133a2 sh+lo ka stong drug brgya drug cu rtsa bzhi yod do//[ ]@#/ /rgya gar skad du/ bi na ya stot+t+ra/ bod skad du/ 'dul ba la bstod pa/ dkon mchog gsum la phyag 'tshal lo/ /dul ba rgyal
133a3 po rje yi rigs su 'khrungs//slob ma 'dul mdzad nyes pa rab thul ba/ /sangs rgyas 'dul ba'i gtso la phyag 'tshal te/ /'dul ba'i bsngags pa cung zad brjod par bya/ /pha rol ma mthong gting rtogs ma gyur cing / /glags pa'i mun nag slob dpon tshogs rnams kyi/ /
133a4 dbye ba tha dad 'dul ba rgya mtsho la/ /yon tan kun bstod rtsol blo bdag la med/ /ji ltar 'di na shing rtsa gtso bo ste/ /rnam par 'phel dang kun 'dzin gnyis kyi gzhi/ /de bzhin dam chos tshogs rnams kun gyi yang / /rgyu dang rtsa ba 'dul ba yin par gsungs/ /ji ltar sa ni
133a5 skye dgu rnams kyi gzhi//de las 'bru rnams skye bar 'gyur ba ltar/ /de bzhin 'dul ba'ang sdom brtson rnams kyi gzhi/ /de bzhin de las bsod nams rnams kyang skye/ /tshul khrims yon tan rnams kyi gnas su dgongs/ /de yi gnas ni 'dul ba yin par gsungs/ /
133a6 'di la gnas par gyur na mthar phyin 'gyur/ /'di la mi gnas mthar phyin ga la 'gyur/ /ji ltar chu lon mi phyed sra pa yis/ /chu klung che yang bzlog par 'gyur ba ltar/ /de bzhin 'dul ba 'phags pa'i chu lon 'dis/ /tshul khrims 'chal ba'i chu klung bzlog par 'gyur/
133a7 sangs rgyas rnams dang rang rgyal rnams kyis kyang / /byang chub gang brnyes thub slob rnam dag pa'i/ /sems can dgra bcom yon tan ldan pa rnams/ /de la'ang rgyu ni 'dul ba yin par gsungs/ /ji srid 'gro 'dir rgyal ba thams cad kyi/ /mdzod mchog 'dul ba rdzogs pa
133b1 'di gnas pa//de srid chos sgron 'di ni gnas 'gyur zhing / /bzlog par gyur na zhi ba thob par 'gyur/ /sangs rgyas mi bzhugs 'jig rten tshigs bcad dang / /mdo sde yan lag de dang de dag spyod/ /bslab 'jug med na 'dul ba'ang med 'gyur bas/ /de phyir rgyal ba dag
133b2 pas ches 'di dkon//'jog bral sems glang lcags kyu 'di yin te/ gdul bya ma dul ba yi srab 'di yin/ /ra ba'i mtshams kyi 'obs dang 'dra ba ste/ /zag pa kun gyi chu lon 'dul ba yin/ /rgyal ba ston pa de yi bstan bcos dag /mdo dang chos mngon yin
133b3 gsungs 'dul ba ni//ston dang bstan bcos dngos yin de yi phyir/ /gnyis gyur phyag byas sangs rgyas chos gcig bzhin/ /gang la brten te gnas pa'i sangs rgyas rnams/ /de la gus bcas zhe sar bcas 'gyur zhing / /de ni mgon pas mgon yin skyabs gnas
133b4 yin//de phyir rab bsgrims 'dul la phyag 'tshol cig /gang zhig ston pa thugs rje'i bstan pa la/ /yang bar sems shing cung zad 'da' byed pa/ /de ni de las sdug bsngal gzhan dbang 'thob/ /smyig tshal bregs pas a mra'i tshal nyams bzhin/ /'di na la las
133b5 rgyal bu'i tshig chen yang //bzlas na lan 'ga' chad pa thob mi 'gyur/ /thub pa'i bka' lung tshul min bzlas byas na/ /dud 'gror 'gro 'gyur e la'i 'dab klu bzhin/ /so sor thar bya gang yin pa/ /sangs rgyas 'dul ba gang chen mtsho/ /gting mtha' med pa thams
133b6 cad kyi//gnas pa'i snying dang snying po yin/ /'di ni dam chos rgyal po yi/ /chos kun gyi ni 'dren pa mchog /'di ni dge slong tshong tshogs kyi/ /bslab zong tshong khang chen po yin/ /tshul khrims 'chal bas zin rnams kyi/ /bdug pa rnams sel sman 'di yin/ /
133b7 'di ni lang tsho rnam 'khrul pa'i/ /rkang gnyis gzhon nu'i lcags kyu yin/ /mtsho bas zab pa'i 'khor ba las/ /sgrol ba'i rgal thabs 'di yin te/ /'di ni bzang 'gror 'gro ba yi/ /nges pa'i chu lon zam pa yin/ /'di ni nyon mongs pham byed lam/ /rgyal po
134a1 yi ni 'dren pa mchog /'di ni thar pa'i grong 'jug pa'i/ /them skas gzhi dang 'dra bar gnas/ /nga ni mya ngan 'das gyur nas/ /'di ni khyed kyi ston pa zhes/ /rang byung nyid kyis gus byas par/ /nan tan dge slong tshogs mdun bstod/ /'dul
134a2 'di so sor thar de yi//rnam 'byed yin par dgongs pas na/ /thar 'dod rnams kyis gus bya ste/ /'di ni nan tan mnyan par bya/ /'dul ba la bstod pa btsun pa chos kyi tshong dpon gyis mdzad pa rdzogs so// //dbang phyug dam pa'i mnga' bdag dpal lha btsan
po'i bka' lung gis 'phags pa gzhi thams cad yod par smra ba'i 'dul ba 'dzin pa kha che bye brag tu smra ba'i slob dpon dzi na mi tra dang /