ba'i bshes gnyen zhes bya de ni bde bar gshegs pas gsungs/ /byang chub sems dpa'i tshogs de la legs so zhes bya ba mngon par bsgrub par byas nas skye bo'i tshogs de sbyin pa la rtse gcig pa byung bar gyur to//de ltar na bdag nyid kyi sdug bsngal la yang ma brtsis shing / bcom ldan 'das de byang chub sems dpar gyur pa na gzhan don nyid mdzad do zhes bya ba rnam par bsams nas sangs rgyas bcom ldan 'das la rtag tu dad pa dang ldan pa rnams kyis gnas par bya zhes bya ba'o/ / phan 'dod kyi skyes pa'i rabs te skyes pa'i rabs bcu pa'o/ /sdom la/ rab snang ded dpon legs bshad ni/ /don gnyer ri bong mgo bo gtong / /nu sbyin tshong dpon nya dang yang / /sdom tshangs sbyin de bzhin mar sbyin// //snying rjes rjes su 'brel pa gzhan don du/ /srog ni gtong zhing rtsa bzhin 'dod pa ste//sra ba'i yid can rnams kyi yang ni yid/ /bdag nyid che rnams 'jam pa nyid du khyer/ /'di ltar rjes su thos te/ chu btang ba nyid kyis zla tshes zhu bar gyur pa ltar 'jam pa'i rlung gis bskul ba'i chu'i rlabs kyi tshogs dang ldan pa'i ngur pa pho mo gnyis kyis nye bar mdzes par byas pa'i 'gram dang ldan pa'i bA rA NA sI zhes bya ba'i chu bos mngon par brgyan par byas pa'i ri bo'i bar na/rnam pa sna tshogs pa'i shing rnams kyi grib mas chu rten gyi chu bsgribs par byas pa rtswa sngon pos sa'i cha sngon por byas pa'i 'brog dgon pa 'ga' zhig na/ byang chub sems dpa' ri dgas kyi tshogs kyi bdag po byung bar gyur to//'o ma'i rgya mtsho'i dbu ba ltar ni dkar zhing lto ba srab/ /rgyab kyang bung ba rnams kyi tshogs ltar nag par gyur pa ni/ /gang zhig nags kyi mtha' yis la zur mig gis lta 'dra ba yi/ /sgeg pa'i mig 'bras 'dres shing spro ba'i mig rdzis mdun ni mdzes//de ltar gyur pa'i byang chub sems dpa' de'i cung zad gzugs dang mdangs dang tshad rjes su 'dra ba'i lha sbyin de dang nye bar spyod pa ni shin tu che ba ma yin pa'i ri dgas kyi tshogs la bdag po nyid byas par gyur to/ /de dag bdag po de dag gis/ /rtswa ni za zhing skyong byas pa//dogs pa rnams bral dbugs phyung bar/ /ri dgas tshogs dag la spyod 'gyur/ /de nas dus 'ga' zhig na ri dgas shor ba la chags shing goms par byas pa tshangs pas sbyin zhes bya ba'i rgyal po bA rA NA sIr nges par 'byung ste/ /'khyog cing brang gi mthil la gzhu rnam par zhugs par byas pa/rta mchog la zhon pa dang rang dang 'dra ba'i skye bos rjes su 'breng ba/ rta rnams kyi rmig pa las kun nas 'byung ba'i rdul gyis kun nas dri ma can du song ba'i mig gi rdzi ma nyin mo byed pas kun nas gdungs pa'i rdul gyi thigs pa skyes pas dpral ba'i phyogs kun nas mnan pa/dmag tshogs kyi sgras kun nas skrag pas steng du 'phur ba'i rma bya dang ti t+ti ri dang tsa ko ra'i tshogs dang khyim bya can dang / mi mnyam pa dang mthon po dang dma' ba'i sa'i cha dang ldan pa dang / 'ga' zhig tu rkang thang rnams kyi rkang pa dang ri dgas rnams kyi rmig pa rnam par bkod pas ngo mtshar ba dang spros pa dang nya'i tshogs kyis rnam par bsten pa'i chu klung gi 'gram gyi chu dang ldan pa dang /myos pa'i glang po'i bdag po dpral 'bur brad pas yang dag par zhugs pa'i smyon chus dri dang bcas pa dang / shing gi sdong bu dang nye bar 'khor bzhin pa sbrang rtsi'i byed pa'i tshogs dang ldan pa dang /'gram gyi shing rnams kyi yal ga la 'byar ba skams pa'i sha mo dang mig gi 'bras bu dang / byA ka raN+Da dang / dur skya'i mjug sgro dang kun nas 'dres pa'i ka sha dang / rtswa ku sha dang / smyug ma'i sdong po dang / lo ma'i tshogs kyis mtshon par byed bzhin pa yun ring por 'das pa'i ri bo rnams dang chu klung dang ldan pa dang /rdzing bu rnams kyi 'dab la khyad par du bying ba'i stag gi rjes can dang / u dum bA ra smin pa'i dris dri zhim par byas pa'i tshang tshing dang ldan pa dang / rlung gis bskyod pa'i ba dan srab pa rnams ltar 'khyog pa'i lto 'phye rnams 'gro ba rnams kyis mtshon par byas pa'i lam gyi rdul dang ldan pa dang /nags kyi nang rnams su rnam par mthong zhing cung zad 'da' bar byas nas/ ri dgas kyi tshogs gnyis de dbugs 'byin zhing gnas pa dmag tshogs kyis kun nas bskor zhing 'dug go/ /de nas dmag gi gzhu ni bdungs pa rnams mthong nas//bskyod pa'i g.yer kha las ni byung ba'i sgra ldan pa/ /skyabs med tshogs pa rnams ni kun nas 'byer ba can/ /'jigs pa'i dbang gis ri dgas rnams ni kun nas 'bros/ /kun nas bskor ba'i ri dgas rnams ni mthong nas kyang / /mi bskyod dmag tshogs kyis ni byang chub sems dpa' de//ring po nas ni dong ba'i mda' ni 'don byed cing / /sa yi dbang phyug gan du 'ongs shing smra bar gyur/ /cig car ri dgas zad pa'i don du ci phyir ni/ /gzhu 'di khyod kyis mda' dang bcas pa byas pa ste/ /nyin mo byed pa khyed kyi nag po'i tshang du ni//ri dgas re re bdag gis rnam par gtang bar bgyi/ /de nas sa yi bdag pos de la smras pa ste/ /ri dgas gal te de ni bden na de ltar bgyi/ /gal te rnam par gzhag pa 'di ni mi byed na/ /de nas ri dgas rnams la slar ni brdeg par bgyi/ /de nas khas ni blangs te sa skyong song ba dang //dkar po'i gdugs kyis nyi ma'i gdung ba bzlog byas pa/ /ri dgas de rnams slar ni gcig nyid du gyur pa'i/ /gan du 'ongs te byang chub sems dpas smras pa yin/ /cig car 'jigs pa kun nas nye bar 'ongs pa la/ /gal te slar ni rim pa rnyed 'gyur dam pa de/ /ring por zhi ba'i rgyu ni rim bzhin thob nas ni//nam zhig tshe na gzhan nyid ces bya 'byung ba yin/ /glang po'i dpral 'bur rnam par 'byed la mkhas pa yin/ /stobs ldan gnya' ral can rnams la yang sdang byed pa'i/ /mi dbang rnams ni mda' yis srog rnams zad byed de/ /ku sha'i rtse za ri dgas nags su smos ci dgos//nor bu dkar po ltar ni gtsang ba'i 'od rnams kyis/ /mun pa 'joms shing 'gro ba snang byed ri bong mtshan/ /'od ni bral zhing nub pa'i ri las lhung ba ste/ /dngos po thams cad skad cig gis ni 'jig pa nyid/ /chu rlabs chen po dang ldan chu ni shugs kyis 'khrug par byas nas ni//rgya mtsho'i nang nas sbrul ni 'dul byed bu yis 'don par byed pa ste/ /las rnams kyis ni rnam par mkhas pa su zhig 'da' mi byed/ /don du byas pa'i las rnams kyis ni rnam par smin pa mkhas pas kyang / /stobs ni che bar grags pa su zhig gis kyang 'da' bar mi byed do//de ltar las 'gro shes nas ni/ /shes pa la gsal mkhas pa rnams/ /srog ni gtong yang ngal ba ni/ /brtan pa'i sems brtan 'gro mi 'gyur/ /de nas des ri dgas kyi tshogs kyi bdag po gnyis kyi bkas tshogs de dag las nyi ma re re zhing rgyal po de'i kha zas 'tshed pa'i tshe ri dgas re re tshang mang du btang bar gyur to//de ltar na yang nyin zhag kha cig 'das pa dang lha sbyin gyi ri dgas kyi tshogs la 'jug pa na ri dgas mo sbrum ma cig la 'gro ba'i res bab po/ /de nas des rang gi ri dgas kyi tshogs des bdag po'i gan du 'ongs nas smras pa/ rje bo lags nges par sang nang par bdag ni phru gu skye bar 'gyur ba ste/ /de nas phrug pa skyes nas nags na ri dgas kyi phrug pa rnam par bzhag nas bdag ni 'gro ba ste/ bdag gis kyang de nas 'chi bar rigs de mngal na gnas pa'i phrug pa 'di dang ni ma yin zhes zer ro/ /ri dgas kyi tshogs kyi bdag po lha sbyin gyis smras pa/de'i phyir khyod kyi re mos bab pas na ri dgas gzhan su zhig 'gro bar 'gyur te rnam pa thams cad du khyod nyid 'gro bar rigs so/ /khyod ni bdag nyid mi shes pa/ /gzhan zhig bdag gi bka' las 'da' bar byed do zhes zer ro/ /de ltar ri dgas kyi tshogs kyi bdag po des nges par bskrad pas ri dgas mo de song nas 'di ltar sems zhing 'dug ste/gang zhig 'di ri dgas kyi bdag po gnyis pa shin tu snying rje dang ldan pa de bas na yang re zhig gsol ba gdab par bgyi'o snyam ste song nas kyang byang chub sems dpa' la smras pa/tshogs bdag bdag la re mos ni/ /mi skyong khang par 'gro res bab/ /bdag kyang mngal 'byung nye ba ni/ /de phyir phrug pa 'di srungs shig /skyes ma thag tsam 'dug pa ni/ /lces kyang nye bar ldang byas te/ /nu ma 'thung du bcug nas bdag /phru gu g.yo ba'i mig ldan pa/ / nags mthar dung gi dum bu bzhin/ /grib ldan so ni sar pa yis/ /ljang sngon rtse mor reg byed pa/ /mdun du gnas pa rnam mthong nas/ /tshogs ldan tshogs la bdag gi ni/ /nu mo chung ba yod pa ste/ /de la bu ni btang byas nas/ /don byas bdag ni 'gro 'gyur ba/ /bu la gdung ba'i ri dgas mo//'di ltar mngon du brjod cing mthong byas nas/ /tshogs kyi bdag po la ni shin tu yang / /snying ni brtse bas kun nas gnas pa ste/ /sdug bsngal ldan pa ma 'dris pa la yang / /dam pa'i brtse ba shin tu 'phel ba ste/ /rtsa ba'i tshogs la chu yis sbangs ba ni//shing la yang dag brten nas ljon shing bzhin/ /phongs pa skyabs su 'gro ba mthong nas ni/ /gang zhig nye bar brtse ba yod pa ste/ /de yi sdug bsngal 'joms par byed pa'i rgyu/ /'bad pa mchog ni de nyid byed pa yin/ /de nas ri dgas kyi tshogs kyi mgon pos ri dgas mo de la smras pa//bzang mo yid la 'phrog pa'i mya ngan kun nas dor/ /bde ba nye bar thob nas nags na spyod cing khyod 'dug shog /mi yi bdag khyim rang nyid kyis ni bdag nyid 'gro bar 'gyur/ /sar pa shir sha ltar 'jam rtswa ni kun nas 'dzin byed cing / /zla ba'i 'od kyi tshogs ltar dri med chu ni 'thung byed pa//'dir ni ri dgas phrug rnams lhan cig kun nas rol bzhin pa/ /bu ni g.yo ba'i mig can yun ring por ni lta bar gyis/ /de ltar ri dwags mo de dbugs phyung nas ni brtan des smras/ /de ring ri dgas mo ni 'chi las skyob pa bdag gis ni/ /ji ltar srid pa gzhan du byas pa'i sdug bsngal skyed byed ni//bdud las rgyal ba'i byang chub thob nas de ltar skyob gyur cig /de ltar smras nas lto ba mnan pas drod bcings shing rmig pa sbyar bas rdul 'brad par byed cing / ri dgas rnams kyi skyug ldad kyis rgya shug gi tshi gu dor bas tha ma nges par bsags pa'i 'dug pa'i gnas las sngar kun nas langs nas/yid mi bde ba'i tshogs dang rjes su 'gro bzhin pa'i tshogs kyi bdag po de bA rA Na sIr mngon par song bar gyur to/ /de nas me tog phye ma 'bras bu rnams kyis khyab/ /rnam khyab bung ba rnams kyi skad kyis khyab pa dang / /rlung gi yal ga'i rtse mo'i lag pa g.yob pa yis//ri shing rnams kyang de las zlog par byed ltar 'dug /grogs ltar ri dgas des ni rnam par grol bzhin pa/ /rlung gis gdungs shing g.yo ba yi ni 'dab ma can/ /kun nas rnam par khyab pa'i shing bye'u skad ldan pa/ /blta zhing lta bar byed pa'i nags ni du ba 'dra//de nas byang chub sems dpa' bA rA Na sI dang nye bar 'ongs te cung zad thogs pas ri dgas kyi tshogs de la 'di skad ces smras so/ /da ni khyed rnams log par mdzod cig dang gang gi phyir 'jig rten pa dang yang dag par 'brel pa rnams ni rnam par sbyor ba rnyed par sla ba'o//shin tu yun ring por yang dpyid ka'i dus na nyams dga' ba'i ut+pa la'i tshogs la brten nas kha ba'i dus kyi kun nas rnying pa'i 'dab ma ze 'bru'i lte ba can dri dang bral ba spangs nas rang bzhin gyi g.yo ba'i dpal 'gro ba kho na ste/ char pa'i dus kyi chu gter ba'i snam bus 'khrigs pa'i phyogs kyi bud med kyi bzhin rnams kun nas snang bar byas te/gar byed pa dang 'dra bar bstan par byas nas ston ka'i dus na chu rnam par dor bas yang ba'i chu 'dzin pa rnams la chags pa dang bral ba'i smad 'tshong ma'i bud med rnams kyis yun ring po ma yin pa'i 'od tshogs pa dang bral ba'i chags pa can dang 'dra bar yongs su gtong bar byed do//mtshan mo'i gdong la khyad par du byed pa'i bsil ba'i 'od zer can yang tho rangs kyi dus na lhan cig skyes pa'i 'od kyis yongs su dor bar byed de rnam pa thams cad du cung zad dang 'gro ba la yod pa ma yin te/ gang zhig phan tshun du rnam par bral bar 'gyur zhes bya ba rnam par bsams nas/chos la rtse gcig pa'i khyed rnams kyi gnas nas yang dag par bdag nyid yongs su skyo bar bya zhes zer ro/ /ri dgas kyi tshogs de yang 'dug nas byang chub sems dpa' bdag nyid mig gi yul du 'gro bzhin par mthong ste pha dang bral ba 'dra bar mya ngan gyi zug rngus snying stobs shing zad pa dang 'dra bas nags der so sor 'gro bar gyur to//byang chub sems dpas kyang ri dgas dang / phag dang ma he dang lug rnams kyi rus pa'i tshogs la 'byar ba'i tshogs kyi ku cos 'jigs su rung ba/ 'phur zhing nye bar 'brel ba'i sbrang bu rnams kyis sha dang chu rgyus khyab pa gri rnon po nye bar gzhag cing ri dgas 'ong ba la sdod pa'i shan pa rnams kyis khyab pa'i phyugs gsod pa'i gnas su phyin nas gnas par gyur to//de gsod pa la dbang du byed pa'i skyes bu de rnams kyis kyang tshogs kyi bdag po blangs nas rgyal po la ston cing 'dug go//rgyal po ri dgas mig 'dra bas/ /de nas ri dgas de la smras/ /yongs su mi zad tshogs khyod ni/ /ci phyir rang nyid kyis 'ongs smros/ /byang chub sems dpas smras pa/ /lha lags sbrum ma'i ri dgas mo/ /bdag la skyabs su nyer song ba/ / de yi re mos bdag 'ongs so/ /bu ni mthong bar 'dod pa yis/ /'dod chags mi de'i yid re ba/ /rdzogs par byas nas mchog dga' ba/ /bdag ni 'chi bdag dga' ston 'dod/ /ri dgas mo yang ri dgas 'dir/ /shi ba'i don du 'gro mthong ba/ /gang zhig bdag la sdug bsngal gyur//de ni de ring 'byung mi 'gyur/ /de phyir nga ni dbang phyug bdag kyang mjal bar mdzod/ /shan pa rnams kyis lha lags gsungs shig ci yi phyir ni 'gor/ /shin tu yangs pa'i snying rje'i go chas bcings par 'byung ba ni/ /bdag gi sems 'di sdug bsngal mda' yis thags par mi 'gyur ro//de nas rgyal po de de'i gzhan gyi don bsgrub pa la mkhas pa de snying brtse rnam par bsams te ngo mtshar ba blos ngo mtshar ba nye bar thob pa dang 'dra ba'i byang chub sems dpa' la smras pa/ /tshogs kyi bdag po legs so/ /gzhan don bsgrub pa la ni nges par 'brel ba'i sems/ / ri dgas gzugs can rnams ni skyes bu rnams kyi mchog /gzhan la gnod phyir 'bad pa nges par 'brel ba ni/ /kho bo cag ni sbrul dang ri dgas rnams dang mtshungs/ /de nas byang chub sems dpas rgyal po 'gyod pa dang bcas par shes nas dbugs 'byin zhing bde ba skyes pa la 'di skad ces gsungs so//nongs pa byas pa skyabs su nye bar song ba ste/ /dgra yang khro ba rnam par spangs nas khyed kyis bsrungs/ /nongs pa med pa'i ri dgas rnams kyi steng du ni/ /khyod kyi rno ba'i mda' rnams ji ltar btang ste smos/ /rgyab phyogs ldang ba la yang ni/ /g.yul ngor khyod kyis ma brdegs te//'jigs pas skrag pa'i nyams bzhin pa'i/ /ri dgas rnams la ji ltar brdeg /kun rtog yang dag min pas 'phel/ /ri dgas shor ba btang bar gyis/ /'phro ba'i 'od ldan dmyal me la/ /gang zhig sreg blugs 'byung bar 'gyur/ /de nas rgyal po de yid rab tu dga' bas tshogs kyi bdag po de seng ge'i khri la 'dug tu bcug nas gus pa dang bcas pas dma' ba'i stan la 'dug ste/e ma'o legs par bshad pa gti mug gi rab rib sel bar byed pa'i chos bstan pa bdag la mdzod cig bya bar rab tu smras par gyur to/ /de nas byang chub sems dpa' rgyal po 'khor ma lus pas lta bar gyur pa rgyal po de la rten par byed cing 'di skad ces gsol to//legs par bshad pas dga' ba dpal gyi nga rgyal med/ /gzhan don bsgrub la shin tu mkhas pa'i bya ba can/ /yon tan rnams kyis tshim med yon tan ldan rnams gus/ / bdag nyid chen po rnams kyi spyod pa 'di ni grags/ /shin tu gsal bar byas pa'i mtho ba'i gzi brjid can/ /mi la mi yi mtshan ma gnyis yin te/ /sems la gus pas rgud pa rnams kyang phongs med dang / /'phags pa'i lam ni gsal bar byed pa'i khrel yod kyang //skye ngan rang bzhin nyid kyis bsam pa dri mar bcas/ /don med gzhan gyi grags pa min la sems brtse byed/ /rang sems dag pa la ni rnam par zhugs pa'i blo/ /mkhas pa rnams ni de la'ang shin tu brtse bar ldan/ /skyes bu'i bya ba 'dra bar byung ba'i mi rnams la/ /bya ba kun ni gzhan la phan par byed pa min//kun nas 'phros pa'i 'od kyi sprin bral nam mkha' la/ /a ka sti nyid dug dang bral ba'i chu ni byed/ /dam pa'i skye bo dam pa'i spyod pa 'phro ba yis/ /rnam par bsams bzhin pa yang ngo mtshar skyed par byed/ /gang tshe lus can rnams la mig gi lam du 'gro//de tshe bdud rtsi bzhin du yid rnams la ni gtor/ /gang gi ma 'ongs pa na gzhan la phan pa'i chu rgyun rnam par 'chad par mi 'gyur ro/ /gang gi blo yi mig ni mun pa rnam bral de dag gnyis gnyid sad par byed/ /gzhan rnams nyid ni phyugs kyi chos can gzhan la phan pa bya ba la ni dman pa'i blo//bag med yid can mi shes gnyis dang ldan pa rnams la nyin dang mtshan mo dag ni mnyam/ /'khor bar 'khor bar byed cing mun nag chen po la ni kun nas gnas par byed bzhin nam/ /dam pa la ni 'bras bu bsags pa shin tu che ba bdag gi chad pa rnam gnyis yin//gang zhig khyim ni spangs nas legs pa'i don du dka' thub nags la mngon par gnas byed pa/ /gang la yang ni rnam par dben pa la mkhas mkhas pa rnams dang lhan cig gtam byed pa/ /gang gi phun tshogs bde bar rang khyim gnas pa bzhin du don gnyer rnams kyi longs spyod de/ / mun pa rab tu 'joms phyir gang gi blo yang gsal bar de dag gnyis nyid 'tsho ba ste/ /gang zhig tshogs pa mthong ba la yang bdag nyid mkhas pa nyid dang bral ba yang / /bris pa'i nor bu ltar ni gzugs 'dzin de yi yod pa nyid kyang nges par med pa nyid/ /dka' bas rnyed pa yang ni rim gyis bde ba slar ni rab tu 'jig par 'gyur ba ste//de 'jig pa las skyes bu bsam pa'i me ni 'bar bar byed cing kun nas gdung bar 'gyur/ /sdug bsngal 'di yis srid pa rjes su 'brel ba skyed byed g.yo sgyu'i dra ba can ni rgyu/ /de rnams shin tu bde ldan gang gis yid rnams la ni chung 'dod yang dag tu ni gtad//gti mug gcod pa'i legs par bshad pa 'bad pa med nyid rdzas ni ster bar byed/ /rdzas med pa ni gsal ba'i tshig ldan ngag rnams don med par ni 'gyur ba ste/ /bzo bo mkhas pas kyang ni sprin bral nam mkha' dang ni in+d+ra nI la'i mdog 'dra ba'i/ / dpal gyi snying po byed de dri mas rtsub pa'i dril bur bcas pa'i lcags kyis ma yin no/ /de ltar yon tan dang yon tan ma yin pa'i bye brag shes pa'i rgyal po chen pos dam pa'i lam la brten nas gnas par bya zhes zer ro/ /de nas rgyal po de chos kyi gtam gyi bdud rtsi myang bas tshim pa'i yid ri dgas rnams la mi 'jigs pa sbyin pa gus pa dang bcas pas 'di ltar byang chub sems dpa' la bsngags par gyur to//skye ba yod na 'jig rten 'di ni 'chi dang na ba'i ngal ba rnams kyis gnod pa ste/ /srid pa'i rgyun gyis nges par bcings pa'i 'gro ba la ni slar yang de nyid sems kyi nad/ /de ltar srid pa gzhan gyi rab tu 'jigs pa chad pa'i 'khor ba mya ngan 'das pa'i mthar//khyed cag yang dag 'brel pa'i rgyu zhes rtog pa skyon dang bcas pa 'di yang bdag cag la'o/ /de nas byang chub sems dpa' de seng ge'i khri las babs nas rgyal po la dris par gyur to/ /mi yi mchog lags bdag ni med par yid mi bde bas ni//kun nas khyab pa'i ri dgas tshogs ni 'byung bar 'gyur ba ste/ /yun ring por ni tsher ma med par sa ni rjes su skyong / /de nas gan du gom pa rings par bdag ni 'gro bar bgyi/ /de nas tshogs kyi bdag po de sa skyong bas rjes su gnang bas nags de nyid du kun nas 'ongs par gyur to//de nas tshogs kyi bdag po ring po nas mthong ste/ /ri dgas tshogs de dga' bas phrad 'dod mig ldan pa/ /so rtses rtswa sar dang ni ku sha 'dzin byed pa/ /gral ni zhig ste myur du mdun nas bsus par gyur/ /gang zhig rnam par btsum byas mig dang 'dra ba yod 'gyur ba//ri dgas mos ni tshogs bdag nags mtha' nas song ba/ /brtan pa der ni kun nas 'ongs pa de nyid ni/ /slar yang mig ni phye ba 'dra bar song ba'o/ /de nas ri dgas gtso bo la ni ri dgas mo 'ongs nas/ /dga' ba bskyed cing yangs pa'i mig can 'di skad ces ni smras//bdag gi yid ni bde bar byed cing phrug gu 'di nags su/ /ri dgas mgon po khyod kyi drin gyis kun nas rol bar byed/ /byang chub sems dpas kyang ri dgas kyi khyu gnyis po de la dbugs dbyung bar byas nas mchog tu dga' ba nye bar song bar gyur to//de ltar na gzhan dag la phan pa la rtse gcig pa'i bcom ldan 'das de dud 'gror gyur pa na yang yod par gyur to zhes bya ba rnam par bsams nas de la dang ba nye bar bskyed pa la khyed cag gis kyang gnas par gyis shig ces bya'o/ /ri dgas kyi skyes pa'i rabs te skyes pa'i rabs dang po'o// //tshul khrims yongs su skyong bar byed pa ni/ /rma byar gyur pas sems can rnams bskyangs te/ /srog las 'jigs las gang zhig sngon de la/ /mi ni gang zhig dad pa skyed mi byed/ /'di ltar rjes su thos te/ dri zhim pa'i pad+ma'i nags kyis khebs pa'i dri ma med pa'i chu chen pos grub pa thob pa'i skye bo'i yid rab tu bde bar byas pa/ri bong can gyi dkyil 'khor ma lus pa gzugs brnyan shar ba dang 'dra bar mtsho chen pos phyogs gcig mngon par brgyan par byas pa/ lam gsum nas 'gro ba can gang gA'i chu kun nas 'bab pas gro ga dang de ba da ru dang na me ru'i tshogs 'khrugs par byas pa dang chu bo de me rab tu 'dzag par byas pa dang /kha ba nye bar 'phel bas shin tu rags pa'i rtse mo stong nyid kyis/ dngul gyi ka ba dang 'dra bar steng [(]gyi [,]gi [)]phyogs kun nas khyab pa dang gnya' ral can las kun nas skrag pa'i g.yag gi tshogs rab tu zhugs pa spro bzhin pa'i rnga ma'i tshogs kyis g.yob bzhin pa'i ri sul dbu ma dang /ril 'bab pa'i chus brag rnams kyi mthil bkrus bzhin pa dang / me tog skyes pa'i lcug ma rnams kyis mthar 'khor bzhin pa dang / skad 'don pa'i bung ba'i tshogs kyis kun nas glu blangs pa dang /dbang bskur ba dang bcas pa ltar rnam par mdzes par gyur pa'i sa 'dzin rnams kyi mchog la kha ba can gyi ri la/ in+d+ra nI la dag pa ltar dri ma med pa dang dbugs dbyung ba'i rnam pa can gyi mgo bo 'dzin pa dang / chags pa ltar dkar ba'i mig gi phyogs dang ldan pa/ni ma'i shing gi me tog gsal ba ltar dmar ba'i mchu can/ rgya che ba dang sna tshogs pa'i sgo'i tshogs dang ldan pa/ ut+pa la sngon po'i 'dab mas khyab pa'i gzhon nu ma'i shir sha'i me tog gi tshogs dang rjes su mthun pa'i che ba'i mjug sgo'i tshogs gser snang zhes bya ba'i byang chub sems dpa' rma bya'i bdag po byung bar gyur te/rma bya'i mchog ni skyes byas nas/ /de ni rnam pa sna tshogs su/ /ngo mtshar ba ltar mthong byed cing / /las kyi bzo ba rnams byung gyur/ /sprin rtsom dus la gar gyi rjes chags skyes pa ni/ /rma bya lhag pa'i rgyal po de ni mthong byed pa/ / gsal ba chung ba ngo tsha ldan pa ltar dman pa'i/ /glog dang 'brel ba can rnams kyi ni sgeg pa byung / /ri yi chu ni rdza rnga bzhin du sgra ldan pa/ /bung ba'i pi wang rnams ni 'jam pa'i skad ldan pa/ /lcug ma'i nags kyi khyim du yid 'phrog pa/ /rma bya sgeg po de ni sna tshogs gar byed gyur/ / kun nas 'phro ba'i mdongs kyi rin chen tshogs ldan pa/ gang tshe 'gram gyi mtha' la 'dzegs nas des gar byas/ /rlung gis kun nas 'dar ba'i nags can kha ba'i ri/ /de tshe cod pan ldan pa ltar ni rnam snang gyur/ /yid 'ong sgra sgrogs rnam par rgyas byed 'dod pa'i bud med kyis/ /sa yi ri mo la ni khyad par 'dra bar bris pa la//rma bya der ni gnas pa grub pa'i bud med rnams kyis ni/ /lta ba shin tu ngo mtshar dbang gis tshim par ma gyur te/ /kun nas dge ba'i sprin gyi tshogs kyis 'khrigs pa'i phyogs sgo'i mtha'/ /dri ma med pa'i chu ni gdong ba'i ston ka'i dus byung la/ /gang la sgro tshogs ldan des mdongs kyi rin chen tshogs dor ba//sa de in+d+ra nI la'i dum bu ltar ni mdzes par gyur/ /yid 'ong rim gyis rnam par dpyod pa'i rma bya'i sgro mdongs ni/ /tshogs dang rjes su song ba'i 'gro ba'i dge ba phyogs gcig pa/ /de yod pa la 'dzin mchog rma bya'i rgyal po ni/ /dbang po'i gzhu rnams kyis ni 'dres pa lta bur sa mdzes gyur//de nas dus gcig gi tshe rlung gi stobs kyis rnam par 'byed par gyur pa'i me tog rnams kyi dris dri zhim par byas pa'i phyogs kyi sgo rnams yod pa dang / 'khor bzhin pa'i bung ba'i tshogs kyis 'dres pa dang / /glang po che'i phru gu'i so ltar kun nas skya ba dang /rol pa dang bcas pa'i snying po can gyi ke ta yod pa dang / rtseg mar skyes dang phyogs skyes dang / ni pa dang / ka tam pa'i me tog gis ri sul dbu ma dri zhim par byas pa dang / dbang po'i sbas pas mngon par brgyan par byas pa'i ma ra ka dang / rtswa sar pa sngon pos nags kyis rnams ljang gu yod pa dang / mig dga' bar gyur pa'i sa 'dzin pa yod pa dang / spros pa byed pa'i glog gi 'khyug pas lto ba mtshan par byas pa dang / dbang po'i gzhu bstan pa dang / chu'i rgyun gyi mda' ltung bas rab tu snang bar byas pa'i so ga'i dus kyi sgra rnams yod pa dang /nam mkha' g.yogs par byas pa'i chu 'dzin yod pa dang / grang zhing bsil ba'i reg pas nyin mo byed pa'i gdung ba bsal ba dang / tsan dan gyi shing las gdengs can gyis kun nas dor ba dang / dang po'i chu'i rgyun gyis shin tu yid du 'ong ba'i chu rlabs kyi lag pas 'phrog par byas pas spu phreng gi thod pa dang ldan pa dang /rnyog pa'i chu gos kyis rgya che ba'i chu bo'i 'gram gyi bud med kyi mtshan ma g.yogs par gyur pa dang / myos pa dang 'dra bar shes byed dam nye bar song ba'i chu bo'i bud med rnams yod pa la/ mchil ma dang bcas pa'i bdag po'i skye bo mthong bar 'dod pas lta bar gyur pa dang /sprin gyi sgras rab tu dga' ba dang 'jam pa'i skad rnam par 'don pa'i khyim gyi rma bya yod pa dang / chu 'dzin sar pa'i thigs pa lhung bas car car gyi sgra skyes pa'i ta la dang / ti li dang na li ge la'i nags rnams la rma bya'i rgyal po tho rangs kyi dus su srab pa'i chu'i thigs pa rnams kyis sgro'i gshog pa rgyas par byas pa dang /rna ba dang snying 'phrog par byed pa'i skad rnam par 'don pa dang / nam mkha' mdzes pa'i don dang 'dra bar 'phur te/ bA rA Na sI dang nye bar rab tu song bar gyur to/ /grong khyer de la yang rgyal po tshangs pas byin dang lhan cig tu nyal ba las rab tu sad pa'i phan tshun du kun nas chags pas rgyan rnams 'phrog par byas pa/cung zad dkar ba dang dmar ba'i mig gi ut+pa la dang ldan pa dang / dpe med ma zhes bya ba'i btsun mos rgyal po de la dris pa/ skar ma'i bdag po gdong che ba/ /skad 'di su yis zhes smros shig /gang de thos par gyur pa yis//bdag ni yid ni bde bar byas/ /rgyal pos gsungs pa/ btsun mo gser gyi snang ba zhes bya ba'i mi'i skad can rgyal po kha ba can gyi ri la gnas bcas pa/ /nam mkha' la kun nas spyod bzhin pa ma ra ka ta dang / in+d+ra nI la dang / bai DUr+ya'i phung po ltar 'od gsal ba de'i rang bzhin gyi yid 'phrog pa'i dbyangs ni 'di yin te/yang ngo mtshar ba dang bcas pa'i btsun mos gsol pa/ rma bya'i bdag po 'di slar lha'i rna ba'i lam du gang nas 'ongs zhes zer ro/ /rgyal pos smras pa/ skyes pa'am dud 'gro rnams kyi yang / /yon tan rnam nyid gsal byed de/ /mun pa'i tshogs ni bsal byed pa//nor bu dag gi 'od rnams bzhin/ /rma bya'i rnam pa gzung na ni/ /su zhig dgos pa gang gis kyang / /mig gi dga' ston gyur pa 'di/ /gau ri bla ma'i nags la gnas/ /rma bya'i tshogs kyi bdag po des/ /tshang tshing brgyan par byas pa ni/ /kha ba can gyi ri dgas nyid//mgon po dang ldan 'dra ba'i sems/ /'brug gis rab tu ster ba ni/ /chu 'dzin legs par smra ba bzhin/ /spro ba'i mig gi glog gis ni/ /gar gyi byas pa de ltar te/ /sprin dus gar gyi bstan bcos la sogs pa/ /rma bya zlos gar mkhan gyis bos pa ni/ /glog ni bdag nyid glo bur sgeg dang bcas//gar mkhan mo ltar bstan par yang ni byed/ /de nas dpe med ma zhes bya ba rma bya'i bdag po de'i rna ba 'phrog par byed pa'i dbyangs des snying 'gugs pa dal gyis rgod pa dang /dang / smin ma bskyod pa dang bzlog nas lta ba'i rol pas kun nas che ba'i sgeg pa rnams kyis rgyal po de dbang du byas nas/rgyal po de la gsol ba/ lha lags rma bya'i bdag po de gzung ba'i phyir 'bad par mdzod cig /bdag cag gi btsun mo'i 'khor gyi nang du rtsed 'jo byed par 'byung bar 'gyur zhes bya ba'o/ /btsun mo'i 'khor gyi dbus su song ba'o/ /gsal ba'i mdongs sgro 'dzin pa'i rma bya yis//sna tshogs nor bu rna ba'i rgyan lta bu/ /des na kho bo cag gi khyim gyi sar gyur cig/ rgyal pos gsungs pa/ btsun mo 'di ni gzung bar nus pa ma yin no/ /btsun mos gsol pa/ dri zhim smyon chu'i thigs pas sprul par byed pa yi/ /mche ba gnyis pa stobs can rnams kyang dbang du byed//brtson dang blo dang thabs ni drang ba'i skyes rnams kyis/ /stobs chung gyur pa'i 'dab chags rnams la smos ci dgos/ /nya ni mig gi lam nas song bar gyur nas kyang / /chu yi dbus gnas mchil pas 'don par byed pa ste/ /thabs ldan rnams la bsgrub bya min pa ci zhig yod//sos bdal mi la bya ba rnams ni 'bras ldan 'gyur/ /khyad par du ni mkhas pa'i blo ni khyed la yod/ /mkhas pa mang po'i bshes rnams kyang ni yod pa ste/ /gal te bdag gi 'dod pa 'bras bcas mi byed na/ /khyed dang lhan cig gnyen bshes rgyab phyogs bdag nges par/phrug pa tshang la gnas pa kun nas skyong bar 'dod pa ni/ /srab pa'i sgro rnams sbyar bas chu bo'i chu ni rab bzung nas/ /nags kyi me ni skad cig tu yang phug ron mos bsad pa/ /gang phyir mnyes gshin skye bo rang la gnod pa sems mi byed/ /de nas rgyal po des btsun mo khro ba ma byed cig /bya ba ma yin pa yang khyod kyi don du bya yis de bas na de gzung ba'i phyir bdag gis 'bad pa bya'o zhes zer ro/ /sgeg mo rnams kyi 'dod pa rjes su dgug pa ni/ /sgeg pa'i zhags pas kun nas 'ching ba'i yid dang ldan/ /dge dang mi dge 'tsho ba la ni sems gnyid log /skye bo don bcas yang ni don med nyid du 'gyur//gang zhig mi min gzi brjid yan lag thob nas ni/ /til mchog ma zhes lha yi bud med grags pa ni/ /des ni bdag gi mdzes pas 'jig rten gsum mgon yang / /spyan gsum pa yi zhal ni bzhi dang ldan par byas/ /dka' thub nags la g+ha d+he'i bu ni dka' thub ste//blo chen me na kas ni dbang po rnam 'phrog pa/ /brnyas pas pad+ma'i rtsa ba'i gzhu can bkug nas ni/ /yid la byung ba rgod cing mdas ni 'bigs par gyur/ /gang phyir don gnyer chung ba'i rgyu ni 'phel ba ste/ /gang phyir mgo bor rdul gyi tshogs rnams lhung ba ni/ / gang gi yid la tshig rtsub mda' rnams reg pa ste/ /de ni lus can rnams la bud med rnams kyis byed/ /rab tu 'bad pa'i go cha kun nas bcings te mdun du srid pa'i dmag ni rnam bkod nas/ /myur ba nyid du shin tu ngo tsha med pa'i kun nas brdungs byas te/ /don gnyer nyid kyi g.yul ngo'i dbus su yongs nas bud med rnams kyi gzhan dbang nyid du byas//skyes bu rnams ni dman pa las kyang smin ma g.yo ba'i mda' rma bzod pa nyid du 'gyur/ /de nas rgyal po des bya shor ba rnams la bos nas smras pa/ kha ba can gyi ri la gser du snang ba zhes bya ba'i rgyal po yod de/ myur du khyed cag gis de blang bar gyis shig /gal te mi len na de nas khyed cag thams cad chad pa rnon pos 'chi bdag gi drung du btang bar bgyi'o zhes zer ro/ /de rnams kyang 'chi ba la 'jigs pas de ltar bgyi zhes khas blangs nas shin tu mkhas pa'i bya ba su zhig la don du gnyer bar byas te gtong zhing 'dug go//bya 'dzin pa de yang rim gyis kha ba can gyi ril song ste/ rma bya'i bdag po de'i spyod yul gyis rnam par shes nas zhags pa rnams rnam par bsam par byas te phyogs gcig tu rnam par gnas so/ /kha ba can ri mthon po'i sa mnyam nye bar yang / /bya shor des ni gang dang gang gis bkod pa ni//rma bya des ni shin tu mthong ba tsam gyis yang / /zhags pa'i dra ba de de ring po nas ni bcad/ /de nas kha ba can gyi ril ring du gnas pa yang lha'i mig dang ldan pa/ thub pa rnams kyis byang chub sems dpa'i mthu de mthong nas ngo mtshar ba'i yid dang ldan pas 'di ltar smras par gyur to//dpal ldan bsod nams lam can 'di yi lta bas ni/ /zhags pa bstan pas bcings pa bcas pa ji ltar 'di/ /dam pa 'di la byang chub thob pa de bzhin du/ /shes rab mtshon gyis nyon mongs zhags pa gcod par 'gyur/ /de nas bya shor ba de zhags pa bcad pas yid mi bde bar nye bar 'ongs te/thal mo sbyar nas bya'i bdag po de la rgyal po'i bka' drag pos brjod pa phyir smras so/ /srog ni gcod pas 'jigs rnams la/ /skyabs don gnyer ba la ni skyabs/ /mig mthar dkar po bdag po ni/ /khyod ni bdag gi skyabs gyur cig /khyod kyis zhags pa mthong bas bcad//dung ni bcad bzhin mthar dkar ba/ /de 'dra'i mthu ldan khyod 'byung zhing / /ji ltar kho bo cag mi skyong / /de ni phongs dang nus pa ni/ /gnyer bzhin rgud pa'i dus na mthong / /snying rje'i bdag nyid de yi yid/ /sdug bsngal bas ni kun nas khyab//ji ltar mi skyob sems can rnams/ /brtan pa 'di ni sdug bsngal las/ /tshul khrims pha rol phyin de las/ /the tshom med pa ltar ni gnas/ /byang chub thob 'dod gal te bdag ni dor bar mi byed na/ /rma bya'i mchog lags 'di dag mi dbang chad pa las skyongs shig / tshul khrims pha rol phyin pas dang bskyed rma bya de la ni/ /'di ltar snying rje legs so zhes bya smra bar gyur pa bzhin/ /de nas byang chub sems dpas 'chi ba la 'jigs pa de rnams kyi slad du sdug bsngal dang ldan pa bzhin 'di ltar bsams par gyur to/ /'jam pa'i dbyangs can shin tu yid 'ong spu ldan pa//gal te bdag ni nags 'di las ni 'byung mi 'gyur/ /snying rje med pa'i rang bzhin mi yi dbang phyug las/ /'jigs pas 'ong bar mi 'gyur de ltar bya shor rnams/ /de ltar bdag gi don du 'dir ni dga' ba'i yid/ /skye bo ji srid sdug bsngal nye bar mi 'gyur te/ / kun nas bskul ba sa yi skyong bas shi ba las/ /de srid 'di ni yongs su skyong bar byed pa yin/ /rgyu mtshan med pa'am ni rgyu mtshan yod pa yang / /tshogs nas pha rol gang gi phyir zhes 'jig 'gyur ba/ /du ma'i tshig rtsub mdas ni bdag nyid zad pa can/ /skye bo de yi skye bo 'di 'dras ci zhig bya//de ltar byang chub sems dpas bsams nas de la bdag nyid 'ongs pa rgyal po des rtogs par bya ba'i don du khyod mdun du song zhig ces smras so/ /de nas bya 'dzin de rab tu dga' ba'i yid kyis myur du 'ongs nas smras pa/ /da lta nyid du kho bo cag la brtse ba nyid kyis rma bya'i bdag po de 'ong ngo zhes zer ro//de nas rgyal po de btsun mo dang grong khyer ba'i skye bo dang lhan cig tu ngo mtshar ba'i dbang gis de 'ongs pa la sdod cing yang dang yang du bar snang la lta zhing 'dug go/ /rma bya'i rgyal po de yang rma bya'i tshogs rjes su 'gro ba la dbugs phyung ste/ log tu bcug nas nam mkha'i dkyil du song ste/glo bur du nye bar 'ongs nas rang bzhin gyis 'jam pa'i skad kyis bA rA Na sI'i skye bo ma lung pa dga' bar byed cing 'dug go/ /de nas de'i skad de thos nas nges pa'i rma bya'i bdag po de'o zhes bya ba rnam par bsams nas/ rab tu dga' ba'i yid can rkang gdub kyi skad kyis phug ron gyi phreng ba dang nges par 'brel ba'i phug ron pho mo gnyis skrag par byed cing myur du 'gro bas/rna ba'i me tog gi phreng ba rnam par bskyod par byas pa kha cig khyad par mtshan ma'i dpral ba'i dbus su ma nges par bya ba'i sin d+hu ra ltar lhag par dmar ba'i sor mo rnams dang ldan pas/ myur du 'gro ba la gegs byed ba'i lci ba'i bud med kyi mtshan ma'i khung bu dang ldan pas 'gro zhing /phrag dog dang ldan pa cung zad song nas gzhan ma rnams kyang gong ma'i skye bo rnams bris pa mthong bas ngo tsha dang ldan pas/ slar myur du 'gro ba la 'gegs par byed cing rab tu dga' bas phye ba'i mig gi ut+pa la'i 'dab ma'i mtha' mas reg pa'i rna ba'i mtha' dang ldan pa/slar gzhan la kha cig phyed bris pa'i ri mo can gyi byang bu bor nas skya ris kyi mtha' ma srog zad pa dang 'dra ba rnams za ma tog rnams kyi nang du nang par bzhag nas chu gter dkar po dang kha ba dang kun da dang pad+ma'i rtsa ba dang shel dang dngul ltar dkar ba khang bzangs kyi rgyab rnams la mdzes par gyur to//bud med gzhan rnams bA tA ya na rnams la mngon par 'gro bar gyur to/ /de nas khang bzangs sgo yi bug pa la 'jug pa'i/ /rma bya mthong bas ngo mtshar skyed par byed pa ni/ /bud med rnams kyi mig ni che ba'i gdong rnams gyis//grong khyer shin tu zla mang ltar ni mdzes par gyur/ /ngo mtshar bas ni rlung gis bskyod par byas pa'i gtsug pud can/ /shugs dang ldan pa'i ri dgas phrug ltar yid ni 'phrog pa'i mig /mchog gi yid kyis ma mo rnams kyi skye bos mthong ba ni/ /mtho ba'i gdong can byis pa rnams ni khyim rnams las ni byung //yid 'phrog pho long brdabs pa blangs pa'i brtse ba spangs byas nas/ /rdul gyi thigs pa 'dzag pas yid du 'ong ba dpral ba'i phyogs/ /cung zad nu ma byung bas steng g.yogs gos ni mtho ba can/ /rab srab dpung ba'i ljon shing gzhon nu ma rnams byung bar gyur//rma bya 'di dang 'di zhes bya bar rab tu mthong ba ni/ /gsal ba'i sen mo'i nor bu 'od ldan pad+ma'i 'dab ma ltar dmar ba/ /dgod pas yid du 'ong ba'i bzhin can rgyal po'i btsun mo rnams kyi ni/ /sor mo rnams kyis grong khyer de ni ze'u 'bru dang ldan ltar yod gyur//skad cig gis kyang lha dang lha ma yin gyi g.yul ngo las spu gris dbyig pa rab tu gcod pa ke tu ltar sna tshogs pa'i nor bu ltar sna tshogs pa'i rma bya'i rgyal po de'i khab kyi nang brgyan pa byed cing 'dug par gyur to/ /de nas che ba'i mjug ma'i sgro can byu ru'i rnam pa'i mchu ldan pa//rma bya la ni cig car skye bo rnams kyi lta ba de la 'bab/ /phyogs rnams kun nas gtong phod che ba la ni myur du nor ster ba/ /mngon par 'dod pa'i 'bras bu don gnyer rnams la sbyin pa'i bdag po ltar/ /rgyal po dang ni rgyal po'i btsun mo rma bya'i rgyal po de/ / mthong nas 'dod pa yang dag thob ste dga' ba nyid du gyur/ /'jig rten pas ni rnyed par dka' ba'i dngos po cung zad ni/ /thob nas skye bo'i sems ni rab tu dga' ba'i shugs kyis 'dzin/ /de nas rab tu dga' ba'i yid can rgyal po des rma bya'i rgyal po de la rgyal po la 'os pa'i khri la bzhugs su bcug nas phyi nas gdan la lhag par gnas par gyur to//de nas byang chub sems dpas 'jam pa dang zab pa'i dbyangs kyis rgyal po de la 'di skad ces smras so/ /blo yi stobs kyis stobs ldan dbang po rnams las rgyal byas te/ /don gnyer rnams kyis don ni 'bras bu dang sbyar skad cig tu//sdug bsngal rnams ni spangs te rgya mtsho'i gos can sa gzhi 'di/ /sa skyong tshul gyis yun ring por ni kun nas bskyang bar gyis/ /chos kyi rang bzhin chos kyi zam pa rnams/ /ci zhig khyod kyis 'phel yin nam/ /mtha' med sdug bsngal rgya mtsho la/ /gang la dmigs nas rgal bar 'gyur//skyon rnams lta ba drag po dang / /sbrul rnams bzung ba nyes pa ltar/ /skyon che mthong ba ci zhig ni/ /yul rnams kyis ni gnod dam ci/ /rnam par dul ba'i 'khor rnams dang / /bza' mi rnams dang bu rnams kyis/ /grags pa'i gter gyi lus 'di la//rgyal po khyed rnams bde 'am ci/ /rgyal pos smras pa/ ji srid gzhan don la mkhas pa/ /khyed dang 'dra dang 'grogs pa med/ /rma bya'i bdag po lus can la/ /de srid mi bde ba ni 'byung / /rdza rnga dag ni sprin gyi skad can kun spyod cing / /gar mkhan mo dang glog gis brgyan par byas pa'i bar//khyed kyis rma bya'i rgyal po bdag gi pho brang ni/ /thob nas kyang ni tshul 'dzin dus dang 'dra bar byed/ /mdzes pa'i bzhin gyi thig le nam mkha' ri bong mtshan ma can/ /dang ba'i 'od dang ldan pa rgyan gyi nor bu dag pa ste/ /yun ring mngon par 'dod pa 'di las skye ba rma bya'i mgon//bdag gi pho brang chen po la ni khyod kyis brgyan par byed/ /de ltar mngon par brten nas rgyal po de mar me'i 'od kyis snang bar byas pa'i pho brang gi bar dang / shar phyogs kyi bud med kyi ri bong can gyi me long 'dzin pa dang / khyad par du lta bzhin pa'i skar ma dang ku mu ta'i tshogs kyi nam mkha' dang mtsho brgyan par byas pa'i mtshan mo'i dus kyi sgo thob pa la/dri zhim pa'i me tog rnams dang 'dab ma rnams kyis bkram pa'i rma bya'i bdag po la 'jam pa'i lam kun nas bstan par gyur to/ /nyi ma re re yang yongs su smin pa dang dri zhim pa dang 'jam pa'i 'bras bu rnams sbyin par gyur to//de nas dus gcig gi tshe na dus song ba na rgyal po des bya ba cung zad la brten nas byang chub sems dpa' btsun mo dpe med ma'i lag par bzhag nas shin tu che ba ma yin pa'i dmag tshogs kyis rjes su 'gro bzhin pa rta rnams kyi rmig pa sbyar bas lam gyi rdul 'byung bas me tog gi snye ma dang ze'u 'bru kun nas dri ma can du byas pa'i nags kyi nang byed cing /dri ma med pa'i chu 'bab pa'i 'gram du lcang ma'i grib ma nges par 'brel pa dang / g.yo ba med pa'i chu skyar dang dur pa lta bzhin pa dang / nya'i tshogs rgyug pas 'gram gyi chu khyab par byas pa dang / shin tu myur ba'i shing rta dang rkang pa'i sgra kun nas grag pa'i khrung khrung pho mos kun nas dor bzhin pa'i dkar po'i 'gram dang ldan pa/rgya mtsho'i bud med rnams de dang de mthong zhing skrag pa'i ngang pa 'phur bas g.yo ba'i mig mang po dang bcas par gyur pa lta bu/ phyogs rnams kyi bar mthong zhing rab tu 'gro ba'i ba glang gi tshogs kyi so rnams kyis rtswa sar pa'i myu gu gcod bzhin pa/bu ram shing gi nags kyis 'gags pa'i grong rnams kyis zam pa du ma 'da' bar byas nas cung zad yul gzhan du song bar gyur to/ /de nas sa dbang btsun mo ma he mo yi rwa bzhin du//dpral bar du bas khyab pa'i gdong de skya ba'i yan lag can/ /rlung gi stegs bur song ba mig rdzi'i ri mo yangs pa can/ /mig gi 'gro ba'i skyon can bzhad gad pa la ri nas gtad/ /de nas mig bzang mig la mngon par dga' ba de mthong nas/ /bzhad gad can gyi gtso bo 'di ni rtsig drung myur du song //logs rnams bltas te yang dang yang du the tshom can de ni/ /rna ba'i ut+pal dri zhim de yi lus la dor bar gyur/ /ut+pal de ni kha phye ba yi 'dab ma bzung byas nas/ /bsnams te mgo bor yang ni bzhag nas de ni rol bzhin pa/ /nyi ma nub pa song ba la ni gzhan dbang ji ltar yang //rim gyis de la mig gi rjes su song bas 'gro bar gyur/ /de nas de ni sgeg can smad 'tshong khyim du song nas ni/ /shin tu rnam par rgyas pa'i snying ldan mal du 'dug byas nas/ /mya ngan shugs kyis yid 'byung mda' ni phog pa mtshon byas pa/ /brtan pa dor ba de ni shin tu de ni phrad 'dod gdung bar gyur//khrel dgod sngon 'gro smad 'tshong mas ni bzhad gad can la smras/ /da ltar 'phags pa'i bu ni stong pa 'dra bar bdag gis mthong / /de nas skyon can bsam pa sbas pa des ni smras pa ste/ /cho los bdag ni pham zhes des na bdag sdug bsngal bar gyur//de nas bzhad gad can de lo brgya dang mnyam pa'i mtshan mo sems par byed cing yid de la song bas kun nas bslang ste/ grogs po su zhig la gtam de dben pa'i sar smra zhing 'dug go/ /khar sang bdag gis gang zhig nyams su myong ba de grogs po nyon cig ces zer ro/ /gang zhig 'di rgyal po'i btsun mo ni gtso bo mig btsums pa tsam gyis mi mo zhes bya ba 'jig rten pa la grags pa rol pa dang bcas par blta bar gyur ba las bzung ste/rlung gi stegs bu kun nas dmigs nas sgeg pa dang bcas par/ /dgod pa'i 'phro ba'i so ni rin chen 'od kyis snang ba ni/ / ut+pal ming can ming gi dpe med ma des ut+pa la de'i/ /gzugs dang ming mtshungs pas ni bdag gi steng du rnam par gnas/ /de ni rlung gi stegs bu'i sgo dang 'brel ba'i zla ba'i gdong / /so yi rin chen 'od kyis zla ba'i 'od ni 'phrog byed pa/ /smin ma'i gzhus ni sgeg pa dang bcas mthong bar 'gyur ba ni//mig gi mda' ni bdag la rnam btang srab pa'i yan lag can/ /de bas na re zhig phrad pa'i thabs bsam par gyis shig ces zer ro/ /de nas grogs po de rnam par dgod cing smras pa/ gal te 'di ni bya rog dang ta la phrad pa bzhin du 'gyur te khyod kyang mi'i bdag po'i pho brang gi rtsig pa dang nye bar rjes su thob pa dang //de la yang rnam pa gang gis ci yang lta bar gyur pa la rang nyid kyis khyed kyi steng du rna ba la yod pa'i ut+pa la ltung bar gyur pa de bas na khyod smad 'tshong ma dang bzhad gad can gyi skye bo'i dbus su 'ongs nas bdag nyid dgod par bya ba'i dngos po ma byed cig /de bas na dam pa ma yin pa'i rnam par rtog pa 'di kun nas btang bar gyis shig /gal te yang 'dod bzhin pa'i rgyal po'i btsun mos khyod kyi steng du rna ba la yod pa'i ut+pa la ltung bar gyur pa de lta na yang phrad par 'dod pa'i gdung ba 'di ni mi rigs pa kho na ste/gang gi phyir rnyed par dka' ba'i 'dod pa can mo'i skye bo dang phrad pa'i thabs kyi bsam pa skye bo la mi dga' ba chen po skyed par byed pa dang / gnyid 'phrog par byed pa dang / yan lag rnams kyang stobs chung bar byed de kha zas la 'dod pa med par byed pa dang / phan par smra ba'i grogs po rnams kyi yang gdams ngag la mngon par dga' bar mi byed pa dang / rab tu 'phel ba'i chu sar pa'i tshogs dang ldan pa'i chu bo'i 'gram gyi ljon shing bzhin du chos la gnas pa rtsa ba nags nas 'don par byed pa dang / dga' ba rnams la yang sdang bar byed pa dang //skyes bu dam pa rnams kyi yon tan gyi gtam la phrag dog byed pa rnam pa thams cad du so sor rtog pa'i stobs kyis/ 'di med par byed nus pa yin no zhes zer ro/ /bzhad gad can gyis smras pa/ lung du ma 'da' bar byed pa skye bo dang reg pas blo rno ba bdag lta bu skyon can gyi skye bo rnams ni 'dod pa dang bcas pa'am/'dod pa med pa'i bud med ji ltar shes par mi 'gyur ro/ /grogs po nyon cig /gang gi phyir rna ba 'phrug pa dang / nu ma gsal bar byed pa dang / ngo tsha bas byin phyogs su lta ba dang / dgod pa la sogs pa'i dngos po rnams ni bud med rnams kyi 'dod pa dang bcas pa'i sems su gsal bar byed de de bas na 'dir the tshom gyis ci zhig bya zhes zer ro//grogs pos smras pa/ gal te de lta yin na des nam mkha' la 'gro ba rnams kyi bdag po ltar ra ba las kyang 'das par byas nas khyod mi'i bdag po'i pho brang du mtshan mo khyod zhugs pa na khyod kyis dus byas pa'i de na yod pa'i rgyal po'i btsun mo so sor rtogs bzhin pa ci zhig yin nam/gnyid kyis khyab pa'i mig gi ut+pal rnam spangs pa/ /yan lag 'dar zhing mo mtshan las ni gos lhung ba/ /'jigs dang bcas pas 'di ni su yin zhes smra ba//stag la 'jigs pas ri drags mo ltar de 'byung 'gyur/ /de nas 'khor gyi skye bo'i ku cos sgo ba gnyid rab tu sad pa'i rgyal po'i 'khor la ma 'ongs pa nus pa ma yin pa'i las 'di bdag gis mthong zhes bya ba de ltar de dag dben par rnam par dpyod par byed pa dag la/dal gyis 'gro bas bskyod pa'i sgra grag pa'i rkang gdub kyis yid 'phrog pa'i rkang pa'i pad+ma gnyis rnam par bkod pas sa'i rgyab mchod par byed pa dang 'dra ba dang / lag brdas 'gro ba nyid ston par byed pa dang / bskyod pa'i ri dgas kyi 'go mig dang 'dra ba'i sgeg pa dang bcas pa'i lta bas mdzes pa nyis 'gyur gyis rna ba'i grogs po mig gis ngo tsha bar byas pa dang 'dra bar cung zad thur du sgu ba'i rna pa yod pa'i ut+pa la nges par byed pa dang /rags pa'i mu tig gi tshun po'i nor bu'i 'od kyis lci ba'i 'o ma 'dzin pa gsal bar byas pas/ mtshan mo'i gzugs dang ldan pa bzhin du chu 'dzin dang bral bas mtshan mo byed pa gsal ba dang /cung zad nyi ma'i 'od zer gyis skyes pa'i rdul gyi thigs pa'i tshogs kyis khyad par du mdzes pa mnan pa dang / khyad par du mdzes pa'i me tog ba ka la'i phreng bas skra lo yongs su gang bar byas pa dang / lag pa nas bzung ba'i ska rags kyi cha lhod par byas pa dang /rma bya'i mdongs kyi sgro'i dbus ltar sngo ba'i steng gos 'dzin par byed pa dang / rab tu srab cing nag pa'i spu'i phreng bas rgya che ba dang / zab pa'i lte ba dma' ba nyid dang 'dra bar ston par byed par gyur pa'i nye bar mdzes par byas pa'i gnyer ma gsum gyi rlabs kyis bar mi mnyam pa dang /nyi ma phyed kyi dus kyi nyin mo byed pa'i 'od zer rnams kyis 'khyud par byas pa'i pad+mo'i phreng ba dang 'dra ba/ 'gro bas kun nas ngal ba'i dbang gis 'jam pa'i lus kyi srog shing cung zad yongs su rnyings pa dang / ga bur gyis dri zhim pa'i so rtsis mchu dmar ba dang /yongs su smin pa'i la bi la'i 'bras bu ltar kun nas skye ba'i 'gram pa'i dbus su kun nas bris pa'i smug rtsi dang ldan pa dang / dpal gzugs dang ldan ma dang 'dra bar gzugs mtshungs pa med pa/ smra ba mkhas pa bzo bo mkhas pas brdungs pa'i gser sku dang 'dra ba'i ming dpal ldan ma zhes bya ba pho nya mo btsun mo dpe med mas btang ngo //kun nas 'ongs te bzhad gad pa dang gnyis gsong por smras nas 'dug ste/ de dag gi grogs po nyid gzhan dbang du ma song bar shes nas/ dbugs phyung ba nyid du rgyal po'i gtam smra par gyur to/ / me tog mtshon cha dang 'dra pho brang mtha' nas 'gro ba ni/ /gang tshe mi dbang btsun mo dpe med mas ni khyod mthong ba/ /lag mthil gtad pa'i gdong gi pad+ma dag gi mdza' mo de/ /de nas brtsams te srab pa nyid kyang skya ba nyid ni 'dzin/ /shin tu srab pa pad rtsa bcas pa'i 'dam ltar skya/ /da ltar bstan pa bral ba'i yan lag 'dzin byed cing //yid la yid las skyes pa'i mda' rnams ma lus pa/ /yang yang grogs po bdag gi mdza' mo la ni 'phen/ /me tog mal cha yan lag las skyes drod kyis ni/ /nyi ma re rer 'dod pa'i lus can dro bar byed/ /skyed mos tshal yang yid 'ong lta bar 'gyur bzhin yang //khyu dang bral ba'i ri dgas mo ltar rol mi 'gyur/ /de ltar me tog gzhu yi mda' yis yan lag brdungs pa yi/ /yang dang yang du mya ngan dbugs kyis 'gram pa bkang ba dang / /ngo tshas gdong ni thur lta legs pa'i yan lag can/ /re zhig de ring mdza' mo tshig gis kyang ni rol//de nas tshig nges par byas pa'i pho nya mo de la de'i grogs pos rnam par dgod cing smras pa/ gdon mi za ba nyid du lhan cig skyes pa'i snye ma gsal bar byed pa'i dpyid ka'i dus su khu byug mo dang lhan cig tu sbyar ba yin te/ khyed la yid kyi re ba 'grub ces bya'o//bzhad gad mkhan gyis smras pa/ mdza' mo rnam pa thams cad bdag ni don dang bcas pa ste/ sa phyogs gang dang gang la bdag gis dpe med ma blta bar bya zhes bya ba re zhig spyos shig /pho nya mos smras pa/ mtshan mo skye bo gnyid log pa dang cung zad nye ba na phyi rol du ra ba dang nye bar skyes pa gang zhig n+ya gra d+ha de la 'dzegs nas de nyid mi'i bdag po'i pho brang gi rtsig pa dang yang dag par 'brel ba'i btsun mo'i 'khor la 'os pa'i skyed mos tshal gyi steng du rab tu brkyang ba'i yal gas grogs pos 'jug ste de gser du snang ba rma bya'i bdag po la rdzing bu'i 'gram na ri mo'i ra ba la gnas pa'i mu tig gi phreng ba dang chu gter ba'i g.yo bas dpe med ma yun ring por bdag nyid skyo bsang byed byung de grogs pos kun nas mngon par 'gro bar bya zhes zer ro//mdza' mo bdag gi tshig gis 'di ltar dpe med ma la smra bar bya ste/ bdag gi steng du ut+pal dkar min pa//rna ba nas ni blangs te khyod kyis btang / /de nas yid 'ong srog dang 'dra ba ni/ /snying yang 'di ni gtong bar mi byed do/ /de ltar lags zhes btud nas tshig skyel pa de song bal phyogs mang ba'i mun pas btang bar byas pa mthong bar dka' ba'i lam rnams yod pa dang /glang po che gnyid log pa'i dbugs thos bzhin pa/ 'ching ba'i ka ba'i nags yod pa dang / thun dang po pa'i skye bos thun gnyis pa me la rtse la dbang byed pa kun nas slong bar byed pa'i gel pa'i skyes bu yod pa dang / g.yo ba med pa'i bya'i tshogs kyis yal ga la tshad lhag par gnas pa'i shing rnams yod pa la/mtho yor yang mthong zhing mdun du skyes pa zhes dgos pa dang bcas pas dri zhim pa'i kha dog gis byugs pa'i bzhad gad can de dang po'i chu 'dzin pa ltar sngo ba'i ras kyis lus dkris par byas pa/ mchan khung g.yon par ral gri rnon po 'dzin par byas pa grogs po de dang lhan cig tu mtshan mo byed nye bar song ba na kun nas 'ongs te/pho nya mos brtan pa'i thabs kyis slar phrad pa zhes grogs po la bos nas btsun mo 'ongs pa'i skyed mos tshal du zhugs par gyur to/ /de nas 'ongs bzhin pa mthong nas khyad par can gyi rgyan 'dzin pa'i dpe med ma nges par 'di n+ya gro d+ha'i yal ga 'dis 'jug par byed cing /rma bya des gal te mthong na dus gcig gi tshe gtam 'di rgyal po 'ongs pa na smra'o zhes bsam zhing 'dug go/ /de bas na rma bya 'di la dug dang 'dres pa'i kha zas kyis dngos po med pa nyid du khyer bar bya zhes bya ba rnam par bsams nas/dug dang 'dres pa'i kha zas dang / /chu ni rma bya la des ni/ /chags pa dang ni 'jigs pa dang / /gzhan dbang gyur pa byin par gyur/ /bde ba 'dod pas rigs skyes 'jigs pa spangs pa ni/ /bsod nams mi mthun gyur pas rnam par rmongs byas pa/ /ngo tsha bral ba chags pa gzhan dbang skye bo ni//bdag nyid mi shes da lta ci yang byed par 'gyur/ /rma bya'i bdag po des kyang cung zad kha ba'i kha zas dang chu myangs nas nges par dpe med mas skyes pa 'di dang lhan cig tu 'brel pa mngon par 'dod pas dogs pa skyes pa bdag cag la byin no//de bas na 'di 'dir dus thob pa na/ /skyes pa bud med 'di dag chags long blo skyes pa/ /da lta ji srid bud med dang 'brel ma gyur pa/ /chos 'brel gtam ni log lam 'jog par byed bzhin pa/ /de srid 'di dag chags bral khrid phyir 'bad par bgyi/ /zhes rnam par bsams nas/bdag nyid chen po de bzhad gang can de la bos par gyur to/ /bdag nyid chen po 'dir 'dug ste bdag gi gtam gyis bdag nyid yengs par byas nas ji ltar mngon par 'dod pa bsgrub par gyis shig ces bya'o/ /bzhad gad can de yang ngo mtshar ba'i dbang gis nye bar 'ongs te rma bya'i bdag po dang nye bar kun nas 'dug par gyur te//rgyal mo des kyang de mthong nas 'jigs pa dang bcas pas cang mi smra bar 'dug go/ /de nas byang chub sems dpa' 'dug pa de dag gi mdun du 'di ltar 'dod chags dang bral ba dang 'brel ba'i gtam byed par gyur to/ /e ma rgod pa'i zla nyi yongs su 'dris pas yid 'ong gdong gi ri bong can//sgeg dang bcas pas 'gro ba dang ni nu ma gnyis ni mtho zhing skal ba bzang / /'di ltar rmongs pas gzhan dag gis ni gzhon nu ma'i gzugs la rtog byed cing / /so sor rtog pa med pas me tog gzhu ni ma yi nang du zhugs par byed//dben par bdag ni lag pas ske rags lhod par byed pa kun nas 'gegs pa ni/ /dang po nyid du ngo tshas thur du lta ba'i gdong can 'di ltar 'byung 'gyur te/ /'di ltar bud med 'brel ba'i don du rnam rtog mang ba rnams kyis long yid kyi/ /lus ni skyon la lta ba'i yan lag med pa nyi ma re re srab par byed//de ring slar la de ni 'ong ngam bla ma rnams la 'jigs pas de 'ongs ga las te/ /yang na mtshan mor skye bo gnyid kyis log pa la ni bdag nyid skyod cing 'gro ba 'am/ /pho nya mos kyang de ring yun ring bcas te 'on te de yi yid ni zlog 'gyur ram//de ltar rnam par rtog pa'i bzhon pas khyab pa'i blo can 'dod can la ni bde 'di ci/ /kun brtags las ni yan lag me ni 'byung la de las tsha ba skye ba ste/ /gdung ba las ni dran nyams byed pa mi dga' ba ste dran pa med par ngo tsha ga las te/ /ngo tshas 'jigs pas smra ba nyid dang gnod pa nyon mongs mda' yid 'bigs pa'i yid brtan pa//sems kyi sdug bsngal ldan pa skyes dang bud med sems dag nam zhig bde ba can du 'gyur/ /dbang po rnams la dbang du song ba bde ba zhes bya'i bsam pas rnam par rmongs byas pa/ /'dod pa'i sdug bsngal ngo tsha rnam bral skye bo gzhan gyi bud med la ni 'dod par byed//lcags las 'byung ba'i sreg za 'bar ba me stag gis khyab bud med la ni 'khyud byed cing / /dmyal bar mnar ba kun nas 'byung zhing de ni bsran par nus par 'gyur ba ci ltar yin/ /de ltar gzhan gyi bud med la chags pa/ /skyon mang bar shes brtan pa la dmigs nas//sring mo'i 'du shes byas nas de la ni/ /shes rab can gyis kun nas log par bya/ /de ltar na bde ba nyung ba'i phyir me du ma 'bar ba stong phrag rnams kyis 'khyud par gyur pa dang / sgra sgrogs pa'i dbang po mi dge ba'i las byed pa rnams kyis sdug bsngal ba'i 'o dod kyis snying rje ba dang /dgra sta rnon pos mgo gcod bzhin pa gzhan dag rnams kyi khrag gi rgyun gyis 'bar ba'i sa'i stengs sbangs pa dang drag po'i gshin rje'i skyes bu rnams kyis 'phyar ba'i lcags kyi tho bas mngon par brdungs pa'i phye mar byas pa'i skyes bu rnams kyi lus dang / rus pa'i sgras 'jigs su rung ba dang /lcags kyi shal ma li'i sdong bu'i tsher ma rnams kyis kun nas 'bigs bzhin pa'i bzhad gad rnams kyis kyang skad cig tsam mngon par skad 'don pa rnams kyi mtha' ma nye bar bsags pa'i dmyal bar ltung ba'i phyir shes rab med pa rnams 'dod pa yin te/ de'i phyir kye ma 'di ni mi shes pa chen po'o//de nas bzhad gad mkhan 'di rma bya'i bdag po des dmyal ba'i gtam brjod bzhin pa de thos nas yid la skyo ba skyes te/ gzhan gyi chung ma la mngon par 'dod pa rnam par bzlog par byas pas smras pa/ kye ma khyod kyis dmyal ba nye bar brjod pa 'di/ /thos nas shin tu 'jigs par byed pa skad cig de//'od rnams 'byung ba dmyal ba'i me 'di ni/ /kun nas langs pa'i sgra ni bdag gi rnam mthong 'dra/ /deng nas brtsams nas chags pas long / /skye bo'i bsam pa 'phrog byed pa/ /bde 'gro'i sgo ni 'gegs byed pa/ /khyim thab gzhan can la 'dud shog /dge dang mi dge'i las brjod pas/ /gsal bar byas pa'i rnam par nges/ /khyed ni rjes su ston pa po/ /slob dpon lta bur bdag gis mthong / /rgyal po'i btsun mo 'di yang ni/ /bdag po'i brtul zhugs ma nyams pa/ /chags pa'i rab rib spangs pa ni/ /bdag gi sring mo bzhin du lta//de nas dpe med pa de'i sring mo zhes bya ba'i tshig nye bar thos nas mchog tu ngo mtshar bar nye bar song ste/ /byang chub sems dpa'i chos bstan pa de yang shes nas skyo ba'i blo gros kyis 'di smras so/ /skal pa dman pa dmyal bar 'gro bar 'dod pa'i chags pa la dbang du song ba bdag gis rma bya'i gzugs drang srong chen po 'di la dug dang 'dre sa pa'i kha zas dang chu'i sbyin pas da ni ji ltar bgyi zhes zer ro//phyis 'gyod pa dang bcas pa de yang mthong nas byang chub sems dpas brten par byed cing 'dug go/ /byams pa'i sngags kyi mthu yis ni/ /bdag gi lus ni bsrung bya ste//ha la ha la'i dug gis kyang / /rnam par 'gyur bar 'di mi 'gyur/ /bdag ni med par byed pa zhes/ /dgos par btsun mo ma byed cig/ /cung zad 'di 'dra sa skyong la/ /bdag gis kyang ni smra mi 'gyur/ /de nas dpe med ma de'i tshig mnyan nas//mchog tu dga' ba nye bar song bar gyur to/ /bzhad gad mkhan de yang rma bya'i bdag po la gsong por smras nas/ /khyim thab gzhan song ba'i sdug bsngal log pa n+ya gro d+ha de nyid nas rang gi khyim du song bar gyur to/ /de nas tho rangs kyi dus su tshangs pas byin gyis rang gi rgyal srid kyi bya ba rdzogs par byas te 'ongs te rang gi pho brang du zhugs nas sngon nyid du rma bya'i bdag po'i drung du song bar gyur ro//phan tshun du bde ba'i gtam dang sbyin pa mi'i bdag po dang rma bya'i bdag po dag gis dris par gyur to/ /de nas nyi ma gzhan la rma bya'i bdag pos rgyal po la 'di skad ces gsol to//bdag ni med pas sdug bsngal gyis ni phongs pa'i sems/ /chu ni mi 'thung 'bras bur yang ni za min te/ /chu 'dzin dus su yang ni gan dan bral ba yi/ /rma bya'i tshogs ni nges par 'khrug pa nyid du song / /de ltar mi mchog sa 'di ma lus skyong bar gyis/ /dbang po'i dgra yi tshogs las rnam par rgyal byas pa//bdag kyang kha bar ldan pa zla ba ltar dkar ba/ /khyod kyis rjes su gnang na rma bya skyong phyir 'gro/ /de ltar de ni mngon brjod in+d+ra nI la ltar/ /mdzes pa'i mgrin pa rgya che mdzes pa sgro yi tshogs/ /ji ltar yang ni tshogs kyi mgon po 'gro ba'i phyir//grong khyer mchog nas rgyal pos rjes su gnang bar gyur/ /mi yi bdag po'i mgon la mthong 'dod sems kyis ni/ /grong khyer skye bo des ni rnam par blta byas pa/ /rma bya'i mchog ni rma bya rnams la phan 'dod pas/ /chu gter kun nas khyab pa'i nam mkha' brten par 'gyur/ / rgya chen sgro yi khur gyis non pa'i rma bya ni/ /yid 'phrog de nas nam mkha' la ni rnam mthong nas/ /phrad par 'dod pa'i kun nas song ba btsun mo'i 'khor/ /mig gi mchi ma'i thigs pa rnams ni gtong bar 'gyur/ /che ba yid kyi brtan pa 'bigs pa 'dod pa rnam bral ba/ /mchi ma gang zhig byung bas 'di ltar mig ni 'gegs byed pa//de ni gzugs ldan mchog tu dga' ba me yi tsha ba las/ /chags pa dang ldan skye bo'i sdug bsngal zhu bar 'gyur ba yin/ /de nas bskyod pa'i sgro tshogs mgo bor 'dzin pa de mthong nas/ /rma bya'i khyu mchog ring po nas ni mkha' la 'gro bzhin pa/ / rma bya rnams ni 'jam pa'i skad dang tshig 'jam 'don byed pa/ /bskyod pa'i sgro ni sbyar ba grags pa mdun nas bsu bar gyur/ /de nas rma bya der ni phyin par gyur cing sa skyong log las bsu/ /yon tan ldan pa'i grogs po lta bur 'dod pa thams cad thob pa la/ /kha ba'i ri ni dga' ba chen po kun nas gsal bar byas pa ste//rab tu song ba'i kha ba'i rgod pa rtswa sar sbu ni langs pa yis/ /byang chub sems dpas kyang kun nas 'ongs te rma bya'i tshogs de dang yun ring por bral bas kun nas phrad par 'dod pas gshog pa dag gis 'khyud de kun dbugs phyung zhing 'dug go/ /de ltar bdag nyid lam ltos pa'i bcom ldan 'das des byang chub sems dpar gyur pa na sems can rnams srog btang nas kyang yongs su bskyangs so zhes bya ba rnam par bsams nas bde 'gro'i khyim gyi sgo gsal bar byed pa'i mar mer gyur pa'i tshul khrims la khyed rnams kyis gus par bya'o zhes bya ba yang bcom ldan 'das kyi skyes rabs 'dir lung bstan par mdzad pa'o//rgyal mo g.yo ba'i mi mo ni/ /shA ri'i bu ni mi skyong gyur/ /rma bya'i dbang phyug bdag gnas te/ /rma bya rnams ni nyan thos so/ /rma bya'i skyes pa'i rabs te skyes pa'i rabs gnyis pa'o// //rnam par dag pa bdag gi tshul khrims kyis//ji ltar yul rnams don gnyer gzhan dag ni/ /dag pa'i tshul khrims la ni rab tu gnas byas nas/ /mkhas rnams de ltar dga' bar mi 'gyur ram/ /'di ltar rjes su thos te/ blon po chen po thams cad kyis rab tu 'dud pa/ dbang po rnams rnam par rgyal ba/rgyal po tshangs sbyin gyis ri dgas kyi bdag po ltar pha rol rnam par gnon pa ri dgas rnams la mi 'jigs pa sbyin pa dang / ri dgas kyi dbang po rnams kyi ri'i phug gi sgor lhag par gnas pa dang / ri dgas kyi so rnams kyis rtswa ku sha'i myu gu rnam par gcod pa dang / chu bo bA rA Na sI'i chu dang reg pas bsil ba dang 'jam pa'i rlung gis shing rnams kyi ze'u 'bru bzlog par byas pa'i ri dgas kyi nags la/ dka' thub kyis kun nas gdungs pa'i lus kyi srog shing rang nyid kyis ltung ba'i ljon shing dang gel ba rnams kyi 'dab ma dang 'bras bu za ba/ma dang 'dra ba'i byams pas gus pa dang bcas pas yid 'khyud par byas pa/ sems can thams cad la brtse ba dang ldan pa'i byang chub sems dpa' dka' thub pa brgya phrag lnga rnams la slob dpon nyid du byas par gyur to/ /mun pa'i tshogs dang bral bas yongs su rdzogs pa'i 'od ldan pa//slob ma'i gtso bo rnams kyis kun nas khyab pa gza' tshogs ltar/ /kr-iSh+Na sA ra'i pags pas yan lag 'dres byas de mdzes de/ bsil ba'i 'od zer ri bong can gyis dag pa shing gnas ltar/ /dang por sgrib pa lnga las blo yis rnam par rgyal byas nas/ /dri ma med pa'i 'od kyis nyi ma bzhin du mun pa rnams//shin tu dri zhim pad+ma rnams ltar thub pa de zhi phyir/ /thabs la mkhas pa 'bad pas slob ma rnams la rtog par byas/ /des ni mi sdug chen po chags pa la ni gsal byas te/ /zhe sdang mes ni snying tshig pa la byams pa kun nas gsungs/ /gti mug bdag nyid can la rab 'byed kun nas rgyas mdzad de//gtam la mkhas pa des ni de dang de yi gtam gsungs gyur/ /mtho ba'i brtson 'grus rgyal mtshan tshul khrims shing rta la zhon nas/ /shes rab mtha' rnams kyis ni sgrib pa'i dgra yi tshogs bsad nas/ /mya ngan 'das pa'i rgyal srid rtog pa'i yid can brtan pa ste//bdud kyi yid ni 'khrug cing kun nas 'dar bar byas par gyur/ /dka' thub kyi nags de la yang dka' thub pa'i skye bo dang 'brel pas rang bzhin gyis drag pa'i yid can rnams kyang / snying rje'i rang bzhin dang 'dra bar sbrul dang ri dgas phan tshun du gnas gcig tu gnas par gyur to//rma bya sbrul ni rab tu 'gro spangs rjes su rgyug par mi 'gyur te/ /ri dgas rgyal po grogs bzhin ri dgas rnams dang lhan cig 'gro bar 'gyur/ /skad cig tu yang spre'u'i lag nas bkug pa'i mjug ma'i dbyug pa ni/ /thub pa'i skye bo'i don du puN+Da rI ka khros par mi 'gyur ro//de nas dka' thub pa'i bu la la zhig dka' thub kyis rab tu rid pa'i lus nyi ma re rer nad kyis shin tu rab tu rid pa nyid du song bar gyur to/ /drang srong chen po des kyang de'i bsam pa dka' thub bsgrub pa ni rgyal srid nyid kyi phyir ro zhes bya ba lha'i mig gis mthong bar gyur to//de nas bdag nyid chen po des de la nye bar 'ongs nas tshe dang ldan pa'i nad ji lta bu zhes dris so/ /des kyang de la smras pa/ slob dpon lags shin tu stobs can gyi rlung gis bdag gi lus la gnod do/ /byang chub sems dpas gsungs pa/ dka' thub kyi nags nas rnyed par sla ba rang bzhin gyis gyong ba'i rtsa ba dang 'bras kyis rlung rab tu 'khrug pa bzlog par nus pa ma yin te/kye ma dka' ba zhes bya ba smras nas drang srong chen po'i mthus phrugs su mngon par sprul te dka' thub pa'i bu'i gan du 'ongs nas/ de nas phrugs chen po de rdzing du dmigs par byas nas ni/ /ri dgas phru gu'i phreng ba ngo mtshar gyis ni rjes song ba//tshil bu can ni 'di yi sha yis khu ba byas nas ni/ /rlung ni zad phyir 'thung shig ces bya thub pa des ni smras/ /thub pa'i ngag 'di slob ma des ni thos byas nas/ /'di ltar 'dud pa ngo tsha dang ldan gdong can smras/ /mkhan po bdag cag la ni dka' thub nyid 'di dag /sems can 'tshe ba zhes bya gang du 'di ni 'gal/ /'tshe ba med pa'i chos ni mchog tu smra ba ste/ /chos min lam las bsam pa nye bar log pa rnams/ /de phyir bdag ni ji ltar phyugs ni gsod 'gyur ba/ /mkhan po 'di 'dra 'di ni ci zhig gsungs lags sam/ / byang chub sems dpas smras pa/ /srog dang ldan pa'i phyogs la nyams par ma byas shing / /sha mi za khyod sha ni rnyed par 'gyur ma yin/ /sha yi khu ba dgos pa med pa khyod kyis ni/ /nad 'di rnam par 'phel bar rab tu 'gyur ba yin/ /phyugs gcig po 'di rang gi srog gi don du ni/ / snying rje'i dbang gis gsod bzhin pa ni 'dod min te/ /gang tshe khyod ni mi yi bdag po 'byung 'gyur na/ /de tshe khyod ni ri dgas phyugs rnams gsod pa yin/ /ri dgas mang ba'i nags la khyu yis skyong bar byed bzhin pa/ /rna ba'i mtha' yi phyogs la rnam par zhugs pa mda' yi ltong / /ri dgas 'phrog bzhin pa yi mda' rnams kyis 'bigs nyer 'ongs nas//de'i tshe snying rje ldan pa ji ltar kun nas mthong bar 'gyur/ /yang na phyugs dang ri dgas dang phag pa la sogs pa la 'tshe ba re zhig lta zhog /gang gi phan tshun du mche ba gnyis pa'i rwa yang dag par phrad pa las kun nas langs pa'i spro bzhin pa sreg lugs 'dzin pa'i me tog gi phreng ba rnams kyis 'dres pa dang /mda' dang / lcags kyi dbyug pa dang / dbyug tho dang / 'bugs pa skyong rnams kyis nges par 'bigs pa'i kun nas dkrugs pa'i 'thab pa'i skyes bu can/ /bdag po bsad pas gdan stong pa myur ba'i rta rnams kyis rab tu 'dzin pa rnam par gcod bzhin pa dang /rno ba'i ral gris gcad pa'i mgo lhung bas bskyod pa'i shing rta dang / rkang pa rnams las sgra yang dag par blang ba dang / kun nas brdungs bzhin pa'i rnam pa sna tshogs pa'i rol mo'i sgra dang yang dag par 'dres pa'i skye bo rnams kyi ca co dang rol mo'i sgrar ldan pa dang /khrag gis chag chag btab pas sa steng gi rdul rnams rengs par byas pa dang / steng du kun nas 'khor ba'i bya rgod rnams kyis 'thog par gyur pa'i bsad pa'i skyes bu rnams kyi lus kyis khyab pa'i g.yul ngo rnams su 'jug cing skyes pa du ma rnams la gsod par byed par 'gyur ba dang /byed du 'jug par 'gyur ba de'i tshe/ chos kyi lam la dmigs pa khyod kyi snying rje gang du 'gro bar 'gyur zhes de bas na sdug bsngal dang skyon du ma'i rkang pa'i rten du gyur pa'i rgyal srid nyid las blo 'di rnam par bzlog par gyis shig ces zer ro//dka' thub pa'am kun nas bsad byas nas/ /yul gyi dug gis khyab pa'i sems ni sa dbang rnams/ /rang gi bde ba'i cha la zhugs pa rjes chags pa/ /'gro ba la ni phyi nas 'gyod pa can mi 'gyur/ /grags min rnams kyi khyim dang dri ma rnams kyi gzhi//dgra rnams kyis ni rnam pa du mar dpyad bzhin pa/ /yul gyi lto 'phye'i sa yi 'od ni mi skyong nyid/ /skyes pa su zhig blo ni byas pa 'dod par 'gyur/ /shin tu dga' bar gyur pa dbang po rnams kyi gzhi/ /lha 'byung yang ni bsod nams rnyed pas thob byas nas/ /slar yang dge ba zad pa'i phyir ni 'og tu yang //lha yi mdzes ma rnams ni spangs nas skye bo 'gro/ /sngar ni mi gtsang ba yi mngal gyi dog pa las/ /de ltar kun nas 'gag pas sdug bsngal thob byas nas/ /srid pa gzhan gyi me yi tsha ba ma grangs pa/ /rang gi las kyis bcings pa 'gro ba kun nas 'khor//gal te mun pas 'gags pa'i blo ni 'byung 'gyur na/ /slar ni mi dge de dang de ni byed 'gyur te/ /de las thob pa'i 'bras bu dmyal ba'i me yis ni/ /brtan pa zad pa bud shing nyid du 'gyur/ /'gro ba la ni rnam par 'jig pa'i skyon gsungs te/ /gang du yang ni rnam dpyad 'gyur ba bde ba med//de ltar yul la song ba yon tan chen po 'joms/ /sred pa spangs nas rnam grol phyir ni 'bad par mdzod/ /gang zhig rnam par 'tshe ba med pa'i rang gi khyim spangs nas/ /mes kun nas khyab pa'i sa la zhugs pa dang / khros pa'i lto 'phye rnams kyis kun nas dkris pa'i tsan dan gyi shing la 'khyud pa'am/'dzin pa mang ba'i chu'i gnas 'dzin pa 'am/ lag tu thob pa'i bdud rtsi spangs nas dug dang bcas pa'i kha zas mngon par 'dod pa'am/ bde ba'i lam yongs su dor nas sbrul dang chom rkun rnams kyis 'jigs pa'i dgon par mngon par 'gro ba de ni/chog shes pa'i bde ba spangs nas/ 'bad pa mang ba dang / skyon dang sdug bsngal gyis kun nas gnod pa'i sa'i bdag po nyid don du gnyer ba zhes bya'o/ /de nas dka' thub pa'i mi des dam pa dang dam pa ma yin pa'i lam gsal bar byed pa'i gtam drang srong chen po las nye bar thos nas smras pa/gal te dus gsum mthong bar byed pa khyed cag lta bu bdag nyid chen po rnams gzhan gyi sems la gnas pa'i kun du rtog pa mkhyen pa 'di la ngo mtshar ba ci zhig yod ces zer ro/ /e ma mkhan pos bdag gi skyon mang ba'i bdag nyid rgyal po nyid las yid bzlog par byas pa/'on kyang cung zad bdag bla ma la smra bar 'dod pa de bdag gis ngo tsha ba'i stobs kyis bkag par byas pa ni de lta na yang ci zhes kyang gsal bar bya zhes bya ba'o/ /dka' thub pa yi bu mo'i skyo ba 'di bdag la/ /rnam par rol pas stong yang yid 'phrog rnam pa can//yun ring min nas shar ba bsil ba'i 'od zer ltar/ /rnam par mthong bzhin pa yi snying la phrad 'dod byed/ /de ltar thabs shes pas ni thabs/ /brtul zhugs bsngags pa bdag la stsol/ /kun rtog song ba kun brtags ni/ /gang gis 'dod skyes dor bar 'gyur//byang chub sems dpas gsol pa/ bu legs so/ /gang gi phyir nad ni bsal bar byas pa ste/ /de dang rjes su mthun pa'i sman rnams kyis bde bar de bsal bar bya ba yin te/ de bas na re zhig g.yeng ba med par nyon cig/ /gang tshe gzugs dang ldan pa bud med gzugs thub pas//rab tu mthong zhing yid ni phrad 'dod gyur pa ste/ /de tshe 'dod chags gnyen po mkhas pa dang bcas pa/ /rang gi sems la bsgom pa 'di ni 'dzin par gyis/ /'thung shig 'khyil pa bung ba'i tshogs ltar gnag pa ni/ /bshes mo rnams kyis 'di ni me tog rnams kyis brgyan//mgo la kun nas 'dzegs nas khro bzhin mgo skyes rnams/ /rgas pa chun ma dkar po byed par 'gyur ba ste/ /bung ba'i phreng ba ut+pa la la brten pa ltar/ /gang du mthug pa dpral 'phyang mdzes pa ni/ /de tshe dpral ba kun nas 'od med song ba yis/ / rgas pa'i chu rlabs kyis ni mi mnyam 'byung bar 'gyur/ /yid ni 'phrog pa bskyod pa'i cha la mkhas pa ni/ /yid las byung ba'i gzhu ni bdung ba mtshungs pa ste/ /smin pa 'di dag mya ngan dbang ltar 'dud pa ni/ /rnam par rol pas stong ba lhod pa 'byung bar 'gyur/ /rgas pa 'di ni rdul ni lhung ba ltar 'od med//rnam par rol pas don med mdzes pa dran byas pa/ /sin d+hu ra yi khyad par bya ba spangs pa ni/ /sor mo'i sngags kyis las la gtad par mi 'gyur ro/ /'di yi dri zhim slar ni dga' ston rnams la yang / /bung ba'i pho nya mos ni dpyid ka'i zla gsal byed/ / rgas pa byung bas ngo tsha bral ba'i lto ba can/ /tsU ta'i snye ma rna ba la ni 'dzegs mi 'gyur/ /gang 'di ma 'ongs rnam par rol pa sgeg byed cing / /'dod can rnams kyi yid dag chags pa can byed pa/ /de ni me long rnam par mthong ba'i dga' ston dor ba ni/ /mig gnyis gzugs ni ngan pa nyid du grol bar 'gyur//'gram pa skyu ru ra yi 'od ldan pa/ /bshes mo'i skye bos smug rtsi'i ri mo byas pa ni/ /mdzes pa dor ba 'di ni ga la byed 'gyur ba/ /mdzes pa bral ba 'di dag la ni rab srab pa/ /rgas pa'i smug rtsi'i ri mos gzhi ni byed par 'gyur/ /gang 'di dang ba'i gnyis skyes 'od zer snang ba ni//me tog gzhu can la ni grogs byed nyid 'gro ba/ /rgas pa kun nas chags pa smad byas dbyangs ldan pa/ /dgod pa de ni gzhan nyid du ni 'gro bar 'gyur/ /gang 'di ba na d+hu ka ltar shin tu dmar ba'i mchu/ /so yi phreng ba'i 'od kyis snang bar byas pa ni//dga' ba'i sems ni phrad par 'dod par byed pa ste/ /de nyid mdzes pa'i yon tan gyis ni dor bar 'gyur/ /yang dang yang du dben par gang tshe dga' bas dpyod byed pa/ /rol pa'i dga' ston par la phrad par 'dod par 'gyur ba ste/ /'o ma 'dzin pa gnyis po glang po'i mig 'bor mtshungs pa ni//rgas pas gdung ba de 'dir thur du ltung bar 'gyur ba ste/ /lag pa 'di dag ze'u 'bru ltar ni 'jam pa'i 'od ldan pa/ /kun nas spros pa'i sen mo'i 'od kyis brgyan pa'i sor mo can/ /rgas pa byung bas rgyun mi 'chad par 'dar ba skyed pa ni/ /chu rgyus mang ba bar gyi mtshams med par ni 'byung bar 'gyur//sgeg dang bcas pa'i gser gyi ljon shing lta bur yid 'phrog pa/ /gom pa gom pa mo yi dbang po'i lci bas ngal byas pa/ /lus 'di rid pa rgas pas lhag par zhon par gyur pa ni/ /rang gi gzhu rgyud kyis ni gzhu ltar sgu bar byed par 'gyur/ / e ma lus 'di srab pa'i yid rnams kyi ni yid dag gis/ /mi nus rnam par lta ba la sogs kyis ni 'phen par byed/ /rgas pa chen po mun pas 'gags pa ltar ni 'od med pa/ /ring ba'i mtshan mo ltar ni mdzes pa nyid ni 'dzin mi 'gyur/ /gang tshe 'di ni bya dang ce spyad dag gi dogs pa yis//kun nas 'khor ba'i mthug pa sbrang rtsi bung ba'i tshogs ldan pa/ /'byung bar 'gyur ba sha dang rus pa'i 'ching ba dor ba ni/ /tshe 'di 'jigs pa chen po nyid ni bdag la byed par 'gyur/ /mchod sbyin gyis ni sha bzhin kun nas mthong ba du ma chen pos bar rnams 'brel pa 'di/ / yongs su smin pas skya ba drin can chu rgyus rnams kyis kun nas bkab pa ku sha ltar/ /snying rjes mchod sbyin byed pas kun nas rnyed pa bya rgod 'bab pa'i dur khrod mchod sbyin la/ /su zhes bya ba bud med phyugs kun kun nas ltung bar mthong nas chags ldan 'byung bar 'gyur//gal te 'di rnams kyang ni bud med rnams kyi yan lag rol pa dang ni sgeg pa'i rten/ /brtag par 'gyur te me tog mtshon cha'i lci ba me tog las byung mda' dang 'dra ba ste/ /zhi dmigs de lta na yang dam pa rnams kyi yid ni de rnams la sbyar mi rigs te/ /char gyi mthar ni chu gter bzhin du gang tshe 'di rnams ci zhig yun ring gnas ma yin//gang tshe skye bo 'dod chags can ni yang dag min pa'i kun rtog reg byed pa/ /de yi tshe na 'di yi bud med yang dag 'brel ba'i bde ba 'dod pa skye ba ste/ /grol ba'i don gnyer dbang po'i tshogs ni rgyal bas 'di yang rnam par rgyal ba ste//'di la lha yi mdzes ma dang ni sa yi rang bzhin bud med 'di la mnyam par 'gyur/ /gal te rigs pa dang bcas mdzes pa'i skye bo lam ni dmigs phyir 'dod na ni/ /ji ltar bde bar gshegs pa'i ngag ni 'da' bar mi 'gyur de ltar khyod kyis shig /rnam par smin pa rtsa ba yid kyi yul gyi bde ba'i chas ni ci zhig ste//mi dge ba yi bud shing chen po dmyal ba'i me ni kun nas mthong byed cing / /de ltar bsgom pa yang ni gal te nyin re rer/ /mi sdug pa ni yang dag sdug pa rnyed mi 'gyur/ /des na rab tu zhi ba'i phyir ni phyi nas kyang / /bud med pa yi gnas su lhag par gnas par bya//de nas dka' thub pa'i bu de gus pa dang bcas pas byang chub sems dpa'i tshig mngon par brten par byas nas dgon pa gzhan du song ste/ /der yang bsam gtan bzhi dang mngon par shes pa lnga rnams la gnas nas slar 'ongs te/ /gsal bar byas pa'i byang chub thob pa la mngon par dga' ba'i byang chub sems dpa' la/gnyis las 'das pa zhi ba ma zhi'i sems rnams la/ /rab zhi'i don du zhi ba'i lam ni gsal byed pa/ /rab tu dang ba'i skud pas bcings pa dri zhim po'i/ /ngag gi me tog rnams kyis yang yang de la mchod/ / gal te khyod ni yang dag skye 'gyur ma yin na/ /bdag gi mun pa 'di ni 'di ltar zad mi 'gyur/ /ri bong can ni dag pa'i 'od zer shar ba la/ /ku mu ta ni ji ltar phye bar 'gyur ba yin/ /bla na med pa'i go 'phang mngon par 'dod pa ni/ /'gro bar phan min zad phyir brtson pa'i bdag nyid can/ / brtan pa lci ba'i yid can blo gros che rnams kyi/ /khyed cag lta bu'i 'byung ba rnyed sla min pa nyid/ /de ltar spyod pa 'di ni rnam par dag ldan pa/ /gzhan la phan par byed pa'i rtse gcig gang khyod la/ /go 'phang de ni srid med byed pa tshul khrims brten/ /thob par ma byas par ni ji ltar brtan par byed par 'gyur//gang tshe skyon rnams zad pa khyod ni byang chub thob 'gyur na/ /gti mug rab rib rtsad nas bton pa'i 'gro ba la phan phyir/ /de tshe khyod ni srid med bdag la dran byed 'gyur ba ste/ /bsod nams las de de ltar shes bya 'di la khas blangs 'gyur/ / dka' thub pa'i bu de yang byang chub thob pa'i bcom ldan 'das kyis dgra bcom pa'i 'bras bu yid la re ba thob par mdzad ces bya ba'o/ /de ltar na bdag nyid kyi tshul khrims rnam par dag pas kyang de ltar dam pa rnams kun nas dga' bar mi 'gyur te/ ji ltar gzhan log pa'i lam la yid zhugs pa dag pa'i tshul khrims la so sor gnas par byas nas kun nas dga' bar 'gyur ro//de bas na tshul khrims kyi bya ba la 'bad par bya zhes bya ba'o/ /drang srong gi skyes pa'i rabs te skyes pa'i rabs gsum pa'o// //pha ma zhes bya dge ba'i lo tog bskyed/ / phan gdags bya ba'i zhing ni 'di yin te/ /gang la 'di yi blo gros 'byung ba ni/ /de nyid de dag la ni rten par byed/ /'di ltar rjes su thos te/ ma lus pa'i sa'i phun sum tshogs pa gcig tu gnas pa dang 'dra ba'i bA rA Na sIr tshul gyi rab tu tsha bas grags pa'i rnam par gnon pa skye dgu la phan pa dang mi phan pa yang dag par lta ba'i rgyal po tshangs pas byin zhes bya ba byung bar gyur to//de yang dran pa dang rig byed kyi de kho na shes pa rang gis chos rjes su bsgrub pas grags pa gsal ba/ /bstan bcos thams cad kyi pha rol tu son pa/ /'chi med bdag po lha'i bla ma dang 'dra ba/gus pa ltar ni tshangs pa yis/ /zhi ba'i dpal gyis 'khyud pa ni/ /yongs su smin dang thos pa yis/ /mdun na 'don ni mchog 'byung gyur/ /shin tu myur bar 'di khrid pa/ /'chi bdag nye mor 'di yis ni/ /de ltar khros pa ltar rgas pa/ /de yi tshangs pa'i dpal gyis mthong //bu ni don gnyer can de yi/ /bur ni byang chub sems dpa' byung / /ming gis sngo bsangs zhes byar grags/ /tshul khrims brtan pos rnam par brgyan/ /bskyod pa'i dbang po'i rlabs rnams kyis/ /gsal ba 'khrug pa mi bskyod pa/ /blo yi gru la de zhugs nas//rig pa'i rgya mtsho phar phyin gyur/ /zla ba ltar mdzes de yi ni/ /rang bzhin gyis ni snyan smra ba/ /grogs phyogs thams cad du byung ste/ /dbus gnas dgra dag yod mi 'gyur/ /brtan zhing dul ba'i chos ldan pa/ /yon tan smra ba thams cad la/ /sdang byed sdang ba nyid kyis kyang //dor bya de nyid mthong ba yin/ /de nas de'i bdag nyid chen po rgas pa dang yongs su 'dres pas yan lag stobs chung ba'i pha ma dag la shin tu stobs dang ldan pa'i rab rib kyis khyab pa'i mthong ba'i nus pa mi snang bar gyur to/ /de nas mdun na 'don de rgyal po'i mdun du nye bar 'ongs te smras pa/lha lags lta ba rnams bral bud med lhan cig tu/ /dka' thub nags su 'gro phyir bdag brtson pa/ /de bas bdag gi yon tan rin chen rgya mtsho can/ /bu ni mdun na 'don pa nyid du dbang bskur mdzod/ /bag med rgyu can dang po'i yang ni lang tsho la/ /blo ldan la ni khyim gyi gnas ni mi rigs te//rgas pa'i dgra ni dbang po'i dang ba gcod pa ni/ /dran pa nyams pa sems gnod par ni smos ci dgos/ /lhas ni bdag dka' thub bsgrub pa la bar du gcod par mi bya ste/ lhas gzigs par mdzod cig /gang tshe dri ma can gyi las ni 'dod 'gyur na//de tshe skye ba grogs pos dgag par bya ba ste/ /gang tshe chos dang 'brel ba'i bya ba dmigs byed na/ /de tshe phan par 'dod pas de ni rab bskul bya/ /de nas rgyal po de pha dang 'dra bar mdun na 'don dka' thub kyi nags der 'gro bar 'dod pa la sdug bsngal gyis yang dag par byung ba mchi ma'i chus kun nas gdungs pa'i mig can gyis sngo bsangs la bos nas smras pa/'di ni khyod kyi bla ma'i skye bo'i dka' thub kyi nags su 'gro bar 'dod pa yin te/ /des na khyod kyis bdag cag las mdun na 'don 'di nyid blang bar gyis shig ces bya ba'o/ /de nas sngo bsangs skad cig tsam du 'og tu lta bas gnas nas bdag nyid la song ba'i 'di ltar sems la rjes su bstan par byed par gyur to//sems kyi glang po'i dbang po bde ba'i cha la chags pa 'di/ /sred pa'i glang mo sdug bsngal rgyu yi ci phyir rjes su 'gro/ /chog shes ri dang bral bas dam min rnams kyi drung du ni//nges par na tsha 'di ni khyod la sdug bsngal byed par 'gyur/ /rnam par rol bar 'gyur ba'i yon tan pad+ma rnams kyis khyab/ /mkhas pa rnams kyi gtam gyis pad+mo zhi ba gzung byas nas/ /rgal bar dka' ba'i skyon gyis 'dam can brten pa'i chu bo ni/ /gting med 'jigs pa 'dzin pa'i don du ci phyir zhes ni 'dod//gal te stobs dang ldan pa khyod kyis kun nas skyong ba 'di/ /lam ngan 'gro ba skyong ba glang po che yi tshogs/ /skyon gyi lcag kyu'i rma ni rnam 'byed ces bya 'phags min pa'i/ /yul gyi glang po skyong ba rnams kyis nam yang gnod mi 'gyur/ / 'khor ba'i lam nas 'gro ba'i ngal ba 'joms par byed pa'i rgyu/ /dam pa rnams kyi man ngag chu ni shin tu dang ba la/ /khrus byas nas ni rnam rmongs bya ba ngan la chags pa'i rdul/ /bdag la phan 'dod rnams kyis spangs pa bdag la ci zhig gtor/ /sems kyi glang po mang pos smras pas ci zhig bya ste 'khor ba rnam par gcad pa'i phyir//gal te dka' thub gnas kyi bde ba mkhas pa rnams kyis yun ring longs spyod 'dod na ni/ /skye bo'i nges par 'brel pa stobs dang ldan pa re ba'i rang bzhin lcags sgrog bcad nas kyang / /de bas longs spyod chags pa'i rang bzhin brtan pa gcod pa dka' ba rtsad nas 'don par gyis//de ltar sems la rjes su brtan par byas te rgyal po la smras pa/ rgyal po chen po khyim la gnas pa zhes bya ba 'di rtsod pa dang 'thab pa dang / spyod ba rnams kyi rten nyes par spyod pa'i lto 'phye du ma rnams kyi khyim dang rang gi skye bo rnams la mnyes gshin pa bcings pas dka' thub kyi nags su 'gro ba la bar du gcod pa dang /log pa'i tshig rnams kyi 'byung gnas dang / /brten pa dang phongs pa skye bar byed pa dang / legs pa'i lam gyi mnyen pa dang / rgya mtsho bzhin du chu'i tshogs chen po rnams kyis kyang yo byad rnams kyis kun nas 'gengs bzhin pa rnams kyis tshim pa nye bar mi 'gyur ba ste/yul gyi zhags pa rnams kyis sems chung ba rnams kyi snying kun nas 'ching bar byed pa dang / skal ba kun nas zad pa'i phyir phun sum tshogs pa zad pa dang / /tha mar yang dri ma can gyi gos rul bgos pa'i khyim gyi bdag po bkres pas rid pa dang /byis pa du ba rnams kyis ma mo'i skye bo ltas bzhin pa dang / bang mdzod 'bras kyi so bas stong pa nyid kyis 'khor gyi skye bo sdug bsngal ba dang / don du gnyer ba rnams kyis sgo mnan pa sems dang bcas pa su zhig gi snying yid mi bde ba mi bskyed dam//gal te yang gtan du ba'i bde ba'i rgyu nyid khyim na gnas pa nyid yin na de lta na yang dka' thub kyi nags mngon par phyogs pa long ba pha ma gnyis kun nas dor nas bdag la mdun na 'don pa gzung ba'i phyir rigs pa ni ma yin no zhes zer ro/ /mig dang bral ba'i pha dang ma ni 'di dag la//bkres dang skom pas rab tu rid par byas pa ni/ /nags na gnas pa dag la chu'am 'bras bu ni/ /bdag ni med par su zhig sbyin par 'gyur/ /chu bo drung na nye ba 'di ni dang zhing dang ba'i chu ni 'bab pa ste/ /grib ma mthug pa lam nas 'gro ba'i skye bos brten bya lam du shing 'di ni//kun nas dbugs par byed cing 'di ltar 'gro ba'i ngal bas nad dang bcas pa la/ /bdag gi pha ma dag la snying rje bcas pa su zhig smra ba po byung 'gyur/ /mdun 'don nyid kyi bde la re bas gal te khyim na gnas shing dbang du bla ma dag /lam kun 'phos pas khron pa'am ri yi 'gram nas ltung ba su zhig las ni thos pas 'gyur//lus kyi btson ra dang ni nges par 'brel ba srog 'di bdag ni ji ltar 'dzin 'gyur te/ /de phyir sa dbang mchog gis pha ma dag dang lhan cig 'gro ba bdag la dgag ma mdzad/ /de nas rgyal po des 'gro ba mngon par rjes su gnang ste sngo bsangs pha ma dag la kun nas dmigs te/bral ba las yang dag par 'byung ba'i sdug bsngal gyis nye bar bsags pa'i mchi mas mig rnyog pa dang ldan pa rjes su 'gro zhing / nye ba dang grogs po'i skye bo rnam par bzlog nas/ ri dgas rnams kyi sos gcod pa'i mi mnyam pa'i ku sha dang rtswa'i myu gus sngo ba'i mthil dang /skya rengs kyi shing rta 'dren pa'i 'od zer rnams kyis kun nas tsha ba las skyes pa'i dbugs kyis mgrin pa la skyod pa'i rma bya rnams kyi shing rnams kyi grib ma la lhag par gnas pa dang / phag pa rnams kyi snas rlogs pa'i mon lug gi tshogs kyi rdzing gi 'gram du 'brel pa dur pa pho mo gnyis kyis sgra sgrogs pa dang /ka ko la bcag pa ltar dri zhim po'i glang po che'i smyon chu'i dris nang du bsgos par byas pa dang / rlung gis bsgul ba'i rnam pa sna tshogs pa dang / me tog 'byung ba'i shing gel ba rnams la 'phyang ba la 'dzeg pa dang /sbrang byed kyi tshogs kyis glu blangs pa'i zhi ba'i dgon pa rim dang rim gyis rnyed par mi 'gyur ro/ /de dag 'gro ba gang dang gang du kun nas 'dod 'gyur ba/ /long ba bla ma dag ni mi mnyam rdo 'gegs nags lam la/ /brtse bas 'jam pa'i sems la de dang der ni sdug bsngal ni//de la shin tu rno ba khros min dug ltar 'bab par 'gyur/ /mi mnyam pa'i sa phyogs la yang phrag pas khur te byang chub sems dpa' shing gi rtsa ba 'ga' zhig tu pha ma dag la zar bcug nas slar langs te/ phyi dro'i dus su lam cung zad du song ste su dag yang dag par 'ongs pa dang phrad nas/shing pa la sha'i 'dab ma rnams kyis dpral ba 'gebs pa yang ma yin pa mthong ba dang / gzhu dang ldan pa dang phrag pa gnyis la mda' dang bcas pa'i dong pa bcings pa dang / mig dang 'gram pa shin tu dma' ba dang / kun nas rtsub cing ser skya dang srab pa'i skra dang sma ra'i tshogs dang ldan pa dang /rma bya'i mdongs kyi sgros rna ba dkris par brtsams pa dang [(]lcag [,]lcags [)]kyi ka ba ltar sngo ba'i go cha dang ldan pa dang / nags kyi gtam dbang po las ma 'das pa nags na spyod pa la dris par gyur to/ /bzang po'i gdong sa phyogs gang na slar dka' thub kyi nags yod ces zer ro//des kyang gsong por smra ba dang / gus pas de la gzhu'i rtse mos bstan par gyur te/ 'phags pas lta bar 'os te gang la 'di/ /phyed ni zad pa em gu d+ha ni rdo bar rnam par bkod nas smin pas ser skyar bcas/ /ku sha'i dag byed lag pa gyen du byas nas rim gyis spang bya'i gdan las langs nas ni//ma rmos sA lu sdud par byed cing lto ba dang ni rab 'brel rkang gnyis ne tso ni/ /ma la gyen du bteg pa'i gdong dang ldan pa dka' thub pa yi bu ni smra bar byed/ /sa phyogs 'di na dka' thub kyi nags yod de/ 'phags pa bla ma'i skye bo dang bcas pa dka' thub 'phel ba'i phyir shig /sngo bsangs kyis kyang de ltar bya'o zhes brjod nas nags na rgyu ba de la shis pa brjod pa byin nas dka' thub kyi nags su zhugs par gyur te/ dka' thub nor ltar su zhig chung / /gzhan ni 'bras bu zhim po'i ro/ /legs par 'ongs sam zhes brjod nas//de la khri snyan pags pa byin/ /nags rnams sam ni khyim du yang / /dam pas yun ring gnas byed pa/ /ji ltar rigs par don gnyer phan/ /chos 'dod pas ni bya ba ste/ /chu shing me tog tshogs ltar sngo/ /de nas spyil po de mthong nas/ /sngo med sems ldan sngo bsangs kyi//yid la 'di ltar re ba gyur/ /gzung ba yang dag 'jug pa pad+ma'i rtsa ba gnas/ /thun gsum mar gyi sreg lugs du mas dri byas pa/ /'dug cing langs dang 'gro ba'i ri dgas 'ga' zhig tu/ /srid pa 'don pa byas pa'i lam gyi rgyu mtshan yin/ /rab zhi srid 'joms 'dod pa'i rnal 'byor rnams kyis ni//dka' thub nags 'di shing los byas pa'i khyim brten pa/ /yan lag med kyang gzhu ni spangs nas zhugs zin te/ /zhi ba mngon 'dod mchog gi skye bos smos ci dgos/ /de nas dka' thub kyi nor can de rnams dang lhan cig tu mtshan mo gcig der gnas te tho rangs kyi dus su byang chub sems dpa' rnam par dben pa'i bde ba 'dod cing dka' thub kyi nags de las tha dad pa dga' bar gyur pa shing lo'i ra ba chen po byas par gyur te/gus pas bla ma dag ni spyod cing bla ma'i rang bzhin te/ /me la mchod cing mi chung ba dang brtan pa mthong ba'i blo//mnyam pa'i yid ldan rang skye dang ni skye bo blo mang ba/ /gnas de la ni dka' thub kun nas spyod cing gnas par gyur/ /de nas dus gcig gi tshe na bdag nyid chen po de nags kyi ri gzhan las me tog 'bras bu dang bud shing dang ku sha rnams blangs te/ shing lo'i khyim gyis gzhi la byug pa 'jam po byas te/rkang lag dag la khrus byas shing bum pa blangs nas/ ri dgas kyi phru gu rjes su 'gro bzhin pa/ lcang ma'i ljon shing mang po rab tu rgyas pa'i 'gram kun nas bkag pa/ nor bu dkar po bcad pa ltar dri ma med pa dang / bsil zhing zhim pa'i chu 'bab pa'i chu bo'i drung du song ste/pags pa dang ni bgrang phreng dag /shing gi yal ga la dpyangs nas/ /bsil chu dag la khrus byas pa/ /bde phyir chu ni 'dzin par gyur/ /rtswa ni sngon po bsten byas nas/ /dri ma med pa'i chu 'thungs te/ /khrus byas ri dgas phrug pa de/ / 'dug cing so sor brkyang bar gyis/ /de nas rgyal po tshangs pas byin sgra la phog pa ri dgas kyi lings las skyo bsangs nyams su myong zhing myur du 'gro ba'i rtas 'gugs bzhin pa chu bo'i 'gram der 'ongs nas/ byang chub sems dpa' chu 'dzin pa las skyes pa'i chu'i sgra la mnyan nas 'gram gyi shing dang shing gel ba rnams kyis lta ba'i bar du chod par byas pa/nges par chu bo 'di la phag gam ri dgas 'jug pa zhes bya ba rnam par bsams nas/ gang las sgra de byung ba des mda' 'phangs par gyur to/ /de nas mda' ni mde'u chen po dang ldan pas/ /brang gi dbus su bdag nyid chen po de 'bigs te//de chog sgra las nang gi bdag nyid sdug bsngal ba/ /'gram las ri dgas phrug pa yang ni langs par gyur/ /su yis bdag ni 'bigs pa zhes bya gang 'di shes byas nas/ /sa yi bdag po de yi snying rje'i bdag nyid can gyis ni/ /'di ni su yin zhes bya rta las myur du babs nas kyang //brang gi dkyil na mda' ni sbyor ba sngo bsangs mthong bar gyur/ /rgyal po des kyang yun ring pos ni de shes nas/ /sngo bsangs 'di zhes mig la mchi ma 'byung ba ni/ /zhing gi tshogs la sbas pa 'di ni smra ba ste/ /ri dgas 'di zhes 'dir ni bdag gis khyod 'bigs pa//g.yo ba rnams kyis bag med skyon las sdug bsngal ba/ /gang du 'di 'dra dam pa rnams la yang ni byed/ /ri dgas lings kyi sdug bsngal de las mi rnams la/ /sdug bsngal shin tu dka' ba gzhan ni yod ma yin/ /mi skyong sgra yis rgyags pa dregs pa rmongs pa yi//rnam ltung mngon par phyogs pa bag med bsnyen pa yang / /snying rje la ni dmigs nas zhi ba'i gzugs ldan lags/ /tsha ba'i smod mo'i mda' yis bdag ni ma bsad cig /de nas byang chub sems dpa' sa'i bdag po de ltar smod pa la rtse gcig pa phyi nas 'gyod pas kun nas song ba'i yid smod mo 'byung ba la dogs pa brten par byas par gyur te/rgyal po chen po bdag las smod pa'i dogs pas chog ste/ shin tu khros pa'i dbang gis kyang ni khyod kyis ni/ /gal te bdag la mda' ni phog par gyur ba ste/ / de lta na yang bdag gi sems ni gzhan du yang / /'byung ba min te skyon bral khyod la smos ci dgos/ /'on kyang sngon du byas pa'i las rnams 'di dag gis/ /mda' yi gzugs kyis bdag gi brang la brgyab pa ni/ /de ltar khyod la 'dir ni khyod la nyes pa ci zhig ste/ /mi skyong smod pa'i 'jigs pa kun nas dor bar gyis//skye bo yod na ci zhig 'jig pa min de bas/ /bdag la shi ba'i 'jigs pa cung zad kyang ni med/ /pha dang ma dang nags su mig dang bral ba la/ /kun nas bsams te bdag ni sdug bsngal nye bar song / /bdag ni dus kyi dbang gis srid pa gzhan dag tu//di ring 'gro ba kun nas khyab cing khyab pa ni/ /skyed byed dang ni skyed pa po dag sdug bsngal ba/ /long ba nags 'di la ni ci zhig byed par 'gyur/ /sa yi skyong ba dag la ji srid bar du lus/ /'di ni srog chags kun nas dor bar mi byed pa/ /dka' thub nags las bdag gis myur du pha ma dag /de srid sdug bsngal ba ni myur du spong bar byas/ /cung zad rgas pa kun nas dris pa bskyod pa'i sor mo can/ /ut+pal chen po rnyings pa ltar ni kun skya mdun lag gis/ /pha ma dag ni de la snying rje dang bcas reg 'gyur ba/ /bdag ni don byas de ring bde bar srog ni btang bar bgyi//'di ltar yang bdag gi tshig gis pha ma dag la zhu bar bya ste/ mnyes ni gshin pa'i chu yis khyed cag gis/ /bu yi shing gang 'phel phyir chu yis sbangs pa ni/ /gsong por smra ba'i me tog 'di/ /de las tha ma kun nas gzung bar mdzod/ /de nas rgyal po de dag gis mi dga' ba 'di de lta bu'i de dag la ji ltar smra bar bya zhes bya ba rnam par bsams nas byang chub sems dpa' la smras pa/khyod lta mda' yis 'bigs pa ni/ /ngan 'gror 'gro ba bdag gis te/ /mi dga' smra ba'i mda' yis ni/ /de dag la yang ji ltar 'bigs/ /byang chub sems dpas smras pa/rgyal po chen po dus 'da' bas chog ste/ bdag gi lus dug gis brgyal bar yongs su song bar 'dra bar kun nas dub pa ste/ de nas rgyal po de bya ba 'di sdig pa dang bcas pa zhes bya ba rnam par dpyad nas de ltar bya zhes khas blangs te/ de nyid du rta de yal ga la btags nas slob ma bzhin du dul ba 'dzin pa dka' thub kyi nags la mngon par phyogs pas zhugs par gyur te/ de na sa yi bdag po'i rkang pa'i sgra ni ring nas thos/ /kun nas skams pa'i shing gi 'dab ma btsir nas byung ba ni/ /nges par chu ni lings pa sngo bsangs 'di ni 'ongs pa ste//de la gnas pa de dag 'di ltar phan tshun smra bar gyur/ /rgyal po de yang nye bar 'ongs nas mi dga' ba de smra bar ma nus shing sdug bsngal ba'i snying shing los byas pa'i ra ba'i nye 'khor dang nye bar 'ongs te cang mi smra bar gnas par gyur to/ /de nas byang chub sems dpa'i ma sngo bsangs 'di 'ongs so zhes bya ba rnam par bsams par gyur pas smras pa/bum pa blangs nas chu yi phyir ni chu bor nyer 'ongs te/ /ci phyir de ring bu khyod yun ring nas ni nyer 'ongs pa/ /me ni mchod nas 'bras bu dang ni pad+ma rnams long shig /'dab ma'i snod la bkod nas khyed kyi pha ni bkres pa ste//de nas tshangs pas byin gyis gsong por smra ba ste/ bdag nyid ngo shes par byas pa de dag la ma brtags par byas pa de nyid kyi nyes par spyad pa de smras par gyur to/ /de dag gis kyang byang chub sems dpa'i sdug bsngal thos te/ kye ma zhes brjod cing brgyal bar nye bar song bar gyur to//yun ring pos kyang 'du shes byung ba de dang der smre sngags bton nas smras par gyur pa/ ji srid de yi lus ni kun nas ma btang ba/ /bya dang ce spyang rnams kyis rnyings pa byed pa ni/ /mi dbang bdag cag rnams ni snying rjes de drung du//sdug bsngal skal can khyod kyis myur du re zhig khrid/ /de nas rgyal po de dag nye bar bzung nas mda'i rma las skyes pa'i rgyal bas rnam par btsums pa'i mig can/ byang chub sems dpa'i gan du 'ongs par gyur to/ /de nas ma bu kye ma bu zhes zer zhing sdug bsngal gyi dbang gis byang chub sems dpa' la 'khyud nas brgyal bar nye bar song bar gyur to//mdun na 'don pa des kyang snying rje dang bcas par smre sngags 'don pa'i phyir brtsams te/ stegs bu pas ni nyer byugs nas/ /me tog mchod pa yang byas te/ /di ring sngags ni ster bzhin du/ /me la bud shing ltung bar gyur/ / rgas pa'i mdas ni phog pas bya ba rnam bral ba/ /dka' thub rnams kyis 'od med nyam chung yan lag gi/ /dka' thub nags 'dir gnas pa yun ring du ni byung / /mig med dag dang kho bo cag gi khyod ni mig /'di ni bu yi rang bzhin mig ni chen po ste/ /mun pa dang bral skyon ni med pas 'phrog byed pas//khyod kyis brtse ba dor ba da ltar bdag cag la/ /gshin rje gnyis su 'gyur la long ba nyid 'di byas/ /brtse ba'i chu yis bde byas 'jig rten yid dag ni/ /yon tan che ba'i chu skyed gnas kyis nyer mdzes pa/ /gshin rje khyod kyis ci phyir bdag cag la ni 'di/ / bu yi rang bzhin chu yi rten ni rnam par 'joms/ /shin tu bdag cag 'di ltar mya ngan gyis gnon pa/ /di ring bu skye ci phyir mngon par smra ba min/ /brtse ba can zhes bya ba dam pas de ltar ni/ /khyod kyis yun ring brtse med 'di ni gsal bar byas/ /de nas ma yun ring po nas 'du shes rnyed pa smre sngags 'di ltar byas par gyur te/cung zad dal gyis smra ba byis pa nyid kyis dbyig pa'i rta la zhon par byed pa ni/ /cung zad bskyod pa'i gtsug pud rtse mo nye 'khor la ni rol pas rnam bskyod mig ldan pa/ /gang zhig phrad 'dod bdag gis 'gegs par byed pa bdag nyid kyis ni khyim na 'gro bzhin pa//lag pa gnyis kyis 'khyud pa yang ni btsan thabs kyis ni bu khyod bdag la ci phyir 'gro/ /shin tu nyin rer khyod ni gang gis mchod pa ste/ /gsum ldan me khyod de ring bdag gi bu de skyong / /gang yang nags ri 'di la gnas pa de rnams kyang / /lha mo bdag gi bu la srog ni rnam ster mdzod//de ltar snying rje smra bar byed pa skad cig de/ /sdug bsngal sreg lugs za ba la zhugs mthong nas ni/ /rdo ba las lhung chu las byung ba'i snying rje'i sgra/ /der ni chu bo dag kyang mya ngan lta bur gyur/ /bud med dag ni bdag po'i mya ngan mes ni 'phro/ /mnyes gshin sreg lugs kyis ni myur du langs pa yin//kun nas 'gro zhing de ni sgeg pa'i me stag ni/ /rgyal po'i sems ni brtan pa dor ba sreg par gyur/ /de nas de lta bu'i gnas skabs der song ba'i bdag nyid chen po de la/ /'khrug pa'i rgyal mtsho sa ni kun nas 'khrug par 'gyur ba ste/ /ri rab kyang ni 'gul te bskyod pas khyab pa'i skal ba'i shing //dro ba'i 'od zer dkyil 'khor cung zad rnyog nyid song ba ste/ /phyogs rnams kyi ni sgo dag kun nas 'od zer byung bar gyur/ /de nas gser gyi ri bo 'gul bas byang chub sems dpa'i sdug bsngal shes pa spros pa'i cod pan gyi nor bu'i 'od kyis kun nas lhag pa'i mngon par brgyan pa'i lus rlung gis rnam par bskyod pa'i skal ba'i shing las rab tu byung ba'i gos kyis bsal bar byas pa'i ut+pa la sngon po'i 'dab ma ltar shin tu sngo ba'i nam mkha'i dkyil la 'dzegs nas nye bar 'ongs te/de rnams thams cad nyid dbugs phyung ste byang chub sems dpa' la lha las byung ba'i sngags kyis dag par byas pa'i chus chag chag mngon par btab ste/kun nas 'dzegs pa'i khrag gi thigs pas byug pa yi/ /g.yo ba'i dbang po sbas mtshan brag ltar rgya che ba/ /rnam par dag pa'i blo can de yi brang dkyil nas/ /lha yi dbang pos mda' ni kun nas 'don par gyur//mda' ni der ni 'don par bya/ /chags can rdo rje can gyis ni/ /ut+pal sngo bsangs rnam pa can/ /sngo bsangs mig dag phye bar gyur/ /rgyal po de rab tu dga' bas rab tu langs pa'i spu'i tshogs ka dam pa'i me tog ltar gyur pa'i yan lag 'dzin cing de dag la smra bar gyur pa/mya ngan gyis chog ste sngo bsangs kyi mig dag rab tu phye ba zhes bya ba'o/ /de nas de dag gis thos te mchog tu kun nas dga' bar gyur to/ /de nas rang gi grong khyer stobs kyi sgra ni grags pa myur du 'gro ba ste/ / sa bdag kyang ni rang gi pho brang du ni rta dang brten par gyur/ /rang gi khyim de ri dgas gnas pa thob nas kyang ni gus pa yis/ /slar yang bla ma gtso bo dag ni byang chub sems dpa' brten par gyur/ /de ltar na bcom ldan 'das des mchog tu phan pa'i zhing zhes bya ba bsams par gyur pas pha ma dag la mi ngal ba'i yid kyis kun nas bsten par byas par gyur to//de bas na rigs kyi bu 'am/ rigs kyi bu mos dad pa la dmigs nas rang gi phan pa la bltas nas dus rtag tu pha ma dag cho ga bzhin du mchod pa bya zhes bya'o/ /sngo bsangs kyi skyes pa'i rabs te skyes pa'i rabs bzhi pa'o// //tshul khrims kyi ni gnyen po'i khyim gnas shes/ /blo ldan rnams kyis rab tu bzung nas ni/ /zhi ba'i yid can zhi ba la ni yang / /dka' thub nags su dus ni 'da' bar byed/ /'di ltar rjes su thos te/ rig byed dang sngar byung ba dang / rnying pa dang / dran pa rnam par spyod pa dang / mkhas pa'i glog dang ldan pa dang / rnam pa sna tshogs pa'i bstan bcos rnams la goms pas mkhas pa'i slob ma'i tshogs kun nas gnas pa dang / gtsang ba dang / dul ba'i nang 'khor gyi skye bo can don du gnyer ba'i skye bo rnams kyis kun nas yo byad longs spyod bzhin pa dang /skye bo thams cad kyi yid 'phrog pa dang / thun gsum du me la dgang blugs byin pas du ba'i tshogs kyis dri ma can du byas pa'i khyim gyi nang bde 'gro'i sgo dang 'dra bar gnyis skyes pa'i rigs 'ga' zhig la dus thams cad du bram ze'i spyod pa 'jug pas dri ma dang bral ba'i las dang ldan pa/'jig rten pa thams cad kyi rgyan du gyur pa'i byang chub sems dpa' 'khrungs par gyur to/ /'du byas pa'i bdag nyid chen po des bstan bcos du ma la brgal ba'i mdud pa chad par byed pa'i blos grags pa'i che ba'i bdag nyid gsal bar byas so/'dun sar slob dpon dang 'dra bar mkhas pa rnams kyis bltas par gyur pa ste/ de ni chen po che ba'i yon tan rnams kyis 'byung / /rigs ni chen po de yi rgyan du gyur pa ni/ /gser gyi rgyan gyi dbus su song bar gyur pa yi/ /'phro ba'i 'od zer dri ma med pa'i nor bu bzhin//mdun ma'i sar ni rab tu rgyas par gyur pa yi/ /de ni ngag gi bstan bcos rnams dben dag pa yis/ /dam pa rnams kyi thugs ni phye mar byas pa ste/ /zla ba'i 'od zer gyis ni ku mu da bzhin du/ /rdul ni med pa nyid kyis shin tu dri med pa/ /blo bzangs rnams ni de yi lang tsho sar la yang //yul rnams kyis ni yid ni 'dzin par mi 'gyur te/ /'theng po rnams kyi gru dang bral ba'i chu bzhin no/ /gtsang zhing dgod pa'i gdong can bud med rnams kyis ni/ /sgeg pa rnams kyis de ni nam yang 'phrog mi 'gyur/ /de bas pad rtsa'i gzhu ni ba gu la yi gzhu rgyud can//'dod lha mda' dang bcas pa de la byas mi 'gyur/ /bde ba zhes bya yid ni ldog pa byas pa yi/ /mi sdug pa ni sgom zhing thub chen rnams kyi ni/ /'jam pa'i dgod pa'i gtam ni sgeg pas mdzes pa ni/ /lha yi bu mo rnams kyis kyang ni phrad 'dod skye mi 'gyur/ /dus gcig gi tshe na bdag nyid chen po de'i rab tu dben pa'i bde ba mngon par 'dod pa la 'di ltar rnam par rtog pa skye bar gyur te/khyim na gnas pa zhes bya ba skyes bu'i yo byad mang po rnyed pa la rnam par khyab pa'i yid can la bstan bcos rnams nyan pa la rjes su chags pa 'phrog par byed pa dang / bstan pa'i 'dam rgal bar dka' ba chen po la yid rnam par nub par byed pa dang / gnyen 'dun rnams la mnyes gshin pa dang rjes su 'brel pas rab tu byung bar mngon par 'dod pa la gegs byed pa dang / 'dod chags dang / zhe sdang dang / gti mug dang / rgyags pa dang / nga rgyal dang chags pa'i lto 'phye rnams la glags ster ba dang /bde 'gro'i sgo gsal bar byed pa'i tshul khrims kyi mar me gsal bar byed pa dang / nyi ma re rer yo byad yod pa la yang tshim par mi byed pa dang / bde bar nyung ba la myang ba dang / tha mar sdug bsngal mang ba'o/ /de rnams ni blo dang ldan pa rnams te/gang dag 'di yongs su dor zhing dka' thub kyi nags bsten pa zhes bya ba ste/ mang ba rnam pa sna tshogs 'khor gyis brgyan pa ni/ /bde ba don gnyer rnams kyis spangs pa nyid du song na yang / /khyim gyi gnas ni lha yi dbang gis byung ba ste/ / rma bya'i tshogs ltar zad pa dang ldan slar yang ni/ /yo byad rnams la ma rnyed pa nyid zhi ba'i rgyu/ /skyon ni mang bas 'jigs par byed pa rnams la ni/ /gsal ba'i sngags kyi khyed kyi nus pa dman pa ni/ /rang nyid gsod chen drag po'i lto 'phye reg byed su/ /'dir ni la la ngu ste gzhan ni 'dod pa can//gzhan ni dgod de khro ba gzhan rnams la/ /gzhan ni rgud pa la ni smre sngags 'don/ /'tsho ba'i 'jig rten gar bya ba dang mtshungs/ /kye ma dpal gyis yun ring yang ni rjes skyong ba/ /sbrul gyi lce ltar bskyod pa skye bo la ni nor/ /rgas dang 'chi bas mngon par mnan pa'i 'gro ba la//gang gis skye bo gson po nyid du 'gro bar 'gyur/ /de phyir khyim du gnas pa'i kun nas ngal ba'i sdug bsngal 'di/ /dor nas tshul khrims kyi ni rnyed sla zhi ba'i bde 'dod cing / /chos kyi khyim ni ngal ldan rnams la ngal ba 'jig pa'i rgyud/ /zhi ba zhi phyir zhi ba'i rgyun la bdag gis brten par bgyi//de ltar rnam par bsams nas byang chub sems dpa' khyim la gnas pa'i chags pa dor ba khri snyan sa le'i pags pa dang / gtsang byed dang / spyi'u blugs 'dzin pa/ zhi ba'i yid can rgya chen po'i nor gyi tshogs don du gnyer ba rnams la rab tu byin nas/ rang gi khyim nas nges par byung ste/nye ba'i ri dri ma med pa'i chu dang ldan pa chu'i rten can bung ba'i tshogs kyis kun nas myang bzhin pa'i ut+pa la chen po'i ro dang / a smra dang / 'dzam bu dang / pa na sa'i nags kyi grib mas 'gram gyi mtha' 'gegs pa 'ga' zhig la brten nas shing gi rtsa ba la/rtswa'i mal rnam par brtsams/ rang nyid kyis ltung ba'i rtsa ba shing gi 'dab ma dang 'bras bu rnams za zhing bsam gtan gyi bdud rtsis tshim pa'i yid grogs po dang 'dra bar ri dgas dang / bya rnams kyis lta bar gyur pas rnam par gnas te/ ri dgas lhan cig rtsa dang 'dab ma 'bras bu za//yul la chags pas yid kyi re ba log pa ni/ /stobs 'bigs la yang kun nas 'pho ba skal can la/ /brten pa'i blo can rnal 'byor rnams ni 'dod par byed/ /rtswa ni sngo ba gzhon nu'i grogs kyis bar ni bkag /me tog skyes pa'i shing dang 'brel pa bung ba can/ /sred pa song ba lci ba'i sems ldan rnams kyi snying //dka' thub can la nags kyis rnams rol par byed/ /ma 'ongs pa ni dka' thub chen po bsgoms pa'i thub rnams kyis/ /re zhig dri med dka' thub 'bras bu rnams ni gnas par shog /gang zhig mda' yi tshogs 'bab pa yi 'jigs pas khyod la nam yang ni//dam pa min pa'i gdong rnams mthong ba min pa de nyid bde/ /ri dgas so yis gcod pa sngo ba rtswa gzhon myu gu'i rtsa ba can/ /me tog 'byung ba'i shing gi tshogs la 'khor zhing smyo ba'i bung ba ni/ /rab tu 'bab pa'i chu yi shugs kyis bkrus pa'i gsal ba rtsa ba dang //bsgoms pa rnams la ri yi cha rnams bde ba nye bar bskyed pa ste/ /'di ni skar ma'i bdag po ltar ni dga' ba'i sems kyis bya rnams ni/ /bdag gi chu ni da lta 'di rnams dang ni 'brel bas gtsang ba ni/ /ri yi chu bo 'di ltar khrus kyis dus su rnal 'byor rnams kyi lus/ / gus dang bcas pas reg ste rlabs kyi lag pa rnams kyis phrad 'dod ltar/ /de nas bdag nyid chen po de'i byams pa'i stobs kyis dbang du song ba grogs po bzhi byung bar gyur to/ /nags de la ni yongs smin chang gi dbu ltar mig ldan pa/ /zhi ba'i ri dgas dang ni gtor mas rgyas dang lto 'phye dag /rnying pa'i a ta si yi me tog rtse ltar 'od med yan lag can/ /phug ron bsrabs pa'i khrag gi thigs pa ltar mig can/ /de rnams kyang bsam gtan gyi tha mar byang chub sems dpa' dang nye bar 'ongs nas slob ma rnams dul ba dang 'dra bar kun nas 'dug par gyur to/ / de nas ri dgas nye bar 'ongs te dul ba dang bcas par gsong por smra ba sngon du 'gro bas byang chub sems dpa' la 'di skad ces smras so/ /drang srong chen po/ 'jig pa las gzhan bdag chen la/ /shin tu che ba'i sdug bsngal med/ /skye ba dgar 'gyur 'byung ba ste/ /lus can rnams la de med do//khwa tas kyang 'di la smras pa/ bcom ldan 'das bdag gi phyed la dkris pa'i sdug bsngal las gzhan cung zad kyang lhag par lus thams cad kun nas gdung bar byed pa'i sdug bsngal yod pa ma yin te 'phags pas gzigs shig dang / khrel shes pa la yang ni bkres pas kun 'dzin pa/ /skyes bu'i yid ni bya ba min pa 'byung ba ste/ /dge dang mi dge shes pa lkog gyur sems ldan pa'i/ /dud 'gro rnams kyi gang tshe yid ni phan par ltar/ /de bas na ji ltar re zhig bkres pa'i sdug bsngal 'di yod par mi 'gyur ba de ltar gsungs shig /de nas ring nas 'ongs te thub pa'i mchog de shing gi rtsa ba na ni gnas/ /dpung pa la gnas bsre'o pags pa 'dzin pa dbus ni dma' bar byed pa ni/ /khros pa las gzhan shin tu tsha ba'i 'bras bu sdug bsngal yod min zhes bya ba mar gyis snum pa'i d+h+ri mi d+h+ra yi bud med skra ltar gnag pa'i lto 'phyes smras//rnam rtog bud shing 'bar ba can/ /khro ba'i sreg lugs za bas ni/ /skye bo bdag nyid 'di bsreg ste/ /gzhan dag bsreg par 'gyur ram min/ /bdag la thabs ni 'bras bu che/ /de bas blo chen gsung bar mdzod//gang gis khro ba'i me 'di ni/ /rab tu zhi bar nye bar 'gro/ /phug ron gyis smras pa/ 'dod chags sdug bsngal thams cad ni/ /lhag par byas nas 'jug pa ste/ /'od ldan rnams kyi gzi brjid 'phro/ /nyin mo byed pas 'od zer bzhin/ /zla ba'i 'od zer mdzes pa rnams/ / kha ba ltar bsil chu yang min/ /chags pa'i me yis kun khyab pa'i/ /'dod chags can la bde mi byed/ /de bas dam pa bdag la gsungs/ /cung zad legs par gsungs pa nyid/ /gang gis chags pa'i mes bdag gi/ /sems ni slar yang tshig mi 'gyur/ /byang chub sems dpas gsungs pa/'jig pa la sogs pa dang sdug bsngal rnam pa bzhi po 'di rnams kyi yang skye ba'i rgyu khyon cig /blo ldan rnams skye ba 'di la ma rig pa ni 'jug par byed par smra'o/ /mdor bsdus na ni ma rig pa yi rnam chad yod la 'du byed rnams ni rnam par 'gags pa 'byung //de las sred pa chad par 'gyur te len pa med par yang ni skye ba ni/ /nye bar len pa zhi bas srid pa rnams ni kun nas 'byung bar mi 'gyur te/ /srid pa chad pas sdug bsngal lci ba'i skye ba la sogs rnam par thim par 'gro/ /de nas grogs po de rnams kyis slar byang chub sems dpa' la smras pa//sdug bsngal rtsa ba can gyi skye ba 'di la ji ltar yang chad par 'gyur zhes bya ba'o/ /byang chub sems dpas gsungs pa/ gal te mchog tu gsal ba nye bar thob pa'i phyir/ /khyed cag 'dod pa yod na de yi phyir/ /zhi ba 'dod pa khyed rnams kyis/ /srog chags 'tshe bar mi bya ste//kun nas mi tshangs spyad mi bya/ /brdzun du smra ba mi smra zhing / /dbang po'i tshogs ni gdul byas na/ /de lta bu yi blo thob ste/ /gang gis skye ba'i shing 'di ni/ /rnal 'byor shes pas rtsad nas 'don/ /de nas grogs po de rnams kyis legs so legs so zhes bya ba byang chub sems dpa' la mngon par bstod nas rang rang gi gnas su song bar gyur to//drang srong de'i gdams ngag dran nas kyang / ri dgas de thub pa 'dra bar skams pa'i rtswa dang / rang nyid kyis lhung ba'i shing rnams kyi 'dab ma rnams dang / rgya shug dang / mig gi 'bras bu rnams myang zhing ri bo'i nags de la gnas par gyur to//khwa das kyang srin bu dang / phye ma leb la sogs pa rnam par 'tshe ba las rnam par bzlog ste/ cung zad gang nas kyang myang zhing bdag nyid chog shes pa la zhugs shing 'dug go/ /shubs med me tog tshom bu 'dar bar byed pa ni/ /dri zhim nags kyi mtha' ma'i rlung ni 'thung byed cing //bkres pa'i me ni bsren par dka' ba yod kyang ni/ /nam yang sbrul gyis byi ba rnams ni za ma gyur/ /phug ron gyis kyang ltung ba'i yongs su smin pa skya ba ni/ /ma rmongs 'khrungs pa'i sa bon sa la lci ba'i snying po za/ /rab tu zhim pa mid pas dri med yid ni rnal 'byor ltar//nags de la ni lhan cig spyod pa lta bral spyod par gyur/ /dud 'gro'i skye gnas rnam par byed pa'i mi dge ba'i las kun nas zad pa la bzhi po de yang srid pa gzhan la mi lus nyid thob nas slob bzhin pa zhi ba'i go 'phang nye bar thob par 'gyur te/ yon tan ldan pa rnams dang 'brel pa yis//des 'gro rnams kyang bzang po nyid du 'gyur/ /tha mar yang ni srid pa 'gag pa ni/ /dri med bsam ldan skyes bu smos ci dgos/ /de ltar na tshul khrims dang mi ldan par gyur pa'i khyim gyi bde ba la mngon par chags pa zhes bya ba rnam par bsams nas dka' thub kyi nags la mngon par dga' ba la bdag nyid dang ldan pa rnams kun nas zhugs par byed pa de'i phyir//zhi ba 'dod pa'i shes rab kyis sreg lugs 'dzin pas kun nas khyab pa dang 'dra ba'i khyim dor nas zhi ba'i dgon pa la lhag par gnas par bya'o//dam pa'i skye bo dang 'brel bas legs par thob pa ni rnyed par sla ba ste/ /de bas na dus rtag pa nyid du dge ba'i bshes gnyen la brten pas gnas par bya'o zhes bya ba'o/ /drang srong lnga'i skyes pa'i rabs te skyes pa'i rabs lnga pa'o// //tshul khrims la ni bsam pa kun zhugs pa//skye ba chad phyir nges pa'i bdag nyid can/ /lha yi bud med rnams dang rol pa yis/ /brtan pa rnams ni 'gugs par mi 'gyur ro/ /'di ltar rjes su thos te/ yul bA rA Na sIr rgyal po'i yon tan thams cad dang ldan pa'i rgyal po tshangs pas byin la ka shi mdzes pa zhes bya ba'i sras byang chub sems dpa' byung bar gyur to//bdag nyid chen po de yang skye ba gzhan la nye bar bsags pa'i shes rab kyis ji lta ba bzhin du dam pa'i chos kyi nges pa bltas par gyur pa lang tsho dang po la yang bud med skye bos yid 'phrog pa'i mdzes pa'i gzugs kyi yul rnams dang smra ba nyid 'gro bar mi 'gyur ro//rgyal srid ni gzhan la nye bar 'tshe ba dang / mi bden pa dang / 'dod chags dang / zhe sdang dang / gti mug dang / chags pa dang / rgyags pa dang / nga rgyal dang / ngar 'dzin pa rnams kyi rten dang / nye bar zhi ba dang / /mi mthun pa dang / bde 'gro'i sgo la sgrib pa dang /ngan song du 'gro ba thob par nus pa dang / ngal ba bskyed pa dang / chog shes med par byed par shes nas nye bar zhi ba'i rgyu mchog mi shes pa nye bar zhi ba dang / nye bar bsags bzhin pa'i yon tan rnams kyis dga' ba dang / 'jig rten pa thams cad skyed par byed pa'i ma dang 'dra ba'i rab tu byung ba nyid la rnam par bsams nas bde ba nye bar thob kyang /rgyal tshab la dbang ba'i rgyal srid yongs su dor nas dbang po'i tshogs nye bar zhi ba/ grogs po dang 'dra ba'i chog shes pa la dmigs te/ dka' thub kyi rab tu byung ba nyid la brten nas/ ri yi nags la shing lo'i khang pa byas nas ri ltar brten pa'i sems//ri dgas rma bya ngang pa'i tshogs kyis nye bar khyab pa yi/ /khri snyan pags pa rgyal ba'i tshogs 'dzin cing / /sems can zhi ba'i phyir ni zhi byed dka' thub bsags par 'gyur/ /dga' bas gti mug mun pa rnam chad dag pa dang / / ring nas sems kyi sgo skyong nye bar brtan pa ni/ /kun nas 'phro ba'i bsam gtan skas rim phreng ba yis/ /mngon par shes pa lnga yis khyim ni der 'dzeg gyur/ /de nas bdag nyid chen po de dus gcig gi tshe na bsam gtan las langs te/ /ri dgas rnams kyi las rjes su song ba 'bras bu dang /rtsa ba nye bar bsdus pa'i phyir lo ma las byas pa'i khang pa de las nges par byung nas rlung gis bskyod pa'i yal ga'i lag pa 'bras bu mang ba'i shing rnams kyis nye bar 'os par gyur pa ltar dkar ba'i 'gram la nges par 'brel pa'i sar swa dang dur pa pho mo gnyis dang ldan pa/ ri bong can gyi 'od zer ltar dri ma dang bral ba'i chu bo rnams mthong zhing /chu bo'i bdag po ltar zab pa'i yid rang bzhin gyis dga' ba'i nags kyi nang du rnam par 'chag par gyur to/ /rnam par spyad cing brag gi dkyil na 'dug pa yongs su smin pa'i rtswa dang / 'bras bu'i rgyal po dang rjes su mthun pa'i nu ma 'dzin pa/chu 'dzin pa chad pas rnam par dag pa'i ri bong can gyi cha dang gser bcad pas dri ma med pa'i lus kyi srog shing byu ru ltar mngon par dmar ba'i mchu dang ldan pa pad+ma'i 'dab ma ltar cha che ba'i mig ze 'brus brtsams pa rna ba'i rgyan dang ldan pa/ rab tu srab cing 'khyog pa'i smin ma'i ri bong 'dab ma ltar shin tu 'jam pa'i lag pa'i pad+ma can/de'i ma dang bral ba'i dpal dang 'dra ba'i dri zhim pa'i me tog rnams kyi skra lo mngon par gang ba'i ma lus pa'i ri bo'i nags kyi nang brgyan par byed pa 'dra ba shel ltar dri ma med pa'i so rnams kyi 'od zer ze'u 'brus dbyings kyi pad+ma nye bar mdzes pa/mtho ris nas kun du lhung ba'i lha'i bu mo ltar mi 'am ci mos mthong bar gyur to/ /des kyang de'i gzugs mdzes pas snying 'gugs par 'gyur ba re zhig drang srong gi bu 'di mngon par 'dod bzhin pa la 'gro bas gtam gzhan gyis cung zad smra bar bgyi zhes bya ba rnam par bsams nas de'i drung du nye bar 'ongs te/phra ba'i sgra ltar 'jam pa'i glu'i sgras ri dgas rnams la yang rna ba 'phrog par byed cing / bung ba'i phreng ba kun nas lhung bas khyab cing g.yo ba'i mig /cung zad kun nas mtho ba'i gdong can dbus kyi cha srab ba/ / 'dab ma dang ldan nags kyi shing gi yal ga bkug nas ni/ /rim gyis srab pa'i me tog rnams ni kun nas btus par gyur/ /de yi mdun du gnas nas yan lag ri mo rid pa ni/ /'o ma 'dzin pa gnyis las gos ni ltung bas bkag byas nas/ /cung zad sgu ba'i gdong gis dgod pas kun nas brgyan pa yi//de ni cung zad 'jam pa'i rnam par rol pa gsal bar gyur/ /mi 'am ci mo de ni dul ba'i de yid la/ /smin ma gar mkhan mos ni rol pa shin tu yid 'ong gdong / /srid pa'i mes ni kun nas khyab pa'i yid can sems kyi skabs/ /rnyed pa min te chu gter bral ba'i mkha' la glog bzhin no//rlung ni dpral 'phyang sgra yis brgyan byas dpral ba can/ /mig gi rnam par rol pas yid 'ong 'dud byed pa/ /mdzes pa'i lus can brnyas pas kyang ni dga' byed de/ /thub pa de ni chags pas rgyal ba ltar mi 'gyur/ /mchu ni spro ba rnam par rol pa rtse gcig de//tshig ni ci yang ngo tsha dang smra ba yi phyir/ /pad+ma'i 'dab ma sen mo'i rnam par 'bugs byed pa/ /rlung gis kun gdungs ljon shing ltar ni rnam 'dud gyur/ /des kyang byang chub sems dpa' dang nye bar 'ongs nas gsong por smra ba sngon du 'gro bas smras pa/ drang srong chen po yan par 'dod pas bdag cung zad cig smra bar 'dod pa ste/gal te ngo srung byed na mnyan par gyis shig ces zer ro/ /byang chub sems dpas smras pa/ 'o na dbugs phyung ste smra bar gyis shig /mi'am ci mos smras pa/ khyed kyi 'di yan lag med pa'i gzugs las lhag pa'i mdzes pa gang du ste/'di yang rab tu thug pa med pa'i mig sman gyi phye ma ltar shin tu nag pa smar byung bas sngo bsangs yid 'phrog ma brtsams pa'i 'gram pa can dang / zla ba'i dkyil 'khor ngo tsha bar byas pa dang / kun nas smin pa'i n+ya gro d+ha'i 'bras bu'i rnam par smin pa'i mchu dang ldan pa dang /ut+pa la dang rjes su mthun pa'i gdong gi mig dang / kun da sar pa dang / zla ba dang / kha ba dang 'dra ba'i so'i phreng ba'i ze 'brus brtsams pa'i bzhin gyi pad+ma 'di yang lang tsho sar pa'i bzo bos nyi ma re rer mdzes pa nye bar bsags par gyur pa dang / me tog gi ro'i ze 'bru ltar dkar ba dang / mya ngan med pa'i 'dab ma ltar 'jam pa'i rkang lag dang ldan pa dang / shin tu yangs pa'i brang mngon par 'dod bzhin pa'i mdzes pas 'khyud pa dang 'dra ba dang / skye bo ma lus pa'i yid dang mig 'phrog pa dang / 'dod pa'i lha'i rten lus 'di gang du ste/ yongs su smin pa'i skye bo rnams kyis bsten par bya ba dang /'ga' zhig tu nye bar dmigs bzhin par rang bzhin gyis rtsub pa'i rtsa ba dang / 'bras bu'i kha zas can dang / sra ba'i ku sha'i rtse mo rnams kyis bgrod par dka' ba'i sa'i cha dang ldan pa'i mig mnyam pa'i ri'i 'gram dang / sbrul dang ri dgas kyi skad mang pos 'jigs su rung ba'i nags kyi mthar gnas pa ste/'di ni lha yi bu mo yang ni khyod kyi lus/ /gal te yan lag med pa'i gzugs 'phrog mthong na ni/ /lha rnams las ni ltad mo rnam par bzlog gyur pa/ /'dod pa mtho ba khyod la bsams pa nges par 'dzin/ /gal te dka' thub bu mo'i skye bos khyod la ni//lang tsho sar pas mngon par dga' ba 'di ltar mthong / /me tog mtshon cha mda' yis sems la 'bigs pa ni/ /dka' thub la ni gus pa 'dzin par mi 'gyur snyam/ /'dod lha gzhu ni bdungs par byas pa de la min/ /bud med kyi ni yan lag rab tu rid par byed//gang gis shin tu yangs pa'i mig can khyod kyi gdong / /'di ni zla ba ltar ni yid 'phrog mthong ba ltar/ /zla ba sprin las bral ba ltar ni khyod kyi bzhin/ /gsal pa'i mdzes pa dang ldan 'di la gnas pa ste/ /ri dgas mig can rnams dang nges par ni/ /ri dgas mo rnams la yang g.yo ba med par 'gyur//bud med bzhin ni rim gyis gyen du blta byas nas/ /gang gis yun ring phyir ni thig le byas gyur pa/ /lag pa de 'od shin tu 'jam pa ci yi phyir/ /shing rnams len pa'i phyir ni khyod kyis nges par sbyar/ /gsal ba gsar pa ge sar ltar ni dkar ba dang //nor bu sna tshogs rgyan dang mchog gi gos 'os pa/ /khyod kyi lus kyi sra ba'i gos dang pags pa dang / /shing gi lo ma rnams ni ji ltar 'dzin par 'gyur/ /mdza' mo'i gdong rnams la ni khyod kyis lta ba 'di/ /'dam skyes mngon par gsar pa rnams la bung ba ltar/ sbrul ngang ri dgas rab tu mang ba'i nags rnams la/ /mdzes pa'i gdong can 'khor bar byed pa mdzes pa min/ /dbang phyug la ni 'dod pa bral ba'i yid can khyod kyis ni/ /gang zhig dka' thub brtul zhugs nges par 'brel ba'i yid re bas/ /ma lus pa yi longs spyod 'dzin pa'i skye bos khyab pa yang //mar me shi ba bzhin du khyim der snang bar gyur pa min/ /de bas na shin tu mang po smras pas ci zhig bya ste/ bdag gi grogs mo mi'am ci'i bu mo yid de gang gi drung du gzugs la mngon pa'i nga rgyal dang ldan pa'i lha'i bud med kyi skye bo yang ngo tsha bar byed de/ /de yang ri bo nags kyi nang du kun nas 'khor ba'i khyod mthong nas rnam par 'gyur ba su zhig yang 'ongs nas/nyi ma re rer kun nas skya ba dang / lus kyi srog shing rab tu rid pa dang / dbugs tsha bas mchu mngon par brel pa dang me tog gi mal stan dga' ba rnams la yang gnyid mi phebs pa dang / mtshan mo bud med kyi gdong la khyad par du byed pa'i skar ma'i bdag po la yang sdang bar byed pa dang /dpyid ka'i zla ba la kha bye ba'i lhan cig byed pa'i snye ma dang yang dag par 'brel bas rlung tsha ba'i skyed mos tshal rnams la yang rol par yang mi 'gyur te/ yang ba dang / bsil ba dang / ri bong can gyi cha ltar dkar ba'i pad+ma'i rtsa ba'i gdu bu rnams 'dzin par byed cing /rnam pa gang gis kyang grogs mo'i skyo ba sangs pa ste/ ngo tsha ba dang bcas pa'i 'og tu lta ba'i mig can des kyang ze 'bru'i me tog dang rjes su mthun pa'i rkang ba'i mthe bong gis sa'i dkyil du mngon par bri bar byed pa'i dben sa na gnas pa de la grogs mo bdag la 'di lta bu'i gnas skabs zhes bya ba 'dod pa'i gtam smras pa/kun nas snying pa'i me tog tsam pa ka'i phreng ba ltar kun nas skya ba dang rid pa'i yan lag bstan par byas nas khyod kyi drung du bdag brdzangs pa ste/ de bas brtse ba nyid ni dmigs byas nas/ /bud med yang dag 'brel las bzlog pa yang //'dod pa'i me yis sems ni tshig pa ni/ /bdag gi grogs mo'i sems la dga' bar gyis/ /gnas la lhag par gnas pa'i dka' thub nor can gyis/ /dka' thub kyi ni 'bras bu 'di ni bsam par byed/ /yun ring por ni ma lus cha la mkhas pa yi//bud med rnams dang lhan cig longs spyod bde gang yin/ /de nas byang chub sems dpa' de'i bdag nyid kyi dgongs pa de rnam par shes nas smras pa/ sring mo re zhig smos shig/ /mi 'am ci'i bu mo de na tshod kyis khyod lhag pa yin nam/ 'on te ma yin/ des smras pa/de bdag gi na tshod lhag ces zer ro/ /byang chub sems dpas smras pa/ gal te de ltar yin na de bas khyod nyid la bdag gis da lta nyid du mthong ba'i lus gzhan dang 'dra bar mthong zhes zer te/ gang gis khyod kyi tshig ni 'jam pa sngar byung ba/ /des ni de ring shin tu rtsub pa'i dbyangs ldan pa//dang po 'di ni ji ltar bzhin ni 'byung 'gyur ba/ /shin tu yid 'ong de ltar khyod la da ltar min/ /me tog sar pa yid ni 'phrog par byed pa ste/ /de nyid yongs su smin pa mdzes pa ma yin te/ /skad cig mas 'gyur dngos po rnams la thams cad du/ /ci zhes bya ba rtag tu skal bzangs 'byung bar 'gyur//tshes gcig la ni 'gro ba yid 'ong zla ba'i cha/ /de ni nyi ma gzhan la mang po sems ma yin/ /gang phyir sar pa rnam par rtog pa mdzes pa ni/ /yan lag can rnams la ni yid 'phrog dngos por 'gyur/ /sring mo gzhan yang cung zad lang tsho dang nye bar gyur pa khyod nyid la skra lo dkar por byas pa dang /bzhin gyi mdzes pa 'phrog pa dang / mig dang smin mtshams kyi rnam par yan lag thams cad la lhod pa nyid skyed pa dang / so bar byed bar byed pa dang / lhag par rab tu 'dar ba'i rgyu dang / rgyun mi 'chad par blo 'byung bas tshig nye bar 'gal ba dang /dbang po rnams kyi sgo 'gebs par byed pa dang / glags rnyed pa'i sha za mo bzhin du mngon par 'tshe ba dang / ma thob kyang thob pa dang 'dra ba'i rgas pa mthong nas/ mi 'am ci'i bu mo de la lta smos kyang ci dgos gang zhig khyod kyi na tshod 'ga' zhig 'jug pa'o//re zhig g.yeng ba med par nyon cig /gang tshe lus kyi yan lag rnams ni so so ba/ /zhugs par gyur pa 'dzag cing mthug pa'i khrag dang bcas/ /'gro ba'i yid 'phrog 'dod pa la skyes bde ba la/ /de tshe sems dang ldan pa ci phyir yid ni 'byung / /rnam 'jig bud med rus pa'i dra ba 'di la ni//mgo skyes rus pa rtsa dang rgyus pas bcings pa ni/ /yan lag min pa'i rtogs pas bsam pa rmongs byas pa/ /bde ba'i bsam pas rmongs pa chags pa nye bar 'gro/ /dga' ba'i skye bos lhan cig kun tu 'brel byas nas/ /rnam par bral ba'i sdug bsngal gyis ni skye bo gnod//sdug bsngal rgyu mtshan kun nas 'byung ba bdag nyid can/ /de bas kun nas 'dod cing rnam par bsam mi bya/ /ji ltar srin po'i rnam 'gyur sa las rnam byas nas/ /de nyid las ni byed po 'jigs pa dang bcas 'gyur/ /de bzhin skye bo 'dis yang rang nyid byas pa'i las//sdug bsngal mang bas rab tu gnod byas 'jigs par 'gyur/ /ma lus nang gi bdag nyid dang ni 'byung lhag pas/ /de bzhin lhag pa'i lha 'byung 'jig rten gsum gdung byed/ /de tshe sdug bsngal gsum po 'di yang 'byung ba ste/ /gang tshe skye bo 'di ni rnyog pa med par gnas/ / sring mo gzhan yang khyod kyis gang zhig smras pa/ dgon pa 'jigs shing sbrul dang / ri dgas mang ba rnams la khyim dor nas lta ba la skyo bsangs khyod kyis byed ces bya ba 'di la nyon cig /gang gi phyir zhi ba'i yid can rnams kyi nags nyid shin tu bde ba bskyed pa'i phyir mthong ba ste//a rdzun yi shing gi snye mas dri zhim pa'i/ /glang po che yi smyon chus tshang tshing bsgos pa ni/ /sa 'dzin dang ni chu bo rab tu song 'gyur ba/ /nags kyi sa rnams bde bar 'dzin par byed pa ste/ /thub pa'i yid la ji ltar dga' ba'i sa rnams kyang / /bdud rtsi za ba rnams kyi che bde ltar min//gang zhig srid pa dang ldan khyim na gnas rnams kyi/ /gzhan la slong ba'i nyon mongs sdug bsngal rnams/ /de dag dka' thub nags na gnas rnams kyi/ /chog shes nor ldan rnams la ci yi phyir/ /don la gnyer ba 'jigs pas su zhig ces bya ba sdug bsngal thob par mi 'gyur ba'am/ thob par 'gyur ba ma yin pa'am/ thob pa ma yin pa'o/ /khyod kyis ltos shig /gal te bung ba smyon chu 'dod pa ma yin na/ /gnyis 'thung gis ni rna ba'i rtse mor 'babs mi 'gyur/ /gzhan dang rjes su song ba bde cha thob pa'i phyir/ /skye ba dang na chan gzhi ni 'byung ba kho na yin/ / bud med dang ni lhan cig gcig tu skom pa bzhin/ /gang zhig zhi med sred pa nang ni gnas 'gyur pa/ /dam min skye bo khro ba'i gzhu nas 'byung ba ni/ /smod pa'i mda' rnams nam yang de la gnod mi byed/ /de ltar dka' thub spyod pa'i yon tan 'di rnams shes nas khyed kyi lang tsho'i rgyugs pa rnam par zlog pa bdag nyid 'di dbang po kun nas bsdam par bya ba'i phyir//rigs pa ma yin no zhes zer ro/ /byang chub sems dpa' chos bstan pa'i chu'i dbang bskur gyis chags pa'i me zhi bar byas pa de yang legs so legs so zhes pas bdag nyid chen po de la kun nas mngon par btud cing phyogs gcig tu song nas des nye bar bstan pa'i bsam gtan gyi cho ga rtsom pa yin no//de nas byang chub sems dpas rang gi shing lo yi/ /rab tu zhugs te bud shing 'bar ba'i me mchod nas/ /rim gyis zhim pa'i 'bras bu rnams ni bza' byas te/ /bsam gtan bzhi pa la ni sems de 'ching bar gyur//de ltar lha'i bud med dang rjes su mthun pa'i mi 'am ci mos byang chub sems dpa' la 'dod par gyur pas brtan pa la dmigs te/ brtul zhugs nyams par ma byas pa zhes bya ba rnam par bsams nas tshul khrims kyi phyir gus par bya'o/ /skyes bu'i longs spyod rnams kyang tshul khrims la bar chad kyi rgyu rnams te/de'i phyir de rnams la chags pa med pa nyid legs pa zhes bya ba'o/ /gang gi che gar mkhan gyi bu mo ut+pa la zhes bya ba gar mkhan dang lhan cig tu 'od ma'i tshal na bzhugs pa'i sangs rgyas bcom ldan 'das kyi drung du gar dang glu rnams gsal bar byas pa ste/bcom ldan 'das kyis kyang de la rgas pa yang dag par bstan nas lang tshos rgyags pa bsal bar byas nas phyis dgra bcom pa'i 'bras bu la de rnam par zhugs par mdzad do/ /bcom ldan 'das kyis kyang dge slong rnams kyi mdun du skyes rabs 'di lung bstan par mdzad pa ni/gang zhig ut+pa la zhes 'di de/ /mi 'am ci yi bu mor gyur/ /ka shi mdzes pa zhes byar bdag /drang srong brtul zhugs ldan gyur to/ /rgyal ba 'khor ba 'jig ni byung / /'di rnams rgyas pa yi ni bu/ /rgyal po mdzes pa'i der yang ni/ /sangs rgyas mdzad pa 'di rnams mdzad//dri yi mar gyis spangs pa yi/ /de yi skad cig mar snod la/ /rgyal po mngon du gnas pa ni/ /grong khyer skye bo gnyen dang bcas/ /thun mtshams rjes mthun rab tu srab pa lus kyi bde ba long bur 'phyang ba'i chos gos 'dzin mdzad cing / /rna ba dang ni nye bar rjes su 'brang zhing brtan pa sa yi rang bzhin mig rdzi mdzes pa'i mig /'jig rten pas ni mngon par mchod bzhin pa ste bka' gsal ba yi me tog gter ba 'dren pa sangs rgyas bzhugs/ /mdzad nas zhi ba'i ting 'dzin gnas pa bzhin du yid du 'ong ba gar gyi sar ni zhugs par gyur/ / dge slong ma yi cha byad 'dzin/ /lhag ma rgyas pa'i bud med rnams/ /ut+pa la zhes bya 'di byung ste/ /de yi cha byad 'dzin pa byung / /dge slong cha byad rnam par mdzes/ /gtso bo yi ni rdzas 'gro ba/ /rgyas pa'i bu ni lhag ma rnams/ /dbang po zhi ba zhugs par gyur/ /'di rnams smon lam dbang gis ni//thams cad bdag cag nyer 'ongs pa/ /chos don gnyer ba bdag gis ni/ /srid pa gcod pa'i skal byin to/ /ka shi mdzes pa'i skyes pa'i rabs te skyes pa'i rabs drug pa'o// //mkhas pa rnams kyis zang zing sbyin pas ni/ /dka' ba rnyed pas sems can rjes bzung nas//nyon mongs gcod par byed pa'i chos sbyin pas/ /rjes su 'dzin par byed par 'gyur ba yin/ /'di ltar rjes su thos te/ dri ma med pa'i chu dang / bkod ma'i chu dang / ri las 'bab pa'i chus sa 'dzin gyi cha dag par byas pa dang / sna tshogs pa'i shing rnams kyi me tog gi dris bsgos pa'i rlung 'jam po yod pa dang /dbugs 'byung zhing 'dug pa'i ri dgas kyi tshogs dang ldan pa dang / sngo ba'i rtswa sa dga' bar 'gyur ba dang / 'ga' zhig tu shing gi bug pa'i bar nas rab tu zhugs pa'i bar mtshams yod pa nyi mas sa'i cha 'dres pa dang / thun mtshams kyi dus su rnam par rgyas bzhin pa'i me'i sbyin sreg gi dgang blugs kyi du bas shing rnams kyi 'dab ma dang /me tog rtsub par byas pa dang / me tog gi mtshon byas rkang pa rgod par ma byas pa dang / dka' thub kyi dngos grub kyi shing chen po la dka' thub kyi nor can gyi skye bos khyab pa'i dka' thub kyi nags na byang chub sems dpa' sems can gyi don bsgrub pa brtsam par 'dod cing /bstan bcos sna tshogs thos pa dang / slob ma rnams la ston par byed pa dang dam pa'i chos gnas pa gsal bar byed pa dang / bzod pa dang ldan pa dang / mchod par 'os pa dang / dkar po nyid mi 'dor zhing ma lus pa'i sred pa dang /phongs pa'i skyon dor ba dus gcig gi tshe dka' thub pa yod par gyur to/ /mun pa 'joms shing bde bar byed pa rnams 'phro ba'i/ /'od zer rnam bzhi yon tan rnams kyis brgyan pa'i gzugs/ /gzi brjid ldan pa de la dang ba thob 'gyur ba/ /lus can rnams la lta ba rnams ni zla ba bzhin//bdag gi sngon nyid yon tan te/ /de nas mnyam nyid bzhin rten pa/ /dam pa la ni su zhig thogs/ /snying rje ldan pa yon gnas so/ /bdag nyid chen po de la yang rab tu zhi ba'i bde ba 'dod pas dka' thub kyi nags de dang shin tu ring ba ma yin pa la rnam par kha phye ba'i pad+ma'i 'byung gnas kyis nye bar mdzes pa'i phyogs gcig gi ri'i mthar thug par shing lo'i ra ba dga' bar byas te/bsam gtan sgrub pa la nges par zhugs so/ /gang phyir dbang po'i yul ngor ro/ /gcig pa la ni bsam gtan sgrub/ /de phyir gnyis med nags kyi nang / /zhi ba lhag par gnas par gyur//dka' thub rnams kyi brtan po dang / /chos kyi don la nyer brten pa/ /gti mug rnam gcod zhi ba ni/ /mya ngan 'das phyir gtam byas gyur/ /de nas dus gcig gi tshe na chu 'dzin rnams las char pa dang bral ba'i phyir/ /ljon shing dang / rtswa kun nas skams pas nags kyi nang du 'ongs pa'i skyon gyi cha gzhan dang ba 'dzin pa'i khyim na gnas pa rnams yod pa dang /'bras bu rnams 'grib pa dang / rab tu srab pa dang / skam pa dang / rgas pa'i 'dab ma can gyi shing rnams yod pa dang / khyo med pa dang 'dra ba'i rab tu sra bar gyur pa'i stegs dang ldan pa yod pa dang /rtswa nyung ba za ba nyid kyis kun nas stobs chung ba'i yan lag ri dgas kyi khyu yod pa dang / rab tu grags pa'i khro ba dang ldan pa'i rgyal po bzhin du skye bo thams cad la gdung bar byed pa'i nyi ma yod pa dang / nyin mo byed pa'i 'od zer rnams dang 'brel pas lhag par gdung ba dang /'od ma yongs su smin pa chags pa'i sgra las sdigs mdzub pa dang 'dra bar rma bya dang / shang shang te'u dang / khu byug dang / ri dgas kyi tshogs rnams kyis lam dor ba dang / nags kyi sreg lugs 'dzin pa rab tu 'gro zhing sreg lugs 'dzin pa'i shing rta 'dren pas rab tu bskyod pa'i rdul gyi tshogs kyi dbus su 'khor zhing kun nas skyo ba'i rtswa'i nyag mas ma lus pa'i shing rnams kyi 'dab ma can gyi nor ldan ma la chu 'dzin par ma shar bas 'thung bar 'dod pa nye bar bsags pas mgrin pas kun nas skams pa'i rma bya rnams yod pa la/rtsa ba dang / 'bras bu kun nas zad pa'i dgon pa de la dka' thub pa de rnams dka' thub dang bkres pas shin tu lhag par kun nas skya ba'i lus can/dka' thub kyi nags de las grong khyer dang / grong la sogs pa rnams la mngon par 'gro ba kun nas 'dod cing byang chub sems dpa' dang nye bar 'ongs nas smras pa/ char ni chad pas rtswa ba'am ni 'bras bu 'di/ /ri yis sa la zad pa grags pa ma zad lags/ /de ni med pas kho bo cag la srog gso med/ /lus la gnas phyir de la skye bo'i nang 'gro bgyi/ /kha zas yod na lus ni rgyas pa skye ba ste/ /rgyas pa yod na rnal 'byor nus pa yod/ /rnal 'byor goms pas de nyid rnyed nas rnal 'byor pa//snang ba mthong bas 'jig rten chags pa 'dor par byed/ /de bas mu ge'i slong mo ster ba dman pa ni/ /grong gi mtha' 'am grong khyer du ni thob byas nas/ /'jig rten 'dir ni lo tog skyes pas dga' ba skyes pa la/ /slar ni nags nang zhi ba'i khyim ni gnas par bya//bsam gtan rnyed pas khyed rnams lta bu thub rnams la/ /grong nang ci 'dra de 'drar ri yis phyogs te/ /rnal 'byor rnams kyi rnal 'byor dag pa dga' 'phel ba/ /phongs dang nga rgyal sems ni nam yang 'gro ba min/ /blo gter khyod kyi ngag ni me tog 'di rnams ni/ / dor bar mi byed 'bras bu ster bar zhi ba'i phyir/ /nyer 'tshe dang bral skye bo la ni gnas byed pa/ /kho bo cag ni rang yang khyed dang phrad par 'dod/ /byang chub sems dpas smras pa/ gang gi phyir dul ba rnams la ni skye bo'i gnas la gnas pa skyon mang ba ste/ gang gi phyir dang skyes bu'i snying 'gugs par byed pa dang /'jam pa'i dgod pas rnam par gsal bar gyur pa'i sa'i nor bu'i 'od rnams kyis gdong brgyan pa dang / phyir phyogs pas lta ba sgeg pa la mkhas pa dang / lci ba'i bud med kyi dbang po'i khur bus 'gro ba mi nus pas gar gsal bar byas pa 'dra ba dang / smin pa'i ljon shing la gyen du 'dzeg pa tsam gyis gzhu bdungs pa'i phyir 'dod pa'i lhas bka' bsgo ba dang 'dra ba'i bud med kyi gzugs rnams yod do/ /gang zhig dka' thub pa rnams kyi yang snying 'phrog par byed pa ste/ rnam pa thams cad du mdor bsdus pa ni 'di yin te/ mkhas pa rnams ni bud med ma mthong zhing phyir smra ba ste/de mthong ba la mngon par smra ba yongs su spong na ni/ /smra ba la yang bu mo dang ni sring mo'i 'du shes can/ /nam yang mang po rnams kyi dbang du song bar 'gyur bar min/ /rno ba'i mda' ni kun nas phog pa rno ba ri dgas 'dod min te/ /rna ba dang ni snying ni 'phrog par smon pa'i glu la snyan pa ste//bde ba'i cha yis sems ni 'phrog pa rnam par dben pa nyal ba'i blo/ /skye bo 'di ni bzod par dka' ba'i sdug bsngal mthar ni spyod mi byed/ /de ltar na bud med dang bral ba'i skyon gyis skye bo'i pha rol gyi skyon bltas pa dang / mang zhing mod pa'i skye bo dang ldan pa dang /dbang po dang phrad pa rnyed par dka' ba dang / dbang phyug gi cha myang pa la rtse gcig pa dang / gzhan la phan pa rab tu srab pa dang / gzhan gyi rjes su drangs pa'i ngal ba mang ba 'ga' zhig tu dmigs par gyur pa'i bza' ba tsam gyis da khyed cag rnams la bdag gis skye bo'i gnas la gnas par rjes su shes par bya'o//de'i phyir re zhig bdag gi khang pa 'dir zas cung zad khyed cag rnams kyis gsol bar mdzod cig /gal te de lta bu'i kha zas 'dod par gyur na de nas nyi ma re rer bdag khyed cag rnams la srog gnas pa'i phyir 'bad par bgyi'o//mi smra ba nyid kyi phyir spyan drang ba 'di dka' thub nor bcas rnams la rjes su 'dod do zhes bya ba rnam par bsams nas byang chub sems dpas smras pa/ 'dir yud tsam sdod cig dang ji srid du bdag gis byang gi sgra mi snyan nas kha zas blang bar bya'o zhes zer ro//de nas sa yi rang bzhin lhung bzed de bzung nas/ /khri snyan pags pa dang ni shing shun nges 'brel ba/ /dka' thub nor can rnams kyis dga' ba gyen bltas pa/ /nam mkha' dri med ral gri ltar gnag mdzes par 'gyur/ /skad cig ma nyid kyis kyang bskal ba'i shing gi me tog dri dang ldan pa skyes dang 'dra ba 'dzin cing grogs po dang 'dra ba'i rlung gis so sor 'byung ba nam mkha' las babs te/gser gyi shing dang / ljon shing gi nags rnams lta zhing / margad dang / bai DUr+ya dang / in+d+ra nI la dang / pad+ma rA ga dang / gser gyi rang bzhin gyi khyim gyi rtsig pa rnams kyi dga' ba'i byang gi sgra mi snyan du zhugs te de las kyang lha'i bu mo dang 'dra ba bud med rnams kyis nye bar sbyin pa'i bdud rtsi ltar zhim pa'i bsod snyoms nye bar blangs nas nam mkha' lding dang 'dra bar nam mkha' la 'phur zhing snga ma bzhin du rang gi khang par 'ongs par gyur to//de nas nags kyi shing rnams 'og tu nyer gnas pa//rab tu zhi ba'i gzugs can dka' thub pa rnams de/ /dri zhim pa yi kha zas kyis ni lus la stobs sbyin pa'i/ /nye bar zhi ba'i yid can des ni tshim par mdzad/ /dka' thub gter des ji lta ji ltar kha zas sbyin/ /de lta de ltar de ni shin tu 'phel bar gyur//bdag nyid chen po rnal 'byor rnams kyi dngos po ni/ /chung yang rnal 'byor stobs kyis rgya chen nyid du 'gyur/ /nyi ma re re la yang byang gi sgra mi snyan nas 'ongs pa'i kha zas de lta bus dka' thub pa de rnams la bdag nyid chen po des bkur sti byas par gyur la/ phyis kyang bden pa'i byin gyi rlabs 'di byas par gyur te//bdag la nam yang srid pa'i mthar ni yid 'di ni/ /ji ltar 'dod pa'i rnam rtog rdul gyis ma khyab pa/ /bden pa 'dis ni de ltar lha yi dbang po ni/ /'gro ba'i dbang phyug phyir ni chu ni ster bar shog /drang srong chen po des bden pa'i byin gyi rlabs byas pas kyang skad cig de nyid la de'i bsod nams kyi dbang du byed pas mgu ba'i lha'i bdag pos kun nas bskyod pa'i yan lag spros pas snang ba'i lto ba lha'i dbang po'i gzhu'i rgyan 'dzin pa/ut+pal sngon po sar ba'i phung po ltar sngo ba'i chu lci ba nyid kyis phyogs kyi sgo 'phyang bar gyur pa'i chu 'dzin pa rnams kyis nam mkha'i dkyil g.yogs par gyur te/de nas chu 'dzin yang dag 'brel bas bsil ba ni/ /me yi grogs po shing rnams bskyod pa rab rgyu gyur/ /ri dang nags la yang ni rgyags pas sgeg pa ni/ /rma bya'i tshogs kyi skad rnams rnam par rgyas par gyur//sa yi dkyil 'khor dri zhim par ni 'gro 'gyur te/ /dang po bsil ba lhung bas yid ni 'phrog byed pa/ /glang po'i rwa dang 'dra bar sar pa'i ke ta ka /dri zhim dri dang ldan pas bung bas zhugs par gyur/ /sa ni sngo bar 'gyur te sar par byung bar gyur/ /shing Sha sar pa'i me tog rtse mo ltar sngo rtswa//rtswa za ba yi ba rnams la yang stobs 'byung ba/ /chu yi dbang gis kyang ni chu rnams ltag par gyur/ /nor ldan ma ni mthug pa'i lo thog gis nor 'phrog /zhing pa rnams kyis mthong nas dga' bar 'gyur ba ste/ /'gram du lhung ba yang dag 'byung ba'i sgra ldan pa/ / chu ni chu bo rnams kyis rnyog pa nyid du gyur/ /de ltar thang skyes ka dam pas ni bsgos pa'i ri/ /sprin gyi dus ni mthong nas dka' thub de rnams ni/ /grogs po bzhin du bzlog pa yul ni gzhan dag las/ /gsal ba'i bsam pas brtan pa lhag par 'gro bar gyur/ /de nas byang chub sems dpa' mi shes pa'i rab rib 'phrog par byed pa'i chos dang 'brel ba'i gtam gyis mtshan mo byed pa'i 'od kyis mtshan mor kun nas song ba dang 'dra ba dka' thub pa de rnams lam log par zhugs pa thams cad lam bzang po la 'jug cing gnas so//de rnams kyang bdag nyid chen po de la nye bar 'ongs te/bstod pa'i me tog rnams kyis mchod cing gnas so/ /sngon du zang zing sbyin pas ni/ /khyod kyis bdag cag tshim pa ste/ /dam chos bdud rtsi sbyin pas ni/ /de nas nges legs la 'jug pa/ /gti mug rab rib 'joms byed pa/ / mtshan mo'i mun pa nyi ma ltar/ /de bzhin mnyam dang mi mnyam pa/ /lam rnams khyod kyis bstan par mdzad/ /gal te khyed 'dra brtan bdag nyid/ /grur ni gyur pa med gyur na/ /duH kha chu bo chen po yi/ /'jig rten 'di ni bum par gyur/ /e ma bde ba skyed pa ni/ /skye bo la byams skye bo yi//yon tan can mchog yon tan ni/ /mnyes gshin bzhin du khyod la 'brel/ /rab rib chen po'i tshogs kun ni/ /ye shes mar mes ma lus 'joms/ /mkhas pa rnams kyi dang po khyed/ /rig byed rnams kyi oM yig bzhin/ /shin tu gtsang ba khyed kyi yon tan rnams kyis ni//sa 'di rnams la bar chad med par brgyan byas te/ /ston ka'i dri med 'od can 'od zer rnams kyis ni/ /mtshan mo byed pa'i ku mu ta tshogs dgod pa ltar/ /de ltar dka' thub pa de rnams bdag nyid chen po de rnams la mngon par bstan par byas nas rang gi gnas su lhag par song zhes bsam gtan la rtse gcig tu byung bar gyur to//de ltar na bcom ldan 'das des byang chub sems dpar gyur pa na bden pa smra bas sems can rnams la zang zing gi sbyin pa dang / chos kyi sbyin pas rjes su bzung ngo zhes bya ba rnam par bsams nas/ /sangs rgyas bcom ldan 'das la dad pa bskyed par bya zhes bya ba'o//dka' thub pa'i skyes pa'i rabs te skyes pa'i rabs bdun pa'o// //rgyan rnams med pa'i rgyan ni bzod pa ste/ /nus pa g.yo ba med pa'i bzod can gyi/ /stobs yod pa la bzod pa byed pa ste/ /bzod pa'i stobs kyi tshol ba shes rab can//'di ltar rjes su thos te/ nye 'khor dang skye bo rjes su gnas pa rtag tu nor mi zad pa nor gyi bdag po yo byad dang mtshungs pa'i chu bo gang gAs bdag por byas pa'i grong khyer las 'dzin pa rnams kyi ri rab bzhin du sa'i bdag po thams cad kyi bdag nyid chen pos steng na gnas pa/ gzi brjid thams cad kyi rang bzhin dang 'dra ba'i ri rab ces bya ba'i rgyal po byung bar gyur to//des kyang dus gcig gi tshe na dul ba dang / shugs dang ldan pa'i zla ba'i 'od zer ltar spu dang ldan pa dang / mtshan nyid thams cad dang ldan zhing rta bdun dang ldan pa'i shing rta'i mchog la zhon nas ri dgas shor ba'i phyir rab tu song ba'i ri dgas dang 'dres pa'i shing rta'i rkang pa'i sgras kun nas skrag par 'phur zhing bskyod pa'i tshogs kyis bar du g.yob bzhin pa dang /rdzing gi chu las bdag rgal ba'i phag gi lus las kun nas ltung ba'i 'dam gyi cha la rtsa'i myu gu rnams kyis khyab pa dang / glang po rnams kyis smyon chu dri zhim pa dang /'ga' zhig tu rab tu drag po'i rlung gis mngon par bteg bzhin pa'i sreg lugs 'dzin pa las yang dag par byung ba'i thug thug gi sgras 'jigs pa dang / rab tu zhugs pa'i rngon pa'i tshogs kyi mda'i rtse mo rnams kyi stag gi rkang pas mtshon pa'i rdul mthong ba'i ri'i nags rnams la rnam par spyod par gyur te/gang dang gang du 'jigs pa dang ldan par 'gro ba/ /ri dgas tshogs ni shin tu 'khrug pa'i mig ldan pa/ /mi yi dbang po de ni shing rtas de dang der/ /dong ba nas ni mda' ni bton zhing bdas par gyur/ /shing rta'i 'khor lo gnyis ni bar dang bral ba'i rtsibs//shugs kyis g.yo ba med cing 'khor zhing sdod pa 'dra/ /shing rta'i rta rnams kyang ni myur bas 'byung ba ste/ /skad cig dmigs shing g.yo ba rngog ma'i rtse mo can/ /de nas rgyal po de shing rta 'gro bas cod pan mi brtan pa kun nas ngal ba rnam par gsal ba'i phyir grib ma mthug pa'i rkang 'thung su zhig nye bar 'ongs nas/ring po nas dor ba'i dmag tshogs la sdod cing 'dug go/ /rim gyis kyang shing rta'i 'khor los phye ma'i rnam par byas pa'i so so'i rtse mor lhung ba'i skyu ru ra'i 'bras bu nges par byung bas 'khor lo'i mtha' mar ri mo dma' ba brlan par byas pa dang /myur ba'i rta'i gdong nas kun nas lhung ba'i kha spu'i chas shing rta'i rtsa brlan pa dang / gnya' shing gi bu ga'i rtse mos kun nas 'byung ba'i me tog 'byung ba'i ljon shing gi tha ma dang / kun nas 'khor ba'i sbrang byed kyi tshogs can gyi mal la rjes su 'brangs nas dmag des rgyal po de la dul ba dang bcas par nye bar song bar gyur to//rgyal po des kyang rim gyis 'gro zhing nags la gnas pa tsam ni ring po nas/ /snod la lta bar byed cing phrad par 'dod pa'i ded dpon ni/ /ngal zhing gnas pa'i rta yis khyab pa ba glang dang bral ba/ /glang po'i phru gu 'dug pa'i tshong pa'i tshogs ni mthong bar gyur//de nas tshong pa de rnams kyis rgyal po de la rnam pa sna tshogs pa'i skyes nye bar bul zhing phyag btsal nas/ lha lags bdag cag ni byang phyogs nas 'ongs zhes bya ba smra zhing 'dug go/ /de nas byang phyogs kyi gtam skabs su bab pa la tshong pa rnams kyi bdag po de rdo rje dbyug pa can zhes bya'i rgyal po la che ba'i bdag nyid brjod cing 'dug go//des kyang ji lta ji ltar mi'i bdag po de'i nus pa gsum gyi phun sum tshogs pa nyan pa de lta de ltar chu 'dzin gyi 'brug gi khong khro ba mngon par 'phel ba ri dgas kyi bdag po ltar rgyal po ri rab mchog tu khros par gyur te//phal cher sa yi bdag po rnams/ /rgyas pa rnams kyi gnas byas pa/ /yan lag rnams kyi stobs 'byung ba/ /gsal bar byas pa bzod ma yin/ /rgyal po des kyang rang gi grong khyer du song ste pho brang du rjes su zhugs nas/ rdo rje dbyig pa can gyi che ba'i bdag nyid rjes su sgrogs pas nga rgyal skyes pas ji ltar yang nyi ma phyi de gnyid dang bral ba nyid kyis mtshan mo 'das pa rtogs par gyur to//de nas tho rangs kyi rnga'i sgra kun nas khyab pa'i pho brang gi sa phyogs gzhan rnams su sa'i bdag po ri rab la tho rangs kyi dus zhes bya ba sgo skyong ma rnams kyis smra zhing gnas te/mi'u thung gzugs nyid 'dzin par byed pa ni/ /dum bu ba bla'i sdong bu ltar snang ba/ /mar me'i rtse mo mtshan mo'i tha ma la/ /sdong bu chung bar byas pas skyes pa yin/ /smyon chu'i cha yis rtsa ni bsgo byas pa/ /lus ni kun nas mnan pas drod dang 'brel/ / khyod kyi glang po rnams kyi mal spyod pa/ /mtshan mo zad pas dor bar 'gyur ba yin/ /nor bu rnams kyis khyab pa dang 'dra ba/ /dri med 'od ni sna tshogs phung po ste/ /khyim gyi rma bya bskyod pa'i sgro ldan pa/ /gnas kyi srog shing las ni 'jug pa yin/ /gnyid ni chad pas kun nas langs pa yi//dbugs kyis kun nas khyab pa'i smra ba can/ /btsun 'khor skye bo rgod pa dang bcas pa/ /gnyid bral ne tso la ni smrar bcug go/ /chu skyes rdul ltar ser skya mun pa nye bar 'joms pa ni/ /nyi ma'i 'od zer gzhon nu 'dir ni rnam par rgyas gyur pa/ /rlung gi stegs bur khyab pa khyod kyi pho brang rnams la shing //lta ba dang ni yid 'phrog ri mo rnams ni snang bar byed/ /de nas rgyal po de gnyid sad pa dang / tho rangs kyi bya ba byas te myur ba nyid du 'dun sa'i skye bo'i tshogs skye bar byas nas 'dun khang du zhugs te/ blon po rnams dang lhan cig tu gros byas nas pho nya la bos te smras pa//rigs ni che zhing gtsang la gzhan gyi dgongs pa shes/ /nub pa dang ni gzugs dang ldan pa ma chags blo/ /bstan bcos don mthong yul rnams kyis ni ma phrogs pa/ /sgrub pa'i phyir ni pho nya mkhas pa rnams kyis smras/ /de khyod 'di lta bu'i yon tan dang ldan pa de'i phyir byang phyogs kyi bdag po rdo rje'i dbyug pa can gyi rgyal po rtogs nas gom pa myur bas khyod kyis 'ong bar gyis shig dang /'on te 'ong bar mi 'gyur na de bas na bdag gis khyod la nan tan byed cing dbang du nye bar song nas bka' sbyin par bya zhes bya ba smros shig/ /pho nya des kyang de ltar bya zhes bya ba so sor mnyan nas rim gyis rdo rje dbyug pa can gyi rgyal po'i drung du nye bar song nas de ltar smras par gyur to//de nas rgyal po pho nya'i tshig gis bud shing gis sbar ba'i khro ba'i sems dang ldan pas bdag 'di 'ongs pa nyid ji ltar 'gro bar bya zhes bya ba smras nas pho nya de la 'gro bar bcug nas dpung gi tshogs yan lag bzhi dang ldan pas yongs su bskor te/dmag tshogs kun nas 'dzin pa rnam par 'byed cing rnam par bskyod pa'i rlabs/ /nya yi tshogs kyis kun nas grol ba'i 'gram gyi chu ldan pa/ /chu skyar kun nas 'khor zhing ngang skya phrad pa 'dod pa ni/ /sin d+hu 'gram gyi shing rnams kyi ni yid 'phrog rgal bar gyur//rgal nas myur ba'i rta yi rmig pas mtshon pa'i 'gram ldan pa/ /tshangs pa'i sras de zla ba'i 'od zer rnams ltar rab dkar ba/ /dmag tshogs rgyal mtshan gyis ni btungs pa'i sa skyes yal bskyod pa/ /dga' ba chen po lam gsum nas 'gro'i 'gram du lhag gnas gyur//de nas thos te ri rab kyang ni ri rab brag dkyil ltar/ /brang gi mthil can rnams la de ni dbang po'i 'gram las rgyal/ /'jigs pas rnam bral rdo rje'i dbyug pa can de mngon song ba/ /dmag gi cha byad gsal zhing 'jigs pa'i sgra ldan byas par gyur//de nas sa skyong de dag la ni skad cig gis/ /mche ba gnyis pa'i dpung par glang po skyong ba 'dug pa la/ /ma spyad par ni dmag gi stobs dag de dag ni/ /g.yul dor 'jug pa bsgrub pa'i phyir ni rtsom par gyur/ /myur du go cha la la zhig gis bcings byas te/ /dgra sta rnon po la la zhig gis nye bar bzung //gzhan ni sa la nub pa'i mtha' ma cung zad ni/ /gzhu ni bdungs par gyur te smin ma bskyod pa can/ /g.yo med dril bu dkrol ba mtshon cha 'dzin pa ni/ /rna bar 'phyang ba'i ngang pa dkar po'i dung ldan pa/ /btsag gi rdul ni mthug pas yan lag kha bsgyur ba/ / glang po che la myur du gzhan ni zhon par gyur/ /gzhan ni lci ba'i lcags kyi tshogs las sprul nag po/ /pags pa brdzis pa ltar ni cung zad mig zum pa/ /mnyam nyid nye bar khrid phyir dpung pa gyen du bteg /yud tsam yud tsam du ni lus ni bskyod cing 'dug /gzhan ni zhon te g.yer ka dkrol ba can gyi rta//kha nas dbu ba'i cha ni nges par 'byung ba can/ /sra ba gzhu rgyud bdungs pa'i gzhu yang brang du ni/ /sra zhing mtho ba dpung pa'i zur du 'dzin par gyur/ /de nas mi dbang ri rab mtho bas 'dod pa can/ /ral gri ba so'i yu ba can la lag bzung byas/ /gnas pa nges par 'dzin pa mkhas pa g.yas gnas pa//shing rta rlung gis rgyal mtshan bskyod pa zhon par gyur/ /de nas mthon po gzhu dang rlabs dang ldan pa ltar/ /rab tu khyab pa'i mda' rnams nya dang ldan pa ltar/ /shing rta chen po'i yan lag drangs pa'i lde sgra ldan/ /'khor zhing 'ga' zhig tu ni 'khor ba ldan pa ltar//gyen du 'gro ba rdul rnams kyis ni bar med pa/ /kun nas 'phro ba'i chu rnams rnyog pa'i chu rnams dang 'dra ba/ /ba dan rnams kyis mdzes pa 'byung ba 'ga' zhig tu/ /dri med dbu ba'i phreng ba rnams kyis mthug byas pa/ /glang po'i rnar 'phyang dung rnams kyis ni 'ga' zhig tu//g.yo ba'i ngang skya bzhin du ri bong mtshan ltar skya/ /skad cig gis ni ri rabs yi dbang phyug gi/ /dmag de rgya mtsho'i dus bzhin du ni 'gro bar gyur/ /skye bo'i mig gi lam du song ba skad cig tu/ /mu tig rdog ma'i phung po 'dra bas rab khyab pa/ /nam mkhar son par rdul gyis 'gags par gyur pa ni//sa la gnyis 'thung rnams kyi rlung ni ltung mi 'gyur/ /de nas myur du glang po rgyu ba'i dmag dag la/ /kun nas 'phro ba'i 'phen mdung rtse mo 'od zer can/ /rno ba'i mda' rnams kyi ni rta yi sgra ni langs pa yis/ /kun nas ltung ba'i sgras ni nam mkha' kun nas gang bar gyur//go cha rnam par phigs nas lus ni skad cig tu/ /khros pas smin ma bskyod pa rab tu phangs rnams kyi/ /mda' rnams khrag gis gos pa'i snod dang ldan pa ni/ /nyon mongs med pa'i shugs can sa stengs lhung bar gyur/ /glang po'i dbang po'i thab mo byas pa shugs ldan pa//khros byas 'dug ste skad cig tsam gyis g.yo med mig can ni/ /phan tshun 'khyud pa'i dbang gis mche ba can rnams la/ /shin tu gdong rnams la ni rtse gsum nub par gyur/ /mda' dang 'phen mdung dang ni dgra stas zad ba ni/ /shin tu lcags kyu rnams kyis bkag par gyur pa yang / / chu gter phreng ba rlung gis brdungs pa lta bu yi/ /glang po rnams kyi khyu ni g.yul ngor byed par gyur/ /mda' yis yan lag rmas pa shing rta las lhung 'dod/ /kun nas 'dzag pa'i khrag gis dmar ba'i go cha can/ /rim gyis brgyab pas mig ni 'dzums par byed pa yi/ /kha lo sgyur ba'i lag nas lcag ni ltung bar 'gyur//phur pa rnon pos mgo la rnam par 'bigs par gyur/ /glang po'i dbang po'i dbral sgo rim dang rim gyis 'dod/ /gzhu ldan gyis ni 'og tu song bar 'gyur ba'i mda'/ /sor mo glod par khu tshur nas ni gzhu ni ltung / /dgra sta dang ni ral gris 'tsho ba'i mgrin smras pa'i//mdzes pa dang ni bral ba cod pan rnam 'phyang ba/ /mi rnams kyi ni kun nas sa stengs nas lhung ba'i/ /shin tu shing rta'i yan lag mgo bo rnams la lhung / /rnam par 'phyang ba srog ni med pa mdas 'bigs pa/ /brtan pa'i mgrin thag rnams kyis 'gog pa'i rkang pa ni/ / sa dbang phyug rnams kun nas bskyod pa'i dpung pa can/ /glang po rnams kyi rna bar phreng ba can du gyur/ /rnam par 'da' bar gyur pa'i rgyal mtshan rnams kyis ni/ /bskyod pa'i shing rta'i yan lag lhung ba'i mtshon chas khyab/ /kha lo sgyur bas bdag po gsod pa'i shing rta rnams//glang po rnams kyis kun nas bcag gyur kun nas langs pa'i sgra/ /shugs kyis sna bug dang ni mig ni rab rgyas pa/ /kun nas ngal ba'i rdul gyi phags pa bar mtshams med/ /myur du 'gro ba rnams kyi rmig pas brtan pa nyid/ /sa yi steng du khrag gis 'gres pa rnyed mi 'gyur/ / 'ga' zhig tu ni thun mtshams sprin ltar khrag gis 'brel/ /'ga' zhig lhar bcas lhar ni glang dbang rlung gis ni/ /'ga' zhig glog bcas ltar ni lag rnams go cha bcas/ /'thab mo'i sa ni nam mkha' bzhin du rnam mdzes gyur/ /de nas nyi ma la ni ri rab lcog ni che bar gtong 'dod pa//'od zer rnams kyis rgya mtsho'i chu rnams kyang ni chu lha 'dra bar byed/ /ji ltar yang ni yang dag 'das pa g.yul ngor chags pa dor byas te/ /bsil ba'i sar ni ma song ngal ba'i glang po rta dang 'thad par ldan/ /mun pa'i gos kyis dkris par byas pa'i phyogs kyi bud med kyi gtong dang //rab tu gsal bar 'byung ba'i skar ma'i tshogs dang ldan pas nam mkha' 'dres par byas pa dang / /rnam par zum par byas pa'i dpal dang bral ba pad+ma'i 'byung gnas brtsams pa'i mtshan mo'i sgo la rang gi gnas rnams su zhugs te/ 'khor gyi skye bo rnams kyi lag pas 'dzin pa'i mda' dang 'phen mdung dang ral gri rnams kyis smas pa'i lus mda' dang /shing rta dang / glang po rnams las yang dag par zhugs pa nas/ mar me'i snang bas gsal bar byas pa'i lus g.yul ngor rdul gyis kun nas 'od med par byas pa'i mgo las skyes pa gus pa dang bcas par sman pa rnams kyis zug rngu 'don pa'i sa'i bdag po rnams dang /rkang thang rnams rma'i sdug bsngal gyis gnyid nye bar 'phrog pa slar g.yul ngo'i rol pas skyo ba gcig tu mngon par gsal bar 'dod pas ji ltar yang nus pa ri dang nye bar rnyog pa can gyi ri bong gis mtshan pa'i dkyil 'khor de dang ldan pas//kun nas rnying ba'i ku mu ta dang kun nas skye ba bar chad pa'i skar mas mtshan pa'i nam mkha' dang ldan pa dang / rnam par rgyas par gyur pa'i thun mtshams kyi yol bas shar phyogs sgrib par byas pa'i mtshan mo 'da' bar byas nas tho rangs kyi rnga dang / dung gi sgra rnams ma bzod pas gnyis ka'i dmag tshogs las byung ba'i mi bzod cing kun nas langs te/rang rang gi rta dang shing rta rkang thang dang bzhon pa rnams la lta zhing 'dug go/ /de nas ri rab kyi rgyal po la dben pa'i sa phyogs su blon po rnams kyis 'di skad ces gsol to/ /g.yeng ba med pa'i lhas re zhig bdag gis 'dod pa gsan pa 'ongs te/gal te lha la 'dod par gyur na de ltar bsgrub par bya'o zhes zer ro/ /de ltar bya'o zhes bya ba ni ri rab kyis so sor mnyan pa dang / slar blon po de rnams kyis smras pa/ /rgyal po rdo rje'i dbyug pa ni/ /sa skyong ste khyed kyang ni/ /lhag par mi rnams dang ldan pa//stobs dang bzhon pa mnyam pa ste/ /phan tshun mnyam par 'jig pa'i phyir/ /sa skyong mnyam pa nyid dag la/ /'thab mo mnyam pa kun ltung ba/ /ma smin bum pa dag bzhin du/ /sgrub phyir mthun pa'i legs pa ni/ /mkhas pa rnams ni kun nas smra/ /de nyid thog mar bya ba ste//'di ltar 'dod pa dge ba yis/ /sa skyong rdo rje'i dbyug ldan cig /bdag cag mthun pa nyid du 'dod/ /phan tshun rnam par 'jig pa ni/ /'bras bu cung zad mthong ba min/ /de ltar blon po rnams 'dod pa/ /rgyal pos gzhan yang der sbyangs nas/ /rdo rje dbyug dang mthun 'dod pas//de ltar bya zhes khas blangs gyur/ /rgyal po rdo rje'i dbyug pas kyang / /gsod cing gcod pa mthong nas ni/ /rkang thang rta glang 'jig pa ni/ /stobs ni stobs chung byung bar gyur/ /deng ni gzhom par nus min te/ /bkres pas lto ni kun tu rid/ /gzhu 'dzin pa rnams gzhu rnams ni//dpung pa'i stobs 'byung zad pa ni/ /gzhu yi rig byed shes rnams la/ /kha zas bcad pa rid pa'i las/ /gzhu ni gzhu rgyud sgra ldan pa/ /de rnams la ni thos mi 'gyur/ /skabs te nyung ba'i rtswa zos pas/ /stobs kyi phun sum tshogs bral ba/ /lto ba dma' ba 'jig 'gyur pa'i/ / glang po'i smyon chu gcod par gyur/ /kun nas stobs chung yan lag gi/ /'od ma'i mdzes pa 'dzin byed cing / /rta rnams rigs dang ldan pa yang / /nad kyi zhugs pa zad par gyur/ /rid pa rol pa'i de nyid shes/ /rol cha rnams ni brdungs mi 'gyur/ /rma bya rnams kyi gar rnams kyang //dregs pa bsal ba dran par gyur/ /rma bya'i gar ni bde ba skyed par mi byed de/ /'jam pa'i glu yi sgra yis yid ni 'phrog mi byed/ /nags kyi me ni bud shing med pas srab par gyur/ /nyi ma'i phyi nas skye bo le lo can du gyur/ /de nas rgyal po rdo rje'i dbyug pa can dmag tshogs kyi nub pa 'grib par gyur pa mthong nas ri rab dang lhan cig tu mthun pa nyid yongs su tshol bar gyur to//de nas rgyal po de gnyi ga dag dang pho nya btang nas dbugs 'byung ba skyes te mthun pa nyid du byas par gyur te/ phan tshun yid 'byung skyes pa ni/ /sa bdag dag ni mthun 'dod pa/ / dug dag tsha ba nyid la ni/ /kun nas 'brel pa nye bar skye/ /de nas rgyal po ri rab kyis gus pa dang bcas par rang gi grong khyer du 'ongs te/ rdo rje'i dbyug pa can la nor sbyin pa la sogs pa'i gus pas gus par byas te/ nyin zhag 'ga' zhig 'das pa rnams la rnam par phye ba'i 'bras bu can gyi me tog ltar sngo zhing dkar ba'i gzi brjid dang ldan pa dang /chu 'dzin rnams las rnam par grol zhing khyad par du rnam par dag pa ma lus pa'i ri bong can gyi dkyil 'khor dang rjes su mthun pa'i gdong dang ldan pa dang / mya ngan med pa'i 'dab ma ltar rkang lag 'jam pa dang / shin tu dkar ba ma yin pa'i mig gi 'bras bu can dang /bung bas bsres pa'i mig gi ut+pal gyi 'dab ma'i mtha' yas kun nas bzod pa'i rna ba dang mtshog ma dang ldan pa dang / khu byug gzhon nu ma'i mgrin pa ltar skra lo mngon par gnag pa dang / shel gyi dum bu ltar dang ba'i so'i nor bu'i 'od zer rnams kyis mchu snang bar byas pa dang /pad+ma kha ma phye ba dang / rjes su mthun pa'i 'o ma 'dzin pa 'byung bas kun nas skya ba'i brang dang ldan pa dang / gser dang chu shing gi snying po'i rnam pa yid 'phrog pa'i blo dang ldan pa dang / rab tu srab pa'i ri mo gsum gyi rlabs kyis dbus kyi cha dga' bar gyur pa dang /mig btsums pas mi nyid rjes su dpag pa'i bu mo rgyal po de la byin par gyur to/ /de nas tshong pa bskyod pa'i ba dan chen po can/ /kun nas rta babs rnams la me tog phreng bcings pa/ /kun nas me tog rnams kyis mchod pa'i sa stengs ni/ /tshang ba yid 'ong mdzes pa 'byung ba byas par gyur//'bad pas rna ba dag la ut+pal brtsams pa ni/ /srab pa'i sin d+hu ra yi khyad par gyis mtshan pa/ /dri med me long dang ni nges 'brel mig ldan pa/ /gar mkhan mo rnams kyi ni gdong pa 'byung bar gyur/ /rdza rnga'i sgra yis bar ni gang ba byas par gyur/ /'jam pa'i pi bang sgra dang glu yi sgra 'dres pa//khyad par dang bcas rgyan rnams kyis ni mngon dga' ba/ /sa skyong btsun mo'i 'khor ni 'dod pa can du gyur/ /me tog rgyu bas bskyod pa'i sor mo dang ldan pa/ /bud med su zhig 'og tu lta bar 'dug pa ste/ /rna ba'i a la kha phye rnam par dor ba ni/ /bung ba lhags pa kun nas khyab pa'i rgya chen mig /gser gyi ljon shing srab pas yid 'phrog yan lag can/ /lag pa 'dar bas rnam par 'dar ba'i do shal can/ /lag gdub rab tu bskyod cing 'ga' zhig 'bigs par byed/ /gdengs can pags pa ltar dkar dus las 'byung ba rnams/ / bskyod pa'i dpung pa rnam par 'phyang ba'i skra lo can/ /g.yo ba'i rna ba'i rgyan dang dpral 'phyang skra ldan pa/ /gzhan la dri zhim dri rnams 'thag par byed pa ste/ /bar chang rdul gyi thigs pas mtshan pa'i gdong zla can/ /rgyas pa 'phel ba shin tu dmar ba'i 'gram rnams kyis/ /bsnams pa'i dus mtshan ri bong can gyi dpal mchog cing //bud med gzhan dag sgeg dang bcas pas chang dang ni/ /sbrang gi chang rnams chags pa'i 'brel pa 'thung bar gyur/ /de ltar bag ma'i bya ba chen po de la rol cha dang ni glu'i/ /sgras ni rma bya dga' bar byas pa gar gyi rol pas mngon dga' la/ / rnam pa mang ba'i bya ba la ni g.yog 'khor g.yeng ba byed ldan pa/ /lha yi grong khyer bzhin du dga' ba'i pho brang ri rab kyi ni byung bar gyur/ /de nas gzhan gyi ngo dang bral ba rang gi pho brang ltar gnas te/ chu bo gang gAs bdag por byas pa'i grong khyer la/ rdo rje dbyug pa can snying rab tu dga' bas/ ri rab kyi bu mo gnyen 'dun dang rnam par bral ba'i mya ngan gyi zug rngus mchi ma'i chu'i thigs pa 'bab par byed cing bag ma'i bya ba byas pa blangs te/ 'o ma'i rgya mtsho'i dbu ba ltar dkar ba'i kha ba dang ldan pa dang / bsil ba'i ri bong can gyi 'od zer can gyi tshogs bzhin du spungs par byas pa dang /rtse mo che ba las kun nas 'bab pa'i chu 'dzin pa dang / rlung gis rnam par 'dar ba'i shing 'dra ba dang / /grog dang / thang shing dang / ri rab ma yin pa lta bu'i shing rnams kyang nags kyi ri sul bar sngo ba dang / dmag tshogs kyis kun nas skrag par rab tu 'gro ba'i g.yag gi tshogs kyi rmig pas mtshon pa'i phyogs gcig dang ldan pa dang /shin tu rgya che ba dang / mtho ba dang / mi'am ci dang / rig pa 'dzin pa rnams kyi bud med kyi skye bo zhugs pas lam gsum nas 'gro ba'i chu kun nas 'khrugs pa'i kha ba dang ldan pa'i ri rgal nas/ rim gyis skyo ba med par dmag khrid cing dus 'ga' zhig 'das pa las//shin tu ri yi chu rnams kyis ni dri zhim pa ldan me tog nyer spyod byin pa ni/ /ba dan phreng ba rlung gis bsgul bar byas pa rnams kyis tshong dus sa ni 'dres pa dang / /mi bskyod de ring yongs shes skye bo rab tu dga' bas rta babs phreng ba bcings pa ni//lha yi bdag po bzhin du sa skyong grogs pa rang gi grong khyer du ni 'ongs par gyur/ /'bras bu'i 'dod pa ma nyams pa/ /don bsgrub phyir ni rab gnas pa'i/ /skyes pa'i rang yul 'ongs pa ni/ /dga' ba chen po byed pa yin/ /de nas dus gcig gi tshe na btsun mo ri rab kyi bu mo la 'gro ba ma lus pa la phan pa'i phyir byang chub sems dpa' mngal du skyes par gyur te/mngal rnam par 'phel bas kun nas 'gram pa skya ba 'o ma 'dzin pa'i sngog ma sngo bar 'byung zhing / shin tu lci ba'i mo'i dbang po'i khur bus 'gro bar mi nus pa de la grogs mo'i skye bos mngal gyi mtshan nyid dris par gyur to//de nas yang dang yang du rjes su sbyar bar gyur pa 'di ltar smras pa/ sa yi bdag po'i ri bong can ltar dkar bas mtshan ma'i gdugs/ /gal te bdag la khyad par yid la mngon dga' 'dzin gyur na/ /btson gang gnas pa'i skye bo gal te 'dir ni gtong gyur na/ / de phyir bdag gi ngag gi mtshan nyid 'bras bu dang bcas 'gyur/ /de nas rgyal po de btsun mo la mngal gyi mtshan nyid de nye bar thos nas/ /yid ngo mtshar ba dang bcas pas su zhig yang 'di mthu chen po dang ldan pa bdag gi rigs kyi rgyun gyi rgyu mngal 'di las yang dag par skyes pa zhes bya ba rnam par nges nas rang gi yul nas btson gtong bar byed par gyur to//de yang mu tig gi dra bas mngon par brgyan par byed pa'i gser gyi yu ba can 'dzin pa nyid btsun mo'i mgo'i steng du gnas pa'i gdugs mthong nas mchog tu ngo mtshar bar song bar gyur te/ /de nas sa skyong sras ni yid 'ong der ni skyes pa la//gter dang 'dra bar 'od zer 'dra bas kun nas 'phro bar byed/ /grong khyer de ni kun nas mdzes pa mchog ni song ba ste/ /nam mkhar dang ba'i 'od can bsil ba'i 'od zer shar ba bzhin/ /bdag nyid chen po de yang mtshan nyid thams cad dang ldan pa/ rim gyis lang tsho'i mdzes pas 'od kyi mdzes pa nye bar bsags gyur pa//bstan bcos thams cad kyi nang du blo song ba blo dang ldan pa rnams kyi mdun du song ba gzugs dang ldan pa'i bzod pas yid 'thad pa dang 'dra ba/ gnyen ltar 'jig rten du byung bar gyur to/ /skye bos shin tu lci ba'i mnga' bdag nyid med par//shin tu gzhan las rngan can bzod par 'gyur ba ste/ /mnga' bdag nyid ni yid kyang brtan pa'i yid can te/ /nyes pa byas pa'i skye bo de yang de bzod 'gyur/ /yang dag min pa'i rnam rtog ri bo dbus song ba/ /yon tan zhing ni chen po rnams la rnam gcod pa/ / de yis khro ba mche ba gnyis pa gnas min te/ /yid kyis bzod pa gnya' ral can ni yongs su 'dzin/ /rgyu dang mi rgyu bcas pa'i 'gro ba snang byed cing / /rnam dag khro ba mun pa chen po 'bigs byed pa/ /de nas byang chub sems dpa' de ni mtshan mo byung / /shin tu bzod pa'i zla tshes rnam par mdzes par gyur//de nas mi skyong rgas pas dbang po nyer gdungs pa/ /yul gyi bde ba las ni 'dod pa log pa ni/ /thos pa'i ngang tshul tshul la mkhas pa'i sras de ni/ /dbang bskur byas nas lha yi gnas su song bar gyur/ /byang chub sems dpas kyang yab las kun nas 'ongs pa'i chos kyi rgyal srid rjes su bstan cing 'di ltar bsams par gyur to//bdag gi pho brang na lha'i kha zas dang / gos dang / rgyan cha rnams ci zhig ces bya ba 'byung bar gyur cig ces bsams pa dang / de'i mod la de'i mngon par 'dod pa thams cad du byung bar gyur to/ / mdza' bo rnams la yang sdom changs gus pas dga' bar gyur te/ de bas na dga' ba'i sdom changs zhes bya ba nyid de dang rjes su mthun pa'i ming 'jig rten la grags par gyur to/ /de'i mthus kyang rnga sgra'i brgyud pa de'i yul na gnas pa rnams kyi khyim dang khyim na mngon par 'dod pa'i lha'i longs spyod rnams 'byung bar 'gyur zhing /de nas blo gros ngan pa zhes bya ba'i blon po ngan pa rang bzhin gyis yid rtsub pa nyid kyis 'di ltar bsams par gyur to/ /ji ltar dga' ba'i sdom changs 'di'i thabs kyis gshin rje'i khyim du khyer bar bya zhes smras te/ de nas skye bo 'di bdag la dbang du song bar 'byung bar 'gyur zhes zer ro//bsam dang smra ba'i las rnams ni/ /gang gis rang gzhan nyams pa'i phyir/ /dug can sbrul ltar khros pa de/ /byis pa ri bor dor bar bya/ /de nas gdug pa'i bdag nyid blo gros ngan pas rgyal po ri rab la yig phrin 'di ltar gtong bar gyur te//dga' ba'i sdom changs 'di ni khyed kyi dgra'i sras te/ de bas na 'di ni thabs sam rnam par gnon par nges par bsad nas 'dzam bu gling thams cad du lhas bdag po nyid byed par gyur to/ /bdag kyang lha'i zhabs kyi drung nyid du song bar 'gyur zhes zer ro/ /de nas gdug pa can gyi blon pos rab tu spro ba bskyed pa'i rgyal po ri rab dga' ba'i sdom changs can la pho nya btang bar gyur te/pho nya yang dga' ba'i chang ba can du nye bar 'ongs te/ ri rab kyi phrin 'di ltar mngon par smra bar gyur to/ /khyed kyi yab kyis 'ongs te bdag gi skye bo 'di/ /nor ni 'phrog par sdug bsngal can byas te//bdag gi stobs ni chen po rnams kyi da ltar ni/ /khyed kyis kyang ni 'di ltar gnod pa bzod par gyis/ /de nas dga' ba'i sdom changs can gyis pho nya'i tshig nye bar thos nas/ /gal te rgyal po ri rab 'dir 'ongs par gyur na de nas kho bo cag gi skye bo'i tshogs 'di de'i mche ba gnyis pa rnams kyis kun gcog bzhin pa'i skyed mos tshal dang /skyes bu drag po rnams kyis rang gi nor phrog pa 'thab mo'i dus su yang mtshon cha rnon po rnams kyis mi dang glang po che dang / rta mang ba rnam par lhung bzhin pa'i sdug bsngal chen por 'gro bar 'gyur ro//de bas na 'di 'dir thob pa zhes bya ba nges par pho nya de la smras pa/ /byis pa bdag gis bla ma de rnams mngon par 'gro bar bya ba ste/ de bas na bdag nyid kyis 'ong bar bgyi zhes bya ba zhu bar mdzod cig /de ltar bya'o zhes bya ba de yang so sor thos te/ pho nya de 'ongs nas rgyal po ri rab la dga' ba'i sdom changs can gyi phrin smras par gyur to//de nas byang chub sems dpa' 'jig pa'i dus kyi rlung gi stobs kyis rnam par 'khrug par byas pa'i chu'i gter ltar brtan pa'i sgras mche ba gnyis pa'i smyon chus bsgos pa'i phyogs gzhan dang nyin mor byed pa'i 'od zer rnams kyis spros pa'i go cha dang 'phen mdung gi rtse mo'i 'od zer dang ldan pa dang /rlung gis bskyod pa'i rgyal mtshan dang / ba dan rnams kyis rnam pa sna tshogs pa'i stobs kyi tshogs chen pos yongs su bskor ba lam gsum 'gro ba'i 'gram du lhag par gnas shing blo gros ngan pa la 'di skad smras par gyur to//song la bdag gi mes po la zhu ba gyis shig ces zer ro/ /bla ma bas kyang shin tu bla/ /mnyes gshin ngo bo gnyen dang ni/ /rang bzhin dag pa dag la ni/ /khyed dang lhan cig ces mi mthun/ /de nas gdug pa'i bdag nyid blo gros ngan pa de yongs nas bsgo ba zhus pa'i zhugs pa rjes su gnang ba stan yongs su 'dzin par byas pa dben par rgyal po ri rab la mi bden pa'i tshig rnams kyis sbyor zhing 'dug go//rgyal po chen po dga' ba'i sdom changs kyi phrin gson cig ces zer ro/ /bdag ni rtse gcig pa zhes bya ba rgyal po ri rab kyis smras pa la blo gros ngan pas smras pa/'jig pa la mngon par phyogs pa'i blo can bdag nyid mi shes pa dga' ba'i sdom changs lha la 'di ltar mngon par smra ba ste/ ci ltar zhe na/ gnya' ral can bzhin nga rgyal mtho ba dag la ni/ /glo bur gang gA'i 'gram du kun nas 'ongs pa la/ /phyogs rnams nye bar mthong ste 'phro ba'i lus can ni//ri dgas 'jigs pa bzhin du khyod ni ci phyir gnas/ /'di ltar bdag la dga' ba'i sdom changs pas nga rgyal dang bcas pas ji ltar phrin byas pa de'i phyir shin tu rgyal po ri rab la khro ba'i sreg lugs 'dzin pa yid la 'bar bar gyur to/ /rgyal po ri rab kyang khros pa mthong nas slar blo gros ngan pas smras pa/lha lags dga' ba'i sdom changs can khyed la gnod pa chung ba yang byed par nus pa ma yin te/ ci'i phyir zhe na/ stobs dang ldan la dus med par ni mngon song zhing / /stobs chung nges par rnam par 'jig par 'gro ba ste/ /bud shing gis sbar 'od ni 'phro ba 'dul ba yi//rgyal mtshan la ni bdag nyid gsad phyir dpe chag ltung / /de nas rgyal po ri rab glang po che dang / rta dang / shing rta dang / rkang thang gi tshogs go cha dang bcas pas yongs su bskor ba 'thab mo mngon par 'dod pa dga' ba'i sdom changs can gyi dmag tshogs dang nye bar gnas par gyur to//dga' ba'i sdom changs can yang bskul ba rnams 'phangs pas shugs bskyed pa lha'i gzhal yas khang dang rjes su 'dra ba'i gru chen po la lhag par gnas nas/ nye bar glu len bzhin pa'i mthun pa'i skyes bu rnams kyis yongs su bskor ba gang gA'i chu la rtse ba nyams su myong zhing zhugs nas khrus byas te/rjes su byug pa bza' ba'i dus su rnga sgra byas par gyur te/ /de nas rnga yi sgra des phyogs kyi sgo rnams ni/ /kun nas bkang ste ring por rnam par 'gro bzhin pa/ /gdug pa'i sprin rnams kyis ni sgra dang mnyam pa ni/ /dogs med ri rab kyi ni rna bar khyab par gyur//de nas rgyal po ri rab 'khrugs pa dang bcas par blo gros ngan pa la smras pa/ da lta ni dga' ba'i sdom changs can 'di ci zhig byed 'dod par gyur zhes zer ro/ /blo gros ngan pas gsol ba/ /dga' ba'i sdom changs can ni da ltar rnga'i sgras lha'i kha zas dang /btung ba bskyed nas nang 'khor gyi skye bo dang lhan cig bza' bar 'dod pa zhes bya ba'o/ /rgyal po ri rab kyis smras pa/ gang gi bsod nams kyi mthu 'di zhes bya ba ci ltar bdag nye 'khor dang bcas pa'i steng du 'bar ba'i thog ji ltar ltung bar byed par 'gyur zhes zer ro/ /nges par bdag cag gi tsha'u 'di bzod pa dang yongs su dris pas bdag la nye bar dris par byed do//de'i phyir rnam pa thams cad du/ blo gros ngan pa 'di ltar zhes byed kyi/ /gnas la don dam blo ngan grags pa ste/ /gang zhig 'di ltar chen po sa dbang dang / /bdag la mi mthun pa ni byed pa yin/ /de nas dga' ba'i sdom changs can dogs pa dang bcas par song ba rnams las rgyal po ri rab nye bar dmigs nas thabs dang bcas par 'di la bdag gis rjes su gzung bar bgyi zhes bya ba rnam par bsams nas/skye bo'i gtam 'di ltar yul de la gsang ba'i skyes bu rnams kyis rab tu sgrog par byed cing gnas te/gal te khyed ni rmongs pas bdag dang lhan cig mthun mi byed/ /de nas bzod pa spangs te khro ba dang ni nges 'brel bdag /me 'od rnams kyis snang bar byas pa'i phyogs kyi sgo yi mtha'/ /zab pa'i dbyangs can thogs 'ongs nas ni bdag gis khyed la 'phang bar bya//de nas rgyal po ri rab gtam de la nye bar dmigs nas dga' ba'i sdom changs can dang lhan cig tu mthun par byas par gyur te/ dga' ba'i changs pa can yang rgyal po de rang gi gnas su 'ongs nas cho ga bzhin du bkur sti byas par gyur to/ /de nas rgyal po de ri rab kyis dga' ba'i sdom changs can la 'di ltar rnam pa mang pos rab tu bsngags par byas te/bu legs so legs so/ /dam pa rnams ni rang gi yon tan gsang bar byed/ /bde legs mdun du byas pa khrel ni shes pa rnams/ /de lta na yang khyed ni mdun du bdag gis bstod/ /nan gyis bdag gi yid ni ro ldan nyid kyis phrogs//khyed kyi yon tan lam la brten nas bdag gi ni/ /phrad par 'dod phyir smra bar 'dod pa song ba la/ /rgyas pa'i lhan cig byed pa'i snye ma rnams mthong nas/ /ji ltar bung ba mi smra bar ni 'dug par gyur/ /e ma khyod kyi yon tan lam la brten nas bdag gis ni//rgya mtsho'i mthar thug phyogs kyi bud med rnams ni brgyan par byed/ /sa 'di khyed kyi grags pa'i gos ni 'dzin pa ni/ /rang gi dpal gyis mtho ris la ni dgod byed 'dra/ /chen po nyid dang dkar ba nyid kyis yang dag gnas/ /'gro ba gzhan ni yon tan 'das nas khyed yon tan/ / chu bo'i rlabs ni cung zad mthong ba 'dra ba ni/ /'o ma'i rgya mtsho'i rlabs ni kun nas dgod pa ste/ /'gro bar byed pa'i lta ba'i mun pa 'joms par byed/ /rang gi blos ni blo yi ku mu ta ni sad byed pa/ /dam pa'i chos kyi 'od kyi dkyil 'khor rnams rgyas pa/ /khyed ni ye shes rang bzhin mtshan mo byed langs pa//khyed ni med pas 'byung ba nyid du rlom pa ste/ /bdun pa mun pa dang ldan nyid ni 'dun sa mkhas/ /khyod ni yon tan 'od gsal gnas pa de nyid ni/ /mar me btang ba bzhin du rnam mdzes gyur/ /rang gi mdzes pas zla ba'i dkyil 'khor ngo mtshar byas//sa kun pad+ma'i rtsa ldan rnam par zhugs byas nas/ /pha rol med pa'i pha rol 'di ni yongs 'khor ba'i/ /khyod kyi grags pa ngang pa'i tshogs dang 'dra bar byed/ /nyi ma dang ni ri bong 'dzin pa'i 'od zer ldan mthong nas/ /me chus nyi ma zla ba'i nor bu dag ni sprul byed pa/ /rgyu yi rim pa med par 'bras bu skye ba med pa ste//khyod ni 'di gnyis dor nas gzhan gyi don la 'bad par mdzad/ /de bas na bdag gi don dang bcas pa ste gang gi bdag la lha las byung ba'i mthu dang ldan pa 'di lta bu bu mo'i bu skyes so zhes zer ro/ /byang chub sems dpas kyang rang bzhin gyis drag po'i yid can blo gros ngan pa la yang gdug pa'i bdag nyid de bzod par byas pa nyid de//de nas ri rab gus pa chen pos gus par byas nas ni/ /chos ldan lam la skye bo de ni bcug nas brtan pa ste/ /rlung gis gdungs pa'i 'gro ga'i shing chen kha ba can gyi ri/ /rgal nas kun da ltar dkar rang gi grong khyer song bar gyur//de nas bcom ldan 'das des byang chub sems dpar gyur pa na gnod pa byas pa rnams la yang bzod pa lhod par ma mdzad to zhes bya ba rnam par bsams nas khyed cag rnams kyis bzod pa bsgoms pas bdag nyid dag par bya zhes bya ba'o/ /dga' ba'i sdom changs can zhes bya ba'i skyes rabs te skyes pa'i rabs brgyad pa'o// //gang zhig bzod pa'i 'bras bu shes pa ste/ /'dod chags la sogs zhi ba rjes 'dod cing / /dgra bos mtshon 'debs pa la bzod pa ni/ /brtan pa de nyid byed par 'gyur ba yin/ /'di ltar rjes su thos te/ rnam pa sna tshogs pa'i shing gi me tog rnams kyi dris bsgos pa'i phyogs kyi bar dang /chu bo ri ba'i chus bkru bar byas pa rgya che ba'i bar can brag gi dkyil dang / rlung gis bskyod pa'i 'od ma'i tshal gyi 'dab ma shod shod sgra'i skrag pas ri dgas kyi rna ba bskyod par byas pa dang / 'ga' zhig tu me rab tu song ba nyid kyis bya'i tshogs 'phur ba dang /'ga' zhig tu rtse mo mthon po la gnas pa'i sprin dkar po'i grib mas 'og gi cha sngo bar byas pa dang / 'ga' zhig tu glang po che'i tshogs kyis shing gcog par byas pa'i dris ri sul bar ma dri zhim par byas pa dang / 'ga' zhig tu sngon po'i bud med kyi skye bos lhung zhing bar chad pa rma bya'i mdongs sgro kun nas btud bzhin pa dang /zla ba'i 'od zer gyi dri ma med pa'i chu rab tu 'dzag pa dang / /gzhan du dka' thub pa'i bu mo'i tshogs kyis bzung bar gyur pa'i me tog gi ljon shing gi me tog rnams la kun nas 'khor ba'i bung ba'i tshogs kyis nye bar glu blangs pa dang /ne tso ltar sngo ba'i rtswas sa'i steng dga' bar byas pa'i ri bo 'bigs byed kyis 'dzin la ston ka'i chu 'dzin gyi rnam pa dang / lus che ba lto 'phye lhag ma'i lus dang 'dra ba'i sna dang ldan pa dang / pad+ma ltar dmar ba'i sna'i nang dang / mon lug sar pa ltar dri zhim pa'i smyon chu'i ri mos mgrin pa sngo ba dang /legs par gnas pa'i sen mo dang / rkang pa can gser dang / dngul gyi bum pa'i rnam pa can gyi dpral 'bur ldan pa dang / bzod pa'i lcags kyus lam du 'gro ba bzlog par byas pa dang / yon tan thams cad kyi gnas pa dang 'dra ba byang chub sems dpa' spos kyi glang po mche ba drug pa glang po che'i tshogs kyi bdag po byung bar gyur to//zla ba'i 'od zer ltar dkar tshogs kyi bdag po de mdzes te/ /mu tig gis ni lhag par dkar ba'i so can dpral 'bor che/ /sngon po spung bar byas pa gar gyi dus su phyugs bdag gi /rgod pa chen po mtshan mo rjes su mthun par 'phrog byas 'dra//rlung gis gdungs pa'i ku mu ta rnams yang dag sprul byed cing / /ze'u 'bru'i cha yis kun nas ser bar byas pa'i ge sar can/ /yal ga can rnams kha yi ris ltar dkar ba glang dbang ste/ /gus pas bung ba'i sgra yis mngon par stod par byed pa 'dra//yal ga can rnams me tog ring nas spang byas te/ /'dab ma bskyod pa'i pad+ma rnams kyang de bzhin du/ /de yi 'gram pa smyon chus gos par byas pa yin/ /rim gyis dga' ba bung ba rnams ni 'ongs par gyur/ /bar ni bral ba tsho ba'i 'gram pas mdzes pa ni//kun nas phyogs kyi sgo yi bar ni bsgos byas pa/ /smyon chu rim gyis 'thung zhing tshogs ni 'dzin pa des/ /bung ba rnams ni rna ba'i g.yo bas zlog mi byed/ /yid 'phrog rgyun ni mi 'chad pa/ /rab mchog slong mo pa ltar ni/ /rkang drung de las smyon chu ni/ /sbyin bdag ltar ni 'dzin par gyur//tshogs kyi bdag po des kyang ri bo 'bigs byed la kun nas brten pa gser gyi ri bo las kyang bdag nyid mngon par lhag par sems par gyur to/ /glang po che'i tshogs de yang nges yang dag par kun nas skyong bar byas pa dang / rgyal po dang ldan pa 'dra bar rgyal srid 'phel bar gyur to//bzang mo dang ni shin tu bzang / /de yis sems bzang rang bzhin gyis/ /bzod ma dga' ba dga' mo ni/ /glang mo gnyis ni byung bar gyur/ /de nas dus gcig gi tshe na rlung gis bskyod pa'i ba dan ltar 'khyog pa/ glog gi yal ga kun nas 'phros pa ltar kun nas phye ba'i rgya che ba'i mig dang ldan pa dang /chu 'dzin pas lci ba'i chu 'dzin pa'i 'brug gi sgras kun nas skrag pa 'dar ba'i yan lag dang ldan pa dang / srab pa'i dpung pa'i yal ga 'phangs pas kun tu mthong zhing lci ba'i 'o ma 'dzin pa dang ldan pa dang / ral gri'i 'od kyis snang bar byas pa'i lag pa g.yas pa dpag bsam gyi shing gi rnam rtog snom pa'i dga' po de la 'khyud par byed pa dang /rna ba'i ut+pal ltung ba dang / lhod pa'i skra los dpung pa'i phyogs bkab pa dang rlung gis bskyod pa'i steng gi gos 'dzin par byed pa dang / 'phros pa'i rgyan gyi nor bu rnams kyi 'od zer gyis lus kyi srog shing snang bar byas pa dang /nam mkha' la 'gro ba'i rig pa 'dzin pa la ze'u 'bru bzhin du 'jam pa'i lag pa las pad+ma chen po sar pa dris phyogs rnams kyi bar gyi dri zhim par byas pa dang bung ba'i tshogs kyis kun nas glu blangs pa dang / gser gyi khab dang 'dra ba ge sar dang ldan pa dang /shing rta'i 'khor lo'i tshad can ba glang ltar ser ba'i ro dang ldan pa dang / mtsho ma phang las yang dag par byung ba kun nas lhung ba nags kyi ri de la gcig pur gnas pa'i glang po'i bdag po de'i mdun du lhung bar gyur to/ /pad+ma de yang blangs nas des 'di ltar bsams so/ / bzang mo dang shin tu bzang mo bdag gi chun ma las gang zhig dang po 'ongs par gyur pa de la bdag gi bka' drin sbyin par bya'o zhes zer te/ kun nas 'khor ba'i bung ba'i tshogs kyis nang khyab pa/ /dri zhim ze'u 'brus rnam par khyab pa'i ge sar can/ /'di ni dgod cing yid 'ong 'dab ma'i chogs ldan pa//dga' bas pad+ma chen po rab tu sbyin par bgyi/ /de nas shin tu bzang mo dang por 'ongs ba la gser gyi rang bzhin gyi chu skyes de'i glang po'i bdag po des byin par gyur to/ /des kyang de mnos nas gus pa dang bcas par mgo bo la btags te 'dug go/ /phyis bzang mo ni kun nas nye bar 'ongs nas shin tu bzang mo'i dpral 'bur gnyis kyi dbus na gnas pa'i pad+ma de mthong nas nges par chu skyes 'di bdag la brnyas par byed cing chun ma 'di la tshogs kyi bdag pos byin no snyam du bsams nas/mchog tu phrag dog skyes pas mche ba gnyis kyi bdag po de spangs nas//gzhan gyi rnam par gnas par gyur to/ /des ni gang gi zhag la mche ba gnyis pa byin pas mthong / /dkar po dri ni zhim pa pad+ma kha phye chun ma las/ /der ni phrag dog gis ni kun bzung rtswa ni za mi 'gyur/ /sgom pas kyang ni gzugs ni zos pas chu ni 'thung mi 'gyur/ /dam min rnam rtog dgang lugs kyis//yid bcas skye bo su zhes bya/ /phrag dog me lce 'bar ba yis/ /bdag nyid bsreg phyir su zhes 'phel/ /gang zhig lam min mi 'gro ba/ /gang gis phrag dog lto 'phye mo/ /yid kyi khyim la lhag gnas min/ /rtag pa de rnams bde bar nyal/ /de nas bzang mo ri bo 'bigs byed kyi brag gi dbus na shing gi grib mas bkag par skyil mo krung rnam par bcings te/bsam gtan gyi g.yo ba med pa'i mig myos pa'i shang shang te'u'i mig kun nas bris pa dang 'dra ba/ chos gos dmar po yan lag la g.yogs pa'i rang sangs rgyas mthong nas/mtsho nas ku mu ta rnam par blangs nas mchod cing 'dug go/ /de nas 'phangs nas mngon par bkag pa bsgom pas nyi ma de/ /ku mu ta yi phreng ba de rnams kyis ni thub pa mdzes/ /kun nas snang bar rim min 'od zer snang ba'i yan lag can/ /thun mtshams chu ni 'dzin pa ltar ni steng du skar ma yis//de nas glang mo de ri bo 'bigs byed kyi 'gram du gnas te/ rang sangs rgyas mchod pa'i dge ba'i rtsa ba 'di las gang zhig 'bras bu 'byung ba des bdag spos kyi glang po 'di gsad pa'i phyir/ rgyal po'i btsun mor gyur cig snyam du rnam par bsams nas bdag nyid lcebs par gyur to//lus lci bas shing gi yal ga kun nas chag pa de lhung ba'i sgra thos nas/ rma bya rnams rab bskyod pa'i mdongs sgro can ni 'phur ba ste/ /stag ni rab tu nyal zhing lta ba kun nas phye bar gyur/ /kun nas skrag pa'i rtswa yi bza' ba rnams spangs nas/ /rna ba gyen song ri dgas tshogs ni 'khrug par byung bar gyur//de yang dus byas nas rgyal po gzhan dag la skye ba dran pa'i bu mo bcas par gyur to/ /cung zad skyes bzhin pa'i kha ma bye de ri mo gsum gyi rim pa'i skas kyi phreng ba la lhag par 'dzeg pas ngal ba skyes pa dang 'dra ba'i lang tsho sar pa'i bzo bos 'dod pa dang bcas pa lus kyi mdzes pa nye bar 'phel bzhin pa/ngo tsha ba dang dgod pa'i rtse ba rab tu brtsams pa/ bung ba'i tshogs kyi skra lo ljang pa/ gser bcad pa ltar 'od gsal ba/ gzugs dang ldan pa'i dpal dang 'dra ba mi'i bdag po su zhig nyid la byin par gyur to/ /des kyang rgyal po de la gzhan ma yin pa'i bud med dag 'dra ba'i bud med kyi yon tan rnams kyis dbang po 'phrogs par byas nas/dus gcig gi tshe na tsan dan gyis rjes su byugs pa'i yan lag can dbugs kyis kun nas 'khums pa'i mchu gnyis dang ldan pa bdag nyid 'bar ba dang 'dra ba bstan zhing 'dug go//gang gi tshe sman pa rnams kyis gso bzhin pa yang de lta bu nyid du rim gyis g.yo bas kun nas dkris par gyur pa de'i tshe/ de'i khyod shin tu dga' ba dang bral ba kun nas 'ongs par gyur to/ /des kyang de la smras pa/ bdag gi rims 'di tsan dan gyi mchog gis kyang ma yin te/ / sprin las bsil ba'i rlung gis kyang ni ma yin te/ /zhi bar 'gyur ba min te shel ltar dri med pa/ /mtshan mor byed pa'i 'od zer tshogs kyang ma yin te/ /'bigs byed ri la mche gnyis lhag rgyal yod pa ste/ /chu gter dkar po 'dra ba rtsub min rwa can gyi/ /pad+ma'i rtsa ba ltar dkar chen po de yi ni/ / so rnams la ni sa skyong mu tig rnams ni yod/ /btags pa chu yi thigs pa ltar ni dri ma med pa yi/ /de rnams kyis ni gal te bdag gi lus byug pa/ /de yib sos gal te mal cha byed gyur na/ /de tshe rims 'di de nas zhi bar 'gyur ba yin/ /de nas rgyal po de nges par btsun mo 'di skye ba gzhan la 'bigs byed kyi nags la gnas pa spos kyi glang po thos pa'am//mthong ba zhes bya ba nges par skyes nas rngon pa la bos te smras pa/ /ri bo 'bigs byed la mche ba drug pa spos kyi glang po che yod de/ /gal te ba so rnams blangs par gyur na/ /de nas bdag khyod la nor chen po rnams sbyar bar bya zhes zer ro//rngon pas gsol ba/ gal te nus na de ltar bya zhes zer ro/ /btsun mos smras pa/ ji ltar spos kyi glang po 'di dbugs dbyung bar 'gyur ba zhes bya ba de'i thabs bdag gis shes te/ kha bsgyur gos ni 'dzin byed pa/ /rab tu byung ba zhig mthong nas/ /blo ldan slob ma bzang po ltar//btud nas gnyis 'thung mchod par byed/ /khyod kyis kha bsgyur gos dag ni/ /de bas yang dag par gon nas/ /'di ni dug gis byugs pa'i mdas/ /gnad du kun nas 'bigs par gyis/ /des de ltar zhes bya ba so sor thos nas kha bsgyur ba'i gos kyis yan lag dkris te mda' dang bcas pa'i gzhu blangs nas ri bo 'bigs byed la song bar gyur to//de nas ri bo'i nags kyi nang du de'i 'chag pa mthong nas glang po che'i tshogs de dogs pa dang bcas pa glang po che'i bdag po la zhus shing 'dug go/ /kha bsgyur gos can su zhig ni/ /me stag bzhin du ser skya'i mig//lcags kyi ka ba ltar ni lus/ /sems can skrag bzhin par ni snang / /byang chub sems dpas smras pa/ kha bsgyur ba yi gos can la/ /dogs pa bya ba ma yin te/ /khyed rnams lta bar gyis shig dang / /khrel yod zhi ba'i lam ni mtshon par byed pa po/ /thub pa rnams kyis rgyal mtshan dregs pa gcod pa'i rgyu//gal te dmar por kha bsgyur lus la brgyan byed pa/ /gos ni skye bo rnams kyi dbugs 'byin rgyu mtshan no/ /de nas tshogs de dang shin tu ha cang ring ba ma yin par gnas pa'i rngon pa des shing gis bdag nyid la bsgribs te/ / gzhu bdungs shing gnas te/ de ni pags pa'i snying po'i rang bzhin la ni kun nas 'dzin byed cing / /glang po'i rgyal po bsad phyir gzhu rgyud la ni mde'u rnon mda'/ /shing rnams kyi ni yal ga'i lag pa ze'u 'bru'i sor mo rnams/ /rlung gis bsgul ba rnams kyis 'bigs byed log par byed pa 'dra//smyon chus btsum byas pa yi mig can mche bar sna ni rnam bkod pa/ /smyon chus bsgos par byas pa'i 'gram pa shing las sprug par byed pa can/ /dge ba'i lam ni shes par byed pa gnyis 'thung dbang po mda' yis ni/ /ri dgas dgras ni nyes mgrin thob nas dpral 'bur la ni brgyab par gyur//de nas gzhu yi steng 'og kun nas lhung ba ni/ /mche gnyis tshogs kyis khros pas rjes su 'gro bzhin pa/ /ri dgas dgra ni glang po'i bdag pos nyer sbas pa/ /bu ltar kun nas tshangs pa 'jigs par khyab pa ni/ /e ma dgra 'di gnod pa byas pa gang du ste/ /mche gnyis bdag po'i snying rje 'di 'dra 'di gang ste//sa 'dzin nags kyi nang gi lha mo rnams la ni/ /nges par 'di ltar sems la ngo mtsher byung bar gyur/ /rno ba'i mda' ni nges par 'bigs pa der ni glang chen mgon po la/ /'dzag pa khrag gi cha yis mtshan pa'i kha ni cung zad 'dar byed pa/ /glang po'i tshogs de shing rnams la ni dri ni zhim par grol byas te//mya ngan lci ba bral ba dang ni 'dab ma rnams ni phyed zad pa/ /de nas mda' de blangs nas 'don par gyur pa ste/ /cung zad mdud pa'i sna yi nang du sna yis ni/ /nan gyis glang po shin tu bzang mos glang po che'i/ /khro ba bzod pa ltar ni bdag po 'di ni su zhig gis//sdug bsngal ldan pa glang po'i bdag po de yi ni/ /nan gyis rma ni khrag gi chu yis byug byas pa/ /rnam par chad pa'i mu tig yon tan 'dra ba yis/ /de ni bsil ba'i chu yis blangs par byas par gyur/ /skom pas chu ni rnam par 'dzin par gyur pa ni/ /smyon chus bdag la su zhig dri zhim byed par 'gyur//de ltar bsal ba 'khor lo'i rlabs kyi sgra ldan pa/ /shin tu zla skyes mya ngan lta bur sgra don gyur/ /khyed la de ring mda' ni 'phangs pas byung ba ni/ /sdug bsngal glang po dbang po bsrabs nyid 'gyur ba nyid/ /de ltar 'khor bar byed cing bskyod pa'i 'gram dag la//rim gyis bung ba'i phreng rnams kyis ni bris 'drar gyur/ /rnam 'gro a ka ru nag du bas 'od med pa/ /rnam par bskyod pa'i glog gis dkris pas lto ba mtshan/ /sprin rnams kyi ni dpral tsha dro ba'i 'od zer ni/ /de la bde phyir lha yi dbang pos kun bsgribs gyur/ /dang ba zla skyes chu dang chags pas bsil ba ni//rab tu rgyas pa'i me tog sna tshogs dris bsgos pa/ /gnyen ltar gnyis 'thung bdag po la ni kun 'ongs pa/ /mdas ni phigs pa de la rlung ni g.yob par gyur/ /de nas glang po'i dbang pos gal te rnam pa gang gis kyang bdag dus byed par 'gyur ba de las na glang po che'i tshogs 'di ni mgon med par 'gyur ro snyam du rnam par bsams nas bden pa'i byin gyi rlabs 'di ltar byas par gyur te/ji ltar ri dgas shor 'di la/ /gnod byed la yang mnyes gshin pa/ /de ltar de ring bden pa des/ /bdag gi dug ni zad gyur cig /de nas bden pa'i byin gyi rlabs kyi mthus skad cig de nyid la glang po'i rgyal po de'i mdas brgyab pa'i sdug bsngal las ldog pa byung bar gyur to//de nas de ltar gson par gyur pa mthong nas rngon pa des btud nas rgyal po'i btsun mo'i gtam de brjod cing smras pa/ glang po'i mgon po gsod don du/ /drag po'i mda' yis drag po'i yid//zhe sdang 'joms pa khyed la brdegs/ /snod ma yin la bdag gis ni/ /de ltar rngon pa de yi tshig/ /thos nas mche gnyis bdag pos ni/ /mche ba kun nas bton pa ste/ /lag pas bzung nas sdug bsngal med/ /khrag 'dzag pas ni nges 'brel ba/ /sna de de yis mdzes par gyur//ban d+hu ka phreng chags pa ni/ /pad+ma dkar po 'dra ba'i dpal/ /bden pa'i tshig ni de nyid kyis/ /glang po'i mgon po de yi ni/ /dung ni chag pa ltar dkar ba/ /mche ba skad cig slar ni byung / /de nas slar ni mche ba byung bas ngo mtshar ba/ /chu 'dzin dkar po'i 'od ldan glang po'i bdag po yi//mche ba nye bar bzung nas nags kyi nang gnas te/ /ri dgas dgra ni sa skyong pho brang 'gro bar gyur/ /de nas mche ba mthong bas rab tu dga' ba'i yid can rgyal po des rngon pa de la ji ltar khas blangs pa'i nor sbyar zhing 'dug go/ / rgyal po de yang brdzun pa'i rims de yang spangs nas mche bde rnams mthong ste/ /phyis 'gyod pa skyes pa dang / phrag dog gi gtam skye ba gzhan la nyams su myong ba bdag po la smras nas/ mig gi ut+pa la mchi ma'i chus khyab pas de dang de'i smre sngags 'don pa 'gyur te/ kye hud smad pa phrag dog yon tan phyogs 'joms pa//gang gis bdag ni rmongs byed dam pa'i sems ldan pa/ /nags la gnas shing dka' thub pa ni zhi ba'i yid/ /tshogs kyi bdag po de ni bdag gis zad byas gyur/ /bdag nyid chen po gang gis yun ring skyong ba ni/ /glang po gzhan gyis rab tu gnod phyir nus ma yin//di ring glang po de ni med pas kun 'khrugs pa/ /glang po'i tshogs de ji ltar nyid du byung bar gyur/ /gang gis bar chad med par smyon chu 'thung 'dod pa/ /yud tsam du ni yongs su 'khor de 'gram dag la/ /de ni med par di ring dka' thub 'khrugs pa ni/ /ring po nas ni pad+ma'i rtsa ba'i nags 'gro gyur//yud tsam du ni glang po'i bdag po de yi gang zhig 'byung / /dpral ba drag pas kun nas 'phros pa'i 'dab ma can/ /yun ring phyir de smyon chu cha yis bsgos pa de/ /nges par shin tu bzang mo yan lag can mi 'dor/ /rgya mtsho'i dus ni skye rags kyis ni rnam brgyan pa//kun nas dbugs byung 'jam pa'i rtswa yi gos ldan pa/ /bdag po'i gtso bo gsod phyir bdag ni ci zhig 'dzin/ /sa las bdag la ci phyir rko ba sbyin mi 'gyur/ /de nas rgyal po de de ltar smre sngags 'don pa la rtse gcig par rngon pa des 'dzin cing 'dug go/ /btsun mo mya ngan ma byed cig /bden pa'i byin gyi rlabs che ba'i bdag nyid kyis bdag nyid chen po de slar yid 'phrog pa'i mche ba chen po byung ba/ /mda'i dug gi shugs kun nas bzlog pa'i sems can rnams la phan pa'i phyir/ srog rnams 'dzin cing glang po che'i tshogs chen po de'i bdag po nyid byed do zhes zer ro//de nas tshogs 'di de las thos par gyur nas ni/ /mi dbang btsun mo rab tu yid can slar gyur te/ /sa bdag kyang ni ngo mtshar bar ni song bar gyur/ /mche gnyis bdag po'i snying rje yud tsam rnams bsams nas/ /de ltar bzod pa'i 'bras bu mngon par 'dod pa'i thugs rje'i bdag nyid can rnams dgra bo mtshon byas kyang rab tu phog par byed pa la nus pa yod kyang bdag nyid chen po rnams bzod pa byed pa nyid do snyam du shes nas bzod pa la gus par bya zhes bya ba'o//glang po che'i skyes pa'i rabs te skyes pa'i rabs dgu pa'o// //sbrul ni mche ba 'phrog pa lta bu ste//nus pa med par khro bcas kyang ni bzod/ /nus pa yod kyang gang zhig 'dor mi byed/ /bzod pa de ni bzod ldan shes par bya/ /'di ltar rjes su thos te/ rnam par gnon pa'i tshul gyi mthus rgyal po gzhan dang chags 'og gi rgyal po las rnam par rgyal ba/glang po che dang / rta dang / mdzod phun sum tshogs pa mang po dang ldan pa/ gzi brjid can/ brtan shing thos pa 'dod pa la sogs pa shes rab kyi yon tan rnams kyis lhag par gnas pa/ tshogs gsum dang rjes su mthun pa'i rang bzhin can/ rang bzhin gyis mchod par byas pa lho phyogs kyi bdag po ka ling ka'i rgyal po zhes bya ba'i rgyal po byung bar gyur te/lag pa'i brtson 'grus kyis 'pham dgra las rgyal byas pa'i/ /gang gi stobs rnams stobs dang ldan pa gzhan gyi yul/ /mngon par song ste mtho ba'i 'phel ba byung ba yi/ /chu yi phung po'i chu rnams 'gram gyi mtha' bzhin no//phan tshun min pa'i rnga ldan sgra ni sgrogs byed pa/ /gang gi stobs rnams khro ba rnam par rgyas pa bzhin/ /kun nas 'gro ba'i dus su dbang du song ba ni/ /lcags kyu 'dzin pa rnams kyi ji ltar yang ni 'byung / /de lta bu'i stobs 'byung ba 'bad pa dang bcas pa rnams kyis nga rgyal ma chags pa'i mi'i bdag po de'i chags pa'i rgyun zhes bya ba gnyis skyes kyi blon po byung bar gyur to//rgyal po de yang rigs kyi rgyun rnam par chad pa la 'jigs pas dus gcig gi tshe na sras kyi don du lha'i bye brag du ma la nye bar song bar gyur to/ /de nas chags pa'i rgyun gyis rgyal po de la gsol pa//btsun mo'i 'khor gyi nang du lhas zhugs par mdzod cig dang / bdag gis ni lha'i sras kyi don du lha la nye bar brten par bgyi zhing rgyal srid kyang so sor bskyang bar bgyi zhes so/ /rgyal pos kyang de ltar bya'o zhes mngon par brjod nas btsun mo'i 'khor du zhugs te/yul rnams la gzhan dbang du song bar gyur to/ /chags pa'i rgyun gyis kyang rang gi ming gis mtshan ma'i yo byad kyi tshogs thams cad byas nas rgyal srid rjes su skyong ba byed par gyur to/ /ka ling ka'i rgyal pos kyang sna tshogs pa'i gar dang /glu lta zhing nyan pas snying 'phrog par byas pa/ lha'i bdag po'i bu mo'i tshogs kyis yongs su bskor ba dang 'dra bar gzhan gyis kyang nor dang / skye bo'i dbus su song ba rnam par gnas par gyur to/ /yid ni 'phrog pa blon po ma d+hu ka ltar skya/ /zla ba'i 'od zer kun nas 'phro bar byed pa 'dra//la la zhig gi me long nges 'brel lta can gyi/ /'gram pa dag ni smug rtsis bskus par byas par gyur/ /gzhan ni g.yo med rgyas pa'i mig can mthong ba ste/ /dgod pa cung zad bskyod pa'i mchu yi rtse mo ni/ /ut+pal sar pa la ni nyer gnas ut+pal gyis/ /dung ba bskyod pa can ni 'grib par gyur pa ste//rgyal phyogs la la zhig ni bstan la lhag gnas pa/ /yid 'phrog thang ka'i ri mo lta bar byed pa ni/ /rkang pa sgra med sa bdag de nyid nyer 'ongs nas/ /lag pa gnyis kyis mig ni bkab pa byas par gyur/ /lag pa rnam par 'dar zhing bdag dang lhan cig chog /zhes bya mngon dga' gnas pa tshig ni chad pa can/ /nu ma dag ni gos kyis 'gebs par byed pa ni/ /pho nya mo yang 'dar ba'i yan lag 'dzin par gyur/ /khyed nyid bdag la ma 'ongs pa na srog mchog ste/ /tshig gis dgod pa bdag la lta ba 'dzin par gyis/ / de ltar brjod pa'i la la zhig ni g.yon phyogs na/ /gnas pa'i bud med ji ltar yang ni mgu zhig 'dug /cung zad bskyod pa'i sgra ni sgrogs pa rkang gdub brgyan pa yi/ /rkang pas sa yi steng du sgeg pa dang bcas gnon byed cing / /bud med dgod cing rna ba la ni ci yang smra byed pa/ /gzhan gyi bud med mig gi mda' ni phog par mtshon par byas//de nas ma nyams pa'i yul gyi bde ba nyams su myong bar byed pa mi'i bdag po de'i btsun mo'i 'khor gyi myos pa'i bud med de rnam pa sna tshogs pa'i 'jam pa'i dgod pas gtam dang / khro ba dang phrag dog gis smin ma bskyod pas yid 'phrog pa'i sgeg pa rnams kyis shin tu yang snying kun nas bteg par gyur te/kun nas dgod pa'i dus su bskyod cing mthong ba'i smin ma can/ /dgod pa'i zla tshes kun nas song ba'i gdong ba'i zla ba ldan/ /ri mo gsum gyis rnam par bskyod cing srab pa'i spu phreng can/ /bud med rnams ni su yid 'phrog par mi byed de smros shig /'phrog par byed cing gsal ba'i so yi phreng ba'i 'od ldan pa/ /kun nas zla ba'i 'od ni 'dzag par byed pa 'dra ba ste/ /bud med skye bo'i rab tu dregs pa'i rgyan can tshig rnams ni/ /la ba li ltar dri zhim po ni su zhig 'phrog mi byed/ /'gro ba gsum la yang ba nyid ni de rnams song min nam//bde ldan de rnams nyid dang legs pa'i blo can de rnams nyid/ /skyon mang pa yi sbrul gyis nges par bsags pa brten min pa/ /rnam par sgeg pa'i dug gi ljon shing yal ga'i nags rnams kyis/ /de nas dus 'das pa dang / btsun mo sems can kun nas chags pa byung bar gyur to//de yi yon tan gter 'phel ba/ /nyi ma re rer mngal 'gro ba/ /mdun du 'o ma kun 'dzin pa/ /nu ma dag ni sngo bar gyur/ /pus mo'i steng du bkod byas nas/ /lag pa 'dab ma ltar 'jam pa/ /ji ltar yang ni rtag las de/ /khyod ni mthong nas langs par gyur//sang ngam zhes bya ngo mtshar bcas/ /bu 'dod pa dag mnyes gshin par/ /yang dang yang du de mthong gyur/ /de nas zhag rnam par dag pa la dngos su gter dang 'dra ba rang gi 'od kyis mi'i bdag po'i pho brang gi nang rnam par byas pa/ 'chi ba med pa'i gzhon nu'i rnam pa can//ma lus pa'i sa la rgyan du gyur pa'i sras skyes par gyur te/ lus kyi 'od kyis zla ba yi/ /gang phyir 'od ni des 'phrog pa/ /gnyen 'dun rnams kyis zla ba zhes/ /de bas de yi ming du btags/ /sum cu rtsa bzhi'i tshad rgyal mo gzhan rnams la yang sras rnams skyes par gyur to//de nas lo brgyad lon pa'i gzhon nu rnams gzhon nu zla ba dang lhan cig rgyal po'i rig pa 'dzin pa'i phyir bla ma gang zhig la brtad cing 'dug go/ /gzhon nu thams cad kyang ri dgas shor ba la sogs pa'i chags pa la rtse gcig pa yon tan gyi cha du ma rnams kyang gzi brjid dang /dpung pa'i stobs kyi gzhon nu zla ba lhag par gyur te/ yon tan gnyen dang blo gros bzang po skyes te shin tu lci ba bsngags par bya ba'i gnas/ /skyon ni chen po kha cig la ni skye ba'i mthar thug yang ba nyid ni bkag byas pa/ /gang phyir mi rnams rigs chen las ni skyes kyang khyi dang mnyam pa mthong bar 'gyur ba ste//rgya mtsho rin po che yi tshogs ldan las ni chu yi nya phyis ci zhig skye bar mi 'gyur ram/ /bden par sngon po nyid mtshungs par/ /in+d+ra nI la rma bya'i mdongs/ /rin chen la gnas de bsngags pa/ /gang phyir dam pa la gnas dge yon tan skyes pa la med pa//rnam ldan la yang 'ga' zhig tu/ /mching bu in+d+ra nI la'i mdog /'dzin kyang de yi yon tan yin/ /de nas rgyal po de byang chub sems dpa' rgyal tshab tu dbang bskur nas gzhon nu de rnams la yang yul 'ga' zhig byin par gyur to/ /de nas zla ba mi'i bdag pos rjes su gnang bas spun zla rnams dang lhan cig tu rang gi yul du song nas dum bu 'dzin pa'i ming gis mtshan pa'i yo byad thams cad mthong nas smras pa/rnam pa thams cad du yul tsam gyis kho bo cag gi yab rgyal po ste/ chags pa'i rgyun nyid dang bdag po zhes bya ba'o/ / gzhon nu rnams kyis smras pa/ 'o na dum bu 'dzin pa'i ming 'di spangs nas rang rang gi rang gi yul gyi ming rnams bdag cag gi yo byad thams cad la bri bar bya zhes zer ro/ /de ltar bya'o zhes zla bas kyang khas blangs pa la dang por zla ba'i ming de rnams kyis 'bri zhing 'dug go/ /de yang de ltar bsgrub pa rnam par shes nas dum bu 'dzin pa khros pas mchog tu 'ongs te/bram ze rnams tshogs su bcug nas dben par smras par gyur pa/ rgyal po'i sras 'dis bdag la bdag po nyid 'phrogs pa ste/ de bas na 'dir 'di thob pa thabs gang gis kyang zla ba yid 'phrog dang rnam par bral bar bya zhes bya bar khyed cag rnams kyis blta bar gyis shig /'bras bu chung ba'am ni che ba mngon par 'don pa thob pa'i yid dang ni/ /bya ba med pa'i blo dang ldan pas skad cig tsam yang gnas par mi rigs te/ /gal te rdza mkhan 'khor lo nyin mtshan med par dbyug gus 'khor bar mi byed na/ / rdza phor ram ni bum pa sa ni yod kyang 'byung ba nyid du mi 'gyur ro/ /bram ze rnams kyis smras pa/ /dngos po 'di la khyed nyid thabs rtogs par nus pa zhes zer ro/ /dum bu 'dzin pas smras pa/ /gal te de ltar yin na de nas gal te rnam pa gang gis kyang rgyal po 'di rmi lam khyed rnams kyi mdun du smra bar gyur na/de la khyed cag rnams kyis smra bar bya ste/ lha lags dum bu 'dzin pa'i rmi lam gyi 'bras bu mngon par shes pa ste de nyid la dri bar bya zhes zer ro/ /de ltar bgyi zhes bram ze rnams kyis khas blangs par gyur to/ /de nas dus gcig gi tshe na rgyal po de rmi lam mthong bas snying skyobs bram ze de rnams la rmi lam smra zhing 'dug go//bram ze rnams kyis kyang dum bu 'dzin pa ni rmi lam gyi 'don pa rig pa zhes bya ba bstan to/ /de nas rgyal po des dum bu 'dzin pa la bos nas rmi lam 'di ltar smra zhing gnas te/ rmi lam du ni ding sang grong khyer ma lus bsngags rnams kyis/ /'di ni kun nas bskor ba 'od med phongs pa'i 'jig rten can//bcings shing lus ni kun nas btsir ba bdag ni sa skyong gis/ /shing khang sa la lus kyis kun nas khyab par bcug pa mthong / /de bas na re zhig rmi lam 'di'i 'bras bu bla ma rnams kyis smra bar 'dod ces zer ro/ /dum bu 'dzin pas smras pa/lha lags rmi lam gyi rnam par smin pa ni dka' ba mthong ba yin te/ rgyal srid chen po las nyams pa/ /khyod kyi rmi lam 'dis mtshon te/ /zla ba gnyis kyis 'gro byas pa/ /yang na khyod kyis bsten pa'i mtha'/ /bram zar de yi tshig ni thos pas sa skyong ni/ /shi dgos zhes bya 'jig pa nyid ni 'ong ba'i phyir//skyed mos tshal gyi sa dang khyim du mngon dga' min/ /'chi ba rang bzhin gyis ni rnam par bsams bzhin pa/ /ring por yang ni yid la sdug bsngal byed pa ste/ /steng du song ba'i gdengs ka'i sbrul ltar blta dka' ba/ /lus can shin tu dor ba nyid ni smos ci dgos/ / de nas rgyal po des dum bu 'dzin pa la smras pa/ slar thabs 'ga' zhig yod par 'gyur ram/ gang gis bdag rgyal srid las kun nas nyams pa'am dus ma yin par 'chi ba thob par mi 'gyur zhes zer ro/ /dum bu 'dzin pas gsol ba/ /des na lha thabs gsan pa 'ongs te zla ba gzhon nu dang lhan cig gzhon nu thams cad srog chags gzhan dag kyang mchod sbyin gyi las la gsad par bya dgos zer te/de'i khrag ni ne tso'i mchu ltar khyad par gyis ni dmar ba yi/ /gang ba yangs pa'i sar ni rdzing bu shin tu rgya che la/ /sa skyong gal te 'jug par gyur na de'i phyir rgyal srid las//nyams pa'am ni phyi rol song ba'i bdag po'i dbang mi 'gro/ /de nas rgyal po de bdag 'tsho bar gyur pa la slar yang sras rnams lhag pa'i yon tan dang ldan par 'gyur zhes bya ba rnam par bsams nas/ gzhon nu de rnams lcags sgrog gis bcings pa blangs nas dum bu 'dzin pa la mchod sbyin gyi las brtsams par gyis shig ces smras so//de nas gzhon nu rnams ni shin tu sdug bsngal ba/ /rgyun bdun pa yi las ni rab tu 'jug par byed pa yis/ /sa skyong che ba'i sras ni med par 'khrug pa ni/ /skyon can blon po des ni rgyal po la ni smras/ /mi yi zla ba zla ba de ni khyod lus skyes//stobs kyis brnyas pa gal te yod par mi 'gyur na/ /khyod kyi mi dge 'joms pa'i mchod sbyin cho ga 'di/ /'bras bu chen po'i phyir ni 'byung bar 'gyur ba min/ /rgyal pos smras pa/ zla ba gzhon nu ni bla ma'i skye bo la gus pa ste/ de bas na bdag gi bka' las 'da' bar 'gyur ba ma yin te de bas na 'di la pho nya thong shig ces bsgo ba dang /de ltar bya'o zhes dum bu 'dzin pas khas blangs nas rgyal po des pho nyal bos nas bsgo ba song shig gang der gnas pa'i zla ba la smros shig dang / bdag gi drung du myur bar 'ong bar gyis shig ces zer ro//de ltar bgyi'o zhes pho nya de yang rgyal po'i bka' nye bar 'dzin pas byang chub sems dpa'i drung du kun nas 'gro bar gyur to/ /bdag nyid chen po de yang 'khor dang bcas pa dpyid ka'i dus kyi zla ba la lhan cig byed pa'i snye ma brtsams pa dang / a ti mu ka ta dang / mya ngan med dang / thig le'i dris lhag par dris bsgos pa'i skyed mos tshal du cung zad zhugs te bdag nyid rnam par rtse zhing 'dug go/ /sgo ba la zhus pas zhugs par mngon par rjes su gnang ba'i pho nya de rab tu mthug pa'i mchi ma'i thigs pa 'bab pa'i gdong gis zla ba la phyag 'tshal nas rnam pa gang gis kyang sems can du ma rnam par 'jig pa'i phyir nye bar brtsams pa'i mchod sbyin gyi gtam de brjod nas rgyal po'i bka' smra zhing 'dug go//de nas byang chub sems dpa' la grogs bshes dang gnyen 'dun rnams kyis 'di skad ces smras so/ /'di thams cad mkhyen la rnam par 'jig pa'i phyir 'dug pa'i bdag nyid can gyi dum bu 'dzin pa'i g.yo'i rnam par spyod pa ste/kye ma skyon can de'i bsdams pa can dang 'dra bar lus kyi bya ba zhi ba dang / srin po dang 'dra bar nang gi byed pa ma dag pa'o/ /kye ma gdug pa'i bdag nyid can rnams kyi/ /yo byad rnams kyi rnam pa thams cad du//rab zhi'i cha byad kyang ni rnam par rtsub pa'i yid/ /skye bo ngan la cung zad yid brtan mi bya ste/ /gang phyir chu skyar g.yo med 'gram la gnas kyang ni/ /kun nas 'phros pa'i nya ni gsod pa min nam ci/ /sdug bsngal nye bar len par byed pa brten pa rnams la brten pa yang / / kun nas rmongs pa skyed par byed pa nang du gdung ba nges par 'dzin/ /sbrul gyi dug ltar rma las byung ba mtha' gcig tu ni che ba ste/ /spyod pa brten bzhin min pa skye bo ngan pas bzod pa nyid du dka'/ /de bas na gzhon nus bka' stsol cig/ /ji srid du gdug pa'i bdag nyid sha za'i 'jug pa can 'bras bu med pa'i bram ze'i ming can dum bu 'dzin pa 'di bcings nas 'ong bar bya ba'am/pha rol tu song ba rnams gyis mgon po'i dbang du thob par bya zhes zer ro/ /byang chub sems dpas smras pa/ bden mod kyi bdag la yang dum bu 'dzin pa'i don du cung zad khro ba mngon par sdang ba byung bar gyur te//de ni bdag gi sreg lugs 'dzin pa chu'i rgyun dang 'dra ba'i bzod pas nye bar zhi bar song ste/ gal te yang bdag cag gi srog gis bla ma rnams yun ring por gso bar gyur na de lta na bdag cag ni don dang bcas pa zhes bya ba'o/ /de bas na dum bu 'dzin pa'i phyir khyed rnams kyi khros pas tshog ste bdag gis ni 'gro ba kho nar bgyi'o//de nas pho nya ngo mtshar bas 'di ltar smras par gyur te/ e ma ngo mtshar ba chen po ni rnam pa thams cad du gzhon nu don dam par bzod pa dang ldan pa ste/ ci'i phyir zhe na/ gal te dgra bo zad phyir kun nas ldang gyur pa//khro ba'i sbrul ni bzod pa'i rigs pa 'gegs pa ste/ /dge legs thob la dga' ba'i bsam pa bcings rnams kyi/ /bzod brten rnams kyi snang thob de ni mdun 'gro ba/ /de nas byang chub sems dpa' la mchi ma'i chu'i thigs pa btang ba'i rang gi nang 'khor gyi skye bos rjes su 'gro bzhin pa shing rta mchog la zhon te/mchod sbyin gyi nang na gnas pa'i yab kyi drung du 'ongs te phyag btsal nas gsol ba/ rang gi srog ni rjes tshol ba'i/ /gal te yab kyis bdag btang na/ /bdag gi lus 'di mchod sbyin la/ /phyugs nyid du ni nyer brtag mdzod/ / bdag gis bu khyod btang ba zhes/ /sa yi bdag pos brjod pa la/ /zla ba'i steng du sdug bsngal gyis/ /mchi ma'i thigs pa lhung bar gyur/ /gang tshe yun ring por gnas kyang / /'chi bdag spyod yul bgrod bya ba/ /de tshe gzhan ni rnam 'jig pas/ /tshe ni gnas par su zhig 'dod/ / de nas dum bu 'dzin pas mchod sbyin byed pa po de rnams la smras pa/ mkhan po rnams gson cig /sreg lugs dang po so sor sbyin par gyur pa la gzhon nu zla ba thog mar gsad par bya ste phyis ni gzhon nu 'di rnams zhes zer ro/ /de skad smra ba'i dum 'dzin la/ /mgrin pa bteg pa'i gzhon nu rnams//'jam pa'i yan lag ltar gyur te/ /seng ge la ni ri dgas bzhin/ /de nas gzhon nu de rnams thal mo sbyar bas byang chub sems dpa' la 'di ltar zhu ba byed cing gnas par gyur te/ bdag nyid chen po bsngags par mthong ba'i sems ldan pa/ /'jig rten la byams spun zla khyed ni gnas pa la//bdag cag phyugs bzhin brtse med 'di ni ji ltar ni/ /dum bu 'dzin pa snying rje med pas khyer bar 'gyur/ /de nas spun zla de rnams kyis tshig gsan nas snying nas sdug bsngal bar gyur pas byams pa dang yang dag par ldan pa'i ting nge 'dzin la kun nas dmigs par gyur te/rnam par dag pa'i sems ldan pa yi ting 'dzin gyis/ /mnyam par gzhag pa'i bdag nyid kun nas chags pa 'dra/ /ngo mtshar bcas pa'i bdag nyid mi skyong sras rnams kyi/ /lto 'phye ltar sngo'i lcags sgrog chag par gyur/ /lcags sgrog chag pas ngo mtshar bar gyur pa'i rgyal po de la 'di ci yin zhes bya ba rtog pa skyes pa'i dum bu 'dzin pa de la chu yis lci ba'i chu gter byung bar gyur te/sa ni bsgribs shing dbang phyug chen po'i mgrin ltar sngo/ /'phro ba'i 'od dang ldan pa'i glog gi khro gnyer gyis/ /khros pas srin po bzhin du sgra chen sgrogs par gyur//'dab chags grol bas rnam par 'chag pa'i shing rnams ni/ /sgra dang ldan pa rab tu skyo ba'i brag gi dkyil/ /ri bo rnams kyi rtse mo kun nas lhung byed cing / /mi yi grogs po drag po'i shugs can rab tu rgyu bar gyur/ /mthug pa'i dra ba rdo ba'i tshogs ni mthug pa des/ / de nas sprin rnams mthug las rab tu grol bar gyur/ /shin tu 'khrugs pa'i sems ldan gnyis skyes rnams kyi ni/ /oM gyi sgra ni mchod phyir dbus su zhi bar gyur/ /kun nas dkar dmar byed cing chu ni 'dzin rnams kyi/ /lto ba rnams ni 'od dang chu yi lci ba ni/ /myur du nyi ma nub par gyur te rgyal po yi//sdug bsngal rnams la blta bar mi nus bzhin du gser las byas pa'i bum pa rnams/ /mchod sbyin sa la bzhag pas rab tu brdegs bzhin pa/ /nam mkha' las lhung rdo ba rnams kyis myur du ni/ /chag par byas pa bskyod cing kun nas sgra 'don 'gyur/ /nam mkha' las lhung rdo ba rnams kyis brdegs pa ni//mchod sbyin me ni 'jigs pa 'dra bar rab tu zhi/ /kun nas rab tu 'phos pa'i me stag khyab pa can/ /bskyod cing lhod pa skya ba'i du ba'i tshogs dang ldan/ /glang po rnams kyi phyi ba'i lcags shubs kyis bcings pa/ /mche bas 'gram la mngon par brdegs pas sa 'brel ba//rdo bas mngon par bsnun pa kun nas sgra sgrogs shing / /rab tu 'phro ba'i 'od ldan me stag 'phros par gyur/ /rma bya gnas pa'i srog shing las ni kun nas lhung ba ste/ /khyim bya ro dang bral zhing 'jigs pas sgra 'don gyur/ /rdo bas kun nas brdegs pas g.yo ba'i mig ldan pa'i//ri dgas rnams ni khyim gyi nang du zhugs par bar gyur/ /bsil ba chu gter rlung ni 'thung bar byed 'dod cing / /rgya che'i tshang las rnam par 'byung ba'i phyed kyi lus/ /gdengs ka can gyi bu yi sgra bcas myur du rnam rgyal nas/ /lto 'phye rdo bas kun nas brdegs pas rab tu zhugs//byang chub sems dpa' ring po nas ni yongs gsal nas/ /gzhon nu dang bcas kun nas lhung ba shugs ldan pa/ /rdo ba rnams la mi skyong du ma 'dzin bcas pa ni/ /pho brang 'jigs pa'i skye bos khyab par 'jug par gyur/ /blon po dang ni sa yi bdag po song bdag la//glog gi 'od kyis rnam par snang ba'i lam la ni/ /thog gis mgo bo dag ni rnam par chag pa yi/ /klad pa byung ba'i cha yis nye bar gos pa'i skra ldan pa/ /mchi ma dang ldan skye bo las ni shi thos nas/ /sa yi skyong ba rnams kyis bka' la mchod pa ste/ /'jam pa'i sems nyid shin tu sdug bsngal khur gyis ni//btsun mo glo bur du ni srog ni gtong bar gyur/ /de nas 'jigs pa'i skye bo rnams kyis nang dor ba/ /sa yi bdag po'i pho brang sgo ni chag gyur pa/ /rdob rnams kyis kun nas brdungs pas skad cig der/ /gser gyi ka ba rnams chag sgra skyes lhung bar gyur//shi bar gyur tam 'on te 'tsho 'am ci/ /g.yo sgyu'i bsam pas sa bdag dum bu 'dzin pa dag/ /de ltar 'phros pa kun nas chu ni 'dzin pa rnams/ /khros pa ltar ni glog gi mig gis rnam bltas gyur/ /de nas tho rangs kyi dus su byang chub sems dpa' pha ma dag la mes bsreg par byas te/shi ba la chu'i snyim pa ster cing kun nas skyo ba'i blo can gyis/ /e ma'o sangs rgyas bcom ldan 'das rnams kyis dngos po thams cad skyes ma thag tu rab tu 'jig pa'o zhes bya ba legs par gsungs pa 'di la rnam par bsams nas spun zla de rnams la smras pa/ 'phel phyir bu yi shi bdag ni//mnyes gshin yid ma des spangs nas/ /bdag las 'bras bu ma thob pa/ /bdag gi ma ni gang du song / /sa yi skyong ba bdag gi yab/ /sa ni skyong bar mdzad nas ni/ /chos 'jig dum bu 'dzin pa dang / /lhan cig tu ni gang du gshegs/ /dran par bya yi phun tshogs 'di//rta babs ka ba lhung gyur pa/ /bla ma'i khyim na mya ngan byed/ /sa la gcog byed rnam lhung ba/ /'di dag mi mnyam yang dag lhung / /chags pa'i so pag 'byung ba ni/ /'od med ri ma'i rtsig pa rnams/ /bdag nyid mya ngan byed pa 'dra/ /ci zhig glu yi rab 'di/ /'on te gnas kyi pho brang yin//khang ba zhig pa'i cha rnams ni/ /dka' bas 'di ltar dpog par gyur/ /gnas 'di pho brang yod 'gyur te/ /dpal ldan sa yi bdag po de'i/ /de ltar phrad 'dod skye bo ni/ /gzhan la smrar 'gyur mya ngan gyis/ /dpal bral rdo ba bsnun pa yis/ /ne tso khu byug shi ba ni//sa yi bdag po'i pho brang gi/ /skyed mos tshal 'di sgom byed 'dra/ /mi gnas bde ba re can gyi/ /rgyun pa yongs su skyong byed cing / /de ltar dgra ni rdzogs don du/ /phrad pa 'dod pa 'dra bar gnas/ /bya ba ma chad skyes rnams kyi/ /byed par 'gyur dang byed pa dang / /byas 'gyur rdzogs pa'i don du ni//shing bya'i sgra ni mi rtag nyid/ /bdag kyang gnas la nam mkha' ni/ /rtag pa zhes bya mngon par brjod/ /'di ltar steng du mthong ba ltar/ /khros pas mi rtag pa nyid gnas/ /gzhan dbang min par 'jug pa'i phyir/ /yid la zhi ba nyer thob pa/ /gnyen rnams mnyes gshin spangs pa ni//chags pa bral bas bde bar gnas/ /kun nas rtog par yul rnams mngon par 'dod pa skye bo la ni srid par gnas mi byed/ /sred pas yid ni bcings pa rang bzhin gyis ni dri bcas brten pa'i thal mo 'ching bar byed/ /bsten pas gdungs pa mchog du bsten par 'dod pas long ba bzhin du kun nas 'joms par byed//kun nas 'joms pa sdug bsngal rgyun ni kun nas brnyas pa'i nyon mongs rnams kyis byin gyis brlabs/ /dka' bas rnyed pa yang ni rim gyis rab tu nyams pa'i bde ba slar ni 'gyur ba ste/ /de nyams pa la skyes pa bsams pa'i me ni sbar zhing yongs su gdung ba nyid du 'gro//sdug bsngal 'di ni srid pa'i rjes 'brel kun nas bsags pa g.yo sgyu can gyi rgyu yin te/ /de rnams shin tu bde ldan gang rnams kyis ni yang dag chung 'dod yid rnams la ni bzhag /de bas rgyal srid dor nas bdag /sdug bsngal mang po'i tsher ma can//zhi phyir zhi ba'i lam gnas ni/ /dka' thub nags su 'gro bar bgyi/ /de nas rjes skyes bya ba byas pa dbang bskur nas/ /spun zla gnyis skyes rnams kyis shis pa rtsom pa ni/ /dpal ni spangs te dka' thub rnam par 'phel ba'i phyir//brten pa'i yid can de ni nags su song bar gyur/ /de ltar bcom ldan 'das des byang chub sems dpar gyur pa na/ gnod byed la yang bzod pa lhod par ma mdzad do zhes bya ba rnam par bsams nas dge ba tshol ba rnams kyis bzod pa'i stobs dang ldan pas gnas par bya zhes bya ba'o//zla ba'i skyes pa'i rabs ste skyes pa'i rabs bcu pa'o/ /sdom la/ ri dgas rma bya thub pa dang / /sngo bsangs dka' thub gsum de bzhin/ /dga' ba'i sdom tshangs glang po dang / /sa skyong sras ni zla ba yin// //dam min 'jug rnams nyin rer ma gus kyang / /gang zhig rang gi khro ba 'dul bar byed//de ni gzhan dag rnams kyi 'gro ba yang / /dul ba dang ldan brtan pas 'dul bar byed/ /'di ltar rjes su thos te/ dri ma med pa'i me long gi dkyil ltar chu dang ba 'ga' zhig la tshul spyod pa'i 'dab chags rnams kyi gshog pa rnam par 'phangs pas pad+ma rnams kyi tshogs 'khrug par byas pa dang /'dod chags dang bral ba'i sems thub pa rnams kyis 'jug ngogs la brten pa dang / 'jam pa'i rlung gis rnam par 'bigs bzhin pa'i chu rlabs kyi rgyun gyis bskul ba'i sbu ba dkar po'i phreng bas 'gram gyi ri mo 'dres par byas pa dang / 'gram gyi shing rnams kyi me tog gis brag gi dkyil bkram pa dang /skye bo bzang po'i spyod pa ltar 'jig rten thams cad la bde bar byed pa'i lto 'phye chen po'i gnas mtsho chen po la dri ma dang bral ba'i nor bu rnams kyi gdengs can gyi tshogs rnam par brgyan par byas pa'i byang chub sems dpa' dar dar zhes bya ba'i sbrul byung bar gyur to//lto 'phye skye bo la yang gnas par byed bzhin pa/ /bzod pa 'dod pas de ni bsam pa nges 'brel ba/ /nam yang khro ba'i sems ni gdung byed mi 'gyur te/ /sa las skyes pa chu ni spangs pa mi ltar ni/ /rtag tu byams pa gos byed pa'i/ /mkhas pa rnams kyis rig pa ste//sems ni grogs dang dgra rnams la/ /snying rje tha ni mi dad 'byung / /bdag nyid chen po de yang chos dang rjes su mthun pa'i dge slong ma dka' thub pa mthong nas mi'i cha byad du byas te mdud pa dang bcas pas nye bar brten par gyur to/ /blo gros chen po de'i yang gdengs ka'i nor bu dang /lus kyi pags pa 'dra bar nye ba'i dar dar zhes bya ba'i spun zla yod par gyur to/ /de dag phan tshun du phan pas rtse gcig pa'i yid la byed pa dang / pha rol gyi rnam par 'tshe ba'i sdug bsngal las log pa dka' thub kyi nor can dang 'dra ba'i chu 'dzin pa de la rnam par gnas par gyur te/der yang gdengs can rnams kyis rang bzhin gyi bsam pa bzang po'i byang chub sems dpa' nye bar gnas bzhin pa la mi bzod par gyur to/ /nyams pa med kyang mi dga' ba'i tshig de dang de rnams kyis nyi ma re re zhing 'di la gnod par gyur te/ /dngos po kun gyi rang bzhin nyid/ /bdag nyid dri bcas skye ngan gyis//rmongs pa rnams kyi rang bzhin nyid/ /zhi ba'i sems ldan rnams la yang / /gang phyir rgyu nyid drag nyid 'brel/ /de nas nye ba'i dar dar lto 'phye'i tshogs kyi drung nas rngan can de ma bzod cing nga rgyal gyis mngon par gnas pa'i yid can cung zad kyang bzod par mi nus shing dar dar la smras pa/dam pa ma yin pa'i rang bzhin mig gis thos pa 'di rnams kyi rngan can 'di bdag cag gis ma nus pa bzhin du ci'i phyir bzod par byed/ gang gi phyir chu'i rten gzhan rnams las lhag par gnas par byas pa stobs dang ldan pa'i grogs po rnams lto 'phye'i bdag po yod de/de rnams la spro ba bskyed nas 'thab mos lto 'phye 'di rnams mtsho 'di las nges par gdon par bya ba'am/ 'jig pa nyid du khyer bar bya zhes zer ro/ /byang chub sems dpas smras pa/ bzhin bzangs dam pa ma yin pa'i skye bo dang lhan cig skyes pa'i khro ba 'di so sor sdud pa'i stobs kyis yongs su dor ba gyis la khyod ltos shig dang /bzod pa'i lcags kyus gnas pa'i lam ni 'da' byed pa/ /ring por khro ba'i mche gnyis gang zhig 'gag byed pa/ /de yi yid ni nam yang 'gyod par mi 'gyur te/ /pha rol du yang ngan pa'i 'gro ba thob par 'gyur/ /lam min nas 'gro ngo tsha dor bar byed pa ste//blo ldan rnams kyi gso ba'i ngag ni thos min pa/ /dam min skye bo chags pas smod pa'i skye bo ni/ /skad cig gis ni bzang po yang ni bzang nyid 'dor/ /gang zhig tsher ma dang bcas lam la gom pa ni/ /'jug byed de las langs pa'i sdug bsngal des thob ste//de ltar brtags nas skye ngan tsher ma drag pa can/ /gnas pa mkhas pa bde ba don gnyer yongs su dor/ /ji srid khro ba'i me ni me stag dang ldan pa/ /sems ni sreg par byed cing 'phel bar mi 'gro ba/ /de srid skyes pas bzod pa'i chu yis rab spangs pa'i//bde ba sbyin pa nyid ni myur du gsad par bya/ /de ltar dgra bzhin kun 'jug pa/ /nad ni kun nas 'byung ba ltar/ /bzod dgra bzod pas rgyal byas te/ /rab zhi la ni yid bzung mdzod/ /gzhan yang shin tu dga' ba ri bong can gyi 'od zer ltar dri ma dang bral ba'i chu dang ldan pa'i chu'i rten rnams ni gzhan dag kyang yod do//nus pa med pa dang 'dra bar mtsho 'di la ci'i phyir gnas par bya/ /de bas na 'ong bar mdzod cig dang mtsho gzhan la gnas par bya zhes zer ro/ /ji ltar phu bos bka' stsal pa zhes bya ba mngon par brjod nas nu bo dang rjes su 'gro bzhin pa'i byang chub sems dpa' shel gyi nor bu'i tshogs zhu ba dang 'dra ba'i chu skyes kyi nags kyis bsgribs pa dang /nang du rab tu 'gro ba'i gsal ba'i nya'i tshogs kyis khyab pa dang nye bar shing gi grib mas 'gram gyi chu bkab pa dang / /'dab chags kyi tshogs du mas bar mtshams med pa'i mtsho chen por mngon par 'jug par gyur te/de nas sa 'og kun nas 'jug par 'dod pa'i de la ni/ /brten pa rab tu zhi la nges par 'brel ba'i yid can la/ /pad+ma'i 'dab ma tshogs kyis 'dres pa sbu ba'i mchod yon ni/ /mtsho yi rlabs rnams kyis ni skyes pa 'dra bar byin par gyur//bdag gi chu ni gtsang bar mdzod/ /de la de ltar mngon brjod cing / /rkang drug smin ma'i ljon shing 'degs/ /pad+ma'i tshogs ldan byas par gyur/ /nor bu'i 'od kyis bslang ba yis/ /der ni de dag nub gyur la/ /dbang po gzhu dang chu de ni/ /skad cig bar mtshams med gnas gyur//mtsho de rgya che de dag gis/ /sa 'og lhag par gnas pa ni/ /kha phye'i pad+ma ut+pal can/ /bdag nyid gtsang ba 'dra bar sems/ /de nas pad+ma chen po dang ldan pa'i chu'i gnas der rang bzhin gyis drag pa dang / dri ma can gyi bsam pa dang ldan pa'i sbrul chen pos de dag gi rang bzhin gyis nges par skyes pa'i bzang ba nyid shes nas nyi ma re rer 'di ltar rngan chen gyi dug dang 'brel ba tsha ba'i yi ge rnams smras par gyur to//lto 'phye nyid ni yod cing yang dag brten/ /bzod ldan nyid ni khyed cag bdag la ci phyir 'gyur/ /zab pa'i chu ldan chu bo'i bdag po'i gnas la yang //chu rta'i gdong gi me ni bsil bar mi 'gyur ro/ /rnam khyab khro ba'i sreg lugs za ba yod pa la/ /bzod pa mngon par smra ba nyid 'di rigs min te/ /e ma khyed cag gi ni mi bden chen po yis/ /shin tu bdag dang skye bo yang ni slu bar byed/ /gang zhig bdag nyid bzod pa dang ldan zhes smra ba//khros pas nye bar sbas pa lus can gyi ni sel/ /khri snyan lpags dang shing lo'i gos ni 'dzin pa yin/ /gnod sbyin de yi g.yo sgyus dka' thub brtul zhugs can/ /khro ba'i me ni yod la 'gro ba'i sdug bsngal gyi ni rgyu/ /khyed gnyis bzod pa'i skye bos dad par byas pa ma yin te//chos kyi bdag nyid ji ltar don min 'di ni khyed cag gi/ /bdag gi slad du dgod pa'i dngos po srid par 'gyur ba yin/ /de bas na bdag cag gi chu'i rten gyi gnas 'di nas 'gro bar gyis shig ces zer ro/ /chu'i sbrul de yang de ltar rgyu med par ngag rtsub par smra ba mthong nas dar dar ni rang bzhin gyis rnam par dag pa'i blo bdag nyid nang du smras pa/dam pa rnams kyi tshig ni tshig gi gi dgra stas 'jigs par byed cing shugs dang ldan pa ni/ /ring po nas mthong 'jigs dang bcas 'drar dam pa rnams kyi gnyen 'dun yon tan rnams kyis dor/ /de ltar gcer bu bzhin du mthong nas 'dul ba nyams pas dam pa min pa'i skye bo ni//dam pa'i sems kyi khyim bdag mo ni ngo tsha dang ldan gnas par bsam/ /de nas sprul chen po de'i skye bo ngan pa'i dngos po'i gzhu las drangs pa'i tshig rtsub mo'i mda' rnams bzod par mi nus shing nye ba'i dar dar khros pas kun nas bskyod bzhin pa'i yid so'i rtse mo rnams kyis ma mchu 'dzin cing dar dar la smras pa/spun zla lags sbrul chen po 'di'i brnyas pa 'di ci'i phyir bzod par bgyi/ /gang gi phyir 'di ni rgyu med par nyi ma re re zhing bdag cag la de ltar lhag par rgol bar byed/ / 'di'i chu'i rten 'di nyos pa 'di ma yin te/ de bas na mang po mngon par brjod pas ci zhig dgos/ thog mar g.yo sgyu ldan pa 'di ni skad cig gi tshig ste/ /chos dang 'brel ba'i lam nyams rgyu mtshan med par dgrar 'dzin pa/ /glog gi rgyas pa ltar ni ser skya'i dug gi me yis ni/ / sbrul chen tshogs rnams kun nas 'phro bar gdul du gtang bar bgyi/ /byang chub sems dpas smras pa/ sdug bsngal dang ldan pa 'di'i steng du sems la smod pa chog cing chog go/ /'di ni bzod pa kho na mdzes pa ste ci'i phyir zhe na/ stobs dang stobs chung la bzod po/ /sdig bcas la yang gang zhig byed//don dam bzod can dam rnams kyis/ /de ni 'gro bar mngon par brjod/ /don med khro ba'i me 'bar ba/ /rtsub pa'i yi ge smra ba ni/ /sman ni cung zad lan min las/ /skye ngan la gzhan yod min te/ /de bas rtsub pa'i tshig smos shig /rgyu mtshan med par 'di yang ni//ming smra'i ngo bos rgyal byas te/ /dam min skye bo rmongs pa'i blo/ /don med sdig pa sog byed pa/ /bdag la smod cing skye bo ngan/ /de phyir de la brtse ba nyid/ /mkhas pas bya bar 'os pa yin/ /de bas 'di 'dra'i blo ni nye bar brtsams mdzod cig/ /gzhan ni nye bar gsod phyir 'di ni nye bar kun langs pa//'dul ba min par dgra stas bdag nyid zad pa la/ /thos pa che ba rnams la snying rje nyid ni mdzes/ /de nas nye ba'i dar dar ras gus pa dang bcas pas btud nas byang chub sems dpa' la phan pa nye bar ston pa chen po rnams kyi tshig rnams ni mnga' bar bya ba ma yin no zhes bya ba brjod cing bzod pa'i chu'i dbang bskur bas rang gi khro ba'i me rnam par zhi bar byas te/skye bzang rnams kyis gnas pa chen po byas pa ni/ /sa gsum 'dul ba min pa so sor 'gog byed pa/ /yon tan nges 'brel yid ni ngo tsha dang ldan pa/ /dge ba nyid la skye bo so sor bskyang bar bya/ /sbrul chen po de yang de'i bzod pa kun nas 'dris pas 'dul ba'i yi ge byang chub sems dpa'i tshig la mnyan na slar 'gyod pa dang ldan pas rgyu mtshan med par sdang ba dang nges par 'brel ba bdag la nyi ma re re bzhin du shin tu rtsub pa'i tshig mngon par brjod pa la bdag nyid chen po 'di nyung ba yang sems la rtsub pa skyes pa ma yin pa zhes bya ba de bas ni//e ma'o ngo mtshar chen po zhes bya ba rnam par bsams nas/ bla ma dang 'dra bar so sor blta bar bya ba'i byang chub sems dpa'i drung du nye bar 'ongs nas/ bzod par gsol zhing rnam pa mang po'i gtam 'di ltar smra bar gyur te/ yang dang yang du rngan chen 'di ni bdag gis byas//khyed kyi yid ni 'gyur ba dang ldan ma mdzad de/ /khyed ni nges par gdengs can rnams ni 'dul ba'i phyir/ /thub pa chen pos kyang ni lto 'phye nyid ni mdzad/ /sbrul nyid 'jigs par byed pa 'di ni gang du ste/ /shin tu zhi ba dang ldan yid ni gang du yang / / bskor bar byas nas sdang ba nyid ni spangs byas te/ /'dab chags rgyal po yang ni khyod la mchod par byed/ de ltar sbrul chen po de rtsub pa'i tshig rnam par zlog ste/ byang chub sems dpa'i 'dul ba'i rjes su 'jug pas rang gi gnas su 'ongs te rang bzhin bzang po bzung bar gyur to/ /de ltar na bcom ldan 'das des byang chub kyi spyod pa la gnas nas/lto 'phye'i skye gnas su gnas kyang / /bzod pa goms pas drag po'i yid can rnams kyang bzang po nyid du nye bar khyer ba zhes bya ba rnam par nges nas bzod pa la yongs su 'dris par bya'o/ /dar dar gyi skyes pa'i rabs te skyes pa'i rabs dang po'o// //brtson 'grus med par 'dod pa'i 'bras bu ni/ /'gro bar sbyar phyir chung ba'ang thob pa min/ /de ltar ngal ba rtsi bar ma byas par/ /skal ba chen po rnams ni brtson 'grus rtsom/ /'di ltar rjes su thos te/ dri ma med pa'i chu 'bab pa'i lcang ma'i phreng bas 'gram gyi ri mo sngo bar byas pa 'ga' zhig tu ka ran ta ka'i tshogs kyi rjes su 'gro bzhin pa'i bskyod pa'i nya'i tshogs kyi chu'i dkyil khyab pa dang /rab tu brkyang ba'i gos ltar dkar ba'i 'gram dang ldan pa'i chu bos kun nas 'phangs pa'i sa 'dzin gyi logs dang ldan pa 'ga' zhig la nags kyi mes phyed tshig pa yongs su smin pa'i skyu ru ra dang /phreng ba dang / rgya shug rnams kyis sa'i dkyil khyab pa dang / mar ka ta'i khab ltar ku sha'i myu gu sngon pos nye bar bsags pa dang / 'ga' zhig tu phag rnams 'jug pas kun nas skrag pa dang / kun nas grol bar gyur ba'i rdzing gi 'gram gyi mtha' dang ldan pa dang /gzhan du ri dgas kyi shas me sbar bas rab tu nyal ba'i stag rnams kyis phug gi sgor lhag par gnas pa de/ sna tshogs pa'i yal gas bskor bas kun nas bskor ba'i dma' pa dang / 'khyog pa'i ri mos mtshan pa'i shing rnams kyi sdong bu dang ldan pa/mthug pa'i 'dab ma can gyi 'od ma'i nags kyis bkab pa'i mdun ma can gyi ri'i sul bar pa dang ldan pa'i nags kyi nang na byang chub sems dpa' ri dgas kyi tshogs kyi bdag po byung bar gyur to/ /bdag nyid chen po des kyang dam pa'i spyod pa mi'i bdag pos rgyal srid rjes su skyong bar gyur pa dang 'dra bar ri dgas kyi tshogs gang du yang 'jigs pa med par 'phel ba chen por 'gro bar gyur te/ri dgas 'phrog byed mgrin pa ltar ni sngo ba'i rgyab/ /seng ge ltar ni bsam ldan sngo ba'i rtswa za zhing / /dam dang dam min lam shes ri dgas rnams de ni/ /slob bzangs mkhan po la ltar de la rjes 'gro gyur//de nas dus gcig gi tshe na ri dgas shor ba la dga' bas/ sa'i bdag po su zhig gi ri dgas kyi tshogs de rngon pa'i drung nas rna ba'i lam du song bar gyur to/ /rgyal po de yang gzhu 'dzin pa'i rta'i mchog la lhag par zhon pa/ /dmag tshogs kyis bskor ba nags der 'ongs nas//ring po nas ri dgas kyi tshogs de lta zhing gnas te/ de nas skyugs ldad spangs te gyen du lta ba'i gdong / /khri snyan sa le mda' ni mda' phogs dogs pa can/ /mda' yi yul du ri dgas khyer 'dod mi yi dbang po ni/ /dmag gi mdun du song ba lta zhing gnas par gyur//g.yer kha'i sgra ni kun nas 'byung ba rnams mthong nas/ /gsod 'dod dmag tshogs de ni gzhu ni gzhu rgyud bdungs/ /mig gnyis bskyod pas blta ba'i ri dgas rnams kyis bskor/ /tshogs kyi bdag po des ni 'di ni nges par bsams/ /sa bdag bde ba skyong ba bde ba don gnyer ni//skye dgu 'jigs pa ma skyes dge ba brten pa'i phyir/ /bdag la song ba kun nas ngal ba ma bsams nas/ /srung byed de ni gang zhig phongs pa la yang srung / /'jigs pas 'khor ba rgya che'i mig ldan 'di rnams ni/ /kun nas zag pa'i khrag gis sa stengs sbangs pa ni/ / ri dgas rnams ni mdun du lhung zhing lus 'phros pa/ /mda' rnams kyis ni bsnun pa ji ltar blta bar 'gyur/ /de ltar ri dgas 'di rnams ri dgas gsod pa yi/ /mda' ni rnon po rnams kyis ji srid bsnun min pa/ /stobs kyis de srid 'jigs pas bskyod pa'i mig ldan pa/ /'di rnams la ni bsrung ba'i don du 'bad par bgyi//nags 'di yang dmag gi tshogs 'dis kun nas yongs su 'phangs pa ste/ de bas na phyogs gang gis ri dgas kyi tshogs kun nas 'bab par bgyi zhes bya ba kun nas bltas te/ yin mod thabs 'di rnyed de/ ri'i chu bo 'di las rgal nas ri dgas rnams la bde bar 'gyur zhes bya ba brtag par bgyi'o//rim pa gcig gis ri dgas 'di rnams myur du chu 'bab pa'i rgya mtsho'i chun ma 'di la rgal bar nus pa ma yin no zhes zer ro/ /de bas na 'di 'dir thob pa de chu bo 'di'i dbus su gnas pa bdag gi rgyab la gom pa 'dor zhing ri dgas 'di rnams bde bar 'gro bar 'gyur snyam du rnam par bsams nas/'gram gyi shing gi rtse mo la rab tu 'bab pa'i chu 'ga' zhig la kun nas bskor ba'i 'khor dong gi dbus su mnan pas sbu ba'i tshogs rnam par 'khrug pa'i sa 'dzin gyi chu bo de la dbus su zhugs nas bdag nyid brtan par byas te/ bdag nyid chen po des ri dgas rnams la smras pa/ 'gram 'di las ni kun mchongs te/ /bdag gi rgyab tu gom bzhag nas/ /dka' ba 'di la tshogs mtshungs pa/ /myur du 'jigs med song shig go/ /cha shas ldan phyir bdag gi lus/ /chos med phyir yang don med de/ /khyed cag bsgral pas snying po 'di//shin tu ring nas thob par 'gyur/ /gzhan phan pa la rgyab phyogs pa/ /gang tshe lus kyi rma de tshe/ /gang tshe gzhan la phan dmigs pa/ /lus kyi rin chen 'di de tshe/ /gal te khyed cag mi skyong dmags bye gis rjes 'brel ba/ /bdag ni 'jigs pas yongs su skyong bar nus pa ni//bdag gi tshogs kyi bdag po nyid kyi dgra 'di ni/ /de phyir sa la di ring 'bras bcas 'gyur ba yin/ /de ni re zhig nyid du de phyir 'ong bar mdzod cig dang / /ji srid khyed rnams la yang rnon po'i mda' rnams lhung min pa/ /bdag gi rgyab ni mi g.yo chu bo'i chu la zam gyur la//zhon nas dmag tshogs 'jigs pa 'di la kun nas rgal bar mdzod/ /de nas ri dgas de rnams shi ba'i 'jigs pas tshogs kyi bdag po'i rgyab la gom pa bzhag nas chu bo'i chu las rgal nas 'gram gnyis pa la nye bar 'gro ba'i phyir kun nas brtsams par gyur te//ji lta ji ltar shin tu lhung ba de yi ni/ /rgyab tu skrag pas rnam bskyod mig can ri dgas rnams/ /de lta de ltar ri dgas tshogs ni 'dzin pa 'di/ /myur du rmig pa rnams ni brtan nyid song bar gyur/ /de nas ri dgas rnams kyi bdag po'i sha ni kun nas brkos pa'i khrag / rmig pa gnyis kyis kun nas thigs pa de yi rgyab ni 'dzag par gyur/ /ri dgas tshogs ni ri yi mtha' mar 'gro zhing ring nas blta byas te/ /sdug bsngal ma brtsis pa ste de ni dag pa nyid la dmigs par gyur/ /sems can yongs su skyong byed pa'i/ /thabs dang de bzhin stobs kyis kyang / / nang gi dga' ba'i rgyud pa ni/ /chen po rnams kyi sdug bsngal 'gegs/ /de nas rgyal po de ri dgas kyi tshogs kun nas bsgral ba'i phyir chu bo'i dbus su zam par gyur pa'i tshogs kyi bdag po mthong nas/ /ngo mtshar bas 'ongs te mda'i stan rnams la mda' rnams 'dzin par byed pa'i dmag gi skye bo la smras pa//gang la la zhig ri dgas la rdeg par gyur na de ni bdag la gshed ma zhes bya ba'o/ /de nas gdams ngag thos nas ni/ /sa bdag de yi skye bo de/ /skad cig mda' dang sbyor bral ba/ /gzhu yi rgyud rnams byas par gyur/ /byang chub sems dpas kyang ri dgas thams cad ci zhig rgal bar gyur tam 'on te ma yin zhes bya ba phyi nas lta zhing shin tu yang 'jigs pas bskyod pa'i mig can tshogs 'dra bar gyur pa lta bar byed cing /ma nus pas gom pa gzhag par spro ba med par phyogs gang nas 'gro bar bya zhes/ res kyis 'dre ba'i snying dang ldan pa'i ri dgas kyi phrug pa gcig mthong bar gyur to//mthong nas kyang mchog tu snying rjes dmigs par gyur te/ /dogs pa dor cig byang chub sems dpa' khyod la ni/ /byis pa gcig pur 'dor bar 'gyur ba ma yin te/ /bung ba'i sgra rnams kyis ni de ltar me tog ldan/ /shing rnams de la dbugs ni 'byin pa'i 'drar gnas 'gyur//de nas tshogs kyi bdag po chu bo de las so sor rgal te/ /ri dgas kyi phrug pa de la smras pa/ /bdag gi rgyab tu bu 'dzegs nas/ /shi ba'i sdug bsngal rnams grol gyis/ /khyod ni chu bo'i pha rol du/ /'gram 'di nas ni bdag gis khrid/ /gang gis 'jig rten srid rgyal mtshos//rgal phyir brtson 'grus brtsams pa ni/ /de khyod rgal bar mi 'gyur ba/ /chu bo'i chu las ji ltar cig /de nas de ni 'di la zhon/ /ri dgas phrug pa brtson ldan la/ /chu bo rlabs kyi phreng ba can/ /snying rje dmigs pas 'dzin par 'gyur/ /khyed kyi rgyab la rma rnams 'di dag shin tu ni//sdug bsngal shin tu skyed par byed pa yin nam ci/ /de ltar smra ba bzhin du kun nas rgal ba ni/ /chu bo rlabs kyi lhag pa rnams kyis de la smras pa/ de nas tshogs kyi bdag pos ri dgas kyi phrug pa de chu bo de las bsgral bar byas nas rab tu dga' bas rgyas pa'i mig can ma dang yang dag par sbyar zhing gnas so//de nas sa la pus mo dag/ /mthong 'dod ri dgas phrug byas te/ /nu ma 'o ma 'byung ba dag /myur du ma yis 'dzin par gyur/ /de ni kha 'di log byas nas/ /nu ma 'thung bas g.yo ba'i gdong / /lce yi rtse mo bskyod pa yis/ / mnyes gshin pas ni ldag par gyur/ /de nas byang chub sems dpa' kun nas ngal ba'i dbang gis rmig pa'i rma'i sdug bsngal gyis lus kyis 'bad pa nus pa/ ji ltar yang ni rmig mtshan rtsa ldan btsal byas nas/ /rim gyis ri dgas rnams kyi lam ni kun 'khrug pa/ /dal bus khrag gis brlan pas sa la 'dug nas ni//ngal ba bsags pa de ni skad cig ngal bso gyur/ /gnas skabs 'di ni snying rje med pa 'di ring bu/ /ma ni yod kyang bdag gis khyod ni khyer byas pa/ /de nas yan lag smras pa snying rjes rjes gdungs pa/ /de la lta bzhin pa ni myur du ngu ba 'dra//rgyal po de yang chu bo de las rgal nas 'khor dang bcas pa rta las babs te/ ngo mtshar ba'i yid can bdag nyid chen po de dang nye bar 'dug par gyur to/ /tshogs kyi bdag po de yang rgyal po de mthong nas smras pa/ langs par 'os pa mthong nas ni//ngal bas bdag ni nyams byas pa/ /gang phyir khyod la bdag ma langs/ /'di ni bdag gis ma gus min/ /de nas rgyal po de gus pa dang bcas pas nye bar 'dug ste bde'am zhes dris te/ tshogs kyi bdag po la 'di ltar kun nas brten cing smras pa/ ngo tsha med pa gzhan la nye bar 'tshe phyir mtshon bzung ba//longs spyod 'dod pa rab rib kyis ni blo yi mig 'gag pa/ /bdag cag lta bu mi yi phyugs rnams kyis ni chos shes khyod/ /snying rje'i grogs po ri dgas thub pa khyod ni mchod par bya/ /mi skyong bran rnams 'thab mo'i dus la mi 'jigs pa/ /bdag nyid srung bar byed par 'dod pas 'dzin pa ste//rang gi tshogs la bsrung bar mkhas pa thams cad du/ khyed kyi tshul gyis sa skyong rnams kyis tshul las rgyal/ /gal te bran ni mang po g.yul ngo yi ni dbus gnas pa/ /sa skyong la ni yongs su skyong byed 'di las ngo mtshar ci/ /ri dgas mang po 'di rnams khyed ni gcig pu zhes bya bas//gang phyir skyong bar byas pa de ni 'dir ni ngo mtshar te/ /yon tan mang zhing snying rje ldan pa khyod kyi 'di/ /yon tan bral zhing snying rjes rnam bral chung ba ni/ /bdag gis mi nyid 'di ni ri dgas nyid khyab par/ /'thob pa'i phyir ni nye bar dgod par 'dra bar byed/ / de ltar mngon par brten nas rgyal po des tshogs kyi bdag po la dris pa/ gzhan la phan pa la mkhas pa'i brtson 'grus 'dis khyod yang go 'phang ci lta bu zhig mngon par 'dod/ byang chub sems dpas smras pa/ rgyal po chen po gson cig /sangs rgyas nyid ni rtogs bya'i phyir/ /bdag gi brtson 'grus brtson ldan rnams kyi mchog /ri dgas nyid la'ang ci nus par/ /yod pa 'di ni nyams mi 'gyur/ /ji ltar bdag gi ri dgas 'di rnams 'jigs pas khyab/ /'jigs pa'i shugs can chu bo'i chu las rab rgal ba/ /de ltar nyon mongs mang pos kun khyab 'gro ba ni/ /srid pa'i sdug bsngal chu 'dzin pas ni rgyal gyur cig//rgyal po chen po brtson 'grus la rgyab tu phyogs pa'i stobs dang ldan pas kyang mngon par 'dod pa'i go 'phang la mngon par 'gro bar nus pa ma yin te ltos shig dang / le los grogs dang bcas pa yang / /skye bo 'char bar 'gro ba min/ / lag pa'i rtse mo sar brdabs pa/ /pho long chu yis bangs pa bzhin/ /gzhan yang / mkhas pas kyang ni le lo'i blo can bde ba yi ni rten/ /gnas ni mtho bar mngon par 'gro bar nus pa ma yin te/ /gzings ni skya ba 'dzin pa rnams kyis bskul ba ma yin pa/ /rgya mtsho'i pha rol yun ring pos kyang 'gro ba ma yin no//rgyal pos smras pa/ ri dgas kyi tshogs kyi bdag pos yang dag par mngon par smras pa ste/ ci'i phyir zhe na/ grags pa rnam par dag pa'i rigs las skyes pa yang ni longs spyod 'byung bar rab grags pa/ /'dun pa rnams la mkhas pa'i gral ni mchog tu shin tu mkhas pa nyid kyis thob pa yang //le los yid kyi re ba lan cig yang ni skyes pa'i 'bras bu thob pa ma yin te/ /gzhu rgyud la ni brtad pa'i mda' yang 'phen pa po yi 'bad pa med par 'ben la mi 'gro'o/ /de bas na 'di ltar brtson 'grus la dmigs pa khyod kyis sangs rgyas kyi go 'phang rtogs par nus pa zhes bya ba'o//gang dag zhi ba'i go 'phang 'dzeg 'dod pa yi ngang can 'dir ni nyon mongs rnams kyis bsam pa mi phyed pa/ /khyed las sngar ni bya ba byas shing smon lam byas pa'i skye bo byang chub la slob pa/ /de rnams kyis ni lam la rta ltar kun nas ngal bas rim gyis rgyug par byed pa ni//cang shes ltar ni ngal ba'i 'jigs pa kun nas dor ba ma 'ongs khyed ni mdun 'gro ba/ /kun nas bskor ba'i mun pa bral ba lus kyi 'od can rnams kyis tshogs pa 'dzin byed cing / /chos kyi gtam la mngon par 'dod pa'i skye bo la ni yang yang chos ni rab sgrogs shing //nyon mongs nges par bcings pa gcod pa yon tan nor can mkhas pa rnams kyis mngon mchod pa/ /khyed ni sangs rgyas nyid du nye thob srid song skye bo bsod nams can gyis mthong bar 'gyur/ /de nas rgyal po de byang chub sems dpa' la mngon par brten nas smras pa/e ma'o khyod 'di ltar chos la mngon par phyogs pa mthong nas bdag kyang chos la mngon par 'dod pa skyes/ chos shes rnams kyi mchog chos ni/ /de bas blo chen bsrung bar mdzod/ /dag pa rten bzhin gang gis ni/ /ngan 'gror bdag ni 'gro mi 'gyur//byang chub sems dpas smras pa/ /gal te de ltar yin na de bas na rgyal po chen pos mnyan par 'ongs pa ste/ /sdig pa la ni rnam rtog dang / /dge ba la rten 'jug pa dang / /chos kyi de nyid 'di yang dag/ /grags pa'i blo can rnams kyis gsungs/ /de nyid gsal byas 'di la ni//dge dang mi dge gsal byas pa/ /gang zhig lam min nas 'gro ba/ /de ni mig yod kyang ni long / /de ltar shes rab sgron ma yis/ /lam chen rnam par snang byas pa/ /nyon mongs zad phyir las rnams ni/ /dge ba nyid la brten par gyis/ /sa dbang mi shes zad byas pa//chos kyis sa ni skyong bar gyis/ /sa skyong chad pa rno ldan las/ /skye bo rtag tu skyo bar 'gyur/ /gal te pad+ma'i rtsa chag ltar dkar grags pa la/ /'gro ba snang byed khyed la 'dod pa la la yod/ /'bras bu mngon par 'dod pa thob par 'dod pa'am/ /de bas yon tan rgyan ni rnam dag 'dzin par gyis//de nas mi'i bdag po de e ma'o khyod kyis chos bstan pa 'dis bdag gi snying 'di rab tu bde bar byas zhes bya ba brjod nas mchog tu dga' bas 'gro bar gyur to/ /de nas tshogs kyi bdag po de'i/ /rmig pa'i rma yis kun bslangs nas/ /sdug bsngal lci ba zhugs pa yi//mig dag kun nas btsums par gyur/ /de nas mi bdag de'i gdung khang / /tsan dan shing rnams kyis byas te/ /bsod nams las skyes bya byas la/ /me yis 'du byed byas par gyur/ /de nas grogs po ltar ni mtho ris der song la/ /ri dgas snying rjes dri ma bral ba'i rang bzhin la//yun ring mya ngan byas te sa yi bdag po ni/ /sdug bsngal yid can myur du grong khyer 'gro bar gyur/ /ri dgas de ni sems can phan par byed pa mkhas/ /gnyen ltar shi bar gyur la ri dgas mo 'dra ba'i/ /mig can dge ba ldan pa bya ba bral ba ni/ /nags kyi lha mo rnams kyis mi 'chad mchi ma btang //de nas sa ni 'gul bas ri bo'i rtse mo 'gul ba ste/ /rlung gi shugs kyis kun nas 'phel ba'i rgya mtsho'i rlabs can ni/ /bung ba 'khor bas 'dres pa dang ni dris ni rnams khyab pa/ /man dA ra ba'i me tog tshogs ni nam mkha' las lhung gyur/ /mya ngan 'da' ba'i dus su yang bcom ldan 'das kyis dge slong rnams kyi drung du skyes pa'i rabs 'di mngon par brjod par mdzad do//der ni ri dgas tshogs dag ni/ /nags la de tshe bdag byung gyur/ /rab tu mdzes pa bzang po ni/ /ri dgas phrug pa byung bar gyur/ /bcom ldan 'das yongs su mya ngan las 'das pa'i sngon rol du rab tu byung ba mdzes pa bzang po de la dge slong rnams kyis dris par gyur to//mdzes pa bzang pos las rnams ni slar gang zhig byas pa ste/ gang gi phyir nyan thos thams cad las phyis dgra bcom pa'i 'bras bu thob nas bcom ldan 'das kyi dang po nyid du yongs su mya ngan las 'da' snyam mo//bcom ldan 'das kyis bka' stsal pa/ /'od srungs zhes bya'i sangs rgyas byung / /shes bya'i rgya mtsho pha rol phyin/ /dge slong ming gis mya ngan med/ /skyob pa de yi tsha bor gyur/ /rnyed sla bdag gi gsal ba mchog/ /bde gshegs zhang po yod pa la//mya ngan med kyis kun bsams nas/ /zhes bya grol phyir brtson ma byas/ /de nas yul gzhan mya ngan med/ /song la srid pa gzhan bral ba/ /'od srungs bya ba byas pa'i mchog /mya ngan 'das la thugs mdzad do/ /de nas mya ngan med shing 'og tu gnas pa yi/ /dge slong mya ngan med dang rnam 'brel mya ngan can//sa skyes de la lhag pa'i gnas su byas pa ni/ /lha mo mu tig ltar 'dra mchi ma btang bar gyur/ /de ring 'byung bar 'gyur zhes rnam par bsam byed pa/ /rgyal ba'i mya ngan 'das pa smon pa med pa ni/ /pha rol song ba de yi mchi ma dron po ni/ / nags kyi lha mo'i lus la lhung bar gyur pa yin/ /nam mkha' 'di ni sprin dang bral ba ci phyir ni/ /bdag gi lus la chu 'di lhung ba'i phyir/ /de ltar brjod cing gyen phyogs su ni lta 'gyur ba/ /des ni lha mo ngu bar byed cing de mthong gyur/ /kun nas phongs pas gzhan pa 'di la dris gyur pa//lha mo mya ngan skyes pa ci phyir khyod du ste/ /des kyang mgrin par mi gsal brjod pa 'di yis ni/ /dge slong la ni ji ltar smra ba yang 'byung 'gyur/ /thub pa chen po'i snying rje can ni dbang byed pa/ /nyon mongs bud shing bsreg pa 'gro la phan spangs pa/ /'od srungs de lta mya ngan 'da' 'gyur skye bo la//mya ngan byin nas phongs pa de phyir bdag ni ngu / /rgol ba'i tshig gi phye ma leb kyis ma g.yos pa/ /kun nas gsal byas dam pa'i lam dang lam min pa/ /thub pa'i sgron me yongs su mya ngan 'das 'gyur la/ /'gro ba gsum la khyab pa'i mun pa 'byung bar 'gyur//nags kyi lha mo'i tshig ni 'di dag thos byas nas/ /mda' ni rnon pos de ni gnad du bsnun pa bzhin/ /rnam par zum pa'i mig ldan sa la lhung ba ste/ /rim gyis kun nas langs te smre sngags 'don par gyur/ /nags kyi lha mo 'dod ldan 'di la dris byas te/ / dge slong rab tu smros shig ci phyir du ni du/ /bcom ldan 'das de bdag gi zhang po de phyir ni/ /sdug bsngal ci phyir mi 'gyur des kyang 'di smras gyur/ /yid 'phrog tshig gi me tog rgyal ba'i zhing las ni/ /shin tu chung ba 'di ni bdag med pas bzung ba/ /'gro ba gsum gyi nyon mongs rgud pa 'phrog pa ni//'bras bu blo chung bdag gis thob pa ma yin te/ /bdag gi yid ni khyim la gnas par byas pa yis/ /grol ba'i lam la 'gag par byed pas 'jigs pa ni/ /de bzhin gshegs pa'i tshig gi 'od rnams kyis mun pa/ /rnam bcom ci phyir khyed ni mya ngan 'das mi 'gro//de nas lha mo des dge slong de la 'di skad ces smras par gyur to/ /shin tu sdug bsngal bas chog ste ji srid du sangs rgyas bcom ldan 'das de mya ngan las 'da' ba dang nye bar song ba de srid nyid du khyed sngags kyi mthus nam mkha' nas khyer ba nyid du bgyi'o/ /de bas na khyed kyis bdag rjes su brtse bar 'gyur zhes bya ba der de bzhin gshegs pa'i tsha bo de skad smra bar gyur pa la nags kyi lha mo de mya ngan med pa de las sngags kyis kun nas bzlas pa'i me tog rnams blangs nas bdag la mya ngan med pa'i me tog gi snyim pa 'di lta bar gyur pas nam mkha' la 'gro zhing bdag la rjes su song shig ces bya ba smras par gyur te/de nas nam mkha' las ni lha mo de rjes song / /mya ngan med pa'i me tog snyim pa mi 'brel de/ /de bzhin gshegs pa'i drung du skad cig gis 'ongs te/ /yang dang yang du mchi ma byung zhing smra bar gyur/ /bdag med byis pa blo yi gru dang bral ba ni//mi shes rgya mtsho chen po la ni nub gyur pa/ /thub dbang bdag ni sdug bsngal rlabs chen gnod byas pa/ /skad cig gis ni rgal bar ma byas ji ltar gshegs/ /de ltar smra ba kun nas shugs 'byin yi ge can/ /mchi ma gtong zhing rnyog par byas pa'i mig ldan pa/ / lam ngan las ni log ste skad cig gis grol phyir/ /rnam par dag pa'i lam gyis rgyal bas khrid par mdzad/ /de nas sring mo'i bu dgra bcom pa'i 'bras bu la skal ba dang ldan par mdzad nas/ 'jig rten ma lus pa'i tshig gi 'od zer rnams kyis gsal bar mdzad nas/ yang dag par rdzogs pa'i sangs rgyas 'od srungs mya ngan las 'da' bar gyur to//der bcom ldan 'das yongs su mya ngan las 'da' ba la lha dang lha ma yin dang mi'am ci dang / lto 'phye chen po dang gnod sbyin dang mi rnams mya ngan gyi dbang du byas pa rnams la nam mkha' las me tog man dA ra ba'i char kun nas bab pa la lha mo de mya ngan gyi dbang gis 'di ltar de dang de smre sngags 'don zhing brtsams pa/seng ge'i khri la nyer bzhugs pa'i/ /tshig gi me tog rnam grol ba/ /chos ni don gnyer chos ston pa/ /'jig rten 'dir ni su yis thos/ /mgon po snang ba mchog khyod ni/ /thob la nyi ma nub pa ltar//mun pa bsal ba dka' ba yis/ /'gro ba 'di ni btsun par byas/ /de ring khyed ni zhir song la/ /ma zhi ba yi yid 'byung bas/ /'gro ba nges par rmongs byed phyir/ /slar gzhu kun nas bdung bar byas/ /thub pa zhi bar song la rten med bdag cag ni/ /sems kyi brnag pa 'byung ba gang du ngal so bgyi//yon tan rnams kyis 'di ltar shes bya'i lam mthar song / /khyed ni med pas thub dbang kun nas rnam smras 'dra/ /byang chub don du smon lam la ni dmigs par byas te sa gsum la ni khyod/ /sems can don la 'khor zhing brtan pa'i blo gros bdag la gtong bar ma byed cig//khyed ni skye bar byed pa bdag la kun nas dor te ci phyir byams par gyur pa ni/ /khyod ni de ltar rab tu song la pha rol snying rje ngu ba lta bur byas/ /de nas dge slong des smras pa/ lha mo sdug bsngal gyis chog cing chog ste/ mi rtag pa 'di 'ga' zhig tu rab tu gnod par mi byed pa ma yin te/gang du 'di ltar rdo rje ltar lci ba dang snying bo can bcom ldan 'das med pa zhes bya ba'o/ /de nas lha mo de rnams gang gis kyang bdag nyid brtan par byas nas/ smon lam 'di ltar byas par gyur te/ bdag la brten nas ji ltar 'di//dge slong gis ni 'bras bu thob/ /de bzhin shAka thub slob ma ni/ /phyi mar de tshe bdag gyur cig/ /dgra bcom 'bras bu nyan thos nas/ /mya ngan dus su thub de las/ /mya ngan bzod par mi nus shing / /sngon du mya ngan 'das gyur cig/ /de nas bcom ldan 'das dge slong rnams kyi drung du 'di brjod par mdzad nas slar yang gsungs pa/mya ngan med brtan gang zhig 'di/ /nags kyi lha mo byung gyur pa/ /de ni bzang mdzes rab byung 'di/ /bdag gi nyan thos 'di song ba/ /bdag ni mya ngan 'das thog mar/ /de nyid las kyang mya ngan 'das/ /de ltar skyes rabs 'di ni ngo mtshar ba//cho ga bzhin du shAka thub kyi gsal mdzad/ /mkhas pa rnams kyi yid ni rab zhi phyir/ /'jam pa mngon par smra bas rab grags byas/ /gzhan la phan byed phyir ni dam bcas shin tu grags pa rnams kyis kyang / /rgud pa la ni brtson 'grus go cha bcings pa rnam par grol ba min/ / de ltar kun nas rnam par drangs nas shin tu mthar thug thob bya'i phyir/ /sa rnams phan par byed pa la ni le lo nyid du ma 'gro cig /ri dgas kyi skyes pa'i rabs te skyes pa'i rabs gnyis pa'o// //'gro ba ma lus sdug bsngal zhi bya'i phyir/ /blo bzang gang gis smon lam byas pa ste//des ni gnyen 'dun skye bo sdug bsngal las/ /skyob pa zhes bya 'dir ni the tshom 'di/ /'di ltar rjes su thos te/ skyed mos tshal gyi pad+ma rgyas pa ni pad+ma'i 'byung gnas dang 'dra ba dang / mtshan mo'i sgo'i chu 'dzin pa'i tshogs rnam par chad pas dri ma dang bral ba'i zla ba tshes pa bzhin dang /chu sbyin pa'i dus kyi glog gi ljon shing dang 'dra ba dang / lang tsho'i 'od dang 'dra ba dang / bud med kyi bzhin gyi thig le mdzes pa dang 'dra ba dang / dul ba'i skye bo'i bzod pa dang 'dra ba dang / rnam par rgyal bar 'dod pa'i tshul dang 'dra ba dang / phyug po'i mngon par skyes pa nyid dang 'dra ba dang /rigs las skyes pa'i mkhas pa nyid dang 'dra ba dang / sa'i dkyil 'khor gyi rgyan rtag tu yo byad kyi snying po'i don du gnyer ba'i skye bo rnams kyis nye bar longs spyod par 'gyur ba dang / lha'i bdag po'i 'byor pa shin tu nyams dga' ba dang 'dra ba dang / dus thams cad kyi bde ba'i khyim gyi bdag po rnams kyi khyim dang ldan pa dang /ri rab man dA ra'i rtse mo dang rjes su 'dra ba'i lha'i khang pa dang ldan pa dang / gtam smra ba la 'jug pa'i rnam pa sna tshogs pa'i gtam dang bzhad gad kyis skye bo rab tu dga' bar gyur pa dang / don du gnyer ba'i skye bo'i ma dang 'dra ba dang / rnal 'byor pa chen po rnams kyi sprul pa'i srog dang 'dra ba dang / shin tu mang ba'i rnyed pa'i rigs dang rigs kyi gnas kyi rjes su skyong bar gyur pa'i chos kyi gnas pa dang / mu ge'i gnod pas nye bar 'tshe ba dang bral ba dang / rtag tu dga' ston la 'jug cing dga' ston byed pa'i skye bo dang ldan pa dang /rdo ba'i bai DUR+Ya dang / in+d+ra nI la dang / pad+ma rA ga dang / mar ka ta dang / gser dang ldan pa zhes bya ba'i rgyal po'i pho brang byung bar gyur to/ /de la yang nus pa gsum gyi mthus chags 'og gi rgyal po thams cad nye bar 'dus pa nyi ma re rer chad pa'i tshul gyis che ba'i bdag nyid mngon par 'phel bar gyur pa shin tu dri ma med pa'i mig che bas rgyal po gzhan gyi gtam ltas pa/glang po che dang / rta dang / shing rta dang / rkang thang gi tshogs legs par byas pa'i rgyal po gser zhes bya ba byung bar gyur to/ /'jigs pa'i dbang gis rgyags pa 'byung ba nyer zhi ba/ / ral gri mda' bstan khu tshur lhong par byas pa ni/ /ri dgas bdag po ltar ni dgra rnams gang gis ni/ /nga rgyal g.yul ngo glang po bzhin du bzod mi 'gyur/ /gzi brjid grags par byas pa gang la phan tshun du/ /don gnyer bde bas rnam par 'phel bas phun tshogs pas/ /'bras ster shing la 'dab chags bzhin du skye dgu rnams//rtag pa nyid du bde ba'i phyir ni ngal sor gyur/ /de lta bu'i yon tan gyi mthu dang ldan pa nor ldan ma'i bdag po de'i skar ma'i bdag po'i 'od zer gyi tshogs kyis dkar ba'i grags pa'i gos kyis phyogs kyi bud med kyi snod dkris pa/ lha'i bdag po ltar nyon mongs pa med pa'i yul gyi bde ba nyams su myong ba de la dus gcig gi tshe na dus 'gro ba la/ btsun mo man du ka ltar kun nas skye ba'i 'gram mdzes ldan/ /grags pa'i rgyun ni mngal gyi brjod pa kun nas 'dzin gyur te/ /snang bar byed pa'i yongs su rdzogs pa'i cha yi tshogs ldan pa//'od ldan zla ba'i gzugs ni grong khyer 'jigs pa'i phyogs ltar ni/ /nyi ma 'od zer sar pa 'dra ba'i bud med de de nas/ /dpal gyis 'bar ba'i me yis bu dang rjes su mthun pa ni/ /skye bo'i mig la mngon par dga' bar byed pa bdag la skyes/ /grags pa'i gter ni gter dang 'dra bar mdzes pa skyes par gyur//de nas rgyal po gser gyis gser gyi phung po dpal gyis 'bar ba dang 'dra ba bdag la skyes pa mthong nas/ yid dga' ba 'jam pa'i rlung gis g.yo bar gyur pa'i rnam pa sna tshogs pa'i ba dan rnams kyis tshong sa'i bar nye bar mdzes pa/ kun nas bcings par gyur pa'i rta babs rnams me tog gi phreng ba rnams kyi dris 'khor ba'i bung ba'i tshogs 'gugs par byas pa/shin tu 'bar ba'i rgyan rnams kyis nye bar mdzes pa'i rab tu dga' ba'i grong khyer ba'i tshogs dang ldan pa/ lhag par 'jug pa'i gar dang glus rab tu dga' ba btson ra na bzung ba'i skye bo kun nas grol bar gyur pa/gnyis skyes dang mkhas pa'i skye bo dang grogs po'i tshogs kun nas mchod par gyur pa'i grong khyer gyi tshogs de lhag par mdzes pa dang ldan par byas par gyur to/ /sras de la yang bkra shis pa'i tshes dang yud tsam dang / skar ma rnams la pha ma dag gis gser gyi go cha zhes bya ba'i ming du btags par gyur te//che ba'i bdag nyid ma 'ongs de'i/ /mtshan rnams de nas mtshon pa ste/ /yal ga can gyi me tog rnams/ /'byung bar gyur pa 'bras bu bzhin/ /de nas lo brgyad lon pa ni/ /gzi brjid kyis ni gzhon nu 'dra//rgyal po shes pa che rnams kyi/ /de ni slob ma nyid 'gro gyur/ /shes rab yon tan rnon po rnams/ /the tshom mdud pa gcod pa de'i/ /bstan bcos don ni rab shes pa/ /slob dpon rnam pas lhag par gyur/ /bdag cag gis ni gnas la 'di/ /byang chub sems dpa' nam skye 'gyur//de ltar 'dod pa ltar yon tan/ /de yi skye ba so sor skyong / /sbyin dang tshul khrims bzod la sogs/ /de la yon tan 'jug pa ste/ /pad+mas brgyan byas chu ldan pa'i/ /chu rten la ni bud rnams bzhin/ /gang zhig nyid ni legs pa'i snod/ /de nyid yon tan rnams rten pa/ / rnam 'phros 'od can mu tig gi /chu bo nya phyis snod ma yin/ /de nas de yi lus las 'byung / /yang dag btags pa'i 'od ldan pa/ /lang tshos rnam par spangs pa ni/ /byis pa nyid ni phrad 'dod 'dra/ /mi dbang sras de rigs las skyes pa'i ngo bo las/ /rgyags pa'i rgyu yang lang tsho la ni lhag gnas la//rnam par dul bas 'dul bzhin pa yi sems ldan pa/ /rnam 'gyur gnyis 'thung bzang po ltar ni rten ma gyur/ /de nas dus kyi rim pas rgyal po'i btsun mo des gzugs dang ldan pa'i dpal dang 'dra ba dang nor bu'i thur ma'i 'od dang 'dra ba dang / dkar po'i phyogs la rnam par byung ba'i zla tshes ltar skye bo rnams kyi mig dang snying la mdzes pa'i bu mo btsas par gyur to//de nas de la gser gyi 'od ces bya ba'i ming gnyen 'dun rnams kyis btags par gyur te/ de nas dus gcig gi tshe na de 'dod pa'i rten gyis lang tsho sar pas shin tu nyis 'gyur du gzugs kyi mdzes pa 'dogs par gyur pa/dpyid kyi zla bas nags kyi tshogs 'byung bar gyur pa'i me tog rnams kyis brgyan par byas pa'i shing dang ljon shing rnam par mdzes par byed cing / skya rengs sar pa'i 'od zer rnams kyis kun nas byugs pa'i dbang ba'i gur gum gyis rjes su byugs pa dang 'dra ba'i khang bzangs kyi steng du/ grogs mo'i skye bo dang bcas pa pho long gi ral pa'i sgeg pas res kyis 'dre bzhin pa'i dpung pa'i ljon shing srab pa/ljon shing bzhin du dkar ba ma yin pa'i 'gro ba kha lo sgyur ba'i dbang gis dma' bar gyur pa dang mtho bar gyur pa 'phros pa'i rgyan gyi nor bu rnams kyi 'od zer gyi tshogs kyis lus kyi srog shing brgyan par byas pas/rnam par chad pa'i mu tig gi chun po'i skud pa las rnam par lhung ba'i mu tig tshogs 'thor bar gyur pas gser gyi za ma tog dang rjes su mthun pa'i nu ma gnyis dang ldan pa/ rnam par bskyod pa'i mig gi 'bras bu 'dres pa'i mig rnam par 'phrog pa'i bung ba'i tshogs kyis rjes su 'gro ba ni/ut+pa la'i 'dab ma rnams dang 'dra ba'i phyogs rnams mthong bar byed cing / kun nas ngal ba'i dbang gis kun nas 'byung bzhin pa'i rdul gyi thigs pa'i tshogs kyis sin d+hu ra'i khyad par can dang 'khrugs pas kun nas lhung ba'i rna ba'i me tog gi phreng ba dang skra lo dang ldan pa dang /grogs mo'i kyi pho long gi rtse ba gsal ba 'di las log par mdzod cig /khyed ni shin tu ngal ba ste shir sha'i me tog sar pa ltar 'jam pa'i yan lag rnams la nyi ma 'di drag par 'gyur ba/ khyed la ngal ba'i rgyu zhes bya ba grogs mo'i skye bos rnam par zlog par gyur pa rol pa las rnam par bzlog nas mdzes pa thigs pa nyid du nye bar song bzhin pa la yang dag par 'gegs pa rdul gyi thigs pa'i tshogs gos kyi mtha' las phyis te/stan la nye bar 'dug ste/ 'khor gyi skye bo rnams kyis lag pas rlung g.yab thogs pas rlung gi yang dag par reg pas mig zum par byas pas ngal so bar byed cing /khyim dang nye bar song ba'i me tog gi gzhu dang ldan pa dang 'dra bar cung zad lang tsho dang nye bar mdzes pa nye bar bsags pa/ rgyal po gser gyi blon po'i sras la dbugs phyung bas yid la byung ba'i rnam par 'gyur ba yang dag par mtshon pa yun ring por 'bras bu mi g.yo ba'i lta ba kun nas bcings par gyur to//phrad 'dod bcas par blon po'i sras kyis de la yang / /dbugs kyi byung bas kun nas mtshon pa'i 'dod can gyi/ /bu mo'i ljon shing dgod pas yid 'ong me tog can/ /de la myos bzhin lta ba'i bu mo 'gro bar gyur/ /phan tshun min par gtad pa'i srog shing gcig dag la//dgod pa'i rol pas gsol ba'i so phreng 'od ldan pa/ /de dag gis ni yid dag 'dod lhas sbyar ba ste/ /myur du gzhu ni lhag par bdungs par byed pa yis/ /me tog mtshon cha nya bas skul bar byed pa ni/ /gsal ba'i rol pas mchil pa yis ni bu mo yi//rten pa srab pa chu yi rten la mthar spyod pa/ /blon po'i sras kyi sems kyi nya ni 'dzin byas gyur/ /de nas der ni mig dang nges 'brel de la ni/ /dga' byed kun nas bris pa 'dra ba mthong nas de/ /grogs mo rnams kyi skye bo de ni skad cig dgod/ /de yang cung zad thur du lta ba byung bar gyur//de rnams dga' ba'i grogs mo song bar gyur pa la/ /mi skyong bdag las skyes pa khyim gyi nang zhugs gyur/ /blon po'i sras kyang shin tu phrad par 'dod pa ni/ /de la bcings pa'i yid ldan khyim du song bar gyur/ /de nas dus gcig gi tshe na 'di ltar rnam par mthong ba tsam gyis sreg lugs kyi 'dod pa'i mi rnam par 'phel ba kun nas skya ba dang yongs su rid pa'i 'gram pa dang ldan pa/rtag tu dbugs rngub pas gnyid dang bral bas mi g.yo ba'i mig nyid kyis 'khor gyi skye bos phan tshun gyi rnam par shes pa de dag gi lus dag rab tu srab pa nyid du song bar gyur to/ / so sor rtog dang bral ba'i phyir/ /kun rtog dbang gis skye bo la/ /skyon ni tshol ba yid byung 'di/ /rnam par 'gyur bar khrid pa nyid/ /de nas dus gcig gi tshe na dga' ston la 'jug pas rab tu dga' ba rnam pa sna tshogs pa'i bya ba rnams kyis skye bo kun nas khyab pa'i mi'i bdag po'i pho brang la/ yun ring pos nub pa'i nyin mo byed pa'i snang bas kun nas skya ba dang dmar ba'i chu bdag gi phyogs la gnas kyi srog shing du 'gro bar 'dod pa dang / mngon par phyogs pa'i rab tu 'gul ba'i mgrin pa dang ldan pa mgrin pa sngon po dang / khyim bya rnams yod pa la bud med gzhon nu ma'i mig gi 'bras bu nag po ltar mun pa'i tshogs bsal bas mnyam pa dang mi mnyam pa rnam par lta bzhin pa ma yin pa'i sa la rab tu 'bar bzhin pa'i me'i 'od kyis kun nas snang ba'i khyim gyi nang yod pa rnams la/'ga' zhig 'ga' zhig tu mngon par gsal bar gyur pa'i zas kyi tshogs dang ldan pa'i nam mkha' la rnam par bral bas phrad par 'dod pa'i ngur pa pho mo gnyis dang ldan pa'i kun nas 'dzum par byas pa'i pad+ma'i 'byung gnas yod pa rnams la/cung zad sa 'dzin gyi rtse mos bar du chod pa'i dkyil 'khor dang ldan pa'i shar phyogs kyi cha la gsal bzhin par snang ba'i ri bong gi mtshan ma yod pa la/dus btab pa'i blon po'i sras sgra grag pa'i rkang gdub dang / ska rags kyi tshogs kyis brgyan par byas pa'i rkang pa gnyis dang / rked pa'i cha dang ldan pa'i bcos pa'i nu ma dag gis mtho bar gyur pa'i bud med kyi stod g.yogs sar pa'i me tog ba ku la'i phreng bas kun nas gang ba'i dpung pa'i phyogs la sgra los 'dud pa dang /dpral ba'i dbus la sin d+hu ras ri mo bris pa dang / rkang pa'i long bu'i mthar srab cing mthug pa'i gos rab tu 'phyang ba dang / yun ring po nas 'dud pa'i ne tso'i dmar ba nyid kyi dus las byung ba'i dkrigs pa'i bu med kyi cha lugs su byas nas pho nya mo dang rjes su 'gro zhing /gser gyi snang ba'i grogs mo zhes bya ba 'di dbugs phyung ba'i sgo nas/ blon po dang ldan pa'i sa'i bdag po'i pho brang du zhugs te/ khyad par dang bcas pa'i rgyan 'dzin pa bar chad med par blon po'i sras ci zhig 'od bar gyur tam 'on te min zhes bya ba'i kun nas 'phrog pa dang the tshom za ba'i snying dang ldan pas stan las langs nas slar mal la 'dod pa'i khur gyis mi bzod pa dang 'dra ba'i yan lag rnams grol zhing nye bar 'ongs te/'jigs pas mngon par langs pa mi dran pa'i rgyal po'i bu mo dben sa la de'i dus dang rjes su mthun pa'i gtam gyis dbugs dbyung ba skyed pa la/cung zad ngo tshas kun nas 'dud pa'i gdong can lhung ba'i gos/ /kun nas rgyas par byed cing dbugs kyis rab 'dar nu gnyis la/ /lag pa 'dar ba'i rnam par 'dar bas pha rol 'phrog pa la/ /yan lag med pas rgyas pa'i ro des rol zhing byung bar gyur//shin tu mngon par chags pas rnam par 'phel ba'i stobs nyid kyi phyir yid la skyos pa la slar yang nyi ma lnga tsam gyi da lta nyid du bud med kyi cha byad 'dzin pa de/ dri zhim tshad ldan gser dang rab tu 'dra ba'i zer/ /kun nas 'phrog pa'i so yi nor bu rab snang ba/ /rol pa'i bar gyis khyad par mdzes pa spang bya ba//gser gyi snang ba de dang des ni rol par 'gyur/ /de nas dus gcig gi tshe na bud med kyi cha lugs dang rgyan gsal ba nyid la mdzes pa'i dga' ba nye bar longs spyod pas kun nas ngal ba'i dbang gis gnyid kyi bde ba mngon par 'phel ba tho rangs dus su rnam par ma shes pa sa'i bdag po'i bu mo dang lhan cig tu mal na nyal ba mthong nas/tshogs kyi nang na gnas pa rnams kyis kyi hud ces bya ba brjod cing rgyal po la zhus shing gnas par gyur to/ /rgyal po de yang rang bzhin gyis rab tu drag pa'i khro ba nyid kyi phyir khro gnyer gyis 'brel ba'i 'gram gyi phyogs mi nyam par byas pa/rigs nyams par byas pa 'dis ci zhig bya/ khyed rnams song shig /blon po'i sras mi sdug pa dang lhan cig tu 'di 'chi bdag gi dbang du gyis shig ces bsgo'o/ /de rnams kyis kyang de ltar bgyi zhes bya ba rgyal po'i bka' bzung nas/ phyi nas blon po'i sras kyi dpung pa bcings pa/bu mo gser du snang ba dang lhan cig tu bton nas snying rje dang bral ba'i snying sra ba dang ldan pa'i gshed ma'i skyes bu rnams la gtad cing gnas par gyur te/ sngags dang ye shes ma thob pa/ /bde chas phrogs pa'i bdag rnams la/ /drag po'i yul gyi sbrul rnams ni/ /rnam par 'jig phyir 'byung ba nyid//drag pa'i sgra can chu 'dzin sar pa ltar ni sngo ba'i du ba steng gos can/ /khros pa ltar ni 'phrog par byed pa kha phye 'dar ba'i me lce'i tshogs ldan pa/ /nag po'i lam can 'bar ba la ni gzugs myang phye ma leb ni lhung ba ste/ /rab sra yid can rnams la dbang rnams las gzhan drag pa'i dgra ni yod pa yin//de nas rgyal po'i bu mo 'gro bzhin pa de rang gi pho brang gi nye 'khor na gnas pa'i ming po gser gyi go cha mthong nas mchi ma'i chus mig kun nas 'gags bzhin pas ngo tsha bas cung zad smra mi nus shing thur du lta bar gyur to/ /blon po'i sras de gnas skabs de la yang ma phongs pa'i tshig gser gyi go cha la 'di skad ces smras so//nyes pa byas pa 'byung bzhin pa yi lus can la/ /sa dbang phyug la chad pa zhes bya bzod pa ste/ /nyes pa byas pa la yang shin tu g.yo ba'i sems/ /bud med rnams la gsod pa nam yang 'dod ma yin/ /de bas khyed ni sring mo 'di la 'jigs chen las//brtse bas yang dag dmigs te stobs kyis skyong bar gyis/ /de ring bdag la smod smras 'bras bu'i las kyis ni/ /mnyam par gnas pa'i grong khyer zhugs phyir 'dod pa ste/ /nyes pa byas pa dri ma can gyi bdag nyid kyi/ /chos smod las ni bdag gi slad du shi ba mchog//gang phyir shi ba mis ni smod smra tsha ba yi/ /tshig rnams dag ni sus kyang nam yang thos ma yin/ /'jigs pa'i ri dgas mo yi mig ltar rgya che'i mig ldan de yi yang / /sa yi dbang phyug bu mo yi ni ma dpyad las byas pa'i/ /yid la gnas pa'i zla ba byed pa'i yi ge tshig rnams ni//srungs shig ces bya mchi ma'i thigs pa nyid ltar yongs gyur pa/ /de nas skad cig de la gser gyi go chas go cha bcings byas te/ /che ba'i bsam pa nye bar bsags pa sems can don phyir brtan pa'i bdag /che ba'i byang chub sems dpas de gnyis la ni gzung byas nas//myur du rta yi bzhon pa zhon pa la ni lhag par gnas pa nyid du gyur/ /de nas byang chub sems dpa' la shin tu mnyes gshin pa dang 'jigs pas yid skyo ba'i grogs po dang brten pa rnams kha cig gis 'di skad ces smras par gyur to/ /khro drag sa skyong rnams kyis ni/ /bdag gi ba zhes su zhig min//sbyin sreg mkhan po'i sreg lugs kyang / /mes ni reg pas sreg par byed/ /de bas na khyed la rang gi srog la ltos pa med pa'i rnam par rtog pa 'dis chog go zhes zer ro/ /byang chub sems dpas smras pa/ re zhig rgud pa la gnas pa gzhan dag kyang nus pa yod pas skyob par rigs na/gnyen 'dun gyi skye bo lta smos kyang ci dgos/ mnar med pa yi gtsug pud can gyi chen po'i drung du ni/ /gal te sdug bsngal chen pos mngon gdungs sems can yod gyur na/ /rang gi sreg pa'i sdug bsngal la ni ma bsams 'gro phan 'dod/ /de la 'gro ba'i phyir ni 'gro bar yang bdag brtson pa nyid/de ltar brjod nas bdag nyid chen po de gzhu rgyud bdungs pa'i gzhu 'dzin pa shing rta'i kha lo ba la smras pa/ da ni rta rnams rab tu bskul bar gyis shig ces zer ro/ /des kyang de ltar bgyi zhes lcag gis reg pa'i dbang gis shin tu myur bar 'gro ba thag pa rnam par ma grol ba'i rta rnams byas par gyur te/grong khyer mchog de las nges par byung nas/ shing rta'i shugs kyi dbang gis zam pa chad pas chu'i tshogs kun nas rnyog pa can dang 'dra bar rab tu song zhing / rta rnams kyi rmig pa las kun nas bslang ba'i ne'u le ltar kun nas 'od med pa'i rdul gyi tshogs dang ldan pa'i lam la lta zhing /shing rta'i 'khor lo'i sgras skrag pa dang / rnam par 'byed par gyur pa'i ri dgas kyi tshogs dkar po ma yin pa'i 'gro bas rtswa skam po'i nags sreg bzhin pa dang / 'dab dang bcas pa'i nags kyi ma he rnams kyis kun nas bskor bas shing rnams kyi sdong po'i 'og gi sa phyogs dri ma can du byas pa dang /in+d+ra b+hAnI la'i dum bu rnams dang 'dra ba'i rma bya'i mdongs rnams kyis 'dres par byas pa dang / bse'i sen mos kun brkos bzhin pa'i sa'i bug par rab tu song ba'i man du ka'i ge sar gyis kun nas skya ba'i tshogs dang ldan pa dang / glang po che'i tshogs kyis gcog bzhin pa'i ri'i shing dang shing rnams la dri rab tu khyab pa'i ri'i mtha' ma la rnying nas/da ni shugs 'gag pa'i rta rnams gyis shig ces bya ba kha lo sgyur ba la 'di ltar smras nas/ yang gsungs pa/ bgrod par dka'o nags 'di kun nas brten pa ni/ /bdag cag 'dzin pa'i sA la rnams kyis dkris byas pa//brtan pa'i yid dag gis ni dmigs nas 'jigs pa ni/ /khyed cag thong shig bdag ni bsrung bar brtson pa yin/ /de nas rgyal po de de'i gtam shes pa khros pa'i dbang gis sras la mnyes gshin pa dang bral bas byang chub sems dpa' la tshar gcad pa'i don du/go cha kun nas bgos pa dro ba'i 'od kyis reg pas bros pa'i gsong mdung gi rtse mo'i 'od ltar gsal ba'i dmags tshogs gtong bar gyur to/ /myur du byang chub sems dpa' la rjes su song nas 'thab mo ba kha cig gis smras par gyur pa/ sa skyong ba yi bu mo 'di ni gtad mdzod cig/ /nges par skyon dang bcas pa blon po'i sras kyis ni//phyogs rnams mtha' mar rnam par gnon pa'i 'od grags pa'i/ /yab kyi bka' ni 'da' bar byas nas ci phyir gshegs/ /de nas bdag nyid chen po des de thos nas 'khyog pa gnyis kyi mthil la rnam par zhugs byas pa'i gzhu bzung nas kha lo ba shing rta 'di kha bsgyur bar gyis shig ces bya ba rab tu smras par gyur to//de'i bka' la mkhas pa'i kha lo bas shing rta'i mchog kha sgyur ba de la/ mda'i snod nas kun 'don pa mthong na ni/ /mda' des lag pas mnan pa'i ltong gi shugs ldan pa/ /sdug bsngal gyis phongs skad cig mi g.yo mig ldan pa//sa yi bdag po'i dmag de bris pa bzhin du gnas/ /byang chub sems dpas smras pa/ khyed cag rnams kyis kun nas ngal ba don med pas 'khrugs te/ /srog rnams 'bad pas bsrung byas kyang / /bye ma'i chang ba bzhin du 'dor/ /'jigs pas kun nas 'khor ba'i mig /skyabs su 'os pa ma yin no/ /de nas 'thab mo ba de rnams de'i nges pa de shes nas phan tshun du 'di skad ces smras par gyur to/ /re zhig 'di yi cho ga 'di ni mi byed pa/ /mi skyong sras kyi rnam par gnon pa chen po yang / /shin tu mi mnyam gnas pa 'di ni de yi phyir/ / bdag cag 'thab mo 'dir ni 'ongs la 'bras bu med/ /sgrub min chen po yod pa zhes bya'i dngos po la/ /ngal phyir 'ga' zhig skye bos bya ba med pa ste/ /lhung ba'i phye ma leb rnams kyis ni g.yo ba'i phyir/ /nor bu'i sgron ma'i rtse mo nus pa ma yin no/ /dus nam zhig tu rje bos kyang sras tshar bcad pa'i phyir du phyi nas 'gyod pa 'byung bar 'gyur ba de bas na bdag cag la bzlog pa nyid rigs so zhes bya bar rab tu bzung nas/ji ltar 'ongs pa'i lam de nyid nas dmag tshogs de slar so sor log par gyur to/ /byang chub sems dpa' yang 'jam po'i rmig pa rnam par bgod pa'i rta mchog rnams kyis shing rta 'dren bzhin pa'i ri'i nags de las yang dag par 'da' bar byed pa ri rab kyi rtse mo 'dzin pa'i btsag gi phye mas dmar bar byas pa'i mche ba gnyis pa'i dpral 'bur gyi rnam pa can gyi nyin mo byed pa yod pa la/rdul gyi tsha ba dang bral ba'i lam rnams la rang gi gnas su 'gro bar kun nas phyogs pa'i ri dgas kyi tshogs rnams yod pa dang /'dab chags rnams kyis rnam par grol bar gyur pa'i tshang tshing dang ldan pa dang / shing rnams la nges par 'brel bar gyur pa'i gtor ma za ba dang bya rgod kyi gshog pa rnams kyis 'gul bzhin pa'i 'dab ma'i tshogs dang ldan pa'i n+ya gro d+ha yod pa dang /kha zas mngon par 'dod pas spyod cing gnas par 'jug pa'i grong khyer dang nye ba la mngon par phyogs pa'i mi srun pa'i ri dgas yod pa dang / skyon dang bcas shing ma dpyad pa'i las byas pa'i skyes bu rnams dang / chom rkun rnams la dga' ba'i dus la sdong khang gi du ba'i ri mo mthong nas/nges par 'dir grong khyer ram grogs po yod do zhes bya ba rnam par bsams nas kha lo ba la smras pa/ kha lo ba gang 'di chu gter sar pa'i tshogs dang rjes su mthun pa'i du ba snang ba'i sa phyogs der shing rta drang bar gyis shig ces zer zhing / thag nye bar song nas 'di rnams thams cad skye bo med pa'i grong khyer 'di zhes bya ba 'dzin par gyur pa dang /de nas blon po'i sras kyis byang chub sems dpa' la smras pa/ ra ba'i rtsig pa rnam par rtsang bas lam ni bkag pa yang / /grong khyer grags pa che ba'i lam ldan khyed ni 'ongs pa la/ /'di ni snga ma bzhin du dga' zhing mdzes pa 'byung 'gyur te//lus dang ldan pa'i lus ni rnam par shes pa ldan pa ltar/ /gang la yon tan rin chen rten pa skyes pa rnams med pa/ /yul ni gnas kyang bdag gi don du de ni spong pa nyid/ /me tog dang ni 'bras bu kun nas 'byung yang mdzes pa med/ /arga'i nags ni nam yang skyed mos tshal du 'gro ba min//kha lo bas smras pa/ bdag kyang 'di lta bu nyid du mthong ba mang pos smras pas ci zhig bya ste/ logs kyi mtha' mar 'phyang pa'i go char ldan pa 'khor gyi skye bos rnam par 'dzin pa'i mthur/ /gdong nas bkag pas sbu ba 'dzin pa'i dum bur ldan pa stan gyis stong pa'i rta rnams kyis/ / khyed kyi 'gro ba mtshon par gyur pa khyim gyi sgo ni grong khyer 'di la skyes rnams kyis/ /kun nas khyab pa glang mo dang ni glang phrug skyed pa la ni glang po skyong ba gnas/ /de nas byang chub sems dpa' shing rta'i 'khor lo'i mtha' mas kun nas btsir bar byas pas chags pa'i sa'i gong bu'i dum bu dang ldan pa ka ba dang rta babs kyis la 'bigs pa kun nas lhung ba dang /'chi ba med pa'i lha'i nye 'khor gyi sgo ma kun nas 'brel ba dang 'pho ba'i spre'u dang / 'dab chags rnams kyi sgo nga dang thod pa rnams kyis sa'i steng 'dres pa dang / 'phags pa'i khyim gyi sgo 'bur du btod pa la/ /phyed mdud pa'i rgyal mtshan gyi rtse mo la rma bya'i mgrin pa lhung ba dang /kun nas 'byung ba'i rtswa'i myu gu rnams kyis lam gyi bar bgrod dka' ba dang / cung zad mar gyis snum pa'i rdza ma'i gyo mog gi dbus la gnas pa'i mi g.yo ba'i grog sbur rnams kyis khyab pa dang / rlung gis bskul par gyur pa'i ri bong gi lto ba'i spu ltar 'jam pa'i arga'i shing bal dang 'dres pa ldum gyi tshogs dang ldan pa dang /shin tu dus ring ba nyid kyis gnas nas kun nas 'pho ba'i me zad pa dang / snum pa'i shing gi rang bzhin gyi rnam par 'dres pa rnams kyi shing gi rtsa bar lhag par gnas pa shin tu mthong bas 'jigs pa ni/ / mi g.yo'i byi las 'ga' zhig tu/ /byi ba'i sgra ni thos bzhin pa/ /ne'u les rnam chad 'ga' zhig tu/ /'phros pas 'jigs pa'i lto 'phyir ldan/ /'ga' zhig tshang gis phyed 'gags pa/ /dgra yis so sor grol bar ldan/ /bya rgod rdug byugs 'ga' zhig tu/ /n+ya gro d+ha yi 'dab mas khyab//dri mas mtshan pa'i go cha ltar/ /ljang gu mi g.yo spang rnams kyis/ /ba glang phreng rnams 'dogs pa ni/ /sbrang rnams tshogs kyis 'ga' zhig tu/ /'ga' zhig 'ug skad kyis skrag pa'i/ /gnyid bral 'khor ba'i khA da bcas/ /gzhan du b+ha ro Ti skad ni/ /me bcad rnams kyis 'jigs shing 'jigs//'ga' zhig tu ni sdong khang bsreg za yi/ /sa yi dkyil 'khor gsal bar byas pa dang / /'ga' zhig tu ni mi rus rnams kyi ni/ /pad+ma'i rtsa ltar skya bas bsags pa dang / /dus ring nyid kyis chung ba lhag ma'i dri ldan pa/ /sbrang dang ka pi ta yi bum chen bum chung du ma yis//chags pas dum bur song ba kha cig gis ni yang / /nges bsags 'pho ba chang 'tshong ma yis tshong sa'i mthar/ /'pho ba sgro yis stong pa ltong ni chags pa dang / /rgyus pa lhod pa kun nas dor bar byas pa ni/ /kun nas rnyings pa'i mda' rnams kyi ni dum bu yis/ / g.yang sa'i bu yi lhag gnas gsal byas 'ga' zhig tu/ /pad+ma rnams lhung 'ga' zhig tu yang rnga dang ni/ /gzhan du yang ni gtsug phud dmar ba'i sgro tshogs kyis/ /ba rnams kyis ni ro la rab dor dri ma can/ /rwa rnams kyis ni kun nas rngon pa'i khyim mtshon byas/ /me tog dum bur song ba'i 'pho ba ma mo'i phreng //dbang phyug khyim gyi bar gyi sa ni 'gegs byas pa/ /g.yul ngor 'thab pa'i gzugs ni 'dzin par byed pa na/ /shi ba kun nas dor ba'i rkang pas shin tu khyab/ /khyim gyi rtsig pa zhig pas chag cing skams pa ni/ /lhod pa'i chu shing tshogs kyis nye 'khor nang bsags pa//rgya shug shing gis bzung zhing skyes pa ku ba'i shing / /gnas la stod g.yogs bral ba'i 'ug pa'i snang bas brten/ /tshang las lhung bas dbus su brlan pa 'ga' zhig tu ni nang / /phug ron sgo nga'i dum bu rnams kyis khyim gyis bsags pa/ /gzhan du rno zhing 'dres pa sar ba min dang sar rnams kyis//'ga' zhig bar chad med pa'i dum bu rnams kyis kun nas khyab/ /'ga' zhig tu yang kha skyes dbyug pa dma' bar bya ba'i yan lag gis/ /zho ni srub par nges pa'i kun nas bsags pa'i 'o ma phyugs kyi lhas/ /kun nas dri ma can dang rnying ba rnams kyis gzhan du khyab pas chag /lhod cing bar chad rtsib ma sha re ka yi dra ba rnams kyis khyab/ /de nas byang chub sems dpa' 'khor dang bcas pa gtor ma rgyas pa'i skad kyis gnyid sad pas kun nas dogs pa'i bya kau shi kas lhag par gnas bzhin pa'i n+ya gro d+ha'i bar dang ldan pa'i khyim 'ga' zhig tu gnyid kyis mtshan mo 'das pa dang skar ma'i tshogs rab tu bar chad par gyur pa'i nam mkha' la/khyod shi ba'i 'gram pa kun nas skya ba ltar gzugs srab pa'i nub pa'i ri'i rtse mo 'dzin pa'i bsil ba'i 'od zer yod pa la/ phan tshun yang dag par sbyong bzhin pas rab tu dga' ba pad+ma'i sdong bu la rkang pa gzhag pa dang ldan pa'i ngur pa pho mo gnyis yod pa dang /ri bong can gyi 'od zer la kun nas chags pa dang bral ba'i mya ngan dang 'dra bar ku mu ta'i 'byung gnas kun nas zum pa la/ bung ba'i phreng ba 'khor ba'i pi wang gi sgras rab tu sad pa dang 'dra bar rnam par 'phro bzhin pa'i pad+ma'i gdong dang ldan pa bskyod pa'i rlabs kyis lag pas rag pa'i 'gram dang 'brel ba dbu ba'i gdu bu dang ldan pa/sgra sgrogs pa'i ngang ba'i rkang gdub dang ldan pa'i pad+mo'i bud med rnams yod pa la/ kha phye ba'i dza ba'i me tog gi phung po ltar mngon par gsal bzhin pa'i dkyil 'khor can gyi nyi ma yod pa dang /nyi ma'i 'od zer gzhon nus rjes su mchod bzhin pa'i rtse mo'i mdung dang ldan pa'i sa 'dzin rnams yod pa la/ de'i dus dang rjes su mthun pa'i mal stan las langs te/ kun nas 'khor bas grong khyer de mthong zhing 'di bsams par gyur te/ 'dir ni bstan bcos du ma rnams kyis kun nas 'phel ba'i mdzes pa'i gtam 'byung ste//sgeg pa'i nyams kyis 'jam pa'i b+ha ra ta yi gar ni 'di las 'byung 'gyur te/ /rten nas 'jigs par 'gyur ba ci zhig 'byung ba zhes bya ba ni mi rtag pa/ /e ma de ltar grong khyer 'di ni phug ron rnams kyi skad kyi smra ba 'dra/ / de nas der cung zad longs ma spyad pas gu shing gi 'dab ma ltar ljang ser chu nang gi rtsa'i tshogs kyis rdzing bu'i chu bkab pa dang / phag rnams kyis gnas bzang po dang mon lug dang ka she ru ka rnams rtse ba nas 'don pa dang / shin tu rab tu 'phel ba'i rtsa'i tshogs la lhan cig byed pa dang / ti la ka'i sdong po dang /tsam pa ka'i sdong po nub pa dang / nags kyi ma he rgal ba rnams kyi rwa 'phangs pas kun nas 'phur ba dang / kun nas 'brel bzhin pa'i bung ba rnams kyis rdzing bu'i pad+ma kun nas 'gro bas mdzes pa 'das pa dang 'dra ba rjes su bsam zhing skyed mos tshal rnying par rab tu zhugs par gyur to//der yang ma ral ba dri ma can gyi gos kyis yan lag bkab pa/ skra lo dang lag pa kun nas rtsub pa/ me tog gi yal ga la lag pas 'dzin pa/ yal ga la gnas pa'i ri dgas rnams mthong nas ngo mtshar ba las yang dag par skyes pa'i 'dzum pas gsal bzhin pa'i so'i nor bu'i 'od zer rnams kyis snang bar byas pa'i me tog ban du ka ltar shin tu dmar ba'i mchu dang ldan pa dang /rgyan med kyang yid 'phrog pa/ yongs su smin pa'i rtswa'i rgyal po'i 'bras bu ltar rjes su mthun pa'i 'o ma 'dzin pa dang ldan pa/ chu 'dzin pa'i khyim gyi nang du rol par byed pa'i glog gi bu mo dang 'dra ba'i bu mos me tog rnams thu zhing mthong bar gyur to//de'i drung du nye bar 'ongs te de la dris par gyur te/ skye bo med pa'i grong khyer 'di ni ci phyir khyod/ /mig gi mtha' ma'i zim par song ba'i mig mthar ldan/ /skye bo rnams kyis ma mthong ba yi gzugs mdzes pa/ /gzugs dang ldan pa nya phyis son pa'i me tog 'dra//des smras pa/ bdag ni rgyal po'i bu mo ste dbang po las 'das par grong khyer 'di gnod sbyin drug cu tsam gyis mi dang mi'i skye bo dang / glang po che dang rta dang ba glang dang ma he rnams mngon par byas pa ste/ bdag ni gcig pu nye ba rnams kyi mya ngan gyis sdug bsngal bsags pa skal ba dman pa'i drag po de rnams kyis rang nyid la pa snyen bkur gyi don du lhag mar byas pa ni//gang la n+ya gro d+ha'i shing 'di/ /sdong khang du ba ltar 'od med/ /gnod sbyin de rnams rnam 'gyur ba/ /da lta phyogs 'di nas 'ongs 'gyur/ /de phyir 'bad ldan khyod kyis ni/ /shin tu legs par gnas par bya//kun tu dus kun skyes pa rnams/ /gang phyir bag yod 'byor ba'i phyir/ /gzhan yang skal ba chen po/ nor bu mdzes pa'i skye ba ltar ni bdag mdzes pa/ /khyod kyi rnam pa nyid ni che ba nyid ni smra/ /de lta na yang bdag gis khyod kyi ming rtogs phyir/ /'dod de gang phyir bud med rnams ni phra ba'i blo//de nas byang chub sems dpas de la rang gi gtam smras pa/ des kyang gtam thos pa pad+ma'i 'dab ma dang rjes su mthun pa'i rkang pa'i mthe bong gis sa la cung zad 'bri zhing dpung pa'i yal ga logs 'dzin cing cung zad gos kyi kha tshar kun nas g.yo bar byed cing thur du 'dud pa'i bzhin dang ldan pa e ma'o//gal te rnam pa dang bcas par 'dir bdag ni chun ma nyid du nye bar 'dod pa yin na de bas bdag gi bud med nyid don dang bcas par 'gyur zhes zer ro/ /'dod pa dang ldan bzhin pa yang ngo tsha bas mi smra zhing bud med 'dod pa dang bcas pas 'dod pa can la khyod kyis bdag ji ltar 'dod par gyis shig ces bya ba ji lta ba bzhin du smra bar 'gyur te/de bas na bdag ni zhe 'dod kyis bdag po dngos po 'di la gsal bar bya'o snyam du rnam par bsams nas byang chub sems dpa' la smras pa/ rang gi 'dod pa yid gnas pa/ /khyod la cung zad smra bar 'dod/ /de ni bdag gi ngo tsha ba//chun ma ltar ni yang yang 'gegs/ /de yi 'dod pa de yang ni/ /blo gros chen po des shes nas/ /ngo tshas 'dud pa'i mig yangs pa/ /mchog gi gdong can blangs par gyur/ /de nas grong khyer rnying par kun nas 'ongs nas ni/ /de dang rjes su song ste pho drang du zhugs nas/ / de yi rnyed pa bsdus dang ldan pa smras nas ni/ /gnod sbyin nyer 'ongs de rnams la ni de smras so/ /de nas kha lo bas ni myur du mtshon cha dang ldan pa/ /rta rnams sbyor ba shing rta 'thab pa'i phyir ni de byed bcug/ /ma mchu mnan nas gzhu ni bdungs te mtho ba'i dpung par ldan/ /gser las byas pa'i lus ni skyong ba skad cig de la bcings//rkang pa myur bar gsang ba pa ni de rnams yongs byas te/ /shing rta mchog la gnas pa dpung pa de mthong nas/ /khros pas 'bar ba'i mig ni me yi 'od ldan pa/ /rtse mo rno ba'i me ni sprul pa'i mda' rnams btang bar gyur/ /dpung pa'i tsha ba go char ldan pa de yi lus la ni//gsang ba pas bskul mda' rnams kyis kyang sgra ni 'byung ba ste/ /kun nas skrag pas shin tu rgyug 'dra'i ri dgas rnams kyis ni/ /ri yi mtha' mar rmig par sbyar ba'i dgra dang rjes su mthun/ /gnod sbyin 'di rnams pham par gyur pa rnams la g.yul ngor ni//skye bo chen po'i yun ring du ni zhi bar 'byung 'gyur te/ /de ltar rnam bsams snying rje che bar yang ni der gyur nas/ /don yod stobs kyi mthu dang ldan pas gzhu ni 'dzin par gyur/ /byang chub sems dpa'i yang dang yang du ltung ba ni/ /mda' ni de rnams zad pa cung zad byas mi 'gyur/ / nges par de nyid kyang ni chen po 'byung 'gyur te/ /bsod nams mthu de gang phyir sdug bsngal ma gyur to/ /de nas de yi rno 'phangs pa/ /mda' rnams gnod sbyin lus 'bigs pa/ /rna ba'i mthar ni khu tshur bcangs/ /rtag tu sbyar ba 'dra bar gyur/ /gnod sbyin gyis dor de'i go char/ /mda' rnams 'bras bu bcom par gyur//skal ba med pas thob dka' ba'i/ /dngos po la ni yid re bzhin/ /shing rta chen po stegs kyi 'dra bar 'gyur ba ste/ /dbyangs ni b+ha Sha Ta byas sgra dang 'dra bar gnas/ /gzhu chen rtse mo mtho ba gnya' shing 'dra ba ste/ /mi dbang sras po des kyang sbyin sreg byed pa 'dra/ / lha dang grub thob klu rnams kyis ni mthong bzhin pa/ /skad cig lhung ba'i mda' rnams bud shing tshogs ldan pa/ /'di lta bu yi g.yul ngo'i rta cang de la ni/ /gnod sbyin rnams kyang rang nyid kyis ni phyugs song gyur/ /de nas bsad pa'i lhag ma gnod sbyin de rnams la mda' rnams kyis yan lag la rma btod pas khrag 'dzeg pa dang /nus pa zad pa rab tu 'dar ba thob pa rnams la gsang ba pa gcig de dang nye bar 'ongs nas byang chub sems dpa' la smras pa/ /khyab bdag nga ni khyod kyi grogs te 'byor ba'i phyir/ /de phyir ring po nas ni gzhu ni dbab par mdzod/ /rgyal ster shin tu che ba mdzod kyi phun tshogs ni/ / gter du byas pas 'di dag la ni rab brtan bgyi/ /de ltar bgyi zhes bya bas phan tshun du mda' dang bcas par byang chub sems dpa' khas blangs pa la gnod sbyin de 'ongs nas gter mang po gter skyong rnams kyis lhag par bsrung ba brkos nas nye bar 'bul bar gyur to/ /kun nas yang byang chub sems dpa' rnams kyi yon tan rnams kyi che ba'i bdag nyid skye bo'i gnas rnams la rab tu grags par gyur to//de nas rab tu dga' ba'i yid la ldan pa'i skye bo'i gnas rnams re ldi dang / ba lang dang / ma he dang / glang po che'i phru gu rnams la yo byad rnam pa sna tshogs pa dang snod rnams kun nas bkal ba ni/ stobs mchog yul rnams bor nas ni/ /gzhan dag tsher ma med pa rnams/ /tsher ma med cing nyer 'tshe med/ /grong khyer chen po der 'ongs gyur/ /tshong rnams 'tshong bar byed pa ni/ /nyi ma re rer nye bar yang / /bar chad med par skye tshogs kyis/ /slar tshong sa gang bar gyur/ /sin d+hu ras dmar dpral 'bor can//e la bcag ltar dri zhim pa'i/ /glang po rnams kyi smyon chu slar/ /ka ba dri zhim slar skyes gyur/ /tho rangs seng ge'i khrir gnas pa/ /mi skyong gser gyi go cha la/ /skye bo 'thab pas bgrod dka' ba'i/ /rgyal po'i nye 'khor slar skyes 'gyur/ /zug rngu nye ba'i sa rnams ri bong mtshan pa'i 'od//chu bo gtsang ba'i chu yis bu ram shing rnams spangs/ /thong lcags kyis ni mon lug rnam par 'bigs bzhin pa/ /dri zhim zhing gis rnams slar ni byung bar gyur/ /ba glang phru gus kun nas khyab pa'i nye 'khor gyi/ /khyim rnams su ni slar yang gtun shing dgra rnams ni/ / bud med rnams kyi gdu bu'i sgras ni rjes 'brel ba/ /me tog rnams kyis mchod pa kun nas thos par gyur/ /bud med rnams ni me tog ldan pa'i lus can la/ /kun nas gtor ma rnams ni slar yang 'dzin par gyur/ /gnyis med sngags kyi tshig dang rjes 'brel gyis gtsang ba/ /slar ni mar gyi sreg lugs me la nges par lhung //nyi ma song la nags kyi mtha' nas ba rnams ni/ /bskyod pa'i dril bu'i sgras ni nyer 'ongs mtshon pa rnams/ /kun nas dal ba'i rkang pa slar ni lci ba yi/ /nu 'jing rnams ni khur bus ba lang tshogs la zhugs/ /nyams dang rjes 'brel ting ting shags kyi sgra dang bcas//gsal zla zla tshes ldan pa'i mtshan mo rnams la ni/ /bud med rnams kyi 'jam pa dang ni snyan pa'i glu/ /sa yi dkyil 'khor rnams la slar ni thos par gyur/ /cung zad bud med mtshan ma bskyod pas steng g.yogs bskyod pa ni/ /rgyas pa a thA sa yi me tog ltar ni sngo mthug bla gos can//dus 'byung ri yi nang du ba glang tshogs rnams la ni slar/ /ka pi ta ltar dri zhim chu ni 'brog nas srub par gyur/ /chu rnams 'dzin pa'i chu ni rgyan gyis ni/ /spangs pa'i 'bru rnams skyes pa ni/ /ba rnams mang po'i so yis rtswa ni gzhon nu'i myu gu'i rtse bcad pa/ /slong pa'i skye bos grong gi nye 'khor nang du kun nas khyab pa ni//slar yang mdzes pa nye bar bsags pa der ni yul rnams 'byung bar gyur/ /de nas rgyal po gser gyis nyi ma re rer mngon par 'phel bzhin pas dga' bar gyur pa'i sras kyi che ba nyid de nye bar thos nas de de gus par bya ba'i phyir pho nya btang bar gyur to//de yang sgo skyong rnams la zhus shing rjes su gnang bar gyur pas rab tu zhugs par gyur to/ /stan yongs su 'dzin par byas pa bde ba 'dri ba sngon du 'gro bas byang chub sems dpa' la zhus pa/ e ma khyod kyi dpung pa la ni rgyas min stobs/ /e ma yid ni bsam pa'i khyad par gyis bstan pa//gcig bu nyid gyis shes bya khyed kyis pham pa gang / /sa skyong rang bzhin gyis ni drag pa'i gnod sbyin rnams/ /'di la ci zhig shin tu ngo mtshar ngo mtshar 'dod/ /khyod kyi 'di ni brtson 'grus grogs ldan sems ldan pa'i/ /glang po rnams kyi tshogs ni mthong nas yid stobs kyis/ /nam yang gnya' ral can ni bkum pa nyer 'gro min//'jig rten tsher ma rtsad nas bton pa chen po nyid/ /dri med mthong ba'i sems ldan rnams kyi gzhan don nyid/ /'gro ba kun nas bde phyir 'od zer rnams kyis ni/ /dri med 'od zer can gyi rang bzhin 'di nyid do/ /de bas na skye bo'i gnas 'di mgon po dang bcas pa ste/gang gi mthu chen po dang ldan pa khyed cag lta bu srung pa po yod ces zer ro/ /byang chub sems dpas smras pa/ /gal te gnod sbyin 'jig rten 'jig /rgyal ba'i phyir ni nus mi 'gyur/ /rgyal dka' nyon mongs gnod sbyin de/ /ji ltar bdag gis pham par 'gyur/ / gal te bcos ma'i grong khyer ni/ /zhugs phyir bdag la the tshom yod/ /mya ngan 'das pa'i grong khyer de/ /'jigs pa gcod ltar zhugs par 'gyur/ /gal te brtson 'grus kyis rgyal srid/ /skyon med 'di ni thob mi 'gyur/ /chos kyi rgyal srid bdag ji ltar/ /'gro bzhi phyir kun thob 'gyur/ / grong khyer phun tshogs chen po 'di/ /gal te byed par mi 'gyur na/ /de tshe slob ma'i brgyud pa ni/ /ji ltar rgyas par khrid par 'gyur/ /pho nyas smras pa/ gang khyod kyi ni 'di lta bu yi spyod pa ngo mtshar ba/ /sems can don du brtson pa'i rnam par gnon pas dag pa'i blo/ /gang zhig go 'phang de ni thub chen rnams kyis lhag gnas pa//de ni khyed kyis ji ltar mi thob snyam du nges par bya/ /'di ni ma 'ongs pa yi rgyal ba yon tan rnams kyi rten/ /snying rje khyed kyis yun ni ring por ci yi phyir ni 'gegs/ /de ltar khyed ni blo yi gter lags phrad par 'dod 'dra ba'i/ /byang chub bud med kyis ni yun ring por ni sdod par bgyi//seng ge'i khri la gnas pa mngon par rdzogs pa'i byang chub thob pa khyed kyi 'khor ba'i sdug bsngal rnams gcod par byed pa'i chos dang 'brel pa'i gtam gang rnams nges par legs pa 'dod pa thob par 'gyur ba de rnams ni rnam pa thams cad du don dang bcas pa'o//de lta na 'di nyid 'jig rten pa thams cad la shin tu phan pas 'jug pa'i bcom ldan 'das 'di so so skye bo'i gnas skabs su yang byung bar gyur to zhes bya ba rnam par bsams nas dad pa dang ldan pa'i dge ba'i bsam pa can gyi rigs kyi bu grol bar 'dod pas sangs rgyas bcom ldan 'das la dang bas rtsi gcig par gnas par bya zhes bya'o//gser gyi go cha'i skyes pa'i rabs te skyes pa'i rabs gsum pa'o// //dgra yang nad kyis btab na snying rje yis/ /'jam pa'i sems ldan btang snyoms mi mdzad de/ /'jig rten pa yi gnyen du gyur pa rnams/ /skye ba ma chad pa la smos ci dgos//'di ltar rjes su thos te/ rig byed dang rig byed kyi mtha' dang / sngon byung ba'i gtam yang dag par rtogs pa'i don dam par shes pa don dam par mngon par 'dod pa/ sems can thams cad la brtse ba dang ldan pa'i bram ze brtse ba can zhes bya ba byung bar gyur te/ bdag nyid chen po des kyang nad dang ldan pa rnams kyi nad rab tu zhi bar bya ba'i phyir kha ba can dang /man dwa ra'i ri dang / kun nas song ba dang / bzod byas pa dang / 'bigs byed kyi nags kyi nang rnams su sman btsal ba'i phyir rnam par rgyu bar gyur te/ de nas lto 'phye rnams kyis bskor ba'i mthug pa dang bcas pa//tsan dan gyi ni nags rnams so ga'i dus la lta byed cing / /cog gi rtse mo rnam par lhung bas sprin gyi tshogs rgas pa/ /dus gcig tshe na grub thob rten ni ma la yar 'khor 'gyur/ /bya khyung mchu yis kun nas dum pas rnam par 'pho ba ni/ /pho ba ris ni sar pa phug gi sgo rnams la mthong zhing //rlung gis bskyod pa'i me tog rnams kyi dri ni snom byed cing / /brtan pa de ni ngal ba spang phyir bdag la lhag gnas 'gyur/ /kun nas ngal ba bsal bar byas pa yang dag par blangs te sman chen po rnams kyi rtsa bzor bas bton par gyur to/ /sman gyi khur bu chen po bcings nas da ni 'gro bar bgyis te sman rab tu sbyin pas skye bo nad med par bya'o zhes bya ba rnam par bsams te/ri bo ma la ya nas rab tu gnas bzhin pa shin tu nad chen pos lus kun nas skya ba dang / rid pa che ba'i mthar spyi'u blugs dang / lhung bzed gzhag pa yongs su smin pa'i rtse'i mal du nye bar gnas pa/mdun du ri dgas kyi tshogs 'dug pa/ thun mtshams gsar pa dang 'dra ba'i chos gos kyi yan lag la bgos pa nye bar zhi ba'i rang sangs rgyas mthong bar 'gyur te/ de nas zhi ba de ni mthong nas dul ba la dmigs pa/ /dpung pa las ni rtsa ba dang bcas khur chen gzhag byas te//gus pas dang ba 'dzin pa kun nas 'byung ba ltar ring gnas/ /sa rdul kun nas 'byor pa'i spyi bos phyag ni btsal bar gyur/ /'di la nad med sngon du 'gro bar dge slong des/ /nad kyis rid par byas pa'i yan lag 'di ltar smras/ /khyod ni 'jig rten sdug bsngal nye bar zhi phyir ni/ / 'khor ba rnam gcod sangs rgyas go 'phang thob par shog /bram ze des ni 'di la 'di ltar dris pa ste/ /'phags pa lus ni na bar bdag gis mthong ba ni/ /chags pa zil gyis gnon par gnas pas rab rid pa'i/ /tshig gis rang sangs rgyas ni de la smra bar gyur/ /'di yang grog ma'i tshang dang 'dra ba yi ni lus//las dang brgyud pa'i rgyu rnams kyis ni skyed byas na/ /sems kyis sdug bsngal byed pa'i 'gro rnams du ma yis/ /nad kyi lto 'phye rnams kyis kyang ni lhag par gnas/ /rgas pa'i gnya' ral can mo 'di ni gang gi tshe/ /mi yi lus la kun nas gnod par byed pa ni/ / de tshe sdug bsngal gyis ni dbang po'i yul dang bral/ /sems kyi mche ba gnyis pa nga rgyal dor bar 'gyur/ /de nas 'chi bdag gzhan ni rgyu mtshan med pa'i dgra /lus kyis rang bzhin khang pa 'di ni 'joms par byed/ /gang phyir gang la 'joms pa la ni skad cig gis/ /skye bo'i bya ba thams cad kyis ni spong ba 'byung //shi dang rgas dang nad kyi dgra gsum 'di rnams kyi/ /las kyis kun nas bskul ba'i skye bos rab tu gnod/ /rgyun mi 'chad par nyon mongs bsreg lugs za 'byung ba'i/ /de nyid kyis ni srid 'di 'phags rnams kyis mi 'dod/ /de ltar dpyad nas khyed ni rnam dpyod la mkhas pa//so sor 'jigs pas lto 'phye dang mtshungs srid pa rnams/ /zhi ba'i lam la yid kyi re ba rnams zhugs nas/ /brtson 'grus rang bzhin shing rta la ni lhag gnas mdzod/ /de nas byang chub sems dpa' e ma'o legs par bshad pa zhes bya brjod nas/rang rgyal ba de la 'di ltar phyag btsal nas smras pa/ legs bshad nor bu'i rnyed pa ni/ /ma rig rab rib gcod byed pa/ /dang zab blo chung dam pa yi/ /rgya mtsho la ni gzhan du phyin/ /skyes bu dam pas kun nas bskul ba skyes bu yis/ /chos la brtson 'grus shin tu gsal ba nyid 'gro ste//gzings ni rlung gis rab tu bskul ba 'dra ba ni/ /chu yi gter la gnas pa'i mkhas pa skya chen 'dzin/ /de bas na btsun pa la re zhig bdag gis yang dag par bsnyen bkur byed par 'gyur ba ji srid du nad 'di las dgon pa chen po dang 'dra ba las kun nas rgal ba zhes bya ba brjod nas/nam mkha'i dbus dang nye bar 'od zer gyi tshogs 'phros pa'i nyi ma yod pa la shing rnams kyis grib ma dang kun 'brel pa dbugs kyi dbang gis kun nas 'phros pa'i lce dang rkan gsal ba mig gi mtha' ma dkar ba rdzing gi chu 'jug pa la/brad par 'dod pa chu dang bcas pa'i chu 'dzin pa ltar sngo ba nags kyi ma he'i khyu mchog rnams yod pa la/ dri zhim pa'i tsan dan gyi shing gi sdong po rnams la bde blag tu kun nas bskor ba'i lto 'phye rnams yod pa la shin tu drag pa'i nyi ma'i 'od zer 'khyud pas rdul gyi tshogs kun nas tsha ba/lam nas 'gro ba'i skye bo rnams kyis lam rnams rnam par btang bzhin pa rnams yod pa las/ ri bo ma la ya'i shing gi khyim bdag rnams kyis byin pa'i yongs su smin zhing 'jam pa dang / dri zhim pa'i rnam pa sna tshogs pa'i 'bras bu can bsod snyoms blangs nas nyi ma'i 'od zer zhi bar bya ba'i phyir/de ni 'dab ma rnams kyi gdugs/ /che bya 'bras bu za ba yi/ /rang sangs rgyas la 'dzin par byas/ /thabs la mkhas pa'i tshong pa ni/ /gang zhig ngal ba mi sems pa/ /des ni phyogs bzhi 'khor bzhi pa/ /rnyed pa chen po thob par 'gyur//byang chub sems dpa' 'di bsams nas/ /de ltar bsnyen bkur byed bzhin pas/ /bkres min drag pa'i nyi 'od min/ /ngal ba yang ni ma brtsis so/ /gal te 'gro ba'i bla ma mkhas pa rnyed ma gyur/ /skye bo legs par bshad pa thob par mi 'gyur te/ /gang zhig nor gyi phyir ni rin chen sar 'gro ba//de ni rin chen khyad par phun tshogs kyis ni sbyar/ /de ltar de ni 'phags pa 'jug pa bsnyen bkur zhing / /brtan pa'i sems can dge ba'i 'bras bu nyer bsags phyir/ /nyi ma re rer kun nas nyer bsags dang ba ni/ /skye ba rnyed pa 'bras bcas legs par bsams par gyur//de nas rang rgyal ba de byang chub sems dpa' la shin tu nyis 'gyur gyi dang ba bskyed pa'i don du nam mkha'i dkyil 'khor du gnas shing rdzu 'phrul de dang bstan par mdzad de/ /kun nas rnam par 'phro ba 'od zer khyab pa'i sku/ /chu dang 'dra ba'i dri med nam mkha' la ni rgal//gser gyi ri dang mtshungs pa mdzes par 'gyur ba ste/ /pad+ma'i gdan gyi dbus su gnas dbang ldan pa de/ /skad cig gis ni kun nas phag gi sa la zhugs/ /rim gyis slar ni nyi ma bzhin du 'char bar mdzad/ /rnal 'byor stobs kyis mang ba nyid ni de bstan te//dpung pa dag las cig car du ni chu dang me/ /rnam par bskyod pa'i sen mo'i 'od ldan pad+ma yis/ /mtshungs pa'i phyag gis nyi ma la ni reg par mdzad/ /skye ba'i 'jigs pa song ba mang ba nyid 'gro 'gyur/ /nyi ma dag pa'i dbyings ni chu rnams la ni ltar/ / rdzu 'phrul stobs chen de la 'di ltar bltas nas ni/ /'od dang ldan pa dro ba min pa'i 'od can ltar/ /ring du ring bar mi g.yo mdzad pa'i spyan gnyis ldan/ /shin tu gnyis skyes gtso bo de ni dga' skyes gyur/ /de ni rdzu 'phrul gyis ni shin tu dga' bar gyur ba'i mthu/ /rang sangs rgyas ni mthong bar byas nas dang ba brtan pa yi//rig pa 'dzin pa rnams kyi mkha' la 'grol bar grol gyur te/ /ze'u 'bru 'bras bu'i rdul gyis lto ba ser skya'i me tog rnams/ /de nas byang chub sems dpa' sa'i steng du pus mo rnam par gzhag cing rab tu dga' bas snying khengs par gyur pas spyi bor thal mo sbyar ba rnam par bzhag pas rang rgyal ba de la tshig gi nor bu 'od gsal ba rnams kyis mngon par mchod cid gnas par gyur te/rdzu 'phrul dang ldan sku 'di ni/ /khyod kyis kun nas mthong ba la/ /tshangs pa'ang ngo mtshar bar gyur na/ /bdag 'dra so so'i skye ci smos/ /'bar ba'i gzi brjid khyod kyis ni//rdzu 'phrul bstan par byed pa la/ /nam mkha' 'di ni lhag gnas pa/ /nyi ma gnyis ldan 'dra bar mtshon/ /khyed 'dra rnal 'byor rnams kyis ni/ /ngo mtshar 'phel ba'i bdag nyid che/ /gzhan la rjes su 'dzin sgrub pa/ /mkhas pa rnams kyis gsal bar byed//shar phyogs khyad par dran zla ni/ /bdag gi don du snang ba min/ /chen po dag sems ldan rnams kyi/ /skye ba gzhan don nyid du yin/ /gal te bdag ni 'di la nye bar 'gro mi 'gyur/ /tsan dan shing gis mun par ldan pa ma la ya/ /khyed kyi bsnyen bkur byas pa las ni kun 'byung bas//grol ba'i lam gyi sa bon dge ba thob mi 'gyur/ /bdag la rjes su gzung ba 'dod pas 'dzin byed pa/ /sku 'di sra ba min pa'i mthu yis lci ba ni/ /ri bo ma la ya yi nags nang khyed gnas pa/ /nges par nyon mongs rnams ni zad pa g.yo sgyu yis//rgya mtsho rnams ni 'bar ba'i 'od can nor bu 'dzin/ /chu gter rnams ni shel spyad ltar dkar chu yi ni/ /shing rnams 'bras bu phun sum tshogs pa chen po yang / /khyed cag lta bu gzhan don yun ring por ni thob/ /khyed kyi tshig skud rnams kyi yon tan bstod pa'i me tog phreng //brgyus nas gang zhig dge ba'i rtsa ba'i 'bras bu bdag gis thob/ /des ni shes rab kyi ste stobs bcu nyid ni thob byas nas/ /'gro ba 'di la srid pa 'jig pa'i rgyur ni bdag gyur cig /de nas rang sangs rgyas de bram ze de'i sangs rgyas nyid kyi phyir smon lam gsan nas yid rab tu dga' bas de nyid du mi snang bar gyur to//byang chub sems dpas kyang rnyed pa chen po dang 'dra bar rtogs nas/ /rang sangs rgyas kyi zhabs kyi rdul ni spyi bor gzhag byas nas/ /'dis ni dang bas ba spu'i bu ga kun nas langs pa dang / /ri bo ma la ya'i nags kyi bar nas sman rnyed pa//'jig rten pa yi nad ni bsal phyir skye bo'i nang du 'gro bar 'gyur/ /de ltar na bcom ldan 'das des byang chub sems dbar gyur pa na 'jig rten thams cad kyi nyon mongs pa bsal bar 'dod pas snying rjes rab tu spro bar byas pa'i brtson 'grus kyi stobs rang gi ngal ba lam bltas par rang sangs rgyas nad pa la des bsnyen bkur byas par gyur to//de bas na dge ba'i 'bras bu mngon par 'dod pa'i rigs kyi bus nad pa'i bsnyen bkur byed pa la gus pa ma yin pas gnas par mi bya zhes bya ba'o/ /rtsa ba can gyi skyes pa'i rabs te skyes pa'i rabs bzhi pa'o// // bdag slad de ni 'jig rten la bde ba/ /gang gi 'ga' zhig tu yang sbed pa byed/ /de yang dgra dang mtshungs pa skyed pa ste/ /'jigs pa chen po'i sdug bsngal skyes pa yin/ /'di ltar rjes su thos te/ tshogs pa gsum nye bar bsags pa la 'jug pa'i skye bo'i gnas dang / de mngon par 'phel bas kun nas tshim pa'i rigs kyi gnas dang /dge sbyong dang bram ze'i skye bo'i spyod pas gtsang ba dang / rtag tu lo legs pas rab tu dga' ba'i grong dang lha'i rigs kyi nang du 'jug pa'i gar byed pa mthong bas legs par smra ba'i grong ba'i tshogs dang ldan pa'i glang po che'i grong gi grong khyer gyi mchog la nor chen po dang ldan pa'i nor can zhes bya ba'i rgyal po byung bar gyur to/rgyal po des sras kyi don du sna tshogs pa'i lha nye bar mchod pa la rtse gcig pa'i dus gcig gi tshe na btsun mo'i lto bar byang chub sems dpa' btsas par gyur te/ ji lta ji ltar mngal gyis kun la le lo can/ / de ni skye ba yid 'phrog bzhin ldan 'byung 'gyur ba/ /de lta de ltar de la lta zhing mi skyong ni/ /phrad par 'dod pas bde blag tu ni nyer 'gro 'gyur/ /sras ni ring por byis pa nyid du bdag la rol 'gyur ba/ /gzhon nu nyid ni rigs kyi khur bu chen po 'dzin gyur te/ /bdag ni 'jig rten gzhan du 'gro ba shing ni ster byed pa//de ltar skye bo de phyir ngan song sdug bsngal mthong mi 'gyur/ /de nas dus kyi rim pa las btsun mo mtshan thams cad kyis brgyan pa'i lus lha'i gzhon nu dang 'dra ba'i gzugs dang ldan pa gnas [(]gyi [,]kyi[)]khyad par 'dod pa'i rgyal po'i yon tan du ma rnams so sor skyong bzhin pa dang 'dra ba'i dpal ldan sras skyes par gyur te/de nas der ni sras skyes pa la sras ni 'dod pa yi/ /bsod nams bdag nyid nor mang ba yi nor can rgyal po yi/ /grong khyer de la 'phro ba'i rin chen 'od zer snang ba can/ /sa yi gter rnams kun las rab tu 'byung bar gyur pa ni//'phros pa dri ma med pa'i 'od can rin chen rnams kha cig /dri ma med pa'i 'od ldan mu tig tshogs ni gzhan dag kyang / /sa skyong rnams kyis rgya mtsho'i 'gram la lhag gnas byas pa ni/ /sna tshogs pa yi nor ni nor can rnams la rab tu skur/ / de skyes pa la gang phyir nor/ /nor can gyi ni du mar 'gyur/ /de phyir nor bzangs zhes bya nyid/ /skye bo de yi ming btags gyur/ /de nas dus gcig gi tshe na rig pa 'dzin par nus pa nor bzangs shes nas gzhu'i rig byed shes pa rgyal po'i bstan bcos 'chad pa la mkhas pa rnams dang /glang po che'i bslab pa'i rang gi mtshan nyid shes pa'i mkhan po rnams la nor can gyis slob ma nyid du song bar gyur te/ spobs pa'i gru ni ma rdol ba/ /ring por 'gro ba la zhugs nas/ /rig pa'i chu bo zab rnams kyi/ /pha rol du ni kun song gyur//lang tshos sar pa'i bzo bo yis/ /'bad pas byed bzhin pa yi yang / /bzhin gyi rgyan dang 'dra bar ni/ /cung zad smar byung gyur te/ /'dod pa ji ltar bsten bzhin pa/ /bden par sems ni bde ba'i rten/ /de la rtag tu chos don gyi/ /'brel pa gang dang de dag bzhin//snying stobs sgo bas phrag dog bcas/ /ring nas sdigs mdzub pa ltar ni/ /rdul dang mun pa dag de yis/ /sems kyi khyim la rten ma gyur/ /des na nor bzangs mngon par 'gro bar byed pa'i yon tan rnams dang ldan pa mthong nas rgyal po de'i blon po brgya phrag lnga rnams rang rang gi bu rnams la smras pa/gang zhig sngon du bsnyen pa yon tan can la byed/ /'bras bu don gnyer de ni de skyes 'bras bu thob/ /chus ni rab tu sbangs pas sa la skyes pa yi/ /me tog kha btsum bsags pa nyi ma re rer bzhin/ / de bas na khyed cag rnams kyis 'di nyid gzhon nu nor bzangs bsten par bya ba ste/ nges par sa rjes su skyong ba 'di la khyed cag rnams kyis blon po'i gnas thob par 'gyur zhes zer ro/ /blon po'i sras de rnams kyis kyang de ltar bgyi'o zhes bya ba brjod nas nor bzangs nye bar bsnyen par gyur te/blon po'i sras ni de rnams nam yang nyid du ni/ /'byor pa'i phyir ni bdag nyid ldan pa de dor min/ /shin tu yon tan rnams kyis phan tshun nyer 'brel ba'i/ /chos dang don dang 'dod pa ltar ni skal ldan la'o/ /de nas dbang po'i sde chen po zhes bya ba'i rgyal po rgyal po nor can dang mi mthun pa ste/de yang rang bzhin gyis gdul bar dka' ba nyid kyi phyir nyi ma re rer bdag nyid kyi yul la dam pa ma yin pa'i chad pas gnod pa byas par gyur to/ /rim gyis kyang de'i yul na gnas pa rnams mu ge'i skyon gyis yo byad dang nor dang 'bras bu'i tshogs zad pas kun nas srabs pa nyid kyis lus kyi 'bad pa med pa dang /kun nas rnyings shing dri ma dang bcas pa'i bla gos dang ldan pa dang / kun nas nyam chung ba dang / byis pa rab tu ngu ba yun ring por sgyed [(]po'i [,]pu'i [)]me shi ba rnam par zlog par gyur pa/ kun nas rid pa'i glang rgan po'i kha nas bkug pa'i rtsa dang ldan pa rang rang gi khyim mthong nas yid 'byung ba skyes pa kun nas yi ges phongs par 'di skad ces smras par gyur to//kye ma gnas skabs 'di ni dka' ba zhes bya ba ste khyim rnams gang zhig nyid dga' ston gyi dus su rab tu dga' ba'i ku sum b+ha'i me tog ltar dmar ba'i gos 'dzin pa'i bud med rnams kyis slong mo'i skye bos kun nas zhugs par gyur pa dang /srub byed dang gtun shing gi sgras bar chad pa med pa dang / me tog rnams kyis mchod pa dang / ba glang gi lci ba ser pos nye bar byugs pa dang be'u tsho ba rnams rab tu rtse ba dang / mtshan mo'i dus su ba glang gi tshogs kyis nye bar 'dug pa'i ba glang gi tshogs kyi skyugs ldad thos bzhin pa bskyod pa'i dril bu chung gi sgra 'jam pa dang ldan pa kho bo cag la dga' ba'i phyir 'byung bar gyur pa de rnams nyid/mi'i bdag po 'di'i dam pa ma yin pa las 'jug pa'i chad pas yo byad zad pas sems dang bcas pa gang gis yid 'byung bskyed par mi 'gyur snyam ste rdza ma zas dang bral ba bkres par nye bar gdungs pa 'khor ni sdug pa dang /mar me med par mtshan mo'i sgor ni mun pa rab rib bkag pas za ba ni/ /don gnyer rnams kyis sgo ni ma mnan pa ste/ dga' ston la rdzogs kye ma ni//khyim ni btson ra mtshungs ste khyim dang ldan pa'i mya ngan phyir ni 'byung bar 'gyur/ /thabs med par blon po 'di rnams ni chos ma yin pa la rtse gcig pa yang 'di ltar dbang po'i sde chen po'i rgyal po la bsnyen par byed snyam du kho bo cag sems par byed de/ brnyas pas 'od med kyang ni e ma mi skyong las/ /bsnyen po'i skye bos bde ba kun nas rjes 'dod do/ /'ga' zhig tu ni 'thung 'dod lam nas 'gro ba na/ /lam du chu ni 'dam bcas kyang ni 'thung bar byed/ /shes rab kyis rgan pa rnams kyis kyang dam pa ma yin pa'i lam las rgyal po 'di log par gyur pa 'gyod par mi 'gyur te rnam pa thams cad du rang bzhin ni zlog par dka'o snyam mo//gzhan gyi grags pa brjod par bya ba 'ongs pa ni/ /yun rings phyir ni gang dag 'jigs phyir nges 'gyur te/ /rlung po de ni rmongs pas bsal bar 'dod pa ste/ /zla ba'i dkyil 'khor las ni mtshan ma dri mar bcas//gang zhig skyes bu dam pa khyad par las legs gnas spangs te/ /dam pa ma yin lam nas 'gro ste dbang po ma rgyal phyir/ /sa'i dbang phyug tha mar ma legs skyes bu ring po nas/ /spang bar 'os te lam nas 'gro bas khyim gyi khron pa ltar//de bas na yul 'di dam pa ma yin pa'i chad pas btsir ba spangs nas rigs pa'i lam 'dzin pa'i rgyal po nor can gyi yul du 'gro bar bya'o zhes bya ba brjod nas khyim gyi bdag po rnams shi ba las lhag ma'i glang gi tshogs bzung nas/ snod kyi yo byad 'dzin pa rnams pha'i khang pa dang 'dra ba dbugs dang ldan pa nyid rgyal po nor can gyi yul du 'ongs par gyur to//de nas dbang po'i sde chen po'i rgyal pos srin po rnams kyis skrod pa dang 'dra ba'i rang gi yul mthong nas blon po rnams la smras pa/ bdag gi yul 'di ci'i phyir stong par song ba ste/ sa'i bdag po nor can gyi rtag tu lo legs pas dga' ba'i yul zhes bya'o//slar blon po rnams kyis de la smras par gyur pa/ gal te ba ni lhag ma med par shes pas 'jo min na/ /de ni be'u'i phyir ni nyi ma re rer 'o ma 'thung / /de bzhin rgyal po gal te chad pa yang dag 'dzin gyur na/ /sa ni nyams par mi 'gyur ba dang de yang nor ldan 'gyur//rgyal po gal te sa yi ba 'di 'jo bar mi 'gyur na/ /des na de ring be'u ltar 'jig rten 'di ni rgyas par mdzod/ /gang phyir yang dag par ni nyin mtshan med rgyas bzhin 'di la/ /sna tshogs 'bras ldan sar ni gyur te dpag bsam yal ga ltar//rigs pa las ma 'das pa'i lam 'dzin pa mi'i bdag po nor can gyi yul na nam yang mu gal sogs pa'i skyon 'byung bar mi 'gyur te/ der yang ris bkra zhes bya ba lto 'phye rnams kyi bdag po chu'i rten la gnas pa ste/ de'i mthus rtag pa nyid du dus ma nyams pa'i chu'i khur bus rnam par 'phyang ba'i chu 'dzin pa rnams grogs po rnams dang 'dra bar rgyal po de'i sa gzhi 'bru dang ldan par byed ces zer ro//dbang po'i sde chen pos smras pa/ gal te de ltar yin na bdag kyang di ring nyid nas brtsams te/ lhag med skye bo chad pa med/ /lo bdun du ni bgyi ba ste/ /ris bkra'i klu yi mthu yang ni//'dir ni ji ltar 'byung bar 'gyur/ /blon po rnams kyis smras pa/ /lhas ni dngos po 'di la kun nas 'khrugs pas gnas par mi bya ste/ bdag cag gis thabs de lta bu byed par gyur pa gang zhig rgyal po chen po'i yul du gnas pa nyid du ris bkra 'byung bar 'gyur zhes bya ba rgyal po la smras par gyur to//de nas blon po de rnams rang gi khyim rnams su 'ongs te nyi ma re re bzhin du 'di ltar yul de la ring por rjod par byed cing gnas par gyur pa dang / gang gis ris bkra sbrul gyi rgyal po 'di ni 'ongs gyur pa/ /nor can grong khyer la ni rig pa'i stobs ni chen po yis//dbang po'i sde can dga' ba shin tu grogs po dang mtshungs pa/ /de la gser gyi snod ni sa skyong gis ni byin par gyur/ /ring por brjod pa de yang nye bar thos nas la la zhig sngags grub pa kun nas 'ongs te smra ba/ gser gyis bkang ba'i snod khyer la shog shig dang /bdag ni sngags kyi stobs kyis klu'i rgyal po ris bkra glang po che ltar zhags pas bcings te 'ongs par bgyi zhes zer ro/ /blon po rnams kyis kyang gser gyis bkad ba'i snod khyer te 'ongs nas smras pa/ las kyi bya dka' grub pa ni/ /gang gis mngon sum du yang ni//bden par 'gyur ram min zhes byed/ /lus can rnams kyi the tshom bzhin/ /de phyir gser gyis gang ba'i snod/ /btang snyoms pa la gtad par mdzod/ /khyod kyi ris bkra 'ongs pa na/ /'di ni khyod kyis 'dzin par 'gyur/ /des kyang de ltar bya zhes bya ba so sor thos nas rgyal po nor can gyi yul du 'ongs te bdag nyid la bsrung bar byas nas ris bkra lhag par gnas pa'i mtsho de mthong ste phyogs bcu sngags kyis bcings par gyur te/phyogs rnams kun nas bcings pa rnams la glo bur du ni des/ /drag po'i sngags kyi 'bras bu thob pa la ni rtse gcig pa//sbrul gyi dug gis rnam par dud pa'i gdengs ka'i tshogs ldan pa/ /kun nas 'khrugs pa'i mgo bo'i nad ni drag po byung bar gyur/ /de nas lto 'phye'i bdag po ris bkra chu rten de las bzhin ma mthong bar gyur pas brgal nas 'gram shing gi 'og tu gnas pa bgrang phring yongs su 'dren pas lag pa g.yas pa'i mthe bong dang sor mo bskyod pas cung zad bzlas pa'i dbang gis kun nas 'phro ba'i mchu dang ldan pa/me stag gis kun nas ser skya'i mig dang ldan pa/ kun nas smin pa'i 'bras kyi rtse mo dmar ba ltar skra dang smar ser skya dang ldan pa/bsnyungs pa rnams kun nas rid pa'i lus ma khros kyang khros pa dang 'dra ba'i bram ze srin po'i gzugs dang 'dra ba'i rig pa smra ba de mthong nas 'jigs pa'i yid kyis bsam zhing gnas so/ /rig pa 'dzin pa 'di sngags kyi mthus nges par bdag khyer bar 'dod pa ste/de ni de bas na gang la skyabs su 'gro snyam du rnam par bsams nas skad cig tsam 'og tu lta bas kun nas gnas par gyur to/ /chu rten de dang shin tu ring po ma yin pa na dka' thub kyis kun nas rid pa'i lus dka' thub kyi nor can so sor gnas par gyur te/ dka' thub kyi nor can de la yang pad+ma can zhes bya ba nya shor ba nye bar 'ongs nas nyi ma re rer bsnyen bkur byed par gyur to//de nas klu des rig pa smra ba de la nye bar spyod pa'i khyim thab gang yin pa zhes bya ba rnam par spyad par gyur te/ rgyal po 'di ni 'di la skyob par mi 'gyur te/ /rig pa grub pa las ni dka' thub 'di ma yin//de bas nya shor 'di ni ltong ni thob pa ni/ /song nas myur du yang dag par ni gsol ba gdab/ /de nas nya shor ba de ni thub pa de la 'bras bu rnams phongs te snyan pa smra bar byed cing shing lo las byas pa'i khang pa'i nye 'khor gyi byug pa byas pas/ rang gi gnas su 'ong bar byed pa bar du ris bkras bram ze'i cha byad du mngon par sprul nas/dge legs smra bas mngon par phyogs par byas te smras pa/ re zhig tshe dang ldan pa cung zad dri bar bya'o zhes zer ro/ /rngon pa des kyang phyag byas nas de la smras pa/ 'phags pa dri bar mdzod cig ces zer ro/ /ris bkas smras pa//'di dag chu gter rnams ni glog brgya rnams kyis ni/ /phyogs rnams kyi ni sgo rnams kun nas snang bzhin pa/ /nor can yul na mig sman ri bo ltar gnas pa/ /gang gi mthu yis chu ni ster bar byed par 'gyur/ /rgan po nye bar bsnyen pas yon tan de nyid rnyed//chos kyi rjes su 'jug pa'i nges par rgyal po 'di/ /mu ge'i 'jigs pa dang bral gang phyir 'di yi ni/ /yul 'di rtag tu me tog 'bras bu shing gis rgyas/ /rgyun mi 'chad pa'i tshal gyi mdun sas rnam brgyan pa/ /gnas gzhan gnas pa 'tsho ba'i ba glang tshogs ldan pa'i//yul nas skyong rigs pa'i lam ni 'dzin pa yi/ /nye bar 'tshe ba rnams ni nam yang yod pa min/ /pad+ma can gyis smras pa/ nges par 'phags pa glo bur du 'ongs pa ste gang gi phyir 'di ltar mi shes shing 'dri bar byed/ nyon cig mtsho chen po 'di la klu'i rgyal po ris bkra zhes bya ba so sor gnas te/de'i mthus yul 'di chu'i tshogs kyis lci ba glog gi 'od zer rnams kyis chos kyi sgo rnams snang bar byas pa/ shel gyi srog shing ltar gtsang ba'i chu'i rgyun rnams kyi chu 'dzin pa rnams lo re rer 'bru thams cad sgrub par byed ces zer ro/ /ris bkras smras pa/gal te de ltar na khyod gtam shes pa de bas na bden pa'i don khyed la bdag gis smra bar bgyi'o/ /lto 'phye'i bdag po ris bkra de rgud par song ba ni bdag ste/ de bas na khyed nyid bdag la skyabs su gyur cig ces zer ro/ /de nas rngon pa des kun nas 'khrugs shing ngo mtshar ba dang bcas pas phyag byas nas rab tu btud de smras pa/de ltar mthu ldan gdengs can dbang phyug khyed kyi yang / /dka' ba de ni ci zhig 'gyur ba zhes bya ste/ /de ltar mthu ldan khyod la yang ni dka' ba ni/ /gdengs can dbang po ci zhig ces bya de 'gyur te/ /snang ba'i blo ldan ri dgas gsod pa la chags pa//gang phyir bdag la brten nas med par 'gro ba yin/ /ris bkras smras pa/ 'di ni khyod kyis blta bar 'os pa ste shing gi 'og na gnas pa bzlas pa byed cing 'dug pa mthong ba drag shul 'di yin te/ bdag ni 'dis rig pa'i stobs kyis chu rten 'di nas bkug ste/ rgyal po dbang po'i sde chen po'i yul du khyer bar 'dod do zhes smras te/ /dpung pa'i brtson 'grus dang ldan bsreg lugs za ba mchod cing de/ /la ngar mche ba bzlas pas skad cig tu ni bskyod pa'i chu ldan pa/ /'di ni brtan par ri dgas ltar ni mche ba rno ba yi/ /dug gis byugs pa'i mda' yis gnad du rnam par 'bigs par mdzod//rngon pas smras pa/ bdag cag lta bu rnams la las 'di sgrub par bla ba ste de bas na bde bar gnas shing lto 'phye'i bdag pos rang gi khyim du song shig ces zer ro/ /de nas ris bkra gdengs ka can chu'i gnas su zhugs pa la rngon pa des nya ba'i khyim du 'ongs te/mtshan mo 'da' bar byas nas tho rangs kyi dus la mtsho'i drung du song nas rig pa smra ba de mthong bar gyur to/ /de yang sa la pus mo gnyis rnam par gzhag pa khrus byas pa tsam bkrus pa'i gos rnams yan lag la bgos pa/yungs kar phye ma sreg pa mthong nas shing gi nags la brten nas re zhig blta bar bya ste/ re zhig rig pa smra ba 'di'i sngags kyi nus pa bden pa nyid du ci zhig 'gyur ram/ gang gis lto 'phye'i bdag po la 'gugs par 'gyur ram zhes bya ba rnam par bsams nas gzhu bdungs shing gnas so//de nas rnam bskyod pad+ma rnams lar mig gnyis pa 'khor zhing 'jigs/ /'phros pa che ba'i rlabs rnams kyi ni dbu ba'i me tog phreng g.yogs pa/ /me de la ni yungs kar gtor bar byed cing sngags kyis bsgrubs pa la/ /'jigs bcas 'dra bar nya ni 'khor ba de yi chus ni sgra yang sgrogs par 'gyur//dri ma med pa'i chu yi dbus las myur du byung ste 'jig pa ni/ /lce yi rtse mo rab tu bskyod pa bu mo'i skra dang mtshungs ba'i 'od/ /sbrul ni me dang nye bar sngags kyi rig pas 'gugs par gyur pa ni/ /de yi chu yi snod ni chen po des ni lhag par gnas par gyur//de nas rngon pa des gru gang gi tshad kyi chu'i snod la gnas pa'i ris bkra mthong ste/ da ni dus 'da' ba rigs pa ma yin no snyam du rnam par bsams nas/ mig gi mtha' ma'i phyogs la gzhu rgyud rnam zhugs pa/ /gzhu ni byas te cung zad g.yos pa'i lta ba can//rig pa 'dzin pas shin tu mde'u rnon po yi/ /mda' yis de la gnad du yang ni 'bigs par gyur/ /glo bur nye bar 'ongs nas 'di la smras pa ni/ /lto 'phye'i rgyal po 'di ni rnam par grol bar mdzod/ /rngon pa de ni kun nas 'ongs pa mthong nas ni/ /sbrul gyi dbang po de ni chu las des ni btang bar gyur//da nas rngon pas de yi mgo bo khra bo dang bcas pa/ /lto 'phye'i 'od ldan ral gris rnam par bcad par gyur/ /khros pas ri dgas dgra ni 'jigs pas mthong ba ltar/ /rab tu 'phros pa'i 'od ldan me ni zhi bar gyur/ /de nas klu'i rgyal po ris bkra yid rab tu dga' bas dri ma med pa'i nor bu'i 'phros pa'i 'od kyis gdengs ka'i tshogs snang bar byas pa/g.yo ba'i 'od zer rnams kyis kun nas kha bskyur ba'i in+d+ra nI la'i brag ltar brang gi mthil rgyas pa/ bsil ba'i 'od zer nye ba dang 'dra ba'i chu 'dzin ltar nye bar 'ongs te/ rngon pa de la dga' ba du ma rnams smras par gyur te/gnyen 'dun sa 'og gnas pa dang / /bdag la rnam par bral ba ni/ /gang phyir ma skyes de thams cad/ /khyod kyi mthu ni chen po 'di/ /de bas shin tu grogs shog cig /chu yi gnas su zhugs par bgyi/ /dgos pa cung zad gang yin pa//de ni khyod la bdag gis bgyi/ /de skad ces smras nas rngon pa de lag pa nas bzung nas 'og tu zhugs par gyur to/ /de nas lto 'phye'i bdag po des 'di rgyan du ma 'dzin par byas nas nyi ma re rer sbrul gyi mchog la nye bar mkho ba'i kha zas kyis kun nas tshim par byed cing nye bar longs spyod par byas par gyur te//de nas dus gcig na/ gser gyi ut+pal rnams kyis don yod zhags/ /mchod cing klu yi rgyal po de/ /rngon pas klu yi rgyal po de/ /mchod cing de ni mthong bar gyur/ /de nas ngo mtshar bas de la 'di dris par gyur te/ lto 'phye chen pos 'di la ci zhig mchod pa ste/ / des kyang zhags pa don yod 'di ni smras pa dang / /dgra rnams 'joms par byed pa bdag gis gus par mchod/ /zhags pas kun nas ldang ba'i 'od can 'di yis ni/ /'phrog pa'i glog gi tshogs ltar gzugs ni 'dzin pa yi/ /thal mo'i bar na 'jigs pas rnam g.yo mig ldan pa'i//dgra rnams brnyas pas skad cig tu ni bdag gis bkug /de nas ri dgas dgras ni sbrul de la smras pa/ /bdag la nor gyis cung zad kyang ni dgos pa med/ /gal te lto 'phye'i bdag po'i drin ni yod gyur na/ /'gro bar 'dod ma bdag la zhags pa 'di gsol cig /grogs po chen po dga' ba'i srog rnams 'di ni khyed cag la/ /bdag gis sbyin bgyi zhags pa don yod 'di ni smos ci dgos/ /de ltar brjod nas nor dang lhan cig dga' ba'i yid can gyi/ /de la lto 'phye'i bdag por grags pas de byin gyur/ /rngon pa des kyang gser dang nor bu dang mu tig mang po dang zhags pa don yod 'dzin pa'i lto 'phye'i bdag po des rang gi khyim du khrid par gyur to//lto 'phye'i bdag po dag sbar chu'i rten de la log par gyur pa la rngon pa des zhags pa de gdan mthon po la bzhag par byas nas/ /bskyod cing khyab pa sbrul gyi shun pa ltar 'jigs pa//srab pa uSh+Ti ra yi byug pas byugs pa ste/ /ri dgas gla yi rtsis kyang ri mo bris byas pa/ /bil ba'i shing gi me tog rnams kyis kun nas gtor/ /de nas dus gcig gi tshe na pad+ma can de nad kyis 'jig rten pha rol du nye bar song ba ste/ /de'i bu ut+pal can zhes bya ba cig yod de des kyang pha'i drung nas zhags pa'i che ba'i bdag nyid de nye bar thob pa de lta bu'i zhags pa la mchod cing 'dug go//dus gcig gi tshe na ri dgas dgra'i bu des lto 'phye'i bdag po chu dri ma med pa dang ldan pa'i chu'i rten thob nas drang srong de la dga' bas rnam pa sna tshogs pas yun ring por bsten par gyur to//des kyang sbrul gyi mchog gi chu dri ma dang bral ba'i rten dang nye ba de la/ ngas kyang der ni sbrul gyi mchog nyid kyi/ /dri ma dang bral chu rten nye ba ni/ /glu dang bcas pa 'jam pa'i pi wang sgras/ /'dod pa gsal bar byed pa thob par gyur/ /de nas ut+pal can gyis drang srong de la dris pa/bcom ldan 'das bud med kyi rol pa dang rgod pas pi wang gi sgra dang 'dres pa'i glu'i sgras gnas gang du thos so zhes zer ro/ /glu'i sgras gang nas thos zhes bya ba'o/ /thub pas smras pa/ mi 'am ci'i rgyal po ljon pa zhes bya ba'i bu mo yid 'phrog ma zhes bya ba yod de/ gzugs dang lang tsho mdzes pas lha'i bu mo'i skye bo skyengs par byas pa/ sring mo brgya phrag lnga dang lhan cig tu nye bar glu len bzhin pa rnams lto 'phye'i bdag bo ris bkra'i chu rten la dga' ston dang dus tshigs kyi zhag rnams la chu la rtse ba nyams su myong bar byed do zhes zer ro/ /rngon pas smras pa/bcom ldan 'das ngo mtshar ba'i dbang gis bdag 'dra ba ste/ mi 'am ci mo 'di rnams dbang du bya ba'i phyir ji ltar yang nus pa yin zer ro/ /thub pas smras pa/ gang gi zhags pa don yid yod/ /chu lha'i 'dra ba rgyas pa ni/ /brtan bdag nyid de des bcings nas/ /mi'am ci mo dbang du byed//da nas ut+pal can gyis de thos nas mi 'am ci mo 'dzin pa la blo gros nges par byas pa bdag la ni zhags pa don yod pa yod de/ de bas na ji srid du chu la rtse ba nyams su myong nas 'di rnams ji srid du ma song ba de srid du yid 'phrog ma nyid zhags pa des gzung bar bya'o snyam du rnam par bsams te/drang srong de la gsong por smra zhing goms pas myur bar khang par 'ongs te/ zhags pa de blangs nas lto 'phye mchog gi chu rten dang nye bar 'ongs nas/ shing rnams kyis lus la sgrib par byas pas mi 'am ci mo de rnams chu la rtse ba nyams su myong bar byed pa mthong bar gyur te/de nas 'ga' zhig chu ni rlabs can la/ /zhugs nas mig gi ut+pal rgyas pa ni/ /ut+pal rab tu rgyas pa myong ba ste/ /mig zlum rna ba la ni ut+pal lhung / /yangs pa'i mig ni rnam par zlum byas pa/ /glo bur lag pas gdong ni bkab byas te/ /lag pa thal sbyar bsdams pa'i chu rnams kyis//'ga' zhig de dag phrad 'dod gtong bar gyur/ /yid 'ong do shal gsal bar byas pa ni/ /gzhan ni glang po dpral 'bur ltar tsho ba'i/ /nu ma dag la ba zla'i phyed ma ltar/ /yid 'phrog pad+ma'i rtsi ni dor bar gyur/ /sgeg bcas ltar 'di mi nus par 'gro zhing //rkang pa la sbyor chu yi rdzi bskyod can/ /'gram na ngur pa dag ni pho mo gnyis/ /'ga' zhig phrad 'dod skad cig tsam mthong ngo / /grogs mo bdag ni chu la ring por mi 'jug ste/ /kun nas rgud pa 'di lta bu ni thong zhig ci/ /gzhan dag gzhan dag gis ni 'jug par gyur pa na//lag pa'i rtse mo phyir la g.yob pas 'di ltar smras/ /gzhan dag glo bur du ni rgod bcas gdong can rnams/ /phan tshun yan lag rnams la chu ni gtor byed cing / /pad+mo can ni bskyod cing khyab pa'i pad+ma can/ /'ga' zhig tu ni bung ba 'khor bar rab byas 'gyur//gzhan ni 'gram na nye bar gnas pa srab pa yi/ /pad+ma'i 'dab ltar dmar skya'i sor mo rnams kyis ni/ /dri ni zhim dang khu byug ltar sngo cung zad rlon/ /skra yi lo ma rnam par gsal bar 'gyur/ /de ltar chu ni ut+pal chen po g.yogs pa zla ba bzhin gsal ba//pad+ma rnams kyi 'dab ma dang ni bcas pa rol pas rgyan byed pa/ /ston ka'i chu gter la ni glog rnams ltar ni rnam par 'phro byed pa/ /ri dgas dgra des g.yo med mi 'am ci mo de rnams mthong bar gyur/ /de nas chu la rtses pa'i mthar cung zad dmar skya'i mig gi ut+pal dang ldan pas ut+pal kun nas snom zhing bung ba ltar nag pa'i skra lo'i rtse mo las lhung bar gyur pa'i chu'i thigs pa rnams kyis kun nas spangs par gyur pa'i yangs shing tsho ba'i 'o ma 'dzin pa dang ldan pa/brang gi mthil ngal bar byed cing 'o ma 'dzin pa'i khur bus phrag dog byed pa dang 'dra bar/mdun na yang dag par gnas pa'i nye 'khor gyi skye bo'i lag mthil du gtad pa'i sna tshogs pa'i rgyan rnams la blta bas rnam par 'brel ba can/ grogs mo rnams kyi kha dog dang dri zhim pos rjes su byug par gyur pa rang bzhin gyi yid 'phrog ma mthong nas rngon pa des nges par mi 'am ci'i bdag po rab mchog gi bu mo 'di yin te/de bas na re zhig 'di nyid gzung bar bya'o snyam du rnam par bsams nas shin tu bskyod par goms pa rnams mdun du zhugs shing 'dug go/ /mi 'am ci mo de rnams kyis kyang de mthong nas/ ri dgas mo rnams la seng ge'i 'jigs pa dang 'dra bar langs te myur du rgyan dang gos rnams 'dzin cing nam mkha' la song bar gyur pa dang /rngon pa des kyang shin tu myur bar yid 'phrog ma'i slad du zhags pa 'phangs par gyur te/ de nas zhags pa des ni rked par kun bcing ste/ /yid 'phrog ma de shin tu yid 'phrog yan lag can/ /nam mkha' ri dgas dgra yi yid ni 'phrog byed cing //glog ltar 'phro bar byed pa rnam par snang bar gyur/ /zhags pa des kyang bkug par gyur pa ni thur du lta bas gnas pa'i sgra'i lo ma nas pa ku la'i phreng ba rnam par lhung ba dang / nor bu lte ba dang bcas pa phreng gcig pa'i ska rags tshogs dang steng gos bud pa/skrag pa'i dbang gis rnam par g.yo ba'i mig dang ldan pa lha'i glang po che'i snas dpag bsam gyi shing gi ljon pa rtsa ba nas 'don pa dang 'dra ba legs par byas pa zad pas 'chi ba med pa'i bud med ltar nam mkha' las lhung bar gyur to/ /mi 'am ci mo de rnams kyang skye bo tha mal pa'i lag tu song ba'i yid 'phrog ma mthong nas/kyi hud ces brjod cing myur bar 'ongs shing gtam de pha la smras par gyur to/ /des kyang snying rje ba kun nas phongs pa'i yi ge 'di ltar smre sngags 'don par gyur te/ yid 'phrog ma 'di zhags pas bcings pa zhes bya ba//skyes pa su zhig gis kyang nam mkhar 'gro 'gyur ba'i/ /bdag gi sring mo rnams las pha ma dag gos thos/ /mya ngan gyis ni blo ni 'gags pa byung bar 'gyur/ /sring mo de rnams gang du pha ma gang du ste/ /gzhan gyi dbang du song ba bdag kyang gang du ni/ / kye ma dgar gyur 'di ni rnam par 'thor ba ste/ /tshogs ni sna tshogs bskyed pa khyod kyis de ring ci/ /yid 'phrog bu mo khyod ni gang du song ba ste/ /'jig rten gsum gyi sdug bsngal ci ltar bzod par 'gyur/ /bdag ni ma de de ltar brjod cing snying rje bar/ /yun ring por ni yang dang yang du ngu bar 'gyur//de nas rngon pa des shin tu ngu ba de la bzang mo ngu ba des chog cing chog gis khyed la 'jigs pa cung zad bdag las yod pa ma yin zhes bya ba smras par gyur pa dang / des kyang de la smras par gyur pa/ ming po gal te khyed la bdag la brtse ba cung zad yod na de bas na bdag zhags pas bcings pa las bkrol te/skyes bu mchog su zhig la sbyin par 'os zhes zer ro/ /rngon pas smras pa/ /zhags pas bcings pa rgyas pa 'di/ /gal te khyod la bdag bkrol gyur/ /nges par nam mkha' la 'phur nas/ /rang gi gnas su 'gro bar 'gyur/ /mi 'am ci mos smras pa/ bdag gi ming po ni rnam pa thams cad du dad pa ma yin te/ gtsug gi nor bu 'di yi mthus/ /nam mkha' la ni bdag 'gro ste/ /grib ma phrogs pa mgo bo las/ /bdag ni 'di de bzung bar mdzod/ /glo bur du ni rgod pa'i zla 'od du ma byas pa yi/ /brtan pa bral ba'i ljon shing bu mo mtshan mo las//gsal ba'i gtsug gi nor bu'i zla ba gus pa yis/ /de nas rngon pa'i sgra gcan des ni gzung bar gyur/ /phyis kyang 'di ltar bsams shing 'dug go/ /gal te nor bzangs kyis ni thos pa'am/ /shin tu gzugs bzang mi ci mo mthong na//khros pa chen po'i bzod pa bzhin du ni/ /nad kyis bdag la nges par gcod par 'gyur/ /de yi phyir na mig ni bzang mo 'di/ /lha yi gnas las lha yi bu mo ltar/ /lhung ba nor bzangs nyid la sbyin byas te/ /slar yang de las nor ni bdag thob 'gyur/ /de ltar rngon pas bsam par byas nas de la smras pa/bzang mo mya ngan yongs su dor bar mdzod cig dang / 'dir ni nor bzangs zhes bya ba rgyal po gzhon nu lha'i gzhon nu dang 'gran pa/ yon tan mang po rnams kyi lha'i rten yod de de la bdag gis khyed sbyin par bya'o zhes zer ro/ /des kyang mchi mas yongs su 'gags par gyur pa'i tshig ngar ngar po dang ldan pas ni khyod ji ltar shes par 'gyur ba de ltar gyis shig ces bya ba yang dang yang du rgyun ma chad pa'i mchi ma'i thigs pa rnams kyis 'gram pa bkrus par gyur pas kyi hud ma kyi hud pha zhes smre sngags 'don cing ngu bar gyur to//gzhon nu nor bzangs kyis shing rta mchog la zhon nas yid ches pa'i skye bo nyung zad tsam gyis yongs su bskor nas skyed mos tshal 'ga' zhig la rtse bar byas te/ rang gi gnas su song zhing mi 'am ci mo de'i smre sngags 'don pa'i sgra de thos nas su zhig 'di ngu ba yin snyam du rnam par bsams nas rim gyis nye bar 'ongs te/mi'am ci mo de ut+pal can gyi lag tu song ba mthong bar gyur to/ /ut+pal can gyis kyang nor bzangs la mngon par phyag btsal nas smras pa/ gzhon nu lags yid 'phrog ma zhes bya ba'i bu mo/ 'di ni mi 'am ci'i rgyal po/ ljon pa'i shing rnams kyis khyab pa/ /tshul rtse bar byas nas ni/ /klu ni ris bkra'i chu rten la/ /mi 'am ci mo gzhan lhan cig /nam mkha'i dkyil du 'gro bzhin pa/ /bdag gis zhags pa don yod pas/ /ri dgas mo bzhin bzung byas pa/ /'di yang khyod la 'os pa zhig / de ltar yang yang rjes bsams nas/ /bdag gis bzung nas 'os pa ste/ /de bas khyod kyis 'di zung cig /gser la rin chen thur ma dang / /ku mu ta 'byung zla 'od dang / /'di yang khyed la gnas bzhin pa/ /gsum po legs par mdzes pa yin/ /'di ni nor bu 'di yi mthu yis nam mkha' la//yid 'phrog gdong can ma ni myur du 'gro ba ste/ /de bas gsal ba'i 'od zer can gyi nor bu 'di/ /zung mdzod gzhon nus de la kun nas 'dzin par 'gyur/ /de nas rgyal po'i sras kyis de ni mthong nas kyang / /ngo tshas cung zad thur du lta ba 'byung gyur pa/ /glo bur du ni 'dod pa'i lha yi glags tshol ba//mda' rnams kyis ni 'ben du gyur pa 'byung bar gyur/ /de yang bung ba gnyis ltar ut+pal mig can dgag byas pa/ /yan lag med pa ltar ni gzugs ni mdzes pa de mthong nas/ /g.yo bar gyur pa'i me tog mtshon chas rnam par rgyas bzhin pa/ / ji ltar yang ni yan lag nus med srog shing kha gdangs bkag /e ma gal te bdag la gzhon nu 'di ni khyer gyur na/ /mdzes pas me tog gzhu can gnyis med ltar ni dpal gyis kyang / /bud med kun las lhag par bdag ni 'gyur zhes rab 'dzin te/ /pha dang rnam bral byas pa'i sdug bsngal de ni bsams ma gyur//nor ni 'dod pa 'ga' zhig tu ni mthong nas gter ltar ni/ /yul gzhan song ba ltar ni grogs po rgud pa la gnas pa/ /gang phyir 'jig rten dam min skye ba ma brtsams pa thob nas/ /phal cher gnyen dang bral ba'i sdug bsngal dran par mi 'gyur ro//nor bzangs kyis ni de ni blangs te nor la chags pa yis/ /rngon pa de la nor ni mang ba rab tu sbyin byas nas/ /'gro bas skad cig tsam du rgyan ni rab skyod shing rta la/ /khyim ni rten gyur yid kyi re ba'i 'bras bu thob pa ltar/ /de nas nor bzangs kyis mi 'am ci mo rnyed pa'i gtam pha ma dag la smra zhing 'dug go//rgyal po des mi 'am ci mo de gzhan dang mi 'dra ba'i gzugs dang ldan pa mthong nas gzhon nu nyid la khyim thab tu 'os pa 'di zhes smras te/ /grong khyer de rgyal mtshan dang ba dan rnams kyis mtho ba dang / rta babs rnams la me tog gi phreng bas kun nas bcings pa/ lha'i grong khyer dang 'dra bar lhag par mdzes pa can byed du bcug go//de nas dpyid ka'i zla ba la me tog 'byung ba'i sna tshogs pa'i shing rnams la 'dod pa'i lha gnyid log pa ltar shin tu 'jam pa'i skad kyis khu byug ma rab tu sad par byed cing khyo shi ba ltar mtshan mo rnams rab tu thung bar gyur cing /zhag bzang po la rnam pa sna tshogs pa ngo mtshar ba'i ltad mo dang bkra shis par byed bzhin pa'i mi'i bdag po'i pho brang du bag ma len pa'i dus shes nas/ rgyan rnams 'dogs pa la mkhas pa'i bud med gzhon nu ma rnams kyis mi 'am ci mo la rgyan gdags pa'i phyir brtsams par gyur te/'di yi rna ba dag la dri zhim kha phye ba/ /la la zhig gis lhan cig byed pa'i snye ma btags/ /gzhan gyis dri zhim rlabs can mgo las skyes pa rnams/ /ze'u 'bru'i phreng ba rnams kyis rdzogs pa bcings par gyur/ /yid 'ong mdzes pa'i yan lag rnams la bsgo byas nas//la la zhig ni bar med shin tu mthug pa ni/ /smug rtsi dang bcas 'o ma 'dzin pa dag byas gyur/ /lag ngar phra zhing phra la 'jam pa'i sor mo can/ /gos 'phrog dang bcas gzhan gyis lag pas byas gyur te/ /la la zhig ni rin chen spel legs kyis snang ba/ /yid 'phrog mu tig har ni brang la rnam par brgyan//mtsho skyes kun la sbyar ba kha ba dang 'dra ba'i/ /bar med bdag po rjes su chags par 'dod pa ni/ /yid ni 'phrog pa 'di yi gdong bar khyad par ni/ /rdul gyi thigs pa rnams kyis byas pa byung bar gyur/ /de ltar kun nas nges pa'i rab tu bsgrubs pa de//ljon pa'i bu mo la dmigs lag pa'i pad+ma can/ /'dud par byas pa'i gdong can yid 'phrog mig can ni/ /sa yi bdag po'i sras ni grags pas bzung bar gyur/ /de nas dus gcig gi tshe na/ gzhon nus dben par bud med de dus dang mtshungs pa'i ngo tsha bas mi smra ba'i brtul zhugs spyod pa dang 'dra bar ngo mtshar bas 'di skad smra zhing 'dug go//legs pa'i lus can de ring gi bar du yang bdag cag la tshig gi bdud rtsi rjes su 'dzin par ci'i phyir mi byed de/ khyed ni 'di ltar bgo skal mi spyod pa'i ngang tshul can ci ltar yin zhes zer te/ khyed kyi so yi 'od zer ge sar rtse mo la//bdag gi lta ba'i bung ba mo ni kun nas 'khor/ /lta ba'i phyir ni mngon par 'dod par byas pa ni/ /'jigs ma bzhin gyi pad+ma yid 'ong dgod pa yis/ /ri bong can ltar mdzes ldan dus gcig tshe na des/ /gnyid brdzun btab pas 'di yi bzhin la lta bas brel/ /des kyang ngo tshas der ni 'os par gyur de la//glo bur du ni mig ni phye nas bgad par gyur/ /'khyil pa'i skra yis gdong ni brgyan pa de nas ni/ /dgod pas yang dag bstan pa'i so yi rtse mo can/ /rnam par rgyas pa'i me tog la gnas bung ba can/ /kun da'i rtsi shing gzhon nu ltar ni de mdzes gyur/ / de ltar dgong pa 'jam pa de dang lhan cig tu/ /lha dang lha min bud med ltar ni yid 'ong ba/ /yan lag med la mkhas pa mi yi bdag po'i sras/ /lo ni skad cig ma ni gcig ltar bsams par gyur/ /de nas drang srong chu gcod dang lhag par gnas pa'i phyogs las bstan bcos du ma yang dag par rtogs pa'i gnyis skyes dag ming gis rigs bzang po dang brtul zhugs bzang pos 'ongs te/rgyal po de la mi rnams tshogs pa'i dus su zhugs nas shis pa brjod par byas shing stan la nye bar 'dug ste/ bstan bcos kyi gtam gyis ngo mtshar ba byung bar gyur to/ /de nas rgyal po des rigs bzang po mdun na 'don nyid la zhugs shing 'dug go//nor bzangs kyis kyang legs pa'i brtul zhugs blon po'i gnas su zhugs shing gnas so/ /de nas dus 'das pa na bstan bcos kyi gtam 'byung ba la/ sna tshogs mkhas pa rnams kyi mdun sar brtul zhugs bzang / /brnyas pas rigs bzangs la ni pham par byed 'gyur te//smyon chu dang ldan glang po che dag 'dra bar ni/ /de dag gi ni yid dga' rnyog pa can du 'gyur/ /de nas rigs bzangs kyis nor bzangs bsten pa la brnyas pas legs pa'i brtul zhugs can 'di dag la nyi ma re rer smod pas tsha ba'i tshig gi mda' rnams kyis rnam pa thams cad du gnod par byed pa des na nor bzangs nyid thabs gang gis skye ba gzhan du khyer bar bya zhes zer ro//gzhon nu 'di yang mi 'am ci mo la shin tu yang rjes su chags pas bcings pa de bas na mi'am ci mo nyams par byed pa'i thabs nyid bdag gis bsam par bya zhes rnam par dpyod cing /dam pa ma yin pa'i dpyod pa 'di lta bu yid la byas par gyur to/ /yid 'phrog ma dang bral bas nor bzangs de nyid ni/ /mya ngan skyes par gyur na 'jigs par 'gro bar 'gyur/ /lhan cig min par kun nas rnam par 'phro ba'i lus//chu bos nya ni rnam par bral bar gyur pa ltar/ /rab tu skyes pa'i ngang tshul 'jig pa nyer 'ongs pa/ /de la brten pa nges par 'jigs par 'gyur ba ste/ /chu ni zad par gyur pa nyi ma'i 'od zer gyis/ /mtsho las skyes pa rnams la mngon mthong 'byung ba min/ /de ltar gdug pa'i bdag nyid 'dis mi'am ci mo 'jig pa'i phyir ji ltar de dang de'i thabs dpyod par gyur to//de nas dus gcig gi tshe na gos can zhes bya ba'i rgyal po mtha' 'khob na gnas te/ des kyang mi'i bdag po nor can gyi bka' bcag par gyur to/ /de nas nor can gyis gzhon nu nor bzangs la bos pa/ / gzhon nu yan lag bzhi dang ldan pa'i dmag tshogs yongs su bskor nas song la rgyal po gos can dbang du gyis shig /de ltar bgyi zhes bya ba yang nor bzangs kyis yab la mngon du phyag btsal nas yid 'phrog ma las thob pa'i gtsug gi nor bu de blangs nas ma'i drung du 'ongs shing phyag btsal nas smras pa/bdag nyid ni dus cung zad tsam gos can dang lhan cig tu bzang ba'am lhan cig tu 'thab mo byed par 'gyur ba'i nor bu de ni 'di yin te/ gang gi mthus yid 'phrog ma nam mkha' la 'gro bar gyur pa 'di de bas shin tu sba bar 'os te/ gang gi tshe yid 'phrog ma la cung zad srog la thug pa skyes par gyur na de'i tshe nor bu 'di de la rab tu sbyin par bya'o zhes pa smras nas/nor bu de ma'i lag par gzhag cing rang gi pho brang du 'ongs te/ mi'am ci mo mchi ma'i chus mig bsgribs pa la dris te/ 'khyud nas shing rta mchog la gnas te/ dmag tshogs kyis yongs su bskor ba rang gi pho brang nas byung bar gyur te/de nas rgya chen po'i skar khung la gnas pa/ /ljon pa'i bu mo mchi mas gdong ni rnam dag pa/ /g.yo ba med pa'i mig can mya ngan dang bcas pa/ /des ni nor can bdag skyes shin tu ring bar mthong / /mig gnyis chu yi thigs pa'i phreng ba rnams gtong zhing //gser gyi rang bzhin sku gzugs 'dra ba gnas pa ni/ /ji ltar yang ni bskor te mya ngan gyis de la/ /de la mi skyong de sras kyang ni ring nas blta bar gyur/ /de nas mig gi lam nas nor bzangs song gyur la/ /shin tu ring por mi 'am ci mo phrad 'dod pa//bral ba'i mda' rnams kyis ni rim gyis phog pa ni/ /kun nas khyab pa dmag gi dbus su lhung bar gyur/ /dga' bo rnam par bral ba yang ni 'di lhung gyur/ /phrad pa'i re ba yang ni snying la 'dogs par byed/ /so ga'i dus na lam gyi du ba pas sdug bsngal bas/ /skye bo skom pas gdungs pa la ni chu klung bzhin//grogs mo zhum pa rnam par dor cig dgra kun las ni rgyal/ /don grub khyod kyi mdza' bo slar yang nye bar 'ong gyur te/ /de ltar de ni mig gi mchi mas gdong ni bangs byas shing / /grogs mo rnams kyi tshogs kyis shin tu ring bar bstan par byas/ / de ltar de grogs mo'i skye bo'i lag pa dag gis mchi ma dang bcas pa'i mig gis ut+pal phyis par gyur pa/ dbugs ring ba'i dbang gis cung zad mngon par gsal bar gyur ba so'i nor bu'i 'od zer rnams kyi bzhin gyi zla ba lta bar byas pa nor bzangs dang rnam par bral ba'i sdug bsngal mi bzad par gyur pa ji ltar yang bdag nyid 'dzin cing gnas so//dus song ba dang khrus gcig pus skra yags pa 'dzin pa/ bkra shis pa tsam gyis lag gdub bcing ba 'gram pa'i mthil du 'phyang zhing 'khyog pa'i skra rnams yang dang yang du rna ba'i bar du 'dzugs so/ /dga' ba bral ba'i zhag rnams dran pa'i phyir ni gang dang gang //sa la dmar ba'i 'od can sen mos ri mo byas gyur pa/ /de dang der ni yangs shing g.yo ba'i mig rdzi'i rtse mos 'bigs/ /mu tig skud ltar 'od ldan mchi ma rnams kyis kun phyi gyur/ /de nas nor bzangs la bgrod par dka' ba la brten pa'i gos can de dang lhan cig tu mthun pa'am rtsod pa byed cing cung zad ma tshang ba'i lo 'das par gyur to//de nas dus gcig gi tshe na rgyal po nor can de tho rangs kyi dus na langs te dben par 'dug nas mdun na 'don la bos te/ rmi lam 'di ltar smra zhing gnas te/ rmi lam du ni dgra bo rnams kyis bdag gi lto dral nas//grong khyer 'di ni rgyu ma rnams kyis kun nas dkris byas pa/ /rmi lam 'di yi 'bras bu ci zhig 'byung bar 'gyur ba zhes/ /thams cad mkhyen 'dra khyod kyis ma lus pa nyid gsungs par mdzod/ /de nas mdun na 'don gyis de ltar lags mod kyis kyang bdag gis dga' bar 'gyur ba'i thabs rnyed par bya yi/rgyal po 'dis rmi lam mthong nas mi'am ci mo 'jig pa'i phyir bdag gis phyin ci log tu brjod pa bya'o snyam du rnam par bsams te 'dug pa'i bdag nyid des rgyal po la gsol pa/ lha lags bdag gis rmi lam gyi 'bras bu ni legs par ma mthong ste//zla ba gsum na 'chi ba ni/ /mi bdag khyod la 'byung 'gyur te/ /mtho ris las ni lha rnams ltar/ /rgyal srid che las 'tsho bar 'gyur/ /de nas rgyal po de 'chi ba'i 'jigs pas mdun na 'don de la smras pa/ slar yang dus ma yin pa'i 'chi ba gang gis bdag 'jig rten pha rol du mi 'gro ba dang rgyal srid las kun nas nyams par mi 'gyur ba de ltar thabs 'ga' zhig rnyed par 'gyur ram//mdun na 'don gyis smras pa/ thabs shig yod de gal te lhas de mdzad par nus na de'i phyir bdag gis brjod par bgyi'o/ /rgyal pos gsungs pa/ sdug bsngal rnams kyis kyang gnod pa//yun ring 'tsho bar 'dod pa ste/ /'byung ba'i ngang tshul 'dod mi chags/ /rtag tu bde ldan smos ci dgos/ /de bas na bdag gis rang gi srog gi don du bya dka' ba yang bgyid pas bla ma rnams kyis brjod par 'os so/ /mdun na 'don gyis smras pa/ gal te de ltar yin na de bas na rgyal po chen pos gsan par 'os pa ste/rdzing bu yangs pa mchod sbyin la/ /phyugs rnams khrag gis bkang byas par/ /zhugs te de nas sbyin pa ni/ /gnyis skyes rnams la rab byin nas/ /mi'am ci mo'i tshil gyi me/ /khyed nyid kyis ni sbyin bsreg bya/ /de nas rgyal srid 'di bsrung zhing //yun ring 'tsho bar 'byung bar 'gyur/ /rgyal pos gsungs pa/ dam pa mchod sbyin las 'byung ba'i/ /cho ga 'di ni bya dka' yin/ /mi 'am ci mo'i tshil bu ni/ /'di ni ga las 'byung bar 'gyur/ /mdun na 'don gyis smras pa/ /dngos po nye bar gnas la yang lha la kun nas khyab pa 'di nyid 'di ltar ci'i phyir te/khyim thab mo 'di nor bzangs kyi/ /rgyal der mi'am ci mo yod/ /mchod sbyin gyi ni cho ga la/ /cho ga'i sngon 'gror de bsad bya/ /rgyal pos gsungs pa/ 'di ni bya dka' bar bdag gis mthong ba ste/ srog rnams nor bzangs kyi ni dor//mi'am ci mo la gnas pa/ /gal te de ni med 'gyur na/ /bdag gi bu yi srog gtong 'gyur/ /mdun na 'don gyis smras pa/ bu'am de bzhin chung ma dang / /nor rnams mang ba de bzhin du/ /bdag nyid bsrung ba'i don du ni/ /sa skyong rnams kyis 'di thams cad/ /'tsho zhing gzhan dbang yon tan can//khyod kyi bu rnams 'byung 'gyur te/ /lus can 'chi ba 'gro ba la/ /mnyes gshin pa yang rjes 'gro min/ /'tsho zhing bde ba ma lus nyams su myong ba'i 'jig rten la/ /dga' ba rnams ni mthong dang sna tshogs gtam ni thos yin te/ /dge ba de de 'jig rten pha rol sa bon byed pa ni//de bas bdag nyid gsal ba'i blo can gyis ni yongs su bskyang / /de nas rgyal po des yang dag par 'phags pas smras pa zhes bya ba smras so/ /de bas na mchod sbyin gyi cho ga rtsom par mdzod cig /de nas sdig can des e ma thabs 'di nor bzangs 'jig pa'i phyir grub po snyam nas rang gi khyim du 'ongs te/mchod sbyin gyi cho ga brtsams par gyur to/ /mi'am ci mo 'jig pa'i gtam 'di yol bas chod pa'i btsun mos thos nas mig mchi ma dang bcas pas dben pa'i gnas su mi'am ci mo la smras nas yang 'di skad ces smras par gyur te/bu mo ji srid 'dir ni mchod sbyin bya ba'i dus min par/ /mi skyong phan pa'i phyir ni mdun na 'don gyis gsod pa ni/ /slar yang gtsug gi nor bu 'di ni spyi bo la bcings pa/ /de srid khyod kyis pha yi khyim du nam mkha' nas 'gro mdzod/ /khyod ni 'tsho na yun ring por/ / nor bzangs 'tsho bar bdag gis mthong / /gal te khyod ni med gyur na/ /bdag gi bu ga la mthong ba/ /btsun mo'i tshig 'di thos nas ni/ /'jigs pas mig ni kun du khyab/ /ri dgas mo ni mdas phug ltar/ /yid 'phrog ma ni 'dar bar gyur/ /de nas btsun mos gtsug gi nor bu bcings pa'i mi 'am ci mo la slar smras pa/mchod sbyin la gnas pa'i rgyal po la bdag nyid bstan par byas nas khyod kyis kyang pa'i khyim du 'gro bar gyis shig de ltar byas nas bdag la skyon 'byung bar mi 'gyur zhes smras pa la/ de ltar bgyi'o zhes btsun mo la phyag btsal nas mchi ma dang bcas pa dang /sa'i bdag po'i sgo ba thog mar 'ongs pas brten pa dang mi ldan pa rnams kyis kun nas bskor ba byung ste/ mchod sbyin la mngon par phyogs pas chas pa 'di ltar bsams par gyur te/ slar ci nas kyang bdag gis gzhon nu mthong bar 'gyur ram zhes bya ba yang dang yang du mchi ma'i thigs pa'i phreng ba bar ma chad pa'i mu tig brgyud pa dang 'dra ba rnams kyis gser gyi pad+ma kha zum pa'i rnam pa can gyi 'o ma 'dzin pa gnyis bangs par gyur to//de yang 'ongs par gyur bzhin pa mthong nas/ nor bzangs kyi 'khor gyi skye bo mchi ma dang bcas pa'i mig can rim gyis phan tshun du smras pa/gzhon nu shir sha lta bur 'jam pa'i lus kyi srog shing ni/ /'chi ba zhes bya phyir ni yang yang mchi mas khyab pa'i mig /mchod sbyin shes pa rnams kyis 'di ni gsod par 'gyur ba'i lus/ /gson bzhin pa ni lta ba'i don du su zhig gis nus 'gyur//khyu nas yar ba'i ri dgas phru gu ltar ni g.yo ba'i mig /skrag pa byung bas skad cig chad cing rang bzhin gyis ni 'jigs/ /'di 'dra'i skye bo la yang gang zhig sa skyong rnams kyi snying / /kye ma rtsub pas bdag gi don du gsod pa la yang mngon par phyogs/ /de nas mdun na 'don pa des mi'am ci mo 'ongs pa mthong nas mi'am ci mo 'dir rnyed pa rnyed pa ste/rgyal po chen po khrag gi rdzing bur kun nas zhugs par 'os so zhes zer ro/ /des kyang de ltar bya zhes smras nas/ rgyal po de yang langs te/ mi'am ci mo de yang nam mkha'i dkyil du song nas/ /bdag nyid la gnas pa smras par gyur pa/slar ni nor bzangs mthong 'gyur ram/ /'jig rten la byams 'tsho bzhin pa/ /de ltar rgyal po'i khyim spangs nas/ /bdag ni pha yi khyim du 'gro/ /de skad smras nas rlung gi lam nas rang gi khyim du 'ongs te 'di ni rmi lam yin nam 'on te ci zhig sgyu ma yin/ / 'on te ci zhig 'di ni bdag gi bu mo snyam du sems shing dga' bas mchi ma'i thigs pa byung bar gyur pa las mig gi rdzi ma rlon par byas te/ de nas pha la kun nas mnyes byas shing / /mi'am ci mos myur du ma la yang / /dga' ba'i yid can spun zla mo rnams kyang / /dgod pas mtshon bya yid 'ong so phreng 'od//des kyang bdag nyid kyi gtam de la rim pa bzhin du thams cad smras par gyur to/ /de nas rgyal po nor can gyis 'di ci zhig yin snyam du rtog par byed cing 'og tu lta bas yang dag par gnas par gyur to/ /'dug pa'i bdag nyid can mdun na 'don pa de yang yang dag par 'ongs te rgyal po la 'di skad ces smras te/smar ser skya'i tshogs ldan pa/ /me stag ltar ni ser ba'i mig /bram ze srin pos gang du yang / /stag gis ri dgas 'di bzhin khyer/ /de bas rig byed las gsungs gzhan/ /zhi ba'i rgyu can las rnams kyis/ /khyed ni tshe ldan byed 'gyur ba//de bas sdug bsngal dor bar mdzod/ /rgyal pos de ltar bgyi'o zhes smras nas bram ze rnams la sbyin pa byin te mdun na 'don dang lhan cig rang gi pho brang du 'ongs par gyur to/ /de nas mdun na 'don gyis 'di ltar mi 'am ci mo 'jig pa med kyang rnam pa thams cad du gzhon nu 'jig pa'i thabs grub pa nyid do snyam du bsams par gyur to//ci'i phyir zhe na pho brang dpal ldan spangs na ni/ /mi'am ci mo 'di song ba/ /de ltar thos nas gang du yang / /nor bzangs nges par srog gtong 'gyur/ /nor bzangs 'jig pa thob pa la/ /skye ngan legs pa'i brtul zhugs can/ /blon po nyid las de lhung bya//'gram gyi shing la chu tshogs ltar/ /de nas yid 'phrog nor bzangs dang bral ba'i sdug bsngal gyis lus srab pa'i lus kyi srog shing kun nas skya ba rgyu zhing yangs pa'i skra 'khyil ba'i rtse mos 'gram pa'i mthil du 'dres pa/ slar ci zhig bdag gis gzhon nu mthong bar 'gyur ram/ 'on te min snyam du sems pa'i mig gi mchi ma'i thigs pa skyes pas 'o ma 'dzin pa dag bangs pa/rnam pa thams cad du bdag med pas gzhon nu de mngon par dga' bar 'gyur ram mi 'gyur ba de bas na de la 'dir 'ongs pa'i phyir lam rab tu ston par byed pa'i yi ge rnams kyi rten dang sman bdud rtsi zhes bya ba yang blangs te/drang srong chen po de'i drung du bdag gis mngon par 'gro bar bya'o snyam du rnam par bsams nas glo bur nyid du nam mkha'i dbus nas song nas drang srong de can kun nas nye bar 'ongs nas/ gsong por smra bas phyogs gcig tu 'dug nas mngon par smras pa/ri dgas dgras ni bdag ni 'dzin byed thub chen po/ /brtse ba dang ldan 'chi ba'i lam ni 'dzin byed pa/ /khyod kyis e ma dka' thub 'bras bu chen po brnyes/ /ljon pa'i bu mo mi 'am ci mo de nyid nyer 'ongs pa/ /zhes ni ji srid bdag la slar yang sdug bsngal bar mi 'jog /snying rje'i bdag nyid khyed la cung zad smra bar byas nas ni/ /de srid du ni rlung gi lam nas myur bar rab tu 'gro/ /thub pas smras pa/ bzang mo bdag la 'di ltar shin tu dgos pa bya bar khyod 'os pa ma yin te/ rngon pa 'di yis don yod pa/ /zhags chen yod ces mi shes shing //drang po nyid du bdag gis ni/ /de tshe bden par khyed gtam byas/ /gnod byed la yang sdang ba ni/ /bdag la med na khyod ci smos/ /mi shes pas byas bdag gi skyon/ /de bas yid 'phrog ma bzod mdzod/ /de nas mi'am ci mo des drang srong de la mngon du phyag btsal nas smras pa/gang zhig bdag gis rtsub smras pa/ /khyod kyi sems la rab tsha ba/ /brtan pa dmigs nas de thams cad/ /bdag la yang ni bzod par 'os/ /sman chen bdud rtsi 'di dang ni/ /dam pa yi ge 'di yang ni/ /bdag nyid chen po de nyid la/ /sor gdub 'di yang sbyin par mdzod//de yang khyed kyis bdag gi tshig gis 'di ltar brjod par mdzod cig /ci ltar bdud rtsi 'dis ma smin pa bkres pa dang skom pa dang ngal ba bsal ba'i phyir nye bar sbyar bar byas nas yi ge 'di mthong ste/ mi'am ci'i rgyal po ljon pa'i pho brang du 'ong bar mdzod cig ces smras te/ thabs yod pa dang brtson 'grus dang / /bdag la mnyes gshin chen pos ni/ /bral bas dub pa bdag blta phyir/ /khyod ni ci ltar 'ong mi 'gyur/ /gzhan yang drang srong chen po/ bud med rnams kyi nyal po'i gtam/ /bla ma rnams kyi mdun mi rigs/ /bya ba la gus 'di dag la//ngo tsha nges par 'gegs par byed/ /thub pas smras pa/ khyod kyi gtam 'di thams cad bdag gis nor bzangs la smra bar bya yis khyod ni bde bar 'dug cig ces zer ro/ /de nas mi 'am ci mo de drang srong de la gsong por smras nas/ slar yang nam mkha'i dbus su song ste yab kyi pho brang du nye bar song bar gyur to//yun ring po ma yin par song ba de la yang / sa bdag de ni dpung gi stobs kyis rgyal nas rgyal ba po/ /yon tan nor can nor bzangs kyis ni de las nor 'dzin te/ /bdag nyid chen pos de la rang gi yul ni rab byin nas/ /nyi ma nub nas dpal ldan yab kyi grong khyer 'ongs par gyur//ljon pa'i bu mo yan lag skems pa bdag gis mthong 'gyur ram/ /rang gi mdzes pas ri bong can gyi cha ltar mdzes pa bzhin/ /de las kun nas 'bri zhing yid re'i skya ris kyis/ /'di ltar yang nas yang du phrad 'dod 'dis ni bsams par gyur/ /phyi nas rim gyis nye bar 'ongs te lag pa gnyis kyis ni//de yi mig gnyis glo bur dag tu 'gebs gyur pa/ /de ltar phrad par 'dod pa'i ngo mtshar bdag gis di ring ni/ /nyi ma 'das par yang ni rab tu dga' bas mtshon pa min/ /de nas nor can gyis nor bzangs rnam par rgyal ba rnyed nas grong khyer dang nye bar 'ongs pa thos nas/nor bzangs la glo bur nyid du mi'am ci mo dang bral ba brjod par bya ba ma yin te/ nam zhig des thos nas srog nyid yongs su dor bar 'gyur snyam du rnam par bsams nas/ sgo ba la smras pa/ song la nor bzangs la 'di skad ces smros shig /skyed mos tshal du mtshan mo gcig /lo gcig dang 'dra bkas sdod mdzod/ /de nas nang par zhag bzang la/ /bu khyod pho brang du zhugs shig /sgo ba des kyang rgyal po'i bka' bzung nas nor bzangs can du nye bar 'ongs te de skad ces smras par gyur to/ /nor bzangs kyis kyang de ltar bya'o snyam du bsams nas skyed mos tshal du zhugs te/mal gyi steng du lhag par gnas nas yid 'phrog ma dang bral ba'i sdug bsngal ba nyid kyis gnyid kyis phebs par ma gyur cing 'di snyam du sems te/ de ring gnyid 'di khros pa bzhin du ji ltar mig dag la/ /brten par phrad par 'dod pa bdag gi 'dzums par byed pa min//des kyang 'di 'dra bdag gi gtam gyis di ring nges par ni/ /grogs mo rnams dang lhan cig tu ni mtshan mo 'da' bar byed/ /de nas nyi ma gzhan la pho brang du zhugs nas/ pha dang ma dag la mngon par phyag btsal te/gnas pa'i khyim du 'ongs nas mal du yang dag par nye bar zhugs shing / sgo skyong ma la smras pa/ bzang mo song la/ bdag gi tshig gis yid 'phrog ma la smros shig dang / /bral bas phrad par 'dod pa'i yid can bdag la ni/ /gzhon nu 'jigs pa ci phyir drung du 'ong mi byed//ci phyir rang bzhin gyis ni lci ba'i ngo tsha 'di/ /bud med skye bos de ring yang ni khyod 'dzin byed/ /de nas sgo skyong ma de la yid 'phrog ma de ni ga la yod de gang zhig la 'gro bar byas/ bdag gis 'di skad smras par gyur snyam du rnam par bsam zhing mya ngan gyi dbang gis mchi ma'i chus rnyogs pa'i lta ba byung bar gyur to//de nas dogs dang bcas pa'i yid can nor bzangs kyis sgo skyong ma de la smras pa/ song la skems pa de la smros shig /bdag gis 'dod bcas smras pa gang / /bzang mo khyod la bde ba 'di/ /mchi mas rnyogs mig ci phyir skyes/ /yang na khyed kyis mchi mas brjod pa ste//dga' mo de ni dus kyi dbang song zhes/ /'di ni 'khrul pa nyid du nyer song ba/ /bdag yid de ltar na yang the tshom za/ /de nas nor bzangs kyis myur du langs nas mngon par song ste ma la dris par gyur to/ /ma lags yid 'phrog ma 'di gang na yod ces smras so/ /de nas btsun mos 'di ni yun ring po ci tsam du bslu bar nus par 'gyur snyam du rnam par bsams nas dben pa'i sar mi 'am ci mo dang rnam par bral ba'i gtam de nor bzangs la smras pa/de nas btsun mo'i tshogs de thos par gyur nas ni/ /yid 'phrog ma khyod da ni gang du song zhes smras pa ste//mi g.yo mnyam pa'i rtsa ni rdo rjes bcom pa ltar/ /nor bzangs sa la brgyal zhing 'gyel ba nyid du gyur/ /yun ring pos kyang 'du shes so sor rnyed pa mngon par langs te/ ngu bzhin pa'i mas lta bar gyur pa/ gos phrag par 'dzin pa/ rang gi 'khor gyi skye bos spangs nas nyi ma ri'i rtse mor nub pa la dmigs pa la de dang de'i smre sngags 'don cing smyon pa nyid du nye bar song ba rang gi pho brang nas phyir byung ste/kyi hud yid 'phrog ma bdag yongs su dor nas khyod gang du song zhes zer zhing / /sa 'dzin pa dang nags rnams gzhan de dang de la 'khor bar gyur to/ /de nas nor bzangs dang bral ba'i sdug bsngal gyi mes yid kun nas gdungs pa'i btsun mo de rnam pa mang du 'di ltar smre sngags 'don pa la rtse gcig pa byung bar gyur te/bdag yongs dor nas yan lag skems/ /yid 'phrog ma khyod gang du song / /smre sngags 'don cing bdag gi bu/ /'di ltar mtshan mo g.yang lhung ngam//sbrul gyis so btab gyur tam ci/ /'on te stag gis zos pa ni/ /rgyan ni phrogs nas drag po yi/ /chom rkun rnams kyis bsad dam ci/ /rtsa ba bcings pa'i skye bo 'di/ /mnyes gshin 'di 'dra kye ma smod/ /gnyen bshes rnams kyi sdug bsngal che/ / gang phyir rnam bral la mthong min/ /skar ma'i me tog rnams kyis 'di/ /nam mkha'i dkyil na mchod byed cing / /mtshan mo'i ma khyod gang du yang / /nyal ba bdag gi bu srungs shig /nyin mtshan dag gi mar me yis/ /ku mu ta dang chu skyes 'byed/ /bdag gi bu 'khor gang du yang / / zla ba nyi mas bsrung par mdzod/ /gnas pa 'am ni 'gro bzhin pa/ /bdag gis bdag skyes de nyal yang / /chu skyes 'dab ma ltar mig ldan/ /nags su nags lha mos srungs shig grogs mo mi g.yo'i mig ldan pa/ /nor bzangs 'gro ba 'di ltos shig /'di ni mthong la dge ba ni//mig gi 'bras bu yongs rdzogs pa/ /mig gi dga' ston gyur pa ni/ /yid las byung ba dngos bzhin du/ /e ma skal ldan bud med de/ /gang zhig 'di yi chung mar gyur/ /e ma gzugs ldan rnams kyis ni/ /ba dan 'phrog 'dis 'jig rten du/ /gser gyi nor bu ltar 'di ni//sa yi dkyil 'khor 'di brgyan byas/ /ji ltar skal chen 'di la ni/ /rgya chen mig ldan bdag gis mthong / /de srid bdag ni mig gnod pa'i/ /bung ba grogs mo bzlog par mdzod/ /gcig pu khyod kyis bkag pa ni/ /rlung gi stegs bu chen po 'di/ / 'gro ba dpal ldan rnams mchog 'di/ /bdag gis ci ltar mthong bar gyur/ /skal cha mi ster ngang tshul can/ /grogs mo khyod kyi lta ba 'di/ /gang zhig gcig pu nyid 'di ni/ /gzhon nu brten pa lta bar 'dod/ /de ltar mi g.yo rgya chen lta ba rnams kyis mthong ba ni/ /grong khyer bud med rnams kyis gang zhig 'dod bcas yun ring por//ri yi nags la di ring bdag gi bu de 'khor bzhin pa/ /'jigs pas skad cig tu ni ri dgas bud med rnams kyis lta/ /yid ni 'phrog pa se'u 'bru'i snying po ltar dmar skya/ /sen mo 'od ldan rnams kyis brgyan byas sor mo can/ / ku sha ldan pa sa'i steng 'jam pa'i rkang pa dag /bdag gi bu de ci ltar de ring 'jog par 'gyur/ /ut+pal sngon po sar pa rnams kyis yid 'phrog pa/ /dri zhim nor bu'i snod du brtan pa'i chang 'thungs nas/ /bdag gi de ni 'khor zhing skom 'dod snyim pa yis/ /cung zad dro ba'i chu ni di ring ji ltar 'thung //slong ba ma bslabs pa ni rigs ni mthong ldan pa/ /sbyin pa nyid du mngon par brtson pa rtag tu bde/ /dregs pas kun nas ring dang skya ba'i lus ldan pa/ /des ni ci ltar gzhan la byin zhes smra bar 'gyur/ /bdag cag yun ring phyir na yid re mang po yis/ /skom pa dang ldan bu la chags pa sems ldan ma//rab tu byin nas brtse bral skyed byed khyod kyis ni/ /ci phyir bu yi bdud rtsi bsnyen pa khyed kyis 'phrog /'dir ni de ring la la gnas te bdag la ston/ /phyogs cha 'dis ni song ba zhes bya nus pa med pa/ /yid 'phrog de yi gom pa rnams kyis rnam brgyan pa/ /lam rjes bdag gis de phyir rjes su 'gro bar bgyi//brtse ldan khyod kyis sdug bsngal brgya yis nyer 'tshe ba/ /gzhan ma yang ni mya ngan byed cing rjes su brtse byed pa/ /kye ma smre sngags 'don cing ma ni dam pa dag /bu bzangs 'ongs nas khyod kyis ci phyir dbugs mi 'byin/ /yid 'phrog ma khyod mi'am ci'i rgyal lus las skyes//snying rje bral nyid 'di 'dra khyed la ci ltar yin/ /bdag gi bu la 'khor ba gcig pu nyid 'ongs nas/ /gang phyir di ring dbugs 'byung ma byed de ni mtshar/ /de ltar nor bzangs rnam par bral bas 'jigs pa de/ /rgyun mi 'chad par mchi mas 'gags pa'i dmar lta ba/ / sa yi bdag po mig ni mchi mas skad cig tu/ /mig gi 'gags pa ji ltar yang ni ngu 'phro bcad/ /de nas mi 'am ci mo dang bral ba las smyo ba skyes pa'i nor bzangs ri dang nags kyi nang rnams na kun nas 'khor zhing / bya'am ri dgas gang dang gang nyid mthong bar gyur ba de dang de nyid la dris par gyur to//de nas dus gcig gi tshe na me tog skyes pa'i sa la shir sha'i shing la nges par gnas pa lhan cig spyod ma'i skad 'byin pa'i ne tso la 'di ltar dris par gyur to/ /gsal zhing yid 'ong shir sha'i me tog rtse mo 'dra/ /dang po'i mya ngan med pa'i 'dab ma lta bur ni/ /dmar ba'i rkang pa ni tso kim shu ka shing gnas//bdag gi 'dod ma khyod kyis nags rnams na mthong ngam/ /lhan cig spyod ma la skad 'don cing khyod kyis bdag gi lan nyan par mi byed cing de bas na khyed ni bde bar gnas par kyis shig /da ni nor bu in dra nI la dang yongs su 'dres pa marka ta'i tshogs dang rjes su mthun pa rgya che ba'i mjug sgro dang ldan pa/ku ma ta sar pa ltar mig gi mtha' ma dkar ba/ brag gi steng na gnas pa'i rma bya 'di la dri bar bya ste/ sa 'dzin mgo bo la ni cod pan du gyur pa/ /thog ma'i sprin ni 'ongs pas gar gyi rtsed mo ba/ /rma bya mchog lags nags gseb 'di na khyod kyis ni//bdag gi bud med 'khor bar byed pa rnams mthong ngam/ /khyed kyang mi smra ba nyid du ji ltar gnas te rnam pa thams cad du khyod ni ngo bsrung dang bral lam/ yang na khyod la skyon mi rigs te/ g.yo med mig gnyis ldan pa ri yi brag la gnas pa ni/ /bsam gtan la ni zhugs 'dra yan lag mi g.yo khyed gnas pa//skems pa mi'am ci rgyal bu mos dor ba ci ltar bdag /khyod kyang rma bya mos ni nges par de ltar dor ba yin/ /de bas na bud med dang bral ba su zhig la yang 'dor byed pa'i phyir rigs pa ma yin no/ /da ni yid 'phrog ma dang 'dra ba'i mig 'jam zhing rtswa sngon po la nye bar gnas pa'i mig dang 'dra ba skyug ldad kyis kha'i mdun bskyod pa'i ri dgas 'di la bdag gis dri bar bya ste/ri dgas khyu yi bdag po bdag gi mdzes ma dang / /'dra ba'i mig ldan kun+da ltar ni lto ba dkar/ /kun nas 'khor bar byed pa khyod kyis nags 'di la/ /ljon pa'i bu mo de ring khyod kyis mngon mthong ngam//khyed kyang bdag la dga' ba ma smras par langs te/ /bdag las 'jug pa kho na ste/ /yang na khyod kyang song shig /lhan cig spyod ma dang lhan cig tu sbyor bar gyis shig /nam gyi tshe yang bdag dang 'dra ba mi'am ci mo dang bral bas gnas skabs 'di nam yang nyams su myong bar ma gyur cig /de bas na da ltar du ma'i shing dang shing gel pa'i me tog gi chang gis myos pa bdag gi bud med kyi mig gi 'bras bu ltar nag pa'i bung ba 'di la bdag gis dri bar bya ste/ /pad+mo rnam par kha phye sgeg mo rnams kyis ni/ /pad+ma'i gdong rnams la ni bskyod cing lcang lo'i skra//bung ba'i mchog lags srab pa'i yan lag yid 'phrog ma/ /ri yi nags 'dir 'ga' zhig khyod kyis mthong ngam ci/ /ji ltar khyod kyang lan mi ster ba nyid yin te ljon shing bud med rnams kyis nye bar sbyin pa rang gi me tog gi snod na gnas pa de'i me tog gi ros kun nas gsal bar byas pa'i gdong can khyed chang 'thung bar brtsams pa ste/rnam pa thams cad du khyod ni brtse ba dang bral bas gang gi phyir dga' mo dang bral bas kun nas yid gdungs ba'i bdag la me tog chang gi btung ba mngon par 'dod pa/ pad+mo'i tshogs kyi dbus su nyer 'ongs skad cig tu/ /slar ni ljon shing me tog tshogs ni 'ong ba ste//bung ba skad ni mi ster ba ste ci yi phyir/ /bung ba mo dang bral ba 'di la nges par 'byung bar 'gyur/ /sdug bsngal rnams ni nyams su myong / /chu yang gang gi 'jig rten du/ /de nyid gzhan gyi sdug bsngal rnams/ /shes nas kun nas gdung bar 'gyur/ /brtse ba dang bral ba sbrang byed ngan pa 'dis ci zhig bya ste/de bas na da ltar 'dir chu bo'i 'gram gyi steng khyad par du byed pa'i ngur pa la bdag gis dri bar bya yis/ pad+ma'i 'dab ma ltar mig can/ /lus skems dgod pa yid 'ong can/ /ngur pa khyod kyis yid 'phrog ma/ /mthong bar gyur tam 'on te ci/ /khyod kyang mtshan mo thob nas ni//ngur pa mo dang rnam bral bar/ /de ltar sdug bsngal 'di shes shing / /ci ltar mi smra nyid du gnas/ /bdag gi yid 'phrog ma mthong ngam 'on te min zhes bya ba 'di tsam ngur pa ngan pa 'di mi smra bar gyur pa la ngal ba ci tsam 'gyur/ de bas na 'di yang dang yang du dris pas chog ste/ gang zhig 'di ral gri g.ya' dag pa ltar nag ba'i 'od/ /tshang 'di las lus phyed phyung ba'i lto 'phye ste/ /de ni 'di la bdag gis dri bar bya'o snyam mo/ /dbang phyug chen po'i rgyan dang 'chi bdag gzhu yi mda'/ /ut+pal sngon po'i phreng ba gsal ba rjes su mthun/ /lto 'phye 'phro bar byed pa'i rtse yi rtse mo can//bdag gi 'dod ma khyed ni 'khor bas 'dir mthong ngam/ /'di yang khro ba'i dbang gis phud ces bya ba'i sgra dang bcas par gdengs ka cung zad rgyas par byas nas ci ltar tshang nyid du zhugs so/ /lto 'phye'i dug las kyang ni sdug bsngal ba/ /gang phyir 'dod pa bral skyes sdug bsngal che/ / de ltar lto 'phye la ni dris pa dang / /rgyu med kho bo cag la khro bar byed/ /yang na dka' thub pa rang bzhin gyis blo rab tu chung ba'i dud 'gro 'di rnams bdag gi mdza' mo ci'i phyir shes par 'gyur te/ /da ni ji srid du 'gro ba thams cad kyi mar me bcom ldan 'das nyid la yid 'phrog ma'i gtam bdag gis dri bar bya'o snyam mo//mun pa'i tshogs ni ma lus 'joms/ /'jig rten mig gcig khyod kyis ni/ /nyi ma bdag dang bral bas rid/ /yid 'phrog ma ni ma mthong ngam/ /ji ltar 'di yang myur ba nyid du nub par nye bar song ba ste/ da ni ku mu da'i tshogs kyis gnyen chu'i dbus nas 'byung ba lta bu'i bdag po'i glang po che'i dpral 'bur dang 'dra ba yang dag par 'byung bzhin pa zla ba la bdag gis dri bar bya ste/bcom ldan 'das/ mtshan mo'i bud med kyi thig le/ /bdag dang bral bas yan lag rid/ /mtshan mo byed ldan yid 'phrog ma/ /'dir ni mtshan mo byed khyod kyis//yid 'phrog ma 'di mthong gyur tam/ /skar ma btsun mo'i 'khor la ni/ /khyod ni rgyal po'i rol bas gnas/ /gdungs pa bdag la brnyas byas nas/ /bsil ba'i 'od can lan mi 'debs/ /snar ma lhan cig bral ba ni/ /nam yang khyod la yod pa ste/ /de ltar rang sdug bsngal shes shing //ci phyir bdag la brtse mi byed/ /bdag la dpal med mthong nas ni/ /khyod kyis brnyas pa ma mdzad cig /sgra gcan gyis zos khyod kyang ni/ /rang gi dpal ni 'dor ba yin/ /phal cher gnas gnas la gus pa/ /dgos ldan skye bos byed pa ste/ / rnyed dka' de ni 'jig rten du/ /gang zhig sdug bsngal gnas pa brnyas/ /ji ltar lan ma btab pa nyid ni khyod kyang nub par gyur pa de bas na da ni klu ris bkra'i chu rten gyi mtha' ma la gnas pa de yang re zhig dka' thub kyi nags su 'gro bar byas nas dri bar bya'o snyam du rnam par bsams nas/tho rangs kyi dus su me la sbyin sreg byas pa/ shing lo las byas pa'i khang pa'i sgo la gzhag pa'i sa'i gdan la gnas pa/ /ral pa'i tshogs kun nas 'phyang bas mgo 'dzin pa 'degs pa/ /shin tu rid pa'i lus can/ bgrang phreng gis lag ngar dkris pa/ dpung pa la khri snyan sa le'i pags pa rnam par bkod pa'i drang srong de'i gan du nye bar 'ongs nas dben pa'i sar 'dug ste dris pa/khyad par du ni dag pa'i brtul zhugs lha yi mig gis ni/ /sdang dang grogs po rnams la mnyam pa'i sems ldan pa/ /yid 'phrog ma ni zhes bya yid 'phrog gdong ldan ma/ /bdag gi mdza' mo khyod kyis 'dir ni ma mthong ngam//bdag gis ne tsho rma bya ri dgas bung ba dur pa dang / /lto 'phye nyin mor byed dang rdzogs pa'i zla ba rnams la dris/ /snying rje dang bral de rnams kyis kyang bdag gi mdza' mo ni/ /ma smras brtan pa'i sems can khyod kyang de ltar ma gyur cig /de nas dka' thub kyi nor can nor bzangs la rjes su brtse bar gyur pas 'di skad ces smras so//tshe dang ldan pa bdag nyid brtan par gyis shig /yid 'phrog mas ni khyod la mi 'am ci'i rgyal po'i grong khyer gyi lam bstan pa'i phyir bdag gi lag par yi ge 'di dang sor gdub 'di dang dag pa'i bdud rtsi zhes bya ba'i sman 'di yang ba zhag ste/ 'di ni mar smin pa shin tu yang bkres pa dang skom pa'i ngal ba sel bar byed pa bza' bar byas nas/tshe dang ldan pas yid 'phrog ma thob par bya ba'i phyir mi'am ci'i bdag po ljon pa'i grong khyer du mngon par 'gro bar byed pa/ khyod kyi skye bo ngan pa dang rjes su mthun pa smyon pa'i smra ba nyid 'dis chog ste/ brtan par 'dug shig dang yid 'phrog ma thob par 'gyur ro zhes zer ro/ /le lo'i bdag nyid can 'gyur te/ /ba lang rjes la'ang sgyid lug pa/ /brtson 'grus dang ldan thabs la mkhas/ /rgya mtsho la yang rgal bar byed/ /de nas nor bzangs kyis thub pa de'i gdams ngag gi sgron me'i snang bas smyo ba'i mun pa bsal bar byas shing yid dga' bar sor gdub de blangs nas 'di snyam du bsams te/mdza' bo'i ljon shing me tog ni/ /sor gdub de ring bdag gis rnyed/ /de mthong 'bras bu nam gyi tshe/ /sems bde ba ni rnyed par 'gyur/ /phyis drang srong de la smras pa/ /bcom ldan 'das kyis gdams ngag gi chu'i dbang bskur ba 'dis smyo ba'i gdung ba zad par gyur pa bdag gis 'di ltar mthong ste/kidza ka'i 'bras bu dang 'dra ba la nye bar longs spyod par gyur pa/ za ba'i dus na ni bde ba'i ro nye bar skyed la mthar ni sdug bsngal bskyed pa rnams te/ su zhig ces bya ba'i 'dod pa'i 'dam du bdag nyid nub cing /bde ba nyams su myong bar gyur pa de ltar yang shes shing / gang gi phyir bdag 'di ltar yid 'phrog ma thob par 'dod pa de bas na/ 'di la rgyu ni 'di yin te/ /mdza' bo'i skye bo dang ni bral bas 'jigs pa yi/ /mdzes ma rnams kyi me tog ltar 'jam yid rnams ni//bdag dang bral ba'i dug gis yan lag brgyal ba can/ /ljon pa'i dus la skyes par nges par srog rnams 'dir/ /bdag la brten nas gal te srog /dka' thub can ma nges dor na/ /gal te bdag ni gson por gnas/ /brtse bral gzhan ni ci 'dra yod/ / de bas ji srid srog rnams nyid/ /bdag dang bral bas de 'dor ba/ /de srid de thob phyir brtson 'grus/ /snying rjes bskul nas brtsom par bya/ /de nas drang srong de la gsong por smras te/ yi ge dang sor gdub bzung ba dang bdud rtsi'i sman zhes bya ba bzung zhing / shing gi lo ma'i khang pa de nas rnam par byung ste/'di ltar bsams par gyur to/ /gal te rnam pa gang gis kyang lo rgyus 'di pha ma dag la smras par gyur na nges par 'di dag bdag la mi'am ci'i rgyal po'i grong khyer du 'gro ba la gegs byed par 'gyur gyis snyam du rnam par bsams nas/ cung zad yul gzhan du song ste/grogs po su zhig gi khyim du sman de mar gyis smin pa zos nas yi ger bris pa pi wang dang lcags kyi phur pa gnyis dang tho ba dang ral gri dang bcas pa'i mda'i rten rnams blangs te/ rim gyis mu tig gi tshogs ltar dkar ba'i kha ba dang ldan pa kha ba can gyi ri las 'das nas 'gram ngan zhes bya ba'i ri rjes su thob par gyur to//de nas nor bzangs kyis ras de la bris pa ma lus pa yid la byas nas sa 'dzin de la mi'i skad dang ldan pa'i spre'u'i bdag po la 'bras bu sna tshogs pa rnams kyis bdag tu byas nas smras pa/ /spre'u'i bdag po myur du ni/ /sbrul rnams du mas kun khyab pa//'gram ngan ri 'di las ni bdag /da ltar khyed kyis sgrol bar mdzod/ /de nas spre'u'i bdag po des nor bzangs la smras pa/ khyed tshur shog la bdag gi rgyab tu zhon cig ces zer ro/ /skad cig ma nyid kyis spre'u de'i rgyab tu zhon par byas pa'i bdag nyid chen po des ri de las brgal nas ma skyes pa'i lam zhes bya ba'i ri la zhugs par byas nas spre'u chen po de ldog par 'gyur ba la/der che ba'i tshad lam 'gegs par byed cing mngon par rgyug par byed pa'i sbrul chen po/ mda' 'phangs pas skye ba gzhan du nye bar khyer nas/ /lam ma skyes pa'i sa 'dzin las brgal nas 'dod pa'i gzugs can zhes bya ba'i ri la song bar gyur to//de na yang srin mo 'dod pa'i gzugs can ma zhes bya ba yod de sdug bsngal dang ldan pa des kyang rig pa 'dzin ma'i gzugs su mngon par sprul nas nor bzangs kyi drung du 'ongs nas smras pa/ skal ba chen po lags bdag gi khyo drag pa rig pa 'dzin pa gzhan dag rnams kyis g.yul ngor gshin rje'i gnas su nye bar khrid pa des na bdag ngu ba ste/de bas na gal te khyed la rig pa 'dzin pa nyid kyi phyir mngon par 'dod pa yod na de bas na bdag las sngags rnams zung shig dang / bdag ni khyod dang lhan cig tu chos spyod mar 'byung bar 'gyur zhes zer te/mi yi bde ba chung ba snying med 'di ni spang byas nas/ /de ring shog shig bdag dang lhan cig nam mkha'i dkyil du 'gro bar mdzod/ /ma la ya yi ri yi tsan dan rnams kyi sna tshogs pa yi nags/ /ri bo rtse mo dga' ba rnams kyang re zhig mthong bar mdzod/ /de nas bdag nyid chen po de la rgyus shes pa srin mo 'dod pa'i gzugs can ma 'di de zhes bya ba rnam par bsams nas smras pa//srin mo bdag ni rig pa 'dzin pa nyid mngon par 'dod pa ma yin te/ gang zhig rig pa 'dzin pa nyid kyis don du gnyer ba gzhan la la zhig khyod kyis bslu bar gyis shig ces zer ro/ /de nas skad cig de nyid kyis 'bar ba'i me lce'i cho gas ltar ser skya'i skra'i tshogs kyis khyab cing kun nas 'khyog pa'i mche ba kun nas btags pa las kun nas bslang ba'i sreg blugs 'dzin pa'i me stag gis rkan gyi bug pa khyab pa 'phros shing mnga' ba'i mkha' snang dang 'dra ba dang mig sman gyi ri'i phug gi sgo dang 'dra ba'i ngo bo gdong mngon par bstan nas/chu'i sgra sgrogs pa'i chu 'dzin pa ltar lto ba che ba lhod cing 'phyang ba'i nu ma gnyis kyis kun nas rig pa'i bum pa dang rjes su mthun pa'i pus mo gnyis dang ldan pa/ brag dgra sta rnon po'i so dang 'dra ba chu'i rgyun 'dzin pa'i dus kyi mtshan ma ltar shin tu 'jigs pa'i gzugs can nor bzangs la mngon par rgyug par gyur to//de nas nor bzangs kyis dgod cing de la smras pa/ bzang mo sngar byung ba dang 'dra ba'i khyod kyis rig pa 'dzin pa'i gzugs kyis bdag gi sems 'dod pa dang smra ba nyid du khrid pas yin te/ gzugs rnam par bsgyur ba 'dis khyed la bdag gis ji ltar 'dod pa bgyi zhes smras te/de bas na song shig dang yongs su ngal ba 'dis ci zhig bya/ gal te yang bdag la mngon par rgyug pa khyod kyis gnas par mi 'gyur na de bas na mda' 'dis byed dus ring por 'jig par 'gyur zhes zer ro/ /gang gi tshe des mngon par rgyug pa de'i tshe nor bzangs kyis pi wang brdungs par gyur te/de nas pi wang sgra thos te/ /yid dang rna ba 'phrog byed pa/ /srin mo 'jigs ma legs so zhes/ /smras nas de nyid myur du nub/ /de nas nor bzangs kyis 'dod pa'i gzugs can gyi ri bo de las 'das par bya ste/ so gcig pa zhes bya ba'i ri la song bar gyur to/ /de yang thabs gzhan gyis ni brgal bar nus pa ma yin no snyam du rnam par bsams te/sa 'dzin de la lcags phur ni/ /shin tu lci ba'i tho ba yis/ /sor bcu gnyis su brtan byed phyir/ /yang dang yang du brdungs bar gyur/ /phur pa de la zhon nas ni/ /slar yang gzhan gyis brkos par gyur/ / der ni gnas nas phur bu de/ /'og nas de ni bton par gyur/ /de ltar thabs ni chen po yis/ /brtson 'grus de ldan nor bzang ni/ /mi 'am ci mo thob bya'i phyir/ /ri bo de las brgal bar gyur/ /de nas so gcig pa brgal bar byas nas/ rdo rje can zhes bya ba'i ri la song bar gyur to//de'i yang rtse mo la gnas pa stag gi sen mo ltar 'khyog cing rno ba'i mchu dang ldan pa/ bya rgod mo mthong nas 'di bya rgod kyi gzugs can srin mo'o snyam du bsams so/ /da ni thabs dang bcas par 'di las bdag nyid rdo rje can gyis 'dzin las 'da' bar bya'o snyam du rnam par bsams te/shing gi rtsa bar 'ongs nas nor bzangs gzhu dang ldan rnams kyi/ /mchog tu gyur pa gzhu ni bdungs pa byas nas gzhu la mkhas/ /rtsa ni shin tu 'jam pa'i gtan pa nyid du 'dzin byed pa'i/ /ri dgas la ni rno ba'i mda' yis kun nas bsnun par gyur/ / ri dgas de yi khrag 'dzags pas/ /ri dgas lta bu'i mig ldan pa/ /phyi rol du ldan pags pa yis/ /lus ni bsgribs shing gnas par gyur/ /de nas bya rgod gzugs 'dzin des/ /g.yo ba dang bral gnas pa ni/ /shugs kyis ri dgas lpags ldan pa/ /de ni bton nas ri la khyer/ / pags pa de ni phug byas nas/ /lam ni rnyed phyir lam la ni/ /brtson 'grus ldan pa des srin mo'i/ /mgo ni ral gris gcod par gyur/ /de nas seng ldeng mod pa seng ldeng can zhes bya ba'i ri la 'ongs te bsams pa/ ri 'di ni mun pa dang bcas pa'i phug gi sgo 'di las nges par brgal bar bya'o snyam mo//nges par gnas chen po 'di yin te gang du yon tan lnga dang ldan pa klu rnams kyis yongs su bzung ba sman chen po de brag rnams kyis bkag pa zhig yod de/ /sman chen po de yang mun pa 'joms byed 'od kyis ni/ /grang dang dro dang dug nyams byed/ /sbrul dang srin po chom rkun las/ /byung ba'i 'jigs pa'ang spong bar byed/ / gang yang 'di so sor 'dzin pa'i klu des gnyid log par gnas par byas te/ ci'i slad du zhe na/ gang gi phyir sman chen po 'di ni mar me'i rtse mo ltar gnas 'di snang bar byed do/ /de bas na ji srid du lto 'phye 'di gnyid log pa de srid du brag 'di bton nas sman bzung bar bya'o snyam du rnam par bsams/ lci ba'i brag de ni lag pa'i stobs kyis bsal bar byas te sman de mgo bor bcings la phug der zhugs te/myur du phur bu'i rtsa dag gis/ /ri yi phyogs dag mda' dag gis/ /ngal ba'i skyed byed phug byas nas/ /rnam par mi g.yo des byas gyur/ /de nas cung zad phar song ste/ /lcags kyi skyes pa gnyis dag gis/ / ral gri bzung bar byas pa dag /myur du mda' dag gis phug ste/ /phur ba yis ni mngon du byas/ /de dag mi g.yo ba nyid du thob par 'gyur bas bdag gi bar nas byung ste song bar gyur to/ /de nas sgyogs du ma rnams bcag nas 'dzin pa dang ldan pa'i chu bo de dang de rnams las kyang brgal nas sba'i chu bo rjes su rnyed par gyur te/de nas rnam pa gang gis spa'i lcug gnyis pha rol nas/ /drag pa'i rlung gis kun nas khyer ba'i mdun du bzung nas ni/ /chu bo chen po de las bdag nyid chen po brgal gyur pa/ /mngon du byas pa 'bras bu chen po ster ba'i dam bcas ltar/ /de nas sba'i chu bo las 'da' bar byas nas gser gyi ra ba'i stegs bu rnams kyis nye bar mdzes pa skyed mos tshal du mas yid 'phrog pa/yid 'phrog ma'i yab kyi grong khyer mthong bar gyur to/ /der yang phyogs gcig tu rig pa 'dzin pa rnams kyi skyed mos tshal du rjes su zhugs nas shing rnams bsgribs par gnas par gyur te/gcig dang bsdongs par byas pa'i bzhi po rnams kyang ni/ /mi 'am ci yi bu mo brgya phrag rnams kyang 'dir/ /chu bo la ni rab tu dang ba'i chu nyid ni/ /bum pa rnams kyis yang dag 'dzin par byed mthong 'gyur/ /de nas de rnams song ba dang der rgas par nus pa nye bar gdungs pa gcig pu chu dang bcas pa'i gser gyi bum pa 'dzin pa'i nus pa dang mi ldan pa dbugs phyung nas rdzing bu'i 'gram gyi mtha' mar gnas par gyur to//de nas nor bzangs kyis bdag la phan pa'i phyir mi 'am ci'i 'bangs mo 'di rgas pas nus pa 'phrogs pa ste/ gzhan du na bdag gis 'dir gcig pu 'di ci'i phyir yid 'phrog ma'i gtam nye bar dmigs pa'i phyir rnyed par 'gyur snyam du rnam par bsams nas nye bar 'ongs te de la dris pa/'phags ma chu 'di gang du nye bar khyer ba yin/ /mi 'am ci'i 'bangs mo rgas pa des kyang nor bzangs la bltas nas rig pa 'dzin pa'i skyed mos tshal 'di las nges par byung nas gzhon nu rig pa 'dzin pa 'di ngo mtshar ba'i ltad mo'i dbang gis bdag la dri'o snyam du rnam par bsams nas smras pa/bzhin bzangs nyon cig /yid 'phrog ma zhes bya ba ljon pa'i bu mo ste/ /sa yi bdag po mi 'am ci yi yid 'phrog ma/ /de yang skyes pas sngon du nye bar longs spyod pa/ /ji ltar slar yang 'dir ni mngon par 'ongs pa yin//de yi phas ni mi yi dri ni kun nas 'byung bzhin pa/ /yan lag las ni snom par nus pa ma yin te/ /nyi ma re rer bum pa'i kha las 'byung ba yi/ /dri yi chu yis de phyir de ni 'khru ba yin/ /de nas nor bzangs phrad 'dod de la smras gyur pa//dogs pa dang bcas phyogs rnams yang yang blta byas te/ /'od kyis brgyan pa'i sor gdub 'di ni dogs dang bcas/ /yid 'phrog ma la 'di ni rab tu sbyin par mdzod/ /des kyang de ltar bgyi zhes smras nas sor gdub de bzung bar gyur to/ /byang chub sems dpas kyang chu'i bum pa de'i rked par bzhag nas slar skyed mos tshal de nyid du zhugs par gyur to//de nas mi'am ci'i 'bangs mo rgan mo yang dag par nye bar 'ongs te khrus kyi tha mar yid 'phrog ma sor gdub de phang par gzhag cing gnas te/ de nas sor gdub de ni yang dag blangs byas te/ /yid 'phrog mas ni khyim du bud med de la ni//'phags mas 'di ni gang nas yang dag rnyed pa zhes/ /'dod pas gang ba'i yid dang ldan pas dris par gyur te/ de nas nges gzhon nu rig pa 'dzin pas sor gdub 'di bdag gi lag tu gtad pa ste/ yid 'phrog ma la 'di sbyin par gyis shig ces smras par gyur to/ /de nas mi 'am ci'i bdag po'i bu mos nges par 'phags pa'i sras 'ongs so snyam du rnam par bsams nas/slar de la 'phags mas gal te 'dir 'gugs par nus na shin tu yang don chen po dang ldan par 'gyur zhes bya ba smras so/ /des smras pa/ re zhig 'bad par bgyi ste gal te bdag gis nus par gyur na de bas na gzhon nu rig pa 'dzin pa de 'ong bar bgyi zhes bya ba smras nas skyed mos tshal der song ste nor bzangs la smras pa/bzang po yid 'phrog ma ni khyod la lta bar 'dod do zhes smras te/ de nas bud med kyi ni cha byad yid 'ong du byas te/ /mtshan mo'i mun pa mthug pa nyid du 'gyur ba la/ /de ring bdag dang lhan cig phrad 'dod yid 'phrog ma'i//glo bur nyid du pho brang du ni zhugs par mdzod/ /de ltar bgyi zhes brtan pa 'dis ni shes byas te/ /sgeg pa'i cha byad kyis ni yan lag bsgribs byas pa/ /mi 'am ci'i g.yog rgan mo'i rjes su 'gro bzhin pa/ /mtshan mo yid 'phrog ma yi khyim du zhugs par gyur//de nas nor bzangs mthong nas dga' ba'i khur gyis yan lag le lo can/ /ci ltar yang ni 'jigs pa nyid kyis des ni mal cha dor bar gyur/ /des kyang g.yo ba'i ri dgas mig ltar mdza' mo de la dpung dag gis/ /shin tu ring bar bral bar rid pa mi 'am ci mo la ni 'khyud/ /de nas des ji ltar yang nor bzangs kyi tshig gis yun ring por bral ba'i sdug bsngal gyis 'jigs pa sel ba yid la re ba'i 'bras bu thob nas smras pa/e ma bdag gi don du 'phags pa'i sras kyis 'ongs pa'i sdug bsngal mang po nyams su myong ba ste/ rnam pa thams cad du bdag ni snying sra ba ste gang gi phyir bdag gis 'phags pa'i sras 'di ltar kun nas ngal bar byas so zhes zer ro//nor bzangs kyis smras pa/ 'jigs ma de ltar ni ma yin te/ /sdug bsngal mi bzad chen po la yang bsam par ma byas shing / /bde bas rjes 'brel mi g.yo chos kyi lam yang dor byas nas/ /phal cher yun ring mngon par 'dod pa'i skye bo'i don du ni//gnyen bshes pas ni ma spyad pa yang skye bos byed pa yin/ /yid 'phrog mas smras pa/ e ma bdag ni don dang bcas pa ste/ /gang gi phyir bdag gi don du 'phags pa'i sras la mnyes gshin pa la rtse gcig pa nyid yin te/ de bas na/ da ltar yun ring bral ba'i nyi ma dang 'brel gdungs pas ni//zos pa 'di ni bskum pa nyid du mngon par thob/ /bdag gi snying gi ku mu da ni mthong shar byas/ /shin tu dga' ba zla ba yis ni rab sad byas/ /de nas yid 'phrog mas mi 'am ci'i 'bangs mo rgan mo la bos te smras pa/ gang zhig 'phags pa'i sras 'dir gnas bzhin pa yab kyis gang nas kyang thos par gyur na de nas khro ba skyes te mi legs pa ci yang byed par 'gyur ro zhes zer ro//de bas na 'di 'dir rnyed pa rig pa 'dzin pa'i skyed mos tshal de nyid du 'phags pa'i sras la mtshan mo'i dus su rig pa 'dzin pa'i skyed mo'i tshal de nyid du srod kyi dus la 'phags pa'i sras khyod kyis khrid par 'os pa ste/bdag cag nang par de nyid smyung ba dang bcas pa yan lag med pa la mchod pa'i tshul gyis 'gro'o zhes zer ro/ /nor bzangs kyis kyang mdza' mos yang dag par smras so zhes bya ba smras nas srod kyi dus su rgan mo de dang lhan cig rig pa 'dzin pa'i skyed mos tshal du zhugs nas mtshan mo 'das par gyur to//de nas yid 'phrog mas tho rangs kyi dus la gos dkar po 'chang zhing nye gnas ma rnams kyis dri dang me tog gi phreng ba 'dzin pas skyed mos tshal de dang der nye bar 'ongs te/ nye gnas ma de rnams la smras pa/ smyung ba dang bcas khrus byas gtsang //mi mo 'bad pa chen po yis/ /'dod pa'i lha la brten byas te/ /de bas gcig pu mchod par mdzod/ /skyed tshal 'di yi phyi rol du/ /mchod gsum me tog mtshon cha las/ /khyed cag rnam par log mdzod cig /bdag ni gcig pu nyid zhugs bgyi/ /de nas nye gnas ma rnams kyis nye bar 'ongs pa'i dri dang me tog gi phreng ba la sogs pa bzung nas skyed mos tshal du zhugs te/rab tu dga' ba'i dgod pas rnam par kha bye ba'i so'i nor bu'i 'od zer rnams kyis bzhin kun nas snang bar byed pa'i yid 'phrog mas nor bzangs la dri zhim po'i kha dog gis byugs par gyur to/ /de nas byang chub sems dpas dgod cing smras pa/mdzes ma yan lag med pa'i mchod pa la nye bar 'khor ba'i byug pa 'di bdag cag gi yan lag la ci'i phyir sbyor bar byed/ 'o na 'dod pa'i mchod pa mdzod cig zer ro/ /yid 'phrog mas dgod cing smras pa/ khyod kyi tshig rnams nyid ni me tog mda' rnams dri zhim pa/ / gzugs ni chu srin rgyal mtshan 'di ni gzhu ni 'dzin byed pa/ /de bas khyed nyid bdag gi slad du me tog rgyal mtshan te/ /myos byed dbang phyug khros pas sreg pa su zhig dad par byed/ /de nas phan tshun 'di ltar dgod pa'i gtam gyis kun nas rjes su chags pa 'phel ba de dag la der gnas par byed pa la btsun mo'i 'khor dang nang 'khor dang bcas pa'i mi 'am ci'i bdag po skyed mos tshal der 'ongs par gyur to//de nas yab 'ongs par shes nas langs te/ yid 'phrog ma 'jigs pa dang bcas pas nor bzangs la smras pa/ 'phags pa'i sras lags bdag gi bla ma'i skye bo kun nas 'ongs pa ste/ /de bas na myur du ljon shing gi khyim 'dir zhugs par 'os so zhes zer ro//de nas nor bzangs kyis myur du langs te 'jigs shing gom pa bkod pas song ste/ ljon shing gi khang par zhugs par gyur to/ /de nas yid 'phrog ma nye bar 'ongs te mas dris par gyur pa/ /bu mo bar chad med par khyod kyis myos byed kyi mchod pas rdzogs par byas sam zhes zer ro//yid 'phrog mas smras pa/ bdag ni mchod pa myos byed pa yi phyir ma lags/ /nus pas skyed mos tshal 'dir mngon brtsams pa/ /yid byung gnas 'di skad cig ma ni de nyid la/ /yab kyi skye bos bar chad med par dgag par byas/ mas smras pa/ bdag gi bu mo ni sems mnyam par bzhag pa myos byed kyi mchod pa rdzogs par gyis shig dang /bdag ni nang 'khor 'dir 'ongs par gyur pa zlog par 'gyur zhes zer ro/ /yid 'phrog mas kyang me tog mtshon cha la mchod pa byas te/ de ltar bgyi zhes 'di ltar bsam zhing gnas so/ /bdag gis ni dus ji tsam nyid du 'phags pa'i sras sba bar bya bar nus te/de bas na ma la smra bar bya'o zhes rnam par bsams nas smras pa/ gal te ma yi mag pa 'di/ /ji ltar yang ni 'dir 'ongs 'gyur/ /khyod kyi sems ni dga' 'gyur te/ /yab ni gcig tu khros par 'gyur/ /mas smras pa/ bu mo gal te mag pa de/ / bdag gi 'dir ni 'ongs gyur na/ /khyed kyi yab ni dang byas nas/ /bdag ni shin tu dga' bar 'gyur/ /yid 'phrog mas smras pa/ gal te de ltar yin na de bas na/ /ma la mag pa bstan par 'gyur/ /zhes smras nas/ rgan po de la smras pa/song la ljon shing gi khyim 'di na gnas pa'i 'phags pa'i sras la smra bar gyis shig dang /de nas byung ste ma la gsong por smra bar gyis shig ces zer ro/ /des kyang de ltar bgyi zhes bya bas so sor mnyan te/ ljon shing gi khyim na gnas pa'i nor bzangs la lo rgyus de smras par gyur to/ /de nas nor bzangs ljon shing gi khyim de las byung bar gyur to//yid 'phrog mas smras pa/ mas mag pa mthong bar 'os so zhes zer ro/ /mas smras pa/ gzhon nu rig pa 'dzin pa 'di/ /ljon shing khyim nas 'ongs pa ni/ /gang du yang ni mag pa de/ /bdag 'jigs rjes su 'gro 'gyur ram/ /de nas yid 'phrog mas dgod cing smras pa/'o na ma'i mag pa 'di nyid yin zhes zer ro/ /mas smras pa/ gal te de ltar yin/ /bdag gi bu mo khyod mya ngan bya ba ma yin te/ de nas nor bzangs kyis kun nas nye bar 'ongs te/ yid 'phrog ma'i ma la mngon par phyag btsal bar gyur to/ /des kyang byang chub sems dpa'i spyi bor snom zhing 'di ltar shis par brjod pa rab tu sbyar gyur te/da ni bdag gi bu mo dang / /rigs ni rnam grangs khyod dang ni/ /gang gA rgya mtsho dag ltar ni/ /nam yang rnam chad ma gyur cig /da ni de bas na bu mo khyod kyi yab la lo rgyus 'di bdag gis smra bar bgyi zhes bya ba mngon par smras te/ljon pa'i drung du mngon par song ste skabs dang mngon du 'gro bar 'di skad ces smras pa/ 'phags pa'i sras lags/ gal te ji ltar yang yid 'phrog ma'i bdag po 'ongs par gyur nas 'phags pa'i sras kyis slar ci zhig byed par 'gyur zhes zer ro/ /de nas ljon pas smin ma bskyod pas gsal bar byas pa'i khro ba dang ldan pas smras pa/rigs min lam la gnas pa de/ /gal te bdag gis mthong gyur na/ /khrag ni rab tu 'dzin ldan pa/ /mtshon chas gcod de phyogs rnams dor/ /yid 'phrog ma'i mas smras pa/ phan par byed pa de'i steng du mi mthun pa sems par byed pa ni rigs pa ma yin no//ljon pas smras pa/ 'o na 'di ltar phan par byed pa zhes bya bar smros shig dang / des smras pa/ yid 'phrog ma 'ongs pa tsam gyis bdag la smras pa de/ ci ltar zhe na/ rngon pa drag po las blangs te/ /rgyal po'i sras de'i khyim du ni/ /bdag bcug nas ni de dang de'i//longs spyod rnams kyis yang dag bsten/ /ljon pas smras pa/ gal te de ltar bdag cag la de bden par phan par byed pa zhes zer ro/ /de nas des ljon pa khro ba rnam par zlog pa shes nas slar smras pa/ gal te khyed ni dang ba yin na de bas na bdag 'phags pa'i sras la bden par smra ba ste/khyod kyi mag pa de 'ongs pa kho na zhes zer ro/ /gzhan yang / 'di ni ming tsam ma yin te/ /sa bdag sras ni bdag gi slad/ /gang gis bgrod dka' 'di ltar lam/ /bdag gi bu mo'i phyir ni bsnyegs/ /ljon pas smras pa/ gal te 'di ltar bdag cag la de bden pa yin na de bas na bdag gis mag pa de mthong bar 'dod pa ste/de nas de nor bzangs nye bar 'ongs pa'i phyir sgo srungs ma btang bar gyur to/ /sgo srungs mas kyang song ste byang chub sems dpa' la smras pa/ mi'am ci'i bdag po ni tshe dang ldan pa mthong bar 'dod do zhes zer ro/ /de nas nor bzangs kun nas nye bar 'ongs te/ljon pa la gsong por byas mngon par phyag 'tshal bar gyur to/ /de nas mi'am ci'i bdag po khro ba'i lhag ma cung zad dang ldan pas shes par brjod pa byin te/ chu bo'i 'gram du khrid nas byang chub sems dpa' la smras pa/ gzhon nu chu bo'i 'gram gyi sa la skyes par gyur pa ni//dpag tshad bsgribs pa'i mda' rnams kyis ni nags 'di phyung byas nas/ /gal te nyin rer de nyid du ni bdag la phrad byed na/ /khyod la bu mo dang ni nor yang de dang de sbyin bya/ /byang chub sems dpas kyang de ltar bgyi zhes mnyan nas tog rtse blangs nas lcags ngar gyis 'bigs par byed pa'i mda' rnams kyis ni nags de rtsa ba nas gdon par bya ba'i phyir du brtsams te/ljon pa yang rang gi pho brang du song bar gyur to/ /de nas yid 'phrog ma yid mi bde bas 'di ltar bsams te/ mda' rnams kyis ni nags mthug pa/ /bdag gi dga' bo gcig pu nyid/ /'jam pa'i lag pa dag gis ni//ji ltar rtsa ba nas 'don 'gyur/ /de nas lha rnams kyi bdag pos nor bzangs mda' rnams rtsa ba nas 'don par byed pa mthong nas byang chub sems dpa' 'dis mda' rnams rtsa ba nas bton pa nyi ma gcig gis nus par 'gyur ba ma yin no snyam du rnam par bsams te/gnod sbyin gzhon nu rnams bos nas byang chub sems dpa' 'di gcig pu nyid mda' rnams 'don nus pa ma yin zhes smras pa/ de nas da ltar ni/ mche ba 'khyog cing sprin ni sar pa ltar ni nag /phag gi gzugs can glo bur du ni byas nas kyang / /ji srid nyi ma nub par ma gyur de srid du/ /skad cig gis ni mda' rnams kun nas gdon par gyis//de nas gnod sbyin gzhon nu de rnams kyis de ltar bgyi zhes bya bas lha'i dbang po la mngon par phyag 'tshal nas/ mi'am ci'i bdag po'i grong khyer du 'ongs te phag gi gzugs su mngon par sbrul cing mda'i nags de thams cad rtsa ba nas 'don par byed cing gnas te/bdag nyid chen po 'jig rten phan rjes 'jug rnams la/ /skye ba du mar nye bar bsags pa'i las dang ni/ /zug rngur gyur pa'i dge bas kyang ni bskul ba yi/ /lha yi skye bo yang ni grogs nyid 'gyur/ /de nas gnod sbyin phag gi gzugs can de rnams song ba dang byang chub sems dpa' yang 'ongs te/ljon pa la mda' rnams kyi nags bdag gis rtsa ba nas bton te zhes bya ba smras par gyur to/ /de nas ljon pas rang nyid mngon sum du byas te/ gzhon nu 'di ni stobs dang ldan no/ /zhes bya ba smra zhing / slar yang rnam par bsams te byang chub sems dpa' la bkas gnang bar gyur te/mde'u dang bcas mda' rnams 'di/ /chu bo'i pha rol par dor nas/ /til gyi bre chen 'di btab ste/ /de srid slar yang 'ong bar mdzod/ /de nas byang chub sems dpas thos te chu bo de'i pha rol du mda' rnams dor bar bya ba'i phyir brtsams so//slar yang lha'i bdag po'i mthus shin tu stobs dang ldan pa'i rlung gis mda' rnams de glo bur nyid du chu'i pha rol du khyer bar gyur to/ /de nas byang chub sems dpas zhing de la til rnams rab tu gtor te slar yang btu ba'i phyir brtsams par gyur to/ /de nas brgya byin lha'i bdag pos slar gnod sbyin gyi gzhon nu de rnams til rnams bsdu ba'i phyir grog ma'i gzugs kyis btang bar byas so//de rnams kyis kyang til de rnams btus te bye bo che 'gengs shing gnas par gyur to/ /de nas byang chub sems dpas til rnams kyi bye bo che de bzung nas nyi ma de nyid la ljon pa la ston zhing gnas so//de nas mi 'am ci'i bdag po des e ma'o ngo mtshar che'o snyam du rnam par bsams nas slar yang smras pa/ bdag gi gzhon nu 'di tha mal pa'i skyes pa'i las la nges par sbyar ba'i phyir rigs pa ma yin zhes zer te/ bdag gi sras rnams 'di dang lhan cig ta la bdun//lcags kyi rang bzhin phag mo bdun po rnams kyang ni/ /lcags kyi rang bzhin gal te mdas ni phigs gyur na/ /de nas yid 'phrog ma ni khyod la rab tu sbyin/ /de ltar bgyi zhes bya ba yang byang chub sems dpas so sor thob par ta la bdun dang phag mo bdun yang grong khyer las phyi rol du mi 'am ci'i rgyal pos btsugs shing gnas so//de nas byang chub sems dpa' dang lhan cig tu mi'am ci'i gzhon nu thams cad lag pa na gzhu thogs pa rnams yab 'khor dang bcas pa rjes su 'gro zhing 'ben gyi gnas su song bar gyur to/ /'khor rnams kyis rnam par bshams pa'i gdan la nye bar gnas pa'i ljon pa la sngon rol nyid du/lcags kyi 'ben rnams thams cad rno ba'i gdong can gyis/ /slar yang 'phags pa'i sras kyis 'bigs par gyur pa ni/ /de ltar bsam zhing mchi ma dang bcas mig ldan pa/ /yid 'phrog ma ni rnam 'khrugs nyid du song bar gyur//de nas ljon pa'i bdag skyes de rnams kyis ni der/ /'dus pa chen por stobs kyis shin tu nga rgyal can/ /la la zhig gis rno ba'i mda' yis ta la gcig /phigs par gyur te 'ga' zhig gis ni ta la gnyis/ /de tsam gyi dpung pa'i stobs dang ldan pa nye bar gnas pa'i mi 'am ci gzhon nu de rnams la/sngon du khu tshur brtan byas te/ /mi g.yo'i mig can mi g.yo bar/ /nor bzangs gzhu ni bdungs byas nas/ /rno ba'i mda' ni 'phangs par gyur/ /de nas lcags kyi rang bzhin ta la de rnams phug byas nas/ /lcags kyi rang bzhin phag mo bdun po de rnams kyang //sa 'og mthong ba dang 'dra mda' ni 'dod ldan byas/ /ltong ni nub cing rtsa la rab tu zhugs par gyur/ /de nas glo bur nyid du legs so legs so zhes bya ba ngo mtshar bas kun nas 'khor ba'i sor mo dang ldan pa'i ma lus pa mi 'am ci'i 'jig rten byang chub sems dpa' la mngon du phyogs pa byung bar gyur te/mi 'am ci'i bdag po yang mchog tu ngo mtshar skyes par gyur to/ /'ben rnams rno ba'i gdong can gyis ni 'bigs 'gyur ba/ /bdag nyid chen po stobs chen ldan pa de yis ni/ /dgod pa'i 'od kyis snang bar byas pa'i so yi phreng / /yid 'phrog ma yi bzhin ni de ltar blang bar 'gyur//de nas mi 'am ci'i bdag pos pho brang du 'ongs te/ slar nor bzangs la smras pa/ gzugs dang lang tsho mnyam par rnam par brgyan pa rnams/ /bdag gi bu mo'i dbus su 'jug pa khyod kyis ni/ /glo bur du ni lhan cig chos spyod rang gis ni/ /gal te rig par gyur na de bas de sbyin bya//de ltar bgyi zhes bya ba so sor mnyan nas/ byang chub sems dpas rang gi gnas su 'ongs te/ mi 'am ci mo 'bangs mo rgan mo de yid 'phrog ma la btang bar gyur te/ gal te gzugs dang lang tsho dang / /cha byad dang rgyan mnyam pa'i sring mo rnams kyi dbus su gnas pa'i yid 'phrog ma khyod kyis shes par gyur na/de nas bdag gis de khyod kyi chung ma nyid du sbyin par bya zhes zer ro/ /'di yang shin tu dka' ba khyod kyi phas nye bar bkod pa 'di la thabs gang yin pa zhes 'dri'o/ /de nas yid 'phrog mas smras pa/bdag gi sring mo kun gyi nang nas ni/ /gos kyis bsgribs pa'i rkang pa rkang gdub can/ /rkang gdub gnyis po rab tu gsal ba ni/ /de yi dbus su bdag ni 'byung bar 'gyur/ /de bas na mtshan ma 'di la bltas nas bdag ni 'phags pa'i sras kyis sring mo rnams kyi dbus na gnas pa gzung bar bya zhes zer ro//'bangs mo des kyang byang chub sems dpa' la de ltar smra bar bya'o/ /de nas nor bzangs yid dga' ba mi 'am ci'i bdag pos yang dag par bos pa de dang der nye bar 'ongs te/ lang tsho dang gzugs dang / rgyan mnyam par de rnams glog ltar snang bar gyur pa'i mi 'am ci mo rnams mthong bar gyur to//de nas ljon pas gzhon nu de la smras pa/ gang zhig khyed kyis mdza' mo de zung cig ces zer te/ de nas rkang pa gnyis kyis gsal bar byas pa des/ /gsal zhing 'od dang ldan pa'i skyod pa'i rkang gdub kyis/ /sa la rnam par 'brel pas lta ba'i yid 'phrog ma//ngo tshe'i gdong can lag pa'i rtse mos bzung bar gyur/ /de nas ljon pa snying dga' bas nor bzangs la smras pa/ tshe dang ldan pas bar chad med par bdag gi bka' rnams thams cad bsgrubs te/ de bas na yid 'phrog ma 'di khyod kyis lhan cig chos spyod ma so sor bzung bar mdzod cig /gzhan yang / gang phyir sngon du 'jam pa'i lus can khyod ni ngal byas pa/ /mngon par 'ongs pa brtse ba bral ba bdag gis don med khyod/ /de ni gzhon nu dul ba'i ngo bo bzod par 'os pa ste/ /gang zhig bla ma'i skye bo mkhas rnams bzod min de ni ci/ /nor bzangs kyis smras pa/'o na bla ma rnams kyis bka' rab tu sbyin pas bdag ni rjes su 'dzin pa ste/ lci ba'i sems ldan bla ma rnams/ /gang zhig nyid ni bya ba ste/ /bka' ni rab sbyin mkhas pa nyid/ /de rnams las ni de nyid skye/ /de nas lha'i gzhon nu lha'i bu mo dang lhan cig pa 'dra bar mi'am ci mo de dang lhan cig ljon pa'i pho brang du dus cung zad cig gnas te/byang chub sems dpas mi 'am ci'i bdag po la smras pa/ lha lags gal te bka' drin yod na/ de nas yid 'phrog ma dang lhan cig tu yab kyi pho brang du 'gro bar bgyi'o zhes zer ro/ /de nas ljon pas ci ltar gzhon nu 'dod pa de ltar bya'o zhes smras nas/ bu mo rnams la smras pa/bu mo rnams song la gyos po'i rigs la mngon par 'jug pa'i yid 'phrog ma brgyan par mdzod cig ces zer ro/ /de rnams kyis kyang de ltar bgyi'o zhes bya ba so sor mnyan nas/ sring mo khyo bo yon tan mthong dang lhan cig tu/ /gyos po'i rigs la khyed ni de ring 'gro 'gyur te/ / sring mo de ltar mchi ma dang bcas mig rnams kyis/ /cho ga bzhin du mi'am ci mo de brgyan gyur/ /bdag cag gis ni brgyan bya min/ /rang gi mdzes pas 'di brgyan pa/ /de ltar rgyan rnams 'di yi ni/ /lus la ngo tshar bcas ltar gnas/ /de nas yid 'phrog ma rgyan rdzogs pa/ sring mo rnams kyis rjes su 'gro bar gyur pas dul ba dang bcas pas nye bar 'ongs te/yun ring phyag rnams dpag med bzhin gyi chu skyes can/ /mchi ma dang bcas nye bar skye bos rnam bltas pa/ /pha dang ma yis mchi ma dang bcas mig ldan pa/ /skad cig rkang pa mchi ma'i thigs pa rnams kyis spangs/ /khyed ni med par bdag ni brten pa mi 'thob ste//bu mo nam zhig tshe na slar yang 'ongs par 'gyur/ /de ltar rjod par byed cing mas ni yid 'phrog ma/ /skad cig tu ni kun nas brten te nus min du/ /de nas mi'am ci'i bdag pos 'byung bar 'gyur ba'i bu mo dang bral bas/ sdug bsngal gyis khyab pa'i bdag nyid ji ltar yang brtan par byas nas yid 'phrog ma'i ma la smras pa/gsal ba'i nyi ma'i dkyil 'khor 'di ni mkha' la cha ni gsum du song ba la/ /sems rnams sbed cing skad cig lus ni 'dzin pa rnams la nyi ma'i drod ni brten 'gyur te/ /gzhon nu 'di ni khyod kyi bu mo chu bral pad mo ltar ni rnying par 'gyur ba ste//de bas song shig slar yang 'ongs 'gyur te/ /mi brtan pa ni yongs su dor bar mdzod/ /de nas nor bzangs kyi spyi bo'i gtsug gi nor bu bcings nas ljon pas smras pa/ nor bu 'di yi mthu yis ni/ /mthu ni chen po khyod la yang / /lha yi ltar ni thogs med pa/ / nam mkha' las ni 'gro bar 'gyur/ /de bas da ni yid 'phrog ma la dmigs nas nam mkha'i dkyil du 'byung ste/ tshe dang ldan pa nye bar rgyas pa'i yab kyi pho brang du 'gro bar mdzod cig /bdag gi bu mo 'di legs dang / /dpal ldan rnams kyis khyed mdun 'gro/ /tshig dang don dag ltar khyed cag /phan tshun brten pa 'byung gyur cig /de nas 'phrog pa'i sems ldan bla ma dag btud nas/ /skad cig tu ni mi'am ci mo'i skye bo 'khyud byas te/ /kun nas 'phros pa'i rgyan dang rin chen 'od ldan pa/ /bza' mi gnyis ni myur du nam mkha' la ni song bar gyur/ /phyir lta'i mig can mchi ma'i cha ni grol bzhin pa//bdag po dang ni lhan cig nam mkha' la 'jug pa/ /mi 'am ci mo de la mchi ma byung ba'i mas/ /ji srid mig las 'das pa de srid mthong bar 'gyur/ /de nas nor bzangs kyis rang gi skye bo dang bral bas skrag pa'i yid 'phrog ma la yang nas yang du mchi ma rnams phyis nas/rdul gyi cha dang bcas pa de yi gdong ni des mthong nas/ /pad+ma rgyas pa chu yi thigs pas rjes su 'brel pa ltar/ /nyin par 'gro zhing nyi ma'i 'od zer bzlog pa'i don du ni/ /lag pa gnyis ni bteg nas snam bu chen po brkyang bar gyur/ /de nas glo bur nyid du glang po che'i grong khyer dang nye bar gyur to//srab cing yid 'phrog nor can mdzes pa la ni dmigs byas nas/ /rlung gis cung zad snam bu bskyod par byas pas 'gro ba ni/ /rig pa 'dzin pa 'di ni nam mkha' las ni 'ongs sam ci/ /zhes ni grong khyer skye bo mi g.yo mig can gyis mthong gyur/ /de nas nor bzangs nam mkha'i dkyil nas yang dag par brgal ba mthong ste/yid dga' ba'i sgo ba rnams kyis rgyal po nor can la lha lags/ yid 'phrog ma dang lhan cig tu nor bzangs 'ongs so zhes bya ba smra zhing gnas par gyur to/ /de nas rgyal po des bden nam 'on te min snyam nas/ mdza' bo rnams ni sdug bsngal gyis dad par bya zhes bya ba smras te/stan las langs te mi 'am ci mo dang bcas pa'i nor bzangs nyid zhugs pa mthong nas/ 'di ni rmi lam yin nam 'on te ci snyam du rab tu dga' bas yang nas yang du 'khyud de/ 'di ma'i drung du khrid par gyur to/ /de nas kun nas langs te bral bar mi nus pa//rab tu dga' ba'i mchi ma'i chu yis mig 'gags pa/ /mas ni yun ring po nas bdag skyes de mthong ste/ /skad cig kun nas 'khyud de spyi bor 'o byas gyur/ /de nas yid 'phrog mas btsun mo la mngon par phyag btsal nas smras pa/ /bde ba'i 'phags pa'i sras kyis kyang / /bdag gi don du rtsol byas pa//gang zhig sdug bsngal rnams myong ba/ /'phags mas bdag gi de bzod mdzod/ /btsun mos smras pa/ bu mo khyod ni bdag gi rigs la bsngags par bya ba ste/ ci'i phyir khyod kyi steng du bdag ni khro ba dang ldan pa byung bar gyur pa de bas na ltos shig / lto 'phye chen po'i nor bu ni/ /grib mas gsal byas sa 'og gi/ /rgya mtsho las ni rtsol ma byas/ /su zhig rin chen rnyed par 'gyur/ /de nas dri ma med pa grags pa'i gter ni 'ongs pa yis/ /bdag nyid chen po thos chen gral la gnas pa'i sras la ni/ /yun ring grong khyer lha yi rnam par 'byor pa lta bu yis//dus min zla 'od mi yi bdag pos byed du bcug par gyur/ /rigs bzangs pa dang khro ba phrag dog gi gtam thos pa'i rgyal po nor can gyis gnyis skyes 'di bsad par bya ba ma yin snyam du dgongs nas rang gi yul nas bton par gyur to/ /bcom ldan 'das kyis skyes rabs 'di dge slong rnams [(]gyi [,]kyi[)]mdun du 'di ltar bstan par mdzad de/brtson 'grus stobs dang ldan pa ni/ /nor bzangs rgyal sras bdag yod 'gyur/ /gzugs dang skal bzang ldan pa ni/ /mi 'am ci mo grags 'dzin gyur/ /de yi don du bdag gis ni/ /sngar ni sdug bsngal de de thob/ / phal cher 'dod pas khengs bdag nyid/ /nyon mongs rnams kyi snod du gyur/ /de phyir yul skyes bde ba'i cha ni dang por rtogs byas nas/ /yid 'phrog yul 'dod rnams kyi yongs su smin la dga' ba ni/ /bdag nyid 'dod pa rnams kyis ring por 'di rnams yongs spangs skad/ /'dod pa rnams ni skad cig sbrul ltar yun ring spang bar mdzod//mi 'am ci mo dang nor bzangs kyi skyes pa'i rabs te skyes rabs lnga pa'o// //bsam gtan gyi ni mar me snang ba yis/ /snang ba thob kyang mya ngan 'das mi 'gro/ /gang phyir byang chub thob par 'dod pa'i yid/ /de ni sems can phan rjes 'brel phyir ro//'di ltar rjes su thos te/ rig byed kyi de kho na nyid yang dag par rtogs pa dang / sna tshogs pa'i bstan bcos rnams la goms pas srid pa dang bral ba'i blo mkhas pa du ma rnams kyi mdun sa rnams la grags pas khyab pa/ rang gi grub mtha'i bya ba rnams la rtse gcig pa/ khyim gyi gnas la lhag par gnas shing dus gcig gi tshe na byang chub sems dpa' bram ze 'bar ba can zhes bya ba byung bar gyur to/ /bdag nyid chen po de yang khyim na gnas pa'i skyon shes pa rab tu zhi ba'i bde ba mngon par 'dod pa yo byad kyis yongs su gang ba'i khyim na yang dga' ba thob par ma gyur cing dus gcig gi tshe na 'di ltar bsams te/yo byad yod na rgyags pa skye 'gyur te/ /de yod na ni rab zhig la 'gyur/ /rab zhi med na ngo tsha bral ba ni/ /dri ma can gyi las ni skye bos 'dod/ /dga' min yang dag sbyor ba'i sdug bsngal skad cig tsam/ / sems kyi bde ba skad cig tu ni dga' bral dus/ /nor ni rnyed par bya phyir yid ni ngal rnams kyi/ /gal te de phyir 'dod pa'i sdug bsngal 'bras bu med/ /de ltar khyim pa rnams ni rtag tu sems 'khrugs pa'i/ /rang gi skye bos mnyes gshin nges 'brel yid ldan pa/ /bde ba zhes bya 'bras med mngon pa'i nga rgyal brten//khyim pa rnams la yid bde cung zad kyang ni med/ /khyim zhes bya ba de ltar dga' ba spangs nas ni/ /'ching ba byed pa 'di ni myur du bdag 'dod pa/ /dka' thub rnams ni mngon par 'phel phyir nags nang du/ /de bas rab tu zhi ba'i gnas ni bdag gis brten/ / de ltar bdag nyid chen po des bsams nas khyim na gnas pa yongs su dor te/ chu g.yo ba med cing 'bab pa 'gram gyi shing me tog skyes pa rnams kyis nye bar mdzes pa/ bstan bcos rnams la goms pas dri ma dang bral ba'i shes rab dang 'dra ba'i chu bos brgyan par byas pa'i sa 'dzin gyi phyogs gcig na/ri dgas kyi tshogs dbugs 'byung ba'i so rnams kyis rtswa sngon po gcod pas yid dga' bas pad+mo'i nags kyi tshogs na ngang pa dang / ngang skya dang / ngur ba rnams kyis nye bar mdzes pa'i rnal 'byor pa rnams kyi yid dang rjes su mthun pa'i shin tu che ba nags kyi nang 'ga' zhig na/khri snyan sa le'i pags pas brang gi mthil 'dres par byas pa'i gnas kyi khyad par thob pa/ kun nas dga' ba dang 'dra ba tshangs pa'i dpal gyis 'khyud par bya ba'i gzugs can chog shes pa/ gzugs dang ldan pa dang 'dra bar shing 'ga' zhig la brten nas rnal 'byor dang yid 'brel pas dka' thub bya ba'i phyir brtsams te/bsam gtan la ni rtse gcig yid ldan dbang pos rnam rgyal ba/ /chog shes rnyed pas bde ba snying rje dang ni ldan pa dang / /rgya chen blo ldan gnyis skyes des ni gang zhig brten pa ni/ /shing des shing nyid don ni byas pa dga' bzhin 'dod par 'gyur//rtswa yi gding ba bting byas nas/ /sna yi rtse mor mig brtan pas/ /bsgom pa rnams kyi mchog des ni/ /bsgom bya rtse gcig yid 'dzin 'gyur/ /brtson 'grus pha rol phyin pa'i lam/ /bzhon pa nyer bsags ngal ba ni/ /bsam gtan pha rol phyin bstan pa/ /de nas de ni ngal sos gyur//'dod pa dge ba rnams dang ni/ /chos rnams la ni so sor gnas/ /rtog bcas dpyod pa dang bcas pa/ /rnam dag bdag nyid dben pa las/ /dga' dang bde ba myong byas pa/ /zhi ba'i bdud rtsi myang byas te/ /bsam gtan lam ni thob pa'i phyir/ /bsam gtan dang po des thob gyur//rtog med dpyod pa med pa dang / /de nas dpyod pa la mkhas pa/ /des ni nang bdag nyid dang bcas/ /bsam gtan gnyis pa 'dzin par 'gyur/ /rim gyis dga' ba las bral te/ /dran pa dang ldan btang snyoms ldan/ /brtan pa lus bde myong ba can/ / bsam gtan gsum pa des thob 'gyur/ /btang snyoms kyis ni yongs dag pa/ /bde sdug dag ni spangs pa'i phyir/ /dga' bas 'dod chags bral ba'i phyir/ /de nas bsam gtan bzhi pa brnyes/ /de ltar 'di ni bsam gtan bzhi skyes par byas pa/ gzugs dang ldan pa dang 'dra ba'i snying rjes 'khyud pa/nye bar zhi ba la rtse gcig pas dud 'gro rnams la yang gnyen dang 'dra bar nags de na dbugs 'byung ba'i rgyu gnas par gyur te/ ri dgas dang ni phug ron rma bya ri skegs rnams/ /bsam bzang sbrul dang ri dgas rnams kyang de dang de/ /gnas nas slob ma ltar ni nags kyi nang du ni//de dang nye bar 'ongs te rnam par ngal bso gyur/ /de nas dus gcig gi tshe na bdag nyid chen po des skyil mo krung bcas pa'i de'i rkang pa dang nye bar gnas pa'i ri dgas pho mo gnyis ni bsam gtan gyis g.yo ba med pa'i mig gis phug ron mo mngal btsa' ba dang nye bar rtswa rnams dang rtswa'i dum bu rnams kyang mchus bzung nas/ral pa'i tshogs rnam par bcings pa'i cod pan gyis mgo bo la 'dug nas cung zad dma' ba'i tshang brtsam par byas te/ der sgo nga rnams bzhag nas rtswa dang sa bon rnams dang 'bras bu rnams za bar 'dod pas nam mkha' la song ste nags gzhan rnams la gnas nas yang nas yang du 'ongs te/sgo nga de rnams gzung zhing rnam par gnas par gyur to/ /de nas phug ron mo ni srab pa'i mjug sgos khyab/ /de yi yan lag kun nas btsir bas drod ni bsags pa yi/ /tshang na sgo nga dkar dang dmar ba'i yan lag can/ / phug ron phrug pa rnams ni kun nas 'bigs 'byung 'gyur/ /de nas phug ron mo ni phug pa rnams mthong ste/ /yang yang za bar 'dod pas mchu'i rtse phyi ba ni/ /rang gi bkres chen ma bsams pri yang ku ta ni/ /ma rmos 'khrungs pa'i 'bras bu rnams kyis de rgyas gyur/ /phug ron de rnams lus las skyes pa rab 'byung ba//ma ni sa bon 'dzin pa la ni blta byas nas/ /skad cig rab g.yo rtse mo'i sgro can gdong rnams ni/ /rab tu phye zhing gnas gyur skad ni gdon byas pa/ /de nas bsam gtan rdzogs pa'i dus na shing dang 'bras don du/ /dbang po zhi ba thub pa de ni nags nas 'gro 'dod pa//phug ron mo ni rtswa dang shing gi 'bras bu 'dzin mthong nas/ /tshad dang ldan pa'i mgo la 'brel bzhin pa ni gnas par gyur/ /de nas byang chub sems dpas nges par bdag gi ral pa'i tshogs 'di rtswa dang shing bu'i dum bus tshang rnam par brtsams pa'i phug ron mo 'di btsas pa ste/gal te yang bdag gis langs nas shing rnams dang sdong bu dang rtsa ba dang / 'bras bu rnams 'ongs pa'i phyir 'gro bar gyur na de nas nges par dka' thub ma 'di ni gnas 'dir 'ongs te/ 'di rnams dmar ba'i rkan dang ldan pa gsal byas pa/ /de ring phug ron phru gu mthong bar ma gyur pa//shing rnams la ni yang yang mya ngan gyis gnas te/ /nam mkha' la ni 'phur nas kun nas 'khor bar 'gyur/ /e ma skye ba brgyar 'khor ba'i/ /bag chags 'di ni rjes su 'jug /dud 'gro rnams kyang phru gu la/ /gang phyir mnyes gshin kun nas 'phel/ /gal te bu rnams med gyur na//gnyen rnams grogs po nyid gang du/ /rang nyid na med la 'gyur te/ /gnyen bshes sa bon med gang la/ /mnyes gshin med pa la sems ni/ /mi bde rnams ni yod mi 'gyur/ /yid mi bde med chags bral ba/ /zhi ba ldan pa bde bar gnas/ /bu zhes bya ba'i sdug bsngal rnams//nyon mongs kyis rmongs skye byas nas/ /rmongs pa'i skye bo la thob ste/ /phyi nas 'gyod pas gdung pa can/ /ba lang re sde mi 'dod kyang ni stobs ldan pa'i/ /re lde can gyis ji ltar nan gyis sbyor bar byed/ /skye bo blo ngan 'di ni dge dang mi dge bas/ / srid pa'i rgya mtsho la ni las kyis bskul bar 'gyur/ /de phyir phug ron phru gu rnams ni ji srid sgro skyes par/ /ma gyur bdag gi ral pa'i tshang na gnas pa de srid du/ /bsam gtan bdud rtsis nye bar bsags pa'i sems dang lus dga' ba/ /'dir ni g.yo med gzugs dang ldan pa nyid du gnas par bgyi//de ltar byang chub sems dpas rnam par bsams te phug ron gyi phru gu rnams la rjes su brtse bas dkris pa la rnam par ma brtsis par yang skyil mo krung bcings nas bsam gtan gyi bde bas bdag nyid tshim zhing gnas so/ /phug ron phru gu sgro rab tu 'phel ba de rnams ma dang lhan cig nam mkha' la 'phur zhing song ba rnams la/de dang nye bar gnas pa'i lha mos kun nas nye bar 'ongs te/ byang chub sems dpa' la bltas nas ngo mtshar bas kun nas lhag par gnas pa'i blo dang ldan pas e ma'o bdag nyid chen po drang srong 'di sems can rnams la rjes su brtse ba ste/gang gi phyir sngar byung ba'i bsam gtan las langs te phug ron rnams kun nas bsrung ba'i phyir slar yang bsam gtan gyis bdag nyid g.yo ba med par byas shing yang dag par gnas te/ bdag nyid chen po 'di yang phug ron 'di rnams song ba rnams la yang tshang 'di mgo bo las kun nas med par 'gyur ba ma yin te/de bas na bdag gi ral pa'i cod pan na rnam par bsags pa'i phug ron gyi tshang 'di bshig par bya'o snyam du rnam par bsams nas/ 'ga' zhig sgo nga'i dum bu rnams kyis nang khyab pa/ /shin tu thob pa mchog gi tshang de de yis ni//rim gyis rim gyis 'dab ma ltar ni 'jam pa yi/ /lag pa gnyis kyis mgo bo las ni nyer khyer gyur/ /lha mo de yang song ba la byang chub sems dpas bsam gtan las sems bzlog ste/ mgo bo'i yang ba nyid shes nas 'di ltar bsam zhing gnas te/sgro rnams rab tu rdzogs pa phug ron phru gu rnams/ /ma dang lhan cig nags kyi nang du song ba la/ /nges par gus pa rtse gcig pa ni su zhig gis/ /de yi tshang ni bdag gi mgo las nyer khyer gyur/ /de ltar rnam par bsams nas bdag nyid chen po des langs nas shing dang ku sha dang me tog dang 'bras bu rnams 'ongs te khrus byas pa/'phro ba'i 'od zer 'byung ba'i me la bsreg byas nyin phyed na/ /dri dang 'brel ba'i 'dam dang bral ba'i 'bras bu nyer zos te/ /sna yi rtse mor gnas pa'i mig ldan shing gi 'og tu ni/ /sems gcig pa ni slar yang rnal 'byor brtsams par gyur/ /de ltar bsam gtan gyis de kho na nyid rnam par mthong ba mya ngan las 'das pa nye bar 'gro ba'i phyir nus kyang bcom ldan 'das de byang chub sems dpar gyur pa na 'jig rten rnams la phan pa'i phyir nye bar 'tshe ba mang ba'i 'khor ba la yang kun nas 'khor bar 'gyur snyam du rnam par bsams nas sangs rgyas bcom ldan 'das la mchog tu dang ba bskyed par bya zhes bya ba'o//drang srong 'bar ba can gyi skyes pa'i rabs te skyes rabs drug pa'o// //shes rab bam ni brtson 'grus ldan pas kyang / /bsod nams chen po rnam par dag pa 'am/ /mtho ba'i blo ldan chen po rnams kyis ni//'di dag thams cad 'jig rten phan phyir ro/ /'di ltar rjes su thos te/ bstan bcos sna tshogs la yongs su 'dris pa/ dri ma dang bral ba'i yid dang ldan pa/ 'jig rten pa thams cad kyi gnyen du gyur pa/ /dul ba gzugs dang ldan pa 'dra bar gzhan la phan pa la 'bras bu rtse gcig pa/'dab chags ngal ba rnams la shing chen po 'dra bar skyes bu'i yon tan thams cad kyis brten pa/ snyan par smra ba nyid kyis 'jig rten pa thams cad kyi yid 'phrog pa/ legs par bshad pa rnams la rtsom pa po 'jig rten na mkhas pa gtsang ba bag dang ldan pa rgyal po'i rigs kyi rgyal mtshan du gyur pa de dus gcig gi tshe na/grong khyer 'ga' zhig tu byang chub sems dpa' ke sha pa zhes bya ba'i ming can byung bar gyur te/ bdag nyid chen po des kyang 'tsho ba yongs su dag par slar su zhig yin snyam du sems so/ /bdag gis gang la gnas na bde bar 'jig rten la phan pa bsgrub par nus snyam mo//re zhig bsten pa ni mi bden pa dang / nga rgyal dang / rgyags pa dang / chags pa dang / 'tshe ba'i skyon du ma rnams kyi rgyu yin pas de la gnas shing 'bad pa dang ldan pa yang nam zhig gi tshe zhi ba nye bar thob par 'gyur/ ci'i phyir na/ mi yi bdag po sna tshogs ston pa'i 'dab ma la bsam nus pa yi/ /skyes bu rnams kyi sems ni dang ba skyes pa 'byung bar 'gyur ma yin/ /'khrug pa mang ba'i 'dam can chu la gos ni 'khru bar byed bzhin pa/ /nam yang dkar ba nyid 'gro bar 'gyur ba nyid ni ma yin te/ /tshong yang nyo tshong gi dus na brdzun pa'i tshig mang bas chos las 'da' ba nyid do//zhing gi las kyang ba lang rnams la lcag dang dbyug pa brgyab pas sdug bsngal skyed par byed de/ rnam pa thams cad du sman pa nyid bdag nyid dag pa dang 'jig rten la phan pa dang bde bar byed par mthong ba yin te/ de bas na sman pa nyid tshol bar snyam du rnam par bsams nas dus ring pos de'i rtog pa skyes par gyur te/lci ba'i sems ldan de la gnas pa yi/ /yon tan can dag nad pa rnams kyi nad gcod la/ /nam yang nad kyis gdung bar 'gyur min la/ /lus can rnams kyi lus ngal bsrung byas bzhin//bar chad med par dam pa rnams la smras/ /de ni med pas mdun sa mdzes mi 'gyur/ /gtsang ba'i mar me bral bas 'od med pa'i/ /mtshan mo la ni ri mo'i khyim bzhin du/ /'gro la 'dod pa bskyed cing mun pa 'phrog /de ni bde ldan mdun sar gang zhig 'gro/ / shin tu dga' bar gyur pa de 'gyur te/ /ri bong can ni shar la zla tshes ltar/ /chen po 'gro ba'i don ni byed pa yi/ /yon tan brten pa gsal ba'i de nyid mthong / /zla ltar rnam dag sems ldan rnams kyis ni/ /skye bo yon tan ldan las 'byung bar 'gyur/ /de ltar 'gro ba'i lam ni gnod byed sel ba la mkhas pa//yon tan mang ba rnams kyi mngon sum du ni gter dang 'dra/ /de ni shes rab yongs su 'dris pas dag pa'i blor 'gyur te/ /kun nas yongs su 'dris pa med kyang gnyen ltar gyur pa yin/ /de nas dus gcig gi tshe na legs pa'i blo can gyi slob mas rjes su 'gro bzhin pa/byang chub sems dpa' yul gzhan du song ba la glags rnyed pa dang 'dra ba'i nad kyis bud med 'ga' zhig gi bdag po srid pa gzhan du nye bar song bar gyur to/ /des kyang 'jam pa'i lag pa gnyis kyis brdabs pas kun nas dkar dmar du byas pa'i lci ba'i 'o ma 'dzin pa mig gi mchi ma'i thigs pa rnams kyis bzhin bkrus pa/rgyan rnam par bkrol ba/ skra lo lhod pa dang rnam par grol ba'i khur gyis sku kun+da ra'i me tog kun nas dor ba/ kun+da'i ljon shing ltar sbrang byed kyi tshogs kyis me tog 'gegs pa/ me tog mtshon cha'i bud med dang 'dra ba/ kyi hud khyim thab khyod gang du song snyam du rnam pa mang po de ltar smre sngags 'don cing 'byung pos bzung bar gyur to/ /de nas dran pa rnam par rmongs pa nyid kyis smras/ /rang gi skye bo mchi ma grol bar nyer 'ongs dang / /de ring bdag gi khyim 'dir ci phyir ngu ba ste/ /'jigs pa bral ba bdag gi khyim thab gson pa yin//de ltar smras nas dgod dang bcas pas mi 'khrugs par/ /ri bong can gyi gdong can khyad par rnam bsams te/ /shin tu ma thug par dga' bas kun nas 'khyud byas te/ /bdag po shi ba la ni mal gyi steng gnas smras/ /de ring bdag la mngon par mi smra ci phyir 'di//mdza' bo khro ba dga' ba la gnod dor bar mdzod/ /gal te bdag ni nongs par byed pa 'byung 'gyur na/ /khyed kyi yid ni khros pa don med 'byung ba min/ /kye lags btsums pa'i mig ldan g.yo sgyu nyid kyis ni/ /'on kyang khyod kyi skyon bcas nyid ni bdag gis shes/ /de ltar dgod cing phrad par 'dod pa'i yid can gyis//de la nye bar sbas nas 'gram du 'ong byed 'gyur/ /nges par khyod ni zla 'dra bzhin dang ldan pa su zhig gi/ /'dod pa dga' ba gzhon nu ma ni gzhan la dga' bar byed/ /de bas song la yun ring khyod kyis 'dod pa 'bras bcas gyis/ / chags la rtse gcig khyed la 'di ltar bdag gis gegs mi byed/ /shin tu ring shar ma lus ri bong can mtshan mthong nas ni/ /mchi ma'i chu yis lta ba 'gegs pa dbugs ni phyung byas te/ /de ni khyod dang phrad pa'i yid re khur gyis ngal ba la/ /mal gyi dbus su yan lag rnams ni rgyags bzhin bsnyal bar 'gyur//mdzes pa khyod ni nges par 'jigs te bdag gi tshogs 'di ni/ /mnyan nas gang gi khyed ni rtsub pa nyid du nyer song ba/ /longs shig bdag ni khros pa min zhes kun nas brjod bzhin pa/ /des ni de yi mig ni sor mo rnams kyis phye bar gyur/ /de nas de yi rang gi skye bo'i tshogs des nges par 'di dka' thub ma 'byung pos bzung ba ste/gang gis khyo shi ba la yang 'khyud nas 'di ltar mang po smra ba nyid du nye bar song ba zhes bya ba brjod de ngu bas kun nas ngal bas gnyid kyi dbang du song bar gyur to/ /khyim na skye bo'i sgra med pa mthong nas des srog dang bral bas bya ba dang bral ba'i lus khyo bo de phrag pa la bkal te mtshan mo yongs su smin pas 'od med pa'i zla ba'i dkyil 'khor dang ldan pa'i nam mkha' la grong khyer gyi sgo rnams rnam par grol bar gyur pa'i sgo dang ldan pa rnams la/mchil pa skad 'don pas khyab pa'i grong dang grong khyer gyi shing rnams yod pa dang mkha' snang gi rnam pa'i mar me'i rtse mo rnams yod pa dang /lhag ma dang bcas pa'i gnyid kyis khyab pa'i mig dang ldan pa'i skas kyi rim pas mtshan pa'i rkang pa byas nas lam nas 'gro ba rnams so sor gnas par gyur pa dang / nyi ma sprin gyis bsgribs pa'i dus ltar kun nas 'od med pa dang 'dra ba'i nor ldan yod pa dang /tho rangs kyi rnga'i sgras kun nas gang ba'i bar dang ldan pa'i lha'i khang pa rnams yod pa dang khyim bya'i sgra kun nas thos par gyur pa dang ldan pa'i grong dang grong khyer rnams yod pa la bud med des gang dang gang du phyin par gyur pa de dang de nyid du/dus ring nyid kyis rnam par rnyings pa yi/ /dri ma can gyi gos ni gon bzhin pa/ /pheg rdob byed pa'i sgra ldan byis rnams kyis/ /kun nas 'od med mdzes pa yongs su bskor/ /de ni mthong nas byis pa rnams dgod 'gyur/ /mig ni mchi ma dang bcas bud med rnams//'gyur te rang nyid kyis 'di kye ma rmongs/ /dri med blo ldan mi rnams kyis 'di smras/ /de nas dus kyi rim pas rnag dang bcas pa sha dang pags pa lhung bas dkar rtsis rjes su byugs pa dang 'dra bar rus pa'i lhag ma can lus de des 'dzin par byed cing dus gcig gi tshe na//ri'i gnas gzhan rnams dang dur khrod rnams su yang kun nas 'khor bar gyur to/ /dus gang gi tshe yongs su ngal ba dang ldan par gyur pa de'i tshe shing gi rtsa ba 'ga' zhig na ngal bso ste/ de'i lus dri ma dang bral ba'i chu bo la khrus byas nas nyi ma'i 'od zer rtsub pas bdag gi khyim thab kun nas ngal ba zhes bya ba brjod cing /skad cig skad cig du ni keng rus dkar po de/ /rim gyis rim gyis pad rtsa ma yin pas ni byugs/ /de yi mgo las skyes pa 'phos pa'i mgo la ni/ /gsal zhing ut+pal sngon po'i phreng ba bcings par gyur/ /kun nas dmar ba'i 'dab ma nags kyi nang nas ni//nye bar btus nas rna ba'i bu gar sbyor bar gyur/ /dpral ba dkar po ri mo mthong la btsag gis ni/ /thig le kun nas rdzogs par byed pa nyid du 'gyur/ /so rnams rtsa ba gsal ba mang ba'i rgya skyegs kyis/ /tshon gyis dmar ba'i 'od dang ldan pa byas par 'gyur//kun nas 'khrugs pa'i pad+ma'i rtsa ltar dkar ba'i 'od/ /lag pa gnyis pa me tog rtsi ni sbyar bar 'gyur/ /srab pa'i mar me'i rtse mo'i mig sman gyis nag pa/ /smin mtshams gnyis kyi shul dag rim gyis byas par gyur/ /rgya chen mig gi bug pa dag la dgod bcas pas//mig thur yang nas yang du 'khor zhing gnas/ /de nas sprin med zla ba'i 'od zer gyis dag pa/ /pad+mo'i lo ma'i nang na chu ni bzhag byas te/ /dgod pa sngon du 'gro ba can gyi keng rus der/ /dga' bas rnam par lta bar byed cing kun nas smras/ /khyod kyi lus ni rgyan rnams nges par byas pa ni//skal bzang nyid kyis dga' ba nyid du nyer song ba/ /dri ma med pa'i chu yi me long 'di la khyod/ /brtse ldan re zhig bzhin gyi zla ba rnam lta mdzod/ /de nas mtshan mo 'ongs pa dang mi'i rus pa bzhis la brkos shing de'i dbus su ni 'dab ma rnams kun nas bkram ste pad+mo'i 'dab ma rnams kyi mal cha rnams bkod nas//keng rus de la 'phags pa'i sras tshur shog /a ga ru dang spos kyis bsgos shing gnas pa'i khang pa bdag gis brtsams pa 'dir glang po che phru gu'i so'i rang bzhin rkang pa dang ldan pa 'jam pa'i mal cha dang bcas pa la zhugs shig ces smras so//de nas mon lug so rnams kyis ni dum byas te/ /keng rus de yi kha la dgod par byas nas ni/ /de la de nyid du ni rmongs pas kun 'khyud de/ /mi yis snang bar byas pa shing khang mthar ni bsnyal/ /de nas byang chub sems dpas slob ma dang rjes su 'gro ba skye bo'i drung nas kun nas mngon par 'ongs te//skye bo rnams kyi drung nas bud med de gdon gyis bzung ba mthong nas slob ma la smras pa/ /yang dag ma yin kun brtags kyis/ /de ltar skye bo 'di rmongs pa/ /shin tu bdag 'dzin byed pa ste/ /ci ltar dngos po med pa yang / / bdag gi nang ldan rnams kyi nad/ /sman rnams kyis ni zad par byas/ /bud med de yi gdon thabs kyis/ /bdag gis zad par byed par 'gyur/ /ji ltar me tog mthe bo ni/ /med par sor mos 'dzin mi 'gyur/ /de bzhin thabs dang rnam bral ba'i/ /bya ba 'bras bu thob mi 'gyur/ /slob mas smras pa/blo dang ldan pa rnams la ni nus par bya ba ma yin pa zhes bya ba ci zhig yod de/ bdag nyid chen po de yang snying rje'i kha lo sgyur bas rab tu bskul bar gyur pa'i yid kyi shing rta khyim du mi 'gro zhing / nyin mor byed pa nub pa'i dus kyi mtshams bgrod par dka' ba la ma brtsis shing /nges par bud med de khyim dang yongs su 'dris par dur khrod kyi sa nyid la mngon par dga' bar byed snyam du rnam par bsams te/ 'bar ba'i sreg lugs 'dzin pa'i snang bas n+ya gro d+ha'i shing la gnas pa'i bya rgod dang bya'i mtha' ma gsal bar byas pa/ mes 'jigs pa dang 'dra ba'i dkyil 'khor la gnas pa'i glang po che'i tshogs ltar nag pa'i yun ring po nas mun pas lta bar gyur pa dang 'dra bar ce spyang gi tshogs kyis lus mi snang bar byas pa dang /bar med par rtsub pa'i skra shad kyis sa'i dkyil khyab pa dang / me'i dbus su btsos bzhin pa'i kha zlum pa'i mi lus dang ldan pa dang /pad+ma'i rtsa ba gsar pa ltar kun nas dkar ba'i sdug pa rnams kyis khyab pa dang / 'ga' zhig tu ri mor bris pa'i bum pa'i gyo mo rnams kyis bar mtshams med pa dang / phyed tshig pa'i shi ba'i gos dri ma can gyi dum bu rnams kyis kun nas khyab pa dang / nye bar gnas pa'i sha za'i bud med kyi skye bo rnams kyis mi'i sha rnam par 'god par 'gyur ba dang /gzhan du glo bur du byung ba'i skyes pa rnams kyis sha chen 'tshod par gyur pa dang / gang zhig tu tshig par gyur pa'i lus las 'pho bar gyur pa'i tshil gyi thigs pa'i 'phreng ba rnams kyis sol ba 'am mi shi bar gyur pa dang /rab tu tsha ba'i me lces kun nas dmar skya'i rtsa bas steng du chu 'dzin pa ltar sngo ba'i sin d+hU ra dang rnams kyis btsos pa'i snam bu gnyis dang 'dra ba'i du ba'i tshogs chen pos steng nas bsgribs par byas pa dang / skye bo ma lus pa rnams yid 'byung ba skyed par 'dod pa nyid dang 'dra ba'i mi rtag pa gsal bar byas pa dang /shi ba'i lus kyi rang bzhin g.yul ngo'i gnas dang 'dra bar shin tu 'jigs pa/ swA hA'i bdag po'i rlung gi shugs kyis rnam par 'dra ba yis/ /kun nas spyan drangs ltar ni 'bar ba'i 'od ldan mi rnams kyis/ / 'byung ba'i ce spyang pho mo'i tshogs ltar g+ho ka'i sgra ldan pa/ /dogs pa med pa'i yid can des ni dur khrod zhugs par gyur/ /bud med de ni gang na gnas par 'gyur snyam du kun nas 'khor zhing des sha za mo rnams kyi lus kyi bya ba de rnams kun nas mthong nas/ slob ma'i bsrung ba'i sngags kyis gtsug phud 'ching bar byas par gyur to//der yang mi yi khrag gis dpral bar thig le byas nas ni/ /ser skya'i smin mtshams gnyis ldan chen po'i lta ba can/ /khyo phos 'dzin par byas pa rno ba'i so ldan pa'i/ /dgra sta la ni la la zhig gis gdong mthong 'gyur//khrag gi chang gis gang ba zla ba ltar dkar ba/ /thod pa'i snod ni gzhan gyis sa la rnam bkod nas/ /g.yo ba'i chu yi dbus su gnas pa'i zla ba ltar g.yo ba'i/ /dgra sta g.yam pa la ni brdar bar byas par gyur/ /me yi tsha bas btsums par byas pa'i mig ldan pa//gzhan dag mi ni phyed ni tshig pa'i lus ldan pa/ /lhung zhing dro ba'i rkang mar cha ldan zhu ba ni/ /glo bur du ni dur khrod dbus nas 'gugs par 'gyur/ /khrag 'dzag pa yi rkang mar cha yis nye bar byugs pa yi/ /rdo la kha chu skyes bzhin pas ni rnam par bzhag pa ni/ / skyes pa'i dum bu bcag pas yang dag 'byung ba'i 'jigs sgra ldan/ /gzhan dag gis ni rdo bas rnam par gcod pa nyid du 'gyur/ /mdza' bo'i lag pa'i mthil gyis nye bar khyer bar byed bzhin pa/ /ya ba'i me tog ltar ni mngon par dmar po dmar ldan pa/ /thod pa yang dag gnas pa'i khrag gi chang gis gzhan dag ni//'gyur ba'i gdong can sha dang nye bar bcas pa 'thung bar 'gyur/ /sha za mo de rnams kyang 'di ltar bya ba la rtse gcig par yang dag par mthong nas/ e ma'o mtshan mo rgyu ba 'di rnams kyi rang bzhin ni drag pa ste/ drag pa zhes bya ba rnam par bsams nas phyogs gzhan la/sha dang 'bras kyis 'ga' zhig tu/ /chang bcas nya yis 'ga' zhig kyang / /sa yis mthar thug khyab pa ni/ /ri yi gtor mas 'ga' zhig tu/ /dur khrod me yi grib mas ni/ /gsal bar byas pa'i lus ldan pa/ /shugs dang bral ba'i ral grir ldan//phyogs skyong rnams kyis snang bar byas/ /rig pa'i dngos grub mngon 'dod pa'i/ /brten par bzlas pas rab mgul chu/ /bdag nyid chen po rab 'byung bas/ /dbus su byin gyis brlabs par byas/ /thal bar rtse gsum rnams bkod pas/ /bar du 'gro bar byas pa ni//me tog dmar po kun khyab pa'i/ /dkyil 'khor chen po mthong bar 'gyur/ /'ga' zhig tu yang khrag gis mngon par dmar bar byas pa'i so dang ldan pa'i ri dgas skyon can rnams kyis kun nas dbugs phyung bar gyur pa'i phyir rgyu ma'i dra ba rdol ba/ 'dab chags rnams kyi mchus mig phyung ba'i bu ga rnams kyis 'jigs su rung ba'i gdong dang ldan pa/shi ba'i chom rkun pas 'tsho ba'i yo byad phrogs par byas pa'i bud med mthong nas yid byung ba'i blo dang ldan pa/ kye ma 'dod chags dang ldan pa rnams kyis 'dod chags kyi bdag nyid du 'dug pa ste/gang rnams kyis 'di lta bu'i lus las bde ba'i blo skye bar 'gyur snyam nas smras pa/ yang yang kun nas nyams pa 'dod cing 'dod pa ni/ /skye bo'i mig gi bung ba'i tshogs kyis gang zhig la/ /de ni de ring bud med ljon shing las byung ba'i/ /yid 'ong mdzes dgod me tog ji ltar mthong mi 'gyur//yan lag med pa khyod kyis dgod pa'i bdag nyid kyis/ /gang la 'dab rten sngon du yang dag 'gengs pa ste/ /khyod kyis di ring bud med lus can de la ni/ /skyon can btsan thabs kyis ni ci phyir mda' mi gtong / /gang zhig yang yang 'dod pa'i bdag nyid 'khyud byas pa//pags pas g.yogs la 'dod chags can gyi skye bo gang / /de ring de 'di rus pa'i rang bzhin lus 'di ni/ /sna ni 'gegs pa nyid ni spangs nas grol bar 'gyur/ /mchi ma dang bcas mig dang ldan pa'i ngo gdong 'di ni ci phyir 'dud mi byed/ / ri bong can gyi gdong can skyon dang bral ba'i mthun pa bdag la don med khros pas ci/ /de ltar nges par brjod par byed pa'i bdag pos gang la mgo bo rnams zhugs pa/ /de yi rkang pa gnyis po la ni 'di yi khyed rnams kyis ni so rnams gnas/ /bde ba myong zhing smig rgyu rjes su tshol zhing kun nas skye bar gyur pa'i 'dod pa can//ngal ba byis pa'i skye bo sems kyi ri dgas sngon du gang gis bkri bar byas pa ni/ /'bad pas 'dod pa'i lha yi rngon pas de ni brtsams par gyur pa ji ltar gang gis kyang / /snang rung min pa'i gzugs can gyis ni chung rol pa yi rang bzhin 'dra ba rnams ched byas//de ltar bdag nyid chen po des bud med kyi lus mthong bas 'dod chags dang bral ba yang dag par byung bas smras par gyur pa/ /kye ma mi ro'i dri mi zhim pas sna yi dbang po skyo bar byas pa/ sdong khang gi me'i du bas yang dag par reg pas bdag nyid mi gtsang ba rlom par byed pa ni 'di lta ste/'di yang chu 'dzin lto ba'i 'od ni 'phrog pa'i du ba 'dis ni yun ring por ni song ba yin/ /dur khrod las byung rnam par 'phro byed 'od ni 'phro ba dri ma can du khyer bar byed/ /chu gter rlabs ldan chu la khrus ni byas ltar grong bas khyab pa rim gyis nub pa ni//ri bong can ni zla tshes gos rlon lta bur 'dzin cing ji ltar yang ni 'gro bar 'gyur/ /slob mas smras pa/ bdag gi sdug bsngal mi bzod cing / /the tshom byed par gyur pa yang / /gzhan gyi rjes 'dzin bya ba'i phyir/ /so so'i skye bos nus pa min/ /byang chub sems dpas smras pa//tshe dang ldan pas yang dag par mngon par smras te/ da ni de bas na ma mo'i khyim rnying pa 'di ru dur khrod kyi sreg lugs 'dzin pa'i snang bas rtsig ngos la bris pa'i phyugs kyi khrag gis rtse gsum pa gsal bar byas pa la rjes su zhugs te/ mtshan mo'i lhag ma 'da' bar byed cing / da nas shing gis kun nas mtshan pa'i sgo dang dril bu'i tshogs ldan pa//rgyal mtshan las lhung rma bya'i mgrin pa rdul ni 'byung ba'i sa ldan pa/ /phyi dang nang du me tog rnying por skud rnams kyis nyer bsags pa/ /ma te'i mgo bo gang la bya rgod 'di ni nges par gnas pa yin/ /slob mas smras pa/mkhan po ji ltar bka' spyod ba bzhin du bya'o zhes zer ro/ /de nas ke sha bas ma mo'i khyim der zhugs nas cung zad gnyid log par byas te/ so sor rnam par sad par byas nas smras pa/ tshe dang ldan pa phyi rol du byung la re zhig mtshan mo'i lhag ma ci tsam yod pa de shes par byos shig /des kyang de ltar bgyi zhes so sor mnyan nas mngon par byung ste smras pa/ mkhan po tho rangs nyid yin te/ de ltar na/ /mtshan mo chad par shes nas shing gi tshang 'di la ni bzod pa can nyid 'di la brten par byed/ /zad par gyur pa'i bud shing ldan pa ro bsregs mi'i 'od rnams cung zad dri ma can 'dzin te//nyi ma shar ba'i 'od zer 'phro ba rnams kyis reg par 'gyur ba'i sa 'dzin rnams kyi grib ma rnams/ /bar ni sngo bar byas pa'i bung ba ltar ni ser skya'i 'od ldan sa phyogs mnyam par skye ba yin/ /de nas byang chub sems dpa' phyir byung ste slob ma la smras pa/tshe dang ldan pas nad pa rnams nad med par bya ba'i phyir grong khyer du song shig dang / bdag gis kyang khyod shi ba de thabs gang gis kyang 'gyur ba med par bya'o zhes zer ro/ /slob mas kyang de ltar bgyi'o zhes bya bas de la gsong por smras te shin tu rings par grong khyer du song bar gyur to//byang chub sems dpas kyang bud med dka' thub can de slar gang na yod par gyur snyam du bsams nas de blta ba'i phyir kun nas yongs su 'khor bar gyur to/ /na chung de yang langs te bdag po'i lus de la bzung nas chu bo la mngon par 'gro bar gyur to//de nas byang chub sems dpa' yang dag par song ste de'i nyal ba'i gnas mthong nas 'di ltar bsams par gyur te/ 'dir ni dka' thub can ma de nyal bar 'gyur ba yin no/ /de ci'i phyir zhe na/ pad+mo'i 'dab ma rnams kyis mal ni byas pa 'di/ /srab pa'i drod kyis 'dab ma dud kha rnying byas pa//mtshan ma nye bar mnan pas dbus ni rnam nub cing / /mal ni de dang bral bas rnam snang 'gyur/ /de nas bdag po'i lus 'dzin pa de chu bor 'gro bzhin pa mthong nas e ma thabs dang bcas par 'di ni nad dang bral bar bya'o snyam du rnam par bsams nas bdag nyid chen po des bud med shi ba'i lus phrag pa la bkal te/bud med de la rjes su 'brang bar gyur to/ /des kyang rus pa'i keng rus de 'gram gyi shing gi sdong po la bcings nas gzhag cing smras pa/ re zhig 'phags pa'i sras sdod cig /da ni khyod ni shing 'di la/ /gdong pa 'khru ba'i chu de ni//ji srid bdag gis khyer la 'ong / /gdong pa bkrus pa gnyid bral bas/ /dkar dang dmar ba'i mig ldan pa/ /gi wang u shir mda' rnams kyis/ /khyod ni brgyan par 'gyur ba yin/ /de ltar mngon par smras nas de'i chu bo la 'jug cing rang gi grib ma kun nas dag pa'i me long gi dbus ltar dri ma med pa'i chu la rnam par bltas nas nges par bud med 'di dag gis khyo 'phrog par 'dod do snyam du rnam par bsams nas/bdag nyid kyi grib ma 'di ltar kun nas bsdigs shing gnas te/ 'khyog cing rgyas pa'i smin ma kun nas spyod byed cing //dgod par gsal bar byas pa'i so yi phreng ba can/ /skyon can ma ni phrad 'dod nges par bud med khyod/ /bdag gi mdza' bo khyod ni yid 'phrog 'dod ma yin/ /dgod pa yid du 'ong bas rnam par chags byed pa/ /yid 'phrog mig gi mtha' mas rnam par blta bas kyang //bdag gi mdza' bo dul ba ngo tsha med pa khyod/ /ci ltar bdag las g.yo ba can khyod dgos med gyur/ /khyod ni dgod pa gsal bar byed cing bdag gi ni/ /mdza' bo ce spyang mo yang bsam par mi byed do/ /de lta na yang rmongs las ldog par mi 'gyur te//don med kun nas 'khor bar byed pa 'gro bar gyis/ /skyes pas kun nas 'ongs te gal te bsten 'dod na/ /de nas skye bo la ni bud med chung bar 'gro/ /'dod par ma byas gal te nan gyis 'dod byed na/ /dgod pa'i dngos po la ni gang gis gtad mi byed/ /bdag gis khyod ni 'di ltar kun nas skrag byas kyang //nan gyis bdag gi mdza' bo 'di ni gal te 'dzin/ /de bas khyod la skyon nyid bzod par mi 'gyur te/ /gang phyir phrag dog yid ni shin tu gdung bar byed/ /bdag gis de ltar khyad par rtsub par smras kyang ni/ /khyod ni nga rgyal dbang bcas ci phyir 'di dgod 'gyur//ci phyir tha mal pa yi khyim la 'di brjod pa/ /mdzes ma don med ngal ba kyog po 'tshong ba ni/ /de ltar gdon gyis dran pa nyams pa khro ba dang bcas pa/ /des ni ngo gdong khro gnyer mig ni g.yo bar byas pa ste/ dri ma med pa'i chu yi nang na gnas par sgra sgrogs shing //rang gi grib ma la yang rdo rnams kyis ni kun brdungs 'gyur/ /rang gi grib dang lhan cig chu la gnas pas phrag dog bcas/ /de ni 'di ltar byed cing yang yang rtsod pa'i thad gnas pa/ /'khrul 'khor shin tu dri med gsal ba'i so yi phreng ba can/ /de las skyes pa'i ngo mtshar dang 'dra rung ba'i rang bzhin dang //de nas bud med de gal te bdag gis de ltar rdo ba rnams kyis kun nas brdungs par gyur pa yang khyod 'gro bar mi 'gyur na de'i phyir bdag gis 'phags pa'i sras bzung nas der 'gro bar 'gyur te/ gang du slar 'di mthong bar 'gyur ba ma yin pa zhes bya ba bdag nyid kyi grib ma de la smras nas lus de phrag pa la bkal te song bar gyur to//ci'i phyir skyes pa 'di slar bud med 'dzin cing 'bros par gyur pa re zhig 'di la dri bar bya'o snyam du rnam par bsams nas/ /ke sha'i drung du nye bar 'ongs te smras pa/ / bdag ni khyo dang ldan pa 'gro zhing rnam mthong nas/ /khyed ni kun nas dogs par gyur pa ci phyir 'bros/ /bdag nyid chen po bdag ni sha za'i bud med min/ /de bas dogs pa dor cig bdag la nyer bstan 'dir/ /byang chub sems dpas smras pa/ sring mo bdag ni khyed la 'jigs pa ma yin te//'on kyang skyes pa gzhan la sdang bar byed pa'i chung ma 'di bzung nas gang du mi rnams yod pa ma yin pa der 'gro bar bgyi'o/ /khyod kyi khyo bo 'di ni lhan cig chos spyod ma/ /bdag gi 'di la mnyes gshin par ni gzhan yang lta/ /khyod ni mdza' bo yang ni mthong nas ngo tsha bas//bdag gi mdza' bo mig gnyis po ni 'dzums par byed/ /ji ltar kun nas mthong ste yang yang rnam par dga'/ /gsal bar byed cing 'jam par byas nas ngo mtshar byed/ /de ltar bdag gi lhan cig chos spyod ma 'di la/ /khyod kyi mdza' bo 'dis ni 'phrog byed kun nas rtog /bdag gi bud med 'di ni dga' bar byed mthong nas/ /mdzes pa'i mig ni brla dang 'o 'dzin gnyis mdzes pa/ /thub pa rnams kyi sems kyang gzhan du 'gyur ba ste/ /bud med khyod ni 'dod pa can 'di lta ci smos/ /de bas 'di ni ri bong can gyi dkyil 'khor ltar//bzhin ldan rang gi mdzes pas lha dbang bud med ni/ /ngo tsha dang bcas dbu ma ltar ni dbang chen gyis/ /lus la bzung nas sa 'dzin rnams kyi phug rnams su/ /bdag nyid kyis ni yun ring gnas par bgyi ba lags/ /des smras pa/ 'phags pas 'di ltar kun nas dogs par bya ba ma yin te//khyod kyi chung ma tshul khrims bzang ldan phyir/ /'di ni ji ltar skyes pa gzhan la sdang / /gzhan gyi khyim thab spong ba'i sems ldan pa/ /de bzhin bdag gi khyo bo 'di yang yin/ /rang gi bzang mo 'di ni khyod kyis rnam brgyan cing / / bdag kyang mdzes pa'i rgyan gyis cig car gnas par bgyi/ /tshul khrims sdug bsngal mnyam pa rnams la grogs po nyid/ /shes bya'i grags pa 'bras bu dang ni bcas par gyis/ /byang chub sems dpas smras pa/ khyod ni bdag po'i tshul khrims zhes/ /gal te bud med mchog bden nas//de bas chu bo 'di brten nas/ /bdag cag 'dir ni gcig tu gnas/ /des smras pa/ blo ldan 'phags pa'i sras kyis ni/ /tshul khrims ji ltar ma shes nas/ /khyed la 'di ltar smra 'gyur ba/ /de bas dogs pa yongs su dor/ /de ltar bgyi zhes bya ba yang byang chub sems dpas khas blangs chu bo'i 'gram gyi shing gi rtsa ba la rus pa'i keng rus de bzhag nas rgyan byed pa'i phyir brtsams pa la bud med des kyang bdag nyid kyi khyo shi ba'i lus la brgyan par byas te/gnyid kyi dbang du song bar gyur to/ /de na byang chub sems dpas de gnyid log par shes nas/gnyis po de dag skye ni thag pas der bcings te/ /lus gnyis bkrus pa'i pad+ma'i rtsa ba ltar dkar ba/ /'gram gyi mtha' mar gom pa sgra med nyer song nas/ /chu bo de la ma dpyad par ni dor bar gyur/ /mya ngan gyis ni ha ha zhes brjod thabs shes pa/ /de nas gnyid kyi dbang song de la des ni rab bsad nas//bdag gi mdza' mo khyod kyi bdag po 'di ni 'phrog pa ste/ /de ltar shin tu phongs pa'i yi ge dang ldan de smras gyur/ /de nas gnyis po de dag kyang shi ba'i lus gnyis chus khyer bar gyur pa kun nas mthong zhing kyi hud ha ha zhes bya ba brjod cing chu bo de'i 'gram nas mngon par rgyug par gyur te/de dag de ltar myur rgyug cing / /ro gnyis rnam par mthong ba dag /dbu ba 'khor zhing g.yo ba yis/ /chu bo de ni dgod dang 'dra/ /de nas bud med de chu bo'i 'gram nas rgyug cing shi ba'i ro la mig mchi mas yongs su gang ba dang ldan pas yang nas yang du 'di ltar ngan pa smra bar gyur pa/gang zhig u shi ra yi rnam pa'i byug rnams kyis/ /gsal ba'i dris ni bdag gis khyod brgyan pa/ /gzhan gyi khyim thab 'phrog pa khyod kyis ni/ /mnyes gshin 'bras bu de 'di gsal bar byas/ /bdag gis bstod tshig bar mtshams ma chad dang //lag pa yang dag 'dzin dang gus lta dang / /shin tu drag pa'i sems ldan khyod kyis ni/ /ji ltar gsum po 'di ni bsam ma byas/ /shin tu 'jam pa bdag gi bud med ni/ /skal bzang gal te yang ni 'dir gyur na/ /de ltan yang rtag tu rjes 'jug 'dir//'phags min bdag ni dor bar byed mdzes min/ /bud med rnams kyi yid ni gso ba ste/ /skye bo'i grags pa 'di ni mi bden 'gyur/ /bdag nyid dam pa di ring dor nas 'gro/ /skyes pa rnams la bden nyid khyod kyis gzhag /gzhan gyi bud med la ni chags pa rnam 'grel khyed nyid la//mnyes gshin med pa'i sems ldan brtse dang dul ba rnam bral ba/ /bdag gi tshig ni phongs shing phongs 'di gnas pa ma yin te/ /tsha ba'i lcags la nyung ba'i chu ni rnam par blugs pa bzhin/ /de nas byang chub sems dpas de ltar shi ba'i lus la ngan pa smra bzhin pa de la skad cig gis sdug bsngal dang ldan pa dang /skad cig gis khro ba dang ldan pa dang / skad cig gis smre sngags 'don pa de la smras pa/ /mnyes gshin pa dang bral ba'i yid ldan khrel dang rnam bral ba/ /'jig rten smod pa la ni rgyab phyogs g.yo la mngon brtson pa/ /mnyes gshin skye bo ngan la gang zhig 'di ltar mngon smra ba//rmongs pas don med dgon par ngu ba des ni byed par 'gyur/ /bdag gis khyod la yang dang yang du smras pa ste/ ci ltar khyod kyi khyo pho 'di bdag gi bud med ngo tsha bas thur du lta ba'i gdong can la yang dgod cing sgeg pa dang bcas par lta ba nges par 'di bdag gi bud med 'dod pa zhes zer ro//de la yang khyod kyis dad par bya ba ma yin no zhes de ltar smras nas bdag nyid chen po des lhan cig skyes pa ma yin pa'i smre sngags 'di ltar byas par gyur to/ /sgeg mo des ni bdag gi mig ni 'dzin byed cing / /kun nas 'dzag pa'i mchi mas mig ni bkag byas pa//bud med khyod kyi srog dang mnyam pa des bdag gi/ /mdza' mo phrogs te nyi mar ldan pas mtshan mo ltar/ /bdag ni de dang bral bas brtan pa rnyed 'gyur min/ /rtag tu rjes 'brel glang chen gyis ni glang mo ltar/ /bdag dang bral bas des kyang brtan pa thob mi 'gyur//ri dgas mo ni nus med ri dgas dang bral ltar/ /de ltar byang chub sems dpas smre sngags 'don cing bud med de gos kyis mgrin par bcings te gus par byed cing smras pa/ de bas tha snyad phyir shod cig /rgyal bar nges par bdag cag 'gro/ /yang na bdag gi mo 'ongs shig /bdag nyid ngan pa des phrogs pa/ /de ltar byang chub sems dpas 'gugs par gyur par de 'jigs pas yid skyo nas smras pa/ /da ni bdag gi chung ma de yod par ci'i phyir nus te 'phags pas bka' drin mdzod cig dang / bdag gi sring mo'i bu mo yod//cung zad nu ma mngon 'byung ba/ /slob ma bzang la sngags bzhin du/ /bdag gis khyed la de sbyin gyi/ /byang chub sems dpas smras pa/ bdag la lha'i bu mo gzhan gyis kyang dgos pa yod pa ma yin te/ mchog gi gdong can chung ma de khrid la shog ces smras so/ /gal te khyod kyi de mo'o//bdag gi bud med g.yon lta'i mig /rdo ba chen po 'di yis ni/ /khyod kyi mgo bo phye mar bya/ /de nas byang chub sems dpa' rdo ba blangs nas bud med de la kun nas brdung bar 'dod pa bzhin du khro gnyer gsal bar byas so/ /de nas bud med de 'jigs pas 'phags pa bka' drin mdzod cig dang /bdag ni phongs pa dang gnyen 'dun med pa rnam par 'jigs par 'os pa ma yin te/ nongs pa byas kyang bud med skye bo ni/ /rang bzhin gyis phongs skye bzangs rtse bar byed/ /de ltar khros pa 'di ni bsdus mdzod cig /blo gros brtan pa bdag ni gsad bya min//de ltar smras nas byang chub sems dpa'i rkang pa dag la gtugs par gyur to/ /de nas bdag nyid chen po des 'jigs pa de shes nas smras pa/ gal te khyed kho bo cag gi tshig byed par gyur na/ de bas na bdag gi rdo ba 'di khyed kyi mgo bo la phog par 'gyur ba ma yin no/ / des smras pa/ khyod kyi bka' ni bdag gis 'da' bar bya ba ma yin te 'phags pas smra bar 'os so zhes zer ro/ /byang chub sems dpas smras pa/ gal te khyod ni 'da' bar mi byed na bde ba dang ldan pa 'byung bar 'gyur ro/ /de bas na nyon cig dang / khyed kyis khyo bo shi ba yi/ / lus po de ni phrag par khyer/ /de ltar rmongs pa rnams shes na/ /mun pa bzhin du dor bar gyis/ /yang dang yang du 'gro 'gro zhing / /yang dang yang du steng du 'byung / /skye dgu'i bdag po lag thob pa/ /skye 'di pho long bzhin du byed/ /nan gyis dus min gsod par byed pa su yi 'di//mi rtag pa nyid gzugs ni mnan nas 'byung ba min/ /rab tu drag pa'i shugs dang ldan pa rlung gis ni/ /'gro ba chu gter tshogs ni ring min 'byung ba bzhin/ /dus mtha'i dus la rab tu stobs ldan mes 'bar ba/ /yang yang lto ba zlum po'i nya yis kun nas khyab//sa 'og gnas pa 'jigs pa'i sbrul gyi tshogs ldan pa/ /rgya mtsho chen po yang ni zad par 'gro bar 'gyur/ /sna tshogs pa yi dpag bsam shing gis par brgyan pa/ /lha yi bud med rnams kyis pad+mo'i chu brten pa/ /gser gyi phung po me yis rnam par zhu ba ni//ri rab kyang ni ras bal bzhin du yang bar 'gyur/ /mchod sbyin brgya pa'i yid ni 'phrog pa rnams spangs nas/ /lha rnams kyis ni grong khyer lha min rab tsha ba/ /'byor pa 'bar ba gang du yang ni 'gro 'gyur te/ /sprin rnams zad la sgeg pa med pa'i glog bzhin no//'di dag kyang ni mun pa rnam rgyas 'bigs byed pa/ /nyin dang mtshan mo'i khyad par dag ni ldan pa ltar/ /'gro ba'i mar me nyi ma bsil ba'i 'od zer dag /dmar ba'i stobs ldan dkyil 'khor snang bar gyur pa min/ /gang zhig skye ba dang ldan cung zad sa gsum po 'dir yod//de dag thams cad nyid ni nges par 'jig pa'i mtha' ma can/ /de ltar shes na skye dang 'chi ba'i sdug bsngal rjes 'brel ba'i/ /'jig rten la ni rnam skyo zhi ba nyid la yid gtad bya/ /gang zhig blo ngan gnyen 'dun rnams la mnyes gshin nges zhugs byed/ / de ni tha mar yongs gdungs mya ngan byed cing nyer 'gro ba/ /'jigs pa'i chu srin la brten chu bo'i dbus dag ces/ /rgya mtshor gzings dang bral bas rab tu ltung ba ster bar byed/ /su yi rnam bral yod par mi 'gyur te/ /skye bo mnyes gshin de ring mi 'gyur ba/ /bzang mo 'byung bar 'gyur ram mi 'gyur ba//de ltar khyed kyis mya ngan bsang bar gyis/ /de ltar bud med des byang chub sems dpa'i tshig yang dag par shes nas dran pa nye bar rnyed pas smras pa/ e ma'o khyod kyis gdams ngag gi mar me 'dis gang nas kyang 'ongs ba ci yang yang dag pa ma yin pa'i kun du rtog pa'i mun pa bsal ba zhes bya ba'o//khyed la brten nas bdag gi sems/ /ji ltar sos pa nyer song ba/ /de bzhin yang dag lam dmigs nas/ /khyed kyang mya ngan 'das thob shog /de nas byang chub sems dpas bud med de rang bzhin du gnas pa bzung nas gnyen 'dun rnams kyi mdun du khrid par gyur to//thabs 'di ni bdag gi bud med 'di la gdon de kun nas bsal bar byas so zhes bya ba yang rang gi slob ma rnams la smras par gyur to/ /bdag nyid chen po der song ba la yang 'jigs pa dang 'dra ba grong khyer de las nad rnams slar rab tu 'jig par 'gyur ro/ / de nas der la la zhig blo gros gsal ba'i nye gnas pas byang chub sems dpa' la 'di ltar yang dag par bstod cing gnas te/ khyod kyi shes rab lhag byas nas/ /blo ldan rnams kyi blo rnams las/ /lhag par khyed kyi shes rab 'jug /de nyid mthong ba rnams dben rnams kyi bla ma khyed la ni//lci ba'i tshig ldan nges pa'i gtam ni rnam par rgyas byed la/ /mkhas pa rnams kyi yid ni mun pas zil gyis gnon min te/ /khang pa'i nang na mar me 'bar bar byed pa bzhin du yin/ /'dun par blo ldan rnams kyi 'dun pa chen po 'joms phyir mi shes pa ni rab 'byung min/ /khyed kyi ngag gi rnam par dben byed the tshom gcod cing nyon mongs med pa ma thob nas//gang phyir mkha' snang rnams kyi 'od zer mtshan mo las byung rnam khyab rab rib 'joms pa min/ /mar me'i lce ni gcig pur dri ma med pas srab pa de ni ma lus sel bar byed/ /khyed ni rang rigs mkha' chen gyi ni zla yin khyed kyi grags pa rnams ni skar ma rnams//mthug pa'i mun pa'i tshogs ni rab tu nyams par byed pa khyed kyi ngag ni zla tshes yin/ /nyan pa po rnams ku mu ta yi 'byung gnas ltar ni mdun du 'di rnams rab tu sad par 'gro/ /e ma rnam par nges pa'i gtam gyi rtsom pa mtshan mo'i sgor 'byung kun nas rdzogs pa 'di//don spyi'i grub mtha' la ni shin tu rnon pos kyang ni nyid kyi brjod bya ji tsam rtogs/ /de nyid mthong ba khyod kyi grol ba la ni nyan pa pos ni de nyid gsal bar mthong / /sngon rol du ni phrad par 'dod pa'i ci nus 'jo bar byas pa'i ba las 'thung bas ni//phyis ni she ma skyo bar mi 'gyur sems dang ldan pa'i phyir ni bde bar 'o ma 'dzin/ /de bas na skye bo 'di mgon dang bcas pa ste gang gi gzugs dang ldan pa ltar dam pa'i chos dang ldan pa'i mkhan po nyid rjes su bstan par byed pa yod do//zhes bya ba'o/ /de ltar na bcom ldan 'das de byang chub sems dpar gyur pa na 'jig rten pa rnams la phan pa'i don nyid kyi phyir bdag nyid shes rab kyis gsal bar mdzad pa ste/ rang gi grags pa la chags pas ni ma yin no snyam du rnam par bsams nas rtag tu bcom ldan 'das nyid la dad pa bskyed par bya ba'o//gzhan rnams la phan par byed pas sam 'jig rten la gus par byed pas shes rab nye bar 'phel bar bya zhes bya ba ste/ skyes chen lhan cig tu ni bdag nyid mnyam nyid 'dod pa'i don du gal te blo yod na/ /yid ni gzhan du min pa'i mi yis thog ma nyid du yon tan rnams la gus par bya//thos pa la sogs yon tan rnams la skyes na le lo can ni ji ltar gus bskyed 'gyur/ /nor bu la yang yid 'ong nyid ni yod pa 'dus ma byas par skye 'gyur ma yin no/ /sred med kyi skyes pa'i rabs te skyes rabs bdun pa'o// // shes rab gsal bas ngo mtshar min pa rnams/ /'jig rten pa yi don ni byed bzhin pa/ /don dam tshol bar byed la brten pa rnams/ /su zhig la ni ngo mtshar skyed ma yin/ /'di ltar rjes su thos te/ rgyal po'i yon tan thams cad dang ldan pa'i rgyal po tshangs pas byin gyi brgyan par byas pa'i bA rA Na sI'i rgyal po'i khab tu/mtshan mo zla ba ltar bram ze la la zhig rig byed 'don pa la mkhas pa/ khyim na gnas pa rjes su skyong zhing me'i mchod pa la rtse gcig pa/ 'jig rten thams cad kyi mchod gnas khyim la lhag par gnas par gyur to/ /dus gcig gi tshe na des sman gyi don du ri dgas kyi tshogs du mas khyab pa shin tu mthug pa'i shing rnams kyi mun pa dang ldan pa shin tu yid 'phrog pa'i chu bo'i chu 'gram gyi shing rnams kyi rtsa ba'i tshogs dkrugs pa g.yo ba'i ri bo'i nags kyi nang du rab tu zhugs par gyur to//dka' ba'i nad rnams gcod pa'i sman rnams kyi khur po blangs nas chu bo dang nye ba'i brag gi dkyil 'ga' zhig la lhag par gnas shing ngal bso bar gyur te/sar pa'i ka ni ka ra'i me tog ltar dkar po nges par 'brel ba mi g.yo ba bung ba'i tshogs ltar skra lo nag pa/ pad+mo'i 'dab ma dang rjes su mthun pa'i mig dang ldan pa/gser dang chu shing gi snying po ltar yid du 'ong ba tsho ba'i brla gnyis dang ldan pa/ lang tsho dang pos nye bar rgyas pa'i lci ba'i 'o ma 'dzin pa'i khur bus yan lag gi srog shing nus pa med cing dbus srab pa/ ri dang nags mdzes pa'i don du las kyi bzo bo rnams kyis skyes par byas pa dang 'dra ba'i mi 'am ci mo mthong bar gyur to//de nas kyang de'i gzugs mdzes pas snying kun nas 'gugs pa ci ltar yang rnam par 'gyur bar yang dag par song bar gyur te/ mi 'am ci mo de ni de la nges par 'brel ba'i mig /dbugs kyis gsal bar byas pa'i so yis mdzes pa can/ / 'dar bar gyur pa'i sems la myos byed mda' yis ni/ /glags ni rnam par shes pa kun nas gdung bar gyur/ /sems dang rna ba dga' ston pa yi glu yis ni/ /ri dgas rnams kyi yang ni yid la chags pa skyed/ /des ni rim gyis me tog rnams ni 'thu byed pa/ /bram ze de dang nye bar kun nas 'ongs par gyur//de nas rna bar mig ni 'gegs pa de mthong nas/ /ri bong can gyi mtshan ma'i ri mo ltar mthong dga'/ /me tog rgyal mtshan 'gro ba'i yid ni rmongs byed pa'i/ /mda' rnams kyi ni yul du gyur par de song gyur/ /de nas 'jigs pas khyab pa de ni de la sman 'gyur te//yal ga rnam par dor nas kun 'dar lag pa can/ /bung ba mig la rnam par gnod par byed pa 'di las ni/ /'jigs pa bdag la bram ze gtso bos bskyab par mdzod/ /de nas de ni langs te glo bur zla ba'i bzhin/ /ri dgas mo yi mig ltar rgyas pa'i mig can de la smras//khyod kyi mig la gnod pa'i bung ba la ni bdag gis dgag /chu shing lta bu'i brla ldan dogs med me tog 'di thus shig /de skad smras nas de'i gdong la mngon par lhung ba'i bung ba bsrel zhing gnas so/ /mi 'am ci mo des kyang me tog rnams btus te smras pa/ g.yo ba'i sbrang byed 'di las bdag ni 'phags pa'i sras kyis yongs su skyob pa ste/ phan par byas pa la yang gdon mi za bar slar phan par bya'o/ /de bas na 'phags pa spyon cig /bdag gi gnas su byon nas ngal bso ste gnas na rung ba'i kha zas bza' bar bya ste rang gi gnas su khyed gshegs par mdzod cig ces zer ro//des kyang de ltar bgyi'o zhes so sor mnyan nas mi 'am ci mo de dang lhan cig tu song bar gyur to/ /de nas mi 'am ci mo des sgo 'gegs par byed pa brag chen po bsal bar byas nas smras par gyur pa/ 'phags pa phugs 'dir zhugs shig ces zer ro/ /der zhugs pa la slar brag des phug gi sgo sgrib par byed pa byas par gyur te/de nas khrel yod pas ni dud pa'i gdong can des de la/ /'o ma 'dzin pa dag ni lag pa gnyis kyis dgab byas shing / /dgod pas 'jam pa mngon par smra ba la ni phrad 'dod pa/ /rtse bar gyur te lha yi rnam par rol ma bzhin du ni/ /de dang lhan cig 'dod lha'i mda' yis sems ni 'bigs byed pa//yid 'phrog ri mo gsum gyis yid du 'ong ba'i dbus ldan pas/ /gnyis skyes des ni mtshan mo skad cig ma ltar bsams pa ni/ /phrad par 'dod pa yid kyi bde ba kun nas nyams myong bzhin/ /de nas dus gcig gi tshe na mi 'am ci mo de'i lto bar byang chub sems dpa' yang dag par skyes par gyur to//dus kyi rim pas kyang mtshan nyid thams cad kyis brgyan par byas shing rang gi lus kyi 'od kyis phug snang bar byed pa dang lha'i gzhon nu ltar de las bu btsas par gyur to/ /de yang gang gi tshe skyes nas lo brgyad lon pa de'i tshe pha'i drung nas bstan bcos du ma rnams lhag par rtogs par gyur to/ / skar ma'i rtsis la yang de la shin tu spobs pa skyes par gyur to/ /de nas ma dang lhan cig de'i phyir byung nas shes bya lhag ma rtogs par bya ba'i phyir thub pa rnams la nye bar brten par gyur to/ /de rnams las kyang shes pa kun nas rtogs te nye bar 'ongs nas pha la smras pa/ /pha lags gom pa'i rnam par bkod pas kyang bdag gis ni chom rkun shes so zhes zer ro//phas smras pa/ chom rkun gyi rkang rjes su slar ji lta bu yin zhes brjod par gyis shig /des smras pa/ sor mo bskyod pas tha mar rdul gyis rnam khyab pa/ /kun nas khyab pa nyid kyis mnyam par zhugs pa min/ /dogs pa'i yid can gyi ni rkang rjes shes byas te//myur ba'i dbang gis mdun gyi gom pa la gnod pa/ /gang phyir rkang rjes rnam par bkod pas ni/ /shes rab chen po des ni chom rkun shes/ /skyed par byed pas de phyir de yis ni/ /rkang rjes shes pa zhes byar ming ni bsgrags/ /de nas dus gcig gi tshe na bdag nyid chen po de me tog dang 'bras bu dang rtsa ba nye bar 'ongs pa'i phyir ma mo song ba dang pha la dris par gyur te/re zhig pa'i skyes pa 'di nyid yin nam 'on te gzhan 'ga' zhig tu yin nam ci zhes bya ba'o/ /bram zes smras pa/ bu bA rA Na sI zhes bya ba rgyal po'i khab yod de de ni bdag gi skyes pa'i sa zhes zer ro//rkang rjes shes pas smras pa/ gal te 'dir ni gnas shing skyes pa dang ni phrad 'dod na/ /pha lags myur du bdag dang lhan cig ci yi phyir mi 'gro/ /mkhas pa rnams kyi mdun sar bstan bcos rnams dben bsal tshig rnams/ /nyan pa'i don du bdag la yang ni ltad mo slar yang yod//bram zes smras pa/ bu gal te 'dir shin tu lci ba'i brag bsal bar bya ba'i phyir tshe dang ldan pa khyod la nus pa yod par gyur na de nas phyir dbyung bar bya'o/ /de nas rkang rjes shes pas brag de la 'bad pa med par bsal bar byas te/ pha dang lhan cig tu bA rA Na sIr kun nas song bar gyur to/ / bram ze des kyang rkang rjes shes pa de lag pa nas bzung ste sgo skyong rnams kyis rnam par bsal bar byas pa phyi rol na gnas pa'i skye bo mang pos khyab pa dang / nye bar 'dug pa'i glang po che'i phrug pa dang glang mo'i rked pa rnams la chab 'og gi rgyal po kun nas 'jug pa dang / bos shing myur du mngon par phyogs pa'i pho nya 'jug pa dang /nye bar gnas pa'i sgos stong pa'i rta rnams kyi kha nas pho zhing dbu ba'i dum bus sa'i steng 'dres pa dang / sa'i bdag po mthong ba'i dus mngon par 'dod pa'i gos dkar po dang ldan pa'i lag pa'i dkyil nas me tog rnams rnam par gzhag pa'i zhabs thogs pa rnams kyis gdan 'dzin pa'i gnyis skyes rnams kyi sgo rnam par mthong bar gyur pa/phrag pa g.yon par bkal ba'i ral gri dang ldan pa'i rkang thang rnams kyis phyogs gcig tu lhag par gnas pa/ mdun sar tshogs pa'i dus su rgyal po tshangs sbyin gyi rgyal po'i khab kyi nye 'khor kun nas mthong zhing sgo ba la zhus nas zhugs te/seng ge'i khri la gnas pa'i rgyal po la rgyal ba'i shis pa brjod pas mngon du phyogs par byas te smras pa/ rkang rjes shes pa bdag gi bu 'di ni/ /lha lags chom rkun rkang rjes kyis shes te/ /'gro ba la ni sbyor zhing yongs skyong phyir/ /de bas khyed kyis 'di ni bzod pa'i rigs//de nas rgyal po des ngo mtshar ba'i blo dang ldan pas rkang rjes shes pa la gzigs nas gsungs pa/ 'di ni gser rnams gcad pa'i 'od kyis gzugs ldan brang ni seng ge ltar rgyas pa/ /sen mo 'jam pa'i grib ma can te bzhin ni ri bong 'dzin la lhag par gnas/ / bung ba ltar ni skra rnams nag la mig gnyis rgyas shing dkar ba ste/ /de nyid rnams ni rab tu rtogs pa 'di yi blo gros ji ltar 'gyur ba min/ /de ltar brjod pas rgyal po des rkang rjes shes pa la bkur sti chen po byas so/ /de nas byang chub sems dpas smras pa/ khyim gcig la gnas dogs pa yis//kun nas khyab pa'i mig ldan pa/ /gang zhig bdag gis ston par 'gyur/ /mi bdag khyod kyis de bsad min/ /de ltar bgyi zhes rgyal po'i bka' thos nas rkang rjes shes pa'i khyim du kun nas 'ongs par gyur te/ de yang 'di ltar shes rab chen po dang ldan pa rkang rjes shes gnas pa la gzhan gyi rdzas 'phrog pa las rnam par log pa'i chom rkun rnams bskor ba la sogs pa'i thabs kyis srog 'tsho bar byed pas 'gyur ba ni/sgo rnams lcags ni ma bcug pa/ /bde bar skye bo gnyid log pa'i/ /khyim bdag nor ni bsal bar byas/ /mtshan mo'i khyim na gnas par gyur/ / de nas dus gcig gi tshe na rgyal po tshangs pas byin shing rta mchog la zhon nas skye bo'i 'khor dang bcas pa mdun na 'don rta'i thog na gnas pa dang lhan cig tu gtam byed cing / /zla tshes shar ba'i dus ltar shin tu dga' bar gyur pa'i btsun mo'i 'khor gyi skyed mos tshal na gnas pa/ myos shing rab tu dga' ba'i skye bo dang ldan pa'i rang gi grong khyer la gzigs shing phyi rol du nges par 'byung bar gyur to//'ga' zhig gi phyogs gcig la yang myos pa'i dbang gis gnyid la nye bar zhugs pa phrag pa'i phyogs las mdud pa'i me tog dang bcas pa'i skra lo las rta babs las kun nas 'pho ba'i ya phubs dang 'dra ba'i gos kyis phyogs gcig tu lhod cing rnam par 'brel ba'i mu tig gi har dang ldan pa'i bzang mo zhes bya bar res ma'i gtso bos mthong ste/mdun na 'don la smras pa/ blo gros chen po dang ldan pa chom rkun gyi rkang rjes shes pa'i mthu la 'phags pas gzigs shig / gsal bar byed pa'i bud med 'di la ni/ /myos pa'i dbang gis shin tu gnyid skyes pa'i/ /gang zhig bcings pa yang ni lhod pa 'di/ /su zhig 'jigs pa mu tig har mi 'phrog /de nas gdug pa'i bdag nyid mdun na 'don de rang bzhin gyis g.yo ba'i yid dang ldan pas byang chub sems dpa'i yon tan brjod pa la mi bzod par gyur pas smras pa//chom rkun gyi rkang rjes shes pa'i skyon can nyid lhas mkhyen pa ma yin de bas na de'i 'di ltar yon tan rnams kyi bdag nyid chen po brjod par mdzad/ /rgyal pos smras pa/ slar de'i skyon rnams ni ci lta bu yin/ mdun na 'don gyis smras ba//rang nyid kyis ni nor phrogs pa/ /khyim pa rnams la mtshan mo 'di/ /g.yon can chom rkun rkang rjes shes/ /lha yi drung du gsal bar byed/ /de nas rgyal po des de ltar bdag gis byed par 'gyur te/ ji ltar 'phags pas chom rkun gyi rkang rjes shes pa'i bdag nyid chen po dad par 'gyur snyam du brjod nas shing rta las babs te/rang nyid kyis res ma'i gtso mo des mu tig gi har de blangs nas lan gsum bskor ba byas nas rang gi pho brang bA rA Na sIr 'ongs te/ seng ge'i khri'i bdag nyid du sa la bskos shing gzhag par gyur to/ /de nas res ma'i gtso mo de myos pa rnam par chad pas dran pa yang dag par nye bar skyes pa gnyid las rab tu sad nas gos kyi mtha' ma mthong ste/kyi hud bdag gi mu tig gi har su zhig gis phrogs snyam du rnam par bsams nas/ yang dag par nye bar 'ongs ste rgyal po la zhus shing gnas so/ /gos kyi mdud pa lhod pa bkrol byas nas//sa yi skyong ba bdag ni gnyid log pa'i/ /gang gis kyang ni mu tig har phrogs pa/ /zla 'od ltar dang nor bu'i gzhi yis lci/ /de nas rgyal po des mdun na 'don gyi mngon sum du chom rkun gyi rkang rjes shes pa la bos nas smras pa/ bzang mo 'di yi rin thang che ba'i mu tig gi har su zhig gis khyer ba ste/de bas na chom rkun brjod par gyis shig ces zer ro/ /de nas chom rkun pa'i rkang rjes shes pas phyi rol du byung ste/ rkang pa'i rjes bkod pa mthong zhing grong khyer de la lan gsum bskor ba byas shing / mi'i bdag po'i pho brang du rjes su zhugs nas seng ge'i khri'i 'og gis kun nas mthong zhing yang yang du//mi yi bdag po'i bzhin lta zhing / /blo gros chen po de bgad gyur/ /rgyal pos smras pa/ ci'i phyir 'di dgod pa ste 'o na smros shig ces zer ro/ /rkang rjes shes pas smras pa/ lha lags ji ltar bdag gis mthong ba ni gang zhig bzang mo 'di yi mu tig gi har khyer ba'i chom rkun pa 'di tha mal pa ni ma yin no//rgyal pos smas pa/ 'o na smros shig dang / rkang rjes shes pas smras pa/ lhas ni dpe cig gsan par 'os pa ste zhes bya ba'o/ /sa 'dzin rtsig pa'i logs las ni rko byed cing / /'ga' zhig tu ni rdza mkhan rigs ni rgyas pa'i phyir//sa de lhung bar byed pas mnan par gyur pa'i lus/ /sdug bsngal gyis phongs des ni skad cig 'di skad smras/ /gang la shing rnams chen po skye bar 'gyur ba dang / /srog 'dzin rnams kyis rnam par sbyor phyir lo tog rnams/ /sa de nyid kyis de ring bdag gis lus bcag pa//'gro ba 'dir ni bdag gis ci phyir bde thob 'gyur/ /de ltar brjod nas cang mi smra bar gyur to/ /de nas rgyal po des rkang rjes shes pa la smras pa/ 'o na gsal bar smra bar gyis shig /rkang rjes shes pas smras pa/ gal te 'di las kyang lhas shin tu gsal bar smra ba bzhed na de bas na dpes gzhan brjod par bya ste/me la mchod pa gnyis skyes la la yod gyur te/ /cho ga bzhin du me la rab tu mchod cing grags pa ni/ /de yi me stag gis ni lag pa tshig pa de/ /khyab pa nye bar song ba 'di skad smras par gyur/ /gang zhig bdag ni nyin rer bsreg lugs kyis mchod pa//'dud pa'i sems kyis kyang ni phyag ni btsal byas pa/ /me 'di de nyid kye ma bdag la sreg byed pa/ /lus can rnams kyi su zhig skyabs ni 'byung bar 'gyur/ /de tsam zhig brjod nas slar yang mi smra bar gnas par gyur to/ /rgyal pos smras pa/ khyed kyi tshig 'di bdag cag gis shes pa ma yin te/ /de bas na shin tu mngon par gsal ba'i don ci ltar 'gyur ba de ltar smros shig ces zer ro/ /rkang rjes shes pas smras pa/ gal te rgyal po chen po shin tu rab tu gsal bar gzhan yang bzhed na de bas na gsan par 'os pa ste/ la la khrus ni bya phyir chu bo'i chu la 'jug pa ste//bram ze des ni khyer bar gyur pas 'di ltar smras/ /gang zhig chu zhes skyes so 'tsho bar byed pa de nyid ni/ /sdug bsngal can bdag khyer te su la skyabs su 'gro/ /de ltar brjod nas slar yang cang mi smra bar gnas par gyur to/ /de nas rgyal po des slar de la smras pa/ bram ze chen po 'o na shin tu gsal bar brjod par mdzod cig dang /rkang rjes shes pas smras pa/ gal te de ltar yin na de pas na lhas gsan par 'os so zhes zer ro/ /nags mtha' 'ga' zhig tu ni 'dab chags rnams gnas pa/ /yun ring sna tshogs shing gi sa bon za ba ni/ /de las byung ba'i rab tu stobs ldan me yis ni//gzi brjid gsal bas mtshan rnams stobs kyis tshig par byas/ /gang zhig nags ni mthug pa yis/ /shing gi grib ldan 'dab chags rnams/ /de nyid las ni byung ba'i me/ /de rnams gang la skyabs su 'gro/ /rgyal pos smras pa/ 'o na tshig gi don rnam par gsal bar khyed kyis smra bar 'os pa ste//da dung yang bdag cag gis shes par 'gyur ba ma yin no/ /zhes zer ro/ /rkang rjes shes pas smras pa/ rgyal po chen po shin tu gsal ba'i dpe gson cig /zhing pa la la zhig zhing la/ /lo tog bskyed par 'dod pa ni/ /thong gshol gyis ni mo zhing gnas//dga' bas gnya' shing 'dzin pa ni/ /de yi bu mo 'bras chan ni/ /bzung nas gus pas rtse gcig pa/ /myur bar zhing sar 'ongs pa ste/ /lang tshos yangs pa'i mig ldan pa/ /de nas 'bras snod 'jog byed cing / /de yi bstan dang yang dag ldan/ /ske rags dang bral lhod pa ni//mtshan ma'i gos ni lhung bar 'gyur/ /de ni gcer bu de mthong zhing / /grong gnas pa yi yid las byung / /so sor rtog pa ma thob par/ /'dod dang bcas pa sems bcas 'gyur/ /de nas ngo tshas 'jigs pas g.yo ba'i mig ldan de/ /lag pa rnams 'dar mchi ma 'byung ba'i mig ldan pa//yid 'byung bas ni chos kyi sems dpa' rgyal ba ni/ /'ongs ste gzugs 'gyur sdug bsngal ldan ma yang / /btsan thabs kyis ni bya min nad pas byas nas ni/ /phyis nas 'gyod pa skyes pas gdung ba des smras pa/ /bya min 'di ltar byed pa bdag la ji ltar ni//bu mo khyod kyi di ring 'dir ni gegs ma byas/ /bu mo des ni ngo tsha dang bcas pha de la smras pa/ /'phags pa lags sdug bsngal ldan pa bdag la khyod nyid skyabs yin te/ /dal ba min pa chen po gal te khyod las 'di 'byung na/ /da ni gzhan las ci yi phyir ni bdag nyid slong bar bgyid//mnga' bdag nyid kyi drung nas ni/ /gal te sdug bsngal chen po 'byung / /'jig rten 'di yi yid 'phrog ma/ /bde ba gang las skye bar 'gyur/ /mun pa 'phros pa'i 'od ldan pa/ /gal te mar me nyid byed na/ /snang bcas khyim ni 'dod rnams kyis/ /snang ba gang nas slong bar 'gyur//de ltar bdag nyid chen po des smras nas slar yang cang mi smra bar gnas par gyur to/ /rgyal pos smras pa/ khyed kyis 'di tsam pa smras kyang 'di ci yin zhes bdag gis shes pa ma yin no/ /rkang rjes shes pas smras pa/ gal te rgyal po chen po gzhan la nye bar bstan pas smras pa/mkhyen pa ma yin na de bas na gsal bar bdag gis brjod par 'gyur te/ skyed mos tshal gyi tha mar gnyid/ /log pa'i na chung la gsal bar/ /mu tig gi har khyed nyid kyi/ /mdun na 'don 'dis mngon du 'phrogs/ /rgyal pos smras pa/ de ni slar bdag gis gang du gzhag par 'gyur zhes zer ro//rkang rjes shes pas smras pa/ gal te de ltar yin na de bas na seng ge'i khri 'di bsal bar mdzod cig dang seng ge'i khri yang bsal ba dang / de nas de'i sa 'og brkos nas ni/ /skye bo dgod pas rnam par mthong bar gyur pa ni/ /lto 'phye dkar po gnyid log ltar ni rab bzung nas//yid 'phrog mu tig har ni kun nas bton par gyur/ /de nas rgyal po ngo mtshar skyes te skye bos kyang ni der/ /don dam la ni ma lus 'brel ba'i blo can de yi mkhyen pa yis/ /skye ngan dngos pos yid ni smod cing skye bzang la brnyas can/ /khro ba dang bcas nyid ni mdun na 'don de 'byung bar 'gyur//skye bo yon tan can rnams kyi/ /yon tan phun tshogs cher grags pa/ /ser snas non pa'i sems ldan pa'i/ /skye bo ngan rnams bzod pa min/ /res ma'i gtso mo des kyang mu tig gi har blangs nas sems dga' zhing rang gi khyim du song bar gyur to//byang chub sems dpas kyang gdan la kun nas nye 'khor dang bcas pa rgyal po de'i lam bzang po rtogs par bya ba'i chos kyi bstan pa 'di ltar byas par gyur te/ skye bo 'di yi phun tshogs 'di/ /sdug bsngal gyis ni yang dag ldan/ /dug can sbrul gyis shis brjod pa/ /dug dang lhan cig skyes pa ltar//nor gyi phyir ni bya min rnams/ /bde ba 'dod pas byed 'gyur ba/ /dmyal ba'i sdug bsngal las 'byung bas/ /sdug bsngal chen po mthong min pa/ /yul gyi mun pa las nub pa'i/ /tshad ni kun nas mthong byed cing / /skye bo shi ba min pas sems kyi khyim la 'brel pa 'debs par byed//yun ring re ba'i lto 'phye mo ni nye bar zhi ba'i bde ba'i phyir/ /chog shes sngags ni thob pa'i skyes pa la ni kun nas yod par byed/ /longs spyod rnams ni thob pa'i yid ldan ngal ba rnams lam bltas gzhan rnams la ni brten/ /bsnyen pa sdug bsngal skyed par byed pa su la'ang gnod par mi byed dgra sta'i so ltar ni//gal te gtan du ba yi bde ba 'dod na de bas chog shes la ni dmigs par mdzod/ /re ba'i me stag chog shes la ni yang dag gnas pa'i yid ni tshig byed ma yin no/ /de nas rgyal po des legs so legs so zhes bya bas byang chub sems dpa' la mngon par bstod de/yo byad chen pos gus par byas te rang gi khyim du rnam par btang bar gyur to/ /de ltar bcom ldan 'das des so so'i skye bo'i gnas skabs su yod pa na yang shes rab kyis 'jig rten pa rnams ngo mtshar bar mdzad na/ mngon par rdzogs par sangs rgyas nas lta smos kyang ci dgos snyam du rnam par bsams nas/sems dang ldan pa su zhig sangs rgyas bcom ldan 'das la dang ba bskyed par mi byed ces bya ba'o/ /rkang rjes shes pa'i skyes pa'i rabs te skyes rabs brgyad pa'o// //yul gyi dgra rnams kyis ni bskul gyur pa//shin tu 'jigs pa'i sa yi 'og tu sdig /skye bo ring po nas ni 'gegs byed de/ /legs par gsungs pa myur du grogs po ltar/ /'di ltar rjes su thos te grong khyer gzhan zhig na drang srong rgyas pa'i rigs brgyan par byed 'dod pa ltar gar gyi cha rnams la mkhas pa'i drang srong rgyas pa'i sras su zhig gi khyim bdag mo'i lto ba na byang chub sems dpa' skye bar 'gyur te/rgyas pa'i sras kyi mchog gi bud med de la ni/ /dus ni 'das nas mtshan mo'i zla ba'i cha lta bur/ /yid 'phrog yan lag can ni bu mo'i rgyu yis ni/ /gzugs ldan gar gyi cha dang 'dra ba skyes par gyur//de yi gzugs ni khyad par du yang mdzes pa mthong nas ni/ /chu las skyes pa'i rdul ltar 'jam pa'i lus kyi srog shing gi/ /bzhin gyi ri bong can gyi mdzes pa ma lus 'phrog byed pa'i/ /pha ni dga' bas dpe med ma zhes ming du btags par gyur/ /de nas dpe med mas lo gnyis lon pa dang de'i pha ma dag 'jig rten gzhan du nye bar song bar gyur to//rgyas pa'i sras de'i gzhan dag la rgyas pa thams cad kyi mchog tu gyur pa'i gtso bo grogs po byung bar gyur to/ /des kyang yang dag par nye bar 'ongs te dpe med ma'i rang gi skye bo la smras pa/ mtho ris su nye bar song ba'i grogs po de la dpe med ma 'di'i 'o ma bdag ni pha yin te/de bas na mya ngan gyis chog gis gal te yang khyed cag la 'dod na de bas na bdag gi 'di gar gyi cha rnams la mkhas pa byed par 'gyur zhes zer ro/ /rang gi skye bos de ltar bgyi zhes bya ba so sor thos pa la gtso bo des dpe med ma blangs nas rang gi khyim du khyer te dus ring ba ma yin pa nyid kyis yi ge rnams la mkhas par byas te/gar gyi cha rnams la goms shing mkhas par byas par gyur te/ 'dis ni legs par bdag ni gnas la nges sbyar te/ /bdag nyid chen po gtso bo rnams kyi mchog gis ni/ /de ltar rab tu 'dzin ltar phrad 'dod de la ni/ /nyi ma re rer gar gyi chas ni kun 'khyud gyur//de nas gtso bo des gar gyi cha ma lus pa de la grub pa'i ngo bor byas nas bu mchog la rab tu byin par gyur to/ /grong khyer de la yang mi'i bdag pos bos nas gtso bo de la smras pa/ klog dang gar ni ma lus pa/ /gang gis khyed kyis mnyen dang / mthong / /'jig rten 'di la de nyid kyi/ /'bras bcas rna ba mig dang sems/ /de bas 'dir ni gar mchog ni/ /gar gyi dbang phyug ston byed pa'i/ /khyed la lta bar 'dod pa ste/ /khyim du btsun 'khor bcas skye bo/ /gtso bos smras pa/ khyed 'dra rtogs ldan sa yi dbang phyug yod pa la/ / sbyor ba byed pa'i yid ni bde blag bya bar 'gyur/ /shar nas gnas pa'i bde mthong 'gro ba'i 'od can la/ /ze'u 'bru kun nas dbugs ni 'byung ba pad+ma ltar/ /e ma yid kyi rnam 'gyur gsal bar rab tu 'gro ste gang gi nyams rnams kyis/ /shin tu glu yi rnam 'gyur de rnams rjes lhung nyams kyi dbang gis gdon par mdzod//kun nas 'gro ba 'di yang sgeg cing rkang pa rnam par bkod pas 'jam pa ni/ /de ltar brjod cing ltad mo ba ni 'phrog byed gar mkhan la yang spro ba skyed/ /de lta bur gyur pa'i lha yang ltad mo ba ste de bas nas bdag gi rjes su 'dzin pa ste gal te bdag gar gyi bstan bcos rab tu spyor zhing lhas mthong bar 'dod ces zer ro//rgyal pos smras pa/ /de bas na dus 'da' bas chog ste gar gyi cho ga rab tu rtsom pa nyid du mdzod cig ces zer ro/ /de ltar bgyi'o zhes bya ba gtso bo des so sor mnyan nas mig la dga' bar gyur pa ltad mo'i khyim rnam par bsams na//btsun mo'i 'khor dang blon po dang grong khyer ba'i tshogs dang bcas pa'i rgyal po de yang dag par nye bar bzhugs pa la rdza rnga'i sgras kun nas khyab pa'i mi'i bdag po'i pho brang du zlos gar mkhan gyis shis pa brjod pa'i tshigs su bcad pa gdon pa sngon du 'gro bar gar gyi cho ga rab tu skabs phye bar byas pa la/gtso bo des dpe med ma dang lhan cig tu ltad mo ba rnams kyi sar rab tu zhugs par gyur to/ /kun nas thos par byed cing rdza rnga'i sprin gyi sgra chen po/ /gar de sprin gyi dus na mig rnams la ni mngon par dga'/ /dgod pas snang bar byas pa'i gdong can sgeg cing mngon dga' ba//gar mkhan mo yi glog de ma lus pa ni brgyan par byas/ /gtso bo'i dpyid ni mdzes pa ma nyams yang dag thob nas ni/ /de ni 'jam pas dgod pa'i dbang gis bzhin gyi chu skyes kyi/ /sor phreng 'od zer ze'u 'bru can na cung zad du//dpe med ma yin pad+mo sgeg dang bcas par gsal byas gyur/ /nyams ni gang gang ston par byed cing sgeg dang bcas par nyams ldan nas/ /de ni gang du shin tu dgar 'gyur yan lag srog shing can/ /mtshar bas legs so legs so zhes ni skye bo kun brjod cing //de la bltas nas phrad 'dod phyir ni de rang bzhin ltar 'gyur/ /bud med gzugs ni zla ba ltar ni yid 'ong sgeg spangs kyang / /skye bo sems ni phrad par 'dod pa byed pa nyid yin te/ /ngo tsha sgeg dang 'jam pa'i dgod pas mchu ni bsgum byas pa/ /yid kyi rnam 'gyur ldan pa'i sna tshogs cha mkhas smos ci dgos//de nas dka' thub pa'i sras gzhan dag dka' thub spyod pa'i yongs su ngal bas yid skyob nyid kyis 'di ltar bsams par gyur to/ /rang bzhin gyis rtsub pa'i rtsa ba dang 'bras bu mngon par zos pas mod pa'i sdug bsngal nye bar lhung bas bzod par dka' ba'i ri dgas kyi pags pa dang shing gi lo ma tsam gyon pas sra ba la nyal bas lus skyo ba'i dka' thub kyi nags na gnas pas bdag la chog ste/de bas na bdag ni song ste khyim na gnas pa nyid du bya dgos snyam mo/ /rab tu dga' ba'i khyim bdag mo kun nas don du gnyer ba'i skye bo tsho bar gyur pa na me mchod kyi du bas gtsang bar byas pa dang /bud med rnams kyis ba rnams kyi be+e'u la rab tu rtse bar byed pa dang / shin tu dri zhim pa'i me tog rnams kyis lha'i gnas mchod pa dang / kun nas 'byung ba'i kun+da sar pa ltar dkar ba'i zho dang bsres pa'i gtor ma rnam par bkod pas shar phyogs su bsres pa dang /tho rangs dang mtshan mo'i sgo rnams la ba lang skyong bar byed pa rnams kyis ba rnams 'jo bar byed pas 'o ma'i rgyun gyi sgra thos pa dang / nyi ma re re'i rjes la mngon par 'ongs pa'i grogs po skye bo'i gtam gyis dga' bar gyur pa bram ze nyan pa po khyim pa su zhig ces bya ba'i khyim snying dga' bar mi 'gyur snyam du rnam par bsams nas grong khyer du 'ongs te/mi'i bdag po'i pho brang du rdza rnga'i sgra thos nas grong khyer ba'i skye bo yang de la mngon par phyogs par mthong nas/ re zhig bdag gis kyang 'gro bar bgyis te ltad mo blta bar bgyi'o snyam du rnam par bsams nas mi'i bdag po'i pho brang du rjes su zhugs ste mtha' gcig tu spo'i gdan la nye bar gnas shing sgeg pa'i rkang pa rnam par bkod pa dang /yan lag g.yo ba dang smin ma mthong pos 'di ltar rab tu bskul ba 'dra/ /'di ltar gyur pa'i gzhon nu ma yi gzugs ni e ma sgeg pa yi/ /mdzes pa yid 'ong su zhig yid la bde bar byed ma yin//bud med kyi gzugs 'di lta bu rnams dka' thub kyi nags na gnas pa rnams kyi mig gi yul du gang na 'gro ba yin te/ glu'i sgra rnams ni rna ba'i lam du ji ltar 'gro ba yin snyam pa de bas na bdag gi dka' thub kyi nags na gnas pa yongs su dor ba ni gnas yin no snyam du rnam par sems shing /mig mi g.yo ba dang ldan pas dpe med ma mthong bar gyur te/ de bas gtso bo lta bas 'brel ba mig ni dkar rgyas pa/ /de yi gos ni 'o ma'i rgya mtsho'i lbu ba ltar dkar ba/ /gser gyi pad+ma zum dang rjes su mthun pa 'dzin pa yi//'o ma 'dzin pa gnyis las glo bur du ni cung zad lhung bar gyur/ /'o ma 'dzin pa gnyis ni 'byung ba srab pa'i dbus kyi cha/ /de la de nas rgyas pa mthong nas cung zad dgod byas te/ /glags ni tshol la rtse gcig pa dang g.yo ba'i bsam pa can/ / yid las skyes pa'i dbang gis kun nas 'dod pa song bar gyur/ /bud med gzugs ni mthong nas ni/ /dka' thub nor can legs blo yang / /brtan ni skad cig tu ni dor/ /tha mal skye bo smos ci dgos/ /de nas dpe med ma steng gos lhung blangs nas gtso bo de yan lag med pa'i dbang du song bar shes nas mun pa dang bcas pa'i skye bo'i sgron mar gyur pa'i legs par bshad pa 'di ltar rab tu smras par gyur to//chos la yid ni nyams pa med par shin tu ring btang nas/ /su zhig dri ma dang bcas las ni dmyal ba'i don du byed/ /gang zhig mtshan mo rnams la mar me snang bar byed pa dor//lam las nyams pa nges par de ni mi mnyam rnams la 'gro/ /de nas gtso bo des legs par bshad pa des slob ma slob dpon gyi ltar lam ngan pa la 'jug pa yang dag pa'i lam la zhugs par byas te/ legs so legs so zhes bya ba brjod nas rang gi steng gos dpe med ma la byin par gyur to//dka' thub pa'i sras de yang ngo mtshar ba'i blo e ma 'o legs par bshad pa zhes bya ba brjod nas dpe med ma'i mdun du shing gi lo ma dang bcas pa'i khri snyan sa le nag po'i pags pa bzhag par gyur te/ legs so legs so zhes brjod pa'i/ /der yang dga' ba'i yid dag gi/ /gos dag zla ba ltar dkar ba/ /tshong ba gnyis pos bzhag par 'gyur/ /blon po dang ni rgyal po'i sras/ /de bzhin ngo mtshar de ldan pas/ /zla bas gos dag bzhag gyur te/ /sor mo'i 'dab ma dag 'khor ba//de nas gar gyi ltad mo rdzogs pa la thog ma nyid du rgyal po des gtso bo la dris par gyur pa/ khyod kyis ni dpe med ma rang gi gos kyis ci'i don du mngon par brgyan par bya zhes zer ro /gtso bos smras pa/ lhas gsan par mdzod cig /lhung ba'i gos can 'di yis ni//gzugs kyi yid 'ong nyid mthong nas/ /brtan pa dang bral bdag gi sems/ /gzhan las skyes pa min pas byas/ /'di yi bzhin gyi zla ba'i dkyil 'khor la 'jug pa/ /shin tu yang ni dag gi zla tshes gsal ba yis/ /chos kyi lam las 'gegs par byed pa bdag gi mthus//chags pa'i rang bzhin mun pa chen po bral bar byas/ /de nas bdag gi yan lag las ni spun snal ma las byung ba bsal byas nas/ /'di la gtsang dang brtan pa'i sems ldan 'di la sbyin pa ste/ /mun pa 'bigs pa'i legs par bshad pa rab tu byung ba ni//sems dpa' dang ldan de ni skye bo su zhig brten mi byed/ /de nas rgyal po des drang srong gi sras la bos nas smras pa/ re zhig brjod par mdzod cig ci'i phyir khrod kyis shing gi lo ma dang bcas pa'i khri snyan sa le'i pags pa nag po de dpe med ma'i mdun du gzhag ces zer ro//dka' thub pas smras pa/ /rgyal po chen pos gsan par 'os te bdag gis sngon rol du kun nas bsangs par gyur te/ /ji ltar kun nas nyon mongs pa ma yin pa'i dka' thub pa'i rab tu byung ba nyid spangs nas khyim na gnas pa nyid rjes su skyong bar byed par 'gyur snyam mo/ /rgyas pa'i bud med 'di yi legs par bshad pas klan ka byas pa dang 'dra bar ji ltar dus 'di tsam gyi bar du shin tu bya dka' ba'i dka' thub kyis bdag nyid rnam par sbyangs te/glang po che'i khrus dang rjes su mthun pa skyon du ma rnams kyi gter khyim na gnas pa nyid dmigs par khyod 'dod pa de'i phyir slar nyid dka' thub kyi nags nyid du 'gro bar 'dod pas/yid ni 'phrog byed grol ba'i lam ni ston pa po/ /de bas legs par bshad pa chen po mchod gyur pas/ /bag med pas ni 'di yi mdun du dka' ba bzod pa yi/ /shing lo dang bcas pags pa 'di ni bdag gis bskur/ / de nas rgyal po des tshong pa de dag la dris par gyur te/ /'o na khyod gnyis kyis brjod par gyis shig /ci'i phyir khyed cag dag gis gos gnyis bsgyur zhes zer ro/ /tshong pa de dag gi gang yang rung bas gzhan dag gis ni brjod cing gnas so/ /lhas gsan par 'os zhes zer ro/ / ded dpon su zhig yul gzhan du 'gro bar 'dod pas bdag gi lag tu rin che ba'i mu tig gi har gzhag pa ste/ de yang dus gcig gi tshe na dga' ston gyi zhag la bdag gi lhan cig chos spyod mas mgrin pa'i rgyan nyid du gzhag pa ste/ bdag gi grogs po 'di khyim bdag mos mthong bas de nas bdag gi khyim thab mo des smras pa khyod la 'di lta bu'i mu tig gi har 'di gang nas byung zhes zer ro//de nas des smras par gyur pa ded dpon su zhig gis bdag gi bdag po'i lag tu bzhag pa ste/ der yang khyod kyi khyo pos dbang po nyid byas par gyur to/ /de nas des smras pa/ ded dpon der 'ongs pa la gal te bdag gi khyo pos smras par mi 'gyur na de nas 'di bdag cag la spyi mar mu tig gi har 'byung bar 'gyur ro/ /zhes zer ro/ /khyim bdag mo gnyis kyi bzang po ma yin pa'i lam la dmigs pa'i tshig de thos nas bdag cag la yang 'dod pas zil gyis non pa'i yid dag de ltar bgyi zhes khas blangs pa zhes bya ba'o//de bas thub pa'i ltar ni mun pa chen po 'joms pa 'di'i/ /rgyas pa'i bud med kyi ni legs par bshad pa 'di mnyan nas/ /dge ba'i lam 'phrog brnab sems de ni dor bar byas nas ni/ / bdag cag slar ni skye ba bzang po'i lam la nges par zhugs/ /de bas bdag dang bdag pa'i sems ldan 'di yis ni/ /chags pas dmyal ba'i me yi bud shing rnams spangs nas/ /sa yi dbang phyug legs so zhes bya'i tshig brjod de/ /bden par glo bur nyid du gos dag dor bar bya/ / de nas rgyal po des blon po de la dris par gyur pa 'o na khyod kyis kyang re zhig smra bas 'os te/ khyod kyi slar gos ni ci'i phyir bskyur zhes zer ro/ /blon po des kyang sa la pus mo dag rnam par btsugs nas smras pa/ /lha lags gal te kho bo cag la lhas mi 'jigs pa sbyin par 'gyur na de bas na bdag gis brjod par bgyi zhes gsol to//rgyal po des kyang mda' dang bcas par mi 'jigs pa byin par gyur to/ /de nas blon po des dben pa'i sa la rgyal po de la brjod cing gnas so/ /lhas gsan par 'os zhes bya ba'o/ /gdug pa'i bdag nyid bdag dang lha'i btsun mo gtso bo 'dis nges par 'di ltar byas par gyur te//sa skyong 'di ni mtshan mo gnyid log pa/ /dug gis sam ni ral gri rnon po yis/ /rnam par bsad de de nas dbang rjes 'gro/ /nor 'dzin 'di ni rab tu byed 'gyur ba/ /rgyas pa'i bud med kyis ni mtshan mo'i zla ba las/ /gsal bar legs par bshad pa gsal bar thob nas ni//yang dag ma yin rnam rtog las byung mngon pa ste/ /yon tan rnam 'joms myur du bdag gis gsal bar byas/ /dam pa dam pa ma yin brten pa shin tu mkhas/ /mi shes mun pa ma lus rnam 'joms legs pa'i gsung / /dbang po'i sgra las rgyal ba kun nas mchod byed pa'i//bdag gi gos de 'di ltar skad cig la ni dor/ /de nas rgyal po des ni rgyal tshab tu dbang bskur ba'i sras kyi thu bo la dris pa/ da ni tshe dang ldan pa khyod kyis smros shig /ci'i phyir tshe dang ldan pas gos bskyur zhes zer ro/ /rgyal tshab tu dbang bskur bas smras pa/yab kyis gsan par 'os zhes zer te/ /blon chen sdig pa can lhan cig /rigs las sun 'byin ma mo ni/ /gsang bar bya zhes kun rtog ni/ /bdag gis 'di ni thog mar byas/ /legs par bshad pa 'di mnyan bya/ /rgyal ba'i bud med kyis mnyen nas/ /rang gis phan 'joms ma dpyad pas//bdag gi sems ni rnam par bzlog /de nas brtan mo'i dbus su yang / /legs so legs so zhes brjod pas/ /ma dpyad par ni mnyes gshin pa/ /legs gsung sred pas ma dpyad par/ /bdag gis kyang ni gos bskyur ro/ /lam min pas ni skye bo rnam bzlog cing //snying la bde ba legs bshad bdud rtsi ni/ /dang ba dang ldan yid bcas su zhig gis/ /'di ltar slob dpon bzhin du mngon mchod min/ /de nas rgyal po des legs so zhes bya ba brjod cing dpe med ma la bos nas nor yang dag par rab tu sbyin pa chen pos gus par byas nas bstod pa'i phyir brtsams pa/nges par rnal 'byor nus pa yis/ /thub chen blo ldan su yang ni/ /bud med gzugs ni bzung nas ni/ /'gro ba zhi phyir khyod 'ongs pa/ /khyod kyi skyon ni sel ba yi/ /legs par gsungs pa'i lcags kyus ni/ /yon tan sna tshogs ri bo'i nags rnams kun nas 'phrog byed cing //kha cig ces bya snying gi mche ba gnyis pa smyon chus bslad/ /skad cig der ni smad pa'i lam la rab 'gro bkag min nam/ /de bas na bdag gi grong khyer 'di mgon dang bcas pa ste/ gang zhig khyed kyis byin gyis brlabs pa zhes bya ba mngon par bstod nas rgyal po nang du rab tu zhugs par gyur to//dka' thub pa'i sras des kyang slar dka' thub kyi nags nyid du song bar gyur to/ /rgyas pa de rnams kyang dpe med ma dang lhan cig tu rgyal bo'i gus pas dga' ba rang gi khyim du song bar gyur te/de ltar na bcom ldan 'das des bud med du gyur pa na yang legs par bshad pa'i mar mes 'jig rten la lam bzang po'i snang ba mdzad nas mngon par rdzogs par sangs rgyas nas ni lta ci smos snyam du rnam par bsams nas/ sangs rgyas bcom ldan 'das la gus pa bskyed par bya zhes bya ba'o//rmongs pa'i mun pa 'joms shing dam pa'i skye bo'i rjes mthun pa/ /chos las mi 'da' lam ni gsal byed legs bshad zla ba la/ /gang gi sems ni nges par zhugs byed dge ba nyer thob phyir/ /de yi lta ba nam yang mun pas 'gegs par mi 'gyur ro//dpe med ma'i skyes pa'i rabs te skyes rabs dgu pa'o// //gang zhig gzhan ni rgud par song ba 'don/ /de yi shes pa 'bras bu dang bcas te/ /gang zhig gzhan gyi rgud pa rnams kyi rgyus/ /skye bo de ni nyon mongs mi byed do/ /'di ltar rjes su thos te/ bA rA Na sI'i rgyal po'i khab na rgyal po tshangs pas byin mtho ris su yun ring po ma yin par song ba la de'i blon po rnams kyis grong khyer ba'i tshogs la bos nas smras pa/lha'i bka' nyon cig ces zer ro/ /ji ltar bdag gi sras lnga po rnams kyi nang nas gang gi 'byung ba rnams seng ge'i khri nam mkha' la gnas pa 'dzin par 'gyur ba dang /nyid kyi cod pan spyi bo la gnas par gyur te/ gdugs kyang ma bzung ba nyid du mi g.yo bar steng du gnas par 'gyur ba dang / btsun mo'i 'khor rnams kyang mngon du ldang ba byed par 'gyur la/ tshig le'ur byas pa 'di yang gang zhig gis don ji lta ba bzhin du 'chad par 'gyur ba ni/phyi dang nang du yang gter te/ /de bzhin nang dang phyi rol min/ /pad+ma rnams bkab chu la ni/ /shing dang ri bo rnams kyi rtsar/ /de yi dbang bskur bya zhes zer/ /grong khyer ba rnams kyis smras pa/ gang zhig lha'i bka' de cho ga bzhin du rjes su bsgrub par bya zhes gsol to//de nas dngos po de rnams go rims bzhin du nye bar bkod par gyur pa rgyal po'i sras bzhi po la don ji ltar ma gyur pa rnams 'byung bar gyur to/ /me long gi gdong can zhes bya ba chung ba gzhon nu lnga pa byang chub sems dpa' ste de'i yang / seng ge rnam par gnon pa can gyi seng ge'i khri//'byung ba rnams ni bden pa'i smon lam nus can gyi/ /kun nas 'dzeg par 'dod pa'i mi dge'i dgra zad pa'i/ /sa las brten te bar snang la ni 'dzin par 'gyur/ /'di'i gdugs kyang gser gyi yu ba ldan pa ni/ /mu tig dang ni nor bu'i g.yer khas 'brel pa ni//phyi nas nye bar 'ongs te ri bong can mtshan pa'i/ /gzugs brnyan ltar gsal steng du rang nyid kyis ni gnas/ /mdun na 'don pas kyang ni 'di yi sngon du bzung / /rnam g.yo 'od ldan nor bu'i 'od zer dra ba can/ /shar gyi ri yi nyi ma'i gzugs can lta bu ni//rang nyid kyis ni spyi bor cod pan gnas par gyur/ /de nas byang chub sems dpa'i nyi ma de ni lta byas nas/ /blo yi 'od zer snang bas mun pa ring du byas pa ni/ /langs pa'i gdong gi chu skyes dgod pas mdzes pa langs pa ste/ /rgyal ba'i btsun mo'i pad+mo'i nags nas shin tu mdzes par gyur//de nas blon po de rnams tshig le'ur byas pa de nye bar bzung ste smras par gyur pa/ gzhon nu lags re zhig tshigs su bcad pa 'di'i don ni mkhyen par mdzod cig ces zer ro/ /de nas byang chub sems dpa' de rjes su brjod nas smras pa/ pho brang 'di'i nang dang phyi rol du dbus su btsun mo'i 'khor la 'os pa'i nags kyi rdzing bu la rgyal po'i nye 'khor gyi shing tsU ta dang seng ge'i khri'i 'og tu gal te gter rnams yod par gyur na de nas tshigs su bcad pa 'di'i don gsal bar bya zhes zer ro//blon po de rnams kyang gnas de rnams thams cad las gter rnams brko zhing gnas par gyur to//de nas yid ni dga' 'gyur te/ /grong khyer blon po lhan cig bcas/ /skye dgu sbyor phyir dbang bskur te/ /byang chub sems dpa' mdun gnas te/ /der ni rgyal srid rjes su brtan pa yang dag par/ / sa yi bdag la lha yi bdag po ltar ni mtho ris sa/ /bde ba rnyed pas yo byad 'phel bar gyur pa yin/ /bsod nams brten pa 'jig rten yun ring dga' bar 'gyur/ /gang du sa yi bdag po dri ma bral ba ni/ /des ni 'gro ba 'phel ba lhag par 'gyur ba yin/ /sprin dang bral bas dri ma med pa'i nyi ma la//dpal ni mtsho las skyes pa'i nags rnams sten par byed/ /skye bo'i gnas de la yang gnas shing bram ze dbyig pa can zhes bya ba rtag tu dbul ba'i sdug bsngal nye bar ltung bas yid 'khrugs pa/ glang po che phru gu'i skra ltar skra dang smar rtsub pa/ lus shin tu che ba nyid kyi phyir shing gi bang mdzod kyi rnam par 'dzin cing / shin tu rab tu 'bar ba'i lto ba'i me nyid kyi phyir bzod par dka' ba/ lto 'phye'i phru gu rab tu 'gro ba ltar 'khyog pa'i rtsa'i dra ba rnams kyis nye bar bsags pa'i mi mnyam pa'i rje ngar sbom pa/ mche ba gnyis pa'i phru gu'i dpral 'bor dang rjes su mthun pa'i pus mo gnyis dang ldan pa/ bil ba'i rnam pa can gyi rkang pa la phol byung ba dang rkang pa gnyis pa la rgad po'i lce ltar rtsub cing gas pa dang / ba lang gi mjug ma dang mig ltar mig mi bzang ba/ bar yod pa'i sngo ba'i so can/kun nas nyeg cing sbom pa'i sna'i gzangs dang ldan pa/ rtsub cing mi mnyam pa'i sor mo'i sen mo can/ bsod nams dang bral ba nyid kyis rang gi skye bo rnams la yang yid 'byung ba skyed pa/ rtag tu slong ba'i dus su dman pa'i skye bo'i smin ma g.yo ba'i gzhus bskul ba'i gus pa ma yin pa'i dug gis bcug pa'i 'gegs pa'i mda' rnams kyang phongs pa'i sdug bsngal gyi khrab dor ba'i yid kyis ma bcings par gnas te/dman pa don gnyer las 'jigs min/ /smin g.yo sbrul las ji ltar te/ /de rnams kyis ni kun shes brjod/ / sred pa'i rig pa dug gi sman/ /des kyang rang dang 'dra ba'i bram ze las ba lang dag g.yar nas zhing gi las byas par gyur to/ /de nas ba lang de dag thong gshol gyi bya bas kun nas ngal ba'i dbang gis bgrol te zhing gi mtha' mar gnyid log par gyur to/ /der gnyid log pa yang re zhig ba lang dag rab tu nyams par gyur te/des kyang rim gyis langs nas kyi hud chom rkun rnams kyis ba lang dag phrogs so snyam du sems shing dgon pa thams cad kun nas bskor te/ ji ltar yang ba lang dag kun nas rnyed nas bram ze de la nye bar gtad par gyur to/ /bram ze des kyang de la smras pa/ de ring khyed kyi khyim du bcings nas bdag gi ba lang 'di dag la rtswa sbyin par 'os te/ nang bar bdag gis khyim du khyer bar bya'o zhes zer ro/ /des kyang de ltar bgyi zhes so sor mnyan nas ba lang de dag dgon par grol te slar yang gnyid kyi dbang du song bar gyur to/ /de dag kyang slar de lta nyid du rab tu mi snang bar gyur to//bram ze des kyang dbyig pa can la 'ongs te smras pa/ ba lang dag sbyin par mdzod cig ces zer ro/ /dbyig pa can gyis smras pa/ gang tshe khyod la bdag smras gus bcas 'ongs nas ni/ /ba lang rgan po 'di dag khyim du zung shig ces/ /de tshe skyon can gyis ni ci phyir ma bzung ba//da ni gang nas de dag khyod la bdag gis sbyin/ /bram zes smras pa/ dbyig pa can gzhan nas gzhan dag gis 'di lta bu'i tha snyad gzhan su zhig gis shes par 'gyur te/ byis pa'i smra ba 'dis ci zhig bya bas zhog cig /me long gi gdong can mi'i bdag po'i mdun du tha snyad kyi phyir bdag cag 'gro bar bgyi'o zhes zer zhing des nan gyis 'gugs par gyur te/rim gyis kyang de dag song ba la rta skyong gis rta rnams dgon par khrid cing rta cig lam nas 'da' bar byas te/ gzhan du song bar gyur to/ /de nas rta rdzi des dbyig pa can la smras pa/re zhig rta gdug pa can 'di lam yongs su dor ba bzlog par gyis shig ces zer ro/ /de nas dbyig pa can gyis rta bzlog pa'i phyir rdo ba 'phangs par gyur te/ rta yi rmig pa'i sgra byung ba'i/ /lam ni dor nas song ba yi/ /rta yi rje ngar 'phangs pa yi/ /rdo bas de ni chag par gyur//de nas thag pas mgrin bcings nas/ /rta rdzi des ni sdug bsngal ba/ /chad par 'os pa dbyig pa yis/ /dbyig can de la brdungs shing smras/ /rta 'di'i rje ngar bcag nas ni/ /da ni khyod kyis gang du 'gro/ /de lta tha snyad nyid kyi phyir/ /'o na rgyal po'i drung du 'gro/ /de nas dbyig pa can de dag gis bkug par gyur pa chu bo'i bar na pha rol gyi 'gram nas mgo bo la rnam par dkris pa'i thum po chen po can so rnams kyis ste'u 'dzin pa'i shing mkhan mthong ste smras pa/shing mkhan chu bo la ni rnam par zhugs byed cing / /ste'u legs par 'dzin pa so rnams kyis ni mdzod/ /nam zhig 'di ni chu la nges par ltung ba ste//de bas bdag ni blo dman khyod la rjes su bstan/ /de nas shing mkhan des khro bas khro gnyer ba skyed pas mi mnyam par byas pa'i gdong can de la smras pa/ re zhig khyod kyis bdag nyid 'dir/ /blo gros chen po rjes su ston/ /bdag la don med ci phyir bslab//khyod ni bdag gi mkhan po min/ /de ltar brjod cing shing mkhan de'i/ /khro bas 'khrugs pa'i bdag nyid kyi/ /chu bo'i chu la ma dpyad par/ /ste'u kha nas lhung bar gyur/ /de nas dbyig pa can bzung nas/ /chu bo brgal nas shing mkhan des//thag pas mgrin par brtan bcings nas/ /khros pas 'di skad smras par gyur/ /gal te mgrin pa nub pa'i chu bo 'di la bdag /rab tu brgal zhing khyod kyis sleb par mi 'gyur ba/ /khyod kyi lan ni smra bas g.yo ba'i mchu ldan pa'i/ /bdag gi kha nas ste'u chu la lhung mi 'gyur//chu 'di la ni ste'u kun nas gdon byas nas/ /rno ba'i so yi rtse mo de nyid bdag la byin/ /gal te khyod ni chu la zhugs par mi nus na/ /de nas shog shig rgyal po'i drung du 'gro bar gyis/ /de nas dbyig pa can 'jigs shing 'jigs pa can des kyang bkug ste song bar gyur to//rim gyis kyang de rnams thams cad du dbyar gyi nyin mor byed pas lus gdungs par gyur pa mthug pa'i pa la sha'i shing gi grib ma la ba glang gi tshogs gnas pa dang / drung na rdzing bu'i khang pa'i nye 'khor na nye bar gnas pa'i 'thung bar 'dod pa'i lam gyi 'grul rnams kyis chu 'thung bar gyur pa dang /khang pa rnams kyi sgo la gtor ma btang ba yang dag par mthong bas rab tu dga' zhing kun nas lhung ba'i gtor ma za ba dang ldan pa dang / 'ga' zhig bza' ba'i dus la bza' ba'i snod 'khru bzhin pa dang / gzhan byed bzhin pa'i khyim gyi nang du byug pa byas pa dang /me mchod pas 'byung ba'i du ba'i dri ma dang ldan pa dang / gzhan du gnas pa'i kha gyen du lta ba'i khyi rnams lta bzhin par gyur pa'i phyed zos pa'i ba lang gi rdzi bo dang ldan pa dang / gtun shing rdung bas brdung bzhin pa'i rab tu 'gro zhing sha'i dri dang ldan pa dang /'ga' zhig tu don du gnyer ba'i skye bo rnams kyis 'bru sna tshogs pa za bzhin pa dang / /dbus su nye bar gnas pa'i grong du nyin mo la ngal bso ba'i phyir rab tu zhugs par gyur to/ /de yang chang 'tshong ba'i bud med kyis dbyig pa can la smras par gyur pa/ /'phags pa shog shig khyed la sbyin par bya'o zhes zer ro//dbyig pa can gyis smras pa/ bdag gis ji srid sbyin pa kun nas blangs gyur te/ /bud med 'dis ni cho ga bzhin du sbyin 'gyur ba/ /'di nyid du ni de srid bdag la sdod mdzod cig /skad cig tu ni khyed cag snying rje la dmigs pa/ /bram ze dang rta rdzi dang shing mkhan de rnams kyang de grol nas de la smras par gyur pa/sod shig dang sbyin pa blangs nas myur du shog shig ces zer ro/ /des kyang de ltar bgyi zhes bya ba so sor mnyan nas chang 'tshong ba'i bud med de'i khyim du zhugs pa la/ gos kyis bkab pa gnyid log pa'i byis pa'i mal gyi steng du 'dug par gyur te//rdo dang 'dra ba'i lto ba dang ldan de yi khur gyis ni/ /phag ltar dri ma can gyi lus dang ldan pa'i bram ze yi/ /kun nas mnan pas brgyal ba'i lus nyams bral byas nas/ /bu chung de ni mtshams ni rnam grol shi ba nyid du gyur/ /de nas bud med de mngon par byung nas dbyig pa can bslongs te byis pa de shi ba mthong nas kyi hud kyi hud bdag gi bu nu ma 'thung ba 'di khyod kyis bsad do zhes smra zhing smre sngags rnam pa mang po bton nas dbyig pa can bzung ste/tshur shog rgyal po'i drung du tha snyad kyi phyir 'gro bar bya'o zhes bya ba smras par gyur to/ / dbyig pa can gyis smras pa/ khyod kyis gang zhig bsams pa de/ /bdag la re zhig sbyin par byin/ /de nas rgyal drung khyod lhan cig /tha snyad phyir ni 'gro bar bgyi/ /ngo tsha med khyod gnyis skyes rags/ /gang phyir bdag gi bu 'di ni/ /bsad nas ngu ba'i bdag nyid ni/ /sbyin pa khyod kyis bslongs par 'dod//de ltar brjod nas des kyang de la bcings te de rnams gzhan dang lhan cig tu rgyal po me long gdong gi pho brang du mngon par rab tu song bar gyur to/ /dbyug pa can yang rigs kyi bud med su zhig nang 'khor dang bcas pa'i bdag po'i khyim du song bar so sor ngo shes par gyur pa/de nas de la smras pa/ mkhan po khyod ni gang du 'gro zhes zer ro/ /dbyig pa can gyis smras pa/ rang dbang can bdag mi 'gro ste/ /skal ba med pas stobs chung ba/ /gdug pa'i bdag nyid 'di rnams kyis/ /nan gyis bzang mo rgyal drung khrid/ / de nas de rnams kyis de la smras par gyur pa/ e ma'o nongs pa med pa dul ba'i dka' thub can/ /nan gyis bdag cag gis rgyal po'i drung du khrid do zhes zer ro/ /rigs kyi bud med kyis smras pa/ mkhan po shes rab che ba rgyal po me long gdong can la khyod kyis dri bar 'os te/ci ltar zhe na/ gang tshe bdag ni bdag po'i khyim na gnas pa de yi tshe/ /bdag gi yid ni pha yi khang par phrad par 'dod pa ste/ /gang gi pha yi khyim du bdag ni gnas nas de yi tshe/ /shin tu phrad par 'dod pas slar yang bdag po'i khyim ni dran/ /ji ltar bdag gi phrad 'dod 'di//sems la gnod byed mi 'gyur ba/ /de ltar de nyid sa skyong ni/ /blo gros chen pos shes pa yin/ /de nas tshang las 'phye ba'i lcags kyi srog shing ltar gzugs nag pa lce gnyis rab tu 'phrog par byed pa'i lto 'phye phyi rol du byung ste/ dbyig pa can la smras pa/bram ze chen po kye/ bdag gi tshig gis rgyal po me long gdong can la khyod kyis dri bar byas te/ sems 'di sreg par 'dod cing me ltar ci yi phyir na ni/ /tshang las phyi rol byung zhing bdag la bzod pa'i dgra 'byung ste/ /de la gnas shing khros pa nye bar bral ba zhi ba ni/ / ting nge 'dzin la rtse gcig thub pa ltar ni sems ni 'gyur/ /de las mda'i snye ma'i rtsa las shang shang de'u mngon par smras par gyur pa/ bram ze chen po bdag gi tshig gis kyang 'di ltar rgyal po me long gdong can la dri bar bya ste/ ji ltar zhe na/ mda' yi snye mar 'dir gnas shing / / brtan pa mchog ni bdag gis rnyed/ /gzhan du gnas pas ci phyir ni/ /bdag la 'khrugs pa nyid du 'gyur/ /dbyug pa can gyis smras pa/ gal te 'di rnams kyi drung nas bdag la grol bar 'byung bar gyur na/ de nas gtam 'di thams cad rgyal po la bdag gis zhus par gyur zhes bya ba'o//rim gyis kyang de rnams song ba nyid la nyi ma nub pa'i ri la lhag par 'dzegs pa ste/ de nas de rnams thams cad nyid ni shing n+ya gro d+ha'i 'og tu shing gel ba'i gnas la gnas bcas par gyur to/ /de nas mtshan phyed kyi dus la de rnams gnyid log pa la dbyug pa can gyis 'di ltar bsams par gyur ro//gal te ji ltar yang bdag 'di rnams kyi tha snyad kyis pham par gyur na de nas chad pa bdag gis gang nas sbyin par bya zhes zer ro/ /rgyal po'i skye bo rnams kyis sdug bsngal sbyin par byed pa sdug bsngal chen po bzod par nus pa la ma yin te/ de bas na shing n+ya gro d+ha la 'dzegs nas bdag nyid lcebs par 'gyur ba zhes rnam par bsams nas yang bcings pa bkrol nas shing n+ya gro d+ha la 'dzegs pa ste bdag nyid la thag pas 'gag dmig bcug par gyur to//de nas de mi khur chen pos/ ro langs mnyam pa'i chos ldan pa'i/ / shing gi yal ga chag gyur te/ /de las yang dag skyes pa'i sgra/ /de nas gel ba'i bdag po de/ /gnyid log stong du skad cig gis/ /lus che ba ni lhung 'gyur te/ /thag pas bcings pa'i skye bo can/ /gel ba'i bdag pos 'jigs pa ni/ /de nas lag ngar chag langs nas//gnyen rnams longs shing gnas pa ste/ /'khrug pas 'di ltar nges brjod cing / /shing n+ya gro d+ha 'di las sha za lhung bas bdag gi rje ngar 'di chag pa ste/ de bas khyed cag rnams kyis mar me rab tu sbar bar mdzod cig ces zer ro/ /de nas der kha cig rang bzhin gyis 'jigs pa rnams sha za zhes bya ba thos nas phyogs rnams su mi snang bar gyur ro//gzhan dag ni me mar sbar bar bya ste/ /bram ze de la mthong bar gyur te/ /lhung bas rma byung ba'i sdug bsngal gyis kun nas 'khrugs pa'i blo can dbugs dbyung ba mthong nas kyang gdug pa'i bdag nyid can/ khyod kyis gel ba'i bdag po'i rje par chag pa ste/de bas na tshur shog rgyal po'i drung du 'gro bar bya zhes zer ro/ /gel ba srung ba de rnams kyis kyang tho rangs kyi dus na gzhan de rnams dang lhan cig tu rgyal po'i drung du khrid par gyur to/ /de nas mdun sar bzhugs pa'i dus la dbyig pa can dang lhan cig tu de rnams thams cad sgo bas rgyal po me long gdong can gyi drung du nye bar khrid de/gnyis skyes de ni shin tu 'jigs pas brgyal ba'i yid/ /de nas sa yi bdag pos de ni mthong gyur na/ /snying rje'i dbang gis brlan pa'i yid ni 'gyur ba ste/ /sa gsum la ni gcig tu phan phyir yang dag brtson/ /de rnams thams cad kyis kyang rim gyis dbyig pa can gyi nyes pa brjod par gyur pa dang de nas rgyal po des yin par gyis shig /thabs dang bcas par bdag gis bram ze 'di grol bar byed par 'gyur snyam du rnam par bsams nas smras pa/ tha snyad ma thob pa'i bram ze 'di ci'i phyir khyed rnams kyis bsad pa dang bcings pa'i kun nas nyon mongs pas kun nas khyer ba ste/de bas na khyed rnams thams cad nyid chad pa gcad par 'os so zhes zer ro/ /yang na bram ze 'di grol bar gyis shig ces zer ro/ /de rnams kyang chad pas 'jigs pas de bkrol nas gnas ji lta bar kun nas song bar gyur to//dbyig pa can dga' ba'i yid can des kyang rgyal po de la shis pa brjod pa rnams kyis mngon par bstod par byas te/ rigs kyi bud med la sogs pa de rnams kyi gtam de zhus par gyur to/ /de nas rgyal po des thos nas smras pa/ rigs kyi bud med de la 'di ltar brjod par bya ba ste/ bdag po'i khyim du song ba pha'i khyim du yang / /skyes pa gzhan dag 'dod pa gdungs pa mngon par 'dod/ /de ltar 'dar bar byed cing me dang sol bltar/ /gzhan dang 'brel ba'i sems ldan brtan pa khyod mi rnyed/ /gal te yid ni 'tsho 'dod na//de dag las ni sems zlog cig /don med kun rtog gis rmongs pa'i/ /skye bo 'ga' zhig bde ba med/ /sbrul la yang ni brjod bya ste/ /gal te khyod ni bde bar 'dod/ /srog chags su zhig mthong nas ni/ /khro ba byed par 'os pa min/ /gang zhig khro ba'i me ni sbar byas nas//rang gi yid ni tshig ste gzhan yang sreg /nges par rmongs pa'i sems dang ldan pa de/ /dmyal ba'i me yi bud shing nyid du 'gro/ /shang shang de'u la yang smra bar bya ste/ ji ltar zhe na/ mda' yi gel ba'i 'og tu ni/ /gter ni yod pa des khyod ni/ /gnas shing shin tu de la yang //yid ni brtan ldan skye ba yin/ /gter de yang brkos nas khyed dbul ba'i sdug bsngal dang rnam par bral ba bde bar khyim gyi gnas rjes su skyong bar 'gyur te/ de bas na song shig ces bya ba'o/ /de nas dbyig pa can rgyal po de'i blo'i khyad par gyis blo la ngo mtshar skyes pas zhus par gyur te/rgyal po chen po khyed la gang du smon lam yod ces bya ba brjod par 'os so/ /byang chub sems dpas smras pa/ bla na med pa'i byang chub bdag /zhi ba'i phyir ni thob par 'dod/ /srid gsum rgya mtshor nub gyur pa'i/ /'jig rten 'di ni gdon phyir ro/ /dbyig pa can gyis smras pa/ gang tshe khyod kyis byang chub thob//mi shes rab rib gcod pa ni/ /de tshe khyod kyis sleb par bdag /gyur cig des ni so sor thos/ /de nas bram ze de song nas gtam de de rnams la smras te/ gter de bton nas dga' ba'i yid dang ldan pa gnyen 'dun rnams dang lhan cig tu nor gyis phongs pa'i sdug bsngal rnam par bsal te bde bar gnas par gyur to//de nas blon po'i gtso bo la la zhig byang chub sems dpa' la yang nas yang du 'di ltar bstod pa'i skud par brgyus pa'i tshig gi me tog rnams kyis mngon par mchod cing gnas so/ /lha'i 'di lta bu shes pa che ba'i bdag nyid kyis su zhig ces bya ba ngo mtshar bar bkug pa ma yin zhes smas te/ril gnas pa'i me ni ring po nas kyang du ba'i rjes su dpag pas rjes dpog byed/ /'jig rten 'di na rjes su dpog byed dpag par bya ba'i yul can rjes dpog blo ni mthong / /rjes su dpag bya'i dngos po the tshom can la skye bo the tshom bskyed/ /the tshom med pa'i blo ldan khyed 'dra rnams la dbang po las ni 'das kyang mngon sum ldan//gang phyir 'jig rten 'di na yid ni chung ba yul can dbang po rnams kyi dbang byas te/ /de phyir mkhas pa rnams ni dbang po zhes brjod de la dbang du byed pa yod pa la/ /khyed ni ma lus shes bya'i pha rol phyin la gang phyin dbang po rnams lhag dbang byed pa//khyed la dbang ba nyid ni ma thob dbang po shes par bya ba don med brjed pa yin/ /de bas nor ldan kun mchog bcas/ /rdo rje can gyis mtho ris ltar/ /srid pa rnams gcod rnam zhugs pa'i/ /sems dang ldan pa khyod nyid kyis/ /de ltar na bcom 'das de byang chub sems dpar gyur pa na skyon mong ba'i rgyal srid kyang rjes su skyong bar mdzad pas shes rab che ba'i bdag nyid kyis rgud par song ba rnams la kun nas gdon par mdzad do snyam du rnam par bsams nas/sangs rgyas bcom ldan 'das dad pa rtse gcig pa rnams kyis gnas par bya zhes bya ba'o//me long gi gdong can gyi skyes pa'i rabs te skyes rabs bcu pa'o/ /sdom la/ sbrul dang ri dwags gnod sbyin gnod/ /rtsa ba can dang mi ci mo/ /'bar can sman pa rkang rjes shes/ /gar byed me long gdong can no// //bde ba'i cha yis kun rtog rmongs sems kyi//sems ni shin tu bcings pa'i rtsa ba can/ /dam pa rnams ni chags bral gtam gyi chus/ /chags pa'i me ni zhi bar mdzad pa yin/ /'di ltar rjes su thos te/ yo byad yongs su rdzogs pas rab tu dga' ba'i skye bo rnams kyis dga' bar gyur pa/rnam pa sna tshogs pa'i skyed mos tshal rnams kyis mtha' kun nas khyab pa'i 'jog po'i brag ces bya ba'i rgyal po'i khab na/ bstan bcos du ma rnams la kun nas 'dris pas rnam par dag pa'i blo/ dam pa ma yin pa'i skye bo dang 'brel pa la rgyab tu phyogs pa/skye bo bzang po dang 'brel pa la mngon par dga' ba/ /dul ba dang des pa dang bzod pas rnam par brgyan pa/ 'jig rten thams cad kyi gnyen dang 'dra ba'i ded dpon legs 'gro zhes bya ba'i byang chub sems dpa' byung bar gyur te/ mun pa 'joms byed blo yis ni/ / des ni mtshan rnams byas par gyur/ /'od kyis skye bo la bde ba/ /cha dang bcas pa'i zla ba ltar/ /'gro la mi phan sel ba la ni gcig tu mkhas/ /mdun sa mdun sa la ni snang bar gyur pa'i blo/ /grogs po ltar ni yon tan rnams kyis de 'khyud pa/ /byas nas 'bras bu ma lus can ni kun nas 'ongs//de nas dus gcig gi tshe na bdag nyid chen po de bA rA Na sIr lha'i bu mo'i gzugs dang mnyam pa'i bzang mo zhes bya ba res ma'i gtso mo zhes bya ba res ma'i gtso mo thob par gyur to/ /gang gis gzugs mdzes shing rnam par sgeg pa'i zhags pa rnams kyis bkug ste/ ded dpon mang po rnams bdag gis byas te/de nas de'i gzugs bzang ba'i nga rgyal bsal ba'i don du de dang 'brel pa can rnams la yang dul ba'i phyir grogs mang po 'dzin pas legs 'gro bA rA Na sIr kun nas song bar gyur to/ /legs 'gro 'ongs pa thos nas kyang res ma'i gtso mo de la skyon can rnams kyis rab tu smras par gyur pa/khyod kyi skal bzang phun sum tshogs pa 'di/ /nor sbyin lta bu mdzes pa mo legs 'gro/ /tsU ta'i srog shing las ni bud ba ltar/ /me tog 'byor pas de ring kun nas bkug /de bas mkhas shing tshig gis gsal ba ni/ /yid 'ong spos dang dri sogs rab 'dzin pa//khyod kyis der ni rab tu gtong mdzod cig /pho nya mo ni su zhig legs 'gro la/ /dpal ldan bstod pa gsal ba sgeg rnams kyis/ /de la spyod yul du ni 'ongs byas nas/ /snying po bzung nas phyis ni dor 'gyur te/ /smin pa'i a mra'i 'bras bu'i rus pa ltar//de ltar dgod dang bcas pa mnyan nas ni/ /skyon can gyi tshig nor 'dod bzang mo yis/ /brtan pa de la nye bar 'ongs pa'i phyir/ /tshig la mkhas pa pho nya mo ni btang / /me tog de rnams yid ni 'phrog par byed pa blangs nas ni/ /tam+ba la dang zla ba'i 'od zer ltar dkar tsan dan ni//gnod sbyin ltar spyod rim gyis pho nya mo ni mngon spong ba/ /legs 'gro 'jig rten pa yi ltad mo rnam par ma nyams pa/ /nye bar spyod pa dang bcas par byang chub sems dpa' la yang dag par nye bar 'ongs shing phyag btsal bar byas te smras pa/ skal ba chen po bzang mo zhes bya ba'i res ma'i gtso mo'i bu mo res ma'i gtso mo thams cad kyi dpal 'phrog par byed cing /skar ma rnams kyi nang na ri bong can gyi cha ltar gnas pa las 'di ltar zhu bar byed de/ ji ltar rang gi khyim 'di dor nas ci'i phyir 'phags pa'i sras gzhan du gnas zhes zer ro//e ma'o dka' ba nyid ni 'di yin te/ de bas na 'dir 'ongs pa kho bo cag la rjes su gzung bar byed par khyed kyi 'os so zhes zer te/ bdag cag gi bdag mo gzugs kyi yon tan thos pa skal ba chen po la shin tu phrad par 'dod bzhin pas gnas pa ste/ nges par khyed la de rna ba'i lam du 'ong ba ma yin na/gang gi phyir gzhan du rol pa mdzad ces zer ro/ /legs 'gros smras pa/ cha rnams ma lus pa la mkhas pa su zhig de mi shes/ /sems kyi sar 'gro la ni gzugs dang ldan pa 'dra ba'i sngags/ /ze'u 'bru 'byung ba'i ku mu ta rnams rnam par phye byed cing / /zla tshes gsal bar nye bar 'gro ba mar me rnams kyis min//bdag gis bA rA Na sIr 'ongs pa la dgos pa gzhan yod pa ma yin te de bas na bdag 'ongs pa kho na ste/ de ltar smra zhing pho nya mo des chu bo'i chu'i tshogs kyis rab tu rgyas pa ltar 'gram gyi shing 'gugs bzhin pa rim gyis g.yog mo rnams kyis kun nas brten bzhin pa'i gos dkar po dang ldan pa dang /ri mo bris pas dga' bar gyur pa'i khyim gyi rtsig pa can dang / btags par gyur pa kha dog can gyi dris na dri zhim par byas pa dang / ma l+li ka sar pa'i me tog gi phreng bas brgyan pa'i ras la ri mo bris pa'i chu srin gyi rgyal mtshan dang ldan pa dang /bzhad gad can gyi skye bo du ma dang thun mong ba dang / res ma'i gtso mo'i ma rnams kyis 'dod pa can khro ba bzlog par gyur pa dang / shin tu mang ba'i yul la gnas pa'i skye bo rnams kyis der 'phrog pa la mkhas pa dang / dul ba ma yin pa dang yang ba nyid kyi rgyus bzang mo'i khyim du rjes su zhugs par gyur te/de nas res ma'i gtso mos legs 'gro mthong nas ni/ /langs te yid 'ong dgong pas 'dar ba'i chu ldan ma/ /sgeg dang bcas pas rkang bar lag pa bzhag nas ni/ /gsal bar byas pa'i mig gi mtha' ldan 'dud par gyur/ /'dud cing rgyas pa'i mig ldan 'di yang smras pa ste//gos kyi phyogs gcig la ni rnam par sgeg byed cing / /sgeg dang bcas par chu skyes ltar ni dkar dmar ba'i/ /rkang pa cung zad tsam ni sa la mnan byed cing / /khyad par du ni bsams pa'i mun pas bsgribs pa'i bdag /gsal ba'i gtam gyi mtshan mo mngon par 'dod byed pa'i//phrad par 'dod pa'i skye bo 'di ni shi ba'i phyir/ /zla ba 'di ni gang nas ma dpyad kun nas langs/ /da ni bdag gi bud med yon tan bdag gis shes/ /dge ba la brten 'bras bu 'gro la ma nyams pa/ /gang phyir bdag gi khyim 'di yun ring khyod kyis ni//mchog gi bud med sems ni 'joms pas brgyan par byas/ /dri min 'od zer can mdzes khyod kyis ngo tsha byed pa ltar/ /de ltar mthong ste bdag gi yid la rnam rtog kun nas 'byung / /gcig pa nyid kyis 'gro ba mngon par 'du ba mi nus pas/ /nges par yid skyes mda' rnams kyis ni bdag nyid gnyis su byas//de nas bzhad gad can rnams kyis ded dpon 'di nya dang 'dra bar gyur pa zhes bya ba 'dod par gyur pa res ma'i gtso mo la 'di skad ces smras par gyur te/ me tog yid 'ong mngon par 'byung bas ljon shing ltar/ /rang gi gzi brjid kyis ni nor bu'i thur ma ltar//nye bar gnas par byed pa'i mdzes pa 'di yis ni/ /mtshan mo zla ba ltar ni khyod ni rnam par mdzes/ /de nas legs 'gros res ma'i gtso mo de dang lhan cig tu dga' ba nyams su myong ba ste tho rangs kyi dus na stong phrag brgya'i rin thang mu tig gi har byin par gyur ro/ /gnyis pa'i zhag la gser gyi rgyan chas mngon par brgyan par gyur ro//gsum pa'i zhag la dngul gyi rang bzhin rgyan rnams nyung ba rab tu byin par gyur to/ /de nas res ma'i gtso mo des kun nas nye bar 'ongs te khro ba dang ldan pa rgyal po tshangs pas byin la gtam de zhus shing gsol bar gyur pa/ bdag gis nye bar spyad pa bcos ma yin//nyi ma re rer lhag par byed 'gyur te/ /de lta na yang des ni mi shes slar/ /legs 'gro mnyes gshin med yid ci yi phyir/ /de nas rgyal po des legs 'gro la bos nas/ /gdan kun nas 'dzin par byas pa'i de la res ma'i gtso mo slad pa de bshad cing zhugs so//res ma'i gtso mos gsol ba/ lha lags mnyes gshin pa med pa'i yid 'di smod par byas pas ci zhig bya ste/ ngo tsha bral ba skyon med pa yi skye bo la/ /gang zhig shin tu drang ba'i phyir ni dga' rnams smra/ /don med kun nas nyon mongs pas ni khyab pa'i yid/ / des ni chu med pa la zam pa 'dzugs par byed/ /rgyal pos smras pa/ ded dpon chen po 'o na 'di la lan thob cig zer ro/ /legs 'gros gsol pa/ btsong bya brtag la bdag cag ni/ /rgyal po chen po mdzes pa'i blo/ /res ma'i gtso mo'i btsong bya 'di/ /rang bzhin gzhan gyi skyon dang bcas//ji ltar 'di yi mdzes ldan dang po'i zhag la 'gyur/ /de ltar gnyis pa la ni lus 'di ma mthong ngo / /gzugs ni gzhan pa thob pa 'di la mthong nas ni/ /rgyan ni ster ba rgyan rnams gzhan ni bdag gis byas/ /gser gyi sbram bu min pa ji srid me yis ni//rab tu gdung byas de srid shin tu 'od gsal ba/ /bsreg lugs za ba 'bar ba la ni zhugs byas pa/ /dri ma can nyid nges par kun nas 'ongs pa yin/ /skye bos kyang ni de srid yid 'ong nyer 'gro ba/ /ji srid shin tu spyod yul du ni nyer 'gro ba/ /song ba longs spyod nye bar 'gro ste skye bo yi//skad cig gis ni me tog rnying ltar phyed ltag nyid/ /me tog rnam par phye ba dri mas nges 'brel la zhugs nas/ /bung bas snying po de ni ma dpyad par ni dor bar byed/ /phal cher dngos po sar pa chags pa nyid du byed pa ste/ /shin tu yid 'ong 'jig rten 'dir ni cung zad yod pa min//rgas pas gzugs ni mig la ngal so byed cing 'phrog pa ste/ /chags pa stobs ldan rnams kyi stobs kyang sems la gnod par byed/ /tshe ni zil gyis mnan nas de bzhin ma spyad mthar byed pa/ /rgyal srid zas dang 'od rnams ltar ni dngos po skad cig ma//de ltar rga dang na dang 'chi dang 'pho ba'i sdug bsngal gyi/ /mda' rnams phog pas sems kyi brtan pa lhod par byas pa la/ /bud med ces bya rus pa'i khyim na rang bzhin mig gtsang ba/ /mthong nas yon tan gang mthong nas ni byis pa chags pa bskyed/ /e ma gzugs ldan bud med ces//rmongs pas kun nas rmongs par gyur/ /rus pa'i phreng ba zhes bya 'di/ /mkhas pa rnams kyis smad pa ste/ /bud med dga' bar gyur pa yang / /de ltar skyon mar shes byas nas/ /blo ldan rnams kyis ring du spangs/ /ma la ti shing khyis myangs ltar/ /de nas rgyal po des legs so legs so zhes bya bas byang chub sems dpa' la mngon par bstod cing bzhugs so//res ma'i gtso mo de yang lang tsho dang gzugs kyi nga rgyal dang rnam par bral nas rab tu zhi bal rtse gcig pa byung bar gyur to/ /skye bo'i tshogs de yang bag med pa rnam par bzlog par tshul khrims su byed pa'i rgyu bdag nyid zhugs shing gnas so//byang chub sems dpa' yang slar ljon shing gi brag nyid du song bar gyur to/ /de ltar na bcom ldan 'das des so so'i skye bo nyid du gnas par gyur pa na yang 'dod chags dang bral ba nyid kyis chags pa'i me rnam par zlog par byed cing rab tu zhi ba'i chog la skye bo rnam par bzhugs par mdzad do zhes bya ba rnam par bsams nas sangs rgyas bcom ldan 'das la mchog tu dad pa skyed par 'os zhes bya ba'o//ded dpon legs 'gro'i skyes pa'i rabs te skyes rabs dang po'o// //mkhas pa rnams ni rtswa nyag kyang bsrung ste/ /gzhan gyis bkag pa 'bad pa chen po yis//ngal ba med pa'i shes rab gtso bo rnams/ /srog chags gzhag pa la ni smos ci dgos/ /'di ltar rjes su thos te/ dngul gyi ka ba bkrus pa dang rjes su mthun pa khab dang bcas pa'i rtse mo'i mdun nas lhung ba kun nas rnying bar byas pa'i chu 'dzin pa dang / mu tig gi phye ma'i tshogs ltar dkar ba'i steng du rngon pa rnams kyi tshogs kyis g.yag rgod rnams kyi rkang rjes kyi shul gyi rjes su 'brang ba dang /dbang phyug chen po'i khyu mchog gi rwas brdungs pas sna tshogs pa'i ri bo'i lto ba mi mnyam par bcas pa dang / grog dang sar la dang thang shing dang na me ru dang pad+ma can rnams kyi nags du mas ri'i sul rnams sngo bar byas pa dang /ri las 'bab pa'i chu rab tu 'gro bas rtsa ba'i sa bkrus pa dang / mtshan mo'i dus na rab tu 'bar ba'i sman chen po nyid kyis mar me stong phrag byas pa dang 'dra ba dang / rig pa 'dzin pa pho mos kun nas longs spyod pas mtsho'i 'gram gyi mthar ljon shing rnams kyi khyim gyi bar dri zhim par byas pa dang /'ga' zhig tu gnya' ral can rnams kyi stobs kyis brgyan pas rnam par lhung bar byas pa'i 'jigs shing rab tu 'pho ba'i khri snyan sa le dang / ri dgas rnams kyi rkang rjes gzhag pa rtswa rtsa nas bton pa dang / 'ga' zhig tu lha mo u ma'i zhabs kyi mthil la rgya skyegs kyi khu bas mtshan pa'i rtswa sngon pos ljang gu'i sa dang ldan pa dang /gzhan du 'dab chags rnams kyi mchus dum bur byas pa'i yongs su smin pa'i shing rnams kyi 'bras bus khyab pa'i skyed mos tshal gzhan dang ldan pa dang / rlung gis rnam par rgyas par gyur pa'i khyad par mang ba'i me tog rnams kyi dris dri zhim pa dang /dpyid ka 'i zla ba nas rab tu brtsams pa'i shing rnams kyis kha zlum pa'i myu gu dang ldan pa dang / ri dgas rnam par lhung ba'i sgras 'jigs pa'i 'dab chags kyi tshogs kyis rnam par grol bar gyur pa'i chu bo gang gA'i 'gram gyi chu dang ldan pa dang sgeg pa dang bcas par mi 'am ci pho mo'i glu thos pas/ri dgas kyi tshogs mi g.yo ba yod pa dang / rtse mo mtho ba nyid kyis 'o ma'i rgya mtsho ltar mthon po nyid du nye bar song ba'i ri bo gangs can gyi phyogs gcig na gus pa dang bcas pa ltar shing rnams kyis mchod pa'i sgo brag gi rgyab dang ldan pa dang /rtswa'i myu gu ljang gu byung bas mtha' ma sngo ba dang / pad+ma rnam par rgyas pa'i mtshos nye 'khor brgyan pa'i shin tu che ba'i phug tu lhag par gnas shing / shin tu mang ba'i bung ba'i chus mngon par spangs pa'i gos kyi rgyu spun kun nas ser ba'i gnya' ral gyis gnya' bar sgeg pa dang /ze'u 'bru ltar 'jam zhing shin tu g.yo ba'i lce dang ldan pa dang / cung zad kun nas rnyings pa'i a ti mu k+ta'i me tog gi phung po ltar kun nas skya ba'i lus dang ldan pa dang / ri bong can gyi cha'i mtha' ma ltar 'khyog cing rno ba'i mche ba dang ldan pa dang / brang rgyas pa dang /lag ngar tsho ba dang / dbus rab tu srab pa dang / 'phros pa'i seng ldeng gi sol ba ltar mig gnyis ser skya dang ldan pa/ khra'i mchu ltar rna ba'i sen mo'i myu gu dang ldan pa dang / mtha' ma sngo ba'i mjug ma dang ldan pa dang / kha ba can gyi ri'i rgyan dang 'dra ba ma smad pa'i yan lag ces bya ba dus gcig gi tshe na mche ba gnyis pa dang ri dgas rnams skrag par byed pa/ri dgas kyi bdag po byang chub sems dpa' byung bar gyur te/ de nas de yi rang bzhin bzang po nyid shes nas/ /srog chags rnams la sems ni bzang ba thub pa ltar/ /rang bzhin gyis bzang 'dod par bya ba'i mig ldan pa/ / ri dgas rnams ni dga' bas gnyen ltar 'di rjes 'gro/ /zhi ba dang ldan gnya' ral shing los khyab pa ni/ /ri dgas rjes 'gro ri dgas rgyal po'i dka' thub pa/ /de ni phug gi lo ma'i khyim gyi nang nas ni/ /shing rnams kyi ni 'bras bu smin pa zos par gyur/ /'bras bu dgos pa'i phyir ni nags nang du spyod cing //sgeg bcas 'gro bas g.yo zhing yid 'ong gnya' ral can/ /chen po'i khyim na gnas pa'i don gnyer dga' rnams ltar/ /don gnyer bzhin du sa skyes rnams kyis mthong bar gyur/ /phug gi nang nas phyir byung kha ba med pa la/ /rkan ni gsal ba khyab par du ni glal ba'i phyir/ /de yi mdun du rim gyis yan lag bde rgyas 'gyur//nyin mor byed pas nyi ma'i 'od sar rab 'dzin cing / /'di ni ri dgas rnams kyi bdag pos 'dzin 'di/ /'dab chags rnams kyi bya khyung ltar ni rnam gnon che/ /'di ltar de yi steng du ngo mtshar skyes pa ni/ /mtshan mo mtshan mor byed pa'i gdugs ni 'dzin par gyur//'gram na gnas pa des ni chu bo gang la ni/ /mtshan mor byed ltar gsal zhing bsil ba'i chu 'thung 'gyur/ /des ni bdag nyid don byas lta bu bsams pa ste/ /dbu ba'i steng rnams kyis ni gsal bar dgod pa 'dra/ /kha ba'i ri ni rnam par dag pa'i sems de yis//bdag nyid chen po gnya' ral can gyis kun nas brten/ /dga' ba ltar ni gser gyi ri bo las kyang ni/ /'od gsal bdag nyid shin tu che ba ltar bsams gyur/ /sa gnas 'jigs par byed pa'i seng ge nyid gang du/ /snying rje che 'di ri dgas rnams la gang du yang //'di ltar thub pa bzhin du kha ba'i ri der gnas/ /ri dgas bdag la ri dgas dgra yang 'dud par gyur/ /de nas dus gcig gi tshe na ri dgas kyi bdag po de'i sa'i bdag po ltar ni sgeg pa dang bcas pas nye bar gnas shing / me tog 'byung ba'i ljon shing gi glu mkhan mo'i ze'u 'bru'i sor mo rnams kyi kun nas gdungs bzhin pa'i sbrang rtsi byed pa'i phreng ba'i pi wang gi sgras dga' bar gyur pa dang /rab tu 'gro zhing ri'i chu'i rdza rda'i sgras gar byed du bcug pa'i rma bya'i gar mkhan dang ldan pa'i phug gi sgo la kun nas nye bar gnas pa'i mdun du kun nas btsir bar byas pa'i rgya skyegs kyi ril bus kun nas dmar bar byas pa'i gdang dang ldan pa/shing ma la ti sar pa'i 'bras bu dang rjes su mthun pa'i mig can yongs su smin pa'i u dus+thA ra 'dzin pa'i phru gu rnams kyis phrag pa la lhag par gnas pa/ 'bras bu'i khu bas brlan pa'i dri ma can gyi lag pa'i sor mo dang ldan pa'i/spre'u pho mo gnyis mngon par phyag btsal nas smras pa/ khyod kyi lus ngag yid rnams kyi/ /e ma las ni ma smad pa/ /ma smad yan lag ces bya nyid/ /khyed kyi ming ni rjes mthun grags/ /e ma gtong dang bzod brtson 'grus/ /bzang mo'i snying rje 'byung ba ni//yon tan can mchog khyod yon tan/ /thub rnams pas kyang khyad par 'phags/ /dag pa'i sems ldan khyod kyi ni/ /e ma dag pa'i 'jug pa yis/ /mchog tu drag po rnams kyi yid/ /mchog tu 'jam pa nyid du mdzad/ /don byas kha ba can 'di ni//kha bas g.yogs pa'i brag stengs 'di/ /don byas kha ba can 'bras bcas/ /bstan pa de ltar rang bzhin gyis/ /gang zhig khyod kyis nye bar brten/ /de phyir phru gu 'di dag ni/ /'jigs pa'i sbrul mthong skrag pa dag /khyed la gtad nas bdag cag ni/ /'bras bu don gnyer nags su 'gro//ji srid 'bras bu nyer blangs nas/ /nags tshal nas ni kun nas 'ongs/ /de srid khyod kyis 'di dag ni/ /yan lag g.yo ba bsrung bar bya/ /spre'u nyid dang g.yo ba nyid/ /gnyis po 'di ni dus mnyam ste/ /de bas 'di dag gis byas gnod/ /khyed kyis skad cig bzod par bya//shin tu lci ba'i sdug bsngal yang / /gzhan gyi don ni bsgrub pa'i phyir/ /bdag gi bde la ltos med par/ /mkhas pa rnams kyis bzod pa nyid/ /shin tu 'jigs pa'i sems rnams kyis/ /gang zhig 'jigs pa 'joms 'dod pa/ /yid la gdung byed gnod pa ni//des ni ci ltar bzod mi 'gyur/ /de ltar spre'u pho mo des ni seng ge de/ /bu gnyis mngon par bsrung bar bya phyir mngon smras pa/ /gzhan la bsrung bar nus pas kyang ni mi skyo yid/ /skad cig 'khrugs par song ba 'di ni rab 'dzin 'gyur/ /gzhan gyis gtad pa'i gser gyi phung po chen po yang mngon par bsrung bar nus kyi g.yo ba'i rang bzhin spre'u phrug pa 'di dag ci ltar bsrung bar nus zhes zer ro//yang na bdag gang gis 'gro ba ma lus pa nyid 'khor ba'i 'jigs pa las kun nas skyong bar nus na bdag gis 'di dag kun nas skyong bar mi 'gyur zhes bya ba bdag gis rnam par dpyod pa 'di ni rigs pa ma yin no snyam du bdag nyid chen po des rnam par nges te/spre'u pho mo gnyis la smras pa/ kha ba can gyi ri 'di rnam par bzung nas khyed cag song / /mnyam pa mthong ba rnams kyis nam mkha'i dbus bzhin reg byed cing / /zhim pa'i 'bras bu rnams ni 'ong ba'i phyir ni shin tu myur//mnyes gshin pa 'dis phru gu gnyis po bdag gis yongs su bskyang / /de nas spre'u pho mo des byang chub sems dpa' dang nye bar phru gu gnyis po de rnam par gzhag ste ngu ba las rnam par log par byas nas gom pa shin tu myur bar 'bras bu rnams nye bar 'ongs pa'i phyir kha ba can gyi gnas kyi nang rnams la kun nas 'khor bar gyur to//yun ring po ma yin par song ba'i spre'u de dag gis bdag nyid chen po gnya' ral can de la pha bzhin du spre'u'i phru gu de dag mnyes gshin pas 'brel par 'gyur ro/ /yan lag ma smad pas kyang de dag la zhim zhing lhod pa'i so rnams kyi mtha' mas bzung ba'i 'bras bu rnams sbyin par gyur te//de dag gis kyang rang bzhin du g.yo ba nyid kyis bdag nyid chen po de la rnam par 'tshe ba de dang de byas par gyur te/ phug gi sgo dang nye ba'i gnas su yid 'phrog pa/ /seng ge nyal 'dod bde zhing bsil ba'i rlung ldan pa//spre'u'i phru gu g.yo ba de dag skad cig tu/ /yud tsam nyid kyis bde ba 'di yi phrogs par gyur/ /mig gi cung zad zum pa ni/ /de yi mig dbang slar yang ni/ /me stag gis 'khyud mig 'bras can/ /sor mo rnams kyis sdug bsngal gyur/ /bde ba nye bar gnas pa de'i//dung du bskyod cing gnas byas nas/ /mjug ma'i mtha' ma nas bzung ste/ /kun nas yang yang 'gugs par gyur/ /gnya' ral dang ni rgyab bzung nas/ /yang yang de yi steng zhon nas/ /lhan skyes g.yo ba las ring bar/ /byung zhing byung nas lhung bar gyur/ /mdun du yod bzhin rnams la yang //'bras bu mang ba de dag gis/ za 'dod de yi kha las ni/ /'bras bu kun nas 'gugs par 'gyur/ /de ltar spre'u phrug de dag gi/ /bya ba ngan pa de dang de/ /snying rje bzang po'i sems ldan phyir/ /bu dag ltar ni des bzod gyur/ /kun nas mnyam pa'i sems ldan pa//bde dang sdug bsngal ma ltos pa'i/ /kun gtso dam pa rnams kyi yid/ /gang du yang ni ngal mi 'gyur/ /de nas dus gcig gi tshe na kun nas rtsub cing gshog pa'i tshogs rgyas pa 'khyog cing rtsub pa'i sen mo'i rtse mo dang ldan pa rang bzhin gyis drag pa'i mig can gang du yang sha'i zas ma rnyed pa nam mkha'i mthil du kun nas 'khor te/rno ba'i spu gri ltar mchu rno ba spu gri can zhes bya ba'i bya rgod sgra dang bcas shing shugs dang ldan pa ma dpyad par byung ste/ byang chub sems dpa' la nye bar 'jug pa 'bras bu myang bas skyod cing dkar la srab pa'i so'i phreng ba dang ldan pa'i spre'u'i phru gu dag 'jigs pas kha phye zhing rnam par 'gyur ba'i gdong pa dang ldan pa/skad shin tu rtsub pa dag gis bzung nas shin tu myur bar bar snang la 'phur te kha ba can gyi ri'i rtse mor gnas par gyur to/ /byang chub sems dpas kyang kyi hud kyi hud ces bya ba brjod nas gal te bdag gis bya rgod 'di rnam par gnon pas brnyas par gyur na/slar 'di'i phur nas shin tu dka' ba'i rtse mo gzhan la gnas nas mchongs shing 'gro ba'i phru gu gnyis po 'di bsad par gyur na rnam pa thams cad du spre'u'i phru gu gnyis po 'di bdag gis blta bar nus pa ma yin te/ mngon par 'phel ba'i sdug bsngal gyis khyab mig ldan pa//skad ni rtsub pas rkan gyi bug mtshon byas pa/ /lto ba las 'dzag khrag gis spu ni brlan byas pa/ /bkres pa dang ldan khra ltar sha ni rnam 'jig pa/ /bya rgod 'dis ni sha ni rnam par gcod pa yis/ /shin tu spre'u'i phru gu gnyis po 'di la ni/ / 'bras bu rnams ni blangs nas de dag 'ongs pa yi/ /mdun du de ring bdag gis smra bar nus sam ci/ /g.yo ba dag ni mtsho chu 'thungs pas 'gyur ram ci/ /'bras bu'i don du shing la 'dzegs nas gnas sam ci/ /yang na ri yi phug 'dir zhugs par gyur tam ci/ /'on te sbrul 'ga' zhig gis 'dir ni de dag bsad//ri dgas bdag po khyed ni thur lta mi smra gnas pa ci/ /phru gu de 'dir gang du song 'gyur smra bar mdzod/ /de ltar rab tu mchongs 'gro kun nas phongs mig de dag gis/ /'khrug pa'i tshig ldan ji ltar bdag gis de dag nyan par 'gyur/ /de dag med pa yun ring pos ni nye bar dmigs byas nas//phru gu kun da ltar ni dkar ba'i so yi phreng bar ldan/ /mya ngan gyis ni kun nas nyer 'ongs de dag byas 'gyur te/ /mchil pas bzung ba'i nya rnams ltar ni 'dar bar gyur pa rnams/ /de bas na 'di 'dir dus thob pa bdag gis sems te/ ji srid stag gi sen mo'i myu gu'i rnam pa 'dzin pa'i mchus ni lto ba rnam phug nas//bya rgod 'di ni 'jigs ldan spre'u'i phru gu dag la rgyu ma rnams ni 'gugs mi byed/ /de sred bdag gis song ste kha ba can gyi ri rtse'i mtha' mar mgrin lta'i gdong can 'dug nas ni/ /thabs ni sngon 'gro mnyam nyid kyis 'di bdag gis chos dang ma bral gnas pas khrid par 'gyur//de ltar rnam par bsams te bdag nyid chen po des bya rgod dang nye bar 'ongs te smras pa/ kye 'dab chags kyi mchog bdag gi lag par pha ma dag gis spre'u'i phrug pa 'di dag gzhag pa ste/ de bas na khyod kyis 'di dag kha phye ba'i so rnams kyis phongs pa'i gdong dang ldan pa skad rtsub pa dag bsad par rigs pa ma yin zhes zer te/nges par khyed kyi'ang phru gu rnams/ /sngar ni 'byung ba'am yod pa ste/ /ci 'dra khyod kyis de rnams la/ /mnyes gshin gzhan yang de lta bu/ /de ltar snying rje la dmigs nas/ /spre'u'i phrug pa ma bsad cig /nad pa 'di dag zos nas kyang / /khyed la tshim pa gtan du med/ /kyi hud de yi 'tsho ba smad/ /'di 'dra bdag la chags pa smad/ /gang zhig lus 'di rgyas pa 'di/ /gzhan la 'tshe bas khyad par 'gyur/ /mi shes pa ni chags pa skye/ /skyon dang bcas pa'i lus la yang / / de rgyas don du mi shes pas/ /ngan 'gro'i rgyu yi las ni byed/ /bdag dang bdag gi med med phyir/ /gang zhig thams cad stong pa mthong / /yang dag min pa'i rnam rtog skyes/ /yid kyi mun pa de 'gegs min/ /gang tshe mun pa med pa'i phyir/ /mkhas pas de nyid thob 'gyur na/ /de tshe thar pa'i phyir 'gyur te/ / dge mi dge la rgyab kyis phyogs/ /seng ge las gzhan sha za su zhig yod min te/ /drag pa'am zhes 'di ni sa la gsal ba ste/ /seng ge'i skye gnas dka' ba yang ni bdag brten pa/ /chos las 'das min srog chags 'tshe ba 'di mi 'dod/ /nags 'di las ni ri dgas mang po bsten pa dang //ri dgas dgras ni bsad pa'am rang nyid kyis shi ba/ /mkha' 'gro mchog lags nam mkha' 'khor zhing bltas nas ni/ /myur du 'gro ba 'ongs te de yi sha za 'gyur/ /me yi lce dang 'dra bar lus la gdung byed cing / /bkres pa chen po yang ni de bas bzod byas te/ /dmyal bar nges par lhung ba'i phyir ni mi dge ba//'di 'dra ba ni bag yod dor bas ma byed cig /nang du sems can rnams kyi rus pa'i tshigs ni chag pas tsheg tsheg sgra yi hUM byed kyis ni 'jigs/ /me stag tshogs ni kun nas rgyas par byed cing me lce chen po dmar zhing 'od med 'jigs par ldan//g.yo ba'i 'bar ba'i tshogs ldan dmyal ba'i bsreg lugs za ba rnams ni mkhas pa rnams kyis brjod bzhin pa/ /skye bo'i rna bar song ba rnams kyang mi bde byed na kun nas reg pa slar yang smos ci dgos/ /lcags kyi bum pa can la 'bar ba'i bsreg lugs 'dzin pa reg pas kun nas gdung ba la ni mig /shin tu sgra sgrogs bskol ba kun nas bskyod pa'i mar nag gis ni kha dang mgrin pa gang ba'i phyir/ /rtsig pa la ni ri mo bris pa'i 'tshed bzhin dmyal ba'i mi ni bris pa yang ni mthong byas te/ /ngan 'gro thob phyir rnam par 'tshe byed su zhig kyang ni drag pa'i rang bzhin las ni 'gyod mi byed//ngan 'gro'i sdug bsngal nam mthong nas/ /gang zhig mi dge las mi 'gyod/ /mi yi rnam pa de la yang / /yang na rdo ba'i snying can yang / /de nas bya rgod des byang chub sems dpa'i chos bstan pas dang ba'i blo skyes shing mngon du phyag 'tshal nas smras pa/ri dgas kyi bdag po khyed kyis byis pa rnams kyi mtshan nyid gsal bar mdzad pa ste/ da ni mkhas pa rnams kyi mtshan nyid khyed kyis bshad par 'os so zhes zer ro/ /de nas byang chub sems dpa' dang ba'i yid dang ldan pa shes nas smras pa/ gal te de lta yin na de bas na mkhas pa rnams kyi mtshan nyid nyon cig ces zer ro//rnyed dang ma rnyed pa la phan par smra ba'i grogs po la 'am sdang ba la/ /bstod pa dang ni smad pa la 'am yo byad che ba la 'am rgud pa la/ /gang zhig nye bar zhi bas rnam par dag pa'i yid kyi rnam par 'gyur mi 'gro/ /de ni shes rab can rnams kyi ni steng gnas 'od zer ldan rnams kyi ni nyi ma bzhin//yang na mkhas pa rnams kyi mtshan nyid thos pa 'dis khyod la ci zhig bya ste/ /spre'u'i phru gu 'di dag rnam par btang bar gyis shig /bdag nyid kho na bdag gis khyod la rab tu sbyin par bya zhes zer/ /khyed kyis sha ni zo shig khrag kyang btung bar gyis//g.yo ba med pa bdag gi mig dag kyang thon cig /de ltar smras nas rnam par 'dzums dang bral ba'i mig can de/ /yun ring rnam par 'dar ba med pa'i lus can gyur/ /de nas rnga bo che yi skad kyis phyogs mtha' rnams gang zhing / /lha yi bdag po'i grong khyer dbus su zhugs te brdungs par gyur//bya rgod la ni seng ges lus byin spyi bo btud rnams kyi/ /grub thob rnams ni nam mkha' la gnas dga' bar yang ni gyur/ /bskyod pa'i gser gyis 'dzin rnams ni g.yo bar 'byung ba ste/ /lha yi tshogs ni brgya byin dang bcas ngo mtshar de nyid gyur/ /sbrul gyi dbang phyug rnams kyis kyang ni bstod pa brjod pa yis//de yi steng du me tog char rnams rab tu lhung bar byas/ /de nas gnya' ral can gyi phug nye bar/ /spre'u'i phrug pa dag ni mkha' 'gros gzhag /sen mos lus ni pheg pa mi g.yo ba/ /'jigs pas brgyal ba rnam par zum pa'i mig /rim gyis nye bar 'ongs te byang chub sems dpa' la//bya rgod mchog des kun nas bslang zhing gnas pa ste/ /dul ba'i bsam pa can ni de yi mdun gnas pa/ /gus pas bstod pa 'di 'dra yang ni brjod par gyur/ /brtse ldan khyod kyis mtho 'di e ma gang du ste/ /khyod kyi 'jigs byed seng ge nyid 'di gang du yang //khyad par gyis rgyu su zhig gis kyang yun ring phyir/ /khyed kyi thub pa su zhig ri dgas bdag ltar 'gyur/ /shes rab la dmigs gang nyid kyi/ /yid ni bde sdug mnyam pa can/ /de nyid srog gi nor gyis ni/ /rgud par song ba mchog tu nyo/ /gal te khyed 'dra med 'gyur na/ /dam pa'i skye bo'i zam pa brten//sdug bsngal rgya mtsho gting zab pa/ /che la skye dgu rnams nub 'gyur/ /khyed kyi chos kyi bstan pa 'di/ /dge ba 'di ni mnyan bya ste/ /dgra rnams la yang bdag gis ni/ /de nas brtsams te brtse byed 'gyur/ /khyed la bdag gis dri bar bya ste dka' thub 'dis go 'phang ji lta bu zhig mngon par 'dod ces zer ro//byang chub sems dpas smras pa/ 'khor ba thog ma med par sgrub par byed nus pa/ /rab tu gnod pa'i sdug bsngal rgud pas kun gdungs pa/ /'gro ba 'di ni srid pa'i rgya mtsho las bsgral phyir/ /de bzhin gshegs pa nyid phyir bdag gis bsgrub par bya//bya rgod kyis smras pa/ shes rab chen po dang ldan pa khyed la sangs rgyas kyi go 'phang 'di lta bu rnam pa thams cad du rnyed par dka' ba ma yin te/ zab pa thob par dka' ba min pa'i las rnams bza' dang rnam par shes pa po/ /bstan bcos la ni zhugs par gyur pa'i blo ldan gzhan phan byed la chags pa'i bdag nyid can//de bzhin gshegs pa rnams kyi srid pa 'bigs byed dag rnams dam pa rnams las rtogs pa po/ /khyed cag lta bu rnams dang gti mug gcod 'brel srid dang srid par bdag cag la 'byung shog /phug dang nye bar bdag gis der//spre'u yi phru gu dag bzhag pa/ /da ni de bas dam pa bdag /btang ba'i phyir ni khyed kyis 'os/ /byang chub sems dpas smras pa/ e ma'o khyod ni shes pa gsal ba ste/ /gang gi phyir khyod kyis bdag gi man ngag bzung ngo / /rtogs bya smra ba po yi tshig gis gsal byas kyang ni rags pa gang zhig gis mi 'dzin//dngos po chung ba de yi bstan bcos yul la don med par ni blo gros ngal bar 'gyur/ /gang la khyim gyi sgo ni blta ba'i phyir ni nus pa med de snang ba yod pa la/ /de ni rab rib skyes pa khab kyi bu gshin tu chung ba ci ltar mthong bar 'gyur//nye bar ston pa po ni yod kyang bag med pa'i/ /byis pa blo gros dman pa nyid ni 'dor ba min/ /yang dang yang du drang ba nyid du nyer song yang / /khyi yi mjug ma 'khyog pa nyid du slar yang 'ong / /rab tu dbang ba'i bstan bcos rnams kyis lam ni nyer bstan pa/ /blo gros dman pa min pa lam min mi 'gro ste//gsal zhing bzang po'i yid ldan lus ni kun khyab pa/ /gnyis 'thung dbang po gsal ba 'od mas 'dzin rnams ltar/ /dbang po'i tshig 'di shin tu bsnams pa ni/ /mkhas pa rnam par 'gyur ba byed pa min/ /gdengs ka legs par bzung ba'i lto 'phye ni/ / skyon byed chung ba yang ni nus pa min/ /gnod pa'i 'bras bu skye bo la ni shin tu yang / /dam min skye bo la ni rgyas dang dbang phyug byed/ /ba bla sbrul gyi la yi nang du sbas pa ni/ /shin tu mi bzad pa yi dug ni byed par 'gyur/ /dbang po'i sgra rnams kyis ni brgyal zhing bag med las/ /skye bo la ni 'dod pa don min lhung bar byed//rab tu 'brel ba'i kha dog bzang pos mthong gyur pa'i/ /'od zer me la mchongs byed phye ma leb ltar ni/ /dbang po'i yul la chags pa mi mkhas skyes bu la/ /rang gi chos kyi lam nas lhung bar byed pa ste/ /bcings pa lhod pas lte ba'i rtsa ba bkag pa ni/ /shing ni smin pa'i rtse las 'bras bu 'byin pa ltar//gal te rang bzhin gyis ni rab gnod dug gi shing / /sbrul dang mtshon cha'i me rnams 'byung bar mi 'gyur na/ /dam min skye bo 'khyug cing rno ba'i sems ldan pa'i/ /su dang lhan cig dpe ni slar yang mnyam par 'gyur/ /rgyu med par ni khro bas rtsub cing dro bas smra//rmongs pa khro gnyer gyis ni mi mnyam byas pa'i mig /bu ga du ma las skyes 'jigs pa'i lto 'phye ni/ /grog mkhar la ni lhag par 'jigs par byed pa ltar/ /skyon can brag gi dkyil ni brten par gzhan gnod phyir/ /lhan cig mngon par smras pa sna tshogs ral gri'i sos//rmongs pa ngo tsha med pa su zhig bya ba ni/ /yul du song bar gyur la sdug bsngal skyed mi byed/ /g.yo sgyu'i khrab ni 'dzin pa'i ngan rnams yun ring du/ /bsgrib par dka' ba dbang po'i dmag tshogs dbus song ba/ /gnad kyi sdug bsngal skyed cing dam skye brtse med pa/ / ral gri'i so ltar sa la lhung bar byed par 'gyur/ /cha lugs dul ba yang ni yid 'ong smra ba yang / /dam min skye la mkhas pas yid ches mi 'gyur te/ /gzugs bzang lus can dang ni 'jam pa'i skad gyur yang / /rma bya sbrul rnams 'phro bzhin pa ni cis mi za/ /gal te sems kyi grong mi gso bar 'dod gyur na//yun ring po 'am blo yi bud med rnam 'brel ba/ /de bas mkhas pa'i chu gter 'byung ba yod pa la/ /dam pa'i yon tan sa bon bdag nyid la dor mdzod/ /yun ring dam pa dang ni 'brel pas dag pa'i yid/ /bdag nyid ldan pa'i mi ni dam min 'brel mi 'gyur//yid 'phrog pad+mo'i me tog skyod yul dang ldan pa'i/ /bung ba nam yang shing ro la ni gnas mi byed/ /gzhu dang ldan pas mda' ni 'phen par ma byas pa/ /ji ltar gzhon nur song ba'i dga' ba kun 'byung ste/ /yon tan dma' rnams kyis ni shin tu ring 'phangs pa'i//de bzhin skyon rnams dgra ni rab bsad legs blo yi/ /shin tu rnam dag 'phrog bya min pa mang bcos pa/ /yon tan rnams kyis rab brgyan 'phags pa'i skye bos mchod/ /kun nas nye bar dmigs nas mi la skye min nam/ /lha yi mchog gi rgyan rnams la mang ngo mtshar ba//bde ba shin tu rjes 'dod cing / /yon tan rnams ni 'byung ba 'am/ /de bas dam min skye dor nas/ /dge ba'i bshes gnyen bsten par bya/ /'phags min skye bo dang 'brel pa/ /dam pa nam yang dga' phyir min/ /'jug ngogs chu yi khrus byas pa'i//dkar po las gzhan gos dkar ltar/ /blo ldan mdun pa 'bigs shing 'gro ba'i sdig pa rab tu 'joms par byed dang 'brel pa yi/ /drag pa yang ni dri ma can gyi rang bzhin spangs nas bzang po nyid la dmigs par 'gyur/ /skye bo gang zhig skom pas gdungs pa yang ni 'thung bar mi 'dod de nyid skad cig gis//chu 'dzin gyis ni lto ba la gnas chu rnams kyis ni bdag po'i chu ni ba tshwa can/ /de bas na ji ltar bde bar song shig ces bya ba byang chub sems dpas 'dab chags de la smras pa/ bdag nyid chen po de la bskor ba byas te nam mkha'i dkyil du 'phur nas kun nas 'khor zhing khrag gis mngon par dmar ba'i sen mo dang kha'i sma ra ldan pa'i stag gis sha nye bar bgos bzhin pa dang /tshil nye bar rgyas pas tsho ba'i dpung pa dang ldan pa dang / mngon lugs sar pa myang bas kha'i nang dri zhim par byas pa dang / sa'i steng nas 'byung ba dang / dri ma can dang bcas shing 'khyog pa'i mche ba gnyis dang ldan pa dang /cung zad 'dam gyis nye bar byugs pa'i lus can dang / shin tu ring po ma yin pa la gnas pa'i bya rgod kyi tshogs kyis yongs su bskor ba dang / nye ba'i shing rnams la nges par gnas pa'i skad sgrogs pa'i bya rog gi tshogs kyis mthong bzhin pa'i phag rgod gzhon nu mthong bar gyur to//de mthong nas kyang 'di ltar bsams par gyur te/ /ji srid du stag 'di zas kyis tshim par byas par gyur te/ rang gi gnas su 'gro ba de srid du bdag gis mtha' gcig tu gnas par bgyi ste gnas nas kyang rim gyis mchog gi yid ldan tshim pa rnyed pa'i stag dang de nyid du//'brel bas rang gi khyim du song ba sgeg pa dang bcas par phag gi sha ni nye bar sbyar nas tshil dang 'brel pa ni/ /bya rgod kyang ni rang gi tshang du myur du song bar gyur/ /ri dgas bdag pos kyang ni king shu ka phreng ltar dmar nyi ma ni/ / gser ri'i rtse mo'i 'od zer gsal ba la ni gnas gyur na/ /shing gi yal ga rnams kyi tshang la gnas pa'i 'dab chags bskyod pa yis/ /bskyod cing 'jam pa'i gnya' ral mtha' can rang gi 'dug par song bar gyur/ /de dag bya rgod kyi sen mo rnams kyis lus rnam par 'bigs pa dang ldan pa dang /byang chub par gyur pa dang / brgyal ba'i dbang gis btsum par byas pa'i mig dang ldan pa'i spre'u'i phru gu dag mthong nas/ snying sdug bsngal bar gyur pas chus mngon par gtor bas 'di dag gi brgyal ba sel bar 'gyur snyam du rnam par bsams te/ chu yi 'gram rten 'dab chags rnams kyis bkag pa ni//bar med 'dab ma rnam par dmar ba'i shing rnams kyis/ /rim gyis 'ongs pa'i bung ba can gyi pad+ma gnas/ /kun nas ze'u 'bru kham pa'i mtshor ni rnam zhugs gyur/ /mtsho chen po der rnam par zhugs nas kyang / /myur du brgyal te rnam 'phyar gnya' ral can//de ni brag phug nye bar skad cig 'ongs/ /sder mo bkod pas rtswa sngon rnam par mnan/ /bya rgod sen mo rnon mos yan lag breg /de nas yal ga'i ri dgas phrug de dag /steng du myur bar ge sar dang bcas pa'i/ /chu ni 'dzag pa gnya' ral can gyis blugs//seng ge'i gnya' ral chu yis sbangs par gyur pa ni/ /lci ba'i brgyal ba bsal bas 'du shes skyes pa ni/ /mig rnams kun nas bye ba nyid du gyur pa ste/ /'phro zhing gan rkyal gdong can yal ga mchongs 'gro ba'i/ /shin tu bya rgod la 'jigs kun nas 'dar zhing mi brtan yan lag can//de dag ri dgas bdag po'i sder mo'i mtha' 'ongs gnas par gyur/ /kun nas bskyod pa'i 'dab ma ltar ni yid 'phrog lce yis ni/ /de nas des kyang mnyes gshin pas ni skad cig lhags par gyur/ /'dab ma las lhung yongs su smin pa'i 'bras bu zar bcug nas//mnyes gshin pas ni skad cig rang gi phrug ltar du bzlog nas/ /mkha' snang sgron ma rgyas pa'i rang gi phug tu zhugs te de dag la ni kun 'khyud bde bar mtshan mo de nyal gyur/ /rim gyis kyang kun nas rnyings pa'i shing ma la ti'i me tog gi rtse mo ltar kun nas 'od med pa'i mtshan mo byed pas grol bar gyur pa'i nub phyogs kyi cha dang ldan pa dang /rang gi khyim gyi gnas nas blangs pa tsam ri dgas rnams kyi sos rtswa'i myu gu zos bzhin pa dang / shar phyogs kyi mtshams kyi kun nas dmar bar byed bzhin pa'i rgya mtsho'i chu dang ldan pa dang / kun nas bar chad par gyur pa'i skar ma'i tshogs dang ldan pa dang / pad+ma'i nags rab tu sad pas shin tu dga' bar gyur pa'i chu'i rten can dang / shing rnams kyi yal ga la 'jug cing bskyod pa'i rma bya'i mjug sgro'i tshogs kyis yid shin tu 'phrog pa'i nags kyi nang dang ldan pa mtshan mo 'das pa la brag phug dang nye bar ljon shing gel ba'i me tog gi mthar kun nas spyod pa'i bung ba'i phreng ba rnams kyis gus pa dang bcas par nye bar glu len bzhin pa ltar ma smad pa'i las can ma smad pa'i yan lag can/nyi ma gser gyi bum pa bzhin du ni/ /lha yi dbang pos phyogs ni mnan pa la//rim gyis spre'u yi phru gu ldan pa dang / /'phro ba'i gnya' ral 'phyang ba byung bar gyur/ /de nas 'bras bu bzung nas 'bras bu la ni chags/ /rang gi phru gu blta ba'i phyir ni dga' ba yis/ /ri dgas bdag po'i gnas ni myur du 'phrad 'dod pa/ /spre'u'i pho mo gnyis ni myur du byung bar gyur//nye bar 'ongs pa nga rgyal rgyas 'byung song ba ni/ /dal ba'i gom par 'jam pa'i ngag phyed dang ldan pa/ /phyag byas nas ni pho mo de gnyis seng ge yis/ /'jig rten rig pa bde ba sngon 'gros smras par gyur/ /spre'u yi phru gu dag gi kun/ /ji ltar byung ba go rims kyis//de nas mtha' mar de dag gi/ /bya rgod phrogs pa smras par gyur/ /de nas rgud song snyam nas ni/ /phru gu dag de'i mya ngan gyis/ /bya rgod kyis brad yan lag rnams/ /spre'u dag gis reg par gyur/ /spyod pa dang ldan ri dgas bdag /ldan zhing ldan pas 'di smras gyur//khyed kyi spre'u yi bu bsrungs te/ /bdag cag kyang ni shin tu srungs/ /chos gtam gang 'ga' rgyas byed cing / /yon tan mnyam pa rnams kyis mtshan/ /grags pa'i kha bas kun nas g.yogs/ /gangs kyi ri ni g.yo ba med/ /gang rnams lus ngan khyed kyi ni/ / yon tan grangs med 'jal mi byed/ /gzhan rnams gnya' ral nyid thob nas/ /'di rnams phyi rol gnas par rlom/ /rgya mtsho'i chu ni mi g.yo 'dab chags rnams kyi bdag po 'byung zhing 'khrug par byed/ /chu gter tshogs kyis bkab pa'i zla ba'i 'od ni rab tu 'gro bar mi byed de//slar yang khyod kyis sdig pa gcod byed gnas pa la ni dag pa'i sems gnas pa/ /gzhan nyid 'gro ba'i phyir ni rdul dang mun pa dag gis nus pa ma yin no/ /phru gu 'di dag bdag cag gi/ /bskyangs nas gang zhig dge khyod kyis/ /thob pa shin tu chen po des//'dod pa'i 'bras bu thob par shog /de bas phru gu dag 'di nyer bzung nas/ /'bad par ldan pa khyod kyis mngon pa skyangs pa/ /gnyen 'dun mang pos khyab pa'i tshang tshing ldan/ /rang gi khyim ni nags kyi nang du 'gro/ /phrad 'dod de dag la ni song zhig der gnas pa//dam pa de la gus pa nyid du phyag byas te/ /zhi ba'i gnas su phru gu dag gi rgyab gnas pa/ /nags gzhan du ni dal bu dal bus 'gro 'gyur te/ /pha mas 'gro ba zhim pa'i rgyab tu lhag par zhon pa ni/ /phrag pa'i spu rnams tshogs la shin tu sbyar ba dag /cung zad mi rnams phrad 'dod de dag bzlog nas ni//yang yang ri dgas dbang po la ni lta bar gyur/ /bcol ba de ni bcol ma kun gyi snying po ste/ /snying po shes rab spyod yul can des gtad byas nas/ /phrag pa las khur sa la gzhag par byas pa ltar/ /ngal ba gcad pas dga' ba chen po thob par 'gyur/ / shin tu dga' ba cung zad gzhan/ /srog chags bcol ma bsrungs las med/ /de nyid slar ni gtad pa las/ /mi rnams la ni bde gzhan med/ /de ltar na bcom ldan 'das des dud 'gror 'jug par gyur pa na yang shin tu yun ring bar srog chags bcol ba mngon par bsrung bar mdzad de/de'i gnas skabs na yang shes rab la kun nas 'dris par mdzad do snyam du rnam par bsams te/ gang zhig chos kyi bcol ma des/ /legs par skyob cing gtad pa de/ /shin tu bde bar 'dod pa yi/ /khyod rnams kyis ni bskyang bar gyis/ /seng ge'i skyes pa'i rabs te skyes rabs gnyis pa'o// //lha dbang nyid kyang shin tu lci ba ni/ /dpag med gnas ni stobs ldan ring thob na/ /snying rjes rnam par dag pa'i yid ldan rnams/ /gzhan la phan pa'i 'bad pa 'dor mi mdzad/ /'di ltar rjes su thos te/ sa gsum pa la phan pa rgyun mi 'chad pa phrad par 'dod pa dang 'dra ba'i byang chub kyis so sor skyong bzhin pa dang /sdug pa'i bu ltar mnyes gshin pas brlan pa'i snying rje'i mas byes nas rnam par log pa dang 'dra bar 'khyud pa'i yid dang ldan pa dang / gus pa dang bcas par lhag par byung ba'i dpal gyis kun nas mnan pa dang /rab tu 'dud pa'i lha'i tshogs kyi gtsug gi nor bu'i 'od zer rnams kyis nges par kun nas snang bar byas pa'i zhabs kyi pad+mo dang ldan pa/ dge ba'i rtsa ba nye bar bsags pas dus gcig gi tshe na byang chub sems dpa' lha rnams kyi bdag po byung bar gyur te/'od zer snang bas kun nas zhugs pa'i gzugs des ni/ /mtho ris gnas pa rnams kyi mdun sa rnam mdzes 'gyur/ /rnam dag skar ma'i tshogs kyis bkram pa'i nam mkha' ni/ /mtshan mo gtsang ba'i 'od dang ldan pa'i zla ba ltar/ /nga rgyal 'dzin pa che ba'i zil gyis gnon pa yang //lha ma yin rnams de yi zil gnon bzod mi 'gyur/ /rab drag gshog pas brgyab cing 'byed pa'i rgya mtsho la/ /rab grol 'dab chags bdag po la ni lto 'phye ltar/ /che ba'i bdag nyid la ni gnas kyi khyad par 'dod/ /dpal ni rten byas de ltar der ni gus dang bcas//rnam par 'byor pa'i phyir ni mtho ris skyong byed pa/ /brtan pa'i bdag nyid la ni glog ltar gnas par gyur/ /bag med rgyu yang lha rnams bdag po nyid der ni/ /lha ma yin ni 'jigs par byed pa des gnas pa/ /dul bar 'dod cing lam bzang kun nas 'jig rten ni//mi 'khrugs pa yi bsam pa dang ldan blta bar ma byas so/ /de nas dus gcig gi tshe na ri'i nags kyi nang 'ga' zhig la sna tshogs pa'i ri dgas kyi tshogs kyis khyab pa dang / dri ma med pa'i chu'i rten rnams la pad+ma rnams kyi dris dri zhim par byas pa'i 'jam pa'i rlung dang ldan pa dang /skyed mos tshal rnams kyis dga' bar gyur pa'i mtha' dang ldan pa dang / 'dab chags kyi tshogs du ma rnams kyi shing rnams lhag par gnas pa dang / phan tshun min par brnab sems las rnam par bzlog pa'i ri dgas dang sbrul dang ldan pa dang / nye bar zhi ba'i gnas dang gtsang po du ma'i chus kun nas sbangs bzhin pa'i shing a ti mu ka dang /ma li ti dang / chu shing gel pa dang ldan pa dang / thub pa'i skye bo du ma rnams kyi mes mchod pa'i du ba rnam par rgyas pa nyid kyi sprin dang bcas pa dang 'dra ba dka' thub kyi nor can la la zhig dka' thub kyi nags la lhag par gnas par gyur te/nags dang nye bar gnas nas ni/ /kun nas ri dgas 'dab chags rnams/ /lo ma'i nags su nyer song nas/ /slob ma ltar ni ngal bso gyur/ /drang srong chen po de snying rjes bsam pa bzang po dang ldan pa'i gnyen 'dun ltar nyi ma re re zhing sdig pa zad par 'dod pa dang 'dra ba'i sna tshogs pa'i shing rnams kyi shin tu dga' ba'i nags su 'ongs te/rtswa dang 'od ma'i 'dab ma rnams za zhing / /ri mtha' rnams la nyin mo gnas nas ni/ /gzhon nu btsas pa'i glang po'i tshogs kyi yul/ /ma dran pas ni bde bar gnas par gyur/ /de nas der ni glang mo'i phrug pa ma/ / rab g.yo pad+ma ltar mdzes rna ba can/ /brtse ldan de ni rnyog med bsam pa can/ /thub pas bu bas lhag pa'i mnyes gshin byas/ /skyes pa dang ni bud med skye bos kyang / /yul 'dug pa la dga' yi dud 'gro la/ /yon tan dang bcas de med 'ga' zhig la 'ang / /mi rnams la ni bar med mnyes gshin 'gyur//nye bar 'ongs te phru gu des kyang ni/ /rim gyis thub pa de yi lag tu gtad/ /'od ma'i 'dab ma 'jam po gus pa yis/ /pad+ma'i rtsa ba 'jam po slar yang bzung / /shing lo'i khang par nye 'khor dbus gnas pa'i/ /gnyid chung bas ni rnam 'brel mig ldan pa//ri dgas rwa ni rim bzhin nyid du des/ /yid 'ong rnams ni kun nas reg par gyur/ /bskyed pa nye bar 'ongs te rgyab phyogs nas/ /sprin ni sar pa 'byung bas gar byed pa'i/ /rma bya bskyod cing sngo ba'i mdongs can ni/ /sgro dang bcas par bskyod pa mthong bar 'gyur//de ltar dga' 'gyur phrad 'dod de la ni/ /ri dgas 'dab chags tshogs kyis yang yang du/ /thub pa de ni dgod cing 'di ltar ni/ /gnyis 'thung phru gu bskyod dud dpral 'bur can la smras/ /'di ni khyim gyi dbus su brgyan pa ni/ /bde bar shing lo'i nye 'khor 'dir ni gnas//ri dgas 'dab chags tshogs ldan skad cig tu/ /ci phyir sdig pa med par g.yo med gnod/ /du ma'i tshogs rnams bcag pas sgra yis ldang ba ste/ /'dab ma rnam par g.yo ba nad las gnod byed 'di/ /skad ni bkug pas rnam mdzad lag pa ni/ / thub pas khyad par shing dang mar nag thigs rnams spangs/ /chu shing rtsab nas 'don cing / /shing lo nye 'khor du btsugs pa/ /rna ba'i tha mar de bzung nas/ /thub pa des ni phyi rol khrid/ /mnyes gshin pas ni lag pa brkyang / /slar yang nye ba ru ni yongs/ /bu khyod ji ltar bskyod pa zhes//des ni dgod cing dga' bas reg /ri dgas phrug bcas skad cig rol/ /dga' bas rtswa rnams rtsad 'don cing / /khrus phyir pad+mor 'gro bzhin pa/ /dka' thub nor can de rjes song / /ri dgas pags pa phreng bar bcas/ /de yis dpung par bkal nas ni/ / pad+ma rnams khyab pad+mo ni/ /thub pas dal bus 'jug par gyur/ /des ni chu zhim 'thungs nas ni/ /skad cig tu ni bzhin btud gyur/ /dogs mthar khrus byed de la ni/ /phru gus slar ni skyong bar gyur/ /de nas rim gyis shing lo'i khang par 'ongs nas pad+ma yi/ /glang mo'i phru gus drang srong chen po des ni de ldan pa//bsreg lugs mthong nas me lce'i rtse mo bskyod cing me mchod nas/ /de la rab byin nas ni rgya shug i gu d+ha rnams zos/ /de nas dus gcig gi tshe na glang mo des phru gu rjes su 'gro bzhin pas ri bo dang nags kyi nang rnams kun nas bskor bar byed cing dpyad dka' ba'i smin pa'i nad kyis skye ba gzhan du nye bar khrid par gyur to//thub pa des kyang nyi ma nam mkha' lhag par 'dzeg pa la dbang bskur bar byas pa'i me'i bya ba dang ldan pa dang / pad+mo'i 'dab ma rnams kyis kha sbyar la 'bras bu rnams rnam par gzhag pa la kha zas rnams 'dod cing slar glang mo de phru gu de bzung nas gang du 'gro bar 'gyur te/phru gu de med pas bdag gis 'bras bu dang rtswa za ba sngar ma byas te/ gsal bar rang gi tshogs su nye bar zhugs nas de yun ring por song ba byung ba gyur snyam du rnam par bsams te/ de blta ba'i phyir langs nas kha zas ma zos par phyir shing lo'i khang pa nas phyir byung ste ri dgas kyi phru gu rjes su 'brangs bzhin pas/chu dang bcas pa'i spyi'u blugs 'dzin pa kun nas 'khor zhing / snas kun nas lhung ba'i shing gi ze'u 'brus khyab pa/ /rkang par rnam par bkod pas rtswa'i myu gu kun nas chad pa 'ga' zhig tu sen mo'i rtse mo nas lhung bas mon lug gi dum bu chad pas kun nas 'dres shing sa'i tshogs 'byung ba dang /gzhan du chus bkug pa'i 'od ma'i rtse mo chad pas bar chad med pa'i glang mo de'i rkang rjes kyi rjes su 'brangs nas phrad par 'dod pa nyid kyis smras par gyur pa/phru gu rjes su 'gro ba ma/ /de yi gom pa rnam 'dod ma/ /kun nas 'od med ri mo srab/ /nor 'dzin steng du gnas pa yin/ /cung zad bar du song nas kun nas dkyil 'khor du byas pa'i lag pa dang ldan pa dang / yun ring por 'dzums par byas pa'i mig dang ldan pa/ srog rnam par chad pa'i sdug bsngal gyi dbang gis rkang pa rnam par bkod pas sa'i dkyil 'dzad pa dang /cung zad lto ba dma' bas sa'i rdul 'byung ba la lus kun nas 'od med pa dang ldan pa/ skom pa'i phru gu de nu ma nu ba dag gis kun nas reg bzhin pa mthong bar gyur to/ /mthong nas kyang mchog tu dga' ba min pa'i dbang du song bar gyur te/thub des ut+pal dmar po'i sdong bu ltar 'jam pa/ /mi yi 'o ma 'dzin dag kun nas reg bzhin pa/ /glang po'i phru gu des ni mya ngan gyis mthong nas/ /mchi ma'i chu yis mig ni 'gags pa byung bar gyur/ /mchi mas kun nas khyab pa'i mig ldan de mthong nas//kun nas 'ongs bzhin rab tu skyo ba'i ral pa 'dzin/ /yun ring ma yi nu ma 'thung ba la chags pa/ /dka' thub nor can la ni phru gus bsu bar gyur/ /glang mo'i phru gu de yi steng du bzhag nas ni/ /lag pa dkar ba'i bar dang ldan pa'i bgrang phreng gis//dpral 'bor mchil ma'i chus ni rab tu sbangs nas kyang / /dka' thub nor can brtse ldan ngo bos smre sngags 'don/ /sgom pas kun nas skams pa'i rkan ldan khyod kyis kyang / /yang nas yang du ma yi nu ma reg bzhin pas/ /dgra yi yid kyang nges par rnam par 'gyod pa ste//dka' thub dang ldan brlan sems ldan pa smos ci dgos/ /mi shes ma yi nu ma don med ci phyir reg /da ni bu khyod spyi'u blugs chu ni 'thung bar byas/ /de ltar 'di ni smras nas chu ni kun bkag nas/ /de ni de yi chus ni rim gyis bkang bar gyur//g.yon can 'chi bdag la yang kun du bka' yis ni/ /khyed kyi ma 'di srid pa gzhan du song ba ste/ /de bas shog cig dka' thub nags su slar rgyug cig /da ni yun ring khyod kyis bdag ni kun nas bsrungs/ /de nas dka' thub nags su rim gyis de 'ongs nas/ /shing lo rnam par 'phyang ba lag pas kun dmigs te//mig gi chu yi thigs pa rnams kyis bzhin sbangs pa/ /de ni phongs pas slar ni 'di skad smras/ /'jam pa'i shing gi 'dab tshigs gang gi sna yi rtse mo las ni khyod kyis bkug pa ste/ /chu ltar bsil ba'i lan ni mong bar gang gis 'di yi nyi ma'i 'od zer la ni sbangs//gang gi chu ni rgyas pa khyod kyis nu ma dag ni mnyes gshin pas blangs 'thungs pa ste/ /gnas 'di la ni ma de med pas di ring bu khyod ji ltar rol bar 'gyur ba yin/ /de nas 'bar ba'i sol ba'i phung po'i dbus su gnas pa gser gyi snod dang rjes su mthun pa'i dkyil 'khor dang ldan pa dang /ri rab kyi rtse mo la dmigs pa'i brgya phrag bcu'i 'od zer dang ldan pa yod pa la/ phru gu de 'jam pa'i rtswa sar pa kham gcig dang chu thigs gcig zos pa dang 'thungs nas de nyal ba'i phyir rtswa sngo bsangs dang shing gi lo ma rnams kyis mal du bkram nas yang dang yang du mchi mas kun nas khyab pa'i mig dang ldan pa'i thub pa des smras pa/mtshan mo gang gang nyal gyur pa/ /khyod kyi steng du rnam bzhag nas/ /ma de med par ci ltar ni/ /de ring skrag pas khyod 'dir nyal/ /phru gu de nyal du bcug nas mtshams bsnyen pa dang smyung bar gnas pa dang me'i bya ba can gyi thub pa des shing los byas pa'i khang par zhugs te/cung zad gnyid bsal bar byas nas mtshan mo'i bar du yang dang yang du mngon par byung nas mnyes gshin pa dang bcas par blta zhing gnas so/ /sna tshogs pa'i 'dab chags kyi tshogs gnyid sad pas khyab pa'i tho rangs kyi dus su kun nas langs te/ri dgas kyi pags pas g.yogs pa'i rtswa'i mal nas snga rol nyid du shing lo'i khang pa'i sgor 'ongs shing / rim dang rim gyis phreng bas bskor ba'i lag pas de la kun nas reg cing ngu ba las log par gyur to//de nas byang chub sems dpa'i lha'i mig gis mche ba gnyis pa'i phru gu de la shin tu mnyes gshin pas rnam par 'brel pa'i zhen pa drag po can gyi drang srong de la kun tu bltas nas 'di ltar bsams par gyur te/ gnyen 'dun mnyes gshin yongs dor nas//thub pa 'di ni nags na gnas/ /'di nyid der yang lhag pa nyid/ /mche gnyis phru gu mnyes gshin pa/ /de bas na re zhig bdag 'gro ste drang srong 'di so sor rtog pa'i stobs ma thob pa gdul bar bya'o snyam du rnam par bsams te/ yid du 'ong ba'i rgyan rnams 'od kyis 'byung ba yi//dbang po'i mtshon cha'i tshogs ni 'bro zhing sbas pa ni/ /'jig rten bya ba'i 'bad pa rnam par ma nyams pa/ /der ni myur bar lha yi dbang po kun nas 'ongs/ /kun nas nye bar 'ongs nas kyang thabs dang bcas par thub pa ni dge ba'i phyogs kun nas 'gegs par byed pa'i mnyes gshin pa 'di ni phru gu 'di la sa bsal bar bgyi snyam du rnam par bsams nas/bdag nyid chen po des glang po che'i phru gu de shi bar gyur pa de yang dang yang du rkang pa rnam par dgod par byed pa/ cung zad ma yin par yang yang sdug bsngal dang bcas par ngo gdong bteg par byas nas nyal bar gyur pa rdzu 'phrul gyi mthus mi snang bar ston cing gnas so//thub pa des kyang ma dpyad par las de 'di ci yin zhes bya ba de dang bral bar dogs pas yang dag par 'ongs te/ bu khyod la yang rgyu mtshan med par dgra bo 'chi bdag gis ci brdegs pa nyid du gyur tam zhes smras nas/mchog tu mi dga' bas 'ongs nas shi ba dang 'dra bar bya ba dang bral ba de mthong ste/ yang nas yang du 'di ltar smre sngags 'don par byed par gyur te/ gang gis pad+ma'i rtsa ba yang / /ci ltar yang ni 'dam nas 'don/ /'di de dus kyis khyer ba ste/ /mche ba ma skyes sngon rol du//me yi khang pa'i nang gnas pa/ /bdag gi bsreg lugs za mchod cing / /sgor ni rna ba dag bskyod cing / /su zhig mdun du sdod par 'gyur/ /lce yi sor mos srab pa yis/ /rim gyis rab srab sna mdun gyi/ /su zhig sna yis bdag lag las/ / pad+ma'i rtsa ba slar 'dzin 'gyur/ /gal te khyod kyis ma 'tsho 'gyur/ /khyod ni shi bar song mthong nas/ /rkang pas sna yi rtse mnan te/ /srog ni skad cig gis gtong 'gyur/ /myur du 'jig rten pha rol song / /khyod kyi mi de don byas pa/ /gang gis khyod ni ma mthong ba//shi bdag dbang nyid der song ba/ /gal te bdag gis byed mi 'gyur/ /mnyes gshin khyod kyi steng du bu/ /sdug bsngal dug gis brgyal ba'i mthu/ /yid 'di 'byung bar 'gyur ba min/ /de rnams bstan pa de bzung skyes/ /de rnams thar ba'i gnas na gnas/ / sprul dang 'dra bar skrag pa yis/ /mnyes gshin gang rnams kyis ring byas/ /bstan pa shin tu dge ba yi/ /dmigs par 'dod pa bdag gi ni/ /so so'i skye bo nyid skyon gyis/ /sems 'di phyi nas 'gyod par 'gyur/ /nyi ma nam mkha'i dbus gnas la ni dbang bskur phyir/ /'gro zhing chu skyes rnams kyi stug pa'i mtsho ru ni//ma yi nu ma rab tu dor nas su zhig ni/ /sna rtse bskyod cing sna ldan di ring bdag rjes 'gro/ /yid 'phrog byed pa'i glang chen phru gu nyid ni mtho ba'i shing rnams gcod byed cing / /mche ba dag gis chu bo'i 'gram gyis rnams dang ni ku sha dang bcas dum dag 'dzin//smyon chus sngo ba'i 'gram pa phug pa khyod kyi mdzes pa'i gdong ni bdag gis ma mthong ba/ /rol bas sgeg par byed pa'i rna ba mchog gi rlung gis 'khor ba'i bung ba can gyi gdong / /rnam par ma chad srab pa'i mchi ma'i thigs pa rnams kyis brlan par byas pa'i rma can dang / /mig gis gzung bya ltar ni bzhin gyi snying las phyi rol du ni byed bzhin pa//'ongs nas thos pa'i skye gnas can rnams legs pa'i tshig ldan rnams kyang ring par sgra byas pa/ /srab pa'i dga' bas dga' ba la ni brtan rnams gzhan dag brtan par bya phyir nus pa min/ /de ltar phrag pa dang ni nye bar ri dgas pa lhung zhing ring ba'i lus ldan pa//sa la gnas shing glang po che yi phru gu la ni mig gnyis gtad byas pa/ /ngu bar byed cing mya ngan gyis gdungs thub pa la ni snying rjes rjes su yang / /khyim kyi gnas su ljon shing me tog la ni 'khor ba'i bung ba'i skad rnams kyis/ /de nas lha'i bdag po skad cig de las lug gi ljon shing ltar 'khyog pa'i ral bu'i khur bu can/kun nas 'brel zhing phrag pa la bkal ba'i dbyig pa la 'phyang ba'i chu dang bcas pa'i bum pa dang ldan pa dang / brang gi mthil pags pas g.yogs pa dang / lag ngar gyi bar la pad+ma'i phreng bas bskor ba dang / rtswa ku sha cung zad blangs pa dang /rkang pa'i bol na rab tu 'phyang ba'i shing lo'i gos dang ldan pa dang / dbang po nye bar zhi ba/ gzugs dang ldan pa dang 'dra bar tshangs pa'i dpal 'dzin cing / dka' thub pa'i gzugs su mngon par sprul te drang srong dang nye bar 'ongs nas smras pa/ drang srong chen po rang gi skye bo rnams la mnyes gshin pa dmigs bzhin pa'i 'di'i shi ba'i sdug bsngal mi bzod bzhin du 'di ltar smre sngags 'don pa'i khyed kyi glang po che'i khrus dang rjes su mthun pa ci zhig sgrub par byed de/yul rnams la ni 'dod pa'i shun pa bsal bas nye bar sbas pa 'di/ /lus 'di gang du gnyen 'dun rnams dang yang dag 'brel ba'i skyon spangs pa//thub pa'i skye bo dang 'gal gang du mnyes gshin 'brel bas blo ni long ba yi/ /khyod kyi smre sngags 'don 'di blo ldan rnams kyi dgod bya'i dngos po yin/ /gal te ngu ba'i sdug bsngal sgra 'don rnams kyi mchi ma 'don rnams la//myur ba ltar ni mig rnams mnyes gshin 'byung ba 'dzin pa yi/ /gshin rje'i yul du song ba'i dga' bo rnams kyi 'os par 'gyur ba ni/ /sa ni ma lus 'di ltar tshe yi bar du rab tu ngu bar 'gyur/ /dge ba'i 'bras bu chud ba nyid phyir tshe dang phun sum tshogs rnams kyi//gnas pa 'di ni srog chags rnams kyi myur du 'jig par nye bar 'gro/ /bsreg lugs 'dzin pa'i grogs po'i shugs kyis bskul ba chung ba'i 'od can ni/ /srab cing sngo ba'i dum bu'i me yi me stag rnams ni chu la ltar/ /gnyen 'dun rnams la mnyes gshin gus med brtan pa yang ni rtsad nas bton nas sems stobs kyis//rags pa'i ka ba ltar ni mtho ba gsang med 'jigs pas rab tu sdug bsngal bskyed pa ltar/ /gal te khyed ni nags su 'ongs te glang po che ltar rang dga'i bde ba 'dod pa yis/ /ci phyir mnyes gshin 'di ni shin tu brtan par slar ni zhags pa bdag nyid la 'phan byed//sngon gyi bskal par dka' thub bzang ba rnams kyis gnyis skyes mdun song rtsibs kyi mtha' ma can/ /stong phrag brgyad cu'i dus kyis brtsis pa'i grangs ni gang la tshe yi 'byung ba nyid du 'gyur/ /tshe ni 'gro ba zhes byar shes nas yo byed rnams ni dor te des ni nags bstan 'gyur//tshe ni nyung ba la yang blo gros med pa rnams kyis sred pa da lta ji ltar don mi byed/ /ston kar kun nas zad pa'i chu can chu 'dzin pa/ /glog gi ljon shing lhan cig skyes pa dor bar byed/ /rgyu dang mi rgyu 'gro ba 'di la rang bzhin las/ / phan tshun du ni rnam par bral ba ci ma mthong / /dngos po zhes bya de de rnams kyang gsal byas nas/ /yud tsam chags pas lhan cig pa yi spyod yul yang / /mnyes gshin pa yi skye bo la yang skad cig gis/ /skye bo sel bar byed de mar me snang ba ltar/ /ji ltar gzhu dang ldan pas mda' ni steng du 'phangs//ring du song nas kyang ni slar ni lhung bar 'gyur/ /de bzhin du ni lus ni yongs su bskyangs pa yang / /'bad pa de dang de yis lhung ba'i mtha' can nyid/ /byis pa dang ni gzhon nu dar bab rgas ldan pa/ /mi gsal ba dang man ngag la ni mkhas pa'am/ /'dug pa'i bdag nyid 'chi bdag 'di ni mi ltos te//bsreg bya la brten rab tu song zhing me ni ltar/ /tshe 'di 'gro ba'i rang bzhin myur du rtogs nas ni/ /longs spyod rnams kyang 'gro ba'i rang bzhin chu shul ltar/ /de bas mkhas pas zhi ba'i phyir ni 'bad bya ste/ /rtag tu chos kyi lus la skud par bya ba'i phyir//'jig rten gzhan du 'gro zhing skyes bu chos lus can/ /gang zhig la ni srid pa'i mtha' ma rjes su 'gro/ /mkhas pa rnams la de ni grogs ldan 'dod pa ste/ /gzhan ni grogs dang bcas yang grogs ni med pa nyid/ /rtag tu rgas dang na ba 'chi ba kun 'byung ba'i//srid pa gsum la 'tsho ba'i yid ni su zhig 'gyur/ /gang zhig zad la rab tu 'bar bar nyal 'dod pa/ /de ni sra brtan bag med rnams su kun nas zhugs/ /dam pas don min 'phel ba'i phyir ni brtan byed pa/ /mnyes gshin rgyu mtshan 'ga' zhig tu ni rigs min te/ / sngags ni ma rnyed par yang 'tsho ba 'dod pa ni/ /dbugs dbyung drag po'i sprul tshang lag pa su zhig gtong / /skye bo srid pa'i rtse mo las kyang 'joms par brtson pa ni/ /sgron ma bzung ba ltar ni bdag gis rnam mthong ste/ /de ltar bag med pas ni gnyen po ma byas pa'i/ /rmongs pa rnams la mi rtag pa 'di dgod pa 'dra//lus can rnams kyi tshe gnas pa/ /ring du gnas pa mthong ba min/ /chu ni shin tu 'bab pa la/ /rdul gyis char pa 'phangs pa ltar/ /mnyes gshin spun gyis mi nus te/ /'ga' zhig du brten gcod phyir gang / /rmongs pa des ni nam zhig na/ / skye bo'i lcags sgrog che gcod 'gyur/ /'di ni shes rab dgra sta yis/ /blo byas rnams kyis gcod pa ste/ /de bas dam pas mkhas pa rnams/ /shes rab nyer 'phel 'dod pas brten/ /gang phyir shin tu phra rags sam/ /ring ba dang ni nye ba'am/ /mi rtag phyir ni de rang nyid/ /mkhas pa yis ni mi byed do//de bas gzugs sogs tshogs pa ni/ /skad cig 'jigs las yid 'byung ba/ /'dod chags bral te chags bral ba/ /yod bzhin rnam grol rtog par byed/ /bdag ni rnam grol zhes shes nas/ /ye shes mthong ba rnam dag pa/ /bdag la skye ba zad shes bya//srid pa yang ni mthong mi 'gyur/ /ji ltar 'dab ma la sogs mdzes pa'i tshogs med par/ /pad+ma yid ni 'phrog par yod pa ma yin te/ /de bzhin du ni gzugs la sogs pa'i tshogs las ni/ /tha dad par ni mkhas pas rig byed mthong ma yin/ /de nas thub pa des 'khor ba'i rang bzhin gsal bar mdzad pa'i byang chub sems dpa'i tshig la mnyan nas sdug bsngal kun nas sel ba legs so legs so zhes bya bas mngon par bstod nas smras par gyur pa/khyod kyi kha yi zla ba las/ /'byung ba'i ngag gi zla tshes 'di/ / thob ste bdag gi mun pa 'di/ /myur du 'das par gyur pa yin/ /mkhas pas man ngag ston pa la/ /byis pa yang ni byis min 'gyur/ /nyi ma nges par 'char ba la/ /pad+ma zum pa nyid ni dor/ /byang chub sems dpas smras pa/ /'dir mang du smras pas ci zhig bya ste/ /bde dang sdug pa byed phyir brten nas yod dang med pa'i las dag brtan par shes nas ni//blo gros legs pa gnas pa 'byed pa'i rang gi dbang po rnams kyi dbang gi khrid byas min/ /dran pa ma nyams dbang po'i yul la rgyab kyis phyogs pa dngos grub mchog ni thob pa ste/ /bla ma'i skye bo las ni 'di ltar rjes bstan blangs nas skye bos tha mar gdung mi byed//drang srong chen po legs so legs so/ /skad cig las yongs su gcod par byed pa'i khyed kyi blo ste bdag ni kun nas ngal ba 'bras bu dang bcas pa ste ltos shig dang / nyan pa po gang don ni ma lus thob pa tsam gyis 'dzin te de ni nyan du gzhug /gang zhig 'chad pa po'i tshig ni lan gnyis smras pa 'bras bu byas pa der yang shes/ /gang zhig gsal bar lan ni du mar yang smras shes pa min te lder so'i rnam pa can/ /de la kun du ngal ba don med mkhas pa nyid kyis mi smra'i brtul zhugs mdzes pa yin//bdag ni lha yi dbang po zhes bya ste bdag gi mthus slar phru gu 'di 'tsho bar gyur cig ces bya ba brjod nas/ rdzu 'phrul gyi mthus glang po che'i phru gu de bslangs te gnas par gyur to/ /thub pa des kyang mchog tu ngo mtshar bar kun nas song bar gyur/ /gsal ba'i cod pan 'od zer rnams kyis nyi ma'i snang ba skyes byas pa//dri med mu tig har bus nor bu'i 'od can mgrin pa mnan pa ni/ /slar yang byang chub sems dpa' lha yi dbang po'i gzugs ni 'byin byas te/ /thong gshol 'dzin pa'i snam bu ltar sngo 'jam pa bar snang brtan par gyur/ /thub pa des kyang phru gu des rjes su 'brang bzhin pa/yid rab tu dga' bas slar dka' thub kyi nags su zhugs par gyur te/ de nas dus kyi rim pas glang po phru gu nyid dor nas/ /smyon chus dri ni bsgos pa nags kyi mtha' dang phyogs kyi bar/ /mche ba 'debs pa rnams kyis ring du byas pa'i glang po gzhan//ri bo chen po'i nang du tshogs kyi bdag po byung bar gyur/ /glang po des ni dus gcig tshe na bsil ba'i shing las ni/ /bud med 'o 'dzin 'o can 'bras bu bsags pa blangs nas ni/ /bkag nas thub pa la ni chu gter chu yi brlan pa byin/ /lhan cig byed pa'i yal ga 'bras bu can rnams de la byin//dam pa brtse ba dang ldan yon tan bsgrub pa mkhas pa la/ /dri zhim brlan pa ltar ni rang bzhin gyis ni stod byed pa/ /sngar ni phan byed bdag nyid che la su zhig bya ba yi/ /snying dang bcas pa'i yid la rjes su chags pa ring por mi 'gyur ram/ /mon lug rnam par bcag ltar dri zhim 'dzag pa'i smyon chu'i phreng //bu khyod skyes pa chen po 'di ltar smra bzhin par gyur te/ /ri bo'i rtsig pa phug pas mdzad pa'i phyogs gcig ldan pa ni/ /mche gnyis kun da ltar dkar de la thub pa des reg gyur/ /slar yang rna ba'i ting ting shags kyis bzlog par gyur pa yi//'khor ba'i bung ba rnams kyis kun 'thungs snyon chu'i dri zhim pa/ /glang po'i dbang po gzhan gyi mche bas lhag pa'i yan lag mchog /glang po la ni smra ba rnams kyi mkhas pas 'di ltar smras/ /glang po'i dbang pos smyon chu dri zhim 'thung bar 'dod pa yi//bung ba rnams la rna ba rnam par brdegs pas ma 'gegs shig /shin tu gus pa med pas smad pa'i gang phyir sbyin chen yang / /don gnyer rnams la kun nas dga' ba byed par mi 'gyur ro/ /tshogs ni bskyang phyir 'ong ma rnams kyis mun pa can gyi nags la gal te rtag tu 'dod//gnod pa'i rtse dang lcags kyu las ni 'byung ba gal te sdug bsngal rnams ni khyod mi 'dod/ /sa skyong gis btang de bas glang po'i bdag khyod glang mo rnams kyi rjes su ma 'gro zhig /chags pas sdug bsngal chen po la ni mi mkhas pas ni su zhig ces bya btang ma yin//de ring khyod kyi dpral 'bor sprugs pas rnam par 'brel pa'i smyon chu'i gnas ni bsnoms byas te/ /mal ni rtswa sngon rtse mo bcag pa tha mar mche ba gnyis kyis bcad pa mthong nas ni/ /tshogs ni skyong ba rnams kyis dor ba me tog zas can nges par khyod la phrad 'dod de/ / de bas khyod ni song shig bung ba rnams kyis nye bar glu blangs gdong can bdag slar mthong / /de nas rim gyis mche ba gnyis pa'i mchog de tshogs kyi nang du rjes su thob pa la/ /thub pa des shing los byas pa'i khang par zhugs te/ bsam gtan la rtse gcig pa byung bar gyur to/ /de ltar na bcom ldan 'das des skye gnas thams cad du 'jug par gyur pas nam yang gzhan gyi don la g.yel ba nyid du ma gyur to snyam du rnam par bsams nas de'i chos la rjes su 'jug pa rnams kyis gnas par bya zhes bya ba'o//brgya byin gyi skyes pa'i rabs te skyes rabs gsum pa'o// // yul gyi 'dam la nub pa'i 'jig rten pa/ /'dam bzhin du ni brgal bar dka' ba las/ /shes rab las byung thabs ldan brtan pa rnams/ /brgal ba'i don du 'bad par byed pa yin/ /'di ltar rjes su thos te/ thos pa dang / dul ba dang / gtong ba dang / yid gzhungs pa dang / bzod pa'i yon tan gyi nor bu rnams kyi gter dang / mdun sa dang mdun na blo gros kyi bdag nyid chen po rab tu grags pa dang / legs par spyod pa'i ston ka'i dus ltar dri ma med pa dang / rgya che ba'i rigs kyi nam mkha' la zla ba dang 'dra ba dang / zla ba'i dkyil 'khor dang rjes su mthun pa'i bzhin gyi pad+ma dang ldan pa dang /pad+ma'i lte ba ltar dkar ba'i lus dang ldan pa dang / gzugs dang ldan pa 'dra ba'i tshul gyi phun sum tshogs pas kun nas gtsang ba'i yid dang / cung zad kyang dbang po'i dgra rnams kyis pham par ma byas pa dang skyon rnams kyi gnyen po rgyal ba dang rang gi phyogs ltar yon tan rnams sngon du song ba dang /the tshom med pa dang lus dang 'dra ba'i chos dang 'dra ba dang / dal 'byor yang dag par thob pa dang / skad cig mar yang yul gyi skyon rnams kyis yid la glags ma rnyed pa ka shi ka'i rgyal po'i blon po khra can zhes bya ba'i byang chub sems dpa' byung bar gyur to//'dod pa me tog rnams bzhin du/ /'dzum pa rnams ni 'ga' zhig kyang / /bdag gi skyed mos tshal bsrung ltar/ /so sor 'dzin 'gyur blo yang phrogs/ /sa 'dzin rnams kyi ri rab ltar ni mtho ba'i mdun/ /dpag bsam shing rnams lta bur yongs 'dus brtol ni//de ni kun du mkhas pa rnams las 'byung 'gyur te/ /'dod dang ldan pa rnams la nyi ma ltar ni lhag /ji lta ji ltar bstan bcos rnam dben las gsal ba/ /slob ma rnams kyis 'di yi tshig lci thos 'gyur ba/ /de lta de ltar 'di rnams kyi ni blo rim gyis/ / ston ka'i yon tan gyis ni chu ltar dngas par 'gyur/ /de ltar 'dod pa thams cad la mkhas pa'i blo dang ldan yang bdag nyid chen po de lugs kyi bstan bcos rnams smod pa'i skyon rnams las shin tu nub pa'i yid can ka shi ka'i rgyal po bzlog par nus pa ma yin te/ gnas skabs sngon du 'gro bar yang 'di la dben pa'i sar skyon rnams las rnam par gcod cing smras pa/lha lags lus 'phags rgyal po la sogs pa skyon la lta ba gnyen po rgyal po gzhan rnams yod pa lha'i skyon rnams yod pa rnams la rtse gcig pa nyid ni rigs pa ma yin no/ /lhas gzigs shig gang zhig 'thungs te bla ma yang khro bar byed de rgyu mtshan med par slar ni ngu //'khrul bar 'gro ste ma dpyad pa yang byed par 'gyur ba nad kyi gzhir ni 'gyur ba ste/ /'jig rten pa yi mdun du yang ni smad g.yogs bsal bar byed de smyon pa bzhin du byed/ /de ni ngo tsha bral byed gti mug skyed par byed pa su zhig ces bya chung 'thung 'gyur//gang zhig brtse zhing ji lta ba bzhin mi smra ba ste khros pas reg par 'gyur/ /gnyid ni mi myong bdag ni pham zhes bya ba'i nyon mongs pas ni brgyal phyir slar chags 'gyur/ /shin tu bshang gci bkag pas rnyed par sla ba'i nad rnams kyis ni lhag par gnas 'gyur te//cho lo de ni skyen mang tshogs kyis dri bcas skyes pa su zhig ces bya rtse bar 'gyur/ /sbrul las rgud pa dang yang dgra bas kyang ni slar 'jigs rta las kyang ni lhung ba ste/ /bkres skom ngal ba'i sdug bsngal shin tu che ba nyi ma'i 'od zer drag po bas kyang cha//bya ba rnams kyi tha ma dam pa'i skye bo la ni smad pa yang dag 'gro ba las lhung ba/ /de ltar skyon dang ldan pa'i ri dgas sher ba shes nas mkhas pa su zhig de la brten/ /stobs ni nyams ba thob pa rnams la rnam zhum pa/ /sdug bsngal gyi rgyu mun pa rnams kyi rgyu mtshan te//'dod pa'i me yi bsreg lugs bdag nyid bsreg pa'i phyir/ /bud med rnams la shin tu chags pa me yis gdungs pa'o/ /mi skyong tshig ni rtsub pa skye dgu rnams la ni/ /'jigs pa byed pa gnas kyi khyad par gyis mi bzad/ /lto 'phye'i dbugs kyis rnam par byung ba byed pa yi//dug gi me yis 'phrog par byed pa'i 'od zer ltar/ /phongs pa de ni zhi yang bla yi bsil ba'i 'od dbang phyug /rags pa mtshon pa yang min te/ /drag po'i dpya can lto 'phye bzhin/ /gang gis smad pa lugs med pa/ /don smad tshul shes rnams kyis ni//ring ba nyid du spang bya ste/ /sa skyong rnams kyis dug bzhin du/ /ma dpyad mig can dpa' bo dang / /shes rab kyis rgan smod byed pa/ /dbang po ma rgyal sa skyong la/ /nam zhig rgud pa bzhon mi 'gyur/ /de ltar rnam par rgyal ba'i skyon 'di rnams shin tu ring po nas thob pa yang rgyal po'i dpal ni nub par byed do//dpung ba'i stobs kyis dbang rnams kyis bdag byas kyang / /shes rab rgan pa rnams kyis tshul gyis skyong bzhin yang / /sa yi bdag po'i dpal 'di rnam 'gyur 'gro ba ste/ /mnyes gshin dor ba'i lus can rnams la 'god byed ltar//dbang po'i dgra ni rnam rgyal yon tan drug po ma 'das pa/ /tshul kyi mig dang ldan pas chen chun tshogs ni lta byed pa/ /rlung gis gdungs pa'i me lce rnams ltar g.yo ba yang / /nor can ma yin bdag pos dpal ni nye bar ster bar byed/ /de bas na bdag nyid 'di rnam par rgyal bas lha yis rtag tu gnas par bya zhes zer ro//de nas rgyal po de'i yul rnams kyis dbang po 'phrog pa'i phyir snying stobs pas yang ngo bsrung gi phyir smras pa/ gang zhig khyed cag lta bu bla ma rnams kyis bdag la gdams ngag byas pa de ni bdag gis 'da' bar 'gyur ba ma yin zhes zer te/byang chub sems dpa' rang gi khyim du song nas kyang / /rdza rnga gling bu'i sgra yis nang gang ba/ /glu bcas sgra ldan sgeg dang bcas pa'i gar mkhan ldan/ /sa bdag des ni myos pa nyid kyis mig dmar ba/ /btsun mo'i 'khor na yang dag rgyu ni zhugs par gyur//de nas sgeg bcas btsun mo'i lag gis gtad pa ni/ /yid ni 'phrog byed khu byug mig ltar dmar ba ni/ /yid 'byung me yi bud shing rgud pa rnams kyi gzhi/ /lte ba kha phye'i ut+pal gyis brgyan chang 'thung gyur/ /de nas rim gyis nyi ma nub par nyer song la/ /'dab chags rnams ni rim gyis tshad rnams song ba la//sa bdag de yi mdun du mar me 'dzin pa rnams/ /gus pa dang bcas 'ongs te mar me'i snod rnams sbar/ /de nas srod dus ri bong gis mtshan rtse yod par/ /skad cig des ni 'dod pa'i rten can chang 'thungs te/ /rgod pas bskum pa'i mchu ldan gar mkhan mo yi gdong //sgeg pa'i mig can la ni lta ba bcings par gyur/ /de ltar chang ni yongs su 'phel bas rmongs pa'i bdag /grags shing yid ni 'phrog pa'i gar dang glu yi sgra/ /ji ltar yang ni mtshan mo'i tha ma shes 'gyur te/ /mi bdag de ni kun nas 'od med zla gsum ldan//de nas der rol ba'i blon po kha cig khra can gyi shes rab kyi mche ba'i bdag nyid mi bzod par gyur pas ka sha'i rgyal po la 'di skad smras par gyur te/ lha'i steng du chags pa dang bral ba'i snying dang 'dra ba khra can mthong ste/ ci'i phyir zhe na/bdag cag rnams kyis thos te ji ltar 'di lus 'phags kyi rgyal po la brten nas lha 'jig pa nyid kyi phyir 'bad par bya ste/ de bas na de'i steng du lhas yid ches par bya ba ma yin zhes zer ro/ /rgyal po de yang rmongs pa'i rang bzhin gyis ma dpyad pa nyid du byang chub sems dpa'i steng du mnyes gshin pa la g.yel bar kun nas song bar gyur to//byang chub sems dpas kyang gtam de yid ches pa rnams la kun nas nye bar dmigs te/ grogs po su zhig gi mdun du 'di ltar smras par gyur to/ /gdug pa'i bdag nyid rol pa'i blon po 'di rnams kyis rgyal po 'di bdag gi steng du khros su bcug pa ste/rnam pa thams cad du skye bo ngan pa rnams kyis skye ba ni gcig tu gzhan rnams la gnod pa nyid kyi phyir te/ /'gro sdang dam min skye dang sbrul dag gi nang na/ /bdag steng gdengs can mchog de dam min skye bo min//lto 'bye'i gdengs kar nor bu chen po yod pa ste/ /skyon rnams ma lus 'byung byed nyid ni skyo ba ngan/ /rang bzhin gyis ni skyes pa zhes bya kha ba nyid/ /me la brten pa'i nim pa'i 'dab ma dor ba ste/ /dam min skye bos dam pa'i skye bo'i spyod byas kyang / /nad rnams gdon byed tshig ni dug gi tsha ba dor mi byed//skye bo la ni 'byung bar byed cing 'chi ba'i 'jigs pa byed pa sbrul gyi dug /yan lag la gnas sman pa la ni dug zhi'i sngags rnams kyis ni zhi bar nus/ /bzang min skye bo'i tshig gi dug ni chen po rnam gcod gnod bya min pa ni/ /so sor 'dzin dang yid la gdungs pa srog dang bral ba'i bar du 'dzin par byed//skyon ni mang mtho skad cig gis 'jig kun nas skrag pa bskyed pa ni/ /sbrul rnams kyi ni rgyu ni yin te sa yi rdul gyis nye bar bsags pa ni/ /rgyal srid las byung chen po nyid ni gang zhig khyim dang 'dra bar kun nas spangs/ / de las langs pa'i chog shes min pa'i rgud pa chung yang de la reg mi byed/ /gal te rgud bskyed sdug bsngal gyis ni brten bya mi skyong mngon phyogs nyid du khrid/ /shes rab dang ni rigs stobs rnam par bral ba yang ni skyes pa'i dpal mthong 'gyur/ /gal te ri dgas bdag pos 'bad pa med par lan ni mang po grogs nyid 'gro//ce spyang gis kyang de la rjes 'gro mche ba gnyis pa'i bdag po'i sha za 'gyur/ /de bas na bdag cag lta bu rnams la sa'i bdag po 'di snod ma yin no/ /zhes smras nas gnyen 'dun dang grogs po'i skye bo dang yo byad rnams kun nas dor te/khri snyan gyi pags pa dang shing gi shun pa dang / ril ba spyi blugs 'dzin cing rtag tu 'bras bu mod pa bdud kyi yid la re ba 'bras bu med par byed pa/ shing rta dang 'dra bar nges pa la gnas nas dri ma med pa'i chu dang ldan pa'i chu bo dang 'brel pas rlung bsil ba dang / du ma'i ri dgas kyi tshogs dang 'dab chags kyi tshogs kyis khyab pa/dka' thub grub pa'i thub pa rnams kyi rten dang shin tu dga' bar gyur pa dang / shin tu shing rnams mang ba nyid kyis nyin mor byed pa'i nyi ma'i 'od zer rnams kyis 'jug pa ma thob pa dang / sa 'dzin pa'i nye bar brten pa 'ga' zhig la brten nas dka' thub spyad par gyur te/bsam gtan bzhi rnams thob nas ni/ /rim gyis bsgom pa rnams kyi mchog /bdag nyid chen po dka' thub che/ /des ni mngon shes lnga la gnas/ /de nas blon po de ni dka' thub spyod bzhin pa/ /rab tu zhi ba mchog ni rnam par mthong bzhin pa/ /dman pa'i bu lon can ltar mchog gi bu lon can//ring nas spangs te dgos pa med bzhin 'gro bar 'gyur/ /de nas ka sha'i rgyal pos dus gcig gi tshe na brang la gzhu dam par bzhag pas go cha dang ldan pa dang / dri ma med pa'i rgyan rnams kyi nor bu'i 'od zer gyis dkrigs pa gser gcad pa ltar dag cing yan lag rgyas pa/'phro bar byed pa'i rta rnams kyi tshogs chas las sil sil gyi sgra 'dab chags kyi tshogs kun nas skrag par byed pa'i shing rta'i mchog la zhon nas ri dgas shor ba'i ltad mos snying 'dren par gyur pa/ byang chub sems dpa' de dang bcas pa'i nags la rjes su zhugs par gyur te/shing rta'i shugs kyi dbang gis bskyod par byed pa'i rgyan/ /rnams kyi 'od kyis 'tsho ba'i lag pa gnyis snang byas/ /shugs ni gsal ba'i ri dgas rjes tshol mi skyong ni/ /mtshon cha la mkhas shugs ldan bcas par rab 'gro 'gyur/ /des ni shin tu ring ba'i ri dgas rjes 'brangs nas//ri dgas ltar ni rgyas shing mdzes pas bskyod pa'i mig /mig gi mtha' mar gzhu rgyud 'dzin pa mda' dang bcas/ /mda' yi rten ni myur du mi skyong des byas 'gyur/ /de nas ri dgas mo yi grogs ltar ring du song ba la/ /bskyod pa'i rmig pa gnyis kyis nam mkha' 'jal bar byed pa ltar//shing rta 'dren pas 'dzin pa rta rnams sgra sgrogs thag pa chad/ /des na gzhu rgyud mda'i ltong rnams bral myur du khyer bar gyur/ /de nas byang chub sems dpas ka sha'i rgyal po mthong nas bdag gi spyod yul du rgyal po 'di 'ongs pa de bas na/ bdag gis 'di ngan 'gro'i rgyu dam pa ma yin pa'i grogs po mang ba bde ba chung ngu myong ba'i rgyal po nyid 'di las gdon par byas te/lam bzang por 'jug par 'gyur ba zhes bya ba rnam par bsams nas/ skad cig ma nyid kyis rdzu 'phrul chen po'i mthus mche ba gnyis pa'i smyon chus phyogs rnams kyi bar dri dang ldan par byas pa dang /ral gri dang / mdung thung dang / cong log dang / gsor mdung gi 'jigs pa dang / rgyal mtshan mthon po'i rtse mo rnams kyis mngon par gdungs pa'i nags kyi shing yal ga dang ldan pa dang / chu'i khur gyis lci ba'i chu 'dzin pa ltar brten pa'i sgra can rdza rnga dang ldan pa dang /kun nas gang bar gyur pa'i chu skyar ltar dkar ba'i dung rnams kyi sgras rna ba 'don par byas pa dang / mngon du phyogs par 'ongs pa'i shing rta'i 'khor lo rnams kyi mtha' mas dma' bar byas pa'i sa'i steng dang ldan par byas pa 'di dang 'di nas mngon par 'jug par gyis shig /da ni gang du 'gro zhes bya bas 'thab mo'i tshogs kyis sgra sgrogs pa dang / kun nas gzhu bkang ba dang / go cha gon nas kun nas dkrol ba dang / ca co'i sgra 'byung bas ri dgas kyi tshogs kun nas skrag pa dang / rgyug cing 'thab mo la brtson pa lus 'phags rgyal po'i dmag tshogs nye bar ston cing gnas te/rdul gyi mun pa can gyis bar ni 'dres byas pa/ /glang chen rnams kyi sna yi chu thigs rnams kyis dgod/ /sa skyong rnams kyi cod pan rin chen dri med pa'i/ /'od zer g.yo ba rnams kyis 'ga' zhig sgron byas 'dra/ /glang chen rnar 'phyang dung rnams kyis ni mdzes gyur te//rnam rgyas ku mu da rnams ltar ni 'ga' zhig tu/ /de nas rim gyis ring po nas ni de/ /lus 'phags rgyal po'i zla ldan mig ni mtshan mo 'phel/ /de nas shing rta la gnas rna ba'i mtha' ma 'brel/ /gzhu rgyud mda' dang bcas pa la las byas par gyur/ / 'phro pa'i lto 'phye lto ba'i pags pa'i 'od ldan pa/ /la la zhig gis ral gri shubs nas bton par gyur/ /'dzag pa'i smyon chu'i thigs pas gos pa'i gdong ldan pa/ /g.yer ka dang bcas glang po rnams kyis kun nas bsgribs/ /dpral 'bur lcags kyus btab pa la ni lag pas gzhan//shin tu glang po che ni kun nas langs par byas/ /rgya chen brang gi mthil nas gzhu ni bzung byas te/ /rnga ma dang bcas rgyug pa'i rta la gnas pa ni/ /gzhan gyi mda' 'dzin nas ni sgro ldan rno ba ni/ /sor mo rnams kyis rten ni sar pa bton par gyur/ /de nas mngon par phyogs par gyur pa'i dmag de mthong nas ka shi'i rgyal po kun nas skrag pa'i dbang gis 'dar ba yang dag par byung ste//da ni su la skyabs su 'gro zhes zer ba bdag gis thos te/ ji ltar bdag nyid chen po khra can de dka' thub kyi nags 'dir zhugs pa de nyid bdag la dka' thub kyi stobs kyis lus 'phags rgyal po'i stobs 'di las srung bar byed par 'gyur ro snyam du rnam par bsams nas/shing rta 'dren pa la smras pa/ shing rta 'dren pa shing rta 'dren/ /de yi dka' thub nags gang du/ /khra can bdag nyid chen po yi/ /lam shes pa yi lam de na/ /bdag gi shing rta drang bar gyis//de nas 'dren pas de ltar bgyi zhes slar mnyan nas/ /lcag gis kun nas bskul bas myur bar 'phel ba ni/ /rab rgyas sna las skyes pa'i sgra can shugs kyis ni/ /rta rnams thag pa rab tu bkrol ba byas par 'gyur/ /de nas myur bar dka' thub nags nas rnam byung nas//pad+ma'i phreng bas byas pa'i lag pas brkyang byas te/ /dogs pa rnam par dor nas spyil bor zhugs mdzod ces/ /dka' thub nor can des ni mi skyong de la smras/ /de nas shing rta mchog la rim gyis bcas nas ni/ /lag pa kun nas bzung ste 'jigs pas 'khrug pa la/ /ri dgas dang ni rma bya chu skyar bar med pa//dka' thub nags su thub pa mchog des khrid par gyur/ /sa yi bdag po des kyang spyil por song ba na/ /ngal bas kun nas khyab pa'i yid re bcas/ /shing rta rta dang rkang thang rnams kyis khyab pa ni/ /stobs kyang kun nas khyab pa'i dbang gis rnam par mi snang gyur//de nas rgyal po des gsong por smra ba byas shing spyil po'i gnas dang rjes su mthun pa'i stan 'ga' zhig la kun nas nye bar zhugs te/ thams cad du blta ba btang bas lus 'phags rgyal po'i dmag tshogs de ma mthong zhing byang chub sems dpa' la smras pa/khyod kyi dka' thub nags su bdag ni zhugs pa la/ /dgra yi dmag de myur ba nyid du gang du song / /khyad par du ni yang ba dkar po chung zad pas/ /chu gter rnams kyi phreng ba rlung gis gdungs pa ltar/ /khra can gyis smras pa/ rgyal po chen po khyod rnam par gdul ba'i phyir bdag gis rdzu 'phrul gyi che ba'i bdag nyid bstan par byas pa ste/'di ni lus 'phags rgyal po'i dmag tshogs gang na yod ces zer ro/ /gzhan yang / gang du gnyen rnams las kyang 'jigs/ /dgra 'jigs gcig pur ma zad kyi/ /rgyal srid de ni skyon mang ba/ /sems bcas su zhig don du gnyer//'di ni gdon bya gsad bya 'di/ /de ni rang nyid min blang bya/ /bsam pa yang 'di dmyal ba'i phyir/ /sa skyong bya 'di smos ci dgos/ /de bas rgyal srid bde ba chung / /tha mar 'jigs pa chen po can/ /dor nas gcig du dge ba ni/ /rab byung nyid la khyod brtan mdzad//bdag la chags pa zil gyis non/ /dka' thub nags dang rgyab phyogs pa/ /srog chags rnams ni de lta bu'i mi dge ba'i spyod pa byed de gang gis ngan 'gro brten par 'gyur te lhas gzigs shig /bsreg lugs du ba'i bla bres ni/ /srab pa'i srin dang rjes mthun pa/ / me tog skyes pa'i shing gi nang / /pad+ma sngo ba'i mtha' ldan pa/ /mtha' med pa yi sa skyes ldan/ /sa skyes mthug pa'i grib ma yis/ /bsil bar byed pa'i sa phyogs can/ /bung ba lhung bas kun skrag pa/ /kun nas 'dar ba'i lta ba can/ /dka' thub can rnams bu mo yis/ /me tog btus par gyur pa ni//srub bzhin pa yi gtsub shing sgras/ /kun nas me 'byung mtshon byas pa/ /kun nas dka' thub mo rnams kyis/ /shing lo'i khang sgo bcug bzhin pa/ /zhi ba shing lo rnams kyi gnas/ /zhi min skye bo dang ni bral/ /gnyen 'dun chags pas dka' thub nags/ /skye bos 'gro bar nus pa min//legs pa rnams kyi bar chad 'di/ /mnyes gshin gal te skye mi 'gyur/ /mdza' bo rnams chad mya ngan me/ /lus can rnams yid sreg mi 'gyur/ /bdag la chags pas 'jig rten 'di/ /bya min stobs kyis byed du bcug /ngan 'gror 'gro ba'i rgyu nyid phyir//dgra las mnyes gshin shin tu dka'/ /bdag la chags pa'i rmongs pa las/ /de lta bu ni su zhig byed/ /gang gis smad smra mnga' rnams kyis/ /'ben ni skad cig der 'gro 'gyur/ /gang tshe nyid du kun nas bsnyen/ /'jig rten mnyes gshin chen po yin/ / 'dod chags zhe sdang gti mug dgras/ /de tshe spang bar nye bar song / /mnyes gshin chen po rnams ma dpyad/ /gzi brjid ldan yang skad cig gis/ /skye bo la 'ongs khong nad rnams/ /mar me la ni phye leb ltar/ /yan lag rnams la kun nas tshad dang khong na lhag pa dbugs ni 'byung dang 'jigs pa dang //gnyer sems dang ni gnyid sad pa dang nyin mtshan la yang shin tu mun can phyogs rnams dang / /mchi ma dang bcas mig dang brtan min gnyid ni mdza' bo'i skye bo rnams chad dus su brtan/ /mnyes gshin sbrul gyis btab pas rmongs pa'i yid can rnams kyi rgud pa 'di rnams 'byung ba yin//longs spyod 'dod pa glang po 'ching ba chog shes rnam par gcod par byed pa rjes song ste/ /'dod chags glang po skyong bas bskul ba rgyags pa'i dbang gis dam pa min pa'i lam rgyug cing / /mnyes gshin dka' ba chung ba nyid kyis bcag par mi nus pa ni yid kyi glang po che//kun nas rmongs shing slong mo pa yi sdug bsngal nyon mongs lcags kyu'i rma ni bzod par byed/ /gnyen 'dun mnyes gshin pa ni dgra bo bzhin dang lag 'gro bzhin dang drag pa'i glang mo bzhin dang me bzhin du/ /gang gis ring nas yongs su sbangs nas 'gro ba de la long nad rnams ni kun nas 'dzud mi byed//gang zhig 'di la btsas pa'i sdug bsngal bskyod pa mi mkhas pa yi skye bos 'khyud par byed/ /rtag tu sman min za ltar mi bzad rnam pa rgod pa rnams ni de la nyon mongs byed/ /gang zhig gnyen 'dun 'ching ba bcad nas srid pa'i 'jigs pa gcod phyir nags su song ba ni//de ni mkhas pa rnams kun gyi ni nyi ma bzhin du 'od ldan rnams kyi mdun song ba/ /de la sems ni 'byung bas byas pa rno ba'i mda' yis bya ba'i 'bras bu med pa'i gzhu/ /skyes pa'i 'bras bu bla na med pa zhi ba'i bde ba thob par gyur cing nges ni rnyed//de nas rgyal po de rab tu 'byung ba la nges par byas pas byang chub sems dpa' la smras pa/ dri med rgya chen blo yi grags pa can khyod kyi/ /'di ni rdzu 'phrul gyi stobs kun nas rgya che ba/ /mthong nas bdag gi yid kyang myur bar byed pa ste/ /dka' thub kyis ni dbang ba nyid thob pa yi phyir//e ma rdzu 'phrul 'di ni dka' thub kyis mos la/ /gal te blo ldan rnams kyi blo yi stobs kyis kyang / /de ltar skyon ni mang ba dri ma can gyi ni/ /skad cig gis 'jigs pa la rgyal po nyid kyis ci/ /de nas rgyal po des rta'i kha lo ba gdong mchi ma dang bcas pa de la rgyan rnams byin nas byang chub sems dpa'i drung du rab tu byung bar gyur to//shing rta'i kha lo ba yid mi dga' ba des kyang rgyal po de la bskor ba byas te/ dka' thub kyi nags de nas shing rta mchog blangs nas rnam par byung bar gyur te/ 'jam pa'i rmig pa gnyis kyi sgra ldan rab tu 'phro ba'i mdun gyi rnga ma can//rab tu srab pa'i dri ma med pa'i kha chu'i rgyun gyis mal gyi dbus sbangs pa/ /mi skyong dang ni rnam par bral bas sdug bsngal gyis ni rnam 'khrugs rta de rnams/ /shin tu lci ba ltar ni dka' bas shing rta de na dal zhing rgyu bar gyur/ /rgyal po'i khab tu yang rim gyis rjes su thos pa 'khrugs pa dang ldan pa'i grong khyer ba'i skye bos phyir byung ste/rgyal po gang na yod ces bya ba dris par gyur ba dang / khra can drung na rgyal po 'di/ /rab tu byung zhing nye bar gnas/ /mchi ma'i mig bcas kha lo bas/ /'di ltar brjod cing mya ngan byed/ /de nas skye bo rnams kyis brgyud pas rgyal po rab tu byung ngo zhes bya ba thos nas/rgyal po'i 'khor thams cad du kun nas 'khrugs pa nyid du song bar gyur to/ /de nas ka shi'i rgyal po'i btsun mo de bdag po rab tu byung ba thos pas sems mchog tu smre sngags 'don par gyur to/ /e ma dpal gyi brtse med nyid/ /shin tu g.yo ba'i lhan skyes kyang / / gcig pu gang du yang song ba/ /dka' thub nags su dor nas song / /dpal la klan ka byas pas ci/ /bdag gi yid la shin tu drag /gang phyir des dor bdag 'tsho ste/ /glang po ches ni glang mo bzhin/ /gzhon pa shin tu 'jam pa dang / /rab tu bde bar gnas pa des/ /bya dka' rab byung nyid la ni//yid ni ci ltar des ni byas/ /zla tshes bla bres ltar dkar ba/ /gon pa'i gos ni rab dor nas/ /ji ltar rang bzhin gyis rtsub pa'i/ /shing lo rnams ni des gon gyur/ /li khri dang bcas sor mo can/ /gang gi lag pas bdag la ni/ /thig ler byas pa de ring des/ /ji ltar ku sha rnams 'ong gyur//nor bu dang bcas gser gyi snod kyis phul ba ni/ /dri zhim zhim pa'i chang ni dga' bas rab btungs ba/ /des ni lag pas sam ni shing lo sbyar bas sam/ /skom pas gdungs pa chu ni sa skyong ci ltar 'thung / /sa skyong cod pan nor bu'i 'od rnams gang zhig ring reg pa/ /grogs mo rnams kyis gus dang bcas pa'i 'dud pa rnams kyi ltar//de rnams rkang pa'i sen mo'i rin chen 'od rnams 'phro byed de'i/ /nags kyi sa yi rdul rnams kyis ni nges par sngo bar gyur/ /dal zhing me tog rnams ni mngon du 'dzin par byed 'gyur ba/ /tho rangs dus su rim gyis lag pas yal ga gzung byas nas//don byas ljon shing bud med rnams ni rlung gis 'dar byas pa/ /gang rnams de la ze'u 'bru'i sor mo rnams kyis yang yang reg /de nas blon po rnams ci ltar yang bstan pa nyid la dmigs nas du ba'i btsun mo'i 'khor dang lhan cig tu rnam par bzlog nas rgyal po de'i sras che ba la dbang bskur ba byas par gyur te/rgyal po des kyang dka' thub drag po spyod cing byang chub sems dpa'i man ngag gis/ /rim gyis bsam gtan rnams rnyed nas/ /mchog tu zhi bde thob 'gyur de/ /legs phyir dbang po yang dag bsdams/ /de ltar mgon po de yis ni/ / byang chub spyod pa'i rjes 'jug pa/ /zhi phyir mang po gting ring ba'i/ /'dod pa'i 'dam las kun bton gyur/ /de ltar mchod bya'i thub de la/ /gzhan gyi don ni ston mdzad pa'i/ /khyed cag brten zhing gus ldan pa/ /nges par legs phyir 'byung bar shog /khra can gyi skyes pa'i rabs te skyes rabs bzhi ba'o// //sa gsum phan mdzad bdag nyid chen po rnams/ /lha yi bde ba yang ni rnam par 'dor/ /gzhan gyi sdug bsngal shin tu lci bas ni/ /brtse ldan rnams kyi sems ni sdug bsngal byed/ /'di ltar rjes su thos te/ pha rol tu phyin pa ma lus pa rtogs pas byang chub dang nye bar rang gi 'od kyis yan lag snang bar mdzad pa'i byang chub sems dpas dus gcig gi tshe na dga' ldan gyi gnas su 'khrungs par gyur to//bdag nyid chen po des kyang de na gnas pa'i lha rnams la chos las ma 'das pa'i gtam gyis lam dam pa mngon par gsal bar mdzad nas/'di ltar bsams par gyur te/ rdzogs ldan gyi dus na 'jig rten pa chos la rtse gcig pa bde bar lam bzang po la 'jug pa yin te/ rtsod pa'i dus 'dir ni rgyags pa dang nga rgyal dang chags pa dang zhe sdang dang gti mug rnams kyi dbang du gyur pa'i srog chags rnams bde ba'i chos rmongs pa'i bdag nyid rnams ngan 'gro gzhan gyi dbang du song ba ste/de bas na bdag gis byang chub rtogs nas 'khor ba nas gdon par rigs zhes zer ro/ /yul dbus na yang dad pa rnam par dag pa'i yid can 'jig rten pa yin te/ gang zhig 'di zas gtsang ma zhes bya ba grong khyer ser skya na mi rnams kyi bdag po yin pas 'di ni shin tu yang dam pa rnams kyi spyod pas drang srong chen po rnams pas kyang lhag pa yin te/de bas na 'di nyid kyi btsun mo'i mchog sgyu ma lha mdzes kyi khong par skye ba kun nas len par byed par 'gyur zhes bya ba rnam par bsams nas/mtshan mo nyal ba'i rmi lam du/ /kha ri ltar dkar lci zhing mche ba drug pa'i smyon chu yi/ /dri yis bsgos pa'i gdong can mche ba gnyis pa'i gzugs byas nas/ /sa yi bdag po zas gtsang dag gi btsun mo'i lto bar ni/ /'gro ba rnams kyi sdug bsngal zad phyir de ni zhugs par gyur//de nas btsun mo sgyu ma lha mdzes chen mos rgyal po la rmi lam de smra zhing gnas te/ /lha lags de ring bdag la rmi lam du ston ka'i chu 'dzin ltar dkar ba mche ba drug pa glang po che'i dbang po lto ba g.yas pa kha phye nas khong par zhugs so zhes zer ro/ / de nas rgyal po des rmi lam gyi 'bras bu shes pa gnyis skyes rnams kyi mdun du rmi lam de brjod cing gnas so/ /bram ze de rnams kyis kyang de la zhus pa/ /rgyal po chen po khyod kyi sras 'khor los sgyur ba 'byung bar 'gyur zhes smra'o/ /rgyal po de yang yid dga' bas gnyis skyes de rnams la gus pa mdzad nas rnam par btang bar gyur te/btsun mo btsun mo'i nang 'khor bcas/ /rjes gnang de nas dus gcig tsher/ /lum pa'i tshal du song bar gyur/ /me tog khur ni 'dzin pa yi/ /yal ga kun nas 'dzin gyur pa'i/ /btsun mo'i lto ba myur phye nas/ /byang chub sems dpa' rnams 'byung 'gyur//de nas 'khrungs pa tsam gyis gser gyi gnya' shing ltar dkar te/ /mig ni stong dang ldan pa'i ka bas rim gyis 'dzin par gyur/ /me tog man dar yi tshogs dang lhan cig de yi dbu la ni/ /mkha' las dri ma med pa'i chu yi rgyun dag bab par gyur/ /'gro ba rnams kyi mgon gcig de ni stobs byed kyis bzhag pa//brtan zhing rim gyis sa ni gom pa bdun ni dor byas nas/ /shin tu ngo mtshar ba yi tshig 'di zhi bar gsungs pa ste/ /bdag ni skye ba tha ma zhes te mun pa rnams med phyir/ /de nas bcom pa bsil min 'od zer ltar 'bar zhi ba yi/ /bdag nyid can de'i 'od ni nor ldan ma ni snang byed cing //nyi zla dag gis 'bar ba'i 'od rnams kyis ni mi byed pa'i/ /'jigs pa'i mun par dmyal ba rnams la 'jigs par gyur/ /bdag nyid chen po chos kyi rgyal po de yang 'di ni dbang bskur ro zhes bya bar rab tu dga' ba'i yid dang ldan pa'i lha rnams kyis nam mkha'i dkyil la rnga rnams brdungs par gyur to//btsun mos ni khyogs la zhon nas byang chub sems dpa' blangs te rang gi khyim du song bar gyur to/ /de nas shin tu ngo mtshar ba'i yid dang ldan pa'i zas gtsang mas btson thams cad btson ra nas grol bar mdzad de/ grong khyer ser skya kun nas mthong ba'i rgyal mtshan dang ba dan rnams kyis sna tshogs pa'i tshong khang gi lam shin tu dri zhim pa'i dri'i chus sa'i steng du chag chag btab pa dang //me tog sar pa rnams bkram pas lam rnams kyi bar mdzes pa byed du bcug go/ /'dres pa'i ri dgas kyi ni pags pas g.yogs par byas pa'i phrag pa'i phyogs//me yi 'od can ral pa rnams kyi tshogs ni kun nas 'dzin byed cing / /dkar min min pa'i las rnams kyi ni mngon sum dkar min zhes bya ba/ /nam mkha' las byung skye bo rnams las sa yi bdag pos thos par gyur/ /de nas rgyal po de mngon par bzhengs te drang srong chen po de byang chub sems dpa'i skye ba shes pa la 'jug par byed pa mngon par mkhyen te gsong por smras nas/ar+g+ha rab tu sbyin pa la sogs pa bkur stis rim gror byas te/ gdan yongs su 'dzin par byas pa 'di la bde ba dris nas ma ma'i pang bar gnas pa'i byang chub sems dpa' ston zhing gsungs pa/bcom ldan 'das re zhig bdag gi sras 'di la ci tshe ring bar 'gyur ram mi 'gyur gzigs shig ces so/ /de nas dkar min gyis byang chub sems dpa' blangs te mthong nas kyang 'di ltar bsams par gyur te/ ji ltar mtshan gsal rnams kyis 'di//rgyan dang 'dra bar brgyan byas pas/ /de ltar 'gro ba'i sdug bsngal ba/ /bsal ched sangs rgyas 'byung bar 'gyur/ /gang tshe sangs rgyas 'di 'byung ba/ /de tshe bdag ni shi 'gro 'gyur/ /'di las chos gtam thos gyur pa/ /gang dag lus can de don byas/ /drang srong chen po dag pa'i sems//'di ltar sems par byed pa de'i/ /mig dag mig rdzi'i rtse mo dud/ /ngu ba'i mchi ma byung bar gyur/ /de nas zas gtsang mas mchi ma dang ldan pa'i mig can dkar min la gzigs nas 'khrug pa dang bcas par gsungs pa/ nges par 'di ni tshe thung ba ste de nas bcom ldan 'das mchi ma dang bcas pa'i mig can du yang dag par gyur pa/kyi hud mche ba nyid sras kyi pad+ma bdag gi gshin rje mche ba gnyis pa'i bdag pos rtsa ba nas 'don par gyur zhes smras so/ /dkar min gyis smras pa/ rgyal po chen po mya ngan gyis chog cing chog ste/ bdag ni bdag rang la rjes su mya ngan bgyid de//gang gi tshe 'di ni yul rnams dor nas rga ba dang 'chi bas zos pa'i lus can rnams gzigs nas yid skyo zhing dka' thub kyi nags su song ste/ sangs rgyas 'byung bar 'gyur ba/ de'i tshe na bdag ni shi ba nyid du nye bar 'gro bar 'gyur zhes pa de bas na mya ngan gyis bdag mig 'di mchi ma dang bcas par byas so zhes smras nas/drang srong chen po de song ba dang don grub ces bya ba'i mtshan byang chub sems dpa' la byas te/ dus ring po ma yin pa nyid kyis bla ma rnams kyi drung nas shes pa thams cad rtogs shing / rigs mthun pa las grags 'dzin ma zhes bya ba'i bud med blangs par gyur to//ji ltar 'di rga ba dang na ba dang 'chi ba'i nad mi shes pa nyid du bdag gi sras su gyur cig ces bya ba rnam par bsams nas/ zas gtsang ma'i pho brang gi nang nyid du btsun mo'i 'khor gyi dbus su 'jug pa rgyun mi 'chad pa'i gar dang glu lta ba thob pa la rtse gcig pa byang chub sems dpa' byed du 'jug cing gnas so//des kyang grags 'dzin ma la gzhon nu sgra gcan 'dzin zhes bya ba'i sras bskyed par byas nas/ dus gcig gi tshe na glu dang nye bar 'brel ba btsun mo'i 'khor la 'os pa'i skyed mos tshal rnams gnas nas/ phyi rol du 'byung ba'i phyir blo byas te yab kyis rjes su gnang ba'i shing rta mchog la zhon nas mdzes par byas pa'i ser skya'i lam gzigs shing kun nas gshegs par gyur to//dngos su yid 'byung ltar ni rna ba dang ni mig phye ba/ /mig la mngon dga' nang 'khor las ni de nas de thos nas/ /de mthong ba yi slad du phrad 'dod pa yi yid dang ldan pa yi/ /grong khyer bud med rnams kyi bya ba sna tshogs 'byung bar 'gyur//de nas la la zhig rgyan ma rdzogs par rab tu rlon pa'i thig les dpral ba'i dbus su mngon par brgyan pa dang / rna ba las ut+pa la kun nas 'pho ba dang / mig gcig mig sman gyis bskus la langs te/ mig thur 'dzin pa'i pad+ma dang rjes su 'dra ba'i lag pas yan lag med dang rjes su 'dra ba'i gzhon nu 'gro ba 'di la ltos shig ces bya ba'i grogs mo la ston zhing gnas so//la la zhig ni slar e ma'o skal ba dang ldan pa grags 'dzin ma ste/ gang zhig 'di'i lhan cig spyod ma snyam du rnam par bsams nas yung ring por mig mi g.yo zhing 'di mthong bar gyur te/ slar gzhan dag kyang lag pa gnyis kyis 'dzin pa'i skar khung gi ka ba shing 'dzin pa dang 'dra bar mdzes par gyur to//la la zhig 'di ltar rgyal po'i sras mthong ba'i ltad mos shin tu myur bar khyed kyis 'gro ste/ nu ma'i 'gram nas ltung bzhin pa'i mu tig har phyed ma bcings pa 'di kun nas thogs shig /e ma'o khyod ni shin tu g.yo ba'o zhes brjod cing bla ma'i skye bo 'di khros pa mthong ste ci'i phyir khyod ngo tsha med pa zhes bya ba gzhan dag la klan ka byas pa'o//slar la la zhig lci ba'i 'o ma 'dzin pa'i phyogs gcig tu kun nas reg pa'i phyed phye ba'i sgo rjes su 'dzin par gyur pa'o/ /la la zhig ni khyed gcig pu nyid kyi gzhon nu mthong ba'i ltad mo ni ma yin te/re zhig nang du 'gro chug shig dang bdag kyang rgyal po'i sras mthong bar 'dod pa ltad mo dang ldan pa zhes 'di ltar smras par gyur te/ de ltar rnam par song ba'i phyir/ /gzhon nu mthong 'dod de rnams kyi/ /ske rags dang ni rkang gdub sgra/ /khyim rnams las ni rab tu rgyas//de nas mi dbang sras ni lam la rim gyis gshegs mdzad cing / /lag pa rab 'dar dbyig pa mdzes pa bral ba dang / /gnas gtsang bas ni kun nas sprul pa yan lag kun nas sgur/ /shin tu dkar ba'i mchog gis yan lag rgan pa rnams mthong gyur/ /de nas byang chub sems dpas kha lo sgyur ba la dris par gyur te//re zhig khyod kyis smos shig /slar 'di ni gzhu bdungs ba ltar sgur zhing kun nas yan lag stobs chung ba/ /yongs su smin pa'i ka shi'i me tog ltar mgo las skyes pa dkar zhing / mgo rab tu 'dar bas ci yang ston pa 'dra ba 'di su zhig mthong ba yin/ kha lo sgyur bas gsol ba/ / gzhon nu lags rgas pa zhes bya ba 'jig rten thams cad la khyab pa/ lus dang dbang po rnams las gsal ba 'phrog par byed pa/ 'dod pa'i gtam dor bar byed cing khros pa ltar gzhon nu ma rnams kyi lang tsho'i nga rgyal sel bar byed pa gang gis 'di gnas skabs 'di la drangs par gyur pa'o zhes so/ /de nas bdag nyid chen po des slar gsungs pa/gal te rgas pas gzhon pa nyid 'di 'di ltar 'jig par byed na rnam par 'gyur ba'i lus 'di la chags pa su zhig ces so/ /kha lo sgyur bas gsol pa/ gzhon nu lags rgas pa gcig pur ma zad kyi na ba yang khams 'khrugs pa las yang dag par byung ba lus can rnams kyi don med pa chen po ste/de las gzhan ni shi ba zhes bya ba thams cad 'phrog pa la mkhas pa shin tu don ma yin pa ste/ gang zhig yongs su bsams par gyur ba yang lus can rnams la sdug bsngal chen po skyed par byed pa zhes so/ /byang chub sems dpas smras pa/ 'chi dang na dang rga ba'i dgra rnams gsum po 'dis/ /e ma 'gro ba zhag rer rjes su bcings pa ste//'jigs pa chen po zhes bya mi bzad yod pa la/ /ci ltar 'di ni yul rnams la ni rtse gcig pa/ /de ltar kha lo bas ni shing rta myur du bzlog /khyim du 'gro phyir song shig slar ni 'dir ci 'dug /'chi dang na dang rga bas kun nas dogs pa yis/ /bdag ni skyed mos tshal la dga' ba 'byung mi 'gyur//de nas rgyal pos byung bar gyur pa'i sras dang rnam par bral bas dogs pa can gyi yid kun nas skyo ba'i yid can byang chub sems dpa' gsan nas dkar po min pa'i tshig de rjes su dran te/ kha lo sgyur ba la btsun mo'i 'khor du 'ongs ba'i skyed mos tshal nyid du gzhon nu khrid par gyis shig ces bya ba'i phrin btang bar gyur pa/kha lo sgyur ba des kyang myur bar 'di skyed mos tshal nyid du zhugs te gsol pa/ /tshe dang ldan pas blta bar 'os te 'dir ni/ /cung zad cung zad me tog dgod pa gsal bas mdzes pa dang ni ldan pa yi/ /dal bu dal bus ma la ya yi rlung ni rgyu bas gar ni byed bcug pa/ /skyed mos tshal gyi ljon shing bu mo 'di rnams kyis ni 'od med snang ba ste//mtha' ma rnams la 'khor ba'i bung ba'i tshogs kyis phreng pa'i rtse mor sgra sgrogs so/ /de nas byang chub sems dpas shing rta las babs te rga ba dang na ba dang 'chi ba la bsams nas kun nas 'khrugs pa'i blo gros dang ldan pa/ /zug rngu nang na yod pa'i mche ba gnyis pa'i bdag po ltar 'di ltar gsungs par gyur te/blo chung rnams kyi brtan gcod nyams mi dga' ba'i mtha' ma can/ /zhi ba'i bdag nyid rnams kyis yongs spongs lto 'phye rnams ltar drag /'gro ba'i chen chung gzhon pa la yang 'dod rtse gcig pa yis/ /kun nas 'khrugs pa'i yid ni yul rnams kyis ni 'phrog pa yin//de nas rgyal po nges gar dang glu la mkhas shing gsal ba'i bud med rnams byang chub sems dpa'i thugs 'gugs pa'i phyir skyed mos tshal der btang bar gyur te/ de rnams kyang byang chub sems dpa' can du mngon par 'ongs nas rgyags pas spobs pa skyes pa dus kyi bya ba de dang de rnams 'byung bar byas par gyur to//de nas la la zhig gis 'di la smras par gyur ba/ /gzhon nu gzigs shig ma la ya yi rlung rnams 'di ni dri zhim me tog shing rnams kun nas 'dar byed rgyu ba ste/ /bung bas tsU ta'i shing gi snye ma rab tu phye bar gyur pa la ni skor bar byed/ /gzhu bdungs ba la bya ba ring par bde ba ci phyir 'di ni khyod kyi gnas pa ste//sgra ni ring ba khu byug me tog gzhu can la ni bskul ba shes bya bdag gi dogs/ /gzhan yang rang gi rngul gyis yan lag 'tshed byas pa/ /gzhon nu lhan skyes snyem bu mo ni/ /bung ba mchog gis 'khor bar byas pa ni/ /skad cig ma ltar srab pa yongs su dor/ /gzhan dag gis kyang slar 'di la gsol pa/ /bung ba ljon shing bud med skye bo longs spyod pa//me tog rdul gyis 'od med bral ba de mthong nas/ /rlung gis kun nas 'dar ba'i gzhon nu 'dam skyes kyi/ /pad+mo yang dang yang du sdigs mdzub 'dra bar byed/ /la la zhig gis kyang 'di la gsol pa/ /ji srid bdag gis khyed phyir me tog rnams brgyu ba/ /'di rnams phra ba'i me tog rdul gyis bar rnams med pa ni/ /bdag gis mig la gnod pa zhi min 'gro ba rang yid gnyis//gzhon nu ring po nas ni de srid 'di ni rnam par zlog /gzhan dag rnams kyis kyang dgod pa dang bcas par mngon du gnas shing 'di la gsol pa/ sbrang byed kyi ni rnam par 'dar ba'i ze'u 'bru ku ba la yi gzhu rgyud kyis ni kun nas bcings/ /me tog gis byas gzhu ni dung chag lta bur dkar ba'i grib ma brang la rnam bkod nas//za ba'i phyir ni brnyes par byed pa'i bud med rnams ni khyed la kun nas brdegs par 'dod/ /mig gcig btsum par byas pa 'dod pa'i lha ni nges par me tog gi mda' drang bor byed/ /byang chub sems dpas smras pa/ sring mo rnams dam pa ma yin pa'i smra ba 'di rnams kyis chog cing chog ste/ bdag gi yid skyo ba'i bsreg blugs za ba la chu'i rgyun ltar sgeg pa'i gtam rnams kyis kun nas glags ltar rnyed pa ma yin te/ sring mo rnams zhes de de yi/ /tshig ni shes nas bud med rnams/ /bzhin ni thur du lta zhing gnas/ /ngo tshas rnam par sgeg pa dor/ /gzhon nu ma yi tshogs de ngo mtshar bar gyur shes nas ni/ /dag pa'i blo can rgyal po'i sras po yid byung yang //me tog gis ni mda' rnams nges par dong pa la gzhag nas/ /ngo tsha dang bcas yid byung bas ni gzhu ni phab par byas/ /de nas byang chub sems dpa' btsun mo'i 'khor gyi nags de la dga' ba ma thob par gyur te/ nyi ma nub 'dod pa la shing rta la zhon nas bud med de rnams kyang khyim du song bar gyur to//de nas byang chub sems dpa' sgeg pa'i gtam la brnyas par gyur cing mal gyi dbus na rnam par bzhugs te/ rga ba dang / na ba dang 'chi ba rnams nyid yid la bzhag nas gnyer sems la rtse gcig par gyur to/ /de nas gnas gtsang ma ba rnams kyis bdag nyid chen po de'i yid skyo ba'i phyir ma la skyod bar byed ma rnams la 'phral kho nar gnyid pa dang mi smra ba nyid byas par gyur to//der yang la la zhig rnams rgyun mi 'chad pa'i sgra dang dbugs kyi dbang gis so gsal ba dang / rnam par 'dzag pa'i kha chu'i cha yis tha ma byas pa'i gdong rnams 'byung bar gyur to/ /gzhan dag rnams la nis 'jam pa'i steng du kun nas gram pa dang rab tu lhod pa'i smad g.yogs ltung ba nyid kyis brla rab tu gsal ba dang /'o ma 'dzin pa dag gi steng du mu tig gi har rnam par 'khrugs par gyur pa dang / rnam par gtor ba mi mnyam pa'i lag ngar gyi ljon shing dang ldan pa shing rnams dang 'dra ba'i las rnams gnas par gyur to/ /gzhan dag gis kyang rdza rnga la rnam par zhugs par byas pa'i nyis 'gyur gyi dpung ba'i rten la rnam par gzhag pa'i gdong can stan las rnam par ltung zhing de lta nyid du nyal bar gyur te/la la zhig gi gnyid kyis sor mo rnams kyi 'bad pas 'phrog pa'i lag pa las ma mchu dang rnam par 'brel pa'i bu ga dang po can du bud med kyi mig gi 'bras bu ltar sngo ba'i gling bu lhung bar gyur to//mche ba gnyis pa rnams kyis rnam par gnon pa'i pad+mo rnams ltar gnas skabs sna tshogs pa'i de rnams kyi gzugs mthong nas mar me rnams kyis dgod pa dang 'dra ba ste/ de nas byang chub sems dpa' gzhon du med rnams la smad pa mdzad nas mngon par bzhengs te/ phyi rol du gshegs nas kyang mos pa blangs te gsungs pa/srid pa'i rgya mtsho 'di ni kun nas rgal 'dod yid/ /dka' thub nags su 'gro phyir btson pa ste/ /de phyir bdag gi nges pa bsgrub par bya ba'i phyir/ /shugs chen ngang pa bsngags ldan rta de khrid la shog /mos pas kyang gnas gtsang ma pa rnams kyis bskul bzhin pa rgyal po'i chad pa la gus pa ma byas par de ltar bgyi zhes bya ba slar mnyan te/mchan khung g.yon par ral gri bzung nas/ rta'i mchog ngang pa bsngags ldan khrid nas 'ongs so/ /byang chub sems dpa' zhon pa'i rta de la phyis rta kha khrid pa'i mos pa dang lhan cig tu gnod sbyin rnams kyi lag pa'i mthil du rmig pa rnam par gzhag pa tho rangs kyi dus su nam mkha' nas drang srong chen po a ra la'i spyil bo dang nye bar 'jug cing gnas pa 'gyur ces pa'o//de nas rgyan rnams gsal ba'i rin chen gzi brjid kyis/ /gsal ba des ni sku la phog par mdzad nas ni/ /rlabs dang ldan pa khu byug mgrin pa ltar nag pa'i/ /mgo skyes rnams ni rim gyis ral gris gcad par mdzad/ / dngas pa'i chu yi rten ni ut+pa la gsal bar byas pa ltar/ /rgyan ni gsal ba de ni kun nas mthong ste mos pa ni/ /rab tu stobs can mya ngan bsreg blugs za bas kun gdungs pa/ /mu tig dang mtshungs chu thigs rnams ni btang bar gyur/ /byang chub sems dpas gsungs pa/ chos la mngon du phyogs pa'am skye bo dka' thub kyi nags su mngon par 'jug pa la skyes bu dam pas sdug bsngal bya bar 'os pa ma yin te/de bas na song shig dang bdag gi bla ma'i skye ba la 'di skad ces khros shig /mi bzad dka' thub kyis bdag ni/ /lus 'di yang ni zad 'gyur te/ /bdag gis go 'phang rnyed pa'am/ /de nyid mthong rnams kyis mthong gang / / mos pas kyang de ltar bgyi zhes byang chub sems dpa' la mngon par phyag btsal nas rta dang rgyan rnams blangs te/ rim gyis grong khyer du 'ongs nas/ /byang chub sems dpa'i lo rgyus de mi'i bdag po la zhu zhing gnas so/ /zas gtsang mas kyang de'i rnam par nges pa gsan nas btsun mo'i 'khor dang lhan cig tu rnam pa mang pos smre sngags 'don par gyur to//byang chub sems dpas kyang rngon pa'i gzugs 'dzin par byed pa'i lha'i bu la rang gi ri bong can gyi 'od zer rnams ltar mdzes pa'i na bza' gnyis kyis gos dmar po dag nyos nas mnabs te/ rim gyis rim gyis a ra la'i spyil por phyin par gyur to/ /a ra las ni byang chub sems dpa' 'ongs pa mthong ste/legs par 'ongs sam legs par 'ongs sam zhes brjod nas rang gi shing lo'i khang par khrid nas sa'i gdan la bzhugs su bcug cing bde bar sngon du 'gro bas smra ba byas par gyur to/ /de nas byang chub sems dpas de la dris pa/ khyed rnams kyi chos ci lta bu/ /ci ltar yang ni rtogs 'gyur te//de nyid mthong 'dod bdag la ni/ /dam pa bdag gis gsungs par 'os/ /a ra las smras pa/ skal ba chen po mnyan par 'os zhes zer ro/ /rang bzhin dang rnam par 'gyur bdag gi skye ba dang rga ba dang 'chi ba rnams de kho na nyid ces bya ba brjod pa ste/ rang bzhin yang 'byung ba chen po lnga dang / nga rgyal dang bsal ba zhes bya ba'o//rnam par 'gyur ba rnams ni dbang po rnams dang / de'i yul rnams dang / lag pa dang / rkang pa dang / ngag dang / bshang sgo dang pho rtags dang yid ces pa'i zhing 'di rnams rnam par shes pa zhing shes pa zhes bya bar brjod pa yin te/ zhing shes pa yang de kho na nyid shes pa rnams kyis bdag gsal bar smra ba yin no/ /gang zhig skye ba dang gnod pa dang shi ba'i chos kyi bdag nyid de ni gsal ba zhes bya bar rtogs par bya'o//mi gsal ba nyid ni de las bzlog pa ste de ltar mi shes pa dang las dang sred pa ni 'khor ba'i rgyur rnam par shes par bya'o/ /gsum po la gnas pa'i shed bu ni snying stobs 'da' bar byed nas 'jug pa ma yin te/ rkyen dang bral ba dang / nga rgyal dang / the tshom dang /rnam par kun nas mchongs pa dang / khyad par med pa dang / thabs ma yin pa dang / chags pa dang / mngon par lhung ba rnams te/ de la rkyen dang bral ba zhes bya ba ni phyin ci log tu 'jug pa'o/ /bdag ni mngon par smra ba dang / bdag ni shes pa zhes bya ba la sogs pa ni nga rgyal lo/ /gang zhig the tshom med pa'i dngos po rnams kyang 'dag pa'i ri lu ltar gcig po'i dngos pos mthong ba de ni the tshom zhes bya bar shes par bya'o//gang zhig bdag de rnams nyid 'di yid dang blo dang las rnams so/ /gang zhig tshogs 'di de ni bdag ces bya ba mngon par kun nas mchongs pa smra ba yin no/ /khyad par med pa ni slar rab tu sad pa dang ma sad pa dag gi rang bzhin med pa rnams kyi khyad par shes pa nyid de de ni khyad par med pa ste zhes bya bar shes par bya'o//swAhA byed pa dang / bshad byed pa dang / bsang gtor mngon par bsang gtor la sogs pa rnams ni thabs ma yin pa zhes bya bar shes par bya'o/ /dngos po gang la shes rab dang / yid dang ngag dang / blo dang las rnams kyis chags pa nye bar 'gro ba de ni chags pa zhes bya bar brjod pa yin no//'di ni bdag gi yin no/ /'di'i bdag ces bya ba gang zhig sdug bsngal rlom sems pa de ni mngon par lhung ba'o/ /srog chags rnams kyis 'khor ba'i le lo zhes bya ba'o/ /mun pa dang gti mug dang rga ba dang 'chi ba dang skye ba rnams te/ gti mug chen po ni 'dod pa zhes bya bar ming btags pa'o//mun pa ni khro ba zhes bya bar shes par gyis shig slar ni sdug bsngal dmus long nyid mun par brjod pa yin te/ ma rig pa 'di tshigs pa lnga dang ldan pas rmongs pa bcings pa yid can skye ba la sogs pa'i sdug bsngal chen po la yang nas yang du 'jug pa yin te/ der yang bdag ni mthong ba po dang /nyan pa po dang / shes pa po dang / 'bras bu dang rgyu zhes bya ba 'di ltar ma shes nas 'khor bar yongs su 'khor ba yin te/ rgyu 'di rnams kyi ni skye ba'i rgyun gyi 'jug pa mthong ba yin te rgyu med pas skye ba med pa zhes bya ba'o/ /de la thar pa 'dod pas rab tu sad pa dang rab tu ma sad pa dag dang / gsal ba dang mi gsal bdag shes par bya'o//bzhi po 'di rtogs nas zhing shes pa sdug bsngal thams cad las rnam par grol te mi zad pa'i go 'phang thob par 'gyur zhes bya ba ste/ thog mar khyim gyi 'ching ba khong nad sa bon dor nas ni/ /rtags ni bzung nas thar pa'i bde ba nye bar 'dod pa yi/ /chog shes dang ni ldan pa bla med go 'phang thob 'dod pa//tshul khrims rnam par dag pa nyer bzung nags nang gnas par dben/ /phyis ni chags pa chags bral dag las rab tu byung ba'i 'jigs pa dang bde ba dag shes nas dbang po'i tshogs thams cad tshar bcad nas yid kyis zhi ba la dmigs te/ /de nas 'dod pa rnams dang / sdang ba la sogs pa rnams las rnam par dben pa rnam par dben pa las skyes pa'i bsam gtan dang po rtog pa dang bcas pa thob pa yin no//des kyang rnam pa 'di lta bu'i 'dod pa la sdong zhing smod pa'i zhi ba dang ldan pa tshangs pa'i 'jig rten rtogs par 'gyur ro/ /rnam par rtog pa de rnams kyang yid kun nas 'khrugs par byed pa shes nas de dang rnam par bral ba'i dga' ba dang bde ba'i bdag nyid can bsam gtan gnyis pa thob pa yin no//dga' ba des kyang yid 'phrog par gyur pa 'od gsal gyi lha rnams su skye ba yin te/ gang zhig slar dga' ba'i bde ba de las sems 'don par byed pa de ni gsum pa bde ba dang dga' ba dang rnam par bral ba'i bsam gtan thob pa yin no//de tsam gyi bde ba la yid nub pa de dge rgyas kyi lha rnams su skye ba so sor thob pa yin no/ /bde ba de lta bu thob nas gang zhig btang snyoms byed pa de ni bzhi pa bde ba dang sdug bsngal rnam par bral ba'i bsam gtan nye bar thob pa yin te/ de ni tshe ring ba nyid kyis kha cig ni grol ba nyid nges par byed pa yin no//de ci'i phyir zhe na/ bde ba dang sdug bsngal rnam par gcad pa'i phyir dang / sems la bya ba med pa'i phyir ro/ /bsam gtan 'di'i 'bras bu che ba'i lha rnams su thun mong gi 'bras bu mkhas pa rnams smra ba yin te/ ting nge 'dzin de las langs nas lus can rnams kyi skyon rnams mthong ste/lus rnam par bzlog pa'i phyir ye shes rtogs par 'gyur ro/ /bsam gtan de yang spangs nas khyad par 'dod pa gzugs la shin tu 'dod chags dang bral ba yin te/ lus 'di la sdug bsngal rnams gang zhig yod pa de rnams ni dang por blos kun nas lta bar byed cing sdug cing mthug pa'i yang rdzas rnams la yang nam mkhar lhag pa'i mos pa skyed par byed de/nam mkha' la song ba'i bdag nyid mngon par bsdus nas nam mkha' mtha' yas pa mthong zhing khyad par rtogs pa'i phyir dang bdag nyid la mkhas pa yin pa'i phyir bdag nyid la bsdus te cung zad med ces bya ba ni ci yang med pa zhes bya ba'i 'du shes su nye bar song ba lus dang bral ba'i grol ba zhes brjod pa yin no//byang chub sems dpas smras pa/ gal te sems pa po yod na/ /grol ba ga las 'byung bar 'gyur/ /dge dang mi dge'i bya ba rnams/ /de yod la ni 'jug pa yin/ /ji ltar yang chu dang sa rnam par bral bas sa bon ni gang gis kyang rab tu btsugs pa mthong ba ma yin te/ de'i rkyen las rnam par btsugs pa mthong ba yin no//de bzhin du bdag kyang gzung bar bya'o/ /las dang mi shes pa dang sred pa dor bas thar pa gang zhig nges pa yin pa de ni bdag po yod pa la de yongs su dor ba dmigs par 'gyur ba ma yin te/ de yongs su mdor ba ni thar pa ga la yod/ de ltar nga rgyal yongs su dor ba ni bdag yod pa ga la 'gyur/nga rgyal yod pa la yang skye ba'i rgyun mi gnas pa nyid yin te zhes bya bar gsungs nas/ spyil bo de las a ra la'i/ /blo gros chen po de byung nas/ /dka' thub dka' ba drag rnams kyis/ /lus ni skam zhing bzhugs par gyur/ /dka' thub 'dis ni de kho na nyid rtogs par 'gyur ba ma yin snyam du dgongs te langs nas/kun nas stobs chung ba'i lus can byang chub sems dpas chu bo nai rAny+dza na la khrus mdzad nas/ dga' mdzes kyis phul ba'i bsod snyoms gsol nas dus kyi lto 'phye'i rgyal pos mngon par bstod pa/ de ni rtsa sha'i phreng bas rgya che sngo pa'i sgros/ /kun nas dmar ser yan lag can gyis sku khyab pa/ /mtsho skyes rnams kyi rab tu g.yo ba'i 'dab ma can//ut+pal sngon po'i 'dab ma bsres pa'i phreng ba ltar/ /de nas gom pa dal gshegs nas/ /blo ldan gser gyi ri ltar 'ongs/ /byang chub shing gi 'og tu ni/ /byang chub phyir ni de bzhugs gyur/ /de nas bu mo rnams lhan cig /me tog gi gzhu blangs nas ni/ /de yi yid ni dkrugs pa'i phyir//yid kyi skye gnas kun nas 'ongs/ /shiR+Sha'i me tog sar pa ni/ /de yi mdun du sgom byed cing / /'bras bu kun g.yo lta ba ni/ /la la zhig gis cung zad bzung / /grogs mo'i rna bar gzhan gyis ni/ /dgod pa sngon 'gro ci yang smras/ /blo ldan de la lta ba ni/ /sgeg dang bcas par gtad cing gnas/ /gzhan dag me tog du ba ni//mig ni ngo tsha bar byed cing / /gos ni mtshan ma las lhung ba/ /ska rags lhod par bkag par gyur/ /zla ba ltar mdzes lang tsho 'di ni gang du ste/ /dka' thub 'di ni gang du e ma 'di ni 'gal/ /yul rnams nyams su myong nas 'di ltar rigs pa ste/ /yongs su smin pa khyed kyis 'bras bu thob pa'i phyir/ / phan par 'dod pa nyid kyis khyed la smra ba ste/ /dus min yongs su ngal du 'jug pa ci phyir lus/ /de ltar la la 'dud pa'i yan lag can ni smra ba ste/ /yan lag med pa'i so sor gnod pa che de la/ /de ltar la la 'dod pa'i yan lag smras par gyur/ /khyed la ngan 'gror phrad 'dod bud med rnams la ni/ /blo ldan khyed kyi rjes su mthun min ci phyir 'di//'di ltar de la mngon par smras gyur la la zhig /pad+ma'i 'dab ma rnams ni sen mos gtubs byed cing / /gang gi tshe de rnams la byang chub sems dpas brnyas pa dang bcas pa'i lta ba sbyin par ma byas pa de'i tshe bdud kyi bka' byed rnam pa du mar 'gyur ba'i gdong can de rnams la smras pa/'jigs su bcug nas 'di bslang bar gyur cig ces bya ba'o/ /de nas seng ge'i gdong la ni/ /hUM byas pas ni yang yang du/ /me stag 'od ni 'phro ba yi/ /'bar ba'i gdong las grol bar gyur/ /de rnams de yi bka' byed gdong las byung / /lhung zhing skad cig gis gsungs te/ /rab rgyas mya ngan me tog nyid//byang chub sems dpa'i steng du 'phangs/ /me ldan 'khor lo su zhig gis/ /rnam rgyas ze'u 'bru'i tshogs ldan pa/ /ut+pal yi mgo phreng gyur/ /so bsdams gzhan dag nyid kyis ni/ /glog bzhin kham pa'i smin ma can/ /kha ba'i rtse mo steng du 'bebs/ /kun da'i phung po nyid du 'gyur/ /gzhan dag ser skya'i mig can ni//ral gri dang bcas dpung pa bteg /lcags kyi ka ba'i grib ma 'dra/ /skad cig mi g.yo nyid du gyur/ /de nas bcom ldan 'das ni byang chub shing gi 'og tu bzhugs byas nas/ /'phro ba'i mig gi me can dka' bzhin du ni byed rnams kyi ni tshogs/ /dkar ba min par 'gro ba'i grogs kyis kun nas rab tu bskul bzhin pa//nags kyi me ni kun du chu dang nye las bzhin du zhig par gyur/ /me tog rgyal mtshan dang ldan pa 'khor gyi skye bo dang bcas pa song ba na/ bcom ldan 'das de bsam gtan bzhi pa las bzhengs te 'di bsams par gyur te/ gal te skye ba sngon yod na/ /las rnams kyis ni 'jug pa min/ / las las byung ba'i skye ba med/ /las med na yang lus can gyi/ /gzugs dang skal bzang skal ba sogs/ /dge ba ci ltar 'dod ni 'dod/ /'on te sngon du las yod na/ /ma skyes pa las ga las te/ /mkhas pas 'di ltar 'gal mthong nas/ /'khor ba'i thog ma rtog mi byed/ /gal te rgyu med 'gro yin na/ /su zhig las dang nyid smra 'gyur//rgyu med par ni thar pa yang / /rtag tu grub pa nyid du 'gyur/ /rgyu med par ni lus kyang 'di/ /bskyed pa nyid du 'gyur ba min/ /la la dbang phyug rgyu yin pa/ /mi mkhas pa rnams smra bar byed/ /gal te dbang phyug gzhan gyis byas/ /'dir ni dbang phyug nyid ga las/ /'on te ma sprul nyid skyes pa//de las gzhan ni cis mi skye/ /de phyir dbang phyug smra ba 'di/ /bdag gi slad du don med nyid/ /de ltar 'khor ba'i 'khor lo 'di/ /yang dang yang du 'khor bzhin pa'i/ /nam yang mkhas pa rnams kyis ni/ /thog ma dmigs par 'gyur ba min/ /nam mkha'i khams 'di ni rlung dang me dang chu dang sa rnams kyis kun nas 'brel pa ni lus zhes brjod pa yin no//de yang rnam par shes pa'i khams la brten nas 'gro ba dang 'ong ba la sogs pa'i bya ba rnams byed do zhes bya ba ste/ /de ltar gnas pa la skyes pa nye bar btags par bya zhes zer ro/ /de nas bcom ldan 'das mngon par rdzogs pa'i byang chub thob nas du ma rnams kyis mi shes pa'i rab rib sel bar mdzad de//grong khyer ser skyar byon nas zas gtsang ma la legs pa'i lam gsal bar mdzad de/ de ltar bcom ldan 'das de 'gro ba ma lus pa rnams kyi sdug bsngal nye bar zhi bar bya ba'i don du yongs su mya ngan las 'da' bar nus kyang shin tu ring por 'khor ba na kun nas 'khor bar gyur to zhes bya ba ste/blo chen de ni byang chub phyir/ /lag tu gtad ltar sbyin byas te/ /yun ring shes rab pha rol phyin/ /dam pa bde bar gnas pa yin/ /e ma gal te chos ni mun pa 'joms/ /bde gshegs kyis gsungs 'di ni rnam dpyod nas/ /dri mas khyab pa'i lta bas mthong ba'i phyir/ /skye bo 'di ni gzhan 'dod rten mi 'gyur//de bzhin gshegs pa'i dri med gsung yang yod pa zhes bya la/ /rmongs pa lam ngan song ba'i skye bo 'di ni kun nas 'khor/ /ri bong mtshan pa mngon gsher la ni gang zhig mi zum pa/ /dman pa'i blo de song zhing ji ltar lhung bar 'gyur ba min/ /yang dag rdzogs pa'i byang chub 'dod//byang chub sems dpa'i spyod pa ni/ /seng ge zhabs 'bring pas byas 'di/ /chos 'dod rnams kyi phreng ba byas pa 'di/ /skyes pa'i rabs kyi phreng ba byas pa yi/ /dge ba cung zad gang zhig bdag gis bsags/ /de yis 'gro ba 'di ni bde gshegs kyi/ /'dod pa la dmigs thar pa'i phyir gyur cig /rab 'gro gnya' ral can brgya byin/ /khra can don kun grub ldan pa/ /lnga yis lhag pa'i sum cu 'dir/ /thub pa chen po'i byes rabs rnams/ /rigs pa sgra yi bstan bcos cha ni rnam pa mang po shes nas sangs rgyas kyis kyang gsungs/ /phyi ma'i snyan dang gas mkhan gyi zla bas sa ni snyan dngags 'od rnams kyis ni rab gsal byas//kha cher nye bar 'tshe ba'i skyon gyis rnam par gdungs pa shes nas phyi rol 'gro 'dod pas/ /ri dbang kha ba can la seng ge zhabs 'bring las ni srog rnams dor nas mtho ris song / /rgyal po'i sras slob dpon seng ge zhabs 'bring pas mdzad pa'i skyes pa'i rabs kyi phreng ba rdzogs so// // dge slong dpal ldan blo gros 'byung gnas zhes bya mkhas pa ni/ /sems can rnams la chos dang zang zing kun nas 'god mdzad cing / /tshad ma dang ni lung dang rgyud rnams du ma la 'dris pas/ /'gro ba'i mnga' bdag gi ni spyod pa 'di la gnyis po dag /gzhal du med cing dri ma med pa kun nas bsags te de las 'di//nyon mongs shes bya'i sgrib pa'i dri ma chog bzhin du myur spangs sngon du 'gro ba ni/ /de dang de yi skyes rabs yongs bzung 'gro ba sdug bsngal rgya mtsho las ni gdon byas te/ /mthar yang thub dbang rnams bzhin mtha' dag bya byas sangs rgyas khams gsum du ni khyed 'byung shog /lcang lo can gyi bum pa zhes bya mkhas dang lhan cig 'di nyid du/ /gang zhig tshul khrims 'byung gnas skad gnyis pas ni 'di ltar cho ga bzhin/ /bdud las rnam par rgyal ba'i spyod pa shin tu rnam dag yangs pa ni/ /skye bo ma lus pa la phan pa'i don du de yis yang dag bsgyur// //rgya gar gyi mkhan po paN+Di ta a lo ka de ba'i zhabs dang / bod kyi lo tsA ba shAkya'i dge slong tshul khrims 'byung gnas sbas pas dpal gyi sgye'u ri'i rtsa chos skor dben pa'i gtsug lag khang du bsgyur ba'o// //