CLOSE WINDOW

D4122
བོད་ཡིག

@##/ /rgya gar skad du/ bi na ya sU tra br-it+ti/ bod skad du/ /'dul ba'i mdo'i 'grel pa/ thams cad mkhyen pa la phyag 'tshal lo/ /gtogs pa nges par theg pa'i tshul te/gtogs pa ni mdo 'og ma kun du'o/ /nges par ni bla na med pa'i theg par gdon mi za bar 'grub pa'o/ /tshul ni lus la gsum/ ngag la bzhi ste tshul bdun po 'di'i nang du 'dul ba'i gzhung kun 'dus so//dge 'dun thams cad 'dus nas 'di'i tshul du byas te phyag byas thal mo sbyar/ tsog tsog por rgan rabs kyi drung du 'dug nas/ gsol ba gsum dang / zhu ba dang bzhi'i las kyis cig car rab tu byung ba snyen par rdzogs pa mngon par 'thob bo zhes sngon gyi cho ga'o//dge 'dun thams cad ces pa ni phyogs bcu'i dge 'dun la bya ba ma yin gyi/ mtshams gcig gi nang du 'khod pa kun 'du ba la bgyi/mtshams ni rnam pa gnyis te/ dge 'dun gyi gsol ba dang zhu ba'i las kyis bcad pa dang / chu'am ra ba lta bu rang mtshams su 'dug pa'o/ /'di'i tshul du byas te zhes pa ni shAkya thub pa'i tshul du byas pa ste/skra dang kha spu bregs chos gos dang lhung bzed la sogs pa gyon zhing blangs pa'o/ /phyag byas zhes pa ni lus dang ngag dang yid gsum gyis gus par lus smad lnga sa la gtugs pa'o//de ltar byas pa ni bgegs su mi 'gyur ba'i phyir ro/ /thal mo sbyar zhes pa ni khu tshur ram bzed pa lta bu ma yin gyi thal mo sbyar ba la bya/ tsog tsog por zhes pa ni skyil mo krung ngam 'greng ba'am rkang pa bskums pa la sogs pa lta bu ma yin gyi/rkang pa gshibs la rkub sa la mi reg par 'dug pa la bya'o/ /rgan rabs kyi drung du 'dug nas zhes pa ni khrims rgan zhing btsun pa yon tan dang ldan pa'i drung du bsnyen te 'dug pa la bya'o//gsol ba gsum dang zhes bya ba ni bdag rab tu 'byung bar dge 'dun rnams kyis thugs rje cher gzigs zhes lan gsum du bzlas te gsol pa'o/ /rab tu 'byung ba nyid kyis gsol ba gdab pa la bya/ zhu ba dang bzhi'i las kyis zhes pa ni rigs kyi bu 'di dge 'dun las rab tu 'byung bar 'chal na mkhyen par mdzod cig ces dge slong gang dad pa cig gis gsol ba gsum gyi sngon logs su zhu ba la bya ste bzhi dngos su zad/bi shu d+has ni bzhi'i khong nas khrims dbog pa lan gsum pa dang bdun du bshad/cig car shes pa nas thob bo zhes kyi bar du ni tshig lhag ma bzhis rab tu 'byung ba dang bsnyen par rdzogs pa gnyis cig car mngon par 'thob par 'gyur ba la bya/ sngon gyi cho ga'o zhes pa ni sangs rgyas bzhugs pa'i tshe na ni kauN+Di n+ya la sogs pa snga phyir a shi phal mo che zhugs nas bA rA Na sIr 'khor lo bskor tshun chad lo bcu gnyis kyi cho ga ni 'og nas bshad pa 'di yin te sngon gyi cho ga nyung ba ni dus bzang ba'i phyir ro//dge slong su la yang gnas pa ni der mkhan po dang rab tu 'byung ba dang bsnyen par rdzogs par ro/ /dge slong su la yang zhes pa ni dge slong ma dang dge sbyong dang khyim pa ma yin gyi gnas brtan chos lnga dang ldan pa las gang yang rung ste rab tu 'byung ba gar dad par gnas su rung ba la bya/gnas pa ni zhes pa ni deng sang dus ngan pas mkhan po la gnas dgos pa la bya/ der zhes pa nas rdzogs par ro zhes pa'i bar du ni de ltar gnas nas mkhan po las rab tu byung ba dang bsnyen par rdzogs par byas te/mkhan po dang ma bcas par mi rung bar chad dris la kun gtsang na sngon gyi mkhan pos skabs phye shig /mkhan pos ni 'dri ba'i dge slong la gtod cig ces bya ba yan chad bya ste/ rab tu 'byung ba nyid la mtshams med pa lnga la sogs pa'i bar chad dris la med na khrims dbog par skabs dbye/sngon gyi zhes pa ni rab tu 'byung ba'i tshe bsnyen par rdzogs pa ni phyis byed kyi rab tu 'byung ba sngar byed pas de'i mkhan po su byed pa la bya/ skabs dbye ba ni rab tu 'byung ba'i cho ga 'og nas 'byung ba gyis shig pa rnams la bya/snga ma ma rdzogs par dge bsnyen dang / dge sbyong dang dge slong du mi spar/ dge bsnyen gyi khrims lnga phog la/ dge sbyong gi khrims 'bogs / de nas bsnyen par rdzogs par bya/ 'di ltar rim pas ma byas par cig car bsnyen par rdzogs par mi bya/skyabs su 'gro ba'i khas len pa'i tshig brtsams nas/ dge bsnyen dang / dge sbyong du khas len pa'i tshig bya/ sangs rgyas dang chos dang dge 'dun la skyabs su mchi'o zhes so sor byas nas/ dge bsnyen nam dge sbyong du gzigs shig ces rab tu 'byung ba khas len du gzhug /tshig 'di rnams lan gsum du bzlas dgos pa la bya/ de'i 'og tu khas len pa'i tshul gyis bslab pa brjod do/ / lhag ma ltar dge sbyong ngam dge bsnyen du khas blangs pas na dge bsnyen gyi khrims lnga nyid bya dgos pas lan gsum gyi bar du bzlas te zer du gzhug /tshul gyis zhes bya ba ni dge bsnyen gyi gzugs dang bas blangs nas tshul khrims lnga nyid sems nur ba med pas na brjod du gzhug pa yin no/ /rang gis dge bsnyen du phog ste/ dge 'dun la 'dri ba'i dge slong la gtod cig /rang gis dge bsnyen du phog ste zhes pa ni mkhan po nyid kyis dge bsnyen gyi khrims rab tu 'byung bar 'dod pa de la phog pa la bya/dge 'dun la 'dri ba'i dge slong la gtod cig ces pa ni de nas mkhan pos dge slong cig la rab tu 'byung ba bkri ste/ 'di rab tu 'byung na nongs sam ma nongs zhes dge 'dun la 'dris shig par gtad de gtang /mi gtsang ngam zhes dris la gtsang na 'dri/ 'drir gtang ba'i dge slong des slar de'i mkhan po nyid la khyod kyi slob ma 'di la bar chad med dam zhes dris la med ces zer na / gdod dge 'dun la dri bar bkri/ thams cad 'dus 'khod pa la'am gnas gnas su'o//dge 'dun la drin ni mtshams gcig gi dge 'dun zad par la dri dgos te mdun nas 'khod pa la dri/ la la zhig ma 'ongs na yang gnas ga la 'dug gnas su dri / de ste kun gtsang na'o zhes thams cad kyis smros shig /lhag ma ltar dris pa'i lan du dge 'dun gyis de ste gtsang na'o zhes bya ba'i don ni bar chad med cing gtsang na rung ngo zhes bya ba'i tshul lo//mkhan pos gsol cig dge 'dun la'ang zhus zin rab tu 'byung bar 'dod pa dge 'dun gyi nang du yang mkhan po la mkhan por gsol du gzhug /de ltar bya ba ni sngon yang mkhan po yin mod kyi dge 'dun la gsol nas mkhan por mngon par bya ba'i phyir gsol/skra dang kha spu bregs pa na phud gzhag /de nas skra dang kha spu bregs pa na sems 'gyur gyis dogs pa'i phyir phud gzhag /phung breg gam zhes dris la btub na de yang ngo / /de'i 'og tu phud 'di yod pas da rung dge bsnyen yin te 'di bregs na dge sbyong du 'gyur na breg gam mi breg ces dris la brtan zhing sems ma gyur te dge sbyong bya zhes zer na breg khrus bya skra bregs nas khrus bya ba ni gtsang ba'i phyir ro//mkhan pos ngur smrig can gyi gos sbyin/ ka sha dang sham thabs dang rngul gzan gsum mkhan po nyid kyi yang rung gzhan gyis sbyar kyang rung ste mkhan po'i lag nas sbyin/rkang pa la phyag byas te blangs / byin pa'i tshe slob mas mkhan po'i rkang pa la phyag byas te blang ba ni gus par bya ba'i tshul lo/ /mkhan pos bskon/ slob mas blangs nas mkhan po rang gis gos bskon te/ bgo ba'i thabs kyang bstan/ma tshor bar mtshan brtag /ma ning yin nam ma yin pa dang mo'i nang du pho 'jug pho'i nang du mo 'jug pa'i phyir brtag go /rab tu byung ba 'thob pa skyabs su 'gro ba dang / rim du'o / /dge sbyong gi khrims 'chags pa ni shAkya seng ge'i rjes su 'byung ngo / /shAkya thub pa'i rjes su 'byung ngo //shAkya rgyal po'i rjes su 'byung ngo zhes bya bas 'chags te bya ba'i rim ni skyabs su 'gro ba'i tshig gcig byas shing 'di lan cig brjod de/ de lta bu lan gsum du bzlas/ gsol ma thag tu yang ngo / /mdo ltag ma ltar bya ba ni dge 'dun la dris nas mkhan por yang gsol ba'i 'og dang skabs 'di nyid gang du byas kyang nyes pa med do//'di ni las byed pas bya/ dge sbyong 'thob par dge slong la gtad/ mkhan pos nga'i slob ma 'di khrims phog shig ces las kyi slob dpon gang byed pa la gtad/ ci kun gtsang ngam zhes dris la gtsang na 'thob par bya/ de nas las kyi slob dpon gyis slar mkhan po la khyod kyi slob ma 'di bar chad med dam dris la gtsang zhes zer na dge sbyong gi khrims dbog /de ni slob dpon no/ /mdo gong ma ltar las byed pa ni dge slong gi las kyi slob dpon no/ /dge sbyong gi cho ga'i nang du slob dpon lnga glo thor du bshad pa ni mi spro bar bsdu ste go sla bar bya ba'i phyir slob dpon bzhi yang 'di'i zhar la bshad do//gsang ste ston pa dang / las byed pa dang / gnas bdag dang / lhogs shig pa yang ngo / /gsang ste ston pa dang zhes pa dang gsang ste ston pa'i slob dpon ni bar chad 'dri ba'i las byas zin nas gsang ste ston pa'i slob dpon du 'gyur te/'og nas 'chad/ las byed pa dang zhes pa ni las byed pa'i slob dpon te 'og nas 'chad de khrims rdzogs par byed pa'i gsol ba dang zhu ba dang khrims 'bogs pa'i las byed/ gnas bdag dang zhes pa ni gnas bcas pa'i slob dpon te 'og nas 'chad de mkhan po shi'am bral na gnas bcas te dri ba'o//lhogs shig pa yang ngo zhes pa ni klog pa'i slob dpon te/ chos dang kha ton slob pa yin te lhag ma gsum ni 'og nas kyang 'chad de so so'i las zin na slob dpon du 'gyur/ don 'grub par gyur na'o/ / gsang ste ston pa dang las byed pa dang dge sbyong gi slob dpon gsum ni so so'i las byas nas mjug rdzogs te zin na slob dpon du 'gyur ro/ /las byed pa'i slob dpon ni 'og nas 'chad do/ /khas blangs pa mkhan por gsol na de 'gyur ro/ /mkhan po ni slob mas kyang mkhan por gsol/mkhan pos kyang ngas mkhan po bya'o zhes khas blangs pa las mkhan por 'gyur te/ 'og ma mdo gnyis kyi 'og nas kyang ji tsam gyis mkhan por gyur pa yang 'chad do/ /gsum bzlas pa'i tha ma'i chas 'grub dge sbyong gi slob dpon dang las byed pa'i slob dpon ni skyabs su 'gro ba dang dge sbyong du gzigs shig ces lan gsum du bzlas te lan gnyis ni rdzogs tha ma lan cig gi tshig sum cha lus kyang slob dpon du 'gyur te/tshig lan gsum du bzlas pa nyid gang yin pa dang / tshig gi sum cha'i mtshams ni 'og nas 'chad/ de 'di lta ste pha rol la brjod pa'i tshe dge sbyong ba'i zhe na'o//sangs rgyas la skyabs su mchi'o/ /chos la skyabs su mchi'o/ /dge 'dun la skyabs su mchi'o/ /btsun pas bdag dge sbyong du gzigs shig ces bya ba'i tshig 'di lan gnyis ni bzlas zin tha ma dge sbyong du zhes pa yan chad sum gnyis ni rdzogs/gzigs shig ces bya ba'i lhag ma lus kyang slob dpon du 'gyur ro/ /tha mas der mkhan por don no/ /mkhan por gsol ba'i tshig lan gsum bzlas pa lan gnyis kyi bar du ni btsun pa bdag gi mkhan por gsol zhes bya/ tha ma lan cig la mkhan po bdag gi mkhan por gsol zhes byas pas des mkhan por 'gyur ro//gnas bdag gi mtha' ni gnas bcas nas nub gcig gnas pas so/ /gnas bcas pa'i slob dpon ni pha dang bur 'du shes bzhag la gnas bcas pa'i sngags byas nas/ de'i nub mo nyid mtshams gcig gi nang du lhan cig tu gnas la zhag lon te skya rengs byung na slob dpon ni pha dang bur 'du shes /lhogs shig pa ni tshigs su bcad pa gcig lan gsum klags pas so/ /klog pa'i slob dpon ni gnyis kas slob dpon dang slob mar 'du shes bzhag la zhal nas gsungs pa'i tshigs su bcad pa gcig lobs par mkhan pos smras la slob mas bzlas te tsog tsog por 'dug la lan gsum du bzlas na slob dpon du 'gyur/lhogs shig par ma bsams par brjod na lhogs shig pa ma yin no/ /klog pa'i slob dpon bya bar 'du shes ma bzhag par bslabs pa dang bzlas pa ni ji snyed lobs kyang slob dpon du mi 'gyur ro//de dag la nye ba'i tshig las gzhan du ma yin/ mkhan pos slob dpon la btsun pa 'am bla ma zhes pa la sogs pa bla dgas gzhan du mi bod kyi/ mkhan po la yang mkhan po zhes slob dpon la yang slob dpon zhes bya/ 'di skad gzhan la yang ma yin/mkhan po dang slob dpon ma yin pa la mkhan po dang slob dpon zhes mi bod/ mkhan po dang slob dpon nang yang bsnor te mi bod/ don gyi phyir mtshan nas smos so zhes pa dang bcas te ma smras par mkhan po'i mtshan nas mi smos/ mkhan po'i mtshan nyid nas dbyung dgos na yang don gyi phyir mtshan nas smos so zhes sngar ma byas par mkhan po'i mtshan nas mi dbyung ngo //dge sbyong 'thob pa'i cho ga'o/ /'di yan chad ni dge sbyong du gzhug pa'i tshul dang cho ga yin no/ /la la zhig na re dge slong gi cho ga ma smos par dge sbyong gi cho ga sngar ci'i phyir bshad ces zer ba zhig yod na/dge sbyong ma byas par dge slong byar mi rung bas sngar dge sbyong du bya dgos pas rim bzhin du tshul bshad pa yin no/ /bsnyen par rdzogs pa ni dge 'dun las so/ /bsnyen par zhes pa ni mya ngan las 'das pa la bsnyen pa la bya/ rdzogs pa ni zhes pa ni mya ngan las 'das pa nyid la bya/dge 'dun las so zhes pa ni mur 'dug la sogs pa'i dge 'dun ma yin gyi/ nyan thos kyi dge 'dun la bya'o/ /bsnyen par rdzogs pa ni dge 'dun dang mkhan po dang slob dpon las thob par 'gyur te/ mdo 'di las dge 'dun 'ba' zhig las 'thob par 'gyur ba skad zer ba ni dge 'dun dang mkhan po dang slob dpon yang de'i nang nas 'ong bar rig par bya'o//mkhan por mngon par gyur nas las byed pa dang / gsang ste ston pa dge slong las bsko/ /mkhan por mngon par gyur ces bya ba ni mkhan po bya ba sngar skad sbyar te/'thams pa dang / mkhan po nyid mos pa dang / dge 'dun gyi nang du 'ongs pas na mngon par gyur ces bya ba dang / mngon par gyur nas las byed pa dang / gsang ste ston pa'i slob dpon dge 'dun gyi nang nas mkhas pa yon tan dang ldan pa las nan gyis mi bsko'i/dad par bya ba'i phyir gus pa'i tshig gis gsol te gyis shig par bsko/ mkhan por gsol/ dge 'dun gyi nang du yang mkhan por gsol dgos pa ni mdo ltag ma ni mkhan por 'ong bar mngon pa tsam du zad kyi 'di ltar gsol bas ni mkhan por gyur par yid ches shing kun shes pa'i phyir gsol dgos so//dge sbyong gi mkhan po nyid yin du zin kyang bsnyen par rdzogs pa dang las tha dad pa'i phyir gsol dgos so/ /de rang gis chos gos gsum bsngor chug shig /mkhan por gsol zin nas mkhan po nyid kyis chos gos dang lhung bzed mkhan po dang slob ma gnyis ka 'greng la mkhan pos smras shing slob mas bzlas te sngags gdab/'dug ste btab pa'am/ gzhan gyis de'i tshe btab na mi 'chags so/ /phyis nas ni sus btab kyang rung ngo / /dge 'dun la lhung bzed kyang nye bar bstan cing mches sam ma chung ngam mi dkar ram zhes so//lhung bzed ni sngags kyis ma btab pa'i snga rol du dge 'dun la mches sam ma chung ngam mi dkar ram zhes bya zhing mthar gyis sbyar brim/ de ltar ma yin na thams cad kyis lhung bzed bzang ngo zhes smros shig /mdo ltag ma ltar dris nas mi che mi chung mi dkar na bzang ngo zhes dge 'dun gyis lan gsol cig /gral dpon gyis brtags te bzang ngo zhe na 'og ma rnams kyis nan tan du ma mthong yang bzang ngo zhes smras na'ang nyes med/ spogs te sus zhes smras la gsang ste ston pa mos par byas te las byed pas 'di'i dge 'dun la zhu/de nas bsnyen par rdzogs par 'dod pa'i mi de chos gos gsum bskon la dge 'dun las byed pa'i sgra mi thos pa tsam du mig rgyang du mthong bar bzhag ste las byed pa'i slob dpon gyis gsang ste ston pa sus bya zhes dge 'dun gyi khrod du zhu/ gsang ste ston pa sngar mkhan pos bskos pa des ngas bya'o zhes dad par bya ste smra/ de nas las byed pas gsang ste ston pa bsgo ba'i gsol ba bya/ nyon cig ces nas gsang ba bstan/ de nas gsang ste ston pa spags te bzhag pa'i gnas su song la bar chad kyi chos rnams yod dam med drang por smros shig ces sngar bsgo ste bar chad kyi chos dri/dge 'dun gyi nang du'ang 'di bzhin du dris dang por smros zhes bsgo/ 'dug shig sgra ma phyung gi bar du ma 'ong shig ces smras nas dge 'dun la bstan no/ /de nas tshur shog ces ma bos kyi bar du 'dug cig ces gsang ste ston pas bsgo la/de nyid du bzhag ste dge 'dun la bar chad kyi chos rnams gtsang ngo zhes smra/ kun gtsang ngo zhes gsol nas ci mchi zhig gam zhes 'ong ba'i phyir dri'o / /mdo ltag ma ltar gtsang ngo zhes smras nas tshur dgug gam ji ltar bgyi zhes dge 'dun la zhu/ de ste kun gtsang na'o zhes thams cad kyis smros shig /ltag ma ltar zhus nas bar chad kyi chos rnams gtsang na khug shig ces dge 'dun gyis lan sbyin/ las byed par bsnyen par rdzogs pa gsol du gzhug /las kyi slob dpon gyis bsnyen par rdzogs par 'dod pa bsnyen par rdzogs par bgyid ci gnang zhes dge 'dun la gsol du gzhug ste/kho nyid kyis mi shes pa'i phyir slob dpon gyis smras shing zlos su gzhug ste/ lan gsum du bya/ dge 'dun la zhus te bar chad dri / mdo ltag ma ltar gsol ba btab nas dge 'dun cang mi gsung na gnang bar go bar byas te las byed pa'i slob dpon gyis bar chad dri bar 'tshal lo zhes dge 'dun la zhus la sngar lkog dris pa bzhin du dge 'dun gyi nang du'ang las byed pas bar chad lan cig dri /bsnyen par rdzogs pa thob par bya/ bar chad dris nas ming 'di zhes bgyi ba'i mkhan po la bsnyen par rdzogs par 'tshal lo zhes las byed pas zhu ba lan gsum byas nas khrims las byed pas dbog /'di ni de ma thag tu grib ma bcal te bsko/ khrims phog ma thag tu nyi ma'i tshod ji tsam yin pa grib ma tshod 'di tsam la khrims thob pa yin no zhes bsnyen par rdzogs pa de la bsgo/grib ma ji ltar gzhal ba ni 'og nas 'chad do/ /phur bu sor bzhi la de dge'o/ /grib ma bcal ba ni shing bu sor bzhis byas na ran cing bde la grib tshod rtogs par 'gyur ba'i phyir dge'i zhes bya'o/ /'di la skyes bu zhes spyad do/ /phur bu sor bzhi pa'i grib ma sor bzhi la skyes bu gcig tu brtsi/grib ma sor gnyis byung na skyes bu phyed ces pa ni / de las lhag chad du gyur na sor bzhi la bcu gcig gi cha re re la rkang pa zhes ming gdags so/ /nyin mtshan gyi cha snga dro la sogs pa'o/ /nyin par dang mtshan mo dus ji tsam na zhugs pa bsgo dgos te/mtshan mo la dus gsum ste srod dang lnga tshigs dang tho rangs dang / nyin mo la yang gsum ste snga dro dang gung dang phyi dro gang la rdzogs pa dus bzung ste rdzogs pa la nyin mtshan gyi dus 'di tsam la zhugs so zhes bsgo/ /dus kyang ngo / /dbyar dgun gyi dus gang yin pa yang bsgo dgos te/dbyar dgun gyi dus nyid ni 'og nas 'chad/ de ni lnga ste dgun dang dpyid dang dbyar dang shi ba'i dbyar dang ring ba'i dbyar te/ de ni lnga ste zhes pa ni dus la rnam pa lnga yod de ston zla tha chungs nya nas mgo bzung ste brtsi'o/ /dgun dang zhes pa ni dgun gyi dus te zla ba bzhi/ dpyid dang zhes pa ni dpyid kyi dus te zla ba bzhi/dbyar dang zhes pa ni dbyar gyi dus te zla ba gcig shi ba'i dbyar dang zhes pa ni shi ba'i dbyar gyi dus te nyin zhag gcig ring ba'i dbyar te zhes pa ni ring ba'i dbyar gyi dus te/ zhag gcig gis ma tshang ba'i zla ba gsum/ thog ma gnyis ni zla ba bzhi ston zla tha chungs nya nas dpyid zla ra ba nya'i bar zla ba bzhi ni dgun gyi dus so//dpyid zla ra ba nya nas dbyar zla 'bring po nya'i bar du na dpyid kyi dus so/ /thog ma gnyis zhes bya ba ni gong du dus lnga'i gnyer gsod pa la gral thog mar smos pas dgun dang dpyid gnyis zla ba bzhi bzhi'o/ / de phan chad zla ba gcig /dbyar zla 'bring po nya nas dbyar zla tha chungs nya'i bar du zla ba gcig ste dbyar gyi dus zhes bya'o/ /de'i 'og ma nyin mtshan no/ /dbyar zla tha chungs tshes bcu drug gi nyin zhag gcig la yun thung ba'i phyir shi ba'i dbyar gyi dus zhes bya'o/ /mtha' ma ni des nyung ba'i zla ba gsum mo//dbyar zla tha chungs tshes bcu bdun nas ston zla tha chungs nya'i bar zla ba gsum du zhag gcig gis ma tshang ba ni ring ba'i dbyar gyi dus zhes bya'o/ /ston zla tha chungs nya nas dbyar zla tha chungs nya'i bar du khrims rdzogs pa ni rim pas rgyal bar 'gyur ro/ /ring ba'i zla ba gsum la rdzogs pa ni pham ste zhag re zhing rim gyis brtsi'o//gnas bsgo / shing drung dang tshem bu dang slong mo dang sman bkus pa la nam 'tsho'i bar du spyad do zhes kyang bsgo/ de la yid bsring ba'i phyir gos su brtags pa rnams bdun dang kha zas ro brgya pa dang sman zhag bdun pa dang 'tsho ba'i bar du bcang ba dang khang bu bdun brtsegs dge 'dun gyi'am yon bdag gis sbyar na chog pa tsam spyod cig /ltung ba'i chos kyang ngo / /mi tshangs par spyod pa dang rku ba dang mi la gsod pa dang brdzun bzhi byas na rgyud gsum du ltung ste phyis dge slong du mi rung ba'i phyir rings bar bsgo//dge sbyong gis bya ba rnams kyang ngo / /mi gshe ba dang mi 'phya ba dang mi smad pa dang mi 'tshog pa dang bzhi phas byas kyang lan mi bya ba yin na phas mi zer bar tshus bya ba rnams lta ci smos/ rdzogs pa yang dag par te re ba'ang brjod cing tshul khrims mnyam par gyur pa dang rangs pa bsgo'o//rdzogs pa yang dag par te zhes pa ni bdag gi bar chad kyi chos la sogs pa med cing / slob dpon dang mkhan po yon tan dang ldan pa dang / yo byad tshang ba la sogs pas khrims yang dag par thob pa dang yang gcig tu na sangs rgyas dang dgra bcom pa 'das pa'i tshul bzhin du rdzogs pas na yang dag par rdzogs zhes bya'o//re ba'ang brjod cing zhes pa ni sngon khrims yang dag par rdzogs par 'dod pa dang / re ba'ang de ring re ba bzhin du thob bo zhes bsgo/ tshul zhes pa nas so zhes bya ba'i bar du ni tshul khrims mnyam zhing bslab pa mnyam pas na/lo brgya lon pa'i gnas brtan dang khyod deng rdzogs pa gnyis su mtshungs shing mnyam pas snga ma dag yon tan dang ldan pa bzhin du bslab pa dang bsrung ba la snga ma dang 'dra bar gyis shig /rangs par bsgo ba ni bsam gtan dang / brtson 'grus dang klog pa dang /bslab pa la sogs pas mya ngan las 'das par 'gyur gyis sgrims shig ces byas pas/ sems rangs par 'gyur ro/ /rangs pa'i tshig 'di skad du brjod pa ni 'og ma'i sU tra dag ni nang du'ang dgos so/ /spyod pas smos pa'i gzugs brnyan yang ngo / /sngon khyim pa'i spyod pa'i tshe pha ma dang phu nu gnyen bshes la sogs pa la spyod cing brten brten pa las de dag dang bral kyang de dag dang 'dra bar mkhan po la ni phar blta/slob dpon la ni mar blta mkhan po gcig pa dang / grogs po mtshungs par spyod pa dag ni phu nu dang gnyen bshes la sogs pa'i zhes yid bsring ba'i phyir rangs par bsgo/dul bar gnas par yang ngo / /bdag lus dang ngag dang yid gsum dul bar bsdom zhing pha rol po dul ba la brten zhing gzhan yang dul bar bya'o/ /dgos pa nan tan du yang ngo / /dgos pa'i don ni tshul khrims yin te/spyad cing bsgoms la nan tan du bya ste rgyun mi 'chad par dran par bya/ de bzhin du phung po dang khams dang skye mched la mnyan pa dang / bsams pa dang bsgoms par nan tan du gyis shig ces kyang bsgo/ yang dag par blangs te ma bshad pa'ang kun shes par grub par chud do pa yang ngo //khrims rdzogs par yang dag par thob pas na/ phas pham pa la sogs pa kha cig ni bshad de thos pa yin lhag ma la sogs pa mang po gzhan da bshad du mi zin te ma thos mod kyi phyis gso sbyin 'chad pa'i tshe yang thos par 'gyur phyis kun bslab cing shes par byar yod pas na/da bshad pa dang 'dra ste phyis lobs par 'gyur ro zhes bsgo gus par yang bsgo/ sngon yang tshul khrims kyis bsod nams lta bus mi khom pa brgyad spangs pa'i lus 'di lta bu thob pa yin te/ de'ang phas pham pa dang dge 'dun gyi lhag ma khrims chen po bsrungs pa 'ba' zhig gis mi chog gi phra mo la yang gus par srungs shig ces bsgo/thabs dang bshad pa'i bcas pas sgrubs shig ces pa yang ngo / /thabs ni bdag gis ci la yang thabs dang ldan par bag bya ba la bya/ bshad pa ni sangs rgyas shes rab mchog gis gsungs pa'i chos la bya/bcas pa ni sangs rgyas kyis chos bshad pa'i la bdag gis bag bya ba dang bcas par spyad pa la bya/ sgrubs shig ces pa ni tshul khrims dang brtul zhugs la sogs pa tsam la gnas shing snyems pas mi chog gis mya ngan las 'das pa bsgrub dgos so zhes bsgo/bsnyen par rdzogs pa'i cho ga'o/ /'di yan chad ni bsnyen par rdzogs par bya ba'i cho ga'o/ / gnas la ma zhugs par gnas pas bya ba mi bya/ u pa de sha 'am gnas bcas pa'i slob dpon la ma zhus par gnas pa'i slob ma las ci bya'o cog ma dris par mi bya'o//ma dris kyang byar rung ba rnams ni 'og nas 'chad do/ /ma gtogs pa ni bshang gci dang so shing bca' ba dang / mtshams su gtogs pa'i gtsug lag khang du phyag 'tshal ba'o/ /dri mi dgos pa'i ni phyi rol che chung du 'gro ba dang so shing mtshams kyi nang du 'dug ste 'cha' ba dang phyi mtshams gcig gi nang gi mchod rten la phyag 'tshal ba la sogs pa ma dris par byas kyang nyes pa med/gtsug lag khang nas 'dom bzhi bcu rtsa dgu'i mthar 'gro ba yang ngo / /gtsug lag khang ra bas bskor na ra ba'i phyi sgo nas grong dang nags la sogs pas ba sub med na/'dom bzhi bcu rtsa dgu tshun chad du 'chags pa dang mchod rten la phyag 'tshal bar 'gro na ma zhus par song yang nyes med/ lhung bzed dang chos gos kyi las dang na ba'i g.yog dang the tshom bsal ba dang / sdig pa la lta bar gyur pa spang bar nan tan cher byas te/e ma'o bdag gi bya ba byed du gzhug pa yang ngo / /lhung bzed dang chos gos kyi las dang zhes pa ni mkhan po dang slob dpon gyi lhung bzed btso ba dang / bkru ba dang / glan pa dang / chos gos btso ba dang / bkru ba dang / btsem pa la sogs pa byos shig ces bsgo na/slob ma dang nye gnas kyis slar dri mi dgos par bya mi nus na gzhan la byed du bcol kyang nyes med/ na ba'i g.yog dang zhes pa ni mkhan po dang / slob dpon na ba'i g.yog bdag gis kyang gus par bya mi nus na gzhan la'ang bcol/ the tshom bsal ba dang zhes pa ni mkhan po dang slob dpon tshul khrims lci yang dang nyams ma nyams kyi phyi nas the tshom za ba la slob ma 'dul ba la mkhas pa zhig na the tshom bsal ba dang 'dul ba 'dzin pa gzhan la bcol te the tshom bsal kyang nyes pa med/ sdig pa la lta bar gyur pa zhes pa ni slob dpon dang mkhan po chos log pa dgu bcu rtsa drug lta bu la lta bar gyur nas /slob ma ma lta bu la mkhas te log par lta ba las bzlog pa dang / gzhan ma lta bu shes pa la bcol na nyes med/ spang zhes pa nas ngo zhes pa'i bar du ni mkhan po dang slob dpon la slob mas bya ba 'di rnams ni le lo mi bya bar/e ma'o zhes las byed pa'i rigs par dam pa'i tshul du nan tan cher bya ste/ bdag gis kyang nus mi nus kyis brtsal te bya'o/ /bdag gis ma nus na gzhan la'ang bcol te byed du gzhug go /la la zhig na re log par lta ba dang the tshom za ba la ci'i phyir mkhan por bya zhes zer na thog ma nas ma lobs shing mi shes pa ni ma yin te mi bya'i/sngon shes shing mkhas pa las lus kyi khams la rlung dang nad la sogs pa dbang po nyams shing mi dran par gyur pa de lta bu la bya'o/ /e ma'o dge 'dun gyis de la smad par 'dod pa la smad pa'i las mi byed pa dang /byas pa 'chags pa yang ngo / /slob dpon dang mkhan po la chad pa rnam pa bdun 'jug nas 'byung ba lta bu zhig /dge 'dun gyis gcod par byed na snga nas mkhan po la yang de lta bu'i nyes pa ma byed cig ces gros gdab cing dge 'dun la'ang chad pas mi bcad pa'i tshul du thabs su sbyar zhing gsol/rgyal po'am zhang blon lta bu las chad pas ma bcad cig ces pa ni mi gsol gyi/ dge 'dun la mkhan pos nyes su zin kyang chad pas mi gcad pa dang chad pas bcad na'ang mkhan po chad pa byed cing dge 'dun la 'chags su gzhug ste/e ma'o zhes nan tan cher bya'o/ /mkhan po bskrad de phyi logs na 'phyan par gyur na'ang de ltar ma byed par dge 'dun la bzod pa gsol cig par gros gdab cing ci'i thabs kyis kyang gtsang mar bcos/ ma dris kyang nyes med/chad pa dang rtsa ba'i chad pa dang mgu bar bya ba dang rtsa ba'i mgu ba dang dbyung ba'i phyir bya ba la dbyung ba byin cig ces kyang ngo / /chad pa dang zhes pa ni dge 'dun gyis lhag ma byung nas zhag tu bcabs pa bzhin du chad pa byed du gzhug pa la bya/ rtsa ba'i chad pa dang zhes pa ni lhag ma sngar byung ba'i chad pa ma khor bar lhag ma yang byung ste bcabs pa'i chad pa byung na snga ma'i chad pa spangs la phub la gdod byed du gzhug pa la bya/mgu bar bya ba dang zhes pa ni lhag ma gcig byung na zhag drug gi bar du dge 'dun la mgu ba bya ba tshul gyis bya dgos pa la bya/rtsa ba'i mgu ba dang zhes pa ni lhag ma snga ma'i mgu ba ma zin par lhag ma byung na sngar mgu ba zhag du byas kyang rung spangs la phub ste gzhi nas bslang ste bya dgos so/ /dbyung zhes pa nas ngo zhes pa'i bar du 'di lta bu zhig slob dpon dang mkhan po la byung na chad pa dang mgu ba myur du byad du gzhug pa dang chad pa byas zin nas dge 'dun la nyes pa dbyung du ci gnang zhes gsol ba myur du gdab pa ma dris kyang nyes med/des kyang 'di dag byas te 'dri ba ma gtogs so/ /chos gos dang lhung bzed kyi las bya zhes byung ba man chad/ 'di yan chad mkhan pos kyang slob ma la bya dgos te/dri ba ni slob mas mkhan po la tshul gyis dri ba yin gyi/ mkhan pos ni slob ma la mi dri'o / /yang gcig tu na mkhan pos chad pas bcad pa'i tshe slob mas drir mi rung ste/ gzhan la dri bar mkhan pos gtad de drir mi gzhug pa la bya/ bsnyen par rdzogs nas lo bcur ma lon pas mkhan po dang gnas dang gnas med par mi bya/khrims rdzogs nas lo bcur ma lon gyi bar du bdag gis mkhan po yang mi bya/ gzhan khrims rdzogs pa bdag la gnas 'char yang mi gzhug /bdag kyang gnas ma bcas par mi 'dug /dge sbyong gi mkhan po yang mi bya/ gzhan lo bcu lon zhing chos lnga dang ldan pa med de phongs na/ bdag tshul khrims ma nyams shing chos lnga dang mi ldan yang slob dpon byar rung ngo / /mkhan por mi rung ngo / /mdo bzhin bsdus pa gang dang yang mi ldan pas kyang ngo //khrims rdzogs nas lo bcu lon du zin kyang 'og nas lnga phrugs su bsdus pa nyi shu gang yang rung ste de gcig dang yang mi ldan na mkhan po dang / gzhan gnas bcar gzhug pa dang / bdag gnas med par byar mi rung ngo / /lnga po gang yang rung ste gcig dang ldan la lo bcur lon na ni rung ngo //nad g.yog dang / the tshom bsal ba dang / lta bar gyur pa spong ba dang / mi dga' ba'i gnas nas gtang ba bya zhing byed du gzhug nus pa'o/ /nad g.yog dang zhes pa ni snying rje che ba dang yid ring zhing sman dpyad mkhas pa la bya/gzhan la yang nad g.yog byed du bcol nus pa'o/ /the tshom bsal ba dang zhes pa 'dul ba la mkhas te/ khrims lci yang la sogs pa'i the tshom med cing gzhan la'ang the tshom sel ba'o/ /lta bar gyur ba spong ba dang zhes pa ni ma lta bu la mkhas pa ste/ log pa drug cu rtsa bzhi lta bu la mi lta ba dang gzhan de lta bu la lta bar gyur pa bzlog nus pa'o//mi dga' ba'i gnas nas gtang ba zhes pa ni slob ma mi dga' nas bdag gi phyi na dge ba spyod du mi btub cing mi ldob pa dang / 'dod chags dang zhe sdang dang gti mug lta bu g.yos na bdag gis kyang de rnams la bzlog nus/gzhan yon tan dang ldan pa la bcol na yi ge springs pa tsam gyis kyang mnyan du btub pa la bya/ byang zhing byed du gzhug nus pa'o zhes pa ni 'di gzhi bdag gis kyang byed du gzhug nus gzhan la yang byed du gzhug nus pa'i steng du lo bcur lon pa dang lngar ldan na gnas brtan slob pa zhes pa tshun chad sngar med pa la tshul khrims dang ldan pa dang /mang du thos pa dang bcas par ro/ /'og nas slob pa yang ngo zhes zer ba'i sU tra dgra bcom pa'i rim pa bdun 'chad pa yan chad/ lnga phrugs su ma tshang ba'i rnams la mang du thos pa dang tshul khrims ldan pa dang /gnyis kyis mnan te lnga phrugs su sbyar ro/ /de la mang du thos pa ni sde snod gsum shes shing phyi rol gyi byA ka ra Na dang / gtar ka la sogs pa'i rgyus shes pa la bya/ tshul khrims dang ldan pa ni pham pa dang lhag ma rnams ma nyams pa ste/dge slong du chud pa la bya'o/ /sde snod shes pa/ sde snod la gsum ste/ 'dul ba dang mdo sde dang ma mo lta bu'o/ /de gsum la mkhas pa ste/ mdo sde'i nang nas 'dul ba 'byung ba ngos zin pa lta bu/ de gsum la 'dzin pa ste kha don du shes pa don 'dzin pa'o/ /de gsum la ston nus pa ste bdag kyang shes la pha rol la'ang don chud par nus pa'o//de gsum la gsal ba ste byis pa dang 'chad pa lta bu la ma nor bar sbyor nus pa'o/ /de ltar sde snod gsum la 'dzin pa dang mkhas pa dang ston pa dang gsol ba bzhi la so so na gsum gsum yod pa'i steng du mang du thos pa dang tshul khrims dang ldan pa gnyis kyis so sor bsnan te lnga phrugs bzhi/de dag 'chad par nus pa'o/ /mdo sde dang 'dul ba dang ma mo lta bu gsum gzhan la don chud pa nyid du ni mi nus kyi 'chad nus pa la bya ste de gsum gyi steng du mang du thos pa dang tshul khrims dang ldan pa gnyis kyis bsnan te lnga phrugs gcig /tshul khrims dang sems dang shes rab bslab pa dang ngo / tshul khrims dang zhes pa ni 'dul ba la lci yang kun shes nas phra mo kha na ma tho ba tsam la yang bag byed cing bsrungs pa la bya'o/ /sems dang zhes pa bsam gtan bzhi'i don khong du chud de shes nas bsgom pa la bya/shes rab dang zhes pa ni zag pa zad par byed pa'i chos shes pa ste/ bden pa bzhi'i don khong du chud nas bsgom pa la bya/ bslab pa dang ngo zhes pa ni 'di gsum gdod slob pa dang goms zin pa la mi bya'i don ma chud nas bsgom pa la bya/'di gsum gyi steng du mang du thos pa dang tshul khrims dang ldan pas bsnan te/ bslab par yang nus pa'o/ /sU tra ltag ma'i tshul khrims dang sems dang shes rab gsum bdag kyang bsgoms la gzhan la yang slob nus pa'i steng du thos pa dang tshul khrims dang ldan pas bsnan te lnga phrugs gcig /de ltar kun spyod pa dang 'dul ba dang so sor thar pa yang ngo / /de ltar zhes pa ni lhag ma bdag shes pa dang gzhan la ston pa lnga phrugs gnyis su 'dren pa gzhan du 'di yang gnyis su drang ngo //kun spyod pa dang zhes pa ni spyod lam bzhir gos bgo ba dang zan bza' ba la sogs pa tshul bzhin du spyod pa la bya/ 'dul ba dang zhes pa ni pi bang ka ma gtogs par gzhan kun shes pa la bya/ so sor thar pa yang ngo zhes pa ni pi bang ka'i gtam rgyud tshun chad shes pa la bya ste/'di'i steng du mang du thos pa dang tshul khrims dang ldan pas bsnan te bdag shes pa la gcig gzhan shes pa la lnga phrugs gcig ste gnyis yod do/ /dad pa dang tshul khrims dang thos pa dang gtong ba dang shes rab dang ldan pa yang ngo / /dad pa dang zhes pa ni dkon mchog dang las dang 'bras bu dang chos la sogs pa la dad pa ste/mdor na srog la bab kyang mi rung ba ni dad pa zhes bya'o/ /tshul khrims dang zhes pa ni 'dul ba shes shing 'dzin pa la bya'o/ /thos pa dang zhes pa ni 'jig rten gyi chos dang 'jig rten las 'das pa'i chos sde snod gsum dang /gtar ka dang byA ka ra Na thos shing shes pa'o/ /gtong ba dang zhes pa ni chog shes pas gzhan las mi len pa dang / lus gang gtsang bdog pa las kyang phri ste gtong ba dang chags pa'i dngos po yang gtong ba'o/ /shes rab dang zhes pa ni chos zab mo dang phra mo yang lcigs shing phyis ji ltar 'byung ba snga nas rig pa dang gcig las mang du spro nus pa'o//ldan pa yang ngo zhes pa ni chos 'di lnga dang ldan na lnga phrugs gcig tu brtsi ste gnas brtan du chud/ tshul khrims dang ting nge 'dzin shes rab dang rnam par grol ba dang de'i ye shes mthong ba yang ngo //tshul khrims dang zhes pa ni 'dul ba 'bum pa shes shing 'dzin par byed pa'o/ /ting nge 'dzin dang zhes pa ni 'du 'dzi mang po dang bral zhing sems rtse gcig tu thub par rgyun du bsgom pa'o/ /shes rab dang zhes pa ni 'jig rten las 'das pa'i shes rab dang tshig gcig las mang du spro nus pa'o//rnam par grol ba dang zhes pa ni khams gsum gyi mya ngan las 'das par 'gyur bar yid ches shes pa'o/ /de'i ye shes mthong ba yang ngo zhes pa ni mnyan pa dang bsam pas dgra bcom pa'i mya ngan las 'das pa'i rang bzhin zhi ba mthong ba'o//'di lnga dang ldan na lnga phrugs gcig ste/ gnas brtan du rung ngo / /brtson 'grus rtsom pa dang shes rab bcas pa dang ste/ brtson 'grus rtsom pa dang zhes pa ni lus dang ngag dang yid gsum gyis dge ba bya bar sems kyis brtson 'grus brtsam pa dang lus kyis brtsams pa'o//shes rab du zhes pa ni rgyu rkyen shes shing gcig las mang du spro nus pa dang / phyis ci 'byung ba snga nas shes pa'o/ /bcas pa dang ste zhes pa ni brtson 'grus dang shes rab gnyis gcig gi grogs su gcig 'gyur ba la bya ste/ lnga'i yan lag gnyis/dran pa dang ldan pa yang ngo / /sngan cad bshad cing bslabs pa'i rnams ma brjod par dran pa dang / da bslabs pa phyis mi brjed pa'o/ /snga ma gnyis dang 'di dang gsum gyi steng du mang du thos pa dang tshul khrims dang ldan pa gnyis kyis bsnan te lnga phrugs gcig ste dben pa yang ngo //lus dben pa dang sems dben pa dang rnam pa gnyis te/ lus dben pa ni dgon pa na gnas/ sems dben pa ni mya ngan med pa'o/ /'di'i steng du brtson 'grus dang shes rab du bcas pas bsnan pa'i steng du mang du thos pa dang tshul khrims dang ldan pa gnyis kyis bsnan te lnga phrugs gcig /sems gcig tu 'dus pa yang ngo / /mi dge ba la ni mi sems dge ba la sems rtse gcig tu rgyun du sems pa'o/ /de'i steng du yang brtson 'grus dang shes rab dang mang du thos pa dang tshul khrims dang ldan pa 'di bzhis bsnan te lnga phrugs gcig slob pa yang ngo /gang zag bdun la bya ste/ tshul khrims dang ting nge 'dzin dang shes rab dang rnam par grol ba dang de'i ye shes lnga la spyod cing sbyong ba ste lnga phrugs gcig /ma rabs slob pa dang mi 'dri ste phyir mi ldog pa'o/ /mi slob pa yang ngo //dgra bcom pa la bya ste tshul khrims dang ting nge 'dzin dang shes rab dang rnam par grol ba dang de'i ye shes mthong ba dang / lnga grub zin pas lnga dang ldan pa yin te lnga phrugs gcig tu brtsi'o/ /'byung ba dang bcas pa dang / rjes su bcas pa dang / bcad pa dang gnang ba shes pa yang ngo / /'byung ba dang zhes pa ni yul gang du nyes pa'i gzhi byung ba la bya'o/ /bcas pa dang zhes pa ni dge slong gang gis nyes pa byung ste bcas pa la bya/ rjes su bcas pa dang zhes pa ni mi la mi tshangs par spyod du mi gnang bar bcas pa'i 'og tu byol song dang khu ba yang 'byin du mi gnang bar rjes su bcas pa la bya/bcad pa dang zhes pa ni phas pham pa dang chang lta bu srog la bab kyang btung zhing spyad du mi gnang bar bcad pa la bya/ gnang ba zhes pa ni gdong phyis la sogs pa 'chang du gnang ba ste/ ma bcangs kyang nyes med pa la bya/shes pa yang ngo zhes pa ni 'di lnga lta bu 'bum pa thams cad kyi rgyus shes pa la bya ste lnga phrugs gcig /bar du gcod pa dang / mi gcod pa mngon par shes te/ 'chang ba dang gnas pa nye bar gnas pa 'dzin par gzhug nus pa dang bcas pa la yang ngo / /bar du gcod pa dang zhes pa ni sdig tu 'gyur zhing dgra bcom pa'i rim par 'gyur ba la bar du gcod pa la bya/mi gcod pa ni sdig tu mi 'gyur zhing dgra bcom pa'i rim pa la bar du mi gcod pa la bya/ mngon par shes te zhes pa ni 'di gnyis la gsal bar shes pa la bya ste/ yan lag gnyis 'chad pa dang zhes pa ni 'di gnyis gzhan la'ang 'chad nus pa dang /yan lag bzhi ston pa dang zhes pa ni bshad nas pha rol don chud par ston nus pa dang lnga ste lnga phrugs gcig /gnas shes pa nas ngo zhes pa'i bar du ni bar du gcod pa dang mi gcod pa gnyis bdag shes pa bzhin du slob ma la'ang khong du chud par sten nus pa'i mthu yod pa dang /bar du gcod pa dang / mi gcod pa gnyis gsal bar shes pa dang / yan lag bzhi ste bdag gi slob ma nye gnas su gtang na yang nye gnas kyi slob dpon de bdag gi ngag nyan pa dang lnga phrugs gcig ltung ba dang / mi ltung ba dang / yang ba dang / lci ba mngon par shes/ so sor thar pa rgyas par thon pa yang ngo / /ltung ba dang zhes pa ni byol song chen po bsad pa dang chung ngu bsad pa 'dra bar ltung bar rig pa'o/ /ltung ba ni rgyud gsum du ltung ba'o/ /mi ltung ba dang zhes pa ni tsog tsog por 'dug pa dang /skyil mo krung du 'dug pa la ltung zhes zer ba yod de de yang mi ltung bar rig pa'o/ /yang ba dang zhes pa ni sbom po ltung ba dang nyes byas kyi rim pa shes la/ de so so nyid kyi yang ba gang yin shes pa'o/ /lci ba shes pa ni sbom po dang ltung ba dang nyes byas kyi rim pa shes la/de so so nyid kyi lci ba gang yin shes pa'o/ /mngon par shes pa zhes pa ni 'di bzhi gsal bar shes pa ste yan lag bzhi po zhes pa nas ngo zhes pa'i bar du ni kha ton kyang shes/ don khong du chud pa dang pha rol la 'chad nus pa dang 'di ltar ldan na gnas brtan du rung ste lnga phrugs gcig /rgan po la med na gzhon nu la gnas bca'/ khrims rdzogs nas lo bcu yan chad du lon kyang rung ste/ chos lnga dang mi ldan na lo bcu yan chad lon la/ yon tan lnga dang ldan pa bdag pas rgan pa med na gzhon nu la gnas bca'/ phyag 'ba' zhig ma gtogs pa/sU tra ltag ma ltar rgan po gzhon nu la gnas bcas nas lus smad lnga sa la gtugs te phyag 'tshal ba ma gtogs par thal mo sbyar te phyag byas la/ gzhan gnas bcas pa slob pa'i tshul bzhin du bya'o/ /spyod cing gnas med par lo lnga lon la/ tha ma'i bsdus pa dang ldan na yul rgyu ba spyod do/khrims rdzogs lo lnga lon la chos lnga dang ldan zhing bsdus pa nyi shu rtsa gcig gis tha ma dang ldan na yul gzhan du mi 'gror mi rung ba zhig tu gyur na gnas med par yul rgyur song yang nyes med do/ /yul gang du phyin cing 'dug pa'i gnas de na chos lnga dang ldan pa yod na gnas chos shig /gzhan gsum rig pa'ang ma yin no/ /chos lnga dang mi ldan zhing lo bcur mi lon na tshe snga ma dang phyi ma dang / zag pa zad pa gsum shes kyang gnas med pa dang mkhan po dang gzhan gnas 'char mi gnang ngo //gnas pa la gtogs so/ /'di yan chad gnas brtan gyi tshad dang gnas pa'i cho ga'o/ /khyod mur 'dug pa ma yin nam zhes rab tu 'byung bar 'ongs pa la dri / la la zhig rab tu 'byung ba'i phyir 'ongs na rab tu 'byung bar byed pa'i mkhan pos khyod mur 'dug pa ma yin nam zhes dri'o //mur 'dug yin na ni rab tu mi 'byung ma yin na ni rab tu 'byung ste mur 'dug ji lta bu yin pa'i tshad ni 'og nas 'chad/ bsnyen par rdzogs pa dag gis kyang ngo / /dge sbyong las bsnyen par rdzogs par byed pa'i tshe na dge 'dun gyis kyang khyod mur 'dug pa ma yin nam zhes bya ba la sogs pa bar chad kyi chos rnams dri'o //dri ba ni gsang ste ston pa'i slob dpon bskos nas 'drir gtang ba de nyid dge 'dun kun gyis dris par chud do/ /sems ma rangs pa shAkya dang me pa ral pa can ma gtogs par mur 'dug rab tu 'byung ba dang rab tu rdzogs par mi bya/sems ma rangs pa zhes ni rab tu 'byung bar 'ongs pa la/ sems ma rangs kyang mur 'dug shAkya'i rigs dang me lha pa ral pa can ni rab tu 'byung du rung ngo / /shAkya dang zhes pa ni shAkya'i rigs su chud pa ni dgra la phyir mi nur bar dpa' ba dang chang mi 'thung ba dang dam pa'i chos nam du yang mi gtong bas chud de brdzun dang g.yo med pas na ma rangs kyang rung ngo //me lha pa ral pa can zhes pa ni me lha pa ral pa can ni me lha 'ang rjed la/ ral pa yang yod pa la bya ste/ kho bdag gi lta ba mya ngan las 'das par 'dod la legs nyes kyi rgyu rkyen yod par lta bas ma rangs kyang rung ngo //ma gtogs par zhes pa ni shAkya dang me lha pa ral pa can gnyis sems ma rangs kyang krid la ma gtogs pa la bya/ mur zhes pa'i bar du ni shAkya dang me lha ral pa can gnyis ma gtogs par mur 'dug gzhan thams cad rab tu dbyung ba dang rab tu rdzogs par mi bya ste/dbyung du rung mi rung gi bye brag ni 'og nas 'chad do/ /krid ces de dag la mur 'dug dang ma rangs ba la sogs pa mur 'dug gi bar du ma gtogs/ krid ces pa ni bar chad med dam zhes dri ste bar chad yod na mi rung zhes bya ba'i tshig go /de zhes pa nas gtogs zhes pa'i bar du ni sU tra gnyis kyi ltag nas mur 'dug ces byung ba dang sU tra ltag ma sems ma rangs pa shAkya dang me lha ral pa can ma gtogs par mur 'dug rnams sems ma rangs kyang rab tu dbyung ba dang bsnyen par rdzogs par byar mi rung ba nyid ma yin te /sems rangs na ni mur 'dug thams cad kyang rab tu dbyung ba dang bsnyen par rdzogs par rung ste/ rangs par bya ba'i thabs dang rangs ma rangs kyi tshad ni 'og nas 'chad do/ /dkon mchog bsngags mur 'dug smad par yang dag par smra ste ma 'khrugs na sems rangs pa'o/ / dkon mchog bsngags zhes pa ni sangs rgyas ni mtshan dang dpe byad kyis bstod pa'o/ /chos ni dus gsum gyi dge ba dang 'phags pa'i yan lag brgyad kyis bstod pa/ dge 'dun ni gang zag gi rim pa bdun gyis bstod do bstod pa'i tshig ni yon tan ji bzhin du'o/ / mur zhes pa nas 'o zhes pa'i bar du ni mur 'dug smad pa ni skra 'bal ba dang khyi'i chos su nyal ba dang mtshon gyi khar 'chi ba dang gcer bur 'greng zhing zan za ba la sogs pa mi bde zhing bzang ba la bde ba dang bzang du 'dzin pa kho na de dag gi chos ci bzhin par drang por smad de 'dzum dang mdangs bzang zhing sems ma 'khrugs te dkon mchog bzang ngo zhes zer na rangs par chud do//'khrugs shing ngom zum nag la mur 'dug gi chos kyang ngan pa tsam ma yin zhes zer na sems ma rangs pa'o/ /de'i phyir de dang mi ldan pa dge bsnyen gyis mthar bya ste zla ba bzhir zhog shig / mur 'dug rab tu dbyung ba'i phyir sems rangs pa dang mi ldan na thal byung mi bskrad par khrims lnga phog ste zla ba bzhi'i bar du dge 'dun gyi 'dab la bzhag la dge 'dun kun gyis snga phyir res kyis dus gsum du dkon mchog bstod mur 'dug smad par bya'o/ /zla ba bzhi tshun chad rangs ma thag tu bcug kyang nyes med rangs pa rtogs par bya ba'i phyir zla ba bzhir bzhag kyang nyes med/dge 'dun gyis gnas par las kyis sbyin cig /dge 'dun gyi 'dab la zla ba bzhir dge bsnyen du bzhag pa dge slong cig gis dge 'dun la gsol ba dang zhu ba'i las byed de bzhag /dge 'dun las de'i zas zla ba bzhi'i bar du mur 'dug brtags par bzhag pa de dge 'dun gyis ni zan sbyin no/ /mkhan po las gos mur 'dug pa ma rangs pa de mkhan po gang las rab tu 'byung ba'i mkhan po des gos sbyin no/ / las byin pa yang bya/ lo bco lnga rdzogs sam zhes rab tu 'byung ba'i phyir 'ongs pa la dri/ la la zhig rab tu 'byung bar 'ongs na/ khyod lo bco lnga lon nam zhes mkhan po gang yin pas dri'o / /bco lnga lon kyang bya rog skrod mi nus na mi gnang ngo / /nyung ste bya rog skrod mi nus pa dang nus kyang lo bdun ma lon par rab tu mi dbyung /rab tu 'byung bar 'ongs pa de lo bco lngar ma lon pa de bya rog skrod mi nus pa dang nus kyang lo bdun ma lon na rab tu mi dbyung / dge sbyong gcig las lhag par mi gzhag /mkhan po gcig la dge sbyong gcig las mang du gnas bcar mi gzhug /gcig tu ma yin par rab tu 'byung bar mi 'dod na mang du phyung ste mang ba bsnyen par rdzogs shing / mi gcig gnyis yan chad gcig rab tu 'byung bar 'ongs te dus gcig tu mkhan po gcig la mi 'jug tu mi rung zhes zer na kun rab tu phyung ste lo nyi shur tshang ba'i rnams bsnyen par rdzogs par bya/de ste ma tshang na gzhan la nye gnas kyi phyir gtong cig /lhag ma ltar rab tu 'byung bar 'ongs pa kun lo nyi shur ma tshang na dge slong re re la nye gnas su thong shig /de'i sa de ma dbrog /nye gnas su gtad pa'i slob dpon des dge sbyong bzhag pa thal byung bdag gi slob mar mi dbrog /bsnyen par rdzogs par mi ster na mthus khug shig /dge sbyong lo ma tshangs ste nye gnas su btang ba de lo tshang ste mkhan po gang yin pas khrims rdzogs par byas pa la nye gnas kyi slob dpon mi ster na mkhan pos de mthus phrogs shig krid bran/rab tu 'byung bar 'ongs pa la/ khyod bran ma yin nam zhes dris te jo bos ma btang ba lta bu bran yin na rab tu mi dbyung / khyod kyis gang la yang cung zad sbyin pa mang yang rung nyung yang rung med dam/ rab tu 'byung bar 'ongs pa la/ khyod la bu lon chags pa med dam zhes dris te bu lon chags pa med na rab tu dbyung chags pa yod kyang srang grangs nyung la/phyis 'bul bar khas len cing phyir 'khor ba tsam gyi tshod na rab tu dbyung / pha 'tsho la ma gnang ste de dag gi yul mi ring na rab tu 'byung bar 'dod pa de zhag bdun du 'chol shig /rab tu 'byung bar 'ongs pa de pha ma gnyis ka'ang ma shi ste yod la rab tu 'byung bar gnang ba'i cha'ang med la pha ma'i yul kyang mi ring na 'dri zhing rmed pa yod dam mi 'ong brtag pa'i phyir zhag bdun du bsdad de ma 'ongs na rab tu dbyung yul ring ba'i tshad ni pha mas dgug par nyams kyis mi lcogs shing mthus mi khugs pa tsam la bya'o//yul ring yang dge 'dun la ma gsol bar rab tu mi dbyung / rab tu 'byung bar 'ongs pa de pha ma dag yul ring du zin kyang dge 'dun la ma zhus par rab tu mi dbyung / rab tu 'byung bar 'dod pa de dge 'dun gyis zas sbyin pa'i rigs so/ /rab tu 'byung bar 'ongs te 'dri ba 'ong ngam mi 'ong zhag bdun du brtag pa'i phyir bzhag pa de rab tu ma byung gi bar du dge 'dun gyis zas sbyin pa'i rigs so//zan ma byin yang nyes pa ni med/ krid pha ma dag gis gnang ngam/ rab tu 'byung bar 'ongs pa la pha ma dag gis gnang ngam zhes dri ste / ma gnang na rab tu mi dbyung /mthar yul ring po ni ma gtogs/ rab tu 'byung bar 'ongs ba de'i pha ma yul ring po ni pha ma la dri mi dgos/ khyod nad can ma yin nam zhes 'ongs pa la dri/ rab tu 'byung bar 'ongs pa la mkhan po gang yin pas khyod nad can ma yin nam zhes dris te nad can yin na rab tu mi dbyung /khyod la nad cung zad kyang med dam zhes kyang ngo / /sU tra ltag ma ltar nad can ma yin nam zhes dris te ma yin zhes zer na brtag par bya ba'i phyir nad cung zad kyang med dam zhes dri ba la bya/ sU tra ltag ma dang 'di gnyis ni rab tu 'byung ba'i tshe mkhan pos dri ba la bya/bye brag tu rab tu rdzogs pas so/ /khrims rdzogs par byed pa'i tshe rdzogs par byed pa'i dge 'dun gyis nad kyi rnam pa mang po'i bar chad dri dgos pa la bya/ nad can rab tu dbyung ba 'am bsnyen par rdzogs par mi bya/ rab tu 'byung bar 'ongs pa de la nad rnam pa mang po'i bar chad gang yod kyang rung ste/mkhan po dang dge 'dun gyis rab tu 'byung ba dang / bsnyen par rdzogs par mi bya 'di yan chad mi rung ngo zhes 'byung ba la rab tu phyung na khrims ni 'chags pa ste mkhan po dang dge 'dun nyes byas/ krid smad pa tshun chad do//'di man chad 'og smad ces 'byung ba yan chad ni rab tu phyung ba dang bsnyen par rdzogs pa byas na khrims kyang mi 'chags la mkhan po dang dge 'dun la yang nyes byas yod do/ /'di la chos kyi skye ba med do/ /'og nas 'byung ba 'di rnams lta bu zhig yin zhing ma yin te khrims mi 'chags pas rab tu dbyung ba dang /bsnyen par rdzogs par mi bya/ rnam pa 'di lta bu'i tshul la ni mi rung bar bya/ 'og nas 'byung ba 'di rnams lta bu zhig yod pa las ma chor te rab tu byung ba dang bsnyen par rdzogs par bya na'ang khrims mi 'chags pa yin pas dge bsnyen dang dge slong dbyung ngo //'phrul pa 'phrul pa ma yin nam zhes dri 'phrul pa ni bdag kyang gzhan du 'phrul nus la/ gzhan yang sprul nus pa ste/ 'phrul snyems pa'i phyir nga rgyal che bas khrims mi 'chags ma ni / ma ning ma yin nam zhes dris te yin na rab tu mi dbyung /'di la rnam lnga/ ma ning la rnam lnga yod de 'og nas bshad pa yin/ skyes pa nas dang zla ba phyed pa dang reg nas 'gyur ba dang phrag dog dang nyes byung ba dang ngo / /skyes pa nas dang zhes pa ni thog ma ma'i mngal tshun chad thal byung ma ning du 'dug pa la bya/ zla ba phyed dang zhes pa ni zla ba phyed la pho mtshan du gyur te pho'i 'dod chags 'byung zla ba phyed la mo mtshan du gyur te mo'i 'dod chags 'byung ba'o//reg gnas 'gyur ba dang zhes pa ni bud med dang mthang phrad pas 'dod chags 'byung gi nam ma phrad kyi bar du 'dod chags mi 'byung / phrag dog dang zhes pa ni pha rol mi tshangs par spyod pa mthong na gdod 'dod chags 'byung gi/ma mthong gi bar du mi 'byung ngo / /nyes byung ba dang ngo zhes pa ni pho mtshan bcad dam nad byung ste rul ba lta bus med par song ba la bya ste ma ning 'di rnam lnga'o/ /tha ma 'di'i nyes byed na mi rung bar bya/ma ning rnam lnga tha ma bshad pa pho mtshan med par 'gyur na ma ning ngo zhes bya ba ni pho mtshan chad nas mo'i 'dod chags byung na khrims phog kyang mi 'chags sngon khrims chags pa yang med par gyur to/ /rkun gnas / rab tu 'byung bar 'ongs pa la/ rkun gnas ma yin zhes dri /rkun gnas nyid ji lta bu yin pa ni 'og nas 'chad/ yin na khrims mi 'chags te dbyung / yo byad ma byas pa dang rab tu rdzogs par ma chags par shes la/ lan gnyis su dge 'dun dang lhan cig tu las byas na der ro/ /yo byad ma byas pa ni rab tu rdzogs pa'i tshe dge 'dun grangs ma tshang ba lo nyi shu ma lon pa mkhan po yon tan dang mi ldan par shes pa dang lhung bzed dang chos gos ma tshang ba dang gsol ba dang zhu ba'i las ma byas pa la sogs pa gang yang rung ste khrims rdzogs par byed pa'i tshe 'di lta bu zhig ma byas par dran te/khrims ma chags par bdag gis shes bzhin du bcabs te ma mthol bar dge 'dun dang lhan cig tu las brgya rtsa gcig las gang yang rung lan gnyis su byas na rkun gnas su gyur/ rkun gnas su 'gyur ba ni khrims ma chags la/ dge slong gi tshul dang spyod pa dang 'tsho ba'i yo byad la sogs pa mi dbang bar khrims ma chags pas bcabs te spyad pas rkun gnas su 'gyur ro//'di lta bu'ang rab tu mi 'byung / mur 'dug tu 'dug pa rab tu 'byung bar 'ongs pa la/ mur 'dug pa ma yin nam zhes mkhan po dang rab tu rdzogs pa'i tshe/dge 'dun gyis kyang dris la yin na khrims mi 'chags/ khrims rdzogs pa las mur 'dug tu 'jug na'ang / khrims med par gyur te 'og nas 'chad/ 'di rab tu byung ba blangs nas de'i lta bas 'di'i chos gos bor de'i tshul gyis der skya rengs byung na der ro zhes pa nas nam zhes pa'i bar du ni shAkya thub pa'i rjes su dge sbyong gi tshul blangs te bsnyen par rdzogs pa la bya/'di'i lta bas zhes pa ni mur 'dug gi chos dgu bcu rtsa drug gang yang rung ste lta ba la bya/ 'di'i chos gos bor na zhes pa ni dge slong gi tshul gyis chos gos bor ba la bya/de'i tshul gyis zhes pa ni mur 'dug dgu bcu rtsa drug gang yang rung ste thal bas byug pa'am skud pa thogs pa lta bu la bya/ der skya rengs byung na der ro zhes pa ni mur 'dug gi gnas su zhag lon te skya rengs byung na bsnyen par rdzogs pa'i khrims med par 'gyur ro//de dag ma byas kyang ji ltar rkun po bzhin na yang ngo / /sU tra ltag ma ltar dge slong gi tshul bor nas mur 'dug gi lta ba blangs te mur 'dug gi gnas su zhag ma lon du zin kyang sems mur 'dug gi chos la bltas shing dmigs na rkun gnas dang 'dra bar dge 'dun dang las lan gnyis su byas na khrims med par gyur pa yin te/'di lta bu yang rab tu mi dbyung / ma bsad pa/ pha bsad pa/ rab tu byung bar 'ongs pa la pha dang ma bsad pa ma yin nam zhes dri / yin na khrims mi 'chags pha ma ni byol song yin pha bsad pa la mi bya'i mi'i yin pa bsad pa la bya'o//dgra bcom pa bsad pa/ dgra bcom pa bsad pa ma yin nam zhes kyang dris la yin na khrims mi 'chags/ dgra bcom pa ni tshe gcig gis thogs pa la bya ste lhag ma lus pa'i mya ngan las 'das pa bsad pa lta bu la bya'o//dge 'dun gyi dbyen byas pa dang / rab tu 'byung bar 'ongs pa la dge 'dun bye ba ma yin nam zhes dri ste yin na khrims mi 'chags/ dbyen ni sngon dge slong bya ste 'khor lo'i dbyen byas pa lta bu la bya/ yang dag par gshegs pa la ngan sems kyis khrag phyung ba/rab tu 'byung bar 'ongs pa la/ yang dag par gshegs pa la ngan sems kyis khrag byung ba ma yin nam zhes dris te yin na khrims mi 'chags/ khrag phyung ba ni shAkya thub pa sprul pa'i gzugs la/ de ba t+ta'i ngan sems kyis rdo 'phangs te khrag phyung ba la bya/ dge slong ma bslus pa/dge slong ma bslus pa ma yin nam zhes dri ste yin na khrims mi 'chags/ bslus pa ni dge slong ma pham pa ma yin pa la mi tshangs par spyod pas chud do/ /phas pham pa bzhi las gang yang rung ltung ba byung ba'o/ /rab tu 'byung bar 'ongs pa la/ phas pham pa ma yin nam zhes dris la pham pa ni sngon dge slong byas la de'i tshe mi tshangs par spyod pa dang rku ba dang gsod pa dang brdzun du smra ba bzhi gang yang rung ba byas pa'o/ /sU tra 'di yan chad lta bu zhig yod na khrims yang mi 'chags/ khrims rdzogs zin pa las byung na yang khrims med par song bas bskrad do//mtshan ma las bzlog par khas ma blangs pa'i smad pa rab tu 'byung ba dang bsnyen par rdzogs par mi bya/ sngon dge sbyong dang dge slong chad pas bcad pa'i chad pas ma phod de thal byung khrims phul ba zhig slar dge sbyong dang dge slong du 'jug ste/sngon gyi nyes pa gtong ngo zhes mi zer na dge sbyong dang dge slong du mi gzhug /nyes pa byung nas chad pas bcad pa ni rnam par bdun yod pa las gang yang rung ngo / bdun ni rtag par thab mo rgol ba dang dge 'dun gyi lhag ma'i chad pa mthol tshangs byed du mi btub pa dang rigs sun par byed pa dang khyim pa dge bsnyen dge ba spyod pa la log par spyod ces gshe ba dang ltung ba byed pa mthong ngo zhes zer ba dang /ltung ba byas pa mthol du mi btub pa dang / phas pham la sogs pa byung yang bar du gcod par mi 'gyur ro zhes zer ba dang /'di bdun byed pa las chad pas bcad pa gang yang rung ngo / /bshags pa ni bsnyen par rdzogs pas so/ /sU tra ltag ma ltar rab tu 'byung ba dang bsnyen par rdzogs par 'ongs pa de/ sngon gyi nyes pa 'dor ro zhes zer na sngon gyi nyes pa'i chad pa dang dbyung ba ni khrims rdzogs pa'i las kyi nang du 'dus bas bcad pa dang dbyung ba bya mi dgos so//sngon nyes pa byas shing chad pas bcad pa'i dge 'dun nyid la sngon gyi nyes pa mi bya'o zhes 'chags pa dang khrims rdzogs par mi byar mi rung ba ma yin gyi gang gis byas kyang rung ste nyes med do//bsnyen par rdzogs te khas ma blangs na yang de ste dge 'dun mdun na smod cig /sU tra ltag ma ltar rab tu 'byung ba dang bsnyen par rdzogs par 'ongs te sngon gyi nyes pa 'dor ro zhes khas blangs pa las bsnyen par rdzogs par byas zin pa dang / sngon gyi nyes pa mi 'dor zhing khas mi len na yang dge 'dun gyi chad pas chod la smod cig /chad pa byed du mi btub na sngon gyi bzhin du skrod cig /ma mthong ngo zhes zer zhing brdzun du na ltung ba'o/ / sU tra ltag ma dag gis nyes pa byas pa ma mthong zhes zer zhing bcabs pa ni brdzun gyi ltung bar 'gyur ro//chad pa ltag ma bzhin du bya'o/ /sU tra 'og ma 'di man chad ni ming gis smra ba bzhin du ma yin nam zhes dris te yin na rab tu dbyung ba dang bsnyen par mi bya/ khrims ni 'chags te mkhan po dang dge 'dun la nyes byas/ lag rdum rkang rdum lag pa mkhrig mar chad pa dang /rkang pa long bur chad pa/ lag sor rengs pa/ dgug cing brkyang du mi rung ba/ mchu med pa ya mchu dang ma mchu bcad pa'am med pa lta bu/ yan lag ri mo can/ sha bkra dang tsags pa'i ri mo can/ rgan rabs/ lo bdun cu lon pa yan chad la bya ste/bdun cu lon kyang sngon dge bsnyen byed byed la mdo sde dang ma lta bu shes pa ni rung ngo / /gzhon rabs lo bco lnga man chad bdun yan chad bya rog skrod mi nus pa la bya/ grum po/ grum zhing zhig legs byed pa'o/ /brla rlung nad can brla dang rked pa la sogs pa la rlung zhugs te skam pa 'ang zhum pa lta bu nang yod pa/zhar ba mig ya gcig zhar ba/ 'jas pa rkang lag 'jas nas 'jas pa'i tshigs nas sor mo skyes pa'o/ /sgur po 'greng mi nus par sgur ba la bya/ mi'u thung ngo / /lus thud bar grags pa'o/ /lba ba can lkog ma na lba ba chen po yod pa la bya/lkugs pa smra mi shes pa/ 'on pa rna bas mi thos pa'o/ /'phye'o/ /rkang lag 'khums nas 'phye zhing 'gro ba'o/ /rkang bam gzhan las 'phags par sbom por gyur pa'o/ /bud med kyis dub pa/ mi tshangs pa spyod spyod pa las chad pa la bya/khur gyis dub pa/ khur chen po khyer khyer bas chad cing dub pa'o/ /lam gyis dub pa/ lam ring por song song nas lam gyis chad cing dub pa lta bu'i mi dang / ltag ma rnams yod pa'i mi la bya/ mi 'ju thal byung dang / kha zas mi 'ju ba dang / lcags su bcug pa las yun rings pas thal byung de 'dra bar song ba dang rkang lag bskum du mi rung bar song ba la bya/rnge chags pa nad dang kha zas la sogs pas rnge chags te / spyod mi nus shing gso dka' ba lta bu la bya/ de lta bu'i gzugs kyi mi ni/ ltag ma ltar ming gis smos pa lta bu'i gzugs kyi mi la bya/rab tu spangs so/ /rab tu 'byung ba dang bsnyen par rdzogs par mi bya bar spangs pa la bya/ drang srong chen pos/ mur 'dug la sogs pa'i drang srong ma yin gyi/ drang srong chen po ste sangs rgyas la bya/ mdzes pa rab tu dbyung /lus kyi yan lag la skyon med pa ni mdzes pa ste rab tu dbyung ngo / /kun gtsang bsnyen par rdzogs/ rigs gtsang ba ste rigs ngan ma yin pa dang mtshams med pa la sogs pa bar chad du 'gyur ba'i chos med pas ni tshul khrims gtsang zhes bya'o/ /gsungs so bden ming gyis /bden ming ni mtshan sangs rgyas mi brdzun pas na bden zhes bya ste des gsungs pa'o/ /yang dag sangs rgyas rab mkhyen gyis/ /dgra bcom pa dang / rang sangs rgyas la mi bya'o / /bla na med pa'i sangs rgyas pas na yang dag rab mkhyen ces bya'o//bsdu bar gtogs dang rab tu 'byung dang dngos po rdzogs so/ /bsdu bar gtogs pa dang zhes pa ni khrims mi 'chags pa'i bar chad dang lus kyi skyon yod pa rnams ni mi rung med pa rnams ni rung bar bsdu bar bya'o/ /rab tu zhes pa nas so zhes pa'i bar du ni 'og nas 'byung ba ming gis smos pa bzhin ma yin nam zhes dri ste yin na rab tu mi dbyung krid rgyal po blon po rgyal pos ma gnang ngam yul mi ring na'o//rgyal po'i sa rigs su gtogs pa'i nang na blon po'i las sna ma gtogs pa rgyal pos ma gnang par rab tu mi dbyung ste rgyal po'i blon po ma yin nam zhes dri/rgyal po khams gzhan gyi slob dpon dang yul ring ba ni ma gtogs te dri mi dgos/ krid rkun po'i rgyal mtshan btsugs pa/ rab tu byung ba la rkun po'i rgyal mtshan btsugs pa ma yin nam zhes dri/ rkun po'i rgyal mtshan btsugs pa ni grong 'joms pa dang mi rgod byed pa la sogs pa rku bar grags pa'o//mnyed pa phyag dar ba sme sha can dang de lta bu rab tu mi dbyung / mnyed pa zhes pa ni rigs kyis ko lpags la sogs pa mnyed cing tshem drub byed pa'o/ /phyag dar ba zhes pa ni rigs kyis phyi rol chu che chung la sogs pa'i phyag dar ro cog byed pa'o//sme sha can dang zhes pa ni rigs kyis ba lang dang bya dang sdig bur dang spal lcong la sogs pa 'cha' zhing za ba'o/ /de lta bu rab tu mi dbyung zhes pa ni rigs 'di rnams lta bu ma yin nam zhes rab tu 'byung bar 'ongs pa la dri ste yin na rab tu mi dbyung /dpe ni lag rdum la sogs pa'o/ /rtag tu lag rdum la sogs pa bcug na nyes byas so zhes 'byung ba bzhin du ming gis smos pa 'di rnams lta bu zhig las rab tu byung na dge 'dun dang mkhan po la nyes byas/ skra ser po seng ge'i skra sngon po dang de lta bu yang ngo //skra ser po zhes pa ni skra yung gi kha dog 'dra ba/ seng ge skra dang zhes pa ni seng ge skra 'khyil ba/ skra zhes pa nas ngo zhes pa'i bar ni shing lo'i kha dog 'dra ba/ skra dkar po'i mi dang bal glang gi skra skra med kyang ngo / /skra dkar po'i mi dang zhes pa ni thog ma ma'i mngal nas dkar ba/ba lang gi skra zhes pa ni srab la bshor ba/ skra med pa kyang ngo zhes pa ni dang po nas byi ba ste ku ba 'dra ba/ mgo shang shong can/ 'bar 'bur can/ mgo bo che/ lus kyi rkyen du ma bab par 'phags par che ba/ rab tu sbom pa/ lus gzhan las 'phags par sbom pa dang /zhum pa / gzhan las 'phags pa'i zhum pa'i lus so/ /bong bu dang phag gi mgo /de dngos su mjal par bas/ mgo gnyis dang / mgo gnyis su gyes shing bye ba'o/ /mgo med kyang ngo / /'phral ba yan chad 'phur re 'dug par mnyam par 'dug pa'o/ / bal glang rna dang rta rna dang ba dang spre'u rna dang bong bu dang / phag gi rna ba dang / rna gcig rna med kyang ngo / /rna ba dang 'di rnams lta bur 'dug pa ma yin nam zhes dri ste yin na rab tu mi dbyung / mig dmar po/ /mig gi 'bras bu khrag gis yog pa lta bu ste mig dmar por 'dug pa'o//mig po che dang / lus kyi rkyen du ma bab par che ba/ mig chung zlum bu 'ug mig mching bu'i mig chu bur 'dra ba/ mig gcig pa mig med kyang ngo / /bal glang gi sna rta'i sna ba lad dang spre'u'i sna bong bu dang phag gi sna sna gcig pa sna med pa yang ngo / / sna 'di rnams ltar 'dug pa las rab tu mi dbyung / bal glang gi kosko rta'i ko sko ba lang dang spre'u'i kosko / /bong bu dang phag gi ko sko/ kosko ya gcig pa ko sko med pa yang ko sko 'di rnams ltar 'dug pa las rab tu mi dbyung / bal glang gi so rta'i so ba lang spre'u'i so/ / bong bu dang phag gi so so gcig pa so med pa yang ngo / /so 'di rnams ltar 'dug pa las rab tu mi dbyung / so gcig pa ces pa ni so bar med par 'dug pa dang gcig pu ke re 'dug pa la bya/ mgrin ring / lus kyi rkyen du ma bab par mgrin pa ring ba/ mgrin med/ mgrin pa ror nub pa/ phrag mig phrag pa gnyis na mig yod pa/ rab tu sgur ba'o/ /gnya' ba rab tu sgur ba pho mtshan chad pa pho mtshan chad pa 'am/ khyis zos pa lta bu/ rlig chen/ rkyen du ma bab par rlig pa che ba/ rlig gcig /'bras bu gcig yod pa rlig pa med pa yang ngo //rlig pa med pa/ shin tu ring ba/ lus gzhan las 'phags par ring ba/ shin tu thung ngu / lus dang rkang lag thams cad thung ngu / skem po zhan te ma yang ngo / pags pa'i kha dog rnam bzhi pa/ dmar po dang ser po dang dkar po sngon po bzhi khra bor 'dug kyang rung 'di bzhi so so'i kha dog tu 'dug kyang rung rab tu mi dbyung /gyol po gal po'ang de bzhin no/ /'di ltar 'dug pa yang rab tu mi dbyung / rnam pa 'di rnams lta bu dag kyang spangs par der rtogs shig /ltag tu smos pa 'di rnams lta bu dbyung ba dang bsnyen par rdzogs par mi rung bar spang ste ltag nas lag rdum mi gnang ba bzhin du rig par bya'o//rigs dang lus ngan pa las rab tu byung ba ma 'chang shig /rigs ngan pa ni sme sha can dang phyag dar pa dang mnyed pa la sogs pa la bya/ lus ngan pa ni lag rdum la sogs pa'i cha na yod pa la bya ste/'di lta bu las rab tu phyung ba dang bsnyen par rdzogs pa zhig yod na mkhan pos kyang mi bcang dge 'dun gyis kyang spong ngo / /gcig ma yin pa mkhan po gcig dang tshig gcig gis gsum man chad bsnyen par rdzogs par rung ngo //bsnyen par rdzogs par bya ba ni gsol ba dang khrims dbog pa'i tshig mkhan po gcig gis smra la nod pa gsum gyis cig car smra ste bzlas kyang khrims mi 'chags pa ma yin te de ltar dbog tu yang rung ngo / /dus mnyam pa rnams phan tshun du phyag bya ba med do//sU tra ltag ma ltar mig gsum dus mnyam par khrims nos pa khrims so sor nos kyang dus snga phyi med pa rnams gcig la gcig phyag mi bya'o/ /thob pa ni snga mas so/ /sU tra ltag ma ltar dus mnyam pa gral dang yon len pa na gang sngar 'ongs pa dang gang byin par zad do//las ni gang 'phyi bar 'ongs pas bya'o/ /sor gnyis las ring bar dgon pa las skra mi gzhag /dge slong dgon pa na gnas pa skra sor gnyis las ring du mi gzhag par breg 'breg mkhan dkon pa'i phyir ro/ /de tsam du'ang grong pa la mi gnang / dgon pa'i dge slong gi skra tsam du grong gi gtsug lag khang na gnas pa'i dge slong gis skra mi bzhag ste sor phyed dang gnyis man chad la breg ste 'breg mkhan btsal sla ba'i phyir ro//chan pas skra breg tu mi rung / skra breg pa ni spu gris breg ste chan pas breg tu mi rung / rma'i than kor ni ma gtogs/mgo la rma yod de spu gris breg tu mi bde na rma'i than kor chan pas breg kyang nyes med do/ /phung mi bya/ skra 'breg pa la phud mi gzhag /gsang ba'i phyogs kyi spu mi breg /lag pa'i mchan khung spu dang rmongs la sogs pa mi breg /rma'i phyir bya ste gzhan gyis mi 'tsho na shes pa'i gnas brtan gnas brtan dag la zhu/rmongs dang mchan khung lta bur rma yod de thabs dang sman gzhan gyis mi 'tsho'i/ spu breg na 'tsho na so so'i gnas brtan la dri ste breg /de'i phyir ma yin na rkang pa'i yang mi breg /rma yod pa'i phyir breg pa ma yin na rkang pa'i spu yang mi breg go /lus gzhan yang mi bya'o/ /lus kyi spu'ang sU tra ltag ma dang 'dra'o/ /sen mo bcad pa spu gri'i kha'am ste'u'i kha ltar ro/ /sen mo bcad pa'i thabs ni de ltar bcad do/ /sen mo'i kha dog mi bsgyur/ sen mo'i kha dog rtsis dmar po'am sngon por mi bsgyur/dri ma phyi bar ni brud cing spyod cig /sen mo'i bar na dri ma yod pa brud cing 'phyir dbang ngo / /gos dang skra kha spu mi breg /lus la chos gos gyon bzhin du skra dang kha spu mi breg /'chong shig skra bzed pa/ sgrim por breg tu mi rung ste skra bzed pas lus g.yogs te breg /med na rngul gzan dang ngo / /skra bzed pa med na rngul gzan gyon te breg kyang nyes med/ bting ba la mi bya/ tswa stan yan chad rkon la sogs pa stan bting ba'i steng du skra mi breg /gag tu dge 'dun gyis sa phyag par mi bya/dge 'dun 'du ba dang spyod cing las byed pa'i sa gang du yang skra mi breg /khyams la sogs par rgan nam na'am rlung che'am tsha'am char pa bab na 'breg par ro/ /rkyen 'di rnams lta bu zhig byung na khyims la sogs par breg kyang nyes med/ de'i phyogs su las bya/rkyen byung ste khang pa dang khyams su skra breg pa'i sar phyag dar dang chag chag dang maN+Dal la sogs pa'i las bya'o/ /skra lung khung du dor/ breg pa'i skra ni lung khung du dor ro/ /de bzhin du sen mo bcad pa'o/ /skra breg pa'i cho ga bzhin du sen mo bcad pa yang de ltar bya'o//dge slong ma 'di ltar ma bsrungs par skyes pas 'dod chags dang bral ba ma yin pa'i skra mi breg /dge slong ma dgra bcom pa ma yin te 'dod chags dang ma bral ba la 'breg mkhan skyes pa zhig byed na srung ma dge slong ma grogs mo zhig zhog shig / 'breg mkhan 'dod chags che ba zhig na srung ma bzhag kyang mi gnang ngo / /chags pa lta na srung mas 'di skad bsgo shig /'breg mkhan dang dge slong ma nyid 'dod chags langs te chags pa ltar byed na srung ma grogs mos tshig sU tra 'og ma las 'byung ba skad bsgo shig /dran par mngon par zhog shig /dge slong ma skra 'breg pa la srung mas dran pa nye bar zhog shig ces bsgo/ dran pa ji ltar gzhag pa ni sU tra 'og ma nas 'chad/ ci 'di rnag gi lus 'di la snying po yod dam zhes so/ /skra 'breg mkhan gyi lus mi gtsang ba dang mi rtag pa la sogs pa snying po med pa 'di la chags su ci yod rnag dang 'dra bar ltos shig ces srung mas bsgo/'breg mkhan chags pa ltar byed na yang tshig 'di bzhin du bzlog ste zhib tu bsgo bar byos shig /ma dang sring mo dang bu mor 'du shes shig ces 'breg pa la'o//'breg mkhan chags pa ltar byed na ma dang sring mo dang bu mo yin par soms shig ces srung mas bsgo/ dge slong ma chags pa ltar byed na pha dang ming po dang bur soms shig bsgo / de byas nas khrus bya/ mgo bregs zin nas gtsang ba'i phyir khrus bya'o/ /zla ba phyed cing bkru ba dang dus rnam lnga la yang ma gtogs par 'khrur gnang ngo //yan lag lnga bkru/ grang ba'i rkyen byung na yan lag lnga bkrus kyang nyes med lnga ni mgo dang rkang lag bzhi ste lnga'o/ /sgren mor mi bkru/ khrus byed pa'i tshe sgren mor mi bkru'o/ / dge slong ma skyes pa'i ngogs su ma yin/skyes pa'i khrus sa mi mang por 'du bar dge slong mas khrus mi bya/ bud med kyi ngogs su phye mas ma yin/ bud med kyi khrus sar khrur ni dbang ste phye ma bul tog dang sran phye la sogs pas 'khrur mi dbang ste dril cing mnyes na 'dod chags ldang ba'i phyir ro//sran phye la sogs par bsung gis spags pa'ang brtags pa'o/ /dge slong pha khrus byed pa la ni sran phye bu la tog la sogs pa bsung gis sbags pa'i yang dbang ngo / /bsung gis spags pa bdag nyid 'dod pa'i phyir sbyar ro/ /de len pa yang ngo //phye ma dang phye ma bsung gis spags pa gzhan gyis byin na len du dbang ngo / /sman gyis spags pa ni nad pa la'o/ /phye ma sman dang bsres pa ni bdag gis sbyar kyang rung gzhan gyis byin kyang rung / spyod pa dang / len pa par nad pa dbang ngo //dge slong mas bud med la phyes mi gtor/ dge slong ma sbom mo mtha' yas kyis bud med skra bzang mo zhig la mgo la phyes gtor ba las mo mi dga' bar gyur te kha phyar btang ba las bcas/ sham thabs kyi kha mdud rgyab ma mdud par skas la mi 'dzeg sham thabs kyi kha mdud pa ma bor bar skas 'og nas bltar snang ba la mi 'dzeg skas dang sa skas dang gru skas 'og nas bltar mi snang ba la 'dzeg kyang nyes med/shing mi gang tsam la 'dzeg cing 'bab pa'i tshe'ang mdud pa dor ro/ /gzhan du de lta ma yin no/ /skas la mi 'dzeg pa'i spyod lam gzhan du ni sham thabs kyi kha mdud pa dor mi dgos so//kham bkab par mi gla la/ glal byung na kha dgab / sbrid pa'am 'bod pa la sogs pa'i tshe yang dgab/ chong shing khrus ras/ sgren mor mi bkru ba'i phyir khrus ras bcangs kyang nyes med/nyi rim la srog chags 'chags so/ /khrus ras lhan pa can dang nyi rim la srog chags 'chags pa'i phyir mi bya/ chos gos gsum pas kyang ngo / /sbyangs pa'i yon tan pas khrus ras bcangs kyang nyes med/ med na lo mas mdun dang rgyab gnyis g.yogs la dben par khrus shig khrus ras med na shing lo la sogs pa btogs zin pa tsam ste/mdun dang rgyab g.yogs la dben par khrus shig /srog chags chags pa bsal ba'i phyir bshal lo /khrus ras la srog chags chags pa mi shi bar bya ba'i phyir chur bshal/ gtsug lag khang du ni stor khung du'o/ /gtsug lag khang du khrus byed na stor khung du'o/ /khu ba dag kyang dor ro/ /snod spyad bkrus pa la sogs pa'i khu ba'ang stor khung du dor ro/ / khrus bya khrus bya ba'i phyir / gtsug lag khang gi 'khor du khrus byas kyang nyes med/ pha gu yang gding / khrus sa'i gzhir pha gu gding ba ni 'dam mi ldang ba'i phyir ro/ /stor khung gdong / khrus stor chu mi 'khyil ba'i phyir stor khung gdod/ 'bags pa yang bkru/ snod spyad dang khrus sa'i gzhi dri ma dag gis 'bags pa yang bkru stor khung du bkrus na mi 'chags so//stor khung gi khar bkrus na gzar zhing dri ma mi 'chags pa'i phyir stor khung du bkru bar bshad/ pha gus rkang pa las gzhan lus ngag la mi brud mi phyi/ long bu man chad rkang pa'i dri ma phyi zhing bkru bar ni so phag gis brud kyang nyes med/ gzhan lus dag la so phag gis mi brud mi phyi'o/ /de ni dpe ste rnon po la sogs pa zes pa yang ngo / /phag dum gyis lus mi brud pa mi phyi ba bzhin du sa mu tra'i dbu ba la sogs pa gzhan rtsub cing rnon po ci yang rung ste/ da skye ba dang sha snad pa dang sems drog drog por 'gyur ba'i phyir mi brud do//nya phyis bkru ba ni mes so/ /nya phyis kyis lus brud pa ni nyes med do/ /nya phyis kyis lus kyi dri ma dang gzhan snum chags pa la sogs pa bkru ba ni me la bsros te phyis na dag par 'gyur ro/ /dge slong ma ni gang du'ang khu tshur dang gos dril ba la sogs pa cis kyang mi brud/dge slong ma ni 'dod chags skye ba'i phyir 'di ltar ming gis smos pa la sogs pa cis kyang mi brud mi phyi ba ni lus kyi yan lag la'o/ /'gyur ba'i chu med par ma gyur par gos mi bgo /khrus byas nas lus la chu phrum phrum po gos ma rung bar 'gyur ba med par ma gyur gyi bar du gos mi bgo /chongs shig lus phyi ba sU tra ltag ma lta bu lus kyi chu byed par bya ba'i phyir lus phyi ba bcangs kyang nyes med/ med na skad cig tsog tsog por 'dug pa la khrus ras kyis phyi/ lus phyi ba med na skad cig tsog tsog por 'dug ste/ khrus ras phyed gcu ste lus phyi phyed kyis mdoms kyang g.yogs dgos bya'o//bsro gang nang gi cho ga bya ba'i phyir gtsug lag khang gi 'khor du bsro gang byas kyang nyes med de ji ltar bya ba 'og nas 'chad/ khang zlum bya ba skam sar dge/ /bsro gang ni khang zlum la skam sar brtsigs na dge'o//phyi rub nang yangs rgya mtsho 'dra ba'i skar khung dbus su gdod bsro gang gi skar khung ni phyi rol rub la nang kha yangs su bya ste nang yangs pa gzhol por bya ba ni mtsho'i mu dang 'dra bar bya'o/ /skar khung shar du sgo 'phar can la/ zung dang gzer gtan dang rked gtan las der gzhug /skar khung gi rkyen 'di rnams bca' ba ni bsro gang gi'o/ /ra rkang can gyi dbyig pa bcang / /skar khung gi sgo dbye ba dang gcad pa'i phyir dbyig pa'i mgo ra'i rkang pa 'dra bar byas bcangs kyang nyes med/ sgo re bzhi dang sgo leb dang yang mig dang lag zungs bca'/bsro gang gi sgo'i rkyen 'di rnams kyang bcang bar bya/ chu dron gzhag pa'i phyir nang rim stegs bu'i phreng ba bya/ bsro gang gi nang du chu dang snod spyad la sogs pa gzhag pa'i phyir stegs bu rtsig drung thog dag tu bar chad tsan du bya/ me bud pa'i gnas kyi sar pha gu gding /bsro gang gi nang du me bud pa'i gzhir pha gu yang gding / me mi 'chi bar g.yogs bsro gang gi me bsror 'ong ba'i phyir me mi 'chi bar g.yogs/ de'i phyir lcags kyi thal phyags bcang / me g.yogs pa'i phyir lcags kyi thal phyags bcangs kyang nyes med do//me 'bar bzhin du 'jug pa myos pa'i phyir spang / bsro gang du me bus pa'i me dbal gyis myos par 'gyur ba'i phyir 'bar ba ma zhi ba'i bar du nang du mi 'jug /me dbal mi 'byung ba'i phyir phye dang yungs mar tsha ba gnyis bsres te mer gdab/ me dbal med par bya ba'i thabs ni 'di ltar bya'o//dri mi zhim pa med par bya ba'i phyir bog blugs / sU tra ltag ma ltar byas na dri mi zhim pa med par bya ba'i phyir spos blugs te zhim par bya/ ngar zan bcang bas mig zag pa brtag /bsro ba'i tshe rdul dang snum la sogs pa mig tu zag na ngar zan gyis mi brtag /skyu ru ra'i 'bras bus kyang ngo / /mig zag pa brtag pa shing tog a ma la'i chang bus brtag kyang rung ngo / /der rtswa bam gyi stan to/ /bsro gang gi nang du rtswa bam gyi stan gding / sa la rtswa gsher pa gding ste rlon pa'am spangs pas so/ / bsro gang gi nang gi 'og gzhir rtswa gding ste me mi mched pa dang lus la mi 'jug pa'i phyir rtswa gsher ba skams na spangs te gding / g.ya' ba'i phyir lcags kyi g.ya' phrug bya/ bsro gang na sman gyi chog byed pa'i tshe/ lus la g.ya' ba phrug pa'i phyir lcags kyi g.ya' phrug bya ste bcangs kyang nyes med do//mi gur tha gus thogs shig /lcags kyi g.ya' phrug gi yu ba'i spu gur la gzungs kyi tha gu gdags/ gtsug lag khang skyong gis dben par zhog shig /lcags kyi g.ya' phrug gtsug lag khang skyong gis ma stor bar dben par gzhag /bkru ba sbyor ba'i phyir 'di med brtag par gyis shig /lcags kyi g.ya' phrug snum dang rdul dang dri ma la sogs pa bkru ba'i phyir mer bsreg /der mi bkru'o/ /bsro gang du khrus mi bya/ gnas de'i phyir bya'o/ /bsro gang du khrus mi bya bas na khrus sa gud du bya ste ci ltar bya ba'i thabs 'og nas 'chad/'khru ba'i gos ma rung bar mi 'gyur ba'i phyir pha gus bskor ba'i shong bu bya/ 'khru ba'i chu ldugs pa'i gos mi gsher ba'i phyir pha gus bskor ba'i shong bu bya ste dbus su mi 'dug tu rung bar bya/ der stor khung gdod/ pha gus bskor ba'i shong bu byas pa la chu mi 'khyil ba'i phyir stong khung gdod/ chu tsha na phyi ma rnams la sbron cig /khrus khang sngar byed pas chu grang dro ji tsam pa phyi ma khrus byed pa rnams la bsgo'o/ /grang mos bsres shing chu tsha na grang mos bsres te ran par bya/'debs pa la sogs pa yang ngo / /chag chag dang maN+Dal la sogs pa'i chu yang ltag tu bshad pa bzhin du bya/ lci ba dang lci skam dang so shing gyo mo gang bar bzhag /bsro gang du lci ba gsher ba dang lci skam dang sa 'jam po dang so shing so sor gyo mo gang bar bzhag /bkru ba lus kyi yo byad du spyad pa'i phyir gzhag go /'on te rmya na snga dro'i zas bya/ bsro gang du nad pa'i cho ga byas pa'i nad pa dang las byed byed pa rnams bkres shing rmya na g.yar tshus zos kyang nyes med/ dbus su 'jug par shom gyis der zhugs pas mi shes pa ngo shes pa'i phyir dri/bsro gang du 'jug pa'i tshe mur 'dug la sogs pa ma dad pa/ bsro gang du 'jug gis ngo mi shes pa rnams la mkhan po gang yin pa dang ci la zhugs pa zhib tu dri/ de'i phyir mi gzhug pa'i phyir dge slong sgo ba gzhag /bsro gang du mur 'dug 'jug tu 'ong ba mi gzhug pa'i phyir dge slong tshul shes sgrin po cig sgo bar gzhag /ma dad pa der 'jug tu mi gnang ngo / /dge sbyong man chad mur 'dug yan chad las ma dad pa bsro gang du mi gzhug ste dad pa ni chos dang lus la dad pa dang skad cig dad pa tsam ma yin gyi rigs kyi ye nas dad pa la bya'o//lhan cig tu spyod pa dang nye gnas kyis de'i las bya'o/ /bsro gang du nad pa'i cho ga byed pa'i g.yog las byed pa ni lhan cig tu spyod pa dang nye gnas kyis bya'o/ /lhan cig tu yod pa ni mkhan po dang slob dpon la bya nye gnas ni mkhan po dang gzhan gyi slob ma bdag la gnas pa la bya/gzhon nus zhes gzhan dag gis so/ /lhan cig tu spyod pa dang nye gnas med na bsro gang du cho ga byed pa'i tshe dge slong tshangs pa mtshungs par spyod pa gang gzhon pa rnams kyis g.yog las bya'o/ / gnas brtan sha stag tshogs na de'i nang nas gang gzhon pas bya'o/ /bud pa dang / me dang me mar/ zangs dang / chu bskol ba dang me mar gyi zangs bu/ yungs mar dang / lus bsku ba dang me mar gyi mar/ so shing dang lci skam dang sa dang / so dang lag pa bkru bar dgos pa/phye ma dang / bul tog gam sran phye la sogs pa/ chu la sogs pa gzhag /sU tra 'di las 'byung ba dang 'og nas 'byung ba rnams bsro gang du nad g.yog dang las byed pa rnams kyis spog cing las bya'o/ /shing brtag pa dang / bud pa'i shing dang so shing brtag /dril ba dang / lus la 'de gus dril ba/ snum dang / lus la snum gyis bsku/ bkru ba dang / lus dang snod spyad bkru ba/ phyag pa dang phyag dar/ nyal nyil dor ba la sogs pa'o/ /thal ba dang sa phyags la sogs pa dor ba yang gzhon nu g.yog byed pas bya/de dag phan tshun du'o/ /mkhan po slob dpon dang rgan rabs rnams bsro gang du cho ga byas zin nas gzhon nu g.yog byed byed pa'i nang nas cho ga byed pa yod na gcig la gcig phan tshun du bya'o/ /khri'u dang / rtsa bam kyi stan dang khri'u dag la bya/nya phyis bkrus te ji lta bu'i gnas su gzhag /'di rnams bsro gang du cho ga byas zin nas so so'i gnas/ gnas gar rigs par gzhag go /snod thams cad kyang tshul de bzhin no/ /yo byad dang snod spyad la sogs pa yang bsro gang gi cho ga zin nas sU tra ltag ma bzhin du so so'i gnas gnas su gzhag go /yo byad thams cad rab tu dben pa dang byi bdar bya'o/ /snod spyad dang yo byad thams cad mi gtor ba'i tshul du bya zhing dben par gzhag pa dang byi bdar bkru ba dang btsem pa dang glan pa la sogs pa gar rigs par gyis shig /der sgra bskyung zhing 'jug /lus kyi sgra dang kha'i sgra la sogs pa gcom bskyungs te bsro gang du 'jug /mdzes par ro/ /sngon skyon yod pa la mdzes par byar mi rung gi 'phral du sgo gsum bsdams te 'jug pa la bya/ rab tu bsdams pa'i spyod lam mo/ /spyod lam bzhi'i tshul bzhin du bsdams te zon dang bcas par bsro gang du 'jug /shes bzhin du bya'o/ /me la sa ma yang bya ba dang sgo la mi reg par bya ba la sogs pa dang ming gis smos pa 'di rnams ma brjed par dran pa sngon du btang ba la bya/ sro ba'i mdun du mi 'dug /bsro gang na snga na me bsro ba'i mdun du mi 'dug /blag cher gtang / khyim pa dang log par spyod pa'i gtam phyal pa mi bya ba dang smra dgos pa'i rnams kyang sgra bskyung ba dang dal bus smra/ bsrings pa'i mi smra ba la dmigs/ bsro gang na 'dug pa'i tshe dge ba'i chos dang bsrings pa'i rang bzhin zhi ba'i don la dmigs shing bsam/mjug tu gsum brgyud mar bklag /bsro gang gi cho ga zin pa'i mjug tu zhal nas gsungs pa'i tshigs su bcad pa gcig dang / yon bdag dang lha khang gi srung ma dang sems can kun dge bar gyur cig pa dang dkon mchog la bstod pa'i bstod pa gcig dang gsum brgyud mar bklags shing 'gro ba'o //gos gcig dang las kun mi bya/ las ci byed kyang rung ba char lta bu gcig bu gyon te las mi bya'o/ /bsro gang bya ba man chad 'di yan chad bsro gang gi skabs su bya dgos par bshad mod kyi/ gzhan gang du'ang 'di bzhin du spyad cing bya dgos so//ma dad pas lus la de dag ma byas shig /lus la mnye ba dang byug pa dril ba la sogs pa chos dang lus la ma dad pa'i mi byed du mi gzhug 'di dang snga ma la'ang dad pa brtan pa la gsungs so/ /sU tra ltag ma 'di dang gong nas ma dad pa bsro gang du mi gzhug zer ba gnyis ma dad pa byed du mi gnang gi dad pa dang brtan pas g.yog gyis shig ces sangs rgyas kyi zhal nas gsungs/seng ge lta bus wa dang 'dra ba lta bu la g.yog mi bya/ tshul khrims dang yon tan dang ldan pa seng ge lta bus tshul khrims ral cing yon tan med pa wa lta bu la g.yog mi bya/shin tu tshul khrims ngan kyang mkhan po dang slob dpon la ni g.yog bya'o/ /mkhan po dang slob dpon ni tshul khrims ngan du zin kyang bdag tshul khrims thob par byed pa dang dge ba'i bshes gnyen yin pas na g.yog bya dgos so/ /gnas ni mi bca'o ma dang pha dang khyim mi nad pa la yang ngo //pha ma dang khyim mi nad pa la'ang g.yog bya'o/ /pha ma ni bdag gi lus gsos shing bskyed pa'i drin dang de ltar bskyed pas bdag dge ba'i lus thob pa'i phyir bya khyim mi nad pa la ni snying rje ba'i phyir ro/ /khrus gyir bsogs pa ni bkru bar ro/ / bkru ba'i phyir khrus kyi yo byad du bsogs pa dang na ba'i phyir bkru ba'i sman du bsogs pa ni bkru bar brtag pa yin te nyes med de/ 'og nas kyang 'chad do/ /rlung 'byin pa rtsa ba dang lo ma dang sdong po dang me tog dang 'bras bu bskol ba des bkru bar bshad do/ /rlung nad la sogs pa 'byin pa'i sman ni rtsa ba'i cho ga las sman du 'gyur ba dang lo ma dang 'bras bu las sman du 'gyur ro cog bskol bas bkrur rung ngo //mi 'khongs pa'i phyir bskus te'o/ /sman gyi khu bas bkrus na sha 'khongs shing rnyed par mi 'gyur ba'i phyir mar gyis sngar bsku/ 'de gus de med par bya/ mar gyis bskus pa'i 'og tu 'de gus bskus te dril/ snga ma'i phyir tha ma'i chur snum thigs pa gnyis sam gsum lugs shig /mar dang lde gus bskus nas sman gyi chus 'khru ba'i tshe sman gyi chu tha ma nas ldugs pa'i nang du sha mi 'khongs pa'i snum thigs pa gnyis sam gsum lugs shig /bkru'o lcags kyi gzhong khung du/ nad pas lus lcags kyi gzhong khung du khrus byas kyang nyes med do/ /chongs shing de nad pas so/ /lcags kyi gzhong khung nad pas bcangs kyang nyes med/ bla gab bya/ drod mi shor ba'i phyir gzhong khung gi kha gab bya/der mjing par sngas gzhug /lcags kyi gzhong khung du lums byed par nyal ba'i tshe bde ba'i phyir sngas gzhug /gar bab bab tu rkang pa mi bkru/ phyi rol ma gtogs par gtsug lag khang ngo cog gi 'khor du rkang pa mi bkru'o/ /gar bkru ba dang bkru ba'i sa bya ba 'og nas 'chad pa yin no//de'i gnas ni wa khar ro/ /rkang pa bkru ba'i sa ni khang thog gi wa khar kyang bkrur rung ngo / /rkang pa bkru ba'i bya/ wa'i khar chu mi 'gro ba'i phyir skyo ra la sogs pa bya/ gtsug lag khang gi steng shar dang lho'i grar ro/ /khang thog gi wa'i kha ni nyi ma des pa'i phyir shar dang lho'i mtshams kyi grar bya/rus sbal lta bu rtsub po/ /wa'i kha rkang pa gzhag pa'i gzhi rdo ba rtsub po rus sbal gyi rgyab 'dra ba bya ste gzhag /gzhag go kham pa'i chol zangs/ /rkang pa bkru ba'i rkang pa'i chol zangs kyang bya/ bal glang gi rmig pa'i mthil lta bu lbog lbog po can/kham pa'i chol zangs kyi zhabs sa la 'chags pa'i phyir bal glang gi rmig pa dang 'dra ba gor gor bu bya/ dbus su gzugs pa ni ka dam pa'i me tog lta bu la rtsub por ro/ /kham pa'i chol zangs kyi nang rkang pa gzhag pa'i gzhi'i snying po ka dam pa'i me tog 'dra ba rkang pa 'chags shing 'dag pa'i phyir rtsub por bya/bkrus te kha spu ba la gzhag /rkang pa bkrus nas rkang pa'i chol zangs nyid kyang bkrus te/ khas sbub la gzhag dge 'dun gyi na steng du'o/ /kham pa'i chol zangs dge 'dun gyi yin na gzhan 'khru ba 'ong ba'i phyir khang thog tu gzhag /gang zag gi na gnas kyi sgo rgyab tu'o/ /kham pa'i chol zangs gang zag gi yin na bdag gi gnas kyi sgo rgyab tu gzhag /lhung bzed bkru ba la sogs pa/ gtsug lag khang gi phyogs gang du byas pa des chus bsku ba'am byug /gtsug lag khang gi phyogs su lhung bzed dang snod spyad la sogs pa bkrus pa'i sar maN+Dal bya/mdung rtse'am phyi bar lta bur ro/ /bkru bshal byas pa'i sar maN+Dal bya ba ni dkon mchog gi phyir byas pa ma yin par mngon par bya ba'i phyir mdung rtse'i phyi bar 'dra bar bya'o/ /lci bas sam 'jim pas so//maN+Dal ni lci ba'am 'ji ba'i skyang nul du bya/ dkon mchog gi phyir byug pa ni 'dra bar chad pa med do/ /dkon mchog gi phyir mchod pa'i maN+Dal du bya ba ni gcig tu chad pa med do/ / cir dga' bar byar rung ngo / /lhung bzed med par rab tu 'byung ba'am bsnyen par rdzogs par mi bya/rab tu 'byung ba dang / bsnyen par rdzogs pa'i tshe lhung bzed med par byar mi rung / chung na ma yin che na ma yin dkar na ma yin/ lhung bzed ni tshad las che ba dang chung ba dang tshon gyis ma bskus sam byid pa mi rung che chung gi tshad dang kha dog btso ba'i thabs ni 'og nas 'chad/kha'i mtha'i cha nas mtheb mo'i sor gcig gi lhag mar 'bras btsos pa yang yul dbus su gyur 'chang gi spyod pa'i pra ta gnyis man chad tshod ma dang sngor du bcas par shong ba de ni tshad ma'o/ /lhung bzed kyi kha nas mtshon gang man chad du 'bras btsos pa rgya gar gyi yul gyi dbus ma gad+ha'i spyod pa'i pra ta gnyis tshod ma dang sngor du bcas par shong ba na lhung bzed chen po'o//pra ta gcig tshod ma dang sngor du bcas pa shong ba ni chung ngu'o/ /lhung bzed 'bring po pra ta gnyis man chad gcig yan chad ci tsam shong yang bla/ gyur 'chang zhes bya ba ni yul na sbyar zhing spyod pa'i bre phul lta bu ste pra ta la bya/pra ta ni rgya gar gyi srang bcu drug gi lcid kyi 'bras skam shong ba pra ta gcig gi tshad do/ /rgya gar yul gyi srang gcig la bod kyi srang gcig dang zho drug yod de rgya gar yul gyi srang bcu drug la pra ta gcig srang sum cu rtsa gnyis la pra ta do ste lhung bzed chen po'i tshad bod srang nyi shu rtsa brgyad la pra ta gang gi tshad de bdun phul do dang srang gcig dang zho phyed dang drug shong pa ni pra ta chung ngu'i tshad de chen po ni chung ngu do'i tshad do//dge slong mas dge slong pha'i chung ngu las mi bcang dge slong pha'i lhung bzed chung ngu'i tshad las che ba'i lhung bzed dge slong mas bcad du mi dbang //ro nye'i dkyil 'khor des de gzhag par gding / dge slong ma'i lhung bzed kyi gzhi ni ro nye la gleb ste zlum por byas te lhung bzed zhabs nyid la thal byung glan/ byang chub kyi shing be'i ta'i lo ma'am lag mthil 'dra ba'o//ro nye glebs pa'i gzugs ni shing bo de'i lo ma 'dra ba'am lag mthil 'dra bar bya'o/ /'di 'dri bar bya ba ni dge slong ma su la nan das lhung bzed kyi gzhi gdu bu lag skor byas pa las bcas tshad kyang de'o/ /che chung gi tshad kyang lag mthil lam shing bo de'i 'dab ma 'dra bar bya/de bas brnyas na'ang der 'gyur ro/ /rab tu 'byung ba dang bsnyen par rdzogs pa'i tshe/ lhung bzed med na gzhan gyi brnyas kyang rung ngo / /de bzhin lnga po yong ngo / /chos gos gsum dang chu tshags dang gding ba lta bu brje ba bzhin du brnyas kyang nyes med/dbyar lhung bzed med par mi bya/ dbyar tshul du zhugs pa'i tshe yul rgyu ba mi spyod ces te lhung bzed med par kyang mi rung lhung bzed dang 'bral du'ang mi rung ngo / /yul rgyu bar yang mi spyod/ lhung bzed med par yul rgyu ba mi spyad/ 'jigs pa dang bcas na lhung bzed chung ngu dang spyod cig /'jigs pa'i rkyen cig 'byung ngam yod na lhung bzed chen po gud du gtams la chung ngu spyad kyang nyes med/ med kyang rab tu dbyung / rab tu 'byung ba'i tshe lhung bzed med dam ma rnyed na med par rab tu dbyung du rung ngo / /langs te lhung bzed 'byung ba'am gzhug pa'am skam pa mi bya/lhung bzed spyad pa'i thabs ni sU tra'i 'di man chad 'og nas 'byung ba ltar bya'o/ /tshod ran par kun du spyod/ lhung bzed slong mo'i tshe dang kha zas bza' bar spyad pa ni ran pa zhes bya/ gcig tu 'og nas bshad pa bzhin du spyad pa la ran pa zhes bya'o/ /'dir gzhan 'dor ba dag mi gzhug /thal ba dang nyal nyil la sogs pa lhung bzed kyi nang du bcug ste mi dor/ 'dis phyag dar mi dor/ sa phyags pa lhung bzed du blugs te mi 'dor/ lhag rol yang mi bya/ shing tog la sogs pa'i kham nas dang tshigs ma mi blugs / lag pa dang gdong gi chu mi blugs/kha gdong la sogs pa bkru ba'i chu lhung bzed du blugs te mi spyad/ dge sbyong bag med pa'i chos can la 'di mi bkru/ dge sbyong bag med pa la lhung bzed mi gzhag mi bkru'o/ /ba lang gi lci ba bye ma can gyis ma yin/ lhung bzed kyi rtsi lag gnod pa'i phyir ba lang gi lci ba bye ba dang 'dres pas mi bkru/te por gsher bzhin du mi gzhag /lhung bzed bkrus nas chu ma skams par gsher bzhin du snod du mi gzhug /phyal bar shin tu bskam par mi bya/ nyi ma'am me'i 'od la brjod de shin tu skams par mi gzhag /rdo'i steng du mi gzhag /lhung bzed mi gtsang ba'i phyogs su 'ang mi gzhag /lhung bzed gar bab tu mi gzhag /lhung bzed de dag tu ring du'ang mi gzhag /gong ma lta bu zhig tu gzhag tu zin na'ang ring du mi gzhag par myur du blangs / de'i phyir glo phug bya/ lhung bzed gzhag pa'i sa gnas kyi khang bu la glo phug bya/ gtsug lag khang slong ba na khang bur ro/ /glo phug bya ba ni gtsug lag khang slong ba'i tshe nas glo phug bya'o/ /rtsig pa mi brko/ sngar glo phug ma byas pa'i khang bu la phyis rtsig pa mi brko/ dgon pa pas gzeb tu'o/ / dgon pa na gnas pa'i lhung bzed kyi gnas ni gzeb tu'o / /lcug ma'am tha gu las bya'o / /gzeb bu rgyu lcug ma las byas la/ spun tha gus byas te btags/ lci ba'am 'jibs bsku gzeb bu la lci ba'i skyang nul gyis bsku/ kha gab kyang de'i tshul du'o/ /kha gab kyang ltag tu bshad pa bzhin no//tha gus shing la dpyangs na dge'o/ /gzeb bu tha gus shing la gdags te sa la mi gzhag /gzeb bu sa la mi gzhag pa ni sems can 'ong ba'i phyir ro/ /'di gzhan du mi bskur / gud du 'gro na lhung bzed kyi gzhi gzeb bu khyer te mi 'gro/ snod du bcug ste bskur/ /'gro ba'i tshe lhung bzed nyid kyi snod du bcug ste bskur/ lag pas ma yin/ snod du bcug kyang lag na thogs shing mi bskur/ phrag pa la btags te mchan 'og tu bcug la bskur/ lhung bzed snod du bcug la phrag pa la gdags kyang rung se ral kar btags kyang rung mchan 'og tu bcug ste bskur/lhung bzed dang sman dang bar bur snod so sor gzhag /lhung bzed kyi snod dang sman gyi snod dang bar bur gyi snod so sor bya/ bar bur ni khab dang snyung dang gri dang rgyus pa dang skud pa dang lhan pa la sogs pa'o//bcang ngo de dag sman dang bar bur gyi snod bcangs kyang nyes med/ mnyam par phrag pa la 'phyang zhing gzhag par mi bya/ lhung bzed dang sman dang bar bur gyi snod thag pa mnyam par gcig gi steng du gcig rngos par mi bya ste/ ring thung so rnyil du bya'o/ / sdug bsngal mi 'dod na yangs par ma yin/ lhung bzed kyi thag pa bde bar 'dod na che ba'am chung ngu ma yin gyi ran par bya/ 'khum du 'ong gis bar phying bu gzhug /lhung bzed kyi thag pa mi 'khum pa'i phyir bar phyir bu gzhag /gnas pa'i phyir skabs skabs su bya rog gi rjes 'dra bar bya/phying bu phan tshun du mi 'chug pa'i phyir bya rog gi rjes 'dra bar skud pa'i nan du bya/ lhung bzed mig bzhin du bsrung / lhung bzed kyi rim gro bya ba ni bdag gi mig dang 'dra bar bya'o/ /pags pa bzhin du sbyar ma'o/ /chos gsum la rim gro bya ba ni pags pa bzhin du bya'o//gos lhag ma rnams kyang ngo / /gos lhag ma rnams la yang rim gro bya ba chos gos gsum la bya ba bzhin no/ /bcos pa la g.yem par mi bya/ gos dang lhung bzed la sogs pa yo byad thams cad btso ba dang / bcem pa la sogs pa nan tan myur du bsgrub//lhung bzed kyi lhan pa'ang nan tan du phyogs dben pa'o/ /lhung bzed lhan pa glan dgos na yang nan tan du dben par gyis shig /chongs shig dge 'dun gyi las bya ba'i cha byad / lhung bzed kyi lhan pa gdab pa'i cha byad dge 'dun gyis bcangs kyang nyes med/bu ga la 'di dag mi dge ste bu ram rgya skyegs spra tshil zho nye tshon mo steng ngo / /lhung bzed kyi lhan pa'i rgyu ni ming gis smos pa 'di rnams las byar mi rung ngo / /dge ba ni shur shur po dang gzer bu dang leb leb po dang chu srin gyi so lta bu dag go /lhan par rung ba ni lcags 'di rnams lta bu las gang 'os par glan chu srin gyi so ni 'di 'dra ba'o/ /chu srin gyi so gcig tu na lhung bzed lcags kyi skud pas btsems la tho bas steng nas glebs te bzhag pa la bya/ lcags sam rdo phye yang ngo / /lcags kyi phye'am rdo phyes bu gu chung ngu'am lhan pa'i mig mtshams su glan /yungs mar rams dang bsnal spra tshil 'dra bar lcags sam rdo ku ru bin das so/ /lcags phye'am rdo phye je zer yungs mar bsres te bsnal te spra tshil 'dra bar 'gyur ba'i phyir lcags kyi gar bu dang rdo ku ru bi na das btab cing bsnal/dron po la glan / de nas spra tshil 'dra ba des lhung bzed dron po la glan / gro bas g.yogs la 'ji bas bskus te ran par bsreg glan nas steng du dro bas g.yogs la 'ji bas bskus te skams pa'i tshad du ran par bsreg /yungs mar gyis ba dang / skams nas yungs mar gyis bskus la 'jam por bya ba'i phyir lcags sam rdo ku ru bin das bdar/ bu ram dang 'ji bas ni kham pa'i la'o/ /kham pa'i lhung bzed la ni lhan pa bu ram dang 'ji bas bsre ste glan/ spyod bzhin na ni zla ba drug gi mthar bsreg /lhung bzed slong ba kha zas za bar spyod na zla ba drug cing bsreg go /mi spyod cing kha dog ma byid na ma bsregs kyang nyes med do/ /kham pa'i na ni zla ba phyed cing ngo / /kham pa'i lhung bzed spyod bzhin na zla ba phyed cing bsreg 'on te dbyar na bkru zhing dgos pa'i skabs skabs su bsku bar sbyar dbyar lhung bzed btsa' mi zhugs pa'i phyir spyod pa'i skabs su snum gyis nyin re zhing bsku mi spyod na'ang btsa' 'jug tu byed na bkru zhing snum gyis bsku/bsreg pa 'di ltar ro/ /lhung bzed bsreg pa'i thabs ni 'og nas 'byung ba ltar bya'o/ /de'i phyir sgro mo chongs shig /lhung bzed bsreg pa'i phyir rdza ma bcag pa'i cha spyad dang rdza ma bcangs kyang nyes med/der grub pa'am/ rdza ma ni lhung bzed bsreg par phyed kar byas kyang rung / gyo mo las so/ /rdza ma nyid las 'phral la brtol te byas kyang rung ngo / /rdza ma bcag pa ni thal bas bkang ste bcag na dge'o//rdza ma nyid las 'phral la bcag pa ni thal bas bkang ste bcag na rung ngo / /bcang ngo de rdza ma bcag pa'i cha spyad dang rdza ma bcangs kyang nyes med/ du ba mi 'bros par des g.yogs / lhung bzed bsreg pa'i du ba mi 'bros par bya ba'i phyir rdza mas steng nas dgab/phub ma dang 'ji ba'i skyang nul gyis bsku/ rdza ma'i phyi rol phub ma dang 'jibs bsres te skyang nul byug /yungs mar gyi tshigs ma 'am ba lang gi lci bas nang bsku/ rdza ma'i nang yungs mar gyi tshigs ma 'am ba lang gi lci ba gang 'byor pas bsku/skams par gyur na'o/ /rdza ma la skyang nul du bskus pa skams par gyur nas khas dbub / /sa'i las kun byas nas phub ma bting ste du ba bzang por 'byung ba'i yungs mar gyi tshigs ma la sogs pa'i rdzas kyis bkram la kha sbu bas ste gzhag / sa rko ba la sogs pa byas zin nas gzhir phub ma bting ste du ba bzang bar bya ba'i phyir yungs mar gyi tshigs ma'am ra ru dang / tar ga dang khab tseg dang be'u zho 'thung ba'i rtug pa la sogs pas phub ma'i steng du dgram/ lci ba'am sog mas g.yogs te sbar/ /rdza ma'i phyi rol du lci brul dang sog phub dang shing lo la sogs pas g.yogs te me bud/te por grangs nas blangs / me shi nas te por grangs nas lhung bzed dbyung / kha dog ma grub kyi bar du bzlas/ ltag ma ltar lan gcig bsregs pas kha dog ma zhen nam kha dog zhe na zhen gyi bar du bsreg /bkrus shing bkrus shing gzhag /kha dog ma grub ste bslas pa'i tshe lhung bzed bkrus shing bkrus shing gzhag /than kor du srog chags la snying rje ba'i phyir byug cing dgab/ lhung bzed bsregs pa'i than kor zang zing dang srog chags la 'khri zhing 'ang snying rje ba'i phyir phyag dar dang chag chag bya/mtshan gyi 'khor du skyes na lo grangs mi shes kyang bsnyen par rdzogs par chad par bya/ bsnyen par rdzogs par 'dod pa chung ngur pha mas bor ba lta bu lo grangs mi shes na pho mtshan mo mtshan khor khor yug tu spu skyes na lo nyi shu lo lon pa'i thang du bsnyen par rdzogs par byas rung bud med bag ma byas pa ni spu'i tshad du mi bya'i lo bcu gnyis lon pa yan chad bsnyen par rdzogs par rung ngo //sgyus brtag /gsang ba'i spu blta ba ni mi skyengs pa'i phyir sgyu dang thabs kyis brtag cing blta thabs ni 'og nas 'chad/ba lang so'am gos gdang mthon po la sogs pa las nor dag dbog par ro/ /mtshan gyi spu sgyus brtag pa ni gos gdang skas la sogs pa la gos dag skyel cing dbog par bcug la 'og nas blta'o/ /bsnyen par rdzogs par 'dod pa shing la 'dzeg tu mi gzhug /dge sbyong zhag lnga drug tshun chad du bsnyen par rdzogs par byed pa zhig na shing la 'dzeg tu mi gzhug /dge sbyong bsnyen par rdzogs par 'dod pa zhig drug sdes shing la me tog thur bcug pa las shing las lhung ste rkang pa chag pa las bcas/mtshams kyi phyi rol du mi mngag /dge sbyong bsnyen par rdzogs pa'i khar 'bros pa'i phyir mtshams kyi phyi rol dang lam ring por mi mngag /mig rgyang bskyed de mngon par thal mo sbyar la gzhag /khrims rdzogs par byed pa'i tshe/ mig rgyang du mi snang bar mi gzhag gi dge 'dun las byed pa snang zhing sgra mi thos pa tsam du mngon par gzhag /khyim mi la gnas mi bsgo / /khyim pa la sngangs shing 'drogs pa'i phyir shing drung ba dang slong mo pa dang tshem bu ba dang / sman bskus pa bzhi mi bstan/ bsnyen par rdzogs ma thag tu mi bsgo bar mi bya/bsnyen par rdzogs ma thag tu sU tra ltag ma'i gnas bzhi bsgo zhing bstan par bya/ gang du yang gnas med par der gso sbyin gyi bar du bsdad pa dang tshul 'jug par mi bya/ gnas brtan shi'am gud du song ngam khyim par bab na gnas med par bsdad du mi rung ste gso sbyin dang tshul nas 'byung ba dang /tshul du 'jug pa la'ang mi bsdad par gnas brtan tshol du 'gro'o/ /tshul snga mar na ni mi bsrung / tshul snga mar zhugs zin la gnas brtan med par gyur na yang tshul dral te gnas brtan tshol du 'gro'o//phyi ma zla ba gnyis las lhag par ro/ /tshul phyi mar zhugs pa las gnas brtan med par gyur na zla ba gnyis kyi bar du tshul bsrungs la gnas brtan tshol du 'gro'o/ /dngos po dang las dang g.yog dag spang bar de la khas blangs /dngos po dang zhes pa ni gnas brtan rnyed de spyan 'dren pa'i tshe khang bu bzang ba ste dbul bar khas blangs las dang zhes pa ni gnas brtan dag gi las su mi gzhug pa'o/ /dge 'dun phal mo che zhig gnas gnas pa las gnas brtan med par gyur na zad par 'dong mi dgos kyi/gcig gam gnyis kyis btsal te rnyed na 'di rnams khas blangs la spyan drang / g.yog dag spang bar de la khas blangs zhes pa ni gnas brtan gyi g.yog cig 'ongs na de yang las su mi gzhug pa dang khyim pa la gnas brtan gyi g.yog sbyin pa dang /dge slong gi nang nas gcig bsko bar khas blangs / med na rgan rabs kyi ltar la'ang dri/ gnas brtan med na tshul snga ma dral te btsal na ma rnyed pa la/ tshul phyi mar zhugs nas yang med par gyur pa dang tshul snga ma dral te song song ba las gnas brtan ma rnyed de tshul phyi mar zhugs nas zla ba gnyis kyi bar du 'dug pa'i tshe ni bdag cag 'khod pa'i nang nas rgan pa mkhas pa la dri/yod kyang nye gnas su ni'o/ /gnas brtan yod du zin kyang gnas brtan nyid la chad pa byung ba'i tshe dang dge sbyong mang du yod na de gnas su bcol te dbye/ ma dris kyi bar du de lta bu'i rigs la las mi bya des sam bdag gis so/ /dge sbyong ngo mi shes pa'am gsar du 'ongs pa lta bu la bdag gi mkhan po la ma dris kyi bar du bdag gis kyang kho bo'i las mi bya/ bdag la'ang las byed du mi gzhug go /mkhan po la dri dgos pa ni rgyus mi shes pa de yon tan dang ldan nam mi ldan pa dang yon tan dang mi ldan yang bdag la gnod par 'gyur ba lta bu yod na g.yog bya dgos pa'i skabs lta bu mkhan po shes pa'i phyir dri'o//nyes med pa ni med de tshol bar zhugs par gnas par rigs par gnas med par gnas kyang ngo //gnas brtan med pa'i bar du ni gnas bca' ba'i rigs pa'i dge slong rnams gnas brtan tshol gyi bar du ma dris kyang nyes med do/ /ci srid pa bar du ma dris kyang nyes pa med pa ni 'og nas 'chad do/ /zhag lnga zad kyi bar du'o/ /gnas brtan med de tshol bar zhugs pa'i tshe/ma dris kyang nyes med pa ni zhag lnga'i bar du ni gnang ngo / / de phan chad kyang rnyed kyang nyes par 'gyur ro/ /rnyed pa'am rigs so/ /zhag lnga'i bar du ni kha zas dang nor zas dag rnyed de blangs kyang nyes med de brtags pa'o/ /'ongs ba'i nyi ma gnyis sam gsum ngal bsos te gnas zung shig /gnas brtan spyan drangs pa ni ma yin gyi gud nas gsar du 'ongs pa zhig nas brtag pa'i phyir zhag gsum gyi bar du ngal bso zhing tshul blta ste gnas brtan du rung na gnas bca'/ bdag gnas brtan tshol du song song ste rnyed pa'i gnas brtan rgyus mi shes pa zhig na'ang zhag gsum gyi bar du brtag ste gnas gzung /zhag gcig gi phyir yang ma yin/ gang du yang rung ste bdag kyang rung gnas brtan kyang rung zhag gcig las ring du mi 'dug pa zhig na gnas mi gzung mi rigs pa'i phyir ro//gnas bcas pa ma rnyed na gzhan la'ang dri/ bdag gi gnas brtan dro'i lam phan chad gcig tu song ste slar 'ongs pa zhig na de'i bar du gnas brtan gzhan su yod pa la dri/ gnas brtan med na bdag cag gi nang na rgan zhing chos mkhas pa la dri'o/ /nyes med pa ni las blangs pa las gzhan der 'ongs na ma dris kyang ngo //las shig bya bar mkhan po la dris te song song ba las tshul gyis las bya dgos pa zhig 'phral la 'byung ba dang / dge 'dun dang gsar po rgan pos 'phral la bsgo ba ni mkhan po la ma dris par byas kyang nyes med do/ / gar bab bab kyi gan du ma yin/ gnas brtan du bzung zhing btsal ba ni lo grangs kyi gnas brtan du chud kyang bab bab tu mi bzung ngo / /ci lta bu las gzung ba 'og nas 'chad/ khrims dang / gnas brtan brtag pa ni tshul khrims dang ldan nam mi ldan pa dang /shes pa dang / chos lnga dang ldan nam mi ldan pa dang / 'khor dang / gnas brtan gyi 'khor snga na yod pa srun nam mi srun pa dang / skyon yod dam med pa dang / skyong ba dag /gnas brtan nyid slob ma la ston cing skyong ngam mi skyong ba dang / yo byad sbyor ram mi sbyor gzhan gnod pa byed skyabs byed dam mi byed pa dang /dri ba la sogs pas shes par bya ste/ 'di rnams lta bu dang ldan nam mi ldan gzhan dag la dris shing brtag ste/ rtogs shing shes par byas nas rung bar rtogs na/ sdom pa bzhin du gzung / gnas bca' ba ni sdom pa bzhin du gnas bca' bsngags lan gsum du bzlas te gzung /rkang pa gnyis kyis lag pa gnyis kyi steng du mnan la'o/ /gnas bcas pa'i sngags 'debs pa'i tshe gnas brtan gyi rkang pa gnyis kyi 'og nas lag pa gnyis kyis bzung ste/ sngags bya/ brtags te sbyin/ gnas brtan gyis kyang slob ma gnas 'char 'jug pa ni g.yo skyon dang tshul la sogs pa ldan nam mi ldan pa ltag tu gnas brtan la brtag pa bzhin du brtag ste gnas 'char gzhug /pha dang bur 'du shes gzhag /gnas bca' nas gnas brtan ni pha'i gzugs brnyan du blta slob ma ni bu'i gzugs brnyan yin par 'du shes gzhag /der na mkhan po bas gnas pa ste de bas na der mi gzung / bdag gi mkhan po la ni thog mar mkhan por gsol te mkhan por gyur pa'i tshe gnas bcas pa yin pas na phyis gnas bca' mi dgos so//blangs pa'i gnas gzhig pa'i phyir gnyis kas phyal bar gyur na'o/ /gnas bcas pa las gnas zhig par 'gyur ba ni gnas brtan gyis kyang bdag gi slob ma gnas 'char mi gzhug cing yongs btang bar bsams slob mas kyang yongs btang bar bsams na gnas zhig ste med par 'gyur/gcig gis btang ste gcig gis ma btang na zhig par mi 'gyur ro/ /mkhan po med par 'dus na gar dga' bar tshor cig /bdag gis mkhan po med la gnas bcas pa'i slob dpon mang po zhig cig car 'dus na gang dga' ba la gzhar zhing dri snga dro dang phyi dro re re la dris kyang nyes med do//de nyid na de la'o/ /mkhan po dang gnas bcas pa'i slob dpon kun 'dus na mkhan po la dri'o/ /dge sbyong dang rdzogs pa'i mkhan po gnyis tshogs na rdzogs pa'i mkhan po la dri'o /mkhan po mthong ma thag tu stan las 'phags/mkhan po lam nye ring gang nas 'ong yang rung lan mang du 'gro zhing 'dug kyang rung ste bdag dge ba spyod kyang rung stan las 'phags dge ba spyod pa la ni mkhan pos kyang 'dug ces zer ba'i rigs te zer na 'dug kyang nyes med mkhan po bzhin du slob dpon lnga la yang bya'o//nyin gcig la lan gsum gnas pa'i gan du gtsug lag khang de na gnas na 'gro'o/ /gtsug lag khang mtshams gcig gi nang na mkhan po dang lhan cig tu gnas na nyin gcig la lan gsum du zhu zhing dri/ lam ring ngam mtshams tha dad na gnas pa ci ltar dri ba ni 'og nas 'chad/dgon pa la gnas te rgyang grags tsam na nyin re/ mkhan po dang slob ma gnyis ka dgon pa na gnas te bar rgyang grags tsam gyis chod la dgon pa nyid kyi mtshams bcad pa'i nang yin na nyin re zhing lan re zhus kyang nyes med/ de bzhin du gtsug lag khang gi mtshams nang rgyang grags tsam la yang nyin re zhing zhu dgon pa dang gtsug lag khang gi mtshams bcad pa ni gtsug lag khang gi rang mtshams kyis brtsi/rgyang grags su mi gnang gcig dgon pa la gnas la gcig mtshams kyi nang na gnas na bar mtshams kyis chod pas mi gnang /rgyang grags lnga tsam na zhag lnga drug na'o/ /gtsug lag khang ngam dgon pa'i mtshams gcig gi nang yin na mkhan po dang slob ma'i bar rgyang grags lnga tsam gyis chod kyang zhag lnga drug cing zhus kyang nyes med/ dgon pa dang gtsug lag khang gi mtshams tha dad dam/ mtshams med pa ni mi gnang ngo / /dpag tshad phyed dang gsum na ni gso sbyin gyi tshe'o/ /dgon pa'am gtsug lag khang gi mtshams gang yang rung ste mtshams gcig gi nang na yin na mkhan po dang slob ma'i bar rgyang grags phyed dang gsum tsam gyis chod kyang zla ba phyed cing dris kyang nyes med/gnas bcas pa chad pas bcad par rigs na yang chad pas mi bcad par mi bya/ gnas brtan gyis bdag la gnas pa'i slob ma rnams nyes pa zhig spyod de chad pas bcad pa'i rigs na'ang chad pas bcad par bya'o/ /nyes pa byed pa la chad pas cis bcad pa ni 'og nas 'chad/chad pa ni lnga ste/ chad pas bcad pa rnam lnga yod de lnga ni dmigs kyis 'og nas 'chad pa yin/ mi smra ba dang mi bstan pa dang g.yog dang chos dang kha zas mi spyad/ mi smra zhes pa nas g.yog dang zhes pa'i bar du ni mi smra ba dus gsum du zhu ba la bag yod par gyis shig ces lan mi sbyin pa dang mi bstan pa ni chos dang kha dog dang bsam gtan lta bu mi bstan te/'di gnyis la chad pa gcig rkang pa 'khru ba dang lus nyed pa la sogs pa g.yog byed du mi gzhug pa dang chos dang zhes pa ni las brgya rtsa gcig lta bu gang byed kyang rung las su mi gzhug par dbyung /kha zas mi spyad ces pa ni kha zas dang gos bdag gis kyang mi sbyin slob ma 'bul na'ang mi blang ba dang 'di gnyis la chad pa gcig /dge ba'i skyabs brtsams pa bcad pa dang gnas dgag pa'o/ /dge ba'i skyabs brtsams pa bcad pa zhes pa ni slob ma ce ti rtsig pa dang yi ge klog pa la sogs pa dge ba spyod pa la ma spyod cig ces kun du bcad de spyod du mi gzhug pa dang gnas dgag pa'o zhes pa ni de lam gnas par gud du song shig ces bskrad pa dang chad pa 'di rnam lnga rim bzhin du gcig gis ma 'gyur na gcig gis bcad do//rigs pa ni ma dad pa dang le lo can dang ngag dka' ba dang bsti stang med pa dang sdig pa'i grogs po can no/ /rigs pa ni zhes pa ni chad pa rnam lngas rim pas bcad par rigs pa ni ming gis smos pa 'di lnga'o/ /ma dad pa dang zhes pa ni dkon mchog gsum la dad pa khong nas med pa'o//le lo can dang zhes pa ni dge ba la mi spyod cing mi dge ba la spyod pa dang za zhing nyal la phyi rol skyel du 'gro ba'o/ /ngag dka' ba dang zhes pa ni dge ba dang las bskos pa la slar 'khyil zhing mang du bzlog pa dang dmod mo dang tshig rtsub por smra ba'o//bsti stang med pa dang zhes pa ni dkon mchog gsum dang mkhan po dang bla ma la bsti stang med cing 'gying ba dang tshul khrims sbom po bsrungs pas chog gi phra mo la bsrungs ci dgos zhes ma gus pa dang / sdig pa'i grogs po can no zhes bya ba ni srog gcod pa dang rol mo mkhan dang chang 'tshong ba dang /rkun ma dang 'phyon ma can dang bsten pa dang 'di rnams lnga ste rim bzhin du chad pa lngas bcad do/ /chad pas gcod pa gzhan gyis bsdus na sbom por 'gal/ slob ma chad pa rnam pa lnga gang gis bcad kyang rung ste chad pas bcad pa la dge slong gzhan zhig gis kha drangs na kha 'dren 'dren pa dbyen gyi sbom por 'gyur /bsti stang med bzhin na bsgyur ba'i phyir dge slong shes pa la chol cig /chad pa rnam lngas bcad pa las nyes pa 'chags shing bzod pa gsol du'ang mi 'ong gud du'ang ma song ste bar ma dor 'dug pa na dge slong tshul khrims dang chos mkhas shing 'drid cing snying 'ji mkhas pa gcig la gnas brtan gyis chol te/sngon gyi nyes pa 'or la mkhan po la bzod par gsol te/ shogs la slar chor cig ces gros 'debs su gzhug /mtshan ma btang ste 'chags na bzod cig /slob ma chad pas bcad pa de sngon gyi nyes pa gtong ngo zhes zer zhing bzod pa gsol te 'chags shing 'ong na gnas brtan des bzod pa byin cig /chad pas bcad pa'i mi rigs na mi bya'o/ /slob ma rtag tu tshul khrims bsdom zhing brtson 'grus che la bar 'ga' tsam zhu ba 'phyis pa lta bu chad pas bcad pa mi rigs pa la gnas brtan gyis chad pas mi bcad/rigs na mi bzod par mi bya/ slob ma chad pas bcad pa la de sngon gyi nyes pa gtong zhing 'chags su 'ong ste bzod par bya ba'i rigs pa la bzod par ma byas na nyes byas/mi rigs na bzod par mi bya/ slob ma chad pas bcad pa la sngon gyi nyes pa mi gtong zhing 'chags su mi 'ong na bdag gis bkug ste bzod pa gsol mi gzhug /ma btub na khang bu nas dbyung / chad pa rnam lnga la sogs pa'i thabs bya ste cis kyang ma gyur na slob ma de khang bu nas bskrad phyung ste'o//tshags dang ril ba spyi blugs dang chog pa tsam byin te dge sbyong la'o/ /slob ma bskrad pa de dge sbyong zhig na tshags dang ril ba dang gos chog pa tsam byin te btang ngo / /dge sbyong nyid la rdzas mang po zhig yong du zin kyang mi byin par slar 'ong ba'i phyir gtar gzhag go /phyir ma 'ongs te thal byung gzhag kyang rku sems med kyi 'ong ba'i phyir gtar gzhag pas nyes med do/ /'on te bsnyen par rdzogs par 'dod pa na yo byad lnga dang ngo / /slob ma bskrad pa de nyi shur lon du nye ste bsnyen par rdzogs par 'dod pa zhig na ltag tu dge sbyong la brdzangs pa'i steng du chos gos gsum dang /gding ba dang lhung bzed lngas bsnan te sbyin no/ /bsnyen par rdzogs pa yang ngo / /slob ma bskrad pa'i de khrims rdzogs pa zhig yin na sU tra ltag ma bsnyen par rdzogs par 'dod pa'i thad du brdzangs te bskrad do//seng ge bzhin du mi re bar mi bya/ slob ma bskrad pa la phyis yang slob mar mi bya'o zhes re ba mi bcad seng ge ni ri dwags bsad nas zos pa'i lhag ma phyis bza' ba'i sems med do yod mi za ba dang seng ges thal mos bsnun pa la 'chor re ba'i sems med pa bzhin du mi bya/phangs par 'gyur ba'i bya ba bca' bar mi bya/ dge 'dun gyi 'og khrims bca' ba la/ thams cad zhal tshus bcad pa lta bu kha cig nang du 'gyur ba dang gnas 'dir dge slong su'ang zhig tu mi gzhag pa lta bu rgan po dang nad pa shi bar 'gyur ba mi bca'/lon pas kha su bar 'gyur/ zhag lon pas kha su bar 'gyur te/ kha ma bkrus par bdag la'ang phyag 'tshal du mi gzhug bdag gis kyang gzhan la phyag mi bya/ bca'o so shing / kha su bar gyur pa so shing 'chos la bkru/ dben par ro//kha lag bkru ba ni dben par bkru'o/ /bshang gci bya ba yang ngo / /bshang ba yang dben par bya/ spyod pa'i shing drung ngam rtsig drung du mi bya/ mi mang po spyod pa'i sa shing drung ngam rtsig drung lta bur bshang gci dang so shing mi bca'/ de'i chad ni sor bcu gnyis tsam nas brgyad yan chad do//so shing gi tshad ni sor bcu gnyis man chad brgyad yan chad la bya ste thung ngu mi snang ba ni dge slong gcig cig so shing thung ngu bca' bca' ba las sangs rgyas byon nas bor du ma spobs te thal byung mid pa las lkog mar zug ste shi ba las bcas/ ring ba ni drug sdes so shing ring po bca' bca' ba las mi sdug cing gzhan la rgya lcag gi thabs su brdeg pa las bcas/ mchil ma mang po la med na bzhi las lhag pa yan chad kyis so/ /bad kan rgyas shing mchil ma mang la so shing dkon te med na sor bzhi yan chad la byas kyang nyes med do//gnas su na chol zangs kyi steng du dor bar mi rigs pa ma yin no/ /so shing bca' ba dang kha bkru ba gnas kyi nang du byed na chol zangs kyi nang du bkrus kyang nyes med do/ /wa'i khar na'ang dben par mi 'gyur ba ma yin no/ /so shing bca' ba dang kha gdong bkru ba khang thog gi wa khar byas na'ang dben par chud de nyes med do//khru gang 'khor ba der 'di lta bu dag kyang gtogs so/ /wa'i kha khru gang 'khor ba tshun chad wa khar chud do/ /de tshun chad du so shing dang kha gdong bkrus kyang nyes med do/ /de'i rjes su lce bzhar kha bkrus pa'i rjes su lce bzhar bcang ngo //lce bzhar ba ni khab kyi rgyu las so/ /lce bzhar ba'i rgyu ni khab kyi rgyu ste/ lcags dang zangs dang khar ba dang ra gan las byas te bcangs kyang nyes med do/ /de'i phyir so shing gshags pa'ang brtags pa'o/ /lce bzhar ba sU tra ltag ma ltar ma bcangs na so shing gshags pas bzhar kyang rung ngo //phan tshun du de mi rno bar brud so shing gshags pa gcig la gcig brud de zur rnon pos lce mi gcod pa'i phyir mi rno bas brud cing dal bus bya/ rnon pos lce dang so dang rna ba mi brud/ so dang lce dang rna ba la ci yang rung ste rnon pos zug cing snad pa'i phyir mi brud/mi dal bar ma yin par de'i sha la mi na bar bya'o/ /so dang rna ba dang lce la brud pa'i tshe snad cing khrag mi 'byung ba'i phyir dal bus ran par brud/ kha'i dri mas 'bags pa'i phyogs ma bkrus sam sas ma phyis par lce dang so bkrus pa mi dor/so shing 'cha' 'cha' ba de la kha'i dri ma dang mchil mas 'bags pa chus ma bkrus sam sas ma phyis par mi dor/ sgra ma byas par mi dor/ so shing dor ba la se gol la ma lud pa'i sgra ma phyung bar mi dor ro / /'di ni dpe ste bshang gci dang mchil ma dang /snabs dang skyugs pa dang tshad pa dang gzhan yang ngo / /so shing dor ba la sgra bya ba ni dpe ste de bzhin du 'di rnams dor na'ang se gol dang lud pa'i sgra dbyung / ming gis dor ba 'di rnams dor ba ma yin pa bong rdog la sogs pa ci dor kyang sgra dbyung ngo //bkru ba la 'di dag gis kyang 'grub ste go 'dun pa'am lci skam gyis kyang ngo / /kha 'khru ba la so shing med na 'di rnams kyis bkrur kyang rung ste go 'dun ni glas gang dang rtswa ku shu ri dang spos la sogs pa btags pa'i phye ma la bya'o/ /lus kyi bya ba 'di dag byas ma thag tu mchod rten la phyag bya/ltag tu smos pa kha lag bkru ba la sogs pa lus kyi phyi bdar byas zin nas mchod rten la phyag bya mchod rten med kyang yid kyis dmigs te phyag bya/ gtogs pa na gnas pas nan tan du bya'o/ /lo bcur ma lon la chos lnga dang mi ldan gyi bar du bdag gi las su bya bar gtogs pa ni mkhan po dang gnas brtan la g.yog dang rim gro bya ba 'og nas 'byung ba'i las rnams nan tan du bya'o//de ma thag tu nad par song ste phyag bya/ nang par kha bkrus nas mchod rten la phyag byas ma thag tu mkhan po la phyag bya/ kha ma bkrus na yar lus smad gsum gyis phyag bya/ snyun gsol/ mkhan po thugs bde'am mi bde snyun gsol/ go 'dun chu dang so shing bsnyen/ mkhan po kha gdong 'khu ba la sogs pa'i yo byad 'di rnams bsnyen cing sta gon bya/ tshang mang du blta ste bsnyad/ mkhan po'i bshos rgyu dang ci yod pa las tshang mang du sbyor du bcug la zhal ta bya ste/'di dang 'di sbyar ro zhes mkhan po la bsnyad/ sres pa dbul bar yid la bya zan za ba'i tshe mkhan po gang la sres pa mang du brim zhing bdag gi skal ba'ang mkhan po la dbul bar shes par bya/ lhung bzed bkru/zan za ba'i mdun logs su mkhan po'i lhung bzed dang / phor gzhong la sogs bkru bshal bya/ 'on te bsod snyoms pa zhig na gsil ba yang ngo / /mkhan po bsod snyoms pa zhig yin te 'khar gsil kha zas dang dri mas 'bags na'ang bkru/ de la de ste dgos na tshags kyang ngo //mkhan po bsod snyoms la 'gro ste zan slar gnas su mi za 'am / slar gnas su mi 'khor ba lta bu la chu chags dgos na'ang bkru ste brdzangs / de'ang de ste na dri/ slob ma'ang slong mo la 'gro 'dod na bdag kyang bsod snyoms la mchi ste lhan cig 'grogs shing mchir rung ngam mi rung zhes dri/'on te lhan cig tu 'dod na de nyid dang lhan cig tu 'jug /bsod snyoms la lhan cig 'grogs su gnang ngam mi gnang dri nas/ 'grogs su rung ngo zhe na mkhan po dang lhan cig tu 'jug /nyam nga ba la sogs pa la mdun du 'gro'o/ / bsod snyoms la zhugs pa'i lam nyam nga ba'am khyi za ba'am phyugs rdung ba la sogs pa yod pa lta bu la bsel bya ba'i phyir slob mas bag bya ste mdun du 'gro'o/ /bsod pa zhig na de la bsngo/ /bsod snyoms len pa'i tshe khyim pas bdag la kha zas bzang po bsod cing zhim pa byin na mkhan po la phul cig ces bsngo//ma 'grogs na 'khor nas bstan/ ma 'grogs te so sor dong nas slar 'khor na slob mas bdag kha zas ci rnyed pa mkhan po'i spyan sngar brim par bstan/ rab tu bzang po btu ste bstab/ slob mas bdag gis kha zas kyi nang nas bzang po bsod cing zhim pa'i rnams mkhan po la bdar/des kyang thams cad la tshod bzung / mkhan pos kyang zas bzang po bdar ba la tshad bzung ste ci ran par blang de bzhin du bdag gi phyir slob ma las ci byed do cog la'ang tshod bzung ste ran par byed du gzhug /chu snod dgang / zan ma zos pa'i mdun du slob mas brtags chu dang btung chu dang phyi rol gyi chu snod gsum so sor dgang / dus bsnyad bsod snyoms la 'gro ran pa'i nyi tshod dang gdugs tshod bab bam ma bab pa'i nyi tshod la sogs pa mkhan po la bsnyad / zos nas lhung bzed la sogs pa bkru/zan zos zin nas lhung bzed dang gzhi dang phor gzhong la sogs pa bkru/ 'di dag gzhag /snod spyad la sogs pa bkrus nas so so'i gnas gnas su gzhag pa la 'ang bya/ mchod rten la phyag bya ba'i phyir go 'dun dang chu la sogs pa bsnyen/ mkhan po mchod rten la phyag byed cing mchod pa'i yo byad me tog dang chu dang spos dang go 'dun la sogs pa bsnyen cing sta gon bya/ rkang pa bkru bar gtogs pa la nan tan du'o/ /nub mo mkhan po rkang pa bkru ba'i yo byad ci dgos pa kun nan tan du bsags / mal stan bca'/mkhan po'i mal stan la sogs pa sprug ste mal bya/ smad dkris kyang dbul/ mkhan po nyal khar smad dkris dbul sham thabs blang / smad dkris phul nas sham thabs bdag gis blang / rkang pa'i chu dang rten ma dang chol zangs bsnyen/ rkang pa bkru ba'i chu dang rkang rten gyi shing dang zangs la sogs pa bsnyen te bkru/lham phyi mkhan po'i lham la rdul dang dri ma yod pa phyi/ slong ba'i byed par ma bsko bar phyags ma thogs pa mthong na rtogs pa nyung ngur ro zhes bya/ dge 'dun gyis mkhan pos phyags pa la sogs par ma bskos par mkhan po nyid sa phyags shing 'dug na mkhan pos bgyi ba mi rigs kyi bdag gis bgyi'o zhes bya ste las bya/mkhan po na re nga'i bsod nams kyis bla'o zhes zer na gzhag kyang nyes med/ gos 'drub par ma bskos par khab thogs te 'tshem na yang ngo / /ltag ma bzhin du dge 'dun gyis las byed par ma bskos par gos 'tshem pa la sogs pa'i las byed na'ang bdag gis bya'o zhes las de blang /brtag pa bya ba dang span spun btogs pa dang me tog dang 'bras bu btogs pa dang so shing la sogs pa yang dge sbyong gis so/ /khar la sogs pa'i gzugs sems can du 'dug pa la sogs pa zhig pa dang span spun ni gtsug lag khang gi 'khor na ldam ldum skyes pa lta bu dang me tog dang shing tog btogs pa la sogs pa dang /so shing rnga ba la sogs pa ni slob ma dge sbyong gis bya bar gtogs so/ /sgo brdab cing nang na gnas pa la go bar bya/mkhan po la sogs pa su'ang rung ste de'i drung du 'gro la sgo bcad na nang na 'dug pa la go bar bya ba'i phyir sgo brdab/ de dal bus bya/ sgo brdab ba la dal bus brdabs / rgyun mi bsring / sgo brdab pa'i rgyun mi bsring / drag tu mi phul/ sgo dbye ba'i phyir drag tu mi phul/'chang ba yang ngo / /sgo bcad pa yang dag tu mi bcad/ dal bus shes bzhin du 'byung ba dang 'jug pa sgo skyes la mi reg par ro/ /phyi nang du 'gro ba la shes bzhin du dal bus bya ste sgo'o cog gi sgo skyes la mi reg par bya/ de la rim gro bya'o/ /mkhan po la rim gro bkur sti cher bya/gzhar/ mkhan po la dus gsum phrad pa tsam gyis mi chog gi bsnyen cing gzhar/ de dang mi mdza' ba la ma yin/ mkhan po dang mi mdza' ba la mi gzhar ba ni mkhan po mi dga' bar 'gyur ba'i phyir ro/ /de la 'dzem par bya/ mkhan po dang slob dpon la/de'i bya ba la brtson/ mkhan po dang slob dpon gyi phyir las bya ba la ring du mi gzhag par myur du brtson 'grus su bya/ brtsams pa gus shing gsong bor bya/ mkhan po dang slob dpon gyis bsgo ba'i las byed pa la nan tan du bzang por bya ba dang bkru bshal la sogs pa dag par bya lta bu dang lus gus pa'i tshul du gsong por bya/zon dang bla mar bcas pas/ mkhan po dang slob dpon la bag yod pa'i zon dang btsun zhing bla mar bya ba dang bcas par bya/ rje bo lta bu dma' ba'i sems kyis so/ /rje bo tsam du bsams la bdag dma' ba'i tshul du bya'o//bla ma dang rje bo ni dbang che zhing rag lus pa yin te bdag gi khrims dang chos la sogs pa'i rag mkhan po dang slob dpon la/ jo bo tsam du bsam mo/ /shes bzhin du bdag gi don kyang mi gcad / shes bzhin du zhes pa ni mkhan po dang slob dpon la bya ba ltag tu bshad pa rnams le lo dang brjed par mi btang zhing rtag tu shes bzhin du dran par bya/bdag gi don kyang mi gcad ces pa ni mkhan po dang slob dpon la g.yog byas pas chog pa tsam du mi bya'i bslab pa dang bsgom pa'i don kyang mi gcad par bya/ dge ba tshol ba ci 'gyur/ ci yod kyang rung ste bdag dge ba ci ltar spyod ces bsam zhing dgra bcom pa'i rim pa brgyad ci thob tu spyad cing bsgom par bsams/ log byed 'byung ba'i tshe bzlog /bdag gi mkhan po dang slob dpon log pa la bltas pa'am/ khrims dag 'dral bar gyur na slob mas mang po'i khrod du mi bya bar lkog tu khyod la gsol ba'i skabs yod na zhes sngar byas la log pa las bzlog par gros gdab/dge ba mi 'phel na gzhan la de bya bar gtod cig ces gsol/ slob ma de bdag gi mkhan po 'am slob dpon gyi 'khor na dge 'dun gyi las che ba la sogs pa dang dge ba spyod du mi khom ste mi ldog ste gud du song na ldog pa gang yod na gzhan la slobs shig par gtad du ci gnang zhes bdag gi mkhan po la gsol/chad par shes nas gnas su 'ongs na gtad/ sU tra ltag ma ltar slob ma gsol na mkhan pos kyang gud du btang nas lobs pa tsam gyi tshe slob tu btang ba'i rigs na gsol ba bzhin du gtang /sdig pa'i grogs po dang bzlog /slob ma gud du 'gro bar gsol ba de sdig pa'i grogs po dang bsten par 'gro ba zhig yin na mi btang bar gzhag /dge ba 'phel ba'i phyir gtad du zin na'ang sdig pa'i grogs po dang ma bsten cig ces gdams te gtad/dge bar bsko bar de btab/ mkhan po slob ma la bsod nams su 'gyur ba dge ba spyod du gzhug pa dang / glegs bam la sogs pa byin/ ltung ba las 'byung ba'i phyir dang / slob ma la lhag ma man chad nyes pa zhig byung na chad pa dang 'chags su gzhug cing dbyung ba mkhan pos bya ba dang /mthun par 'tsho ba'i yo byad 'grub par nan tan du'o/ /dge slong gi 'tsho ba'i yo byad chos gos dang ril ba la sogs pa slob ma la med na mkhan pos sbyar zhing bya'o/ /lhan cig tu spyod pa dang /bdag gi slob ma la bya/ nye gnas dang / bdag gi gan du nye gnas su bcol zhing 'dug pa la bya / mkhan po dang / bdag gi mkhan po la bya/ slob dpon dang / bdag gi slob dpon bzhi la bya/ mkhan po gcig pa dang / bdag dang mkhan po gcig pa la /slob dpon gcig pa dang / bdag gi grogs po bdag dang slob dpon gcig pa la bya/ 'thams pa dang / bdag dang mdza' ba gtam zlar chud pa la bya/ brtan pa dang / bdag dang mdza' ba gros kyi zlar chud pa la bya/ 'dris pa dang / bdag dang mdza' ba'i phyir bdag gi yon tan brjod pa la bya/'thad pas bdag dang yid du 'ong ba'i phyir kho bo nor thug thub tu khyer kyang dga' bar 'gyur ba'o/ / nad pa'i g.yog bya/ na ba zhig tu gyur na ming gis smos pa 'di rnams kyi g.yog bya/ snga ma byed pa med na rim gyis so/ /sU tra ltag ma ltar ming gis smos pa rnams las rim bzhin du snga ma dag med na phyi ma rim gyis nad g.yog bya/lhogs shig pa'i slob dpon yang 'dir 'dus so/ /slob dpon lnga la lhogs shig pa'i slob dpon ring mod kyi slob dpon bzhi dang 'dra bar nad g.yog bya bar gtogs so/ /cig car de mi nus na gnas pa gang la bcar ba la'o//mkhan po dang slob dpon kun 'dus te cig car na la kun gyi nad g.yog nus na kun bya'o/ /mi nus na mkhan po'i nad g.yog bya'o/ /mkhan po med na slob dpon gnas gang la bcar ba la bya/ 'di'i tshul du brtsams pa la'ang rab tu byung ba bzhin/dge bsnyen rab tu 'byung bar 'dod pa la'ang rung rab tu 'byung bar skra bregs chos gos bskon la khrims ma phog gi bar du nad kyis btab pa lta bu yang de dge slong tshangs pa mtshungs par spyod pa na ba bzhin du nad g.yog bya zhing gso'o / /nad pa tshangs pa mtshungs par spyod pa la ma g.yel cig nad g.yog gong du smos pa rnams las byed pa med pa zhig na yang dge slong tshangs pa mtshungs par spyod pa yin pas dge slong kun gyis g.yog bya'o//g.yog ji ltar bya ba'i thabs ni 'og nas 'chad/ de la g.yog med na mtha'i bar du sbyin nad pa mtshungs par spyod pa la nad g.yog med na dge slong gang khrims gzhon pas nad g.yog bya'o//des mi chog cing mi nus na gral rim bzhin na gang rgan pa'i mthar thug gi bar du dge 'dun thams cad kyis nad g.yog bya'o/ /nad pa nam 'chi ba 'am sos pa'i mthar dge ba gzhan btang ste g.yog bya'o// sangs rgyas nyid kyis kyang phyag dar te nad pa'i g.yog byas pas dge 'dun gyis kyang snying rje ba'i phyir g.yog bya bar rab tu rigs so/ /dge 'dun gyi sman la nad pa 'ba' zhig gis spyad par brtags pa'o/ /dge 'dun gyi spyi'i sman la nad pas ni spyad cing bza' bar rigs te brtags pa'o//de ni sngon mi na'ang dge 'dun thams cad la dge slong sman gyi rub ma bas sman ci dgos zhes nang gcig bzhin du 'brim pa las drug sdes grogs cig na ba'i phyir mi na bas kyang sman mang du blangs nas bsgyur cing btsongs te spyad pas na nad pa 'ba' zhig gis spyad par brtags pa'o zhes bcas/de med na g.yog gis bslangs / dge 'dun spyi'i sman med na nad g.yog su byed pas bslangs shing btsal te nad pa gso'o/ /ma rnyed na dge 'dun gyis sbyin/ nad g.yog gis sman bslang du ma rnyed na dge 'dun gyi dkor las zong phog ste/nad g.yog tshol du gzhug /med na sangs rgyas kyi sku la gsol ba man chad kyang ngo / / dge 'dun gyi dkor las sman gyi rin sbyin du'ang med na sangs rgyas kyi sku la gsol ba'i rgyan du gtogs pa man chad dkor las kyang sbyin/ skom dang gdugs gzugs pa la sogs pa mchod pa de'i phyir dge 'dun gyi las bya/ltag ma ltar sman btsal te gsos pas ma sos shing nad pa na re bsod nams shig bskyed na thig gi ba snyam zhes zer na/ dkon mchog gsum la gdugs gzugs pa dang dge 'dun la skom brim pa la sogs pa'i yo byad dge 'dun gyi dkor las phyung ste spyad do//de'i med na sangs rgyas kyi las so ltag ma ltar dge 'dun gyi dkor med na sangs rgyas kyi dkor las kyang phyung ste spyad do/ /de dag gi blangs pa las ma shi zhing 'byor na sobs shig /ltag ma rnams ltar sman dang bsod nams bskyed de nad pa de sos nas nad pas nad g.yog la dkon mchog dang dge 'dun gyi dkor las bdag gi phyir ji tsam god ces smras la bdag gis 'byor pa ci god pa'i skyin pa sobs shig /g.yog gis g.yog mi bya bar mi bya/ dge slong nad pa'i g.yog su byed pas nad pa la le lo dang g.yel bar mi byed pa'i nad g.yog gis gus shing nan tan du bya/don dang chos kyi ngag mi bcag /don dang zhes pa ni dge slong nad pa na re sman dang kha zas 'di lta bu zhig 'dod de byin na ni sos so zhes zer ba dang / chos kyi dag mi bcag ces pa ni yi ge klag pa la sogs pa bsod nams 'di lta bu zhig skyed cig ces zer na'ang nad g.yog gis ngag mi bcag par sbyar zhing bya/chags pa'i dngos po slong na mi dgag /nad pa kho bdag gi nor bzang po sdug gu zhig la chags te ga re zhes zer na nad g.yog gis phyung ste bstan cing sbyin no//mi bshad par mi bya/ nad g.yog gis nad pa la tshad med pa bzhi dang bsam gtan bzhi dang 'phags pa'i lam yan lag brgyad la sogs pa'i chos bshad de rtag tu dran par gyis shig ces bsgo/ nad pas de'i ngag mi bcag /nad g.yog gis chos bshad pa la nad pas kyang bsgo ba bzhin du mnyan cing dran par bya'i ngag mi bcag go /shi dogs na des dge 'dun gyi mal stan las theg la gang zag gi la zhog shig /dge slong nad pa de tshabs che ste shir dogs na dge 'dun gyi mal stan gyi steng nas theg la gang zag gi mal stan bting ste de'i steng du spo/ / ji ltar spo ba'i thabs ni 'og nas 'chad/ byug pa dang bkru ba'i gtam gyi sngon du sgyu yis so/ /nad pa dge 'dun gyi mal stan las theg la gang zag gi mal stan la spo ba ni khyod shir nyer mal 'phos zhes mi bya'i sman dpyad dam lus la bkru ba'am byug pa'i phyir spo ba skad du bya ste gang zag gi mal stan la bzhag /de lta bur chad na nan tan du'o/ /nad pa shir nye ste mi 'tsho bar gyur na yang nad g.yog gis le lo mi bya bar nad g.yog gis nan tan du bsrung zhing blta/ shi ba'i gos ma rung ba byas na des bkru dgos so/ /nad pa shi ba des mal stan dang gos la sogs pa ngan skyugs dang kha zas la sogs pas reg na nad g.yog su byed byed pas bkru'o//dge 'dun 'du bar gnas brtan thog mar 'gro'o/ /dge 'dun gang du 'du zhing 'dong bar las brgya rtsa gcig pa lta bu gnas brtan nas zhu zhing bya dgos pa dang 'khor dang slob ma ston cing bskyang ba la sogs pa bya dgos te med du mi rung bas na 'dong ba'i thog ma la gnas brtan 'gro'o//'gro ba'i tshe lus pa la bsdad/ grong du mchod ston la 'dong ste gnas brtan snga la 'khor gser bu dag 'phyi ste lus na gnas brtan gyis kyang lus pa la bsdad/de dag gis kyang de la'o/ /grong du mchod ston la 'dong ba las gnas brtan ni phyi 'khor slob ma dag snga ste phyi rol du 'thon na yang slob ma dag gis gnas brtan la bsdad do/ /ma byung na mi ring bar song ste'o/ /sU tra ltag ma ltar bsdad kyang gnas brtan ma byung na mi ring bar 'phags te gnas brtan la bsdad/grong gi drung du yang ngo / /sU tra ltag ma ltar mi ring bar 'phags te bsdad kyang gnas brtan ma byung na gang du 'gro ba'i grong gi drung der kyang gnas brtan la bsdad do/ /de ste der 'jug khar phyis 'ong na yang ngo //sU tra ltag ma ltar grong drung na sdod sdod pa las gnas brtan ma byung ste nang du 'dong khar gnas brtan phyis 'ongs pa snang na yang slar bsdad do/ /de sde spyan 'dren pa 'ongs na gnas brtan ma 'ongs kyi bar du'o zhes smros shig /sU tra ltag ma ltar slar bsdad pa las khyim bdag spyan 'dren pa 'ongs te nang du gshegs su gsol zhes zer na yang gnas brtan phyis 'ongs pa snang gis/gnas brtan ma phyin gyi bar du sdod cing ces bya/ lag chu gtong ba'i tshe na de ste zas bza' bar 'jug pa'i dus yod na yang ngo / /sU tra ltag ma rnams ltar sdod sdod pa las gnas brtan ma phyin te grong gi nang du lhags nas lag chu btang ste gdugs tshod yod na yang gnas brtan la bsdad do//med de stan la 'dug na bzhag ste'o/ /gnas brtan kyang ma 'ongs la gdugs tshod kyang med na gnas brtan la mi bsdad par gnas brtan gyi go gzhag la 'khod do//'dug pa dang phyi rol du'ang brtag /gnas brtan gyis bdag gi 'khor nang du 'khod pa'i tshe dang ma 'khod pa'i mdun gyi phyi rol tshun chad du tshul bcos pa'i phyir brtag cing blta'o/ /slob ma 'thor tam ma 'thor kyang brtag /nyes par gyon tam nyes par dkris na mdzes pa'i phyir de la brda bya/sU tra ltag ma ltar brtags te sham thabs tshul ma yin par nyes par dkris sam chos gos mi sdug par gyon na gang nyes par gyon pa la lag brda la sogs pas go bar bya ste 'chos su gzhug /ma go na gan na 'dug pa la bya/sU tra ltag ma'i brdas ma go na gcig nas gcig tu sbran te nyes par gyon pa'i gan na su 'dug pas 'chos su gzhug /ma grub na rang gis kyang ngo / /sU tra ltag ma gnyis ltar byas kyang ma grub cing ma 'chos na gang nyes par gyon pa de nyid gnas brtan gyi gan du bkug la bdag nyid kyis bcos de nyid kyis gsar bu dag la ma 'chal cig /gnas brtan gyis 'khor dang gsar bu dag la bzhad gad dang rtsed mo dang cal col mi bya'i btsun pa'i tshul du brjid bya'o/ /gang na de dag gtsug lag khang ngam dgon pa'i tshul gyis bsgo zhing bsgo shig / dgon pa zhig na gnas na'ang gnas brtan gyis bdag gi 'khor rnams dgon pa'i tshul du mi rgod dang rkun po'i dgra thabs dang 'dre gdon gnod par byed pa'i sar mi gnas pa la sogs pa slob ma dang 'khor rnams la bstan cing bsgo'o/ /gtsug lag khang na gnas na'ang 'khor dang slob ma rnams la lha khang gi 'khor gyi zhal ta dang /byi bdar dang lha ris kyi zhing dang dkor la sogs pa'i las bstan cing bsgo/ 'ongs pas brtags te gnas pa rnams la mal stan gyi phyir bsgo/ gud nas 'khor dang bcas pa'i dge slong dag cig 'ongs na 'ongs pa de'i gnas brtan gyis bdag gi 'khor mi du yod pa dang /mal cha dang gnas khang ci dgos pa brtag ste snga nas 'khod pa'i dge skos dang mal cha rdzi la 'di snyed cig dgos so zhes bsgo/ 'gro ba'i sa na/ 'khor dang bcas pa'i dge slong dag cig gud du 'dong na las 'di la brtag cing bya ste/phyogs dang / yul phyogs gang du 'gro ba'i lam dang sa phyogs ma nor bar bya ba dang / lam grogs dang / lam na mi 'jigs par bya ba'i phyir tshong ba lta bu la sogs pa lam grogs bzang po dang / gnas dang / gang du 'dong ba'i gnas de bde 'am mi bde ya kar ji lta bu yod pa snga nas dri zhing shis par bya ba dang /mal stan dang / gnas de na mal stan dang 'tsho ba'i yo byad 'byor tam mi 'byor pa brtag pa dang / grogs dag na ba la mi 'dor ram zhes brtag ste 'gro/ tshul 'grogs te 'dong pa'i dge slong dag grogs dag na na 'dor mi 'dor ba brtag pa dang 'di rnams ltar gnas brtan gyis brtag cing sbyar te 'dong ngo //mi ring bar 'phags te thams cad kyi phyi nas gang gis cung zad ma lus sam zhes dran par bya/ sU tra ltag ma ltar 'dong ba gnas nas pa zad du 'phags te gnas brtan gyis 'khor rnams kyi lhung bzed dang chu tshags la sogs pa bkur ba'i rdzas dag ma lus sam zhes bskul zhing dran par bya ba'i phyir bsgo'o//mi g.yeng ba dang / sgo drug yul drug la 'bros shing 'phyar bar mi gtang ba dang / mi khengs par gsar bu dag la bsko/lus bsgyur dang 'gyid ba la sogs pa ma byed cig ces gnas brtan gyis 'khor rnams la bsgo / grong dag tu 'jug na'ang thams cad kyis thams cad la'o/ /grong du mchod ston lta bu la gnas brtan so so'i 'khor mang po zhig 'dus na gnas brtan rnams kyis bdag bdag gis 'khor la bcos shing bstan dge slong thams cad kyis kyang gcig la gcig bstan cing bcos pa la bya/kun shes par ro/ /grong du 'khod pa la ngo mi shes shing mi bde ba'i phyir lo dang dus dang nyi tshod ci la zhugs pa dang mkhan po dang / slob dpon gang yin pa la sogs pa kun gyis shes par bya/sU tra 'og ma ltar spyod pa shes par bya ba la'ang bya / spyad pa dang / 'gro nyal 'dug langs bzhir tshul bzhin du spyod pa dang / spyod pa/ bsod snyoms byed pa'i tshe chang 'tshong ba dang / stu 'tshong ma dang shan pa'i nang du mi 'gro bar bstan pa/bstan pa dang / spyad pa dang / spyod pa gnyis tshul bzhin du zhib tu gnas brtan gyis 'khor la bstan pa la bya/ nye bar ston pa dang / kha thon slob cing 'bul ba la sogs pa dang / bsam gtan dang / tshad med pa bzhi dang / phung po dang khams dang / skye mched la sogs pa la bya/kha zas dang / bdag gi 'khor dang slob ma la sogs pa'i kha zas med na khyim pa yon bdag la sbyor du gzhug pa dang / rnyed pa dang / gos la sogs pa 'tsho ba'i yo byad khyim pa yon bdag sbyor du gzhug pa dang / na ba'i gsos la sogs te/na ba'i sman btsal zhing bsags pa dang yon bdag sbyor du gzhug pa la sogs pa dang / dgos pa 'grub par bsdu/ dge 'dun gyi so nam du bya ba shing tog dang tshod rngad dang shing dang snod spyad dang / gnas khang bcos pa la sogs pa yo byad du dgos so cog gnas brtan gyis sbyar zhing bsdu/dbyar tshul du zhugs pas gtsug lag khang ma bcos pa dag shes par bya ste 'chos su gzhug /dbyar tshul du zhugs nas tshul gyi tshe gtsug lag khang mi 'dral zhing mi zag pa'i phyir/ gnas brtan gyis yon bdag gam bdag gi 'khor 'chos su gzhug /'chos su gzhug pa ni gnas brtan gyis brtags shing bltas la shes par bya ste 'chos su gzhug go /'chos na spro bar bya/ tshul gyi tshe gtsug lag khang 'chos pa yon bdag dang bdag gi 'khor slob ma gang byed pa dag la 'di ltar 'chos na shin tu dge zhing bsod nams che'o zhes spro bar bya'o// thams cad kyi 'khor du chud pa gtam 'dod pa mthun pa'i chos kyis bstabs shing bsdu/ gnas brtan so so'i 'khor du gtogs pa'i slob ma rnams la slob ma so so ci 'dod pa yid bzhin du/ phung po dang khams dang 'du mched dang 'dul ba la sogs pa gang 'dod pa bzhin du/gnas brtan gyis bshad cing bslab pa la bya/ gcig tu na go sha dang rak+Shi ta dang bar ma lta bu ming mthun pa'i sder gtogs pa so so gcig la gcig chos slob cing bstan par dge ba'i bshes gnyen bya ste slob cing nyan du gzhug pa la bya/de ni so so dran pa'i tshul gyis dge bar 'gyur ba'i phyir ro/ /kha rog pa la bag yangs su'o/ /slob ma bsam gtan spyod cing dben pa la dga' na'ang bag yongs su gzhag /bsam gtan spyod cing dben par 'dug tu gsol na'ang bsam gtan gyi lung bshad cing bag yangs su gzhag le lo byed pa'i bag yangs su ni mi gzhag go /khyim pa 'ongs na zan bgo zhing ngo / /gtsug lag khang ngam dge 'dun gyi nang du khyim pa zhig 'ongs na zan sbyin/ mi byed dam mi 'dod na chos kyi gtam de la bya zhing bdag cag la 'di yod do zhes gyis shig /khyim pa 'ongs pa de dge 'dun gyis zan mi 'byor tam mi sbyor ram khyim pa de nyid nang zan mi 'dod ces zer na chos bshad cing bstan la bdag cag la mgron du bya ba chos yod do zhes bya/ 'khor can gyis thams cad la brtag /dge 'dun gyis gnas brtan gyis bdag gi 'khor du gtogs pa'i dge slong rnams legs par spyod dam mi spyod pa brtag cing blta don med pa spyod na chad pas bcad/ sU tra ltag ma ltar brtags te/ don med pa dang mi dge ba spyod na chad pas bcad/ der 'gro ba la sogs pa ji lta ba de bzhin du bya/rigs lnga la sogs pa'i grong du 'gro na bdag tshul bzhin du bya zhing khyim pa yid dang mi 'gal bar spro bar sems bskyed pa'i phyir kho dang thabs mnyam pa dag gis dge ba spyod pa'i yon tan brjod pa dang / kho nyid kyi chos las dge bar 'gyur ba'i yon tan kyang brjod de spro bar bya/thod rgal ba dang / gtam gcig mjug ma rdzogs par gtam gcig mgo 'dzugs pa la bya/ phyal ba'i gtam mi bya/ don med pa gtam sgrung lta bu dang khyab la gcig gi rjes nas gcig gis mthud de zad mi shes pa lta bu la bya ste/de lta bu byol song lta bu la bya ste/ 'di gnyis lta bu mi bya/ dge sbyong phyi ma sngar mi 'gro/ grong du 'gro na dge sbyong gral dma' ba sngon du mi 'gro/ mi 'dug /grong du 'gro ba'i grogs su song song bas gtam zer ba'i mdun du song ste bar mi gcad /smra na lan glan/ grogs su song song ba la khyim mi de gtam smra na lan gdab pas mi smra bar sngar kyang mi smra smra na lan mi gdab par yang mi bya bsgrub pa yang ngo / /'grogs su song song ba de la khyim mi des chos kyi las shig bcol na'ang bsgrub cing bya'o//gtam gyi bar chad mi gzhug dge slong grong du song song ba dang khyim pa de gnyis gtam zer zhing 'khod pa la 'grogs su song song bas gtam gyi bar chad glo bur gyi gtam mi bya/ chos ma yin pa smra na dgag /khyim pa dang dge slong de gnyis 'jig rten gyi chos don med pa dang log pa'i chos sdig pa smra na grogs su song song bas dgag /chos shig na rjes su yi rang / lhag ma de gnyis chos shig tu smra na/ grogs su song song bas bstod cing rjes su yi rang ba bya/ chos kyi phyir grub pa rnyed na blangs / ltag ma'i dge slong des chos bshad pa las khyim pa des yon zhig phul na'ang /grogs su song song bas blang ngo / /rigs kyang na mi g.yeng mi khengs 'dug par ma yin/ rigs lnga'i grongs la sogs par lhags na dbang po lnga yul la bros te g.yeng ba dang lus sgyur byed cing 'gying ba mi bya zhing grong bar du don med par yun ring du mi 'dug /mig dbab/ grong bar du mig dbab mig phab na/ dbang po gzhan yang mi rgod pa'i phyir ro/ /khyim pa la chos kyi gtam bya/ khyim pa la khyim dang grong bar du chos bshad do cog ci bshad pa dang ci ltar bya ba'i thabs ni 'og nas 'chad do//sbyin pa dang / sbyin pa byas pa'i yon tan dang bsod nams bshad/ 'dul ba dang / dug gsum dang / nga rgyal med cing thul bar bya ba bshad/ bsdam pa dang / 'dod pa rnam lnga la mi chags pa dang tshul khrims bsdam pa'o/ /tshangs par 'jug pa dang /mi tshangs par spyod pa la sogs pa khrims lnga'i yan lag bshad/ gso sbyin dang / nyin zhag gcig la khrims bzung ba'i yon tan bshad/ skyabs su 'gro ba dang / dkon mchog gsum la skyabs su song na bsod nams che bar bshad/ bslab tshig len du de dag gzhug /ltag ma 'di rnams bshad cing bstan nas gang 'dod pa bzhin du khrims dpog /rtsom pa thams cad la lhung ba'i sgor gyur pa/ dran par nan tan bya/ ci byed do cog thams cad la nyes par 'gyur ram mi 'gyur sdig yod dam med pa nan tan du brtag cing dran pa sngon du btang ste shes par bya/rag lus pas bsgo pa mi bya bar mi bya/ gnas brtan dang slob dpon la chos dang 'dul ba la sogs pa'i rag lus pa yin te/ slob ma la chos la sogs pa mi bstan par mi bya ba mkhan po la rag las pas bsgo ba rnams la slob mas kyang bya zhing mnyan/'ongs pa la thog mar mdza' ba'i gtam gyis tshur bde bar 'ongs sam zhes bya/ dge slong zhig gud nas 'ongs na mdza' ba'i tshul du bde bar 'ongs sam zhes bya/ gdong gi kha dog mdangs can 'dzum zhing thog mar 'gro'o/ / gud nas 'ongs pa'i gan du ngom zum nag par mi bya'i gdong mdangs can du byas la 'dzum zhing bsu/ khro gnyer med par ro/ /bsu ba'i tshe khros pa 'dra bar gdong bsdus te mi 'gro / /'on te khyim pa zhig na de la chos kyi gtam bya/ khyim pa zhig gud nas 'ongs na yang chos bshad pa la sogs pa'i gtam bya zhing bsu'o//der mi 'ong na grong drung bas mgu bas ci nus par btsal/ gtsug lag khang dang dge 'dun gyi gan du khyim pa dag mi 'ong na grong drung gi gtsug lag khang na 'khod pa'i dge slong dag gis khyim bdag la brid cing mgu bar byas la ci nas kyang gtsug lag khang dang dge 'dun gyi gan du 'khor bar bya/chu dang stan dag kyang gzhag /gtsug lag khang du khyim pa dag 'ong ba'i phyir maN+Dal bya ba dang kha lag bkru ba dang khri stan la sogs pa gding par bya/ phyag dar bya mal stan bca' chu gzhag /gtsug lag khang du nar mar bya dgos pa ni 'di rnams te gang gzhon pa nas las bya'o/ /lha khang gi 'khor phyag dar bya dge 'dun 'khod pa'i khri stan gding maN+Dal dang chag chag la sogs pa'i chu gzhag /brim zan 'jog pa gsar bus bya/ skom brim zhing zan 'jog pa yang dge sbyong yan chad na gzhon pas bya'o//dge slong gis byed na'ang sngon du byin len byas te brim/ phyi 'khor dag gam mi mthun par byed na mi dgag /lha ris kyi 'bangs rtse rgod dang / ltum pa lta bu srog gcod pa dang chang 'thung ba la sogs pa log pa'i chos bdag cag dang mi mthun pa zhig byed na mi dgag par gzhag /de ste bdag dang gzhan la mi gnod pa'o/ /sU tra ltag ma ltar log pa'i chos spyod pa gzhag pa yang bdag dang gzhan la mi gnod na mi dgag par gzhag /'on te de ltar de nus na bcad la chos kyis dbyung zhing bsgo//rtse rgod dam ltum pa la sogs pa spyod pa bdag cag gis nus shing lcogs na chos bshad cing khrims phog la chos kyi las su bsgo zhing bsod nams bskyed du gzhug /phyi 'khor dag dang 'bye'am 'bros na de'i phyir bcos/ /rtse rgod dang ltum pa la sogs pa nyid la nyes pa zhig yod de tshad ma thub ste 'bros sam dge slong dag la mi dga' ste gud du 'gro na ci nas kyang mi 'bros par thabs ci yod pas bcos/mi nus na gzhan du song shig /sU tra ltag ma ltar mi 'bros par 'chol ma nus na rtse rgod dang ltum pa mi dga' ba gud du 'bros su mi gzhug gi dge slong nyid gud du 'gro'o//de'i phyir 'thab pa'i mi smra/ rtse rgod mi mthun par byed pa de dag la 'thab mo dang phyis sha glan pa la sogs pa'i tshig mi smra/ dge 'dun gyi kun dga' ra ba na gnod pa byed na 'di ltar bya ste ci ltar thogs shing / 'gro ba bdag gis zin par ro//rtse rgod dang ltum pa la sogs pa zhig gtsug lag khang gi 'khor du rkun po zhig byed na shags kyis thub par bya zhing sun dbyung ba'i phyir snga nas rku zhing mi srun no zhes mi gtse'i nam brkus pa'i tshe rdzas dang bcas par mngon sum du zin par bya/ rkun po gzhan la'ang 'di 'dra ba'i tshul du bya/ma lcogs na su la'ang byung rgyal du mi bsnyad par/ rkun po byed pa de rdzas lag nas zin par ma nus shing rku ba ma chod na 'di rku'o mi srun no zhes gzhan la byung rgyal du mi bsnyad kyis ming gis smos pa 'di rnams la bya ste/ rkun po chod par nan tur gyis ches gsol/gzhon nu dang / rgyal po shi na 'tshab ma byed pa la bya/ mdza' bo dang / rgyal po dang mdza' ba la bya ste gnang chen lta bu/ blon po dang / blon po chen po las la gtogs pa la bya/ dra ma dang blon po'i las la ma gtogs pa rigs btsun pa zhang blon dra ma lta bu dang /rgyal bu dang / rgyal po'i tshab mar 'ong ba ma yin pa lta bu gzhan la bya/ zhabs 'bring ba la sbran te 'khor du gtsang mas thul bar bya/ rgyal po'i zhabs 'bring ba nang 'khor lta bu dang / 'di rnams la bya ste brdeg btsog dang bsad phyag lta bu'i nan tur gyis ni mi bya'i /tshig gi nan tur gyis phyin chad mi byed par thul bar bya/ dge slong gi gnas su dge slong ma'o/ /ltag ma bshad pa thams cad dge slong gis bya'o/ /zhes 'byung ba de gzhan du dge slong mas kyang bya'o/ /rab tu 'byung ba thams cad du'o//ltag tu dge sbyong pha rab tu dbyung ba'i cho ga byed pa bzhin du dge slong ma rab tu 'byin pa'i cho ga thams cad kyang de dang 'dra bar bya/ bsnyen par rdzogs pa'i tshe ni der gsol ba dang las byed pa la sogs pa las gzhan du'o/ /dge slong ma bsnyen par rdzogs par byed pa'i tshe gsol bar byed pa dang khrims 'bogs pa dang zhu ba byed pa ni dge slong gcig gis bya'i/gzhan chos gos bsngo ba dang grib ma 'chal ba la sogs pa thams cad dge slong bsnyen par rdzogs pa'i cho ga bzhin du dge slong ma dag nyid kyis bya'o/ /'og nas cho ga 'byung ba thams cad kyang bar chad dri ba'i zla dge slong gcig gis bya/gzhan ni thams cad dge slong mas bya'o/ /'dir dge 'dun gnyis kyis so/ /dge slong ma bsnyen par rdzogs pa'i tshe na dge 'dun pho dang / dge 'dun mo sde gnyis kyis bya dgos te yul dbus su dge 'dun pho bcu mo bcu gnyis mthar ni dge slong dkon na dge slong lnga dge slong ma drug gis bya'o//dge slong ma bar du bzhag ste bar chad smra/ khrims 'bogs pa'i tshe bar chad 'dri ba la dge slong pha bar chad 'dri ba dang khrims rdzogs par 'dod pa dge slong ma gnyis kyi bar du/ dge slong ma mkhas pa gcig 'dug la gcig la gcig tshig brgyud de dri'o//ngo mi tsha bar bya ba'i phyir ro/ /dge slong ma zhes bya ba bud med kyi rim gzhan no/ /dge slong pha la ni rab tu 'byung ba dang bsnyen par rdzogs pa'i cho ga gnyis yod na dge slong ma ni de gnyis yod pa'i steng du/ dge slong ma zhes bya ba lhag par yod de/dge slob ma'i cho ga ci ltar byed pa ni 'og nas 'chad/ gnas na der ro/ /dge slob ma'i khrims nod pa'i tshe na'ang mkhan mor lan cig gsol dgos/ dge sbyong ma nas dge slong ma'i bar du ste dus ni lo gnyis kyi bar du spyad/ dge slob mas spyad pa'i skabs ni/ dge slong mar bya/ rab tu byung nas dge slob ma'i khrims nod de lo gnyis kyi bar du dge slob ma byas shing spyad la/ de nas bsnyen par rdzogs par bya/ bsnyen par rdzogs pa las des nyung na skye ba'i dus so/ /bag ma ma byas pa'i dge slong ma lo bco brgyad lon pa / dge slob ma'i khrims phog ste dge slob ma'ang lo gnyis spyad la lo nyi shur kyang tshang bar bya ste/bsnyen par rdzogs par bya/ bag ma byas pa'i dge sbyong ma ni lo bcu lon la dge slob ma'i khrims phog ste/ dge slob ma'ang lo gnyis byas la lo bcu gnyis lon na bsnyen par rdzogs par byar rung ngo // bag ma byas na lo bcu gnyis yan chad bsnyen par rdzogs par ro/ /dge sbyong ma bag ma byas pa zhig na rgyo myong shing she khyer ba'i phyir lo bcu gnyis lon pa yan chad bsnyen par rdzogs par byar rung ngo / /sa byin na skye'o/ /dge slob ma'i khrims phog cing byin na dge slob mar gyur to//lo gnyis su brtsi ba'ang dge slob ma'i khrims thob pa tshun chad du brtsis/ dge slong ma'i dge 'dun gyis so/ /dge slong ma'i khrims dbog pa ni dge slob ma'i dge 'dun gyis dbog go /'bogs pa'i bdun du bar chad kyang lan cig dri slob pa sdom pa'o zhes sbyin/khrims dbog pa'i tshig ni slob pa sdom pa'o zhes brjod ci gsol ba dang zhu ba gnyis kyis bya/ de'i 'og tu bslab pa brjod/ dge slob ma'i khrims phog zin nas khrims nyid gang yin pa bstan cing brjod do/ /khrims ni rgyang grags gcig phan chad grogs mo gcig dang 'grogs/chu rgal na lag pa sbrel skyes pa dang mi reg skyes pa dang khyim gcig tu mi nyal smyan mi bya grogs kyi nyes pa mi 'chab gser dngul la mi reg gsang ba'i spu mi bregs / sa mi rko byin len ma byas pa'i zas mi bza' rtswa mi gcad pa dang dge sbyong gi khrims bcus bsnan te nyi shu rtsa gnyis/tshangs par spyod pa'i gnas par sdom pa ma thob na bsnyen par rdzogs pa ma yin no/ /bsnyen par rdzogs par byed pa'i mdun du tshangs par spyod pa'i gnas sdom pa zhes bya ba gsol ba dang zhu ba gnyis kyis cho ga bya dgos te bar chad kyang lan cig dris la tshangs par spyod pa'i gnas sdom pa sbyin tshangs par spyod pa'i cho ga 'di ma byas par bsnyen par rdzogs par byas kyang khrims mi 'chags/sngar gsang ste ston pa'i 'og tu sbyin/ tshangs par spyad pa'i gnas sdom pa sngar gsang ste ston pas bar chad dris la sbyin zhing dbog /dge 'dun gyis so/ /tshangs par spyod pa'i gnas su sdom pa'i cho ga sbyin pa ni dge slong ma'i dge 'dun gyis bya'o/ /bar chad dris te'o/ /dge slong ma'i dge 'dun gyis tshangs par spyod pa'i cho ga bya ba ni dge 'dun ma nyid kyi gan du'ang lan cig dri/ gsol nas so//tshangs par spyod pa dge 'dun gyis dbog pa yang khrims nod pas gsol ba byas nas dbog /chos gos lnga dang ngo / /bsnyen par rdzogs par byed pa'i tshe dge slong ma de la chos gos lnga bsngo/ /gnas la shing drung ma gtogs par ro/ /gnas bzhi la shing drung ma gtogs par gnas gsum bsgo//ltung ba brgyad dang / phas pham pa brgyad kyang bsgo ste mi tshangs par spyod pa dang / rku ba dang mi la gsod pa dang / brdzun du smra ba dang / skyes pas reg ste/ 'dod chags langs pa dang / grogs mo'i pham pa bzhi las gzhan kyang rung bcabs pa dang dge slong ma chad pas bcad pa ma chags shig ces gros btab pa dang ngo //lci ba'i chos bsgo lci ba'i chos brgyad kyang bsgo ste/ dge 'dun pho med par khrims rdzogs par byas pa dang gso sbyin dge slong la ma dris pa dang / dge slong dang nye bar tshul du ma zhugs pa dang / dge slong gi nyes pa la rgol ba dang dge slong khrims par 'thab mo byed pa dang /dge slong pha khrims rdzogs pa la phyag ma byas pa dang lhag ma'i chad pa/ dge 'dun pho la ma byas par phyung ba dang / dge 'dun sde gnyis med par tshul nas 'byung ba 'jug pa dang brgyad do/ /ltung ba dang dge sbyong gis bya ba'i mtshams su'o//lci ba brgyad bsgo ba'i skabs ni phas pham pa brgyad bsgo ba'i 'og tu bsgo/ krid drug /dge slong mar mi gnang rnam pa drug yod de/ 'og nas ming gis bshad pa rnams so/ /'di la chos mi skye'o zhes so/ /mi gnang ba rnam pa 'di drug pa ni zhing ma yin pas khrims mi 'chags te dge sbyong dang dge slong ma'i khrims kyang mi dbog khrims phog pa zhig na'ang dbyung /mtshan gnyis pa/ pho mtshan mo mtshan gnyis ka yod pa/ gle 'dams pa stu dang rkub gnyis 'dams te gcig tu gyur pa'o/ /rtag par khrag zag pa dang /rgyun mi 'chad par khrag zag pa'i mo mtshan no/ /khrag med pa/ stu khrag yang mi zag pa ste bcu gnyis man chad la mi zag pa dang lnga bcu yan chad la khrag mi zag pa ni ma gtogs te de la mi bya'o/ /mtshan ma tsam pa/ mo mtshan chung zhing mtshan ma tsam du 'dug pa la bya/mtshan ma tsam du gyur ba'i mtshan ma de las gsungs so/ /sU tra ltag ma mtshan ma zhes bya ba ni gcin 'ong ba'i bu gu yod pa tsam du zad kyi mi tshangs par spyod du mi bzod pa'o/ /sngon rab tu byung ba/ sngon rab tu byung ste khrims phul ba dang 'di rnams lta bu dmigs kyis kyang ma yin nam zhes dris la yin na rab tu dbyung ba dang bsnyen par rdzogs par mi bya/phra mo la sogs pa'i rab tu dbyung ba'i dngos por chud pa'o/ /'dul ba'i sde phran tshegs zhes bya ba'i nang nas rab tu dbyung ba'i cho ga 'byung ste rdzogs so// //mi ma yin pa'i rgyud dang /byang gi sgra mi snyan ni sdom pa'i zhing ma yin no/ /lam rgyud lnga la mi ma gtogs pa'i lha'i rgyud kyang 'dod pa rnam pa lnga la chags shing skyid pa'i phyir khrims mi 'chags byol song yang glen pa'i phyir khrims mi 'chags/ na rag kyang sdug bsngal bas bsgribs pa'i phyir khrims mi 'chags/'dre yang khro ba'i phyir khrims mi 'chags/ byang gi sgra mi snyan gyi mi yang nga dang khyod kyi bya ba med cing bye brag mi 'byed pas khrims mi 'chags/ lam rgyud 'di bzhi dang byang gi sgra mi snyan gyi mi 'di ltar khrims mi 'chags pa yin pas rab tu dbyung ba dang bsnyen par rdzogs par mi bya/mtshan lan gsum du gyur na yang yin no/ /skyes pa las bud med kyi mtshan du gyur yang bud med las skyes pa'i mtshan du gyur/ de las yang bud med kyi mtshan du gyur pa lta bu'i mi la ni khrims phog kyang mi 'chags te de lta bu'i mi la ni rab tu dbyung ba dang bsnyen par rdzogs par mi bya'o//thog ma dag gis ni mi zhig go /dge slong zhig las mtshan gyur na'ang thog ma lan gnyis kyi bar du ni khrims med par ma song gi lan gsum du gyur pa'i tha mas khrims med par song ste dge slong du mi rung ngo //len pa'i tshe na'ang skye'o/ /khrims mi 'bogs pa'i tshe na skyes pa las bud med kyi mtshan du gyur kyang skyes pa'i khrims phog mod kyi bud med kyi khrims thob par 'gyur/ bud med las mtshan gyur kyang de bzhin/ mkhan po med kyang der ro/ /mkhan po med par dge 'dun dang slob dpon gyis rab tu dbyung ba dang /bsnyen par rdzogs par byas kyang khrims 'chags so/ /bsnyen par ma rdzogs pas kyang ngo / /dge sbyong gi khrims 'bogs pa'i tshe mkhan po dge sbyong nyid dang khyim pas byas kyang 'chags/ dge slong bsnyen par rdzogs pa la ni mkhan po khyim pa dang /dge sbyong gis byas na rung ba dang mi rung ngo zhes bcas pa med do/ /dge slong ma yin par shes na mi rung ngo / /sU tra ltag ma ltar dge sbyong gi mkhan po khyim pa dag gis bya ste/ dge sbyong gis khrims nod pa nyid kyi yid la mkhan po dge sbyong dang khyim pa yin par shes te khrims mi 'chags so snyam bsam pa dang phyis mi rung bar shes na khrims med cing mi 'chags par 'gyur ro//nyid kyis phul na mi rung ngo / /khrims nod pa'i tshe gang nod pa des nga la mkhan po mi dgos so zhes zer zhing mi 'dod na khrims mi 'chags so/ /de dag gi ming ma brjod na mi rung ngo //khrims nod pa'i tshe mkhan po dang khrims nod pa nyid kyi ming ma brjod na khrims mi 'chags te/ mkhan po'i ming ma brjod pa ni mi 'chags pa nyid du mi 'gyur/ dbang lus pa dge 'dun gyi na'ang mi rung / khrims nod pa'i tshe dge 'dun las khrims 'thob pas na dge 'dun las bsnyen par rdzogs par 'tshal lo zhes bya ba'i ming ma brjod na'ang khrims mi 'chags/khyim pa dang mur 'dug gi tshul gyis na mi rung / ka sha med par mur 'dug dang khyim pa'i rgyun du zhugs te rab tu byung ba dang bsnyen par rdzogs pa'i khrims phog na mi 'chags so//gcer pa dang 'khrugs pa dang / gos med par gcer bu dang sems 'khrugs shing khros pa dang / gang 'cha' ba mi rung / bud med skyes pa dang nyal lo cog shi ba dang 'di rnams lta bu la khrims phog kyang mi 'chags so/ /skyes pa gong 'cha' ba ni gnang ba dang mi gnang bar khrims bcas pa ni med do//'dul ba 'dzin pa kha cig gis ni bud med dang 'dra'o zhes kyang bshad do/ /spangs par mtshan ma las ldog pa khas ma blangs na mi rung / nyes pa zhig byung ste chad pas bcad na nyes pa mthong ngo zhes zer zhing chad pa byed du mi btub pa dang chad pas bcad na ngas nyes med kyi chad pa byed du mi 'dod de zhes zer ba dang /sangs rgyas kyis bar du gcod do zhes gsungs pa'i chos la bar du gcod par mi 'gyur ro zhes zer ba 'di lta bu'i chad pa ma byas sam/ nyes pa ma mthol bar khrims phul te khyim par song ba las slar khrims nod na sngon gyi nyes pa dor ro zhes khas mi len par rab tu dbyung ba dang bsnyen par rdzogs par byas kyang khrims mi 'chags/snga ma'i rim bzhin ni nyes byas pa tsam mo/ /ltag tu dge bsnyen dang dge sbyong dag bsnyen par rdzogs par rim par phog shig ces rim par 'byung ba bzhin du ma byas te/cig car bsnyen par rdzogs par byas na khrims ni chags te mkhan po dang dge 'dun la nyes byas/ mkhan por mi gsol ba yang ngo / /mkhan por gsol ba'i tshig mi byas par khrims phog na khrims mi 'chags te/ mkhan po dang dge 'dun la nyes byas/ bar chad ma dris na yang ngo //bar chad ma dris par khrims phog na yang mkhan po dang dge 'dun la nyes byas su 'gyur te khrims ni 'chags so/ /med la kha blangs te byin na yang ngo / /bsnyen par rdzogs par byed pa de la 'chags med pa lta bu yang med par yod do zhes zer ba la khrims phog na khrims ni 'chags te mkhan po dang dge 'dun la nyes byas/skyes pa bud med lta bu dang bud med skyes pa lta bu ni mtshan tha dad pa ma yin no/ /skyes pa bud med kyi gzugs su 'dug pa ni khrims phog kyang nyes byas mkhan po dang dge 'dun la yod du zad kyi khrims ni 'chags so//nyes pa yod pa ni bud med skyes pa 'dra ba/ dge slong ma'i khrod na 'dug na bud med kyi khrod nas skyes pa gcig cig g.yog byed cing 'dug ste mi tshangs par spyod pa lta zhes 'phya ba'i phyir ro/ /de lag chad la sogs pa'i nang du gtogs so/ /ltag tu bshad pa khrims ni 'chags kyi nyes byas yod do zhes 'byung ba'i sU tra ltag ma gong du lag rdum bcug na nyes byas so zhes zer ba bzhin du khrims ni 'chags kyi mkhan po dang dge 'dun la nyes byas su 'gyur ba la bya/sdig pa'i mtshan dang tshul tha dad pa gling gzhan las skyes pa yang ngo / / sme ba dang sha mtshan la sogs pa sdig tu 'gyur ba'i mtshan du 'dug pa dang / mi yin mod kyi rkang lag phyugs su 'dug pa lta bu dang / shar phyogs dang nub phyogs kyi gling chen po dang gling phran gyi mi dang 'di rnams lta bu dang khrims phog kyang nyes byas so/ /sen mo gcig pa dang / sor mo 'byar te sen mo gcig pa dang sor mo ma 'byar bar sen mo gcig tu 'dug pa/rkang lag ltebs pa dang / shog shog lta ba ste bkug nas rgyas btab pa lta bur ltebs pa/ phyed shi ba dang / gzhogs phyed skams pa dang / spyi ring ba dang / spyi bo cog cog por ring por 'dug ba/ skra ra ri can dang /skra tshum bu tshum bu ra ri can du 'dug pa/ mdun dang rgyab sgur ba dang / mdun 'bur te phyir dgye ba dang rgyab tu 'bur te nang du sgu mi gcig la gnyis kar ldan yang rung gcig dang ldan yang rung ba la bya/ sor mo drug pa dang / sor mo drug du skyes pa dang / 'byar ba dang / sor mo 'byar ba dang / med pa dang / lag mthil 'ba' zhig yod pa/ rdzi ma rung ba can dang / rdzi ma'i spu nang rim du skyes nas mig la rdung zhing 'tshag /sre mo dang 'ug pa dang / sre mo'i mig 'dra ba/ 'ug pa'i mig 'dra ba/ log pa dang / mig gi grwa mdun rgyab tu log pa/ phrad pa dang / sna gong du gyur te mig /'phyang ba dang / mig gi 'bras bu lhung bar thug par 'phyang ba dang / mig dmar po dang / mig gi sprin tshil bu dmar por 'dug pa/ dkyil mig gi mig lta bu dang / mig la dkar po rim pa gcig nag po rim pa gcig u shud kyi ri mo 'dra bar 'dug pa/mig yangs pa/ mig rkyen du ma bab par che ba/ grwa dang / mig tu/ mdzer pa skyes pa/ 'brum bu can dang mig la 'brum bu yod pa la bya/ shu ba can gyi mig dag dang / mig la shu ba chen po shu bar 'dug pa/ rna ba ser po/ /rna ba'i kha dog ser po yung ba 'dra ba/dkar po/ rna ba'i kha dog shog shog 'dra ba/ dmar po/ rna ba'i kha dog khrag 'dra ba/ gce'u lta bu/ rna ba gce'u 'dra ba sbu gu can no/ /g.yan pa/ sha rtag tu g.ya' ba/ shu ba shu/ shu ba re re tsam 'dug pa/ chen po/ shu ba chen por byung ba/ rngo dang / g.yan pa lta bu/ mje rlig pa'i nang du nub pa dang / rlig pa'i nang na mje 'dug ste mje rlig pas g.yogs pa/ glen pa/ legs nyes kyi bye brag mi phyed pa dang / lce med thog ma nas ma skyes pa/ rkang lag gcig pa/ rkang lag ya gcig pa/ med pa'o/ /gnyis ka med pa/ skra sngon po/ skra mthing gar 'dug pa/bal glang ba/ bal glang gi mgor 'dug pa/ rta khyi/ rta mgo 'dra ba khyi mgo 'dra ba/ ba lang / ba lang gi mgo 'dra ba/ gnyan / lug gi mgo 'dra ba/ ri dwags ri dwags gang yang rung gi mgo 'dra ba/ nya nya'i mgo 'dra ba/ sbrul/ sbrul mgo 'dra ba/ ring po/mgo ltag pa nas 'phral bar mchu ring du 'dug pa/ mgo mang po/ lus gcig la mgo mang du yod pa/ shing tA la'i mgul/ mgul ring ba dang tA la 'dra bar mgul la khram nyer du 'dug pa/ skrangs pas spyod lam chad pa/ lus skrangs te spyod lam bzhir spyod mi nus pa ltag nas sen mo gcig pa zhes bya ba man chad lta bur 'dug pa spyod lam chad pa/mi na ba 'di dag kyang ngo / /ltag nas sen mo gcig ces 'byung ba man chad lta bur 'dug pa mi nar zin kyang bcug na nyes byas/ na ba de dag kyang der ro/ /sen mo gcig pa zhes bya ba man chad kyi gzugs su 'dug la na ba'ang bcug la nyes byas khrims ni 'chags/ma rung bar ni rkun por ro/ /yul mtha' 'khob kyi bye brag mi phyed cing 'dul dka' ba zhig las bcug na'ang ltag tu rkun po'i rgyal mtshan can bcug na nyes byas so zhes 'byung ba dang 'dra/pha bzhin du phar bsam pa'i rgyal pos gnang na yang 'gyur ro/ /pha ma la ma dris kyang rgyal po'i 'bangs su gtogs pa las rgyal pos gnang ste bcug na'ang nyes med do/ /gnang ba dang dri ba dang 'chang ba la gso gso ba yang pha bzhin/ pha ma la dris te gnang ba dang pha ma gnyis ka shi ste med pa ni /bu zhig gzhan gyis gso ste 'chang 'chang gso gso ba zhig yin na/ pha ma la dri ba ma yin gyi 'chang zhing gso gso ba'i mi des gnang na/ bsnyen par rdzogs par rung ste nyes med do/ /mi'i rgyud ma yin pa la ma yin/ pha ma mi'i rgyud ma yin te byol song lta zhig yin na dri mi dgos te rab tu phyung yang nyes med mtshams med par yang mi 'gyur/pha ma med de gso zhing 'chang 'chang ba'i mi dang pha ma byol song yin pa zhig bsad na mtshams med par mi 'gyur/ bskyed pa dag la de'o/ /pha ma bsad na mtshams med par 'gyur na ni pha ma gang gi mngal dang khu ba las skyes pa de nyid bsad na mtshams med par 'gyur/mtshan du gyur kyang ngo / /bdag gi lus bskyed pa'i pha ma nyid pho mtshan dang / mo mtshan gyur pa las bsad kyang mtshams med par 'gyur/ de ltar byas na ma bsad pa la sogs pa'i gtso bo/ sU tra ltag ma gnyis ltar pha ma ma yin no zhes bshad pa bsad pa'i nang na gtso ste/mtshams med par 'gyur ba'o/ /bslus pa ni mi tshangs par spyod pas pham pa las myong ba dag na'o/ /dge slong mas bslus na khrims mi 'chags so zhes 'byung ba ni/ dge slong ma phas pham pa ma yin pa la mi tshangs par spyod na dge slong ma bslus pa yin te/dge slong ma mi 'dod de nan gyis mi tshangs par spyod pa dang / dge slong mas lag pa mer bcug ste dga' bar ma tshor ba lta bu spyod pa yang dge slong ma bslus pa yin no zhes sU tra'i TI ka las 'chad do/ /kha cig na re des ni bslus par mi chud de mi tshangs par spyod pa las dga' bar dge slong mas kyang tshor na dge slong ma bslus pa yin no zhes bshad do//skyes pa mi tshangs par spyod pa song song ba las/ dge slong ma 'dod chags kyi sems kyis sngar nas pham zin ba mi tshangs par spyod kyang dge slong ma bslus par mi chud do/ / dmas pa las skyes par gyur na rab tu dbyung ba dang / bsnyen par rdzogs par bya ba'i rigs so/ /dge slong ma byed byed pa las khrims phul ba las mtshan gyur pa zhig bsnyen par rdzogs par 'dod de 'ongs na dge slong pha'i khrims dpog tu rung ste 'chags/ mi tshangs pa'i phas pham pa spyod pa yang ngo //dge slong ma la phas pham pa brgyad yod pa las dge slong pha'i phas pham pa bzhi ma gtogs pa lhag ma bzhi las gang yang rung ste spyad pa'i 'og tu mtshan gyur pa zhig bsnyen par rdzogs pa'i khrims nod du 'ongs na yang bsnyen par rdzogs par byar rung ste khrims 'chags/gnas pas bud med bsnyen par rdzogs par gtogs so/ /dge slong ma khrims rdzogs par byed na dge 'dun pha gud du ma btsal gyi gang nye zhing gso sbyin dang tshul nas 'byung zhing 'jug pa'i phyir nas zhu zhing las byed pa'i de nyid kyi dge 'dun las byas zhing mnod do/ / yang gcig tu na khrims nod pa'i mkhan po gud nas gsar du 'ongs pa zhig yod na de la mi bya'i snga na 'khod 'khod pa'i nang nas mkhas pa gcig gis mkhan po bya'o/ /'gyur ba'i gtam na zhig /khrims nod pa zhig khrims phog pa'i las byed bzhin du/ nga khrims mi nod do zhes bya ste mnod na khrims mi 'chags/dris pa mang ba'i rab tu dbyung ba'i dngos por chud pa rdzogs so// //'dul ba dris pa zhes bya ba dgra bcom pa u pA lis dris pa las rab tu 'byung ba'i cho ga 'byung ba'i mdo/ / rang bzhin stor bas byas na slar phul ba ma yin no//dge slong 'dre gdon la sogs pas myos shing mi dran par gyur pa dang lus kyi khams la nad zhugs te khong nas dge slong phar mi dran rang bzhin nyams pas khrims 'bul lo zhes kyang phul bar mi 'gyur ro/ /der ma yin no/ /pha rol po sU tra ltag ma ltar mi dran zhing myos pa zhig la khrims 'bul lo zhes byas kyang phul bar mi 'gyur ro//lkugs pa la ma yin no/ /pha rol po lkugs pa smra mi shes pa dang / 'on pa mi thos pa zhig la khrims 'bul lo zhes byas kyang phul bar mi 'gyur ro/ /mi ma yin pa'i rgyud la'ang ma yin/ lam rgyud lnga la mi ma gtogs par rgyud bzhi gang yang rung ste khrims 'bul lo zhes byas kyang phul bar mi 'gyur ro/ /ma go ba la ma yin/ khams gzhan gyi skad mi mthun te brda mi phrad pa dang / brda phrad kyang sgra bskyungs te smras pas ma go ba lta bu ni khrims 'bul lo zhes kyang phul ba ma yin no//dben pa la yang ma yin mi med pa dgon pa'i khang stong lta bu dben pa sus kyang ma thos par khrims 'bul lo zhes byas kyang phul ba ma yin no/ /dben par 'du shes su 'ang ma yin/ dgon pa 'am khang stong mi med pa snyam du bsams te khrims 'bul lo zhes byas su zin kyang khrims phul bar mi 'gyur sU tra 'di yan chad ltag ma'i rnams slar bzlog ste/de rnams lta bu ma yin pa la khrims 'bul lo zhes byas na phul bar 'gyur/ slob pa 'bul lo/ /yid la khrims 'bul bar bsams te slob pa 'bul lo zhes byas pa bdag gnas shing spyod pa slob pa 'bul ba yin pas phul bar 'gyur/sangs rgyas yin la khrims 'bul bar bsams te sangs rgyas 'bul lo zhes byas nas sangs rgyas la phyogs shing brten pa yin pa'i phyir khrims phul bar 'gyur ro/ /chos zhi ba'i chos mya ngan las 'das pa'i phyir zhugs pa chos 'bul lo zhes byas na'ang khrims med par 'gyur ro//dge 'dun thog ma bdag dge 'dun las 'thob cing mtshungs par spyod pa'i grogs dge 'dun yin pas de phul na'ang med/ mdo sde bdag thog ma mdo sde'i phyir slob pa dang nyan pa dang spyod cing sgom pa'i phyir khrims blangs pa yin pas mdo sde dbul zhe na med par 'gyur/'dul ba/ 'dul ba'i sde nyid slob pa'i khrims yod pas 'bul lo zhes byas na'ang khrims med par 'gyur ro / /ma lta bu/ ma lta bu nang du mdo sde dang 'dul ba kun 'dus te mya ngan las 'das pa'i chos nyid yin pas ma lta bu 'bul lo zhes byas na khrims med par 'gyur/slob dpon slob dpon lnga la gnas shing / chos dang khrims la sogs pa de las slob pa yin pas/ de la 'bul lo zhes byas na khrims med par 'gyur/ mkhan po/ /bdag thog ma khrims nod pa'i tshe mkhan po la gnas nas khrims nod pa dang /phyin chad kyang de la gnas shing spyod pa yin pas de 'bul lo zhes byas na'ang med par 'gyur/ khyim gnas su bdag zung shig gam/ bdag khyim par zung shig ces byas na'ang khyim pa la khrims med pa yin pas khrims phul bar 'gyur te/ dge sbyong ngam bdag dge sbyong du zang shig ces byas na'ang /dge sbyong la khrims nyis brgya lnga bcu med pas na / khrims chen po ni phul bar 'gyur/ dge sbyong gi khrims ni yod/ nyug rum mam/ ma ning rnam pa lnga la mtshan bcad pa la ma rul pa'am ste nyug rum du ltos shig ces byas na'ang khrims mi 'chags te med par 'gyur ro//ma ning ngam/ ma ning rnam bzhi lta bur ltos shig byas na'ang khrims mi 'chags pa'i phyir phul bar 'gyur ro/ /dge slong ma dge slong ma bslus par ltos shig ces byas na'ang dge slong ma bslus pa khrims mi 'chags pa yin pa'i phyir khrims mi 'chags par 'gyur te phul bar 'gyur/bslus pa 'am rkun gnas sam/ bdag rkun gnas su gzigs shig ces byas na'ang rkun gnas su khrims mi 'chags pa'i phyir phul bar 'gyur/ tha dad du gnas pa 'am/ sangs rgyas kyi chos la gzhan log par bltas pa de ba ha hi'i chos lta bu ste/tha dad par ltos shig ces byas na'ang khrims phul bar 'gyur/ mi gnas pa 'am / tshul khrims dang lta ba dang lhan cig mi gnas pa ste phas pham pa lta bu la bya ste/ mi gnas par ltos shig ces byas na khrims med par 'gyur/ mur 'dug gam mur 'dug tu 'jug pa 'am/dge slong las mur 'dug tu zhugs te chos gos bor nas skya rengs byung ba 'am/ chos gos bor kyang sems kyis mur 'dug la phyogs na khrims med par song ngo zhes bya ba lta bu ste/ mur 'dug tu 'jug par ltos shig ces byas na'ang khrims med par 'gyur ba'i phyir/ma bsad pa ma bsad par ltos shig ces byas na'ang khrims med par 'gyur/ pha bsad pa'am pha bsad par ltos shig ces byas na'ang khrims med par 'gyur/ dgra bcom pa bsad pa/ dgra bcom pa bsad par ltos shig ces byas na'ang khrims med par 'gyur/dge 'dun phye dge 'dun phye bar ltos shig ces byas na'ang khrims med par 'gyur ro/ /yang dag par gshegs pa la ngan sems kyis khrag phyung ba'o/ /de bzhin gshegs pa la ngan sems kyis khrag phyung bar ltos shig ces byas na'ang khrims med par 'gyur te phul bar chud/ma bsad pa zhes 'byung ba'i sU tra man chad mtshams med pa yin te/ khrims mi 'chags pas na de lta bur ltos shig ces byas na'ang khrims phul bar 'gyur ba yin no/ /sU tra 'di yan chad khrims phul bar 'gyur ro zhes 'byung ba kun du sU tra kun sems kyis 'bul bar bsams na/sU tra ltag ma'i tshig gang yang rung ste smras na khrims med cing phul bar 'gyur ro/ /chog go bdag ni tshe dang ldan pa dag tshangs pa mtshungs par spyod pa dang gnas pa'i spyod pas chog go /mi 'dod do zhes byas la sems kyis kyang khrims phul par bsams na khrims phul bar 'gyur te/de la gnas pa zhes bya ba ni gtsug lag khang na gnas par gcig dang zas dang nor rdzas la sogs pa 'tsho ba'i yo byad gcig tu spyod par gnas pa la bya/ spyod pa zhes bya ba ni dge 'dun gyi las brgya rtsa gcig lta bu la mthun par spyod pa la bya'o/ /gnas pa dang spyod pa dang gnyis ka chog go zhes smras na'ang phul bar 'gyur/gnas pa dang spyod pa gcig gis chog go zhes byas na'ang phul bar 'gyur/ phul ba'i cho ga'o// // mi tshangs par spyod pa'i phas pham pa 'chad do / /bcug reg dga' bar tshor na'o/ /mi tshangs par spyod pa pham pa'i yan lag drug dang ldan na pham ste bcug kyang bcug reg kyang reg dga' bar tshor ba dang yan lag gsum/'dzag byed do/ /gcin 'dzag pa ste pho mtshan la bya ste/ pho mtshan gyis bcug pa dang yan lag bzhi der ro/ /pho mtshan gyis mo mtshan du bcug pa dang yan lag lnga ma nyams par ro/ / mo mtshan dang / kha dang / rkub gsum ma snad cing ma nyams par byas pa dang yan lag 'di drug ldan na pham par 'gyur/ yan lag gcig ma tshang na sbom por 'gyur/ kha'am rkub kyi lam du'o/ /kha dang rkub kyi lam du mi tshangs par spyad na yang mo mtshan dang 'dra ste pham mo/ /nyams par na sbom po'o//mo mtshan dang kha rkub gsum nyams shing snad pa lta bu la mi tshangs par spyad na sbom por 'gyur ro/ /mi bzod pa la 'bri/ bud med lo bcu gnyis lon pa man chad rgyor mi bzod ces kyang bya/ kha cig lo mang yang rgyor yang mi bzod pa yang yod/ kha cig lo nyung la rgyor bzod pa yang yod /mdor na gang yang rung ste/ rgyor mi bzod pa'am mi rung ba zhig la mi tshangs par spyod na sbom por 'gyur/ mi 'bri ba ni phas pham par 'gyur te/ sbom por mi 'bri ba ni 'og nas 'byung ba rnams la mi tshangs par spyod na'o/ /mi'i rgyud ma yin pa/ lam rgyud lnga la mi ma gtogs pa'i lam rgyud bzhi gang yang rung ste/sgo gsum las gang du mi tshangs par spyod kyang pham/ pho skyes pa'i sgo gnyis su spyad na yang pham ma ning ma ning rnam lngar bshad pa la gang yang rung sgo gsum du mi tshangs par spyod na pham/ 'jug pa/ pho mtshan dkris te mi tshangs par spyod na yang pham/mjug nas dkris pa/ mo mtshan ras lta bus g.yogs/ pho mtshan gyis ras dang bcas te nang du bcug nas spyad pa yang pham/ pho mtshan dang mo mtshan gcig dkris gcig ma dkris par spyad kyang rung gnyis ka dkris te mi tshangs par spyad na'ang pham/ shi ba la yang ngo / /shi ba'i rol sgo gsum gang yang rung ste mi tshangs par spyad na pham/ ma tshor/ gnyid log pa 'am ra ro ba lta bu la mi tshangs par spyod de pha rol ma tshor yang phas pham/ rang bzhin stor bar gyur pa/ smyos shing rang bzhin stor ba la mi tshangs par spyad de pha rol gyis ma tshor yang phas pham/mi 'dod pa yang chud do/ /pha rol po mi tshangs par spyad par mi btub ste nan gyis mi tshangs par spyad na yang phas pham/ rang gi 'jug gnas su yang ngo / /bdag gi kha dang rkub tu bdag gi pho mtshan gyis mi tshangs par spyad kyang pham ste/ mtshan ring dang rgyab mnyen las bcas/sngon du phyir bdar te nang du btang bar bsams na yang ngo / /mo mtshan phyi rol du dkung dkung la khu ba nang du btang ba dang nang du dkung dkung la khu ba phyi rol tu pho ba gnyis gang byas kyang stu 'tshong ma brad dra ka phyi las dge slong sun d+ha ra nan da la 'di lta bur mi tshangs par spyod dang phas pham par mi 'gyur ro zhes byas nas dge slong des 'di 'dra bar byas pa las bcas/mi dben par nyin mo logs kyis phab ste mi nyal/ sa mi dben par dge slong gnyid logs kyis phab ste mi nyal/ nyal na nyes byas dge slong gcig cig logs kyis phab ste nyal nyal ba las pho mtshan sgren cing 'dug pa la/bud med sbom mo zhes bya bas mthong nas thal byung mo mtshan du bcug ste spyad pa las bcas dben pa ni 'og nas 'chad/ dben pa ni rnam pa gsum ste/ nyin mo nyal du rung ba'i sa dben pa ni rnam pa gsum yod de ming gis 'og nas 'chad pa yin no/ /mtha' bskor te sgo bcad cing gnas pa dang /dben pa'i sa gcig ni ra ba'am khang pa lta bu mtha' bskor cing 'dug pa la sgo gtan pa bcug ste nyal na nyes med/ dge slong srung du bcug pa dang / dben pa'i sa gcig ngam sad kyi bar du srungs shig ces bsgo ste nyal ba ni nyes med de dben pa gnyis sham thabs kyi mtha' ma mdud pa bor ba'o //bdag gi sham thabs kyis dam du dkris te mdud pa bor nas nyal na'ang nyes med de dben pa 'di gsum mo / /phas pham pa'i thog ma ste rnam par 'byed pa'i 'o/ /phas pham pa dang po 'dul ba rnam par 'byed pa'i nang nas 'byung ba'i mdo// // 'di man chad las kyi dngos po 'chad pa yan chad 'dul ba gzhan gyi nang nas 'byung ba'i mdo'ang 'chad mod kyi/ gzhi rnam par 'byed pas bzung ste thams cad 'dul ba rnam par 'byed pa'i nang du 'du'o/ /gang na bud med 'dod pa can gyi der mi 'gro/ bud med 'dod chags che zhing sbyar ba skyes pa mthong na ze ldang ba lta bu'i drung du mi 'gro/yon bdag cig gis [(]shAkyi'i [,]shAkya'i [)]rigs dge slong bzang po dag cig spyan drangs te 'ongs pa dang yon bdag de'i chung ma dge slong dag gi sha tshugs bzang po las 'dod chags langs te shi ba las bcas/ gang na mi ma yin pas mi bde bar byed pa der mi gnas/dgon pa'am/ shing drung lta bu na gnod sbyin la sogs pa kyal ka byed cing 'ongs pa'i gnas su mi 'dug /dge slong gcig cig dgon pa na bsam gtan spyod cing 'dug pa la gnod sbyin mo gcig cig bud med du sprul te 'ongs nas lan du mar mi tshangs par spyad par sten te/dge slong ma btub pa dang rgyal po bim bi sa ra'i mthongs su bor ba las bcas/ 'dod chags che bas sgre'u chongs shig /'dod chags che zhing khu ba rtag tu zags pas sgre'u bcang / dge slong ma mr-i ga ra ta rgyun du zhugs pas/ sangs rgyas kyi gcung dge slong sun d+ha ra nan da la sangs rgyas dang nor te phyag byas nas rkang pa las bzung ba dang /'dod chags langs te khu ba stor nas/ dge slong ma'i mgo steng du ltung ba las bcas/ ra lpags sam sha ba'am byi ba'i yang ngo / /mdo ltag ma ltar sgre'u bya ba'i rgyu ni mi rtsub cing mi na ba'i phyir re'u dang she'u dang byi la'i pags pa las sgre'u bya'o//dri mi zhim par mi 'gyur ba'i phyir bsngal bas so/ /sgre'u la khu ba reg pa dri mi zhim pa med par bya ba'i phyir dar phye dang / a ru ra dang / las la sogs pa'i phyi ma bsngal bas bsku'o/ /bkru zhing bskam/ sgre'u de skabs skabs su bkru zhing bskam mo//de'i tshe'i phyir gzhan yang ngo / /mdo ltag ma ltar bkru zhing bskam pa'i tshe sgre'u dgos pa'i phyir 'theb gcig bya/ mang du zags na gding bar bya/ khu ba mang du zags na sgre'u'i nang du phye ma la sogs pa gding / phye ma'am sas so/ /mdo ltag ma ltar sgre'u nang du blugs pa ni phye ma dang sa las blugs so//phyag 'tshal ba dang / bza' ba'i tshe bzhag la khrus byas te'o/ /mchod rten la phyag 'tshal ba dang zan bza' ba'i tshe sgre'u bzhag ste khrus byas la 'gro'o/ /phra mor gtogs pa'i phas pham pa'i dang po'o/ /'di yan chad ni 'dul ba phra mo zhes bya ba'i nang nas mi tshangs par spyod pa phas pham pa 'chad pa'i mdo 'byung ba'o// // kha'i ni so las 'das pa'o/ /mi tshangs par spyad pa ni so las 'das na pham/ rkub kyi rgyud ni 'dzums pa'i mtshams so/ /rkub tu mi tshangs par spyad na 'dzums pa'i mtshams 'das na pham/'dzag byed kyi ni kha shun no/ /mo mtshan du mi tshangs par spyad na phyi rol gyi pags pa dang nang gi sha'i mtshams kyi kha shun 'das na pham/ chud pa ni dkris so/ /pho mtshan ni sgo gsum gyi nang du dkris 'das na pham/ phyogs su yang kun snang na snang ba'o//sgo gsum las nyams pa ni sbrul gyis ni chang du zos kyang nyams par brtsi srin bus ni kha nang du cher zos na nyams par brtsi skrangs pa ni sgo nyid kyi 'khor skrangs na nyams par brtsi/ 'di rnams yan chad lta bu zhig la mi tshangs par spyad na sbom por 'gyur chung zad snang ba la ni mi bya'o//skrangs sam/ sgo gsum las skrangs ba/ rul tam/ sgo gsum las rul cing myags pa'o / /zhigs sam/ sgo gsum las zhigs pa dang gyes pa dang kham bu kham bur chad pa lta bu la bya/ srog chags kyis zos pa ni nyams pa'o/ /sbrul dang srin bu la sogs pa sems can gyis zos pa la bya ste/'di rnams lta bu la mi tshangs par spyad na sbom por 'gyur/ rked par bcang pa'i gzhug gnas la mi 'bri/ ro lta bu rked par bcad pa'i sgo gsum dag kyang rung ste spyad na pham/ gzhug gnas dbus nas gshegs te sbyar ba'i mtshams su mi mngon na yang ngo / / ro lta bu mo mtshan nas lus chu gshegs su gshegs te slar sbyar nas/ sbyar ba'i mtshams mi mngon pa zhig la mi tshangs par spyad na pham par 'gyur/ mngon na mdo bzhin pa'i rim mo / /mdo ltag ma ltar gshegs pa'i mtshams mngon pa zhig las mi tshangs par spyad na sbom po/ sbom por byed pa ni phag la sogs pa bcos te spu phyi ba'o//phag la sogs pa sems can gyi gzugs btso ste spu phyi ba la sogs pa lta bu zhig gi sgo gsum du mi tshangs par spyad na sbom po/ /mgo bcad pa'i khar yang ngo / /mgo lkog ma lta bur bcad pa'i khar mi tshangs par spyad na sbom po/'jug pa dang 'jug gnas lus dang so sor bral ba la yang ngo / /sgo gsum dang pho mtshan lta bu lus dang bral te gud na bcad cing 'dug pa lta bu la 'dod chags kyis bdag gis spyad dam chad cing 'dug pa na gcig gi nang du gcig bcug na sbom po/ gzhan yang pha rol gyi dang pha rol gyir 'jug pa'o//gzhan gyi mo mtshan du gzhan gyi pho mtshan bcug pa bdag gis byas na sbom po ste dper phyugs rgal ba lta bu pho mtshan mi chud cing 'dug pa la bdag gis chud par byas pa lta bu'o/ /gzhan yang lus bcad pa'i khung bur ro/ /ro lta bu la bcad cing phug ste de'i 'phro dang bu gur mi tshangs par spyad na'ang sbom po/ma ning gi 'jug gnas phug rdugs su'o/ /ma ning gi mo mtshan gcin 'ong ba'i khung bu tsam yod du zad de mi tshangs par spyad du mi rung ba zhig la spyad na sbom po/ mchu dag la yang ngo / /mchu dang mchu'i phyi rol du'am 'dod chags kyi sems kyis mi tshangs par spyad pa'i phyir pho mtshan gyis reg na sbom po'o //mtshams kyi phyir phan chad kyang ngo / /so'i phyi rol mchu'i nang rol mkhur ba phan chad du 'dod chags kyi sems kyis mi tshangs par spyad na sbom po/ sgre'ur yang ngo / /sgre'ur 'dod chags kyi sems kyis mi tshangs par spyad na sbom po//bltab pa dang mi reg par bcug par byas pa yang ngo / /skra mi nub pa'i phyir pho mtshan rked par bkug nas blta ba ste bcug pa dang mo mtshan la ma reg pa zhig tu bcug ste spyad na sbom po/ /de'i tha mar bshad pa dkris pa zhes pa thams cad kun mi rig par 'gyur ba ma yin no//pho mtshan dkris pa dang mo mtshan la g.yogs te phul ba dang g.yogs pa bcas te nang du song ba gang yang rung bkab pa dang dkris pa gnyis ka bya ste/ bcug kyang rung ste 'di ltar byas shing spyad do cog reg par mi 'gyur zhing phas mi pham par 'gyur ba yang ma yin gyi dar lta bu srab mos dkris te reg pa'i drod dang ldan par mi tshangs par spyad pa ni phas pham pa'o//gzhan gyis dkris pa ni ma reg par 'jug pa la gsungs so/ /mo mtshan dang pho mtshan dkris shing bkag pa ko lpags sam/ snam bu'am/ phying pa lta bu stug pos byas te reg pa dang mi ldan par mi tshangs par spyad na sbom po/phas pham pa dang po dris pa'i chud pa'o/ /phas pham pa bzhi'i dang po ste mi tshangs par spyad pa 'dul ba dris pa zhes bya ba'i nang nas 'byung ba'i mdo// //dge slong yin par mi dran pa ni rang bzhin nyams pa'o/ /'dre gdon dang rlung nad la sogs pas smyos shing myos te/dge slong yin par mi dran par mi tshangs par spyod pa ni phas pham par mi 'gyur/ nyams pa ni gnyis te nang dang phyi'o/ /mo mtshan nang nyams shing snad kyang rung gnyis ka snad cing nyams kyang rung ste mi tshangs par spyad na sbom po / pha rol gyis smras nas khas blangs na bslab pa zhig go /dge slob ma la pha rol po zhig gis mi tshangs par spyod do zhes zer zhing 'ongs pa la mi tshangs par spyad par bya'o zhes khas blangs na/ dge slob ma'i khrims zhig go /de'ang dbog go /mdo ltag ma ltar khrims zhig pa de slar dpog tu mi rung ngo //lo gnyis su bsdad pa ni khrims phyi ma phog pa nas brtsi'o/ /kha cig na re mi tshangs par spyad par khas blangs shing mi tshangs par spyad pa byas pa yang dpog tu rung zhes zer te/ de lta ma yin gyi mi tshangs par ni ma spyad khas ni blangs te bslab pa zhig pa der slar dpog tu rung ngo //dge slong phas ni sbom po/ dge slong pha la gzhan zhig na re khyod kyi rkub tu mi tshangs par spyad na rung ngam zhes dris te/ rung ngo zhes smras na sbom po/ ma zums par gyur pa la yang ngo / /mo mtshan che la dngos por ma zums par 'dug pa la mi tshangs par spyod na yang sbom po/ gzhug pa'i phyir rmar phul ba yang ngo / /mo mtshan du gzhug par 'dod pa'i phyir ci 'dra bar 'dug ces lag pas myangs shing mnams na yang sbom po/ 'jigs shing ngo tsha bas 'dod chags ma grub pa yang ngo / /'jigs pa ni gnod sbyin mo zhig bud med du 'khrul te mi tshangs par spyad pa dang spyad pa'i tshe 'phrul ma nus nas slar gnod sbyin nyid kyi lus su gyur nas/dge slong de sdangs te skrag pas dga' bar ma tshor ba las bcas/ ngo tsha ba ni dge slong zhig gis ma la mi tshangs par spyad pa dang spyad pa'i tshe mas smras pa khyod thog ma yang 'di nas 'ongs na da yang slar der 'jug cing spyod dam zhes byas pa dang /dge slong de ngo tsha ste dga' bar ma tshor ba las bcas rnam pa 'di gnyis ltar spyad na sbom po/ pho mtshan gas pas khu ba ma grub pa yang ngo / /mo mtshan chung ngu zhig la spyad de pho mtshan snad cing pags pa ral pa'am/ 'chus pa lta bu'am/ pho mtshan gas shing snad pa lta bu zhig gis mi tshangs par spyad pa las dga' bar mtshor na yang sbom po/ma sgren par bcug na yang ngo / /pho mtshan ma sgren par mo mtshan du bcug na sbom po/ lag pa nas lag par/ rkang pa nas rkang par tshigs nas tshigs su/ mtshan nas mtshan du ma 'byor na yang ngo / / lus che chung zhugs te mo mtshan du mi tshangs par spyad du rung yang / rkang lag dang tshigs dang / mtshan la sogs pa 'phags par che chung zhugs pa las mi tshangs par spyad na'ang sbom por 'gyur ro/ /g.yos pa tsam dang ldan pa yang ngo / /gzhan gyis nad gyis mi tshangs par spyad de dga' bar ni ma tshor gyi/chung zad bag tsam gyi dga' bar tshor na sbom po/ dge slong rdos btab pa zhig gnyid log pa las pho mtshan sgren pa bud med zhig gis mthong ste thal byung mo mtshan du bcug ste steng nas bkud pa dang dge slong phas tshor te nyam chung zhing rngon bas 'phra 'phra ste bag tsam g.yos pa las bcas/shing dang ba so dang / rdo dang gos kyi gzugs la de la byas nas 'on te mtshan gyi mtshams tsam na yang ngo / /ming gis smos pa 'di rnams las bud med kyi gzugs su byas pa las mi tshangs par spyad par brtsal ba dang / nang na 'dre gdon gnas pas mo mtshan nyi tshe bud med kyi dang 'dra ba ma gyur pa zhig la spyad na sbom por 'gyur/lus kyi yan lag thams cad kyis reg par gyur na rtsa ba'o/ /mdo ltag ma lta bu'i gzugs su byas pa la mi tshangs par spyad pa dang lus kyi yan lag thams cad mi dang 'dra bar gyur na phas pham pa'o/ / bsnyen par rdzogs pas mo mtshan du rkang pa bcug na yang ngo //mi tshangs par spyod du song song ba las mo mtshan che bar gyur nas pho mtshan gyis ni ma spyad kyi rkang pa bcug pa las bcas te mi tshangs par spyad pa'i phyir mo mtshan du rkang pa bcug na'ang sbom po/ gzhug gnas kyi phyi rol du pho mtshan gyis reg pa de tsam gyis kyang ngo //bud med gcig cig sgren mor khron pa na chu chu bar dgus pa dang / bar ram sab mo'i rgyab nas dge slong cig gis sab mo la bu gu yod pa'i nang nas/ pho mtshan bcug ste mo mtshan la reg par byas pa las bcas te mo mtshan la pho mtshan reg pa tsam gyis kyang sbom po/bsnyen pa'i phyir gzhan la bsgo na yang ngo / /mi gzhan la khyod mi tshangs par spyod cig ces bsgo na sbom po/ rang bzhin du sgren pa ni mi 'bri'o/ /pho mtshan yod nas sgren pas mi tshangs par spyad kyang phas pham par mi 'gyur ro snyam du bsams te spyad kyang phas pham pa yin pa ma yin no//mdun dang rgyab gnyis gang du brtsal nas de las gzhan du zin na yang ngo / /mo mtshan du mi tshangs par spyod par bsams te spyod spyod pa las rkub tu song ste 'dod chags grub na yang phas pham mo/ /lam gyi lhag mar yang gzhug go zhe na yang mi 'bri'o/ / sgo gsum char du mi tshangs par spyad la sgo tha ma gcig tu 'dod chags grub par bya'o zhes bsams te spyad pa las sgo gnyis su ni ma spyad kyi sgo dang por 'dod chags grub nas gnyis su ma spyad pa'i phyir pham par mi 'gyur ba ma yin te pham mo/ /zhig go zhes bsams na yang ma yin no/ / phag cig bcings shing 'dug pa las/ dge slong gis snying rje ba'i phyir thug thub tu btang ba las phag bdag gis dge slong gis btang bar thos nas dge slong khyod ni khrims zhig cing med pa'o zhes bsgo ba dang / khrims zhig pa ni ma yin mod kyi/ dge slong gis kyang khrims zhig pa yin no snyam bsams nas mi tshangs par spyad pa las bcas te phyis mi tshangs par spyod pa'i tshe pham mo//nad dbyung ba'i phyir yang mi rung ngo / /chus bgags pa dang pho mtshan la shu ba byung ba'i nad la/ sman pa na re mi tshangs par spyad na phan no zhes zer te nad la phan pa'i phyir mi tshangs par spyad kyang pham/lam la gzhan du 'du shes sam yid gnyis su'ang ma yin/ snar pho mtshan bcug ste spyad par bsams pa las khar song ste/ 'dod chags grub pa dang / 'dod chags ni khar spyad du grub kyi/ 'dod chags khar grub bam snar grub gtol med de the tshom za ba lta bu yang phas pham par 'gyur ro//lam ma yin pa yang de ltar sbom po'o/ /sgo gsum ma yin par rna ba dang sna la sogs par mi tshangs par spyad na'ang sbom po/ ltung ba med pa rings pas bud med kyi steng du lhung na'o/ /sdangs pa'am rings pa lta bus rdeg 'chos te bud med kyi steng du 'gyel ba ni nyes med do//mi 'dod bzhin du phongs pas mgul nas 'jus na yang ngo / /bud med 'dre lta bus sngangs te 'jigs pa'i phyir/ dge slong mi 'dod du bzhin mgul nas 'jus na'ang nyes med do/ /mchu dang mchur reg pa yang ngo / /sgo lta bu la bud med dang dge slong phas byung tshul byung ste 'phral la gdong thug tu phrad nas mchu gnyis reg tu zin kyang nyes med/khyi mo'i mdun du mi gci bar bya/ dge slong gcig cig khyi mo'i mdun du kha bltas te gcin gci ba dang / pho mtshan la khyi'i snying la sha gzhan zhig snyam ste brgyugs nas khar bcug pa las bcas te/ khyi mo'i mdun du nyes byas dgon pa gang du srog la dma' ba der mi gnas/chu gang du pho mtshan zin gyis dogs pas sgren mor mi 'bog dge slong gcig cig chu rgal ba dang / chur gnas pa'i sems can zhig gis pho mtshan khar bcug pa dang / dge slong gi yid la pho mtshan sems can gyi khar song gis phas pham mo snyam du the tshom zos pa las phas pham par ni mi 'gyur gyi/phyin chad pho mtshan zin gyis dogs pa'i chu la ras kyis ma dkris par ma 'bogs shig ces bcas te ras kyis ma dkris par 'bog na nyes byas/ der gru la shes bzhin du rgal / gru la rgal ba'i tshe'ang gru bub na bud med kyis mi zin pa dang rgyal ba'i phyir pho mtshan mi zin par ras kyis dkris ba shes bzhin du bya/de ltar 'du shes ma bzhag na nyes byas/ ba'i nang du 'gro na yang ngo / /ba lang gi khrod du 'gro na'ang rdung du 'ong ba'i phyir bag bya ba dang ba lang mi reg par shes bzhin du ma byas na nyes byas/ khron pa'i chur brtag pa yang ngo //khron pa'i nang na bud med 'gyel zhing 'dug pa sngangs te bdag la 'dzin du 'ongs pa'i phyir snga nas ci yod brtag pa dang gcig tu na bud med khron pa'i kha na 'greng na mo mtshan gyi gzugs brnyan chu'i nang du 'ong ba mthong na 'dod chags skye ba'i phyir bud med chu chu ba yod na khron par mi brtags par ma byas na nyes byas/bsod snyoms zas kyi phyir grong du spyad pa grong bar du bsod snyoms spyod pa'i tshe bud med la mi reg pa la sogs pa shes bzhin du ma byas na nyes byas/ rab tu brtag par bya ste rab tu dbyung / rab tu dbyung ba zhig 'ongs na pho yin nam mo yin pa rtogs par bya ste rab tu dbyung /ma brtags na nyes byas/ gcig pu bla gab med pa na logs mi dbab/ bla gab med pa na grogs med par gnyid ma log kyang logs kyis phab ste mi nyal thal byung gnyid kyis log par 'gyur ba'i phyir te logs kyis phab na nyes byas/sgo ma bcad pa'i khyim du dge slong mas bsam gtan mi bya ba dang yang ngo / /sgo ma bcad par dge slong ma bsam gtan ma byed cig ma nyal cig skyes pa thug thub tu rgyor yang ngo / /phas pham pa dang po ste bye brag tu gdon mi za ba'o/ /phas pham pa bzhi'i dang po mi tshangs par spyod pa 'dul ba bye brag tu gdon mi za ba zhes bya ba'i nang nas 'byung ba'i mdo mi tshangs par spyod pa dang po rdzogs so// //ma byin par len pa'i phas pham pa la 'chad de/ 'phrog pa dang / bdag gis 'phrog pa dang brkus pa la'ang rung ste yan lag gcig /'phrog tu bcug pa'o//mngon sum du 'phrog tu bcug kyang rung rkur bcug kyang rung ste yan lag gcig /pho nyas kyang ngo / /pho nya btang ste rkur bcug kyang rung 'phrog tu bcug kyang rung yan lag gcig /yan lag bdun du brtsi na ni yan lag gong ma gnyis dang gsum la yan lag gcig tu brtsi'o/ / ma byin pa'o/ /bdag gi nor kyang ma yin gzhan gyis kyang ma byin pa la bya ste yan lag gcig /ma sha ka lnga la sogs pa'o/ /sangs rgyas bzhugs pa'i tshe na'ang dngul zho'i brgyad cha gcig gis pham deng sang dus dang sbyar te/ rgya gar yul gyi ma sha las bod kyi dngul gyi thang du brtsis na/dngul zho'i brgyad cha gcig yod do/ /brgyad cha gcig yan chad brkus na pham ste yan lag gcig /sangs rgyas kyi tshe pa na rin chung bas lngas pham/ deng sang rin che bas bzhi/ rku sems kyis so/ /rku sems kyis rku ba la bya ste yan lag gcig /mi'i rgyud kyi bcangs pa la'o/ /lam rgyud bzhi ma gtogs par mi'i nor la bya ste yan lag gcig /yan lag bcur brtsis na ni mdo 'di nyid las mi nor las blangs pa gong nas bshad de yan lag gnyis su brtsi/ yan lag bdun gyis pham par brtsi na yang yan lag 'di gnyis su bgrang ngo / /der 'du shes pa'o/ /mi'i rgyud kyi nor yin par 'du shes pa la yan lag gcig /nor bdag gi sems kyis kyang ma btang ste bdag gi yin par sems pa yan lag gcig ste/ yan lag 'di bcu dang ldan na pham/ ma tshang na sbom po/ yan lag bdun gyis pham par byas na 'di gnyis la gcig tu brtsi'o/ /bdag po las rlag nas sems kyis ma btang na re ba ma chad pa'o//gos dang nor rdzas la sogs pa rlung dang chus khyer ba lta bur 'khyams pa la nor bdag gi sems la slar rnyed du re ba'i sems yod pa las brkus na ni pham/ slar rnyed du re ba'i sems med na bdag po med pa'i nor du brtsi'o/ /gson mar bsngos pa bdag por 'gyur ro//sangs rgyas dang chos kyi dkor dang lha ma srin la sogs pa'i nor du bsngos shing srung ma yod pa las brkus na pham/ bya dang ri dwags lta bu gson ma la rgyan btags pa las brkus na'ang bdag po mi yin pas pham mo/ /bza' ba'i phyir byin ba ni bsam pa'i rgyud med de/phyugs la chos dang rtswa dang chu la sogs pa sbyin par bsngos pa las brkus pa ni phyugs la bsngos pa'i steng du phyugs kyis zos nas med par 'gyur bas na sbom po/ ma zhugs nas bdag po ma yin te/ ri dwags dang bya dang gcan gzan la sogs pa bshor bar mi btang ba dang lings btab pa la sogs pa khongs su ma chud cing dang rum 'byor pa las brkus pa ni bdag po med par brtsi'o//ri dwags dang bya dang gcan gzan dag bzung ba'i phyir/ me btang ba la sogs pa'o/ /ri dwags dang bya dang gcan gzan la sogs pa bshor ba'i phyir lings dang me la sogs pa dang /ru 'byor cing khongs su chud pa dang / khongs su ma chud kyang mnga' lta bu phog ste smas pa snyags ma phyi bzhin 'ongs pa lta bu las brkus na ni bdag po yod par 'gyur te pham mo/ /khongs nas brkus pa yang pham mo/ /ma chud na dngos po can du gzung ngo / /nor bdag mi'am byol song gang yin gtol med pa'i nor zhig la su'i yin kyang rung gi brku'o zhes bsams pa ni nor bdag mi yin na pham par 'gyur/phyugs kyi yin na sbom por 'gyur mi yin na slar gzhag go zhes bsams pa ni mi'i yin kyang blangs te slar gzhag na mi pham mo/ / rku ba'i tshe gnas dang dus kyi rim gyis so/ /rkus pa'i nor gyi rin thang brtsi ba ni nas 'bras la sogs pa/ dbyar dgun ston dpyid kyi dus kyi rin thang du brtsi/ lho ba la yul dang bod yul lta bu nor rgyu gcig la rin che chung du 'gyur ba yang yul lam gnas de nyid kyi ring thang du brtsi ste tshang na pham ste gla rtsi dang kha ra lta bu'o//mi 'dod pa rnams ltung ba med/ bum pa'am gdang shing ngam zhwa brkus pa las/ bum pa'i nang na rdzas yod pa gdang shing dang zhwa'i zla la nor 'ongs te mi 'dod de slar bskyal bar byas pa na pham par mi 'gyur ro/ / zhwa dang gdang shing dang bum pa nyid kyis rin thang brtsi'o//bdag gir dang gzhan gyi nor rdzas zhig la nor de bdag gi yin par mthong ste spyad pa dang / re zhig gi dus dang / grogs po'i rdzas phran tshegs zhig brnya'o zhes ma byas kyang skad cig tsam spyad pa dang / yid brtan pa'i sems kyis dang / grogs po yid brtan te mi dga' bar mi 'gyur ba'i rdzas zhig la thug thub par spyad pa dang /gzhan la gsol te na'o/ /rdzas thun mong du spyad do zhes sngar 'thams te spyad pa 'phral la brnyas te spyad pa dang 'di rnams lta bu spyad pa na rku sems med na nyes med do/ /gzhan yang rku ba'i sems med na'o/ / rku sems med par nor rdzas bzang ngan lta ba'i phyir lag gis gzung ba lta bu dang gzhan zhig gis brku ba'i phyir de 'dra ba zhig long ste/ nga la byin cig ces zer ba la bdag gis rku bar mi shes shing bdag la rku sems med par kho'i kha thabs bzhin du blangs te byin pa la sogs pa ni nyes med do//snying rje ba'i phyir 'khrul gyis btang na yang ngo / /a nan ta'i byin da'i bu ston ka'i dus kyi rkun pos brkus pa las maud gal gyis rkun po bu gnyis la snying rje ba'i phyir dmag mi phal mo cher sprul te bsdigs nas/ rkun pos bu slar btang ba dang / drug sde phas pham par gyur to zhes brgal nas snying rje dang 'phrul gyis byas pas nyes med pa'o zhes bcas/thams cad du yang sbyor ba'i nyes byas pa'o/ /phas pham pa dang lhag ma dang ltung ba dang bzhi so sor mthol ba dang mang po bslab pa dang / ltung ba 'di sde lnga thog ma byed cing sbyor ba'i tshe na gang yang rung ste nyes byas pa'o//de ste rtsa ba'i sde 'dir ni sbom pa'o / /phas pham pa bzhi las gang yang rung ste thog ma pham par byed cing sbyor ba'i tshe nyes byas kyi thog tu sbom po re re yang yod do/ /sbom por 'gyur ba zhig spyod na'ang thog mar nyes byas pa yod de de'i 'og tu pham pa la brtson pas sbom po'o//mdo bzhin pa'i yang de bzhin/ bcu gsum dge 'dun gyi lhag mar 'gyur ba zhig spyod na'ang thog ma sbyor ba'i tshe nyes byas su gyur pa'i 'og tu sbom po gcig kyang yod do/ /ma tshang ba brkus na yang ngo / /mi'i nor las brkus pa las dngul zho'i brgyad cha gcig tu ma tshang ba man chad ni brkus te/blangs kyang sbom por 'gyur ro/ /bdag po med pa'i gter yang ngo / /nor bdag gis nor gter du spas pa las shi nas/ bus rgyus mi shes pa lta bu dang / rgyal po'i sa ris kyi nang dkor khung yod pa mngon par ma btod cing / rgyal pos mi shes pa lta bu la brkus na rin thang char yang sbom po'o//bdag gi yang ngo / /dge slong a dzi ta la chos gos bzang po cig yod de/ dge slong cig gis mthong nas brku bar byas pa dang / a dzi tas tshor te bdag gi chos gos kyi gnas su kho'i chos gos gzhag pa dang / dge slong des chos gos de brkus te gud du bltas na bdag gi chos gos yin par gyur pa las bcas te/bdag gi rdzas la gzhan gyi nor du bsams te brkus na yang sbom po/ rgyud gzhan gyi yang ngo / /mi ma gtogs pa lam rgyud bzhi gang yang rung ste nor rdzas brkus na sbom po/ bdag gir ma byas kyang / bdag gi nor du bya ba'i phyir ma brkus kyang 'di rnams ltar byas na sbom po/sbas sam/ nor chud gzan cing med par bya ba'i phyir sa'i nang la sogs par sbas pa dang / ma rung bar byas pa dang / nor rdzas mer bsregs sam/ chu la bskur ram dral bcom pa la sogs pa chud gzan pa dang /bcings pa/ nor bdag dang mi phrad par bya ba'i phyir gnag rta lta bu bcings shing btags pa lta bu dang / 'phrol ba la sogs pa dang / gnag rta la sogs pa btags pa las stor cing med par bya ba'i phyir 'phrol te 'khyam du btang ba dang / phral ba yang ngo //'di rnams lta bu la sogs pa nor bdag dang nor du phral ba'i phyir chud gzan pa'i phyir byas pa med par byas pa ni sbom po'o/ /nyes byas pa ni snying rje'i sems kyis btang na'o/ /ri dwags dang gcan gzan rnyi dang / rgya la zin pa dang phyugs la sogs pa bsad par btags shing bcings pa la/ri dwags la sogs pa dang bdag po gnyis ka la snying rje'i phyir thug thub tu btang ba ni nyes byas/ rgya dang rnyi la sogs pa snying rje ba'i sems kyis dral cing btang ba yang nyes byas te/ snying rje la rnam gnyis so/ /bzlog kyang ma byas pa ma yin/ rkun pos dge slong la rku ba'i rgyus dris pa la /dge slong gis skyes pa med do/ /khyi mi za'o zhes bya ste/ rku bar bstan pa'i 'og tu sngar smras pa brdzun bya ste/ rku ba'i mi rigs so zhes slar bzlog kyang sbom por 'gyur ro/ /ma reg pa tshun chad sbyor ba'i sbyor ba'o/ /nor rku bar bsams nas nor la ma reg tshun chad sbom po la sbyor ba ste nyes byas su 'gyur ro//ben na gom pa re re zhing ngo / /mkhan po lta bus slob ma la chos gos bskur te phyi bzhin du 'brang du bcug pa las/ slob ma des rku bar bsams te/ ben na gom pa du bor ba re re zhing nyes byas re rer 'gyur ro/ /de'i rgyud na sems can so so las so//mi gnyis gsum yan chad mang po zhig gi nor la dge slong cig gis brkus na mi de rnams kyi so so'i nor skal las rin thang tshang na ming du yod pa bzhin du nyes byas dang / sbom po re re yang yod/ phas pham pa ni spyir gcig tu zad de sdig ni mi du yod pa bzhin du phas pham pa re re'i sdig yod/rin thang ma tshang na sbom po dang nyes byas re re yod du zad do/ /phur pa las bkrol ba ni gru la reg pa ma yin no/ /gru brku ba'i phyir nyag thag phur pa las bkrol ba ni gru la reg pa ma yin te/ sbom por mi 'gyur gyi nyes byas pa'o/ /khur gyis rku bar der byed cing brkus par na'o//snam bu'am ras sam nor gang yang rung ba las/ mang mo zhig khur du drags te rku ba ni brku bar bsams pa'i phyir nyes byas ni gcig tu zad/ 'dra ba'i phyir skyed cing sdud pa la reg pa re re zhing sbom po re re/ drags zin nas 'degs par reg pa'i tshe yang sbom po gcig /bteg ste 'phags na pham par 'gyur/btogs nas phung por na'o/ /shing tog btogs nas snod du sdud pa'i tshe sdud par reg pa re re la sbom po re re bsdus zin nas bteg par reg pa'i tshe sbom po gcig bteg ste 'phags na pham/ nyes byas ni brku bar bsams pa'i phyir gcig tu zad do//yal ga bkal te bcad pa ni shing tog dang me tog la sogs pa du yod kyang sbom po/ spying ba ni gnas kyi steng nas nor gyi spyi bo nub na'o/ /chu dang sa lta bu'i nang du nor brku ba'i phyir sbyor ba ni nor gyi spyi bo nub cing mi snang na pham/ chu'i zhabs su nor song ste chu dang pas steng nas bltar snang ba ni sbom po ste chu'i 'og gi sa'i nang du spyings te mi snang na pham/bkur ba'i sems kyis gang 'di nas phyis bkur bar na'o/ /mdo ltag ma ltar sbas te bzhag pa'i tshe mi pham gyi phyis blangs te khyer pa'i tshe pham mo zhes klan ka tshol ba'i phyir mdo 'di 'chad de sba ste bzhag nas phyis blangs te bkur ro zhes bsams su zin kyang sbas pa'i tshe nor mi snang na pham par 'gyur ro//bshal ba ni thog ma'i gzhi'i mtshams las mjug ma 'das na'o/ /nor zhig sa las bshal te rkun gzhi ga la 'dug pa'i nor gyi mtha' ma'am mjug ma 'dug pa'i mtshams las 'das na pham par 'gyur/de ltar 'gyur ba yang nor 'dug pa'i gzhi la sa'i srubs sam bang rim lta bu'i mtshams med na nor gyi mjug ma'i mtshams 'das na pham/ yog pa'i nang du chud pa ni der ma yin no/ /nor bshal te rku ba'i 'og na mtshams sam sa sgal zhig yod na nor gyi mjug ma'i mtshams ma 'das kyang sa sgal de 'das pas pham par 'gyur te/dper na zhing rol gyi steng nas shing rings rku ba lta bu'o/ /de'i gzugs ni/ mtshams 'das na pham par 'gyur ba'i mtshams kyi gzugs ni 'di rnams lta bu gang yang rung ngo / /'phags pa dang / sa skra ras pa lta bu'i bang rim dang /gas pa dang / sa gas pa'i ser kha dang / yi ge dang / yi ge'i 'bru tshig las gcig gi steng du thal ba dang / kha dog dang gzhan dang / kha dog sna tshogs su 'dug pa las gcig las kha dog gzhan gyi steng du thal ba dang / mtshams dang / sa shing la sogs pa'i srubs lta bu dang / rnang sgal lo/ /zhing gi rnang sgal lta bu dang 'di rnams gang yang rung ste bshal ba las mtshams 'das na pham/ srog chags kyi mu ni tha dad dper mngon na rtsib ma la sogs pa las so/ /phyugs lta bu la gos g.yogs sam bkal ba las rku na bsnyil tam bshal te/phyugs ring na rtsib ma'am rul ba dag gi gzugs mngon par snang ba gang yang rung 'das na pham/ phyugs tshon po rus pa mi mngon pa ni lus las 'das shing 'phags na pham/ gding ba bting ba yang gnas bzhin no/ /phying pa'am phyar ba lta bu bting ba'i steng nas bshal te rku na sa la bshal ba'i mtshams dang 'dra bar phyar ba'i srubs sam kha dog tha dad pa'i mtshams 'das na pham/btsugs pa yang bzhag pa bzhin no/ /skye shing ngam mda' 'phangs pa lta bu sa la zug pa zhig las rku na phyung ste sa las 'phags na pham mo/ /gyon pa ni phral na'o/ / gos sam mgo rgyan dang gdu bu la sogs pa lus la thogs pa zhig las rku na lus las phral te 'phags na pham/ sor gdub lta bu mdzub mo'i tshigs 'ga' tsam 'das nas mi pham gyi mdzub mo las 'das te 'phags na pham/ sho gam ni de'i sa 'das na'o/ /sho gam gyi rgyud du 'gro ste/bdag gi nor las sho gam pa dbang bar 'gyur ba zhig mi sbyin par bsams te song ba ni sho gam gcod pa'i sa'am mtshams 'das na pham mo/ /mi ni dus byas te de ste der grub na'o/ /mi rku ba ni dus byas ta dus mal du phrad na pham/ dus la rnam pa gsum ste gos 'di 'dra ba zhig gyon nas shog shig ces bya ba lta bu dang /nyi tshod 'di tsam na shog shig byas pa dang / shing ngam rdo 'di'i drung du shog shig ces bya ba lta bu gang yang rung ngo / /bya ni de ste de ltar spur na'o/ /bya rku ba ni rku ba'i sa logs su bskrad spur na 'phur te/ 'phags ma thag tu pham/ rku ba'i gnas ma yin par logs shig tu 'phur ba ni sbom po/byol song btags pa las bkrol na'o/ /ri dwags rnyi las zin pa'am phyugs phur pa la btags pa lta bu rku na ma 'phags kyang bla ste bkrol ma thag tu pham mo/ /khyu las sam bzung ba ni mi snang bar gyur na'o/ /phyugs khyu lta bu las rku na bcings te bzhag kyang rung bkar te ded kyang rung bzung ste khrid kyang phyugs phal mi snang bar gyur na pham mo//sngags kyis bkug pa ni snang na'o/ /sngags byas te rku ba ni sngags kyi mthus nor rang 'ong ba mig sngar snang zhing mthong na pham/ nor 'ong ngam mi 'ong bya ra bas btsugs te byar bas mthong na/dge slong gis ma mthong yang pham/ phyi bzhin du 'gro ba dang / slob ma lta bu la mkhan po'i rdzas shig bskur te phyi bzhin du 'brang ba las rku ba dang / skyel ba ni/ nor zhig skyel du btang ba las rku ba dang 'di rnam gnyis ltar rku la 'og nas ming gis bshad pa ltar byas na pham par 'gyur te/ben tam/ rku ba'i tshe ben te 'dug pa dang / log gam lam las slar log ste song ba dang / gyu 'am / lam nas g.yas g.yos su gyu 'am/ zhugs sam/ nags sam khang pa lta bur zhugs pa dang / 'dzegs na de khyer ba sngon bzhin no/ /shing ngam brag lta bu la 'dzegs pa de rnams gang ltar byas kyang rung ste/phyugs khyu las brkus na mi snang na pham pa bzhin du/ 'di yang mi snang bar gyur na pham/ gru ni thang dang yur ba dang mtshe'u las kyang ngo / /gru rku ba ni thang la khur du khyer ba dang yur ba'i chu las drangs pa dang mtsho las kyang rung ste thog ma'i gnas mi snang bar gyur na pham mo//rgyun gyi rjes su yang ngo / /chu 'bab pa'i rgyun bzhin du gru drangs te rku ba yang thog ma 'dug 'dug pa'i gnas mi snang bar gyur na pham/ thad kar ni 'gram ngag mi snang na'o/ /mtsho'am chu kha tshon chen po lta bu la gru thad kar drangs te rku na pha rol gyi 'gram du ma phyin kyang thog ma 'dug pa'i sa mi snang na pham/gzhan ni der phyin na'o/ /chu kha tshon chung ngu las gru drangs te rku na thog ma 'dug 'dug pa'i gnas snang yang pha rol du phyin na pham/ rgyun las bzlog pa ni tshugs 'das na'o/ /gru chu 'bab pa'i rgyun las slar bzlog ste gyen du drangs te/rku na ga las 'dor ba'i gru tshugs 'das pa na pham/ glags pa ma gtogs te bdag gi las kyi mtha' grub par 'dod pa de'i phyir/ zhing gi chu rku ba ni lud dang rmo brko dang yur khugs lta bu bzang du byas te/ nas bzang por skyes pa ni ma gtogs par bdag gi zhing gi las bzang du byas shing nas bzang du skyes par grub par 'dod pa'i phyir/gzhan gyi las kyi mthar chung du btang ngam/ gzhan gyi zhing gi las byas pa la char pa che ba'i tshe gzhan gyi zhing de la bdag zhing gi chu byo ste btang / bgags na'o//than pa byung ba'i tshe gzhan gyi zhing gi chu bcad de bdag gi zhing la btang bas/ ston chu de'i yon tan gyis bzang ngan gyi khyad cig zhugs na pham mo/ /shas 'thob pa'i phyir rkun po la rgyus bstan na'o/ /rkun shas 'dod pa'i phyir rkun po la rgyus bstan na sbom po'o zhes mdo tshig ltag nas 'chad pa yin mod 'di ni shas 'dod pa'i phyir/rkun po la rgyus bstan te rkun pos shas byin te ring thang tshang na pham mo/ /sa dang khyim la mu 'khor du bcug cing bsres na'o/ /zhing sa dang khyim sa lta bu rku na bdag gi zhing dang mu bsres te ra ba'am 'obs lta bus bskor nas ra ba'am/'obs lta bu sna phrad de sa de la rin thang brtsis te tshang na'ang pham mo/ /de ste rgyal po'i 'khor du shags bkye ste rgyal na'o/ /zhing sa dang khyim sa lta bu la gzhan zhig dang sa mtshams la mi 'dum mam/ ngo ldog ste rgyal po la shags bkye nas/ dge slong mi dbang ba las rgyal pos dge slong dbang ngo zhes bcad na pham/de bzhin du nor rdzas gang yang rung ngo / /de ste yul dpon la brtsams pa las pha rol gyis btang na'o/ /zhing sa dang khyim sa la mtshams dang mu'am/ ngo ldog pa yul dpon nam mi dra ma zhig la zhal che bkye ba las/ yul dpon yang rung zhal che'i zla yul bdag kyang rung ste dge slong mi dbang mod kyi rtsod dkas kyis thong zhes bsams nas btang ngam/yul dpon gyis thong zhes zer ba bzhin btang na pham par 'gyur / nor rdzas gzhan la rtsod pa'ang de dang 'dra'o/ /de ni sbyor ba'o/ /zhing sa lta bu ngo ldog pa yul dpon lta bus dge slong mi dbang ba la dbang bar bcad nas yul dag ma rangs te ma btang nas zhal che spos te bkye na grangs du spos pa bzhin du sbom po re re/dge slong mi dbang la zhal che yang yul bdag dbang ba bcad pa las dge slong gis ma btang ste grangs spos te bkye na grangs du spos pa bzhin du sbom po re re'o//rku ba'i sems med na sho gam gyi rgyud du nyes pa 'byung bar ma dogs shig /sho gam gyi rgyud yod par mi shes la rku sems kyang med na sho gam du 'gyur ba'i rdzas sho gam gyis 'das kyang nyes med do/ /dge slong rgan po zhig gis/ dge slong gzhon nu rgyus mi shes pa zhig la sho gam las bzla ba'i phyir sho gam du 'gyur ba'i nor brkus nas/sa mtshams 'das pa dang slar blangs nas/ dge slong gzhon nu nor khyer khyer ba dang ci ltar ma tshor gyi pham par gyur snyam/ the tshom zos nas de nyes par mi 'gyur ro zhes bcas/ nor gang gis khyer ba des sbyin/dge slong la gzhan gyi nor sho gam du 'gyur ba zhig bskur te sho gam pa'i sar 'ongs nas sho gam pa ci dbang ba/ dge slong khyer khyer ba de sbyin no/ /btang ba las gzhan gyi bzlas na brkus pa ma yin/ dge slong la sho gam ma bcad cig par gnang ste btang ba las/ dge slong des gzhan gyi nor zhig khyer te sho gam pa ci dbang ba nor bdag sbyin pa'i phyir ma byin na sbom po'o/ /bdag bkur ba'i phyir ma byin na pham pa bdag bkur ba'am/ nor bdag sbyin pa gnyis kar yang ma bsams la sho gam pa ci dbang ba ma byin na nyes byas 'di ni mdo'i TI ka las 'byung / zhal nas gsungs pa las ni gzhan gyi nor sho gam las bzlas te sho gam pa ci dbang ba ma byin na pham mo zhes 'byung bar zad/ bcas pa'i gzhi ni rgyal po 'byi 'byi sa ras/ dge slong la sho gam mi gcad par gnang ba las/ dge slong gcig cig gis 'dron po gzhan gyi nor sho gam du 'gyur ba khyer te sho gam pa dbang ba ma yin pa las bcas/ma btang na gzhan las mi bzla/ dge slong gi nor la sho gam mi gcad par gnang ba med pa la gzhan dbang chen po'am kha drag pa la bdag gi nor sho gam du 'gyur ba de bskur te/ sho gam pa dbang ba ma byin te rin thang tshang na pham/ma tshor bar 'da' bar 'gyur pa nan tan mi bya bar mi bya/ bdag gi snod kyi nang du gzhan gyis sho gam du 'gyur ba'i nor bcug nas ma tshor bar sho gam las 'das par 'gyur ba'i phyir snga nas bsrung zhing tshor bar bya/ tshong pa dang dge slong dag cig 'grogs pa dang tshong pas sho gam du 'gyur ba'i rdzas/dge slong gi snod du ma tshor bar bcug nas sho gam 'das te tshor nas the tshom zos pa las nyes byas gzhan ni med kyi phyin chad tshor bar byos shig ces bcas/ ma tshor na nyes byas/ srung ma dge slong du ma zhog shig / mdo ltag ma ltar sho gam du 'gyur ba'i nor bdag gi snod du gzhan gyis mi bcug par bya ba'i phyir/ bsod snyoms sam gcig la 'gro na/ dge slong gnyis gsum srung mar zhog shig ma bzhag na nyes byas/ de de'i zas sbyis sbyin/ slong mo la dong pa rnams kyis srung mar bzhag pa'i zas so so nas 'theb lhag par blangs la phyis sbyin/des dgag /srung mar gzhag pa rnams kyis kyang bdag cag gi snod sho gam du 'gyur ba'i rdzas shig 'jug na mi gzhug par dgag /bcug na bsnyad srung ma rnams kyi mthus ma nus te bdag cag gi snod du nor zhig bcug na/grogs la bcug go zhes bsnyad / med na mtshan gdab/ srung ma gzhag tu dge slong grangs kyis med na snod kyi kha rgya'am mtshan ma btab ste slong du 'gro'o/ /ma btab na nyes byas/ dris te blangs / bdag gi rdzas tshong pa la gtams pa zhig slar len na sho gam du 'gyur ba'i rdzas ma bcug gam zhes 'dri ste blang /gzhan gyi rdzas shig bskur na'ang sho gam du 'gyur ba med dam zhes dris te blang / ma dris na nyes byas/ dbyung bar gzhan ma grub na re zhig /bdag gi rdzas rgya'am mtshan ma btab pa nyams la dris kyang lan mi ster te/ dge sbyong med na dbyung ba'i phyir snod la reg pa dang gser dngul lta bu yod de/ lag gis bzung ste phyung yang nyes med/ chad par bsngos pa las ma byin pa'o/ /sho gam du 'gyur ba'i nor zhig dkon mchog gsum mam pha ma la bsngos pa zhig na'ang / sho gam pas ma gnang na sho gam pa ci dbang ba sbyin dgos so//ma byin na sbom po/ grogs po dang khyim pa lta bu zhig la bsngos te ma byin na'ang sbom po sho gam pas btang bar byas pa'i phyir thabs 'og nas bshad/ de gtong ba'i phyir pha ma dag gi bsngags/ sho gam du 'gyur ba'i nor pha ma dag la bsngos pa la sho gam 'dod ces zer na pha ma'i drin che ba'i yon tan bsngags te/khyod kyis btang ba'i rigs so zhes byas la ma btub na ci dbang ba sbyin dgos/ dkon mchog gi yang ngo / /sho gam du 'gyur ba'i nor dkon mchog gsum la bsngos pa zhig la ma btang ste sho gam 'dod ces zer na/dkon mchog gsum gyi yon tan bsngags te sdig che bar bshad la sho gam bcad pa'i mi rigs so zhes byas la ma btang na sbyin dgos so/ /sbyin pa ni gzhan gyi phyir gcig las bskyi ba'i chos kyis so/ /pha ma dang dkon mchog gnyi ga la so sor bsngos pa zhig las sho gam sbyin dgos par gyur na sho gam pa ci dbang ba pha ma'am/dkon mchog gi nor gcig las bskyi ba'i chos su byas te sbyin no/ /god pa'i kha yo ni phyis bsnyam mo/ /sho gam du 'gyur ba dang bcas te lam du mi 'gro/ bdag gi rdzas sho gam du 'gyur ba zhig khyer te/ mi 'gro sho gam du 'gyur ba khyer na rgyang grags re re sho gam du mi 'gyur zhing nyes med pa ni ras kyi kha gnyis kha bcad pa'am/ kha dog bsgyur ba las yo byad du gtogs pa lus gang nyi tshe khyer te song ba ni nyes med/ bsgyur ba ni der mi 'gyur te lci ba ni btsir bas kyang ngo / /dge slong gi yo byad du gos kha dog bsgyur ba sho gam du mi 'gyur ba ni lci ba btsir te btsos pa yan chad du kha dog bsgyur ba ni sho gam mi gcod de btsong ba lta bu'i nor kha dog bsgyur te mang du khyer ba ni sho gam du 'gyur ro//kha tshar bcad na yang ngo / /ras lta bu bdag gi yo byad du bya ba'i phyir ya tog ma tog gnyis ka'i kha tshar bcad pa yang sho gam du mi 'gyur/btsong ba'i zong lta bu mang du khyer ba ni sho gam du 'gyur/ ma mthong na de la yid ma brtan cig /dge slong sho gam gyi rgyud du 'gro ba zhig gis/ dge slong grogs gcig la ras 'di kha tshar chod la kha dog bsgyur te rdzongs shig par gtams pa las/dge sbyong des le lo byas te kha tshar kyang ma bcad/ kha dog kyang ma bsgyur bar snod du bcug nas/ dge slong nor bdag gi yid la btsos grangs snyam ste/ sho gam bas btsal ba dang ma btsos par gyur nas phyin chad ma mthong ba la yid ma brtan cig par bcas te bdag gi snod na sho gam du 'gyur ba yod dam med ma bltas na nyes byas/gzhan gyi 'tsho ba mi gcad / sho gam pa sho gam gyis 'tsho ba la sho gam mi sbyin pa'i phyir 'dron po bkag pa'am lam bsgyur te mi dgye / de bzhin du rngon pa'am nya ba'am chang 'tshong ba la sogs pas 'tsho ba la nan tur ram mthus 'di ltar ma spyod ces mi dgag dgag na nyes byas/ma brtan pa la brtan par mi bya/ dge slong gcig la lhung bzed che chung gnyis shig yod pa las/ dge slong de gud du song ba'i 'og tu dge slong gcig gis lhung bzed chung ngu de bdag gi lhung bzed kyi nang du shong na nyo zhes bcug ste song ba'i phyir bcug pa dang lhung bzed bdag pos mthong nas brkus so zhes brtan pa las bcas te yid ma brtan pa'i dge slong dang khyim pa'i rdzas la lag mi gzhug thug thub tu'ang mi spyad spyad na nyes byas so//der 'gyur ba ni 'og ma'i bla ma dag la'o/ /grogs po yid brtan par chud pa ni mdza' bo che chung rnam gsum ste mdza' bo chen po'i gsang ba'i tshig 'bring po la mi bya chung ngu'i tshig chen po la bya/ 'bring po'i tshig chen po la bya 'bring po'i tshig chung ngu la mi bya de ltar byas na nyes byas so// mdza' bo / mdza' bo ni 'di rnams te gros mthun pa dang / yid mthun pa/ tshig gsang ba spobs shing mya ngan langs pa la mthong / mya ngan med par nus pa dang / bla ma dran pa/ mkhan po slob dpon dang sdug pa'i phyir rtag tu dran pa dang / mchod pa/ mdza' ba'i phyir kha zas dang gos la sogs pas mchod cing 'dul ba dang /bsngags pa ste/ mdza' ba'i phyir gcig la gcig yon tan bsngags shing bstod pa dang / blangs na dga' ba'o/ /mdza' ba'i phyir rdzas la sogs pa thug thub tu spyad na dga' ba dang mdza' bo 'di rnams la gang yang rung gcig la rab 'bring rnam gsum du phye ste/mdo gong ma bzhin du mdza' bo chung ngu la chen po'i tshig mi bya ba lta bu'o/ /las kyi lag pod dus kyis shig /dge slong gcig cig la lhung bzed chung ngu zhig bdog pa las dge 'dun gyis las shig tu bskos pa dang / ma nus te grogs gcig la bcol ba dang grogs de lhung bzed bdog pa de glar blangs nas las byas pa las bcas te/grogs kyis las bcol ba las gla blangs na nyes byas te/ phas bcol na yang las de lag pod du bya/ bsod nams kyi blos kyang ngo / /dge slong las mi nus pa zhig gis byed par bcol na snying rje zhing las mi nus pa la/bsod nams su 'gyur bar bsams te bcol ba ci nas su bya/ glas ma yin no/ /dge slong rgan po las mi nus pa'am grogs gzhan zhig gis las bcol na'ang / mdo ltag ma gnyis ltar bsod nams kyi blo dang lag pod du bya'i lhung bzed ltar gla mi blang ngo //yul skad kyis ni mi bslu'o/ /dge slong ma skad mi mthun pa gnyis shig /snga phyir dong ba las sngar song ba'i chos gos lhung ste/ phyi mas bdag gi skad du bos te brda ma phrad nas blangs te khyer khyer ba las chos gos bdag mos brkus so zhes brda ba las brda mi phrod pa nyes med do zhes bcas/ltung ba blangs na ring du mi bcang / mdo ltag ma ltar chos gos ltung ba lta bu blangs te khyer khyer ba ring du mi gzhag par bdag po la sbyin no/ /ring du bzhag na nyes byas/ gtsug lag khang skyong la gtad/ nor rdzas ltung ba zhig rnyed de blangs na gtsug lag khang skyong la gtad de su'i yin pa rmed du gzhug /rab tu byung ba'i ngo shes na dge 'dun la bstan/ nor rdzas rnyed pa de dge slong gi rdzas shig yin par shes na gtsug lag khang skyong gi dge 'dun la bstan te bdag po yod na sbyin no/ /bdag po ma dmigs na rgyu thag la gdags/ nor rdzas rnyed pa de bdag po khungs ma phyin te gang yin gtol med na gtsug lag khang du rgya thag bres te/ de la btags la gzhag /nad pas ma bsgo bar sman mi blangs dge slong ma nad pa zhig la yon bdag dang ba zhig yod de nad pas ma bsgo bar nad g.yog gis yon bdag yungs mar thug thub tu nad pa'i phyir blangs pa las bcas te/nad pas ma bsgo bar nad g.yog gis blangs na nyes byas/ ma byin par len pa'i phas pham pa ste rnam par 'byed pa'o/ /ma byin par len pa'i phas pham pa/ 'dul ba rnam par 'byed pa'i mdo// // bdag po dang bcas pas gnang ba las brtag pa gzhan du bdag gir mi bya/ tshong pas shing rta chag ste bal bor ba la drug sdes lhar brjed nas yul mi kun gyis kyang nor rdzas la sogs pas mchod pa'i phyir phul ba las drug sdes/ nged kyi lha'i nor yin gyis bskur ro zhes byas te/ khyer ba las bcas te nor bdag gi'am lha ma srin gyi khyer cig par bsgo ba ma gtogs par/ lha ma srin gyi nor bdag po mis bsrungs pa las blangs na pham/ tshor ba yod pa'i lha ma srin gyi nor las blang na sbom po/ tshor ba med pa'i lha ma srin las nor blangs na nyes byas so/ / bdag gir byas pa las mi dbrog /bdag gi rdzas rkun pos khyer ba khos slar ma byin par mi dbrog /brkus te khyer ba las mthong yang rung / brkus te khyer la ngos zin kyang rung ste/ khos ma byin par ma bskur bar zhog ces byas sam slar blangs na nyes byas/ de la chos bshad de bslangs na /bdag gi rdzas rkun pos khyer ba las kho'i lag na 'dug na brkus pa'i sdig tu 'gyur ba dang / slar byin nas bsod nams che bar bshad de bslang / rin phyed tsam gyis kyang ngo / /mdo ltag ma ltar byas te ma ster na ci ri ba'i rin phyed tsam gyis kyang bslu'o/ /lhung bzed dang chos gos ni rin tshang bas kyang blang ngo //lhung bzed dang chos gos lta bu rkun pos khyer te chos bshad kyang slar mi ster na ci ri ba'i rin tshang bas kyang slar blu'o / /rin tshang bas slar blu dgos pa ni bdag la mkho zhing nyes pa mi 'byung ba'i phyir ro/ /mi sdug par 'gyur bar dogs pa bor ba'o zhes 'gro ba mang pos ma mthong bar mi blang /phag dang bu ram shing rkun pos khyer ba'i lhag rol la drug sdes blangs nas khyer ba dang / nor bdag gis zin te yul mi ma dga' ba las bcas te lhag rol de lta bu zhig blangs na'ang / mi gzhan gyis mthong zhing shes par byas te ma brkus par dbang dag gis shes par blangs /mang pos ma mthong bar blangs na nyes byas su 'gyur ro/ /mi ma yin pas bsngos pa ro'i rdzas kyang bdag po med pa ma yin no/ /mi zhig la ba la chags shing 'dug pa las shi ste la ba'i bdag por skyes pa las drug sdes ro las la ba blangs te khyer ba dang 'dre des phyi bzhin du 'brangs te/drug sdes ni rgyal po'i khab tu song 'dre sgo las ma chud de bos pa dang / sangs rgyas kyis a nan la bka' stsal te/ la ba byin cig par gtad nas 'dre'i phyi bzhin du skyel bar btang ba las bcas te/ ro'i rdzis 'dre gnas pa las mi blang /blangs na nyes byas/ rab tu gtum pa de'i phyi bzhin du 'gro'o/ /'dres la ba khyer mi nus pa'i phyir nan tan skyel du btang ste 'dre'i sngon du song na kyal ka byed pa'i phyir phyi bzhin du 'brang zhing 'gro'o/ /khas phub tu nyal la rkang pa nas steng du g.yogs pa yang ngo / / 'dre de'i 'dug pa'i gnas su phyin na 'dre mchil mas 'thor lag pas 'jo rkang pa phra ba'i phyir/ khas phub tu bsnyal la la bas rkang pa nas g.yogs de ltar ma byas na nyes byas/ ma smas pa las mi blang / ro la rma ma byung ngam ma smas na ro langs kyi 'dre yod pa'i phyir rdzas mi blang / ma smas pa las rdzas blangs na nyes byas/ rang gis dbug pa'am/ dbug tu gzhug par mi bya/ ro'i rdzas blang ba'i phyir ro ma smas pa la bdag gis rma dbyung ba'am/ gzhan rma dbyung du mi gzhug /rma phyung ngam 'byin du bcug na nyes byas / ngal bsos pa nyid so shing dang chu dang /go 'dun dang lci ba dang sa dag ci bder bya'o / /dge slong zhig ga zhig nas 'ongs te grogs po snga na 'dug pa na re/ ngal sos shig ces zer na rnam pa 'di lnga spyod cig ma bsgo yang ngal sos shig ces byas pa'i tshig rkyen gyis ci bder spyod cig pa'i nang du chud de/ ma blangs ma zhugs par spyod kyang nyes med do//gnyen gyis mi 'dod bzhin du dge slong ngam dge sbyong 'phrog na bzung / rab tu 'byung ba'am bsnyen par rdzogs pa zhig las/ phu nu gnyen bshes kyis mi ster te/ 'phrog tu 'ongs na dge slong gis lag pa ya gcig nas bzung / 'phrog tu 'ongs pas lag pa ya gcig bzung ste drangs na dge slong gis gzung ba'i lag pa na zhes zer na btang /'phrog pas bzung ba'i lag pa na zhes zer na mi gtad/ ma byin par len pa'i phas pham pa'i phran tshegs su gtogs pa'o/ /ma byin par len pa'i phas pham pa ste/'dul ba'i sde phran tshegs kyi nang nas 'byung ba'i mdo// //ka ka ni bzhi la ma sha ka'o/ /dngul zho'i brgyad cha'i thad du brtsi ba ni dngul srang gcig la ge der lnga/ ge der gcig la ka'u ni bzhi/ ka'u ni gcig la pa Na bcu drug /pa Na gcig la 'gron bu brgyad cu/'gron bu nyi shu la/ ka ka ni gcig /ka ka ni bcu drug la/ 'gron bu sum brgya nyi shu ste/ dngul zho'i brgyad cha gcig yod do/ /'di ltar brtsis na 'gron bu dngul zho brgyad chas pham/ lnga ni gtan par te kA ra ShA pa Na'i bzhi chas so/ /sangs rgyas bzhugs pa'i tshe ni kA ra ShA pa Na bzhi cha gcig la ma sha ka lnga yod de/de la brtsis na dngul zho'i brgyad cha gcig yod de des pham deng sang ni ma sha ka bzhi la dngul zho'i brgyad cha gcig ste/ ma sha ka bzhis pham par 'gyur/ gang na de la ma sha ka nyi shu pa de la gnas pa pa Na'o / /sangs rgyas bzhugs pa'i tshe ma sha ka nyi shu la/kAr ShA pa Na gcig tu brtsi ba'i tshe/ ma sha ka lngas pham mo zhes tshad btsugs pa bzhin du deng sang yul gang na'ang rung ste/ sngon bzhin du ma bri ba zhig yod na yang de bzhin du brtsi'o/ /rku ba'i tshe gnas dang dus su brtsi zhing bca'/ dge slong gis rkun po zhig byas na gnas ga la 'dug pa'i yul thang dang /dbyar dgun ston dpyid kyi dus na/ pa Na'i rin che chung cir gyur pa bzhin du rin thang brtsi'o/ /ltag nas mdo 'di dang 'dra ba zhig 'byung ba dang gnyis la ltag ma ni nas 'bras lta bu gnas dang dus su brtsi ba la bya/ 'di ni pa Na nyid gnas dang dus su brtsi ba la bya/mchog gi mthar gyur pa rin gcod mi nus pa chen po yang ngo / /nor rin po che rin mi chod pa zhig brkus na yang pham par mi 'gyur ba ma yin te srang grangs mang zhes pham pa'i grangs mang ba ma yin te pham pa ni gcig /de chung ngu yang 'khyams pa la yin gyi nang du chud do//rin thang ma tshang ba til gyi 'brum bu yan chad brkus kyang nyes par mi 'gyur ba la yin gyi sbom por 'gyur ro/ /sangs rgyas kyi ring bsrel gdab tu med pa'i rin po che de'o/ /sangs rgyas kyi ring bsrel yang rin thang gdab tu med par che ste/ brkus na nor bu rin po che rin gdab tu med pa brkus pa dang 'dra ste pham par 'gyur/mchod pa'i phyir na nyes byas pa'o/ / rku sems med par sangs rgyas kyi ring bsrel mchod pa'i phyir khyer na nyes byas/ rku sems kyis khyer na pham/ bris pa ni nyes med do/ /lha'i yi ge dpe brnyar mi ster ba thug thub tu blangs te dpe 'dris te slar bskyal ba ni nyes med do//lha'i yi ger rku sems kyis thal byung khyer na pham/ chud gsan nas rku na de'i tshe rku ba'i dngos po/ nor phral la bcom dral te brkus na bcom zin pa la ci ri ba'i rin thang gi thang du brtsi/ mdo 'di yan chad ni nor gyi dngos po las pham par 'gyur ram mi 'gyur ba 'chad pa'o//bdag po med pa ni byang gi sgra mi snyan gyi'o/ /byang gi sgra mi snyan gyi nor lta bu ni bdag gi yin par sems pa med pa'i phyir bdag po med pa'i nor dang 'dra ste ci bder spyad du rung ngo / /rku sems kyis spyad na sbom po'o/ /de ni bdag gi bzhin no //byang gi sgra mi snyan gyi nor ni bdag gi nor brkus na sbom por 'gyur ba bzhin du rku sems kyis blangs na sbom po/ de'i tshe bdag nyid bdag po'o/ /dge slong gcig cig lhung bzed la chags te shi ba dang lhung bzed de'i nang du sbrul du skyes so/ /lhung bzed de lta bu zhig brkus na sngon gyi dge slong gi nor du mi brtsi'i sbrul gyi yin par brtsi'o//lha bzhin du mya ngan las 'das pa'o/ /shA ri'i bu dang / maud gal gyi ci ti'i gdugs dang rgyan la sogs pa phul ba ni brkus na sbom po'o/ /nor rdzas lta bu phul ba brkus na dge 'dun dbang bas pham/ 'di yan chad ni nor gyi bdag po las pham mi pham 'chad pa/gnang ste btang ba'o zhes bcad na sbyor ba bzhin/ gos la sogs pa skad cig brnyas pa las yun ring du spyad de zad dam dengs par byas na sbom po/ gcig tu na sems kyis ma btang bar shes la/ nor thun mong yin no zhes te snying mi brtse bar spyad na sbom po/sman dang sngags kyis sbyin du bcug na yang ngo / /kho'i sems bsgyur ba'i phyir sngags sam sman byin te bdag la nor sbyin du bcug na sbom po'o/ /pha rol gyi phyir na yang rtsa ba'i brtsams pa'o/ /gzhan gyi nor du bya ba'i phyir brkus na yang sbom po/brtags pa yang ngo / /mi chus khyer ba phyung ba lta bu khos srog blud ma byin pa la 'di tsam gyis chod cig bdag dbang grang zhes te thug thub tu nor khyer na sbom po/ 'dod pa bdams la rku bar 'dod na yang ngo / /nor mang po zhig 'dug pa la bzang po bdams te phyis rku bar bsams nas rkur bla bar spags te bzhag na sbom po nor re re blta zhing theg cing bzhag pa thams cad sbom po re re'o//rgyan po dor gyis rgyal par ma gyur gyi bar du na sbyor ba'o/ /skugs btsugs te rgyan po'am cho lo 'gyed pa la rgyal bar bya ba'i phyir thabs chung ngu thabs chen por bsnor nas sgyu byas pa ni sbom po/thabs bsnor cing g.yo du byas pa re re sbom po/ de ni der brkus pa'o/ /mdo ltag ma ltar g.yo byas nas de'i stobs kyis bdag rgyal ba'i ltang ma tshang na pham/ grangs kyi na'ang de'i'o/ /bdag rgyal bar bya 'dod pa'i phyir rgyan po'i rdo grangs brkus pa dang nor rdzas bgrang ba'i grangs brkus pa ni rku ba'i tshe nyes byas/shod las bsnan tam phri na de bzhin no/ /bdag rgyal bar bya ba'i phyir rtsis byed pa lta bu la shod las bsnan tam phri na de'i tshe nyes byas gnas bsnor te bzhag na rtsis byed pa la/bdag rgyal bar byed pa'i phyir bcu shod dang brgya shod kyi go bsnor na nyes byas/ de dag grub na brkus/ mdo ltag ma gsum ltar g.yo byas te grub nas nor bdag gi lag tu thob na pham mo/ /sbom po re re yang yod do/ / sde'i nang du brtsis na yang de bzhin no/ /yon bdag gis dge 'dun kha gnyis nas spyan drangs te yon kyang so sor phul ba las kha gnyis ka nas skal ba blang ba'i phyir pha rol tshu rol gnyis kar gtogs par g.yo byas nas de'i tshe nyes byas par 'gyur ro//sgyus snga mar na phyi mar phyi mar na snga mar yang ngo / /dge 'dun yon snga phyir 'god pa la snga ma'i nang du yang /nga 'di'i nang du gtogs so zhes zer phyi ma'i nang du snga ma las ma thob ste 'dir gtogs so zhes zer zhing / yon kha gnyis blangs shing sgyu byed pa'i tshe nyes byas/ gang du de thams cad de thog mar byung ba de skal ba'o/ /mdo ltag ma gnyis ltar yon kha gnyis su 'god pa la gang nas kyang rung bdag gi skal ba gang sngar thob pa las mi dbang ngo //kha gnyis ka las blangs na pham par 'gyur/ mi 'thob pa las thob po zhes zer ba yang ngo / /tshul du zhugs nas zla ba phyed dang gnyis su ma lon par tshul bral ba la yang bla/tshul gyi tshe gud nas 'ongs te/ zla ba phyed dang gnyis su ma lon pa dge 'dun zas ma gtogs par nor 'god do cog la mi dbang / zla ba phyed dang gnyis lon pa ni mi gcig gi skal ba phyed dbang / phyed dang gnyis las lhag pa ni gzhan dang 'dra bar dbang de ltar mi thob par shes bzhin du dbang ngo zhes zer zhing 'thob par byed pa'i tshe nyes byas/ma bsgo par slong ba yang ngo / /nor bdag gis khyer cig par ma bsgo bar g.yog lta bu'i gan du nor 'di yang byings kyis blang ngo zhes byas na slong ba'i tshe nyes byas thob na pham/ bsnyon pa ni brnyas pa dang bskyis pa dang gtams pa ni sbyor ba'o//gzhan gyi rdzas las brnyas sam bskyis sam gtams pa las bsdigs pa'i phyir bsnyon te ma sbyin par byas na sbom po/ chad na 'phrogs pa'o/ /mdo ltag ma lta bu'i rdzas shig yang mi sbyin par bsams te bsnyon te ma byin na pham pa'o//sbas te gtams pa las 'on te bskyod par bcas pa dang phyis kyang ngo / /bdag la nor gtams pa las gser dngul lta bu zhig ste/ reg tu mi rung ste nor bdag nyid kyis sa 'og tu sbas nas gtams pa la/ dge slong gis phyung ste brkus na 'phags ma thag tu pham/nor bdag gis ltag ma ltar sbas pa las/ stor du 'ong ngo zhes dge slong gis gnas spos te sbas na mi sbyin par bsams nas ma phyung yang pham/ de ste de las snga na bar du yang sbyor ba'o/ /nor bdag nyid kyis nor sbas te gtams pa de gnas gud du ma spos par mi sbyin par bsams pa ni pham par mi 'gyur te nyes byas/chud gzan par sgyid pa bcad pa dang bsad na yang ngo / /phyugs lta bu chud gzan pa'i phyir bsad dam sgyid pa bcad na sbom po/ srang grangs mang du ring zin kyang pham par mi 'gyur/ ltung bar 'gyur ba ni skabs 'dir mi smos te gud nas 'chad do/ /sbom por byed pa ni mtshams kyi nam mkha' las te sho gam bcag na'o/ /sho gam gyi mtshams su nor rdzas sho gam du 'gyur ba sho gam pa la mi sbyin pa'i phyir mnga' 'am sgyogs lta bu dang / 'jig rten gyi log pa'i sgyu ma'i 'phrul gyis nam mkha' la mtshams bzlas pa ni sbom por 'gyur ro//nyes med pa ni 'phrul gyis khyer ba'o/ /dgra bcom pa lta bu 'phrul dang ldan pas nam mkha' las rdzas khyer ba ni sho gam gyi nyes par mi 'gyur ro /mtshams gzhan nas song na yang ngo / /sho gam gyi rgyud las byol ba'i phyir sho gam gyi rgyud du ma gtogs pa sho gam med pa'i lam du song na nyes med/sprul na nyes byas pa'o/ /'dron po sho gam gyi rgyud du 'gro ba la sho gam pa nyal lam zan za ba'i tshe thar to zhes bstan na nyes byas/ lam gzhan du ston pa yang ngo / / 'dron po sho gam gyi rgyud du 'gro ba la lam gzhan nas song na sho gam gcad pa med do zhes byas te/ lam gud bstan te btang na nyes byas te / thabs su smras na chung / 'dron po sho gam gyi rgyud du 'gro ba la yengs ma gtam gyi tshul du sho gam pa zan za ba'i tshe song na thar ces byas na nyes byas yang ba'i/lam ma yin pa yang lam bzhin no/ /sho gam gyi rgyud du 'byung ba'i lam nyid ni ma yin gyi pha rol tshu rol gyi gseb bam sho gam pa'i sa ris su gtogs pa zhig tu song na pham mo/ /tshem bu dang khar na yang snod gzhan bzhin no/ /sho gam du 'gyur ba'i nor zhig tshem bu'i gseb bam/kha'am ltor mid de sho gam gyi rgyud 'das na'ang pham ste snod gzhan du bcug ste khyer ba dang 'dra'o/ /rku ba'i sems med na mthar mi 'grub bo/ /nor zhig rku bar bsams te bzung ba las mi rku bar bsams te ma bteg par btang na nyes byas dang /sbom po ni yod pham pa ni med/ de'i sbyor ba ni med na yang gyur pa'i tshe na ma byas pa ma yin no/ /rku sems med par nor zhig blangs nas 'phral la rku sems byung ste/ brkus na nyes byas dang sbom po ni med de pham par ni 'gyur ro/ /yi ge la sogs pas kyang mi 'dri'o // yi ge dang lag brda lta bus rkus shig par bstan nas des brkus na yang pham/ mthu dang bcad na yang ma brkus pa ma yin/ glar blangs te las byed byas pa las mthu bsnyems te gla ma byin na pham mo/ /gnas dang bcas na'ang mi rung ngo / /nor nyid bteg na pham gyis dogs pa'i phyir gzhi dang bcas te brkus na yang pham/bsad pa ni brkus pa ma yin no/ /mi'i nor du gtogs pa'i sems can byol song chud gsan pa'i phyir bsad na'ang rin che chung mtshungs te sbom po mi ma yin pa'i nor byol song bsad na'ang ltung ba'o/ / phyogs gcig gnas nas ma 'phags na'ang ma yin/ nor rdzas rku ba'i phyir bteg pa ngos gcig ni bteg ngos gcig ni gzhi las ma 'phags kyi bar du na pham par mi 'gyur/ sprugs te lhung na'ang de brkus pa'o/ /ra ba so so la rtsig sgal gcig ste ra ba gcig gi nang nas bza' shing skyes te/yal ga dag gi rtsig sgal 'das te 'dug pa la shing thog rku ba'i phyir shing sprugs te bdag gi ra ba'i nang du lhung ste/ rin thang tshang na pham/ sprugs pa ni phru lu lu tsha ra ra 'ongs na'o/ /chang ngam nas lta bu'i snod rdol te phru lu lu tsa ra ra 'ongs pa mjug ma chad kyi bar du bdag gi snod du 'ongs pa rin thang tshang yang mi pham rdzas de mjug rdzogs nas spyir ro//mdo ltag ma ltar phru lu lur 'ong ba rgyun chad de bdag gi lag tu 'ongs pa na rin thang tshang na pham/ phung po las yang yang len na rku ba tha dad do/ /nas lta bu phung por 'dug pa las blangs te brkus nas yang rku sems skyes te blangs pa lta bur rku sems res lan du mar blangs na/blangs pa de'i so sor rin thang brtsis te tshang na pham/ ma tshang na sbom po/ phung po las yang yang re re phung po gcig ril gyis brku bar bsams te len du ma zhig blangs te so sor rin thang tshang yang mi pham/phung po zad na pham/ phral ba du ma na so so de'i cha'o/ /mi mang po zhig gi spyi la nor 'dug pa zhig brkus na/ nor bdag tu yod pa so sor ci yod pa bsgos te mi gcig gi skal pa rin thang tshang na pham ma tshang na nor bdag tu yod pa de bzhin du sbom po re re rku ba yang ngo //nor bdag gcig gi nor la dge slong mang po zhig gis brkus na/ dge slong du yod pa bgos te gcig gi rin thang tshang na pham/ du ma'i yid dang de der thob na brkus pa'o/ /rkun por 'dod pa'i che lag thabs su so sor ci thob pa khyer ro zhes 'thams te brkus na so sor ci thob pa rin brtsis te/rin thang tshang na pham/ ma byin par len pa'i phas pham pa ste dris par gtogs pa'o/ /ma byin par len pa'i phas pham pa ste/ 'phags pa u pA lis dris pa'i 'dul ba'i mdo// //blangs pa'i sngon logs su shi na slar gzhag /dge 'dun nor 'god pa'i tshe/ dge slong nad pa zhig shi na nad g.yog gis nor bgos nas blangs pa'i sngon logs su/ nad pa dbugs chad pa ni nor skal de dge 'dun dbang ste slar dbul lo/ /khyim pas nor yon phul ba yang de bzhin no/ /bzlog pa ni shi ba'i yo byad do//nor bgos nas skal ba nad g.yog gis blangs zin pa'i 'og tu shi na shi ba'i yo byad dang shi ba'i nor bgo ba'i nang du gtogs so/ /nor 'god pa'i tshe khyim par babs pa zhig na'ang nor de khyim par babs pa sbyin no/ /dge 'dun spun bzhin pas de'i phyir brkus na'ang bdag gir ma byas pa ma yin no//dge 'dun pa 'tsho ba'i yo byad gcig tu sbyar ba la de'i nang nas dge slong gcig gis/ dge 'dun de rnams kyi phyir gzhan las nor zhig brkus na yang rin thang brtsis te rin thang tshang na bdag kyang der gtogs pas pham/ dge 'dun 'tsho ba'i yo byad gcig tu sbyar ba de'i dge slong gcig gis dge 'dun de nyid kyi nor las gzhan sbyin pa'i phyir brkus pa ni sbom po/bdag po tha mi dad na bdag gi bzhin no/ /yon bdag gcig la dge 'dun kha gnyis su 'khod de kha zas kyis mi thub na/ rgyu dag brel brel du 'chugs pa zhig na/ nor rdzas gcig las brkus te gcig tu bsnan na sbom po/ mi len par chad de byung nas lhag nas brkus na de'i yan lag tu ma yin no/ /rkun po byed pa zhig tu bdag rkun zlar nan gyis bcug ste rkun po mi bya bar bsams pa las rkun zlas bsad kyis dogs pa'i phyir/ rkun po byed pa'i nang du 'drol te/song nas rku sems kyang med/ nor skal yang ma blangs na nyes med/ shas bdag gir byed par 'dod na mi len pa ma yin no/ /bdag rkun por ni ma song gi /rkun shas 'dod pa'i phyir gros la gtogs te gzhan gyis brkus pa'i shas blangs na'ang pham/ de'i las su gtogs na de ma yin no/ /rkun po byed pa'i las la gtogs te chung ngu bya ra tsam byas kyang rung ste/ rkun shas blangs na yang pham/ lhan cig tu spyod pa dang nye gnas brkus na'ang mi 'byung zhes mi bya'o/ /bdag gi slob ma dang nye gnas kyis brkus pa las slar thug thub tu phrogs na pham mo zhes byi shu tas bshad/nyes byas so zhes byi tsa ya bar mas bshad/ chung ba ni mtshams brtsan no/ /zhing rku ba ni 'di tsam tshun chad brku'o zhes mtshan ma btsugs te brkus pas pham/ nor bdag gis ma btang ste zhal ce 'gyed pa ni ltag ma dang 'dra'o//mtshams ni btsugs pa las bskyod na 'dir ma gtogs pa ma yin no/ /zhing gi mu'am mtshams sam mtshan ma bsgyur te btsugs nas/ de tshun chad la rin thang brtsis te tshang na pham/ mngon par blangs kyang mi snang na brkus pa'o/ /mthong bzhin du brkus nas song ba ni nor bdag mi snang bar gyur na pham/mi stobs kyis gzung na dbang du byas na'o/ /mi mthus bzung ste brkus pa ni slar mi 'bros par gyur na pham/ gcig tu na bdag gis ci byas pa bzhin du nyan cing byed na pham/ bdag ni de ltar ma yin no/ /bdag gzhan zhig gis brkus na'ang slar bros te 'ongs pa la nyes med/gang rku bar byas pa de la 'brel pa ma bsams pa ni mi chud do/ /mi pham par bya ba'i phyir ras ngan pa rin thang ma tshang ba brkus pa las nang nas bzang po zhig byung ste/ slar bskyal na pham pa med de sbom po'o/ /ltag nas kyang mdo 'di 'dra ba zhig 'byung ste gong ma ni gser dang bum pa la bya/'di na ras bzang ngan lta bu la bya ste bcas pa tha dad tsam du zad do/ /sbom po ni gang gis ci blangs pa de de'i'o zhes bcas pa las gzhan gyir brkus na'o/ /dge slong mang zhing rkun por 'dod de /lag thabs su ci thob pa so sor khyer ro zhes 'thams nas gzhan gyis ni thob bdag gis ni ma thob kyang sbom po zhes byi shu tas bshad/ bdag rkun zlas nan gyis bcug ste/ rku bar mi 'dod na bsad kyis dogs pa'i phyir rkun zlar ni 'gro skal ba ni rkun zla la sbyin no zhes bsams te/rku ba'i khrod du song ste shas ma blangs na sbom po zhes byi tsa ya bar mas bshad/ bdag po dang bcas pa'i dur khrod nas blangs na'o/ /dur khrod kyi ro'i rdzas bdag po yod pa la rnam pa bzhi ste/ rgyal pos 'tsho ba ro'i rdzas la gtad pa dang las byed pa'i phyir/ ro'i rdzas la gtad pa dang dpya 'bul ba'i phyir/ro'i rdzas la gtad pa dang gsad pa'i bshed mar gtad de ro'i rdzas la byin pa'o/ /tha ma gshed ma dbang ba las brkus na sbom po/ gong ma gsum ni pham mo zhes TI ka las bshad/ mkhan po kha cig na re ro rdzas mi gtsang zhing 'dod pa'i shas chung ba'i phyir sbom po zhes kyang bshad/rtsa ba dang rngo gu dang sdong po dang lo ma dang / me tog dang 'bras bu dang skye shing la sogs pa sngags kyis bskams na yang ngo / /ming gis smos pa 'di rnams lta bu mi'i nor zhig la chud gsan pa'i phyir sngags btab ste skams sam rul bar byas na sbom po//'bru'am yal ga so so gcig nas bskams na yang skam pa re re sbom po re re/ rta la kham gyis brid cing sbyin nam bzhon te rku bar 'di ltar rku bar ro zhes nas lus kyis zhon na'o/ /rta brku ba'i phyir rtswas brid de bzhon pa'am bkri ba'am 'di ltar spyad do zhes sems kyis brku'o zhes bsams na/rta la ma reg kyang sbom po/ gru yang ngo / /gru mig snga na 'dug la lus kyis skya ba'i thabs dang drang ba 'dra bar spyad de 'di ltar byas te brku'o zhes sems la bsams na ma reg kyang sbom po/ de dang 'di dag las kyang ngo / / gru'i nang du nor 'dug pa dang / rta la rgyan yod par mig snga na snang ba zhig la 'di ltar brku'o zhes lus kyis sad de brku'o zhes bsams na ma reg kyang sbom po/ pha dang ma dang spun dang sring mo dang mkhan po dang slob dpon dang mchod rten dang dge 'dun la sogs pa'i brtags te sho gam du bya ba bzlas na yang ngo //'di rnams lta bu zhig las sho gam du 'gyur ba'i rdzas shig khyer khyer ba las sho gam pas ma gnang bar ci dbang ba ma sbyin na sbom por 'gyur ro/ /brnyas pa dang bskyis pa mi sbyin par brtags pa yang ngo / /nor rdzas shig brnyas sam bskyis pa zas mi sbyin no zhes bsams pa'i tshe na sbom po/lta gnas kyang mdo 'di 'dra ba zhig byas te ltag ma ni nor bdag lan du 'ongs pa'i tshe sbyin no snyam du sems shing bsnyon pa'i phyir nga la med do zhes smras pas sbom po/ gzhan gyi phyir byin pa bgos na yang ngo / /dge 'dun gyi phyir spyan gzigs bskur ba las/dge 'dun la ma phul bar bar du bgos te khyer na sbom po/ dge slong gcig gis shing tog a ltu ka zhig dge 'dun la bskur ba las/ dge slong ni shi dge slong dge 'dun la ma phul gyi bar du bskur bskur ba'i dge slong dag gis bgos pa las bcas te nor bskur ba'ang de dang 'dra/bdag po med pa bdag po yod par 'du shes na yang ngo / /nor stor ba lta bu nor bdag gi sems kyis btang ba zhig las brkus na sbom po/ nor bdag gi sems la nor yod par kyang mi dran stor bar yang mi dran pa zhig las brkus na/thog ma nor bdag gi sems la bdag gi yin par bsams pas phyis mi dran kyang pham bsdus 'bras sran phye nya sha bca' ba la sogs pa mi 'thob pa'i bsod snyoms blangs na yang ngo / /kha zas 'di rnams lta bu las dge 'dun gyi nang nas bdag gi skal ba nyid blangs la gung du spyan drangs pa'i zan skal la'ang blangs na'ang sbom po/las mi 'dod pa'i phyir dge 'dun gyi nang nas byung la zan zla phogs su nos te/ dge 'dun las mi byed na'ang sbom po/ dge 'dun gyi nang du las byed kyang zan zla phogs su nos te zla phogs kyi zan skal bsags pa'i phyir slar dge 'dun la ma phul bar bzhag la mgron du bos pa'i zan skal kyang zos na sbom po/mi shes par gzhan gyis mi 'thob par blangs na ma yin no/ /bdag gud du gzhan gyis zan byin la mi shes par grogs pos zan skal nos su zin na yang slar phul na nyes med do//ma bsgo ba na yang ma yin/ dge slong grogs shig gud du zan zar song ste bdag la zan skal ma nod cig ces ma bsgo bar bdag gis skal ba nas grogs zan zos zin par gyur te slar phul na nyes med do/ /nyes byas pa ni ma bos pa'i chos bstan to / /dge slong mgron du ma bos par mchod ston gyi zan zos na nyes byas/ma bos shing ma byin par thug thub tu zos pa ci'i phyir pham par mi 'gyur zhes zer ba yod do/ /yon bdag gi mig snga na za zhing mi sbyin pa'i sems med pas pham par mi 'gyur/ /brku bar 'gro ba yang ngo / /rku bar 'gro ba'i tshe nyes byas/ gros byed pa'ang de las tha mi dad do/ /rku bar 'gro bar bsams nas rkun zla dang gros byed pa'i tshe yang snga ma bsams pa'i nyes byas su gtogs par zad do/ /bdag po med par rab tu brtag pa bya ste blang / phyag dar khrod kyi gos blangs pa lta bu la bzang po zhig na/ bdag po gang yin bdag po yod dam med zhib tu brtags te blangs ngan pa rnams ni ma brtags kyang nyes med/lus kyis nyal bar mi bya / bu lon chags pa lta bu phyir mdun du then cing nyal bar mi bya/ bram ze zhig la dge slong zhig gi bu lon chags te bram ze zhing rmed pa la bdas nas ma ster de zhing rmo ba'i rol khar then te nyal ba las bcas/bya tshang mi gzhig /gtsug lag khang na bya tshang 'dug pa sgo nga med pa/ dge 'dun gyi las su ma bskos par bshig kyang nyes med/ de ma gtogs par bya tshang bshig na nyes byas/ der ma gnas par dbyar gyi gos kyi shas la mi 'jug /dbyar tshul du ma zhugs pa'i dge 'dun tshul du zhugs pa'i yon dang / gos 'god pa'i yon du ma gtogs te rku sems kyis nor skal blangs na/ rin thang tshang na pham rku sems med na sbom po/ rkun po las sbyin bdag tu bsams te blangs na ma nyes rkun por grags pa'i mi zhig len na de las nor zhig len na de la sbyin bdag tu bsams te blangs na nyes med/nor blangs pa de ngos zin na yang rkun po de la khungs phyung na kun gyis shes pa'i phyir bdag gtsang mar 'gyur bas blang du rung / g.yung ma rgod rkun po'i rgyal mtshan ma thogs pa las rdzas mi blangs /rku mkhas te bu smad lta bus kyang rkun po byas par mi tshor te khrims 'dzin cing sdig chung ngu la yang 'dzem pa ltar byed pa la rku ba'i mi dang 'di rnams gnyis lta bu g.yung ma rgod las rdzas blangs pa ni nyes byas nor de blangs te nor bdag gis ngos zin na g.yung ma rgod la khungs phyung du zin kyang yul mis rku bar ma spyad pas/dge slong gtsang mar mi 'gyur ba'i phyir mi blang ngo / /blangs nas mtshon gyis bcad cing kha dog bsgyur la bcang / rkun por grags pa las nor blangs pa de kha tshar bcad de kha dog bsgyur te bcang / de ltar byas kyang slong na byin cig /mdo ltag ma ltar rdzas blangs pa kha dog bsgyur te/ bcangs pa de nor bdag gis ngo shes te slar song na sbyin/ ma sbyin na nyes byas/ sgyu mi bya/ las lta bu byed byed pa'i gla mtho byogs pa'i phyir med ces sam/ ma 'byor ces mi sbyin par sgyu mi bya/byas na nyes byas/ sngags kyis btang na ni nyes med/ bdag gi rdzas gzhan gyis brkus nas chos bshad de blangs kyang mi ster na/ sngags byas te sems bsgyur la/ bdag la sbyin du bcug pa ni nyes med do/ /byi bas brkus pa dag gi ni blangs na yang ngo / /bdag gi nor rdzas lta bu byi bas khyer ba las slar phrogs shing blangs pa ni nyes med/de bzhin du khyi dang bya la sogs pa las phrogs kyang nyes med/ dge slong gzhan gyi don de'i phyir yang ngo / /dge slong gzhan gyi nor rdzas shig byi ba dang khyi la sogs pas khyer ba blangs shing phrogs pa yang slar byin na nyes med/bdag dang dge slong zhes 'byung bas khyim pa dang / dge slong la ni nyes yod pa 'dra'o/ /rngon pas ri dwags smas pa gnas su 'ongs te khyer na yang ngo / /lings mi'am rngon pa lta bus ri dwags smas te bdag cag gi gan du 'ongs pa ni snying rje zhing skyabs bya ba'i phyir/ ri dwags bsnyags pa'i bdag po slar ma byin yang nyes med do / /de shi na de dag la byin cig /mdo ltag ma ltar ma byin pa de shi na sha slar byin sha bdag ring zhig tu ma 'ongs na yang bdag cag gis/ sha brkus shing ma zos par shes par bya ba'i phyir rul rul du khengs rus mngon par gzhag /ma byin par len pa'i phas pham pa'i bye brag tu gdon mi za ba'o/ /ma byin par len pa'i phas pham pa ste/ 'dul ba bye brag tu gdon mi za ba'i nang nas 'byung ba'i mdo/ ma byin par len pa'i phas pham pa rdzogs pa'o/ / ma byin par len pa'i phas pham pa 'dul ba so so nas 'chad cing 'byung ba'i mdo kun rdzogs so// //gsod pa'i phas pham pa'o/ /nad pa 'chi bar 'dod pa la de dang mthun pa'i bsnyen pa mi bsnyen/ dge slong nad pa shi yang bla snyam sems pa la 'chi na ci nyes zhes bya ba'i tshig mi bya/ dge slong nad pa zhig bkres zhes zer ba la nad g.yog dang sman pa la zas ci sbyin zhes 'dri song ba'i 'og tu/dge slong gzhan dag gis so so nas zan sna mang du byin te 'grangs nas/ nad g.yog gis sman pas zer ba bzhin du zan g.yos te byin pa dang / kham gsum tsam zos nas ma yog nas nad g.yog mi dga' zhing 'dug pa la/zan gzhan gyi byin te 'grangs so zhes byas pa dang nad g.yog khros te nga de srid du 'bad 'bad na lto de tsam zhig kyang mi thub na dug zos te shi na ci nyes zhes byas pa dang nad pas dug zos te shi ba las bcas/ de skad byas te shi na pham/ de la mi shes pa 'chi ba gogs shig pa ma bsgo bar g.yog tu gzhag /dge slong nad pa zhig shi yang bla snyam sems te/ nad g.yog gi tsha bo rngon pa spun gnyis shig yod pa 'di ni bdag la gsod du btub snyam bsams te nad g.yog la de gnyis khugs te khyod kyi rogs su nga'i nad g.yog byed du chug cig ces bsgo nas nad g.yog gis bkug ste nad pa zer ba bzhin du g.yog gyis shig ces bsgo nas bzhag ste/nad g.yog dge slong gud du song ba'i 'og tu/ nad pas rngon pa la nga bsad na mtho ris su bde bar 'ong zhes chos bshad nas gsod du bcug nas gsad pa las bcas te/nad g.yog tu mi blun po de lta bu mi gzhag /nad g.yog sgrin po gzhag tu spus med na yang blun po la nad pa 'chir ma gzhug cig ces bya ba la sogs pas gtams te gzhag /thabs gzhan yod na ma yin/ nad g.yog tu bzhag pa mi sgrin po tshig zur bye brag phyed cing legs nyes shes pa dang /thabs mkhas pa ni ma bsgo zhing ma gtams pa nyes med/ 'chi ba'i yo byad mi gzhag /nad pa'i drung du 'geg thag dang mtshon la sogs pa 'chi bar 'gyur ba mi gzhag /de 'chi ba'i phyir rtsol na g.yog gis zlog shig /nad pa kho bdag 'chi bar rtsol na nad g.yog gis mi lus rnyed dka' ba dang /bsod nams spyod pa'i lus phangs so zhes yid bsrings la 'chi bar mi gzhug cing dgag /pha rol gyi don phyir 'chi ba ma dad cig /dge slong pha rol po zhig la lhung bzed dam chos gos bzang po yod pa la/ de shi na ngas 'thob pa'i phyir shi yang bla'o zhes dad pa mi skyed de de ltar bsams na nyes byas/mi bya ba byed pa la sems kyis kyang byed pa la rjes su yi rang bar mi bya/ pha rol po srog gcod pa dang rdeg pa dang / srog gcod pa'i thabs byed pa la sogs pa bya ba mi rigs pa yin te/ de lta bu zhig byed pa la bdag gis kyang de bzang zhing yi rang ngo zhes mi bya byas na nyes byas so/ /'tsho ba bgags / srog gcad pa dang / der sems/ srog bcad par bsams pa dang / mi'i rgyud na'o/ /mi'i rgyud kyang yin pa dang yan lag 'di gsum dang ldan par mi bsad na pham par 'gyur/lus bdag gi lus dang lus kyi yan lag dang po la sogs pa bsad pa dang / der gtogs pa/ mtshon cha dang rdo dbyig lag pa na thogs te bsad pa dang / btang ba/ mtshon cha dang rdo dbyig 'phangs te bsad pa dang / gzhan la bsgo ba rnams kyang tha mi dad do/ / gzhan la bsgo ste gsod du bcug pa dang de rnams ltar bdag gis bsad pa mtshungs te pham mo/ /dug dang / dug blud de bsad pa dang / phye ma dang / dug phye mas lus la bskus te bsad pa dang / rlubs dang / rlubs kyi nang du bsad pa dang / shing dang / shing dbang du btser te bsad pa dang /rang bzhin stor te btang ba dang / thul lta bu byas te smyo ste brag dang chu la sogs pa'i nang du shi bar byas pa dang / brang skam bar byed pa dang / sa mda' lta bus bsad pa dang / sgyogs dang / sgyogs kyis bsad pa dang / khog tshe dang / khog tshe lta bus mjug thag gis bzung ste bsad pa dang / ro slong ba dang / sngags kyis ro bslangs te ro des gsod du bcug pa dang / sngags kyi sbyor ba rnams kyis kyang ngo / /sngags kyis sa lta bu la btab ste sa gtor bas bsad pa dang / 'di rnams lta bu las bsad na gang gis bsad kyang rung pham/phul ba gang ba dang chu lta bu la phul tam mchod du bcug pa yang pham mo/ /chu dang mer bcug pa'o/ /chur bcug gam mer bsregs te bsad pa'ang pham mo/ /grang ba dang tsha bar bzung na yang ngo / /grang ba lhags pa dang tshad khungs lta bu la bzung dam bcings te bzhag nas bsad pa yang pham/pho nyar btang ba la sogs pa yang ngo / /gcan gzan za ba'am dgra'i khrod lta bur bsad pa'i phyir bsngags te btang nas shi na yang pham pa'o/ /chung zad du gtogs na yang ngo / /bsad pa'i phyir bem tol lam khab kyis btsugs pa'am yungs 'brus 'phangs te shi na yang pham/skyes pa dang bud med dang ma ning bsad na'o/ /skyes pa dang bud med dang ma ning gang bsad kyang rung pham mo/ /de'i phyir phyis shi yang ngo / /gsod pa'i phyir mtshon cha la sogs pas btab ste/ 'phral du ni ma shi'i de'i zhar gyis phyis shi na yang pham mo //bzlog pa las phyis na mtshan ma ma yin/ khyod shi na skyid do zhes bya ba la sogs pas sngar bsgo ste phyis/ nga 'khrul pa yin te shi ba'i mi rigs so zhes bzlog na shi yang rung / ma shi yang rung sbom po/ sbom po ni ma'i lto mnye ste mngal na pha ma dmigs pa na'o//bud med rum na bu yod pa zhig bu bsad pa'i phyir ma'i lto mnyes te ma shi na sbom po/ ma bsad pa'i phyir bu shi na yang sbom po/ gang gsad par byas pa nyid shi na pham/ gsod par 'jug pa de'i mtshan mar mos pa yang ngo / /gzhan zhig gis mi 'di gsad do zhes dris pa dang /dge slong gis sod cig ces ma smras kyang gsad par dga' ba'i phyir lus kyis dad pa'i brda byas na sbom po/ khyim bdag u pa se spun gnyis las pho bo tshong la song ba'i 'og tu pho bo'i chung ma la nu bos rgyos nas bur chags te ngo tsha ba'i phyir thar par zhugs pa dang /grogs po sman pa zhig 'ongs te khyod ngo tsha na sman gyis bu med par bya'o zhes byas pa dang / lus kyis sod cig pa'i brda byas pa las bcas/ khyod kyi ming gis 'chi ba'i yo byad sbyin no zhes na yang ngo / /mi zhig na re khyod kyi ming nas phyung ste/ khyod na re dug 'di 'thung shig ces zer ro zhes bya'o zhes byas pa dang /gsad par dga' ba'i phyir kha rog 'dug na sbom po/ gzhan phyugs ma yin pa dang / mi dang byol song gi rgyud ma yin pa na reg pa dang 'dre dang lha'i lam dang gsum gyi rgyud la gang yang rung ste bsad na sbom po/ sprul pa bsad na yang ngo //sems can gyi gzugs su sprul te sems med pa zhig bsad na nyes byas/ sprul pa sems yod pa zhig bsad na sbom po/ byol song mir sprul pa bsad na'ang sbom po/ mi byol song du sprul pa bsad na sbom po ni med de pham pa'o/ /dri bas ma bsgo bar nad pa la sman mi sbyin/nad pa sman cig sbyin na shes pa'i sman pa la dri ba'i rigs te ma dris shing / sman pas ma bsgo bar nad pa la sman mi sbyin/ byin na nyes byas ci lta bu la dri ba 'og nas bshad/ sman pa dang / sman pa nyid dang / de las rab tu byung ba dang / sman pa las rab tu byung ba dang /de dang 'grogs po dang / sman pa dang rtag tu 'grogs 'grogs te sman dpyad shes pa dang / der dri'o/ /'di rnam gsum lta bu la dris te sman byin pa ni nyes med do/ /nad bu can la yang ngo / /nad bu can ni rtag tu nad kyis gtses kyi sman dpyad shes pa'i rigs te de la dris te nad pa la sman sbyin pa'ang nyes med do//dge slong rgan po/ dge slong rgan po ni na rgan pa dang / rgan po shes rab dang bcas pa rnams la yang ngo / /khrims rgan po mang du myong zhing shes pa legs nyes kyi bye brag phyed pa dag dris te/ nad pa la sman byin yang nyes med/gong ma med na 'og ma la yang ngo / /sman pa ming gis smos pa 'di rnams las rim bzhin du ltag ma dag med na 'og ma dag la dris te nad pa la sman sbyin/ shi ba'i phyir phan par sman byin na 'bri ba med do/ /mi nad kyis nyon mongs shing 'dug pa la/ shi na bde bar 'gyur zhes bsams te shi bar 'ong ba'i sman sbyin par mi bya/mi de shi na pham/ dge slong ma gcig cig gis mi rgod kyi rkang lag gtubs te/ nyon mongs shing 'dug pa la shi na bde zhing skyid ces 'bras kyi khu ba'i sman zhes bya ba byin te bsad pa las bcas/ khur mi thag pa la grogs mi bya/ mi bcu tsam gyis bteg dgos pa'i khur la/ mi brgyad tsam gyis bskur bar rtsol na mi theg cing snang bar 'gyur ba'i phyir nang du zhugs shing bteg pa'i grogs mi bya/ byas na nyes byas/ bya ba ni de ste de'i rkyen gcig na khyim pa dang sbrel te bskos la mnyam du theg cig /mdo ltag ma ltar mi bcu tsam gyis bskur dgos pa cig la mi brgyad las med de/ mi bskur du mi rung ba'i rkyen gcig byung na khyim pa dang / dge slong spel la stobs mnyam par bteg cing bskur de ltar ma byas na nyes byas/ gzhag pa yang mnyam du gyis shig /mdo ltag ma ltar mnyam du theg pa'i khur de slar gzhag pa'i tshe na yang stobs mnyam par gyis te pheg tu 'byor bar gyis shig /de ltar ma byas na nyes byas/ pha gu mi dor pha gu long btags shing skyed pa lta bu la gcig la gcig mi dor pha rol po'i lag gis zin nas gtad/de ltar ma byas na nyes byas grum pa dang gas pa ma bsgo bar de mi gtad/ pha gu grum mam chag ste gas pa zhig na pha gu chag go zhes bya ste pha rol gyi lag tu sbyin/ ma byas na nyes byas/ rkun po la 'jigs pa'i phyir bsdigs mo byos shig /gtsug lag khang du rkun po 'ongs na 'dus te sgra bskyed de lhung bzed dang /rkun 'di dang yi ge'i po ti la sogs pa long la rgyob ces bsdigs/ gaN+DI la sogs pas ma phog par 'phongs shig /rkun po la ma phog pa tsam du gaN+DI la sogs pa 'phongs la bsdigs mo gyis shig /rlung phyogs su sa'am thal bas gang ba'i gyo mos so//rkun po 'ongs na rlung ga las langs pa'i phyogs nas thal ba dang / sa la sogs pas gtor te mig tu song bar bya/ chongs shig 'ur rdo/ /rkun po la bsdigs pa'i phyir 'ur rdo bcangs kyang nyes med/ ngal ba'i dge slong la mi phul/ mi pa spad gnyis shig thar bar zhugs pa las 'jo ta ba ni lha khang na gdugs tshod kyi gaN+DI brdung ba mi sleb pa'i phyir pha rgan pa 'gro mi phod pa bus phul zhing khrid pa las bub ste shi ba las bcas te de ltar byas na nyes byas/ mgon dang bcas par bya/ dge slong nad pa'am rgan po 'gro ma phod pa zhig khrid na lus kyi rim gro lus bsti ba dang mnye ba la sogs pa rim gro bya/ngal sor gzhug /dge slong nad pa'am rgan po de 'gro mi phod na ngal sor gzhug cing bkri/ snod dag blang / dge slong nad pa 'gro mi phod pa de'i lhung bzed dang / chos gos dang rdzas la sogs pa bdag gis khur /'on te lhan cig tu gnas su zas dang skom gyi dus su 'gro mi nus na yang ngo / /nad pa rgan po dang 'grogs te gdong du pha rol gyi gnas su gdugs tshod dag mi slebs na bdag sngar song yang nyes med/ lhung bzed bkru/ bdag sngar gnas su 'ongs nas nad pa phyis 'ong ba'i lhung bzed dang snod spyad la sogs pa bkru/gral la gzhag /rgan po phyis 'ong pa'i gral thabs gar bab pa gzhag /byin len bya/ zas brims na rgan po phyis 'ong ba'i zan skal mnos te byin len bya/ brtag rgan po phyis 'ong ba'i zan skal la shang tse la sogs pa brtag dgos pa yod na'ang brtag /'on te dus su na khyer te bsu/ rgan po phyis 'ong bas gdugs tshod mi slebs pa tsam gyi tshod na zan skal mnos la gar phrad phrad du bsu/ gsod pa'i phas pham pa ste rnam par 'byed pa'o/ /gsod pa'i phas pham pa 'dul ba rnam par 'byed pa'i nang nas 'byung ba'i mdo// //mi'i rgyud kyi lag pa bcad na sbom po'o/ /mi'i rgyud du gtogs pa'i sems can gsod sems med par lag pa bcad na sbom po'o/ /de bzhin du rkang pa dang lag pa dang rkang lag gi sor mo bcad kyang sbom ste bram ze gcig cig gis drug sde u pa nan da'i slad du rgyug pa gcig bsnun nas/u pa nan das rgyal po la gsol te bram ze la smras pa dang bsnyon te khungs ma phyin nas bram ze lnga brgya'am gcig ril gyis lag pa bcad pa las bcas/ gsod sems med na lag pa bcad pa shi yang sbom po'o/ /span spun du me btang na'o/ /rtsi shing la sogs pa span spun du me btang ste sems can yod par shes bzhin na sems can re re lhung ba re re spyir sbom po gcig /lha dang 'dre yod par shes te btang na sbom po gnyis su 'gyur ro//mi yod par shes te btang na pham/ skra can btsongs na yang ngo / /mi bdag dbang ba btsong bar dga' ste btsongs na'ang sbom po/ gang gis brkus pa rgyal po'i 'khor du btad na yang ngo / bdag gi rdzas rkun pos khyer ba las rkun po bzung ste nor slar dgug pa'i phyir gsad dam mi gsad gtol med par rgyal po la phul na sbom po/gsod par shes bzhin du rgyal po la phul te bsad na sbom po dang pham pa gnyis ka yod/ gsod pa'i phas pham pa phran tshegs su gtogs pa'o/ /mi la gsod pa'i phas pham pa 'dul ba phran tshegs zhes bya ba'i nang nas 'byung ba'i mdo// //ston par bsgo ba'o/ /gsad pa'i mi zhig bros te yib pa dge slong gis mthong ste/ snyegs ma mi 'ongs nas 'dri na gsad par shes te bsnyad na sbom po/ bstan pa las bzung ste bsad na pham mo/ /dper ma'i mngal lo//gsod pa'i mi lnga drug gcig bros te yib pa las snyags ma mi 'dri ste/ bdag dang mi mdza' ba gar yib pa bstan pa las gzhan zhig zin te gsad na sbom po/ sbom po ni bdag gsod pa'o/ /dge slong bdag gis bdag bsad na sbom po/ lung du ma bstan pa'i sems kyis mi dge bar byas na nyes byas pa'o//bsad pa'am rdeg pa'am gzhu ba'i sems med par kha nas byung rgyal du 'u ni gzhus sod rdegs zhes byas na nyes byas/ gsod sems med par rdo bor ba la sogs pa'i khar mi la sogs pa shi'ang nyes byas/ ma dmigs pa'i phyir grub pa mi bya/gsad sems med par rtsed mo la sogs pa lta bu byas te shi na nyes byas/ tshe rabs su las mi 'byung ngo / /mi gsad mtshon cha la sogs pas btab ste/ 'phral du ma shi ste bdag sngon du shi la mtshon gyis btab pa'i mi de nyid kyi lan bon gyis phyis shi na'ang pham pa med de sbom por zad do//gsod pa'i phas pham pa dris pa 'dir gtogs pa'o/ /mi la gsod pa'i phas pham pa ste 'dul ba'i sde dris pa zhes bya ba'i nang nas 'byung ba'i mdo// //sbom po ni bdag 'chi ba 'di ltar 'gyur ro zhes smra ba ni yid mi ches te de ltar grub na'o//nad pa tshabs po che sman dpyad bya ba'i phyir longs zhes bslangs pa las nad pa na re nga bslang na 'chi'o zhes zer ba bzhin du bslang na shi yang rung ma shi yang rung sbom po/ dge slong nad pa zhig tshabs che zhing 'dug pa la nad g.yog /dge slong zhig gis sman dpyad bya ba'i phyir bslangs nas nad pa na re bslang na ni gdon mi za bar 'chis zhog shig ces zer ba las ma gnang ste/bslang ba dang nad pa shi nas nad g.yog pham par gyur snyam the tshom zos te/ sangs rgyas la gsol pa dang / pham pa ma yin te sbom po'o zhes bcas/ shi shig par nad pa la g.yog ma byas na'ang sbom po/dge slong nad pa la nad g.yog su byed par de ltar gsos kyang ma sos na shir zad mod ces bsams te/ nad g.yog ma byas par bor na shi'ang rung ma shi'ang rung sbom po/ mi 'ju ba'i zas byin na yang ngo / /mi nad pa rlung nad na ba la rlung nad che ba'i kha zas byin pa dang /tsha ba la drod che ba'i kha zas mi rung bar shes bzhin du gsod sems med par byin kyang sbom po/ dge slong nad pa zhig la nad g.yog gis zan ci bsod ces dris pa dang / nad pa na re sngun na ba'i che skyur po'i nang du lan tshwa btab ste 'thungs na phan gyis byin cig ces zer ba las/nad de rlung nad yin te skyur po dang lan tshwa mi rung bar byin pa las shi ba'i phyir bcas/ phol mig ma smin par brtol na yang ngo / / phol mig 'bras lta bu 'og ma byung zhing ma smin par brtol na sbom po/ dge slong gcig cig 'bras byung ste ma smin pa la /dge slong gcig gis brtol zhes byas pa dang / ma smin gyis ma brtol zhes zer bzhin du ma gnang ste/ brtol nas shi ba las bcas te ma brtol zhes zer ba brtol ba dang / bdag gi phol mig ma smin pa brtol pa'ang sbom po/ rlubs su 'jug pa dang sgo phrag tu 'tshir bas gnod par byed pa la sogs pa yang ngo //gsad sems med par rlubs su bcug sgo phrag tu btsir ba la sogs pa rtsed mo'i phyir nyon mongs par byas pa dang / ched gar nan la bor ba mtshungs te sbom po/ gtsug lag khang gnyis kyi bar na dge bsnyen gtum pa zhig 'dug pa las gtsug lag khang gcig gi dge slong la rtag tu shing tog 'bul 'bul ba las dge 'dun lta mtshungs mod ces/gtsug lag khang gcig gi dge 'dun la yang phul lo / /de nas yang sngon 'bul 'bul ba'i dge slong la 'bul du song song ba las /dge slong de dag gis khyod lta shing tog gud du 'bul 'bul zhes sgo phrag tu btsir ba las bcas te sbom po/ g.yang du 'dor ba dang 'geg pa la sogs te 'chi ba'i phyir rtsol ba yang ngo / /bdag 'chi ba'i phyir gad ka dang / brag ka dang / mtshon ka dang / chu'i nang du mchang bar brtsal te ma shi ba yang sbom po/ gzhan la'ang de lta bu shi na rung ngo zhes bstan te ma shi na sbom po shi na pham/ na ba'i phyir bab chol du mtshon tam theg bu mi sbyin/ dge slong nad pa'i drung du mtshon cha'am theg bu la sogs pa 'chi ba'i yo byad mi gzhag / gsad sems med kyang gzhag na nyes byas/ shes bzhin du gtogs par bya/ nad pa'i sman dang zas la sogs pa la tshos sam ma tshos pa dang / sga spod bro'am mi bro ba la sogs pa snga nas shes bzhin du zhal ta bya/ bdag dang dge 'dun gyi las ci byed kyang rung ste nyes par 'gyur ram mi 'gyur shes bzhin du brtag ste bya/de ltar ma byas na nyes byas sngags kyi phyir thal mos bsnun na yang ngo / /nad pa la sngags gdab pa la sogs pa thal mos btab dgos pa zhig yod na yang mi drag par shes bzhin du bya/ shes bzhin du ma byas na nyes byas/ brnangs pa la 'byung ba'i phyir brdeg pa yang ngo //kha zas kyis brnangs te ltag par brdeg dgos na'ang mi drag par ran par shes bzhin du bya/ gsod sems med par shes bzhin du mi byas par shi na yang nyes byas/ sbab tu gtang na de bzhin du rab tu brtags te'o/ /shing dang rdo la sogs pa sbab tu btang dgos na yang sems can la sogs pa yod dam med pa brtags te btang ngo //ma brtags na nyes byas/ khur chen po la cha nyung ngus brtsal bar mi bya / bdag gi rdzas lta bu khur chen po lci ba la mi theg bzhin du mi nyung ngus mi bskur spyi bo bkug ste mi 'gro/ spyi bor thur du bkug ste lag 'gros mi bya dgu ste spyi bo bkug la'ang mi 'gro lag 'gros ni drug sde gcig rkang pa bkrus pa rdul gyis mi reg par bya ba dang rtsal ngom pa'i phyir lag 'gros byas pa las bcas/spyi bo bkug pa na/ dge slong gcig spyi bo bkug ste song song ba las lug gis brdung ba las bcas/ma bslabs pas bslabs par mi bsgo'o/ /bdag gtar dpyad la sogs pa ma bslabs shing mi shes par gzhan la 'di ltar thob shig ces kyang mi bsgo bdag nyid kyis kyang mi gdab/ btab cing bcos na nyes byas/ gdab pa 'phen par mi bsgo/ mda' dang mdung dang rdo la sogs pa ltad mo lta ba'i phyir yang 'phen du mi gzhug thabs bslab pa'i phyir yang /'di ltar phongs zhes kyang mi bsgo / /nad pa mi nus pa las mi bkri/ nad pa 'gro mi nus pa dang / mi na'ang dal zhing nyal nyal ba'i mi lam du na bar 'gyur ba mi bkri khrid na nyes byas/gsod pa'i phas pham pa ste rnam par gdon mi za'o/ /mi la gnod pa'i phas pham pa ste 'dul ba'i sde rnam par gdon mi za ba zhes bya ba'i nang nas 'byung ba'i mdo/ /gsod pa'i phas pham pa rdzogs so/ / mi la gsod pa'i phas pham pa 'dul ba so so'i nang nas 'byung ba'i mdo rdzogs so// //brdzun pa'i phas pham pa la 'chad de/ 'du shes sba ste/ bdag gi sems la med de mi shes bzhin pa dang / 'og nas yan lag bzhi 'byung ba dang lnga ldan na brdzun gyi phas pham pa'o/ /bla ma mi'i chos kyi dang / bla ma mi'i chos la smra ba dang / ldan pa ldan pa zhes dang / bdag la bdag gi phyir dang / smras na'o/ /pha rol brda phrad pa la smras pa dang 'di lnga dang ldan na pham/ mthong ngo / /bdag gis lha dag mthong ngo / /bdag kyang mthong ngo / /lha dag gis kyang bdag mthong ngo / /sgra thos lha dag gi sgra bdag gis thos bdag gi yang thos/bdag gi sgra yang lha dag gis thos/ nye bar 'gro /lha dag gi gan du bdag kyang nye bar 'gro /bdag gan nye bar 'ong / lha dag kyang bdag gi gan du nye bar 'ong / lhan cig tu gtam byas/ lha dag dang bdag lhan cig tu gtam byas/ gtam kun byas/ lha dag dang lhan cig gtam kun zhib tu rgyus nas bshad/kun mgu ba lha dag gis kyang bdag mgu bar byas bdag gis kyang lha dag mgu bar byas/ / rtag tu yang lhan cig tu bdag dang spyod cing zhes smras na der 'gyur/ bdag dang lha dag rtag tu lhan cig tu 'grogs shing spyod do zhes smras pa dang tshig gi rim pa ming gis smos pa 'di rnams gang smras kyang rung ste/mdo 'og ma lha dang klu la sogs pa ming gis smos pa/ gang la yang rung / de dang 'di ltar smras shing byas so zhes smras na phas pham pa'o/ /lha 'phrul zhing rim par gnas pa dang 'phrul med cing sa la gnas pa klu phyugs kyi khams su gtogs mod kyi 'phrul yod cing che ba la bya/gnod sbyin 'phags skyes po lta bu chen po dang phal la bya/ dri za lnga phud par mi'i dri za dang lha la rol mo byed cing 'khor ba/ mi'am ci lus mi la mgo rta dang sbrul du 'dug pa lto 'phye chen po gsus pa che la rkang lag thung la sbom por 'dag pa'i gzugs shig yod pa/yi dwags 'dre dang / sha za mi la kyal ka byed pa ded dpon na mthe'u rang lta bu ril bum lus gzugs ril ril po'am zlum po zhig yod pa/ lus srul po dag la dmigs pa'o/ /lus srul po la sogs pa ming gis smos pa 'di rnams gang yang rung ste/mdo ltag ma'i nang nas 'byung ba gcig dang ldan par byas so zhes smras na pham pa'o/ /mur 'dug gi rdzu 'phrul lnga lta bu shes so zhes byas na yang pham pa'o/ /sbom por byed pa ni phyag dar khung na gnas shing chub mar brdzu nus pa zhig yod de mthong zhes byas na'ang sbom po/mi rtag pa la sogs pa'i 'du shes dang / 'di man chad ni bla ma'i chos la 'chad de mi rtag pa ni nyi shu ste chos thams cad mi rtag pa dang / sdug bsngal pa dang / nga med pa dang zas la mi gtsang ba dang rgyud lnga sdug bsngal ba dang lnga phung 'dug pa dang mya ngan spangs pa dang /'dod chags dang bral ba dang 'gog pas khyegs pa dang / tshe zad pa'i dus shes pa dang / mi gtsang bar shes pa dang / rnam par bsngos pa dang / rnam par rnags pa dang / rnam par dmar ba dang / rnam par bam pa dang / rnam par zhigs pa dang /rnam par zos pa dang / rus par dkar ba dang / rus mig 'brel ba dang nyi shu ste/ 'di nyi shu gang yang rung mi shes shing med la shes shing ldan no zhes smras na bla ma'i chos smras pa yin te pham mo/ /bsam gtan dang / 'jig rten gyi bsam gtan rtog pa dang dga' ba dang bde ba dang btang snyoms bzhi dang 'jig rten las 'das pa'i bsam gtan grub po zhes smras pa dang /mur 'dug gi bsam gtan rtog pa dang bde ba dang / dga' ba dang btang snyoms bzhi grub po zhes smras na pham mo/ /tshad med pa dang / tshad med pa bzhi ste byams pa dang /snying rje ba dang / dga' ba dang / btang snyoms bzhi spyod nus so zhes smras pa dang / gzugs med pa dang / 'jig rten gyi bsam gtan bzhi pa'i 'bras bu/ nam mkha' mtha' yas 'du mched stengs dang / rnam shes mtha' yas 'du mched stengs dang / cung zad med pa'i 'du mched dang /'du mched med min 'du mched stengs bzhi grub bo zhes smras pa dang / 'bras bu dang / dgra bcom pa'i rim pa rgyun du zhugs pa dang / lan cig phyir 'ong ba dang phyir mi 'ong ba dang / dgra bcom pa dang bzhi gang yang rung thob po zhes smras pa dang / mngon par shes pa dang / drug mngon par shes pa ste 'phrul dang 'phrul gyi rna ba dang /pha rol gyi sems shes pa dang / tshe snga ma dran pa dang phyi ma gar skyes pa shes pa dang zag pa zad pa dang / drug gang yang rung smras pa dang / mur 'dug gi 'phrul lnga ste zag pa zad pa ma gtogs par ming gong du smos pa dang mthun te smras pa dang /stsogs pa bla ma'i chos so/ /ltag tu ming gis smos pa 'di rnams gang yang rung ste/ gcig dang ldan no zhes smras na pham mo/ /'di rnams ni bla ma'i chos zhes bya ste/ mur 'dug gi zhes smos pa yang bla ma'i chos ni ma yin mod kyi ldan no zhes smras na pham mo//sbom por byed pa ni nyid kyi mtshan 'dzin pas mya ngan sel ba zhi gnas kyi mtshan zhes bya'o/ /dgon pa bsam gtan byed cing 'dug 'dug pa las sems zhi ste 'dod chags bag la nyal ba la 'dod chags dang bral te mya ngan zag pa zad do snyam bsams na 'dod chags dang bral lo zhes smras pa'i 'og tu bud med mthong ba'i rkyen gyis 'dod chags byung ba ni sems la drang por 'dod chags dang bral lo snyam du bsams pas sbom mo//mnyen pa lnga brgya thar par zhugs pas mya ngan 'da' ba'i chos mkhan po la lung nos te dben par dong nas bsam gtan du bsgoms pas sems zhi ste/'dod chags bag la nyal ba gcig la gcig gtam du byas te/ 'dod chags dang bral lo zhes nas/ slar grong du zhugs pa dang bud med mthong ba dang / 'dod chags bag la nyal ba bslangs nas 'dod chags dang bral lo zhes smras pa pham par gyur to snyam du the tshom zos pa las bcas/de 'dra ba de lta bu'i chos smras na ma smras pa ma yin no/ /bdag dgra bcom pa yin par go bar bya ba'i phyir/ dgra bcom pa dgon pa la gnas na gnod sbyin dang klu la sogs pas mi gtse zhing / srung ma byas pa bzhin du nga la yang de ltar byas zhes smras pa dang /yon bdag gis dgra bcom pa la stan dang kha zas kyis ji ltar mchod pa bzhin du nga la yang de ltar byas so zhes smras na'ang pham mo/ /'di yod do zhes pha rol la bstan te bdag gi phyir smras na yang ngo / /bdag la bya ba'i phyir 'di rnams kyi nang na dgra bcom pa yod do zhes smras na'ang sbom po/de bzhin du bla ma'i chos gang yang rung ste ldan pa yod do zhes smras na'ang sbom po/ /nye bar smras na ma yin no/ /mdo ltag ma skad du zer ba la gzhan zhig gis de lta bur ldan pa su yin zhes dris nas/ nga yin no zhes smras na pham/ ma dgongs par lung mi bstan/ ma rtogs sam thog tu ma phebs par 'di yin no zhes lung mi bstan bstan na nyes byas/ maud gal bsod snyoms len pa bram ze'i chung ma la bu yod pa zhig gis dris pa/ mngal na bu yod pa 'di pho yin nam mo yin zhes dris pa dang / maud gal gyis phyis cir 'gyur ba ni ma brtags kyi de nyid kyi tshe/mngal na phor 'dug pa rtogs te pho yin no zhes smras pa dang / bu mor byung nas drug sdes/ maud gal gyis brdzun byas so zhes brgal nas/ brdzun ma yin te ma dgongs par lung ma ston cig ces bcas/ smra ba ste rnam par 'byed pa'o//brdzun gyi phas pham pa 'dul ba rnam par 'byed pa'i nang nas 'byung ba'i mdo// //thob pa las bri'o zhes zer na bla ma'i ma smras pa ma yin no / /bla ma'i chos las gang yang rung ste/ ngas thob pa las nga bris te med do zhes smras na/ bla ma'i chos ni thob pa las mi dbri ba yin te/de skad du smras pa yang pham pa'o/ /bla ma 'dir smrar 'dod pas ming gis don mtshungs pa smras na sbom po/ bla ma'i chos dang ldan pa'o zhes smra bar 'dod pa'i phyir shing tog lag na thogs la/ 'bras bu thob ces zer ba dang / chu 'bab pa'i nang du lag pa bcug ste rgyun du zhugs so zhes zer ba dang le lo byed cing /mi slob pa la dgra bcom pa lobs zin te/ mi slob pa'i tshul du mi slob po zhes zer ba dang gang zag gi rim pa bdun slob pa lta bu'i tshul du bdag yi ge'am/ kha ton slob pa slob dpon smras pa dang 'di rnams gang smras kyang rung sbom po/log pa yang ngo / /bdag dgra bcom pa yin no zhes smra bar bsams pa las rgyun du zhugs pa'o zhes smras pa yang sbom po/ de bzhin du bla ma'i chos gang yang rung nang nor bar smras pa sbom po/ yid 'phrig bskur ba yang ngo / /nga dang 'dra na rgyun du zhugs pa bsgrub tu rung ngo zhes bdag nor rdzas shig thob par bya ba'i phyir/bla ma'i chos dang ldan par zung du smras la thob nas ldan pa ma yin no zhes drung por bya bar bsams te khyod kyis nga tsam phod na ni rung ngo zhes smras te 'phrig tu bcug na sbom po/ /phyis yang dag par yang de ma skyes pa ma yin no//mdo ltag ma ltar smras pa'i 'og tu/ ngas de skad du smras pa ni brdzun te yon tan dang ldan pa ma yin gyi ma 'phrig shig ces smras kyang sbom por mi 'gyur ba ma yin no/ /smra ba ste 'bri bar chud pa'o/ /brdzun gyi phas pham pa ste 'dul ba dris pa'i nang nas 'byung ba'i mdo// //sbom po ni btsun pa dgra bcom pa ste gos la sogs pa mchog rigs so/ /brdzun gyi sbom por 'gyur ba ni khyod btsun pa dgra bcom pa yin te gos dang kha zas la sogs pa mchog dbul ba'i rigs so zhes zer ba la dgra bcom pa yin pa ltar bya ba'i phyir mi smra bar kha rog ste 'dug na sbom po/bram ze ste tshangs par spyod pa'i btsun pa'o zhes zer ba la kha rog 'dug pa dang / sdig pa'i chos spangs pa/ sdig pa'i chos mi dge bcu spangs pa'o zhes zer ba la kha rog ste 'dug pa dang / btsun pa'i dbang po drug rab tu 'dul ba/mi rtag pa dang mi gtsang ba la bsgoms dbang po drug rab tu dul te yul la mi 'bros pa'o zhes zer ba la kha rog ste 'dug pa dang / sbas pa dbang po drug zhi ste yul drug la bye brag mi 'byed par 'gog pa'o zhes smra ba la mos pa dang dran pa nye bar gzhag pa bsrungs pa'o zhes bsrungs pa nyon mongs pa dang sdig pa'i chos bsrungs pa'o zhes zer ba la mos te kha rog 'dug pa dang /sgom pa po'o/ /bzod pa bsgoms shing zag pa zad pa'o zhes zer ba la mos te kha rog 'dug pa dang zhes byas na kha rog ste mos na'o/ /'di rnams kyi ming gis smos pa la gang yang rung ste bstod cing smra ba la mos shing kha rog 'dug na sbom po/smras pa bzhin du yin no zhes smras na ni pham/ de ste btsun pa dgra bcom pa na/ ming gis smos pa 'di rnams lta bu zhig tu smra ba la de bzhin du byed cing khar smras na sbom por 'gyur ro / /bdag gi bsod snyoms long / khyod dgra bcom pa yin ni bdag gi bsod snyoms 'di long zhes zer ba la kha rog ste blangs pa dang / khyim du zhugs/ khyod dgra bcom pa yin na nga'i khyim du zhugs zhes zer ba la kha rog ste khyim du zhugs pa dang / stan la zhugs / khyod dgra bcom pa yin na stan la 'dug ces zer ba la kha rog ste stan la 'dug pa dang /lag chu long / khyod dgra bcom pa yin na chus gtor te/ phog pa'i sems can la yon yod na chu 'di long zhes zer ba la kha rog ste blangs pa dang / mchod rten long / khyod dgra bcom pa yin na nga'i mchod rten 'di long zhes zer ba la kha rog ste blangs pa dang /tshod ma dang bca' ba zo / /khyod dgra bcom pa yin na tshod ma dang bca' ba 'di zo zhes zer ba la kha rog ste zos pa dang / rjes su yi rang ngo / /khyod dgra bcom pa yin na nga la rjes su yi rang ngo zhes zer ba la khar smras par yi rang ba dang / byung zhes pa/ khyod dgra bcom pa yin na nga'i khyim nas byung zer ba la kha rog ste byung ba dang / de dag bsgrubs na'o/ /'di rnams las gang yang rung ste dgra bcom pa yin na 'di ltar byos zhes zer ba la kha rog 'dug cing zer ba bzhin du byas na sbom po'o/ /dgra bcom pa bzhin du bla ma'i chos gang yang rung ste sbom po'o//smra ba'i ste rnam par gdon mi za ba'i 'o/ /brdzun gyi phas pham pa rnam par gdon mi za ba'i nang nas 'byung ba'i mdo bla mar smra ba rdzogs so/ / brdzun gyi phas pham pa 'dul ba sde so so'i nang nas 'byung ba rdzogs so/ / phas pham pa rdzogs so/ / phas pham pa bzhi bshad pa rdzogs so// //dge 'dun lhag ma'i khu ba la 'chad de/ rmi lam ni med pa bzhin no/ /rmi lam na khu ba byung ba ni/ bdag la dbang med cing mthu med de bcos su mi rung ba'i steng du dbyung bar bsams pa'i sems med pas nyes med do/ /de'i 'bras bu ni ma byas pa'o//rmi lam na khu ba byung ba'i sdig gi 'bras bu'ang med do/ /rmi lam na log pa byas pa'i 'bras bu'ang med/ 'og nas ming gis smos pa 'di bcu dang ldan na lhag ma phyung ba/ khu ba phyung ba dang / der 'dod pa dang / der 'dod pa khu ba 'byin par 'dod pa dang / bdag gi khu ba/ bdag nyid kyi khu ba dang / thog ma khu ba lus thams cad kyi nang na khyab par 'dug ste/ dper na bu ram shing mngar bas thams cad du khyab pa dang 'dra bar 'dug pa las 'dus te/ 'ong bar gzhungs pa'i nang du 'phags pa dang 'di yan chad yan lag /bde bar 'dod chags skyes pa las/bde bar bya ba'i phyir khu ba phyung ba dang / rig sngags bya ba'i cho gar dgos pa'i phyir khu ba phyung ba dang / sa bon mo mtshan gyi nang du blugs te/ bu'i sa bon du bya ba'i phyir khu ba phyung ba dang / sman bdag na ba la phan pa'i phyir khu ba phyung ba dang gzhan na ba'i sman du bya bar khu ba phyung ba dang /brtag pa'i phyir dang / gzhon nu dang rgan pos khu ba yod dam med pa dang / ci 'dra zhes brtag pa'i phyir khu ba phyung ba dang / kyang bye brag med do/ /'di rnam lnga las gang yang rung ste/ gcig gi phyir phyung la yan lag bcu dang ldan na lhag mar 'gyur ro//reg pa khu ba dbye ba'i phyir pho mtshan la reg pa dang / 'bad pa khu ba dbyung bar las byed cing 'bad pa/ pho mtshan/ pho mtshan yang yin pa dang / phyi rol gyi yang ngo / /bdag gi khu ba gzhan 'byin du bcug pa dang bdag nyid kyis phyung ba gang yang rung ste yan lag gcig /sems can du gtogs pa/ sems can du gtogs pa'i lus gson pa'ang rung shi ba'i ro la'ang rung ste der phyung ba/ de bzhin du 'dug pa la'o/ /sems can gyi gzugs yin par shes pa la bya ste/ lus dang yan lag gi sha dang rus par shes pa dang 'di yan chad gong nas bzhi smos pa dang /yan lag bcur ldan te khu ba phyung na lhag ma/ shin tu ma btsir/ shin tu ma bcangs kyang ngo / / khu ba dbyung ba'i phyir bya ste pho mtshan la drag tu ma btsir zhing / ma bcangs par dal gyis byas pa las byung ba yang lhag ma/dben dang sngon mi tshangs par spyad pa dang khu ba phyung ba ji snyam byed la dben bcas nas bsams te/ 'di lta bur 'dod pa'i phyir khu ba phyung ba dang / zag pa dang khu ba la gnas las 'phags nas zag cing 'byung ba'i tshe ji snyam du byed sad pa'i phyir phyung ba dang /bdo ba med pa'i 'dod chags bdos te/ mi bde ba la phyung bden par 'gyur bar 'dod pa dang / bde ba ji snyam byed sad pa'i phyung ba dang / bde ba myong ba yang ngo / /'di rnams gang gi phyir yang rung yan lag bcu dang ldan na lhag mar gyur to/ /gce'ur ma zhugs pa las so//khu ba dbyung bar brtsal te pho mtshan gyi gce'ur ram rtsar ma zhugs kyang lus kyi gnas las 'phags na lhag mar 'gyur ro/ /'phags pa'i tshe btang na zin par byas pa ma yin no/ /khu ba dbyung bar brtsal te khu ba lus kyi gnas las ma 'phags par btang na sbom po/'bri bar byed pa ni bro gar rdung ba dang rab tu gar rdung ba'o/ /khu ba dbyung ba'i phyir bro brdung ba dang bro drag tu brdung ba dang gang byas kyang rung ste khu ba phyung na sbom po'o / /nam mkha' la rkub bsgul ba'o/ /khu ba dbyung ba'i phyir nam mkha' la bkud de khu ba phyung na sbom po/phyogs gud du reg na'o/ /khu ba dbyung ba'i phyir pho mtshan ma yin pa lus kyi yan lag gzhan brud cing mnyes te khu ba byung na sbom po/ rgyun bzlog pa la bzed na'o/ /khu ba dbyung ba'i phyir chu 'bab pa'i khar pho mtshan bstan te khu ba dbyung ba yang ngo / /rlung khar na yang ngo //khu ba dbyung ba'i phyir rlung 'ong ba'i khar pho mtshan bstan te khu ba phyung na sbom po/ dben gyi dga' ba bde ba myong bar grub na'o / /lus dang ngag gis ni ma spyad kyi sngon mi tshangs par spyad pa'i chung ma'i sha mthang dang mo mtshan yan chad bsams te/ de la 'di ltar spyad de khu ba dbyung na zhes dmigs te khu ba byung ba yang sbom po/gce'ur zhugs na yang ngo / /khu ba dbyung ba'i phyir ma byas par khu ba lus kyi gnas las 'phags zin pa zhig las phyung na sbom po/ gzhal ba'i phyir chags pa'i sems kyis reg na mi sbyor ba ma yin no/ / 'dod chags kyi sems kyis pho mtshan ji tsam yod pa bcal ba'i phyir khu ba phyung na sbom po/ bltas na nyes byas pa'o/ /'dod chags kyi sems kyis pho mtshan la bltas na nyes byas/ 'bab rgyun dang rlung phyogs su bzed na yang ngo / /chu 'bab pa'i rgyun dang rlung langs pa'i phyogs bzhin du khu ba dbyung ba'i phyir bsdad na khu ba byung yang nyes byas ma byung yang nyes byas/ltung ba med pa ni de'i phyir ma zhugs par lugs pa/ nyes par mi 'gyur ba ni khu ba dbyung bar ma bsams la 'og nas ming gis smos pa gang yang rung de lta bu'i rkyen gcig gis khu ba byung ba ni nyes med do//brla dang bdag gi brla la pho mtshan drud de khu ba byung ba dang / gos dang gos la pho mtshan drud de khu ba byung ba dang / gzhan la reg pa dang / mi gzhan gyis bdag gi lus kyi yan lag gi sha dag la bzung ste khu ba byung ba dang / phrugs pa na'o/ /g.yon pa dang rngo la sogs pa pho mtshan dang yan lag la sogs pa la phrugs pa las/ khu ba phyung ba dang 'di rnams kyi phyir khu ba byung ba ni nyes med do/ /reg pa ma yin par myong na'o/ /khu ba dbyung bar ma bsams 'dod chags kyi sems kyang med par cung ma mthong ba dang /kha zas zhim po zos pa dri bsung zhim po myong ba'i phyir khu ba byung ba ni nyes med do/ /de dran pas na de na yang ngo / /bud med sngon mthong ba zhig dran pa dang / kha zas dang dri bsung zhim po zhig sngon myong ba dran pa las khu ba byung ba yang nyes med do/ /'byin pa'i ste rnam par 'byed pa'i'o//khu ba'i dge 'dun gyi lhag ma ste/ 'dul ba rnam par 'byed pa'i nang nas 'byung ba'i mdo// //'di man chad ni lhag ma ltar khrims su bcas pa las/ u pA lis dris te ci tsam lhag ma dang sbom por 'gyur ba'i bye brag phye ba / 'bab ma khad pa'i tshe ni 'phags pa'o//khu ba dbyung bar brtsal te gzhungs pa'i nang du ma zhugs kyi bar du ni 'phags pa zhes bya ste/ sbom po'o/ /lus kyi gnas las 'phags te gzhungs par zhugs na lhag ma/ bab ma thag pa ni gce'ur zhugs pa'o/ /rmi lam lta bu na khu ba dbyung bar 'phags pa ni lus kyi gnas las 'phags te/gzhungs pa'i nang du song ma thag tu gce'ur zhugs pa zhes bya ste/ de lta bu zhig las khu ba thal byung phyung na sbom po/ rtsom pa ni mi sbyor ba ma yin no/ /khu ba byung ba'i phyir brtsal te spyad na khu ba lus kyi gnas las ma 'phags kyang sbom po/ma brtsal bar byung nas dga' bar tshor na de bzhin no/ /dang po ni khu ba dbyung ba'i phyir ma byas mod kyi/ rmi lam mam gos la sogs pa la drud de khu ba byung ba la ched kar dbyung ba ni lhag mar gyur na kho rang byung bas stes so zhes rjes su yi rang zhing dga' bar tshor na sbom po//pho mtshan btsir kun mnyes na'o/ /'dod chags kyi sems kyis pho mtshan btsir mnyes na khu ba ma byung yang sbom po/ sgren pa de la byugs na yang / pho mtshan sgren pa la khu ba dbyung ba'i phyir lag pa'i steng du gzhag pa lta bu las khu ba byung na sbom po/ sman gyis phyung na yang ngo //khu ba ched kar phyung ba lhag ma zhes te sman 'thungs te khu ba phyung na yang sbom po gzhan gyi yang ngo / /gzhan gyi khu ba bdag gis phyung na sbom po/ 'byin pa'i ste dris pa'i'o/ /khu ba 'byin pa'i dge 'dun gyi lhag ma ste/ 'dul ba dris pa zhes bya ba'i nang nas 'byung ba'i mdo// //'di man chad ni pha rol gyi gzhi ji lta bu la khu ba phyung na lhag ma dang sbom por ci tsam gyis 'gyur ba bshad pa/ bam pa ro lta bu bam pa la sogs pa/ rnam par bsngos pa dang rnags pa dang zhigs pa dang rnam par zos pa dang rnam par dmar ba dang rnam par 'thor ba dang ro las 'di rnams lta bur gyur pa dang /bral ba rus pa dang lhu tshigs so sor bral ba dang / keng rus rus pa dkar por gyur pa'i keng rus dang / mgo mgo la khu ba byung ba dang / rna ba rna ba'i bu gur bcug ste khu ba phyung ba dang / sna sna'i bu gur bcug ste khu ba phyung ba dang / mgrin pa mgrin par khu ba phyung ba dang / mgrin pa'i bar dang / mgrin pa'i sha nyer ba'i bar du khu ba phyung ba dang / rtsib logs rtsib logs su khu ba phyung ba dang / rgyab rgyab tu khu ba phyung ba dang / brang brang du khu ba phyung ba dang /rtsa rtsa'i pags pa drangs pa'i bar du khu ba phyung ba dang / skra'i bar du lus la chags pa'i skra'i gseb dang / lan bu'i bar dang / lag pa lag par khu ba phyung ba dang / phrag pa phrag par khu ba phyung ba dang / dpung pa dpung par khu ba phyung ba dang / mchan khung mchan khung du khu ba phyung ba dang /rked pa rked par khu ba phyung ba dang / brla brlar khu ba phyung ba dang / rkang pa rkang par khu ba phyung ba dang / byin pa byin par khu ba phyung ba dang / 'gab khung du phyung na 'gab khung du khu ba phyung ba dang / rtsa ba'i ming gis smos pa 'di rnams lta bu gang yang rung ste khu ba dbyung ba'i sems kyis 'di gcig la phyung na yang lhag mar 'gyur ro//sbom po ni ming gis smos pa 'di rnams gang yang rung ste khu ba dbyung ba'i phyir 'di gcig la phyung na sbom por 'gyur/ la ba la ba la khu ba phyung ba dang /phying pa phying pa la khu ba phyung ba dang / dri'u rdog dri'u rdog gi stan la khu ba phyung ba dang / sngas khab sngas khab la khu ba phyung ba dang / khri khri la khu ba phyung ba dang / khri'u khri'u la khu ba phyung ba dang / khres rtswa bam mam shing bal gyi stan la khu ba phyung ba dang / khri'u'i bar khri'u'i bar du khu ba phyung ba dang /bum pa bum pa la khu ba phyung ba dang / bum bu bum bu la khu ba phyung ba dang / bum pa'i kha bum pa dang bum pa'i khar khu ba phyung ba dang / bya ma bum bya ma bum du khu ba phyung ba dang / chol zangs chol zangs la khu ba phyung ba dang / rdo rdo la khu ba phyung ba dang /skyang nul skyang nul la khu ba phyung ba dang / skyang nul gyi bar skyang nul gyi rtsig pa las 'phags pa'i bar du khu ba phyung ba dang / sgo gtan sgo gtan la khu ba phyung ba dang / sha sna gu la'o/ /ro'i sha dum bur gyur pa brla'am lag pa las gang gi sha yin par mi shes par ming gis smos pa 'di rnams la ma gtogs par/gzhan cing yang rung 'dod chags kyi sems kyis khu ba phyung na sbom po/ rma btsir na yang ngo / /mi tshangs par spyod pa 'dod pa'i phyir/ pho mtshan dang / kha dang / rkub gsum rma yod kyang rung / rma med kyang rung 'dod chags kyi sems kyis btsir tam mnyes na pham pa'i sbom po/bud med la bya bar brtsams te btsir na yang ngo / /mi tshangs par spyod par brtsal te mo mtshan btsir tam mnyes te btang na phas pham pa'i sbom po/ kha dang rkub gnyis kyang de dang 'dra/ der mtheb mo bcug na yang ngo / /mi tshangs par spyod 'dod pa'i phyir mo mtshan du mtheb mo bcug na phas pham pa'i sbom po/'gro ba las byung ba yang ngo / /mi tshangs par spyod du song song ba las lam du khu ba phyung na phas pham pa'i sbom po/ gnas nas gnas su song na yang ngo / /khu ba dbyung ba'i phyir phar song tshur song byas te khu ba phyung na'ang sbom po/log pa yid la byas na yang ngo / /'dod chags kyi sems langs te khu ba dbyung bar bsams pa las khu ba byung na'ang sbom po/ pho mtshan bzung na yang ngo / /khu ba dbyung ba'i 'dod chags kyi sems yod de pho mtshan la bzung ba las khu ba byung na sbom po/ltung ba med pa ni sgre'us brud pa na'o/ /khu ba mang du zag pa'i phyir sgre'u btags pa las khu ba dbyung ba'i sems med par sgre'u nang du bcug pa las 'drud de khu ba byung ba ni nyes med do/ /sngon gyi chung mas 'khyud de na yang ngo / /'dod chags dang khu ba dbyung ba'i sems med par sngon gyi chung mas sdug pa'i phyir lus sam mgul nas 'khyud pa las khu ba byung ba'ang dga' bar tshor ba'i sems med na nyes med do//rkang pa dang byin pa dang brla dang sor mo la sogs pa bud med kyis bzung na yang ngo / /lus kyi yan lag ming gis smos pa 'di rnams la bud med kyis bzung ste 'dod chags kyi sems med cing khu ba dbyung bar ma bsams par khu ba byung na dga' bar ma tshor zhing dang ba'i sems med na nyes med/'byin pa'i ste rnam par gdon mi za ba'i'o/ /dge 'dun gyi lhag ma'i khu ba 'dul ba rnam par gdon mi za ba zhes bya ba'i nang nas 'byung ba'i mdo 'byin pa rdzogs so// khu ba'i dge 'dun gyi lhag ma 'dul ba'i sde so so nas 'byung ba'i mdo rdzogs so// //'di man chad dge 'dun gyi lhag ma 'dzin pa la 'chad/ 'di ni bud med las byed do/ /'dzin pa'i lhag mar 'gyur ba ni bud med las bzung ba las 'gyur ro//dben pa'i 'dug pa dang gnas pa yang ngo / /dben pa gnyis te sa dben par bud med dang 'dug pa dang / dge slong ma dang / 'greng pa'i ltung ba gnyis kyang bud med las 'gyur ro/ / smyan gnas kyang / smyan gnas su 'dug pa dang gab pa gnyis kyi ltung ba yang bud med las 'gyur ro//lhan cig nyal ba yang ngo / /bud med dang khyim gcig na nyal ba yang bud med las 'gyur ro/ /lam du rig pa'i skyes pa med par lhan cig 'gro ba yang ngo / /lam du rig pa'i skyes pa med par bud med dang 'grogs pa'i ltung ba yang bud med las 'gyur ro//mdo bzhin pa gnyis kyang ngo / /'dzin pa'i 'og nas smye tshig dang kun spyod dang 'byung ba gnyis kyang bud med las lhag mar 'gyur ro/ /khyim ma la chos 'chad pa'i tshe rig pa'i skyes pa dang lhan mi cig pa yang ngo //khyim ma la rig pa'i skyes pa med par chos bshad pa'ang bud med las ltung bar 'gyur ro/ /lhan cig kyang ma brtags pa la na'o/ /khyim ma la chos 'chad pa'i tshe rig pa'i skyes pa yod du zin kyang / /khyim ma nyid slar steg pa'am mi rtag pa'am mi gtsang ba'i chos bshad pa na'ang rtag cing gtsang la bzang ngo zhes zer ba la chos mi bshad/de la nyes byas pa'o/ /mdo ltag ma ltar khyim pa steg pa la chos bshad na nyes byas/ gling gzhan nas skyes pa dang / shar phyogs dang nub phyogs dang byang phyogs kyi gling gsum gyi mi lam du 'grogs pa dang chos bshad pa'i mi rig pa'i skyes par bzhag na brda phrad kyang smye ba bya ba'i cho ga dang /brda mi mthun pa'i phyir nyes byas zeg zeg po can 'bri ba'o/ /bud med dang lam du 'gro ba dang chos 'chad pa'i rig pa'i skyes pa gling gzhan gyi mi ma yin zhing brda phrad du zin kyang /rig pa'i skyes pa de nyid steg pa'i chos byed pa zhig na'ang nyes byas te steg pa de la ma bshad de btang na nyes med/ de go bas so/ /khyim ma la 'chad pa'i rig pa'i skyes pa ni go zhing brda phrad pas bya'o/ /rig pa'i skyes pa yengs sam gnyid log pa la chos bshad de ma go na nyes byas/de lta bu'i tshul na gnyis po'i mtshan ma don med do/ /lhag ma dang ltung ba bud med las 'gyur ba bcu ltag nas ming gis smos pa'i rnams/ ma ning mo mtshan che ba zhig la lhag ma zhig byas na yang lhag ma dang dngos su 'gyur ro/ /ltung ba zhig byas na yang ltung ba dngos su 'gyur ro//mo mtshan che ba'i bye brag ni/ pho mtshan dang mo mtshan che chung dang spyad du rung mi rung gis dbye'o/ /che chung med na nu ma dang kha spus bye brag dbye'o/ /'dir phyed du 'gyur ro/ /bud med dang lam du 'gro ba dang chos 'chad pa'i skyes pa'i gor ma ni gzhag na mtshan che chung mtshungs te nyes byas/tha ma gsum ni legs par smras pa dang nyes par smras pa'i don kun shes pa'o/ /ltag tu lhag ma dang ltung ba bud med las 'gyur ba bcu'i tha ma rgyo tshig dang kun spyod dang / khyim ma la chos 'chad pa ni bud med brda phrad cing go la legs par smras pa dang /nyes par smras pa'i don kun shes pa la byas na lhag ma dang ltung bar 'gyur / gzhan ni smye ba bya bar bzod pa la rtsa ba'o/ /lhag ma dang ltung ba bud med las 'gyur ba bcu la mdo ltag ma'i nang du gsum smos pa ma gtogs par/ gzhan bdun ni bud med mi tshangs par bya bar bzod pa la byas na lhag ma dang ltung bar 'gyur/gzhan ni mdo bzhin pa'o/ /lhag ma dang ltung ba bud med las 'byung ba bcu la rgyo tshig dang kun spyod dang / khyim ma la 'chad pa gsum bud med brda mi phrad pa la byas na sbom po dang nyes byas/ 'dzin pa la sogs pa bdun ni/ bud med mi tshangs par spyad du mi bzod pa la byas na lhag ma ni sbom por 'gyur/ ltung ba ni nyes byas su 'gyur ro/ /ma ning 'di ni mtshan gnyis na med kyi so so'am/ mtshan ma tsam yod pa la bya ste mi bzod pa la bya/ ma ning pha dang ma ning ma dang 'phrul pa'ang de bzhin no//lhag ma dang ltung ba bud med las 'gyur ba rnams ma ning dang 'phrul pa'i bud med la byas na lhag ma'i sbom po ltung ba ni nyes byas su 'gyur/ spyad du bzod cing brda phrad kyang dga' ba'i cha shas chung ba'i phyir sbom por 'gyur te 'bri'o/ /'di gsum ni skyes pa la yang ngo //'dzin pa dang rgyo tshig dang kun spyod gsum 'dod chags kyi sems dang bcas pas skyes pa la byas kyang sbom po/ de'i dga' ba myong bar 'dod pa las/ 'dod cing chags pa dang / 'on te 'dod chags dang bcas na yang ngo / /brtul ba dang mdo 'og ma las yan lag gnyis 'chad pa dang bzhir ldan na lhag ma'o//de'i zhes zer ba nas yang ngo zhes zer ba'i phyir 'chad/ chags shing brtul te bzung nas dga' bar tshor na lhag ma chags pa med la brtul te bzung na yang sbom po / brtul ba med la chags te bzung na sbom po/ chags pa'ang med brtul ba'ang med par bud med la bzung na nyes byas/ lus la reg pa/ bud med kyi lus la bzung ba / dga' bar tshor na yang ngo / /bzung nas dga' bar tshor ba yan lag 'di bzhi dang ldan te/ bud med la bzung na 'dzin pa'i dge 'dun gyi lhag mar 'gyur/lan bu yang de dang 'dra/ bud med kyi skra'i lan bu las bzung na yang 'dzin pa'i dge 'dun gyi lhag ma 'gyur/ de la gtogs pa'i gos kyang ngo / /skra chings dang cod pan las bzung na yang skra dang 'brel cing tshor ba yod pa'i steng du dga' ba'i shas che ba'i phyir lhag mar 'gyur/reg pa dang lag pas bsnams pa dang / kun du reg pa dang / lag pas mnyes pa dang / sprad pa dang brang ngam gdong lta bu bcar zhing sprad pa dang / bzung ba dang lus kyi yan lag gang yang rung lag gis bzung ba dang / 'dren pa dang bzung nas drangs pa dang / kun 'dren pa dang bzung nas yang dang yang drangs pa dang drangs nas bskor ba dang / bteg pa dang phang du blangs pa dang gnam du bteg pa dang / bzhag pa blangs te sar bzhag pa dang / btsir ba dag la btsir ba'am bcum pa'am mnan pa dang bye brag med do//ming gis smos pa 'di rnams gang yang rung bud med la byas na lhag mar 'gyur ro/ / rten gyis kyang ngo / /mdo ltag ma nas ming gis smos pa gang yang rung bud med kyis dge slong la bya ste yan lag 'di bzhi dang ldan na lhag mar 'gyur/ gos kyis dkris pa la ni mdo bzhin pa'o/ /bud med gos gyon pa'i ste / steng nas bzung ba ni sbom po/ dar lta bur srab mo las bzung na lhag mar 'gyur/ nyes byas pa ni bri yang tha mi dad do/ /pham pa dang lhag ma las bri ba ni sbom po/ sbom po dang ltung ba las bri ba ni nyes byas/nyes byas las bri ba ni nyes byas su zad do/ /dge slong ma la mi reg /'dod chags kyi sems med par/ dge slong ma la reg na nyes byas yan lag dang ldan pas/ dge slong ma bzung ba ni lhag mar 'gyur ba lta smos kyang ci dgos/ bud med la yang ma yin/bud med la 'dod chags kyi sems med kyang mi reg /reg na nyes byas/ reg pa ni chus khyer ba las dbyung ba'i phyir dpung pa'am/ skra la ma dang sring mo dang bu mor 'du shes bzhag ste'o/ /bud med chus khyer ba ni ma dang sring mo dang / bu mor 'du shes bzhag ste/chu las dbyung ba'i phyir reg kyang nyes med do/ /bzung ba ni ro smad na mi bzung gi dpung pa'am skra las bzung ste dbyung ngo / /bye phung la dran pa thob pa'i phyir kha spub tu gzhag /mdo ltag ma ltar bud med chus khyer ba dbyung ba de lto chus gang ste brgyal na chu dbyung zhing sos par bya ba'i phyir bye ma'i steng du kha spub tu gzhag /khri'u bzhin du bsrung ngo / /mdo ltag ma ltar bye ma la kha spub ste bzhag pa de'i drung du bdag mi 'dug par mig rgyang gis khyim pa la/ dge 'dun gyis khri stan brnyar byin pa srung ba bzhin du byar bya'o//ba lang rdzi'am ra lug rdzi la gtams te zas kyi phyir 'gro'o/ /bdag zas kyi dus la bab ste 'gro na'ang bye phung la kha spub ste bzhag pa'i bud med phyugs rdzi ba'am / su 'dug pa la gtams te ma shi bar byos shig par bsgo la 'gro/ 'tsho ba'am mi 'tsho ba yang brtag /chus khyer ba'i bud med de mig rgyang du bsrungs pa la 'tsho'am mi 'tsho yang yang skabs skabs su blta zhing brtag /nyes med pa ni snying rje'i phyir dag pa'i sems kyis bud med kyis 'khyud pa'o/ /bud med nyid snying rje zhing dag pa'i sems kyis bdag la bzung zhing 'khyud pa ni nyes med do//bud med rgan po gtsang ga la zhes bya ba zhig gis sangs rgyas 'khor dang bcas te 'chag tu gshegs pa la sangs rgyas kyi sku la 'khyud nas a nan gyis 'khyud du ma bcug pa dang / sangs rgyas kyi zhal nas tshe rabs lnga brgyar nga'i ma byas te/de'i bag chags las sdug cing dga' ba'i sems kyis 'dzin pa yin te/ 'dzin du ma bcug na khrag tu skyugs te 'chi yis zhog shig ces byung ba las bcas/ lus kyis reg pa'i ste rnam par 'byed pa'i'o/ /'dzin pa'i dge 'dun gyi lhag ma 'dul ba rnam par 'byed pa'i nang nas 'byung pa'i mdo// // 'jam mnyen dro ba'i bsam pas sbom po'o / /'dod chags kyi sems med la bud med kyi lus la 'jam pa'am mnyen pa'am dro ba'i phyir bsams te sad pa'i phyir bzung ba ni sbom po/ ltung ba med pa ni snying rjes sdug bsngal ba las btang na'o//bud med la reg kyang nyes par mi 'gyur ba ni bcings pa dang bzung ba dang btags pa dang mer song ba la sogs pa dbyung zhing dgrol ba'i phyir snying rje ba'i sems kyis reg pa ni nyes med do/ /ma dang sring mo dang bu mo de'i 'du shes kyis na'o//mdo ltag ma ltar bud med nyon mongs pa snying rjes btang ba'i phyir reg pa ni rgan mo la ni mar bsams / de bas gzhon nu la ni sring mor bsams / gzhon nu chung ngu la ni bu mor bsams te reg na nyes med do/ /sngon spyod pa la kun dga' bas kyang ngo / / sngon gyi chung ma sdug cing dga' ba'i phyir bzung ste/ dge slong 'dod chags kyi sems ma langs na nyes med/ lus kyi reg pa ste dris pa'i'o/ /'dzin pa'i dge 'dun gyi lhag ma 'dul ba dris pa zhes bya ba'i nang nas 'byung ba'i mdo// // bslang ba dang zan dang skom la sogs pas bud med la bya/sa dang bong ba la sogs bud med kyi dbang por bcug na sbom po'o/ /bud med kyi mo mtshan du ming gis smos pa 'di rnams las gang yang rung reg par 'dod pa'i phyir bcug na sbom po'o / /chung ma zhig gnyid kyis log ste mo mtshan snang ba la drug sdes kha dang de ba sbibs shing bzhugs na bshos gsol zhes zer zhing mo mtshan du zan la sogs pa bcug pa las bcas/nyes byas pa ni rkang pa'am phrag pa la sogs pas bud med la phul na'o/ /'dod chags kyi sems med kyang bud med kyi khrod du lus dang phrag pa dang /rdog pa la sogs pas phul cing song na nyes byas/ de stan la yang ngo / /bud med kyi stan la bud med 'dug kyang rung mi 'dug kyang rung 'greng yang rung / 'dod chags kyi sems kyis phul tam reg na nyes byas/ bred de 'gyel ba'i bud med bslang na yang ngo //bud med steg 'chos pa la bslang na 'dod chags kyi sems med kyang nyes byas su 'gyur te/ shi ba'am ldang mi nus pa ma yin pas bslang ba'i skabs su mi 'bab pas nyes byas/ ltung ba med pa ni bud med kyi de la de gsum byas pa'o/ /mdo ltag ma gsum bud med kyi bdag la bya ste 'dod chags kyi sems ma langs pa ni nyes med/bzung ba yang ngo / / bud med kyis bdag gi lus kyi yan lag las bzung ste 'dod chags ma g.yos na nyes med/ mas 'khyud na yang ngo / /bdag gi mas sdug pa'i phyir lus la 'khyud de 'dod chags kyi sems ma langs na nyes med/bu mo pang du 'dug na yang ngo / /bdag gi bu mo sngon 'grogs 'grogs pa'i dbang gis bdag gi pang par 'dug pa ni nyes med/ 'gyel te bud med kyi steng du ltung na yang ngo / /rengs pa'am 'jigs pas bdag bud med kyi steng du 'gyel tam steg 'chos te reg na'ang nyes med/lus kyi reg pa ste bye brag tu gdon mi za ba'i'o / /'dzin pa'i dge 'dun gyi lhag ma 'dul ba bye brag tu gdon mi za ba'i nang nas 'byung ba'i mdo lus kyi reg pa'o/ /'dzin pa'i dge 'dun gyi lhag ma 'dul ba sde so so'i nang nas 'byung ba'i mdo rdzogs so// //'di man chad smye tshig la 'chad/ smye tshig tu smras/ 'dzin pa'i rtsis mgo bzhi'i steng du smye tshig tu smras pa 'dis bsnan te lngar ldan na lhag ma'o/ /smye'i don las so/ /smye tshig ni ra rgya rna ru bya'o zhes byas pa la bya /chags pa dang brtul ba dang rgyo'o zhes smras pa dang dga' bar tshor ba dang bud med yin pa dang / tshig brda phrad pa dang yan lag 'di rnams ldan na smye tshig gi lhag mar 'gyur ro/ /TI ka 'di ni mdo 'di gnyis la spyir 'chad/ gang gis chad par nus na des ni bsgo ba'i mtha'o//mi tshangs par spyod do zhes bud med la smra ba'i tshe mi tshangs par zhes ni khar byung gi spyod do zhes bya ba khar ma byung yang snga ma phyed byung bas mi tshangs par spyod par bud med kyis go na lhag mar 'gyur ro/ /der chud pa'i don smras na sbyor ba ma yin pa ma yin no//mi tshangs par spyod do zhes ni ma smras kyi steg sngags sam zur du smras te bud med kyis mi tshangs par spyad par go yang sbom po/ bstod pa dang / bud med kyi kha dang rkub dang mo mtshan gsum bzang ngo 'jam mo zhes bstod pa dang / smad pa dang sgo gsum la mnam mo mi sdug go bshul zhes smras pa dang /gsol ba dang bud med kyi sgo gsum la bslangs pa dang bud med nyid skog tu 'dong zhes bslangs pa/ nye bar gsol pa dang / bud med dang skyes pa gnyis yong gis lhan cig tu 'dug pa yin na phrad pa'i dus kyang dka' na'o/ / gnyis lhan cig 'khod dam zhes byas pa dang / dris pa dang bud med kyi sgo gas la khyod kyi sgo rnams ci 'dra zhes dris pa dang / kun dris pa dang bud med la'o/ /bu gnyis lhan cig 'khod na dga' ba'am mi dga' zhes dris pa dang / bshad pa dang bud med la nga ni khyod la dad cing dga' na khyod nga la dga' 'am mi dga' zhes byas pa dang /mos pa dang khyod dang ngag gnyis nam lhan cig tu 'grogs shing phrad ces smras pa dang / khros pa dang mo mtshan la dmar mo spun mo gleg mo 'dir mgal du ma chug ces byas pa dang / phyir smra ba dang ming gis smos pa 'di rnams gang yang rung ste/bud med kyis bdag la slar smras te bdag gis slar lan glan pa dang / tshig so so la bye brag med do/ /'di rnams gang yang rung ste bdag gis smras sam bud med kyis dris te lan glan zhing rgyo tshig dang ldan par smras na lhag mar 'gyur/ rgyo tshig med na gang smras kyang sbom po/ltung ba med pa ni yul gyi skad kyi dbang gis don gyi phyir bsams na'o/ /bdag gi yul gyi skad du smye tshig tu smra bar ma bsams par don gzhan gyi phyir smras pa las yul gzhan gyi skad du rgyo tshig tu gyur pa ni nyes med do/ /rgya gar yul gyi dge slong gcig gis stod phyogs kyi yul ko sa lar phyin te kun de med nas khyim pa khyo shug gnyis shig las kun de bslangs zhes byas pa dang /yul ko sa la'i skad du kun de la mo mtshan zhes zer te 'phyas su byas pa las bcas/ ming 'dra ba'i char gtogs pas kyang ngo //don gzhan du smras pa las tshig gi mgo'am mjug smye tshig 'dra bar 'byung ba'ang nyes med de / smye tshig tu smra ba'i ste/ rnam par 'byed pa'i'o/ /smye tshig tu smra ba'i dge 'dun gyi lhag ma 'dul ba rnam par 'byed pa'i nang nas 'byung ba'i mdo// // sbom po ni mdzes so zhes zer na yang ngo //bud med kyi sgo gsum la mdzes so bzang ngo zhes smras na sbom po/ /sdig to can no zhes na yang ngo / /kha dang stu 'dra ba'i sdig to can 'di zhes smras pa dang / sgo gsum las btsog pa sdig to can 'di zhes smras pa'am sbom po/ khyod kyi rma kha mdzes sam sdig to can 'di zhes na yang ngo //bud med kyi sgo gsum la mdzes sam/ sdig to can 'di zhes smras pa dang / sgo gsum la mdzes so bzang ngo zhes smras na yang ngo / /rgyo tshig dang mi ldan na sbom po/ go shig ces na yang ngo / /khyod kyi mo mtshan las shes nub 'ga' tsam nga la yang byin cig ces smras na yang sbom po/khyod dang lhan cig go shig ces na yang ngo / /bud med la khyod kyi khyo 'di snyed bdog na de snyed kyi shas las nga 'ang mo mtshan gyi shas las byin cig ces smras na yang sbom po/ nga dang lhan cig tu nyal ba'am tsor cig ces na yang ngo //bud med la nga dang lhan cig tu nyal lo zhes byas sam nga la cor cig ces byas na sbom por 'gyur/ smye tshig tu smras pa ste dris pa'i'o/ /rgyo tshig tu smras pa'i dge 'dun gyi lhag ma ste 'dul ba dris pa zhes bya ba'i nang nas 'byung ba'i mdo// // 'phrul pa sprul pa'i chos can la smras na'ang de lta bu'o/ /'phrul pa'i bud med nam mkha' la 'dug pa las / dge slong gis rgyo tshig smras na sbom po / rgyo byin cig ces kye sring mo kho bo la byin/ bud med la dge slong gi rgyo tshig ces bya ba'i tshig nyid du ni ma smras kyi rgya'am rgyu byin zhes smras te/rgya tshig bud med kyis go yang sbom po/ kye sring mo gang khyod la snang ba de byin/ bud med la mo mtshan bslang ba'i phyir khyod la snang zhing yod pa de nga la byin zhes smras na'ang sbom po/ kye sring mo gang khyod kyi mdun na mo de byin / bud med la mo mtshan bslang pa'i phyir khyod kyi mdun na yod pa de nga la byin zhes smras na yang sbom po/kye sring mo gang khyod kyi yid du 'ong ba de byin/ bud med la mo mtshan bslang ba'i phyir khyod kyi yid du 'ong ba de nga la byin zhes smras na'ang sbom po/ khyod 'dod pa byin cig ces nga la bsgo na khyod ci 'dod smros nga ni sring mo khyod 'dod do//khyim bdag mo na re khyod ci 'dod pa byin cig ces nga'i khyim thab zer na khyod ci 'dod ces zer ba la/ dge slong gis nga ni khyod 'dod ces byas na yang sbom po/ kye sring mo chu dang bza' ba dang thug pa dang mchod ston bzhin du khyod nga la byin zhes smras na yang ngo //khyim bdag mo bud med kyis/ dge slong la kha zas ming gis smos pa 'di rnams gsol zhes zer ba la/ dge slong gis kha zas de bzhin du/ khyod la nga bkres shing skom gyis khyod bdag 'dod do zhes smras na'ang sbom po/bong bu dang khyod 'di byos shig /bud med la khro ba'i tshig tu bong bu dang rgyo shig ces bya ba'i phyir bong bu dang / bud med khyod 'di byos shig ces byas na'ang sbom po/ sring mo bsod snyoms ma skyes bu la 'dod pa gleng bar spyad pa spyod do/ /dge slong ma gdong 'khru ba'am mig rtsis bskus pa la khyod skyes pa 'dod chags slong ba'i phyir byed do zhes byas na'ang sbom po/mgal dum der chug /bud med la mo mtshan du mgal du ma chug ces smras na'ang sbom po/ rang bzhin gyi smye tshig tu smra ba la smye tshig tu smra ba/ dge slong rtag tu kha ngan smye tshig tu smra ba dar bzhin du zer yang rgyo tshig smras na ni mi 'bri ste mdo ltag ma rnams smras na sbom po/smye tshig smra ba bye brag tu gdon mi za ba'i'o/ /smye tshig tu smra ba 'dul ba'i bye brag tu gdon mi za ba zhes bya ba'i nang nas 'byung ba'i mdo/ smye tshig smra ba'i'o //smye tshig tu smra ba dge 'dun gyi lhag ma 'dul ba sos nas 'byung ba rdzogs so// //khun spyod la 'chad/ smye bas bdag gi g.yog tu brjod na yang ngo / /bu mo spyod pa'i nang na gtso bo ste nga lta bu/ dge slong tshul khrims dang ldan yon tan dang ldan pa zhes bdag la bstod pa dang rgyo tshig dang ldan par bud med la smras na /dge 'dun gyi lhag mar 'gyur ro/ /chags pa dang brtul ba dang dga' bar tshor ba dang bud med brda phrad cing legs nyes shes pa dang spyi'i rtsis mgo 'di rnams gang yang rung / kun spyod kyi lhag ma'i yan lag tu gtogs so//bstod nas rjes su yi rang ba'i tshig kyang de bzhin no/ /bud med kyis 'di ni spyod pa'i nang na gtso bo ste/ khyod lta bu dge slong tshul khrims dang ldan na yon tan dang ldan / dge ba'i chos dang tshangs par spyod pa'o zhes bstod cing smra ba la/ dge slong dga' nas khyod zer ba bzhin du nga yin no zhes smras na/bud med de skad zer ba rgyo tshig dang ldan na dge 'dun gyi lhag ma'o/ /de la zlos shing smra de na'o / /bud med de na re 'di ni spyod pa'i na gtso ste khyod lta bu'o/ / dge slong tshul khrims dang ldan yon tan dang ldan / dge ba'i chos dang tshangs par spyod pa'o zhes bstod cing rgyo tshig dang ldan par smra ba la dge slong gis de bzhin du bzlas te smras na yang lhag ma'o//des smye tshig gam ma byung na sbyor ba'o/ /dge slong gis smye tshig tu'ang smras/ bdag ces kyang byas na lhag ma bdag gam rgyo tshig gang yang rung gcig ma phyung na sbom po/gnyis ka na ni de'o/ /smye tshig kyang ma phyung bdag ces kyang ma byas par dge slong yon tan dang ldan pa'i g.yog byas na bsod nams che'o zhes byas na nyes byas/ kun spyod bsngags pa'o/ /kun spyod pa bsngags pa'i dge 'dun gyi lhag ma rnam par 'byed pa'i nang nas 'byung ba'i mdo// // smyan gyi lhag ma la 'chad de/ sdud pa bud med dang skyes pa gnyis bsdus dang / gzhan la'o pha rol gzhan gnyis bsdus pa dang / gzhan gyis bdag dang gzhan du 'du ba la mi bya'i gzhan dang gzhan du bsdus pa dang / de'i phyir bsdu bar bya ba'i phyir dang /mi mthun pa la mthun par grub pa'i phyir/ khyo shug lta bu sngon 'dus zin pa dang / sngar mi tshangs par spyod spyod pa ma yin pa ma 'dus shing ma phrad pa la gnyis bsdus pa dang / pho nyar phrin pa bsdu ba'i phyir bdag gis pho nyar phrin byas pa dang / sprad pa las gnyis bsdu ba'i phyir bud med dam skyes pa gang rung gcig las sprad par bya ba'i cha mnos pa dang / pha rol du sbron pa mdo ltag ma ltar cha nos nas gang dang bsdu ba'i mi pha rol po de la phrin bskyal ba dang / der smras nas snga ma la sbron pa/ mdo ltag ma ltar phrin bskyal nas de ltar rung ngo zhes zer ba'i lan slar bskyal ba dang yan lag 'di rnams ldan na smyan byed pa'i lhag mar 'gyur ro//cha nos te sbran nas des thob pa/ dge slong dang bud med dang skyes pa gsum mngon sum du 'khod de skyes pas/ dge slong la bud med 'o ni la nga dang nyal du rung ngam mi rung zhes phrin zer du bcug ste skyes pa'i tshig kyang bud med kyis thos bud med la phrin byas nas rung ngo zhes byas pa'ang skyes pas thos bzhin du rung ba'i lan slar bskyal ba dang /lhag ma mngon sum du kun thos te lan ring nas ma bsdus zhes lhag mar mi 'gyur du ma re shig /'di dag byed pa ni tha dad du'o/ /smyan bya bar cha mnos shing phrin bskyal ba lan re re la sbom po re rer 'gyur te/ lan brgya zhig bskyal te phrin byas na sbom po brgya'o/ /tha mar byas kyang mi na mi sbyor ba ma yin/ smyan bya ba'i phyir phrin byed pa las pho mo gnyis ma 'dus shing ma phrad du zin kyang phrin pa lan re re la sbom po re re yod do//'bras bu gcig kyang byed pas zin na byed pa so so la med par mi 'gyur ro/ /chung ma'am mi tshangs par spyod du mi khugs pa'i phyir/ dge slong mang mo zhig la phe'u byed par bcol te/smyan byed du bcug nas 'dus par gyur na yang dge slong kun la lhag ma re rer 'gyur ro/ /phan tshun du phrin byed pa'i tshe yang dge slong kun la sbom po re re yod do/ /dge slong mang zhig la phe'ur bcol ba'i nang nas smyan gyi phe'ur par ma btub pa'i rnams la nyes med do//'dir bdag bzhin du pho nyas kyang bdag smyan gyi phrin pa byed du bcug pa las/ bdag gi yang gzhan zhig la smyan gyi phrin par bcug ste smyan gyi don grub na 'dus par gyur na yang lhag ma/ sbyar na bdag po la yang ngo / /jo bo'am pha ma'am dpon po lta bu khyo shug sdud cig 'tshem pa'i dbang yod pa zhig la/sdus shig ces byas te 'dus na'ang lhag mar 'gyur/ nyes byas pa ni gzhan la'o/ /sdud cing 'tshem pa'i dbang med pa zhig la de gnyis sdus shig ces byas na bsdu ba'i dbang med pas nyes byas/ ngag bzhin du smyan bya ba'i phrin byed pa bzhin ming gis smos pa 'di rnams kyi don grub par gyur na lhag ma/yi ge dang yi ge spring ste bsdus pa dang sa la bris te brda phrad nas bsdus pa dang / lag brda dang lag pas brda byas te bsdus pa dang / btus pa dang shing ngam rdo 'am sa tshigs 'dir shog shig ces btus te bsdus pa dang /dus dang / nyi tshod 'di tsam na shog shig ces byas te bsdus pa dang / mtshan ma dag kyang ngo / /gos 'di 'dra ba zhig bsgyur te gyon na 'dir shog shig ces byas te bsdus pa dang 'di rnams gang yang rung 'dus par gyur na lhag ma/stu 'tshong ma la yang mthun pa ma yin/ stu 'tshong ma dang mi tshangs par spyod pa'i smyan byas te bsdus na yang lhag ma ste yong gis/ stu 'tshong ma lta kun dbang gis snyam ste skad cig sprad pas lhag mar mi 'gyur snyam ma re shig /bzhi tshun chad bdag gi ma yin pa sbyar na yang ngo //skyes pa dang bud med sngon mi tshangs par spyod pa lan gsum man chad cig phrad zin pa las bsdus te dge slong gis smyan byas na lhag mar 'gyur/ lan gsum na sngar phrad du zin kyang lan bzhi'i tshe dge slong smyan byas te bsdus pa ni sbom po'o / / lan bzhi yan chad sngar phrad zin pa las bsdus na'ang sbom po/ 'thabs na zhig pa'o/ /khyim pa khyo shug 'thabs te bye ba las dge slong gis bcug ste slar bsdums na lhag mar 'gyur ro/ /chung ma ji lta bu las bye ste bsdums na lhag mar 'gyur ba'o gnas bshad/ de ste de'i dbang gis chung ma ma yin par bsgo ba yang ngo //chung ma dang bye ba ni chung ma la rnam pa bdun yod de lag tu chu byin pa dang rin gyis nyos pa dang gnangs su thob pa dang gsum ni khyo la dbang yod pa ste/ khyos btang ba la las bsdums na lhag mar 'gyur/ bdag dang de gnas pa dang 'tsho ba'i phyir gnas pa dang 'tsho ba spyir bsdus te gnas pa dang /skad cig 'khod pa dang bzhi ni 'thabs ma thag tu bye ba pa yin te de las bsdums na lhag mar 'gyur ro/ /'thabs pa'i tshad ji tsam gyis na bye ba yin pa dang / ji tsam 'thabs pa las bsdums na lhag mar 'gyur ba dang /sbom por 'gyur ba dang nyes byas su 'gyur ba 'og nas bshad/ srog chags bzhin du bud med dang skyes pa gnyis shing bsdus pa du'i smyan byas pa bzhin du ming gis smos pa 'di rnams gang yang rung ste re re la lhag mar 'gyur/de'i tshe dang de gnas pa la sogs pa chung ma bzhi ni khyo shugs 'thabs pa'i tshe bsdums na lhag ma/ khyo la dbang yod pa'i chung ma gsum gang yang rung ba 'thabs pa'i tshe bsdums na nyes byas gcig /de ma thag ma dang dad de gnas pa la sogs pa chung ma bzhi 'thabs ni zin gyi dang ma las shing so so nas 'khod pa la bsdums na lhag ma/khyo la dbang yod pa'i bud med gsum gang yang rung khyo shug 'thabs te dang ma las pa las bsdus na nyes byas gnyis/ 'thabs pa rtsa bcad pa dang / dad de gnas pa la sogs pa'i bud med bzhi gang yang rung khyo shug 'thabs nas rtsa bcad de bor ba 'phro slar mi 'byor ba bzhin du deng gnyis kyang mi 'dum ste bye'o zhes zer ba la bsdums na lhag ma/khyo la dbang yod pa'i bud med gang yang rung gsum khyo shug 'thabs te rtsa bcad bzhin du mi 'dum mo zhes zer ba las bsdums na nyes byas gsum/rdo gsum bor ba dang / de gnas pa la sogs pa'i bud med bzhi gang yang rung khyo shug 'thabs te rdo gsum phyogs bzhir bor ba bzhin du nged gnyis kyang slar mi 'dum ste bye'o zhes zer ba la bsdums na lhag ma'o/ /khyo la dbang yod pa'i chung ma gsum gang yang rung ste khyo shug 'thabs te phyogs bzhir rdo bor ba bzhin nga dang gnyis mi 'dum zhes zer ba la bsdums na nyes byas gsum sbom po gcig /spyod pa btang ba dang / dang de gnas pa la sogs pa chung ma bzhi gang yang rung ste khyo shug 'thabs nas so nam dang spyod pa btang ste so so na 'khod pa las bsdums na lhag ma/khyo la dbang yod pa'i chung ma gsum gang yang rung 'thabs te spyod pa btang ba las bsdums na nyes byas gsum sbom po gnyis/ chung ma ma yin par bsgo ba dang / dang de gnas pa la sogs pa'i chung ma bzhi gang yang rung 'thabs pa nas mi mang po'i drung du bye ste/khyo shug ma yin no zhes bsgo ba las bsdums na lhag ma khyo la dbang yod pa'i chung ma gsum gang yang rung chung ma ma yin par bsgo ba las bsdums na nyes byas gsum sbom po gsum lhag ma gcig /dril brdungs pa dag go /dang de gnas pa la sogs pa'i chung ma bzhi gang yang rung khyo shug 'thabs te chung mas mur 'dug gi lha ris su bdag gi lus phul lo zhes byas pa las slar bsdums na lhag ma/ khyo la dbang yod pa'i chung ma gsum gang yang rung 'thabs te bud med kyis dril brdungs te mur 'dug gi lha ris su lus phul bas bsdums na nyes byas gsum sbom po gsum lhag ma gnyis TI ka las sbom po bzhir bshad do//nyes byas pa ni 'di'i thog ma gsum po/ mdo ltag ma la bye ba'i rim pa rnam pa bdun smos pa la rim bzhin du thog ma gsum ni nyes byas/bar ma gnyis ni sbom po tha ma gnyis ni ltag ma ste khyo la dbang yod pa'i bud med gsum la 'chad de zhib tu ni ming gis smos pa rnams bdun gyi thad ka thad kar bshad pa yin no/ /ci'i phyir na 'di'i khyim mi dbub pa dang gyos po'i khyim du mi gtang / dge slong grong du 'ongs pa dag gis khyim pa'i bus pa'i pha ma ngag bsgo ba bus pa 'di dag ci'i phyir khyim mi dbub ces smras na sbom po bud med khyim thab la song ba zhig slar pha ma'i pang du 'ong zhing 'dug pa la/ dge slong na re 'di ci'i phyir gyos po'i gan du mi gtang zhes byas na sbom po/mi bkri zhes smras na yang ngo / /bud med khyim thab la btang ba slar pha ma'i pang du 'ongs shing 'dug pa la/ dge slong gis bu mo'i khyim thab dang gyos rgyug gi gan du bu mo 'di mi bkri mi dgug ji bya zhes byas na sbom po/ smyan gyi ste rnam par 'byed pa'i'o/ / smyan gyi dge 'dun gyi lhag ma ste/ 'dul ba rnam par 'byed pa'i nang nas 'byung ba'i mdo// // smyan byas te lhag mar mi 'gyur sbom por 'gyur te 'og nas bshad/ sbom po ni mngal gyi dang / dge slong gi bu mngal na yod pa gnyis la/ gcig pho gcig mo yin na khyo shug tu sdus shig ces byas na sbom po/med pa dang bus mngal na yang med pa la bu gcig pho bu gcig mo zhig yod par gyur na sdus shig ces byas na sbom po/ sdom pa dang / mur 'dug gi rab tu byung ba mi tshangs par mi spyod pa zhig la khyim ma dang 'du shes zhes byas sam sdom pa nang 'du shig ces byas na sbom po/gzhug gnas med pa dang ma ning pho'i mtshan dang ma ning mo mtshan spyad du mi rung ba zhig nang bsdus sam gzhan dang bsdus na sbom po/ nyos pa dang bran du nyos te rin byin pa las bsdus pa'ang sbom po/ 'byor pa dang / sngon lan gsum phrad zin pa dang chung mar nyos te rin byin pa las bsdus na sbom po/ /bdag gir smyan byas pa'o/ /bdag bud med de dang sprod cig ces byas sam bud med de nga'i mi tshangs par spyod pa byas khrid de shog shig ces byas na sbom po/ khas blangs pa la bstan na yang ngo //bud med dang skyes pa gnyis shig mi tshangs par spyod par dus byas pa las/ dus lam du ma phrad de lam snol nas 'dri ba de la/ dge slong gis mi tshangs par spyod par shes te bstan na sbom po/ 'thab mos brkus na yang ngo / /sngar chung mar byin pa'am sngon mi tshangs par spyod spyod pa zhig pha mas bgags te mi ster ba la dge slong gis/pha ma 'thab mod brjod de bu mo skyes par brkur bcug gam bud med dus mal du btang na sbom po/ bud med che ge mo zhig chung mar nyos shig ces smras na yang ngo / /dge slong gis skyes pa la bud med ming dang snyo ge mo zhig chung mar nyos shig ces bsgo na yang sbom po//nyes byas pa ni bud med ces na'o/ /skyes pa chung ma med pa la khyod la chung ma med dam chung ma blangs sam zhes smras na nyes byas/ de thob bam zhes na yang ngo / /skyes pa chung ma med pa la khyod la las byed pa dang spa brtul byed pa med dam zhes byas na nyes byas/smyan gyi ste dris pa'i'o / /smyan gyi dge 'dun gyi lhag ma ste 'dul ba dris pa zhes bya ba'i nang nas 'byung ba'i mdo// // sbom po ni sbyin pa las gyur pa bcug pa'o/ /pha mas sngar chung ma byin pa la phyis mi ster ba la/dge slong la pha 'ur bcol te pha bur byas te bsdus na sbom po/ khye'u dang bu mo gnyis shig gi pha ma 'thabs te byas pa khyo shug tu bsdu bar byas nas khye'u gcig gi pha ma shi ba dang bu mo'i pha mas ma ster te khye'us dge slong la phrin par bcol te/ dge slong gis bu mo nyid la khyod ni khye'u 'di dbang ba yin na 'gro ba'i rigs so zhes byas nas 'dus pa las bcas/ chos kyi phyir nor gyis mdun du byas te bos na yang ngo / /bud med dang skyes pa sngon phrad pa zhig las byed de phrad du mi spobs pa las/ dge slong gis mchod ston gyi nang du bkug ste sprad na yang sbom po/bud med dang skyes pa gnyis shig sngon phrad zin pa las 'thabs nas phrad mi spobs pa las/ dge slong gis thabs byas te mchod ston gyi rgyu bud med sbyor du bcug nas skyes pa las mi brnyas te sprad par byas nas mi tshangs par spyod du bcug pa las bcas/gzhan gyi phyir ldan na yang ngo / /khyim thab byes su song ba'i bud med gcig la mi dra ma zhig chung mar blangs par byas pa las bud med de ma btub nas khyim thab kyang byes su shi mi dra ma des sha nar byas te/ bud med de sman kun dong du bcug pa las chung ma de'i mas/dge slong gcig la spring ste bdag cag ma smad ni khyod mnga' ste khyod kyis bka' ci stsal bar bas so zhes byas nas/ dge slong gis phrin byas te bsdus pa las bcas/ de ltar byas na sbom po/ ma khros par sems can lab gzhan du yang ma yin zhes par ma chud pa ma yin no//khro sems med par sems can nam rdo shing ci yang rung thal mo dang khu tshur gyis bsnun na nyes byas/ bud med dang skyes pa sngon phrad pa zhig las skyes pas bud med la mi tshangs par spyod du dong zhes byas pa dang / bud med na re brel gyi dge slong zhig mngags te des khyed kyi rgyab tu khu tshur cig bsnun na shog shig ces byas te bud med kyis dge slong la skyes pa de'i rgyab tu khu tshur cig snun cig ces bsgos nas dge slong gis skyes pa la khu tshur cig bsnun pa dang /skyes pa na re nged mi tshangs par spyod pa'i tha na khyod kyis byas kyi dge'o zhes byas/'dus pa'i 'og tu dge slong the tshom zos nas phyin chad khro sems med par sems can dang rdo shing la khu tshur gyis brdegs na nyes byas zhes bcas/ smyan gyis ta rnam par gdon mi za ba'i'o/ /smyan gyi dge 'dun gyi lhag ma ste 'dul ba bye brag tu gdon mi za ba'i nang nas 'byung ba'i mdo//smyan gyi'o/ /smyan gyi dge 'dun gyi lhag ma ste 'dul ba sde so so'i nang nas 'byung ba'i mdo rdzogs so// //khang pa'i dge 'dun gyi lhag ma la 'chad/ nyes med pa ni spyod lam bzhi'i snod med pa'o/ / khang bu chur gom pa gsum mam lus 'phres na shong ba dang zheng du skyil mo krung bcas na bde blag tu shong ba dang 'phang du 'greng na spyi bo reg tsam byas te brtsigs pa ni nyes med do/ /bsgos pa dang ma bsgos pa'ang tha mi dad do/ /gang zag cig gi phyir khang pa brtsigs la bdag gis rgyu phyung ste sa mi gtsang yang glas rtsigs shig ces/dge slong cig la bcol na lhag ma bcol ba'i dge slong gis kyang mi gtsang bzhin du brtsegs na lhag ma rgyu phog ste lhag mar mi 'gyur/ tshul bzhin du rtsigs shig byas pa las de bzhin du ma byas la rjes su yi rang ste rgyu phyi mas kyang bsnan te byed du bcug na lhag ma/tshul bzhin du rtsig tu bcug pa las nyes par brtsigs te nyes so zhes byas nas rgyu phyi ma yang ma yin par btang na nyes med/ bcol ba yang bdag po bzhin no/ /mdo ltag ma ltar rgyu phog ste gzhan rtsig tu bcug pa bdag gis rgyu phyung yang lag dar te ma brtsigs pas lhag mar mi 'gyur ro snyam bsams kyang lhag mar 'gyur ro //bcol ba'i dge slong des kyang bdag gis brtsigs kyang rgyu gzhan gyi yin pas lhag mar mi 'gyur ro snyam bsams kyang mi phan te lhag mar 'gyur ro / /smras pa bzhin du ma byas pa la lus dang ngag gis mos pa yang ngo / / mdo ltag ma'i yang ltag ma'i nang nas 'byung ba bzhin du khang pa tshul bzhin du rtsigs shig ces bsgo ste rgyu byin pa las bsgo ba bzhin du ma byas te nyes par brtsigs pa la ngag gis de ltar brtsigs kyang rung ngo / / rjes su yi rang bar smras pa dang lus kyis rjes su yi rang ste las byed pa'i grogs byas pa rtsam gyis lhag mar 'gyur ro//byas pa la gcig go /khang pa lhag mar 'gyur ba zhig brtsigs te skabs skabs su bzhag cing brtsigs pa'am rmad bres pa'am thog bor ba lta bu re re la sbom po re rer mi 'gyur gyi sbom po gcig dang zin na lhag mar 'gyur du zad do/ /yan lag ni tha dad du mi byed do//sa ni gtsang ba dang tshad las 'das pa dang dge 'dun la ma gsol ba la sogs pa yan lag re re la sbom po re rer mi 'gyur gyi yan lag gcig dang ldan pa gzhan dang ma ldan na sbom po/ bslangs pa des bsgo na'o/ /bdag gi phyir khang pa brtsigs pa'i rgyu bdag nyid kyis bslangs kyang rung gzhan btang ste slong du bcug kyang rung yan lag gcig /de'i rnam pas so / /gser dngul dang shing dang pha gu la sogs pa yan lag gcig /khang pa'i gzhi bslangs pa la yan lag gcig ste/ yan lag 'di gnyis la gcig tu'ang brtsi/ dngos po mi gtsang na'o/ /khang pa brtsigs pa'i sa mi gtsang ba dang /ma gsol na'o/ /khang pa brtsigs pa dang dge 'dun la ma gsol ba dang / gnas khang yin pa dang / byed du bcug na'o/ /bdag gis byed dam gzhan byed du bcug pa dang / mtha' so khang pa zin par yang byas pa dang / bslangs pa ma gtogs te de ma thag pa'ang 'di bzhin no//dge 'dun gyi phyir khang chen brtsigs pa yan lag ltag tu smos pa rnams las mdo bslangs pa dang de'i rnam pa gnyis zhes zer ba gnyis ma gtogs par gzhan kun khang chen gyi yan lag tu gtogs so/ /gcig gi phyir ro/ /bdag gcig pu'i phyir brtsigs kyang rung grogs dge slong gcig gi phyir brtsigs kyang rung yan lag gcig /tshad las 'das pa'o/ /tshad las kyang 'das par brtsigs pa dang yan lag dgu dang ldan na bdag gi phyir khang pa brtsigs pa'i lhag mar 'gyur ro / /ma brtags pa dang rtsod pa dang mi yangs pa ni mi gtsang ba'o/ /ltag na mdo mi gtsang zhes 'byung ba ni ma brtags pa dang rtsod pa dang mi yangs pa gsum ni mi gtsang ba zhes bya'o//ji ltar ma brtags pa dang rtsod pa dang mi yangs pa ni mdo 'og ma las 'chad pa yin/ 'gro ba phre'u'i tshad dang / khang pa brtsigs pa'i sa dang sbrul lam sdig sbrul la sogs pa'i tshang yod pa ni ma brtags pa zhes bya'o//rgyal po dang / rgyal po'i khrims dang mi 'dra ba la sogs pa'i grong dang nye bar brtsigs pa dang / lha'i grong dang / mur 'dug gi gnas su nye ba dang / mur 'dug nyid kyi grong dang nye bar brtsigs pa dang / shing mi gtsang ba dang / yul mi spyod pa'i grib shing bcad cing mi brtsig pa dang 'di rnams ni rtsod pa zhes bya'o//'dom gyi mtha' tshun chad dang / ming gis smos pa 'di rnams ni khang pa'i rmang la mi gnod na bar 'dom gang tsam gyis bcad nas brtsig /khang pa la gnod cing dog na 'dom dus bcad kyang mi phan te mi yangs pa zhes bya ste/phyi rol gyi chu bo dang / 'bab chu dang gtsang po la sogs pa'i 'gram du mi brtsig /gad kha dang gad pa dang grog po la sogs pa'i khar nye bar mi brtsig /khron pas yog ste khron pa dang rdzing bu dang mtshe'u la sogs pa dang nye bar mi brtsig ste 'di rnams ni mi yangs pa zhes bya'o//'di rnams ni grangs ji bzhin pa'o/ /mdo ltag ma ma brtags pa rtsod pa dang mi yangs pa zhes 'byung ba la mdo 'dis go rims bzhin du 'chad cing gnyer song ba la bya/ tshad ma'i khru phyed dang do la bde bar gshegs pa'i mtho'o/ /ltag nas mdo tshad las 'das zhes 'byung ba la 'chad de/tshad ni mi 'bring po'i lus la khru phyed dang bzhi yod pa'i khru phyed dang do la bde bar gshegs pa'i mtho gang gi tshad du brtsi'o/ /de'i mtho bcu gnyis dang bdun te nang rgya'i tshad do/ /khang pa'i chur ni bde bar gshegs pa'i mtho bcu gnyis/ zheng du bde bar gshegs pa'i mtho bdun gyi tshad du rmang gi nang logs nas bcal /gsol ba ni dge 'dun la gsol te thos na'o/ /ltag na mdo ma gsol na zhes 'byung ba la 'chad de/ gsol ba ni mtshams gcig gi dge 'dun thams cad la las byed pa'i dge slong gcig gis gsol te gnang na brtsigs / gnang ba ma byin na dge 'dun la nyes byas/mi gtsang na mi gsol/ khang pa brtsig pa'i sa ma brtags pa dang mi yangs pa na khang pa su brtsig pa'i dge slong des mi gsol/ gsol na gsol ba'i tshe nyes byas/ bdag cag gam dge slong dag la bskos te thong la yid ches par gyis shig /dge slong khang pa brtsigs par dge 'dun la gsol na khang pa'i sa dge 'dun gyis blta'o//dge 'dun la zad pa ltar nus na yang dge slong khrims la mkhas shing cong rol mi byed pa yid ches shing brtan pa las khang pa'i sa ltar dgye'o/ /gding ba yang de bzhin no/ /gding ba lo drug lon pa sar pas brje na/snying po spyad du bzod dam mi bzod dge 'dun gyis blta ba yang khang sa dge 'dun gyis blta ba dang 'dra'o/ /ltung ba med pa ni byas pa'i rnyed pa dang spyod pa'o/ /khang pa la nyes par mi 'gyur ba ni brtsigs zin pa cig gzhan gyis sbyin pa dang gzhan gyis brtsigs pa'i nang nas gnas shing spyod pa ni nyes med do//gding ba yang lo drug ma lon zhing spyad du bzod pa las gzhan gyis sar pa zhig byin te bcangs shing spyad kyang nyes med do/ /rnying pa la bcos na yang ngo / /khang pa rnying pa grum pa dang gas pa dang ral pa bcos pa'ang nyes med/ gding ba'ang de dang 'dra/ khang pa'i ste dge 'dun gyi lhag ma'o//khang pa'i dge 'dun gyi lhag ma ste 'dul ba rnam par 'byed pa'i nang nas 'byung ba'i mdo// //dge 'dun gyi phyir ro/ /khang chen ni dge 'dun gyi phyir byas pa yan lag gcig tu brtsis te ltag tu bdag gi phyir khang pa brtsigs pa'i yan lag rnams kyi steng du 'dis bsnan te sngar ldan na lhag mar 'gyur/gtsug lag khang gi dge 'dun gyi lhag ma'o/ /khang chen gyi dge 'dun gyi lhag ma ste 'dul ba rnam par 'byed pa'i nang nas 'byung ba'i mdo// // brtsams pas na sbyor ba'i'o/ /bdag gis khang pa brtsigs pa lhag mar 'gyur ba zhig las zin par ma byas te rked chad du bor na sbom po/zin na sbom por 'gyur ba las rked chad du bor na nyes byas/ thog ma phub par zin pa yang de bzhin no/ /khang pa brtsigs nas thog ma phub par bor na sbom po thog mi dbub par bsams te thog ma phub par bzhag na sbom po/ du ma'i phyir ba'o//phyogs bcu'i dge 'dun gyi phyir yang ma yin mi gcig gi phyir yang ma yin par gnyis yan chad du yang rung ming gis bsngos te/ 'di rnams kyi phyir bya'o zhes brtsigs na sbom po/ ma btang ba'o/ /khang pa'i gzhi gzhan gyis ma byin nam ma nyos par thug thub tu brtsigs te rku sems dang mi ldan par brtsigs na sbom po/rku sems dang ldan pa ni pham pa'i skabs su 'chad/ gang zag gis so/ /khang pa'i sa dang rin bdag nyid kyi yin pa las brtsigs na'ang sbom po/ brtsams pa yang ngo / /gzhan zhig gis khang pa brtsigs te lhag mar 'gyur ba zhig 'phro bor te lus pa las dge slong cig gis 'phro brtsigs na sbom po/nyes byas pa ni gsol ba'i 'og tu zin par ma byas pa'o/ /khang pa brtsigs par dge 'dun la gsol to/ / gnas pa las phyis ma brtsigs par bor na nyes byas/ khang pa'i gtsug lag khang dge 'dun gyi lhag mar gtogs pa ste dris pa'i'o// khang pa dang gtsug lag khang gi dge 'dun gyi lhag ma ste 'dul ba dris pa zhes bya ba'i nang nas 'byung ba'i mdo// // rtsa ba med pa'i lhag ma la 'chad de/ dge slong phas pham pa'i kun spyod pa/ dge slong phas pham pa med pa la phas pham pa gang kyang rung byas so zhes skur pa dang /dge slong pham pa yod pa zhig la pham pas skur na'ang lhag mar 'gyur/ ltung ba yang 'dir bdag gi phyogs su yan lag tu ma yin te/ dge slong phas dge slong ma la phas pham par skur ba dang / dge slong mas dge slong pha la phas pham pas skur pa yang /sde mi mthun pa'i phyir lhag mar mi 'gyur ba ni ma yin te lhag mar 'gyur ro/ /la la brdzun gyis bsgo na'o/ /dge slong tshul khrims dang ldan pa dang chos log pa la bltas pa la dge slong tshul khrims la dam zhing log pa la ma bltas pas skur kyang lhag mar 'gyur/de bzhin du log pa la bltas pas log pa la ma bltas pa la skur na yang lhag mar 'gyur/ 'pho bar 'dod pas so/ /dge slong tshangs par spyod pa dang sangs rgyas kyi chos dang dbral bar bya ba'i phyir byas pa dang / dge slong phas pham pa med de gtsang ba dang brdzun du skur ba dang /bdag gis smras te gzhan gyis thos te go ba dang / yan lag 'di bzhi dang ldan na rtsa ba med pa la skur na lhag ma/ de rtsa ba gzhan du ma yin no/ /dge slong phas pham pa bzhi las gang yang rung ba cig yod pa las pham pa gzhan du ming gis bsnor te skur na yang lhag ma/phas pham pa med pa la brkus pa'i phas pham par skur bar bsam pa las brdzun gyi phas pham pa byas so zhes smras na'ang lhag mar 'gyur/ brjed na med pa'o/ /dge slong phas pham pa yod par sngon shes shes pa las brjed de mi dran pa bzhin du phas pham pa byas so zhes skur na'ang lhag ma/rkyen ma yin pa ni mi brdzun par yang dag pa'i don to/ /phas pham pa yod par mi shes bzhin du skur pa dang phas pham pa yod pa la brjed de skur ba dang phas pham pa yod la ming bsnor te skur pa rnams ni phas pham pa yod de bden kyang bdag gi sems la sangs rgyas kyi chos dang bral zhing skur ba gdab par bsam pa'i phyir lhag mar mi 'gyur ba'i rkyen ma yin te lhag mar 'gyur ro//rtsa ba med pa'i dge 'dun gyi lhag ma'o/ /rtsa ba med pa'i dge 'dun gyi lhag ma 'dul ba rnam par 'byed pa'i nang nas 'byung ba'i mdo// // rnam par ma yin pa'i chas skur pa'i lhag ma la 'chad de/tshig las gzhan pa la gnas te ngag gis brdzun na'o/ /dge slong pha dang dge slong ma gnyis shig kyang 'dug pha rol na sha ba rgyo zhing 'khod pa las sha ba rgyo ba'i cha blangs te/ dge slong pho mo gnyis shig 'khod pa la rgyo bo zhes skur ba las bcas te/ dge slong gtsang ma la gzhan rkub dang rgyo ba'i cha blangs te skur na lhag ma/lhag ma rtsa ba med pa rtsis mgo snga ma bzhi'i steng du rnam par ma yin pa'i chas skur pa 'dis bsnan te lngar ldan na lhag ma/ gzhan gyi chas skur ba'i dge 'dun gyi lhag ma ste 'dul ba rnam par 'byed pa'i mdo // //sbom po ni gzhug gnas med pa la skur ba'o//dge slong pho mtshan chad pa mi tshangs par spyod du mi rung ba zhig la mi tshangs par spyod do zhes skur na rtsa ba med pa dang rnam par ma yin pa'i cha gang yang rung ste sbom po / ming ma phyung ba yang ngo / /dge 'dun nam dge slong mang zhig 'khod pa'i nang du ming nas ma phyung zhing dmigs kyis ma bsngos par 'di'i nang na ni pham pa yod ces smras te 'phrig tu bcug pa ni sbom po/yang dag par gshegs pa la ngan sems kyis khrag phyung ba dang dge 'dun gyi dbyen kyang / yang dag par gshegs pa la ngan sems kyis khrag phyung ba dang /dge 'dun gyi dbyen byas te gsol ba dang zhu ba lan gsum du ma bsgo ba ni sdig gi 'bras bu mtshams med par 'gyur/ ltung ba'i rim pa ni sbom por 'gyur te ngan sems kyis khrag phyung ngo zhes skur ba dang dge 'dun gyi dbyen byas so zhes skur ba ni rtsa ba med pa'i dge 'dun gyi lhag ma'i sbom po /'phrig du bcug pa ni smra sems tha dad par smras pa la sogs pa ni nyes byas pa'o/ /dge slong mang zhig gi khrod du ldem po ngag tu phas pham pa yang byed pa yod pa lta zhig ces bya ba dang 'dra ba'i tshig zur du smras te/ dge slong du 'phrig tu bcug pa bzhin du nyes byas re rer 'gyur ro//rtsa ba med pa dang bag ste dris pa'i 'o/ /rtsa ba med pa dang bdag gi dge 'dun gyi lhag ma ste 'dul ba dris pa zhes bya ba'i nang nas 'byung ba'i mdo'o// // dbyen gyi lhag ma la 'chad de/ sbom po ni pha rol gyi 'khor las drangs pa'o//gzhan gyi slob ma dge slong cig gis kha drangs te bdag gi slob mar byas na dge 'dun gyi lhag ma'i dbyen gyi sbom po/ bzlog pa lta bus mi gtong bar nan tan byed pa lta bu dang mthun no/ /de ba dat+ta lta bur 'khor lo'i dbyen byas te dbyen ma byed ces dge 'dun gyis gsol ba dang /zhu ba'i las kyis lan gsum du bsgos te ma nyan nas dbyen byed pa lta bu las ldog tu ma btub na dge 'dun gyi lhag mar 'gyur/ rjes su phyogs pa dang rigs sun pa dang bka' blo mi bde ba gsum yan lag gsum du bsgos te ma btang na lhag mar 'gyur ro/ /bzlog pa bzhin du zhu ba'o//'og nas gsol ba'i las gsum gyis bsgo ba lan re la sbom po re rer 'gyur ba bzhin du/ dge slong ming 'di zhes bya ba dbyen la zhugs kyis dge 'dun gyis bsgo ba'i las bya'o zhes zhu ba'i tshe'ang sbom po gcig /ngag thang cig gis so/ /gsol ba'i las kyi bsgo ba lan gsum dang zhu ba dang bzhi byed pa'i tshe tshig re re la nyes pa re rer mi 'gyur gyi bsgo ba lan re re dang dang zhu ba so so'i tshig mjug rdzogs shing nyes pa so sor sbom por 'gyur/bslab pa ni so sor ro/ /dbyen dang rjes su phyogs pa dang rigs sun pa dang ngag dka' ba gang yang rung dge 'dun gyis byed du mi gzhug par zhu ba'i las byed pa'i tshe sbom po gcig zhus nas lan gsum du bsgo ba'i tshe sbom po re re/bsgo ba dang yang ma yin no/ /mdo ltag ma ltar gsol ba dang / zhu ba bzhis bsgo zin nas ma nyan te sgo ba byed pa'i phrin pas bdag gis bsgo ba'i las bgyis lags te ma nyan nas dbyen la zhugs so zhes slar dge 'dun la zer ba'i tshe na lhag mar gyur zin nas nyes pa gzhan med do//'jug par ni sbyor ba bzhin no/ /gsol ba dang zhu ba'i las kyis bsgo ba lan re'i tshe gtong du mi btub cing lhag ma byed par 'jug pa ni sbom po re rer 'gyur ro/ / bskrad pa'i dran pa dang brtsad pa ma byas par na de'i 'o/ /rigs sun pa'i chos spyod pa las dge 'dun gyis bskrad pa'i las ma byas par rang dbang dang ldan/ zhe sdang dang ldan/ gti mug dang ldan/ 'jigs pa dang ldan no zhes bsu ste smra ba de'i tshe nyes byas/ ngag dka' ba la yang gsol ba dang /zhu bas bsgo ba ma byas par khyod kyang nga la cang ma zer cig nga yang khyed la cang mi zer ro zhes zer ba'i tshe nyes byas/ 'di la mi bsgo bar bya/ mdo ltag ma ltar ma bskrad cing ma bsgo bar tshig sngar 'dor te smras pa la dge 'dun gyis lan gsum bsgo mi dgos kyis bskrad do zhes byi shu ta ras shi tas bshad/rigs sun pa ni sngar ma bskrad par lan gsum du bsgo bar mi bya/ ngag dka' ba ni lan gsum ma bsgo bar bskrad par mi bya'o/ /zhes byi tsa ya bar mas bshad/ 'di dag la mdza' ba dang las kyis mi bsgo bar mi bya/ dbyen dang rjes su phyogs pa dang rigs sun pa dang ngag dka' ba bzhi la zhugs pa zhig yod na thog mar su dang mdza' ba des de ltar ma byed cig ces gros gdab cing bcos/gros nyan du ma btub na bskrad par 'gyur te mkhan po dang slob dpon dang yang bral/ dge 'dun gyi nang du yang mi chud do zhes bsdigs/de ltar byas dang nyan du ma btub na dge 'dun gyis 'phrin pa'i dge slong thabs mkhas pa zhig bskos te bsgo/ /'di ltar ma byas na mdza' bo dang dge 'dun la nyes byas/ de'i mthar ma btang na'o/ /dbyen gyi lhag ma ni yang yan lag ming gis smos pa 'di rnams dang ldan na lhag mar 'gyur ro//dbyen la zhugs te dge 'dun gyis gsol ba dang zhu ba'i las bzhis bsgos te ma btang bar 'dzin cing 'dug pa dang / zhugs pa las so/ / dge 'dun chos so so la blta bar bya ba'i phyir dbye bar yang zhugs pa dang / dbyen/ dbyen yang byas te phye ba dang dge 'dun gyi'o/ /dge slong gi dge 'dun yang yin la phye ba gnyis ka so sor dge 'dun du yang tshang ba dang yan lag 'di bzhi'i steng du ltag nas bzlog pa lta bus mi gtong bar nan tan byed pas bsnan te lngar ldan na lhag mar 'gyur/ dge 'dun gyi dbyen te dge 'dun gyi lhag ma'o//dbyen gyi dge 'dun gyi lhag ma 'dul ba rnam par 'byed pa'i nang nas 'byung ba'i mdo// //rjes su phyogs pa'i lhag ma la 'chad de/ grogs su nan tan byed pa'o/ /dge 'dun gyi dbyen du zhugs pa'i dge slong de rjes su phyogs te dbyen la zhugs pa'i dge slong de la ci'ang ma zer cig /dge yang rung sdig kyang rung ste 'dul ba 'dzin pa'o/ /chos dang ldan pa ste de bzhin du byed do zhes zer na lhag mar 'gyur te dbyen gyi rtsis mgo lnga'i steng du 'dis bsnan te drug tu ldan na lhag ma gsol ba dang zhu ba la sogs pa bshad pa gzhan ni ltag tu dbyen bshad pa dang 'dra'o//rjes su phyogs pa'i dge 'dun gyi lhag ma'o/ /rjes su phyogs pa'i dge 'dun gyi lhag ma ste 'dul ba rnam par 'byed pa'i nang nas 'byung ba'i mdo// //rigs sun pa'i lhag ma la 'chad de/ bdag bskrad pa'i phyir byed pa'i dge 'dun la log pa'i bsam pas 'di lta bur byas so zhes brdzun du smras na'o//dge slong rigs sun pa'i chos spyod pa la dge 'dun gyis rigs sun pa'i chos spyad pa nyes kyis deng shig ces smras na bskrad pa las slar dge 'dun la rang dbang can gyi tshe dang ldan pa khyed / zhe sdang dang ldan/ gti mug dang ldan/ 'jigs pa dang ldan no zhes smra zhing skur nas gsol ba dang zhu ba bzhis bsgos te rigs sun cing sdig pa'i chos spyod pa gtong du ma btub na dge 'dun gyi lhag mar 'gyur te/ dbyen gyi yan lag dang 'dra bar lnga dang ldan pa'i steng du 'dis bsnan te/ ldan par byas na lhag mar 'gyur /rigs sun pa'i dge 'dun gyi lhag ma'o/ /rigs sun pa'i dge 'dun gyi lhag ma ste 'dul ba rnam par 'byed pa'i nang nas 'byung ba'i mdo// //ngag dka' ba'i dge 'dun gyi lhag ma la 'chad de/ dge slong rnams kyis dge slong gi tshul khrims la bskul ba la tshig tu mi 'byed par der rang gis byed na'o//dge slong tshul khrims 'dral zhing chu'i nang na srin bu mi rtog par gsod pa la sogs pa khrims 'dral zhing ltung bar gyur pa de mthol tshangs byos sdig pa dang ltung bar 'gyur ba de ma byed cig ces bsgo ba la slar 'khyal zhing kho bo la tshe dang ldan pa khyod ci yang ma zer cig /dge 'ang rung sdig kyang rung bdag kyang cang mi zer ro zhes zer zhing slar lan log pas ldon nam cang mi smra bar 'dug cing ngag dka' bar byed pa la dge 'dun gyis tshul khrims dang ldan pa'i dge slong la ngag dka' bar ma byed par tshul khrims dang ldan pas bsgo ba bzhin du nyon la mthol tshangs byos zhes gsol ba gsum dang zhu ba dang bzhis bsgo ste ma nyan na lhag mar 'gyur te dbyen gyi rtsis mgo dang 'dra ba lnga'i steng du 'dis bsnan te /ldan par byas na lhag mar 'gyur te/ ngag dka' ba'i dge 'dun gyi lhag ma'o//ngag dka' ba'i dge 'dun gyi lhag ma ste 'dul ba rnam par 'byed pa'i nang nas 'byung ba'i mdo dge 'dun gyi lhag ma rdzogs so// //bcu gsum dge 'dun gyi lhag ma la 'chad pa 'dul ba so so'i nang nas 'byung ba'i mdo sde lhag ma la 'chad pa rdzogs so// //'di man chad sum cu spang ba'i ltung ba la 'chad de/spang pa'i 'chang ba la 'chad de/ snga ma med pa'i nyin zhag gi mtha' ma gtogs te med pa'o/ /gos shig rnyed na rnyed pa'i nang bar gyi skya rengs phan chad sngar 'das pa'i zhag rnams ni grangs su mi brtsi'o/ /nam rnyed pa nas mgo btsugs te de bzhin du dge slong dang nyal ba dang /bud med dang nyal ba dang / zhag bdun pa'i sman dang dbye ba'i chos gos zhag drug pa dang / gos kha sogs zla ba gcig pa dang g.yul na zhag gnyis gnas pa la sogs pa las/ ltung bar 'gyur ro cog thams cad zhag gi mtshams brtsi ba'ang 'di dang 'dra ste skya rengs kyis gcod de /sbyor ba'i snod gnas/ sbyor ba ni ltung bang sbyor ba/ snod ni zhag bsags nas ltung bar 'gyur ba la bya/ gnas ni bud med dang dge slong khyim gcig na 'khod cing gnas pa la bya ste 'chad pa'i spang ba ni zhag bcur sngags ma btab na nyes byas/bcu gcig gi skya rengs byung na ltung ba'o/ /bud med dang nyal ba ni thog ma nyal ba nas nyes byas la zhag lon na ltung ba/ zhag las 'gyur ba gzhan yang de bzhin du 'dra bar go bar bya/ skya rengs dang po'i thog ma 'di'o/ /skya rengs kyis tshad gzung ba skya rengs rnam gsum yod de sngo rengs ni dang por 'byung ste/lho phyogs kyi gling du nyi ma shar nas shing 'dzam bu'i glor bab pa dang 'dzam bu'i gseb nas 'od byung ba 'dzam bu'i lo ma'i 'od kyis sngon por 'byung ste de byung ba'i tshad du brtsi'o / /dmar rengs ni shing 'dzam bu las nyi ma 'phags pa dang 'od dmar por byung ba la bya/ser rengs ni nyi ma nam mkha' la mngon par byung nas 'od ser por byung ba la bya ste/ skya rengs phyi ma gnyis kyis ni mi brtsi'o/ /nyi ma shar nas las su mi rung ngo / /gso sbyin dang tshul nas 'byung ba dang tshul du 'jug pa ni zhag dus las kyang skya rengs kyis ni tshad mi gzung gi nyi ma shar tshun chad las byar rung ngo //spang ba ni bdag gir 'du shes pa gtso ba'o / /spang ba'i ltung bar 'gyur ba ni rdzas bdag gi lag tu 'ongs shing thob la bdag gi yin par bsams shing shes pa las spang ba'i ltung bar 'gyur te gos kyi spu ni/ dge slong la brtags pa bal dang dar dang zar ma dang du gu la dang ko tam pa dang /a ba ran ta ka dang ras dang bdun las sngags ma thebs na spang bar 'gyur/ ma brtags pa ni rnga mo re'u ri dwags kyi bal dang mtho ris kyi gos rnams ni sngags mi 'chags / 'di bsngos na med pa'o/ /gos shig gud nas 'ongs te rnyed pa'i mi gzhan zhig sbyin pa dang gzhan du btang bar bsams nas bsngos te bzhag pa ni sngags ma btab kyang nyes med do//rab tu 'byung bar 'dod pa'i phyir bsngos na yang de'o/ /gos shig rnyed na gsar du rab tu 'byung ba zhig yod/ de'i gos dang yo byad du bya'o zhes bsngos te bzhag pa yang sngags ma btab kyang nyes par mi 'gyur ro//gos brtags pa yang ngo / /gos shig rnyed na bdag gi yo byad bcu gsum du bsngo ba'i sngags kyis btab pa dang gos lhag pa'i sngags kyis btab pa dang bdag la mi dgos te slar byin pa dang blangs nas gzhan sbyin par bsngos pa dang 'di bzhi gang ltar byas kyang nyes par mi 'gyur ro//'dir rgyud ni zhigs pa'o/ /gos shig rnyed de zhag dgu tsam na sngags kyis btab na zhag brgyad kyi bar du sngags kyis ma btab pa zhag de rnams zhigs nyes par mi 'gyur ba'ang bya/ lhag pa'i sngags kyis btab na mkhan po yin par bsams pas bdag gis sems pa med de zhigs pa la yang bya/spang bar gyur te gzhan byin pa'i tshe bdag gi bar sems pa med pas ltung ba byang bar 'gyur ba la'ang bya'o/ /rang bzhin las nyams pa yang ngo / /gos shig gsar du 'ongs te rnyed na zhag brgyad dgu'i bar du sngags kyis ma thebs pa las/dge slong smyos na zhag du lon kyang rung spang ba'i ltung bar mi 'gyur ro/ /nam dran pa nas zhag bcu tshun chad du sngags gdab/ 'di yod pa las gzhan yang 'di lta bu'i dngos po skyes so/ /gos shig rnyed na sngags kyis ma btab ste spang ba'i ltung bar 'gyur na gos spang bar gyur pa de rnyed tshun chad dgos gzhan rnyed do cog spang bar 'gyur ro//lhan cig tu skyes pa zhag bdun pa yang ngo / /zhag bdun pa'i sman du gtogs pa rnams kyang gang yang rung snga ma rnyed pa spangs par gyur na de tshun chad rnyed pa kun kyang spang bar 'gyur ro//rigs tha dad pa ni ma gtogs so/ /spang ba de'i ltung ba yod bzhin du yo byad tsam yang bdag gir byas pa'o/ /gos rnyed pa sna gcig spang ba'i ltung bar gyur na de rnyed tshun chad gos gzhan ci rnyed pa kun spang dgos pa ni sngags mi 'chags pa lhan pa'am skud pa tsam yan chad kyang spang dgos so//de las chung ba'i dum bu ni ma yin no/ /gos shig rnyed na sngags gdab dgos pa ni khru gang 'khor ba yan chad cig las sngags kyis ma btab na spang ba'i ltung bar 'gyur/ khru gang man chad la ni sngags kyis gdab mi dgos/ dge 'dun gyi yang ngo //phyogs bcu'i dge 'dun gyi dkor yang rung ngo / /mtshams gcig gi dge 'dun gyi dkor yang rung bdag gi chos gos gsum gyi gor brnyas te sngags kyis btab pa las bral na'ang ltung bar 'gyur te phyogs bcu'i ni spang du mi dbang / mtshams gcig gi spang dgos mi bdog pa de ni 'dir gtso bo'o//gos shig rnyed de spang ba'i ltung bar gyur pa las gos de rkun pos khyer ram chus khyer ram med par gyur na spang ni mi dgos ltung ba ni mthol dgos so/ /brubs pa bting ba na 'di gsum ni ma yin no/ /tshul nas byung ste brubs pa bting na 'chang ba dang bral ba dang 'jog pa gsum gyi ltung ba med de gnang ngo //'di yan chad ni 'chang ba dang 'bral ba 'jog pa gsum gyi rtsis mgo 'dra ste 'di yan chad spyir 'chad do/ /bdag gi yod bzhin du zhag bcu 'das na'o/ /bdag gis gos shig rnyed de lhag par 'chang na sngags kyis ma btab par zhag bcu tshun chad dbang ngo /bcu las 'das na spang ba'i ltung bar 'gyur ro/ /pha rol gyi thog ma'o/ /zhag bcu 'das na spang ba'i ltung bar 'gyur ba ni zhag bcu gcig gi skya rengs dang po 'das nas spang ba'i ltung bar 'gyur ro / /gos la'o/ /'chang ba'i spang ba ni lhag ma'i gos kyang yin pa dang /tshad kyi mtha' ni 'khor gsum yog pa'o/ /gos de khru gang 'khor ba yod kyang rung 'khor gsum yog pa yang rung / de yan chad dang 'khor gsum yog pa'i lte ba man chad pus mo yan chad mdun dang rgyab yog pa la bya ste 'di ni chos gos smad gsum du bsngor rung ba'i tshad/bsngo bas ma btab na'o/ /gos lhag ma de sngags kyis kyang ma thebs pa dang yan lag 'di lnga dang ldan na spang ba'i ltung bar 'gyur / btab kyang 'das pa dang bcas na'o/ /rnyed pa'i gos shig sngags kyis ma thebs te spang ba'i ltung ba yod bzhin du ltung bar gyur pa de tshun chad gos rnyed do cog sngags kyis btab kyang sngags ma chags pa yin te spang dgos so//gzhan yod na ma bsngos par bdag gir byas na 'dir ro/ /ltung ba yod bzhin du gos phyis ma rnyed pa zhag ma 'das kyang sngags mi 'chags shing spang bar 'gyur ba ni snga ma'i khrin gyi chad pas spang dgos so//'chang ba'i spang ba'o/ /'chang ba spang ba'i ltung ba ste/ 'dul ba rnam par 'byed pa'i nang nas 'byung ba'i mdo// // 'bral ba'i spang ba la 'chad de/ nyes med pa gding ba dang bral ba na'o/ /chos gos gsum bdag gir bsngos pa las bral na ltung bar 'gyur ro zhes 'byung bas gding ba yang bdag gir bsngos pa yin te bral na ltung bar 'gyur bar the tshom za ba'i phyir bshad pa de gding ba dang bral ba ni ltung bar yang mi 'gyur nyes pa yang med do//gding ba bzhag ste mi 'gro'o/ /mdo ltag ma ltar gding ba dang bral na nyes med ces te zhag tu thogs pa'i gnas shig tu 'gro na gding ba bzhag ste mi 'gro'o//bzhag na nyes byas/ de ste de ring phyir 'khor snyam pa med na yang ngo / /gzhig tu 'gros te zhag tu mi thogs par slar 'khor ba'i gdeng yod pa ni gding ba bzhag ste song yang nyes med do/ /slar 'khor ba'i gdeng med pa las gding ba bzhag na nyes byas su 'gyur ro//de ltar song ba las dus ma yin pa grub na der de brnyas te gnos shig /mdo ltag ma ltar slar 'khor ba'i gdeng yod de gding ba bzhag ste song ba las chu blug gam dgras chod de rkyen cig byung nas slar ma 'khor na/dge 'dun dang grogs po dang khyim pa'i mal stan gag la nyal yang rung gding ba med du mi rung ste gzhan cig las brnyos la nyol cig /dge 'dun dang khyim pa'i mal stan la gding ba med par nyal na nyes byas lci ba/ grogs po'i mal sten la gding ba med par nyal na nyes byas yang ba'o//ma grub na steng nas dgab pa bzhin blta ba la ring du ma logs shig /mdo ltag ma ltar slar 'khor ba'i gdeng yod de song song ba las rkyen cig byung ste slar ma 'khor ba las gding ba brnyar yang ma rnyed na chos gos snam bdun la zheng du bzhir bltabs te bting la srod dang tho rangs nam gyi sum gnyis kyi bar du bcag pa'am tsog pur 'dug la mi nyal bar kha don bya/nam gyi gung gsum cha la'ang mal stan la mthang gis ma reg pa dang chos gos la mi gzan pa'i tshul du bskum ste nyal/ sbyar ma gzhag pa'i mi reg pa'i gnas su dbyar gyi ras chen mi gzhag chos gos sbyar ma gang du bskur dgos par dbyar gyi ras chen yang mi gzhag par bskur/chos gos gsum gang du gzhag par rigs pa'i sar ras chen bzhag kyang nyes med de gang du bzhag pa dang gang du bskur ba'i rigs pa 'og nas 'chad pa yin te mi stor ba'i tshul du gzhag pa la bya/char pa la yang ma yin/ char pa 'bab bam char pa 'bab tu dogs te/ ga zhig tu 'gro na ras chen mi gzhag par bskur / ma khyer na nyes byas/ chu rgal te 'gro na yang ma yin/ ga zhig tu 'gro ste chu zhig rgal na yang chos gos chus mi gsher bar bya ba'i phyir dang slar 'ong na chu brug ste mi thar ba'i bar du char pas non du 'ong ba'i phyir ras chen bskur dgos so//'di dag la dogs na ma yin/ ga zhig tu 'gro ste char pa 'bab tu dogs sam chu brug gam chu rgal dgos par dogs na'ang ras chen mi gzhag par bskur /dge slong dang bcas/ dge slong yang yod la/ sgo dang bcas/ khang pa'i sgo dang sgo lcags kyang yod pa/ gnas dang bcas pa/ khang pa yin pa dang 'di gsum du ldan par ni chos gos gtams te bzhag kyang nyes med/ gsum la gcig ma tshang bar bzhag na nyes byas yang gsum char yang med par gzhag na nyes byas lci ba/char pa 'bab bam/ gzhig tu 'gro ste char pa 'bab bam 'bab tu dogs pa'am/ chu rgal te 'gro ba dang / chu rgal te 'gro dgos sam/ de lta bu med pa dang / dgra'am gcan gzan lta bus gtse ba dang med pa dang /gnang ba med pa dang / nad pa dang rgan po lta bu chos gos dang 'bral bar gnang ba dge 'dun gyis ma byin pa dang / bting ba ma brubs te zla ba lnga'i bar du chos gos dang 'bral bar gnang ba med pa dang / sbyar ma med par gar yang mi 'gro'o/ / ming gis smos pa 'di lta bu'i rkyen med par chos gos smad gsum bzhag ste gar yang mi 'gro/ 'di rnams kyi rkyen yod na ni chos gos bzhag ste song na nyes med do/ /chos gos kyi gnas thob par mi 'gyur na spang ste gzhan la bsngo ba'i cho ga'o/ /ga zhig tu 'gro ste zhag mi lon par slar 'khor ba'i gdeng yod de chos gos bzhag ste song song ba las dgras chod dam zam pa chad dam chu brugs te slar ma 'khor na bdag gi chos gos su bsngos pas lus pa de lag na 'dug pa tsam du bsams te grogs po gcig gi gan du dbyung ba'i sngags byas la chos gos smad gsum gzhan la brnyas te sngags gdab/chos gos nyid ma rnyed na'ang / dge slong gi gos su ming gis btags pa las khyim pa'i rdzas sam snam bu dkar po'am/ ras kha tshar ma bcad pa ci 'dra ba yang rung ste sngags 'chags so/ /byin cig /mi 'bral bar gnang ba ni sbyar ma lci ba nad pa dang rgan po dag la'o//dge slong nad pa dang rgan po chos gos dang 'bral ba dge 'dun la gsol zhing 'ong na dge 'dun gyis sngar spyad brim ste spyod la chos gos mi theg yang dag na nad pa yang rung rgan po yang rung chos gos dang 'bral ba med par gnang ba byin cig /dge 'dun gyis gnang ba ma byin na nyes byas su 'gyur ro/ /bsngos pa las gnang ba ma thob na byed do/ / 'bral ba'i spang bar 'gyur ba ni yan lag 'di rnams dang ldan na 'gyur te/ bdag gi chos gos su bsngo ba'i sngags kyis kyang thebs pa dang nad pa dang rgan po la chos gos dang 'bral ba med par dge 'dun gyis kyang gnang ba med pa dang /gding ba brubs pa'i zla ba dang ldan pa 'bral bar gnang ba'i yang gnang ba nang du gtogs so/ /phyir dang bcas pa'i gnas las gzhan du gnas na skya rengs byung na'o/ /bdag 'dug pa'i gnas kyi mtshams kyi phyi rol du'ang bral ba dang mtshams kyi phyi rol du bral nas skya rengs yang byung ba dang yan lag 'di bzhi dang ldan na chos gos dang bral ba'i spang ba'i ltung bar 'gyur ro//bdag gnas pa'i mtshams ni 'og nas 'chad pa rnams yin no/ /mtshams byas pa ni gnas kyi mtha' mtshams ni dge 'dun gyis gsol ba dang zhu ba'i las kyis mtshams bcad pa dang ra bas bskor ba dang 'obs dang yur bas bskor ba la sogs pa ni mtshams su gtogs te/mtshams kyi tshad ci tsam gyis na nang dang phyi rol du 'gyur ba ni 'og nas 'chad/ bdag po gcig na nang gi mtshams ni tha dad pa ma yin no/ /khang pa khyer kyang gcig bdag po yang gcig na khang pa mig gcig gi nang du bdag 'dug gam chos gos gzhag pa khang pa mig gcig gi nang du khyim pa dang chos gos sam bdag 'dug kyang 'bral bar mi 'gyur/ nor dang lta ba ma bye ba dag kyang ngo //bdag po gcig ces bya ba ni mi spun du yod kyang nor yang ma bgos zhing rmo ba dang phyugs 'tsho ba la sogs pa'i las kyang mthun/ sangs rgyas kyi chos sam der tig gi chos gang yang rung lta ba yang mthun pa ni khang pa byin gcig gi mig gcig gi nang du spun gcig dang bdag nyal la/mig gcig gi nang du chos gos dang spun gcig gab kyang rung gcig dang 'dug na mi 'bral/ nor ram lta ba gcig bye la gcig ma bye na 'bral bar 'gyur ro/ /yal ga dang nye ba'i yal ga ma 'dres na gnas tha dad do/ /shing drung gcig la yal ga gcig gi 'og gi thad ka'i sa la bdag nyal la yal ga gcig gi 'og gi sa la chos gos gzhag ste bar 'dom gang las ring ba phan ni 'bral bar 'gyur/'dom gang tshun chad ni mi 'gyur te shing gi yal ga dang lo ma ma 'dres pa la bya'o/ /shing gi lo ma dang yal ga ma 'dres pa la yal ga gcig gi steng du chos gos bzhag la yal ga gcig gi steng du bdag nyal te bar nam mkha' 'dom gang phan chad ni 'bral bar 'gyur ro zhes byi shu tas bshad/drung na spyi'i'o/ /shing drung gcig gi yal ga dang mdor chos gos bzhag la shing gi rtsa ba la bdag gi lus kyis reg par nyal na spang ba'i ltung bar mi 'gyur ro//rtsa ba'i rtsa ba la sogs pa yang ngo / /shing drung gcig gi yal ga'i yang yal ga la chos gos bkal la shing gi drung du bdag gi lus reg par nyal na'ang 'bral bar mi 'gyur ro zhes byi tsa ya bar mas bshad/ shing gi rtsa ba'i yan lag so so'i steng du snang ba la rtsa ba'i steng du chos gos sam bdag nyal la shing kar gcig 'dug na 'bral bar mi 'gyur zhes byi shu tas bshad/ shing gi yal ga dang 'dab ma 'dres pa ni gnas gcig pa'o/ /shing drung mang zhing lo ma kun 'dres par 'dab chags su 'dug pa ni bar du rtsig pa'am chus ma chod na shing gi lo ma ma 'dres shing bar chad gang na yod pa tshun chad mtshams gcig /bla gab lta bu de'i 'og tu zhugs pa na yang ngo / /shing drung gcig la yal ga bar chad pa med par gcig la gcig 'dres pas khebs par 'dug na yal ga'i thog ma'i mtha' kha drang du lo ma las thigs pa ltung tshun chad kho ra khor yug tu mtshams gcig tu brtsi'o//shing rta dang gru yang ngo / /gru dang shing rta'i 'og gi ngos la chos gos bzhag la 'og gi sa la bdag nyal na mi 'bral/ shing rta dang gru'i steng du gur ram/ khang par phub pa'i nang ni mtshams gcig tu brtsi/ thog ma phub pa ni mgor chos gos bzhag la 'jug tu bdag nyal na 'bral bar 'gyur ro/ /mtshams med pa ni yan lag gis yog pa'i mtha'o/ /dgon pa zhig la gnas te thang bu zhig la nyal na bdag gi lus 'phres pa'i yan lag gi 'og tu chud pa ni mtshams gcig tu brtsi ste mtshams kyi tshad gang tshun chad 'bral bar mi 'gyur ba ni 'og nas 'chad/phyir la 'dom gang 'khor ba'o/ /mdo ltag ma ltar dgon pa'i thang bu la nyal ba ni bdag gi lus 'phres pa'i yan lag gis yog pa'i mtshams nas 'dom gang kho ra khor yug tshun chad mtshams gcig tu brtsi ste 'bral bar mi 'gyur ro//grong rtsig pas bskor ba nas ci tsam der 'od ma'i shing rta ba lang drug dang ldan pas yog pa'i lam mam bya gag 'bab pa'i gnas so/ /khyim pa'i grong khyer zhig na gnas na phyi ras bskor pa'i mtshams nas shing rta sbrel ba'i srog shing 'od mas byas pa ba lang drug gis drangs pa chu'i srid kyi tshad kho ra khor yug tshun chad du chos gos sam bdag 'dug la grong gi nang nor dang lta ba bye yang rung ste khyim gcig gi nang na chos gos dang bdag 'dug kyang 'bral bar mi 'gyur ro//phyi ra'i ra ba'i kha nas bya gag 'phur te gang du bab pa'i tshad tshun chad kyang rung ste tshad 'di gnyis gang yang rung ngo //sab mas bskor na ra lug gi rdul tam rang bzhin gyis 'dzem pa'i mi bshang ba'i sa'i lam mo/ /sab mas bskor ba'i gnas shig na 'khod na sab ma nas ra lug 'dong ba'i rdul gang du bab pa tshun chad dam mi ngo tsha shes pa'i phyi rol che chung 'dong ba'i bshang sa tshun chad gang yang rung mtshams su chud de 'bral bar mi 'gyur ro//'obs kyis bskor ba ni skas them pa bcu gnyis pa'am phyag dar bor ba'i bong rdo sbom po'i lam mo/ /'obs kyis bskor ba'i gnas shig na 'khod na 'obs kyi nang du chos gos las la 'obs nas skas them pa bcu gnyis pa cig thad kar bsnyal la gang du phyin pa tshun chad dang 'obs kyi kha nas phyag dar gyi bong rdo sbom po bor te 'dril ba gar 'dril ba tshun chad du bdag nyal na'ang /mtshams kyi nang du gtogs te 'bral bar mi 'gyur ro//gnas de'i khyim pa'i grong khyer zhig na gnas na mtshams ming gis smos pa 'di rnams gang yang rung tshun chad 'bral bar mi 'gyur te/ phran tshegs byed pa dang / khyim pa'i phyag dar khung dang nas 'phyar ba'i phub ma gar phyin pa tshun chad dang 'chags pa dang /khyim pa pho mos bu khur du thogs te 'chags pa'i gar phyin pa tshun chad dang / 'dug pa'i rdul byung bas ji tsam du yog pa'o/ /ra ba'am khang ba'i drung du mi 'dug pa'i rdul byung ba gar 'dug pa tshun chad mtshams kyi nang du gtogs te 'bral bar mi 'gyur ro/ / mtshams med pa'i lam du mi dag dang mi bral bar 'gro na 'dom lnga bcur gcig med pa'o/ /lam du zhugs te 'gro ba ni chos gos sngar song ngam phyi na lus te bar du chu dang grog pos ma chod de/ thang bu mnyam par 'dug na bar du 'dom bzhi bcu rtsa dgu tshun chad ni mtshams gcig tu brtsis te 'bral bar mi 'gyur ro//mtshams gzhan du ma yin/ ltag tu mtshams smos so cog thams cad bar du chu dang rtsig pa la sogs pas ma chod na mtshams ming gis smos pa mi brtsan te chu dang rtsig pa brtsan par bya'o/ /dpung nas rgyang grags kyi mtha' phan chad ni tha dad do//tshal bu lta bu'ang 'dab chags su lo ma dang yal ga 'dzings par sa khyon chen po gcig gi nang gnas te bar du chu dang rtsig pas ma chod na rgyang grags gcig kho ra khor yug tshun chad rang mtshams su gtogs te 'bral bar mi 'gyur ro/ /'bral ba'i spang ba ste rnam par 'byed pa'i'o//'bral ba'i spang ba ltung ba 'dul ba rnam par 'byed pa'i nang nas 'byung ba'i mdo// //dum bu dum bur kyang bsngos pa med par ma song ngo / /bdag gi chos gos gsum gang yang rung sngags can du bsngos pa las rnyings te ral zhing dum bur gyur kyang sngags 'dab par ma song ste/de dang bral na'ang spang bar 'gyur/ chos gos gzhan la bsngo na yang dbyung dgos so / /spang ba mi skye ba ma yin no/ /bdag gi chos gos shig spangs par gyur te spangs zin pa las slar 'ongs te sngags 'debs kyang rung gzhan gyis chos gos spang ba'i ltung bar gyur pa zhig bdag gi chos gos su sngags 'debs kyang rung sngags 'chags so//dge 'dun gyi yang ngo / /mtshams gcig pa'i dge 'dun gyi dkor las bdag gi chos gos gsum gang yang rung chos gos kyi gor brnyas na sngags kyang 'chags/ de 'bral bar 'gyur ro//mdo ltag ma ltar dge 'dun las brnyas pa'i chos gos sngags 'chags pas na de dang 'bral na'ang spang ba'i ltung bar 'gyur ro/ /gzhan gnas na gnas gzhan du mi nyams so/ / dge 'dun gyi gnas su mur 'dug gam khyim pa zhig gis dge 'dun la gsol te khang pa brnyas nas khang bu mig gcig gi nang du mur 'dug 'dug gam khyim pa 'dug cing chos gos kyang der lus te mig gcig gi nang na bdag nyal yang 'bral bar mi 'gyur ro//de bzhin du mur 'dug gam khyim pa'i gnas las/ dge slong gis brnyas te mig gcig gi nang du khyim pa dang /chos gos 'dug la mig gcig tu bdag nyal yang 'bral bar mi 'gyur ro/ /gzhan dang 'di'i chos dang lta ba yang ma chud pa ma yin no/ /sbyin bdag gis khang bu khyer cig brtsigs te phyed mur 'dug la phul phyed dge slong ngam dge 'dun la phul ba lta bu la mur 'dug dbang bar chos gos lus la dge 'dun dbang bar bdag 'dug na'ang 'bral bar 'gyur/spyi'i phyi sgo yang ma yin pa ma yin no/ /khyim pa'i grong khyer gyi dbus na chos gos sam bdag 'dug la spyi'i phyi sgor chos gos sam/ bdag gcig 'dug na 'bral bar mi 'gyur/nor zhes pa ni pha dang / nor dang lta ba bye na mi spang gnyis shig khang pa khyer cig kyang bu 'dug pa'i khang bur chos gos lus la bdag pha'i khang bur 'dug na spang bar 'gyur/ bu'i yang ma yin no/ /nor yang gcig lta ba yang ma bye na yang spun nam phu nur mi 'ong yang 'bral bar mi 'gyur ro//spang ba yang der ro/ /dge bsnyen dge 'dun la kha ngan zer ba las kha zas mi bslang ba chad pas bcad pa'i spad spun gzhan la bslangs kyang nyes med do/ /smye gnas kyang ngo / /smye gnas su 'dug pa dang gab pa gnyis kyang spad spun nor dang lta ba bye ba zhig cig car du spun du ma smye ba byed pa zhig la bltas kyang ltung ba gcig nor dang lta ba byed du spyod pa bzhin du ltung ba re re grong gi ra ba ni gtsug lag khang gir mi 'gyur ro//gtsug lag khang gi ra ba'i mtshams gcad pa ni khyim ma'i sa la kha brngam du gcod du mi gnang ste bar che na yang mtshams sngar smos pa las mi gcad /bar dog na khyim pa dang phar phyed tshur phyed du gcad par med de ra ba'i rtsig sgal gcig gis chod na rtsig sgal gyis gcod mtshams de las 'das par chos gos dang bral na spang ba'i ltung bar 'gyur/ 'bral ba'i spang ba'i ste dris pa'i'o//'bral ba'i spang ba'i ltung ba ste 'dul ba dris pa'i nang nas 'byung ba'i mdo/ / 'bral ba'i spang ba'o/ /'bral ba'i spang ba 'dul ba so so'i nang nas 'byung ba'i mdo// //'jog pa'i spang ba'i ltung ba la 'chad de/ ma langs pa yang langs pa bzhin te langs su re ba yod na ste/khru gang 'khor ba'o/ /dge slong la chos gos gsum gang yang rung ba cig med la chos gos kyi rgyu zhig rnyed na drubs te bsngos la chong shig /chos gos su ma langs la gzhan las kyang chos gos kyi rgyu'am bsnan pa zhig 'ong ba yod pa na sngags kyis ma thebs par zla ba gcig tshun chad du bcangs kyang nyes med/gud nas bsnan pa 'ong ba med na nam rnyed rnyed du kha sogs su mi dbang ste sngags kyis ma thebs te zhag bcu 'das na spang ba'i ltung bar 'gyur/ bsngos pa yod na'o/ /chos gos gsum tshad bzhin du chos gos su mi langs pa'i gos shig rnyed na mdo ltag ma ltar kha sogs su mi dbang ste spang ba'i ltung bar 'gyur gyi zhag bcu ma 'das par sngags kyis gdab/gzhan du na de zhag sum cu 'das na'o/ /chos gos gsum gang kyang rung ma tshang la gos rnyed pas ma langs te re ba yod pa'i phyir kha sogs pa yang zla ba gcig 'das kyi bar du gud nas 'ong zhing rnyed du re ba yang ma thob la kha sogs bdag la yod pa yang sngags kyis ma thebs na spang ba'i ltung bar 'gyur/kha dog la sogs pa mi 'dra ba ni ma langs pa'o/ /gos snon pa gud nas 'ong ba'i re ba yod pa de bdag la kha ma langs pa 'chang ba dang kha dog mi mthun pa dang /rigs tha dad pa zhig ste bdag gi kha ma langs pa ras yin la gud nas 'ong ba snam bu yin pa dang bdag gi kha ma langs pa sngon po yin la gud nas 'ong ba ser po yin pa lta bu ni kha sogs su mi dbang ste zhag bcu 'das te sngags kyis ma thebs na spang ba'i ltung bar 'gyur ro//dkar po ni kha dog thams cad du'o/ / bdag la gos kha ma langs pa 'chang ba de dang rnyed du re ba ni rigs gcig ste bdag la yod pa yang ras yin/ gud nas 'ong ba yang ras yin pa gcig kha dog dkar po yin na gcig kha dog ci 'dra ba yang zla ba gcig gi bar du sogs su rung ste spang bar 'gyur ro//de zhag bcu la sogs par 'bral bar 'byor na'o/ /chos gos kyi rgyu ma langs pa snon pa rnyed du re ba yod na kha sogs su zla ba gcig tu gzhag tu gnang ba las rnyed du re ba de zhag bcu tshun chad du 'ongs na snga ma rnyed pa nas zhag bcu tshun chad du sngags thobs shig /zhag bcu 'das te ma thebs na spang ba'o/ /de bzhin du zhag nyi shu tshun chad du rnyed du re ba 'ongs te sngags kyis ma thebs par zhag nyi shu 'das na'ang spang bar 'gyur zhag sum cu tshun chad du rnyed du re ba 'ongs la sngags kyis ma thebs par zhag sum cu 'das na spang ba'i ltung bar 'gyur ro//sbyar ma dengs pa'i mtha' ni nyis rim du'o/ /chos gos chen po sar par byed na nyis rim du sbyar du gnang ngo / /gding ba yang ngo / /gding ba sar pa byed na yang nyis rim du sbyar du gnang ngo / /steng nas dgab pa dang 'og tu gnas pa ni gcig rim mo//chos gos snam bu bdun pa dang lnga pa gnyis ni sar pa byed ni gcig rim las mi gnang ngo / / dus su dengs na nyis rim du'o/ /chos gos chen po dang gding ba rnyings pa ni bzhi rim du sbyar du gnang ngo / /tshal bu lnga pa dang bdun pa gnyis ni rnyings na nyis rim du sbyar du gnang ngo //rnyings pa'i tshad ni dgun nam dpyid kyi dus gcig bsgos pa tsam gyis rnyings par chud do/ /phyag dar khrod kyi chad pa med do/ /tshem bu pa phyag dar khrod nas bsdus shing glon pa ni rim pa'i grangs chad pa med de dus blon du'ang dbang ngo / /dengs pa dang srab pa ni lhag mar sbyin pa dgos pa tsam du'o//chos gos zad cing dengs te bug gam rdol tam ral ba ni ji tsam rdol cing ral ba'i lhan pa ci dgos pa tsam ran par glan no/ /mi dgos par lhag par cher mi glan / lhag par mi sbyin/ chos gos gsum dang gding ba dang bzhi gsar du byed pa dang rnyings pa sbyor du gnang bar lhag tu grangs bcad pa las lhag par mi glan/lhag par glon pa'i tshe nyes byas/ spang bar yang byed do/ /mdo ltag ma ltar grangs bcad pa las lhag par sbyor du mi gnang ba las sbyar te zhag bcu 'das na spang ba'i ltung bar 'gyur/ sngags kyang mi 'chags/ 'os pa las mi dbral/chos gos dang gding ba gsar du byed pa dang rnyings pa sbyor du gnang bar grangs bcad pa bzhin du sbyar ba las phyis so sor bral na nyes byas so/ /de bzhin du las byas nas sbyar snyam du sems ma bskyed pas so/ /chos gos dang gding ba sbyor du gnang ba grangs bcad pa bzhin du sbyar ba de btso ba dang bkru ba la sogs pa'i lam bya ba'i phyir phral te las zin na slar sbyar ro snyam du bsams te phral ba ni nyes med do//bab bab tu phral nas sbyar ba tshun chad bcu 'das na spang ba'o/ /mdo ltag ma gnyis ltar chos gos dang gding ba sbyar du gnang ba las phral ba zhag bcu tshun chad slar ma sbyar tam phral ba de so sor sngags kyis ma thebs na spang ba'i ltung bar yang 'gyur ro//sbyar ma'i dum bu ni dgu nas nyi shu rtsa lngar te zung ma gtogs so/ /chos gos chen po gsar du byed na tshal bu dgu yan chad nyi shu rtsa lnga man chad du byed du gnang ste grangs 'chugs par mi bya bar khang 'khyer du byas te tshal bu bcu gsum dang bco lnga dang bcu dgu dang nyi shu rtsa gcig dang /nyi shu rtsa gsum dang nyi shu rtsa lnga grangs 'di rnams gang du byas kyang rung ngo / /de phan chad ni tshem bu'o/ /tshal bu nyi shu cha lnga nas mang ba ni tshom bu zhes bya ste chos gos chen po'i sngags mi 'chags so//tshem bu pa'i chos gos kyi sngags ni 'chags so/ /gsum pa dang po ni leb leb po phyed dang gsum mo/ /chos gos tshal bu dgu pa dang bcu gcig pa dang bcu gsum pa gsum ni zheng du 'gro ba'i tshal bu kun tshal bu ring po mnyam pa gnyis/ring po'i phyed tshad gcig dang / phyed dang gsum du spel cing gtang ngo / /gnyis pa ni leb leb po phyed dang bzhi'o/ /chos gos tshal bu bco lnga pa dang / bcu bdun/ bcu dgu pa gsum ni zheng du 'gro ba'i tshal bu mnyam pa ring po gsum/ ring po'i phyed tshad gcig ste phyed dang bzhi mgo mjug tu spel cing gtang /gsum pa ni leb leb po phyed dang lnga'o/ /chos gos tshal bu nyi shu gcig pa dang / nyi shu gsum pa dang nyi shu lnga pa gsum ni zheng du 'gro ba'i tshal bu ring po bzhi ring po'i phyed tshad gcig ste/ tshal bu phyed dang lnga zheng du 'gro ba'i mjug tu bsnor cing spel te gtang /bdag gi khru gsum dang lnga ni thu bor bsngo'o/ /chos gos gsum la cher byed du gnang ba'i tshad ni bdag nyid kyi khru zheng du ni gsum/ chur ni lngar byed du gnang ngo / /chung ngu ni khru phyed phyed ma gtogs so/ /chos gos gsum chung ngur byed na gnang ba'i tshad ni bdag nyid kyi khru zheng du phyed dang gsum/chur phyed dang lnga byed du gnang ngo / /bar ma ni dbu ma'i tshad la'o/ /chos gos gsum 'bring byed na gnang ba'i tshad ni bdag gi khru zheng du gsum man chad khru phyed dang gsum yan chad chur khru phyed dang lnga yan chad khru lnga man chad gag tu yang byar rung ngo //'og tu gnas pa ni gnyis dang lnga'am gnyis dang bzhi'o/ /chos gos snam bu lnga pa ni bongs te med na zheng khru do la chur khru lnga yang rung / zheng du khru do la chur khru bzhir byar yang rung ngo / /'khor gsum yog pa yang ngo //mdo ltag ma tsam du sbyar yang med de phongs na chos gos tshal bu lnga pa/ 'khor gsum yog la byas kyang nyes med de sngags kyang 'chags so/ /lus kyi bdun cha las gnyis ni khru'i don to/ /mi'i lus dang lag pa ring thung zhugs te khrus bcal du mi mngon na lus la ci yod pa las bdun char bcal te bdun cha gnyis la khru gang du brtsi ste/khru de chos gos kyi zheng du ni gsum chur ni lnga'i tshad du bcal lo/ /mi 'dus na sprad pa bya'o/ /chos gos la bdag gi khru tshad bzhin du byas kyang mi tsho zhing sbom ste/ chos gos kha mi 'dus shing mi yog na sna gnyis sgro gus gdags shing sprad pa'am btsems te sprad par bya'o//tshad las lhag par mi bya'o/ /zla ba'i spang ba ste/ rnam par 'byed pa'o / /'jog pa'i spang ba'i ltung ba ste/ 'dul ba rnam par 'byed pa'i nang nas 'byung ba'i mdo// //nyes byas pa ni 'bring ba ste chung ngo //khru gang du ma chog pa'i gos dang 'khor gsum ma yog pa yang sngags gdab dgos shing 'chags te sngags ma thebs par zhag 'das na spang ba'i ltung bar ni mi 'gyur gyi nyes byas su 'gyur ro/ /'khor phyed kyang mi yog pa ni ro med pa'o/ /gos kha ma langs pa ni rnyed du re ba yod pa'i phyir gzhog tu gnang ba rnyed du re ba de 'khor gsum yog pa'i phyed man chad tsam zhig rnyed du re ba ni kha sogs su gzhag tu mi gnang ste/zhag bcu 'das na spang bar 'gyur ro/ /ma brtags pa yang ngo / /kha sogs su gzhog pa de la rnyed du re ba dge slong gis gos su ma brtags pa ri dwags dang rnga ma lta bu zhig yin na gzhog tu mi gnang ste/zhag bcu 'das na spang bar 'gyur ro/ /ma bsngos pa/ chos gos kyi rgyur ma bsngos shing ma brtags pa ming gis smos pa 'di rnams gag kyang rung sngags kyis ma btab na nyes byas su 'gyur ro//gdong phyis dang / gdong phyi ba'i ras sam snam bu'i ras ma dang / tshags dang / chu tshags dang chu tshags kyi rgyu dang / gding ba dang / 'og tu gding ba'i stan dang gor bu khru gang du med pa dang / dre'u rngog la sogs pa yo byad kyi gos rnams kyang ngo / /dre'u rngog la sogs pa sngags ma btab na zhag bcu 'das na nyes byas su 'gyur ro//'di rnams lta bu zhig rnyed du re ba yod pa'i phyi phyir kha ma langs pa la sogs pa'i phyir zla ba gcig tu gzhog tu'ang mi dbang yan lag 'di 'chang ba'i yan lag dang 'dra ste de'i steng du rnyed du re ba yod pa'i phyir zhag sum cu 'das pas bsnan/zla ba'i ste dris pa'i'o/ / 'jog pa'i spang ba'i ltung ba 'dul ba dris pa zhes byas pa'i nang nas 'byung ba'i mdo/ /zla ba'i ste spang ba'o/ /'jog pa'i spang ba ltung ba 'dul ba so so nas 'byung ba'i mdo// //'khru ba'i spang ba la 'chad do/ / sbrum ma gnas dben par ro / /mnyan du yod pa na dge slong u da'i khu ba stor ba'i sham thabs chung ma dge slong ma 'gum ta la 'khrur bcug nas sham thabs la khu ba chags pa 'gum tas mo mtshan du bcug ste bur chags te bu ku mA ra kA sh+ya pa zhes bya ba dgra bcom pa zhig tu gyur pa skyes pa las bcas te dge slong ma 'di lta bu'i tshul du bu ltor zhugs pa dang sngon lto na bu yod pa las byig shur zhugs te sbrum ma ni gzhan gyis 'phyas su mi bya zhing ma mthong bar dben par gzhag ste gso'o//dge slong ma 'di la yal bar mi bya/ dge slong ma sbrum ma dben par gzhag pa la dge slong ma grogs kyis yal bar mi dor gyi rim gro dang zhal ta bya'o//de la zas sbyin/ dge slong ma sbrum ma dben par gzhag pa de la dge slong ma grogs kyis zas dang gos kyang sbyin no/ /gnyen ni pha dang ma dag gi bdun rgyud tshun chad do/ /gos 'khrur bcug pa ni dge slong ma gnyen ma yin pa la 'khrur bcol na ltung ste gnyen ni bdun mes dang phyi tshun chad kyi rgyud 'phel ba kun gnyen du chud do//de phan chad ni gnyen ma yin pa'o/ /'du shes ni gtso bor byed do/ /spang ba'i ltung bar byed pa ni 'du shes las gyur te gtso bor zhes bya ba'o//de ni 'brid do/ /dge slong ma gnyen ma yin par shes bzhin du bkrus pa las ltung ste/ dge slong ma la mi gnyen par na yang ngo / /dge slong ma gnyen ma yin pa la bcol na ltung ste yan lag gcig /de ma theg yang ngo / /de slong ma las gos len pa yang gnyen ma yin pa las ltung bar byed par 'gyur ro//bdag gi chos gos bsngos pa rnying pa bkru ba'i rigs pa'am/ gding ba dag la la la bkru ba dang btso ba dang 'chag par gsol ba'o/ /bdag gi chos gos gsum pa dang gding ba yang yin pa dang / bzhi ga yang rung ba dang rnying pa yang yin pa dang 'khrur yang bcug pa dang bdag gi yang yin pa dang bsngos pa yang yin pa shes kyang bzhin pa dang byas nas kyang zin pa dang yan lag 'di bcu dang ldan na spang ba'i ltung bar 'gyur ro//yan lag 'di rnams dang ldan par 'khrur bcug kyang rung 'chag tu bcug kyang rung 'tshed du bcug kyang rung ltung bar 'gyur phyogs byas kyang las byas pa'o//gos rnying pa 'khru ba dang 'chag pa dang 'tshed du bcol te pha rol gyis ji tsam las byas na ltung bar 'gyur zhe na/ gos kyi mtha' ma cung zad tsam btsos sam bcag pa yang ril gyis byas pa dang 'dra ste spang bar 'gyur ro//byas na der byed do/ /'khru ba'i spang bar gyur pa ni btso ba dang 'khru ba dang 'chag pa gsum las bya ste zin na spang bar 'gyur ro/ /'bras bu'i mthar gcig go /bdag gis gos rnying pa btsor bcol ba las dge slong mas btso ba'i phyir bkrus pa dang btsos zin nas bcag ste byin na btsos pa dang bkrus pa dang bcag pa gsum la nyes pa'i dmigs so sor mi 'gyur gyi spyir ltung ba gcig go /tshig rnams kyis 'bras bu gcig go /gos rnying pa 'khrur bcol ba'i tshe 'di khrus shig btsos zin nas tshogs shig ces tshig gi rim pa so sor byas te smras la /las kyang de bzhin du zin par byas na yang spang ba'i ltung ba gcig tu zad de nyes pa'i dmigs so sor mi 'ong ngo / /'du shes gces pas ji lta bu'i don la rtsa ba'o/ /'du shes kyis gnyen kyang ma yin la/ dge slong ma khrims nyams pa yang ma yin par shes bzhin du 'khrur bcol na spang ba'i ltung ba'o//gnyen ma yin pa la yin par bsams te 'khrur bcol ba yang ltung ba'o/ /rtsa bar nye ba ni ci lta bu'i don ma yin no/ /gnyen yin pa la ma yin par bsams te bcol ba ni nyes byas te ltung bar mi 'gyur / 'du shes bzhin du the tshom mo//gnyen ma yin pa la yin nam ma yin gtol med de 'khrur bcug pa ni ltung ba'o/ /gnyen yin pa la yin nam ma yin gtol med de 'khrur bcug pa ni nyes byas so / /dge 'dun gyi 'og khrims kyi rjes su bsrung / dge 'dun gyi 'og khrims kyi ya ka ra zhig bcad na de bzhin du dge slong kun gyis bsrung ngo //ma bsrungs na nyes byas/ 'di man chad skabs ma yin par glo tor du 'chad pa ni ltag tu shes bzhin bshad pa'i zla ba 'di yang shes bzhin du bya ba yin te/ gseb tshags su kha bder bshad do/ /de la 'ongs pas kyang ngo / / snga na dge 'dun gyis kri ya ka ra bcas shing 'dug pa la dge slong gud nas phyis 'ongs pas kyang snga mas bcas pa bzhin du bsrung ngo / /yod dam med pa shes pa'i phyir des de dris shig / mdo ltag ma ltar gud nas 'ongs pa'i dge slong gis bsrung dgos pa'i phyir gnas gag tu 'ongs kyang rung kri ya ka ra ci yod ces dri/bdag gud du song ste gzhan gyi gnas su zhag lon na dge 'dun phyi mas gsal du kri ya ka ra bcas kyang srid pa'i phyir bdag gis gtsug lag khang du slar 'ongs nas kri ya ka ra ci yod ces dri/ ring po ma thogs par ro/ /gtsug lag khang du 'ongs te kri ya ka ra ci yod ces dri ba ni 'ongs ma thag tu dri'o// le lo byas te phyis dri bar bsams te dri bar mi bya'o/ /sangs rgyas kyis gsungs pa ni dge 'dun gyi las mi 'gal lo/ /dge 'dun gyis 'og khrims bcas pa las sangs rgyas kyis dge slong 'ga' zhig la gnang ba ni nyes med de mnyan du yod pa na dbyar tshul du zhugs te sangs rgyas kyi gan du A nan da gso sbyin zhu ba'i dge slong gcig cig las 'gror mi gnang bar 'og khrims bcas pa las dge slong dgon pa pa u pa se na zhes bya ba dge 'dun gyi 'og khrims bcas par mi shes te sangs rgyas kyi gan du phyag 'tshal du 'ongs pa dang sangs rgyas kyis khyod 'og khrims ma dral tam zhes smras nas 'og khrims bcas pa ma thos te thugs rje cir gzigs zhes gsol nas nyes med par gnang ba las bcas/lhung bzed dang chos gos dang dra ba dang phor bu dang ska rags lhag ma gtong ba na dge 'dun gyir gzhag pa'i phyir long shig /dge 'dun gyi spyir dge slong dag gis lhung bzed dang chos gos dang dra ba dang phor bu dang ska rags la sogs pa bdag cag la lhag ste mi dgos pa'i phyir dge slong yo byad med cing phongs pa ci bder khyer cig ces phul ba ni dge 'dun gyis ci bder len du dbang ste blangs kyang nyes med do//shAkya'i rigs lnga brgya thar par zhugs pa gnyen phyug po phal mo ches so so nas byin pas yo byad mang zhing phyug par gyur te de la sangs rgyas kyis shAkya'i rigs 'di rnams khyim gcig cig nas byung ste khyim gcig tu zhugs par gyur na yo byad dbri bar thabs mdzad nas shAkya'i dge slong gis yo byad lhag pa kun dge 'dun la dbul bar a nan tan la byin pa dang a nan ta ma btub ste yo byad kun dge 'dun gyi khrod du phung por spangs te bor ba la sangs rgyas kyis gzigs nas phongs pa ci bder long shig ces bcas te de lta bur dbul ba zhig yod na dge 'dun gyis kyang long shig /de ltar bzhag pa la phongs pa ci bder long shig/mdo ltag ma ltar dge slong dag gis yo byad lhag pa phongs pa ci bder khyer cig ces dge 'dun spyir spungs te bzhag pa'i phung po la dge slong yo byad mi bdog pa rnams dge 'dun nam yon bdag la dri zhing gsol mi dgos te ci bder blangs kyang nyes med do//bdag cag la yod na lhag par nyi rim du ni len du mi gnang ngo / /bkru ba'i spang ba ste rnams par 'byed pa'i mdo / 'khru ba'i spang ba'i ltung ba ste 'dul ba rnam par 'byed pa'i nang nas 'byung ba'i mdo// // bshang gci dang gzag pa dang 'jim pa la sogs pas ma rung bar gyur pa las bkrus pa'ang mi dbri'o/ /bdag gi gos rnying pa'i phyi rol che chung dang bkru bshal gyi stor khung gi chu dang 'jim pa la sogs pa cis reg kyang rung gnyen ma yin pa'i dge slong ma la bcol na yang spang bar 'gyur/nyes byas pa ni/ ming gis smos pa 'di rnams gag kyang rung ste gnyen ma yin pa'i dge slong ma la bcol na nyes byas/ dre'u rngog dang / sten dre'u rngog dang phrug stan dang na nam dang sug par dad par thang dag la bya/ khyim pa'i gos dang /gos kha dog ma bsgyur ba dang / kha tshar ma bcad pa dang / spu bu can la sogs pa khyim pa'i gos la bya/ sngas dang sngas khab dang khres shing bal can la sogs pa la bya/ brtags pa gos lhag gi sngags kyis brtags pa dang / gzhan sbyin par brtags pa'i gos la bya/btang bdag gi gos spangs par gyur te spangs zin pa dang gzhan gyi gos spangs par gyur pa dang / dge 'dun gyi'o/ /dge 'dun gyi dkor dang ming gis smos pa 'di rnams gag kyang rung ste 'khrur bcug na nyes byas/ bkru ba'i spang ba ste dri ba'i'o/ /bkru ba'i spang ba'i ltung ba 'dul ba dris pa zhes bya ba'i mdo'o//bkru ba'i spangs pa'o / /bkru ba'i spang ba 'dul ba so so nas 'byung ba'i mdo// //len pa'i spang ba'i ltung ba la 'chad de/ dge slong ma las gos rin po che brje ba'i phyir blang / dge slong ma la yon bdag gis rin po che chen po zhig phul na dge slong pha la gos ngan pa dang brje ba'i phyir dge slong mas gos bzang po long shig//dge bsnyen rab tu bzang po sbyin pa zhes bya bas mnyan du yod par dge slong pho mo sde gnyis la mchod ston byas te yon phul nas dge slong mas gos rin po che chen po len du mi dbang gis gos ngan pa byin ces byas pa dang ngan pa byin na nga ming stor ro zhes zer te ngan pa yang ma yin dge slong mas kyang bzang po ma blangs te rab tu bor ba las dge slong pha dang brje ba'i phyir dge slong mas kyang blang du dbang dge slong gis kyang long shig par bcas/dge slong ma dang lhan cig tu brje bar bya/ dge slong mas mdo ltag ma ltar gos rin po che chen po blangs pa len du gnang ba'i phyir bdag la mi gzhag gi dge slong pha'i gos ngan pa dang rjes shig /dge slong pha yang dge slong ma gos bzang po khyer te ngan pa dang brje bar 'ong na brje bar gyis shig /mnyam pa'am/ de dga' bar byas te'o/ / mdo ltag ma ltar gos bzang ngan brje ba la dge slong phas kha brngam tu bdag rgyal bar mthus mi bya'i gos bzang po ci ri ba bzhin du ngan pa grangs mang ste rin mnyam pa dang dge slong ma ma dad cing mi dga' ba med par mgu bar byas te brje'o/ /blangs na gnyen yang ma yin la dge slong ma yang yin pa dang gos kyang blangs pa dang yan lag gsum/gsol dge slong ma la gos blangs pa dang gnyen ma yin par shes bzhin pa dang yan lag lnga/ gos blangs pa de gos kyang yin pa dang lag tu'ang thob pa dang yan lag 'di dgu dang ldan na spang bar 'gyur/ ltung ba med pa ni dge 'dun gyi phyir gos byin pa'o/ /dge slong mas dge 'dun pho la gos shig yon du phul ba ni blangs kyang nyes med do/ /legs par bshad pa'i phyir bshad ces / tshul nas 'byung ba dang 'jug pa'i tshe dge slong phas chos bsnyad pa dang dge slong ma la dge slong phas chos bshad pa la yid ches shing dga' ste de lta bu chos bzang po bshad pa la yon phul lo zhes phul na blangs kyang nyes med/rab tu rdzogs pa'i tshe dang rlag na'o/ /dge sbyong pho zhig bsnyen par rdzogs pa'i tshe de yo byad du dge slong mas gos byin pa dang gos stor tam gos chus khyer ram mes tshig gam phrogs te med pa la sogs pa la dge slong mas gos byin na blangs kyang nyes med do//dad pas nor bdun du bzhag nas smras te mi ltos pas song na yang ngo / /dge slong mas dge slong la nor sbyin par dad de mdun du bzhag nas mi 'dod ces byas kyang ma btub ste nor bor nas nor la mi ltos par song na nor de blangs kyang nyes med do//gos ma yin pa kha zas lta bu gzhan zhig dge slong phas blangs pa ni nyes byas so/ /len pa'i spang ba ste rnam par 'byed pa'i'o/ /len pa'i spang ba'i ltung ba ste 'dul ba rnam par 'byed pa'i nang nas 'byung ba'i mdo// //lag par thob par gyur na/dge slong ma las gos blangs pa ni bdag gi lag tu thob na spang bar 'gyur / lta ba'i spyod yul du gyur pa de ni snga ma'o/ /dge slong ma la gos blangs pa bdag gi lag tu ni ma blangs kyi khyer te 'ongs pa la bdag gi mig gis mthong bar bzhag ste blangs pa yang lag tu blangs pa dang 'dra bar ltung bar 'gyur/dge slong ma la gos blangs pa de bdag gi lag nyid du ni ma 'ongs kyi phas 'ong ba la mig gis mthong ba'i tshe ni nyes byas so zhes mkhan po snga mas bshad/ sbyor ba ni mi nye ba la khas blangs pa'o/ /dge slong ma la dge slong phas gos blangs pa dang gos mi de la yod kyis khyer cig ces zer ram yul 'di na yod kyi blangs te sbyin no zhes zer na de'i tshe nyes byas/mi 'jigs pa la 'dus pa'i dbang gis ma yin pa'i gos sbyin pa la sogs gtso bo'o/ /dge slong mas gos sbyin na mo'i sems la mi sbyin pa'am 'gyod pa yod de sems 'jug cing 'jigs pa dang khe dang len 'dod pa lta bur sems 'dus pa'i dbang yin par shes pa ni gos blangs na nyes par 'gyur te de lta bu med pas gos byin pa blangs pa na nyes med do//khyim pa'am gzhan zhig la 'di lta bu'i sems yod de blangs na'ang bu lon du 'gyur te mi gtsang ba zhes bya'o //ltung ba med pa ni re zhig gi dus su sems kyis so/ /bdag la gos med de re zhig dge slong ma las brnyas te gyon pa ni nyes med do/ /brjed de rin ma byin pa'o/ /dge slong ma las gos bzang ngan brjes te ngan pa'i mkhan ma phyis sbyin par byas pa las brjed de ma byin pa ni nyes med do//nam dran pa na sbyin no/ /khyim mi'am gzhan gyi bu lon chags pa brjed na'ang nyes med do/ /len pa'i spang ba ste 'dul ba dris pa zhes bya ba'i nang nas 'byung ba'i mdo// //len pa'i spang ba pa'o / /len pa'i spang ba'i ltung ba ste 'dul ba so so'i nang nas 'byung ba'i mdo// // slong ba'i spang ba'i ltung ba la 'chad de mi'i rgyud du gtogs pa/ lam rgyud bzhi ma gtogs par mi'i rgyud gtogs pa dang / khyim par gyur pa/ khyim pa'ang yin pa dang / srog chags khyim pa yin pa de 'tsho zhing srog dang ldan pa dang gnyen ma yin pa khyim pa de gnyen yang ma yin pa dang /ltung byed yan lag ni lnga dang ldan na spang bar 'gyur ro / /de ma thag pa'i gsum po'o/ /lhag ma dang rin thang so so ba gsum yang mdo ltag ma las 'byung ba yan lag bzhi dang ldan na spang bar 'gyur ro/ /brkus pa dang gos rkun pos khyer ba dang /rlag pa dang gos rlag ste 'khyam pa dang / tshig pa dang / gos mes tshig pa dang / phrogs pa dang gos rlung gis phrogs pa ste khyer ba dang / chus khyer ba ma yin pa'i gos so/ /gos chus khyer ba dang rkyen ming gis smos pa 'di rnams gang byung yang rung ste gcig byung na gos slong du dbang ngo //rkyen 'di lnga gag kyang rung med na ltung bar 'gyur te/ 'di la yan lag gcig tu brtsis la ltag tu yan lag bzhi'i steng du 'dis bsnan/ slong ba ni nyes byas pa'o/ /gnyen ma yin pa'i dge slong ma la slong ba'i tshe nyes byas/ thob na rtsa ba'o//gnyen ma yin pa'i dge slong ma la gos bslangs te thob na ltung ba yin te yan lag gcig gos so/ /gnyen ma yin pa'i dge slong ma la bslangs te thob pa de gos yin na dang yan lag gnyis/ ma bri na'o/ /gnyen ma yin pa'i dge slong ma la gos bslangs te thob pa de khru gang yan chad kyang yin pa dang /yan lag 'di gsum gyis gong ma lnga'i thog tu bsnan te tshang na spang / rnam pa gang ming gis smos pa 'di rnams bzhin du bslangs te thob na spang ba'i ltung bar 'gyur/ rin dang 'di tsam ri ba zhig bslangs zhes byas te de bzhin thob pa dang / kha dog dang kha dog ser po'am dmar po zhig bslangs zhes byas te de bzhin thob pa dang /khru bslangs na'o/ /khru tshad mtho tshad 'di tsam zhig bslangs zhes byas te de bzhin thob na spang ba'i ltung bar 'gyur/ ltung ba med pa ni gzhan no/ /mdo ltag ma ltar tshad dang kha dog ming gis bsngos te bslangs pa las de bas lhag pa'am chung ba zhig byin na ltung bar mi 'gyur te nyes byas so//bsngos te bslangs pa las nor gzhan zhig byin pa ni nyes med do/ /lhan pa dang skud pa bslangs pa yang ngo / /lhan pa dang skud pa tsam gnyen ma yin pa'i khyim bdag la bslangs kyang nyes med do/ /'bri ba'i ni rgyu dang spun no//gos kyi rgyu ras kyi skud pa dang spun la sogs pa bslangs pa ni ltung bar mi 'gyur te nyes byas/ de'i rgyu yang de bzhin no/ /mdo ltag ma ltar rgyu dang spun rgyu bal dang ka ba se bslangs na nyes byas/ slong ba'i spang ba ste 'dul ba rnam par 'byed pa'i nang nas 'byung ba'i mdo ste spang pa'i ltung ba drug 'das so//lhag pa'i spang ba'i ltung ba la 'chad de/ bsngo ba thams cad med na bslang ba'i rigs so/ /dge slong gi yo byad bcu gsum du bsngos pa thams cad med cing gos phrogs pa la sogs pa'i rkyen byung na gnyen ma yin pa'i khyim pa la gos slong ba'i yo byad bcu gsum ni chos gos gsum sham thabs smad dkris rngul gzan g.yan pa dgab pa ras chen sman zong gi ras bting ba lus phyi ba skra bzed pa khrus ras rngul gzan gyi 'theb dang bcu bzhi la g.yan pa dgab pa dang ras chen ni skabs skabs su dgos pa'i phyir gcig tu brtsi'o//spang ba'i ltung ba'o//yo byad bcu gsum yod la gnyen ma yin pa'i khyim pa la gos bslangs na spang ba'i ltung bar 'gyur te ming dang khyim pa dang gnyen ma yin pa dang 'tshe ba dang yan lag bzhi'i thog tu 'dis bsnan te lngar ldan na spang ba'i ltung bar 'gyur/ khyim pa'i gos dam pa khru bcu gnyis bla'i dang gi bdun dang gnyis pa'i ras/gos rkyen byung ste med na gnyen ma yin pa'i khyim pa la slong du gnang ba yang khyim pa gos bzang por cha ba'i tshad du slong du dbang ste bzang po cha'i tshad ni steng du gyon pa zheng du khru gsum chur khru bcu gnyis 'og tu gyon pa zheng du khru do chur khru bdun te de'i tshad du bslangs na nyes med do//dge slong gi dam pa ni ji ltar bshad pa sbyar ma'i rim pa dang sham thabs so/ /gos rkyen byung ste slong du dbang ba dge slong gi gos bzang po'i tshad du bslangs kyang nyes med/ dge slong gi gos dam pa'i tshad ni chos gos chen po gsar du byed na nyi rim du snang ngo zhes 'byung ba bzhin du chos gos chen po nyi rim du sbyar ba'i tshad zheng du khru gsum chur khru lnga pa gcig dang sham thabs zheng du khru do chur khru lnga pa gnyis slong du dbang ste nyes med do//zung las slong ba gang gi yang rung ngo / /mdo ltag ma gnyis ltar khyim pa dang dge slong gi tshad rnams gnyis su bshad pa gang yang rung ste bdag gir dga' zhing dad pa cig gi tshad du slong du dbang ngo //tshad 'di las lhag pa ni mi bslang ngo / /lhag tu khyim pa dang dge slong gi gos la slong na gnang bar tshad btsugs pa las lhag par bslangs te thob pa spang bar 'gyur ro//snga ma'i thob nas ltag mar yang ngo / /byin pa'i gos tshad du bslangs pa la dge slong gi chos gos tshad dang sbyar na de'i tshad pas chung ste dge slong gi tshad du snon te byin cig ces bslangs te blangs na spang ba'i ltung bar 'gyur ro//chos gos dang sham thabs mi langs na chos gos khru phyed dang lnga dang sham thabs 'khor gsum yog par snon te byin cig ces byas pa ni nyes med do/ /dam pa thob na lhag pa sbyin/ dge slong gi gos tshad du langs pa las tshad las lhag par byin na tshad las ci lhag pa chod slar byin cig ma byin par khyer na spang ba'i ltung ba'o//mi bslang ba la bslangs na nyes byas pa'o/ /gtsos la sogs pa ma brtags pa bslangs pa'i mi rigs pa las bslangs na nyes byas/ yo byad bcu gsum yod bzhin du lhag par slong ba ni nyes byas/ thob na rtsa ba'o/ /mdo ltag ma ltar bslangs pa de thob na/gtsos la sogs pa ma brtags pa thob pa ni nyes byas lci ba/ yod bzhin du lhag par bslangs pa dang / tshad las 'das par bslangs pa ni ltung ba'o/ /sbyin pa las ma byin na yang ngo / /gos tshad bzhin du bslangs pa las tshad las lhag par byin pa slar bcad de sbyin pa'i rigs pa las ma byin na spang ba'i ltung ba'o//bslangs pa'i rigs pa spang ba'o// // lhag pa'i spang ba ste 'dul ba rnam par 'byed pa'i nang nas 'byung ba'i mdo// //rin gyi spang ba la 'chad de/ brtags te dge slong la gnyen ma yin pa'i khyim bdag pho'am khyim bdag mo gang yang rung gcig gis gos kyi rin sbyin par brtags te bzhag nas/ma sbran pa las dge slong la ni gos sbyin pa'i rin spags te bzhag go zhes ma sbran par/ shes nas ni gzhan su yang rung ste gcig las bdag gi phyir gos kyi rin spags te bzhag par thos nas/ma brtags pa dang mthun na'o/ /khyim pa de'i gan du song ste gos kyi rin spags pa dge ba yin gyis [(]pha [,]nga [) byin cig ces blangs na'ang gos kyi rkyen med par gnyen ma yin pa'i khyim pa la bslangs pa dang 'dra ste ltung ba'o/ /yan lag 'di gsum gyi steng du slong ba'i yan lag bzhis bsnan te bdun dang ldan na ltung ba/gzhan yang de bzhin no/ /mdo ltag ma ltar gnyen ma yin pa'i khyim bdag pho'am khyim bdag mo gang yang rung gcig gis bsngos te bzhag pa las gzhag par bdag gis kyang mi shes las kyang ma thos par bslangs te thos na ltung ba'o/ / brtags pa'i slong ba'i spang ba'o/ /rin gyi spang ba'i ltung ba ste 'dul ba rnam par 'byed pa'i nang nas 'byung ba'i mdo// //so so'i spang ba la 'chad de/ mi 'jigs par sbyin pa/ rin gyi spang ba ni khyim thab bam chung ma gcig gi spags pas gcig la bag tsha zhing 'dzem pa yod kyi so so'i spang ba nyid ni gnyis kas spags pas gcig la gcig bag tsha zhing 'dzem pa med pa de gnyis kas sbyin par dad pa la bskul te bslangs na yang ltung ngo //sbyor ba gcig gis thob pa ni gcig go /khyim thab dang chung ma gnyis kas so so nas gnyis kas rin phyung ste bsdus nas dge slong gi phyir gos kyi rin du spags te bzhag pa las thob na'ang spang bar 'gyur te yan lag mdo 'di gnyis kyis ltag ma rin gyi spang ba'i yan lag rnams kyis bsnan te tshang na spang bar 'gyur/gzhan bshad pa dang yan lag thams cad ltag ma rin gyi spang ba bshad pa dang 'dra'o/ /so so'i spang ba'o//so so'i spang ba 'dul ba rnam par 'byed pa'i nang nas 'byung ba'i mdo// //bskur pa'i spang ba la 'chad de/ ma brtags pa'o/ /dge slong la ma brtags pa gser dngul zhig gos kyi rin bskur ba rgyal po'am zhang blon nam bram ze zhig gis dge slong gi phyir gos kyi rin du bskur te 'ongs na/dgag pa gos khyer ba'i mi de la dge slong ni gos kyi rin ma brtags pa len du mi dbang ste gos shig byin na ni len gyi rin ma brtags pa mi len to zhes dgag pa dang / sngar 'dri ba bstan te rin khyer khyer ba'i mi de na re gos kyi rin ma brtags pa len du mi rung na g.yog gam don sgrub tu yod ces 'dri na dge slong gis don bsgrub pa 'di yin no zhes bstan te/don bsgrub pa la bsgo nas gos kyi rin khyer khyer ba'i mi des dge slong gis bstan pa'i don bsgrub pa'i mi de la gos kyi rin ma brtags pa 'dis gos shig nyos la dge slong de la byin cig ces bsgo nas/pho nyas smras par gyur pa'i phyir/ gos kyi rin khyer khyer ba'i pho nya des slar dge slong gi gan du khyed kyis don bsgrub pa bstan pa'i mi de gos kyi rin bzhag ste rin des gos su nyos la khyod la phul cig ces byas kyis gos der longs shig ces smras nas bzhag pa la/sngar smras nas bskul ba/ dge slong gis don bsgrub pa'i mi de la gos kyis brel to zhes bskul ba'i tshig lan drug las lhag pa dang yan lag ming gis smos pa 'di rnams dang ldan na spang ba'i ltung bar 'gyur ro/ /rtog mi nus pa la ni ma bskul ba'o/ /don bsgrub pa'i mi de dge slong gis bskul ba gos kyis brel to zhes byas kyang kho ra ro'am gnyid kyis log gam yengs te ma go na bskul bar mi chud de lan drug bskur ba'i grangs su mi brtsi'o//ma grub na gnyis su yang ngo / /don bsgrub pa'i mi de la dge slong gis nga gos kyis brel to zhes tshor zhing go bar len gcig bskul nas ma byin na nga gos kyis brel to zhes len gnyis kyi bar du go zhing tshor bar bskul lo//gsum du yang ngo / /mdo ltag ma ltar don bsgrub pa'i mi la lan gnyis su bskul kyang gos ma byin na nga gos kyis brel to zhes lan gsum gyi bar du go zhing tshor bar bskul lo//gsum phan chad ni kha rog ste 'dug go/ /mdo ltag ma rnams ltar lan gsum du tshig tu smras te bskul kyang gos ma byin la lan bzhi'i tshe cang mi smra bar kho'i gan du 'gro'o/ /ci la byin ces 'dri na nga de'i phyir ro zhes bya/ lan bzhir mi smra bar bskul kyang gos ma byin na mi smra bar lan lnga drug tu 'gro'o//drug las lhag par bskul te thob na spang ba'o/ /ma grub na sbyin bdag la sbran no/ /mdo ltag ma ltar gos kyis brel to zhes tshig gis lan gsum bskul/ cang mi smra bar lan gsum ste drug tu bskul nas gos ma byin na dge slong des rgyal po'am zhang blon gag gis gos kyi rin bskur ba de'i gan du khyod kyis gos kyi rin bskur ba de nga'i lag tu ma thob kyis shes par byos shig ces pho nya brtags pa'am bdag nyid kyis sbran ma sbran na nyes byas/gos kyi rin khyer khyer ba'i mi des khyod kyi don bsgrub pa gang yin zhes ma dris par bstan na'ang nyes byas/rin khyer khyer ba la gos kyi rin ma brtags pa len du mi dbang ngo zhes ma bkag na'ang nyes byas so/ /'di lta bur gyur te btang nas 'bul na gtang ngo zhes smras pa dang / bdag gis sems gzung bar nan tan bya'o zhes khas blangs na longs shig /mdo ltag ma ltar lan drug tu bskul te gos ma byin nas rgyal po'am zhang blon thog ma nor bskur bskur ba de la dge slong gis slar sbran pa'i 'og tu don bsgrub pa'i mi de gos bzhes su gsol zhes 'bul du 'ongs na ngas nor bdag la slar sbran zin to zhes gyis la ma len cig blangs na spang bar 'gyur/nor bdag la sbran zin gyis mi len to zhes byas kyang don bsgrub pa na re ngas nor bdag gi sems bzung zhing mi dga' ba med pa dang dad cing rung bar bya'o zhes zer na gos blangs kyang nyes med do/ /lhag par bskul tam gnas nas khas ma blangs na'o//dge slong gis don bsgrub pa la lan drug las lhag par bskul te gos thob bam slar nor bdag la sbran pa'i 'og tu don bsgrub pa na re nor bdag gi sems gzung ngo zhes mi zer bar gos blangs na spang ba'i ltung bar 'gyur te yan lag gnyis blangs na'o/ / lhag par bskul te gos blangs nas lag tu thob pa dang yan lag gsum gsum char yang mi khyim pa na'o/ /nor bdag dang pho nya dang don bsgrub pa gsum char yang mi'i rgyud kyang yin pa dang khyim pa yang yin pa dang yan lag gnyis su brtsi ste yan lag 'di gnyis kyi steng du ltag tu smos pa gsum gyis bsnan te lngar tshang na spang ba'i ltung bar 'gyur/ma smras na nyes pa'o/ /gos kyi rin khyer khyer ba'i pho nyas don bsgrub pa la ni rin 'dis gos 'di nyos la ming 'di zhes bya ba'i dge slong 'dir 'ongs dang byin cig ces ni bsgo'i slar dge slong la ma sbran par song ba la dge slong gis don bsgrub pa la bskul na nyes byas ma 'gags na'o//gos kyi rin cig pho nyas khyer te 'ongs te dge slong la phul na dge slong gis gos kyi rin ma brtags pa mi len to zhes gogs shig /ma 'gags na nyes byas/ ma dris par ston na'o/ /gos kyi rin khyer khyer ba'i pho nya des khyod kyi don bsgrub pa gang yin zhes ma dris par dge slong gis nga'i don bsgrub pa de yin no zhes pa bstan na nyes byas re ba med nas ma sbran na'o//don bsgrub pa la lan drug tu bskul ba ste gos ma thob na slar nor bdag la ma sbran na'ang nyes byas/ bskur ba'i spang ba'o/ /bskur ba'i spang ba 'dul ba rnam par 'byed pa'i nang nas 'byung ba'i mdo'o/ /spang ba'i ltung ba bcu phung gcig rdzogs so// //srin bu'i spong ba la 'chad de/ chongs shig gding ba dang / stan phying par bcags pa'am shing bal gyi bar tshangs can du byas pa bcangs kyang nyes med de cher byed na zheng du khru do dang sor drug chur khru phyed dang lnga/cog pu pa'i stan chung du byed na chur khru phyed dang gsum zheng du khru do dang sor drug tu bya'o/ /srin bu'i byed du bcug gam byas na'o/ /srin bal la stan sar pa bdag gis byas sam gzhan byed du bcug na yang spang ba'i ltung bar 'gyur te/gnyen ma yin pa dang khyim pa yin pa dang / gsar du byas te zin pas spang bar 'gyur te byas zin pa'i ni srin bu'i byas pa dang yan lag 'di bzhi dang ldan na spang ba'i ltung bar 'gyur/ yan lag 'di bzhi ni 'ba' zhig dang cha'i spang ba'i yan lag tu'ang gtogs so//thog ma bting ba ni byas zin pa'i mtha' 'o/ /srin bu'i stan byas te zin pa las spang bar gyur te byas zin pa'i tshad ni srin bu khod bsnyams te bting bas zin par gyur to zhes TI ka las 'chad / 'dul ba 'dzin pa kha cig na re kun zin te 'og tu bting na zin pa'i tshad do zhes kyang 'chad do//'og nas 'ba' zhig dang cha gnyis byung ba yang zin pa'i tshad ni 'di dang 'dra'o/ /srin bu'i ltung ba med pa ni byas te thob pa dang spyad pa dang bcos pa la'o/ /ltung bar mi 'gyur ba ni gzhan gyis srin bu'i stan byas te byin pa la blangs pa dang blangs pa de spyad pa dang rnying pa las bcos pa ni nyes med do//srin bu'i spang ba ste rnam par 'byed pa'o / /srin bu'i spang ba'i ltung ba ste 'dul ba rnam par 'byed pa'i nang nas 'byung ba'i mdo// //dbri ba ni nyung dus bsres pa'o/ /srin bal gyi stan gsar du byed pa la phyed yan chad gcig bal dang ka ba ses bsres na nyes byas pa'o//phyed man chad cig bal dang ka ba ses bsres te srin bal mang na ltung / rdzas ma rung bar gyur na'o/ /srin bal rul ba'am rnying pa la stan byas nas nyes byas te 'og nas 'ba' zhig dang cha gnyis 'byung ba yang rul pa dang rnyings pa las byas na nyes byas pa'o/ / dris pa'o/ /srin bu'i spang ba 'dul ba dris pa'i nang nas 'byung ba'i mdo// //srin bu'i spang ba'o/ /srin bu'i spang ba ste 'dul ba so so'i nang nas 'byung ba'i mdo/ 'ba' zhig pa'i spang ba la 'chad de lug bal nag po 'ba' zhig /dge slong gis lug gi bal nag po 'ba' zhig pas stan sar pa byas na spang ba'i ltung ba ste yan lag dang tshad ni ltag tu srin bu'i bshad pa dang 'dra'o//rigs kyis pa'o/ /lug gi bal dkar po'am gro bo las sa nag tu btsos pa ni ma yin gyi rigs kyis nag por 'dug pa la byas nas ltung / de bzhin du sngon po dang sngo nag dang smug po dag kyang ngo //lug gi bal rigs kyis nag por 'dug pa la stan sar pa byas na spang ba'i ltung bar 'gyur ba bzhin du ming gis smos pa 'di rnams rigs kyis de ltar 'dug pa la stan sar pa byas nas 'ang ltung ba'o/ /yul la la zhig na dkar po dkon na yang bal dkar po 'ba' zhig la stan sar pa byas na'ang spang ba'i ltung bar 'gyur ro//yan lag dang bshad pa kun srin bu dang 'dra'o/ /nag po 'ba' zhig gi spang ba'o/ /'ba' zhig pa'i spang ba'i ltung ba ste 'dul ba rnam par 'byed pa'i nang nas 'byung ba'i mdo// //cha'i spang ba la 'chad de/ de dag phyed las lhag na'o/ /dge slong lug bal la stan sar pa byed na phyed lug bal nag po las gzhug /bzhi cha gcig dkar po las gzhug /bzhi cha gcig shog bal las gzhug ste de las nag po dang dkar po lhag na spang bar 'gyur/ shog bal lhag par bcug pa ni nyes med do//'di dkar po dang shog bal du cha mnyam par bsre'o/ /lug gi bal stan sar pa byed na phyed nag po las gzhug /phyed dkar po dang shog bal las gzhug ste nag po la bzhi cha gnyis dkar po la bzhi cha gcig /shog bal yang bzhi cha gcig gis thang du bcug ste bya'o//logs dang rgyab dang gnya' ba nas skyes pa ni snga ma'i'o/ /lug gi rtsib logs dang rgyab dang / gnya' ba nas bal ba ni 'jam bal yin te dkar po zhes bya'o/ /mgo dang rkang pa dang lto ba'i ni phyi ma'i 'o/ /lug gi mgo dang rkang pa dang lto ba nas bal ba ni shog bal zhes bya ste/'di rnams la gong du bshad pa'i tshul bzhin du bsre'o/ /yan lag dang bshad pa ni kun rtag tu srin bu dang 'ba' zhig ba 'chad pa dang 'dra'o/ /cha gnyis kyi spang ba'o/ /cha 'di spang ba ste 'dul ba rnam par 'byed pa'i nang nas 'byung ba'i mdo// // drug gi spang ba la 'chad de/ chu dang zheng dang lhag pa bcad do/ /dge slong gis gding ba lo drug tu lon pa zhig rnyings te spyad du mi rung nas dge 'dun la spyad brim du 'ongs nas sar pa byed du gsol na dge 'dun gyis ltos la rnying pa spyad du mi rung na sar pa byed du chug shig /sar pa de chu zheng du lhag na tshad bzhin las lhag pa chod du chug cig /thung ngam chung na skyed do/ /gding ba de chung ngam thung na ltag tu srin bu'i nang du tshad che chung rnam gnyis bshad pa gang yang rung gag gi tshad du dga' bar skyed cig chad na sbyar ro/ /gding ba rnying pa chad pa zhig ste slar sbyar na spyad du rung na sar pa byed par gnang ba mi sbyin par chad pa 'di ltar sbyor te tshems la spyod cig ces bsgo shig gyes sam srab na kha bskang ngo //gding ba rnying pa de gyes sam srab mor song ste glan nam spyad du rung ba tsam gyi tshod na'ang sar pa byed par gnang ba mi sbyin par rnying pa lhan pas glon la slar sbyor du chug shig /dka' bar byed na sbyin no/ /gding ba rnying pa de rnyings ches te glan kyang spyad du mi rung na stan sar pa byed par dge 'dun gyis gnang ba byin cig /gnang ba ma thob la/ dge slong gis stan lo drug pa sar pa zhig byas na dge 'dun la ma gsol tam gsol kyang gnang ba ma thob pa dang /gzhan yod dam/ stan lo drug pa snga ma yod bzhin du phyi ma gsar du byas pa dang / bdag gis 'dod de btang ngam bdag stan sar pa 'dod pa'i phyir rnying pa gud du btang ste sar pa byas pa dang / lo drug gi rgyud ma 'das par/ gding ba rnying pa lo drug ma lon par sar pa byas pa dang /gding ba byed na'o/ /yan lag 'di rnams dang ldan par gding ba sar pa byas te zin na spang ba'i ltung bar 'gyur ba'o/ /yod bzhin du brtsams shing bshams na yang ngo / /stan sar pa gcig bya bar brtsams shing bshams te mgo btsugs pa la zin par phyi ma gcig kyang bya bar mgo btsugs te bshams na nyes so//bshams te mthar byin na sbyor ba ma lus ltung ba yin no/ /mdo ltag ma ltar stan rnam gnyis bya bar mgo btsugs pa las snga ma ni ma zin gyi phyi ma zin na nyes byas so/ /snga ma dang gnyis zin na ltung ba'o//spang ba ni phyis mgo btsugs shing bshams pa las sngar zin pa de spang ngo / /rab tu 'byung ba gzhan gyis tha dad do/ /sngon dge slong byed byed pa las slar khrims phul ba las yang slar khrims nos te gding ba sar pa byas pa ni sngon dge slong byed pa'i tshe gding ba byas su zin kyang gding ba gnyis byas par mi brtsi'o//lo drug gi spang ba'o/ /drug gi spang ba ste 'dul ba rnam par 'byed pa'i nang nas 'byung ba'i mdo// //mtho gang gi spang ba la 'chad de gding ba rnying pas sar pa'i gding ba la bde bar gshegs pa'i mtho gang ma glan par spyad na'o/ / bdag gi gding ba bsngos pa rnyings te sar pa byed na rnying pa dbus ni zad cing rtol gyis mtha' mkho ra khor yug tu ma rtol ba las bde bar gshegs pa'i mtho gang 'khor bar dra ste gru bzhir sbyar la sar pa sra bar bya ba'i phyir sar pa'i dbus su glon cig/ /rnying pa yod bzhin du sar pa byas te rnying pa'i mtha' las bde bar gshegs pa'i mtho gang gis ma glan par byas te spyad na spang ba'i ltung ba'o//de ste yod na'o/ /gding ba rnying pa yod na sar pa'i dbus su glan gyi rnying pa med na ma glan pa sar pa byas kyang nyes med do/ /de tsam na yang ngo / /gding ba rnying pa yod ni yod de mtha' las bde bar gshegs pa'i mtho gang du mi 'byung na yang ci yod pa des glan no//bcos nus na yang ngo / /gding ba rnying pa rnyings te btang nas bsdus shing btsems la bde bar gshegs pa'i mtho gang 'byung na'ang bsdus shing btsems la bde bar gshegs pa'i mtho gang du kha bskang la/gding ba sar pa'i dbus su glan/ dum bu bsdus te yang ngo / /gding ba rnying pa dum bur so sor bral ba zhig na yang dum bu kun mi dor bsdus pa gcig la gcig btsems te sar pa'i dbus su glan/ mtho gang gi spang ba'o//mtho gang gi spang ba 'dul ba rnam par 'byed pa'i nang nas 'byung ba'i mdo// //lam gyi spang ba la 'chad de/ /khur tsa yod dam med kyang dpag tshad gsum las 'das par lug bal khyer na'o/ /dge slong gis bal zhig rnyed de khur tsa yod bzhin du bdag gis blangs te khyer na thog ma khyer ba'i tshe nyes byas/dpag tshad gsum dang rgyang grags phyed du phyin na'ang nyes byas gcig /dpag tshad gsum dang rgyang grags gcig 'das na spang ba'i ltung ba'o/ /lam du zhugs nas rgyang grags nyid kyis so/ /khur tsa yod bzhin du bal khyer na dpag tshad gsum dang rgyang grags gcig 'das pas spang bar 'gyur ro//bud med dang / dge slong ma dang lam du 'grogs pa yang rgyang grags gcig 'das na ltung ba'o/ /yang yang gis lam dus kyang rgyang grags gcig 'das na bzar dbang ngo //phyed ni sbyor ba'i 'o/ /khur tsa yod bzhin du bal dag khyer te dpag tshad dang rgyang grags phyed 'das na nyes byas so/ /bud med dang dge slong ma dang lam du 'grogs pa yang rgyang grags phyed du 'das na nyes byas/ nyes byas pa ni rdzu 'phrul las gzhan gyi thabs kyis nam mkha' las blangs pa'o//dgra bcom pa'i 'phral gyis bal khyer ba ni ma gtogs te 'jig rten gyi rdza 'phral gyis bal khyer ba dang sgyogs la sogs pa lta bus nam mkha' la 'phangs te bal khyer ba ni dpag tshad gsum dang rgyang grags gcig 'das na nyes byas gcig /de phan chad rgyang grags re re 'das shing nyes byas re re'o//sprul pas kyang ngo / / phyugs dang mi la sogs pa zhig gud du sprul te bal bskur ba ni mdo ltag ma bzhin du dpag tshad gsum dang rgyang grags gcig 'das na nyes byas/ nyes med pa ni zhwa dang lham dang rngul gzan bar tshangs can dang rgya cang lcag pod sbu gu can la sogs pa de tsam dag go//ming gis smos pa 'di rnams kyi rgyu bal khyer ba ni nyes med do/ /yang rdul dang rdul phran dang chu'i dang me long gi dang ri bong gi dang ra'i dang ba'i dang bu gu'i dang nyi zer gyi rdul dang sro ma dang shig dang nas dang sor dag ste snga ma drug cing phyi ma'o//dpag tshad dang rgyang grags brtsi ba'i thabs ni ming gis smos pa 'di rnams las brtsis te 'di go rim bzhin du snga ma drug la phyi ma gcig tu brtsi'o/ /sor bzhi phrag drug la khru'o/ /nas drug la sor gcig sor nyi shu rtsa bzhi la khru gang du brtsi'o/ /phyed dang bzhi la mi'o//khru de phyed dang bzhi la mi gang du brtsi'o/ /khru bzhi la gzhu'o/ /khru de bzhi la gzhu gang gi tshad du brtsi'o/ /de lnga brgya la rgyang grags so/ /gzhu de lnga brgya la rgyang grags gcig gi tshad du brtsi'o/ /rgyang grags brgyad la dpag tshad gcig tu brtsi'o/ /de'i mtha' phan chad ni dgon pa'o//dgon par brtsi ba'i tshad ni gtsug lag khang nas rgyang grags gcig phan chad do/ /lus kyis khur mi bskur / /dge slong gis srang khur dang rgyab khur la sogs pa lus kyis khur mi bskur / logs dang rgyab dang sta zur dang mgo las kyang ma yin no//lus kyi yan lag ming gis smos pa 'di rnams gang gis kyang khur mi bskur ro/ /'di spyi'i ma yin par ma dogs shig /dge slong mas kyang khur mi bskur ba 'di bzhin du bsrung ngo / /dge slong mas bsrung ngo zhes glo tol du bshad pa ni mdo thams cad spyi'i sems yin mod kyi dge slong bal khyer ba med de ma gtogs pas bal gyi mjug ma khur mi bskur zhes 'byung ba yang dge slong ma'i khrims su ma gtogs zhes 'dzin gyis dogs pa'i phyir smos so//khur phyed las lhag par mi 'degs / dge slong khur zhig khur dgos na bdag gis ci theg pa las phyed man chad khur khyer du dbang ngo //khur phyed la sogs pa ste/ khur gcig tu mi chud pa'i phyir dbang ngo / /bal khyer ba'i spang ba'o/ /bal gyi spang ba ste 'dul ba rnam par 'byed pa'i nang nas 'byung ba'i mdo// //'khru ba la 'chad de/ gos rnying pa'i gnas su lug bal lo/ /gnyen ma yin pa'i dge slong ma la gos rnying pa 'khrur bcol na spang bar 'gyur ba'i yan lag dang bshad pa bzhin du lug bal 'khrur bcol ba'ang de dang 'dra'o/ /'chag pa rmel ba'o/ /lug bal rmel ba dang 'chag pa dang 'khru ba dang 'tshed pa dang 'khal ba 'di rnams gang yang rung ste gnyen ma yin pa'i khyim pa la bcol na ltung ba ste gos rnying pa'i yan lag dang bshad pa'i steng du 'di bsnan te tshang na spang bar 'gyur/bal gyi las kyi spang ba'o/ /'khru ba'i spang ba ste 'dul ba rnam par 'byed pa'i nang nas 'byung ba'i mdo// //gser gyi spang ba la 'chad de/ rin po che bdag gir byas pa'o/ /gser dngul bdag gi yin par shes shing sems pa las spang ba'i ltung bar 'gyur te yan lag gcig /mngon sum du der rdzogs pa'o/ /gser dngul bdag gi yin par shes te mig sngar yang mthong ba dang yan lag gnyis/gser dngul mthong ste bdag gi yin par bsam pa'i tshe na nyes byas so / /bdag gi nam brtags pa'i'o / /gser dngul yon bdag gi phyir brtags pa'am bdag bcang bar sngags kyis ma thebs pa dang yan lag gsum/reg gam bdag gi lag gis bzung ngam/ reg tu bcug na'o/ /gzhan len du bcug na spang bar 'gyur te yan lag 'di lnga dang ldan na spang ba'i ltung bar 'gyur ro/ /ji lta ji lta bu yang ngo / /gser dngul la bdag gis snod nas bzung ngam shing gis blangs sam thabs ji lta bur reg kyang ltung /gzhan la long zhes byas sam bcol zhes byas sam khyer zhes byas sam zhog cig ces byas sam thabs ci lta bur reg tu bcug kyang ltung bar 'gyur ro/ /zong gi zangs la byas nas nyes byas pa'o/ /dong tshe dang pa ne lta bu zong du spyod pa la bdag gis reg gam reg tu bcug na'ang nyes byas/dngul lam gser dang bsres pa'i zong ste ge dar lta bu la reg na ltung ba'o/ /ltung ba med pa ni gzhan la'o/ /zangs la pa ne lta bur zong du ma byas pa zangs gzhan la reg pa ni nyes med do/ /ro nye dang khar ba dang tshon mo steng dang lcags rnams kyang ngo //ming gis smos pa 'di rnams la reg na'ang nyes med do/ /dge tshul dag gis kyang ngo / / dge sbyong pho mos kyang bdag gi gser dngul la reg tu mi dbang / sbyin bdag bdag por bsngos pa dang don bsgrub pa bdag por khas blangs pa dang bsngos pa ni brtags pa'o//sbyin bdag por bsngos pa dang zhes pa ni yon bdag rgyal po'am zhang blon lta bu'i phyir kho'i yin par bsams te kho'i phyir bsod nams bskyed pa la sogs par spyad pa'i phyir bcangs pa dang reg pa ni nyes med do/ /bsgrub pa nas dang zhes pa yin par du ni khyim pa la bdag gis yon bdag chung ngur bsngo ba'i mi zhig yod na yang de'i phyir bsod nams spel ba la sogs par kho'i yin par bsams shing reg pa dang bcas pa ni nyes med do//bsngos pa ni brtags pa'o zhes pa ni bdag gi yo byad bcu gsum lta bu ma tshang ba nyo ba'i phyir sngags kyis btab pa yang bcangs shing reg pa nyes med do//chos kyi don gyi phyir med pa las gzhan du mi skye/ bdag gi yo byad bcu gsum yod bzhin du yo byad nyo ba'i rin du sngags kyis btab te bzhag pa ni sngags mi 'chags te spang ba'i ltung byed 'gyur ro/ /dkon mchog gsum gyi phyir spyad par brtags te bzhag pa ni nyes med/bdag po rim yang zhig pa ma yin no/ /sbyin bdag che chung du bsngos pa lam ring po zhig na 'dug na yang de'i phyir spyad par bsams te gser dngul la reg pa'ang lam ring po'i phyir sbyin bdag tu mi chud pa ma yin te nyes med do//brtags pa ni bdag gi don gyi phyir ba'i zas so/ /bdag kha zas dang brgyags kyi zong du gser dngul la sngags kyis btab ste bcangs pa'ang nyes med do/ /gzhan la zas kyi phyir tshong byed du bcug gam reg tu bcug kyang nyes med do/ /de bya bar bcol ba'i phyir kAr ShA pa Na 'chang ba yang ngo //bdag gi zas dang brgyags zong du gzhan la bsgyur bar bcol ba'i phyir kAr ShA pa Na bcangs pa'ang nyes med do/ /dge 'dun dang grogs po la bshos gsol ba'i phyir pa Na bcangs shing reg pa dang yon bdag gi bdag gis zan rin du pa Na phogs pa blangs te bcangs kyang nyes med do//lam zong du na rin po che tshun chad bdag gud du lam ring por 'gro ste brgyags su bskur mi theg na brgyags zong gser la dang rin po che tshun chad khyer zhing reg kyang nyes med do/ /me'i phyir shel sgong chongs shig/ / dge slong dgon pa pa med dbyung ba'i phyir me'i shel sgong bcangs kyang nyes med do/ /chag ma dang me long bcangs kyang nyes med do/ /me mi phyin pa'i shel sgong bcangs pa ni ltung bar 'gyur/'di mi dben par ma bzhag cig/ /me'i shel sgong mi gtor bar bya ba'i phyir dben par bzhag cing gzhan gyis ma mthong bar bya/ma byin par len pa la mi bstan/ me'i shel sgong rkun po dang mi rgod lta bu la mi bstan/ 'di las 'bras bu 'byung ba ni sbyin/ mi rgod dam rkun po me slong na shel sgong ma mthong bar lkog tu phyung la me sbyin no/ /chu'i phyir nor bu tsan dra kan ta'o//chu 'byung zhing spyad pa'i phyir chu'i shel sgong bcangs kyang nyes med do/ /bsrung ba'i cho ga mtshungs/ chu'i shel sba zhing bsrung ba dang chu dbyung ba gzhan slong ba sbyin pa ni me'i shel la bshad pa dang 'dra'o/ /rin po che'i nang du ma chud pa yo byad gnang ba'i rnams kyang ngo //dge slong gis yo byad du 'chang du gnang ba'i rnams gser dngul dang rin po che las byas te mi bcang / gser dngul dang rin po che ma yin pa'i snod spyad ni bcangs kyang nyes med do/ /'og nas 'chad do/ /ra gan dang zangs dang khar ba dang shing gi lhung bzed bdag gir mi bya/ming gis smos pa 'di rnams las snod spyad byas te bcang du mi gnang ngo / /bdag gir byas pa 'di'am gzhan dag kyang 'ong ste spyad na sman dang snod snyam du spyad do/ /mdo ltag ma'i nang nas ming gis smos pa 'di rnams dang snod spyad gzhan las byas pa zhig mi bcang du 'phangs ste mi bdog na'ang kha zas ni sman yin snod spyad de ni sman gyi snod snyam du bsams te bcangs kyang nyes med/bsngos pa'i gnyis te lcags dang sa'i'o/ /dge slong gis kha phyis su bcang du gnang zhing brtags pa ni lcags dang khams gnyis lhung bzed du byas te/ kha dog bsgyur ba'o/ /nor bu dang / nor bur brtsi'o cog la bya/ mu tig dang baiDUr+ya dang / mching bu la bya/ man shel dang byu ru chen po dang dngul dang gser dang asma gar b+ha dang mu sa la gar b+ha dang lo hi ti ka dang g.yas phyogs su 'khyil pa'i rin po che la sogs pa'o/ / ming gis smos pa'i nor bu dang rin po che 'di rnams las bdag gir byas shing reg gam reg tu bcug na spang ba'i ltung bar 'gyur ro/ /'bri ba ni zong du ma yin pa dag kyang ngo / /mdo ltag ma ltar rin po che ming gis smos pa la ma gtogs pa rin po che'am nor bu'i gzugs su ni 'dug gi zong du ni mi spyod cing mi bsgyur ba la reg na nyes byas/de ma thag pa yang ngo / /dngul dang nyo tshang gnyis kyang rin po che ming gis smos pa 'di rnams las ltung bar 'gyur ro/ /chad pa dang 'bral ba dang dum bu dang tshig pa dang / nor bu dang rin po che las ming gis smos pa 'di rnams ltar gyur te spyad du mi rung ba zhig la reg na nyes byas/sngon mi spyod pa dang mtshan ma ma btab pa dang nor bu dang rin po che dang sngon zong du spyod spyod pa las da mi spyod pa zhig la reg na nyes byas/ gzugs brnyan yang de bzhin no/ /zong gi pa ne'i gzugs 'dra bar 'dug pa dang sa'am shing la kha dog gzhan gyis bsgyur te gser dngul lta bur 'dug pa'i nor bu la bya/gser dang dngul gyi spang ba'o/ /gser gyi spang ba'i ltung ba 'dul ba rnam par 'byed pa'i nang nas 'byung ba'i mdo// //dngul gyi spang ba la 'chad de/ ltung ba ni rnyed par 'dod pa'o//gser dngul dang gos zas la sogs pa khe spogs dang bun du gtong zhing lhag 'dod pa'i phyir byas pa las ltung bar 'gyur te yan lag gcig /pha rol gnyen ma yin pa'i khyim pa na rtsa ba'o/ /pha rol po gnyen ma yin pa la khyim pa yang yin pa la sogs byas na ltung bar 'gyur te yan lag gsum/spogs phyin pa yang ngo / /khe 'dod de gnyen ma yin pa'i khyim pa las spogs kyang phyin pa dang / yan lag bzhi dang ldan na spang ba'i ltung bar 'gyur/ de ma thag pa yang ngo / 'og nas nyo tshong gi spang ba'i ltung ba 'byung ba yang yan lag 'di bzhi dang ldan na ltung bar 'gyur ro//dong tse'am rin po ches tshong byas na'o/ /dong tse'am nor rin po che la sogs pa ci'ang rung ste spogs byas nas khe phyin na spang ba'i ltung bar 'gyur ro/ /sbyor ba ni gcig go/ /spogs byed par sbyor zhing rtsom pa ni nor lag tu ma thob tshun chad nyes byas te gcig tu zad do//dkon mchog gi phyir bshams pa ni yod na kun dga' ba'am dge bsnyen las yod na bcol to/ /dkon mchog gi phyir byed cing spyod na spogs phyin kyang nyes med de / dge bsnyen tam zhal ta pa'am rtse rgod yid brtan pa la bcol te tshong dang spogs byed du gzhug go //gta' nyi rim blangs te'o/ dkon mchog gi phyir nor rdzas spogs kyi phyir btang ba de ci ri ba gta' nyi rim blangs la sbyin no/ /dpang dang mdo ltag ma ltar spogs su btang ba de dpang btsugs la/ lo dang lo tshigs smos te/ zla ba dang zla ba'i dus bzung la/ /zhag dang tshes grangs brtsi ste/ /dge 'dun gyi gnas brtan dang gtsug lag khang gang yin pa ming gis smos nas gtsug lag khang 'di gnas brtan ming 'di'o zhes bya ba dang / gtsug lag khang skyong dang dge 'dun gyi gtsug lag khang skyong gang yin pa'i ming yang smos te/len pa dang / mi su la spogs su gtang ba'i sde cha dang ming rus bzung la/ nor dang nor spyi dang ci khyer ba'i grangs dang spu rtags smos te/ spogs rnams slar spogs ji tsam dbul ba'i gtan tshigs bzung la/ leb ma la bslan/shog shog la bris te chags rgya dang dpang yig bzung ste bzhag /'di dag la chud par byos shig /mdo ltag ma ltar dge 'dun snga ma rnams kyis nor spogs su btang ba las dge 'dun snga ma bzhin du 'dod na phyi ma rgyus ma shes pa rnams la mi 'di la nor 'di snyed cig spogs su btang ste chags rgya 'di yin gyis ngos shig ces bstan/dngul 'tshong ba'i spang ba'o/ /dngul 'tshong ba'i spang ba ste 'dul ba rnam par 'byed pa'i nang nas 'byung ba'i mdo// //'di ni gzhi gcig na 'dug cing bun dang bde dang skyed du gtang ba la bya'o/ /nyo 'tshong la 'chad de gzhan gyi gser dngul 'ba' zhig tu ma zad kyi nor zas dang phyugs zan dang mi la sogs pa yul gzhan du lam ring por tshong spogs byed na spang bar 'gyur/dge 'dun gyi zas kyi phyir rin gyis nyo na dge 'dun gyis lam sbyin/ khyim pa'am dge bsnyen zhig gis dge 'dun bshos gsol ba'i phyir rin du phul te zan gyi rgyu sbyar du gsol zhes zer na bdag cag gis gtsug lag khang gi dge 'dun yang rung dge 'dun gzhan gyi phyir yang rung rin blangs la zan gyi rgyu sbyar ro//'on te de nyid du na bye brag yod par ro/ /mdo ltag ma ltar dge 'dun gzhan zhig gi phyir zan sbyin par rin phul ba ni ci ri ba tsam gyi rgyu sbyin no//bdag cag gis dge 'dun zan sbyin par rgyu phul ba ni bye brag yod par rin las lhag par zas kyi rgyu phyung ste mchod ston rgyas par bya'o/ /nyo'o zad na dge 'dun gyis so/ /dge 'dun gyi bshos nar ma'i rgyu zad dam chad par gyur pa'i tshe dge 'dun gyi dkor gser dngul lam yon bdag gcig gis yon du 'phul ba zhig yod na las pa'i dge slong gis btsongs shing spyad kyang nyes med do//sar pa yang ngo / /mdo ltag ma ltar dge 'dun gyi bshos kyi rgyu nyo ba ni ston nyos na rin chung ba dang srog chags med pa'i phyir ro//'on te rnying pa srog chags med na btsong / dge 'dun gyi nas 'bras gsang gsar tshogs che zhing bshos thub par gyur na snying nad du 'gyur zhing srog chags 'jug pa dang rul bar 'gyur ba'i phyir btsongs kyang nyes med do/ / rin mi gdab / dge slong gi pha rol tshong byed pa'i gzu bo dang rin thang mi bcad/ de ltar byas na nyes byas/ khyim pa spyod pa'i nang du lag pa mi gzhug /dge slong gis khyim pa'i so nam dang spyod do cog gi nang du gtogs 'dod mi bya ba dang pha rol tshong byed pa la da nyos tshur khyer shig ces kha brngam mi bya byas na nyes byas/khyim pa las nyor gzhug /dge slong gis chos kyi don du bya ba'i phyir yo byad cig nyos na dge bsnyen dad pa'am khyim pa brtan po la bcol kyang nyes med do/ /ma grub na dge bsnyen tam khyim pa tshong byed pa med dam ma nus na/ lan gsum gyi bar du tshig brjod/ nor bdag gis nor mi ri ba la rin cher btab na dge slong gis ci ri ba bshor te lan gsum du dad pa dris te pha rol dad na tshong byas kyang nyes med dkon mchog gsum ma gtogs par/ dge slong gis dkon mchog gsum gyi yo byad du bya ba'i phyir tshong dang khe spogs phyung ba ni nyes med/gzhan zhig dkon mchog gsum gyi yo byad du tshong byed pa la bdag gis mgon byas te zer gyis mthong ba'am rgyal bar byas kyang nyes med/ pha rol gyi phyir dag kyang skyed bri mi bya/ dkon mchog gsum ni ma gtogs bdag dang gzhan gyi phyir tshong byed na bdag rgyal ba'am pha rol pham par mi bya ste mnyam par bya/skugs mi gzugs/dge slong gis gdeng med par rgyal 'gyed cing skugs btsugs te nor thob kyang nyes byas shes bzhin du skugs btsugs te nor thob na pham pa'i sbom pa'o / /dge 'dun gyis de'i phyir dge 'dun gyi las byed pas sbyin/dge 'dun gyi dkor gser dngul lam nas 'bras lta bu zhig las spogs byed na bar chad du 'gyur ba'i phyir dge 'dun kun 'du mi dgos kyis gsol ba dang zhu ba'i las kyis bsgos pa'i dkor bas gar rigs par tshong byas kyang nyes med/rgan po rgan po la ma dris par dge 'dun gyi phyir ba mi btsal / mdo ltag ma ltar tshong spogs byas pa dge 'dun gyi las ci yang rung te las byas pa'i dge slong gis gnas brtan gsum bzhi yan chad la ma dris par las mi bya/ leb ma la bris te 'grub par de la nan tan bya/dge 'dun gyi dkor las dkor bas khe spogs su btang ba'i rnams khungs su bas par mi 'gyur ba dang / bdag dkor pa las 'byung ba'i tshe bdag la skyon med cing gtsang mar bya ba dang snod gang brtsir rung ba'i phyir shog shog la bris te gzhag /nyo tshong gi spang ba'o/ / nyo tshong gi spang ba ste 'dul ba rnam par 'byed pa'i nang nas 'byung ba'i mdo// //spang ba'i ltung ba bcu phung gnyis rdzogs so// //lhung bzed la 'chad de/ lhung bzed las so/ /dngos po lhung bzed kyang yin la zhag bcu las 'das na spang ba'i ltung bar 'gyur ba dang / ma bsngos pa las so//lhung bzed bsngo ba'i sngags kyis ma thebs pa dang zhag bcu 'das pa las spang ba'i ltung bar 'gyur te skya rengs dang rtsis mgo ni gong du gos zhag bcu 'das nas spang ba'i ltung bar 'gyur ba dang 'dra/ spang ste rab tu 'byung bar 'dod pa la thob par bya/ dge bsnyen tam rab tu 'byung bar 'ong ba la sbyin no zhes bsngos pa'i lhung bzed ni zhag bcu las 'das par bcangs kyang nyes med do/ /de ltar sbyin par bsngos pa las phyis mi sbyin du mi rung ngo / /ma brtags pa ni/ lhung bzed bsngor mi rung zhing sngags mi 'chags pa ni ming gis smos pa 'di rnams te/sre bo dang tshon ra rir 'dug pa dang / dkar po dang dkar po nyid du 'dug pa dang / lhag pa lhung bzed chen po'i tshad las 'das pa dang / rnams kyang ngo / 'di rnams lta bu cig zhag bcu 'das par bcangs na'ang spang ba'i ltung bar mi 'gyur te nyes byas/'bri ba ni rjen pa yang ngo / /lhung bzed sar ba rtsis ma bskus pa bskus kyang lhung bzed chung ngu'i tshad du'ang ma thub pa ni sngags mi 'chags te/ zhag bcu 'das na nyes byas/ nyes med pa ni lhung bzed chung ngu gcig go/ /ku pa tra lta bu chung ngu zhig bsos pa'i lhung bzed las lhag par bcangs kyang nyes med/lhung bzed 'chang ba'i spang ba'o / /lhung bzed 'chang ba'i spang ba ste 'dul ba rnam par 'byed pa'i nang nas 'byung ba'i mdo// //'di man chad lhung bzed 'og ma la 'chad de/ rab tu 'dod par mi bya/ dge slong gis gzhan gyi nor rdzas bzang po la 'dod cing chags par mi bsam/yo byad la chags par mi bya/ bdag gi yo byad ming gis smos pa bcu gsum lta bu la sogs pa la chags par mi bya/ gang la zhen pa de mi bcang sngon dge slong cig bdag gi lhung bzed la chags te shi nas lhung bzed kyi nang gi sbrul gdug par skyes pa las bcas te bdag gi yo byad gcig la chags na gang la chags pa'i dngos po de gzhan la gtan spang /lhung bzed kyang med na bslang / mdo ltag ma ltar bdag la yo byad bcu gsum med na slong du dbang ba bzhin du lhung bzed kyang med na bslangs kyang nyes med/de yod pa la'o/ /lhung bzed bsngos pa bdag la yod bzhin du gzhan bslangs te rnyed na spang bar 'gyur te yan lag gcig /lhan pa bzhi tshun chad der gdab pa'i/ lhung bzed snga ma bsngos shing yod pa lhan pa bzhi tshun chad btab ste spyad du bzod pa las lhung bzed gzhan zhig bdag gis btsal te rnyed na spang bar 'gyur/rigs spyad du bzod na'o/ /gong ma ltar spyad du bzod pa zhig na lhan pa bzhi tshun chad pa yod bzhin du gzhan btsal na spang bar 'gyur/ lhan pa gcig yod la spyad du mi bzod na gzhan btsal kyang nyes med de yan lag gnyis/khyim pa khyim pa'ang yin pa dang yan lag gsum gnyen kyang ma yin pa dang yan lag bzhi tshol zhing slong na'o/ /ming gis smos pa'i yan lag 'di bzhi dang ldan par pha rol las btsal zhing bslangs te lag tu thob na spang ba'i ltung bar 'gyur ro //'og ma de gnyis kyang de bzhin no/ /'og nas 'thag pa'i spang ba 'byung ba gnyis kyi rtsis mgo yang gnyen ma yin pa'i khyim pa la bslangs na spang ba'i ltung bar 'gyur te lhung bzed kyi rtsis mgo dang 'dra'o/ /'thag pa dang sbyin bdag dang gzhan no//thags 'thag pa'i thag ma'ang khyim pa sbyin bdag rgyu sbyor ba'ang khyim pa ste de gnyis ka'ang gnyen ma yin pa las bslangs shing thob na spang ba'i ltung bar 'gyur/ gcig gnyen yin na nyes byas su 'gyur/ nyes med pa ni gnyen ma yin pa las pha gnyen las na khe dang lhung bzed ma gtogs te'o//dge slong gis gnyen yin pa la bslad du rung ba gzhan ni gnyen las bslangs kyang nyes med/ bdag la lhung bzed bsngos pa bdog bzhin du slong ba dang gnyen la ltag tu nyo tshong rnam pa gnyis bshad pa khe 'dod pa'i phyir tshong byas na nyes byas su 'gyur/ nyes byas pas bdag lhung bzed bsngos pa yod bzhin du gzhan la slong zhing tshol ba'i tshe nyes byas/ de las grub na rtsa ba'o/ /bsngos pa'i lhung bzed yod bzhin du bslangs pa lag tu thob na spang bar 'gyur/ yod par sems la med na 'bri ba'o/ /lhung bzed bsngos pa yod de lhag par gcig bslangs pa las lhung bzed snga ma brang nas rkun pos khyer na phyi ma lag tu thob pa'i tshe nyes byas/bdag la lhung bzed bsngos pa med par yod do snyam du bsams te gzhan las bslangs te lag tu thob na'ang nyes byas/ bdag gi yo byad du'o/ /bdag gi lhung bzed dngos po yod bzhin du bdag ni nor rdzas kyis lhung bzed lhag pa gcig nyos na'ang ma bsngos par zhag bcu 'das na nyes byas/de dag yod bzhin no / /bdag la lhung bzed nyo ba'i zong yod bzhin du gnyen ma yin pa las bslangs te lhung bzed lag tu thob na nyes byas/ rnam pa gcig tu bdag gi lhung bzed yod bzhin du gnyen ma yin pa las bslangs te bdag gi lag tu ma blangs par pha rol la bzhag na nyes byas bzang po 'dod par brje na'o//bdag gi lhung bzed dang yo byad pha rol gyi bzang po la dad de brje na nyes byas/ dge 'dun la spang ngo / /ltag tu gos la sogs pa'i spang ba ni zhag gcig gis 'chad de dge slong gcig la spang ste slar 'ong ba lta bu ma yin gyi lhung bzed spang bar 'gyur ba ni dge 'dun la spangs te thabs ni 'og nas 'chad/du ma na gcig la bsam pa de'o/ /bdag gi lhung bzed bsngos pa yod bzhin du lhung bzed drug bdun tsam lhag par bslangs na de'i nang nas gang bzang ba gcig dge 'dun la spang ngo //gzhan yang spang ngo / /lhung bzed bzang po gcig gong ma ltar dge 'dun la spangs pas mi chog gi bsngos pa gcig bzhag la gzhan du yod pa grogs lhung bzed med pa la byin te gtan spang ngo //'di rab tu 'byung ba la'o/ /mdo ltag ma ltar lhung bzed spang ba ni mur 'dug gi tshul du rab tu byung ba la spang ba ma yin gyi sangs rgyas kyi tshul du rab tu 'byung ba la lhung bzed gzhan spang ngo / /ngan pa 'di la sbyin no/ /dge 'dun gyi nang na tha mar gyur pa'i lhung bzed de spang bar 'gyur ba'i dge slong la sbyin/brims te blang / lhung bzed lhung bar gyur pa de bskos pa'i dge slong gis gnas brtan man chad la su bzhed pa bzhes shig ces brims te brim pa'i thabs 'og nas 'chad/ bskos pas so/ /lhung bzed 'drim pa'i dge slong zhag gcig gi sngon logs su dge 'dun gyis gsol ba dang zhu ba'i las kyis bsko'o//sang dge 'dun 'dus shing bya na des 'di brjod do/ /dge 'dun gyis las su bskos pa'i dge slong des dge 'dun rnams la sang bdag gis lhung bzed 'drim gyis dge 'dun thams cad 'dus shig ces mdo 'og nas 'byung ba skad du bsgo zhing bsnyad/sang bdag gis tshe dang ldan pa lhung bzed lhan pa med pa brim gyis khyed rnams bdag bdag gi lhung bzed thogs te dge 'dun gyi nang du shog shig ces so/ /las su bskos pa'i dge slong gis zhag gcig gi sngon logs su dge 'dun rnams 'dus shig par tshig 'di rnams gus par byas te brjod/'khod pa'i phyir nan tan bya/ lhung bzed 'drim pa'i dge 'dun 'du ba'i sar las pa'i dge slong gis bstan gding ba dang maN+Dal dang byi dor la sogs pa bya zhing gaN+DI brdung ngo / / 'dod pa bskyed par brtsams nas 'bul/ las pa'i dge slong des spang ba'i ltung ba byung ba dge 'dun gyi 'dab tu thal mo sbyar te bzhag la lhung bzed 'di su bzhed ces mdo 'og nas 'byung ba'i tshig skad du dge 'dun la dad par bya zhing bstan to/ /kye gnas brtan lhung bzed 'di las pa'i dge slong gis lhung bzed 'drim pa'i tshe gnas brtan nas mgo bzung ste 'jug tu phyin gyi bar du btsun pa tshe dang ldan pa'am so so'i mtshan nas brjod de tshig 'og nas 'byung skad bya/gsal ba/ tshon gsal zhing gdong pa ltar snang ba lta bu la bya/ tshad ma che chung du ma gyur cing bsngor rung ba dang bzang po la bya/spyad du bzod kyis ma rdol la ma gas pa'i lhung bzed bzang po spyad du bzod pa la bya/ 'on te bzhed na bzhes shig ces so/ /gong ma ltar brjod de gnas brtan man chad su bzhed pa bzhes shig ces las pa'i dge slong gis dge 'dun la gsol/ci bzhin pa'i yon tan gyis so/ /steng ma ltar brjod pa ni lhung bzed la yon tan med pa la bzang ngo zhes brjod pa ni ma yin gyi lhung bzed nyid kyi yon tan ci bzhin drang por brjod pa la bya/ 'dod pas blang / spang ba'i lhung bzed gnas brtan man chad kyis bdag gi lhung bzed dang brje bar dad na ni brje ba dag gi lhung bzed bzang ste brje bar ma dad dam chog shes pa zhig ste lhung bzed ma brjes kyang nyes med/blangs pa dang bar du chod pa la mi bslang / lhung bzed spang ba de sngar gnas brtan gyis mi 'dod ces byas te btang la mi gnyis gsum 'das te dang 'dod kyis byin cig ces smras na gnas brtan la nyes byas te byi shu tas bshad/gnas brtan gyis bdag gi lhung bzed pas ngan tam mi 'dod ces byas te btang ba las bdag gi 'og na 'jug pas blangs na dang 'dod kyis slar 'on cig ces blangs na'ang nyes byas slong ba'i tshe'ang nyes byas zhes byi tsa ya bar mas bshad/tshig lan gnyis la mi sbyin 'das na ma yin no/ /mdo gong ma ltar gnas brtan gyis mi 'dod ces byas te btang ba las nga 'dod kyis slar 'on cig ces slong na lan gnyis kyi bar du mi sbyin lan gsum du slong ba'i tshe sbyin no//ma byin dang nyes ni med de gnas brtan dbang che bas ma byin na gnas brtan dang dge 'dun 'khrug pa'i phyir sbyin no/ /ma btang ma bsngos shig ces 'byung ba la bsgos / dge 'dun gyi lhung bzed ngan pa dge slong spang ba 'byung ba de la sbyin pa sbyin du'ang mi gnang bdag gis bsngo ba'i sngags kyis 'debs su'ang mi gnang ngo zhes dge 'dun gyis bsgo ste bcings pa'i lhung bzed ces bya/spyod na ma chag gi bar du dal gyis dal gyis so/ /dge 'dun gyi lhung bzed ngan pa dge slong spang ba byung ba la byin pa dge slong des mig bzhin du bsrung ste nam spyad du rung gi bar du spyad/ji ltar spyad pa ni 'og nas 'chad/ 'dis gnyis kyang spyad/ dge 'dun gyis byin pa'i lhung bzed ngan pa de dang bdag gis bsngos pa'i lhung bzed gnyis bsod snyoms su 'gro ba la sogs te spyad cing bya'o cog tu gnyis ka spyad/ 'di rab tu dge ba'i yo byad du gzhug /dge 'dun gyi lhung bzed ngan pa snod kyang bzang por gzhug gnas kyang brtan pa la gzhag dbyung ba'am gzhug pa'i tshe'ang nan tan du mi snang bar bya/ de la bya ba rab tu chung par ro/ /bsod snyoms blang pa'i tshe dge 'dun gyi lhung bzed ngan par 'o ma dang phye la sogs pa lhung bzed la mi gnod pa'i rnams gzhug /bkru ba'i tshe'ang dge 'dun gyi lhung bzed sngar 'jam pos bkru zhing phyi/ skyur bo la sogs pa lhung bzed la gnod pa dag ni bdag gis bsngos par gzhug /der bza' ba mi bya/ dge 'dun gyi lhung bzed ngan par kha zas mi bza' bar kha zas bzang po rnams gzhag la bdag gi lhung bzed ngan pa'i nang nas blangs te bza'/ rnam pa 'di rnams ltar bya ba ni dge 'dun gyi lhung bzed ngan pa mi dengs pa dang / yun ring du thub par bya ba'i phyir ro/ /lhung bzed 'tshol ba'i spang ba'o//lhung bzed 'tshol ba'i spang ba ste 'dul ba rnam par 'byed pa'i nang nas 'byung ba'i mdo// //'di man 'chad 'thag pa'i spang ba la 'chad do/ / rin med par slong ba gzhan las 'thag pa yang ngo / /bdag gis gos kyi rgyu dru bu lta bu blangs te bdag nyid kyis bcol kyang rung gzhan la spring ste 'thag tu bcol kyang rung yan lag 'di bzhi dang ldan na spang ba'i ltung bar 'gyur te gnyen ma yin pa dang khyim pa ma yin pa dang tha ga pa yin pa dang rin med par bcol ba ste 'di bzhi dang ldan na spang bar 'gyur/bdag gis gla byin te 'thag tu bcug pa ni nyes med/yan lag 'di bzhi gcig dang mi ldan na nyes byas/ gzhan dang lhan cig tu na mi byed pa ma yin/ dge slong gis gnyen ma yin pa gos 'thag tu bcol ba las bdag gi gnyen gyis grogs byas te zin kyang spang ba'i ltung bar 'gyur/'thag pa'i ltung ba'o/ /'thag pa'i spang ba'i ltung ba ste 'dul ba rnam par 'byed pa'i nang nas 'byung ba'i mdo// //'thag pa'i spang ba 'og ma la 'chad de/ de'i phyir 'thag pa las so/ /dge sbyong dang dge sbyong ma'i phyir 'thag tu bcug pa las spang ba'i ltung bar 'gyur ba ni ma yin gyi dge slong dang dge slong ma'i phyir 'thag tu bcug pa las spang ba'i ltung bar 'gyur/bskyed cing 'thag tu gzhug par ram bzang por na'o/ /dge slong gi phyir gnyen ma yin pa'i khyim bdag pos tha ga ma la gos 'thag tu bcol ba las bran mos u ba nan ta la khyod kyi phyir nga'i jo bos gos 'thag tu bcol lo zhes bsgo ba dang dge slong gis tha ga ma la gos 'di nga'i phyir gyis gos srid ring ba dang zheng che ba dang /sdug cing bzang por gyis shig dang bza' ba'am brgyags zong zhig sbyin no zhes byas te bskyed pa las bcas te yan lag gcig /yon bdag kyang gnyen ma yin tha ga pa yang gnyen ma yin na spang bar 'gyur/ gnyis ka gnyen yin na nyes med/ gcig gnyen yin gcig gnyen ma yin na nyes byas/ 'on te sbyin bdag gi zad na/ yon bdag gis dge slong gi phyir tha ga ma la gos 'thag tu bcol ba las dge slong gis chu dang zheng bskyed cing 'thag tu bcug pa dang rgyu mchog ste yon bdag las lan gnyis lan gsum du tha ga mas blangs te chu dang zheng cher byas pa dang yan lag gnyis/rin mi ster ba yang ngo / /mdo ltag ma ltar tha ga mas chu zheng cher byas te dge slong dang gre sbyar te dge slong gis khyer ba dang bdag mo dag sems 'khrug te tha ga ma gla ma byin pa dang yan lag gsum sbyin bdag gis ma gnang ba de'i phyir byed do//sbyin bdag gis dge slong la khyod kyi phyir tha ga ma che ge mo zhig la gos bcol gyis ci dga' bar kha chos gyis shig ces bsgo ba las che zhing bzang bar byed du bcug pa ni nyes med de de ltar ma bsgos par bdag rang gis 'og sbyar te che zhing bzang por byas pa las spang bar 'gyur te/yan lag bzhi grub na rtsa ba'o/ /mdo gong ma bzhi ltar byas te gos zin nas lag tu thob na spang ba'i ltung bar 'gyur te yan lag lnga'o //sngar de'i phyir nan tan byed pa ni so sor nyes byas pa'o/ /dge slong gis tha ga ma la gos che zhing bzang du gyis shig par bsgo ba lan re la nyes byas re rer 'gyur ro/ /de bzhin du ma sbran par der song na'o//dge slong gis tha ga ma la bzang du gyis shig ces khar ni ma smras kyi myur du zin cing bzang bar bya bar re ba'i phyir lus kyis ston pa re re la nyes byas / byi shu tas ni tha ga ma'i gan du song ste/ gos che chung dang ci ri ba tsam dang bzang ngan ci 'dra ba lta ba'i phyir gzung ba'i tshe nyes byas zhes bshad/'thag pa bskyed pa'i ltung ba'o/ /gos 'thag pa bskyed pa'i spang ba ste 'dul ba rnam par 'byed pa'i nang nas 'byung ba'i mdo// //byin phrog gi spang ba la 'chad de/ dge slong dang phral na/ dge sbyong lta bu gos dang phral ba ni ma gtogs kyi dge slong pho mo gos dang phral ba las spang bar gyur te yan lag gcig//bdag gi ma yin pa phrogs na/ dge slong u pa nan tas slob ma la g.yog tu bkri bar bya ba'i phyir chos gos byin te phyis phrogs pa las bcas/ bdag gi ma yin pa zhes bya ba ni 'dul ba'i sde dag las bdag gis chos gos byin pa ma yin pa phrogs na'ang spang ba'i yan lag tu gyur na bdag gis byin pa lta ci smos /mkhan po kha cig na re bdag gis byin pa nyid phrogs na spang ba zhes bshad de yan lag gnyis/ de gos na'o/ /slar phrogs pa de nyid gos yin pa dang yan lag gsum/ 'dus pa'am/ dge slong gis lus dang ngag gnyis kas slar phrogs pa dang / tha dad pa'i lus dang ngag gis 'phrog pa'i phyir byas pa'i bskos pa la byed do/ /khas ma smras par lus kyis phrogs kyang rung lus kyis ma byas par tshig nan tur gyis phrogs kyang rung slob ma'am gzhan la 'phrog tu bcug kyang rung ste 'di rnams gang yang rung gcig dang ldan na spang ba'i ltung bar 'gyur te yan lag bzhi/ mtha' ni lus dang tha dad du gyur zin na'o/ /dge slong gis gos byin pa de slar phrogs nas lus dang bral na spang ba'i yan lag tu gyur te 'di lnga dang ldan na spang ba'i ltung bar 'gyur ro / /sbyor ba ni nyes byas pa'o/ /dge slong gis gos 'phrog par shom zhing bzung ba'am 'dren pa'i tshe lan re zhing nyes byas re re/ 'di ni phyir sbyin pas so//dge slong gis dge slong la gos byin te slar phrogs pa spang bar gyur pa de gos gzhan spang ba dang mi 'dra'i gos de su las phrogs pa de nyid la slar gtan spang ngo / /de ltar ma spangs na spangs par mi chud do/ /'di bdag gi phyir na yan lag ma yin no/ /dge slong gis dge slong la gos byin pa dge slong grogs shig 'phrog tu bcug na 'phrog tu 'jug pa'i dge slong spang ba'i ltung bar 'gyur/'phrogs pa'i dge slong ltung bar 'gyur/ dge sbyong zhig 'phrog tu bcug na nyes byas khyim pa zhig 'phrog tu bcug na khyim pa la sdig tu 'gyur/ 'di gsum gang gis phrogs kyang rung dge slong 'phrog tu bcug pa ni spang ba'i ltung bar 'gyur/rab tu ma rdzogs pa la ni bskrad pa bzhin no/ /dge slong gis dge sbyong la gos shig byin pa las phrogs na nyes byas te gos na dge sbyong la gtan spang ngo / /dge slong gis gtsug lag khang nas dge slong bskrad na ltung bar 'gyur/ dge sbyong bskrad na nyes byas/dge sbyong gis dge sbyong bskrad na nyes byas/ dge sbyong gis dge slong la gos byin pa las phrogs na'ang nyes byas/ 'phrog pa rnam gsum mo/ /gtar bzung ba dang rtsed mo dang gtan du phrogs pa gsum ste 'og nas 'chad/ bdag gis zhes pa gsal ba'i 'phrog pa 'dir 'dus so//dge slong gis dge slong la gos byin te g.yog tu bya ba'am las bcol ba'am grogs su bkri ba las ma btub ste gos slar phrogs pa lta bu ni spang bar 'gyur/ ngas sems byed pa ni de'i spags pa'o/ /dge slong gis gos byin pa las gtan dbrog pa ni ma yin gyi skad cig mi dga' bar bya ba'i phyir phrogs pa ni nyes byas so//gnod pa dang / dge slong zhig yul rgyur 'gro ba lta bu la lam na mi rgod dam gcan gzan gyis gnod par 'gyur ba tsam las ma btang ba dang / don med par 'jug pa la/ dge slong yul rgyur 'gro ba rten ngan pa dang 'grogs te chos log pa la lta ba'am dge slong gi tshul stor bar 'gyur ba tsam gyi tshod las ma gtang ba dang /bgegs byas pa'i phyir ltung ba med/ bdag gi slob ma'am dge slong grogs po gong ma rnams gnyis lta bu'i rkyen yod pa lta bu mi gtong ba'i phyir gos la sogs pa phrogs te gtar bzung ba ni nyes med dbrog pa'i spang ba'o//dbrog pa'i spang ba ste 'dul ba rnam par 'byed pa'i nang nas 'byung ba'i mdo// //'di man chad zhag drug gi spang ba la 'chad de/ bdag gi gnas dang 'dra ba'i gong du 'jigs pa yod na dgon pa bas chos gos gcig dang /dge slong dgon pa la gnas pa mi rgod la sogs pa la 'jigs pa'i rkyen yod na chos gos gsum gyi nang nas bzang po gcig khyim pa brtan po'i khyim du gzhog tu gnang ngo / /bdag gi gnas dang 'dra zhes bya ba'i grong na rnam pa gcig tu na mi stor ba'i khyim pa brtan po la bya/gcig tu sangs rgyas kyis phan par gsungs pas rkyen byung na khyim pa'i gnas dang dgon pa gnyis 'dra'o zhes gnang ba la bya/ 'gro ba des de khyim gyi nang du bzhag ste dgos pa'i phyir zhag drug tu'o//dge slong dgon pa la 'dug pas mi rgod kyi rkyen yod na chos gos gcig khyim pa'i khyim du bzhag pa zhag drug gi bar du bdag dang bral kyang nyes med rkyen med na zhag bdun gyi skya rengs byung na spang ba'i ltung bar 'gyur/ rtag tu rkyen yod na tshul nas byung byung gi bar du bral kyang nyes med/dge slong dgon pa las gud du don gnyer du 'gro ste lam na mi rgod yod de phrogs kyis dogs na chos gos gcig khyim pa'i khyim du bzhag ste zhag drug gi bar du 'gror dbang ngo / /lam na mi rgod gcig gis chod de rkyen byung na zhag drug 'das kyang nyes med/ 'das par ni mi dbang ngo //mdo ltag ma ltar zhag drug tu song ba las rkyen ma byung na zhag drug las 'das na spang ba'i ltung bar 'gyur/ nyes med pa ni bar chad kyi dbang gis ma 'ongs na'o/ /gong ma ltar zhag drug tu song ba las bar chad kyi rkyen mi rgod dam zam pa chad pa'am dgras chod pa lta bu'i rkyen byung na zhag drug 'das kyang nyes med do//'di las phyi rol du zhag drug las brtags te 'das na yan lag ma yin no/ /dge slong tshul du zhugs pa las don gnyer du 'gro ba ni zhag bdun pa'i sngags kyis btab ste song ba las zhag gcig gnyis kyis don bsgrub par gyur kyang zhag bdun du gnang zhes zer zhing 'phyan du mi gnang gis don grub ma thag tu slar ma 'ongs na tshul zhig par 'gyur na/dge slong dgon pa la ni chos gos bzhag ste zhag drug gi bar du don gnyer du 'gro ba ni zhag gcig gis don grub kyang zhag drug tu ma 'ongs kyang nyes med do//tshul ni tshe'ang don gyi phyir 'gro ba dang lam na 'jigs pa'i dbang dang yan lag 'di gsum dang ldan na zhag drug tu chos gos dang bral kyang nyes med do/ /zhag drug 'bral ba'i spang ba'o/ /zhag drug 'bral ba'i spang ba ste 'dul ba'i dris pa zhes bya ba'i nang nas 'byung ba'i mdo// ras chen gyi spang ba la 'chad de/ bdag tshul du 'jug pa'i nyin mo nas zla ba snga ma'i dang po tshun chad dbyar gyi ras chen btsal tshul snga phyir gang du 'jug kyang rung ste tshul du 'jug pa'i nyin mo nas zla ba gcig tshun chad dbyar gyi ras chen btsal kyang nyes med/bdag gis dbyar 'das nas zla ba phyed kyi bar du bcang / tshul snga phyi gang du zhugs kyang rung ste tshul nas byung nas zhag bco lnga'i bar du dbyar gyi ras chen bcangs kyang nyes med/ de las snga ma dang phyi ma'i dus su na byed do/ /tshul du 'jug pa'i nyin mo nas zla ba gcig gi snga rol du dbyar gyi ras chen 'tshal tam tshul nas zla ba phyed las 'das par bcangs na spang ba'i ltung ba'o zhes byi shu tas bshad/tshul du 'jug pa'i nyin mo nas zla ba gcig gi snga rol du ras chen btsal na nyes byas/ tshul nas byung nas zla ba phyed las 'das par bcangs na spang ba'i ltung ba'o zhes byi dza ya bar mas bshad/gzhan du na bcas pa'o/ /dbyar gyi ras chen tshul nas byung ste zla ba phyed kyi bar bcad du gnang ngo / /de las zhag gcig 'das na'ang spang ba'i ltung bar 'gyur/ sngar btsal na nyes pa'o/ /tshul du zhugs pa'i nyin mo nas zla ba gcig gi sngon logs su ras chen btsal na btsal ba'i tshe nyes byas/yang ba dang lci ba tha dad du mkhan po gnyis bshad/ grub na tha ma'i'o/ /mdo ltag ma ltar btsal te lag tu thob na nyes byas lci bar 'gyur ba dang / ltung bar 'gyur ba so sor bshad/'bri ba ni zad na'o/ /zla ba gcig gi sngon logs su dbyar gyi ras chen btsal te rnying pa ngan pa zhig rnyed na nyes byas yang ba'o/ /ji ltar tshul du zhugs pa de'i rjes su 'gro'o/ /dge slong tshul rnam gnyis gag tu zhugs kyang rung ste cho ga gzhan ni 'dra chos gos 'drub cing yon tan bcu ni tshul snga mar zhugs pas 'thob bo//dbyar gyi ras chen gyi spang ba'o/ /dbyar gyi ras chen gyi spang ba 'dul ba rnam par 'byed pa'i nang nas 'byung ba'i mdo// //ring ba'i spang ba la 'chad de/ dbyar gyi phyir rnyed pa ni byed do/ /dge slong dbyar tshul na 'dug pa'i tshe yon bdag yon nar mar 'bul ba las spang ba'i ltung bar 'gyur te ji ltar 'gyur ba ni 'og nas 'chad de/tshul gyi tshe las nyes par 'gyur ro/ /dbyar gyi bar du bdag gir byas pa'o/ /dge slong dbyar tshul du zhugs pa'i tshe yon bdag gis yon nar mar 'bul ba blangs pa las spang bar 'gyur te/ring ba'i dbang gis ni tha ma'i zhag bcu na rnyed pa ma gtogs so/ /dge slong dbyar tshul na 'dug pa'i tshe yon bdag gis yon nar mar 'bul ba len du mi dbang ba lam ming gis smos pa'i rkyen rnams gang yod kyang rung ste blangs kyang nyes med de nad pa bdag gis phul ba dang shi la thug pa zhig rang gi lag nas 'bul ba shi ba'i 'og tu gnyen gyis phul ba dang dmag gam lam ring por 'gro bas phul na'o//de 'god pa las kyang ngo / /mdo steng ma ltar yon phul ba las tshul nas ma byung bar so sor bgos na spang ba'i ltung bar 'gyur/ma bgos pa las kyang ngo / /mdo ltag ma yang ltag ma ltar yon phul ba las tshul nas byung ba'i nyin mo ma bgos par phyi de nyin skya rengs byung na spang bar 'gyur/ med par sbyin bdag gis smras pa'i dbang na'o/ /mdo ltag ma ltar tshul nas byung ma thag tu bgo ba'i rigs pa las yon bdag yon 'bul ba na re kho bo gang zhig tu don gnyer du 'gro ste ma 'ongs kyi bar du ma bgo shig ces zer na yon bdag gi tshig bzhin du ma bgos kyang nyes med/byung nas de ma thag gi nub mo rub ma pa ma bsngos na yang ngo //dge 'dun tshul nas byung nas gong ma ltar yon phul ba bgo ba'i rigs pa las yon bdag gi tshig bzhin du bzhag pa la rub ma pa gcig ma bskos par bzhag na spang ba'i ltung bar 'gyur/ 'di mi bsko ba ma yin/ yon bdag gis gong ma ltar nor phul ba'i rub ma pa dge 'dun gyis kyang ma bskos na dge 'dun kun nyes byas/ring pa'i spang ba'o/ /ring pa'i spang ba ste 'dul ba rnam par 'byed pa'i nang nas 'byung ba'i mdo// //bsngos pa'i spang ba la 'chad de/ dge 'dun nam gang zag gzhan gyis brtags pa'i gos shes pa las bdag gis bsngos te thob na'o//yon bdag gcig gis dge 'dun nam gang zag la gos shig sbyin par brtags te 'bul du 'ongs pa la dge slong gcig gis bdag gi yon tan bsngags te khyer na spang ba'i ltung bar 'gyur te yan lag lnga ste dge 'dun nam gang zag dag de la sbyin par brtags pa dang de la sbyin par bdag gis shes pa dang dngos po gang yin pa dang bdag gis bsngos te thob pa dang yan lag 'di lnga dang ldan par byas na spang ba'i ltung bar 'gyur ro//bsngos pa ni nyes byas pa'o/ /yon bdag gis dge 'dun nam gang zag la sbyin par bsngos par shes bzhin du bdag gir bsngar ba'i tshe nyes byas gzhan yang 'dir ro//yon bdag gis dge 'dun nam gang zag la bsngos pa'i gos dge slong gcig gis de la ma sbyin par dge 'dun nam gang zag 'di la byin cig ces bsgo ba'i tshe nyes byas yang pa/ de'i 'bras bu yang ngo / / mdo ltag ma ltar gzhan la byin cig ces bsgo ba de'i lag tu gos thob na nyes byas lci ba'o/ /gzhan yang ngo / /yon bdag gis dge 'dun nam gang zag la kha zas zhig 'bul bar bsngos pa las gzhan gyi dge 'dun nam gang zag la byin ces bsgo na nyes byas mi ma yin gyi khang pa nyid la bsngos pa'i rdzas la bya/sems can du mi bgrang ba yang ngo / /khang bu gcig gi rkyen gcig tu bcug pa la bya/ phral zhing sprad pas so/ /yon bdag gis khang bu brtsigs te khang bu so so'i nang du rkyen mal stan la sogs pa bshams te bsngos pa las khang bu gzhan gyi rkyen du bsnor na tshus 'byin tshe nyes byas gcig /pha rol tu bcug pa'i tshe'ang nyes byas gcig go/ /phyogs gcig gi yang ngo / /yon bdag gcig gis gtsug lag khang ngam mchod rten gyi ngos gcig la tshon gyis byugs pa'am bcos pa'i rgyu zhig tu rdzas bsngos pa phyogs bsnor na tshus po'i tshe nyes byas/pha rol tu spyod pa'i tshe'ang nyes byas so/ /ltung ba med pa ni btsal nas ma rnyed na lhag ma za ba phyugs la sogs pa'i'o/ /dge slong kha zas bza' ba'i tshe sgo na mi'am phyugs la sbyin par bsngos pa las ma btsal bar gzhan la byin na nyes byas btsal te ma rnyed na gzhan la sbyin pa ni nyes med do//brtags pa ni bde bar gshegs pa'i gzugs brnyan dag bslangs nas byin pa'o/ /sangs rgyas kyi sku gzugs gcig la rgyan mang du mnga' ba las/ gtsug lag khang de'am gzhan gyis sangs rgyas kyi sku gzugs la ya te byed pa'i tshe brgyan pa brnyar byin pa la nyes med/nyes byas pa ni bsngos nas ma byin pa'o/ /gser dngul dang gos lta bu gzhan sbyin par bsngos pa las phyis ma byin na nyes byas/ phyi'i mtshams su song ste dge 'dun phyir bsngos pa la'o //dge 'dun gyi spyir dbang ba'i nor lta bu las dge slong bzhi yan chad kyis kha brngam bya ste mtshams kyi phyi rol du nged kyang dge 'dun gyis bgos kyang nyes par mi 'gyur zhes bgos na nyes byas/ so sor lag tu thob na spang ba'i ltung bar 'gyur zhes byi shu tas bshad/dge slong shi ba'i nor rdzas zhig dge 'dun dbang ba las sngags kyis ma btab par bgos na nyes byas/ mtshams kyi phyi rol tu sngags kyis btab na'ang nyes byas/ phyi rol du bgos pa re re nyes byas re re/ dge 'dun gyis gang zag mtshams kyi phyi rol du bgor btang na dge 'dun thams cad nyes byas zhes byi dza ya bar mas bshad/brel bas 'god pa yang ngo / /yon bdag gcig gis dge 'dun spyir yon phul ba la de'i nang nas dge slong gnyis gsum zhig gud du don gnyer du song ste de'i 'og tu bgos na nyes byas gud du song ba'i dge slong na re ci bder gos la nga'i skal ba byin ces bsgo ste bgos pa na nyes med/ma bsngos pa yang ngo / /dge slong shi ba'i nor 'god pa'i tshe sngar sngags kyis ma btab par bgos na nyes byas zhes byi dza ya bar mas bshad/ shi ba'i nor 'god pa'i tshe gnas brtan dang tshe lu tha ma la nor sna re zhig ma byin par bgos na nyes byas zhes byi shu tas bshad/dge 'dun las gcig gam gnyis sam gsum 'thob pa thob nas blangs pa'o/ /gtsug lag khang gcig tu yon bdag gis dge 'dun la yon phul ba gtsug lag khang de na dge slong gnyis sam gsum zhig 'dug ste dge 'dun du ma tshang na yon de gang zag de rnams dbang ste sngar ma bsngos par nor rdzas de bgos na nyes byas/rnam pa gcig tu na dge 'dun nyi shu tsam zhig 'dug pa las gzhan yan man du don gnyer du song ba'i 'og tu yon bdag gis spyir phul ba gang zag gnyis sam gsum 'dug pas bgos na nyes byas/de pham par mi 'gyur ba ni yon bdag gi sems kyis kyang btang dge slong grogs kyis kyang mi shes pa'i phyir ro/ /'di las gzhan yang skal ba mi gcod do/ /mdo ltag ma ltar dge 'dun gyis spyir phul bas dge 'dun yan man du song bas skal ba dbang ngo zhes byi dza ya bar mas bshad/shi ba'i nor sngags kyis ma btab na phyogs bcu'i dge 'dun dbang / sngags kyis btab na mtshams gcig gi dge 'dun dbang ste mtshams gcig gi dge slong ni yang skal pa mi gcod do zhes byi shu tas bshad/rku sems kyis na brkus pa bzhin no/ /mdo ltag ma ltar dge 'dun la yon phul ba gang zag la 'god pa'i tshe dge 'dun grogs 'ong bar dogs pa'i phyir/ rku sems kyis bgos na rin thang las pham par 'gyur/ rku sems kyis 'god pa'i tshe nor 'ongs bar dge slong pha rol pos mi shes na sbom po/byung byung du dgra'am gnon pa srog la dman pa'am byi shu'i tshul stor ba ma byung gi bar du gtsug lag khang mi dor/ gtsug lag khang mi gnas par mi bya/ rgyal po'am mi rgod lta bus cung zad gtses pa'i phyir/ gtsug lag khang bor te song na nyes byas/ de la 'dod pa dang bcas pa sbyin pa na bcol/ gtsug lag khang gcig na dge 'dun mang zhig yon bdag gi 'tsho ba sbyar ba las yon bdag spyugs sam lam ring bor song ste dge 'dun gyi 'tsho ba med na gang zag gang dad pa gcig gam gnyis la gtsug lag khang gi yo byad gtad de gzhag /ma 'ongs na lo bcur gnas/ mdo ltag ma ltar gtsug lag khang srung ba'i dge slong yon bdag ma 'ongs na lo bcur gnas shing 'dug shig /sngar ni bsod snyoms blang ngo / /mdo ltag ma ltar lo bcur gtsug lag khang du bzhag pa'i dge slong de 'tsho ba med na lo lngar ni bsod snyoms bslang ngo //de'i dus na sbyin bdag ma byung na gzhan gtsug lag khang gi 'khor dang lhan cig tu'o/ /lo lngar bsdad de yon bdag ma 'ongs nas 'tsho bas mi sbyor na gtsug lag khang gang dang nye ba'i dge 'dun dang yon thun mong du bya ste lo lnga'i bar du de las 'tsho bar bya'o//rnyed pa gcig la gso sbyin tha dad pa'i las bya'o/ /lo bcur gnas pa'i dge slong lo lngar dge 'dun gzhan gyi gtsug lag khang dang 'tsho ba thun mong du sbyor ba'i tshe 'tsho ba ni dge 'dun dang thun mong du bya/mchod pa dang gso sbyin ni bdag gi gtsug lag khang du byas te ras kyis 'tsho ba dang chos kyis 'tsho ba ni gso sbyin byed pa'o/ /gtong na gtsug lag khang gi 'khor du dngos po rnams zhog shig /mdo ltag ma ltar dge slong lo bcur gnas te yon bdag ma 'ongs te gud du 'gro na gtsug lag khang dang nye ba'i dge 'dun la sku gzugs dang yo byad thams cad brtsis te gnas na byin cig /mdo ltag ma ltar gtsug lag khang bor ba las dge 'dun slar 'dus na yo byad gtams pa'i rnams dge 'dun gyi yo byad tshang bar slar byin cig /gnas dag gi nor gnas dag tu ma byin cig /gtsug lag khang gcig gi rkyen yul gru'am nor rdzas gtsug lag khang de'i rkyen du bsngos pa gtsug lag khang gzhan gyi rkyen du mi bsngo'o zhes byi dza ya bar ma bshad/ gtsug lag khang stong pa'i rdzas nye 'khor gyi gtsug lag khang du gtams pa dge slong slar 'dus na sngon ci gtams pa de nyid slar sbyin gyi bsnor cing mi sbyin no zhes byi shu tas bshad/de ma rnyed na byin du chugs shig /yon bdag dang dge 'dun slar 'dus te gtsug lag khang gi yo byad gtams pa slar ma bskyal na thog mar gdams pa'i dge slong gis slong la slar phul cig /khyim bdag gis bsgos pa de las mi 'gal/ yon bdag gis gtsug lag khang so sor rkyen phul ba las nang mi bsnor ston mos 'dres pa tsam ni ma gtogs so/ /bsnor na nyes byas/ ma byin na mthus blang gtsug lag khang gzhan du nor gtams pa ltag ma ltar bslangs te ma ster na mthus phrogs te blangs kyang nyes med/rnyed na sbyin gtsug lag khang nang mal stan nam snod spyad lta bu gcig la gcig brten pa la byin na nyes med/ nyes med pa ni mchod rten dag gir bsngos pa ma grub nas bsngos pa'o//bdag gis gdugs sam 'phan lta bu mchod rten 'di la 'bul lo zhes bsngos pa las rkyen cig 'byung ste nye 'khor gyi mchod rten gzhan la phul kyang nyes med/ byang chub chen po dang chos kyi 'khor lo dang cho 'phrul chen po dang lha las bab pa ma gtogs te gzhan no//mchod rten 'di bzhi la yon 'bul bar bsngos pa zhig las mchod rten gzhan la phul na nyes byas/ mchod rten bzhi nang bsnor te phul ba ni nyes med/ bsngos pa'i spong ba'o/ /bsngos pa'i spong ba ste 'dul ba rnam par 'byed pa'i nang nas 'byung ba'i mdo// //'jog pa'i spang ba la 'chad de/ zhag bdun du bsngos pa las 'das na dge slong la bsgo shig /sman zhag bdun du btags te bza' ba'i tshe zhag re re lon zhing dge slong grogs po la dbang gzugs/ ma btsugs na nyes byas te zhag bdun pa'i sngags kyis btab pas yan lag gcig /bza' ba'i phyir bcangs na'o/ /sngags btab ste bdag gis bza' ba'i phyir bcangs pa dang yan lag gnyis/ 'di'o/ /dngos po kha zas rnam bzhi gang yang rung yin pa dang yan lag gsum/ brgyad kyi skya rengs byung na'o/ / kha zas rnam bzhi de zhag brgyad kyi skya rengs byung ba dang yan lag bzhi ste/ yan lag 'di bzhi dang ldan na spang ba'i ltung bar 'gyur/ zhag 'das pa'i zas ma brtags pa zos pa bzhin du 'dir 'di dag kyang gdags so/ /spags pa'i kha zas ma brtags pa zos na ltung bar 'gyur ba bzhin du sman zhag bdun pa yang zhag 'das na yang spang bar 'gyur/gang du 'di'i phyir brtags pa de la ltung ba med do/ /mar dang shing mar dang sbrang rtsi dang khaN+Da brtags pa las/ zhag bdun 'das na spang ba'i ltung bar 'gyur ba la sbrang rtsi dang khaN+Da ni zhag 'das na spong ngo //mar dang shing mar gnyis ni rka lag bsku ba'i phyir bsngos te bzhag na spang mi dgos te ltung ba mthol bas tshangs so/ /brtags pa ni sna'i dang bsku ba bsngos pa'o/ /yon bdag gcig gis mar dang shing mar zhig ci bder spyod cig ces dge slong la yon du phul ba las snar blugs pa dang rkang lag bsku ba'i phyir brtags te bzhag pa zhag 'das pa'am lhan cig 'grogs kyang nyes med de /zhag bdun gyi spang ba'o/ /zhag bdun pa'i spang ba'i ltung ba ste 'dul ba rnam par 'byed pa'i nang nas 'byung ba'i mdo// // spang ba rdzogs so/ / 'di yan chad sum cu spang ba'i ltung ba rdzogs so// //'di man chad dgu bcu ltung ba la 'chad de/ chos dang sangs rgyas kyi chos la bya/ chos ma yin par rgyas kyi chos ma yin pa rnams la bya/ shes kyang dge 'dun dang mngon sum du chos ma yin par brjod na sbom po'i nyes pa'o//dge slong gis chos yin pa dang chos ma yin par shes bzhin du dge 'dun gyi nang du ma yin pa la yin no zhes smras pa dang yin pa la ma yin zhes smras na dge 'dun gyi lhag ma'i dbyen gyi sbom por 'gyur/ brdzun la rnam pa lnga ste/ phas pham pa'i brdzun dang dge 'dun gyi lhag ma'i brdzun dang sbom po'i brdzun dang btung ba'i brdzun dang nyes byas kyi brdzun te/sbom po'i brdzun ni mdo 'di nyid yin no / /gzhan ni 'og nas 'chad/ gso sbyin gyi tshe mi khyod 'di na kun gtsang ngam zhes lan gsum gyi bar du dris na mi gtsang du 'du shes kyang mi smra bar 'das na nyes byas pa'o//gso sbyin gyi tshe so sor thar pa klog pas gud du ltung ba med dam zhes lan gsum du dris na lhag ma man chad nyes byas yan chad kyi ltung ba yod bzhin du ma mthol bar bcabs te so sor thar pa bklags na nyes byas/ 'di dag kyang mdo gong ma gnyis la bya/phas pham pa'i phas pham pa'i brdzun la bya/ dge 'dun gyi lhag ma dge 'dun gyi lhag ma sha ba dang skur ba'i brdzun la bya/ las gzhan pa brdzun gyi rnams ni'o/ /brdzun gong ma bzhi ma gtogs par gzhan shes bzhin du brdzun byas so cog gang byas kyang ltung bar 'gyur/smra bzhin na yang 'du shes rnyed na ldang ngo / /brdzun bya bar bsams te dngos po ma yin pa la yin par tshig mgo brtsams pa las rked bcad du bor te ma smras kyang ltung bar 'gyur te dper na kun 'di la gser gyi zhes bya ba lta bu/ mna' mi dor/ dge slong gis mna' bor ba 'ba' zhig gi tshig ni bden gyi gzhan smras pa la yid mi ches pa'i phyir nyes byas/brdzun smra ba'i ltung ba'o/ /brdzun smra ba'i ltung ba ste 'dul ba rnam par 'byed pa'i nang nas 'byung ba'i mdo// //skyon du smra ba'i ltung ba la 'chad de/ dge slong ngo / /dge slong la sogs pa ni ma yin gyi dge slong la skyon nas bos na ltung ba ste yan lag gcig /de ma theg pa'i yang ngo / / 'og nas 'byung ba phra ma yang dge slong la byas pas ltung bar 'gyur te dge sbyong dang skye bos smras pa ni mi ltung ngo / /skyon nas skyon kyang yin pa dang yan lag gnyis/'bod par 'dod pa/ skyon nas kyang bos pa dang yan lag gsum ste 'di gsum dang ldan par dge slong la smras shing bos na ltung / 'jam pa'am/ tshig 'jam pos nyon mongs skyon 'di lta bu yod ces smras na'ang ltung / rtsub po gshe ba'i tshig tu drag por skyon nas bos na'ang ltung /gang ci la yang dam pa ma yin par bsams shing smra na/ dge slong gis pha rol la lus kyi skyon zhar ba'am mdze can la sogs pa'am yid kyi skyon me'am sbrul gdug dang 'dra zhes byas pa dang rigs kyi skyon phyag dar ba la sogs pa 'di lta bu yin no zhes smras na ltung /ming ma yin pa dang ming skyon du 'gyur ba las bos na ltung / mi dga' ba ma skyes kyang ngo / /dge slong gi dge 'dun la mdo ltag ma ltar skyon nas bos na khros kyang rung ltung bar 'gyur/ gzhan dge slong dang khyim pa la skyon ltag pa'i ltar smras na nyes byas/ rgyal rigs dang bram ze la sogs pa ni nyes byas pa'o//dge slong la rgyal rigs lta bu rigs btsun pa ma yin pa la gneng gtsong gi tshul du yin no zhes smras na nyes byas zhes byi shu tas bshad/ khyod rgyal rigs la sogs pa btsun pa'i tshul bor te ci'i phyir na thar par zhugs zhes smras na nyes byas zhes byi dza ya bar mas bshad skyon nas 'bod pa'o//skyon nas 'bod pa'i ltung ba ste 'dul ba rnam par 'byed pa'i nang nas 'byung ba'i mdo// //phra ma'i ltung ba la 'chad de/ phra ma 'dod pas che ge mo zhig smra'o zhes smra na'o/ /pha rol dge slong gnyis 'thab pa'am dbye bar bya ba'i phyir khyod la 'di skad zer ro zhes zer zhing phan tshun du tshig bskyal na ltung bar 'gyur te dngos phra ma yin pa dang pha rol la smras pa dang yan lag gnyis dge sbyong dang khyim pa gnyis la phra ma byas na nyes byas/'on te ming nas na yang ngo //dge sbyong dang khyim pa'i ming ni ma yin gyi dge slong 'di khyod la 'di skad zer ro zhes smras na ltung bar 'gyur te yan lag gsum/ de dge slong na'o/ /pha rol du gnas pa'i dge slong de nyid tshul khrims ma nyams pa la smras te yan lag 'di bzhi dang ldan na ltung /tshul dang mi ldan pa la ldan par bsams te smras na'ang ltung gzhan la na nyes byas pa'o/ /yan lag 'di bzhi dang mi ldan par smras na nyes byas zhes byi dza ya bar mas bshad/ dge slong 'di 'di skad zer ro zhes ming nas ma phyung bar smras na nyes byas zhes byi shu tas bshad/phra ma'o/ /phra ma'i ltung ba ste 'dul ba rnam par 'byed pa'i nang nas 'byung ba'i mdo// //spyos pa la 'chad de/ 'ab+hid/ shes bzhin du byas na ltung bar 'gyur te yan lag gcig /dge 'dun gyi yang dag par zhi ba'o/ /dge slong gnyis shig 'thab pa las dge 'dun gyis zhi bar byas pa las dge slong gcig gis slar 'thab pa'i rigs so zhes 'thab tu bcug pa las brgya rtsa gcig gang yang rung ste dge 'dun gyis las byas te zhi ba las nyes par 'gyur te yan lag gnyis/dge slong dag gis glengs pa'o/ /dge slong gnyis chos kyi phyir rtsod pa las bdag gis glengs pa las 'gyur te yan lag gsum/spyos na'o/ /mdo ltag ma'i ltag ma ltar dge 'dun gyis zhi bar byas pa las zhi ba'i mi rigs kyis da rung rtsod pa'i rigs so zhes dge 'dun gyi las spyos te yan lag 'di bzhi dang ldan na ltung ba'o/ /'khod pas dge 'dun las byed pa'i nang na bdag 'dug ste rgyus shes pa dang /las byas pa dang bdag gis gsol ba dang zhu ba'i las byed byed de rgyus shes pa dang / dad pa byin pa la rtsa ba'o/ /bdag gis dad pa byin pa dang rtsis mgo 'di rnams dang ldan par gang byas kyang rung ste ltung bar 'gyur/ nyes byas pa ni 'ongs pa dang / dge 'dun gyis las byas pa la dge slong zhig phyis 'ongs te las 'di byas pa ma legs so zhes smras na nyes byas/ lta ba la brjod pa yang ngo / /dge slong gral na 'dug pas dge 'dun gyi las byas pa la mi rung pa skad du tshig 'jong rnyol du smras na'ang nyes byas/de bzhin du gleng bar 'du shes na gleng ba dag kyang ngo / /dge slong gnyis shig rtsod de ltag tu dge 'dun gyis zhi bar byas pa las zhi bar byas pa'i gleng de ni ma bslang gi gleng gzhan zhig gis 'thab par 'gyur ba'i gcugs shig las gleng bslang ste rtsod du bcug pa'ang ltung /dge 'dun gyis las brgya rtsa gcig lta bu gang yang rung ba zhi ba'am chad par byas pa las de nyid spyos kyang rung gzhan du spyos te bsnor kyang rung ltung ngo / /las kyi 'bras bur gyur pa la de ma yin zhes brjod na phyed do/ /dge 'dun gyis dge slong lhag mar gyur pa zhig chad par byed du bcug pa zhag bcu tsam byas pa la dge slong cig na re chad par byed pa de la khyod kyis chad pa'i las byas pa 'di ma yin gyis gzhan byed du bcug go zhes spyos pa'i tshe nyes byas/las brgya rtsa gcig kun de dang 'dra/ spyos pa'o/ /spyos pa'i ltung ba ste 'dul ba rnam par 'byed pa'i nang nas 'byung ba'i mdo// //bud med la chos 'chad pa'i ltung ba la 'chad de/ chos 'chad pa'o/ /bud med brda phrad pa la chos bshad pa las ltung bar 'gyur te yan lag gcig /tshig drug las lhag par ro/ /sgo drug las lhag par bshad na ltung bar 'gyur te yan lag gnyis/lhag par shes na'o/ /bdag gi tshig lnga'am drug las lhag par smras par shes na ltung bar 'gyur te yan lag gsum dang ldan na ltung ba'o/ /lnga po tshig lnga las brtsams pa'o/ /phung po lnga bshad pa las drug tu rtsom pa'i tshe nyes byas/ drug tu smras na ltung /sgo drug mi rtag go zhes bshad pa las tshig bdun du rtsom pa'i tshe nyes byas tshig bdun du smras na ltung ba'o/ /mkhas pas ma byas pa ni lan kun dris pa dang / mdo ltag ma ltar phung po dang skye mched bshad pa las bud med mkhas pas 'di yan lag thabs ji lta bu yin zhes des bye brag tu dris pa las yan lag zhib tu bshad kyang nyes med kha don dang bud med kha don 'bul ba la kha don mnod pa dang dbog pa'i tshig drug las lhag par smras kyang nyes med/kun dri ba dang / sngon chad chos bshad de bud med kyis brjed ba slar 'dri na tshig drug las lhag par smras te bstan pa'ang nyes med/nye bar gnas pa byin pa dang / dkon mchog gsum la skyabs su 'gro ba dang khrims pa'ang tshig drug las lhag par smras kyang nyes med/ kun dri ba dang byin pa'i chags pa'o/ /yon bdag gi dge slong bshos gsol ba'i tshe tshig drug las lhag par tshigs bcad smras kyang nyes med/gnas spangs nas snga ma'i ma yin no/ /bud med la chos 'chad pa tshig bzhi'am lnga tsam man chad smras te sa spos shing bshad pa ni nyes med/ tshig grangs las 'das par smras te sa spos pa ni ltung bar 'gyur/'chad pa'o/ /'chad pa'i ltung ba ste 'dul ba rnam par 'byed pa'i nang nas 'byung ba'i mdo// //klog pa'i ltung ba la 'chad de/ rab tu ma rdzogs pa dang mnyam pa'am/ 'brang bar 'thob par 'gyur ba'i ste/ smras pa chos sam yi ge na'o/ /dge slong gnyis mgrin pa bsgril zhing smras pa ni ma gtogs te dge sbyong ngam khyim pa lta bu zhig dang rnam pa 'di rnams gang dang yang rung ste sha lo ka gcig yan chad mid pa bsgril zhing smra na ltung bar 'gyur/mi 'dod par 'grub pa ma gtogs so/ /kha thon zhu ba la sogs pa dge slong gis smras pa'i rjes bzhin dge sbyong ngam khyim pa zhig lce bde zhing tshig myur bas bdag smras pa'i tshig non te bsgril zhing smras kyang lhan cig smra bar ma dad na nyes med/mnyan du yod pa na u da'i yi ge phal mo che dang lhan cig tu klag cor cher zer zhing mid pa bsgril ba las bcas/ lhogs shig pa yang bstan te'o//mdo ltag ma ltar dge sbyong ngam khyim pa'i tshig myur bar smra ba la nga'i tshig smra ba ma zin par ma smra shig ces lan gnyis gsum du bstan cing bsgo 'ang rang bzhin du gyur te tshig myur nas mnyam du smras pa'ang nyes med/ kha don dang kha don slos pa'i skabs skabs su tshig bsgril zhing smras pa'ang nyes med/slos pa dang kha don 'bul ba'i tshe brjed dam nor te bstan par slos pa la bsgril te smras pa nyes med/ kun 'dri ba'o/ /dge sbyong gis dris pa la le'u dang don 'di lta bu yin no zhes bsgo ba la mnyam du slos shing smra ba ni nyes med/ klog pa'o//klog pa'i ltung ba ste 'dul ba rnam par 'byed pa'i nang nas 'byung ba'i mdo// //nyes smos la 'chad de bsko'o/ / sdig pa'i dge slong pha dang dge slong ma rigs su bsko'o/ /mnyan du yod pa na dge slong a ri sh+ta dang dge slong ma sa ra la gnyis shug tu 'dus nas rigs sun pa spyod pa la yul de'i grong mi na re sha ra man de'i slob ma 'di ltar rigs sun cing mi tshangs par spyod pa la nged dang mi 'dra ba med kyis 'di dag la bsti stang dang bsod snyoms la sogs pa'ang mi sbyin no zhes dam bcas te/dge slong yon tan dang ldan pa kha cig slong ba la'ang bsod snyoms ma ster ba gtam rim pa nas sangs rgyas kyis gsan te dge slong gcig gsol ba dang zhu ba'i las gnyis kyis dge slong pha dang dge slong ma 'di gnyis dang dge 'dun phal cher phyogs mi ste 'dra'o zhes rigs su bsgo shig par bsgo ba la bya/nyon cig tshe dang ldan pa/ bskos pa'i dge slong gis khyim pa pho smos la rigs sun pa'i ming nas smos te 'og ma'i tshig bsgo ba la bya/'gyur ba ni rigs su rigs sun pa dang rab 'byung gnas su rab 'byung gnas sun pa 'di lta ste 'grub pa'i 'bras kyi zhing du ser ba drag po'i 'khor lo bab pa de'i phyir 'bras de kha btags pa'i phyir ma rung par bya ba'i phyir mi rigs par chud gzan pa dang 'grub pa'i bu ram shing gi zhing btsod 'dra ba zhes bya ba'i nad kyi rigs byung nas de'i phyir bu ram shing de nyid kha gdags pa'i phyir ma rung bar bya ba'i phyir mi rigs par chud gzan pa'i phyir tshe dang ldan pa khyed dge slong 'di dang dge slong ma 'dis bstan pa ma gzhal cig /dge slong pha 'di dang dge slong ma 'di dag ni 'bru tshig pa bzhin mi skye ba ni chos te 'di'i 'dul ba'o/ /lto shig bcom ldan 'das dang gnas brtan gnas brtan rnams kyis dge slong la'o zhes rigs su rigs la bsgo ba smos shig /mi mos na zhu ba byos shig /dge slong bskos pa gong du bskor song song ba la dge slong a ri sh+tas khyod sgor 'gro na gsad do zhes bsdigs pa dang grong du 'gro ma nus nas bdag gis rngo mi thogs so zhes dad pa slar phul ba dang sangs rgyas kyis dge 'dun te lnga la zhu ba byas te khyed rnams thams cad kyis dge slong a ri sh+tas pho mo 'di gnyis dang gzhan dang tha dad par ltos shig par bsgo ba la bya 'ab+hid shes bzhin pa la bya/mi shes pa'i bsnyen par ma rdzogs pa nyan na'o/ /dge slong gis dge sbyong dang khyim pa gtam mthos shing mi shes pa las /dge slong 'dis pham pa'am dge 'dun gyi lhag mas byas so zhes byas na ltung ba ste dge sbyong ngam khyim pa de phas pham pa byung bar mi shes par smras pas yan lag gcig bsnyen par ma rdzogs pa dang yan lag gnyis mnyan te thos pa dang yan lag gsum/ bsgo na'o//nyes pa nyid pha rol la bstan pa dang yan lag bzhi/ phas pham pa dang dge 'dun gyi lhag ma'o/ /mdo ltag tu bsgo zhes bya ba ni phas pham pa dang dge 'dun gyi lhag ma bsgo ba la bya ste yan lag 'di lnga dang ldan na ltung bar 'gyur/ bsko ba ma byas pa'o/ /dge 'dun gyis grong du nyes pa sbom po smos shig par bsgos pa ni ma gtogs te bdag gis nyes pa sbom po gzhan la smras na ltung /dge 'dun la ma gsol na'o/ /dge 'dun sde lnga la gsol ba dang zhu ba'i las kyis grong du bsgo shig par bskos pa ni nyes med/ de ltar ma bsgo bar smras pa ni ltung bar 'gyur/sdug bsngal sbyin par smra ba'o/ /nyes smos kyi ltung ba ste 'dul ba bdun gyi gtsug lag khang ngam sangs rgyas kyi dri gtsang khang ngam tse ti zhig brtsig na gang gis brtsig cing las byed pa'i dge slong des shing gcod cing rnga ba'i zhal ta byed cing gcod du gzhug par gnang ngo //ji lta bya ba'i thabs 'og nas 'chad pa yin no/ /zhag bdun brgyad kyi sngon logs su 'og tu dkyil 'khor dang dri bsung dang me tog dang pog dang me mar dang gtor ma byin la gsum brgyud blangs nas sbyin pa'i bshags pa bya ste gang lha shing 'di la gnas pa de gnas gzhan du tshol cig shing 'di mchod rten gyi'am dge 'dun gyi bya bar 'gyur ro zhes shig pa'i tshig gis so//shing gang nas rnga ba'i sa der zhag bdun nam brgyad kyi sngon logs nas shing drung du dkyil 'khor dang dri bsung dang me tog dang me mar dang pog spos dang mchod pa me mar dang gtor ma la sogs pas mchod cing sbyin no//de nas dkon mchog gsum la bstod pa'i stot+t+ra dang zhal nas gsungs pa'i tshigs su bcad pa dang zhi bar bya ba'i smon lam dang gsum brgyud mar bklag go/ /de nas shing de la gnas pa'i lha de la shing byin cig ces pa'i phyir sbyin pa'i tshigs su bcad pa yang bya ste lha la khyod gnas gud du song shig shing 'di ni dge 'dun gyi mchod rten nam gtsug lag khang gi shing du bya dgos so zhes bsgo la shing gcod pa'i las mi la shing 'di rnams chod cig ces mi bsgo bar lha khang gi shing du dgos pa na 'di yin no zhes rig pa tsam du bya/shing 'khor gcig nas mang du rnga na mchod pa spyir kha gsum tsam du bya so sor thor bur rnga na mchod pa de bzhin du kha re rer bya/ sngon shing mkhan byed byed pa las rab tu byung ba la gnang zhes bya bas shing bcad pa dang shing la gnas pa'i lhas dge slong gis nga'i gnas phrogs so zhes sangs rgyas la gsol nas sangs rgyas kyi 'phrul gyis shing gi lha gzhan zhig bkug ste lha 'di gnas ma rnyed kyi bar du khyod dang lhan cig tu 'dug shig ces bsgo ste/de nas dge slong rnams bsdus te/ da phyin chad gtsug lag khang ngam mchod rten gyi shing gcod na gong ma ltar ma byas par ma gcod cig ces bcas/de ste 'gyur ba me 'byung ngam khrag zag gam yan lag 'gul lam lo ma lhags pa la sogs pa mthong na zhing dang bcas pa'i sbyin pa dang ser sna'i mi bsngags pa dang bsngags pa bcas pa bya/ shing bcad pa'i phyir mdo ltag ma ltar cho ga bya ba'i 'og tu bcad par brtsal ba dang shing de la me 'byung ngam khrag zag gam yal ga 'gul lam sgra 'byung ba la sogs pa mtshan ma zhig tu gyur na shing de la gnas pa'i lha gud du ma song ba yin gyis shing 'di dge 'dun gyi'am gtsug lag khang ngam mchod rten gyi rgyur phul na bsod nams kyi zhing yin te yon che'o zhes chos shod cig /sbyin gtong ma byas te ser sna byas na sdig che ba'ang bshad/ sbyin gtong byas na bsod nams che ba'i chos kyang bshad de shing bcad dam / ma zhi mi gtong na mi bcad/ mdo ltag ma ltar chos bshad pa la sogs pa byas te bcad na me 'byung ba la sogs pa 'byung zhing ma zhi na ci mi gcod do//'bring sems can gyi grong dang sa bon rnam lnga ma rung bar ma gyur par kyang shes bzhin pa las ltung bar 'gyur te yan lag gcig /ma rung bar ma gyur na sa bon rnam lnga ste sa bon dang sdong bu'i sa bon dang tshigs pa'i sa bon dang me tog gi sa bon dang 'bras bu'i sa bon dang rnam lnga la gag kyang rung ste rul zhing snang ba ma yin pa dang me dang mtshon la sogs pas ma brtags pa la ma rung ba byas na ltung bar 'gyur/brtags pa ma byas pa'i sa bon dang skye ba tha dad pa/ ma brtags pa'i sa bon dang rtsi shing tha dad nas skye ba zhig las bcad dam bshig na ltung bar 'gyur ro//rtsa bran ma rung bar na yang ngo / /shing gi rtsa ba'i yal ga phre'u dang lo ma'i yal ga phre'u bcad na yang ltung bar 'gyur ro/ /ci lta ci lta bur rtsi shing dang sa bon ci lta bu'i thabs kyis bcad cing ma rung bar byas na ltung bar 'gyur/bsgul bas kyang ngo / /shing drung pa bsgul cing 'bras bu lhags na'ang ltung ba re re zhing ltung ba re re'o/ /mnan pa rtswa dang 'jib pa dang nyal nyil la sogs pas kyang ngo / /sa bon dang rtsi shing la sogs pa ma rung bar bya ba'i phyir rdo shing gis mnan tas 'ji ba dang nyal nyil la sogs pas mnan cing ma rung bar byas na ltung bar 'gyur ro// rnam par 'byed pa'i nang nas 'byung ba'i mdo// //bla ma mi'i chos kyi ltung ba 'chad de/ bden pa'o/ /mi'i bla ma'i chos bdag dang ldan du zin kyang gzhan la smras na ltung bar 'gyur te yan lag gcig /bden pa ma mthong ba'i bsnyen par ma rdzogs pa'o/ /bsnyen par ma rdzogs pa'i gang zag kyang yin la mi'i bla ma'i chos mi shes shing ma mthong ba la smras te yan lag 'di bzhi dang ldan na ltung bar 'gyur ro/ /khyim pa'i mdun du rdzu 'phrul mi bstan/ nor rdzas la sogs pa phran tshegs 'dod pa'i phyir rdzu 'phrul dang ldan na yang khyim pa'i mdun du rdzu 'phrul mi bstan/khyim pa gcig gis lhung bzed shing mthon pa'i khar btags te mur 'dug dang sangs rgyas kyi chos la lta ba dag gis rdzu 'phrul gyis lhung bzed len nus pa lhung bzed thal byung sbyin no zhes byas pa dang mur 'dug gis len ma nus te/dge slong slin da bad tsa zhes bya bas rdzu 'phrul gyis lhung bzed blangs te khe nas khe 'dod pa dang khe'i phyir rdzu 'phrul mi bya bar bcas te byas na nyes byas/ sems can yid g.yo ba dang rkun po nor mi thob par bya ba'i phyir rdzu 'phrul byas pa nyes med/dge slong mas ston pa la ma yin/ dge slong ma dgra bcom zhing rdzu 'phrul dang ldan du zin kyang / sangs rgyas kyi spyan sngar rdzu 'phrul mi bya/ sangs rgyas lha las babs te gshegs pa'i tshe dge slong ma ut+pal bar snang la rdzu 'phrul gyis phyag bya bar bsams nas 'khor lo'i rgyal po 'khor dang bcas par sprul pa dang 'khor thams cad rdzu 'phrul de su zhig yin snyam the tshom zos pa dang sangs rgyas kyi spyan sngar dge slong ma thugs thub byed byed pas nyes pa las bcas/bla ma mi'i chos smra ba'o/ /bla ma mi'i chos kyi ltung ba rdzogs so// //brdzun gyi bla ma'i chos su smra ba'i yan lag thams cad 'dir 'dus te 'dir gtogs so// //mdza' ba'i ltung ba la 'chad de/ de ste bstan na don gyi zhu ba snga ma'i don du bya/ dge 'dun nor zhig 'god dam gud du gtong na sngar gsol ba dang zhu ba'i las byas la bgo /dge 'dun gyi las shig byed na'ang sngar gsol ba dang zhu ba'i las byas te bya'o/ /gsol ba dang zhu ba sngar bya dgos pa ni phyis mi ldog cing mi 'gyur bar brtan par bya ba'i phyir sngar bya'o/ /dad pa byin pa'o/ /gos bgo 'am phar sbyin pa'am sngar dad pa byin la phyis dge 'dun dbang ba gang zag la bsngos so zhes zer na ltung ste yan lag gcig /dge slong gi dge 'dun gyi gang zag la zas ma byin pa rnyed na log par bsngo bar dge slong gzhan gyi ming nas ma phyung yang ngo / /dge slong gi dge 'dun gyi dkor yang yin pa dang kha zas kyang ma yin pa dang dge 'dun dbang ba mdza' ba'i phyir gang zag la bsngos so zhes dge 'dun la brdzun gyis skur pa dang yan lag 'di bzhi dang ldan na ltung bar 'gyur te/gos gang gis khyer ba'i gang zag gi ming nas phyung yang rung ma phyung yang rung ltung ba'o/ /mi bden pa'i don/ mdza' ba'i phyir dge 'dun gyi dbang ba gang zag la byin no zhes brdzun du skur na ltung ngo / /skur ba'i ltung ba'o/ /mdza' ba'i phyir gos byin no zhes skur ba'i ltung ba ste rdzogs so// //bgegs kyi ltung ba la 'chad de/ 'dul ba dang ldan par smra ba la 'phya zhing rnam par smra ba'o/ / so sor thar pa'i mdo 'chad pa la phas pham pa dang dge 'dun gyi lhag ma ma gtogs par ltung ba man chad la 'di lta bu'i tshig chung ngu rtag tu bslas ci dgos zhes zer na ltung ste bco lnga'i gso sbyin gyi tshe yin pa dang 'dul ba rnam par 'byed pa dang phra mo dang dris pa dang bye brag tu gdon mi za ba dang sde bzhi'i nang nas 'byung ba'i tshig yan pa dang 'di lta bu'i tshig chung ngu ci dgos zhes tshig tu'ang smras pa dang yan lag 'di gsum dang ldan na ltung bar 'gyur/mdo sde'i na nyes byas pa'o/ / mdo sde'i tshig dang mdo sde'i nang nas 'dul ba'i tshig byung ba la 'di lta bu'i tshig chung ngu ci dgos zhes smras pa ni nyes byas bgegs so//bgegs kyi ltung ba rdzogs te/ dgu bcu'i ltung ba las bcu phung gcig rdzogs so// //sa bon gyi ltung ba la 'chad de/ dge 'dun dang mchod rten gyi phyir na las sar pa pas shing chod cig dge dor ba la sogs pas kyang ngo / / sa bon ma rung par bya ba'i phyir sa bon dang rtsi shing gi thog tu rdo la sogs pa bor ba dang sa bon nyid gud du bor te ma rung bar gyur na ltung bar 'gyur/ rlung dang tsha ba la bzhag pas kyang ngo / /sa bon ma rung bar bya ba'i phyir rlung dang tsha ba dang nyi ma dang me la sogs par bzhag cing ma rung bar 'gyur na'ang ltung bar 'gyur/skam pa'i gnas su bzhag pa yang ngo / /sa bon ma rung bar bya ba'i phyir gsher ba'i sa bon skam po la bzhag na ltung bar 'gyur ro/ /der 'don na'o/ /sa bon ma rung bar bya bar 'dod pa las ltung bar 'gyur te yan lag gnyis bdag gam gzhan gyis kyang ngo //bdag gis sa bon ma rung bar byas kyang rung gzhan byed du bcug kyang rung ltung bar 'gyur te yan lag gsum/ ma rung na rtsa ba dag tu'o/ /sa bon ma rung bar ma gyur pa zhig las ma rung bar byas na ltung bar 'gyur te de yan lag 'di bzhi dang ldan na ltung bar 'gyur ro//ma rung ba'i tshad las so/ /sa bon dang rtsi shing ma rung bar bya ba'i phyir brdas sam bsregs na du ma rung ba bzhin du ltung ba re re'o/ /sdong po yang ngo / /shing sdong po gcig rtsa bar bcad na yan lag re re ltung ba re rer mi 'gyur gyi rtsa ba nas bcad pas ltung ba gcig tu zad do//nyes byas pa ni sbyor ba dag la'o/ /rtsa shing mang po zhig ral gri'am zor ba thabs gcig gis bcad cing brdas na'ang du bcad pa bzhin du nyes byas re re dang ltung ba re re'o/ /du chad pa bzhin du ltung ba ni re rer 'gyur nyes byas ni spyir thabs gcig byas pas nyes byas gcig las med par byi shu tas bshad/'di las 'dis bsnun na so sor tha dad de dngos po ma yin no/ /shing sdong po gcig bcad par byas na sta re thabs re re la ltung ba re rer mi 'gyur gyi nyes byas re rer 'gyur te chod zin na ltung ba gcig tu zad do/ /phyung na ma thar te bskyed kyang ngo //rtsi shing la sogs pa gzhon nu phyung ste gud du bskyed kyang ltung ba'o/ /nya lcibs dang chu ldum chu las phyung na der ro/ /chu'i nang na nya lcibs 'dug pa dang chu ldum rtsa ba ma zug pa thang la byung yang rung chu gcig tu spos kyang rung ltung bar 'gyur ro/ /phyed ni 'bras bu ma bcem par med pa'o//'bras bu ma bcem par ril med du ltar btang na ltung ba phyed de nyes byas so/ /de ste 'di bcad na dge'o zhes smra'o/ /bskos na'o/ /shing 'di bcad na dge'o zhes zur du smras te gcod du bcug kyang rung shing 'di bcad na khang shing du re bzang zhes kha 'phyan du bsams shing smras na'ang nyes byas/rdzu 'phrul gyis na ma byas pa'o/ /shing zhig gzugs brnyan du sprul te bcad na ni nyes med do/ /de bzhin du sa bon tha dad pa la sa bon du 'du shes na'o/ /nas zhig ma rung bar bya bar bsams la 'bras zhig ma rung bar byas na'ang ltung bar 'gyur ro//de bzhin du rtsi shing dang sa bon gag kyang rung gcig cig ma rung bar byas par bsams la gzhan zhig ma rung bar byas na'ang ltung bar 'gyur ro/ /shun phrags dang / shing gi shun phrags shing las ni 'phags kyi rtsa ba cung zad shing la thogs pa bkogs pa dang /gsob dang / shing rul pa shing ma mo la chags pa'am shing spags shing la yog cing 'dug pa bkogs pa dang / lo ma skya bo dang shing gi lo ma skya bor gyur pa btogs pa dang / rgyas pa'i me tog dang / me tog rgyas zin te lhags la thug pa btogs pa dang / smin pa'i 'bras bu ni/ shing thog smin zin te brul la thug pa btogs pa dang / phyed shi ba zhes bcad do/ /ming gis smos pa 'di rnams btogs pa phyed shi ba zhes bya ste nyes byas so/ /de dag gi rtsa bar gyur pa rang bzhin las ma gyur na ma yin/ mdo ltag ma'i nang nas ming gis smos te bshad pa lta bu ma yin par me tog dang 'bras bu ma rgyas pa dang lo ma skya bor ma gyur pa dang shing las ma 'phags pa dang 'bras bu dang me tog gi rtsa ba dang shing tog dang 'bras bu la mi nye bar shing ma mo la nye bar spyad pa la sogs pa ni ltung ba/shing tog shing gi mtshams su bcad pa ni nyes byas/phyed ni btab pa'i sa bon gyi kham rtsa ba ma skyes pa/ nas 'bras kyi sa bon btab ste myu gur ni ma gyur sa bon las kyang nyams te rtsa lhogs tsam du 'dug pa la ma rung bar byas na'ang nyes byas/ rde'u sha dang sha mo dang sa bal dang rdza ma dang gos kyi rlabs phyed skye ba'i bye brag go//ming gis smos pa 'di rnams las gag kyang rung ste ma rung bar byas na nyes byas/ khu ba tshan mo la sogs pa pho ba dang 'chag pa dang yal ga la sogs pa drangs pa dang dkyil 'khor du byug pa de'i sems kyis na ltung ba med do/ /khu ba la sogs pa pho ba dang yan man du 'gro ba'i rdog lam du song ba dang rdo shing la sogs pa drangs pa'i 'og tu song ba dang dkyil 'khor byas pa'i 'og tu sa bon ma rung ba la sogs pa sa bon ma rung ba bya ba'i sems ni med kyi las gzhan byed pa'i zhar la sa bon ma rung bar gyur pa ni nyes med do//gcad do 'jag ma la sogs pa dog par gyur te bcings pa la de ma yin pas thar bar mi 'gyur na'o//dge slong dag gcig mi rgod kyis bcings nas gsad par byas pa dang mi rgod kyi nang na dge slong gi tshul shes pa gcig yod de dge slong gsad pa mi rigs kyi rtswas bcings te bzhag pa dang kho'i khrims kyis rtswa gcad du mi rung ste bcings pa bzhin du 'dug pa'i rigs so zhes zer nas 'jag ma la bcings te bzhag pa dang rgyal po gcig cig ri dwags ba shor du song song nas mthong bas rmongs pa de dge slong ste mi rgod kyis rtswa la bcings te khrims kyis rtswa gcad du mi rung bas sdod mod ces smras pa dang rgyal po yang dad pa skyes nas rgyal po nyid kyi lag gis bkrol te gos la sogs pas brdzangs te btang ba las bcas te de lta bu rtswas bcings shing srog la dman pa zhig byung na rtswa bcad kyang nyes med do zhes gnang ngo //de gcig ma yin pa gcig gis so//mdo ltag ma ltar dge slong mang po zhig bcings na zad par gyis rtswa gcad cing ltung bar bya ba'i mi rigs kyi dge slong gcig gis rtswa chod de bdag khrol la gzhan kun kyang bdag gis rtswa ma chad par grol lo/ /sa bon gyi chos ma yin pa nyes pa mi byed do/ /sa bon du mi rung ba rnams ni ma rung bar byas kyang ltung bar mi 'gyur ro//mes reg pa dang btsugs pa mtshon dang sen mo dang ne tso dang rnyings pa dang phyung ba dang bkrums pa dang gshegs pa dang gtubs pa'o zhes brtags pa'o/ /sa bon rnam pa lnga la ming gis smos pa 'di rnams kyis reg cing brtags pa ni spyad du rung ste ltung ba dang nyes par mi 'gyur ro//sa bon ma yin par gyur gyi bar du btags pa mi bsdad/ mdo gong ma'i nang nas smos pa bzhin du sngar btags zin pa dang snad cing rma byung ba la sogs pa sa bon du mi rung ba rnams kyis btags zin pa yin te gdod btags mi dgos so/ /rlangs pa me ma yin no//sa bon la sogs pa rlangs pa tsha ba la gdungs shing reg pa yang mes brtags pa'i nang du chud de phyis brtags mi dgos so/ /yang dag par rtogs pa na mes 'bras bu'i spyi'i gzugs su brtags pa gtso bor byas pa'o/ /nas dang shing tog la sogs pa lta bu mang zhig phung por 'dug pa la brtags pa ni 'bru re re nas brtags mi dgos kyi phung po'i spyir mes reg par byugs pas chog go//de'i phyogs gcig tu na 'dus pa'i mi 'gyur mi ldang ngo / /mdo ltag ma ltar spyir ngos gcig tsam mes reg par byas pas mi chog gi phyi rol gyi ngos thams cad du mes reg reg tsam byas pas brtags par chud do//dge slong gis byas pa yang brtags pa byas pa'o/ /ltag tu sa bon la brtags pa rnam pa lnga bdun smos pa las mes brtags pa ma gtogs par gzhan dge slong gis brtags pa'ang brtags par chud de zos kyang nyes med do//rtog rtog pa'i dge slong ni chad pa rtsis mgo bzhin du yod do/ /dge slong gis mes brtags pa'i zas zos pa ni brtags par mi chud de nyes byas so/ /sa ma brtags par yang ngo / /mtshams kyi nang du tshad mang byas pa'am sngags kyis ma btab pa'i tshad mang sa ma brtags pa yin te der mes brtags pa ma gtogs par gzhan brtags pa'ang nyes med do//mes brtags pa ni dge slong gi gnas su g.yos sos pa dang 'dra'o/ /chu grang mos ma btab par zhag bdun pa dang nam 'tsho'i bar du mi bza'/ zhag bdun pa'i sman bu ram dang sbrang rtsi dang mar dang shing mar la sogs pa dang tshe gcig gi sman la sogs pa yang bza' ba'i tshe mi gzhan la chu grang mos rtog tu gzhug go//ma brtags par zos sam bdag gis brtags na nyes byas/ ma bslad pa thun gyi bar du mi bza'/ rtsa ba mo dang rgun chu dang bu ram chu la sogs pa phyi dro btung du rung ba'i rnams kyang chus blugs te ma brtags par mi btung 'thungs na nyes byas/sa bon skye ba ma rung ba'o/ /sa bon gyi ltung ba ste 'dul ba rnam par 'byed pa'i nang nas 'byung ba'i mdo// //'khyal ba'i ltung ba la 'chad de/ gang zag bcu gnyis dag la byed de/ dge 'dun gyis las su bskos pa'i gang zag bcu gnyis kyi las gag kyang rung ma snyoms shing bdag la mnar to zhes brdzun gyis skur cing phyar ka btang ba las ltung bar 'gyur te yan lag gcig /ma bskos pa la yang ngo / /dge 'dun gyis gang zag bcu gnyis kyi las su gsol ba dang zhu ba'i las kyis ni ma bskos kyi khas bskos shing gang zag bcu gnyis kyi las gang yang rung byed pa la 'phya na yang ltung ba'o//spyod pa 'gags pa yang ngo / /gang zag bcu gnyis kyi las gang yang rung byed byed pa las byung ba la sngon las byed pa'i tshe bdag la mnar cing ma snyoms te mnar to zhes 'phya na yang ltung ba'o//'khyal ba'am bdag gi phyir de thos par 'phyar zhing gzhan la bstan na'o/ /'khyal zhing 'phyar ba ni bdag la ma snyoms shing mnar to zhes byas pa dang bdag gis smras pa de gang zag bcu gnyis gang la 'phyar ba des slar yang thos pa dang khos ma nyams pa la brdzun du'ang smras pa dang yan lag bzhi/rtsa ba'i ni bgrang bar ro/ /ltung bar 'gyur ba'i tshad ni dge 'dun gyis de skad ma zer cig ces bsgo ba la ma btang ste dge 'dun gyis khyed tshul khrims dang mi ldan zhing log par spyod pa yin te tshul khrims dang mi ldan pa'i nang du gtogs so zhes bsgos te ma btang na ltung bar 'gyur ro//yan lag 'di lnga dang ldan na ltung ba'o/ /gzhan du na nyes byas pa'o/ /mdo ltag ma ltar dge 'dun gyis mi bsgo zhing ma bgrangs kyi bar du phyar cing smras pa dang 'phyar bar ma bsams par 'phyar ba'i tshig tu kha nas byung ba nyes byas/ chung zad du dgongs pa yang mi nus pa mi mngag /gang zag bcu gnyis la 'khyal zhing 'phyar ba'i mi de bcos su mi bzod cing khro gtum can zhig ste slar 'thab mo rgal zhing 'khon du 'dzin pa tsam gyi tshod na de skad ma smra shig ces bsgo ba dang nyes pa'i nang du gtogs par bgrang bar mi bya bar bzhag pa la'ang bya/'phyar ba de la ma smra shig ces bsgor btang ba'i dge slong yang gnyen po thabs mkhas pa ngo zlog phod pa las mngag /bdag gis de nyid dang 'khon na bdag gis las su mi bsgo/ /gang zag bcu gnyis kyis las su bskos pa gang yang rung ste/ dge slong gzhan las shig bsko na dge slong 'khon yod pa la bdag gis las su mi bsko //las su bsko dgos na yang dge slong 'khon med pa las bskor gzhug go/ /'phyar ba'o/ /'khyal zhing 'phyar ba'i ltung ba rdzogs so// //smra ba'i ltung ba la 'chad de/ mi bgrang ba ma yin pa ni/ltag ma phyar ba dang 'dra bar bsgo ba'i lan log par ldon pa yang mi bgrang ba ma yin te log par smra ba la de skad ma zer zhes lan gcig bsgo/ /de nas ma btang na khyed tshul khrims dang mi ldan pa 'di rnams kyi nang du gtogs par bgrang zhes bya ste ma btang na ltung ste yan lag gcig / bskul bar zhugs pa'i bka' dang mi smra ba'i log pa can dang smras pa'i gang zag mngon sum du 'khyal ba gzhan la ston cing 'phyar ba'o/ /dge slong grogs kyis nyes par byed cing log par ma byed ces gzhung bzhin du bsgo na slar log par smra yang rung cang mi smra bar then te 'dug kyang rung tshul bzhin du byad pa ston pa dge slong la mngon sum du lan log par ldon cing smra na ltung ba'o//zhu bas so/ /dge 'dun gyis ma byed cig ces lan gcig sngar bsgo ba dang nyes par gtogs so zhes bgrang ba ni gsol ba dang zhu ba'i las kyis bya/ dge slong gis bka' bzlog na'o/ /nyes par spyod pa la dge slong tshul bzhin du spyod pas tshul bzhin du bsgo ba la slar lan log par smra ba'am cang mi smra bar then te 'dug ste ngag ma mnyan cing bzlog na ltung ste yan lag gcig /der 'dod pas so/ /log par spyod pa la de ltar ma byed ces ston cing 'ong ba la lan log par slar bzlog par 'dod de smras shing byas pa las ltung bar 'gyur te yan lag gcig /gzhan du smra bas so/ /bsgo ba'i lan bzhin du mi smra ba'i kha rog tu 'dug gam lan log par smras pa la yan lag gcig ste yan lag 'di bzhi dang ldan par byas na ltung bar 'gyur nyes byas ni kha rog na'o/ / dris pa dang bsgo ba la sogs pa ci yang rung ste lan log par glan par bya ba'i phyir mi smra bar 'dug na nyes byas/ mi dran no zhes kyang ngo / /gtam dri ba la lan log par glan par bya ba'i phyir dran pa mi dran no zhes byas na nyes byas/ de sdug bsngal bar smras pa ma yin na'o/ /gnyen bshes lta bu shi na drang por smra na mya ngan du 'gyur ba'i phyir ma smras shing lan ma glan nam gtam gzhan du bzlog ste smras na nyes med do//de bas na gsad pa mthong ste kun 'dri na skad cig sros skad cig chu 'thung skad cig ngal sos gnam mam sen mo mthong ngo yang dag par na sems can nam gsad pa ma mthong ngo zhes smras na ltung ba med do//mi bsad pa zhig bros te song la snyegs pa'i mi 'ongs te 'dri na mdo 'di las 'byung ba bzhin du ring du thogs par bya ba'i phyir tshig log par smras shing gya gyu byas kyang nyes med do/ /de ltar byas kyang 'dri na sems can la dngos po med par bsams te yang dag par na sems can gsad pa'i mi ma mthong ngo zhes kyang nyes med de/gang du dpang por 'gyur ba der gnas par mi bya kha mchu la sogs pa rtsod cing dpang dang che bzhir bcol zhing 'dzin par 'gyur bar mi 'dug par byol te 'gro/ /gnod pa byed na sgo ma bcad par dpang du mi sbyin/mdo ltag ma ltar byol yang ma thar te dpang dang che bzhir bzung na phyis gnod pa mi bya bar dam bcas la dpang bya/ phyis gnod pa mi bya bar mi btub na kha btsums te 'dug go /bka' bzlog pa'o/ /smra ba'i ltung ba ste rdzogs so// //khri stan gyi ltung ba la 'chad de/khri dang khri'u dang sngas dang la ba dang sngas khab dang gru bzhi zhes pa ni mal stan no/ /dge 'dun gyi khri dang khri'u dang sngas la sogs pa ming gis smos pa 'di rnams bla re med pa'i nam mkha' la bor ba las ltung bar 'gyur te mal stan dngos dang bla re med pa ste yan lag gnyis/ 'dom bzhi bcu rtsa dgu de'i mtshams so/ /khri stan bla re med pa'i nam mkha' la lus te ma brtul bar song na khri stan 'dug pa nas 'dom bzhi bcu rtsa dgu las 'das par song na ltung bar 'gyur te yan lag gcig /bskor ba ni sgo gang nas so/ /'dom bzhi bcu rtsa dgur bcal ba ni gtsug lag khang phyi ras bskor na gtsug lag khang gi phyi ra'i sgo gang nas bcal lo//phyir med na stan ga la 'dug pa'i gnas nas 'dom bzhi bcu rtsa dgu la bcal lo/ /de las 'das pa'i phyir brjod de/ 'gro'am nang du yang nyal lam/ bsam gtan du zhugs pa la sogs pas lkog tu gyur pa'o//bla re med pa'i nam mkha' la dge 'dun gyi khri stan lus la 'dom bzhi bcu rtsa dgu 'das te song na brjed de gud du song yang rung bsam gtan byed du song yang rung khyim gyi nang du nyal du song yang rung bsam gtan byed du song yang rung ste rtsis mgo dang ldan par gyur na ltung bar 'gyur ro//tha dad pa las sngar na sbyor ba'o/ /'dom bzhi bcu rtsa dgu las ma 'das pa dang char gyis ma phog gam rlung gis ma bzlog gam srin bus ma zos par bla gab med pa la lus pa ni nyes byas te skabs 'dir ming smos te nyes byas nyid 'og nas 'chad/'das sam srin bu dang rlung dang char gyis ma phog kyang bla re med pa la lus na 'dom bzhi bcu rtsa dgu 'das na ltung / gyur na tha ma'o/ /'dom bzhi bcu rtsa dgu 'das kyang char dang rlung dang srin bu gang gis kyang rung ste zos shing bzlog na ltung bar 'gyur te yan lag gcig / brtul ba byas sam byed du bcug na de ma yin no/ /dge 'dun gyi khri stan bdag gis brtul tam gzhan la bcol ba ni ltung bar mi 'gyur/ ma brtul te ma bcol na ltung bar 'gyur te yan lag gcig ste / yan lag re re nas ming gis smos pa kun dang ldan na ltung bar 'gyur/ dge slong pha la ma bcol na'o/ /brtul du bcol ba ni dge slong ma yin pa dge sbyong ngam khyim pa la bcol bar mi chud de ltung bar 'gyur gyi dge slong la bcol ba ni bcol bar chud de / dog pa ma rnyed na/ chu'am me'am/ rkun po la sogs pa 'jigs pa'i rkyen byung ste ma brtul bar song ba ni nyes med de/'jigs pa'i rkyen med pa las ltung bar 'gyur te yan lag gcig /byed pa bzhin spyod spyod pa'o/ /dge 'dun gyi khri stan la bdag spyod spyod de brtul te 'gro ba las grogs shig 'ongs na de la spyod cing 'dug shig ces bsgo ste 'gro bas ma bsgo na nyes byas phyis na spyod pa'i dge slong gis ma brtul na yan lag dang ldan na ltung /dge 'dun gyi khri stan la khyim pa zhig spyod cing 'dug ste/ char rlung dang srin bus zos sam nam mkha' la bor ba la de ltar ma byed ces ma bsgo'am/ ma brtul na nyes byas zhes byi shu tas bshad/ gnyis gcig tu 'khod na phyis langs pas bya'o//stan gcig la dge slong gnyis spyod spyod pa las gcig phyi na 'dug pa gcig sngar 'gro na snga mas brtul cig ces ma bsgo yang phyi mas ma brtul na ltung ba'o sngar song ba la ni nyes med do/ /de ste mnyam pas na gsar bus so/ /stan gcig la mi gnyis lhan cig spyod spyod pa las lhan cig 'dong na dge slong khrims na gang gzhon pas brtul la/ma brtul na rgan po la nyes byas gzhon nu la ltung ba'o/ /mtshungs pas na nyes byas gnyis kas so/ /mdo ltag ma ltar lhan cig spyod spyod pa gnyis ka spyis bsdu'o/ /ma bsdus na gnyis ka ltung ngo //ngo tsha med pas phas pham pa byung ba'am tshul khrims la g.yel ba dang tham thom smyon thabs can dang / 'khon pa sngan chad 'thabs shing 'khon yod pa dang / rgas pa rgan po mal stan brtul mi nus par rgan pa dang / nad pa mal stan brtul mi nus pa dang / rab tu ma rdzogs pa dge sbyong dang khyim pa dang der na ma bcol ba'o//ming gis smos pa 'di rnams la mal stan brtul du bcol kyang / bcol bar mi chud de yan lag dang ldan na ltung ba'o/ /gtsug lag khang 'di mal stan lta'am long shig /bdag gud du 'gro na dge slong grogs la mal stan 'di ltos shig ces sam lde mig 'di na yod de long shig ces bsgo ste 'gro'o//sgo lcags ma bcug go zhes bcol/ gtsug lag khang ngam sgo ma bcad par 'gro na'ang sgo ma bcad do zhes bsgo ste 'gro'o/ /tha dad pa gsum ste rlung gis bzlog pa dang char pas rim par thal ba dang /srin bus zos pa dang char pas gsher ba dang rlung gis bzlog pa'i tshad ni char pas steng nas 'og tu thal ba dang srin bus bla nas 'og tu thal ba dang rlung gis tha ma bzlog pa tsam gyis ltung bar 'gyur ro/ /mal stan mal stan yang yin la dge 'dun gyi de la dge 'dun gyi mal stan yang yin la/bdag bskos gzhan gyis bdag la gding du bcug gam/ bdag gis gzhag gam/ bdag nyid kyis bting ngam/ gzhog tu bcug ste bdag gis gzhan gding du bcug ste/ bla gab med de zhe na byed do/ /bla gab med pa'i nam mkha' la lus te ma brtul na ltung bar 'gyur ro//rtsa ba ni mjug tu na'o/ /yan lag rnams dang ldan zhing 'dom bzhi bcu rtsa dgu 'das sam char dag gis gsher bar gyur na ltung ngo / /sbyor ba ni nyes byas pa'o/ /yan lag ma tshang ngam 'dom bzhi bcu rtsa dgu ma 'das pa tsam du song ba ni nyes byas so//re re shig gzhan gyis non na'o/ /dge 'dun gyi mal stan la spyod spyod pa las grogs gcig 'ongs te phyin na spyod de bdag sngar 'gro na phyi ma la mal stan brtul cig ces bsgo la 'gro'o ma bsgo bar song na nyes byas/ gang zag gis kyang ngo / / gang zag gis mal stan spyod spyod pa las ma brtul tam brtul du ma bcol bar song na nyes byas so/ /'og ma bzhi yang ngo / /khri stan gyi 'og na gding ba dang bskrad pa dang phyis gnon pa dang gzer med pa bzhi yang dge 'dun gyi gtsug lag khang du byas na ltung gi gang zag gi gnas la byas na nyes byas /ma reg pa ni ma yin no/ /dge 'dun gyi khri gser dngul dang rin po che la sogs pas byas pa zhig skam srad la phyung zhing 'dug ste char bab na reg tu mi rung ba'i phyir ma brtul na nyes med do/ /rkun po'i rkyen lta bu byung na brtul ba'i phyir reg kyang bla ste brtul dgos so//de ste bsod snyoms kyi phyir bkram ste zhugs nas rlung dang char pa 'ong na gtsug lag khang na gnas pas chug shig /dge 'dun gyi mal stan bsod snyoms pa zhig spyod cing gding ba las ma brtul bar bdag bsod snyoms la song ste char pa'am rlung la sogs pa byung na dge slong su phyi na 'dug cing ma mthong bas sdus shig ma bsdus na nyes byas so//zhugs pas kyang nan tan du shog shig /sU tra ltag ma ltar dge slong bsod snyoms la song bas kyang rlung dang char pa 'ong bar mthong na mal stan brtul ba'i phyir myur du 'ong ngo / / myur du ma 'ongs na sngon gyi ltung ba dang nyes byas kyi steng du yang nyes byas mchis / de'i phyir ma nyes pa dang 'bri ba med do/ /bsod snyoms pa mal stan ma brtul bar bsod snyoms song ba bsod snyoms kyi phyir song zhes te nyes pa med pa'am/ ltung ba 'bri ba ma yin gyi yan lag dang ldan na ltung bar 'gyur ro//de ste brjed nas lan mang du 'das sam phyin te dran pa rnyed na phyis 'di ltar mi bya'o zhes sems bskyed cing khar smros shig /dge slong mal stan spyod spyod dam bkram pa las ma brtul tam brjed de gud du song nas lam ring mo zhig tu phyin te gdod de dran na de ltar brjed pa nyes so zhes yid la bsams shing khar yang brjod/phyin chad 'di ltar mi bya ba'i sems kyang bskyed do/ /de ltar sems ma bskyed na snga ma ltung ba'i steng du nyes byas kyang yod/ lam mi ring bar dran na slar log ste brtul lo/ /de ste dge slong dang lam du phrad na bsdu bar gsol cig /sU tra ltag ma ltar dge slong gis mal stan ma bsdus par gud du song ste lam ring mo zhig tu phyin te dran pa dang dge slong gzhan zhig dang phrad na bdag gis gsol ba btab ste mal stan ma brtul bar lus kyi phar byir phyin pa dang brtul bar gsol lo zhes gsol ba gdab/khas blangs nas der phyin na bya/ sU tra ltag ma ltar gsol ba btab pa'i dge slong des khas blangs na phyin ma thag tu brtul/ phyin ma thag tu ma brtul te yan lag dang ldan par gyur na khas blangs pa'i dge slong de ltung bar 'gyur ro/ /dogs pa ma rnyed de gnas nas 'gro na mal stan brtul/mi rgod dang rkun po la sogs pa 'jigs pa'i rkyen ma byung bar gnas gud du 'gro na dge 'dun gyi mal stan bdag spyod spyod kyang rung skam bsrad la bting yang rung ba bsdus shing brubs la 'gro/ ma brubs par song na nyes byas/ 'di ni bla gab med pa ma yin gyi gtsug lag khang gi nang na 'dug pa la bya/de ste rdul gos na sprug /dge 'dun gyi mal stan la rdul la sogs pa chags na rub ma pa yang rung su spyod spyod pa yang rung ste sprug brdab ste byi bdar bya/ de nyid la gtad/ sU tra ltag ma ltar byi bdar byas pa'i mal stan de mal stan gyi rub ma pa gsar du byed pa su yin pa la rnying gud du 'gro na gtad de 'gro/dge slong dag la bcol bar yang bya/ mal stan gyi rub ma pa rnying yang rung mal stan spyod spyod pa'i dge slong su yang rung ste gnas gzhan zhig tu thal byung 'gro la mal stan gyi rub ma pa gzhi 'dzin med na dge slong dag kyang rung bas sngas shig par bcol te 'gro med na dge tshul la/sU tra ltag ma ltar ring bar 'gro la dge slong med na dge sbyong la sdus shig pa'am phul cig par bcol kyang nyes pa med do/ /de yang na khyim pa dag la'o/ /bdag grogs kyi rjes mi slebs shing ring bar 'gro la/dge sbyong yang med na khyim pa dang dge bsnyen yid brtan pa la bcol kyang nyes med do/ /thams cad med na phyogs bzhir bltas la lde mig sbos la song shig /mal stan rdzi'am dge slong gang yang rung ba bdag gud du gnas 'phos te 'gro la phyi na mi gcig kyang med na mal stan dang rdzas kun brubs te sgo bcad la lde mig dge slong dag gis rnyed pa tsam du sbas la dge slong dag 'ong ngam mi 'ong phyogs bzhir bltas la 'gro/de ste lam gyi bar du dge slong mthong na phyogs de na'o zhes de la smros shig/ sU tra ltag ma ltar lde mig sbas te song ba las lam du dge slong dag dang phrad na lde mig sa tshod 'dir sbas kyis tshol la spyod cig ces bsgo ste 'gro/de ste khyim par mgron du bos pa las sgo bcad de dong na rtsig pa'am shing du stan sbos la zhugs shig /dge slong bsod snyoms pa zhig dge 'dun gyi khri stan lkog dben par khyer te spyod spyod pa las dro khar khri stan slar skyel du song ba las dge 'dun phal kun mgron du 'dong ste sgo bcad cing 'dug na khri stan de gzhan gyis mi mthong bar rtsig pa'am shing drung du sbas la bdag kyang dge 'dun gzhan gyi phyi bzhin mchod ston la 'gro'o// der stan byin cig /gtsug lag khang gzhan gyi dge 'dun zhig mchod ston byed pa'i phyir khri stan rnyed na sbyin/ sU tra ltag ma ltar dge 'dun gyi rjes ma slebs te stan sbas te phyis 'ongs pa'i dge slong de la dge 'dun snga ma gral zhog la stan byin cig ces kyang bshad do/ /bdag gis khyer te ma 'ongs shig /sU tra ltag ma ltar dge 'dun gzhan zhig la khri stan brnyar sbyin pa slar bdag nyid kyis mi bskur mgron du 'gro na bdag gis stan rang chas su khyer te mi 'gro zhes byi shu tas bshad khyim pa dang dge tshul de dag gis so/ /gud du brnyar byin pa'i stan bdag cag slar log na g.yog khyim pa'am dge sbyong dag la bskur ro//med na khyim pa la bskyal ba'i phyir bcol te 'dong / dge sbyong dang khyim pa la 'phral du bskur du med na khyim pa dag la bcol te skyol cig par bskos te 'dong ngo / /bdag gis khyer te 'ong ngo zhes zer na bzhag /sU tra ltag ma ltar khyim pa la skyol cig par bcol nas bskyal lo zhes khas blangs na stan bzhag /des mi skyel na gnas byas pas bskur / khyim pa la skyel bar bcol te ma btub na dge slong gzhon nu rnams kyis bskur / med na rang gis so/ /skyel ba khyim pa la sogs pa skyel du ma btub na bdag gis bskur /thams cad kyis na gaN+DI brdungs te'o/ /stan brnyas pa de dge slong kun gyis bskur dgos na'ang gaN+DI brdungs la bsdus te bskur ram/ len du 'dong ngo / /khyim pa zhig gis mchod ston gyi phyir khri stan brnyas na thabs de bzhin gtsug lag khang du mgron byas pa bdag gi phyir stan rnyed na sbyin/khyim pas dge 'dun mchod ston gsol bar rgyu phul ba las de'i rjes la khyim pa de nyid kyi gnyen bshes zan sbyin sbyin na stan brnya zhes zer na dge 'dun gyi rjes ma slebs te stan byin cig /de dag bsrung ba dge slong bzhag/ sU tra ltag ma ltar khyim pa'i gnyen bshes zan sbyin par stan brnyar phyin pa la dge sbyong spyan srung ma gcig bzhag /de phyogs gcig [(]du [,]tu [)]'dug /srung ma de khyim pa dag zan za'i nang du mi 'gro bar mig rgyang gis snang ba tsam du 'dug la bags kyis bsrung / bdag gis las kyang bya zhing btsa'/ dge slong srung mar bskos pa de stan srung ba'i zla la bdag gis las kha thon la sogs pa'ang bya/ dong la gzhug /khyim pa zan zos zin te stan ma brtul bar dong na dge slong srung mas stan rnams brtul te sba/ ma rung na bkru/ khyim pa de dag gi stan sha chang gis reg ste ma rung bar gyur pa dge slong des phyi zhing bkru'o//chang gi snyigs mas reg na chus so/ /stan la chang ngam sbang ma lta bus reg na chu sa bkru'o/ /snum gyis na sug pa dag gis so/ /stan la snum la sogs pas reg na sug pas bkru'o/ / mi gtsang bas na sa'am go 'dun nam lci skam kyis so/ skyugs pa dang ngan skyugs la sogs pas stan la reg na lci skam dang sug pa la sogs go 'dun gyis dag par bkru/ mi 'dag na lan bu dag gcod cig /khyi'u dra ba dang lan bu'i gseb tu ngan skyugs reg pa 'dag tu mi btub na lan bu dag gcod cig /khyim pa 'dug pas ma bcug na gang gis mthong bas chug shig /khyim pa dra ma gtsug lag khang du 'ongs pa la bsti stang du stan bting ba khyim pas stan ma brtul bar slar song na dge slong gang gis stan mthong ba gzhug /khyim pas stan brnyas pa'am srung ma med na gang gis mthong bas brtul/de ste rgan po'am na bas na gtsug lag khang skyong la'o/ /khyim pa 'dug 'dug pa'i stan ma brtul tam ma bskyal ba dge slong rgan po dang nad pas mthong ste sdud mi nus na gtsug lag khang skyong la bos te sdud du gzhug /de la sgo nad pa la thams cad kyis blta/ dge slong nad pa la dge slong thams cad kyis nyin re bzhin lan re blta'o ma bltas na nyes byas/'dug ste'o/ /nad 'dri ba'i tshe 'dug la 'dri'o/ /de ltar ma byas na nyes byas/ der stan thogs te mi 'gro/ nad 'drir 'gro ba'i tshe bdag gis stan khyer te mi 'gro nad g.yog gis der stan gzhag/ nad 'dri ba'i dge slong 'ong ba'i phyir nad g.yog gis stan gding / mkhan po'am slob dpon dge ba'i skyabs kyi phyir 'gro na de ste gzhan du dge ba'i skyabs mi 'phel na phyi bzhin du 'gro/ /mkhan po dang slob dpon gtsug lag khang na dge ba spyod du mi ldob ste shing drung ngam chu 'gram la sogs par chos slob cing 'gro na slob ma bdag kyang chos slob pa'i lung nod pa'i phyir mkhan po'i phyi bzhin du 'gro'o//bdag gis de'i stan bskur / mkhan po dang slob dpon dben par chos slob tu 'gro ba'i stan slob mas bskur ro/ /ma dris par mi 'gro/ mkhan po dang slob dpon gyi phyi bzhin slob ma 'gro ba yang bdag kyang phyi bzhin 'gro'o zhes dris la 'gro/bdag nyid kyis khyer te 'ongs / mkhan po dang slob dpon dben par chos slob pa slar 'ongs te slob ma drung na mi 'dug na stan bdag nyid kyis bskur / bla gab med pa la chos nyan pa la rlung ngam char gyis na mal stan dag gzhug /gso sbyin byed pa'am chos 'chad pa la sogs pa bla gab med pa la 'khod 'khod pa las char pa 'phral la bab na dge slong kun gyis stan bsdu zhing gnas su bskur ba dang sba/ rang gis lci ste mi nus na rgan rabs dang gsar bur lhan cig tu brje/ sU tra ltag ma ltar stan bsdu ba la rgan pa rnams kyis stan chen po lci ba mi theg na gzhon nu'i stan yang ba rgan po la bskur la rgan po'i stan lci ba gzhon nu rnams kyis bskur /'dra ba 'dra bar gzhag /mal stan gyi rnams brub pa'ang bsres la mi gzhag gi khri'u yang logs shig stan yang logs shig so sor bcer ro//gtsug lag khang gzhan du mal stan dang gos brnya na byin cig /gtsug lag khang gzhan du mchod ston byas sam dge 'dun mang zhig lhags te mal stan gyis mi chog ste brnya na brnyar sbyin no/ /de ste char pa'am rlung 'bab par mi dogs na'o/ / brnyar byin pa yang char pa dang rlung langs sam 'bab du dogs na gsher cing ma rung ba'i phyir mi sbyin/ de ste lam gyi bar du rlung ngam char pa ni shing ngam rtsig pa'i drung du spung par bya/ mal stan brnyas pa las skyel kyang rung len kyang rung lam du char pa bab na shing drung ngam rtsig drung du bcer te gzhag /gos kyi nang na ngan pa gcig gis g.yogs / sU tra ltag ma ltar gos spungs te bzhag pa'i steng du nang na ngan pa gcig gis g.yogs / gtsug lag khang du khyer te gos dag bskam/ mal stan lam du gsher ba de gtsug lag khang du phyin nas bskam/ tshig gam khyer na dge 'dun gyi yang dbyung ngo //dge 'dun gyi mal stan la sogs pa'i khrod du me'am chu zhig byung na kun gyis dbyung zhing bskya / bdag gi lhung bzed dang chos gos dbyung ba grub pas so/ /dge 'dun gyi mal stan chu'am me 'byung ba'i nang na bdag gi lhung bzed dang chos gos shig yod na bdag gi sngar dbyung ngo //dge 'dun ni phyug gi gang zag ni phongs shing ma bdog pa'i phyir ro/ /phyung nas dge slong mi nus pa cig srung mar zhog shig /chu dang me'i nang nas rdzas snga ma phyung ba'i drung du dge slong rgan po'am nyam rtsal chung ngu zhig srung mar bzhag ste mi stor bar bya ba'i phyir ro//mi bzod na ma 'jug shig /chu dang me'i nang nas dbyung mi nus shing srog la dma' bar gyur na de'i nang du mi 'dug /mal stan gyi ltung ba'o/ /khri stan gyi ltung ba ste rdzogs so// //bting ba la 'chad de/ grong bar du gding ba byas na khyim pa la bya zhing dor/khyim pa'i grong bar du rtswa bting ngam lo ma bting ste gnas gnas pa las gud du 'gro na rtswa 'dir dor ram ji ltar bya zhes khyim bdag la dris la dor/ dgon par na dkrugs te'o/ /dgon pa'am lam gyi zhag lon pa'i sar rtswa'am lo ma bting na 'gro kar srin bu mi 'jug par bya ba'i phyir dkrugs shing klongs te 'gro//ma dkrugs na nyes byas/ der sngas sam 'phongs su byas na byas pa'o/ /sU tra ltag ma ltar rtswa bting ba dkrugs pa ni bdag ring na 'phongs sam sngas gcig dkrugs pas dkrugs par chud do/ /gos bskam pa'i phyir rtswa bting ba'am dor ba'o//gos la sogs pa bkrus pa'am bskam pa'i 'og tu rtswa'am lo ma bting na'ang zin nas bsdus te dor/ slong zhing dor bar khas len na sbyin/ rtswa bting ba bsdus te dor ba las slob ma lta bu na re ngas bsdus te dor ro zhes zer na 'dor du gzhug /rtswa bslang zhes zer zhing phyis dor ro zhes zer na'ang sbyin/ 'chag sar mchil lham 'drud pa'i phyir rtswa gding / 'chag cing 'gro ba'i sa rtsub po rkang pa la gnod pa yod na rtswa dang lo ma rkang pa la 'jam pa'i phyir bting yang nyes med do/ / de dag kyang dor ro/ /sU tra ltag ma ltar 'chag sar rtswa bting pa yang bsdus la dor ro//dgon par bting ba las ma brtul na nyes byas so/ /mdor na dor ba dag dor te byar mi rung bar ma gyur pa dag go/ /rtswa bsdu zhing dor dgos pa ni ma rul cing ma grugs pa bsdur rung zhing dor du yod pa ni bsdu zhing dor ro/ /rul zhing bsdur mi rung ba ni ma bsdus kyang nyes med do//gzhan du na dus dus su brtag /rtswa dang lo ma la sogs pa bting zhing spyod pa ma rul zhing spyad du rung ba ni srin bu zhugs sam ma zhugs dus dus su brtag cing blta'o/ /brje ba'i yang ngo / /sU tra ltag ma ltar rtswa bting ba brtags na srin bu 'jug tu byed dam rnyings na sar pa dang brje/'jam po snum po'i sa na nyin re'o/ /sa tshan yod cing gsher ba dang 'jam po dul dul por 'jug pa ni srin bu myur du 'jug pa'i phyir nyin re zhing lan re blta'o/ /gzhan du na zla ba phyed cing ngo / /gseg ma'am bye ma'am sa mkhrang po myur du srin bu mi ldang ba ni rtsa'am lo ma bting na zla ba phyed cing blta'o//'chag na thag pas bcings pa'i rtswa'i bam po shing la 'phyang zhing bzhag /dgon pa'i 'chag sar rtswa bting ngam gding dgos na mi 'chag pa'i tshe rtswa bsdus te bcings la btags te bzhag rtswa bam gyi stan grogs po dag 'ong ba'i phyir gding dgos pas shing la btags te bzhag /de ltar shing la btags pa ni mi 'drul ba dang srin bu mi 'jug pa'i phyir ro/ /gyo mor lci ba bzhag /ba lang gi lci ba srin bu mi 'jug par bya ba'i phyir gyo mo dang shing leb dang rdo leb kyi steng du bzhag sngar 'das pa song shig ces pa phan chad do//rtag tu khri stan gyi bshad pa mgo man chad khas blangs nas der phyin na bya zhes zer ba yan chad yan lag bshad pa kun rtswa bting ngam lo ma bting ba ma brtul bar song na ltung bar 'gyur ba'i yan lag bshad pa dang 'dra'o/ /mnyam par spyad na mtshungs par ro/ / dge slong gnyis shig rtswa bting ba la lhan cig spyod spyod na gnyis kas bsdus te dor/ dge 'dun gyi ma yin na bdag po la zhus te'o/ /dge 'dun gyi gnas ma yin pa khyim pa la sogs pa'i khyim du rtswa bting ste spyod spyod pa las dor du mi khom par gud du ring bar 'gro na khyim pa nyid la rtswa bor cig ces bcol te dor ro zhes khas blangs na ma bor bar song yang nyes med/dge 'dun gyi gtsug lag khang ni rtsa bting ba'i ltung bar gyur pa ni dge 'dun gyi gtsug lag khang yang yin/ sa rdo dang bye ma la sogs pa rtswa bting ba'i gzhi gseg ma dang kham brag dang bye ma la sogs pa ma yin pa/med par nyes par gyur par rung ba'i sa 'jam po'am snum pa srin bu ldang bar 'gyur ba la bdag gis sam/ rtswa dang lo ma bdag gis bting ngam bskos te byas pa'i gding ba ni byed do/ /gzhan gding du bcug pa las ma brtul na ltung bar 'gyur ro/ /gding ba'i ltung ba'o//rtswa dang lo ma bting ba'i ltung ba rdzogs so// //skrod pa la 'chad de/ dge slong dang dge 'dun gyi gtsug lag khang las byed do/ /dge slong gi dge 'dun gyi gtsug lag khang na dge slong gnas gnas pa las bskrad dam skrod du bcug na khro ba'i sems kyis khon gyi phyir ma byas kyang ltung ba'o//de ste de na gnod pa'am/ khang pa rdib tu 'ong ba dang chu dang me la sogs pa dbyung ba'i phyir gnas spos pa dang / dge 'dun 'khrug pa 'byung ste/ dge slong gnas de nas ma phyung na dge 'dun la gnod pa'am 'khrug pa 'byung ste phyung ba dang /mi zhi'am/ ma phyung na dge 'dun 'khrug pa mi zhi ba'i phyir phyung ba dang / byed par 'dod na ma yin no/ /sman dpyad la sogs pa bya ba'i phyir gnas spos pa dang 'di rnams kyi rkyen ma yin par dge slong bskrad na ltung bar 'gyur te yan lag gcig /'byung ba'o/ /gtsug lag khang nas kyang dge slong phyung na ltung bar 'gyur te yan lag gcig /gzhan gyis kyang ngo / /gzhan la dge slong skrod du bcug na'ang ltung bar 'gyur/ /pha rol gyi phyir yang ngo / /gzhan gyis bdag skrod du bcug gam bdag nyid kyis bskrad kyang rung ltung ste sU tra 'di gnyis la yan lag gcig / gtsug lag khang yin pa dang yan lag 'di lnga dang ldan na ltung bar 'gyur ro/ /dge slong ma dang dge tshul pha dang dge tshul ma dag gis ni nyes byas pa'o/ /dge slob ma dang / dge sbyong ma dang dag sbyong la dge slong skrod du bcug na dge slong skrod du bcug pa ni ltung ba dge sbyong dag la ni nyes byas so//'di dag kyang ngo / /dge slob ma dang dge sbyong ma dang dge sbyong bskrad na nyes byas so/ /rtsed mo na yang ngo / /snying nas bskrad pa ni ma yin gyi rtsed mo'i phyir bskrad pa ni nyes byas so/ /khyim mi na bsod nams ma yin pa mang ngo / /khyim mi la dge slong skrod du bcol na dge slong ni ltung ba khyim pa la ni ltung ba'i rim pa med de sdig che'o//bskrad pa'o/ /bskrad pa'i ltung ba ste rdzogs so// //phyis gnon gyi ltung ba la 'chad de / 'ab+hid/ dge 'dun gyi gtsug lag khang na dge slong snga na 'dug par yang shes bzhin pa dang yan lag gcig/ /gnas pa gtsug lag khang na snga na gnas shing 'dug pa las bskrad par mnan na ltung bar 'gyur te yan lag gcig /dge slong gis dge 'dun gyi gtsug lag khang nang gi gnas na'o/ /bdag gis pha rol dge slong yang yin pa mnan cing bskrad na ltung bar 'gyur te yan lag gcig /dge 'dun gyi gtsug lag khang yang yin pa las mnan na ltung bar 'gyur te yan lag gcig /nan gyis pa ste bskrad cing dbyung ba'i phyir nan gyis mnan na ltung bar 'gyur te/ yan lag gcig /nad dang 'jigs pa'i dbang gis non pa btang ste'o/ /nad dang 'jigs pa'i rkyen la sogs pa med par nan gyis mnan cing bskrad na ltung ste/yan lag gcig ste/ yan lag 'di rnams dang ldan na phyis gnon gyi ltung bar 'gyur/ dpe 'di bzhin te bzlog par 'dod pas dge slong la bzlog pa'o/ /bsgo ba la lan log par smras na ltung bar 'gyur ba bzhin du dge slong la log par gnod pa byas na ltung bar 'gyur te u da yis bdag gi slob ma la klan ka btsal nas khyed khang pa'i nang na 'khod pa'i mi rigs kyi mkhris pa'i nad rgyas kyi phyi rol na 'khod cig ces lhags pa la bzhag ste gnod par byas pa dang bad kan gyi nad rgyas te tsha ba la 'khod cig ces gnod pa byas pa dang dge 'dun rkun pos 'jigs te phyi rol da zar du mi rung ba'i phyir nang du gyo mo bzhag ste bshang ba las gtsug lag khang brtsig go zhes u da yis gyo mo de bor te phyi rol che chung nang du stor ste gnod pa byas pa la sogs pa lta bu dge slong la gnod par byed pa'i phyir log pa'i thabs kyis byas na gag kyang rang ste ltung ba'o//nan gyis mnan pa'o/ /phyis gnon pa'i ltung ba ste rdzogs so// //gzer med kyi ltung ba la 'chad de/ dge 'dun gyi gtsug lag khang gi steng du na byed do/ /dge 'dun gyi gtsug lag khang yang yin pa las ltung bar gyur te yan lag gcig/ /bla rdzang khang thog tu nyal ba las ltung bar 'gyur te yan lag gcig /'on te gur khang na ma yin no/ /shing med pa'i sa khang du gur 'dra bar phub pa khri'i rtsa bas mi rtol ba'i khang pa la nyal ba ni ltung ba med/ de'i steng rnam par g.yogs pa na yang ngo / /khang pa gzhan gral bu dang 'ji ba la sogs pas g.yogs shing khri rtsa bas mi phug pa yang ltung bar mi 'gyur/khri'i rkang pa gzer bu can na yang ngo / /khri'i rkang pa gzer bu dang khri'u la sogs pas btab cing mi ltung ba la khang thog tu nyal ba'ang ltung bar mi 'gyur ro/ /gan rkyal btang ste'o/ /khri gzer bu med kyang gan rkyal du bzhag ste steng du nyal yang ltung bar mi 'gyur/rkang pa'i so sor bzhag na yang ngo / /khri'i gzer bu med kyang khri'i rkang pa bzhi'i 'og tu so phag gam shing leb la sogs pa bzhag ste rtsa ba mi ltung ba la nyal ba'ang nyes med do/ /sU tra 'di rnams lta bu ma yin pa la nyal ba ni ltung bar 'gyur te yan lag gcig /mnan pa'o/ /'og na nyal ba la gnod par bya ba'i phyir/ khri la drag tu mnan pa las ltung bar 'gyur te/ yan lag gcig /'ab+hid do/ /dge 'dun gyi gtsug lag khang yin par shes te/ 'og na mi yod pa las ltung bar 'gyur te/yan lag gcig /yan lag 'di rnams dang ldan na gzer med kyi ltung ba'o/ /rkang pa gzer bu can la 'dzeg pa'o/ /gzer med pa'i ltung ba ste rdzogs so// //'debs pa'i ltung ba la 'chad de/ bdag spyod pa'i phyir sa las gzhan pa'o/ /bdag gis lus kyi phyir spyod pa'i chu las gzhan pa chag chag pa dang maN+Dal dang 'ji ba byed pa la sogs pa'i chu srin bu yod par shes bzhin du spyad na ltung bar 'gyur te sems can med la yod par bsams te spyad na nyes byas pa'o//sems can yod pa la yod par shes bzhin du spyad na ltung ba'o/ /sems can yod la yod dam med the tshom za bzhin du spyad na ltung ba'o//sems can med la med par shes bzhin du spyad na nyes med do/ /srog chags dang bcas pa'i dgos pa'o/ /sems can dang bcas par spyod pa rdzogs so// //rim gnyis 'dod pa'i ltung ba la 'chad de/ sgo'i re bzhi byas te bsgrub /dge slong gis dge 'dun gyi phyir gtsug lag khang brtsigs kyang rung gang zag gi phyir brtsigs kyang rung sgo'i re bzhi bca' zhing gzhug /gtan pa yang ngo / /sgo'i spyis dang gtan pa la sogs pa'i gnas bcas/ skar khung gdod/ khang pa'i skar khung yang gdod/ gtsug lag khang las byed do//gtsug lag khang brtsigs pa las ltung bar 'gyur te yan lag gcig /spyod lam bzhi'i snod dang spyod lam bzhi po shong ba man chad ni nyes med spyod lam bzhi las lhag par brtsigs pa las ltung bar 'gyur te yan lag gcig /de ste thams cad rdos sam so phag gis sam shing gis na ma yin no//rdo 'ba' zhig gis sam shing 'ba' zhig gis sam so phag 'ba' zhig gis brtsigs pa ni nyin gcig la ji tsam brtsigs kyang ltung bar mi 'gyur te 'ji ba dang pha gu grangs las lhag par brtsigs na ltung bar 'gyur te yan lag gcig / char khab bam g.yogs mas so/ /char khab bam g.yogs ma yod na ni nyes med de / char khab med par pha gu dang 'ji ba las brtsigs na ltung bar 'gyur te yan lag gcig /byas sam zin par mthong ste sbyin pa'i bdag po la ma smras na'o/ /khang pa rtsig pa'i yon bdag gud du 'gro ste bslar 'ongs pa'i khar zin par byos shig ce'am 'gro khar mthong bar dgos kyis ring du zin par rtsig tu bcug pa ni chu khung dang skur khung la sogs pa ma btod par rim gsum las 'das par brtsigs pa ni ltung bar mi 'gyur te ring par rtsigs shig par ma bsgos par rim gsum las 'das par brtsigs na ltung bar 'gyur te yan lag gcig /pha gu rim gsum 'khor ba las 'das par bsgrubs na'o / /nyin gcig la pha gu rim gsum las lhag par brtsigs na ltung bar 'gyur te yan lag gcig /gzhan gyis kyang ngo / /gzhan zhig la brtsigs su bcug ste rim gsum las lhag par brtsigs na ltung bar 'gyur ro//de'i nyi ma la'o/ /pha gu rim gsum las lhag par 'dor ba yang nyi ma gcig la gsum las lhag par bor na ltung bar 'gyur te yan lag gcig /gzhan du yang 'jim pa med par na'o/ /so phag ma yin pa pha gu tha mal pa 'ba' zhig 'ji ba med par brtsigs na'ang ltung bar 'gyur te rim gsum las 'das par brtsigs pa las ltung bar 'gyur ro//stor khung ma btod na yang ngo / /chu 'gro ba'i stor khung ma btod par brtsigs pa ni nyin gcig la pha gu rim gsum las lhag par brtsigs na ltung / stor khung btod na ni rim bzhin du brtsigs kyang nyes med/ rmangs ma brkos par bting na yang ngo / /rmang gis ma brkos par rmang bting ba rim gsum 'das na ltung ste rmang brkos la stor khung man chad rmang la pha gu rim du bor yang nyes med/ sgo'i kha khyer steng ma yang ngo //sgo'i kha khyer ma bcug par kha khyer gyi sa nas pha gu rim gsum las 'das par brtsigs na ltung / kha khyer bcug na rim du brtsigs kyang nyes med do / /nyes med pa ni snga ma'i thog ma'o/ /chu khung ma btod dam kha khyer ma bcug par rim gsum las 'das te rim bzhi bor na ni ltung ba/rim gsum bor ba phan chad bor ba ni nyes med/ rim bzhin 'dor ba'i tshe nyes byas so/ /gtsug lag khang gi ltung ba'o/ /rim gnyis 'dor ba'i ltung ba ste rdzogs so// //ma bskos pa'i ltung ba la 'chad de/ phas pham mdo sde dang 'dul ba dang ma mo lta bu 'dzin pa lo nyi shu las mi nyung ba grong khyer gyi smra ba dge slong ma dang lus phrad pa bshags pa byas pa dge slong ma la ston par bskos pa'o//dge slong ma'i dge 'dun la bcu bzhi dang bco lnga'i gso sbyin gyi tshe rtag tu chos 'chad par dge slong las bsko dgos te dge slong bko ba'i phas pham pa ma byung ba mdo sde dang 'dul ba dang ma mo lta bu mkhas shing 'dzin pa khrims tshang nas lo nyi shu lon pa yul gyi dbus kyi skad dang ldan zhing dor ba dang lding pa la sogs pa med pa dang dge slong ma dang sngon chad lus ma reg pa dang lus reg kyang bshags pa byas zin pa ming gis smos pa 'di rnams dang ldan na dge slong ma la bcu bzhi'am bco lnga'i tshe la chos 'chad par dge 'dun gyis bskos kyang rung ngo //'di rnams dang ldan pa'i dge slong des chos 'chad kyang nyes med do/ /dge 'dun gyis dge slong ma la chos bshad par bskos kyang bcu bzhi'am bco lnga'i gso sbyin gyi tshe'i dus su rtag tu 'chad la dbang gi dus su de ma yin par rtag tu 'chad du mi dbang ngo //gso sbyin bco lnga pa'i mtshams kyi nang dge slong ma la chos 'chad pa'i dge slong mas gang bsko ba yang bcu bzhi'am bco lnga'i gso sbyin gyi tshe dge slong mas gsol ba btab na mtshams kyi nang du dge 'dun gyis gsol ba dang zhu ba'i las kyis 'chad par bsko'o//mtshams kyi phyi rol lam bcu bzhi dang bco lnga'i tshe ma bskos na bskos par mi chud do/ /mdo sde la sogs pa dang 'dzin pa med na so sor thar pa thon pa'o/ /dge slong gi nang na sU tra ltag ma'i ltag ma ltar bshad pa dang ldan pa med na lo nyi shu lon pa phas pham pa ma byung dge slong ma dang ma reg skad mi dor ba bzhi dang ldan na dge slong pha dang dge slong ma'i so sor thar pa kha ton du'ang shes shing 'chad nus na bskor rung ngo //de yang na phas pham pa bshad sU tra ltag ma ltar nus pa med na yang lo nyi shu lon pa phas pham pa med skad mi dor dge slong ma dang reg pa ma yin na dge sbyong ma'i phas pham pa brgyad 'chad nus pa yang bskor rung ngo //chos lci ba yang ngo / /sU tra ltag ma ltar phas pham pa 'chad nus pa'ang med na lo nyi shu lon zhing phas pham pa med pa dge slong ma dang ma reg pa dang skad ma dor ba'ang dge slong ma'i lci ba brgyad 'chad nus pa'ang bskor rung ngo //phyi ma'i ni ci sring mo/ /dge slong ma la chos 'chad par bsko ba rtag tu bshad pa dag dang ldan pa med na sU tra 'di las 'byung ba rnams dang ldan na bskor rung ngo / /khyed dge slong ma'i dge 'dun 'dus sam/ dge slong ma'i dge 'dun kun 'dus sam zhes zer nus pa dang /kun gtsang ngam/ khyed la phas pham pa dang dge 'dun gyi lhag ma la sogs pa med dam kun gtsang ngam zhes smra nus pa dang mthun nam/ khyed rnams las brgya rtsa gcig la sogs pa gcig tu spyod cing 'du'am zhes zer nus pa dang / kha na ma tho ba med dam khyed la nyes byas la sogs pa kha na ma tho ba med dam zhes zer nus pa dang /khyed la la la dge 'dun gyis ma bskos pa'i gang zag mi 'chad dam/ khyed la dge 'dun gyis gsol ba dang zhu bas bskos pa ma yin pa'i dge 'dun chos 'chad du mi 'ong ngam zhes zer nus pa dang / khyed dge 'dun las gang zag 'chad pa mi 'ong ngam/dge 'dun gyis chos 'chad par ma bskos pa'i dge slong mi 'ong ngam zhes zer nus pa dang / khyed la 'chad pa ni dge slong su'ang mi spro ste/ khyed la dge 'dun gyis bskos pa'i dge slong 'chad du mi spro ste mi btub pa med dam zhes 'dri nus pa la'ang bya/khyed ni ma rabs rigs dma' ba yin pas na khyed la chos 'chad pa ni dge slong su'ang 'chad du mi spro'o zhes zer nus pa la'ang bya ste 'di rnam gnyis ltar smra nus pa dang / dge 'dun las khyed bshad cing bstan pa ste/ khyed dge 'dun gyis chos bshad cing bstan pa yin na khyed la dge 'dun gyi las chos 'chad cing ston pa mi 'ong pa'am zhes zer nus pa'ang bya/dge 'dun gyis khyed la chos bshad pa'ang thos par dka' ste res 'ga' 'chad pa yin gyis shes par smra nus pa dang / sring mo dag bag yod par sgrubs shig ces so//khyed kyis mnyan pa dang 'chad pa la gzungs su 'dzin cing go ba dang bshad pa bzhin du bag yod par nan tan du sgrubs shig ces bsgo nus pa dang ming gis smos pa'i tshig 'di rnams dang ldan zhing lo nyi shu tshang la phas pham pa med cing dge slong ma dang ma reg la skad mi dor na bskor rung ngo //bla ma'i chos dang nus pa ma gtogs so/ /dgra bcom pa'i chos thob cing drug mngon par shes pa dang ldan pa ni dge 'dun gyis ma bskos par bshad kyang nyes med de bla ma'i chos dang mi ldan pas dge 'dun gyis ma bskos par dge slong ma la 'chad na ltung bar gyur te yan lag gcig/ gcig kyang med par dge slong ma la de bskos pa dang ma bskos kyang ngo / /rtag tu bshad pa gang dang yang mi ldan par dge 'dun gyis bskos te bshad kyang ltung / ma bskos par bshad kyang ltung bar 'gyur ro/ /sngon bskos pa ni ma bskos pa ma yin no/ /bcu bzhi'am bco lnga'i gso [(]sbyin gyi [,]sbyong gi [)] tshe gsol ba dang zhu ba'i las kyis dge slong ma la chos 'chad par bskos pa ni phyis 'chad pa'i tshe'ang sngar dge 'dun gyis bskos zin pas da bsko mi dgos so//nyes med pa ni dge 'dun du ma tshang ba las rigs pa las gsol na'o/ /dge 'dun du ma tshang ba zhig las dge 'dun mas chos 'chad pa bskor ci gnang zhes gsol na dge 'dun du ma tshang bas gong ma'i yon tan rnams dang ldan nam bskos kyang nyes med do//de yang ngo / /dge slong pha'i dge 'dun ma tshang ba las dge 'dun mas chos bshad par ci gnang zhes gsol kyang nyes med do/ /ma bskos par 'chad pa'o//dge slong ma'i dge 'dun la dge slong gis ma bskos par chos 'chad pa'i ltung ba rdzogs so// //nub kyi bar du 'chad pa'i ltung ba la 'chad de/ 'ab+hid nyi ma nub par shes bzhin du 'chad na ltung ba'o/ /nyi ma nub nub tu'o/ /dge 'dun gyis dge slong ma la chos 'chad par bskos pa'i dge slong nyi ma nub kyi bar du bsgrub nus par shes te bshad na ltung ba'o//nub par ma shes te bshad na ni nyes med nub bam ma nub the tshom za zhing bshad pa ni ltung ba'o/ /nub mo thog thag tu chos nyan cing dge slong ma la chos 'chad pa ni ma gtogs so/ /dge slong ma'i gtsug lag khang du dus kyis mi mang po 'dus shing nub mo thog thag tu chos 'chad cing nyan pa ni nyi ma nub cing zhag lon kyang ltung bar mi 'gyur ro//des te de'i rnam pa'i tshe gtsug lag khang sgo phye ba'i mdun na dbyar mo thang ma yin na'o/ /sU tra gong ma ltar nub mo thog thag tu chos 'chad pa ltung ba med par bshad pa'ang dge slong pha'i gtsug lag khang dang nye la sgo thad kar 'dug cing mi phal mo che phan tshun du rgyu ba ni ltung bar mi 'gyur te de lta bu ma yin par nyi ma nub nub tu bshad pa ni ltung bar 'gyur ro//nub tu 'chad pa'o/ /nub kyi bar du 'chad pa'i ltung ba rdzogs so// //zas kyi phyir ltung ba la 'chad de/mi 'jigs pa'i phyir dge slong la chos 'dri na zang zing dge slong mas dbul bar bya'o/ /dge slong ma chos 'dri ba la mi 'jigs shing bag mi tsha ba dang 'dri ba spobs par bya ba'i phyir chos 'chad pa'i dge slong la dge slong mas spyan gzigs dang yo byad phran tshegs dbul lo//dge slong nan ta ka dgra bcom pa rtag tu dge slong ma la chos 'chad de dge slong mas yon phran tshegs phul yang mi len btsun zhing dgra bcom pa yin pas dge slong ma chos ma go bar slar 'dri yang 'jigs shing mi spobs pa la mi 'jigs par bya zhing 'dri ba spobs par bya ba'i phyir dge slong mas kyang kha zas dang yo byad phran tshegs phul cig ces bcas/rgya cang dang lan bu dang lcags pod dang dra ba dag go/ /dge slong mas dge slong pha chos 'chad pa la dbul ba ni ming gis smos pa 'di rnams lta bu dag dbul lo/ /dge slong gis de longs shig /dge slong mas spyan gzigs dang yo byad phran tshegs dag dbul zhing 'ong na dge slong phas longs shig ci blangs kyang nyes med do//dge slong gis yang dag pa ma yin par zang zing chung zad kyi phyir dge slong ma la chos 'chad do zhes smra na'o/ /dge slong gis spyan gzigs dang yo byad phran tshegs dge slong ma las blangs pa la snying rje ba'i phyir chos bshad pa ni ma yin gyi yo byad dang kha zas tsam gyi phyir chos 'chad do zhes skur pa'i phyir smras na ltung ba'o//kha zas dang yo byad kyi phyir chos 'chad pa yin la/ de'i phyir chos 'chad do zhes bden par smras pa ni nyes med do//zang zing chung zad la smra ba'o/ /zas kyi phyir chos 'chad do zhes smra ba'i ltung ba ste rdzogs so// //gos 'tshem pa'i ltung ba la 'chad de/ 'ab+hid / gnyen ma yin par shes bzhin du btsems na ltung bar 'gyur ro/ /gnyen ma yin pa'i dge slong mas / dge slong ma gnyen ma yin par shes bzhin du de'i gos btsems na ltung bar 'gyur ro//gnyen yin pa la ma yin par bsams nas btsems na nyes byas/ gnyen ma yin pa la the tshom du btsems na ltung ba/ gnyen ma yin par shes te btsems na nyes byas/ gos btsem pa/ gnyen ma yin pa'i dge slong ma'i gos bdag gis btsems te zin par byas na ltung ba'o//gos byed pa'o/ /gnyen ma yin pa'i dge slong ma'i gos btsems pa'i ltung ba rdzogs so// //gos byin pa'i ltung ba 'chad de/ 'ab+hid/ gnyen ma yin par shes bzhin la bya/ byin pa'o/ /gnyen ma yin pa'i dge slong mar shes bzhin du dge slong gis gos byin na ltung ba'o//gos ma yin pa byin pa/ dge slong ma'i dge 'dun ma yin pa gnyen ma yin pa'i dge slong ma'i gang zag la gos byin na ltung bar 'gyur te dge 'dun ma la gos dang zas phul ba ni nyes med do/ /de ste phrogs pa dang / dge slong ma gos phrogs sam stor ba'i rkyen byung ba la gos byin pa dang / bzang por bshad pa dang / dge slong mas chos bzang po legs par bshad pa'i phyir dge slong gis yon phul ba dang / rab tu rdzogs par byed pa'am/ dge sbyong ma zhig rab tu rdzogs par byed pa'i tshe gos med pa la gos byin pa dang /brje ba ma yin na'o/ /dge slong ma dang gos bzang po brje ba'i phyir bzang po brjes te ngan pa byin pa dang 'di rnams ma gtogs pa gos byin na ltung ba'o/ /gos sbyin pa'o/ /gnyen ma yin pa'i dge slong ma la gos sbyin pa'i ltung ba rdzogs so// //grogs kyi ltung ba la 'chad de/'gro ba'i dgos pa'i brtag pa byed pa dang dge tshul pha dang dge tshul ma rnams so/ /dge slong pha dang dge slong ma gang zhig tu 'gro bar 'grogs te lam du zhugs nas kha zas bskur ba dang brtag pa bya ba dang byin len bya ba'i phyir dge slong phas dge sbyong pha dang g.yog skyes pa la sogs pa khrid de kha zas bskur la brtag pa byed du gzhug /dge slong mas kyang dge sbyong ma dang bud med la sogs pa khrid la zas bskur zhing brtag pa la sogs pa byed du gzhug /dge slong pha dang dge slong ma dag lam phan tshun rigs par ro/ /dge slong pha dang dge slong ma lam du zhugs pa las 'jigs pa'i rkyen byung ste grogs kyang rung g.yog med pa gang zhig tu 'dong na mi 'grogs par rgyang grags tsam gyis bcad de dge slong pho'i rgyags ni mo la bskur ro mo'i rgyags ni phos bskur ro//de ltar brjes te khyer na spags pa bteg pa la sogs par mi 'gyur te nyes med do/ / phan tshun du byin len kyang ngo / /g.yog gam dge sbyong med na dge slong pha'i byin len dang dge slong ma'i byin len gcig la gcig byin len du 'gyur ro/ /nad pa tshangs pa mtshungs par spyod pa lam du mi dor/ dge slong lam du 'grogs 'grogs pa las grogs la la zhig nad kyis btab na sman dpyad dang grogs la sogs pa mi bya bar mi dor ro//de bskur / grogs lam du nad kyis btab pa de bdag cag gnas gang du 'dong bar bskur ro/ /de bzhin du dge slong ma yang ngo / /lam du zhugs pa las dge slong ma zhig nad kyis btab na yang dge slong grogs kyis sman dpyad dang zhal ta la sogs pa bya zhing bskur ro //der phan tshun du grogs bya/ dge slong ma zhig lam du nad kyis btab ste dge slong ma grogs mos bskur zhing grogs byas kyang mi theg na dge slong phas kyang grogs bya zhing bskur ro/ /de bzhin du pho na ste mi nus na dge slong mas kyang grogs bya/ mgo dang mjug nas bzung / sU tra ltag ma ltar grogs bya ba dge slong mo na na phos ni mgo nas bteg grogs mos ni mjug nas bteg go/ /de bzhin du pho na ba'i grogs bya na'ang mos ni mgo nas bteg phos ni mjug nas bteg go/ /nyes med pa ni grong du phyin nas song na'o//dge slong nad kyis btab pa de lam du grong zhig tu bzhag pa ni nyes med do/ /na ba'i sman dang zas bsogs / sU tra ltag ma ltar nad pa grong du bzhag pa'i sman dang zas la sogs pa yang ci dgos pa bsogs te bzhag /mtshungs pa'i gzugs gcig bzhag /sU tra ltag ma ltar nad pa grong du bzhag pa de la nad g.yog gcig kyang bzhag ste dge slong pha yin na ni dge slong pha las gcig bzhag /mo yin na ni dge slong ma las gcig bzhag /'jigs pa'i phyir lam grogs su 'dus pa ni ma gtogs te lam dgongs tha mi dad na dge slong ma gcig kyang lam du khyer na'o//mi rgod dam rkun po'am 'jigs pa'i rkyen gcig byung ste 'phral la lam du 'grogs te 'dus pa ni ma gtogs lam du 'grogs par snga nas dus byas te dge slong pha dang dge slong ma lhan cig dong ba ni ltung ba'o/ /rgyang grags shing so sor ro/ /dge slong pha dang dge slong ma dus byas te lam du 'grogs pa ni rgyang grags re re phyin cing ltung ba re rer 'gyur ro//de phyed cing so sor nyes byas so/ /rgyang grags phyed cing nyes byas re rer 'gyur ro/ /dge slong ma dang lam du 'grogs pa'i ltung ba'o / /dge slong ma dang lam du 'grogs pa'i ltung ba rdzogs so// //gru'i ltung ba la 'chad de/'gram gnyis kar bar chad dang bcas te gros ma byas pa ma gtogs te zung du gru'i nang du'o/ /dge slong pha dang dge slong ma gnyis gru'i nang du 'grogs na 'gram pha rol na'ang 'jigs tshu rol gyi 'gram na'ang 'jigs pa'i rkyen yod de chu 'gram du 'grogs te dong ba 'grogs par dus ma byas pa ni ma gtogs te 'grogs par dus byas la 'gram gnyis ka na 'jigs pa'i rkyen med bzhin du dge slong pha dang dge slong ma gnyis gru gcig gi nang du zhugs te dong ba ni ltung ba'o//thad kar pha rol du rgal ba las gzhan pa'o/ /chu la rang thad kar brgal ba'i phyir gru gcig gi nang du 'grogs pa ni nyes med/yon po dang rab kha bzho bor 'dug pa dang / ngam pa dang chu 'gram ngam pas chod de ngam pa bskor ba'i phyir 'gyus pa dang / slong spang ba'am/ chu la klong yod pa'i phyir skor ba dang / ru skya dang skya ba chag ste gru 'byam pa dang / gdos chag gam gdos chag ste gru 'byam pa dang /dngor 'dzin gyi dbang gis de'i phyir zhugs pa las gnas gzhan du na'o/ /mnyan pa khyim lam nye ba'i phyir thad kar stong du ma btub pa dang rkyen 'di rnams ma gtogs par dge slong ma dang chu 'gram du gru gcig gi nang du 'grogs na ltung ba'o/ / rtsis mgo yan lag dang bshad pa gzhan ni dge slong ma dang lam du 'grogs pa ltag tu bshad pa dang 'dra'o/ /dge slong ma dang lhan cig tu chu rgal ba'o/ /dge slong ma dang gru'i nang du 'grogs pa'i ltung ba rdzogs so// //dben gyi bud med dang 'dug pa la 'chad de/ bud med gcig pu la dben zhing 'gro ba rgyu bar mi 'jug pa'i phyogs g.yogs pa dang bcas pa bar 'dom gang na de dag byed do//dge slong dang bud med gnyis po 'gro ba'i lam ka ma yin pa dben pa'i phyogs ra bas bskor ba'am/ sa pa mo'am shing thags kyis bskor ba'am shing khrod dam rtsig pas chod pa'am sa sros pa rnams ni dben zhing g.yogs pa zhes bya ste/'di rnams gang yang rung bar 'dom gang tshun chad du sa la 'dug na ltung bar 'gyur ro/ /'dug na'o/ /sU tra ltag ma ltar ltung bar 'gyur ba ni dge slong pha dang bud med gnyis ka 'dug pa las ltung bar 'gyur/ 'dug pa bzhag ma thag tu de'o//'dug pa las ltung ba ni rkub sa la 'dug ma thag tu ltung bar gyur to / /gcig pu 'dug pa'o/ /dge slong pha dang bud med gnyis 'dug pa las ltung bar 'gyur ba rdzogs so// //bud med dang 'greng na ltung bar 'gyur ba la 'chad de/ dge slong ma'o/ /dge slong pha dang dge slong ma gnyis sa dben par gnyis su 'greng na ltung bar 'gyur te/yan lag dang bshad pa rtag tu bud med dang 'dug pa'i ltung ba dang 'dra'o/ /'greng ba'o/ /dge slong ma dang sa dben par 'greng ba las ltung bar 'gyur te 'greng ma thag tu ltung ngo / /gcig pu 'greng pa'o// dge slong ma dang sa dben par 'greng ba'i ltung ba rdzogs so// //bshams pa'i ltung ba la 'chad do/ 'ab+h+rid/ sngar khyim bdag gis ma bos la dge slong mas bshams par shes bzhin du zos pa las ltung ste yan lag gcig /dge slong mas bshams pa'o/ / khyim pa zhig la dge slong mas dge slong 'di yon tan dang ldan pa yin te zas byin pa'i rigs so zhes bshams te sngar khyim bdag gis spyan drang bar ma bsgo bar zos pa las ltung ste yan lag gcig /mi bden pa'i yon tan gyis so/ /dge slong yon tan dang ldan pa zhig la bshos gsol cig ces byas pa ni mi ltung gis yon tan med pa las yon tan dang ldan pa yin no zhes brdzun du bstod pa las ltung ste yan lag gcig /spyan drangs pa ma byas pa'o/ /sngar khyim bdag gis spyan drangs shing ma bsgo bar dge slong mas bshams pa'i ngor khyim bdag gi khyim du zan zos pa las ltung ste yan lag gcig /byas kyang lhag par ro/ /khyim bdag gis sngar spyan drangs su zin yang 'phral la dge slong mas bshams te yon tan dang ldan pa 'di la sha kha ra la sogs pa lhag par gsol cig ces bya ste zos na ltung ste yan lag gcig /bza' ba'o//dge slong mas bshams pa'ang gos la sogs pa ni ma yin gyi zas bshams pa las ltung ste yan lag gcig /nan tan dang grub pas so/ /mi bden pa'i yon tan ni dgra bcom pa'i rim pa brgyad med par brgyad po'i nang nas gang rung bas bstod na ltung bar 'gyur ro/ / de thos pas kyang ngo / /sde snod gsum la sogs pa dang mang du thos pa yin no zhes brdzun du bstod na'ang ltung bar 'gyur ro / /zos na'o/ /dge slong mas bshams pa'i zas zos pa las ltung bar 'gyur te yan lag gcig /de ni mgrin par na'o/ /zos pa'i tshad ni kha nas slar byung ba'am lus dang rna ba la sogs pa bskus shing blugs pa la mi bya'i zas mgrin par song nas ltung bar 'gyur/gzhan gyi phyir ba las na 'bri bar byed do/ /dge slong mas bshams pa'i zas shes bzhin du bdag gis blangs te gzhan la byin na nyes byas so/ /byin cig ces smras nas zas kyi phyir zhugs na'o//dge slong pha grong na slong mo byed pa la dge slong mas 'phral la khyim pa bskos te yon tan dang ldan pa 'di la gsol cig ces byas pa de blangs na nyes byas/ spyod pa bshams pa'o/ /dge slong mas bshams pa'i zas zos pa'i ltung ba ste rdzogs so/ / dgu bcu'i ltung ba'i bcu phung gcig rdzogs so// //yang yang gi ltung ba la 'chad de/ zas la spyan drangs pa las grong bar du'ang bdag gir gyis shig /khyim pa la sogs pas grong du mchod ston la spyan drangs na 'gro zhing zar dbang ste nyes par mi 'gyur ro/ /ma song na'ang nyes med do/ / dus shes par byas la 'jug ste dus sngar ni ma yin/ sU tra ltag ma ltar grong bar du spyan drangs na gdugs tshod kyi khar 'dong ba'i dus ran par bya ba'i dus las sngar bdag cag mi 'dong ngo / /gaN+Di brdungs te'o/ /gdugs tshod kyi khar mchod ston la 'dong ba yang snga phyir mi 'dong ba'i gaN+DI brdungs te bsdus la cig car 'dus te lhan cig 'dong ngo //bdag gi 'khor der byul / grong bar du dge 'dun mchod ston la 'dong ba las mkhan po dang slob dpon dang gnas brtan dang mi mthun pa'i sde snod rnams so sor 'khor tshul dang ldan nam mi ldan pa blta zhing byul la mi mdzes pa yod na mdzes par bcol/'ongs pa ni gnas brtan gyis so/ /gud nas gsar du dge slong 'ongs pa dag cig yod na'ang gnas brtan gyis yon bdag la zan sbyor du gzhug pa'i zhal ta dang bdag gi 'khor gyi slob ma dang 'dra bar rim gro dang zhal ta bya'o/ /gtol med par zan gcad par mi bya/sman dpyad bya ba'i phyir zan bcad pa ma gtogs te gdeng med pa dang phan med par zan mi bcad na nyes byas/ skom gyi phyir gsol na 'dug shig /grong bar du mchod ston la spyan drangs pa las zan zos zin na don med par ring du mi 'khod de sbyin bdag na re phyi phred rgun chang la sogs pa gsol te gshegs zhes zer ba las bsdad pa dang btung ba la nyes med/mnyam du'am phyi nas gos kyi rnyed pa dang mi ldan par gnyis po'i spyan 'dren pa thob na'o/ /yon bdag gnyis shig gis mchod ston la so sor lhan cig tu spyan drangs na gnyis ka la 'ong ngo zhes khas blangs na nyes byas/nyin gcig la snga phyir spyan drangs pa las gnyis ka la khas blangs na nyes byas/ spyan 'dren pa de gnyis ka na re gos shig yon du dbul lo zhes zer ba las gnyis ka la khas blangs na zos na nyes pa med/ spyan 'dren pa snga ma la gos yod la spyan 'dren pa phyi ma la gos med par phyi ma'i zan zos pa ni ltung ba'o//spyan 'dren pa snga ma la gos med la phyi ma la gos yod de khas blangs nas zos pa ni nyes med do/ /bza' bas so/ /yang yang bca' bas ni bza' ba las ltung bar mi 'gyur ro/ /bca' ba ni rtsa ba dang sdong po dang tshigs pa dang me tog dang 'bras bu lnga'i nang du gtogs pa'o//bca' ba 'di rnams las lan gnyis zos kyang ltung ba med do/ /lnga'i nang du gtogs pa'o/ /bza' ba ni rnam pa lnga ste 'bras dang khur ba dang sran ma dang phye dang sha dang 'di rnams lnga'i nang du gtogs pa las lan gnyis su zos na ltung bar 'gyur ro//bza' ba lan gcig bca' ba lan gcig snga phyir lan gnyis zos kyang ltung bar mi 'gyur ro/ /de ste gzhan du'ang 'di na'o/ /bza' ba rnam lnga las sngar lan gcig zos zin la phyis gzhan zhig gis spyan drangs te bza' ba rnam lnga las zos na ltung /yon bdag gis bca' ba sbyin pa'i phyir spyan drangs la bca' ba'ang zos bza' ba'ang zos na nyes byas so/ /bza' ba la spyan drangs te bza' ba dang bca' ba gnyis snga phyir zos pa nyes med do bar 'gyur/ /mi na las ma byas lam du ma zhugs pa'o/ /na ba dang las byas pa dang lam du zhugs pa'i rkyen med par zan lan gnyis zos na ltung bar 'gyur ro //'di rnams kyi rkyen byung ste zos pa ni ltung ba med do/ /dgongs pas ni nyes byas pa'o/ /sngar zan zos zin pa'i 'og tu spyan 'dren pa cig 'ongs pa dang ma zos pa'i mdun du sngar spyan drangs pa gcig la khas blangs pa las phyis gos med pa las 'gro bar bsam shing khas blangs na de'i tshe nyes byas zos na ltung ba'o//sU tra ltag ma ltar spyan drangs las rnam gnyis su zos na ltung ba'o/ /gos de khru gang khor yug gi mthar gyur na'o/ /gos dang bcas te zos na lan gnyis su zos kyang mi ltung ngo zhes bshad pa'i gos kyi tshad ni khru gang 'khor ba yan chad cig sbyin pa'i phyir zan lan gnyis zos pa ni ltung bar mi 'gyur de las chung ba ni ltung bar 'gyur ro//lam ni dpag tshad phyed do/ /lam du zhugs na lan gnyis su zos kyang ltung bar mi 'gyur ba ni dpag tshad phyed de rgyang grags bzhir 'gro ba'am phyin na zar dbang ngo //gzhan du yang ngo / /so sor za ba'i lam la sogs pa dus kyang dpag tshad phyed du 'gro na so sor bzar dbang ste dus su chud de/ 'di lam grur 'gro ba yang ngo / /lam dpag tshad phyed du 'gro ba dus su chud pa ni/ rkang pas 'gro ba dang /grur zhugs pa gnyis ni bzar dbang gi rta dang shing rta la sogs pa la zhon pa ni dpag tshad phyed du phyin kyang dus su mi chud de bzar mi dbang ngo / /phyag dar re lde tsam mam byug pa ba ko tsam ni las so/ /las byas na yang yang dbang ba ni re lde tsam gyis phyags pa dang maN+Dal ba'i ko ba tsam mam ba nyal ba tsam gyi sa phyags pa ni dus su chud de zar dbang ngo //phyag dar bya ba ni chag chag sngar btab la phyag go/ maN+Dal ni ba lang gi lci ba'am 'jim pa 'jam pos bya'o/ /de mchod rten nam dge 'dun gyi la'o/ /sU tra ltag ma ltar sa phyags pa dang maN+Dal bya ba ni dge 'dun gnas 'dus pa'i gtsug lag khang ngam sangs rgyas bzhugs pa'i mchod rten dri gtsang khang du bya'o//gzhan du byas pa'i sa ni las su mi chud do/ /na ba'i tshad mi phod na'o/ /na na yang yang zar dbang ba'i tshad ni na ste las byed mi phod par na na yang yang zar dbang ngo / /nar ma ni spyan drangs pa ni ma yin no//yon bdag gis lo drug gam tshe gcig tu zan sbyar ba ni spyan drangs pa zhes mi bya ste gzhan zhig gis gud du spyan drangs te khas blangs pa ni nyes med do/ /yon bdag gis zhal tshus dang gro gnyis kar nar mar sbyar te za na'ang las bya dgos so/ /mthong ba tsam yang ngo //grogs shig g.yar sus za zhing 'dug pa la bdag zas zos zin te song ba mthong nas bdar te zo zhes zer te zos na'ang rung bdag zan zos zin pa las dge slong ma la sogs pa'i gnas su 'ongs te g.yar sus sam bca' ba mi bzar mi rung zhes zer te zos na'ang nyes med do/ /med par bslu ba byas na yang ngo //sngar rtsed mo'ang brdzun du zan la spyan drangs pa las zan med par gyur te phyis gzhan zhig gis bos te zos na'ang nyes med do/ /de'i phyir dge 'dun yang ngo / /dge slong gcig cig dgos shing / gces pa'i phyir dge 'dun du langs par spyan drangs na dge slong ming gis dgos pa de dag gi gnas su'ang g.yar sus zos la spyan drangs par yang zan zos na ltung ba'o//gzhan ni bdag gis g.yar sus dang nyi rim du zos kyang nyes med de g.yam la song song ba las gzhan du spyan drangs na der song yang nyes med do//'di gzhan lnga po la byin cig /kha du ma zhig tu spyan drangs na kun du 'gro zhing bzar mi dbang ba'i phyir dge slong pha dang dge slong ma dang dge sbyong pho mo dang dge slob ma gag kyang rung bdag gi skyin par btang ba ni nyes med do/ /de ni chos so/ /sU tra ltag ma ltar skyin par btang ba yang nyes med pa ni rab tu rigs pa'i chos yin pas nyes med do//gzhan yang longs shig / /bdag zan nar mar yon bdag gis zan sbyar bzhin du gzhan zhig gis zan bskyal te byin nam rgyu bskyal te byin na dge slong dang dge 'dun la sbyin pa'i phyir blangs kyang nyes med do zhes bi dza ya bar mas bshad/sU tra ltag ma ltar skyin par btang ba'i dge slong rnam lngas zan blangs shing zos kyang nyes med do zhes bi shu d+has bshad/ mu ge'i tshe na ci tsam spyan 'dren pa 'grub par bdag gir bya'o/ /lo nyes pa dang mu ge byung ba'i tshe ni kha du mar spyan drangs shing zan byin pa'i khas blangs shing 'gro'o//zos pa yang ngo / /sU tra ltag ma ltar kha du mar spyan drangs shing song ba der zan lan du mar zos kyang nyes med do/ /sbyin pa yang ngo / /mu ge'i tshe kha mang pa zhig tu spyan drangs te bdag gis mi khyab na dge slong rnam lnga las kha du mar spyan drangs shing skyin par bkye ba dang bdag la rgyu lhag pa byin pa ni nyes med do//'bul ba mi dad par gyur na kham gnyis gsum yan chad zos la khyim bdag dge slong 'di zas kyis phongs kyi rjes su yi rangs shig 'di la sbyin no zhes dad pa skyed cig /mu ge'i tshe kha du mar spyan drangs la bdag gi ltor mi shong mi khyab ste grogs rnam lngar skyin par zar bcug pa la sbyin bdag mi dga' bar gyur na bdag gis kham gnyis sam gsum zos la dge slong 'di zas kyis phongs pa yin te 'di la zas sbyin pa ni bsod nams che ste yon tan du 'gyur gyis mi dga' bar ma byed par rjes su yi rangs par byos shig ces bshad la sbyin bdag dga' bar bya ste bdag gi skyin par dge slong gzhan zas zar bcug la bdag gud du 'gro'o//yang yang za ba'o/ /yang yang za ba'i ltung ba rdzogs so// //'ba' zhig gi ltung ba la 'chad de/ 'di chos pa'i ma yin pa/ sangs rgyas kyi chos ma yin pa mur 'dug gi chos byed pa 'khod pa las ltung bar 'gyur te yan lag gcig /khyim pa'i bdag po dang bcas pa/ gnas kyi sbyin bdag khyim pa yin la sbyin bdag dang bcas par 'dug pa las ltung bar 'gyur te yan lag gcig /mur 'dug thams cad kyi ma yin pa'i gnas su'o//mur 'dug thams cad lam bsdoms kyi mur 'dug ste gcig la bsngos pa las ltung bar 'gyur/ /mi na'am/ dge slong na ba'i rkyen ma byung bar 'dug pa las ltung te yan lag gcig /sbyin bdag gis spyan drangs na'o/ /mur 'dug gi gnas der sbyin bdag gis spyan drangs pa ni ltung bar mi 'gyur gyi spyan drangs par song ste 'dug pa las ltung ste yan lag gcig /zos nas der zos na rtsa ba'o/ /mur 'dug gi gnas su zan lan gcig zos pas ni ltung bar mi 'gyur gyi zan lan gnyis zos na ltung bar 'gyur te/yan lag 'di drug dang ldan na ltung ba'o/ /gnas nas yang gnas na yang nyes byas pa'o/ /mur 'dug gi gnas su zan ma zos par yang zhag gcig 'dug pa ni nyes med de zan ma zos par zhag gnyis 'dug pa ni nyes byas pa'o/ /de las 'das na zhag re nyes byas/bdag po med na yang ngo / /mur 'dug gi gnas de'i sbyin bdag khyim pa med pa zhig tu zan lan gnyis zos pa ni nyes byas lci ba/ zan ma zos na zhag gnyis lon pa ni nyes byas yang ba'o/ /'di rab tu byung bas mur 'dug bzhin no/ /dge slong zhig gis yon bdag byas te mur 'dug gi phyir gnas byas pa'i sar zan lan gnyis zos na'ang nyes byas zan ma zos par zhag gnyis lon na'ang nyes byas yang ba'o//gnyen gyi yang ngo / /gnyen khyim pa zhig gis mur 'dug gi gnas byas pa'i sar gnas na'ang sU tra ltag ma dang 'dra bar nyes byas so//'ba' zhig pa'i spyod pa'o/ /'ba' zhig pa'i ltung ba rdzogs so// //sbrus pa'i ltung ba la 'chad de/ spyan drangs pa'o/ /dge slong bsod snyoms la song song ba las yon bdag dad pas kha zas ci bzhed pa bzhes shig ces dus kyis ma bdar ba las ltung ste yan lag gcig ma bcad/dus kyis ni bdar gyi 'di tsam zhig khyer cig ces thang ma bcad pa las blangs na ltung bar 'gyur te yan lag gcig /ci bde zhes ma byas pa/ dus kyis ni bdar na ci 'dod pa khyer cig ces ma byas pa las ltung ste sU tra ltag ma dang gnyis la yan lag gcig tu brtsi'o//khyim bdag gi'o/ /dus kyis bdar ba de khyim bdag kyang yin pa las ltung bar 'gyur te yan lag gcig /'bras btsos pa yul dbus su gyur 'chad kyi sra sta phyed dang lnga'i tshad kyi sras sta tshod ma sngor du bcas grogs po dang lhan cig pa ni skal ba'i bsod snyoms so//khyim bdag gis zas khyer cig ces dus kyis bstabs na 'bras btsos pa tshod ma dang sngor ma gtogs par sra sta phyed dang lnga grogs gzhan la yang sbyin zhing lhan cig bza' ba'i phyir blangs kyang nyes med do/ /sra sta phyed dang lnga las lhag par blangs na ltung bar 'gyur te yan lag gcig /sra sta phyed dang lnga las sra sta do la ni lhung bzed chen po gang sra sta phyed dang do la lhung bzed 'bring po gang / sra sta gang la lhung bzed chung ngu gang ste lhung bzed che chung gsum gyi tshad du ni len du dbang gi de las lhag pa'i lhung bzed chen po'i tshad du gsum len du mi dbang ngo //zos na'o/ /dus kyis bdar te lhag par blangs pa'i kha zas de zos pa las ltung ste yan lag gcig /byung ste'o/ /dus kyis bstabs pa'i kha zas de gnas de nas gud du khyer ba las lhung ste yan lag gcig /yan lag 'di rnams dang ldan na ltung ngo //der nyes byas pa'o/ /dus kyis bdar ba de lhag par blangs nas khyer te 'gro ba'i tshe nyes byas/ pha rol gyis byas kyang ngo / /dus kyis bdar ba'i kha zas de gzhan len du bcug ste gnas gzhan du 'ongs nas zos na nyes byas/ gzhan du na nyes med do//dus kyis bdar nas gzhan du ma khyer bar gnas de nyid du zos na lhung bzed du zos kyang nyes med do/ /'dus ma byas na yang ngo / /kha zas ma g.yos pa rgyur byin pa ni ci tsam blangs kyang nyes med do / /skabs gzhan du nyes yod de gud nas 'chad do/ /de ste blangs pa mang na dge slong dang bgo'o//sra sta phyed dang lnga man chad cig blangs pa las bdag gcig pus mi zad de lhag na dge slong gzhan dang bgo zhing bza'o/ /lhung bzed gnyis gsum gang ba las lhag par len pa'o/ /sbrus pa lhung bzed gnyis gsum las lhag par blangs pa'i ltung ba rdzogs so// //za ba'i ltung ba la 'chad de/ nam chog gi bar du bza'/ zan za ba la stan las mi ldang bar lhan cig cig car 'grangs shing chog par bza'/ zas brtsams nas ma ldang shig /zan bza' ba'i phyir blangs te bza' bar brtsams pa las zan khar ma zos kyi bar du'ang mi ldang langs na'ang nyes byas/ci tsam du gang de dag gis lan tshwa yan chad bza' bar blangs na de'i tshul lo/ /zan bza' bar brtsams shing blangs pa ni bza' ba dang bca' ba ci'ang rung ste lan tshwa tsam yan chad bza' ba'i phyir blangs shing brtsams kyang mi ldang ngo / /langs na nyes byas/chung zad zos te slar 'dug ste zos na ltung ba'o/ /gnas btang nas zos zin pa'o/ /zan za ba'i 'phro las langs te phyis za bar bsams yang slar 'dug ste zos na yang yang gi ltung ba'o/ /'grangs sam mi 'dod par bsams te langs pa las phyis kyang zos na lhag ma ma byas pa'i ltung ba'o//bca' ba yang de bzhin du ltung bar 'gyur ro/ /'dug pa las so/ /langs pa ni 'greng bzhin du song ba la mi bya'i sa la 'dug pa las langs na ltung bar 'gyur ro/ /bca' ba dang bza' ba la sogs pa'i kha zas brtsams pa las so/ /bza' ba dang bca' ba lnga la sogs pa kha zas ci bza' yang rung langs pa'i 'og tu lhag ma ma byas par yang zas slar zos na ltung bar 'gyur ro//'di ltar ltung bar 'gyur ba ni yang langs shing 'dug nas za ba gzhan gyi mig tu mi mdzes pa'i phyir ltung ngo zhes bcas/ mi 'dod ces byas pa ni nyes pa'i dmigs 'og nas 'chad rtsa ba rtsa ba'i nang du gtogs so cog dang /sdong po sdong po dang ldum bu'i nang du gtogs so cog dang / me tog me tog gi nang du gtogs so cog dang / lo ma lo ma'i nang du gtogs so cog dang / 'bras bu 'bras bu'i nang du gtogs so cog dang /bca' ba dang rtag tu smos pa 'di rnams ni bca' ba zhes bya/ gzhan thug pa dang bza' ba dang bca' ba las gzhan thug pa dang skyo ma dang / brtags pa bza' ba rnam lnga dang 'o ma dang zho dang mar la bya/ ma brtags pa dang rta dang bong bu'i sha dang sgog pa dang dge slong gis btsos pa dang spags pa'i zas la bya/ma 'dres pa'i bza' ba/ kha zas brtags pa dang ma brtags pa ma 'dres kyang rung 'dres kyang rung ba la bya/ byin len grub pa'i phyogs na gnas pa las btang bar byas na'o/ /kha zas ming gis smos pa 'di rnams las gag kyang rung ste kha zas za ba las mi 'dod ces byas sam/mi 'dod par bsams sam/ langs pa las phyis bza' ba dang bca' ba gag byas kyang nyes par 'gyur te/ bza' ba las gag kyang rung ste mi 'dod ces byas pa'i 'og tu bza' ba gag zos kyang ltung / bca' ba las sna gcig gcig mi 'dod ces byas na bca' ba mi 'dod pa de nyid kyi 'phro las slar zos na nyes byas kyi bca' ba gzhan dang bza' ba la sogs pa ni nyes med do zhes TI ka las bshad/'dul ba 'dzin pa kha cig na re gang mi 'dod ces byas pa de nyid kyi 'phro las zos pa ni ltung ba dang / nyes par 'gyur gyis gcig mi 'dod ces byas pa'i 'og tu gzhan zos pa ni nyes med do zhes kyang 'chad/byin cig ces kyang de'o/ /kha zas 'di byin zhes blangs na ltung ba'o/ /TI ka las ni sna gcig blangs na phyi nas brims pa kun kyang ltung ngo / /bca' ba ni gang blangs pa de zos na nyes byas zhes bshad/'dul ba 'dzin pa kha cig na re gang blangs pa de zos na ltung ba dang nyes byas kyis blangs pa ma yin pa gzhan brims pa ni nyes med do zhes 'chad/ song shig ces kyang ngo / /zan 'brim pa la mi 'dod par bsams kyang rung ma bsams kyang rung song zhes smras na mi 'dod ces bya bar chud de phyis zos na bza' ba ni ltung ba bca' ba ni nyes byas so//zos so zhes kyang ngo / /'brim pa las ngas zos so zhes byas na mi 'dod par bsams kyang rung mi 'dod par smras pa'i nang du chud de zos na bza' ba ni ltung ba bca' ba ni nyes byas skad cig ces pa'i sgra ma brjod na'o//sU tra ltag ma gsum ltar mi 'dod ces smras par mi chud pa ni re zhig sdod cig ces byas sam skad cig je rim zhes smras te zur yod pa ni mi 'dod pa'i tshig tu mi chud de zos kyang ltung bar mi 'gyur ro/ /zan gcig 'dod de slong na yang rim zhes byas pa mi slong bar mi chud zos kyang nyes med do//chog go zhes kyang ngo / /chog go zhes byas sam 'grangs so zhes smras pa las zos na'ang bza' ba ni ltung ba bca' ba ni nyes byas/ kha gzar gyen du bsgreng ba mi 'grub na thug 'jam mo / /thug pa ni bza' ba'i nang du mi gtogs shing mi chud de lan gnyis su langs shing 'thungs sam mi 'dod ces byas pa las 'thungs na nyes byas te thug pa'i tshad ni kha gzar bcug ste thub na bza' ba'i nang du gtogs so//skyo ma ni sor mo lnga mi mngon na'o/ /skyo ma yang bza' ba'i nang du mi chud de lan gnyis su langs sam 'thungs sam mi 'dod ces bya ba las 'thung na nyes byas so//skyo mar chud pa'i tshad ni sor mo'i rjes snang na bza' ba'i nang du gtogs so/ /mi snang na skyo ma'i nang du gtogs so/ /bslu ba ni byin len ma yin no/ /mi la la zhig gis rtsed mo bya ba'i phyir kha nas byin pa ltar byed pa la mi byin par shes ste mi 'dod ces byas pa ni phyis yang dag par byin pas blangs te zos pa ni nyes med do//mtshams kyi phyi logs dang / /lhag ma'i sngags bya ba ni bar du ming gis smos pa 'di rnams kyis chod na sngags su mi rung ste lhag mar mi chud par du chu dang yur ba dang gad pa la sogs pas chod pa dang / mi 'grub pa'i phyogs nas gcig sa la 'dug la gcig nam mkha' la 'dug pa dang pha zad tshu zad du 'dug pa rgyang ring por 'dug ste byas pa dang /mdun du mi 'dug na lhag ma bya ba mi dbang ngo / /rgyab dang glor 'dug ste sngags byas pa ni lhag ma byas par mi chud do/ /mdun du drang por 'dug la mtshams kyis kyang ma chod na sngags bya'o//bya ba lag na mi 'dug na yang ngo / /sngags bya ba ni bdag dang sngags byed pa gnyis ka lag pa ya res 'og nas bteg la lag pa ya res steng na sa bkab ste sngags ma byas na mi 'chags/ ma brtags pa la ni mi bya'o/ / kha zas ma brtags pa sgog pa dang dge slong gis btsos pa dang spags pa la ni sngags btab kyang mi 'chags so/ /gdab kyang mi gdab bo/ /de dang 'dres pa yang ngo / /kha zas brtags pa dang / ma brtags par 'dres pa la yang sngags mi 'chags so/ /gnas ma btang bas bya/ sngags gdab pa'i dge slong yang zas zos zin te langs pa la mi bya'i ma langs pa zan za zhing 'dug pa'i dge slong cig la bya'o//mi bza' bar brtags pas kyang byas pa bzhin no/ /lhag ma bya ba'i dge slong zan zos zin nas mi bza' bar sems thag ni bcad zin gyi rkub ni ma 'phags par 'dug pa la lhag ma bya bar gsol te byas kyang nyes med do//gsol nas so/ /lhag ma bya ba'i mi des kyang lhag ma byar ci gnang zhes gsol na lhag ma bya'i mi gsol bar tshul gyis shig ces mi bya'o/ /song khyod kyir gyur to zhes tshig byos shig /lhag ma byed pa'i dge slong gis sngags byas zin nas zas 'di khyod kyir gyur gyis khyer cig ces byas te byin/ci bder zos shig ces kyang kha cig go/ /lhag ma byed pa'i dge slong des sngags byas nas ci bde zhes byas kyang rung ngo zhes 'dul ba 'dzin pa kha cig gis bshad de/ sU tra ltag ma dang gnyis gag kyang rung ngo / /kham gnyis sam gsum zos nas so//lhag ma bya ba ni lhag ma byed pa'i dge slong gis kham gnyis sam gsum zos la sngags btab ste sbyin/ bzlog par byas pa las ma za shig /lhag ma byed pa'i dge slong mi bza' bar yi dam bcas te ma langs par 'dug pa la lhag ma byed par gsol du 'ongs na bdag gi yi dam bcas pas bzar mi rung ba'i phyir zan la lag pas mnan te sngags kyis btab ste byin yang lhag mar chud do//gzhan gyis lhag ma byas pa yang zo shig /dge slong cig gis lhag ma byas shing sngags btab zin pa'i zas la dge slong gzhan zas zos zin pas kyang bzar rung ngo //'ab+h+rid/ zas zos la lhag ma ma byas par shes bzhin las ltung ste / zin la lhag ma ma byas na'o/ /zan zos shing lhag ma ma byas pa las ltung ste yan lag gcig /zos na'o/ /lhag ma ma byas pa'i zan zos pa las ltung bar gyur te yan lag gcig /kha zas tsam gyis so/ /kha zas kyang yin pa las ltung ste yan lag gcig tsam zhes bya ba ni kham gcig yan chad tsam zos pa las ltung ste yan lag 'di rnams dang ldan na lhag ma ma byas pa'i ltung bar gyur to/ /stan gcig pa'i zas so/ /lhag ma ma byas pa'i zas zos pa'i ltung ba rdzogs so// //stobs pa'i ltung ba la 'chad de/ bsgo ba/ dge slong zan zos zin cing lhag ma ma byas par shes bzhin du zas 'di lhag ma byas zin pa yin te khyod zo shig ces bsgo ba las ltung ste shes bzhin dang yan lag gnyis/ dge slong lhag ma ma byas pa'i zan byin pa de dge slong yang yin pa dang yan lag 'di gsum dang ldan na ltung bar 'gyur ro//zin pa la bsgo/ /zan zos zin pa la lhag ma ma byas par dus kyis stobs pa'i ltung ba rdzogs so// //mang po'i ltung ba la 'chad de/ 'ab+h+rid/ dge 'dun 'dus shing za bar shes bzhin du logs shig tu za ba las ltung ste yan lag gcig /so sor bsngos pa'i zas kyi gnas las gzhan mtshams kyi nang na gnas pa'i dge slong dge 'dun du gyur par lhan mi gcig par zan za na'o/ /yon bdag gis dge slong dge 'dun so sor za bar rgyu sbyar ba ni ma gtogs te gzhan te mtshams gcig gi nang na dge 'dun kun gcig tu 'dus shing zan gyi rgyu gcig tu sbyar cing za ba las bzhi yan chad dge 'dun du langs pa zhig gis dge 'dun gyi zan skal las mi bza' bar byas nas yon bdag gzhan gyis kyang gud du spyan ma drangs par bdag nyid kyis rgyu btsal zhing sbyar te mtshams kyi nang du logs shig tu zan zos na ltung ngo //lhan cig tu'o/ /logs shig tu za ba de dge 'dun du'ang tshang ba dang lhan cig tu 'dus pa las ltung bar 'gyur te yan lag gcig /lhan gcig tu za na'o/ /dge 'dun du langs par lhan cig tu 'dus pa des zan zos pa las ltung ste yan lag gcig /gsum la sogs dang ngo / /lhan cig tu za ba de rnams gsum man chad ni gud du zos kyang nyes byas kyi gsum las lhag par bzhi yan chad gcig tu tshang na ltung bar 'gyur te yan lag gcig /dge slong dang ngo / /bzhir tshang ba yang dge sbyong dang khyim pa ma yin gyi kun dge slong yin na ltung ste yan lag gcig /gag gi tshul gos med pa'i zas gnyis po rnyed pa dang gru yang ma brgal na'o/ /gos dbul ba'i phyir kha gnyis su spyan drangs pa dang na ba dang las dang lam dang grur zhugs pa dang dus 'di rnams ma gtogs par zan zos pa las ltung ste yan lag gcig ste/yan lag 'di rnams dang ldan par logs shig tu 'dus te zan zos na ltung ba'o/ /'dus pa chen po las gzhan na yang ngo / /dus kyi mchod ston chen po lta bu zhig byed de mi phal mo che 'dus nas bkad sa gcig tu mi shong ste/ khang pa so sor chod cing zos pa ni nyes med do/ / gzhan 'di'i tshul ma yin pa rab tu 'byung ba'i zan las so/ /sangs rgyas kyi chos ma yin la lta ba ma yin pa mur 'dug gi rab tu byung ba'i dge sbyong gis zan byin te logs shig tu zos pa ni nyes med do/ /zos na'o/ /logs shig tu 'dus shing za ba yang zos zin na ltung bar gyur te yan lag gcig ste yan lag snga ma'i thog tu 'dis bsnan to//mtshams kyi nang gi der gdon mi za bar 'ong pa'i gnas su 'ongs sam ma dris par zos na 'gal ba byed do/ /mtshams gcig gi nang dge 'dun kun 'dus shing zan za ba kha cig gral la ma shong ste lkog tu za bar gyur na yang dge 'dun gyi spyis dge 'dun tshang ngam ma tshang zan gag tu za zhes ma byas na kun la nyes byas te dri ba ni gral thog ma na 'dug pas dri'o//gang ci yang chung zad cig brims na zas gcig go/ /dge 'dun du langs kyang rung gang zag kyang rung gud du zan kha zas sna 'ga' tsam gyis dge 'dun gyi nang du phan tshun du brims na ltung ba dang nyes byas las bris te ltung ba las ni nyes byas nyes byas las ni nyes byas yang bar 'gyur ro//'gro ba dang / zan gyi dus las sngar ring par 'gro ba dang / 'ong ba dang / lam ring po zhig nas 'ongs te bkres pa dang / nad pa dang nad pa zan la 'ong mi phod pa dang / nad g.yog dang nad g.yog tu bskos pa'i dge slong dang /dkor pa las dge 'dun gyis bskor ba dang / tho dan lta bu las la 'brel pa dang / gzhan tshang mang dang bskos sar thams cad kyis ma zos par blangs shing mi bza'/ ming gis smos pa 'di rnams ni dge 'dun las sngar zan zos sam logs shig tu zos pa ni nyes med do//'di rnams ma gtogs par dge slong gag kyang rung ste dge 'dun las sngar zos sam logs shig tu mnos te zos na'ang nyes byas so/ /sde zan no/ /sder mang po 'dus shing logs shig ta za ba rdzogs so// //dus ma yin pa'i ltung ba la 'chad de/ bdag gi nyi ma phyed phan chad skya rengs shar gyi bar du dus ma yin/bdag shar dang lho dang nub dang byang gi gling gang na gnas pa'i gling yul de'i nyi ma phyed phan chad skya rengs ma shar gyi bar du dus ma yin pa ste bza' ba rnam lnga dang bca' ba rnam lnga la sogs pa gang zos kyang ltung bar 'gyur ro/ /skya rengs shar nas nyi ma phyed tshun chad ni dus te zos kyang nyes med do//shar phyogs kyi gling du dro'i zan zos la lho phyogs su song ste za ba ni shar gyi nyi ma phyed na lho'i nyi ma shar bar gyur te bzar rung ngo / /de bzhin du lho nas nub/ nub nas byang byang nas shar kyang ngo / /der 'ab+h+rid / dus ma yin zhing dus las 'das par shes bzhin du zos pa la ltung bar 'gyur ro //bza' ba dang bca' ba za ba'o/ /dus ma yin par bza' ba dang bca' ba zos pa la ltung bar 'gyur ro/ /dus ma yin pa'i zas so/ /dus ma yin pa'i zas zos pa'i ltung ba ste rdzogs so// //spags pa'i ltung ba la 'chad de/zan gyi snga rol byin len la zan gyi phyi rol tam der thun 'das na spags pa'o/ /bza' ba dang bca' ba las dro kha tshun chad du bza' bar bsams te nang par byin len byas pa las dro kha tshun chad du khyim pa'am dge sbyong zhig gis sa las 'phags par bteg pa ni phyin chad nam yang bzar rung ngo //nang par byin len byas pa'i zan de dro khar bza' bar bya ba las dro 'das pa'i 'og tu khyim pa dang dge sbyong gis bteg pa ni phyin chad bzar mi rung ste zos na ltung ba'o/ /nang par byin len byas pa'i zas dro khar yang ma zos khyim pas kyang ma reg pa dro 'das pa ni spags pa ste bzar mi rung ste ltung ba dang dro 'das na ltung ba bzhin du dro'i 'og tu byin len byas pa phyi dro bza' bar bsams pa las nyi ma nub ste dmar thag chad pa las 'das pa yang spags pa'o//der ro/ /kha zas bdag gis byin len byas la dro dang phyi dro thun 'das par shes bzhin du zos pa las ltung bar 'gyur ro//bteg pa mi ming / snga dro byin len byas pa dro khar bza' bar bsams la de khyim pa dang dge sbyong gis bteg cing reg na yang phyi dro za yang rung slar byin len ma byas par za na nyes byas pa'o/ /mtshams kyi nang du bzhag pa dang btsos pa ma yin/ /dge slong gis ma reg cing byin len ma byas pa'i zas mtshams gcig gi nang du zhag lon pa dang mtshams kyi nang du khyim pas btsos shing g.yos byas pa zos pa yang nyes byas pa'o//mtshams kyi nang du btsos kyang dge 'dun gyis gsol ba dang zhu ba'i las kyis bsngos pa nyes med do/ /gsol bas bsngo ba yang rnam gsum ste thog ma rmang gding ba na tshang mang du bsngos pa dang khang pa rnying pa dge 'dun thams cad mtshams gcig gi phyir rol du zhag gcig gnas la de nas gdod tshang mang du bsngor rung ste 'di gsum gyi skabs lta bur gsol ba byas pa ni bsngor rung ngo //dge slong gis btsos pa yang ngo //mtshams kyi phyi rol du dge slong gis btsos pa yang nyes byas/ rjen pa las na de btsos pa'o/ /sU tra ltag ma gnyis kyis btsos pa ni btsos zin pa la slar bsros pa la nyes med kyis ma btsos shing rjen pa las btsos pa yang btsos pa las zos na nyes byas/ sum cha btsos la mi 'jam pa tshun chad der ro//btsos pa'i tshad du chud pa ni nas dang 'bras dang sran ma la sogs pa sra ba gsum gnyis tshos shing 'jam po mul mul mor gyur pa ni btsos pa'i tshad du chud do/ /sum cha tshos shing 'jam por ma gyur pa ni ma btsos pa'o/ /kha dog 'gyur la 'jam na'o//tshod ma dang ga gon lta bu ni kha dog 'gyur zhing 'jam por gyur na btsos pa'o/ /khu ba na lhag gnyis na'o/ /'o ma lta bu 'tshod pa ni lhag gnyis btsos pas btsos par chud do/ /mes brtags pa byas pa'ang ma btsos pa ma yin no/ /brtag pa rnam bdun bya ba la mes brtags pa yang btsos par chud de dge slong gis mes brtags na dge slong de nyid la sems bshig pa'i ltung ba yang yod dge slong gis brtags pa de zos na dge slong gis btsos pa zos pa'i nyes byas par yang 'gyur gzhan gyis mes brtags pa zhig btsos na yang btsos pa'i nyes byas par mi 'gyur ro//tshes bzung ba las sprul pa gnas pa'ang gnas pa'o//mtshams gcig gi nang na bza' shing skyes pa'i shing tog blags te zos na yang mtshams gcig gi nang du zhag lon pa'i kha zas su chud de nyes byas so/ /de bzhin du mtshams kyi nang du ra lug dang ba btags pa'i zho 'thungs na'ang nyes byas su 'gyur ro//phyogs su snod gnas na yang des ra tshos pa'o/ /gtsug lag khang gi mtshams su gtogs pa dang ma gtogs pa'i tshad du lcags sgyed dam sgyed pu lta bu btsugs te rtsa ba gnyis mtshams kyi phyi rol du zug la rtsa ba gcig mtshams kyi nang du zug pa yang mchis kyi nang du btsos par chud do//btsos pa der gyur pa ma yin no/ /mtshams kyi phyi rol na zan 'dug la mtshams kyi nang na mi 'dug ste skya ba 'am gzar bus dkrugs shing 'tshed pa ni mtshams su btsos par mi chud do/ /mdag ma yang snod ma yin pa ma yin no/ /mtshams kyi nang du mdag ma blangs te bsregs pa dang me mtshams kyi phyi rol du 'dug la rlung gis btab pa'i me lce mtshams kyi nang du 'ongs pa la bsregs pa'ang mtshams kyi nang du bsregs par chud do//de las phyung ngam ma phyung na der ma yin no/ /mtshams kyi nang gi me mdag ma phyi rol du 'dril ba la bsregs pa dang / rlung gis btab pa'i me lce mtshams kyi phyi rol du phyung ba la bsregs pas ni bsregs par mi chud do//gnas bzhin du mtshams kyang ngo / /gtsug lag khang gi phyi ra'i phyi rol du 'gron bor ba'i tshun chad gcig tu btsos na yang mtshams gcig tu btsos par gyur te 'gron bor ba'i mtshams ji tsam du tshun chad ma yin pa ni 'og nas 'chad/'dom mo/ /gtsug lag khang gi phyi ra'i nas 'dom gang tshun chad kyi mtshams kyi nang du gtogs so/ /gyen du nam mkha' la 'grub pas so/ /mtshams kyi nang gi nam mkha' la btsos te bar ci yang ma chod na'ang mtshams kyi nang du btsos par chud do//nang gi yang ngo / /khang pa mthon po'i nang thog bor ba yang nang gi nam mkha' la btsos na mi gang lhag ste bar ci tsam zhugs kyang btsos par 'gyur ro/ /steng gi rim pa yang de bzhin no/ /khang pa rtseg ma rim du yod kyang rung ste yang tog tu btsos kyang rung 'og khang tu btsos kyang rung mtshams gcig gi nang du btsos par chud do//gzhan gyis bsngos par gzhan gyi gnas ma yin no/ /dge slong gi gnas la gzhan kha drag po zhig gis dbang byas te dge slong khang bu mig gcig tu gzhag nas gzhan du khyim bdag de 'dug na khyim bdag 'dug par btsos pa dang khyim pas btsos pa ni mtshams gcig tu btsos par mi chud do//nam 'tsho'i bar du ba ni bteg pa pa dang nang du btsos pa dang dge slong gis btsos pa de'i bgags pa la ma gnas te dus so/ /kha zas dge slong bteg pa dang mtshams kyi nang du btsos pa dang / dge slong gis btsos pa bzar mi gnang zhes bshad pa la tshe gcig tu bcang ba dang zhag bdun pa'i sman ni sngags kyis btab na bteg pa dang btsos pa la sogs pa spyad cing bza' ba la sogs pa nyes med do//btso ba ni na ba'i phyir btsos na ni nyes med kyi min bar ni dge slong gis btsos pa dang mtshams gcig tu btsos pa ni mi gnang ngo //'bags pa ni zas kyi phyed do/ /lhung bzed dang gzhong pa dang lag pa la sogs pa la kha zas chags bzhin du zos na nyes byas so/ /kha'i dri ma dang bza' btung ba yang ngo / /kha'i dri ma dang kha zas kyi tshigs mkha'i gseb tu chags pa yang ma dag bzhin du kha zas zos shing 'thungs na nyes byas te thun 'das na spags par 'gyur ba'i phyir ro//'di'i phyi rol lci ba'am sas phyis te chus bshal la bkru'o/ /kha dag par bya ba'i phyir kha'i phyi rol lci ba'am sas bskus la chus dag par bshal zhing bkru'o/ /nang chus lan gnyis sam gsum gyis la mkhur chud dor ro//kha'i nang ni nang par dang dro zos pa'i 'og tu so shing zos la lan gsum chus dag par bkru'o/ /phyi dro skom 'thungs na'ang lan gsum du chus dag par bkru'o/ /lhung bzed lan gnyis gsum bzlas te gus par bkrus na sgra ma byung yang ngo //zan za ba'i sngon logs su lhung bzed bkru ba yang snga de nyid dag par bkrus su zin kyang lci ba'am rtsa brdungs pa'i khu ba'am sa 'jam po sgra tshil 'dra bas lan gsum du bkrus te dag par byas la krig krig zer ba'i sgra'am brdabs pa'i sgra dang zhes zer ba ni dag pa'i tshad du chud do//lan gsum du bzlas te bkrus nas sgra mi zer yang des chog par brtsi'o/ /nyes med pa ni langs pa'o/ /sU tra ltag ma ltar lan gsum du bzlas te dag par bkrus pa las snum dang rtsi la sogs pa kha zas kyis langs par yang nyes med do/ /mi 'bags pa la reg pa yang ngo / / kha phyis dang snod spyad la sogs pa kha zas chags shing ma bkrus pa zhig la reg na nyes byas so/ /bul tog dang lci ba dang sa gang yang rung bas lan gsum du bkrus na snum yang ngo / /gos dang snod spyad dang lhung bzed la sogs pa bul tog dang lci ba dang sa la sogs pas lan gsum du dag par bzlas te bkrus na ma dag cing snum yang nyes med do//langs pa gsal/ lhung bzed lan gsum du dag par bkrus pa las/ kha zas tshan po zhig blugs te lhan pa'i gseb nas rtsi'am snum langs te mngon par gyur na de nyid bsal te dor ro/ / 'bags pa de'i phyogs su bkru/ lhung bzed dang snod spyad la sogs pa snum mam zas kyis reg na gar rig par dag par bkrus la gos ni gzhan mi bkru'o/ /snod spyad pa ni gzhan bshal bas chog go/ /mi snum pa'i phyir snum pa'i rdza ma la sogs pa rdzing bu'i chu zab mor gzhug / rdza ma la sogs snod spyad mar gyi snod byed byed de snum mi 'dag na rdzing bu'i nang du gzhug /nya dang rus sbal dang sbal pa dang sbal pa dkar po dang srin bu u lug kas ma bldag kyi bar du bzhag /sU tra ltag ma ltar rdzing bu'am nang du gzhug pa ni ming gis smos pa'i srin bu 'di rnams kyis bldags na snum med cing dag par 'gyur te nam bldags shing dag gi bar du zhag gnyis gsum du gzhag go//bsregs te yang snum med par grub na'o/ /rdza ma snum med par bya ba'i phyir mes bsregs na yang snum med cing dag par 'gyur ro/ /snum med nas kyang dge slong de go 'dun nam lci bas dag par bkru//sU tra ltag ma ltar me'am rdzing bur bkrus pa'i snod spyad de phyi nas kyang go 'dun nam lci bas kyang lan gcig dag par bkru'o/ /lan tshwa dang ba tsha dang rnyog ma can gyi chu lan tshwa la sogs pa phyed do/ /lan tshwa can gyi chu dang ba tshwa can gyi chu dang rnyog ma can gyi chu snga dro byin len ma byas par 'thungs na nyes byas phyi dro ni byin len byas te mthungs kyang nyes byas so//brtags pa ste dus ma yin pa dang thams cad du'o/ /lan tshwa can dang ba tsha can gyi chu ni btsags pa'am dngas par byas te brtags na dus ma yin pa dang byin len ma byas par btud du rung ste nad pa dang dge slong min pa thams cad 'thung du dbang ste nyes med do//bdag gis dgos par byed pa mi byed pa lan tshwa dang ba tsha med pa'o/ /lan tshwa'i chu'i tshad du chud pa ni chu de nyid kyi nang du tshod ma'am thug pa btsos te lan tshwa gud nas gad pa mi dgos na lan tsha can gyi chur brtsi'o//ba tshwa can gyi chu ni gos kyi snum la sogs pa bkrus na dag par nus pa ni ba tsha can gyi chur brtsi ste/ tshad 'dir ma phyin pa phyi dro dang snga dro byin len ma byas par 'thungs kyang nyes med do/ /gzugs brnyan skyes na phyi ma'o/ /chu rnyog ma can ni btsags sam dngas te nang du bzhin gyi gzugs brnyan snang na rnyog ma can ma yin pa'i tshad du brtsi ste phyi dro btung du rung ngo //shing tog ka ta ka'i 'bras bus chu dang par 'gyur ro/ /chu rnyog ma can gyi nang du shing tog ka ta ka zhes bya ba'i 'bras bu bcug na rnyog ma zhabs su rnyigs te dang bar 'gyur ro/ /ba lang gi chu dang bar bya ba'i phyir shing lo bcug pa lta bu/thal ba'am zan bcangs pas kyang ngo / /chu rnyog ma can gyi nang du thal ba btab bam zan gyi chang pa bcug na'ang rnyog ma dang bar 'gyur ro/ /mi gyes pa'i phyir snum mo/ /zan gyi chang ba chur bcug pa de mi gyes par bya ba'i phyir snum gyi phye mar du bya'o//chu'i 'byung gnas su zhugs nas mi mngon na yod pa'i mi grangs so/ /rdzing bu'am khron pa'i nang na kha zas yod la chu la kha zas kyi bag chags yod par mi mngon na chu dngas ba'i nang du brtsi ste nyes med do/ /reg pa'i phyogs de nyi tshe bsal/ snod kyi nang gi snum langs te kha zhag gis chod dam rdzing bu'am khron pa'i chu la kha zas dang zhag gi spris mas yog cing 'dug na nyi tshe gud du bsal te bor ram phan tshun bshugs te dngas pa las bcus pa ni nyes med/bya rog gi mchus reg na than khor kyang ngo / /bdag gi zas la bya rog gi mchus reg na gar reg pa nyi tshe bcad de dor/byin len byas zin pa zhig na'ang gdod byin len byas te bza'o/ /de dang ldan pa'i rgyun gyis reg pa ni ma reg pa'o/ /kun de'i nang nas chu to ra ra 'ong ba rgyun ma chad pas kha zas dang mi gtsang ba la reg pa ni kun de'i nang na 'dug pa reg pa ma yin te mi gtsang ba med par mi brtsi'o/ / nor tam dran pa nyams te na ma yin/ rdzas gzhan zhig bzung ba'i phyir nor tam brjed kyang rung ste kha zas yod pa'i snod la bzung zhing reg pa ni spags par mi 'gyur te nyes med do/ /de dag gis bskyong nas gzhag pa ma yin no/ /sU tra ltag ma ltar kha zas kyi snod la nor te bzung ba de bteg cing gud du spos te gnas bskyed kyang spags pa ma yin te nyes med do//rab tu chung ngu'i gnas su bskyal ba'o/ /sU tra ltag ma ltar nor tam gnas bsnor nas khyer khyer ba las lam du tshor na thal byung dor ba ma yin gyi gnas gang nye ba cig tu skyal na'ang spags pa ma yin te nyes med do/ /lhod pas bteg pa'am byin len byas kyang ma yin no//dge slong phas pham pa ma byung du zin kyang dge 'dun gyi lhag ma dang ltung ba la sogs pa la lhong cing mi bsrung bas ni byin len byas kyang bzar mi rung ngo / /bteg pa dang btsos pa yang ma brtags pa ma yin te bzar rung ngo / /des zas byin pa blangs na'ang byin len du chud do//byin len du rigs pa'i gtogs pa med par ma gyur na blangs pa ma yin no/ /kha zas 'dri ma zhing 'ongs pa la bdag gi lag pas tshus bsus te sngar blangs pa ni byin len du mi chud do/ /dge sbyong dang khyim pa zas kyi snod la 'dzin pa bzhin du dge slong gis reg pa ni spags par mi 'gyur ro//gtogs pa de dag thag bu la sogs pas sprel ba'o/ /zas dang tshod ma la sogs pa phyi dro rtog cing sel na khyim pa'am dge sbyong gis thag bu'i thog nas bzung la dge slong gis thog ma gcig las bzung ste kha zas thag bu gnyis so sor ma bral zhing reg bzhin du bsal cing brtags pa ni spags par mi 'gyur te nyes med do//sdom pa mtshungs lta ba tha mi dad na spags pa dang blangs pa dang byin len du gcig go/ /dge slong du mtshungs shing sangs rgyas kyi chos la lta ba 'dra na dge slong gis spags kyang rung bzar mi rung /byin len ma byas par thug thub tu byin te blangs pa dang byin len du mi chud de bzar mi rung / gcig gis zan la byin len byas na kun gyis bzar rung ngo / /dam pa yis dam pa ma yin pa'i 'o/ /sU tra ltag ma'i nang nas bshad pa rnam gsum dge slong mas byas pa ni dge slong mas kyang bsrungs te spags pa dang blangs pa'ang bzar mi rung byin len byas pa yang gdod byin len bya mi dgos te bzar rung ngo //'di gsum dge slong mas byas pa ni dge slong mas mi bsrung ngo / /khyim pa bzhin du bud med dang skyes pa phan tshun da'o/ /sU tra ltag ma'i nang nas smos pa'i rnam gsum la bteg pa dang blangs pa dang byin len dge slong mas dge slong pha la byas na byin len du 'gyur ro//blang ba dang bteg pa dang dge slong pas bzar rung ngo / /dge slong phas byas pa'am dge slong ma la rung ngo / /dge sbyong gi sba ba tshun chad la'ang reg pa'ang de bzhin du nyes byas pa'o//dge sbyong gis dge sbyong dang dge slong gi zas la reg pa la nyes med pa bzhin du dge slong gis dge sbyong gi zas la reg pa'ang nyes med do/ /dge slong gis dge slong nyid kyi zas la reg pa ni nyes par 'gyur ro/ /re ba yod pas byin pa ni btang ba yin no/ /khyim pa kha zas la chags bzhin du byin te chags par shes bzhin du zos na ltung ba ste bi dza ya bar mas bshad/bdag gis spags pa'i kha zas de la chags bzhin du gzhan zhig byin te slar bdag byin te zos na ltung ba'o/ /me re bar btang nas re bar gyur na phyed do/ /khyim pas sngar ni chags pa'i sems med la phyis chags pa'i sems byung ba'i zan cig byin te de ltar shes bzhin du zos na nyes byas zhes bi dza ya bar mas bshad/bdag gis spags par 'gyur ba'i kha zas chags pa'i sems med par gzhan zhig byin la phyis chags shing 'dod de thabs cig gis sbyin du bcug nas zos na nyes byas/de bas na de la mi bslang ngo / /khyim pa zan la chags te byin par shes bzhin du zas rims shig zhes bya ba la sogs pas mi bslang ngo zhes bi dza ya bar mas bshad/ sU tra ltag ma ltar spags pa'i kha zas gzhan byin pa slar zos na nyes bar 'gyur ba'i phyir mi bslang ngo // shes nas mi blang / khyim pa zan la chags bzhin du byin par shes pa zos na ltung bar 'gyur ba'i phyir mi blang ngo zhes bi dza ya bar mas bshad/ bdag gis spags par gyur pa'i zas gzhan byin pa slar byin te ngo shes na mi blang ngo / /ma brtags pa ma yin pa'i skal pa bskur bar rig pa dang khyer ba gzhug pa dang de lta bu'i rkyen cig na'o//kha zas la reg kyang nyes med pa ni dge 'dun gyi zhing shas su btang ba'i skal ba bskur ba dang nas kyi skal ba shas su btang ba'i mis bskyal te nang du 'jug pa'am snod du ldugs su ma btub ste song ba ni khyim pa dang dge sbyong me la reg tu mi rung ba'i rkyen byung na bskyab dang gzhug pa'i phyir reg pa ni nyes med do//shing rta 'dren pa'i stan ma gtogs te'o/ /zas shig shing rta'i nang du bskyed na rkyen cig gis shing rta la rag dgos na'ang shing rta'i kha lo bsgyur ba 'dug pa'i sa la ma reg na gzhan la reg pa ni nyes med do/ /gad pa yang ngo //shing rta'i nang du kha zas dgang ba'i tshe rkyen cig byung na kha lo bsgyur ba 'dug pa'i sa la ma reg par bdag gis bkang yang nyes med/ slar dbyung ba'i tshe'ang de bzhin bya'o zhes bi dza ya bar mas bshad/ shing rta na kha zas 'dug pa'i tshe gang pa nyid du mi bya'i dge slong mi reg par 'dug pa'i sa tsam bzhag la kha zas gzhug go /nad pa zhon pa yang ngo / /kha zas bcug pa'i shing rta'i nang du dge slong nad pa zhig 'dug pa na yang na nad pa des shing rta'i kha lo sgyur ba 'dug pa'i sa la mi reg par bya'o zhes bi dza ya bar mas bshad/ kha zas bcug pa'i shing rta la nad pa zhig bzhag dgos na'ang nad pas kha zas la mi reg pa tsam gyis bzhag /gru'i dngo na'o/ /gru'i nang du kha zas bcug ste 'gro na'ang dngos 'dzin 'dug pa'i sar reg na'ang ltung ba zhes bi dza ya bar mas bshad/ nas dang nad pa lta bu gru'i nang du bskyed nas skam pa'i phyir dngor bzhag go//'dzin pa'i phyir stan yang ngo / /nad pa'i nang na'ang dngor 'dzin 'dug pa'i sa la ma reg par 'dug go zhes bi dza ya bar mas bshad/ kha zas dang dge slong nad pa la sogs pa grur zhugs na'ang dngor 'dzin dang skya ba 'debs pa'i sa bzhag /dge 'dun gyi dang sman ldud pa g.yogs pa dbog pa dang gzar bu'i las kun dang dbyung ba yang ngo //dge 'dun gyi kha zas dang sman 'ched cing g.yos byed pa la khyim pa dang dge sbyong la sogs pa med na lung pa la dge slong gi gzar bu dang skya bas dkrugs pa dang / dbyung zhing dbog pa'i phyir reg pa nyes pa med do/ / dge slong gang zag gis kha zas dang sman btso ba la lud pa la sogs pa'i rkyen byung na de bzhin kyang rung ngo / /shing dbyung me bsad pa gos kyi grA la sogs pas rlung brlab pas kyang thog mar nan tan bya/ kha zas dang sman 'tshed pa lud pa la thog mar shing phri shing dbyung me bsad dgos kyi grwas rlung brlab chus dgab pa la sogs pa sdud pa zhi ba'i thabs 'di rnams kyi thabs kyis bya ste ma nus na gdod sU tra ltag ma ltar bya/rtag par cho ga mi 'grub na chu bo las bsgral ba'i phyir khyer bslebs pa'i phyir yang ngo / /chu brgal zhing grur 'jug pa la kha zas grur skyel ba'i mi med de gru spags te song du nye ste mi slebs na kha zas bdag gis gru'i nang du bskyas pa'ang nyes med do zhes bi dza ya bar mas bshad/dge slong gis rgyags khur tsa tsig la bskur te chu rgal ba las chu che ste khur tsas mi nus na khur tsa dang gnyis thag bus sbrel la bdag gis rgyags khyer yang nyes med/ thag bus sbrel ma nus na yang chu brgal gyi bar du bdag gis khyer yang nyes med/ chu brgal ba la khur tsa sngon du song ste rgyags phyi na lus na khur tsa na ma slebs pa'i phyir khyer yang nyes med/ gzhan med na blangs pa'ang rgyags su'o/ /sU tra ltag ma'i ltag ma ltar rgyags bdag gis khyer ba'i rnams g.yog gam khyim pa gzhan la yang bskur du med la rgyags gzhan yang med na bdag gis khyer zhing byed na yang nyes med/khur tsa ba med na sbyin bdag la dad pa bya/ lam du zhugs te 'gro ba la rgyags khyer ba'i khur tsa med na lam 'grogs pa la bdag gi khur tsa yang med zas la yang reg tu mi rung na khyod kyis bskur du cig nang zhes gsol/ma grub na bdag gis bskur / ltag ma ltar gsol te'ang ma gnang bdag 'gro ba'i don sde snod gsum thos par 'gyur ba lta bu zhig ste mi 'gror mi rung na bdag gi rgyags bdag nyid kyis khyer yang nyes med do/ / de nyid byin la brje zhing blang par bsgrub/ bdag nyid khyer ba'i zas de bzar mi rung ba'i phyir 'gron po gzhan la zas nyi rim gyis kyang brjes te bza'/ de ma grub na de bza'/ sU tra ltag ma ltar nyi rim gyis brjes kyang ma grub na bdag nyid kyis khyer ba'i zan bza'o/ /byin len byed pa med na byin len ma byas par gzhan gyi'am bdag gi'o//sU tra ltag ma ltar bdag nyid kyi zan za ba la byin len byed pa'i mi med na 'du shes byang gi sgra mi snyan gyi bdag po med par bsams la bzar rung ste 'og nas 'chad/ zas bcad pa byas te'o/ /sU tra ltag ma ltar bzar rung pa yang zas brje ba dang byin len byed pa'i mi med na zhag gcig gi bar du ni zan mi bza'o//thog ma'i nyi ma stag gi spar ba'o/ /phyi de nyid kyang zan brje ba dang byin len byed pa med na stag gi spar ba ste bdag gis lag gi ya btsums gang bza'o/ /gnyis pa la gnyis so/ /de'i phyir de nyin par kyang zas brje ba dang byin len byed pa ma rnyed na stag gi spar pa do bza'o//gsum la ci chog tu'o/ /nyi ma gsum phan chad ni ci chog tu 'grangs 'grangs su bzar dbang ngo / /'bras bu dus ma yin par brtag pa ma byas pa dang byin len ma byas par blangs pa'ang bza'o/ /bdag gi zas zad dam med ma sbyin bdag gis ma sbyar la bslab du ma snyed na 'bras bu la sogs pa ma brtags pa dang byin len ma byas pa bzar rung ngo //phyi dro bzar yang rung ngo / /zas med pas so/ /sU tra ltag ma ltar bzar rung ba yang zas med cing phongs na bza'o/ /bkres te mi bzod na'o//sU tra ltag ma ltar phongs te bza' ba yang mi bkres shing bzod na mi bza'i bkres te mi bzod na bza'o/ /rtsa ba yang ngo / /bkres te mi bzod na gro ma la sogs pa'i rtsa ba brko mi dgos par 'dug pa yang bzar rung ngo / /bdag gis phrags shing phyung nas btsos te'o//sU tra ltag ma ltar rtsa ba brko mi dgos pa dang shing tog blags zin pa ma rnyed na shing tog blags shing rtsa ba brkos te bzar yang dbang ngo / /btsor yang dbang ngo / /byang gi sgra mi snyan gyi grags pa thams cad du byin len ma byas par za ba la sogs pa rtsam par 'dod pa yid la bya'o//sU tra ltag ma rnams ltar bza' ba yang byang gi sgra mi snyan gyi kha zas bdag po med pa yin par bsams la byin len byed pa med pa'i phyir ba dang yul chos kyis btsog ba'i phyir gcig la gcig reg tu mi rung bas bdag nyid kyis blangs te bza'o snyam du bsams la bza'o/ / snod kyi nang nas kha blugs mi bya/ chu dang skom la sogs pa 'thungs pa'i tshe kha blugs mi bya/ yod na lag pa bkrus pa'am lo mar ro/ /chu'am skom 'thungs dgos te snod gzhan med na lag pa'am lo ma bkrus la de'i nang du btung ngo / /ma grub na dben par ro/ /chu dkon te lo ma'am lag pa bkrus mi chog na mi gzhan gyis ma mthong bar dben par kha blugs mi bya'o//chu dang bcas pa 'di la dga' ba med par mi spyad/ kun de dang chu snod la sogs pa kha gab kyis ma bkab par gzhag pa'am spyad par mi bya'o/ /dgab pa ni rnam pa gsum ste shing gi dang rdo'i dang sa'i'o//sU tra ltag ma ltar snod kyi kha dgab bya ba'i rgyu ni sa dang rdo dang shing las bya'o/ /lcags dang zangs dang ra gan dang khar ba la sogs pa rang chas 'dug pa'ang nyes med do/ /snod kyi gzhi bcangs te shing la'am rdo la'o / /snod kyi gzhi shing dang rdo la sogs pa la bzhag kyang nyes med do//ma bzhag kyang nyes med do/ /nyes med pa ni snod kyi dgos par lo ma ma byin par blangs kyang ngo / /snod spyad med pa'i phyir zan za ba'i phyir gzhir rtsi shing gi lo ma byin len ma byas par blangs te byas kyang nyes med do/ /de btang ba dang ma btang ba bye brag med do/ /zan za ba'i gzhi lo mas bya ba snga na chad cing bral zin pa la yang rung rtsa ba las ma chad cing chags bzhin pa'i lo ma'i steng du zos kyang rung ngo //dgos par gzhan med na ma btang ba la'o/ /sU tra ltag ma ltar rtsa ba las ma chad pa'i lo ma'i steng du zan za ba ni rtsa ba dang so sor bral ba'i lo ma med na gdod bza' ste lo ma de la snod cing chung zad ral ba ni nyes med do//spags pa spangs pa'o / /spags pa'i zas zos pa'i ltung ba ste rdzogs so// //kha nas mid pa'i ltung ba la 'chad de/ sbyin bdag gis sems kyis btang ba la gzhan dang byin len byed pa med na blangs te bza'/ sbyin bdag gis spyan drangs shing kha zas byin te mngon par 'dug la sbyin bdag chu'am me la sogs pa'i rkyen byung ste mi khom nas kha zas 'drim pa'i mi med la gdugs tshod kyis kyang mi thub na kha zas mngon par byin pa de byin len ma byas par brims te zos kyang nyes med do/ /mngon sum du/dge slong kha zas byin pa'i mi thad kar mngon sum du 'dug la byin len bya ba dang / mtshams kyi nang du/ bar du chu dang rtsig pa mthon pos ma chod pa dang / mngon par 'grub pa'i phyogs su 'dug ste/ rgyab bam zur nas ma yin gyi mdun du phan tshun drang por byas te nam mkha' 'am rtsig pa'am shing gi kha lta bu na gcig 'dug pa lta bu ma yin pa dang /gan rkyal gyi lag pa lus kyis sam bdag gi lus kyi lag pa khas sbub tu mi bya bar bkan te blang ba dang / de la gtogs pa dang / lhung bzed dam gzhong ba la sogs pa man ci steng du 'dug pa la 'og nas lag pas bkan te bzung la snod kyi nang du kha zas blugs pa yang rung /theg nus pa/ 'drim pa'i mi nad pa dang rgan po dang byis pa lta bu kha zas mi thegs pa dang / sbyin mi nus pa ma yin pa dang / rab tu ma rdzogs pa/ dge slong khrims rdzogs pa ma yin par dge slong ma dang dge slob ma dang dge sbyong pho mo dang khyim pa yang yin pas brims pa dang /mi ma yin pas kyang bal glang dang rta dang spre'u la sogs pa zhig gis sbyin par bsams te byin pa'ang rung / yan lag gis sam/ 'drim zhing byin pa'i lus kyi yan lag lag pa'am sna'am sos bzung ste byed pa dang / de la gtogs pas/'drim pa'i lag pa na gzar bu'am snod spyad kyis brims kyang rung ngo / /'dod cing btang la/ 'drim pa'i mi des kyang bdag la byin par sems shing byin pa dang / blangs na byin len no/ /ming gis smos pa 'di rnam ltar byin len byas pa 'di rnams su chud do//bzar rung ngo / / smod pa'i yul na dkyil 'khor la zhog shig ces bstan pa yang ngo / /yul la la zhig na yul chos kyis gcig la gcig btsog par 'dzin cing reg tu mi 'dod de byin len byed du mi btub pa ni 'drim pas maN+Dal gyi steng du spungs te bzhag pa la byin len ltag ma ltar byas par zos kyang nyes med do//lhung bzed dang de'i gzhi yang gcig go/ lhung bzed kyi gzhi rtsi shing gi lo ma'am gzhong ba lta bus bya ste/ de'i 'og nas lag pas bzung na kha zas lhung bzed kyi nang du blugs kyang rung gzhi'i steng du blugs kyang rung byin len rung ngo / / yal ga ni spre'u'i yul de las de nas mi 'grub pa ma yin no/ /spre'us shing tog lta bu byin na drung du 'ong du ni 'jigs kyi shing gi kha nas sbyin pa'i phyir bor ba la bdag gi snod dam lag pa bzed de blangs pa'ang byin len du chud de rung ngo / /'bras bu khri dang khri'u dang thu ba dang lhung bzed kyi gzhis byin len bzed na mi rigs pa ma yin no//'bras bu dang tshod ma rtog cing sel ba lta bu la khri'u dang khri dang thu ba dang lhung bzed kyi gzhi shing gi lo ma'am gzhong pa lta bu'i 'og nas bzung ste byin len du byas pa'ang / byin len du chud de rung ngo / /gnas pas de la brtag pa na mi smra bas na'o//gnas bca' pa'i dge slong gzhon nu rnams kyis kha zas dang tshod ma rtog cing sel ba'i tshe mchil ma'i zer mas mi reg pa dang sems mi 'phyar cing gcig tu bsdu ba'i phyir gtam la sogs pa mi bya bar las bya'o/ /snyoms par rims shig ces 'drim pa la bsgo/ / kha zas 'drim pa'i tshe kun la che chung ma khyer zhing mnyam par thob par bya ba'i phyir gral dpon dang tho ngan gyis 'drim pa la snyoms par brims shig ces bsgo/ /dge slong gis byin blangs te blims na rigs so/ /dge slong gis zan 'drim na yang dge slong 'drim pa de nyid kyis tshal bzhin du byin len byas te brims na dge slong kun gyis byin len bya mi dgos kyi des byin len byas pas chog ste brim du rung ngo //mar dang yungs mar dang sbrang rtsi dang bu ram rdza mar 'drim na rtsa dang 'dab ma la stsogs pas gos bca' ba'i phyir glan / ming gis smos pa 'di rnams lta bu zhig dge slong gis byin len byas te brim na kha zas kyi zer ma dang snod spyad gos la mi reg par bya ba'i phyir bdag gi gos la phyar ba'am lo ma la sogs pas gzan bya ba'am snod kyi zhabs la lo mas gzan bya ste brim mo//'drim na thu bo dang tha chung so sor bya ste'o/ /shing tog la sogs pa zhim pa dang che chung zhig 'dres par 'drim na snyoms par bya ba'i phyir che chung so sor phye la chen pos bzang po las kyang mnyam par brim chung ngu dang ngan pa las kyang mnyam par brim mo//skyur rtsi zhim po so sor byas te brim/ skyur rtsi lta bu la zhim po yod na so sor phye ste zhim po las kyang mnyam par brim/ mi zhim pa las kyang mnyam par brim/de bzhin du kha zas zhim pa 'drim pa'i kun la bya'o/ /'drim pa'i slob dpon dang mkhan pos longs shig /dge 'dun la kha zas 'drim pa'i dge slong de'i zan skal mkhan po'am slob dpon gyis byin len byas te mnod do/ /mi 'thob pa thob pa de ma thag pa'i gnas so/ /sU tra ltag ma ltar mkhan po dang slob dpon med dam gral mthon dman khyer te blang du mi bde na 'drim pa'i gral gar bab pa'i ltag 'og na dge slong su 'dug pas byin len byas te zan mnod do//du ma'i ci tsam stan ma btang bar len nus pa'o/ /bdag gi gral ltag 'og nas dge slong mang zhig zan 'drim du dong ngam ma tshang ste zan skal nod na stan las ldang mi dgos shing ci tsam nus pa'i zan skal mnod do//bdag gis mnod par lag gis mi khyab pa ni ma mnos kyang nyes med do/ /'dril ba gnas ma btang bar rang gis blang nus na byin len mi zhig go/ /kha zas shig brims te /bdag gi lag tu 'ongs te shor ba'am snod kyi steng nas 'dril ba ni/ bdag stan las 'phags mi dgos par lag gis slebs tshun chad du song ste blangs nas zos pa ni byin len mi zhig go/ /stan las 'phags te blangs pa zhig zos na nyes byas so/ /sbrang ma dang grog spur gyis reg na yang ngo //bdag gi kha zas byin len byas zin pa las grog spur gyis reg pa'ang byin len zhig par mi 'gyur ro/ /dge slong gis ma btang bar gzhan gyis kyang ngo / /bdag gi kha zas byin len byas zin nas lag pas bzung zhing 'dug pa la gzhan gyis reg na'ang byin len zhig par mi 'gyur ro//byi bas na zhig par byed/ byin len byas zin pa'i zas la bdag gis kyang ma bzung la/ sems can byi ba tsam yan chad kyis reg na byin len zhig go /de las zos na nyes byas/ byin blangs nas byin blangs pa'ang rigs pa ma yin no//byin len byas zin pa las stan las 'phags sam/ gzhan gyis reg gam/ byin len byas sam ma byas the tshom za ba slar gdod yang / byin len byas te zos pa'ang byin len byed du chud do/ /'ab+h+rid / zas byin len ma byas par shes bzhin du zos pa las ltung bar 'gyur te yan lag gcig ma blangs pa las so//zas byin len ma byas pa las ltung bar 'gyur te yan lag gcig chu dang so shing ma gtogs pa te bza' ba'o/ /chu dang so shing ma gtogs te bza' ba rnam lnga dang / bca' ba rnam lnga la sogs pa kha zas ci yang rung zas las ltung bar 'gyur te/ yan lag gcig khar bza' ba'o/ /lus la byug pa dang snar blugs pa ma yin gyi/ khar bza' ba las ltung ste/ yan lag gcig byang gi sgra mi snyan gyi ma yin no/ / ba'o/ /byang gi sgra mi snyan gyi zas ni bdag gi dang 'dra bas byin lan bya mi dgos te/ byang gi sgra mi snyan gyi zas kyang ma yin pa las ltung ste yan lag gcig /yan lag 'di rnams dang ldan na ltung ba'o/ /nad pa rab tu ma rdzogs pas bsnyod na long shig /nad pa byin len phyed mi phod pa ni khyim pa dang dge sbyong lta bus zan bsnyod de/ zos pa ni nyes par mi 'gyur gyis/ long shing rab tu rdzogs pa med na'o//sU tra ltag ma ltar khyim pa dang dge sbyong gis bsnyod pa nyes med pa ni dge slong med pa na blangs te zos kyang nyes pa med do/ /rab tu ma rdzogs pas kyang bsnyod cig /nad pa la zan bsnyod pa dge slong med na dge sbyong gis kyang stobs shing bsnyod cig nyes med do/ /byin pa ma blangs pa zos pa'i 'o//byin len ma byas par zos pa'i ltung ba rdzogs so// //bzang po'i ltung ba la 'chad de/ 'o ma zho mar gsar pa nya sha sha skam 'di dag ni zas bsod pa'o/ /'o ma dang zho dang mar sar pa dang / nya la sogs pa chu'i nang na gnas pa bzar rung ngo cog dang 'di rnams ni zas so cog gi nang du bsod cing bza' ba'i mchog yin no zhes gsungs so//de las byed do/ /sU tra ltag ma'i nang na smos pa'i kha zas bzang po de rnams las gag kyang rung / bslangs pa las ltung ste/ yan lag gcig gnyen ma yin pa dang / khyim pa sbyin bdag na'o/ /sbyin bdag gnyen ma yin na khyim pa las ltung ste/yan lag gcig bdag gis blangs te zos na'o/ /bdag gis blangs shing zos pa las ltung ste/ yan lag gcig gsol ba dang bcug pa de ni nyes byas pa'o / /kha zas bzang po las bdag gi blangs te zos pa ni ltung / gzhan slong du bcug ste zos na nyes byas/slong ba'i tshe ni gnyis ka'ang nyes byas su 'dra'o/ /min na'o/ /kha zas bzang po na ba'i phyir blangs pa ni ma gtogs kyi min par blangs pa las ltung ste/ yan lag gcig ci bder spyan drangs pa ma byas na/ yon bdag gis khyed ci 'dod pa nga las rtag par long shig ces zer ba'ang rung /zan slong ba khyod ci 'dod zer yang rung ste bzang po'i nang nas ming gis smos te 'di 'dod do zhes byas kyang mi ltung gi ci 'dod pa longs shig gam/ ci 'dod pa zhes mi 'dri bar blangs pa las ltung bar 'gyur te yan lag 'di rnams dang ldan na ltung bar 'gyur ro/ /de'i phyir thob pa'i tshe yang de ste gzhan ngan pa'am bzang po'am mnyam pa'am rab tu bzang po yang blangs na'o//zan slong ba'i tshe kha zas bsod pa'i nang nas bzang po zhig sna gcig cig byin pa las de dang 'dra zhing mnyam pa zhig byin zhes blangs te thob na ltung / ngan pa byin pa las bzang po byin zhes blangs te/byin na yang ltung / bzang po zhig byin pa la 'dis kyang bzang po zhig byin zhes byas te / thob na ltung / kha zas ngan pa zhig blangs pa las/ bzang po byin te/ blangs te zos na ltung / de dag las ngan pa ni phyed do/ /kha zas ngan pa zhig blangs te bzang po zhig thob bam bzang po zhig blangs pa las ngan pa zhig byin te zos na nyes byas/ci bder spyan drangs pa bzhin du slong ba khyer te 'ongs na kha rog cing 'dug la bkyig pa las khyod ci slong zhes 'dri na'o/ /ci 'dod ces zer te 'di 'dod ces byas kyang nyes med pa bzhin du zan khyer te 'ong ba la de mi 'dod ces byas sam/mi 'dod pa'i phyir lhung bzed kha bkab ste bsdad cing bkyig pa las ci 'dod ces zer ba las 'di 'dod ces byas te de bzhin du thob pa'ang nyes med do/ /bsod pa bslangs pa'o / /kha zas bzang po bslangs pa'i ltung ba rdzogs so// //srog chags dang bcas pa'i ltung ba la 'chad de/rang spyod pa'i phyir zhugs sam 'jug na'o/ /bdag gi lus kyi phyir bya ba la sems can yod bzhin du bdag gis spyad dam/ gzhan spyod du bcug pa las ltung ste yan lag gcig /'ab+h+rid / sems can yod par shes bzhin du spyad pa las ltung bar 'gyur te yan lag gcig /srog chags can na'o/ /sems can kyang yod pa las ltung ste yan lag gcig /chu dang mar dang nyungs mar dang sbrang rtsi dang bu ram dang 'o ma dang zho dang mar sar dang tshwa dang rgun gyi tshwa dang zho khu dang rtsab mo dang 'bras bu dang bca' ba la sogs pa dgos pa la'o//ming gis smos pa 'di rnams gag kyang rung bdag gi lus kyi phyir spyod pa las ltung bar 'gyur te yan lag gcig /mthong ba sems can mthong zhing ltar snang ba las ltung ste yan lag gcig /shi na'o/ /srog chags shi ba las ltung ste yan lag 'di rnams dang ldan na ltung bar 'gyur ro//srog chags so so sems can yod bzhin du spyad de shin tu shi ba bzhin du ltung bar 'gyur ro/ /lus la dgos pa ni spyad pa'o/ /bdag gi lus kyi yo byad du dgos te spyad pa la sems can yod na'ang ltung bar 'gyur te lus kyi phyir gang gang dgos pa ni sU tra 'og ma las 'chad pa bzhin no//'di lta ste khrus dang skom dang so shing bca' ba dang rkang lag bkru ba'o/ /lus kyi phyir dgos pa ni khrus kyi yo byad dang skom du btung ba dang so shing dang rkang lag bkru ba'i yo byad la sems can yod bzhin du spyad na yang ltung bar 'gyur ro/ / dgos pa la dgos pa'i yo byad do/ /lus la dgos pa'i yo byad gos dang snod spyad la sogs pa las bkru zhing spyad par dgos pa la sems can yod na ltung bar 'gyur te gang gang yin pa sU tra 'og ma'i nang nas 'chad pa yin no/ /bza' ba dang / zas nyid dang / zas btso ba'i yo byad la sems can yod pa dang /lhung bzed dang / lhung bzed bkru ba'i yo byad chu dang lci ba la sogs pa la sems can yod pa dang / gos dang gos bkru ba dang 'tshod pa'i chu dang tshon la sems can yod pa dang / gnas dang khang pa'i skyang nul 'ji ba dang lci ba la sems can yod pa dang / swo bkru ba dang / bdag gi swo dang swo las gzugs byas pa bkru ba la sems can yod pa dang / me la sogs pa lus kyi yo byad rnams so/ /me bud pa'i yo byad shing la sogs pa la sems can yod bzhin du spyad na'ang ltung bar 'gyur ro/ /de dag dang sa lci ba dang tshon dang rtswa dang shing la sogs pa'o//sU tra ltag ma'i nang nas ming gis smos pa'i yo byad du 'gro ba ni/ 'di rnams la sems can yod par spyad na'ang ltung bar 'gyur ro/ /de dag tu dgos pa ni 'di lta ste bkru ba dang bshal ba dang btso ba dang gdab pa dang phyags pa dang byug pa'o/ /sU tra ltag ma'i yang ltag ma'i nang nas ming gis smos pa'i yo byad du dgos pa 'di rnams la sems can yod cing shin tu yang ltung bar 'gyur ro//bcud dang chan khu dang thug pa dag byed pa'o/ /nad pa'i bcud dang chan khu dang thug pa la sogs byed pa'i rgyu las sems can yod na'ang ltung bar 'gyur ro//chu'i lam bcad dam btang ba'o/ /chu bcad de chu bcad pa'i lam na yod pa'i sems can du yod pa shi ba bzhin du ltung bar 'gyur ro/ /chu gud du btang ba'i 'drogs la sgam la 'dug pa'i sems can du shi ba bzhin du ltung bar 'gyur ro/ /shing dang gzings bcug pa dang drangs pa dang phyung ba'o//chu'i nang du shing dang gzings bcug gam phyung ba sems can yod cing shi bar shes bzhin du byas na'ang ltung bar 'gyur ro/ /rim gcig pa las gzhan du spu yod pa la sogs pas khrus byed na'o/ /rdzing bu dang mtshe'u'i nang na sems can yod bzhin du khrus ras nyis rim dang be'u ras dang lwa ba lta bu spu can gyi khrus ras kyis khrus mi bya/khrus byas te sems can shin du shi ba bzhin du ltung bar 'gyur ro/ /des kyang sems can thams cad lhag pa'i khams kyi chu de dag kyang sbyor ba'o/ /mtshe'u dang rdzing bu lta bu sems can phra mo rab tu mang bar yod na khrus ras gcig rim gyis kyang khrus mi bya/gcig rim gyis khrus byas te sems can shi bar gyur na yang ltung ba/ srog chags dang bcas pa'i dgos pa'o/ /srog chags dang bcas pa'i ltung ba 'dul ba rnam par 'byed pa'i nang nas 'byung ba'i mdo srog chags dang bcas pa'i chu spyod pa'i ltung ba la 'chad do//chongs shig shing spyi sprod kyi tshags chu btsags pa'i tshags shing spyi sprod la byas kyang nyes med/ sbyin pa zag snod kyi steng nam mkha' la gnas pa btsags pa'i chu gtor ba'i snod tshags sbyar ba'i phyir ltang ltang po gsum la lcags kyi gzer bu ba de ltar gsungs so//shing spyi sprod kyi chags ni chu snod 'og tu bzhag la de'i steng nam mkha' la chu tshags dpyongs te chu tshags kha las srad bus btags te srad bu'i thog ma shing ltang ltang po gsum gyi rked pa tsam du yang mig byas la yang mig las gdags shing ltang ltang po gsum spyi sprod du byas te lcags sgyed ltar btsugs la chu btsag go/chu tshags la chu gnas pa'i phyir gding ba bya/ chu tshags kyi zhabs su chu 'chags shing sems can mi 'chi bar bya ba'i phyir nang du mig tshags blugs/ bye ma'am lci bas so//chu tshags kyi nang du blugs pa ni bye ma'am lci ba phur te blugs/ 'dzin pa'i lhung bzed kyis kyang ngo / /sems can mi 'chi bar bya ba'i phyir chu tshags kyi zhabs su chu tshags par bya ba'i phyir chu tshags kyi zhabs snod gcig gi nang du gzhug tu'ang rung ngo / /kham pa'am zangs gag kyang rung bas so//snod ni kham la'am zangs gag kyang rung bas so/ / las byas te tshu tshags kyi zhabs de nang du gzhug go/ /ltang ltang po gsum gyi yul de bcings / chu tshags kyi zhabs gzhug pa'i snod de yang shing spyi sprod gsum gyi rked pa la btags te chu tshags kyi zhabs de'i nang du bcug la 'chang du gzhug /bu gu las bzung / snod 'phyang du gzhug pa de kha la bu gu phug ste bu gu las gdags so/ /snga ma na skud pas so/ /snod de kham pa las byas na bu gu las gdags pa thag bu las bya/ phyi ma nas lcags thag phra mos so//snod de zangs la byas na bu gu las gdags pa lcags thag phre'us bya'o/ /de bcang / kham pa dang zangs las byas pa'i snod de bcangs kyang nyes med de/ chu mi ster na leb leb pos yang yang du'o/ /chu tshags thags bzang ste chu yong du mi btub na shing leb leb pos chum thor ba tsam du mi drag par ngos la brdab/chu tshags la brdeg /gong ma ltar chu tshags zag tu ma btub na tshags kyi kha la'ang brdeg cing bsig /gce tshags na gron chung ngo / /chu btsags pa'i phyir zangs kyi zhabs bu gu seng seng por 'dug pa byas shing bcangs na las chung zhing gron chung ste sla'o //de bcang chu btsags pa'i tshags zangs gce tshags bcangs kyang nyes med/ kham pa'ang zangs las so/ /gce tshags zhes byas pa ni kham pa'am zangs gag las byas kyang rung ngo / /de rdza ma 'dra ba'i zhabs su sdu bu can nang du pad mo 'dra / bu gu can no//gce tshags bya ba ni rdza ma'am zangs 'dra bar byas la zhabs kyi nang du 'bur 'bur po pad mo'i snying po 'dra bar byas la de'i 'og gi nang khong stong spu bu can bya ste de la sbu bu seng seng por byas la gdod/ ras mas de dag go /'bur 'bur por bu gu gdod pa de la ras mas g.yogs te 'bur 'bur po'i drung sra mor thag pus bcings la snod de'i nang du chu blugs la btsags na sems can mi shor/chu tshags zhog shig /ltag tu chu tshags rnams gnyis smos pa ma gtogs par chu tshags gzhan bcangs kyang nyes med de 'og nas 'chad/ tshags sam/chu tshags tha mal pa drug pa dang chos kyi snod pa'am/ kun de dang 'dra ba la khar yang bu gu gdod zhabs su yang cher gdod de zhabs kyi bu gu chen por chu tshags kyis glan pa dang / gtang ba'i leb leb po/ ras leb leb po chu'i nang du bcug ste bkram la slar bsdus te snod kyi nang du btsir na yang sems can mi chags ste 'di gsum gang bcangs kyang rung /brtags pa chu khyer ram 'grub bam snod dang spyi lugs de dag tu'o/ /gud du 'gro ste chu tshags med kyang sla ba ni chu btsags shing brtags zin pa ril ba'am snod du blugs te khyer bas lcogs pa tsam gyi tshod na nyes med/de dag med par yul rgyu bar mi spyad/ chu tshags dang kun de med par yul rgyu bar mi spyad/ 'khon pa dang lhan cig tu ma yin/ bdag la chu tshags med la 'khon yod pa la chu tshags yod na lhan cig tu yul rgyu bar mi spyad de brnyar mi ster ba'i phyir ro//'on te de 'dra ba'i rkyen gcig na bzod nas so/ /'khon yod pa dang mi 'grogs su mi rung ba'i rkyen gcig yod na bzod par gsol te chu tshags la sogs pa brnya bar snga nas dam bcas la 'gro'o/ /bya bar yod na yod pa'o/ /bdag la chu tshags yod pa ni gud na yod pa la mi bya'i lag na spyad du yod pa dang bdag nyid kyi lag na spyad du med kyang brnyas sam/thun mong du spyad du yod na bdag la yod pa dang 'dra ste nyes med/ de bas na gzhan gyis sbyin par khas blangs na de bzhin/ gud du 'gro ste grogs chu tshags yod pa la lam na thun mong du spyad cing brnya bar thams te sbyin par khas blangs na bdag la yod pa dang 'dra ste nyes med/'bral te sbyin par khas blangs na yul rgyur spyad cing mi brten / gud du 'gro ba'i grogs chu tshags yod pa de lam nas so sor bral lam brnyar mi ster na chu tshags med pa yin te song na nyes byas so//mi 'phangs par byed cing rab tu spyod pa ni spyod pa'o/ /gud du 'gro ste pha rol gyi gnas su phyin tshun chad chu spyad mi dgos par 'gro ba'i lam du song ba ni chu tshags med kyang nyes med do/ /rgyang grags lngar ni de bzhin no/ /rgyang grags lnga'i bar du chu spyad mi dgos na yang chu tshags med par song yang nyes med do//bzhag ste gnas su song ba la der de med na rang nyams ma yin pa ma yin no/ /gud du 'gro ste pha rol gyi gnas su chu tshags rnyed pa'i gdeng med par bzhag ste song ba ni nyams rangs dang le lo yin te nyes byas so/ / gnas der chu tshags brnyar rnyed dam yon tan dang ldan pa dag gcig ste chu btsags shing rtog pa zhig ste chu tshags bskur mi dgos pa'i gdeng yod na ma khyer yang nyes med/ gcig cig gi du ma la de bzhin du 'grub ste dge 'dun gyi bar du'o/ /gud du 'dong ste gcig la chu tshags yod de brnyar rnyed cing kun gyis spyad du yod na ni dge 'dun langs shing mi du yod kyang rung gzhan ma khyer yang nyes med/rgyun mgyogs pa ni mi 'phangs par byed pa ma yin no/ /phu chu drag por 'bab pa la srin bu med ces te chu tshags bzhag pa'am med par bya ba ma yin gyi bskur dgos so//brtags pa de dang 'bab rgyun du lhan cig tu 'grogs na rgyang grags kyi bar du 'jug par gyis shig /chu bang ba mgyogs bul bdag dang mnyam na gang du bcus ste chu brtags pa der rtsi shing ngam gcig bor te mtshan ma btsugs la rgyang grags gcig tshun chad du mtshan ma de'i 'khor du bcus pa ni brtags mi dgos te spyad du rung ngo //chu de'i bar du 'dres na de tshun chad do/ /sU tra ltag ma ltar mtshan ma btsugs te rgyang grags gcig tshun chad du brtags mi dgos pa kun nas chu gzhan zhig byung ste 'dres na rgyang grags gcig gi tshad du mi bya'i /gang du 'dres pa de tshun chad brtags mi dgos so/ /'dom gang gi 'khor brtags pa bzhin no/ /khron pa dang mtshe'u la gang nas bcus te brtags pa'i 'dom gang tshun chod brtags mi dgos so/ /mig gis dag na chu'ang dag go/ /mig gis bltas te sems can ma mthong zhing mi snang na sems can gzugs phra mo bltar mi snang ba mi brtsi'i chu de sems can med cing dag pa'i tshad du brtsi'o//tha mal pas so/ /mig dag pa ni 'phrul gyi mig can la mi bya'i tha mal pa sha'i mig can no/ /dag pa'i tshad du brtsi ste dgra bcom pa dang 'phrul can gyi chu yang sha'i mig gis brtags pa'i tshad du brtsi ste spyad do//mi g.yo rdul med par brtags / /chu blta ba ni rdul med cing mi g.yo bar 'dug pa la blta/ rdza ma gang ba yang ngo / /rdza ma gang zhig 'dug pa la ril gyis brtags kyang rung snod chung ngus logs shig tu bcus te brtags la de nas sems can med na kun brtags par chud/'das par bya bar gtogs pa 'dir spyad par mi bya/ chu blta ba'i tshad ni shing rta ba lang drug gis drangs pa gcig 'jug mal gcig na bzhag ste mgo bskor la thog ma bskor ba'i sar slar 'khod pa tsam gyi yun gyi srid du blta/srog chags 'phro ba rtswas bde bar bstan/ chu'i nang na srin bu yod pa rdul dang ngo mi shes pa'i phyir rtswa mchog gis bskul zhing brtag /gzhan la yang rtswa mchog gis bstan/ de dag myos pa'i lam du mi dor/ chu'i nang na sems can yod de slar bskyal ba'i tshe chu drag tu dbo ba la sogs pas sdangs pa dang snad pa dang myos par mi bya bar dal gyis dor/gzhan la yang ma yin/ shig dang 'ji ba la sogs pa sems can ci dor yang sdangs shing snad par mi bya bar dal gyis dor/ de ste me mar byed pa'i der srog chags ltung na de g.yogs /me mar gyi nang du sems can mi 'chi bar bya ba'i phyir gyo mo la sogs pa leb leb po dbus su bu gu phug la de dag pa/ smyig ma'i tshal bu'i dra ba la gos dkar po'am lhang tsher gyis dkri bar de ltar gsungs so/ /me mar dgab pa smyig ma'i tshal ba dra ba 'dra bar bres la ras phran nam shog shog gam lhang tsher gyis g.yogs pa'i khang bu phub kyang rung /mig brgya ba yang ngo / /me mar gyi steng du g.yogs pa kham pa la mig ming du gtsags pa'i khang bu phub kyang rung / thog ma nas byas pa'am rdza ma la sogs pa'i gyo mo bu gu can no//sU tra ltag ma ltar kham pa'i khang bu bya ba ni thog ma nas ched kar byas pa'ang rung phyis bu la 'phral du byas pa'ang rung / skra'i zhags pas sbrul mi bcing / bdag gis gnas na sbrul gdug pa 'dug na rtswa dang rtsid pa'i zhags pas bcings shing mi dor/ se gol gyi sgra byas la bzang po'i bzhin mi snang ba'i lam du 'dug shig ces bya/ sprul gnas sam lam kaM na 'dug na se gol brdab ste bzhin bzang mi snang bar gud du song zhes bya/ mi 'dug na ra rkang gi dbyig pas dal gyis bum pa'am rdza ma'i nang du bcug la bu gu byas te kha bcad la dbyung /sU tra ltag ma ltar byas te ma btub na dbyug pa'i mgo kha brag tu 'dug pas gnya' bar ma snang par mnan la rdza ma'i nang du mi sub par bya ba'i phyir rdza ma'i kha khab la bu gu gtod de sbrul ga la 'dug pa'i gnas su bskyal/ mi 'grub na rgya cang ngam lcag pod dam dra ba'am ma thag pa'i zhabs par das dkris pas mgrin par bcing /de dag gis gzhug par bsgo / /sU tra ltag ma ltar rdza mar gzhug ma nus na ming gis smos pa 'di rnams la ra da 'jam pos dkris te btang sla bar bya ba'i phyir 'grol mig tu mgrin par ma snad par btags la sbrul gyi gnas su bal gyis dkri zhing btang ngo //ming gis smos pa 'di rnams kyi mgrin par bcings la rdza ma'i nang du gzhug cing bskyal du yang rung ngo / /sban spun ni mi dor/ sbrul bskyal ba yang gnas ma yin pa dang sban spun sbrul la gnod pa'i sar mi gzhag /tshang du zhugs kyi bar du bsdad/ sbrul tshang du bskyal nas kyang sems can gzhan zhig gis mi zos par bya ba'i phyir tshang du song gi bar du bsdad/ shig ra da'i nang du gzhug /shig thang la bab col du mi dor bar ra da'i nang du gzhug /de'i gseb tu'o/ /shig bcug pa'i ra da yang bab col du mi dor bar rtsig pa'i gseb tu gzhug srin bu mang ku la sngon po la dor/srin bu mang ku na mi la za ba zhig yod de de yang bab col du mi dor bar rtswa sngon po'i nang du dor ro/ /grang mo la yang ngo / /srin bu mang ku na tsha zhing dro ba'i gnas su mi gzhag gi grang zhing bsil ba dang grib mar gzhag go/btang ba'i bum bu snga ma rnams dbab pa'i phyir bcang / chu btsags pa'i srin bu slar chu'i nang du btang ba'i phyir btang ba'i snod bcangs kyang nyes med do/ /kha nas kyang thag bus gdags su rung / zhabs su yang thag bus gdags su rung bar byas la thur du btang ba'i tshe kha'i thag bu thang par byas la slar dbyung ba'i tshe zhabs kyi thag bu la gzeng ste drang ngo //chu tshags de nyid kyis kyang dbab/ chu tshags kyis kyang slar sems can btang du rung ste zhabs nas kyang thag bus btags kha nas kyang thag bus btags/sa la btang ba'i tshe zhabs kyi thag bus drangs te btang ngo / /tshags bshal bas srog chags chags pa dbog pa'i thabs/ chu tshags la srin bu chags pa bsal zhing med par bya ba'i phyir chu'i nang du mi drag par bshal zhing bkru'o/ /dri ma bkru/ skabs skabs su chu tshags kyi dri ma yang dag par bkru/ rul ba med par bskam/ chu tshags mi rul bar bya ba'i phyir bskam/ de btsir na gnyis ka la yang phan no/ /chu tshags btsir na dri ma dag pa dang bskam pa la phan te gcu zhing ni mi btsir/ kha na ma tho ba'i yid ces pa rnyed par dge 'dun nam gang zag gam chu tshags dang zad pa yin ces pa la zhugs na yang ngo //chu bdag gis ma brtags par spyad kyang nyes med pa ni dge 'dun nam gang zag gam tshul khrims dang ldan te rtag tu chu 'tshag cing rtog pa dang gang zag tshul khrims dang ldan pa rtag tu chu 'tshag cing rtog pa dang gsang chu sa'i 'og nas 'ong ba sngon chad srin bu yod med de ma byung ste sems can med par yid ches pa dang chu tshags bzang po srin bu yod mi 'chor zhing sngon chad kyang srin bu byung ma myong ba dang 'di rnams ni rkyen cig byung nas ma brtags shing mtshan mo 'thungs shing spyad kyang nyes med/nyi ma shar gyi bar du blangs pa'i dang khron pa brtags pa bzhin du zhugs shing / chu bcus nas brtags te snod kyi nang du bzhag pa dang khron pa srin pa yod dam med brtags te bzhag pa ni de ring nyi ma shar nas sang nyi ma shar gyi bar du nyin zhag gcig tu brtag mi dgos te phan chad ni brtags so //rkang pa bkrus pa phos te stong par dgang / bshang gci'i sar rkang pa dang phyi rol bkru ba'i chu tshags byas la srin bu mi 'jug pa'i phyir snga ma pho zhing stong par mi bzhag par phyi ma chu sar pas dgang / zhog shig chu snod dang gzhan yang ngo //chu snod gzhan dang snod spyad la sogs pa yang kha zas dri mas 'bags pa la sogs pa bkru bshal bya ste bzhag /chu snod ni chus dgang zhing bzhag rub ma pa la der gtogs pa dge 'dun gyi na de la gtogs/ bshang sar bzhag pa'i chu snod dang snod spyad la sogs pa dge 'dun gyi rab ma pa su byed pa'i las su gtogs te rub ma pas bsrungs shing zhal ta bya/sbyin pa dang sdud pa'ang der mi gtogs pa ma yin no/ /dge 'dun gyi snod spyad las pa brnyan por btang ba dang mi dgos shing lhag pa sdud cing sbed pa dang byan po la snod spyad dpog pa yang rub ma pa'i las su bya'o//khyim pa brnyan sbyin/ dge 'dun gyi snod spyad la khyim pa brnya na sbyin/ de yod na spyad pa las so/ /khyim pa snod spyad brnyar sbyin pa ni rnying pa las sbyin/ rnying pa med na sar pa las kyang sbyin/ 'dir sbyin bdag gtsug lag khang du sbyin pa'am smras pa ma yin no//khyim pas gtsug lag khang du mchod ston byed cing de'i rjes la khyim pa'i gnyen bshes kyang cig car gtsug lag khang du bsdus te mgron byed pa'i phyir snod spyad brnya na sbyin/ dge slong la sar pa thal byung sbyin/ dge slong rnying dang gsar du zhugs pa la snod spyad dang kha phyir med pa zhig yod na phyogs bcu'i dge 'dun gyi dkor yang rung snod spyad las ci mi bdog pa thal byung sbyin no//snod kyi phyir gnas bsko rub ma pa'i snod spyad dang / dkor la sogs pa 'brub pa'i mdzod khang bsngos shing sbyin/ zangs dang kham pa'i snod so sor gzhug /mdzod du rub ma pas sba brtul bya ba ni zangs dang kham pa'i snod spyad sde sde so sor bzhag /chu zhog shig /dge 'dun gyi spyir btung ba dang spyad pa la sogs pa'i chu bzhag /bab chol du mi bzhag /chu dang chu snod la sogs pa bab chol du mi bzhag khang pa de'i phyir bya/chu bab chol du mi gzhag pa'i phyir chu bzhag pa'i gnas kyi khang pa bya'o/ /gtsug lag khang gi lho nub kyi ngos kyi nang du'o/ /chu bzhag pa'i khang pa bya ba ni gtsug lag khang gi nang lho nub kyi mtshams kyi gra nas khang pa mig gcig bsngo/ skar khung gdod pha gu gding chu khung gdong sgo bya sgo leb dang yang mig gzhug /chu bzhag pa'i khang pa de thog ma brtsigs pa'i tshe nas skar khung gdod/ 'og tu so phag gding chu khung gdod sgo'i re bzhi bya sgo leb gzhug sgo leb la yang mig dang lag gzung bca'/ tshags bzhag pa'i phyir gdang yang ngo //chu bzhag pa'i khang pa'i nang du tshags bskams zhing bzhag pa'i gdang bya/ shing khri gzhag /khang bu'i nang du chu snod kyi gzhi shing khri gzhag phag bu'i stegs bu yang ngo / /chu bzhag pa'i gzhi phag bu la stegs bur byas kyang rung ngo / /shong shong por ro//stegs bu la chu snod 'chags par bya ba'i phyir so sor shong bur bya/ spyad pa'i chu snod yan chad dag par bya/ chus snod dang spyad pa'i snod spyad la sogs pa kha zas dang dri mas 'bags pa dag par bkru zhing byi bdar bya/ gtsang sbrar ro/ /spyad pa'i snod spyad kun dri ma dang kha zas dang mi gtsang ba la sogs pas ma 'bags par gtsang sbra bya/btung ba'i chu yang ngo / /btung ba'i chu yang rdul dang dri ma dang / kha zas kyis ma 'bags par gtsang sbra bya/ ma brtags pa'i gos dang lag pas mi brim/ gos dang lag pa kha zas dang dri mas 'bags shing ma brtags pas kha zas dang chu mi brim/dus dus su chu snod yang bkru/ chu snod dang kun de la sogs pa dus dus su nang bkru/ zab na rtswa u shi ra'am cu tshe'i sog ma'am shing shun nam ra das shing bu'am shing shun nam ra das shing bu la bcings te'o/ /kun de lta bu kha chung zhing mgrin pa ring ba bkru ba dang rdza ma chen po'i lag gis phyis mi sleb pa la ming gis smos pa 'di rnams shing gis tor to la bcings te bsngogs shing bkru'o//de de dag tu kha zas kyis reg pa mi bsrung bar mi bya/ chu snod dang chu snod bkru ba'i rdzas de rnams la thog ma nas kha zas kyis ma reg par bsrung /bskam pa yang ngo / /snod spyad dang chu snod dus dus su bkru zhing bskam mo/ /der mi 'phongs pa'i phyir lhan cig tu ma yin no/ /snod spyad skem pa'i tshe brel bar mi 'gyur ba'i phyir kha cig spyad du yod par byas la kha cig bskam mo/ /chu yir gtogs pa ni gnas byed pa la gtogs so//chu'i las su bya dgos pa 'di rnams gnas brtan dang mkhan pos mi bya'i slob ma dang gnas 'cha' ba'i dge slong gzhon nus bya'o/ /srog chags dang bcas pa'i phra mo la sogs par chud pa'o/ /srog chags dang bcas pa'i chu spyod pa'i ltung ba 'dul ba phra mo'i nang nas 'byung ba'i mdo// //smyen gnas kyi ltung ba la 'chad de/ 'ab+h+rid/ shes bzhin pa las ltung ste yan lag gcig /mngon sum du/ khyo dang chung ma lhan cig 'khod pa'i gan du song ba las ltung ste yan lag gcig /rtsom 'dod pa'o/ / khyo shug gnyis nyal po byed par chas shing rtsom pa las ltung ste yan lag gcig /'dus pa'o/ /khyo shug gnyis nyal po byed pa'i phyir 'dus te lhan cig 'khod pa las ltung ste yan lag gcig /pho dang mo'o/ /lhan cig tu 'dus te 'khod pa pho gnyis 'dus te/ 'khod pa la ni mi ltung gi pho gcig mo gcig 'khod pa las ltung ste yan lag gcig /khyim pa la'o/ /pho dang mo lhan cig 'khod pa de dge slong dang mur 'dug gi rab tu byung ba ma yin gyi khyim pa las ltung ste yan lag gcig /gzhan gyi gnas na/ dge slong gi gnas dang gtsug lag khang la mi bya'i khyim pa'i gnas na mi tshangs par spyad pa bltas pa las ltung ste yan lag gcig /rung zhing / rtsig pa'am sab mos chod dam khang pa'i nang ngam sa sros te dben zhing spyad du rung ba dang / gzhan med de sbyor ba na'o/ /khyo shug gnyis su 'khod cing mi gzhan med pa dang gzhan kyang yod kun mi tshangs spyod pa dang 'di rnams la yan lag gcig /mngon par brtag par 'dug na'o/ /mi mi tshangs par spyod pa'i gan du khong gis kyang mthong bdag gis kyang mthong bar mngon par song zhing brtag pa ltung bar 'gyur te yan lag gcig yan lag 'di rnams dang ldan na smyen gnas kyi ltung ba'o// smyen gnas su 'dug pa'o/ /smyen gnas su 'dug pa'i ltung ba rdzogs so// //gab pa'i ltung ba la 'chad de/ dben par rtog cing 'dug pa/ khyo zhig mi tshangs par spyod pa la 'jab cing 'grengs te nyan pa na ltung ste yan lag gcig /g.yogs pa dang bcas pa/ rtsig pa'am sab mos bskor ba'am khang pa'am sa sros pa'i nang na mi tshangs par spyod pa las drung nas ma mthong bar blta zhing nyan pa las ltung ste yan lag gcig /'jig pa'i dbang yang ma yin/gcan gzan nam chom po la sogs pa'i rkyen byung ste mi tshangs par spyod pa'i gan du song ba ma gtogs kyi ched kar ltar song ba las ltung ste yan lag gcig /ltag ma smyen gnas kyi yan lag kun kyang 'dir gtogs te yan lag 'di kun dang ldan na gab pa'i ltung ba'o//mthong ba ma mthong na nyes byas pa'o/ /nyal po byed pa la 'jab cing lta ba mig gis kyang ma mthong sgra yang ma thos par nyan pa ni nyes byas su 'gyur ro/ /gnas gzhan nas rtog na'o/ /rgyang ring po zhig nas bzhags te lta zhing nyan na'ang nyes byas su 'gyur te 'og nas 'chad/lta ba'i spyod yul ni gnas kyi mtha'o/ /mi tshangs par spyod pa dang bar du rtsig pas chod dam rtsig pas ma chod kyang bar rgyang ring po na mi tshangs par spyod pa mig gis mthong ba dang sgra thos pa tsam na nyan cing blta na nyes byas/ mdzod kyang nang du chud do//mdzod kyi nang na mi tshangs par spyod pa la nyal khang ngam bkad sa nas nyan cing bltas na yang ltung ba'o/ /grong bar ni tha dad pa'o/ /khyim khyer gcig gi nang na mi mang po zhig mi tshangs par spyod pa nor dang lta ba bye ba zhig na mi tshangs par du spyod pa bzhin du ltung ba re rer 'gyur ro//smyen gnas su 'dug pa'o/ /gab pa'i ltung ba rdzogs so// //gcer bu'i ltung ba la 'chad de/ bud med dam skyes pa las so/ /mur 'dug gcer bu pho yang rung mo yang rung zan byin pa las ltung bar 'gyur te yan lag gcig /ma gtogs pa na gnyen dang rab tu 'byung bar 'dod pa dang nad pa'o//bdag gi gnyen mur 'dug gcer bur 'dug pa dang mur 'dug gcer bu las kho'i chas bor te rab tu 'byung bar 'ongs pa dang mur 'dug gcer bu nad pa dang 'di rnams la zas byin pa ni mi ltung gi 'di rnams ma yin pa las ltung ste yan lag gcig /'di'i tshul du ma yin pa rab tu 'byung ba gos med pa las so/ /sangs rgyas kyi chos la rab tu 'byung ba ma yin pa mur 'dug pa'i chos la rab tu 'byung ba'i gcer bu gos med pa la byin pa las ltung ste yan lag gcig /lus sam lus kyir gtogs pa'o//bdag gi lus kyi yan lag pas byin kyang rung lus la gtogs pa gzar bu'am snod spyad kyis byin kyang rung ba las ltung ste yan lag gcig /bza' ba dang bca' ba las so/ /bza' ba dang bca' ba byin pa las ltung bar 'gyur te yan lag gcig /brtag pa las so/ /dge slong gi kha zas su brtag pa sgog pa'am chang la sogs pa ma yin pa byin pa las ltung ste yan lag gcig /bdag dang de la yang ngo / /dge slong yang bzar rung ba las ltung ste mur 'dug kyang bzar rung ba las ltung ste yan lag gcig /gcig bzar rung gcig bzar mi rung ba byin pa yang ltung / gnyis ka bzar mi rung ba byin pa ni nyes byas so/ /sdig par bltas pa bzlog pa'i phyir byin pa ma gtogs/ der rig gis chos las bzlog ste sangs rgyas kyi chos la dbyung bar bya ba'i phyir zan byin pa ni nyes med do//bdag gis byin na'o/ /bdag nyid kyi lag nas byin pa las ltung ste yan lag gcig /ma brtags pa ni nyes byas pa'o/ /mur 'dug dang dge slong gnyis ka bzar mi rung ba ma brtags pa'i zas shig byin pa ni nyes byas/ sbyin du bcug na yang ngo / / gzhan zhig la bskur te mur 'dug la sbyin du bcug pa'ang nyes byas/ bgos na yang ngo / /bdag cag zan za ba'i drung na mur 'dug zan 'dod pa'i phyir 'khod de khrel bltas kyi phyir bdag gi zan la bcad de byin na'ang nyes byas/ gos med pa la sbyin pa'o/ /gcer bu la zas byin pa'i ltung ba rdzogs so// //g.yul gyi ltung ba la 'chad de/ dmag 'dod cing / dmag 'dod pa las ltung bar 'gyur te yan lag gcig /g.yul blta ba'i phyir ro/ dmag 'dod pa'i phyir g.yul bltar 'dod de ltar song ba las ltung ste yan lag gcig /ma gtogs pa ni rgyal po dang rgyal mo dang gzhon nu dang blon po dang zhang blon dang stobs kyi mchog dang grong 'dab dang skye dgus smras pa dang bar chad byung ba'i dbang gis na'o/ /ltung bar mi 'gyur ba ming gis smos pa 'di rnams kyis mi 'gror mi rung ste sang ba ni nyes med de 'di rnams kyi rkyen med par ltar song ba las ltung bar 'gyur te yan lag gcig /zhugs pa las so/ /g.yul ltar 'gro ba'i phyir ched du song ba las ltung ste yan lag gcig /mtshams kyi mtha' 'angs to mthong na'o/ /bltar 'gro ba'i phyir bdag gi gnas las kyang 'phags g.yul yang mthong ba las ltung ste yan lag gcig /yan lag 'di rnams dang ldan na g.yul lta ba'i ltung bar 'gyur/ g.yul lta ba'o/ /g.yul lta ba'i ltung ba rdzogs so// //zhag gnyis kyi ltung ba la 'chad de/de dag med par der nyin mtshan gnyis rangs pas lhag par gnas pa'o/ /rkyen gong nas smos pa rnams lta bu zhig gis bkug ste g.yul gyi khrod du 'ongs nas rkyen de rnams kyis ma btang ba ni ma gtogs te rkyen de rnams ma gtogs shing med par g.yul lta ba'i phyir zhag gnyis las ring du 'dug ste zhag gsum gyi skya rengs byung na ltung ba'o//de phyin chad zhag re ltung ba re rer 'gyur ro/ /mtshan ma med na snga ma yang ngo / /ltag ma g.yul lta ba'i ltung ba yang rkyen ming gis smos pa rnams kyis ma bkug par zhag lon na ltung bar 'gyur ro//g.yul du gnas pa'o/ /zhag gnyis kyi ltung ba rdzogs so// //shom pa la 'chad de/ dmigs yan lag la byed do/ /rta dang mi dang bal glang dang shing rta'i dmag rnam bzhi las ltung bar 'gyur te yan lag gcig /bar chad kyi dbang ma yin pas song ba'o//bdag la 'jigs pa'i rkyen ma byung ba dang ltag nas rgyal po la sogs pas bos pa'i rkyen med par song ba las ltung bar 'gyur te yan lag gcig /'dus pa'am bral ba yang ngo / /dmag rnams bzhi kun 'dus pa'ang rung bzhi las gag kyang rung sna gcig gis rgol bar shom pa la bltas na'ang ltung bar 'gyur ro//bshams pa las so/ /dmag rgol bar go cha dang rgyan dang mtshon cha la sogs pa thogs te bshams pa'i nang du zhugs pa las ltung bar 'gyur te yan lag gcig /rtsa bas na rtsa ba'o/ / dmag rgol bar bshams zin nas 'thab mo 'gyed pa la bltas na ltung / sbyor ba ni nyes byas pa'o/ /dmag lta bar 'gro bar sems shing sbyor ba ni nyes byas so/ /ma bshams pa dang gnyis ka yang nyes byas pa'o/ /dmag rgol du 'dong bar dmag mi gzhi nas chas te 'dong ba la bltas na'ang nyes byas/gzhi nas ni 'phags zin gyi khrom gyi gzhir tshogs byed cing phog pa la bltas na'ang nyes byas reg bshams lta ba'i phyir zhugs mtshams kyi mtha' 'das mthong na rtsa ba'o/ /dmag rgol zhing 'thab pa las ma bltas su zin kyang dmag mi rgal bar bshams shing chas te 'dod pa la phyugs la ku re byed cing klan ka btsal ba'i phyir reg pas kyang ltung /g.yul sprad de 'thab pa la bdag gi gnas nas mthong bar bltas pas kyang ltung ngo / /ma zhugs par na 'bri ba'o/ /dmag mi 'thab tu 'dong ste go cha dang mtshon cha la sogs pa thogs shing ma bshams pa zhig ma bltas na nyes byas/bal glang dang rta dang bya gag dang 'ur pa dang thi ba dang bud med skyes pa 'thab pa la sogs pa mi bya ba byed du mi gzhug mi blta/ ming gis smos pa 'di rnams bdag gis 'thab tu bcug ste bltas kyang rung gzhan la 'thab tu bcug ste bltas kyang rung ste nyes byas//'di rnams ma gtogs par gzhan 'thab pa la bltas na'ang nyes byas/ dmag gi yan lag myong ba'o/ /dmag shom pa la bltas pa'i ltung ba rdzogs so// //'tshog pa'i ltung ba la 'chad de/sems 'khrugs pas so/ /sems 'khrugs shing khros nas brdegs pa las ltung ste yan lag gcig /lus dang lus nyid kyis brdegs kyang ltung / de las btang ba dang / lus kyis rdo dbyig la sogs pa 'phangs te btang na'ang ltung / gtogs pa lus la lag cha thogs pas brdegs kyang ltung /gang su la yang chung ngu na rkang pa'i mthe bos sam / lus nyid kyis brdegs pa ni rkang pa'i mthe po'am/ mdzub mo'i bem tol tsam yan chad kyis brdeg pa yang ltung ngo / /yungs kar ram/ lus kyis 'phangs te btsog pa ni yungs kyi 'brum bu tsam yan chad kyis brdeg pa yang ltung ngo //'jag ma dag gis brdegs pa'o/ /lus la gtogs pa'i lag chas brdegs pa ni rtswa'am phyags mas brdegs pa tsam gyis kyang ltung ngo / /'di rnams gang gis brdegs kyang rung ltung bar 'gyur te yan lag gcig /dge slong na'o/ /dge slong brdegs pa las ltung bar 'gyur te yan lag gcig /pha rol la'o/ /dge slong pha rol po brdegs pa par 'gyur te yan lag gcig /'og ma gsum yang ngo / /gza' dang nyes smos dang bde ba'i ltung ba gsum yang pha rol dge slong yin pa las ltung bar 'gyur ro//reg na'o/ /brdegs pa pha rol la phog cing reg pa las ltung bar 'gyur te yan lag gcig ste yan lag 'di rnams dang ldan na ltung ba'o/ /bsnun pa so sor ro/ /brdegs pa ni sor mo dang 'brum bu dang rtsa nyag ma re re la ltung ba re rer 'gyur ro//khu tshur gyis brdegs pa ni ltung ba gcig /ma phog na nyes byas/ brdeg pa'i phyir bsnun cing 'phangs pa las ma phog pa ni nyes byas te 'bru re nyes byas re re/ gzhan du bsnun na gzhan du ma bsnun kyang ngo / / bdag 'dod chags langs te pho mtshan brdungs sam bcad pa ni nyes byas/ dge slong cig 'dod chags langs te pho mtshan brdungs pa las 'dod chags kyi sems brdungs shig pho mtshan brdungs kyang mi phan no zhes spyos nas phyin chad brdungs na nyes byas zhes bcas/ ka ba la bsnun par mi sbyin/ ka ba la thal mos bsnun na sor mo re re nyes byas re rer 'gyur/ drug sdes ka ba la thal mo brdabs te ka ba 'gul ba las bcas/ rtsig pa dang sa dang shing dang gzhan la yang ma yin no/ /ka ba la thal mos bsnun na nyes byas su 'gyur ba bzhin du rdo shing ci la bsnun kyang nyes byas su 'gyur te khro sems dang yongs pa dang rtsed mo'i phyir bsnun pa ni nyes byas dgos shing don gyi phyir brdabs pa ni nyes med/bsnun pa'o/ /'tshog pa'i ltung ba rdzogs so// //gzas pa'i ltung ba la 'chad / bsnun pa gzas pa/bsnun pa ltar bsdigs pa'i phyir btsog par gzas pa ni ltung ba ste yan lag dang bshad pa thams cad ltag ma 'chog pa'i ltung ba dang 'dra'o/ /rdzas so sor ro/ /gzas na sor mo dang 'bru dang rtsa nyag ma re re ltung ba re rer 'gyur ro/ /gzas pa'o/ / gzas pa'i ltung ba rdzogs so// // nyes smos la 'chad de/ phas pham pa dang dge 'dun gyi lhag ma'o/ /phas pham pa dang dge 'dun gyi lhag ma bcabs pa las ltung bar 'gyur te yan lag gcig /ma gtogs pa ni mi bde ba dang dge sbyong dang tshangs par spyod pa'i bar chad dang dge 'dun 'khrugs par dogs pa'i dbang du gtogs pa'o//ltung bar mi 'gyur ba ni phas pham pa dang / dge 'dun gyi lhag ma byung ba mthol na bdag la mi bde zhing gnod par 'gyur ba dang / dge sbyong dang dge slong grogs la dge ba spyod pa'i bar chad du 'gyur zhing mi bde ba dang dge 'dun 'khrugs par 'gyur du dogs par 'di rnams kyi rkyen lta bu zhig gi phyir ma mthol cing bcabs pa ni nyes med de rkyen 'di rnams med pa las ltung ste yan lag gcig /sbas pa'o/ /nyes pa de shes bzhin du bcabs pa las ltung bar 'gyur te yan lag gcig /zhag gi mthar na'o/ /zhag gcig gi skya rengs byung ba las ltung bar gyur te yan lag gcig /yan lag 'di rnams dang ldan na ltung bar 'gyur te / sngar ni nyes byas pa'o/ /bcabs par bsams na skya rengs ma byung gi bar du nyes byas/ nyes pa gzhan yang ngo //ltung ba dang nyes byas la sogs pa gzhan la yod cing byung ba shes te bcabs na nyes byas/ kha na ma tho ba sbed pa'o/ /dge slong gi nyes pa bcabs pa'i ltung ba rdzogs so// //ltung ba'i bcu ste gcig 'das so/ /bde ba'i ltung ba la 'chad de/ nad kyi gsos kyi phyir ni ma gtogs te/dge slong na ba la phan pa'i phyir zan bcad pa dang / sman bya ba'i phyir zan ma byin pa ni nyes med do/ /bsams nas khyim pa'i sbyin bdag gi zas gcod par byed pa'o/ /dge slong la ched kar zan gcad par bsams nas khyim pa'i gnas su dge slong la zan ma byin zhing bcad na ltung ba'o//nan da dang u pa nan das slob ma dar ma la zas bcad pa las bcas/ zas gcod par byed pa'o/ /zan gcod pa'i ltung ba rdzogs so// //me'i ltung ba la 'chad de/ seng ge la mi reg / seng ge la reg par mi bya/ seng ge la reg na khros te reg tu mi bzod cing / gnod par byed pa de bzhin du me la reg tu mi rung ba'i dper smos so/ /ston pa dang chos dang dge 'dun dang tshangs pa mtshungs par spyod pa me la reg kyang nyes par mi 'gyur ba ni sangs rgyas dang chos dang dge 'dun dang dge slong grogs kyi phyir mchod cing bsro bar bsams te reg pa dang bus pa ni nyes med do //chos kyi bya ba'i phyir bya bar brtags te lhung bzed btso ba'i las la dus bsngo/ chos kyi phyir bdag gi lus kyi yo byad du chos gos dang lhung bzed la sogs pa btso bar sa ma yam bsngos te me la reg pa ni nyes med do//ring du bsngo/ /lhung bzed dang chos gos btso ba'i bsams pas sa ma yam gyi dus bsngo ba ni thog ma reg pa na zin gyi bar du gzung ngo snyam du bsam/ rtsed mo me la rtse ba'i phyir bzung na'ang ltung bar 'gyur te 'og nas 'chad/mgal ba bskor ba dang zla ba dang nyi ma ltar mgal ba'i 'khor lo la sogs pa byed do / /ming gis smos pa 'di rnams kyi gzugs 'dra bar mgal ba la rtses shing bskor na ltung bar 'gyur/ 'di rnams kyi gzugs ma yin yang me la gzhan ji ltar rtses kyang ltung ba'o//mes so/ /me la reg pa las ltung bar 'gyur te yan lag gcig /sa ma yam ma bsngos na'o/ /me la bzung ba'i tshe/ sa ma yam ma bsngos pa las ltung bar 'gyur te yan lag gcig /rtse ba dang don med pa'i phyir gzung ba ni sa ma yam bsngos kyang mi chud do//mi na ba'i dbang gis ma 'dug par reg pa'o/ /bdag mi na par me la reg pa las ltung bar 'gyur te yan lag gcig bdag gis ma bskos na'o/ /bdag gis bzung ngam gzhan 'dzin du bcug pa las ltung bar 'gyur te yan lag gcig /yan lag 'di rnams dang ldan par byas na ltung bar 'gyur ro//spar ba dang me cher bud pa'i phyir reg pa dang / gzhil ba dang me chung bar bya ba'i phyir reg pa dang / shing la reg pa dang / mgal ba la reg pa dang / ma reg par bus kyang rung / mgal ba ma yin pa'i shing mes ma reg par mer bcug pa dang /'jug pa dang shing mer 'jug pa dang / 'byin par bsko ba/ mgal ba phyir 'byin pa dang / mdag ma spyur ba dang 'bru ba'o/ /mdag ma spyur zhing spungs pa dang / mdag ma 'bru ba dang / 'di rnams gag kyang rung byas na ltung bar 'gyur/me ma mur ni phyed do/ /thal ba me ma mur can la reg pa ni nyes byas so/ /'bar ba yang ngo / /me lce la reg pa yang nyes byas/ der shing gis bcug ste phyung na me gzhan du chud do/ /me lce dang me mar mur can la shing bcug ste mer mched pa la reg na ni ltung ba'o zhes TI ka las bshad/mkhan po kha cig na re nyes byas zhes bshad/ skra dang spu dang rus pa dang sen mo dang mchil ma dang snabs dang skyugs pa dang tshad pa dang bal sran dang rgya sran dang shing mar dang / yungs mar dang sbrang rtsi dang mar rnams ni shing phyed bzhin no/ / mang gis smos pa 'di rnams mer bsregs pa ni nyes byas so/ /gzhan la byed cing gzhan bsngos pa bsngos pa phyed do/ /sangs rgyas grogs kyi phyir bsngos te bus pa las gzhan gyi phyir spyad dam grogs lta bu'i phyir bud pa la sa ma yam gyi 'du shes gzhan gyi phyir bsngos pa ni nyes byas/me'i khrims so/ /me la reg pa'i ltung ba rdzogs so// //dad pa'i ltung ba la 'chad de/ dge slong gi phyir las 'das pa dad pa byin te slar len pa'i phyir ngag gis so/ /dge slong gi dge 'dun gyi las ci byed kyang rung sngar dad pa phul la phyis dad pa mi 'bul lo zhes smras shing bzlog pa ni ltung ba'o//dad pa slar lan pa'o/ /dad pa'i ltung ba rdzogs so// //rab tu ma rdzogs pa'i ltung ba la 'chad de/ nyi ma dang zla ba ma yin pa'i snang ba can gyi gnas kyi phyogs su mi nyal/ nyi ma dang zla ba'i 'od la nyal ba ni nyes med de me dang me mar dang rin po che dang sman gyi 'od la nyal na nyes byas/ma gtogs pa ni nad pa dang nad pa'i g.yog gi dbang gis na'o/ /ltung bar mi 'gyur ba ni dge slong nad pa me mar gyis btsa' dgos pa de dang de'i nad g.yog mi mar gyis btsa' dgos pa de dang / 'od la nyal ba ni nyes med do/ /'dir 'ga' 'ga' ltung ba'o zhes so/ /me mar gyi 'od la nyal ba 'dul ba 'dzin pa kha cig na re ltung ba'o zhes kyang 'chad de ltung ba dgu bcu rtsa gcig tu mi 'byung bas ltung ba ma yin gyi nyes byas so/ /nyal ba ma yin na ni phyed do/ /me mar gyi 'od dang dge sbyong dang lhan cig khyim gcig gi nang na tsog pur thum phras su nyal ba ni ltung ba dang nyes byas kyi phyed du 'gyur ro//so sor nyin mo la yang ngo / /nyin par me mar gyi 'od la nyal ba dang mtshan mo 'dra ste nyes byas so/ /mang du g.yogs pa'i bskor ba ba'i khyim gyi mtha'o//khyim gcig tu nyal na ltung ba'i khyim ni thog kyang gsum gnyis por rtsig pa'ang sum gnyis bskor ba'i nang du dge sbyong dang nyal na ltung bar 'gyur/ der chud pa bzhin pa ni gtogs pa'i sgo'i ngos kyi mtshams kyang khyim du gyur pa na'o/ /khang pa gcig gi nang na nyal ba dang 'dra bar khang bu gcig phug na 'dug la sgo na khang pa'am khyams thog phor ba zhig yod na khang bu phug ma'i pha rol tshu rol gyi rtsig pa kha drang du bcad na phug pa tsam gyis khyon tshad kyi nang tsam du byas pa'i phyi rol gyi khang par dge sbyong nyal na phug mar dge slong nyal yang ltung bar 'gyur/rib ma ltag ma yang sgo de'i nang du chud do/ /khang bu yang thog can du 'dug na sgo 'og khang gi nang du byung la gcig tu dge sbyong nyal la gcig tu dge slong nyal ba ni ltung bar 'gyur/ rim pa mang po gcig gi nang du gcig sgo phyung ba ni mi brtsi'o//mtshams dang bcas pa'i gnas tsam phan chad gnas na der so sor 'gyur ro/ /ra mo ches bskor ba'i nang na nyal na 'dom gang phan chad du dge sbyong bsnyal pa ni nyes byas khang mo che zhig nas bdag nyal ba nas bdag gi gnas khang gcig tsam gyi sas bar du bcad de de phan chad dge sbyong bsnyal ba ni nyes med/phyed pa ni shing gi rtsa ba dang rtsig pa'i ser ga dang ldum rtsa rnams so/ /dge sbyong dang lhan cig tu shing gi lo ma 'dab chags su 'dres shing steng khebs par 'dug pa'i 'og tu nyal lam khang pa'i rtsig pa glo rdol du seng song por 'dug ste phan tshun mi rgyur rung ba dang gad pa'i ser ga seng song por 'dug pa'i nang du nyal lam rgun 'bru'i shing lta bu steng 'dzings pa dang ldum phong phung gi khrod du nyal ba ni nyes byas/sdug po dang bcas par bud med dang lhan cig nyal na'o/ /nags sam rtswa'am ldam ldum khrod du bud med dang nye bar nyal na nyes byas su 'gyur te ci tsam tshun chad pa ni 'og nas 'chad/de'i lam ni bya gag 'phur nas bab pa nang du 'gyur ro/ /mdo ltag ma ltar nyes byas su 'gyur ba'i tshad ni bya gag 'phur te bab pa'i lam tshun chad gcig tu nyal na nyes byas khang mo zhig du nyal na'ang bya gag 'phur ba'i lam tshun chad ltung ba'o//thams cad kyi bar du rgyur yod pa khyim gzhan med par g.yogs na gcig go/ khang pa phyi rgya gcig la nang mig so sor 'dug ste dbus kyi khyams dog pa zhig na sgo med dam sgo ma bcad par khang bu nang du dge sbyong nyal la dbus su dge slong nyal na ltung ba'o//so so ni bdag gi skal bar gtogs pa'i sgo bcing pas bcings na mtshams kyang ngo / /khang pa'i phyi rgyag cig la nang tha dad par 'dug na gcig tu dge slong nyal te sgo dam du bcad na gzhan du dge sbyong nyal kyang mi ltung /de bzhin du dge slong gis ltung ba la bsrung na'o/ /bud med kyang dge slong gcig gis res kyis bsrungs la gcig nyal kyang ltung bar mi 'gyur ro/ /bdag pos bsrungs pa'i bud med na yang ngo / /bud med khyim thab dang bcas par 'dug pa ni khyim gcig na nyal kyang zhag gcig gis ltung bar mi 'gyur te zhag gnyis las 'das na ni rab tu ma rdzogs pa dang nyal ba ni ltung bar brtsi/rim bla mar na skas phyung na'o/ /bdag yang thog tu nyal na bud med dam dge sbyong 'og khang du bsnyal la skas steng du drangs te nyal kyang nyes med do//'bri ba ni khyim ma yin gzhan du gyur na'o/ /khang pa thog phyed bor ba dang phyed bskor ba dang khang bu'i sgo'i phyi rol thog med pa la 'dom gang tshun chad thang ngam dbye la 'dom gang tshun chad du dge sbyong nyal na nyes byas/rab tu ma rdzogs pa dang lhan cig tu grong na nub gsum du nyal ba'o/ /rab tu ma rdzogs pa dang khyim gcig la nub gnyis las 'das par nub gsum du nyal na ltung ba'o/ /'thas na'o/ /nub gsum gyi mtha' skya rengs byung na ltung bar 'gyur ro/ / phan chad ni nyes byas pa'o/ /zhag gnyis nas gsum gyi skya rengs ma byung gi bar du dge sbyong dang nyal na nyes byas/ nyes med pa ni lam ni ngal te myos pa'o/ /lam ring po nas 'ongs te chad pa ni zhag gsum gyi skya rengs ma byung tshun chad ldang bar bsams te langs pa ni nyes med de/de lta bu'i mthar yang ngo / /sU tra ltag ma ltar chad pa'i dge slong skya rengs ma byung tshun chad ldang bar byas pa las thal byung gnyid log ste skya rengs byung yang nyes med do / /ma brtags pa'i dge slong gis bya ba de sgrub pa dang nad g.yog lhan cig tu yang ngo / /dge slong nad pa la sogs pa rtog cing byin len bya ba'i phyir dge sbyong bzhag ste gzhan du bsnyal na gnas med dam nad pa la mi bde na drung du bsnyal na yang nad pa la yang ltung bar mi 'gyur nad g.yog dge slong la yang ltung bar mi 'gyur ro//dge sbyong dang yang ngo / /gzhan yang dge sbyong dang lhan cig nyal na yang ltung bar mi 'gyur ba yod de 'og nas 'chad do//de yod pas so/ /dge slong slob pa'am nye gnas dge sbyong yod pa ni dge sbyong de dang lhan cig nyal yang ltung bar mi 'gyur te 'og nas 'chad do / /gnas de na sdig pa'i dge slong 'dug na'o//bdag cag gi gnas na dge sbyong kha 'dren cing 'phrog pa dang dge sbyong gi rkub tu mi tshangs par spyod pa'i dge slong sdig pa spyod pa yod na bdag gi slob ma dge sbyong dang nub gnyis las lhag par nyal kyang nyes med/ bskrad par nan tan byas sam byed pa'o/ / bdag cag gi 'khor na sdig pa byas pa'i dge sbyong yod na bdag cag gis kyang bskrad/ bdag gi ma nus na rgyal po'am zhang blon la byas te 'ang bskrad tshul phyi ma'i dus na thog ma'i zla ba gnyis kyi tshe na'o/ /sdig pa byed pa'i dge slong skrod ma nus na tshul phyi mar zhugs kyang zla ba gnyis lon nas tshul dral te bdag gi dge sbyong sngon du bcug la bkri'o//de las lhag par mi gnas/ tshul phyi mar zhugs nas zla ba gnyis lon na de las ring du mi bsdad par mdo ltag ma ltar 'gro/ ma song na ltung bar 'gyur ro/ /snga ma'i tshul ni mi dgos/ sdig pa'i dge slong yod na tshul snga mar mi bsrung mi 'jug par bdag gi dge sbyong khrid la 'gro/phan chad pa'ang mi bsrung / tshul snga mar zhugs kyang sdig pa'i dge slong yod na zla ba gnyis kyi bar du bsrungs shing bsdad mi dgos kyi tshul phyi ma yod pas snga ma dral te dge sbyong khrid la song shig /de lta na mi gnas pa'i dge slong mi gzhag /bdag cag gi 'khor na sdig pa'i dge slong yod na gzhan gyi dge sbyong nye gnas su'ang mi gzhag /dge sbyong gsar du rab tu 'byung ba zhig yod na'ang rab tu mi dbyung ngo / /gnyid ltung ste myos na lam du dge sbyong mthun du byas te 'gro'o//dge sbyong khrid de song ba las dge sbyong chud cing gnyid kyis myos na dge sbyong phyi bzhin 'brang du mi gzhug gi sngon du bcug la bkri'o/ /de ste bkres na de'i tshe tshul dus pas sngar zas sbyin/ dge sbyong bkres shing 'gro mi phod na gdugs tshod la ma bab par zan sbyin no //bkres te mi bzod cing zas slong na phyi dro byin kyang nyes med do/ /de ste yang dus la yang ngo / /mdo ltag ma ltar sngar zan byin kyang gdugs tshod kyi tshe'ang zas sbyin no/ /rab tu ma rdzogs pa dang lhan cig nyal ba'o/ / rab tu ma rdzogs pa dang lhan cig nyal ba'i ltung ba rdzogs so// //chos la 'chad de/ 'di ltar bdag gis bcom ldan 'das kyis chos bshad pa shes te ci ltar gang bar du gcod pa'i chos/ bcom ldan 'das kyis gsungs pa de bsnyen kyang bar du gcod par mi 'gyur ro zhes pa la sogs pa dge slong zhig 'di skad ces smras te 'di ltar bdag gis bcom ldan 'das kyis chos bshad pa ni shes te ci ltar bcom ldan 'das kyis bar du gcod pa'i chos gsungs pa ni de spyad kyang bar du gcod par mi 'gyur ro zhes zer ba'i dge slong de la dge slong dag gis 'di skad ces bsgo shig /tshe dang ldan pa khyod 'di skad ma zer cig /bcom ldan 'das kyis chos bshad pa ni shes te/ de ci ltar bcom ldan 'das kyis bar du gcod pa'i chos su gsungs pa de spyad kyang bar du gcod par mi 'gyur ro zhes so//bcom ldan 'das la skur ba ma 'debs shig /bcom ldan 'das la skur pas dge bar mi 'gyur ro/ /bcom ldan 'das ni de skad mi gsung ste du ma'i gzhung las kyang bar du gcod pa'i chos kyi ni bar gcod do zhes gsungs te de spyad pas bar du gcod par 'gyur gyis 'di lta bu'i sdig pa la lta ba thong shig ces bsgo ste ma mnyan na ltung bar 'gyur ro//lan gsum bsgo ba'i thabs dang bshad pa ni dge 'dun gyi lhag ma bcu gsum la 'jug gi bzhi bshad pa dang 'dra'o/ /tshig tsam nas mi gtong ba'o//mdo ltag ma ltar bar du gcod par mi 'gyur ro zhes zer ba las de skad ma zer bar thong shig ces lan gsum du bsgo bar gsol ba dang zhu ba'i las byas te ma btang na ltung bar 'gyur/ 'di smad pa'i phyir de la zhu ba bya/ mdo ltag ma ltar lan gsum du bsgo ste ma nyan pa'i dge slong de chos la 'gal zhes nyes pa mi gtong ba'i phyir dge 'dun smad pa'i las byas te bskrad do//lta bar zhugs pa mi gtong ba'o/ /bcom ldan 'das kyis gsungs pa'i chos la bar du gcod par mi 'gyur ro zhes zer ba'i ltung ba rdzogs so// //smra ba'i ltung ba la 'chad de/ 'ab+h+rid / ltag tu bshad pa ltar dge slong bskrad pa shes bzhin du 'grogs pa las ltung bar 'gyur/ de skad zer spangs pa slar ma byas pa'i dge slong las so/ /sangs rgyas kyis bar du gcod pa'i chos gsungs pa las bar du gcod par mi 'gyur ro zhes zer ba la lan gsum bsgo ste/ma mnyan cing slar ma bshags pa'i dge slong dang bcar zhing 'grogs pa las ltung bar 'gyur ro/ /bstan pa byin pa yang ngo / /dge slong bskrad pa klog pa dang kha don 'bul ba la bstan cing bslabs na'ang ltung bar 'gyur ro//kun 'dril ba dang / chos dang las byed pa la sogs pa bskrad pa'i dge slong 'dri zhing 'ong ba la bstan na'ang ltung ba'o/ /gnas bca' ba dang / bskrad pa'i dge slong de bdag la gnas 'char bcug na'ang ltung ba'o/ /bstan pa dang 'chad pa yang ngo //chos dang bsam gtan la sogs pa bstan cing bshad na'ang ltung ba'o/ /lta ba 'chags pa bskrad pa'i dge slong de la khyod nyes pa med de dge 'dun gyis bskrad pa mi rigs na zhes smras na'ang ltung / zang zing spyod pa'o/ /bskrad pa'i dge slong de bcar zhing zas dang gos la sogs pa byin pa'ang ltung bar 'gyur/g.yog bdag gir byas pa/ bskrad pa'i dge slong de bdag gi g.yog tu las dag byed du bcug na'ang ltung ba'o/ /khyim du lhan cig nyal ba/ bskrad pa'i dge slong de dang khyim gcig gi nang na lhan cig nyal na'ang ltung ba'o//'thas so/ /khyim gcig gi nang na nyal te skya rengs 'byung na'ang ltung ngo / /nub mo'o/ /skya rengs 'byung ba'i ni zhag gcig lon pa'i nub mo 'das pa'i skya rengs 'byung na ltung ba'o/ /gzhan yang 'du ba'o/ /bskrad pa'i dge slong de dang lhan cig 'grogs kyang rung gtam byas kyang rung ste ci spyad kyang ltung bar 'gyur ro//ma gtogs pa ni nad pa dang lta ba dbye ba bya ba'i phyir ro/ /ltung bar mi 'gyur ba ni bskrad pa'i dge slong nad kyis btab ste gso ba dang bar du gcod par mi 'gyur ro zhes zer zhing log pa bltas pa dang bral zhing 'chags su gzhug pa'i phyir bsnyen cing bcar ba ni nyes med do//spangs pa dang 'jug pa'o/ /dge slong bar du gcod par mi 'gyur ro zhes zer ba'i phyir bskrad pa dang 'grogs pa'i ltung ba rdzogs so// //dge sbyong gi ltung ba la 'chad de/tshig de brtsams nas mi gtong ba'i dge sbyong ma rung par bya/ dge sbyong zhig 'di skad zer te bcom ldan 'das kyis 'dod pa ni bar du gcod do zhes gsungs pa bar du gcod par mi 'gyur ro zhes zer ba la bar du gcod par 'gyur gyis de skad ma zer cig ces dge 'dun gyis bsgo ste ma mnyan cing ma btang na dge sbyong de bskrad do//u pa nan da'i slob ma dge sbyong dang dge sbyong gzhan du rtse zhing sdig pa spyad pa dgra bcom pa dang bskur pa las bcas/ sngar zhu ba bzhi'i las kyis khyod ces nas phyis ma rung bar khyod do zhes rim gyis zhu ba byed de thong shig 'di lta bu'i gzugs sdig pa la lta bar gyur pa las dang po glag pa bya ste gnyis so zhes so sor de'i mthar dge slong gis bsgo/mdo ltag ma ltar dge sbyong bskrad pa ni dge 'dun gsol ba dang zhu ba'i las byed pa mthong bar mi dgug gi pho nyar dge slong cig btang ste bar du gcod par mi 'gyur ro zhes smra ba de thong shig ma btang na khyod dge 'dun gyis skrod par byed de gsol ba dang zhu ba'i las lan gcig byas zin to zhes bsgo/de bzhin du ma btang na bskrad pa'i las gsol ba dang zhu ba'i las gnyis byas zin gyis thong shig ces bsgo/lan gnyis bsgo ste'ang ma gtang na lan gsum gyi bar du bsgo ste ma btang na dge sbyong de bskrad do/ /log na lhag pa mi bya/ mdo ltag ma ltar lan cig lan gnyis lan gsum tshun chad du bsgo ste btang na bsgo ba phyi ma yang bya mi dgos bskrad pa yang mi bya'o//ma rung ba'i phyir dge sbyong la'o/ /ltag tu bshad pa ltar lan gsum du bsgo ste ma btang nas bskrad pa'i dge sbyong de dang bcar zhing 'grogs pa las ltung bar 'gyur ro/ /ltung bar 'gyur ba ni ltag tu dge slong bskrad pa dang 'grogs na ltung bar 'gyur bar bshad pa'i tshig kun 'di'i yan lag tu gtogs te de dang 'dra'o//ma rung bar bya ba'i bsdus pa'o/ /dge sbyong bskrad pa dang 'grogs pa'i ltung ba rdzogs so// //kha dog bsgyur ba'i ltung ba la 'chad de/ sngon po dang / rams kyis btsos pa dang / btsag dang sa dmar gyis btsos pa yang rung 'dam la btsos pa yang rung / shun pas shing dang ldum gyi rtsa ba dang shing shun dang me tog dang lo mas btsos pa/ bdag gis gos ma btsos pa las so/ /'di rnams kyis kha dog bsgyur cing btsos pa ni gyon cing 'chang du dbang gis kha dog ma bsgyur ba gyon cing 'chang na ltung ba'o//mthar ni lhung bzed kyi kha g.yogs pa dang gtur bu dang rkang pa'i gos dang lus bcing pa dang bgo ba la sogs pa kun spyod pa'o/ /gos gsar du byas shing sar pa zhig gsar du rnyed kyang rung rnying ba zhig nyos sam byin te gsar du rnyed kyang rung chung ngu na lhung bzed kyi kha bcad pa dang ska rags yan chad ming gis smos pa 'di rnams gang yang rung ste 'chang ngam gyon na ltung ba'o//sde gzhan gyis las na'ang brtag mi dgos/ dge slong pha dang dge slong ma dang dge slob ma dge sbyong pho mo dang lnga gang gis btsos kyang rung kha dog bsgyur zin pa mi gdod btso mi dgos te gcig la gcig brtags pa'o//khyim pas phrogs na yang ma yin/ dge slong gis gos kha dog bsgyur zin pa las rkun pos khyer ram khyim pa zhig gis khyer ba las slar 'ongs te kha dog ma yal na btso mi dgos te brtags pa'o//tshon chen po can bgo bar mi bya/ gos tshon chen pos btsos pa ni gang gyon kyang rung ste nyes byas re rer 'gyur ro/ /tshon chen po ni mtshal dang li kru dang btsod dang rgya skyegs dang gur gum dang le brgan rtsi dang thing shing dang rma shing dang brgyad do//khyim pa'i yang ma yin khyim pa'i gos 'dra ba gyon pa ni ci lta bu gyon kyang nyes byas/ spyad pa'i ni gtsug lag khang gi nang na ngur smrig gis g.yogs na'o/ /khyim pa'i gos gyon kyang nyes med pa ni mi gzhan gyis ma mthong bar gtsug lag khang du ni ka shas mi snang bar g.yogs te gyon pa ni nyes med/lam du brnyas te bgo ba ni spyi'i 'o/ /lam du zhugs pa las dge slong la la zhig gis gos brnyan po rnyed na gcig po go tsher mi bgo bar kun gyis spyir spyad do//grogs ni dge slong dang dge sbyong gcig na rgan po nas gag tu grub pa'i steng du sbyin/ kun gyis spyir brnyas pa'i gos spyad pa ni dge slong rgan rims nas ci thob thob tu g.yogs shing bskon te dge sbyong yan chad kun thob na legs kun mi thob na mjug ma nas du ma thob pa na kha rje che chung du zad de nyes med do//ma chad na gyon te 'chag tu mi 'gro/ steng gos spyir brnyar byin pa las bdag gcig pu gyon te 'chag tu mi 'gro / steng du bcags pa ni spyan drangs nas bsod nams 'dod pas sar pa kha tshar ma bcad pa mi rtag pa yid la bzung pas bcom ste'o//yon bdag dad pas bsod nams 'dod pa'i phyir stan dang yo byad la sogs pa nor rdzas bzang po dang kha tshar ma bcad pa la sogs pas brgyan cing bting ste spyan drangs nas nor rdzas de rnams la mi rtag cing 'jig pa yin te mi rtag pa'i rdzas de la spyad pas bsod nams rtag par 'gyur bar yid la bsams te spyad pa ni nyes med do//gos ma btsos pa'i sbyor ba'o/ /gos kha dog ma bsgyur ba gyon pa'i ltung ba rdzogs so// //rin po che'i ltung ba la 'chad de/ reg pa dang reg tu bcug na bdag gi ma yin pa'i rin po che yang byed do//bdag gi ma yin pa nor bu rin po che rnams dang gser dngul las byed du byas pa la sogs pa la bdag gis bzung ngam gzhan 'dzin du bcug na'ang ltung ngo / /der gtogs pa yang ngo / /rin po cher gtogs pa bzung na ltung bar 'gyur te rin po cher gtogs pa gang gang yin pa ni 'og nas 'chad pa'i sU tra rnams yin no//de dag ni mtshon cha ste g.yul du spyod pa dang rol mo'i yo byad kyis spyad kyang ngo / /rin po cher gtogs pa ni mtshon cha g.yul du 'thab mo byed pa'i spyad dang rol mo'i lag cha la sogs pa la bya ste gang la reg kyang rung ltung bar 'gyur/dgos pa'i phyir dgos par grub na rtsa ba'o/ /sU tra ltag ma'i nang nas 'byung ba'i mtshon cha dang rol mo'i cha spyad ni ma chad cing ma bral te so so las su spyad du rung ba la bzung na ltung ba'o//ma grub na nyes byas pa/ mtshon cha dang rol mo'i cha spyad chag gam grugs te spyad du mi rung pa la reg na nyes byas/ ma gtogs pa ni bdag gi bya bar ma zhugs pa nor chud mi gzan pa'i sems kyis gtsug lag khang dang de'i mtshams su gtogs pa na'o//rin po che dang rin po che la gtogs pa bzung yang nyes pa med pa ni gtsug lag khang gi phyir tshun chad kyi nang ngam ra ba'i phyi rol gtsug lag khang gi mtshams su gtogs pa tshun chad gcig na gzhan gyi nor 'khyam pa zhig 'dug na nor bdag su'i yin na slar sbyin pa'i phyir mi stor bar bya bar bsams te bdag gis blangs sam gzhan len du bcug kyang nyes med/de la mi g.yel bar ro/ /mdo ltag ma ltar rdzas blangs pa de nor bdag slar sbyin pa'i phyir ma stor bar nan tan tu bsrung / zhag bdun nam brgyad du de'i mtshams su'o//slar sbyin pa'i phyir blangs pa'i nor de nor bdag len du ma 'ongs sam khungs ma phyin na bdag nyid kyi lag tu zhag bdun nam brgyad du chongs shig /'gro na nyal nyil lam lo ma bsdus pas g.yogs / rnyed pa'i gzhi de nyid du sbar rung ba zhig gam blangs pa las bdag gung du 'gro na sa'am sbur ma la sogs pas g.yogs te gzhan gyis mi rnyed par sbas la 'gro/rtags la ma phab na nga'i zhes zer yang mi sbyin/ nor rnyed pa de la nor bdag nga yin zhes zer zhing len pa zhig 'ongs na nor mi bstan par spu rtags dris te mthun na sbyin spu rtags dang mi mthun na mi sbyin/ma 'ongs te 'das na dge 'dun gyi mdzod du gzhug /nor rnyed pa de zhag brgyad kyi bar du bsdad de nor bdag ma 'ongs shing khungs ma phyin na bdag gi lag na mi bcang bar dge 'dun gyi mdzod du gzhug go/zla ba drug gi mtha'i bar du bcad/ sU tra ltag ma ltar dge 'dun gyi mdzod du bzhag pa las nor bdag ma 'ongs na zla ba drug gi bar du mdzod du bzhag ste bcang / 'das te ma 'ongs na sangs rgyas sam dge 'dun gyis gang du rnyed pa der sbyar/zla ba drug gi bar du dge 'dun gyi mdzod du bzhag kyang nor bdag ma 'ongs na sangs rgyas kyi mchod rten dang nye ba zhig na 'dug pa las rnyed na ni sangs rgyas kyi dkor du bya'o/ /dge 'dun dang nye ba zhig nas rnyed de blangs na dge 'dun gyi dkor du bya'o//mi mkho na btsong la mkho zhing brtan par ro/ /dge 'dun nam sangs rgyas la phul ba'i nor de spyad du mi mkho na phyis nor bdag len du 'ongs na gtan stor bar mi bya ba'i phyir zangs lta bu brtan par 'dug pa'i rdzas su btsong / de ste bdag po 'ongs na gnang ba bslang mi 'dod na sbyin//sU tra ltag ma ltar btsongs pa las nor bdag 'ongs nas khyod kyi bsod nams su rung ba'i phyir dkon mchog la phul te spu bsgyur ba 'di yin gyis dad pa bskyed cig ces dad pa bskyed du mi btub tu 'dod ces zer na slar sbyin/ de ste skyed slong na 'di nyid kyang mang bar mi sems sam ji srid du bdag cag gis bsrungs zhes smros shig /sU tra ltag ma ltar nor spu bsgyur ba slar byin pa las nor gyi skyed dang spyad pa'i gla la sogs pa 'dod ces zer na 'di srid du ngas bsrungs te nor dngos ma stor bar byin pa 'di nyid che zhing mang bar mi sems sam zhes shags gdab/nor bu la sogs pa bdar phug na mkho ba'o/ /nor bu byi bdar byas shing phug pa la reg pa ni ltung ba ma bdar ma phug pa la reg pa ni nyes byas mgul 'khor dang gdu bu dang dpung rgyan dang phreng ba dang phreng phyed pa dang gzhug par na'o//gser dngul dang nor bu'i mgul 'khor dang gdu bu dang dpung rgyan dang phreng ba dang do shal la sogs pa spyad cing gzhug tu rung ba la bzung ba ni ltung ba / chag cing chad te spyad du mi rung ba la bzung ba ni nyes byas/ rol mo byin na dang be nu dang bal la ri dang ma ha ti dang mu g+ho Sha rnams rgyud dang bcas pa dag go /rol mo spyad pa ming gis smos pa 'di rnams ni byi bang sha dgas te rgyud dang bcas pa la bzung na ltung ba'o/ /rgyud dang so sor bral ba ni nyes byas/ zer ba gling bu dang / dung dang bud dung dang /rnga dang rnga bo che ste gzings dang / bi d+h+ri dang rnga be ri dang / pa Ta ha dang rnga chung ngu lag pa gnyis kyis brdab pa dang / mu ra ba rnams so/ /rdzam dang las byas pa'i rnga dang 'di rnams la reg na'ang ltung ngo / /gzhu rgyud dang bcas na'o/ /gzhu rgyud dang bcas pa la reg na'ang ltung bar 'gyur ro//de bzhin du ral gri dang zor ral dang so gcig pa dang mdung dang lag mdung dang e ta dag go /ming gis smos pa 'di rnams spyad du rung ba la reg na'ang ltung / spyad du mi rung na nyes byas/ mda' dang lcags mda' dang stag mda' mde'u dang bcas pa'o//mda'i ming gis smos pa 'di rnams spyad du rung zhing mde'u dang bcas pa la reg na'ang ltung ba'o/ /ring bsrel dang bcas pa'i sku gzugs la yang ngo / /sha ri ram nang na yod pa'i sku gzugs la reg na'ang ltung ba/ nyes med pa ni der ston pa'i 'du shes gzhan no //sha ri ram yod pa'i gzugs khyim pa'am dge sbyong med na ston pa yin par bsams shing mchod par gzung ba ni nyes med do/ /nor bu dang zan dang sog ma'i phreng ba dang chu sbrang dang ma til gyi sbal skad dang bal gzhu dang mde'u gzhu ni phyed do/ /ming gis smos pa 'di rnams la reg cing byas na'ang nyes byas so//gser gyi thu lum mo mkho ba'o/ /gser dang dngul gyi gar bu dang sbram dang gser phye dang dgog la sogs pa byad du ma byas pa la reg pa ni nyes byas/ sngangs na gzung ngam bdag gi la mi gnod na dge 'dun gyi'am mchod rten gyi gser dngul sbos te song shig 'jigs pa'i rkyen cig byung ste dkon mchog gsum gyi dkor gser dngul lam rin po che la sogs pa bkram pa'am ma brubs pa la bdag gis brub cing gzhug nus pa tsam gyis chod na brubs te sdus la song shig reg kyang nyes med do//dad pa'am dge sbyong gis so/ /ltag ma ltar brub pa dge sbyong dang khyim pa yod na bdag gis ma reg par khyim pa dang dge sbyong byed du gzhug /med na bdag gis so/ /dkon mchog gi dkor brub pa khyim pa dang dge sbyong dang khyim pa med na bdag gi brubs pa nyes med do//de brkos te'o/ /ltag tu bshad pa ltar dkon mchog gi dkor brub pa'i gnas med pa dge slong dang khyim pa'ang med na bdag gis sa brkos te spyad kyang nyes med/ med na sbyin/ ltag ma ltar sbas pa las 'jigs pa'i rkyen rkun po med na phyung la so so'i rkyen du gzhag /dbyung ba'ang de bzhin nor sbas pa slar dbyung ba'i tshe dge sbyong dang khyim pa med na bdag gis phyung zhing reg kyang nyes med/ nyes med pa ni mi ma yin pa'i gnas na bsod nams las skyes pa de ste de dag tu rin po che'i sa'am stegs la sogs pa yang ngo //lha bran lta bu kho bdag gi bsod nams kyis khang khyim dang sa gzhi yan chad rin po che dang gser dngul du 'dug pa zhig gis dge slong spyan drangs te spyad cing reg pa ni nyes med do/ /bza' ba'i snod gzhan med na yang ngo //sU tra ltag ma ltar reg kyang nyes med pa ni bza' ba'i snod spyad dang / rdzas gzhan med na reg kyang nyes med/ mal stan du 'dug pa yang ngo / /ltag tu bshad pa ltar spyan drangs pa la zhag du gnas na'ang khri stan rin po che la 'dug cing nyal ba'ang nyes med do//song shig theg pas so/ /lam ring por 'gro na rta dang shing rta dang bal glang dang khyogs la bzhon du'ang rung ngo / /chos kyi don gyi dbang gis te/ chos kyi don gyi phyir gzhan gyis bkug gam bdag chos slob pa'i phyir 'gro ba ni bzhon du dbang ngo //rgyan can la ma yin/ rta dang shing rta la sogs pa gser dngul dang rin po ches brgyan pa la mi bzhon/ rgan po dang nad pa ma yin pa gzhan ma yin/ chos kyi phyir bzhon du dbang ba yang nad pa dang rgan po 'gro mi phod pa bzhon du dbang ngo / /'dug cing chos nyan pa'i phyir rin po che'i seng ge'i khri la mi rtag pa yid la bya ste bcom na'o//chos bshad pa dang kha ston byed pa'i phyir rin po che la sogs pa'i khri'i steng du 'dug na'ang mi rtag cing 'jig par 'gyur ro snyam bsams te 'dug na'ang nyes med do/ /'jug na khyim pa'i'o zhes bcas pa dag las brtag /khyim pa'i khri stan rin po che zhig la gzhag na'ang khyim pa'i rdzas de mi rtag cing 'jig pa yin te spyad pas bsod nams rtag par 'gyur ro bar bsams te 'dug na'ang nyes med/ gser gyis spras dril bus bskor ba'i gos la yang ngo //khyim pa'i khri stan la gser gyis spras pa'i dril bus brgyan pa zhig na'ang ltag ma ltar bsams te spyad do/ /der nor bus spras gser dngul gyis brgyan/ khyim pa'i khri stan gser dngul gyi gyim phag dang nor bus brgyan pa zhig la spyod na'ang ltag ma ltar bsams te spyad do//de dag kyang gzhug /khyim pa'i khri stan rgyan can la spyod spyod de char pa bab ste drung na khyim pa med na bskyal zhing sba ba'i phyir reg kyang nyes med do/ /ma brtags pa ma yin pa ni ston par 'du shes bzhag ste khyim pa dang dge sbyong med na sangs rgyas kyi sku gzugs la chos kyi don gyi phyir reg /dge sbyong dang khyim pa med pa sangs rgyas kyi sku gzugs gser dngul dang rin po che zhig las byas pa sba brtul dang byi bdar byed na ston pa yin pas mchod pa'i don gyi phyir reg go zhes bsams te reg kyang nyes med do//de'i rdzas kyang ngo / /sangs rgyas dang chos kyi rgyan dang dkor la sogs pa la ltag ma ltar bsams te bzung zhing spyad kyang nyes med/ rna cha bgo zhing mi spyad/ dge slong gis lus rgyan rna cha la sogs pa mi gdags/ /rgya chongs shig / rgya bcangs kyang nyes med do/ /mi bgo ba'o/ /rin po che las byas pa'i rgya dang rin po che lus kyi rgyan du byas pa la rgya bris pa mi bcang ngo / /zha nye zangs ra gan khar ba rgya skyegs shing rdo kham ba so rwa las so/ /rgya'i rgyu ni ming gis smos pa 'di rnams la bya'o/ /'di rnams la lus kyi rgyan du byas pa las rgya 'drir kyang mi gnang ngo // mtshan ma ni dge 'dun gyi na dbus su 'khor lo ngos su ri dwags gnyis 'og tu gtsug lag khang gi bdag po'i ming ngo / /dge 'dun gyi spyi'i rgya ni thabs 'di ltar bri'o/ /gang zag gi na keng rus sam mgo thod do//dge slong gang zag gi rgya ni ming rus mi bri bar mi'i keng rus dag bri'o/ /so mangs kyis skra mi bshad dge slong gis mgo so mangs kyis skra mi bshad/ dper na 'di bzhin no/ /so mangs kyis mi bshad pa bzhin du rtsa dang thur ma dang phag ze la sogs pa cis kyang mi bshad /me long la bzhin mi blta/ dge slong me long la bltar mi gnang ngo / /chu yang ngo / /chu'i nang du gdong gi gzugs 'byung ba'i phyir chu la'ang bzhin mi blta/ ltung ba med pa ni chu brtag pa'i phyir dang gnyer ma dang skra skya ba blta ba'o//chu dang me long la bltas kyang nyes med pa ni chu brtag pa'i phyir chu'i nang du bzhin gyi gzugs brnyan mthong ba dang gnyer ma dang rgas pa'i tshad blta ba'i phyir bltas pa ni nyes med/ sngon dang mtha' ma'i mtshan ma bzung ba la'o/ / rgan po dang gnyer ma me long la blta ba nyes med pa ni mi rtag par tshor zhing dge ba la 'grus par 'gyur ba'i phyir nyes med do/ /sor ris gsum mi bya/ sa dkar ram tsan dan gyis lus la mur 'dug bzhin du mdzub ris mi bya/ ro tsa nas mi byug /bsung zhim po glang gi lto nas 'ong pas lus la mi byug /bsung gi ma yin/ dri bsung ngo cog gis lus la mi byug /bsod nams kyi phyir na bsung gi phye mas rkang pa la spyad bsung zhim po zhig yon bdag gis byin te lus la mi bskur mi rung zhes zer na mig la yang phan pa'i phyir rkang pa la bsku/de'i mdun du mi dbyid/ bsung gis rkang pa la bskus pa yon bdag gud du ma song gi bar mi dbyid/ des byugs nas dge 'dun 'dus pa ma yin/ dri bsung gis bskus te dge 'dun 'dus pa'i khrod du mi 'gro/ khyim pa rnams la chos mi bshad/dri bsung gis bskus te khyim pa la chos mi bshad/ rigs su mi 'gro/ dri bsung gis bskus te grong la sogs par mi 'gro/ mthar ni khrus bya/ na ba'i phyir dri gsung gis lus la byugs pa dang / rkang pa la byugs pa na yon bdag song ngam mi dogs na khrus byas /de blang gzhan gyis dri bsung byin te blangs kyang nyes med me tog dang phreng ba yang ngo / /me tog gi phreng ba la sogs pa zhig byin na blangs kyang nyes med/ mchod rten la bsko/ me tog dang dri bsung blangs pa de mchod rten la 'bul lo/ /nyan thos pa'i yang ngo //me tog dang dri bsung blangs pa de nyan thos kyi mchod rten la phul kyang nyes med do/ /sbyin bdag mi dga' na sngas sam phongs su'o/ /me tog blangs pa myur du mchod rten la phul ba sbyin bdag mig snga na 'dug ste dga' na skad cig sngas sam phongs logs su gzhag /sgo mngon par mi bya/ me tog bzhag pa de gzhan gyis mi mthong bar bya ba'i phyir sgo'i thad kar snang bar mi bzhag /rtsig pa me tog gi phreng ba sgo'i ya rol lam ma rol gyi rtsig pa la gdags phreng ba spyad pa ni khab kyis sam tsher mas btsugs te'o/ / me tog rtsig pa la gdags pa ni khab bam tsher ma rtsig pa la btsugs te gdags so/ /mig la phan pa ni bsung rab ste dus dus su bsnams / me tog la sogs pa dri bsung mig la phan pa'i phyir snar bsnams kyang nyes med/ tshangs pa'i skud pa thogs shing mi spyad/ mur 'dug dang bram ze la sogs pa'i chos su skud pas se ral khar mi gdags/ skud pa'i ma yin/ sangs rgyas kyi chos kyi sngags kyi skud pa'i thag bu mgul pa dang lag par mi gdags/ phrag pa g.yon pa'i drung du cho ga'i phyir spyad pa yang ngo / /sangs rgyas kyi chos kyi skud pa'i thag gu gdags na'ang mi snang bar bya ba'i phyir phrag pa g.yon pa'i drung du gdags/gar bab bab tu mi dor/ sU tra ltag ma ltar thag gu bcings pa mi dgos na gtsang sbra dang btsun par bya ba'i phyir bab col du mi dor/ lhag ma dang bcas pa gos kyi grwa'am ska rags kyi thog mar bcing /phrag pa sngags kyi thag bus btags pa las nad thag gi ste ma byang gi bar du ni phrag pa las bkrol la gos kyi grwa'am ska rags kyi thog ma la gdags/ de ste ma yin na ka ba'am rtsig pa'i ser kar gzhug /phrag pa la btags pa'i thag bu nad sos te mi dgos na ka ba'am rtsig pa'i gseb tu gzhug /bro dang glu dang rnga mi spyad/ dge slong gis bro dang glu dang rnga'i sgra la sogs pa mi bya/ drug sdes rol mo mkhan gyi chas su zhugs te rol mo byas pa las bcas/ mi bslab/ rol mo dang rdza rnga la sogs pa bdag gis gzhan la mi bslab/ mi bsnyen/ gzhan la'ang rol mo'i cho ga slob tu mi gzhug /bltar mi 'gro/ rol mo byed pa la bltar mi 'gro/ dge slong mas kun 'jol mi bya/ dge slong mas bro mi brdung / bya ba ni ston pa'i yon tan brjod pa dang sum rgyud sbyin pa dang dbyangs bro/ dbyangs byas kyang nyes med pa ni bstod pa dang sum rgyud kyi tshigs su bcad pa klag pa la sogs pa la byas kyang nyes med/ de dag bslab/ stot+t+ra dang sum rgyud dang dbyangs dag bslabs kyang nyes med/dben pa'i phyogs su'o/ /dbyangs bslab pa gzhan gyis ma thos par dben par bslab bo/ /ngom zum dang rtsed mo dang ca co dang drog drog po dang ltar ltar po dang lus kyis bsnyegs pa/ ming gis smos pa 'di rnams ltar rgyags pa'i yan lag mi bya/ drog drog ma'i bsam pas lus dang ngag gis mi bya/ 'dod chags dang rtsed mo'i sems kyis lus dang ngag gi sgo nas rtsed mo la sogs pa ji'ang mi bya/ chas bgo zhing dbye/ rkang pa bkrus nas rdul gyis mi gos par bya ba'i phyir lag 'gros byas pa lta bu khrims kyang bsrungs la rtsed mo yang byas pa lta bu la sogs pa mi bya/snod du brim zhing btung ba mi bya/ snod gcig gi nang du hub res mi bya/ de bzhin du zan za ba'i tshe gcig la gcig kha zas dang snod spyad bdar zhing mi bshugs/ me tog gi rgyan mi bcing me tog sna tshogs spel zhing brgyu ba la sogs pa rgyan du bya ba'i bzo lag dar te mi bya/mi bgo /me tog gi rgyan la sogs pa lus la mi bgo /rol mo pa'i bya dga' mi sbyin/ rol mo mkhan rol mo byed byed pa'i phyir bya dga' mi sbyin/ tha mal pa'i tshe mi brgyug /rkyen ma byung bar tha mal par 'gro ba'i tshe drag tu mi brgyug /drag shul dang mchang ba mi bya/ lus kyi drag shul dang mchangs pa la sogs pa mi bya/ brla dang dpung pa dang nywa thabs bzlog shing brje bar mi bya/ phyi tshar dang snga tshar la sogs pa lus kyis bsgyur ba rkang pa gnya' ba'i steng du bzhag pa la sogs pa mi bya/chu la rdo phyar mi bya/ chu'i steng du rdo 'phangs te phyar rar 'gro ba mi bya/ lag changs kyi chus mi gtor/ chu sbal skad kyi sgra mi bya/ lag pa'i thal mos chu la brdabs te sgra mi dbyung / chu la phyil mo mi nyug chab brom dang sa 'gred mo la sogs pa la phyis mo mi bya/bal glang skad dang rta skad dang glang po'i skad dang rma bya dang ko ko la'i skad du mi bya/ ming gis smos pa 'di rnams kyi skad mi smra mi dbyung / kha'i dung 'ba' 'ba' mi bya/ kha nas dung 'dra ba zer ba dang 'ba' 'bu blag blug la sogs pa mi bya/ trog trog po'i dngos por gtogs pa'o//rin po che la reg pa'i ltung ba rdzogs so// //'khrug pa'i ltung ba la 'chad de/ dpyid kyi lhag ma phyed dang gnyis dang dbyar gyi thog ma'i zla ba'o/ /dbyar zla ra ba'i tshes nas dbyar zla tha chungs nya phan chad zla ba phyed dang gsum ni tsha bas na dus la bab te nam bkrus kyang nyes med/gos med pa'i gnyis po rnyed pa de'i tshul lo/ /yang yang za ba'i rkyen dus ma gtogs par na ba dang lam dang grur zhugs pa dang las dang gzhi'i rkyen gcig byas na'ang 'khrur dbang ste nyes med do/ /rlung gis ma brtul na'o/ / rlung gis gos ma bzlog gam rdul gyis lus la ma phog pa las bkrus na ltung bar 'gyur gyi rlung dang rdul gyis phog pa ni bkrus kyang nyes med/ gos kyi grwa 'gul ba de'i mthas so/ /rlung gis phog pa'i tshad ni gos kyi grwa 'gul ba yan chad kyis 'khrur dbang / char gyis ma bab/char gyis bab pa ni 'khrur dbang ste bkrus kyang mi ltung ngo / /de thigs gnyis ltung na'o/ /char gyis bab pa'i tshad ni thigs pa gnyis sam gsum phog nas 'khrur dbang ngo / /lus la'o/ /char gyis phog pa ni gos la phog pa la mi bya'i lus la phog pa la 'khrur gnang ngo //gzhan yang zhag bco lnga las khrus kyi nyi ma ma yin te tshun chad bkru ba ma yin / zhag bco lnga ma lon par khrus byas na ltung bar 'gyur/ bco lnga la lan cig khrus byas pa ni nyes med/ blugs par ma zhug pas so//khrus byed pa ni chu'i nang du zhugs kyang rung bcus te spyi bo nas blugs kyang rung gang ltar bkrus kyang ltung ngo / /de lte bar phyin na'o/ /bkru ba'i tshad ni spyi bo nas blugs te chu lte bar phyin kyang rung chu'i nang du zhugs te lte bar phyin kyang rung bkrus par chud do/ /tshun chad na nyes byas pa'o//lte bar ma phyin par bkrus pa ni nyes byas so/ /thams cad du dus su bsngo ba ma bsngos na yang ngo / /las ci byed do cog la yang bsam pa'ang rung smra ba'ang rung lus kyis byed pa'ang rung sa ma yam ma bsngos par byas na ci byas so cog nyes byas so/ / don gyi chur myong ba khrus ma yin/ chu chen po rgal ba la 'bogs kyang rung rkyal pa'ang rung / lus thams cad gsher ba ni khrus byas par mi chud do nyes med do/ /de bas na rgal ba dang ma tshor bar ltung ba dang brgyal ba la btab pa la ltung ba med/ chu rgal ba dang chu'i nang du lhung ba dang brgyal ba'i phyir chus btab pa la sogs pa yang bkrus par mi chud de nyes med do//yul asma pa ran da ka na 'di dag med par shes shig /yul asma pa ran da ka na ko lpags 'chang du gnang ba'i yul na ni rtag par khrus byas kyang ltung bar mi 'gyur ro zhes gnang ngo //mchog yod na chung ngu'i brtag par mi bya/ char gyis phog na 'khrur gnang ngo zhes byas pa'i phyir ched kar gyis phog par byas te khrus mi bya/ yul mtha' khob tu a shi lngas khrims rdzogs su gnang ba las lnga nyi tshes chog ces te dge 'dun lngas rdzogs par mi bya/dpe bshad pa 'di gnyis dang 'dra bar ci bya'o cog thams cad gnang ba'i tshig la brten te sla chos su sgyu mi bya/ khrus kyi ltung ba'o/ /khrus byed pa'i ltung ba rdzogs so/ / dgu bcu ltung ba'i bcu sde rdzogs so// //byol song gsod pa'i ltung ba la 'chad de/ bsad pa'i sems kyis byol song la bsad pa'i sems kyis bsad na ltung bar 'gyur te yan lag gcig /phyugs la bsnun na'o/ /byol song bsad pa'i phyir bsnun kyang bsnun pa las ltung bar 'gyur te yan lag gcig /der ram gzhan yang de'i shi na'o/ /bdag gis bsad de 'phral la shi yang rung bsad par bsnun pa las 'phral du ma shi'i phyis shi yang rung ste shi na ltung bar 'gyur te yan lag gcig /yan lag 'di rnams dang ldan pas byol song bsad na ltung bar 'gyur ro/ /nyes byas pa ni sems can 'dra la sems can ma yin pa'o/ /sems can gyi gzugs su byas pa'am sems can gyi gzugs su ri mo bris pa bshig na nyes byas/byol song gsod pa'o/ /byol song gsod pa'i ltung ba rdzogs so// //the tshom la 'chad de/ khyed rab tu ma rdzogs la phas pham pa byung zhes pa la sogs pa dge slong ma yin pa'i phyir the tshom skur na'o//dge slong la yo byad ma tshang ba la sogs pa khrims mi 'chags pa'i tshig gang byas kyang rung ste khyod khrims ma chags so zhes the tshom skur pa dang phas pham par ma gyur pa la pham par gyur to zhes the tshom skur pa las ltung bar 'gyur te yan lag gcig / drug sdes bcu bdun sde lo ma tshang bar khrims rdzogs pa dang bus pha phul zhing 'gro ba las shi ba la pham pa dang mtshams med pa yod do zhes the tshom skur pa las bcas/ dge slong na'o/ /the tshom skur pa de dge slong yang yin pa las ltung ste yan lag 'di gnyis dang ldan na ltung bar 'gyur/mi bde ba bskyed pa'i sems kyi na rtsed mos kyang the tshom ma skyes kyang ngo / /pha rol po dge slong mi bde zhing mi dga' bar bya ba'i phyir khrims ma chags pa la sogs pa yin no zhes smras na ltung ba dge slong ma yin pa dang mi dga' bar bya ba'i phyir ni ma yin gyi rtsed mo byas pa ni nyes byas/gzhan gyis na nyes byas pa'o/ /lhag ma dang ltung ba zhig tu gyur to zhes the tshom skur na nyes byas/ the tshom skur pa'o/ /the tshom skur pa'i ltung ba rdzogs so// //mdzub mo'i ltung ba la 'chad de/ dge slong na'o/ /dge slong la ga ga tshil byas pa las ltung bar 'gyur te yan lag gcig sor mo dang khu tshur dang gru mo dang phrag pa dang mgo dang logs dang rgyab dang sta zur dang brang dang pus mo dang byin pa dang rkang pa'i mthe bong la sogs pas reg cing ga ga tshil byas na'o//ming gis smos pa 'di rnams gag kyang rung 'di rnams kyis ga ga tshil byas na ltung bar 'gyur te yan lag gcig /seng seng po'i sems kyis so/ /ga ga tshil byed pa la rtse ba'am 'phyar ba'i sems seng seng po byas pa las ltung bar 'gyur te yan lag gcig /yan lag 'di rnams dang ldan na ga ga tshil gyi ltung bar 'gyur ro//de bas na rma dang sbrang ma dang mdzer pa dang sme ba dang spu 'khyil ba bstan pa ni ltung ba med do/ /ming gis smos pa 'di rnams gang yang rung ste lus la yod pa la bstan cing blta ba'i phyir mdzub mos btsugs pa ni nyes med do/ /ltung ba du ma yang gcig go /ga ga tshil byas pa ni sor mo re re ltung ba re rer mi 'gyur gyi ltung ba gcig tu zad do/ /ga ga tshil gyi ltung ba'o/ /ga ga tshil byed pa'i ltung ba rdzogs so// //dga' ba'i ltung ba la 'chad de/ chu'i yul du bya ba nan tan no/ /chu'i nang du dga' zhing rtse ba las ltung bar 'gyur te/yan lag gcig /zhugs nas chu'i nang du zhugs pa dang / nub chu'i nang du lus nub pa dang / byang nub pa las chu'i steng du byung ba dang / mtha' pha rol du 'gro ba/ chu la phar rgal tshur rgal byed cing 'gro ba dang / gyen thur gyi rgyud du bab cing /chu'i rgyud bzhin du 'gro ba dang / rgyun las log ste 'gro ba dang / chu rnga dang chu la lag gis brdabs te sgra 'byin pa dang / sbal ba'i zer ba dang / chu'i nang du mchu btsugs na sa blag blug zer ba dang / chus phyar ba dang / chu la rdo 'phyar byed pa'ang rung chu la lag changs kyis gtor kyang rung /bskor ba dang chu la lag pas bskor ba dang / rdo rje dang chu la rdo rje thabs su 'phangs kyang rung rdo rje 'dra ba bris kyang rung / khron pa dang chu la drag tu bskor na dbus su bu gu 'dra ba 'byung ba dang / mkhyil pa byed pa dang / chu bskyil pa dang /'dri ba drangs na rtsa ba'o/ /chu la ri mo bri ba dang shur shur por drangs pa dang 'di rnams gag byas kyang ltung ngo / /bltubs pa bsnun na nyes byas/ chu la bem rtol bsnun pa ni nyes byas/ rdza ma dang phru ba dang ril ba dang phor bur ro/ /'di rnams kyi nang na chu 'dug pa la gong ma'i rim pa ltar rtses na nyes byas/bu ram khu ba dang tshod ma dang thug pa dang chan khu bsros pa yod pa la yang ngo / /ming gis smos pa 'di rnams kyi khu ba la rtag tu smos pa ltar rtses na nyes byas/ chu ma yin pa la dga' ba yang ngo / /'o ma la sogs pa la rtses na'ang nyes byas/de bzhin du byed du bcug pa yang 'gyur ro/ /ltag tu smos pa'i rtsed mo rnams gzhan byed du bcug na'ang ltung bar 'gyur ro/ /trog trog po'i dga' ba myong bar 'dod pas so/ /chu'i nang du rtse ba'i ltung ba ni rtsed mo'am dga' ba'i sems trog trog pas rtses na ltung ngo //de bas na sim pa 'dod pa'i phyir zhugs na ltung ba med do/ /rtsed mo'i sems kyis chu la rtses pas ltung bas na 'di ni tsha zhing mi bde ba bsil bar bya ba'i phyir chur zhugs shing bkrus pa ni nyes med/ rkyal slob pas zheng ngam chur 'bad na'o/ /rtse ba'i phyir ni ma yin gyi bdag la phan par bya ba'i phyir lkog dben par rkyal slob pa ni nyes med/bsgrang pa'i phyir dron po la bris na grangs na'o/ /tsha ba la sogs pa bsgrang ba'i phyir thug pa la sogs pa la gzar bu dang kha gzar dang skya bas dkrugs pa ni nyes med/ gsher ba la dga' ba'o//chu'i nang na dga' zhing brtse ba'i ltung ba rdzogs so// //lhan cig gi ltung ba la 'chad de/ bud med dang lhan cig tu khyim gcig tu gnyid log pa'o/ /bud med dang lhan cig tu khyim gcig gi nang du lhan cig nyal ba las ltung bar 'gyur te yan lag gcig nub mo mthas so//bud med dang lhan cig /nyal te zhag gcig gi skya rengs byung nas ltung bar 'gyur te yan lag gnyis dang ldan na ltung bar 'gyur/ snga ma ni nyes byas pa'o/ /bud med dang dang po la nyal nas skya rengs ma byung gi bar du ni nyes byas/ bya gag mo tsam yang 'di byed pa mtha'o//bud med ma yin pa gzhan mo dang nyal na bya gag tsam yan chad dang khyim gcig tu zhag lon na nyes byas so/ /mo du yod pa bzhin du nyes byas re rer 'gyur ro/ /bud med dang lhan cig nyal ba'o/ /bud med dang lhan cig nyal ba'i ltung ba rdzogs so// //sngangs byed pa la 'chad de/ rtsed mor bsam pa 'dod pas kyang 'jigs skrag sngangs bsnyen te zer ba 'jigs par byed pa che ge mo zhig go zhes dge slong na'o/ /ched kar bsdigs kyang rung rtsed mor bsdigs kyang rung 'jigs shing bsngang bar bya ba'i phyir 'dre la sogs pa'i de 'dra ba zhig 'ong zhes byas kyang rung gzugs nyid 'dre 'dra bar bcos te bsdigs kyang rung dge slong la sngangs shing skrag par byas na ltung bar 'gyur ro//gzhan gyis kyang ngo / /dge slong de bsngang bar byos shig ces gzhan la byed du bcug kyang ltung bar 'gyur/'jigs pa ma skyes kyang ngo / /dge slong la 'jigs par bya ba'i phyir bsdigs nas 'jigs shing sngangs par ma gyur kyang ltung ngo / /rtsa ba ni yid ni mi 'ong na'o/ /ltung bar 'gyur ba ni 'dre la sogs pa gzugs mi sdug pa dang sgra mi snyen pa dang dri mi zhim zhing yid du mi 'ong bas bsdigs na ltung bar 'gyur te gang gang yin pa 'og nas 'chad do//'di lta ste yi dwags dang sha za ba dang grul bum dang lus srul po'o zhes smras pa dang nag po'i nag po sol ba'i kha dog dum pa tshig pa lta bur na'o/ /yid du mi 'ong pa ni 'di rnams yin te 'di rnams gang yang rung ba'i gzugs shig yod de 'ong ngo zhes smras na'ang ltung bar 'gyur ro//seng ge dang stag dang gzig dang ko ka dang spyang ki dang b+h+ya sto ri ga'i sgra dag gis so/ /ming gis smos pa 'di rnams lta bu zhig 'ong ngo zhes byas kyang rung rnams kyi sgra phyung ste bsdigs kyang rung ltung bar 'gyur ro//bshang gci dang thug po'i spu'i dris so/ /ming gis smos pa 'di rnams kyi dri 'di 'dra ba zhig yod de 'ong ngo zhes bsdigs na'ang ltung bar 'gyur ro/ /ra gong dang re lde dang ra phyar gyis reg pa dag gis so//ming gis smos pa 'di rnams dang 'dra bar rtsub mo zhig 'ang ngo zhes bsdigs kyang ltung ba'o/ /yid du 'ong ba ni nyes byas pa'o/ /lha la sogs pa'i gzugs dang sgra snyan pa yid du 'ong bas bsdigs pa ni nyes byas te 'og nas 'chad/ 'di lta ste lha dang klu dang gnod sbyin dang mi'am ci dang lto 'phye chen po smos na'o//yid du 'ong ba ni 'di rnams kyi gzugs 'dra ba zhig 'ang ngo zhes smras kyang rung 'di rnams kyi gzugs 'dra bar bcos te smras kyang rung nyes byas/ nor bdag tshong dpon dang ded dpon la sogs pa'i gzugs so / / tshang dpon dang nor bdag phyug po lta bu'i mi zhig khyod la gnod pa byed par 'ong ngo zhes bsdigs na nyes byas/ rol mo b+ha na la sogs pa'i sgra dag gis so/ /ming gis smos pa 'di rnams kyi sgra zer ba zhig 'ong ngo zhes smras kyang rung 'di nyid kyi sgra skad du byas te bsdigs kyang rung nyes byas/spos a ka ru dang tsan dan dang gur gum dang ta ma la'i lo ma'i bsung dag gis so/ /ming gis smos pa 'di rnams kyi dri 'dra ba zhig 'ong ngo zhes byas kyang rung 'di nyid kyi dris bsdigs kyang rung nyes byas/ dar dang snam bu dang pags pa dang gos a ba shug ka dang du gu la dang ko du 'ba' ka rnams dag gis so//ming gis smos pa 'di rnams ltar 'jam pa zhig 'ong ngo zhes byas kyang rung 'jam po 'di rnams kyis reg par bya ste bsdigs kyang rung nyes byas/ ma gtogs pa ni skyo ba'i phyir ba'o/ /mi sdug cing 'jigs par smras kyang ltung bar mi 'gyur ba ni chags pa dang dbral zhing 'khor ba las skyo bar bya ba'i phyir mi sdug cing mi snyan pa'i chos bshad kyang nyes med do//de bas na skyo ba'i phyir sems can dmyal ba dang byol song dang yi dwags dang mi'i gtam la sogs pa ni ltung ba med do/ /skyo zhing chags pa dang bral ba'i phyir lam rgyud lnga'i sems can na rag la sogs pa sdug bsngal ba'o//'jigs pa'o gnod pa'o/ /mi gtsang ngo zhes bya ba la sogs pa'i chos bshad cing smras pa ni nyes med do/ /sngangs byed do/ /sngangs par byed pa'i ltung ba rdzogs so// //sbed pa'i ltung ba la 'chad de/'di'i rab tu 'byung ba'i yod pa lhung bzed dang gos dang snod dang phor bu dang lus bcing la sogs pa dge sbyong gi 'tsho ba'i yo byad sbas pa'o/ /sangs rgyas kyi chos la rab tu byung ba dge slong pho mo dang dge sbyong pho mo dang dge slong pha ma gang yang rung ba ste de'i yo byad ming gis smos pa 'di rnams las sbas na ltung ba'o//ming gis smos pa 'di rnams la ma gtogs shing dge slong gis gos su brtags shing sngags chags pa'i rdzas shig las sbas na'ang ltung ba/ dge slong gis gos ma brtags pa zhig sbas na nyes byas/sbed du bcug pa yang ngo dge slong dang dge sbyong gis rdzas la gzhan zhig la sbed du bcug na'ang ltung bar 'gyur ro/ /ma gtogs pa ni phan par 'dod pa'i phyir ro/ /phan par bya ba'i phyir yo byad la g.yel zhing le lo byed pa la phyis le lo mi byed pa'i phyir skad cig sbas te bsdigs pa dang mi dge ba'i grogs po'i gan du 'gro ba'am nyon mongs par 'gyur ba gnas su 'gro ba la mi btang ba'i phyir rdzas gtar bzung ba ni nyes med do//sbed pa'o/ / sbed pa'i ltung ba rdzogs so// //ma phyung ba'i thong ba la 'chad de/ dge slong gis gos thal byung byin pa las gnang ba med par kun spyod pa'o//bdag gis dge slong grogs la gos gtan byin pa las slar brnya zhes kyang ma byas kho ci bder spyod ces kyang mi zer bar thug thub tu gyon na lhang bar 'gyur/ de ste de'i gzhis de dga' bar 'gyur na ma yin no//bdag gis gos sbyin pa'i dge slong de dang bdag gnyis su ngo mtshar du sgor mdza' ste kho'i gos la sogs pa bdag gis thug thub tu gyon cing spyad na kho dga' bar 'gyur ba ni spyad kyang nyes med do/ /byin te 'tsho ba'o/ /byin te 'tsho ba'i ltung ba rdzogs so// // skur pa'i ltung ba la 'chad de/ gzhig par 'dod pa ste dge slong na'o/ /bdag gis dge slong grogs shig la tshangs par spyod pa'i bar chad dang smad cing gtam ngan par bya ba'i phyir brdzun gyis skur na ltung bar 'gyur te dge sbyong dang khyim pa ni mi bya'i dge slong la shes bzhin du skur pa las ltung ba'o//'du shes sbas pa dge 'dun gyi lhag ma'i ltung ba'o/ /bdag gis bden pa'i tshig sbas te brdzun la gnas nas dge slong grogs la dge 'dun gyi lhag mar skur na ltung bar 'gyur/ bsgo'o / /skur pa ni bdag gis dge slong gzhan la smras pa las ltung bar 'gyur ro//bags kyis kyang dge slong 'dra ba bya ma la pu tra la ut+pa la bar gnas phyag 'tshal ba'i tshe gos kyi mtha' mas dge slong gi mgo la reg pa dang mi dra bu mi kas lhag ma'i chos skur te de 'dra ba'i bags las lhag par skur na ltung bar 'gyur ro//skur pa'i ltung ba'o/ /skur ba'i ltung ba rdzogs so// //skyes pa med par lam du 'gro ba'i ltung ba la 'chad de/ 'dod pas lam du zhugs pa'o/ /bud med dang lam du 'grogs pa ni 'jigs pa'i rkyen yod de 'phral la lam du phrad de 'grogs pa ni ma gtogs te 'grogs 'dod pa'i phyir bud med dang dus byas te lam du 'grogs pa ni ltung ba'o//rgyang grags so sor ro/ /bud med dang 'grogs pa ni rgyang grags re re zhing ltung bar 'gyur ro/ /reg pa'i skyes pa med par bud med dang 'grogs pa las ltung ngo / /de so sor phyed cing yang nyes byas so//rgyang grags phyed cing nyes byas re rer 'gyur ro/ /ma gtogs pa ni bsel byed pa'o/ /bud med dang 'grogs kyang nyes par mi 'gyur ba ni 'jigs pa'i bsel du skyes pa med de bud med 'ongs nas ngas bsel nus zhes zer ba dang deng yod dang rkun pos yul mi ngo shes pa'i phyir rkun po mi 'ong gis bsel bya'o zhes zer ba dang 'grogs pa ni nyes med/des lam stor ba lam du zhugs pa'i phyir na yang ngo / /dge slong lam stor tam lam mi shes pa la bud med kyis lam mkhan byas te 'grogs pa ni nyes med do/ / bud med 'jigs pa'i rkyen dang bud med lam mi shes pa la ni dge slong gis bsel dang lam ston par 'grogs su mi gnang ngo / /'gro mi nus pa yang ngo / /dge slong nad kyis btab bam chad de 'gro mi phod pa la bud med kyis grogs byas te rdzas dag khyer nas lam du 'grogs pa ni nyes med bud med dang lhan cig 'grogs pa'o//rig pa'i skyes pa med par bud med dang lam du lhan cig 'grogs pa'i ltung ba rdzogs so// //bcu ste gcig 'das/ rkun 'grogs kyi ltung ba skye 'chad de/ grong 'joms pa'i rkun po dang sho gam 'joms pa'i rkun po dag go//grong 'joms shing chom po byed pa'i rkun po dang shog gam pa nor ci dbang ba mi sbyin pa'i phyir sho gam dral ba dang sho gam rku ba'i tshong pa dang 'grogs na ltung bar 'gyur/ bya ma rta dang rkun pos rab tu byung ba dang na nyes pa'o/ /bya ma rta dang mkhan po dang A tsAr+ya med par rab tu byung ba dang 'grogs skye pa ni rgyang grags re re zhing nyes byas re rer 'gyur ro//rkun po dang lhan cig 'grogs pa'o/ /grogs po rkun ma dang lhan cig 'grogs pa'i ltung ba rdzogs so// //lo nyi shu ma lon pa'i ltung ba la 'chad de/ 'ab+h+rid / lo nyi shur ma lon par shes bzhin du rdzogs par byas pa las ltung bar 'gyur/ lo nyi shur ma lon pa bsnyen par rdzogs pa'o / /dge sbyong lo nyi shur ma lon par shes bzhin du khrims rdzogs par 'gyur na ltung bar 'gyur ro/ /mkhan pos bsnyen par rdzogs pa'o//lo nyi shu ma lon par khrims rdzogs par byas pa ni mkhan po gang yin pa ltung bar 'gyur ro/ /des de la tshang ngam zhes mi 'dri bar mi bya/ khrims rdzogs par byed pa'i dge slong de la mkhan po gang yin pas lo nyi shu tshang ngam zhes 'dri' / /lo'ang ma tshang la ma dris na ma dris pa'i nyes byas dang /lo ma tshang ba'i ltung ba dang gnyis yod do/ /gzhan gyis ma yin/ rab tu rdzogs par 'dod pa la dge 'dun gyis kyang lo tshang ngam zhes 'dri'o / /lo ma tshang ba zhig ma dris pa rdzogs par byas na ma dris pa'i nyes byas re re dang lo ma tshang ba'i nyes byas re re yod do// brtags pa mi shes pa bsnyen par rdzogs par mi bya/ bsnyen par rdzogs par 'dod pa de kho bdag gis kyang lo grangs mi shes la dge 'dun gyis kyang mi shes na bsnyen par rdzogs par mi bya/ thams cad nyi shur tshang na rab tu rdzogs par skye'o//khrims rdzogs par 'dod pa de lo nyi shur ni tshang gi kho bdag dang mkhan po dang dge 'dun gyis lo ma tshang bar shes te khrims rdzogs pa ni 'du shes mi btsan gyi khrims 'chags so/ /gzhan du lo tshang bar 'du shes na yang ngo / /khrims rdzogs par 'dod pa na de ni lo ma tshang gi kho bdag dang dge 'dun gyis lo tshang bar bsams shing khrims phog pa yang khrims 'chags shing 'du shes can no//mi shes sam mi dran nam yid gnyis na yang ngo / /lo tshang ngam ma tshang mi shes sam mi dran nam the tshom za bzhin du khrims phogs pa yang lo ma tshang yang khrims 'chags so// shes na de zhig go /sU tra ltag ma gnyis ltar lo ma tshang la tshang bar bsams pa dang lo ma tshang la mi shes sam yid gnyis su khrims phog na phyis lo grangs ma tshang bar shes na khrims mi 'chags te med par song ngo //de ste 'di ltar tshang ba thob pa ma yin no/ /sU tra ltag ma ltar lo ma tshang par nam shes shing tshor ba'i tshe lo tshang na khrims rdzogs pa'i tshe lo ma tshang na yang khrims med par mi 'gyur te 'chags so/ /lhag pa dang mngal gyi zla ba dang bcas par ro/ /khrims rdzogs pa las phyis lo ma tshang bar tshor na khrims 'chags shing lo tshang bya ba'i thabs 'di yod de/thog ma mngal na 'dug pa'i zla bas kyang bsnan skar mkhan gyis chos su lo phyed dang gsum zhing zla ba gcig gi khong nas lhag par 'byin cing brtsis des kyang bsnan la na ma tshor ba'i tsher tshang na 'chags/thog ma khrims 'bogs pa'i tshe ni nyi shur ma tshang bar shes na mngal gyi zla ba bsnan kyang khrims mi 'chags so/ /ma tshang ba bsnyen par rdzogs pa'i'o / /dge sbyong lo nyi shur ma tshang ba bsnyen par rdzogs par byas pa'i ltung ba rdzogs so// //sa rko ba'i ltung ba la 'chad de/brkos sam rkor bcug na'o/ /bdag gis brkos kyang rung gzhan gyis rkor bcug kyang rung ltung bar 'gyur ro/ /sa'i sa'o/ /bye ma dang gseg ma ma yin pa sa bzang po 'thas pa las brkos na ltung bar 'gyur/ ma gtogs pa ni sor bzhi tsam gyi phur bus brkos pa ste las sar pa bas skar ma'i cho ga la brtag par byed par med na'o//ltung bar mi 'gyur ba ni gtsug lag khang rtsig pa'i las mi la sogs pa ma tshogs la skar ma bzang po'i nyi ma la bab ste gtsug lag khang gi mkhar len gyi mgo nyi ma de la gzugs dgos te mi gzhan med na/sa'i rngams sor bzhi tsam yan chad mkhar len gyi rmang gzugs pa'i mtshan mar dge slong gis phur bu btab kyang nyes med de/ brkos kyang nyes med do/ /de ste sa rigs ma na rtsa ba'o/ /thog ma nas ma brkos par 'dug pa'am brkos pa las slar 'thas pa zhig las brkos na ltung ba/de ste ma yin na nyes byas pa'o/ /sa brkos shing klongs pa lhar ma 'thas pa las brkos pa ni nyes byas so/ /zla ba gsum spungs te gnas na snga ma'o/ /brkos shing klongs pa las zla ba gsum lon pa ni brkos nas rigs ma las brkos pa dang 'dra ste ltung ngo //des de mi 'chad par char bab na'o/ /mdo ltag ma zla ba gsum lon pa ni rtag tu char rgyun mi 'chad par bab nas rigs mar gyur te brkos na ltung ngo / /gzhan du na drug gis so/ /sa brkos shing klongs pa char pa ltag tu ma bab pa zhig na zla ba drug lon na rigs mar 'gyur te brkos na ltung /rtsig pa ni sa ma yin pa rigs ma yin no/ /rtsig pa zhig brkos shing dral na'ang ltung bar 'gyur 'dus pa'i mtshan ma mang pa btsan no/ /sa bye ma'ang bzang po 'dres pa gang mang ba btsan no/ / de bas na thams cad rdzas nyung ngu dang lhan cig pa'o/ /sU tra ltag ma ltar sa bzang ngan gang mang ba btsan pas bzang po mang ba las brkos na ltung ba/ ngan pa bye ma mang ba las brkos na nyes byas/ tshig pa ni ma rung ba'o/ /sa tshig pa ni ma rung ba ste sa ngan pa'i nang du brtsi ste bzang por mi brtsi'o//ma rung ba ni phyed do/ /sa tshig pa ngan pa la brkos pa ni nyes byas/ 'phags pas zhag dang rtsig pa'i skyang nul dang gad pa yang ngo / /sa skrangs pa lta bur 'phags pa las bkogs pa dang sa zhag 'phags pa las bkogs pa dang skyang nul dang gad pa 'phags pa las brkos shing bkogs pa ni nyes byas/sa ma rdo dang bye ma la sogs pa mang na yang ngo / /sa ma rdo dang bye ma dang sa bzang po dang 'dres pa la sa ma rdo dang bye ma mang ba la brkos na nyes byas/ byed pa yang ngo / /byed par byas na'ang nyes byas su 'gyur ba yin te 'og nas 'chad pa yin/phur pa 'byin pa dang 'dri ba 'dren pa dang lci bas dang bcas te bkogs pa dang 'dam bskul pa der chags pa rdza ma la sogs pa drangs pa dang ba tsha can bzhar ba dang der klong bar bsams na yang der ro/ /byed pa ni 'di rnams te ming gis smos pa 'di rnams las gag byas kyang nyes byas su 'gyur ro//de bas na 'gro ba dang rtsi ba la sogs par bsams pa ni ltung ba med do/ /sa ma rung bar bya bar bsams par phan tshun 'gro ba'i lam du snad cing gogs pa dang rtsis byed pa'i phyir ri mor bris pa ni nyes med do//sa ma rung bar byas pa'o/ /sa rko ba'i ltung ba rdzogs so// //mgron gyi ltung ba la 'chad de/ rab tu bslang bar mi bya/ bdag kha zas 'dod pa'i phyir 'di bslang zhes mi bya/ bslangs na nyes byas zos na ltung ba/ rigs pa ni dus ma bsgo ba de mi 'gyur bar khas blangs pa'i mchod ston la grong du 'gro ba'o //mchod ston la spyan drangs te shog shig par bsgo nas spyan 'dren pa med par spyan drangs pa'i gnas su song yang nyes med/ dus 'das nas 'dren par bskul ba'o/ /mchod ston la spyan drangs pa las gdugs tshod 'das su nye na myur du rims shig ces bsgo na yang nyes med do//'bru la sogs pa la mi brten khyim pa'i khyim du spyan drangs pa las bdag cag gi phyir stan bting zhing 'dug pa la khyim pa rgyus mi shes te bzhugs zhes mi zer yang 'khod kyang nyes med/ so sor spyan drangs pa yang bdag gir bya/bdag 'ba' zhig gud du zin gyi phyir spyan drangs na song yang nyes med do/ /dge 'dun dang lhan cig tu spyan drangs na yang ngo / /dge 'dun spyi spyan drangs pa'i 'og tu bdag gud du yang spyan drangs pa yang nyes med do/ /bdag la lan gnyis spyan drangs pa la bya'o//dus thams cad du yang ngo / /tshe gcig tu bdag gis zan sbyar ro zhes zer te spyan drangs pa la der song zhing 'dug kyang nyes med/ spyan drangs pa khyad par gzhag pa med par spyan drangs kyi 'di srid cig 'dug shig ces zhag grangs bcad pa med pa dang /gzhan du spyan drangs pa/ bdag 'ba' zhig gud du zin gyi phyir spyan drangs pa'ang ma yin pa dang / yang yang ngam sang yang 'dir gsol cig gnangs kyang 'dir gsol cig ces zer ba la'ang bya/ bdag gud du 'gro ba la 'dir 'dug shig ces lan du mar zlos shing zer ba dang /shin tu lhag par spyan drangs pa ma byas par/ tshe gcig tu ngas spyan drangs te zas rtag par sbyar ro zhes ma byas par 'dug pa dang / zla ba bzhi zin pa las lhag par 'chang ba zos na'o/ /ming gis smos pa 'di rnams gag kyang rung gcig kyang mi zer bar zla ba bzhi las lhag par sbyin bdag gi khyim du 'dug cing zan zos na ltung ba'o//zla ba bzhi las lhag par na zan du zos pa ltung ba re re/ bslangs pa ni nyes byas pa'o/ /gnyen ma yin pa'i khyim pa la zan bslangs na slong ba'i tshe nyes byas/ zos na ltung ba 'drim zhing bslangs na nyes byas zos na ltung / ltung ba med pa ni nad pa'i 'o/ /nad pa ni kha zas ci 'dod pa bzhin du bslangs te zos kyang nyes med/ gnyen kyang ngo / /gnyen la bslangs te zos kyang nyes med/ rnam par myos na snga ma dang so sor ro/ /dge slong yon bdag gis zla ba bzhir dus bcad de bzhag pa las zhag grangs ma tshang par slar khrims phul ba'am/myos pa las slar dran nam khrims nos te sbyin bdag gis zhag grangs bcad pa ci ma tshang ba slar zan du zos pa ltung ba re rer 'gyur ro/ /des spyan drangs pa'i nyes byas pa'o//sU tra ltag ma ltar zhag grangs bcad de sngar spyan drangs pa las zhag ma tshang par khrims phul lam myos te song bas phyis spyan drangs par yon bdag la slong du song ba'i phyir ltung bar 'gyur ro/ /sngon logs su yang gang gis spyan ma drangs pas kyang ngo //sbyin bdag na re rtag tu bzang po bzar ni med kyi nged ci za ba bzhin du sbyin no zhes zer te gzhag pa las 'di 'dod do zhes bzang po zhig bslangs te zos na ltung ba'o/ /spyan drangs pa'i phyir rab tu bsnyen pa'o/ /spyan ma drangs par zla ba bzhi las lhag par 'dug pa'i ltung ba rdzogs so// //slob pa'i ltung ba la 'chad de/ 'ab+h+rid / dge slong mkhas pas bstan par shes bzhin pa las ltung ste yan lag gcig /mngon par shes na'o/ /dge slong ston pa de yang mkhas shing shes pa la mi shes so/ /slar smras pa las ltung bar 'gyur te yan lag gcig ston na'o//dge slong mkhas pas bstan cing bslabs pa la mi slob po zhes bya ba las ltung ste yan lag gcig bslab pa la'o/ /slob pa 'dul ba'i tshig yin pa bstan pa las ltung ste yan lag gcig ste yan lag 'di rnams dang ldan na slob pa la slar log pa'i ltung ba'o//khyod kyis 'di slobs shig ces bstan pa'am/ nye bar bstan pa na dge slong gis mi slob po zhes mi shes par bsgo zhing bsgrags pa 'di'i phyir ngag gis brjod na'o/ /dge slong sde snod gsum shes pa mkhas pa zhig gis 'dul ba'i tshig las slobs shig ces byas kyang rung so sor dmigs kyis phye ste 'di slobs shig ces bstan pa las khyod kyis bstan pa der mi slob kyi gzhan mkhas pa la slob po zhes zer zhing dge slong mkhas pa de la mi shes par smad par bya ba'i phyir khyod lta bu'i mi shes pa'i tshig nga mi nyan to zhes khas smras na ltung bar 'gyur/mdo sde'i na nyes byas pa'o/ / dge slong mkhas pas mdo sde dang ma lta bu'i tshig gi nang na khrims 'dug pa dang mdo sde dang ma lta bu nyid la mi slob po zhes slar bzlog pa ni nyes byas/ bslab pas stobs pa spong ba'o/ /dge slong gis bstan pa la mi slob po zhes zer ba'i ltung ba rdzogs so// //'thab ba'i ltung ba la 'chad de/ dge slong gis rtsod par dge slong dag dang gros byed pa mnyan pa'i phyir na ste ma gtogs pa zhi bar 'dod pas mnyan na'o/ /dge slong dag 'thab cing 'khod kyang rung 'thab par gros byed 'jab cing nyan nas khong de skad zer gyis bdag kyang thabs 'di ltar sbyar zhing bya'o zhes bsams shing nyan na ltung bar 'gyur ro//ltung bar mi 'gyur ba ni 'jab cing mnyan na dkrug par bya ba dang thabs shom pa'i phyir ni ma yin gyi 'dum zhing rtsod pa zhi bar bya ba'i phyir ni nyes med do//sgra tsam thos pa ni nyes byas pa'o/ /'thab rtsod cing 'khod pa la tshig gi don ni ma thos kyi sgra tsam thos pa zhig tu mnyan na nyes byas so/ /don na rtsa ba'o/ /'thab pa'i tshig gi don thos par mnyan na ltung ba'o/ / dkrug pa'i phyir zhugs na yang ngo / /'thab mo byed pa la dkrug pa'i phyir ched kar song ste mnyan tam dkrugs na ltung bar 'gyur/ don gyi phyir gyi dbang gis thug ste / tshor ba'i 'og tu rkang pa dang se gol dang lud pa'i sgra la sogs pas tshor bar ma byas sam rmongs pa'am zhi ba'i phyir ma yin na ltung ba'o//'thab pa la ched kar mnyan pa'i phyir ni ma song gi don gzhan zhig gi phyir/ song song ba las 'thab cing 'khod pa zhig gi steng du bab na lud pa'i sgra'am rkang pa'i sgra dang se gol gyi sgra la sogs pa phyung ste tshor bar ma byas shing mnyan na ltung ba'o//smyos sam mya myor khyer te mi dran te 'thab mo skrod du 'ongs pa dang 'thab mo zhi bar bya ba'i phyir 'thab pa'i steng du 'ongs pa ni nyes med de ma gtogs so/ /'thab mo mi gleng / dge slong gis 'thab mo gleng bslangs te 'thab tu mi gzhug 'thab tu bcug na nyes byas/nye bar yang mi mnyan/ 'thab mo byed pa'i drung du bsnyen cing grogs dang shug mgon mi bya byas na nyes byas/ 'di dag byed na bskor cing mi 'dug /'thab mo 'gyed pa la bdag gan na 'dug na bdag la ston cing rgol phod pa'i phyir ched kar drung du 'dug na nyes byas/zhi ba'i phyir nan tan du mi bya ba ma yin/ dge slong 'thab pa la bdag gis bcug na gdon mi za bar ngag mnyan cing zhi bar nus pa tsam gyi tshod la ma bcug na nyes byas/ bdag gis bcug kyang mi nyan cing slar bdag la gshe ba tsam gyi tshod na ma bcug kyang nyes med/nye bar mnyan par chud pa'o/ /dge slong 'thab pa la nyan pa'i ltung ba rdzogs so// //mi smra ba'i ltung ba la 'chad de/ zhu ba la sogs pa las dge 'dun dang dge slong la ma byas par song na'o/ /dge 'dun 'dus te gsol ba dang zhu ba'i las shig byed na ci byed kyang rung ste dge slong lam grogs la ma zhus par gud du song na ltung bar 'gyur ro//mtshams las 'das na rtsa ba'o/ /dge 'dun las byed pa'i sgra mi thos par gyur na mtshams las 'das pa ste ltung ba'o/ /snga ma ni nyes byas pa'o/ /'dus pa las ma zhus par song ste sgra mi thos par ma gyur gyi bar du ni nyes byas so//don med pa dang mi rigs par song na'o/ /'dus shing las byed pa la gzhan du don med par 'gro'am ltad mo la sogs pa mi rigs pa zhig tu 'gro na zhus te song yang nyes byas so/ /zhu bar byas kyang ngo //dge 'dun 'dus nas zhu ba'i las ni byas zin gyi gsol ba'i las ma byas pa'i bar du gud du song ba'i nyes byas/ chos ma yin pa'i las dge 'dun don med zhig byed par 'dus pa'am/ log pa'i chos mi dge ba zhig byed pa las ma zhus par song ba ni nyes byas so//mnyan pa'i yul las 'da' bar mi 'dod pa ni ltung ba med do/ /dge 'dun 'dus te las byed pa la mchil ma dor ba'am 'chag pa'i phyir las byed pa'i sgra thos pa tshun chad du phan tshun song ba ni nyes med do/ /'du ba las 'gal ba'o/ /dge 'dun las byed par 'dus pa las ma zhus par song ba'i ltung ba rdzogs so// //ma gus pa'i ltung ba la 'chad de/ 'dug song mal stan dang gtsug lag khang long smros de dag bzlog pa la sogs pas bsnyen pa'i phyir ma gus shing chos kyi zhu ba sbyin pa med par 'das pa'o/ /dge 'dun gyis ming gis smos pa 'di rnams skad du bsgo ba la slar log par byed pa dang ming gis smos pa 'di rnams las bzlog ste bsgo ba la'ang slar 'di ltar byed pa dang 'di rnams la ma gtogs par gzhan ci la'ang rung ste ma gus pa'i phyir bsgo ba bzhin du mi byed cing log par byas na ltung ba'o//dge slong gi dge 'dun na rtsa ba'o/ /dge slong gi dge 'dun gyis bsgo ste ma gus pa'i phyir ma mnyan cing log par byas na ltung bar 'gyur ro/ /mkhan po dang slob dpon la ni nyes byas pa'o/ /mkhan po dang slob dpon gyis bsgo ba zhig la ma gus pa'i phyir log par byas na nyes byas/chos ma yin pas gsol ba'o/ /dge 'dun gyis mi dge ba'i chos shig gyis shig ces bsgo ba las ma byas na'ang nyes byas/ mkhan po dang slob dpon gyis mi dge ba'i chos shig gyis shig par bsgo ste ma mnyan na nyes byas phyed/de bzhin du smra bas gnon pa'o/ /dge 'dun 'dus te las bya ba'i gros byed pa la ma gus shing gtam gzhan zer na nyes byas/ mkhan po dang slob dpon gyis bsgo zhing gtam byed pa la gtam gzhan glo bur du zer ba'ang nyes byas so/ /dge 'dun gyi sna bo der spyod pa la yang ngo //dge 'dun gyis las su bskos pa gang zag bcu gnyis las gang yang rung des bsgo ba la ma gus pa'i phyir de bzhin du ma byas sam log par byas na'ang ltung ba/ /gang zag bcu gnyis kyis gzhan zhig la spring ba'i ngag bcag na'ang ltung ngo //dge 'dun bzhin du sangs rgyas kyang ngo / /sangs rgyas kyis bka' stsal pa la ma gus pa'i phyir ma mnyan tam ma byas na'ang ltung ba'o/ /sangs rgyas bzhugs pa'i tshe zhal gyis bka' stsal pa la bya/ rgyal po dang dgra bcom pa dang dge 'dun gyi gnas brtan gyi bka' mi bcag /rgyal po dang dgra bcom pa dang dge 'dun gyi gnas brtan dang zhang blon dbang chen pos bsko ba'i tshig la ma gus pa'i bcag na'ang nyes byas/ ma gus par chud pa'o/ /ma gus pa'i ltung ba rdzogs so// //chang 'thung ba'i ltung ba la 'chad de/myos par 'gyur ba'i ltung ba myos shing ra ro bar gyur pa chang la sogs pa 'thungs na ltung bar 'gyur ro/ /'di bskol na 'phos so/ /chang dang rgun chang bskol te ra ro bar yang mi 'gyur kha dog kyang chang mi 'dra dri'ang chang mi bro na 'thungs kyang nyes med do/ /sbang ma dang tshigs ma yod bzos na der chud do//chang gi sbang ma dang me tog la sogs pa las chang du byas pa'i tshigs ma zos na ltung ba'o/ /phabs ni 'du byed do/ /phabs zos na nyes byas so/ /myos par byed pa ni rtsa ba dang sdong po dang lo ma dang me tog dang 'bras bu rnams so/ / ming gis smos pa 'di rnams las chang du byas te 'thungs pa ni ltung ba/ 'di rnams las gag kyang rung chang du ni ma byas kyi zos na smyos pa'am mi dran par 'gyur ba zhig zos na nyes byas/ chang gi dri dang ro myos par mi byed pa dang btung ba yang ngo / /khu ba myos par mi 'gyur la kha dog kyang chang mi 'dra la ro chang bro ba zhig 'thungs na nyes byas/nyes med pa ni kha dog tsam chang 'dra ba'o/ /myos par yang mi 'gyur la ro yang chang mi bro na kha dog chang 'dra ba 'thungs kyang nyes med do/ /sbyor ba bzhin du myang ba dang lus la nyug pa'o/ /chang gis lus la byugs pa dang khar blugs te myangs nas ltor ma mid par slar bor ba ni nyes byas/na ba la ni ltung ba med do/ /nad pa la ni phan pa'i phyir chang gis lus la byugs sam khas myangs te ltor ma mid pa ni nyes med do/ /chang 'thungs pa'o/ /chang 'thung ba'i ltung ba rdzogs so// //dus ma yin par ltung ba la 'chad de/ 'ab+h+rid / phyi dro dus ma yin par shes bzhin las ltung bar 'gyur te yan lag gcig /dus ma yin pa dus ma yin par phyi dro grong du song ba las ltung bar 'gyur te yan lag gcig /dge slong yod pa la ma byas na'o/ /dge slong yod pa la ma zhus par song ba las ltung bar 'gyur te yan lag gcig gzhan /grong du 'jug na'o/ /dus ma yin par grong du yang song ba las ltung bar 'gyur te yan lag gcig grong du / de ste nges par dgos par 'gro na ma yin no/ /chom po'am 'jigs pa'i rkyen cig byung ste song ba ni nyes par mi 'gyur gyi 'jigs pa'i rkyen med par song ba las ltung bar 'gyur te yan lag gcig /gzhan du 'pho na nyes byas pa'o/ /grong 'dir 'gro'o zhes byas pa las de nyid du song yang rung ma song yang rung grong gzhan du song na nyes byas/ der dge slong med na dge slong ma'ang de bzhin no/ /phyi dro grong du 'gro ste dge slong med na dge slong ma la dris te song yang nyes med do/ /de na'ang dge sbyong la'o/ /drir dge slong ma yang med na dge sbyong la dris te song yang nyes med do/ /de na'ang dge slob ma la'o//drir dge sbyong pha'ang med na dge slob ma la dris te song yang nyes med do/ /de na'ang dge sbyong ma la'o/ /dge slob ma la dris te song yang nyes med do/ /dge sbyong ma la dris te song yang nyes med do/ / dge sbyong ma yang med de rkyen cig byung nas mi 'gror mi rung na ma dris par song yang nyes med do//mi chud na med pa bzhin no/ /brda mi phrad pa'am skad mi mthun pa la dris pa ni dris par mi chud de/ dge slong dang dge sbyong med na ma dris par song yang nyes med do/ /gzhan yod la brda mi phrad pa la dris pa ni ltung bar 'gyur ro/ /mtshams gzhan na 'dug pa dang spang pa dang skyabs gzhan na yang 'dri ba'i dge slong dang bar du chod pa dang nam mkha' la 'dug pa la dris pa dang chad pas bcad de spangs pa las dris pa dang de bat+ta lta bu log pa la lta ba'i dge slong gzhan yod na dris par mi chud de ltung /gzhan med na 'di rnams lta bu zhig la ma dris par song yang nyes med/rdzu 'phrul gyis na ltung ba med do/ /dge slong rdzu 'phrul yod pa zhig na rdzu 'phrul byas te song pa na nyes med do/ /dus ma yin par spyod pa'o/ /dge slong dus ma yin par grong du song ba'i ltung ba rdzogs so/ / bcu sde gcig rdzogs so// //zas sbyar gyi ltung ba la 'chad de/ dus ma yin par bzhi la sogs pa'i rigs su 'gro ba'o/ /phyi dro bzar rung ba'i khas gcig la yon bdag gis spyan drangs pa las nga ma 'ongs kyi bar du ma brim par sdod cig ces byas nas bdag gud du song na grong gsum gyi bar du song ba ni nyes med grong bzhi las lhag par song ba ni ltung ba ste/grong re re ltung ba re re'o/ /snga dro zan la spyan drangs pa las song ba ni grong gsum 'das na ltung bar 'gyur te yan lag gcig /de'i ngor dge 'dun spyan drangs pa las kho bo ma 'ongs pa'i dbang gis 'drim pa las ma skal cig ces sbyin bdag la ma bsgo bar gsum la sogs pa'o//yon bdag gis dge slong gcig gi phyir dge 'dun kun spyan drangs pa las dge slong de gud du 'gro na yon bdag de la nga ma 'ongs kyang bshos rims shig ces ma bsgo bar grong gzhan du rgyu zhing song na grong gnyis kyi bar du ni nyes med do//grong gsum 'das nas ltung bar 'gyur ro/ /de phan chad ni grong re rer 'das na ltung ba re re 'gyur ro/ /rigs su spyod pa'o/ /zan sbyar ba las grong du song ba'i ltung ba rdzogs so// //nam tshod kyi ltung ba la 'chad de/ 'ab+h+rid / nam ma langs par shes bzhin du rgyal po'i khyim du song ba las ltung ste yan lag gcig /nam langs par ro/ /nam yang ma nangs par song ba las ltung ste yan lag gcig /skya rengs tha ma ma byung ba de ni nam ma nangs pa'o/ /nam ma langs pa'i tshad ni skya rengs tha ma ma byung tshun chad du brtsi ste skya rengs tha ma ma byung bar song na ltung ba'o//slas gnang ba'i gnas la gtogs pa'o/ /rgyal po'i chung ma'i khang pa'i gnas su gtogs pa'i sgo 'das nas ltung bar 'gyur te yan lag gcig /de ma yin par 'gro ba la yang ngo / /nam ma nangs par song ba ma yin par nyi ma dmar thag chad phan chad dus sros sam nam phyed na song yang rung ltung bar 'gyur ro//nub mo so sor ro/ /rgyal po'i chung ma'i der zhag du lon par ltung ba re rer 'gyur ro/ /de'i bstan pa'i mtshams de dag la sogs pa'o/ /rgyal po'i chung ma'i khyim gyi sgo 'das pa'i tshad ni sgo'i gtan pa slar bzlogs te gtan pa'i mgo gar phyin pa'i mtshams de 'das na'ang ltung bar 'gyur te yan lag gcig ste yan lag 'di rnams dang ldan na ltung bar 'gyur ro//de bzhin du rgyal po'i rigs dang / rgyal po'i rigs zhang blon dbang chen po'i khyim du song ste gtan pa'i gnas 'das na'ang ltung bar 'gyur ro//grong khyer ro/ /phyi dro dus ma yin par grong du 'gro ba yang grong gi srang yang rol ma rol sgo bcug pa zhig na sgo'i gtan pa'i gnas 'das na ltung bar 'gyur ro/ /rgyal po'i rigs dang gnas su yang ngo / /rgyal po'i khyim du nam ma nangs par song ste gtan pa'i gnas 'das na ltung bar 'gyur ro//grong khyer du nyes byas pa'o/ /rgyal po'i khyim grong khyer gyi dbus na 'dug ste rgyal po'i khyim du 'gro ba'i phyir grong du 'gro'o zhes pa ste song na grong khyer gyi sgo'i gtan pa 'das na nyes byas/ de ste de'i phyir na'o//sU tra ltag ma ltar rgyal po'i khyim du 'gro ba'i phyir grong du 'gro'o zhes zhus te grong khyer gyi sgo'ang 'das rgyal po'i khyim gyi sgo'ang 'das na ltung ba de ste lan gnyis su der na kha na ma tho ba'o/ /grogs la ma zhus par sU tra ltag ma ltar song ba ni dus ma yin par grong du song ba'i ltung ba gcig dang rgyal po'i khyim du song ba'i ltung ba gcig dang gnyis yod do//de ste rgyal po dang rgyal mo dang gzhon nu dang zhang blon dang / 'di rnams kyi rkyen gcig gis bkug pa ni nam song yang nyes med do/ /bar chad dang / srog la dma' ba'i 'jigs pa'i rkyen cig byung ba dang 'dul ba'i dbang gis na ma yin no//bdag rgyal po'am rgyal mo'i gnas su zhag du 'dug na dgra bcom par 'gyur ba'i gdeng yod na chos bshad pa'i phyir 'dug pa dang 'di rnams nyes med do/ /ma bsnyad par rgyal po'i rigs su mi 'jug /don zhig yod na rgyal po'i pho brang du 'gro na rgyal po la ma zhus par song na nyes byas te nyin par la bya'o//rgyal po'i rigs su nub mo spyad pa'o/ /nam ma nangs par rgyal po'i rigs dang rgyal po dang rgyal mo'i khyim du 'jug pa rdzogs so// //'di lta bu'i ltung ba la 'chad de/ so sor thar pa la 'chad par 'jug pa'i tshe de lan gnyis su myong la mi skyo ba'i yid kyis nga bdag gis shes so ba la 'di yang yod do zhes smras na'o//so sor thar pa 'chad pa'i tshe phas pham pa bzhi la sogs pa la 'di lta bu'i tshig gzhung 'di'i nang nas 'byung ba lta bu zhig da gdod thos shing shes so zhes zer na sngan chad gso sbyin lan gnyis myong na ltung bar 'gyur ro//mtshan gzhan gyis 'chad pa na spyi'i ste so sor nyes byas so/ /dge slong ma'i so sor thar pa 'chad pa'i tshe phas pham pa la sogs pa dge slong pha dang mthun pa'i rnams 'byung ba la mdo 'di'i gzhung 'di las byung ba lta zhig na da gdod thos shing shes so zhes zer ba ni nyes byas so//mdo sde 'chad pa na yang ngo / /mdo sde dang ma lta bu zhig gi nang nas khrims kyi tshig 'byung ba la 'di skad zer ba da gdod cig shes shing thos so zhes zer ba yang nyes byas/ltung ba med pa ni spyi'i ma yin no/ /dge slong ma'i so sor thar pa'i nang nas dge slong pha'i dang mi mthun pa med pa nyid kyi khrims lhag par yod pa'i nang nas rnams las gdod shes shing thos so zhes zer ba ni nyes med do/ /so sor thar pa las 'chad pa nan tan du bya ste ma mnyan te bzlas na 'gyod du gzhug /thog ma gso sbyin lan gnyis byas kyi bar du khrims ma bslabs shing ma mnyan te gso sbyin lan gsum tshun chad du so sor thar pa klog pa la 'di lta bu'i tshig gdod thos shing shes so zhes smra ba'i dge slong de ltung bar 'gyur ba yin gyis dge 'dun dang mkhan po drung na su 'dug pas 'gyod cing mthol du chug shig mthol du ma bcug na dge slong de kun la nyes byas re re yod do//bslab tshig gi rdzas kun spyod pa'o/ /'di lta bu'i chos gdod shes shing thos so zhes zer ba'i ltung ba rdzogs so// //khab ral gyi ltung ba la 'chad de/ba so dang rus pa dang rwa'i khab ral byas sam byed du bcug na'o/ /ming gis smos pa 'di rnams las khab ral byas pa zhig bdag gis byas sam gzhan la byed du bcug na ltung bar 'gyur ro/ /byas pa'i rnyed pa kun du spyod pa ltung ba med pa'o/ /gzhan zhig byas zin pa zhig byin pa ni blangs shing spyad kyang nyes med/bcag gam zhes ma dris par mthol ba ma bzung shig /dge slong rus pa la sogs pa la khab ral byas pa zhig ltung bar gyur pa zhig mthol du 'ongs na khab ral de bcag gam zhes dris la bcag na mthol du chug shig ma bcag gam ma dris par mthol du bcug na dge slong mthol tshangs kyi spangs pa byed pa de nyes byas so//de ste ma bcug na ma bshags pa bzhin no/ /sU tra ltag ma ltar khab ral ma bcag gam mthol tshangs ma byas pa dang 'dra ste ltung ba yod pa tshangs par mi 'gyur ro/ /'og ma lnga po de yang spyad cing sbyar gnyis po ni bshus nas so//rkang pa dang g.yogs pa dang gding ba dang g.yan pa dang ral chen lnga yang ltung bar 'gyur te mthol du 'ongs na lhag pa bcad cing bshus sam zhes dris / ma dris sam ma bshus na mthol du bcug na mthol ba'i dbang po dge slong nyes byas pa'o //ltung ba 'byung ba'i dge slong tshang par mi 'gyur ro/ /khab ral sbyor ba'o/ /rwa las khab ral byas pa'i ltung ba rdzogs so// //khri'i rkang pa'i ltung ba la 'chad de/ rkang pa thung ngu'i khri la mi nyal/ khri rkang pa thung ngu la mi nyal nyal na nyes byas/nyal ba'i gnas su chud pa'i khri'i drung gi phyogs su rkang pa mi bkru lham yod na'o/ /nyal khri'i glor chol zangs la sogs pa snod med par sa la rkang pa mi bkru bkrus na nyes byas/ nyal khri rkang pa thung ngu zhig la dge slong cig gis glor rkang pa bkrus nas sa la chu ltung ba'i nang du sbrul cig nyal nas khri thog nas dge slong bsam gtan byed cing yur ba las sbrul gyis 'phral la btsugs te shi nas khri rkang pa thung ngu ma byed cig mal gyi glor rkang pa ma 'khru cig ces bcas/lham yod na phyi rol tam gzhan du rkang pa bkrus la lham gyon te mal du 'gro/mgo mjug gi mtha' ma gtogs te gzhan du'o/ /lham med na mal khri'i glor rkang pa mi bkru bar sngas sam 'phongs shig tu bkru'o/ /mal stan chen po'am mthon por 'dug pa la nyal bar mi bya/ rin po che dang gser dang dngul las byas pa'i khri chen po dang khri rkang pa ring po mthon po la mi 'dug 'dug na nyes byas/med na grong bar du snga ma bya/ khyim pas grong bar du rin po che la sogs pa'i khri steng du bzhag na khri gzhan med dam zhes dris te med na 'dug kyang nyes med de 'phres shing nyal du mi gnang ngo / /brtags pa ni rkang pa bzhi dang bcas pa la nyal ba'o//khri rkang pa thung ngu la rkang pa'i tshad du bya ba'i phyir rkang pa bzhi'i 'og tu rten pas btod de nyal ba ni nyes med do/ /khri'i steng gi khri'u la mi 'dug /khri gcig gi steng du gcig bzhag pa'i steng du mi 'dug 'dug na nyes byas/ tshad las 'das pa byas sam byed du bcug pa'o//khri rkang pa thung ngu la ma nyal cig ces khrims bcas pa dang drug sdes khru bcu gnyis kyi srid kyi rkang pa yod pa'i khri byas pa las bcas te rkang pa tshad las 'das par bdag gis byas sam gzhan byed du bcug pa las ltung bar 'gyur te yan lag gcig / tshun chad pa gnyis ma yin pa gsum mo / /khri rkang pa ring po dang khri shing bal gyis g.yogs pa'i ltung ba gnyis ma gtogs par gding ba dang g.yan pa dgab pa dang ras chen gsum yang tshad las 'das par byas na ltung bar 'gyur ro/ /khri dang khri'u'o/ /khri dang khri'u rkang pa ring du byas pa las ltung bar 'gyur te yan lag gcig /dge 'dun gyi'o/ /khri dang khri'u byas pa dge 'dun gyi yang yin pa las ltung bar 'gyur te yan lag gcig /mdo bzhin pa yang ngo / /khri'u la shing bal gyis g.yogs pa'i ltung ba yang dge 'dun gyi yin pa las ltung bar 'gyur ro rkang pa dag go /khri'u rkang pa tshad las 'das pa las ltung bar 'gyur te yan lag gcig /yan lag thor bu smos pa 'di rnams dang ldan par 'gyur na ltung ba'o/ /'di dag gi khri'i tshad de mu'i phyogs ma gtogs te'o/ /khri'i rkang pa'i tshad ni grwa'i mtha' ma'i gru bzhir 'dug pa'i rngams ma gtogs par rkang pa nyi tshe la 'khru gang brtsi zhing gcal lo//de las 'das par byas na ltung bar 'gyur/ bde bar gshegs pa'i gsum gyis so/ /khru gang gi tshad du brtsi ba ni mi 'bring po'i khru gsum la bde bar gshegs pa'i khru gang yod par brtsis la mi 'bring po'i khru gang du khri'i rkang pa bya'o//de ma thag pa yang ngo / /gding ba dang g.yan pa dang ras chen gsum yang khru tshad 'di ltar brtsis pa'i thang du bcal te bya'o/ /rkang pa sgrub pa'o/ /khri rkang pa tshad las 'das pa'i ltung ba rdzogs so// //yogs pa'i ltung ba la 'chad de/ shing bal gyis g.yogs pa'o//dge 'dun gyi khri shing bal gyi bar tshangs can du 'dug pa las bar nas shing bal byung ste khri'i steng du g.yogs shing gtor na ltung bar 'gyur ro/ /bdag gis sam bcug na'o/ /bdag gis shing bal phyung ste g.yogs sam gzhan la g.yogs su bcug kyang rung ste ltung bar 'gyur/shing bal la lnga ste shal ma la dang a ka dang ka sha dang bo ka dang me ra ka na gyi'o/ /shing bal ni ming gis smos pa 'di rnams las gang gis g.yogs kyang rung ste phyung na ltung bar 'gyur ro/ /g.yogs pa'o/ /dge 'dun gyi khri la shing bal gyis g.yogs pa'i ltung ba rdzogs so// //gding ba'i ltung ba la 'chad de/ gding ba'o/ /gding ba byas pa las ltung bar 'gyur/ tshad 'di lta ste srid du khru gsum/ gding ba'i tshad ni chur mi 'bring po'i khru gsum du bya'o/ /mi byed na phyed dang do bsnan/ gding ba khru gsum du byas te spyad pa la u da'i lus ring ste gding ba mchog nas tha ma lo ma dag gis mthud pa las gnang ste khru phyed dang ngos bsnan te khru phyed dang lngar byas kyang ma nyes/khru gsum du byas kyang nyes med / de'i zheng ni khru do dang sor drug go /gding ba'i zheng ni khru do dang sor drug gi thad du bya'o//zheng dang chu'i tshad ni 'di las lhag par byas na ltung ba'o/ /nyes byas pa ni 'di nas bri ba la bsngos na'o/ /lus ring po khru phyed dang lnga dgos pa las de bas na chung ngu byas sam lus chung ngu khru gsum dgos pa las de las chung ngu byas kyang nyes byas so/ /mdo bzhin gnyis kyang ngo //g.yan pa dang ras chen gnyis kyang tshad las chung ngu byas na nyes byas/ gding bar chud pa'o / /gding ba tshad las 'das pa'i ltung ba rdzogs so// //g.yan pa dgab pa'i ltung ba la 'chad de/ g.yan pa dgab pa tshad las 'das par byas na ltung bar 'gyur ro/ /khru drug dang gsum mo//g.yan pa dgab pa'i tshad ni zheng du khru gsum chur khru drug tu bya'o/ /g.yan dgab par chud pa'o/ /g.yan pa dgab pa tshad las 'das pa'i ltung ba rdzogs so// //ras chen gyi ltung ba la 'chad de/ dbyar gyi ras chen/ ras chen tshad las 'das par byas na ltung bar 'gyur/dgu dang gsum dang sor bco brgyad do/ /ras chen gyi tshad ni zheng du khru gsum dang sor bco brgyad chur dgu ste de las tshad las 'das par byas na ltung bar 'gyur ro/ /dbyar gyi chen du chud pa'o/ /ras chen tshad las 'das par byas pa'i ltung ba rdzogs so// //bde bar gshegs pa'i chos gos kyi ltung ba la 'chad de/lnga dang gsum ste ston pa bdag gi khru dang chos gos so/ /bde bar gshegs pa'i chos gos kyi tshad ni bde bar gshegs pa nyid kyi khru chur lnga zheng du gsum mo/ /dge slong gis chos gos 'di'i tshad du byas na ltung bar 'gyur ro/ / de lta bu ma yin na/ dge slong la la zhig lus bde bar gshegs pa tsam phod pa ni bde bar gshegs pa'i chos gos kyi tshad du byas kyang nyes med do/ /de'i tshad dam de las lhag pa'i chos gos byas sam byed du bcug na'o/ /dge slong gzhan bde bar gshegs pa'i chos gos kyi tshad du byas sam de las lhag par byas na bdag gis byas kyang rung /gzhan byed du bcug kyang rung ltung bar 'gyur ro/ /de mi bcang / bde bar gshegs pa'i chos gos kyi tshad du byas pa mi bcang bcangs bzhin du mthol tshangs byas kyang tshangs par mi 'gyur ro/ /bde bar gshegs pa'i chos gos su chud pa'o//bde bar gshegs pa'i chos gos kyi tshad du byas pa'i ltung ba rdzogs so/ / 'ba' zhig pa'i ltung ba rdzogs so/ / dgu bcu'i ltung ba gtsang ma rdzogs so// //gtsang ma ni sum cu spang ba'i ltung ba ni rdzas spang dgos pas btsog pa zhes bya ba 'di ni ltung bar chad pas gtsang ma zhes bya'o// grong so sor mthol pa la 'chad de/ 'ab+h+rid / gnyen ma yin pa'i dge slong mas bsham par shes bzhin pa las mthol bar 'gyur ro/ /gnyen ma yin pa'i dge slong ma las so/ /gnyen ma yin pa'i dge slong ma grong bar na zan slong zhing 'dug pa las dge slong gis zan blangs te zos na mthol bar 'gyur//bdag gis byin te 'dris pa la ma yin bdag kyang grong na 'dug la bza' ba dang bca' ba blangs te zos pa las so/ /dge slong ma nyid kyis lag nas kyang byin dge 'dun phal mo che mchod ston gsol ba la dge slong mas brims pa yang ma yin par dge slong ma grong bar na slong zhing 'dug pa las bza' ba dang bca' ba gang yang rung ste dge slong ma'i lag nas blangs te thos na mthol bar 'gyur ro//dge slong mas drung na 'dug pa'i mi gzhan zhig gi lag tu byin te mi des dge slong gi lag tu byin yang mthol bar 'gyur ro//dbyar mo thang gi grong ma yin no/ /dge slong ma'i gtsug lag khang du dge slong phas zas zos sam zan blangs pa ni grong bar du mi brtsi ste nyes med do/ /dge slong gi gnas kyang ma yin no/ /dge slong gis gtsug lag khang ngam dge slong gi gnas su dge slong mas zan bskyal te byin pa yang nyes med do//nam mkha' ni phyed do/ /nam mkha' la dge slong ma 'dug ste dge slong phas zan blangs pa ni nyes byas so/ /mi nye bar bzhag pa las blangs na bzhag pa de las ma yin no/ /dge slong mas dge slong pha la sbyin pa'i phyir khyim pa'am mi gzhan zhig khyim du gtams te bzhag na gtams pa'i mi des dge slong la byin te zos pa ni nyes med do//dge slong ma las zas blangs zhes bya ba so sor mthol ba dang po'o/ /dge slong ma las grong bar du zan blangs te za ba'i mthol ba rdzogs so// //khyim gyi so sor mthol ba la 'chad de/ de la bca' ba byin sgom dang tshod ma dang mchod ston dang yang ngo zhes bya ba la sogs pa des sam dge slong gzhan gyis bstan par 'jug cing dge slong ma 'dug pa las byed do//sbyin bdag khyim pas rgyu sbyar te mchod ston byas pa las dge slong mas bshams te dge slong gcig la yang rung zad par yang rung 'bras dang tshod ma la sogs pa gsol zhes lhag par bdar na dge slong gag kyang rung gcig gis re zhig 'drim par ma shom par sdod cig ces bsgo shig de ltar ma bsgo na dge slong gcig la bdar cing bshams kyang rung ste dge 'dun thams cad mthol bar 'gyur ro//so sor mthol ba ni gtsug lag khang du song ste dge 'dun du yod pa kun la re re nas mthol lo//de ste de'i ngo bo dang gnyen yang ma yin pas spyan drangs na'o/ /sbyin bdag khyim pas spyan drangs pa la khyim pas dge slong ma zhal ta dang tho ngan byed du bcug pa dang khyim pa de'i gnyen du 'ongs pa'i dge slong ma zhig gis bshams shing bdar ba ni mthol bar mi 'gyur te nyes med do//ma gtogs pa ni rims ston pa dang ma thob pa la sbyin pa'o / /zas 'drim pa la gral mthon dman nor te mi shes pa la 'drim pa'i rims ston pa dang dge slong zan ma thob pa rnams la 'dir gsol cig ces byas pa ni mthol bar mi 'gyur te nyes med do//re zhig sdod cig sring mo khyod dge slong dag zan zos kyi bar du'o zhes dge slong phas de la gang sus kyang lhan cig tu ma zos pas kyang bsgo ste dge slong gsum la sogs pa spyan drangs te zos na'o/ /sbyin bdag khyim pas dge 'dun mchod ston la spyan drangs pa la dge slong ma shom zhing 'dug na dge 'dun gyi drung na dge slong zan zos zin pa dang da rung ma zos par zan mi za bar 'dug pa rnams kyis kyang dge 'dun bshos gsol gyi bar du ma shom shig ces dge slong gag kyang rung cig gis bsgo shig /ma bsgo na dge slong gsum yan chad dge 'dun du langs pa ni zos pa dang ma zos pa'i dge slong kun mthol bar 'gyur ro//gsum man chad dge 'dun du ma langs pa ni nyes byas te gang zag gcig la mthol/ rigs su'o/ /sbyin bdag gis zas sbyar ba'i gnas ni dge 'dun gyi gtsug lag khang du zan sbyar ba dang dgon pa'i thang la sbyar ba dang khyim bdag nyid kyi khyim du spyan drangs pa dang 'di rnams gsum gang yang rung ste dge slong mas bshams na mthol bar 'gyur/de ste des tshig gi mtshams rnyed na rtsa ba'o/ /zan za ba'i tshe dge slong mas bshams te 'di gsol zhes zer ba la sogs pa'i tshig thos na mthol bar 'gyur ro//de ste ma yin na nyes byas pa'o/ /zan za ba la khang dmigs so so na 'khod de khang pa mig gcig na 'khod pa'i rnams shom pa'i tshig ma thos pa ni mthol ba'i nyes byas so/ /'bring der bsgo ba spyad na'o/ /snga nas dge slong ma sham shing 'dug pa thos te shes bzhin du za ba'i tshe dge slong mas shom pa'i tshig zer ba la dge slong grogs kyis ma shom shig ces bsgo ba'i tshig ma thos pa ni mthol bar 'gyur ro//de bas na 'bri ba'i phyir nan tan gyis shig /mdo ltag ma ltar shom par shes te dge slong grogs kyis bsgo ba'i tshig ma thos pa'i dge slong des zan zos zin na grogs po rnams dge slong ma zhig shom zhing 'dug ces zer na khyod kyis slar bsgo'am zhes dris shig bsgo'o zhes zer ba thos na mthol bar mi 'gyur te nyes med do//rgan pos der ma zhugs na gsar bus zhugs shig /zan za ba'i tshe dge slong ma shom zhing 'dug pa la ma shom shig ces slar bsgo ba ni gral thog ma na 'dug pas bsgo'o//thog ma pas bsgo na 'og na 'khod pas rim bzhin du bsgo'o / /gral mi mnyam par spras pa ma bzlog par zos pa ste so sor mthol ba gnyis so/ /dge slong ma khyim pas spyan drangs pa'i zan la shom pa'i ltung ba rdzogs so// //slob pa'i so sor mthol ba la 'chad de/ de ste dad pa la sbyin pas phongs na rigs su slob pa'i khrims chos shig /dge bsnyen dad pa che ste dkon mchog dang dge 'dun la yon dbul zhing sbyin gtong byed byed pas dbul phongs par 'gyur na yon bdag de'i khyem du spyan drangs kyang rung dge 'dun mi 'dong zhing nor rdzas mi blang bar 'og khrims chos shig /zhu bas so/ /mdo ltag ma ltar 'og khrims bca' ba ni gsol ba dang zhu ba'i las kyis bca'o/ /kha phyir dgrol ba'o/ /'og khrims bcas pa las slar dgrol na yang gsol ba dang zhu ba'i las kyis dgrol lo//byin pa de'i sems shes par bya ste khyem du 'gro ba dang stan la spyad pa dang chos bshad pa byos shig /dge bsnyen dbul por gyur de'i khyim du dge 'dun mi 'dod par byas pa dang nor zang na dge 'dun 'di gang yang 'ong du 'ang mi btub na zas med kyang chos bshad cing 'ong ba'i rigs na zhes mi dga' ba'i phyir dge bsnyen de'i khyim du 'gro zhing stan dag la yang spyad chos bshad pa la sogs pa bya'o//lhung bzed stong pas gsob tu ma 'jug cig /dge bsnyen de'i khyim du 'gro ba'i tshe sngon lhung bzed bkang zhing sbyin sbyin nang lhung bzed stong par song ngo zhes mya ngan ldang pa'i phyir lhung bzed stong par mi bskur bskur dgos na'ang gzhan nas bslangs te bkang la bskur ro//de la byin cig /slong ba'i byis pa dag bsod snyoms las khur ba rangs ba ma yin la sbyin/ lhung bzed zan gyis bkang ste khyer ba la dge bsnyen de'i byis pa dag bslangs nas khur ba la sogs pa phrul de dum bu dum bur byas la sbyin no//rangs par byin na byis pa'i lag pa na khyer te grong du 'phyan du dong nas mur 'dug khyim tshes na re sngon na dge bsnyen des dge slong la zan sbyin pa yin na da ni 'di ltar dge slong la slong zhing za'o zhes 'phya ba'i phyir khur ba rangs par mi sbyin/dgos na phyis dgrol/ dge bsnyen dbul por gyur pa de slar phyug par gyur te dge 'dun la spyan 'dren cing gsol na mi bslang bar 'og khrims bcas pa slar dgrol zhing bshig ste 'dong ngo / /slob pa'i khrims bcas par slar dgrol zhing bshig ste 'dong ngo // slob pa'i khrims bcas pa'i rigs su sngar ma thos par bza' ba dang bca' ba blangs na ma gtogs pa ni ga gon dang rtsa ba dang sngon po ma phongs pa la zos na'o/ /dge bsnyen dbul po'i khyim du mi 'dod par 'og khrims bcas pa las der dong zhing nor rdzas blangs sam zos na so sor mthol ba'o//nyes med pa ni 'og khrims ma bcas pa'i mdun du spyan drangs pa la 'og khrims bcas pa'i 'og tu zan zar 'dod pa dang ga gon dang rtsa ba dang lo ma dag phongs shing gnod par mi 'gyur ba'i zas zos pa nyes med do/ /rigs su bslab pa las 'gal bar 'jug pa ste so sor mthol ba gsum mo//dge bsnyen dbul por gyur pa la de'i khyim du mi 'dod par khrims bcas pa las song ste zan zos na so sor mthol ba ste rdzogs so// //dbye ba'i so sor mthol ba la 'chad de/ nags nyul ba'i dge slong skos shig /dge slong phal mo che dgon pa ni gnas na rkun po dang mi rgod la sogs pa yod dam med brtag pa'i phyir nyul zhing bya ra byed pa dge slong la bsgo shig /dpag tshad phyed kyi kho ra khor yug tu des rtogs shig /nyul zhing bya ra byed par bskos pa'i dge slong des gang gis dpag tshad phyed kho ra khor yug tu nyul zhing rtogs shig /'jigs pa dang bcas na du ba gyis shig /nyul nas mi rgod dam/ rkun po yod na grogs po dag la go bar bya ba'i phyir du brda bya mi mang du yod pa ltar bya zhing bsdigs par bya ba'i phyir shing gi kha ras kyi ba dan btags la bsgreng ste mthong bar bya/ ba dan kyang sgrengs shig / grogs mi 'ong ba/ lam mi shes pa'i phyir rtswa'i lo ma lam du bor ba la mtshon gyis brda bya/ mi mang du nyal nyal ba ltar rtswa mang du bting ba la'ang bya/ lo mi phung po dag lam du khrom shig /mdo 'di'i ti ka ni gong ma la 'dug pa yin no/ /gong ma'i ti ka ni gong ma'i steng du 'dug pa'i mjug las 'chad pa yin no//der dgos pa yod na snga dro'i zas sbyin/ nags nyul ba'i dge slong du bsngos pa'i rnams las che zhing nyon mongs pa'i phyir g.yar sus byin la dgye/ grogs kyang ngo / /nags nyul ba'i dge slong 'jigs na grogs kyang sbyin te de'ang g.yar sus sbyin/'ab+h+rid/ mi rgod dang rkun po yod de 'jigs par shes bzhin pa las mthol bar 'gyur te yan lag gcig /nags su ma nyul na'o/ /nyul bar bskos pa'i dge slong gis 'jigs par shes bzhin du ma nyul na mthol bar 'gyur te yan lag gcig /nags su ra ba'i phyi rol du bza' ba dang bca' ba blangs te zos na'o//nags nyul ba'i dge slong gis gnas ma nyul ba'i dgon pa'i mtshams gcad pa'i phyi rol tu zan blangs shing zos na mthol bar 'gyur te yan lag 'di gsum dang ldan na so sor mthol ba'o/ /bsrungs te bsrubs na phyed du byed do/ / nags nyul du bskos pa'i dge slong kha cig zan za zhing 'khod pa la kha cig nyul du bkye bar 'jigs par shes bzhin du grogs zan za ba la bsrung du bcug na mthol ba'i nyes byas su 'gyur ro/ /'jigs pa'i gnas las gzhan du zhugs na yang ngo / /nags nyul ba'i dge slong de dag gis zan khyer te mi 'jigs pa'i phyogs kyis lkog dben pa gzhan du dong nas zos na nyes byas/nags brtag par rtogs pa ste so sor mthol ba bzhi'o/ /nags nyul du bskos pa las nags ma nyul bar lam du zan zos pa'i mthol ba rdzogs so/ / so sor mthol ba rdzogs so// // 'di man chad mang po bslab pa la 'chad de/ de ltar sham thabs bgo ba ji lta bur zlum po'i dbyibs su gyur pa'o/ /sham thabs kha thur du blta ba ya yo dang ring thung ma khyer bar zlum por bgo'o / /rab tu mi mtho/ sham thabs kyi mar blta ba pus mo las mi stod/ rab tu mi dma'/ sham thabs kyi kha rkang pa'i long bu las dma' bar mi bya/cha sna ltar mi dpyang / sham thabs kyi mtha' cha ga ya gcig bal glang gi sna ltar mi dpyang / mi stod/ sham thabs kyi kha yar lta ba lte ba las mi stod/ lhug lhug pos mi bzlogs / sham thabs kyi yar gyi kha ska rags kyi gseb nas ring du bya ste slar log nas lhug lhug por mi bya/bkri ste mi gzhag /sham thabs kyi mtha' ya gcig tu bsnyen cing brtul te mi bgo /de bzhin du chos gos bgos te ji ltar 'di snga ma gsum du 'gyur ba ltar ro/ /sham thams bgo ba zlum po dang mi mtho ba dang / mi dma' bar bgo ba bzhin du chos gos kyang sham thabs de ltar bgo'o//rab tu bsdams te grong nang du 'gro'o/ /lus dang ngag dang yid gsum gyi sgo bsdams te grong bar du 'gro'o/ /shin tu dgab/ grong bar 'gro na mthang la sogs pa mi snang bar chos gos kyis g.yogs / sgra bskyung / grong bar du lus dang ngag la sogs pa'i sgra bskyung /mig dbab/ mig yul la chags shing bros pa'i phyir dbab/ gnya' shing tsam du blta'o/ /mig dbab pa'i tshad ni gnya' shing gang tsam du blta'o/ /mgo g.yogs pa mi bya/ grong bar du ka shas mgo g.yogs te mi 'gro/ mi brdze/ grong du gos mi brdze/ mi gzar chos gos kyi tha ma gnyis phrag pa g.yas g.yon du gzar cing grong du mi 'gro/ mi brtal/ lag pa gnyis sne bsnol du btang ste phrag pa gnyis las mi bzung / mi bzlogs / lag pa gnyis kyis bdag nyid kyi ltag pa nas mi 'khyud/ bstod de mi gzugs/ rkang pa gnas nas bstod cing gom pa mi 'dor rtse mos btsugs shing mi 'gro ba la bya/ byin pa mi bsnol/ byin pa bsnol te mi 'gro/ mi 'phye/ 'phye zhing mi 'gro/ mi mchong mchong zhing mi 'gro/ tsog tsog por mi 'dug tsog tsog por 'dug la mchong zhing mi 'gro/ dkur mi brten lag pas dkur mi brten /lus rab tu mi bsgyur/ lag pa dang lus bsgyur mi bya/ dpung pa rab tu mi bsgyur/ dpung pa mi 'gyog /mgo rab tu mi bsgyur mgo bsgyur dang mjing kyog mi bya/ phrag pa mi sprad grogs dang phrag pa gnyis sbrel cing phrad de mi 'gro/ lag pa mi sbrel mi gzhan dang lag pa gnyis sbrel cing mi 'gro/der ma gnang bar stan la mi 'dug /khyim bdag gis bdag gi phyir ma yin par stan bting ba la 'dug shig ces ma bsgo bar mi 'dug /bdag gi phyir stan bting ba ni 'dug shig ces ma bsgo bar 'dug kyang nyes med/ ma brtags par ma yin/stan gyi 'og na bus pa dang sems can yod dam med brtags te 'dug /lus thams cad kyis mi dbab/stan dang khri la lus kyi lcid kyis phab ste drag tu mi 'dug /rkang pa la rkang pas mi gzhag /rkang pa gcig gi steng du gcig mi gzhag /brla la brlas ma yin/brla gcig gi steng du gcig bkal te mi 'dug /long bu la long bus ma yin/ rkang pa'i long du gcig gi steng du gcig bzhag ste mi 'dug rkang pa mig shibs mi dbral khri'i steng du 'dug ste khri'u'i 'og tu rkang pa gshibs te mi 'dug pa dang gdangs te mi 'dug /sgren mor ma yin/ sham thabs brdzes te rkub phyung la mi 'dug /lag pas mkhur ba la mi sbyin/ khyim pa'i gnas la sogs pa mya ngan byed pa bzhin lag pas mkhur ba la mi brten/ rting pas phyir mi phul/ khri'u dang stan rkang pa'i rting pas phul zhing phyir mi nur/ thams cad du bsod snyoms nan tan du blang /zas gag tu za'ang rung ste gus shing nan tan du blang ngo / /ji ltar blangs pa'i thabs 'og nas 'chad pa rnams yin/ mu dang mi mnyam/ zas len pa'i tshe lhung bzed gang bar mi bya tshod ma dang mnyam par zan ci tsam blangs pa'i rkyen tshod ma ci chog pa tsam du blang / rim bzhin du ltag 'og gzhan du 'drim pa lang la rims zhes mi bya/bza' ba dang bca' ba ma 'ongs par lhung bzed mi bzed/ kha zas 'drim zhing sbyin pa ma 'ongs kyi bar du mdun na lhung bzed bzed cing mi bsdad/ 'di steng du mi gzhag /zas kyi steng du lhung bzed mi gzhag /nan tan byas te bsod snyoms bza'/zan za ba'i tshe nan tan bya ste bsod snyoms legs par bza'/ legs par ji ltar bza' ba log nas 'chad/ kham rab tu chung ngur ma yin/ kham rab tu chung bar byas shing mi bza'/ rab tu chen por ma yin/ kham che rab tu byas shing mi bza' kham ran par byas te bza'/kham kha'i sgor ma 'ongs par mi gdangs/ zan gyi kham kha'i sgor ma 'ongs par snga nas kha mi gdangs/ mang du 'dod pa'i phyir tshod mas 'bras sam 'bras kyis tshod ma mi dgab/ kha zas mang du 'dod pa'i phyir gcig gis bkab ste mi snang bar mi bya/ balcag balcag mi bya/ zas za ba la skyur ba dang mngar ba skad du rkan sgra mi gtogs/ thu thu mi bya/ zas la mchil mas mi 'debs/ hu hu mi bya/ zas grang ba la kha rlangs kyis bsro ba skad du hu hu mi bya/ phu phu mi bya/ kha zas grang ba la tsha ba skad du phu phu mi bya/ kham can gyi zas tshig mi smra/ kha zas kyis bkang la mi smra/ 'brum bu nas mi btu/ kha zas 'brum bu nas btu zhing mi bza'/ smad par mi bya/ kha zas la ngan pa dang mi zhim pa dang lan tshwa mi bro ba dang ston mo ngan to zhes mi smad/ mkhur ba mi bzlogs kham chen po mkhur ba rlo bor byas te mi bldad/ kham du mi bcad/ zas kham 'phror bcad cing mi bza'/ rkan ma gtogs / zan za ba'i tshe rkan sgra mi gtogs / lce mi dbyung / zan za ba'i tshe lce mi dbyung / mchod rten 'dra ba byas te mi gzhig /zan mchod rten 'dra bar byas shing mi gzhig mi bza'/ lag pa dang lhung bzed mi bldag /lag pa dang lhung bzed la mi bldag /mi sprug lag pa la zas chags pa mi sprug /mi gzhal/ zas kyi lcid lag tshad du mi bcal / lhung bzed la 'du shes te'o/ /zan len pa'i tshe mig gud du mi blta/ 'phya bar rtog cing gnan po'i dge slong gi lhung bzed la mi blta/ 'khod pa'i phyir ltag 'og gi grogs kyi zan la mi lta/ zan zas can gyi lag pas snod la mi gzung /lag pa la zan 'bags bzhin du chu snod la mi gzung / zas can gyi chus gzhan pa'i dge slong la mi gtor/ /ba zas dang 'dres pa'i chus dge slong grogs la mi gtor/ grong dag tu khyim bdag la ma zhus par mi gtor/ khyim bdag la ma dris par lhung bzed kyi chu mi 'bo ste sa ma rung zhing khyim pa mi dga' bar 'gyur ba dang /lhung bzed kyi chud po/ /khyim pas pho shig par bsgo ba nyes med lhung bzed kyis bral brul mi gtor/ lhung bzed kyi nang du kha zas kyi tshigs ma bzar mi rung ba blugs shing mi dor/ lhung bzed lan gsum du bkrus la zhal nas gsungs pa'i tshigs su bcad pa bsngags te lhung bzed kyi chu sbyin/yon 'dod pa'i phyir lhung bzed bkrus pa'i chu slong na lan gsum du dag par bkrus la chus bkang ste zhal nas gsungs pa'i tshigs su bcad pa sngags su btab ste sbyin/ ma bting pa'i phyogs su lhung bzed mi bzhag gzhi ma bting bar lhung bzed mi gzhag /'grengs te mi bkru/ lhung bzed 'grengs te mi bkru/ gzugs por yang de gnyi ga mi bya/ sa gzugs por lhung bzed gzhag pa'am bkru bar mi bya/ g.yang sar ma yin gad khar ma yin lam gyi bzhi mdor ma yin/ming gis smos pa 'di rnams su lhung bzed bzhag pa'am bkru bar mi bya/ chu'i 'bab rgyun 'phrog cing 'phrog pa la mi bzed chu drag tu 'bab pa la lhung bzed kha gyen du bstan te chu mi bcu/ bshang gci tshun chad min pa'i phyir ro/ /mdo 'di man chad 'og nas 'grengs te bshang gci mi bya zhes 'byung ba yan chad na ba'i rkyen byung na ma gtogs te mi na bar byas na nyes byas so//der min na'o/ /na ba'i rkyen ma byung bas bsrung dgos so/ /'grengs pas 'dug pa la chos mi bshad/ 'dug pa la 'grengs te chos mi bshad/ 'dug pas nyal ba la ma yin/nyal ba la 'dug pas kyang chos mi bshad/ stan mthon po la mi 'dug pa la dma' ba la 'dug pas ma yin stan mthon po la 'dug pa la stan dma' ba la 'dug pas chos mi bshad/ bzang po dang ngan pa la yang de bzhin no/ /stan bzang po la 'dug pa la stan ngan pa la 'dug pas chos mi bshad/phyi nas 'ongs pas sngar 'gro ba la ma yin/ sngar 'gro ba la phyin 'dug pas chos mi bshad/ lam ma yin pas lam pa la ma yin/ lam bzhin du song ba la lam gyi g.yas g.yon nas 'gro zhing chos mi bshad/ g.yogs pa la sogs pa la byas pa la ma yin/mgo g.yogs pa dang dkris pa la sogs pa'i mi la chos mi bshad/ rta dang bal glang dang / bzhon pa dang khyogs dang khri dang shing lham gyon pa la ma yin/ ming gis smos pa 'di rnams zhon zhing gyon pa la bdag bzhon pa med par chos mi bshad/ lham dang shing lham gyon pa la'ang mi bshad do//zhwa dang cod pan dang gtsug tor dang dkris pa pa dang phreng ba can gyi mgo la ma yin/ mgo la ming gis smos pa 'di rnams kyis bcings pa la chos mi bshad do/ /lag na gdugs dang dbyig pa dang ral gri dang lag cha can la ma yin/ ming gis smos pa 'di rnams lag na thogs pa'i mi la chos mi bshad/go cha can la ma yin/ ya lad dang go cha gyon pa la chos mi bshad/ 'grengs te bshang gci mi bya/ sngon po'i phyogs su ma yin/ rtswa dang ldam ldum gyi steng du bshang gci mi bya/ mi dor/ rtswa dang ldam ldum gyi steng du bshang gci gos la reg pa'ang mi dor/ mchil ma dang snabs dang skyugs pa dang tshad pa yang ngo / /rtsa ba dang ldam ldum sngon po'i phyogs su ming gis smos pa 'di rnams mi dor/ chur ma yin/ bshang gci dang mchil ma la sogs pa chur mi dor/ shing mi gang tsam las lhag pa la mi 'dzegs glo bur ma gtogs so/ /'jigs pa'i rkyen byung /shing ring po la'ang 'dzegs pa ma gtogs te shing mi gang las ring ba yan chad la mi 'dzegs/ bslab pa'o/ / bslab pa mang po rdzogs so/ / bslab pa rdzogs te dge slong gi rnam par 'byed pa'o/ /dge slong pha'i so sor thar pa 'chad pa 'dul ba rnam par 'byed pas gzhi bzung ste 'grel pa'i mdo rdzogs so// //'di man chad dge slong ma'i 'dul ba bcu gnyis stong gi nang nas 'byung ba'i mdo ste dge slong ma'i khrims la 'chad do/ /ltung bar sbyor ba'i tshig tshun chad dge slong ma'i'o/ /'og nas ltung bar sbyor ba zhes 'byung ba'i mdo yan chad 'di man chad ni dge slong ma'i khrims so//bzhi pa'i'o / /dge slong pha'i phas pham pa bzhi dang dge slong ma'i phas pham par gtogs te ltag tu bshad zin pa yin no/ /reg pa'i phas pham pa la 'chad de/ bdag gir byas pa'o/ /bdag dga' bar 'dod pa las phas pham par 'gyur te yan lag gcig /mig nas pus mo'i bar du'o//dge slong ma'i mig man chad pus mo yan chad kyis skyes pa la reg na phas pham par 'gyur te/ yan lag gcig reg pa'o/ /reg pa las pham par 'gyur te yan lag gcig /skyes pa'o/ /skyes pa spyad bzod pa las phas pham par 'gyur te yan lag gcig /rgyo 'dod pas so//skyes pa'ang dge slong ma la rgyo bar sems pa la reg na pham par 'gyur te yan lag gcig /yan lag gzhan du na sbom po'o/ /dge slong ma'i mig yan chad dang pus mo man chad kyis skyes pa la reg pa ni sbom po ste yan lag gong du smos pa rnams dang ldan na pham par 'gyur 'bri ba ni sems gzhan gyis so//dge slong ma 'dod chags kyi sems ni med kyi skyes pa'i mthang 'jam mam rtsub sad pa'i phyir reg pa ni sbom po'o/ /de ste skyes pa'ang de'i tshe der shes na'ang 'di bzhin no/ /reg pa ni dge slong ma'ang 'dod chags kyi sems yod la skyes pa'ang 'dod chags kyi sems yod de skyes pa 'dod chags par shes bzhin reg na pham pa'o//'ongs te de ltar ma yin na yang ngo / /dge slong ma dang skyes pa gnyis ka 'dod chags kyi sems med par reg pa ni nyes byas so/ /bud med dge slong ma 'dod chags yod pas reg na'ang nyes byas/ltung ba med pa ni bdag gir ma byas na'o/ /dge slong ma 'dod chags med de reg par mi 'dod bzhin du skyes pas reg cing bzung ba ni nyes med do/ /nyes med pa ni bu la reg pa'o/ /dge slong mas bdag gi sngon gyi bu khye'u chung ngu la reg pa ni nyes med do/ /byis pa'ang rung gzhan la mi reg go /bdag gi bu ma yin na gzhan gyi byis pa chung ngu dang skyes pa la mi reg par bya/ sten phod pa'i skyes pa dang / reg nas pham par 'gyur ba'i skyes pa ni pho mtshan dang ldan zhing mi tshangs par spyod nus pa dang / 'dod pa dang ldan pas/ skyes pa de 'dod chags kyi sems dang yang ldan te gzhan la 'dod chags kyi sems skyes pa ni ma yin gyi dge slong ma de nyid la 'dod chags kyi sems skyes pa yin na pham par 'gyur ro//de bcud pa'i phyir tshig shes nas kun rdzogs par nus pa'o/ /skyes pa tshig zur gyis shes shing brda phrad pa yin pa las khrims ral bar 'gyur te khrims gzhan gyi yan lag tu dgos pa'i phyir 'di bshad do//reg pa'i phas pham pa'o/ /reg pa'i phas pham pa rdzogs so// //skyes pa'i mdun du gnad pa'i pham pa la 'chad de/ lus [(]gyi [,] kyi[)] phas pham pa skyes pa'i mdun du lus kyis phab cing gnad pa las pham par 'gyur te yan lag gcig /zhen pas skyes pa'i mdun du gnas pa yang 'dod chags kyi sems yod pa las pham par 'gyur te yan lag gcig /mngon par 'dug pa la bsnyen par zhen cing de la skyes pas so/ /skyes pa mig snga na 'dug cing 'dod chags dang yang ldan mi tshangs par spyod du 'ong ba'i mdun du gnad pa las pham ste yan lag gcig /de phyin na'o/ /skyes pa mi tshangs par spyod du 'ongs te lag gis slebs tshun chad du 'ongs pa la gnang na pham ste yan lag 'di rnams dang ldan na pham pa'o/ /zhen pa dang zhen ma lhan cig tu trog trog por byed na sbom po/ dge slong ma dang skyes pa gnyis ka 'dod chags dang ldan zhing stegs sngags la sogs pas trog trog mor byas na sbom po'o//ltar ltar mo/ /'dod chags kyi sems kyis rtsed mo dang lus sgyur dang mi zur dang sna snyer la sogs pa byas na sbom po'o/ /rnyil rnyil mo/ skyes pa dang sed sed por rtse rtse ba las 'dod chags kyis myos te rnyil rnyil mor 'gyur pa'ang sbom po//der bstan par khas blangs pa/ skyes pas mi tshangs par spyad pa'i phyir shog shig ces byas te de ltar bya'o zhes khas blangs na'ang sbom po'o/ /dus bor ba / dus mal 'dir shog shig ces skyes pas smras te khas blangs na sbom po/ mtshan mas so/ /gos 'di lta bu zhig gyon na mi tshangs par spyad kyis shog shig ces byas te khas blangs na'ang sbom po'o/ /'ong ba dang 'gro bar 'jug pa de bdag gis byas pa/ skyes pa phas 'ong ngam mi 'ong ba dang gud du 'gro ba la mi tshangs par spyad 'dod pa'i phyir bya ra byed cing lta zhing rtog na'ang sbom po'o//lus kyis phab pa'i phas pham pa'o/ /skyes pa'i mdun du gnad pa'i phas pham pa rdzogs so// //grogs kyi pham pa bcabs pa'i phas pham pa la 'chad de/ dge slong ma'i phas pham pa bcabs pa'o/ /dge slong ma'i phas pham pa brgyad la gang byas kyang rung ste pham pa byung ba zhig yod na shes bzhin du bcabs la zhag gcig gi skya rengs byung na pham par gyur to//bcabs pa'i phas pham pa'o/ /phas pham pa bcabs pa'i pham pa rdzogs so// //dge slong chad pas bcad pa kha drangs pa'i pham pa la 'chad de/ chags pas gsol bar gdon mi za ba las spangs ba'i dge slong phyag mi bya bar rig par sdom pa byas pa shes nas de'i phyir bzlog cing ma btang na dbyen du 'jug pa bzhin no//dge slong ma'i gnas su rtag par 'gro zhing 'dug pa las dge 'dun phos ma 'gro zhig ces bsgo ba las ma btub nas chad pas bcad de/ bskrad pa las dge 'dun mos kyang dge slong de la chos bzhin du phyag mi bya zhing mi bskor bar bzhag pa las dge slong de slar dge 'dun la bzod par gsol bar bsams shing chas pa las dge slong ma gag kyang rung gcig gis de ltar shes bzhin du khong gis bskrad du zad mod 'chags ci dgos 'tsho ba la sogs pa ngas sbyar ro zhes byas nas kha drangs te bzhag na pham mo//bzlog pa'i phas pham pa'o/ /dge 'dun gyis chad pas bcad pa'i dge slong slar bzod par gsol ba la dge slong mas kha drangs pa'i pham pa rdzogs so/ /dge slong ma'i phas pham pa'o/ /dge slong ma'i phas pham pa bzhi char rdzogs so// //'di man chad dge slong ma'i lhag ma nyi shu la 'chad de/ smyan gyi lhag ma la 'chad de/ smyan dge slong ma la khyim ma'i bsngags na sbom po'o/ /dge slong mas skyes pa dang bud med gnyis sprad de smyan byas na lhag mar 'gyur ba ni dge slong phas smyan byas te lhag mar 'gyur ba dang 'dra'o//dge slong pha'i smyan bshad pa'i steng du 'di rnams bla thabs su bsnan te/ dge slong ma grogs la dge slong ma la byung zhing slar khyim du 'jug cing 'dod pa lnga spyad pa'i rigs so zhes gros btab na sbom po'o/ /stu 'tshong ma gzhan 'jug na yang ngo / /bud med la rgyan la sogs pa 'phyo ba'i yo byad sbyar te slar 'dod pa'i phyir stu 'tshong ma byed du bcug na yang sbom po'o//rin gyi phyir btang na tha dad par mi 'gyur ro/ /g.yog mo'am bran mo la stu gla blang ba'i phyir brgyan te rgyor btang na'ang sbom po'o/ /dge slong ma'i smyan te dge 'dun gyi lhag ma'o/ /smyan gyi dge 'dun lhag ma rdzogs so// //rtsa ba med pa dang bag gi dge 'dun gyi lhag ma la 'chad de/ rtsa ba med pa dang bag dge slong mas phas pham pas skur tam phas pham pa'i chas skur na lhag mar 'gyur te yan lag dang bshad pa ni dge slong pha'i 'dra'o/ /phor ni mo der ni pho'o/ / dge slong phas dge slong pho la skur na rtsa ba med pas dang bag gi lhag mar gyur pa bzhin du dge slong mas kyang dge slong mo grogs mo la skur na bag dang rtsa ba med pa'i lhag par 'gyur ro/ /dge slong pha las skur ba'i nyes pa'i dmigs gud nas 'chad do/ /bag dang rtsa ba med pa'i dge 'dun gyi lhag ma rdzogs so// //nor rdzas len pa'i lhag ma la 'chad de/ chung zad bdag gir byas pa yang ngo / /gzhan las nor rdzas blangs te bdag gis byas pa las lhag mar 'gyur te/ yan lag gcig zhen pas so/ /'dod chags kyi sems dang bcas pas zang zing blangs pa las lhag mar 'gyur te yan lag gcig skyes pa'o//'dod chags dang bcas pas skyes pa las blangs pa las lhag mar 'gyur te yan lag gcig /yan lag 'di rnams dang ldan na lhag mar 'gyur ro/ /zhen pa dang ma zhen pa yang ngo / /dge slong ma la yang 'dod chags yod la skyes pa yang dge slong ma de dang mi tshangs par spyad par 'dod chags yod bzhin du nor rdzas blangs na lhag mar 'gyur ro//dge slong ma dang skyes pa gnyis ka 'dod chags med par blangs pa ni nyes med do/ /ma zhen pa na sgom po'o/ /dge slong ma la ni 'dod chags kyi sems med kyi skyes pa 'dod chags kyi sems yod pa las blangs na sbom po'o//nyes byas pa ni ma zhen pa'o/ /dge slong ma la 'dod chags yod na skyes pa la 'dod chags med pa las blangs pa ni nyes byas so/ /chung zad 'dzin pa'o/ /'dod chags kyi sems kyis nor rdzas blangs pa'i lhag ma rdzogs so// //nor rdzas len du bcug pa'i lhag ma la 'chad de/zhen pa la ma zhen pas chung zad bdag gir byas na ma nyes so zhes dge slong ma la bsgo na'o/ /dge slong ma gcig gis dge slong ma gcig la skyes pa las nor rdzas long shig ces bsgo na nor len pa'i bud med dang skyes pa gnyis ka la 'dod chags yod na lan du 'jug pa'i dge slong ma la 'dod chags med kyang gnyis ka lhag ma'o//skyes pa la 'dod chags yod na len pa dang len du bcug pa gnyis la 'dod chags med kyang gnyis ka sbom por 'gyur ro/ /skyes pa la 'dod chags med na nor len pa'i dge slong ma la 'dod chags yod kyang dge slong ma gnyis ka nyes byas so//gsum char la 'dod chags kyi sems med na nyes med do/ /chung zad 'dzin par 'doms pa'o/ /nor len du bcug ste 'dod chags yod pa'i lhag ma rdzogs so// //nub mo phyi rol du byung ba'i lhag ma la 'chad de/ 'og ma bzhi ni dge slong ma med na'o/ / 'og nas nub mo sgor 'gro ba dang nyin par lam du 'gro ba dang chu rgal ba dang nyin par mtshams kyi phyi rol du 'gro ba dang bzhi ni dge slong ma grogs med na lhag mar 'gyur ro/ /sum cha ma gtogs so/ /dge slob ma zhig grogs su khrid de ltag tu smos pa bzhi las gang yang rung //grogs su khrid na sum cha ma tshang ba'i phyir nyes byas so/ /dge slob ma'o/ /mdo lhag ma ltar sum cha ma tshang ste nyes byas su 'gyur ba ni dge slob ma dang 'grogs shing khrid pa las 'gyur ro/ /sum cha ni dge sbyong ma'o/ /dge sbyong ma grogs su khrid pa ni sum gnyis ma tshang ba'i phyir sbom por 'gyur ro//nyes med pa ni mi 'dod de bral ba'o/ /dge slong ma grogs su khrid de 'gro ba las grogs mo de bros sam shi'am khyim par babs sam rkun pos khyer na bdag gcig pu lus pa ni nyes med do/ /bar chad du 'gro ba'i dbang gis kyang ngo / /grogs su khrid khrid pa'i dge slong ma de la zhang blon nam yul dpon lta bus rtse ba'i rkyen cig yod de tshangs par spyod pa'i bar chad dang srog la dma' ba tsam gyi tshod na grogs mo slar song ste dge slong ma gcig pu lus kyang nyes med do//sbyor ba bzhin du tha ma'i dus su rtog pa tshun chad du'o/ /nub mo phyi rol du song ste lhag mar 'gyur ba'i tshad ni nam sum cha zad kyi bar du ni nyes byas/skya rengs ma byung gi bar du sbom po skya rengs dang po byung na lhag mar 'gyur ro/ /nub pa'i mtha' ni nyi ma mtha'/ nyin par mtshams kyi phyi rol na 'dug pa ni nyi ma nub ste dmar thag chad na lhag mar 'gyur ro/ /nub mo dbyar mo thang gi phyi rol na gnas na'o//nub mo mtshams kyi phyi rol na gnas na lhag mar 'gyur ba ni bdag gi gnas khang nyid kyi sgo 'das pa phan chad phyi rol du brtsi ste/ sgo phan chad du skya rengs byung na lhag mar 'gyur ro/ /nub mo 'bral ba'o/ /nub mo mtshams kyi phyi rol du gnas pa'i lhag ma rdzogs so// //nyin mo mtshams kyi phyi rol na gnas pa'i lhag ma la 'chad de/ nyin mo nyin par mtshams kyi phyi rol na 'dug pa las lhag mar 'gyur ro/ /mu ge'i tshe gcig pu gnyen gyi khyim du zas kyi phyir song la gnyen dang lhan cig tu 'brel par nye bar song ste gnang ba thob na'o//mu ge byung ba'i tshe gnyen gyi khyim du zan gyi phyir 'gro bar dge 'dun gyis gnang la grogs med par song ba ni nyes med do/ /dge 'dun gyis gnang ba'ang med par grogs med par song na lhag mar 'gyur ro/ /de sbyin mu ge'i tshe dge slong ma gnyen gyi der zan zar 'gro bar gsol na grogs med kyang dge 'dun gyis gnang ba sbyin no//nyin mo'i 'bral ba'o/ /nyin mo'i mtshams kyi phyi rol du grogs med par gnas pa'i ltung ba rdzogs so// //lam du 'gro ba'i lhag ma la 'chad de/ lam du 'gro ba'o/ /dge slong ma grogs med par lam du zhugs nas rgyang grags re re zhing lhag ma re rer 'gyur /rgyang grags phyed cing sbom po re rer 'gyur ro/ /lam du 'jug pa'o/ /grogs med par lam du 'gro ba'i lhag ma rdzogs so// //grogs med par chu rgal ba'i lhag ma la 'chad de/ chu pha rol du rgal ba'o/ /chu brgal te pha rol tu phyin na lhag mar 'gyur/rkyal te pha rol tu phyin pa'o/ /chu brgal te pha rol tu phyin pa ni rkyal te pha rol tu phyin na lhag mar 'gyur ro/ /tshun chad ni sbom po'o/ /pha rol ma phyin par slar log pa ni sbom po'o/ /nyes byas pa ni yur ba'i pha rol tu phyin pa'o/ /chu rkyal du mi chog pa dang yur ba tsam yan chad rgal ba ni nyes byas so//chu rgal ba'o/ /grogs med par chu rgal ba'i lhag ma rdzogs so// //rab tu 'byung ba'o/ /thug thub tu bud med rab tu phyung na lhag mar 'gyur ro/ /mang pos bskos bdag pos btang rgyal pos gnang ste gsad pa'i phyir ba las na'o/ / bud med mi sha za ba ma rungs ma yul mis kyang grags par 'gyur nas rgyal po la phul khyim thab kyis kyang btang rgyal pos kyang gsad par chad pa las de lta bu'i bud med thug thub tu rab tu byung na lhag mar 'gyur/ /mkhan mor na'o/ /bud med thug thub tu rab tu byung ba de mkhan mo gang yin pa de lhag mar 'gyur ro//der shes na'o/ /bud med ma rungs ma rgyal po la gsol te/ gsad par chad par shes bzhin pa las rab tu phyung na lhag mar 'gyur ro/ /rab tu byung ba'o/ /thug thub tu rab tu 'byin pa'i lhag ma rdzogs so// //shi ba'i nor blangs pa'o/ /khyim pas dge slong ma la nor sbyin par khas blangs pa las khyim pa de shi ba dang de'i sgo bgags nas ro phyir ma btang zhing sngon nor sbyin pa bdas na lhag ma/ltung ba med pa ni dge 'dun gyi na'o/ /khyim pas dge 'dun la nor byin pa khas blangs pa las khyim pa shi ste/ sngon nor sbyin pa de bdas te sngon nor byin pa de dge slong ma la blangs pa ni nyes med do/ /de ste bya ba nyung na'o/ /mdo lhag ma ltar nyes pa'ang sgo bcad cing mthus bu lon du mi bda' ba'i sngon dge 'dun la nor zhig dbul bar khas blangs te shi ba'i yang bsod nams te dbul ba'i rigs so zhes bya ba ni nyes med do//blangs pa'o/ /khyim bdag shi ba las nor blangs pa'i lhag ma rdzogs so// //mtshams kyi phyi rol la chags pa'o/ /dge slong ma'i dge 'dun gyis dge slong la chad pas bcad cing bskrad pa la dge slong ma kha cig gis mtshams kyi phyi rol du dong ste/ thug thub tu 'chags su bcug cing chad pas gnang bar byas na lhag mar 'gyur ro //'chags pa'o/ /chad pas bcad pa'i dge slong ma thug thub tu 'chags su bcug cing chad pa byung ba'i lhag ma rdzogs so// //dkon mchog bshags pa ni 'di dag dang dge sbyong gzhan 'dras der tshangs pa'i spyod pa spyad do zhes pa'i tshig 'di la zhugs pa ma btang na'o//dge slong mas sangs rgyas kyi chos dang mur 'dug gi chos spyod pa mi 'dra ba med de/ sangs rgyas kyi chos ni btang mur 'dug gi tshangs par spyod pa bya'o zhes smras na lhag mar 'gyur ro/ /dge 'dun dbyen du 'jug pa bzhin no/ / mdo ltag ma ltar lhag mar 'gyur ba ni dge 'dun gyi dbyen du zhugs pa la dge 'dun gyis lan gsum du bsgos te ma btang ba las lhag mar 'gyur ba bzhin du 'di'ang 'di skad ma zer zhes lan gsum du bsgo ste ma btub na lhag mar 'gyur ro/ /'og ma dag kyang ngo / /'og nas lhag ma 'byung ba rnams kyang lan gsum du bsgo ste ma btang na lhag mar 'gyur ro//phul ba'o/ /sangs rgyas kyi chos mi byed mur 'dug gi chos spyod do zhes zer ba'i lhag ma rdzogs so// //'dod pa dang ldan pa la sogs pas dge slong ma la bsgo ba'o/ /mdo 'og ma skad du 'thab mo dang 'phya ba la sogs pa byed pa la de ltar ma byed ces dge slong ma gzhan gyis bcos na slar khyod ni 'dod chags dang ldan pa zhe sdang dang ldan pa gti mug dang ldan pa'o zhes zer ba la de skad ma zer zhes lan gsum du bsgo ste ma btang na lhag ma'o//'thab mo dang 'phya ba dang 'khon pa dang rtsod pa dge slong ma dang lhan cig bzlog na'o//'thab mo byed pa dang 'phya ba dang 'khon pa dang rtsod pa byed cing smra ba la de ltar ma byed cig ces 'doms pa'i tshe dge slong ma la khyod 'dod chags dang ldan pa zhe sdang dang ldan pa gti mug dang ldan no zhes byas shing slar bzlog na lhag mar 'gyur/ 'thab mo la 'jug na'o//'thab mo la zhugs te gtong du mi btub pa'i lhag ma rdzogs so// //'gril cing 'khod pa'o/ /grogs mo dang bsten nas 'gril cing 'grogs na lhag mar 'gyur ro/ /dge slong ma na'o/ /'gril cing 'grogs pa de dge slong ma yang yin pa las lhag mar 'gyur/trog trog mo dang ltar ltar mo dang rnyil rnyil mo'i skyen du gyur pa'o/ /'grogs pa'i dge slong ma de rtsed mo dang 'phyar ba la sogs pa 'di rnams lta bu zhig byed pa dang 'grogs na lhag mar 'gyur ro/ /bdag bud med 'di rnams ltar byed pa zhig dang 'grogs na'ang lhag mar 'gyur ro//bud med kyi 'du 'dzir gtogs pa'o/ /bud med trog trog mor byed pa dang 'grogs pa'i lhag ma rdzogs so// //de'i 'du 'dzir 'doms pa'o/ /dge slong ma grogs la trog trog mo dang rtsed mo la sogs pa gyis shig ces bsgo zhing byed du bcug na'ang lhag mar 'gyur ro//'doms pa'o/ /rtsed mo gyis shig ces 'doms pa'i lhag ma rdzogs so// //dge 'dun dbyen pa la sogs pa bzhi dge slong ma yir gtogs pa'o/ /dbyen dang rjes su phyogs pa dang / rigs sun pa dang dag dka' ba bzhi yang dge slong pha'i bshad pa bzhin du dge slong mas byas na'ang lhag mar 'gyur ro//dge 'dun gyi lhag ma rdzogs so// // dge 'dun gyi lhag ma nyi shu rdzogs so// //'di man chad sum cu bzhi'i spang ba'i ltung ba la 'chad de/ bcu pa'o/ /'chad pa dang 'dral ba la sogs pa bcu dang phung po gcig ril gyis dge slong pha'i dang 'dra'o//gser dang dngul dang dngul gyis pa dang nyo tshong dang lhan pa med pa dang / 'thag pa gnyis dang 'phrog pa dang bsngos pa dang bsdus par chud pa'o/ /gser dang dngul dang nyo 'tshong dang lhung bzed lhan pa med par bzang po tshol ba dang 'thag pa gnyis dang byin 'phrog dang dge 'dun dbang ba gang zag la bsngos so zhes zer ba dang sman zhag bdun pa dang zhag bcu dgu ni dge slong pha'i dang 'dra ste dge slong phas bsrung bar bshad pa bzhin du dge slong mas kyang bsrung ngo //dge slong pha'i spang ba'i ltung ba bcu dgur ming gis smos pa 'di la ma gtogs pa rnams ni dge slong ma'i spang ba'i ltung bar mi 'gyur ro//dge slong gi 'khru ba la sogs pa'o/ /dge slong mas dge slong pha'i gos rnying pa bkrus na spang ba'i ltung bar 'gyur ro zhes TI ka las bshad/ dge slong mas gos rnying pa dge slong pha la bcol na spang ba'i ltung bar 'gyur ro zhes 'dul ba 'dzin pa kha cig dang mog sha la 'chad/de las blangs pa dang / dge slong mas gnyen ma yin pa'i dge slong pha las gos blangs na'ang spang ba'i ltung bar 'gyur ro/ /dge slong ma byin pa'o/ /dge slong mas sngar grogs la gos byin pa las phyis gos slar phrogs pa na spong ba'i ltung bar 'gyur ro//lha'i dad pa mi gzung / dge slong mas 'jig rten gyi lha'i gzugs bris sam byas te de la yul mi yon 'bul du bcug nas yon blangs na spang bar 'gyur ro/ /lhung bzed lhag pa nyin gcig las ring du mi bcad pa'o//lhung bzed lhag pa bcangs na sngags kyi ma thebs sam gud du ma btang bar zhag gnyis kyi skya rengs byung na spang ba'i ltung bar 'gyur/ lhung bzed kyi 'chang ba'o/ /lhung bzed lhag pa zhag gcig las 'das te sngags ma thebs pa'i spang ba'i ltung ba rdzogs so// //zla ba phyed phyed pa'i nyin mo thog ma la bsngo ba ma bsngos na'o//chos gos lnga dang yo byad bcu gsum bdag gi yin par bsngos na zla ba phyed phyed cing sngags kyis gdab dgos so/ /gzhan sbyin par bsngos pa dang gos lhag gis sngags btab pa ni mi dgos so/ /ma bsngos pa'o/ /zla ba phyed cing gos sngags kyis ma thebs pa'i spang ba'i ltung ba rdzogs so// //dpyid zla ra ba'i tha ma'i nyin mo tshun chad du drubs pa phyung na'o/ /dpyid zla ra ba nya la gding ba drubs pa las 'byin pa las de las sngar gding ba drubs pa phyung na zla ba lnga'i tshe rdzas rnyed do cog spang ba'i ltung bar 'gyur ro/ / ltung ba med pa ni rkun pos khyer ba dge slong ma'i phyir na'o/ /dpyid zla ra ba'i nya las sngar gding ba drubs pa phyung yang nyes med pa ni dge slong mang mo zhig nor dang gos rkun pos khyer drubs pa phyung nas nor dgos pa ni nyes med do/ /drubs pa las 'byin pa'o/ /gding ba drubs pa dus las sngar phyung ba'i spang ba'i ltung ba rdzogs so// //ma byung ba'o/ /gding ba drubs pa la dpyid zla ra ba'i nya la 'byin pa'i rigs pa las nya las 'das te drubs pa phyung na zla ba lnga'i tshe gos ci rnyed pa spang ba'i ltung bar 'gyur ro/ /der ro/ /nya 'das nas zhag gcig gi skya rengs byung na spang bar 'gyur ro//drubs pa dbyung ba'o/ /gding ba drubs pa dus las 'das te phyung ba'i spang ba'i ltung ba rdzogs so// //dbyig dang gser slong ba'o/ /dge slong mas nor rin po che dang / dbyig dang gser dngul la sogs pa khyim pa las blangs na gnyen yin yang rung ma yin yang rung spang ba'i ltung bar 'gyur ro//rin po che slong ba'o/ /rin po che khyim pa las slong ba'i spang ba'i ltung ba rdzogs so// //gzhan gyi phyir gos rnyed pa zas su byas te bza' ba'i phyir bsngos pa'o/ /gzhan gyis gos shig byin te 'dis kha phyis sam snod spyad dam gzhan zhig tu bsgyur te spyod cig ces bsngos te byin pa las gos de zas shig tu yang bsgyur na zas de rnams spang ba'i ltung ba'o//gos za bar chud pa'o/ /gos gzhan zhig tu bsgyur cig par byin pa las zas su bsgyur ba'i spang ba'i ltung ba rdzogs so// //gos dang mal stan dang dbyar mo thang gi phyir ba gang cig la yang yang ngo //dge 'dun la gos dang mal stan dang / gtsug lag khang gi yo byad du 'di rnams las phul ba las zas su bsgyur na spang ba'i ltung ba/ ltag ma'i ltung ba dang 'di gnyis ka dge 'dun la phul ba las zas su bsgyur kyang rung gang zag la phul ba las zas su bsgyur kyang rung spang ba'i ltung ba'o//'di rnams kyis bsgyur gyis shig par rin byin pa las zas su bsgyur na gang ci yang rung spang ba'o/ /gos la sogs pa bza' bar chud pa'o/ /gos phul ba la sogs zas su bsgyur ba'i spang ba'i ltung ba rdzogs so// //dge slong ma 'gro ba mang po'i phyir bskul ba las de bdag la bsngos pa'o/ /dge slong ma bzhi yan chad mang po zhig gud nas 'ongs te zas dang yo byad kyis mi chog go zhes blangs la gud nas 'ongs pa'i zas su ma byas par bdag gir byas te gzhan na spang ba'i ltung bar 'gyur/'gro ba mang po'i phyir bsngos pa'o/ /gud nas 'ongs pa'i phyir blangs te bdag gir byas pa'i spang ba'i ltung ba rdzogs so// //dge 'dun gyi phyir na yang ngo / /dge 'dun gyi gzhi la 'khod pa'i zas dang yo byad mi chog go zhes gud nas blangs te dge 'dun gyir ma spyad par bdag nyid kyir byas na spang ba'i ltung ba'o//dge 'dun gyi phyir bsngos pa'o/ /dge 'dun gyi phyir bslangs pa las bdag nyid kyir byas pa'i spang ba'i ltung ba rdzogs so// //tshig bdag gir bya ba'i phyir bcing ba'i don dgrol ba'o/ /dge slong mas skyes pa las sman bslangs kyang rung nyos kyang rung ste 'dod chags langs nas ring du 'dug pa'i phyir sman yang bcing yang bkrol byed cing 'dug na sman spangs pa la bdag ltung ngo //'grel pa'o/ /sman nyos pa'i tshe 'dod chags langs te 'jig cing bkrol ba'i spang ba'i ltung ba rdzogs so// //srang brgya la sogs pa te kAr ShA pa Na nyi shu la sogs pa'i rin gyi gos bdag gir bya ba'o //dge slong ma'i gos lhag ma lcid srang brgya man chad rin kAr ShA pa Na nyi shu rib man chad ni bcang du dbang ste lcid de dang rin de las 'das pa zhig dge slong mas bcangs na spang ba'i ltung bar 'gyur ro/ / gos lci ba 'chang ba'o/ / gos lci ba rin po che 'chang ba'i spang ba'i ltung ba rdzogs so// //srang lnga'i mtha' yang ngo / /dar lta bu yang ba zhig gi gos 'chang na lcid ni srang lnga rin ni kAr ShA pa Na nyi shu yan chad las 'das pa rin spang bar 'gyur/ gos spang ba 'chang ba'o/ /gos rin po che yang 'chang ba'i spang ba'i ltung ba rdzogs so// spang ba zin to/ /spang ba sum cu rtsa bzhi'i bshad pa kun rdzogs so// //'di man chad ltung ba brgya brgyad cu la 'chad de/ bdun cu rtsa gnyis/ ltung ba bdun cu rtsa gnyis ni dge slong pha'i 'dra ste bdun cu rtsa gnyis kyi nang du gang ma gtogs pa ni 'og nas 'chad do//ma bskos pa la sogs pa bcu/ skrod pa yang yang bsod pa gnas 'dug pa ma phyung ba nyung ba ras chen du chud pa ma gtogs so/ /ma bskos pa la sogs pa'i 'byung ba'i bcu sde gcig ril gyis dge slong ma'i ltung ba ma gtogs so/ /skrod pa dang yang yang dang kha zas bzang po dang bsnyen gnas su 'dug pa dang bsnyen gnas su gab pa dang gos byin pa slar ma brnyas par gyon pa dang skyon nas 'bod pa dang ras chen dang 'di brgyad kyang dge slong ma'i ltung ba la ma gtogs so//brtags pa ni dge slong gi ste rab tu 'byung ba la zang zing sbyin pa'o//dge slong phas spyan gzigs dang zas byin pa ni blangs kyang nyes med de brtags pa'o/ /chung mar spyad pa na yang ngo / /sngon khyo byed byed pa'i dge slong phas spyan gzigs dang zas byin pa yang blangs kyang nyes med do/ /des kyang blang ngo / /ltag ma ltar nyes med pas na dge slong pho mos gang gis blangs kyang nyes med do//lhan cig tu nyal ba bu mi che ba ma gtogs so/ /dge slong mas sngon gyi bu khye'u chung ngu nu ma dang ma bral ba dang lhan cig nyal ba nyes med do/ /gnang ba thob na'o/ /ltag ma ltar nyes med pa yang dge 'dun mo la gsol te gnang ba thob na nyes med do//de la sbyin/ dge slong ma bu chung ste lhan cig tu nyal bar gsol na dge 'dun gyis kyang gnang ba sbyin no/ /bu yang chung la gnang ba ma byin na dge 'dun nyes byas re rer 'gyur ro/ /rab tu 'byung ba dang bsnyen par rdzogs pa yang ngo / /rab tu 'byung ba dang bsnyen par rdzogs par byas pa las mkhan mo ltung bar 'gyur ro//lo bcu gnyis ma rdzogs na'o/ /mkhan mo lo bcu gnyis ma lon la chos lnga dang mi ldan pas rab tu phyung ngam bsnyen par rdzogs par byas na ltung bar 'gyur ro/ /bdag bsnyen par rdzogs so// /lo bcu gnyis su rtsi ba ni mkhan mo bsnyen par rdzogs nas lo bcu gnyis ma lon na ltung bar 'gyur ro//nyung ba 'jog pa'o/ /bdag lo bcu gnyis ma lon par bsnyen par rdzogs par byas pa'i ltung ba rdzogs so// //byin cig 'khor dang tshad med pa'i 'khor bzhag par gnang ba'o//dge slong ma'i dge 'dun gyis dge slong ma la slob ma dang nye gnas 'chang zhing rab tu 'byin pa dang bsnyen par rdzogs par byed pa gnang ba sbyin no/ /nus na de gzhag go /mdo ltag ma ltar gnang ba sbyin pa yang dge slong ma de chos lnga dang ldan na nye gnas dang slob ma 'chang ba gnang ba sbyin/lo bcu gnyis tshang ba bsnyen par rdzogs pa'i lo nas so/ /ltag ma ltar chos lnga dang ldan yang lo bcu gnyis ma lon na gnang ba mi sbyin gyi dge slong ma de khrims rdzogs nas lo bcu gnyis kyang lon chos lnga dang yang ldan na slob ma 'chang bar gnang ba sbyin no//gzhan gyis mi gsol lo/ /slob ma 'chang bar 'dod pa dge slong ma de lo bcu gnyis kyang lon la chos lnga dang yang ldan na slob ma 'chang bar dge slong ma de nyid kyis gsol lo/ /sngar gnang ba ma thob pa'o/ /dge 'dun la gsol te gnang ba ma thob par slob ma dang nye gnas bcang shing rab tu phyung na lo bcu gnyis lon zhing chos lnga dang ldan yang ltung bar 'gyur ro//'khor nye bar gzhag pa'o / /gnang ba ma thob par nye bar 'jog pa'o/ /dge 'dun gyis ma gnang bar slob ma 'chang ba'i ltung ba rdzogs so// //tshad med pa'i 'khor gzhan gyis pa'o//dge slong ma'i dge 'dun gyis ma gnang bar slob ma dang nye gnas mang du 'chang na ltung ba'o/ /gong ma ni slob ma gcig gnyis tsam bya'o/ /tshad med pa'i nye bar 'jog pa'o/ /slob ma dang nye gnas 'khor mang du 'chang ba'i ltung ba rdzogs so// //bsnyen par rdzogs pa ni lo bcu gnyis yan chad bag ma byas na'o//dge sbyong ma bag ma byas pa zhig na lo bcu gnyis lon no/ / bsnyen par rdzogs par rung ngo / /bcu gnyis ma lon par bsnyen par rdzogs par byas na mkhan mo gang yin pa ltung bar 'gyur ro/ /lo bcu gnyis las nyung ba bsnyen par rdzogs pa'o//lo bcu gnyis ma lon par bsnyen par rdzogs par byas pa'i ltung ba rdzogs so// //gzhan ni lo nyi shu las so/ /bag ma byas pa zhig na lo nyi shu ma lon pa zhig bsnyen par rdzogs par byas na mkhan mo gang yin pa ltung bar 'gyur ro/ /lo nyi shu las nyung ba bsnyen par rdzogs pa'o//bud med lo nyi shu ma lon par bsnyen par rdzogs pa byas pa'i ltung ba rdzogs so// //mkhan mos bslab pa dag ma byin na'o/ /mkhan mos dge sbyong ma'i khrims phog la de nas dge slob ma'i khrims phog ste bsnyen par rdzogs par bya ba'i rigs na de ltar rim pas khrims ma phog par bsnyen par rdzogs par byas na ltung bar 'gyur ro//tshig las rgal ba'o/ /dge slong ma dang dge slob ma rim par ma spang bar bsnyen par rdzogs par byas pa'i ltung ba rdzogs so// //des ma spyad pa'o/ /dge slob ma'i khrims phog ste dge slob ma lo gnyis ma spyad par bsnyen par rdzogs par byas na mkhan mo gang yin pa ltung bar 'gyur ro//bslab pa ma bslab par bsnyen par rdzogs par ro/ /dge slob ma lo gnyis ma tshang bar bsnyen par rdzogs par byas pa'i ltung ba rdzogs so// //spyad de ma byas na'o/ /dge slob ma gnyis spyad la bsnyen par rdzogs par ma byas na mkhan po gang yin pa ltung bar 'gyur ro//bslab pa spyad nas bsnyen par ma rdzogs pa'o/ /dge slob ma lo gnyis spyad nas bsnyen par rdzogs par ma byas pa'i ltung ba rdzogs so// //de ste nga la gos byin na de nas khyod bsnyen par rdzogs par bya'o zhes bsnyen par rdzogs par 'dod pa la slong ba'o//slob ma bsnyen par rdzogs par bgyir ci gnang zhes gsol ba la 'khyig ste nga la gos byin na bsnyen par rdzogs par bya'o zhes smras te gos thob na ltung ba'o/ /chos 'tshong pa'o/ /slob ma las gos blangs nas bsnyen par rdzogs par byas pa'i ltung ba rdzogs so// //rab tu 'byung bar mthun par bstan te khyim gyi 'byor pa bsdus nas rab tu phyung ba'o/ /bud med rab tu 'byung bar 'ongs pa la nor rdzas la sogs pa sbyin gtong gyis shig /sbyin gtong byas te nor zad dang rab tu dbyung ngo zhes byas la nor rdzas sbyin gtong byas te zad pa dang rab tu ma byung na mkhan mo gang yin pa ltung bar 'gyur ro//bslus pa'o/ /nor sbyin gtong byas te zad pa dang rab tu ma phyung pa'i ltung ba rdzogs so// //lo dus su rab tu 'byin pa'o/ /lo gnyis kyis bar du ma bcad par slob ma rab tu phyung yang rung bsnyen par rdzogs par byas kyang rung ste mkhan mo la ltung bar 'gyur ro//rgyud mang po'o/ /lo gnyis ma lon par rab tu phyung ba'i ltung ba rdzogs so// //bdag pos ma gnang ba'o/ /bud med khyim thab med pa pha mas ma gnang ba dang khyim thab yod pa khyim thab kyis ma gnang bar rab tu phyung na ltung ba'o//ma gnang ba bsdus pa'o/ /bud med bdag pos ma gnang bar rab tu phyung ba'i ltung ba rdzogs so// //log par spyod dam/ bud med ma rungs ma g.yon can ma rab tu phyung na ltung ba'o/ /sbrum ma bud med sbrum ma rab tu phyung na ltung ba'o/ / mya ngan gyis mnar ba/ bud med mya ngan mang du 'byung ba rab tu sems 'khrugs pa phyung na ltung ba/ smyon thabs byed ma/ bud med smyon thabs dang 'thab mo can rab tu phyung na ltung ba bsnyen par rdzogs par byas kyang ngo / /mdo ltag ma bzhi lta bu'i bud med las bsnyen par rdzogs par byas na'ang ltung ba'o//nyes pa dang bcas pa nye bar bsdus pa chud pa'o/ /bud med nyes pa yod pa dang skyon can rab tu phyung ba dang bsnyen par rdzogs par byas pa'i ltung ba rdzogs so// //rab tu phyung ba dang bsnyen par rdzogs par byas nas nye bar mi sdud pa/ slob ma rab tu phyung yang rung bsnyen par rdzogs pa byas kyang ste mkhan mos 'tsho ba'i yo byad cing 'byor bzhin du 'tsho ba ma sbyar cing ma bsdus na ltung ba'o//bar chad yod par mthong ba la ma spangs pa/ slob ma la gnod pa srog la bab pa'am tshangs par spyod pa'i bar chad du 'gyur ba zhig yod par shes la gud du ma spas shing skyob ma byas na ltung ba'o//ma bslabs pa/ slob ma la chos ma bstan cing ma bslabs na mkhan mo ltung bar 'gyur/ nad g.yog ma byas pa / slob ma na ba la g.yog ma byas na'ang ltung ba/ grogs mo na ba la'ang g.yog bya/ nye gnas dag kyang ngo / / mdo ltag ma rnams ltar nye gnas la ma byas na'ang ltung ba'o/ /g.yel bar chud pa'o/ /slob ma la mkhan mo g.yel ba'i ltung ba rdzogs so// //bdag gi gzhug gnas su rgya skyegs smyang smyang po nang du bcangs pa'o/ /dge slong mas bdag bdag gis mo mtshan du rgya skyegs smyang smyang por byas te bcug na ltung ba'o//gzhan gyis bdag gi mo mtshan du rgya skyegs smyang smyang por byas te bcug na sbom po'o / /rgyun la gyen du mi bzed/ chu 'bab pa'i khar mo mtshan bzed na nyes byas so/ /mngal gyi sgor mi blugs/ skyes pa'i khu ba phyung zin pa bdag gi mo mtshan du mi blugs/blugs na nyes byas/ snam bu ring pos ngos bcing bar mi bya/ khyim mi bud med khyim thab dang thal ba dang skyes pa'i mig sngar sdug par bya ba'i phyir rked pa ras kyi snam bus dkris pa lta bur dge slong mas byas na nyes byas/ nu gab kyis nu ma la ma yin/ bud med khyim ma dang skyes pa 'dod chags skye ba dang sdug par bya ba dang rgyo ba'i tshe bde zhing mkhrang bar bya ba'i phyir nu ma 'phyang du mi gtong bar nu gab kyis dkris na nyes byas/bde bar bya ba'i bar chad kyis ma yin/ rgyo na bde ba dang mig sngar sdug par bya ba'i phyir nu ma so so na mkhrang bar 'dug cing nang mi 'phyar bar ras kyi bar du bcug ste khyim mi sgeg mo ltar mi bya byas na nyes byas dpe de bzhin te /mdo ltag ma rnams dang 'dra bar khyim mi sgeg mo yo byad dri bsung gis bsku ba dang mig rtsis bsku ba dang rgyan la sogs par mi bya byas na nyes byas/ yan lag ma yin pa la spyod pa'o//khyim mi'i spyod pa ltar byed pa'i ltung ba dang nyes byas rdzogs so// //sor mo tshigs gnyis 'das par mo mtshan gyi nang bkrus na'o/ /mo mtshan bkru ba'i tshe sor mo tshigs gnyis las 'das par nang du bcug cing bkrus na ltung ba'o/ /yan lag med pa las byed pa'o/ / mo mtshan du sor mo bcug pa'i ltung ba rdzogs so// //lag mthil gyi thal mos 'di la 'byin pa yang ngo / /'dod chags kyi phyir mo mtshan thal mos brdebs na ltung ba'o/ /yan lag med pa la spyod pa'i cho ga ma rung bar byed pa'i tshul/ mo mtshan la thal mos bsnun pa'i ltung ba rdzogs so// //spu 'dreg par byas sam byed du bcug na'o/ /mo mtshan gyi spu bdag gis bregs sam 'breg tu bcug pa ste bregs na ltung ba/ mchan khang gi spu bregs na nyes byas/ gzhug gnas brtags na'o/ /mo mtshan gyi spu bregs pa'i ltung ba rdzogs so// //khyim pa dang lhan cig dben pa na 'dug pa'o/ /khyim pa skyes pa dang dben pa na 'dom gang tshun chad du lhan cig 'dug na ltung ba/ 'greng na'ang ltung ba'o/ /rtsig pa dang sab mo dang gos dang stug po dang mun pa der 'grub bo/ /dben pa ni rtsig pas bskor ba dang sab mos bskor ba dang /yol bas bcad pa dang nags dang mun pa dang 'di rnams gag kyang rung ste dben pa yin te 'dug cing 'greng na ltung ba'o/ /dge slong dang yang ngo / /dben par dge slong dang 'dug na ltung ba'o/ /bla gab med par snga ma dang yang ngo / /thang yangs pa na lam ring po nas gzhan gyis bltar snang zhing mthong yang khyim pa dang 'dug gam 'greng na ltung ba'o//bla ma dang ngo / /thang yangs par dge slong dang 'dug gam 'greng na ltung ba'o/ /ltung ba med pa ni de gnyis dang lhan cig na'o/ /dge slong gnyis yod na bdag gcig pu dang 'greng yang nyes med do//dge slong gcig skya bo gcig dang gnyis 'khod pa'ang nyes med do/ /khyim pa gnyis dang 'dug na ltung ba'o/ /dge slong ma de'i phyi bzhin zhi ba spyod pa na yang ngo / /bdag dang grogs dge slob ma gcig dang gnyis yod na skyes pa dang dge slong gang dang 'dug kyang nyes med do//khyim pa la rna ba nye bar dag byin na'o/ /skyes pa khyim pa la dge slong mas rna bar gshubs te smras na ltung ba'o/ /de bzhin nyid kyis 'dzin na'o/ /skyes pas gshubs te rna bar smras la dge slong mas mnyan na ltung ba'o/ / dge slong mas dge slong la gshubs te smras na'ang ltung ba'o//de las kyang ngo / /dge slong phas gshubs te smras pa la dge slong mas mnyan na'ang ltung ba'o/ /khyim pa las rigs pa blang pa'o / /khyim pa las dge slong mas sngags dang yi ge bslab na'ang ltung ba'o/ /de las de klog pa na yang ngo / /dge slong ma la khyim pas yi ge dang sngags slob tu bcug na'ang ltung ba'o//ltung ba med pa ni bsad pa la sogs pa'o/ /rma bcings shing bcings sgyus bkrol na'o/ /dge slong ma'i rkang lag la rma yod de sman pas bcings shing bcug nas 'dod chags langs te ring du thogs par bya ba'i phyir na zhing mi bde ste de ltar mi rung zhes lan du mar bcing zhing bkrol du bcug na'ang ltung ba'o//de bas na ltung ba med pa ni bde ba'i phyir dngos po la yang ngo / /nyes med pa ni sman pas rma bcing ba la 'dod chags kyi sems med cing rnyid nas rma mi bde ste 'ching zhing 'grol du bcug pa la ni nyes med do//mi reg pa'i 'du 'dzir gtogs pa'o/ /reg par dga' ba'i phyir rma bcing du bcug ste lan du mar bcing zhing 'grol bar bcug pa'i ltung ba'o/ /rgyud 'chang na'o/ /byis pa nad pa pho gsol zhing phyi bdar byas te 'chang na ltung ba'o/ /'phel la sred pa'o/ /byis pa dang 'grogs shing rtse dga'i ltung ba rdzogs so// //khyim gyi bdag po la ma zhus par nub mo 'das na'o/ /khyim bdag 'dug par ma gsol cing ma zhus par khyim pa'i khyim du zhag lon na ltung ba'o/ /ltung ba med pa ni bdag mo bud med de la ma dris na'o/ /ltung bar mi 'gyur ba ni khyim bdag bud med yin nam khyim thab pas khyim thab bud med dbang che ba zhig na ma dris par 'dug kyang nyes med do//nub mo ma brtags par dben par gnas na'o/ /dge slong ma'i gnas su nub mo skyes pa la sogs pa yod dam med/ ma drul tam ma bltas par 'dug na ltung ba'o/ / khang bur dge slong ma gzhan med par na yang ngo / /dge slong ma grogs mo med par khang bu gcig gi nang na nyal ba'ang ltung ba'o/ /ltung ba med pa ni bsad pa la sogs pa'o/ /nyes med pa ni khang bu gcig gi nang na dge slong ma grogs gcig dang 'dug 'dug pa las grogs de shi'am bros sam rkun pos khyer te med par gyur nas 'ba' zhig lus pa ni nyes med do//gnod pa 'byung ba'i sgo spang ba'o/ /gnod pa dang nyes pa 'byung ba'i ltung ba rdzogs so// //dge slong ma dang lhan cig tu khri gcig gi steng na 'dab chags su nyal bar gtogs pa'o//dge slong ma dang lhan cig rum gcig tu khri'am mal gcig tu mthang phrad par nyal ba ni ltung ba'o/ /ltung ba med pa ni 'di dag dang lhan cig na ste du ma'ang bar chad tshad thur la sogs pas byas la dran pa nye bar bzhag ste yan lag reg par myong ba med par khri mi g.yo ba'am gding ba phal la'o//lhan cig tu nyal yang nyes pa med pa ni gos kyis mi chog cing mal med na bar du rtsang thur la sogs pas bcad de mthang mi phrad cing 'dod chags mi ldang zhing dran pa nye bar bzhag ste khri mi g.yo zhing sgra mi dbyung ba la nyal ba ni nyes med do//'byor na yang nyes byas pa'o/ /gos kyis 'byor cing mal yod bzhin du mal gcig tu lhan cig nyal ba ni bar chad yod kyang nyes byas/ longs pas gnang ba dgag pa'o/ /rum gcig tu nyal ba'i ltung ba rdzogs so// //bdag gi yan lag la dge slong ma 'dril du bcug na'o//dge slong ma'i lus la dge slong ma grogs lde gu la sogs pas 'dril du bcug na ltung ba'o/ /dge slong ma'i yang ngo / /dge slong ma'i lus la dge slong ma lde gu la sogs pas 'dril zhing mnyer bcug na ltung ba'o/ /dge sbyong ma yang ngo / /dge sbyong ma'i 'dril du bcug kyang ltung ba'o//khyim ma yang ngo / /khyim mas 'dril na ltung ba/ mur 'dug mas kyang ngo / /mur 'dug mas 'dril na'ang ltung ba 'dril du bcug na'ang yang ngo / /mdo ltag ma rnams kyi nang nas 'byung ba rnams kyis lus la mnyed du bcug kyang ltung ba'o/ / spos kyi rdzas kyis bdag gi yan lag dril na yang ngo / /spos dang dri bsung la sogs pas bdag gi lus la gzhan skud du bcug kyang rung bdag nyid kyis bskus kyang rung ltung ba/ tshigs mas kyang ngo / /yungs mar til gyi tshigs mas lus la bskus na'ang ltung ba/ las kun chud pa'o//lus la mnyed cid skud pa'i ltung ba rdzogs so// //lag pa sbrel cing khrus byed na yang ngo / /dge slong ma grogs dang lag sbrel cing chu'i nang du 'khru ba yang ltung ba'o/ /chu la spyod pa'o/ /chu'i nang du 'khru ba'i ltung ba rdzogs so// //bshad pa'i phyir rtswa u shi ras brkos na yang ngo //skra la rtswa u shi ras bshad na yang ltung ba'o/ /so mangs dang rtswa khur dang gsum du gsungs pa dang skra brnyan yang ngo / /so mangs dang phag gze dang rtswas bshad na'ang ltung ba'o/ /'di gsum char bsdus te gcig tu bshad kyang ltung / so sor bshad kyang ltung /dge slong ma skra brnyan thogs na'ang ltung ba'o/ /khyim pa'i rgyan thogs kyang ngo / /dge slong mas khyim pa'i rgyan gser dngul dang rin po che las byas pa thogs na ltung / zangs dang lcags kyi rgyan du byas pa thogs na'ang nyes byas/ byi bdar du chud pa'o/ /lus la rgyan thogs shing byi dor byed pa'i ltung ba rdzogs so// //bro brdungs na yang ngo / /dge slong mas bro brdungs na yang ltung ba'o/ /gang ci'i yan lag gis kyang ngo / /dge slong ma rtsed mo byed na lus bsgyur tam kha bsnyer tam mig bsgyur ba la sogs pa ci byas kyang ltung ba'o/ /glu len na yang ngo //dge slong mas glu blangs na ltung ba'o/ /gang du de dag tu de'i bsam pas dbyangs kyi bsgyur ba yang ngo / /yi ge klog pa'i phyir bsam te gtang rag dang gre bsgyur dang glu'i dbyangs ro 'dra ba byas na'ang ltung ba'o/ /sil snyan blangs na yang ngo / /rnga dang gling bu la sogs pa rol mo'i yo byad las blangs shing bus na ltung ba/reg pa'i tshe na'ang ltung ba/ trog trog por chud pa'o/ /rtse zhing trog trog por byed pa'i ltung ba rdzogs so// //gdugs kun du spyod par 'gyur bar 'chang na yang ngo / /dge slong mas gdugs thogs shing spyod na'ang ltung ba'o/ /lham gong med kyang ngo //dge slong mas lham gag kyang rung gyon na ltung ba'o/ /ltung ba med pa ni dbyar mo thang na mal stan bsrung ba'i phyir na yang ngo / /lham gyon kyang nyes med pa ni dbyar mo thang bdag gi gnas na rkang pa bkrus te nyal ba'i tshe mal stan la rkang pa'i rdul gyis mi phog par bya ba'i phyir lham gyon pa ni nyes med do//khri'i steng du kun du spyod pa myong na yang ngo / /dge slong ma khri'i thog na 'dug la khri'i pha rol tshu rol nas slob ma la sogs pa gzhan gyis theg cing spyod na ltung ba'o/ /sgeg sgeg mor chud pa'o/ /sgeg sgeg mo byed pa'i ltung ba rdzogs so// // grong bar du ma bsgo bar 'dug na yang ngo / /grong bar khyim pa'i khyim du stan la 'dug ces ma bsgo bar thug thub tu stan la 'dug na ltung ba'o/ /pho brjid kyis kyang ngo / /pho brjid byed pa'i ltung ba'o/ / chos bsnyad pa'i phyir gnas shing spyod pa'i khyim pa'i mal stan khyim pa la ma bsnyad par bor te song na'o//chos bshad pa'i phyir khyim pas khri stan bting ba la 'dug 'dug ste khyim pa med de bdag gis kyang ma brtul par bor te song na ltung ba'o/ /de'i mtshams btang na mtha'o/ /stan ma brtul te bor te song nas 'dom bzhi bcu rtsa 'das na ltung ba'o//blan pa'o/ /stan ma brtul ba'i ltung ba rdzogs so// //skud pa 'khal na yang ngo / /gos rgyu'i skud pa bal 'khal na ltung ba'o/ /ltung ba med pa ni rgya cang dang lcag phod kyi phyir phyogs dben par ro/ /skud pa bkal kyang nyes pa med pa ni rgya cang dang lcag phod dang skud pa las pa phran tshegs dben par gzhan gyis ma mthong bar bkal ba nyes med do//dge slong ma'i dge 'dun ma'i gos bdag gir byas na yang ngo / /dge 'dun la dgos pa'i phyir khyim pa las gos bslangs te dge slong gir ma byas par bdag gir byas na ltung ba'o/ /zas btsongs pa byas na yang ngo //kha zas dang kha zas kyi rgyu 'tshong bsgyur na yang ltung ba'o/ /khyim pa yir gtogs pa na yang ngo / /khyim pa'i las ma gtogs pa ci yang rung bdag gis grogs byas na ltung ba'o/ /chang gi las mi bya/ chang ma rung bar song ba zhim por byed pa la sogs pa chang gi grogs byed na yang nyes byas/chang 'tshong bar mi bya/ chang btsongs na nyes byas/ rlon pa btsos na yang ngo / /kha zas ma tshos pa slar bslas te btsos pa ni ltung ba/ ltung ba med pa ni dge slong pha'i dge 'dun dang slob dpon dang tshangs pa mtshungs par spyod pa'i phyir na phyogs dben par ro/ /kha zas btsos kyang nyes med pa ni dge 'dun pho dang slob dpon dang mkhan po dang dge slong tshangs par spyod pa gang zag gi phyir byas pa ni nyes med do//khyim pa'i bzor chud pa'o/ / khyim ma'i las spyad pa'i ltung ba rdzogs so// //zos nas stan las 'phos te zos na yang ngo / /zan za ba las lan mang du yang langs yang 'dug byed cing 'chag cing za na ltung ba'o//bcud pa'i tshul lo/ /zan slos shing za ba'i ltung ba'o/ /sgog pa yang ngo / /sgog pa zos na ltung ba'o/ /'dus par mi rigs pa'o/ /sgog pa zos pa'i ltung ba rdzogs so // //rdul gos ma bcangs na'o/ / mo mtshan las khrag zag pa'i phyir dgab pa'i ras bcangs shing / ma g.yogs na ltung ba'o/ /gnas par the gus lus bcing ngo / /dgab pa'i ras la the gus btags te mi ltung ba'i phyir lus la bcing ngo / /dus dus su de bkru zhing btso/ mo mtshan dgab pa'i ras khrag mi 'ong pa'i skabs su bkru zhing btso/chu'i ras kyang ngo / /khrus ras 'khor gsum yog pa gcig dang lus thams cad yog pa gcig dang gnyis bcang ngo / /khrus ras chung ngus ma g.yogs par bkrus na ltung / chen pos ma g.yogs pa ni nyes byas so/ /de bcang / khrus ras che chung gnyis bcang na nyes byas/'khru bas gos de bkrus na yang ngo / /khrus mkhan la gos 'khrur bcug na rnying pa ni ltung ba sar pa ni nyes byas/ dben pa zhig par chud pa'o/ /mo mtshan ma g.yogs pa'i ltung ba'o/ /dge slong ma'i gos khyim pa bskon pa'i phyir byin na yang ngo //dge slong ma'i chos gos khyim pa bskon zhing spyod du bcug na ltung ba'o/ /chos kyi rgyal mtshan la bsti stang med par bcud pa'o/ /chos gos khyim pa bskon pa'i ltung ba rdzogs so // //dge slong dang lhan cig tu sbyar ma brje na yang ngo / /dge slong ma'i chos gos chen po dge slong dang brje na ltung ba/chos gos bzhi las brjes pa ni nyes byas/ rgyal mtshan brjes par chud pa'o/ /chos gos brje ba'i ltung ba'o/ / bsngags pa'i ser sna byed na yang ngo / /dge slong ma gzhan chos mkhas pa la sogs pa'i yon tan mkhan mo'i mdun du slob mas bsngags nas mkhan mos gnas 'char ma bcug ste de ltar khyod su mkhas pa'i gan du zhus shig ces byas na ltung ngo //rigs dang grong phyug po 'di rnams nga'i sa ris kyis ma slong cig ces zer ba dang / gnas dang / bdag gis gtsug lag khang brtsigs pa la dge slong ma gzhan gnas su 'ongs pa la ma bzhag pa dang /rnyed pa dang / slob ma bsod snyoms las 'khor te zan bstan pas kha zas bzang po 'di byin pa'i grong du ma long shig ces zer ba dang / chos la ser sna byed pa yang ngo / /chos slob cing kha don 'bul ba la nam brel te zhes mi bstan par bkyigs pa dang /'di rnams gang byas kyang ltung ba'o/ /'jungs bar chud pa'o/ /ser sna byed pa'i ltung ba'o// //dge slob ma dbyar mo thang nas bskrad pa yang ngo / /dge slob ma gtsug lag khang yang rung gang zag gi gnas kyang rung khyim pa'i khyim yang rung bskrad na ltung ba'o//ci ltar de ltar dge slong ma la'o/ /bdag gis bskrad pa bzhin du gzhan la skrod du bcol na thabs ji ltar byas kyang rung bskrad na ltung ba'o/ /grong bar du sngar 'ongs pa la yang ngo / /dge slong ma snga na grong bar na zan slong zhing 'dug pa la phyis 'ongs pas gud du slongs shig ces bsgo na'ang ltung /phyis 'ongs pa las ma 'ong shig ces snga nas bskrad kyang ltung / bskrad par chud pa'o/ /skrod pa'i ltung ba'o// //lta ba ngan pa la sogs pas rgol na'o/ /ltung ba man chad gcig las nyes pa zhig byung ngo zhes skur na ltung ba'o//'tshe bar chud pa'o/ /skur cing 'tshe ba'i ltung ba'o// //mna' 'dor ba yang ngo / /dge slong mas mna' bor na ltung ba'o/ /bzlog pas ston par chud pa'o/ /mna' 'dor ba'i ltung ba'o/ /khros par bdag la bsnun na'o/ /bdag la bdag khros shing bdag la brdegs sam lus rdebs na ltung ba'o//mi brtan par sgyur bar byed pa'o/ /bdag la rdeg pa'i ltung ba'o// // dge slong ma'i dge 'dun rnams la 'phya ba'o / /dge slong ma'i dge 'dun la nyes so zhes 'phyas byed na ltung ba'o/ /rgyab yang ngo / / dge 'dun la rgya gang zer zhing spyod na'ang ltung ba'o/ /'khor gyi thu bo la chu 'thor ba'o/ /dge slong pha la chus gtor na ltung ba'o/ /ltung ba med pa ni brgyal na'o/ /dge slong pha brgyal ba la chus 'thor ba ni nyes med do/ /dge slong la mchil mas mi gdab/ dge slong pha la mchil mas gtor na nyes byas/[ (]rkog [,]lkog [) tu dge slong pa la dmigs te thub 'di ces byas na nyes byas rab tu 'byung ba 'di la mi brgyad/ dge slong pho mo dang dge slong ma la spyo zhing brgyad na yang nyes byas / gnyis kyang de bzhin no/ /dge slong pho mo gnyis la spyo zhing brgyad na yang nyes byas/dge slong gi mdun du spyod yul mi spyad/ dge slong slong mo spyod pa la dge slong mas dge slong ma mthong bar sngon du khyim pa'i khyim du song ste yibs nas dge slong 'ongs pa dang zan ma btsos so zhes khyim pa yin pa skad du smras te dge slong slar bzlog cing g.yo byas na ltung ba/ zam pa mi brten pa la dge slong dang lhan cig tu mi 'gro/ /zam pa ldem pa la dge slong sngar btang zhing dge slong mas phyi bzhin 'gro ste zam pa bsgul na nyes byas/ dge slong mthong ma thag tu stan las 'pho/ /dge slong pha 'ong ba mthong nas dge slong ma mkhas shing na rgan kyang stan las 'phag go /'dug nas 'greng ba 'di la 'dug ces bsgo/ /dge slong la 'dug la dge slong ma 'greng zhing 'khod pa la 'dug shig ces ma smras na dge slong pha nyes byas/ ma byas na gsol te 'dug par bya/ dge slong phas dge slong ma la 'dug mi zer na 'dug na nyes sam ma nyes zhes zhus la 'khod do//lci bar 'gyur ba bcad bar chud pa'o/ / dge 'dun dang dge slong la 'phya zhing 'chal ba'i ltung ba'o/ /dge slong ma'i 'thab mo la nus pa yod la zhi bar ma byas na'o/ /dge slong ma 'thab cing 'khod pa la bdag gis thab mo zhi bar nus la ma bcug na ltung ba'o//'khrug pa g.yel ba'o/ /'thab pa ma bcug pa'i ltung ba'o/ / dad pa byin nas gnas pa'o/ /dge 'dun ma'i las ci byed kyang rung dad pa'i 'dri ba la dad pa sngar byin pa yin mod ces phyi ma mi ster cing khyig na ltung ba'o/ /ga ma spra'i rtsed mor chud pa'o/ / dad pa mi ster cing ga ma spra byed pa'i ltung ba'o/ / zla ba phyed phyed cing dge slong la 'chad pa'i ston par myong na'o/ /zla ba phyed phyed cing dbyar mo thang du dge slong pha las chos 'chad pa spyan ma drangs shing ma bshad dam/ pho'i gtsug lag khang du chos nyan du ma song na ltung ba'o/ /dge slong med par gso sbyong byed pa'o//gso sbyong byed pa'i tshe dge slong pha kun las dad pa ma dris na ltung ba/ gsol ba'i las kyis chos 'chad par bskos pa'i dge slong zhig yod na de la dad pa dris pas chog ste kun la ma dris kyang nyes med do/ /dge slong med pa'i gnas su dbyar tshul du zhugs pa'o//dge slong gi gtsug lag khang nas bar rgyang grags phyed las ring pa zhig tu tshul du zhugs na ltung ba'o/ /dbyar tshul du zhugs pa las dge 'dun gnyis la gnas gsum gyis ma byung na'o/ /dge slong ma tshul nas byung ba'i tshe dge 'dun pho mo gnyis la sogs pa la ltung ba sde lnga la mthong ba dang thos pa dang dogs pa yod na rgol cig ces skabs phye la tshul nas 'byung ste de ltar ma byas na ltung bar yang 'gyur/tshul 'byung ba'i las su yang mi rung / lci ba'i chos las 'gal bar chud pa'o/ /lci ba'i chos las rgal ba'i ltung ba'o// dbul po la drubs pa slong ba'o/ /gding ba 'drub pa'i gos khyim bdag dbul po la bslangs na ltung ba'o/ /drubs pa dbyung ba'i phyir tshogs pa'i dgrol ba ma byin na'o/ /drubs pa 'byin pa'i tshe bdag dge 'dun nang du ma 'dus sam dad pas ma byin na ltung ba'o//gos bgo ba'i phyir na yang ngo / /drubs pa phyung nas dge 'dun nor 'god pa la dad pas ma byin na ltung ba'o/ /des nor mi 'dod na ma byas pa'o/ /dge 'dun nor 'god pa la bdag nor skal mi 'dod de mi len tam mtshams kyi phyi rol du song na nyes med do/ / pha rol la phongs par spyod par chud pa'o/ /pha rol po phongs shing mi bde bar 'gyur ba'i ltung ba'o/ / dbyar mo thang la ma byas par song ba'o/ /gud du 'gro ste dge slong ma gzhan med na lha khang gi srung ma ma bzhag gam gzhan la ma bcol bar song na ltung ba'o/ /mtshams gtang ba'o//ltung ba ni song nas 'dom bzhi bcu rtsa dgu 'das na ltung ba'o/ /dbyar mo thang gi gla mi blang / gtsug lag khang glar btang zhing gla blangs na nyes byas/ khyim gyi don dang bdag gi don kyang ma yin/ lha ris kyi zhing dang nor la sogs pa sngar thang bcad de khyim pa gang yang rung sbyor zhing 'dug pa la khe yod pa'i phyir snga ma las phrogs te gzhan la byed du bcug na ltung ba/dbyar mo thang la rgyas par byed par chud pa'o/ /gtsug lag khang la rgyas par byed pa'i ltung ba'o// //dbyar gyi bar du yul rgyu ba spyod pa'o/ /dbyar tshul du zhugs nas dge slong ma gnas gud du zhag gcig kyang mi dbang ste gud du song zhing zhag lon na ltung ba'o//ltung ba med pa ni bar chad mngon par 'dug pa'o/ /tshul na 'dug pa'i tshe srog la dma' ba dang tshangs par spyod pa'i bar chad du 'gyur ba'i rkyen cig byung ba ni gud du song yang nyes med do/ / dbyar gnas nas ma spyad pa'o/ /dbyar gyi tshul nas byung nas tshul na 'dug 'dug pa'i gnas de las gud du 'phos te ma song na ltung ba'o/ /gnas gud du song ste zhag gcig lon na tshul gyi tshe gnas gnas pa der slar gnas na ltung bar mi 'gyur ro zhes TI ka las 'chad/ nyin gcig gud du song ste slar gnas pa tsam gyis ltung bar mi 'gyur ro zhes 'dul ba 'dzin pa kha cig gis bshad/ dgos pa yod la 'khor du spyod pa'i lam na rkun po dang chom po dang gcan gzan la sogs pa 'jigs pa'i rkyen yod bzhin du dge slong ma lam du zhugs te song na ltung ba'o//'khrugs par yang ngo / /yul 'khrugs shing gcig la gcig gnod par byed cing dmag 'gyed pa lta bu yod bzhin du zhugs te song na ltung ba'o/ /spyod pa dang mi spyod par chud pa'o/ /gud du song ba dang ma song ba'i ltung ba'o/ / lha'i rigs la sogs pa dang /mur 'dug gi gnas su song ste rgol bar byed pa'o/ /mur 'dug gi lha'i 'khor dang mur 'dug gi grong dang zhang blon dang mi dra ma la sogs pa'i khyim du song zhing chos bsnyems shing gol du 'gro na ltung ba'o/ /'dri zhing rmed pa'i skabs ma byas par ro/ /dge slong pha la chos nyan na sngar bshad du ci gnang zhes ma gsol bar 'dri zhing bshad pa la nyan na ltung ba'o//stan byin te dga' bar byos la sde dris te skabs byos shig /dge slong pha la chos bshad par gsol ba yang stan bting ste bsti stang byas la 'dul ba dang ma lta bu gang 'dzin pa dri ste bdag 'dri ba dang mthun pa zhig 'dzin na chos bshad par gsol ba gdab bo//smra bar chud pa'o/ /smra ba las ltung bar 'gyur ro/ / phyi rol gyi sar gcig pu 'gro na'o/ /mtshan mo dge slong ma gcig pu phyi rol che chung du song na ltung ba'o/ /rtswa sngon po la bshang ba 'dor ba'o//rtswa la sogs pa sngon po skye ba'i thog tu bshang gci btang zhing por ba'ang ltung ba'o/ /ltung ba med pa ni na na'o/ /nad pa ni bshang gci rtswa sngon po'i gnas su 'gro mi phod pa ni ma gtogs so/ /rtswa sngon pos thams cad du yog na yang ngo / /rtswa sngon pos thams cad du g.yogs te bshang gci bya ba'i sa med na bshang gci byas kyang nyes med do//rtsig pa'i 'gram du ma brtags par ro/ /bshang gci snod kyi nang nas 'dor na rtsig drung la sogs pa na ci yod pa brtags shing dor ro/ /ltung ba med pa ni pu shus bskor ba'i rtsig pa na'o/ /khang pa pu shu can gyi steng nas bshang gci 'dor ba ni blta zhing brtag tu mi rung bas ma brtags par bor yang nyes med do//mi gtsang bar bor ba mi dor/ bshang gci dang mi gtsang ba 'dam rdzab tu bor ba dang mi dor/ bshang bar ldan par ro/ /bshang gci byed pa'i ltung ba'o/ /'ba' zhig pa'i ltung ba rdzogs so// dge slong ma'i ltung ba brgya brgyad cu rdzogs so// //dge slong ma'i so sor mthol ba bcu gcig la 'chad de/ bdag gi phyir rigs gzhan du 'o ma blangs te 'thungs na mi na na'o/ /bdag min par gnyan ma yin pa las 'o ma blangs na so sor mthol ba'o//de slong ba ni nyes byas pa'o/ /'o ma lag tu ma thob cing ma 'thungs kyi bar du slong ba'i tshe nyes byas/ zho dang mar sar dang zhun mar dang yungs mar dang sbrang rtsi dang bu ram dang sha dang nya sha dang sha skam rnams so/ /ming gis smos pa 'di rnams dgu'ang mi na bar gnyen ma yin pa'i khyim bdag las bslangs shing zos na ltung ba'o//'di thob ste gzhan slong na 'bri ba ma yin no/ /'o ma bslangs pa las zho la sogs pa gang thob kyang mthol ba'o/ /ngan pa yang ngo / /kha zas tshod ma la sogs pa ngan pa zhig bslangs pa las bzang po rnam bcu po gang thob kyang mthol ba/'di thob na'ang der chud do zhes bslangs pa las dar ba thob pa lta bu mthol ba'o/ /zho bslangs pa las rtsab mo lta bu'ang mthol ba'o/ /'di nyes byed do/ /dge slong ma tshod ma la sogs pa slong ba'ang nyes byas/ seng ge yang ngo //dge slong gis so sor mthol ba bzhi las tha ma dge bsnyen phyug po dbul por sang ba la mi bslang bar dam bcas pa la bslangs pa ni so sor mthol ba'o/ /so sor mthol ba'o/ /so sor mthol ba bcu gcig rdzogs so// //bslab pa mang po la 'chad de/ brla snang bar sham thabs mi bgo//khyim mi mo 'dron po yo lang gi phyir gos kyi 'og tu rkub kyi rbod bcug ste/ rkub glo bor 'dug pa 'dra ba dge slong mas mi bya/ chags pa'i grong bar du mi 'gro/ /dge slong ma 'dod chags kyi sems yod na grong bar du mi 'gro/ /gzhan 'dod chags yod pa'i grong du'ang mi 'gro//dge slong gi yang ngo / /dge slong pha'i bslab pa mang po thams cad kyang dge slong mas bsrung ngo / /bslab pa'o/ /dge slong ma'i bslab pa mang po rdzogs so/ / dge slong ma'i rnam par 'byed pa rdzogs so/ / dge slong ma'i khrims 'dul ba rnam par 'byed pa'i nang nas 'byung ba'i mdo rdzogs so// //'di man chad pa ri ba sha la 'chad de/ nyes byas pa ni zhig pa dang ma skyes pas ltung bar sbyar na'o/ /de zhes 'byung ba'i mdo man chad la 'chad de / dge slong phas pham pa phyung ste khrims zhig pa dang khrims rdzogs par byas pa las ma chags pa rnam gnyis ni phas pham pa man chad nyes byas yan chad ltung ba sde lnga las gang byas kyang rung thams cad nyes byas so//dge slong phas khrims phul ba dang / khrims ma phog par thug thub tu rang byig shur zhugs pa gnyis ni phas pham pa man chad gang byas kyang khyim pa dang 'dra bas nyes byas yod par mi brtsi'o//bsnyen par rdzogs pa'i rab tu 'byung bas blangs pa 'gal na yang ngo / /dge sbyong pho dang dge sbyong mo dang dge slob ma gsum ni dge sbyong nyid kyi khrims bcu dang dge slob ma nyid kyi khrims nyi shu rtsa gnyis las gang byas shing dral kyang rung ste nyes byas so//nyes byas de mthol bas tshangs pas phyis khrims dbog tu rung ngo / /dge sbyong gis phas pham pa bzhi spyad pa dang dge sbyong gi khrims ma chags pas dge sbyong gi khrims bcu las gang dral kyang nyes byas te mthol pas tshangs so//mthol ba ni dge slong gcig gi drung du mthol lo / /de'i phyogs yid kyis na yang ngo / /dge sbyong pho mo dang dge slob ma nyid kyi khrims ma gtogs par dge slong pha dang dge slong mas bsrung ngo cog las gang yang rung ste spyad cing dral na khrims bcu nyid ma yin mod kyi/khrims bcu'i char gtogs shing 'dra ba'i bag yin pas nyes byas su 'gyur te khar mthol mi dgos kyi yid la 'gyod pas tshangs shing 'byang bar 'gyur ro/ /dge slong pho mos bsrung ba las ming gis smos pa 'di brgyad ni dge slob mas bsrung ba ma yin te dral kyang nyes byas med pas yid kyis 'gyod kyang mi dgos te brgyad gang zhe na gos lhag pa dang lhung bzed dang zhag 'das pa'i ltung ba dang chos gos bral ba'i ltung ba dang me la reg pa'i ltung ba dang spags nas za ba'i ltung ba dang /'bras bu sa bon gyi grong bcom pa'i ltung ba dang rtswa sngon po'i steng du bshang gci dor ba dang shing mi gang yan chad la 'dzegs pa dang 'di brgyad ni dge slob mas bsrung mi dgos te nyes med do//dge slob mas bsrung mi dgos pa brgyad kyi steng du gzhan rin po che la 'dzin pa dang / sa rko ba dang kha zas byin len ma byas par za ba'i ltung ba dang kha zas dang zhag lon te spags pa za ba'i ltung ba dang rtsi shing gcod pa'i ltung ba dang 'di lngas bsnan te bcu gsum ni dge sbyong gis ma bsrungs shing dral kyang nyes med do//ming gis smos pa 'di rnams ma gtogs par dge sbyong dang dge slob mas khrims nos shing blangs ba bcu dang nyi shu gnyis ni gang dral kyang nyes byas so//dge sbyong pho mo dang dge slob mas tshul dral ba yang nyes byas te mthol dgos so/ /gso sbyong gi dus su mthol tshangs ma byas pa dang dge sbyong ma dang dge slob ma dge 'dun sde gnyis la tshul nas ma byung ba yang nyes byas te mthol dgos/khrims bcu'i char gtogs shing bag 'dra ba dral na nyes byas su 'gyur zhing yid kyis 'gyod de tshangs pa ni khrims bcu so sor 'di 'drar sdud de so sor gtogs shing bsdus pa gang zhe na/ thog ma byig shu'i tshul mnos shing blangs pas na khyim pa'i rgyan dang khyim pa'i spyod do cog ltar byed na yid la 'gyod de tshangs pa'i nyes byas te byig shu'i tshul mnos shing blangs pa'i nang du bsdu ba'o//ma byin par blangs na nyes byas te mthol dgos pa yin na bdag gir dgos pa'i phyir slong zhing tshol ba la sogs pa rku ba'i char gtogs shing bag 'dra ba'i phyir yid la 'gyod pas tshangs pa'i nyes byas te ma byin par len pa'i nang du bsdu'o//gser la reg pa ni nyes byas pa ste mthol ba yin na gser dngul byas so cog dang rin po che dang rin po che la gtogs so cog la bzung ba ni gser dngul gyi char gtogs pas nyes byas te yid kyis 'gyod pa tshangs par gyur te gser dngul la mi reg pa'i nang du bsdu'o//phyi dro zan zos pa ni mthol dgos pa'i nyes byas yin te kha zas ma brtags pa sgog pa la sogs pa zos pa ni yid la 'gyod de tshangs pa'i nyes byas te phyi dro zan mi za ba'i nang du bsdu'o//rol mo glu gar byas na mthol dgos pa'i nyes byas yin te chu'i nang du rtse ba la sogs pa rtse'o cog rol mo glu gar gyi char gtogs shing bag 'dra ba'i phyir yid la 'gyod cing tshangs pa'i nyes byas te/ rol mo glu gar gyi nang du bsdu'o//mi tshangs par spyod na'ang mthol dgos pa'i nyes byas yin te 'dod chags kyi sems kyis pho mtshan la 'dzin pa dang khu ba 'byin pa dang gcig gi steng du gcig zhon pa la sogs pa byed do cog yid la 'gyod de tshangs pa'i nyes byas te mi tshangs par spyod pa'i nang du bsdu'o//srog gcod na mthol dgos pa'i nyes byas yin te brdeg pa dang 'ju ba dang nan la 'dor ba la sogs pa gnod par byed do cog yid la 'gyod de tshangs pa'i nyes byas te srog gcod pa'i nang du bsdu'o/ /chos dang dge 'dun la skyabs su 'gro zhes thog ma khas blangs pas dge slong dang dge 'dun dang chos dang mi 'grogs par khyim pa dang shan pa dang rol mo mkhan dang chang 'tshong ba dang mur 'dug pa la sogs pa dang 'grogs shing bsten pa yang yid la 'gyod pas tshangs pa'i nyes byas te chos dang dge 'dun la skyabs su song ba'i nang du bsdu'o//thog ma sangs rgyas la skyabs su 'gro'o zhes khas blangs pas na sangs rgyas la bsten cing gus par bya ba yin te tshul khrims bsrung ba la g.yel ba dang dkon mchog gsum la ma gus shing rim gro chung ba la sogs pa thams cad sangs rgyas la skyabs su song ba'i phyir gtogs shing bag 'dra bas yid la 'gyod pas tshangs pa'i nyes byas te sangs rgyas la skyabs su song ba'i nang du bsdus te sangs rgyas la ma gus pa ni mthol dgos pa'i nyes byas so//thog ma shAkya'i rjes su 'byung ngo zhes bya bas na shAkya'i rjes su slob cing nyes med par dag par bya ba yin te mthol tshangs ma byas shing nyes pa ma mthol to cog shAkya'i rjes su 'byung ba'i nang du bsdu'o//phyi dro kha zas zos na mthol dgos pa'i nyes byas yin te kha zas ma brtags pa sgog pa la sogs pa zos pa ni yid la 'gyod pas tshangs pa'i nyes byas te phyi dro kha zas mi za ba'i nang du bsdu'o//slob pa byin pa ni mtshungs so/ /slob pa byin pa'i dge slong gis kyang dge slong gi khrims nyis brgya lnga bcu ci ltar bsrung ba bzhin bya zhing bsrung ngo / /slob pa byin pa la dge slong la la zhig gis bskrad dam/ brdegs sam/gos byin te slar 'phrogs pa na dge slong la byas pa bzhin du ltung bar 'gyur ro/ /dge slong nan di ka zhes bya ba thog ma nas mthol bar bsams nas mi tshangs par spyad nas de ma thag tu sangs rgyas la mthol du song ste tshe gcig gi bar du slob pa byin pa la gnas shing chad pa byed phod dam zhes smras nas phod do zhes khas blangs pa'i phyir slob pa byin te gzhag pa las bcas/rab tu ma sgogs pa dang de bzhin no/ /slob pa byin pa nyid kyis ni dge slong bzhin du bsrung dgos pa yin na dge slong rnams kyis ni slob pa byin pa de la dge sbyong dang 'dra bar lta'o//dge sbyong dang 'dra bas byin len bya ba dang mi bla ma'i chos smra ba dang des zan zos pa dang lhan cig tu nyal ba la sogs pa yang dge sbyong la nyes par 'gyur ba dang mi 'gyur ba bzhin du slob pa byin pa yang de dang 'dra bar 'gyur ro/ /der ma yin/ slob pa byin pa mang zhig yod na nang gcig la gcig dge slong yon tan dang ldan pa nang gcig la gcig rung ba dang mi rung ba bzhin du slob pa byin pa nang yang de bzhin te gcig gis byin len byas na der bzar rung gcig gis btsos sam spags pa byas na gzhan gyis bzar mi rung ba la sogs pa kun 'dra bar bsrung ngo //dge slob ma yang ngo / /slob pa byin pa dang dge slob ma gnyis su yang mi 'dra ste/ dge slob ma yang dge sbyong dang 'dra bar lta ste dge slob mas byin len byas pa dang spags pa dang btsos pa la sogs pa slob pa byin pas bzar rung ngo / /slob pa byin pas spags pa la sogs pa dge slob ma la mi rung ngo //rgyud gzhan lta bus spyad pa na dge slong du 'du shes pa thob na yang ngo / /dge slong rdzu 'phrul shes pa'am sman gyi cho ga zhig gis phyugs sam gzhan zhig tu 'phrul te mi tshangs par spyod na spyod pa'i tshe dge slong las bsrung ba 'phrul bar shes bzhin du mi tshangs par spyad na pham par 'gyur ro//ma thob na 'bri'o/ /dge slong las phyugs sam gzhan du 'phrul te mi tshangs par spyod pa'i tshe dge slong las 'phrul pa 'phrul par mi shes na sbom po/ /sngon gyi rim gyis sbyar na yang ngo / /khyim pa'i tshig gzhan zhig la bcol te rkur bcug nas des nor blangs pa dang rab tu 'byung ba dang dus mnyam pa zhig tu gyur na de tshun chad ni nyes byas yang bar 'gyur ro//nor blangs pa des khyer te 'ongs nas dge sbyong rab tu byung ba des blangs na nyes byas lci ba/ dge sbyong gi tshe nor zhig rkur btang ste rkun po des nor blangs pa dang dge sbyong des bsnyen par rdzogs pa'i tshe dus mnyam pa zhig tu gyur na de tshun chad ni sbom po'o//nor rkur bcug pa des nor khyer te 'ongs te bsnyen par rdzogs pa des nor de blangs na pham pa'o/ /de bzhin du pha rol la'o//dge slong zhig gis mi gzhan zhig nor rkur bcug pa las dge sbyong slar khyim par babs pa na/ dge sbyong byed pa'i tshe rkur btang bas ni nyes byas yang ba gcig yod kyi phyis khyim par babs pa'i tshe nyes byas yod par mi brtsi/ dge slong zhig gis nor rkur btang ba las dge slong de dge sbyong du babs na rkur btang ba'i tshe ni sbom po/dge sbyong du babs pa'i tshe nor blangs kyang nyes byas/ dge sbyong yang ma byas par khyim par babs pa ni nyes byas kyang med do/ /rdzas kyang bcad pa'o / /srin bu 'ba' zhig la stan sar pa byas na ltung bar 'gyur ba bzhin du dar ram men tri 'ba' zhig las byas pa'i stan kyang ltung bar 'gyur/bal nag po 'ba' zhig las stan byed pa'i 'ang phyed srin bal bzang po lta bu dang bsres te byas na'ang ltung ba'o/ /mtshungs pa yang ngo / /srin bal dang dar bzhin du de dang 'dra ba kha che dar dang du gu la dang se bo dar gyi rgyu la sogs pa srin bal dang 'dra ba kun gang las byas kyang ltung bar 'gyur ro//mtshan 'phos na yang gang gi zhing gis so/ /dge slong gi phas pham pa bzhi la gang yang rung byed pa'i tshe mtshan gyur kyang pham par 'gyur ro/ / dge slong mas kyang mthun pa'i phas pham pa bzhi las gang spyad kyang rung spyod pa'i tshe mtshan 'phos na pham par 'gyur ro/ /mo'i gnad pa'i phas pham pa ni dge slong ma gnad pa'i tshe mtshan gyur na pham pa yin te sbom po'o/ /dge slong khu ba 'byin pa'i 'phro las mo mtshan du gyur pa ni pho'i lhag ma yin te mo'i ltung bar brtsi'o//'bri ba'i phyir na de'i sbyor bas so/ /dge slong pha gnyis mthang sprad de nyal na nyes byas yin na mthang sprad pa ci nyal ba'i tshe gnyis ka mor gyur na nyes byas so/ /dge slong ma gnyis mthang sprad de nyal na ltung ba yin te mtshan gyur kyang ltung ba'o//ltung ba dang nyes byas/ byas pa ni de bzhin no/ /mdo ltag ma'i ltag ma la 'chad de/ dge slong khu ba 'byin pa la chung zhig gis mo mtshan du ma gyur gyi bar du mor gyur pa'i phyir pho'i lhag ma mi brtsi'o/ /mo'i ltung bar brtsi'o/ /dge slong ma glos phab ste nyal ba'ang chung zhig gis pho mtshan du ma gyur kyang phor gyur pa'i phyir mo'i pham par mi brtsi'i pho'i sbom po'o zhes TI ka las 'chad de /'dul ba 'dzin pa kha cig na re gnang ba'i tshe nyid pham pa yin pas phyis phor gyur pa bas lhar 'gyur kyang mi phan te sbom po ma yin te pham pa'o//khu ba 'byin pa yang 'phags pa'i tshe lhag mar gyur pa yin pas phyis mor 'gyur ba mi brtsan te ltung ba ma yin te lhag ma'o/ /'bri yang bdag gi'o/ /dge slong mas mo mtshan du rgya skyegs bcug pa dang khu ba phyung ba la sogs pa'i tshe pho mtshan du gyur pa ni mtshan gyur te pho mtshan nas khu ba phyung ba yang mtshan gyur pa mi brtsan te ltung bar zad do//zhag bcu las nyung ba yang cha'i'o/ /dge slong pha'i lhung bzed zhag bcu 'das te sngags kyis ma thebs na ltung ba yin pa las zhag brgyad dgu zhig lon te sngags kyis ma thebs par mo mtshan du gyur na sngar zhag dgu 'das pa mi brtsi'o// nam mtshan gyur pa nas zhag gnyis 'das na mo'i ltung bar 'gyur bar brtsi/ dge slong ma'ang mtshan gyur nas zhag gnyis mi brtsi'i / mtshan gyur pa tshun chad pho'i thad du zhag bcur brtsi'o/ /zhing ma yin par 'jig go /dge slong ma pho mtshan du gyur na dge slong gi khrims nyis brgya lnga bcu rtsa gsum ni bsrung gi nyis brgya lnga bcu rtsa gsum las ma gtogs pa dge slong ma'i khrims bla thabs su yod pa brla snang bar sham thabs mi bgo ba dang /'dod chags dang bcas te grong du mi 'gro ba la sogs pa ni ma bsrungs kyang nyes med do//bcabs pa'i nyes ni der ma yin pa ma yin no/ /dge slong ma dge 'dun lhag ma byung ste bcabs pa yod bzhin du pho mtshan du gyur pa ni bcabs pa'i chad pa bya mi dgos kyi pho'i thang du zhag drug mgu ba byas pas chog go /dge slong pho lhag ma byung ste bcabs pa yod bzhin du mo mtshan du gyur na bcabs pa'i chad pa dgos kyi mo'i thang du zla ba phyed mgu ba byas pas chog go /chad pa bcad pa yang 'bras bu med do/ /dge slong pho zhig lhag ma byung nas mgu ba byed de zhag gcig ma 'khor bar mtshan gyur na sngar mgu ba byas pa mi brtsan te/dge slong ma'i thad du mgu ba zhag bco lnga mgo nas bzung ste bya dgos so/ /dge slong mo zhig lhag ma byung ste mgu ba zhag bco lnga la zhag gcig ma 'khor bar pho mtshan du gyur na snga ma byas pa mi brtsan te dge slong pho'i thad du mgu ba zhag drug mgo nas bzung ste bya'o//der tshul yang 'phos so/ /mtshan gyur ba'i tshe ltung ba dang mi ltung ba la sogs pa ni ltag tu bshad pa rnams yin mtshan gyur zin nas ni phor gyur na'ang pho'i khrims nyis brgya lnga bcu rtsa gsum bsrung ngo / /mor gyur na mo'i khrims sum brgya drug cu rtsa bzhi bsrung ngo //de'i tshe bdag gis byed do/ /dge slong bsam gtan du zhugs te de'i tshe na dgra bcom par 'gyur ba zhig bsad na'ang phas pham pa dang mtshams med pa gnyis yod do/ /de'i tshe nyid ni dgra bcom par ma gyur gyi phyis ring po mi thogs par dgra bcom par 'gyur ba zhig la gsad pa'i phyir mtshon gyis btab na 'phral du ni ma shi'i phyis dgra bcom par gyur te shi yang phas pham par zad de mtshams med par mi 'gyur ro//gzhan las skyes pa'ang bdag gi rgyud ma yin pa ma yin no/ /rgyal po a shwa ka la tshang pa zhig gis sa mu dra'i pha rol gyi brag gi drung na sgo nga che ba la bzang ba gnyis shig rnyed de phul nas sgo nga de tshong byas te bzhag pa las sgo nga'i nang nas mi gnyis shig byung ste de gnyis bsnyen par rdzogs par gyur te de lta bu pha ma mi ma yin pa byol song las skyes pa bsad na'ang phas pham par 'gyur ro//rgyud gzhan lta bu spyod pa bsad na yang ngo / /dge slong las ra lug gam gzhan gyi gzugs su sngags sam sman gcig gis sprul cing 'dug pa la mir mi shes bzhin du bsad kyang gsod pa'i tshe nyes byas/ shi na pham par 'gyur/ mir shes te bsad na nyes byas dang sbom po dang pham pa gsum char yod do//gnas gzhan du grub na gzhan ma yin no/ /dge slong pho mo dang dge sbyong ma yin pho mo dang dge slob ma dang khyim pa la sogs pa gang bsad kyang pham/ byis pa dang rgan po dang mngal na 'dug pa dang gzhon nu dang 'di rnams las gang bsad kyang pham par 'gyur ro//de'i nyes pa med par zhugs nas bcad pa'o/ /lhag mar 'gyur ba'i khang pa zhig brtsig brtsig pa las dge slong de khyim par zhugs nas brtsams pa'i nyes pa ci yod du zad de nyes pa gzhan yod par mi brtsi ste slar dge slong du zhugs te khang pa de brtsigs na yang thog ma brtsams pa tshun chad kyi nyes byas brtsis te bsdus nas lhag mar mi 'gyur gyi phyir nam zhugs nas 'phro las brtsigs pa'i nyes pa ci yod pa la logs shig tu brtsi'o//gding ba zhig bya bar brtsams pa las slar khrims phul ba yang de dang 'dra'o//btang yang ngo / /khang pa dang gding ba byed byed pa las 'phro bor te btang na yang snga ma ci tsam zin pa phan chad kyi nyes byas ni yod do/ /btang ba tshun chad kyi nyes byas ni mi brtsi'o/ /du ma dngos po gcig las bcas pa ji snyed par byas pa'o//rigs ngan ko long 'di zhes smras na skyon gyi ltung ba yang gnyis yod/ brdzun gyi ltung ba yang gnyis yod pa dang yang gcig tu na phyi dro zan za zhing 'dug pa la ci byed ces 'dri na cang mi byed ces smra ba la phyi dro zan zos pa'i ltung ba gcig /brdzun gyi ltung ba gcig dang gnyis yod/me mar gyi 'od la rab tu ma rdzogs pa'i bud med dang nyal ba la me mar gyi 'od la nyal ba'i nyes byas gcig dang bud med dang nyal ba'i ltung ba gcig dang rab tu ma rdzogs pa dang nyal ba'i ltung ba gcig yod pa bzhin du nyes byas gcig /byung ba las ltung ba dang nyes byas mang du yod par rig par bya'o//de chad pa der chud do/ /phas pham pa bzhi ni dper rgyal po dang 'dra ste rgyal po'i sa ris su gtogs pa'i 'bangs thams cad rgyal po'i 'khor du chud ris su gtogs te/ de bzhin du phas pham pa yang so so'i 'khor du lhag ma dang ltung ba dang nyes byas yan chad cha 'dra ba rnams gtogs shing chud de thams cad phas pham pa'i sder 'dra 'drar bsdu'o//mi tshangs par spyod pa'i nang du bud med dang zhag tu nyal ba dang dge slong ma la ma bsgos par nyi ma nub tu chos 'chad pa dang dben pa na 'greng pa dang 'dug pa dang bud med la 'chad pa dang bud med lam grogs su khrid pa la sogs pa ltung ba dang /nyes byas kyi nang nas bud med las nyes par 'gyur zhing mi tshangs pa'i char gtogs pa thams cad mi tshangs pa'i phas pham pa'i nang du bsdu'o/ / byin len ma byas pa dang gnyen ma yin pa la zas dang gos slong ba dang / ma bos par chos ston la song ba la sogs pa rku ba dang cha 'dra zhing thug thub tu byed do cog ma byin par len pa'i phas pham pa'i nang du bsdu'o/ /dge slong la brdeg pa dang gzas pa dang gnod par byed do cog ltung ba sde bzhi'i nang nas gsod pa'i char gtogs shing 'dra ba 'byung ngo cog srog gcod pa'i nang du bsdu'o//skyon nas 'bod pa dang shes bzhin gyi ltung ba la sogs pa smras pa'i tshig la nyes par 'gyur ro cog brdzun gyi char gtogs shing 'dra ba kun bla ma mi'i chos su smra ba'i nang du bsdu'o//thams cad du phyung ba ni mtha' ma ma yin na dge 'dun gyi lhag ma'o/ /skyes pa'i sgo gnyis dang bud med kyi sgo gsum du mi tshangs par spyad de khu ba ma phyung yang pham pa'o/ /bud med chung ngu mi tshangs par spyad du mi bzod pa la mi tshangs par spyad de khu ba byung yang sbom po'o//de bzhin du kha dang rkub kyi sgor byas te grub kyang sbom po'o/ /steng chung zhing byis pa yin pas dga' ba'i shas chung ba'i phyir ro/ /mgo bcad pa'i kha dang sgo gsum nyams pa dang phag bcos pa mi tshangs par spyad pa ni sbom po'o / / sgo gsum nyams pa la byas pa la sogs pa ni pham pa'o/ /sgo gsum nyams par byas te khu ba phyung ba ni lhag ma gcig dang lhag ma'i sbom po gcig dang nyes byas kyang yod do/ /byas pa du ma'i 'bras bu ltung bar mi gzhag go /gser phye'am pa ne'am dong tse'am 'gron bu'am nas 'bras la sogs pa phung por 'dug pa la snga phyir tshag bur blangs shing rku na ci tsam thob kyang rung phung po ma zad kyi bar du rin thang ma tshang na pham par mi 'gyur ro//dge slong lam du zhugs te bal rnyed pa'i ltung ba yang zhwa dang lcag phod la sogs pa'i rgyu tsam snga phyir lan mang du bskyas/de khyer ba ni bskya ba rdzogs nas bal ci tsam thob kyang snga phyir bskyas pas ltung bar mi 'gyur ro/ /khyim pa dad pas zan byin te/ lhung bzed gsum las lhag na ltung ba yang snga phyir lhung bzed re re nas bskyas na lhung bzed du thob kyang ltung bar mi 'gyur ro//phyed byas na phyed byed pa'o/ /gding ba gsar du byas rked chad du btang na ltung ba phyed de nyes byas so/ /gos byin te slar phrogs pa yang lag pas bzung ste phrogs pa las slar btang na nyes byas/ de bzhin du gnyen ma yin pa la gos 'khru ba dang brdzun du smra ba dang gos 'thag tu bcol ba la sogs pa kun rangs par ma byas kyi phyed tsam nas rked chad du btang ba ni nyes byas/kha na ma tho ba 'bri ba'i cha las na 'bri'o / /ltag tu phas pham pa dang dge 'dun gyi lhag ma la skur nas lhag ma dang ltung ba'o zhes dmigs bstan pa yin na ltung bar 'gyur ba zhig las skur na nyes byas/nyes byas las skur na nyes byas yang ba'o/ /thams cad du the tshom du zhugs na bsams pa'o/ /bdag gi dgra zhig gsad par song song ba las bdag gi pha dang gnyis gos 'dra ba'i phyir the tshom zos nas gang yin gtol med par bsad na pha yin par gyur na ni mtshams med pa dang pham pa gnyis ka yod do//dgra bo yin na pham par zad do/ /mi gsod du song song ba las mun pa'i khrod lta bu na phyugs sam mi yin du gtol med de the tshom za bzhin du bsad na mi yin na ni gsod par sbyor ba'i tshe nyes byas/bsad na pham pa'o/ /phyugs yin na ni gsod par sbyor ba'i tshe nyes byas sbom po gsod pas na ltung ba'o/ /'du shes kyis na sbyor ba'i yan lag go /phyugs yin par shes te bsad pa las mi yin par gyur na sbyor ba'i tshe ltung ba'i nyes byas/ bsad pas ni pham pa'o//mi yin par bsams te bsad pa las phyugs yin par gyur na gsod par sbyor ba'i tshe pham pa'i nyes byas dang sbom po yod do/ /byol song yin pas bsad pa ni ltung ba'o/ /bsam pa de las so/ /phyugs la bsad pa'i phyir mda' 'phangs pa las de la ma phog ste mi zhig la phog ste shi ba ni byol song bsad par sbyar bas nyes byas/mi shi ba ni nyes med do/ /dge slong gzhon nu zhig gis pha rgan po 'gro mi phod pa la gsod sems med kyi myur du phyin par bya ba'i phyir legs par bsams te phul zhing khrid pa las bub ste shi ba ni pha'i glad pa la sbrang ma za ba la bus skrod pa dang sbrang ma 'gror ma rung ste tshig pa zos nas sbrang ma la brdeg pa'i phyir ber ga gcig bsnun pa dang pha glad pa gas te shi ba'i tshe snga ma'i lan du ltag ma ltar pha shi ba'i 'bras bur smin pa yin te gsod sems med pas phas pham pa'i nyes pa med do//mi tshangs par spyod pa dang khu ba phyung ba yang ma yin no/ /mi tshangs par spyad pa'i phyir bud med dang dus byas nas mi tshangs par spyad pa'i phyir zin pa dang bud med dus byas pa ma yin te gzhan zhig na thog ma dmigs pa'i bud med ma yin pas phas pham par mi 'gyur ba ma yin te phas pham pa'o//mun pa khrod na rta dang mi tshangs par spyod par bsams te spyad pa las dre'u zhig la mi tshangs par spyad par gyur na'ang 'du shes mi brtson te phas pham pa'o/ /mchan khung du khu ba dbyung bar bsams te byas pa las zin pa'i 'og tu brla la sogs pa gzhan zhig tu phyung bar gyur na 'du shes mi brtsan te lhag mar 'gyur/mi bden pa nyan pa yang ngo / /bla ma mi'i chos mi de la smra'o zhes bsngos te smras pa las mi gzhan zhig la smras na yang pham par 'gyur ro/ /khrims dbul ba yang mi 'di la khrims dbul lo zhes bsngos te smra bar bsams pa las gzhan zhig las khrims dbul lo zhes byas na sngar dmigs pa mi brtsan te phul bar 'gyur ro//yan lag thams cad du bzung bar 'gror rung na bsnyen nus pa'o/ /dge slong gis mi tshangs par spyad pa las pha rol po dang 'phags par che chung khyer te lus dang mtshan tshun chad du mi mthun zhing mi 'byor pa zhig yin na pham par mi 'gyur ro//'bri ba ni tshun chad pa gzhan no/ /'og nas 'byung ba'i 'di man chad ni nyes pa 'bri bar 'gyur te bud med rngon can nam shu ba can nam ngan sgyugs kyis bskus pa la bzung na sbom por 'bri ba lta bu la bya'o//de las kyang du mar bral na'o/ /bud med shu ba can la bdag gi lag kyang shu ba'am rngo can gyis bzung na nyes so/ /mir phyugs kyang ngo / /phyugs la bzung ba yang mchu'am mo mtshan nam snyil la sogs pa spu med pa la bzung ba ni sbom po'o//spu dang bal bzung ba ni nyes byas bdag gi lag pa shu ba can gyis phyugs kyi sha las bzung yang nyes byas/ rdzu 'phrul ma yin pa'i chos reg pa la ma gtogs te yan lag go /'phrul ba'i bud med nam mkha' la 'dug pa la smyen tshig dang kun spyod smras pa ni lhag mar mi 'gyur te sbom po'o//bdag nyid 'phrul te nam mkha' la 'dug nas bud med la smyen tshig dang kun smra ba ni bdag gi dbang 'gyur bas lhag mar 'gyur ro/ /zed zed po med par reg na yang ngo / /lhag ma rnams sbom po dang nyes byas 'bri ba ni sha rul cing shu ba can du gyur pas dga' ba'i shas chung ba'i phyir 'bri'o//ga ga tshil yang ngo / /ga ga tshil byed pa yang pha rol gyi sha shu ba dang rngo la sogs pas btab pa las byas na ni ltung ba las bris te nyes byas bdag gi lag pa rngo can gyis pha rol rngon can la byas pa ni nyes byas yang ba/gzhan bzhin du sen mo dang so dang sha med pa'i rus pa dang spu'o/ /bud med kyi so dang sen mo dang sha ni med kyi rus pa snang ba la bzung ba ni sbom po'o/ /bud med kyi sen mo dang so dang rus pa la dge slong gi'ang de rnams kyis reg na'ang nyes byas so//bud med kyi lus kyi spu la bzung na sbom po'o / /bud med kyi lus kyi spu la dge slong gi lus kyi spus reg pa ni nyes byas/ mi rgyud la spyod pa'o/ /ga ga tshil byed pa dang gos slong ba dang smyen byed pa dang smyen tshig tu smra ba la sogs byol song dang 'dre las ltung bar 'gyur gyi mi'i rgyud las lhag ma dang ltung bar 'gyur ro//rang bzhin ma stong ba'o/ /smyen tshig dang kun spyod dang ga ga tshil la sogs pa dang gos dang zas slong ba la sogs pa rnams ni smyos shing rang bzhin stong pa las byas pa ni nyes pa 'bri bar 'gyur ro/ /mi tshangs par spyod pa dang rku ba dang khu ba phyung ba 'bri bar mi 'gyur te lhag ma dang pham par 'gyur ro//de bzhin du ma ning dang mtshan gnyis pa'o/ /ma ning dang mtshan gnyis pa la gos bslangs pa dang gos btsos pa dang yan lag las bzung ba la sogs pa yang 'bri ste sbom po dang nyes byas su 'gyur ro//spyod pa bzhin du reg pa'o/ /bud med chus khyer ba bzung ba dang / /bu mo 'phang du 'dug pa dang sgor 'doms te phrad nas reg pa ni sngon khyim mi spyod pa ni reg pa bzhin du nyes med do/ /phyed bzhin du phyi rol gyi rab tu byung ba dang / mur 'dug thal ba can dang mi thod can la sogs pa kho bo bdag gi chos la rab tu byung ba la gos dang lhung bzed bslangs sam gos 'thag tu bcug gam gos kyi rin byin pa'i phyir spags te bzhag pa la bskul ba la sogs pa byas pa ni 'bri ste nyes byas/khyim mi bzhin te ma skyes pa dang zhig pa'i yang ngo / /yo byad ma tshangs pa la sogs pa khrims ma chags pa dang phas pham par 'gyur te khrims zhig pa la ni lhung bzed dang gos bslangs pa dang 'thag tu bcol ba la sogs pa ni khyim pa la byas pa dang 'dra bar ltung bar 'gyur ro//bsnyen par rdzogs pa ma zhig pa ni dge slong pha dge slong ma'o/ / dge slong ma lam du zhugs pa dang mtshan mo phyi rol du grogs med par song na khrims zhig par 'gyur ba yang grogs khrims chags shing ma nyams par grogs su nus kyi khrims ma chags pa'am zhig pa ni grogs su mi chud de zhig par 'gyur ro/ /dge slong phas brdegs pa dang gzas pa dang bskrad pa dang zan bcad pa la sogs pa dang pha rol dge slong khrims chags shing ma zhig pa las ltung bar 'gyur ro//bdag gi phyogs su gtogs pa ni mtshan dang nye bar 'gro bas so/ /dge slong dge ba la lta zhing phyogs pa'i rnams kyis mi dge ba la lta zhing phyogs pa'i rnams bskrad cing brtags pa ni ltung bar mi 'gyur gyi/dge ba nang bskrad cing brdegs pa dang mi dge ba nang bskrad cing brdegs pa las ltung / dge slong ma'ang de bzhin dge ba rnams nang bskrad pa las ltung bar 'gyur ro/ /mtshan ma pa ni der chud de khyim pa ni mi 'bri'o/ / bdag rang gis thug thub tu byig shu'i tshul du mgo bregs te zhugs nas mkhan po dang slob dpon med pas khyim pa dang 'dra bar blta ste khyim pa las mi rung ba'i rnams kyang thug thub tu zhugs pa la byas na ltung ba dang nyes byas la sogs pa so sor de bzhin du 'gyur ro/ /khyim par byar rung ba'i rnams kyang de bzhin du thug thub tu zhugs pas byar rung ngo //'dul ba 'dzin pa kha cig na re khyim pa dang mi 'dra ste mur 'dug rab tu byung ba dang 'dra bar nyes byas su 'gyur ro zhes bshad/ rab tu byung ba'i rdzas brtags par tshang bzhin pa la sogs pa yang ngo / / gos sngags kyis ma thebs te zhag 'das na ltung bar 'gyur ba ni dge slong gis gos su brtags pa ras la sogs pa rnam pa bdun las sngags kyis ma thebs na spang ba'i ltung bar 'gyur ro/ /gos ma brtags pa re'u dang rnga mo la sogs pa sngags kyis ma thebs te zhag 'das pa ni spang bar mi 'gyur te nyes byas so//gnyen ma yin pa'i khyim pa la gos blangs pa yang brtags pa bslangs pa las spang ba'i ltung bar 'gyur ro/ /ma brtags par bslangs pa ni nyes byas so/ /lhung bzed sngags kyis ma thebs te zhag 'das pa na spang ba'i ltung bar 'gyur ba yang kha dog btsos shing tshad du phyin pa sngags ma thebs na spang ba'i ltung bar 'gyur ro //gnyen ma yin pa'i khyim pa las lhung bzed bzang po lhag pa bslangs na spang bar 'gyur ba yang tshad ma kha dog bsgyur ba thob na spang bar 'gyur ro/ /bdag gi don de la gtso bor ba yang ngo //gnyen ma yin pa las lhung bzed dang gos dang zas bslangs pa ltung bar 'gyur ba yang bdag gi phyir bslangs pa las spang bar 'gyur ro/ /gzhan gyi phyir bslangs na nyes byas su 'gyur ro / /gsol ba ni don chud pas na'o/ /gnyen ma yin pa gos dang zas dang lhung bzed slong ba dang shes bzhin gyis brdzun smra ba la sogs pa skad mthun zhing brda phrad de don chud pa'i mi la byas na ltung bar 'gyur ro//brda mi phrad pa la byas pa ni brdas don go yang nyes byas so/ /smra zhing chud pa ste gsod pa dang bdag gi phyir brkus pa ni ma yin/ srog gcod pa dang ma byin par len pa ni mdo ltag ma ltar skad mi mthun zhing brda mi phrad pa la nyes par mi 'gyur ba ma yin gyi brda mi phrad pa la byas kyang pham par 'gyur ro//brdas bstan te go nas byed du bcug na pham par 'gyur ro/ /yi dam bcas pa ni der ma yin/ lkugs pa dang 'on pa khar ma smras pa sems la yi dam bcas pa yang yi dam du 'gyur te sdig byas pa yid kyis mthol na yang tshangs par 'gyur/ sangs rgyas la phyag 'tshal ba dang skyabs su 'gro ba dang khar smra ma nus kyang bsod nams su 'gyur ro/ /'on pa dang glen pa dang lkugs pa gsum char 'dus pa'i mi ni yi dam bcas par mi chud do//snod de'o/ /chos gos dang lhung bzed la sogs pa slong ba dang brdzun du smra ba ni pha rol gyi mi de bdag dang brda'ang phrad pa la des gzhan la'ang slong nus pa zhig la byas pa ni ltung bar 'gyur ro/ /gzhan la slong mi nus pa zhig la smras pa ni ltung bar mi 'gyur te 'bri'o //ngag gis so/ /brdzun dang smyen tshig la sogs pa ni bdag gi kha nas tshig tu smras pa las ltung gi brda dang mtshan mas byas pa ni 'bri ste nyes byas so/ /khar tshig tu ma smras kyang nyes par 'gyur ba yod de/ smyen lta bu brda go bar lhag mar 'gyur/kun spyod dang smyen tshig dang slong ba yang khar tshig tu smras pa las lhag ma dang ltung bar 'gyur ro/ /rang gis so/ /zas dang gos la sogs pa ni slong ba la sogs pa ni bdag nyid kyis bslangs pa las ltung bar 'gyur gyi 'phrin dang yi ge la sogs pas byas pa ni 'bri ste nyes byas/ma byin par len pa dang srog gcod pa la sogs pa ni bdag nyid kyis ma byas kyang gzhan la byed du bcug na'ang pham par 'gyur ro/ /bdag gis brjod/ smyen tshig dang kun spyod dang gnyen ma yin pa la gos dang zan slong ba la sogs pa ni bdag nyid kyi phyir smras shing brjod pa las lhag ma dang ltung bar 'gyur gyi gzhan gyi phyir bslangs shing brjod pa ni 'bri ste nyes byas so//bdag gis bsngos na byed pa'o/ /sa bon dang rtsi shing 'joms pa dang me 'bud la sogs pa bdag gis mngon sum du byed du bcug na ltung / mngon sum pa yin par byos shig ces bsgo ste byed du bcug pa ni nyes byas so//rnam par 'byed par gtogs pa kun du bshad pa rdzogs so// //pa ri ba sha 'di la 'dul ba dris pa dang dngos po dang phran tshegs dang bye brag tu gdon mi za ba bzhi'i mdo las kyang 'chad cing yod mod kyi 'dul ba rnam par 'byed pa'i nang nas 'byung ba mang ste/'dul ba rnam par 'byed pa'i nang du gtogs par bshad de pa ri ba sha rdzogs so// //dngos po bco brgyad yod pa la mgor rab tu 'byung ba dang bsnyen par rdzogs pa'i cho ga dang gnas bca' ba gsum la dngos po re rer brtsi'o//de la gnas pa ni rab tu 'byung ba dang bsnyen par rdzogs pa gnyis ka'i spyir gtogs so/ /rab tu byung ba dang bsnyen par rdzogs pa'i cho ga gnyis ni 'dul ba rnam par 'byed pa la sogs pa gzhi'i nang nas kyang 'byung mod kyi 'dul ba dngos po'i nang nas phal cher 'byung bas na gzhi dngos po'i nang du gtogs par bshad do//bsnyen par rdzogs pa'i cho ga man chad pa ri ba sha 'di yan chad ni 'dul ba rnam par 'byed pa'i nang du gtogs so/ /gso sbyong gi dngos po 'di man chad mjug yan chad ni 'dul ba dngos po'i nang du gtogs so/ / gzhi des 'dzin no//gso sbyong gi dngos po la 'di man chad 'chad de/ rgyu bar zhugs na thub pa mi bsgom/ dgon pa'ang mi rung grong du'ang rung rgyu zhing 'gro ba'i tshe bsam gtan mi bya/ 'du bar ma yin/ lam ka dang mi mang po 'du ba'i khrod du bsam gtan mi bya/ 'khrug pa dang gcan gzan dang smyon thabs can spang ba'i ltung ba rigs so//phal mo che 'khrug cing klag cor zer ba dang gcan gzan gyis gtse zhing gnod par byed pa dang / smyon pa dang smyon thabs su ku re byed pa la sogs pa'i drung du bsam gtan mi bya/ spang ba'i gnas bya/ dge 'dun gros byas te bsam gtan gyi khang pa dben zhing yangs par brtsig par gsol ba dang zhu ba'i las kyis bya/khang bu gnyis kyi bar gyi khyams su'o/ /bsam gtan gyi khang pa bya ba ni pha rol tshu rol khang phran du byas la dbus su bkad sa khyams su bya/ lnga'am drug go /khang phran bya ba ni mi mang nyung las khang pa mig lnga drug yan chad du byas kyang rung ngo / /sgo dang sgo leb sgra mi zer ba dang drang pa'i thabs kyang ngo / /khang phran dang dbus kyi bkad sa sgo gdod sgo leb kyang gzhug sgo lcis sgra mi zer bar thabs ci yod pas bya/sgo gcad cing dbye ba'i lag zungs kyang bca'/ skar khung ni blar sum cha bor nas phyi rub la nang yangs na dge'o/ /khang pa skar khung gdod pa'i thabs ni 'di 'dra bar byas nang du snang yel che ste de ltar bya'o/ /shar bu dang dbus kyi bkad sa sgo gdod sgo 'phar dang rked gtan dang gzer gtan dang zungs dang ra rkang can gyi dbyig pa yang ngo //skar khung gi rkyen 'di rnams kyang byas na rkun po dang bya la sogs pa mi shor bar bya'o/ /bkad sar mi shong na steng gi yang tog tu yang ngo / /bsam gtan byed pa'i mi mang ste dbus kyi bkad sa dang khang phran du mi shong na khang pa'i yang tog tu yang khang pa'i yang tog byas la der yang bsam gtan bya/bzeg pa'i phyir skas bya/ yang tog tu bzeg pa'i phyir bkad sa'i grwa gcig tu skas bya/ mi ltung ba'i phyir rten kyang bskor/ skas las phan tshun du mi ltung bar bya ba'i phyir pha rol tshul rol du shing thags kyis brtan par bya /de la mi g.yo ba'i phyir lcags kyi gzer bu gdab/ skas kyi shing thags kyi rten la mi 'gul zhing brtan par bya ba'i phyir lcags kyi gzer gyis gdab/ phyi rol du spang ba'i bkad sa khang bu'i phreng ba yang ngo / /mi mang ste bsam gtan gyi sar mi shong na khang pa'i phyi rol kho ra khor yug tu khang phran gyis dngar la sgo nang du blta bar bya//sgo'i mngon sum du sgo mi bya/ /khang phran gyi sgo gdod pa gcig gi thad kar gcig mi bya'i snol du bya zhing gdod do/ /sgo gang bya/ phyi sgo la sogs pa sgo gang bya/phug kyang bya'o/ /bsam gtan gyi sa brag phug dang sa'i phug byas te der bsam gtan byas kyang nyes med do/ /'dug pa'i phyir sa'i stegs bu yang ngo / /bsam gtan du 'dug pa'i 'og tu sa'i stegs bu byas kyang nyes med/ khri'u yang ngo / / khri'u'i steng du bsam gtan byas kyang nyes med/de'i kho ra khor yug tu khru bzhis 'khor na dge'o/ /bsam gtan bya ba'i khri'u grwa bzhi ngos gcig la khru gang yod par byas na dge zhing ran par 'gyur ro/ /de las cher byas kyang nyes med/ brtags pa rnam lnga'o/ /khri'u'i dra ba la sogs pa rnam pa lngas brtag tu rung ngo //gres ma dang gso ma dang ba la rdza dang lhas ma dang sba'i shun phrags zhes so/ /khri'u'i thag pa rnam lngar rung ba ni ming gis smos pa 'di rnams so/ /de la shing bal can gyi gding / khri'u'i steng du shing bal can bar tshangs can gyi stan gding / de la kun du mthos lhag na dge'o//stan khri'u las mtho gang 'khor bas lhag par byas na dge'o/ /ar ka dang ka sha dang ke ra ka dang bu ka dang shal ma li dag gi shing bal gyis g.yogs / stan gyi bar tshangs su gzhug pa'i shing bal ni ming gis smos pa 'di rnams gang yang rung ngo //bal dang gso ma dang shing bal dang ras ma dang lo ma'i tshogs dag gis kyang ngo / /stan gyi bar tshangs su gzhug pa'i shing bal ma gtogs par ming gis smos pa 'di rnams las byas kyang rung ngo / /gnas pa'i phyir don gyi bar du skabs su skabs su bya rog gi rkang pa sbyin/stan gyi bar du shing bal la sogs pa bcug na phan tshun du mi 'chugs par bya ba'i phyir skud pa'i nan du bya rog gi rjes 'dra bas mnan/ gnyid 'ong na bum bu bcang / bsam gtan byed pa'i dus na mi yur bar bya ba'i phyir bum bu bcangs kyang nyes med do/ /tha gus rna ba la gdags bum bu chus bkang la tha gus rna ba la gdags/dbyig pas dal gyis gzugs/ bsam gtan pa yur ba bslang ba'i phyir gcig las gcig dbyug pas dal gyis btsugs la bslang / mi snad pa'i phyir bre bzhin du bcad dam ras mas dkri/ bslang ba'i phyir gzugs pa'i dbyug pa mi snang bar bya ba'i phyir shing kha drang por bcad ra das kyang dkri pho long 'phang /bsam gtan pa yur ba la pho long 'phangs te bslangs kyang nyes med/ tha gus brtags te slar drang / pho long 'phangs nas slar blangs te blang mi dgos pa'i phyir tha gus gdags/de'i mdun du me mar gzhag /bsam gtan byed pa'i mdun du me mar bud de gzhag na mi yur ba la phan/ rkang pa brkyang / yur na rkang pa ya gcig brkyang gzhan yang ngo / /rkang pa ya gcig brkyang ste ma phan na rkang pa gnyis ka brkyang /bcag /rkang pa gnyis ka brkyang ste ma phan na langs te bcag go /mi 'khrul pa'i phyir tha gu bres te sbu bur bcug la tha gus btags te'o/ /mtshan mo bcag na mi 'khrul par bya ba'i phyir 'chags sar nam mkha' la thag bus bres te/ thag bu la yang mig gam shing sbu gu can bcug la de la yang thag bu las lag pas bzung la bcag go /lham dang bcas te ma bcag /'chag pa'i tshe bsam gtan la gzhan mi 'dogs par bya ba'i phyir lham mi bgo/ /bar bur gyis mi bcag par dre'u rngog gding / 'chag pa'i gzhir rdul mi ldang ba dang rkang pa la mi zug pa'i phyir dre'u rngog bting yang nyes med do//nyi ma gsum zhing spang ba'i rkang bsku/ bsam gtan byed pa'i nyi ma gsum zhing nad dang mig la phan pa'i phyir rkang pa la snum dang bsung gis bsku/ ma phod na der nyal/ bsam gtan pa yur ba thabs ltag ma rnams ltar byed de yur ba la ma phan na nyal lo//sgo bcad/ nyal ba'i tshe khang bu'i sgo bcad do/ /glos kyang phab ste'o/ /nyal ba'i tshe glos kyang phab ste nyal kyang nyes med do/ /bsgo'o / /spong ba'i me la rtse ba yang ngo / /bsam gtan byed pa rnams kyis zhal ta byed pa dang grong 'dzin pa gcig dge slong su dad pa la bsgo/de'i tshul langs nas chag chag dang phyag dar dang rab tu gzhon nu'i lci bas skyang nul sbyin/ nang par sngar langs te bsam gtan gyi sar ming gis smos pa 'di rnams las su bskos pa'i dge slong des bya/stan gding / las su bskos pa des bsam gtan pa rnams stan gding / mi gtsang ba'i gnas bkru/ khang pa'i nang na bshang sa yod na kha la ngan skyugs chags pa yod na las byed pas bkru/ chag chag la sogs pa'o/ / bshang sa der chag chag dang maN+Dal dag bya/ phyi ba dang sa dang chu yang bzhag /rku ba phyi'i 'ji ba ril bu dang / rdo dang chu la sogs pa bshang sar las su bskos pas der gzhag /'ong ba'i phyir gaN+Di sbyin / dus gsum mchod pa la sogs pa dge 'dun gar 'du'ang rung ste gaN+DI brdung ngo //brdung pa'i thabs 'og nas 'chad/ g.yogs pa'i steng der bzhag gaN+DI khang thog tu brdung ba'i sar char pa la sogs pas mi gsher pa'i phyir thog bor ba'i 'og tu gzhag /dge 'dun 'du ba'i phyir na rgyun gsum dang de tsam gyis bsnun par ro/ /dge 'dun nang nub dus su 'du na ni che chung sbrengs pa las lan gsum brdab pa la mjug tu drag po lan gsum du gtogs /las bslangs pa'i phyir na yang ste/ rgyun dang gcig go /'phral la las zhig byed pa'i phyir dge 'dun bsdu ba ni che chung du sbrengs pa rgyun gcig dang mjug tu drag po gcig brdab bo//rgyun gsum bzlas pa la brgyab pa gnyis zhes gzhan dag gi'o/ /las la 'du ba la che chung du sbrengs pa rgyud gsum dang mjug tu drag po gcig brdab po/ / gnyis brdab kyang rung mdo ltag ma dang gang dga' ba bya'o/ /shi ba gdeg pa'i phyir na dum dum por ro//dge slong shi ba'i phyir bsdu ba ni thabs drag dal dang rgyun gyi grangs med de dum bu dum bur bya/ rgyud gcig dang brgyab ste zhes gzhan dag gi'o/ /shi ba las bsdu ba'i phyir che chung du sbrengs pa rgyud gcig dang mjug tu drag po gcig brdab kyang rung ste mdo ltag ma dang 'di gnyis gang byas kyang rung ngo //spang ba'i phyir na khar gsil gyis so/ /bsam gtan la 'du ba ni seg chad dang dril bu gang gis brda byas kyang rung ngo / /ka ti zhes gzhan dag gis so/ /bsam gtan la 'du ba la gaN+DI chung ngu ka ti zhes bya ba brdungs kyang rung ngo //glo bur du gcig na nam chog tu'o/ /chu dang me la sogs pa glo bur gcig byung na glo bur nam zhi ba'i bar du 'dod 'dod brdung ngo / /glo bur zhi ba la phan no/ /bza' bar 'du ba'i phyir na gnyis ka ste/ gaN+Di ka ti dang gaN+Di sbyin no/ /dro kar gdugs tshod la 'du ba la ni gaN+DI che chung gnyis ka brdung ngo //skabs su bsdad de'o/ /gaN+DI chung ngu dro kar sngar brdungs nas sku bla'i gzugs bkru/ kha zas brtag pa'i zhal ta byas zin nas gdod gaN+DI chen po brdung ngo / /tshogs che ste gaN+Di byin pas ma grub cing ma go na dung 'bud do//dge 'dun mang ste gaN+DI brdungs pas mi thos shing mi 'dus na mi gnyis kyis dung gnyis thabs cig du 'bud do/ /rnga brdung / dung sbrel ma bus kyang mi 'dus na rnga bo che brdung ngo / /gaN+DI sa na mi 'gro bar mi bya/ gaN+DI dang rnga brdungs ma thag tu 'du ba mi bcad par dge 'dun gyi nang du 'gro'o//ma song na nyes byas/ mi myur bar ma yin/ dge 'dun gyi nang du 'gro ba yang le lor byas te ma 'dug par gaN+DI brdungs ma thag tu 'gro'o/ /dgos pa 'byor pa'i dus kyi las na ci bder bya'o/ /bsam gtan du zhugs pa'i rnams kyis dus mi rigs pa'i phyir gdugs tshod bab pa dang tho rangs sngar bslang pa dang nam gyi gung la nyal du bzung ba'i tshod la sogs pa las su bskos pa'i bya zhing sbran no zhes byi dza ya bar mas bshad/gaN+DI brdung ba'i tshe bdag dge ba gzhan zhig rgyun du spyod de bar chad du mi rung na ma song yang nyes med do zhes byi shu tas bshad/sum rgyud byin te'o/ /bsam gtan pa rnams langs te 'dong pa'i tshe sum rgyud bklag /'di ni ran par sbyin/ sum rgyud bklag pa mi ring bar ran par bya/ sbyin pa las 'chags pa bya/ zas zos pa'i 'og tu sbyin bdag la sogs pa'i phyir sbyin pa'i tshigs su bcad pa klag /ran par ro/ /sbyin pa'i tshigs su bcad pa ran pa mi ring bar bya/ mel tse ba ni tha ma nas 'gro/ bsam gtan las 'gyes pa'i tshe las su bskos pa'i dge slong des las dang zhal ta dag byas nas phyi bzhin du 'gro'o//'ong ba na sngon du'o/ bsam gtan la 'du ba'i tshe tha ma na mi 'dug par sngon du song ste las dang zhal ta bya'o/ /'on te de lta bu'i rkyen cig gis lde mig sba ba byas na bstan to/ /las su bskos pa dge slong de rkyen cig gis gud du 'gro na lde mig 'di na yod do zhes grogs la bstan te 'gro'o//gso sbyong gi dngos po ste zhi gnas kyi gso sbyong du chud pa'o/ /bsam gtan gyi zhi gnas kyi gso sbyong rdzogs so// //bco lnga'i gso sbyong byed pa la 'chad de/ gso sbyong mngon par bsko / /dge 'dun gyis gsol ba dang zhu ba'i las kyis gso sbyong bya ba'i sa thams cad/byas pa dang skyes pa zin pa'i dngos por ro/ /de'i phyi rol gyi mtshams ni 'dom dang bcas/ gso sbyong gi khang pa rtsig pa chu dang gad pa la sogs pa yod na bar 'dom gang gis bcad la gtsang ba dang yangs pa dang mi rtsed par brtsig go /dge 'dun dang par ro/ /gso sbyong gi khang pa brtsig pa dge 'dun kun la dad pa dris te gar dad par bya/ las dag kyang de'i gnas so/ /gso sbyong gi khang pa der tshul nas 'byung ba dang tshul du 'jug pa dang bsnyen par rdzogs par byed pa la sogs pa'i las kyang der bya'o//mtshams bcad/ dge 'dun gnas pa la spyod pa bde ba'i phyir mtshams bcad do/ /dpag tshad phyed dang gsum gyi mthar ro/ /mtshams bcad pa ni bar du chu la sogs pa mtshams gzhan gyis mchod na dpag tshad phyed dang gsum tshun chad du bcad du rung ngo //rdo dang rtsig pa dang ka ba dang shing rlon pa dang ra ba dang gad pa dang khre lam dang chu 'thung ba la sogs pa phyogs so sor dmigs par shes pa'i dge slong gis dge 'dun gyi drung du kun bsgrags pa ni bstan pa'i mtshan te las bya/ mtshams bcad pa'i mtshan ma ni ming gis smos pa 'di rnams las mtshams btsugs te dge 'dun thams cad 'dus nas kun shes par byas te gsol ba dang zhu ba'i las kyis bcad mtshan ma ni phyogs bzhi re re btsugs pas chog /gnang ba byas na der chos gos dang mi 'bral mtshams bcad na rgan po dang nad pa chos gos mi theg pa dge 'dun gyis chos gos dang mi 'bral bar gnang ba byin na chos gos dang 'bral bar mi 'gyur ro//'di bya rgan po dang nad pa chos gos dang 'bral ba'i gsol ba gdab ste mi theg /bden na dge 'dun gyis gnang ba sbyin no/ /thams cad kyi phyir dkyil 'khor bya bar bsko/snga ma ma btang na nang du bcad pa mi skye/ mtshams snga ma bcad pa ma bkrol bar phyi ma bcad kyang mtshams bcad par mi 'gyur ro/ /mtshams btang ngo / /mtshams gnyis tshig gcig gis bcad pa'am btang du rung ngo //mtshams gnyis so sor gcod de bar nye na bar du thag pa bres te mtshams gnyis ka thag pas non par byas la/ pha rol tshu rol gnyis kar dge 'dun du langs par 'khod pa la bar du dge slong gcig 'dug ste gsol ba dang zhu ba byas na tshig gnyis gis mtshams gnyis bcad par 'gyur ro//dgrol ba'ang de bzhin du byar rung / las kyis mtshams ma bcad pa'i gnas kyi mtshams rtsig pa'o/ /gsol ba dang zhu bas mtshams ma bcad na gtsug lag khang gi phyir tshun chad mtshams su gtogs pa'o/ /wa'i chu bab pa gang du ltung ba yang ngo //gtsug lag khang gi phyir med pa zhig na khang pa'i wa'i chu phyi rol du ltung ba'i rjes tshun chad mtshams su gtogs so/ /grong gi na mtshams kyi mtha'o/ /grong khyer zhig na gnas na ra ba dang sab ma dang 'obs gsum gang yang rung bar bya gang bab pa la sogs pa gong du bshad pa yin no//dgon par na phyogs so sor rgyang grags kyi mtha'o/ /dgon pa na gnas te bar mtshams gzhan gyis ma chod na rgyang grags gcig tshun chad rang mtshams su chud do/ /gso sbyong gi dngos po ste gnas su chud pa'o/ /gso sbyong la 'du ba'i mtshams gcig na gnas pa kun du dgos pa dang mtshams bcad pa'o// dad pa byin na de dag gis 'du ba 'grub po/ /gso sbyong la 'du ba nad pa dang rgan por 'du bar 'ong mi nus te dad pa phul nas 'dus pa dang 'dra ste gso sbyong du rung ngo / /mtshams gcod pa la ma yin/ / mtshams gcod pa'i tshe ni nad pa dang rgan po yang dad pa dbul du mi rung ste khyogs la blang ngam dge 'dun nad pa'i gan du dong ste mtshams bcad dgos so/ /slob pa byin pa las des bslang ba'am brtag pa'o/ /mtshams gcod pa la slob pa byin pa las tha dad pa blang na las su'ang rung dad pa phul bar kyang chud do//de la dge slong du 'du shes gzhag na'o/ /slob pa byin pa las dad pa blang ba ni thog ma slob pa byin pa la dge slong du 'du shes gzhag pa ni dad pa blang dgos kyi 'du shes ma bzhag pa ni dad pa blang mi dgos so zhes kyang bshad/ dad pa len pa'i tshe na dge slong ma yin snyam du bsams na dad pa blang par mi chud de las su mi rung ngo zhes kyang bshad/ mi sbyin no/ /slob pa byin pa zhig dad pa len du 'ongs na dad pa mi sbyin no/ /smyon par gnang ba mi brel ba yin no/ /dge sbyong smyon pa tham thom can las byed pa'i tshe glo bur du 'gro ba zhig yod na dge 'dun gyis gsol ba dang zhu ba'i las kyis mi 'du ba dang dad pa mi blang par gnang byin na dad pa ma blangs kyang las su rung ngo //kun gtsang ba byin pa ni gcig tu'o/ /dad pa len pa 'ong na dbul ba'i tshig ni bdag bar chad kyi chos kyang gtsang / dge 'dun las byed pa la'ang dad do zhes bya/bdag gtsang ngo zhes ma byas na nyes pa yod pas 'phrig cing dogs par 'gyur ro/ /gtsang ngo zhes mi zer na bar chad yod dam zhes dris la yod na mthol du gzhug /gso sbyong du'o/ /mdo ltag ma ltar kun gtsang ngo zhes bya ba'i tshig ni gso sbyong gi tshe dad pa dbul ba la dgos so//'byung ba na yang ngo / /tshul nas 'byung ba'i tshe'ang dad pa phul na las su rung ngo / /de byin pas so/ /tshul nas 'byung ba'i tshe dad pa phul ba gcig pus mi chog gi bdag la khrims nyams par mthong ba dang thos pa dang dogs pa yod na rgol cig ces skabs dbye ba dang bcas te dad pa dbul lo//'di ltar de dag bya'o/ /gso sbyong la kun gtsang ngo zhes dad pa dbul lo/ /'di ltar de dag bya'o/ /gso sbyong la kun gtsang ngo zhes dad pa 'bul ba dang tshul gyi tshe nyes pa yod na rgol cig ces byas nas dad pa 'bul ba'i tshig dad pa len pa la bya'o//tshul 'di dag mnod/ /mdo ltag ma ltar dad pa 'bul na dad pa len pas kyang de ltar mi gnang gis 'dong zhes mi bya'i zer ba bzhin du dad pa blang ngo / /sde sder dad pa la sogs pa bskul te las byed na mi rigs pa ma yin no/ /mtshams gcig gi nang du gso sbyong la sogs pa dge 'dun so sor byed na gcig la gcig dad pa byin te bskul na so sor byas kyang las su rung ngo //tshig mtshungs pa brtsams na bral ba ma yin no/ /dad pa len pas rab tu 'byung ba dang gso sbyong dang tshul nas 'byung ba la sogs pa las mang po zhig dad pa gcig car blang du rung ngo //gcig gi du ma la blangs pa ma yin no/ /mdo ltag ma'i nang nas 'byung ba bzhin du mi mang mo zhig las dad pa blangs kyang rung ngo / /chad pa ni 'di brjod nus na'o/ /mdo ltag ma gnyis ltar mang du blang du rung ba ni bdag gis mi brjod cing zlos nus pa tshun chad dad pa blang dad pa len pa'i mi nyid kyang tshig gsal zhing smra mkhas pas dad pa blang ngo //ci lta ci lta bus kyang 'di'i sbyin pa la mi nus pas kyang grub bo/ /nad pa tshabs po che zhig las dad pa len te dris pa'i lan smra mi nus na yi ge dang mtshan ma dang tshig zur la sogs pa ci lta bus kyang dad pa byin par blang ngo // chud do/ /lus kyis kyang ngo / /nad pa des smra mi nus shing dad pa'i brda lus kyi yan lag gis byed na'ang dad pa blangs par chud do/ /ci ltar mi phod na'ang dge 'dun der 'dong ngam de khyogs las bslang / gso sbyong la sogs pa'i las byed pa la nad pa la dad pa blang du nad pa de dbugs ni ma chad kyi lus dang ngag gi brda dang mtshan ma byed mi nus kyang rung dad pa dbul nus kyang mtshams bcad pa'i tshe dad pa phul bas las su mi rung ba'i phyir dge 'dun gyi nang du dad pa khyogs las blangs te las bya'o//yang na nad pa'i drung du dge 'dun song ste las bya'o//de blangs te mi brgyug /dad pa len pas dad pa blangs te drag tu mi brgyug /mi drang / mi mchong dad pa blangs nas drag tu 'ang mi 'gro mchong zhing yang mi 'gro / /phyi rol du mi rgal/ dad pas blangs nas yur ba dang mtshams la sogs pa'i phyi rol du mi 'gro/phyir las ma yin/ dad pa blangs nas phyi sgo 'das shing yang mi 'gro/ ra ba'i phyi rol nas bos shing yang dad pa mi blang / nam mkha' la mi 'dug /dad pa len pa'i tshe gcig nam mkha' la mi 'dug pa la'ang bya/ dad pa blangs nas nam mkha' la mi 'dug pa la'ang bya/phyi rol du ma yin/ dad pa blangs nas mtshams kyi phyi rol du mi 'gro/ khol bor te rkang rten gzhan la mi 'gro/ /gru skas dang sa skas lta bu la rim pa gcig bor te mi 'gro ba ni dad pa len pa'i mi'o/ /gzhan yang de bzhin khol bor te mi 'gro/ / skas ke'i rkang rten las yang ngo / /sa skas dang gru skas ma yin pa skas tha mal pa thang ma skas la'ang bar du gcig bor te mi 'gro/ dad pa blangs nas 'di ltar mi 'gro/ /lkog ma tsam gyi chu la mi 'jug /dad pa blangs nas lkog ma tsam nub pa'i chu la mi 'bog /nyal ba dang mnyam par 'jug par mi bya/dad pa blangs nas nyal ba'am bsam gtan du 'jug par mi bya/ rim gro med pa'ang mi smad pa ma yin no/ /mdo ltag ma rnams ltar dad pa blangs nas le lo byas na dge 'dun gyis spyo zhing brgyad do/ /dge slong la smra/ dad pa blangs nas slar 'bul ba ni dge slong gang la yang rung gcig la dad pa phul bas chog go zhes 'dul ba 'dzin pa kha cig gis bshad/dge 'dun la'o/ /gzhan dag kyang ngo / /dge 'dun spyir dad pa ma phul na mi rung ngo zhes kyang 'dul ba 'dzin pa kha cig gis bshad do/ /dgongs shig btsun pa zhes rim du'o //dad pa blangs nas 'bul ba'i tshe na dgongs shig btsun pa zhes smras te gtsang ba dang dad pa la sogs pa'i tshig ma nor bar rim bzhin du smra'o/ /dge 'dun gyi dbus su ma phyin par dus 'das sam khyim mir shes par byas na blangs pa ma yin no/ /dad pa len du btang bas des dad pa blangs nas dge 'dun gyi nang du ma phyin par lam du shi'am khrims phul te khyim par babs na dad pa blangs pa mi chud do//phyin na ni blangs pa'o/ /dad pas len len pa'i mi de dge 'dun nang du phyin nas / dad pa 'bul ba'i tshig ma smras par khrims phul lam shi ba ni dad pa blangs par chud do//gzhan gyi tshes bco lnga dge slong bzung nas dge slong de thang shig /dge slong grogs shig gzhan gyis btson du bzung ste mtshams gcig gi nang na 'dug kyang rung gud na 'dug kyang rung gso sbyong gi tshe yus bdag la thong shig ces bya/ nged kyis tshangs pa mtshungs par spyod pa'o zhes de la smros shig /ltag ma ltar thong shig ces bya ba'i tshig ni nged cag tshangs pa mtshungs par spyod pa ste tshul gyis gso sbyong bya dgos te mi btang na khyod la sdig tu 'gyur ro zhes bya ba la sogs pa smras te thong shig ces bya/ ma btang na 'di dang kho bo cag lhan cig tu chung zad kyi bya ba zhig yod do zhes snga ma dang bcas te'o/ /mdo ltag ma ltar byas kyang ma btang na ltag ma'i tshig kyang smras la dge slong 'di dang nged cag 'tham zhing bya ba zhig yod kyi mi btang du mi rung ngo zhes bya/ de ste yang na dkyil 'khor bya/ mdo ltag ma rnams ltar bya ste ma btang na rkyen byung ba'i phyir/ mtshams chen po ma bkrol kyang bla ste mtshams bu chung mig ras kyis bcad la gsol ba dang zhu ba'i las bya mi dgos de'i nang du gso sbyong byar rung ngo / /phyis kyang de 'thar ba'i phyir nan tan mi bya bar mi bya/ gso sbyong gi dus la bab pa'i tshe'ang dge slong btson du bzung ba de la ci'i thabs kyis kyang btson las thar bar nan tan bya'o//dogs par gyur na brel to/ /gso sbyong byed pa'i tshe dge slong 'dra ba zhig gud nas 'ong bar mthong bzhin du yang rung dus kyis gud nas gso sbyong byed pa'i phyir 'ong bar shes te dogs bzhin du gso sbyong byas na brel cing mi bde bar 'gyur ba'i phyir gso sbyong mi bya bar bsdad do//so sor 'gyur ba 'dod pa'i yid kyis las byas na sbom por 'gal/ mtshams gcig gi nang na dge 'dun gzhan la dad pa ma dris par bzhi lnga zhig gi ma bsdus shing dad pa ma dris kyang bla mod ces bya ste gso sbyong byas na las su yang mi rung la dbyen gyi sbom por 'gal lo//the tshom mam chad par brtags na nyes pa mi ldang bar mi byed do/ /mdo ltag ma ltar dad pa ma blangs kyang bla mod ces te gso sbyong byas na sbom por 'gyur ba ni dad pa ma dris na rung ngam mi rung gtol med de the tshom za bzhin du byas pa'ang bla/dad pa ma blangs kyang rung zhes 'chad par bsams te gso sbyong byas kyang rung sbom por 'gyur ro/ /snying nas btsal na gtsang mar byed do/ /gso sbyong byed pa'i tshe mtshams kyi nang na dge slong lus pa yod dam med snying nas btsal cing bos pas ma rnyed de med par rtogs na gso sbyong byas kyang lus su rung ste phyis dge slong yod par gyur kyang bla'o//brtag pa tsam ma yin/ snying nas ma btsal gyi le lo byas te 'ol phyi tsam du btsal ba na dge slong yod par gyur na las su mi rung ngo / /tshol ba dang dgra dang mthon por 'dug ste phyogs su lta ba ni de'o//dge slong yod dam med btsal ba ni sgras kyang bos/ /sa mthon po nas kyang lta / zhib tu'ang btsal te ma rnyed na btsal bar chud de nyes med do/ /gso sbyong gi dngos po ste 'du bar chud pa'o/ /gso sbyong la 'du ba'i cho ga 'chang ba'o/ / gso sbyong bya ste bco lnga'i zla ba phyed phyed cing so sor thar pa'i mdo bshad pas so/ /gso sbyong bya ba ni tshes bco lnga zhing zla ba phyed na 'dug ste so sor thar pa kha ton du 'dul ba 'dzin pa gcig gis klag go/ /tshul nas byung nas ni 'di ma grub pa ma yin no/ /tshul nas 'byung ba'i tshe ni tshul nas 'byung ba nyid so sor thar pa yin pas so sor thar pa bklag mi dgos so//gsol ba dang gtsug lag sngar brjed de de nas bshad pa'o/ /so sor thar pa bklag pa ni thog ma stot+t+ra bklag la de nas gsol ba dang zhu ba'i sngags gson cig btsun pa'i dge 'dun gyi gso sbyong bcu bzhi'am bco lnga ste zhes zer ba'i le'u bklag /de'i gzhi bshad par rgyas par brjod de bsgrub so sor thar pa'i gzhi bshad zin nas phas pham pa'i mgo la ma reg par gzhan mdo'i ming smos la smad tra klag na'ang rung ngo zhu ba yang ngo / /so sor thar pa bzhi 'chad pa'i ltag na gsol ba dang zhu ba'i sngags 'byung ba rdzogs nas gzhan mdor bklags te smad tra klag tu ni mi rung ngo //lhag ma ni thos pa'o zhes bsnyad na'o/ /phas pham pa bzhi'i mjug rdzogs na 'di man chad ni sngon chad thos pa yin no zhes byas te gzhan mdor bklag pa smad tra bklags kyang rung dge 'dun gyi lhag ma mjug rdzogs par bklags te man chad mdo smos la 'di man chad sngon chad thos pa yin no zhes byas la smad tra klag kyang rung gnyis mi mngon pa yan chad bklags la 'di man chad sngon chad thos pa yin no zhes bya ste smad tra klag kyang rung ngo //sde brtsams pa rdzogs par ro/ / mdo ltag ma rnams ltar so sor thar pa klog pa la tshigs su'ang bcad cing smad tra klag tu rung ba rnam bzhi la gang yang rung ste tshig gcig ma rdzogs par rkang chad du bya ste sngon chad thos pa yin no zhes mdor bklags te smad tra klag tu mi rung ngo / /tshig bzhir bcad pa gang yang rung ste gcig rdzogs nas man chad mdor bklags te smad tra bklag go /bzhi la reg na thams cad do/ /so sor thar pa bklag pa mdo ltag ma rnams ltar rnam bzhi tshigs su bcad pa 'das nas sum cu spang ba'i ltung ba'i mgo la reg ste chung zad smos nas ni rked du bcad de sngon chad thos pa'o zhes mdor klag tu mi rung gi mjug tu thal bar bklag dgos so//zla ba phyed 'das pa de'i kun brtag zhag bco lnga 'das nas zla ba phyed kyi tshe so sor thar pa klag pa'i dus na bdag la ltung ba sde lnga las nyes par gyur pa ci yod dran par bsam/ 'du bar 'gyur ba'i tshe'o//mdo ltag ma ltar bsam pa'i dus ni so sor thar pa klag pa'i mdun du bsam zhing dran par bya/ tshor ba so sor bya ste thams cad du 'dug go /mdo ltag ma gnyis bsams nas phas pham pa yod na ni dge 'dun gyi nang du mi 'jug par gud du 'byung ngo / /lhag ma yod dam so sor mthol ba zhig yod na grogs gcig la dpang gtsugs nas brtags te bzhag /so sor mthol ba dge 'dun gyi grangs tshang ste mthol du rung ba dang ltung ba dang nyes byas las pa mthol tshangs bya'o/ /'dus nas dran pa'am yid gnyis su na drung na mo la bsngo/ dge 'dun 'dus zin te so sor thar pa bklags pas bskul bas nyes pa dran na drung na 'dug pa'i dge slong gcig la mthol tshangs bya'o//las byed pa ni sems la'o/ /so sor thar pa kha ton klog pa nyid klog pa'i tshe nyes pa byas par dran na langs te gzhan la mthol ba'i mi rigs ste bdag nyid kyis yid la mthol bas chog go//de ste bdag la med la bco lnga la shes na mdza' ba la mthun par nan tan bya/ dge slong gzhan kun khrims ral cing nyes pa yod de dge slong gcig gcig gtsang ste mthol tshangs byed du mi btub na dge slong gtsang ma des thams cad mthol du gzhug par thabs bya ba'i phyir bdag dang gang mdza' ba'i grogs po bdag la mthol tshangs byed du je gzhug go /mthol tshangs byed du ji ltar gzhug pa'i thabs ni 'og nas bshad pa yin/ tshe dang ldan pa gang gis 'di lta bu byas na de cir 'gyur ltung ba lta bu dang bcas pa'o/ /'o na tshe dang ldan pas de 'di lta bu dag ma byas sam byas ste de ltar yod na ni tshe dang ldan pa ltung ba dang bcas pa'o//tshe dang ldan pa nga gcig pu ma yin te dge 'dun thams cad kyang don 'di la'o/ /tshe dang ldan pa tshur shog bdag gi ltung ba chos ji bzhin du byas so / /dge 'dun thams cad kyis ci bya zhes rim gyis mthong ba'i lam du ste lhag ma rnams kyis 'dong na gshegs su gzhug go//dge slong nyes pa med pa gtsang ma des mdza' bo nyes pa yod pa de la de nyid kyi nyes pa dmigs nas phyung ste 'di lta bu zhig byas na ltung bar 'gyur ram dri'o/ /de ltar dris pa dang nyes pa'i dmigs 'dir 'gyur ro zhes zer na khyod la'ang de lta bu yod na mthol cig ces bya//de skad byas pa dang mdza' bo na re dge slong gzhan yang de lta bu spyod de mthol ci dgos zhes zer na dge slong gzhan nyes pa byed pa smos ci dgos khyod bdag gi nyes pa mthol cig ces byas te mthol du gzhug /mthol du gzhug pa ni dge slong gzhan kun gyis kyang mthong bar lam kar sa mthon por tsog tsog por gzhag la mthol du bcug dang nyes pa yod pa gzhan 'phrig cing 'dzem pa'i phyir khyod nga kho gnyis ci byed ces 'drir 'ongs te de dris pa dang mdza' bo des drang por smras dang gzhan kun zla blta ste//gcig la gcig mthol bar 'gyur ro/ /thabs de ltar gnyis gtsang bar gyur pa dang de la thams cad mthol bar bya'o/ /mi 'dod na de la des mi bskul lo/ /thabs ltag tu smos pa ltar bya ste mi dga' bar 'gyur zhing mthol tshangs byed du mi btub na mthol tshangs byos zhes drag tu mi bskul lo//'on te bco lnga'i tshe de ltung ba mtshungs par dran nam yid gnyis kyis na bdag gis bshags pa'i gnas dag tu gang du yang btang ste 'dzin pa 'byor pa'i phyir ro/ /dge 'dun thams cad la ltung ba 'dra bar yod na gcig la gcig mthol na tshangs par mi 'gyur te ltung ba mtshungs par yod do//shes sam ltung ba yod par 'dra'am/ mi 'dra gtol med de/ the tshom yod na/ dge slong gtsang ma logs shig tu mthol dgos te/ dge 'dun ril gyis gud du mthol du 'dong du mi rigs kyi//dge slong gcig gam gnyis shig dge slong gtsang ma ga la yod par mthol tshangs byed du dgye'o/ /dge slong mthol du bkye ba de slar 'khor na dge slong thams cad kun de la mthol na tshangs par 'gyur ro/ /mi 'byor na bsngo ba gsol bar 'dod par ro/ /mdo ltag ma ltar gud du dge slong gtsang ma la mthol du dgyer gud na dge slong gtsang ma med na ltung ba spyi'i sngags byas te so sor thar pa klag na'ang tshangs par 'gyur ro//bzhi man chad kyis kyang gtsug lag khang gi bya ba brtan par ro/ /dge 'dun du ma tshang bar te dge slong bzhi man chad cig 'khod na'ang dge 'dun mang du 'khod pa'i tshul bzhin du gso sbyong bya la reg par bshams te zhal ta bya'o//zhal ta dang las bya ba'i thabs ni 'og nas 'chad/ stan gding ba yang mi nyams par ro/ /dge 'dun du ma tshang yang dge 'dun mang du 'khod pa bzhin du stan la sogs pa gding ste zhib tu 'og nas 'chad chag chag dang phyag dar dang rab tu gzhon nu'i lci ba'i skyang nul byug /seng ge'i khri dang stan gding / me mar dang chos bsnyad pa'i sbyin pa bya/ phyogs mthon por 'dug la phyogs bzhir blta/ dge 'dun ma tshangs yang ming gis smos pa 'di rnams tshul bzhin du bya ste dge slong gud nas 'ong ngam mi 'ong phyogs bzhir blta zhing bya ra byas la bsdad do//dge slong dag mthong na 'di ltar tshe dang ldan pa rings par rings thabs su sbyin / ltag ma ltar bsdad pa las dge slong zhig gud nas 'ong ba mthong na tshe dang ldan pa la gor rings sbyin no zhes bya/ de ring dge 'dun gyi gso sbyong nam 'byung ba bco lnga'o zhes pa'i tshig gis so//rings par shog shig pa'i tshig ni rings par shog shig pa'i dge 'dun gyi gso sbyong la bab pa'am tshul nas byung ba'i dus la bab kyis rings su shog shig ces bya/ bzhir ma tshang bas kyang bsngo ba'o/ /dge slong bzhir ma tshang ste gsum man chad cig 'dug na'ang gcig la gcig nyes pa ci yod pa brtags te dpang btsugs te gzhag go /nam dus kyi bar bsdad/ dge slong bzhir ma tshang ste brtags te gzhag pa dge slong gud nas 'ongs pa skya rengs shar gyi bar du bsdad do/ /ma 'ongs na gdod brtags go /'ba' zhig na 'dug ste'o//gso sbyong gi tshe dge slong gzhan med de bdag gcig pur zad na yid la dgra bcom pa bzhugs par bsam ste nyes pa ci yod pa de brtags te gzhag go /gzhan dang lhan cig na lhag ma dang nye bar ro/ /gso sbyong gi tshe grogs la bsdad de 'ongs nas bsnan te des kyang bzhir ma tshang na gcig la gcig brtags te gzhag pa la'ang bya/dge slong mang du med de gnyis su 'dug na nye bar tsog tsog por phas 'dag tshus 'dug ste gcig la gcig brtag go /gsum na 'khod de'o/ /dge slong bzhir ma tshang ste gsum zhig yod la skya rengs bar du bsdad de ma 'ongs na gsum char khri'u'i steng du 'khod de 'dug la brtags te gzhag /de bzhin du bzhi pa 'byung ba yang ngo / /gso sbyong gi tshe na dge slong bzhi yod na gso sbyong du rung ste so sor thar pa bklag /tshul nas 'byung ba'i tshe ni dge slong lngar ma tshang na tshul nas 'byung ba'i las su mi rung ste gcig la gcig brtag pa ni sang phod kyi tshul nas 'byung ba'i tshe grangs tshang bar bya'o zhes bsam/so sor thar pa'i mdo 'chad pa de'i tshe gnas na med par shes na gso sbyong la mi bsdad do/ /so sor thar pa klog cing cho ga shes pa med na gso sbyong gi dus kyi bar du mi bsdad par so sor thar pa kha ton shes pa gang la 'dug pa'i gan du 'gro ba'am btsal te 'jug par bya'o//gang na 'di las rgal ba der tshul du mi 'jug go /so sor thar pa kha ton dang cho ga shes pa med na tshul du zhugs kyang dral dgos pa'i phyir tshul du mi 'jug par tshol du 'gro'o/ /sngon gyi tshul du zhugs pa mi bsrung ngo //tshul snga mar tshul du zhugs pa las so sor thar pa'i kha ton dang cho ga shes pa shi'am gud du song ngam/ khyim par babs na tshul mi bsrung bar shes pa tshol du 'gro'o/ /phyi ma zla ba gnyis las 'das par ro/ /tshul phyi mar zhugs pa las so sor thar pa shes pa shi'am med par gyur na zla ba gnyis kyi bar du tshul khrims bsrungs la de nas dral te tshul dang cho ga shes pa tshol du 'gro'o//dngos po dang las dang 'thob pa dang g.yog 'khor spang ba 'chad pa btsal lo/ /so sor thar pa shes pa med de spyan 'dren na khang bu bzang por bsdams te sbyin pa dang dge 'dun gyi las su mi gzhug pa dang dge 'dun gyi zas dang yon la sogs pa skal ba gzhan gyi bzhin du sbyin pa dang /dge slong dang khyim pa las g.yog sbyin par khas blangs te spyan drang ngo / /mdo sde 'dzin pa'i 'og nas gdugs dang rgyal mtshan dang ba dan dag gis bsu/mdo sde 'dzin pa mkhas pa zhig spyan ma drangs kyang gud nas 'ong bar thos na ming gis smos pa 'di rnams kyis bkur sti bya ste mchod cing bsu'o/ /'dul ba dang ma lta bu dag la yang ngo / /gud nas spyan ma drangs par 'dul ba dang ma lta bu 'dzin pa zhig 'ong bar thos na'ang mdo sde 'dzin pa bzhin du bsu bar bya'o//dpag tshad phyed dang gsum du'o/ /bsu ba'i tshad ni dpag tshad phyed dang gsum du bsu'o/ /ma nus na rgyang grags lngar ro/ /dpag tshad phyed dang gsum du bsu ma nus na rgyang grags lnga tsam du bsu'o/ /gsum mam dpag tshad phyed dam rgyang grags sam rgyang grags phyed dmar ba'am tshig 'jam pos bsu ste lhung bzed dang chos gos blang ngo //ltag ma ltar bsu ba ma nus na dpag tshad phyed de rgyang grags bzhir bsu der kyang bsu ma nus na rgyang grags phyed dmar ba'i phyi rol tsam du'ang bsu'o//bsu ba'i tshe 'dzum zhing mdangs can du byas la bde bar byon tam zhes byas la de ltar smra zhing lhung bzed dang chos gos la sogs pa blang zhing bsu/ khrus bya / gud nas 'ongs te bsu ba de khrus bya lus dag mnye/ dge 'dun gyis kyang snum thob par ro/ /gud nas 'ongs te bsu ba de dge 'dun gyis kyang kha zas bzang pos mgron bya zhing lus bsku ba'i snum la sogs pa sbyin/dngos po la sogs pa spang ba sbyin/ mdo sde dang 'dul ba dang ma lta bu 'dzin pa spyan drangs kyang rung rang 'ongs kyang rung khang bu dang g.yog la sogs pa sbyin te so sor thar pa shes pa spyan drangs pa bzhin du bya'o//chos mnyan pa yang ngo / /mkhan po mkhas pa gud nas 'ongs na bsti stang dang mgu bar bya zhing rtag par 'dug par bya ba'i phyir yi ge gra btsugs pa dang kha don mtshan rangs bya/ bstan pa 'dzin pa la 'di ltar dge slong phrag dog na chud par ro//dge slong mkhas pa la gud nas 'ongs pa la bsu zhing bsti stang byas pa dang mkhas pa gzhan phrag dog langs na phrag dog bya'i mi rigs kyi gcig tu na rim gro gyis shig par sangs rgyas kyi bka'i gzhung las 'byung / gcig tu na sangs rgyas kyis bstan pa'i tshig kho la yod pas rim gro bya ba'i rigs te de la phrag dog skyes na sdig tu 'gyur gyi ma byed cig ces gros gdab/gso sbyong nam 'byung ba ma byas par de'i nyin mo yod na bdag gi gnas nas mi 'gro/ /gso sbyong la bab pa'i nyin par dang / tshul nas 'byung ba'i tshe gso sbyong dang tshul gyi las ma byas par gud du mi 'gro song na nyes byas/de ste de nyid na rnam par thos pa ni ma yin no/ /rkyen gcig gis mi 'gror mi rung ba la pha rol du 'gro ba'i gnas de na gso sbyong dang tshul nas 'byung ba'i cho ga dang kha ton shes pa yod na ma byas par song yang nyes med do/ /'thab mo byed pa dag la mthar zhing dam pa'i tshul can dang phrad do zhes bsams na yang ngo //bdag cag 'khod pa na dge slong 'thab mo pa yod de rtag tu 'khrug cing mi 'dum na/ tshul dang ldan zhing mi 'khrug pa'i dge 'dun gyi gan du 'gro bar bsams na gso sbyong ma byas par song yang nyes med do//dam pa'i tshul can gyi dge slong las 'thab mo byed pa'i dge slong gan du mi 'gro/ /dge slong tshul dang ldan zhing mi 'khrug la 'tsho ba'i yo byad mi bzang pa zhig na yang dge slong 'khrug cing 'thab rtsod pa 'tsho ba'i yo byad bzang zhing 'byor du zin kyang tshul can bor te 'thab mo can 'khod pa'i gnas su mi 'gro bar tshul can gan na gnas so//dge slong dang bcas pa nas dge slong med par ma yin te/ dge slong tshul dang ldan pa dang gnas pa las tshul dang mi ldan pa'i gnas su dge sbyong med pa dang 'dra ste mi 'gro/ /gcig tu na gtsug lag khang dge slong yod pa'i gnas nas dge slong med pa'i gnas gtsug lag khang stong bar mi 'gro ba la'ang bya/ma lus par ram gzhan rkyen gcig gam lus dang sems bde ba'i dbang gis na ma yin no/ /ltag ma rnams ltar 'gror mi rung ba la dge 'dun thams cad ril gyis 'dong ba dang srog la dman zhing dge sbyong gi tshul stong bar 'gyur ba dang sems 'khrugs shing mya ngan du gyur pa dang /yul grong khyer te lus la nad du gyur te rkyen 'di rnams lta bu zhig byung nas dge slong 'thab mo pa dang gtsug lag khang stong par song yang nyes med do/ /gso sbyong dang 'byung ba ma byas pa gnas pa 'gro bar mi btang /slob ma dang 'khor las gso sbyong dang tshul nas 'byung ba'i las ma byas par gud du 'gro zhes zer na gnas brtan gang byed pas ma dgye shig /bkye na nyes byas/ de lta bu'i gzugs kyi rkyen dam pa'i tshul can ston pa dang ldan pa zhig na gnas che ge mo ba der 'phos shig ces bsgo'o//slob ma dang 'khor las gud du mi gtong bar gzhag tu lus dang srog la dma' zhing dge sbyong gi tshul stor ba tsam gyi rkyen cig byung na pha rol gyi gnas de na dge slong tshul dang ldan pa dang mi ldan pa dang / gso sbyong byed pa dang mi byed 'dren mar 'khod na dge slong tshul dang ldan zhing gso sbyong byed pa dang 'grogs la gso sbyong byos shig /tshul nas byung ste song shig ces bsgo nas btang yang nyes med do/ /bsgo ba 'di las mi rgal mdo ltag ma ltar mkhan pos bsgo ste btang ba la mkhan pos bsgo ba bzhin du slob mas kyang mnyan cing bya'o//brtags pa ni phyis 'ong ba'i phyir yang 'di dag bya bar ro/ /gso sbyong gi tshe snga na gzhi na 'khod pa'i dge slong gis gso sbyong dang tshul nas byung ba'i las byas zin pa'i 'og tu gud nas dge slong dag cig 'ongs te nged las 'dir bya bar ro ste 'ongs pa yin na slar las bsla ste bya ra ci gnang zhes zer na slar bsla ste bya ba'i rigs so//yang dag par byas pa der 'dug par 'dod na'o/ /mdo ltag ma ltar slar bsla ste bya ba'i las su ma rung ngam mthol ba ma tshangs pa'i the tshom yod na slar bsla ste bya ba'i rigs the tshom med kyang gsol na bsla ste bya ba'i rigs slar 'dus te ma byas kyang nyes med do//mthun pa'i spyod pa na yang ngo / /gtsug lag khang gi rkyen du gtogs pa'i dge slong las kha cig gud du dong ba'i 'og tu gzhi bas gso sbyong byas zin nas gud du 'dong ba 'khor te gso sbyong bslas par gsol na'ang bzlas pa'i rigs dge slong 'dron po snga phyir chad pa las snga mas byas zin te phyi ma ma byas na slar bzlas te bya ba'i rigs so//'du ba yang de dag bslang mdo ltag ma rnams ltar slar bslas par gsol te ma btub na dad pa dris te phyis 'ongs pa'i rnams nang gso sbyong bya'o/ /ma thob na mtshams kyi phyi rol du bya/mdo ltag ma ltar dad pa ma ster na mtshams kyi phyi rol du dong ste gso sbyong bya'o/ /'grub pa ni byed pa'i tshe 'ongs te lhag ma myong na'o/ /dge slong bzhi la 'khod pas gso sbyong byed de/ so sor thar pa klog pa mjug tu ma phyin tshun chad du slebs na phyis 'ongs pa de rnams kyang gso sbyong byas par chud do//phyis 'ongs pa rnams gcig la gcig mthol ba ni tshul gyi mtshams kyi phyi rol du mthol zhing brtags la nang du 'gro ba yin no/ /gang yang gnas nas ma song na gdon mi za bar ro/ /dge slong gzhi bas gso sbyong byas zin te gyes la dge slong phyis lhags pas gso sbyong byed pa'i gnas su dge slong 'ga' tsam zhig slebs na dge slong snga ma gyes pa kun slar bsdus te gso sbyong gyis shig /'ongs pa mang na yang ngo / /mdo ltag ma ltar slar 'du ba yang dge slong phyis lhags pa mang na 'du dgos so/ /gzhi ba mang na ma 'dus kyang nyes med do//dus kyang mang po'i phyir gzhug go /dge slong gzhi ba dang gud nas 'ongs pa tshes grangs bcu bzhi dang bco lnga'i dus mi mthun na mi grangs gang mang pa'i khar dor ro/ /mnyam na gnas pas so/ /tshes grangs mi mthun la mi grangs mnyam na gzhi la yod pa'i dge slong bzhin du bya'o//gzhi bas gso sbyong byas te phyis dge slong lags na slar 'du ba yang grangs mnyan na gzhi ba brtsan te ma 'dus kyang nyes med do/ /de yang ngo / /slar 'du dgos pa ni dge slong phyis 'ongs pa grangs mang na snga mas las zin kyang mi phan te 'du dgos so/ /gso sbyong gi tshul du chud pa'o//gso sbyong du chud dam mi chud pa'i cho ga bshad pa'o/ /bsam gtan las mi bslang / dge slong bsam gtan du bzhugs pa la sdang ba'am bslang bar mi bya bslang na nyes byas/ ston pa med par bsam gtan mi bya/ bsam gtan gyi lung ston pa'i mkhan po med par thug thub tu bsam gtan mi bya/bum bu dang pho long gi sbyar ba yang rigs so/ /bsam gtan byed pa dang gso sbyong byed pa'i tshe yur na bum bu rna ba la btags pa dang pho long gis brdeg pa'ang nyes med de rigs so/ /brtson 'grus mi glod/ dge ba ci spyod kyang rung lus dang sems kyis rgyun mi 'chad par bya/lus na'am rkyen byung yang sems rgyun mi 'chad par bya/ mdo bzhin du 'di yang ngo / /mdo sde'i nang nas brtson 'grus bya ba bzhin du brtson 'grus cher bskyed dgos te zan gyis 'grangs te snyom na'ang yon bdag gi bsod nams skyed pa'i phyir brtson 'grus bskyed dgos so//ma 'grangs su zin kyang brtson 'grus bskyed dgos te sha zad pags pa bsnyil gyi bar du bsgrim pa la bya/ mdo sde las bsam pa'i rgyud byung ba bzhin du 'og nas 'byung ba dang nyal khar bsam pa la'ang bya/ yan lag dang / lus rang nyam du mi bya bar seng ge thabs su ne ban ltar nyal ba la bya/sems dang gos kyang mi g.yel bar nyal brtag /sngon khyim pa dang mi dge ba'i las spyad pa dran par mi bya'i dge ba la rgyun mi 'chad cing nang par sngar ldang bar bsams/ chos gos dang sham thabs dang ske rags la sogs pa 'thor bar mi gzhag gi mi sprug cing lta ba la gnas gcig tu gzhag pa la bya/mi na bar nyin par mi nyal/ mi na bar nyin par nyal na nyes byas/ rked pa na bas pus 'khyud kyi snam bu bcang / rked pa na bas pus 'khyud bcangs kyang nyes med/ dbang po nang du chud yid phyir ma song bar bcag ste mi nur gsal po drang por ro//'chag pa'i tshe dbang po drug nang du bsdus te sems yul la ma bros par 'gros dal bar yang mi bya/ drag tu yang mi 'gro/ lus lhod lhod po dang rnyol rnyol por mi bya bar gsal por byas la drang por bcag go /mi nus na thag bu drang / 'chag pa'i lam drang por 'gror mi nus na thag bu drangs la de'i 'gram chu dag bcag go /kha ton byed pa'i 'chags sa'i tshad ni khru bcu gnyis/ kha ton byed pa'i 'chag sa'i tshad ni khru bcu gnyis tshun chad du bya'o/ /spong ba'i ni bco brgyad do/ /bsam gtan byed pa'i 'chag sa khru tshad ma bco brgyad tshun chad du bcag go /der thag bu drangs te bya/ 'chag sa byed pa'i tshe thag bu la khrus gcal/ de tshad bzhin du sbyar la thag bus bres te drang por bya/ dge slong gis 'dug nas chos bshad/ sangs rgyas zhal bzhugs su zin kyang dge slong gis chos bshad du rung ste sa la 'dug la bshad do//du ma na gcig gis so/ /mi mang du 'khod kyang chos 'chad pa gnyis su mi bya'i gcig gis bshad do/ /gang sus kyang ngo / /chos 'chad pa ni gang mkhas pa gcig gis bshad do/ /ma bskos par yang ma yin te/ chos bshad du mi gsol bar bdag gis mdor to/ / chos bshad par mi bya/ de ste de'i dngos 'ongs na ni ma yin/ chos bshad du gsol ba dang chos ston byas nas de'i rjes la yon bdag la chos bshad pa ni nyes med do/ /'khor du ma yin/ mi phal mo che 'khod pa la grangs mang du bcad de phung bu phung bur bya ste gcig gi sgra gcig gis thos par mi bshad/'khor phyed du ma yin/ mi phal mo che 'khod pa la gcig gis mgo nas bshad/ gcig gis mjug nas bshad de gcig gis sgra gcig gis thos par mi bya ste mi thos par bshad/ de gnyis kyi gcig tu ma yin/ khri bshams te chos bshad pa gnyis kyis cig car lhan cig tu smra zhing bshad par mi bya/rgan rabs kyis so/ /chos bshad pa ni/rgan rab zhing chos mkhas pa btsun pa rnams kyis bshad/ de ste mang na stan gnyis gsum bzhag ste'o/ /na rgan pa mang la chos 'chad mkhas pa med kyi gral dma' ba'i nang nas chos bshad mkhas pa yod na gral spar te gong du gnyis gsum tsam gyi gral gzhag la de'i 'og tu 'chad pa gzhag /de ste stan med na ma yin no/ /chos 'chad mkhas pa de rgan po gnyis gsum gyi 'og na 'dug na stan spar mi dgos pa la'ang bya / seng ge'i khri yang ngo / /chos 'chad mkhas pa de seng ge'i khri bshams te de'i steng du 'chad du bcug na'ang 'dug ste bshad na'ang nyes med/mchil ma'i chol zangs zhog shig /chos 'chad pa'i drung du chol zangs mchil ma'i snod bzhag kyang nyes med do / /der gding ba sbyin/ mchil ma'i snod chol zangs kyi nang du 'og ma dag gzhag /bye ma'am thal bas so/ /chol zangs su bye ma'am sa'am thal ba blugs te gzhag /dus dus su bkru/ mchil ma ring du bzhag na sems can du gyur pas dus dus su bkru/ nub mo chos bsnyad par bya/ nub mo thog thag tu kha ton bya zhing yi ge klag dgos te dus ma yin pa ni 'og nas 'chad/de ltar klag dgos pa ni ngos bzhi mgon po dang rim pa'i lha gtsug lag khang gi 'khor du dus der 'ong ba'i phyir dad pa dang dga' ba bskyed par bklag go /tshes brgyad dang nyi shu gsum la mgon po dang lha bran gyi g.yog 'ong ba'i phyir yi ge bklag /bcu bzhi dang / tshes bcu bzhi dang nyi shu dgu la mgon po la sogs pa'i du 'ong ba'i phyir yi ge bklag /bco lnga dang sum cu la mgon po dang lha nyid 'ong ba'i phyir yi ge bklag go /nad pa ni 'di ma byas kyang nyes med do/ /dus drug gi nub mo chos dang kha don klog pa la nad pa ni ma 'ongs kyang nyes med/ma bklag kyang nyes med do/ /bshad pa'i phyir bsgo ba'i tshe khas mi blang bar bya/ nub mo chos kha don klog pa'i res su bskos na sus bskos kyang rung ngag mnyan no/ /mi nus pa la sogs pa bsgo ba la gsol/ kha ton dang klog mi nus pa zhig yin te bskos na su bsko ba de la bdag gis ni mi nus na sbyin pa gcig btsal te btang ngo zhes gsol/'chad pa med na rim gyis 'don cing bshad/ kha don mang du shes pa med dam mang du mi thon na chung zad shes pa kun rim du brje zhing yang bklag go /mthar na tshigs su bcad pa gcig kyang ngo //kha don nyung ngu yang mi shes na res kyis tshigs su bcad pa re re tsam yang bklag ste/ nub mo ring du thub cing mtshan zad par bya ba'i phyir tshigs su bcad pa de lan mang du bzlas so/ /me mar der bya/ nub mo chos kha don klog pa'i phyir me mar bud pa la'ang bya/ mgon po snang yel che bar me mar kha mang du bkram ste bud pa la'ang bya/zla ba phyed 'dra ba'am rdzing bu 'dra ba'i chos bsnyad pa'i gtam bya ste mthangs su'o/ /chos bshad pa'i dral thabs ni zla ba kham pa 'dra ba'am/ rdzing bu 'dra bar dang rang la ma yin man du 'gro ba'i phyir gral gyi skabs bor te mthangs gdong /bla gab med par chos bsnyad na bla re gdags thang bla gab med pa la chos 'chad na ras la sogs pa'i bla re gdags so/ /rlung ngam char pa na gzhug /thang la chos 'chad par bla re gdags pa las rlung dang char pa bab na bsdu / de'i phyir chos bsnyad par mi gtong / bla re bsdus kyang chos 'chad pa gtong du mi rung ste khang pa yod na'ang der 'phos la chos shod cig /gnas brtan sngar song nas kha rog ste skad cig 'dug na 'dir chos 'chad dam gzhan bsko te dge slong chos smros shig ces so/ /chos 'chad pa'i tshe gnas brtan thog mar song la khri'i steng du skad cig mi smra bar 'dug la de nas chos bshad do//yang na dge slong chos shes pa la shod cig ces bsko zhing smra'o/ /'chad pa'i tshe nyan te de ste chos na spro bar bya/ chos 'chad pa'i tshe gzhung bzhin du ma nor bar bzang zhing gsal bar 'chad na de la yi rang bar bya ste bstod la spro bar bya'o//'on te ma yin na bzlog /chos 'chad pa des 'khrul cing log par bshad dam chos ma yin pa zhig smra na dgag cing bzlog go /khyim pa der 'ongs na chos kyi gtam bya/ dus drug gi nub mo chos bsnyad pa'i tshe khyim pa la sogs pa nyan cing bltar 'ongs na chos bsnyad cing bstan to//mur 'dug bar du gcod na chad pas rab tu bcad de khros pa dang 'khrugs pas ni mi bstan/ chos 'chad pa'i tshe mur 'dug pa la sogs pa klan ka tshol zhing rgol na 'thab mo dang brdeg btsog mi bya ba'i 'gab zungs dang ltag chod dang shing log gam tshig thub par dag gi chad pas bcad de tshig gis thub nas sems grol bar bya'i 'khrugs shing khros par mi bya'o//'khor khrid de chad par mi 'go /chos 'chad pa'i 'phro las gnas brtan gyis bdag gi slob ma khrid de gud du mi 'gro ba la'ang bya/ chos 'chad pa'i tshe mnyan cing 'khod pa las kha drangs te gud du khud par grwa btsugs shang mi bshad pa la'ang bya/de nyid 'dod na chos kyi sgor gzhug /gnas brtan don yod de gud du song ba las slob ma chos nyan cing 'khod pa bdag gi phyi bzhin 'ongs na ma 'ong bar khyed cig ces chos nyan du gzud pa la'ang bya/ kho chos mi 'dod pa la nan gyis mi bshad/chos mi btsun par 'gyur ba'i phyir bshad du gsol na bshad par bya'o/ /bsti stang dang bcas bdag po dang bcas dma' ba'i sems kyis 'jug /chos 'chad pa'i mkhan po des kyang nga rgyal mi bya ba'i bdag gi bla na/ sangs rgyas dang dgra bcom pa'i chos kyi bdag po bzhugs te de ni mchod cing bsti stang bya ba'i gnas yin gyi bdag ni sems can thams cad kyi bran yin pa snyam du bsams te nga bcag pa la'ang bya/chos nyan pa rnams kyis kyang chos 'chad pa la chos kyi bdag po ston pa yin pa'i phyir bsti stang dang rim gror byas te gus par bya/ nan tan du bshad/ chos 'chad pas bshad pa'i tshe le lo mi bya'i gzhung bzhin du ma 'khrul bar nan tan du sems rtse gcig tu bsdus te chos bshad do/ /chos la bsti stang dang bcas te bstan par ro/ /chos 'chad pa'ang des chos btsun zhing lci bar bsti stang skyed cing tshig drag dal ma khyer par bstan par bshad do//yid mi g.yeng / chos 'chad pa des 'chad pa'i tshe na sha chang dang gser dngul dang nor rdzas dang sngon khyim pa'i spyod pa la sems ma bros par bsdus te bshad do/ /rigs la grol ba'i tshig gis so/ /chos 'chad pa'i tshe tshig mgo mjug med par 'dres par rkyang bar mi bshad kyi tshigs su chod cing bye brag phyed par gsal por bshad do//thod rgal du ma yin chos 'chad pas gzhung gcig ma rdzogs par rked nas bcad de gzhung gzhan gyi mgo nas bzung ste mi bshad/ rgyud 'byor ba/ thog ma bsod nams bshad de de nas na rag dang mi dge ba bstan/de nas las kyi 'bras bu dang mya ngan las 'das pa'i 'bras bu rim bzhin bshad do/ /byams pa snying rje ba/ chos 'chad pa'i tshe zhe sdang med par snying rjer byas la khro sems mi bskyed kyi/ byams pa dang snying rje ba'i phyir bla na med par gdon par bsams te bshad do/ / zang zing med pa'i sems kyis so/ /chos bshad pa'ang bkur sti dang khe dang nor rdzas la sogs pa 'dod pa'i phyir zang zing yod pa'i sems kyis chos mi bshad pa la'ang bya/ dga' sred mgu bar bya/ chos mnyan pas kyang chos 'chad pa la sems dang zhing dga' bar bya ba dang bshad pa 'dis mi chog gi mang du mnyan cing bslab pa'i phyir sred par bya ba dang bshad pa'i chos la rjes su yi rangs shing mgu bar bya'o//ma zin kyang don gyi dbang gis na mi bsdad/ chos 'chad pa'i tshe na tshig brjed dam glo'am lud pa lta bu langs nas bsams shing bltas te bsdad la bshad pa la bya/ chos 'chad pa'i rgyud ma rdzogs par rjes ma 'ongs na mjug rdzogs kyi bar du rjes ma sdod du gzhug pa la bya/dbyangs kyis chos bshad/ chos bshad pa la sems skye zhing dga' bar gyur na dbyangs snyan pas chos bshad kyang nyes med/ langs nas bye brag tu bya/ chos 'chad 'chad pa las zin te 'gro khar chos 'dri ba zhig 'ongs nas 'greng bzhin du chos bshad kyang nyes med pa la'ang bya/drangs te don gtam du'o/ /gzhung bsdus te 'chad na'ang tshig 'byor par bshad pa la'ang bya/ dbyangs dang tshig la don ci lta bu zhes 'dri na de'i don bshad pa la'ang bya/ dbye zhing sbyar/chos bshad pa des gzhung 'di ltar drangs na 'di dang mthun no/ /'di dang mi mthun no zhes bshad pa la'ang bya / gzhung gi nang du la las rang bzo bcug pa zhig yod na 'di tshig de phyung ste gzhung bzhin bshad cing bstan pa la'ang bya'o/ /dge 'dun gyi gnas brtan gyis nyi ma bgrang /dge 'dun gyi gnas brtan gyis zhag dang nyi ma bgrangs te tshes grangs bzung / skud pas brgyus pa'i shing bran gyis spo zhing ngo / /tshes grangs gzung ba'i thabs ni skud pa las shing bu bco lnga brgyus la tshes grangs kyi ming so sor bris te shing sbu gu can gcig gis bar gcad byas la zhag gcig lon zhing sbu gu can gyi nang nas shing bu gcig drang /gtsug lag khang skyong gis der 'ongs shing dge 'dun la zhu/ gtsug lag khang skyong gis dge 'dun gyi gnas brtan la tshes grangs dris la dge brtags kyi tshes grangs 'di 'das so zhes dge 'dun la smra/bye brag gis so/ /gnas brtan gyis tshes grangs ma 'khrul bar bya zhing tshes grangs kyi ming dang zla ba gyen thur bye brag phyed par bya/ zla ba phyed tha dad du'o/ /tshes grangs smos pa'i tshe zla ba yar gyi zhag 'di 'das so zhes bya ba dang / zla ba mar gyi zhag 'di 'das so zhes bya ba ma 'khrul bar bya/gtsug lag khang gi bdag po dang lha'i phyir tshigs su bcad pa lhogs shig ces dge slong la bsgo ba'i tshig go /dge brtags klog pa'i tshe gtsug lag khang gi bdag po dang lha'i phyir tshigs su bcad pa lhogs shig ces kyang smra ste smra ba'i tshig nyid 'og nas zhib tu 'chad/de ma thag tu'o/ /dge brtags klog pas mdo ltag ma skad du smras pa dang / dge 'dun rnams kyis kyang tshigs su bcad pa gnyis bklag go /der yang zla ba phyed kyi tshes gcig ste gtsug lag khang gi bdag po dang gtsug lag khang gi lha rnams kyi phyir tshigs su bcad pa lhogs shig ces so//tshigs su bcad pa lhogs shig pa'i tshig ni tshes gcig gam gnyis kyang rung 'das pa yin te gtsug lag khang gi bdag po dang lha'i phyir tshigs su bcad pa tshig 'di go rims bzhin du bya'o/ /gtsug lag khang gi bdag po spyan 'dren pa'i tshig kyang ste 'di zhes bya ba'i sbyin bdag gis dge slong gi dge 'dun mchod par spyan 'dren gyi de la btsun pa rnams kyis dge ba'i yid kyis thugs rjes gzigs shig ces so//mdo ltag ma ltar smras pa'i rjes bzhin du yon bdag su yin pas sang bshos la spyan 'dren gyi dge 'dun gyis thugs rjes dgos shig ces mdo 'di'i tshig bzhin du smras zhag nyung ba yang gzhug /gso sbyong bya ba ni zla ba zhag ma tshang ba'i rnams la tshes bcu bzhi zhing bya'o/ / tshes bcu bzhi zhing bya ba'i zla ba ni dpyid zla 'bring po dang dbyar zla ra ba dang dbyar zla tha chungs dang ston zla 'bring po dang dgun zla ra ba dang dgun zla tha chungs drug shi ba'i tshes bcu bzhi'i gso sbyong du bya'o//zla ba phyed las 'das pa'i dus la zhag bco lngar mi thub ste bcu bzhi la gso sbyong bya ba ni zla ba drug gong du smos pa yin gyi gzhan thams cad ni bco lnga'i gso sbyong du bya'o/ /zla ba lhag pa'ang bya ste rgyal po'i rjes su 'jug /rgyal pos zla ba shol 'dums shig tu bsgyur ba brtsis na'ang dge slong gis zhag grangs brtsis pa mi brtsan gyi rgyal pos brtsis pa bzhin du gso sbyong bya/ skar mkhan gyi phyir 'jug cing skar ma'i rgyud kyi rjes su yang ngo / /skar mkhan gyis brtsis te shol 'dums yod pa zhig tu gyur na skar mkhan gyis brtsis bzhin du tshes grangs brtsi zhing gso sbyong bya'o//tshes grangs brtsi ba'i phyir dge slong gis skar ma'i rgyud bslabs kyang nyes med pa'ang bya'o/ /ma brtags gso sbyong gi bar du ma bsdad par stong pa zhes mtshams mi bcing / lha khang stong pa dge slong gnas sam mi gnas gtol med par bdag cag gnas par bya ba'i phyir mtshams mi bcad gtsug lag khang stong pa der dge slong gnas sam mi gnas brtags pa ni gso sbyong gi zhag dus kyi bar du bsdad de ma 'ongs na mtshams bcad kyang nyes med/gso sbyong bar du ma bsdad par mtshams bcad na nyes byas/yan lag ma yin pa ni ma skyes par shes pa'i bcad pa'o/ /gtsug lag khang gi mtshams sngar bcad zin la mtshams bcad dam ma bcad gtol med de mi shes kyang rung bcad par shes bzhin du yang rung ste mtshams sngags kyis ma bkrol lam zhig pa ma yin na phyis bcad kyang mtshams bcad par mi 'gyur ba'i steng du nyes byas kyang yod do//de med na yang btang ba'o/ /mtshams sngags kyis bkrol ba dang / dge slong kun gud du dong ste zhag lon pa dang dge slong pha kun mo mtshan du gyur pa dang / dge slong kun shi ste lha khang stong par gyur pa dang /dge slong kun khrims phul ba dang / dge slong kun mtshams med pa dang / phas pham par gyur pa dang / dge slong kun mur 'dug tu zhugs pa dang / rnam pa 'di bdun lta bu zhig tu gyur na mtshams zhig pa yin no/ /brtags pa'i gnas kyang ngo / /tshang mang du bsngos te gsol ba dang zhu ba'i las byas pa'ang gong ma'i rnam pa bdun du smos pa gang yang rung /gcig ltar gyur na gsol ba dang zhu ba'i las zhig pa yin te phyis bya dgos so/ /ma brtags pa ni mtshams la mtshams bskor ba'o/ /mtshams sngar bcad zin pa la phyis mtshams bcad kyang mtshams mi chags so//brtags pa ni 'khor dang dge slong ma'i dbyar mo thang dang khron pa yang ngo / /mtshams kyi phyi rol kyang rung mtshams snga ma bcad pa'ang rung ste/ 'phral la sogs pa dang zhu ba'i las kyis mtshams bu chung ngu bcad la gso sbyong byas na'ang rung mtshams bu chung ma byas kyang rung /dge slong ma'i gtsug lag khang du 'dong ste dad pa dris la gso sbyong byas kyang rung / shing gcig 'dug pa'i mtshams kyis du ma bzhi'i mtshams so/ /mtshams gnyis gsum zhig so sor gcod de kun gyi bar na shing ngam rdo zhig yod na mtshams de kun gyi mtshams shing ngam rdo de gcig pu la gzugs su rung ngo //brtan pa de mtshan ma'o/ /mtshams kyi mtshan ma gzugs pa ni brag gam pha bong ngam zhing lta bu brtan pa las gzugs so/ /'di ltar gyur pa ma yin pa ni 'phrul dang sgyu mas byas pa'o/ / mtshams kyi mtshan ma mi brtan pa sprin nam / na bun nam/ sgyu mar sprul cing 'dug pa lta bu la mtshan mar mi gzugs/ mi brtan pa'i zla ba dang nyi ma'i 'od la sogs pa'i rlabs so/ /mtshams kyi mtshan ma zla ba dang nyi ma'i 'od zer dang grib ma lta bu dang chu'i rlabs skyed 'brir 'gyur ba la mtshan ma mi gzugs/mtshams kyi chu ni mtshams gzhan dang 'dra'o/ /rdza ma dang zangs kyi nang du chu blugs la de'i nang du chos gos bcug la chos gos de snod la ma reg par skya rengs byung na'ang bral ba'i ltung ba la'ang bya/ mtshams bcad pa'i nang du chu 'bab cing skam pa zhig yod na'ang 'bab pa'i tshe ni chu phan chad mtshams gcig tu mi rung skam pa'i tshe ni mtshams su rung ngo //bar chad na gcig tu med do/ /mtshams bcad nas mtshams kyi nang du chu 'bab na mtshams bcad pas brtsir mi rung ste chus mtshams su bzung ngo / /de ste zam pa brtan na ni yul bzhin no//chu de la zam pa bzang po zhig yod na ni chus chod kyang mtshams gcig pa dang 'dra'o/ /zhig pa las slar byas na rjes su 'jug pa'o/ /chu la zam pa yod pa de zhig ste slar bcos par bsams na zam pa ma thogs kyi bar du zhag gis chod kyang zhig par mi 'gyur te chos gos dang bral bar yang mi 'gyur/sbyor ba ma btang na yang ngo / /zam pa bcos par bsams na zhag gis chod kyang rung ba ni zam pa zhig nas mkhar lan mgo zugs te rtsom bzhin na rung gi mkhar lan ma zugs la phyis bcos par sems pa ni mi rung ngo / /zhag bdun las 'das na ma yin no/ / bcos par bsams na rung ba ni zhag bdun tshun chad rung gi zhag bdun las 'das na bcos par bsams shing mkhar lan mgo zugs gcig gis rgyun ma chad par byas kyang mi rung ngo / /nam mkha'i na bar chad du 'gyur ro/ /mtshams kyi mtshan ma nam mkha' la mi rung ste nam mkha' la mtshams kyi mtshan ma btsugs kyang mi chud do//'di yod kyang mi spyod pa ma chod pa lta ga la zhig /nam mkha' yod du zin kyang gzung zhing bsngor med na mtshams kyi mtshan ma ci las gzung ste ga la rung / dbus nas dpag tshad phyed dang gsum gyi mtha'i mtshams las lhag par gcod du mi skye'o//mtshams bcad pa'i tshad dpag tshad phyed dang gsum tshun chad ni bcad du rung gi dpag tshad phyed dang gsum las ring ba phan chad ni gsol ba dang zhu ba'i sngags kyis mtshams bcad kyang mtshams ma bcad pa dang 'dra ste sngags kyang mi 'chags mtshams kyang med do//de bzhin du bla dang 'og dang sra ba la bcad pa'ang thang bzhin no/ /lung pa la sul gcong rong zhig tu mtshams gcod na ri gcig nas gcig gi bar nam mkha' la kha drang du mi bcad kyi sa'i gzhi gyen thur ci ltar 'dug pa bzhin du 'dom grangs kyis bcal te dpag tshad phyed dang gsum du bcad do//mi skye ba ni mi 'bral bar gnang ba las mtshams ma bcad na'o/ /gsol ba dang zhu ba'i las kyis mtshams bcad na rgan po dang nad pa las chos gos dang mi 'bral ba'i gnang ba byin kyang 'bral bar 'gyur ro/ /bcad pa med na med do/ / mtshams bcad de chos gos dang mi 'bral bar gnang ba byin pa las mtshams zhig pa rnam pa bdun gang yang rung / gcig byung na chos gos dang mi 'bral bar gnang ba byin pa zhig ste bral bar 'gyur ro/ /des na ma yin no/ /dge slong rgan po dang nad pa chos gos dang 'bral bar gnang ba de shi'am khrims phul lam gnang ba slar phrogs kyang mtshams ni zhig par mi 'gyur ro//mchod rten dang dri gtsang khang gi bar dang gso sbyong gi dngos por gso sbyong gi tshe phyags / gso sbyong byed pa'i dus su mchod rten dang dri gtsang khang dang gso sbyong byed pa'i sar phyag dar dang maN+Dal dang /chag chag la sogs pa byas te me tog gis brgyan to/ /dad pa byin pa pa ni dge 'dun la byin pa'o/ /gso sbyong la 'du ba'i tshe brel tam/ na na dge 'dun la dad pa phul nas 'dus pa dang 'dra ste las su rung ngo / /gang sus kyang de'i phyir de zhu bar gyis shig /de mtshams kyi phyi rol na gnas na mi sbyin sbyin du mi 'jug /dad pa len pa las bar du chu'am ra bas chod na dad pa blangs par mi chud pa'i phyir bdag gis kyang dad pa mi 'bul te dad pa len pas kyang 'bul du mi gzhug cing dad pa mi blang / phul kyang dad pa phul bar mi chud/sbyin du mi gzhug /mtshams kyi phyi rol nas bdag gis kyang mi len kho bo sbyin du yang mi gzhug /gcig nas gcig tu ma yin dad pa len du bskos pa'i mi des gzhan la bcol te dad pa len du mi btang / de ltar byas na dad pa 'bul ba dang dad pa len par bskos pa'i dge slong gnyis nyes byas so//nyes byas pa ni na ba dang dbang med pa dang gsog dang tshangs par spyod pa'i bar chad kyis 'jigs pa las byin na'o/ /dad pa len par bskos pa des dad pa blangs nas dge 'dun la dad pa dbul ba bdag nyid kyis ma phul bar mi gzhan la bcol te dbul du bcug na nyes byas so//dad pa gzhan la dbul du bcug kyang nyes med pa ni srog la dma' ba dang tshangs par spyod pa'i bar chad du 'gyur ba dang / bdag la dbang med pa med pa'i rkyen cig byung ste gud du 'gro bar 'gyur te rings na grogs gcig la dad pa dbul du bcol kyang nyes med do//ma gus pas ma zhus na'o/ /dad pa blangs na blangs kyi ma gus pa'i phyir ma phul yang bla zhes bsams te 'dug pa ni dge 'dun gso sbyong gi las ni rung gi dge slong de nyes byas so/ /nyes med pa ni 'dis 'jigs te phyi'i mtshams nas blangs pa'o/ / dad pas blangs nas 'bul du 'gro ba'i lam na dgra'am gnod par byed pa zhig yod na mtshams kyi phyi rol nas bskos te dge 'dun la dad pa phul yang nyes med do/ /gtsug lag khang skyong gis gso sbyong gi tshul shing 'drim pa nas dge slong dgongs shig /dge slong grangs mang ste ngos mi tshol na gtsug lag khang skyong gis gso sbyong gi tshe tshul shing brim la shing bsdus te tshang ngam ma tshang shing mi bgrang ngo //rab tu thon pa'i tshig phyed kyang mi 'khrul bar shod cig /gso sbyong byed pa'i tshe so sor thar pa kha don du klog pa ni tshig cung zad kyang mi 'khrul bar klog nus pa gcig gis bklag go /dge 'dun gyi gnas brtan gyis so/ /so sor thar pa kha don klog pa bskos pa ni las byed pa dge slong gis gnas brtan gral mthon po na 'dug pa me tog brims te byed du gzhug go /mi nus na gnyis pos kyang ngo / /gral thog ma pas kha don klog mi nus na de'i 'og nas 'dug pa la me tog byin te byed du gzhug go /gsum pos kyang ngo / /des kyang ma nus na gnyis kyi 'og nas dge slong su 'dug pa la me tog byin te klog tu gzhug go /des kyang na re mor ro/ /des kyang ma nus na de gsum kha don ci shes pa las gcig gi mjug gcig gis mthud de kha don zer du gzhug go /mi nus na gzhan la bsko/ de gsum gcig gis gcig mthud de byar yang mi nus na 'og na kha thon shes pa su yod pa la me tog byin te byed du gzhug go /mi btub na dge 'dun gyis so/ /kha thon shes pa de byed du mi btub na dge 'dun kun gyis bskos te byed du gzhug go/brtag pa yang ngo / /so sor thar pa kha thon shes shing tshig mi 'khrul bar mkhas pa zhig yod na rtag tu de so sor thar pa kha thon byed du gzhug go /lus na lhag ma gzhan gyis so/ /so sor thar pa mi gcig gis kha thon mjug tu ma phyin te lhag ma lus na su shes pa gcig gis brjes te 'phro nas bzung ste bya'o//dum bu dum bur bzung ste nam 'byor gyi bar du'o/ /mdo ltag ma ltar gcig gis mthud de ma nus na mi du mas gcig gi mjug gcig gis mthud de mjug tu phyin phyin du bya'o//mi rigs pa ni 'jigs pa dang bcas pa'i gnas mdzes par 'dod de grong dang mi nye bar gso sbyong byed pa'o/ /'jigs sa zhig tu me tog dang gzing ma bzang po'i phyir gtsug lag khang nas byung ste der gso sbyong byas na nyes byas/ mi 'dug par 'grogs te dong ba na yang bya/lam du zhugs pa la gso sbyong byar lam grogs dang bral na 'gro zhing lam grogs khyim pa dang 'grogs bzhin du so sor thar pa bklag go /sgra mi 'dod na mdos so/ /ltag ma ltar klag tu 'jigs pa'i phyir lam grogs gshe na sgra bskyungs te mdo tsam bklag go /de ltar yang na bsngo/ /ltag ma ltar shub bur bklag tu lam grogs gshe na nyes pa ci yod pa grogs la dpang btsugs te brtags la gzhag /kha na ma tho ba med pa ni dad pa la gtso bo ste dga' bar 'gyur na bsnyad/ dge bsnyen khrims thos kyang phyir mi nur zhing mi 'gyur ba dang mi dga' bar mi 'gyur ba dge 'dun gyi rag lus shing zhal ta byed pa'i dge bsnyen dad pa chen po zhig na gso sbyong gi cho ga dang khrims la sogs pa bstan kyang nyes med do//'dug na gso sbyong bya/ khyim pa zhig gso sbyong gi cho ga la lta 'dod de mi bltar mi rung zhes zer te 'dug na drung na 'dug bzhin du gso sbyong byas kyang nyes med do//ring ba zhig na khyim pa 'dug kyang bshad de / bdag na tshabs che ste shi la thug pa dang mi rgod la sogs pas gsad par bshams te 'chi bar 'gyur zhing dge slong grogs la mthol du mi slebs na khyim pa la bdag gi nyes pa ci yod pa tshangs su bya/de la cho ga bsnyad/ mi rgod la sogs pa mi srun pa zhig gis khrims la ma bstan na gsad do rdeg go zhes zer na khrims bstan kyang nyes med/ rgyal po la yang bsnyad/ rgyal po khrims 'dri na bstan kyang nyes med/ mtha' la phan chad mi skye ba ma yin so sor thar pa'i gzhi bklags zin te rkyen cig byung ste rked chad du bzhag ste man chad mjug tu phyin par ma bklag kyang gso sbyong du chud do//bshad pa dang de tsam pa dang dus dang chad pa bdag de bzhin du ma blangs na 'dir chos ma yin no/ /rna lam nas 'das na song ba'o / /ltag nas snga ma gso sbyong zin te gyes pa las phyi mas mjug slebs na slar 'dus shing des byung ba'i tshad ni phyi ma 'ongs nas snga ma gzhan ni gyes kyi dge slong gzhan cig 'ga' zhig gtam tha mal par smras pa'i sgra thos tshun chad cig na 'dug ste slebs na gso sbyong byed pa'i sa nyid las 'phags te gyes kyang slar 'du dgos so//rnam par 'byed pa la sogs par chud pa'o/ /gso sbyong gi cho ga 'dul ba rnam par 'byed pa'i nang nas 'byung ba'i dngos po'o/ / gso sbyong gi dngos po rdzogs so/ / gso sbyong gi bshad pa'i dngos po rdzogs so// //dbyar tshul du 'jug /dbyar zla 'bring po nas ston zla 'bring po nya'i bar du yang rung /dbyar zla tha chungs nya nas ston zla tha chungs nya'i bar du yang rung / snga phyi gang yang rung la ngal bso ba'i phyir tshul du 'jug go /zla ba gsum dbyar tshul du 'jug pa'i zla ba gsum gyi bar du bsrung ngo / /tshes zhag gcig dbyar zla 'bring po la tshul du 'jug ste de ni tshul snga ma'o//dbyar zla 'bring po de ma thag pa/ dbyar zla 'bring po'i tshes bcu drug ces bya ba ni dbyar zla 'bring po nya bri ba zhag gcig la bya'o/ /dbyar zla tha chungs la yang ngo / /tshul phyi ma ni dbyar zla tha chungs tshes bcu drug la 'jug go /gtsug lag khang brgyan/tshul du 'jug pa'i tshe gtsug lag khang gi ral tshems dang ri mo gso ba dang rgyan la sogs pa gdags shing phyi bdar bya/ zhag bcu'am zla ba phyed na 'gyur ba na'o/ /mdo ltag ma ltar gtsug lag khang brgyan pa ni gtsug lag khang che na zla ba phyed nas brgyan/ gtsug lag khang chung na zhag bdun tsam nas brgyan/ zhag bdun nam brgyad du yang gzhan las so/ /tshul du 'jug pa'i tshe gtsug lag khang brgyan pa ni gzhung kha cig las gtsug lag khang chen zhag brgyad/ chung na zhag bdun man chad brgyan to zhes kyang 'byung ste ltag ma dang gnyis gar dga' bar bya'o//snga de nyin mal stan bsog /sang tshul du 'jug pa'i dus la bab na de ring dge 'dun gyi mal stan las so sor brnyas pa dang 'thor ba kun khri yan chad bsdu zhing bsog /rkang pa'i chol zangs yan chad do/ /tshul du 'jug pa'i zhag gcig gi snga nas mal stan bsdu ba ni chol zangs yan chad bsdus te gzhag go /de len pas bsgo/ /tshul du zhugs pa'i snga de nyi ma la bstan pa nyid 'byung ste gsar gyis brje dgos te gsar dge 'dun gyis gti mug dang rang dbang dang zhe sdang 'jigs pa dang mtho ba sems can dang 'di rnams lta bu dang mi ldan zhing med pa las bsko//mi nus na du mas so/ /mal stan rdzi bsko ba gcig gis mi chog cing lag gis mi khyab na gnyis gsum yan chad dus chog bar bsko/ /dus byug pa bsung gis te slob mar gyur pa la gos dkar pos g.yogs la bzhag pa tshul shing ste rgan rims su bzhag la 'di dang 'di'i gnas 'og khrims te gang khyod kyi nang nas dang ba 'og khrims 'dis gnas 'di rang dbyar tshul du zhugs na des tshul shing long shig /tshul du 'jug pa'i nyin par tshul shing spos dang gur kum la sogs pa bsung gis bskus la slo mar bcug la ras dkar pos g.yogs //de'i tshe 'og khrims bsgo ste 'og khrims ni 'dug pa'i 'thab mo mi gleng ba dang ltung ba sde lnga la nongs pa'i dmigs shig yod na'ang mi brgal bar bya ba dang brgal ba zhig yod na'ang tshul du 'jug pa'i tshe rgol cig ces bya ba dang tshul 'dir 'jug 'dod na tshul shing long shig ci mi 'dod na ma len cig ces bya ba dang nyes pa spyod pa zhig yod na'ang chad pas mi bcad par dam bca' ba la sogs pa'i 'og khrims bsgo/de'i 'og tu tshul shing 'drim pa'i dge slong ma yin pa gzhan gcig gis dge 'dun tshul du 'jug ste tshul du 'jug par 'tshal lo zhes gsol zhes gsol ba'i sngags bya'o//de'i 'og tu tshul shing 'drim pa'i dge slong gis tshul shing 'drim mo/ /tshul shing 'drim pa ni rgan rims nas brim mo/ /tshul du 'jug pa'i tshe las go rims 'di bzhin du bya ste kha cig ni mdo dmigs kyis 'og nas 'chad pa rnams yin /khyed kyi nang na 'gas dbyar gyi nang du dge 'dun gyi dbus su 'thab mo ma skyed gcig /tshul du 'jug pa'i tshe 'og khrims su bca' ba'i tshig 'di yang bsgo dgos te tshul na 'khod pa zla ba gsum gyi tshe dge 'dun gyi nang du 'thab mo dang 'khrug lang ma byed cig ces khrims su bca'/gang khyed cung zad shes na des na smros shig /mdo ltag ma ltar tshul gyi tshe 'thab mo rgol zhing ma glengs par tshul khrims kyi phyi nas gleng ba zhig yod dam nyes pa brgal ba zhig yod na da gyis shig ces kyang bsgo//gang gis dbyar gyi dbus su dge 'dun la 'thab mo skyed par gyur na de la dge 'dun gyis phyis brtags par dgongs shig ces dge 'dun la bsgo/ /tshul du zhugs zin nas dge slong la la zhig gis nyes pa zhig byas sam 'thab mo bskyed na'ang chad pas 'phral du mi bcad par tshul nas byung nas spangs shing chad pas bcad cing sbyar bar brtags te gzhag go zhes kyang dge slong kun la bsgo zhing 'og khrims su bca'/len pa dang 'jug pa'i phyir dge 'dun gyis zhu/ tshul shing ma brim pa'i mdun du tshul zhing 'drim par bskos pa'i dge slong ma yin pa dge slong las pa gcig gis dge 'dun tshul du 'jug cing tshul shing brim mo zhes gsol ba'i sngags bya/tshul shing brim/ mdo ltag ma ltar sngags byas zin nas brims nas snga de nyid tshul shing 'drim par bskos pa'i dge slong gis tshul shing brim mo/ /thog mar ston pa'i blang /tshul shing brim pa ni thog mar sangs rgyas kyi tshul shing gcig gzhag /dgra bcom pa'i tshul shing skal ba gcig gzhag /gzhan gyis stan phyed bor te'o/ /tshul shing 'drim pa la len pa'i tshe na stan las 'phags te gus par blang ngo / /slob dpon mkhan pos dge sbyong gi'o//dge sbyong gi tshul shing ni mkhan po dang slob dpon gyis blang ngo / /'khod pa yang 'di bzhin te mtha' nas so/ /dge 'dun thams cad la tshul shing brims zin pa'i 'jug tu gtsug lag khang gi srung ma'i lha la tshul shing gcig bsngos te gzhag go / dal gyis gzhag /tshul shing blangs nas slar gzhag pa'i tshe ma khrol bar dal gyis gzhag /bgrangs te gnas 'di na dge slong 'di snyed kyi tshul shing blangs so zhes sbra na / tshul shing brims te bsdus nas tshul shing bgrangs la mi 'di snyed kyis tshul shing blangs te tshul du zhugs so zhes dge 'dun la bsnyad cing smra/gnas kyi dngos po len du 'jug /tshul du zhugs pa'i 'og tu khang bu so so'i rkyen la sogs pa dge slong rnams so sor khang bu sbyin zhing bgo /tha mar sa dang zung nga blangs te mdun du 'dug la/ dad pa thog mar bskyed de gnas brtan gyi gtsug lag khang che ge mo zhig ste rnyed pa dang bcas gos dang bcas kyis bzhes shig ces yon tan ci bzhin par ro//khang bu bgo ba ni khang bu so so'i sgo lcags dang zung nga bsdus te dge 'dun gyi mdun du bsogs pa la sgo lcags 'di ni khang bu 'di'i yin te rkyen mang nyung 'di tsam yod do zhes mig re re nas kun gyi rkyen ci yod pa bshad la/dge slong rgan zhing yon tan dang ldan mi ldan rim bzhin du dbul zhing bsgo'o/ /lhung bzed bzhin du blangs pa la sogs pa'o/ /lhung bzed spang ba ltung bar 'gyur te dge 'dun la brims pa las gral thog ma pas mi 'dod ces byas nas thur du thal ba las lan gsum gyi bar du slar slong na slar byin pa bzhin khang bu mi 'dod ces byas pa las slar blangs na lan du bslangs pa bzhin du nyes byas re re ste lan gsum du bslangs pa'i tha ma la sbyin/ma byin na dge 'dun 'khrug par 'gyur ba'i phyir ro/ / bgo bar shes pa la mchod rten dang dge 'dun gyi don ma yin par song na gral rim du bgo'o / /tshul du 'jug cing khang bu 'god par shes bzhin du rang don la gud du song na dge 'dun gyis kyang kho'i skal ba'i khang bu rim bzhin du ma bzhag par bgos kyang nyes med do/ /khang bu lhag na ni su mi 'dod pa'i khang bu nang pa la skal ba bzhag go /dkon mchog gi phyir dge 'dun gyis bskos te btang ba ni khang bu rim bzhin du skal ba sbyin no/ /shing drung dang sngon po dang gsing ma dang sgang la yang ji ltar rgan pa'i rims su bgo /dge slong lam du zhugs te 'dod pa zhig na nas rgan pa'i rnams la grang na ni dro ba'i sa sbyin/tsha ba zhig na grib ma dang bsil ba'i sar gzhag go /khang bus mi chog na gnyis la sogs pa ste mthar na gding ba tsam gyis so/ /khang bu bgos te grangs kyis mi chog ste mi mang na khang bu mig gcig la mig gnyis gsum yan chad du shong shong du gzhag go /de ltar byas kyang mi mang ste mi shong na khang bu'i nang du gding ba bkram ste gding ba du shong ba bzhin du mi yang de snyed du 'khod du gzhug go /lhung bzed dang ril ba spyi blugs dang go 'dun dang so shing gi gnas spags te'o/ /mdo ltag ma ltar mi mang ste mi shong ba gding ba'i tshad kyi grangs kyis bgos pa la mi de rnams kyi ril ba dang lhung bzed la sogs pa yo byad gzhag pa'i sar gding ba gcig gis mi grangs la ma gtogs par lhag par gzhag /sgo khang dang skas khang dang khyams dang 'khod pa'i dang khrus khang dag ni mi bgo'o / / ming gis smos pa 'di rnams ni dge 'dun gyi spyi'i spyod pa yin pas mi ci ltar mang yang mi bgo bar bzhag go /mal stan la mtshan mo ma yin/ mal stan bgo ba ni nyin par 'god kyi mtshan mo mi 'god do/ /nad pa gnas pa'i khang bu gzhan la ma yin/ khang bu bgo ba'i tshe nad pa 'dug na ni rim du bgo zhing skyo bar mi bya bar nad pa gzhi la gzhag ste gzhan rim par bgo'o//de thob par mi 'gyur na mi sbyin par mi bya/ nad pa 'dug pa'i khang bu de dge slong yon tan dang ldan pa'i rkyen yin gyi nad pas mi mthol ba zhig yin kyang na ba brtsan pas mi spo bar gzhag go /de dang g.yog tu las byed du mi gzhug /dge 'dun gyi las kyang dge slong nad pa dang nad g.yog su byed pa mi bsko bar gzhag go /mdze can dge 'dun gyi mal stan la mi spyad/ dge slong mdze byung ba dge 'dun gyi mal stan dang khang bu la sogs pa la spyod du mi gzhug ste kho nyid la gnyer du 'gyur ba'i phyir ro//mtha' 'khob kyi gtsug lag khang sbyin/ dge slong mdze can gzhag pa'i gnas ni gtsug lag khang gi mtha' dben pa gar ba gcig tu dge slong gzhan dang mi 'dre bar gzhag go /gnas pa dang bcas pa dang gzhan dge 'dun gyi khyams dang bkad sa dang /sgo gang dang phyi khyams dang 'chag sa dang grib shing gi bar du ma yin/ dge slong mdze can de dge slong gzhan gnas shing spyod pa'i khang bu dang / spyod pa'i khyams la sogs pa ming gis smos pa 'di rnams gang yang rung ste gnas shing spyod du mi gzhug go /bshang gci'i gnas su mi gzhug /mdze can de dge 'dun gyi bshang gci'i sar yang mi 'jug /'di la snying rjer g.yog sbyin/ dge slong mdze can de la snying rje ba'i phyir dge 'dun gyis yon dang zas kyi skal ba dang gos dang khyim pa las g.yog gcig kyang sbyin/dgon pa pa rnams kyi lhung bzed dang chos gos gzhag pa'i phyir rtag tu gnas bsko/ /dge slong dgon pa la 'jigs pa'i rkyen yod de gtsug lag khang du rten bca' ba'i phyir lhung bzed dang chos gos la sogs pa gzhag pa'i sa kun gyi spyir khang bu mig gcig bsngo ste gzhag go /dbyar tshul du 'jug khar 'ba' zhig 'ong bar gyur na dngos po dang mal stan gzhag /tshul du 'jug pa'i tshe gud nas dge slong gzhan gnas der tshul du 'jug tu 'ong ba'i phyir khang bu yod na rkyen dang bcas par sta gon byas la gzhag /tshul gcig pu'ang ma yin te/khang bu yod na dge slong gzhan 'ong ba'i phyir rtag par gzhag go /tshul du zhugs pa bas mang du lhags na slar bgo /tshul du zhugs te khang bu dang mal stan bgos zin pa las phyis dge slong mang zhig lhags na tshul du zhugs pa ni mi gcig gi mal stan dang khang bu ni slar bsdus la bgo /tshul 'og mar zhugs na ma yin no/ /tshul phyi mar zhugs nas mal stan dang khang bu bgos zin pa las phyis dge slong dag gcig gud nas lhags na du lhags kyang rung ste slar mi bgo'o / /chog na gnyis la sogs pa'o/ /mal stan dang khang bu mang la dge slong nyung na khang bu dang mal stan phrugs du yang rung ste ci thob thob tu mang du sbyin no//gcig gi phyir mal stan mi blang / dge 'dun 'ang rung ste gnas der zhag gcig las mi thogs pa zhig na zhag gcig gi phyir mal stan khang bu mi mnod do/ /la la na nod pa yod kyang dge 'dun gyis ma byin yang nyes med/rnyed pa 'dod par gtsug lag khang ma yin no/ /yon bdag gis khang pa sbyar ba la khang bu la la ni rkyen dang yo byad mang bar sbyar/ la la nyung ngu sbyar te rkyen mang nyung dang bzang ngan yod pa zhig 'god pa na gnas brtan nam gral mtho bas 'dams te khyer na nyes byas so/ / dge 'dun gyis gang 'dod pa ngoms shig ces bsgo ba ni nyes med/ thams cad spyad mi nyung la khang bu mang ste skal ba mang du thob na lhag par mi gzhag gi thabs 'og nas 'byung ba ltar spyad do/ /la la la snga dro'i klog pa dang kha ton gyi gnas dang 'chag pa las 'ga' bya/ mi gcig la khang bu thob na la lar yi ge klog cing kha thon bya/la lar 'chag pa ste khang bu dang mig re las sna re bya'o/ /la lar gung gi dang mtshan mo'o/ /khang bu mang du thob na kha cig gi nang du nyi ma gung gi tshe las spyad/ la lar mtshan mo'i spyod pa bya/ gzhan lhung bzed dang chos gos gzhag pa'i gnas mtshan mo gzhan yang 'di ltar de la rigs so//khang bu mang du thob na kha cig gi nang du lhung bzed chos gos gzhag /kha cig gi nang du nyal mal bya ba la sogs pa mig re nas sna re spyad do/ /de ltar las sna re spyad pa ni yon tan rnam gnyis yod de gcig tu na bdag la yang yangs shing bde//gcig tu na yon bdag gis yon bskyed cing bsod nams su 'gyur ba'i phyir ro/ /tshul du zhugs pas gnas kyi dngos po gas pa dang gogs pa slar bcos so/ /tshul du zhugs nas khang bu dgos pas mi chog gi khang bu'i zhig ral dang gas shing gogs pa la sogs pa bcos shing glan to//tshul du ma zhugs pa'i tshe yang 'di bzhin bya'o/ /dbyar mo thang la yang dbyar tshul du zhugs pa'i dge slong ma dag gi bcos/ dge slong ma rnams kyang tshul du zhugs pa'i tshe dbyar mo thang zhig ral ba dang gas shing gogs par gyur na dge slong pha gi dang 'dra bar bdag bdag gis gnas la sgo tshe mi bya bar spyis bcos so//'thab mo pa 'jug par mi 'grub pa'i phyir dgun dang dpyid du mal stan blang bar bya/ dgun dang dpyid dang dbyar dus gsum mal stan dang khang bu slar bsdus shing khong mnyam par bgo /de ltar bya ba ni kho na mnyam pa'i phyir ro//yang gcig tu gud nas dge slong 'thab mo zhig 'ong na 'thab mo pa de bdag gcig gi nang du mi gzhag pa'i phyir mal stan dang khang pa lhag par mi gzhag par bgo /thams cad bgo /ltag tu sgo khang la sogs pa mi bgo zhes byung ba yang ma bgos na 'thab mo ba 'dug cing then du 'ong gis sgo gang dang khyams la sogs pa kun bgo 'thab 'og nas 'chad/'di lta ste gtsug lag khang gi 'khor yangs kyang ngo / /lhag ma thams cad bgos shing bya ba ni sgo gang dang snam phyis la sogs pa kun so sor bgos te 'thab mo pa 'dug pa'i gnas med par bya/khyams kyang de bzhin no/ /dge 'dun 'du ba'i khyams kyang dge 'dun 'du bas zhes pa yin te mi bgo 'dra mod kyi 'thab mo pa 'ongs par thos na de yang bgo/ /de song phyin chad de ltar mi 'jug /'thab pa 'ongs pa'i phyir rtag tu smos pa ltar bgos pa las 'thab mo pa slar song ste mi 'ong na spyi la 'dug pa'i khang bu khyams la sogs pa rnams thal byung du bgos te bzhag pa ma yin gyi slar bkrol te spyi la gzhag /rang bzhin du 'jug pa'i phyir dgag par mi bya/ /dge slong yon tan dang ldan pa zhig 'ongs nas 'thab mo pa ltar khang bu mi sbyin pa ma yin gyi tshul bzhin du khang bu'i skal ba gzhag go//'gyur ba'i phyir na ma yin pa 'god pa'i tshe bdag gi gnas su bya'ang rung grogs pa'i gnas su bya'ang rung ste song phod nas 'dug pa'i phyir da nas skal ba nod cing sgo lcags bcug nas mthul mnan pa lta bur mi bya/'di dus che ge mo zhig nas bdag zhag gcig gam de'i char mchis so/ /khang bu 'god pa'i skal ba gar bab pa nam 'dug gi bar du thal byung mnod kyi dbyar ni bsel ba 'dir 'dug go /dgun ni dro ba 'dir 'dug go /zhag lnga zhig 'dir 'dug zhag drug cig 'dir 'dug go zhes zer zhing gnas gcig tu ma bcad par mnod par mi bya'o//'dir slob dpon che ge mo zhig gir 'gyur mkhan po yir 'gyur lhan cig tu spyod pa yin 'di nye gnas kyir 'dir gtam zla bo la sogs pa yir zhes gtsug lag khang la mi bgo/ /khang bu 'god pa'i tshe slob dpon mkhan po dang slob ma dang nye gnas dang mdza' bo dang grogs po la sogs pa gang yang rung ste 'ga' zhig na 'dug ste phyir 'ong bar gyur te de'i phyir bdag gis khang bu'i skal ba snga nas mnos te mi gzhag go /de ltar mnos na nyes byas/ mi mnod/ mdo ltag ma ltar bdag gi skal ba'i khang bu rog gcig gis mnos te bzhag cing 'dug na mnod du mi dbang ba las mnos te ma brtags pa yin pas bdag kyang 'dir mi 'dug go//khar ba'i rub ma pa bya tshang la thabs kyi phyir bsgo/ /dge slong gcig gsol ba dang zhu ba'i las byas la khar ba bskur te bya tshang 'jig tu gzhug bya tshang ci lta bur gzhig pa ni thabs 'og nas 'chad sgo nga med na gzhig /bya tshang gzhig pa ni sgo nga med na gzhig go /dge 'dun gyis ma bsgos par bya tshang bshig pa ni nyes byas pa gong nas 'chad pa yin/ phra mo rnams la mi 'phel bar skud pas dkri bung ba dang kha brgyad kyi tshang zhig gtsug lag khang na 'dug na mang du mi 'phel bar bya ba'i phyir skud pas tshang dkris te gzhag na cher mi 'phel zhing gud du 'pho bar 'gyur ro//mal stan la sogs pa sbyin/ mal bgo ba ni dge sbyong yan chad mnyam par bgo/ /yod na du mar yang ngo //mal stan grangs du ma yod na phrugs du ma ci thob thob tu bgo/ /khri chen po yang bgo/ /'dug pa'i khri chen po rgyab rten can dang khri chung ngu yang bgo'o / /gding ba yang ngo / /yon bdag gis re lde dang stan la sogs pa sbyar ba zhig na'ang ci thob pa tsam du bgo/ /dge 'dun gyi g.yogs pa'i mal stan mi gtsang ba dang zag pas chud gzon pa'i dge sbyong su la yang mi sbyin/dge 'dun gyi mal stan gding ba shing bal dang srin bal dang bal la sogs pa'i bar tshangs can dge slong 'og rdzing can mi sbyin no/ /stan tha mal pa rkyang pa ni bkrur rung ba'i phyir sbyin no/ / dge slong ma la yang ma yin/ mdo ltag ma ltar dang 'dra bar gding ba bar tshangs can dang dge slong ma'i yang dge sbyong za gu la mi sbyin/ de der gnas par gyur na gtsug lag khang gi mtha' 'khob tu sbyin/ dge slong pho mo dang dge slong pho mo las za gu 'og rdzing can zhig yod na gtsug lag khang gi mtha' 'khob khang bu ngan pa zhig tu gzhag go /mal stan na lhag ma ngan pa las so/ /dge slong pho mo dang dge sbyong pho mo 'og rdzing can la mal stan yang ngan pa las sbyin/ khyed su la'ang dge 'dun gyi mal stan la gding ba med par ma spyod cig /mal stan gyi rub ma pas zla ba phyed phyed cing dge slong rnams la gding ba med pa dang tshas ngan par ma bya shig par bsgo shig /brtags pa'i gding ba can ma yin/ mal stan gyi rub ma pas gding ba med par ma bya shig ces bsgo ba la gding ba'i mtshan ma tsam du 'og ska la sogs pa chung dus gding pa'i skyin par bting ste nyal bar mi bya/dri ma can gyi gding ba ma yin no zhes bsgo shig /gding ba dri ma can gyi dge 'dun gyi mal stan la gding zhing mi nyal/ zla ba phyed phyed cing brtag /mal stan gyi rub ma pas gding ba med pa ma bya shig ces bsgo ba bzhin du mnyan tam ma mnyan par brtag pa'i phyir zla ba phyed phyed cing sgron ma thogs te nyal khar blta/dus las 'gal bar spyod na phrogs la zhus te gnas pa na gnas pa'o / /mal stan rdzis gding ba med pa dang dri ma can dang brtag pa tsam byed cig ces bsgo ba las zla ba phyed cing byul ba'i tshe bsgo ba bzhin du ma byas na dge slong ngam dge sbyong de'i slob dpon la de ltar byed du ma gzhug shig mal stan rdzis bsgo//de ltar bsgo ba nas slob dpon na re nga'i ngag mi nyan gyi ci bder byos shig ces zer na mal stan phrogs la drubs te gzhag / gzhan na dge 'dun la'o/ /dge slong rgan po gnas brtan du chud pa yan chad gcig gis mal stan bsgo ba bzhin du tshas ma byas na mal stan tshas ngan te zhes bsgo ste/ nyan du ma btub na dge 'dun la zhus te slar dbrog /sbyin bdag che ge mo zhig don bsgrub pa che ge mo zhig yul gyi grong che ge mo zhig tu song dge 'dun rnams tshul du 'jug go zhes zhu/tshul du 'jug pa'i tshe ming gis smos pa 'di rnams smos te 'jug go /tshul du zhugs pa'i tshe sbyin bdag gi ming 'di zhes bya ba dang don sgrub cing zhal ta byed pa ming 'di zhes bya ba dang yul gtsug lag khang ming 'di zhes bya ba'i gnas su dge 'dun 'di rnams tshul du 'jug go zhes zhag gcig gi sngon logs su smos te khong du chud par byas la tshul du 'jug /ma byung ba dang / nyes pa dang ltar ni ma byung na phyis 'byung ngam mi 'byung gtol med par mi bya'i brtags te mi 'byung ba rtogs na tshul du 'jug pa la bya/gsol ba ni the tshom dang / bdag gi tshul khrims las nyes pa zhig byung na the tshom zos pa dang gzhan zhig gis brgal te the tshom sel ba'i mi yod na tshul du 'jug pa la bya/ gzhan yang sdug bsngal dang / lus kyi sdug bsngal kha zas dang sdig sbur dang sems can gyi gnod par byed pa yod dam med brtags te de lta mi bde yang phyis bde bar gyur na tshul du 'jug pa la bya/yid mi bde ba dang / sems 'khrugs shing mi bde bar gyur na'ang tshul du mi 'jug ste ltag ma dang 'dra/ bsrung ba dang / bdag gi lus la gnod cing gtse ba zhig byung na pha skyabs dang ra mda' byed pa yod dam med brtags te med na mi 'jug pa la bya/nad g.yog tu tshangs pa mtshungs par spyod pa las 'gyur bar re ba dang / tshul du zhugs na bdag gi grogs tshangs pa mtshungs par spyod pa nad g.yog byed du btub pa dang / nad g.yog yod dam med brtags te med na tshul du mi 'jug yod na tshul du 'jug pa la bya/gnas dang / bdag tshul du zhugs na gnas khang yod dam med pa dang / yod kyang ngan te nyon mongs par 'gyur na tshul du mi 'jug /yul dang / yul 'khrug cing dgra dang chom po la sogs pa yod dam med brtags te yod na mi 'jug /zas dang / gnas de na dge 'dun gyi zas sbyin nam sbyin pa dang / bslang du rnyed pa brtags te mi rnyed na tshul du mi 'jug /sman dang / gnas de na sman yod dam med brtags te sman med na mi 'jug /sbyin pa brtags te tshul du 'jug go / ming gis smos pa 'di rnams sbyin zhing sbyor ba yod dam med brtags te yod na tshul du 'jug med na mi 'jug /g.yogs par dge slong gi mdun du'o/ /tshul du 'jug pa ni khang pa thog med par tshul du mi 'jug sngags byed pa'i tshe dge sbyong ngam dge slong ma la sngags mi bya/ bdag gcig pu yang sngags mi bya/dge slong gi gan du sngags byas te khang pa thog yod par 'dug /gtsug lag khang du mar ma yin/ gtsug lag khang bzhi lnga tsam zhig mtshams 'dab chags su sbrel du rung na mtshams kyi mdor re lde bting la de'i steng du tshul gyis sngags byas ste khang pa kun du gnas par byas na tshul du 'jug par ni 'gyur khang pa de du yod pa bzhin du nyes byas re rer 'gyur ro//gang na dge slong dang sgor ma bcas pa ma yin tshul du 'jug pa na khang sgo dang bcas pa la dge slong rogs kyang yod na tshul du 'jug go /'di gnyis gang med kyang rung gcig med par tshul du zhugs na nyes byas so//sbyin bdag dang don sgrub pa dang yul grong dang g.yog yod na brjod/ /ltag tu sbyin bdag dang don sgrub pa dang / yul dang gtsug lag khang gi ming brjod/ ma bskos par mtshams kyi phyi rol du skya rengs shar bar mi bya/tshul du zhugs nas zla ba gsum gyi tshe gnas gzhan gar yang mi 'gro/ /'gro ba zhig tu gyur na'ang sngags kyis ma btab bar song ste skya rengs byung na tshul zhig par 'gyur ro/ /sngags kyis btab na zhag bdun tshun chad 'gror rung ngo / /chos kyi don zhag bdun du bsngo//zhag bdun du 'gror gnang ba yang chos kyi don 'og nas 'byung ba rnams lta bu zhig gi phyir 'gror ba ni zhag bdun pa'i sngags rung ngo / /chos kyi don ma yin pa kha zas dang rang nyams kyi phyir 'gro ba ni sngags btab kyang tshul zhig go/ /'di lta ste kun dga' ra ba dbul ba dang /yon bdag dad pa zhig gis zhing dang nor rdzas dang grong khyim zhig dbul te spyan 'dren na zhag bdun pa'i sngags kyis btab na tshul gyi tshe 'gror dbang / gtsug lag khang slong ba dang / gtsug lag khang gsar zhig bslangs te zhal bsro ba'i tshe spyan 'dren na tshul gyi tshe sngags kyis btab ste 'gror dbang ngo //mal stan sbyin pa dang / yon bdag dad pa zhig gis mal stan dang nor rdzas shig sbyin pa'i phyir spyan 'dren na tshul gyi tshe sngags btab na 'gror rung ngo / /rtag pa'i bshams pa dang / dge 'dun nam gtsug lag khang du rtag par zan sbyor ba'i phyir spyan 'dren cing 'bod na'ang 'gror rung ngo //mchod rten slong ba dang / tse ti dang sku gzugs la sogs pa zhig byas te zhal bsro zhing spyan dbye ba'i phyir spyan drong na 'gror rung / srog shing tse ti'i srog shing gzugs par 'dod pa dang / rgyal mtshan gzugs pa dang / chos kyi rgyal mtshan nam [(]bdan [,]ba dan [)]shing zhig btsugs pa'i phyir mchod rten la 'dod pa dang /mchod pa bya ba dang / dkon mchog la yon dbul zhing mchod pa'i phyir 'dod pa ni tshul gyi tshe 'gror rung ste mchod pa ni 'og nas 'byung ba rnams yin no/ /yung ba dang gur gum dang tsan dan gyis chag chag 'debs pa dang /ming gis smos pa 'di rnams lta bus mchod pa'i las byed pa las bos pa dang / klag pa dang / yi ge kha don dang klog pa zur mi phyin cing mi shes pa'i phyir 'bod pa dang bdag mi shes te klog slob tu 'gro ba dang / the tshom bsal ba dang / khrims lci yang dang zhig ma zhig pa la sogs pa la the tshom khyer ba'i 'bod pa'ang rung bdag the tshom khyer te mkhan po mkhas pa'i gan du 'drir 'gro ba dang //lta bar zhugs pa spong ba dang / dge slong gcig gis gcig sdig pa la lta bar gyur te de'i phyir sdig pa la lta ba de dang dbral bar bya ba'i bos kyang rung bdag rang 'gro yang rung ste song ba dang /rogs gsol zhing 'chags pa dang / dge slong gcig na re nga'i slob ma nyes par spyod cing log par lta ba ste nga'i ngag ni mi nyan na khyod kyis bsgo zhing mi gdams su mi rung gis shol ces bos te 'gro ba dang / chad pa la sogs pa bzhi sbyin pa dang / chad pa dang rtsa ba'i chad pa dang mgu ba dang rtsa ba'i mgu ba bzhi las gang yang rung ba byed pa zhig dge 'dun grangs ma tshang ba'i phyir 'bod pa dang /'byung ba dang / dge 'dun lhag ma byung ba zhig dbyung ba'i las byed de dge 'dun nyi shur ma tshang ba'i phyir 'bod pa dang / nad pa'i yid brtan pa dge slong la'o//dge slong nad pa zhig sems 'khrugs shing mi dga' ste tshig pa la mdza' ba'i phyir phrad na dga' zhing yi rang bar 'gyur la ngag nyan pa'i phyir bkug ste 'gro ba dang ming gis smos pa 'di rnams kyi phyir sngags kyis btab ste song na tshul zhig par mi 'gyur ro/ / dge slong ma lci ba'i chos kyis mgu bar byed pa sbyin pa yang ngo / /dge slong ma lci ba'i chos shig shig par 'gyur te mgu bar byed pa'i dge 'dun grangs mi chog pa'i phyir 'bod na tshul gyi tshe sngags btab ste dge slong pha dang dge slong ma gang song yang nyes med do/ /dge slong ma la tshangs par spyod pa skyed pa'i sdom pa'i phyir ro//dge slob ma tshangs par spyod pa'i gnas sdom pa nod pa'i phyir tshul gyi tshe dge slob ma sngags btab ste song yang nyes med do/ /bsnyen par rdzogs pa yang ngo / /dge sbyong las khrims rdzogs par byed de dge 'dun grangs ma tshang ba'i phyir 'bod pa'ang sngags kyis btab ste song na nyes med do//der dge sbyong yang ngo / /khyim pa zhig dge sbyong du rab tu 'byung ba'i phyir 'bod na tshul gyi tshe sngags btab ste song yang nyes med do/ /dge sbyong ma slob pa'i sdom pa sbyin pa dang / dge sbyong ma zhig dge slong ma'i khrims nod pa'i phyir dge slong ma las 'bod na tshul gyi sngags kyis btab ste song yang nyes med do//mgo dkri ba dang / mi gzhon nu zhig thod bcing ba'i dus la bab ste mi mang po zhig bsdus te bkra shis byed pa'i phyir tshul gyi tshe 'bod na'ang sngags kyis btab ste song yang nyes med/rdul bkru ba dang / bud med bu byung pa'i 'og tu khrus byas te bkra shis pa'i phyir 'bod pa dang / phung po 'jog pa dang / bus skra 'dreg 'dreg pa las phud bu 'jog pa'i tshe bkra shis pa'i phyir 'bod pa dang / ral bu 'bog pa dang / byis pa'i skra ral bur 'dug 'dug pa las 'dreg pa'i tshe bkra shis kyi phyir 'bod pa dang //rna cha'i skyed pa'i khyim pa dang khyim ma la'o/ /rna cha gcig gsar du thogs te bkra shis pa'i phyir 'bod de song ba dang ming gis smos pa 'di rnams gang yang rung ste khyim bdag po'am mo zhig dge slong pho mo gang yang rung tshul gyi tshe sngags kyis btab ste song na tshul mi 'jig la nyes med do//dge 'dun gyi lhag ma ma gtogs par bsnyen par ma rdzogs pa la snga ma yang ngo / /dge 'dun gyi lhag ma byung ste chad pa dang rtsa ba'i chad pa dang / mgu ba dang rtsa ba'i mgu ba 'di bzhi dang / dge 'dun gyi lhag ma 'byin pa dang snga ma ma gtogs par lhag nas chos kyi don gyi phyir 'gror rung ngo zhes bya ba man chad tshul gyi tshe sngags kyis btab ste song yang nyes med do zhes 'byung ba thams cad gang yang rung ste khyim pa zhig gis spyan 'dren zhing 'bod na'ang tshul gyi tshe sngags kyis btab ste song na nyes med de tshul mi zhig go//khyim pa la bshad par bzod pa'o/ /dge slong la khyim pas nyes pa'i dmigs par skur pa btab na/ dge 'dun gyis lhung bzed kha phub pa las phyis khyim pas bzod par gsol zhing spyan 'dren na'ang tshul gyi tshe sngags btab ste song yang nyes med do/ / zas dang sman dang g.yog de dag med la med pas 'tsho mi nus na rgal tshul du zhugs pa las kha zas dang sman dang g.yog la sogs pa 'tsho ba'i yo byad med de gud du 'gro dgos pa'i rkyen cig byung na 'tsho ba ga la yod par song yang tshul ni zhig par 'gyur nyes byas ni med do/ /dge sbyong dang 'tsho ba dang tshangs pa'i bar chad du 'gyur na yang ngo //dge slong grogs thams cad tshul khrims la g.yel te srin bu mi rtog cing chu mi 'tshag pa dang spags pa'i kha zas la sogs pa za ba dang btung ba'i sdig pa spyod de bdag gcig pus ni dge 'dun gyi las kun mi nus kyi bdag gi don dge sbyong gi 'bras bu dgra bcom pa'i rim pa bzhi la bar du gcod cing sdig par 'gyur ba dang bdag 'tsho ba'i srog la babs pa dang /tshangs par spyod pa'i bar chad du 'gyur ba dang rkyen 'di rnams lta bu zhig byung na tshul gyi tshe gud du song na tshul ni zhig nyes byas ni med do/ /mi mthun par sems bskyed pa dang /yul gyi rnams kyis bdag gi sems mi bde zhing sdig pa spong bar 'gyur ba zhig na yul gzhan rnams las sems bde zhing dge bar sems bde bar 'gyur ba zhig yod de tshul gyi tshe sang yang tshul ni zhig nyes byas ni med do/ /sdig pa ngag gis brjod cing dge 'dun gyi dbyen du 'jug na yang ngo //yul gyi rnams las sems 'gyur ba bzhin du kha nas sdig pa smra zhing sdig pa'i grogs byed par 'gyur na yul bde ba gzhan du 'phos kyang nyes med do/ /de dag zhi bar gyur na mi 'gro bar mi bya/ dge slong zhig dbyen la zhugs te bdag gis gros btab na dbyen la mi 'jug par nus pa dang dbyen la zhugs zin pa las slar zlog nus pa tsam gyi tshod ni tshul dral te song na zhig nyes byas ni med do//ma song na nyes byas so/ /song na mi rgal bar mi bya/ mdo gong ma ltar 'gro ba la zhag bdun gyis slar 'khor ba zhig ste zhag bdun pa'i sngags btab pa las zhag bdun gyi bar du slar ma bzlog shig dbyen ma btang na zhag bdun las 'das par 'dug kyang tshul ni zhig nyes byas ni med/dbyar gyi gnas su gnas par dam bcas pa mi bca' bar mi bya/ yon bdag gcig gis tshul gyi tshe 'tsho ba sbyar te 'dug par 'thams pa'ang rung chos sde snod gsum bshad pa'i phyir gsol te 'tsho ba sbyar nas tshul gyi tshe bzhag pa'ang rung 'dug par khas blangs pa las gud du song na nyes byas so//gso sbyong gcig pa'i gnas su 'di ldang ba med do/ /dge 'dun tshul tha dad du mtshams so sor zhugs la gso sbyong gcig tu 'dus shing byed na gtsug lag khang de gnyis sngags kyis ma thebs par zhag tu gnas kyang tshul zhig par mi 'gyur te nyes med do//yod na ni rnyed pa gcig pa'o/ /gtsug lag khang so sor tha dad du zhugs la gso sbyong ni gcig tu mi byed kyi kha zas lhag par spyir bsres shing za ba ni gtsug lag khang de gnyis lhag ma ltar gnas su mi rung ste sngags ma thebs na tshul zhig go /dbyar gyi dngos po'o/ /dbyar tshul du 'jug pa'i cho ga bshad pa'o// //sde lnga char yang tshul du 'jug par byed pa'o/ /dge slong pho mo dang dge sbyong pho mo dang dge slob ma'ang tshul du 'jug dgos so//dge sbyong 'ba' zhig ma yin no/ /dge slong dang mkhan po la sogs pa med na dge sbyong 'ba' zhig nyi tshe tshul du 'jug tu mi rung ngo / /tshul du zhugs na tshul du zhugs par mi 'gyur na nyes byas grangs med do/ /lor ma lon pa yang ngo / /mkhan po dang gnas brtan med par dge slong lo gcig tu ma lon pa nyi tshe tshul du 'jug par mi bya'o//de dag la tshul du zhugs pa mi 'chags pa ma yin no/ /mdo gong ma gnyis ltar bshad pa dge sbyong dang lo ma lon pa tshul du zhugs kyang tshul du ni mi rung ngo / /mal stan mi blang mi bya/ dge slong dang lo ma lon pa tshul du zhugs pas gnas brtan med pa'i phyir mal stan mi bgo ba ma yin te bgos kyang nyes med do//sdud pa med kyang ma yin no/ /dge 'dun gyi mal stan gyi rdzi'am sdud pa dang 'god pa'i mi med par mal stan yod na bdag cig gis bgos kyang nyes med do/ / ma bgos par bsdu ba ma yin no/ /dge 'dun gyis mal stan rdzir ma bskos par mal stan thug thub tu phyung ste brnyen por mi btang / ma byung ba la sogs par sde snod 'chang ba dang 'thab mo byed pa yod dam med pa yang der ma chud pa ma yin no/ /ltag tu nyon mongs par 'gyur ba dang the tshom skye bar 'gyur pa dang 'thab cing 'khrug pa yod na tshul du mi 'jug go zhes 'byung ba la sde snod gsum shes pa'i mkhan po yod na mya ngan dang the tshom sel cing 'khrug pa zhi bar 'gyur ba'i phyir tshul du zhugs kyang nyes med do//sde snod gsum shes pa med na mya ngan dang the tshom skye zhing 'khrul bar 'gyur ba'i phyir 'phral du bde ba'ang tshul du mi 'jug go//tshul du ma zhugs kyang gnas ma btang na gnas pa'o/ /tshul du 'jug pa'i sngags kyis ma btab cing tshul du ma zhugs kyang tshul zla ba gsum gnas gcig na 'dug cing gud du ma song ste zhag ma lon na tshul du zhugs pa dang 'dra ste yon tan bcu yang 'thob par 'gyur te 'og nas 'chad/nam mkha' la tshul du zhugs pa ni mi skye'o/ /rdzu 'phrul can zhig gis nam mkha' la tshul du zhugs te/ zla ba gsum du gnas pa ni tshul du zhugs par mi 'gyur ro/ /grur ma yin te ma gtogs pa ni sa la brten pa'am bcings sam sa la rten pa brten par bar chad 'byung bar mi shes na'o//gru'i nang du tshul du zhugs pa'ang tshul du zhugs par mi 'gyur ro/ /gru sa la brten cing chus 'phags par mi 'gyur ba dang nyag thag shing la btags te mi 'phags pa dang nyin par nyag thag bkrol nas yan man du drangs te nang par skya rengs ma byung bar nyag thag slar brtags pa ni tshul du zhugs kyang tshul zhig par mi 'gyur ro//'jig pa ni de'i lta ba la gnas te chos ma yin pa'i skyabs su song nas skya rengs shar na'o/ /dge slong sems mur 'dug gam log par ltas par 'gyur te lus ni dge slong gi tshul du 'dug la sems log pa la dad pa'i phyir log pa la lta ba gzhan mtshams kyi nang du 'jug kyang de dang lhan cig tu de'i gnas su zhag lon te skya rengs byung na tshul zhig par 'gyur/the tshom gyis ni ma yin no/ /tshul du zhugs la tshul du zhugs sam ma zhugs the tshom za bar gyur na yang tshul zhig bar mi 'gyur te tshul du zhugs par mi 'gyur ro//mtha' gzhan drug tu bsngos pa ni mi ldang ngo / /tshul gyi zhag bdun gyi sngags kyis btab ste 'gror rung ba yin na zhag drug na tshul nas 'byung ba'i mdun du zhag bdun pa'i sngags kyis btab ste chos kyi don dang srog la bab pa'i phyir gud du song yang zhag gcig gi skya rengs byung ba na tshul zhig par 'gyur ro//zhig pa ni tshul du zhugs nas dgos pa med par de las ma log gam gnas na'o/ /ltag tu chos kyi don la sogs pa'i phyir 'gro na zhag bdun gyi sngags kyis btab ste 'gror dbang ngo zhes ming gis smos te bshad pa 'di rnams la chos kyi don la sogs pa pha rol gyi las zin par 'gyur na las zin par thos bzhin du gzhi nas song yang rung lam du thos te slar ma log kyang zhag lon te skya rengs byung na tshul zhig pa'o//chos kyi don gyi phyir zhag bdun pa'i sngags kyis btab ste song ba las sngar zin na zhag bdun ma lon gyi bar du mi 'gro'o zhes zer zhing 'dug pa ni tshul zhig pa'o/ /de'i mtha' ni zhag bdun tshun chad do/ /chos kyi don gyi phyir 'gror dbang ngo zhes gong du ming gis smos pa rnams kyang zhag bdun pa'i sngags kyis btab na rung gi de las zhag mang ba'am sngags kyis btab kyang mi phan te tshul zhig pa'o//gnang ba ma thob pa de ni mtha'o/ /gud du 'gro bar dge 'dun las gnang ba thob pa ni chos kyi don gyi phyir na zhag bzhi bcur 'gror gnang ste de ni ma gtogs par zhag bdun 'das te brgyad kyi skya rengs byung na tshul zhig par 'gyur ro//gzhan yang nub bzhi bcu'o/ /ngo mtshar gyi rkyen cig byung na dge 'dun gyis zhag bzhi bcu'i bar du 'gror dbang bar gnang ba sbyin no/ /de ltar byin nas phyi ma gnas pa'i tshe zhag mang po yang tshul zhig par mi 'gyur ro//de sbyin rkyen byung te zhag bzhi bcur 'gror gnang ba rigs na dge 'dun gyis gnang ba sbyin no/ /ma byin na nyes byas so/ /de las lhag par phyi logs su mi gnas sde lnga char yang 'di bzhin no/ /zhag bzhi bcur dge 'dun gyis gnang ste song las zhag bzhi bcu 'das kyang rung don ni sngar grub kyi zhag bzhi bcu ma lon gyi bar du mi 'gro zhes 'khyam zhing 'dug pa ni zhig par 'gyur ro//dge slong pho mo dge sbyong pho mo dge slob ma lnga char kyang zhag bzhi bcur 'gro ba cho ga mtshungs so/ /'di mtshams kyi nang du skye'o//zhag bzhi bcu'i sngags mnod pa yang tshul du zhugs pa'i gnas nyid nas nod kyi / gnas gzhan nas nod na sngags byas par mi chud do/ /dge slong gi mdun du'o/ /zhag bzhi bcu'i sngags mnod pa ni bdag gcig pu ma yin gyi dge slong gcig las mnod do/ /dge sbyong dge slong las mnod do//ma dogs shig ma chud pa ma yin pa ni/ ming gis smos pa 'di rnams kyang zhag bdun gyi sngags kyis btab ste song yang zhig par mi 'gyur te zhig par 'gyur ba ma dogs shig /mur 'dug tu lta ba dbye ba'i phyir dang / mur 'dug gcig la sangs rgyas kyi chos bshad pa na mur 'dug gi chos 'dor zhing sangs rgyas kyi chos la phyogs par 'gyur ba tsam gyi tshod na tshul gyi tshe sngags btab ste song yang nyes med/gnyen la bya ba dang / gnyen la chos bshad pa'i phyir dang na ba'i phyir dang sems dga' ba'i phyir ngo phrad du 'gro ba dang /chud pa dang / bdag kha thon dang klog pa la sogs pa don ma chud cing ma go ba go bar bya ba'i phyir 'gro ba dang / lhag par chung ba / dgra bcom pa'i rim pa lta bu gdon mi za ba dang thob par 'gyur ba'i gdeng yod pa'i phyir mkhan po dang slob dpon la nyan du 'gro ba dang / bdag 'dod pa bsal ba'i don du 'gro ba'i phyir de byas na'o/ /ltung ba sde lnga las the tshom du gyur pa zhig na the tshom bsal ba'i phyir mkhan po mkhas pa'i gan du 'gro ba dang 'di rnams kyi phyir 'gro ba yang zhag bdun gyi sngags kyis btab ste song na nyes med do/ /tshul du zhugs te 'dug pa spang ba mi bya tshul du zhugs pa zla ba gsum gyi tshe dge slong sde lnga las sangs rgyas kyis gsungs pa bar du gcod par mi 'gyur ro zhes zer ba bskrad pa'i rigs pa yang mi bskrad par chad pas mi bcod par brtags te gzhag go /de bzhin du chad pa phre'u dang spro ba yang mi blang ngo //phas pham pa ni bskrad do/ /bzhi la sogs par chud do / /tshul gyi tshe zan sbyar gyis 'dug shig ces khas blangs te song na nyes byas par 'gyur ba bzhin du lhung bzed sbyin no zhes bya ba las ma byin pa dang chos gos sbyin no zhes byas pa las song ba dang chos bshad do zhes khas blang pa las ma song yang nyes byas so//dbyar gyi dngos po rdzogs so// //kha rog pa'i yi dam mi bca'/ mur 'dug gi dka' thub kha rog par 'dug na mya ngan las 'da' bar 'gyur zhes zer ba lta bu kha rog par 'dug pa'i yi dam mi bca'/ /'di la zhugs na grol ba gtsang ma bar na sbom po'i nyes byas pa'o//mdo gong ma ltar mi smra ba yang mur 'dug gi dka' thub kyi mi smra bar byas pa lta bu ni dbyen gyi sbom por 'gyur ro/ /gyi na mi smra bar 'dug par bsams pa ni nyes byas so/ /mthong ba dang thos pa dang dogs pas tshul du zhugs pa las dge 'dun gyis dbyung /tshul nas 'byung ba'i tshe dge 'dun kun la khyed kyis bdag la ltung ba sde lnga las gang yang rung nyes par mthong ba dang thos pa dang dogs pa zhig yod na rgol cig ces skabs phye ba'i sngags 'di byas te dbyung ngo / /dbyar gyi mtha' nyin mo'o//tshul nas gnas pa ni tshul snga ma dbyar zla 'bring po nya la zhugs pa ni ston zla 'bring po tshes bco lnga 'byung ngo / /tshul phyi ma dbyar zla tha chungs tshes bcu drug la zhugs pa ni ston zla tha chungs tshes bco lnga la 'byung ngo / /yul zhu ste phyags pa tshun chad zhag 'di tsam na dge 'dun 'byung bar 'gyur gyis khyed zhugs shig /tshul nas 'byung ba'i zhag bcu gcig tsam gyi sngon logs su nye 'khor gyi yul mi dang lha 'phangs la sogs pa la 'di tsam na dge 'dun tshul nas 'byung gi gtsug lag khang du 'du shig ces bya/ gtsug lag khang brgyan/ tshul nas 'byung ba'i tshe gtsug lag khang brgyan/khang bu rtseg ma glan/ yul bskor ba'i gzugs kyi khang bu sbyar cing bcos/ dri gtsang khang bri/ dri gtsang khang la sogs pa'i ri mo bri mchod rten dag phyi zhing bsang / sku gzugs dang mchod rten la sogs pa lce te bkru bshal dang phyag bdar bya/seng ge'i stan brgyan/ kha don klog pa'i seng ge'i stan brgyan/ de ring nub mo thams cad du chos bstan par 'gyur gyis der khyer ba byin cig ces nas yul zhu/ mdo ltag ma rnams ni zhag lnga drug gam bdun nas bya ba'i cho ga 'di rnams ni tshul nas 'byung ba'i snga de nyid nas sbyar zhing bya'o//do mod mtshan rangs kha thon klog cing chos mnyan gyi dge 'dun kun 'dus shig ces bgos te res kyis kha thon byed du gzhug go /yul mi la sogs pa bsdus te chos nyan du gzhug /mdo sde dang 'dul ba dang ma mo 'dzin pa la bskos te tshes bcu bzhi'i nub mo thams cad du chos bstan pa sbyin du gzhug /kha thon klog tu gzhug pa ni mdo sde dang 'dul ba dang ma lta bu 'dzin pa la sogs pa las las res kyis nub mo thog thag tu kha thon tu gzhug go/ /gzhan du yang de dag las kyi tshun chad du chos gdon mi za ba'i gtam gyis nub mo bzla'o//tshul nas 'byung ba'i tshes bcu bzhi'i nub mo ni dge skos 'ba' zhig mi nyal gyi dge slong gzhan res kha don klog cing chos bsnyad pa tsam gyis chog gi gzhan ni gnyis kyis mi thub na nyal kyang nyes med/ tshes bcu lnga'i nub mo ni thams cad nyal du mi gnang ste chos bsnyad cing 'chad pa'i rjes la tshul nas 'byung ngo //skya rengs byung bas mchod pa tshun chad 'byung ba las so/ /tshes bco lnga'i nub mo bcu drug gi skya rengs ma byung tshun chad du tshul nas 'byung bar bya'o/ /skya rengs byung na las su mi rung ngo / /'byin pa'i dge slong bsko/ tshul nas 'byin pa'i dge slong sngags 'debs pa su dad pa las bsgo //gcig gis mi nus na du mas kyang ngo / /sngags 'debs pa'i dge slong gcig gis mi chog na du chog par bsko/ /phreng las cha char bgos pa yang rigs so/ /sngags 'debs pa'i dge slong mang du bskos nas phreng ba pos re re tshan tshan du bskos pa la sngags gdab po zhes skal skal du bsgo//de 'jag ma'ang brim mo/ /sngags 'debs pa'i dge slong gis sngar dge 'dun la rtswa 'jag ma brim mo/ /tshul nas 'byung ba'i phyir gzhan gyis dge 'dun la zhu/ tshul nas 'byung ba'i tshe rtswa 'jag ma rims zin nas dge slong su'ang rung las pa gcig gis dge 'dun tshul nas 'byung bar bya'o zhes zhu ba'i sngags bya/ dge slong so sor tshul nas 'byung ba'i bar du mdun du 'dug go/ /mdo ltag ma ltar sngags byas pa'i 'og tu dge slong sngags 'debs pa so so mdun mdun du 'dug la rtswa'i tor to las bzung ste sngags bya'o//so sor sngags shes na rang rang gis bya ste sngags pa dbang du gzhag go /de las 'byung bas smra ba lan gsum du'o/ /tshul nas 'byung ba'i sngags bya ba ni lan gsum du bzlas so//gnyis ni de tsam du/ ming gis smos pa 'di rnams gang yang rung ste rkyen cig byung na sngags lan gnyis btab pas kyang tshul nas 'byung par 'gyur to/ /nad pa nad glo bur cig byung ba dang / myos pa dang sems stor te mi dran par gyur pa dang / mal stan gyur pa/ mal stan zhig bla gab med pa la lus te char gyis ma rung bar gyur pa'am / dus 'da' ba'am/ skya rengs byung du nye ste sngags rdzogs par byar mi khom pa dang / glo bur du byung bar gyur na'o/ /chu dang me la sogs pa 'phral du glo bur du rkyen cig byung ba dang 'di rnams gang byung yang rung ste sngags lan gnyis btab kyang rung /de tsam gyis gcig go /sngags 'debs pa'i tshe rkyen cig byung ste lan gnyis su zlos su yang ma khom na lan gcig gis kyang tshul nas byung bar 'gyur ro/ /phreng zad nas de dag phan tshun du'o/ /dge 'dun kun la sngags kyis btab zin nas mjug tu sngags 'debs pa na nang gcig gi mdun du gcig 'dug ste sngags bya'o//med na gzhan las yang rung / sngags 'debs pa gcig tu zad de 'debs pa'i grogs med na dge slong su yang rung gcig gi drung du 'dug ste 'byung ba'i sngags bya'o/ /dge 'dun thams cad byung ngo zhes de skad du dge 'dun la bya'o//kun sngags btab zin nas las byed pa'i dge slong gcig gis dge 'dun thams cad tshul nas byung bar gyur to zhes dge 'dun gyi nang du smra'o / /dge bar byung ngo / /shin tu byung ngo zhes thams cad kyis brjod/ /mdo ltag ma ltar dge slong gcig gis brjod ma thag tu dge 'dun thams cad kyis dge bar byung ngo zhes brjod do//gang ci yang khab yan chad bdag gi dngos po 'byung bar gang gis brtsams te de bzung nas dge 'dun las de thob bo/ /btsun pa bdag gis 'di lta bu gzugs kyi dngos pos dbyar gnas pa'i dge slong gi dge 'dun 'byung ngo zhes so//dge 'dun tshul nas byung zin nas dge 'dun la yon 'bul ba'i 'os ci yod kyang rung ste dge 'dun la dngos po 'di 'bul na 'os sam rigs sam zhes smras te kha thon du byed byed pa des 'bul lo/ /dge slong gzhan gyis kyang yon gyi 'os yod na thams cad kyis dbul lo//yon phul zhing dngos po 'di bzhes pa'i rigs sam 'os sam zhes smras te dge 'dun kun kha rog 'khod na bzhes par gnang ba yin te phul cig /de nas dge sbyong dbyung ngo / /dge slong rnams tshul nas byung zin pa'i 'og tu dge sbyong rnams la dbyung ba'i sngags bya'o//de nas dge slong ma'o/ /dge sbyong tshul nas byung zin nas dge sbyong ma rnams sngags byas te tshul nas dbyung ngo / /byung ba bzhin du bsngos te song ba tshun chad de dag dbyung ba dang lhan cig byas na'o/ /tshul nas byung ba'i khar slebs su re ste zhag bdun pa'i sngags kyis btab ste gud du song song ba las zhag grangs 'khrul te song song ba'i gnas de na dge 'dun tshul nas 'byung zhing 'khod na thal byung tshul nas 'byung ba de ni nang du zhugs te byung yang tshul nas byung bar chud do//de ltar tshul nas byung ste slar song song ba las bdag nyid kyi dge 'dun tshul nas byung ba yang slebs na de'i nang du na bdag tshul nas 'byung mi dgos so//bud med dang gyur pa ni ma yin/ dge slong bud med kyi mdun du tshul nas 'byung ba dang dge slong ma'i mdun du tshul nas 'byung ba'i byung bar mi chud do/ /dge slong ma'ang dge slong ma grogs kyi mdun du tshul nas byung bar mi chud kyi dge slong gi mdun du gnyis kas rtsa las bzung ste sngags bya'o//gnas par mi nus na gang bskrad pa'i dge slong la bya ste 'dus nas dbyung ba'o/ /dge slong ma dge slong pha'i mdun du tshul nas 'byung ba'i sngags byed byed pa las dge slong de mo mtshan du gyur na tshul nas 'byung bar mi chud de gzhan gcig gi mdun du sngags bya'o//dbyar gyi bar bya bar 'gro na phyung ste'o/ /dge slong la rkyen cig byung ste tshul nas 'byung ba'i zhag dus su sdod du mi khom na dge 'dun la gsol te tshul nas 'byung ba'i sngags byas te song na byung bar chud do//dngos po dang gang zag dang gnyis ka gzhag ste na yang ngo / /dge 'dun gyi lhag ma zhig byung ba dang spang ba ltung ba 'phral la mthol du mi bde ba ni brtags te bzhag pa yin pas skabs dbye ba la ma gtogs te gzhan nyes par mthong ba dang dogs pa dang thos pa ci yod pa rgol cig ces bya ste skabs dbye'o//'di la khas blang ngo / /mdo ltag ma ltar gsol ba la dge 'dun gyis kho'i sems bsrung zhing dga' bar bya ba'i phyir de ltar rung ngo zhes bya'o/ /bzhag pa yang tha ma ma yin pa las bskos te'o/ / tshul nas 'byung ba'i tshe phas pham pa ni ma gtogs te gzhan ltung ba sde lnga las skabs phye ba yin gyis rgol cig ces zer na phas pham pa brtags cing gzhag tu mi gnang ste bskrad do/ /tshe dang ldan pa bdag cag 'di'i phyir ni 'dus shing tshogs pa yin te de lta mod kyi tshe dang ldan pa'i dngos po dang gang zag kyang gzhag par ro//ltag nas 'byung ba dge 'dun gyi lhag ma dang spang ba'i ltung ba 'phral du mthol du mi bde ste brtags te gzhag pa ma gtogs par gzhan ltung ba sde lnga las rgol cig par skabs 'byed cing 'ong zhing gsol du 'ong ste ltung ba dang lhag ma brtag cing dbang 'jug pa lags na dge 'dun gyis mkhyen par bgyir ci gnang zhes zer na dge 'dun gyis kyang deng 'dus pa khyod kyi don dang dbang du bya ba'i phyir 'dus pa ma yin mod kyi khyed nyes pa gzhan la skabs phye zhing dmigs kyis phye ba 'phral du mthol du mi bde ste dpang du mkhyen par bya bar gsol/dge 'dun gyis mkhyen par bya zhing gang zag de tshul nas dbyung ngo / /de ltar tshul khrims rnam par dag par bya ba'i phyir ni gso sbyong chos rnam par dag par bya ba'i phyir ni dbyung ba'o zhes bcom ldan 'das gsungs kyis 'on te 'dod na dbyung ngo zhes so//mdo ltag ma ltar lhag ma dang ltung ba brtags te dge 'dun gyis mkhyen par byas nas tshul nas dbyung ba ni rnam pa gcig tu na nyes pa yod pa'i mi de nyid ltung ba sde lnga las nyes pa tshangs shing byang bar 'gyur ba'i phyir tshul khrims rnam par dag pa zhes bya ste/ gang zag de nyid don du 'gyur ba dang nyes pa brtags te gzhag na dge 'dun tshul nas 'byung ba'i las su rung ba'i phyir chos rnam par dag pa zhes bya ste/dge 'dun gyi don yang yin pas don 'di rnam pa gnyis kyi phyir dge 'dun gyis shes par gyis la brtag pa rtogs te tshul byung cig ces zhal nas gsungs so//gang zag gzhag pa dang don gyir ma yin no zhes so/ /don gzhag pa dang gang zag kyang ngo / /gzhag par ram mi gzhag pa'i phyir khas blangs pa las bsnyon na khas blangs pa zhig ma yin no/ /tshul nas 'byung ba'i tshe dge slong lhag ma dang ltung ba yod de 'phral du mthol du mi bde bar dge 'dun la mkhyen par bya ste brtags te bzhag pa'i 'og tu phyis bsnyon te mthol tshangs dang chad pa byed du mi btub na kho bsnyon te med cing ma mthong mi shes zer ba mi brtsan gyi thog ma dge 'dun thams cad mkhyen par byas pa brtsan gyis dge 'dun thams cad kyis mthol du gzhug cing mthol tshangs dang chad pa byed du gzhug go /ci ltar byed du gzhug pa'i thabs 'og nas 'chad/ 'di skad kyi tshul du cung zad kyang med cing smra ba ni 'di'am sngon gyi brdzun no/ /mdo ltar ma ltar dge 'dun gyis lhag ma dang spang pa'i ltung ba yod de dge 'dun la brtags te gzhag la/bsnyon pa 'di dge slong de sngar dge 'dun la brtags te gzhag la phyis bsnyon pa'i brdzun gyis ltung ba gcig dang 'phral du bris pa na bsnyon pa'i ltung ba gcig dang gnyis yod de thog ma rtogs pa'i tshe dge slong su su 'dug 'dug pa kun bsdus te mngon sum du rmas la shags kyis thub par byas la chad pas bcad do//chad pa byed du ma btub na bskrad do/ /de ste thab mo pa'i dge slong dag 'ong bar tshul du zhugs pa thos nas gso sbyong gnyis sam gsum 'das na dbyung ngo / /dge 'dun tshul nas 'byung ba'i dge slong pha ma rungs pa dag cig grogs gcig ste tshul nas 'byung ba'i tshe ltung ba sde lnga las rgol cig phar skabs 'byed pa'i rigs kyi de'i khar skur pa btab la bskur te dkrug go zhes zer ba gcig thos na 'byung ba'i zhag dus las zla ba gcig gcig sngar bsdums te 'byung ngo //de ltar bsdums kyang thab mo pa de 'ong zhing slebs par 'gyur na zla ba phyed dang gnyis kyis kyang sngar bsdums te 'byung ngo //de ltar byas kyang myur du 'ong na tshul zla ba gcig bsrungs bas chog gi zla ba gcig gis bsdums te byung yang tshul du chud de de ltar sngar byung yang bsrung ba ni zla ba gsum thang bzhin du bsrung ngo //yon tan yang 'thob bo/ /de ltar byas na phyis 'thab mo pa 'ongs su zin kyang skabs mi 'byed pas klan ka mi rnyed do/ /mi grub na dkyil 'khor lnga'am drug bsngo/ /mdo ltag ma ltar bslabs bsdums su zhag dus med de tshul nas 'byung kar 'thab mo ba'i dge slong 'ong bar thos na dge 'dun myur du 'dus la/mtshams chen po khrol la mtshams bu chung lnga'am drug 'phral la bcad do/ /mtshams bu chung ci bya ba na 'og nas 'chad/ tshig 'jam po dang bsu nas lhung bzed dang chos gos dang bsti stang dang khang bu dang lnga khang dang khang bu brtseg ma bsngo/ ltag ma ltar mtshams bu chung bcad zin nas 'thab mo pa 'ong ba la bsu zhing tshig 'jam po la gtam bya zhing lhung bzed dang chos gos la sogs pa tshul bzhin du blangs pa gnas khang khyams la sogs pa yang bsngo zhing sbyin no//khrus dang snum thob par bya/ 'thab mo pa 'ongs pa la khrus bya zhing lus ma nyid pa la sogs pa bya/lus bsku ba'i snum dang kha zas kyang sbyin/ chos snyan pa sbyin pa bdag gi bsu bar bya/ 'thab mo ba 'ongs pa de dang chos bsnyad cing gtam la sogs pa bya ste/ dum zhing mgu ba'i tshul du bya/ ma grub na bdag cag gi gso sbyong dkyil 'khor du bya/ mdo ltag ma rnams ltar byas te bzhag pa las gud du 'dod du ma btub na mdo gsum gyi ltag nas mtshams bu chung bcad de gzhag par bshad pa'i mtshams bu chung bcad de so sor dge slong lnga lnga'am drug drug tu yod pa dong ste 'thab mo pa las dad pa'ang blangs te gso sbyong bya'o//khyed de ring dbyung ba ma yin nam zhes zer na tshe dang ldan pa sdod cig khyod ni 'ong ba ste don 'di ni gnas pa'o zhes sgo shig /mdo ltag ma ltar gso sbyong byed pa 'thab mo pa na re dus kyis tshul nas dbyung ba yin na ci'i phyir gso sbyong byed ces 'dri na khyed cig gsar du 'ongs pa yin te rgyus mi shes kyi / las ji ltar bya ba dge sbyong gzhi la 'khod pa shes te dri mi dgos kyi /zas dang khang bu la sogs pa ci 'dod pa nged la nos la ci dgos pa la sogs pa long la 'dug shig ces bsgo/ 'das na dbyung ngo / /thabs gong ma rnams ltar byas nas slar 'dong nas slar mi ldog pa tsam gyi tshod na 'dus te tshul nas 'byung ngo //thab mo pa dong nas tshul mi 'byung ste tshul yang zhig pa yin no/ /'byung ba'i dngos po 'khon pa bshags pa ma byas par mi dbyung ngo / /tshul nas 'byung ba ni gcig la gcig skabs phye ste rgol du bcug la 'khon bshags te tshul nas 'byung ngo / /de'i dus ni nyi ma bcu'am zla ba phyed na 'byung ba na'o//'khon bshags shing bzod pa gsol ba ni zhag bcu tsam gyi mdun nas gcig la gcig bzod par gsol zhing mgu bar bya'o/ /bdun nam brgyad do zhes gzhan dag las so/ /'dul ba 'dzin pa kha cig na re zhag bdun nam brgyad kyi snga logs su 'khon bshags kyang nyes med/'dus par ma yin no/ /dge slong bdag dang 'khon yod pa zhig na mi mang po'i khrod du mi bya'i lkog tu kho gcig pu la bzod par gsol lo/ /'dus pa'i spyir yang spyi'i bzod pa gsol/ des kyang ma bzod par ma yin no/ /'khon yod pa la mdo ltag ma ltar bzod pa gsol zhing 'og nas dge slong des kyang bzod par bya'o//mgu ba ma byas kyi bar du tshogs pa thams cad kyis kyang de'i tshe mi bya'o/ /tshul nas 'byung ba'i zhag bcu'i mdun nas gcig la gcig 'khon bshags shing bzod pa ma gsol na tshul nas 'byung bar mi 'gyur ro//bzod pa gsol ba ni gzhon rims kyis rgan rims la gsol gzhon nu la yus yod na rgan pos kyang gzhon nu la gsol/ khros pas yang ma bzod par ma yin/ dge slong gzhan gyis bdag la nyes pa la sogs pa byas te phyis mthol tshangs byed cing bzod pa la gsol du 'ongs na bzod pa byin cig /ltag tu mdo 'di 'dra ba cig byung ba ni tshul gyi tshe'o/ /'di ni nam yang rung ste 'dra bar bya ba la bya'o/ /dge slong dang dge slong ma gnas kyi phyi rol du ma yin/ dge slong mas dge slong pha la bzod pa gsol ba ni gar bab bab tu lam kha la sogs par bzod pa gsol ba ma yin dbyar mo thang du bkug ste bzod pa gsol ba ma yin gyi/dge slong pha'i gtsug lag khang du song la bzod par gsol lo / /rkang pa la yang mi gtugs/ dge slong mas dge slong pha la bzod pa gsol ba ni rkang pa nas bzung la bzod pa mi gsol gyi/'dom gang tsam du 'dug la dgus te bzod pa bgyir ci gnang zhes gsol lo/ /bzod pa bgyi 'tshal te 'gro/ /mdo ltag ma ltar gsol te bzod par gnang na gdong dpral ba gtugs te phyag bya/ 'di 'chags na bsti stang med par mi 'gro /mdo ltag ma gnyis ltar dge slong ma bzod pa gsol du 'ongs na dge slong gis kyang bzod pa gsol du mi gzhug pa'am bdag byol te 'gro bar mi bya'o//mi bsgom gsol te gshegs pa la sngon du shes pas so/ /dge slong grogs la bzod pa gsol du song song ba las/ ma btub na de dang su mdza' ba'i gan du song la/bzod par byos shig ces gros 'debs su bcug la de nas bzod pa gsol/ ma dad na thabs btsal mi bsgrub par mi bya/ mdo ltag ma ltar thabs bya ste/ yang bzod par ma btub na/ sngon kho la gnod pa dang nyes pa byas pa ci yod pa brtags te/ nyes pa zhig yod na de yang dmigs nas bshags des bzod par gsol lo//ring por ma thogs pa'o / /nyes pa byas shing 'khon pa zhig yod na lo'am zla bar gzhag pa ma yin gyi/ myur du mthol zhing bzod par gsol lo/ /khros ma thag tu ma yin te bsdad/ myur du bzod pa gsol ba yang 'phral du 'khrug pa ma zhi ba la mi gsol gyi zhi nas gsol lo//'chags pa'i tshe mi bzod par mi bya/ gcig la gcig 'chags shing bzod pa gsol ba'i tshe/ sems las 'khon ma btang zhing / khas bzod cing 'jam por bya ba ma yin gyi/ sems kyis kyang bzod par byas te gsol lo//phran tsheg su chud pa'o/ /dbyung ba'i dngos po rdzogs so// //drug pa gding / tshul nas byung ba drub gding ste/ chos gos smad gsum slob pa'i nang du bting la gzhag pa la bya'o/ /ci ltar gsum la de bzhin drubs pa bting na yang yang bza' yang nyes med de sde sder za ba dang ma gtogs par grong du 'jug pa dang /gos slong ba dang lhag ma dang rnyed pa yang spyi'o/ /drubs pa bting ba'i tshe zla ba lnga'i bar du 'chad pa dang 'bral ba dang 'jog pa dang yang yang dang zas bzang po dang sde zan dang gos gnyen ma yin par slong ba dang dus ma yin par grong du 'gro ba dang /'di brgyad ni tshul du zhugs pa'i yon tan yin te bsrung mi dgos so/ /lhag ma dang rnyed pa dang spyi'o zhes 'byung ba ni mdo 'og ma rnam ltar gyur na yon tan ni mi thob kyi tshul du zhugs pa rnams spyi'o/ /nor rdzas dang yon skal las 'thob pa la bya ste/dmigs dmigs nas 'og nas zhib tu 'chad pa yin no/ /'di mi skye ba ni/ ming gis smos pa 'di rnams yon tan dang rnyed pa'i skal ba thob pa'ang yod/ mi 'thob pa'ang yod do/ /lon ma lon pa dang / tshul du ma zhugs kyi zla ba gsum gyi bar du bsrungs pa dang / dbyar chad pa dang / tshul du zhugs pa las tshul dral te song pa las so/ /dbyar phyi ma dang / tshul phyi mar zhugs pa dang / gnas gzhan du gnas pa'o/ /gtsug lag khang gzhan na tshul srung srung ba dang 'di rnams ni rnyed pa'i yon skal las mi dbang ba yang yod/ gang thob gang mi thob pa ni 'og nas 'chad/gnas gzhan du 'phos pa la yang ngo / /sangs rgyas kyis gsungs pa bar du gcod do zhes zer ba la chad pas bcad pa la sogs pa chad pa rnam bdun gyis bcad pa dang / slob pa byin pa dang dge 'dun gyi lhag ma byung ste chad pa yod pa dang 'di rnams ni tshul du zhugs te gding ba drubs kyang yon tan bcu mi thob pa dang yon tan de gang mi thob pa 'og nas 'chad/de thob nas ni log go /snga nas chad pas bcad cing spangs pa ni ma yin gyi gding ba drubs zin nas nyes pa med cing chad pa rnam bdun la sogs pas bcad pa ni de nyi tshe nas yon tan bcu mi thob ste med par gyur to//tha ma ma yin pa dge sbyong dang gnas gzhan du gnas pas kyang gnas pa'i skal ba 'thob bo/ /mdo gnyis kyi ltag nas lo ma lon pa dang dbyar chad pa dang dbyar phyi ma dang gnas gzhan gnas pa bzhi la/tha ma gnas gzhan du gnas pa ma gtogs par gsum gyi steng du mdo 'di gcig gi ltag ma'i nang nas slob pa byin pa dang / dge 'dun gyi lhag ma 'byung ba'i chad pa yod pa dang gsum gyis kyang bsnan te dge sbyong dang 'di rnams ni tshul gyi yon tan ni mi thob kyi rnyed pa'i skal ba thob bo//gnas gzhan du gnas pa ma gtogs zhes bya ba ni tshul gyi yon tan dang rnyed pa'i yon skal gnyis ka mi 'thob bo/ /spang ba ma yin no/ /mdo gnyis kyi ltag nas slob pa byin pa dang dge 'dun gyi ltag ma yod pa gnyis ni bshad zin te ma gtogs kyi chad pa rnam bdun gyis bcad cing bskrad pa zhes 'byung ba yang tshul gyi yon tan dang rnyed pa'i yon skal gnyis ka mi thob bo //der 'gyur ba bzhin du chos ma yin pa'i phyogs su ltung zhing bya'o/ /dbyar tshul du zhugs pa las dge slong kha cig chos log pa la bltas shing mi dge ba la phyogs ni tshul gyi yon tan dang rnyed pa'i yon skal gnyis ka las mi dbang ngo //de bzhin du dge slong 'ga' zhig gis tshul gyi tshe sems log pa la phyogs shing phyi rol gyi tshul dge slong ltar bsrungs nas log par lta ba'i grogs kyi gan du zhag lon pa yang tshul gyi yon tan dang rnyed pa'i yon skal gnyis ka mi dbang ngo //rtsa ba'i dus dang / tshul thog mar dang po zhugs tshun chad nas/ dbyung ba'i mtha' dang / tshul nas byung ste gding ba drubs pa yan chad kyi bar du/ dbyar gyi phyir ba dang / dbyar zla ba gsum gyi tshe yon dang chos gos rnyed pa las gding ba'i chos gos su byas kyang rung /gding ba'i nyin par gyi mthar gtogs pa gos kyi rnyed par gtogs pa'i chos gos gsum mo/ /gding ba 'drub pa'i nyin par su'ang rung ste yon bdag gcig gis gding ba'i chos gos phul na de de las gding ba'i chos byas kyang rung ste rnyed pa 'di rnams gnyis las gang yang rung ste chos gos che chung gsum sbyar la gding ba drub par bya'o//dge 'dun gyi'o/ /gding ba'i chos gos mdo ltag ma ltar rnyed pa med na dge 'dun gyi spyi'i dkor las phyung ste chos gos gsum bya'o/ /ma bsubs pa dang /chos gos spu can dang bsrubs shing phur pa lta bu dang / kham khum med pa dang / ras sang seng du 'dug cing thags bzang ngan du 'dug pa dang / ma mug pa dang / rul cing mug pa'i ras snyi ba dang / srab mo ma yin pa dang / seng ras srab mo dang ming gis smos pa 'di rnams las chos gos gsum mi bya'o//kha dog can ma yin pa ma yin no/ /gding ba'i chos gos kha dog ma bsgyur ba dang / tshon ma brtags pa las mi bya/ ma spyad pa sra ba/ ras sngon spyod spyod pa rnying pa ma yin pa sra ba la gding ba'i chos su bya'o/ /gsar yang snon rnying can snyi ba las mi bya/go 'dun dang / rgyu spun rigs tha dad de go 'dun du byas pa dang ras ma sna tshogs su bsdus te byas pa dang / lhan pa can dang / mtshon gyis khra bor btags pa phur ma can dang / shing lo dang sems can gyi gzugs su btags pa dang / bsul ba dang / ras kyi spun phra sbom du byas te btags pa dang /bskor ba las ma yin no/ /ras kyi mtha' ma rigs gzhan gyis byas te bskor cing btags pa dang 'di rnams lta bu'i rgyu las gding ba'i chos gos gsum du mi bya/ spang bar dang / sngon spang bar 'gyur ba'i chos gos dang / ma btags pa dang /spang ba ltung ba yod pa'i khrims kyi rdzas phyis 'ongs pa'ang spang dgos par 'gyur ba'i ris song ste slar 'ongs pa ma yin pa las so/ /sngon ro la bsngos shing g.yogs pa'i ras 'di rnams las gding ba'i chos gos su mi bya/ dras drubs pa ltag tu smos pa lta bu ni ma yin gyi ras bzang po gtsang ma tshul bzhin du dras shing drubs pa las gding ba'i chos gos bya'o//zin pa/ ras brtags shing bkrus la btsos te dras shing drubs zin pa la bya'o/ /lnga pa/ chur khru lnga zheng du khru gsum yod pa las bya'o/ /lhag ma yang ngo / /khru gsum dang lnga las lhag kyang gding ba'i chos gos su rung ngo //sngon ma bting ba/ sngon drubs shing bting ba'i chos gos ma yin pa las bya/ bting ste'o/ /chos gos drubs pa ni slob ma'i nang du btab ste bting la gzhag go /du ma yang ngo / /yon bdag so so nas phrugs mang po zhig phul na du phul ba bzhin du blangs te zad par blangs te gding ngo //de ci tsam par gding ngo / /chos gos sum phrugs mang po zhig bting na phrugs rer dge slong re re srung mar gzhag go /chos gos gzhan bsngo ba'ang 'di bzhin te de bas na phyung ste bsngo/ gding ba drub pa'i tshe dge slong so so'i chos gos rnying pa'i sngags phyung la gding ba drub pa'i chos gos drubs te de la sngags gdab pa ni mi dgos so//'dus pa la ma gnas pas dad par bya/ gding ba drub pa'i chos gos dge slong gang shom shing zhal ta byed pa des rnyed cing zin ma thag tu bdag gi lag na zhag lon par mi gzhag gi dge 'dun la 'di rung ngam mi rung zhes spyad brim zhing bstan par bya'o//mtshams kyi nang du bsko/ /chos gos drub par gding ba ni mtshams kyi phyi rol du mi bya'i/ mtshams kyi nang du gding ba'i las bya zhing drub bo/ /gding ba yang ngo / /chos gos drub par gding ba'i dge slong srung ma gcig su dad pa las gsol ba dang zhu ba'i las kyis bsko//gang la de la gsol bas de ltar sbyin gding ba drubs pa'i srung ma'i dge slong bsko ba ni gos lnga dang ldan zhing zhe sdang dang gti mug dang 'jigs pa dang ldan pa ma yin pa mkhas shing tshul dang ldan la tshul du yang zhugs shing srung ma'i yon tan bcu dang rnyed pa'i skal ba yang thob pa las bsko//gding ba mi drub pa'i sngon logs nas bsko/ /bkru ba dang drub pa dang btso ba des sngon du bya/ gding ba drub pa'i srung mar bskos pa'i dge slong des las su bya ba ni drub pa'i chos gos rgyu zhig yod na dge 'dun bsdus la bkru btso btsem pa'i zhal ta bya ste gding ba 'drub pa'i tshe zin par bya/gnyis sam gsum du nan tan du bya/ gding ba drub pa'i chos gos bkru ba dang btso ba dang btsem pa la sogs pa le lo mi bya bar nan tan bya/ zin pa zhig drub na bdag gis khab kham gnyis gsum drub/gding ba drub pa'i chos gos btsos shing drubs zin pa zhig nyos kyang rung gzhan gyis yon du phul kyang rung ste rnyed na drubs pa'i srung mar bskos pa'i dge slong des skung pa kham gnyis sam gsum drub cing btsem dgos so / /blangs pa dang bdag gis byas pa/gding ba'i chos gos thog ma rnyed de len pa'i tshe na srung ba'i dge slong du bskos pa des dge 'dun gyi drub par bya'o snyam du bsams te blang / zin pa dang gding ba dang / chos gos btsos shing drubs zin nas gding ba'i tshe'ang dge 'dun gyir bya'o snyam du bsams/ gding ba dang bting ba'i rim bzhin du sems bskyed/gding ba'i chos gos bting zin kyang srung ba'i dge slong gis dge 'dun gyi gding ba bting zin to snyam du bsam/ thog ma dri ba yang ma skyes ba ma yin no/ /mdo ltag ma las gding ba bya ba la bsam pa'i rgyud gsum yod pa dang po gnyis ma bsams na gang zag de la nyes byas te gding bar ni chud do//tha ma dge 'dun gyi gding ba bting zin to snyam ma bsams na gding ba drubs par mi chud do/ /tshe dang ldan pa sang kho bo drubs pa gding gi tshe dang ldan pa dag bdag bdag gi chos gos sngags byung shig ces 'dus pa la zhu/gding ba drub pa'i zhag gcig gis snga logs su chos gos srung pa'i dge slong des dge 'dun thams cad la ngas drubs pa gding gi so so'i chos gos sngags phyung shig ces bsgo/ /'du bar chud na nan tan bya/ gding ba drub pa'i nang par pog spos la sogs pa mchod pa'i yo byad dang gtsug lag khang brgyan cing phyi bdar bya/spos dang me tog gi mchod pa dang rab tu zhim po'i bdug pas bdugs te gzhong pa zhabs can gyi steng du bzhag la gcig gi steng du du ma blangs te bla ma 'grengs la gding ba sgrub bo/ /gding bar drub pa'i chos gos la me tog dang pog spos la sogs pa dri zhim pos bdug cing mchod de slo ma'am gzhong pa zhabs can gyi nang du chos gos sum phrugs su gding ba kun gting ste gcig gi thog tu gcig bzhag la gding ba srung ba'i dge slong gi lag tu khyer te 'grengs la dge 'dun kun la mthar gyis bstan te gding bar rung ngam mi rung mnyes sam ma mnyes zhes bya/zhag gcig la'o/ /gding ba drub pa ni nyin zhag gcig tshun chad du drub pa las bya'o/ /ston zla tha chungs kyi'o/ /nyin zhag gcig tshun chad gding ba ston zla tha chung tshes bcu drug gi nyin zhag gcig tshun chad la bya/tshig gsum mo/ /gding ba'i sngags bya ba ni tshig lan gsum du bzlas so/ /tshig gsum du bzlas dgos pa ni mdo 'og ma gnyis ka'i sngags la bya/ gding ngo zhes so/ /dge 'dun gyi spyir chos gos srung pa'i dge slong gis btsos kyi lag na khyer te bdag gis dge 'dun gyi chos gos drub par bgyi'o zhes lan gsum brjod do//dge slong so so'i mdun du 'dug ste gding ngo zhes bya'o/ /de nas dge slong chos gos 'drub pa'i dge slong gis chos gos lag na khyer te dge slong so so'i mdun du 'dug la gsol cig /tshe dang ldan pa dag gis gding ba bya'o zhes pa la sogs pa'i sngags lan gsum du bzlas te bya'o//dge bar bting ngo shin tu bting ngo / /so so'i mdun du sngags byed pa'i tshe rim gyis dge slong gral na 'dug pa des dge bar bting ngo shin tu bting ngo zhes bya/ gang 'di rnyed pa'i yon tan de dag gi'o zhes bya'o/ / mi gcig gis sngags zin cing rjes la rnyed pa'i yon tan bdag cag gi'o zhes smra/ yon tan ni rnam pa bcu thob pa la bya/ rnyed pa ni gding ba drub pa'i zla ba lnga'i tshe yon du rnyed do cog dge 'dun de rnams kyi spyir bsdu ba la bya/ myong ba bzhin du de'i rjes su yi rang pa'o/ /gding ba drub pa'i tshe dge slong la la zhig gnyid log nas dge 'dun gyis bslangs te nyal nyal ba des rjes su yi rang zhing dang ngo zhes smras na dge 'dun gyi las su'ang rung ba kho nyid kyi skal ba'i sngags kyang lan gsum du bya'o//mngon par gyur pas so/ /mdo ltag ma ltar gnyid log pa yang dge 'dun gyi gral na log pa la bya'i lkog na bdag gi lkog na gnyid log pa ma yin no//dus dus su bskam/ du ba dang rdul gyi khyim du mi gzhag /gding ba drubs zin nas srung ba'i mi des dus dus su chos gos bla re yod pa'i 'og tu ser bu la bar bar bskam bsrad nyi mas ma phog par chos gos bkram la ser bu la brkyang ste bskam pa la bya/sprug gding ba'i chos gos de sprug cing phyi bdar bya/ du ba dang rdul can gyi khyim du drubs ba'i chos gos mi gzhag /rgyal po yir ma yin/ rgyal po'i khyim du chos gos drubs pa de mi gzhag mi bskur de las mi 'bral/ gos drubs pa mtshams kyi nang du bzhag la srung ba'i dge slong mtshams kyi phyi rol du zhag tu song la bral bar mi bya/byas na nyes byas/ blangs te gzhan du mi 'gro/ /gding ba drubs pa'i chos gos de mtshams kyi phyi rol du khyer la mi 'gro song ste mtshams 'das na drubs pa zhig par 'gyur ro//mi gtsang ba'i gnas su mi 'jug /gding ba drubs pa'i chos gos khyer te bshang sa dang mi gtsang bar mi bya/ bla gab med par mi 'jug /gding ba drubs pa'i chos gos khyer la bla gab med pa'i sar mi 'jug /dbyung ba rnam gnyis te/ gding ba drubs nas dbyung ba rnam gnyis te bdag gis phyung ba dang gzhan gyis phyung ba'o//ci lta bu yin pa 'og nas 'chad/ bdag dang bcol bas 'jug pa'o/ /bdag gis phyung ba ni gding ba drubs pa las gud du song ste phyung ba'o/ /gzhan la bcol te phyung ba ni dge 'dun gyis drubs pa tshul bzhin du phyung ba ste 'og nas 'chad/bdag gis 'jug pa ni drub pa dang mtshams gzhan du phyin na'o/ /drubs pa bdag gis byung zhes bya ba ni gding ba drubs te gzhag pa'i mtshams de las phyi rol tu drubs pa'i chos gos dang bcas te phyung na zhag ma lon kyang drubs pas zhig go//drubs pa zhig kyang 'bral ba'i spang ba'i ltung bar ni mi 'gyur gyi zhag bcu 'das te sngags kyis ma thebs na 'chad pa'i spang ba'i ltung bar 'gyur ro/ /bsngos pa med pa'i mtshams su skya rengs shar na'o/ /mtshams kyi nang na tshul du zhugs shing drubs pa bting ba'i dge slong gcig kyang med par zad par mtshams kyi phyi rol du byung la chos gos nang du lus na drubs pa bting pa'i dge slong du yod kyang drubs pa zhig par 'gyur ro//drubs pa bting ba'i dge slong las gcig yod na ni zhig par mi 'gyur ro/ /de 'gor gyi nang du bcad na'o/ /gding ba drubs pa las gzhig tu 'gro bar bsams te song na gding ba drubs pa zhig pa yin te yon tan rnam pa bcu mi dbang ngo //de ltar song ba drubs pa 'jig pa rnam pa drug yod de 'og nas 'chad do/ /de la 'di'o/ /mdo ltag ma ltar song ba'i dge slong de nyid 'jig gi dge slong gzhan mi 'jig go /mtshams 'das nas 'di mi 'grub bo/ /yon tan lta zhig ma thob kyang rung gi drubs pa la 'byin pa'i tshe slar mi 'khor te thal byung 'gro bar bsams pa ni song ste gtsug lag khang gi mtshams 'das na drubs pa zhig par gyur to/ /mi ldog pa'i sems kyis 'gro bar na'o//mdo ltag ma ltar song ste drubs pa 'jig pa yang slar mi ldog par bsams te song na drubs pa zhig par gyur te drug yod pa'i gcig 'di yin no/ /'di phyi rol du mtshams skyes na yang ngo / /mtshams kyi phyi rol na 'dug 'dug pa las 'bral ba la thal byung 'gro ba'i sems shig skyes te song na zhig par 'gyur ro//drug tu brtsi ba la gnyis/ gos bya'o zhes pa'i bsam pa'i rgyud kyang med na de bzhin no/ /mdo ltag ma gnyis ltar song ba chos gos sam chos gos kyi rgyu zhig byin kyang rung nyos kyang rung ste/ len du 'gro bar bsams pa ni drubs pa bsrung bar bsam kyang rung dral bar bsams kyang rung drubs pa zhig par mi 'gyur ro//bya bar yod par las chad na yang ngo / /mdo ltag ma ltar chos gos kyi phyir song song ba las mtshams kyi phyi rol nas chos gos mi dgos par bsams te gzhan gyi phyi rol song ba ni de ma thag tu drubs pa zhig go//slar ldog kyang ngo / /chos gos kyi phyir song song ste drubs pa dral bar bsams pa las lam nas slar log pa ni slar mtshams su phyin na zhig /gsum du byed na'ang gnas 'di bzhin bsam pa chad pa brtsams pa stong zin na'o/ / drubs pa bting ba'i tshe chos gos kyi phyir song song ba las chos gos ma zin par rgyur thob ste bdag gi lag nas stor na drubs pa zhig ste gcig /chos gos ma byin nam med de don ma grub na'ang zhig ste rnam pa gnyis/ chos gos zhig tu rnyed de thob nas lus la gyon na'ang drubs pa zhig ste gsum/'di gsum de ma thag tu drubs pa zhig par 'gyur ro/ /drug tu brtsi ba la gong ma gnyis kyi steng du 'di gsum gyis bsnan te lnga/ dbyung ba la yid gnyis kyang bcad pa bzhin no/ /drubs pa bting ba'i tshe gud du song ste drubs pa dral lam mi dral ba dang chos gos kyi phyir 'gro'am mi 'gro the tshom za bzhin du song ba ni mtshams 'das ma thag tu drubs pa zhig par 'gyur ro// drubs pa bdag gis phyung ba ni 'di dang drug /las gzhan gyi bya ba mi bya'o/ /dge 'dun drubs pa 'byin pa ni dge 'dun dang chos gos su bcas par mtshams kyi phyi rol du dong ba dang chos gos bzhag ste dge 'dun zad par mtshams kyi phyi rol du dong pa dang rnam gnyis ni drubs pa phyung bar ni 'gyur mod kyi/dge 'dun la nyes byas su 'gyur bas de ltar mi bya'i mtshams kyi nang du gsol ba dang zhu bas drubs par dbyung ngo / / 'di ni gzhan la bcol te drubs pa sgyu ma phyung ba zhes bya'o/ /dpyid zla ra ba'i dus la'o/ /gding ba drubs pa'i dbyung ba ni dpyid zla ra ba'i nya la bya'o/ /mdo bzhin pa'o/ /dpyid zla ra ba'i nya ni lo snga ma'am phyi ma la mi bya'i tshul nas byung ba'i drubs pa zla ba lngar bsrungs ba'i rjes bzhin pa'i dpyid zla ra ba'i nya la bya'o//bcom pa'i phyir na tshun chad du yang ngo / /drubs pa bting ba'i tshe dge slong kha cig rkun po'am chom po phyung ste gos med pa'i rkyen byung ste drubs pa dus las sngar phyung ste gos dgos pa na nyes med do/ /'dir ma myong ba ni thos kyi bar du yon tan rjes su 'jug go /mdo ltag ma ltar dge slong kha cig gis gding ba drubs pa phyung la dge slong gud du dong ba kha cig gis drubs pa phyung bar ma tshor zhing ma thos na gos sngags kyis ma thebs pa la sogs pa yod na yon tan bcu'i nyes pa thob kyi bar du med do/ /rgyun med na'o//drubs pa phyung bar thos kyang bdag gi chos gos ma zin te 'tshem pa la sogs pa las rgyun ma chad par byed pa ni zin gyi bar du sngags ma thebs kyang nyes med do/ /rgyun chad kyi bar du/ drubs pa phyung bar thos nas chos gos kyi rgyu zhig lag tu thob ste stor ba rnyed du re ba las bye brag phye ste ma rnyed pa dang chos gos rnyed nas sngags kyis ma btab pa ni nyes byas par 'gyur ro//ma phyung gi bar du thams cad kyis de'i dus kyi bar du mi bgo/ /chom po rkun po la sogs pa'i rkyen byung ste gos med par ma gyur gyi par du gding ba 'byin pa'i dus las sngar gding ba phyung zhing rnyed pa'i yon la sogs pa bgo bar mi bya'o//drubs pa'i dngos po'o/ /ci ltar byung nas gding / drubs pa gding ba'i dus ni rgyal po dang skar mkhan kyis shol bor byas kyang de brtsan par mi bya'i zla grangs dang zhag grangs rim bzhin du brtsis te drub bo//tshul du 'jug pa ni skar mkhan gyis shol bor ba bzhin du bya'o/ /gso sbyong dang mi nye ba ma yin/ gding ba drubs pa ni tshul nas byung ba nyid gso sbyong byas pa yin pas tshul nas byung nas zhag gcig lon te gding ba drub bo/ /dge slong 'thab mo pa 'ong par thos nas zhag dus las sngar tshul nas byung ba ni gding ba de'i rjes la mi drubs kyi dus bzhin du ston zla 'bring po tshes bco lnga la gso sbyong yang byas la bcu drug la gding ba drub par bya'o//dbyung ba na yang ngo / /gding ba dbyung ba yang gso sbyong byas pa'i 'og tu gding ba dbyung ngo //de nyid kyi nyi ma la'o / /gso sbyong byas nas gding ba dbyung ba ni dpyid zla ra ba'i tshes bco lnga la snga dro gso sbyong byas la phyi dro gding ba dbyung ngo / /yang gso sbyong byas na byung ba bzhin/ tshul nas 'byung ba'i tshe na gso sbyong mi dgos te tshul nas byung ba nyid gso sbyong byas pa yin no//de la tshul nas byung ba dang drubs pa gding ba'i las byas zin pa'i 'og tu gud nas dge slong dag gcig 'ongs te zhag grangs 'khrul gyi gdod bya dgos so zhes zer na dge slong phyis 'ongs pa grangs mang na de brtsan par bya dgos te tshul nas 'byung ba dang drubs pa gding ba gdod blas te bya dgos so//bting nas byed na de tha dad du grub bo/ /bting ba drubs zin pa'i 'og tu dge slong kha cig log pa la bstan na yon tan bcu dang rnyed pa'i yon skal ni dbang ste 'og nas kyang 'chad/ drubs pa dbyung ba ni dge ba la phyogs pa'i dge slong gos sngar phyung la de'i 'og tu mi dge ba la bltas pa dbyung ngo //gcig gis phyung gcig gis ma phyung na phyung bar mi chud do/ /chos su smra ba de dag gis gding ngo / /gding ba ma drubs pa'i mdun du dge slong kha cig log pa la bltas nas dge ba la phyogs pa'i dge slong nyi tshes gding ba drub po/yon tan dang rnyed pa'i yon skal mi dge ba la phyogs pas mi thob bo/ /de byed na'ang gnas de dag gis rnyed pa ni de dag gis rims so/ /mdo ltag ma'i ltag ma la 'chad do/ /dge bar lta ba mthun zhing gding ba drub pa las de'i 'og tu kha cig mi dge ba la phyogs pa zhig yod na gding ba gcig tu drubs pa'i phyir yon tan bcu dang rnyed pa'i yon skal mi dge ba la phyogs pa'ang dbang ngo //gtsug lag khang dang dge 'dun gyi rkyen gtan du phul zhing rgyun du sbyong ba las mi dbang ngo / /spangs pa rang bzhin pa'i gnas su skye ba ma yin no/ /dge slong ma'i gnas su thon te chad pas bcad pa dang sangs rgyas kyis gsungs pa la bar du gcod par mi 'gyur ro zhes zer ba la sogs pa ni thal byung bskrad pa ni ma yin gyi mtshams kyi nang mtha' 'khob gcig tu 'khod pa las chad pa dang med pa dang chad pas bcad pa de gnyis ka dge 'dun du longs pa zhig ste gding ba so so drubs pa'ang chad pa yod pa rnams kyis yon tan bcu dang rnyed pa mi 'thob bo//bsam pa bzhag nas gding ba'o/ /gding ba drub pa'i tshe gding ba drub par yang 'dod la yon tan bcu'ang 'dod de dad par byas nas gding ba drubs pa ni gding ba drubs pa thob par 'gyur ro//dad pa byin pa'i dbang gis lhan cig bya ba ltag ma nas byas par 'gyur ro/ /gding ba 'drub pa'i tshe dad pa phul na 'dus pa dang 'dra ste las su yang rung yon tan bcu dang rnyed pa'i skal ba'ang dbang ngo / /de las 'phral na phyung ba'o/ /gding ba drub pa'i tshe na yon tan bcu'ang ci rung gis mi dgos//gding ba drub pa'ang mi dgos snyam du sems shing gdod drub pa ni gang zag de nyid drubs par mi chud de drubs pa phyung bar 'gyur ro/ /de bas na dad pa ma byin pa nyal lam bsam gtan du zhugs shing 'dug na gding ba'am dbyung ba mi skye ste brnyan tshun chad du'o//gding ba 'drub pa la dad pa ma byin par bsam gtan du zhugs sam gnyid log pa las sngags byed pa'i go rims su babs te bslang ba dang gding ba drub pa la dad pa ni gding ba drubs pa thob bo/ /gding ba drub pa dang yon tan ci dgos zhes ma dad pa'i sems skyes nas drubs pa bdag gis byung ba zhes bya ste/drubs par mi chud do/ /gnas pa bzhin du mtshams gcig tu gding ste gnas gzhan du gnas na'o/ /mtshams chen po dpag tshad phyed dang gsum tshun chad kyis bskor ba'i nang gtsug lag khang so sor 'dug pa mang mo zhig yod de gding ba 'drub pa'i tshe gtsug lag khang de kun gyi gding ba gtsug lag khang gcig tu drubs na drubs par chud de nyes med do//gding ba'i tshe gnas de bzhin no/ /gtsug lag khang mang mo zhig so so na 'dug la so so'i mtshams bcad pa med kyang rung yod kyang rung gding ba 'drub pa'i tshe mtshams bkrol te spyi'i mtshams gcig tu bcad la drubs pa'ang nyes med do//gang du bting nas mtshams byas kyang gnas so/ /mtshams gcig gi nang nas gtsug lag khang so sor 'dug pa zhig gding ba gcig tu drubs pa'i 'og tu spyi'i mtshams chen po bkrol te mtshams bu chung so sor bcad na'ang yon tan bcu dang rnyed pa'i yon skal med par ma gyur te kun gyis thob bo//mtshams so sor de bzhin du dbyung ba ni sos so/ /mdo ltag ma ltar gding ba so sor drubs pa'i 'og tu mtshams bu chung so sor bcad pa drubs 'byin pa ni 'dul ba 'dzin pa kha cig na re drubs pa'i chos gos de mtshams bu chung so so'i steng du khyer la drubs dbyung ngo zhes zer ba kha cig ni kun 'dus te gang du drubs pa'i gnas der gding ngo zhes zer ro//byed na phyogs so sor ro//tshul yang gcig tu zhugs drubs pa yang gcig tu bting ba las gcig log par bltas te dge ba la phyogs pa dang so sor gyur na'ang yon tan bcu dang rnyed pa'i yon skal yod do/ /ma bting bas bting ba phyung na yang ma phyung ba ma yin no/ /drubs pa byin pa'i khar dge slong gzhi la 'khod pa gud du dong ba'i 'og tu drub pa bting ba'i dge slong la ma gtogs pa'i dge slong dag cig gud nas 'ongs te drubs pa phyung na'ang las su rung ste dge slong bzhi pa kun kyang drubs pa byung bar 'gyur ro//mi skye ba dag gis ni khams bskang ba ma yin no/ /ma bting bas phyung na'ang ma yin no//drub pa gding ba'i tshe na dge 'dun du longs pas 'drub la drubs pa 'byin pa'i tshe na dge slong kha cig shi'am khrims phul lam gud du dong ste dge 'dun du ma longs na dge slong gud nas bkug la dge 'dun du longs par byas la drub par dbyung ngo //nyes med pa ni bting ba drubs nas sbyar ma med par grong du 'jug pa la sogs te mngon sum du 'dug pas yang ngo / /drubs pa bting ba'i tshe yon tan bcu thob pa la ltag ya gir brgyad smos zin te/ grong du chos gos chen po med par 'gro ba dang / khyim pa'i drung du chos gos chen po med par 'gro ba dang 'di gnyis kyis bsnan te bcur brtsi'o//drubs pa'i dngos po ste dris par chud pa'o/ /drubs pa'i dngos po rdzogs so// //mtshon gyis ma btab par gos mi spyad chos gos gsum dang yo byad bcu gsum dang gos lhag ma la sogs pa ni gos zhes bya ste khab dang gri la sogs pa'i mtshon gyis ma bcad cing ma dras par mi bgo mi spyad do//dras shing btsems pa'i chos gos bsngo / chos gos chen po dang gding ba ni mtshon gyis ma bcad na bsngo ba mi 'chags te ji ltar dra zhing btsem pa 'og nas 'chad do/ /dum bur dras pa lhag ma dang mnyam par ste dbu ma las gzhan pa de dang der gtags pa'i 'dab ma'i ngos dang mtha' skor yang ngo //chos gos dras shing btsem pa'i thabs ni 'di ltar bya ste/ mdor na chos gos nyid la bltas na brda phrad par 'gyur ro/ /nang du gnas pa dang bla gab dang sbyar ma yang ngo //chos gos snam bu lnga pa dang bdun pa gnyis ni mtshon gyis ma bcad kyang rung chos gos chen po ni ma bcad na mi rung ste sngags mi 'chags so/ /gnyis ni sngags ni 'chags te nyes byas so/ /bar tshangs can dang rngul gzan yang ngo / /mdo ltag ma'i nang nas chos gos gsum bshad pa ni dge slong dbang ba yin de'i steng du rngul gzan dang bar tshangs can gnyis kyis bsnan te lnga ni dge slong ma'i chos gos su dbang ngo //gang de'i rnam pas dge slong ma'i'o/ /dge slong pha'i chos gos gsum bshad pa bzhin du dge slong mas kyang dra zhing btsem mo//bar tshangs can dang rdul gzan ni ma dras kyang rung / brnyas pa byung ba yod na yang ngo / /chos gos med dam rkun pos khyer bar gyur na gzhan las brnyas te bdag gis sngags kyis btab na'ang rung ngo / /skya rengs 'byung bar 'di dag dang bral bar mi bya'o//chos gos rkun pos khyer ram mes tshig na skya rengs ma byung tshun chad du gzhan la brnyas te sngags kyis thobs shig /sngags kyang ma thebs te skya rengs byung na nyes byas re rer 'gyur ro/ /gzhan ma 'byor na ma bcos pa la bsngos kyang skye'o/ /chos gos rkun pos khyer ram mes tshig pa'i rkyen byung ste chos gos med cing ma rnyed na ma dras shing ma drubs pa la sngags btab kyang 'chags so//ma dras kyang ngo / /rkyen byung ste chos gos ma rnyed na gsum char snam bur byas shing ma dras pa la sngags btab kyang 'chags so/ /'on te 'grub na bres pa 'di sbyin/chos gos rkyen byung ste ma rnyed na tshal bu gud nas steng du glan pa'ang sngags 'chags so/ /khyim pa'i rnam pa yang ngo / /chos gos rkyen byung nas mi rnyed par gyur te mi rnyed na khyim pa'i gos shig la sngags btab na 'chags so/ /phying pa dang la ba dang be'u ras dang snam bu sbom po dang srab mo ma dras par bre ba byin te btsems na yang ngo //chos gos rkun pos khyer ram mes tshig pa'i rkyen cig byung ste ma rnyed na ming gis smos pa 'di rnams la snam bu gun nas byos te btsems te sngags btab na'ang 'chags so/ /mal stan mi gtsang pas reg par gyur na de ma thag tu bkru'o//mal stan dge 'dun gyi'am rung gang zag gi yang rung bshang gci la sogs pa mi gtsang bas reg na mod la bkru ma bkrus na nyes byas/ g.yogs ma'i yin pa'i khri dang khri'u la de'i ma yin pa'i gding ba dang 'dug pa'i bar du bgo ba'i nang du ma yin par dge 'dun gyi de dag mi spyad/dge 'dun gyi khri dang khri'u shal rtsub pa rtsub cing tsha ba'i phyir ma smos kyang gding ba byed par 'gyur bas de ni ma gtegs kyi dge 'dun gyi mal stan la gding ba'am 'dab mas ma g.yogs par mthang gis reg pa bting zhing spyad na nyes byas/ bris pa rab tu ma zhig pa thams cad la yang ngo / /stan dang gos ri mo can khra bor 'dug pa la ri mo med par ma gyur tam gzhan gyis ma g.yogs par spyad na nyes byas/ brtags par gyur pa'am dri ma can gyis ma yin/ gding ba mtshan ma tsam du chung ngus byas pa dang dri ma dang snum can la sogs pas gding ba byas na nyes byas/gding ba bcang / gding ba bcang kyang nyes med/ stug na rim gcig kyang rigs so/ /gding ba stug po la byas na gcig rim du byas kyang rung ngo / /srab na nyis rim du bya'o/ /gding ba srab mo zhig na nyis rim du byos shig ri mo dang nye ba'i ri mo ma brtags pa'o//za bu dang phrug stan dang ri mo can la gding ba byas na nyes byas/ gding ba la 'dab ma'i ngos bya/ gding ba la tshal bu byas na gding bar mi chud de nyes byas/ 'og tu sum cha'i steng du'o/ /tshal bu bya ba ni chur gsum cha sum gnyis su bcad de srubs gdod/dum bu gcig pa la mi bsngo/ gding ba srubs ma btod par thang pa la byas na sngags mi 'chags/ g.yan pa dgab de yod pas bcangs/ g.yan pa yod pas g.yan pa dgab pa bcangs kyang nyes med/ nyi ma lnga drug cing 'di bkru'o/ / g.yan pa dgab pa'i ras nyi ma lnga drug cing bkru'o/ / brtags pa ni srin bal gyi dang sha na ka dang gsho ma ka'i yang ngo / /ming gis smos pa 'di rnams ni dge slong gis gos su brtags kyang nyes med/ rgyu spun med pa dang gso ma'i ma yin/ gso ma'i ras dang mtho ris kyi gos ni ma brtags pa ste mi spyad do//skra'i dang sgren mo'am 'ug pa'i sgro zhes yi dam bcas pa yang ngo / /skra'i gos gyon pa dang sgren mor 'dug pa dang sgro las gos byas pa dang 'di rnams gyon cing byed na nyes byas so/ /'di sbom pa'o/ /lhag ma gsum ltar byed cing mur 'dug gi dka' thub spyod na sbom/'di las gzhan spyod pa yang ngo / /skra'i gos gyon pa dang gcer bur 'dug pa dang bya sgro'i gos byas pa la mur 'dug gi dka' thub spyod pa la ni mi sems kyi 'da' skad cig tsam byas pa ni nyes byas/ skra btog pa dang / bdag gi skra lag gis 'bal ba dang /'dab ma'i snam bu dang / shing lo'i 'dab ma las gos byas pa dang / ri dwags kyi pags pa dang / pags pa'o cog las gos byas te gyon pa dang / bla dang 'og tu bcas pa/ gos 'og tu gcig gyon steng du gcig gyon pa chog par sems pa dang / di ri ta dang / thod kar dang 'gro ba'i gos gyon pa dang / yan lag spu can dang / lag 'brag dang zhu lbug ge lta bu sbu'u can dang / thams cad sngon pos bgo ba dang / gos thams cad sngon por gyon pa dang de bzhin ser po'am dmar po 'ba' zhig la byas na nyes byas so/ /kha tshar ring po dang kha tshar blas pa dang ral ga dang gtsug tor dang mgo dkris pa dang rnga mo'i gos dang phyar ba dang mur 'dug gi rgyal mtshan dang yang ngo //ming gis smos pa 'di rnams mur 'dug dka' thub bya ba'i sems yod na'ang sbom po'o/ /dka' thub bya ba'i sems med par bgos na nyes byas/ su la sa'i 'dab mar cog pa dang me mar gyi ras tsam yang mnyam par bgo'o//yon bdag gis yon phul na zar ma'i 'dab ma tsam mam me mar gyi ras tsam yin na de mnyam par bgo /la ba dang de lta na ni btsongs te'o/ /la ba la sogs pa zhig phul pa ni btsongs te rin bgo'o/ / dras te ma yin no/ /la ba dras na rdzas su mi rung ba'i phyir btsongs te bgo /rnyed pa bgo bar bya ba rnam lnga ste/ yon zhig rnyed na bgo ba la thabs rnam lnga yod de 'og nas 'chad/ de ring rnyed pa bgos de la khyed 'du bar gyis shig ces dge 'dun la brjod/ gtsug lag khang sbyong gis de ring spyi'i yon bgos gshegs shig ces bgos/rnam pa gcig gaN+DI brdungs pa dang gaN+DI brdungs pa la bgo ba dang / tshul shing brim pa dang / zad par tshul shing brims te tshul shing la bgrangs pa dang / bgrang ba yang ngo / /grangs nyid du khas bgrangs te bgo ba dang /so so'i skal ba brim pa yang ngo / /gong du ming gis smos pa ltar bgrangs nas bgrang du yod pa dang nor du sbyar te skal ba so sor mnyam par bgo /byed pa'i tshe mtha' tshun chad 'ongs na'ang dbang ngo / /yon lhag ma rnam lnga ltar 'god pa'i tshe dge slong zhig gud nas 'ongs na skal ba dbang ngo //dge slong sum gnyis tsam nor lag tu thob lhag ma 'god cing 'khod pa la dge slong gcig gud nas 'ongs na thams cad slar bsdus te bgo zin nas ma yin no/ /nor bgos zin pa'i 'og tu 'ongs pa'i skal ba mi 'thob bo/ /rnyed pa chung yang 'di bzhin no//yon chung ngu zhig rnyed kyang dge slong phyis 'ongs pa dbang ngo / /thob pa byed par gtogs pa song yang mi'i rigs pa ma yin no/ /yon bdag gis rtag tu dge slong so sor thang bcad de 'bul ba las dge slong tshul bsrungs pa zhig gud du song bar gyur na'ang de'i skal ba thang bzhin du dbang ngo //de bas na 'gro na longs shig ces bsgo'o/ /mdo ltag ma ltar skal ba dbang ba las gud du 'gro na'ang bdag mi 'dod de dge 'dun la phul kyang nyes med/ 'dod na'ang mkhan po dang grogs po la len par bcol te zhog shig /dam bcas pa las ma blangs na'ang sbyin du gzhug /mdo ltag ma ltar nor len du bcol ba las khas blangs pa las phyis ma blangs na skal ba ci dbang ba'am skyin pa de la dbab bo / /dong tse lnga yan chad thob pa chung ngu las so/ /mdo ltag ma ltar skyin pa blang pa ni pa na lnga yan chad kyi rin ni blang gi lnga las nyung ba man chad kyi rin ni mi cog go /ma smras par mi blang / dge slong grogs kyis long shig ma smras par mi blang mkhan po dang slob dpon gyis blang / mkhan po dang slob dpon gyis ni slob ma'i yon skal long shig ces ma bsgo'ang blang / snying gcugs pa'i gnas kyi phyir kyang ngo //grogs po mdza' bo dang mkhan po dang slob dpon gyi ni skal pa long shig par ma bsgo bar blangs kyang nyes med do/ /bdag gi phyogs ma yin pa'i phyir ma yin no/ /mkhan po'ang rung slob ma'ang rung mi dge ba dang log pa la bltas pa'i skal ba mi mnod do//mal stan kyang de bzhin du'o/ /mkhan po slob dpon gyi mal stan ma bsgo bar blangs kyang nyes med/ slob dpon dang mdza' bo'ang de bzhin no/ /zas kyang ngo / /mkhan po dang slob dpon dang mdza' bo'i zan skal mnod kyang nyes med do//gzhan gyi phyir len na pha rol po chud par bya'o/ /mkhan po dang slob dpon dang mdza' bo'i yon skal dang mal cha dang zas nod pa'i tshe gzhan la shes par dpang btsugs te mnod do/ /mi 'thob pa las gtogs zhes ma yin no/ /dge 'dun gyi nang du ma gtogs shing zan skal mi thob par 'thob po zhes zer zhing mnod na nyes byas/za ba'i tshe sbom po/ dris pa rin thang tshang la rku sems dang ldan na pham mo/ /rigs pa ni gcig pa la 'thob pa rab tu mang yang ma btsud pa'i phyir ma yin no/ /gtsug lag khang gcig na dge slong gcig pu 'dug pa las yon bdag dad pas yon mang zhig phul na dge slong gcig pu des khyer yang nyes med/mi rigs pa ni chos ma yin pa'i skyabs su ltung ste bye ba dge 'dun gyis 'thob pa las so/ /dge slong sems log pa la bltas shing phyogs te/ tshul dge ba 'dra bar bsrung zhing 'dug pa ni dge 'dun gyi yon las mi 'thob bo//ring du gnas na de'i tshe gnas thob la'o/ /dge slong tshul du zhugs pa ni tshul dral kyang zhag bzhi bcu rtsa lnga phan chad cig lon na yon skal 'thob bo/ /dri'am log gam shi yang ngo / /tshul du zhugs pa la khrims phul yang rung khrims phul ba las slar byig gshur zhugs kyang rung shi ste nor skal byin cig ces khas chems bzhag kyang rung ste tshul zhag bzhi bcu lnga bsrungs na skal ba 'thob bo//'thab pa ji ltar bsngos pa'i tshul bzhin du'o/ /yon bdag gis gtsug lag khang dang dge 'dun la sogs pa ming gis so sor bsngos te phul na bsngos pa bzhin du gzhi gzhan du mi spyod do//'thob pa yang ngo / /dge 'dun grangs las ma gtogs par gud nas 'ongs pa zhig yod na gsol thang dang zan thang bcad de phul ba las khong thog tu dad pa byin na'ang nyes med/ slong ba'i grong bsgos kyang nyes med do//rgyas par 'grub pa yang ngo / /mtshams gcig gi nang na dge 'dun mang zhing gnas pa las kha cig chos log pa la phyogs pas gong sde gnyis su bcad de so sor bsod snyoms dang yon len par bsngos pa las chos ma yin pa la phyogs pa'i grong nas spyir yon 'bul du 'ongs nas chos ma yin pa la phyogs dbang chos la phyogs pa'ang de dang 'dra/dge 'dun gyi phyir chad pa las kyi mtshams kyis gcod do/ /de bzhin du 'dir gcig pa la sogs pa'o/ /gtsug lag khang gcig gi nang na dge slong mang zhig gnas gnas pa las gzhan thams cad gtsug lag khang btang ste yan man du 'dong pa'i 'og tu gtsug lag khang der dge 'dun spyir yon zhig phul na gtsug lag khang de na gnas pa'i dge slong de su yod pa dbang ngo //chos kyi rnyed pa de'i smra ba dag gi skal ba yang ngo / /d+harma la yon zhig phul na d+harma klog klog pa'i dge slong dbang ngo //'di'i mtha' ni zhal nas gsungs pa'i tshigs su bcad pa gcig 'dzin pa'o/ /ltag ma ltar d+harma klog klog pa'i yon dbang ba'i dge slong ni zhal nas gsungs pa'i tshigs su bcad pa gcig gi kha thon du klog cing 'dzin nus pas kyang d+harma la phul ba'i yon blangs kyang nyes med do//shi ba'i yo byad la mi rigs pa ni mtshan tha dad pa dang gzhan 'god pa'o/ /mtshams gcig gi nang gi dge 'dun las dge slong gcig shi na de'i yo byad dang nor mtshams tha dad pa'i dge slong ma dang de ba dat+ta'i sde lta bu dang de rnams ni mi dbang gi mtshams gcig gi dge 'dun nyi tshe dbang ngo //spangs pa yang de bzhin no/ /ltag ma'i ltar dge slong shi ba'i nor las mtshams gcig gi nang nas dge slong 'ga' zhig bskrad na des kyang shi ba'i nor la mi dbang ngo / /mi 'khor kyang ngo / /mtshan ma las sems ma log kyang ngo //mtshams gcig gi nang na dge slong gnyis sam gsum zhig 'khod 'khod pa las kun shi ste med na dge slong gcig cig lus shing bsnams kun gyi nor ma shi dge slong ma shi ba gcig pu de dbang ngo / /zad par shi na gtsug lag khang de'i nye 'khor na dge slong spangs pa 'ba' zhig 'dug pa de'i yid la snga ma'i mtshan ma btang na dbang ngo //mtshan ma ma btang na de'i nye 'khor na'ang dge slong ma su yod pa dbang ngo / /de'i blang ba yod pa la ni tha dad pa ma yin no/ /spangs pa'i dge slong zhig shi na de'i yo byad dang nor ni dge 'dun dbang ngo //dge 'dun de'i nang na chad pa gzhan zhig yod na des ni mi 'thob bo/ /bye ba dang ni tha dad do/ /dge 'dun zhig la dge mi dge sde gnyis su bcad de'i nang nas 'ga' zhig dge ba la phyogs pa las shi na dge ba'i dge 'dun dbang ngo / /mi dge ba shi na mi dge ba'i dge 'dun dbang ngo //rab tu byung ba tshangs pa mtshungs par spyod pa las gzhan mi dbang ngo / /dge slong gi rab tu byung ba'i nang nas 'ga' zhig shi na de'i nor dang yo byad mur 'dug dang rgyal po ma gtogs te dge slong gi dge 'dun dbang ngo / /gsol bas bsngos te thob pa la ma yin no//dge slong shi ba'i nor la dge 'dun gyi gsol ba dang zhu ba'i las kyi sngags kyis rtog pa las dge slong 'ga' zhig mtshams kyi phyi rol du song na mi dbang ngo / /dge 'dun gyi las shig la song na brtag pa ma slebs kyang dbang ngo / /gsol ba dang zhu ba'i las dge slong 'gron pos kyang dbang ngo //thog ma dang tha ma yang ngo / /thog ma dang tha ma zhes bya ba ni mdo 'og nas 'chad pa yin no/ /de las 'ga' tsam dge 'dun las rgan po dang gsar bu byin na'o zhes der gsungs so/ /dge slong shi ba'i nor las gnas brtan gcig dang tse lu tha ma na 'dug pa gcig dang gnyis la sman tam nor chung shas yan chad ci'ang rung ste sna re zhig byin na mtshams des chod pas na phyi nas 'ong ba mi dbang ngo //gang nas bsngo ba yod pa de'i mtshams kyi nang du bsngos pa'o/ /dge slong gcig cig gi nor gtsug lag khang gzhan zhig na gtams te bzhag pa las dge slong de shi bar gyur na dge slong de gnas gnas pa'i dge slong mi dbang gi nor gang na gzhag gzhag pa'i dge 'dun gyis gsol ba dang zhu ba'i las kyis brtags na gos 'dug 'dug pa'i dge 'dun de rnams dbang ngo //'di shi ba'i gnas su zhes pa'i phyir ma yin no//ltag ma ltar dge slong shi ba'i nor dge 'dun grogs po na re nor bzhag pa'i mtshams mi brtsan gyi dge slong nyid nged kyi mtshams su shi ba yin gyis nor nged dbang gis byin cig ces zer zhing len du mi dbang ngo / /mtshams kyi bar na 'dug pa lus la chags pa'am gzhan yang ji snyed du chud pa de gtogs so//gtsug lag khang du ma zhig gi bar na dge slong gcig shi na gtsug lag khang dang nye ba'i dge 'dun dge slong shi ba de'i nor dbang ngo / /nye ring med na lus gang ni mgo gang logs su lta ba'i dge 'dun dbang ngo / /lus dang bral bar 'dug pa'i nor ni ro nas gtsug lag khang gi phyogs na 'dug pa'i dge 'dun de dbang ngo //gtams pa la na de'i yo byad gang na'ang rung ste der chud do/ /dge slong shi ba'i nor khyim pa la gtams pa zhig yod na khyim pa de dang gang gi dge 'dun dang phrad cing zin pa de'i dge slong dbang ba la'ang bya/khyim pa de dang dge 'dun du nye ba'i dge 'dun dbang pa la'ang bya/ gtams pas dngos po gzhan du gzhag pa bsngo'o/ /dge slong shi ba'i rdzas khyim pa la gtams pa las khyim pa de lha khang du 'ongs kyang rung bkug kyang rung ste mngon sum du 'phrad de bsgom na nor bgo ba'i sngags byas pa yin te dge 'dun gzhan mi dbang ngo //bskur ba las byin pas ma spangs na de'i yin no/ /dge slong gcig la nor zhig bskur pa las nor 'ongs te mi 'dod ces ma byas par dge slong de shi na nor de shi ba'i phyogs kyi dge 'dun dbang ngo / /spangs na bskur ba'i'o//mdo ltag ma ltar nor bskur te 'ongs pa las mi 'dod ces bya ba'i 'og tu shi na thog ma bskur bskur ba'i dge slong de dbang ngo / /des spangs kyang ngo / /mdo ltag ma ltar mi 'dod ces byas te slar bskur ba las thog ma bskur bskur ba'i dge slong de'ang mi 'dod ces zer na de brtsan te dge slong de dbang ngo //phyi rol la mtshams kyi nang du 'du shes te gcig pos bsngos te mi skye'o/ /dge slong shi ba'i nor la 'god pa la mtshams kyi nang de dge slong kun la dad pa ma dris shing ma bsdus par dge slong kha cig gis khyad par bgo ba'i sngags byas pa dang mtshams kyi phyi rol tu bgo ba'i sngags byas par mi chud de mi rung ngo //dbyung ba dang nan tan dang chos gos bstan pa dang sbyin pa'i gshegs pa ma byas par mi bsngo'o/ /dge slong shi ba'i ro sgor ma phyung ngam ma bsregs sam ma sbas sam chur ma bskur ba'i shi ba'i nor mi bgo /shi ba'i ro sbas zin nas bgo ba'i sngags byas te gdod shi ba'i nor bgo'o/ /lhung bzed dang chos gos khyim gnas kyi khyim du na khyim bdag gang gis byin pa dbang ngo / /lhung bzed dang chos gos khyim pa la gtams pa las dge slong shi ste khyim pa des khyer te 'ongs na dge slong su dang 'phrad pa blangs te khyer yang nyes med do//gtams shing 'dug pa thos na bdag gis blangs te khyer yang nyes med do/ /de ste rigs na'o/ /mdo ltag ma ltar khyer kyang nyes med pa ni dge slong ma dang chad pa yod pa'i dge slong ni mi dbang ste blang bar mi rigs so//phongs te des so/ /mdo ltag ma ltar blangs kyang nyes med pa ni dge slong phongs shing mi bdog pas blangs shing khyer yang nyes med do/ /mi ster ba la blangs pas so/ /dge slong shi ba'i nor khyim pa la gtams shing 'dug pa las dge slong phongs pas blangs te byin na ni nyes med do//mi ster bzhin du mthus blangs na nyes byas/ rim gyis na thog ma'i'o/ /shi ba'i nor gtams shing 'dug pa len du dbang ba dge slong ma zhig len du 'ongs te kha 'dom na kha gang snga ba dbang ngo / /med dam ma bsngos par bor na song ba'i'o/ /dge slong shi ba'i nor khyim pa la gtams shing 'dug pa khyim pas bor zhing 'dug pa la dge slong gis mthong na bdag phongs na bdag gis khyer cig /ma phongs na ma len cig /dge 'dun spyir dbul bar bsams te blangs pa ni nyes med do/ /de bzhin rims su'o/ /mdo ltag ma ltar dge slong shi ba'i nor la dge slong phongs pa mang zhing 'dod de len na gang mgyogs pa dbang ngo //nor chags par gyur na de la btang ba shi ba'i yo byad las de'i tshad du sbyin/ dge slong shi ba de la gzhan gyi bu lon chags pa zhig yod na shi ba'i nor las ci chags pa byin la lhag ma las bgo /bgos kyang ngo / /shi ba'i nor bgos zin pa'i 'og tu shi ba la bu lon chags te ded du 'ongs na yang bgos pa kun slar bsdus te ci chags pa sbyin no/ /gang de dang lhan cig tu 'thams pa de la sbyin na ma blang / dge slong shi ba de dang khyim pa zhig tu 'thams te khyim pa'i nor ni sngar blangs kyi rin ma byin pa zhig yod na'ang 'thams pa'i tshig bzhin du rin bcal zhing sbyin no//rin bcal du med na'ang kho'i nor dngos slar sbyin no/ /des ni ma yin no/ /dge slong shi ba da las shig byed du bcug ste slas sbyin par byas pa zhig yod na'ang shi ba dang 'thams pa bzhin du gla sbyin nor dngos kyang blang ngo //'di tshangs pa mtshungs par spyod pa la chags par mi 'gyur / dge slong shi ba la gzhan gyi bu lon zhig chags te shi ba'i nor kun bcal kyang ma 'khor ba ni ma 'khor du zad tshangs par byin kyang nyes med do/ /dkon mchog gi blangs te yod na de ji rnyed pa de rnyed las sar pa las bsnyams te bgo /dge slong shi ba de la gzhan zhig gis zong phog ste las byed du bcug pa las ma byas sam rkyen chad du lus na yang shi ba'i nor las ci chog pa spangs te gzhag pa la lhag ma bgo /nad pa'i g.yog dang bcas na de 'thob pa'i yo byad drug la mi bsngo//dge slong shi ba'i nad g.yog byed byed pa ni shi ba'i nor bgo ba'i skal ba la ma gtogs par chos gos gsum dang lhung bzed dang chu tshags dang gding ba drug dbang ngo / /rab dang 'bring dang mtha' mar bcas pa'o/ /dge slong shi ba de la chos gos dang lhung bzed dang gding ba mang po zhig yod na thams cad bzang po las mi dbang ste bzang ngan spel la pham rgyal med par drug sbyin no//du ma na de'i spyi'o/ /nad g.yog mang po zhig yod na'ang grangs mang du lhag par mi dbang gi drug las spyir bgo'o/ / nad pa shi nas de'i phyir song na sbyin/ nad pa shi ba'i tshe nad g.yog rang don la mtshams kyi phyi rol du 'phyan du song na yo byad drug dang shi ba'i nor skal la mi dbang ngo / /nad pa'i don la song ba ni dbang ngo / /'di la shi ba'i nor mi rigs so/ /de nad g.yog dge slong ma dang dge slong chad pa bcad pa zhig byed byed pa ni yo byad drug las mi dbang ngo //gzhan tshul du zhugs pa la ma yin no/ /dge slong gtsug lag khang gzhan du tshul du zhugs pa zhig gis nad g.yog byas na'ang yo byad drug dang shi ba'i nor skal dbang ngo / /'di bsnyen par rdzogs pa thams cad la'ang rigs so//nad g.yog dge slong zhig byed byed na'ang shi ba'i nor skal la thang dge slong gi thang bzhin du dbang / yo byad drug kyang dbang ngo / /nad pas byin cig ces smras pa la phrin ji ltar smras pa ltar bya'o/ /dge slong shi ba des kha chems bzhag ste nor byin cig ces smras pa zhig yod pa las nad g.yog la sogs pas ma byin na nor 'god pa'i tshe smras la kha chems bzhin du so sor sbyin no//dbang med pa ni shi ba na 'di la shi ba dag gi nor sgrubs shig ce na'o/ /nad pa'i kha chems la nga shi na mi 'di nor 'di tsam zhig byin cig ces zer ba ni kha chems mi btsan te spyir bgo'o//kha chems ltag nas byung ba ni ma shi'ang sbyin par chad pa la bya/ 'di ni shi na gdod byin gyi ma shi na mi sbyin par byas pa la bya/ dbang ba ni khyim pa'i'o/ /khyim pa zhig shi ba'i nor dge 'dun dang dge slong la phul cig ces kha chems gzhag pa ni blangs kyang nyes med do//phul nas khyim pa shi na khye'u dang chung ma ni ci bder bya/ khyim pas nad pa'i kha chems kyis skyes pa dang bud med la sogs pa mi phul ba ni bkol du btang ngo / /ba lang dang rta dang rnga mo dang bong bu dang dre'u dang go cha dag rgyal po la phul /ming gis smos pa 'di rnams yon du phul ba ni rgyal po la sbyin no/ /mtshon cha ni mi sbyin no/ /gsum la dbyig dang gser dang gzhan dang byas pa dang ma byas pa'o/ /rin po che dag kyang ngo / /dbyig dang gser dang dngul la sogs pa rin po che phul ba ni sum cha gcig sangs rgyas la dbul/sum cha gcig chos la dbul/ sum cha gcig dge 'dun la dbul lo/ /rgyal po ma byin na pham par yang 'gyur ro/ /'on te gzhan yod dam de'i cha las lhag kyang ngam de ste ma yin kyang de bzhin du sangs rgyas la ni mu tig dag go/ khyim pas nor phul ba de la nor gzhan dang mu tig 'dres sam mu tig 'ba' zhig yod kyang rung ste rin thang brtsis te mu tig rnams ni sangs rgyas la dbul lo/ /ma phul na sbom por kyang 'gyur ro/ /tshon chen po yang ngo / /tshon chen po brgyad du gtogs pa zhig phul na'ang dge slong gis spyad du mi rung ba'i phyir sangs rgyas la dbul lo//btags te dri gtsang khang skyang nul byug /sangs rgyas la mu tig dang tshon chen po phul na bsres te btags la sangs rgyas kyi dri gtsang khang gi ri mo dang skyang nul du byug /de las gzhan sangs rgyas kyi ni gzugs dang dri gtsang khang dang mchod rten gyi yo byad du bsgo //nor bu rin po che la sogs pa ni sangs rgyas kyi sku gzugs kyi rgyan nam btsongs la gzugs dang mchod rten du brtsig /chos kyi ni sangs rgyas kyi tshig bri ba dang seng ge'i khri'o/ /chos kyi skal bar phul ba rnams ni chos kyi yi ge bri ba dang yi ge klag pa'i khri la sogs pa bya/theg pa ni gzugs la'o/ /khyogs dang shing rta la sogs pa phul ba'i yul bskor ba'i gzugs bzhag pa'i phyir sku gzugs la dbul lo/ /rgyal mtshan la de'i 'od ma dang yu ba dag de la rigs pa'o/ /shing ring po dang 'od ma phul ba ni 'phen shing dang rgyal mtshan gyi yu ba bya'o//gzhan dang lag cha dag ni dge 'dun la'o/ /shing thung ngu dang lag cha la sogs pa ni dge 'dun la dbul te spyi ltar spyad pa'i thabs ni 'og nas 'chad/ 'khar gsil dang khab dang mtshon du byas te de dag brim lcags sam/mtshon cha ni khab dang 'khar gsil dang gri la sogs pa bya ste dge 'dun la brim / gzhan dge 'dun gyi ni gzhag pa dang mchod rten dang bgo ba ci rigs pa'o / /dge 'dun la phul ba'i nor la kha cig ni gzhag kha cig ni so sor bgo /kha cig ni mchod rten dang 'di rnams gsum du sbyar te/gang bzhag cing bgo ba ni 'og nas 'chad/ zhing dang khyim dang tshong dus dang / mal stan dang mgar pa'i dang lcags kyi dang skra 'dreg gi dang / rdza mkhan gyi dang / shing mkhan gyi dang / re lde mkhan dag gi yo byad dang bran mo dang las byed pa dang /mi lhag ma dang / ba lang dang / ma he dang / ra lug dang / sman dang / sangs rgyas kyis bstan pa'i glegs bam dang / ming gis smos pa 'di rnams ni dge 'dun gyi spyir spyad cing bkol ba yin pas mi bgo bar gzhag go / myur du brim par ma bsgrub pa ni snga mar rigs so/ /khyim pa de gud du bu lon chags te dpang rgya phul nas dpang rgya 'di dos shig ces zer na'ang blangs te bzhag pa la bya/ ras yug chen dang re'u ras dang lham bol med dang / lham sgro gu can dang / yungs mar gyi 'brag dang /bum bu dang ril ba spyi lugs dang / ming gis smos pa 'di rnams ni 'phral du dgos te spyad pa la bya/ gzhan gyi glegs bam dang / mur 'dug gi yi ge tar ka dang byA ka ra Na la bya/ yi ge dang / sman dpyad kyi yi ge la'ang bya bu lon 'phral du khugs pa'i dpang rgya'ang bya/kha dog dag ni gos btsos pa'i tshon rtsi la bya/ gnyis su'o/ /gsum gyir ni 'bras dang nas dang / til dang bal sran dang dam pa ma yin pa 'bras dag ni zas dang skom du'o/ /ming gis smos pa 'di rnams ni mchod ston du bya zhing spyad do/ /gos kyi dngos po'o// // leb leb po dang leb leb po'i phyed du mnyam par bya/ chos gos kyi tshal bu ring thung du 'dug pa la ring po'i phyed kyi tshad du thung du bya'o/ /bcal ba'i phyir chag shing bcang / ka sha drub pa'i tshal bu bcal ba'i phyir chag shing bcangs kyang nyes med do / /'dab ma'i dngos po yang ngo //tshal bu snol ma chur 'gro ba dang zheng du 'gro ba dang tha ma bskor ba zheng tshad che chung ma khyer bar mnyam par bya/ de tsam du chag shing bcang / tshal bu'i zheng tshad kyi chag shing yang bcang / 'di'i mtha' ni rab tu chen sor bzhi'o/ /tshal bu'i sne snol du 'gro ba dang mtha' bskor ba'i zheng tshad ni sor bzhir bya'o//bya rog gi mtho yang ngo / /tshal bu'i zheng tshad bya rog gi rkang pa'i tshad du byas kyang rung / chung ngu ni phyed dang gsum pa'am mthe bo'i ngos so/ /tshal bu chung ngu phyed dang gsum dang tshon gang du byas kyang nyes med de zheng tshad/sa la gos mi gding / chos gos 'tshem pa'i tshe gzhi med par mi gding / gding ba de'i phyir bya/ chos gos sa la mi gzhag pa'i phyir gding ba bya/ shing gi'am smyig ma'i las gru bzhir ro/ /gding ba bya ba ni shing ngam smyig ma las gseg bya/ re lde dang spar las byas kyang rung / byas pa bcings pa'i phyir srad bu'i skabs kyi phyir de bu gu zhes so/ /chos kyi 'og tu gding ba gru bzhi la tha ma gru bzhir bu gu phug ste brgyangs la btsems kyang nyes med do/ /chos gos ci tsam par ro/ /chos gos kyi 'og tu gding ba bya ba'i tshad ni chos gos ji tsam pa dang mnyam par bya/mtshon gyis dra/ chos gos dra ba ni mtshon gyis dras kyang nyes med de bcang / gri bcangs kyang nyes med/ bya rog gi mchu lta bu'am bya gag gi sgro lta bur ro/ /gri'i gzugs ni 'di lta bu la bya/ lcags las gzhan ma yin/gri'i rgyu ni lcags las bya/ yu ba tshon gyis byugs pa ri mo dang nye ba'i ri mo can ma yin/ gri yu ba ri mo can du mi bya/ sor drug gi tshad las lhag pa ma yin/ gri'i lcags nyi tshe ba la sor drug las ring bar mi bya/ brgyad phan chad las ma yin no/ /'dul ba 'dzin pa kha cig na re gri'i lcags las sor brgyad tsam du bya'o zhes zer te gang ltar byas kyang nyes med/sor bzhi dang chung na dgos pa yang med/ gri'i lcags sor bzhi man chad du byas na spyad du mi mkho ba'i phyir mi bya/ ba lang gi lci bas byugs par btsem/ chos gos 'tshem pa'i tshe sa'i gzhi ba lang gi lci bas byugs pa'i steng du bya/lci ba med na btab byugs te'o/ /sa snga nas bskus pa med na 'phral la byugs te btsem/ de btsem/ chos gos dge slong gis btsems kyang nyes med/ khab kyis kyang ngo / /chos gos btsem pa ni khab kyis bya'o/ /de bcang /khab bcangs kyang nyes med/ ra gan dang zangs dang khar ba dang lcags kyis te gzhan ma yin no/ /khab bya ba'i rgyu ni 'di rnams las bya'o/ /zangs sam lcags rnon po zhes gzhan la'o / /'dul ba 'dzin pa kha cig na re zangs dang lcags gnyis las khab bya zhes zer te gang las byas kyang nyes med/de'i snod sbu bu'am chang ba bcang ba/ khab ral ni phying bu dang ras ma dang smyig ma las bya/ 'di g.yel ba dang dge sbyong la dbang du mi bya/ khab ral dang dge sbyong dang dge slong khrims la g.yel ba la chud za bar gyur pa'i phyir mi gzhag /sbrang rtsi'i tshigs mas byugs te khab kyi lcags btsas mi khyer ba'i phyir ras ma bzhag dbyar ra da la spra tshil gyis bskus la de'i nang du khab dril na mi stor cing btsa' mi 'jug go/ /mi snyil ba'i phyir chos gos la sgro gu gdags/ chos gos mi snyil ba'i phyir sgro gu /sgrog mkhar btags te'o/ /chos gos sgrog mkhar gdab/ mdud pa yang ngo / /sgro gu mdud pa can du bya/ btso blag pas btsos kyang rung ma btsos kyang rung mi bkru/ chos gos kha dog bsgyur kyang rung drag tu 'drub pa'i phyir btso blag mkhan mi bcol/ de bzhin du bdag gis kyang ma yin no//chos gos bdag gis kyang mi brdung / de'i gding bar ma yin/ /btso blag mkhan gyi ras brdung ba'i spyad kyi steng du mi gzhag /shing leb la ma yin/ shing leb kyi steng du yang chos gos bkru zhing mi brdung tshon mkhan gyi shing leb la bya/ rdza 'jam por bkrus te chu 'debs dal gyis so/ /chos gos bkru ba ni chu 'jam tsam gyi nang du dal gyis dge slong nyid kyis bkru lag pa dag gis bzlog /'khru ba'i tshe lag pas dal gyis bkru/ mi nus na rkang pas so/ /lag pas bkru mi nus na rkang pas bkrus kyang nyes med/ de ltar bkru na khyim bdag gis kyang btags so/ /lag pas bkrus na chos gos khyim pa 'khrur bcug kyang nyes med/ gzhan du spyod na de bsrung / khyim pa chos gos 'khrur gzhug pa ni bdag gis spyan byas la mngon sum du 'khrur gzhug gi lkog tu 'khrur ma btang / rab tu dag rab tu btsems rab tu btsos pa'i phyag dar kud pa blang / tshem bu phyag dar kud pa las sdud cing gos su byed na rab tu bkrus shing btsos la btsems la gos bya/ mi gtsang bas reg pa'i gos ma yin/ tshem bu bsdu ba ni stu khrag dang gcin rkyag la sogs pas reg pa'i rdzas blangs shing mi spyad/skab pa mdzes pa'i phyir bskus te kha dog nyi grib la'o / /chos gos 'tshed pa ni tshon gyis btsos la bar 'ga' nyi ma la gzhag /bar 'ga' grib ma la bzhag na kha dog bzang por 'gyur ro/ /ma byas kyang nyes med/ gos med par btso/tshon rtsi sngar btsos la de nas gos btso/ /gsum gyi bar du ni mchog tu'o/ /tshon rtsi btso ba ni lan gsum gyi bar du bldabs te btsos pa'i khu ba ni mchog go /de bas na mang pa'i phyir na gsum blang / ltag tu lan gsum du btso ba ni khu ba mang du bya ba'i phyir te bzang ngan rab gsum du dbyung ngo //phyir zhing 'bri/ lan gsum du btsos pa dang po ni bzang po bar ma ni 'bring po tha ma ni ngan to/ /de bas na so sor gzhag go /tshon bzang ngan ni rnam gsum mi bsre bar so sor gzhag go /de ni snga ma'o la sogs par bri/ tshon bzang ngan rnam gsum nor cing 'khrul te mi bde ba'i phyir snod la kha byang bri/snga ma ni thog mar bsko / /'tshed pa'i tshe na tshon dang por phyung ba'i khu ba ni bzang pos thog mar btso/ /chos gos dang bcag tshon gyi nang du chos gos bcug pa'i tshe ra ri ma khyer bar legs par bcag /de bas na blangs te leb leb po la de tsam gyi thang gis sbyin/ ras ci tsam yod pa las tshon gyi khu ba ran par bya'i mang nyung du mi bya'o/ /gsher ba gzag go /tshon gyi khu ba mang na zag par 'gyur/ rab tu bskams na 'bri'o/ /tshon gyi khu ba nyung na kha dog mi 'gyur zhing skam por 'gyur ro//de bas na ran par bya'o/ /mdo ltag ma rnams ltar ches na mi dge ba'i phyir ran par bya/ dgon pa'i la bskams na dge bres pa la'o/ /chos gos bskam pa ni thag bu bres la bskam mo/ /mtha' btags te gzugs so/ /chos gos thag bu la brgyangs pa ni shing bu kha brag 'dzin du gzhug go /mi thub na rtswa bting ste'o/ /shing bu kha brag gis mi thub cing 'chor na rtswa dang lo ma bkram la de'i steng du skam du ma'i phyogs su tshon 'gro ba'i phyir yang yang du bzlog /thag bu brgyangs te skam pa de tshon rtsi phyogs gcig tu 'gro ba'i phyir yang thog ma dang ma thog bsnor/gsar pa la tshon gsar pas de bzhin du dge'o/ /chos gos gsar pa zhig 'tshed na tshon rtsis gsar du bldabs pas btsos na dge /rnying pa la rnying pas so/ /chos gos rnying pa na tshon rtsi rnying pas btso//gsar pa ni nyi ma la bskam/ gos gsar pa zhig btsos na nyi ma la bskam/ rnying pa ni grib ma la'o/ /chos gos rnying pa ni grib ma la bskam/ chu thang gis mi 'bri ba'i phyir sbyin/ chos gos tshon gyi nang du lan du btsos pa bzhin du chur bkru/ gzhan gyi nyin mo la'o//btsos nas chur gzhug pa ni bar zhag gis bcad la bkru/ phyi'i khyams sam 'chag sar btso ba'i las mi bya/ dge 'dun gyi 'chag sa dang khyams la sogs par chos gos btso ba'i las mi bya/ gtsug lag khang du ma yin/ gtsug lag khang gi nang du gos btso ba'i las mi bya/de'i steng du bya/ gos 'tshed pa gtsug lag khang gi yang thog tu chos gos btso ba'i las byas kyang rung / bshang khang gi 'khor du ma yin/ bshang gci'i sar chos gos kyi las mi bya/ de'i phyogs su byug pa sbyin/ chos gos 'tshed pa'i las gar byed pa'i sar rdul mi 'go ba'i phyir 'ji ba dang lci bas bsku zhing byug /de ste rdo rjes byugs pa na bkru /'og gzhi skyang nul bzang po 'tsher ba zhig na chus bkru bas chog go /de ste brtsams pa las rlung ngam char bab pa 'ong na khyams su bya/ chos gos btso bar bsams shing mgo btsugs pa las rlung dang char pa la sogs pa byung na khyams su btso blag byas kyang rung byas nas de'i phyogs su byug pa bya/ khyams su btso blags byas zin pa'i 'og tu maN+Dal bya/ lci ba'am sas so/ /maN+Dal bya ba ni lci ba'am sas byug cing bsku/brtag pa ma byas par bcag pa dang bzlas pa'i chos gos spyad par mi bya/ chos gos brdungs shing gnigs pa kha dog 'tsher ba ni ma btags pa yin te spyad cing bgo bar mi bya/ byug pa gogs na de btags pa'o/ /chos gos kha dog 'tsher ba byed cing med par byas na btags pa yin te bgos kyang nyes med do//chus brlan na'o/ /kha dog 'tsher bar byas na chus brlan par byas na nyes par 'gyur ro/ /ba mo la sbags pa sla ba'i sa lag pas ma nyes te gogs na'o/ /kha dog 'tsher ba ba mo'am zil ba la gor la bsrubs na med par 'gyur ro//sham thabs bgos nas steng du lus bcing / lus la sham thabs bgo ba la steng du ska rags kyis bcing / shur bu'am rgya cang ngam lcag pod dam dra bas bcing / sham thabs kyi ska rags kyi rgyu ni 'di rnams so/ /mi brgyan pa ma yin pa ni pho sum pa dang nang du rub pa dang zur gsum dang gser gyi srad bu'o//ming gis smos pa 'di rnams kyi ska rags mi bcing / ri mo yang de bzhin no/ /ska rags ri mo can gyis mi bcing mi bting pa'i sa la mi gzhag /chos gos gyon la stan med par sa la mi 'dug /gding ba med par gzhag par yang mi bya/ mi gtsang ba'i phyogs su ma yin/ sa mi gtsang bar chos gos gzhag par mi bya stan mi gtsang ba la'ang mi gzhag mi 'dug /thabs yod na khur lci ba mi bskya chos gos gzan du bor zhing mi bskya/ gzhan spyad par mi spyad/chos gos dang sham thabs la sogs pa go bsnor cing mi bgo /bshang gci bya ba dang mi gtsang ba phyag pa'i las su bla gos bgos te mi bya/ bshang gci byed pa dang sa phyag pa la sogs pa'i las byed par chos gos snam bdun pa gyon te mi spyad /'di la mi nyal/ chos gos snam bdun pa'i 'og tu yang mi gding gyon bzhin du yang mi nyal/ bsod snyoms len pa spyod pa dang mchod rten la phyag 'tshal ba dang dge 'dun la 'du ba dang chos mnyan pa'i cha mnod pa myong ba las gzhan byed pa la sbyar mas ma yin/ ming gis smos pa 'di rnams byed par chos gos chen po bgo ba'i las gzhan byed par mi bgo /'di rnams la grong bar du ma gyon na nyes med do/ /'di'i steng du 'dug gam 'dug tu mi gzhug chos gos chen po 'di'i steng du bdag kyang mi 'dug gzhan kyang mi gzhag /'di la mi gnad /chos gos chen po blta ba ste lus sam lag pas mnan par mi bya/ bcug ste su la yang mi bsko/ /chos gos chen po'i nang du lan tshwa dang me tog la sogs pa ci'ang rung ste bdag gis kyang mi blugs gzhan blugs su yang mi gzhug / lus kyi reg par yang mi spyad lag pa ma gtogs par lus kyis reg par mi bya/ mchan khung g.yas pa'i dugs kyis 'di ma rung bar 'gyur ro/ /chos gos lag pa g.yas pa'i mchan khung dang dugs dang rngul gyis ma rung bar byed de thabs 'og nas 'chad/ de mi 'gyur bar de'i phyogs su de la gos sbyin/mchan khung g.yas pa'i thad kar dugs kyis ma rung bar 'gyur ba'i phyir dugs gzan gud nas glan/ khru phyed dang do dang mtho gang ngo / /rngul gzan gud nas glan pa'i tshad ni zheng du mtho gang chur khru phyed dang ngo / / ngos gnyis su nan bus mnan/ rngul gzan glan pa'i dus su nan bus mnan/ dus dus su 'di bkru/ rngul gzan glan pa de dus dus su bkru/ btso ba yang ngo / /rngul gzan de bkrus nas btso/ /glang btsag gis de de bzhin du'o/ /btso ba ni glang btsag gis btsos kyang rung ngo //gdong phyis bcang / gdong phyis bcangs kyang nyes med/ lus zag na lus la phyi ba yang ngo / /dge slong sdig po che dugs dang rngul che ba lus kyi phyi ba bcangs kyang nyes med/ chos gos de'i nang du de bgo'o/ /rngul che ba dang shu ba dang rnag khrag yod na chos gos kyi 'og tu rnag gzan bgo /chags na gro'i chu'am tshig pa chu dang bsres te byugs la dal bu dal bus dgog /rnag gzan dang lus su 'byar na nas kyi phye dang so phag btags pa'i phye chu dang sbyar te bkrus la dal bus dgog go /rnag dang khrag la yang ngo / /rnag dang khrag la rnag gzan 'byar na dgog pa'i thabs gong ma ltar bya/dus dus su gding bkru bskam btso/ de glang btsag gis na dge /rnag gzan btso ba na shu ba la phan pa'i phyir glang btsag gis bskus na dge /gar bab bab tu gos mi gzhag /gos lhag ma la sogs pa gar bab bab tu mi gzhag gi bltab cing nan tan bya/de'i phyir gdang bca'/ gos dgal ba'i phyir gdang bca'/ lung bu yang de'i phyir ro/ /gdang shing gzhug pa'i gnas rtsig pa la bu gu gtod de shing sbu bu can gzhug /gtsug lag khang byed pa na'o/ / gdang shing bu gu gdod pa thog ma gtsug lag khang brtsig pa nas bya/ bu gu mi bya/ gdang shing gis 'phral bu gu mi gdod/ gtsug lag khang ni dpe ste khang bu yang de bzhin no/ /gdang shing gi bya ba dang bu gu mi brko gtsug lag khang bzhin du gang zag gi khyim bu yang mi brko zhing thog ma nas gdod/lcug ma dang thag bus 'di 'grub bo/ /gdang shing gi skyin par lcug ma'am thag bu btags kyang rung ngo / /tshang thur gyis gos blangs na dge'o/ /chos gos kyi snod tshang thur gyi nang du bcug na dge /'di bya/ tshang thur byas kyang nyes med/gsum dang phyed dang dor sbyar te btsem/ tshang thur gyi tshad ni chur khru gsum zheng khru phyed dang do bya/ kha dbus su gdod/ sgrog bu sbyin/ tshang thur gyi kha mi bya ba'i phyir sgrog bu bya srad bus so/ /sgrog pa'i rgyu srad bu las bya/ gzhan gyis bcing / tshang thur gyi kha gcad pa'i phyir sgro gu gcig gi mig tu gcig bcug ste lu gu rgyud du btsem/bcad pa ni steng du bca'/ chos gos rtag tu dbyung / dgos na tshang thur gyi kha logs su gzhug /sang 'gro na bla ma la gsol te gnang na 'gro/ /dge slong gnas bca' ba zhig gud du 'gro na gnas brtan la sang 'gro'o zhes zhu/gnas mi bca' ba zhig na'ang grogs la 'gro'o zhes shes par bya/ bdag gi gnas su chag chag la sogs pa byas te'o/ /dge slong gud du 'gro na bdag 'dug 'dug pa'i gnas phyag dar dang chag chag la sogs pa byas te 'gro/lam du 'gro bas chos kyi gtam mam bsrings pa'i mi smra bas so/ /lam du zhugs nas 'gro ba'i tshe gtam cal col mi smra ba'i chos kyi gtam mam chos kyi don la bsam/ ngal bso ba'i gnas nas zhal nas gsungs pa'i tshigs su bcad pa bklags te'o//lam na ngal bso ba las langs pa'i tshe zhal nas gsungs pa'i tshigs su bcad pa bklags te 'gro/ /chu bcu ba na yang ngo / /chu bcu ba'i tshe'ang zhal nas gsungs pa'i tshigs su bcad pa bshad/ de'i chu gang gi ba de'i phyir ro/ /chu bcu ba'i tshe tshigs su bcad pa bklags pa ni khron pa'am yur ba 'dren 'dren pa'i mi de nyid kyi phyir bsngo//'bab chu'i rgyal po la bsngo / gzhan lha la yang ngo / /chu'i lha la tshigs su bcad pa gcig bklags/ gnas su gsum rgyud do/ /lam du zhag lon na nang par gsum rgyud bklags te 'gro/dgon pa pa'i bcang / dgon pa bas chu bcu ba'i srad bu bcangs kyang nyes med/ de'i tshad ni khru brgya lnga bcu nas brgya yan chad do/ /chu bcu ba'i thag bu'i tshad ni khru brgya lnga bcu man chad brgya yan chad du bya'o/ /yul gyi rnams las so zhes gzhan las so/ /'dul ba 'dzin pa kha cig na re chu bcu ba'i thag bu khron pa ring thung tshad bzhin du bcangs pas chog go zhes kyang bshad/khron pa ma yin pa'i chu dkon na 'di med par yul rgyu ba mi spyad/ 'bab chu med de khron pa 'ba' zhig yod na thag bu bcad dgos kyi khron pa med kyi 'bab chu yod pa'i yul du ni thag bu bcangs kyang nyes med/lam pas chos gos sprugs la khrus byas pa'am rkang lag bkru ba dang chu blangs nas/ lam du zhugs te song song ba las gtsug lag khang zhig tu 'gro na chos gos la sogs pa sprugs lus kyi dri ma yod na khrus byas la khrus ma nus na'ang yan lag lnga bkrus te maN+Dal bya ba'i chu dag blangs te btags la lham phyi ste lham la rdul med par chus phyis ste /chos gos gsum bgo ste/ gtsug lag khang du 'gro ba'i tshe chos gos gsum bgo ste/ zhi ba'i spyod yul gyis gtsug lag khang du 'jug /mgo sgyur dang lag brgyangs mi bya bar gtsug lag khang du 'gro/rgan po bzhi la phyag 'tshal te 'greng / gtsug lag khang du 'ongs nas lo grangs ma dris kyi bar du dge slong pa'i dge 'dun du langs pa la phyag byas te 'greng la bsdad/ gsang ba'i phyogs su sgra bskyungs te mdzes shing rab tu bsdam pa'i spyod pas so//'grengs te 'dug pa ni kun gyis mthong zhing gsal ba'i phyogs su sgra bskyungs la mdzes shing tshul bsdams te gtogs 'dod dang shes 'dod mi bya bar 'dug go /rgyus dang bcas pas ngal bso/ /mi shes par ngal mi bso/ gud nas dge slong zhig 'ongs na 'dug pas mkhan po dang slob dpon la sogs pa'i rgyus shes shing ngo shes na ngal sor gzhug /rgyus dang ngo mi shes na ngal sor mi gzhug /mu gcig pa yang ngo / /mur 'dug ngo shes shing g.yo mi byed pa zhig 'ongs na'ang ngal sor gzhug /sgo gcad/ slong na mi sbyin/ dge slong ngo mi shes pa zhig gud nas 'ongs pa zhig yod na thug thub byed pa'i phyi sgo chod cig ces gdams/ gud nas 'ongs pa kha su'ang srid kyis nga na re byin cig ces zer zhing 'ongs na'ang ma sbyin cig ces bsgo/ /blangs nas zo cig ces bsgo nas/ gud nas 'ongs pa'i dge slong de rdzas dag las thug thub tu spyod na ma spyod par zhog shig ces bsgo//khas blangs te yal bar btang nas stor na/ grogs la sgo chod cig rdzas dag slong na ma sbyin cig ces gtams te bzhag nas khas blangs pa las stor bar gyur na dge slong khas len pa la skyin pa dbab bo//yid brtan pa'i gnas brtan 'di dag gi grogs po zhes pa la sogs pa bstan nas sbyin du gzhug /tshig lhag ma skad du grogs la gtams te gud nas 'ongs pa thug thub byed cing rku yang srid kyis sgo chod cig /rdzas dag len du ma gzhug cig ces bsgo ba las grogs de na re mi 'di'i rgyus ngas shes te thug thub la sogs pa mi byed kyi yid rton cig ces zer te/bdag gud du song ba'i 'og tu rdzas shig stor na dge slong grogs de la skyin pa dbab bo/ /mngon rtags kyi gnas gzhan gyis mi rig pa'i bye brag gi thabs kyis so/ / dge slong gud nas 'ongs shing rgyus mi shes pa bdag gi grogs pos nor 'di byin gyis long zhig ces zer zhing dan rtags kyi tshig khyer zhing len du 'ongs na bdag dang gnyis su 'khod pa'i dan rtags shig /khyer te 'ongs na ni byin kyang nyes med/ gzhan zhig dang gsum 'khod pa'i dan rtags shig khyer te 'ongs pa ni mi sbyin no//byin pa las lhung na yang ngo / /rdzas shig phar byin pa las zin tam zhes ma dris par bar du lhung ste chag na skyin pa bdag la 'bab po/ /de ste ma bzung bar gtams na'o/ /rdzas phar byin te zin tam zhes dris pa las zin to zhes zer ba'i 'og tu shor te chag na skyin pa pha rol po la 'bab bo//'di la bag med par ma gyur tam zhes 'dri ba la bya/ snod spyad dam rdzas mi gzhan gyi lag tu sbyin na zin tam ma zin ces dris la sbyin ma dris par byin te btang na nyes byas/ brnyas pa la sogs pa dag gis ma rung bar gyur na bkru ba la sogs pas sems mi rangs na rin sbyin/nor zhig brnyas te spyod spyod pa las slar byin na ngan skyugs kyis reg gam kha dog la sogs pa nyams te/ ma 'dod na bcos shing byi dor byas la sbyin no/ /bcos te byin kyang ma 'dod na nor de ci ri ba rin du byas te sbyin no//lhung bzed dang chos gos blangs/ dge slong ngo shes pa yon tan dang ldan pa zhig 'ongs na bsu zhing lhung bzed dang chos gos bdag gis blang / stan gding / bsu nas stan bting ste gzhag /rkang pa bkru bar spyan drangs / gud nas 'ongs pa'i dge slong rkang pa bkru zhing mdongs gsol bya/chus so/ /mi skom mam zhes dris la chu blugs / phyag bya/ lo grangs dris te rgan na phyag bya/ bde bar spyad dam zhes dri/ lam na nyon mongs pa med dam zhes nad dri ci nus par mgu bar bya/ gud nas 'ongs pa la lus mnye ba dang mar gyis bsku ba la sogs pas mgu bar bya/mal stan tshul bzhin du byin / gud nas 'ongs pa rim pa ji tsam du chud pa bzhin mal stan yang sbyin/ dge 'dun gyi gnas brtan gyi gan du 'gro /gud nas 'ongs pa'i dge slong de gnas brtan gyi gan du song la phyag bya'o/ /des de la gnas long shig ces bsgo/gnas brtan gyis kyang pha rol po 'ongs pa gnas btsal dgos pa zhig na gnas brtan gyis yon tan ldan pa 'di la gnas chos shig ces bsgo/ de ste rgan na mal stan 'di la byin gcig ces bsgo/ gud nas 'ongs pa gnas bca' mi dgos pa zhig na'ang mal stan tshul bzhin byin cig ces bsgo//ma brtags par mal stan mi brnya gud nas 'ongs pa'i dge slong gis kyang gzhi la mal stan yod dam med dam ma brtags par mal stan mi brnya yod na gdod brnya/ chos gos kyi tha ma ma rung bar gyur na mtha' bskor ba'i thabs/ chos gos kyi tha ma zegs sam ma rung bar gyur na mtha' bskor gyis glan/ de smyung kham gyis sbyar/ mtha' bskor gyis sbyar ba ni btso zhing bkru ba la bde ba'i phyir skabs su gzungs gdab pa tsam du btsem/ ro'i gos 'chad na bla gab med pa dang shing gi steng du zhag bdun brgyad dam lnga drug tu'ang gzhan las de bkrus nas kun dge slong dur khrod pa'i ro'i rdzas kyi bdag po yod dam med brtags la med na blangs te shing ngam rtsig pa'i khar zhag bdun nam brgyad du gzhag la ro'i dri mi zhim pa med par gyur na bkrus te gos su bya'o//dur khrod pa ma yin par ro'i rdzas blangs pa ni len du mi dbang ste blangs na nyes byas so//gtsug lag khang dang grong du 'jug par spyan drangs pa las bdag dur khrod pa'o zhes smra ba ni ma btang bar spyod cig ce na bdag dur khrod pa'o zhes nas spyad/ dge slong dur khrod pa gtsug lag khang dang khyim du mi 'gro'o//'gro na'ang sgo na bsdad do/ /bsdad pa las spyan 'dren cing 'bod pa na'ang dur khrod pa yin no zhes smros shig /de skad smras pa dang yon tan dang ldan pa btsun pa khrod btsog pa med nang du bzhud stan la bzhugs zhes zer na nang du song zhing stan la 'dug kyang nyes med do//de skad mi zer bar nang du 'gro zhing stan la 'dug par mi bya/ dge 'dun gyi mal stan la mi spyad/ dur khrod pa'i dge 'dun gyi stan la gzhag cing spyod du bcug na'ang mi spyad/ mchod rten las 'dom gyis mtha' spang / dge slong dur khrod pas mchod rten la ma reg cing 'dom gang tsam nas bskor/sbrang yab bcang / sbrang ma za na dge slong gis sbrang yab bcangs kyang nyes pa med do/ / bal dang shan dang shing bal dang ras ma dang lo ma lhab lhub pa'o/ /sbrang yab btsang ba'i rgyu bal las skud par bkal ba dang shing gi lo ma g.yag rnga 'dra ba dang shing bal las skud par bkal ba dang ras dang snam bu'i ras ma dang shing gi lo ma shad shad por 'dug pa dang /'di rnams kyis bya'o/ /ba lang dang rta dang ba lang gi spu'i ma yin/ sbrang yab rta dang g.yag rnga la sogs pa spu byas pa'i sbrang yab mi bya/gang zag gis yu ba thams cad tshon rtsis ma yin/ sbrang yab dang seg cang gi yu ba ri mo can mi bya/ ri mo med kyang kha dog 'tsher ba la'ang mi bya/ ri mo dang ri mo nyes pas ma yin/ ci'ang rung ste ri mo can gyi rdzas mi spyad/ sbrang bu'i khang bu yang ngo / /sbrang ma za na ras kyi khang bu dbub/ steng bu ras bting ste'o/ /khang bu'i steng du ras gding / rgyug pa la bcings te'o/ /khang bu'i ras rgyug pa la bcing / khru bzhi dang gnyis so/ /ras khang gi tshad ni zheng khru bzhir bya/ mtha' snam bus bskor/ras kyi khang pa'i glo'ang ras kyis bskor cing g.yogs so / /khru bcu gnyis kyis so/ /khang bu'i glo ras kyis bskor ba ni chur khru bcu gnyis su bya'o/ /mnan pa dang bcas so/ /de mal stan gyi 'og tu mnan/ khang bu glor bskor ba'i ras kyi mtha' ma mal 'og tu chud par mnan/sgo'i sgo yol bya/ ras khang gi sgo bcad pa'i phyir ras sne snol du gtang bar bya/ tsha na rngul yab kyis thabs so/ /yul tsha na bsil yab kyis g.yabs kyang nyes med/ rngul yab bcang / bsil yab bcangs kyang nyes med/ re lde mkhan gyis byas pa la'ang ta la'i 'dab ma lta bu'o//bsil yab ni ta la'i 'dab ma'am smyug ma la gdags par bya/ ri mo dang ri mo nyes pas ma yin/ bsil yab ri mo can mi bya/ dge 'dun gyis na gzhan yang ngo / /dge 'dun gyis ni ri mo can spyad cing bcangs na nyes med do/ /rtsid pa'i rngul yab nor bu can byung na mchod rten la dbul/rtsid pa'i rngul yab nor bu dang gser dngul gyis brgyan pa zhig rnyed na mchod rten la dbul lo/ /nyan thos kyi yang ngo / /sbrang yab rgyan can nyan thos kyi mchod rten la phul na'ang nyes med/ chongs shig /be'u ras dang sngas gru bzhi yang ngo //be'u ras dang sngas bar tshangs can gang zag gis bcangs kyang nyes med do/ /bu dang chung ma rnyed na sbyin bdag gi dbang gis nan tan bya/ yon bdag bsod nams 'dod pa'i phyir bu dang chung ma dge 'dun la yon du phul na khos ci ltar bsngos te phul ba bzhin du nan tan du spyad/de ste slu bar gyur na de ci tsam du 'dod pa'i rin gyis so/ /mdo ltag ma ltar bu dang chung ma phul ba las slar slu zhes zer na dge 'dun gyis rin thang mi bcad kyi kho bo kha thabs bzhin du slu sbyin/ yang phul yang brtags pa'o/ /yon du phul zin pa las bsod nams su 'gyur ba'i phyir slar ma bslus kyang lan du mar bslus shing 'bul lo zhes zer zhing 'bul na'ang mi rung ba med do//de ste shing phul ba'i rgyan dus mchod kyi tshe brgyan pa'i phyir gzhag /bza' shing dang grib shing la dge 'dun 'du zhing spyod pa'i phyir brgyan pa rgyan du phul na'ang phyis 'du ba'i tshe brgyan pa'i phyir gzhan du mi spyad do//de steng khang bu brtsig pa la ni 'bri ba'i phyir ro/ /khang bu'i rgyan dang rtsig pa'i ri mo bri ba'i phyir bsngos te phul na'ang gzhan du mi spyad pa de nyid du spyad do/ /de ste ma yin te ka ban las sar par ro//ka ba la bsngos te phul na'ang ka ba'i ri mo dang rnying pa brje ba'i phyir spyad do/ /sa la'o/ /sa la bsngos te phul na'ang gzhan du mi spyad de 'og nas 'chad do/ /me'i gnas su na 'bud pa bya/ me bud pa'i phyir phul na shing dang me mar la sogs par spyad do/ /snum 'thob pa yang ngo / / me bud pa'i phyir phul ba las mi dgos sam lhag na khur ba la sogs par yang bya'o/ /lus bsku bar yang bya/ nad pa'i gnas su brtags par sman dang yo byad do/ /nad pa rnams la bsngos te phul na'ang rtsi sman du sbyar te sbyin no/ /zas kyi gnas su zas bya'o/ /tshang mang gi gnas su phul ba'i rnams ni zas su bya zhing spyad do//skom gyir skom gyi gnas su'o/ /grung tshad du phul ba'i rnams ni skom du btung zhing spyad do/ /bsro gang gi gnas su bsro gang ngo / /bsro gang du phul ba'i rnams ni bsro gang me bud pa la sogs pa sman dpyad du spyad do//snum 'thob pa yang ngo / /gong ma ltar bsro gang la yon phul ba me 'bud par mi dgos na dge 'dun gyi snum dang kha zas bsod pa'i rgyur bya/ snum 'thob pa'i gnas su zlum por yo byad kyi gnas so/ /dgun me 'bud pa'i khyim khang zlum du yon phul ba ni shing dang lus dang rkang pa bsku ba'i snum du bya/dbyar yon du phul te me 'bud mi dgos na lus la byug pa dang bshos kyi rgyur bya/ skyes pa'i rabs bri ba yang ngo / /dge 'dun gyi bkad sar yon phul te bkad pa'i yo byad du spyad cing dgos pa spyad kyang lhag yod na sangs rgyas 'jig rten du byung ba dang bdud btul ba la sogs pa'i gtam rgyud bri/phyi khyams dang 'chag sa dang sgo phugs dang khyams su bgo /phyi rol gyi khyams dang sgo phugs dang 'chags sa la sogs pa la bsngos te phul ba ni dge 'dun spyi'i bgo / dbus kyang ngo / /gtsug lag khang gi dbus kyi mthongs su phul ba yang spyir bgo /phyogs bzhi'i dge 'dun gyir 'di gzhag go zhes kyang gzhan las so/ /sgo phugs dang dbus kyi mthongs su phul ba la sogs pa 'dul ba 'dzin pa kha cig na re phyogs bzhi'i dge 'dun la bsngos te zhog shig ces kyang bshad do//dkon mchog gi phyir slong ba ni brtags pa'o/ /sangs rgyas dang chos dang dge 'dun gyi phyir slong ba ni nyes med do/ /brjod pa yang ngo / /dkon mchog gsum po la yon bdag yon 'bul ba'i tshe / yon bdag sems bskyed pa'i phyi stod tra bskyed kyang nyes med /blangs te'o/ /stod tra bya ba ni sngar mi bya'i len pa'i tshe bya/ mthong ba'i phyir 'khor lo bya/ stod tra bya ba ni dga' bar bya ba'i phyir kun gyis mthong bar sa mthon por 'dug ste bya'o/ /tsha'am rlung ngam char pa'i gnod pas mi reg pa'i phyir khang bu brtsegs pa sgo bzhi pa bya/stod tra klog pas mthon por bya ba ni shing rta'i steng du khang bu shing khang phub la sgo bzhir btod de de'i nang nas bklag /mchod pa zin nas 'khor lo dbyung / stod tra'i kha don la sogs pa zin nas khang bu so sor bshig ste sbas la gzhag /snod du sbed pas 'thob pa sba/stod tra klog pas khang bu nas byed pa'i tshe yon phal cher phul na de rnams bsdu zhing brtul ba sdud pa'i dge slong ni gzhan gcig bsko / /ston pa mchod pa ni gnyis su ma dgos par sbyin par dge slong ma'i dge 'dun ma gtogs so/ /ltag ma ltar stod tra byed cing mchod pa'i tshe na yon bdag gis dge slong pho mo'i spyir phul ba ni bgo /dge slong 'ba' zhig la bsngos te phul ba ni dge slong ma mi dbang ngo / /'dir gcig pa las 'khor lo so sor btsugs pa na sbom por nyes pa'o/ /ltag ma ltar dge slong gis 'khor lo'i gnod pa dang brjed par bya ba dang yon bdag gis yon mang du phul te dge slong mas yon skal blangs te ma ster ba dang bsdu la nan das de'i nyin mo dge slong gis mchod pa 'dra ba cig phyung ste yon tan thob pa las dge slong la snyoms pa ltar gyur te de ltar byed na dge slong ma dbyen gyi sbom por 'gyur/snod 'gyed pas bgo /stod tra byas pa'i phyir yon phul ba'i rnams so sor bgo ba ni yon phul ba sdud par bskos pa'i dge slong des bya'o/ /'di bsko'o/ /stod tra klog pa'i tshe yon 'bul ba sdud pa dang so sor 'god pa'i dge slong gcig bsko//btsong ba'i rigs pa btsong g.yu dang rta lta bu zhig phul te bgor mi bde ba ni btsongs te rin bgo /dge 'dun gnas par ro/ /btsong ba ni dge 'dun gyi nang du rin thang dris te gang gis rin cher btab pa de la btsong bskyed/ dge 'dun la mthar gyis dris te gang gis cher btab pa la btsong /des 'di la gdug par gtogs pa'i nan tan bya/ nor 'god par bskos pa'i dge slong des nor 'god cing dge 'dun 'du ba'i sar chag chag phyag dar la sogs pa bya/ dge 'dun gyi gnas brtan gyis rin bya/ nor rin gcod pa'i phyir dge 'dun la ston pa'i tshe thog mar gnas brtan gyis rin thang gcad do //ran par ro/ /gnas brtan gyis nor rin thang bcad pa na srang gcig ri ba zho drug ri ba tsam du gdab po/ /de'i phyir de la mi bstabs gnas brtan gyis rin bcad pa las cher 'bebs pa gzhan ma byung na gnas brtan mi nyor mi gnong par ni mi bya'o//chad par bya ste slar 'phel bar mi 'gyur na dbyung nor btsong ba ni rin 'debs pa'i phyir brtan pa las rin gang gis cher btab pa de las bzlas te dris kyang gzhan cher 'debs pa med na de nyid la nyor gzhug go /mi btsong mi spel/ bdag nyor mi 'dod pa las rin bskyed pa'i phyir rin thang cher mi gdab/ bud med la ma yin/ bud med ni spyad brim zhing rin thang mi gcad/ rin ma blangs par mi spyad/ dge 'dun las nor nyo bar blangs pa las rin ma phul gyi bar du spyad par mi bya/bcos par yang ngo / /dge 'dun la nor nyo ba'i phyir blangs pa las rin ma phul gyi bar du mi spyad / kha dog bsgyur ba'am bcos legs mi bya/ len pa mang na du la sogs pa'i sder bgo /yon bdag gis yon mang mo zhig phul te 'god na bgo sla ba'i phyir dge slong yod pa las bcu phung du bcad de so sor bcu sder byin la 'god du gzhug sder byin pa las ma bgos par 'ga' zhig shi na de'i tshe cha sder gtogs so//mdo ltag ma ltar bcu zhig bgo gcig tu nor skal byin pa la bcu sde de'i nang nas 'ga' zhig shi na de'i skal ba bcu sde der gtogs pa'i rnams kyis bgos kyang nyes med/rigs pa ni mya ngan las 'da' ba'i bsam pas rab tu byung ba tshul khrims dang ldan pa la gos stong phrag brgya dang khang pha brtsegs ma lnga brgya'o/ /mya ngan las 'da' ba'i phyir dad cing mos te rab tu byung ba'i dge slong yon tan dang tshul khrims dang ldan pas ni gos bzang po sna grangs stong phrag brgya dang zas zhim bzang pa ro sna brgya dang khang pa brtsegs ma lnga brgya la sogs pa bzang po dang mang po ci spyad kyang rung ste yon tan dang ldan pas zhu bar 'gyur bas spyod du dbang ste brtags pa'o//dge 'dun gyi nor kyang ngo / /mdo ltag ma ltar yon tan dang ldan pas ni dge 'dun gyi nor dang zas la spyad kyang brtags pa'o/ /mi slob pa'i bar du'o/ /mya ngan las 'das par sems bskyed cing tshul khrims dang ldan pas ni dgra bcom pa man chad gang zag rim pa bdun gyis nor las spyad kyang brtags pa'o//ma rabs kyang ngo / /mdo ltag ma ltar spyad kyang brtags pa ni gang zag ma rabs yin kyang tshul khrims dang ldan zhing mya ngan las 'da' bar sems bskyed pa ni spyod par brtags pa'o/ /tshul khrims log pa las ni ma yin no//dge 'dun gyi zas dang gos kyi shas kyi skal ba la phas pham pa bzhi byung ba ni mi dbang ngo / /phas pham pa bzhi'i tshul khrims phra mo nyams kyang shas kyi skal ba ni dbang ngo / /phas pham pa dang khyim pa dge 'dun la 'khor zhing yon phul ba ni dge 'dun gyis za zhing spyod du bcug pa ni dbang ngo //bu lon du 'gyur ba ni le lo can gyi blangs te btso ba'o/ /tshul khrims ma nyams su zin kyang le lo che zhing dge ba spyod pa'i shas chung na yon bdag gi nor rdzas la spyad pa mi zhu ste bu lon du 'gyur ro/ /dge 'dun gyi rnyed pa las rigs pa ni mtshams gcig pa'i gang zag gi gtsug lag khang na sde pa de'i rnyed pa la spyod pa yang ngo //tshul khrims dang ldan pas ni dge 'dun gyi zan skal yang zos la yon bdag gzhan zhig gis zan khyer te 'ongs te byin na yang zos kyang nyes med do/ /gcig zos na gcig bsags su ni mi dbang ngo //khang bu bsngos pa yang ngo / /yon bdag gis khang bu'i rkyen du khang bu de na su 'dug pa lo gcig cing rtag tu gser lta bu 'bul ba zhig yod na'ang de'ang blangs la dge 'dun spyi'i yon skal blangs kyang nyes med do/ /'di la res kyis bsgo/ /khang bu'i rkyen rtag tu srang grangs 'bul ba zhig yod na khang bu de rtag tu dge slong gcig pu mi gzhag gi res kyis dge 'dun kun 'khod do//dge slong gcig gis mngan rnogs su theg ste rku sems dang ldan na pham/ lhung bzed dang / lhung bzed chung ngu dang phur bu dang bum pa dang kyo ba tang dang gri dang khab dang sen reg dang gzar ba dang sol ba bsdu ba dang sta re dang sla nga dang kha phyis dang /lcags kyi snod bgo /yon bdag gis ming gis smos pa 'di rnams dge 'dun la phul na dge 'dun so sor bgo /sa'i snod dag tu lhung bzed chung ngu dang bum bu dang blugs ma dang chab stong dang ril ba spyi blugs dang chu snod dag kyang ngo //ming gis smos pa 'di rnams lta bu zhig yon bdag gis phul na'ang dge 'dun so sor bgo /rin po che'i khri la sogs pa mthar lcags kyang ngo / /rin po che'i khri man chad lcags kyi khri yan chad gcig phul na btsongs la rin la bgo /brje/ mdo ltag ma ltar khri yon du phul ba rin du brjes la bgo /shing gi ni ma yin no/ /shing gi khri che sra shig phul na mi bgo bar spyi la gzhag /tshon sna lnga las gzhan dag kyang ngo / /tshon chen po sna bdun phul na mtshal dang li gru dang nu med gsum ni bgo'i gzhan sna lnga'i ri mo bri ba'i phyir bzhag go//ma bcos pa yang ngo / /tshon chen po sna bdun las btsos pa zhig na mi bgo /ma bcos pa ni bgo /bcos pa btsor rung ba ni bgo /btsos pa'i khu ba dge 'dun gyi gos btsor rung ba yod na phyir gzhag go//gzhan dge 'dun gyi'o/ /ltag ma ltar spyi'i btso bar bzhag pa ni dge 'dun gyi spyi'i phyir bzhag go/ /mi btso/ /ming gis smos pa 'di rnams lta bu zhig yon phul ba ni bgo zhing btso bar mi bya/ kun dga' dang / skyed shing dang ldum ra phul ba dang /gtsug lag khang dang / gtsug lag khang gi khang pa phul ba dang / de'i dngos po dang / gtsug lag khang gi 'khor gyi sa dang / mal stan dag go / /khri dang khri'u dang mal stan dang 'di rnams bgo bar mi bya/ dbang du mi bya/ mdo ltag ma ltar ming gis smos pa 'di rnams spyir bzhag pa las bu lon chags pa la sogs pa'i gta' 'og tu mi bzhag /mi bsngo ba yang ngo / /gtsug lag khang la sogs pa spyir bzhag pa las dge slong gang zag bdag gi nor du mi bsngo mi bskur pa dag la zas dang gos bstan par bya/ ma dag la gos dang zas las sbyin/de ste gos dang lhung bzed lhag pa med na bslang / pha ma la sbyin du chos gos dang lhung bzed tsam las mi bdog na gzhan las bslangs te byin kyang nyes med/ ma grub na zas thob pa de las phyed sbyin pha ma la sbyin par bslang du'ang ma rnyed na bdag gi zas dang gos kyi skal ba ci thob pa las phyed pha ma la sbyin par bya/phra mo la sogs par chud pa ste gos kyi dngos po'o// //bye brag dbye bar shes pa'i phyir gos la gdab gos la mtshan ma mngon par gdab/ sangs rgyas dang nan da 'dra zhing bong mnyam ste ngo mi shes par gyur te sangs rgyas su 'dzin pa'i phyir bcas/de la gdab pa sbyin snag tsha'i thig le zhes so/ /gos ngo mi shes shing nor gyis dogs pa'i phyir snag tsha'i thig le chos gos kyi grwar snag tsha'i thig le gdab/ spyad pa yang ngo / /chos gos skam la lci ste thag bu la mi 'chags te thag bus mtha' la brgyus te srad bu la gdags/tshar tshar gyi kha chag bya/ ras kha tshar bcad la chag bya ste bgo zhing spyad do/ /sbyar ma ma yin pa dag zhig gcad par ma chad do/ /chos gos chen po ma gtogs par snam bu bdun pa dang lnga pa gnyis ni snam bur ma dras shing ma btsems pa la bsngos kyang 'chags so//de lta bu'i rkyen med na ma bcad par grong dang khyim du 'jug pa dang 'dug pa ma yin/ char pa la sogs pa bab pa'i rkyen ma byung bar grong khyer du chos gos chen po med par 'dug par mi bya/ de bzhin du mur 'dug gi gnas su'o/ /chos gos chen po med par mur 'dug gi gnas su mi 'gro//yod na 'dug par ma yin/ rkyen byung yang chos gos chen po med par mur 'dug dang bcas pa'i gnas su 'gro ba'am 'dug par mi bya/ spu can chos gos gsum du mi bsngo/ la ba dang be'u ras la sogs pa spu can la chos gos gsum gyi rgyus mi bsngo//de bgos te mchod ston du mi spyad/ zan za ba dang mchod ston byed pa'i tshe la ba dang pags pa la sogs pa spu can mi bgo /srab mo ni bdag gir bya/ sde ras sam ras srab mo ni chos gos su bsngor mi rung gi gos lhag par spyad cing bgos kyang nyes med srab mo ni rgyu 'og nas 'byung /'di ni rnam pa bzhi ste bal gyi dang zar ma'i dang du gu la/ 'i dang shing bal gyi'o/ /ming gis smos pa 'di rnams gos lhag tu bsngos shing spyad kyang nyes med de seng ras dang srab mor byas pa la bya/ gzhan yang snam bu'i rnam pa yang ba spu thung ba la sogs pa dag go//gzhan snam bu la spu thung ngur byas pa'i rnams ni chos gos su mi rung gi gos lhag gi sngags kyis btab pa la spyad do/ /ba la yang ngo / /la ba yang gos lhag gi sngags kyis btab ste spyad kyang rung ngo / / 'tsho las gzhan du na de'i phyir log tu bgo bar mi spyad/ phrug dang be'u ras la sogs pa lus la rtsub cing g.ya' dang shig za na bzlog ste bgos kyang nyes med de / de bgos te mi bcag /mdo ltag ma ltar shig za ba la sogs pa'i rkyen byung yang bcag pa'i tshe bzlog te mi bgo /bsrings pa'i la ba dang me tog can gyi snam bu dang dre'u rngog khra khra bo gang zag gis bdag gir byas te mi spyad/ ming gis smos pa 'di rnams dge slong gang zag gis spyad cing bcang bar mi bya/ 'chags sar dre'u rngog bting na khas blangs/ khyim pa bsod nams 'dod pas 'chags sar dri'u rngog bting na de'i steng du bcag kyang nyes med/rtag tu rgyun gcig tu mi bcag /dre'u rngog de'i steng du 'chags pa'i rgyun gcig tu mi bcag /nus na bcos/ dre'u rngog de rdol lam ral na bcos/ btsem pa gzhung bu glan pa sbyin/ dre'u rngog ral na gzhung bu gzhug cing glan /mi nus na ba lang gi lci ba dang 'ji bas sbyar te 'chag par byug /dre'u rngog rnyings te 'drub cing btsem du mi rung na 'ji ba dang lci ba bsres te 'chag sa'i skyang nul du byas kyang rung 'chag sar dre'u rngog bting la de'i steng du 'ji bas g.yogs la bcags na yon bdag la bsod nams su 'gyur ba'i phyir spyad du rung /de bzhin du bcangs te sbyin bdag la brten te'o/ /dge slong gi gos su ma btags pa dre'u rngog dang khra bo la sogs pa ni sbyin bdag khyim pa la bsngos te bcangs kyang nyes med do/ /sham thabs nang logs ma dang rngul zan dang 'theb bcang /ming gis smos pa 'di rnams kyis 'theb re re bcangs kyang nyes med/ yo byad kyis kyang ngo / /sman zong du zas sam gos bcangs kyang nyes med/ 'di ni dkar po'am kha tshar dang bcas kyang ma nyes so/ /sman zong gi rdzas bcang ba ni ras dkar po dang kha tshar ma bcad kyang nyes med/rin gyi tshad ni srang 'ga' tsam ci rin par bcang / dge 'dun gyi yang ma yin/ dge 'dun spyi'i gos lhag na kha tshar ma bcad dam kha dog ma bsgyur bar bcangs kyang nyes med do/ /gnang ba'i gos der bsngos te bcangs/yo byad bcu gsum 'chang du gnang ba ni bdag 'chang ba'i sngags kyis bsngos la bcang / gzhan brtags te du ma'ang bcang / yo byad bcu gsum la ma gtogs par gos lhag cing 'chang na lhag pa'i sngags kyis brtags te bcangs kyang nyes med/ sems mi brtan pa la mi brtag /gos lhag ma brtag pa ni mkhan po dang slob dpon kla klo can tshul khrims la dam zhing kla klo med cing brtan pa la brtag /rab tu ma rdzogs pa la ma yin/ gos brtag pa'i sngags bya ba ni khyim pa dang dge slong la mi brtag go/ /mngon sum du ma yin/mkhan po dang slob dpon la gos brtag pa yang mthong zhing shes pa dang thos par mi bya'i lkog tu grogs gcig gi gam du brtag /mthong ba dang thos par sngags btab na nyes byas/ yul gzhan du 'dug pa la brtags na mi 'jig /mkhan po'am slob dpon nam gos su brtags pa'i mi de gud na 'dug gam yul gzhan du song na'ang zhig par mi 'gyur/zhig pa ni 'phos na'o/ /gos brtags pa'i mi de shi'am khrims phul na brtags pa'i sngags med par 'gyur ro/ /shes na'o/ /[(]khrim [,]khrims [) phul lam shi bar ma shes kyi bar du sngags 'chags so//'di'i bdag po ni brtags pa'o/ /gos sngags kyis 'debs pa'i tshe pha rol gyi yin par bsams shing brtags mod kyi bdag spyod cing 'chang du dbang ngo / /btang ba bdag gir mi bya/ gos spang ba lhug pa byin pa las pha rol pos thal byung mi bskur /dge slong la gtad/ gos spang la ltung ba byung ba dge slong tshul shes pa gcig la sbyin/ dge 'dun gyi la ma yin/ gos spangs pa ni dge 'dun la mi sbyin gyi dge slong gang zag gcig la sbyin/ blun po la ma yin/ dge slong gang la spang ba'ang blun zhing tshul mi shes pa mi sbyin gyi zin po tshul shes pa la spang /mi ster bslang / gos spangs pa las pha rol po des ma byin na mthol ba gsos kyi 'og tu bdag gos kyis brel to zhes bslang / mthu yis blang / gos spangs pa bdag gis bslangs kyang ma ster na grogs po bzlog la dbrog go//gos la bsung gis reg na bkrus te spyad/ bdag gi gos la sogs pa bsung gis reg na ma brtags pa'i phyir spu bkru/ phye ma na sprug /bsung gi phye mas reg na sprug /snum gyis na dag par ro/ /gos la snum gyis reg na bkru/ char pa bab na bla gab med pa la dge 'dun gyi ma yin/ char pa bab pa'i khrod du dge 'dun gyi gos gyon te mi 'gro/ bkru ba dang 'tshed pa dang lhung bzed kyi las dang shing gshags pa la sogs pa'i byed par ma yin/ ming gis smos pa 'di rnams las byed pa'i tshe dge 'dun gyi gos gyon te mi bya/bzhag pa las lhan cig na'o zhes ma smras na gzhan med kyang sbyin te yang dag par bgrang / mi gsum gyis bdag la rdzas zhig gtams te nged gsum ma tshogs kyi bar du ma sbyin cig ces zer ba las gcig gam gnyis len du 'ongs na'ang mi sbyin no//nged gsum ma tshogs kyi bar du ma sbyin cig ces mi zer bar gtams pa ni gcig gam gnyis len du 'ongs te sbyin kyang nyes med/ gzhog pa dang ma 'grogs par ma yin/ nor gzhog pa'i tshe nor bdag dang 'grogs pa ma yin pa zhig len du 'ongs te dan rtags yod kyang mi sbyin/gnyen dang bdag gi khyim ma yin pa smyon pa las mi blang / mi smyon pa zhig gis kho bdag gi khyim dang pha ma'i khyim nas blangs te bdag la byin na blangs kyang nyes med/ bu bskrad pa las blangs/ pha mas bu bskrad pa las bu des pha ma'i khyim nas nor zhig blangs te byin na'ang blangs kyang nyes med/dur khrod nas slar bzlog pa las yang ngo / /dur khrod kyi ro'i rdzas zhig blangs te bdag la byin na blangs kyang nyes med/ de slar slong na sbyin/ mdo ltag ma ltar ro'i rdzas byin pa slar 'dod ces zer na'ang byin cig /slar 'thom na'ang blangs /mdo ltag ma ltar slar slong ste byin pa las yang slar 'bul na ma khro bar long zhig /mchod rten gyi dkor/ mchod rten la phul ba'i dkor rnams ni dge 'dun gyis bgo zhing spyad par mi bya'o/ /rtswa dang bu ram shing dag las/ rtswa ba dang 'bras bu la sogs pa bcad pa zhig dge 'dun la phul na bgos shing so sor sbyin no//gzhan zas kyi phyir bsngos pa/ bca' ba la ma gtogs pa mar dang bag phye la sogs pa phul ba ni mi bgo bar g.yos su byas te spyir brim mo/ /nye bar 'tsho ba dang nad pa la brtags pa bdag gir bya ba'i phyir bgo/ / mal cha dang khri stan la sogs pa dang sman la sogs pa phul ba ni spyis spyad dgos pa'i phyir mi bgo bar gzhag go/ /dbyar gyi mtshams rnyed na 'jug /dbyar tshul du zhugs pas ni tshul gyi yon skal gyi nang du 'jug cing blang / ma zhugs na mi blang / dbyar chad pa la yang mi rigs pa ma yin/dbyar tshul dral ba ni zhag bzhi bcu rtsa dgu'i bar du tshul bsrungs pa ni yon skal dbang ngo / /bzhi bcu rtsa lnga bsrungs pa ni phyed dbang ngo / /bzhi bcu rtsa bzhi bsrungs pa ni mi dbang ngo / /bskrad pa ni ma yin/ dge slong chad pas bcad de bskrad pa ni tshul gyis yon skal mi dbang ngo //rdzas kyis non par dbyar gnas pa la cha gcig go/ /gtsug lag khang mang po zhig kun gyi mtshams su re lde lta bus mnan te tshul du zhugs pa ni gtsug lag khang kun gyi yon skal mi dbang gi gtsug lag khang re re nas kyang cha re re dbang ste ci ltar dbang ba 'og nas 'chad der bdag gis bgrangs te ma non pa'i skal ba'o//gtsug lag khang gcig nas cha re re dbang ba ni gtsug lag khang du yod pa'i grangs las gtsug lag khang de gcig gi dge slong mi gcig gi skal ba ci thob pa las lha khang lnga yod na ni mi gcig gi skal ba'i lnga cha gcig sbyin no//drug yod na'ang drug cha re re sbyin no/ / gzhan du du mar tshul du zhugs na ring du gnas pa der chos so/ /ltag ma ltar gtsug lag khang du ma zhig gi mtshams su mnan te tshul du zhugs pa las gtsug lag khang du zan za ba gcig tu zan gyi phyir yang 'dug rnyed pa'i yon che ba gcig tu yang yon 'dod pa'i phyir gnas pa na gang du ring du gnas pa'i gtsug lag khang de'i yon skal la dbang ngo //dge sbyong pha dang dge sbyong ma'i rnyed pa ni sum cha ma gtogs pa las so/ /gtsug lag khang du rtag par nar mar yon 'bul ba zhig las 'god pa ni dge slong pha dang dge slong mas gsum thob na dge sbyong pha dang dge sbyong ma gnyis sbyin no//yon bdag gis 'phral du phul ba ni dge slong dang mnyam par sbyin no/ /zas ni mnyam mo/ /dge 'dun sbyin spyir zas lta bu zhig yon du phul ba las 'god pa ni dge slong dang dge sbyong mnyam par bgo//bsnyen par rdzogs par 'dod pa dang dge slong ma yang ngo / /dge sbyong lo nyi shu tshang ba dang dge slong lo gnyis spyad zin te/ bsnyen par rdzogs pa rung ba zhig na yon la sogs pa bgo'o/ / cog mnyam par bya/dge slong dang dge slong mar na cha blang ba ni dge 'dun gyis ma yin te gang zag tu'o/ /dge slong ma'i dge 'dun spyir yon zhig phul ba las 'god pa ni dge 'dun sde mnyam par mi bgo'i grangs su bgo/ /ma bsngos par mchod ston gyi rjes su rnyed pa la dge slong mas kyang zos na ma gtogs pa ma yin no//dge 'dun spyan drangs te dge slong bshos gsol zin pa'i rjes la dge slong mas slebs na dge slong phyis shos mi dbang ba ma yin te dge slong dang mnyam par dbang ngo / /stan dang chu dang bsod snyoms la dge slong dge slong ma bas thu bo ma yin pa ma yin no//dge slong gsar du khrims rdzogs na dge slong ma rdzogs nas lo nyi shu lon kyang stan dang lag chu 'drim pa dge slong las sngar brim mo/ /dge slong ma 'khod na rgan rims nas stan dor/ /dge slong ma 'ba' zhig spyan drangs te bshos gsol ba'i tshe phyis dge slong pha 'ong gis dogs pa'i phyir dge slong pha'i stan gong du gnyis gsum tsam gzhag dge slong pha de dag gis sbyin pa las 'chags pa byed mi nus na dge slong ma dag gis so//gtsug lag khang du yon bdag gis dge slong pha dang dge slong ma bshos gsol ba'i 'og tu tshigs bcad dge slong phas klog mi nus na dge slong ma mkhas pas kyang rung /zas 'drim pa mngon par 'dug na zas snyoms par brims shig ces dge 'dun gyi gnas brtan gyis thog mar bsgo / dge 'dun bshos gsol ba'i tshe phyag tshang dang thong ngan gyis 'byor tshogs zhes smras na gnas brtan gyis snyoms par brims shig ces bsgo//'khor du bltas te mang la zas nyung na ci 'byor du'o zhes thog mar ro/ /gtsug lag khang ngam yon bdag gi gnas su dge 'dun bshos gsol ba'i tshe gnas brtan gyis dge slong grangs las lhag par 'ongs na yon bdag la sbran nas dge slong bshos bshugs te thams cad thob par bya ba'i phyir brims shig ces bsgo//gzhan du na ci nus pas so/ /dge slong grangs bcad de bshos sbyar ba las de'i nang nas kha cig gud du spyan drangs te dong nas zas lhag par gyur na dge 'dun khong rtag tu bcing ba der brims zhes gnas brtan gyis bsgo//sam pra ta zhes rgan rims la ma brjod pa'i sngon rol du mi blang / bshos 'drim pa'i tshe thong ngan gyi 'byor tshogs zhes ma smras par bshos blangs na gnas brtan la 'byor nyes byas pa'i phyir gnas brtan gyis thod ngan las 'byor tshogs zhes smros shig ces bsgo// zas sta gon byas te spyan drangs pa las gzhan 'ongs te de la sbran/ yon bdag gcig gis grangs bcad de spyan drangs pa las yan man nas dge slong lhag ma zhig 'ongs na/ yon bdag la dge slong 'di snyed cig 'ongs so zhes gnas brtan gyis bsgo/chos gos gsum byin cig ces dge slong la mi bskyur/ dge slong na ba la dge slong grogs kyis chos gos gsum bsngos pa khyod sang ngam nam shi tol med na chos gos dge 'dun la dbul ba'i rigs so zhes mi bsgo/bdag ma shi na zhag re nyes byas re rer 'gyur ba'i phyir ro/ /dge 'dun gyis blangs na 'di sos na slar sbyin no zhes yid de dag las gzhan du ma yin/ mdo ltag ma ltar dge slong nad pas chos gos bsngos pa dge 'dun la yon du phul ba dge 'dun gyis kyang kho sos na gos 'di slar sbyin no snyam du bsams te blangs na gos slar sbyin/shi nas bla 'og tu bca' bar ro/ /dge slong shi na 'og tu gding ba'i ras yug gcig dang steng du g.yogs pa'i ras yug gcig gis g.yogs la dor/ 'bring po ltag ma ltar ro la g.yogs pa'i gos ni bzang po yang ma yin te 'bring po g.yog /ltag ma ni ma yin no/ /dge slong phyug po shi na dge slong grogs kyis gos bzang po mang po zhig gis g.yogs te dor zhes zer na'ang ci ran par dkris te dor ro/ /dri ba dang bcas pa phran tshegs la sogs par chud pa ste gos kyi dngos po'o//dris pa dang phran tshegs la sogs pa'i nang nas 'byung ba ste gos kyi dngos po rdzogs so// //gos kyi dngos po'o/ /'di man chad pags pa'i dngos po la 'chad de/ yul dbus ma'i mtshams ni/ yul gyi dbus ni sangs rgyas snga rabs kyang gnas de nas 'das phyis 'da' bar 'gyur ba'ang ma hA bo de nas 'das pas na rdo rje'i gdan bzhugs te yul gyi dbus bya ste/gang tshun chad dbus su brtsi ba 'og nas 'chad/ shar phyogs kyi mtshams nas pun tra brta na'i mdun gyi tshal bu 'da' ka zhes bya'o/ /pun tra brtan zhes bya ba'i mtshams tshun chad dbus su brtsi/pun tra brtan zhes bya ba nyid ni mtha' 'khob tu brtsi/ de'i mdun na tshal bu 'da' ka zhes bya ba tshun chad yul gyi dbus su brtsi ste / lho phyogs kyi ni sha ra ba ti zhes bya ba'i chu bo de'o/ /lho phyogs kyi mtshams ni sha ra ba ti gtsang po chen po tshun chad yul gyi dbus su brtsi/nub phyogs kyi ni bram ze'i grong tu na dang u pa tu na'o/ /nub phyogs kyi bram ze spun gnyis tu na dang u pa tu na dang gnyis kyi grong khyer tshun chad yul gyi dbus su brtsi/ byang phyogs kyi ni u shi ra'i ri'o/ /byang phyogs kyi ni u shi ra zhes bya ba'i yul de na rtsa man ma zhim po zhig skye ba'i yul de tshun chad dbus su brtsi/mtha' 'khob tu lham bol med bcang / lhag ma'i phyogs bzhi'i mtshams phan chad ni lham bol med gyon du dbang / mal stan sba ba'i phyir yang ngo / /yul gyi dbus na mal stan la rdul mi gos par bya ba'i phyir lham bol med bcangs kyang nyes med/tshig rim mo/ /ltag ma ltar dbus su lham gyon du dbang ba ni chig rim du bya/ lhan pa sbyin pas bcos lham rdol na lhan pa glan/ rim pa gzhan du mi bya/ rting pa'am brang pa gang du rdol bar glan gyi cher ni mi glan no//khyim pas gom pa bdun tsam du spyod spyod na rim mang po yang ngo / /lham mthil rim pa bdun tsam du stug po'ang khyim pas gom pa drug bdun tsam bgos pas rnyings par chud de gyon du dbang / brtags pa tsam gyi phyir de'i dbang gis sbyar bar blangs ni ma brtags par blangs pa ma yin no//bdag la lham sar pa ko ba rim pa mang po can yod na rim pa gcig gtogs pas brtags par chud yang gcig tu na khyim pa la gom pa drug bdun tsam gyon du'ang brtags par chud de gyon du dbang / ri mo dang nye ba'i ri mo ma yin pa / lham mda' tshon gyis bris pa'i ri mo can gyon du mi dbang /lug ru lta bur ma yin/ lham gyi bol la ste 'dzom gyi gong ras 'dra bas brgyan pa'i lham mi dbang / shu ba ta dang ka ri bya'i lo ma lta bu ma yin/ lham gyi bol la shing bo de'i lo ma dang 'dra ba dang gong nan tan gyi ri mo 'dra brta bag tu 'dug pas brgyan pa'i lham mi bgo//gser dngul gyis spras pa ma yin/ gser dngul dang rin po ches brgyan pa'i lham mi bgo/ /tsi gi tsi ki ma yin/ 'di skad ces zer ba'i lham mi bgo/ /ki ni ki nir ma yin/ 'di skad sgra 'byung ba'i lham mi bgo//khi ni khi nir ma yin/ 'di skad du zer ba'i lham mi bgo/ /dzi ni dzi nir ma yin/ de skad zer ba la sogs pa'i lham gyon na nyes byas/ gzhan yan trog trog por skye ba ma yin/ lham sgrog por 'gyur ba'i lham mi bgo/ /zhing du bres pa ma brtags pa ma yin/ lham gyi bol 'bring bus chu zheng du bres pa bgo dbang de mdun dang rting bar rim pa can bcang /lham sor mo'i steng g.yogs pa dang rting pa ko ba 'khyud pa ni bya rgod kyi phung po la 'dzeg pa'i tshe gyen bu la 'gro ba'i tshe mi 'byin pa dang thur bu la mi snad pa'i phyir bcangs kyang nyes med/ la la'i chu las skyes pa'i yang ngo / /sprul yan man du song ba'i mchil ma dang kha chus sam rtswa la reg pa la rkang pa la reg na gdug par 'gyur ba'i phyir bol can gyi lham bcangs kyang nyes med do/ /lham yu rdum yang ngo / /lham yu rdum gyon du dbang ngo //chab brom du 'gyur ba'i yul du zhwa dang yu rings kyang ngo / /yul lhag pa che ste chab brom yod pa'i yul du zhwa dang lham yu rings bgor gnang ngo / /dge slong ma yul gyi dbus su na na zhwa dang lham dbang ngo / /mtha' 'khob chab brom yod pa'i yul du ni zhwa dang lham gyon du dbang / mchod pa'i drung du lham bgos te mi spyad/ dkon mchog gsum dang mkhan po dang slob dpon lnga la phyag 'tshal zhing mchod pa'i tshe gan du lham gyon te mi 'gro/ /seng ge dang stag dang gzig dang ba glang cang shes kyi yan lag las cung zad kyang lus la mi thogs/ ming gis smos pa 'di rnams kyi pags pa dang so dang rus pa dang sder mo la sogs pa lus la bgo ba'am lham la brgyan par mi bya/ba glang phal dang rta ma rung ba dang de las gzhan ri dwags khra bo dag kyang chud do/ /ming gis smos pa 'di rnams kyang mdo steng ma dang 'dra bar bgo ba dang spyad cing gdags par mi bya/lham mi sprug /lham rdul can la la brdabs pa'am nang mi drud mi brdab/ ras ma la chus brlan te 'di la rdul dbyung ba'i phyir bcangs ltag ma ltar rdul can mi brdeb par ras ma la chus brlan te lham phyi zhing 'dar ba'i phyir ras ma des phyis kyang dgos pa'i phyir sbas te gzhag /de btsem/ lham ral na btsem ste thabs 'og nas 'chad/ mi mdzes pa'i dngos po byed na phyogs dben par ro/ /lham btsem pa mi mang pos mi mthong ba'i phyir lkog dben par ro/ /de'i phyir bsnyung bu dang gla rgyun bcangs yan man yul rgyu ba'am gnas na 'dug pa'ang rung lham ral na btsem pa'i phyir gla rgyun dang bsnyung bu bcang bzo gri ma yin/bzo gri ltag dgye dge slong gis mi bcang / shing lham mi gon / dge slong shing lham gyon du mi gnang ste gnang ba'i skabs 'og nas 'chad/ grong mi gtsang ba'i gnas las gzhan du'o//grong bar du 'dam yod par grong du zhag lon pa la khyim pas mal stan bsrung ba'i phyir lham gyon cig ces bgo ba dang / bshang sa che chung du 'gro ba'i tshe gyon du dbang / smyig ma'i lo ma dang mun dza dang si ri dang 'dar ba las ma yin/ ming gis smos pa 'di rnams kyi rgyu las lham byas te mi bgo//skud pa'i yang ngo / /rtswa las skud par bkal ba'i lham mi bgo/ /trag yod na ma yin no/ /trag can gyis gong ma ming gis smos pa rnams kyis rtswa las lham byas te gyon du gnang ba ni trag can gyi cho ga bya ba'i phyir dro bar rkang pa dang bcas te gzhug pa'i phyir gnang ngo //grong du gzhan med na pags pa la 'dug /grong du spyan drangs te pags pa stan du bting na stan gzhan med dam zhes smros te stan gzhan med ces zer na pags stan la 'dug kyang nyes med do/ /der yang de la 'di lta bu'i rkyen yang mi 'dug gtsug lag khang na ni rkyen yod kyang pags stan la 'dug pa'am nyal du dbang /mig gi phyir dom lpags bcang / mig la phan pa'i phyir dom lpags bcangs kyang nyes med/ rkang pa'i gnas su gding / ltag ma ltar bcang ba ni stan dang rkang pa phyi bar bya/ sangs rgyas kyi ni dri gtsang khang gi sgor ro/ /sangs rgyas la dom lpags yon du phul na dri gtsang khang gi sgor bzhag ste yan man du dong ba'i mig la phan pa'i rkang pa phyis te 'gro /lham bol med bgo /dom lpags kyi lham mig la phan pa'i phyir bgos kyang nyes med/ rlung gis ni 'dug cing nyal/ rlung nad can dom lpags kyi steng nyal lam 'dug kyang phan pa'i phyir dbang ngo //mkhyen pas brtags pa thams cad la 'di mkho/ dom lpags kyi steng na 'dug na mkhyen pas brtags pa bad kan byung bar phan pa'i phyir bcang / spus reg na phan par shes par bya/ ltag ma ltar dom lpags bcangs pa ni sha la reg pa ni ma yin gyi spu la reg pa ni phan/lham bol med rim pa mang po na yang ngo / /lham bol med ko ba rim pa mang du byas kyang rkang pa 'byar ba'i rim gcig /dom lpags spu yang bstan te byas na rim pa mang yang nyes med/ mdo 'og ma'i ti ka'o / /du ma'i steng du gcig bzhag na yang ngo //dom lpags 'ba' zhig las lham rim pa mang po zhig byas te gyon kyang nyes med do/ /mdo steng ma'i ti ka'o/ /a sma ba ran+da ka las gzhan du mi bcang / yul a sma ba ran+da ka zhes bya ba ni stag gzig la sogs pa ma gtogs par gzhan thams cad pags pa bcang du dbang ngo //seng ge la sogs pa'i yang ma yin/ yul a sma pa ran+da ka na seng ge dang stag dang gzig gi pags pa gyon du mi dbang / rgyus pa dang rus pa dang so dang sha dang tshil dag kyang gang gi pags pa ma brtags pa de'i'o/ /ltag ma ltar pags pa bcad du mi gnang ba rnams kyi ming gis smos pa 'di rnams mi bcang /rkyal pa bcang / rkyal pa bcangs kyang nyes med/ ngur smrig gam sngon por yang ngo / /rkyal pa'i kha dog 'di 'dra bar bya/ ri mo dang ri mor nye ba ma yin/ rkyal pa ri mo can mi bcang / rkyal mi shes pa thams cad ma sbyangs par chu zab mor mi 'jug /bdag rkyal mi shes par gru'am gzings sam shing leb lta bu'i thabs ma sbyar bar chu chen por mi 'jug /dben pa'i phyogs su rkyal bslab / dge slong dben par rkyal slobs shig /gting zab la glang po ma gtogs te ba las mi 'jug chu chen po la ba'am glang bu ma gtogs par glang po chen po'i mjug ma la 'jus te 'gro ba'i mjug ma la 'jus na nyes byas/glang bu la 'jus na stobs chung ba'i phyir/ 'ju ba ni ba glang dang rta dang ma he dang g.yag las so/ /ming gis smos pa 'di rnams ma yin pa'i mjug ma la mi 'ju/pags pa'i dngos po'o// // 'di man chad sman dpyad la 'chad de/ sman spyad/ dge slong nad pas sman bza' bar spyad pa dang dge ba'i bar chad du mi 'gyur ba'i phyir spyad do / /'di la rnam pa bzhi ste/ zas kyi sman rnam pa bzhi la skad cig pa dang phyi dro ba dang zhag bdun pa dang tshe gcig pa'o//skad cig pa ni skya rengs byung nas dro'i bar du'o/ /thun gyi skya rengs byung nas nyi ma nub kyi bar du'o/ /zhag bdun pa dang tshe gcig pa ni dngos su zad do/ /nad pa la dang po ma yin pa'o/ /skad cig pa'i zas ni na ba dang mi na ba dang mi na ba 'dra ste bzar rung ste nad pas zas zhag tu bzhag ni mi dbang /gzhan gsum ni nad pas bcangs kyang nyes med/ tsho tsa dang mo tsa ta ko la dang ka shud ta'i dang u dum bA ra dang pa ru sha ka dang rgun 'brum dang kha zu ra'i chu ni thams cad la'o/ /ming gis smos pa 'di rnams kyi 'bras bu'i khu ba btsags te na ba'ang rung mi na'ang rung btsags te 'thung ngu dbang ngo //snga dro'ang 'thung ngu dbang ngo / /de bzhin du 'bras bu'i tsha dang / tshwa dang zho khu dang tshur khu dang rtswa ba mo dag go / /ming gis smos pa 'di rnams btsags te na'ang rung mi na'ang rung phyi dro'ang 'thung ngu dbang ngo //'di rnams chus brtags dgos so/ /chu dbye snam bur btsags te dang ba bzhin snang ba shar ba de'i kha dog lta bu'o/ /mdo ltag ma'i btung ba rnams tshags su btsags te dad par byas la bzhin snang la chus brtags la btung du dbang ngo / /de'i phyir sngon du bsnyen par rdzogs par reg pa mi rigs te mtshan mtshungs pas na'o//mdo ltag ma ltar btung ba rnam pa bcu gsum snga dro dge slong bdag gis btsir zhing btsags na btung du rung / phyi dro ni byin len byas kyang dge slong gis btsir zhing btsags kyang 'thung ngu mi dbang gi//dge sbyong ngam khyim pa zhig gis btsir btsags la chus brtags te byin len byas nas 'thungs pa ni nyes med/ a ru ra la sogs pa lnga yang ngo / /a ru ra dang re'u ra dang a ma li dang / pi pi ling dang na le sham dang lnga ni dge slong na'ang rung snga dro'ang rung zar dbang ngo //bu ram yang ngo / /bu ram dang kha ra phyi dro'ang bzar rung / bu ram dang kha ra chus byas te btung du'ang dbang / 'di bsngos pa las bza' ba nad pa bzhin pa ni lam pa dang rdzas 'tsho dang las sar pa pa yang ngo / /sman zhag bdun du bsngos te bzhag pa nad pa bdag kyang bza' grogs po gzhan yang bzar rung ba bzhin du lam ring po nas ngal chad de 'ongs pa dang /dge 'dun gyi mal stan rdzi la sogs pa dang gtsug lag khang gsar du brtsig par bsko ba'i dge slong dang 'di rnams bzar dbang ngo / /zan bcad pas dus ma yin pa'i 'di bza'/dge slong dro yol te zan ma zos pa'ang / sman zhag bdun pa bzar rung / skom ni thun du'o/ /phyi dro btung du dbang ba rnams nang par nas nyi ma nub kyi bar du btung du rung ba las bya/ dang po'o/ /thun btung ba'i skom de rnyog ma can ma yin pa dang ba la bya/der ma reg pa'i rdzas te 'o na te dus kyi ni bsnyen par ma rdzogs pas mnye zhing snam bur btsag /ltag tu phyi dro btung ba rnam pa brgyad snga dro dge slong gis byin len blangs te snga dro bdag gis mnyes te btung du rung ba dang phyi dro dge slong gis mnye zhing btsag tu mi rung zhing dge slong gis btsags shing byin len bya ba de bzhin du rnam pa brgyad po 'di la ma gtogs par sho gam la sogs pa gzhan yang brtsi/'og 'di dang 'dra / bal po se'u dang pi zang su ra ga la sogs pa'i rdzas gzhan yang 'dir ro/ /'di rnams kyang ltag tu brgyad ming gis smos pa'i brtsi 'og dang 'dra ste/phyi dro dge slong gis btsag cing las byar mi rung ste dge sbyong gis bya/ dus kyir na thun gyi mthar ro/ /lag tu rnam brgyad dang bal po se'u la sogs pa dro zos nas dmar thag ma chad tshun chad du dge sbyong gis mnyes btsags te ngo snad na dge slong 'thung du dbang ngo //dmar thag gi mtshams 'das te 'thung du mi dbang ngo / /gzhan yang de'o/ /zhag bdun pa dang tshe gcig gi sngags kyis brtags pa las skom du byas na'ang dmar thag ma chad tshun chad 'thung du rung / de ma gyur na steng gang du gyur na'ang der ro zhes 'ga' las so//skom du btung ba nyug por sbyar ba las skyur por gyur pa dang / dang bar byas pa las rnyog ma can du 'gyur ba thun ma 'das kyang btung du rung ngo zhes 'og nas 'chad/ 'dul ba 'dzin pa kha cig na re skom btung ba'i rnams la da ltar ra mi ro'ang de'u re ra ro bar 'gyur ba dang da ltar dang yang de'u re rnyog ma can du 'gyur ba dang /da ltar mngar kyang de'u re skyur por 'gyur bas btung du mi rung zhes bshad/ de mi bzang ste dus las 'das par gnas na ni mi skye ba thob de yang 'ong ba na phal gyis mi chud pa'i phyir mi bsngos par 'thob pas so //ltag tu mngar po las skyur por gyur pa dwangs pa las rnyog por 'gyur ba dang ra mi ro ba las ra ro bar gyur na thun pa 'das kyang btung du mi rung ngo zhes 'byung ba de'i gzhung btsan par byas te gzung gi ltag tu mkhan po'i tshig phyis 'gyur zhes zer ba mi btsan te de'i tshig mi gzung ngo //'dir ro zhugs pa'i phyir phye ba'i skom bu ram shing dang rgun 'brum la sogs pa chu ma blugs kyang khu ba rang 'byung bas thun ma 'das tshun chad btsags te 'thung du rung phye ma'i skom yang btung du rung ste gang yin pa ni sga dang pi pi ling la sogs pa bur mar byas te glum gyi rlangs pa la bdugs te ro yod pa dang chu dang bsres te thun gyi bar du btung du dbang /so bi ra'i yang dang ngo / /so bi ra gang yin pa ni 'og nas 'chad de / so bi ras brlan pa'i khu ba'ang btung du rung / 'di ni 'bras bu la sogs pa'i sman brnyan nas skyur na'o/ /so bi ra zhes bya ba ni chu ba ti da ma ti la sogs pa 'bras bu dang me tog las skyur ba gang yang rung ste chu bar sbyar na thun gyi bar du btung du rung ngo //'di man chad ni skad cig ma dang thun gyi bar du chu las bshad/ mar dang yungs mar dang sbrang rtsi dang bu ram ni zhag bdun pa'i/ ming gis smos pa 'di rnams ni zhag bdun pa'i sman no//khaN+Da dang bu ram dang sha kha ra la sogs thams cad kyang bu ram du chud do/ /'di rnams kyang sman bu ram zhes bya ba'i nang du gtogs te zhag bdun du 'chang du dbang ngo / /mdo yang mar du chud do/ /mtho ris kyi khams na 'dug pa zhig ste 'di yang mar du gtogs te zhag bdun pa'o//yungs mar du tshil las bzhus te btsags pa'ang chud do/ /tshil dang chu gnyis bsres te bskol nas chu ni skams tshil gyi khu ba lus pa tshegs kyis btsags nas zhag bdun pa'i mar gyi gor bcad du rung / nya dang sbal pa dang dom dang phag pa'i'o/ /'di rnams kyi tshil btsags pa'ang mar gyi gor zhag bdun par bcang / 'di rnams ni nad pa mang po la mkho bas so/ /mdo ltag ma'i tshil rnams nad pa la dgos pa'i phyir bcangs kyang nyes med/ sos nas nad pa'i phyir 'di rnams las slong na sbyin no//tshil 'di rnams nad pa'i yo byad du byas te gsos nas lhag na nad pa gzhan la sbyin kyang nyes med/ med na nad kyi gsos pa la'o/ /bdag nad sos nas tshil gyi sman dge slong nad pa med na/ dge 'dun gyi sman khang du rub pa la gtad do//gdus pa dang bskul ba yang ngo / /'bras bu dang me tog la sogs pa lta bu lcags kyi gzhong / kun du nad kyi cho ga bya ba dang / mig nag por bsku ba'i rtsi'ang nad sos nas dge slong nad pa la byin/ grogs nad pa med na sman khang du dbul/ 'di yan chad zhag bdun pa'i sman bshad pa /nam 'tsho bar du ba ni rtsa ba dang sdong bu dang lo ma dang me tog dang 'bras bu'o/ /ming gis smos pa 'di lnga tshe gcig gi bar du bcang du rung ba'i sman yin te nad pas brtags te bcang du rung gnang ste 'og nas ming gis smos pa rnams yin zas kyi don du mi chog pa las so//mdo ltag ma lta bur rnam pa lnga zas kyi gor mi chog pa ni tshe gcig gi bar du bcang du gnang ngo / /'di lta ste mu sta dang ha ri bra dang shu ba dag dang sge'u gsher dang bong nga'o/ /ming gis smos pa 'di rnams ni rtsa ba'i sman yin no/ / tsan dan dang rtsi byi ka dang thang shing dang skyer pa 'di rnams ni sdong bu'i sman te tshe gcig tu bcang du rung ngo //ba sha ka dang ko sha ta gi dang pa to la dang nim pa dang 'dab ma bdun pa'i lo ma'o/ /ming gis smos pa 'di rnams ni lo ma'i sman yin te nad pas tshe gcig tu bcangs kyang nyes med/ me tog ni ba sha ka'i dang nim pa'i dang 'da' ka'i dang na ga'i pad ta mo'i snying po dang ngo //ming gis smos pa 'di rnams ni me tog gi sman yin te nad pas tshe gcig tu bcang ngo / /a ru ra'i dang am la'i dang byi byi ta ka'i dang na le sham dang pi pi ling ngo / /ming gis smos pa 'di rnams ni 'bras bu'i sman yin te nad pas tshe gcig tu bcang du rung ngo //dza tu dza tu zhes bya ba ni sman spyi'i ming yin te 'og nas 'byung ba'i rnams so/ /'di lta ste shing kun dang sar bra ra sa dang rgya skyegs dang pra tshil dang sta pa ka ra'o/ /ming gis smos pa 'di rnams kyi sman kyang tshe gcig tu bcang du dbang ngo //dza tu ni 'di yan chad do/ /thal ba'o/ /'di yang 'og nas 'byung ba rnams kyi spyi'i ming ste 'og nas 'chad/ 'di lta ste til dang ba la sha dang sa rdzi ka dang nas dang gra ma dang ba sha ka dang thal ba'i thal ba'o/ /ming gis smos pa 'di rnams kyi thal ba'ang sman du 'gyur te tshe gcig tu 'chang du gnang thal ba'i sman 'di yan chad do//lan tshwa'o/ /'di'ang 'og nas 'byung ba'i spyi'i ming ngo / /'di lta ste sen ta pa dang lan tshwa nag po dang byi lnga dang / rgya mtsho mching rnams kyi dang ro ma kha'i'o/ /ming gis smos pa 'di rnams kyang tshe gcig gi sman du bcang ngo //'dus pa'o/ /'di'ang 'og nas 'byung ba rnams kyi spyi'i ming / 'di lta ste a pra dang nim pa dang ko sham pa dang shi ri sha dang 'dzam bu dag go/ /ming gis smos pa 'di rnams kyi lo ma'ang sman du rung ste tshe gcig tu bcang du gnang ngo //mchog gi bar du sbyin/ sman steng ma rnams kyi lo ma gdus pa'i khu ba nam sros kyi bar du lan dus bkrus kyang rung ngo / /bkrus te yang ngo / /ltag ma'i sman gyis bkrus pa'i 'og tu yang chu tha mal pas kyang bkru/ ma reg par bkru pa gcig go/ /ltag ma ltar 'dus pa'i sman gyis bkru ba nad kha cig la bsrub cing mnye ste sman gyi chus bkrus na'ang phan/gcig tu nad pa kha cig la ma mnyes par spyi bo nas blugs na'ang phan/ 'di ltar 'dus pa sbyin/ ltag ma lta bu sman gdus pas rngo dang g.yan pa la sogs pa la phan pa'i phyir rtag par bkru/zas thal ba dang blangs na ma blangs pa ma yin no / /zas ngan pa'i sman ches bya ba yang 'og nas 'chad pa rnams yin no/ /'di dag nam 'tsho ba'i bar du'o/ /'og nas 'byung ba'i sman de'ang tshe gcig tu bcang du gnang ngo / /der gsungs pa ni yang bshad pa dang bcings pa dang bshangs te nu mas 'tsho ba'i'o//sman du bsrungs pa ni be'u nu ma 'thung ba'i gcin dang lci ba ni dug la phan pa'i phyir bcang du gnang ngo / /'di ni dug la phan no/ /ltag ma'i be'u'i lci ba dang gcin dug 'thungs ma thag tu de 'thungs na slar skyug pa'i phyir bcang ngo / / thal ba dang shing kan tsan dang ka pyi ta la dang / a shwa ta dang u dum bA ra dang n+ya gro d+ha dag kyang ngo / /ming gis smos pa 'di rnams kyi thal ba dag kyang dug la phan pa'i phyir tshe gcig tu bcangs kyang nyes med/ de la'o/ /ltag ma'i thal ba rnams dug 'thungs ma thag tu 'thung na 'tsho ba'i phyir bcang ngo //sa sor bzhi'i 'og gi sa la dge'o/ /bshang gci la sogs pas ma 'babs pa'i sa gtsang ma zab tu sor bzhi brkos pa'i 'og man chad kyi sa dug la phan pa'i phyir bcangs kyang nyes med/ 'di dad pa'i dge bsnyen las blangs/ mdo ltag ma'i be'u'i bshang gci dang sa'i sman ni dad pa'i dge bsnyen phyir mi nur ba las blang /len du gzhug /byin len bya/ ltag ma'i sman dad pa'i dge bsnyen las byin len byas te blang / sha rlon pa'i sman kyang ngo / /dge slong na na sman du dad pa'i dge bsnyen gyis 'bul na len du dbang ngo //dad pa'i dge bsnyen med na dge slong na ba shas mi gsor mi rung na ma dad pa las kyang blang / sha 'tshong dag kyang thams cad blang / dge slong nad pa sha'i sman gyis mi gsor mi rung bar gyur na dge bsnyen dad pa sha 'tshong la nyor btang ste nyos la zos kyang nyes med/ 'di dgos so//bdag na ba'i sman du sha dgos na ltag ma ltar nye ba'ang mi rigs pa ma yin te rigs so/ /de ste dus ma yin par mkho na ba lang rgan pa'i bshang ba las nas kyis bya ba'i sman de'i phyir bya ste gzhan mi bza'/ glang rgan nas zar bcug ste ma choms pa lci ba'i nang nas btus te phyir btab la nad pa phyi dro zan nam thug pa byas te bza' zhing btung du gnang ngo //'di lta bu'i sman nad pas bza' mi nus na than dang thug pa gzhan 'thung du'ang dbang ngo / /de za nus na gzhan mi bza'/ de ste skyon snam bur btsags te gzhan du ma yin/ ba glang gi lto nas byung ba'i nas de brngos de btags la skyo mar byas nas snam bus btsags pa'i khu ba nad pa la blud/des ma ngoms sam ma 'drangs na skyo ma nyid kyang blud/ de ste sha'i sman ko kas bshangs pa'i gzhan du ma yin/ nad pa'i sman du sman pas sha btsos pa'i khu ba 'thungs na phan par bsgo na phyi dro sha khu 'thungs kyang nyes med/sha khus snying ma tshim na sha gzhan zos kyang nyes med/ dred mo'am 'phar bas phyugs kyi sha zos pa de bzhin thal byung byung ba bzar rung ngo zhes sman pas phan par bsgo na zos kyang nyes med/ de ma sos na sman gzhan kyang bya/ de ste khu ba ni gos kyis btsags pa'i gzhan du ma yin/nad pa la phan pa'i phyir sha khu snam bur btsags te 'thungs kyang nyes med/ sha khus ma sos na sman gzhan gyis gso ba'i phyir sbyin/ gzhan dang bcas na chos yod pa'o/ /zhag bdun pa'i sman dang thun gyi sman 'dres na gnyis ka dor ram gcig dor ba bye brag 'og nas 'chad/de bas na sngon du brtags pa dang lhan cig tu 'jug go /skad cig ma dang thun gyi sman 'dres na skad cig ma'i dbang du bya/ thun gyi sman dang zhag bdun pa 'dres na thun gyi dbang du bya/ zhag bdun pa dang tshe gcig pa 'dres na zhag bdun pa btsan no//gzugs ma gyur na snga ma'i gzugs ma yin no/ /mdo ltag ma ltar 'dres na dbyer rung na snga ma ltar mi btsan gyi phye shig /de ste'ang 'dres te dbyer yang ma rung na snga ma dang 'dra bar bya/ de bas na gzhan la so sor byas pa de la bdag gir brtags pas brtags na mi 'grub par mi 'gyur ro//mdo ltag ma ltar sman 'dres pa bdag gi so sor dbye nus nas phye la thun dang zhag bdun pa dang tshe gcig pa'i sngags kyis so sor btab ste rim par bcang zhing bza'/ phye dang 'bras bu bu ram zlum po gzhag pa bdag tsam gyis bkrus na grangs su'o//'bras sam phye'i nang du bu ram gzhag pa dbyar bu ram zhus te kha zas dang 'dres na 'bras sam phye bsal te lhag ma bu ram gyi nang phye dang 'bras cung zad cig ma mthong ste khong du las pa'ang phyi dro thun gyi bar du bzar rung ngo //bu ram du gtogs pa'ang bu ram du chud do/ /bu ram btsir te bu ram du gyur pa las dbyar zhus te slar bu ram ling du byar mi rung pa las phye cung zad cig gis bsres te bskol nas slar bu ram ling du phyes gzungs byas pa dang / de lta bu yang phyi dro thun gyi bar du bzar rung ngo //bsngos pa la sogs pa mi skye'o/ /zhag bdun pa dang tshe gcig pa dang thun lta bu'i sman ni so so'i brtags pas brtags na thun gyi ltung bar mi 'gyur ro/ /nad pa'i phyir bza' phyir bsngos shig mdo ltag ma ltar zhag bdun pa dang tshe gcig tu gnang ba ni nad pa dbang ngo //bdag gi dus kyi mtha' pa'i bar du'o/ /thun gyir bsngos pa zhag bdun par bsngor mi rung zhag bdun pa'i tshe gcig par mi bsngo/ /nad par mi bza'/ thun dang zhag bdun pa dang tshe gcig gi sman brtags pa ni snga dro brtags te gzhag go//byin blangs pa'o/ /brtags pa rnams byin len ma byas par mi brtag go/ /byin len ma blangs pa dang 'dres pa bsrung / byin len blangs pa ni byin len byas pa dang ma byas pa mi bsre'i byin len byas la sngags gdab bo/ /de bas na lag bsnyal/ byin len bya ba lag pa dri ma can gyis mi blang blangs pa dang bdag gi lag tu byin len ma byas par sa la bzhag ste sngags kyis btab pa dang /spogs pa dang / spags pa dang / byin len ma byas pa dang / byin len ma byas par bdag nyid kyis blangs sngags btab pa dang / nang du bsrubs shing /mtshams kyi nang du dge slong dang zhag lon pa'i zas dang / btsos pa dang / mtshams kyi nang nas btsos pa'i kha zas dang / bsngos pa mi skye'o/ /ming gis smos pa 'di rnams thun dang zhag bdun pa dang tshe gcig pa'i sngags kyis gdab tu mi rung / btsog pa ni bro dang ba las log na'o//spags pa ste thun gyi btung bar sbyar la nyug po las skyur por gyur pa dang / dang ba las rnyog ma can kyang thun ma 'das kyang zos na spags par 'gyur/ bsngos pa 'og ma dang lhan cig tu mi spyad thun du bsngos pa dang zhag bdun pa dang lhan cig bsres te mi spyad kyis sman gyi rim pa'i dper ro//thun dang zhag bdun pa dang tshe gcig par bsngos pa ma gtogs par mig gi sman dang rna ba dang snar ldugs pa ni snga dro'am rung phyi dro'am nam yang bskur rung ngo / /byug pa bya'o/ /lhag ma lta bu'i sman mig na na sman byug go//sman gyi phyir ma yin na ma yin/ ltag ma ltar sman gyis bsku ba mig na na bsku'i mi na bar mi bsku'o/ /'di'i snod du thub pa'o/ /ltag ma'i mig sman zangs dang khar ba'i nang du blugs na g.ya' 'ong ba'i phyir rwa dang g.ya' med par blug go/ /khu ba byug na gab tshe'i'o//mig la sogs pa'i sman khu ba rnams ni sba'i gab tshe nang du blugs rdo gu byug na sgye'u 'o/ /sman rdo gu rnams ni snod sgye'u nang du blugs/ me tog dang / me mar gyi du ba mig la phan pa dang / btsos pa dang / sman sna tshogs las btsos te mig sman du 'gyur ba dang / phye ma'i byug par ni bu gu'i sman phye ma dang rnam pa 'di gsum gyi snod ni smyig ma'i dum bur blugs te gzhag /thur ma bcang / sman mig la byug pa'i rnams lag pas byugs na'o/ /mi gze ba'i phyir lcags kyi thur ma mde'u rdal ma 'dra bas byug /lcags dang zangs dang ming bu mi las dge//thur ma'i rgyu ni lcags dang zangs la dge ste ming bu mi zhes bya ba la yul gyi zangs sbrang bu dang lcags mnyen po la byas na bzang ngo / /bcang ba nad pas sman gzhan pa'i phyir snod kha mangs so/ /dge slong nad pas sman sna tshogs gzhag pa'i phyir ras gnyis sbyar la thad kar skud pas btsems te kha mang por 'dug pa'i nang du sman so sor gzhag /der mi grub na bcer ba'am thum por gzhag sman mang ste ltag ma ltar snod du gzhug tu mi rung na phyi ma rnams ni so sor phur mar bya/ rdog rdog po dang chen po'i rnams so sor gzhag pa phur mar byas la gnam la gdags pa'am bcer te bzhag /mi rul ba'i phyir dus dus su bskam zhing bzhag /sman mi rul pa dang rlan par mi 'gyur ba'i phyir dus dus su bskam/ nyi grib la'o/ /sman bskam pa bar bar nyi ma la bskam zhing grib ma la bsrad / nyi ma 'ba' zhig la bskams na mthu 'bri ba'i phyir/ bskams na mthu 'bri'o/ /nyi ma 'ba' zhig la bskam na'ang nad la mi phan pa'i phyir / grib ma 'ba' zhig la bskams na'ang nad la mi phan pa'i phyir snga ma ltar bskam par bya / ma rung bar 'gyur ba'i phyir 'bab na bdag gis brtul /sman skam du bcug pa las mes tshig gam sha byung ba la sogs pa rkyen gcig byung ngam char pa bab na dge slong bdag gis brtul kyang spags pa'i kha zas su mi 'gyur ro/ /bsnyen par rdzogs pa med na'o/ /ltag ma ltar brtul ba'ang dge sbyong dang khyim pa med na gdod bdag gis brtul lo//sman gyi phor bu bcang / dge slong lhung bzed gcig las bcang du mi gnang na sangs rgyas kyis phan par gsungs te sman btung ba'i phor bu zangs dang khar ba las byas pa bcang / sman gyi gzar bu yang ngo / / sman dkrug cing bsngo ba dang bcu ba lag pa tsha bar mi 'gyur bar bya ba'i phyir lcags sam zangs las gzar bu byas te bcang / brnangs pas phyi bzhin phor bu bcang / zan bza' ba'i tshe brnangs par gyur na chus 'phul bar bya ba'i phyir phor bu'i nang chus bkang ste gam du gzhag / nad pa lan tshwa'o/ /nad pa'i bad kan la phan pa'i phyir tsha rdog zlum por bdar te mid/ bad kan gyi steng du 'phog na bad kan slar byung bar phan te rgya mtsho'i lan tshwa ma rnyed na tha mal pa bcang / 'di gzhag pa'i sbu bu dge'o/ /lan tshwa'i sman gzhag pa'i snod las byas te der gzhug /gci bas btsos pa'o/ /ltag ma'i sman gyi snod las byas pa khrag dang mi gtsang bas reg pa bkru ba'i phyir zangs kyi nang du ba lang gi gci ba dang bsres te btsos na 'dag par 'gyur ro/ /med na nyes mi 'byung ba'i phyir kha gab bya/ ltag ma'i sman gyi snod la rdul mi 'ong ba'i phyir kha gab bya/'di lta bu las so/ /kha gab kyi rgyu ni rwa las bya ste bkru ba ni snga ma dang 'dra ste bsung gis kun du spags pa'i sa'o/ /bshang ba dang kha lag bkru ba sa rang las bsung byung ba de lta bus bkrus kyang mi rigs pa ma yin te bkrus kyang gnang 'chad du'ang gnang / chu bsro ba'i phyir lcags kyi thu lum mo/ /lcags kyi thu lum bsregs te chur bcug na chu dron por 'gyur ba'i phyir bcangs kyang nyes med do/ /thams cad la mkho/ lcags kyi thu lum ni nad pa dang mi na ba gnyi ga la bcang du gnang ngo / /de byung ba'i de la lcags thag gis gdags/lcags kyi thu lum mer bsregs te de la slar dbyung du lag pa mi tsha ba'i phyir lcags thag phre'us btags la dbyung sreg pa'i tshe 'ji ba gsher bas gnan / thu lum bsregs pa'i lcags 'ji bas g.yogs la thu lum bsreg /zas kyis reg pa sreg na gnas med do//lcags kyi thu lum zas kyis reg pa dge slong nad pa zhig chu dron por btung dgos par gyur na zas kyis 'bags pa'i chu bsres te 'thungs kyang nyes med pa ni chu bsres pa'i tshe spags pa yang bar 'gyur ro/ /brtags pa ni sngar bsro/ /brtags pa'i chu dang phyi rol che chung gi chu bsro na/lcags kyi thu lum bsregs pas brtags pa'i chu 'thung ba sngar bsro/ /phyis spyad pa'i'o/ / phyi rol che chung gi chu phyis bsro / /sngar bsro na lcags kyi thu lum mi bcang ba'i phyir ro/ /mas gso ba'i 'chang nad pa la sman pas phan par rkub nas gyen du gce'u gtsugs po'i nang du mar blugs te glo brdzang ba bzhin du de ltar byas kyang rung ngo //gzhan gyis bslang nus pa las 'di byas na sbom po'o/ /mdo ltag ma ltar sman bya ba yang gzhan cis kyang gso ma nus na gdod ltag ma'i sman thabs su bya/ de la mi tshangs par bya ba'am dga' bar 'dod pa'i phyir gce'u bcug cing byed na phas pham pa'i sbom po'o//zangs sam khar ba'i sbu gu ni dge ba'i lcags na yin no/ /steng ma'i rkub tu gzhug pa'i sbu gu'i rgyu ni zangs sam/ lcags mnyen po las byas te srid sor bzhi bcu la rkub kyi nang du sor bzhi bcu la phyi rol du sor brgyad bzhag ste/srang du 'gro ba dang phyi rol na 'dug pa'i mtshams su kun de'i mgo 'dra bar bya/ de bzhin du mtshon gyis gso ba'o/ /nad pa'i sman ni byas kyang ma sos na gtar ga bya/ sman gyis gsor rung ba la gtar ga byas na phas pham pa'i sbom por 'gyur ro / / 'di ni gtar ga gdab pa las gdod la gzhan mi bya/ gtar ga gdod la bya na rtsa ga la 'dug pa'i steng du byas pa ni nyes med do/ /rtsa med par byas na phas pham pa'i sbom po'o/ /lus la ni yod pa dang med pa gnyis ka sman pas bsgo ba bzhin du byas kyang nyes med do/ /mkhren pa las bcad par mi bya/dge slong mkhren pas btags te gzhan byung ba sman pa na re bcad na phan no zhes zer kyang sman pa'i ngag mi nyan te mi bcad do/ /mtshon gzhan gang gis kyang ngo / /ltag ma ltar mtshon gyis mi bcad pa bzhin du mtshon ma yin pa rgyus pa dang rta rnga dang so la sogs pas mi gcad do//sman dang sngags kyis gso / /sman dang sngags kyi cho ga bya zhing gso/ /gtum pos/ gzhan 'byung ba la sogs te nad thams cad bdag dang 'khon yod pa'i sman pa gsor mi gzhug /gso ba'i phyir nub mo za ba mi rigs pa ma yin/dge slong nad pa la sman pas phan par bsgo na phyi dro bza' ba dang bca' ba zos kyang nyes med/ 'di la byin len ma byas pas rtseg pa ma brtags par ma dogs shig /dge slong nad pa ni na ba'i rkyen gyis byin len ma byas pa dang spags pa'ang zos kyang nyes med do/ / gso ba'i phyir dril ba'i du ba btung / dge slong glo dang cham pa na ba la gyo mo'i nang du ba mar dang phye gnyis bsres te de'i du ba btang ngo / /spu bus 'di sbyar ro/ /du ba btung ba ni du ba 'byung bar gyo mo brtol ba'i nang du sbu bu bcug la sbu bu de'i khar bcug la du ba btung ngo / /lcags kyis bya/ltag ma ltar btung ba'i sbu bu ni lcags las byas te lcags med na smyig ma las byas kyang nyes med do/ /sor bcu gnyis na dge ste mi rno mi rtsub par ro/ /ltag ma ltar du ba rngub pa'i sbu bu sor bcu gnyis man chad brgyad yan chad gang byas kyang rung ste rtse mo mi rno ba dang thag thug med par bya/snod mar ram yungs mar gyis bskus shing gzhag /du ba rngub pa'i lcags kyi sbu bu btsas mi 'khyer ba'i phyir mar gyis bskus la phyis bdag na'am dge slong grogs na ba'i phyir mi dor bar sba/ ba lang gi so'am gos kyi gdang de la gzhag /du ba rngub pa'i sbu bu sgye'ur bcug la ba lang so'i gos kyi gdang ngam gos kyi gdang gang yang rung ba la gdags/bkru ba'i phyir mer gzhug /du ba rngub pa'i lcags kyi sbu bu chus mi 'dag gi mer bsregs na 'dag go/ /sna'i las bya/ mtshul pa subs pa dang klad pa na ba'i phyir sman pa na re chu nas sman 'thung zhig ces zer na 'thungs kyang nyes med/'di ni sna'i bya bar 'gyur ro/ /sna'i nang du sman blugs pa ni lcags las bye'u 'dra bar byas la/ chu la gce'u gnyis 'dzag par byas la/ sna bu ga gnyis kyi nang du sman blugs/ bcu gnyis pa mi rno ba dge'o//ltag ma ltar snar blugs pa'i gce'u gnyis mi rno ba bya/ 'di bya/ gong ma ltar snar blugs pa'i gce'u gnyis lcags sam zangs las bya/ sha rjen pa sman gyi phyir sha rjen bza'/ dge slong nad pa sman gzhan gyis mi 'tsho ste sman pa na re sha rjen zo zhes bsgo na zos kyang nyes med/de za mi phod na thabs so/ /nad pa sha rjen za mi nus na thabs 'og ma nas 'byung ba ltar bya/ mig snam bus dgab/ sha rjen mig gis mi mthong bar bya ba'i phyir sha ma 'ongs pa'i mdun du mig snam bus g.yogs mi ldang ba'i phyir bsung zhim po dang bsres te'o/ /sha rjen zos pa slar skyugs par dogs pa'i phyir spod bsung zhim po dang bsres te bza'o//'bags pa phyung ste yid du 'ong ba'i bza' ba dang bca' ba mdun du bzhag ste dgogs/ ltag ma ltar sha rjen zos zin nas phyis mi skyugs pa dang / mi dga' bar mi 'gyur ba'i phyir mig g.yogs pa ma shus pa'i mdun du kha ra dang la du bsung zhim po bkram la mig g.yogs pa snam bu bshu/'di las gzhan pa'i phyir 'di ni sbom po'o/ /bdag dang mi na sman pas kyang phan par ma bsgo bar sha rjen zos na dbyen gyi sbom po'o/ /mi'i sha ni thams cad du'o/ /mi'i sha ni dge slong na'ang rung mi na na'ang rung sman pas bsgo'ang rung zar mi gnang ngo //zos na dbyen gyi sbom po'o/ /phyir byas pas shes na mi bza'/ bdag gi phyir pha rol gyi phyugs zhig bsad de sha byin te shes bzhin du zos na na'ang rung mi na na'ang rung nyes med/ stag gi god la ma yin/ seng ge ma gtogs pa stag la sogs pas phyugs sam gcan gzan gyis zos pa'i lhag ma yang bza' bar re ba'i sems yod pa bdag gis blangs na nyes byas ba lang dang rta dang klu dag ma yin/'di rnams ming gis smos pa'i sha zos na nyes byas/ rmig pa gcig pa'i dang / wa dang spre'u dang /shing rta dang bya rog dang so bya dang khyung dang 'ol ba dang 'ug pa dang de las gzhan yang rol za ba'i bya ba ka dang dza tu ka dang / sbal pa dang srin bu 'ga' 'dus pa ka dag go/ /ming gis smos pa 'di rnams kyi sha zos na nyes byas/ 'di bcad pa'i sha ma yin nam zhes byin len brim pa la dri/sha zhig gzhan gyis byin nam nyo'am 'drim na ltag ma ming gis smos pa 'di rnams kyi sha ma yin nam zhes dris te yin na mi bza' ba dang / lug dang ra'i sha ni bzar mi rung / du ma na dang po pas de dri/ ltag ma ltar 'drim na 'dri ba ni gnas brtan gyis bya /phrin drung na pas so/ /gnas brtan gyis brjed na drung na su 'dug pas kyang dri/ ba glang dang mi'i 'o ma mi btung / ming gis smos pa 'di rnams kyi 'o ma dge slong mi na bas mi btung / nad pa ni sman pas phan par bsgo na 'thung du dbang ngo / /ma smad pa ni pags pa'i rma la glan pas na blugs pa ni mig byug pa ste mi bza' rnams kyis so//ltag tu sha bzar mi rung ba'i rnams dang 'o ma rnam gnyis zos na nyes byas su 'gyur gyi mi bza' bar 'bras sam sna la phan pa'i phyir glan pa dang srab cing 'dug pa la sogs pa lus kyi phyir logs su spyad pa ni nyes med do//nad pas chang ngam yungs mar ram mar dang bsres pa btung / dge slong nad pa la phan par bya ba'i phyir mar ram yungs mar gyi nang du chang nyung zad cig blugs te 'thungs kyang nyes med/ nyes med pa ni chang ma yin pa na'o/ /ltag ma ltar mar dang bsres pa'i chang yang kha dog kyang chang mi 'dra ro dang bsung yang chang mi 'dra na btung du rung ngo //bskol bas 'byor to/ /chang zangs gang tsam bskol nas phyed tsam du gdu bas bsung mi bro ro dang kha dog kyang chang mi 'dra na 'thung du rung / 'di sar bcug pa la nas brngos pas blugs te tshar gyur na'o//chang bum gang tsam sa'i 'og tu bcug la yos tshig par brngos te chang gi nang du blugs te byibs te bzhag na tshar 'gyur te kha dog kyang chang mi 'dra ro'ang chang mi bro na nyes med/ rgun chang bskol na ra ro bar mi 'gyur/ rgun chang bskol te 'thungs bas ra'ang mi ro la bsung chang mi bro na 'thungs kyang nyes med/so sor ma byas na yod pa ma yin no/ /rgun 'bru dang bu ram shing dang til lta bu dge slong grogs kyis reg pa byin len ma byas pa zos na ltung bar 'gyur nas de rnams kyi khu ba btsir ba dge slong grogs kyis byin len ma byas par reg pa 'thungs pa ni nyes byas so//bag chags par gyur na yod pa'o/ /smod dam chu kha zas kyis 'bags pa zhig las zas btsos te zos pa rnams kyis nyes byas su 'gyur/ gzhan gyis 'bags par mi shes na gzhan la ni nyes byas med kyi sus shes bzhin du byin pa de la kun gyi nyes byas/chang la bsres pa 'bral ba'i phyir chang gi bsung gis spags pa'i rtsa ba dang sdong po dang lo ma dang me tog dang 'bras bu dang sman skam po'i phye ma'i chus so/ /dge slong chang dad che ba la chang dang 'bral ba'i phyir ming gis smos pa 'di rnams smod du bcug ste glum gyi rlangs pa las gtugs te de chu dang bsres te ro skyur tsam cung zad chang bro ba 'thungs kyang nyes med do//chang gi snod la spyad pa'i gnas la spags / gong ma'i phye ma rnams ras dkar po'i thum por byas la chang rlangs pa la sbyang / ma reg par bsrungs te de bas na bri ba brgyal bzhi nas so//gong ma ltar chang la sbyangs pa ni chang la ma reg par chang gi spang ma kha nas phris te byas kyang rung chang gzhon nu nam mas yar rgal ba zhig med na gdod sbyang / de bzhin du ro dang 'bral bar byed pa dang dus ma yin pa'i skom la zas kyang ngo //me tog dang 'bras bu la la ltag ma ltar phye ma bya ba ni ro kha ba dang mngar ba las mi bya'i nyug pa dang skyur pa las bya/ 'di 'dra bar btung ba tshe gcig pa dang zhag bdun pa la bya'i 'phral du btung ba mi la bya ste kha zas kyis 'bags na ltung ba'i phyir ma 'bags par bya/ mdzes par na dge/ /kha ba dang mngar ba'ang ro mi zhim pas mi mdzes pa ma yin rnam pa cig tu rnyog ma dang skyo ma lta bu yod na mdzes pa'i phyir ras kyis btsags la gtsang mar byas te btung / de bas na ras ma dkar pos thum po bya/ ltag ma ltar gtsang sbra dang dang bar bya ba ni ras dkar po'i nang du ltag ma'i sdong po dang me tog dang lo ma bcug la btsir na dang ba dang gtsang sbrar 'gyur ba'i phyir de ltar bya'o//nad pas kyang chang rtswa'i tor to'ang mi btung ngo / /nad pa dang min pas kyang rung te chang nyid ni chung ngu dang rtswa mchog tsam yang 'thung du mi gnang ngo //dge bsnyen dang thams cad kyang sbyin/ dge slong rnam bzhi dang dge bsnyen man chad khyim pa su la yang rung chang blud na nyes byas/ dge slong rnam bzhis kyang gzhan la chang blud na nyes byas/ dge bsnyen man chad kyis gzhan la chang blud na bsod nams ma yin pa sdig pa skye'o//gso ba'i phyir ma gtogs pa ni rang bzhin gyi kha na ma tho ba dang bcas pa ste lhag ma thams cad do/ /phas pham pa bzhi dang chang lta bu ni srog la bab kyang mi btung zhing mi dral lo/ /ltag tu rme ba can gyi sha mi bza' ba dang mi dang rta'i 'o ma mi 'thung ba dang chang mar dang bsres pa dang bskol ba la sogs pa ni gzhan gyis mi 'tsho na dben par 'thungs kyang nyes med do//btsang dang sgog skya dang rgya sgog kyang mi bza'/ ming gis smos pa 'di rnams mi bza' zos na nyes byas so/ /nad pas ni dben par ro/ /ltag ma lta bu'i sgog pa rnams nad pas ni cho ga la phan pa'i phyir mtshams kyi phyi rol du dben par bza'/za ba dang de'i 'og tu btsang ni zhag bdun dge slong gis sgog pa btsang zos nas zhag bdun pa song ste gtsug lag khang du 'jug /sgog skya ni zhag gsum/ sgog skya zhag tu zos na rung zos nas zhag gsum zos te gtsug lag khang dang dge 'dun gyi nang du 'jug go//rgya sgog ni zhag gcig las gtsug lag khang du mi spyad/ dge slong gis dben par rgya sgog ni ltag ma bas ro chung ba'i phyir zhag gcig bsangs te gtsug lag khang du 'gro/ mal stan la mi spyad/ltag tu sgog pa rim pa gsum la zhag tu bsangs pa bzhin du dge 'dun gyi mal stan la zhag gcig gi rim pa bzhin mi spyad/ bshang sar mi 'jug /ltag ma'i zhag grangs rim pa bzhin du dge 'dun gyi bshang sar mi 'jug /gzags par ma yin/ ltag ma'i zhag rim pa bzhin gcin gci ba'i sar kyang mi 'jug /dge 'dun gyi nang du mi 'jug /ltag ma'i sgog pa rnams zos te zhag grangs ma tshang bar dge 'dun gyi nang du mi 'gro/ mchod rten gyi mtshams su ma yin/ sgog pa zos te zhag grangs ma tshangs par mchod rten la phyag 'tshal du mi 'gro//de'i tshad ni 'dom mo/ /bdag dang pa'i shas che ste mchod rten la phyag mi 'tshal du mi rung na mchod rten dang bar 'dom gang tsam gyis bcad la bskor/ khyim pa la chos mi bshad/ sgog pa zos pa'i zhag grangs ma tshang par khyim pa la chos mi bshad/ dad pa'i dge bsnyen phyir mi nur ba la bshad kyang nyes med/ grong du mi 'gro/ /sgog pa zos pa'i zhag grangs ma tshang bar grong dang khyim dang khyim du mi 'gro/ /'gro ba mang po'i phyogs su ma yin sgog pa zos te zhag ma tshang bar dge 'dun 'du ba'i sa'am mi mang po 'du ba'i sar mi 'gro /mthar khrus so/ /sgog pa zos te zhag grangs tshang na khrus bya/ gos la bsung ba bsal/ bdag sgog pa za ba'i tshe gos la reg pa rnams med par byas te thabs 'og nas 'chad/ bkru ba dang bdugs so/ /gong ma ltar gos sgog pas reg pa ni bkrus la sgog pa'i ro med par bya ba'i phyir pog gam spos kyis bdug /rdzing bu tshun chad la lo nyes pa'o/ /'og nas mdo rdzing bu zhes byung ba yan tshad lo nyes pa'i tshe dbang ba la 'chad de / phyi rol bzhin du btso gnas pa la yang bsngos te brtags na'o / /lo nyes kyi tshe mtshams kyi nang du btsos pa dang /mtshams kyi nang du zhag gcig lon pa'i zas dang dge slong gis btsos pa dang byin len ma byas pa dang / dge slong gis tshang mang nas blangs te gud du za ba dang phyi dro 'bras bu rgun 'bru la sogs pa dang / shing tog pu ka re la sogs pa phyi dro yang yang za ba dang / bdag gis btsos pa dang phyi dro rgun dang 'bras bu pa ka re la sogs pa 'di brgyad kyang phyi dro lo nyes pa'i tshe bzar dbang ngo / /bsngo'o/ /lo nyes pa'i tshe mtshams kyi nang du tshang mang dang sris 'tshod bsngor rung ngo / /lo nyes ma byung ba'i tshe bsngor mi dbang ngo zhes ti ka las 'chad do//lo nyes pa ma byung yang sngags kyis gdab cing bsngor rung ngo zhes 'dul ba 'dzin pas bshad do / /shing drung dang ba lang gi gnas dang mur 'dug gi gnas dang rgyal po'i grong gi dngos po dang dge slong ma'i dbyar mo thang gtsug lag khang gi phyi rol gyi khyim sa dang sgo phubs dang khyams dang bsro gang gi gnas su yang ma yin no//mi dge slong gi tshang mang dang sris mdzod ming gis smos pa 'di rnams kyi gnas su lo nyes pa dang ma nyes pa 'dra ste bsngor mi dbang / bla gab med pa dang mi'i gnas dang mchod rten gyi gnas dang / khyim gyi gnas su yang ngo zhes gzhan las so//ming gis smos pa 'di rnams kyi gnas su tshang mang dang sris mdzod byar mi rung ngo zhes 'dul ba 'dzin pa kha cig gis bshad/ bsgrub pa dang btso ba der mi bya/ ltag tu shing drung dang zhes bya ba man chad gzhan las so zhes bya ba yan chad mi gnas su tshang mang dang sris mdzod bsngo ba ma gtogs kyi snod spyad gzhag pa dang kha zas btso ba'ang gnas der mi bya'o//btso ba bzlas pa mi bya ba yang ngo / /ltag tu ming gis smos pa 'di rnams kyi gnas su kha zas btsos zin pa zhig slar btso ba'am ma tshos pa btso ba'i gnas kyang der mi bya/de la dus bzhi ste/ tshang mang dang sris mdzod brtags na rung ba'i gnas bzhi yod de 'og nas 'chad pa yin no/ /thog ma'i pha gu 'jog pa na'o/ /thog ma gtsug lag khang rtsig cing rmang 'ding ba na tshang mang dang sris mdzod du bsngos na'ang rung / steng du las sar pa dang bcas pa na'o//khang pa brtsigs te gzhag kun zin la skyang nul lam ri mo tsam ma zin par bsngos na'ang rung ngo / /gzhan gyi dus dge slong gi gnas ma bral ba'o/ /gtsug lag khang zin te dge slong nang du lhags nas zla ba dang zhag tu lon kyang rung ste/ gtsug lag khang dang dge slong gcig kyang zhag tu ma bral na bsngos na rung ngo //gnas su ma gyur pa ni 'di dag med pa las dge slong dag byin na'o/ /dge slong gis gtsug lag khang yong ma btang ste stong par 'gyur ba las dge slong kha cig gud nas lhags te zhag ma lon par tshang mang dang sris mdzod bsngos kyang rung rnam pa gcig tu gtsug lag khang gi nang gi dge slong thams cad mtshams kyi phyi rol du dang ste skya rengs byung nas slar gtsug lag khang de'i nang du zhag ma lon par gsol ba dang zhu ba'i las kyis bsngos na tshang mang dang sris mdzod du rung ngo // bya ba gzhan brtsams pa dang zhi ba dag la de'o/ /gtsug lag khang stong par bor la dge slong gud nas lhags pas khang bu 'god pa dang chu lta ba la sogs pa'i las ci'ang mi bya bar thog mar tshang mang dang sris mdzod bsngo'o/ /thams cad dge 'dun gyi las so/ /ltag tu gnas bzhir bsngor gnang pa gang zag gi 'og nas 'chad de/'di ni dge slong gi dge 'dun gyis gsol ba dang zhu ba gnyis kyi las kyis bsngo/ thog ma ni gang zag gi las kyang ngo / /bsngo ba rnam bzhi ltag tu bshad pa la rmang btsugs pa dang cung zad ma zin pa'i tshe dang gnyis ni gang zag gcig gis bsngos kyang rung ngo //las sar pas so/ /ltag tu gang zag gis bsngo'o zhes bya ba ni gtsug lag khang slong ba'i las byed pa'i dge slong gis bsngo ba la bya'o/ /thog ma 'ba' zhig gis so/ /ltag tu las sar pa bas bya zhes bya ba ni dge slong de nyid kyis bya ba la bya'i gzhan gyis bsngor mi rung ngo //ltag ma'i gang zag gis bsngo ba ni dge 'dun gyi spyir bsngo'o zhes khar brjod do/ /gnyis po la dge slong mang po dgongs te'o/ /ltag tu gang zag gcig gis thog ma'i gnas gnyis bsngo ba'i tshe gan na dge slong man chad yod na btsan pa dgongs shig gnas 'di ni dge 'dun gyi tshang mang du 'gyur ro zhes smras pas kyang bsngos par chud do//gang na dge 'dun du tshang pa ni gsol ba dang zhu bas bsngo'o/ /mtshams gcig ni gtsug lag khang zin nas nang dge slong lhags pa zhag dang zla ba du lon kyang rung ste dge slong gcig dang yang ma bral na dge 'dun 'dus nas gsol ba dang zhu ba'i las kyis tshang mang sris mdzod bsngor rung /ci tsam na 'ongs te gnas pa de tsam dang mnyam par brtags pa bzhi pa'i gnas zhes tshig gis brjod cing smra/ gtsug lag khang stong par bor ba la dge slong gud nas lhags pas tshang mang dang sris mdzod bsngo ba dang mtshams gcig gi dge slong thams cad ra ba'i phyi rol du skya rengs byung ba la gtsug lag khang du lhags te bsngo ba dang de gnyis ni gsol ba dang zhu ba gnyis kyi las brjod la/dge slong thams cad kyis gnas 'dir bya'o zhes brjod do/ /'di du ma la gcig pus gtsug lag khang gi bya ba byas kyang mi mdzes pa ma yin no/ /mtshams chen po gcig gi nang nas gtsug lag khang mang zhig gi dge 'dun gnas gcig tu 'dus te gtsug lag khang gcig gi tshang mang dang sris mdzod gsol ba dang zhu ba'i las kyis bsngos na gtsug lag khang gzhan thams cad kyi tshang mang sris mdzod kyang brtags par 'gyur ro //tha dad du gyur pa la 'dis bdug par bshad/ mtshams chen po gcig gi nang na gtsug lag khang mang zhig 'dug pa'i dge slong gcig tu 'dus te/ltag ma ltar tshang mang bsngos na kha zas mtshams kyi nang du zhag lon pa dang btsos pa gnyis kyang mtshams chen po gcig gi nang gi gtsug lag khang thams cad kyi'ang dbang ngo / /'di gnyis ni mu ge'i tshe ma yin kyang dbang ngo //'di man chad nas 'byung ba kha gcig ni mu ge'i tshe'ang dbang ngo / /dge slong gis btsos pa dang / lo nyes nas mu ge'i tshe tshang mang brtags kyang rung ma brtags kyang rung bdag gis btsos kyang rung grogs kyis btsos kyang rung bzar dbang ngo / /blang ba'i byin len spyad/dge slong gis sngar kha zas reg pa phyis byin len byas te zos na nyes med do/ /nang par gyi zas kyang ngo / /mu ge'i tshe yang yang zos kyang nyes med do/ /thug pa ni thams cad du'o/ /thug pa ni nyes kyang rung ma nyes kyang rung yang yang mi chud de 'thung du dbang ngo / /byin blangs nas spangs dang blangs pa yang ngo //bsod snyoms blangs te bdag gis ci chog tsam zhig long shig spangs te lhag ma mi za bar bsam pa de slar blangs te zos kyang nyes med za ba'i tshe langs te yang 'dug nas zos kyang nyes med do/ /de lhag ma blangs par ldang ba yang ngo / / zan bza' bar sa la 'dug ste zos na de chog go zhes byas te slar gtong ba las yang slar 'on cig ces byas te zos kyang rung langs te yang slar 'dug na zos kyang nyes med do/ /mu ge'i tshe mgron du song ba'i lhag ma zos kyang dbang ste nyes med do/ /'di bsag go/ /lo nyes pa'i tshe bdag la yon bdag gis zas mang zhig mdun du bzhag ste byin na ci yog tsam zos kyang /lhag ma yang khyi'u dbang ngo / /shing gi dus pa der gsungs pa ni 'di lta ste rgun 'bru dang bal po se'u dang / kha rdzur dang star ga dang 'ba' sta ma dang be'u 'bru dang thang shing dang 'ba' 'bru dang sin tsi ti ka dag go//ming gis smos pa 'di rnams lo nyes pa'i tshe snga dro yang yang zar rung ngo zhes byi dza ya bar mas bshad/ phyi dro yang bzar rung ngo zhes byi shu tas bshad/ rdzing bu yang ngo / /ltag tu rdzing bu yan chad lo nyes kyi tshe bzar rung ngo zhes zer ba ni 'di yan chad do/ / der gsungs pa ni 'di lta ste pad+mo'i rtsa ba dang 'dzer bu dang 'be ta dang ut+pa la'i rtsa ba dang pad+mo'i sa bon no/ /lo nyes kyi tshe rdzing bu'i nang nas skyes pa 'di rnams kyang bzar rung ngo / /sman gyi dngos po'o/ /phran tshegs la sogs pa'i mdo rdzogs so// //rgyal po'am rgyal po'i ched du khas mi blang /rgyal po shi'am med de 'bangs pa la na re dge slong khyod kyis rgyal po'am rgyal tshab bam blon po chen po gyis shig ces zer na'ang khas mi blang / dge 'dun gyi phyir grong blang / dge 'dun la grong khyer dang khor yug dang khang khyim 'bul na blang / zhing yang ngo / / dge 'dun la zhing phul na'ang blang ngo / /de yal bar mi dor/ ltag tu grong dang zhing byin pa lta bu rmo brko dang zhal ta bya/ 'di'i cha sbyin/ bdag gis zhing rmo mi nus na thun shas su btang / cha blang shing thun shas su btang ba slar mi ster na blang / byed pas gtsug lag khang du bskur / khyim pa la thun shas su btang ba dge slong nyid kyi khur du mi bskur gyi khyim pa skyed du bzhug /bdag gi thog mar ro/ /dge slong dang khyim pa gnyis thun shas bgos na dge 'dun dbang ba sngar khyim pa skyed du gzhug go/ /phyis byas na char pa 'ong gis dogs pa'i phyir ro/ / bsrung ba'i phyir dge slong bsko zhing gi shas dang grong gi dpya blang ba'i tshe dge slong dpya ba gcig gzhug /skye ba dang 'god pa dang gnyis ka dang gang yang rung bar mi mngon na mi bslang / klus dgon par gtsug lag khang sprul pa drug sdes klan ka btsal ba las bcas/gzhan du na dran pa shes bzhin mdun du byas te der 'jug go/ /ltag ma lta bu ma yin rgyu ga las 'ongs pa'ang shes las zad par 'gyur ba'ang shes na rgyu lhag chad ci yod pa brtsis kyang nyes med/ dge 'dun gyi phyir g.yog blang / yon bdag dad pas dge 'dun la yon du g.yog phul na blangs kyang nyes med/gang nas sgras gtsug lag khang du yong ba der khang pa brtsig par bya/ gtsug lag khang gi rkyen du yon bdag dad pas grong phul ba'am rtse rgod lta bu gtsug lag khang gi 'dab ca co dang sgra mi thos pa tsam gyi tshong du gnas khang byas la gzhag /de ste las byed na zas byin pa bya/ rtse rgod dang lha bran dge 'dun gyi las byed na zas dang gos dge 'dun gyis sbyin/ ba lang dang ma he dang ra lug dang bal glang dang rta dang rnga mo dang bong bu dang 'bru rjen pa dang snod dag kyang ngo / /ming gis smos pa 'di rnams dge 'dun la phul na blangs kyang nyes med/'di mchod rten la ma brtags pa ma yin/ grong dang zhing dang rdzas la sogs pa mchod rten la yon du phul na blangs kyang nyes med/ kha gzar bcang / zas bza' ba'i tshe kha gzar bcangs kyang nyes med/ tshwa khug kyang ngo //tshwa khug bcangs kyang nyes med 'di dag dang phyi bzhin du btung ba'i phor du las gzhan pa'i khar ba'i snod gang zag gis mi bcang / gang zag gis khar ba'i kha gzar dang khar ba'i tshwa khug dang chu lta ba dang rnangs pa'i bzhin du chus 'phul ba'i snod 'di rnams bzhi las gzhan gang zag gis mi bcang /kun dga' ba bcang / gtsug lag khang gi ra ba'i las byed pa'i g.yog rnyed na bcang / ma rnyed na gla bya ba yin/ mtshungs pa'i byis pa bsrung ba'i phyir 'bul na blang khyim pa rtag par bu shi bas phyis bu gcig bdog ste shi nas dge slong gi g.yog tu phul na dge slong gis blangs la gtsug lag khang du gzhag /bu mo na dge slong ma'i gtsug lag khang du gzhag /de'i mtshan ma mgul bar gos gdags pa yin no/ /'dreg gis mi khyer bar bya ba'i phyir dge slong gis chos gos kyi tshal bu mgul du gdags/ rked par yang ngo / /chos gos kyi tshal bu rked par btags kyang rung ngo / /snying rje'i sems kyis bsrung / byis pa bdag gi gan du bzhag pa de phyis g.yog tu bya ba'am 'di bcangs kyang bya dga' mang zhig byin du re ba'i phyir ni mi bsrung gi phongs te skyabs tshol ba'i phyir snying rjes brtsi bar bya'o//de'i gnyen gyis phul na blang / byis pa bzhag pa de'i pha ma'am gnyen gyis spyan gzigs sam gos shig dge slong de la phul na blangs kyang nyes med/ mthar rngan pa yang ngo / /ltag ma ltar byis pa bzhag pa phyis ma shi ste sos nas de'i phyir pha mas dad de nor dang rdzas byin na len du gnang ngo //nges drin shes par yang ngo / /ltag ma ltar byis pa gsos pa de nyid kyis khyod kyi yin no zhes zer zhing nor 'bul na len du dbang ngo / /rngan pa mi blang / dge slong gis byis pa gsos te ma shi ba rngan pa byin zhes mi bya/ 'bras bu la sogs pa bdag gir bya/yon bdag gis shing tog la sogs pa dge 'dun dang gang zag la 'bul na sus phul kyang len du dbang / mar dang til dang sbrang rtsi dang bu ram gyi rdza ma yang ngo / / ming gis smos pa 'di rnams rdza ma bkang ste dge 'dun dang gang zag gang la phul kyang len du dbang ngo //de'i snod kyang ngo / /ltag ma rnams kyi snod rdza ma la sogs pa phul kyang len du dbang ngo / /de'i gzhi bzhag /rdza ma'i zhabs su lcug skor gyi gzhi gzhag bshang gci dang chang gi snod dag mi spyad/ rdza ma la sogs pa'i snod bshang gcis reg pa'am chang gis reg pa yon du phul kyang mi blang /bdag cag yod na'ang spang / btso ba dang bsreg pa dge 'dun gyi phyir bsrung ba bya/ kha zas btso ba dang khur ba la sogs pa bsreg cing btso ba yang dge 'dun gyi phyir dge slong gis 'di bsreg 'di tshos zhes byas kyang btsos par mi chud/ mkhan po byi shu tus ni kha zas 'tshed pa'i tshe dge slong tho ngan gcig spyan du gzhag ces bshad/zas 'ongs kyi bar du thel gyis ma bzhag par 'jug cing mi spyod/ bsod snyoms blang ba'i tshe zas mi 'ongs par lhung bzed lag pa'i mthil du bzhag cing mi bslang zas g.yogs pa bcang / lhung bzed kha bcad pa'i ras bcangs kyang nyes med/khar ba'i snod dang gzhi 'di dag spyi'i ma yin par ma dogs shig /lag tu khar ba'i snod rnam bzhi las gang zag spyod du mi gnang ba bzhin du dge slong ma'ang 'chang du mi gnang / nad pa mo zhwa bcang ba ma brtags par ma yin no//dge slong ma na ba'i tshe zhwa ji lta bu rung bcang du gnang / 'khar gsil gyi sgra ma byung bar zas kyi phyir grong du mi 'jug grong du bsod snyoms len pa'i tshe 'khar gsil gyi sgra ma phyung bar zan mi blang / de bcang / mkhar gsil bcang / rigs su 'jug pa shes par nan tan bya/grong du slong ba'i tshe lam srang gya gyu mang du 'dug na thog ma'i lam srang mi nor bar bsam zhing / phyi shu tus ni grong mang du yod na rim gyis bsod snyoms bslang zhes bshad mngon mtshan bya ba'i phyir zas dor ba la sogs pas so/ /grong du 'jug pa'i tshe dge slong nges rgyus mi shes te lam nor gyis dogs na su'i gtsug lag khang ga las gar 'dug pa yid la mtshan mar bzung ba dang phye la sogs par mdo mdor ga las 'ongs par gtor/phyi shu tas ni grong stug po la zas lan gnyis pa blangs kyis dogs pa'i phyir mtshan ma gdab pa la bshad/ chos kyi tshong pas 'tsho bar mi brtag chos bshad pa'i gla mi blang ba dang mi 'di la chos bshad na zas dang sman dang gos la sogs pa byin par re ba'i phyir/ de'i phyir chos mi bshad chu ma grub na zho khu dag gis rkang pa bkru/ chu dkon pa'i sar chu med de khyim pas chur khu zhig byin na de'ang brtags te rkang pa bkru'o//rtswa'i thum po la 'dug kyang rung dge slong stan med na rtswa'i thum po la 'dug kyang nyes med do/ /dben par bla gab med pas bzhag /lhag ma ltar rtswa stan la nub mo nyal ba nang par langs nas rtswa stan de bsdus te dben par bzhag /spungs te yang ngo / / dge slong mang na rtswa stan mang du spung / rnam gcig tu ltag ma ltar nyal ba las langs na spungs te bzhag kyang nyes med/ zin nas dor / nub mo zhag lon nas rtswa stan de bskur ba ma yin gyi dor ro/ /phal che na du mar bya'o/ /dge slong phal cher 'dus na gral rim du mar byas kyang rung ste 'og nas 'chad do//lnga brgya par yang ngo / /ltag ma ltar nyis stong sum stong zhig yod na lnga brgya lnga brgyar phreng ba bya/ rgan rims so so nas bsog /dge slong mang pos 'dus na rgan po rnams gral logs shig tu bya/ gzhon nu'ang logs shig tu gral byas la rgan gzhon gyi zas kyang so sor gzhag /'drim pa ni mi bzhod par zhal ta bsko/ dge slong gcig 'drim pa bzhod dam mi bzhod pa'i spyan du bzhag /thog mar zas la gtogs pas bza' tho ngan dang spyan phyis las 'brel pa'i phyir zan dge 'dun pas sngar zos kyang nyes med/ rgan rims su 'khod pa'i phyir sbyin pa'i phyir du ba mang na dge slong dag bsko/dge slong rgan po dang gzhon nu dang dge slong zhig 'dug na 'drim pa la mnyam pa'i phyir so sor bkang du bcug la zhal ta ba mang du bskos/ so sor 'drim gnyis sam gsum bor nas 'dir dge slong ma ci bder 'khod do //dge slong ma tshar gcig tu bkang na ltag tu stan rim pa gnyis gsum bor la 'dug par bya'o/ /bza' ba'i gnas su sgra bskyungs te 'deng ngo / /zas bza' ba'i tshe grong dang gtsug lag khang 'dra ste ca co med par sgra bskyungs te 'dug /rab tu bsdams pa'i tshul gyis so//zan za ba'i tshe lus dang ngag dang yid bsdams te bza'/ mdzes par ro/ /zas za ba'i spyod lam bzhir mdzes par bya/ de bzhin du 'khod do / /stan la 'dug pa'i tshe gong ma rnams bzhugs la 'dug go/ /bza' ba rkang pas mi brdzi/ kha zas kyi bag la rkang pas mi brdzi/ lhung bzed kyi gzhi rkang pas mi brdzi lhung bzed kyi gzhi sho ma'am gzhong pa la sogs pa yang rkang pas mi brdzi/ sems mi g.yeng bar dran pa mngon par bzhag ste bsod snyoms blang / zas byin len byed pa'i tshe sems yan man du mi gtong bar bsam pa'i rgyud bzhin du blang mi 'thor bar lus kyi tshad du'o//kha zas blang ba'i tshe snod las yan man du mi 'thor bar bya ba dang bdag 'grangs pa tsam du blang ngo / /'di dag ni mi bsre/ zan za ba'i tshe phye dang 'bras bu mi bsre rnam pa gcig tu grogs kyi zan skal dang mi bsre bar blang / mi dkrug / bsod snyoms len pa'i tshe 'o ma dang tshod ma dkrugs shing mi sdug par mi bya/ zan za ba'i tshe yang mi sdug par mi bya/ rab tu dgab / bdag zan za ba'i tshe dben par bza'/ rnam pa gcig tu grogs kyi zan len pa g.yog byas te bskur/ dus las 'das par mi dkri / grogs kyis zas len du bcol ba dus ma 'das par blang zhes byi shu tas bshad/nad pa dang nad g.yog dang dkor ba dang phas 'ongs pa dang tshus 'ongs pa 'di rnams ni tshang mang nas dus las sngar len cing bzar yang dbang ngo / /gang las spyan drangs pa las de las gzhan rnyed de bdag gir bya ba mi rigs pa med do//yon bdag gis sngar thug pa'am tshod ma la spyan drangs pa la phyis la du'am zhim dgu zhig sbyar te gsol kyang bzar dbang ngo / /nyes med pa ni bdag gis zas za ba las gzhan las blangs na'o/ /bdag gis zas nar ma zhig za zhing 'dug pa la yon bdag gam/grogs po'am dge slong ngam zhig gis spyan gzigs sam zas shig byin na de dang bcas te zos na nyes med do/ /der chud pa bzhin du gzhan gyis spyan drangs te 'dug pa las des gnang nas gzhan gyis byin na'o/ /yon bdag gcig gis dge 'dun spyir spyan drangs pa las yon bdag de'i gnas na zan bza' ba'i tshe sbyin bdag gzhan zhig gis spyan gzigs sna 'ga' zhig dge 'dun la 'drim zhes zer na sngar spyan drangs pa'i yon bdag gis brims shig ces zer na brim kyang nyes med/'drim du mi rung ngo zhes zer na mi brim / sgra'i sbyor bar bsams pa'i don gyis tshul te grags pa'i ma yin no// yon bdag dad pa la la zhig gis dge slong la sangs rgyas khyod la yon 'bul lo zhes zer ba'i tshe yid la bdag dga' ba dang 'tshe bar ma bsams na yon blangs kyang nyes med/ blangs te mi btang / yon la sogs pa byin no cog la dgongs sam mi dgongs pa sngar brtags te blangs gis blangs zin nas slar mi sbyin no//lta ba dang / dge slong gis dge bar lta ba las yon blangs te log pa la lta ba la byin na bdag la gnyer du 'gyur ba'i phyir nyes byas/ tshul khrims dang ldan pa las blangs te/dge slong gis tshul khrims dang ldan pa las yon blangs te phas pham pa la sogs te tshul khrims dang mi ldan pa la byin na bu lon du 'gyur ba'i steng du nyes byas/ gzhan rim bzhin du byin pa dang / mdo ltag ma'i rim pa ltar tshul khrims dang ldan pa dang dge slong dge bar lta ba las yon blangs te tshul khrims dang mi ldan pa dang log par lta ba la byin na dad pa'i yon bdag gi bsod nams su mi 'gyur bas dge slong la bu lon du 'gyur ba'i steng du nyes byas zhes bshad do//kham la sogs pa chung ngu bya ba las lhag par blangs te zos na dad pas byin pa chud gsan pa'o//yon bdag dad pa la la zhig gis dge slong mgron du bos te kha zas la sogs pa sna mi nyung ba zhig 'drim na bdag 'grangs pa tsam gyi tshong blang gi ma 'ong par blangs nas lhag rol la sogs par byas na yon bdag gi zas chud zos pa'i nyes byas zhes bshad/ brgya la chog pa tsam du spags te blangs pa las ma 'grangs na phyis bsnan te zos pa ni nyes med do/ /pha dang ma dang nad pa dang rab tu byung bar 'dod pa dang / sbrum pa dang / 'dul bar 'dod pa dang / zas la reg pa dang / khyim pa yang 'ongs na de las bgo bar bya/ dge slong gis dad pa'i yon bdag las bsod snyoms su blangs te ma dad pa dang tshul khrims log par lta ba la zan byin na bu lon du gyur pa'i steng du nyes byas pa yin na bdag gis bsod snyoms ran par blangs pa las ming gis smos pa 'di rnams la bgos te byin pa ni nyes med do//kham gyi changs pa bzhag /dge slong zan za ba'i tshe zan gyi changs pa gcig sngar bcad la gzhag /bza' ba ni mi bsngo/ /mdo ltag ma ltar zan gyi changs pa bzhag pa de 'di sbyin no zhes gcig la mi bsngo phyugs kyang sbyin mdo ltag ma ltar zan gyi changs pa bzhag pa de mdun du mi dang phyugs su phrad pa la sbyin/bza' ba ma zin pa'i phyir gzhag pa las mi sbyin/ dge slong gzhan la zan zhig sbyin na zan khar ma bcug pa'am 'grangs pa'i 'og tu sbyin gyi bdag za bzhin du gzhan la mi sbyin/ spyan drangs te dad pas byin pa ma yin/ yon bdag dad pa la la zhig gis spyan gzigs dang zas la sogs pa dge slong khyod 'ba' zhig zo shig ces zer ba'i tshe bdag 'ba' zhig gis bza' bar khas blangs pa la'ang grogs po la sogs pa gzhan la mi sbyin/lhung bzed kyi gnas kyi zas kyi lhag ma dag la ci bde zhes bya'o//bdag zas zos pa'i lhag ma la ci bder zo shig ces byas te 'gro /gnas pa dag gtor ma sbyin bdag zas za ba'i tshe lha khang bsrung ba'i lha srin la sogs pa la gtor ma byin / de'i rtog pa'i rjes su snga dro la sogs pa'o/ /mdo ltag ma ltar gtsug lag khang gi 'khor du gtor ma gtang ba'i ni kha cig snga dro kha cig phyi dro sbyin pa yod pas snga dro dang phyi dro mi nor bar dus dus su sbyin/rtog pa tha dad tha dad du'o/ /gtsug lag khang gi srung ma'i lha la khyim pas mchod pa yod de khyim pas snga dro dang phyi dro mchod pa yod pa'i dus bzhin du mchod cing gtor ma sbyin/gcig chur ma gyur pa'i gnas kyi a mra mi bza'/ shing tog a mra ma smin par mi bza' de bzhin du ku shu dang / kham bu dang rgun 'bru la sogs pa'ang ma smin par mi bza'/ rtsa ba dang sdong po dang lo ma dang me tog dang 'bras bu dang bca' ba 'bras chan dang sna tshogs dang phye dang sha dang khu ba dang 'o ma dang zho dang mar sar dang nya sha dang sha skam dag la brtags pa ma yin/ming gis smos pa 'di rnams ni brtags pa yin te zos shing 'thungs kyang nyes med de rnam pa 'di bco lnga la thog ma lnga ni bca' ba'o/ / bar ma lnga ni bza' ba'o/ /tha ma rnams ni btung ba yin/ so ma dang yungs kar gyi rtsa ba dang sdong po dang lo ma dang me tog dang 'bras bu la sogs pa'i thug pa mi 'thung bar ma dogs shig /ming gis smos pa 'di rnams las thug par byas pa zhig dge slong gis 'thungs kyang brtags pa ste nyes med/rta'i phyir khu bas so/ /bdag gi lus gso ba dang brtas par bya ba'i phyir 'o ma dang sha khu lta bu 'thungs kyang nyes med/ chus kyang ngo / /bdag gi nyams brtas par bya ba'i phyir khu ba dang 'o ma la sogs pa med na phye dang chur sbyar ba'i zan dang thug pa btung rkyal par bcug pa ma brtags pa ma yin/rkyal pa'i nang du kha zas la sogs pa bcug pa zhig dge slong gis zos kyang ma brtags pa ma yin te nyes med/ snod du zas bza' ba dang brtag pa'o/ /zangs dang khar ba la sogs pa'i snod spyad kyi nang du zas za ba'i tshe sman snod snyam du bsams te zos kyang nyes med/shing gi yang ngo / /shing rdo lta bu zhig las phor deb tu byas pa bsre/ rdo yang ngo / /bsre bskus pa dang ma bskus pa 'dra ste dge slong gis spyad cing bcangs kyang nyes med/ zas spyad pa yang ngo / /rdo la sogs pa'i phor deb kyi nang du zan zos la zos pa'i 'og tu dag par bkrus na phyis kyang de'i nang du bzar rung /bkru ba ni gnas pa'i gtogs pa'o/ /mdo ltag ma ltar rdo dang shing las byas pa'i snod spyad du gtogs pa rnams mkhan po nyid kyis mi bkru ba'i mkhan po zan za ba'i snga rol du gnas 'cha' ba dang / dge sbyong la sogs pas dag par bkrus te mdun du gzhag /zos nas kyang ngo / /mkhan po zas zos pa'i 'og tu gnas 'cha' ba la sogs pas dag par bkrus te gnas su gzhag /pha rol po dang lhan cig tu snod gcig tu mi bza'/ khyim pa la sogs pa mang zhing mi dben pa'i sar dge slong grogs dang gzhong pa gcig gi nang du zan mi bza'/lam du snod med na bza'/ lam du zhugs te snod kyis phongs na gzhong pa gcig gi nang du mi gnyis bzar rung / dge slong dang ngo / /mdo ltag ma ltar gnyis snod gcig gi nang du bzar rung ba'ang dge slong dang bzar rung gi dge sbyong dang bzar mi rung ngo //gzhan gyi lag bteg nas bdag gis gzhug /mdo ltag ma ltar snod gcig gi nang du za ba'i tshe lag pa 'dom par 'gyur ba'i phyir pha rol gyi lag pa gteg nas bdag gis gzhug /dge sbyong dang lhan cig tu'ang gzhan bzhin du mi rung / snod med kyang dge sbyong dang lhan cig mi bza'i spags te sbyin/ zan gud du mi grub na byin len ma zhig par byas te lhan cig zos kyang nyes med/ brtag pa bsgongs te sbyin/ lam du zhugs pa'i tshe mi thogs par bya ba'i phyir g.yog la sogs pa la zan zos shig par bsgo'o zhes byi dza ya bar mas bshad/dge sbyong zas gud du sbyin na mi 'brul bar sbyin zhes byi shu tas bshad/ gnyen bsam pas gsol na/ thams cad du'ang dben pa'i sa phyogs su'o/ /gnyen zhig gis nga dang lhan cig mi bza' mi rung zhes dus kyis btsus te gsol na sus kyang mi mthong bar dben pa'i phyogs su bza'/byin len ma zhig pa dang yang byin len ma blangs pa dang ma 'dres par bsrung / mdo ltag ma ltar khyim pa la gnyen nam dge sbyong dang lhan cig tu snod gcig tu bza' ba'i tshe bdag gi lag pa g.yon pas sle'u'am gzhong pa'i mthe ma ma shor bar gzung la lag pa g.yas byin len byas te bza'/lham dang bcas te mi bza'/ zan za ba'i tshe lham mi bgo'o/ /nad pas mnan/ nad pas ni lham phud la zan za ba'i tshe sa grang mo la sogs pas gnod par 'gyur ba'i phyir lham rkang pa'i 'og tu mnan te bza'/ sgren mo'am gos gcig par ma yin sgren mo'am khyed rengs su byas te zan mi bza'/ nad pa la ni ltung ba med do/ /nad pa ni khyed rengs ma dang sgren mor zos kyang nyes med do/ /g.yog gis 'di dben par bya/ mdo ltag ma ltar nad pa sgren mo za ba'i tshe nad g.yog gis sbra'am gur lta bu phub ste sus kyang mi mthong bar bya/nus na rngul gzan la gnas/ nad pa mi nus na rngul gzan tsam gyon te zas zos kyang nyes med/ phyogs dben par ro/ /mdo ltag ma ltar rngul gzan tsam gyon kyang mi nus na nad g.yog gis dben par bzhag ste zan sbyin/ za ba'i phyir 'dug pa la 'di dang 'o na byin len zhes 'drim pa la mi bsgo/mi na bar zan za ba'i tshe zas 'di dang 'di 'dod ces 'drim pa la bsgo zhing mi bslang / ltung ba med na nad pa dang 'byor pa ste/ nad pas ni zas gang 'dod pa bslangs kyang nyes med do/ /'di lta ste mi gzhan pa la bcos pa dang / nad pa rlung nad che ba dang grang pa'i nad la kha zas drod bag slong ba'ang nyes med/ me drag pa la gzen pa po'o/ /tsha ba'i nad kyis btab pa la kha zas grang bag bslangs pa'ang nyes med/ nad pa'i 'du shes su bdag nad pa dang / zas bza' ba sman du 'du shes par gzhag /zas za ba'i tshe bdag ni nad pa yin zan ni sman yin par bsams te bza'/dran pa yang ngo / /zas za ba'i tshe bsams pa'i rgyud ma brjed par byas te za ba dang thu thu hu hu la sogs pa byas sam ma byas dran par bya skyes pa dang 'dra ba dang / zas bza' ba'i tshe mi gtsang ba las skyes par bsams te mi chags par bza'/'bras dang kha zas la sogs pa srin bu dang skra dang mi lpags 'dra bar bsams te mi chags par bsam / gyur pa dang / kha zas zos nas sme ba dang mi gtsang bar gyur par bsams te mi chags par bza'/ dgra dang / zas kyi phyir gcig la gcig gsod pa dang gnod par byed pas dgra dang 'dra bar bsam/zag pa dang / zas 'di zos nas slad rol che chung lta bur zag ste 'gro bas mi rtag pa dang btsog par bsams te bza'/ rkyen dag gis cho ga dang / kha zas 'di ni mi dang phyugs la sogs pas nyon mongs par brtsal zhing rmos pa las skyes pa yin pas mi chags pa dang mi gtsang bar bsams te bza'/brtsal ba dang / las dang nyon mongs pa spyad de zas rnyed pa yin pas dka' ba lta bur bsams te bza'/ dbang gzhan la lus pa dang / zas za ba'i tshe yon bdag rgyal po lta bu zhig gis byed na'ang yon bdag dga' na ni ster/mi dga' na ni mi ster/ bram ze dang khyim pa lta bu zhig la slong ba'i tshe'ang dga' na ni ster/ mi dga' na ni mi ster bas dbang gzhan la lus par bsams te bza'/ nad pa'i dang bcas pa dang / zas za ba'i tshe kha zas sman du 'gyur ba dang / sman du mi 'gyur ba gnyis bsres te zos na'ang nad du 'gyur kha zas snga ma ma zhu bar phyi ma zos na'ang nad du 'gyur/phyi dro zas zos na'ang nad du 'gyur ba yin te zas 'di zos nas nad du 'gyur ba yin no snyam du bsams te bza'/ so sor 'gro ba rnams la mngon par gzhag pa mi mthun par ro/ /zas zos pa'i las bzhi cha gcig ni bdag gi khong na srin bu 'dug pas zos bzhi cha gcig ni khong gi mes gdungs bzhi cha gcig ni ngan skyug tu byung /bzhi cha gcig ni btsag tu gyur te zas za ba'i tshe 'di ltar rnam bzhir gyur pa so sor bsams te ma zos na nyes byas/ dran pa nye bar gzhag pa ste'o/ /byin len byed pa'i tshe'ang grong du smos pa rnams mi gtsang ba dang mi rtag par bsams te blang / ma 'khrugs pa'i sems kyis so/ /zan za ba'i tshe sems ma 'khrugs pa dang mi g.yengs par bya ste bza'/ shes bzhin pa dang / zas za ba'i tshe mang po bslab pa'i nang nas 'byung ba las 'gal lam ma 'gal dran par bya ba dang 'grangs pa las lhag par mi blang /sgra bskyungs te'o/ /zan za ba'i klag chor dang gad mo mi bya bar bza'/ 'di mi bya/ rkang lag dang phor snod la sogs pa zas za ba'i tshe mi brdab/ thug pa sgra mi bslang /thug pa 'thung pa'i tshe hub sgra mi bya/ bkrum bkrum ste ma yin/ zan za ba'i tshe kha zas skam po zhig 'ongs na sgra bkrum bkrum mi zer bar bza'/ sgra byed pa chu la sogs pas spangs te'o/ /sU tra ltag ma ltar kha zas skam po zhig 'ongs na sgrar mi 'gyur bar spangs te bza'/ bza' ba'i phyir bsil na ma yin no/ /rol mo la sogs pa byed bzhin du zas mi za ste sdod cig ces bya/ bshad pa byed pa na ma yin/ dge 'dun mang po zas zos zin pa'i 'og tu gnas brtan gyis sbyin pa'i bshags pa byed pa'i tshe zan mi bza'/ de thos na'o/ /sU tra ltag ma ltar gnas brtan gyis sbyin pa'i 'chags pa byed pa thos bzhin du zan mi bza'/ma thos par zos pa ni nyes med do/ /dus 'das na tshigs su bcad pa gnyis gsum du'o/ /sU tra ltag ma ltar gnas brtan tshigs bcad klog pa'i tshe tshigs bcad zin zin du bsdang na gdugs tshod mi thub pa tsam gyi tshod na sh+lo ka gnyis gsum tsam bklag pa'i 'og tu zan zos pa nyes med/zos na zhal nas gsungs pa brjod do/ /dge slong su'ang rung ste zan zos zin nas tshigs bcad gcig bya/ spyan drangs te zos na sbyin pa'i bshags pa dang chos bshad pa dag bya/gud du mgron du bos te zan zos zin pa'i 'og tu sbyin bdag mdun du bzhag ste tshigs bcad dang chos bshad dag bya/ thams cad zos par shes nas so/ /sU tra ltag ma ltar gnas brtan gyi tshigs bcad dang chos bshad pa ni zas zos zin nas bya/ blta ste'o/ /sU tra ltag ma ltar gnas brtan gyis sbyin pa'i bshags pa bya ba'i tshe thams cad zan zos zin nam ma zin brtags la zin na bya/du ma'i dang pos so/ /dge slong mang zhig 'khod kyang tshigs bcad dang chos bshad pa ni gral dpon gyis bya/ mi nus na gzhan nus pa la bcol/ sU tra ltag ma ltar tshigs bcad dang chos bshad la sogs pa gral dpon gyis mi nus na 'og ma la bcol kyang nyes med/de ste ma byas par 'gro'am rkyen gcig gis ni dge slong las g.yog sbyin/ dge 'dun mgron du bos pa las zan zos kyi 'og tu tshigs bcad dbyar mi slebs par rkyen gcig gis 'dod na gral dpon tshigs bcad byed pa'i g.yog bcang /bcu tsam bskos te 'dod ces byi dza ya bar mas bshad/ gral dpon gyis tshig sbyar du mi rings te/ chos 'chad pa dang tshigs bcad byed pa bsgo te 'gro zhes byi shu tas bshad/ mthar na bzhi'o//sU tra ltag ma ltar gral dpon gyis sbyin pa'i bshags pa byed pa'i g.yog dge slong bca' bcu tsam bzhag tu med na dge slong bzhi man chad bzhag byin pas kyang rkyen gcig gis na zhus te'o / /sU tra ltag ma ltar gnas brtan tshigs bcad byed pa g.yog tu bskos pa rnams kyang rkyen gcig byung ste rings na dge 'dun gzhes shig ces zhus te rkyen sar tshigs bcad byas te 'dong /sbyin pa'i bshags par dga' bo dang bsnyen dga' bo'i ming dbyung / sbyin pa'i bshags pa byed pa'i sbyin bdag la smon lam btab pa'i 'og tu dga' bo dang bsnyen dga' bo'i ming nas phyung ste tshe ring ba dang bde bar shog shig ces dge 'dun gyis smon lam gdab/mid pa gnyis te dus ma yin par byung na thog ma'i gnyis gsum por la kha bkrus te mid do/ /phyugs la mid pa gnyis yod de zas dang chu la sogs pa mid pa'ang tha dad par zas la sogs pa sngar zos nas mtshan mo slar ldang ngo //dge slong la la zhig phyugs bzhin du kha zas zos pa'i 'og tu skyug cing slar ldang na lan gnyis gsum phyir bor te kha bkru'o/ /de phyin chad mi dor slar mid do/ /'di kha zas ma yin pa ni ma yin no//skyug bu lta bu'i 'drog la kha zas byung na slar mid kyi phyir dor te kha bkru/ ltar mid na nyes byas/ de bas na dus ma yin par skyugs pa dang langs nas ni gzhan gyis kyang bkru'o/ /sU tra gong ma ltar skyug bu'i 'drog la kha zas 'byung ba dang res 'ga' na ba'i phyir skyugs pa byung ba'i 'og tu slar mid na dus ma yin pa'i zas su 'gyur bas thams cad phyir bor la kha bkru/ma bcas pa'i phyogs su mchil ma mi dor/ mchil ma dor ba'i gnas su byas pa ma yin pa gtsug lag khang la sogs pas bzang ngo cog tu mchil ma mi dor/ gtar gtar po ma yin/sa thang bu bzang po gtar gtar por phyags par lud pa mi dor/ de'i sgra yang gnas brtan gyi mdun du mi bya/ lud pa'i sgra la sogs pa gnas brtan dang bla ma'i mdun du mi bya/ bza' ba ma yin/ zan za ba'i tshe grogs po la sogs pa skyug bro ba'i phyir lud pa'i sgra mi bya/yang yang du ni lhag ma la'ang ma yin/ gnas brtan gyi 'og ma'i mdun du lan 'ga' ni ma gtogs te lan mang du lud pa'i sgra mi bya zhes byi shu tas bshad/ dge slong grogs po'i mdun du zas mi za ba'i tshe'ang lud pa'i sgra la sogs pa 'dod 'dod du mi bya zhes byi dza ya bar mas bshad/mi nus na gzhan du 'gro'o/ /lud pa dang mchil ma la sogs pa 'dod 'dod 'ongs te de dgag tu mi btub na gnas dben par song ste sa mi gtsang bar mchil ma dor/ gzhan la mi bde bar mi bya/ lud pa 'dor ba ni gzhan la chags pa dang gzhan la mi mdzes par mi dor/sngur cing mi nyal/ grogs bsam gtan byed pa la gnod pa'i phyir sngur bzhin du mi nyal/ bcag gam gzhan du 'gro/ /ltag ma ltar sngur pa 'byung ba ni gan rkyal du nyal na sngur pa 'byung ste glos nyal na sngur ba mi 'byung ste de ltar sngur pa byung na grogs la mi gnod pa'i phyir 'chag tu 'gro//de'i snod 'og ba lang gi rmig pa lta bu'am gzhi dang bcas pa'o/ /nad pa gud du 'gro mi nus na mchil ma dor ba'i gzhi ba lang gi rmig pa lta bu'i chol zangs bcang / 'di nye bar gzhag /chol zangs nad pa'i gam du gzhag /'dir gding ba sbyin te sa tshig pa'am bye ma'am thal bas so//chol zangs kyi nang du bye ma'am thal ba bting ste bzhag pa'i sting du mchil ma dor/ sbrang ma dag spangs par thabs kyis so/ /chol zangs kyi nang du sbrang ma mi 'du bar bya ba'i phyir sbrang yab bcangs la bskrad/ dri nga ba med pa'i phyir dang srog chags su mi 'gyur bar bya ba'i phyir dus dus su bkru bskam /ltag ma lta bu chol zangs mchil ma'i dri mi zhim pa dang srin bur 'gyur ba'i dus dus su bkru zhing bskam/ de'i dus kyi phyir gzhan gzhag /ltag ma ltar bkru zhing skam pa'i tshe 'theb gzhan gcig byas te gzhag /mi brel ba'i phyir gtsug lag khang gi grwa bzhir ka ba'i drung du mchil ma'i snod gzhag /gtsug lag khang na dge 'dun gyi spyir grwa bzhir mchil ma'i snod re re gzhag na dge sbyong yan chad gnas brtan man chad mchil ma dor bar bya/ chol zangs kyi gzhi'ang gzhag bye mas gding ba'ang ltag ma dang 'dra/sgra dang bcas pa'i rlung gi las mi bya/ mi mang po 'dus pa'i nang du phyen sgra chen po mi gtong / shing drung du bshang ba dang gci ba ma yin/ shing gang yang rung shing drung du bshang gci mi bya/ thang la des mtshams med pa ni ma gtogs/ thang rtswa dang shing leb she dag gis yog pa zhig yin na dben par bshangs kyang nyes med/tsher ma can yang ngo / /shing tsher ma can gyi drung mi su'ang mi gnas pas der bshangs kyang nyes med/ phyi sa kung ba bya/ gtsug lag khang gi 'khor du bshang gci bya/ de ste gtsug lag khang gi ni nub byang gi ngos su'o//ltag ma ltar phyi sa kung gis bya ba ni gtsug lag khang gi sgo shar phyogs su lta na nub dang byang gi bar du bya/ 'khyil pa'am gzar bar ro/ /bshang ba nyid gzhi bzang po la byas la phyir phyung ba wa gnyis kyi kha sbyar sbu bu yod par byas pa nas ma dor ro/ /'og tu tsher ma can gyi shing bskyed/bshang gci bor ba'i 'khor du sems can mi 'ong ba'i phyir tsher ma can gyi shing bskyed/ bu gu dang nye ba'i steng du shing lham gzhag /bshang ba'i bu gu'i khar 'dug pa'i tshe rkang pa la mi 'bags pa'i phyir shing lham re re gzhag /ril ba spyi blugs kyi gnas bya/phyis kung gi 'khor du bkru ba'i phyir rol po gzhag pa'i sa bya / sgo'i mda' yab bya/ bshang ba'i sgo phye nas phas mi snang bar bya ba'i mda' yab bya/ sgo'i re bzhi sbyin/ phyi sa khung gi khang bu la sgo'i re bzhi bya/ sgo leb dang yang mig kyang ngo / /phyis khung gi sgor sgo leb gzhug cing yang mig gdags/'jug par 'dod na sgras so/ /'ongs par mi 'jug /thos na der zhugs pas kyang ngo / /phyi logs nas 'ongs pas sgra byas na nang na 'dug pas yod par go bar bya ba'i phyir sgra yang bya/ gos rab tu bzung ste shes bzhin du 'jug /bshang gci gos la mi reg pa dang se gol gyi sgra bya bar dran pa mngon par gzhag /dbyung du 'jug /phyis byed pa'i tshe pha rol gyi khar ma reg par dbus su dor/ dal gyis bshang sa'i lham la ma reg par bya/ bshang sa'i kha na shing lham 'dug pa la mi reg par bya/ ma 'ongs pa mi bsdad/ bshang gci mi bro bar nan gyis btsir ba mi bya ba dang mi bro bar bshang gci sar mi 'jug /bshang gci sar mi 'jug par 'dong sgra bya/ 'ongs par mi 'jug /'ongs par mi dgag /bshang gci 'ongs pa la mi dgag par bya/ de dang 'brel ba'i dgos pa las gzhan pa de dang nye bar mi gzhag / bshang gci bya ba'i sar bshang ba mi byed par 'grengs te mi 'dug pa dang bshang gci bkru ba las gzhan der bkru bshal mi bya/ nyin gcig bzhin du gtsug lag khang skyong gis bkru/ bshang gci sa'i kha dang 'khor gtsug lag khang skyong gis rtag par bkru/ sa dang lo ma gzhag pa yang ngo //rkub phyi ba dang bkru ba'i sa dang lo ma yang gtsug lag khang skyong gis rtag par gzhag go/ /phyogs ma yin par gci bar mi bya/ bshang gci'i sar byas pa ma gtogs par bab bab tu mi bya/ du mar ma yin/ bshang gci grangs mang du mi bya/ ltung bas dong brko/bshang gci dor ba'i sar dong brko/ gzag pa'i khang bu bya/ gcin gci ba'i gnas kyi sa logs shig tu byas kyang rung / 'di ngos la'o/ /ltag ma'i sa bya ba ni bshang ba'i ngos la bya/ gzugs por ro/ /ltag ma ltar chab khung du bya ba yang gzugs por bya/ wa sbyin/ ltag ma ltar gzugs por bya ba ni wa gzugs/ gzhan dang mnyam par ro/ /lhag ma ltar phyis khung chen por 'gro bar la gos la mi reg par sgo dang yang mig la mi reg par bzhin gci ba'i khung bu la yang de bzhin du bya/ tshad pa'i nad kyis ni khri'u bu gu can bya'o/ /dge slong nad pa yin nam 'gro mi nus na khri'u'i dbus su bu gu btod la tshad pa gzag par bya/khri thag bsdu/ ltag ma ltar gzag pa'i khri thag dbus brtags pa yin na mi reg par bya ba'i phyir thag bu bsdu/ mi grub na bcad/ khri lta bu yin na dbus gang du dgos par kho ra khor yug tu drangs te gdod/de ste na 'khor du lo ma'i phung po sbyin/ khri'u bu gu can gyi steng du nad pa nyal ba rkub na na bal bu'am shing lo 'jam po pha logs tshu logs su gzhag /sa ma rung bar gyur pa bsrung / khri'u dbus nas bshang gci ba'i 'og gi gzhi mi rung bar mi bya ba'i phyir thabs 'og nas 'chad/de bas na 'og tu gyo mos so/ /ltag ma ltar sa mi rung bar 'gyur ba'i phyir khri'u'i bu gu'i khar gyo mo bzhag ste bshang gci der btang / bar du mtho na mi dge/ /'og tu gyo mo bzhag pa khri pa dang mi rig par gzhag /dus dus su dri mi nga ba phyir bkru bskam yungs mar tsha bas byug /gyo mo dri mi zhim par 'gyur ba'i phyir bkru zhing skam pa dang yungs mar gyis byug /de'i dus kyi phyir gzhan gzhag /ltag ma bkru zhing bskam pa'i 'theb cig gzhag /ma grub na gzhi leb ma gzhag /ltag ma ltar gyo mo ba ma rnyed na shing lo mi zag pa bzang po gzhag /bshangs nas de'i phyir phyi / na'ang rung mi na'ang rung bshangs nas rkub phyi/ rnon po'am rtsa thum gyis ma yin ltag ma ltar rkub phyi ba rdo'am shing rnon po'am rtsa rtsub pos mi phyi/ ras ma dang leb ma dang lo ma'i phung po dang shing dag gis der dge/ ming gis smos pa 'di rnams kyis na 'jam zhing dge'o/ /gnyis su su dag gis bkru/ ltag ma ltar rkub phyis pa'i 'og tu sa lan gnyis dang chu lan gnyis kyis bkru/ sngar so sor gzhag pa'i sa des phyis bkru bshang bar 'gro ba nas phud sdar byas la bshangs pa'i 'og tu lag pa dag par bkru ba'i sa spungs te gzhag /dal gyis bag [(]kyis bag kyis [,]gis bag gis [)]zer mas shing lham ma rung bar mi 'gyur ba'i phyir sar ro/ /rkub 'khru ba'i tshe shing lham la ma reg ma 'bags par dal gyis bkru/ g.yon pa la bdun gyis so/ /lag pa g.yon pa g.yas pas sa lan bdun blugs shing bkru/gnyis ka la yang bdun gyis so/ /lag pa gnyis ka la yang sa phung bdun gyis bkru/ lag ngar bkru/ ltag ma ltar lag pa gnyis kar bkrus nas chung zad cig gis lag ngar man chad dag par bkru/ yang sas lag pa gnyis pa'o/ / drung mo bkrus nas yang sa phung gcig gis lag pa gnyis ka bkru/ gzhan gyis ril ba spyi blugs la'o/ /de nas sa phung gcig gis ril ba spyi blugs dag par bkru/ rkang pa bkru/ bshang gci byas nas lag pa bkrus pa'i 'og tu rkang pa yang bkru/ nyes med pa ni za gu ste tha mar phyis mtshams te 'dug kyang ngo //sman rgod 'thungs pa'am rtag par tshad pa zag pa la lan cig phyis la phyis sman gyi rjes chad nas chu dron gyis tshul bzhin dag par bkru/ de las gzhan gyi chu yod na ma bkrus par mi 'dug /nad pa ma gtogs pa mi na bar bshangs pa'i 'og tu ma bkrus par stan la mi 'dug pa dang bshangs te chu med pa'i yul du ma bkrus kyang nyes med/chu dang phrad na khrus shig /sman gyi dngos po ste phran tshegs la sogs par chud pa'o/ /sman gyi dngos po rdzogs so// //'di man chad ni las kyi dngos po la 'chad de/ cho ga las 'gal ba'i las mi skye'o//dge slong gi las brgya rtsa gcig las kha cig ni gsol ba dang zhu ba'i las gcig gis bya/ kha cig ni gnyis kyis bya/ kha cig ni gsum gyis bya kha cig ni bzhis bya ste 'dul ba las byung ba bzhin du ma byas na las su mi rung / mi snyan pa thos na ma yin tshul nas byung ba dang /tshul du 'jug pa dang bsnyen par rdzogs pa la sogs pa bya ba'i tshe khyim pa dang dge sbyong gis thos nas las su rung ste dge 'dun thams cad nyes byas so/ /mi chags par mi bya/ las brgya rtsa gcig gi las gang bya ba'ang rung mkhan po shes pa la ma dris par las byas na las su yang mi rung la dge 'dun yang nyes byas so//gsol ba dang / las brgya rtsa gcig las gsol ba'i las gcig dang gnyis dang gsum gyis las bya ba dang / klog pa dang / zhu ba lan gcig gam lan gnyis sam lan gsum dang / so sor thar pa 'chad pa dang /zla ba phyed cing so sor thar pa 'chad pa'i tshe seng ge'i khri la 'dug ste 'chad pa dang / dbyung ba de'o/ /tshul nas byung ba la sogs pa de ltag tu cho ga bzhin du ma byas na las mi skye zhes bya ba ni 'di rnams so/ /chos ma yin par mi bya/ gtsug lag khang nas bskrad pa dang tshar bcad cing brgyad pa la sogs te las gang bya'ang rung thog tu ma bab par byas na las su yang mi rung la dge 'dun yang nyes byas so//tha dad du ma yin/ mtshams gcig gi nang na las su bya'o cog dge slong na'ang rung dad pa ma blangs par las su byas na las su'ang mi rung la dge 'dun kyang nyes byas so//mang po ma yin/ dge sbyong yang rung dge slong yang rung ste gsum man chad lhan cig 'byung du rung gi bzhi yan chad rab tu byung ba dang bsnyen par rdzogs par mi rung ba bskrad pa dang brgyad pa yang bzhi yan chad la mi bya/ dge 'dun du ma gyur pas ma yin/dge 'dun bzhi yan chad du ma tshang bas las brgya rtsa gcig las gang byas kyang las su mi rung / dge 'dun gyi las bya zhes bya ba ma gtogs pa ni gang zag gis byas kyang rung / dbyung ba ni nyi shu la sogs pa dge 'dun gyis so/ /dge 'dun gyi lhag ma byung ba ni dge slong nyi shu yan chad ma 'dus na byung bar mi chud do//bsnyen par rdzogs par ni bcu la sogs pa'o/ / bsnyen par rdzogs pa ni dge slong bcu yan chad 'dus te bya'o/ /mtha' 'khob tu mi 'grub na lnga pa 'dul ba 'dzin pa la sogs pa'o/ /ltag tu yul gyi dbus su zhes bsngos pa de phan chad ni mtha' 'khob tu brtsis te mtha' 'khob der dge slong 'dul ba 'dzin pa gcig dang lnga yan chad kyis byar rung ste de yang gzhan med na'o//ltag ma ni bzhi la sogs pa'o/ /ltag ma'i las gnyis ma gtogs pa ni gzhan dge slong bzhi yan chad 'dus pas byar rung ngo //dge slong ma'i las dang ni tha dad do/ /dge slong ma'i las bya ba ni dge slong dang mi mthun te 'og nas 'chad/ 'byung ba na'ang dge slong gi dge 'dun gyis so/ /dge slong ma tshul nas 'byung ba'i tshe dge 'dun sde gnyis 'tshogs te byung ngo / /gso sbyong la 'du ba 'byor nas des so//dge slong ma'i gso sbyong dge slong gis gnang la dge slong ma'ang dge 'dun du tshang na gso sbyong byar rung ngo / /dad pa dang / gso sbyin rnyeg par de dang bsgrub/ gnas brtan man chad la bdag cag gso sbyong bgyi zhes gsol nas dge 'dun gyis dad pa byin na gso sbyong byar rung /ma byin na mi rung / de la gtogs pa gnyis te/ ltag ma ltar dge 'dun la dge slong ma dad pa len pa ni dge slong gnyis 'dus te blangs kyang rung ngo / /'di nus pa dag gis so/ /ltag ma ltar dad pa len pa'i dge slong ma chos shes pa dang tshig gsal ba dag gis blang ngo //med na gcig gis kyang ngo / /ltag ma lta bu'i dge slong ma mkhas pa gnyis med na mkhas pa gcig dang mi mkhas pa gcig dang gnyis kyis blang du rung ngo / /dge 'dun gyi dge slong la bsgo/ gso sbyong gi tshe dge slong ma dge 'dun la dad pa gsol du 'ongs pa dad pa sbyin pa'i phyir dge 'dun gyis dge slong gcig las su bskos te gnas brtan man chad las dad pa blangs la sgor bsdad/sgo phugs su de gnas/ ltag ma ltar dad pa blangs nas dge slong ma'ang de len du 'ong pa'i phyir 'chag cing bsdad de dge slong ma 'ongs na dad pa byin gyi song shig ces bsgo/dad pa sbyin pa'i dge slong dang sgo gang na gnas pa 'bros na dge slong mas ma 'bros par btsun pa tshur spyon zhes bya/ des kyang 'di la'o/ /dge slong ma ltag ma ltar 'bros pa tshur shog ces bya'o/ /mi 'bros/ ltag ma ltar dge slong pha dang dge slong ma gnyis ka mi 'bros/ gang bros par nyes byas/mi shes na dad pa ming rus dri/ dad pa sbyin pa'i dge slong dang dad pa len pa'i dge slong ma gnyis gcig la gcig ngo mi shes na su'i slob ma dang ming dri/ gcig tu na dge slong dad pa byin pa'i dge slong gang yin pa gzhan la dri/ mgu bar bya ba dang dbyung ba la gnyis 'dus te'o//dge slong ma dge 'dun gyi lhag ma byung ba zla ba phyed mgu ba bya ba dang dbyung ba dge 'dun sde gnyis las 'byung ngo / /bsnyen par rdzogs par bya ba yang ngo / /dge slong ma bsnyen par rdzogs par bya ba yang dge 'dun sde gnyis las rdzogs par bya/ 'dir de dag bcu gnyis te'o//yul gyi dbus su dge slong ma bcu gnyis yan chad dge 'dun du brtsis te des dge 'dun gyi las bya'o/ /sdom pa gnyis dang sngon du bcas pa dang / dge slong ma tshangs pa sbyin pa dang dge slong ma'i sdom pa sbyin pa gnyis kyang yul gyi dbus su dge slong ma bcu gnyis las nyung bas mi sbyin no//tshad med pa'i 'khor gyi gnas dang / dge slong ma'i gnas brtan la gnas 'cha' ba dang rab tu 'byung ba yang dge 'dun gyis ma gnang bar mi rung ba yin te dge 'dun gyi grangs ni dge slong ma bcu gnyis yan chad la bya'o/ /sdom pa sbyin pa dge 'dun gyi mtha'o//dge slong ma'i gnas brtan lo gnyis kyi bar du bcad de slob ma dbyung du gnang ba'ang dge slong ma'i dge 'dun bcu gnyis yan chad kyis gnang na gdod dbyung bar bya'o/ /brtag pa ni las byed pas ma nus la / dge slong gis chig byas pa de thos na'o/ /ltag ma dge slong mas las byas pa'i rnams dge slong ma cho ga mkhas pa med de/las byed mi nus na dge slong mkhas pa gcig la gsol te dge slong gis las byas kyang rung ngo / /kha rog tu 'dug ces pa yan chad do/ /ltag tu dge slong ma'i las bya ba dge slong gis las byas zin pa'i 'og tu dge slong ma gcig gis bzod na ma smra bar 'dug shig ces byas pa tsam gyis kyang las su chud de rung ngo //'khor du ma 'dug na ma rdzogs pa'o/ /bsnyen par rdzogs pa lta bu las byed pa'i tshe dge slong gcig gis dad pa sbyin te bzhis las byas na ni las su mi rung ngo //gang byed pa ni ma yin no/ /dge 'dun gyi las bya ba gsum bkod la gcig gis byas na'ang mi rung ngo / /gcig tu dge 'dun gyi lhag ma nyi shus dbyung dgos pa la dge slong bcu dgu dang lhag ma byung ba dang nyi shu yod kyang las su mi rung ngo / /de bas na dad pa kun gtsang ba'i cho ga rdzogs pa med do//dge slong bzhis las byed pa'i rigs pa la dge slong gcig gis dad pa byin te khyed gsum gyis gyis shig ces bsgo ba'ang mi rung la / lhag ma nyi shu dbyung ba la gcig gis dad pa byin la bcu dgu las gyis shig ces byas kyang las su mi rung ngo //'di mi blang / dge slong lhag ma byung ba nyi shur tshang ste dge slong gud na gnyis gsum zhig yod na de'i dad pa len pa nyi shu'i nang mi gtong / nyi shu las lhag na gcig gar las dbyung bar mi bsgo/ tshul nas byung ba'i dge slong bzhi yod na gcig las byed par mi bsgo/dge 'dun du ma tshang na las su mi rung ngo / /bsnyen par ma rdzogs pa dang zhig pa dang mtshams med pa byas pa dang / sdig pa lta ba dang / sa gzhan du gnas pa dang / so sor gnas pa dag gis ma yin no/ /ltag ma ltar dge 'dun gyi grangs su ma tshang pa la ming gis smos pa 'di rnams kyi dge 'dun gyi grangs su mi bsnan to//'khrul pa dang bcas pa yang ngo / /tshul khrims dang mi ldan pas dge 'dun gyi grangs ma tshang bar bsnan kyang dge 'dun gyi grangs su mi chud de sU tra 'og ma las 'chad do/ /sdom par byed pas kyang ngo / /ltag ma man chad nyes byas yan chad gcig yod na dge 'dun gyi grangs su bsnan du mi rung yid la nyes pa zhig byas pa'ang rung /bsngos pas na tshang bar 'gyur ro/ /ltag ma ltar nyes pa byung ba ci nyes pa dmigs nas grogs la mthol te dpang btsugs na dge 'dun gyi grangs su chud do/ / gcig tu ltung ba spyir bsngo na'ang rung / nus na ma yin/ ltag ma man chad yid kyi nyes byas yan chad la lhag ma dang spangs pa gnyis ni btags pa byas pas chog /ltung ba man chad ni 'phral du mthol te gdod dge 'dun gral du 'jug go/ /de'i tshe nub pa 'ba' zhig gi ltung ba dang so sor mthol ba dang nyes byas pa dang /'phral du mthol du rung ba ni dgu bcu ltung ba dang / so sor mthol ba dang nyes byas pa dang ming gis smos pa 'di rnams 'phral du mthol du rung ngo / /slar bya ba blangs yod na bshags pa tsam gyi phyir ro/ /nyes byas yan chad mthol ba ni bdag gi nyes byas 'byung ba dang mi mthun pa'i dge slong mthol tshangs byas te gtsang mar gyur pa'i dge slong la mthol du rung ngo //ci ltar 'du shes pa'i byung ba'i nan tan bya'o/ /dge slong gcig la las bya ba'i tshe pham pa 'byung bar shes sam dogs na phyir phyung ste btang / lhag ma zhig byung na mthol lam ma mthol dris te ma mthol na mthol du bcug ste dge 'dun nang du gzhug /rig pa ni bya ba du ma gcig pus ma rung bar 'gyur ba dang ma rung bar mi 'gyur ba dang / ltag ma ltar dge 'dun gyis mthong ba dang thos pa dang dogs pa las pham pa byung na'ang bskrad pa'i rigs so//lhag ma zhig byung na'ang mthol du bcug te dge 'dun nang du gzhug pa'i rigs so/ /ltung ba man chad kyi mthol tshangs byed du bcug /de dag gis mi bya/ dge slong dang khyim pa dang chad pa bcad pa dge 'dun gyi grangs su mi gzhug lhag ma byed pa'i tshe'ang bshad/ dge 'dun gyi lhag ma'i chad pa dang mgu ba byed pa'i tshe so sor thar pa 'chad pa'i tshe dge slong gzhan kha thon mi shes na 'chad pa de kha thon byed du bcug kyang nyes med/ 'di las gzhan du 'di thos par bya/ las brgya rtsa gcig las so sor thar pa 'chad pa dang 'byung ba gnyis ni pham pa byung ba dang chad pas bcad pa dang so sor gnas pa dang bskrad pa dang 'di bzhis mnyan du rung ngo //ma spangs pa dang / rigs sun pa dang dge 'dun la thal mo rgol ba dang dge 'dun lhag ma ltag tu byed cing chad pa byed du mi btub pa khyim bdag chos slob pa la thal mo rgol cing bsod nams med ces zer dang 'di bzhin phyin chad mi byed ces zer na las brgya rtsa gcig nyan rung ngo //ma log pa ma gtogs te'o/ /ltag ma ltar chad pas bcad pa chad pa byed du ma btub ste song ba ni ma gtogs/ spangs kyang bdag gis las la'o/ /ltag ma ltar spangs ba rnam bzhi bzod pa gsol/phyin chad mi bgyid ces khas blangs nas de rnams dgrol zhing blangs pa'i las bya ba'i nang du chud pa'i nyid kyang nang du gzhug go/ /nang du dri ba'i phyir gsol ba la sogs pa ste bsnyen par rdzogs par bya ba na yang ngo / / dge slong bdag bsnyen par rdzogs pa'i tshe ni las de'i nang du 'jug tu rung ngo / /mngon sum du ba ni mig lam du bzhag la bsnyen pa chud par bya ba de bya bas sgrub/ dge sbyong zhig nyes pa byas kyang bar du mi gcod do zhes zer ba de dge 'dun mthong tsam du mig rgyang du bzhag ste las pa'i dge slong gcig gis khyod mtshan ma btang ngam ma btang lan gsum du bskos te mtshan ma btang na ni legs/de ste yang mtshan ma ma btang na gdod bskrad do/ /mngon sum du mi 'gyur ba ni gtsug lag khang dang / dge slong dang dge sbyong chos log pa la bltas na de'i khyim du dge 'dun 'og khrims bcas te mi 'dong ba ni mi de mdun du gzhag ste mi bya'i lkog tu bya'o//dge slong smyon pa dge 'dun gyi dad pa byin na las bya ba'i tshe dad pa ma blangs kyang rung / dad pa ni smyon pas ma thos par bya/ phyag mi bya ba dang dge slong dge slong ma'i khyim du rtag tu 'gro ba ma song shig par lan gsum du bsgos te ma btub na bskrad pa la dge slong mas phyag mi bya bar bya ba yang ma thos par bya/gtam mi bya ba dang / dge slong dang dge sbyong dge 'dun la 'thab mo rgol ba de dang gtam mi bya bar dam bca' ba yang de ma thos par lkog tu bya/mi spyad pa'i sdom pa'o/ /ltag ma lta bu'i dge slong dang mi smra ba ni zas dang chos gnyis mi spyad de zas mi spyad pa ni gral gcig la mi 'dug /chos mi spyad pa ni tshul du 'jug pa dang gso sbyin dang so sor thar pa 'chad pa nang du mi gzhug / de'i phyir ma gsol bar klog par mi bya/ gsol ba dang zhu ba'i las bya ba gsol ba dang zhu ba gcig byas la gcig ma byas na las su mi rung ste gnyis ka bya dgos so/ /de'i mtshams su chud la kha bskang ba rigs na lus sam dad pas 'khod par ma zhugs na'o//gsol ba dang zhu ba'i las gnyis sam gsum gyis las bya ba gang yang rung ste ltag tu smos pa'i tshul khrims dang mi ldan pa rnams ni ma gtogs te tshul khrims dang ldan pa'i dge slong mtshams kyi nang na 'dug la dad pa ma blangs dge 'dun nang du'ang mi 'dus/mtshams kyi phyi rol du yang ma song bar dge 'dun gyi las byas na las su mi rung ngo / /log par brjod na yang ngo / /dge slong gis bskrad pa rnams bdun gang yang rung ste bskrad pa'i tshe yon tan dang mi ldan pa'i dge slong dang dge sbyong zhig na re bskrad pa'i mi rigs zhes zer na mi btsan gyi yon tan dang ldan pas bskrad pa'i mi rigs zhes zer na las su mi rung ngo //gang gis las pa de las gzhan du na'o/ /ltag ma ltar bskrad pa'i las byed pa'i tshe bskrad de btang ba'i dge slong de nyid na re nga bskrad pa mi rigs zhes zer ba ni mi btsan gyi yon tan dang ldan pa ni bskrad du mi rung zhes zer ba'i tshig btsan te mi bskrad do//de ste log pa dang / dbyar tsha ba'i tshe me bus pa ni log pa'o/ /dgun grang ba'i tshe me bus pa ni ma log pa'o/ /de bzhin du 'og ma'i rnams kyang rigs mi rigs su bya'o//chos dang / bskrad par mi rigs pa ni mi bskrad/ spyod lam ma 'khrul ba ni / dge 'dun las byed pa'i nang nas dge slong gcig lus mi g.yo bar khas bskrad par mi rigs so zhes zer na de'i tshig ltar bya'am mi bya ba ni 'og nas 'chad do/ /rang bzhin du gnas pa/ltag ma'i skad du smra ba'i dge slong de'i rang gis dul zhing zhi ba'i las smras na de'i tshig ltar bya/ tshig la rub pa ste/ ltag ma'i skad du smra ba'i dge slong de tshig kyal ba can nam phra ma can nyan pa ma yin gyi sngon chad smras pa'ang tshig las mi 'gal ba yin na de'i tshig ltar bya/mngon par mi shes pa dang / dge slong ltag ma skad du zer ba de ci'ang mi shes pa zhig zer na de'i tshig ltar mi bya'i sde snod gsum shes pa'i tshig ltar bya'o/ /khon chen ma gtogs te tha dad pa'o/ /bsnyen par rdzogs par bskrad pa'i las gang bya'ang rung ste dge slong gcig na re las 'di ltar byar mi rung ngo zhes zer na de'i tshig ltar byas te las su mi rung ngo //brdzun du smra bas bshams pa'i tshig bshams pa mi rung ba'i tshig go/ /sU tra ltag ma ltar tshig la rub pa ni de'i tshig ltar mnyan/brdzun dang ltag chod dang phra ma zer ba lta bu ni tshig la mi rub pa'o/ /phra ma dang tshig kyal pa dang ngag rtsub po yang ngo / /de skad zer ba rnams kyang tshig la mi rub ste/ 'di skad zer ba'i mi de'i tshig ni mi mnyan de las su rung ngo / /rang bzhin du mi gnas pa ni 'di dang gzhan du mi bya ba byed pa ma byas pa'o//dge 'dun gyi lhag ma man chad nyes byas yan chad la mi srung zhing yal bar gtong ba zhig na re las 'di byar mi rung zhes zer ba'ang las su rung ste de'i tshig mi btsan no/ /spyod lam las 'khrul ba ni 'gro ba'i sems brtan te de btang na'o//dge 'dun 'dus te bskrad pa la sogs pa'i las shig byed na dge slong gcig ltag ma ltar sa la 'dug ste bskrad pa'i rigs so zhes zer ba ni btsan gyi/ khros te langs nas bskrad pa'i mi rigs so zhes zer ba ni dge slong de tshul khrims dang ldan du zin kyang de'i tshig mi btsan gyi bskrad pa'i las su rung ngo //'grengs ste de'i lus ma g.yos par zer na de'i tshig btsan no/ /lta ba dge 'dun la bshags/ gso sbyong dang tshul nas 'jug pa la sogs pa dge slong gcig na re las 'di byed pa la kho bo ma 'dus so zhes zer na las cho ga bzhin du byas pa la zer na nyes med byi shu tas ni chos log pa lta nas slar yang dge 'dun la bshags zhes bshad/gzhan la ma yin ltag ma ltar las byed pa'i spyir ni mi zer gyi gang zag gcig la zer na nyes byas/ byi shu tas ni log pa la bltas gang zag la bshags pa ma yin zhes bshad/bsnyen par ma rdzogs pa la ma yin/ ltag ma ltar dge 'dun gyi las byed pa la ma rangs zhes zer ba dge sbyong dang khyim pa la byas na nyes byas/ bskrad par mi rigs pa la ma yin/ ltag tu dge 'dun gyi las bya ba'i tshe dge 'dun gyi grangs su mi chud pa'i rnams la ltag ma skad du dge 'dun gyi las byed pa la ma rangs so zhes smra na'ang nyes byas/lhag ma med pa ma yin/ phas pham pa byung ba la ltag ma skad du brjod na'ang nyes byas/ bskos pa phyung ste rab tu dge ba dang rab tu mang ba byed pa bsko/gang zag bcu gnyis kyi las su bskos pa gang yang rung ste las byed par ma gus sam las byed mi nus na nus pa mkhas pa las snga ma phyung ste de bsko / dus dang yang dang yang ngam gzhan gcad par mi bya/ lhag ma ltar gtsug lag khang skyong gi lta bu nus pa zhig na lo gnyis gsum tsam zhig tu gyis shig par mi bsko'i ci nus par gyis shig ces bya/las nus pa zhig na khyod kyis yang byar mi rung ngo zhes dus bsnur zhing nan gyis mi gnan / gzhan du nam dgos pa na spangs pa sbyin/ gtsug lag khang skyong lta bu zhig las nus pa yod na de na re kho bo gzhan las ci'ang mi bsgo zhing g.yog dang khang bu sbyin na las rtag tu bya'o zhes zer na g.yog dang khang bu sbyin no//bskos pa med na tshul shing bzung zhing bsko/ /dge slong yon bdag gis yon byin te nor 'god pa'i tshe rtag par 'god pa'i las pa de med na nor so sor mnyam du bgo ste dge slong du yod pa'i ming bris la mdung byas te so sor bgo//gang bskang du mi rigs pa tshul shing 'brim pa la yang ngo / /ltag tu mdung sbyin pa dge sbyong dang tshul khrims las 'gal ba'i rnams las ma gtogs par dge slong tshul khrims dang ldan pa gcig gis g.yog sbyin no//mi rigs pas tshul shing 'brim pa dbyen du mi skye/ dge 'dun sde gcig las kha cig chos log pa la bltas na/ dge slong gcig gis tshul shing khyer te khyed su log pa la phyogs pa ni tshul shing 'di long shig ces bsgo na tshul khrims dang mi ldan pas tshul shing blangs kyang mi chud tshul dang ldan pas tshul shing blangs na dbyen du 'gyur ro//las kyi dngos po'o/ /las bskang mi bskang gi dngos po ste rdzogs so// // lhag par blags pa ma byas pa ma yin no/ /gsol ba dang zhu ba'i las dus bya dgos pa las grangs las lhag par brjod pa ni nyes med do/ /bri na ma byas pa'o/ /gsol ba dang zhu ba'i las grangs dus bya ba'i rig pa nas grangs der ma tshang bar las byas na las su mi rung ngo //byed pa ni song na ma rdzogs pa'i le'u dkrugs pa'o/ /gsol ba dang zhu ba'i las bya ba'i phyir rigs pa las gsol ba gnyis pa dang zhu ba gcig las byas te/ gsol ba gcig byed pa'i tshe gral nas dge 'dun kha cig langs nas dong na las su mi rung ngo / /rdzogs kyang de'i las kyi dge 'dun gyi tshad du 'dug pa ma lus na'o//dge 'dun gyi lhag ma dbyung ba dang bsnyen par rdzogs pa'i las byed pa sngar dge 'dun grangs tshang zhing 'dug pa las gsol ba dang zhu ba gnyis byas te/ las mjug ma rdzogs par gral nas kha cig dad pa byin te/ song na phyi ma dge 'dun du ma tshang na las su mi rung ngo //lus na ma yin/ dge 'dun gyi lhag ma dbyung ba ltar dge 'dun nyi shu rtsa zhig 'dus te/ 'dug pa las las kyi mgo brtsams te ma zin par gral na nyi shu ni lus dong ba rnams kyis dad pa ma sbyin na'ang las su mi rung / chur bsnan nas de ste yang bya bar 'dod na dge 'dun la tshig gis zhu ba ni yang btsun pa dag bstan dang gsol ba bgyi'o zhes so//ltag ma ltar dge 'dun gyi lhag ma byung ba la dge 'dun nyi shu 'dus nas las kyi mgo brtsams te/ dge slong gnyis sam gsum langs te/ dad nas phyi mas las byas na las su mi rung ste/ sgor song ba'i dge slong gnyis slar 'ongs na gcig 'di skad du brjod de las slar bya'o/ /btsun pa'i rnams bdag cag gis las bya ba ni las su ma rung ste da gdod slar bgyi'o zhes byos shig /spangs pa'i phyir bsgo ba ma rung par bya ba dang / dge 'dun gyi dbyen dang de'i rjes su phyogs pa dang rigs sun pa dang ngag dka' ba dang /bar du gcod pa la bar du mi gcod ces zer ba'i dge slong dang dge sbyong gnyis dang dge 'dun gyis bskrad pa'i dge slong su la nan das bsdus pa la de ltar ma byed ces bsgo ba dang / dge slong ma chos dang 'dul ba la sogs pa 'bul lo zhes lkog nas 'khyal ba'ang dge slong ma'i dge 'dun gyis de skad ma zer zhes bsgo ba dang /de'i rang bzhin tshol ba dang / dge slong la la zhig ltung ba byung ste lnga las gang byung gtol med de/ the tshom za na gang byung rtog tu gzhug pa'i phyir zla ba 'ga' bzhag pa dang / slob pa dang / dge slong ngam dge slong ma'i sdom pa sbyin pa dang /dge slong gis mi tshangs par spyod pa las dga' bar ma tshor te mdo bzhin dge 'dun gyi gam du mthol te slob pa sbyin pa dang / 'du ba dang / dge 'dun dge mi dge sde gnyis su gyur pa las slar sdum pa dang / de'i gso sbyong dang / gso sbyong gi tshe seng ge'i khri dang chag chag dang phyag dar byed pa'i dge slong bsgo ba dang /mur 'dug bcangs pa dang / mur 'dug rab tu bcangs pa dang 'byung bar 'ongs pa'i tshe/ mur 'dug gi chos smad nas ma dad par gyur pa zla ba 'ga' dge 'dun gyi 'khor du bzhag cing brtag pa dang / de las gzhan pa dang mgu bar byed pa dang / dge 'dun gyi lhag ma byas nas zhag drug tu mgu ba byed du gzhug pa dang mgu bar byed pa'i tshe/ dge 'dun gyi lhag ma byung nas chad pa dang mgu ba byed du gzhug pa dang / rtsa ba nas brtsams pa dang / lhag ma bcabs pa'i chad pa byed du gzhug pa dang bcabs pa'i chad pa byed pa'i tshe/khu ba byung nas rtsa ba'i chad pa byed du gzhug pa dang / rtsa ba'i chad pa byed pa'i tshe khu ba phyung nas yang rtsa ba'i chad pa byed du gzhug pa dang / dran pa dang / drab bya ma l+ya pud tra la ma tri bu mi nas bskur ba'i tshe drab bya ma l+ya pud tras mi dran no zhes gsol ba la tshangs pa sbyin pa dang /mi glen pa las 'dul ba sbyin pa dang / dge slong smyon par gyur pa la phyis smyo ba byang ste/ dge 'dun gyi nang du gzhug pa dang / bsnyen par rdzogs par byed pa dang / bsnyen par rdzogs par byed pa'i tshe dang / mtshams dgrol ba dang /mtshams la sogs pa dgrol ba dang / smad pa'i las dang / dge slong las bskrad pa rnam bdun po lta bu zhig byung ste bskrad pa las mtshams ma btang bar gyur pa dang sman pa dang / dbyung ba las tshig gsum mo/ /dge 'dun gyi lhag ma dge slong nyi shus dbyung ba dang / spangs pa'i phyir zhes zer ba nas tshig gsum po zhes pa'i bar du spyir 'chad pa dge 'dun gyis las 'di rnams lta bu gang bya'ang rung ste sngar zhu ba gsum gsol ba gcig dang bzhis byas pa'i 'og tu bya'o/ /btang ba ma gtogs te bdag gi phyir sngags bya ba rnams kyang ngo //dge slong gi chos gos gsum dang dge slong ma'i chos gos lnga dang gos lhag dang tshul gyi tshe zhag bdun pa'i sngags dang tshul nas 'byung 'jug la sogs pa ste bdag gi phyir bsngo ba thams cad sngags lan gsum bzlas te gdab po/ /bdag zan zos zin nas sems kyis btang ba la phyis spyan gzigs lta bu zhig 'ongs te bza' dgos na lhag ma byas te bza' ba ni sngags lan cig btab pas 'tshal to//gang zag pha rol po'i phyir ba yang ngo / /gso sbyin bya ba dang tshul nas 'byung 'jug dge 'dun mang ma 'dus pa dad pa blangs nas slar 'bul ba ni tshig lan cig gis 'tshal/gang zag la 'bul ba na tshig lan gsum bzlas te smra mdun du tsog tsog por 'dug pa las te btang ba yang ngo / /ltag ma ltar dad pa 'bul ba dge 'dun la na 'grengs te 'bul gang zag la 'bul na gnyis ka tsog tsog por 'dug ste/ tshig lan gsum bzlas te dbul/zhu ba yang ngo / /khyim pa zhig rab tu byung ba'i tshe/ gsol ba byed cing las pa'i dge slong dang rab tu byung ba gnyis ka tsog tsog por 'dug pa la gsol ba dang zhu ba dang bar chad dri ba bya/ bsnyen par rdzogs pa na gsang ste ston pa'i ma gtogs par phag gu'i steng du rting pas so//dge slong bsnyen par rdzogs pa'i tshe phag gu'i steng du rkang pa gnyis kyi rting pas mnan la khrims dbog go/ /dge 'dun gyi spyan sngar bar chad dri ba ni phag gu'i steng du rting pa ma bzhag kyang nyes med do/ /bud med kyi na bar tshangs can la sogs pa'o/ /dge slong ma bsnyen par rdzogs pa'i tshe dang tshangs pa'i sdom pa nod pa'i tshe phag gu'i steng du mi 'dug par shing bal can gyi stan stug po byas te 'dug la khrims dbog go//rang dbang dang dge 'dun gyi rgan pos so/ /chad pa dang rtsa ba'i chad pa dang mgu ba dang 'byin pa'i tshe gnas brtan gcig gi mdun du tsog tsog por 'dug la gsol ba bya/gzhan gyi phyir na 'grengs te btung la'o/ /ltag ma ltar gsol ba byed pa dang / bdag nyid kyis kha thon mi shes na dge slong shes pa gcig gis kha ton smras te bdag 'grengs te spyi bo btud nas gsol ba bya'o/ /gsang ste ston pas lam gyi mdun du gcig go//bsnyen par rdzogs pa'i tshe lkog tu bar chad dge slong gcig gis dris nas dge 'dun nang du 'dug la gtsang na ci zhig mchi zhes bya ba ni dge 'dun nang du 'dug la smra ba ma yin gyi dge 'dun gyi 'dab tu 'grengs te bar chad gtsang zhes smra'o/ /rdzas bsngo ba yang ngo / / lhung bzed la sogs pa yo byad bcu gsum dang gser dngul la sogs pa dang sman dang 'di thams cad kyang 'grengs te sngags gdab bo/ /de bzhin du rtog pa'o/ /gos lhag thams cad kyang 'grengs te sngags gdab bo/ /de blangs te de ltar ro/ /lhag ma'i bsngo ba dang brtag pa gnyis ka yang dge slong gnyi ka tha ma yang re nas bzung ste gdab/lhung bzed dang sman lag pa g.yon par bzhag la lag pa g.yas pas bkab ste'o/ /lhung bzed dang sman zhag bdun pa dang tshe gcig pa thun pa lag pa g.yon pa'i steng du bzhag la g.yas pas bkab ste/ dge slong pha log pos kyang de ltar byas te lag pa gnyis rim du sbyar te sngags gdab po//mi gzung ba ni mdun du gzhag ste/ rin po che gser dngul la sogs pa reg tu mi rung ba'i rnams dge slong gnyis 'grengs pa'i bar du gzhag ste lag pa gnyis thur du brkyang ste sngags gdab po/ /las ni 'dug ste'o//las brgya rtsa gcig dge 'dun gyis bya'ang rung gang zag gis bya'ang rung 'dug ste'o/ /de ltar ma byas na las su mi rung ngo / /dge 'dun dang gcig la yang ma gnas na dge slong gang zag la bsko/ /las brgya rtsa gcig tu ma gtogs par las gzhan byos shig par bka' stsal pa dge 'dun nam gang zag 'dis gyis shig par gsang bar ma byung ba'i rnams ni gang zag gi las bya'o//skye ba ni mi nye yang gos yid brtag pa dang btang ba dang bsngos pa yang ngo / /dge slong gcig dgon pa'am dben pa na 'dug ste/ grogs med na bsngo ba dang brtags pa dang chos gos sngags dbyung ba bdag gcig pus rung ngo //chos gos gud na 'dug pa zhig sngags dbyung ba yang bdag gcig pus rung ngo / /bsngo ba dang brtag pa gnyis gud na bzhag la bdag 'di 'dug pas sngags gdab tu mi rung ngo / /snga ma ma btang ba ma yin/chos gos gsum dang gding ba snga ma ma phyung bar phyi ma gdab tu mi rung ste snga ma phyung la phyi ma sngags gdab po/ /gcig pu bsngo na ngag gis smras/ dge slong gcig pu dgon pa'am dben pa na 'dug ste/ chos gos sngags kyis gdab pa sngar yid la bdag gcig po grogs med par dben pa na 'dug go snyam bsams te de'i 'og tu sngags gdab pa'i tshig khar brjod do//de thog mar bsam pa bskyed/ sngags gdab pa'i tshe bdag pas rgan kyang rung gzhon kyang rung de la bsti stang gi tshul du bdag gi chos gos kyi tshags bcos te gus par byas la gdab po//dge slong dang 'grogs na bla gab phrag pa ya gcig tu byas te'o/ /tshul nas 'byung 'jug dang brtag pa dang bsngo ba la sogs pa'i sngags grogs gcig dang gnyis 'dug la sngags gdab pa'i tshe bdag pas na rgan pa zhig yin na phrag pa g.yas pa phyung la gus pa'i tshul du las bya'o//der rigs pa la phyag 'tshal te bdag gi don sngags ni tshig gsum na'o/ /ltag ma ltar bsti stang bya ba ni gus par phyag 'tshal la bdag gis bsngo ba dang brtag pa la sogs pa tshig lan gsum du bzlas te bya'o/ /gsang ste ston pa na yang ngo / /bsnyen par rdzogs pa'i tshe lkog tu bar chad dri ba ni thog mar phyag 'tshal du bcug la de nas bar chad dri ba dang bar chad dris nas dge 'dun la phyag 'tshal la bar chad gtsang ngo zhes brjod/bsnyen par rdzogs pa'i phyir 'khod pa dag la sbyar ma dang bcas kyang ngo / /bsnyen par rdzogs pa'i tshe mkhan por gsol ba'i 'og tu chos gos gsum bskon la dge 'dun la phyag 'tshal du gzhug go//thog mar gsum/ bsnyen par rdzogs pa'i tshe bsnyen par rdzogs par 'dod pa de dge 'dun thams cad phyag lan gsum 'tshal du gzhug go/ /de'i phyir thal mo sbyar te zhag zhu ba yang / tshul nas 'byung 'jug dang gso sbyin byas pa'i tshe/gso sbyin bya tshur shog ces tshig drag tu mi bya bar bdag pas rgan na tshig dal ba dang 'jam pas bgyis/ spyon zhes bya/ de ste gang zag dag gi phyir gsol ba'i tshig na mthar thabs de lta bu shes so/ /bdag gis sngon sngags btab zin nas drung na 'dug pa'i dge slong gis au pa yi ka zhes lan gsum du bya'o//de'i rjes su drung na pos dge'o zhes so/ /dge slong gos bdag pos ni drung na 'dug pas au pa yi ka zhes smras pa'i rjes las du zhes lan gsum du brjod do/ /rang dbang can zhe sdang dang gti mug dang 'jigs pas 'gro ba med par byas pa dran par nus la bsgo ste spro bas so//ming gis smos pa 'di rnams dang mi ldan pa las gang zag bcu gnyis kyi las bsgo/ las su bskos pa'i tshe mi de la sngar dad dam ma dad dris te bsgo/ /byas zin nas brjod/ dge 'dun gyi las gsol ba dang zhu ba las bya'o/ / cog byas zin pa'i rjes la dge slong las pas las de ltar bgyis nas dge 'dun so so nas cang mi gsung na bdag gis las dad par 'dzin to zhes smra/ mtshams bcad pa bzhin du mchod par nan tan du bya/ mtshams bcad pa gang tshun chad bcad pa'i phyi rol du 'dug ste/ mtshams bcad pa'i las byas na mi rung ste/mtshams kyi nang du 'dug la bya'o/ /de bzhin du gang zag bcu gnyis kyi las su bskos pa yang mtshams kyi nang du 'dug la bya'o/ /'dug par byed pas 'dug par bsgo ste gaN+Di brdungs pa dang dris smros shig bsgo/ /tshul nas 'byung 'jug dang gso sbyin pa'i tshe chag chag dang dkyil 'khor dang stan gding ba'i dge slong gcig bsko/'du ba'i phyir gaN+Di brdungs na dge slong gcig cig na re gaN+Di brdungs pa ci bya zhes dris na las ci byed pa de la bstan/ de'i phyir des stan gding / dge 'dun gyis las su bskos pa'i dge slong des dge 'dun gar 'du bar stan gding ngo //bskos pa de dgos pa'i phyir 'di'o/ /gang zag bcu gnyis kyi las su bskos pa rnams ci nas su dge 'dun mgu bar bya/ thams cad du rgan rims so/ /bshos gsol ba dang yon 'god pa dang gral du bkod pa dang phyag 'tshal ba la sogs ste ci'ang rung ste gnas brtan gyi rim pa bzhin du bya/blang pa dad pas blang / ltag ma ltar rgan rims su gnas dang rgan po kha cig na re rgan po mi 'dod de 'dis chog ces zer na ci dgar bya'o/ /las gdon mi za ba'i sba ba'o/ /bsgo ba ma byas par las mang ba mi bya/dge 'dun gyi dbyen dang rjes su phyogs pa dang rigs sun pa dang ngag dka' ba dang yang dag par gshegs pa la skur pa btab pa ni chad pa 'di dang gsol ba ma byas par dge 'dun gyi las bya ba'i nang du 'gror mi dbang ngo / /gso sbyong dang dbyung ba ma gtogs so/ /ltag ma lta bu dge slong las gzhan la ni mtshams ma btang na mi rung gi gso sbyong dang tshul nas 'byung ba gnyis ni brtags te dge 'dun gyi nang du 'jug tu rung ngo //mtshams gzhan du 'dug pa ni gang du yang yan lag ma yin no/ /dge 'dun gyis las bya ba'i tshe langs te nam mkha' la 'phags sam mtshams kyi phyi rol du song ngam par yur bas chod na phyi na 'dug pa'i dge slong dge 'dun grangs su tshang na las su rung dge 'dun du ma tshang na las su mi rung /zhan pa ni der 'gro zhing bcas te song na'o/ /lhag ma 'byung ba'i dge slong nyi shus dbyung dgos pa las dge slong gcig gam gnyis nam mkha' la 'phags sam yur ba'i pha rol du brgal nas phyi na grangs mi tshang na las su mi rung /gnyis su 'dug pa ni tshu logs su rkang pa gcig pha logs su rkang pa gcig na'o/ /yur ba gcig gi pha rol tshu rol na dge 'dun sde gnyis las byed de/ dge slong grangs su gcig gis ma tshang na dge slong gcig rkang pa yur ba'i pha rol du bzhag nas rkang pa ya gcig mtshams kyi nang du phyin na dge 'dun grangs su chud do//thams cad du mnan na kun du nan pa'o/ /mtshams bzhi'i nang du bsnyen par rdzogs pa'i las byed pa la bzhi ka'i nang du dge 'dun grangs su gcig ma tshang na mtshams de bzhi mdor khri'am shing leb kyis mnan pa'i steng du dge slong gcig 'dug na bzhi ka'i grangs tshang par 'gyur ro//de ltar du mar tshul du zhugs te'o/ /ltag ma ltar bzhi mdor dge slong gcig 'dug te tshul du zhugs pa'i gsol ba dang zhu ba'i las byas na gtsug lag khang de bzhi ka'i dge 'dun tshul du zhugs par chud do//mal stan du ma blangs pa'i rigs/ /ltag ma lta bu gsol ba dang / /zhu ba'i las byas pa'i dge slong de ni gtsug lag khang bzhi'i khang pa dang mal stan gyi shas kyang dbang ngo / /de gang du dga' bar gnas/ ltag ma ltar khang pa dang mal stan mang du bdog ste/kun spyad mi nus na bdag gar dga' bar 'dug la spyod cig /rgyal ba'i 'grel bar mi byed do/ /sangs rgyas mtshams kyi nang na bzhugs te/ dge 'dun gyis byed pa'i tshe/ sangs rgyas la dad pa ma blangs kyang las su rung ngo / /mi bskong ngo //dge 'dun gyi lhag ma dbyung ba lta bu dge slong nyi shu dgos pa bcu dgu yod de gcig gi grangs sangs rgyas spyan drangs kyang dge 'dun gyi grangs su ma gtogs pa las su mi rung ngo / /las bya ba la las ma yin pas mi skye'o / /las brgya rtsa gcig lta bu bya ba gsol ba dang zhu ba'i rim pa bzhin du ma byas na gcig kyang las su mi rung ngo //kha cig gi skabs su ni rung gi dge 'dun dang mkhan po la nyes byas zhes zer ba yang de bzhin gzung ngo / /gang gis mang du byas pa ni byas pa bzhin no/ /gsol ba gcig dang zhu ba gcig las bya ba'i tshe/ gsol ba zin zhu ba'i tshig gsum gnyis brjod de sum cha ma rdzogs kyang las su mi rung ngo //ltag na med pa'o / /gsol ba gcig dang zhu ba gsum gyi las bya ba'i tshe/ gsol ba dang zhu ba'i las gnyis ni 'das gcig gi sum gnyis ni 'das sum cha ma 'das kyang las su rung ngo / /mtshan mas brjod na chad pa ma yin/dge 'dun gyi mtshams bcad pa rdo 'di las thug ces sngar ma brjod par gsol ba dang zhu ba'i las byas kyang byas par mi chud do/ /chad pa las tshangs par spyod pa'i gnas so/ /dge slong lhag ma zhig byung ste/ ltag ma'i las byed pa'i tshe/ dge 'dun tshul nas 'byung 'jug dang gso sbyong bya ba'i tshe las byed mi nus na chad pa pa de las byas kyang las su chud do//dge slong ma lhag ma byung ba yang las gzhan kun ni byar rung gis tshangs pa'i sdom pa'i las byar mi rung ngo / /smyon pa bshad na yang ngo / /gso sbyin bya ba'i tshe dge 'dun gyi nang na so sor thar pa kha thon du sus kyang mi thon na dge slong smyon pa kha thon du shes pas bklags kyang nyes med/gsol ba dang zhib tu byed pa'i nan tan no/ /chad pa dang spangs pa dang lhag ma byas pa la sogs pa ltag tu dge 'dun gyi kha bskang du mi chud pa'i rnams kyi dge 'dun gyi dbyen pa'i dge 'dun ma langs pa'i khar bskang kyang dbyen byas par mi 'gyur ro//yan lag ma yin pa ni mtshan ma tha dad na'o/ /dge slong gi dge 'dun gyis las bya ba'i dge 'dun gyi grangs ma tshang pa dge slong mas kha bskang du mi rung ngo / /dge slong ma'ang de bzhin du dge slong gi dge 'dun gyi dbyen byed pa la grangs ma tshang pa'o//snod dge slong mas byas na grogs su mi chud do/ /trog trog pos na gang yang ma yin/ ku re dang rtsed mos dge 'dun gyi dbyen byas na dbyen du mi chud pa ni bdag gis dbyen byas kyang mi byed par shes bzhin du byas pa las sbom po ste 'og nas kyang 'chad/ mi skye ba'i bsam pas 'byed pa dang spangs na sbom po'o/ /ltag ma ltar rtsed mo dang ku res dbyen byas na dbyen gyi sbom po'o/ /dge 'dun 'dus te gang zag gcig chos bzhin du nyes pa byung ste/ /spangs pa'i rigs pa'i las gang zag gis bskrad na sbom por 'gyur ro/ /nyes byas pa ni dge 'dun du ma gyur na'o//dge 'dun gyi dbyen byed pa dge slong brgyad las bzhir phye ba ni dbyen du 'gyur ro/ /dge slong bdun bdag dang brgyad 'dug pa la phye ba ni gnyis kar dge 'dun du ma tshang bas phye yang nyes byas su 'gyur ro/ /so sor gnas pa las gzhan dag grangs su bskang par mi rigs pas grangs bskang na gsol ba'i brjod pa ma yin no//dge slong de ba dat+ta'i sde lta bu log pa la phyogs pas las brgya rtsa gcig lta bu bsnyen par rdzogs pa dang lhag ma dbyung ba la sogs pa dge 'dun gyi grangs su ma tshang pa las pham par 'gyur ba'am / mtshams med byas pa'am so sor gnas pa'am chad pas bcad pa lta bu nyams pas kha ma bskangs kyang las su mi rung ngo //rig pa yang bdag gi dge 'dun gyis myong ba ma grub par na yang ngo / /dge 'dun gyi lhag ma dbyung ba lta bu dge slong nyi shus dbyung ba'i rigs pa las nyi shus chang yang las byed pa'i tshe gral na yur te gsol ba dang zhu ba'i las ma thos na dge 'dun gyi grangs ma tshang ba dang 'dra ste las su mi rung ngo //grub pa ni gsol ba thos na'o/ /lhag ma dbyung ba la gnyid log pas gsol ba ni thos zhu ba bya ba'i tshe ma thos kyang grangs su chud de las su rung ngo / /skal pa yod pa gzugs brnyan gyi pho nyas rab tu phyung ba yang cho ga ma yin pa ma yin no//bud med ni ma na zhes bya ba snga ma'i bsod nams kyis dgra bcom par 'gyur ba zhig khyim pa'i gnas na 'dug ste/ mkhan po las lung mnos te pho nyas khrims phog kyang rab tu byung bar gyur to/ /de bzhin du yon tan yod na deng sang yang pho nyas dbog tu rung ngo //phyis bsnyen par rdzogs pa'i bar du yang ngo / /ltag ma lta bur rgyun du 'jug pa'am dgra bcom par 'phral du 'gyur ba de lta bu yon tan dang ldan pa pho nyas bsnyen par rdzogs pa'i khrims phog kyang 'chags so/ /khas ma blangs na byin pa ma yin no//rab tu byung ba'i tshe bdag rab tu 'byung bar ci gnang zhes gsol nas rab tu 'byung bar brtsams pa las nga rab tu 'byung dus 'dod de zhes zer na khrims mi 'chags kyis skrod de thong shig /'dis gsol ba dang zhig go/ /ltag ma ltar khrims nod du ma btub ste song pa phyis slar rab tu mi 'byung du mi rung zhes gsol du 'ongs na snga ma'i las ni zhig gi gdod las byas te dpog tu rung ngo //bsko bas bsgo ba thog mar ni cho ga'o/ /dge 'dun gyi dbyen dang rjes su phyogs pa dang rigs sun pa dang ngag dka' ba lta bu khyod kyis mtshan ma de thong ma shig ces sngar ma bsgo bar lhag ma byas pa nyes kyis bskrad do zhes gsol ba dang zhu ba'i las byas pa ni las su mi chud do//spangs pa'am 'di bzhin du'o/ /yang dag par gshegs pas gsungs pa bar du mi gcod do zhes zer ba la sogs pa dang lhag ma ltar ma zer zhes lan gsum du ma bsgo bar bskrad pa'i las su mi chud do//dgongs gcig pa la sogs pa'i tshig gzhan gyis na dgongs pa las gtso bor ro/ /gos dang gser dngul dang tshul nas 'byung 'jug dang gso sbyin la sogs pa chung ngu na mkhan po la zhu ba yan chad kyang ngo / /dgongs shig btsun pa'am tshe dang ldan pa zhes smra ba'i tshe/ dge slong de sems logs shig tu bsams na sngags gdab pa la sogs pa ci byas kyang las su mi rung ngo / /don gyi le'u rigs pa la bzlog kyang mi skye ba ma yin no/ /dge slong du bsnyen par ma rdzogs pa'i tshe/ dge 'dun la dgongs shig btsun pa'i dge 'dun mkhan po 'di las dge sbyong ming 'di bsnyen par rdzogs par gsol lo zhes bya ba'i rigs pa las ltag ma'i tshig mgo mjug bzlog ste snga phyir smras kyang las su ni rung ngo //'khrul bar mi bya/ ltag ma ltar tshig mgo mjug bsnor na nyes byas su 'gyur ro/ /mtshan gzhan la gnas te yang na yin no//dge slong ma bsnyen par rdzogs pa'i tshe bab pa'i dge slong dgongs shig btsun pa'i dge 'dun mkhan po 'di la dge slong ma 'di bsnyen par rdzogs so zhes bya ba'i rigs pa las mkhan po 'di la rab tu rdzogs zhes byas te ming nor kyang las su rung ngo / /dge slong dang dge slong ma las las gzhan du byas kyang ma yin/dge slong bsnyen par rdzogs pa'i tshe/ dge slong gi ming las drangs te gdag pa'i rigs pa las dge slong ma'i ming las drangs te btags kyang las su rung ngo / /dge slong ma la'ang dge slong gi ming las drangs te btags kyang rung ngo //las kyi dngos po ste dris pa la sogs par chud do / /las kyi dngos po rdzogs so// //'di man chad chad pas bcad pa'i las kyi dngos po la 'chad de/ ma zhi ba'i mtshan ma shes nas bskul bas dam bcar bcug nas mngon sum du smad las bya ba sbyin/ dge slong zhig rtag par lhag ma man chad nyes byas yan chad gcig rtag tu byed cing mi mthol bar 'dug pa dang rtag par thab mo rgol ba gtong du ma btub na mi de dge 'dun gyi mdun du bkug la dge slong gcig rgol du bcug ste khyod 'di nyes so zhes brgal nas nyes pa'i dmigs ci la btub pa bzhin du chad pas bcad do//shes pa tsam gyis 'du ba ma yin par ro/ /ltag ma ltar bdag gis nyes pa byas te dge 'dun gyis tshur shog shig par bsgo nas nyes pas gnod de 'ong du ma btub na ci ltar nyes pa zhig bzhin du mngon sum du ma 'ongs kyang chad pas bcad do/ /yan lag ma yin pa ni gnod pa ni med par dam bcas pa'o//dge slong gcig gi la nyes pa yod par dge 'dun gyis shes te khyed 'di nyes so zhes bsgo ba ci'ang mi smra bar kha btsums te 'dug pa mi brtsan gyis ci nyes pa dge 'dun mkhyen pa bzhin du chad pas bcad do / /skabs ma byas pa yang ste/ mi rigs pas ltag ma ltar dge slong gis lhag ma man chad nyes byas yan chad cig byas te dge 'dun gyi nang du bkug nas dge slong gcig rgol du bcug ste khyed la skabs dbye ba zhig byas na dbyer ma btub na chad pa dge 'dun mkhyen pa bzhin gcod do//bskul ba bdag ma langs pa na bsgo zhing bslang / ltag ma ltar dge 'dun gyis nang du dge slong nyes pa la rgol te bcug pa'i dge slong ni 'khon med pa dang zhe sdang dang gti mug med pa dang kho nyid dad na gdod bskos te rgol du gzhug /'di man chad chad pa rnams bdun gyis bcad pa las slar chags pa'i cho ga la 'chad rnyog pa dang dge 'dun la tshig ngan pa zer zhing rnyog pa btang ba dang /gshe ba dang / khros nas tshig ngan pa zer ba btang ba dang / dam bcas dag dang / nga la sus bskrad pa gcig cing brdeg go zhes sems pa btung ba dang / rnyog pa dang zhes pa nas dam bca' ba dag dang zhes pa'i bar du spyir spangs pa rnams bdun gang yang rung ste/mtshan ma 'di rnams lta bu yang mi bya bar sems kyis btab nas slar 'chag tu song na 'chag tu gzhug go/ /dge 'dun gyi dad dge 'dun gyi rnyed pa dang / dge 'dun gyi spyir yon bdag gis yon phul ba dang gtsug lag khang nyid kyi rkyen las lo dus rtag par nor rdzas 'bul ba la dge 'dun gyis mi thos shing yod med par gyur cig par sems pa dang /gnas med par sems pa dge slong gi gnas dang gtsug lag khang yang zhig ste med par dga' ba dang dge 'dun gyi dang zhes pa nas sems pa'i bar du spyir rnam pa bdun gang gis spangs kyang rung 'di ltar sems pa'i sems btang nas 'chags su 'ong na bzod par bya'o//sems de lta bur ma btang na mthol zhing 'chags su 'ongs kyang mi gnang ngo / /rgyal po'i grong dang / rgyal po'i phyag rgya khyer te nan thur gyis slar shog shig ces zer ba dang / yul dpon dang / zhang blon dbang chen po la mthu btsal ba/gnyen dang / gnyen rigs pa bzlog ste mthur byas pa dang / gang zag la brten pa gnas brtan nam dge slong mthu che ba la mthu btsal ba dang rgyal po'i phyag rgya zhes zer ba nas brten pa zhes bya ba'i bar du spyir ming gis smos pa 'di rnams kyi mthus gtsug lag khang du mi gzhag tu mi rung zhes zer zhing mthu dang bcas te 'ongs kyang chos bzhin du mtshan ma ma btang na gtsug lag khang du mi gzhag /dge 'dun la mi brten pa btang ba dang / ltag ma ltar spangs te btang ba lkog na ni dge 'dun 'dir ma zad kyis phyogs bcu'i dge 'dun gar dga' bar 'gro'o zhes zer zhing dge 'dun gyi nang du ni bdag bzod pa gsol na thugs rje cir gzigs she na mi gnang ngo //yan lag gcig mi byed pa na khyim pa dang / ltag ma ltar dge 'dun gyis spangs pa'i dge slong lkog na khyim pa'i tshul du gos dkar po gyon zhing chos gos 'dor la dge 'dun gyi nang du snga ma'i nongs pa bzod par gsol te bdag dbyung du ci gnang zhes zer kyang bzod par mi bya ste yan lag gcig /mur 'dug gi rgyal mtshan 'chad pa dang / ltag ma ltar dge 'dun gyis spangs pa'i dge slong lkog na mur 'dug gi tshul du lus la thal bas byugs pa dang ral pa thogs pa la sogs pa byed cing dge 'dun gyi drung du bdag snga ma'i nyes pa bzod par gsol na thugs rjes cir gzigs zhes zer kyang mi gnang ngo //yan lag gcig /mur 'dug dang bsten pa dang / ltag ma ltar dge 'dun gyis spangs pa'i dge slong lkog na mur 'dug dang lhan cig tu 'khod cing mur 'dug gi chos la bltas pa las dge 'dun gyi drung du bdag gi snga ma'i nongs pa bzod par gsol zhes zer kyang mi gnang /chos ma yin pa spyod pa dang / gong ma ltar sangs rgyas kyi chos bor la mur 'dug gi chos spyod pas na chos ma yin pa spyod ces bya ste/ mur 'dug dang bsten pa 'di gnyis la yan lag gcig /dge slong gi bslab pa la mi slob pa dang / ltag ma ltar dge 'dun gyis spangs pa'i dge slong spang pa'i gnas na dus gsum dge ba mi spyod pa dang / chu brtag pa la sogs tshul khrims phra mo la nan tan mi bsrung zhing dge 'dun gyi drung du bdag gi nongs pa bzod par gsol cing gnang zhes gsol kyang mi gnang ste yan lag gcig /rnying zhing ltag ma ltar dge 'dun gyis spangs pa'i dge slong spangs pa'i 'og tu snga ma'i nyes pa gnod bskur nas lus la bu spu 'greng zhing rdul byung ba tsam gyi tshong du dge 'dun la gsol ba dang skyo ba dang / ltag ma lta bu dge slong spangs pa'i 'og tu rab tu 'gyod cing mi dga' nas grogs po mdza' ba la phe'ur yang bcol/dge 'dun thams cad kyi zhabs las bzung ste gus rab tu gsol ba dang / dge 'dun la ngan par bsten pa dang / ltag ma ltar spangs pa'i dge slong dge 'dun gyis spangs pa'i 'og tu rab tu mi dga' zhing 'gyod de dge 'dun thams cad kyi drung du 'gre ldog cing sems thag pa nas gsol ba dang /'byung bar 'jug pa dang / ltag ma ltar spangs pa'i dge slong rje mo'am dbang chen pos mgo la sla tsa gzhag pa tsam du mi dga' zhing 'dor 'dod pa bzhin du mtshan ma gang byas pa'ang de bzhin du 'dor 'dod cing gsol ba dang /mnyam par ston pa dang / ltag ma ltar dge 'dun gyis spangs pa'i dge slong snga ma'i nyes pa btang la phyin chad yon tan dang ldan pa'i ci ltar byed pa bzhin du bgyid do zhes yi dam bcas shing khar yang brjod cing gsol ba dang / mtshan ma btang ste gsol ba nas bzod par bya'o/ /spang ba rnam bdun sUtra rnyog ma zhes pa man chad slob ces bya ba yan chad mtshan ma rnam pa brgyad btang la bzod pa zhes bya'o zhes bya ba yan chad rnying zhing skyo ba man chad rnams ltar bzod pa gsol na spangs pa las slar bzod par gsol ba gnang bar bya'o/ / spang pa rnam bdun ni 'og nas 'chad/ las sbyin pa dang / dbyung ba dang / bsnyen par rdzogs par bya ba dang / gtang ba dang gnang ba yang ngo / /ming gis smos pa 'di rnams bdag 'di ltar bgyid na dge 'dun gyis gnang bar thugs rje cir gzigs zhes gsol du 'ong ba ni gdod gnang bar bya'i dge 'dun gyis 'di ltar byar mi rung zhes bya ste byed du mi gzhug go /thab mo byed pa las kyis spyod/ /dge slong gcig gam gnyis kyang rung ste/ dge slong rnams la rtag par thab mo rgol ba de thong shig ces lan gnyis lan gsum du thab mo thong shig ces bsgo ste ma btub na dge 'dun rnams kyis tshig gis spyod ste/gsol ba dang zhu ba dang bzhi'i las kyis bskrad do/ /spangs pa gcig dge 'dun gyis ltag ma'i ltung ba'i phyir phyir la ma mthol na smad/ dge 'dun gyis lhag ma snga ma 'byung la mthol te yang byed cing mthol ba lta bu ni mi smad kyi lhag ma mang du byas kyang mi mthol bar 'dug la mthol cig ces bsgo na'ang mi mthol ba ni sU tra ltag ma ltar spyod de dben par gsol ba dang zhu ba bzhi'i las kyis bskrad do//spang ba gcig rigs sun pa bskrad ka shwa ka dang su ga ras lta bu dge 'dun gyi rigs sun par byed pa'ang gsol ba dang zhu ba bzhi'i las kyis bskrad do//de'i phyir du ba dang skabs mi ster cing mi byed na yang ngo / /ltag ma ltar rigs sun par byas te khyed nyes so zhes rgol ba'i tshe skabs dbyer kyang mi btub/ dge 'dun nang 'dur kyang ma btub na gsol ba dang zhu ba bzhi'i las kyis 'dug pa'i gnas nas bskrad de btang ngo //de ma mthong ngo zhes bsnyon kyang ngo / /lhag ma ltar rigs sun par byas pa dge slong dang khyim pas kyang shes bzhin du rigs sun pa mthol cig ces bsgo na ngan rigs sun pa ma byas zhes bsnyon cing 'chags su mi btub na bskrad de btang ngo / /rigs sun pa mthol cig spang zhes bya ba man chad 'di yan chad gsum spang ba gcig khyim pa la zug zer na brtul na'o//khyim pa la thab mo rgol ba dang tshig ngan pa spyod/ de lta bu ma smra shig ces bsgo ste ma nyan na zas tsam byin la gtsug lag khang gi 'khor du mtshan ma ma btang gi bar du gzhag go /de bzod par bya ba 'di'i las kyi gnas su bzod par bya'o//ltag ma ltar gtsug lag khang gi 'khor du spangs te gzhag pa dang slan chad mi bgyid do zhes gsol na ltag ma sU tra ring po'i rtsis mgo bzhin du mtshan ma btang la gsol ba btab pa'i steng du khyim pa su la kha ngan byas pa de la bzod par gsol nas gdod gnang bar bya'o//khyim pa la bzod par bya zhes zer ba'i sU tra ltag ma dang 'di gnyis las spang ba gcig /ltung ba shes pa dang / dge 'dun gyis shes kyang mi mthol bar 'dug pa dang / ma bshags pa dang / ltag ma man chad nyes byas 'chags su mi btub pa dang sdom pa'i bshags pa ma yin pa dang /lhag ma man chad so sor mthol ba yan chad nyes byas shig lus ngag gis byas pa ni lhag ma dang 'dra bar bya'i 'di ni nyes byas tsam yan chad gcig sems kyis log par bsams pa ni ltag ma ltar chad pa mi bcad do/ /ma mthong ngo zhes bsnyon pa dang ltag ma ltar lhag ma dang nyes byas yan chad byas pa dge 'dun gyis shes te mthol cig ces bsgo na nyes byas par yang ma mthong yid la'ang mi dran zhes zer zhing bsnyon na de'ang spang bar bya'o//ltung ba shes pa man chad 'di yan chad la spang ba gcig /bshags pa la nan tan bya bar mi 'dod pa dang /dge 'dun gyi lhag ma man chad nyes byas yan chad gcig byas pa bzhin du mthol tshangs byed du mi btub cing than cing 'dug pa yang spang bar bya'o/ /'di la spang ba gcig /sdig pa la bltas pa'am btang ba yang spang / /yang dag par gshegs pa la skur ba 'debs shing nyes pa byas kyang bar chad du mi 'gyur ro zhes zer ba dngos ni ltung ba yin na ltung bas mi chog gi mtshan ma btang na de yang spang bar bya'o//ltag tu sU tra thab mo byed pa la las kyis spyo zhes bya ba man chad sU tra 'di yan chad spang ba bdun yod de 'di rnams ni spang ba ste gtsug lag khang gi 'khor du gzhag go//'di la'ang spang ba gcig /'di nyid ltung ba shogs shig pa'o/ /ltag ma ltar spang ba rnam bdun gang spang yang rung ste/ thog ma spang ba'i tshe dge 'dun gyis khyod nam dul bar gyur na 'dir mthol du shogs shog ces bsgo ste btang ngo / /dge 'dun 'di dag gis khyod kyi sel nus so brjod do//ltag ma ltar spangs te btang ba slar mthol ba'i tshe dang po dge 'dun gang zag gi gnas na 'dug pa'i tshe nyes pa byas pa slar mthol ba'ang dge 'dun de nyid la mthol zhing bzod par gsol ltung ba mi bcang ltung ba sde lnga las gang yang rung ste byung na mi bcab par mthol lo/ / chung ngu na ming nas kyang brjod do/ /lhag ma bcu gsum las gang byas kyang rung ste ming nas ma phyung bas yang nga lhag ma zhig yod de zhes brjod na'ang dpang btsugs pa'i tshul de bsngos par chud do/ /ci ltar lci ba bzhin du nyes byas pa dag go/ /nyes byas yan chad ltung ba zhig byung na yang 'di nyes so zhes ming nas ma smos kyang nyes byas dang ltung ba spyi'i ming nas smos te pha logs la brjod na'ang bsngos par chud do//rang bzhin du gnas pa la'o / /ltag ma ltar bsngo ba ni dge slong phas pham pa ma byung ba gcig la bsngo'o/ /gzhan du ni mi lta ba la'o/ /dge slong log par bltas pa dang yang dag par bltas pa gnyis so so'i sde la dpang btsugs shing bsngo//bsnyen par rdzogs pa dang bcas pa'o/ /ltag ma ltar dbang gzugs pa ni khyim pa dang dge sbyong la ma yin gyi dge slong gcig la bsngo zhing dpang gzugs so/ /mtshan mtshungs pa la'o/ / dge slong pho'ang pho la bsngo/ mo'ang mo la bsngo/ 'di nyid du 'di bzhin du phyi ma dang bcas pa la'o/ /dge sbyong ni dge slong la mthol lo/ /dge slob ma dang dge sbyong ma ni dge slong ma la mthol lo/ /ltag ma lta bu rang bzhin tha dad ma yin pa dang / bsnyen par rdzogs pa dang mtshan mtshungs pa la mthol lo//'di yi chos pa lan 'di byas pa'o/ /dge slong grogs med na dge slong ma la bsngo/ dge slong ma la grogs med na pho la bsngo/ dge sbyong dang dge sbyong ma dang 'di rnams la bsngor ni rung ste nyes byas re re yod do/ /mtshams gzhan du 'dug pa la yang ngo //dge slong grogs la bsngo ba grogs nam mkha' la 'dug gam mtshams kyi phyi rol na 'dug pa la bdag mtshams kyi nang ngam sa la 'dug pas bsngo na bsngos par ni chud kyi nyes byas so/ /bsgo ba las skyes pa dge 'dun thams cad la'o/ /rigs sun pa dang dge 'dun dbyen la sogs pa bzhi lan gnyis lan gsum du bsgo ste ma btub nas lhag mar 'gyur ba ni nyi shu la mthol ba yin/lan cig gam lan gnyis bsgo te lhag mar gyur pa ni dge 'dun la mthol te grangs ni 'og nas 'chad / smre sngags 'don pa'i na tshogs pa de'i gnas su'o/ /bzhi so sor mthol pa gang byung yang rung ste/mtshams gcig gi dge slong gud du song ba ni ma gtogs kyi mtshams gcig gi dge 'dun thams cad la mthol/ tshe dang ldan pa kho bo smad pa'i dngos po byung bar mi mthun pa ste/ smre sngags 'don pa mkhyen pa bgyi'o zhes so/ /ltag ma ltar mthol ba ni tshig 'di skad ces byas te mthol lo//dge 'dun re re'i mdun du tsog tsog por 'dug la bdag gi nyes pa byas pa'i dngos po ci yin pa ming nas phyung ste 'di yin no zhes mi dga' zhing 'gyod pa'i tshul lta bus mthol lo/ /'di sngags lta bur ma yin no/ /sngags ni lan gsum du gdab pa yin na/'di yang sngags gdab pa ni ma yin gyi ltag ma ltar brjod pa'i tshig dge slong gcig gi drung du thal mo sbyar te gus par tsog tsog por 'dug ste lan gsum mthol bas tshangs so/ /yid kyi ba lang de bsdam par bya'o/ /yid kyis rku ba dang mi tshangs pa la sogs pa nyes pa zhig bya bar bsams pa'i 'og tu yid kyis 'gyod de phyin chad mi bya bar bsams na gzhan la mthol mi dgos te byang bar 'gyur/gzhan ni 'di dang bcas te bshags/ lus kyis nyes byas pa ni yid kyis mthol bas mi byang gi dge slong pha rol po'i gcig la mthol dgos so/ /gcig la'o/ /ltag ma ltar mthol ba ni dge slong gcig la mthol bas tshangs so//gzhan la mi lta ba de la'o/ /dge slong chos dang chos ma yin pa la bltas pa ni so so'i sde la mthol lo/ /kha na ma tho ba can med pa'o/ /mthol ba'i rnams dge slong gtsang ma la mthol lo/ /sde yang ngo / /lhag ma man chad nyes byas yan chad nyes pa ci byung ba sde snol du mthol lo//med na ltung bas so/ /dge 'dun khyer cig thams cad la ltung ba yod pa lta bu las bskos pa'i ltung ba yod pa lta bu sde gcig kyang mthol du rung ngo / /sngon du spangs shing bral na spangs pa'i 'o/ /chos gos gsum spangs pa'i ltung ba byung na gsum ka spangs te zhag gcig chos gos yang med par 'dug la phyi de nyid gdod mthol tshangs byas te bsngo'o//gos lhag spangs par gyur pa zhag gcig spangs te phyi de nyid mthol tshangs byas nas gdod slar blang ngo / /lhag ma'i sbom po lci ba ni dge 'dun thams cad las te lnga pa la sogs pa'o//dge 'dun gyi lhag ma'i sbom po lci ba zhig byung na dge 'dun lnga yan chad la mthol ba ni/ mtshams kyi phyi rol du dge 'dun spyan drangs te de la mthol lo/ /ma lus pa byung na mang po la ste ma chad pa'o/ /phas pham pa'i sbom po ni mtshams gcig gi nang nas dge slong mang po zhig 'dug na dge 'dun thams cad la mthol lo//gtsug lag khang de na dge slong nyung ste drug tu ma tshang na drug las nyung ba la mthol du mi gnang gi gud du spyan drangs la mtshams kyi nang du mthol cig /'di yang ba na bzhi la sogs pa'o/ /lhag ma'i sbom po yang ba dge slong bzhi yan chad la mthol/pham pa'i sbom po'i yang ba dge slong lnga yan chad la mthol lo/ /byas pa bzhin du 'di las rtsol ba las rkyen gyis ma grub kyang las so/ /dge slong gcig gis dge 'dun gyi lhag ma'i khu ba byas nas 'khor der mthol du ni bdag ngo tsha ste bdag dang mdza' ba gcig la bsngos te yul gzhan du dge slong nyi shu las mthol du song song ba las ma mthol bar lam du shi'ang mthol ba'i sems dang chas te song song bas lhag ma'i sdig byang bar 'gyur ro//nyes byas pa bzhin du ni glen pas byas pa dang shes pa'i ltung ba dang dran pa des na'o/ /dge slong smyon pa gcig gis phas pham pa dang lhag ma la sogs pa zhig byas nas de'i 'og tu smyon pa sangs nas snga ma nyes byas pa dran kyang mi dran pa'i tshe byas pas pham pa la sogs par mi 'gyur gyi nyes byas kyi mthol bas tshangs so//ming dang rus ltung bar ldan pas brjod/ lhag ma'am ltung ba zhig nyes byas nas mthol ba'i tshe/ltag ma zhig nyes na'ang lhag ma zhig nyes byas so zhes byas la lhag ma'i nang nas gang nyes pa'ang ming nas dbyung ngo / /ltung ba yang de dang 'dra bar bya/ 'di srid du bcabs pa dang ma bcabs pa dang dge 'dun gyi lhag ma dang ngo / /bdag gis dge 'dun gyi lhag ma byas te mthol ba'i tshe/ltag ma ltar gang nyes pa'i ming dang rus dang 'di srid du bcabs so zhes mthol/ /dbyung bas 'di las slong bar byed do/ /dge 'dun gyi lhag ma zhig byas na dge slong nyi shus phyung na tshangs par 'gyur ro/ /mgu bar bya ba nyi ma drug tu dpyad de dge 'dun las blang na'o//lhag ma ltar lhag ma byas pa bcabs pa'i chad pa'ang byas nas nyi ma drug tu dge 'dun la bdag mgu ba bgyid cing mchis so zhes gsol te zhag drug mgu bar byas nas gsol te dbyung bar bya'o/ /dge slong ma'i zla ba phyed do/ /dge slong mas lhag ma byas pa'i mgu ba dge 'dun sde gnyis zla ba phyed kyi bar du bya'o//lci ba'i chos las 'das na 'di spyod par bya'o/ /dge slong mas lci ba'i chos brgyad las gang yang rung ste nyes par gyur na dge 'dun sde gnyis la zla ba phyed kyi bar du chad pa bya'o/ /nyes pa bcabs pa med na de skye'o/ /dge 'dun gyi lhag ma byas te ci srid du bcabs pa chad pa ma byas na zhag drug mgu ba byas kyang dbyung ba mi rung ngo //chad pas de med par mi 'gyur ro/ /ltag ma ltar bcabs pa'i chad pa phyas na gdod dbyung bar rung ngo / /dus de snyed du dge 'dun las blangs te'o/ /lhag ma byas te ci srid du bcabs pa'i zhag 'di snyed cig bcabs so zhes dge 'dun la gsol te/dge 'dun gyis bcad par gyis shig par bka' stsal nas gdod ci srid du bcabs pa'i chad pa bya'o/ /de byed pa las de lta bu dge 'dun gyi lhag ma byung na blangs shing byas pa las zhig ste de bas na rtsa ba nas brtsams te sbyin/ dge 'dun gyi lhag ma zhig byas nas chad pa dang mgu ba gang yang rung / dge 'dun las lung mnos te chad pa byed pa'i tshe yang lhag ma zhig byas na las snga ma byas pa yang zhig dge 'dun las lung mnos pa yang mi brtsan gyi da gdod lung yang gdod gnod pa chad pa yang gdod mgo brtsams te bya'o//'jug pa bzhin du brtsams pa'o/ /ltag ma ltar chad pa dang mgu bar byed pa dad pa'i sems kyis mgu bar byed pa bzhin du chad pa slar mgo brtsams pa le lo ma byas pa ma yin gyi snga ma dang 'dra bas dad pa bya'o/ /de bas na ma skyes pa de de na thog ma so sor bslang pa yang ngo //dge 'dun gyi lhag ma zhig byas te mthol nas chad pa dang mgu ba byas nas byung ba'i 'og tu phyis 'dul ba las thos nas snga ma'i chad pa dang mgu ba dang / phyung ba tshul bzhin du ma byas par tshor na snga ma'i las mi rung gi da gdod bya dgos so / /de las gzhan pa yang bya'o/ /ltag ma'i chad pa bya ba sngon lan cig kyang byas zin pas da yag yug tsam byas pas chog pa tsam du bsams te byar mi rung gi sngon ji ltar byas pa bzhin du nan tan bya'o//de bas na de'i phyir yang gnas pa'o/ /dge 'dun gyis lhag ma zhig byas te chad pa dang mgu ba byed pa las las ma zin par yang lhag ma gnyis gsum zhig rim par byas na nang gi tha ma nas byas pa de nas mgo bzung ste las kun gdod bya'o//de bcabs pa lhag ma de'i dus chud par bya/ lhag ma zhig byas nas chad pa byed pa'i tshe yang lhag ma zhig byas nas zhag bcu tsam bcabs te bzhag nas yang lhag ma zhig byas nas mthol na bar du zhag bcu tsam bcabs pas bsnan te chad pa de bzhin du bya'o//'di dag las kyis sbyin chad pa dang rtsa ba'i chad pa dang mgu ba dang rtsa ba'i mgu ba dang yang rtsa ba'i mgu ba dge 'dun gyis gyis shig par khas bsgo ba tsam gyis mi chog gi gsol pa dang zhu ba bzhis byed du gzhug go//dbyung ba yang ngo / /dge slong nyi shus chad pa dang mgu ba byas te dbyung ba'i tshe'ang gsol ba dang zhu ba bzhis bya'o/ /'dir spyod pa yang ngo / /dge 'dun gyis lhag ma'i khu ba zhig dbyung ba dang 'dzin pa la sogs te lhag ma gang byas kyang rung yon bdag dad pa'i yon blangs shing las 'di ltar byed pa nyes so zhes spyo/gsol ba dang klog pa dang po'i bar du'o/ /ltag ma ltar spyo ba ni las pa'i dge slong gcig gis gsol ba gcig byas la de'i 'og tu spyo bar bya'o/ /rtswa bting ba bzhin du bsnyil / dge slong lhag ma byas pa de dge 'dun gyi spyan sngar kha bub du bsnyil la spyo ba dang dbyung ba gnyis ka las pa'i dge slong gis bya'o//de ltar las pas bsgo nas dge 'dun la bzod dam mi bzod zhus te dge 'dun gis bzod na bdag gis kyang de bzhin 'dzin to zhes bya/ bsngags pa yang ngo / /ltag ma ltar bsnyal ba las bslangs nas khyod kyis mthol ba dang chad pa byas pa ma bcabs par mthol ba shin tu dge da khyod gtsang mar gyur to zhes zhib tu bsngags/brjod pa byas ma thag tu'o/ /ltag ma ltar yon tan bsngags pa gong du spyo ba rnams zin nas de ma thag tu bslangs la bsngags so/ /phyir bya ba'i dngos po'o//tshul khrims log ma ni dbyung / dge slong ma phas pham pa byung na gtsug lag khang nas bskrad do/ /de dge 'dun dbang ngo / /ltag ma ltar pham pa bskrad pa ni gang zag gis bskrad par mi gnang gi dge 'dun gyis bskrad do/ /de dag gis de la mi g.yel bar bya/ dge slong phas pham pa byung bar shes bzhin du dge 'dun gyis ma bskrad na dge 'dun thams cad nyes byas su 'gyur te gzhan yang gud nas nyes byas yan chad yod do/ /ma rung bar gyur pa bzod par ro/ /dge slong dang dge sbyong zhig nyes pa byas kyang sangs rgyas kyis bshad pa la bar du gcod par mi 'gyur ro zhes zer ba de bskrad de btang nas phyis ngo mtshar 'gyod de lus kyi spu langs par mi dga' ste phye 'khrud de gsol du 'ongs na bzod par bya'o//smad pa ma bsgos na smad pa bzod pa mi skye ltag tu bshad pa smad pa mi bskos na smad pa bzod pa mi skye/ ltag tu bshad pa smad pa rnam bdun gyis bskrad pa slar mtshan ma btang ste lus spu langs pa tsam du dad de gsol du 'ong ba dge 'dun thams cad kyis bzod de/dge slong gcig gis mi bzod ces byas na gzhan gyis bzod kyang bzod par mi chud do/ /sun pa de'i gnas su mi gzhag par bya / dge slong rigs sun pa byas nas gang du byas pa'i yul nas bskrad de btang ngo //spang ba thams cad dang mi gnas mi bza' spangs pa rnam pa bdun la sogs pa'i dge slong gang yang rung ste de dang lhan cig gso sbyin la sogs pa'i las dang zas la sogs pa lhan cig mi spyad do/ /de 'du shes pa las bcabs so/ /ltag ma ltar spangs par shes bzhin du de dang lhan cig tu las dang bza' ba byas na nyes byas te mi shes pa ni nyes med do//de dag chos ma yin pa'i skyabs phye ba'i de dag dang ngo / /dge slong sde gnyis su chad de chos la lta ba'i dge slong chos ma yin pa la lta ba dang las lhan cig byas sam bza' ba la sogs pa thabs cig tu byas na nyes byas so//gzhan du ma yin/ chos ma yin pa la lta ba'i dge slong chos ma yin pa la lta ba dang las lhan cig byas sam bza' ba la sogs pa thabs cig tu byas na nyes byas so/ / gzhan du ma yin/ chos ma yin pa la lta ba'i dge slong chos la lta ba'i gan du 'ongs te las byas pa dang bza' ba lhan cig byas kyang nyes med do//smad pa gzhan 'di la ma yin/ spangs pa rnam pa bdun spangs pa la 'thab mo byed pa dang lhan cig ma mi mthol ba dang rigs sun pa dang khyim pa la zug zer zhing spyo ba bzhi ni dge 'dun nam dge slong dang bza' zhing spyod du rung ngo //bsnyon pa dang bshags su mi btub ba dang sdig pa la lta ba gsum dang ni 'grogs shing bza' mi rung ngo / /'di mdza' ba la gnas par bya/ spangs pa bdun las dge 'dun las grogs su rung ba bzhi phyi rol du mi bskrad par mkhan po'am mdza' bo gcig dang gcig dang gnas 'char gzhug go//mnyam pa med pa smad pa byed pa dang zhig ste bskrad pa'i snod dag spang zhing dor/ phas pham pa dang spang ba bdun gang gang rung ste/ gtsug lag khang nas bskrad pa'i tshe 'gror mi btub na gos dang yo byad thams cad ra ba'i phyi rol tu phyung ste dor/ nan gyis bskrad/bskrad de 'gror mi btub na dge 'dun gyis rkang lag bzhi nas g.yangs te yang sgor gzhug /'dug na bcang / bskrad pa'i tshe ka ba la 'jus pa ka ba yang bcad de bskrad do/ /rang bzhin mi ltung ba de nas dbyung / sgo'i re bzhi lta bu'am gcad du mi rung ba lta bu zhig la 'jus na/sa la phyung ste bskrad de btang / dge 'dun gyis de bcos ltag ma ltar bskrad pas 'jus te sgo dang ka ba la sogs pa phyung ba yang slar btsig cing bcos byed du gzhug ltag ma ltar bcos pa dge 'dun gyis mi nus na yon bdag gcig yod na bcos su gzhug /ma grub na gtsug lag khang gi yis so//ltag ma ltar yon bdag gis kyang chos ma nus dkon mchog gsum gyi dkor las phyung ste bcos/ 'thab mo byed pa bskrad pa mi gzung / dge slong dang dge sbyong rtag tu 'thab mo byed de bskrad par chad pa la dge slong 'gas mi bskrad du ci gnang zhes mi gsol bar bskrad do//thab mo las ma log cing ma zhi na nan tan la spang / dge slong zhig 'thab mo zhig rgol te ma byed ces byas na bka' bzhin du 'tshal zhes khas blangs la phyis kyang rtag par byed na bskrad de gtong ngo / /chad par byed na zhi bar bya bas so/ /dge slong gnyis shig chos la rtag par lta ba'i mu lta bu la rtsod de dbul na zhal ce bas bcad kyang nyan du mi btub cing rtsod pa gnyis ka bskrad do//gnas pa la gnas kyis nan tan du'o/ /nye gnas kyis nyes pa zhig byung ste/ dge 'dun gyis chad pas gcad na mkhan pos chad pa myur du gyis la mthol tshangs gyis shig ces bsgo/ 'thab mo'i mtshan ma 'bul ba'ang spang ngo / /dge slong gnyis shig 'thab pa la dge slong mngon par non ni mi byed bags kyis 'thab tu 'dzud na 'dzud pa'i dge slong de'ang bskrad do/ /dge slong ma dang 'khri shing gnas pa yang spang ngo / /dge slong zhig dge slong ma'i khyim du rtag par 'gro zhing gnas pa de ltar ma byed ces lan gnyis lan gsum du bsgo ste ma btang na bskrad do//bskrad pa de la phyag bya bar ni mi rigs par dge slong mas bya/ ltag ma ltar dge slong ma'i gnas su rtag par 'gro ba'i dge slong bskrad pa de la dge slong mas phyag mi bya/ /smad pa'i mtshan ma gzhan la de'i phyir bas bsam na gzhan byas kyang skye'o //smad pa rnam pa bdun la ltag ma'i smad pa'i gzhi kha cig smad pa'i las bya ba'i tshe las pa'i dge slong gis smad pa dang bskrad do zhes zer ba'i ming nor kyang las su rung ngo / /gzhan du ni mi skye'o/ /ltag ma ltar ming nor mi shes na ni rung gi shes bzhin du las byas na mi rung ngo //gzhan du ni mi skye'o/ /ltag ma ltar ming nor mi shes na zhig go/ /spangs pa rnam bdun las spang pa rnam bzhi gang yang rung ste/ de gcig gis 'thab mo zhig byas te chad pas bcad pas las de'i tshe rigs sun pa zhig byas na snga ma'i las btang / las phyi ma'i las byas/gdod mgo nas byed du gzhug go/ /spangs pa la mi skye/ spangs pa rnams bdun las bskrad pa rnam gsum gyis bcad de chad pa byed pa'i tshe phyi ma spangs pa gcig yang byas na ltag ma'i chad pa ltar 'byung ba ma yin gyi chad pa gnyis ka byed du gzhug go/ /sbom por ni grags pa dang /bsod nams chen po dang mdo sde dang 'dul ba dang ma lta bu 'dzin pa dang / thos pa dang skyabs dang 'khor mang pa'o / /ming gis smos pa 'di rnams lta bu dang ldan pa dge 'dun gyi gtsug lag khang nas bskrad na dge 'dun gyi dbyen du 'gyur ro/ /khyim pa ni dpe ste dge slong la sogs pa lnga la bzung yang spang ngo //ltag tu khyim pa la zer na bskrad do zhes 'byung ba bzhin du dge slong rnam lnga la zur zer zhing 'thab mo rgol ba'ang lan gnyis lan gsum du bsgo ste ma btub na bskrad do/ /smad pa can gyis mi spang ba ma yin/ smod pa sna tshogs kyi dge slong rnams la smod na yang bskrad do//smad pa'i las la spyi'i ma yin par ma dogs shig dge slong gis smad pa dang bskrad pa bzhin du dge slong mas kyang dge slong la de bzhin du bya'o/ /rab tu byung ste bsnyen par ma rdzogs pa de dag la'ang 'di dag bya'o/ ltag tu dge slong dang dge slong ma nyes na spang ba rnam pa bdun gyis spangs pa bzhin du dge sbyong dang dge slong ma dang dge sbyong ma nyes na'ang spang ba rnam bdun bzhin du bskrad do/ /khyim pa la ma yin/ spang ba rnam bdun lta ba rtse rgod dang g.yog la ni mi bskrad do/ /dge slong pha la phas pham pa byung bar skur cing smod dang sdig pa la lhung bzed dbub/khyim pa dge slong ma nyes pa la phas pham par skur ba dang dmod mo zer ba dang phyar ka 'debs pa la sogs pa zhig zer na mi de'i khyim du zan mi bslang ngo / /chos su bya bas so/ /ltag ma ltar lhung bzed kha dbub pa ni lhung bzed nyid khas dbub pa la ni ma yin gyi zan mi bslang pa la bya'o//gsol bas so/ /lhung bzed phul ba'i khyim du zan mi bslang ba ni gsol pa gcig gis bya'o/ /lhung bzed khas phub pa'i khyim du mi 'gro ba'o/ /lhung bzed khas phub pa'i khyim du dam bcas pa rnams mi 'gro stan la mi spyad/ lhung bzed khas phub pa'i khyim du nor te phyin nas stan la 'dug ces zer kyang mi 'dug /yon bcas pa la ma yin/ lhung bzed khas phub pa'i khyim pa des sngon gtsug lag khang du khyim dang mal stan dang ra ba dang skyed shing lta bu zhig yon du phul na'ang mi bza'o / /bsod snyoms mi blang /lhung bzed phul pa'i bsod snyoms shig gang bar gtsug lag khang du khyer te 'ongs kyang mi blang / chos mi bshad/ lhung bzed khas phub pa la chos mi bshad/ gang gi phyir las bya ba der gtogs par phub pa'o/ /lhung bzed khas phub pa ni dge 'dun gang 'dus pa des mi blang gi dge slong gzhan ni ma gtogs so//'di dag gi phyogs ma yin pa'i grong dang spangs pa tshun chad la mi skye'o/ /dge 'dun chos dang chos ma yin pa la phyogs pa las chos la lta bas lhung bzed khas phub na chos ma yin pa la lta ba mtshams gcig na 'dug kyang bslang du rung ngo //'di la 'gas bsgo/ ltag ma ltar lhung bzed khas phub pa'i dge bsnyen la dge 'dun gyi nang nas kho dang mdza' ba gcig dge 'dun tshig skad du mi bya bar bzod pa gsol cig ces gdams kyang nyes med/ bzod par byas nas gsol bas dag na/ lhung bzed khas phub pa'i dge bsnyen des nos so zhes khas len cing chad pas chad pa la 'tshal lo//bzod pa gsol na dge 'dun 'dus te gsol ba'i las byas nas phyin chad de'i khyim du bslang par bya'o/ /bcabs pa'i sems ma bskyed na tha ma'i tshun chad ldang ngo / /dge slong gcig gis pham pa byas te mi tshangs pa'i pham pa byas ma thag tu 'gyod pa'i sems kyis mthol du 'ongs pa de la tshul khrims 'chags so//de ltar 'chags pa ni rab tu ngo tsha zhing 'gyod pa'i shas che ba'i phyir ro/ /bslab pa spyad pas so/ /ltag ma ltar tshul khrims 'chags pa de bslab pa dge 'dun gyis byin nas bslab pa bzhin du ni sbyangs na tshul khrims skye'o//de 'thob pa'i dge 'dun las so/ /ltag ma ltar bslab pa thob pa ni dge 'dun gyis byin nas gdod 'thob bo/ /las kyis sbyin/ ltag ma ltar dge 'dun gyis sbyin pa'ang gsol ba dang zhu ba bzhi'i las kyis sbyin no//nam 'tsho'i bar du/ ltag ma ltar slob ma sbyin zhes bya ba ni lo gcig gnyis shig sbyin pa ma yin gyi tshe gcig tu sbyin pa la bya'o/ /dge 'dun gyi lhag ma bas ngo tsha ba dang ldan pa gcig gi mdun na 'dug go/ /mdo sde dang 'dul ba dang ma lta bu dang 'dzin pa dang grangs pa la yang ngo //dge slong sde snod gsum gang yang rung shes pa gcig gis dge 'dun gyis lhag ma byas te rab tu ngo tsha ba'i sems kyis phyin chad mi bya bar yi dam bcas na gang zag gcig la mthol bas tshangs so/ /bsam pas ltung ba dang ldang gi chad pas ma yin no/ /dge 'dun gyis lhag ma byas nas zhag drug mgu ba byas pa'i tshe rab tu ngo tsha ba dang ldan zhing gnod ba bzhin du mthol na tshangs par 'gyur ro//'dir ltung ba'i sde'i ming dang byung ba'i dus so/ /sU tra ltag ma ltar mdo sde'am 'dul ba 'dzin pas lhag ma byas nas gang zag gcig la mthol ba'i tshe lhag ma gang nyes pa'i ming nas dbyung ngo //phyir bya ba'i dngos po gtogs so/ /'di man chad dus dang dus ma yin pa dang bsdus pa'i dngos po la 'chad do/ /dge 'dun gyi lhag ma zhes mi shes la/ brjed nas bcabs pa'i sems ma bzhag cing / byas sam ma yin nam/ci ltar ram ci 'dra bar dran par ma nus pa dang / dge slong 'ga' zhig gis dge 'dun gyis lhag ma byas pa las bcab par ni ma bsams kyi dngos po brjod dam nor te lus pa las phyis mthol na bcabs pa'i chad par ni mi 'gyur gyi/ mgu ba'i chad pa zhag drug bya bar zad/bsnyen par ma rdzogs par ram spang bar gyur na bcabs pa mi ldang ngo / /dge sbyong dang spangs pa lta ba zhig gis dge 'dun gyis lhag ma byas nas bcabs pa las phyis mthol na bcabs pa'i chad pa ni gnyis ka la'ang nyes med de spangs pas ni zhag drug mgu ba bya / dge sbyong ni nyes byas su zad/smyos pa'i 'du shes nyams na ltung ba yang ste phas pham pa'i yan chad kyang ngo / /dge slong rang bzhin nyams te smos pa'i tshe/ phas pham pa la sogs pa ltung ba sde lnga gang byas kyang nyes med / ma bcabs na yang ngo / /sngon sangs rgyas kyis khrims ma bcas pa'i tshe ltung ba sde gang byas kyang nyes med/mi shes pa ni ma yin no/ /dge sbyong 'ga' zhig khrims mi shes kyi nyes pa byas kyang bla grang snyam te byas pa ni mi brtsan kyi gang byas dngos po bzhin du sbyar zhing mthol lo/ /mngon par ma dad pa yang ngo / /so sor thar pa'i nang nas ltung ba sde lnga byung ba las dang de sha chang la sogs pa zos kyang nyes med ces zer ba de mi brtsan te ltung ba gang byas pa mthol du gzhug go//mngon pa mi shes par 'du shes na yang ngo / /dge slong grogs kyis ltung ba sde lnga lta bu ma byed cig ces bstan na khyod bdag kyang mi srung na nga la bstan ci dgos zhes zer na de skad zer ba mi brtsan te ltung ba gang byas pa bzhin du mthol du gzhug go//sa gzhan du gnas pa ni tshun chad kyang ngo / /spangs pa rnam bdun gyi nang nas dang po bzhi dang lhag ma'i chad pa dang mgu bar byed pa dang rtsa ba'i mgu bar byed pa dang / tshe gcig gi bar du slob pa byin pa rnams na re nged sa gzhan na gnas kyis dge 'dun gyis lhag ma byas pa bcabs kyang nyes med ces zer ba mi brtsan gyi bcabs pa'i chad pa dang mgu ba tshul bzhin du byed du gzhug go//dge 'dun gyis lhag ma yid gnyis kyis bcabs na shes pa bzhin no/ /'ga' zhig gis dge 'dun gyis lhag ma byas pa'i 'og tu lhag ma'am sbom po gang yin mi shes te the tshom za na'ang the tshom za ba mi brtsan te gang nyes pa'i dngos po mthol du gzhug /gang gis sngar bcabs pa'i mi ldang bar spyod pa yang med do/ /ltag ma'i mdo ring po las dge 'dun gyis lhag ma byas par mi shes pa dang spangs pa dang /dge sbyong gsum la bcabs pa'i chad pa med pa ni ming smos su zad pa de bcabs pa'i chad pa med bzhin du bcabs pa'i chad pa byed du'ang ma gzhug cig /nyes byas pa ni spyod pa la nan tan byed cing spangs na'o/ /dge 'dun gyis lhag ma'i chad pas bcad de chad pa spyod pa'i tshe/rgyal po'am blon po'i dbang gis chad pa byed pa'i bar chad du gyur pa ni ma gtogs kyi chad pa zhag bzhi lnga byas pa'i 'og tu zhag gcig gnyis bsnan te mi bya'o zhes zer ba'i tshe nyes byas gcig /de'i sde las spyod na'ang der ro/ /dge 'dun gyis lhag ma bya bar sems pa'i tshe nyes byas gcig /'grub pa las ma byas na'o/ /lhag ma byas nas pha rol la mthol nas chad pa gor mi byed par phyis bya'o zhes zer ba'i nyes byas gcig /spyod pa med pa'i gnas las phyir 'ongs na de'i gnas so/ /dge 'dun gyis lhag ma'i chad pas bcad de zhag ma 'khor bar khyim par babs pa las phyis dge slong du zhugs na'ang snga ma'i chad pa'i chad pa bya/dngos po sbyang ba'i lhag ma bsgrub/ mdo gong ma ltar dge 'dun gyis lhag ma'i chad pas bcad pa las khyim par babs pa las phyis dge slong du zhugs na lhag ma'i chad pa dang mgu ba dang dbyung ba rnams la nan tan du bsgrub cing bya/bcabs pa'i dus chad par mi shes na nyung du mi 'gyur ba la gnas so/ /dge 'dun gyis lhag ma byas nas zhag du bcabs pa mi shes na zhag bco lnga tsam glengs te bya/ spyad par bya ba gtsang ma'i 'og kyang ngo / /mdo gong ma ltar dge 'dun gyis lhag ma byas nas zhag grangs shes na zhag du bcabs pa bzhin du chad pa bya/mi shes na lhag ma byas pa'i snga rol nas mgo bzung ste grangs la klag ste bya/ zla ba bzhis gtsang ma'i mthar ro zhes so/ /dge 'dun gyis lhag ma zhig byas nas bcabs pa ste bcabs pa nyid zla ba gnyis gsum du lon gtol med na zla ba phyed dang bzhi tsam byas te bklag /bcabs pa tshad med pa'o zhes so/ /dge 'dun gyis lhag ma byas nas bcabs pa'i zhag grangs dang 'di man chad bcabs so zhes pa'i tshad yod na de bzhin bya zhag grangs dang bcabs pa'i tshad med na steng ma ltar bklags te bya/bsams te khu ba phyung ba blangs la tshad med pa zhes so/ /khu ba'i dge 'dun gyi lhag ma byung ngam ma byung gtol med de yid gnyis dang the tshom du gyur te ma mthol ba las bcabs pa'i zhag grangs nor bar bklags te bya ba bzhin du ngag dka' ba'i dge 'dun gyi lhag ma yan chad kyang thabs 'di dang 'dra bar bya'o//ci srid du bsams pa de srid du song ba 'dir nan tan du bya'o/ /mi gcig gis dge 'dun gyi lhag ma gsum cig car byas na chad pa dang mgu ba bya ba so sor byar kyang rung cig car byar kyang ste/ ci ltar cig car bya ba ni 'og nas 'chad/chad par mi shes na tshad med pa zhes bya ba la gnas te'o/ /dge 'dun gyis lhag ma lta bu gcig byas pa'i 'og tu gcig byung ste du byas pa'i grangs dang tshad gtol med na chad pa mgu bar cig car bya/ tshad yod la mang na mang po zhes so/ /dge 'dun gyis lhag ma lta bu mang zhig cig car bya ste lhag ma gang byas pa dang zhag grangs shes na bdag gis lhag ma 'di snyed cig byas so zhes mthol te mgu ba dang chad pa byas te 'og nas 'chad do//dus lhag pa'i'o/ /mdo gong ma ltar dge 'dun gyis lhag ma mang zhig cig car byas pa las bcabs pa'i zhag grangs dang gang gang byung ba dran na gang sngar byung ba'i tshangs pa dang mgu ba byas na gzhan gyi chad pa dang mgu ba byas na tshangs/ming la sogs pas so/ /dge 'dun gyis lhag ma mang zhig cig car byas pa las dge 'dun gyi drung du mthol ba'i tshe byas nas ci srid lon pa dang gang gang byas pa brjod/ lci ba dang mi bzad pa'i bsam pas byas pa la sogs pas so/ /mdo gong ma ltar dge 'dun gyi drung du mthol ba ni thams cad mthol ba mi dgos kyi lhag ma'i nang na lci zhing sdig che ba bzhi gcig mthol bas chog /spyod pa na sngon bzhin byung ba dang phyir bya ba 'dod pa skyes na so sor sbyin gcig tu spyad/dge slong gcig gis dge 'dun gyi lhag ma byas nas bcabs pa'i chad pa zla ba gcig byed pa'i tshe zla ba phyed 'khor ba'i 'og tu yang dge 'dun gyis lhag ma zhig byas na snga ma'i chad pa dang lhan cig byar mi rung gi snga ma'i zhag spangs la phub la gdod mgo nas gsol ba dang zhu ba'i las kyis chad pa byed du gzhug go//'di dang bcabs pa'i mgu bar bya ba 'grub pa med do/ /dge slong gcig cig gis dge 'dun gyi lhag ma byas nas zhag drug mgu ba byed pa'i tshe yang yang lhag ma zhig byas nas zhag gnyis gsum bcabs na bcabs pa'i chad pa gud du bya mi dgos kyi mgu ba'i chad pa snga ma spangs la phub la gdod bya'o//dus dang dus ma yin pa dang bsdu ba'i dngos po'o/ /'di man chad dus dang dus ma yin pa'i kun du ltung ba'i phran tshegs su gtogs pa la bshad/ nyin gcig gis mtha' ma yin pa'i chad na bcabs pa mi skye'o / / lhag ma byas nas zhag gcig gi skya rengs tshun chad ni bcabs par mi chud kyi zhag gcig gis 'das nas ma mthol bar bcabs par 'gyur ro/ /smrar yan lag med la de'i sems med na bcabs pa'o/ /lhag ma byas nas mthol du dge slong grogs med cing bdag gi sems la bcabs par ma bsams na ma mthol kyang bcabs par mi 'gyur ro//med pa bzhin du mi 'gro ba dang song ba'i dbang gis na'o/ /lhag ma byas nas bdag 'khor du mthol du dge slong grogs med de rgyang grags gcig gnyis phan chad gcig na dge slong 'dug la gcig la mthol du 'gror lam du chus chod de/'brug gam mi rgod dam stag gzig lta bu'i rkyen gyis ma thar la/ bdag gi sems la bcabs pa'i sems med na ma mthol kyang nyes med do/ /de'i don gyi dbang gis byas na yang ngo / /lhag mar gyur pa'i 'og na nye 'khor du mthol du ni dge slong med rgyang grags gnyis gsum tsam gyi dge slong 'dug pa la nam phrad pa na mthol bar bsams te sems la bcabs pa'i sems med na le lo byas te myur du ma mthol kyang bcabs par mi 'gyur/don med par nyes byas pa'o/ /mdo gong ma ltar lhag ma byas pa las gud na dge slong yang yod lam na 'jigs pa'i rkyen yang med bzhin du le lo byas te myur du ma mthol na nyes byas/mtha' tshun chad na yang ngo / /lhag ma byas nas bcabs pa'i sems med de zhag gcig gi skya rengs ma byung tshun chad du ma mthol ba'i tshe'ang nyes byas so/ /bcabs pa'i sems ma btang na de'i sems so//lhag mar gyur pa la bcabs par bsams te dge slong yod bzhin du ma mthol na zhag gcig gi skya rengs byung nas bcabs pa'i sems kyang drung na dge slong 'khod pa la ma mthol na skya rengs byung na bcabs par 'gyur / nyes med pa ni phas pham pa'i ltung ba'i phyir ma byas na'o//phas pham pa lta bus phyis pham pa dang ltung ba la sogs pa sde lnga gang byas kyang lhag ma dang ltung ba so so'i chad pa dang mthol ba bya mi dgos kyi nyes byas mthol bas chog /dper na ta la'i mgo bcad na lo ma med mod kyang sbom po yod bzhin du phas pham pa yang khyim pa dang mi 'dra bar ltung ba sde lnga gang byas kyang nyes byas zhes bshad do//dus dang dus ma yin pa dang bsdus pa'i dngos po ste dris pa'i'o// //'di man chad dus dang dus ma yin pa'i gnas tha dad pa'i dngos po la 'chad de/ chad pa dang mgu bar byed pa spyod pa dag gis/dge 'dun gyi lhag ma'i chad pa dang mgu bar byed pa'i dge slong btsun pa zhig la dge slong chad pa byed pa 'og ma zhig gis mdo 'di las ming gis smos pa ltar bdag la byed na dga' bar yang mi bsams la byed du'ang mi gzhug /rjes dang phyag dang phyir ldang ba dang thal mo sbyor ba dang bsu ba'i las rnams rang bzhin du gnas pa'i dge slong las bdag gir mi bya/'di dag gis mi bya ba la gzhan gyis kyang de la der gtogs so/ /mdo gong ma ltar chad pa dang mgu ba byed pa la chad pa med pa'i dge slong gis kyang phyag dang bkur sti la sogs pa mi bya zhig /gom pa dben pa las gzhan du 'di dang lhan cig tu mi bcag chad pa dang lhan cig tu mnyam par 'grogs te bcag pa'am chad pa pa sngar btang ste mi bcag /stan dma' ba la mi 'dug /chad pa bstan mthon po la bzhag ste chad pa med pa stan dma' ba la mi 'dug /grong na 'gro na dge sbyong phyi ma'i rang bzhin las kyang ngo //chad pa pa gnas brtan kyang rung ste grong du 'gro ba'i tshe chad pa med pa gral dma' ba'ang sngar 'gro/ /g.yogs pa gcig tu nyal ba mi brtag /dge sbyong dang lhan cig tu zhag gnyis nyal du mi dbang ba bzhin du chad pa pa dang nub gcig khyim du nyal na nyes byas/rab tu dbyung ba dang rab tu rdzogs par bya ba dang gnas sbyin pa dang / dge sbyong gi phyir gzhag pa mi bya/ chad pa dang mgu bar byed pa'i dge slong gis las 'di rnams mi 'dug cing mi bya'o/ /gsol ba dang klog pa la'ang khas mi blang / chad pa dang mgu bar byed pas gsol ba dang zhu ba'i las mi bya/dge 'dun gyis kyang mi bsgo/ /las bya ba dang dge slong ma la bshad pa dang dge 'dun gyi yid brtan par bsgos na yang ngo / /chad pa pa dang mgu bar byed pas las 'di rnams mi bya/ sngon bsgos pa'i las kyang mi bya/ chad pa pa dang mgu ba byed pa'i dge slong sngon gang zag bcu gnyis kyi las su bskos pa'ang mi bya/dge slong ma la mi bshad pa yang ngo / /chad pa pa'i dge slong gis sngon lnga phrugs dang ldan te dge slong ma la 'chad par bskos pa'ang mi bshad/ gso sbyong gi so sor thar pa 'chad pa bzhin yod na'ang bshad pa mi bya/ so sor thar pa 'chad cing gso sbyong byed pa'i tshe/ gzhan shes pa yod na chad pa pas so sor thar pa mi klag /dge slong gi 'khrug pa mi gleng / dge slong grogs la lhag ma man chad kyi nyes byas shig yod na'ang sngar skabs dbye bar ma gsol bar mi bcos mi brgal/ chad pa pa'i dge slong gis dge slong gtsang ma'i nyes pa mi bcos zhes byi shu tas bshad/dge 'dun gyis ma spangs pa la'o/ /spangs pa rnam bdun gyi chad pas bcad pa lta bu la chad pa pas nyes pa bcos pa ni nyes med/ tshig dang bcas pa phur pa dang bcas pa dag mi bya/ chad pa pa'i dge slong gis dge slong gtsang ma la ming gis smos pa 'di rnams skad du mi bya/bstan par gso sbyong dang dbyung ba dang zhu ba klog pa'i mi gzhag /chad pa pa'i dge slong gis dge slong gtsang ma la ming gis smos pa 'di rnams skad du mi bya/ 'dis 'du bar mi bya/ chad pa'i dge slong dang spangs pa rnams bdun gyi dge slong gnyis lhan cig tu mi 'du / gang byas pa'i phyir chad pa spang / chad pa pa'i dge slong gis snga ma'i nyes pa 'gyod de phyin chad mi bya bar yi dam bca'/ gzhan nyes pa dag kyang ngo / /lhag ma'i chad pa byed pa'i tshe phyin chad nyes byas dang ltung ba yan chad kyang mi bya'o zhes yi dam bca' zhing nan tan du bsrung /tshangs pa mtshungs par spyod pa la nyes pa mi bya/ chad pa pa'i dge slong gis dge slong gtsang ma la nyes pa mi bya zhing yid la'ang ngan sems mi bskyed/ dka' ba'i don med par ma gyur cig ces yid la bya/ lhag ma'i chad pa byed pa'i tshe chad pa 'di nam byung ba dang thabs ci ltar byas na dge 'dun 'byung snyam du rtag par yid la bsam zhing nan tan bya/ nang par langs nas sgo dbye/ chad pa pa'i dge slong gis nang par langs nas sgo la sogs pa dbye/ me mar snod dbyung / chad pa pa'i dge slong gis nub mo gtsug lag khang du me mar bus la dge 'dun slad rol che chung du gshegs pa'i lam du'ang bud/gtsug lag khang gi chag chag dang / /phyag dar dang rab tu gzhon nu'i lci ba'i byug pa sbyin/ chad pa pa'i dge slong gis gtsug lag khang gi nang du ming gis smos pa 'di rnams bya/bshang gci'i gnas bkru/ /chad pa pas bya dus dang 'byor ba'i phyi ba dang sa dang chu gzhag /chad pa pa'i dge slong gis bshang gci'i sar dus dus su bkru ba'i chu dang phyi ba'i sa la sogs pa gzhag /dgun grang ba'i tshe chu dron gzhag dbyar tsha ba'i tshe chu grang gzhag wa bkru/ chad pa pa'i dge slong gis wa la bshang gcis 'bags pa thams cad bkru/ /stan gding / chad pa pa'i dge slong gis stan gding ba ni dge 'dun bshos gsol ba dang chos gsan pa'i gdan dus su gding / dus shes par bya ste phog dang de'i snod gzhag chad pa pa'i dge slong gis dus dus su dge 'dun gtsug lag khang du phyag bzhes pa'i phyir me tog dang pog spos la sogs pa bsog /de ste nus na ston pa'i yon tan brjod na yang ngo / /chad pa pa'i dge slong gis dge 'dun gtsug lag khang du phyag bzhes nas bskor ba'i tshe pog thogs te dang por song la sangs rgyas la stot+t+ra bklag /de ste ma yin na chad pa la bsko/ /chad pa pa stot+t+ra mi shes na rogs po mdza' bo la gsol ba btab ste stot+t+ra klag tu gzhug tshogs nas gaN+DI brdung / chad pa pa'i dge slong gis bshos la sogs pa tshogs nas gaN+DI brdung / de ste tshe cha na dge slong la bslab/ chad pa pa'i dge slong gis nyi ma tsha ba'i tshe dge 'dun bshos gsol ba la bsil yab kyis g.yab bo//thams cad rab tu rdzogs pa'i tha mar de'o/ /chad pa pa'i gral ni khrims rdzogs pa thams cad kyi mjug tshe lus thams cad kyi steng du 'dug go /bza' ba byas nas mal stan g.yogs par sba/ chad pa pa'i dge slong gis dge 'dun bshos gsol zin nas dge 'dun gyi gdan la sogs pa sprugs te bltab la mal stan gyi khang bu'am/gnas dben par gzhag /lhung bzed kyi gzhi dor/ chad pa pa'i dge slong gis gdan brtul nas lhung bzed kyi gzhi rtswa dang sa la bral brul lus pa thams cad phyags te dor/dus shes par byas te mchod rten phyags / chad pa pa'i dge slong gis dus dus su mchod rten thams cad phyags shing phyi bdar bya / rab tu gzhon nu'i lci ba'i byug pa sbyin/ chad pa pa'i dge slong gis dge 'dun 'du ba'i sar gtsug lag khang du ba lang gi lci bas byug /'du ba'i dus su gding ba nas yon tan gyi bar du chud pa'o/ /chad pa pa'i dge slong gis nub mo dge 'dun 'du ba'i sar gdan bting la dge brtag bya/ de ste nus na zhag brjod/ chad pa pa'i dge slong gis dge brtag byas pa'i 'og tu zhag grangs 'di snyed 'das so zhes dge 'dun la brjod/mi nus na dge slong gzhan bsko / chad pa pa'i dge slong gis dge brtag bya/ mi nus na gzhan su nus pa la bcol te gsol/ chad pa pa'i dge slong dag gis rkang pa nub mo bkru/ chad pa pa'i dge slong gis dgun dang dbyar la sogs pa'i dus bzhin du chu grang dror sbyar te dge 'dun gyi rkang pa bkru/dus dang 'byor pa'i chus so/ /bsku ba yang ngo / /chad pa pa'i dge slong gis dge slong dag gi rkang pa bkrus nas snun gyis bsku/ mi 'dod na snum dbul/ chad pa pa'i dge slong gis ltag ma ltar chad pa pa'i dge slong gi rkang pa bkru zhing snum gyis bskus /btub na phyi de nyin zas bzang po dang khur ba dbul gtsug lag khang gi mtha' 'khob tu 'os/ chad pa pa'i dge slong gis chad pa byed pa'i tshe/ gtsug lag khang gi nang nas gnas khang ngan pa gcig tu gzhag /rigs pa ni rnyed pa thams cad la'o//dad pa'i bram ze'am yon bdag gcig gis dge 'dun gyi spyir yon phul ba la chad pa pa'i dge slong yang phal dang 'dra ba'i yon skal sbyin/ dge ba'i phyogs bya/ dge slong chad pa pas chad pa byed pa'i tshe dus gsum du bdag gi dge ba rgyun mi chad par bya/ de bzhin du 'dir de'i rang bzhin tshol ba dang slob pa sbyin pa'o//mi tshangs par spyod na tshe gcig tu slob pa byin pa'i dge slong dang ltung ba sde lnga las gang byung gtol med de the tshom zos nas rang bzhin tshol du bcug pa'i dge slong gnyis kyi steng du smos pa'i chad pa pas bya'o zhes bya ba thams cad bya'o/ /bshad pa ni ma yin no//tshe gcig tu slob pa byin pa dang rang bzhin tshol du bcug pa'i dge slong gnyis kyis so sor thar pa 'chad pa'i tshe dge slong gtsang ma la kha thon shes pa med kyang so sor thar pa mi bshad/ snga ma ni bshags pas rang bzhin du chud do / /ltung ba sde lnga las gang byas gtol med de the tshom zos nas rang bzhin tshol du bcug pa'i dge slong ni nam dran nas dge slong la mthol na gtsang mar 'gyur ro//phyi ma ni dgra bcom par na'o/ /dge slong gi tshangs par spyad nas tshe gcig tu slob pa byin pa ni nam dgra bcom par gyur na gtsang mar chud/ sgo dbye tshun chad gtsug lag khang pa la sogs par yang byas pa bzhin du spyad pa'o//lhag ma'i chad pa dang mgu ba byed pa'i zhag grangs kho nar dbyung du dge 'dun nyi shur ma tshang ngam tshang yang yan lag dang ma ldan na dge 'dun nyi shur tshang gi bar du bsdang / de ltar sdod pa'i tshe dge 'dun tshang tshang gi bar du chad pa dang mgu ba rgyun mi chad par bya ba'ang ma yin bar du bcad de yod btang ba'ang ma yin gyi dge 'dun nyi shur tshang tshang gi bar du las 'di rnams bya'o//bsdus pa'i dngos 'dris pa'i 'og gi mdo chad pa dang zhes zer ba man chad 'og ma'i mdo dka' ba'i don med par ma gyur cig ces byas te'o zhes 'byung ba yan chad kyi chad pa'i las thams cad bya de man chad kyi chad pa'i las ni bya mi dgos/de ltar chad pa byed pa'i tshe/ gtsug lag khang gi nang na gang ngan pa gcig tu bzhugs te dge 'dun spyir yon phul ba'i skal yang sbyin no/ /de bzhin du spyod pa dang smad pa dang bskrad pa dang brtal ba dang spangs pa dag kyang ngo //dge 'dun gyi spang ba rnam bdun gyis chad pa'i dge slong spangs pa'i gnas nas 'dug pa'i tshe chad pa dang las bya ba'am mi bya ba'i skabs dang gnas ni mdo ltag ma bzhin du byas te dge 'dun yon phul ba'i yon skal la ni mi dbang sngon spangs pa'i chad pa ma byung ba'i tshe spyir yon phul ba las spang ba'i 'og tu dgos pa'i skal ba ni dbang ste blangs kyang nyes med la dge 'dun gyis sbyin/bshad pa ni ma yin no/ /so sor thar pa'i tshe dge slong gtsang ma la kha thon shes pa med kyang mdo gong ma ltar spang ba rnam bdun gyis chad pas bcad pa'i dge slong gis mi klag / spangs pa 'di dag gis spangs / spang ba rnam bdun gyis chad pas bcad pa'i dge slong gtsang ma dang lhan cig mi 'khod cing gtam mi bya ba dang kha zas mi spyad/ mi rigs pa ni de'i phyir rnyed pa la'o/ /spang ba rnams bdun gyi chad pas bcad pa'i dge slong mtshan ma btang gi bar du dge 'dun spyir yon phul bas shas mi sbyin ma spangs pa'i snga rol gyi yon ni dbang ngo //bye ba bzhin du'o/ /dge slong dge ba dang mi dge ba sde gnyis su gyur pa la phan tshun gtam dang kha zas mi spyad pa bzhin du sdang ba rnam bdun gyis chad pas bcad pa la'ang kha zas la sogs pa mi spyad pa dang mi dge ba bzhin du blta/de bzhin du bye ba la chos ma yin pa'i skyabs so/ /dge slong dge mi dge rnam pa gnyis su gyur pa'i tshe/ dge slong gcig cig lus dge ba'i nang na 'dug la sems mi dge ba'i nang du phyogs par dge 'dun gyis shes na dge 'dun gyis steng du mgu ba byas la dbyung du dge 'dun ma tshang na dge 'dun du tshang gi bar du chad pa bya ba dang mi bya ba'i skabs bya ba bzhin du 'dir kyang de bzhin bya/mi skye ba ni rang bzhin du mi gnas pa la ste chad pa dang mgu bar bya ba dang bslab pa spyod pa'o/ /dge 'dun gyis lhag ma'i chad pa dang mgu ba byed pa dang tshe gcig tu slob ma byin pa gsum gyis gtsang ma'i dge slong gnyis gsum zhig la chad pa dang mgu ba byas par mi chud/dge 'dun na ma yin pa la yang ngo / /mdo gong ma ltar chad pas bcad pa'i dge slong gis gtsang ma'i dge 'dun du ma tshang ba la chad pa dang mgu ba byas kyang tshangs par mi chud do/ /de'i gnas su zhugs pa las chad na yang ngo //mtshams gcig gi dge 'dun nyi shu zhig 'khod pa las grangs bcad de so sor bsngos nas 'di la bya 'di la mi bya zhes byas te chad pa byas na chad pa byas par mi chud do/ /mangs zhes mi spang chad pa pa'i dge slong gis thog ma chad pa byung ba'i gnas na dge 'dun du longs pa yod bzhin du 'di la mi bya'i gung du dge 'dun nyung ngu la chad pa bya'o zhes zer te song nas chad pa byas pa ni las su mi rung la nyes byas/gnas brtan dang so sor thar pa dang bcas par nan tan bya/ chad pa pa'i dge slong gis thog ma chad pa byung ba'i gnas na dge 'dun yon tan dang mi ldan zhing gnas brtan dang so sor thar pa 'chad pa med na gtsug lag khang gzhan gyi dge 'dun la chad pa byas kyang nyes med /gang du dar gsum la sogs pa thams cad du gtogs pa spyod pas der spyad/ chad pa dang mgu bar byed pa dang tshe gcig tu slob pa byin pa gsum gyis dge 'dun la chad pa byar mi rung gi chad pa pa nyid dge 'dun du langs pas chad pa byas na byas par mi chud do//thog ma las gzhan du skya rengs 'byung bar mi bya/ chad pa byed pa'i tshe rkyen byung ba la sngags kyis bsngos te 'gro ba ni ma gtogs chad pa'i zhag grangs ma 'khor gyi bar du mtshams kyi phyi rol du zhag gcig skya rengs 'byung bar mi gnas/bya ba 'das pa dge 'dun 'khor ba la brjod/ chad pa dang mgu ba byed pa'i tshe nub mo dge 'dun 'dus pa la bdag gi zhag grangs snga ma 'di snyed cig ni 'das 'di snyed cig ni phyi na lus zhes gsol zhing brjod/ nyin re zhing bya ba ni de steng ring du mi spyad pa yang ma yin no//chad pa pa dang mgu bar byed pa'i tshe zhag grangs nyung na snga ma ltar nyin re bzhin brjod pa yin na chad pa zla ba gnyis gsum gyis bcad na nyi ma gsum zhing dge 'dun la zhag 'di nyid cig 'das so zhes gsol zhing brjod/ 'dir gsum mam bzhi'o/ /chad pa pa la gsum bzhi zhig byed pa'i tshe'ang nyi ma gsum zhing dge 'dun la zhag 'di snyed cig 'das so zhes gsol zhing brjod/dge sbyong dang khyim pa 'khod na mi gsol/ don 'di byed pa des zur mi bya/ chad pa byed pa'i tshe dge slong gtsang ma pas ngo tsha ba dang smad par bya/ de ste 'thab mo byed par 'ongs par thos te 'jigs na dge 'dun nam gang zag gi gnas su btang /chad pa pa'i dge slong chad pa byed pa'i tshe gud nas dge slong 'thab mo pa zhig 'ong bar thos na dge 'dun nam gang zag gi drung du 'thab mo pa slar mchis kyi bar du bdag gi chad pa btang ngo zhes gsol te sngon gyi gral gar bab par 'dug la/phyis 'thab mo pa song nas sngon zhag ji snyed byas pa'i mjug nas bzung ste bya bdag gis dge 'dun la ni lan gsum du bzlas / 'jigs pa dang bral nas de nyid du blangs/ mdo gong ma ltar 'thab mo pa song nas chad pa pa'i mjug nas bzung ste bya/ bdag gis dge 'dun la ni lan gsum du bzlas/ 'jigs pa dang bral nas de nyid du blangs/ mdo gong ma ltar 'thab mo pa song nas chad pa pa'i mjug sngon gyi zhag grangs nas bzung ste bya ba'ang dge 'dun la bdag gis lhan cig gsol te byin/ chad pa pa ma song gi bar du mi bya/ gzhan la gnas pa'i dngos po'o/ /'di man chad gnas pa tha dad pa'i dris pa'i dngos po la 'chad de / de'i nyin zhag gi chad pa ni rang bzhin du gnas pa dang lhan cig tu g.yogs pa gcig tu chad pa dang mgu bar byed pa spyod pa dang lhan cig tu nyal na'o/ /chad pa dang mgu bar byed pa'i tshe dge slong gtsang ma dang lhan cig tu nyal na zhag tu nyal ba chad pa dang mgu bar byed pa'i zhag grangs la ma gtogs te 'byung ngo //mtshams kyi phyi rol du yang ngo / /chad pa pa chad pa byed pa'i tshe mtshams kyi phyi rol du song ba nyid kyang zhag grangs su mi chud pa'i steng du chad pa snga ma byas pa'i zhag grangs la'ang phyi rol du song ba dbri'o//ma brjod na yang ngo / /chad pa zla ba gcig gis bcad de byed pa'i tshe zhag gsum zhing dge 'dun la zhag 'di snyed cig brjod pa las de zhag bzhi nyin par brjod pa ni nyes med de bzhi las 'das na chad pa snga ma byas pa'i zhag grangs las zhag bzhi dbri'o //bsnyen pa pa de'i mtshams ni mi nye na mi skye/ mdo gong ma ltar dge 'dun la brjod pa ni mtshams kyi phyi rol du brjod na zhag gsum zhing brjod kyang chad pa snga ma byas pa'i zhag grangs las zhag gsum dbri'o/ /nyes med pa ni de'i nyin par ldog na mtshams gzhan du song na yang ngo //chad pas bcad pa de chad pa byed pa'i tshe mtshams kyi phyi rol du song ste zhag ma lon par slar 'ongs pa ni nyes med/ chad pa dang lhan cig tu g.yogs ma gcig tu chad pa pa mi nyal/ chad pa pa mang zhig 'khod de lhan cig nyal na nyes byas su 'gyur bas gnas tha dad du 'khod/mur 'dug gi chad pa la gnas pa dang der lhan cig tu na 'dir nyes med do / /mur 'dug rab tu 'byung ba'i tshe sems brtags pa'i phyir zla ba gcig dge 'dun gyi 'khor du gzhag pa dang / lhan cig nyal ba nyes med do zhes byi shu tas bshad/ mur 'dug sems brtag pa'i phyir za ba gcig tu gzhag pa'ang lhan cig tu nyal na nyes med do zhes byi dza yas bshad/sa gzhan du gnas pa spyad pa dngos te dris pa'o/ /'di man chad 'dul ba'i dngos po la 'chad de/ ma grags pa ni rtsa ba ma yin no/ /dge slong zhig gis ltung ba sde lnga las gang yang rung ste byung na dogs pa ni mi btsan gyi/mthong ba dang thos pas brgal ba dang gleng ba ni nyes med/ mi skye ba ni dbyung ba'i smra ba zin nas dbyung ba bzhag pa'o/ /dge slong tshul nas dbyung ba'i tshe tshul nas ma byung bar dge slong yon tan dang ldan pa zhig na re khyod tshul nas ma 'byung shig ces zer na mi 'byung byung zin pa'i 'og tu de skad zer ba mi brtsan /de bzhin du nad pa la byed na yang ngo / /dge slong tshul nas byung ba'i tshe nad pa zhig na re khyod dang bcad pa yod kyis re zhig tshul nas ma 'byung shig ces zer ba las byung ba ni nyes med do/ /pho nyas kyang ngo / /nad pa'i bang chen gyis ma 'byung shig ces zer ba'ang mi brtsan te 'byung /nad pa la yang ngo / /nad pa tshul nas 'byung ba'i tshe min pa zhig gis khyod skad cig tshul nas ma byung shig ces zer na mi bsdad par byung yang nyes med/ khas mi blang / mdo gong ma ltar tshul nas 'byin pa'i che nad pa dang pho nya lta bu zhig na re tshul nas ma byung bar sdod cig ces zer ba'i tshe khas mi blang bar 'byung ngo zhes bya/tshe dang ldan pa khyod sdod cig khyod nad pa ste sbyor ba mi bzod kyis zhes so/ /dge slong tshul nas 'byung ba'i tshe nad pa zhig na re tshul nas ma byung bar sdod cig ces zer zhing rgol zhing 'ong ba la tshe dang ldan pa khyod nad pa yin te dbang po nyams shing rgol ni mi nus kyis re zhig sdod cig ces bsgo ste dge 'dun gyis dge slong tshul nas dbyung ngo //tshe dang ldan pa nad pa'i pho nya 'di rgol mi rung ngo zhes slar bsgo/ dge slong tshul nas 'byung ba'i tshe nad pa'i pho nya zhig 'ongs te re zhig ma 'byung shig ces pa la dge 'dun gyis 'di skad du bsgo/nad pa nyid dbang po nyams pas rgol ba la sogs pa'i tshig mi brtsan gyi sdod cig ces de la bsgo ste dge slong tshul nas dbyung ngo / /byas pa'am byed pa'i rang bzhin ma chud par gleng pa yang ngo / /tshul khrims mi shes pa'i dge slong zhig gis dge slong gtsang ma la phas pham pa bzhis skur ba lta bu ni mi brtsan gyi skur ba ni gang skur pa'i nyes pa dang sbyar/lhag ma yang dus ma yin par mi 'jug /ltung ba sde lnga lta bu zhig gis pha rol la rgol ba'i tshe'ang las byed pa dang 'brel pa'i skabs su mi brgal gyi dal ba'i skabs su brgal/ dran pa dang shes bzhin pa gzhag par ma yin/ tshul nas 'byung ba dang thos pa dang mthong ba lta bus rgol ba'i tshe brgal na nyes sam ma nyes pa dang / bdag gis mthong ba las lhag par bskur tam ma bskur bar bsams te brgal/ gcig tu ma chad par ma yin/ steng ma ltar rgol ba'i tshe'ang dge sbyong dang khyim pa'i drung du mi brgal gyi dben par brgal/skabs ma phye bar ma yin/ mdo gong ma ltar rgol ba'i tshe skabs ma phye bar mi brgal/ byung na der ro/ /tshul nas 'byung ba'i tshe na dge slong so so nas thams cad kyis skabs phye zin nas skabs ma phye bar brgal kyang nyes med mi dran na dran par bya/ltag ma ltar skabs phye ba'i 'og tu dge slong la brgal te pha rol gyi nyes pa mi dran na dran rtags kyis brgal/ 'di mi byed la tshig dang bcas pa 'dir bya/ pha rol la rgol ba'i tshe skabs dbyer gsol te skabs 'byed du mi btub na tshig dang bcas pa byas te 'og nas 'chad/tshe dang ldan pa tshig dang bcas pa bya'o/ /steng ma ltar skabs dbyer rung ma btub na kho bo cag gnyis mi brtsan gyi steng du gud du 'gror mi rung gis gnas 'di na khyed skad cig 'dug ces bya/ khyod gnas nas nga la ma dris par 'gro bar ma byed cig / ltag ma ltar skabs 'byed du ma btub na ngas khyod la rgol ba yod kyis nga la ma dris kyi bar du khyod gud du ma 'gro shig ces bsgo/ /tshe dang ldan pa brtags pa'i tshig yod de zhes so/ /ltag ma ltar skabs 'byed du ma btub na brtags pa'i tshig khyod la rgol ba yod kyi nga la ma dris kyi bar du gud du ma 'gro shig ces bsgo//de ltar yang dul bar ma gyur na mi bshad/ gong ma ltar byas kyang ma dul te skabs 'byed du ma btub na chos la sogs pa bdag la dri ba'i rnams kyang mi bshad/ smra ba la sogs pas kyang 'di la zlog /skabs 'byed du ma btub pa'i dge slong de dag la gtam zer na lan mi blan /lam srang ngam grong bar na 'dug na byol te 'gro/ 'on kyang na gso sbyong gzhag thabs ltag ma ltar byas te'ang ma dul zhing skabs mi 'byed na de dang lhan cig tu gso sbyong ma byed cig ces dge 'dun thams cad la bsgo/ /'on kyang na dbyung ba la'o/ /thabs ltag ma ltar byas te mgu zhing skabs 'byed na de dang lhan cig tu tshul nas ma 'byung zhig ces dge 'dun thams cad la bsgo zhing tshul nas kyang mi dbyung //'jog pa gzhag pas de dang lhan cig tu byas na'ang bshags pa'o/ /ltag ma ltar rgol ba dang skabs 'byed du ma btub pa gnyis nang 'dus ste /gso sbyong dang tshul nas 'byung ba gnyis lhan cig gcig tu byas nas dge 'dun la ma gsol kyang bzod pa'ang bya/ tshul nas 'byung ba dang gso sbyong kyang lhan cig byar rung / de ste skabs phye nas mi 'jam na phur pa dang bcas pa bya/ ltag ma ltar nyes byung ba la rgol bas skabs 'byed par gsol te/skabs dbye ba'i 'og tu tshig mi 'jam zhing slar gshe na phur pa dang bcas pa'i tshig byas te phur pas bcas pa'i tshig ni 'og nas 'chad/ 'dir rab gnas che ge mo zhig tu'am dngos po zhig kho bo gang du 'dod par smra'o zhes nas ltung ba brjod de nyes pa bstan pas spangs pa'o//mdo gong ma ltar skabs phye ba'i 'og tu tshig mi 'jam par zer na gnas dang dus 'di'am gzhan gyi gnas dang gtsug lag khang du 'ongs pa'i tshe'am shing drung dang khyim drung du phrad pa'i tshe ltung ba'am nyes pa byas pa'i ming nas byung ste brjod pa 'dis brgal lo/ /las byas te kho'i drung nas spangs te 'gro'o //tshul khrims dang lta ba dang spyod pa dang 'tsho ba bzhin pa ni de dag thams cad la gleng ba la sogs pa bya ba rtsa ba dang bcas pa la skye'o/ /pha rol rnam pa 'di rnams 'di lta bu zhig spyod cing byed pa la brgal ba ni nyes med de rgol du dbang / rtsa ba ngan pas mi bya/pha rol la rgol ba'i tshe 'ol phyir mthong ba dogs pas mi brgal gyi yid ches par mthong ba dang thos pa dang dogs pa'i gtan tshigs yod na brgal/ 'dir dngos bden yang rkyen ma yin no/ /pha rol la nyes pa yod bden du zin kyang / bdag gis legs par ma mthong na mi brgal/brgal kyang mi brtsan te ltung ba sde lnga gang la brgal ba'i nyes par gyur te mthong ba la 'chad/ pha rol gyi nyes pa yang dag kyang bdag gis mang po snyam du bsam zhing mi dogs par dang pha rol gyi nyes pa yang dag ste mi tshig slob pa'i tshig la bdag gis yid ma ches bzhin du rgol ba mi brtsan te rgol ba'i mi de ltung ba gang la brgal ba'i nyes pa dang sbyar/bdag gis mngon du mthong ba dang dge bsnyen dad pas mgrin par ral kyu 'os kyang chos mi gtong ba lta bu dang / pha rol sngon ngan pa gsum lta bu las brgal ba ni dngos po ma nyes kyang rgol ba brtsan te gang gis brgal ba bzhin du sbyar/byed pa'i mtshan ma dang gzhan gyi tshig dang bdag gis thos pa rnam gsum gyis 'di ltar thos na'o/ /pha rol mi tshangs par spyod par mdo 'di ltar brtags par bdag gis thos te brgal ba ni nyes med de rgol ba bzhin du sbyar/ yid ma ches pa ni rtsa ba ma yin no//pha rol dngos po nyes pa bden kyang bdag gis yid ma ches na mi brgal/ 'dul ba'i dngos po'o// //du mas shes na glengs pa la sogs par 'dod pas so/ /dge slong pho mo gang yang rung ste/ dge 'dun gyi lhag ma man chad nyes byas yan chad gcig byung na tshul nas 'byung ba dang gso sbyong gi tshe'ang dge slong dang dge slong ma bzhi lnga man chad gcig gis khyod la brgal ba zhig gis tshul nas kyang ma 'byung zhig ces gso sbyong kyang ma byed cig ces bsgo na rgol du gnang ngo //tshul gyi snga logs sam tshul gyi phyi logs su brgal ba ni mi gnang ngo //mi dbyung ba de mi gzhag /mdo gong ma ltar brgal ba de tshul nas dbyung ba'i nyin par kho na la brgal to/ /gso sbyong ma yin par de ma yin/ gso sbyong gi tshe'ang gso sbyong gi nyin par brgal to/ /byed pa na'am byas nas 'jog pa bud med du gyur tam gzhan skyes pa la bzhag na yang gzhag pa ma yin no//ltag ma ltar brgal ba ni dge slong phas ni dge slong ma la brgal zhing tshul dang gso sbyong nas mi dbyung bar rung / dge slong mas rgol du mi gnang / rgal ba'i dge slong nyid mtshan gyur te bud med kyi mtshan thob na rgol du mi gnang / rang bzhin stor bas ma yin/ dge slong rang bzhin stor te smyos sam mi dran pa zhig pha rol la rgol zhing tshul nas dbyung ba dang gso sbyong gi tshe rgol zhing khyed tshul dang gso sbyong byed du mi gnang gi 'dug shig ces zer du mi gnang / tshul khrims med pa dang / dge slong gi khrims rtsa ba bzhi las gang yang rung gi chags pas yon tan dang ldan pa dang tshul dang gso sbyong gi tshe brgal kyang mi brtsan te tshul dang gso sbyong bya zhing dbyung bar bya/gcig pus ma yin log pa la lta ba'i dge slong gis yon tan dang ldan pa'i dge slong la brgal na'ang mi brtsan te ltung ba bzhin 'di dag la ma yin/ dge slong smyon pa'am mi dran pa zhig la gtsang ma'i dge slong gis tshul dang gso sbyong gi tshe mi dbyung bar brgal kyang mi brtsan te tshul dang gso sbyong nas dbyung /gdul ba'i dngos po ste dris pa'i'o// //dge 'dun 'byed pa tha dad par byed nus pa la mi 'dod bzhin du mi gleng / dge slong tshul khrims dang mi ldan pa zhig sde snod gsum shes shing 'khor dang rags pa zhig la nyes pa'i dmigs yod de bdag gis brgal kyang kho mi dga' ba la phyes sha khon du 'gyur ba tsam gyis chod na ma brgal kyang nyes med/glengs pa la mthar mi bya/ dge slong kha dman pa zhig la nyes pa'i dmigs yod de pha rol 'khor dang rags pa zhig gis brgal na gnod bkur zhing khas blangs te bzod par gsol ma nyes na'ang tshig drag pos mi bya bar 'di ltar bdag gis ma nyes so zhes dal gyis bshags/gang du mi 'phrod pa de dang lhan cig tu mnan par mi gnas/ dge slong 'khon yod pa zhig dang gnas gcig na'ang lhan cig mi 'khod/lam du'ang mi 'grogs/ gnas gnas sa gcig na'ang mi gnas/ kho gnas gnas pa'i sa der yang mi 'gro/ /gzhan du na stan gnyis gsum spangs te'o/ /mdo gong ma ltar 'khon yod pa'i dge slong de dang mchod ston nam gral gcig tu gnas par gyur na bar du stan gnyis gsum tsam spogs te khyed cig /gzhan gyis kyang de bzhin no/ /'khon byung ba'i dge slong pha rol mi srun pa'i dge slong ni na rgan yon tan can gyi dge slong ni gzhon na gzhon nus kyang stan gnyis gsum spogs te zhog shig /des gtsug lag khang bkol te sbyin/lhag ma'i dge slong 'khon yod pa gnyis gtsug lag khang 'god pa'i tshe/ dge 'dun gyis kyang khang bu 'dab chags su mi sbyin par lho byang shar nub gnas so sor spags te gzhag /blangs pa yang ngo / /lhag ma ltar dge 'dun gyis khang bu lhan cig byin na'ang bdag cag gnyis kyis lhan cig tu mi 'khod/chos dang 'dul ba 'di dag las te chos ma yin pa la chags par shes nas dge 'dun 'du ba med do/ /dge slong gnyis shig lta ba so sor dmigs te gcig ni sangs rgyas kyi chos dang tshul la dmigs/ gcig ni log pa la dmigs te de gnyis rtsod pa las gzhan zhig gis bsdums te mi dge ba la phyogs pa slar sangs rgyas kyi chos la phyogs te gnyis dum na ni nyes med/de ste ma dum bar de gnyis ka'ang so so nas dge slong bzhi bzhi lnga lngar so sor nos byas te bzhi la dge slong gcig kyang med na dge 'dun gyi dbyen byas par chud de lhag mar ni mi 'gyur ro//de bas na de dang gzhan du ste las spyad pa mi skye phan tshun du mi brel to/ /ltag ma ltar dge 'dun gyi dbyen du gyur pa phyi mtshams gcig gi nang na 'khod na phan tshun du gcig la gcig dad pas ma dris kyang dge mi dge so sor bltas shing tshul nas 'byung ba dang gso sbyong gi tshe las byas pa'ang gtsang sbrar chud de las 'grub bo//'thab mo la gnas pa de dang de'i [#(]rgyen [,]rkyen[)]por 'di'i chos pas phyag mi bya/ ltag ma'i dge mi dge'i dge slong sde gnyis su chad pa de la mi dge ba'i dge slong de la dge ba la phyogs pa'i dge slong sde lngas phyag mi bya/mi ldang / stan la spyan mi drong / gtam dang / gtam kun dang / mgu bar byed pa dang / rtog pa dang lta ba dang 'di dag mi bya log pa la bltas pa'i dge slong la sangs rgyas kyi chos la lta ba'i dge slong sde lngas ming gis smos pa 'di rnams mi bya/ mal stan ngan pa byin te lag brda bya/log pa la bltas pa'i dge slong de yon tan dang ldan pa'i gtsug lag khang du 'ongs nas nub mo mal stan mi sbyin pa ma yin te rdol ba'am ngan pa tshig gis mi sbyin par lag brdas sbyin/ tshig gis gzhan thos par ro zhes gzhan dag go/ /ltag ma ltar log pa la bltas pa'i dge slong stan mi smra bar lag brdas sbyin no zhes 'dul ba'i gzhung las 'chad de ltag ma yin/'di ni 'dul ba 'dzin pa'i tshig ste stan sbyin pa mi dge ba'i dge slong thos par byas te sbyin zhes bshad/ gtsug lag khang mtha' 'khob las so/ /log pa la bltas pa'i dge slong nub mo gtsug lag khang du 'ongs na spangs pa'i dge slong bzhin du khang pa mtha' 'khob ngan pa sbyin/bdag kyang rgan po'o zhes smras na khyod kyang dge sbyong shAkya'i bu na'o zhes bdag la 'cha' 'am/ ci ltar khyod kyis 'di lta bur gyur pa'i 'di lta bu'i gtam ste/ khyod kyi ston pa snying rje can gyis 'di gnang gi 'di yang mi dbang ngo zhes gzhan la smra'o//log par bltas shing dge 'dun dbyen du 'jug pa'i dge slong zhig 'ongs na gtsang ma'i dge slong gis bkur sti la sogs pa mi bya zhing phyag mi 'tshal ba dang mal stan ngan pa sbyin/ brgya la log par bltas pa'i dge slong rgan pa zhig ste nga la ci'i phyir bkur sti mi bya ba dang mal stan ngan pa sbyin zhes zer na dge slong gtsang ma pas mdo 'di la ming gis smos pa skad du dge slong rogs po gcig la brgyad pa skad du smra ste zur gyis log par bltas pa brgyad do//dge slong mas stan dor ba mi dbri/ log pa'i dge slong zhig 'ongs na dge slong mas phyag mi bya bar stan las ldang /dge slong gis bsod snyoms sbyin log pa'i dge slong la dge bsnyen rnams kyis mchod ston bya zhing spyan drangs bsod snyoms la 'ongs na zan sbyin/ bshags pa byas pa de'ang 'dus pa'i rnyed pa med par 'du ba'i mi ldang / log par bltas pa'i dge slong slar sangs rgyas kyi chos la lta zhing yon tan can gyi dge slong la bshags so zhes zer na kha zer ba tsam gyis gnang ba mi bya'i gsol ba dang zhu ba'i las kyi thabs 'og nas 'byung ba ltar bya/gso sbyong ma yin par rang bzhin du gnas pa mi 'thob/ log par bltas pa'i dge slong sngon gyi mtshan ma bor nas gsol ba dang zhu ba'i las byas de 'khon 'chags shing gsol na gso sbyong lan cig byas nas gdod yid ches te gnang bar bya'o//byin na de bya/ log pa la bltas pa'i dge slong 'chags shing gsol na dge 'dun gyis kyang gso sbyong lan cig bya/ de las kyis so//gso sbyong byin pa'i tshe na gsol ba gsum zhu ba dang bzhi'i las kyis log pa la bltas pa'i dge slong gnang ba sbyin no/ /snga ma yang ngo / /thog ma dge 'dun 'du ba'i tshe na'ang gsol ba dang zhu ba'i las kyis 'dus te gdod log pa la bltas pa'i dge slong dgug /brtags pa ni 'du ba dang /bkra shis pa'i phyir dang gnod pa'i gso sbyong ngo / /ming gis smos pa 'di rnams ni dus la ma bab kyang gso sbyong bya/ de'i steng du bcu bzhi dang bco lnga'i gso sbyong gis bsnan te spyir lnga bya'o/ /der de'i mtshan ma nyid dus so/ /ltag ma'i gso sbyong gi rnam pa de nyid kyis dus la bab par dmigs/dmigs su phebs par bya ba'i de rnams ltag 'og bsnor cing mi bya/ las tha dad pa'i dngos po'o// //chos ma yin pa smra ba dang mtshams kyi nang du so sor ni tha dad pa ste dbye ba'i sems kyis las byas na'o/ /mtshams gcig gi nang na 'khod pa'i dge 'dun las bzhi yan chad dge 'dun du langs pa zhig gis log pa la bltas te las brgya rtsa gcig po so sor tha dad du bya ste gcig /gcig dad pa ma dris na tshig gis ma 'thab kyang dbyen du chud de lhag mar mi 'gyur/ der bdag gir las kyis na skye'o/ /mdo gong ma ltar dge 'dun dge mi dge sde gnyis su chad pa gcig la gcig dad pa ma dris kyang dge 'dun gyi las su rung ngo //bdag gi phyogs su ma yin par na ma yin no/ /dge mi dge mtshams gcig gi nang na dge 'dun dge mi dge sde gnyis su chad pa las mi dge ba bskrad kyang rung dag pas mi dge ba bskrad kyang rung bskrad par ni mi 'gyur gyi skrod skrod pa nyes med/dge 'dun gyi chos su smra bas byas na byas pa'o/ /dge ba dang mi dge ba'i dge 'dun mtshams gcig gi nang na 'khod pa las dge ba'i dge 'dun gyis mtshams bcing ba dang bkrol ba ni mi dge ba'i dge slong la'ang bcing ba dang bkrol bar chud do//mi dge ba'i dge slong gis mtshams bcing ba drang bkrol ba ni kho bdag gi las su rung gi dge ba'i dge slong gis mtshams bcing ba dang bkrol bar mi chud de las su mi rung ngo / /de ste de na bar ma yod na dge slong ma la bshad/ dge 'dun dge mi dge sde gnyis su gyur pa la dge slong ma la chos 'chad par bskos pa de dag dge mi dge gang du'ang ma bltas na da bsko mi dgos kyi sngon bzhin du shod cig yid kyis mi dge ba la bltas la sngon bskos pa mi brtsan te 'chad du mi dbang ngo //chos kyi 'di skyabs btang na brel pa'o/ /dge mi dge ba'i dge slong gnyis su chad pa las dge slong gcig cig gang du'ang ma bltas la dge 'dun gyi las byed pa'i tshe/dge ba la bltas pa'i dge slong gis dge slong de las ma dris na las su mi rung / mi dge ba'i dge slong gis ma dris kyang nyes med/ 'jug pas na de bzhin du zhig pa'o/ / ltag ma'i dge slong dge mi dge gang du'ang ma bltas pa de phyis dge mi dge gcig la bltas na bar ma zhes ming de zhig ste med do/ /de mi bya/ bar ma'i dge slong de dge mi dge rnam gnyis bsdu bar dgos pa'i phyir sangs rgyas kyis bstod pa yin te/ dge slong de gang la'ang mi 'jug / dge slong ma'i dge 'dun phyogs dang gzhan gyi phyogs su gnas na gzhag /dge slong ma'i dge 'dun mo zhig 'thab ste dbyen du 'gyur ba tsam gyis chod na yang de gnyis kas gso sbyong dad las so sor mi bya bar gcig tu bya'o/ /zla ba phyed phyed cing dge slong pa'i dge 'dun las dad pa dris shing so sor thar pa 'chad pa'i dge slong dang /gsol ba'ang de gnyis ka spyis bya'o/ /gcig la gcig dad pa ma dris na las su mi rung ngo / /de ltar byed nas ma yin/ ltag ma'i dge slong ma'i dge 'dun so sor bya bar gyur na bsdum zhing gdul ba'i phyir dge slong pha'i dge 'dun gyis kyang gnyis ka la dad pa ma byin/gsol na 'du bar bsgo/ /ltag ma'i dge slong ma bye ba dge 'dun la dad pa gsol du 'ongs na dge 'dun gyis dad pa ma byin par sngon du srid mod kyang gnyis ma 'thab par mtshan ma 'or la chu dang 'o ma 'dres pa bzhin du 'gyur na gdod sbyin no zhes gyis shig / dbyar gyi chos smra ba'i sgyur ro/ /gtsug lag khang gi grong rkyen gyi nor dbyar tshul na 'khod pa'i tshe/ dge slong dge mi dge rnam gnyis su bltas pa las rkyen gyi nor de rnams ni dge ba la phyogs pa dbang ngo / /gnyis ka 'dus pa'i dge 'dun la bgo bar rigs pa ma phye bar byin na yang ngo //yon bdag dad pa zhig gis dge mi dge dge 'dun gnyis kyi spyir yon zhig phul nas dge ba la lta ba'i dge 'dun dbang gi mi dge ba mi dbang ngo / /de ste dge 'dun gyi tshad du ni de dag la'o/ /dge mi dge'i dge 'dun yon bdag zhig gis gud du spyan drangs te yon zhig phul na mi dge ba la bltas pa'i dge slong grangs mang ste dge ba la bltas pa'i dge 'dun grangs nyung yang yon dbang ngo //de ste nyung la de dag dor na gang gi thu bar byin pa'o/ /mdo gong ma ltar grangs mang nyung du 'khod pa las yon bdag gis yon spar spar du bgos te byin na de bzhin du so sor dbang ngo //gnyis kyi spyir byin na mi dge ba'i dge 'dun du langs la dge ba'i dge 'dun du ma langs na phyed mar bgo/ /de ste gnyis kar na gnyis kas so/ /yon bdag gis dge mi dge'i dge 'dun gyi mdun du nor ram yon spungs na dge ba'i dbang / mi dge ba'i dge 'dun gyi mdun du spungs na mi dge ba dbang /gang zag gi char te dge 'dun gyi ma yin no/ /dge ba'i dge slong ni dge 'dun du ma langs mi dge ba'i dge slong ni dge 'dun du langs pa zhig la de gnyis spyi la yon bdag gis yon zhig phul na thams cad ci thob pa gang zag re re'i thad du so sor gos shig /las byas pa'i dngos po ste/ dris pa dang man bkar chud pa'o// //'di man chad 'khor lo'i dbyen la 'chad de/ chos las tha dad du 'gyur ba ni gsol ba'am tshul shing len pa ste/ de'i phyir gyis na dge 'dun gyi dbyen no/ /dge 'dun gyi dbyen du gyur pa ni rjes su phyogs pa bzhi bdag dang lnga pha rol kyang dge 'dun du langs pa las 'gyur te dbyen gyi dge slong des sangs rgyas kyi tshul khrims las tshul khrims lngas nga la lhag ste khyed su dag gi rjes su phyogs pa tshul shing 'di long shig ces te/tshul shing blangs dang log pa la bltas pa des gsol ba dang zhu ba'i las kyis rjes su phyogs pa rnams bsdus/de log pa la bltas pa la dang dge ba la phyogs pa'i dge 'dun gyis kyang khyed de ltar dbyen ma byed cig ces gsol ba gsum dang zhu ba dang bzhi'i las kyis bsgo ste ma btub na de dge 'dun gyi lhag ma dang dbyen du 'gyur ro//'di mi skye ba ni dge 'dun gyi tshad du cha med pa dang dbye bar byed pa na gzhan dang mtshams kyi nang gi dge 'dun gyi tshad du med na'o/ /mtshams gcig gi dge 'dun las dge ba la bltas pa'i dge 'dun bzhi mi dge ba bltas pa yang rjes su phyogs pa bzhi bdag dang lnga ste/ dge 'dun 'khod 'khod pa las gcig tu sngar bltas pa las dbyen du 'gyur ro//mi dge ba'i dge slong yang grogs po gsum bdag dang bzhi ni dbyen du mi 'gyur/ dge ba bltas pa dge 'dun du ma tshang na'ang dbyen du mi 'gyur/ byed pa ni bye bar ma yin no/ /dge mi dge so sor bltas pa las dge ba'ang bzhi mi dge ba'ang bzhi de'i steng du mi dge ba las bltas pa bdag gis bsnan te dgu tshang na dbyen du 'gyur ro//chos dang chos ma yin pa de'i rang bzhin gyis gdon mi za bar na mtshams med pa'o/ /dge slong su'ang rung sngon de ba dat+tas dbyen byas pa'i tshe/ de ba dat+tas dge 'dun gyi dbyen byed nus sam mi nus zhes dge slong kha cig gis gsol na bka' stsal pa sngon ngas kyang de ba dat+tas dbyen byas te lag pod chags pa'i steng du grogs kyang dge 'dun du langs pas dbyen bya nus su zhes byung ba dang de ba dat+tas na re sangs rgyas de skad gsungs pa la bltas na ngas dbyen nus kyi tshul khrims lhag pa lnga bzung ngo zhes bya ba las bcas te de ltar byas na mtshams med par 'gyur/chos su 'du shes na'ang 'byed par ro/ /de ba dat+ta skad du thams cad stong par mya ngan las bzlas te btang ba skyid pa gcig yod de phas gnyis na khams gsum gyi chos byed pa skyid kyis nga logs su khams gsum gyi chos la phyogs shig ces dbyen byas na dbyen du 'gyur ro//'khor lo bye ba'i dngos po'o// //'di man chad rtsod pa'i dngos po la 'chad de/ bzhi 'khrug pa'i phyir dge 'dun ni don rnam pa bzhi'i phyir 'khrug ste 'og nas 'chad/ don la de ltar bzlog pa dang spangs pa ltung ba dang bcas pa las la 'du ba mi sbyin pa'o//ming gis smos pa 'di rnams lta bur gcig gi non gcig gis byas te dge slong bzhi bzhi lnga lngar so sor 'chad de de las rtsod pa byung ba dang / thog ma'i mtshan ma gcig tu chad par byed pa zhi bar bya/ rtsod pa rnam pa bzhi la gdul ba rnam pa bdun gyis gdul te thog ma'i don las bzlog ces zer ba la mngon pas gdul bar lobs pa la mngon par sbyin zhes zer ba de 'bul te sde snod gang mang du thos pa dang yon tan dang ldan zhing gang chos 'chad pa de'i yus su bya'o//gzhan ni 'og nas 'chad/ mtshan ma gnyis pa ni 'di dang dag pa sbyin pa'o//dang 'og gi spangs pa ni mngon pa dang dran pa dang mi blun pa gsum gyis gdul bar byed de zhib tu 'og nas 'chad/ mtshan ma gsum ni phyir bya bas dbyung bar bsko ba byin pas so/ /ltung ba dang bcas pa la zhes zer ba la 'chad de mang dang ngo bo nyid kyis 'dul bar byed de zhib tu 'og nas 'chad/mtha' ni sbyin du gzhug pas so/ /las la 'du ba ni sbyin zhes zer ba la 'chad de/ rtswa gding ba dam bca' ba'i 'dul ba dang / kho bdag dge 'dun gyi mdun du bshags shing 'dul bar byed de zhib tu 'og nas 'chad/ smra ba bdag gis ma nus na dge ba dkar gcag /thog ma'i don la rtsod pa ni don gang yin gang ma yin pa mkhas pa gcig gis gzu bo byas dkar gcag /dge slong gis so/ /ltag ma ltar gzu po dang dkar gcog pa ni dge sbyong dang khyim pas mi bya'i dge slong mkhas pas gzu po bya zhing dkar gcag / de mngon par 'dod pa la'o/ /ltag ma'i dge slong gzu bo byed de rtsod pa'i dge slong gnyis gcig dge slong gzu po de la dad pa gcig ma dad pa ma yin gyi gnyis ka dang na gzu po dang dkar gcog pa bya/ de dag go/ /kho gnyis ka gzu bo la dad na gzu bor bya/ gcig yan chad la'o/ /gzu po ni kho dag gnyis ka dang na gcig yan chad gcig gis kyang tshig de ste mang na nyi shu tsam gyis byar yang rung ngo //bar mas spro bar bya/ ltag ma'i gzu bos kyang de gnyis bsdum par ma nus na dge 'dun gyis dge slong gcig la dad pa dris la gzu bor bskos te de'ang gsol ba dang zhu ba'i las kyis bya/dge 'dun gyis de rtag tu bsgo/ /ltag ma'i gzu bo de dge 'dun gyis gsol ba dang zhu ba'i las kyis dge slong de la dad pa dris te nam 'thab mo zhi ba'i bar du gzu bor bsgo/ /gsol ba dang zhu ba gnyis kyis bsgo/ /'thab mor mi 'jug pa las bsgo/ /ltag ma ltar gzu bor gzhug pa'i dge slong de kho bdag nyid 'thab rtsod can nam pha rol 'thab pa la dga' zhing 'chug pa de la ni mi bsgo'i dge 'dun thams cad kyang mdun du dga' ba'i dge slong de la bsgo'o//ngo tsha ba dang slob pa 'dod pa de las so/ /ltag ma gzu bo'i dge slong de tshul khrims la gnas shing gzhan gyis kyang khrel gyis dogs kho bdag kyang ngo tsha zhes de lta bu las bsgo ste zhib tu 'og nas 'chad/'dul ba gdon mi za ba dang / mkhas pa dang / 'das pa'i spyod pa la sbyong ba yang ngo / /ming gis smos pa 'di rnams lta bu dang ldan na rtsod pa'i dge slong gi gzu bo dang dkar gcog par dge 'dun gyis bsko mi bzlogs pa las so//ltag ma'i gzu por nor bo dang gnyen dor byed cing ngo bzlog mi phod pa las ni bsgo'i/ brtan cing mi 'gyur te rdo rje dang 'dra ba las bsgo/ brtan cing brtsams pa mi 'khrug pa las so/ /brtan cing khong rtsod pa'i tshe na'ang sems 'khrugs pa phyis kyang sha 'khon gyis mi 'jigs shing ngo bzlog phod pa las bsgo/'thab mor mi 'jug pa las bsgo'o zhes bya ba'i mdo man chad kyi mdo de'i nang nas ming gis smos pa 'di rnams dang ldan pa las gzu por dge 'dun gyis bsgo/ snyoms pa las so/ /snyoms shing 'dod chags zhe sdang gti mug gsum dang mi ldan pa las bsgo /bsgo ba las so/ /khong gnyis kyi tshig lan tshig gis khong du chud pa las bsgo/ /phyir bsgo nus pa las so/ /'thab pa'i dge slong de gnyis la na thebs par bsgo nus pa las bsgo/ mdzangs pa las so/ /'thab pa la gnyis la bsgo ba'i tshe tshig 'bru thams cad bsam mi dgos par smra nus pas bsgo/des zhi bar ma nus na dge 'dun la dor/ ltag ma ltar gzu bor bsgo ba'i dge slong des 'thab mo pa zhi bar ma nus na dge 'dun gyi thad du song ste dgongs shig 'phags pa'i dge 'dun bdag gis ni rdo ma thogs kyi mdzad du gsol ces bya ba dge 'dun la phul cig /de dag gis ma nus pa bsgo/ ltag ma ltar dge 'dun la slar phul te lo gcig gnyis kyi bar du dge 'dun gyis 'dul ba'i thabs kyis zhi bar gyis shig des kyang ma nus na yang gzu po la bsgo ste zhib tu 'og nas 'chad/ dge 'dun gyis tshad las mi nyung ba'o//dge 'dun gyis gdul bar ma nus na ltag tu bshad pa'i dge slong des kyang yon tan dang mthu che ba bzhi yan chad dge 'dun du langs pa las gzu bor bsgo/ bdag gis te bskos te mi nus na nus pa la'o/ /ltag ma'i dge slong bzhi pos kyang gdul bar ma nus na de bas kyang mkhas shing mthu che ba'i dge slong de bzhi la dbul/bla ma ma byas mi nus na gang nas blangs pa der gzhag /da gzod kyi bzhi po des kyang gdul bar ma nus na snga ma'i dge slong bzhi po la slar gtod cing / des kyang ma nus na thog ma'i dge 'dun la rim pas phyir gtad/ dge 'dun gyis kyang ma nus na dang po dge slong gzu bor bskos pa de la gtad/des kyang ma nus na thog ma bsko ba'i dge 'dun la phyir dbul/ phyir 'ongs na rtsa ba'i dge 'dun gyis phyir sbyong bar sngo bar bsko / thabs ltag ma ltar rim pas btul te ma thul na dge 'dun gyis dge slong gi nang nas gsum bzhi zhig bskos te de dang sbrogs la mtshams tha dad pa'i gzhan gyi gtsug lag khang du gdul bar chol cig /de gnas brtan dang bcas pa so sor thar pa dang bcas pa'i dge 'dun gzhan du gzhug /mtsham tha dad pa'i gtsug lag khang gzhan du bcol ba yang gtsug lag khang de na gnas brtan yon tan dang ldan pa dang zla ba phyed phyed cing so sor thar pa rtag tu klog pa'i dge 'dun de lta bu'i gtsug lag khang du gtad cing bcol/gyur pa thog mar bsgos te zla ba gsum gyi dus su sbyin/ gtsug lag khang gzhan du bcol ba'i tshe/ tshul skyel ba'i dge slong rnams kyis dge 'dun bzhi pa la thog ma nas ji ltar rtsod cing dge slong dang dge 'dun gyi rim par ltag tu smos pa bzhin du mthar chags kyis btul kyang ma thul to zhes gtam rgyus kyis thog mar smos pa la da'ang khyed kyis zla ba gnyis gsum gyi bar du thul la brgya la ma thul na slar yi ge spring shig ces bsgo/des 'di'o/ /pha logs so/ / gtsug lag khang du dge 'dun des kyang ma thul na dang po skyel du 'ongs pa'i dge slong de rnams la slar yi ge spring shig slar phul na de mdo sde 'dzin pa dang 'dul ba 'dzin pa dang ma lta bu 'dzin pa la'o/ /de ltar yi ge btang nas thog ma skyel skyel ba'i dge slong de dag la phyir gtad na slar dge 'dun gang du khrid de ma 'ong bar gtsug lag khang gang na mdo sde dang 'dul ba dang ma lta bu'i dge slong gang na yod pa der khrid de thog ma'i gtam rgyus nas shod de yang der chos shig /zla ba drug tu'o/ /ltag ma ltar bcol ba zla ba drug gi bar du khyod kyis thul la ma thul na slar yang yi ge thong shig bsgo shig /des gnas brtan grags pa la'o/ /lhag ma zla ba drug tu btul te ma thul na slar bskyal ba las dge slong bang chen pa de rnams kyis kyang gang na gnas brtan mchog tu grags pa de lta bu la thog ma'i gtam rgyus nas shod de bcol cig /mtha' med par ro/ /ltag ma'i gnas brtan de ni dus 'di tsam gyi bar du gdul zhes bya ba ni ma yin gyi nam gdul ba'i tshad kyis bzung ngo / /des 'di'i gang yang bdag gir bya ba yang spang gnas brtan grags pa des 'thab mo pa gnyis gdul ba'i tshe 'thab mo pa'i dge slong gis yon nam spyan gzigs phul na gnas brtan des mi blang /go 'dun dang so shing yan chad do/ /ltag ma ltar spyan gzigs mi blang bar ma zad kyi ming gis smos pa 'di rnams kyang mi blang / stan gcig la 'dug pa dang 'chags gcig tu 'chag pa dang gtam dang gtam kun kyang ngo //gnas brtan des 'thob pa'i dge slong dang gral dang stan gcig pa dang 'chag pa'i sa dang gtam dang gtam rgyud dang bcas pa la sogs pa 'di rnams lta bu mi bya/ bsnyen na 'di skad smra'o/ /ltag ma ltar yon dang spyan gzigs ma bslangs pa dang 'thab pa'i dge slong na re ci nyes te spyan gzigs kyang mi len gtam yang mi zer zhes smra na gnas brtan gyis 'og nas 'byung ba skad du bya/tshe dang ldan pa khyod mi rnyed cing ma rnyed la ngan pa rnyed de bzang po ma rnyed do/ /gang khyod rab tu bshad pa chos 'dul ba la rab tu 'byung na 'thab mo skye ba dang smyon thabs skye ba la spyod dam dgra byed rtsod par gyur to//tshe dang ldan pa 'thab mo ma byed/ smyon thabs ma byed/ dgrar ma byed ma rtsod 'thab pa la gnyis ka rgyal ba med do/ /gcig rgyal gcig phas pham mo/ /brgyugs pa las gnyis ka mi rgyal te gcig rgyal gcig phas pham mo zhes so//gnas brtan gyis 'thab mo pa sde gnyis la 'thab cing rtsod pa nyes pa'i tshul du gcig rgyal gcig pham mo zhes zer ba'i mdo yan chad kyi tshig gis bsgo ba la bya/ mang po'i blo ltar bca'o zhes bsgrub pa'i rnam pa gzhan no/ /ltag ma ltar gnas brtan gyis lo mang zhig gi bar du sbyangs kyang zhal che ma cod na dang po'i dge 'dun la phul/dge 'dun gyis 'thab mo pa la bsgo ba khyed kyis zhal ce dge 'dun grangs mang brgyal bar gcod do zhes bsgo ste 'og nas 'chad/ chos gdon mi za bar 'gyur gyi tshul gdon mi za bar ma yin no/ /dge 'dun gyis 'thab mo pa la 'di skad kyang bsgo //skabs 'dir tshul khrims dang mi ldan na mi brtsi'i chos kyi gzhung las byung ba bzhin zhal ce gcad do zhes bsgo/ /brgal ba dang rgol ba chud pa'i phyir te der chud pas gdon mi za ba'o/ /'thab mo pa gnyis tshus phar brgal ba dang tshus phar rgol ba dang gnyis la dge 'dun gyis zhal ce gdon mi za bar bcad de gtod par bya'o//rgol ba dang phyir rgol bas drag por gzung zhing rab tu zhen la de dag nus pas dge 'dun gyi dbyen du dogs na 'di la gnas par bya 'thab mo rgol ba gnyis phas rgol ba dang tshur rgol ba gnyis sems la rab tu bzung ste mi gtong bar nan tan byed na dge 'dun gyis zhal ce myur du ma bcad na dge 'dun phal mo che sde gnyis so sor chad pas yun ring na dbyen du 'gyur gyis dogs pa'i phyir zhal ce myur du bcad pa dang bsdum par bya/sdom pa byed pa'i phyir ma yin no/ /sems la nyes par bsam pa ni yid la 'gyod pas tshangs kyi lus dang ngag gi nyes byas pa ni mthol dgos so//gnas brtan gyis mthar kun du nyon mongs na'o/ /dge 'dun gang mang ba brtsan par zhal ces gcad pa ni thog mar dkar gcag ces bya ba man chad gnas brtan chen pos yun ring du sbyangs zhes bya ba'i bar du nyon mongs shing ma btul bar dge 'dun mang ba rgyal lo bar zhal ce mi gcad do//rtsa ba'i dge 'dun la'o/ /ltag ma ltar dge 'dun mang ba rgyal lo bar zhal ce gcad pa ni dang po nyid dul bar bsgo ba'i dge 'dun zhes zhal ce gcad do/ /tshul shing 'dzin pas 'di bsam pa gzung bar bya/ltag ma ltar dge 'dun mang nyung du grangs gzung ba'i phyir tshul shing rnam pa gnyis bshams pa la dge ba'i tshul shing blangs pa mang na dge ba la phyogs pa rgyal bar bya/ chos ma yin pa'i tshul shing mang du blangs na de rgyal bar bya'o zhes dge 'dun gyis de ltar bshams nas brtsis mgo 'og ma ltar bya'o//tshul shing 'drim pa bsgo / dge 'dun gyis gsol ba dang zhu ba gnyis kyi las kyis dge 'dun gyi nang nas dge slong las tshul shing 'drim pa cig bsko/ /tshul shing des gzhag pa rnam pa gnyis su'o/ /tshul shing 'drim pa des tshul shing rnam gnyis 'og nas 'byung ba bzhin du sta gon byas te gzhag /mi 'khyor ba dang mi sgung ba dang kha dog bzang po bsung zhim po shin du 'jam pa chos kyi tshul shing ngo / /ming gis smos pa 'di rnams mthun pa ni dge ba la phyogs pa ni tshul shing ngo / /gzhan la bzlog la'o/ /tshul shing sgrub 'khyor ba kha dog mi bzad pa bsung mi zhim pa rtsub pa la sogs pa ni mi dge ba la phyogs pa'i tshul shing ngo //'du ba'i phyir dge 'dun la zhu/ tshul shing 'drim pa'i dge slong gis sang tshul shing 'drim pa'i phyir dge 'dun thams cad 'du bar mdzod cig ces zhu ba'i las bya/ thams cad 'du bar mdzod cig /bdag gis tshul shing brim mo zhes so//dge mi dge la phyogs pa'i dge 'dun thams cad sang nang par sngar gshegs zhes bdag gis tshul shing brim mo zhes bsgo shig /de ste de ltar chos ma yin pa'i tshul shing lhag par 'grub par shes na dad pa byin yang 'dus par mi brim/ phyi de nang par tshul shing 'drim pa'i dge ba la phyogs pa'i dge slong ni dad pa'am tshig byin len de 'dus pa ni nyung mi dge ba la phyogs pa'i dge slong ni mang na thabs bya ste/dge ba'i dge 'dun mang du nam tshogs kyi bar du phyir bshol/ tshul shing 'drim pa'i tshe chos kyi tshul shing lag pa g.yas su blangs pa la gzhan g.yon du blangs te brim tshul shing brim pa'i tshe brim pa'i dge slong des chos la lta ba'i tshul shing bzang po ni lag pa g.yas kyis blangs la mi dge ba la phyogs pa'i tshul shing ngan pa lag pa g.yon par gzhag ste dge 'dun la brim/sbas la sngon du bstan te nye bar zhus te gnas brtan 'di ni chos kyi tshul shing ste/mi sgu mi 'khyog mi sgur kha dog bzang po bsung zhim par shin tu 'jam gyis lang shig ces so/ /tshul shing 'drim pa'i tshe tshul shing ngan pa ni nad pa ni snod kyi nang du bcug ste kha g.yogs la tshul shing bzang po sngar byung la gnas brtan dag la nye bar bstan te ming gis smos pa 'di skad du tshul shing gi yon tan bsngags te brim par bya'o//gzhan slong na tshig gnyis kyi bar du mi sbyin/ tshul shing brim pa'i tshe gnas brtan de tshul shing ngan pa slong na 'drim pa'i dge slong gis gnas brtan de la khyod lta bu'i gnas brtan sde snod gsum thul cing yon tan dang ldan pa tshul shing 'di blangs pa rigs mod ces de skad lan gsum gyi bar du bsgo ste/de ste'ang ma btub na tshul shing ngan pa sbyin/ ji ltar chos 'byung bar de bzhin du shes te/ brim pa btsums te'am bsten te'o/ /tshul shing 'drim pa'i tshe tshul shing brim pa'i dge slong gis ci nas kyang tshul shing bzang po ni blangs shing tshul shing ngan pa ni mi 'dod pa na thabs ci yod pa sbyar te tshul shing spas na legs sam ma byung legs pa'i thabs kyang 'phral la bltas shing ci nas tshul shing bzang po len par gyis shig /tshe dang ldan pa khyod kyi mkhan pos chos kyi tshul shing blangs slob dpon dang mkhan po gcig pa dang 'thams pa dang brtan pa dang bshes dran pa dang yid du 'ong bas kyang na khyod kyis kyang chos kyi tshul shing long shig /gnas brtan la brim pa'i 'og tu 'og ma gzhon nu rnams la tshul shing 'drim pa'i tshe mod la ming gis smos pa 'di skad kyi tshig dge slong gzhon nu de'i rna drung du tshul shing 'drim pas bshubs te thams cad kyis kyang blangs pa'i rigs so zhes gyis la len du chug shig /khyod kyis de dag mi dga' bar ma gyur par zhes ngag gis rna drung du bzlas te'o/ /ltag ma ltar khyod kyi mkhan po dang slob dpon mdza' bo la sogs pa thams cad kyis tshul shing blangs zin na da khyod kyis ma blangs pa dang mi de rnams dang yang khyod chos kyi bya bar 'ong ste ma legs kyis tshul shing long shig ces rna drung du bshubs la gyis shig /chos ma yin pa'i tshul shing mi blang / tshul shing brim pa'i tshe tshul shing len pas kyang tshul shing ngan pa blangs na nyes byas te de ni spyi'i khrims so//mdo sde 'dzin pa dang 'dul ba 'dzin pa dang ma lta bu 'dzin pa la ma dris par ma yin/ tshul shing len pa'i tshe ming gis smos pa 'di lta bu dang ldan pa'i dge slong la ma dris kyi bar du dge slong gzhan gyis kyang tshul shing blang ma brtags par blangs na nyes byas/ bye bar 'dod pas ma yin/tshul shing blang ba'i tshe chos ma yin pa'i tshul shing ngan pa blangs te yid la dge 'dun dbyen bya'o snyam bsams te blangs na nyes byas te de bas na mi blang / chos ma yin pas rgyal ba ma yin/ tshul shing len pa'i tshe chos ma yin pa la phyogs pa de rgyal bar bya snyam ste yid la bsams te blangs na nyes byas/'dir 'gyur bar shes na ma yin tshul shing len pa'i tshe chos ma yin pa la phyogs pa rgyal bar shes na tshul shing ngan pa mi blang / mnyam na nyan thos chen po'i phyir tshul shing gzhag /tshul shing brims te dge mi dge gnyis tshul shing mnyam na nyan thos kyi gnas brtan chen por brim na'o //lag ka zhes bya ba'i skal bar bzhag ste dge ba'i phyogs pa'i tshul shing du brtsis te dge ba la phyogs pa la rgyal bar bya/ chos ma yin par 'di lta bu zhi bar gyur na mi skye'o/ /ltag ma ltar gnas brtan gyi tshul shing gis bsnan kyang mi dge ba la phyogs pa'i tshul shing mang na de las slar mi skyo bar bzod par gsol te nyes par khas blangs na des ni dum bar 'gyur ro//thog mar gzu bor bskos pa man chad 'di yan chad ni mngon par gdul bar 'os pa lta bu las mngon par gdul ba sbyin zhes zer ba la 'chad de rtsod pa bzhi'i dang po'o/ /kha na ma tho ba med pa las brgal na gtsang ma sbyin/dge slong phas pham pa med pa la brgal na ma nyes pa'i yus gtsang ma sbyin te dper dra ba bya ma l+ya bud tra bu mi ka spun gnyis kyis brgal ba lta bu ste zhib tu 'og nas 'chad/ de'i brgal ba bzhi ste dngos po med pa dang / nan tan gzhan gyi dbang gis dang /mthol ba la ma bltas pa dang / smyon pas byas/ rnam pa 'di bzhi la so sor thar pa'i nang nas dran pa'i 'dul bas sbyin pa dang / mi blun pa'i 'dul bas sbyin pa gnyis 'chad pa de'o 'og nas 'byung / dang po gsum la dran pa'i 'dul ba sbyin/ mdo ltag ma'i ming gis smos pa bzhi la dang po gsum la dran pa'i 'dul bas 'dul /tha ma la mi slen pas so/ /ltag ma smyos pas bya'o zhes bya ba la mi glen pa'i 'dul bas sbyin te sngon smyos te mi dran pa'i tshe nyes byas pa ngan par gyur na mi dran na phyin chad dge ba sdom du gzhug /ltung ba dang bcas pa las 'khrug pa gsum byung ste/gyur pa med pa dang gyur pa dang / de la rnam pa gnyis te/ phyogs pa dang dge 'dun thams cad pa'o/ /phyogs pa dang pha rol gyi phyogs 'chos pas so/ /thog ma la phyir 'chos pa khas len par byed pas so/ /gnyis la ni mngon sum gyis 'dul bas so/ /gsum pa la rtswa bting bas so//'dir mang po'i phyir dge 'dun la gshegs pa ma yin pa gcig gis bcos so/ /ltag ma ltar sems 'dul zhing zhi zin nas lhag ma'i nyes pa zhig yin na lhag pa'i chos bzhin du mthol/ spang ba'i ltung ba nyes pa byung na de'i cho ga bzhin mthol/ ltung ba dang nyes pa dang so sor mthol ba zhig nyes par gyur na phyig gshud du yod pa'i ming nas phyung la ming 'dis 'di lta bu zhig nyes so zhes dge slong gcig gis thams cad kyi nyes pa dang ming nas phyung la mthol na thams cad tshangs par 'gyur ro//du ma lhan cig na yang ngo / /ltag ma ltar dge slong gcig gis spyir mthol kyang rung so sor thams cad kyi ming dang ltung ba'i ming dang zhib tu bshad de/dge slong gcig gis mthol bas gtsang mar gyur pa ni rtswa bting bas 'dul ba'i skabs 'di 'dra bas mthol du rung ngo / /gang gis 'di ltar brjod de shes pa snang bas so/ /ltag ma ltar rtswa bting ba'i nyes pa mthol ba nyes pa khas blangs pa'i phyogs kyi dge 'dun tsog tsog por 'dug la mnyes pa'i dge 'dun rnams bde bar 'dug pa'i mdun du nyes pa'i nang gi dge slong gis thams cad kyi nyes pa lung ma nos te gtsang ma'i dge slong la mthol ba'i tshe/thog ma bdag nyid kyi ltung ba sde bzhi ci nyes pa mthol la de'i 'og tu dge 'dun phal gyi ci dang ci nyes pa mthol bar dge slong de smra'o//phyogs gzhan dang mnyam du na'o/ /ltag ma ltar mthol ba chos dang chos ma yin pa gnyis ka pha zad tshu zad du gral mnyam par 'dug la/ ltag ma ltar las bya ba ni las brgya rtsa gcig las gang yin pa des bya'o //dam ma bcas pa dang brdzun du na mthol bar mi skye'o / /ltung ba sde bzhi'i spyi'i mthol ba ste gang yang rung mthol ba'i tshe/ ltung ba'i ming dang dngos po gang nyes pa 'dis nyes so zhes mthol/ gang nyes byas pa thams cad mi dran na kho bo nongs pa mchis so zhes spyir mi dril bar phas pham pa'i yan lag las ci nyes pa dang nyes byas yan chad yan lag dang yan mdzer ci mchis pa mthol lo zhes brjod do//brgal ba bcas par na yang brtags pa'o/ /ltung ba sde lnga las gang yang rung dge slong gis dge slong gcig yan chad dge 'dun thams cad la'ang nyes na rgol du gnang ngo //de bzhin du de ltar brgal ba yang ngo / /ltag ma'i tshig bzlog ste gang zag gcig la dge slong gcig yan chad dge 'dun gyis brgal na'ang nyes med de rung ngo / /'dir grangs kyi bye brag ni ma chad do/ /mdo ltag ma gnyis nyes pa la phan tshun du rgol ba'i dge slong grangs su chad pa med de nyes na dus brgal kyang rung ngo //lus dang ngag bsdams pa dang / sde snod shes pa dang phyin ci log tu mi ston pa dang / chos kyis 'dul ba dang / de dag gis bzlog pa dge 'dun gyi dbus su bsam pa dang gsum du ldan na rgol ba la bkur sti bya/dge slong gcig gis ltung ba sde lnga la bdag sdol na skabs dbyer gsol zhes bya ste/ pha rol gyis skabs phye na ming gis smos pa 'di rnams dang ldan pa'i dge slong gis brgal na de'i tshig brtsan par bya'o/ /tshul khrims log pa dang phyin ci log tu smra na mthar bya/ phas pham pa byung ba dang chos log pa bltas te yang dag pa'i chos ni ma yin zhing ngan gyi 'jig rten gyi chos rku ba dang phyogs la sogs pa la dga' skyid do zhes zer ba gnyis shig ltung ba sde lnga las skabs phye shig brgal lo zhes zer na de la skabs mi dbye bar tshig gis spyos la bskrad de btang ngo //de ni bdag cag dang sde mi mthun pa'i phyir ro//bsgo ba ma chud cing sde snod 'dzin pa 'di lta bu'i tshul ma yin no/ /ltag ma ltar sde snod gsum tshig shes te don ma chung na lus dang ngag gis tshul khrims dang ldan pa dang phyin ci log tu mi ston kyang ste pha log la brgal kyang dge slong de'i tshig mi brtsan no/ / bsams pa rigs pa'i phyir de la bsgo / /ltag ma sde snod gsum tshig shes te don mi shes shing ltag ma lus dang ngag gi khrims dang ldan zhing phyin ci log tu mi ston pa de lta bu zhig rgol du 'ongs na skabs kyang mi dbye/ bskrad de mi btang bar tshig gzhan gyis brjod de lan mi sbyin par gzhag go/ / gnas dang rtag tu lus dang ngag phyin ci log ma yin pa dang / sde snod gsum dang ldan pa la bya/ mi gnas pa'o/ /ltag ma bzhin mi gnas pa ste gnas pa dang mi gnas pa nyid ni 'og nas gnyer gsod do/ /gnas ni dus dang yul dang spyod lam dang nan tan no/ /rgol ba'i dge slong ltag ma'i yon tan dang ldan pas dge slong nyes pa la brgal nas bden nam brdzun pa dge slong rgol ba dkar gcag pa'i phyir dge 'dun gyis dge slong gnyis snga phyir btang ste ming gis smos pa 'di rnams ltar don rtags dang mthun na rgol ba de'i tshig brtsan par bya'o//rgol ba pa mi skye ba ni gnas dag gud du bskyod pa dang rtog pa dang rtogs pa byung ba'o//mi gnas pa zhes bya ba ni rtag tu dus dang yul dang spyod lam dang nan tan bzhi ltar dge 'dun gyis lkog tu lan cig gam gnyis dris te dge slong yon tan dang ldan pas brgal ba'i tshig dang gal te yul dang dus la sogs pa mi mthun par gyur na yon tan ldan pas brgal kyang de'i tshig mi brtsan no//zhe sdang gi phyir brgal na ni ltag ma kun dang ldan kyang rgol du mi gnang ngo / /khas blangs rgol bzad pa'o/ /ltag ma ltar yon tan dang ldan pa'i dge slong gis nyes so zhes khas blangs na ci nyes pa'i dngos po mthol na tshangs par 'gyur ro//bden pa mthong ba dang yon tan gyis rab tu mchog ste gzhan smra na brtag par byas te khyim mi na yang ngo / /dge slong la khyim pa gcig dang / dge slong gcig dang gnyis kyis brgal te khyim pa ni rgyun du zhugs pa'am lan cig phyir 'ong ba'i 'bras bu thob pa zhig yin/dge slong ni tha mal pa zhig yin na khyim pa des brgal ba'i tshig brtsan par bya'o/ /dge slong gnyis shig rgol na gang yon tan dang ldan pa dang gang 'bras bu thob pa brtsan par bya'o/ /gzhan dang lhan cig tu gtug /dge slong gcig gis gcig la brgal na mi des nyes pa'i gan na gzhan su yod ces zer na dge 'dun gyis gan na 'dug pa'i mi de la lkog tu pho nya gcig gis dres te rgol ba gnyis mthun na de bzhin du gcad do//the tshom byung na shes pa ma yin no/ /rgun chu 'thungs pa la gcig gis kun chang 'thungs so zhes brgal na dngos po rgun chu yin pas brgal ba mi brtsan gyis 'thungs pa'i tshig brtsan no//khas blangs pa bzhin du 'di gdon mi za bar ro/ /dge slong zhig nyes par gyur te nyes par bdag gis shes nas mthol nas tshangs so / /ma rtogs pa ni ma chud pa'o/ /dge slong zhig gis ltung ba sde lnga las gang rung ba nyes pa gcig byas te mthol cig ces bsgo na ngas ma byas zhes zer zhing mthol du mi btub pa dang gcig tu nyes pa byas sam zhes dris na byas zhes ni khas blangs la gang byas zhes dris na ma shes zhes zer na spang bar bya'o//dge 'dun la khas blangs nas mi shes na btsal ba bsgo zhing bzung / dge slong zhig gis nyes par ni dran te khas blangs/dngos po gang byas pa mi dran na dge 'dun gyis gsol ba dang zhu ba bzhi'i las kyis nam dran gyi bar du sems su gzhug /de'i rang bzhin tshol ba de la phan pas na de'i rang bzhin tshol ba'o/ /mdo gong ma ltar gsol ba dang zhu ba'i las kyis dran par sems su bcug la de'i rang bzhin tshol zhes bya ba ni ltag ma mi dran/nam dran gyi bar du tshol du gzhug pa la bya'o/ /smad pa'i las kyi gzugs la 'di las glags ces bya'o/ /ltag ma ltar nyes pa byas pa dran gyi bar du 'dul ba 'dzin pa kha cig na re gsol ba dang zhu ba'i las kyis nam dran gyi bar du chad pas bcad de spangs pa bdun dang 'di dang brgyad du bya'o zhes bshad do//de mdo sde dang 'gal bas mi bzang ba'i phyir ro/ /lhag ma'i mkhan po tshig ni mi bzang ngo / /ji ltar mi bzang zhe na mdo'i mdo las 'byung ba spang ba rnam pa bdun las med pas na bskrad kyang mi bskrad / chad pas kyang mi bcad do zhes sangs rgyas kyis gsungs pa'i mdo las 'byung bas na 'dul ba 'dzin pa'i tshig mi bzang ngo //zhi ba bas na dgar ba'o zhes mi 'dod do/ /zhi ba zhes bya ba rtag tu rang bzhin tshol ba la 'chad de bdun shin tu zhi ba'i nang du bgrang gi spang ba bdun gyi nang du 'di dang brgyad du mi brtsi'o/ /'di spang par brtsis na bdun shin tu zhib pa drug tu 'gyur ba'i phyir 'dul ba 'dzin pa'i tshig mi brtsan gyi mdo'i gzhung brtsan no//spyo ba la sogs pa yang 'di lta ste ma bcas pas so/ /spyo ba zhes bya ba ni spang ba rnam bdun te/ spang ba rnam bdun las brgyad med kyis brgyad du yang mi bya/ drug tu yang mi dbri bar bdun so na gzhag go//'di shes bzhin du mi shes so zhes par chud na ma mthong ba grags pa skyes par 'gyur ro/ /zhi bar bya ba'i phyir mi bsgrims par mi bya/ rtag tu rtsod pa rnam bzhi la zhi ba rnam bdun gyis tshul bzhin du zhi bar ma byas na dge 'dun thams cad dbyen gyi sbom por 'gyur ro//'thab mo'i dngos po'o/ /'di yan chad 'thab mo'i dngos po'o// //'di man chad 'thab mo'i dngos po dris pa la 'chad/ byas pa'i 'thab mo ni zhi ba thams cad la 'jug go/ /spang ba spang ba rnam bzhi'i mjug las la 'du ba mi sbyin zhes bya ba de la shin tu zhi bar bdun kas 'dul lo//bskang bar mi rigs pa dge 'dun gyis spyod pa la 'khor ba ma yin no/ /rtag tu las brgya rtsa gcig nang du mi chud pa las phas pham pa byung ba dang bskrad pa dang dge sbyong khyim pa la sogs pa mi chud pa bzhin du dge 'dun 'thab pa'i gzu bo'ang de rnams kyis kyang mi rung ngo //rab tu rtogs pas gzhan gyi la gtogs so/ /dge sbyong ma dang dge slob ma zhig 'thab mo byung na dge slong mas gdul lo/ /dge sbyong pha 'thab mo byung ba ni dge slong gis zhi bar bya'o/ /rigs pa ni skyes pas bud med kyi la'o/ /dge slong ma nang rtsod par gyur pa la dge slong gis zhi bar byas pa ni nyes pa med do//dge slong 'khrugs pa la dge slong mas zhi bar byed du mi dbang ngo / /zhi ba ni 'tsho ba'am rab tu rdzogs pa las 'phos na'o/ /dge slong sde gnyis su rtsod pa kun zhi bar gyur tam / khyim par babs na kun zhi bar gyur to/ /phyogs gzhan du spang ba rnyed pa'o/ / dge slong gis gzhan la brgal ba las chos ma yin pa la phyogs te song na des kyang zhi bar 'gyur/ phas pham pa'am khyim pa zhig tu babs na'ang zhi bar gyur to/ /gzhan du song ba dang nang yun ring pos btab na yang ngo / /ltag ma ltar rgol ba'i dge slong yul las ring po zhig du song na'ang 'thab mo zhi bar 'gyur/nad yun ring po zhig gis btab na'ang zhi bar 'gyur/ rgol ba dang phyir rgol ba las so/ /dge slong gnyis shig rtsod cing 'dug 'dug pa las rtsod pa'i 'phro las shi'am khyem par babs te lam ring por babs na zhi bar 'gyur ro/ /'thab mo'i dngos po ste dris pa'i 'o//'thab mo'i dngos po rdzogs so// //'di man chad mal stan gyi dngos po la 'chad de/ so sor thar pa'i sdom pa'i mchog las rab tu byung bas phyag bya/ dge slong rnam lnga dang dge bsnyen pha dang dge bsnyen ma dang dus khrims pa dang brgyad rim pa bzhin du gong ma la phyag bya/mnyam na rgan pa la bya'o / /dge slong sde lnga nang gang rgan pa la phyag bya/ mtshan gzhan la ma yin/ dge slong gis dge slong ma la phyag mi bya/ dge sbyong gis kyang mi bya/ skyes pa mi dma' ba la bud med kyis phyag bya/ dge slong khrims rdzogs pa la dge slong ma dgra bcom zhing lo brgya lon kyang phyag bya/sa gzhan la gnas pa dang zhig pa dang dge slong ma sun phyung ba dang / chos ma yin pa'i skyabs so sor gnas pa dang / mtshams med pa byas pa dang / nyal ba dang ting nge 'dzin ma rnyed pa dang / brel pa dang / gzhan la sems pa dang / rgyab kyis phyogs pa dang /gzhan gyi grong na 'dug pa dang / zan la 'dug pa ma gtogs so/ /ming gis smos pa 'di rnams la dge slong pha dang dge slong mas phyag mi bya/ dge slong gis kyang 'di rnams khrims nyams pa la phyag mi bya/ khyim pas rab tu byung ba la'o/ /dge slong sde lnga la khyim pas phyag bya/sangs rgyas la thams cad kyis so/ /sangs rgyas la byang chub sems pa man chad lha ma srin dang sems can thams cad kyis phyag bya/ gtsug lag khang bya/ gang zag dang dge 'dun gyi phyir gtsug lag khang rab tu brtsigs kyang nyes med de thabs 'og nas 'chad/ ngos gcig gi dbus su dri gtsang khang bya/gtsug lag khang gru bzhir byas pa'i dbus kyi ngos la dris gtsang khang bya/ de dang mngon sum du sgo phubs so/ /gtsug lag khang gar lta bar phyi sgo der gdod do/ /gru bzhir na dge /gtsug lag khang gru bzhir brtsigs na dge bas rigs so/ / ngos gsum pa yang ngo / /rkun po med cing mi 'jigs pa'i gnas su gtsug lag khang ngos gsum du brtsigs la ngos gcig ma brtsigs kyang rung blang / gtsug lag khang lhag ma gnyis yon du phul na blang / gtsug lag khang du gnas/ dgon par gnas pa ni sangs rgyas kyis kyang bde bar bsngags na de na gnas pa la the tshom za ba yod de gnas kyang nyes med do//gzhan dge 'dun gyi dngos po la dge 'dun gyi phyir ram gang zag dge slong gi phyir na dngos po gnas par bya/ dge 'dun gyi gtsug lag khang gi 'khor na'ang gtsug lag khang brtsig pa'i sa yangs pa zhig yod de dge slong zhig dge 'dun gyi phyir gtsug lag khang brtsig ces zer kyang rung gang zag bdag 'dug na ci gnang zhes gsol na sbyin no//des te sbyin bdag yod na des gnang na'o/ /ltag ma ltar sa sbyin pa yon bdag yod na yon bdag la dris te sbyin/ yon bdag med na dge 'dun gyis sbyin/grong khyer gyi nang ngam phyi rol du ngal bso ba'i gnas brtags pa'o/ /grong gi 'dab dang lam gyi mdo dang gtsug lag khang gi 'dab tu dge slong gis mi phal mo che yan man du 'gro ba la phan pa'i phyir bsil khang brtsigs kyang nyes med do/ /bdag gi khron pa 'dod chags kyi rkyen spang ba'i phyir bsgribs pa'i rtsig pa bya/gtsug lag khang gi 'dab na khron pa yod de dge slong dang khyim pa gnyis ka chu der chu na 'dod chags spang bar bya ba'i phyir khron pa skyed du so phag gis brtsigs te dge slong dang khyim pa chu chu cha gcig la gcig mi mthong bar bya/ bud med chu slong na snyim pa bkang zhing blangs te de'i rgyun chad med par ma yin/bud med chu slong na bum pas kha lugs su mi blud par snyim pa bkang ste 'thung du gzhug go/ /thog ma dge slong bzang po zhig gis bud med la chu kha lugs su blud de bud med lto chus gang ste shi ba las bcas/ dbyar gyi nang gi rnyed pa'i tshe 'ongs pa la rigs gtsug lag khang gcig na rkyen grong dang zhing mang zhig yod de dge slong su 'ongs pa gtsug lag khang de'i rkyen gyi shas dbang ba las dge 'dun thams cad dbyar tshul du zhugs pa'i tshe/dge slong zhig gud nas 'ongs te zhag bzhi bcu rtsa lnga tshun chad slebs na dbyar tshul gyi shas kyang dbang ngo //rnyed pa ma spyad pa las su ma yin/ gtsug lag khang na gsol chang la sogs pa 'god pa la shas mi 'dod pa'i dge slong zhig yod na rab tu dge ba yin gyi gang zag bcu gnyis kyis las su'ang mi bsko/ /thog ma mi rnyed pa la zas sbyin/ dge slong zhig gud nas 'ongs te tshul gyi tshe zhag bzhi bcu rtsa lnga tshun chad ma slebs na tshul gyi yon skal ni sbyin zas ni mi sbyin gzhan thob la mi 'jug /ltag ma ltar gud nas 'ongs pa'i dge slong gis tshul du zhugs pa la bzhi bcu rtsa lnga ma slebs na yon dbang ngo zhes 'ongs pa'i dge slong gis mi mnod do/ /nyes med pa ni de'i phyir ma song bar gtsug lag khang gzhan du gdugs tshod bab ste zos na'o//gtsug lag khang gcig tu 'gro ba'i tshe khyim zan za bas 'gro'o zhes bsams te song na nyes byas/ las kyi phyir song song ba las 'phral la g.yar drangs te song ba ni nyes med/ mu ge'i tshe bdag gis ma blangs par na yang ngo //mu ge byung ba'i tshe bdag gi zan nar ma ngan gyi gzhan gyi mchod ston byed na bdag gis ma blangs par mchod ston la song ba ni nyes med do/ /dge slong gi tshod las lhag ma blangs na yang ngo / /mu ge'i mgron du bos na phyin chad zas mi rnyed pa'i phyir bdag phul gang zhig rtag par za ba yin na de'i tshe na ni phul bzhi lnga ci chud du zos kyang nyes med do//gtsug lag khang yal bar mi bya/ dge slong pho smos kyis gtsug lag khang zhig ral zhig byung na bcos par bya/ sbyin bdag las bcos pa'i phyir spro bar bya/ ltag ma ltar gtsug lag khang bcos pa'i rgyu yon bdag dad pa la chos bshad de bslang /ma grub na dge 'dun gyis las ci nus su bsko/ /yon bdag la bslangs te ma rnyed na dge 'dun gyi dkor las phyung ste bcos/ bdag gis bcos na yang ngo / /gtsug lag khang bcos pa lha bran dang rtse rgod med na dge slong nyid kyis bcos/ rnyed pa len pas gtsug lag khang byug /tshul nas byung ste yon 'god pa la sogs pa 'dod che chung ste ma blangs pa ni ma bcos kyang nyes med de bas yon shas blangs pa rnams kyis ni gtsug lag khang ral na bcos/ dad pa'i rnyed pa gtsug lag khang gir ma yin/ gtsug lag khang rkyen ni ma yin gyi yon bdag dad pa zhig gis bdag la nor rdzas byin pa las dge slong kha cig na re khyod kyang yon blangs pa yin gyi chos shig ces zer na mi des ni dge 'dun nang na yon blangs pa ma yin pas ma bcos kyang nyes med do//sgo bcad de gtsug lag khang nas 'gro/ /dge slong yan mang du 'gro na gnas khang gi sgo lcags bcug la dam gzhag byas te 'gro//gnas khang nyid kyi sgo lcags med na phyi sgo lcags gzhug /srung ma bzhag ste'o/ /dge slong thams cad mchod ston la spyan drangs pa lta bur 'dod na dge slong gcig srung mar gzhag /med na zan sbyin/ srung ma'i dge slong dge 'dun gyis zas gzhag / gtsug lag khang na zas kyi rgyu med na bus pa gcig sngar khrid de zan ma nos la bskur/ bskur ba'i dbang med dam bar ma chad par mi dbye/ yul na chom po ba mang zhing khyim rtag par bcom par gyur na de'i tshe/ mtshan mo sgo phye zhes zer zhing 'ong yang ma brtags par sgo mi dbye'o/ /steng du 'dzegs te lta'am khyed rims kyis ma btang ngam zhes pa'i ming gis smrar gzhug go zhes 'di ni thabs so//mtshan mo dge slong gi skad du zer zhing sgo phye zhes zer na khang pa steng du 'dzegs te/ khyed su yin gang nas 'ongs zhes smras te nga dge slong yin no zhes zer na khyod rims nad ches bya ba ni sngon rkun po zhig gis dge slong nan la bor nas sgo 'byed du bcug pa las bcas te de phyin chad dge slong 'og khrims bcas pa phyin chad rkun po zhig gis nan la bor te sgo 'byed du bcug na nga rims na'o zhes man ngag gi tshig bya/gnas dang ming dang pha dang ma la sogs pa mngon par shes te'o//khyim pa zhig sgo phye zhes 'bod du 'ongs na rkun po yin nam ma yin pa shes par bya ba'i phyir yul dang ming dang pha ma la sogs pa'i dan rtags dris te thog tu phebs na sgo dbye/ mngon par ma shes te 'jigs na mi dbye/ ltag ma skad du mngon rtags dris te rtags la ma bab 'jigs na sgo mi dbye/dgon pa pas khyi bcang dgon pa pas 'jigs pa'i phyir khyi bcang yang nyes med/ des nang par langs nas gtsug lag khang dang mchod rten gyi bar blta/ dgon pa la gnas pa'i dge slong gis nang par langs nas gtsug lag khang dag gi bar na khyi'i gcin rtug yod dam med blta de ste bshang ba byas na dor/ltag ma ltar bltas te bshang gci byas na dor/ gcis na drud de sder mos drud na bsnyams khyis gcis na sas drud de bsnyams / de dag gi gnas su dkyil 'khor bya/ ltag ma ltar khyis gcis pa dang bshang ba gnyis la ba lang gi rnyi bas dkyil 'khor bya/lhung bzed kyi lhag ma 'di sbyin/ dge slong zas zos pa'i lhag ma khyi la sbyin/ mchod rten dang gtsug lag khang gi mtshams kyi phyi rol du'o/ /ltag ma ltar khyi la zas sbyin pa ni gtsug lag khang gi mtshams kyi phyi rol tu sbyin/ spyod lam ci 'dod par bstan pa sbyin/ slob mas mkhan po la kha ton lta bu nos nas slar 'bul zhing nod pa ni spyod lam bzhi gang spyod kyang rung ste mnod du rung ngo //khams mnyam pa'am zhes 'dri zhing thog mar phyag 'tshal te gsar bus blangs pa'i phyir spyod lam bya/ ltag ma ltar mkhan po la kha ton 'bul zhing nod pa'i slob mas phyag byas la bsnyun gsol nas gus pa'i tshul du bsti stang byas te na zhes zer na ci na ba'i cho ga bya/min na kha ton 'bul zhing mnod/ thal mo sbyar te'o/ /kha ton nod pa'i tshe thal mo sbyar te gus pa'i tshul du mnod / /lus dang sems btud de'o/ /kha ton nod cing 'bul ba'i tshe lus btud de gus par mnod/drang pos so/ /kha ton nod pa'i tshe mdun nas drang por mnod/ 'chag na gom bor te bcag cing ngo / /mkhan po 'chag na 'gro bzhin kha ton nod cing dbul lo/ /langs na 'grengs te'o / /mkhan po 'grengs te 'dug na bdag kyang 'grengs te mnod/ 'dug gam 'phres na 'dug ste'o//mkhan po 'dug gam 'phres na bdag gis kyang 'dug ste mnod cing dbul/ stan dma' ba las so/ /mkhan po las kha ton nod pa'i tshe bdag stan dma' ba la 'dug ste mnod/ gzhon nu na smras so/ /slob ma gzhon nu zhig thug thub tu stan la 'dug tu mi dbang gi 'dug shig ces bsgo na 'dug /ma smras na tsog tsog por ro/ /mkhan pos stan la 'dug shig par ma bsgo na sa la tsog tsog por 'dug go/ /mang du len na dris te'o/ /slob ma kha ton grangs mang mo zhig nod de ring du tsog tsog por 'dug mi nus na mkhan po la stan la 'dug go zhes dris te 'dug /thos pa'i spyod yul spangs te kha ton no//kha ton slob pa mkhan pos mi thos pa'i lam tsam na 'dug ste bslab/ mig lam du gnas te'o/ /kha ton slob pa mkhan po rna ba mi na ba tsam du mig lam du snang bar byas te 'dug /cha mnos nas phyogs cig tu song ste bsgrub/ mkhan po las cha ma nod de lang long med pa'i sar 'dug ste bsam gtan bya/rab tu bton rab tu mtshan mar byas te the tshom med par byas te cha mnos pas yang ngo / /kha don ni slob pa thags thogs med par shes par bya ba dang le'u gang las gar thug pa yid la mtshan mar bzung ba dang phyis kyang mi brjed par byas la phyi ma'ang kha ton mnod/gtsug lag khang dang zas skom dang thug pa dang bca' ba dang 'bras bu 'god pa bsko / /ming gis smos pa 'di rnams 'god pa'i dge slong gsol ba dang zhu ba gnyis kyi las kyis bsko dam pa ma yin pa tsam yang ngo / /kha zas la sogs pa mi za ba zhig 'god na'ang ltag ma ltar byas te dge slong bsko lhag ma nyi ma gzhan la brim zhes so//yon bdag gis dge 'dun la mchod ston byas te kha zas lhag ma zhig 'bul na yang bza' ba'i phyir sdud pa'i dge slong gcig bsko/ snod sbed pa yang ngo / /dge 'dun gyi snod spyad brnyar sbyin pa dang sdud pa'i dge slong gcig bsko/dbyar gyi ras chen gyi yang ngo / /dge 'dun spyir dbyar gyi ras chen mang zhig yod na lo phyi ma la dgos pa'i phyir dge slong gcig las su bsko/ drub pa'i yang ngo / /drub pa gding ba pa'i srung ma gcig bsko/ gos kyi yang ngo / /yon bdag dang bas dge 'dun yon mang zhig phul na srung ma gcig bsko/'gyed pa'i yang ngo / /dge 'dun gyi gos 'gyed pa'i dge slong gcig bsko/ /rdzas srung ba'i mngag gzhug pa yang ngo / /mngag gzhug pa la sogs pa bsko ba'i sar bu rgan po gcig dang gtsug lag khang skyong gcig bsko/ snod srung ba yang ngo / /dge 'dun gyi snod srung ba'i dge slong gcig bsko//'di'i las ni 'drim zhing zos na sbed pa'o/ /lhag ma'i snod srung ba'i dge slong gis khar gzhong g.yog sa phog la zas zos zin nas bkrus te slar drub/ chu srung yang ngo / /chu 'chags pa'i spyad dang grang ba dang dro ba la sogs pa'i zhal ta ba gcig bsko/mdzes pa srung ba yang ngo / /mdzes pa bsrung ba'i dge slong gcig bskos te 'og nas 'chad/ des brtag cing thog mar se gol gyi sgra bya ba dang rab tu byung ba dbyibs ngan pa dang ston pa la dbyibs su bsko ba'o/ /mdzes pa srung ba yang 'di yin te/ dge slong gsar bu dang dge sbyong la sogs pa spyod lam bzhi ngan cing gos kyi tshags ma legs pa la 'di ltar legs par gyis shig ces bsgo /'di lta ste/ zas kyi tshe sgra bskyungs pa dang rab tu bsdam pa dang rab tu g.yogs pa dang sgra bskyungs te mchod rten la phyag bya ba dang ci ltar rgan rims su bya'o/ /mdzes pa srung bas zas za ba'i tshe sgra bskyungs shig par bsgo ba dang /lus mgo bsgyur ba dang / lag brkyang mi bya ba dang sham thabs pus mo mi 'da' ba dang gos rnyil bar mi bsgo ba dang kha zas za ba'i tshe yang byin dang ma byin 'on cig ces mi bya ba dang dus gsum du mchod rten la phyag 'tshal ba'i tshe sgra bskyungs la gral rims bzhin du bsgo/khyams srung pa yang ngo / /khyams srung ba'i dge slong gcig bsko ste 'og nas 'chad/ des thog mar zas la smyag ma blangs te bya rog dang bye'u dang phug ron la sogs pa za ba'i tshe bskrad lhag ma'i khyams srung zhes bya ba dge 'dun las sngar zan zos la dge 'dun bshos gsol ba'i tshe bya la sogs pa gan du mi 'ong par bskrad cing bsrung /mal stan srung ba yang ngo / /dge 'dun gyi mal stan bgo ba bsrung ba dang / zla ba phyed phyed tsam zhing res kyis bsgo zhing bsrung ba'i dge slong gcig bsko/ /byi bo'i mal stan srung ba'o/ /dge slong lam du zhugs na shing drung lta bur gnas brtan dang gsar bu rgan po gzhag par bskos pa'i dge slong gcig bsko/brtags pa'i mchod rten du 'jig rten 'jug pa srung pa yang ngo / /dge slong 'dus te nya dang sha la sogs pa bza' ba'i tshe khyim pas mthong na kha na ma tho ba zer ba'i phyir dge slong gcig sgo srung du gzhug /mal stan gyi dngos po'o//'di yan chad mal stan gyi dngos po la 'chad// //'di man chad mal stan gyi dngos po phran tshegs pa 'chad/ mun par phyag 'tshal ba'i gnas su phyag dang bcas pa'i tshig dbyung / mtshan mo dge 'dun gyi gan du phyin na mun par phyag byas na nyes byas su 'gyur ba'i thal mo sbyar te btud la phyag 'tshal zhes tshig brjod/gzhan du song ste mtshams su phyin na phyag mi bya/ dge slong zhig bdag gi gtsug lag khang nas gud du song ste slar gnas su 'ongs na bdag pas rgan pa thams cad la phyag byas pa bzhin pa ni tshangs pa'i phyag gis so/ /ltag ma ltar dge slong mang ste re re nas phyag 'tshal mi nus na gus pa'i tshul du spyir phyag bya/'khon byung ba la phyag mi bya/ bdag dang 'khon yod pa'i dge slong la phyag mi bya/ phyag byas na a rog gya mi bya bar mi bya/ bdag dang gzhon pa dang khyim pa phyag 'tshal na a rog gya bya/ phyag bya ba 'das pa la'ang phyag mi bya bar mi bya/shA ri'i bu dang maud gal gyi bu la sogs pa mya ngan las 'das pa'i mchod rten nam bdag gi mkhan po tshe 'das pa la'ang ming nas brjod de phyag bya/ 'bags pa la phyag mi bya ste 'og nas 'chad/ 'bags pas ma yin no/ /gcig 'bags pa la gcig ma 'bags pas phyag mi bya/'di yis bdag gis mi bya/ bdag pas na rgan pa 'bags pa la gzhon nu ma 'bags pas phyag mi bya ste/ byas kyang rgan pos dga' bar mi bsam 'bags pa las kyang ngo / /gnas brtan lta bu ma 'bags pa zhig gis phyag 'tshal na'ang dga' bar mi bsam 'bags pa rnam gnyis te za ba'i ni so shing yan chad do//'bags pa zhes bya ba ni rnam gnyis te bdag thog mar zas zos nas so shing zos kyi bar du bdag kyang phar phyag mi bya/ phas kyang phyag 'tshal du mi gzhug /mi gtsang ba ni de'i sa 'chos pa yan chad do/ /'bags pa gcig ni bshang gci che chung rnams gnyis kyi bkru bshal ma byas kyi bar du phar kyang phyag mi bya/tshur kyang phyag 'tshal du mi gzhug /'bags pa dang 'dra ba ni 'dir sgren mo dang gos gcig pa'o/ /'bags pa dang 'dra ba ni khyed rengs lta bur 'dug pa la phar kyang phyag mi 'tshal/ de lta bu tshur kyang phyag 'tshal du mi gzhug /phyag ni rnam gnyis te 'khor lngas dang / byin pa mnan pa dang yang ngo / /phyag la rnam pa gnyis te gcig ni lus sa la gtugs phyag 'tshal ba gcig ni pha rol gyi rkang pa nas bzung ste phyag bya ba ste/ 'di gnyis ni phyag tu gtogs / sbrid pa byung na sos zhes mi bya tshe'i mtha' ba dang khyim pa ma gtogs te'o//khyim pa sbrid pa byung ba dang dge slong rgan po nad pa la sos zhes byas kyang nyes med/ gsar bu la a rog gya bya/ bdag pas gzhon pa'i dge slong dang dge sbyong sbrid pa byung na a rog gya bya/ rgan pa la phyag bya/ bdag pas rgan pa sbrid pa byung na phyag bya/sbrid pa byung na'o/ /gzhon nu sbrid pa byung na rgan po la phyag bya/ yang dag par gshegs pa la ming dang rus dang tshe dang ldan pa zhes mi bod/ yang dag par gshegs pa la ming gis smos pa 'di rnams skad du mi bya/ nye ba'i tshig med par ming dang dus nas mi bod//sangs rgyas la sangs rgyas zhes zer ba'i tshig 'ba' zhig mi bya'i sangs rgyas bcom ldan 'das zhes zer ba lta bu'i tshig gnyis bya/ rgan rabs la'ang ma yin/ bdag pas rgan pa la ban de zhes bya ba dang de'i ming dang gnyis thabs cig tu brjod/ mthun pa ni gnas brtan dang tshe dang ldan pa ni nye ba'i tshig go /gnas brtan la btsun pa zhes bya ste 'og min nas bod/ 'og ma la tshe dang ldan pa zhes bya ste ming nas bod/ de ltar ma byas na nyes byas/ snga ma las ma yin/ sangs rgyas 'das pa la tshe dang ldan pa dang btsun pa'i sangs rgyas zhes mi bod/ 'ong pa dang 'gro ba 'grub pa'i dngos po las sar pa ba gtsug lag khang du gzhag /dge slong gis dge 'dun gyi phyir gtsug lag khang brtsig na dgon pa dang dben par mi brtsig gi mi mang po 'du zhing phyag 'tshal ba'i gnas su brtsig /tshal dang rtsing bu dang bcag pa yang ngo / /ltag ma ltar gtsug lag khang brtsig pa ni tshal chu bzang po dang /me tog bzang po dang 'chag pa spang bar bya/ nye mtshams kyang ngo / /gtsug lag khang gcong rong dang gad khar mi brtsig par bde bar brtsig /lang long dang sgra dang skad dang dbyangs nyung bar ro/ /mi mang po 'du ba'i sar gtsug lag khang brtsig pa dang /spangs shing dben pa glu gar dang ca co nyung ba'i sar brtsig /sbyin bdag gis gnang na gtsug lag khang bya ba'i phyir gyi dngos pos de bya ba'i de'i snod du bya/ gtsug lag khang brtsig pa'i sta zor dang gzhor spyan nyon nyes sam ma nyes zhes dris te ma nyes zhes zer na'o/ /de gzhag pa'i phyir khung bu sbyin/ltag ma'i gzhong spyad mi 'khyams pa'i phyir khang bu gnyis brtsigs te spyad der brub/ der mkho ba yungs mar la sogs pa ran par nyo/ /las mi rnams kyi rkang lag bsku ba dang 'breng ba dang shing rta'i mig bsku ba'i mar nyos te gzhag /ci ltar tho ngan pa de ltar las sar pa'i zas so//gtsug lag khang brtsig pa'i zhal ta ba'i dge slong dge 'dun dang zan thang mnyam par tho ngan gyis bsnyams shing sbyin/ gtsug lag khang med na de'i gnas 'khor gyi gtsug lag khang du'o/ /gtsug lag khang brtsig pa'i dge slong las kyis brel te dge 'dun nang du ma 'ongs na dge 'dun gyis zan thang bzhin du ga la 'dug par bskyal te sbyin/thob na blangs / las pa'i dge slong las che ba'i phyir dge 'dun dang yon bdag gis pha la zan blangs te byin kyang brtags pa'o/ /gtsug lag khang gi mtha' ni rim lnga'o/ /dge slong gis gtsug lag khang rtsig na snyi ba'i phyir rim pa lnga rtsig las mi brtsig go//dge slong ma'i ni rim gsum mo/ /dge slong ma'i gtsug lag khang rim gsum las mi brtsig /dri gtsang khang dang sgo phubs mi gnyis kyis lhag par ro/ /dri gtsang khang dang sgo phubs ni bsil ba'i phyir bdun brtsegs su'ang brtsig tu rung ngo //lci sto mi thub na gzhag pa ni nyes med do/ /gtsug lag khang rim zhig brtsigs te ka ba dag gis mi thub na [(]brtsag [,]brtsig [) ma dang po gzhig kyang nyes med do/ /brtsams la che bar ram chung bar bcags pa yang ngo / /yon bdag gis gtsug lag khang zhig dang po chung ngur brtsigs pa las phyis dad pa skyes te de bshigs te cher byas kyang rung ngo //chen po zhig brtsams pa las rgyu zad de phyis bskyungs te brtsigs kyang nyes med do/ /che ba'i phyir na mchod rten dang gzugs kyang ngo / /lce te'am sku ba'i gzugs thog ma chung ngur brtsig par brtsams pa las de las cher bskyed pa'i phyir bshigs te cher brtsigs kyang nyes med do//zhig ste 'drang ba'i phyir na zin kyang ngo / /mchod rten rnying pa zhig de tsam gyi tshod nam de bas che bar bya ba'i phyir bshigs te byas kyang nyes med/ phyogs bcos pa'i phyir kyang ngo / /mchod rten nam gzugs phyogs gcig ral lam zhig pa de nyi tshe bshigs la slar bcos kyang nyes med/gdugs la sogs pa dbab pa yang ngo / /lce ti'i 'phang lo rnying pa slar phab la sar pa btsugs kyang nyes med do/ /bshigs pa'i sdig kyang nyes med/ gzhan gzugs pa'i phyir na yang ngo / /lce ti'i gdugs dang srog shing dang 'phang lo ma legs pa slar phab la legs pa btsugs kyang nyes med do //de'i phyir ba nye bar ma bzhag par mi dbab/ ltag ma ltar mchod rten nam gzugs bshigs pa ni yo byad thams cad sogs la gzhig gis ma sogs par bshigs te phyed ral du mi bsdu bar mi dor/ skyes pa'i rabs la sogs pa bris pa dang sangs rgyas kyi tshig bris pa yang ngo //mdzangs blun gyi rgyud bris pa dang zhal nas gsungs pa'i tshig rtsig pa'i ngos la bris pa dang slar de bzhin du brtsig cing bcos/ ri gang bcag pa 'bogs par bya ba'i phyir kyang ngo / /ri mo dang skyong nul gos pa zhig yod na gang du bgos pa der ri mo dang skyong nul bzang du bya/bya ba brtsams te ma byas pa lhag ma gzhan gyis so/ /dge slong ma yon bdag gis gtsug lag khang phyed tsam brtsigs nas ma zin par bor ba la dge slong gis zin par brtsigs kyang nyes med/ de ste dge 'dun gyi phyir na phyed langs pa las bslab pa sbyin/ dge 'dun gyi phyir yon bdag gis gtsug lag khang phyed tsam zhig brtsigs pa las dge slong gis grogs byas te zin par brtsigs kyang nyes med do/ /de sbyin pa'i dus ni de ste dgun na phyi dro'o/ /ltag ma ltar yon bdag gis gtsug lag khang brtsigs pa dge slong gis btang ba ni dgun grang na phyi dro gtang /dpyid tsha na snga dro'o/ / dpyid tsha na snga dro gtang ngo / /zas kyi bya ba'i dus ma lus par ro/ /gtsug lag khang slong ba'i dge slong bsod snyoms pa yin pa zhig dus las sngar bsod snyoms la 'gro/ /gtsug lag khang zhig na dus pas sngar bza'/ sta gon ma byas par bsod snyoms la mi 'jug /gtsug lag khang brtsigs pa'i dge slong bsod snyoms la 'jug pa'i tshe/ rdul dang 'ji ba med par byas te 'gro/ /rkang pa dang lag pa bkrus pa ni de'i mtha'o/ /ltag ma ltar bkru ba lus kun bkru ma nus na rkang lag bzhi bkru/ nang bar zas sar pas bskul/ gtsug lag khang brtsigs pa'i dge slong gis yon bdag la dge slong gsar bus las byed pa rnams bkres kyis nang par g.yar sus sbyin no zhes bsgo / /phyi dro rkang lag gi bsku ba dang skom kyang ngo / /yon bdag la las byed pa'i dge slong rnams la rkang lag la mar la sogs pas bsku ba'i rigs so zhes bya/khang bu dag gi sgo bya/ gtsug lag khang brtsigs na khang bur sgo bya/ sgo leb sbyin/ sgo la sgo leb sbyin lag gzungs yang mig dang pags pa'i dum bu'o/ /sgo leb la nang nas drang pa dang phyir gcad pa'i lag gzungs dang yang mig dang sgo dbye ba krig krig mi ze bar ko pas dkri/skar khung gdod/ khang bu la skar khur gdod de / dbus su'o/ /skar khung rtsig pa'i dbus su gdod/ /phyi rub cing nang yangs pa rgya mtsho mching rnams lta bur ro/ /skar khung gi thabs 'di 'dra bar byas na snang yel che/ shar bu sbyin/ skar khung la shar bu sbyin/ sgo leb dang zung dang rgyab gtan dang sked gtan dang ra rkang gi dbyung pa bcang / sgo la sgo leb dang sgo mi gyes pa'i lcags kyi zung dang sgo la rgyab gtan la sogs pa ming gis smos pa 'di rnams sbyin/ btsem pa'i gsor kyang ngo / /skar khung char bu can du byas la nang du mi shor bar bya ba'i phyir srad bu'i dra ba bre/khang bu'i mdun du khyams bya/ khang bu brtsigs pa ni mdun du khyams su bya/ pha gu bdun nam brgyad gding ba sbyin/ sgo skyes mtho ste khang bu dang khyams dma' ba mnyam par bya ba'i phyir gzhi pha gu gding / de'i steng shing leb ka gtan du gding / gtsug lag khang gi ka ba'i gzhi thog thag tu gzhi shing bzang po gcig bzhag la de'i steng du ka ba gzugs/de'i ka ba phreng du'o/ /ltag ma'i ka ba'i phreng du gzugs/de dag la ka zhu'o / /ka ba de rnams la ku zhu sbyin/ de dag la gdung bre/ ka ba dang ka zhu btsugs pa la gdung bre/ de dag la phyam mo//de'i 'og tu phyam bre / de dag la spang leb bo/ /phyam gyi steng spang leb gzhib / de ltar pha gu gding / spang leb kyi steng du pha gu gding / de dag la so phag gi phye ma'o/ /pha gu'i steng du so phag bkrum pa bdal/ mi ltung ba'i phyir be ti ka bya/ mi ltung bar bya ba'i phyir sgo dang khyams kyi mdun du mda' yab bya/de mi g.yo ba'i phyir de la 'brel ba bya/ ltag ma'i mda' yab mi g.yo bar shing gis sprel/ lcags kyi gzer bus de dag la sprel / de'i mdor mi 'khrul par lcags gzer gyis gdab/ 'dzeg pa'i phyir thang ma skas bya/ rim kang steng ma la 'dzeg pa'i phyir thang ma skas bya 'og ma ni rdo las 'og ma'i skas ni rdo las bya/bar ma ni kham pa las/ bar ma'i skas ni kham pa las bya/ steng ma shing las rigs gsum gyi dang po'i skas ni shing las bya/ skas la 'dzeg /ltag ma lta bu'i skas med na shing la thag pas bres pa'i skas la 'dzeg /shing dang smyig ma dang thag pa'i yang ngo / /lhag ma'i skas kyi rgyu ni ming gis smos pa 'di rnams la bya/ rdzab tu mi 'gyur ba'i phyir ma thangs kyi gzhi dang sgo khang du pha gu gding / sgo khang dang khyams la sogs pa rdzab tu mi 'gyur ba'i phyir gzhi so phag gis gding / de'i steng du so phag gi phye mas gding /ltag ma'i so phag gi srubs su so phag bkrum pa'i phyes bdal/ de la mdo yang ngo / /steng ma'i so phag gi steng du rdo thal gyis skyong nul thogs/ med na rkang pa'i skyabs kyi phyir shing leb kyang ngo / /ltag ma ltar 'dam rdzab kyi sar so phag gis ma bting na ga las gar 'gro ba'i sar shing leb gding /bar bar du pha gu yang ngo / /shing leb gding du med na so phag gis gom pa re rer gzhag /mchod rten kyang de bzhin no/ /mchod rten bskor ba na 'dam rdzab yod na ltag ma'i rim pa ltar gang 'byor pa gding ngo / /der 'dom tsam byas na byas pa'o/ / mchod rten gyi drung du shing dang so phag gzhag pa 'dom gang tsam nas mi nye bar gzhag /seng ge'i stan gru bzhi po bya/ bcu bzhi dang bco lnga'i tshe chos 'chad pa'i khri 'og tu seng ge 'dug tu rung bar steng gru bzhi por bya/ rkang pa seng ge gdong du bya/ ltag ma'i khri 'dug pa'i gzhi rkang pa seng ge bzhi'i gzugs bya'o//spro ba'i tshe gzung ba'i phyir gzhi char bu yang lcags kyi yang mig gdags/ seng ge'i khri yan man spo ba'i phyir grwa bzhir lcags kyi yang mig btags te bskur du rung bar bya/ gshur bu gdags/ khri'i steng gi gzhi snam bu sor bzhi tsam gyis dra bar bre/ bar tshangs can gding /de'i steng du shing bal can gyi stan gding / steng du gnam yol/ khri steng na chos 'chad pa la steng du gnam yol bya/ sbyar ba yang ngo / /grwa bzhir 'phan gdags/ thang ma skas byas te mi bskyod na thag bu las so/ /seng ge'i khri mi bskyod par gnas gcig na gzhan so phag las thang ma skas bya/spos shing las so/ /yan man spong dgos na shing skam 'dom gang tsam pa bya/ mi 'grub skas kyang ngo / /skas thang ma skas ma 'byor na shing la bres pa'i skas bya/ rkang pa'i khre'u yang ngo / /seng ge'i khri la 'dug pa'i tshe rkang pa gzhag pa'i khri'u gcig gzhag /mchod seng ge'i khri la 'dug pa'i mdun du me tog dang /pog spos dgram/ lo ma'i phung po steng du gding / ltag ma ltar me tog la sogs pa mchod pa med na shing lo sngon po dgram/ rtswa thum kyang ngo / /rkang pa gzhag pa'i khri'u med na khri'u skyin pa rtswa thum gzhag /rkang pa 'phyang ba'i phyir ro/ / ltag ma ltar rtswa thum ma bzhag na rkang pa 'phyang ste nang du 'gyur ro/ /der rdos kyang 'grub bo/ rtswa thum med na so phog gam rdos kyang ngo / /bya rog dang bye'u dang phug ron dag zan za ba la mi 'tshe ba'i phyir dra ba sbyin/ khyams na dge 'dun pa shos gsol ba la ming gis smos pa'i bya rnams mi 'ong bar bya ba'i phyir dra bas bre/de rnam pa bzhi ste/ dra ba'i gzhi rnam bzhi ste 'og nas 'chad/ mo la dzo dang bal ba za dang sha na shing bal gyis zhes so/ /ming gis smos pa 'di rnams las dra ba'i rgyu bya/ gru bzhir yang mig gdags/ khyams kyi grwa dra ba gdags pa'i yang mig bya/de la bcing / dra ba yang mig la gdags/ shing gi ni rgas shing 'drul bas de'i phyir lcags kyi'o/ /dra ba gdags pa'i mig shing las byas na snyi ba'i phyir lcags las bya/ de'i phyogs gcig tu bu gu bya/ dra ba'i phyogs gcig tu sgo gdod/ zos nas 'jug pa'i phyir ro//dge 'dun bshos gsol nas zan brul la phug ron la sogs pa thar gzhug pa'i phyir sgo dbye/ gdug tshod kyi tshe de dgag /bshos gsol ba'i tshe bya mi 'ong ba'i phyir dra ba'i sgo gcad / khyams su char pa mi 'bab par leb leb pos dgab ka ba'i bar du bya'o/ /khyams su dge 'dun bshos gsol ba'i tshe rdzi char mi 'ong bar bya ba'i phyir phyam dang ka ba'i bar nas spang leb kyis g.yogs /snang ba'i phyir phyogs su btang / ltag ma ltar g.yogs pa mun pa gnag na mdo mdor bu ga gdod/ de med na ki ta ka'am re ldes so/ /spang leb kyis g.yog tu med na dpar ram re ldes g.yogs /dbyar gyi zla ba bzhi'i tha mar dbyung / dbyar zla ba bzhi 'das nas dpar dang re lde slar dpog /bkad sa zlum po bya/ dge 'dun gyi bkad sa zlum por bya/ gnas grang ba'i phyi logs rtsig pa sbyin/bkad sa grang ba'i phyir rgyab thog thag tu rtsig pas bskor ka ba phreng du'o/ /mdun thog thag tu ka ba phreng bar gzugs skar khung gdod/dge slong gnyis gsum tsam 'dug pa'i mdo mdor skar khung gdod/ stan gyi yang thog dang de'i 'og tu mu mnyam par bya/ ltag mar skar khung gdod pa ha cang mi mtho bar stan gor tshad tsam nas yan chad du gzugs/ dra ba can dang sgo leb gzhug /skar khung de la sgo leb dang dra bas bre/ bza' ba'i dang me'i dang 'du ba'i dang 'chag pa'i gnas bya/ ming gis smos pa 'di rnams kyi gnas khang bya/ glo phyogs zhar bar g.yogs pa bya/ dge slong gtsug lag khang ma zin gyi bar du rtsig pa la bcar la steng rtsas g.yogs pa'i khyim byas la der gnas/sa phug kyang brtags pa'o/ /phug na gnas kyang nyes med/ ba gam kyang ngo / /rtsig pa'i glo la ba gam 'dra bar byas te steng g.yogs pa'i khung bur gnas kyang nyes med/ khyams bzhin du deng pe ri ka'ang chud do/ /rtsig pa'i bu gur shing bcug la shing gi steng du shing leb kyis bres te shing leb kyi mdo dang ka ba gnyis su mi ltung ba'i phyir lcags kyi gzer bus gdab /ra bas bskor ba rab tu byung ba'i kun dga' yang ngo / /gtsug lag khang gi khor yug tu ra ba brtsigs na'ang nyes med/ rtsig pa la stor khung gdod pa yang ngo / /ra ba la chu 'gro zhing mi 'khyil ba'i phyir mdo mdor stor khung gdod do//sab mo dang 'obs kyis kyang ngo / /ra bas gtsug lag khang bskor ba bzhin du sab mo dang 'obs kyis bskor kyang rung ngo / /gang zag la gtsug lag khang 'khor dang bcas pa'o/ /ltag tu gtsug lag khang brtsig pa'i rnams lta bur yon bdag gcig gis thams cad brtsigs te dge slong gcig la yon du phul ba'ang len du dbang ngo //thams cad sngon po la sogs pa'i mtshan ma mngon sum pa'i phyir mal khang gi rtsig pa sngon po la sogs pa sna bzhir bya/ dge slong bsam gtan byed pa la la ser po la dmigs la la dkar po la dmigs la la dmar po la dmigs la la sngon po la dmigs pas bdag gis nyal khang ngos bzhir tshon sna bzhis bskus la dge slong mtshan ma gang la dmigs pa de la bsam gtan byed cing bsgom/rab tu byung ba'i kun dga' bris pa'am brtags pa'o/ /ra ba dang khyams la sogs pa'ang ri mo 'drir gnang ba'o//sgor gnod sbyin bris te lag na rdo rje la sogs pa thogs pa'o/ /dge slong so so'i khyim bu'i sgo g.yas g.yon du gnod sbyin gyi gzugs bris la lag na rdo rje'am mtshon cha thogs pa bris/ sgo khang du 'khor ba'i 'khor lo rgyud lnga bya/ gtsug lag khang sgo'i khang du lam rgyud lngar 'khor ba'i 'khor lo bris/ltag tu lha dang mi'o/ /lam rgyud lnga la steng du lha dang mi bri/ 'og tu ngan song gsum bri/ gling bzhi yang ngo / /ltag tu mi'i khams bri bar gling bzhi'ang der bri/ rdzas shing skye ba'i sems can 'khor lo chu chun bzhin du 'khor zhing skye ba yang ngo //'khor lo rgyud lnga bris pa'i 'khor yug tu rgyu rkyen bcu gnyis skye zhing 'khor ba'i rgyud bri / 'dod chags dang zhe sdang dang gti mug dbus su phug ron dang sbrul dang phag lta bur ro/ /'khor lo dbus su 'di gsum gyi gzugs bris te phug ron ni 'dod chags/sbrul ni zhe sdang phag ni gti mug go /glen pas snga ma dag mid pa lta bur ro/ /ltag ma ltar bris pa la phag gis phug ron dang sbrul gnyis med pa ltar byas kha gzhag /rkyen du 'tshogs te byung ba'i yan lag kho ra khor yug tu'o/ /ma rig pa nas rga shi'i bar du 'khor ba'i rgyud yi ger bris/de dag thams cad mi rtag pas mid pa lta bu'o/ /gnod sbyin lta bu'i gzugs shig bris la de khams gsum dang lam rgyud drug thams cad mid pa lta bur bya/ ya rol du sangs rgyas mya ngan las 'das pa'i dkyil 'khor dkar po mngon par ston par ro//'khor lo'i ltag tu sangs rgyas kyi gzugs shig bris la de'i g.yas phyogs su dkyil 'khor la ston pa dang 'dra ba bris te su 'khor ba las 'da' bar 'dod na 'phags pa'i lam brgyad sbyangs na mya ngan las 'da' ba'i lam 'dir 'gro'o zhes bstan pa 'dra bar bri / tshigs su bcad pa tshol cig ces pa dang gnyis 'og tu'o//sangs rgyas bzhugs pa'i drung na mar so sor thar pa'i smad dra la/ rtsa khyim pa la glang gis sa/ / zhes bya ba'i logs gnyis bris te gzhag der 'chad pa gzhag /de rnams 'chad pa'i dge slong gcig bskos te rtag par gzhag /de'i 'khor du rdzu 'phrul chen po dang bdud btul ba dag go /'khor lo'i 'khor du sangs rgyas du shi ta nas babs nas rdzu 'phrul chen po byung ste bdud btul ba bri'o/ /khyams su skye ba'i rgyud do/ /khyams kyi ngos la mdzangs blun gyi rgyud zhib tu bri/ dri gtsang khang gi sgo khar gnod sbyin phreng ba thogs pa'o//dri gtsang khang gi sgo g.yas g.yon du gnod sbyin lag na me tog gi phreng ba thogs te mchod pa 'dra bar bri/ 'du ba gnas brtan phreng du'o/ /dge 'dun bshos gsol ba'i bkad sar gnas brtan kauN+Di n+ya dang shA ri'i bu la sogs pa phreng bar bris te gzhag /mdzod kyi sgor lag na dbyu gu thogs pa'i gnod sbyin no//mdzod kyi sgo g.yas g.yon du gnod sbyin gyi lag na rin po che sngon po 'bar ba 'dra ba thogs pa bri/ mchod rten gyi bkad sar lag na zas thogs pa'o/ /rtag par mchod ston bya ba'i sgo g.yas g.yon du lag na kha zas sna tshogs thogs shing 'drim pa 'dra ba bri/khrus khang du myu gu dang bum pa dang / me bud pa'i grul bum bri/ khrus khang gi sgo g.yas g.yon du rin po che'i myu gu thogs pa dang chu bum pa dang chu bsros pa 'dra ba byas la grul bum me 'bud pa 'dra ba bya/ me khang du 'byin pa la sogs pa byed pa dang me 'bud pa'i grul bum gyi bu dang sbyin bdag me mar thogs pa dang lha'i pho nya yang ngo //bsro gang gi g.yas g.yon du gtsub ma las me 'byin pa dang 'dra bar ming gis smos pa 'di rnams 'dra ba bri ba dang lha'i pho nya zhes bya ba ni mi gcig btson du bzung la gshin rje'i mdun du zhal ce gcod pa 'dra ba bri/ rgyan sna tshogs kyis brgyan bum pa lag na thogs pa'i klu dang klu'i bu mo chu 'drim pa drung tshang ngu'o//drung tshang gi sgo g.yas g.yon du chu 'drim pa dang chu skyed pa lta bu bri/ nad pa la brtags pa'i khang pa yang dag par gshegs pa nad g.yog mdzad par ro/ /sman khang gi sgor nad pa khri la nyal ba 'dra bar bris la sangs rgyas kyis nad g.yog byed pa 'dra bar bri/bshang gci'i khang bur dur khrod dang mi thod do/ /bshang gci'i khung bu'i nang gi ngos la dur khrod na mi phal mo che shing zhig keng rus khrod par bris la bshang gci'i tshe'ang de bltas na mi gtsang bar bsgom/ bla gab med pa ma yin pa'i gtsug lag khang du me du ba can mi bya ba mi gtsang ba yang ngo //gtsug lag khang steng g.yogs par me mi bud bus na nyes byas/ steng ma g.yogs par bus pa ni nyes med/ gtar btang ba la thams cad do/ /me 'bud pa'i gzhi ngo mtshar lta bur bzang po zhig yin nas ma rung bar 'gyur ba'i phyir bla gab med kyang me 'bud du mi gnang ngo //de'i phyir zhugs thab bca'/ ltag ma ltar sa bzang po la grang ba'i rkyen gyis me 'bud du mi rung na lcags kyi zhugs ling gi steng du me bud/ bsdu ba'i phyir lcags kyi la yu ba can bya'o/ /me bsdu ba'i phyir lcags kyi thal phyags yu ba can bcang / nus pa'am shing gis kyang de'i don du 'grub bo/ /lcags kyi thal phyags med na shing leb dang rus pas me bsdur rung ngo / /gtsug lag khang skyong gis gtsug lag khang nyin re bzhin phyags / gtsug lag khang skyong gis nyin re bzhin gtsug lag khang phyags pa dang chag chag dang dkyil 'khor bya/mi nus spyad pa'i tshe'i phyogs su'o/ /gtsug lag khang skyong gis ltag ma ltar thams cad byi dor byed mi nus na chos 'chad pa dang 'du ba dang bshos gsol ba'i sa nyi tshe bya/ lhag ma ni brgyad dam bcu bzhi dang bco lnga'i tshe dge 'dun thams cad gaN+DI brdungs pa la chos kyi gtam mam bsrings pa mi smra bas so//gtsug lag khang skyong gis ltag ma ltar nyi tshe byas te thams cad byed ma nus na bcu bzhi dang bco lnga'i tshe dge 'dun thams cad 'dus nas phyag dang chag chag dang dkyil 'khor bya/ de ltar bya ba'i tshe gtam 'khyal pa dang 'jig rten gyi gtam sna tshogs mi bya bar don la dmigs shing las bya/chos 'phel ba'i tshe chag chag dang shin tu 'jam po'i ba lang gi lci ba'i skyong nul bya yon bdag gtsug lag khang du mchod ston byed pa'am mang po 'dus shing chos 'chad pa'am/ dpyid zla 'bring po'i tshes bdun la sangs rgyas yum gyi lhums nas bltams te mngon par byang chub pa dang dus 'di rnams kyi tshe gtsug lag khang byi dor bya/mjug tu bkru'am/ ltag ma ltar las byas nas lus la rdul chags pa bkru/ rkang lag bkru/ lus bkru ma nus na rkang lag bkrus pas chog /lus chus brlan te phyi lus dang gdong la chus btab ste thal mo'am ras mas phyi snum 'thob par bya/ltag ma ltar chag chag dang las byed pa'i tshe dge 'dun thams cad bshos bzang por bya/ dkon mchog gi phyir phyung zhing phyags pa dang / dri gtsang khang dang gzugs dang mchod rten gyi srog gi grib ma la zhal nas gsungs pa'i tshigs su bcad pa bklags te rgal / dkon mchog gsum gyi phyir chag chag dang maN+Dal la sogs pa byed pa'i tshe ming gis smos pa 'di rnams grib ma la 'gong ste mi 'gror mi rung na zhal nas gsungs pa'i tshigs bcad klags te 'gro//mal stan yang de dag gi nyin mo brtags shing gnas pas bcos/ ltag ma'i mchod ston bya ba dang sangs rgyas bltams pa'i nyi ma la mal stan bskam pa dang sprug pa dang ral zhing chad pa la sogs pa bcos/gdab cing byug pa dang shin tu 'jam pa'i ba lang gi lci ba'i skyong nul gnas pa'i dngos por bya/ bcu bzhi dang bco lnga'i tshe dge slong gang zag gis gnas khang yang ming gis smos pa 'di rnams dang phyag dar dang chag chag bya/mal stan brtul par sprug /dge slong gang zag gi mal stan la rdul chags na sprug / de ste shin tu na bkru/ ltag ma ltar sprugs te yang rdul ma song zhing dri ma yod na bkru/ chag chag btab pa'i steng du phyags te de dag gding / sa phyags te chag chag byas te stan bting la der nyal bar bya/gzhi ma sprugs pa rdul can la ma yin/ re lde lta bu la rdul yod pa na re lde'i steng na rdul yod na rdul ma sprugs par stan mi gding / gding ba la sogs gcig sprug par bsko/ /bdag gi mal stan la rdul yod na ras yug gcig gis rdul sprug / ngan pas so/ /ltag ma ltar rdul sprug pa ni ras ngan pa las bya/ de bcos/ ras ngan pa der ral na btsem/ mi nus na bshad de shing bu la bcings te sprug /btsems te yang spyad du ma btub na shad shad por dras te shing la bcings te sprug /de lta bur yang mi rung na lci ba dang 'jib bsres te ka ba'am rtsig pa gas par byugs /ltag ma ltar byas te rnyings te spyad du mi rung na yon bdag dad pas byin pa yon bdag bskyed pa'i phyir 'jib dang bsres te gtsug lag khang rdol bar glan/ byin pa'i bsod nams ring du spel ba'i phyir ro/ /ltag ma ltar 'jib dang bsres te skyong nul bya ba ser sna'i phyir bya ba ma yin gyi yon bdag gi yon ring du spel ba'i phyir bya/sgo khang du'am khyams su mal bca' bar mi bya/ sgo gang du dge slong langs pa'i phyir nyal ba'am/ mal stan der mi gzhag sgra ngan pa zer ba'i rkyen du brgyad dang bcu bzhi la khyams su'o/ /dge slong gis mal stan kun btsongs te zos so zhes 'phya ba'i phyir bcu bzhi dang bco lnga'i nyin par khyams su phyung ste bskam pa dang sprug pa dang thabs kyis khyim pa la bstan/dge slong khri dang khri'u bcang / dge 'dun dang gang zag gis khri dang khri'u bcangs kyang nyes med/ tar tar ba ma rung bar mi bya ba'i phyir rkang pa'i 'og tu zlum por gcad par bya ba'am/phub ma'i thug bu'i steng du gzhag gam dar dkri/ gtsug lag khang gi sa gzhi bzang po la 'gog pa'i mi sdug par 'gyur ba'i phyir khri'u dang rkang bzhi la sogs pa rtsibs mi rno ba dang phub ma'i steng du gzhag gam zhabs ra das dkris las mi snad par bya/dge 'dun ma yin pas khri'u rkang pa bris pa bdag gir bya zhing mi spyad/ dge slong gsum gsum man chad gang zag la yon bdag gis khri dang khri'u rkang pa mda' tshon gyis bris pa yon du phul na len du mi gnang ngo / /dge 'dun ni dbang ngo / /dge 'dun khri bzang po dang rgyab rten dang bcas pa'ang ma yin khri mthon po dang khri rgyab rten rang 'khrugs su 'dug pa bzang po gang zag la yon bdag gis byin na len du mi dbang ngo //'chang sha me mar gyi shing yang ma yin gang zag gis khri dang me mar gyi shing dang lcags ka mang po mi bcang / yal ka du ma po zhes gzhan las so/ /gang zag gis me mar gyi snod yang 'chang du mi gnang ba ni ma yin gyi kha cig pa bcang du dbang ngo /chongs shig par/ bar tshangs can dang sngags khab gru bzhi/ dge 'dun nam gang zag gi mal stan gyi gzhi dang stan gong bu'i bar shing bal gyis btsangs pa bcangs kyang nyes med/ bzhi dang gnyis pa rim gnyis su byas te bsten/ltag ma'i stan gru bzhi zheng du khru dor byas la srid gnyis su blta ba gru bzhir 'gyur gyis de ltar bya/ shing bal gyis dgang / stan gru bzhi'i nang shing bal gang yang rung bas dgang / mal stan ma brtags par nyal ba ma yin/ nub mo nyal kar mal bya ba'i gzhi sems can yod dam med brtags pa dang phyi rol che chung lta bur zar ba las phyir log na stan gyi steng ci yod brtags la nyal/dran pa nye bar ma bzhag par yang ma yin nub mo nyal ba'i tshe seng ge nyal stabs bzhin du byas la sang yang sngar ldang ngo snyam du bsams te nyal/ gzhan dang lhan cig tu khri'am bting ba gcig gam gzhan la yang ma yin no//dge slong nang khri dang stan la sogs pa'i steng du mthang sbyar te mi nyal brtags pa ni med la khrel can na gding ba so sor bting na bar du gtur bu dang / lhung bzed kyi snod bzhag la dran pa nye bar gzhag ste'o/ / dge slong yan man du yul rgyu ba la gos kyis brel bar gyur na lhan cig tu nyal du rung ste/gcig la gcig mi reg cing khrel ba'i tshul du byas la gding ba so sor bting ste lus gnyis mi phrad par bya ba'i phyir bar du gtur bu'am lhung bzed kyi snod lta bus 'chad de gnyid ring du mi log pa dang mi reg pa'i tshul du sems dran pa nye bar gzhag ste nyal/gsum yan chad 'du zhing khri la 'dzeg par spyad pa ma yin/ khri la dge slong gsum las mang du lhan cig mi 'dug 'chag pa'i phyir ro/ /khri'u ring po la gnyis las ma yin/ khri'u phra mo ring po la mi gnyis las mang du mi 'dug /tha mal pa la du ma ma yin/ khri'u chung ngu gru bzhi la mi gcig las lhag par mi 'dug par lo gsum pa dang de dang lhan cig tu stan la ma yin/ dge slong nang lo ma lon pa dang lo gsum lon pa man chad ni stan gcig la 'dug tu rung ngo / /bar du lo gsum gyis chod na gnas brtan man chad gang yang stan gcig la 'dug tu rung ngo //lo bzhi lon na lhan cig tu 'dug tu mi rung ngo / /grong bar du mkhan po dang yang stan med na dran pa bzhag ste spyad/ dge slong rgan gzhon 'dres par grong du song ba la yon bdag stan la gcig las ma bting na mkhan po man chad gang yang rung ste stan la 'dug tu rung ngo / /khang bu'ang khyim pa dang ma yin//gtsug lag khang yang rung grong yang rung khyim pa dang stan gcig tu mi 'dug /rab tu ma rdzogs pa dang ma yin no/ /dge slong dang stan gcig tu mi 'dug /ma ning dang za ma dang ma bsad pa la sogs pa dang mur 'dug dang mur 'dug tu 'jug pa dang / rkun gnas dang so sor gnas pa dang /mi gnas pa dang ma yin/ ming gis smos pa 'di rnams dang stan gcig la mi 'dug /slob pa mi byin pa dang ma yin/ tshe gcig gi bar du slob pa byin pa na'ang stan gcig la mi 'dug dri'u rngog thams cad dang rab tu rdzogs pa dang dge 'dun 'dus pa las gzhan du na stan no//dge 'dun mang du 'dus pa'i tshe dri'u rngog lta bu stan / 'dra ba mang zhig bting na de'i tshe ni gnas brtan lo brgya man chad de ring khrims rdzogs yan chad stan gcig la 'dug kyang nyes med dge slong dang ni mi dbang / stegs bu ni ma yin no/ /sa stegs sam shing leb bam rdo'i steng na ni khyim pa dang lhan cig tu rung ngo //dog cing glo bur byung na lhung ba med/ bcu bzhi'am bco lnga'i tshe'am stan med de gcig gi steng du gcig 'dug pa tsam du dog na de'i tshe dge sbyong dang lhan cig tu 'dug tu'ang rung / mal stan sbed na gnyis las gcig las khri'am khri'u 'o//mal stan zhig gnas gcig nas gnag tu khri dang bcas te spos na khri yang ste mi bskur bar gcig gis gos bsdus la gcig gis khri'u bskur ro/ /gzhan gyis bar tshangs can la sogs pa'o/ /'di dge 'dun gyi na snying mi bar mi drang mi brtse bar mi drang mi bshal / ltag ma 'dra bar dge 'dun gyi mal stan bskya na sgo la mi shong du mi gnang bar drag shul mi bya bar bag yod par dal gyis ma ral bar bya zhing bskya/ji ltar de du ba dang dri ma dang rdul gyis reg par 'gyur ba de ltar ma yin/ dge 'dun gyi mal stan du ba dang dri ma dang rdul la sogs pas ma reg par nan bya/ 'di mi gtsang ba'i khang bu dang nye bar spyad par mi bya/ dge 'dun mel stan bshang gcis lta bur mi bskur mi spyad der mi gzhag /ma rung bar byas te dor bar mi bya/ dge 'dun gyi mal stan zhig ste med kyang rung dor ro snyam mi bsam/ bsrad skam sprug rdol bar lhan par sbyin/ dge 'dun gyi mal stan ming gis smos pa 'di rnams ltar nan tan byed cing rim gro bya ba/gse na shur bus so/ /mal stan gas na slar btsem ste thad ka thad kar sra bar snam bus gzungs bya/ dbus zad mtha' dbus su bya/ stan spyad spyad de dbus rdol na skyed du 'chad de dbus gnyis tha mar btang la tha ma gnyis dbus su btang na sra par 'gyur/rigs na btso / /gos dri ma khyer ram kha dog yal na slar bkrus te btso / /slar btsos par mi nus na me mar gyi snying por bskos te/ dkon mchog gi sbyor ba'am gang zag gi sbyin pa dag la yang ngo / /dge 'dun la dad pa'i yon bdag gis mal stan sbyin pa spyad spyad de rnyings nas spyad du mi rung bar gyur na ste/dkon mchog gsum gyi spyan sngar me mar du bud gang zag chos klag pa'i mer mar du byas kyang nyes med/ der yang mi mkho na 'ji ba dang rtsig pa'am ka ba'am sgo'am dkon mchog gi la bskus te 'di de lta bu'i nan tan gyis so/ /ltag ma ltar me mar gyi rgyur kyang mi rung na ba lang gi lci ba dang bsres te rtsig pa dang /sgo la sogs pa ral zhig bu ga yod par glan/ dgos nas bcangs pas so/ /ltag ma ltar dge 'dun gyis mal stan btso zhing bcos pa la sogs pa dang tha ma rtsig pa la glan pa'i bar du bya ba ni mal stan su spyod spyod pa'i gang zag gis bya/ltag ma dge 'dun gaN+DI brdungs la 'dus te'o/ /ltag ma ltar ma dgos shing spyi la 'dug pa las rul tam ma rul bar gyur na dge 'dun thams cad 'dus te ba lang gi lci ba dang sbyar la ltag ma ltar bya/ dge 'dun gyis brkus pa mthong ste mi zlogs par mi bya/ dge 'dun gyi nor rdzas ci'ang rung ste rkun pos khyer ram phyugs zhig zhing las bza' bar gyur na dge slong gis mthong bas skod cig /bsngags na dge 'dun gyi la g.yel bar mi bya/ dge 'dun gyi nor rdzas la rkun po zhig 'ongs te nor rkun bdag dang dge 'dun gyi 'dra mi stor bar nan tan bya/ gnas su ma phyin par khyer bas spyad par bya/ltag ma ltar dge 'dun gyi mal stan dang rdzas rkun pos khyer ba las bdag gis ma btang ste/ bdag gis gtsug lag khang gzhan du khyer ba'i tshe lam na spyad pa las nyes med do/ /bdag gi gnas su bskur bar mi 'grub kyi bar du gnas gzhan du spyad par spyod cig /ltag ma ltar mal stan la sogs pa gtsug lag khang gzhan du khyer ba bdag gcig gtsug lag khang rkun pos ma zhi ba'i bar du mal stan de la spyad kyang nyes med/ gnas gzhan gyi zas dang yo byad dang rnyed pa gnas gzhan du spyad par mi bya/ bdag gtsug lag khang gcig gi rkyen la gtogs pa de nas zas dang /gos dang mal stan blangs la gnas gzhan du khyer te mi spyad do/ /de la de ltar mi sbyin/ ltag ma ltar gtsug lag khang gzhan du khyer ba las dge 'dun gyis mi rku/ khyer na 'bul du gzhug /ltag ma ltar dge 'dun gyis bsgo ste'ang ma btub ste khyer na ji tsam khyer ba skyin pa dgug /med na sbyin pas so/ /ltag ma ltar slar 'bul du gzhug pa kho na la nor yod med dbul du mi bdog na mthong ngam nas dge 'dun thog ma sus zas byin pa la'ang 'bul du gzhug /kha na ma tho ba med ba na bdag gi gtsug lag khang gi dge 'dun gyi skal pa mi dgos pa rtswa'am shing spyad kyang ngo //dge slong gcig gam gnyis sam gang yang rung bas bdag 'tsho ba thams cad dge 'dun dang lhan cig dbang ba las dge 'dun la mi dgos pa'i rtswa dang shing tsam gang gis spyad pa ni nyes med do/ / gzhan thug thub ci'ang byar mi rung ngo / /ji ltar rgyud du ma bskos bar 'khor zhing spyod pa ji ltar rgan rims kyis ma yin no/ /dge 'dun spyi'i zangs dang rdza ma dang sta re dang ste'u la sogs pa yo byad ci'ang rung ste/ dge slong gcig spyod cing 'dug pa la nga rgan gyis tshur 'ong gcig ces mi bya/ lhan cig tu bslang na ni de ltar ro/ /dge 'dun la sman brdungs pa'am zangs la tshon btso ba la gnyis ka tshon btso ba yin na'ang las lhan cig bya/ gnyis ka sman gyi las byed na'ang thabs shig bdun las so sor byed na rgan rims su'o/ /des brtsams pa la 'bral bar mi bya/ zangs sam gtun lta bu dge slong gcig spyod par rtsom zhing 'dug pa la khyod kyi rdzas 'or la spyad pa la 'on cig ces mi bya/rkang pa chus brlan te 'khru ba der ro/ /chol zangs su rkang pa 'khru ba'i tshe gnas brtan zhig na re chol zangs 'on cig ces zer na rkang pa chus ma gsher na sbyin/ gsher na rkang pa bkrus te sbyin/khang bur ni zhugs na der ro/ /phyi rol gyi khang bu dang dge slong gzhon nu sngar 'gro bar brtsams pa la rgad po phyis 'ongs te nga 'gro stod ces mi bya/ chog bu pa ni 'dug pa las mi bslang / khang bu'i nang na dge slong bsam gtan byed cing 'dug pa la khyod langs te phyir song zhes mi bya/'dir ci ltar rgan rims su ma yin/ bsam gtan byed pa'i gnas su rgan gzhon gang yang rung gang snga snga bab bab tu 'dug kyang nyes med do / /zas dang las brtsam pa la dge slong gis ma yin/ dge slong gzhon nu stan mthon po la 'dug ste zas bza' bar brtsams pa las dge slong rgan po phyis brtsams te khyod langs nga 'dug ces mi bya/gral ma yin par mi 'dug /gral thabs las gong du'ang mi 'dug 'og tu'ang mi 'dug par bdag bdag gi gral du 'dug go /bya ba byas la 'dod pa yod na 'khor zhing spyad pa bcang bar mi bya/ dge slong gis zangs la sogs pa'i snod gcig dge 'dun spyi'i la bdag gis gos lta bu bcos zin na rtag par mi gzhag gis su dgos pa la sbyin no//skabs kyi mtshan gyi don du de'i stan bting ba la byas pa ma byas pa'o/ /dge slong gis gos shig lan cig tshon du bcug ste/ bskam du bcug la phyis yang tshon du gzhug dgos na phyi ma ma zin gyi bar du shing gzhong lta bu'i gzhi gzhan gyis mi bskur /de'i tshe gos sam rked chings kyis de bsngo bar bya/ ltag ma ltar lhan cig tshon du bcug nas bdag don cig la skad cig gud du 'gro na gzhan gyis mi khyer ba'i ska rags sam gos shig gzhong kung du gzhag /dgos pa yon la thabs gzhan yod na dge 'dun gyi dpag cing mi spyad/ltag ma ltar gos la sogs pa 'tshed pa bdag la'ang zangs shig bdog na dge 'dun sbyi'i zangs gzhan mi spyod do/ /dal na bdag gi don bsras te dge 'dun gyi spyad kyang nyes med/ kha na ma tho ba med pa'i ni de lta bu'i tshul las don yod de phrogs na'o//dge slong zhig la bdag la'ang zangs shig bdog la dge 'dun gyi zangs dang gnyis ka spyad de las zin nas slar mi ster na dge slong gis phrogs te spyad kyang nyes med/ dge 'dun gyis gtun bu dang bcas te bcang / dge 'dun gyis sman btags pa'i gtun bu bcangs kyang nyes med/ skra 'breg pa'i lag cha yang ngo / /dge 'dun gyis skra dang sen mo 'breg pa'i spyad bcangs kyang nyes med/ khug mar bcug la rtsig par gzhag /ltag ma'i spu gri rnams khug ma lta bur bcug ste rtsig pa'i gseb lta bu mi stor bar gzhag /ste'u dang sta re dang gsor bu la sogs pa'i lag cha yang ngo //ming gis smos pa 'di rnams dge 'dun gyis bcangs kyang nyes med/ dge slong gis rnyed na kham pa'i las la sogs pa de dag sbyin/ dge 'dun la gang zag khang pa'i snod rnyed na gang rnyed pa gtan sbyin/ dge slong mas mching bu'i snod mi bcang / dge slong mas 'di bcang du mi gnang / thams cad kyis til gyi snod bcang / dge slong sde lngas til gyi snod bcangs kyang rung / srang brgyad nas bzhi'o/ /til gyi snod lcid srang brgyad man chad bzhi yan chad las bya/ lcags kyi snod kyang ngo / /lcags kyi snod spyad kyi nang du chu bsro ba dang tshod ma btso ba la sogs pa byar rung /de'i lcags sgyed kyang ngo / /dge slong dang dge slong mas lcags sgyed bcangs kyang nyes med/ kham pa'i rgya thabs kyang ngo / /ltag ma ltar chu bsro ba dang kha zas btso ba'i gang zag gis rgya thab kyang rung / /gnang ba thob na khar ba'o/ /dge slong ber ka khyer du mi gnang ngo / / dra ba'ang kha dog gcig pa'o/ /lhung bzed kyi snod kyi dra ba kha dog gcig pa las bya/ de dag sbyin/ ber ka dang dra ba dang dge 'dun gyis dad pa sbyin/ rgas pa dang na ba la'o/ /ltag ma ltar sbyin pa ni rgan pa dang nad pa las sbyin no / /'grub na 'di dag tshig gcig gis sbyin/ ltag ma ltar dge 'dun gyi dad pa sbyin pa na gsol ba dang zhu ba gcig gis sbyin no//dge slong gnyis so sor sbyin na gsol ba dang zhu ba gcig gis byar rung ngo / /'khar ba sgra can bcangs te sbrul la sogs pa bskrad pa'i phyir ro/ /dge slong mtshan mo phyi nang du 'jug pa la sbrul la sogs pas rkang pa la zin par dogs pa'i phyir smyug ma'am lcags lta bu sgra can gyis gsil zhing 'gro/khar pa'i rtsa ba gas na phor ka gdab/ ber ka'i zhabs gas na lcags kyi phor ka gdab/ ya rol du na gce 'us dkri'i/ khar pa'i mgo ma gas kyang rung lcags sam zangs kyis dkri/ gdugs bcang ste re lde mkhan gyi la'am lo ma'i la'o //re lde'am lo ma gdugs byas te bcangs kyang nyes med/ lus kyi tshad du yu ba'o/ /gdugs kyi yu ba lus kyi tshad du byas kyang rung gdugs nyid kyi zheng tshad du bya/'di dang grong gi dbus su mi 'gro/ gdugs gyon bzhin du grong dbus su mi 'gro/ lam gyi dbang gis ni grol phab ste'o//grong gi bar du lam byung ste mi 'gror mi rung na mgo la mi g.yogs par phab ste 'gro/ /bsod snyoms spyod pa'i tshe char pa bab na'o/ /bsod snyoms byed pa'i tshe char pa bab na gdugs thogs te song yang nyes med/ yu ba la chags pa ni ma brtags pa ma yin pa'o//ber ka dang gdugs kyi yu ba la zas chags na ma brtags kyis bkrus shig chad na khyim du gzhag /bsod snyoms byed pa'i tshe char pa chad na gdugs khyim pa la bcol te 'gro/ /ldog na bskur / bsod snyoms bslangs te phyir log na blangs te 'go ja mkhan dang stu 'tshong ma dang chang 'tshong pa dang rgyal po'i rigs dang /phyag dar ba'i khyim du mi spyad/ ming gis smos pa 'di rnams kyi khyim du mi bslang / mi gtsang ba'i khang bu dang nye bar mi gnas/ bshang gci'i sar bshang gci mi bro bar mi 'jug /rin po cher gyur pa'i gos dang dgon par mi gnas/ dgon pa la dge slong gnas na gos za 'ug dang btsos bcos dang dar la sogs pa bzang po mi bgo /rkun pos gsod du 'ong ngo / /na me ru'i phye mas la ba la btab na srog chags mi skye'o/ /na me ru'i phye ma zhes bya ba'i shing tog btags pa'i phyes gos la btab na srin mi za/ shing kun kyang ngo / /shing kun gos la btab na srin mi za ni ma pa dang ba sha ka'i lo ma yang ngo //ming gis smos pa 'di rnams kyi phye ma gos la btab na'ang srin mi za/ de'i ngos su de rab tu bab na'o/ /ltag la ni ma pa la sogs pa'i phye mas gos kyi rim par btab ste gzhag na srin mi za/ de'i phyir bskam pa yang ngo / /srin mi za ba'i phyir skabs su bskam zhing sprug /phyogs dang lam dang res dang nyi ma dang skar ma dgon pa pas mkhas par bya/ ming gis smos pa 'di rnams dge slong dgon pa pas shes par bya'o/ /ci'i phyir zhe na/ rkun po tshar bcad de drir 'ongs na bstan dgos pa'i phyir ro/ /rtag chu dang me bsag /dge slong dgon pa pas 'gron po dang rkun po'i phyir me dang chu rtag par gzhag /phye dang ras ma dang sbrang rtsi dang mar ci nus kyis bcang / ming gis smos pa 'di rnams dge slong dgon pa pas rkun po gtser 'ong ba'i phyir sta gon byas te gzhag pa ni mi gtse ba'i phyir ro/ /zas kyi lhag ma 'byung na yang ngo / /zas kyi lhag ma yod na ni ltag ma ltar gzhan med na der zad/dge slong ma dgon par mi gnas/ dge slong ma 'jigs pa'i phyir dgon par mi gnas/ dbyar mo thang gi grong dbus su bya/ dge slong ma'i gtsug lag khang dgon pa'am dbyen par mi bya bar grong dbus su bya/ de dag sgo chen por mi 'dug / dge slong ma'i gtsug lag khang sgo che chung gnyis 'dug na sgo chung ngu nas yar byung mar byung mi bya/ snang bar ma yin/ dge slong mas skar khung nas mi blta/ lam gyi bzhi mdor ma yin/ lam gyi mngon sum du dge slong mas 'greng zhing mi 'dug /ma gyon pa can du ma yin/ dge slong ma bdag gi khyim na gos thams cad phud de gcer bur mi 'dug /der rngul gzan yang gyon / yul tsha na khang pa'i nang na smad g.yogs dang nu gab gcig gyon du gnang ngo / /khyim pa'i drung du phrag pa ma g.yogs par ma yin/ khyim pa dang dge bsnyen gyi drung du dge slong mas phrag pa phyung ste mi spyad/skyil mo krung gi gnas su de dag gi skyil mo krung phyed do/ /dge slong ma bsam gtan byed na skyil mo krung phyed du bya/ 'dzag byed kyi sgor srin bu mi zhugs par gos la sogs pa sbyin/ dge slong ma bsam gtan byed na mo mtshan du ras mas g.yogs la rkang pa gcig gi rting pas glan rkang pa gcig brkyangs te bya/dge slong gis dge slong ma gtsug lag khang du mi 'jug par mi bzlogs / dge slong ma zhig dge slong la kha zer zhing 'ongs na dge slong ma zhig gtsug lag khang du gnang ngo / /mi smra ba dang mi bshad pa dang gso sbyong dang 'byung ba gzhag pas de dag 'dul /ltag ma ltar dge slong ma ma dul zhing kha zer gtsug lag khang du 'ongs pa la ming gis smos pa 'di rnams 'dra bar tshar gcad par bya/ ma gnang bar de dag gis dge slong gi gtsug lag khang du mi 'jug /dge slong ma zhig dge 'dun gyi gtsug lag khang du 'ongs na sgo brdab pa'am gtsug lag khang du mchis na nongs sam ma nongs zhes ma dris par gtsug lag khang du mi 'jug /de ste kho na bzhig na'o zhes gnang bar bya/ ltag ma ltar gtsug lag khang du 'jug pa la dge slong khyod dge slong ma 'khon med dam zhes dris te 'khon med ces zer na nang du 'ong du gnang ngo / /dri bas ma 'khon par chad par shes nas so//dge slong 'khon med par shes na dri mi dgos par gtang ngo / /rgyab gtan dang gtan bu dang thung nga dang lde mig can dang gzer gtan gyis gtsug lag khang bsdam par bsgo / dge slong pho mo'i gtsug lag khang gi sgo chen po'i ming gis smos pa 'di rnams kyi gtan pas bsdam/ phye ma red gtsug lag khang skyong gis brtags te sgo gcad /nyi ma nub na sgo bcad la gra grar rkun po yod par dogs pa'i sa kun btsal / 'jigs pa dang bcas na mel tshe pas mel tshe bya/ gtsug lag khang na dge slong 'jigs par gyur na mel tshe bya/ der gyur nas nyal zhing ting nge 'dzin dang bcas pa mi bya/ltag ma ltar mel tshe bskos pa'i dge slong mel tshe byed pa'i bsam gtan dang nyal du mi dbang / cho ga 'di dag byas nas gtsug lag khang skyong la dge 'dun gyi gnas brtan gyis dri/ gtsug lag khang gi gnas brtan gyis gtsug lag khang skyong la lhag ma'i las rnams ltar byas sam ma byas dri/gtsug lag khang nas 'on te ma bcings par stor na gtsug lag khang skyong gis du nyes pa de snyed kyi cha sbyin/ gtsug lag khang phyi sgo gtsug lag khang skyong gis gtan pa rnam lngas bsdams pa las nang nas nor zhig stor na gtsug lag khang skyong la skyin pa mi 'bab /gtan pa gsum bcug na skyin pa lnga gnyis bab ste/ de bzhin du rim bzhin du bya'o/ /lcags kyu dang tha ram bcang / gang zag gi gnas khang la tha ram dang lcags kyu ni rdzas mi stor ba'i phyir bcang / sgo bcing ba yod pa'am bcings kyi bar du mi 'gro//gtsug lag khang skyong gis sgo lcags dang gtan pa ma bcug par 'phyan du mi 'gro/ gnas stong par zhugs na 'dir chag chag la sogs pa bya/ dge slong zhig gud nas 'ongs te gtsug lag khang bur 'dug na khang bu phyag dar dang chag chag byas pa gnas so//snod dag so so'i gnas so/ /khang bu de na dge 'dun gyi spyad sngon yod na ma snad par gzhag /de byug par rigs na yang ngo / /lhag ma dge 'dun gyi spyad rnams bkru ba dang dus dus su bskam par bya/ de ste rtog pa byed pa yod na rtswa sngon po la bye'u gzhug /dge sbyong ngam khyim pa yod na gtsug lag khang mchod rten gyi 'khor na rtswa sngon po yod pa thog tu gzhug /de ste 'di khyim gyi 'ongs na 'di la chos kyi gtam dang gzhan phod pa'i chos bya/ dge slong gung nas gtsug lag khang du phyin te khyim pa 'phrad du dga' ste gan du 'ongs na chos bshad pa dang kha zas ci bdog pas mgu bar bya/shing bskyed pa ma brtags pa ma brtags pa ma yin no/ /gtsug lag khang gi 'khor du dge slong gis skyed shing skyed du gnang ngo / /'di bskyed nas mi bsrung bar mi bya/ ltag ma ltar shing bskyed nas yal bar mi dor bar bsrung /ma bsrungs na nyes byas / nam me tog gi bar du shing la'o/ /me tog gi shing zhig yin nam me tog chags pa'i bar du bsrung / gzhan na 'bras bu'i bar du'o/ /shing de 'bras bu skye ba yin na 'bras bu chags kyi bar du bsrung /ring na lo lngar ro/ /ltag ma'i shing gnyis grib ma la bskyed de 'bras bu dang / me tog ma byung na lo lnga tshun chad du bsrung / bdag bzhin pa ni dge slong gzhan la bcol na'o/ /bdag gud du 'gro bar 'gyur na grogs dge slong zhig na re ngas bsrung ngo zhes zer na bcol te song yang nyes med/rkang pa bkru ba dang so shing bza' ba dang lhung bzed bkru ba dang / khrus dag gi glud / skyed shing de dag la so shing bza' ba dang rkang pa bkru ba dang lhung bzed bkru ba skye shing gi rtsa ba'i drung du bkrus na shing skye ba la phan no/ /de la snying pos khyim grang ba dgag pa'i phyir bya/skye shing de grang par gyur na kho ra khor yug tu rtsig pas brtsigs te dro bar bya/ 'di srung ba'i phyir skar khung gdod/ ltag ma ltar rtsig pas bskor ba mdo mdor bu gu gdod / g.yogs ma sbyin shing de grang ba'i dus na steng nas sab mos g.yogs /dpyid bsil ba'i phyir bshu/ ltag ma ltar g.yogs pa dpyid dro ba'i tshe slar bshu/ sngon gyi dbyar mi rul ba'i phyir ba yang ngo / /rtag tu skyed shing la rtsig pas bskor ba'i dus la slar gzhi / chu khung gdod/ ltag ma'i khang bu ma bshig pa'i tshe chu 'dzag pa'i chu khur gdod/rtsa ba'i rgyud la g.yel bar mi bya/ skyed shing gi rtsa ba dang gsher dang la phug la sogs pa'i mi gu la mi g.yel bar bsrung / 'khor so sor bgos te bcos/ shing skyed shing mang du bskyed de dge slong gcig gi lag gis mi khyab na dge slong ma mang nyung la bskos te bskyed du gzhug /la la so shing za ba dang la la kha 'khru ba dang la la rkang pa de la sogs pa ste rgyun du ma yin/ ltag ma ltar shing bskyed na bdag gi dge ba btang la shing 'ba' zhig bskyed pa ma yin gyi shing drung la lar so shing bza' zhing rkang lag bkru ba'i chu blugs /la las lhung bzed bkru ba'i chu blugs / me tog dang 'bras bu bsrung ba'i phyir dge slong la bsgo/ ltag ma ltar skyed shing bskyed de dpyid me tog skyes pa dang ston 'bras bu chags par gyur na dge 'dun gyis dge slong gcig srung mar bsko /zas kyi dus kyi phyir gzhan gyis so/ /ltag ma ltar bsrungs pa'i dge slong zan za ba'i tshe dge 'dun gyis dge slong gzhan cig bskos te brje/ thog ma nyid du zos te der 'gro/ rjed ma'i dge 'dun phal pas kyang sngar zan bza'/ srung ma'i dge slong ni dge slong phal dang thabs shig tu bza'/klog tu 'jug pa g.yogs mang du byed pa dang mi phod pa la snying rje bar bya/ mkhan po la slob ma mang du bdog na mkhan po la gang bsti stang che ba'i dge slong dang myur du mi ldog cing shes rab chung ba la mkhan pos snying nas bslab bo//dge slong ma de'i 'dul ba 'dzin pa dang de cha nod pa la klog las snying rje bya/ dge slong ma dge slong pha bas shes rab chung bas so sor thar pa la sogs pa kha don dang mang du slob mi nus/ gyi na mi gtong bar snying rje'i phyir yun ring du bslab bo/ /spring yig bri/d+harma dang spring yig brir gnang / dran par mi nus na gzung ba'i phyir 'dul ba yang ngo / /chos 'chad pa nyan pa las khong du mi chud na rjed byang la bris te bslabs kyang nyes med/ 'bri mi 'bri'o/ /sangs rgyas kyi chos gang yang gang zag gis 'drir ni mi gnang gi kha thon du slob shig /dge 'dun gyis ni 'drir gnang ngo / /de bzhin du 'dis so sor thar pa yang ngo / /so sor thar pa yang gang zag gis yi ge la mi bri bar kha don du mi bslab bo/ /de dang 'dra ba yang ngo / /phi bang ka la sogs pa gzhan kyang mi bri bar kha thon bya/gang zag dag kyang ngo / /gang zag gi gos kyi mtha' dang rgya la ming rus mi bri / mtshan mar byed pa ni nyes med do/ /gos kyi mtha' ma la snag tsa'i tig ti dang mtshan ma btab pa nyes med/ dge 'dun gyi mal stan la mi bri/ dge 'dun gyi mal stan la dge 'dun gyi mal stan no zhes yi ger mi bri/che ge mo zhig gi gtsug lag khang steng bsod nams su'o zhes so/ /yon bdag sus brtsigs pa'i gtsug lag khang la g.yam po la sogs pa mal stan yon du phul na de'i mtha' mar gtsug lag khang 'di'i yon bdag ming 'di zhes bya bas phul ba'o zhes bya ba /gos la yang ngo / /dge 'dun gyi na bza' la'ang ltag ma skad du ming bri/ gzhan yang 'di lta bu'i tshul la'o/ /gtsug lag khang du grong dang zhing dang gnas rta la sogs pa yon du phul ba dpang rgya bris te bzhag /sangs rgyas kyi tshig srid pa'i le'u dang rims dang der gyur cig par mi klog /sangs rgyas kyi chos klog pa'i tshe mur 'dug gi chos klog pa 'dra ba skad ring du ngar ngar mi bya/ sangs rgyas kyi tshig la brtson par gzhan la ston nus na phyi rol gyi gtsug lag blang / bdag sangs rgyas kyi chos mkhas par shes la pha rol po la'ang the tshom med par slob nus na mur 'dug gi sun dbyung ba'i phyir gtar ga dang /byA ka ra Na bslabs kyang nyes med do/ /ji tsam na slob pa 'og na 'chad/ de'i dus na nyi ma'i gsum pa'i cha ste mi bde ba na'o/ /gtar ga dang byA ka ra na la sogs pa slob pa'i dus ni nyin gcig la gsum du bgos pa'i nyi ma'i gung la bslab bo//nub mo yang ngo / /nub mo bde na mtshan rangs sangs rgyas chos bya/ na zhing mi bde ba mtshan mo'i gu gtar ka la sogs pa slob/ phan pa'i sngags na gzung ngo / /ltag ma ltar nyin gcig mtshan gcig la dus lngar bgos te dus gsum ni mdo sde klog pa dang bsam gtan bya/dus gnyis la sngags klog /bsko ba yang ngo / /mi gcig cig na na snying rje zhing phan par bya ba'i phyir sngags gdab pa gnod pa ma yin no/ /sngags gdab pa ni gzhan la'ang mi gnod nad pa la phan na sngags bya/'di la dkon mchog gsum la phyag bya ba'i gnas su brjod/ sngags bya ba'i tshe dkon mchog gsum la phyag 'tshal la bdag gi lhar gzung / de'i mtshan nas phyung ste phyag bya/ lha gzhan la phyag mi bya/ dkon mchog gsum ma gtogs par mur 'dug gi lha la phyag mi bya/mi mchod de bkur sti mi bya ba ma yin no/ /mur 'dug gi lha la me tog la sogs pas kyang mi mchod/ de la ngan du'ang mi brjod/ zhal nas gsungs pa'i tshigs su bcad pa klog pa na mngon sum du 'dug la se gol gyi sgras chad par bya ba dang /de'i gnas su phyin na snying rje bya/ mur 'dug gi lha'i drung du phyin na snying rje zhing phan par bya ba'i phyir zhal nas gsungs pa'i tshigs su bcad pa bklag /bzo la nan tan mi bya ste bslab bam de'i snod gzhag pa mang ste/ ming gis smos pa 'di rnams mi bslab mi bcang pha rol po'ang mi bslab/ma gtogs pa ni btang spyad kyi snod dang khab ral dang ras phyis so/ /ming gis smos pa 'di rnams bcangs kyang nyes med do / /dge bas gsol ba dang mtha' gcig cing bsod nams kyi sems kyis bya ste rngan pa'i ma yin no/ /nad pa la gtar ga'am sman dpyad kyis gson snying rje'i phyir phan par bya ba'i kha zas dang dang gla'i phyir mi gso/bkru sman byin te gzhan du mi 'gro/ sman rgod nad pa la blud de / ldud pa ldud pa gud du mi 'gro/ /de lta bu'i rkyen gcig gis 'gro na shin tu'ang 'khru zhing gnod pa la sogs pa'i cho ga bstan te'o//ltag ma ltar sman blud na sman blud pa'i dge slong gud du mi 'gror mi rung na sman gyi cho ga ci ltar bya ba zhib tu bstan te gud du 'gro/ 'dreg mkhan gyi bya ba byas te mtshan mtshungs pa dang tshangs pa mtshungs par spyod pa dang rab tu dben pa'i phyogs su'o/ /skra 'dreg na dge slong dang dge sbyong yang na breg dge slong ma dang dge sbyong ma'ang breg go /ltag ma ltar breg pa ni dben pa'i phyogs su breg go /khri'i yan lag chag na bcos/ khri'i rkang pa chag na dge slong shing mkhan shes na lkog dben par bcos/ dkon mchog gi phyir phreng ba sbrel/dkon mchog gsum la mchod pa'i phyir me tog phreng ba lkog dben par brgyus kyang nyes med ri mo yang dkon mchog mchod pa'i tshe sems can 'dra ba ma yin pa bri/ maN+Dal lta bu dkon mchog la mchod pa'i phyir bri na sems can gyi gzugs mi bri/ bris na nyes byas/ de bzhin pa ni de'i phyir 'dri ba'o/ /ltag ma ltar sems can gyi gzugs bris pa lta mi smos kyi sems can gyi gzugs bri bar bsams te ri mo zhig shur zhes bris pa la'ang nyes byas tshangs pa mtshungs par spyod pa shi na lus la mchod pa bya/ dge slong zhig shi na grogs kyis bkrus la tsan dan dang gur kum la sogs pas mchod pa bya/dge slong ma'ang de bzhin no/ /'on te ma na srog chags med na bsreg /ltag ma ltar shi ba'i ro la rma la sogs pa'i ro la srin bu med na ro bsreg /gdon mi za bar brtag pas so/ / ltag ma ltar bsreg pa yang dag par srin bu med par rtogs na gdod bsreg /brkos te'am chu bor bskur/ ltag ma ltar srin bu yod dam rlung dang char pa'i rkyen gyis bsreg ma nus na sa'i 'og gam gtsang por dor/ mi rigs na sab sub tu bzhag /sa 'og tu gzhug gam chur bskyur ma nus na lung khung du dor/ mgo byang phyogs su ste glo g.yas pas bsnyal/ro dor ba'i tshe thabs 'di ltar gzhag /rtsa ba'i thum po sngas su gzhug /sngas su rtswa thum gzhug /rtswa'am lo mas g.yogs / steng nas rtswa'am lo mas g.yogs / chos mnyan pa dang sbyin pa'i tshigs su bcad pa bya/ ro bskyal nas mi rtag pa'i chos dang zhal nas gsungs pa'i tshig bzhi'i le'u gcig bklag /reg pa'i gos dang bcas te bkru/ ro 'dzin 'dzin pa'i gos dang lus thams cad bkru/ gzhan lag pa dang rkang pa bkru/ ro la ma reg pa rnams rkang lag bzhi dang gdong bkru/ mchod rten la phyag byas te 'jug /ro bskyal te slar log nas mchod rten la phyag 'tshal te bdag gi gnas khang du 'jug /mchod rten rnam gnyis te 'khor dang bcas pa dang dka' thub lta bu'o/ /mchod rten rnam gnyis la gcig ni ci ste srog shing 'phang lo med pa'o/ /gcig ni ci ste ngos bzhir khang bu bzhi byas te sangs rgyas kyi gzugs gzhug par bya/ rigs pa ni 'dir rab tu 'byung ba'o//dge slong dge sbyong shi ba'i rus bu mchod rten gyi nang du gzhug tu rigs so/ /de ste dge na'o/ /ltag ma ltar mchod rten du gzhug pa tshul khrims dang yon tan dang ldan pa la bya'o/ /sangs rgyas kyi thams cad lta bur ro/ /sangs rgyas kyi mchod rten ni sgar sgur dang 'bar 'bur med par bya/ bang rim bzhi dang rta babs dang sgo nga dang spyi spubs dang srog shing dang gdugs bcu gsum dang char pa dred pa de ni 'dra ba'o//sangs rgyas kyi mchod rten thams cad 'di ltar brtsigs te sa las bang rim bzhi brtsig /de'i steng du rta babs bya/ de'i steng du bum pa bya de'i steng du shing gru bzhi pa bya/ de'i steng du srog shing gzugs/ srog shing la 'phang lo bcu gsum gdags/de'i steng du gdugs gdags/ rang sangs rgyas kyi ni char dred pa ma gtogs so/ /rang sangs rgyas kyi mchod rten kyang gzhan ni snga ma 'dra ba gdugs 'ba' zhig mi thob bo/ /nyan thos kyi ni 'bras bu'i snyed pa du ste gcig par ro/ /nyan thos kyi dge slong rgyun du zhugs pa zhig shi na'ang bang rim ni ltag ma dang 'dra ba 'phang lo ni gnyis bya/lan cig phyir 'ong ba'i ni 'phang lo gsum bya/ phyir mi 'ong ba'i ni bzhi bya/ dgra bcom pa'i ni lnga bya/ yang dag par gshegs pa'i drung du de'i yul na de ste 'das pa'i de'i phyogs su gang du de'i des g.yog byas pa ltar gnas gyur to/ / yang dag par gshegs pa'i mchod rten gyi drung du nyan thos kyi mchod rten brtsig na mdun du maud gal dang shA ri'i bu'i brtsig /a nan rgyab tu brtsig /kA sh+ya drung du brtsig glo g.yas g.yon su dgra bcom phal gyi mchod rten brtsig /'dir ji ltar rgan rim su mi bya bar ma yin/ ltag ma ltar mchod rten brtsig pa sangs rgyas kyi 'og tu dgra bcom pa gang rgan pa'i rim pa bzhin bya/ma rabs kyi ni byi byi bor ro/ /dge slong rnam lnga'i mchod rten ni srog shing 'phang lo med par zlum por bya/ dge 'dun gyi kun dga'i phyi rol du bya/ ltag ma ltar dge slong gi mchod rten phyi rol du bya/ bsrings pa'i mchod rten la mchod pa'i rigs dge slong gis sangs rgyas kyi mchod rten zhig brtsigs na nya dus su rtag tu mchod cing byi dor dang skabs skabs su mchod ston bya/nyan thos pa'i mchod rten la phul ba'i shas tshangs pa mtshungs par spyod pa la'o/ /nyan thos kyi mchod rten la mchod pa'i yon bdag dad pas nor zhig yon du phul na 'khor nye ba'i dge slong gis bgos kyang nyes med/mu tig gsungs par bya/ nyan thos kyi dge slong gi mchod rten la mu tig yon du phul na zhib tu btags la rdo thal dang bsres te bsku / sil snyan dang dung ni sangs rgyas la dbul/ nyan thos kyi mchod rten la ming gis smos pa 'di yon du phul la sangs rgyas kyi mchod rten la phul te rtag tu mchod/zhig ral ba bcos pa'i phyir 'di gzhag par bya/ nyan thos kyi mchod rten la nor rdzas yon du phul ba las dge slong gcig gi shas mchod rten bcos pa'i phyir gzhag /mchod par bcos pa yang ngo //gdugs dang 'phan zhig yon du phul na mi bgo bar chos pa'i phyir spyi la gzhag /sangs rgyas kyi mchod rten lcags las byas pa'ang chos so/ /mchod rten 'di ltar byas kyang nyes med/ gser dang / dngul dang / baiDUr+ya dang / shel gyi gdang bu dang sen mo'i mchod rten na yang ngo //ming gis smos pa 'di rnams kyi rgyu las mchod rten byas kyang nyes med/ dbu dang sen mo bzhugs pa'i mchod rten byas kyang nyes med/ 'di'i 'khor bya/ sangs rgyas kyi sku gzugs dang mchod rten bya na 'khor dang bcas par bya ste 'og nas 'chad/ gnas bden gyi gnas na gnas pa la sogs pa dang mya ngan las 'das pa'i mthar phyin par zhes so//ltag ma ltar 'khor bri ba ni sangs rgyas gnas bden nas babs nas mtha' mya ngan las 'das kyi bar du 'khor dang zhabs 'bring dang 'jam dpal dang byams pa la sogs pa sku gzugs kyi g.yas g.yon dang dri gtsang khang gi ngos la ri mor zhib tu bri/skyang nul sbyin mchod rten dang gtsug lag khang la skyang nul bya/ dkar por ro/ /skyang nul ni dkar por bya/ me mar 'dzin par bya/ mchod rten gyi mdun du me mar mi shi ba'i skyabs kha yed gcig byas te me mar der bsreg /shing thags kyis bskor ba yang ngo / /mchod rten kho ra khor yug tu shing thags kyis bskor/sgo skyes bsgreng / gtsug lag khang gi sgor rdo rings bsgreng / rgyal mtshan sbyin/ mchod rten la rgyal mtshan gzugs te rgyal mtshan 'og ma rnams so/ /'di rnams bzhi ste seng ge'i rgyal mtshan dang chu srin gyi rgyal mtshan dang klu'i rgyal mtshan dang glang po'i rgyal mtshan zhes so//rgyal mtshan la rnam bzhi ste/ mchod rten gyi gra bzhir shing bzhi bsgreng la gcig gi steng du seng ge gzhag /gcig gi steng du chu srin gzhag /gcig gi steng du klu gzhag /gcig gi steng du ba lang gzhag /dri gtsang phreng ba bya/ mchod rten gyi ngos khor yug tu khang bu byas la khang bu'i nang du sku gzugs bzhag /sgo skyes bsgreng / khung bu de rnams la phreng ba bya/ phyir bya/ mchod rten dang gtsug lag khang byas nas phyi ras bskor/ shing thags kyis 'di bskor/ rtsig pa ma 'byor na shing thags kyis bskor/ ka ba btsag gis byug /gtsug lag khang gi ka ba btsag gis byug rtsig pa rgya skyegs kyis bri/gtsug lag khang rtsig pa'i ngos rgya skyegs kyis bri/ spos kyis dbang bskur ba sbyin/ gtsug lag khang dang mchod rten la spos sna tshogs pa bsregs pa gtor/ yungs mar dang yungs dang tsan dan dang gur kum gyi chag chag kyang ngo / /tse ti la yungs mar gyis byugs la de'i steng du yungs gis ser por bsku/ming gis smos pa 'di rnams kyis bsku zhing chag chag bya/ tsher mi gzugs/ mchod rten la tsher ma'am thur ma dang gzer mi gdab/ ba glang gi so phreng ba gdags pa'i phyir sbyin/ tse ti la me tog gi phreng ba gdags pa'i phur bu bya/ bslang ba'i tshe na steng dbug par ma yin/ltag ma ltar phur pa gzugs pa ni mchod rten bslang ba'i tshe phur bu gdab pa'i bu gu gdod/ steng du me mar mi sbyin/ tse ti bum pa'i steng du me mar mi gzhag par ngos kyi khang bur gzhag /khyim pas mchod pa'i phyir gzeg /khyim pas gdugs dang me tog gis mchod du 'ongs te brgyan kyang nyes med/med na dge sbyong las rkang pa spos chus bkrus te'o/ /khyim pa med dge slong gis ming gis smos pa 'di rnams ltar bya/ de ste'ang 'di med na spos kyis dril ba'am gos kyis dkris te ston pa'i 'du shes mngon par byas te don mngon par dran par bsams te'o/ /ltag ma ltar dge sbyong gis rkang pa bkrur chu med na spos kyis rkang pa dril ba'am rkang pa gos kyis dkris te bdag gi mkhan po yin no bar 'du shes gzhag ste/steng nas slar babs kyi bar du bla ma la mchod pa'o snyam du bsam pa rgyun du gzhag /de dag kyang na dge slong gis de ltar de bzhin du'o/ / ltag ma ltar khyim pa dang dge sbyong gis ltag ma ltar bya/ de'i phyir thag bu bre/ mchod rten la 'dzeg pa'i tshe 'phang lo'i drung du thag pas gdags te 'dzeg pa'i lag pas 'jus te 'dzegs pa dang gdugs gsol ba'i tshe'ang thag pa brgyangs te gdags/ rin po che'i phreng ba sbyin/mchod rten la rin po sna bdun gsol na rigs so/ /snying po g.yogs pa ma rung bar 'gyur ba dgag pa'i phyir g.yogs / mchod rten la khung bu sgo bzhir btod la steng g.yogs par byas kyang nyes med/ mun pa mi gnag pa'i phyir sgo gtod/ mchod rten gyi khang bu mun pa mi gnag par bya ba'i phyir ngos bzhir sgo bya/sangs rgyas kyi gzugs bya/ sku gzugs dang mchod rten rin po che sna bdun nam gdugs la bris pa'am skud ris kyis bris pa gang yang rung / 'di mchod pa gzhag /mchod rten la lo dus su rtag par mchod par bya ste 'og ma rnams/ skyes pa dang /cod pan dang gtsug tor dang byang chub pa'i gtsug tor dang byang chub pa'i mchod ston bdag gis ming gis smos pa 'di rnams kyi dus gsum rtag par mchod rten dang sku gzugs mchod par bya/ grong khyer 'jug par 'dir bya ba yong ngo / /khang bu rtseg ma'i gan du mchod rten gzhag la yul bskor bar bya/dge slong gis bskur ba brtags pa'o/ /ltag ma ltar yul bskor ba dge slong bzhis me khang yang nyes med/ 'di'i tshe gsar bus so/ /ltag ma ltar bskur ba dge slong gzhon nus bskur ro/ /sde lngas 'khor sbyin/ yul bskor ba'i tshe dge slong sde lngas mchod cing 'khor bya'o//yon rgan rims kyis blang ngo / /ltag ma ltar yul bskor ba'i tshe mchod rten la yon phul na mi khyams par bya ba'i phyir dge slong rgan pos blang / gsil dkrol ba dang gzhan yang dge ba'i bkur sti chen pos so/ /khung bu rtseg mas yul bskor ba'i tshe dang gling dang sil dkrol ba sna tshang bar dkrol zhing mchod/kha na ma tho ba med pa ni dkrol ba'i phyir kyai skyes bu ston pa la mchod pa gyis shig ces brjod pa'o/ /khang bu rtseg ma dang yul bskor ba'i tshe dud pa la sogs pa la rnga rdung zhing mchod cig ces bsgo'ang 'di'i tshe ni nyes par mi 'gyur ro/ /grong dang tshong dus dang bzhi'i dang mngon sum dag tu sang ngam gnangs sangs rgyas gshegs pa 'byung ngo zhes 'gro ba la bris pa la ba lang gi steng du bzhon te rgyal mtshan dang gdugs kyis bskor ba bslabs so//yul bskor ba'i zhag gnyis gsum gyi mdun du grong mi thams cad la grong bar phyag dar dang chag chag dang mchod pa gyis shig ces dge slong ngam khyim pas ba lang la bzhon pa thams cad du rgyas par bsgo/byang chub sems dpa'i gzugs bya ba chos so/ /byang chub sems dpa' gzugs rin po che sna bdun la sogs pa las byas kyang nyes med/ 'di la rgyal mtshan gyi 'khor dang shing thags kyis bskor ba dang lcags kyi ka ba yang ngo /byang chub sems dpa'i gzugs la ming gis smos pa 'di rnams bya/ de la ba dan bcing / ltag ma lta bu'i lcags kyi ka ba kho ra yug tu bskor ba la ba dan gdags/ 'khor bya/ byang chub kyi gzugs kyis yul bskor ba yang ltag ma sangs rgyas kyi gzugs bskor ba ltar bya/lhab lhub kyis brgyan te ma gtogs pa ni zhabs kyi rgyan dang snyan cha'o/ /byang chub kyi gzugs la za 'og la sogs pa'i na bza' dang rgyan sna tshogs kyis brgyan te bskor/ zhabs la gdu bu gdags pa dang snyan cha dang gnyis kyis ni mi brgyan/ spos kyi yan lag sbyin pa sbyin/byang chub kyi gzugs la tsan dan dang gur kum dang spos zhim pos bsku/ khyogs dang shing rtas drang / byang chub kyi gzugs khyogs sam shing rta gang gis drangs kyang rung / gdugs dang rgyal mtshan dang ba dan der bsgreng / byang chub kyi yul bskor ba'i tshe bus pa gzhon nu'i lag na ming gis smos pa 'di bskur la bskor/me tog gis gong bu la gsol/ dbu la me tog gi phreng bas brgyan/ yon lhung ba yang ngo / /me tog dang pog spos lta bu gzugs kyi steng du gtor kyang nyes med/ gnas brtan gyis bsrung / shing rta la phreng ba'i sgrom bya/shing rta'i mdun du bre 'du bar gru bzhir byas la de'i nang du me tog sna tshogs gzhag la gtor/ bsung gi sgom yang gzhag /shing rta'i mdun gyi steng du bag phye zhim po'i bsung gis bkang la gzhag /phreng ba gsol/ khyim pas phreng ba 'bul na sku gzugs la gdags 'di'i mchod pa bzhin te sil dkrol zhi la 'gro ba 'dong nas brgyan gsil yul bskor pa zin nas rnga la sogs pa dang rgyan thams cad gcod/nub mo'o/ /ltag ma ltar rgyan dpog pa ni nub mo dpog /rab tu byung ba'i gnas su mchod pa bcas pa chos so//gtsug lag khang du khyim pa dge slong zhig gis zhing ngam grong zhig phul te dus dus su rtag par yul bskor ba gyis shig ces gzhag pa de bzhin mi chad par yul bskor ba'i rgyu dang yon zan du bya'o/ /ma brtags pa dang rten cing brtags pa spong na ma brtags pa'i bcu bsdus pa'o//byi na ya'i mgo nas 'di'i bar du thams cad kyang zhal nas gsungs pa ste rung ngam mi rung ba dang gnang mi gnang bar bshad pa'o/ /ltag tu bshad pa dang / 'og nas 'byung ba rigs pa ni bya/ mi rigs pa ni thams cad btang ste/'dir ma bris mod kyang nyal te gcin mi gci ba la sogs pa ma brtags pa yin pas mi bya'o/ /ma brtags pa spyad pas 'bras bu dge bar 'gyur na bya'o/ /dge slong zhig tshe rabs stong gi bar du mtho ris na 'dug 'dug pa las byig gshur zhugs pa las khang pa bzang po la sogs pa sbyar nas de'i nang du bsam gtan byas nas de'i dgra bcom par gyur pa lta bu ste mi dge ba spyad pa las dge bar 'gyur na bya'o//phyi ma dang snyen cing snga ma spong na brtags pa'o/ /sangs rgyas kyis gsungs pa nyes byas tsam gyi tshod kyang mi gnang zhes 'byung /yul gyi rnam pa sbyar te/ sems can gyi mig 'gag par 'gyur na nyes byas tsam btang la sems can gyi yid bzhin du bde bar byas kyang nyes pa med do/ /mal stan gyi dngos po ste/ phran tshegs su gtogs pa'o//rdzogs so// //