141a5 slon dpon dul ba'i lhas bshad pa rdzogs so// //[ ]@##/ /rgya gar skad du/ sa ma ya b+he do byU ha tsa kraM/ bod skad du/ gzhung lugs kyi bye brag bkod pa'i 'khor lo/ /thams cad mkhyen pa la phyag
141a6 'tshal lo//rdzogs pa'i sangs rgyas mya ngan 'das/ /lo brgya rdzogs par tshang nas su/ /bstan pa la ni gnod bgyid pa/ /gyes pa ji ltar byung ba bzhin/ /sde pa rnams ni phan tshun du/ /blo gros tha dad byung ba bzhin/ /skyong bar byed pa de rnams ni/ /bdag la yod pa
141a7 brten nas bshad//de tshe dbyig bshes blo ldan pa/ /shAkya'i dge slong blo chen po/ /byang chub sems dpa' blo gros che/ /khyad par sems la brtag bya ste/ /'jig rten lta ba sna tshogs kyis/ /rnam par g.yengs la kun brtags shing / /thub pa'i bka' ni gyes pa bzhin/ /
141b1 gzhung lugs de dang de dag bshad/ /'phags pa'i bden pa'i gtam gyi gnas/ /sangs rgyas bstan pa kun bstan nas/ /rdul rnams la ni gser bzhin du/ /de phyir de las snying po blang / /'di skad ces grag ste/ sangs rgyas bcom ldan 'das yongs su mya ngan las
141b2 'das shing rgyal ba'i nyi ma nub nas lo brgya lon te/dus cung zad cig 'das nas shing skya nar gyi bu me tog gi grong bar gyi rten ma rgyal po mya ngan med gdugs gcig pa'i sa skyong zhing rgyal srid mdzad pa'i dge 'dun phal chen pa gyes pa byung ste/ 'di lta ste/ gzhan gyis nye bar bsgrub pa dang /
141b3 mi shes pa dang / so ma nyi dang / gzhan gyis rnam par spyod pa dang / lam sgra 'byin pa dang bcas pa 'di ni/ sangs rgyas kyi bstan pa dang bcas pa 'di ni sangs rgyas kyi bstan pa yin no zhes gnas lnga rjes su brjod cing rjes su sgrogs par gnas brtan glu dang / shar phyogs pa dang /
141b4 mong du thos pa byung bar gyur to/ /gnas lnga po de dag par rjes su brjod cing rjes su bsgrags nas kyang dge 'dun phal chen po'i sde dang / gnas brtan pa'i sde zhes bya ba sde pa gnyis rnam par gzhag go/ /lo brgya de nyid la gnas pa'i tshe sde pa dge 'dun phal chen po'i sde las tha snyad gcig
141b5 pa'i sde dang /'jig rten 'das smra'i sde dang / bya gag ris kyi sde zhes bya ba sde pa gzhan dag kyang rnam par bkod do/ /lo brgya pa de nyid kyi tshe sde pa dge 'dun phal chen pa'i sde las mang du thos pa'i sde pa zhes bya ba sde pa gzhan yang rnam par gzhag go/ /lo brgya pa de nyid kyi tshe/ sde pa
141b6 dge 'dun phal chen bo'i sde las btags par smra ba'i sde zhes bya ba sde pa gzhan yang rnam par gzhag go//lo nyis brgya pa la gnas pa'i tshe kun du rgyu lha chen po zhes bya ba rab tu byung ste mchod rten gyi ril gnas pas dge 'dun phal chen po'i lugs lnga bo de dag yang dag par rjes su brjod
141b7 cing /yang dag par rjes su bsgrags nas mchod rten pa'i sde dang / nub kyi ri bo'i sde dang / byang gi ri bo'i sde zhes bya ba sde pa gsum rnam par bkod do/ /de ltar na dge 'dun phal chen pa'i sde pa de ni dge 'dun phal chen pa'i sde dang / tha snyad gcig pa'i sde dang / 'jig rten 'das
142a1 smra'i sde dang /bya gag ris kyi sde dang / mang du thos pa'i sde dang / btags par smra ba'i sde dang / mchod rten pa'i sde dang / nub kyi ri bo'i sde dang / zhes bya ba sde pa bzhi dang / rnam pa lngar rnam par bkod do/ /sde pa gnas brtan pa'i sde dang dus cung
142a2 zad cig rjes su zhugs nas lo sum brgya pa la gnas pa'i tshe/rtsod pa 'ga' zhig gi phyir thams cad yod par smra ba'i gang dag rgyur smra ba'i sde zhes bya ba dang / sngon gnas brtan pa'i sde gang dag gangs ri ba'i sde zhes bya ba sde pa gnyis rnam par gzhag go/ /lo sum brgya pa
142a3 de nyid kyi tshe sde pa thams cad yod par smra ba'i sde las gnas ma'i bu'i sde zhes bya ba sde pa gzhan rnam par gzhag go//lo brgya pa de nyid la gnas pa'i tshe/ sde pa gnas ma bu'i sde las chos mchog ba'i sde dang / bzang po'i bu'i sde dang / kun gyis bkur ba'i sde dang / grong khyer drug
142a4 pa'i sde dang zhes bya ba sde pa gzhan dag rnam par bkod do//lo brgya pa de nyid la gnas pa'i tshe/ sde pa thams cad yod par smra ba'i sde las sa ston gyi sde dang zhes bya pa sde pa gzhan dag rnam par gzhag go/ /lo brgya pa de nyid la gnas pa'i tshe/ sde pa sa ston pa'i sde las de dag las
142a5 slob dpon maud gal yin par ston pas/chos spung sde zhes bya ba sde pa gzhan rnam par gzhag go/ /lo brgya pa de nyid la gnas pa'i tshe/ sde pa thams cad yod par smra ba'i sde las la lar 'od srungs kyi sde zhes bya ba byung ste/ lo bzang ba'i sde zhes bya ba sde pa gzhan rnam par gzhag
142a6 go//yang lo bzhi brgya la gnas pa'i tshe/ sde pa thams cad yod par smra ba'i sde las/ de dag slob dpon chos mchog yin par ston pas la lar mdo sde smra ba'i sde zhes bya ba ste/ 'pho bar smra ba'i sde zhes bya ba sde pa gzhan rnam par gzhag go/ /de ltar gnas brtan pa'i sde zhes bya
142a7 ba'i sde pa de ni thams cad yod par smra ba'i sde dang /gangs ri pa'i sde dang / gnas ma bu'i sde dang / chos mchog pa'i sde dang / bzang po'i bu'i sde dang / kun gyis bkur ba'i sde dang / grong khyer drug pa'i sde dang / sa ston pa'i sde dang / chos srung sde dang / 'od srungs kyi sde dang /
142b1 'pho bar smra ba'i sde zhes bya ba rnam pa bcu gcig tu rab tu rnam par gzhag go/ /de dag gi gzhi'i gzhung lugs dang / bar gyi gzhung lugs rnams rnam par bshad par bya'o/ /de la dge 'dun phal chen po'i sde zhes bya ba tha snyad gcig pa'i sde dang / 'jig rten 'das smra'i sde dang /
142b2 bya gag ris kyi sde zhes bya pa rnams kyi gzhi'i gzhung dag yod de/ de dag sangs rgyas bcom ldan 'das 'jig rten thams cad las 'das pa'i de bzhin gshegs pa'i chos mi mnga'o/ /de bzhin gshegs pa'i gsung thams cad ni chos kyi 'khor lo rjes su bskor ba'o/ /thams cad
142b3 rdzas su mngon par gsungs pa'o//thams cad don ci lta ba bzhin nyid du gsungs pa nyid do/ /de bzhin gshegs pa nyid la gzugs kyi mtha' mi mnga'o/ /sangs rgyas bcom ldan 'das rnams [(]gyi [,]kyi[)]mthu mtha' yas pa'o/ /sku tshe dpag tu med pa'o/ /rab tu dad par mdzad pa'o/ /
142b4 chog par mi 'dzin pa'o/ /mnal bar yang mi mdzad do/ /zhus na dgongs par yang mdzad do/ /med ces kyang mi gsung ste/ rtag tu mnyam par gzhag pa nyid kyi phyir ro/ /'on kyang sems can gyi tshogs rnams la ming dang nges pa'i tshig gis yang dag par gsung ngo / /sems
142b5 gcig gis chos thams cad rnam par mkhyen to//sems kyi skad cig gcig dang mtshungs par ldan pa'i shes rab kyi chos thams cad yongs su mkhyen to/ /rtag par rgyun du yongs su mya ngan las 'das pa'i bar du sangs rgyas bcom ldan 'das rnams kyis zad pa dang mi skye ba'i
142b6 ye shes dag rjes su 'jug go//byang chub sems dpa' rnams yum gyi lhums su nur nur po dang / mer mer po dang / nar nar po dang / gor gor bo'i dngos po len par mi mdzad do/ /byang chub sems dpa' rnams glang po cher gyur nas yum gyi lhums su 'jug go/ /byang
142b7 chub sems dpa' rnams yum gyi lhums brtol nas 'byung bar mdzad do//byang chub sems dpa' rnams la 'dod pa'i 'du shes mi 'byung ngo / /gnod sems kyi 'du shes mi 'byung ngo / /rnam par 'tshe ba'i 'du shes mi 'byung ngo / /byang chub sems dpa' rnams bzhed na
143a1 sems can yongs su smin par bya ba'i phyir ngan song rnams su skye bar mdzad do//mngon par rtogs pa'i mtha' las byung ba'i ye shes gcig gis 'phags pa'i bden pa bzhi mtshan nyid mi 'dra ba rnams mkhyen to/ /rnam par shes ba'i tshogs lngas kun du 'dod
143a2 chags pa dang /'dod chags dang bral bar 'gyur ro/ /gzugs dang gzugs med pa'i khams rnam par shes pa'i tshogs drug dmigs so/ /dbang po lnga ril po sha'i mig gis gzugs ril po rnams mi mthong ngo zhes bya ba nas lus kyi reg pa rnams la mi reg go zhes bya ba'i bar
143a3 du'o//mnyam par gzhag pa'i tshig brjod pa yod do/ /sems la yang lus yod do/ /yid la byed pa la yang lus yod do/ /chos bzhin du byas pa rnams la skabs med do/ /rgyun du zhugs pa'i sems dang sems las byung ba rnams kyi ngo bo nyid shes so/ /dgra
143a4 bcom pa la gzhan nye bar bsgrub pa dang /gzhan gyis rnam par spyod pa dang / lam sgra 'byin pa dang bcas pa'o/ /lam ni sdug bsngal byed pa'o/ /phan gdags pa ni sdug bsngal brjod pa'o/ /sdug bsngal spangs pa'i phyir shes rab kyi sbyor ba dang / bde ba'i yo byad do/ /brgyad
143a5 pa yun ring du gnas par yang byed do zhes bya ba nas rigs kyi chos kyi bar las kyang yongs su nyams par 'gyur ro zhes brjod par bya'o//rgyun du zhugs pa ni yongs su nyams pa'i chos can no/ /dgra bcom pa ni yongs su mi nyams pa'i chos can no/ /'jig rten pa'i yang dag pa'i lta
143a6 ba med do//'jig rten pa'i dad pa'i dbang po med do/ /lung du mi ston pa'i chos rnams med do/ /yang dag pa nyid skyon med par 'jug pas kun du sbyor ba thams cad ma spangs par brjod par bya'o/ /rgyun du zhugs pa la ni mtshams med pa rnams ma gtogs par sdig pa thams cad
143a7 byed do//mdo sde thams cad nges pa'i don yin no/ /so sor brtags pa'i 'gog pa dang / nam mkha' dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang /
143b1 rten cing 'brel par 'byung ba rnams dang / glo bur du 'ongs pa'i nye ba'i nyon mongs pas/ sems rang bzhin gyis 'od gsal ba ni 'dus ma byas kyi dngos po dgu'o/ /bag la nyal dag ni sems ma yin/ sems las byung ba ma yin par brjod par bya'o/ /dmigs
143b2 pa med par brjod par bya'o//bag la nyal dag gzhan la kun nas dkris pa dag gzhan yin par brjod par bya'o/ /bag la nyal rnams ni sems dang mi ldan pa yin par brjod par bya'o/ /kun nas dkris pa dag ni sems dang mtshungs par ldan bdag go/ /'das pa dang / ma
143b3 'ongs pa med do//chos kyi skye mched ni shes par bya ba ma yin/ rnam par shes par bya ba ma yin no/ /bar mdo'i srid pa med do/ /rgyun du zhugs pa la ni bsam gtan thob pa yin no zhes bya ba zer te de dag ni gzhi'i gzhung lugs dag go/ /de dag gi bar gyi gzhung lugs ni 'di
143b4 dag yin te/ji lta ji ltar bden pa rnams phye ba de lta de ltar mngon par rtogs pa 'byung ngo / /cung zad ni rang gis byas pa'o/ /cung zad ni gzhan gyis byas pa'o/ /cung zad ni gnyis kas byas pa'o/ /cung zad ni rten cing 'brel par 'byung bas byas pa'o/ /dus gcig tu sems
143b5 gnyis phrad do//nyon mongs pa dang lam phrad do/ /las dang rnam par smin pa phrad do/ /sa bon nyid myu gur 'gyur ro/ /dbang po'i 'byung ba chen po rnams ni 'gyur ba'o/ /sems dang sems las byung ba rnams ni mi 'gyur ro/ /sems kyis ni lus la khyab pa dang sems
143b6 'dug pa yang dmigs so//de ltar de la sogs pa gzhan dang gzhan dag dmigs pa can dag 'dod de/ de ltar de dag ni bar gyi gzhung lugs dag yin/ de la mang du thos pa'i sde rnams gzhi'i gzhung lugs dag yod de/ de bzhin gshegs pa'i dbyangs lnga bo mi rtag
143b7 pa dang /sdug bsngal ba dang / stong pa dang / bdag med pa dang / mya ngan las 'das pa ni zhi ba/ lam ni nges par 'byin pa 'jig rten las 'das pa dag yin par brjod par bya'o/ /lhag ma rnams ni 'jig rten pa dag yin no/ /dgra bcom pa la gzhan gyi nyes par bsgrub pa dang /
144a1 mi shes pa dang / som nyi dang / gzhan gyi rnam par spyod pa dang / lam sgra 'byin pa dang bcas pa yod do/ /lhag ma rnams ni thams cad yod par smra ba'i lugs dag yin no/ /de btags par smra ba rnams kyi gzhi'i lugs dag ni bsdu ba lnga ni phung
144a2 po med pa'o//skye mched dag ni yongs su ma reg pa dag go/ /'du byed rnams phan tshun btags pa'i sgo nas sdug bsngal ba'o/ /skyes bu'i byed pa med do/ /dus ma yin pa'i 'chi ba med do/ /sngon gyi las kyis 'thob bo/ /rnam par smin pa mngon par grub pa ni las 'phen pa'i rgyu
144a3 las byung ba'o//bsod nams dag gis kun chub par byas nas lam 'thob bo/ /lam bsgom par bya ba ma yin no/ /lam ni 'jigs par mi 'gyur ba'o/ /lhag ma rnams ni dge 'dun phal chen sde'i lugs dag yin no/ /de la thams cad yod par smra ba'i sde pa rnams kyi
144a4 gzhung lugs ni thams cad yod do//gang ji ltar yod pa de de bzhin du yod do/ /ming dang gzugs gnyis kyis 'dus byas thams cad bsdus so/ /'das pa dang ma 'ongs pa yod do/ /chos kyi skye mched ni shes par bya ba dang / rnam par shes par bya ba dang / mngon par
144a5 shes par bya ba yin no/skye ba dang / 'gag pa dang / gnas pa dang / mi rtag pa nyid dang / sems dang mi ldan pa'i 'du byed rnams ni 'du byed kyi phung pos bsdus pa dag go/ /bsdu ba'i dngos po dag gsum mo/ /'dus ma byas kyi dngos po dag gsum mo/ /'dus byas kyi
144a6 mtshan nyid dag gsum mo//bden pa 'dus byas dag gsum mo/ /'dus ma byas gcig go/ /'phags pa'i bden pa bzhi mthar gyis mngon par rdzogs pa yin no/ /stong pa nyid dang smon pa med pas yang dag pa nyid skyon med par 'jug go/ /'dod pa dang ldan pa'i 'du byed rnams
144a7 yid la byed pas yang dag par skyon med par 'jug go//yang dag pa nyid skyon med par zhugs pas sems bskyed pa bco lnga la rgyun du zhugs pa zhes brjod par bya'o/ /bcu drug pa la rgyun du zhugs pa'o/ /'jig rten pa'i chos kyi mchog rnams ni sems gcig pa rnam pa gsum mo/ /
144b1 'jig rten pa'i chos kyi mchog rnams las yongs su nyams par mi 'gyur ro/ /rgyun du zhugs pa ni yongs su mi nyams pa can no/ /dgra bcom pa ni yongs su nyams pa'i chos can no/ /dgra bcom pa thams cad kyis mi skye bar shes pa mi 'thob bo/ /so so'i skye bos 'dod
144b2 pa'i 'dod chags dang gnod sems gnyis spong ngo //phyi rol pa'i mngon par shes pa lnga yod do/ /lha rnams la tshangs par spyod pa la gnas pa la dmigs so/ /snyoms par zhugs pa bdun la byang chub kyi yan lag rnams dmigs kyi gzhan rnams la ma yin no/ /bsam gtan rnams ni dran
144b3 pa nye bar gzhag pa rnams kyi bsdus so//bsam gtan la brten nas ni yang dag pa nyid skyon med pa nyid du 'jug go/ /dgra bcom pa nyid kyang 'thob bo/ /gzugs dang gzugs med pa'i khams dag la brten nas dgra bcom pa nyid rjes su 'thob kyi yang dag pa nyid skyon med par mi 'jug
144b4 go//'dod khams su yang dag pa nyid skyon med par 'jug go/ /dgra bcom pa nyid kyang 'thob bo/ /gzugs kyi khams su dgra bcom pa nyid 'thob kyi yang dag pa nyid skyon med par mi 'jug go/ /byang gi sgra mi snyan dag na 'dod chags dang bral ba med do/ /der 'phags
144b5 pa rnams skye bar mi 'gyur ro//'du shes med pa'i sems can lha rnams kyi nang du mi skye'o/ /mthar gyis dge sbyong gi tshul gyi bras bu bzhi thob par nges pa med do/ /skyon med par zhugs pa 'jig rten pa'i lam gyis 'dod pa'i 'dod chags dang bral bas lan cig phyir 'ong ba'i
144b6 'bras bu dang /phyir mi 'ong ba'i 'bras bu 'thob par byed do/ /dran pa nye bar gzhag pa bzhin ni chos thams cad yin par brjod par bya'o/ /phra rgyas rnams ni sems las byung ba'i sems dang mtshungs par ldan pa rnams so/ /phra rgyas thams cad ni kun nas dkris pa dag ni phra rgyas dag ma
144b7 yin no//rten cing 'brel par 'byung ba dag 'dus byas so/ /dgra bcom pa la rten cing 'byung ba'i yan lag kha cig rjes su 'jug go/ /dgra bcom pa la bsod nams 'phel ba yod do/ /'dod pa'i khams dang / gzugs kyi khams na bar ma do'i srid pa dmigs so/ /rnam par
145a1 shes pa'i tshogs lngas kun tu 'dod chags par 'gyur gyi 'dod chags bral bar ni mi 'gyur ro//rnam par shes pa'i tshogs lnga ni rang gi mtshan nyid 'dzin pa dang / rnam par mi rtog pa yin no/ /sems dang sems las byung ba'i chos rnams yod do/ /sems dang sems las
145a2 byung ba'i chos rnams kyi dmigs pa yod do//ngo bo nyid ni ngo bo nyid dang mi ldan pa'o/ /sems ni sems dang mi ldan pa'o/ /'jig rten pa'i yang dag pa'i lta ba yod do/ /'jig rten pa'i dad pa'i dbang po yod do/ /lung du mi ston pa'i chos rnams yod do/ /dgra bcom ba la slob pa yang ma yin mi slob pa yang ma
145a3 yin pa'i chos rnams yod do//dgra bcom pa thams cad bsam gtan thob pa yin kyang thams cad du bsam gtan mngon du mi byed do/ /dgra bcom pa la sngon gyi las yang dag par myong bar 'gyur ba yod do/ /so so'i skye bo la 'chi ba'i mtha' las byung ba'i sems mi dge ba yod do/ /
145a4 mnyam par gzhag pa la de'i tshe 'chi ba'i dus byed pa med do/ /byang chub sems dpa' la ni so so'i skye bo dang kun du sbyor ba dang bcas pa dang / yang dag pa nyid skyon med par ma zhugs pa dang / so so'i skye bo'i sar zhugs pa yin par brjod par bya'o/ /sems can du gdags pa rnams
145a5 la zin pa'i rgyud yin par brjod par bya'o//'du byed thams cad ni skad cig ma dag go/ /'jig rten 'di nas 'jig rten pha rol du chos gang yang 'pho ba med kyang gang zag 'pho zhes brdar brjod par bya'o/ /'chi bzhin du 'du byed kyi phung po lhag ma med par 'gags kyang phung po rnams la 'gyur
145a6 ba ni med do//'jig rten las 'das pa'i bsam gtan yod do/ /rnam par rtog ba zag pa med pa yod do/ /rnam par rtog pa srid pa'i dge ba yod do/ /mnyam par gzhag pa la tshig brjod pa med do/ /chos kyi 'khor lo ni 'phags pa'i lam yan lag brgyad pa'o/ /de bzhin gshegs
145a7 pa'i gsung thams cad ni chos kyi 'khor lo rjes su bskor ba yin no//thams cad rdzas su mngon par gsungs pa ma yin no/ /thams cad don ji lta ba bzhin gsungs pa ma yin no/ /mdo sde thams cad nges pa'i don gyis gsungs pa ma yin no/ /mdo sde thams cad nges pa'i don ma
145b1 yin te/nges pa'i don gyi mdo sde yod do/ /de ltar de dag gi gzhi'i gzhung lugs dag go/ /bar gyi gzhung lugs dag ni mtha' yas so/ /de la gangs ri pa'i gzhi'i gzhung lugs dag ni byang chub sems dpa' so so'i skye bo dag brnab sems med par brjod par bya'o/ /byang
145b2 sems dpa' dgongs bzhin du yum gyi lhums su 'jug go//phyi rol pa la mngon par shes pa lnga med do/ /lha rnams la tshangs par spyod pa la gnas pa mi dmigs so/ /dgra bcom pa la gzhan gyi nye bar bsgrub pa dang / mi shes pa dang / som nyi dang / gzhan gyis rnam par
145b3 spyod pa dang /lam sgra 'byin pa dang bcas pa yod do/ /lhag ma rnams ni thams cad yod par smra ba'i sde pa'i lugs dag yin no/ /de la gnas ma bu'i sde rnams kyi gzhi'i gzhung lugs dag ni phung po rnams gang zag ma yin no/ /phung po rnams las gud na yang med do/ /phung po
145b4 dang /khams dang / skye mched la brten te gdags so/ /'du byed thams cad ni dus gzhan la skad cig dag go/ /gang zag ma gtogs pa 'jig rten 'di nas 'jig rten pha rol du gang 'pho ba'i chos gang yang med do/ /gang zag 'pho'o zhes brjod par bya'o/ /phyi rol pa'i mngon par
145b5 shes pa lnga yod do//rnam par shes pa'i tshogs lngas kun du 'dod chags pa med do/ /'dod chags dang bral ba ma yin no/ /'dod chags dang ldan pa'i kun du sbyor ba spang bar bya ba rnams spangs pas 'dod pa'i 'dod chags dang bral bar 'gyur ro/ /bzod pa dang / ming dang / mtshan dang /
145b6 chos kyi mchog rnams la yang dag par zhugs nas kun du sbyor ba mthong bas spang bar bya ba rnams spangs pas sems skyed pa bcu gnyis pa ni 'jug pa yin no/ /bcu gsum pa ni 'bras bu la gnas pa yin no/ /de dang khyad par med pa'i chos mchog pa'i sde dang / bzang po'i bu'i sde dang / kun
145b7 gyis bkur ba'i sde dang /grong khyer drug pa'i sde rnams ni/ /glol ba rnams ni brdeg pos 'gyur/ /yongs su 'chums pa'ang slar lhags shing / /dga' bya'i dga' ba de thob bya/ /bde dang ldan pa rnams ni sde/ /zhes bya ba'i tshigs su bcad pa de la rtsod par gyur to/ /de las ston
146a1 gyi sde pa rnams kyi gzhi'i gzhung lugs dag ni 'das pa dang /ma 'ongs pa med do/ /da ltar byung ba dang 'dus ma byas yod do/ /'phags pa'i bden pa bzhi mngon bar rtogs pa yin no/ /sdug bsngal ma mthong bas bden pa rnams ma mthong ngo / /mthong
146a2 ba ni mthong ba dag yin no//phra rgyas rnams ni sems ma yin/ /sems las byung ba rnams ma yin no/ /dmigs pa med pa dag go/ /phra rgyas dag gzhan la kun nas dkris pa gzhan yin no/ /phra rgyas rnams ni sems dang mi ldan pa dag yin no/ /kun nas dkris pa rnams mtshungs
146a3 par ldan pa dag yin no//so so'i skye bo 'dod pa'i 'dod chags dang gnod sems gnyis mi spong ngo / /phyi rol pa'i mngon par shes pa lnga med do/ /lha rnams la tshangs par spyod pa gnas pa dmigs so/ /bar ma do'i srid pa med do/ /dgra bcom pa la bsod nams 'phel ba med do/ /rnam
146a4 par shes pa'i tshogs lngas kun du 'dod chags pa dang 'dod chags dang bral ba dag tu 'gyur ro//rnam par shes pa'i tshogs drug ni rtog pa dang bcas dpyod pa dang mtshungs par ldan pa dag go/ /gang zag mgo mnyam pa yod do/ /'jig rten pa'i yang dag pa'i lta ba yod do/ /
146a5 'jig rten las 'das pa'i bsam gtan med do/ /rnam par rtog pa zag pa med pa nyid med do/ /srid pa'i rgyud dge ba med do/ /rgyun du zhugs pa ni yongs su nyams pa'i chos can no/ /dgra bcom pa ni yongs su mi nyams pa'i chos can no/ /lam yan lag rnams ni dran pa nye bar gzhag
146a6 pa rnams kyis gsungs so//'dus ma byas kyi dngos po dgu ste/ so sor brtags pa ma yin pa'i 'gog pa dang / nam mkha' dang / mi g.yo ba dang / dge ba'i chos rnams kyi de bzhin nyid dang / mi dge ba'i chos rnams kyi de bzhin nyid dang / lung du mi ston pa'i chos rnams kyi de bzhin nyid
146a7 dang /lam gyi de bzhin nyid dang / rten cing 'brel bar 'byung ba'i de bzhin nyid do/ /mi la thog ma dang tha ma'i dbang po 'byung ba rnams ni 'gyur ba'o/ /sems dang sems las byung ba'i chos rnams ni 'gyur ba'o/ /sangs rgyas ni dge 'dun la dmigs so/ /dge 'dun la phul ba
146b1 ni 'bras bu che'o//sangs rgyas la ni ma yin no/ /sangs rgyas rnams dang nyan thos rnams ni lam gcig go/ /rnam par grol ba gcig go/ /'du byed thams cad skad cig ma dag go/ /'jig rten 'di dang pha rol du 'pho ba'i chos gang yang med do/ /de ltar de dag gi gzhi'i gzhung
146b2 lugs dag go//de dag gi bar gyi gzhung lugs dag ni 'di yin te/ 'das pa dang ma 'ongs pa yod do/ /bar ma do'i srid pa yod do/ /chos kyi skye mched ni shes par bya ba dang / rnam par shes par bya ba yin no/ /sems pa la ni las yin no/ /lus dang ngag gi las ni med do/ /
146b3 rtog pa dang dpyod pa dag ni mtshungs par ldan pa dag yin no/ /sa ni bskal pas gnas pa yin no/ /mchod rten la mchod pa'i las ni 'bras bu chung ba'o/ /phra rgyas rnams ni rtag tu de ltar byung ba yin no/ /'chi bar byed pa'i chos lnga po ma rig pa dang / nga rgyal dang / sred pa dang / lta ba
146b4 dang /lnga pa las kyi lam ni rtag tu mtshan ma yin te/ de las sdug bsngal rab tu 'byung ba yin no/ /de ltar de dag ni bar gyi gzhung lugs dag yin no/ /de la chos srung sde rnams kyi gzhi'i gzhung lugs dag ni sangs rgyas ni dge 'dun la dmigs so/ /sangs rgyas la phul ba ni 'bras
146b5 bu che ba'o//dge 'dun la ni ma yin no/ /nyan thos rnams kyi lam gzhan yin la/ sangs rgyas kyi gzhan yin no/ /phyi rol pa'i mngon par shes pa lnga med do/ /dgra bcom pa'i lus ni zag pa med do/ /lhag ma rnams ni dge 'dun phal chen sde'i lugs dag yin no/ /de la 'od
146b6 srungs kyi snga rnams kyi gzhung lugs ni spangs pa yongs su shes pa yod do//ma spangs pa yongs su shes pa med do/ /rnam par smin pa rnam par smin par 'gyur ba'i las yod do/ /rnam par smin par mi 'gyur ba med do/ /'du byed rnams 'das pa'i rgyu las byung ba dag yod do/ /'du
146b7 byed thams cad ma 'ongs pa'i rgyu las byung ba dag ni med do//slob pa'i chos rnams ni rnam par smin pa dang bcas pa'i chos dag go/ /lhag ma rnams ni chos srung sde'i lugs dag yin no/ /de la 'pho bar smra ba'i sde rnams kyi gzhi'i gzhung lugs ni 'jig rten 'di nas 'jig rten pha rol du phung
147a1 po 'pho'o zhes zer ro//'phags pa'i lam med par phung po rnams 'gag go/ /gzhi'i mtha' las byung ba'i phung po rnams yod do/ /phung po ro gcig pa rnams yod do/ /don dam par gang zag yod do/ /lhag ma rnams ni thams cad yod par smra ba'i sde'i lugs
147a2 dag yin no zhes zer ro//gzhung lugs kyi bye brag bkod pa'i 'khor lo btsun pa dbyig gi bshes gnyen gyis mdzad pa rdzogs so// //rgya gar gyi mkhan po d+harmA ka ra dang / lo tsA ba ban+de bzang skyong gis bsgyur cing zhus te gtan la phab pa'o// //