CLOSE WINDOW

D4129
བོད་ཡིག

@##/ /rgya gar skad du/ sarba a sti bA di shra ma Ne ra ka ra Na/ bod skad du/ thams cad yod par smra ba rnams kyi dge tshul gyi bya ba/ thams cad yod par smra ba rnams kyis zhes bya ba ni dus gsum dang / rnam par rig byed ma yin pa'i gzugs dang / 'dus ma byas bzhi dang /kha dog bcu gnyis dang / dbyibs brgyad dang / 'di dag la sogs pa rdzas su yod par 'dod cing / don dam par yang de bzhin du lta bas na thams cad yod par smra ba zhes bya'o/ /rnams kyi zhes pa snga ma 'das pa'i dge tshul dang / da ltar byung ba'i dge tshul dang / ma 'ongs pa'i dge tshul dang / de dag gi bya ba yin pas na rnams zhes bya'o/ /dge tshul zhes pa ni ngal ba byed pa'i don to/ /kha ton bya ba la sogs pas dub cing ngal ba'i phyir te/ don du na dge ba la brtun pa'am/ dge ba spyod pa la dge tshul zhes bya ste/ zhib tu 'og nas 'chad do/ /bya ba zhes bya ba ni rnam pa gnyis te/ bsgrub par bya ba dang /bsrung bar bya ba'o/ /de la bsgrub par bya ba ni/ bla na med pa'i byang chub bo/ /bsrung bar bya ba ni tshul te bslab par bya ba'o/ /yang na dge tshul du gyur pa'am/ dge tshul gyis ji ltar bya ba'o/ /mgon po zhes bya ba ni sangs rgyas la bya ste/ sems can thams cad kyi mgon dang rten dang dpung gnyen du gyur pas na mgon po zhes bya'o//thams cad ces bya ba ni phyi nang gi rgyu rkyen dang / dus gsum dang / dus kyis bskal pa dang / rang bzhin gyis bskal pa la sogs pa'o/ /mkhyen dang zhes pa ni/ thogs pa dang chags pa mi mnga' ba'i ye shes kyis rtag tu smos pa rnams dang /shes bya mtha' dag ma lus par mkhyen pa'o/ /chos zhes bya ba ni nyan thos kyi sde snod gsum la bya ba ste/ de la 'dul bas ni dul bar byas/ mdo sdes ni zhi bar byas/ ma mos ni mya ngan las 'das par byed pa'i phyir chos zhes bya'o/ /yang na yig 'bru tsam la mi bya'i/mya ngan las 'das pa'i lam gang zag la bdag med pa'i chos so/ /'phags pa'i zhes bya ba ni/ khams gsum gyi nyon mongs pa las ring du gyur pa'am/ rgyang bsrings pa'i phyir 'phags pa'o/ /tshogs la zhes bya ba ni de yang gang zhe na/ zag pa zad pa/ khur bor ba/ dgra bcom pa dag ste/ skyes bu zung bzhi dang gang zag ya brgyad kyi tshogs te/ de dag 'dus pa la bya'o/ /yang na da ltar gyi dge 'dun bzhi yan chad do/ /de la zag pa ni 'dod pa dang ma rig pa dang / lta ba dang / srid pa'i zag pa'o/ /khur bor ba ni phung po lnga'i khur bor ba'o//dgra bcom pa ni las gcig dang nyon mongs pa'i dgra bcom pa'am bdag tu 'dzin pa'i dgra bcom pa'o/ /phyag 'tshal te zhes pa ni dkon mchog gsum la lus dang / ngag dang / yid kyis phyag bya ba'o/ /de la lus kyis phyag bya ba ni/ lus smad lngas la gtugs pa'o//ngag gis phyag bya ba ni/ dkon mchog gsum gyi yon tan brjod cing bstod pa byed pa'o/ /yid kyis phyag bya ba ni/ sangs rgyas dag mngon par bzhugs par rtse gcig tu dmigs pa'o/ /de la yang nad pa tshabs po che'i ni yan lag dang ldan pas bya'o/ /nad pa ni yan lag gnyis dang ldan pas so//mi na bas ni yan lag gsum kas so/ /dge ba ni lus dang ngag dang yid gsum gyi sgo nas dge ba ste/ de la lus kyi sgo nas dge ba ni/ srog gcod pa dang / ma byin par len pa dang / mi tshangs par spyod pa spong ba'o/ /ngag gi dge ba ni brdzun du smra ba dang /phra ma dang / thun tshags su smra ba dang / tshig rtsub mo dag spangs pa'o/ /yid kyi dge ba ni log par lta ba dang / ngan du sems pa dang / chags sems spangs pa'o/ /yang na lus kyi dge ba spyod lam bzhi mdzes pa dang / ngag gi dge ba cal col du mi smra zhing dus su smra ba dang /yid kyi dge ba dkon mchog gsum rjes su dran zhing tshad med pa bzhi dang ldan pa'o/ /tshul gyi zhes bya ba ni dge sbyong gi tshul bzhi'o/ /cho ga rnams zhes bya ba ni/ tshul khrims bcu dang / dge tshul rnams kyi cho ga'o/ /mdo tsam zhes bya ba ni 'dul ba 'bum pa'i nang nas dge slong khrims nyis brgya lnga bcu 'byung ba las dge tshul mi srung ba ni dge 'dun lhag ma bcu gsum du zad mod kyi/thams cad ni lhag tu ma mchis te rtsa ba nyi tshe btus pas na mdo tsam zhes bya'o/ /nges par zhes bya ba ni/ mkhan pos rang bzo byas pa ni ma yin gsung rab kyi lung 'dul ba'i nang nas btus pas na nges pa zhes bya ba'o//bshad par bya zhes pa ni bstan pa dang bshad pa dang / smras pa zhes pa ni rnam grangs so/ /yang na de ltar phyag btsal ba dang / dam bcas pa dang gdams ngag lta bur ston to/ /shAkya zhes pa ni de yang ston pa rnams kyis dam bcas pas sngon te/gang zhe na/ khyim pa'i rigs yongs su dag pa dang / rab tu byung ba'i rigs ye shes yongs su dag par bstan to/ /de la shAkya zhes bya ba ni rigs bzhi yod pas rgyal rigs kyi nang na yang shAkya'i rigs gtsang zhing kha drag pa'i nang du bcom ldan 'das 'dul ba'i dbang gi phyir dga' ldan gnas nas rigs der skyes pa na rigs la mtshan du gsol to//shAkya'i bstan pa la bdag nyid dad pas rab tu byung bas lus bzhin bslab pa bsrung bar bstan to/ /seng ge zhes pa ni byol song gi rgyal po seng ge ral pa can ji ltar ri dgas thams cad zil gyis gnon pa de bzhin du sangs rgyas kyang mu stegs can dang phyir rgol ba thams cad sba bkong zhing zil gyis gnon par mdzad de//seng ge dang 'dra ba'i phyir dpe de las mtshan du gsol to/ /'dis ni rab tu byung ba'i yongs su dag par ston to/ /bstan pa la zhes pa ni nyan thos kyi sde snod gsum la bya ste/theg pa chen po'i gsung rab mdo sde bcu gnyis la bya'o/ /dad pas zhes pa ni dkon mchog gsum dang ldan pa bzhi dang / las dang 'bras bu la yid ches shing mngon par dad pas sems dang ba'o/ /rab tu byung bas zhes pas rab tu byung ba la rnam pa bzhi ste/phyi rol gyi rkyen gyis phongs te rab tu byung ba ni ma smos te/ 'dir ni khyim pa'i mtshan ma spangs te/ dge tshul gyi mtshan ma dang ldan pa yin gyi/ rkyen gyis rab tu byung ba ni ma yin no/ /brtul zhugs zhes pa ni mu stegs kyi brtul zhugs zhes bya ba yod mod kyi/'dir sbyangs pa'i yon tan bcu gnyis yi dam du 'dzin pa la brtul zhugs zhes bya'o/ /brtan pas zhes bya ba ni rab tu byung ba de yang skad cig gam lo zla'i bar du sdom pa blangs te de la gnas pa ma yin gyi nam 'tsho'i bar du'am snying bo byang chub la thug gi bar du zhes dam bcas pa ni brtan pas te/ji ltar dang po yi dam bcas pa las slar mi ldog cing mi nur ba ni brtan par bya'o/ /sdom pa la rnam pa gsum ste/ tshul khrims kyi yan lag dang / bag bya ba'i yan lag dang / brtul zhugs kyi yan lag go/ /de la lus dang / ngag dang /yid kyi sgo gsum sdom pa ni tshul khrims kyi yan lag yin no/ /chang mi 'thung ba ni bag bya ba'i yan lag go/ /lhag pa rnams ni brtul zhugs kyi yan lag go/ /rab bsgrims te zhes pa ni nan tan gyis 'bad pa'i don to/ /yang na dka' thub bslab pa la the tshom dang nem nur med par bslab pa la rim gro bya ba'o//yang na nyes byas yan chad la 'dzem pa ste/ dper na rgyal bu rgyang grags gcig tu mar khu khyer ba dang 'dra bar blta'o/ /yang na bdag gi lus la rma'i skyon spangs pa bzhin du bsgrims te shin tu bag bya'o/ /bdag gi lus bzhin bslab pa srungs/ / zhes pa ni dper na sems can thams cad ni bdag gi lus las 'phags pa med de/ de la skyon byung du dogs nas rim gro byed cing 'bad pa de bzhin du/ tshul dang po cho ga dang khrims bcu thams cad la yang skyon mi 'byung bar bsrung zhing 'bad par bya'o/ /nam gyi cha smad mal nas langs/ /zhes pa ni rgya gar gyi tshul gyis mtshan gcig la nam gyi bzhi char bgos te/bzhi cha gsum 'das nas gcig lus pa tsam na mi nyal bar tsog bur 'dug ste sems gsal bar bya'o/ /nam langs bar du zhes pa ni nam mkha' la nyi ma'i 'od kyis khyab par bshad pa'am/ yang na nam langs pa'i tshad ni lag mthil gyi ri mo snang ba la gzung ngo //kha don du bya zhes pa ni mdo sde'am/ 'dul ba'am/ sngags sam gang bslab pa la rgyun du dran par bya ba'i phyir kha don bya'o/ /gdong dang so yi dri bkrus nas/ /zhes pa ni/ nam langs nas ka shi pa lta ba la phrag pa la thogs te/ dran pa dang ldan bzhin du phyi rol du kha gdong dag par bkru'o//de ltar yang sgeg cing chags pa'i phyir ni ma yin gyi/ skye bo dag gis mi 'phyas pa dang / dkon mchog gi spyan sngar mi mdzes pa spangs pa'i phyir/ kha gdong dang so'i dri ma bkrus nas gtsang bar bya'o/ /rdzogs zhes bya ba ni mkhyen pa dang ye shes mthar phyin par bya ba rdzogs pa la bya ba'am/yang na byang chub kyi spyod pa mthar phyin te rdzogs pa la yang bya/ /sangs pa ni ma rig pa la sogs pa'i gnyid dang mi shes pa'i sgrib pa las sangs pa ste/ dper na mi gnyid kyis log pa las sangs pa bzhin no/ /rgyas pa zhes pa ni bsod nams dang ye shes kyi tshogs gang zhig rgyas pa ste/dper na pad+ma rgyas pa bzhin no/ /la gus phyag bya zhes pa ni yang dag par rdzogs pa'i sangs rgyas mngon sum du bzhugs par bsams te/ de la mchod pa dang skor ba la sogs pa bya'o/ /yang dag par rdzogs pa'i sangs rgyas la zhes 'byung bas/nyan thos dag la mi bya bar ston to/ /bla ma gnas pa'i sgo glags la/ /zhes pa ni/ thams cad kyi gam du 'gro na yang sgo brdung mod kyis/ 'on kyang zhu ba'i phyir 'gro ba yin pas mkhan po'am slob dpon gang na bzhugs pa de bla ma zhes bya'o/ /lag pas dal gyis brdung bar bya//zhes pa ni ha cang drag par mi brdung ste/ ran par dal gyis brdung bar byas te/ su yin zhes zer na ming nas phyung ste nang du shog cig zer na 'gro zhing ci yang mi zer na lan gsum gyi bar du brdung ngo / /'on kyang cang mi zer na bla ma gzhan dag la zhus la maN+Dal dag bya'o/ /nang zhugs gus pas bla ma la//zhes pa ni/ nang du 'gro ba'i tshe sgo dal gyis phye la thug chom med par bya/ de nas nang du phyin nas gus par thal mo sbyar te/ de la thog mar phyag byas nas pus mo sa la btsugs nas 'dug par bya'o/ /khams bde mi bde la sogs dri/ /zhes pa ni/ 'byung ba chen po bzhi'i khams mi mnyam pa las nang du gyur pas thugs bde'am mi bde zhes gus par snyun gsol to//'di man chad ma rabs spang bar bya'o zhes ston to/ /'di dag bya zhes dris nas ni/ /zhes pa ni/ chag chag gdab maN+Dal bgyi ba spyir sug las 'tshal bgyi ba mchis na yang tshul las mi 'gal bar 'tshal zhes zhu'o//dkyil 'khor zhes pa ni gru bzhi dang zlum po dang / zla gam la sogs pa'o/ /la sogs rnams bya zhes pa ni/ smon lam gdab pa yan chad mchod pa'i cho ga rdzogs par byed par 'tshal pa'i don to/ /nya phyis la sogs chu brtag ste/ /zhes pa ni/srog chags la snying brtse ba'i phyir khar phor dung phor nya phyis 'dab ma bum pa la sogs pa'i nang du skye bo yod dam med brtag go/ /steng dang bar gting rim bzhin no/ /zhes bya ba ni nya phyis la sogs chus bkang ba la chu'i steng dang dbus dang zhabs su phra mo ci yod pa rim pa bzhin du brtag go//nya phyis la sogs med na yang / /zhes bya ba ni chu brtag pa'i snod nya phyis la sogs pa med na 'og nas 'byung ba bzhin bya'o/ /skyor ba'am 'dab mas bum pa dgang / /zhes pa ni rkyen zhig byung ste cha brtag pa'i snod med na lag pa'i skyor ba'am shing gi 'dab ma'am sho mang la sogs pa'i nang du chus bkang ste brtag go//chu yi skye bo che chung rnams/ /zhes pa ni/ chu'i nang du skyes pa'i skye bo che phra rnams te/ las dang nyon mongs pa'i dbang gis skyes pas na skye bo zhes bya ste/ dbang med par skye'o zhes bya ba'i tha tshig go/ /'di'i skabs su rdzu 'phrul gyi spyan gyis gzigs pa'i tshul mi bya'o//yun mi ring bar nan tan blta/ /zhes pa ni/ sems can yod dam med pa'i brtags pa'i tshad ni/ shing rta'i 'khor lo 'od mas bkang ba glang dor drug gis lan cig 'khor ba'i tshad kyis bzung ste/ de las yun thung na yang mi rtogs/ yun ring na yang mig sbrid de mi mthong bas ci ran du brtag pa'i tshad ni 'di yin no//snying rje can gyis khu ba rnams/ /zhes pa ni snying rje ni rgyu yin te/ de dang ldan pas tshod ma'i khu ba dang rtsab mo'i khu ba la sogs pa shin tu legs par brtag go/ /rab tu brtags te spyad par bya/ /zhes pa ni/ ji ltar chu brtags pa bzhin du 'phral du spyad du dgos pa'am/ btung ba la sogs pa yang de bzhin du brtag go/ /srog chags yod na legs par btsag /ces pa ni/ srog chags la mi gnod par bya ba'i phyir/ gal te chu tshags kyi ras de thags bzang po zhig la btsags te/ chu 'dzag tu mi btub pa dang / chang btsir gyis btsir na srog chags zhar bar 'gyur ba'i phyir de ltar mi bya ste/chu tshags kyi ras kyi dang du bag yangs su btsag go/ /srog chags rnams la gnod mi bya/ /zhes pa ni/ chu tshags la chags shing 'dug pa'i sems can rnams thang la sogs par mi dor bar gang nas 'ongs pa'i gnas der slar legs par bskyal lo//rtswa dang zhes pa ni gos skams pa'am/ btso blag byas pa'i gzhi'i rtswa dag go/ /lci ba zhes pa ni dkyil 'khor dang / bkru bshal bya ba dang gnas khang du byug pa la sogs pa dag go/ /shing zhes pa ni dge 'dun dang mkhan po dang slob dpon dag gis gnang ba'i shing ngam/ ldam ldum dag go/ /la sogs zhes pa ni dge slong dang dge tshul gyi yo byad kyi dgos pa kun bsdu'o/ /dgos pa gang dang gang yang rung / /zhes pa ni dgos so cog ste/ sgo dang tsha dang tshod ma dang / 'bru dang shing thog dang zho dar la sogs pa dang / tshon dang sen mo dang chu dang me la sogs pa brtag go//de dag srog chags med par bya ste zhes pa ni/ rtswa la sogs pa ci dgos pa thams cad la sems can med par bya'o/ /sdom pa zhes pa ni lus dang ngag gi nyes pa sdom pa'o/ /srog chags zhes pa ni skye gnas bzhi las skyes pa'i 'tsho ba'i dbang po dang ldan pa'o/ /bsad pa bsrung zhes pa ni/lus dang ngag dang yid gsum sdom pa dang ldan pas lus kyi nyes pa gsod pa ste de yang bsrung ngo / /gsod pa zhes pa ni 'tsho ba dang bral bar byed pa'o/ /'di yan chad ni gnod pa spangs par bstan pa'o/ /bstan zhes pa ni mkhan po'am slob dpon gyi sgom pa dang dge ba spyod pa'i sar stan nas khri'u dag gang dgos pa gding ngo //chu zhes pa ni phyi rol che chung dang ril ba bkru ba dang / lus kyi khrus bya ba la sogs pa'i chu'o/ /sa zhes pa ni phyi rol chen po'i bkru ba'i sa dang maN+Dal bya ba'i sa dag go/ /so shing zhes pa ni nang par gyi so shing dag kyang byas te gzhag go//'dag pa'i chal yang sta gon bya/ /zhes pa ni lci skam gyi ril bur byas te/ smyug ma'i gseb tu gzer bu la bcug la chab khung che chung gi sar gzhag go/ /rgya gar gyi ni ba glang gzhon nu'i lci ba dang sa bsres te ril bur byas nas des 'khru bas na de dag 'dag pa'i chal zhes bya'o/ / yang na bul tog dang sug pas dri ma 'dag par byed pas na 'dag pa'i chal zhes de dag kyang mkhan po dang slob dpon gyi phyir sta gon bya'o/ /lhung bzed bkru ba la sogs pa dang zhes pa ni/ bdag nyid lhung bzed dang kham phor kha gzar la sogs pa bkrus te grong du 'jug par bya'o/ /zas za ba'i tshe bshal ma dang zos zin nas bkru zhing skams te gnas su gzhag go//bla ma'i dgos pa thams cad bya/ /zhes pa ni dge slong thams cad kyang bla ma bzhin gyi/ skabs 'dir ni de dag la mi bya'o/ /gnas bcas pa rnams bla ma zhes bya ste/ de'i dgos pa thams cad kyang bya'o//'di man chad ni nga rgyal med par bslab pa'i rim par byed par ston to/ /de nas dus rig phyag bya ste/ /dus rnam pa gnyis te/ bsod snyoms la 'jug pa'i dus shes par bya ba dang / gtsug lag khang na 'dug pa'i tshe/ gaN+DI brdungs na dus su rig par bya ste de gnyis gang yin pa la tshul bzhin du bya'o//de bzhin gus pas thal sbyar nas/ /zhes pa ni bla ma la gus pa'i tshul de ltar bya'o/ /'tshal ma 'tshal zhes bla ma la/ /zhes pa ni gsum gyi zhu ba'i tshul bzhin du bya'o/ /brtul zhugs can gyis de ltar zhu/ /zhes pa ni sangs rgyas kyi bka' lung bzhin du byed pa'o/brtul zhugs can zhes bya ste dge tshul bzhin du zhu ba la bya'o/ /lag pa bkrus nas zhes pa ni gdugs tshod la bab pa'i tshe lag pa dag par bkru'o/ /tshul bzhin du zhes pa ni zan za ba'i tshe kham gyis kha bkang ste mi smra ba dang / phu bu dang / cag cag dang /rkan gtogs pa dang / gzhib pa'i ro myang ba dang / 'gram pa spo ba dang / sgra dang kham 'phro la sogs par mi bya'o/ /de ni mi smra zhes pa ni zas za ba'i tshe bdag gtsang sbyor zhig yin na ni smra'o/ /gtsang spyor yin te smra na yang kha zas yod bzhin smra bar mi bya'o/ /tshod rig bya zhes pa ni ha cang 'grangs pa yang ma yin/bkres pa yang ma yin par zas kyi tshod ran par bya'o/ /'khru ba'i nad las bzlog pa'i phyir/ /zhes pa ni zhim pa dang chags pa'i phyir bza' ba ma yin gyi/ dge ba spyad pa'i phyir lus gso ba'o/ /ci'i phyir zhe na/ lus ni khams gsum gyi skye shi las sgrol ba'i gzings lta bu yin pas de'i phyir lus gso bar bya'o//bza'o snyam pa'i sems kyis bza'/ /zhes pa na de lta bu'i 'du shes kyis kha zas bza'o/ /zos shing de bzhin 'thungs pa dang / /zhes pa ni/ gdugs tshod zos te btung ba las rtsab mo 'thungs pa la sogs pa 'thungs nas tshul 'og nas 'byung ba bzhin bya'o//'di man chad ni kha bkru ba'i cho ga ston to/ /rung ba'i chu yis zhes pa ni sngar btsags nas bzhag pa'i chu des kha lan gsum bshal te/ bor nas lan cig ci ran tsam zhig lto bar btung ngo / /de'i 'og tu zhes pa ni zas zos pa'i 'og tu 'og nas 'byung ba bzhin du bya'o//sbyin pa yang dag spel ba'i phyir/ /zhes bya ba ni kha bkrus nas yon bdag gi bsod nams phyin ci log tu 'phel ba dag dgag ste/ sngon bram zes smon lam btab pas dge slong lnga brgya glang du skyes pa dag dgag pa'i phyir ro/ /sbyin pa'i tshigs bcad gnyis shig brjod//ces pa ni zhal nas gsungs pa'i tshigs bcad gcig dang bdag la bsngo ba'i tshigs bcad gcig ste gnyis shig brjod par bya'o/ /'di man chad ni 'tshal ma 'tshal zhes de'i 'og tu dge ba ji ltar bya ba'i go rims dang thabs bstan pa'o/ /man ngag yod na bsam gtan bya/ / zhes pa ni/ dge ba'i bshes gnyen gyi bsam gtan gyi lung ston pas te bsam gtan dang po ni 'di ltar bya'o/ /de'i gnyen po ni 'di ltar bskyed do zhes lung ston nus yod na de'i man ngag mnos te bsam gtan bya'o/ /rab tu 'bad de bklag par bya/ /zhes pa ni de ltar lung ston pa med na le lo'i dbang du ma gyur cing sems ma yengs par tshig dang don bstun cing yi ge'i 'bru rnams kyang zur phyin 'dod kyang bsam zhing bton nam bklog pa dag bya'o//yang dge sbyong gi las ni gnyis te/ sgom pa dang klog pa'o/ /sdom dang cho ga mkhas pa dang / /zhes pa ni 'khor lo sdom pa dang ldan pa la bya/ bslab pa lci yang las su bya'am/ bye brag phyed par bya'o/ /yang na sdom pa la mkhas par bya ba ni bslab tshig bcu'i tshig la mkhas pa'o/ /cho ga mkhas pa ni spyod lam bzhir ji ltar spyad pa dang mkhan po la sogs pa la ji ltar spyad gsal bar bye brag phyed cing gsal ba'o/ /yang na sdom pa ni sgo gsum sdom pa'o//cho ga ni gzhung la brten te tshul khrims bsrung zhing drag dal med par bi wang gi brgyud bzhin du bya'o/ /bsgrub pa la ni brtson par bya/ /zhes pa ni/ sdom pa ji lta bu dang / cho ga ji ltar byung ba de bzhin du lus dang ngag gis de bzhin du bsgrub cing nyams su len na'o/ /don yid kyis gyi na shes pa tsam du zad de/de kho na bzhin du mi bsgrubs na de dag la mkhas kyang don med do/ /yang na sgrub pa ni bla na med pa'i byang chub bo/ /brtson pa ni nan tan gyis 'bad par bya'o/ /'di tshun chad ni tshul khrims bcu'i dngos por bstan te/ de dag las gyang rtsa ba bcas pa'i rim pa bzhin du ma bzhag gi dge ba bcu'i rim pa ltar bzhag pas dang por srog gcod pa 'chad de de la bslab tshig bcu pa kun gyis sdom pa med par 'gyur ba ma yin gyi/rtsa ba bzhi las gcig zhig pas med par 'gyur ro/ /bzhi po de yang yan lag dang mi ldan na med pa ma yin gyi/mi'i rgyud dang rgyud ma yin pas bye brag dbye'o/ /'di ni dngos po la bab ste/ de yang bsdus pa'i don bcu'o/ /de yang gang zhe na/ srog gcod pa dang / ma byin par len pa dang / mi tshangs par spyod pa dang / brdzun du smra ba dang / chang 'thung ba dang / gar la sogs pa byed pa dang /phreng ba la sogs pas mi brgyan pa dang / bla ma'i khri stan la mi 'dug pa dang / dus ma yin pa'i zas spang ba dang / gser dngul len pa spang ba dang bcu'o/ /gsod pa ni rtsis mgo rnam pa lnga dang ldan na pham par 'gyur te/ gang zhe na/ mi yin pa dang / mir 'du shes pa dang /gsod sems yod pa dang / gsod par sbyor ba dang / 'tsho ba'i dbang po 'gag pa dang / yan lag de dag lnga dang ldan pas mi'i rgyud gsum las gang yang rung ste/ bsdus na pham par 'gyur/ yan lag gcig dang mi ldan na nyes byas su 'gyur/ de dang po bcas pa ni sangs rgyas yul spre'u rdzing gi ljongs na bzhugs pa'i tshe/dge slong zhig mi gtsang ba'i bsam gtan bsgoms nas lus mi gtsang bas skyo bar gyur te/ dge slong dbyug pa can la gsod du bcug pas bcas so/ /brtul zhugs gnas pa zhes pa ni brtul zhugs la gnas pa ni kho nas 'byung ste/sdom pa la gnas pa'i don to/ /sems ma nyams pa zhes pa ni rnam pa bzhi lta bur sems kyang ma nyams pa ste/ gang zhe na 'dre la sogs pas byin gyis brlabs te/ myos par gyur pa dang 'byung ba chen po bzhi'i las nyams par gyur pa dang / sngon gyi las kyi rnam par smin pa las gyur pa dang /gnad du babs te brgyal nas mi dran par 'gyur ro/ /ched du bsams te ma nor bar/ /zhes pa ni mi de kho na yin gyis zhes te de kho na la dmigs te gsad par yang bsams te/ gsod sems yang ldan la nor kyang ma nor ba'o/ /mi gzhan bdag gam gzhan rnams kyi//zhes pa ni gsod na sdom pa med par 'gyur bas bdag las gzhan pa'i mi'o/ /de la mi dang mir zin pa'o/ /de la mi la yang rnam pa gsum ste/ skyes pa dang / bud med dang / ma ning gsum mo/ /mir zin pa ni mi'i mngal na dbang po gsum dang ldan pa la bya ste/ 'tsho ba'i dbang po dang /yid kyi dbang po dang / lus kyi dbang po ste gsum dang ldan pa'o/ /gsod par sbyor ba la gnyis te/ bdag gis bsams pa'am/ gzhan la bcol te gsod du bcug pa'o/ /gzhan la bcol ba la yang rnam pa gnyis te/ brid pa las dang / mngon sum du bcol ba'o//bsad na brtul zhugs nyams par 'gyur/ /zhes pa ni/ 'tsho ba'i dbang po dang bral na dge tshul gyi sdom pa zhig par 'gyur ro/ /tshul khrims ldan nam zhes pa ni/ /gsod par byed pa'i tshig ste nad pa 'chi bar bya ba'i phyir khyod kyis bsod nams kyi tshogs kyang bsags/ tshul khrims dang yang ldan pas mtho ris dang thar pa ni dar dang yol bas chod pa tsam gyis myur du shi yang sdig pa mi 'phel gyi/'chi bar rigs so zhes bsngags pa brjod pa'o/ /tshul khrims 'chal zhes pa ni nad pa la khyod kyi tshul khrims ngan pa'i steng du 'dir ji srid de gnas pa de srid sdig pa sog cing 'dug pas dmyal bar yun ring du gnas par 'gyur gyis 'dug par mi rigs te/myur du 'chi bar rigs so zhes bsngags pa brjod pa dag smra ba'o/ /tshig gis gsad par bya ba'i yul gsum ste tshul khrims dang ldan pa dang / tshul khrims ngan pa dang nad pa la'o/ / de dag la yo byad sdu gu bdog pa de 'dod pa'i phyir de dag la 'chi ba'i bsngags pa brjod de/ /des shi na sdom pa zhig go/ /de las bzlog pa las shi'am ma shi yang rung ste/ nyes byas su 'gyur ro/ /de bzhin nad kyis btab pa la/ /zhes pa ni nad kyis sdug bsngal zhing mi bde bar 'dug pa la shi na nad 'di dang bral bar 'gyur ro//'chi ba'i rigs so zhes bsngags pa brjod cing mtshon byin nam mtshon thogs pa gnyer ba'o/ /nad pa bslang pa la des dbugs bcad de shi ba la nyes pa med do/ /gang thos zhes pa ni de ltar de gsum la gang dang gang thos pa'o/ /sdug bsngal nyam thag ste zhes pa ni tshul khrims ngan pa yang ngan song gi rgyu yin pas sdug bsngal lo//tshul khrims dang ldan pa yang da ltar lus la sdug bsngal bar blta'o/ /nad pa ni 'phral du nyam thag go/ /nges 'chi'i chos gtam der mi bya/ /zhes pa ni nges pa'am gdon mi za bar 'chi bar 'gyur ba'i gtam nad pa dag la mi bya'o//sman dang zhes pa ni nad pa dang mi mthun pa 'chi bar 'gyur ba mi sbyin no/ /de la 'chi ba'i sman ni dper na rkun po lag pa gcad pa mi drug cu la dge slong mas rtsab mo lan tshwa can gyi byin pas rkun po na ba lta bu'o/ /rtsab mo lan tshwa can ni/ rgya gar gyi skad kyis kany+dzin zhes bya'o//khams mi mnyam pa dang mi 'phrod pa'i sman ci yang rung ste mi sbyin no/ /sngags dang zhes pa ni gsang sngags a b+hi tsa ra ste/ mngon spyod pa'o/ /rig pa zhes pa ni 'jig rten dang 'jig rten las 'das pa'i rig pa ste/ de la 'jig rten pa'i rig pa ni mu stegs can nam bram ze'i rig pa'o//'jig rten las 'das pa'i rig pa ni sangs rgyas pa'i rig pa ste/ rig pa de gnyis gang yang rung bas pha rol la gnas par byed pa'o/ /'chi ba'i phyogs su btang ba'am/ /zhes pa ni/ dge sbyong la dbang po yod na mi dag 'gum khungs su btang ba'am/yang na mi 'phrod pa'i yul dang / gnod sbyin gdug pa'am/ gcan zan khro bo'i gdug pa'i gnas sam/ mi rgod yod pa'i phyogs su'am/ ra ro ba g.yang sa phyogs su btang ba la sogs pas te/ 'chi bar bsgrub pa'i gnas su btang ba'o/ /mi gzhan zhes pa ni bdag bsad pa la sdom pa zhig par mi 'gyur bas gzhan mi yin pa'i mi gzhan dag go//thabs sna tshogs kyis zhes pa ni gong du smos par zad do/ /dug dang gtor ma 'jol dang sa mda' la sogs pas 'chi bar 'gyur ba'i thabs 'di lta bu sna tshogs kyis brdas kyang rung rtsas mgo dang sbyar te de la rtsis mgo tshang ba mang yang lci yang yod de/gsod sems dang mi ldan pa la rtsis mgo gzhan dang ldan kyang nyes byas phra mor 'gyur ro/ /gsod sems dang ldan pa la ma shi ba ni nyes byas sbom por 'gyur ro/ /bsad na brtul zhugs nyams par 'gyur/ /zhes pa ni srog bcad pa tsam gyis sdom pa nyams par 'gyur te/mi bsad pa 'ba' zhig gis sdom pa zhig par 'gyur ro/ /'di man chad ci zhig gis las su byas nas kyang rung ste/ dge tshul du mi rung bar mi 'gyur bas gong ma las bye brag tu byas pa'i phyir ro/ /byol song dang ni zhes pa ni bde 'gro las byol te/ ngan 'gro'i gnas su skyes pa klu man chad dang /grog sbur yan chad do/ /sems dmyal dang zhes pa ni dmyal ba chen por ma phyin kyang so so re re'i dmyal bas te/ dper na rgya mtshor song song ba las/ rgya mtsho'i gling na dmyal dang phrad/ /ces bya ba la sogs pa lta bu'o/ /yi dgas zhes pa ni phyag dar khrod kyi 'dre yan chad do//'on te lha yang rung zhes pa ni shing lha yan chad nas 'og min gyi gnas kyi lha'i bar du'o/ /bsad na ngan song lhung ba'i zhes pa ni/ byol song nas lha'i bar du de dag bsad na ngan song gsum du ltung ngo / /sdig pa sbom po thob par 'gyur/ /zhes pa ni dge sbyong gi tshul khrims las thal byung du blangs pas sbom po zhes smos kyi/dge tshul la ni nyes byas su 'gyur ro/ /brtul zhugs can gyis bsad snyam ste/ /zhes pa ni sdom pa la gnas pas mi la sogs pa gsod par sems pas so/ /lus dang zhes pa ni lus kyis mda' 'phangs pa dang ral gri dang mdung la sogs pas 'debs pa'o//ngag gis bshams pa las zhes pa ni ngag gis 'chi ba'i bsngags pa brjod pa la sogs pa'o/ /skye bo gson yang de la ni/ /zhes pa ni gsad par yang bsams la/ chas kyang chas te mda' la sogs pas phog gam 'chi bar 'gyur ba'i bsngags pa brjod par 'gyur ba las bdag gis de yang dag par shi snyam pa las/de phyis song ste ma shi yang 'og ma ltar 'gyur ro/ /kha na ma tho rnam gsum 'gyur/ /zhes pa ni rnam pa gsum ste/ sbyor ba'i kha na ma tho ba dang / rtsa ba'i kha na ma tho ba dang / rgyab kyi kha na ma tho ba'o/ /de la sbyor ba'i kha na ma tho ba ni thog mar gsad par sems pa'o//rtsa ba'i kha na ma tho ba ni gsod pa'i tshe ste/ lus kyis 'debs pa dang / ngag gis bsngags pa brjod pa'i tshe bsad snyam pa'o/ /rgyab kyi kha na ma tho ba ni phyis rjes su yi rang ba ste/ dus gzhan du ngas bsad de zhes yi rang zhing yang dang yang du sems pa'o//de ltar na sbyor ba'i kha na ma tho ba dang / rtsa ba'i kha na ma tho ba dang / rgyab kyi kha na ma tho ba'o/ /de la dang po ni 'gyod pas tshangs/ bar ma ni gang zag la mthol bas tshangs/ tha ma ni dkon mchog gsum dang dge 'dun la mthol bas tshangs par 'gyur ro//de bzhin du bsod nams la yang rnam pa gsum du dbye ste/ las thams cad la yang sbyar ro/ /rdo dbyug khu tshur 'tshog pa dang / /zhes pa ni 'di dag kyang gsod pa'i yan lag tu bsdu'o/ /de las gzhan pa'i gnod pa dag /ces pa ni rdo dbyug la sogs pa sbyor ba'am gnod pa'i rgyur gyur pa gang yang rung bas mi la yang 'tshog pa nas sbyor ba yan chad du pha rol la gnod par 'gyur ba'i bag mi bya'o//ba glang la sogs gnod mi bya/ /zhes pa ni phyugs so cog bsdu ste/ de dag la gnod pa mi bya'o/ /rta la sogs pa mi zhon no/ /zhes pa ni dkon mchog gsum dang /pha ma dang / rgyal po'i chad la mi 'gror mi rung zhing rkang gis 'gro mi nus kyi bar du bya'o/ /mi nus na bzhon te/ de yang pha rkang chag la zhon pa bzhin du snying rje bya'o/ /'di yan chad bsad pa'i bshad pa 'das/ /da ni ma byin par len pa 'chad de/ de yang yan lag drug dang ldan na pham pa ste gang zhe na/ma byin par len pa dang / rku sems yod pa dang / rin thang tshang ba dang / mis yongs su bzung ba dang / bzung bar 'du shes pa dang / bdag gir byas pa'o/ /yan lag de rnams dang ldan na pham pa/ de dag gcig dang yang mi ldan na nyes byas su 'gyur ro//de dag dang po bcas pa ni rgyal po'i khab 'od ma'i tshal na bzhugs pa'i tshe rdza ba las rab tu byung ba'i dge slong nor can gyis rab tu byung zhing ma byin par blangs pas bcas so/ /dge tshul zhes pa ni dge ba'i phyogs la 'bad pa'am/ rtsol bar byed de dal ba'i phyir na dge tshul zhes bya'o/ / bdag gam gzhan rnams kyi zhes pa ni rkun po la rnam pa gnyis te/ bdag nyid kyis rku ba dang / gzhan rnams la rku ba bcol ba'o/ /bcol ba la yang rnam pa gnyis te/ mngon sum du bcol ba dang / tha na springs nas bcol ba'o/ /rku sems zhes pa ni rku'o snyam pa'i sems kyis brku ba'o//mthu dang zhes pa ni btsan thabs su 'phrog pa lta bu'o/ /'jab bu yis zhes pa ni rkun po la mang ste/ 'jab bu dang / sgyu dang / g.yo dang / dor la sogs pa byas te brku ba'o/ /'khrul pa med par zhes pa ni bdag gi yin par 'du shes pa dang / nor ba med pa ste/ mdor na bdag gi rdzas su ma nor ba sems myos pa la sogs par ma gyur pa de ni rku sems dang ldan pa'i don to//mi gzhan gyi zhes pa ni bdag gi rdzas brkus kyang pham par mi 'gyur te/ sngon bcas pa ma yin pas yan lag tu mi dgos pa'i phyir ro/ /bdag las gzhan te pha rol lo/ /gnas nas zhes pa ni ma bskyod na ji ltar rku sems dang ldan yang sdom pa zhig par mi 'gyur te/mdor na rdzas la sogs pa gang na 'dug pa'i mtshams las 'das pa'o/ /mtshams ni bar du nam mkhas chod pa dang / sa dag las sa'i kha dog lta bu 'das pa dang / phyugs tshon po zhig na rgyab las mgo'am mjug gi mtha' las bral ba dang /rid de ma shi na rtsib ma'i dag la las bral ba'o/ /ma sha lnga tsam zhes pa ni kAr ShA pa Na gcig la ma sha ka nyi shu ri bas/ kAr ShA pa Na bzhi cha la ma sha ka lnga'o/ /de la ma sha ka ni dbri'o/ kAr ShA pa Na ni dbri ba med do/ /de bzhin du dngul la ni 'gyur ba med do//'bru dag la ni yang rung du 'gyur te/ dngul zho gcig gi cha las brtsis te/ ma sha ka lnga la pham pa'o/ /rang gi yul nas byung ba gang / /zhes pa ni yul thang brtsan par bya ste/ bdag gang na 'dug pa dang / rkun mo yul gang du byas pa mdor na yul de nyid kyi rin thang brtsi ba'o//kAr ShA pa Ni bzhi cha brkus zhes pa ni ma sha ka lnga nas yar brtsis te/ kAr ShA pa Na gcig la ma sha ka nyi shu yod pas/ kAr ShA pa Na bzhi cha las ma sha ka lnga ste/ rin thang brtsis na zho bzhi'i brgyad cha gcig go/ /de brkus tshul khrims zhig par 'gyur/ /zhes pa ni dngul zho gcig gi brgyad cha yod pa de brkus na pham par 'gyur ro//sbyor ba'i tshe na nyes byas so zhes pa ni dge slong gi ltar nyes pa rnams mang du dbyer med do/ /thog mar brku bar bshams pa nas/ rdzas du la rang gnas nas ma spags kyi bar du nyes byas su 'gyur ro//rdo khu zhes pa ni nyung rdog lta bu la sogs pa'o/ /rtsa ba zhes pa ni sman la sogs pa'o/ /'bras bu zhes pa ni shing thog ste/ ku shu dang kham bu dang rgun 'brum la sogs pa'o/ /shing zhes pa ni skyed shing lta bu ste lo ma dang / shing tog dang 'bras bu bzang po skyes pa'i shing lta bu ste/rtsa gzhan bcad na nyes byas/ rtsa ba gcig bcad na rin thang brtsi'o/ /sdong bu zhes pa ni bu ram shing dang lcug ma la sogs pa lta bu ste/ spags sam bcad na pham par 'gyur ro/ /lo ma zhes pa ni shang rtse dag bsdus te tshod pa dang yungs kar lta bu dag brkus na'o/ /shun pa zhes pa ni/shing rtsa la sogs pa'o/ /chu zhes pa ni shing chu dang mya ngam du 'gro ba'i btung chu rnams khyer te dong ba las mi'i btung chu brkus na pham pa'o/ /phyugs kyis brkus na nyes byas su 'gyur ro/ /me tog zhes pa ni me tog rnam pa gnyis te 'og nas 'byung ba dag go/ /chu skyes zhes pa ni pad+mo la sogs pa lta bu ste/chu'i nang du skyes pa'i me tog go/ /thang skyes zhes pa ri las skyes pa ste/ thang las skyes pa'i me tog kyang bsdu'o/ /zhing dang zhes pa ni rku ba la rnam pa gnyis te/ thams cad rku ba dang mu nas rku ba'o/ /de yang bskor ba dang khad kyis rku ba'o//de la yang bskor ba ni zhing der bas bskor ba ste/ kun nas ra ba'i mtshams 'byor te bdag pos bsam pa thag bcad na pham pa/ mi dbang ba la shags 'gyed pa'am/ dbang yod pas mi dbang bzhin du thob par bcad na pham pa/ rtog ces pa ni gnyis te/ rku ba'am ma rungs par byed pas te/dper na shwa kha sgyur ba lta bu ste/ des ma rung bar gyur pa'i rin thang tshang na pham pa/ sa gzhi dang zhes pa ni gnas khang dang gtsug lag khang dang tshong khang dag gi gzhi la sogs pa lta bu ste/ zhing rku ba'i rtsis mgo lta bu dang 'dra'o/ /gru dang zhes pa ni gru rku ba la rnam pa bzhi ste/chu'i rgyun du rku ba dang / rgyun las gyen du rku ba dang / thad kar rku ba dang / bcings pa'i rgyun du rku ba'o/ /thad kar rku ba ni mi snang ba'i tshad kyis bzung ngo / /gyen du rku ba ni gru gang 'phags pas pham gyi/ ma nges pa ni chu'i nang du nub pas pham mo/ /shing zhes pa ni lo ma la sogs pa bzang po skye ba'i shing dang /yang na shing dag go/ /shog ma dang zhes pa ni bdag gi sho gam 'das na rin thang brtsi/ gzhan gyi bdag gis bzlas te blangs na yang rin thang brtsi bdag nyid kyi nor ma yin te/ dkon mchog dang pha ma la sogs pa ni nyes byas su 'gyur ro//de bzhin gru yi btsas rnams dang / /zhes pa ni gong ma'i sho gam bzhin du sgrol gru 'das pa'am dbyar dbab pa'i phyir gru la bdag gyen du'am chu 'byam dang thad kar yang rung ste/ zhon la ma byin pa la rin thang brtsi'o/ /srog chags rkang pa med pa dang / /zhes pa ni dngos su sbrul lta bu ste/de yang rgyal po'i gnyer ba la nan tur dag bya ba'i dgos pa dang / 'tshe ba'i phyir te ne'u le dang sbrul 'thab pa dag mdza' bar byas nas 'tsho ba tshol te de lta bu brkus na rin thang brtsi'o/ rkang gnyis zhes pa ni mi dang bya ste/ de la bya ni khra'am longs spyod kyi phyir khrung khrung dang ngang pa la sogs pa'i gson ma dag go//mi ni mtshan ma dang / dus dang gnas su phyin pas bsam mo/ /bya ni rku ba'i phyir sgrogs pa'am gnas sa nas bdag gi gnas su sbur bas pham/ rkang mangs rku ba dang zhes pa ni rkang pa bzhi pa yan chad la bya ste/ sbrang ser dang srin bu pad pa dang sdig pa dag go//de la sbrang ser ni rgya mtshor dgos so/ /srin bu ni sman pa la dgos so/ /sdig pa ni rgyal po'i nan tur du dgos so/ /brtul zhugs can gyis zhes pa ni bslab tshigs bcu la zhugs pa'o/ /mi'i nor zhes pa ni mdor bsdus te mi'i nor du gtogs so cog gis sdum pa bzhi par 'gyur ro//dbyig las zhes pa ni rin po che la sogs pa'i nor chen po'o/ /stsogs pa zhes pa ni gser dang dngul dang g.yu dang mu tig dang dar zab la sogs pa chung ngu yan chad kyang bsdu'o/ /gang yang rung ba zhes pa ni mdor bsdus pa'i tshig go/ /rku ba'i sems kyis gang brkus kyang //zhes pa ni mdza' yang rung mi mdza' yang rung skad cig tsam blangs pa la sogs te/ rku sems yod na sdom pa zhig par 'gyur bas/ de ltar khyad par du dbye ba'i phyir rku sems dang ldan pa'i 'du shes kyis mi'i nor du gtogs pa gang yang rung 'og nas 'byung ba bzhin du 'gyur ro//rin thang tshang na sdom pa zhig /ces pa ni dngul skya zho gcig gi brgyud pa tshang na sdom pa zhig par 'gyur ro/ /lhung bzed la sogs rkun khyer nas/ /zhes pa ni 'tsho ba'i yo byad kyi mchog ni lhung bzed dang chos gos dag yin/ de dag rkun pos khyer na thabs 'og nas 'byung ba bzhin du bya'o//chos bshad nas ni bsgrub par bya/ /zhes pa ni rkun po la gdong la de ni dgos pa la khyer la nor chen po mi rung na phyir byin cig ces bya ste/ byin na ni legs te de ma byin na 'di skad ces bya'o/ /'di dag brkus na ngan song gsum du 'gro ba la sogs pa bzhin du bshad do//yang na ri ba'i rin gyis blu/ /zhes pa ni 'di ltar byas na shin tu sdug bsngal bar 'gyur gyis slar byin cig ces bya'o/ /de ste mi ster na ri ba'i rin gyis blu'o/ /de ltar ma byas nyes byas 'gyur/ /zhes pa ni dge slong gis yo byad dkon pa'i phyir de ltar ma byas par blangs na nyes byas pa'i dmigs pa ni sems thag ma chad pa las bye brag tu byas te bshad pa yin no//'di ched du ma byin par len pa 'das so// //da ni mi tshangs par spyod pa 'chad de/ de yang yan lag gsum dang ldan na pham ste/ gang zhe na/ bcug pa dang / reg pa dang / dga' bar tshor ba gsum dang ldan par pho'i sgo gnyis dang mo'i sgo gsum ste/ gang du spyad kyang bsam pa gcig dang mi ldan na nyes byas so/ /de la dang po bcas pa ni sangs rgyas shAkya thub pa mngon par byang chub ste/ nyan thos kyi 'khor dang ldan nas lo bcu gnyis kyi bar du thams cad kyang tshangs par spyod pa la gnas te ltung ba med do//lo bcu gsum la 'das nas bab pa'i tshe tshong dpon gyi bu bzang sbyin gyis mi tshangs par spyad pa las ltung ba dang po bcas pa'o/ /sdom can zhes pa ni tshul khrims bsrungs te ma zhig par gnas pa'i sdom pa dang ldan pas sdom pa can zhes bya'o//nyams pa med sems kyis zhes pa ni rnam pa bzhi lta bu sems kyang ma nyams pa ste/ bzhi gang zhe na/ 'dre gdon la sogs pas byin gyis brlabs nas myos pa lta bu ma yin pa dang / 'byung ba chen po bzhi'i khams nyams par gyur pa ma yin pa dang / sngon gyi las kyi rnam par smin pa ma yin pa dang /gnad du bab ste brgyal ba lta bu ma yin pa ste/ mdor na sems dran pa gsal bzhin du 'og ma ltar byas na nyes par 'gyur ro/ /nyams pa med pa'i sgo gsum du/ /zhes pa ni skyes pa la ni sgo gnyis/ sgo de dag mes tshig pa lta bu'am/ rul ba lta bu'am/ zhig pa'am/ 'bu zhugs pa lta bur ma gyur par 'og nas 'byung ba bzhin du byas na nyes par 'gyur ro/ /chags pas nang du nor bu 'das/ /zhes pa ni 'dod chags dang ldan pa'i sems kyis byas nas kha'i nang du so las 'das pa dang / rkub ni 'dzums pa'i mtshams 'das pa dang /mo mtshan ni phyi shun gyi mtshams su nor bu nub ces pas mtshams 'das zhes bya'o/ /dga' bar tshor na brtul zhugs nyams/ /zhes pa ni bdag gir byas na zhes bya ba'i don to/ /phas byed dam tshus byed kyang rung ste/ nyams su len na sdom pa zhig go/ /dge slong ma ni phas byed pa bcabs pa yod do//des na khas blang zhing nyams su len na sdom pa zhig go/ /skyes pa zhes pa ni dge slong ma ni skyes pa'o/ /yang na dge tshul phas skyes pa nyid la bya'o/ /bud med ces pa ni dge tshul pha ni dge tshul pha la bud med kyis so/ /ma ning gis zhes pa ni ma ning lnga ste/ mtshan gnyis pa dang / zla ba phyed cing 'gyur ba dang / mtshan ma dang gsum mo/ /mtshan khar bor te mnan pa las/ /zhes pa ni gong ma gsum gyi mthu rtsal gyis mnan te mi tshangs par spyod pa'o/ /gang gis bde ba'i ro myong ba/ /zhes pa ni gang gis nyams su blangs te dga' bar tshor ba'o//des ni sdom pa zhig par 'gyur/ /zhes pa ni tshor ba de yang tshul khrims med par ro/ /yan lag skyes nas zhes pa ni pho mtshan 'dod chags kyi yan lag skyes pa zhes bya'o/ /bde ba 'dod pas zhes pa ni 'dod chags 'dod pa de zhi bar bya ba'i bde ba 'dod pa dang dga' bar tshor ba'i bde ba 'dod pa la bya'o//gdug pa sbrul gyi khar bcug pa/ /zhes pa ni tshul khrims dang bral na gson yang mi rung ste/ de bas na 'dod chags kyi nyon mongs pa de bzlog pa'i phyir gsungs pas sbrul gdug pa rnam pa gnyis yod de/ sgo gsum gyi sbrul dug can no//de la sbrul dug can gyi khar bcug ste shi ba ni shi yang ma shi zhes bya'o/ /sgo gsum gyi sbrul gdug pa can gyi dbang du gyur nas tshul khrims nyams pa ni tshe rabs du mar sbrul gyis zin par gyur pas ma shi na yang shi ba zhes bya'o/ /lus la dka' thub mi zhig ces pa ni lus kyi dka' thub gsum las skabs 'dir ni tshangs par spyod pa la bya ste/don du na sbrul gdug pa'i khar bcug kyang bla'i/ sdom pa can gyis nam du yang ni mi tshangs par mi spyod do/ /rdzogs sangs rgyas kyis bka' stsal to/ /zhes pa ni de skad ces de bzhin gshegs pa dgra bcom pa yang dag par rdzogs pa'i sangs rgyas kyis bka' stsal to//gal te sbrul gyis bsad gyur kyang / /zhes pa ni sbrul gdug pa'i khar bcug nas 'chi ste 'chi bar gyur kyang ngo / /tshul khrims gnas la de phan te/ /zhes pa ni des shi na yang tshul khrims mi 'jig ste/ med pas med 'gyur bas mtho ris su skyes pas na de ni phan pa zhes bya'o//tshul khrims nyams pa sdug bsngal yin/ /zhes pa ni chos la gnas pas myur du bdag shi bla'o/ /chos la rgyab kyis phyogs pa'ang cir mi rung / /chos gnas sum cu rtsa gsum lha yi bde ba 'thob/ /chos thob bral ba myur du ngan song 'jigs ltung ngo //khyim bdag de na phas mi rgod brgyad cu la smra ba de lta bu ste/ tshul khrims med pa de ni sdug bsngal yin te/ mya ngan las 'das pa la sgrib par 'gyur ro/ /de lta bas na tshul khrims dang mi ldan pa'i dge sbyor ni khang pa phug rdol can mes tshig pa'i mgal dum dang 'dra'o//mya ngan 'das la sgrib par 'gyur/ /zhes pa ni de ltar tshul khrims zhig par gyur na ngan song du ltung ba 'ba' zhig tu yang ma zad de/ mya ngan las 'das pa'i bar du yang gcod par 'gyur ro/ /de 'khor ba'i yan lag thams cad la yang mi tshangs par spyod pa zhes bya'o/ /mdor na sems byang ba'i thabs tsam du gsungs so//ji ltar zhe na/ lus kyis dpyad du med na yid kyis brtags pa mang du mi byed pa'i phyir ro/ /'di yan chad du mi tshangs par spyod pa'i bshad pa 'das so// //da ni brdzun du smra ba 'chad de/ de yang yan lag lnga dang ldan na pham ste/ lnga gang zhe na/ bla ma'i chos yin pa dang / 'du shes bsgyur ba rang nyid kyis khar smras pa dang / ngas thob bo zhes brjod pa dang ldan pa dang / gzhan gyis don go ba'o/ /yan lag 'di lnga dang ldan na bsam gtan dang / mngon par shes pa dang / dge sbyong gi 'bras bu bzhi la sogs pa thob po zhes pa nas lha dang klu la sogs pa mthong ngo zhes bya ba'i bar du smras na pham par 'gyur ro//yan lag gcig dang mi ldan na nyes byas su 'gyur ro/ /de la dang po bcas pa ni sangs rgyas yul yangs pa can gyi 'od ma'i grong 'dab na bzhugs pa'i tshe/ nya pa lnga brgya la de bzhin gshegs pas chu srin nya'i rigs kyi rnam par smin pa bshad pa las sems g.yos te/dge slong du gyur pa lnga brgya pos de mu ge chen po zhig byung ste/ nya pa'i rigs kyi grong 'dab du spyod pa bcas nas bdag cag gcig gis gcig yon tan med par bstod pa las bcas/ lha dag kun smra dang zhes pa ni lha dang phan tshun lhan cig gtam byas te/de dang bde bar gnas pa la sogs pa na gnyen dang mdza' ba'i tshul du smra ba la sogs pa'o/ /gang na bdag 'dug lha'o zhes pa ni nga gang na bar lha dag 'ong zhes zer ba'o/ /mthong zhing zhes pa ni bdag gis lha mthong ba dang /lhas kyang bdag mthong zhes pa'o/ /de'i sgra zhes pa ni gcig gi sgra gcig gis thos pa'o/ /thos par gyur gang zhes pa ni lhas smras pa bdag gis thos pa dang / bdag gi sgra lhas thos zhes zer ba'o/ /bdag kyang de dag gam 'gro dang / /zhes pa ni nga lha'i gan du 'gro'o zhes zer ba'o//de bzhin zhes pa ni gang ji ltar bdag gis lha mthong ba dang / de dang gtam byas zhes pa ni lhan cig 'grogs nas zer ba de bzhin smra'o/ /dri za zhes pa ni dris bcos pas na dri za zhes bya'o/ /grul bum zhes pa ni yi dgas glugs pa chen po'o/ /klu zhes pa ni byol song gi rgyal po'o//gnod sbyin zhes pa ni gnod sbyin mdog dang mdangs 'phrog pa'o/ /lto 'phye chen po dang zhes pa ni/ sbrul lta bu gsus pas 'gro ba'o/ /sha za yi dgas zhes pa ni dngos su zad/ mi'am ci zhes pa ni mi'i lus la rta mgo can no/ /mthong ngo zhes la sogs pa smra'o zhes pa ni dri za nas/mi'am ci'i bar du ming gis smos pa de dag bdag gis mthong ngo / /de dag gis kyang bdag mthong / de dag dang yang lhan cig tu 'grogs so zhes zer ba'o/ /bsam gtan zhes pa ni gzugs kyi bsam gtan bzhi dang / gzugs med pa'i bsam gtan bzhi pa ste/'jig rten gyi bsam gtan brgyad do/ /mngon shes zhes pa ni/ mngon par shes pa lnga'am drug go/ /tshad med dang zhes pa ni tshad med pa bzhi'o/ /rgyun zhugs la sogs 'bras bu dang / /zhes pa ni khams gsum gyi nyon mongs pa mthong bas spang bar bya ba brgya rtsa brgyad spangs pas rgyun du zhugs pa'o//'dod pa'i khams kyi bsgom par bya ba'i nyon mongs pa dgu sel bas/ drug spangs pa ni lan cig phyir 'ong ba'o/ /'dod pa'i khams kyi dgu char spangs pa ni/ phyir mi 'ong ba'o/ /srid pa'i rtse mo man chad kyi nyon mongs pa thams cad spangs pa ni dgra bcom pa'o//lam la rab tu zhugs pa'ang rung zhes pa ni 'phags pa'i lam yan lag brgyad thob bo zhes bya ba la sogs pa'o/ /bdag gis thob ces smra na ni zhes pa ni mi las bla ma'i chos gang smra ba de gong du bshad pa'i yon tan de lta bu la sogs pa dag ma thob par thob ces smra ba'o//don rig pa la brdzun pa'i tshig ces pa ni pha rol po de bas sam/ glen pa'am byis pa la sogs pa yin te/ tshul smra ba la 'du shes sbas te/ des kyang de dang par shes pa'am/ rig pa'i 'du shes med par sbas la don gzhan du 'dug la tshig gzhan du smra ba'o//khyad par thob pa'i zhes pa ni gong ma ltar yon tan rnam pa de dag cig ltos nas khyad par du smra ba'o/ /bdag nyid can zhes pa ni de dang ldan pa'i bdag nyid du gyur to zhes zer na'o/ /ma nyams zhes pa ni mi dran par yang ma gyur te/ sems nyams pa'o/ /nga rgyal med bzhin du zhes pa ni mngon pa'i nga rgyal te sngon dge sbyong dgon pa'i yul mngon sum du byung ba'i phyir nga rgyal skyes pa ma yin pas gdeng med bzhin du 'og ma ltar smras na nyes par 'gyur ro//smras na sdom pa nyams par gyur/ /zhes pa ni smras te pha rol pos don go na tshul khrims med par 'gyur ro/ / 'di man chad ni sdom pa zhig par mi 'gyur ba'i yan lag ston to/ /khyad par thob pa ma gtogs pa/ /zhes pa ni gong du smos pa ltag mthong la sogs pa dag ni bsam gtan la brten nas mthong bar 'gyur ba'i phyir/ khyad par 'thob dang gdeng yod pa/ /des smras na ni nyes par mi 'gyur ro//de las gzhan pa'i brdzun tshig rnams/ /zhes pa ni gong du smos pa ma gtogs par gzhan ci yang rung ba'i brdzun tshig ni bsam gtan la brten te mthong bar mi dgos pa mthong ba dang / shes par rung ba sdom pa zhig par mi gzhag ste/ rtsa ba bzhi char yang nyes par mi 'gyur bar dbye'o//'dir yang nyes par 'gyur bar dbye ste/ gong ma las brdzun phran tshegs phyag dar khrod na sha za dag mthong ngo zhes bya ba dang / shes bzhin gyis brdzun phran tshegs dag smras na nyes pa'i dmigs 'og ma ltar 'gyur ro/ /de dag thams cad sdig mang 'gyur//zhes pa ni de dag smras na bsod nams ma yin pa mang du 'phel te/ des ngan song du ni khrid par byed la sdom pa ni 'jig par mi 'gyur ro/ /des ni 'og mar ltung bar byed/ /ces pa ni shes bzhin du brdzun gyi tshig smras pa des ni mi las 'og ma gsum du ltung bar byed do// // 'di man chad ni phra mo'i nyes pa 'chad de/ ji ltar mdza' bo dbye 'gyur ba'i/ /zhes pa ni mi gnyis yid mthun zhing mdza' ba de la thabs gang gis dbye bar 'gyur ba'i tshig 'og ma lta bu'i tshig smras so/ /phra ma'i tshig rnams smra mi bya/ /zhes bya ba ni zhe sdang gis dbye ba'i phyir tshig bden pa yang rung brdzun pa yang rung ste/phan tshun bskyal zhing smra bar mi bya'o/ /phra ma la rnam pa gnyis te zhe sdang gis dbye ba dang / phan par bya ba'i phyir dbye ba ste/ de la phan par bya ba'i phyir dbye ba'i phra ma zer ba ni nyes par mi gzhag go/ /'di dag ni dge tshul gyi khrims kyi dngos po ma yin mod kyi/ngag gi nyes pa spang ba'i skabs su dge ba bcu'i rgyud kyis bsdams nas ngag gi skyon 'di dag spang bar bstan to/ /thun tshags su ni smra ba dang / /zhes bya ba 'di tshig rkang 'dis thun tshags su smra ba 'chad de/ dgos pa'i don med par sgrung gtam dang / lde'u dang /glu tshig dang / snyan ngag dang / gar dang / bre mo gtam dang / bon smra ba la sogs pa smras pa'o/ /tshig rtsub smra bar mi bya'o/ /zhes bya ba ni pha rol zher 'debs pa'i tshig dag smra bar mi bya'o/ /'di man chad ni dge sbyong gi tshul bzhi ston te/ de la dge sbyong du gyur tam/ dge sbyong zhes bya ba de thob nas 'di dag bsrung dgos so/ /ngan du zer la'ang ngan mi brjod/ /ces bya ba ni pha rol tshig ngan pa pha'i sha zo zhes zer ba la sogs pa'i tshig ngan pa zer yang tshul 'di'i lan tshig ngan pa'i bag zur yang smra bar mi bya'o/ /gshe la lan du slar mi gshe/ /zhes bya ba ni phas tshur bdag la ngan pa 'di zhes pa la sogs pa'i tshig ngan pas brgyad bkag kyang /de'i lan gshe ba'i tshig dag kyang mi bya'o/ /mtshang 'bru ba la slar mi 'bru/ /zhes pa ni phas tshur bdag la skyon ci yod pa'i bag mtshang 'bru ba de la slar de'i mtshang 'bru bag tsam yang mi bya'o/ /rdeg pa la yang slar mi rdeg /ces bya ba ni phas tshur mtshon cha dang / dbyug pa la sogs pa dag gis bdag la brdeg kyang de'i lan du rdul tsam mi bya'o/ /blo ldan zhes bya ba ni blo dang shes rab dang rig pa dang rtogs pa dag ni rnam grangs te/ mdor na shes rab dang ldan zhes bya ba'i don to/ /bslab pa 'dod pa yis zhes bya ba ni de bzhin gshegs pas bstan pa'i bslab pa'am/tshul khrims de la dad pas so/ /bsgrims te zhes bya ba shin tu nan tan du 'bad do/ /ngag gi skyon rnams spang zhes pa ni pha rol bo'i yid mi dga' bar gyur na bdag nyid kyang des dmyal ba dag tu khrid par byed pas skyon te/ de bas na ngag gi skyon rnams spang bar bya ba thams cad las byung bas na dang po ngag gi nyes pa bsdam par bya'o/ /de ltar 'gyur bar rig nas ni/ /zhes bya ba ni de ltar ngag de'i nyes pa bzhi ni bshad de 'das so// //da ni lnga pa la bab ste/ chang mi btung ba 'chad do/ /'bru btags phabs dang sbyar ba yi/ /zhes bya ba ni sa bon btab nas lo tog las skyes pa'i gro nas dang 'bras la sogs pa kun bsdus te/lo tog las btags pa'i chang ste/ zan chang lta bu phabs dang sbyar ba chang du yang gyur/ chang du yang 'du shes/ bdag gis kyang 'thungs/ myos par yang 'gyur na'o/ /btung ba'i bye brag 'bru yi chang //zhes bya ba ni chang gi rnam grangs te/ rgun 'brum dang / bur ma spang rtsi las chang du byas pa dang / me tog dang lo tog thams cad kyi chang ngo / /de la chang la rnam pa bzhi ste/ kha dog gi chang dang / dri'i chang dang / ro'i chang dang / zham chu chang gi dang bzhi'o/ /de la mthu dang mi ldan par 'thungs pas ni nyes byas la brtsi'o//gzhan yang rnam pa mang du 'chad de/ rgya gar skad kyis bar ma 'thungs na nyes pa'o zhes 'chad do/ /yang ro can mi btung ste 'thungs na nyes byas so zhes 'chad do/ /sdong bu zhes bya ba ni bu ram shing gi chang dag go/ /me tog gang zhes bya ba ni sbrang chang dag go//'bras bu las zhes bya ba ni rgun chang dag bsdu'o/ /sbyar ba'i khu ba 'bras bu'i chang / /zhes bya ba ni phabs dang sbyar ba'i chang ngo / /des ni myos par 'gyur rig nas/ /zhes bya ba ni rgya gar gyi skad du mar ta zhes bya ste/ bar ma dang sbyor bar 'gyur ba kun mi snang ste/ de la mdor bsdus te smras pa'o//sdom can phan 'dod mi btung ngo / /zhes bya ba ni tshul khrims la gnas pa bdag la phan par 'dod pas gong du smras pa'i chang de dag mi btung ngo / /de 'thungs nas ni zhes bya ba ni 'thungs na ci nyes she na/ gong ma ltar du 'gyur ro/ /dran pa nyams na zhes bya ba ni myos pa'i blor 'gyur ro//brtul zhugs ldan pa bag med 'gyur/ /zhes bya ba ni sdom pa la zhugs pa/ sdom pa la gnas pa/ sdom pa dang ldan pa de tshul khrims zhig par 'gyur ro/ /dper na chung ba dge bsnyen cig la rkyal bya ba'i phyir chang rdze'u gang dang lug cig bud med cig khrid de 'ongs pa las chang 'thungs pa dang khrims lnga char dral ba lta bu'o//bag med pa las brtul zhugs nyams/ /zhes bya ba ni gong ma bsnan te smras pa tsam du zad do/ /yang na tshul khrims kyi yan lag dang / brtul zhugs kyi yan lag dang gsum lus dang ngag gis bsrung ba ste/ pham pa'i gzhi ni tshul khrims kyi yan lag go//glu gar dag ni brtul zhugs kyi yan lag ste/ khyim pa las khyad par du bya'o/ /de bas ston pa'i bka' dran bya/ /zhes bya ba ni sangs rgyas de phyin ci ma log par ston pa'o/ /de bas na ji skad gsungs she na/ chang ni nyes dgu mtshon pa ste/ /bag chags bsgribs pas rnal 'byor nyams//zhes bkag pas na de'i bka' dran par gzhag go/ /myos 'gyur nyes pa 'phel 'gyur ba/ /zhes bya ba ni chang 'thungs pas myos pa tsam du ma zad kyi nyes pa gzhan yang mang du 'phel bar 'gyur gyi/ rtsa mchog tsam yang mi btung ngo / /de bas na rtsa'i thor to la chags pa tsam yang mi btung na mang du 'thungs pa lta ci smos/da 'di man chad dge tshul gyi bslab tshigs bcu'i dngos po la lnga ni 'das/ da ni drug pa la bab ste/ glu gar mi bya bar 'chad do/ /glu gar de bzhin sil snyan rnams/ /zhes bya ba ni rol mo'i spyad dang rol mo bya ba thams cad bsrung ba ste/bdag nyid kyang mi bya/ gzhan byed du yang mi gzhug /bdag nyid nyan pa'i phyir na dkon mchog gi spyan sngar byed du yang mi gzhug /bdag nyan pa'i phyir ma yin mod kyi/ dkon mchog gsum la mchod pa'i phyir ni nyes pa med do/ /dril bu dkrol ba dang dkon mchog gsum la mchod pa'i phyir nyes pa med do//chu la bye'u zul byed pa la sogs pa chu la rtse ba sna tshogs kyang mi bya'o/ /rkyal mi shes na dben par bslab pa dang sman pas bsgos/ sman gyi chogs chu'i nang du rkyal ba dag la nyes pa med do/ /glu'i dbyangs thams cad mi bya'o/ /chos 'chad pa dang yi ge klog pa dang /dkon mchog gsum la bstod pa'i tshe dbyangs len pa la nyes pa med do/ /sdom pa la gnas pas mi bya'o/ /bslab tshigs bcu'i dngos po las de yan chad drug ni 'das/ da ni bdun pa la bab ste/ lus la spos kyis mi byug pa 'chad do/ /lus la spos kyis mi byug ste/ /zhes bya ba ni lus la dri zhim po'i bag thams cad kyis mi byug mi bsku'o//lus la mdangs bzang ba dang / dri zhim par bya ba'i phyir ro/ /gos la sogs pa la mi byug go/ /ci'i phyir zhe na/ de dag kyang 'khor ba la chags pa'i rgyu yin pa'i phyir ro/ /tsan+dan la sogs mi bsku'o/ /zhes bya ba ni dri zhim por sbyar ba la sogs pa lus la mi byug go//yung dang gur gum la sogs pas/ /zhes bya ba ni mdangs ni gur gum dag mdangs ser por 'dod pa'i phyir mi bya'o/ /kha dog rnams su bri mi bya/ /zhes bya ba ni ser po la sogs pa'i kha dog dag go/ /me tog mgo rgyan phreng ba dag /ces bya ba ni me tog gang yang rung /skud pa dag dang / shing bu dag la brgyus pa'i phreng ba dag gi se ral kha la sogs par mi gdags so/ /brtul zhugs can gyis gdags mi bya/ /zhes bya ba ni bslab pa la gnas pas/ 'di dag gdags par mi bya'o/ /gser la sogs pa rnams kyis zhes bya ba ni gser dngul la sogs pa'i sor gdub dang /rna cha dang / mgo rgyan dang / dpung rgyan dag gis bdag brgyan par mi bya'o/ /dud pa la sogs mig sman rnams/ /zhes bya ba ni li khri dang mtshal la sogs pa mig sman rnams kyis/ mig mi na bar mi bsku'o/ /'di yan chad dge tshul gyi bslab tshigs bcu'i dngos po las bdun ni 'das/da ni brgyad pa la bab ste/ bla ma'i khri la mi 'dug pa 'chad de/ shing khri khru gang mtho ba dang / /zhes bya ba ni khri'am stegs bu khru gang yan chad las mtho ba dag go/ /ba so zhes bya ba ni ba so las byas pa'i khri dag go/ /la sogs zhes bya ba ni rin po che la sogs pa'o//brgyan pa'i khri zhes bya ba ni rin po che sna tshogs dang / gser dngul la sogs pas brgyan pa'i khri'o/ /dma' yang nyal khri bzang po las/ /zhes bya ba ni ba so dang rin po che la sogs pas brgyan pa'i khri khru gang du ma phyin kyang / de nyid rin po che'i yin pas dma' yang nyes pa'o//chos 'chad pa dang kha ton byed pa la gnang ngo / /nyal la sogs pa mi bya'o/ /zhes bya ba ni chos 'chad pa'i lha'i yul du phyin pa'i tshe/ rin po che 'ba' zhig spyod pa dang / gzhan yang rin po che 'ba' zhig spyod pa'i yul na ni rin po che la sogs pa'i khri la nyal zhing 'dug kyang nyes pa med do/ / chos 'chad pa'i tshe na khri mthon po la 'dug kyang nyes pa med do/ /glu gar la sogs pa zhes bya ba ni bon smrang dang / sgrung gtam dang / rtsed mo dang / 'bod pa dag bsdu'o/ /bstan pa dang zhes bya ba ni glu gar la sogs pa bdag nyid 'dod pa'o/ /gang las dregs pa skye 'gyur ba/ / zhes bya ba ni gong du smras pa de dag la brten nas rgyags pas dang dregs pas trog trog por 'gyur bas/ dregs pa'i yan lag spangs nas ni/ /zhes bya ba ni de ltar dregs pa'i rkyen du gyur ba de dag spangs nas/ brtul zhugs gnas zhes brjod pa yin/ /zhes bya ba ste/bslab pa la gnas zhe'am sdom pa dang ldan zhes bya ba yin no/ /'di yan chad du dge tshul gyi bslab tshigs bcu'i dngos las brgyad ni 'das/ da ni dgu pa la bab ste/ nyi ma phyed man chad zas mi bza' ba 'chad de/ nyi ma phyed mtshams man chad nas/ /skya rengs ma shar dus min te//zhes bya ba ni skya rengs la rnam pa gsum ste/ sngo reng dang / ser reng dang / dmar reng ngo / /de la ser reng med pa'i tshad kyis bzung ste/ de ni rgyal bas dus min gsungs/ /zhes bya ba ni nyi ma phyed man chad nas skya rengs ma shar gyi bar du kha zas bza' ba'i dus ma yin no zhes bdud bzhi las rgyal ba'i rgyal bas gsungs so//sdom can gyis ni der mi bza'/ /zhes bya ba ni bslab pa la gnas pas dus ma yin pa der bza' ba lnga dang bca' ba lnga dag mi bza'o/ /skya rengs shar nas phyed kyi bar/ /zhes bya ba ni dus gang dag tu bza' zhe na/ skya rengs shar nas nyi ma phyed kyi bar du bza'o//de yi skabs su zos nas ni/ /zhes bya ba ni/ bdag gis kyang dus su zos par shes pa dang sdom pa la gnas pa'o zhes bya ba'i don to/ /de las bzlog pa ni bdag shes pa'i sdom pa ma yin no/ /bza' ba'i dus su zos pa yin/ /zhes bya ba ni de ltar skya rengs shar nas nyi ma phyed phyed kyi bar du yang yin la/dus yin par yang 'du shes yod bzhin du zos pa ni bza' ba'i dus su zos pa yin zhes bya'o/ /dus min dus su 'du shes nas/ /zhes bya ba ni nyi ma phyed tsam phan chad nas skya rengs ma shar gyi bar du bza' ba'i dus ma yin pa la dus so zhes 'du shes par byas nas nam yang bza' bar mi bya ste/dus ma yin pa la 'du shes so zhes 'du shes par byas nas/ nam yang bza' ba lnga dang bca' ba lnga dag bza' bar mi bya'o/ /sman pas nyon mongs bsgo nas ni/ /zhes bya ba ni na ba'i rkyen cig gis nyi ma phyed man chad nas skya rengs ma shar gyi bar du bza' ba'i dus ma yin pa'i tshe/sman dpyad kyis der kha zas ma zos na nyen ched por 'gyur gyis kha zas zo shig ces bsgo na/ nad pas nyes par mi 'gyur ro/ /'di man chad ni dge tshul ba'i bslab tshigs bcu'i dngos po las dgu ni 'das/ da ni bcu la bab ste/ gser dngul la mi reg pa 'chad do//sa le sbram ni gser yin te/ /zhes bya ba ni rgya gar las gzugs dngul can zhas bya ba 'byung ste/ gser dngul zhes bya ba go rims bzhin du sbyar te/ dngul zhes bya ba dngul nyid yin/ /zhes bya ba'o/ /sbyin bdag rnams kyis de byin zhes bya ba ni bdag gi gser dngul yin pa bdag gi 'du shes pa la nyes par ma gyur te/de bas na sbyin bdag gis yin pas rgyal po'am dad pa'i bram ze la sogs pas byin na/ brtul zhugs can gyis mi blang ngo / /zhes bya ste/ bslab pa la gnas pa'i sdom pa can gyis so/ /bdag gis rung ba ma yin 'dis/ / zhes bya ba ni/ gser dngul de dag dge tshul gyis bzung bar ma brtags pa yin pas na gser dngul 'dis rung ba'i dngos po btsal snyam du zhes bya ba ste/ lhung bzed dam chos gos sam sman dag tu bsgyur ro/ /de ltar mngon par bsams nas ni/ /zhes bya ba ni gong du smras pa ltar bsam pa mngon par 'du byas nas/de nas gzhan zhig len du gzhug /ces bya ba ni de nas gdod g.yog gam skye bo dag len du gzhug go/ /dkon mchog gsum gyi ched ka dang / /zhes bya ba ni dkon mchog gsum la gser dngul gyis mchod pa la ni nyes pa med do/ /tshangs pa mtshungs par spyod rnams kyi//zhes bya ba ni dge slong dang dge tshul grogs po dag gi ste/ mdor na bdag gis ma yin pa'i/ /gser dang dngul la reg gyur kyang / /zhes bya ba ni rin po che dag bsdus te/ de dag la bdag gis reg cing bzung yang / nyes par 'gyur ba ma yin no zhes bya ba ste/bslab pa nyams par mi 'gyur ro/ /'di man chad ni dge tshul dang / bla ma dang / 'og ma'i khyad par dang rim par ston to/ /'dod pas bar du gcod byed ces/ /rdzogs sangs rgyas kyis gsungs pa de/ /bar du gcod par mi 'gyur zhes/ /dge tshul gti mug ma smra shig / ces bya ba ni sde bcas pa'i dge tshul kaN+Da ka dang ma hA zhes bya ba gnyis yod de/ de skad ces zer ba las bcas te/ dge tshul bag med pa byung rgyal du smra ba kha cig 'di skad ces zer/ 'dod pa de dag bar du spyad kyang dge ba spyod pa dang thar bar 'gyur ba la bar du gcod byed ces de bzhin gshegs pa yang dag par rdzogs pa'i sangs rgyas kyis gsungs pa de spyad kyang /dag pa spyod pa dang thar par 'gyur ba dag gi bar chad dag tu mi 'gyur ro/ /dge tshul zhes dge tshul gti mug pa dag la ma smra shig /de skad smras na dge 'dun gyis/ /zhes bya ba ni dge tshul gyis gong ma skad du smras na/de ni dge 'dun gyis/ longs spyod kun dang phral nas ni/ /zhes bya ste/ chos kyi longs spyod dang / zang zing gi longs spyod dang bral nas/ gtsug lag khang nas bskrad par bya/ /zhes bya ba ni gtsug lag khang gi nang nas gaN+DI brdungs te/ mtshams kyi phyi rol du phyung ste bskrad pa'o//de nas ro dang 'dra bar 'gyur/ /zhes bya ba ni dge ba'i phyogs nyams pa'am zhig pas dge tshul de ro dang 'dra ste ji ltar ro la yon tan med pa bzhin du/ de yang dge ba'i phyogs nyams pas ro dang 'dra'o/ /yang na ro dang 'dra bar byas nas bskrad ces 'byung bas na/ shi ba'i gaN+DI brdungs te bskrad pa'i phyir ro/ /'phyar dang rta gad byed la sogs/ /zhes bya ba ni dge ba'i phyogs la sems mi gnas shing / sngon dgod pa la sogs pa byed pa dag dran nam 'phyar ram g.yeng ba la sogs pa mi bya'o/ /bla ma dang dge 'dun gyi mdun du rta gad la sogs pa rtsed mo'i bag mi bya'o//'chi bar bsams shing mi bya'o/ /zhes bya ba ni rkyen gang la bsam ste mi bya zhe na/ 'chi ba la bsams nas so/ /ci'i phyir zhe na/ skad cig ma ste/ dge tshul dag skad cig ma la 'chi zhes gsungs pa lta bu'o/ /gzhan yang mi rtag pa chen po 'chi ba de 'u re 'ong ste/ ji tsam na 'ang ba gtol med pas bsod nams ma bsags par 'chi na mi rung ngo zhes de lta bur bsams nas mi bya'o/ /glal tshe lag pas zhes pa ni sngon dge sbyong zhig kha glal ba'i tshe na gcig gis der pho mtshan bcug pa las bcas pa lta bu'o/ /dge tshul la dge 'dun gyi nang du 'dug gam bla ma'i tshe glal bro na kha mi gdong zhing dgab par bya'o//sgregs pa ni dri nga ba'i phyir kha dgab par bya'o/ /sogs pa yis zhes bya ba ni gos dag gi mtha' 'am/ lo ma dag gis/ kha dgab par yang nan tan bya/ /zhes bya ba ste rim gro dang nan tan dag bya'o/ /rgan la sbrid byung phyag bya ste/ / zhes bya ba ni bla ma'am gong ma'i khyad par bstan te/ bdag pas rgan pa zhig yin na ni dge tshul dang / dge slong gang yang rung ste/ de dag sbrid pa byung nas phyag bya'o/ /gzhon la nad med gyur ces bya/ /zhes bya ba ni bdag pas khrims kyis gzhon pa la sbrid pa byung na ni nad med gyur ces bya'o/ / khyim pa'i sbrid pa byung ba la/ /yun rings sos zhes brjod par bya/ /zhes bya ba ni khyim pa pho mo dag la sbrid pa byung na yun du 'tsho bar shog cig ces bya'o/ /bla ma rnams kyi mdun dag tu/ /snabs dang mchil ma mi 'dor zhing / /so shing bca' bar mi bya'o/ /zhes bya ba ni mkhan po dang slob dpon bdag pas rgan pa dang /mchod rten dag gi mdun dag tu snabs dang mchil ma dang so shing bca' ba dang / 'khrul pa'i bag thams cad mi 'dor ro/ /sa gzhan du mchil ma 'dor na yang se gol brdabs te dor bar bya'o/ /de bzhin stan la mi 'dug go/ /bla ma dag 'chag gam 'gro ba'i mdun du stan la 'dug par mi bya'o//mdun na 'chag par mi bya zhing / /zhes bya ba ni chos 'chad pa la sogs pa'i tshe de dag gi mdun du 'chag par mi bya'o/ /khyed rengs su yang mi 'byung ste/ /zhes bya ba ni sham thabs 'ba' zhig gon/ chos gos ma gyon par 'dug par mi bya'o//rgan la sogs pa sdom can gyi/ /zhes bya ba ni mkhan po dang slob dpon bdag pas gzhon pa la yang yon tan che ba mkhas shing mang la yon tan gyis brgyan pa la/ gus bcas zhe sar bcas par bya/ /zhes bya ba ni 'dud pa dang / gus pa dang / phyag bcal ba dang /rje sa bya'o/ /lag pa dag par bsnyal nas ni/ /zhes bya ba ni bdag nyid sngar lag pa dri ma med par nan tan du bsnyal nas/ bum pa la sogs rdul med bya/ /zhes bya ba ste/ rdza ma la sogs pa chu snod che chung kun rdul dang dri ma dag med par byas nas so/ /chu yang yongs su btsags nas su//zhes bya ba ni dgos pa'i don du chu kun btsags te/ la la ma btsags pa lta bu ma yin gyi/ thams cad btsags pa'i tha tshig go/ /brtags te rung na blang bar bya/ /zhes bya ba ni chu btsags pa 'ba' zhig gis mi chog go/ /yid ches par brtags te sems can med par gyur pa'i chu de ni rung bya'o//gnas ma bcas par gnas mi bya/ /zhes bya ba ni mkhan po dag med na yang bdag gar 'ongs pa'i gnas de na/ dge slong yon tan can chos 'dul ba la mkhas pa dge sbyong 'chos shing 'dul nus pa la gsol ba btab ste gnas par bya'o//dge 'dun mal cha la sogs la/ /zhes bya ba ni/ dge 'dun gyi sngas dang glo gnas dgab pa dang / 'og tu gding ba dag bsdu'o/ /dran pa med par 'dug mi bya/ /zhes bya ba ni gang zag gong bzhin du spyad du mi rung ste/ mtha' la gzhar yang ci nas kyang dge 'dun gyi mal cha dag la mi gnod pa dran pa nye bar gzhag nas 'dug par bya'o//sngon dge sbyong rgyab nag ltar gding ba med par dge 'dun gyi mal cha dang stan dag la sham thabs reg par mi bya'o/ /dran dang ldan na nyes med do/ /zhes bya ba ni/ dge 'dun gyi mal cha dang stan dag la sham thabs kyis mi reg par 'dug go//dran pa dang ldan bzhin pa la nyes pa med do/ /'di man chad ni mkhan po dag la ma zhus kyang nyes pa med pa ston te/ so bkru ba dang chu btung dang / /zhes bya ba ni/ so shing bza' ba dang / bkru ba dang / rkang lag bkru ba dang / skom chu btung ba dang / 'di dag zhu mi dgos so/ /bshang gci byed du 'gro ba dang //zhes bya ba ni phyi rol che chung du 'gro ba dag go/ /mtshams nang ston la phyag bya ba/ /zhes bya ba ni mtshams kyi nang du sku gzugs dang mchod rten la phyag bya'o/ /de dag ma zhus nyes med do/ /zhes bya ba ni so shing za ba nas ston pa'i sku gzugs dag la phyag bya ba'i bar du ma zhus kyang nyes pa med do//brtul zhugs can gyis bya ba gzhan/ /zhes bya ba ni/ bslab pa la gnas pas gong du ming smos pa rnams ma gtogs pa gzhan thams cad zhu'o/ /de dag thams cad yid kyis bsdams pa'i nyes byas su 'gyur ro/ /mchod rten la sogs phyag bya ste/ /zhes bya ba ni mchod rten la sogs pa'i don to//mi nyal byas na de 'og tu/ /zhes bya ba ni srod la dge ba kha ton dag byas nas/ bla ma'i rkang bkrus bla ma la/ /zhes bya ba ni mkhan po dang slob dpon dag srod la dge ba byas nas nyal ba'i tshe de dag gi rkang pa dag bkru'o/ /brtul zhugs can gyis kun zhus te/ / zhes bya ba ni bslab pa la gnas pas mal dag bya'o/ /rkang lag bkru'o/ /srod tho rangs kyi dge ba dag 'tshal lo zhes de dag kun zhu'o/ /rkang pa gnyis ka bkrus nas ni/ /zhes bya ba ni bdag nyid kyi rkang ba bkru bar bya ba'i don to/ /nam gyi cha stod cha smad la/ /zhes bya ba ni mtshan gcig la thun bzhir bgos pa'i thun dang po dang tha ma gnyis so//yang na srod dang tho rangs gnyis so/ /bsgrims te mi nyal bya ba ste/ /zhes bya ba ni ltag tu smos pa de dag la bsgrims te mi nyal bar bgyi'o/ /des ni bden par smra bar bya/ /zhes bya ba ni ji ltar zhus pa de bzhin du bsgrims te byas na ni brdzun du mi 'gyur gyi/ji skad du zhus pa de bzhin du ma byas na shes bzhin gyi brdzun yang byas so zhes pa'i don to/ /ldang dang snang ba'i 'du shes kyis/ /zhes bya ba ni nam 'di tsam na ldang ngo zhes nam gyi mtshan ma yid la snang bar byas nas/ de kho na'i dus su sad par 'gyur ba'i phyir ldang dang snang ba'i mtshan ma yid la bya'o//seng ge'i nyal thabs bzhin du bya/ /zhes bya ba ni ji ltar gcan gzan gyi rgyal po seng ge lag pa g.yas pa 'og tu bcug ste nyal ba de bzhin du/ lag pa g.yas pa 'gram pa'i 'og tu bcar te/ g.yas phyogs su nyal ba'o/ /'dod chags la spyod pa dag gi g.yon phyogs su nyal bas/'dod chags spang bar sbyor ba kun g.yas phyogs kyis nyal ba'i phyir/ de bzhin gshegs pa mya ngan las 'das pa dang de lta bu'i tshul du'o/ /dran dang ldan zhing dge rgyud dang / /zhes bya ba ni de ltar dran pa dang ldan par byas nas nyal kar yang dkon mchog gsum dang /mchod rten chen po brgyad la sogs pa dge ba'i rgyun du byas nas nyal na rmi lam na yang dge ba spyod pa'i phyir ro/ /de bzhin myur du sad nas ni/ /de ltar byas nas/ ji skad bstan pa bzhin du bya/ /zhes bya ba ni/ ji skad zhus pa dang / gong du bstan pa bzhin du bya'o//ji ltar nyon mongs myur zad dang / /zhes bya ba ni de dag 'dor ci dgos she na/ nyon mongs pa las 'byung ngo / /las las kyang tshe 'byung ngo / /tshe las kyang nyon mongs pa 'byung ba'i phyir te/ rten cing 'brel te 'byung ba yang tshul de lta bu lags te/de lta bas na nyon mongs pa'i dug zad par bya ba ched che'o/ /byang chub dam pa thob 'gyur ba/ /zhes bya ba ni nyan thos dag byang chub yin mod kyi/ de dag dam pa ma yin pas de dag la ni mi bya'o/ /bla na med pa'i byang chub mngon par rdzogs par sangs rgyas pa la dam pa zhes bya'o/ /de la byang chub gong mar bsgrubs so//ma nus na zhar la 'grub pas bla na med pa'i byang chub 'thob par 'gyur ba la/ de ltar bsgrims dang ldan par bya/ /zhes bya ba ni smon lam gdab pa dang ldan par bya'o/ /thams cad yod par smra ba rnams kyi dge tshul gyi bya ba rdzogs so// //