CLOSE WINDOW

D4133
བོད་ཡིག

/ //kha che'i mkhan po na ra sa de ba dang / lo tsA ba shAkya'i dge slong rgyal ba'i shes rab kyis bsgyur ba'o// // @##/ /rgya gar skad du/ b+hi k+Shu baR+ShA graM pr-its+tsha/ bod skad du/ dge slong gi dang po'i lo dri ba/ thams cad mkhyen pa la phyag 'tshal lo/ /mkhan po dgongs su gsol/ phyag 'tshal lo/ /dgung la bde'am zhes dri/ chag chag dang phyag dar dang / maN+Dal bgyid / klog pa dang / kha ton dang / dge ba'i phyogs kyi kun du spyad pa la chos dang mthun par bgyid/gaN+DI'i dus su brjod par bya ba ni/ mkhan po dgongs su gsol/ phyag 'tshal lo/ /bde bar gsol lam zhes dri/ klog pa dang / kha ton bgyid / cung zhig ngal bso zhes zhu/ mkhan po dgongs su gsol/ phyag 'tshal lo/ /gdugs la bde'am zhes dri/rkang pa dag bkru/ mchis mal 'cha'/ srod dang tho rangs la mi nyal bar sbyor ba bgyid / cung zhig ngal bso zhes zhu/ slob dpon dgongs su gsol/ phyag 'tshal lo/ /dgung la bde'am zhes dri/ chag chag dang / phyag dar dang / maN+Dal la sogs pa bgyid/klog pa dang kha ton bgyid/ bsam gtan bgyid ces zhu/ gaN+DI'i dus su ni/ zas la kun du spyad par bgyid/ zhabs la sku mnye la sogs pa bgyid/ mnyan pa dang bsam pa la sogs pa bgyid ces zhu/ de ni khyod kyi rjes su gnang bas so/ /glo bur du 'ongs pa la dri zhing lan gdab pa/lo du lon zhe na/ lo lon pa'am ma lon pa zhes bya ba la sogs pa brjod/ dus gang zhe na/ sos ka'i dus la sogs pa'o/ /ci tsam thob ce na/ zla ba gcig gam/ zla ba phyed dam/ zhag bcu pa la sogs pa'o/ /zas kyi snga rol lam zas kyi 'og rol zhe na/ de bzhin du zas kyi snga rol lam zas kyi 'og rol zhes lan gdab bo/ /skyes bu du dang rtsa ba du zhe na/ skyes bu gcig dang rtsa ba gnyis zhes bya ba la sogs pa brjod do/ /mkhan po gang yin zhe na/ don gyi slad du mtshan nas smos te/ bla ma mkhan po che ge mo zhes bya'o/ /las byed pa'i slob dpon gang zhe na/slob dpon che ge mo zhes so/ /gsang ste bston pa'i slob dpon gang zhe na/ slob dpon che ge mo zhes so/ /dus su yod ce na lnga'o/ /lnga po dag gang zhe na/ dgun dang / sos ka dang / dbyar dang / dbyar thung ngu dang / dbyar ring po zhes bya ba'o/ /de la dgun gyi tshad ji tsam zhe na/ zla ba bzhi'o/ /bzhi po dag gang zhe na/ dgun zla ra ba dang / dgun zla 'bring po dang / dgun zla tha chungs dang / dpyid zla ra ba zhes so/ /sos ka'i dus tshod ji tsam zhe na/ zla ba bzhi'o/ /dpyid zla 'bring po dang / dpyid zla tha chungs dang / dbyar zla ra ba dang / dbyar zla 'bring po dag go/ /dbyar gyi dus ji tsam zhe na/zla ba gcig ste/ dbyar zla tha chungs so / /dbyar thung ngu'i dus ji tsam zhe na/ nyin zhag gcig ste/ nyin zhag gcig po gang yin zhe na/ ston zla ra ba tshes gcig gi nyin zhag go/ /dbyar ring po'i tshad ji tsam zhe na/ nyin zhag de nyid ma tshang ba'i zla ba gsum mo/ /zla ba gsum po dag gang yin zhe na/ston zla ra ba dang / ston zla 'bring po dang / ston zla tha chungs so / /yang smras pa/ zhag gcig ma tshang zla gsum dang / /bzhi dang de bzhin bzhi pa dang / /zla ba gcig yin zhag gcig yin/ /zhes bya dus ni lnga por brjod/ /sde pa gang zhe na/ 'phags pa thams cad yod par smra ba zhes bya ba la sogs pa'o// //de'i dbye ba gang zhe na/ 'phags pa gzhi thams cad yod par smra ba zhes bya ba la sogs pa'o/ / yang sde pa du zhe na/ 'phags pa thams cad yod par smra ba dang / 'phags pa dge 'dun phal chen pa dang / 'phags pa mang pos bkur ba dang /'phags pa gnas brtan pa'o/ / de dag la dbye ba du yod ce na/ bco brgyad do/ /bco brgyad po gang dag /ji ltar na bco brgyad du 'gyur zhe na/ 'phags pa thams cad yod par smra ba'i dbye ba bzhi'o/ /de bstan par bya ste/ 'od srungs zhes bya sa srung dang / /chos srung ba zhes bya ba dang //gzhi kun yod par smra ba ste/ /lta ba'i bye brag 'ba' zhig gi / /rgyu yis 'di dag tha dad byas/ /ston pa tha dad yod ma yin/ /dge 'dun phal chen dbye ba ni/ /drug ste shar gyi ri bo dang / /de bzhin nub ri zhes bya dang / /gang gnas zhes bya de las gzhan/ / rnam par phye ste smra ba dang / /gzhan ni de bzhin btags par smra/ /'jig rten 'das smra zhes bya ba/ /de dag tu ni yang dag smras/ / mang pos bkur ba'i bye brag ni/ /rnam pa lngar ni mkhas pas bsgrags/ /gos dmar ba dang srung ba pa/ /ku ru kul+le de las gzhan//mang du thos pa zhes bya dang / /gnas ma bu zhes bya ba'o/ /rgyal byed tshal na gnas pa dang / /'jigs med ri la gnas pa dang / /gtsug lag khang chen la gnas dang / /gnas brtan dbye ba gsum du 'dod/ /de ltar bye brag bco brgyad du/ /shAkya seng ge'i bstan pa ni/ / gyur te 'gro ba'i bla ma de'i/ /sngon gyi phrin las nges pa yin/ / rten du zhe na/ bzhi ste/ bzhi po gang dag ce na/ gos phyag dar khrod la brten pa dang / zas bsod snyoms la brten pa dang / gnas mal shing drung la brten pa dang / /sman bkus te bor ba la brten pa'o/ / ltung bar gyur pa'i chos du zhe na/bzhi ste/ bzhi po gang dag ce na/ mi tshangs par spyod pa dang / gzhan gyi nor 'phrog pa dang / mi'i srog gcod pa dang / mi'i chos bla ma smra ba'o/ / dge sbyong du byed pa'i chos du zhe na/ bzhi ste/ bzhi po gang dag yin zhe na/ gshe ba la yang slar mi gshe ba dang / khros kyang slar mi khro ba dang /brdegs kyang slar mi rdeg pa dang / mtshang brus kyang slar mi bru ba'o/ / ltung ba ris du yod ce na/ lnga ste/ lnga po gang dag ce na/ phas pham par 'gyur ba'i ris dang / dge 'dun lhag ma'i ris dang / ltung byed kyi ris dang / so sor bshags pa'i ris dang / bslab pa'i ris zhes bya ba'o//de la phas pham par 'gyur ba du yod ce na/ bzhi ste/ bzhi po gang dag yin zhe na/ mi tshangs par spyod pa dang / ma byin par len pa dang / mi gsod pa dang / mi'i chos bla ma smra ba'o/ /dge 'dun lhag ma'i chos du yod ce na/ bcu gsum mo/ /bcu gsum po gang dag yin zhe na/ 'byin pa dang /lus kyis reg pa dang / 'khrig tshig smra ba dang / bsnyen bkur bsngags pa dang / smyan byed pa dang / khang pa rtsig pa dang / gtsug lag khang rtsig pa dang / gzhi med pa'i chos kyis smra ba dang / gzhan gyi cha dang mthun pas rjes su smra ba dang / dge 'dun gyi dbyen byed pa dang de'i rjes su phyogs pa dang /khyim sun 'byin pa dang / bka' blo mi bde bar byed pa'o/ /ltung byed kyi chos du yod ce na/ brgya phrag gcig dang nyi shu lhag pa'o/ /spang ba'i ltung byed kyi chos sum cu po gang dag yin/ ltung ba 'ba' zhig dgu bcu ni gang dag yin/ spang ba'i ltung byed kyi chos sum cu po ni gos 'chang ba dang /'bral ba dang / zla ba gcig las lhag pa dang / 'khrur 'jug pa dang / len pa dang / slong ba dang / stod g.yogs smad g.yogs mthar thug pa las lhag pa dang / ma bstabs pa'i gos kyi rin dang / so so ba dang / gos kyi rin bskur ba zhes bya ba'o/ / srin bal dang / nag po 'ba' zhig dang / cha gnyis dang / lo drug dang / gding ba mtho gang ma glan pa dang / bal khur ba dang / bal gyi las dang / gser dngul len pa dang / mngon mtshan can dang / nyo tshong ngo / /lhung bzed lhag pa 'chang ba dang / lhung bzed gzhan tshol ba dang / 'thag pa dang / 'thag pa bskyed pa dang / byin 'phrog dang / brtad pa las byung ba dang / zhag drug las lhag par 'bral ba dang / dbyar gyi gos ras chan gyi dang / bsngos pa gzhan du bskyur ba dang / zhag bdun pa zhes bya ba dag go/ /ltung ba 'ba' zhig dgu bcu gang dag yin zhe na/ brdzun du smra ba dang / dge slong gi skyon smra ba dang / dge slong gi dbyen dang / las dkrugs pa dang / ston pa dang / 'don pa dang / gnas ngan len brjod pa dang / mi chos bla ma sgrogs pa dang / skur pa 'debs pa dang / bslab pa la khyad du gsod pa'o/ /sa bon 'joms pa dang / 'phya ba dang / bsgo ba dang / mal khri dang / gding ba dang / gtsug lag khang nas skrod pa dang / phyis gnon byed pa dang / rkang pa dbyung ba'i khri la 'dug pa dang / srog chags dang bcas pa'i chu la spyod pa dang / gtsug lag khang zhes bya ba'o/ /ma bskos par ston pa dang / nyi ma nub kyi bar du ston pa dang /zas cung zad tsam gyi phyir ston pa dang / gos sbyin pa dang / gos byed pa dang / dge slong ma dang bcas pa'i lam dang / dge slong ma dang bcas pa'i chu la 'gro ba dang / bud med dang stan gcig pa dang / dge slong ma dang gnas gcig pa dang / dge slong mas nye bar sbyor du bcug pa'i zas so//zas yang yang za ba dang / 'dug gnas gcig tu lhag par za ba dang / lhung bzed do gsum las lhag par len pa dang / stan gcig pa'i zas dang / spangs pa la stobs pa dang / 'dus shing za ba dang / dus ma yin par za ba dang /sogs 'jog za ba dang / byin len ma byas par za ba dang / bsod pa blangs nas za ba'o/ /yang srog chags yod pa'i chu la spyod pa dang / nyal po byed par 'dug pa dang / der 'greng ba dang / gcer bu pa la sbyin pa dang / dmag la lta ba dang / der zhag gnyis las lhag par gnas pa dang /der yang bshams pa dkrugs pa dang / rdeg pa dang / gzas pa dang / dge slong gi ltung ba 'chab pa'o/ /zas gcod pa dang / me la reg pa dang / 'dun pa phyir len pa dang / bsnyen par ma rdzogs pa dang / nub gnyis las lhag par nyal ba dang /bar chad kyi chos bar du mi gcod zer ba dang / de dang gnas gcig tu nyal ba dang / dge tshul bsnyil ba sdud pa dang / kha dog ma bsgyur ba dang / gzhan gyi rin po che la reg pa dang / khrus yang yang byed pa'o/ /dud 'gro gsod pa dang / 'gyod pa bskyed pa dang / g.ya' dgag pa dang /chu la rtse ba dang / bud med dang lhan cig nyal ba dang / sdangs par byed pa dang / sbed pa dang / gdeng med par spyod pa dang / gzhi med par skur ba dang / bud med dang 'gron lam du 'grogs pa'o/ /rkun ma dang 'grogs pa dang / lo ma tshang bar bsnyen par rdzogs pa dang / sa rko ba dang / lhag par bdag gir byed pa dang / bslab pa ston pa las phyir zlog pa dang / nyan rnas 'dug pa dang / mi smra bar 'gro ba dang / ma gus pa dang chang 'thung ba dang / dus ma yin par spyod pa zhes bya ba'o / /grong du rgyu ba dang / rgyal po'i khyim du nub mo 'gro ba dang / bslab pa'i gzhi 'don pa na rgod pas gnas pa dang /khab ral sgrub pa dang / khri rkang mthon po byed pa dang / shing bal bting ba dang / gding ba dang g.yan pa dag dgab pa dang / dbyar gyi gos ras chen gyi dang / bde bar gshegs pa'i chos gos kyi dag go/ /so sor bshags pa'i chos du yod ce na/ bzhi ste dge slong ma la bsod snyoms len pa dang /de zhal ta byed pa la ma bsgo bar za ba dang / khyim sdom pas bsdams pa 'dral ba dang / dgon pa 'jigs pa dang bcas pa'i zhes bya'o/ /bslab pa'i chos du zhe na/ brgya rtsa bcu gnyis te/ gang dag ce na/ sham thabs la yang rnam bdun te / kun nas zlum por bgo ba dang /ha cang rtsengs pa ma yin pa dang / ha cang 'jol ba dang / glang po che'i sna lta bu dang / rta ya'i lo ma lta bu dang / 'bru'i phur ma lta bu dang / sbrul mgo'i gdengs ka lta bur ma yin par cig car bslab par bya'o/ /de la chos gos la yang rnam pa gsum ste/ chos gos zlum por bgo ba dang / ha cang rtsengs pa dang / 'jol ba ma yin par bgo ba'o/ /shin tu bsdams pa la sogs pa ni lnga ste/ khyim du 'gro ba'i bslab pa'o/ /shin tu bsdams pa dang / legs par bgos pa dang / sgra bskyung ba dang / mig mi g.yengs pa dang / gnya' shing gang tsam du blta zhing 'gro ba'o//mgo g.yogs pa la sogs pa ni lnga ste/ khyim du 'gro ba'i bslab pa'o/ /mgo mi g.yogs pa dang / mi brdze ba dang / mi gzar ba dang / gnya' gong du mi bsnol ba dang / lhag par mi bsnol ba'o/ /mi mchong ba la sogs pa lnga yang / khyim du 'gro ba'i bslab pa ste/ mi mchong ba dang / mi brkyang ba dang / tsog pus ma yin pa dang / brang bas ma yin pa dang / dkur mi brten pa'o/ /lus la sogs pa lnga yang / khyim du 'gro ba'i bslab pa ste/ lus mi bsgyur ba dang / lag pa mi kyog pa dang / mgo mi bsgyur ba dang /phrag pa mi sprad pa dang / lag pa mi sbrel ba'o/ /'dug par bya ba stan ni dgu ste/ khyim du 'dug pa'i bslab pa'o/ /stan la ma bsko ba dang / ma brtags pa dang / ljid kyis mi dbab pa dang / rkang pa mi bsnol ba dang / brla mi bsnol ba dang / long du mi brtsegs pa dang / rkang pa mi dgug pa dang / rkang pa mi gdangs pa dang / mdoms mi bstan pa'o/ /byin len bya ba ni brgyad de/ zas blang ba'i dus kyi bslab pa'o/ /legs par zas blang ba dang / mu dang mnyam par ma yin pa dang / tshod ma dang mnyam par ma yin pa dang / mthar chags dang / lhung bzed la blta ba dang /ma 'ongs par lhung bzed mi bzed pa dang / 'dod pa'i phyir phan tshun mi dgab pa dang / bza' ba dang bca' ba'i steng du lhung bzed mi gzung bar ro / /zas la legs par bya ba drug ni/ zas za ba'i dus kyi bslab pa ste/ legs par zas bza' ba dang /kham ha cang mi che ba dang / chung ba ma yin pa dang / ran pa dang / ma gzas par kha mi gdangs pa dang / kha kham gyis bkang ste mi smra ba'o/ /tsug tsug la sogs pa lnga yang / zas za ba'i dus kyi bslab pa ste/ tsug tsug dang / lcag lcag dang / hu hu dang / phu phu mi bya ba dang /lce phyung ste zas mi za ba'o/ / 'bru nas tha dad byed pa lnga yang / zas za ba'i dus kyi bslab pa ste/ 'bru nas tha dad du ma yin pa dang / 'phyas mi gdags pa dang / mkhur ba mi spo ba dang / rkan mi gtogs pa dang / kham 'phror mi gcad par zas bza' ba'o/ /lag pa ldag pa la sogs pa lnga yang /zas za ba'i dus kyi bslab pa ste lag pa mi sprugs pa dang / lhung bzed mi byog pa dang / lag pa mi ldag pa dang / lhung bzed mi bskyam pa dang / mchod rten 'dra ba bcom ste mi bza' ba'o/ / 'phyas la sogs pa rnam pa bzhi ni/ gzhan gyi sems bsrung ba la sogs pa'i bslab pa ste/'phyas kyi bsam pas mi blta ba dang / lag pa zas dang 'bags pas chu snod la mi gzung ba dang / zas dang 'bags pas drung na mo la mi gtor ba dang / ma dris par chu zas dang 'bags pa khyim gzhan du mi dbo bar bslab par bya'o/ / lhung bzed la yang rnam pa bcu ste/lhung bzed kyi bslab pa ste zas kyi lhag ma lhung bzed kyis mi dor ba dang / gzhi med par lhung bzed mi gzhag pa dang / gad khar ma yin pa dang / g.yang sar ma yin pa dang / dkan gzar por lhung bzed mi gzhag pa dang / 'greng ste mi bkru ba dang /gad kha dang / g.yang sa dang / dkan gzar po ma yin par lhung bzed gzhag par bya/ rgyun las bzlog ste mi bcu bar bslab par bya'o/ / 'greng bar byed pa la sogs pa lnga ni/ chos bshad pa'i dus kyi bslab pa ste/ mi na bar 'dug pa dang / nyal ba dang / stan mthon po la 'dug pa dang /mdun du 'gro ba dang / lam nas 'gro ba la 'greng ba dang / 'dug pa dang / dma' ba la 'dug pa dang / phyi nas 'gro ba dang / 'gram nas 'gro ba la chos mi bshad pa'o/ / mgo g.yogs pa rnam pa lnga yang / chos bshad pa'i dus kyi bslab pa ste/ mi na bar mgo g.yogs pa dang /brdzes pa dang / gzar ba dang / gnyar bsnol ba dang / ltag par bsnol ba la chos mi bshad do/ /do ker can la sogs pa lnga yang / dus de'i bslab pa ste/ mi na bar skra do ker can dang / zhwa gyon pa dang / mgo cod pan can dang / phreng ba can dang /dkris pa la chos mi bshad do/ /glang chen la sogs pa bzhon pa lnga yang / dus de'i bslab pa ste/ glang po che dang / rta dang / khyogs dang bzhon pa'i steng na 'dug pa dang / mchil lham gyon pa rnams la chos mi bshad do/ /lag na 'khar ba la sogs drug 'di yang / de'i dus kyi bslab pa ste/ mi na bar lag na 'khar ba dang / gdugs dang / mtshon cha dang / ral gri dang / dgra cha thogs pa dang / go cha gyon pa la chos mi bshad do/ /na ba rnam pa bzhi rnams te/ mi na ba'i dus kyi bslab par bya'o / /mi na bar 'greng bas dus kyis bshang gci mi bya/chu'i nang du bshang gci dang / mchil ma dang / snabs dang / skyugs pa dang / rlugs pa mi dor ro/ /rtswa sngon po la de dag mi dor ro/ /gnod pa ma byung bar shing la mi gang las 'thor mi 'dzeg par bslab par bya'o/ /de lta bu'i bslab pa'i gnas nyis brgya lnga bcu rtsa gsum lhag pa 'di dag bsrungs shing ma 'das na de'i 'bras bu ni gang /phan yon ni ci yod/ gang gis ma bsrungs shing 'das pa de dag gi rnam par smin pa ni gang yin nyes dmigs ni ci yod ce na/ de la gang bsrungs pa de ni tshangs pa mtshungs par spyod pa mkhas pa rnams kyis rab tu bsngags par 'gyur/'chi ba'i dus byed pa'i tshe 'gyod pa med par 'gyur ro/ /de la phas pham par 'gyur ba bsrungs na/ lus zhig pa'i 'og tu gzhan 'phrul dbang byed kyi lha rnams dang skal ba mnyam par skye bar 'gyur ro/ /dge 'dun lhag ma bsrungs na lus zhig pa'i 'og tu 'phrul dga'i lha rnams dang skal ba mnyam par skye bar 'gyur ro//de la ltung ba sbom po bsrungs na lus zhig pa'i 'og tu dga' ldan gyi lha rnams dang skal ba mnyam par skye bar 'gyur ro/ /ltung byed bsrungs na 'thab bral du skye'o/ /so sor bshags pa bsrungs pas ni sum cu rtsa gsum pa'o//bslab pa'i chos bsrungs pas ni rgyal chen bzhi'i rigs kyi lhar skye'o/ /gal te yang dag par bsten na ni mya ngan las 'das so/ /de la de dag ma bsrungs pas ni/ tshangs pa mtshungs par spyod pa rnams kyis smad par 'gyur/'gyod pa dang bcas pas 'chi ba'i dus byed par 'gyur ro/ /phas pham par 'gyur ba las 'das pas ni/ tsha ba'i dmyal ba chen por skye bar 'gyur ro/ /lhag ma'i chos las 'das pas ni ngu 'bod chen por ro/ /ltung ba sbom po las 'das pas ni ngu 'bod du'o/ / ltung byed las 'das pas ni bsdus 'joms su'o/ /so sor bshags pa las 'das pas ni thig nag tu'o/ /bslab pa'i chos las 'das pas ni yang sos su skye'o/ /ma nges pa ni gnyis te/ dben pa skyabs yod 'dug pa'o/ /rtsod pa zhi bar byed pa'i chos du yod ce na/ rtsod pa zhi bar byed pa'i chos ni bdun te/mngon sum dran pa ma myos dang / /de bzhin gang mang ngo bo nyid/ /rtswa rnams bkram pa lta bu dang / /khas blang bar yang bya ba'o/ /yid brtan par bya ba du yod ce na/ lnga ste/ lnga gang dag ce na/ chu tshags yid brtan pa dang / bkod ma yid brtan pa dang /yid ches pas yid brtan pa dang / dge slong yid brtan pa dang / dge 'dun yid brtan pa'o/ / yongs su longs spyod pa du yod ce na/ bzhi ste/ bzhi po gang dag ce na/ bdag po yongs su longs spyod pa dang / byin pa len pa yongs su longs spyod pa dang / rjes su gnang ba yongs su longs spyod pa dang /sbyin po yongs su longs spyod pa dang / mi spyod pa'i yongs su longs spyod pa'i lnga pa'o/ / yang smras pa/ mi slob pa ni bdag por bshad/ /slob pa len pa spyod pa yin/ /bsam gtan klog dang ldan pa ni/ /gzi brjid ldan pas rjes gnang brjod//skyin po spyod pa lhag ma ste/ /le los nyams pa'i bdag nyid yin/ /gtsug lag khang sogs longs spyod la/ /tshul 'chal rnams kyis spyod pa bkag /gso sbyong du yod/ nyi shu rtsa bzhi ste/ dgun zla 'bring po dang / dpyid zla ra ba dang / tha chungs dang / dbyar zla 'bring po dang /ston zla ra ba dang / tha chungs rnams kyi mar ngo'i gso sbyong ni bcu bzhi pa'o/ /lhag ma rnams ni bco lnga pa'o/ /dge slong dang po'i lo dri ba rdzogs so// //dpal ra sa'i gtsug lag khang gi 'od mchog dngos grub gtsug lag khang du/ rgya gar gyi mkhan po dI paM ka ra shrI dz+nyA na dang /