CLOSE WINDOW

D4105
བོད་ཡིག

@##/ /rgya gar skad du/ bi na ya saM gra ha/ bod skad du/ 'dul ba bsdus pa/ bam po dang po/ sangs rgyas dang byang chub sems dpa' dang 'phags pa nyan thos thams cad la phyag 'tshal lo/ /gang gis mchog tu 'dul ba med rgyu sems can 'dus pa smad pa yi/ /sems kyi thibs po'i nang du rnam par rgyu ba nub par gyur pa yi//mun pa de yi stobs kyis ma lus pa la khyab par 'jug pa dag /'dul ba nyi ma'i 'od zer lag pas rnam gsal de la phyag 'tshal lo/ /don gang gzhi dang phran tshogs gleng gzhi sil bu la yod rnam par 'byed las gang gsungs dang //gang dag lnga pa dang ni bcu drug pa dang nye ba 'khor gyis zhus las bshad pa dang / /gang dag bram ze'i bu mo dang ni 'dul byed de bzhin gang dag ma mo las bshad pa/ /rin chen yon tan 'od 'bar bzhin du yon tan 'bar ba de dag 'dir ni rim bzhin bzhag /so sor thar pa zhes bya ba ni nyon mongs pa yongs su ma nyams pa chung ngu'i yang chung ngu la sogs pa'i rnam pa las shin tu thar par byed pas so sor thar pa'o//thos pa zhes bya ba ni tshig dang don rna ba'i rnam par shes pa dang / de'i rjes las byung ba'i yid kyi rnam par shes pas yongs su bcad pa'o/ /rnyed par dka' zhes bya ba ni sangs rgyas brgya lam brgya lam na 'byung ba dang bde 'gro la sogs pa rnyed par dka' ba'i phyir ro//bskal pa bye ba rnams su zhes bya ba ni bskal ba chen po bye bar yang mi rnyed la brgya lam na lhag par yang mi rnyed pas mang du bstan pa'i phyir 'di gsungs so/ /gzung ba zhes bya ba ni tshig dang don shes rab kyis rtogs pa'o//'dzin pa'ang zhes bya ba ni dran pas de nyid kha ton bya ba la sogs pa'i tshul gyis yun ring du mi brjed par byed pa'o/ /bsgrub pa zhes bya ba ni de'i don lus dang ngag dang yid rnams kyi nan tan du byed pa'o/ /shin tu rnyed par dka' zhes bya ba ni nan tan can gyis kyang tshogs chen pos rnyed pa'i phyir ro//de'i phyir tshigs su bcad pa 'dis lung dang rtogs pa las so sor thar pa'i rnyed par dka' ba bstan te/ thos pa dang gzung ba dang 'dzin pa ni lung las so/ /sgrub pa ni rtogs pa las so/ /sangs rgyas rnams ni 'byung ba bde/ /zhes bya bya ba ni lhums su zhugs pa'i dus sam bltam pa'i dus na sangs rgyas 'byung ba'o//phyis 'byung ba'i tshul gyis byang chub sems dpa' la sangs rgyas zhes bya'o/ /yang na mngon par rdzogs par byang chub pa'i dus na sangs rgyas 'byung ba ste/ de'i tshe sangs rgyas zhes bya ba'i rgyu thams cad mkhyen pa nyid thob pa'i phyir ro//rnam par grol na dga' ba dang bde ba'i rgyur 'gyur ba'i phyir gtsor ni de bde ba ste/ mi bde'o zhes bya ba bzhin no/ /chos bstan pa zhes bya ba ni mdo la sogs pa gsung rab yan lag bcu gnyis bshad pa'o/ /dge 'dun zhes bya ba ni skyes bu chen po gang zag brgyad do//mthun pa zhes bya ba ni tshul khrims dang / lta ba dang / cho ga dang / 'tsho ba mtshungs pa ste/ bya ba gcig pa dang / tha mi dad pa zhes bya ba'i bar du'o/ /mthun pa rnams kyis zhes bya ba ni tshul khrims yongs su sbyong ba'i phyir ro/ /dka' thub ces bya ba ni bslab pa gsum bsgrub pa ste nyon mongs pa gdung bar byed pas dka' thub bo//de bas na tshigs su bcad pa 'dis dkon mchog gsum 'byung ba de ni bde ba'i rgyur bstan to/ /tshigs su bcad pa gsum pas ni dge ba'i bshes gnyen bsten pa dang / mi dge ba'i grogs po spong ba bde ba'i rgyur ston to//phyed gong ma dang phyed 'og ma dang go rims bzhin no/ /sdig pa rnams las ring du song bas 'phags pa zhes bya ba'o/ /dam pa dag ces bya ba ni 'phags pa de nyid de legs so zhes ston pa'o/ /byis pa rnams zhes bya ba ni 'phags pa ma yin pa ste sdig pa byed pa rnams so//tshigs su bcad pa bzhi pas ni dge ba'i bshes gnyen gyi rab tu dbye ba ston to/ /'phags pa ni rnam pa gnyis te brdar btags pa dang don dam pa'o/ /kun rdzob kyi yang rnam pa gnyis te/ zhi gnas kyi yan lag la gnas pa dang / lhag mthong gi yan lag la gnas pa'o/ / de la/ tshul khrims ldan pa mthong bas bad/ /zhes bya ba ni zhi gnas kyi yan lag la gnas pa ste/ kun 'byung ba spangs pas sdig pa rnams las ring du song ba'i phyir kun rdzob kyi 'phags pa'o/ /mang du thos pa mthong ba bde/ /zhes bya ba ni lhag mthong gi yan lag la gnas pa'o/ /phyed 'og mas ni zhi gnas dang lhag mthong gi mtha' la gnas pa don dam pa'i 'phags pa ste dge ba'i bshes gnyen du ston to//dgra bcom pa ni 'khor bar mi 'byung ba'i chos kyi mtshan nyid de yang srid pa las rnam par grol bar ston to/ /gzhan las rnam par grol ba ni phung po'i lhag ma med pa'o/ / zhes 'byung ba ni sdug bsngal gyi bden pa'i rang bzhin phung po dang bcas pas nyon mongs pa'i 'ching ba las rnam par grol lo zhes bya ba'i bar du'o/ /'jug dogs bde ba'i chu klung bde/ /zhes bya ba la rnam par grol ba ni/ chu klung ste de mtha' gnyis rnam par spangs pa'i lam gyis thob pa'i phyir/ 'jug ngogs bde zhes bya ba dpe nye bar bstan pa'i tshig 'di bstan te/ ji ltar chu klung bde ba'i rgyu yin pas bde ba de bzhin du sangs rgyas 'byung ba la sogs pa'o/ /de bas na 'dis gong du bshad pa'i dbang gis thob par bya ba ni bde ba'i rgyur bstan to/ /chos kyis rgyal ba'i skye bo bde/ / zhes bya ba ni bsgrub pa dang bden pa bde ba'i rgyur bshad de bsgrub pa'i chos 'dis mi mthun pa'i phyogs pham par byas pas chos kyis rgyal ba zhes bya'o/ /don 'di nyid phyed 'og ma la ston te/ shes rab kyi ral gris nga rgyal gyi rgyal mtshan bcad pa'i phyir ro/ /tshigs su bcad pa drug pa las ni sgrub pa dang ldan pa de nyid sbyangs pa'i yon tan phun sum tshogs pa dang ldan pas bde ba'i rgyur bstan to//nges par byas zhes bya ba ni bsam pa nges par 'dzin pa'i phyir sbyangs pa'i yon tan gyi thog ma'i dag pa ston to/ /mang du thos pa zhes bya ba 'dis ni 'bras bu dang bcas par ston te/ mang du thos pa ni de'i 'bras bu dang ldan pa yin gyi gzhan ni ma yin no/ /dbang po dul ba dag ces bya ba ni yongs su spyod pa gtsang ba ste/ dbang po sdom pa dang ldan pa'i phyir ro/ /zhi ba rnams su zhes bya ba ni gnas phun sum tshogs pa rnams so/ /dgon pa rnams su zhes bya ba ni gnas pa bde zhes bya ba de dang 'brel to//rgas gyur rnams kyis zhes bya ba ni/ gang du zhe na nags rnams su/ /zhes bya ba 'di dang 'brel to/ /de bas na 'dis ni yongs su ma nyams pa'i dngos por bstan to/ /rgas gyur rnams kyis zhes bya ba de nyid kyi don ni/ /dar la babs pa yol rnams kyi/ / zhes bya bar bstan to/ /gleng gzhi'i bsdus pa'i don ni lung dbog pa dang mi 'du ba dgag pa dang / mi 'dur gnang ba dang / mchod pa'i cho ga dang / yang dag par 'dzin du gzhug pa dang / yang dag par 'dzin pa'i phan yon dang / yang dag par mi 'dzin pa'i nyes dmigs dang / yang dag par bsgo ba dang /'khor rnam par dag pa'o/ /de la lung dbog pa'i dbang du mdzad nas/ 'das pa zhes bya ba la sogs pa gsungs te/ thal ba zhes bya ba'i tha tshig go/ /so ga rnams kyi zhes bya ba ni dus gsum las gang yang rung ste gcig cig so sor thar pa 'don pa'i che brjod do//grang ba dang / dro ba dang / grang ba yang ma yin/ dro ba yang ma yin pa las dus gsum du rnam par gzhag go/ /ji tsam gyi sgra ni tshad tsam ston te/ dus de dang mthun par brjod par bya'o/ /lhag ma zhes bya ba ni dus de'i lhag ma ji tsam du lus pa de'i tshad brjod par bya ba ste/ thams cad kyi ming spyi'i sgras tshad kyi spyi brjod do//mngon par 'ong zhes bya ba ni 'ong ba'o/ /rga ba dang 'chi ba ni rga shi'o/ /ci'i phyir srid pa'i yan lag gcig pu gsungs kyi srid pa'i yan lag mya ngan la sogs pa nyes dmigs gzhan rnams ni ma yin zhe na/ tshangs par spyod pa phun sum tshogs par 'gyur ba'i rgyu'i gtso bo yongs su nyams pa brjod pa'i dbang du mdzad pa yin pa'i phyir ro//gnyis kyis na tshangs par spyod pa phun sum tshogs par 'gyur te/ lus dang skye ba'i gnas so/ /de la rga ba dang 'chi ba gnyis kyis ni lus yongs su nyams pa ston te/ sbyor ba mi bzod pa dang / rgyun chad pa go rims bzhin no/ /skye ba'i gnas yongs su nyams pa ni ston pa'i bstan pa 'jig par bstan pa'o/ /bstan pa 'jig pa ji lta bu zhe na/ sgrub pa la yongs su nyams pa'o/ /don phyin ci ma log par ston pas ston pa ste de bzhin gshegs pa'o/ /bstan pa ni gsung rab yan lag bcu gnyis te/des bcom ldan 'das lha dang mi dang lha ma yin du bcas pa'i 'jig rten la ston to/ /gang gi phyir de ltar gnyi ga yongs su nyams pa de'i phyir bag yod pa la gzud par bzhed pas/ tshe dang ldan pa dag gis bag yod pas rnal 'byor du bya'o zhes gsungs so/ / bag yod par zhes gsungs pa'i don ni dge ba'i chos thams cad bsgom pa bsdu ba'i don to/ /rnal 'byor ces gsungs pa ni 'jig rten las 'das pa'i lam la sbyor bar gzud pa'i don te/ zhi gnas dang / lhag mthong zung du 'brel bar 'gro ba'i lam ni rnal 'byor ces bya'o/ / bag yod pas 'thob bo zhes bya ba ni bcom ldan 'das kyis thugs su chud nas bslab pa'i tshogs bcas te zhes bya ba gzhan yang thugs su chud nas bstan to de bzhin gshegs pa zhes bya ba ni ji ltar 'gro bar bya ba de bzhin du gshegs pas de bzhin gshegs pa'o/ /gang zag thams cad kyis mchod par 'os pas dgra bcom pa'o//yang dag par rdzogs pa'i sangs rgyas rnams kyis zhes bya ba ni phyin ci ma log par kun nas thugs su chud pa'i phyir ro/ /byang chub kyi phyogs rnams zhes bya ba ni de dag kyang bag yod pas 'thob bo zhes bya ba dang 'brel to/ /byang chub skyed par byed pa'i dge ba'i chos gang yin pa de dag thams cad ni 'dir byang chub kyi phyogs rnams su 'dod do//mi 'du ba dgag pa'i dbang du mdzad nas/ dge 'dun gyi ji zhes bya ba la sogs pa gsungs te med do zhes bya ba'i tshig gi don to/ /sngar ci zhig bya zhe na/ gang ma byas pa des mi mthun pas mi 'du'o//de bas na don nyung ba zhes bya ba gsungs so/ /gzhan dag na re gso sbyin byed pas thog mar bya dgos pa'i phyir gso sbyin bya ba'i gnas su skyang nul dang phyag dar bya ba la sogs pa ni thog mar bya ba'o zhe'o/ /don nyung ba bya ba nyung ba zhes bya ba la 'dod pa chung ba'i rgyu mthun pa ni don nyung ba'o//de la yid ni don nyung ba'o/ /lus dang ngag ni bya ba nyung ba'o/ /bcom ldan 'das zhes bya ba ni bdud bzhi bcom pa'i phyir bcom ldan 'das zhes bya'o/ /gzhan gyi sgra'i rjes su 'gro bas gzhan las thos pa ni nyan thos so/ / de dag 'dus pa mi phyed pas nyan thos kyi dge 'dun no/ /mi 'dur gnang ba'i dbang du mdzad nas/ ma lhag pa rnams zhes bya ba la sogs pa gsungs te/ gso sbyin bya ba'i gnas su ma phyin pa rnams so/ /tshe dang ldan pa dag ces bya ba ni yang na gzhon pa yang na rgan pa'o//bcom ldan 'das kyis ni gzhon nus dge slong rgan pa la ming ngam rus nas dbyung bar mi bya'o/ /tshe dang ldan pa zhe'am/ btsun pa zhes brjod par bya'o zhes gsungs so/ /de bzhin gshegs pa ni yon tan gyi tshig tu brjod par bya'o/ /'dun pa zhes bya ba ni dge slong gang na bar 'gyur pa'am/dge ba'i phyogs khyad par can la sbyor ba des bla gos phrag pa gcig tu gzar te/ mchil lham gnyis phud la ci rigs su byas nas tsog tsog por 'dug ste/ thal mo sbyar ba btud nas 'di skad du/ tshe dang ldan pa dgongs su gsol/ bdag dge slong ming 'di zhes bgyi ba nad tshabs che ba'am/dge ba'i phyogs la sbyor te/ dge 'dun chos bzhin du mdzad pa 'dun pa dbul lo/ /'dun pa yang brjod do/ /brjod pa yang rig par bgyid do zhes brjod par bya ste/ de bzhin du lan gnyis lan gsum du bzlas/ lus kyis go bar byed pa'am/ ngag gis go bar byed pa byin na 'dun pa phul ba yin no//ji ste 'dun pa ma phul na dge 'dun der 'dong bar bya'o/ /yang na dge slong gi dge 'dun gyi nang du dgug par bya'o/ /rnam pa gzhan du na 'gal tshabs can du 'gyur ro/ /yongs su dag pa zhes bya ba ni 'dun pa bzhin du brjod par bya ste/ de la bye brag ni deng dge 'dun gyi gso sbyong bco lnga pa lags la/bdag dge slong ming 'di zhes bgyi ba'i gso sbyong yang bco lnga pa lags te/ bdag dge slong ming 'di zhes bgyi ba bar chad kyi chos rnams yongs su dag go zhes bdag nyid mchi'o/ /bdag gis gso sbyin dang yongs su dag pa yang brjod do//brjod pa yang rig par bgyid do zhes lan gsum du bzla bar bya'o/ /'dun pa phul bas ni dge 'dun dang mthun par 'gyur ro/ /yongs su dag pa phul bas ni gso sbyin bya ba'i tshe bdag nyid snod du gyur par bstan pa yin te/ gnyi ga dbul bar bya'o/ /dris shig ces bya ba ni gang gis 'dun pa dang yongs su dag pa dbul bar bya ba de dbul du gzhug pa ste de sbyin par bya ba'i phyir ro zhes bya ba'i tha tshig go//brjod par bya'o zhes bya ba ni gang gis 'dun pa dang yongs su dag pa blangs pa de zlos su gzhug pa ste/ de shes par bya ba'i phyir ro/ /'dun pa dang yongs su dag pa len pa'i dge slong gis dge slong drung du 'dug pa la/tshe dang ldan pa dgongs su gsol/ deng dge 'dun gyi gso sbyin bco lnga pa lags la/ gnas ga ge mo zhig na dge slong bro 'tshal ba ming 'di zhes bgyi ba'i gso sbyin yang bco lnga pa lags te/ gnas ga ge mo zhig na dge slong bro 'tshal ba ming 'di zhes bgyi ba bar chad kyi chos rnams yongs su dag go zhes bdag nyid mchi'o//gso sbyin dang yongs su dag pa yang brjod do/ /brjod pa yang rig par bgyid do zhes brjod par bya'o/ /'dun pa dang yongs su dag pa ci'i phyir gang zag la bzlas kyi dge 'dun la ma yin zhe na/ring du thogs pa la sogs pa'i nyes pa spangs pa'i phyir ro/ /le lo'i phyir ram las ngan pas brel te 'dun pa la phul na nyes byaso/ /gnas par gyur tam/ na'am/ nar dogs sam/ nad sos nas ring por ma lon nam/ nad g.yog byed dam/ ngal lam/ zhigs sam/ bkres sam/ skom mam/ rlung dang nyi mas nyen tam/ rmugs pa chen po dang / gnyid stug pos kun nas dkris pa sel cing dge ba'i phyogs byed na ltung ba med do/ /so sor thar pa'i mdo gdon pa la zhugs par gyur tam/ de nyid kyi don nyan na ltung ba med do//de mi brjed par bya ba'i phyir tshig gtsor byed pa dang / de'i don mi brjed par bya ba'i phyir tshul bzhin sems na ltung ba med do/ /yid la byed pa goms pa thob nas ring por ma lon te/ de'i rjes su bsrung na ltung ba med do/ /byang chub kyi phyogs kyi chos rnams la rgyun du brtson 'grus rtsom pa la brtson par gyur na ltung ba med do//bden pa mthong bar gyur na ltung ba med do/ /gal te 'dun pa dbul ba ni mang / 'du ba ni nyung na de'i tshe dge slong rgan pa rnams kyis kyang dge ba'i phyogs gzhag ste 'du bar bya'o/ /'dun pa dang po yongs su dag pa len pas de dag blangs nas brgyug par mi bya/ngam grog dang / bang rim la mchong bar mi bya/ nam mkha' la gnas par mi bya/ mtshams kyi phyi rol du 'gro bar mi bya/ gom pa gcig gis skas kyi gdang bu gnyis dang them skas kyi them pa gnyis la thod rgal du 'jog par mi bya/ gnyid log par mi bya/ snyoms par 'jug par mi bya'o//'dun ba dang yongs su dag pa blangs nas gal te lam gyi dbus su phyin pa'am/ dge 'dun gyi nang du ma phyin par dus la bab bam/ 'khrul lam/ dge tshul la sogs par dam bcas na 'dun pa dang / yongs su dag pa blangs pa ma yin no/ /brjod pa dag nus na gcig gis kyang du ma dag gi 'dun pa dang yongs su dag pa blang bar bya'o//sa la 'dug pas nam mkha' la 'dug pa la 'am/ bzlog pas kyang sbyin pa'am blang bar mi bya'o/ /'dun pa dang yongs su dag pa gcig nas gcig tu brgyud de phul na phul ba ma yin par brjod par bya'o/ / bslab pa byin pas 'dun pa blang bar mi bya'o/ /dge slong ma yin pas dbul bar mi bya'o/ /mtshams kyi nang na gnas pas mtshams kyi nang na gnas pa la 'dun pa dbul bar bya'o/ /de la mtshams rnam pa gnyis te/ chen po dang / chung ngu'o/ /de la chen po ni gal te chu med pa zhig na ni steng logs su dpag tshad phyed dang gsum mo//'og logs su 'ang de tsam kho na'o/ /chu 'khyil ba yod kyang steng logs su 'ang de tsam kho na'o/ /gal te de'i tshad tsam gyi shing dang / ri zhig yod par gyur na yang yod do/ /gal te med na shing dang ri'i rtse mo'i bar du'o/ / mtshams bu chung ni de tshun chad nas dkyil 'khor ba'i bar du'o/ /de la mtshams chen po gcad pa ni 'di ltar bya ste/ dge slong gnyug mar gnas pa rnams kyis sngar phyogs bzhi'i mtshan ma btsugs la dge 'dun thams cad la brjod par bya'o/ /mtshams kyi las kyi tshe ni 'dun pa dbul ba med do//de nas gsol ba bya ste/ dge 'dun btsun pa rnams gsan du gsol/ 'di lta ste gnas 'di ni dge slong rnams gnas pa dang / gnyug mar gnas pa rnams kyi mtshams chen po'i phyogs bzhi'i mtshan ma brtan po yongs su brjod lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis mtshan ma brtan po 'di rnams kyi nang du gso sbyin gcig pa'i gnas kyi sdom pas grong dang grong gi nye 'khor ma gtogs pa dgon pa la thug pa nas gnas mal la thug pa'i bar du dge 'dun gyis mtshams chen po bcad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ gnas 'di na zhes bya ba nas/ grong dang grong gi nyen 'khor zhes bya ba'i bar du snga ma bzhin no/ /tshe dang ldan pa gang dag mtshan ma 'di rnams kyi nang du gso sbyin gcig pa'i gnas kyi sdom pas grong dang grong gi nyen 'khor ma gtogs pa dgon pa la thug pa nas gnas mal la thug pa'i bar du dge 'dun gyis mtshams chen por gcad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas grong dang grong gi nyen 'khor ma gtogs pa/dgon pa la thug pa nas gnas mal la thug pa'i bar du dge 'dun gyi mtshams chen po bcad lags te/ 'di ltar cang mi gsung bas de de bzhin du 'dzin to//de'i 'og tu 'dod na chos gos dang 'bral bar mi 'gyur ba'i gnang ba yang sbyin par bya ste/ dge 'dun btsun pa rnams gsan du gsol/ gnas 'dir dge 'dun mthun pas gso sbyin gcig pa'i gnas kyi sdom pas dge 'dun gyi mtshams chen po bcad lags na/ gal te dge 'dun gyi dus la bab cing bzod na/dge 'dun gyis gnang bar mdzod cig dang / dge 'dun gyis mtshams chen po bcad pa'i nang du dge slong dag gis chos gos rnams dang 'bral bar mi 'gyur ba'i sdom pa stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/gnas 'dir dge 'dun mthun pas/ gso sbyin gcig pa'i gnas kyi sdom pas mtshams chen po bcad lags te/ de'i slad du dge 'dun gyi mtshams chen po'i nang du dge slong dag gis chos gos rnams dang 'bral bar mi 'gyur ba'i sdom pa stsol na/ tshe dang ldan pa gang dag mtshams chen po'i nang du dge slong dag gis chos gos rnams dang 'bral bar mi 'gyur ba'i sdom ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyi mtshams chen po'i nang du dge slong dag gis chos gos rnams dang 'bral bar mi 'gyur ba'i sdom pa stsal lags te/'di ltar cang mi gsung bas de bzhin du 'dzin to/ /mtshams bu chung ji ltar gcad par bya zhe na/ mtshams chen po gzhig go/ /de yang 'di ltar gzhig par bya ste/ dge 'dun btsun pa rnams gsan du gsol/gnas 'dir dge 'dun mthun pas gso sbyin gcig pa'i gnas pa'i sdom pas dge 'dun gyis mtshams chen po bcad lags na/ gal te dge 'dun gyi dus la bab cing bzod na dge 'dun gyis gnang ba mdzod cig dang / dge 'dun gyis mtshams chen po gzhig go/ / 'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ gnas 'dir dge 'dun mthun pas gso sbyin gcig pa'i gnas kyi sdom pas dge 'dun gyis mtshams chen po bcad pa de'i slad du dge 'dun gyis mtshams chen po gzhig par mdzad na/ tshe dang ldan pa gang dag mtshams chen po gzhig par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po'o/ /de bzhin du lan gnyis lan gsum mo/ /dge 'dun gyis bzod cing gnang nas dge 'dun gyi mtshams chen po bshig lags te/'di ltar cang mi gsung bas de de bzhin du 'dzin to/ /de'i 'og tu 'tshams bu chung gcad par bya/ yang na dkyil 'khor ba gcad par bya ste/ gzhan ni snga ma bzhin no/ /bye brag tu ni mtshams bu chung dang dkyil 'khor ba bcad do zhes 'ba' zhig brjod par bya'o/ / de'i 'og tu yang snga ma bzhin du gso sbyin gcig pa'i gnas kyi sdom pas mtshams chen po bcad nas chos gos dang mi 'bral ba'i gnang ba sbyin par bya'o/ /mtshams bu chung dang mtshams chen po gnyi gar yang mtshams gnyi gar tshogs kha gnyis su bzhag nas las byed pa gcig gis gsol ba gcig dang las gcig gis gcad cing dgrol te//mtshams gnyis kyi tshigs su re lde la sogs pa bting la de'i steng du las byed pa 'dug ste/ gsol ba la sogs pa brjod par bya'o/ /mtshams snga ma ma bshig par mtshams phyi ma gcod par nyes byas so/ /snga ma'i gnas nyid mtshams yin te/mtshams su mtshams kyis bskor bar mi bya'o/ /khron pa'i chu dang / dkyil 'khor ba dang / dge slong ma'i dbyar khang rnams ma gtogs par mtshams su mtshams kyis gzhan bskor bar mi bya'o/ /shing gi mtshan ma bzang po gcig gis kyang gnas mang po'i mtshams gcad par bya'o//mtshan ma rnams brjod nas las phal cher byas pa'i 'og tu gal te las byed pa shi na yang mtshams bcad pa nyid yin par brjod par bya'o/ /zla ba dang nyi mas mtshams gcad par mi bya'o/ /sgyu mas mtshams gcad par mi bya'o/ /rdzu 'phrul gyis ma yin/skar ma rnams kyis ma yin/ chu rlabs rnams kyis ma yin no/ /gnas stong par dge slong glo bur du lhags pa dag gis nyi ma bdun nam brgyad gnyug mar gnas pa la ma bsdad par mtshams gcod na nyes byas so/ /de la snga ma nyid mtshams yin te/ phyi ma ni ma yin no/ / klung dang yur ba zam pa dang bcas pa ma gtogs par klung dang yur ba gzhan gyi pha rol ni gcad pa'i mi rigs so/ /zam pa chad na zam ba slar yang gdags par 'dod na zhag bdun gyi bar du mtshams gcad pa bzhin du gnas so/ /nyi ma brgyad pa la ni zhig par 'gyur ro/ /zam pa gdags par mi 'dod na ni chad ma thag tu zhig par 'gyur ro//lngas ni mtshams zhig par 'gyur te/ dge 'dun thams cad mtshan gyur pa dang / dge 'dun thams cad dong ba dang / rab tu byung ba las bab pa dang / shi ba dang / gsol ba'i las nyid ni lnga pa'o/ /mtshams las mi 'da' bar bya ba'i gnas lnga ste/dge slong gi mtshams dang dkyil 'khor ba dang / chu'i lteng ka dang / mtshams gzhan dang / dge slong ma'i dbyar khang ngo / /dgon pa'i gnas mtshams ma bcad pa zhig yin na rgyang grag gcig tshun chad mtshams yin no/ /grong la ni rtsig pa'i nang tshun chad mtshams yin no//de la bltar snang ba'i gnas na 'khod pa rnams gcig tu 'dus pa las rnams bya'o/ /ji ltar gong du rgyas par bshad pa de la thams cad du ji skad brjod pa bzhin du ma byas na 'gal tshabs can du 'gyur ro/ /mchod pa'i cho ga'i dbang du mdzad nas/ sen mo bcu yi thal sbyar te/ /zhes bya ba la sogs pa gsungs so//de la ston pa la bkur sti bya bar sbyor ba dang / phyag 'tshal ba dang / bstod pa'o/ /de la thal mo gnyi ga sbyar ba ni phyag 'tshal ba'o/ /shAkya seng ge zhes bya ba ni bstod pa'o/ /shAkya zhes bya bas ni khyim pa'i phyogs su rigs yongs su dag par brjod pa yin no/ /seng ge zhes bya bas ni rab tu byung ba'i phyogs su mi 'jigs pa rnams kyi mu stegs can gyi tshogs thams cad skrag par mdzad pa'o//so sor thar pa zhes bya ba la sogs pa ni ston pa la bkur sti bya bar sbyor ba'o/ /so sor thar pa zhes bya ba'i sgras nyon mongs pa las thar pa thob par byed pa'i yon tan brjod pa yin no//'phral du 'dod chags la sogs pa kun nas dkris pa 'dul ba'i phyir 'dul ba'o/ /yang dag par 'dzin du gzhug pa'i dbang du mdzad nas/ de ni nyon zhes bya ba la sogs pa gsungs te/ nyan pa dang / phyin ci ma log par bsgrub pa dang / mi g.yel bar sbyor ba dang / lta ba la chags su mi gzhug par sbyor ba'o/ /nyon zhes bya ba ni 'dis nyan du gzhug pa'o/ /thos nas kyang bsgrub par bya zhes bya ba ni phyin ci ma log par bsgrub pa las te/ de bzhin gshegs pas ji skad gsungs pa de bzhin du sgrub pa'i phyir ro/ /drang srong chen po ni bcom ldan 'das te/tshul khrims kyi ngang tshul can yin pa'i phyir ro/ /'jig rten pa dang / dgra bcom pa dang / rang sangs rgyas kyi drang srong rnams las khyad par 'phags pas chen po'o/ /phra rnams las zhes bya ba ni bcas pa'i kha na ma tho ba rnams la ste/ de dag la brtun cing byed pa nyid du gyis zhes bya ba bstan pas rang bzhin gyis kha na ma tho ba rnams la yang bstan pa yin no//yang zhes bya ba'i sgra mi mngon par bstan par blta bar bya'o/ /dam pa rnams kyis smad pa'i phyir/ kha na ma tho ba ni sdig pa'o/ /brtun cing zhes bya ba ni gus par byed pa'o/ /gyis zhes bya ba ni yang dag par 'dzin du gzhug pa'o//'dis ni mi g.yel bar sbyor ba la gzud pa bstan to/ /'bad pa zhes bya ba ni nges dge pa'i chos rnams la brtson 'grus brtsams pa gang yin pa'o/ /de lta bas na 'da' ba zhes bya ba ni 'jigs pa'o/ /rtag tu zhes bya ba ni kha bla na dka' ba zhes bya ba 'di dang 'brel te/dus thams cad du yul la rab tu chags pa las sdug bsngal gyis bzlog dgos zhes bya ba'i bar du'o/ /'dis ni sems gdul dka' bar bstan to/ /sems smos pas ni sems 'ba' zhig 'dul ba'i don to/ /de ni kun nas nyon mongs pa'i phyir rnam par sbyang gi/bdag ni ma yin gyi de ni kun nas nyon mongs pa dang / rnam par dag pa dang mi ldan pa'i phyir nam mkha' bzhin du 'gyur ba med pa'o/ /srab ces bya ba ni tshul khrims 'chal ba 'dul ba ma yin pa la zhugs pas kha de blan par bya ba'i don to/ /mthun pa zhes bya ba ni rig pa'i rnam pa ste/ha cang dog pa dang / ha cang yangs pa ma yin pa'o/ /bdag dub pa la sbyor ba'i mtha' yongs su spang ba'i phyir ha cang dog pa yang ma yin no/ /'dod pa bsod nyams la sbyor ba'i mtha' yongs su spang ba'i phyir ha cang yangs pa yang ma yin no/ /yang na gang zag blun po'i 'jug pa la sogs pa dang mthun par bstan pas mthun pa'o//gzer bu brgya pa zhes bya ba ni de las 'da' ba rnams mthong ba'i chos 'di nyid la sgo mang po nas 'gyod cing mi bde ba'i phyir ro/ /rnon po zhes bya ba ni/ tshe gzhan na kha na ma tho ba 'byung ba gcod pa'i don te/ rnam pa 'di nyid kyis de nyid srab tu bstan to/ / 'dis ni lta ba la chags su mi gzhug pa yang bstan to/ /yang dag par 'dzin pa'i phan yon gyi dbang du mdzad nas/ gang dag mi 'da' ba zhes bya ba la sogs pa gsungs te/ 'da' bar mi byed pa'o/ /mtshams zhes bya ba ni bslab pa'o/ /ngag tsam gyis ldog ces bya ba ni dbyig pa dang mtshon chas ma yin no//che ba zhes bya ba ni bslab pa 'dod pa rnams so/ /de dag ni rta bzang po zhes bya ba ni skyes bu cang shes pa rnams so/ /nyon mongs pa'i g.yul zhes bya ba ni nyon mongs pa dang 'thab pa'o/ /des rgal 'gyur zhes bya ba ni dgra bcom pa'i dus na'o/ /yang dag par mi 'dzin pa'i nyes dmigs kyi dbang du mdzad nas/su dag la 'di med dang zhes bya ba gsungs te/ mu stegs can rnams dang / 'dod pa la longs spyod pa rnams so/ /mi 'dod pa'ang zhes bya ba ni yongs su mya ngan las mi 'da' ba'i chos can rnams so/ /nyon mongs g.yul gyis dkrugs zhes bya ba ni/nyon mongs pa'i g.yul las pham par gyur pa'o/ /'jog bral zhes bya ba ni so sor thar pa'i srab rnam par spangs pa'i phyir ro/ /rnam par 'khyam par 'gyur zhes bya ba ni 'gro ba lnga'i 'khor bar sna tshogs su 'khyam pa'o/ /yang dag par bsgo ba'i dbang du mdzad nas/gsan du gsol zhes bya ba la sogs pa gsungs te/ sems gzhan las nyan pa mngon du byed du gzhug pa'i tha tshig go/ /gsan du gsol zhes bya ba ni/ gus par byed du gzhug ma'o/ /dge 'dun zhes bya ba ni dge 'dun rnam pa lnga ste/ bzhi 'dus pa dang / lnga 'dus pa dang / bcu 'dus pa dang /nyi shu 'dus pa dang / nyi shu las lhag par 'dus pa'o/ /de la bzhi 'dus pas ni dgag dbye dang / bsnyen par rdzogs par bya ba dang / dbyung ba ma gtogs pa'i las thams cad bya'o/ /lnga 'dus pas ni bsnyen par rdzogs par bya ba dang / dbyung ba ma gtogs pa'o//mtha' khob tu ni bsnyen par rdzogs pa yang bya'o/ /bcu 'dus pas ni dbyung ba ma gtogs pa'o/ /nyi shu 'dus pa dang / nyi shu las lhag par 'dus pas ni las thams cad bya'o/ /bcu bzhi pa zhes bya ba ni/ gso sbyin gyi dus shes par byed pa'o/ /de la dgun dang dpyid dang /dbyar rnams kyi zla ba phyed pa gsum pa dang / bdun pa ni gso sbyin bcu bzhi pa'o/ /de las gzhan pa ni bco lnga pa'o/ /lo gcig la gso sbyin bcu bzhi pa ni drug go/ /bco lnga pa ni bco brgyad do/ /gso sbyin gyi nyi ma yongs su shes par bya ba dang / 'jig rten las bsnyad pa'i phyir deng ni zla ba phyed kyi tshes 'di yin no zhes dge 'dun la tshes grangs brjod cing gtsug lag khang gi bdag po dang gtsug lag khang gi lha rnams kyi phyir tshigs su bcad pa re re brjod cig ces bya'o//nyi ma dang zla ba dang skar ma ni rgyal po dang mthun par bya'o/ /dus la bab ces bya ba ni gso sbyin gyi dus so//bzod ces bya ba ni 'khor der gso sbyin bya ba 'don pa'o/ /gnang bar mdzod cig ces bya ba ni dge 'dun gyis bdag 'don du gnang bar mdzod cig ces bya ba'o/ /'di ni gsol ba'o zhes bya ba ni dge 'dun thams cad shes par bya ba'i mtha' ston to/ /ci'i phyir thams cad kyis mi 'don ce na/thams cad kyis gdon par mi bya ste/ thams cad mthun par thon pa ma yin la chos nyan pa'i tshul du yang mi rung ngo / /rang rang gi gnas su so so nas 'don na ni/ de lta na yang gso sbyin byas pa ma yin pa'i nyes pa dang / dam pa'i chos mnyan pa'i bya ba ma yin pa'i nyes par 'gyur ro//ma zhi ba dus ring du thogs pa'i nyes pa dag tu yang 'gyur ro/ /dge slong yod pa'i gnas na bslab pa byin pas so sor thar pa gdon par mi bya'o/ /tshe dang ldan pa dag bdag cag gso sbyin byas te zhes bya ba la/ ci'i phyir gso sbyin zhes bya/de bya ba ni ci lta bu zhe na/ sems la dge ba gso ba sbyin pas gso sbyin no/ /gang du tha na bzhi tshogs pa der mthun pa rnams kyis so sor thar pa'i mdo 'don par bya ba ni gso sbyin bya ba'o/ /gang na dge slong bzhi gnas pa der ni 'dun pa mi blang ngo / /phyogs gang na mchod rten bsrung ba ma yin pa dang /'jig rten dang ha cang snang yal che ba dang / mi gtsang ba'i gnas dang / dog pa der gso sbyin byed na nyes byas so/ /bzhi po de dag las phyogs gzhan med na ltung ba med do/ /nyal ba dang nang du yang dag 'jog pa dang / bsod snyoms len pa dang / zas zos nas skom pa sel ba dang /de lta bu byed pa dang / bla ma la bsnyen bkur byed pa'i dus na gso sbyin byed na nyes byas so/ /gal te dus gzhan na bar chad byung ba lta na nyes pa med do/ /rgyal po la sogs pas bzung ste/ mtshams kyi nang na gnas na mi mthun pas gso sbyin mi bya'o/ de thar par bya ba'i phyir me sbyor na nyes byas so/ /mi mthun pa'i nyes pa yongs su spad pa'i phyir smyos pa la smyos pa'i sdom pa sbyin no/ /gso sbyin byed pa'i nyin mo bdag la zla phyed tshun chad ltung ba byung ngam ma byung snyam du sems la brtag par bya'o/ /gang zla ba phyed kyi nang du su nyes pa byung bar dran pa des chos bzhin du bya ste/stan las langs te mchil lham dag phud de/ blo gos phrag pa gcig tu gzar te/ phyag 'tshal nas tsog tsog bor 'dug ste/ thal mo sbyar ba btud nas bdag dang ltung ba'i ming nas smos te/ ltung ba bshags par bya'o/ /tshe dang ldan pa dgongs su gsol//bdag dge slong ming 'di zhes bgyi ba la ltung ba 'di dang 'di lta bu byung ste/ de bdag gis tshe dang ldan pa'i mdun du dag pa'i mtha' nas bzung ste/ mthol lo/ /'chags so/ /mi 'chab bo/ /mthol zhing bshags nas bdag bde ba la reg par gnas par 'gyur gyi/ ma mthol ma bshags na ni mi 'gyur ro//des 'di skad du ltung bar mthong ngam/ mthong ngo / /phyin chad sdom mam/ mi bgyid do zhes lan gnyis lan gsum du bzlas bar bya'o/ /yid gnyis za bas ni 'dul ba 'dzin pa la sogs pa rnams la yid gnyis bsal te phyis bshags par bya'o//dge slong gi mdun du ltung ba bshags par bya'o/ /dge slong ma la sogs pa la ni ma yin te/ 'chags na 'gal tshabs can du 'gyur ro/ /ltung ba 'dra ba'i mdun du bshags par mi bya'o/ /pham par 'gyur ba dang pham par 'gyur par ni 'dra ste zhes bya ba nas nyes byas dang nyes byas zhes bya ba'i bar du'o//gal te dge 'dun gyi nang du dran na des byin gyis brlab par bya ste/ deng dge 'dun gyi gso sbyin bco lnga pa yin te/ bdag dge slong ming 'di zhes bya ba dge 'dun gyi nang du ltung ba dran na bdag ming 'di zhes bgyi dge 'dun gyi nang du ltung ba 'di rang gi sems kyis byin gyis brlabs la deng gso sbyin bya'o//phyis dge slong gi mdun du ltung ba de chos bzhin du bya'o zhes byas la de'i 'og tu gso sbyin bya ba'o/ /de bzhin du so sor thar pa'i mdo 'don pas kyang byin gyis brlab par bya'o/ /the tshom za bas kyang byin gyis brlab par bya'o//dge 'dun thams cad ltung ba dang bcas par gyur na/ gang gnas gzhan du phyir bcos pa byas nas 'ong bar dge slong gcig spro bar bya'o/ /ci ste ma grub na dgrol ba'i gsol ba 'ba' zhig bya ste/ dge 'dun btsun pa rnams gsan du gsol/ deng dge 'dun gyi gso sbyin bco lnga pa lags la/ bdag cag dge 'dun thams cad ni ltung ba dang bcas par gyur na gang gi mdun du ltung ba de chos bzhin du slar bgyi ba bdag cag las dge slong gnas gzhan du mchis la dge slong gi mdun du ltung ba de chos bzhin du bgyid par spro ba su yang ma mchis so//'di ni gsol ba'o/ /de'i 'og tu gso sbyin bya'o/ /de bzhin du ltung ba la yid gnyis za bas kyang bya'o/ /dge 'dun thams cad ltung ba dang bcas par mi dran la gal te dge slong gcig cig ltung ba med par gyur na/ des dge slong bshes pa bskul te ci nas kyang de dag thos nas 'chag par 'gyur ba de lta bur dge slong rnams kyi mdun du ltung ba 'chags su gzhug go//bshes pa med na mi smra bar 'dug par bya'o/ /dge slong mi 'dod bzhin du gleng zhing dran par byed na 'gal tshabs can du 'gyur ro/ /brtags pa tsam gyis 'du shes sam/mi mthun pa'i 'du shes sam/ yid gnyis za bzhin gso sbyin byed na 'gal tshabs can du 'gyur ro/ /tha dad du byed 'dod pas byed na dge 'dun gyi dbyen du gtogs pa'i ltung ba sbom por 'gyur ro/ /ma lhags pa rnams dang yang yang gsol ba byas la gso sbyin bya'o//mthun pa'i 'du shes kyis na nyes pa med do/ /gso sbyin byed pa'i tshe gal te gang dag ma 'dus pa de ni nyung na de dag dong la gal te dge 'dun tshogs par gyur na de nyid du gso sbyin bya'o/ /gal te de ltar ma gyur na/ dkyil 'khor bar 'dong bar bya'o/ / ji ste mang bar gyur na de dag gis kyang gsol ba byas la yang gso sbyin bya'o/ /dgag dbye ba'i tshe ni gso sbyin byas par 'gyur ro/ /dge slong rnams kyang logs shig /dge slong ma rnams kyang logs shig tu gso sbyin bya'o/ /dge slong ma rnams ston pa la gsol ba 'debs na lan gdab kyis 'bros par mi bya'o//gso sbyin bya ba'i nyin bar dge slong ma la ston pa sgo gang du 'dug par bya'o/ /glo bur du lhags pa rnams kyis gnyug mar gnas pa rnams dang grangs mnyam pa dang / glo bur du lhags pa mang ba rnams dang nyi ma mthun par bya'o/ / nyung ngu rnams kyis ni ma yin no/ /gang na las thams cad bya bar shes pa ni gnas yin no/ /gang na mi shes pa ni gnas ma yin no/ /gang na kha cig ni shes la kha cig ni mi shes pa ni gnas kyang yin la gnas kyang ma yin pa'o/ /dge slong yod pa de lta bu las dge slong mthun par gnas pa yod pa der gso sbyin bya ba'i nyin par song yang ltung ba med do//dge slong rtsod pa yod par song na nyes byas so/ /gal te der song na bde ba la reg par 'gyur ba lta na dge slong med par song yang ltung ba med do/ /ji ste bde ba la reg par mi 'gyur na 'gro bar mi bya'o/ /dge 'dun thams cad song ngam bar chad nye bar gnas par 'gyur na ltung ba med do//gnas par byed pa gso sbyin gyi nyin mo yul gzhan du 'gro na mi gtang ngo / /yang na gso sbyin byed pa dang bcas pa'i gnas su song shig ces bsgo bar bya'o/ /der ma song na 'gal tshabs can du 'gyur ro/ / dge slong gi gso sbyin bya ba'i nyin mo mdo 'don pa med pa'i gnas su bsdad cing 'dug par mi bya'o/ /dbyar snga mar 'jug par mi bya'o/ /nye bar zhugs na yang gnyis par nye bar 'jug par mi bya'o/ /khyim pa la sogs pa gnas dang gso sbyin mi bya'o/ /mthun par gnas pa yongs su dag pa lta ba mtshungs pa rnams dang gso sbyin bya'o//'on pa dang mtha' 'khob pa grangs tshang yang gso sbyin mi bya'o/ /gang gcig pur gyur pa des/ skyang nul dang / phyag dar bya ba dang stan bsham ba la sogs pa nas byas te/ chos mnyan pa byin la/ glo bur du 'ongs pa'i dge slong blta bar bya'o//gal te med na des bdag nyid stan la 'dug ste/ 'di ltar sems bskyed par bya zhing tshig tu yang brjod par bya ste/ de yang dge 'dun gyi gso sbyin bco lnga pa yang yin la/ bdag dge slong ming 'di zhes bya ba'i gso sbyin yang bco lnga pa yin te/ bdag dge slong ming 'di zhes bya ba bar chad kyi chos rnams yongs su dag go zhes kyang bdag nyid smra ste/bdag dge slong ming 'di zhes bya bas tshul khrims kyi phung po yongs su rdzogs par bya ba'i phyir deng gso sbyin gyis byin gyis brlab po/ /gang gi tshe dge 'dun tshogs la rnyed pa de'i tshe/ dge 'dun mthun pa dang gso sbyin bya'o zhes de bzhin du lan gnyis lan gsum du bzlas/de bzhin du gang na gnyis sam gsum 'khod pa der yang tshul 'di lta bus gcig la gcig brjod par bya'o/ /lam du zhugs pa las kha cig grong du dong / kha cig phyi rol na 'khod la gso sbyin bya ba'i dus las 'das na de dag gis so sor gso sbyin bya'o//phyi rol na gnas pa rnams kyis ni grong dang nye ba'i gnas spang bar bya'o/ /gal te mgron po phal po che mi sdod pa lta na 'gro bzhin du gso sbyin bya'o/ /ci ste smod na yid kyis byin gyis brlab par bya'o/ /sems bskyed pa tsam gyis grub pa ni drug ste/chos gos byin gyis brlab pa dang / chos gos dbyung ba dang / chos gos brtag pa dang / gang zag gis mgron du bos pa dang / gso sbyin dang / dgag dbye bya'o/ /gso sbyin bya ba'i dus su gso sbyin mi byed na 'gal tshabs can du 'gyur ro/ / gso sbyin bya ba'i dus ma yin par gso sbyin byed na yang 'gal tshabs can du 'gyur ro/ /bkra shis kyi gso sbyin ni ma gtogs te/ dge 'dun dbye ba'i sdums bya ba'i don to/ /mthun par bgyi ba'i gso sbyin te/ gnas nas phyung ba'i las byas pa la dag par bya zhing mthun par bya ba'i gso sbyin bya bar gsol ba 'debs pa'o//so sor thar pa'i mdo gdon pa zhes bya ba la so sor thar pa'i mdo gdon pa ni rnam pa lnga ste/ gleng gzhi brjod nas lhag ma gsan pa lags so zhes go bar byed pa dang / ji ltar gleng gzhi dang / pham par 'gyur ba brjod pa dang / de bzhin du dge 'dun lhag ma'i bar dang /de bzhin du ma nges pa'i bar du brjod la/ lhag ma ni gsan pa lags so zhes go bar byed pa dang / bzhi po 'di dag dang thams cad gdon pa ni lnga pa'o/ /sus gdon zhe na/ dge 'dun gyi gnas brtan gyis so/ /des mi nus na gnas brtan gnyis pa la sogs pa ste/res kyis gdon par bya'o/ /yang na gsol ba btab pas so/ /gal te dge 'dun gyi gnas brtan gyis gleng gzhi ni thon la lhag ma ni ma thon na de ma yin pa dag gis pham par 'gyur ba la sogs pa brjod par bya'o/ /smyon pas bton pa yang so sor thar pa bton pa yin no//'khor rnam par dag pa'i dbang du mdzad nas khyed cag su la ltung ba yod pa zhes bya ba la sogs pa gsungs te/ ltung ba byung ba gang yin pa de phyir bcos pa ma byas pa ni yod pa zhes bya'o/ /dge slong gi 'khor 'di lta bur zhes bya ba 'di ni bstod pa brjod pa'o//dran zhes bya ba ni ltung ba yod kyang mi dran na brdzun du mi 'gyur ro/ /tshig gis go bar bya ba'i don mtshan mas go ba'i phyir cad mi smra bas kyang brdzun du 'gyur ro/ /bar du gcod pa zhes bya ba ni dus gnyis su ste/ mthong ba'i chos 'di nyid la dge ba'i chos rnams dang / tshe rabs gzhan na bde 'gror 'gro ba la'o//rnam par dag par 'dod pas zhes bya ba ni mya ngan las 'das par 'dod pas so/ /bskul ba dang / sma dbab pa dang / bskrad pa 'dod pas ni ma yin no/ /lan gsum zhes bya ba ni ha cang nyung ba yang ma yin/ ha cang mang ba yang ma yin no/ /ha cang nyung ches na ni g.yengs pa kha cig gis nye bar mtshon par mi 'gyur ro//mang na ni dus yun ring du thogs par 'gyur ro/ /mthol na bde ba la reg par gnas par 'gyur ro zhes bya ba ni rnam pa lnga ste/ le lo'i gnyen por brtson 'grus rtsom pa dang / kha na ma tho ba byung ba'i gnyen por kha na ma tho ba med pa skyed pa dang bslab pa khyad du gsod pa'i gnyen por gus pa dang bcas pa dang /'gyod pa'i gnyen por 'gyod pa med pa dang / rnam par ma dag pa'i gnyen por ting nge 'dzin dang / yang dag pa ji lta ba bzhin du shes pa rnams kyis rnam par dag pa'o/ /gleng gzhi zhes bya ba ni so sor thar pa'i mdo gdon par gyur pa'i phyir te/de'i 'og tu de'i 'don pa byung ngo / /so sor thar pa'i mdo 'don pa dang po rdzogs so// //de'i 'og tu bslab pa'i gzhi re re la 'ang rnam pa nyi shu rtsa gcig gis bshad par bya'o/ /rnam pa nyi shu rtsa gcig ni 'di lta ste/ gleng gzhi dang / gang zag dang / nyes pa dang / gzhi dang / nyon mongs pa dang / tshig gi don dang / ltung bar 'gyur ba dang / ltung bar mi 'gyur ba dang / yan lag rnams dang / kun nas slong ba dang / brda dang / rgyun chad pa dang / rgyun ma chad pa dang / kha na ma tho ba dang / bya ba dang /mi bya ba dang / spyad pa dang / ma spyad pa dang / lci ba dang / yang ba nyid dang / spyi'i mtshan nyid dang / ldang bar byed pa dang / nyon mongs pa can dang / nyon mongs pa can ma yin pa dang / ltung ba 'byung ba'i rgyu'o/ /grong khyer gang du bcas pa de ni gleng gzhi'o/ /gang la brten te bslab pa bcas pa de ni gang zag go//nyes pa ni gang zag gi lus dang ngag gis gang yin pa de ni nyes pa'o/ /gzhi ni rnam pa gnyis te/ sems can dang sems can ma yin par brjod pa'o/ /rgyas par byas na rnam pa drug cu rtsa lnga'o/ /'di lta ste/ 'khrig pa'i gzhi dang / yongs su len pa'i gzhi dang / mi bzod pa'i gzhi dang / yid ches shing rnyed pa dang bkur sti'i gzhi dang / gnas kyi gzhi dang / tshangs pa mtshungs par spyod pa'i gzhi dang / dge 'dun gyi gzhi dang / zang zing la longs spyod pa'i gzhi dang / chos la longs spyod pa'i gzhi dang /dge bsnyen ma'i gzhi dang / kun du dgab pa'i gzhi dang / nye bar dgab pa'i gzhi dang / bskang ba'i gzhi dang / mtshan ma'i gzhi dang / lhung bzed kyi gzhi dang / chos gos kyi gzhi dang / ldang bar byed pa'i gzhi dang / sbyin pa dang mi sbyin pa'i gzhi dang / dus ma yin par len pa'i gzhi dang /nyes par gzhag pa'i gzhi dang / bsngos pa sgyur ba'i gzhi dang / na ba'i sman gyi gzhi dang / ltung ba'i gzhi dang / rab tu byung ba'i gzhi dang / 'khor ba'i gzhi dang / rtsod pa'i gzhi dang / ston pa'i gzhi dang / gang zag bsnyen par rdzogs pa'i gzhi dang /so sor thar pa'i gzhi dang / sdom pa'i gzhi dang / sa bon dang 'byung po'i gnas kyi gzhi dang / ljid kyi gzhi dang / mi gus pa'i gzhi dang / gnas lam gyi gzhi dang / dge slong ma'i gzhi dang / bsod snyoms yongs su longs spyod pa'i gzhi dang / chu yongs su 'dzin pa'i gzhi dang /khyim du nye bar 'gro ba'i gzhi dang / mu stegs can gyi gzhi dang / dmag gi gzhi dang / grogs po'i gzhi dang / me'i gzhi dang / 'dun pa'i gzhi dang / nyal ba'i gzhi dang / tshul bzhin ma yin pa la nye bar rtog pa'i gzhi dang / mtshon gyi gzhi dang /rung ba ma yin pa len pa'i gzhi dang / rang dbang med pa'i gzhi dang / dud 'gro'i skye gnas kyi gzhi dang / rtse ba'i gzhi dang / bud med kyi yul gyi gzhi dang / lam du 'jug pa'i gzhi dang / bsnyen par rdzogs par byed pa'i gzhi dang / sa len pa'i gzhi dang / stobs pa'i gzhi dang /bslab pa'i gzhi dang / smod pa'i gzhi dang / 'thab pa'i gzhi dang / 'bel ba'i gtam rnam par nges pa'i gzhi dang / mgron du bos pa'i gzhi dang / grong du 'jug pa'i gzhi dang / kha ba ral gyi gzhi dang / gnas mal gyi tshad kyi gzhi dang / chos gos kyi tshad kyi gzhi dang / cho ga'i gzhi dang / gleng ba'i gzhi'o/ /nyon mongs pa ni rnam pa gnyis te/ lhan cig skyes pa dang / kun du brtags pa'o/ /rgyas par byed na rnam pa nyi shu rtsa lnga'o/ /'di lta ste/ 'dod chags dang / zhe sdang dang / gti mug dang / 'khrig pa'i nyon mongs pa dang /yongs su len pa'i nyon mongs pa dang / mi bzod pa'i nyon mongs pa dang / yid ches shing rnyed pa dang / bkur sti'i nyon mongs pa dang / rtsod pa las byung ba'i nyon mongs pa dang / las ngan pa la dga' ba'i nyon mongs pa dang / shes bya la rtog pa'i nyon mongs pa dang / khyim la sar sna byed pa'i nyon mongs pa dang /rang dbang med pa mi bzod pa'i nyon mongs pa dang / 'gal tshabs can gyi nyon mongs pa dang / phongs pa'i nyon mongs pa dang / rkyen la ltos pa'i nyon mongs pa dang / ma dad pa'i nyon mongs pa dang / 'chab pa'i nyon mongs pa dang / 'khor 'dzin pa'i nyon mongs pa dang /ljid kyi nyon mongs pa dang / mi gus pa'i nyon mongs pa dang / smod pa'i nyon mongs pa dang / snying rje med pa'i nyon mongs pa dang / le lo'i nyon mongs pa dang / nye bar ma zhi ba'i nyon mongs pa dang / tshor ba mi bzod pa'i nyon mongs pa dang / tshig gi don ni bslab pa'i dngos po rnams kyi mtshan nyid bstan pa ste/yang zhes bya ba'i sgra ni las dang po la ltung ba med par ston to zhes bshad pa lta bu'o/ /ltung bar 'gyur ba 'di ltar byas na ltung bar 'gyur ro zhes bstan pa'o/ /ltung bar mi 'gyur ba ni 'di ltar byas na ltung bar mi 'gyur ro zhes bstan pa rnams so//yan lag ni yan lag 'di rnams dang ldan na ltung bar 'gyur/ 'di rnams dang mi ldan na ltung bar mi 'gyur ro zhes bstan pa rnams so/ /kun nas slong ba ni rnam pa drug ste/ lus dang ngag dang / lus dang sems dang / ngag dang / ngag dang sems dang / lus dang ngag dang sems so//brda ni pham par 'gyur ba la sogs pa rnams so/ /rgyun chad pa dang / rgyun ma chad pa la gnyen po la brten pa ni nyes pa'i rgyun chad pa'i phyir rgyun chad pa zhes bya'o/ /de las bzlog pa ni rgyun ma chad pa'o/ /kha na ma tho ba ni 'dir rang bzhin gyi kha na ma tho ba'am/ bcas pa'i kha na ma tho ba'am/ ci zhig ste/ nyon mongs pas lhag par spyad pa gang yin pa de ni rang bzhin gyi kha na ma tho ba'o/ /nyon mongs pa ma yin pas gang yin pa de ni bcas pa'i kha na ma tho ba'o/ /bya ba dang mi bya ba ni gang ci byas na ltung ba 'byung ba dang / sbyor ba ma byas kyang 'byung ba'o//spyad pa ni nyes par ma gyur nas bcas pa gang yin pa'o/ /ma spyad pa ni nyes par ma gyur kyang bcas pa gang yin pa'o/ /lci ba dang yang ba nyid ni rnam pa drug ste/ bcas pa dang gzhi dang / nyon mongs pa dang / bsgrub pa dang / gang zag dang / dus so/ /de la bcas pa ni bslab pa bcas nas/rang bzhin dang spangs pa'i kha na ma tho ba byung ba'o/ /gzhi ni 'di lta ste/ dper na dud 'gro'i srog bcad pa'i ltung ba ni lci'i/ dge 'dun lhag ma ni de lta ma yin no/ /nyon mongs pa ni brtag pa ma yin pa'i nyon mongs pa las byung ba'i lci ba'o/ /bsgrub pa ni rgyun du byung ba gang yin pa'o//gang zag ni dge ba'i rtsa bas ma brtan pa blun po'i rgyud de lci ba'o/ /de nyid las gzhan pa ni yang ba'o/ /'di lta ste dper na chu'i rgyun chung ngu'i rtswas kyang zlogs so/ /chen pos ni shing gi phung po chen po yang khyer ro/ /dus ni yun ring por bcas pa ni lci ba'o/ / de dag las ldog pa ni rnam pa drug ste yang ba'o/ /spyi'i mtshan nyid ni thams cad kyang gang lus dang ngag gi mtshan nyid do/ /ldang ba ni rnam pa bzhi ste/ chad pa'i las chen po'i ldang ba ni pham par 'gyur ba'o/ /chad pa'i las 'bring gis ldang ba ni dge 'dun lhag ma'o/ / chad pa'i las chung ngu'i ldang ba ni spang ba'o/ /chad pa'i las med pas ldang ba ni de ma yin pa gzhan dag go/ /'dod chags la sogs pa'i nyon mongs pa can gyi kun nas bslang ba gang yin pa de ni kun nas nyon mongs pa can yin no/ /de ma yin pa gzhan dag ni nyon mongs pa can ma yin pa'o//rnam pa lngas ltung ba byung ste/ ngo tsha mi shes pa nyid dang / mi gus pa dang / bag med pa dang / gti mug mi chung ba dang / dran pa nyams pa'o/ /de la lo bcu gnyis kyi bar du dge slong dge 'dun skyon med par gyur to/ /lo bcu gsum pa la bab pa na bcom ldan 'das yul spong byed dag na ka lan da ka'i grong na bzhugs so//ka lan da ka'i bu bzang sbyin mas sa bon gyi phyir nyes pa ci yang med do zhes bslus te/ 'khrig pa bstan to/ /'khrig pa'i gzhi'i dbang du mdzad de/ phan yon bcu yang dag par gzig nas/ 'khrig pa'i nyon mongs pas pham par 'gyur ba dang po bcas so//'di lta ste/ dge 'dun bsdu bar bya ba'i phyir zhes bya ba ni rgyal rigs nas dmangs rigs kyi bar gyi rigs kyi bu dang rigs kyi bu mo dag kyang gzud pa'o/ /dge 'dun legs par bya ba'i phyir zhes bya ba ni zhugs pa rnams legs par gsungs pa'i chos 'dul ba la legs par brten nas/dge ba'i chos rnams mngon par 'phel bar bya'o/ /dge 'dun bde ba la reg par gnas par bya ba'i phyir zhes bya ba ni/ dge ba'i chos rnams la brten nas dad pas byin pa yongs su spyod par byed pa'o/ /ma dad pa rnams dad par bya ba'i phyir zhes bya ba ni khyim pa dad pa ma rnyed pa rnams dad pa rnyed par bya ba'o//dad pa rnams phyir zhing 'phel bar bya ba'i phyir zhes bya ba ni/ dad pa rnyed pa rnams kyi sems srung bar byed pa'o/ /gnod mi bkur ba'i gang zag rnams tshar gcad pa'i phyir zhes bya ba ni tshul khrims 'chal ba rnams bslab pa la rjes su mi slob pa'i gang zag rnams nan tur gyi las kyis phyir bskrad par bya'o//ngo tsha shes pa rnams bde ba la reg par gnas par bya ba'i phyir zhes bya ba ni ngo tsha shes pa zhes bya ba ni so so'i skye bo'i dge ba rnams te/ de dag mi 'thab pa dang / mtshang mi 'dru ba dang / mi rtsod pa dang / mi 'gyed par bya ba'o/ mthong ba'i chos kyi zag pa rnams bsdam par bya ba'i phyir zhes bya ba la/ mthong ba'i chos kyi zag pa rnams zhes bya ba ni kun nas dkris pa ste de spang bar bya ba'o/ /tshe rabs phyi ma'i zag pa rnams bzlog par bya ba'i phyir zhes bya ba la tshe rabs phyi ma'i zag pa rnams zhes bya ba ni bag la nyal te de spang bar bya ba'o//nga'i tshangs par spyod pa skye bo mang po la phan pa yangs par gyur pa/ lha dang mi'i bar dag la yang dag par rab tu bstan pa yun ring du gnas par gyur pa zhes bya ba ni/ sde snod gcig nas gcig tu brgyud pa'i tshul gyis bstan pa yun ring du gnas pa'o//yang dge slong gang zhes bya ba ni dge slong rnam pa lnga ste/ ming gi dge slong ni gang tha snyad du dge slong zhes ming btags pa'o/ /khas 'che ba'i dge slong ni gang dge slong ma yin par dge slong zhes khas 'ches pa'o/ /slong ba'i phyir dge slong ni gang chos kyis slong mo byed cing 'tsho ba'o/ /nyon mongs pa bcom pa'i phyir dge slong dang /gsol ba dang bzhi'i las kyis bsnyen par rdzogs pa'i dge slong ni lnga pa'o/ /'di ni lnga par 'dod de/ dge slong du 'gyur ba'i rgyu rnams rgyas par 'chad do/ /de ni dge slong dang ldan pa thams cad la brjod par bya ste/ yang brjod par mi bya'o//bslab pa mtshungs par gyur pa zhes bya ba ni bslab pa mnyam pa thob pa ste/ bsnyen par rdzogs nas lo brgya lon pas gang la bslab par bya ba de la de'i nyin mo bsnyen par rdzogs pas kyang bslab pa'o/ /bslab pa ma phul ba zhes bya ba ni skad brda mi phrad pa dang / smyos pa dang / sems 'khrugs pa dang tshor bas nyen pa dang / glen pa dang / lkugs pa dang / 'on pa dang / gnyid kyis log pa dang / snyoms par zhugs pa dang / mi ma yin pa dang / lha dang / sprul pa dang / dud 'gror gtogs pa dang / gzugs brnyan la sogs pa'i mdun du phul na bslab pa phul ba ma yin no//khros pa dang / smyos pa dang / sems 'khrugs pa dang / tshor bas nyen pa dang / mi dben pa la dben par 'du shes pa dang / dben pa la mi dben par 'du shes pa dang / ca co 'don pa'i khrod dang / rang bzhin du gnas pa gang la yang go bar ma byas pa ni phul ba ma yin no//dge slong dge slong rnams dang / lhan cig tu bslab pa mtshungs par 'gyur ba las bslab pa ma phul zhes bya ba la mu bzhi yod de/ mu dang po ni mngon par dga' ba'i dge slong ngo / /gnyis pa ni gso sbyin dang mu stegs can dang rigs drug la mngon par mi dga' ba'o/ gsum pa ni mngon par mi dga' ba'i dge slong ngo / /bzhi pa ni rnam pa 'di dag ma gtogs pa'o/ /bslab pa nyams par ma byas zhes bya ba la bslab pa phul yang bslab pa nyams par ma byas pa yod de/ mu bzhi'o/ /mu dang po ni gang dbul bar 'dod pas skyes bu brda phrad pa'i mdun du 'di skad ces tshe dang ldan pa dgongs su gsol/bdag ming 'di zhes bgyi ba bslab pa 'bul te/ de bzhin du dkon mchog rnams dang / sde snod gsum dang / slob dpon dang / mkhan po yang ngo zhes zer na/ gcig gam thams cad kyang rung ste bslab pa phul ba zhes bya'o/ /de bzhin du bdag khyim pa dang /dge tshul lam/ za ma'am/ ma ning ngam/ dge slong ma sun phyung ba'am/ mtshams med pa lnga byed pa'am/ mu stegs can nam/ mu stegs can zhugs pa'am/ rku thabs su gnas pa'am/ tha dad du gnas pa'am/ gnas par mi bya bar gzung du gsol zhe'am/tha na 'di skad ces chos mthun pa tshangs pa mtshungs par spyod pa khyed cag lta bu mi dgos so zhes zer na phul ba yin no/ /gang khros sam/ glo bur du gzugs la chags pa'i sems kyis bslab pa phul bas/ des gal te mi tshangs par spyod pa ma bsten gyis rtas par gyur na dge slong nyid do//bsten na ni dge slong yang ma yin la pham par 'gyur ba yang ma yin no/ /dbul ba'i bsam pas mi tshangs par spyod pa byed pa dang / mi 'jigs pa dang / rku ba'i sems med pa'i phyir go rims bzhin te/ bslab pa byin pa bzhin no/ /mu gnyis pa ni babs pa 'dod nas rtags rnams smra zhing dge slong gi bya ba ni bya dka' ba'o zhes zer la bslab pa 'bul lo zhes ni mi zer ba'o//la la na re su bdag nyid kyis bdag bslab pa rnams khong du chud par byed mi nus te/ dbul bar yang 'dod la/ de gal te bslab pa ma phul bar bag med pas mi tshangs par spyod pa bsten na/bslab pa ma phul yang pham par 'gyur ba ma yin te/ ji ltar bslab pa phul ba bzhin du de yang rab tu dbyung du rung ngo / /ci'i phyir zhe na legs par gsungs pa'i chos 'dul ba la bslab pa dang / bslab par bcas pa la klan kas tha snyad ma btags pa'i phyir ro zhe'o/ / gsum pa ni gal te gnyig byed pa'o/ /bzhi pa ni dge slong mngon par dga' ba'o/ /bstan na zhes bya ba ni bslab pa yang phul la nyams par yang byas la mi tshangs par spyod pa 'khrig pa'i chos bsten na zhes bya ba mu bzhi ste/ dang po ni slong mo spyod pa dang / ngan ngon la spyod pa dang / rang dbang med par spyod pa dang / mi bzod cing bslab pa'i gnas lnga pa tshangs par spyod pa dang yang dag par 'dzin 'dod pas/ mi tshangs par spyod pa ni mi bsten la bslab pa phul ba'o/ /mu gnyis pa ni 'jigs pa med pa'i sems dang / rku ba'i sems kyis mi tshangs bar spyod pa byed pa'o/ /gsum pa ni tshul bzhin du bslab pa phul nas mi tshangs par spyod pa byed pa'o//bzhi pa ni dge slong mngon par dga' ba'o/ /tha na dud 'gro'i skye gnas su skyes pa zhes bya ba ni spra mo dang / spra mo dang 'dra bar gyur pa'o/ /pham par gyur pa zhes bya ba ni grub par byas ma thag tu ltung ba dang smad pa ste/ dge slong gi dngos po pham par 'gyur ba'i phyir yang ngo //gnas par mi bya'o zhes bya ba ni de dge slong dag gso sbyin la sogs pa'i nang du mi gnas pa'o/ /pham par gyur na yang gnas par mi bya ba ma yin pa yang yod de/ mu bzhi'o/ /mu dang po ni phyir mi 'ong ba de pham par gyur pa yin te/ gzhi nyon mongs pa pham par byas pas pham par gyur pa'o//gnyis pa ni gang gnas nas phyung ba'i las byas pa'o/ /gsum pa ni ltung bar gyur pa'o/ /bzhi pa ni dge slong rang bzhin du gnas pa'o/ /rnam grangs gzhan du na gang zhes bya ba spyi'i sgras ni dge slong las gzhan pa rnams la yang rjes su 'brel par 'jug pa yin mod kyi pham par 'gyur ba nyid ston te/dge slong zhes bya ba'i sgras ni gzhi mthun pa'i dbang du ma byas pa'i phyir ro/ /yang zhes bya ba ni de las gzhan pa ste/ 'dis ni las dang po pa la ltung ba med par ston te/ dge slong zhes bya ba ni dge slong gi so sor thar pa'i dbang du byas pa yin pas dge slong ma la sogs pa ni ma gtogs so zhes bya ba'i tha tshig go//de yang gang dge 'dun dang / mtshams dang / las dang / gang zag gi nyes pa med par dge slong gi lam sam/ dge slong ma'i las kyis bsnyen par rdzogs pa'o/ /rang byung la sogs pa'i rgyu dang ldan pas bsnyen par rdzogs pa rnams ni bslab pa bcas pa'i dbang du ma byas pa'i phyir ro//'dul ba'i rigs nyon mongs pa'i dbang du song nas brtsams te bcas so/ /dge slong zhes bya ba'i sgras ni sngon ltung ba byung ba la sogs pa la yang grags pas de rnam par bcad pa'i phyir/ dge slong rnams dang zhes bya ba la sogs pa gsungs so//'di lta ste dge slong mi tshangs par spyod pa bgyis kyang pham par 'gyur ba'i ltung bar mi 'gyur ba mchis sam zhes gsol pa dang / yod de/ sngon ltung ba byung ba'o zhes gsungs so/ /dge slong rnams dang zhes bya ba ni/ dge slong ma la sogs pa gzhan dang ni ma yin te/ de dag dang bslab pa mang nyung yod pa'i phyir ro/ /dge slong ma mtshan gyur te/ dge slong du gyur pa de ci ltar de dag dang bslab pa mtshungs pa ma yin zhe na/ gyur nas ni bslab pa thun mong ma yin pa rgyun chad pa'i phyir ro/ /lhan cig ces bya ba ni de las gzhan pa'i don rnams las bzlog nas lhan cig pa'i don ni gsum pa'i don du bstan to//bslab pa zhes bya ba ni bslab pa gsum ste/ lhag pa'i tshul khrims dang / lhag pa'i sems dang / lhag pa'i shes rab bo/ /'dir ni lhag pa'i tshul khrims la bslab pa zhes gzung ngo / /gyur ces bya ba ni su lhung ba byed pa ni gsol ba'i las ma rdzogs pa ste pham par gyur pa zhes mi brjod de/gang dge tshul gyi dngos por yang ma byas par bsnyen par rdzogs par byed pa'o/ /bslab pa ma phul zhes bya ba ni/ sdom pa gtong bar 'gyur ba'i rgyu rnams kyis sdom pa ma gtang ba zhes bya ba'i tha tshig go/ / de'i rgyu ni bzhi ste/ bslab pa phul ba dang / mtshan gnyis byung ba dang / dge ba'i rtsa ba chad pa dang / shi 'phos pa'o/ /sdom pa rgyun bcad pa ni bslab pa mtshungs pa ma yin no zhes bya ba'i don ni sngar yang ma bstan tam zhe na/ gyur ces gsungs pas gang gis gyur nas phul ba de ni gyur pa nyid do zhes brjod nus te/'di la nyes pa med do/ /bslab pa nyams par ma byas zhes bya ba ni bslab pa rnams la mi nus par nges par ma byas pa'o/ /'di yang ci'i phyir zhe na/ gzhan dag la ni bslab pa 'bul ba'i rgyu rab tu bstan pa'i phyir ro/ /gang bslab pa ma phul yang bslab pa rnams la mi nus par nges par byas la bsam pas kyang gtong 'dod pas byas na de pham par 'gyur ba ma yin par bstan pa'i phyir ro zhes 'chad do//mi tshangs par spyod ces bya ba la tshangs par spyod pa ni 'phags pa'i lam mo/ /mya ngan las 'das pa'i mtshan nyid ni tshangs pa ste/ des tshangs par byed pa'i phyir ro/ /de'i mi mthun pa'i phyogs su gyur pas mi tshangs par spyod pa ste/ bsod nams ma yin pa dang / mi snyan pa bzhin no/ /'khrig pa zhes bya ba ni bud med dang skyes pa sbyor ba ste/ de las las su gyur pa de ni 'khrag pa'o zhes phal cher smra ste/ rang gi kha la sogs par yang pham par 'gyur ro//tshig 'di gnyis kyis ni gnyis kyis gnyis phrad pa nyes dmigs dang bcas par ston to/ /yang na bslab pa ma bzung bas 'khrig pa byas pa las bye brag tu bstan pa'i phyir mi tshangs par spyod pa'i tshig gzung ngo / /rnam grangs gzhan du rang gi kha dang bshad pa'i lam du byed pa ni mi tshangs par spyod pa'o//gzhan la byed pa ni 'khrig pa'o/ /chos zhes bya ba ni rang gi mtshan nyid 'dzin pa'i phyir te/ 'dis ni dngos po med pa'i rmi lam gyi 'khrig pa rnam par gcod do/ /bsten na zhes bya ba ni myong ba dang bcas par byas pa'o/ /tha na zhes bya ba ni dud 'gro'i skye gnas su song ba dman pa'i phyir ro//sha za mo dang sems can dmyal ba'i bud med ni 'bring ngo / /lha dang mi'i bud med ni mchog go/ /dud 'gro'i skye gnas su gtogs pa zhes bya ba ni phal cher dud de 'gro bas dud 'gro'i skye gnas te der gtogs pa la'o/ /mo rtags ni 'dir mngon par brjod pa tsam ste/skyes pa la yang pham par 'gyur ba'i phyir ro/ /kyang zhes bya ba ni 'bring dang mchog kyang ngo zhes bya ba'i tha tshig go/ /de zhes bya ba ni mtshan nyid kyis mngon sum du gyur pa'i phyir ro/ /dge slong zhes bya ba ni sngon gyur par shes pa'am grags pa'o/ / pham par gyur pa zhes bya ba ni bdud kyi sdes dam pa'i chos kyi rgyal po'i sras las nyams par byas pa'i phyir te/ ji ltar dge sbyong du mi rung bar 'gyur/ shAkya'i sras kyir mi rung zhes gsungs so/ /gnas par mi bya'o zhes bya ba ni tshangs pa mtshungs par spyod pa rnams kyis bskrad pa'i phyir 'di ni mthong ba'i chos kyi nyes dmigs ston to//phyogs 'dis bslab pa'i gzhi thams cad kyi tshig gi nus pa brjod par bya'o/ /mangs kyis dogs nas thams cad la ni ma brjod do/ /de la ltung ba ci ltar 'gyur zhe na/ dge slong gis bud med dang skyes pa dang ma ning rnams kyi zag byed dang / kha dang /bshang ba'i lam rnams su zag byed bcug la/ bcug nas nyams su myong nas dngos gzhi'i ltung ba'o/ /zag byed du pags pa las nor bu 'das na bcug pa zhes bya'o/ /khar ni nor bu so las 'das na'o/ /bshang ba'i lam du ni 'dzum pa las 'das na'o/ /nyams su myong ba ni 'dod chags skyes nas lus kyi rnam par shes pa dang /yid kyi rnam par shes pas so/ /mi'i bud med dang / skyes pa dang / ma ning gson po'am/ shi ba'am/ gnyid kyis log pa'am/ gnyid kyis ma log pa'am/ snyoms par zhugs pa'am/ smyos pa'am/ sems 'khrugs pa'am/ tshor bas nyan pa 'am/rang bzhin du gnas pa rnams la bar dang bcas pas bar chad dang bcas pa dang / bar dang bcas pas bar chad med pa dang / bar med pas bar chad dang bcas pa dang / bar med pas bar chad med pa dang / rma gsum dang / rma gnyis kyang rung ste/ rnam par ma nyams pa la bcug ma thag tu bsten par gzhol ba la dngos gzhir 'gyur ro//rnam par nyams pa la ni nyes pa sbom po'o/ /de bzhin du mi ma yin pa'i bud med dang / skyes pa dang / ma ning rnams dang / de bzhin du dud 'gro'i skye gnas su gtogs pa rnams la'o/ /bud med kyi dbang po gang gnyi ga gzung du mthun pa de rnam par ma nyams pa'o//phyi'am nang rul pa'am/ srin bus zos pa gang yin pa de ni rnam par nyams pa'o/ /kha dang 'og ma ni kun du zhig na rnam par nyams so/ /bzlog pa ni rnam par ma nyams pa'o/ /dge slong la sogs pa dang / dge slong ma la sogs pa nyal ba'am/chang gis myos pa la rtsol bar byed na bsnyil bar bya'o/ /gal te dang po dang / bar ma dang / tha mar mi shes sam/ nyams su ma myong na bsnyil bar mi bya'o/ /nyams su myong na bsnyil bar bya'o/ /gya tshom du bzung ste rtsol bar byed na yang bsnyil bar bya'o/ / rtsol bar byed cing gal te 'jug pa na bdag gis byed dam/ 'byin pa na nyams su myong na bsnyil bar bya'o/ /rig sngags dang gsang sngags kyis bdag dud 'gro'i skye gnas su bsgyur yang rung ma bsgyur yang rung log par zhugs pa'o/ /gal te dge slong gi 'du shes kyis mi bya ba byed do snyam na pham par 'gyur ro//zlog pa ni nyes pa sbom po'o/ /rked du bcad pa'am/ mgo bcad pa'i bshang ba'i lam dang / zag byed kyi lam du yang pham par 'gyur ro/ /khar ni spom po'o/ /lus kyi rma'am/ so'i phyi rol lam/ mchu'i bar ram/ sgye'u 'am/ ma reg pa'am/gos stug pa'am/ gro ba'am/ pags pas g.yogs pa'am/ 'dab ma'am/ 'od ma'i sbu gur bcug pa'am/ nyis ltab tu byas pa'am/ nor bu'i pags pa bcug na nyes pa sbom po'o/ /bkas pa'i mtshams sbyar te byas na/ gal te mtshams mngon pa ni sbom po'o/ / mtshams mi mngon na ni pham par 'gyur ba'o/ /gnyid kyis log pa la phan tshun log par 'jug la dge slong gi 'du shes thob na pham par 'gyur ro/ /gzhan du na nyes pa sbom po'o/ /glang po che'i phru gu mo 'brangs ma thag pa la ma chud pa na sbom po'o/ /glang po che mo dang / wa mo dang / ro dang /klu'i bu mo dang / gnod sbyin gyi bu mo la byed pa na/ 'jigs pa skyes pa na sbom po ste/ 'jigs na chags pa med do/ /de bzhin du ma la ngo tsha bar gyur na sbom po ste/ ngo tsha na chags pa med do/ /shing la sogs pa las byas pa'i gzugs brnyan gal te mi ma yin pas gzung ba la yan lag thams cad kyis reg par gyur na'o//ci ste dbang po nyi tshe sprod na sbom po'o/ /lha ma yin gyi bu mo'i lam du rkang pa bcug pa dang / de bzhin du gzhan du na gzhan gyi yan lag gi rnam pa bcug pa dang / dge slong mi tshangs par spyod pa sbyor ba na las su ma rung nas yan lag gi rnam pa bcug pa dang /yan lag gi rnam pas yan lag gi rnam pa la reg par byas pa dang ro'i mtshan bcad pa dang / mtshan srin bus gang bar log par 'jud na sbom po'o/ /kha gdangs te glal ba'i khar gzhan gyi yan lag gi rnam pa bcug pa dang / nam mkha' gsal ba la sgren mor yongs su las byed pa las gzhan gyis rang gi khar bcug pa'i phyir dga' bar nyams su ma myong na ltung ba med do zhes gsungs so//glal na de ltar mi bya'i chos gos kyi tha ma'am/ lag pas dgab par bya'o/ /nam mkha' gsal ba la sgren mor las mi bya'o/ /rgyab mnyen dang mtshan rings kyis rang gi kha'am bshad pa'i lam la yang ngo //mdzes dga'i phyir nang du smyugs te phyi rol du pho ba dang / phyi rol tu smyugs te nang du pho na yan lag gi rnam pas yan lag gi rnam pa la bcug ma thag tu pham par 'gyur ba'o/ /mdun logs su las byas la rgyab logs su pho ba yang de bzhin no//pho'i nad kyis btab ste/ bud med kyi khar bcug na phan no zhes bud med kyi khar bcug na yang pham par 'gyur ba'o/ /de bzhin du pham par 'gyur ba ma yin pa pham par 'gyur bar 'du shes na'o/ /sgren mor nyal ba la tshogs can mo rgan mos mnan pa las de gnyid kyis non pas reg pas nyams su ma myong bas ltung ba med do//gal te nyams par gyur na sbom po'o/ /grong gi mtha' na gnas pa glos phab ste nyal na sgo gtan gzhug par bya'o/ /yang na dge slong gzhag go/ /yang na mdud pa bor bar bya'o/ /dgon pa pas bsam gtan thob pa dbang po las su rung ba la lci thun mas mnan pa'i phyir 'dod chags dang bral ba la ltung ba med do zhes gsungs so//dgon pa pa sgo med par yal ga la sogs pas sa phyogs de de'i rim pas bsko bar bya'o/ /'dod chags dang ma bral ba ni lngas dbang po las su rung bar 'gyur te/ bshang ba dang / gci ba dang / rlung gis nye bar non pa dang / srog chags u ca ting gas zin pa dang / 'dod pa'i 'dod chags so/ /'dod chags dang bral bas ni rnam pa bzhis so/ /dge slong gis dge slong ma la sogs pa la btus pa la khas blangs kyi 'og tu 'gyod de mi 'dod bzhin du khu ba phyung ba dang /nyams su ma myong na nyes byas so/ /dge slong gis khas blangs pa las phyis mi 'dod bzhin du byas na sbom po'o/ /mi'am ci mos rang gi gnas su nye bar khrid de mnan pa dang / 'du shes dang bral ba 'gyur na ltung ba med do/ /de 'dra ba'i phyogs su gnas par mi bya'o//gcig gci ba'i tshe khyis zin na skrag pas ltung ba med do/ /de'i mdun du gci bar mi bya'o/ /chu 'bog pa'i tshe nyas zin pa yang de bzhin no/ /gang na de lta bu'i 'jigs pa yod pa der sgren mor chu 'bog par mi bya'o/ /lam la lam ma yin par 'du shes pa dang yid gnyis za ba dang /lam yin pa la lam du 'du shes par byas na pham par 'gyur ba'o/ /lam ma yin pa la lam dang yid gnyis za na sbom po'o/ /mi tshangs par spyad par sems bskyed na bsdam par bya ba'i nyes byas so/ /sham thabs gyon te 'gro ba na lus kyi gnas ngan len rnam par gyur pa'i bar dag la sogs pa byed na bshags par bya ba'o//bya bar brtsams te nor bus nor bu la ma reg pa'i bar du sbom po'o/ /spu'am yo byad 'ga' zhig gam yan lag gi rnam pa'am yan lag gam nying lag la byugs pa las bags kyis dga' ba nyams su myong na yang de bzhin no//gal te reg pa'i bde bar ni ma bsams kyi mi tshangs par spyod pa'i bsam pas reg na pham par 'gyur ba'i nyes pa sbom po'o/ /gal te reg pa'i bde bar bsams na dge 'dun lhag ma'o/ /lus kyi bu ga'am de las gzhan par mi tshangs par spyod par bsams te gal te khu ba phyung na yang dge 'dun lhag ma'o//sbom po nyid do/ /nor bus nor bu las 'das na pham par 'gyur ro/ /bsams te gnyid kyis log nas bud med par mi tshangs par spyod pa bsten na bsdam par bya ba'i nyes byas so/ /gsang sngags dang / sman dang / sgyu mas sems can gyi gzugs byas pa rnams la ni sbom po'o//gang bslab pa rnams dang 'gal ba la 'jigs pa med pa dang / dad pas byin pa la rku ba'i sems yod de/ sems rnam pa gnyis ma rnyed pa de ni gsol ba dang bzhi'i las kyis bslab pa sbyin par bya'o/ /kha cig na re de bzhin du bud med ga ge mo zhes bya ba la log par 'jug go snyam pa las gal te skyes pa'am/ma ning ngam bud med gzhan zhig la log par zhugs na de la yang bslab pa sbyin par bya ste/ gal te gzhan ma yin pa la log par 'jug go snyam du bsam pa'i phyir na pham par 'gyur ba'i ltung ba sbom po la bslab pa byin pa yin no zhes 'chad do//de'i chad pa'i las ni 'di yin te/ chad pa byed pas bya ba thams cad bya ste/ ji srid 'tsho'i bar du byin len sbyin par bya ba dang / des kyang byin len byin nas bza' bar bya ste/ de ni bye brag go/ /dgra bcom thob na gral rims gang du bab par 'dug par bya ste/ gzhan dag na re zla ba drug gi bar du gdon mi za bar dge 'dun la bsnyen bkur bya'o//gnas brtan la bsnyen bkur bya'o/ /lhung bzed dang chos gos kyi las la sogs pa'i grogs bya'o/ /de'i 'og tu gang gi tshe dge 'dun mnyes par gyur pa na bsam pa phun sum tshogs par rtogs nas rjes su gzung bar bya ste/de ltar de gso ba yin no zhes 'chad do/ /sngon ltung ba byung ba dang / rku thabs su gnas pa dang / dang por 'khrugs pa dang / za ma dang / ma ning dang / dge slong ma sun phyung bas nyams par byed na nyes byas so/ /bsnyen par ma rdzogs pas na yang pham par 'gyur te/'di lta ste/ bslab pa byin pa'o/ /sman pas lung phog pas sman mas gtong ba na nyams su myong na ltung ba med do/ /las dang po pa la ltung ba med do/ /de la bsdam par bya ba'i nyes byas yod do/ /smyos pa la ltung ba med do/ /nye du la sogs pa zad pa lngas smyos pa'o/ /sems 'khrugs pa ni mi ma yin pa rnams kyis gang gi sems dkrugs pa'o//tshor bas nyen pa ni gal te dge slong gi 'du shes med pa'o/ /de dag las gleng gzhi la sogs pa rnams la brgyad ni bshad zin to/ /lhag ma rnams brjod par bya'o/ /bslab pa blangs pa dang / de ma btang ba dang / lam ma nyams pa dang / dbang po 'jug pa dang / nyams su myong ba dang / sems tha mal pa dang / sems gnyis nye bar mi gnas pa ste/ yan lag bdun no/ /kun nas slong ba ni gnyis te/ lus dang sems dang / lus dang ngag dang sems so/ /gal te tshig bzhams te byed na yang ngo / /dge ba'i chos kyi nus pa phongs par byed pa dang /ngan song ba'i kha na ma tho ba bskyed pa'i phyir pham par 'gyur ba yin no/ /dge 'dun gyis bskrad pa'i phyir dge 'dun lhag ma yang yin te/ de ltar nyes pa de byung na dge 'dun gyis bsnyigs te bsgo ba'i phyir ro/ /ngan song rnams su sreg pa dang / 'ched pa dang /ltung bar byed pa'i phyir ltung byed kyang yin no/ /ma bshags na kha na ma tho ba shin tu mang du bskyed de/ bshags par bya ba'i phyir so sor bshags pa yang yin no/ /ngan par byas pas smad pa'i phyir nyes byas kyang yin no/ /rgyun ma chad pa yang yin no/ /bslab pa byin pa'i ltung ba gyur pa gang yin pa ni rgyun chad pa'o//rang bzhin gyi kha na ma tho ba'o/ /gal te ched du byed pa ni bya bar sbyor ba'o/ /gal te brtsal ba na btang snyoms su 'jog pa ni mi bya bar sbyor ba'o/ /spyad pa dang ma spyad pa dang / lci ba dang / yang ba ni snga ma bzhin no/ /dngos su nam la sogs pa la byed pa ni lci ba'o//lus kyi las so/ /ldang ba ni bslab pa byin pa ji skad bstan pa bzhin no/ /nyes pa sbom po'i lci ba ni gang dge 'dun thams cad kyi mdun du bshags par bya ba'o/ /yang ba gang yin pa ni tha na bzhi 'dus pa la'o/ /de bzhin du de las gzhan pa'i pham par 'gyur bdag gis nyes pa sbom po yang brjod par bya'o//dge 'dun lhag ma'i nyes pa sbom po lci ba ni tha na bzhi 'dus pa la'o/ /yang ba ni gang zag gcig la'o/ /rang bzhin gyi kha na ma tho ba dang bcas pa yin pas nyon mongs pa can nyid do/ /bcas pa'i kha na ma tho ba dang bcas pa ni rnam pa gnyis su 'gyur ro//rnam pa lngas ltung ba 'byung ste/ 'dir phyogs bstan pa'i phyir rnam pa thams cad sbyar ro/ /de las gzhan pa'i bslab pa'i gzhi re re la yang dang po'i rnam pa brgyad brjod par bya'o/ /lhag ma rnams kyang sbyar bar bya'o/ /gleng gzhi gang zag nyes pa dang //gzhi dang nyon mongs don nyid dang / ltung bar 'gyur dang ltung min dang / /yan lag rnam gzhan kun slong dang / de bzhin brda dang rgyun chad dang / /kha na ma tho mi bya dang / spyad dang spyad min lci yang dang / /mtshan nyid dang ni ldang ba dang / /nyon mongs 'gyur dang nyon mongs min//rgyu dang rnam pa nyi shu gcig /bslab pa kun la brjod par bya/ /mtshan nyid blo ldan rnam par dbye/ /pham par 'gyur ba dang po'o// //'dul ba bsdus pa bam po gnyis pa/ rgyal po'i khab na nor can gyis ma skyes dgra'i shing khyer ba dang / des de la bsad pa'i rigs so zhes gyod du rmas so//de nas ji tsam gyis rgyal pos rkun po chad pas gcod ces 'phags pa kun dga' bos smras te/ yongs su len pa'i gzhi'i dbang du mdzad nas yongs su len pa'i nyon mongs pas gnyis pa bcas so/ /grong du 'dug pa'am zhes bya ba ni/ mtha' ra bas bskor ba'o/ /dgon pa na 'dug pa zhes bya ba ni ra ba'i phyi rol lo/ /gzhan dag gi zhes bya ba ni/ mi yid gcugs pa ma yin pa rnams kyi'o/ /ma byin pa zhes bya ba ni gang des gzhan la ma byin pa dang / gzhan gyis kyang de la ma byin pa'o/ /rku ba'i grangs su gtogs pa zhes bya ba ni rku ba'i sems so//yid gcugs pa ma yin pa'i sems sam/ phyir sbyin par mi 'dod pa'o/ /blangs na zhes bya ba ni bdag gam gzhan gyis bdag gir byas pa'o/ /ji tsam zhes bya ba ni ma sha ka lnga'am de las lhag pa'o/ /na na ka ci 'dra bas she na/ tshigs nyi shu yod pa'o//ma sha ka ci 'dra bas she na/ 'gron bu nyi shu phrag bzhi'o/ /de ltar na kAR+ShA pa Na'i bzhi cha gcig la ni ma sha ka lnga'o/ /yul dang dus gang na kAR+ShA pa Nar 'gyur ba gang yin pa de'i gzhi bcas ltung bar 'gyur ro/ /gal te na na ka tshigs bcu gnyis su 'gyur na ma sha ka gsum gyi ltung bar 'gyur ro//gal te tshigs bzhi bcur gyur na ma sha ka lnga las lhag kyang dngos gzhir mi 'gyur ro/ /rgyal po'am zhes bya ba ni 'di lta ste/ bud med rgyal srid la dbang bskur bas dbang bskur bar gyur na de yang rgyal po rgyal rigs spyi bo nas dbang bskur ba yin no/ /blon po zhes bya ba ni rgyal po dang /lhan cig blo gros kyis 'tsho ba'o/ /gsod dam zhes bya ba ni ma dad pa'am gtum pas gsod pa'o/ /'ching ngam spyugs kyang rung zhes bya ba ni ma dad pa dang gtum pa nyid kyis so/ /de la 'di skad ces zer na zhes bya ba dad pas so/ /kye mi khyod ces bya ba ni brnyas pa'i tshig go/ / rkun ma'o zhes bya ba ni bstan pa'o/ /de las gzhan pa rnams ni de'i rnam grangs te/ gleng gzhi dang bcas pa'i las kyis rkun por bstan pa'i phyir bshad pa'o/ /gleng gzhi ni mthong ba'i chos kyi 'jigs pa ma mthong ba dang / tshe phyi ma'i 'jigs pa ma mthong ba ste/ de ni byis pa zhes bya ba dang / blun pa zhes bya ba go rims bzhin du ston to//rkub ni las de gang gi phyir rku ba'o zhes zer zhing zhes bya ba'o/ /de yang zhes bya ba la yang gi sgra ni bsdu ba'i don to/ /bslab pa ma phul bslab pa nyams par ma byas zhes bya ba ni/ de thams cad bslab pa'i gnas rnams su rjes su 'jug par rig par bya ste/skabs yin pas bcom ldan 'das kyis yang ma gsungs so/ /de la ltung ba cir 'gyur zhe na/ bdag gam/ pho nya gtong ba'am/ byin gyis brlabs te dang / rku sems dang / der sbyor ba dang / gzhan gyis yongs su gzung ba dang / der 'du shes pa dang / rin thang tshang ba dang /gnas nas spos na pham par 'gyur ro/ /sems bskyed pa ni bsdam par bya ba'i nyes byas so/ /song nas ma reg gi bar du ni bshags par byas pa'i nyes byas so/ /reg la gnas nas ma spags na nyes pa sbom po'o/ /spags na pham par 'gyur ba'o/ /ma tshang ba ni sbom po'o/ / der sbyor ba ni nyes byas te/ /nyes pa sbom po ma yin no/ /gnas gang nas blangs pa'i sa de'i rin thang gis so/ /sbyor ba'i dbang gis kyang 'gyur te/ gal te sbyor ba gcig gis tshang na'o/ /ci ste mang po zhig gis tshang ba ni sbyor ba'i grangs snyed kyi sbom po'o/ /dngos po de yang snod du bcug pa la sogs pa tha dad pas rnam pa du ma'o//de la sa dang / snod dang / rdo dang / spang leb dang / rtsig rmang dang / rtsig pa dang / steng dang / g.yogs ma dang / rim pa dang / chos gos dang / gdang dang / chos gos kyi gdang khung dang / zung dang / khri dang / khri'u dang / an khri'u dang / sgo skyes la gzhag pa'o/ /gal te sa la sogs pa de dag 'jam la mu gcig pa yin na gnas gcig pa'o/ /gal te gyong grugs sam/ gas pa'am mtshams can nam/ yi ge bris pa zhig na gnas tha dad pa'o/ /g.yul na yod pa'i 'bras bu ni kha dog thad dad pas gnas tha dad pa'o//dong du bcug pa'i ni gal te kha da chad du gang na thams cad kyang gnas gcig pa'o/ /gal te gang na shing ngam ra lde 'am/ seg la sogs pa bar chad byas pa zhig na gnas tha dad pa'o/ /bkram pa'i sa la yod pa'i ni rtswa'i kha dog tha dad na'o/ /bzhon pa la yod pa ni gos kyi kha dog tha dad na'o//srang gi khar bzangs kyang de bzhin no/ /glang po che la yod pa ni gal te glang po che chon po zhig na ni thams cad kyang gnas gcig pa'o/ /ci ste rid pa zhig na phyogs kyi dbang gis gnas tha dad pa'o/ /de la gnas pa'i khang pa brtsegs pa dang / rta'i bzhon pa dang /shing rta'i bzhon pa dang / rkang gis 'gro ba dang / zung khyogs dang / shing rta chung ngu dang / khyogs spyil dang / byis pa'i bzhon pa la yod pa rnams kyang de bzhin te/ ji skad bstan pa bzhin du mthun mthun du brjod par bya'o/ /gru phur pa la brtod pa bskyod na nyes byas so/ /rgyun bzhin du khrid dam thang la yang rung ste mi snang bar gyur na ltung ba'o//rgyun las bzlog na gru tshums 'das na'o/ /slob dpon dang mkhan pos chos gos gtad pa rnams rku sems kyis gtsug lag khang nas gnas khang du zhugs sam/ /gnas khang nas khyams su'am/ khyams nas sgo khang du'am/ de nas phyi rol gyi bang rim du'am/de nas gshong du'am/ gshong nas thang la'am/ thang nas thibs por ram/ de nas bla gab med par ram/ lam du 'gro na gom pa bsri zhing 'gro'am/ gtod de 'gro yang rung ste mi snang bar gyur na ltung ba'o/ /khang steng na yod pa'am/ btso blag mkhan gyi gos rlung gis brdas pa khyer na ltung ba'o//khang pa brtsegs pa dang / de'i ba gam la yod pa yang ngo / /gla sgang la sogs pa'am/ shing ljon pa phyung na yang ngo / /glegs bam yang ngo / /dpe bri ba'i phyir ni ltung ba med do/ /sku gdung yongs su gzung ba dang bcas pa zhig 'tsho ba'i phyir rkus na mthar 'gyur ro//zhe sdang gi phyir na nyes ba sdom po'o/ /mchod pa'i don du 'di ni bdag gi ston pa yin te mchod do snyam pa'i 'du shes nyid kyis mchod par byas pa'i phyir na nyes byas so/ /lha khang dang mchod rten dang / dri gtsang khang rnams kyi rgyan mi'i bsrungs pa zhig rkun ltung ba'o/ /mi ma yin pas bsrungs na sbom po'o//de dag gis bsrungs pa ma yin pa zhig la lha'am gnod sbyin la sogs pa med do snyam pa'i 'du shes kyis na nyes pa med do/ /dud 'gro'i skye gnas pas yongs su gzung ba zhig na sbom po'o/ /mi'i rdzas zhig des khyer te 'ong la/ gal te mi'i yin pa'i 'du shes kyis brkus na dngos gzhi'o//gal te bya'i yin pa'i 'du shes kyis na sbom po'o/ /rkang pa med pa dang / rkang gnyis pa dang / rkang bzhi pa dang / rkang mangs so/ /rkang pa med pa ni sbrul dang pad pa la sogs pa'o/ /rkang gnyis pa ni mi dang bya'o/ / de la mi ni yul phyogs dang brda dang mtshan mas rku ba'o/ /bya rku ba la ni rnam pa gnyis te/ bdag dang spur ba ste/ de dag nyid kyang 'chag sa la sogs par 'ongs te babs pa'o/ /chom rkun pa rnams kyis lhan cig gnas pa dbang du byas pa brkus na dngos po ci lta ba bzhin du ltung bar 'gyur ro//bdag la rku ba med do/ /rkang bzhi pa ni glang po che la sogs pa ste/ de dag khyu las bkar tam/ brtod pa las rku ba ste da ltar snang gi bar du nyen kor ro/ /rkang mangs ni sdig pa la sogs pa ste/ de dag kyang gnod pa byed pa dag dang / grong khyer srung ba'i sna chen po la gtogs pa dag dang / rgya mtshor 'jug pa'i tshong pa dag gis yongs su gzung ba rnams so//bdag po dang bcas pa'i gter zhig gsang sngags kyis bkug la/ gal te de nyid thob la dngos gzhi'o/ /rnam pa gzhan du na sbom po'o/ /bdag po med pa'i nor zhig la sbyor la gnyis ka thob na yang sbom po'o/ /ltar snang bar gyur na brkus pa zhes bya'o//char mi 'bab pa'i tshe bdag gi zhing du chu btang ste/ gzhan gyi bcad la lo legs par gyur na rin thang brtsi bar bya'o/ /char chen po'i tshe bsnol te byas na yang de bzhin du brjod do/ /gang na chu bsngos te sbyin pa der gal te mi'i skal ba brkus na de nyid kyi rin thang gis dngos gzhir 'gyur ro//ci ste mi ma yin pa bzhin na sbom po'o/ /chu bcad de brkus na chu'i phung po dang po phab pa nas bzung ste/ tha ma'i bar du rin thang brtsi bar bya'o/ /de bzhin du me tog chu las skyes pa dang / thang las skyes pa yang ngo / /kog tse dang / zhags pa dang /rgya dang rnyes bzung ba'i srog chags dang / chom rkun gyis btags pa'i ba lang la sogs pa bkrol na dngos gzhi'o/ /gnyi ga la ma phan na yang bla snyam na sbom po'o/ /snying rjes na nyes byas so/ /rngon pas 'das pa'i ri dgas smas kyang rung ma smas kyang rung / gal te gtsug lag khang du 'ongs na ma byin yang nyes pa med do//gal te smas pa zhig 'ongs te shi na de dag la sbyin par bya'o/ /klung la sogs pa'i nang du bying ba'am/ steng na 'dug pa'am gnas bskyod pa dang / 'dam brkos na brkus pa zhes bya'o/ /gzhan gyi zhing gcig gtsug lag khang dang bdag gi phyir brkos pa 'du ba'i sar shags bkye ste/gal te khyim pa rgyal na sbom po'o/ /gal te dge slong rgyal na khyim pas sbyor ba'i rgyun ma bcad na sbom po'o/ /sbyor ba'i rgyun bcad na dngos gzhi'o/ /rgyal po'i pho brang du shags bkye na rgyal ma thag tu pham par 'gyur ba'i ltung bar 'gyur te/rgyal po ni rtsod pa thams cad la dbang ba'i phyir ro/ /yal ga la sogs pa'i rib mas bskor ba'am/ phur bu bsnur na mtshams kyi sgo dang sgor ma phrad kyi bar du sbom po'o/ /sna phrad na pham par 'gyur ba'o/ /chom rkun pa rnams la khyim bstan la bgo skal la re bas kyang bgo skal bdag gir byed na so so'i skal pa'i tshad kyis ltung ba'o//gal te 'gyod de khyim der song nas bag yod par sgrubs shig ces bsgo'am/ de dag kyang bzlog na brkus kyang sbom po'o/ /bsgo skal bdag gir ma byas na yang de bzhin no/ /rkun po la chas pa las lam nas phyir log na nyes byas so//don gcig la lam bsrungs te de dag gis brkus na yang ltung ba'o/ /gal te lam du 'jigs shing 'gro la/ bdag gsod du 'ong ngo snyam nas rku sems kyang med/ bdag gir bya ba'i bsam pa yang med na ltung ba med do/ /gang gis ci rnyed pa de dbang bar byas te brkus na bdag gis blangs pa'i dngos po'i tshad kyis ltung ba'o//rnam pa gzhan du na rku ba'i tshe des grogs po rnams las de tsam mam chung ba'am ma thob kyang rung ste/ bgo skal gyi dngos po'i dbang gis ltung ba'o/ /dge slong rnams kyis bdag gis gzhan la bcol tam/ gzhan gyi snod sho gam gzhal dgos pa sho gam gyi gnas las bzlas na de dag la ltung ba med do/ /de ltar mi bya'o/ /gang gis byas pa de ni 'gal tshabs can du 'gyur ro zhes gsungs so/ /sho gam las byol ba rnams la tshe dang ldan pa dag tshur shog 'dong zhes smras na sbom po'o/ /thabs kyis smras na nyes par smras pa'i nyes byas so//gang dag gis sho gam gzhal dgos pa sho gam gyi sar/ ma phyin par de dag gi sho gam de las byol bar bya ba'i phyir lam gzhan bstan na sbom po'o/ /de dag gi bdag gis skal ba ma blangs par bzlas na sbom po'o/ /sar ma phyin na skal ba'am/skal pa phyed dam skal ba tshang bar blangs te bzlas na sbom po'o/ /sar phyin na sho gam phyed dam/ sho gam thams cad kyang rung ste/ gal te de skal ba tshang bar gyur na pham par 'gyur ba'o/ /bdag gi snod sho gam gzhal dgos pa khyer ram khyer du bcug na dngos po ji lta ba bzhin no//bdag gi 'di ni ma la sogs pa'i yin no snyam du bsngos lam smras par nam mkha' 'am/ kha'i nang ngam/ tshem bu'i phrag pa'am/ lam gol ba nas bzlas na sbom po'o/ /de bzhin du gang chung ba nyid kyis rin thang gdab par bya bar mi nus pa'o/ /gang che ba nyid kyis rin thang gdab par bya bar mi nus te/gzhal du med pa ni dngos gzhi'o/ /snod sho gam gzhal dgos pa tshong pa rnams kyis lkog tu gtur bu la sogs pa'i nang du bcug pa la ni ltung ba med do/ /rdzas kyi snod rnams yal bar gzhag par mi bya'i/ dge slong gnyis bzhag ste de gnyis la bsod snyoms sbyin no/ / gal te bzlog kyang bcug na bsnyen par ma rdzogs pa med na bdag nyid kyis phyung ste gzhag par bya'o/ /khyer rang gi nor shes par gyis shig ces bya'o/ /gcig pu 'gro la bsod snyoms la sogs pa'i phyir 'gro dgos na mtshan ma gdab par bya'o/ /slar 'ongs nas kyang de brtag par bya'o//ma dang pha dang / dkon mchog gsum gyi phyir khyer na de dag gi bsngags pa brjod par bya'o/ /mi 'dod na byin te 'gro bar bya'o/ /gnod pa 'byung du dogs na dkon mchog gsum gyi sku skal las gcig las sbyin par bya ste/ phyis mnyam par bgo'o/ /lam du zhugs pa na dge slong gzhan la snod sho gam gzhal dgos pa med grang zhes dris te blang bar bya'o//rnam pa gzhan du na nyes byas so/ /snod sho gam gzhal dgos pa la lam du bskur bar mi bya'o/ /ras sar pa zhig na ni tha na kha tshar dang phun tshar bcad de ba lang gi lci ba btsir bas kha bsgyur la bskur bar bya'o/ / yo byad gyi gos ni ltung ba med do/ /de ni kha tshar dang bcas sam kha ma bsgyur yang nad pa'i sman zong du bskur bar bya/ btsong bar bya'o zhes gnang do/ /gal te gzhan la rung bar byed du bcol na byas sam ma byas zhes dri bar bya'o/ /rnam pa gzhan du na nyes byas so/ /sho gam la byol ba sho gam ba la gtad na 'gal tshabs can du 'gyur ro//khyim pas ma bsgo bar de'i tshig gis de'i chung ma la bslangs na/ dngos po ci lta ba bzhin du ltung bar 'gyur ro/ /mang po zhig gis chos gos gcig brkus na rang gi skal pa'i tshad kyis ltung ba'o/ /chos gos kyi gtur bu las rku bar 'dod na 'dam pa'i tshe sbom po'o//gang 'dod pa de phyung ba'i tshe dngos po ci lta ba bzhin no/ /zung dang bcas te brkus na sbom po'o/ /gang gi tshe zung dang bral bar gyur pa de'i tshe dngos gzhi'o/ /chos gos kyi gdang la sogs pa la yang de ltar brjod par bya'o/ /gzhan gyis bsgo ba la yang rku sems kyis blangs na dngos po ji lta ba bzhin no//'di ni de'i yin gyis bdag gi ma yin no snyam na ltung ba med do/ /ma bsgo bar gzhan gyi phyir brkus na sbom po'o/ /'di ni de'i yin nam ma yin snyam du the tshom za bzhin du brkus na sbom po'o/ /bsnyen par rdzogs pa'i phyir sbyor ba byed la bsnyen par rdzogs pa na rku na sbom po'o//bzlog pa na yang sbom po'o/ /gsum pa ni nyes byas so/ /bzhi pa ni dngos gzhi'o/ /de bzhin du bsnyen par rdzogs par byed pa'i tshe yang mu bzhi ste/ bsnyen par rdzogs pa'i phyir gzung la/ bsnyen par rdzogs pa na gnas nas spags na sbom po'o/ / de bzhin du bzlog pa na yang ngo / /gsum pa ni nyes byas so/ /bzhi pa ni dngos gzhi'o/ /rku ba lngas ltung bar 'gyur te/ 'di lta ste/ mthus rku ba dang / dor byas te rku ba dang / gtams pa rku ba'am/ sgyus rku ba dang / phyir sbyin pa rku ba'o/ /drug pa chos rku ba la ni ltung ba med do//shing tog la glog cing rku na sbyor ba gcig gi tshad du gyur na ltung ba'o/ /shar gyi lus 'phags dang / nub kyi ba lang spyod kyang sa de nyid kyi kAR+ShA pa Nas ltung bar 'gyur ro/ /byang gi sgra mi snyan na ni yongs su 'dzin pa med pas ma byin par len pa med do/ /sbyor ba na rku ba'i 'du shes yod na sbom po'o//rang gi 'du shes kyis ltung ba med do/ /rku sems kyis na dngos gzhi'o/ /bzlog pa ni sbom po'o/ /'bras kyi phung po la 'bru zhing rku na sbyor ba gcig gis dngos gzhi'i tshad du gyur na ltung ba'o/ /skye bo mang po'i nor rku na gcig gi skal ba gang yin pa de'i tshad kyis so//kAR+ShA pa Na lcags las byas kyang gal te rin chen dngos gzhi'o/ /ma sha ka bzhi'i sbyor bas brkus na/ kAR+ShA pa Na stong yang dngos gzhir mi 'gyur ro/ /nyes pa sbom po ni mang ngo / /rku sems kyis gzung la bdag gi 'du shes kyis spyad na sbom po'o/ / bzlog pa ni dngos gzhi'o/ /rin po che la sogs pa sa'i 'og tu bcug pa chud gzon na sbom po'o/ /'di ni thams cad du brjod par bya'o/ /glo bur gyi thob pa mi dbang bar dbang ngo zhes smras na sbom po'o/ /thob nas dngos po ji lta ba bzhin du ltung bar 'gyur ro/ /gzhi med pa'i bsod snyoms len na sbom po'o//mgron du ma bos par za na nyes byas so/ /mkhan po grong gzhan du song ba'i thob pa len kyang len pa'i tshe gzhan la shes par byas na ltung ba med do/ /de bzhin du mdza' bo'i yang ngo / /ma bcol bar mi blang ngo zhes gsungs so/ /'di ni nges pa'o//nad pa'i phyir blangs la gal te nad pa shi ba'i gnas skabs na ni sbyin bdag nyid la sbyin par bya'o/ /ci ste 'tsho ba'i gnas skabs kyi ni shi ba'i yo byad do/ /chom rkun pa'am bang mdzod la sogs pa'i srung mas gal te byin na/ de la sbyin bdag gi sems nye bar gzhag par bya'o//chom rkun pa dag gnod pas 'jigs te bros pa'i tshe byin na mi blang ngo / /blangs kyang brkus pa'i rkyen gyi ltung ba med do/ /chom rkun gyi rgyal mtshan can gyi yang ltung ba med do/ /mtshon gyis dras pa kha dog ngan par byas te bcang bar bya'o/ /gal te nor bdag nyid slong na sbyin par bya'o//spring yig dang lag yig dang lag pa'i phyag rgya la sogs pa'i tha snyad rnams kyis kyang dngos po ji lta ba bzhin no/ /kAR+ShA pa Na'i tha snyad du mi byed pa zhig brkus na rang gi dngos po'i rin thang bzhin du bya'o/ /de bzhin du kAR+ShA pa Na rngo rngo dang / tha snyad mi byed pa dang /lcags las byas pa brkus na yang rin thang gi dbang gis ltung ba'o/ /de bzhin du kAR+Sha pa Na bzang po dang mthun pa zhig rku bar sbyor ba byed pa na gal te bdag pos 'di ni ngas khyod la sbyin no zhes smras la/ btang ba'i 'du shes su gyur na sbom po'o/ /gser ram dngul la lcags su bsgyur te sho gam gyi gnas nas 'das na sbom po'o//rin po che'am rin po cher smos pa chud gsan te brkus na rin thang brtsis la dngos po ci lta ba bzhin du ltung ba'o/ /gtams pa brnogs te nges par byas pa'i dus su gal te dngos po yod pa gzhan dag gi mnyam pa med na des pa ste dngos gzhi'o//gtams pa sngar nges pa byas la phyis gnas nas na spag ma sbom po'o/ /gal te thog ma nas spags na dngos gzhi'o/ /'tsho ba'i phyir glang po che la sogs pa bsad na dngos gzhi'o/ /gnyis ka la ma phan yang bla'o snyam na sbom po'o/ /rgyan po 'gyed pa'i tshe grangs btab nas sbed pa la sogs pas brkus na dngos po ci lta ba bzhin du ltung ba'o//gzhan rku'o snyam pa las gzhan dang gzhan gyi na sbom po'o/ /sbyar ma'i nang nas dar rin thang chen po byung ste/ phyis mthong na sbyar ma'i dngos po kho nas ltung ba'o/ /yan lag gi khrus byed pa ni rin po che'i za ma tog mthong ba la ltung ba med do//de'i bdag po 'dod na sbyin par bya'o/ /rku sems kyis phyogs bzhi'i dge 'dun gyi gnas nas gnas gzhan du spod na nyes byas so/ /bya tshang bcas te yongs su bzung ba sreg gam/ btso blag la sogs pa'i phyir blangs na nyes byas so/ /byi bas khyer ba bdag gi gang yin pa de blang gi de'i ma yin no//byi bas khyer te 'ongs na des byin pa'i dbang gis spyad par bya'o/ /ci yang rung ba zhig la 'di ni 'di ltar brku'o snyam ste lus bsgyur na sbom po'o/ /nad pas kAR+ShA pa Na gtad de 'di dang 'di lta bu gyis la dge 'dun la phul cig ces bsgo ba la de ltar ma byas par rang dgar bgos na sbom po'o//shi ba'i rnyed pa ma bgos pa sangs rgyas kyi slob ma rnams mtshams kyi nang du lhags pa thams cad dbang ba brkus te yongs su tshang na pham par 'gyur ro/ /de'i 'di bgo bar bya ba ni dus lnga'i tshe mtshams kyi nang du lhags na shi ba de'i rnyed pa dbang bar 'gyur te/she ba'i gaN+DI brdung ba dang / rgyun chags gsum pa 'don pa dang / mchod rten la phyag 'tshal ba dang / tshul bzhin 'drim pa dang / gsol ba byed pa'i tshe'o/ /de yang 'di ltar bya ste/ dge 'dun btsun pa rnams gsan du gsol/ /gnas 'di na dge slong ming 'di zhes bgyi ba dus las 'das te gum pa 'di'i yo byad snang ba dang mi snang ba yod pa 'di gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong gum pa ming 'di zhes bya ba gum pa'i yo byad snang ba dang mi snang ba byin gyis brlab bo//'di ni gsol ba'o/ /gang na dge 'dun brel tam las byed pa med pa der dang po dang tha ma bya ste/ dge 'dun la rgan pa cig dang gzhon pa cig la cung zad cig byin la ltag ma ni nam bde ba na bgo'o/ /dang po dang tha ma 'das zin pa'i 'og tu 'ongs pa la ni mi sbyin no//shi ba'i rnyed pa khyim gzhan na yod pa ni gang sngar 'ongs pa de dbang ngo / /mnyam du 'ongs na gang dang por slong ba dbang ngo / /de la mnyam na khyim pas gang la sbyin pa de dbang ste/ gang la dad pas byin pa'i dbang du byas pa'i phyir ro zhes bya ba'o/ /dge slong gi rdzas dge slong yod na dge slong ma dang mi bgo'o//dge slong ma'i rdzas kyang de dag yod na dge slong rnams dang mi bgo'o/ /mtshams kyi bar du shi na mgo gang du bltas pa'i mtshams na gnas pa rnams dbang ngo / /gnyi gar bltas na gnyi ga dbang ngo / /gang na bcu la sogs pa'i spyir rnyed pa sbyin par byas la der gal te ma bgos par dge slong shi na sde [(]tshen [,]tshan [)]de dag nyid do//gal te bgos na dge 'dun thams cad dbang ngo / /gnas nas phyung ba'am rang bzhin du gnas pa rnams kyi shi ba'i rdzas ni rang bzhin du gnas pa rnams dbang ngo / /de med na gnas nas phyung ba rnams dbang ngo / / de na ni sus sngar lta ba btang ba dbang ngo / /khas blangs pa'i gnas su dge slong khas ma blangs pa'am/ dge tshul lam/ skra bregs pa'i shi ba'i rnyed pa khas blangs pas bgos na bgos par mi chud do/ /phyogs bzhi'i dge 'dun la bsngos na ni legs par bsngos pa yin no/ /khas ma blangs pa'i gnas su khas blangs pa'i yang de bzhin du brjod par bya'o//lha sbyin gyis gzhi lnga po bcas pa khas blangs pa ni khas blangs pa zhes ba'o/ /nad g.yog byed pa dge slong ngam khyim pa'i bar du yang rung ste gzhan du g.yar gnas pa de'i ched la mtshams kyi phyi rol du song na ni 'di lta ste/ yo byad drug po chos gos gsum dang /lhung bzed dang / chu tshags dang / gding ba ste 'bring las sbyin par bya'o/ /dge slong gis nga shi na 'di ni 'di dbang zhes byin pa de ni byin pa ma yin te/ shi ba'i rnyed pa yin gyis bgo bar bya'o/ /khyim pas de ni byin par chud de/ khyim pa de ni ltos pa dang bcas te 'chi'o//rab tu byung ba ni ltos pa med pa'o/ /shi ba'i ro phyung ste mchod la chos bshad nas shi ba'i rnyed pa bgo bar bya'o/ /rnam pa gzhan du na nyes byas so/ /dngos po dang 'dra ba'i dbang gis byin gyis brlab bo/ /gang zag gang rdzas gzhag pa de ni dngos po dang 'dra ba zhes bya'o/ /lag gi bla shi ba'i rdzas 'chol bar byas pa zhig na dkon mchog gsum bgo'o//mtshams kyi phyi rol la mtshams kyi nang du 'du shes sam/ yid gnyis za bzhin du bgos na 'gal tshabs can du 'gyur ro/ /phyis yang mtshams kyi nang du lhags pa rnams dang lhan cig bgo bar bya'o/ /skyes bskur ba gnyi gas ma bskur bar gnyi ga shi ba'i dus byas na/gang la bskur ba'i shi ba'i rnyed par byin gyis brlab bo/ /gzhan gyis yongs su btang na gang gis yongs su ma btang ba de'i yin par byin gyis brlab bo/ /gnyi ga dag gis yongs su btang na sbyin bdag gi yin no/ /sbyin bdag shi yang de'i 'phrin gyi dbang gis nor blang bar bya'o//deng nor bdag slong na yang de'i nang nas de nyid sbyin par bya'o/ /nyung na yang dge 'dun la sogs pa la mnga' ba las ni mi sbyin no/ /de'i bdag po shi na pha rol gyis ras ci 'dra ba byin kyang blang ngo / /lag gi blas dge 'dun gyi phyir skyin po byas pa las de shi na dge 'dun gyis gzhal bar bya'o//rgan rims rgan rims su dris la de blang bar bya ste 'dab ma yi ge bri bar bya'o/ /chos rkun pas phrogs pa nan khugs kyis 'gugs par byed na gzhi ji lta ba bzhin du ltung ba'o/ /'di lta ste/ de gang gis phrogs pa de'i yin no zhes gsungs pa yin no//'phral du nan khugs kyis dgug par mi bya mod kyi/ 'on kyang tshig gis bsdigs par bya'o/ /chom rkun rgyal po'i pho brang 'khor rnams su mi dbul lo/ /sngar chos bshad pas bslang bar bya'o/ /gal te mi ster na rin phyed kyis so//lhung bzed dang chos gos byas zin pa ni rnyed par dka' ba'i phyir tha na ri ba'i rin gyis so/ /rma ma phyung bar bdag gis rma phyung ngam/ gzhan rma 'byin du bcug ste phyag dar khrod blang bar mi bya mod kyi 'on kyang gang tha na grog mas rma phyung ba yin no/ /yongs su gzung ba dang bcas pa'i dur khrod nas phyag dar khrod blangs na sbom po'o//chom rkun pas khyer ba ma theg nas lam bar du bor ba mi blang ngo / /gal te ci bder byas pa yin na ni ltung ba med do/ /phag sha dang / bu ram shing dang / ta la'i 'bras bu la sogs pa chom rkun pas khyer ba snyigs te bor ba zhig na skye bo'i mngon sum du blang ngo //mdor na phyag dar khrod thams cad ni shin tu brtags te blang ngo / /phyag dar khrod kyi 'du shes yod pa'i phyir rku ba'i rkyen gyis ltung ba med do/ /phyag dar khrod kyi gos mi gtsang bas reg pa mi bsrel gyi legs par bkru ba dang / legs par 'ched pa dang /legs par kha dog bsgyur bar bya'o/ /ro'i gos ni nyi ma bdun nam brgyad tshang tshing la sogs pa'i nang du bzhag la de'i 'og tu nyi mas gdungs pa bkrus te bgo bar bya'o/ /slong ba slar 'ongs pa rnyed pa la slar yang slaung ba la ma byin na 'gal tshabs can du 'gyur ro//gal te yang byin na blang ngo / /glo bur du lhags pa dang / gnyug mar gnas pa dag gis 'ga' zhig 'ongs na sbyin par bya'am zhes dri bar bya'o/ /byin cig ces zer ba las gal te byin nam khyer na legs par khyer ba yin no/ /rnam pa gzhan du tshang bar sbyin par bya'o//dge slong rgyus mi shes par ngal sor gzhug par bya'o/ /chu rgal ba la sogs pa'i tshe/ legs par gzung ngam zhes smras na/ byin pa la shor ba 'gal tshabs can du 'gyur ro/ /bzlog pa ni ltung ba med do/ /ci srid gnam gzer dang / sgo lcags dang / sgo lcags sgril ma dang /'phred gtan dang / 'khor gtan yod la/ gtsug lag khang skyong gis sgo gtan ma bcug ste/ /stor na ni ji snyed pa de snyed kyi skyin pa gzhal bar bya'o/ /su 'di na gnas pa de la ngas sbyin no zhes nges par byas pa las gzhan du khyer te zas la sogs pa longs spyod na rin thang tshang bar byas te sbyin par bya'o//bdag gi lhung bzed dang chos gos la sogs pa rku sems kyis blangs na sdom po'o/ /dge slong la sogs pa'i chos gos lhung ba su'i yin pa de lan grang zhes ka ba'i bar du bkal te gzhag go/ /nad pa la ma dris par de'i tshig gis 'ga' zhig nas sman blang bar mi bya'o/ / mtshan bzang gis nor gyis byin la lhung bzed chung ngu slar sbyin par byas pa de'i tshe ni de'i bya ba bya bar khas ma blangs kyi bdag gi dgos pa'i phyir song ste/ de yang byas nas de'i lhung bzed chung ngu bdag gi yin pa'i 'du shes kyis blangs pas/ bdag gi yin pa'i 'du shes kyis na de la ltung ba med do zhes gsungs te/gla rngan gyi phyir las mi bya mod kyi/ 'on kyang lag pod kyi las bya ba'am yang na bsod nams kyi blos kyang ngo / /mgon med zas sbyin gyi bu chom rkun gyis khyer ba 'phags pa maud gal gyi bus btang ba dang / 'phags pa pi ling da bad sa'i bus sring mo'i bu dang lha 'bangs btang ba lta bu'i snying rje'i bsam pas rdzu 'phrul bstan pa la ltung ba med do//sngags sad do snyam pa'i bsam pas kyang de bzhin no/ /gzhan gyis yongs su zin pa la gzhan gyis yongs su zin par 'du shes sam yid gnyis za na yang pham par 'gyur ro/ /gzhan gyis yongs su ma bzung ba la gzhan gyis yongs su bzung bar 'du shes sam yid gnyis za ba yang sbom po'o//gzhan gyis yongs su ma bzung ba la gzhan gyis yongs su ma bzung bar 'du shes pa la ltung ba med do/ /bdag gi yin pa'i 'du shes dang re zhig pa'i 'du shes dang / yid gcugs pa'i 'du shes dang /len pa na gzhan la shes par byed pa dang / rku sems med pa la ni ltung ba med do/ /yid gcugs pa lnga'i blang bar bya ste/ sdug pa dang yid du 'thad pa dang / mchod par 'os pa dang / bstod par 'os pa dang / bla ma'i dang / bsgrub par 'os pa dang / dran par bya ba dang thos nas yang dga' bar 'gyur ro//grogs po ni gsum ste/ tha ma dang / 'bring dang / rab po/ /de la go rims bzhin du tha ma dang / 'bring dang rab tu yid brtan par bya'o/ /rnam pa gzhan du byas na 'gal tshabs can du 'gyur ro/ /las dang po pa la sogs pa la ltung ba med do//de ni thams cad la yang brjod par bya ste/ yang mi 'chad do/ /su glo bur du 'ongs te ngal sor bcug pa la des ba lang gi lci ba dang / 'dag rdzas dang / chu dang so shing dang sa ci bder byas pa yin pas des de blang ba la ltung ba med do/ /mi gzhan gyi yin pa dang / rku ba'i blo dang /tshang ba dang / sbyor ba gcig pa dang / spags pa dang / bdag gi ma yin pa dang / bslab pa blangs pa ni pham par 'gyur ba'i rgyu yin no/ /pham par 'gyur ba gnyis pa'o// //yul spong byed dag na dge slong dag gis mi sdug bshad pa thos nas/ lus rul bas shin tu ngo tsha ste/ri dgas zlog dge slong sbed kyis bdag dang gzhan gcig gis gcig bsad pas mi bzod pa'i gzhi'i dbang du mdzad nas mi bzod pa'i nyon mongs pas gsum pa bcas so/ /gzhi dang sems dang / sbyor ba dang / mtha' dang / 'di dag ni ltung ba zhes brjod do/ /de la gzhi ni mi'am mir chags pa zhes gsungs pa ste/mi ni gang skye mched drug yongs su rdzogs pa'o/ /mir chags pa ni ma'i mngal na lus dang srog dang yid kyi dbang po thob pa rnams so/ /'di lta ste mi'i rigs su bsdus pa bud med dang / skyes pa dang / ma ning dbang po tshang ba dang /ma tshang ba yang rung ste 'di dag ni gzhi'o/ /sems ni bsams bzhin du zhes bya ba gsungs pa ste bsad pa'i sems so/ /sbyor ba ni rnam pa gnyis su ste lus dang ngag go/ /de la lus ni rang gi lag dar te zhes gsungs pa la sogs pa'o/ /de la rang gi lag dar ba ni bdag gis bsad pa'o//de la mtshon byin nam zhes bya ba ni su bdag gis bdag gsod par 'dod pa la mtshon sbyin par byed pa dang / bdag nyid mtshon 'debs mi nus nas mtshon yod pa de'i lag pa nas gzung ste 'debs pa'o/ /de la mtshon thogs pa gnyer tam zhes bya ba ni/gzhan de la mtshon sbyin du bcug pa'o/ /de la ngag gi sbyor ba ni der 'chir bcug gam zhes gsungs pa la sogs pa ste de la mi 'dod bzhin du 'chir bcug pa dang / 'dod pa la bsngags pa brjod pa'o/ /rnam grangs gang gis she na/ khyod 'dis ci zhig bya zhes bya ba gsungs pa la sogs pa ste/'tsho ba'i nyes dmigs bstan pa dang / shi ba'i legs pa bstan pa'o/ /mi gtsang ba zhes bya ba ni lus mi gtsang ba dang ldan pa'i phyir ro/ /rnam grang du mas zhes bya ba ni/ rnam grangs 'dis sam rnam grangs gzhan gyis kyang zhes bya ba'i tha tshig go/ /sems kyi 'dod pa zhes bya ba ni shi yang bla snyam du de ltar mngon par 'du byed pa'o//sems kyi kun du rtog pa zhes bya ba ni/ 'di shi na bdag gi yon tan 'dir 'gyur ba'o/ /snyam du mngon par 'du byed pa'o/ /'dis ni gsod sems gzhi dang bcas pa ston to/ /de la dge slong gis yo byad kyi phyir tshul khrims dang ldan pa'am/tshul khrims 'chal pa'am/ nad pa gsad pa'i phyir ji ltar mthun par bstan tam/ 'chir bcug gam/ bsngags pa brjod kyang rung ste/ shi na pham par 'gyur ro/ /gal te ma shin sbom po'o/ /gal te 'gyod de bzlog pa las shin yang sngar sbyor bas sbom po'o//de la mtha' ni de yang rtsom pa des dus byas na zhes gsungs pa'o/ /de la ltung ba ci ltar 'gyur zhe na/ dge slong gis zin pa yan lag dang / nying lag dang / ma zin pa 'phangs pa mda' la sogs pa dang / de gnyi ga dang ldan pa ral gri la sogs pa dang dug sbyor ba dang /sa la 'ching ba dang / shing la 'ching ba dang / 'bru'i chang dang / bcos pa'i chang myos par 'gyur ba dang / sman dang / sems 'khrugs pa dang / sa mda' dang / 'khrul 'khor gyi phung po dang / gsang sngags dang / sbyar dug dang / g.yang sa dang / khang thog la sogs pa nas ltung bar byed pa dang /chu dang / me dang / 'jigs pa dang bcas pa'i sa phyogs su gtong ba dang / grang ba dang / tsha ba'i dus nas mtshan mo bla gab med pa dang / g.yogs par gzhag pa dang / mi'i bud med dang / skyes pa dang / ma ning la srog chags su 'du shes sam/ yid yid gnyis za'am/des kyang rung ste bsad pa'i sems kyis de gsad pa'i phyir brtsams pa las gal te rtsom pa des de'i tshe'am/ gzhan gyi tshe yang rung ste/ shi na pham par 'gyur ba'o/ /gal te ma shi na sbom po'o/ /de bzhin du ro langs dang / ro langs phyed pa yang brjod par bya'o//'di ni bye brag ste de la gal te de gnyis kyis dge slong bsad na yang sngar sbyor bas sbom po'o/ /ci ste dge slong gis ro langs bsad nas sprul pa bsad pa dang / sngar sbyor bas sbom po gnyis so/ /mngal na 'dug pa bsad kyi bud med ni ma yin no snyam pa'i sems kyis bud med kyi lto mnyes na gal te mngal na 'dug pa shi la bud med ma shi na dngos gzhi'o//bud med shi la mngal na 'dug pa ma shi na sbom po'o/ /gnyis ka shi na dngos gzhi'o/ /gnyis ka ma shi na sbom po'o/ /de bzhin du bud med gsad pa'i sems kyis mngal na 'dug pa ma yin pa yang brjod par bya'o//mi'i bud med dang dud 'gro'i skye gnas mo'i mngal na mi ma yin pa yod pa rlugs par byas na sbom po'o/ /dud 'gro'i skye gnas mo'i mngal na mi yod pa ni dngos gzhi'o/ /dud 'gro'i skye gnas su gtogs pa bsgyur ba bsad na dngos gzhi'o/ /bdag dud 'gro'i skye gnas su gtogs par bsgyur na gal te dge slong gi 'du shes yod na yang ngo //mang zhig la gzhan zhig bsad do snyam pa las gzhan shi na sbom po'o/ /gzhan bsad pa'i sems kyis ma dang pha dang dgra bcom pa gsad pa dang / ma la sogs pa gsad par sbyor ba las gzhan dang /dgra bcom pa ma yin pa la dgra bcom par 'du shes pa dang / dgra bcom pa la dgra bcom pa ma yin par 'du shes pa dang / ma la sogs pa gsod du bcug pa las sngar shi ba dang / ma yin nam ma yin snyam pa nas/ dgra bcom pa yin nam ma yin snyam pa'i bar du the tshom za ba nyid kyis ma la sogs pa gsad pa dang /ma la ma ma yin par 'du shes pa dang / ma ma yin pa la mar 'du shes pa la sbom po ste/ mtshams med par mi 'gyur ro/ /rtsig pa la sogs pa la gdab par 'dod pa las ma la sogs pa la phog pa dang / nad pa bskyod pa las 'khrul te 'gyel ba dang /nad pa de dag gi steng du 'dres te de dag kyang rkyen des shi ba ni ltung ba med do/ /bud med gzhan gyi mngal nas rlugs pa gzhan gyis bcug pa ni gzhan gyi mngal na rlugs pa de'i mtshams med pa'o/ /gang gis bcug pa de bsad na mtshams med pa ma yin no/ /rab tu byung ba'i tshe ni de nyid la dri'o//mi yin nam ma yin snyam pa dang / de yin nam ma yin snyam du yid gnyis za bas mi bsad na sbom po'o/ /ji ste su yang rung snyam na dngos gzhi'o/ /'di lta ste mi la mir 'du shes sam yid gnyis za na yang dngos gzhi'o/ /mi ma yin pa la mir 'du shes sam yid gnyis za na yang sbom po'o//mi la dud 'gro'i skye gnas su 'du shes pa la nyes byas so/ /mi ma yin par 'du shes pa la sbom po'o zhes gsungs pa yin no/ /gsad pa bros pa la gshed mas dris pa na gsod pa'i sems kyis bstan na gzhi ji lta ba bzhin no/ /mang po'i nang nas gal te gcig bsad pa'i sems kyis gzhan ston na sbom po'o//lung du ma bstan pa'i sems la nyes byas so/ /bzhad gad bya bar bsams te bsnun pa las de shi na nyes byas so/ /bsnyen par ma rdzogs pa sbyor la bsnyen par rdzogs nas shi na mu bzhi pa gnyis te/ snga ma bzhin no/ /mi mkhas pa las dang po pa ma yin pa zhig gal te kha na ma tho ba la mi 'jigs pa'i sems dang / dad pas byin pa la rku ba'i sems dang sems rnam pa gnyis ma byung na bslab pa sbyin par bya'o/ /chus khyer ba'am/ mes tshig pa'am/ shin tu skom pa la gal te lag gis ma bsnyabs sam/shi bar dga' bas shi la thug pa bskyab pa'i phyir/ chu'am/ gzhan yang rung ste sbyor nus bzhin du mi byed dam/ yal bar 'dor la ltung ba'o/ /gzhan gyis gsad par bya ba gdon mi za bar 'chi bar byas pa gsad na sbom po'o/ /gdon mi za bar byas pa ma yin na ni pham par 'gyur ba'o//gnod pa spang pa'i phyir gal te bye brag med par bsnun te/ gsad pa'i bsam pa ni med la shi na ni sbom po'o/ /ma shi na nyes byas so/ /gsad par bsam pa la dngos gzhi'o/ /dge slong bsad pa'i sems ni med la gang gi phyir nad pa 'chi bar sems pa la de dang mthun pa'i gtam byed pa dang ma brtags par gri'am thag pa byin na nyes byas so//dug nye bar gzhag na nyes byas so/ /mi mkhas pa nad pa'i rim gro bar mi gzhag go/ /de lta bu'i rkyen zhig byung na khong du chud par bsgo'o/ /nad pa slong ba na des ma bslang zhig shir 'ong ngo zhes smras pa la/des kyang longs shig ces smras te dus byas na sbom po'o/ /de bzhin du spyod lam gzhan la yang brjod par bya'o/ /nad pa la khrus byos shig ces sam/ longs shig ces de la sogs pa bsgo ba las des ngal te shi na ltung ba med do//spong ba pa yur ba'i tshe dbyi gus reg par byas pa las shi ba yang de bzhin no/ /nad tshabs che ba'i nad g.yog shi na yang bla snyam nas grong du song ba dang / nad g.yog skyo'am/ de'i yo byad 'dod pa'i phyir nad g.yog ma byas na myur du 'chi'o snyam nas nad g.yog ma byas te de yang shi na sbom po'o//kha zas phan pa yod bzhin du mi phan pa sbyin na sbom po'o/ /med dam phan pas kyang shi na ltung ba med do/ /'brum bu ma smin pa brtol te shi na sbom po'o/ /smin pa la ltung ba med do/ /gtar ga btab pa las mtshon kha zabs pa la ltung ba med do//ma bslabs par gtar ga gdab par mi bya'o/ /dge slong che ge mo zhes bya ba shi na de'i lhung bzed dam chos gos bdag gir 'gyur ro zhes lhung bzed dang chos gos kyi las mi byed pa'i phyir gdol pa lta bu'i sems bskyed na 'gal tshabs can du 'gyur ro/ /'on kyang dge slong gis lhung bzed mig bzhin du bskyang bar bya'o//bsreg par 'os pa mi sreg gam/ glan par 'os pa mi glon na 'gal tshabs can du 'gyur ro/ /de bzhin du chos gos kyang pags pa bzhin du bskyang bar bya'o/ /bkru ba dang btsem pa dang / kha bsgyur bar 'os pa de ltar mi byed na nyes byas so//gzhan gyi mngal las rlugs par 'gyur ba byin pa la rjes su yi rang na 'gal tshabs can du 'gyur ro/ /rtsig pa rtsig pa'i tshe so phag lag nas lag tu 'phangs pa las dge slong gis so phag bor ba dge slong gi glad par phog nas dus 'das pa la ltung ba med mod kyi 'on kyang so phag lag nas lag tu sbyin par bya ste/dor bar ni mi bya'o/ /gal te gas pa zhig yod na bsgo bar bya'o/ /skas la 'dzegs na mdud pa dor bar bya'o/ /steng na las byed na yang ngo / /'og tu ni mi dgos so/ /rtsig pa'i grogs byed na dus gcig cig bya'i nyi ma rangs par ni mi bya'o/dgun ni phyi dro'o/ /dpyid ni snga dro'o/ /dus kyang shes par bya ste btang ngo / /'di lta ste lag pa dang rkang pa dag bkrus la bsod snyoms pa ni bsod snyoms la 'gro'o/ /dge 'dun las thob pa ni dge 'dun gyi nang du'o/ /rtsig pa'i grogs byed pa'i kun du spyod pa ni dge 'dun la snum bag gi rnyed pa dang /zhal sus dang / btung ba dang / lag pa dag gi skud dang / rkang pa dag gi skud sbyin du gzhug go/ /rnam pa gzhan du na nyes byas so/ /dge slong gis gdung ma lci ches pas shor te shing mkhan shi ba la ltung ba med do/ /khur lci ba me bteg go//de lta bu'i rkyen zhig byung na bar du khyim pa bzhag ste/ de nas mnyam du gdeg cing mnyam du gzhag cing / khur mi theg pa bteg na 'gal tshabs can du 'gyur ro/ /mi tha mal pa'i khur gcig la dge slong gi khur gnyis te/ de las lhag pa mi gdeg pa'o/ /dge slong gi mgo dang phrag pa dang /rked pa la khur mi bskur ro de bzhin du dge slong ma la yang ngo / /khye'u stan la 'dug pa'i steng du gnas brtan 'char kas 'dug ste shi ba ni ma tshor bas ltung ba med do/ /ma brtags par stan la 'dug na nyes byas so/ /sman pa la ma dris par nad pa la sman sbyin na nyes byas so//sman pa la dri'o/ /de med na sman pa las rab tu byung ba la'o/ /de med na sman pas bkol ba la'o/ /de yang med na nad kyis bkol ba la'o/ /de yang med na nad kyis bkol ba la'o/ /de yang med na gnas brtan gnas brtan la dri'o/ /bkru sman blud nas gzhan du 'gro bar mi bya'o/ /gnyen po bsten na ltung ba med do//gsad pa'i bsam pas nad pa la sman gang yang sbyin par mi bya mod kyi 'on kyang ci nas kyang nad pa nad sos par bya bar bsam mo/ /bsdigs pa na mi phog par bya ba'i bsam pas gaN+DI la sogs pa 'phang bar bya'o/ /logs dang steng nas 'dir 'phongs shig ces bsgo ba las gal te 'ga' zhig phog na ltung ba med do//bsgo ba ni nyes byas so/ /dge slong lam du ngal ba phul bar mi bya mod kyi 'on kyang ngal sor gzhug go/ /snod spyad kyang blang ngo / /dus shes nas gal te nus na ni 'grogs te 'gro bar bya'o/ /ci ste mi nus na sngon du ste lhung bzed bkrus la byug ris gzhag par bya'o//yang na zas mnos te bsu bar bya'o/ /ci ste rnam pa gzhan du na nyes byas so/ /dge 'dun la sman rtsabs lan tshwa can brims pa dang / de bzhin du nad pa dang / gsal shing btsugs pa la yang ltung ba med do/ /ba lang gis 'jigs nas khye'u zhig gi steng du rdeg 'chos te de yang shi ba las ltung ba med do//ba lang gi nang du shes bzhin du 'gro bar bya'o/ /de bzhin du stobs dang ldan pa dbyug pa thogs pa langs pa na bya ba des shi ba dang / chos gos kyi gras gtun shing 'phangs te mi shi ba dang / de bzhin du thal mo dang /brnangs pa bsnun pa yang ngo / /shes bzhin du bsnun par bya'o/ /stag gi 'jigs pa dang bcas pa'i sa phyogs su 'dug shig ces blo gros byin pas zos pa la ltung ba med do/ /shi ri ka des lag 'gros bya ste/ 'gro ba na shi ba la ltung ba med do/ /de lta bur 'gro bar mi bya'o//de bzhin du nad sos nas ring po ma lon pa grogs su khrid nas ngal te shi ba yang ngo / /de lta bu dkri bar mi bya'o/ /gnod par bya ba'i bsam pas mnan te shi na nyes pa sbom po ste/ dngos gzhi ni ma yin no/ /bdag gsod par sems na sbom po'o/ /khros nas thag pas bcings pa la sogs pa dang /gzhan gyi yan lag dang nying lag bcad na sbom po'o/ /sman pa mi mkhas pas gdong du mtshon gyi las byed du bcug na sbom po'o/ /sman pa chen po med na rtsar btab pa la ltung ba med do/ /brdeg par bya ba gzhan yin la gzhan rdeg na 'gal tshabs can du 'gyur ro//de bzhin du gzhang 'brum bcad pa yang ngo / /'on kyang sman dang sngags kyis de gso bar bya'o/ /gsad bar sbyor bar byas bud med bu mtshan gyur kyang pham par 'gyur ro/ /mtshan gnyis par gyur pa dang / dge tshul gyi sar babs pa la ni sbom po'o/ /pham par 'gyur ba gsum pa'o// //grong khyer yangs pa can na chu klung yid 'ong ldan gyi 'gram gyi dge slong dag gis zang zing cung zad tsam gyi phyir nye du rnams kyi mdun du mi'i chos las bla mar gyur pa med bzhin du brjod de/ ldan pa dang rnyed pa dang bkur sti'i gzhi'i dbang du mdzad nas nyon mongs pa de dag gis bzhi pa bcas so//mngon par mi shes zhes bya ba ni shes bya de ji ltar rtag pa la sogs par med na/ de dang bral bar yongs su mi spyod pa'i phyir ro/ /yongs su mi shes zhes bya ba ni shes bya de ji ltar mi rtag pa la sogs pa yod pa de ltar yongs su mi gcod pa'i phyir te//yod pa la yod par yang dag pa ci lta ba bzhin du mi shes pa dang / med pa la med par yang dag par ji lta ba bzhin du khong du chud pa las bzlog par brjod pa yin no/ /med la zhes bya ba ni mi'i chos las bla mar gyur pa de nyid rang gi mtshan nyid kyis med pa'o/ /med bzhin du zhes bya ba ni mi'i chos las bla mar gyur pa de nyid bdag la med pa'o//mi'i chos las bla mar gyur pa zhes bya ba ni mi spyi'i sgrib pa lnga po dag las khyad par du 'phags pa'o/ /tshig gi lhag ma ni de nyid kyis spros pa'o/ /mtha' zhes bya ba ni mchog go/ /'phags pa zhes bya ba ni bdag nyid sdig pa rnams las ring du gyur pa'i phyir ro//yang na 'phags pa rnams kyi ni 'phags pa'o/ /'phags pa'i bye brag thob pa zhes bya ba ni/ stobs dang yid gzhungs pa la sogs pa la ni ma yin no/ /rnam grangs gzhan du mtha' zhes bya ba ni mya ngan las 'das pas te/ de la sred pa thams cad zad pa'i phyir ro//bye brag thob pa zhes bya ba ni dge sbyong gi 'bras bu bzhi'o/ /shes pa dang mthong ba zhes bya ba ni sdug bsngal la sogs pa chos shes pa dang / sdug bsngal la sogs pa la chos shes pa'i bzod pa ste go rims bzhin no/ /rnam grangs gzhan du shes pa ni sdug bsngal la sogs pa shes pa dang /mi rtag pa la sogs pa'i 'du shes so/ /mthong ba zhes bya ba ni lha la sogs pa mthong ba la sogs pa'o/ /reg par spyod pa zhes bya ba ni bsam gtan nas bzung ste mnyam par gzhag pa'i so so'i yon tan thams cad do/ /'di shes so zhes bya ba ni bden pa la sogs pa'o//'di mthong ngo zhes bya ba ni lha la sogs pa'o/ /bdag nyid kyis brdzun du smras so zhes bya ba la sogs pa la ma smras na pham par mi 'gyur ram zhe na/ gang gi phyir de dus gzhan zhes bya ba la sogs pa smos she na/ bden te ma smras kyang pham par 'gyur ba yin mod kyi/dgos pa tsam gyis gnas par mi bya bar mi nus te/ de'i phyir 'di smos so/ /dris kyang rung zhes bya ba ni gzhan dag gis so/ /ma dris kyang rung zhes bya ba ni bdag nyid 'gyod pa skyes bar gyur pa'o/ /smras so zhes zer na zhes bya ba ni kyal pa'i tshig nyid do//mngon pa'i nga rgyal ma gtogs zhes bya ba ni mngon pa'i nga rgyal bzhag ste'o/ /de yang zhes bya ba ni snga ma bzhin no/ /gso ba ces bya ba ni de'i tshig brjod par bya ba'i don gyis stod pa'i phyir ro/ /gsog ces bya ba ni de'i zang zing tsam gyi phyir dgos pa'i snying po med pa'o/ / brdzun zhes bya ba ni 'du shes bsgyur te smras so/ /byung ba zhes bya ba ni de'i dngos po'o/ /rnam par dag par 'dod nas zhes bya ba ni ldang bar 'dod pa'o/ /'di skad ces bya ba ni brjod pa'o/ /tshe dang ldan pa dag bdag gis ni mi shes pa shes so zhes bya ba ni yid kyi rnam par shes pas so/ / ma mthong bas mthong ngo zhes smras te zhes bya ba ni/ mig gi rnam par shes pas so/ /de la ltung ba ji ltar 'gyur zhe na/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / lus srul po dang / grul bum dang / yi dags dang / sha za mthong ngo / /blta ba'i phyir 'gro'o/ /de dag gi sgra yang thos so/ /de dag kyang bdag blta ba'i phyir 'ong ngo / /gtam 'dre'o/ /bdag kyang de dag dang gtam 'dre'o zhes mi de'am gzhan dag la gang lung bstan par 'dod de/ 'du shes bsgyur nas pha rol la go bar byed na dge slong pham par 'gyur ro//rdul khrod kyi sha za dang / rnam pa de dang de lta bu'o zhe na sbom po'o/ /de bzhin du bdag gis mi rtag pa la sogs pa'i 'du shes nyi shu ste/ mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang /zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs dang / spong ba dang / 'dod chags dang bral ba dang / 'gog pa dang / 'chi ba dang / mi sdug pa dang / rnam par bsngos pa dang / rnam par rnags pa dang / rnam par bam pa dang / rnam par 'bus gzhig pa dang / rnam par zos pa dang / rnam par dmar ba dang / rnam par 'thor ba dang / rus gong dang / stong pa nyid du so sor rtog pa'i 'du shes thob bo zhes re re la yang brjod par bya'o/ /bsam gtan bzhi dang / tshad med pa rnams dang /gzugs med pa rnams dang / 'bras bu rnams dang / mngon par shes pa drug po rnams bdag gis thob bo zhe'am/ dgon pa'i gnas na mi ma yin pa rnams kyis dge slong dag gtses na/ de na 'phags pa gang yin pa de la ni mi 'tshe ste/ der bdag la yang mi 'tshe'o zhe'am/de bzhin du 'phags pa gang yin pa de ni stan khra bo thob ste/ bdag gis kyang thob bo zhes smras pa na thams cad kyang pham par 'gyur ba'o/ /rang gi mtshan nyid 'dzin pa'i yid la byed pas bdag gi nyon mongs pa bsrabs so zhes smras na sbom po'o/ /ma thob pa'i yongs su nyams pa las bsams te/lan cig phyir 'ong ba la sogs pa'i 'bras bu gsum las bdag yongs su nyams so zhes smras sam/ de bzhin du so sor thar pa'i sdom pa la slob pa'o/ /'dul ba la sogs pa bslabs pas mi slob pa'o/ /lhung bzed lhag ma la sogs pa cung zad la cung zad med pa'o//'das pa la ltos te skye ba tha ma la 'di ni bdag gi tha ma'o/ /klag pa dang kha don bya ba la sogs pa'i 'bras bu dang / shing a mra la sogs pa'i 'bras bu rnyed pa las rim gro la sogs par rgyun du zhugs pa'i 'bras bu la sogs pa'o/ /de bzhin du 'das pa rnams las bdag 'jigs pa med do//'jigs pa lnga spangs pa'o/ /de bzhin du 'das pa rnams spangs pa las/ bdag kun du sbyor ba la sogs pa las grol ba'o/ /lung kun chub pa dang / de bzhin du dbang po'i sgo bsdams pa las nyan thos kyi thob par bya ba gang yin pa de thob pa'o//chos 'chad pa las bdag ni ston pa'o/ /sdig pa'i chos ni khong du chud pa las bdag ni sangs rgyas so/ /sangs rgyas thams cad las skyabs su song ba las bsams te/ bdag ni rnam par gzigs kyi nyan thos so zhes smra na thams cad du sbom po'o/ / gal te sgra ji bzhin du mi'i chos las bla mar gyur pa las bsams na thams cad du dngos gzhi'o/ /bdag ni dge sbyong gi 'bras bu bzhi las yongs su nyams so zhe'am/ de bzhin du gzhan dag gis mdun na nga rgyun du zhugs pa yin no zhes su zer zhe'o/ /'bras bu gzhan lung bstan snyam pa las gzhan lung ston pa dang /'phags pa rnams kyi khyim che ge mo zhes bya ba de ni bdag gi khyim yang yin te/ bdag ni 'phags pa ma yin no zhe'am/ de bzhin du rnam grangs gzhan du rgyun du zhugs pa rnams kyis phyir phul ba'i chos gos la sogs pa bdag len te/bdag ni de lta ma yin no zhe'am/ de bzhin du rgyun du zhugs pa'i 'bras bur lung ston par 'gyur mod kyi/ bdag ni rgyun du zhugs pa ma yin no zhe'am/ 'bras bu thams cad la yang ngo / /bdag deng 'jig rten pa'i bsam gtan la snyoms par zhugs so zhe'am/ phyin chad kyang nam yang snyoms par mi 'jug go zhe'am/bdag ni rgyun du zhugs pa'i 'bras bus bde ste/ bdag rgyun du zhugs pa ma yin no zhe'am/ gnas mal che ge mo zhes bya bar bsam gtan dang po bskyed de byang chub kyi yan lag dang ldan pa ni ma yin no/ /bdag gis yi ge bris nas yi ger bris pa 'di las bdag la khyod ni rgyun du zhugs pa'o zhes 'byung zhes zer na thams cad du sbom po'o//ji skad du smras pa bzhin ni pham par 'gyur ba'o/ /dngos po dag la bdag bstan pa'i phyir gang 'di dang 'di 'dra ba'i dge slong yod do zhes smras la/ bdag ni ma yin no zhes smras na sbom po'o/ /nyes pa sbom po'i dngos po ni nyes byas so//de bzhin du pha rol go bar mi byed pa yang rnam pa gnyis su dbye bar bya'o/ /khyod ni dgra bcom pa ste mchog rnams 'os so zhes smras na/ mi smra bas khas len na sbom po'o/ /de bzhin du khyod ni tshangs pa ste/ sdig pa bsal ba'o zhe'am/ khyod ni dbang po drug po sbas pa yin no zhe'am/gal te khyod dgra bcom pa yin na bsod snyoms longs shig ces byas na/ cang mi smra bar gyur te len na sbom po'o/ /de bzhin du gnas mal la sogs pa thams cad la yang brjod par bya'o/ /kha cig na re tshig gis go bar byed pa'i don lus kyis go bar byed dam/dris na cang mi smra na pham par 'gyur ba'o zhe'am/ mi la mir 'du shes pa dang / yid gnyis za ba la yang dngos gzhi'o/ /mi ma yin pa las mir 'du shes pa'am/ mir yid gnyis za ba la sbom po'o/ /nyan pa med pa la yod par 'du shes pa'am/ nyal ba'am mi mkhas pa'am/ma brtags pa'i sems kyis glo bur du smras na sbom po'o/ /mi mkhas pas las dang po pa yin na ni snga ma bzhin du bslab pa sbyin par bya'o/ /'phags pa maud gal gyi bus 'di lta bu'i 'du shes kyis grong khyer yangs pa can pa rnams rgyal lo zhes lung bstan pa dang / char mi 'bab par 'bab pa dang / gcer bu pa'i nyan thos kyi chung ma las bu byung ba dang / de bzhin du rgyal po'i khab kyi chu dron mtsho chen po ma dros pa las 'ongs so zhes bya ba dang / bdag ci yang med pa'i skye mched la snyoms par zhugs nas rdzing bu dal gyis 'bab kyi 'gram na glang po che'i sgra skad thos so zhes lung bstan pa la de lta bu'i 'du shes kyis lung ston pa la ltung ba med do zhes gsungs so//mi'i chos las bla mar gyur pa dang / der 'du shes pa dang / smras pa dang / mi dang der 'du shes pa dang / de khong du chud pa dang / de dang gzhan yang rung ste yan lag bdun no/ / pham par 'gyur ba bzhi pa'o// //srog gcod pa dang / ma byin par len pa dang / mi tshangs par spyod pa dang / brdzun du smra ba 'di ni go rims yin na ci'i phyir na pham par 'gyur ba dang po gsum mi mthun par bstan te/ de bzhin du byung bas go rims so/ /ci'i phyir de bzhin du byung zhe na/rab tu gnod pa'i nyon mongs pa gang yin pa de thog ma nyid du chu bur du byung bas kyang gnod pa'o/ /snga mas phyi ma bskyed pa'i phyir yang go rims te/ de ltar mi tshangs par spyod pa'i phyir ma byin par rku'o/ /rku bas de dang mi mthun pa gsod do/ /gsod pas brdzun du smra'o/ / ldog pa dang / mi bzod pa dang / khong du mi chud pa ni pham par 'gyur ba rnams kyi lus yin no/ /ldog pa de yang 'khrig pa gtso bo dang / yongs su len pa las so/ /so sor thar pa'i mdo gdon pa gnyis pa rdzogs so// //'dul ba bsdus pa bam po gsum pa/ mnyan yod na 'char kas 'dod chags kyi dbang gis rang gi yan lag gi rnam pa las su rung bar byas te/khu ba phyung bas 'khrig pa'i gzhi'i dbang du mdzad de/ nyon mongs pa des dge 'dun lhag ma dang po'o/ /gzhi dang nyon mongs pa dag ste/ de dag nyid ni de ma thag pa bzhi po rnams kyi nang du yang 'chad do//'khrig pa'i nyon mongs pa ni rnam pa bzhi las te/ 'di lta ste dper na gzhi med par khu ba 'byin pa yongs su longs spyod pa'i nyon mongs pa ni bud med kyi gzhi la mi ltos pas dang po kho na yin no/ /khu ba 'byin pa'i gzhi las yongs su longs spyod pa'i nyon mongs pa gnyis po ni bud med de de'i gzhi de la lus dang ngag gis yongs su longs spyod pa zhes bya ba'o//de'i gzhi la yongs su longs spyod pa gleng gzhi'i sbyor ba'i nyon mongs pa ni bzhi ste/ de ni khu ba 'byin pa'i gzhi tshol ba'o/ /lnga pa de ni gzhan gyi phyir sbyor ba'i nyon mongs pa ste/ de ni gzhan 'khrig pa yongs su longs spyod pa'i phyir sbyor ba'o/ /khu ba zhes bya ba ni rnam pa lnga ste/ 'khor los sgyur ba dang de'i bu dbang bskur ba'i ni sngon po'o/ /de'i bu de las gzhan pa rnams kyi ni ser po'o/ /sna chen po la gtogs pa'i 'khor lo'i mtha' pa rnams kyi ni dmar po'o/ / dbang po yongs su smin pa rnams kyi ni bska ba'o/ /dbang po yongs su ma smin pa rnams ni sla ba ste/ spyir tha mal pa'i dbang du byas nas 'di brjod do/ /bud med kyis dub pa la sogs pa la yang khu ba rnam pa lnga yod do/ /rmi lam gyi ma gtogs pa zhes bya ba ni/ rmi lam las gzhan pa 'di ni cho ga'o zhes bya ba'i tha tshig go//de na sems pa yod mod kyi/ tha snyad ma yin te/ 'dis ni 'byin pa'i bsam pas gnyid kyis log nas byung ba de la dngos gzhi'i nyes pa med par ston to/ /dge 'dun lhag ma zhes bya ba ni dge 'dun la rag las pa dang / lhag ma dang bcas pa'i phyir ro/ /de la ltung ba ji ltar 'gyur zhe na/dge slong gis bde bar bya ba'i phyir dang sa bon gyi phyir dang / rig sngags kyi phyir dang / sman gyi phyir dang / brtag pa'i phyir nang gi gzugs nye bar len cing / phyi rol sems can du bgrang bas so/ /kha cig na re sems can du bgrang ba ma yin pa yang zhe'o/ /sems par byed/rtsol bar byed/ ril gyis 'chad par byed/ dam du 'chang bar byed/ 'byung la thug pa'i bde ba'am/ bye brag nges par myong ba'i bde ba myong bar khu ba phyung na dge 'dun lhag ma'o/ /ma phyung na sbom po'o/ /gnyid kyis ma log pa na brtsal la gnyid kyis log nas byung ba dang / bzlog pa yang rung ste/ gal te 'gyur ba bstan pa dang / brtsal ma thag tu btang ba dang / gnas nas 'phags nas btang ba ste/ gnas nas 'phags ma thag tu rgyu ba dang / sbubs su zhugs pa 'byin pa dang / gar byed pa dang / rab tu gar byed pa dang / nam mkha' la rked pa bskyod pa dang /shugs btang ba dang / kun du nyed pa dang / bye brag nges par myong ba dang / sman dang / g.yan pa phrugs pa dang / phyis pa dang / mtshan gzung ba dang / rgyun las bzlog ste rtsol ba dang / la ba dang / phyid pa la sogs pa dang / rdo ba la sogs pa dang / bum pa'i kha la sogs pa dang /sha'i dum bus phyung na thams cad du sbom po'o/ /ma phyung na nyes byas so/ /gnyid kyis log pa na brtsal la sad pa na phyung ste 'gyur ba mi brten na ltung ba med do/ /bsnyen par ma rdzogs pa na sbyor la bsnyen par rdzogs pa na phyung ba yang mu bzhi ste/ gcig ni dge 'dun lhag ma'o//gnyis ni sbom po'o/ /gcig ni nyes byas so/ /bsnyen par rdzogs par byed pa'i tshe yang de bzhin du mu bzhir brjod par bya'o/ /mgo bo dang / phrag pa dang / rna ba dang / sna la sogs pa yan lag dang / nying lag thams cad kyis na dngos gzhi'o/ /rnam par bsngos pa dang rnam par rnags pa yang de bzhin no//ji tsam gyis khu ba phyung ba zhes bya zhe na/ gang gi phyir sbubs su 'ongs pa'o/ /gzhan gyi yan lag gi rnam pa las 'byin pa dang / rang gi yan lag gi rnam pa las 'jal ba dang / bcangs pas sam mnyes sam bye brag nges par myong ngam/yan lag gi rnam pa las su rung ba la lag pas mnams na sbom po'o/ /chags pa'i sems kyis yan lag gi rnam pa la lta na nyes byas so/ /g.yan pa la sogs pa phrugs pa dang / 'obs la mchong ba dang / brgyug pa na brla dang / gos la reg pa dang /chags par 'gyur ba'i gzugs rnams mthong ba dang / sngon spyad pa'i yul rjes su dran pa dang / nyed pa'i las bdag gir byed pa dang / glo bur du bud med la reg pas byung ba dga' ba lta bu la ltung ba med do/ /nyon mongs pa drag pa dag gis ra dang ri dgas dang phag rnams kyi rkyal bu bcang bar bya'o//mnyes pa skabs zhen pa la thal ba'am/ bye mas blugs par bya'o/ /de thogs pa'i tshe dge 'dun gyi nang du 'jug par mi bya'o/ /mchod rten la yang phyag mi bya mod kyi 'on kyang chus bkru ba'i bya ba nyid kyis so/ /gnyis pa bcangs te dus dus su bkru bar bya ba skam par bya'o//gnyid kyis log pa la rtsol ba dang / gnyid kyis log pa na phyung ba dang / ma la sogs pas 'khyud pa dang / glo bur du byung ba la ltung ba med do/ /sngon ltung ba byung ba la sogs pa'i bslab pa'i gnas thams cad la ni nyes byas su brjod par bya'o/ /bslab pa byin pa ni dge slong dang 'dra'o//dge 'dun lhag ma dang po'o// //mnyan yod na 'char kas gtsug lag khang bltar 'ongs pa'i bud med kyi yul la chos bshad pa dang / kun du chags pa'i sems kyis yan lag dang nying lag nas mnams pas gnyis pa bcas so/ /dral cing gyur pas zhes bya ba ni dral cing gyur pa ma yin pa yang yod de mu bzhi'o//mu dang po ni kun nas dkris pa'i sems gang yin pa'o/ /gnyis ba ni sems ltos pa dang bcas pa'o/ /gsum pa ni gnyi ga dang ldan pa'o/ /bzhi pa ni de dag ma gtogs pa'o/ /rnam grangs gzhan du na dral ba ni tshol bar byas pa'o//gyur pa ni 'dod chags kyis kun nas dkris pa'o/ /bud med kyi yul zhes bya ba ni mi'i bud med 'khrig pa bsten par bzod pa/ lus ma nyams pa'o/ /lag pa nas bzung zhes bya ba ni mkhrig ma man chad do/ /dpung pa nas gzung zhes bya ba ni mkhrig ma yan chad do//len bu nas gzung zhes bya ba ni len bu ni skra dang de dang 'brel pa'i gos so/ /de la ltung ba ji ltar 'gyur zhe na/ gzhi dgu'i ltung bar 'gyur te/ chags pa'i sems kyis mi'i bud med bstan bzod pa gang yang rung ba'i yan lag dang / nying lag gos kyis bar du ma chod pa la nom pa dang / rab tu nom pa dang / sprod par byed pa dang / 'dzin par byed pa dang / 'dren par byed pa dang / kun du 'dren par byed pa dang / 'og nas 'khyud par byed pa dang / steng nas 'khyud par byed pa dang / dam du sbyor bar byed pas so/ /nom pa ni thog ma lan cig lus kyi nyon mongs pas so/ /rab tu nom pa ni yang dang yang lus kyis nyon mongs pas so//sprod pa ni 'khyud pa'i bsam pas bar du chod par sprod pa'o/ /'dzin pa ni 'khyud cing lag pa nas 'dzin pa'o/ /'dren pa ni thag ring po nas 'dren pa ste/ bskal pa'i phyogs nas 'dren pa'o/ /yongs su 'dren pa ni nye ba'i phyogs nas yongs su 'dren pa'o//'og nas 'khyud par byed pa ni 'og nas 'dug pa las steng logs su 'dug pa'o/ /steng nas 'khyud par byed pa ni gong nas 'og tu 'bebs pa'o/ /dam du sbyor bar byed pa ni dam du 'khyud pa la sogs pa byed pa'o/ /bud med kyis dge slong la gzhi dgu po 'di dag byed pa la/ de yang nyams su myong zhing der lus btud na dge 'dun lhag ma'o//gos kyis chod na sbom po'o/ /mi tshangs par spyod par bsams pa la pham par 'gyur ba'i sbom po'o/ /gnyis ka'am gang yang rung ba'i lus kyi dbang nyams pa yin te/ shu ba dang g.yan pa dang khyi rngos so/ /gzhan la chags la gzhan la reg pa dang /sen mo dang / so dang / spu rnams kyis sen mo dang so dang spu dang / rus pa skam po rnams dang / gang la chags pa de 'di yin nam/ ma yin zhes yid gnyis za ba dang / de bzhin du gnyis la chags la gzhan la reg par bya'o snyam pa las/ gzhan la reg pa dang /dge slong ma 'gog pa'i snyoms par zhugs pa dang / rnam par bsngos pa nas keng rus kyi bar dag la reg pa dang / reg par byed pa'i tshe bud med dam dge slong ngam/ gnyi ga yang rung ste mtshan gyur nas/ skyes par gyur pa de la reg pa dang / bdag bud med du gyur kyang rung ste/thams cad du sbom po'o/ /de bzhin du bstan par mi nus pa la bar du ma chod pa dang / skyes pa dang / ma ning bsten par nus pa la bar du ma chod pa rnams la sbom po'o/ /bar du chod pa rnams la ni nyes byas so/ /skyes pa dang ma ning bsten par mi nus pa la yang bar du chod pa dang bar du ma chod pa dang /dud 'gro'i skye gnas su song ba thams cad la yang nyes byas nyid do/ /skyes pa dang reg pa las de mtshan gyur te/ bud med du gyur pa la reg na dge 'dun lhag ma'o/ /bdag mtshan gyur na pham par 'gyur ba'o/ /dge slong ma de gzhan dang lhan cig pa la yang rgya cher brjod par bya'o//mi la der 'du shes pa'am yid gnyis za yang rung ste/ reg na dge 'dun lhag ma'o/ /mi ma yin pa la mir 'du shes sam yid gnyis za'am mi yin par 'du shes pa la yang sbom po'o/ /mtshan gnyis yod pa bud med kyi shas che ba la dge 'dun lhag ma'o//de las gzhan du na sbom po'o/ /ma dang sring mo la reg pa'i bde ba 'dod de reg na sbom po'o/ /kha cig na re las dang po pa ma yin pa la mi shes pas reg na nyes pa sbom po'o zhe'o/ /de ci'i phyir zhe na/ gang bslab pa bcas pa mi tshol ba de la nyes par ga la 'gyur/ bslab pa la gus par mi byed pas nyes pa chen po ma yin nam/de shes par ma byas pas de'i slob dpon dang mkhan po la bsdam par bya ba'i nyes byas so/ /las dang po pa'i yang de bzhin no/ /mun pa'i nang du bud med 'dug pa la med par 'du shes te reg na sbom po'o/ /chags pa med pa'i sems kyis mun pa'i nang du reg par bya'o snyam pa las/ma reg na nyes byas so/ /yid gnyis za ba la nyes byas so/ /bud med la rkang pa'am phrag pas bsgul lam sor mos sam/ 'gyel ba slong ngam/ de'i sten la yan lag gis phul la chags pa'i sems med na nyes byas so/ /bud med kyis dge slong la de byed pa la ni ltung ba med do//bud med kyi yan lag gi rnam par bong dum mam mthe bo bcug na sbom po'o/ /bud med kyi ri mo 'dri na nyes byas so/ /sems can gyi tshul gzhan yang de bzhin no/ /ro'i gzugs sam mgo'i thod pa 'dri ba dang / spos la sogs nyug na ltung ba med do//ma dang sring mo dang bu mo rnams la de dag tu 'du shes pa dang / sa lta bu'i sems kyis dro ba'am/ 'jam pa'am mnyen snyam sems pa dang / mer ltung ba dang / dug zos pa dang / mtshon gyis 'debs pa dang / g.yang du ltung ba dang / chus khyer ba 'dzin pa la ltung ba med do/ / kun du spyad par bya ba ni 'di skad du thong shig ces zer na/ gal te mthu yod pa yin na gtang bar bya'o/ /chags pa mi bskyed do/ /ma la sogs pa'i 'du shes bskyed de dbyung bar bya'o/ /gal te g.yo ba med par gyur na bye ma la kha sbub tu gzhag go/ bsrung bar yang bya'o/ /bor te 'gro bar mi bya'o//ha cang nye bar yang 'dug par mi bya'o/ /kha ton byed pa dag gis ni kha ton bya'o/ /bsam gtan pa dag gis ni yid la bya zhing 'dug par bya'o/ /ba lang rdzi bo la sogs pa la bcol te bsod snyoms la 'gro bar bya'o/ /yang 'chi'am 'tsho zhes blta bar bya'o/ / ba'i mjug ma la 'jus te rgal bar mi bya'o/ /glang po che dang / rta dang / khyu mchog dang / ma he dang / g.yag dang lnga'i mjug ma la 'jus te rgal bar bya'o/ /yang na ba ma gtogs pa srog chags thams cad kyi'o/ /rkyal pa kha dog ngur smrig gam mon sran sde 'u'i kha dog lta bu bcad par bya ste/khra khra bor ni ma yin no/ /de bzhin du srog gi bar chad du 'gyur ba thams cad las phyung ba la ltung ba med do/ /de bzhin du mas 'khyud pa dang / bu mo pang na gzhag pa dang / 'khrul te bud med kyi steng du 'gyel ba dang / lam du 'dam ste mchu dang mchur phrad pa yang ngo / / shes bzhin med par bsod snyoms la 'jug par mi bya'o/ /bud med chags pa la rang gi lag nas chu blud na rgyun gcad cing gcad cing blud do/ /snyim pa khong la 'thung shig ces bsgo bar bya'o/ /rnam pa gzhan du na nyes byas so/ /chags pa'i sems med pa ni ltung ba med do/ /dge 'dun lhag ma gnyis pa'o// //mnyan yod na 'char kas bud med gtsug lag khang du 'ongs pa la chags pa'i sems kyis gnas ngan len dang ldan pa'i tshig smras pas gsum pa bcas so/ /bud med kyi yul zhes bya ba ni/ mi'i bud med legs par smras pa dang nyes par smras pa'i don kun shes par nus pa la nyes pa dang /spyi'i mtshan nyid dang rang gi mtshan nyid dang dpe'i tshig yongs su brjod pa'o/ /de la nyes pa ni gnas ngan len gyi tshig sdig pa can zhes gsungs pa ste/ ngo bo nyid las dang / kun nas slong ba las nyon mongs pa'i phyir gnas ngan len to//ngan 'gror ltung ba'i phyir sdig pa can no/ /de ltar na mthong ba'i chos kyi dang / tshe phyi ma'i nyes dmigs yongs su brjod pa yin no/ /spyi'i mtshan nyid ni tshogs par mi 'byung ba zhes bya ba gsungs pa ste/ tshul dang mi mthun pa'i tshig thams cad ni tshogs par mi 'byung ba zhes bya'o/ / rang gi mtshan nyid ni 'khrig pa dang ldan pa zhes gsungs so/ /dpe ni skyes bus na chung la ji lta ba bzhin du zhes bya bar gsungs pa'o/ /de la ltung ba ji ltar 'gyur zhe na/ bzhi dgus ltung bar 'gyur te/ dge slong chags pa'i sems kyis mi'i bud med don kun shes par nus pa la/ bsngags pa dang bsngags pa ma yin pa dang / gsol pa dang / nye bar gsol pa dang / 'dri ba dang yongs su 'dri ba dang / brjod pa dang / smon pa dang / gshe ba'o/ /gzhi dgu po 'di dag las gzhi re re dang / rgya rna ru zhes bya ba smos na dge 'dun lhag ma'o/ /de ma smos na sbom po'o//chen mo yin yang don kun shes par mi nus pa dang / mi nyan pa la sbom po'o/ /de bzhin du bud med kyis dge slong la gzhi dgu po 'di dag gis lhag par spyad la/ de yang chags pa'i sems kyis de lta de lta bur lan 'debs na dge 'dun lhag ma'o/ /de la bsngags pa zhes bya ba ni khyod kyis rma'i sgo gsum po ni legs par dod pa'o zhes zer ba'o//bsngags pa ma yin pa zhes bya ba ni khyod kyi rma'i sgo gsum po ni legs par dod pa ma yin no zhes zer ba'o/ /gsol ba zhes bya ba ni tshur shog dang / lhan cig de dang de bya'o zhes zer ba'o/ /nye bar gsol ba zhes bya ba ni/bdag gi dga' ba dang yid du 'ong ngam zhes dga' ba ston pa ste/ bsnyen par nye bar ston pa'i tha tshig go/ /'dri ba ni bud med la gang 'di byed pa de la de dga' ste/ bdag kyang byas na dga' bar 'gyur ba snyam zhes zer ba'o/ /yongs su 'dri ba zhes bya ba ni bud med la gang 'di byed pa de dga' bar 'gyur te/bdag gis kyang byas na dga' bar 'gyur ram mi 'gyur zhig gu/ 'di la khyod ci snyam du sems zhes zer ba'o/ /yongs su 'dri ba ni yongs su shes par bya ba'i phyir 'dri ba'o/ /'dri ba snga ma ni nges pa'o/ /brjod pa ni ga ge mo zhes bya ba zhig bdag dang 'di lta bu byas so//der gal te khyod kyang 'ong ba lta na khyod dang yang bya'o zhes zer ba'o/ /smon pa ni sring mo dang lhan cig gal te 'di byas na bde bar 'gyur zhing mtho ris thob par 'gyur zhes zer ba'o/ /gshe ba zhes bya ba ni mgal dum dang bong bu dang rtol mo zhes bya ba la sogs pa ni gshe ba'o//rnam pa 'di dgus nye bar ston pa'i phyir rnam pa dgus smos so/ /'khrig pa dang ldan pa'i rnam pa gzhan dag gis kyang ltung bar 'gyur ro/ /gzhan gyi phyir kun du smra ba dang / pho nyas dang / gcig nas gcig tu brgyud pas dang / gzhan gyis nye bar ston pa dang / spring yig gis dang /lag yig gis dang / lag rtsis kyis dang / khyod kyi rma'i sgo bcad pa zhe'am/ sdig pa can no zhe'am/nga dang phrad par gyis shig ce'am/ nyal lo zhe'am/ nga la brten cig ce'am/ nas zhes bya ba la smos pa dang / dge slong ma 'gog pa'i snyoms par 'jug pa dang /de bzhin du sring mo nas byin cig ces byas la des kyang brda phrad pa dang / dge slong ma la 'dod pa dang rjes su mthun pa'i cha byad can zhig mthong nas sring mo skyes pa rnams la brten pa'i tshul du spyad pa spyod du song zhes zer ba dang / bu mo log par spyod pa gal te srung mi nus na mgal dum gyis bsnun na ci nyes zhes zer ba dang /gsol ba 'debs pa na khyod bong bu dang / de lta bu gyis shig ces zer ba dang / sring mo khyod kyi mdun na mo gang yin pa de byin cig ces zer ba dang / khyod kyi yid du 'ong ba gang yin pa de byin cig ces zer ba dang / sring mo byin ces byas pa dang / des kyang brda phrad de sta gon 'tshal lo zhes zer ba dang /bdag la chu byin cig khyod nyid bdag gi chu'o zhes bya ba nas bca' ba'o zhes bya ba'i bar du de bzhin te/ des kyang brda phrad pa dang bud med kyis khyod kyi yid du 'ong ba ci yin zhes dris na khyod nyid nga la sdug go zhes zer ba dang / rang bzhin gyis gnas ngan len gyi chag smra ba dang /skyes pa dang / ma ning bstan par nus pa dang / bud med med par bud med du 'du shes te smra ba ni thams cad du sbom po'o/ /skyes pa dang ma ning bsten par mi nus pa dang / dud 'gror gyur pa thams cad la ni nyes byas so/ /bud med yod pa la med par 'du shes pa la yang nyes byas so//'di la smra'o zhes nges par ma byas par gzhan la smra na dngos gzhi'o/ /gzhan la smra bar bsams pa las gzhan la na sbom po'o/ /gnas ngan len la gnas ngan len ma yin par 'du shes pa la ltung ba med do/ /gnas ngan len la gnas ngan len du 'du shes pa la dngos gzhi'o//gal te dngos po yod pa la rtogs pa dang / gnas ngan len la gnas ngan len yin nam/ ma yan snyam du yid gnyis za ba'i 'du shes pa la yang dngos gzhi'o/ /med na sbom po'o/ /mi mo la der 'du shes sam yid gnyis za ba la yang dngos gzhi'o/ / mi ma yin pa la mir 'du shes pa dang / yid gnyis za ba dang / der 'du shes pa la sbom po'o/ /la la na re mi byed pa la sbyor ba yang dngos gzhi'o zhe'o/ /gal te gzhan zar du bcug la lan 'debs pa na nyams su myong na'o/ /nas dang rtswa'i ming 'dzin pa dang / ljongs kyi nges pa'i tshig la ni ltung ba med do//dge 'dun lhag ma gsum pa'o// //mnyan yod na de bzhin du 'char ka las brtsams te/ dge 'dun lhag ma bzhi pa bcas so/ /lus kyis bsnyen bkur bya ba'i phyir zhes bya ba ni/ lus kyis rim gro bya ba'o/ /tshul khrims dang ldan pa zhes bya ba ni tshul khrims kyi phung po dang ldan pa'o//dge ba'i chos can zhes bya ba ni ting nge 'dzin gyi phung po dang ldan pa ste/ de yongs su dag pa'i phyir yon tan thams cad sgyur bar byed pa ste/ gser bzang po bzhin du dge ba'i chos dang ldan pa'o/ /tshangs par spyod pa zhes bya ba ni shes rab kyi phung po dang ldan pa'o//des na mya ngan las 'das pa'i 'du shes kyis tshangs par spyod pa ste 'gro ba'o/ /kha cig na re 'dod pa chung ba la sogs pa'i yon tan dang ldan pa'i phyir dge ba'i chos can no zhe'o/ /de la ltung ba ji ltar 'gyur zhe na/ gzhi rnam pa bco brgyad kyis ltung bar 'gyur te/ mchog dang /phul dang / khyad par du 'phags pa dang / bzang ba dang / mdzes pa dang / dge ba dang / mchod par 'os pa dang / bstod par 'os pa dang rgya che ba dang / ches mchog dang / ches phul dang / ches khyad par du 'phags pa dang / ches bzang ba dang / ches mdzes pa dang / ches dge ba dang / ches mchod par 'os pa dang / ches bstod par 'os pa dang / ches rgya che ba ste/ de la rang bzhin gyis phun sum tshogs pa'i phyir kun du spyad pa gzhan dag las mchog tu gyur pa dang / de bzhin gshegs pa la sogs pas yon tan kun du bsgrag pa dang / de ma gtogs pa dge slong gi kun du spyod pa thams cad las khyad zhugs pa dang /bsam pa drag pos bskyed pa dang / bsam pa gsal bas bskyed pa dang / chos 'dod pas kun nas bslang ba dang / de dang ldan pa ni rgyal po la sogs pa las mchod pa thob pa dang / phyogs su grags pa 'byung ba dang / yon tan dang ldan pa ni dngos po gya nom pa'i gnas yin pa'i phyir te/ rnam grangs dgu dang go rims bzhin no/ /don dgu po 'di dag nyid shas che ba'i phyir/ rnam grangs dgur rig par bya'o/ /gzhi rnam pa bco brgyad po 'di dag las re re dang / mdo las gsungs pa'i sgra dang lhan cig smras na dge 'dun lhag ma'o//tshul khrims dang ldan pa'o zhes bya ba la sogs pa gsum las gang yang rung ba dang / ji skad gsungs pa'i sgra dang lhan cig tu smras na dngos gzhi'o/ /'khrig pa dang ldan pa zhes bya ba'i tshig des stong na thams cad kyang sbom po'o/ /nga lta bu zhes bya ba'i tshig gis stong na yang sbom po'o//'khrig pa dang ldan pa dang nga lta bu zhes bya ba'i tshig de gnyi gas stong na nyes byas so/ /bsten par nus pa las dngos gzhir 'gyur ba gang yin pa de ni bsten par mi nus pa dang / skyes pa dang ma ning bstan par nus pa la sbom po'o/ /skyes bu dang ma ning bsten par mi nus pa dang /dud 'gro'i skye gnas su song ba thams cad la yang nyes byas so/ /bsten par nus pa la sbom por 'gyur ba gang yin pa de ma yin pa gzhan thams cad la nyes byas so/ /bsten par nus pa la nyes byas su 'gyur ba gang yin pa de thams cad du nyes byas nyid do//lhag ma ni gsum pa dang 'dra'o/ /dge 'dun lhag ma bzhi pa'o// //mnyan yod na ri dgas 'dzin gyi bu nag po sngon 'dris pas smyan byed de/ de'i tshe de la snyan pa dang mi snyan pa cig car grags pas mu stegs can rnams 'phya ste/ rtsod pa byung ba'i nyon mongs pa lnga pa'o//bdag po nges pa dang / dngos po nges pa dang / dus nges pas smyan du gyur pa brjod na'o/ /de la bud med la skyes pa'i tshig dang skyes pa la bud med kyi tshig gis zhes bya ba ni/ skyes pa dang bud med phrin skyel ba'i bdag por gyur pas bdag po nges pa'o/ /chung ma dang mdza' na mo zhes bya ba ni dngos po nges pa'o//thang 'ga' phrad pa la yang zhes pa ni dus nges pa'o/ /smyan byed ces bya ba ni phrin skyel pa'o/ /chung ma ni bdun no/ /mdza' na mo ni bcu'o/ /chung ma ni bdun gang zhe na/ chu tshigs kyis byin pa ste/ gang pha mas chu tshigs kyis btang ba dang /rin chas nyos pa ste/ gang pha mas rin chas btang ba dang / rgyal mtshan gyis phrogs pa ste/ rgyal po rgyal mtshan du byas nas gzhan gyi yul 'khor bcom ste khyer ba dang / chom rkun pa dag gis rang gi mgo rgyal mtshan du byas te grong bcom nas phrogs pa dang / dngas sam 'dus pa ste/gang bdag nyid dga' nas gzhan la btud pa dang gos zas kyis 'tsho ba ste/ gang bza' ba dang bgo bar chung mar khas len pa dang / kha dum pa ste/ gang bdag cag gnyis kyis nor gang yin pa des lhan cig 'tsho'o zhes khyor khas len pa'o/ /thang 'ga' phrad pa ni gang yud tsam pa'o//mdza' na mo bcu gang zhe na/ ma dang / pha dang / ming po dang / phu nu mo dang / sgyug mo dang / gyos pos bsrungs pa ste drug dang / de ma yin pa med de/ re res bsrungs pa'o/ /nye dus bsrungs pa ni gong ma la sogs pa med de/ nye du lhag ma rnams kyis bsrungs pa'o//rigs kyis bsrungs pa ni gang rang rang gi rigs gcig pa bram ze la sogs pa'o/ /rus kyis bsrungs pa ni b+ha ra dwa dza la sogs pa'i rus rnams so/ /rnam par 'khrug pa med pa ni dge slong ma dang / spyod pa can mo dang / kun du rgyu mo dang / chos dang mthun par spyod pa ste/sdom pas bsdams pa'i phyir ro/ /de la ltung ba ji ltar 'gyur zhe na/ dge slong gis bud med dang skyes pa'i phrin nod pa dang / skyel ba dang / phyir skyel ba dang gsum gal te bdag nyid byed dam/ pho nya dang / pho nyas kyang pho nya yang rung ste/ gcig bdag gis byas la/ gnyis gzhan gyis byas sam/gnyis bdag gis byas la/ gcig gzhan du byed kyang rung / thams cad du gsum char bdag gis byas na dge 'dun lhag ma'o/ /gcig bdag gis byas kyang rung / gzhan byed du bcug kyang rung ste sbom po gcig go/ /gnyis byed kyang rung byed du bcug kyang rung sbom po gnyis so//gal te pho nya dang pho nyas yang pho nya byed pa dge slong yin na gnyis ka la ltung ba'o/ /dbang phyug ni bu mo gang gtong ba dang / mi gtong ba'i dbang yod pa pho brang 'khor la sogs pa na yang tshig mnyan pa dang / dbang po ma yin pa ni bzlog pa'o/ /gal te gsum char bdag po la byed na dngos gzhi'o//ci ste gcig bdag po la gnyis bdag po ma yin pa la'am/ gnyis bdag po la gcig bdag po ma yin pa'am/ thams cad kyang rung ste/ bdag po la ji snyed byas pa sbom po yang de snyed do/ /bdag po ma yin pa la ji snyed byas pa nyes byas kyang de snyed do/ / bdag po ma yin pa las ma thob ste/ bdag po la ston na sbom po'o/ /'di lta ste/ dge slong dang / khyim pa dang / bud med 'grogs pa las de gnyis kyi tshig skyel tam/ phyir skyel na dngos gzhi'o/ /gsum gyis na phyir skyel ba yin gyi/ skyel ba ma yin te/ yul phyogs dang / brda dang / mtshan ma'o/ /gang gi tshe bdag yul phyogs de lta bu zhig na 'dug pa mthong ba dang / bya ba byas par shes par gyis shig ces bya ba ni yul phyogs so/ /dus ji tsam na zhes bya ba ni brda'o/ /gang gi tshe bdag skra bregs te lag na lhung bzed thogs pa mthong zhes bya ba ni mtshan ma'o//tshig dang / spring yig dang / lag rtsis rnams kyis nod pa dang / skyel ba dang / phyir skyel ba ste/ gal te re res gsum char byed dam 'dren mar yang rung ste thams cad du dngos gzhi'o/ /chung ma dang po gsum po 'thabs ma thag pa rde'u gsum ma gtor ba dang / cho ga ma btang ba dang /dum pa ma bcad pa dang / chung ma ma yin par ma bsgrags pa dang / dril ma bsgrags pa de dag gis bsdums byas na nyes byas so/ /dor ba'i rgyu dang po byas pa la byas na sbom po gcig go/ /gnyis po dag la gnyis so/ /gsum pa rnams dang bzhi pa rnams la dge 'dun lhag ma'o//de las gzhan bcu bzhi ni 'thabs ma thag tu bsdums byas na dngos gzhi'o/ /mngal na 'dug pa'i khye'u dang bu mo'i ched dang / gnyi ga bud med dang / ma ning gnyis dang / ma ning gang yang rung ba dang / gnyi ga mi ma yin pa dang / gcig kyang rung ba dang / dud 'gro'i skye gnas dang / mir yang rung ba dang / dge slong ma dang / de las gzhan pa tshangs par spyod pa thams cad dang / bdag gi phyir smyan byed pa dang / gzhon nu ma dang / gnyi ga la byed pa na gnyi ga'am/ gang yang rung ba zhig mtshan gyur pa dang / phrin nod pa la sogs pa gcig gam/gnyis byas nas dge slong mtshan gyur pa dang / gcig gi tshe rang bzhin du gnas pa dang / gnyis kyi tshe sems 'khrugs pa dang / gsum char gyi tshe rang bzhin du gnas pa ma gtogs pa rnam pa thams cad du sbom po'o/ /khyim pas dge 'dun thams cad la gsol pa dang /de rnams kyis kyang rang ngam bskos bas bsgrubs kyang rung ste/ dge 'dun thams cad la dngos gzhi'o/ /gal te gcig cig 'dod de byed na de nyid la'o/ /bsnyen par rdzogs pa dang / bsnyen par rdzogs par byed pa'i tshe phrin nod pa la sogs pa mu bzhi'o/ / gal te gsum char bsnyen par rdzogs par byed na dngos gzhi'o/ /gzhan dag ni gang bsnyen par rdzogs pa na byas pa de la sbom po'o/ /gang de las gzhan pa la nyes byas so/ /bud med nyos zhes smra na nyes byas so/ /ming nas phyung ste nyos zhes sam/ nyos zin pa'i smyan byed na sbom po'o//kha cig na re las dang po pa ma yin la mi shes pa la nyes pa sbom po'o zhe'o/ /bud med gsol ba btab pa las ma grub pa dang / gzugs 'tshod ma la gsol ba btab pa la g.yo 'ga' zhig byas te ma 'ongs pa dang / pha mas mngal du 'dug pa'i tshe byin la phyis mi ster ba la sbyor ba dang /phrin dang phrin lan skyol ba'i 'og tu gcig gam gnyi gshe pa la sogs pas bag ma ma blangs pa dang / gnod pa byas pa dang / dge slong la bzhud pa 'di ni khyod kyi khyim mo/ /'di ni khyod kyi mi'o zhes gsungs shig ces byas pa dang / des kyang dge 'dun la chos ston gsol ba'i phyir smras pa dang /skyes pas dus btab pa zhig gis dris pa dang / rtsig drung zhig na 'dug pa mthong ngo zhes smras na thams cad du sbom po'o/ /sngar dus btab zin pa las bcol ba zhig gi phyir skyes pa la khu tshur bsnun na nyes byas so/ /las dang po pa la bsdams par byas pa'i nyes byas so//de bzhin du slob dpon dang mkhan po la yang ngo / /bu mo 'di ci'i phyir bag mar mi btang / khye'u 'di ci'i phyir khyim mi dbub ces zer na nyes byas so/ /bu mo dang khye'u 'di ci'i phyir gyos po'i khyim du mi bkri zhes bya ba nas cung zad de dang rjes su mthun pa'i bar gyi tshig nges par spyod du 'jug pa ci smras na thams cad du nyes byas so//mi byed pa la sbyor ba 'di yang ltung ba ste/ de bos nas slob ma la cang ma byas par gzhag pa dang / mkhan po bzhugs shig bdag mchis te bgyi'o zhes zer ba yang de bzhin no//skyes pa dang ma ning la sogs pa la ni snga ma bzhin du ltung ba rnam par dbye bar bya'o/ /brda byas par ma shes pa la ltung ba med do/ /bud med che ge mo zhes bya ba 'bras chan 'tshed du khug cig ces zer ba dang / de bzhin du dge 'dun la snga ma bzhin du bsnyen bkur byed na bya'o zhes smras te/phrad par gyur kyang ltung ba med do/ /bud med kyis las byed pa 'gugs su bcol ba yang de bzhin no/ /bzhi po dag go rims bzhin te re zhig dang po ni gal te bud med skyes pa 'dod par rtogs nas lag pa nas bzung ba dang gal te bzod nas dpung pa nas 'dzin pa dang /de nas lag pas mgul nas 'khyud pa dang / len bu nas 'dzin pa dang / de nas mchu dang nu ma dang / rked pa la sogs pa'i yan lag rnams la nom pa dang / gal te mi bzod na 'khrig pa dang ldan pa'i tshig gis bzhad gad byed pa'o//bud med kyi yul ma dad pa la zhes bya ba'i bar du yang de bzhin no/ /dad pa la ni bsod nams 'dod par rig nas kun du spyad pa'i bsngags pa brjod pa bdag gi don du zhes bya ba'i bar du yang de bzhin no/ /gzhan gyi zang zing cung zad tsam gyi phyir gzhan gyi don du 'dun par byed pa yang de bzhin no//dge 'dun lhag ma lnga pa'o// //mnyan yod na dge slong dag khang pa'i las ngan pas g.yengs te dge ba'i phyogs btang nas khyim pa rnams phyir zhing 'phya bar gyur nas gnas kyi gzhi'i dbang du mdzad de/ las ngan pa la dga' ba dang / rtsod pa byung ba'i nyon mongs pa dag gis drug pa'o/ / bdag gis blangs pa zhes bya ba ni 'dod pas la la las ni shing / la la las ni rtswa la sogs pa'o/ /des na sbyin bdag las blangs pa yin no/ /kha cig na re sbyin bdag ma yin no zhe'o/ /gang gi phyir rgyu dang gzhi rnyed pas de tsam gyis na bdag gis blangs pa yin no zhe'o/ /rtsig na zhes bya ba ni bdag gam gzhan gyis so//bdag po med pa zhes bya ba ni gang gi bdag po med pa'o/ /kha cig na re bdag po gzhan med pa zhe'o/ /bdag gi phyir zhes bya ba ni dge 'dun gyi phyir ma yin pa'o/ /tshad bzhin du zhes bya ba ni las ngan pa la dga' ba spang ba'i phyir lhag ma yang ma yin no/ / nyam nga ba spang ba'i phyir gang gi ha cang chung ba yang ma yin no/ /bde bar gshegs pa'i mtho zhes bya ba ni sum 'gyur yin pas khru tshad ma bco brgyad de de ni tshad do/ /zheng du mtho bdun zhes bya ba ni bde bar gshegs pa'i mtho nyid de/ de dag kyang khru tshad ma phyed dang bcu gcig go/ /dge slong dag bkri bar bya'o zhes bya ba ni rtsod pa 'byung ba spang ba'i phyir ro//kha cig na re dge 'dun gyi yin no zhes rtsod pa gang yang mi 'byung bar bya ba'i phyir ro zhe'o/ /ji srid du dngos po de bdag gi mig gis ma brtags pa de srid du bkri bar mi bya'o/ /gal te yang sbrul dang / sdig pa dang / rtsangs ba dang /grog mo'i tshad yod na rung ba ma yin pas bstan par mi bya'o/ /yang brtag par bya ste/ gal te rgyal po dang / khyim bdag dang / mu stegs can gyi gzhi dang / dge slong ma'i dbyar khang yod dam/ der shing ljon pa bcad du mi rung ba zhig na/ rtsod pa dang bcas pa yin pas bstan par mi bya'o//yang brtag par bya ste/ gal te 'dom gang tshun chad na khron pa yod dam/ lam mam/ ngan grog yod na rtsom du rung ba ma yin pas bstan par mi bya'o/ /de nas gtsug lag khang du song ste gsol ba bya'o/ /yang na dge 'dun thams cad 'dong bar bya'o/ /yang na bskos pa rnams so//de la dad pas 'gro bar mi bya'o/ /de nas mthong nas gal te dag pa yin na rgan rabs kyi mdun du 'dug ste/ gnas brtan dag gzhi de ni rung ba lags kyis/ da de'i dus la bab par mkhyen par mdzod cig ces brjod par bya'o/ /de nas gsol ba byas te las bya'o/ /rtsod pa med pa zhes bya ba ni kha cig na re brtsams pa ma byas pa'o//de nyid rnam par spros pa ste/ brtsam du rung ba zhes bya ba ni rtsig pa ma brtsigs pa'o/ /rtsig pa brtsigs pa na pha rol du 'gror mi rung bas brtsam du mi rung ba yin no zhe'o/ de la ltung ba ci ltar 'gyur zhe na/ thams cad las 'das par byas sam/gang gi tshe gnas kyi 'os pa ma yin pa de'i tshe dge 'dun lhag ma'o/ /rtsod pa dang bcas pa dang / brtsam du mi rung ba dang / ma bstan pa dang / tshad las 'das par byas pa nyes pa rnam pa bzhi las gang yang rung ba gcig las 'das par byed na sbom po'o/ / gzhi bslangs la mi byed pa dang / bstan pa dang / brtsams nas 'phro bor ba dang / gzhan la phrogs te 'phro nas byed pa dang / thog ma phub pa dang / brtsams nas bdag shi ba dang / 'khrul pa dang / dge tshul la sogs par dam bcas pa dang / gnyis kyis gcig byed pa dang / bar ma gzung ste byed pa dang /gzhi gang zag gi yin pa ste/ thams cad du sbom po'o/ /dge slong gis dge slong la bdag ni skyon bzhi spangs pa'i khang pa brtsig go zhes smras la/ skyon dang bcas pa byed pa la ltung bar 'gyur gyi/ byed du bcug pa la ni ma yin no/ /gal te byed du bcug pas 'di skad du ngas bskos pa bzhin du khyod kyis legs par byas so zhes smras pa dang /der shing la sogs byin na gnyi ga la ltung bar 'gyur ro/ /sbyor ba gcig pus bcu byed na ltung ba bcu'o/ /byed du gzhug gam mi gzhug snyam du som nyi za bzhin du bskos pa las gzhan gyis byas na sbom po'o//byas zin pa rnyed pa dang / longs spyod pa dang / sbrang bu mchu rings kyi phyir khang pa rtsig pa la ltung ba med do/ /dge 'dun lhag ma drug pa'o// //grong khyer kau shAm+b+hI na drug sde rnams kyis 'dug pa'i shing ljon pa gcod du bcug ste/ der gtsug lag khang rtsig tu bcug pas gnas kyi gzhi'i dbang du mdzad de/rtsod pa byung ba'i nyon mongs pas bdun pa'o/ /chen po zhes bya ba la chen po ni gnyis te/ sbyin par bya ba dang tshad kyis so/ /la la na re 'dir ni sbyin par bya bas che ba la bya'i/ /tshad kyis ni ma yin no zhe'o/ /ci'i phyir 'di chen por gnang zhe na/'di la ni las ngan pa la dga' ba'i nyes pa med de/ de nyid de'i dge ba'i phyogs yin no/ /gtsug lag khang zhes bya ba ni sngon gyi sangs rgyas rnams kyi nyan thos rnams kyang gtsug lag khang rnams su gnas par gyur bas sangs rgyas kyis rjes su gnang ste/ dge ba bzang pos thog mar gtsug lag khang byas so//dge slong rnams kyi gtsug lag khang ni sum rtseg go/ /dri gtsang khang dang sgo khang ni lnga rtseg go/ /dge slong ma'i gtsug lag khang ni nyis rtseg go/ /de las gzhan pa ni sum rtseg go zhes de skad bka' stsal to/ /de nas mgon med zas sbyin gyis rgyal bu rgyal byed las rgyal byed kyi tshal bye ba bkra ba nyos te/dge 'dun la phul lo/ /sbyin bdag gzhan gyis dge 'dun gyi phyir byed du bcug na khang pa la sogs pa'i sa sbyin no/ /gang zag gi don du ni sbyin bdag la dri'o/ /ma 'dris pa glo bur du 'ongs pa phongs pa'i phyir gtsug lag khang gi nang du gnas shig mi bsgo bar gzhag go//gnas pa gos zin pa'i 'og tu 'ongs na dbyar phyi mar dbyar nye bar gnas par bya'o/ /gsum par ma yin no/ /gang dag gnyis par zhugs pa'i 'og tu lhags pa de dag ni 'dris pa rnams kyis ngal sor gzhug par bya'o/ /de dag la kha zas kyi rnyed pa sbyin gyi/ nor gyi rnyed pa ni ma yin no/ /de dag las su bsko bar mi bya'o/ /gzhan yang las su bsko bar mi bya ba lnga ste/ mdo sde dang / 'dul ba dang / ma mo 'dzin pa dang / dge 'dun gyi gnas brtan dang / 'dus shing klog pa'o/ /gang na gnas khang mang ba der grangs kyis bcad de/ re re la yang tshad ji lta ba bzhin du gnyis gnyis sam gsum gsum bgos pa thams cad gcad par bya ste/kha cig tu snga dro gnas par bya'o zhes bya ba la sogs pa'o/ /byed du bcug gam/ dge 'dun gyi yang rung ste/ ci nus kyis bcos par bya'o/ /yal bar mi dor ro/ /gang na gnas nyung bar der ni chu snod bum pa dang /ba lang gi lci ba dang / sman dang lhung bzed dang / so shing gzhag pa'i gnas ma gtogs par gding ba'i tshad kyis bgo bar bya'o/ /'du ba'i gnas su ni bgo bar mi bya'o/ /dgon pa pa rnams kyi snod spyad gzhag pa gsal ba'i phyogs su gnas dpog go//gang zag gi gtsug lag khang gi rnyed pa gang gis blangs pa de nyid kyis bcos par bya'o/ /dge 'dun nam mchod rten gyi bya ba la song ba la ni gnas rgan rims bzhin du sbyin no/ /gzhan ni gang ji ltar 'ongs pa'i gral rims bzhin no/ /sbyin bdag gis rnyed pa nges par byas pa gtsug lag khang gi dbyar gyi rnyed pa ni gang gi gnas su bskos pa de dbang ngo //de na gnas pa de la sbyin bdag dad de byin pa gang yin pa de yang de dbang ngo / /gang zag gi phyir khang pa byas pa'i rnyed pa yang de nyid dbang ngo / /dge 'dun gyi rnyed pa yang sbyin par bya'o/ /de bzhin du sbyin bdag gis byas pa'i gnas khang gi rnyed pa ni de na gnas pa dag dbang ngo //rgan rims bzhin du thams cad kyis gnas khang bgo bar bya'o/ /dgon pa pa rnams kyis ni gtsug lag khang srung ba'i dge slong gzhag la bsod snyoms la 'jug par bya'o/ /de la yang bsod snyoms sbyin no/ / brdas sgo dbye bar bya'o/ /khyi yang gso bar bya'o/ /khyi gso ba'i kun du spyad pa ni/ mchod rten gyi 'khor sa dang / gtsug lag khang la sen mo'i rjes phyung ba des mnyam par bya'o/ /gcin dang rtug pa yang phyag par bya'o/ /rnam pa gzhan du na nyes byas so/ /gcan gzan khro bo dang gnod sbyin mang ba'i gnas su gnas par mi bya'o//gtsug lag khang gnyis su nye bar gnas par mi bya'o/ /gal te dbyar nye bar gnas pa gnyi ga bsdams te/ de las gzhan pa'i dge slong dang rnyed pa mnyam par sbyin no/ /rnyed pa la lhag par chags par mi bya'o/ /thab krol byed par 'ong bar rig na gnas mal bsko bar bya ba ni gsum ste/dgun gyi dang / dpyid kyi dang / dbyar gyi'o/ /gnas mal gzung ba ni drug ste/ gtsug lag khang thams cad dang / de'i nye 'khor dang / khang phran dang / de'i nye 'khor dang / kun dga' ra ba dang / de'i nye 'khor ro//gal te thab krol byed pa na re gtsug lag khang bskos shig ces zer na/ thams cad bsgos zin to zhes so/ /de slar song ba dang / de dag rgan rims bzhin du bgo bar bya'o/ /thab krol byed pa ma yin pa la de ltar byed na nyas byas so/ /de bzhin du gnas bsngos te/ 'di ni deng gi 'di ni sang gi zhes bya ba nas/'di ni snga dro pa zhes bya ba la sogs pa skad cig pa dang / 'du ba'i dus kyi 'di ni slob dpon gyi'o zhes bgos na nyes byas so/ /gtsug lag khang du dge slong nad pa'i gnas mi dbrog par sbyin no/ sgyu byed pa la ni ma yin no/ /rgan rims kyis de'i gnas mi dbrog go zhes bya ba'i tha tshig go//gtsug lag khang du mtshan mo gnas mal bgo bar mi bya'o/ /gang gi phyir bgo ba dang / gang dag 'god pa gnyi ga la yang nyes byas so/ /gal te mtshan mo lhags na 'dris pa'i 'dris pa dag gis ngal gso bar bya'o/ /de bzhin du nub gcig gnas pa'i phyir na gnyi ga la nyes pa'o//mgon med zas sbyin gyis ngal bso ba'i gnas byas pa rnams su bsod snyoms pa'i phyir byin pa rnyed pa'i nang du drug sde zhugs pas gzhan gyi rnyed pa'i nang du 'jug na 'gal tshabs can du 'gyur ro/ /don gzhan zhig gi phyir gtsug lag khang gzhan du song ba las gal te dus la bab na zas bza' bar bya'o//zos te 'ongs nas yang 'dod la gal te tshad las lhag par 'drim ni sngar ma blangs pa gang yin pa de bza' bar bya'o/ /ci ste dge slong dag gi tshad kyis byas pa yin pa de bza' bar mi bya'o/ /ji ltar gtsug lag khang rgan rims su bsko ba bzhin du 'gyed pas shing ljon pa dang /sgang pu dang gsing ma yod pa'i phyogs kyang de bzhin no/ /de yang chos lnga dang ldan pa gsol ba dang gnyis kyis bsko bar bya'o/ /gnas khang bsko ba dang de bzhin du zas la bsko ba dang / nas thug 'drim pa dang / bca' ba 'drim pa dang / phran tshegs 'drim pa dang / snod spyad sbed pa dang / gos sbed pa dang / gos 'ged pa dang / dbyar gyi gos ras chen sbed pa dang / dbyar gyi gos ras chen 'ged pa dang / mngag gzhug pa dang / mdzes chos pa dang / gang zag bcu gnyis po 'di dag kyang ngo / / zas med pa'i phyir gtsug lag khang stong par bor te thams cad 'dong bar mi bya'o/ /bsod snyoms la sogs pas lo lnga'i bar du 'dug par bya'o/ /gal te yang ma 'ongs na mtshams tha dad pa'i gtsug lag khang rnams dang rnyed pa gcig tu bya'o/ /gso sbyong ni tha dad par ro/ /'ong na ni sbyin bdag ci dgar bya'o//gtsug lag khang bshigs nas snga mkho tsam mam che bar bya'i chung ba ni ma yin no/ /sbyin bdag nus pa med na chung ngu bya'o/ /mchod rten dang / dri gtsang khang la sogs pa ni mnyam pa'am che bar bya'i chung bar ni ma yin no/ /ri mo byed par 'dus byas par 'dod pas skyes pa'i rabs de nyid la sogs pa bri bar bya'o//de bzhin du sangs rgyas kyi gsung gi glegs bam bri ba yang ngo / /dus de srid khang pa byas pa 'gro khar mi gzhig go/ /gtsug lag khang du ni rung ba'i khang pa bsko bar bya'o/ /de yang lnga ste/ bteg pa'i mtha' las byung ba dang / sems bsdus pa'i mtha' las byung ba dang / ba lang gi lhas lta bu dang / 'phral la byung ba dang / bskos pa ste lnga pa'o/ /bteg pa'i mtha' las byung ba zhes bya ba ni/ gang du dge slong lag gi bla'am khyim bdag kyang rung ste/ thog mar so phag bteg pa na/ sems bskyed nas tshig tu yang brjod par bya ste/gzhi 'di ni dge 'dun gyi rung ba'i khang par 'gyur ba'o zhes bya bas so/ /sems bsdus pa'i mtha' las byung ba ni gang du de nyid kyis gzhan la sems bsdus shig ces bya bar byin gyis brlab par bya'o/ /ba lang gi gnas lta bu ni gang sgo tha dad du gnas pa'o/ /'phral la byung ba ni gnas gang spangs pa'o//bskos pa ni gsol ba dang gnyis kyi las kyis bskos pa ste/ gnas thams cad grub pa nang mtshams dang phyi rol nye 'khor 'dom gang bcas pa 'di zhes de skad brjod pas las byas pa'o/ /gang 'og ma bskos pa de'i steng ma dang ngos kyang ngo / /gang lag gi bla'am dge 'dun gyis byin gyis ma brlabs par de dang por gnas pa rnams kyis brjod par bya'o//de dag gis ma brjod na gnyug mar gnas pa rnams kyis so/ /de rnams kyis ma brjod na glo bur du lhags pa rnams kyis so/ /dge 'dun med na gang zag gis shes pa chung ngus rung bar bya ba dang /'jug pa mi zhan pas rung bar bya ba nye bar gzung ste spyad par bya'o/ /de la shes pa nyung ngus rung bar bya ba ni 'di yin te/ sems bskyed par bya zhing tshig tu yang brjod par bya ste/ bdag ni bslab pa rnams la mi gus pa ma yin no/ /ji ltar sangs rgyas bcom ldan 'das mkhyen pa dang ldan pa/gzigs pa dang ldan pa dag gis rung ba'i khang pa dang / zas kyi khang pa yongs su spyod pa na mkhyen cing gzigs pa de ltar 'di bdag gi phyir dran pa nye bar 'jog go/ /da bdag gi tshangs par spyod pa rjes su 'dzin par gyur cig ces bya bas so/ /des 'jug pa mi zhan bas rung bar bya ba ni 'di yin te/bdag ni bslab pa rnams la mi gus pa ma yin no zhes bya ba'i bar du snga ma bzhin no/ /'jug pa mi zhan pa rang dbang med pa rnams kyis rjes su mthun pa dang bslab pa rjes su bsrung bar bya ba'i phyir/ sangs rgyas bcom ldan 'das kyis ji tsam du bslab pa rung ba gang cung zad bcas so//bdag ni rang dbang med pa ste/ ci ltar sangs rgyas zhes bya ba'i bar du snga ma bzhin no/ /rung ba'i gnas kyi nang du btsos pa dang / zhag lon pa yang ci bder spyad par bya ste/ rung ba ma yin pa'i dngos po bsgrubs pa'i nyes par mi 'gyur ro/ /rung ba ma yin pa'i gzhi bcu ste/blag ba med pa dang / sgo khang dang / khyams dang bsro khang dang / khrus khang dang / rgyal po'i gzhi dang / mchod rten gyi gzhi dang / mu stegs can gyi gzhi dang / khyim bdag gi gzhi dang / dge slong ma'i dbyar khang dang / 'di rnams su zas bcos na nyes byas so//gtsug lag khang gi skabs su rgya cher brjod pa dag ji skad brjod pa bzhin du ma byas na thams cad du nyes byas so/ /zhar la brjod pa rnams ni rdzogs te/ dkyus ma brjod par bya'o/ /dge slong dag bkri bar bya'o zhes bya ba ni 'di gang zag gi yin gyi dge 'dun gyi ni ma yin zhes dus gzhan na rtsod pa'i nyon mongs 'byung ba spang ba'i phyir ro//de la ltung ba ji ltar 'gyur zhe na/ tshad ma gtogs par ltung ba gzhan ni snga ma bzhin du ni rnam par dbye'o/ /so sor nges pa'i dge 'dun gyi phyir gtsug lag khang rtsig pa'i yo byad sbyar ba dang dge slong dag bkri bar bya'o/ /ma khrid na spom po'o//sbyin bdag gis dge slong 'thab krol can dang / khyim sun phyung ba dang / bya ba dang mi ldan pa'i dge slong rnams rang gi gtsug lag khang nas bskrad par bya'o/ /bya ba dang ldan pa gzhan dgug par bya'o/ /gal te mi 'ong na gang na gnas pa de nyid du de dag gis yo byad sbyar bar bya'o/ / gal te dge ba dag bkrir med na der mi srid par brtag pa'i rnam grangs kyis ma bstan par byas na ltung ba med de/ shes pa chung ba dang / blun po'i rgyud kyis rung bar bya ba ni dge 'dun la bstan pa ma byas kyang ltung ba med do/ /kha cig na re dge slong dag bkri bar 'dod la/ gal te bag med pa dang / brjed de ma khrid na bsdam par bya ba'i nyes byas so zhe'o/ dge 'dun lhag ma bdun pa'o// //rgyal po'i khab na mdza' bo dang sa las skyes dag gyad bu nor dang tshe rabs nas tshe rabs kyi khon yod pas dge slong ma mdza' mos dge slong gyad bu nor la pham par 'gyur bas glengs te/ rang gi che bzhi phul nas tshangs ba mtshungs par spyod pa'i gzhi'i dbang du mdzad de/mi bzod pa'i nyon mongs pas brgyad pa'o/ /zhe sdang par zhes bya ba ni zhe sdang ma spangs pa'o/ /khros shing zhes bya ba ni zhe sdang gis kun nas dkris pa'o/ /gyur nas zhes bya ba ni de gzhan la gnod par bya par bsams pa'o//gzhi med par zhes bya ba la gzhi ni rnam pa gsum ste/ mthong ba dang / thos pa dang / dogs pa'o/ /de med pa ni gzhi med pa'o/ /skur ces bya ba ni skur ba btab pa'o/ /rtsod pa de yang gzhi med pa yin la zhes bya ba ni/ gal te gzhi dang bcas par gyur na ni dge 'dun lhag mar mi 'gyur ro//rtsod pa zhes bya ba ni 'dir ltung ba'i rtsod par gzung ngo / /dge slong yang zhe sdang la gnas pa zhes bya ba ni 'du shes de bzhin du ma yin pa'o/ /'du shes de bzhin du gyur ba la ni khros te smras so zhes bya bar mi 'gyur ro/ /de la ltung ba ji ltar 'gyur zhe na/gang zag rnam pa bzhi ste/ dag pa dang / dag pa la ma dag pa lta bu'i gzhi dang / ma dag pa dang ma dag pa las dag pa lta bu'i gzhi'o/ /de la dang po gnyis la skur pa btab na bzhi bcus ltung bar 'gyur te ma mthong ba dang / ma thos pa dang / mi dogs pa la ma mthong ba la sogs par 'du shes kyang mthong ngo zhes bya ba la sogs pa smras na tshig dang tshig gis dge 'dun lhag ma'o//'di dag ni gzhi gsum mo/ /thos kyang brjed pa dang / dogs kyang brjed la/ brjed par 'du shes bzhin du ma brjed do zhes zer ba de dag ni gnyis so/ /thos pa la yid ches pa dang thos pa la yid ma ches kyang mthong ngo zhes zer ba de dag ni gzhi gnyis so//thos pa la dogs pa dang / thos pa la mi dogs pa dang / de bzhin du dogs pa la mthong ngo zhes zer na tshig dang tshig gi dngos gzhi ste/ de dag ni gzhi gsum mo/ /gzhi lngas ltung ba med de/ ma me thong ba dang / ma thos pa dang / mi dogs pa la mi mthong ba la sogs par 'du shes pas go rims bzhin du ma mthong ngo zhes bya ba la sogs pas na ltung ba med do/ /de dag ni gzhi gsum mo/ /thos la brjed pa dang / dogs la brjed pa las ma brjed par 'du shes te/ ma brjod do zhes zer ba 'di dag ni gzhi gnyis so//gzhan yang gang zag gnyis skur pa btab na/ bzhi bcu gcig gis ltung bar 'gyur ro/ /ltung bar mi 'gyur ba ni gzhi drug go/ /mthong ba la brjed pa zhes bya ba 'di ni bzhi pa'i 'og tu brjod par bya'o/ /gzhan ni de dag nyid do/ /gang zag dang po gnyis la ni ltung ba med bas mthong ba med do//kha cig na re ma smras kyang 'di ltung bar 'gyur te/ 'di lta ste/ che bzhi la smras par zhe sdang gis cang mi smra bar don de ston pa lta bu'o zhe'o/ /spring yig gis dang lag yig rnams kyis dang / lag rtsis kyis dang / pho nya dang / gcig nas gcig tu brgyud pa dang / gzhan gyis nye bar ston pa dang /yi ger bris la yi ger bris pa 'di las 'di skad 'byung ngo zhes zer ba dang / smyon pa la sogs pa dang / glen pa la sogs pa dang / gnyid kyis log pa dang / snyoms par zhugs pa dang / sngon du ltung ba byung ba la sogs pa dang / bslab pa byin pa dang / dge slong ma la skur pa btab pa dang /dge 'dun gyi dbus su pham pa'i chos su gyur to zhes smras la/ gang zag gi ming ma phyung ba dang / skur pa btab la skur pa ma btab par 'du shes sam/ the tshom za ba dang / 'di lta ste/ khros nas 'di skad ces khyod phyogs 'di lta bu zhig na 'di zhes bya ba zhig dang log par zhugs te mi tshangs par spyad do zhes ji nga smra'am zhes zer ba lta bu dang /skur pa ma btab par skur pa'i 'du shes sam/ the tshom za 'am/ 'di lta ste khros nas khyod tshangs par spyod pa'o/ /khyod dge slong las yongs su ma nyams so zhes bya ba lta bu dang / ma ning gis sam/ ma ning la'am/ma ning mos so zhes lhan cig skur pa btab na thams cad du sbom po'o/ /dge slong ma la sogs pa la ni nyes byas so/ /dge slong ma la dngos gzhi'o/ /kha cig na re dge slong ma la sogs pa la ni nyes pa sbom po'o zhe'o/ /dge slong gis mtshams med pa lngas skur pa btab na de dag thams cad dge slong ma yin par 'gyur bas dngos gzhi'o//de bzhin du nyes pa sbom po'i ltung bas na yang dge slong ma yin pas glengs na dge 'dun na lhag ma'o/ /dge slong ma la yang dge slong bzhin du ltung bar 'gyur ro/ /dge slob ma la sogs pa la ni thams cad du nyes byas so/ / dge bsnyen gyis skur pa btab na gsol ba'i las kyis lhung bzed khas sbub par bya'o/ /de bzhin du gshe zhing skyob la yang ngo / /de dag gi khyim du 'gro bar mi bya'o/ /stan la longs spyad par mi bya'o/ /bsod snyoms la longs spyad par mi bya'o/ /chos bshad par mi bya'o/ /gsol ba btab ste sems mgu bar byas na/gsol ba'i las kyis lhung bzed slar bzlog par bya'o/ /khas blangs pas khas ma blangs pa'i khyim du lhung bzed khas phub pa ni khas phub par mi chud de/ de bzhin du bzlog pa la yang ngo / /de bzhin du gnas nas phyung ba la sogs pa tha dad par gnas pa'i khyim rnams su khas phub pa yang ngo //mtshams su khri la sogs pa gzhag ste/ gsol ba gcig gis kyang khas phub pa mang du bya'o/ /dge 'dun lhag ma brgyad pa'o// //rgyal po'i khab tu mdza' po dang sa las skyes dag gis ri dgas gnyis 'khrig pa byed pa mthong nas bag tsam gyis dge slong gyad bu nor la skur pa btab ste/tshangs pa mtshungs par spyod pa'i gzhi'i dbang du mdzad nas mi bzod pa'i nyon mongs pas dgu pa'o/ /gzhan gyi cha ma yin pa zhes bya ba la gzhan zhes bya ba ni mya ngan las 'das pa'o/ /de'i cha ma yin pa ni pham par 'gyur ba bzhi'o//'dis ni gang gi phyir rnam pa gzhan gyi rtsod pa de ston to/ /de ci'i phyir zhe na/ rnam pa gzhan du 'gyur ba'i phyir ro/ /dge slong gis dge slong pham pa'i ltung ba byung ba mthong la des de ltung ba med par mthong ba dang / de las gzhan pa'i ltung ba mthong ba dang de bzhin du dge 'dun lhag ma la des de la ltung ba med par mthong ba dang /ltung ba der mthong ba dang / ltung ba de ma yin par mthong ba dang / de bzhin du ltung ba dang so sor bshags par bya ba dang / nyes byas rnams dang / thams cad la 'du shes bsgyur te/ bdag gis dge slong pham pa'i ltung ba mthong do zhes smras na thams cad du dge 'dun lhag ma'o//pham pa byung ba bden pa la ni ltung ba med do/ /dge 'dun lhag ma dgu pa'o// //rgyal po'i khab tu lha sbyin gyis zang zing cung zad tsam gyi phyir rdzu 'phrul mngon par bsgrubs nas ma skyes dgra mgu bar bya ste/ de bzhin gshegs pa'i nyan thos kyi dge 'dun gsol pa dang ma thob bo//grogs ko ka li ka dang / khaN+Da drab bya dang ka Da mo ra ka ti sh+ya dang / rgya mtshos byin dang bsdongs na bzlog kyang dge 'dun gyi dbyen byed par brtsams pas dge 'dun gyi gzhi'i dbang du mdzad de zhes bya ba log par rtogs pa'i nyon mongs pa bcu dang bcu gcig pa bcas so//mthun pa zhes bya ba ni rtags dang / las dang / tshul khrims dang / lta ba dang / cho ga dang / 'tsho ba dang / rnam pa drug mthun pas ro gcig tu gyur pa'o/ /dge 'dun zhes bya ba ni dge 'dun dgu ste ngo tsha med pa'i dge 'dun dang / ngo tsha shes pa'i dge 'dun dang / ngo tsha med pa pa dang ngo tsha shes pa'i dge 'dun dang /rigs pa'i dge 'dun dang / mi rigs pa'i dge 'dun dang / rigs pa dang mi rigs pa'i dge 'dun dang / ma grol ba'i dge 'dun dang / grol ba'i dge 'dun dang / grol ba dang ma grol ba'i dge 'dun no/ /gang dbye ba'i phyir zhe na/ dang po dang tha ma gnyis ma gtogs te/lhag ma rnams so/ /dang po pa ni bye zin pa nyid do/ /tha ma gnyis ni mi phyed do/ /dbye ba'i phyir zhes bya ba ni rtags dang 'tsho ba'i bar du tha dad du bya ba'i phyir ro/ /'di ltar des 'byed par byed pa'i bslab pa'i gzhi lnga bcas te/ zho dang 'o ma mi btung ste be+e'u la gnod pa'i phyir ro zhes bya ba la/sha mi bza' ste/ de'i gzhi las srog chags gsad dogs pa'i phyir ro/ /lan tshwa mi bza' ste/ khu ba las gyur pa'i phyir ro/ /ras kha tshar bcad pa mi bgo ste/ skyes bu'i rtsal bcom pa'i phyir ro/ /dgon par gnas par mi bya ste/ de ltar byas na sbyin pa'i chos la longs spyod pa ma yin pa'i phyir ro zhes bya ba'o//rtul ba zhes bya ba ni dbye bar bya ba'i phyir brtson pa'o/ /'byed bar gyur pa'i rtsod pa zhes bya ba ni gang gi tshe dbye bar gros byed pa dang / grogs kyang sdud pa'o/ /des ni dge 'dun ci 'dra ba bye ba dang / ji ltar bye ba'i ltung ba de yongs su bstan to/ /ci 'dra ba zhes bya ba ni mthun pa'o//ji ltar zhes bya ba ni dbye bar bya ba'i phyir rtsod pa la zhugs pa rnams so/ /'di skad ces bgo bar bya'o zhes bya ba ni bzhams te bsgo bar bya ba ste/ dge 'dun nam dge 'dun gyis bskos pa'i dge slong thams cad kyis gsol ba'i las mi dgos par gcig gis gcig bstan pa'i tshig gis bzlog par bya'o zhes bya ba'i tha tshig go//dge 'dun mthun pa zhes bya ba ni mthun pa rnam pa drug gis so/ /mi phyed ces bya ba ni zang zing la longs spyod mthun pa'o/ /kun du dga' zhes bya ba ni dge ba'i phyogs mngon par 'phel ba la dga' ba'o/ /mi rtsod ces bya ba ni phan tshun lta ba dang /'dod pa mi mthun pa'i rtsod pa yongs su spangs pa'o/ /mchog gcig ces bya ba ni sems mnyam par ma bzhag pa la mnyam par gzhag par bya ba dang / mnyam par bzhag pa rnam par grol bar bya bar sbyor ba'o/ /'don pa gcig ces bya ba ni mdo dang / dbyangs kyis bsnyad pa la sogs pa yan lag bcu gnyis 'don pa mthun pa dang /gcig la gcig 'dams pa'o/ /chu dang 'o ma gcig tu 'dres pa zhes bya ba ni gzhan du bkrir mi btub pa'o/ /ston pa'i bstan pa gsal bar byed pa zhes bya ba ni 'dod chags dang / zhe sdang dang / gti mug 'dul ba rab tu ston pa'o//bde ba la reg par gnas par 'gyur zhes bya ba la/ de la bde ba zhes bya ba ni mthong ba'i chos la bde bar gnas pa rnam pa bzhis so/ /reg pa zhes bya ba ni de la brten pa'i yon tan 'bras bu la sogs pa'o/ /lan gnyis lan gsum du zhes bya ba ni gsol ba dang bzhi'i las so//dus gzhan gyi tshe bya'i dus de nyid kyi tshe ni ma yin no/ /ha cang bsdus pa dang rgyas pa ma yin pa'i phyir lan gnyis lan gsum mo/ /yang dag par bsgo bar bya zhes bya ba ni kun 'dri ba'o/ /yang dag par bstan par bya'o zhes bya ba ni bzlog par bya ba'o/ /dge 'dun lhag ma bcu pa'o//gnyis pa la ni yi ge'i don nyi tshe'o/ /dge yang rung zhes bya ba ni 'di phan pa'o/ /sdig kyang rung zhes bya ba ni 'di mi phan pa'o/ /chos smra ba zhes bya ba ni yi ge phun sum tshogs pa smra ba'o/ /'dul ba smra ba zhes bya ba ni don phun sum tshogs par smra ba'o/ /rnam grangs gzhan du na yang dag pa'i don dang ldan bar smra bas na/chos smra ba'o/ /'jam zhing mdza' ba ltar smra ba'i phyir 'dul ba smra ba'o/ /'di ni shes bzhin du smra zhes bya ba ni rtogs nas yin gyis ma rtogs par ma yin no/ /de la bdag cag 'dod cing zhes bya ba'i bar gyis ni dgag pa dang / gzhag pa dang /blo gcig pa yang bstan to/ /tshe dang ldan pa dag khyed cag ma smra cig ces bya ba ni dgag pa'o/ /chos smra ba zhes bya ba ni gzhag pa'o/ /bdag cag kyang zhes bya ba ni blo gcig pa'o/ /de la ltung ba ji ltar 'gyur zhe na/ ji tsam du cung zad rtul ba thams cad du nyes byas so/ /bzhams te bgo ba'i tshe mi gtong na nyes byas so//gsol ba byed pa dang / las brjod pa dang po dang gnyis pa'i tshig rdzogs nas sbom po ste re re'o/ /gsum po rnams rdzogs te chos ji lta ba dang / 'dul ba ji lta ba bzhin du bsgo na dngos gzhi'o/ /gal te mthun pa rnams dang chos ma yin pas bsgo bar byed na ltung ba med do//mi mthun ba rnams dang chos kyis bsgo bar byed na ltung ba med do/ /chos ma yin pas mi mthun pa rnams dang / chos ma yin pa ltar bcos pas mthun pa rnams dang / chos ltar bcos pas mi mthun pa rnams dang / bzhams te bsgo bas bsgo bar mi byed na ltung ba med do//chos ji lta ba dang / 'dul ba ji lta ba dang / ston pa'i bstan pa ji lta ba de ltar bsgo bar mi byed na ltung ba med do/ /des de nyid du ltung ba de mthol bar bya'o/ /rnam pa gzhan na de'i 'og tu gsol ba la sogs pa'i las nyams su myong na thams cad du nyes byas so/ / tshig tu mi smra na yang 'di ltung ba ste/ gal te thams cad 'dod do zhes smras na khas len pa'o/ /dbye bar ma zhugs pa las dbye bar 'du shes pa la sbom po'o/ /'di lta ste dper na dbye bar 'dod la dbye ba dang rjes su mthun par smras pa lta bu'o/ /dbye bar zhugs pa la dbye bar zhugs par 'du shes pa la dngos gzhi'o//dbye bar zhugs pa la dbye bar mi zhugs par 'du shes pa la ltung ba med de/ /'di lta ste dper na dbye bar mi 'dod la/ dbye ba dang rjes su mthun par smras pa lta bu'o/ /dbye bar ma zhugs pa la dbye bar ma zhugs par 'du shes pa la ltung ba med do//the tshom za ba la sbom po'o/ /ci'i phyir sbyor ba ma btang bar ltung bar bzhag la/ dge 'dun bye zin nas ma yin/ dge 'dun dbye zin nas ni gang zag de mtshams med pa byed pa yin pas bsnyil bar 'os pa yin no zhes gsungs so/ /de bas na dus de la dge 'dun lhag mar mi gzhag go//ltung ba byung gi 'og tu gzugs can snying po gsod du bcug ces grag go/ /dge 'dun bye la dge 'dun tha dad pa ma yin pa yang yod de mu bzhi'o/ /dbye bar byed pa'i gzhi nye bar gzhag pa ni tha dad pa'o/ /dge 'dun bye ba la dge 'dun rnam par gnas pa ma yin pa yang yod de mu bzhi'o//mtshams tha dad du gnas pa'i phyir dge 'dun rnam par gnas pa'o/ /dge 'dun bye ba la dge 'dun gnas tha dad pa yang ma yin pa yang yod de mu bzhi'o/ /gnas tha dad pa ni tha dad pa'o/ /gang na rang bzhin du gnas pa'i dge slong dgu yod pa der dge 'dun gyi dbyen 'byung ngo //gang na gcig yod pa nas brgyad kyi bar du 'khod pa der ni mi 'byung ngo / /ji tsam gyis dge 'dun dbye bar 'gyur zhe na/ gang gi phyir dge slong bzhi dge 'dun gyis dbyen byed pa'i rjes su phyogs pa'o/ /bslab pa byin pa la sogs pas tshul shing brims pa dang / dang po 'khrugs pa la ni dge 'dun gyi dbyen du mi 'gyur ro//bzhad gad dbye ba'i phyir tshul shing len du bcug gam gsol ba byed na sbom po'o/ /gal te dge 'dun thams cad kyi las byed pa la gnang ba byin na thams cad du sbom po ste/ dge 'dun bye ba ni ma yin no/ /dge 'dun bye ba gzhan gyi phyogs rnams mtshams na gnas kyang mi mthun pa med de/gso sbyong bya ba la sogs pa gzhan dang tha dad du gnas pa'i phyir chos smra bas mtshams bshig na bshig pa yin no/ /skam la gnas pa rnams ni bdag nyid kyi phyogs rnams su yang 'gro bar mi bya/ chos ma yin pa'i phyogs su yang ma yin te/ mtshams kyi phyi rol du dong ste gso sbyong la sogs pa bya'o/ /chos smra pa rnams kyis dge slong ma rnams la gdams par bya'o/ /de med na gzu bo skam la gnas pa rnams kyis mtshams kyi phyi rol du dong ste'o/ /gzu bo ste phyogs gnyi gar ma lhung ba ni skam la gnas pa zhes bya'o/ / dge slong ma'i dge 'dun bye na rjes su bstan par mi bya ste/ sring mo dag re zhig mthun par gyis shig ces bsgo bar bya'o/ /dge slong ma rnams logs shig tu 'khor lo 'dzugs na sbom pa'o/ /dge tshul la sogs pa sma phab pa la phan 'dogs sam sdud na 'khor 'byed pas sbom po'o/ /grong khyer kau shAm+bI pa rnams phyogs gnyis su gnas kyang de la mi gnas pas dge 'dun bye ba ma yin no//dge 'dun lhag ma bcu gcig pa'o// //'dul ba bsdus pa/ bam po bzhi pa/ gleng gzhi ni mnyan yod na ste/ bcom ldan 'das kyis dge slong dang dge slong ma khyim sun phyung ba rnams la gsol ba dang bzhi'i las kyis bskrad pa'i las bya'o zhes gsungs so//mi gnas pa ni bskrad pa'o/ /dge slong dang dge slong ma 'thab krol byed pa 'dis bsdigs pas gal te phyir mi ldog na khyod da dge 'dun gyis rtog tu gzhug ste/ de ltar bsdigs par bya'o/ /gang ltung ba byed pa de la khyod ni dge 'dun gyis chos ji lta ba bzhin du byed du gzhug go zhes bya ba'i tha tshig go//rnam par gtan la 'bebs par byed pas byung ba'i rtsod pa rnams la ni mi bya ste/ slob dpon la sogs pas bzlog par bya'o/ /yang na rtsod pa zhi bar bya bas zhi bar bya'o/ /dge slong ltung ba rgyun du 'byung ba dang /de las gzhan pa dag la yang 'dis smad pa'i phyir ji srid du mi ldog pa de srid du gnas bca' bar bya'o zhes smad par bya'o/ /dge slong khyim bdag la brnyas thabs byed pa dang / dge slong dang / de las gzhan pa dag la brnyas thabs byed pa la ni phyir 'gyed par bya'o/ /des khyim bdag gam gzhan yang rung ba bzod par gsol bar bya'o//de nyid phyir 'gyed pa byas nas de nyid kyi tshe'o/ /ltung ba ma mthong ba dang / phyir bcos pa'i las mi byed pa dang / lta ba mi stong ba ni dge 'dun gyi nang nas tha dad du bya ba'i phyir gnas nas dbyung bar bya'o/ /gnas nas phyung bas gnas nas 'byin par byed pa'i mthu dang grogs kyi mthu shes nas dge 'dun dang 'thab par gyur pa spang ba'i phyir ltung ba chos bzhin du phyir bcos par bya'o//gnas nas 'byin par byed pas gnas nas phyung ba'i rnam pa de lta bur rig nas mi 'dod na gleng bar mi bya/ dran par mi bya'o/ /de lta bu gnas nas 'byin bar byed na sbom po'o//de dag kyang mdo sde 'dzin pa dang / 'dul ba 'dzin pa dang / ma mo 'dzin pa dang / mang du thos pa dang / phyogs mang ba dang / g.yog 'khor mang ba shes pa dang / bsod nams che ba'o/ /rgol ba dang / phyir rgol ba khyim gyi nang du stan par ma bzhag pa la 'dug par bya'o//bar ma la gzu bo gzhag par bya'o/ /de'i tshe gzu bos mtshams kyi phyi rol du gso sbyong bya'o/ /phyogs gzhan dang gal te gso sbyong byas na byas pa nyid de/ de la nyes byas kyi ltung ba yod do/ /phyogs gzhan gyis phyogs gzhan la byas na byas pa ma yin no/ /las 'di dag ni gleng bar ma byas pa dang /dran par ma byas pa dang / gzhi med pa dang / ltung ba ma byung ba dang / khas mi len pa dang / dge 'dun gyi nang du khas mi len pa dang / mngon sum du ma gyur par byas na chos ma yin pa ste/ dge 'dun la nyes byas so/ /bzlog pa ni chos dang ldan pa'o/ /dge 'dun gyi nang du lan gsum gyi bar du khas len na khas blangs par blta bar bya'o//ji skad bstan pa'i las byas pa rnams kyis kun du spyod pa ni rab tu dbyung bar mi bya'o/ /bsnyen par rdzogs par mi bya'o/ /gnas sbyin pa dang / dge tshul nye bar gzhag par mi bya'o/ /dge slong ma la gdams ngag dpog par mi 'o//des gdams ngag dbog pa bsko bar mi bya'o/ /dge slong ma la gleng bar mi bya'o/ /gdams ngag la sogs pa gzhag par mi bya'o/ /de chos nyi shu dang ldan na mi gtong ste/ nga rgyal mi gtong bas dge 'dun la spu mi snyol ba dang / chad pa'i las ji skad bstan pa rnams mi gtong bas 'byung bar mi bskyod pa dang /ci ltar 'os pa bzhin du mchod pa'i cho gas sdud par mi ston pa dang / /mtshams kyi nang du gnas la dbyung bar gsol ba mi 'debs pa dang / ji ltar byas pa'i nyes pa las mi ldog pa dang / rgyal po dang / bskos pa 'du ba'i sa dang / mu stegs can dang /gang zag la rton pa dang / dge 'dun la mi rton pa dang / khyim pa dang / mu stegs can gyi rgyal mtshan thogs pa dang / mu stegs can la brten pa dang / ltung ba kun du spyod pa dang / dge slong gi bslab pa la mi slob pa dang / dge slong rnams la gshe ba dang / khro ba dang / mtshang 'dru ba dang / dge 'dun gyi rnyed pa med par byed pa dang / gnas med par byed pa sems te/ 'di dag las bzlog pa nyi shu dang ldan na bzod pa gsol bar bya ste/ 'di ltar rnam par gnas so/ /de bzhin gshegs pa'i bkas 'phags pa kun dga' bo dang / grogs dge slong gnas brtan gyis lam gyi bar du gleng ba po chos lnga dang ldan pa bskos te/re lde ri la 'gro mgyogs dang / nabs so khyim sun phyung ste bskrad pa'i las byas pa dang / de dag dang mnyam du spyod pa dmar ser can dag gis lam du thos nas mnyan yod du dang ste ltung ba chos bzhin du byas so/ /de dag gis de dag mthong nas tshe dang ldan pa las byed pa ni 'dun pas 'gro ba ste/ltung ba 'dra ba las nged la ni byas/ 'di dag la ni ma byas so zhes zer ro/ /de dag la dge slong rnams kyis bzlog pa'i phyir bzhams te bsgo ba dang / gsol ba dang bzhi'i las kyis ni ma bzlog pas zang zing la longs spyod pa'i gzhi'i dbang du mdzad nas khyim la ser sna byed pa'i nyon mongs pas bcu gnyis pa bcas so//grong zhes bya ba ni gang na tshong khang dang ra bas bskor ba la sogs pa med pa'o/ /gang na ra ba la sogs pa med pa de ni grong rdal lo/ /rnam pa'i don gyis sam zhes bya ba'i sgras ni grong khyer yang gzung ste/gang na ra ba la sogs pa yod pa'o/ /khyim sun 'byin pa zhes bya ba ni gnyis kyi phyir khyim rnams sun 'byin ste/ bdag kyang sdig pa la spyod pa dang / gzhan dag la yang mi snyan par brjod pa'i phyir ro/ /sdig pa kun du spyod pa ji lta bu zhe na bud med kyi yul dang / lhan cig stan gcig la sogs pa la brten pa ste 'dre ba dang /me tog dang 'bras bu la sogs pa sbyin pa ste/ longs spyod pas so/ /mi snyan pa sgrogs pa ji lta bu zhe na/ dge slong rnams kyi tshul khrims la sogs pa log par zhugs pa rnam pa bzhi po thams cad kyis te mi snyan par sgrogs pa'o/ / sdig pa'i chos kun du spyod pa zhes bya ba ni khyim sun 'byin par byed pas kha na ma tho ba 'phel ba'o/ /mthong zhes bya ba ni mig gi rnam par shes pas so/ /thos zhes bya ba ni rna ba'i rnam par shes pas so/ /rab tu shes zhes bya ba ni rnam par shes pa'i tshogs de las gzhan pa rnams kyis so/ / de rnams kyis ni mthong ba dang thos pa dang / dogs pa bstan to/ /ded shig ces bya ba ni bskrad bar bya ba'i las ston to/ /'dun pas 'gro zhes bya ba ni gang dag ma bskrad pa de dag la chags pas 'gro ba'i phyir ro/ /zhe sdang gis 'gro ba zhes bya ba ni gang dag bskrad pa de dag la zhe sdang gis kun nas dkris pa'i phyir ro//gti mug gis 'gro ba zhes bya ba ni gang dag ma bskrad pa de dag la khyim sun phyung bar mi shes pa ste rmongs pa'i phyir ro/ /'jigs pas 'gro ba zhes bya ba ni ma dong pa de dag nyid la 'jigs pas lan mi byed pa'i phyir ro/ /kha cig ni skrod par mi byed ces bya ba ni dmar ser can la sogs pa'o//bsgo bar bya'o zhes bya ba ni bzhams te bsgo bar bya'o/ /lan gnyis lan gsum zhes bya ba ni gsol ba dang bzhi'i las kyis so/ /sa la 'dug pas nam mkha' la 'dug pa'am/ /bzlog pa'am/ mtshams kyi phyi rol na 'dug ste bsgo na bsgo ba ma yin pa'o zhes brjod par bya'o//gsol ba ma byas par las byed na bsgo ba ma yin no/ /thog ma nyid du 'dun pas 'gro ba zhes bya ba la sogs pa smras na nyes byas so/ /bzhams te bsgo ba'i tshe ma btang na yang nyes byas nyid do/ /gsol ba'i tshe sbom po'o/ /de bzhin du las brjod pa dang po rdzogs pa dang /gnyis pa dag dang / gsum pa rnams rdzogs la gal te chos bzhin du bsgo na dge 'dun lhag ma'o/ /rnam pa gzhan du dge 'dun lhag ma'i ltung bar mi 'gyur ro/ /'dun pas 'gro ba rnams la 'dun pas 'gro ba ma yin par 'du shes sam yid gnyis za ba'i 'du shes na yang sbom po'o//'dun pas 'gro bar 'du shes pa la ltung ba med do/ /'dun pas 'gro ba ma yin pa rnams la der 'du shes sam yid gnyis za na yang dge 'dun lhag ma'o/ /'dun pas 'gro bar 'du shes pa la nyes byas so/ /bskrad pa'i las ma byas par 'dun pas 'gro ba zhes smras na nyes byas so//dge 'dun sun 'byin pa la ltung ba 'di rnam par gzhag gi/ rigs sun 'byin pa las mi ldog pa las ni ma yin no/ /khyim sun phyung ba zhes bya ba ni 'dir rnam pa gcig la yang ltung ba gzhi ji lta ba bzhin no/ /gnyis pa la ni yang dag par 'du shes na'o/ /nyon mongs pa'i sems kyis dge slong phra ma byed na ltung ba'o//yang dag pa ma yin par 'du shes pa la ni brdzun dang phra ma'o/ /dge 'dun lhag ma bcu gnyis pa'o// //grong khyer kau shAm+bIr 'dun pa'i phyir chos la longs spyod par gzhi'i dbang du mdzad nas/ rang dbang med par mi bzod pa'i nyon mongs pas bcu gsum pa bcas so//bka' blo mi bde ba'i rang bzhin can zhes bya ba ni tshig mi bzod pa'o/ /gdon par gtogs pa zhes bya ba ni zla ba phyed phyed cid brjod pa'o/ /bde bar gshegs pa'i mdor gtogs pa rnams kyis zhes bya ba ni sangs rgyas kyis bcas pa rnams kyis so/ /chos dang mthun ba zhes bya ba ni mthong ba dang /thos pa dang / dogs pa'i tshig gi lam gsum gyis so/ /'dul ba dang mthun pa zhes bya ba ni dus dang / yang dag pa dang / don dang ldan pa dang / 'jam po dang / mdza' ba lta bus so/ dge yang rung / sdig kyang rung zhes bya ba ni 'di phan pa dang mi phan pa ste go rims bzhin no//khyed la yang bdag gis smras pas ci zhig bya zhes bya ba ni tshig gi lam byung ba bzlog pa'o/ /tshe dang ldan pa dag gis bdag la tshig gi lam thong zhig ces bya ba ni ma 'ongs pa'i dus kyi tshig 'gog par byed pa'o/ /bdag la ma smra shig ces bya ba ni smras pa tsam gang yin pa de bzod do zhes bya bar ston to//gcig la gcig brjod par bya ba zhes bya ba ni skabs dbye ba'i phyir te/ de ltar na smra bar 'os pa yin no/ /gcig la gcig 'doms shing rjes su ston ces bya ba ni ltung ba las gleng ba'o/ /de yang lha'i mig dang rna bas mthong ngam thos nas gleng bar bya ba ni ma yin no/ /ma bskos par ma yin no//dge 'dun gyi dbus su ma yin no/ /dge 'dun gyi dbus su ltung ba byed pa la gleng ba ni ltung ba med do/ /su la dben par glengs pa ni mi dran na de dran par bya'o/ /dran na 'khrugs pa lta na skabs phye shig ces bya'o/ /gal te mi phyed na mi smra bar bya'o/ /de bzhin du yang gzhan nas gzhan du byed na gdams ngag gzhan par bya'o//gso sbyong dang dgag dbye bya ba yang ngo / /deng gi nyi ma la bdag gis ming 'di zhes bgyi ba'i gso sbyong dgag par bgyi ste/ ming 'di zhes bya ba mchis na dge 'dun gso sbyong mi mdzad do zhes bya ba'o/ /de bzhin du dgag dbye bya ba la yang ngo / / gal te gzhi med pa'i ltung ba'i gnas byas kyang rung / ma byas kyang rung / gnyi ga yang rung / lhag ma dang bcas pa yang rung / lhag ma med pa yang rung ste/ bzhag na chos ma yin pas gzhag pa yin no/ /lha'i mig gis sam/ rna bas sam/ 'on pa la'am/ mtha' 'khob pa la'am/ khas blangs pas khas ma blangs pa'am/ bzlog pa'am/ sa la 'dug pas nam mkha' la 'dug pa la'am/ bzlog pa la bzhag na bzhag pa ma yin pa'o/ /lhag ma med pa'i bar du gzhi dang bcas bas na chos bzhin no/ /legs par ma mthong ba dang / ma thos pa dang / mi dogs par bzhag na nyes byas so//mtshams mnan te gnas mang po zhig tu gcig gis mang po bzhag na'o/ /dge 'dun gyis bskos pa'i gleng ba po'i cho ga ni des gnas lnga la gnas par bya'o/ /stan las langs la mchil lham dag phud de/ bla gos phrag pa gcig tu byas la/ rgan rims bzhin du phyag 'tshal te/dge 'dun la thal mo sbyar ba btud nas rnam pa lngas brtag par bya ste/ ci bdag tshul khrims dang ldan nam/ ngo tshar shes sam/ 'gyod pa dang ldan nam/ bsdams sam/ bslab pa 'dod dam snyam du rnam pa lngas so/ /yang dag pa yin nam yang dag pa ma yin snyam pa la sogs pa rnam pa lnga dran par bya'o//da nas khyod la 'di lta bu gleng na skabs phye shig ces brjod par bya'o/ /des kyang bdag la gang gis gleng zhes ltung ba'i dbye ba rgya cher brjod par bya'o/ /gleng bar bya bas kyang gnas lnga la gnas nas tshul khrims la sogs pa la brtags te skabs dbye bar bya'o//gzhan las yang dag pas glengs pa la sogs pa 'di dag ga la rnyed snyam du de ltar dran par bya'o/ /de nas bdag la gang gis glengs/ rnam pa ci lta bu zhes dbye ba du ma smras la/ khyod la skabs dbye'o zhes bya'o/ /de nas gleng ba pos khyod kyis 'khrul pa 'am/ lkog nas smras pa'am/glo bur du smra ba'am/ rtabs te smra ba mi gzung gi/ /khyod kyis smras pa gang yin pa de dag gis khyod la lan gsum bzlas so zhes de'i bag phab ste/ de'i 'og tu ming 'di zhes bya ba khyod nyon cig bdag ni dge 'dun gyis khyod la bsgo bar bskos te/ las gang bya bar 'os pa'i las de byed du gzhug go//ji ltar bdag la gnod par mi 'gyur ba dang / gzhan la gnod par mi 'gyur pa dang / dag pa rnams la skur pa mi gdab pa dang / so sor thar pa la gnas pa'i dge slong rnams mi spang ba dang / gnas brtan rnams la brnyas thabs mi bya ba de ltar gyis shig ces bsgo bar bya'o//cho ga bzhin du ma byas na thams cad du nyes byas so/ /gcig gis gcig ltung ba las slong ba zhes bya ba ni ltung ba rtogs nas 'byin par 'dod pa rnams so/ /de ltung ba ji ltar 'gyur zhe na/ ci tsam du bdag gis mi smra bar chung zad byas na nyes byas so/ /de bzhin du bzhams te bsgo ba'i tshe mi gtong na yang ngo //gsol ba'am las brjod pa dang po'am gnyis pa dag rdzogs na sbom po'o/ /gsum pa rnams rdzogs na dge 'dun lhag ma'o/ /ma glengs par bka' blo mi bde bas bdag gis 'jog na nyes byas so/ /lhag ma ni snga ma bzhin no/ /bton zin to zhes bya ba ni nyan pa rnams dbugs dbyung ba'i phyir yongs su rdzogs par ston to//dgu ni ltung ba dang po dag nyid kyis so zhes bya ba ni bzlog kyang rung / ma bzlog kyang rung byas pa tsam nyid kyis ltung ba rnam par gnas pa'o/ /gzhi ni zhes bya ba ni dge 'dun gyi dbyen nas brtsams te'o/ /lan gsum gyi bar du zhes bya ba ni bzlog ste mi ldog na las brjod pa gsum rdzogs na ltung ba rnam par gnas so//de dag las zhes bya ba la sogs pa ni rnam pa lngas ltung ba las ldang bar yongs su ston te nyes pa ste/ ltung ba gang yang rung ba zhig byas la zhes bka' stsal pa gang yin pa'o/ /bsams pa ste ci srid du shes bzhin du 'chab pa zhes bka' stsal pa gang yin pa'o//nyes pa'i chad pa'i las ni/ zhag drug gi bar du zhes bka' stsal pa gang yin pa'o/ /spyad pa ste dge 'dun gyi sems mgu bar byas zhes bka' stsal pa gang yin pa'o/ /gang zag ste/ gang na nyi shu'i tshogs yod pa zhes bka' stsal pa gang yin pa ste//tshun chad kyi grangs bcad pa'i phyir grangs nyi shu gzung ngo / /de la yongs su spo ba ni bcabs pa'i ltung ba las mtshan mo'i mtha' dang sems kyis bcabs pa ste/ bcabs par sems bskyed nas skya rengs shar na mtshan mo gcig bcabs par 'gyur ro/ /gang 'di ltung bar mi shes sam brjed par yang rung ste/bcabs pa'i sems med pas de la mtshan mo 'das pa'i bcabs pa'i ltung ba med do/ /'chags par 'dod pa las brjed de ma bshags na nyes byas mang po bshags par bya'o/ /'on pa dang skad brda mi phrad pa dang / rang bzhin du gnas pa ma yin pa la ni brjod pa ma yin te nyes byas kyang ngo //nam mkha' la gnas pas sa la 'dug pa la brjod na brjod pa ma yin te nyes byas kyang ngo / /rang bzhin du gnas pa mtshams kyi nang du 'dug pa las bcabs par 'byung ngo / /'on pa la sogs pa dang skad mi shes pa dang / mtshams kyi phyi rol na gnas pa dang /'khrugs pa dang / gnas par mi bya ba la sogs pa dang / khyim pa rnams la ni ma yin no/ /gang nyin mo dge slong dang lhan cig gnas la/ mtshan mo dge slong med pa'i gnas su gnas pa de ji srid 'tsho'i bar du gnas kyang bcabs par mi 'gyur ro/ /ltung ba gnyis byung ba la zla ba gnyis bcabs te gcig spo ba byed pa na gnyis pa bcabs pa khas len na ni zla ba de gnyis kyis spo ba sbyin par bya'o//bcabs pa las bcabs par khas len na de lhag par zla ba gnyis so/ /bcabs pa'i chags par 'dod pa dran pa nyams nas dus gzhan gyis chod de dran pa las yang bcabs na dran pa nyams pa ma gtogs pa rgyun gnyi ga'i spo ba byed du gzhug go//ma bcabs pa la bcabs pa ni rgyud phyi ma'o/ /bcabs pa la mi 'chab pa ni rgyud snga ma'o/ /bcabs pa la mi 'chab pa ni mgu bar bya bar zad de spo ba med do//de ltar dpag tu yod pa dang ldan nam/ dpag tu med pa dang ldan pa ste/ ltung ba gcig gam/ gnyis sam/ mang po yang rung bcabs sam ma bcabs kyang rung ste/ babs sam dge tshul la sogs pa'i dngos por khas blangs nas yang bsnyen par rdzogs pa dang / bzod pa gsol ba yang rung ste/ bcabs pa dang ma bcabs pa brjod ces bya ba ni mu bzhir brjod par bya'o/ /gang mtshan mo'i mtha' dang ltung ba'i mtha' mi shes pa de ni dpag tu med pa dang ldan pa'o/ /gang spo ba spyod pa dang / mgu bar bya bar spyod pa dang / mgu ba byas zin nas dge 'dun lhag ma las dbyung ba dang bab pa dang /dge tshul la sogs pa'i dngos por khas blang ba ni ma byas pa byed du gzhug go/ /gang mtshan mo'i mtha' mi shes pa de ni dag pa'i mtha' nas nye bar bzung ste spo ba byed du gzhug ste gzhi nas brtsam zhes bya ba'i tha tshig go/ /gzhan ni ji ltar bcabs pa bzhin no//gang spo ba byed pa las ltung ba snga ma dang 'dra ba gnyis pa byung ba de tshar bcad pa'i phyir gsol ba dang bzhi'i las kyis gzhi nas bslang ste spo ba byed du gzhug go/ /gzhi nas brtsams te yang gnas par bya ba ni gzhi nas bslang ste spo ba zhes bya'o/ /lan gnyis gsum du bzlas pa de yang gzhi nas bslang ste spo ba ste/gzhi nas byed pa la yang gzhi nas bslangs te byed pa'o/ /gang zag spobs pa drug ste/ thams cad gnag pa ni gang thams cad chos ma yin pa byas pa'o/ /phal cher gnag pa ni gang spo ba ni chos bzhin la/ gzhan thams cad ni chos ma yin pa'o//phyed gnag pa ni gang gzhi nas bslang ba'i spo ba ni chos bzhin la gzhan thams cad ni chos ma yin pa'o/ /phyogs gcig gnag pa ni gang yang gzhi nas bslang ba yang chos bzhin la/ gzhan chos ma yin pa'o/ /phyogs gnag pa ni mgu bar bya ba yang chos bzhin la/phyogs gcig chos ma yin pa'o/ /nag po med pa ni dbyung ba yang chos bzhin pa ste/ 'di ni ltung ba las byung ba yin gyi/ snga ma ni ma yin no/ /spo ba spyad zin pa ni mgu bar bya ba byed du gzhug par bya'o/ /gang ma bcabs pa de ni thog ma nyid nas mgu bar bya ba byed du gzhug ste/des dge slong rnams kyi yid dga' bar byed pas mgu bar bya ba'o/ /gang de nas gnas pa las gnyis pa de dang rigs mthun pa yang byung na de gzhi nas mgu bar bya ba byed du gzhug go/ /gang lan gsum byung ba de ni yang gzhi nas bslang ste mgu bar bya ba byed du gzhug go/ / spong ba dang / mgu bar bya ba spyad pa gal te dge 'dun lhag ma byung yang / mi 'dra ba yin na ni dngos po sbyangs la nyes byas bshags par bya ste/ de dag ni spo ba byed pa dang mgu ba byed pa nyid do/ /dge 'dun lhag ma dang po gal te zhag gcig bcabs pa las zhag bcu gsum pa bcabs pa'i bar du gyur na de la gang ma rungs pa dang /lci ba dang / drag po dang / mi bzad pas byas pa de'i dbang gis spo ba'o/ /spo ba spyod pa dang / mgu bar bya ba spyod pa'i kun du spyad pa ni/ rang bzhin du gnas pa las phyag bya ba bdag gir mi bya'o/ /stan gcig la 'dug par mi bya'o/ / stan mtho ba'am mnyam pa la ma yin no/ /lhan cig gam mdun du 'chags par mi bya'o/ /phyi bzhin 'brang pa'i dge slong gi tshul gyis 'gro bar bya'o/ /g.yogs pa gcig gi nang du gnas par mi bya'o/ /rab tu byung ba dang / bsnyen par rdzogs par bya ba dang / gnas bca' ba sbyin pa dang /dge tshul nye bar bsdu ba'i las rnams mi bya'o/ /las byed par bsko bar mi bya'o/ /bskos kyang dge slong ma la gdams ngag dbog par mi bya'o/ /de gdams ngag dbog par bsko bar mi bya'o/ /dge slong la gleng bar mi bya'o/ /gdams ngag la sogs par gzhag par mi bya'o//sgo dbye ba dang mar me dbyung ba dang / gtsug lag khang skyang nul bya ba dang / phyag dar bya ba dang / bshang gci sa'i wa bkru ba dang / sa dang lo ma dang / grang ba dang / dro ba bsal ba dang / bdug pa dbul ba dang / bstod pa dang / gaN+DI brdung ba dang /rlung g.yab kyis g.yab pa la sogs pa bya'o/ /bsnyen par rdzogs pa thams cad kyi 'og /bsnyen par ma rdzogs pa rnams kyi ni gang du bza' bar bya'o/ /mal cha dang stan bla gab yod par spo bar bya'o/ /lhung bzed kyi gzhi bsal bar bya'o/ / mchod rten dang dri gtsang khang gi phyag dar phyags pa la sogs pa tshogs par bya'o/ /nyi ma brjod par bya'o/ /de nas ji ltar 'dus pa rnams kyi nang du spo ba dang / mgu bar bya ba byas pa brjod par bya'o/ /re re'i drung du ni ma yin no/ /glo bur du lhags pa lhung bzed dang chos gos mkhos su ma phab pa la ni ma yin no//dge slong med pa'i gtsug lag khang du 'gro bar mi bya'o/ /'gro na yang gnas par mi bya'o/ /dus shes nas chu grang mo'am/ dron mos dge slong rnams kyi rkang ba rnams bkru bar bya'o/ /'dod na 'bru mar yang sbyin par bya'o/ / gtsug lag khang dang rnyed pa tha mar bsko bar bya'o/ /spo ba spyod pa'am/ mgu bar bya ba spyod pa'am/ spo ba byas zin pa'am/ yid mgu bar bya ba byas zin pa'am/ bslab pa byin pa la sogs pa'i tshogs sam/ des tshangs par mi 'gyur ba'i tshogs kyi nang du gnas par mi bya'o//mgu bar bya ba spyad par mi bya'o/ /gtsug lag khang stong pa dang / gcig dang gnyis dang / gsum la ma yin gyi/ yongs su dag pa bzhi'i mdun du ji skad bstan pa'i tshul du ma byas na nyes byas so/ /gang na las ma byas kyang 'thab krol byed pa 'ong ba thos na dge slong gi mdun du gtang bar bya'o//rang bzhin du gnas pa nyid du gnas par bya'o/ /song ba'i 'og tu dge slong gi mdun du blang bar bya'o/ /mgu bar bya ba byas zin pas ni spo ba la sogs pa byed du mi gzhug ste/ mgu bar bya ba byas pa'i 'og tu dbyung bar bya'o/ /de nyid spo ba spyod pa dang /spo ba spyad lags pa dang / mgu bar bgyi ba spyod pa dang / mgu bar bgyi ba spyad lags pa mchis sam/ yod de/ dper na mgu bar bya ba spyad la ltung ba ma bcabs pa'i mgu bar bya ba spyod pa dang / mgu bar bya ba spyod pa phal cher spyad la/ ltung ba byung ba gcig zhag gcig bcabs pa dang /gnyis pa zhag gnyis bcabs pa de gnyis ka'i spo ba mnos nas zhag gcig 'das pa la bzhi car rnam par gzhag go/ /gang zag rnam pa drug gis ni dge slong gcig gi mdun du bshags par bya ste/ mdo sde zad par 'dzin pa dang / 'dul ba zad par 'dzin pa dang /ma mo zad par 'dzin pa dang / shin tu ngo tsha ba yod pa ste/ gang rkyen des 'chi bar 'gyur ba dang / dge 'dun gyi gnas brtan dang / shes pa dang / bsod nams che ba'o/ /bsam pas ltung ba la ldang gi chad pa'i las kyis ni ma yin no/ /dge 'dun lhag ma thun mong ma yin pa ni mtshan gyur pas kyang ldang ngo //so sor thar pa'i mdo gdon pa gsum pa rdzogs so// //mnyan yod na 'char kas sbed ma dang / skyabs yod par brla dang brla dag sprad de 'dug nas chos ston pa sa gas mthong ste/ smras nas dge bsnyen ma'i dbang du mdzad de/ 'khrig pa'i nyon mongs pas ma nges pa dang po bcas so//dngos po dang / phyogs dang / bsam pa dang / che bzhi'i phye ba las lus rnam par gzhag go/ /yang dge slong gang bud med kyi yul dang lhan cig 'dug ces bya ba ni dngos po'o/ /gcig pu gcig dang dben pa skyabs yod pa na zhes bya ba ni phyogs so//'dod pa byar rung ba zhes bya ba ni bsams pa'o/ /de la gal te yid ches pa'i tshig gis zhes bya ba ni che bzhi bstan pa'o/ /dge slong zhes bya ba ni 'dod pa'i 'dod chags kyis kun nas dkris pa'o/ /bud med kyi yul zhes bya ba ni mi'i bud med 'khrig pa bsten par nus pa'o//gcig pu zhes bya ba ni dge slong ma'am/ skyes pa'am khye'u med pa'o/ /gcig dang zhes bya ba ni bud med gzhan nam bu mo med pa'o/ /dben pa zhes bya ba ni skye bo'i rgyun lugs med pa'i phyogs so/ /skyabs yod pa zhes bya ba ni bskor ba dang bcas pa'o/ /de yang rnam pa gsum ste/rtsig pa dang / sab mo dang yol bas bskyabs pa'o/ /de bzhin du sgrib pa bstan pa thams cad la yang brjod par bya'o/ /de yang de dang nye bar 'gro la/ de yang de'i mdun du 'ongs pa yin no/ /stan la 'dug pa las zhes bya ba ni 'dom gang gi nang logs su rkub btsos gzhag pa'o//kha cig na re don yod pa dang / don med pa dang / don med pa mi 'dod bzhin du stan cig la lhan cig 'dug pa'o zhe'o/ /yid ches pa'i tshig ces bya ba ni bden pa mthong ba'o/ /so so'i skye bor gyur kyang dge zhing spyod pa las ma nyams pa gang yin pa des kyang mthong nas smras pa'o//gang de dang lhan cig 'dug par byed pa de nyid kha cig na re de ni lhan cig mi bzod pas ma dris kyang bdag nyid smra ba'i phyir ro zhe'o/ /la la ni dge slong la rjes su bsrung bas dris na bdag nyid mi smra yang che bzhi dris na smra'o/ /pham par 'gyur ba zhes bya ba ni bzhi po rnams las gang yang rung ba ste/gal te gnyis dag gam/ gsum rnams sam/ bzhi po rnams kyis kyang rung smra na byed du gzhug par mi bya'o/ /kha cig na re gal te nan gyis sun phyung ba yin no zhe'o/ /dge 'dun lhag ma'am zhes bya ba ni gal te kun du nom pa dang / mi tshangs par spyod pa bya bar bsams pa dang bcu gsum las gang yang rung ba ste/gal te gnyis nas bcu gsum gyi bar du smra na byed du gzhug go/ /ltung byed dam zhes bya ba ni spang ba dang / ltung ba 'ba' zhig las gang yang rung ba'o/ /kha cig na re gcig pu gcig dang gnas dben pa na gal te stan gcig la de ni 'dug la de ni langs so zhe'o//'dug par khas blangs na zhes bya ba ni mi tshangs par spyod pa'i bsgom pas so/ /gang yang rung zhes bya ba ni lhag par nyes pa sbom po'i chos kyis sam/ so sor bshags par bya ba'i chos kyis sam/ nyes byas kyi chos kyis so/ / 'am zhes bya ba'i sgra ni rnam par brtag pa'i don to/ /gal te ris 'og ma bzhi po rnams smra na byed du gzhug go/ /mi tshangs par spyod par bya bar sbyor ba dang lhan cig 'dug par yang sbyor ba ni spom po'o/ /lhan cig tu 'dug pa tsam du sbyor ba ni nyes byas so/ /chags pa med pa'i sems kyis bsnyen par ma rdzogs pa dang stan gcig pa la lhan cig na nyes byas nyid do//yang na chos gang yang rung ba zhes bya ba ni gal te dge bsnyen ma ltung ba'i ngo bo nyid dang / gleng gzhi la mkhas pa ma yin na yang des dge slong stan gcig la 'dug pa dang / snod gcig gi nang du za ba dang /phor bu gcig gi nang du chang 'thung ba la sogs pa mthong ba ste/ de dang des byed du gzhug go/ /de ni ma nges pa'i chos so zhes bya ba ni gnas skabs te/ 'dir ltung ba 'di nyid do zhes bya bar nges pa med pa'i phyir/ de la ltung ba ji ltar 'gyur zhe na/ 'gro ba dang 'greng ba dang / 'dug pa gang khas len pa de byed du gzhug go//gsum char khas mi len na gsol ba dang / bzhi'i las kyis de'i ngo bo nyid tshol du gzhug par bya'o/ /des rab tu dbyung bar mi bya ba nas gdams ngag la sogs par gzhag pa'i bar du mi bya'o/ /'dul ba 'dzin pa yod pa'i dge 'dun gyi dbus su 'dul ba bstan par mi bya'o//ji skad bstan pa'i tshul du ma byas na thams cad du nyes byas so/ /kha dog dang / dbyibs dang / spyod lam dang lam tha dad pas smra na de na gnyis pa yod dam zhes dri bar bya'o/ /gal te gnyi ga mthun na de'i tshig gis byed du gzhug go/ /rnam pa gzhan du khas len na khas len pa byed du gzhug go//ltung ba gzhan nam/ ltung ba med pa la ltung ba gzhan du 'du shes na rang gi khas blangs pa byed du gzhug go/ /ma nges pa dang po'o/ /ma nges pa gnyis pa'i bye brag ni rgyal po'i khab tu dge slong shi ri ka gso sbyong 'phags dang lhan cig tu 'dug pa legs skyes mas mthong ste/phyogs der 'dod pa byar rung ba ma yin pas pham par 'gyur ba mi srid pa'i phyir ro/ /ma nges pa gnyis pa'o/ /so sor thar pa'i mdo gdon pa bzhi pa rdzogs so// //mnyan yod na dge slong mang po la brten te/ chos gos mang pos dge ba'i phyogs gtang bas dgab pa bzhi'i dbang du mdzad de/'gal tshabs can dang / phongs pa'i nyon mongs pa dag gis chos gos kyi tshogs spang ba dang po bcas so/ /chos gos zin pa zhes bya ba ni 'tsho byed la brten te khyim bdag gi gos rnams rjes su gnang ngo //nga mchog tu rab tu gzhon na yang chos gos gsum gyis chog na nga'i nyan thos rnams la ci'i phyir mi chog ces chos gos gsum kho nar bcas so/ /rung ba ma yin pa yang bkag ste/ 'di lta ste/ gso ma'i chos gos dang / rnga bal gyi dang / la ba dang lo ma'i chos gos dang /ri dgas kyi pags pa dang / gso ras seng ba ste/ a sa pa tra'i rnam grangs su gtogs pa dang / yan lag gi sbubs dang / thams cad sngon po dang / mu stegs can gyi rgyal mtshan sgren mo dang / skra 'bal ba dang / 'ug pa'i gshog pa dang / sgra'i la ba dang /mi smra ba yang dag par len na sbom po'o/ /'dir mu stegs can gyi rgyal mtshan gzhan ni nyes byas so/ /kha tshar ring po dang / gdengs ka dang / ral ka dang / gtsug tor dang / thod dang / stod g.yogs dang / smad g.yogs ni khyim pa'i rgyal mtshan yin pas nyes byas so//gos khra bo dang / rgyan thogs pa dang / mchod sbyin gyi dag byed thogs pa dang / lag pa la srad bu 'ching ba yang de bzhin no/ /sman pas lung phog pas sngags rnams kyis btab pa ni mi mngon pa'i phyogs su btags te/ sos nas kyang gar bab bab tu mi dor gyis/ ga ba dang rtsig pa'i gseb tu gzhag go/ /ci'i phyir chos gos gsum kho na zhe na/ gcig ni gtsug lag khang du spyad pa'o/ /gcig ni grong du kun du spyad pa'o/ /snam sbyar ni gnyi gar kun du spyad pa'o/ /chos gos gsum pas ni tha ma gnyis gdon mi za bar dras nas bcang bar bya'o/ /gzhan gyis ni gdon mi za bar tha ma'o//gcig ni snam phran lnga pa dang / glegs bu phyed dang gnyis pa'o/ /gnyis pa ni snam phran bdun pa dang / glegs bu phyed dang gsum pa'o/ /gsum pa ni snam phran dgu pa ste/ de yan chad ji snyed byas kyang mnyam par 'gyur ro/ /glegs bu'i tshad nges pa ni phyis brjod par bya'o//ci'i phyir ma dras par grong du kun du spyad pa ma yin zhe na/ rab tu byung ba dang khyim pa'i cha lugs mi 'dra ba'i chos rnam pa gnyis kyis dge slong du rnam par gnas te/ kha dog dang dbyibs kyis so/ /de dag gis gos dkar ba dang / 'jam pa'o/ /de las bzlog pa ni dge slong rnams [(]gyi [,]kyi[)]chos gos dras pa dang /kha dog ngan pa byas pa dang bcas te/ chos gos ni de skad gsungs so/ /de zin pa ni bkru ba dang / kha bsgyur ba dang / btsem pas so/ /de la bkru ba'i kun du spyad pa ni btso blag mkhan la gos rnams 'khrur gzhug par mi bya'o/ / btso blag mkhan gyi 'chag sar song ste rang gis shing dang rtsig pa la sogs pa la gdab par mi bya ste/ gzhong pa'i nang du chu bde bas lag pa rnams kyis dang rkang pa rnams kyis mthar gyis dal bus bkru bar bya'o/ /gang spos dang phye ma rnams bskus pa de sprugs pa ste spyad par bya'o/ /gang mchan khung gi snum gyis gos pa de ni sran phye la sogs pas dbyung ngo //btso blag bya ba'i kun du spyad pa ni/ gtun la sogs par cham chom du brdungs la bskams te bskol na tshon 'byung gi gsher ba las ni ma yin no/ /tshon yang bum pa la sogs par dang po dang / 'bring dang tha ma so sor gzhag go/ / thog mar ni dang po'i nang du gzhug go/ /bar du ni 'bring po'o/ /tha ma ni tha ma'i nang du'o/ /gzhong par byas pa'i nang du tshon mi mang par ran tsam gyi nang du gzhug par bya ste/ tshon thams cad kyi nang du ni gzhug par mi bya'o/ /srad bu bres pa la dbang du gzhug par bya'o/ /yang dang yang du bzlog par bya'o//snam sbyar chen po ni shing bkram pa'i steng du bzlog cing bskam par bya'o/ /gos sar pa ni tshon sar pa'i nang du btso bar bya ste/ nyi ma la bskam par bya'o/ /rnying pa ni rnying pa'i nang du ste/ grib ma la bskam mo/ /tha mar chu'i nang du gzhug par bya'o/ /gtsug lag khang du btso blag bya ste/sa tshon gyis ma rung bar 'gyur ba ni skyang nul bya'o/ /rdo thal can gyi phyogs ni bkru bar bya'o/ /btsem pa'i kun du spyad pa ni zhing gi snang bzhin du dra bar bya'o/ /snol ma'i thog ma ni ngos gnyis kyi mtha' skor gyi 'og tu gzhug go/ /mtha' skor ni gsum ste/chen po dang / 'bring dang / chung ngu'o/ /chen po ni sor bzhi'am/ bya rog gi mtho gang ngo / /chung ngu ni sor gnyis so/ /'bring ni de'i bar ma'o/ /gang gi mchog pa des tshal bus glan par bya'o/ /glegs bu phyed pa dang / glegs bu chen po rnams mnyam par gcad par bya'o/ / mi mnyam par ma yin no/ /de'i tshad ni shing bus gzhal lo/ /mtha' rnams kyang bskor bar bya ste/ rlung dang rjes su mthun pa'i rnam grangs su gtogs so/ /mtha' skor sor bzhi'i 'og tu sgrog rten glan te ngos gnyis kar sgrog gzungs gdags par bya'o/ /mtha' [(]sgong [,]skor [)]gyi drung du sgrog rten glan te ngos gnyi gar sgro gu gdags so//sgro gu'i mdud pa gsum ste/ shing tog ka ta ga'i 'bras bu lta bu dang / lcam pa'i 'bras bu lta bu dang / ka tam pa'i me tog lta bu'o/ /mi dra ba lnga ste/ be'u ras thams cad dang / la ba thams cad dang / phying pa thams cad dang /lham thams cad dang / seng ba thams cad do/ /tshal bus glan te bcang bar bya'o/ /shing leb med pa'i sar ni ba lang gi lci bas byug gam lo mas bsku'o/ /de med na chag chag btab ste/ phyag dar byas la dra ba dang drub par bya'o/ /snam sbyar ni shing ngam 'od ma'i gru bzhi brtan po la brgyangs te nyi rim la sogs pa drub po//gtan pa de yang chos gos gsum dang mthun par rnam pa gsum du bya'o/ /ji skad bstan pa rnams ma byas na thams cad du nyes byas so/ /lhag ma brjod par bya ste/ sra brkyang byung na zhes bya ba ni ci ltar gding ba dang / chos gos ci 'dra ba dang /gang zag gang yin pa dang / phan yon gang yin pa dang / ci ltar phyung ba de tsam zhig sra brkyang la brjod par bya'o/ /de la ci ltar gding zhe na/ thog mar 'dus pa na brjod par bya'o/ /nyi ma gzhan la dge 'dun thams cad 'dus te/ gsol ba dang gnyis kyi las kyis bya'o//de'i 'og tu sra brkyang gding ba chos lnga dang ldan pa la gsol ba dang gnyis kyi las kyis bsko bar bya'o/ /de la yang sra brkyang gsol ba bya ste/ gtang bar bya'o/ /des thams cad du bkru ba la sogs pa sngon du 'gro bar bya'o/ /tha na khab srubs gnyis sam gsum zhig kyang drub par bya'o//sems gnyis sam gsum bskyed par bya ste/ chos gos 'di dge 'dun gyi sra brkyang du 'ding bar 'gyur ro/ /'ding ngo bting ngo / /snyam du sems gsum mo/ /tha ma gnyis kyis kyang bting ba yin te/ 'ding ba la nyes byas so/ /dbyar gzhan du gnas la bting na bting ba yin no//de nas sra brkyang 'ding bas ston zla 'bring po yar gyi ngo'i tshes bco lnga la/ tshe dang ldan pa dag sang bdag sra brkyang 'ding bar 'gyur gyis/ /dir khyed cag gis rang rang gi chos gos rnams so sor phyung la/ dge 'dun gyi nang du gshegs shig ces brjod par bya'o/ /de nas spos dang me tog dang /bdug bas sra brkyang mchod de rgan pa'i mthar khyer la gzung ste/ dge 'dun btsun pa rnams gsan du gsol/ chos gos 'di ni dge 'dun gyi sra brkyang du bzhed de/ bdag ming 'di zhes bgyi ba yang sra brkyang 'ding bar bskos lags te/ sra brkyang 'ding ba bdag ming 'di zhes bgyi bas chos gos 'di dge 'dun gyi sra brkyang du 'ding bar 'gyur ro zhes de bzhin du lan gnyis lan gsum du brjod par bya'o//de nas dge 'dun gyis gnas brtan gyi mdun du bting lags so zhes brjod par bya'o/ /des kyang legs par bting ngo / /shin tu bting ngo / /'di la rnyed pa dang phan yon gang yin pa de bdag gi yin no zhes brjod par bya'o//de bzhin du dge 'dun gsar bu'i bar du'o/ /sra brkyang 'ding bas sra brkyang thogs te/ bshang gci sa dang / khyim du ba can du 'jug par mi bya'o/ /bla gab med pa la gzhag par mi bya'o/ / mtshams kyi phyi rol du 'gro bar mi bya'o/ /gal te 'gro na yang gnas par mi bya'o/ /dgag dbye byas pa'i 'og tu gal te rgyal pos dbyar shol bor na/ dbyar ji ltar gnas pa bzhin du sra brkyang 'ding bar bya'o/ /dge 'dun bye na chos smra ba rnams kyis so/ /gal te gnyi gas bting na gnas kyis rnyed pa ni chos smra ba rnams dbang ngo //chos gos ci 'dra ba gding bar bya zhe na/ dge 'dun gyi dbyar gyi nang logs kyi rnyed pa gang yin pa'o/ /gal te gos mang zhig rnyed na/ gcig gding bar bya'o/ /lhag ma ni dge 'dun gyi rnyed par 'gyur ba'o/ /gos ma spyad pa ste sar pa gang yin pa'o/ /ma spyad pa rung ba ste/ kha dog ngan par byas pa gang yin pa'o//sar pa thog mar bting ba ni phyis mi gding ngo / /gos gang zhag bcu ma 'das pa'o/ /snam sbyar dang / bla gos dang mthang gos rnam pa thams cad du zin pa'o/ /ma zin pa ni bting ba nyid ma yin no/ /lnga'am lnga las lhag pa ni rung ngo / /tshad pas chung ba ni bting ba nyid ma yin no/ / bral phrad dang lhan pa can mi rung ngo / /song nas 'ongs pa mi rung ste/ /dur khrod du khyer nas slar blangs pa gang yin pa'o/ /mthud ma can mi rung ste/ gos rigs mi mthun pa las byas pa gang yin pa'o/ /gos lhan pa chu bur can mi rung ste/ gos lhung bzed kyi snod lta bu gang yin pa'o/ /gos snam phran can mi rung ste/gos snam phran du byas pa la glegs bu med pa gang yin pa'o/ /gos mtha' ma bskor ba mi rung ste/ gang rangs par ma bskor ba'o/ /rnying pa mi rung ste/ gang sngon bting ba'o/ /bzhag pa mi rung ste/ zhag bcu las 'das pa'am/ zhag gcig bral ba'am/ spang ba'i gos thams cad do//shi ba'i chos gos mi rung ste/ shi ba'i byin pa gang yin pa'o/ /blings pa mi rung ngo / /chos gos lnga po rnams rnyed pa dang / phan yon med do/ /dus ma yin pa'i gos mi rung ste zla ba gsum tshun chad kyi'o/ /gang zag gi snam sbyar dang / bla gos dang / mthong gos mi rung ngo / /dge 'dun la ma phul ba gzhan yang mi rung ngo //rung ba ma yin pa mi rung ste/ gang rang bzhin gyis mi 'os pa'o/ /ma bsngos pa mi rung ngo / /mtshams kyi phyi rol du bsngos pa mi rung ngo / /seng ba mi rung ngo / /dbyar 'das nas rnyed pa mi rung ngo / /gal te tshes bco lnga la rnyed pa glo bur du mang zhig lhags pa de dag tshes bcu bzhir brtsi ba la rnyed pa gding du rung ngo //du ma rnyed pa yang rung ste/ zla ba lhag ma la rnyed pa'o/ /gang gi gding ba yin zhe na/ gang sra brkyang bting ba na 'dug pa'am/ 'dun pa phul ba'o/ /rang bzhin du gnas pa de dag gis bting ba la rjes su yi rang bar bya'i/ gnas nas phyung bas ni ma yin no/ /gal te rjes su yi rang na yang rjes su yi rang ba ma yin no//spangs pa rnams kyis rang bzhin du gnas pa'i gnas su gding ba bting ba ma yin no/ /gang zag bcu po rnams kyis bting ba ma yin te/ dbyar med pa dang / dbyar ral ba dang / dbyar phyi mar zhugs pa dang / dbyar gzhan du gnas pa dang / sra brkyang bting ba na med pa dang /spo ba spyod pa dang / spo ba spyad zin pa dang / mgu bar bya ba byed pa dang / mgu bar bya ba byas pa dang / bslab pa byin pa'o/ /dbyar gzhan du gnas pa'i gnas su dge tshul bcug ste/ bcu po 'di dag yod kyi phan yon med do/ /lnga po ni rnyed pa yang med phan yon yang med do/ /gnas nas phyung ba gsum dang /dbyar gzhan du gnas pa dang / dge 'dun bye nas chos ma yin pa'i phyogs so/ /phan yon ci yod ce na/ zhag bcu las 'das pa med do/ /zla ba gcig las 'das pa med do/ /mtshan mo 'bral ba med do/ /stod g.yogs dang smad g.yogs nyi tshes ljongs rgyu zhing 'gro ba dang /gos rnams ma brtags pa ci tsam rnyed pa 'chang ba dang 'dus shing za ba med do/ /yang yang za ba med do/ /khyim gyi gnas su 'gro ba nyid dang / rgyu ba la ltung ba med do/ /gos ji tsam du rnyed pa btsal du rung ngo / /ston zla tha chungs nas brtsams te/ dpyid zla ra ba'i bar gyi rnyed pa ni sra brkyang bting ba rnams kyi'o//'dir bslab par gzhag pa ni ma yin gyi 'di ni gnang ba'o/ /dbyung ba ji lta bu zhe na/ thog mar dpyid zla ra ba yar gyi ngo'i tshes bco lnga la sra brkyang 'ding bas tshe dang ldan pa dag /sang sra brkyang 'byin par 'gyur gyi/ khyed cag gis chos gos rnams byin gyis rlobs shig ces bsgo bar bya'o//nyi ma gzhan la dge 'dun thams cad kyis gsol ba dang gnyis kyi las kyis dbyung bar bya'o/ /chom rkun gyis bcom pa rnams kyi phyir ni sngar dbyung bar bya'o/ /rnyed pa yang bgos la bdag gi skal ba las ci dgar bgo bar bya'o/ /ma mo brgyad kyi bzhis sra brkyang phyung bar 'gyur te/song ba dang / rdzogs pa dang / nges pa dang / nyams pa dang / thos pa dang / mtshams las 'das pa dang / re thag chad pa dang / phyung ba'o/ /de la song ba'i mtha' can gang zhe na/ chos gos zin pa dang / ltos pa med pa dang / yul rjes su lta ba'am/ gnas gzhan ltar mtshams kyi phyi rol du 'gro ba'o//rdzogs pa'i mtha' can gang zhe na/ chos gos ma byas pa'am/ chos gos ma zin par chos gos kyi rnyed pa chags pa'i rgyud du gnas pas chags pas sam/ chags pa med pa'i rgyud kyang rung / re ba yod dam re ba med pa'i bya ba zhig gi phyir ram/ tshol ba'i phyir mtshams kyi phyi rol du song ste slar mi 'ong ngo //chos gos bya'o snyam du nges sam the tshom za yang rung ste 'di na'am/ der son pa na 'di snyam du slar mi 'ong ste/ 'on kyang chos gos bya'o snyam pa'o/ /nges pa'i mtha' can gang zhe na/ 'das ma thag pa bzhin du thams cad smos la de 'di snyam du slar yang mi 'ong zhing chos gos kyang mi bya'o snyam du sems pa'o//nyams pa'i mtha' can gang zhe na/ /thams cad smos la de'i dus su rtsom zhing ste brtsams pa yang nyams pa'o/ /thos pa'i mtha' can gang zhe na/ thams cad smos la dge 'dun gyi sra brkyang phyung ba thos nas rjes su yi rang ba'o/ / mtshams las 'das pa'i mtha' can gang zhe na/ chos gos ma zin pa las slar 'ong ba la som nyi za bzhin mtshams kyi phyi rol du song ba las mtshams de mtshams las 'das pa nyid ni phyung ba'o/ /re thag chad pa gang zhe na/ slar mi 'ong zhing chos gos bya'o snyam ste song ba las chos gos kyi re ba thams cad du chad pa'o//sra brkyang phyung ba nyid ni brgyad pa ste/ gal te 'ongs nas sra brkyang phyung ba na nyams su myong ba'o/ /dge 'dun bye ba na phyogs gang gis phyung ba de nyid kyi sra brkyang phyung gis gnyis pa ni ma yin no/ /de nyid kyi tshe btang ba de nyid kyi tshe gsol ba dang / las ma bgyis par phyung ba mchis lags sam/bka' stsal pa/ yod de gal te tshes gcig la glo bur du mang zhing lhags pa rnams kyis tshes grangs brtsan par gso sbyong byed na sra brkyang phyung bar brjod par bya'o/ /thos pa'i mtha' can ni gal te chag pa med na de ltar dbyung ngo / /gal te re ba yod de chos gos kyang byed pa'i 'phro yin na rgyun chags pa yod pa zhes bya ste/de nyid de la gnang ba'o/ /ci'i phyir sra brkyang zhes bya zhe na/ snying po yod pa dang / brten pa'i phyir te/ de ltar chos gos de dge 'dun gyis chos gos byin gyis brlab pa 'dzin par nus pa'o/ /zhar la byung ba rdzogs so// //zhag bcu'i bar du zhes bya ba ni zhag bcu'i mtha'o//gos lhag pa zhes bya ba ni byin gyis brlabs pa dang / de ma yin pa rjes su gnang ba las gzhan pa rung ba brtag par 'ongs pa gang yin pa'o/ /rung ba ni bcom ldan 'das kyis ma bkag pa'o/ /de la yo byad bcu gsum ni byin gyis brlabs pa ste/ snam sbyar dang / blo gos dang / mthong gos dang / gding ba dang / sham thabs dang / sham thabs kyi gzan dang / rngul gzan dang / rngul gzan gyi gzan dang / gdong phyis dang / g.yan pa dgab pa dang / dbyar gyi gos ras chen dang / yo byad kyi gos so/ /de dag ni rang rang gi sngags kyis byin gyis brlab par bya ste/chos gos bgyis lags pa rung ba kun du spyad par 'os pa 'di chos gos snam sbyar du byin gyis brlab po zhes de bzhin du lan gnyis lan gsum du bzlas so/ /de bzhin yo byad kyi gos kyi bar du brjod par bya'o/ /ma dras pa ni 'di ltar byin gyis brlab par bya ste/ ming 'di zhes bgyi ba dgongs su gsol/bdag ming 'di zhes bgyi ba 'di chos gos chen por byin gyis brlabs te/ 'tshal na snam phran dgu par bgyis te/ glegs bu phyed dang gsum par bgyi'o/ /bar chad ma byung na bkru'o/ /dra'o/ /brdeb po/ /kha bsgyur ro/ /gzungs gdab bo/ /bskyang ngo //drub po/ /yang na 'di la lhan thabs su glan no/ /rkyen ji lta ba bzhin du bgyis te chos gos 'di rung ba kun du spyad par 'os pa'o zhes lan gnyis lan gsum du bzlas so/ /chos gos 'di bla gos su byin gyis brlabs te 'tshal na snam phran bdun pa dang / glegs bu phyed dang gsum par bgyi'o//bar chad ma byung na zhes bya ba nas chos gos 'di rung ba kun du spyad par 'os pa'o zhes bya ba'i bar du de bzhin du lan gnyis lan gsum du bzlas so/ /chos gos 'di mthang gos su byin gyis brlabs te/ 'tshal na snam phran lnga pa dang / glegs bu phyed dang gnyis par bgyi'o zhes bya ba nas lhag ma ni snga ma bzhin no//rigs lnga dang lhan cig byin gyis brlab par bya'o/ /spu can dang stug po byin gyis brlab par mi bya'o/ /spu chung ba gang yin pa de dag byin gyis brlab par bya'o/ /stug po gang yin pa de dag ni sbyin bdag la yid brtan te bcang bar bya'o//de las gzhan pa rjes su gnang ba gang zhe na/ 'di lta ste/ rngul bsal ba'i phyir bal dang / zar ma dang / rtswa du gu la dang / ras bal las byas pa rjes su gnang ngo / /par tang khra bo ni skud pa sna bdun pa'o/ /de bzhin du spus 'khyud dang rnag zag pa'i lus phyi ba ste/ de yang dus dus su bkru bar bya/kha bsgyur bar bya'o/ /skra bzed pa yang ngo / /gtur bu ni srid du khru gsum zheng du khru phyed dang do pa las nyis bltab tu byas te mtha' gnyis nas btsems la/ dbus su kha btod de mig khar rkud pas dra bar brgyu'o/ /gos gang yongs su spyad dgos pa de dag ni kha logs su gzhag go//gzhan ni zhabs su gzhag go/ /sngas nang tshangs can ni srid du khru bzhi zheng du khru do pa las nyis bltab tu byas te btsems la shing bal rung bas dgong ngo / /chos gos phrag pa'i phyogs su dri ma chags par gyur na phrag pa'i ngos ltos nyi gar lhan thabs su srid du khru phyed dang do zheng du mtho gang gi tshad tsam skud pa'i gzungs kyis sbyar bar bya'o//de yang dus dus su bkru bar bya'o/ /kha bsgyur bar bya'o/ /sbrang skyabs kyi ras ni bzhi dang gnyis pa'o/ /ngos thung ngu gnyis shing las brgyangs te/ ras khru bcu gnyis pas kun dus dkri bar bya'o//chos gos gsum pas kyang khrus ras byin gyis brlabs te bcang bar bya'o zhes rjes su gnang ngo / /'di dag las gzhan pa ni zin kyang rung / ma zin kyang rung brtag par 'os pa ste de ni slob dpon dang bla ma dang mkhan po ste/ de dag gi bla ma gang yin pa dang / bla ma'i gnas lta bu ste/ bskur ste bya ba gang yin pa rnams kyi'o/ /gal te de'i tshul khrims dang / thos pa dang / dang ba la sogs pa yon tan chung bar ma gyur na tshangs pa mtshungs par spyod pa gzhan gyi ming gis brtag par bya'o/ /ma mo las kyang ris bdun la yang brtag par bya'o zhes gsungs so//tshe dang ldan pa dgongs su gsol/ bdag ming 'di zhes bgyi ba'i gos lhag pa rung bar ma bgyis pa rung bar bgyi bar 'os pa 'di mkhan po'i lags par rung bar bgyi'o/ /mkhan po la yid brtan te bcang bar bgyi'o zhes de bzhin du lan gnyis lan gsum du bzlas so//yid brtan pa ni rgya mtsho'i pha rol na 'dug pa la yang brtag par bya'o/ /gang la gos brtag pa des mi bskur ro/ /yid brtan pa shi na shi ba'i yo byad ces dge 'dun gyis byin gyis brlab par mi bya'o/ /rung bar bya ba'i phyir brtag gi sbyin par bya ba'i phyir ni ma yin no/ /yid brtan pa shi na ji srid ma thos pa de srid du brtag pa de nyid do//thos nas gzhan la brtag par bya'o/ /lnga pa dang bdun pa yang brtag par bya'o/ /snam sbyar ni ma yin te/ gzhan gyi phyir ni bcang bar bya'o/ /brtag pa yang nyon mongs pa gnyis kyi gnyen por snang ste/ ma brtags pa bsrel na 'gal tshabs can gyi nyon mongs par 'gyur ba dang /mi 'chang na phongs pa'i nyon mongs par 'gyur ba'o/ /de gnyis kyis 'dod pa'i bde ba dang / bdag dub pa la sbyor bas ltung bar 'gyur ro/ /chos gos kyi kun du spyod pa ni gang zag dang blang ba dang / spang ba dang / yongs su spang ba dang / dran pa nye bar gzhag pa'o/ /gang zag ci 'dra bas chos gos lhag pa bcang bar bya zhe na/ 'thob pa nyung ba dang / bde ba bskyed pa dang / lha las 'chi 'phos pas yid du 'ong ba 'dod pa dang / na ba dang / dri ma dang / shig dang / sro ma mang ba dang / 'khrug pa mang ba'i yul na gnas pa dang / zhal ta byed pa las kyi mtha' mang ba dang / chos gos de la nyon mongs pa chung ba dang / nyon mongs pa 'bring dang / che ba so sor rtog pa'i stobs can gyis so/ /gang la blang bar bya zhe na/ dbul po gtong phod pas ni bstabs kyang blang bar mi bya ste/gang byin pa des de phongs par 'gyur ro/ /byin yang rten yod na mi blang ngo / /khyim pa la ci lta ba bzhin du dge slong rnyed pa chung ngu las kyang de bzhin no/ /smyos pa gang ma la sogs pas ni shes pa las kyang mi blang ngo / /gong ma la sogs pas shes pa'am/ rang gi khyim nas byin pa las ni blang ngo //chom rkun pa g.yon can dang / rab tu chags pa dang / 'thab mo la sred pa dang / 'thab mo sems pa dang / rtag tu gnod pa'i las byed pa dang / rtag tu gnod pa'i las sems pa dang / rkun ma dang / gshed ma dang / 'jig rten na shin tu smad pa gdol ba dang /g.yung po la sogs pa las blang bar mi bya ste/ de las gnod pa'i nyes pa 'byung zhing ma dad pa'i nyes par yang 'gyur ro/ /dge 'dun la sogs pas bdag gir byas pa zhig na zhal ta byed pa las blang bar mi bya'o/ /ci 'dra ba blang bar bya zhe na/ par sig gi yul gyi la ba ni dge 'dun gyis blang gi /gang zag gis ni ma yin no/ /la ba dang be'u ras ni gnyi gas so/ /ras bal gyi gos mi blang ngo / /de bzhin du ba lang gi spu dang / ko lpags kyi gos kyang mi blang ngo / /dom la sogs pa'i pags pa 'chang ba la ltung ba med do/ /gzhan gyi la spyod pa la ni ltung ba med do//kha cig na re gnas mal rjes su bsrung ba mi spang ba'i phyir pags pa'i gos dang / rked chings bcang ba ci bder longs spyad par bya'o zhe'o/ /mtha' 'khob tu ko lpags bcang ste/ mchil lham rim pa gcig pa bya'i/ nyis rim dang sum rim ni ma yin no//gal te rdol na rdogs pas glan te bcang bar bya'o/ /li khar tshang tshing u shi ra/ /de bzhin grong dang nye ba'i grong / /chu klung 'dam bu mda' rgyu ste/ /shar dang byang phyogs sogs rnams su/ /'di ni mtha' 'khob mtshan nyid do/ /yul gyi dbus su ni ko lpags mig nang ste/nye bar gzhag par mi bya/ byin gyis brlab par mi bya/ brtag par mi bya'o/ /rngon pa las dom lpags blang ba la ltung ba med do/ /blangs nas kyang dri gtsang khang gi sgor bca' ba'am/ rkang pa'i mthar ro/ /dom lpags thams cad ni mig la phan no/ / khyim pa'i khyim du bting ba la 'dug par bya'o/ /nyal bar ni mi bya'o/ /gtsug lag khang du ni gnyi ga mi bya'o/ /gzhang 'brum na ba dom lpags spu gyen du bstan te 'dug pa la ltung ba med do/ /gro bzhin skyes bye ba nyi shu pa la brten te/ yul gyi dbus su mchil lham rim pa gcig pa 'chang du gnang ngo //rgan zhugs kyi phyir ma gnang ste/ mal cha dang stan rjes su bsrung ba'i phyir phyis yang rjes su gnang ngo / /rim pa mang yang khyim pas longs spyad pa yin na bcang bar bya ste/ gang gom pa bdun nam brgyad bor ba ni khyim pas longs spyad pa yin no/ /krog krog dang / khrig khrig zer ba dang /lug ru lta bu dang / byang chub shing dang / shing pa ta la'i lo ma lta bu dang / gzhan yang khra khra bo dang / nye bar bkra ba bcang bar mi bya'o/ /glang po che thams cad dang / rta thams cad dang / mche ba can thams cad dang / seng ge dang / stag dang / gzig gi pags pa bcang bar mi bya'o//de dag gi rgyus pas bcom par mi bya'o/ /gong gzungs su gtang bar mi bya'o/ /sna sbubs can dang / rting sbubs can ma yin no/ /mgul chad du ma yin/ yu'u thung du ma yin/ sgro gu can du mi bya'o/ /mig brtul ba'i phyir dom lpags kyi mchil lham rjes su gnang ste/spu gyen du bstan par bya'o/ /gsegs su bcing pa rjes su gnang ste/ sna sbubs can dang / rting sbubs can dang / mgul chad dang / yu'u thung yang de bzhin no/ /yul kha ba can du ni lham sgro gu can rjes su gnang ste/ gang na chu snod du chu 'khyag pa de yul kha ba can zhes bya'o//shing gi mchil lham bcang bar mi bya'o/ /rnyed pa blangs te bshang ba dang / gci ba'i sar gzhag par bya'o/ /khyim gzhan du ni ltung ba med do/ /'od ma'i lo ma dang / /rtswa muny+dza'i mchil lham bcang bar mi bya'o/ /tha gu'i mchil lham ma yin no/ /dreg nad can la ni ltung ba med do//mchil lham la mkhas na yang de dben pa'i phyogs su bya'o/ /bsnyung dang / gri gu bcang bar bya'o/ /zhar la 'ongs pa rdzogs te blang ba ni de lta bu'o/ /spang ba ni ci lta bu zhe na/ gong na srog chags rnams sril rnams sam/ be'us mi za ba dang / g.yang du mi ltung ba dang /me dang chu dang / rlung gis ma rung bar mi 'gyur ba dang / chom rkun pas mi rku ba der gos gzhag par bya'o/ /ji skad du ba la rin po che bgos te/ dgon par 'gro bar mi bya'o/ /grong du nye bar gzhag go zhes gsungs pa lta bu'o/ /ba sha ka'i lo ma la sogs pa bting ste gdab bar bya'o//dus dus su bskam par bya'o/ /sgo glegs med pa dang / dge slong med pa'i gnas su dbyar nye bar gnas par mi bya'o/ /nye bar gnas na snam sbyar med par gong du yang 'gro bar mi bya'o/ /snam sbyar nye bar gzhag par rung ba rnam pa lnga ste/ dge slong dang bcas shing sgo glegs dang bcas pa'i gnas dang /char 'bab bam/ bab tu dogs pa dang / chu klung rgal ba dang / sra brkyang bting ba'i gnas dang / snam sbyar gyi gnang ba thob pa'o/ /mtha' zegs na mtha' skor gyis glan zhing phyir bcos so/ /bsnyung tshems lta bu dag gis gzungs gdab bo/ / 'dug pa'i tshe shing dang / rdo rtsub po dang / sa rdul can gyi phyogs su zon yod par 'dug cing bsrung bar bya'o/ /gzhi med par sa la 'dug par mi bya'o/ /stan yang bya'o/ /rtswa la sogs pa'i chun po byas te ras kyi dum bus dkri bar bya'o/ /las byed pa na rdzab dang rdul gyis mi phog par bsrung ngo //'gro ba na tsher ma dang / tshang tshing las bag bya zhing sham thabs kyang ha cang mi 'jol/ ha cang mi dkri bar bsrung bar bya'o/ /dri ma chags sam/ snum gyis phog gam/ mi gtsang bas phog bkru bar 'os na bkru'o/ /drub bam kha bsgyur bar 'os na drub bo/ /kha bsgyur ro//las byed pa'i tshe snam sbyar mi bgo'o/ /rtswa la sogs pa mi gzhug go/ /nye bar mnan nas 'dug par mi bya'o/ /nyal bar mi bya'o/ /sha mthang la reg par mi bya'o/ /dus gsum du bgo bar bya ste/ bsod snyoms la 'jug pa dang / zan za ba'i gnas dang / mchod rten la phyag 'tshal ba'i dus su'o//bla gos ni ci bder spyad de/ /'on kyang de'i steng du 'dug par mi bya/ nyal bar mi bya'o/ /so sor gding ba med na yun ring du mi nyal bar bya ste/ cung zhig nyal bar bya'o/ /gar bab tu nyal bar mi bya'o/ /gang rmi lam gnod pa mang ba des ni ras kyi 'og tu ras mas dkri par bya'o//chos gos rnams mi gtsang ba'i phyogs su gzhag par mi bya'o/ /thabs gzhan yod na khur lci ba mnan par mi bya'o/ /be'u ras dang / la ba spu can nang du bstan te bgo bar bya'o/ /gzhan du na de bzhin du spyad do/ /de bzhin du shig la sogs pa'i nye bar 'tshe ba spang ba'i phyir ni rung ngo //spyad pa ma yin pas cung zad kyang spyad par mi bya'o/ /chos gos gsum ni de'i rang gis spyad pas spyad par bya'o/ /dus dus su chos gos blta bar bya'o/ /gang yid brtan pa de la gzhag par bya'o/ /spang ba ni de lta bu'o/ /yongs su spang bar bya ba mi lta bu zhe na/ de'i ngo bos chos gos la chags pas sems g.yengs par 'gyur bas/ chos gos mang po la chags pas gos lhag pa spang bar bya'o/ /chos gos bzang po la chags pas phyag dar khrod bgo bar bya ste/ gzhan ni dor bar bya'o/ /gos 'jam po reg pa la chags pas bal gos bgo bar bya'o//gzhan dor bar bya'o/ /phyag dar khrod pa dang / dur khrod pas kyang gos dge 'dun gyi dngos po bzang po spang bar bya ste/ dar dang za 'og gi stan la sogs pa spyad par mi bya'o/ /dur khrod kyi gos gyon te gtsug lag khang du 'jug par mi bya'o/ /mchod rten la phyag mi bya'o//gal te phyag 'tshal na 'dom gang khor yug pha zad nas bya'o/ /dge 'dun gyi gtsug lag khang gi mal cha dang stan la spyad par mi bya'o/ /dge 'dun gyi nang du 'dug par mi bya'o/ /khyim pa lhags pa rnams la chos bstan par mi bya'o/ /khyim rnams su 'gro bar mi bya'o//gal te 'gro na sgo khar bsdad par bya'o/ /gal te nang du zhugs shig ces zer na bdag ni dur khrod pa'o zhes brjod par bya'o/ /gal te nang du song zhes zer na 'gro bar bya'o/ /ma bsgo bar stan la 'dug par mi bya'o/ /don gyi dbang gsum mthong nas sbyangs pa'i yon tan yang dag par blang bar bya ste/gang nyon mongs pa des gnod pas kun nas nyon mongs pa spang ba'i phyir dang / yo byad bsnyungs pa'i don dang / skye bo phyi ma rnams la snang ba byas par 'gyur ba'o/ /dang po ni gdon mi za bar bya'o/ /chos gos ma dras par grong du 'jug par mi bya'o//ma mdud par ma yin no/ /de 'dra ba'i rkyen cig byung na ma gtogs so/ /ma dras par khyim gyi nang du 'dug par mi bya'o/ /de 'dra ba'i rkyen cig byung na ma gtogs so/ /de bzhin du kun du rgyu ba'i khyim du yang ngo / /kun du rgyu rnams phyi rol du byung zin pa la ni ltung ba med do/ / sham thabs ska rags kyis ma bcings par grong du 'jug par mi bya'o/ /yongs su spang bar bya ba ni de lta bu'o/ /dran pa nye bar gzhag pa ci lta bu zhe na/ nye bar gzhag pa dang / yongs su spyad pa dang / dran pas gzhan gyi la yongs su spyad de/ bdag gos rnams la yo byad bsnyungs par bya'o snyam du/dus dus su de ltar dran pa nye bar gzhag par bya'o/ /thams cad du ci skad bstan pa'i tshul du ma byas na thams cad la nyes byas so/ /de las 'das par zhes bya bas ni zhag bcu'i skya rengs shar ba'i dus las gzhan du'o/ /'chang na zhes bya ba ni ma brtags pa'am/ byin gyis ma brlabs pa'o//spang ba'i ltung byed do zhes bya ba ni dngos po de spangs nas ltung ba bshags par bya ba'o/ /de la ltung ba ci ltar 'gyur zhe na/ tshes gcig la gos gcig gam mang po zhig rnyed kyang rung zhag bcu tshun chad du byin gyis brlab par bya/ gtad par bya/ rnam par brtag par bya'o//gzhan du zhag bcu gcig ba'i nyin par spang bar 'gyur ro/ /tshes gcig la rnyed la/ tshes bcu'i bar du dus kyis chod nas gzhan yang gcig gam mang po zhig rnyed kyang rung / snga ma'am/ phyi ma gcig ni byin gyis brlab par bya'o/ /gzhan du ni rkyen ji lta ba bzhin du bya'o//rnam pa gzhan du zhag bcu gcig pa'i nyin par snga ma'i rgyud kyis spang bar 'gyur ro/ /brtags pa la ma brtags par 'du shes na ltung bar 'gyur ro/ /spang bar ni ma yin te/ chad pa'i las med do zhes bya ba'i tha tshig go/ /gzhan gyi la bdag gir 'du shes te ma brtags pa yang de bzhin no//ma brtags pa la brtags par 'du shes pa la ltung ba med do/ /de bzhin du brtags pa la brtags par 'du shes pa la yang ngo / /ma brtags pa la ma brtags par 'du shes sam/ yid gnyis za na yang spang bar 'gyur ro//brtags pa la yid gnyis za na nyes byas so/ /med pa la yod par 'du shes na nyes byas so/ /yod pa la med par 'du shes na ltung ba med do/ /dkon mchog gsum la sogs pa'i rgyu mtshan du 'chang ba la ltung ba med do/ /sbyin bdag gis 'di nga'i yin gyis ci dgar gyis zhes bsgo ste ma brtags pa dang /zhag 'di snyed cig na byin gyis brlab bo snyam du bsams na de tshun chad du ltung ba med do/ /ma bsams na nyin re nyin rer nyes byas re re'o/ /brjed de zhag bcur ma lon par bcangs pa dang / rkyen ji lta ba bzhin du bya'o snyam du mngon par 'dus byas nas zhag bcu tshun chad du 'chang ba la ltung ba med do//'ga' zhig la bsngos pa las bdag gir byas la/ nyon mongs pa mang ba chags pa'am zhe sdang ba'am/ 'ga' zhig la gti mug pa'am/ bstan bcos ngan pa la sogs pa sems pa'i skyon dang /nyon mongs pas drangs pas brjod de/ ma brtags na dngos gzhi'o/ /de bzhin du nyon mongs pas zil gyis non pas drangs pa'i ma gus pa la yang ngo / /kha cig na re las dang po ma yin pa'i mi shes pa la nyes byas so/ /bla ma la ni bsdam par bya'o/ / de bzhin du de las gzhan pa'i bag med pa la yang ngo zhe'o/ /gang zag brtags par mi 'os pa dang / dang ba dang ldan pa'i sems nye bar ma bzhag pa la nyes byas so/ /gang cig kho nar bslab pa la mi gus pa la sogs pa'i ltung ba su la yod pa de la gnang ba med do/ /rgyu'am spun nam gnyi ga'am/rnga mo'i bal la sogs pa dang bsres pa dang / rung ba ma yin pa'am/ thags su ma btags pa ni zhag bcu las 'das na nyes byas so/ /de thams cad ni chos gos dang / mal cha dang / stan dang ldan pa rnams la yang brjod par bya'o/ /gang gis spang ba sril la sogs pas zos sam tshig gam brlag pa des ltung ba 'ba' zhig bshags par bya'o//de'i dum bu gang yin pa de dag ni spang ba mi 'thob pa'o/ /de nyid de dag gis byin gyis brlab pa'o/ /'di thams cad ni spang ba rnams la brjod par bya'o/ /gal te zhag bcu ma lon pa tshun chad du brlag gam chud zos na spang ba med do//de bzhin du chung ba yang ngo / /long bas thos sam/ /lag pa'am/ pang bar gzhag la 'di bdag gi yin no snyam pa'i 'du shes byung na rnyed pa zhes bya ste/ de nas bgrang bar bya'o/ /'on pa ni mthong nas te/ de ni bye brag go/ / smyos pa ni nam rang gi sems rnyed pa nas so/ /rnyed na zhag lnga lon te/ sems 'khrugs na rang gi sems rnyed pa nas zhag bcur bgrang ngo / /gos lhag pa zhag bcu las 'das par 'chang yang spang ba'i ltung bar mi 'gyur ba yod dam/ /yod de mu bzhi'o/ /mu dang po ni brtags par 'du shes pa'o//mu gnyis pa ni de ma yin pa yang spang ba thob pa'o/ /gsum pa ni nyon mongs pas drangs pa'i ma gus pa dang / dran pa nyams pas so/ /bzhi pa ni zhag bcu nyid na brtag par byed pa'o/ /mu bzhi po de dag ni bslab pa'i gzhi thams cad la mtshan nyid brtag cing brjod par bya'o//spang ba dang po'o// //'dul ba bsdus pa/ bam po lnga pa/ mnyan yod na dge slong mang po la brten te stod g.yogs dang / smad g.yogs dang bcas pas 'gro zhing ma sbas la/ su dag la gzhag pa de dag kyang bya ba mang du gyur pas dgab pa'i gzhi'i dbang du mdzad nas 'gal tshabs can dang phongs pa'i nyon mongs pa dag gis gnyis pa bcas pa'o//gzhi dang nyon mongs pa 'di dag ni brgyad po rnams la yang blta bar bya'o/ /dge slong chos gos zin pa sra brkyang phyung na zhes bya ba ni dge slong chos gos zin la sra brkyang ma phyung ba yod de zhes mu bzhi'o//gsum las zhes bya ba ni snam sbyar dang / bla gos dang / mthong gos byin gyis brlabs pa las so/ /de las gzhan pa byin gyis brlabs pa bdag la ni 'bral ba med do/ /gding ba la 'bral ba med du zin kyang de med par gtsug lag khang gzhan du 'gro bar mi bya'o//nyin mo gnas pa dang / spyod yul la ni ltung ba med do/ /de nyid slar ldog go snyam ste song ba las gal te son pa dang / bya ba zhig gis thogs par gyur na brnyas te nyal bar bya'o/ /bla gos gding ba ni cho ga ji lta ba bzhin no/ / mtshams kyi phyi rol du 'bral bar byed na zhes bya ba ni gzhan du skya rengs shar ba ste/ de song ngam chos gos gzhan du khyer ba'o/ /'bral ba ni rnam pa gsum ste/ bzhag pa dang 'bral ba dang / brjed de 'bral ba dang / spyad pa dang bral ba'o/ /de la dang po ni phyogs de lta bu zhig tu bzhag pa las mi snang bar gyur pa'am/de nas rkun pos khyer ba'o/ /gnyis pa ni der bzhag pa las bsams kyang gar bzhag mi dran pa'o/ /gsum pa ni phyogs de lta bu zhig tu song ba las gang du skya rengs kyis chod de de'i nyin mo gos spyad ma nus pa'o/ / phyogs de lta bu zhig tu 'gro la/ der chos gos rnyed grang snyam du bsams nas bral ba la ni ltung ba med do/ /de nas rnyed du zin kyang chos gos dras pa gcig nges par khyer bar bya'o/ /gal te grong du mi 'jug na ma khyer na yang ltung ba med do/ /dge 'dun gyis gnang ba ma gtogs te zhes bya ba ni 'phags pa shA ri'i bu dang /'od srungs chen po las brtsams te/ snam sbyar gyi gnang ba rjes su gnang ba'o/ /rgan po rgas sam rid pa dang / nad pa sbyor mi nus pa la'o/ /de la ltung ba ji ltar 'gyur zhe na/ chos gos kyi gnas khyim gcig pa la sogs pa lnga bcu rtsa brgyad do/ / bar sdom ni/ khyim gcig pa dang khyim gnyis dang / tshogs dang rtsig pa rib ma dang / 'obs kyi nyer kor dag dang ni/ /grong khyim tshong khang tshong rdal dang / /dgra gang g.yul dang g.yul tshoms dang / /mu stegs 'khor lo shing rta dang / /gru dang kun dga' shing ljon dang //nye ba 'khor gyis zhus pa'o/ /de re re yang rnam pa bzhir sbyar bar bya ste/ de las nye ba 'khor gyis zhus pa'i gnas gsum ni ma gtogs so/ /de la khyim gcig pa'i grong ni ri khrod pa la sogs te/ de'i nyen kor ni nang thams cad dang / phyi rol 'dom gang dang gang du nges par rtag tu bya ba rnams byed pa'o//thams cad du yang khyad par med de tshul de bzhin no/ /gang la khyad par yod pa de ni brjod par bya'o/ /de bzhin du khyim gnyis dang / khyim gyi tshogs kyang ngo / /gang sgo tha dad du 'dug pa de nye 'khor so so ba ste/thun mong ba ci yang med pa'o/ /rtsig pas bskor ba'i nye 'khor ni bya gag sbur ba las gang du babs pa 'am/ /skyes bu rang bzhin gyis ngo tsha dang ldan pa phyi rol du bshang ba'i sar 'gro ba'o/ /rib mas bskor ba ni skas khru bcu gnyis pas gang du phyin cing slebs pa'am/smyig ma'i shar bas bkang ba'i shing rtas bskor ba'o/ /'obs kyis bskor ba la ni gang du ba lang dang / ra lug gi rmig pas bslang ba'i rdul gang du babs pa'am/ phyag dar gyi phung po'i steng du pho ba las bang ba rags pa 'dril ba gang du chags pa'o//grong nye 'khor gcig pa ni gang na skyed mos tshal gcig pa dang / 'dun sa dang / lha'i gnas tha mi dad pa'o/ /de bzhin du grong rab tu mang po nye 'khor gcig pa yang ngo / /grong nye 'khor tha dad pa ni gang na skyed mos tshal mang po yod la sgo thun mong ba'o//de bzhin du grong rab tu mang po nye 'khor tha dad pa yang ngo / /de la thun mong cung zad kyang med do/ /de bzhin du khyim gyi sbyar ba yang ngo / /de bzhin du tshong khang dang / tshol rdal dang / dgra gang dang / g.yul dang g.yul tshoms dang / mu stegs can gyi khyim dang /'khor lo byed pa'i khyim ste/ gang du gdugs la sogs pa byed pa'o/ /shing rta dang / gru dang / kun dga' ra ba dang / shing ljon pa yang ngo / /mu bzhir brjod par bya ste/ sgo dang / stan bzang po dang / ya gad dang / g.yul gyi lte ba dang / sgo dang / lha'i gnas dang / rgyal mtshan dang / kha lo bsgyur ba'i stan dang / gru gdong dang / khron pa dang / rtsa ba yang thun mong ba ste/ go rims bzhin du brjod par bya'o/ /gang mi gcig gi'am/ spun rnams nor ma bgos pa ni nye 'khor gcig pa'o/ / bzlog pa ni nye 'khor tha dad pa'o/ /mu stegs can gyi khyim na gang lta ba tha dad pa dang / slar bzlog pa'o/ /shing ljon pa yal ga dang / 'dab ma 'brel ba dang / bzlog pa'o/ /g.yul dang shing ljon pa'i nye 'khor gyi khyad par ni gang du 'bru 'phyar ba las rlung gis khyer ba'i phub ma gar lhung ba'o//dpyid kyi zla ba tha ma'i nyi ma phyed pa'i grib ma dang / rlung gis ma bskyod pa'i 'dab ma dang / char pa chad nas thigs pa chen po sa la gar lhung ba'o/ /spos kyi tshong khang ma gtogs pa gzhan thams cad ni tshong khang du blta bar bya'o/ /gnas de dag las dge slong gi nang ngam/nye 'khor du chos gos bzhag la/ gnyi ga las gzhan du skya rengs shar na spang ba'o/ /skya rengs ma shar gyi bar du nyes byas so/ /gnyi ga las gang du yang rung skya rengs shar na nyes pa med do/ /mtshams ma bcad pa la 'gro na 'dom bzhi bcu rtsa dgu'i bar du nye 'khor ro//'greng ba dang / 'dug pa dang / nyal ba la ni 'dom gang ngo / /mtshams gnyis kyis mtshams su nyal bar byed na chos gos kyi mtha' lus las ma bral ba'o/ /chos gos dang mi 'bral ba'i mtshams sam/ phyi rol gyi sa la bzhag ste nam mkha' la 'dug gam/ /go bzlog kyang rung ste bral ba zhes bya'o/ /mtshams ma bcad pa'i gnas su rtsig pas bskor ba dang / 'obs kyis bskor ba las 'das na 'bral ba'o/ /rnam par nges pa ni nyon mongs pa mang zhing des ma gus pa las spang ba'o//mi shes na nyes byas so/ /de'i mkhan po la sogs pa rnams kyi'ang nyes byas so/ /lung du mi ston pa'i sems kyis bag med par byas pa ni nyes byas nyid do/ /dge ba la sbyor bas brel te byung na ltung ba med do/ /med pa dang phrogs pa yin pa la bral lo snyam du shes na nyes byas so//yod pa la ma bral bar 'du shes na ltung ba med do/ /gzhan bskur ro snyam pa las gzhan khyer na ltung ba med do/ /rang gi snyam pa las gzhan gyi khyer ba la ltung ba med do/ /ma khyer ba las khyer ro snyam pa dang /bral ba las ma bral bar 'du shes pa la ltung ba med do/ /ma bral ba la bral bar 'du shes pa dang / blangs pa las ma blangs par 'du shes na ltung ba ste/ spang ba ni ma yin no/ /ma blangs pa la ma blangs par 'du shes pa dang / bral ba la bral bar 'du shes na spang ba'o//ma bral ba las yid gnyis za na nyes byas so/ /sangs rgyas dang chos dang dge 'dun dang bla ma dang / bla ma'i gnas lta bu rnams kyi don lhag pa zhig gi phyir brel te/ bral ba la ltung ba med do/ /de bzhin du kha cig la snying rje ste/ sdug bsngal chen po las thar bar byed dam/kha cig la nyon mongs pa chen po las bral bar byed pa'ang de bzhin te/ de dag ni kha cig gis 'dod do/ /'phrog par rig gam bar chad brgyad po rnams la bral ba la ltung ba med do/ /gang du deng nyid du phyir ldog go snyam ste song na gal te song ba las de 'dra ba'i don zhig byung na snga ma sems kyis btang la brnyas te chos gos gsum du byin gyis brlab po//ci ste kha dog bsgyur ba'am dras pa med na yang de las gzhan pa la yang byin gyis brlab par bya'o/ /gang phongs pa'i rjes su gnang ba de bde bar gnas skabs su mi bya'o//dge 'dun gyi yang byin gyis brlab tu rung ste gal te de dang bral na ltung ba 'ba' zhig bshags par bya'o/ /lam gyi mtshams non te skya rengs shar ba la ltung ba med do/ /de nyid zhag bcu 'das la de nyid mtshan mo 'bral bar 'gyur ba mchis sam/ yod de rgyun rjes su 'bral ba yod pa dang /zhag bcu pa'i nyin par rnyed pa byin gyis brlabs pa ni bral ba'o/ /dge slong ma la ni chos gos lnga'i 'bral ba'o/ /gal te shing yal ga rnams 'dab 'brel na rgyang grags gcig gi bar du yang ltung ba med do/ /spang ba gnyis ba'o// // mnyan yod du dge slong mang po la brten te zla ba gcig las 'das kyang chos gos rnams 'chang bas na gsum pa bcas so/ /rnyed la zhes bya ba ni gzhan las so/ /dus ma yin pa'i gos zhes bya ba ni sra brkyang bting ba'i gnas na ston zla tha chungs nas brtsams te dpyid zla ra ba'i bar dang /sra brkyang ma bting ba ni ston zla tha chungs nyid gos kyi dus so/ /de las gzhan pa dus ma yin no/ /chos gos lhag pa yongs su kha mi langs pa 'ga' zhig rnyed pa de ni dus ma yin pa'i gos so/ /'dod na zhes bya ba ni gal te de las blang ngo snyam du sems pa'o//gzhag par bya'o zhes bya ba ni bcang bar bya'o/ /gos la re ba yod na zhes bya ba ni ma la sogs pa'am/ slob dpon la sogs pa'am/ lo lnga pa la sogs pa las rnyed du re ba'o/ /kha cig ni mi langs ba 'dis langs par brje'o zhes sems so//mi langs la kha ma langs pa zhes bya ba ni lhag ma bsgrubs nas langs par bya'o snyam pa'o/ /dge slong gis gos sngon po'am/ ser po'am/ dmar po'am/ stug po'am srab mo'ang rung tshes gcig la rnyed la/ des de'i mi langs te/re ba med kyang rung ste/ 'di dang 'dra ba zhig rnyed na bya'o snyam nas des de gzhag go/ /tshes bcu tshun chad re ba las gal te rnyed de bcu las na spang ba'o/ /zla ba gcig tshun chad rnyed pa'i nyi ma las 'das na spang ba'o/ /gzhag par bsams pa de'i bsam pa de nyams par gyur pa dang /'gyangs pa dang / nyam chung bar gyur tam/ ma thob bam/ med par gyur pa yang ma yin te/ zla ba gcig tshun chad du rnyed pa 'das na spang ba'o/ /gal te re ba de yongs su chad na zhag bcu las 'das pa dang ltung ba'o/ /ma chad na yang gal te zla ba gcig tshun chad du rnyed na'o//gal te zla ba gcig tshun chad ma rnyed la/ rnyed na yang zla ba gcig las 'das na spang ba'o/ /gang la chos gos gsum yongs su rdzogs par med pa des ni ring na zla ba gcig tu gzhag par bya'o/ /gzhan gyis ni ma yin no//gos la rnam pa gnyis te gang rgyud brtags pa ma bgos pa sar pa dang / gang dus gsum du gang yang rung ba'i zla ba de dag tu gzhan longs spyad pa'o/ /gos la rnam pa lnga ste/ sbyin bdag yod pa ste/ gang gis sbyin bdag tu shes pa dang / sbyin bdag med pa dang /gang gis mi shes pa dang / khyer nas slar 'ongs pa ste/ gong dur khrod du khyer nas slar khyer te 'ongs pa dang / dur khrod kyi steng gang dur khrod du bor ba yongs su 'dzin pa med pa dang / phyag dar khrod dang lnga ste/ de la yang rnam pa lnga'o/ /lam po che'i phyag dar khrod dang / chu ngogs kyi dang / dgon par bor ba dang / mi gtsang ba'i phyag dar khrod dang / zhigs pa dang lnga ste zhigs pa ni gang shin tu rnyings pa'o/ /gzhan yang lnga ste/ be'u dang / byi ba dang / sril gyis zos pa dang / mes tshig pa dang / ma ma'i gos dang lnga'o/ /ci ste ma bgos pa rnyed la nus na bkru ba la sogs pa byas te snam sbyar ni nyis rim dang gding ba'ang nyis rim du bya'o//bla gos ni chig rkyang dang / mthang gos kyang chig rkyang du bya'o/ /ma bgos pa las snam sbyar dang / gding ba sum rim dang / bla gos dang / mthang gos nyis rim du bya'o snyam na nyes byas so//zhag bcu gcig lon na spang ba'o/ /gzhan du sbyar ro snyam nas rim pa gnyis pa phyin nyes byas so/ /zhag bcu gcig 'das na spang ba'o/ /ci ste bkrus shing btsos te 'di nyid du slar sbyar ro snyam du bsams nas phye na ni ltung ba med do/ /phye bas de zhag bcu gcig pa las 'das na spang ba'o//des dgos pa zhig rnyed na snam sbyar dang gding ba ni bzhi rim du bya'o/ /bla gos ni nyis rim dang / mthang gos kyang nyis rim ste/ de la yang sbyar ba dang / phye ba yang snga ma bzhin te/ ci ltar rigs pa bzhin du sbyar ro//chos gos la nges par byas pa rnam de bzhi'o/ /phyag dar khrod kyi ni ci tsam chog par bya'o/ /chos gos ngan pa dang / chung ba la ni lhag par glan no/ /snam sbyar gyi rnam pa ni dgu ste/ dgu pa dang / bcu gcig pa dang / bcu gsum pa dang / bco lnga pa dang /bcu bdun pa dang / bcu dgu pa dang / nyi shu rtsa gcig pa dang / nyi shu rtsa gsum pa dang / nyi shu rtsa lnga pa'o/ /dang po gsum ni glegs bu phyed dang gsum pa'o/ /gnyis pa'i gsum ni glegs bu phyed dang bzhi ba'o/ /gsum pa'i gsum ni glegs bu phyed dang lnga par bya'o//snam sbyar yang de bzhin du sbyar bar bya'o/ /de phan chad ni tshem bu'o/ /chos gos snam sbyar la rnam pa gsum ste/ chen po ni lnga dang gsum pa'o/ /chung ngu ni phyed dang lnga dang phyed dang gsum pa'o/ /'bring ni de gnyis kyi bar ro/ /bla gos ni rnam pa gsum ste/chen po la ni lnga dang gsum pa'o/ /chung ngu ni phyed dang lnga dang gsum pa'o/ /chung ngu ni phyed dang lnga dang gsum pa'o/ /'bring ni de gnyis kyi bar ro/ /de bzhin du mthang gos la yang rnam pa gnyis te/ lnga dang gnyis dang bzhi dang gnyis so/ /byin gyis brlabs pa'i nang na tha ma gang zhe na/gang 'khor gsum khebs pa'o/ /spang ba'i nang na tha ma gang zhe na/ gang khru gang khor yug pa'o/ /lus che la khru thung na lus kyi tshad du chos gos bya'i/ khru'i tshad du ni ma yin no/ /slar bzlog pa yang de bzhin no/ /gang la tshad bzhin gyis mi lang na/des ral kha dpung chad du byas la bcang bar bya'o/ /ji skad gsungs pa'i tshad las che'am chung ngus byas te 'chang na nyes byas so/ /tshad las chung ba zhig zla ba gcig las 'das par bzhag na nyes byas so/ /gsum pa'o// //mnyan yod na ste/'char kas khu bas ma rung pa'i gos rnying pa dge slong ma sbed ma la 'khrur bcug pa'i phyir phyin pa dang / des kyang khu ba de blugs pa na 'gal tshabs can gyi nyon mongs pa dag yongs su spang ba'i phyir dang / 'di ltar sgo de nas shin tu 'jug par mthong ba dang / phongs pa'i nyon mongs pa yongs su spang ba'i phyir yang 'di ltar nye du la rjes su gnang ba dang / gzhan dag ma dad pa'i nyon mongs pas nyes par 'gyur ba yongs su spang ba dang / rkyen la brtan pa'i nyon mongs pa dag la yongs su spang ba'i phyir dang / phyi phyir phrad pa'i rkyen gyis 'dod chags 'byung bar ma gyur cig ces bya ba'i phyir bzhi pa bcas so//nye du ma yin pa zhes bya ba ni ma'i pha dang / ma'i pha zung rgyud las bdun pa tshun chad ni nye du'o/ /phan chad ni nye du ma yin no/ /'di lta ste dper na ma dang / bu mo dang / ma dang / pha'i rgyud dam/ sru mo'am/ sring mo'am/ tsha mo'am/ ne ne mo'am/ gang khyod nga'i ma'o zhes mar gzung ba dang / khyod nga'i sring mo'o zhes bya ba la sogs pa dang / gang rgan pa'am/ nad kyis yun ring du nyen te rid cing kha dog gyur pa'am shes pa'am yon tan du ldan pa yang rung des kyang dge slong de yon tan du ldan pa'am/slob dpon nam/ de'i mkhan po'am/ bla ma'i gnas lta bu'am/ lhan cig gnas pa'i nye du ma 'am/ slob mar gyur pa'am/ dge 'dun gyis de la khyed cag gi 'di ltar bya'o zhes chad pa'i las byed du bcug kyang rung ba de nyid de 'dra ba'i bzo bslab par gyur tam/rgan pa nas brtsams nas ci ltar 'di dag gis kyang nye du bzhin du de la ltung ba med do/ /dge slong ma zhes bya ba ni bsnyen par rdzogs pa'o/ /dge slong mar gtogs pa thams cad la yang brjod par bya'o/ /gos rnying pa zhes bya ba ni bdag gi ste/rung ba dus su byin gyis brlabs pa ste/ bal dang / zar ma dang / ldum bu sha na dang / ras bal dang / rtswa du gu la dang / rtswa ko tam pa dang / nyi 'og gi gos te/ so sor phye ba'o/ /khra khra bo la sogs pa yang de bzhin te nyes byas so/ /'khrur zhes bya ba ni tha na chu'i nang du bcal ba'o//de bzhin du 'ji ba la sogs pas reg pa bkrus na yong ngo / /'tshed ces bya ba ni tha na tshon gyi nang du lhan cig bcal ba'o/ /bcag ces bya ba ni tha na lag mthil du brdabs pa'o/ /nye du ma yin pa la nye du ma yin par 'du shes sam yid gnyis za na yang 'khru ba la sogs pa gang yang rung ba byed du bcug na spang ba'i ltung byed do//nye du la nye du ma yin par 'du shes sam yid gnyis za na'ang rung byed du bcug na nyes byas so/ /ci ltar 'khrur bcug pa'i ltung ba de bzhin du brkyang du bcug pa dang / 'drub tu bcug pa'o/ /kha cig na re chos gos snod dang mdzod pa la gzhag pa dge slong ma la bcol ba las gal te mtshan gyur tam/rnam par 'khyams nas byed pa'am/ dge slong de lta bur gyur na yang sbyor ba'i phyir nyes byas te spang ba ni ma yin to/ /nye du ma yin pa la bcol ba las nye dus byas sam/ gzhan 'khru ba la sogs pa 'khur bcug na ltung ba ste spang ba ni ma yin no//de bzhin du gzhan gyi yang ngo zhe'o/ /sbyor ba nas ci srid 'khru ba la sogs pa ma zin gyi bar de srid du ni nyes byas so/ /slob ma la bcol na mkhan pos de yang btang snyoms byas na bsgo ba ma byas par sbyar bas na ltung ba'o/ /bdag dang gzhan gyi'am dge 'dun gyi'ang rung bkrus zin pa'am/spang ba byung ba'am/ seng ras sam/ spring yig la sogs pa rnams kyis bcol na thams cad la yang nyes byas so/ /sngon ltung ba byung ba dang / rku thabs su gnas pa dang / dbang po 'khrugs pa dang / ma ning mo dang / dge slong ma sun phyung ba la bcol na nyes byas so/ /lnga po de dag ni dge slong ma dang ldan par brjod pa thams cad la yang nyes byas so brjod par bya'o/ /sangs rgyas la sogs pa'i phyir ram chad pa'i las su byed dam/ mtshungs par byed pa zhig na ni ltung ba med do/ /bdag gi nye du'am/mkhan po la sogs pa'am/ lhan cig gnas ba 'am/ dge 'dun gyis rung bar gnang ba byin nam dge slong ma'am/ dge tshul ma'am/ dge bsnyen ma yang rung / 'khru ba la sogs pa'i phyir bcol ba las de dag kyang bsnyen par rdzogs te byas pa dang / dge tshul lam/ dge bsnyen la bcol ba las de gnyis mtshan gyur te bsnyen par rdzogs nas byas pa dang /dge slong gzhon nu la bcol te/ de yang mtshan gyur te byas pa dang / nye du la bcol ba las nye du ma yin pas byas kyang rung ste/ ltung ba med do/ /bkru ba la sogs pa'i lhag ma kun du spyad pa ni gos la rnam pa bzhi ste/ma bkrus pa dang / cung zad cig bkrus pa dang / lags par bkrus pa dang / shin tu legs par bkrus pa'o/ /de bzhin du 'tshed pa dang / bcags pa yang ngo / /tshon la rnam pa lnga ste/ rtsa ba dang / shun lpags dang lo ma dang / me tog dang / 'bras bu'i tshon no/ /de la kha dog ma bsgyur ba ni mi rung ba'o//sgeg pa'i phyir cung zad cig kha bsgyur ba yang mi bya'o/ /tshon med na ni rung ba'o/ /shin tu kha bsgyur ba la rnam pa gnyis so/ /tshon chen po rnam pa brgyad kyis te/ mthing shing dang spang li khri dang / /le brgan rtsi dang gur gum dang / /rgya skyegs dang ni rma shing btsod//mtshal dang 'di dag mi rung ba'o/ /tshon shin tu mang bas lan bcu las lhag par bsnyugs pas khengs shing kha dog nag por gyur pa'o/ /gnyis kas kyang lhag bar kha bsgyur na nyes byas so/ /gal te sbyin bdag dga' ba'i phyir ngur smrig gi tshon mang du byas la tshon chen po bsres te kha bsgyur ba la ltung ba med do//de bzhin du ma bkrus pa dang / cung zad bkrus pa dang / shin tu bkrus pa ltung ba'o/ /gzhan yang bcags pa yang ngo / /bkru ba la sogs pa thams cad la sems rnam pa gsum spang bar bya ste/ sgeg pa'i sems dang / shin tu bkrus pa dang / shin tu kha bsgyur te/ ci zhig bya zhes ma gus pa'i sems dang / chos gos kha dog mi bzang na bdag la dul zhing yon tan du ldan par 'dzin to snyam du tshul 'chos par sems pa'o/ /de la gos bdag nyid kyis bkru ba zhes bya ba nas bcag pa'i bar du'o/ /lhan cig gnas pa'am/ nye gnas sam tshangs pa mtshungs par spyod pa'am/khyim bdag gam/ khrus mkhan gal te dge bsnyan yin nam/ sbyin bdag gis bsgo ba'am/ yid gcugs pa ste/ gang shin tu zhigs par mi byed pa dang / shin tu mi rdob ba dang / mi gyon pa la'o/ /rngan pas ma yin/ gal te be'u phrug dang / la ba la sogs pa lci ba zhig yin na rngan pas kyang ltung ba med do//mkhan po'am slob dpon bdag nyid bkru ba la sogs pa byed pa la gal te/ lhan cig gnas pa'am/ nye gnas kyang rung tha dad du song nas skabs ma 'byed na nyes byas so/ /de nyid mi dgos so zhes zer ram sbyor mi nus pa la ltung ba med do/ /bkrus pa la yon tan lnga ste/ dri mi zhim pa med par 'gyur ba dang / shig dang sro ma'i nyes pa dang / dri ma dang g.yan ba'i nyes pa med pa dang / tshon 'jen par 'gyur ba dang / longs spyad du bzod pa'o/ /kha bsgyur ba la yon tan lnga ste/ 'phags pa dang mthun pa'i cha lugs su byas pa yin/ rgod cing dregs pa 'dul ba'i rgyur byas pa yin/dri ma mi 'go bar 'gyur ba dang / shig dang sro ma mi chags shing bde bar reg pa dang / bde bar spyad pa'o/ /shin tu bkrus pa la nyes dmigs lnga ste/ myur du dengs pa'i chos su 'gyur ba dang / bsrub tu mi bzod par 'gyur ba dang / longs spyad du mi bzod pa dang /ngal zheng sdug bsngal pa don med par 'gyur ba dang / dge ba'i phyogs kyi bar chad du 'gyur ba'o/ /shin tu kha bsgyur na yang nyes dmigs lnga ste/ nang gi rgod cing dregs pa'i rgyur 'gyur ba yin/ phyi'i rtog pa byung bar 'gyur ba dang / dgos pa'i don med cing ngal bas sdug bsngal bar 'gyur ba dang /dge ba'i phyogs kyi bar chad du gcod par byed pa dang / tshon gyis zos pas gso spyad du mi bzod par 'gyur ba'o/ /shin tu bcags pa la yang nyes pa rnam pa lnga ste/ kha bsgyur ba'i dang po bzhi bzhin no/ /lnga pa ni longs spyad du mi bzod pa yin no/ / kha cig na re shin tu bcags pa so sor bkag par 'gyur te/ dga' bo'i dbang du mdzad de gos bcags pa bzlog cing bcags pa bcang bar mi bya'o zhes gsungs so/ /gal te sbyin pa po las rnyed na 'tshor ba med par bya'o/ /der mi nus na zil pa la bzhag ste med par bya'o/ /der yang mi nus na chu'i nang du bcug la med par bya'o//dge 'dun gyis rnyed kyang rim pa de bzhin du bya'o/ /de nas rin bskyed par bya'o/ /rnam pa gzhan du na gal te 'dir bcags pa tsam bkag na/ bzlog cing bcags par gsungs pa'i 'bras bu cir 'gyur/ gal te sbyin pa po las rnyed la/de yang gal te 'tsher ba ma yin na/ bgo bar bya'o zhes gsungs pa yin te/ gyi na thog ma nyid du 'tsher ba med par bya'o zhes gsung ba mi rigs so/ /shin tu bcags pa nyid dgag pa de la go rims de bzhin du brtag pa bstan to zhes gdon to/ /kha cig na re ma bcags pa nyid ji skad byas pa'i gzhung tshad ma yin te/gang nas kyang bcags pa rjes su gnang bar mi 'byung ngo zhes zer ro/ /kun du spyad pa ji ltar gsungs pa bzhin ma byas na/ nyon mongs pas zhen pas thams cad nyes byas su 'gyur te bshags par bya'o/ /gzhan du na bsdam par bya'o//bzhi pa'o// //mnyan yod na ste/ nye dgas dge slong ma ut+pala'i mdog la chom rkun pa rnams kyis byin pa'i ras blangs pa na de'i rkyen la brten pa dang / ma dad pa dag gis nyon mongs pa'i phyir lnga pa bcas so/ /nye du ma yin pa zhes bya ba la nye du ma yin pa ni dge slong ma las gos tshang bar yod dam zhes mi rtog gi /nye du ni byin yang mi len to/ /brjes pa ma gtogs te zhes bya ba la/ de brjes pa ni ci snyed blangs ba de snyed byin pa dang / dngos po'am/ rin nam/ 'dra ba'am/ mi 'dra ba'am/ mi langs ba 'am/ langs pa'am/ nyung du'am/mang du'am/ ngan pa'am/ bar ma'am/ gya nom pa'am go bzlog pa yang rung / gal te dge slong ma'i sems ci tsam gyis mgu ba'am/ phan btags pa'am/ chos kyis sam/ bya ba bsgrub pa'i phyir blangs pa de yang brjes pa'o/ /de'i tshe nyid nges par lan bya ba ma yin mod kyi 'on kyang lan bya'o zhes pa yang brjes pa'o//sgeg pa dang snye/ ma gus pa dang / slu ba'i sems kyis brjes te blangs sam ma blangs kyang rung nyes byas so/ /stod g.yogs dang smad g.yogs mi blang gi lhag par blangs na spang ba'o/ /nye du ma yin pa la nye du ma yin par 'du shes sam yid gnyis za na yang rung ste/blangs na spang ba'i ltung byed do/ /nye du la nye du ma yin par 'du shes sam yid gnyis za yang rung blangs na nyes byas so/ /spring yig la sogs pa rnams kyis sam grong 'di zhes bya ba na gos yod pa de sbyin no zhes zer te mngon sum du ma gyur kyang nyes byas so/ /dge slob ma'am/dge tshul mas dge 'dun la ras yug chen phul ba dang / rjes su mthun par sbyin pa dang / legs par smra ba dang / bsnyen par rdzogs par byed pa dang / rin nam brjes pa yang rung byin na ltung ba med do/ /dge slong ma bsod nams che ba'am/ shes pa yang rung ste/ mdun du bzhag nas 'di skad du bdag la dngos po 'di lta bu zhig mchis kyis thugs brtse bas nye bar bzung nas bzhes shig ces smras nas ltos pa med par song na ltung ba med do//de bzhin du yid gcugs pa la re zhig gi dus su blangs pa la ltung ba med do/ /lnga pa'o// // mnyan yod na ste/ nye dgas chos legs par mnyan du bcug pa las khyim bdag gi chung mas ras zung du byin pa'i ya gcig stobs kyis phrogs pas na nyon mongs pa gsum gyi phyir drug pa bcas so/ /rkyen la brten pa'i nyon mongs pa ma gtogs te/ nyon mongs pa gzhan ni gang bzhi pa las khu bas ma rung ba 'khru ba'i bslab pa'i gzhi'i ltung ba las 'byung ste/ 'gal tshabs can dang / phongs pa dang / ma dad pa'i nyon mongs pa'o/ /ltung ba 'di yang slong bar mi rigs pa las slong pa dang / glo bur du slong ba'i phyir bcas so//khyim bdag ces bya ba ni skyes pa'o/ /ma ning ngam/ mtshan gnyis pa ni nyes byas so/ /khyim bdag gi chung ma zhes bya ba ni bud med de/ ma ning mo dang / mtshan gnyis mo ni nyes byas so/ /mu stegs can gyi skyes ba dang / bud med ni mi gzung ste/de la yang nyes byas so/ /tshul 'di lta bu ni gzhan du yang rig par bya ste/ yang mi brjod do/ /blangs na zhes bya ba ni bdag gis sam gzhan gyis so/ /gos phrogs sam zhes bya ba ni chom rkun pa'am/ gang gis byin pa de nyid kyis phrogs pa'o/ /gos brlag ces bya ba ni gang gis brjed nas ltung ba'am/sril la sogs pas zos pa'o/ /gos tshig ces bya ba ni mes so/ /gos rlung gis khyer zhes bya ba ni rlung gis khyer ba'o/ /gos chus khyer zhes bya ba ni chus khyer ba'o/ /de la ltung ba ji ltar 'gyur zhe na/ rin thang dang /kha dog dang khru tshad do/ /kAR+ShA pa Na lnga la sogs pa ri ba'am sngon po'am/ ser po'am/ dmar po'am/ dkar po'am/ stug po dang / srab mo las gang yang rung ba dang / khru lnga la sogs pa gang yang rung ba slang ba las gal te de nyid thob na slong ba'i tshe nyes byas so//ma thob na spang ba'o/ /'on te gzhan thob bam nyung ba'am lhag par yang rung ste/ slong ba'i tshe nyes byas so/ /thob pa la ltung ba med do/ /nye du ma yin pa la nye du yin par 'du shes pa la sogs pa snga ma bzhin te/ mu bzhir brjod par bya'o/ / lus kyi rnam par shes par byed dam/ spring yig la sogs pa rnams kyis sam/ tshad las chung pa'am/ rgyu'am spun zhig bslang sam/ len pa las de'i mtshan gyur na nyes byas so/ /bsnyen par rdzogs pas bslangs pa la mu bzhi ste/ gcig ni spang ba'o/ /gnyis ni nyes byas so/ /gcig ni ltung ba med do//de bzhin du bslab pa'i gzhi thams cad la yang brjed par bya'o/ /dus su slong ba ni ltung ba med do/ /de tshul 'chos dang kha gsag dang / gzhogs slong dang / thob kyis 'jal gyis slong na nyes byas so//gal te dge slong rnams la gos sbyin par zhugs pa la ni ltung ba med do/ /kha tshar bslangs pa las ras ma thob pa dang / ras ma bslangs pa las ras sam/ ras yug chen thob pa la yang ltung ba med do/ /sprang skyabs kyi gos sam/ dbyar gyi gos ras chen nam/dge 'dun gyi phyir bslangs sam/ mi ma yin pa dang / dud 'gro las bslangs na ltung ba med do/ /drug pa'o// //mnyan yod na ste/ drug sde rnams kyis grong khyer phreng ba can pa'i bzhi bcu bcos pa'i phyir stod g.yogs dang smad g.yogs las lhag par bslangs pas na/de'i nyon mongs pas spang pa bdun pa bcas te/ tshad mi 'dzin par len pas so/ /spang ba ltag ma rnams la yang nyon mongs ba de nyid do/ /stobs pa zhes bya ba ni yang yang du stobs pa dang / shin tu stobs pa dang / chung ngu stobs pa dang / snying nas stobs pa dang / snying nas mi stobs pa dang /mchog tu khyad par med par stobs pa dang khyad par du stobs pa dang / rjes su mthun par stobs pa dang / 'jig rten gyi tha snyad du stobs pa dang / btud de stobs pa dang / ma btud bar stobs pa dang / rang gi rdzas la stobs pa dang /gzhan gyis bstan pa las stobs pa dang / song ba las stobs pa dang / 'ongs pa las stobs pa dang / tshig mang pos stobs pa dang / tshig gcig gis stobs pa dang / khros nas stobs pa dang / dga' nas stobs pa dang / rgyun du stobs pa dang / rgyun du ma yin par stobs pa dang /mtshan ma tsam du stobs pa dang / rang gi sgras stobs pa'o/ /rjes su mthun pa dang / 'jig rten gyi tha snyad dang / khros pa dang / snying nas mi stobs pa las mi blang ba ste/ blangs na yang nyes byas so/ /stod g.yogs dang /smad g.yogs zhes bya ba ni stod g.yogs dang smad g.yogs la rnam pa gnyis te/ dge slong gi stod g.yogs dang smad g.yogs ni ma bgos pa zhig na snam sbyar nyis rim dang / ras lnga dang gnyis pa'o/ /khyim pa'i stod g.yogs dang smad g.yogs ni ras yug chen khru bcu gnyis pa dang //ras bdun pa dang / gnyis pa'o/ /kha cig na re mthang gos zhes brjod pa ni sham thabs dang rdul gzan no/ /bla gos zhes bya ba ni chos gos la bya ba ste/ bla gos dang mthang gos ni gsum pa dang ldan pa'i bsdu ba ste/ bla gos dang mthang gos zhes bya'o zhes so//de la ltung ba ji ltar 'gyur zhe na/ dge slong gis stod g.yogs dang smad g.yogs blangs pa las de nyid thob bam/ khyim pa'i stod g.yogs dang smad g.yogs kyang rung lhag par blangs na nyes byas so/ /thob na spang ba'o/ /de bzhin du khyim pa'i stod g.yogs dang smad g.yogs thob pa la yang brjod par bya'o//khyim pa'i stod g.yogs dang smad g.yogs blangs pa las de nyid de ma langs na yang bslang bar mi bya'o/ /gal te blangs na spang ba'o/ /lhag ma sbyin par mi bya'o/ /dge slong gis stod g.yogs dang smad g.yogs bslangs pa las de nyid thob ste/ma blangs na bslang bar bya'o/ /lhag pa sbyin par bya'o/ /slar ma byin na spang ba'o/ /bdun pa'o// //mnyan yod na ste/ nye dgas nan gyis skyin po byed du bcug ste/ gos rin thang chen po khyer ba'i phyir khyim bdag la phab ste/ de yang de'i phyir gzung bas na/de na 'jig rten pa rnams ma dad pa dang / khyad par can ma yin pa khyad par can du byed pa'i phyir brgyad pa bcas so/ /gos kyi rin dag ces bya ba la ni gos kyi rin dbyig gam gser ro/ /'di lta bu dang 'di lta bu zhig ces bya ba ni kAR+ShA pa Na lnga ri ba'am/ kAR+ShA pa Na lnga bcu ri ba yang rung / sngon po la sogs pa khru lnga pa nas/ khru lnga bcu pa'i bar du'o/ /nyos la zhes bya ba ni nyo ba'o/ /dus su zhes bya ba ni gang gi tshe 'dod pa dang / len du gnang ba'i dus gang yin pa'o/ /rung ba zhes bya ba ni rnga mo'i bal gyi snam bu la sogs pa ma gtogs pa longs spyod du bzod pa'o//sngar ma bstabs par zhes bya ba ni sngar mgron du gnyer ba ma byas pa'o/ /rnam par rtog pa 'ga' zhig byung ste zhes bya ba ni/ tshol ba'am/ khyad par du rtogs pa ni rnam par rtog pa'o/ /bzang po 'dod pa'i phyir zhes bya ba ni/ yang lhag par 'dod pa'o//de la ltung ba ji ltar 'gyur zhe na/ rin thang dang / nan gyis dang / mnyam pa dang / kha dog dang / khru tshad kyang rung / ji lta bu thob pa de las lhag par blangs na nyes byas so/ /thob na spang ba'i ltung byed do/ /snga ma la ni ltung ba med do/ /gzhan su yang rung ba'i phyir ram/gnyis la bsams te gzhag pa'am/ yo byad gzhan yang rung ste/ khyim pa dang bsnyen par ma rdzogs pa'i phyir mngon par 'dus byas pa las rab tu 'byung ngam/ bsnyen par rdzogs par slong bar bsams na nyes byas so/ /lha la sogs pa rnams kyi phyir ni ltung ba med do/ / kha tshar la sogs pa bslangs pa las/ ras ma la sogs pa thob pa la yang ltung ba med do/ /brgyad pa'o// //dgu pa gleng gzhi yang de nyid de/ ltung ba'i rnam par dbye ba yang de bzhin te/ khyad par ni gos kyi rin gnyis kyis so so nas spags pa'o// //dgu pa'o/ /mnyan yod na ste/nye dgas/ dbyar tshul gyis gos kyi rin byin pa/ tshong pa'i lag tu bzhag nas/ tshong pa des myur du ma phyin pa'i phyir/ kAR+ShA ba Na drug cu chad pas bcad pa na/ mi rung ba'i gzhi len la/ gzhan gyi sems rjes su mi bsrung zhing / rnyed pa thob na yang btang snyoms byed pa spang ba'i phyir bcu pa bcas so//rgyal po zhes bya ba ni/ gang rgyal po'i dbang bskur bas dbang bskur ba'o/ /rgyal po'i blon po zhes bya ba ni/ de dang lhan cig gros kyis 'tsho ba'o/ /bram ze zhes bya ba ni/ gtsang sbra can no/ /khyim bdag ces bya ba ni phyug po'o/ /grong rdal gyi mi 'di zhes bya ba ni grong khyer gyi mi'o//yul mi zhes bya ba ni yul gyi mi'o/ /nor can zhes bya ba ni nor bye bas phyug pa'o/ /tshong dpon zhes bya ba ni cod pan bcings pa'o/ /ded dpon zhes bya ba ni gang gis lan gnyis lan gsum yang rung 'dron pa mang po bsgral ba'o/ / tshe dang ldan pa dge slong dag la ni chos gos kyi rin dag mi rung ste zhes bya ba ni gang blang du rung / gang blang du mi rung zhe na/ sa le sbram dang / dngul ni mi rung ngo / /rgyal srid dang / rgyal srid kyi phyed dang nye ba dang / 'dod pa dang ldan pa thams cad mi blang ngo / /dge 'dun gyi phyir yang mi rung ngo //'bru rjen pa len pa dang / zhing blang ba dang / grong blang ba dang / ba lang la sogs pa blang ba bdag gi phyir ni mi rung gi /dge 'dun gyi phyir ni rung ngo / /zhing blangs na ni thog shas su rjes su sbyin par bya'o/ /bran mo dang / bran pho gang zag gi phyir ni mi blang mod kyi/ 'on kyang dge 'dun gyi phyir ni blang ngo / /snod spyad rnams ni dge 'dun la rung gi gang zag la ni ma yin no/ /de la kun du spyad par bya ba ni snod spyad sbed pa bsko bar bya ste/ gang ma 'bags pa de dag bkru ba dang / 'phyi bar byed pa'o/ /'bags pa ni nye gnas kyis so/ /'khor med pa ni dge bskos nyid kyis so//dge slong khar ba'i snod 'chang na nyes byas so/ /ltung ba med pa ni kha gzar dang / phul ba'i btung phor dang / tshwa khug 'chang ba'o/ /rung ba'i lhung bzed dang / chos gos dang / mal cha dang / stan dang / na ba'i sman rnams ni blang bar bya'o//zhal ta byed pa zhes bya ba ni bstan pa'i tshig ste/ de gang zhe na/ smras pa/ kun dga' ra ba pa ste/ gang rung bar byed pa'o/ /dge bsnyen zhes bya ba ni gsum la skyabs su song ba'am/ bslab pa'i gzhi lnga la gnas pa'o/ /cang mi smra bar phyogs su bsdad par bya'o zhes bya ba ni phyogs bzhi dang /bskul ba'i sgo drug go/ /phyogs bzhi po dag gang zhe na/ 'bod gnas ni rdza mkhan gyi gnas sam/ 'dreg mkhan gyi gnas so/ /khyim gnas ni khyim nyid dam/ chu'i gnas so/ /las kyi mtha' ni bu ram shing gi las kyi mtha' dang / sA lu'i dang /lan tshwa'i las kyi mtha'o/ /las kyi gnas ni tshong khang dang / tshong rdal lo/ /bskul ba'i sgo drug po dag gang zhe na/ 'ongs sam/ legs par 'ongs sam/ khyod stan 'di la 'dug shigaH /bca' ba 'cho shig /bza' ba zo shig /btung ba 'thung shig ces zer na thams cad du yang don de'i phyir ro zhes brjod par bya'o//de ni bskul ba'i sgo drug go/ /gal te ha cang myur du smras pas pha rol po'i tshig gi skabs med par byed na ma rdzogs pa zhes bya ste/ go bzlog pa ni rdzogs pa'o/ /yid brtan pa'i pho nya zhes bya ba ni lhan cig gnas pa dang nye gnas ste//de la ltung ba ji ltar 'gyur zhe na/ bskul bar 'dod de 'gro ba la sogs pa'i nyes byas so/ /bskul ba rnam pa drug las 'das nas ltung ba'o/ /grub na spang ba'o/ /kha cig na re mi byed par sbyor na yang ltung ba ste/ de 'di skad zer ro zhes gzhan zhig smras pa des btang snyoms su bzhag na ltung bar 'gyur ro zhe'o//zhal ta byed pas 'phags pa gos snoms shig ces zer na de la des ngas ni btang zin gyis de nyid la byin cig ces bsgo'o/ /de yang bdag gis de'i sems bsdu bar gyis/ snoms shig ces zer na yang go rims de lta bu ma byas par gos kyi rin blangs na thams cad du yang spang ba'i ltung ba'o//brdzun pa la sogs pa'i tshig gi lam gyis bskul na nyes byas so/ /sbyin bdag la ma sbran na yang nyes byas so/ /mis byin la/ pho nya yang mi rung par byed pas kyang mis te 'di lta bu la sogs pa rnams drug gi bar du bskul ba la ni thams cad du ltung ba med do//rnam pa gzhan du dge slong gis mi la gos kyi rin rnam par shes par byed dam/ mi ma yin pa dang / klu yang rung ste/ rnam par shes par byed na nyes byas so/ /thob na spang ba'o pho nya dang /lag rtsis dang / spring yig gis rnam par rtogs par byed na ltung ba ste/ nyes byas so/ /thob na spang ba'o/ /sbyin pa mi ma yin/ pho nya yang mi ma yin la/ mi ma yin pas rung bar byed na nyes byas gsum mo/ /sbyin pa yang mi ma yin/ pho nya yang mi ma yin la/rung bar byed pa mi yin na nyes byas gnyis so/ /sbyin pa mi yin/ pho nya yang mi yin/ rung bar byed pa mi ma yin na ni nyes byas gcig pa'o/ /khyim pas mi ma yin pa'am/ mu stegs can la bcol lam mu stegs can nam/ mi ma yin pas khyim pa las bcol ba las de las lhag par sbyor na nyes byas so//kha cig na re gal te gzhan zhig gis de'i phyir blangs pa dang / de na re yang sbyin no zhes zer ba las/ des kyang nga phongs kyis byin cig ces smras kyang byas zin pa'i rjes su byed par zad pas ltung ba med do zhe'o//gos kyi tshogs dang po rdzogs so// //bcu pa gnyis pa la nye bar dgab pa'i gzhi'i dbang du mdzad pa lnga dang / gnyis ni mngon par 'dus byas pa gzhi'i dbang du mdzad de/ nye bar 'jog pa dang / mngon par 'dus byas pa'o/ /gsum ni de dag gi mtshan ma'i gzhi'i dbang du mdzad de/rnyed pa dang / sbyor ba dang / nyo zhing 'tshong ba dang gsum te/ thams cad kyang 'gal tshabs can la sogs pa'i nyon mongs pa gsum po rnams yongs su spang ba'i phyir ro/ /bdun pa ni rkyen la brten pa'i nyon mongs pa spang ba'i phyir/ mnyan yod na ste/dge slong mang po la brten te/ srog chags mang po gsod do zhes mu stegs can dag smod cing mi snyan par zer ba dang / bzang po la chags shing tshol ba'i nyes pa spang ba'i phyir stan gyi tshogs dang po bcas so/ /sar pa zhes bya ba ni sar pa la gnyis te/ byas pa dang rnyed pa'o//de la 'dir byas pa la bya'o/ /srin bal gyi stan zhes bya ba ni srin bal 'ba' zhig las byas pa'i stan te so sor gding ba zhes bya ba'i tha tshig go/ /stan la rnam pa gnyis te/ btags pa dang blangs pa'o/ /de la 'dir ni btags pa las bya bar 'dod de rgyu las btags pa'i zhes bya ba'i bar du'o//de las gzhan pa bslab pa'i gzhi bzhi po ni blings pa ste/ phying ba'i rnam grangs so/ /byed ces bya ba ni bdag gam gzhan gyis kyang rung ste/ bzang po la chags pa'am/ ji lta bu rnyed pa'am rung ba'am/ yo byad kyi mchog gi phyir ram/ sgeg ba'i phyir ram/ rnyed pa'i phyir ram/ chun po'am/ 'da' ba'am phung po las te/ 'byed par byed/ 'jig par byed/ rmel bar byed cing ci srid ma zin gyi bar du ni nyes byas so/ /zin na spang ba'o/ /srin bal la srin bal du 'du shes sam yid gnyis za yang rung ste spang ba'o//srin bal ma yin pa la srin bal du 'du shes sam/ yid gnyis za na ltung ba ste/ spang ba ni ma yin no/ /srin bal la srin bal ma yin par 'du shes na ltung ba med do/ /ma zin ba zin par byas sam/ ma zin par bor ram/ gzhan gyi phyir ram/ched du'am/ bal dang / gso ma dang / zar ma dang / shing bal dang / rtswa du gu la dang bsres sam/ mi rung ba dang bsres sam/ bde bar gshegs pa'i tshad bzhin byas na nyes byas so/ /byas zin pa rnyed dam/ byas zin pa la yongs su longs spyod dam/rnyid pa mngon par 'du byed pa la ltung ba med do/ /gos kyi rin du srin bal rnyed pa de las byas na yang ltung ba med do/ /gal te yul gyi mi'i bsam pas de la der dgos pa yod pa las rin thang che chung zhig tu rtog par 'gyur te/ srin bal rnyed sla la/ gzhan rnyed dka' na ltung ba med do//btang snyoms su 'jog pas ltung ba'o/ /gal te gzhan zhig de'i phyir 'di lta bu 'dod do zhes slong ba las/ de yang 'dod pa'i phyir btang snyoms su 'jog par byed na yang ngo / /dang po'o// //mnyan yod du dge slong mang po la brten te/ bya ba mang po las bzlog pa dang / bzang po la chags shing tshol ba'i nyes pa spang ba'i phyir spang ba gnyis pa'o/ /nag po 'ba' zhig ces bya ba ni 'tsher ba dang / 'jam pa'i phyir ro/ /nag po 'ba' zhig ces bya ba ni nag po la bzhi ste/ rang bzhin gyis gnag pa dang / sngon po dang /'dam kha dang / kham pa'o/ /sar pa zhes bya ba ni byed pa las bya'i/ rnyed ba las ni ma yin no/ /stan zhes bya ba ni blings pa ste/ phyid pa'i rnams grangs so/ /byed na zhes bya ba ni snga ma bzhin no/ /bal nag po 'ba' zhig gi chun po'am/ 'dab ma'am/ phung po 'byed par byed/'jig par byed/ rmel bar byed cing ci srid ma zin gyi bar du ni nyes byas so/ /zin na spang ba'o/ /lhag ma rnams ni ltung ba snga ma bzhin no/ /gnyis pa'o// //mnyan yod na ste/ dge slong mang po la brten te/ bzang po la chags shing tshol ba'i nyes pa yongs su spang ba'i phyir gsum pa bcas so//dkar po zhes bya ba ni rtsib logs kyi bal dang / rgyab kyi bal dang / gnya' ba'i bal te/ kha dog gi rnam grangs su ni 'dra mod kyi/ gsung rab la ming gzhan du byas so/ /'khob bal zhes bya ba ni mgo dang /rkang pa dang / lto ba'i bal te/ yul na spyod pa'i phyir de skad du bya'o/ /ma bcug na zhes bya ba ni ma byin pa'o/ /de la ltung ba ji ltar 'gyur zhe na/ stan srang bcu pa zhig byed na bal nag po 'ba' zhig las srang lnga las gzhug par bya'o/ /dkar po las srang phyed dang gsum dang /'khob bal las srang phyed dang gsum dang / tshad rnam par dbye ba ni phyogs 'dis rig par bya'o/ /de ji tsam du byed kyang cha bzhir brjod par bya'o/ /cha gnyis ni zhes bya ba la sogs pa ji srid cung zad dkar po dang / 'khob bal srang gcig gam/ srang phyed kyang rung / bskyangs sam/ nag po 'ba' zhig las stan du byas na spang ba'o/ /sbyor ba'i tshe nyes byas so/ /gal te nag po 'ba' zhig byed na de la ni tshad 'di nges pa yin gyi/ dkar po dang 'khob bal las byed na ni tshad 'di nges pa ni ma yin no/ /gzhan gyi phyir ni thams cad gong ma bzhin no/ / nag po 'ba' zhig rnyed par sla la gzhan ni rnyed par dka' na ltung ba med do/ /gsum pa'o// //mnyan yod na ste/ dge slong mang po la brten te/ bya ba mang ba las dbral ba dang / mi 'dod bzhin yongs su longs spyad pa'i nyes pa spang ba'i phyir bzhi pa bcas so/ /mi 'dod bzhin zhes bya ba ni mi 'dod kyang ngo //lo gang la stan byas pa nas gnyis pa yang de nas lo lnga'i bar du byed na brtsams sam/ zin yang rung ste/ rtsom pa'i tshe na nyes byas so/ /zin na spang ba'o/ /snga ma la ni ltung ba med do/ /lo lnga tshun chad du gnyis pa zhig byas na snga ma shos byin gyis brlabs na phyi ma shos gtang bar bya'o//phyi ma shos byin gyis brlabs na snga ma shos gtang bar bya'o/ /gnyis pa de byed pa'i tshe ni nyes byas so/ /zin na spang ba'o/ /snga ma la ltung ba med do/ /lo gang gi tshe stan byas pa de'i tshe gnyis pa byas ba las ma zin te bor ba dang / de bzhin du lnga'i bar du yang nyes byas lnga ste/snga ma la ltung ba med do/ /gzhan gyi phyir byed pa la sogs pa snga ma bzhin no/ /brtsams pa las babs te/ slar yang bsnyen par rdzogs par byed dam/ mtshan gyur pa las slar yang gyur tam/ de'i gnas skabs su las byas te/zin na nyes byas so/ /lo drug pa'i ngo las byed pa dang / lag gi bla la dge 'dun gyis gnang ba byin pa dang / de yang lan gsum gyi bar du gsol na dad pas 'gro bar mi bya'i dge 'dun thams cad der 'gro bar bya'o/ /yang na stan de dge 'dun gyi nang du blangs la gal te shin tu ring ngam zheng che ba zhig tu gyur na gcad par bya'o//gal te shin tu zheng chung ngam/ thung ngam/ chad dam/ rdol na bal sbyin par bya'o/ /gal te zhigs sam/ slar 'dus bya bar mi bzod na ltung ba med do/ /gsol ba dang gnyis kyi las kyis bya'o/ / bzhi pa'o// //mnyan yod du gnas brtan rnams la byang lam nas lhags pa'i tshod ba rnams kyis gding ba'i phyir ras yug lnga brgya byin pa dang / gding ba rnying ba rnams bor ba bcom ldan 'das kyis gzigs nas ma gus pa'i nyes pa spang ba dang / slar 'dus bya ba'i phyir lnga ba bcas so//gding ba zhes bya ba ni so sor gding ba'o/ /gding ba rnyid ba kun nas 'khor bar zhes bya ba ni gal te de la gnyis pa yod na'o/ /kun nas zhes bya ba ni mtha' 'khor bar te/ de la ni sra bar bya ba yin te/ de yang de bzhin du dras la sbyar bar bya'o/ /bde bar gshegs pa'i mtho gang zhes bya ba ni mi tshad ma'i khru phyed dang do'o//glan par bya'o zhes bya ba ni sbyar bar bya'o/ /sar pa kha dog mi sdug par bya ba'i phyir zhes bya ba ni sra bar bya ba'i phyir ro/ /de ltar na de sra zhing brtan la longs spyod bzod par 'gyur ro/ /dge slong gis gal te rnying pas kha dog ngan par ma byas sam/bde bar gshegs ba'i mtho gang las ci tsam cung zad sor gcig gam/ sor phyed las chung ngu glan nam ma glan kyang rung / de thams cad la yang spang ba'i ltung bar 'gyur ro/ /rnying pa la rnying par 'du shes pa snga ma bzhin te/mu bzhir sbyar ro/ /gding ba rnying pa ci nas slar thams cad du 'dus byar mi btub bam/ de tsam zhig las med dam/ gal te med na ltung ba med do/ /gding ba'i kun du spyad pa ni gding ba la nyis rim du byas te/ sngon po'am/ btsag gam/ ngur smrig tu bya'o//khra bo nye bar bkra bar mi bya'o/ /'og phyogs su sum cha gcig la glegs bu'i 'phro bya'o/ /rnam pa gzhan du na 'gal tshabs can du 'gyur ro/ /lnga pa'o// //mnyan yod na ste/ drug sde rnams bal yul gyi lam du shing rta'i srog shing chag pa'i bal dag rnyed de/ bal khur chen po byas te khyer bas mchod 'os rnams so zhes 'jig rten pa rnams ma dad par gyur pas na drug pa bcas so/ /lam du zhugs pas zhes bya ba ni dgon pa'i lam du zhugs pa'o/ /rnyed la zhes bya ba ni gzhan las rnyed pa'o/ /'dod na zhes bya ba ni gal te dgos par gyur pa'o/ / blang bar bya'o zhes bya ba ni blang bar bya ba'o/ /bkur bar bya'o zhes bya ba ni bkur ba'o/ /khyer ba med na zhes bya ba ni rung bar byed pa med na'o/ /de la ltung bar ji ltar 'gyur zhe na/ rdul phra rab drug la rdul phra mo'o/ /de drug la chu rdul lo/ /de drug la lcags rdul lo/ /de drug la ri bong gi rdul lo//de drug la lug gi rdul lo/ /de drug la ba lang gi rdul lo/ /de drug la skar khung gi nyi zer gyi rdul lo/ /de drug la sro ma'o/ /de drug la shig go/ /de drug la nas so/ /de drug la song gcig go/ /sor bzhi pa drug la khru gang ngo / /khru bzhi la gzhu gang ngo //gzhu lnga brgya la rgyang grags te/ de ni dgon pa'o/ /dge slong lug gi bal khyor nas lam du zhugs shing 'gro na/ rgyang grags re res bar du chod pa'i grong bdun te/ grong bar phyed phyed cing nyes byas so/ /grong re re zhing spang ba'i ltung ba'o/ /grong nas dgon pa'i lam du zhugs na rgyang grags phyed phyed cing nyes byas so//rgyang grags re re zhing ltung ba'o/ /nam mkha' las sam/ sprul pa zhig gis khyer na nyes byas so/ /zhwa dang lham sgrog gu can dang / stod kor nang tshangs can dang / lcag pod dang / shur bu phra'u la sogs pa'i phyir sbas te/ khyer ba la ltung ba med do//drug pa'o/ /mnyan yod na ste/ 'char kas skye dgu'i bdag mo chen mo gau ta ma la bal gyi las byed du bcug pa na bdun bdun pa'o/ /'khru zhes bya ba ni tha na chu'i nang du lan cig bcal ba'o/ /'tshed ces bya ba ni tha na tshon gyi nang du lan cig bcug pa'o/ / rmel zhes bya ba ni tha na 'dab ma gcig go/ /de la ltung ba ji ltar 'gyur zhe na/ dge slong nye du ma yin pa'i dge slong ma la nye du ma yin par 'du shes sam/ yid gnyis za na yang rung ste/ gsum las gang yang rung byed du bcug na spang bar 'gyur la nye du la nye du ma yin par 'du shes sam yid gnyis za yang rung ste/byed du bcug na nyes byas so/ /nye du'am nye du ma yin par yang rung nye du yin par 'du shes na ltung ba med do/ /bkrus pa'am 'khru ba'am/ spring yig la sogs pa rnams kyis sam/ gzhan gyi phyir ram/ bdag dang gzhan gyi yang rung / dge 'dun gyi'am/ spang ba byung ba'am/ rnga mo'i bal lam/ ri dgas kyi bal lam/ 'dres pa yang rung / 'khrur bcug na nyes byas so/ /lhag ma rnams ni ji ltar chos gos rnying pa 'khrur bcug pa'i bslab pa'i gzhi'i bzhin no/ /bdun pa'o// //rgyal po'i khab na ste/grong dpon gtsug na nor bu zhes bya bas gsol pa/ shAkya'i sras kyi dge sbyong rnams sa le sbram dang / dngul len te gang de la rung ba de dag la 'dod pa'i yon tan lnga yang rung bar 'gyur ro/ /shing dang / rtswa dang / shing rta'i las dang / mi blas la sogs pas 'dod pa rnams kyis rtswa la sogs pa nyid yongs su btsal bar bya'o zhes smra'i/'di skad ces rnam grangs gang gis kyang sa le sbram dang / dngul la sogs pa bdag gir bya bar ni mi smra'o zhes so sor bkag pa dang / mnyan yod du drug sde rnams kyis rang gi lag gis gzhan len du bcug bas mu stegs can mi snyan pa zer ba'i phyir brgyad ba bcas so//rang gi lag gis zhes bya ba ni lag pas lag par te/ bdag nyid kyis zhes bya ba'i tha tshig go/ /len pa zhes bya ba ni khyad par yin gyi 'dir len du bcug pa ni ma yin no/ /de la gser ram/ dngul zhes bya ba ni gser dang dbyig go/ /gal te mtshan ma btab na de yang don 'dir ni sa le sbram dang dngul zhes bya'o/ /len tam zhes bya ba ni bdag nyid kyis so/ /len du bcug na zhes bya ba ni gzhan no/ /de la ltung ba ji ltar 'gyur zhe na/ gser dang dngul gter ram/ltung ba'am/ snga nas rnyed pa'am/ sbyin bdag las thob kyang rung ba ma byas bar rang gis blangs sam/ gzhan len du bcug na spang ba'o/ /gzhan gyis bzhag pa las bdag gir byas kyang rang gis ma blangs kyi bar du spang bar mi 'gyur ro/ /lus kyi las te pha rol po len du bcug na ltung ba'i gzhi bco brgyad du 'gyur te/'di longs shig 'di nas longs shig 'di tsam longs shig /'di khyer shog /'di ni khyer shog /'di tsam khyer shog /'di zhog shig /'dir zhog shig /'di tsam zhog shig /'di dag ni mngon sum du 'gyur ba'i don sgras thog mar byed pa'i gzhi dgu ste/bya ba rnam pa gsum las bya ba re re la yang dngos po dang / snod dang / tshad kyis phye ba'o/ /yang mngon sum du ma yin pa rnam pa gsum dang / sgrog la de zhes bya ba'i sgra thog mar byas na de las gzhan yang don rnam pa dgur 'gyur te/ de ltar na gzhi bco brgyad du 'gyur ro//gzhi bco brgyad po de dag mngon sum du gyur pa'i phyogs shig tu bsgo na nyes byas so/ /blangs na spang bar 'gyur ro/ /mngon sum du mi 'gyur ba zhig na gnyi ga yang nyes byas nyid du 'gyur ro/ /dge slong gis gser ram/ dbyig gam/ de gnyis ga'am/ brdungs ba'am/ ma brdungs pa yang rung / gser dang / dbyig dang / nor bu dang / mu tig dang / bai DUr+ya ste gsum la reg na spang ba'o/ /yul gyi tha snyad can la reg na spang ba'o/ /snyad gdags su rung ba ste/ gas pa dang / chags pa dang / dum bu dang / tshig pa dang / bcos pa dang /g.yul gyi tha snyad can ma yin pa dang / mtshan dang mi ldan pa nye bar len na nyes byas so/ /ra gan nam/ rno ba'i ra gan nam/ zangs sam/ rno zangs sam/ lcags sam/ ro nye'am/ tshon mo steng ngam/ khro chu la reg na ltung ba med do/ /rung ba'i dngos por ma bsngos par nges bar khyim pa len du bcug na'ang spang ba'o//bdag gis blangs sam/ dge slong gzhan len du bcug na nges kyang rung ma nges kyang rung thams cad spang ba'o/ /gzhan gyi phyir ni ltung bar 'gyur gyi/ spang ba ni ma yin no/ /gal te rim gro byed pa la sogs pa'i rnam grangs kyis gzhan gyi phyir bskos pa des blangs na gnyis ka la yang ltung ba med do//thang ngam/ chu la gser dang dngul lhung ba gang gi yin pa de nyid khyer grang snyam du de lta bur bsams la blang bar bya'o/ /bdag po med pa'i gter blangs na dkon mchog gsum la dbul bar bya'o/ /ji ste bdag po yod pa'i gter ram/gzhan ci yang rung ba lhung ba zhig rnyed na de gzhan la rnam grangs kyis grags par bya'o/ /gal te dan rtags la bab par smra na sbyin par bya'o/ /gal te med na dkon mchog gsum gyir nye bar sbyar bar bya'o/ /ma gus pa'i sems kyis blangs na nyes byas so/ /sa le sbram las sa le sbram du 'du shes sam yid gnyis za 'ang rung ste spang pa'o//kha cig na re yid gnyis za ba la nyes byas so zhe'o/ /sa le sbram ma yin pa las le sbram du 'du shes na ltung byed du 'gyur gyi spang bar ni ma yin no/ /yid gnyis za na nyes byas so/ /sa le sbram dang sa le sbram ma yin yang sa le sbram ma yin par 'du shes na ltung ba med do//bdag gi la ni ltung ba 'dir 'gyur gyi/ /gzhan gyi la ni ma yin no/ /bdag dang gzhan gyi la yang ma yin te/ de la ltung bar 'gyur/ spang bar ma yin no/ /rnam grangs kyis rnam grangs su gyur pa dang / gang bdag gi gzhan gyis phrogs pa las slar phrogs pa dang /byin gyis brlabs par brtags pa ste/ gal te bsten par ma rdzogs pa gzhan gyis brlabs pa dang / rtag tu sbyor ba'i yo byad du nye bar sbyar bar gzhag pa la brtags pa dang / gal te glegs bam la sogs par sbyar bar gyur pa dang /lci ba yang yang ba ltar rung bar byas pa yang rung ste/ ltung ba med do/ /rung bar bya ba 'di ni kun tu khyab pa yin te/ gang du ma brjod par der yang rig par bya'o/ /thabs med pa na rung bar bya ba yin te/ gal te rings pa zhig yin na/ gzhan khyer du bcug pa med na ltung ba med de/ci skad du dge 'dun gyi'am/ mchod rten gyi yang rung ste/ gser dang / dbyig chom rkun gyi 'jigs pa'i rkyen gyis bsnyen par ma rdzogs pa med na bdag nyid kyis khung brkos la sbas te 'gro bar bya'o/ /phyir 'ongs nas sngar bzhin du slar dbyung bar bya'o//phongs pa'i rjes su gnang ba gzhan du byed na 'gal tshabs can du 'gyur ro zhes gsungs so/ /ltung ba med pa ni sbyin bdag gis rung ba ste/ ci ltar dbyar gnas pa'i dge slong gi dge 'dun rnams la chos gos la sogs pa'i rin byin na de blang bar bya'o/ /blangs nas sbyin bdag de nyid la yid brtan te bcang bar bya'o//gzhan yang dge slong gis kun dga' ra ba pa 'am/ dge bsnyen yang rung thams cad spro bar bya'o/ /de la brten nas mi rung ba thams cad kyang blang bar bya'o/ /dge slong gis 'dir de ring du song yang mi rung ba gang ci snyed kyang de la yid brtan te/de ci srid 'tsho'i bar du blang zhing bcang bar bya'o/ /gal te sbyor mi btub nas le sbram dang dngul blang ba nyid kyis dge slong gi mdun du 'dug ste brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi bas dngos po rung ba ma lags pa 'di rnyed de/dngos po rung ba ma lags pa 'dis bdag gis dngos po rung ba bsgrub par bgyi'o zhes de ltar lan gnyis lan gsum du'o/ /sa le sbram rnyed la gal te dgos par gyur na bzhag pa'i rung bar bya'o/ /de yang rnam pa gnyis kyi phyir yongs su dag pa ma yin te/gang zag ma brtags pa la gzhag pa dang / mi rung ba'i dngos po la sems chags pa'o/ /dang po la ni nyes byas so/ /gnyis pa la ni spang ba'o/ /gal te sa le sbram de nyid la sems chags par gyur tam/ gzhan du na rung ba ma yin pa ste/ rung ba'i dngos po 'ga' zhig tu ma nges na 'on kyang rung ba'i dngos por des bar bya'o//ji skad du sa le sbram dang / dngul ci lta bur rung bar bya zhe na/ me rung ba'i dngos po 'dis gang yang rung ba rnyed par 'gyur ba de bdag gir bya ste/ ming 'di zhes bya ba'i yin no zhes gsungs pa lta bu'o/ / dge slong gi dge 'dun la sman rnams bstabs te/ sbyin pa pos kAR+Sha pa Na tshong dus su bzhag pa dang / nges tshong pa de nyid la yid brtan te/ gang 'dod pa de sbyar ba la longs spyad par bya'o/ /lam du zhugs pa las dbyig la sogs pa lam brgyags rnyed pa blang bar bya'o/ / rung bar byed pas khyer bar bya'o/ /de med na dge tshul gyis so/ de la sa le sbram bdag gir byed pa spang gi/ len pa ni ma yin no/ /brgyad pa'o// //mnyan yod na ste/ nye dgas gcer bu pa las la ba bzang po blangs pa dang / drug sde dag mngon mtshan can gyi spyod pa rnam pa sna tshogs sgrub pas dgu pa bcas so//rnam pa sna tshogs zhes bya ba ni kun du sbyor bar byed pa la sogs pa rnam pa sna tshogs so/ /mngon mtshan can gyi spyod pa zhes bya ba ni sgyur bar byed pa ste/ mngon mtshan gyi spyod pas yongs su sgyur bar byed pa'o/ /byed ces bya ba ni lhag par sgrub pa'o//'gron bu'am/ ba na'am/ di na ra'am/ ras bal lam/ skud pa'am/ 'bras sam/ dngos po ci dang cis kyang rung / rnyed pa kun du sbyor bar byed pa 'di ni mngon mtshan can gyi spyod pa byed pa yin no/ /de la ltung ba ci ltar 'gyur zhe na/ dge slong gis rnyed pa'i phyir yul gyi tha snyad gdags su rung ba kun tu sbyor ba'o//shing rta la sogs pa tshol ba dang dbyig dang gser sbyor ba dang / dbang po la sogs pa tshol ba dang / nas sam 'bras skyed du gtong ba ste/ bye dang bre'u chung la sogs pa tshol ba dang / dung gi tshogs kyi phyir nor bu'i tshogs gtong bar byed pa dang /nor bu'i tshogs kyi phyir mu tig gi tshogs gtong bar byed cing dbang po la sogs pa tshol ba dang / dbyig dang / gser ma brdungs pas brdungs pa dang / brdungs pas ma brdungs pa gtong bar byed pa dang / brdungs pas brdungs pa dang / ma brdungs pas ma brdungs pa len na ste/ ji srid rnyed pa bdag gir mi byed kyi bar du nyes byas so//rnyed na spang ba'o/ /dge slong skyed kyi phyir dbyig la sogs pa gtong bar byed na ji srid skyed dam/ rtsa ba ma rnyed kyi bar du ni nyes byas so/ /rnyed na gnyi ga yang spang ba'o/ /de ma rtogs kyang rnyed pa spang ba'o/ / gal te dngos po phyir byin nas skyed phyis sbyin no zhes khas len pa la der mi 'gyur ro/ /dge slong gi phyir ming gis gzhan spel bar byed la/ de nyid btang snyoms byed cing / de yang 'dod la rnyed pa de yang bdag gir byed na spang ba'o/ /nga la phan par 'gyur grang snyam te skyin por byin pa dang / / gzhan du spel ba dang / gzhan du spel ba las gzhan du spel ba dang / gzhan gyi yang rung ste/ ltung ba'i dngos gzhir ni mi 'gyur ro/ /mngon mtshan can gyi spyod pa la de'i 'du shes sam yid gnyis za yang rung spang ba'o/ /kha cig na re yid gnyis za ba la nyes byas she'o/ /der 'du shes med na ltung ba med do//mngon mtshan can gyi spyod pa ma yin pa la mngon mtshan gyi spyod par 'du shes na ltung byed du 'gyur gyi spang bar ni ma yin no/ /der 'du shes na ltung ba med do/ /sngon ma spyad pa'am mi ma yin pa'am dud 'gror gyur pa'am nye du'am/ smyos pa la sogs pa'am/ sngon ltung ba byung ba'am/ g.yo byed pa la yang rung /de dag dang lhan cig byed dam/ mtshan gzhan pa las brtsams te/ mtshan gzhan du gyur pa na grub na nyes byas so/ /nyo zhing 'tshong ba la yang de skad brjod par bya ste/ yang ni mi ston to/ /dkon mchog gsum la sbyin bdag gis mi zad par bya ba'i phyir byin pa de'i tshig gis spel yang ltung ba med do//de yang de'i gta' nyi rir blang bar bya'o/ /dbang rgya bri bar bya'o/ /de la lo tshigs kyi rim pa dang / nyi ma dang / dge 'dun gyi gnas brtan dang / dge slong gi ming yang bri'o/ /dge bsnyen la yang de bzhin du bya'o/ /gal te khyim pa'i lag tu 'di khyod la gtams so zhes byas pa las de yang de'i phyir rang nyam spel ba la ltung ba med do//gal te spel ba las phyir 'gyod par gyur na rnyed pa ni mi blang gi rtsa ba ni ma yin no/ /'ga' zhig gi phyir blangs te thob pa de dge slong ngam khyim ba bcugs pa'i lag gtan du sbyin par ni ma yin gyi/ rung bar bya ba'i phyir spang bar bya'o//gal te yid gcugs par gyur na gang las blangs pa de nyid la spang bar bya'o/ /brjed de ma byin na bskul bar bya'o/ /gang gis kyang rnyed pa nyid ni mi blang ngo / /gal te blangs na rtsa ba nyid kyang gcugs pa la spang bar bya'o/ /dgu pa'o// //'dul ba bsdus pa/ bam po drug pa/ mnyan yod na ste/ drug sde rnams nyo tshong byed pas na bcu pa bcas so/ /rnam pa sna tshogs zhes bya ba ni/ rnam pa du ma ste/ 'di lta ste/ yul gang na rin chung ba las khyer te 'ong ba la gnas rin thang chung ngu nas 'byin par byed/ lo legs pa na nyol/ lo nyes pa na 'tshong ngo //nyo tshong zhes bya ba ci zhe na/ ras bal dang skud pa dang / gos dang / mar dang / 'bru mar dang / sbrang rtsi dang / bu ram gyi dbu ba la sogs pa'i khu ba rnams dang / 'bras dang / lcags dang / dngul dang / gser dang / nor bu dang / rin po che la sogs pa'o/ / mtshon dang / dug dang / chang dang / sems can dang / rgya skyegs la sogs pa rnams 'tshong na kha na ma tho ba bcas pa chen por 'gyur ba ste/ de'i dngos po ni gtan du spang bar bya'i/ rung bar bya ba'i phyir ni ma yin no/ /byed na zhes bya ba ni sgrub par byed pa'o/ /gang rnyed pa'i phyir nyo zhing 'tshong na de nyo ba'i tshe nyes byas so//'tshong ba na spang ba'o/ /de rnyed pa'i phyir nyos la rnyed pa med par nyos la rnyed pa'i phyir 'tshong na/ nyo ba la ltung ba med de/ btsongs na spang ba'o/ /rnyed pa'i phyir ma yin na gnyi ga byas kyang ltung ba med do/ /rnam pa gzhan du na nyo par sbyor ba dang / 'tshong bar sbyor ba yang nyes byas te/de nyo ba'i dus nyid na ltung ba'i mthar 'gyur ro/ /dngos po de yang spang bar bya ba yin te/ ltung byed kyi ltung ba'o/ /btsongs na rnyed pa dang dngos po gnyi ga spang bar bya ste/ ltung byed ni de nyid de nyos pa las lhag pa ni med do/ /nyo tshong la nyo tshong ma yin par 'du shes na nyes byas so//nyo tshong ma yin pa la nyo tshong du 'du shes na ltung bar 'gyur gyi spang bar ni ma yin no/ /'di lta ste/ bdag gi yin la gzhan gyir 'du shes shing 'tshong ba'o/ /nyo tshong la nyo tshong du 'du shes na spang ba'i ltung byed do/ /nyo tshong ma yin pa la nyo tshong ma yin par 'du shes pa la ltung ba med do//gal te de'i ming nas smos shing de 'di skad zer ro zhes te/ nyo tshong ni gzhan byed la de yang de la 'dod pas btang snyoms su byas na sbyor bar mi byed kyang ltung ba'o/ /nyo ba'am 'tshong ba yang rung gal te bre dang / srang yang rung gzhal ba la g.yo byed na rin thang brtsi bar bya'o//gal te tshang na pham par 'gyur ba'o/ /ma tshang na sbom po'o/ /de bzhin du brdzun du smra bas brkus na brdzun du smra ba'i ltung ba lag par yang 'gyur te/ rnyed pa'i dngos po'i rin thang tshang na pham par 'gyur ba'o/ /ma thob na yang brdzun du smra ba dang / g.yo byas pas sbyor ba sbom po'o//lhag ma ni snga ma bzhin no/ /gal te rnyed pa'i phyir ma yin par nyos te rin thang cher btsongs la/ rin des rin gyi dgos pa rnams su sbyar gyi/ rnyed pa'i phyir ma yin na ltung ba med do/ /yul gzhan du sbyor zhing sngon gyi chags pa gzhal lo snyam pa la nyes pa med do/ /dge slong gis rnyed pa'i phyir ma yin yang gos la sogs pa'i rin thang gcad par mi bya'o//khyim pa'i tha snyad kyi nang du lag gzhug par mi bya'o/ /gal te bdag gi phyir nyo pa zhig yin na/ khyim pa dad pa can nam/ dge tshul las nyo bar bya'o/ /de lta bu yang med na/ lan gnyis lan gsum du tshig nges par smra bar bya'o//rang nyo zhing 'tshong la rin thang che chung du gcad na nyes byas so/ /dge 'dun gyi ni bskyed par bya ste/ thog mar dge 'dun gyi gnas brtan gyis bskyed par bya'i/ de la dbab par ni mi bya'o/ /gzhan dag gis bskyed pa la ni dbab mod kyi/ 'on kyang nyo bar mi 'dod pa la bskyed na nyes byas so/ /bskyed pa'i dngos po rin ma byin par spyad na nyes byas so/ /sbyin bdag gi bu dang chung ma phul na ci ltar bya ba'i rigs zhes de nyid la dri bar bya'o/ /gal te skyed cig dang rin thang bdag gis dbul lo zhes zer na/ bskyed par bya'o//de la dge slong gis bskyed na nyes byas so/ /dge 'dun gyis kyang rin thang bzhin du bda' bar mi bya mod kyi/ 'on kyang de dga' nas ci byin pa de blang bar bya'o/ /ma la sogs pas bu dang bu mo byin na blang ngo / /slar slong na sbyin par bya'o/ /gal te god pa rnams kyi rin dbul na yang blang bar bya'o//god pa bzhin du blang bar mi bya mod kyi 'on kyang dga' nas ci byin pa de blang bar bya'o/ /byis pa de yang dge slong gis chos gos kyi tshal bus rked pa dang mgul bar bcings la bskyang bar bya'o/ /de dag cher gyur te byas pa shes pa'i phyir 'bul na nye gnas lta bu yin pas na blang bar bya'o//bcu pa'o/ /gding ba'i tshogs rdzogs so// //lhung bzed kyi gzhi las brtsams nas ltung ba gnyis pa ste/ 'gal tshabs can du 'gyur ba la sogs pa'i nyon mongs pa gsum yongs su spang ba'i phyir rig par bya ste/ de la mnyan yod du nye dgas 'dun pa drug cu la so sor kAR+ShA pa Na drug cu phab pa dang /drug sde rnams kyang lhung bzed thob cing rnyed pa rnams bsags/ bdag nyid kyang mi spyod gzhan la yang mi ster te/ sogs pa'i nyon mongs pa spang ba'i phyir lhung bzed kyi spang ba dang po bcas so/ /lhung bzed lhag pa zhes bya ba ni byin gyis brlabs pa yod bzhin du byin gyis brlabs pa gcig las lhag pa'o//med na yang byin gyis ma brlabs sam rung bar ma byas pa gang yin pa de ni der ma gtogs pa'i phyir lhag pa zhes bya'o/ lhung bzed rnam pa gnyis te/ lcags las byung ba dang / sa las byung ba dag kyang ngo / /rdo las byung ba ni sa las byung ba'i nang du bsdu'o//ma bsdus te rnam pa gzhan du na ci'i phyir bcom ldan 'das kyis mi rung ba 'chang / yang lhung bzed rnam pa bzhi ste/ gser dang / dngul dang / bai DUr+ya sadang / shel gyi'o/ /de rnams ma blangs pa ni blang bar mi bya/ blangs pa ni spang bar bya'o/ / yang rnam pa bzhi ste/ ra gan dang / zangs dang / 'khar ba dang / shing gi'o/ /de dag ma blangs pa ni blang bar mi bya'o/ /blangs pa ni sman por du byas la longs spyad par bya'o/ /gzhan yang lhung bzed la rnam pa nyi shu rtsa gcig te/ mngon par sar pa dang rnying pa dang / rdol ba dang bcas pa dang /ma rdol ba dang / ma glan pa dang / phyed glan pa dang / mang du glan pa dang / dri ma mi chags pa dang / chung ba dang / ran pa dang / che ba'o/ /chung ba dang / che ba ni byin gyis brlab par mi bya'o/ /dge 'dun gyis bgos pa dang / dge 'dun gyi nang nas nyos pa dang / rang gi rin gyis nyos pa dang / sngar blangs pa ste/ gang khyim pa nyid kyi tshe rab tu byung ba'i phyir nye bar gzhag pa'o/ /sbyin bdag las rnyed pa dang / tshangs pa mtshungs par spyod pa las thob pa dang / lhung ba rnyed pa ste/ de yang bstan la gal te bdag por nye bar ma rnyed na/phyag dar khrod byin gyis brlab par bya'o/ /rnam pa gzhan du ni ma yin no/ /chom rkun pas brkus pa de mi blang ngo / /gal te pha rol po pham par grags par gyur na pha rol gyi sde las rnyed pa blang bar bya'o/ /bcad bar bya'o zhes bya ba ni bdag gir bya ba'o/ /de la ltung ba'i rnam par dbye ba ni yang 'dir ci ltar gos kyi dang po'i bslab pa'i gzhi la rung bar ma byas pa bya'o zhes bya ba 'di nyi tshe ni brjod par mi bya'o/de 'di ltar byin gyis brlab par bya ste/ lhung bzed lag pa g.yon pa'i steng du bzhag la/ lag pa g.yas pas steng nas bkab ste/ 'di skad brjod par bya'o//ming 'di zhes bya ba dgongs su gsol/ /bdag ming 'di zhes bya ba'i lhung bzed zas la spyad par 'os pa drang srong gi snod 'di blang ba'i snod du byin gyis brlab po zhes de bzhin du lan gnyis lan gsum du brjod par bya'o/ /che ba'am chung ba la ni ltung ba med do/ /lhung bzed kyi tshad ni lhung bzed bkang ba'i gzhi las brjod par bya'o//dge slong gi lhung bzed gang chung ba de ni dge slong ma'i thams cad kyi nang na tsha ba'o/ /rab tu byung ba'i phyir dang / /lhung bzed skya bo 'chang ba la ltung ba med do/ /zhus pa las gsungs pa/ lhung bzed so ma btang ba dang / dkar po lhag par 'chang na nyes byas so//de ni dngos gzhi las brtsams te/ ltung ba med do zhes gsungs par rig par bya'o/ /pho nyas khyer te 'ongs pa ji srid 'tsho'i bar du bcang ba'am/ pho nya btang ba las de'i pho nya yang ring zhig lon te/ khyer te 'ongs na yang ltung ba med do/ /mi gang nyon mongs pa cung zhig longs spyad par bzod dam zhes brtag pa'i phyir zhag bcu tshun chad du bzhag pa la ltung ba med do//gang mngon par 'dod pa de ni byin gyis brlab par bya'o/ /gnyis pa ni brtag pa'i phyir bcang bar bya'o/ /de rung bar bya ba'i phyir brtag pa ma yin gyi de lta mod kyi 'on kyang gzhan gyi phyir nyid du'o/ / rnam pa gzhan du bcangs na nyin re nyin re zhing nyes byas so/ /zhag bcu lon na spang ba'o/ /tshod ma dang btung ba nye bar dgos pa'i phyir lhung bzed chung ngu gnyis bcad par bya'o/ /de bzhin du tshwa snod dang / kha gzar yang ngo / /bsod snyoms pas ni lhung bzed kyi nang du ci snyed shong ba de snyed du snod dgos pa lhag par bcad bar bya'o//gzhan gyis ni ming yang bla/ thams cad bdag gir mi byed na longs spyod par rjes su gnang ngo / /kun gyis kyang lhung bzed gcig bcang bar bya ste/ de yang ci'i phyir zhe na/ de yang mi phongs pa dang / gzhan mu stegs can gyi cho ga spang ba'i phyir te/ de dag ni lo ma dang /lag pa'i snyim par za ste/ de las bzlog pa'i phyir ro/ /gso dka' ba dang dgang dka' bar mi gyur cig ces gcig pu bcang bar bya'o/ /phongs pas rung ba ni gal te de 'dra ba'i phongs pa zhig gis ma brtags na yang ltung ba med do/ /brtags pa gzhan ni gos lhag pa'i las rig par bya'o//zhag gcig las 'das par bcangs na spang bar 'gyur ba mchis sam/ yod de thams cad du gang rnyed ma thag tu mtshan gyur nas dge slong mas bcangs pa'o zhes gsungs so/ /lhung bzed kyi kun du spyad pa ni bsnyen par ma rdzogs pas lhung bzed bkru bar mi bya ste/ dran pa brtan pa yin na ltung ba med do//lhung bzed la ming bri bar mi bya'o/ /mtshan ma byed pa la ni ltung ba med do/ /'di ni gang zag gi dngos po gzhan la yang ngo / /dkon mchog gsum gyi ni che ge mo zhes bya ba'i sbyin par bya ba'i chos so zhes bya bar bri bar bya'o/ /gang zag gi mal cha dang / stan la yang bye brag bya'o//'greng bzhin du lhung bzed snod du gzhug par mi bya de nas 'greng bzhin du dbyung bar mi bya/ lhung bzed kyis phyag dar dor bar mi bya'o/ /mi gtsang ba'i phyogs su gzhag par mi bya/ bye ma dang bcas pa'i lci bas bkru bar mi bya/ shin tu gsher bar mi gzhug /shin tu bskams par yang btang snyoms su mi bya/bags kyis ran par spyad par bya'o/ /lam du zhugs na lag pa dang / chos gos kyi grwar thum por byas te/ bskur bar mi bya mod kyi 'on kyang lhung bzed kyi snod du gzhug par bya'o/ /de yang lag pas bskur bar mi bya mod kyi/ 'on kyang phrag pa la gdags so/ /snod ni gsum ste/lhung bzed kyi snod dang / sman gyi snod dang / bar bur gyi snod do/ /de'i lung thag kyang mnyam par mi bya'o/ /gzhan du na 'on kyang ring thung spel te ci ltar rdza rdza lta bur mi 'gyur bar bya'o/ /lung thag de ci'i lta bu bya zhe na/ snam bu'i nang du phyin pa bcug la drub par bya'o//lhung bzed gang du gzhag par bya zhe na/ lhung bzed kyi ngos khung du ste/ de yang gtsug lag khang brtsig pa'i tshe bya'o/ /dgon pa pa dag gis ni lcug ma las skon bur byas te ba lang gi lci ba dang sas byugs la der lhung bzed gzhag par bya'o/ /gnyis pa kha gab kyang de 'dra bar bya'o//gzhan du 'gro na de khyer te 'gro bar mi bya mod kyi/ 'on kyang gzhan bya'o/ /mkhas pas sa phyogs dben par 'dug ste/ lhung bzed kyi las bya'o/ /lhung bzed kyi las mi dben par mi bya'o/ /las ci ltar bya zhe na/ rdza bo gnyis te/ rang gis byas pa dang / slob dpon gyis byas pa'o//rang gis byas pa ni 'di lta ste/ bum pa thal bas bkang ste rdza gzong gis gtsab par bya'o/ /slob dpon gyis byas pa ni rdza mkhan gyis byas so/ /rdza bo de'i phyi rol sa dang phub mas bsres pa'i 'jim pas byug par bya'o/ /nang ni til gyi tshigs ma dang / ba lang gi lci bas so//bskam par bya'o/ /'og gi gzhir phub ma gding bar bya'o/ /der bong rdog rnams la lhung bzed gzhag par bya'o/ /rdza bo'i steng nas me btang bar bya'o/ /du ba mi 'chor bar bya'o/ /srog chags spang pa'i phyir ba lang gi lci ba la sogs pa dang / chus chag chag gdab par bya'o/ /bar du chod la lhung bzed gnyis pa yang der gzhag par bya'o//lhung bzed chung ngu ni bar du shing leb gcig gis gcad par bya'o/ /bsreg pa yang shin tu mi drag /shin tu yang mi chung bar ran par bya'o/ /lhung bzed kyi las byed pa nyams par mi 'gyur bar bya ba'i phyir/ gzhan du 'gro bar mi bya'o/ /tshogs gsum pa'i spang ba'i ltung ba dang po'o// //mnyan yod na ste/ nye dgas bsod snyoms pa las thos nas tshong pa'i thad nas sbyin pa po sbyin du bcug nas lhung bzed gnyis pa bzang po zhes te/ btsal ba de'i phyir spang ba gnyis pa bcas so/ lhan pa lnga med pa zhes bya ba ni/ lhan pa lngar ma tshang ba yin te/gang lhan pa med pa de yang thams cad du lhan pa med pa nas/ lhan pa lnga med pa zhes bya ba ste/ de lta bur gyur pa'i mtshan nyid kyi gsum pa'o/ /dge slong gis lhung bzed dum bu rnam pa lnga pa btsems shing bsod snyoms la brgyus te/ de yang kha zas med par byed pas las su gyur te/lhan pa lngar tshang ngam lhan pa lnga las lhag pa yang rung ste/ lhung bzed gzhan bya'o zhes rjes su gnang ngo / /lhan pa 'ju ba lnga spangs te/ thang chu dang / spra tshil dang / tshon mo steng dang / ro nye dang / sardza ra sa rnams so/ /glan pa skam po lngas lhan par bya ste/ lnga po dag gang zhe na/lhan rings dang / tham phran dang / lhan pa dang / chu srin gyi so lta bu dang / phye ma'o/ /phye ma la rnam pa gnyis te/ lcags kyi phye ma dang / rdo'i phye ma'o/ /dang po ni lcags kyi lhung bzed la'o/ /gnyis pa ni sa'i lhung bzed la ste/ 'bru mar gyis bdar bar bya zhing ci ran du bsreg par bya'o//gal te rtsub par gyur na 'bru mar gyis bskus la bdar bar bya'o/ /lhung bzed nag po la bu ga byung na/ sa dang bu ram du bsres la glan te bsreg par bya'o/ /yongs su longs spyod pa can zhes bya ba ni yongs su longs spyad du bzod pa'o/ /gang bu ga gcig po shin tu che ste/ yongs su longs spyad du mi bzod na des yod kyang gzhan tshol du gnang ngo //bzang po 'dod pa nye bar bzung ba'i phyir zhes bya ba ni mchog 'dod pa ste/ nye bar bzung ba brtse ba'i dngos po'i sems kyis bzang po 'dod pa'i phyir ro/ /nyon mongs pa ma yin pa'i phyir tshol ba la nyes pa med do/ /rigs la sogs pa phun sum tshogs pa rnam pa bzhi ni/lhung bzed bzang po zhes bya ste/ de la rigs phun sum tshogs pa ni lcags yin no/ /mtshan phun sum tshogs pa ni rnying pa dang / /rdol ba ma yin pa dang / glan pa med par dri ma mi chags pa yin no/ /tshad phun sum tshogs pa ni chen po yin no/ / thob pa phun sum tshogs pa ni dge 'dun las bgos pa dang sngar blangs pa dang / sbyin bdag las thos pa yin no/ /lhung bzed grub na spang ba'o zhes bya ba ni lhung bzed bzang po thob ma thag tu spang ba'o/ /gzhan dag na re byin gyis brlabs kyang spang bar 'gyur ro zhe'o/ lhung bzed de zhes bya ba ni gang lhung bzed bzang po de'o//dge slong gi 'khor zhes bya ba ni dge 'dun la'o/ /dbul bar bya'o zhes bya ba ni sngar lhung bzed 'brel pa med pa de 'drim pa'i dge slong spro bar byas la/ chos lnga dang ldan pa bsko bar bya ste/ dge 'dun btsun pa rnams gsan du gsol/ /dge slong ming 'di zhes bya ba 'di dge 'dun la lhung bzed 'brel pa med pa 'drim par spro na gal te dge 'dun gyi dus la bab cing bzod na/dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge 'dun la lhung bzed 'brel pa med pa 'drim par bsko ste/ lhung bzed 'brel pa med par 'drim pa ming 'di zhes bgyi ba dge 'dun la lhung bzed 'brel pa med pa 'drim mo//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ /dge 'dun ming 'di zhes bgyi ba 'di dge 'dun la lhung bzed 'brel ba med pa 'drim par spro te/de'i slad du dge 'dun gyis ming 'di zhes bgyi ba lhung bzed 'brel pa med par 'drim par bsko na tshe dang ldan pa gang dag ming 'di zhes bgyi ba lhung bzed 'brel pa med pa 'drim par bsko bar gang dag bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis ming 'di zhes bgyi ba lhung bzed 'brel pa med par 'drim par bsko ste lhung bzed 'brel pa med pa 'drim pa ming 'di zhes bgyi ba ni/dge 'dun la lhung bzed 'brel ba med pa 'drim par bskos lags te/ 'di ltar cang mi gsung bas de de bzhin du 'dzin to//des kun du spyad pa ni dge 'dun rnams tshogs pa'i dus su des dge 'dun btsun pa rnams bdag sang lhung bzed 'brel pa med pa 'drim par 'gyur gyi tshe dang ldan pa dag khyed cag rang rang gi lhung bzed thogs la dge 'dun gyi nang du gshegs par mdzod cig ces brjod par bya'o/ / de nas nyi ma gzhan la dge 'dun tshogs pa dang / dge 'dun gyi gnas brtan gyi mdun du bzhag ste/ lhung bzed kyi yon tan brjod par byas la/ gal te gnas brtan bzhed na snyoms shig ces byas la gal te des khyer na de'i lhung bzed gnas brtan gnyis pa la sbyin no/ /de bzhin du dge 'dun gyis gsar bu'i bar du'o//gsum pa'i thad du son pa las dang po slong na tshig gnyis kyi bar du sbyin par mi bya'o/ /tshig gsum pa la sbyin te de ltung ba yang bshags pa thob bo/ /de dag thams cad kyis gang spangs pa dge slong de la byin la 'di skad ces bsgo bar bya'o/ /khyod kyis lhung bzed 'di byin gyis brlab par mi bya/gtad bar mi bya/ gzhan la sbyin par mi bya/ tha ma chag pa la thug gi bar du bags kyis yongs su longs spyad par bya'o/ /kun du spyad pa ji skad bstan pa bzhin ma byas na/ thams cad du yang 'gal tshabs can du 'gyur ro/ /lhung bzed 'brel pa med pa 'chang bas kun du spyad pa ni lhung bzed kyi snod gnyis nye bar gzhag par bya'o//bzang po ni der gzhug par bya'o/ /gzhan la ni byin gyis brlab pa'o/ /gnyi ga yang khyer te bsod snyoms la 'jug par bya'o/ /'bras chan skam po ni der gzhug par bya'o/ /gsher ba ni bdag gi la'o/ /de bzhag la bdag gi la bza' bar bya'o//ba lang gi lci bskam pos bkru zhing skabs pa yang de la thog mar byas te/ de'i 'og tu bdag gi la'o/ /sba ba'i tshe na gnas bzang por ni de gzhag bar bya'o/ /gzhan du ni gzhan no/ /gal te lhung bzed kyi gnas gcig tu zad na/ steng ngam 'og ji lta ba legs par 'dug pa der gzhag par bya'o//bsreg pa'i rdza bo bzang po ni de bsreg par bya'o/ /gal te rdza bo cig pur zad na ji ltar kha dog bzang por 'gyur ba der gzhag bar bya'o/ /'gro na yang lhung bzed kyi snod bzang por de gzhug par bya'o/ /khyer ba yod na byin gyis brlab pa de la bskur bar bya'o//de ni bdag gis bskur bar bya'o/ /de med na phrag pa g.yon par ni de gdags par bya'o/ /g.yas par ni byin gyis brlabs pa'o/ /de dag ci skad bstan pa bzhin ma byas na 'gal tshabs can du 'gyur ro/ /byin gyis brlab bar mi bya ba zhes bya ba ni de la gang snga na yod pa de nyid byin gyis brlab pa'o//'di ni chad pa'i las kyi phyir ro/ /gzhan dag na re ni de gnyis pa byin gyis brlabs na snga ma spangs par 'gyur la/ rnam pa gzhan du na lhag pa 'chang bas snga ma'i ltung bas kyang lhag par 'gyur bas na/ des de nyid byin gyis brlab par bya'o/ /mi phongs par bya ba'i phyir de de la sbyin no zhes zer ro//gtang bar mi bya zhes bya ba ni gzhan gyi phyir brtags te bcang bar mi bya'o zhes bya ba'i tha tshig go/ /gzhan la sbyin par mi bya zhes bya ba ni gzhan gyi dbang du mi bya zhes bya ba'i tha tshig go/ /khad kyis dal bus zhes bya ba ni de'i chad pa'i las 'di yin te/skyo ste ci nas myur du chag par 'gyur ba de ltar mi bya'o/ /de ltar byas na nyes byas so/ /gal te mang du tshol na ltung ba yang de snyed du 'gyur te/ ci ltar mngon par 'dod pa gcig ni dge 'dun la dbul bar bya'o/ /gzhan dag ni mdza' bo rnams la bgos ste sbyin par bya'o/ /de la ltung ba ji ltar 'gyur zhe na lhung bzed rdol par gyur la/des de lhan pa gcig gam/ gnyis sam/ gsum mam/ bzhi glan par 'os pa las glan tam ma glan kyang rung yongs su longs spyad par bzod na bzang po 'dod pa'i phyir gnyis pa tshol na sbyor ba'i tshe nyes byas so/ /thob na spang ba'o/ / de bzhin du lngas glan par 'os pa las ma glan cing yongs su longs spyad du bzod pa la yang brjod par bya'o/ /lngas glan par 'os pa las glan tam/ ma glan tam tshol na longs spyad du mi bzod na ltung ba med do/ /bzang po la bzang por 'du shes na spang ba'o/ /mi bzang ba la bzang por 'du shes na ltung bar 'gyur gyi/spang bar ma yin no/ /bzang po'am mi bzang ba yang rung / mi bzang bar 'du shes na ltung ba med do/ /gnyis yod pa la gcig 'du zhing tshol lam/ spring yig la sogs pa rnams kyis sam/ gzhan gyi phyir ram rang gi yo byad kyis sam/ mu stegs can las btsal na nyes byas so/ / rang gi rin gyis nyes sam/ gzhan las ma bslangs sam/ brjes te blangs na ltung ba med do/ /gnyis pa'o// //gsum pa dang bzhi pa la ni chos gos kyi rgyus kun nas bslang ba yongs su len pa'i gzhi'i dbang du mdzad de/ 'gal tshabs can du 'gyur ba dang / phongs pa dang ma dad pa'i nyon mongs pa spong ba dang /nye du la rjes su gnang ba dang / thag pa dang / yon bdag gi sems rjes su ma bsrungs pa'i phyir ro/ /de la mnyan yod na ste nye dgas dog pa 'khal ba rnams las dog pa bslangs te/ thag pa spyi cer la chos kyi sgo nas ras yug cig 'thag tu bcug go/ /gnyis pa rgyal mo'i skyes bu la brten pas ni gsum pa bcas so//rang gis bslangs zhes bya ba ni kha cig las srang gcig /kha cig las srang phyed do/ /dog pa zhes bya ba ni srin bal gyi dog pa yang rung ste/ de gzung bas dar gyi yang gzung bar 'gyur ro/ /bal lam rtul bum shan ka'i 'am/ zar ma'i'am/ gso ma'i 'am/rtswa du gu la'i dog pa'am/ rtswa ko tam ba'i 'am/ ras bal gyi'am/ nyi 'og gi dog pa'o/ /de la srin bal gyi dog pa 'thag tu bcug na ltung ba gnyis te/ gding ba srin bal sar pa las byas pa dang / tha ga pa nye du ma yin pa las 'thag tu bcug pa'i phyir te/ dngos po gcig yin pas na spang ba ni gcig te/dngos po gcig po spang bar bya'o zhes bya ba'i tha tshig go/ /nye du ma yin pa las gos kyi phyir dog pa bslangs na nyes byas so/ /bus 'khyud kyi phyir ni ltung ba med do/ /dog pa gang yang rung ba bdag nyid kyis btags na nyes byas so/ /nye du las bslangs pa 'am/ nye du ma yin pa las bslangs pa'am/ bdag gi rin gyis nyos pa yang rung ste/ mdor na dog pa gang yang rung / tha ga pa nye du ma yin pa gcig gam/ gnyis sam/ mang po yang rung / thag pa nye dus grogs byas sam/ bdag nyid kyis grogs byas te/ btags kyang rung ste spang ba'o/ /nye du las bslangs sam/ nye du la 'thag tu bcug pa la spang ba med do//nye du la nye dur 'du shes pa la sogs pa mu bzhir sbyar ba ni dge slong ma'i bslab pa'i gzhi bzhin du rig par bya'o/ /rang dga'a'am rngan pas 'thag tu bcug pa la ltung ba med do/ /mthus 'thag tu bcug na ltung byed du 'gyur gyi spang bar ni ma yin no/ /gal te bdag nyid la yang dag pa ma yin pa'i yon tan bsngags pa brjod cing dog pa bslangs na nyes byas dang pham par 'gyur ba ste/rnam pa gnyis su 'gyur ro/ /gal te bden na nyes byas dang ltung byed 'ba' zhig go/ /yang dag pa ma yin pa'i yon tan bsngags pa brjod cing 'thag tu bcug na pham par 'gyur ba dang spang ba'o/ / gal te bden na ltung byed 'ba' zhig dang spang ba'o/ /de la dus ma yin par nye du la yang nyes byas so/ /de la dus ma yin pa ni gang rung ba ma yin par 'gyur ba dang / de la tshul 'chos pa la sogs pa rnams te/ /don ma yin pa sgrub pa dang / de la zhe sdang gis khyim du nye bar 'gro ba gzhan la mi dga' bar bya ba'i phyir dang /sbyin bdag nye du ma yin par gyur na nyes byas so/ /rgyu'am spun nam/ gnyi ga yang rung / mi rung ba rnga mo la sogs pa'i bal dang / bsreg pa'am/ snam bu ma byas pa'am/ bal yang rung ba/ ras bal yang rung / bslangs sam tshad las chung ngam/bar ma'am/ gzhan gyi phyir yang 'thag tu bcug na nyes byas so/ /gsum pa'o// //mnyan yod na ste/ /nye dgas bdag nyid kyi phyir ras 'thag tu bcug pa tha ga bal hwags kyi la dus lhung bzed bkang ste byin bas na de'i phyir de bzhi pa bcas so/ /de na zhes bya ba ni tha ga pa de grong ngam grong khyer gang na ba'o//sngar ma bstabs par zhes bya ba ni/ ci lta bur 'dod pa de lta bur 'thag tu chug cig ces gos kyi bdag pos sngar mgron du ma gnyer ba'o/ /rnam par rtog pa 'ga' zhig ces bya ba ni rnam par rtog pa rnam pa bzhi ste/ stug po nyid du rnam par rtog nas/ gang legs pa brtags par gyis shig ces smra ba dang /dkar po rnam par rtog nas shin tu dkar ba gang zheng che ba dang / khrun ring bar byos shig ces smra ba dang / phra mor rnam par rtog nas thar gyis zhag par byos shig ces smras pa dang / 'jam por rnam par rtog nas thags ran bzang bar gyis shig ces smras pa'o//legs par brtags par zhes bya ba 'dis tshad rnam par rtog par yang blta bar bya'o/ /gzhan dag ni zheng che ba dang khrun ring ba la smyig gus legs par sbyangs pa'am/ phrug shad kyis shin tu bshad pa la yang bya'o zhe'o/ /bza' ba zhes bya ba ni bca' ba lnga dang / bza' ba lnga'o/ /bza' ba tsam zhes bya ba ni 'bras rjen pa'o//bza' ba'i rin zhes bya ba ni zas kyi rin no/ /bza' ba byin pa tsam gyis 'dir ltung ba med mod kyi ci lta bur rnam par rtog pa smra ba'i phyir ro/ /dge slong de la sbyor zhing khri la ldang ba nas de la stobs pa dang / gos ma thob pa'i bar de srid du nyes byas so/ /thob na spad ba'o/ /gos rung ba ma ma yin nam/ma ning pho'am/ ma ning mo'am/ mtshan gnyis pa'am/ mtshan gnyis ma la yang rung / gos kyi phyir rnam par rtog par byed na nyes byas so/ /bzhi pa'o// //mnyan yod na ste/ dga' bos lhan cig gnas pa chos la snam sbyar byin pa las khros te/ slar phrogs pa na sbyin pa dang mi sbyin pa yongs su len pa'i gzhi'i dbang du mdzad de mi bzod pa'i nyon mongs pa dang /'gal tshabs can du 'gyur ba dang / ma dad pa'i nyon mongs pa spang ba'i phyir lnga pa bcas so/ /dge slong zhes bya ba ni gsol ba dang / bzhi'i las kyis bsnyen par rdzogs pa'o/ /de bzhin du dge slong ma la sogs pa la ltung ba med do//byin nas zhes bya ba ni gtan du byin pa'o/ /gal te skad cig gcig byin nam/ khyod la ngas 'di byin gyis khyod kyis nga'i 'di lta bu zhig bya'o zhes bsgo ba la spang ba med do/ /de'i 'og tu zhes bya ba ni dus phyi zhig na'o/ /khros zhes bya ba la sogs pa de 'gros zhes bya ba ni/lus kyis khros par ston to/ /'khrugs zhes bya ba ni yid la khros par mngon par 'du byed pa'o/ /rngams te zhes bya ba ni khros pa'i tshig tu brjod pa'o/ /yi ma rangs par gyur ces bya ba ni khros pa'i mtshan ma gnod pa'i dngos por ston pa'o/ /'phrogs zhes bya ba ni grogs la sogs pa byed du re bar bsams nas byin pa las de ma byas te rang gi 'du shes kyis phrogs pa'o//rnam pa gzhan du ni pham par 'gyur ro/ /de'i lhag ma yod pa phyir sbyin par bya zhing zhes bya ba ni gang der yongs su longs spyod pa'i lhag ma lus par gyur na dge slong de nyid la phyir sbyin par bya'o/ / spyod na spang ba'o zhes bya ba ni bdag gir byas pa dang / yongs su longs spyad pa'o/ /gzhan dag ni nye bar longs spyod pa dang / yongs su longs spyod pa kho na'o zhe'o/ /de la ltung ba ci ltar 'gyur zhe na/ dge slong lus kyis sam dag gam de gnyis kas kyang rung ngo / /dge slong la sogs pa gzhan rnams kyis kyang rung /gzhan la gnod par chos gos phrogs sam/ phrog tu bcug kyang rung ste/ gos kyi grwa lus dang ma bral gyi bar du ni nyes byas so/ /lus dang bral na dge slong la spang ba'o/ /dge slong gzhan dang / dge slong ma la ni ltung ba'o/ /dge tshul la sogs pa ni nyes byas so//khyim pa'am khyim pa mos ni bsod nams ma yin pa chen por 'gyur ro/ /yongs su spyad pa la yongs su ma spyad par 'du shes sam/ yongs su ma spyad pa la yongs su ma spyad par 'du shes na ltung bar 'gyur gyi spang bar ni ma yin no/ /yongs su spyad pa la yongs su spyad par 'du shes na lang pa dang spang ba'o//khas blangs pas khas ma bdas pa dang / go bzlog pa dang / sngon nyams pa la sogs pa'am tshad las chung ba byin de/ 'phrog gam/ sbyin pa'am/ phrogs pa yang rung / gzhan yang rung / gnyi ga yang mtshan gyur na nyes byas so/don gzhan las ni ltung ba med de/ de ji ltar 'jigs pa dang bcas pa'i yul phyogs su 'gro ba dang / dus ma yin pa 'gro ba las bla mas gos phrogs pa dang / 'di la gnod pa'i don du ma gyur cig ces bya ba dang / 'dul ba'i yo byad du gyur pa dang / ci ltar yang sdig pa'i grogs po dang bral ba'i phyir/phrogs pa dang / de bzhin du gzhan yang khros pa med cing phrogs pa la ltung ba med par brjod par bya'o/ /gal te re zhig pa'i dus kyi 'du shes sam/ phongs pa'am/ snyan pa'i chos kyis blangs pa ni ltung ba med do/ /lnga pa'o// //mnyan yod na ste/ drug sde dag gis dbyar gyi rnyed pa/ dbyar gyi nang logs su bgos pas na/ bcom ldan 'das kyis 'god na 'gal tshabs can du 'gyur ro zhes gsungs so/ /gsal rgyal gyis ral gri mthu can gyi khrom la 'thab mo la song shig ces bka' stsal pa dang / de shi bar dogs te dbyar gyi gos dbyar gyi nang du phul ba de dag dge slong dag gis nyams su ma blangs pas sril la sogs pas zos pas na chos lnga dang ldan pa gsol ba dang /gnyis kyi las kyis gos sbed pa bsko bar bya'o zhes gsungs so/ /bslab pa 'dod pa'i yon tan bsngags te/ drug pa bcas so/ 'di yang dus ma yin par len pa'i gzhi'i dbang du mdzad nas 'gal tshabs can du 'gyur ba la sogs pa'i nyon mongs pa gsum yongs su spang ba'i phyir rig par bya'o/ /zhag bcus ma tshang ba tshun chad du zhes bya ba ni/ nyi ma bcu po la zhag bcu zhes bya ba ste/ zhag bcu ma lon pa las zhag bcu tshun chad ces bya'o//ston zla tha chungs zhes bya ba ni ston zla tha chungs nyal rnam pa gnyis te/ dang po ni ston zla 'bring po nyal yang bya ste/ de dang nye bar gyur bas brjod de/ ci ltar dbyar zla 'bring po nya la dbyar nye bar 'jug gi zhes bya ba bzhin no/ /phyi ma ni ston zla tha chungs kyi zla ba nyid la ste/ 'dir ni dang por gzung ngo //brtad pa las byung ba'i gos zhes bya ba la brtad pa las byung ba'i gos ni lnga ste/ nad pa la sbyin pa dang / nad pa'i phyir sbyin pa dang / 'chi ba la sbyin pa dang / shi ba'i phyir sbyin pa dang / 'gro bar chas pa la sbyin pa'o/ /gzhan dag na re dus ma yin pa'i gos so zhes kyang brjod de/ gang dgag dbye'i dus su 'thob pa'i rig pa las dbyar gyi nang logs nyid du thob pa'o//blang bar bya'o zhes bya ba ni bdag nyid kyir bya ba'o/ /gos sbyin pa'i dus kyi bar du zhes bya ba ni sra brkyang ma bting ba'i gnas na ni ston zla tha chungs kyi bar du'o/ /sra brkyang bting ba'i gnas na ni dpyid zla ra ba'i bar du'o/ / de ni bcom ldan 'das kyis dbyar gyi nang logs su gos rnyed pa la rjes su gzung bar mdzad nas gsungs pa'o/ /zla ba de las 'das kyang bcang bar bya ste/ rnyed pa gzhan ni ring na zla ba gcig gi bar du'o/ /dbyar gyi rnyed pa cung zad ci yang rung ste/ dbyar gyi nang logs su bgos pa dang / gos bgo ba'i dus las 'das ba 'chang na thams cad la yang spang bar 'gyur ro//brtad pa las byung ba'i gos lnga po bgos pa dang / sbyin bdag gis rang gi lag nas byin pa ni 'di ltar de tshun chad bgos kyang ltung ba med do zhes gsungs so/ /gos sbed ba'i dge slong bskos pa yod pa la yang ltung ba med do//sbyin bdag gis bdag nyid mchis la/ lag nas dbul gyis de'i bar du gzhes shig ces zer na/ de las ring du gzhag kyang ltung ba med do zhes gsungs so/ /rung bar ma byas pa la rung bar ma byas bar 'du shes na snga ma bzhin te/ /mu bzhir sbyar ro/ /dgag dbye ni rgyal pos shol bor na ci ltar dbyar nye bar gnas pa'i dus bzhin du sbyar bar bya'o//drug pa'o// //mnyan yod na ste dgon pa'i gtsug lag khang na gnas pa'i dge slong rnams rkun pos bcom pa la brten nas/ bcom ldan 'das kyis dgon pa pa la chos gos gsum las gcig khyim gzhan du gzhag par bya'o//khyim der dang la nyal bar mi bya/ skya rengs 'char bar mi bya/ grong gi nye 'khor du yang 'dug par mi bya mod kyi/ 'on kyang gtsug lag khang nyid du'o zhes gsungs so/ /gal te dge 'dun gyi'am mchod rten gyi 'am/ gang zag gi don cig la dgon pa'i gnas mal de nas phyi rol du 'gro na zhag drug tu 'bral bar bya'o//de las ring du ma gnas shig ces gsungs na/ drug sde dag zhag bdun du gnas te bdun pa bcas so/ /nye bar gzhag pa'i gzhi'i dbang du mdzad de/ 'gal tshabs can du 'gyur ba la sogs pa'i nyon mongs pa gsum yongs su spang ba'i phyir yang ngo //dgon pa zhes bya ba ni/ grong nas rgyang grags gcig na gtsug lag khang yod pa'o/ /dbyar phyi ma zhes bya ba ni dbyar phyi mar nye bar gnas pa ste/ de dag dbyar dang po nye bar gnas pa'i dge slong rnams kyis gtsug lag khang du gnod pa spang ba'i phyir dgon par dbyar phyi mar nye bar gnas pa'o//dogs pa dang bcas pa zhes bya ba ni de ni dogs pa dang bcas par shes pa ste/ gang chom rkun pas 'jigs pas ma byung yang dogs pa dang gnas pa dang / za ba'i skabs dag snang ba'i phyir ro/ /'jigs pa dang bcas par grags pa zhes bya ba ni/ gang du chom rkun pas 'jigs pa lan cig byung ba de yang shes la mi rnams stabs shing bros par snang ba'o/ /'jigs pa tha dad pas 'jigs su rung ba dang bcas par grags par zhes bya ba ni/ gang chom rkun pa'i 'jigs pa lan mang du byung ba dang / seng ge dang / stag dang / mi ma yin pas 'jigs pa dang /da gnyis dang po nas go rims ci lta ba bzhin du 'jigs pa dang / 'jigs pa tha dad pas 'jigs su rung ba dang bcas par grags pa'o/ /rnam grangs gzhan du na chom rkun pas 'jigs pa dang / seng ge dang / stag gis 'jigs pa dang / sbrang rgod dang / sbrang bu mchu rings dang /rlung dang tsha ba dang / sdig sprul gyi 'jigs pa ste/ tshig gsum dang go rims ci lta ba bzhin du'o/ /stag la sogs pas 'jigs pa na chom rkun pas gnas par yang rig par bya'o/ /chos gos gsum las zhes bya ba ni byin gyis brlabs pa rnams te/ gang dang bral yang ltung bar 'gyur ro//khyim gzhan du zhes bya bar ni gang na srang dang bzhi mdo dang / sum mdo yod pa'o/ /gzhag par bya'o zhes bya ba ni nye bar gzhag par bya'o/ /de lta bu'i rkyen ces bya ba ni dge 'dun gyi'am/ mchod rten gyi'am/ gang zag gi bya ba la'o/ /mtshams kyi phyi rol zhes bya ba ni dgon pa'i gtsug lag khang de'i nye 'khor du spyad pa las 'da' ba'o//dgon pa'i gnas mal na 'dug pa de la ni de ltar snang gi mtshams [(]gyi [,]kyi[)]phyi rol du song ba de la ni ma yin no/ /phyis kyang bya ba la ni rjes su gnang ngo / /de la ltung ba ci ltar 'gyur zhe na/ zhag drug las 'das par gnas na spang ba'o//zhag bdun pa'i mtshan mo skya rengs ma shar gyi bar du nyes byas so/ /shar na spang ba'o/ /de nyid slar 'ong ngo zhes bya ba la sogs pa las bar chad kyi slar ma 'ongs pa la 'bral ba'i ltung ba med do/ /mi rung ba dang thags su ma btags pa ni zhag drug 'das kyang nyes byas so/ / song ba las bar brgyad po dag byung ste/ ma 'ongs pa dang / de bzhin du dge 'dun gyi gnang ba byin pa la ni ltung ba med do/ /zhag drug la zhag drug tu 'du shes pa mu bzhir sbyar ro/ /bdun pa'o// //mnyan yod na ste/ dge slong mang po la brten nas dus ma yin par len pa'i gzhi'i dbang du mdzad de/'gal tshabs can du 'gyur ba dang / phongs pa dang / ma dad pa'i nyon mongs pas brgyad pa bcas so/ /so ga rnams kyi zla ba gcig lus pa na zhes bya ba ni zla ba gcig na dbyar nye bar sgrub par 'gyur ba zhes bya'o/ /gang dbyar nye bar gnas pa zhes bya ba de'i kun du spyad pa ni gang zhe na/tshes bco lnga la gtsug lag khang rnams chag chag gdab pa dang / skyang nul gyis byug pa dang / mal cha dang / stan rnams mi sba bar tha na rkang pa'i chol zangs kyang dge 'dun la bgo bar bya'o/ /thog mar mal cha dang / stan rnams sdud pa chos lnga dang ldan par spro bar byas la gsol ba dang /gnyis kyi las kyis bsko bar bya'o/ /des kyang dri dang me tog gis brgyan pa'i tshul shing gzeb kyi sprog mar ras dkar po bting bas dkris par bzhag ste/ gnas mal bsham par byas te/ gaN+DI brdungs te/ dge 'dun thams cad 'dus shing 'khod pa dang /rgan pa'i mtha' logs su bzhag la de nas khrims su bya ba bsgrag par bya ste/ khrims su bya bar bcas pa ni 'di yin te/ gang spro ba de ni dbyar nye bar gnas nas 'di lta ste/ dbyar gyi nang du dge slong la gleng bar mi bya'o/ /dge 'dun gyis dge slong la bde ba la reg par gnas par mi 'gyur ba'i bya ba bcas na 'gal tshabs can du 'gyur ro//de nas tshul shing brims te/ thog mar ston pa'i phyir blangs la de'i 'og tu dge 'dun gyi gnas brtan gyis stan las phyed 'phags te blangs nas yang dal gyis bzhag go//dge tshul rnams kyi slob dpon dang mkhan pos blang ngo / /de nas gnyug mar gnas pa rnams kyi blang ngo / /de'i 'og tu bgrangs la bsgrag par bya'o/ /de nas gnas khang bsgo ste/ gnas khang 'di ni rnyed pa dang bcas pa gos su bcas pa lags na/ gal te bzhed na snoms shig ces bya'o//gsum pa'i thad du son pa las slong na tshig gsum pa brjod pa na/ gzod sbyin par bya'o/ /nyes byas kyang bshags par bya'o/ /sgo gang dang / khyams dang / them skas kyi khang pa bsgo bar mi bya'o/ /dbyug gu thogs pa yang bsgo bar bya'o/ /des byi'u la sogs pa'i tshang sgo nga dang bcas pa ma yin gyi sgo nga med par yin na bsal zhing bskrad par bya'o//twam bu ka'i tshang sgo nga dang bcas na 'phel zhing skye bar mi 'gyur ba'i phyir skud pas dkri bar bya'o/ /de nas mal cha dang / stan rnams bsgo ste nyung na dngos po re re'o/ /mang na mang du'o/ / lci zhing las yongs su dka' ba rnams ni gnas pa rnams la sbyin par bya'o/ /rgan pa rnams la ni khri'u dang / stan bzang po rnams so/ /yang rgan rims ji lta ba bzhin du sbyin par bya'o/ /bzang po rnams ni dge slong la brims nas/ lhag ma dge slong ma rnams la brim par bya'o/ / de nas gang rung ba tsam mam/ gding ba dri ma can gyis gnas mal la spyod par byed na de la dge 'dun gyis nye bar brtag par dgongs so zhes brjod par bya'o/ zla ba phyed phyed cing mal cha dang / stan rnams brtag par bya'o/ /rgan po dang gnas pa rnams kyis yongs su longs spyad pa de gang ngan par spyod par mthong nas/dge 'dun dang / slob dpon dang / mkhan po la brjod de/ slar dprog par bya'o/ /'di ni gnas mal sdud par byed pas kun du spyad pa rnams so/ /gtsug lag khang skyong gis dgongs kar tshogs pa'i dus su dge slong gi dge 'dun rnams la sbyin bdag 'di zhes bya ba dang /zhal ta ba 'di zhes bya ba dang / spyod yul gyi grong 'di dag gis sang dbyar nye bar gnas par bya'o zhes brjod par bya'o/ /de nas tshes bcu drug la so so nas gnas khang dang spyod yul rnams bltas te/ gnas 'di na bdag la sdug bsngal mi skyed pa dang /skyes na med par byed pa'am/ na na nad g.yog byed pa lta yod dam/ spyod yul 'di na bsod snyoms dang / sman sbyor ba'i sbyin pa po lta yod dam zhes brtags te g.yogs par nang du zhugs la/ dge slong gi mdun du phyag byas te/ 'di skad ces brjod par bya'o//tshe dang ldan pa dgongs su gsol/ /deng ni dge 'dun gyi dbyar nye bar sgrub pa dbyar zla 'bring po'i tshes gcig lags la/ bdag dge slong ming 'di zhes bgyi ba'i yang dbyar zla 'bring po'i tshes gcig lags te/ bdag dge slong ming 'di zhes bgyi bas mtshams kyi nang dang bcas pa'i gnas 'di lta ste/gnas ral ba dang / 'drum pa bcos pa'i slad du sbyin bdag che ge mo zhes bgyi ba dang / zhal ta byed pa che ge mo zhes bgyi ba dang / spyod yul gyi grong che ge mo zhes bgyi ba dang / bro g.yog che ge mo zhes bgyi bas dbyar snga ma zla ba gsum gnas par khas blang ngo //bdag dbyar 'di na mchis shing / bdag gi dbyar gyi gnas ni 'di lags so zhes de bzhin du lan gnyis lan gsum du'o/ /gang yang de bzhin du gnyis par sgrub pas kyang bya'o/ /rnam pa gnyis su ni ma yin no/ /'dod na snga ma'am/ phyi mar nges par dbyar nye bar gnas par bya'o//phyi mar dbyar nye bar gnas na/ ston zla tha chungs kyi bar du gnas par bya'o/ /shing la sogs pas gnas gzhi'i mtshams kyi mdor mnan te/ dbyar gnas par khas blangs na bzhi char du yang dbyar gnas par khas blangs pa zhes bya ba yin no/ /dbyar gnas par khas blangs pas mtshams kyi phyi rol du gnas par mi bya'o//dge slong nas dge bsnyen gyi bar du ste/ nye du'i don nam/ mu stegs can nam lta ba ngan pa dang dbral ba'am/ bdag nyid ma thob pa thob par bya ba'i phyir ram/ mdo sde la sogs pa la the tshom spang ba'i phyir yang rung ste/zhag bdun du byin gyis brlabs la 'gro bar bya'o/ /tshe dang ldan pa dgongs su gsol/ bdag ming 'di zhes bgyi ba mtshams kyi nang dang bcas pa'i gnas 'dir dbyar snga ma zla ba gsum gnas par khas blangs pa las bdag ming 'di zhes bgyi ba bgyi ba zhig gi slad du dgung bdun tshun chad mtshams kyi slad rol du mchi ba dang /bar chad ma byung na de tshun chad kyis slar mchi bar byin gyis brlab bo/ /bdag dbyar 'di na mchis shing bdag gi dbyar gyi gnas ni 'di lags so/ /de bzhin du lan gnyis lan gsum du'o//nye bar gnas pa pa la bdag nye bar gnas sam ma gnas zhes yid gnyis za ba mtshams kyi phyi rol du gnas kyang dbyar ral pa ma yin no/ /dbyar gyi nang du spangs pa dang / yang zla ba gsum du lhan cig 'dug par bya'o/ /dgag dbye byas nas ni ma yin no/ nam mkha' la 'dug ste skya rengs shar na dbyar ral ba'o/ /dbyar gyi nang du gru bskyod par shes bzhin du der dbyar gnas na dbyar ral pa'o/ /mi shes na ma yin no/ /sde lnga char gyi zhag bdun du byin gyis brlab par bya'o/ /de dag gis kyang nye bar gnas par bya'o/ /dge 'dun gyis gnang ba med kyang gcig gi mdun du byin gyis brlab par bya'o//ci ltar 'dun pa de bzhin du gcig nas drug gi bar du'o/ /dge 'dun gyi don gyi phyir ni brgyad nas zhag bzhi bcu'i bar du ste/ dge 'dun la gsol la/ gcig gi mdun du de byin gyis brlab par bya'o/ /de las 'das pa ni ma yin no//mtshams kyi nang du yun ring du gnas par bya'o/ /mtshams kyi phyi rol du ni yun thung ngu gnas par bya'o/ /der sngar spro bar byos la gsol ba byas nas las bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di mtshams kyi nang dang bcas pa'i gnas 'dir dbyar snga ma'am phyi ma yang rung /zla ba gsum gnas par khas blangs te/ 'di dbyar 'di mchis shing 'di'i dbyar gyi gnas ni 'di lags pa las/ dge slong ming 'di zhes bgyi ba/ zhag bzhi bcu byin gyis brlabs nas dge 'dun gyi ched la mtshams kyi slad rol du mchi ba dang /de tshun chad kyis slar mchi bar spro na gal te dge 'dun gyi dus la bab cing bzod na/ dge 'dun gyis gnang bar mdzod cig dang / 'di dbyar 'di na mchis shing 'di'i dbyar gyi gnas ni 'di lags pas de slong ming 'di zhes bgyi ba zhag bzhi bcu byin gyis brlabs nas dge 'dun gyi ched du mtshams kyi slad rol du mchi ba dang /'di tshun chad kyis slar mchi bar spro ste/ dge slong ming 'di zhes bgyi ba la zhag bzhi bcu'i gnang ba stsol to/ /'di ni gsol ba'o/ /las ni 'di ltar bya ste/ dbyar gnas par khas blangs te zhes bya ba'i bar du snga ma bzhin te/de'i slad du 'di dbyar 'di na mchis shing 'di'i dbyar gyi gnas ni 'di lags pa las dge slong ming 'di zhes bgyi ba zhag bzhi bcu byin gyis brlabs nas dge 'dun gyi ched la mtshams kyi slad rol du mchi ba dang / de tshun chad kyis slar mchi bar dge slong ming 'di zhes bgyi ba la zhag bzhi bcu'i gnang ba gsol na/dge slong ming 'di zhes bgyi ba la zhag bzhi bcu'i gnang ba stsal bar tshe dang ldan pa gang dag bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba la zhag bzhi bcu'i gnang ba bstsal te/'di ltar cang mi gsung bas de de bzhin du 'dzin to/ /de nas bskos pa des dge slong gcig gi mdun du 'di skad ces brjod par bya'o/ /tshe dang ldan pa dgongs su gsol/ bdag ming 'di zhes bgyi ba mtshams kyi nang dang bcas pa'i gnas 'dir dbyar snga ma'am/ phyi ma zla ba gsum gnas par khas blangs pa las/ bdag dge slong ming 'di zhes bgyi ba dge 'dun gyis zhag bzhi bcu gnang ba stsal lags te/ bdag ming 'di zhes bgyi ba'i dge 'dun gyi bgyi ba zhig gi slad du dgung bzhi bcu mtshams kyi slad rol du mchi ba dang /de tshun chad kyis slar mchi bar byin gyis brlab bo/ bdag dbyar 'di na mchis shing / bdag gi dbyar gyi gnas ni 'di lags so/ /de bzhin du lan gnyis lan gsum du'o/ /tha ma zhag brgyad kyi bar yang de bzhin du brjod par bya'o//ston zla tha chungs la yang zhag gcig la sogs pa la yang byin gyis brlab par bya'o/ /srog dang tshangs par spyod pa'i bar chad du 'gyur na/ dbyar ral ba la ltung ba med do/ /'di lta ste/ bsod snyoms byin pa dang / sman dang /nad g.yog med pa dang / bud med dang / skyes pa dang / ma ning dang / nye du yang rung / mi rigs pa las mgron du gnyer ba dang / gter gyi sgo mthong ba dang / bud med kyi yul chags par byed pas/ tshul bzhin ma yin pa'i mtshan mar 'dzin pa'o/ /dge slong ngam/sbyin bdag la yang rung bar chad brgyad po dag tu gyur pa ste/ 'di lta ste/ chom rkun gyis 'jig pa dang / rgyal pos 'jig pa dang / mis 'jig pa dang / rgyal po dang / chom rkun ma gtogs pa'i mi las gang byung ba'o/ /mi ma yin pas 'jig pa dang / klus 'jigs pa dang /gcan gzan gyis 'jigs pa dang / klu dang mi ma yin pa dag ma gtogs pa'i 'tshe bar byed pa rnams so/ /mes 'jigs pa dang / chus 'jigs pa dang / gnas de ni dge 'dun 'dub bye bar 'gyur ba la ltung ba med do/ /chos kyi phyogs nas chos ma yin pa phyogs su skya rengs shar bar byed na dbyar ral ba'o//gtsug lag khang gzhan zhig na dge slong mdza' bo zhig dge 'dun la dbyen byed du 'dod pa de bzlog pa'i phyir song ba dang zhag bdun 'das kyang ltung ba med do/ /der mi 'gro na yang 'gal tshabs can du 'gyur ro/ / gtsug lag khang du dbyar gnas pa der phyag dar dang / chag chag la sogs par bya'o/ /dbyar gnas par khas blangs pas rnam pa gsum ste/ mkhar len dang / gos bgo ba dang / sra brkyang gi gos so/ /dge 'dun gyis gnas brtan la dge slong rnams mkhar len byed du gzhug par bya'o//gnas 'dir dbyar gnas par bya'o zhes dam bcas pa las/ der dbyar nye bar ma gnas na nyes byas so/ /zhar la 'ongs pa rnams brjod nas dkyus nyid brjod par bya'o/ dbyar gyi gos ras chen zhes bya ba ni/ dbyar gnas par 'khrus kyi phyir ni gos ras chen no//yul gang na khron pa'i chu las khrus byed pa de na dbyar khrus byed pa'i phyir ni gnang ba'o/ /btsal bar bya'o zhes bya ba la/ gang nas btsal bar bya zhe na/ nye du'am/ nye du ma yin par bstabs pa'am/ bdag gi rin gyis nyos pa dang / lus sam ngag gis bsgyur cing tshol ba'o//de tshun chad rnyed na rung bar byas la bcang bar bya'o/ /dbyar zla 'bring po la byin gyis brlab par bya'o/ /dbyar zad nas 'og tu zla ba phyed kyi bar du bcang bar bya'o zhes bya ba ni dgag dbye byas nas zla ba phyed kyi bar du'o/ /dgag dbye bya ba ci lta zhe na/nyi ma bdun nam brgyad na dgag dbye byed pa na spyod yul gyi grong rnams su brjod par bya'o/ /'khor med na gzhon nu dang / rgan pa rnams kyis mchod pa'i cho ga legs par bya'o/ /mdo sde la sogs pa 'dzin pas mtshan thog thag chos mnyan pa sbyin par bya'o/ /dus shes par byas nas dgag dbye byed pa bsko bar bya'o//de yang sngar spro bar bya'o/ /dge 'dun btsun pa rnams gsan du gsol/ /dge slong ming 'di zhes bgyi ba dbyar gnas pa'i dge 'dun la dgag dbye bgyid par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba dgag dbye bgyid par bskos te/ dge slong dgag dbye bgyid pa ming 'di zhes bgyi ba 'di dbyar gnas pa'i dge 'dun la dgag dbye bgyid par 'gyur ro/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/dge slong ming 'di zhes bgyi ba 'di dbyar gnas pa'i dge 'dun la dgag dbye bgyid par spro ste/ de'i slad du dge 'dun gyis dge slong ming 'di zhes bgyi ba dgag dbye bgyid par bskon/ tshe dang ldan pa gang dag dge slong ming 'di zhes bgyi ba dgag dbye bgyid par bsko bar bzod pa de dag ni cang ma gsung shig gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba dgag dbye bgyid par bskos lags te/ 'di ltar cang mi gsung bas de de bzhin du 'dzin to//des rtsa ku sha rnams khyer te brim par bya'o/ /dge 'dun gyi gnas brtan gyis gsol ba 'ba' zhig gi las bya ste/ dge 'dun btsun pa rnams gsan du gsol/ deng dge 'dun gyi dgag dbye bco lnga pa ste/ gal te dge 'dun gyi dus la bab cing bzod na/dge 'dun gyis gnang bar mdzod cig dang / deng dge 'dun dgag dbye mdzad do/ /'di ni gsol ba'o/ /dgag dbye byed pa gnas brtan gyi mdun du 'dug la des kyang ku sha cung zad lag pas gzung bar bya'o/ /kha shar phyogs dang byang phyogs su bstan te/ bting la rkang pas mnan te 'di skad du smra bar bya'o//dge 'dun btsun pa rnams gsan du gsol/ /deng dge 'dun gyi dgag dbye bco lnga pa lags la/ bdag dge slong ming 'di zhes bgyi ba'i yang / dgag dbye bco lnga pa lags te/ bdag dge slong ming 'di zhes bgyi ba mthong ba dang / thos pa dang / dogs pa'i gnas gsum gyis dbyar gnas pa'i dge 'dun la dgag dbye bgyid kyis/ dge 'dun btsun pa rnams kyis bdag la gdams su gsol/ dge 'dun btsun pa rnams kyis bdag la rjes su bstan du gsol/ dge 'dun btsun pa rnams kyis bdag la rjes su gzung du gsol/thugs brtse ba can dge 'dun btsun pa rnams kyis thugs brtse ba'i slad du bdag la thugs brtse bar mdzad du gsol/ ltung ba shes shing mthong na/ chos bzhin 'dul ba bzhin du slar bgyi'o/ /de bzhin du lan gnyis lan gsum du'o/ /de bzhin du gsar bu'i bar du kun gyis bya'o//dgag dbye byed pa gcig yod na/ des dge 'dun gyi mdun du'o/ /gal te gnyis gsum na/ gcig la gcig dgag dbye bya'o/ /de'i 'og tu dge slong ma rnams dang / dge slob ma dang / dge tshul dang / dge tshul ma rnams kyi dgag dbye bya'o//de nas dgag dbye byed pa rgan rims kyi mdun du 'greng ste/ dge 'dun btsun pa rnams kyi dgag dbye mdzad pa lags so zhes brjod par bya'o/ /thams cad kyis kyang dgag dbye mdzad do/ /legs par dgag dbye mdzad do zhes brjod par bya'o/ /rnam pa gzhan du na 'gal tshabs can du 'gyur ro//de nas dgag dbye byed pas khab bam gyi gri'u thogs la 'di skad du brjod par bya'o/ /btsun pa rnams rnyed pa'i dngos po 'di lta bus kyang dbyar gnas pa'i dge slong gi dge 'dun rnams dgag dbye bya zhing / 'dir gang ci rnyed pa dge 'dun tshogs nas bgo bar bya'o//thams cad kyis rnyed do zhes brjod par bya'o/ /rnam pa gzhan du na dgag dbye byed pa dang / de dag kyang 'gal chabs can du 'gyur ro/ gcig pu zhig 'dug na chos mnyan pa ci nus su sbyin par bya'o/ /gso sbyong bzhin du byin gyis brlab par bya ste/ gso sbyong gi skabs su dgag dbye'i smras brjod par bya'o//de bzhin du gnyis dag gam/ gsum po rnams kyis kyang ngo / /gang na gzhi 'khod pa de dag gis dgag dbye ni bya'o/ /dgag dbye byed par bsko bar ni mi bya'o/ /gang na lnga 'khod pa der ni dgag dbye byed pa bsko bar bya'o/ / 'dun pa blang bar mi bya'o/ /dgag dbye bya ba rnam pa bzhi ste/ tshig gcig pa dang / tshig gnyis pa dang / tshig gsum pa dang / mang po'i dgag dbye bya'o/ /de la tshig gcig pa ni gal te gzhang 'brum gye nadagazhung 'bum gyi nang yod pa'am/ bla gab med pa na mal che dang stan rnams bzhag pa las char bab bam/char bab tu dogs pa'am/ rgyal po'am/ khyim pas rnyed pa zhig khyer te 'ongs sam/ chos mnyan pa sgrogs sam/ chos mnyan pa sgrogs pa'i gtam gtan la 'bebs sam rtsod pa zhi bar byed dam/ mtshan mo nyung ngu tsam lus sam/ rgyal po la sogs pa 'jigs pa brgyad po dang ldan pa'o//de la tshig gnyis pa ni tshig gang gsum po'i skabs med pa'o/ /tshig gsum po ni mnyam pa'i gnas skabs so/ /de la tshogs kyi dgag dbye bya ba ni 'jigs pa chen po byung na rnam par bltas la/ phan tshun brjod par bya ste/ tshe dang ldan pa dag deng dge 'dun gyi dgag dbye bco lnga pa ste/ 'di dang 'di lta bu'i 'jig pa byung ste/ gang gi tshe dge 'dun tshogs pa rnyed pa dag de'i tshe dge 'dun dang lhan cig dgag dbye bgyi'o/ /ltung ba khas len te gal te pham par 'gyur bar khas len na phyung la dgag dbye bya'o/ /gal te de las gzhan pa ni lta ba mthun pa'i mdun du bshags par bya'o//lta ba mthun pa ji srid lta bu zhe na/ gang ltung ba byung ba de dang de'i dngos po la lta ba mtshungs par gyur pa'o/ /khas blangs pas khas ma blangs pa mang po'i tshogs su kha bskang ba dang / go bzlog pa dang / dgag dbye byed pa mtshan gyur na dgag dbye ma byas pa'o/ /the tshom zos pa ni gang ci lta bur 'du shes pa de dag gis de ltar dgag dbye bya'o/ /gang ltung ba'i phyir rtsod pa ni ltung ba ci lta bu gang brjod pa de dag gis de ltar dgag dbye bya'o/ /gleng bar byed pa gang lus mi sdom pa dang / ngag mi sdom par tshar gcod la gnyi ga sdom pa bsko bar bya'o//de bzhin du mdo sde la sogs pa 'dzin pa la yang ngo / /de la gsal ba dang / de la mkhas pa'o/ /gzhi dang mdo sde la sogs pa la mkhas su zin kyang gang chos ma yin pa'i chos su sgrog pa dang / de la bdag gis dri bar bya'o//ltung ba'i ris ni gang yin/ spyod lam ni gang yin/ mtshan mo'am/ de bzhin du nyin mo'am/ ming gis phye na gang nyes pa'i yan lag thams cad du rnam par 'khrugs pa'am/ gnas dang gnas ma yin pa'am/ 'gro ba'am/ mi 'gro'am/ pho nya'am/ dgag dbye 'jog cing der mi 'gro na yang gleng bar byed pa ma yin te/de la gleng ba mi 'chags so/ /gal te 'gyur ba med na gleng bar byed pa yin na/ des khas len du bcug la chos bzhin byed du gzhug par bya'o/ /'thab krol can rnams lhags shing mi 'gro na mgu bar byas la dgag dbye bya'o/ / yang na dkyil 'khor ba gnyis sam/ gsum du 'dong bar bya'o/ /dgag dbye'i las ma zin par dgag dbye bzhag na chos dang mthun par dgag dbye bzhag ba'o/ /zin na chos dang mthun pa ma yin pa'o/ /nad pa bdag nyid dam pho nya dgag dbye gzhag par mi bya'o/ /nad pa la yang mi bya'o/ /lhag ma gzhan ni gso sbyong bzhin te dgag dbye ni 'di lta bu'o//zhar la 'ongs pa rnams rdzogs te/ dkyus ma brjod par bya'o/ /sngon rol du zhes bya ba ni bdag dbyar zla 'bring po las snga ma'i dus la'o/ /de nyid bstan pa ni/ so ga rnams kyi zla ba gcig lus pa zhes bya ba de'i sngon rol du zhes bya bar mngon par bsams pa'o//'das par zhes bya ba ni/ 'chang na zhes bya ba 'di dang 'brel to/ /gang las 'das she na/ smras pa/ dbyar 'das nas zla ba phyed lus pa'o/ /de bas na 'di ltar de sngar btsal na ltung ba gcig go/ /de nyid ma btang na ste/ 'das par bcangs na ltung byed gnyis dang /spang ba'i dngos po gcig go/ /de la ltung ba ji ltar 'gyur zhe na/ snga ma dang phyi ma ste/ gang dbyar snga ma la khas len par 'dod na/ de dag rang gi dus su byas nas tshol ba la ltung ba med do/ /gang phyi ma la khas len par 'dod pa de dag la bltas te/ btsal nas 'chang na snga ma la nyes byas su 'gyur te/ spang bar ni mi 'gyur ro/ /sngon rol du 'chad pa la ltung ba med do/ /ston zla tha chungs nya'i zla ba phyed la gnyis pa'i bar du 'chang ba la'o/ /phyi ma la ni ltung ba med do/ /dus ma yin pa la ni dus ma yin par 'du shes sam yid gnyis za na spang ba'o//dus las dus ma yin par 'du shes sam yid gnyis za na nyes byas so/ /dus ma yin nam dus la bab kyang rung dus su 'du shes na ltung ba med do/ /mi rung ba dang / thags su ma btags pa dang / bug rdol du gyur pa dang / rnyang rnying du gyur pa yang rung / tshol ba dang 'chang na nyes byas so//khas len par 'dod na zhes bya ba'i tshig ni gal te dbyar zla 'bring po la chos gos btsal ba las/ dbyar zla 'bring po gnyis su gyur na snga ma'i 'dir ltung ba med do/ /brgyad pa'o/ /'dul ba bsdus pa bam po bdun pa/ mnyan yod na ste/ nye dgas dge 'dun la dbul ba las ras yug bdag nyid la bsngos pas na/log par bsngos pa yongs su len pa'i gzhi'i dbang du mdzad de 'gal tshabs can du 'gyur ba dang / ma dad pa la sogs pas nyon mongs pa dag gi phyir spang ba dgu pa'o/ /shes bzhin du zhes bya ba ni rang gis rig gam pha rol pos brjod pa'o//dge 'dun la zhes bya ba ni de bzhin gshegs pa'i nyan thos kyi dge 'dun no/ /dge 'dun gyi lag tu ma thob kyang bsngos pa'i dbang gis ni dge 'dun gyi zhes gsungs so/ /dge 'dun de yang rnam pa lnga ste/ ngo tsha med pa'i dge 'dun te/ gang thams cad kyang tshul khrims 'chal pa can dang /lug ltar lkugs pa'i dge 'dun te/ gang mdo sde dang 'dul ba dang / ma mo mi 'dzin pa dang / tshogs kyi dge 'dun te/ gang la las rnams byed pa dang / kun rdzob kyi dge 'dun te/ gang na so so'i skye bo dge ba can thams cad dang / don dam pa'i dge 'dun te/gang na slob pa dang / mi slob pa rnams so/ /rnyed pa zhes bya ba ni rnyed pa la rnam pa gnyis te/ gos kyi rnyed pa dang / zas kyi rnyed pa'o/ /don 'di la ni gos kyi rnyed pa la bya bar dgongs so/ /kha cig ni gos dang / zas dang / mal chu dang / stan dang / nad kyi rkyen sman dang /gos kyi rin la sogs pa rnyed pa dang / gzhan ci rnyed kyang rung ste/ rnyed pa zhes bya'o zhe'o/ /bsngos pa zhes bya ba ni grub pa ste/ dge 'dun la 'bul lo zhes bya ba dang nges par zhes bya ba'i bar du'o/ /gzhan dag ni dge 'dun la 'bul lo zhes lus rnam par 'gyur ba'am/ ngag gis phye'am/de la mngon du byed pa zhe'o/ /phul ba ni yang mi bskur bar dge 'dun nyid la dbul bar bya'o/ /gang zag bdag nyid la zhes bya ba ni bdag nyid la brten nas so/ /de la ltung ba ci ltar 'gyur zhe na/gang zag gzhan gcig gam/ gnyis dag la'am/ mang po rnams la'am/dge 'dun la bsngos kyang rung / bdag gir bsngos kyang sbyor ba ni nyes byas so/ /rnyed na spang ba'o/ /kha cig na re gang zag gzhan gcig la bsngos pa las bdag nyid la bsgyur na nyes byas so zhe'o/ /gang zag gcig la 'dir bsngos pa las/ gang zag gzhan gcig gam/gnyis dag la'am/ mang po rnams la'am/ dge 'dun la bsngos gyur rung / sbyor ba dang / rnyed pa yang nyes byas so/ /de bzhin du gnyis sam/ mang po'am/ dge 'dun la bsngos pa dag ma gtogs pa gzhan la bsngos pa dag bsgyur na/ sbyor ba dang / rnyed pa na yang nyes byas so//dge slong 'dun gcig la bsngos pa las dge slong gi dge 'dun gzhan nam/ dge slong ma'i dge 'dun la bsngos pa bsgyur ram/ de bzhin du dge slong ma'i dge 'dun la bsngos pa las/ dge slong gi dge 'dun la'am/ gnyis ga'i dge 'dun la bsngos pa dang / gcig la'am/dge 'dun bye ba las phyogs gcig la bsngos pa phyogs gcig la bsgyur ba yang rung ste/ thams cad la yang nyes byas so/ /gnas khang dang / khang bzangs dang / ka ba'i bar dang / sgo khang dang / khyams gzhan la bsngos pa las gzhan de dag nyid du'am/gzhan du bsngos pa las bsgyur na nyes byas so/ /de bzhin du sku gzugs kyi las sku gzugs gzhan te g.yar po'i chos la ltung ba med do/ /de bzhin du mchod rten la yang ngo / /de bzhin du mchod rten gyi thim skas rim pa dang po dang / gnyis pa la sogs pa'am/ me tog khang ngam/ ba gam bzhi ba 'am/bum pa'am/ pu shu'am/gdugs dang po'am/ thams cad kyi steng gi bar dang / char khab kyang rung ste/ phan tshun du brjod par bya'o/ /mu to pa'am/ dud 'gro'i skye gnas su gtogs pa gzhan la bsngos pa las/ gzhan la bsngos pa bsgyur na nyes byas so//btsal te ma rnyed pa la ltung ba med do/ /de bzhin du mi dang dud 'gro'i skye gnas su gtogs pa rnams kyang phan tshun du brjod par bya'o/ /bsngos pa las bsngos par 'du shes sam yid gnyis za na spang ba'o/ /ma bsngos pa la bsngos par 'du shes na nyes byas so/ /kha gcig na na re ltung bar 'gyur gyi/spang bar ni ma yin te/ de bzhin du yid gnyis za ba yang ngo zhe'o/ /ma bsngos sam/ bsngos kyang rung ma bsngos kyang 'du shes na ltung ba med do/ /dge 'dun la bsngos pa bdag nyid la bsngos par bsgyur na/ chos gos gang la des lhan pa tsam du btab kyang chos gos de mtha' dag gtang bar bya'o//kha cig na re ngo tsha med pa'i dge 'dun la bsngos pa bdag nyid la sbyin gnas su bsams shing snying rje'i phyir bsngos pa bsgyur na ltung ba med ce'o/ /de yang dge 'dun la bsngos par bsams pa la bya'o/ /khyim na ma dang pha'i gos dang / yo byad bdag nyid la bsngos pa bsgyur na nyes byas so/ /dge 'dun gyi rnyed pa la gcig gam/ mang po yang rung / mtshams kyi phyi rol tu song ste/ bdag gir byas ni nyes byas so/ /rnyed pa'i kun du spyad pa ni rnyed pa zhig 'ongs dang / dge 'dun la bsgo ste/ gaN+d+hi brdungs nas/tshul shing brims la de nas bgo bar bya'o/ /bdag gir ma khyer ba de yang / khyer cig ces de'i bgo skal bskyal bar bya'o/ /skal ba'ang bskyal ba'i 'og tu gzhan 'ongs na de la rnyed pa mi sbyin no/ /dbyar gnas pas rnyed pa gzhan la bcol te 'gro bar bya'o//ma bcol na blang bar mi bya'o/ /bcol ba ma blangs na rin thang bzhin du byas nas sbyin par bya'o/ /rnyed pa chung ngu la yang gaN+DI brdungs la bar bya'o/ /de la yang bcol bas ma blangs pa na lnga yan chad blang bar bya'o/ /rnyed pa ni rnam pa brgyad de/ mtshams kyis thob pa la sogs pa'o//de la mtshams kyis thob pa gang zhe na/ gtsug lag khang gnyis gso sbyong gcig pa las so sor gso sbyong byas te/ nye bar zhugs na gtsug lag khang gang du rnyed pa 'ongs pa de nyid du'o/ /khrims kyis thob pa'i rnyed pa gang zhe na/ gang khrims su byas nas nye bar zhugs te khyim 'di dag ni khyed kyi'o//'di dag ni nged kyi'o zhes bya ba dang / de bzhin du lam po che dang / tshong dus dang / bzhi mdo dang / sum mdo yod pa de la de gal te khas blangs pa rnams kyi khas blangs pa rnams dang / khas ma blangs pa rnams zan byin te gang du de la rnyed pa dang /chu sbrengs te sbyin pa rnams ni rnyed pa de khas blangs pa rnams kho na'o/ /ji ste khas ma blangs pa rnams kyi gnas su rnyed pa khas ma blangs pa rnams kho na'o/ /lam po che la sogs pa rnams la ni gnyi ga zan byin te/ gang du de la rnyed pa dang / chu sbrengs te byin pa rnams ni gnyi ga'i rnyed pa'o//rten gyis thob pa'i rnyed pa gang zhe na/ gang la brten te/ dbyar nye bar gnas pa des byin pa gang yin pa de kho na yin no/ /dge 'dun gyis ma brtags pa'i rnyed pa gang zhe na/ rnyed pa gang zhig nges la dmigs kyis ma phye ba rnams kyang ngo / / dge slong gis brtags pa'i rnyed pa gang zhe na/ rnyed pa gang zhig nges la dmigs kyis phye nas gnas khang la sogs pa rnams la de na gnas pa gang yin pa'o/ /de kho na'o/ /dbyar gyi rnyed pa gang zhe na/ gang zhig dbyar gnas pa'i dge 'dun la sbyin pa po rnams kyis bsngos pa'o//mngon sum gyis rnyed pa gang zhe na/ rnyed pa gang zhig ma nges pa rnams la dmigs kyis ma phye ba'o/ /so sor bstan pa'i rnyed pa gang zhe na/ gang yang mchod rten chen po bzhi po rnam pa la bsngos pa yin te/ gang la dngos po de nyid la dbul bar bya'o/ /ji ste so sor skyel mi nus na de dag gi nang nas gang yang rung ba gcig la dbul bar bya'o//de las mchod rten gzhan dag gi rnyed pa ni gang du son pa de dag nyid du dbul bar bya'o/ /gal te dbyar gyi nang du dge 'dun rnams bye na/ chos kyi phyogs pa'i dge 'dun rnams la rnyed pa sbyin gyi/ chos ma yin pa'i phyogs pa rnams la ni ma yin no//gang dbyar gyi nang du yun ring du gnas pa las bslab pa phul yang rnyed na sbyin gyi gzhan la ma yin no/ /de bzhin du dus las 'das na yang ngo / /zas kyi rnyed pa zhig grub na/ chung ngu na shing bu la sa'i lo ma tsam du yang snyoms par byas la bgo bar bya'o//de bzhin du gos shig rnyed na yang tha na mar me'i snying po tsam du'ang bya'o/ /gang rin thang chen po'i gos shig rnyed na mi dra bar kAR+ShA pa Nar bsgyur te/ de nyid la yid brten te bcang bar bya'o/ /gnyi ga'i dge 'dun gyis gos shig rnyed na/ dge slong dang dge slong ma'i gos kyi rnyed pa de mnyam par bya'o//dge tshul dang dge tshul ma la ni sum cha'o/ /dge slob ma la ni sum gnyis so/ /dge tshul bsnyen par rdzogs par 'dod pa zhig na yang ngo / /zas kyi rnyed pa ni thams cad la mnyam par bya'o/ /gang la dge slong mang la dge slong ma nyung na de ni mgo grangs bzhin du bgo bar bya'o//slar bzlog pa la ni phyed phyed du bya'o/ /sangs rgyas kyi dus ston chen po la sogs pa'i tshe/ rnyed pa ni sde lnga char la bgo bar bya'o/ /dge slong gcig pu zhig nye bar gnas na yang dge 'dun gyi dbyar gyi rnyed pa bdag gir byas te 'gyod par mi bya'o/ /rnyed pa mngon sum du rnyed par 'gyur na/dge 'dun la gos 'di byung bas bgo bar bya ba mngon sum du gyur pa'i dge 'dun gyis bgo bar bya ba 'di dag gcig pus thob ste/ bdag gir bya'o zhes tshig tu yang brjod de/ byin gyis brlab pa yin no/ /gzhan dag lhags na yang skal ba sbyin par bya'o//rnam pa gzhan du na nyes byas so/ /mtshams kyi phyi rol du khyer te 'god na nyes byas so/ /rku sems dang ldan na 'gal tshabs can du 'gyur ro/ /dbyar gnas pa'i rnyed pa dbyar 'das pa dang / ma 'ongs pa dang / ral bas blang bar mi bya'o/ /gos bgos pa'i dus las 'das kyang dbyar gnas pas rnyed pa blang bar bya'o//gal te gos kyi rnyed pa 'god pa'i tshe mngon sum du gyur na/ dbyar ma gnas kyang blang bar bya'o/ /gnyi ga'i dge 'dun bshos gsol te/ rnyed pa zhig phul na/ sbyin bdag la dris te bgo bar bya'o/ /dge slong gi phyir bzhag la/gnyi ga'i dge 'dun gyi zas zos te/ rgan pa'i mthar bzhag na phyed phyed du bgo bar bya'o/ /dge 'dun gyi gnas brtan gyis tha na lan tshwa 'drim pa la yang snyoms par brims shig ces brjod bar bya'o/ /gang dge 'dun gyi bya ba'i phyir dbyar gyi nang du song ngam/ gang gi don gyi phyir song yang rung de la dbyar gyi rnyed pa sbyin par bya'o//gang la dbyar snga ma'am/ phyi mar nye bar gnas par shes na gang yun ring du gnas pa de la sbyin par bya'o/ /gzhan la ni ma yin no/ /kau shAmI'i phyogs gnyis su 'dus te 'khod na gang gi gnas brtan yin pa de dag rnyed pa dbang ngo //gal te gcig gi gnas brtan dang gnyis pa'i gnas brtan gnyi ga la yang phul na gnyi gas thob bo/ /'khrug pa'i phyir tshig gis dris la bgo bar bya'o/ /sbyin bdag gis gal te kun dga' ra ba'i rgyan du byed na de ni shing ljon pa'i rgyan rnams te/ de ni thum por bcings la bzhag ste mchod pa'i tshe brgyan par bya'o//gang rtsig pa la na des ni ri mor bri bar bya'o/ /gang me gang la na des ni bsro gang gir bya'o/ /gang chu gang la ni des ni ltung bar bya'o/ /gang bkad sa la na des ni snum bag gi nyed par ro/ /gang 'khor gyi khyams dang / dpong sa'i ra ba dang /'chags dang / khang bzangs dang / sgo gang la na de ni dge slong rnams kyis bgo bar bya'o/ /gang gtsug lag khang gi rdzing bu la sogs bzhi pa'i dge slong gi dge 'dun la'o/ /mi bgo ba rnam pa lnga ste/ phyogs bzhi pa'i dge 'dun thams cad kyi dang / mchod rten gyi dang / nad pa'i rung ba'i khang pa'i'am/ rtsa ba las byung ba thams cad dang / kha'i sgor 'du ba'o/ /rtsa ba dang 'bras bu dang / bu ram shing gi sdong bu la sogs pa kha'i sgor 'du ba ni bgo ste/ ji skad du shing tog a mra dge 'dun la brim par bya'o/ /de bsrung ba yang bsko bar bya'o zhes gsungs pa yin no//cang mi smra bas rung bar byas te/ srog chags brtags la bsnyen par ma rdzogs pa med na byin len byas te dge slong rnams nyid kyis brim bar bya'o/ /ca co dang ga zha byas nas so/ /nyan thos kyi mchod rten rnams la ste/ nyan thos kyi mchod rten gyi rnyed pa ni las sar ba'i rin tsam gzhag la 'dus pa'i dge 'dun gyis bgo bar bya'o//de bzhin gshegs pa'i mchod rten ni rnam pa thams cad du yongs su rdzogs par bya'o/ /rang sangs rgyas kyi char khab med par bya'o/ /dgra bcom pa'i ni gdugs bzhi pa rnams kyis bya'o zhes bya ba'o/ /phyir mi 'ong ba rnams kyi gsum ba'o//lan cig phyir 'ong ba dag gi ni gnyis pa'o/ /rgyun du zhugs pa yi ni gcig go/ /so so'i skye bo dge ba can rnams kyi ni byi bor bya'o/ /gtsug lag khang bya ba'i phyir phul ba rnams kyi kAR+ShA pa Ni rnams la sbyin bdag gis rjes su gnang ba mkhar len gyi cha spyad dang /mkhar len byed pa'i zan dang / rkang pa bsku ba dang / mar me la sogs pa kun du sbyar bar bya'o/ /gang zag gcig la byin pa las gang zag gzhan la'am/ gnyis sam/ gsum mam/ tshogs la'am/ dge 'dun la phul na chos bzhin byin pa ma yin la/ len pa dang spyod pa yang rung ba ma yin no/ /de bzhin du ci srid du dge 'dun la phul ba dge 'dun gzhan la phul lam/ dge slong gi dge 'dun nam/ dge slong ma'i dge 'dun la phul ba dge 'dun gzhan la phul na sngar phul bar zad kyi phyi ma la ni byin pa ma yin no/ /sbyin bdag ni rang gi gtsug lag khang 'chos pa la dbang gi sbyin pa la ma yin no//lcags kyi spyad rnams las lhung bzed dang / lhung bzed chung ngu dang / khar phor dang / lde mig kyog po dang / gri'u dang / khab dang / sen mo gcod pa dang / pog phor dang / zhugs lings dang sta re dang / bum tshags gce'u can dang /btung phor rnams ni bgo'o/ /de las gzhan pa ni mi bgo'o/ /sa'i snod las lhung bzed dang / lhung bzed chung ngu dang / chu tshod kyi snod dang / ril ba spyi blugs dang / bya ma bum dang / chu snod rnams ni bgo'o/ /de las gzhan pa ni mi bgo'o//tshon bskol ba ni mi bgo'o/ /de las gzhan pa ni bgo'o/ /rin po che la sogs pa las byung ba'i khri ni btsongs la bgo'o/ /shing gi rang bzhin la sogs pa ni phyogs bzhi pa'i phyir bzhag go/ /kun dga' ra ba'i gzhi dang / gtsug lag khang gi gzhi dang / de'i mal cha dang /stan rnams mi bgo'o/ /gtar mi gzhag /mi btsong ngo / /yongs su longs spyod pa lnga ste/ bdag po yongs su longs spyod pa ni mi slob pa rnams kyi'o/ /byin pa yongs su longs spyod pa ni slob pa rnams kyi'o/ /rjes su gnang ba yongs su longs spyod pa ni bslab pa 'dod pa rnams kyi'o//skyin po yongs su longs spyod ba ni le lo can rnams kyi'o/ /rkun po yongs su longs spyod pa ni tshul khrims 'chal ba rnams kyi'o/ /kha cig kyang rjes su gnang ba med do/ /kun du spyad pa ji skad bstan pa bzhin thams cad ma byas na 'gal tshabs can du 'gyur ro/ / dgu pa'o// //rgyal po'i khab na ste/ pi lin da bad sas gnas par byed pa rnams de nas nye bar blangs pa dang / de las so sor blangs pa dang / zas kyi phye ma dang 'dre ba dang / phan tshun 'dres pa dang / rang gi rgyud kyis myangs pa gang rnam par dbyer yang mi mngon pa'i sman de lta bu dus dang dus ma yin par yang za bas na sman gyi gzhi'i dbang du mdzad de 'gal tshabs can du 'gyur ba'i nyon mongs pa la sogs pa gsum po rnams yongs su spang ba'i phyir bcu pa bcas so//gang dag de dag las zhes bya ba ni yul de dang der gsungs pa'o/ /bcom ldan 'das zhes bya ba ni de bzhin gshegs pa'i mtshan yon tan las brjod pa'o//na ba rnams la zhes bya ba ni nad kyis btab pa rnams so/ /nad pa'i kun du spyod pa ni mkhan po dang slob dpon gyis dang / slob ma dang / nye gnas kyis dang / slob dpon dang mkhan po dag gcig pa dang /gtam 'dres pa dag gis nad pa la nad pa'i rim gro bya'o/ /mgon med pa la dge 'dun dang bskos pas bya'o/ /mtshams kyi nang du 'khod pa thams cad kyis dus gsum du nad pa blta bar bya'o/ /nad g.yog gis ni de dag gi phyir stan rnams bsham par bya'o/ /de dag kyang yun ring du gnas par mi bya'o//gal te sman gyi rin med na sbyin pa po las btsal zhing sbyin par bya'o/ /yang na dge 'dun gyis sbyin par bya'o/ /yang na mchod rten gyi ba dan la sogs pa btsongs la sman du sbyar bar bya'o/ /nad sos nas slar dbul bar bya'o/ /gal te mi 'byor na pha'i nor bu la 'os pas na nyes pa yod pa ma yin no//rang bzhin gyi kha na ma tho ba ma gtogs pa thams cad kyis rim gro bya'o/ /shir nye ba la mngon du phyogs na nad g.yog gis thabs kyis ci ltar mi 'khrugs pa'o zhes bya ste/ gang zag gi mal dang / stan gyi steng du gzhag par bya'o//lhung bzed la sogs pa slong na myur du nye bar bsten par bya'o/ /mchod par byed pa na tha na dge 'dun gyi las kyang bya'o/ /nad g.yog gis sbyin par bya ba bskul bar bya'o/ /chos gos gsum tsam du zad na dge 'dun la dbul bar bskul bar mi bya'o/ /phul na yang ma shi'i bar du mi bgo'o//nad pa dang nad g.yog gcig la gcig gis mnyan par bya'o/ /ji skad bstan pa bzhin ma byas na thams cad du yang nyes byas so/ /phan pa zhes bya ba ni rjes su mthun pa'o/ /so sor bsten pa zhes bya ba ni kha'i tha snyad do/ /gang yang tha snyad du bya bar mi 'os pa de 'das kyang ltung ba med do//sman zhes bya ba ni sman la rnam pa bzhi ste/ dus su rung ba dang / thun tshod du rung ba dang / zhag bdun pa dang / ji srid 'tsho'i bar du bcang ba ste/ sman gyi bye brag byed du mi byed kyang rung tha snyad kyi tshig tu ni 'di dag nad pa nyid la rung gi gzhan ni ma yin no//sman bzhi po yang nad par 'du shes nye bar gzhag la yongs su longs spyad par bya'o/ /de la dus su rung ba ni skyo ma dang / 'bras chan dang / zan dron dang / sha dang khur ba'o/ /thun tshod du rung ba ni btung ba brgyad de/ shing tog tso tsa dang / chu shing gi 'bras bu dang /go la dang / a shwad tha dang / u dum bA ra dang / rtsub 'gyur dang / rgun 'bru dang / 'bra go la sogs pa las byas pa'i btung ba'o/ /shing tog pi dza pU ra ka la sogs pa'i btung ba'ang rjes su gnang ngo / /'di ji skad du gsungs pa gal te gang shin tu dang ba de pi dza pU ra ka la sogs pa dang bsre bar bya'o//de bzhin du rgun 'bru'i khu ba dang / dro 'dza' dang / bu ram gyi btung ba dang de bzhin du bu ram shing gi khu ba'i btung ba yang ngo / /zhag bdun pa ni/ ji ltar mdo las byung ba bzhin no/ /ji srid 'tsho'i bar du yang bcang ba ni rtsa ba dang /sdong bu dang / lo ma dang / me tog dang / 'bras bu'i sman no/ /de la rtsa ba'i sman ni shu dag dang / yung ba dang / sge'u gsher dang / bong nga la sogs pa ste/ gang rtsa ba'i sman du ni 'gyur gyi zas kyi don du khyab par byed pa ma yin no/ /de bzhin du gzhan dag la'ang brjod par bya'o//sdong bu'i sman ni tsan dan dang / dbyi mo dang / shug pa dang / thang shing dang / sle tres dang / skyer pa la sogs pa'o/ /lo ma'i sman ni shing pa to la'i lo ma dang / ba sha ka'i lo ma dang / nim pa'i dang / ko sha ta ka'i dang / 'dab ma bdun po'i lo ma la sogs pa'o//me tog gi sman ni da ta ki dang / na ga puSh+pa dang / pad+ma'i ge sar la sogs pa'o/ /'bras bu'i sman ni skyu ru ra dang / a ru ra dang / na le sham dang / pi pi ling la sogs pa'o/ /'di ltar thang chu lnga ste/ shing kun dang / sa rdzar sa dang / rgya skyegs dang /spra tshil dang / de dag las gzhan pa'i yang shing las thang chu 'byung ba rnams so/ /'gyur byed ni til gyi 'gyur byed dang / nas kyi 'gyur byed dang / nas kyi 'gyur byed kyi gra ma dang / sardzi ka'i 'gyur byed dang / shing ba sha ka dang rnams kyi yang ngo / /lan tshwa lnga ste/ sin d+ha dang /rtsa la ru tsha dang / kha ru tsha dang / ba tsha dang / rgya mtsho'i tsha'o/ bska ba lnga ste/ shing a mra dang / nim pa dang / 'dzam bu dang / shi ri sha'i dang / ko sham pa'i bska ba'o/ /'dir ni rigs tsam nye bar mtshon pa'i don du bstan pa yin gyi nges par gzung ba'i don du ni ma yin no/ /de la dus su rung ba rnam par nges pa ni dus ma yin pa spang ba'i phyir dus su rung ba nyid du rjes su gnang bas na dus su rung ba'o//nad tshabs che na ni gal te de med na nad dbyung du mi btub na dus ma yin par rung ba ste/ yang rjes su gnang ngo / /thun tshod du rung ba la sogs pa la yang de dang 'dres na dus su rung ba nyid ces bya'o//bya rog dang / bya gar dang / sbal ba dang / srin bu pad+ma dang / bya rgod dang / chu skyar dang / bya 'ol ba dang / 'ug pa rnams kyi ste/ gang gi pags pa mi rung ba de'i sha dang / rus pa dang / rgyus pa yang mi rung ngo / /de bzhin du glang po che dang /rta dang / wa dang / spre'u dang / klu dang / bya gang mi sha za ba rnams kyi yang ngo / /stag gi gong [(]kyi [,]gi [)]sha mi za'o/ /mi'i sha ni sbom po'o/ /dge 'dun gyi gnas brtan gyis sha 'drim pa'i tshe 'di ci'i sha yin zhes dri bar bya'o/ /des ma dris na 'og ma gnyis pa la sogs pas kyang ste/ma dris na ltung ba'o/ /bdag gi ched du byas pa mthong ngam/ yid ches pa dang las thos sam/ de'i byed pa las yongs su rnam par brtags nas kyang shes pa nyid kyi ched du byas pa mi bza'o/ /sman pas lung phog na nad pa la sha rjen yang rung rjes su gnang ste/ras kyis mig dag bkab la zas sbyin no/ /zas gya nom pa rnams mdun du gzhag pa nyid kyis ras dgrol lo/ /de la sha 'tshong ba'i gnas chen po lnga rnams las dad pa can nyid kyis blangs nas khyer bar bya'o/ /mi'i 'o ma btung bar mi bya ste/ mig la skud pa la ni ltung ba med do//brtad pa'i bsod snyoms lnga za bar rjes su gnang ste/ nad pa dang nad g.yog dang glo bur du 'ongs pa dang / lam du zhugs pa dang / dge skos so/ /nang du btsos pa dang / nang du zhag lon pa dang / de gnyi ga'ang bza' bar mi bya'o/ /nang du zhag lon pa ni kun dga' ra ba'i nang du sa ma brkos pa rung ba ma yin par gang zhag lon pa'o//thams cad du dge slong gis btsos pa bza' bar mi bya ste/ mu ge byung ba ma gtogs so/ /'bras sum cha tshos pa dang / ldam ldum dang me tog dang 'bras bu dang sha dang nya kha dog yongs su gyur pa dang / 'o ma la sogs pa lan gsum khol ba de dag rang gis btsos te zos kyang ltung ba med do//za ba'i tshe thog mar mu to ba rnams la mi sbyin no/ /gzhan gyi de za ba las sbyin bdag gzhan zhig gis bca' ba la sogs pa bskur ba na sbyin bdag la sngar kun du bltas te blang ngo / /dkon mchog gsum gyi mtshan nas bos te byin na gang rkang gnyis rnams kyi mchog de la sogs pa la'am zhes dris te gal te de la zhes zer na mi blang ngo //ji ste khyod nyid bdag cag gi sangs rgyas so zhes zer na blang bar bya'o/ /nad pa'i phyir ni nas thug thams cad kyang rjes su gnang ngo / / kha zas 'pho ba'i sar rdog pas brdzi bar mi bya'o/ /chu med na ba bzhon mang po'i sar ni zho ga chu dang dar ba'i dngas ma rnams kyis rkang pa bkrus kyang ltung ba med do/ /mu ge byung ba'i tshe khye'u sus rjes su gnang ngo / /de ltar bsod snyoms rnyed de blangs la khyim gzhan du zos te spang bar byas kyang phyis 'dod na sngar blangs pa byas pa bza' bar bya'o//de bzhin du rang gis mnos te zos pa'i lhag ma dang / spyi bungs su 'ongs pa'i lhag ma khyim pa dag gis khyer te 'ongs nas byin na sngar btang ba yin no zhes bya ste/ longs spyad par bya'o/ /shing tog a mra bza' bar mi bya ste/ tshi gu chags sam sha zhugs pa zos na ltung ba med do//thun tshod du rung ba'i rnam par nges pa ni bzhi char yang rang gi dus kyi dbang gis bza' bar bya'o/ /phyi dro byin len byas nas mtshan mo'i thun dang po'i bar du rung bas na thun tshod du rung ba zhes mchog tu'o/ /zhag bdun pa'am/ ji srid 'tsho'i bar du bcang ba yang thun tshod du rung ba dang /'dres na thun tshod du rung ba nyid do/ /de bzhin du tshwa dang / dgun chang gi tshwa dang / skyur bo'i khu ba dang / rtsab mo dang / /zho ga chu dang / dar ba'i dngas ma dang 'di rnams chus btab ste ras tshags kyis btsags pa 'dam bu'i nyag ma'i kha dog lta bu ni dus yin yang rung /dus ma yin yang rung / na yang rung mi na yang rung / de lta bu ni btung bar bya'o/ /de la tshwa ni rdzas btags pa dang chu dang yang sbyar ba'o/ /skyur po'i khu ba zhes bya ba ni rgyu shug dang chu dang yang sbyar ba'o/ /gzhan dag ni skyur po'i khu ba zhes bya ba ni rtsa ba'i sman la sogs pa las gyur pa'o zhe'o//rtsab mo zhes bya ba ni 'bru rnams brngos pa dang / chu dang yang sbyar ba'o/ /rnam pa gzhan du na 'bras thug po che'i btsos pa'i khu le dang / 'bras thug po che'i bkrus pa'i khu le'am chu dron po'i nang du 'bras chan tshig pa rnams blugs te nam skyur bar gyur pa de ni btung ba'o//zho ga chus zhes bya ba ni zho las 'khus pa'i khu ba'o/ /ji ltar bu ram gyi btung ba brjod pa de bzhin du sha kha ra la sogs pa la yang sbyar te/ rgya shug la sogs pa'i 'bras bu'i khu ba dang 'dres par bya'o/ /bu ram 'ba' zhig gi khu ba ni nam myos par mi 'gyur ba dang /zas su ma gyur pa dang / skyur bar ma gyur pa dang / bska bar ma gyur pa dang / dang ba dang rang bzhin mi gtong ba'i bar du zhag bdun du byin gyis brlabs te tshun chad du btung ngo / /btung ba brgyad po dag ni 'bras bu dus su blangs nas mnyes te btsags la dus nyid du byin len byas te dus nyid du longs spyad par bya'o//khyim pas byas zin pa zhig la gang dus sam dus ma yin yang rung byin len byas la byin gyis brlabs nas phyis longs spyad par brjod par bya ste/ mtshan mo'i thun dang po'i thun tshod las ma 'das pa tshun chad du'o/ /dus ma yin yang btung bar rung ba yod de gang chus btab cing ras kyi tshags kyis btsags pa'o//dus su rung ba yang yod de slar bzlog pa'o/ /zhag bdun pa'i rnam par nges pa ni lhan cig blangs te byin gyis brlabs nas zhag bdun du bzod pa de ni zhag bdun pa'o/ /ji srid 'tsho'i bar du bcang ba yang 'dres na zhag bdun par 'gyur ro//dus ma yin pa'i bza' ba bu ram dang mar la sogs pa bsnyen par ma rdzogs pa med na zhag bdun du byin gyis brlabs la lam du 'gro na dge slong nyid kyis khyer bar bya'o/ /zhag bdun du byin gyis brlabs pa la lnga po u0f85rnams kyis l ongs spyad par bya ste/lam las 'ongs pa dang / zan chad pa dang / na ba dang / dge skos kyis dang / lag gi blas so/ /bu ram gyi gzungs su bya ba'i phyir bag phye dang / 'bras kyi tshigs ma la sogs pa dus su rung ba blugs kyang gzhi yongs su dag pa'i phyir dus ma yin par yang longs spyad par bya'o//de bzhin du lam du gang 'bras thug po che'i nang du bcug na de yang sprug par bya'o/ /gang phyi'i nang du bcug pa de ni bkru'o/ /gal te zhu ba zhig na 'od ma'i tshal pas bzhar la chus bkru'o/ /gal te kha zas dang dbyer mi nus na dag par byas te/chu dang lhan cig mnyes la ras kyis btsags te btung bar bya'o/ /de zas kyi bya ba byed mi nus so zhes bya'o/ /bu ram la sogs pa ni na'am mi na yang rung / dus sam dus ma yin par yang rung bza' bar bya ste/ de bzhin du thun tshod du rung ba dang / ji srid 'tsho'i bar du bcang bar yang ngo //zhag lnga po dus ma yin par btsos shing btsags nas byin len byas te byin gyis brlabs pa gang zag gis yongs su longs spyad par mi bya'o/ /nya dang chu srin dang / chu srin byis pa gsod dang / dom dang / phag rnams kyi dus su btsos shing brtsegs nas byin len byas te byin gyis brlabs pa 'bru mar yongs su longs spyod pa bzhin du yongs su longs spyad par bya'o//slar bzlog pa ni ma yin no/ /nad las sos nas yang gzhan gyi phyir bcang bar bya'o/ /slong ba yod na yang slong mor sbyin no/ /yang nad pa'i rung ba'i khang par gzhag la/gang la ci dgos pa de bskur grang zhes so/ /rnam pa gzhan du na 'gal tshabs can du 'gyur ro/ /mi rung ba'i sman dang / lhan cig btsos pa'i 'bru mar tha snyad du mi bya'o/ /yan lag gi rma skud pa dang / sna'i las byed pa la ltung ba med do/ /'bru mar shing dang /'o ma dang / til dang / sha dus ma yin par byin len bya ste/ btsir te btsags nas byin gyis brlabs pa la sogs longs spyad par mi bya'o/ /sbrang rtsi chus btab na dus ma yin par yang rung bza' bar bya ste/ 'dir shes par byed pa ni spre'u cang shes kyi dpe las so//glang po che dang / rta cang shes dang / seng ge dang / stag dang / gzig rnams kyi zhag gis rkang pa byugs na nyes byas so/ /ji srid 'tsho'i bar du bcang ba'i rnam par nges pa ni shu ba'i nad kyis btab pa la bska ba rnam pa lnga nyi grib la bskams te phye ma'i mig sman byas te lag pas dril nas yang bskabs btab ste gzhag par bya'o zhes bya bar rjes su gnang ngo //nad sos nas yang bzhag bzhin te/ dor bar mi bya'o/ /mi rung ba'i zhag las btsos pa'i lan tsha mi bza'o/ /sman pas lung phog pas mig sman lnga bsten par bya ste/ me tog gi mig sman dang /khu ba'i mig sman dang / phye ma'i mig sman dang / ri lu'i mig sman dang / rgya shug gi mig sman no/ /nad sos na yang gzhan gyi phyir me tog gi mig sman ni snod kyi nang du gzhag go/ /khu ba'i mig sman ni za ma tog chung ngu'i nang du'o/ /phye ma'i mig sman ni sbu gu'i nang du'o/ / ri lu'i mig sman dang / se'u bi ra'i mig sman ni sgye'u'am thum por bcing ngo / /rnam pa gzhan du na 'gal tshabs can du 'gyur ro/ /rgyan du byas pa'i mig sman gyis mig sman mi bya mod kyi 'on kyang sman gyi mig sman gyis so/ /mig sman bsku ba'i thur ma ni gnyis te/ lcags dang / zangs kyi rang bzhin no//sman rnams nyi grib la skams su bcug pa las char 'bab bam 'bab du dogs kyang rung / bsnyen par ma rdzogs pa med na bdag nyid kyis nang du bcug la lag nyar blangs pa'i ltung ba med do/ /'dres na yang btus la bza'o/ /gang na ba'i dus su rjes su gnang ba bde bar gnas pa'i gnas skabs su mi bya'o//dus su rung ba dang lhan cig 'dres pa'i ci srid 'tsho'i bar du bcang ba byin gyis brlabs pa rnyed na mi bza'o/ /de bzhin du thams cad kyang phan tshun 'dres la/ de nyin mo byin len byas la sman rnam pa bzhi po rang gi rigs dang mthun pa'am/ rang gi rigs dang mthun pa ma yin pa dang 'dres kyang bza' bar bya'o/ /de'i nyin mo byin len byas la/ phan tshun 'dres na dus su bza' bar bya'o zhes ma mo las 'byung ngo / /sman bzhi po gsog 'jog dang / lag nyar blangs pa dang / nang du zhag lon pa byin gyis brlab par mi bya'o/ / sman pas lung phog na rnam par gyur pa bza' bar bya'o/ /dad pa can gyis de byin len byas pa yang ngo / /de yang rnam pa bzhi ste/ be'u 'brangs nas ring po ma lon pa'i lci ba dang / de nyid kyi gcin dang / shing kan tsha na dang / ka pi ta la dang / a shwad tha dang / u dum bA ra dang / n+ya gro d+ha'i shing de rnams kyi thal ba dang / sa'i steng nas sor bzhi'i 'og nas blangs pa'i sa'o/ /sgog skya dang / btsong dang / ke'u bza' bar mi bya'o/ /na ba la ni ltung ba med do/ /de la kun du spyad pa ni dge 'dun gyi gtsug lag khang dang / mal cha dang stan dang /snam phyis dang / chab kung sar 'dug par mi bya'o/ /dge 'dun gyi nang du yang 'jug par mi bya'o/ /mchod rten la yang phyag mi bya'o/ /khyim pa lhags pa rnams la yang chos mi bshad do/ /khyim pa'i khyim du yang 'gro bar mi bya'o/ /de la yongs su longs spyad na zhag bdun gyi bar du cho ga bzhin du 'dug la/dri med par byas te/ de'i phyogs kyang skyang nul gyis byugs la/ khrus byas nas chos gos rnams bkru bar bya'o/ /btsong gi bya ba ni zhag gsum gyi bar du 'dug par bya'o/ /ke'u ni nyin zhag gcig tu'o/ /nad pas se d+ha ba ni rwa'i nang du bcug la/rwa gnyis pas kha bcad de gzhag par bya'o/ /dngos po gcig gis sman rnam pa bzhir 'gyur ba mchis sam yod de/ 'di lta ste bu ram shing ni dus su rung ba'o/ /khu ba ni thun tshod du rung ba'o/ /bu ram la sogs pa ni zhag bdun pa'o/ /bsregs pa ni ji srid 'tsho'i bar du bcang ba'o//de bzhin du gzhan dag kyang rjes su dpag par bya'o/ /sman rnam pa bzhi po byin len ma byas par byin gyis brlabs pa'am/ byin len byas la byin gyis ma brlabs pa yang rung ste/ bzar mi rung ngo / /byin len byas la byin gyis brlabs pa ni na ba la yang rung mi na ba la yang rung ngo //nad pa la rnam pa gnyis te lhan cig skyes pa dang / glo bur du 'ongs pa'o/ /de lta bas na na bar 'du shes nye bar bzhag ste thams cad kyang bza' bar bya'o/ /mi rung ba'i sar skyes pa'i shing gi 'bras bu la sogs pa thams cad du bza' bar mi bya'o/ / rung ba'i sar skyes kyang / gal te mi rung ba'i sar lhung ba ni zhag lon pa yin na bza' bar mi bya'o/ /rung ba'i sar lhung ba ni zhag lon kyang byin na bza' bar bya'o/ /thams cad kyang cho ga bzhin du mi byas na ci ltar rigs par sbyar te/ nyes byas kyi ltung bar rig par bya'o/ /yo byad kyi dngos po'i dbang gis de'i yongs su bsrung ba rnams kyang rjes su gnang ngo //'di lta ste/ mtshan khug dang sman gyi nal ze dang / sman gyi phor bu dang / dud ba btang ba'i sbu gu lcags las byas pa srid sor bcu gnyis kyi tshad dang / snar blugs pa mchu gnyis pa dang / phul ba'i btung phor dang / za ma tog dang / rkang rten dang / rkang brnyan dang / 'di dag rin po che'i rang bzhin las byas pa spang zhing bcang bar mi bya'o/ /lcags kyi gar bu lcags thag btags pa bcang bar bya'o/ /des thog mar rung ba'i chu bsros la de'i 'og tu spyad pa'i chu bsro'o/ /nad pa la lcags kyi gzhong ring rjes su gnang ngo //sman btso ba'i lcags kyi gzhong pa dang / lcags skyed dang / 'jor dang / sta re dang / ste'u dang / mchig mchig gu dang bcas pa rjes su gnang ngo / /rkang pa la sogs pa bkru ba'i don du til mar blang pa'i snod dang / til mar gyi snod de yang rnam pa gsum ste/chen po ni phul gang shong ba'o/ /chung ngu ni phul phyed shong ba'o/ /'bring ni de gnyis kyi bar ro/ /de nyid kyi rigs kyi cha spyad bcang bar mi bya'o/ /sngon sman pa byas pas tshon la sogs pa'i snod 'chang ba dang / sngon yi ge byed par ram phyis 'chang ba dang / bzo mkhan khab 'chang ba ni ma gtogs pa ste/rang gi bzo nye bar bstan par mi bya'o/ /char pa dang nyi ma tsha ba bskyab pa'i phyir gdugs rjes su gnang ste/ de yang smyig ma dang / rtswa dang / lo ma dang gos kyi rang bzhin las bya'o/ /dkar po ma yin/ khra'o nye bar bkra ba ma yin/ rma bya'i sgro rtsa sbu med pa bcang bar mi bya'o//yu ba yang gser dang / dngul dang / bai DUr+ya dang / shel gyi rang bzhin las byas pa yang mi bya bas rtsis mi byug /shin tu ring po yang ngo / /gdugs kyi tshad du'o/ /gdugs sar pa thogs bzhin grong du 'jug par mi bya'o/ /gal te de'i dbus su lam byung na yang logs bsnyal te 'gro bar bya'o//bsod snyoms pas kyang gos bsrung ba'i phyir yu ba rung bar byas pa'i gdugs thogs te/ bsod snyoms la 'jug par bya'o/ /khyim dang por ni de bzhag la slar 'gro ba'i tshe khyer bar bya'o/ /grang ba dang / tsha ba dang / tsher ma dang / sa rdul can spang ba dang / ser ga spang ba dang rkang pa 'jam po la gnod pa spang bar bya ba'i phyir mchil lham rim pa drug pa'i bar du'o/ /de las 'da' bar mi bya'o/ /lham sgro gu can yang bcang bar bya'o/ /grang bas gnod pa spang ba'i phyir zhwa dang stod khor nang tshangs can dang /gding ba dang / stan te de rnams kyang ngo / /grang bas gnod pa spang ba'i phyir bgo bar bya'o/ /steng g.yogs stan khra bo yin la de'i steng khra bo ma yin na bcang bar bya'o/ /tsha ba spang ba'i phyir bsil yab rnam pa gnyis rjes su gnang ste/ ta la'i lo ma dang /gos las byas pa'o/ /de'i yu ba gser dang / dngul dang / bai DUr+ya dang / shel dang / khra bo nye bar bkra ba dang / bse rtsis byug pa mi bya'o/ /de bzhin du sbrang yab kyang ngo / /de yang bal dang / ldum bu sha na ka dang / ras bal lam/ ras ma'am/ 'dab ma ni chang bu las bya'i//rta'i rnga ma la sogs pa'i rang bzhin las byas pa ni ma yin no/ /yu ba dang / bsil yab la sogs pa dge 'dun gyi phyir blang bar bya'o/ /bdag gi phyir ni ma yin no/ /ril ba bskur dka' ba spang ba'i phyir dra ba dang khar ba yang bcang bar bya'o/ /bzhon pas 'gro bar rjes su gnang ste/shing rta dang / shing rta chung ngu dang / khyogs spyil dang / zung khyogs dang / glang po che dang / rta dang / rnga mo dang / ba lang dang / tha na bong bu la yang rung ste/ glang po che mo nas bong mo'i bar du yang mo la reg pa'i nyes par mi 'gyur ro/ /de yang gang la rjes su gnang zhe na ba'am/nar dogs pa'am/ na ba'i mtshan ma byung ba'am/ de stobs chung ba'am/ bkru sman gsar bu rtsom pa'am/ bkru sman btang na ring po ma lon pa'am/ /shin tu gzhon sha can gyi rigs sam/ gang lam gyis ngal ba lta bu'am/ ring por 'gro ba 'am/ci ltar byang phyogs nas shar phyogs su 'gro ba'am/ shar phyogs nas ta la'i yul du 'am/ 'dron pa'i dbang gis kyang lam du 'gro ba'am/ shin tu ring bar 'gro ba'am/ dge ba'i phyogs mngon par 'phel bar byed pa de las mi nyams pa'i phyir dge ba'i phyogs byed bzhin 'gro snyam pa'am/sbyin bdag gal gyis 'chu na de'i sems bsrung bar bya ba'i phyir ro/ /de ci'i phyir zhe na legs par gsungs pa'i chos 'dul ba la tshig dor gyi tha snyad bya ba'i phyir bslab par bcas pa ni ma yin no/ /mdo sde las kyang 'di gnyis kyis khyogs la 'gro bar bya ste/rgas shing 'khogs pas stobs chung ba'am/ na bas sbyor mi bzod pa zhes gsungs so/ /nad pa la spos kyang rjes su gnang ste/ des spos kyis byugs bzhin du dge 'dun gyi nang du 'gro bar mi bya'o/ /khyim pa rnams la chos bshad par mi bya'o/ /khyim gzhan du 'gro ba spang bar bya'o//nad sos nas khrus byas la chos gos rnams la yang spos med par bya'o/ /min bar spos kyis byugs na nyes byas so/ /gal te dad pa can rnams kyis byin na long la mgo dang / rkang pa'i mtha' logs su lag mthil gyis byug par bya'o/ / de mig la phan pa'i phyir dus dus su bsnam par bya'o/ /me tog kyang de bzhin no/ /zan zos nas dad pa can dag gis rkang pa la spos nyug pa spang bar mi bya'o/ /de dag lkog tu dor bar bya'o/ /seng ge'i khri'i rkang rten la spos kyis byugs sam/ spos kyis yan lag byin byas pa dang / rdo leb bam lo ma gzhag pa la rkang pa gzhag par bya'o/ /gi wang gis thig le byas na nyes byas so/ /rma'i mtha' 'khor du byugs pa la ltung ba med do/ /sman de lta bu rnam pa du ma ste/ skabs 'dir ni zhag bdun pa la bya ste/ zhun mar la sogs pa bstan pa'i phyir ro/ bka' stsal pa zhes bya ba ni rgyas par bstan pa'o/ /'di lta ste zhes bya ba ni nye bar bstan pa'i don gyi tshig gi phrad do/ /zhun mar zhes bya ba ni ba la sogs pa ste/ gang dag gi sha rung ba'o/ /'bru mar zhes bya ba ni yungs kar dang til dang / shing ma du ka'i 'bras bu la sogs pa'i'o//de bzhin du tshil bu yang 'bru mar dang 'dra ste/ tshil bu las btsos shing gang zang zing med pa'o/ /sbrang rtsi zhes bya ba ni sbrang ma'i'o/ /bu ram gyi dbu ba zhes bya ba ni bu ram ste/ kha cig na re bu ram shing gi khu ba dkar po la yang bya'o zhe'o/ /zhun mar bzung bas ni mar sar shin tu bkrus pa de yang bzung ba'o//bu ram gyi dbu ba bzung bas ni li kha ra la sogs pa'i khu ba spang ste bu ram shing las byung ba'i rnam pa thams cad la yang bya'o/ /zhun mar la sogs pa bzung bas ni bza' ba dang btung ba nye bar spyad par bya'o//mkhris pa dang / rlung dang / bad kan gsum zhi bar bya ba'i phyir te/ sbrang rtsi rnying pa dang / bu ram rnying pas ni bad kan zhi bar 'gyur ro/ /zhun mar dang / li kha ras ni mkhris pa zhi bar 'gyur ro/ /'bru mar gyis ni rlung zhi bar byed do/ /bu ram gyi dbu bas ni gsum ka zhi bar 'gyur ro//de dag las zhes bya ba ni zho la sogs pa'i dngos po de dag ma yin no/ /zhag bdun pa zhes bya ba ni mang ba nges par gcad pa'o/ /de tshun chad du 'chang ba la ltung ba med do/ /rang gis byin gyis brlabs te zhes bya ba ni lag pa dag bkrus te/ byin len byas nas dge slong gi mdun du 'dug nas lag pa g.yon pa'i steng du gzhag la lag pa g.yas pas bkab ste/ 'di skad brjod par bya'o/ /tshe dang ldan pa dgongs su gsol/ /bdag ming 'di zhes bgyi ba'i sman zhag bdun pa 'di dag bdag dang tshangs pa mtshungs par spyod pa rnams kyir bgyi bar zhag bdun par byin gyis brlab po//de bzhin du lan gnyis lan gsum du'o/ /ji srid 'tsho'i bar du bcang ba dang / de bzhin du thun tshod du rung ba yang byin gyis brlab par bya'o/ /gsog 'jog gi yongs su longs spyod pas longs spyad par bya'o zhes bya ba ni rang gis blangs la bza' bar bya ste/phyis byin len bya ba ni mi dgos so/ /ji srid 'tsho'i bar du spyad pa ni ji srid 'tsho'i bar du'o/ /dus su rung ba yang dus su rung ba'o/ /thun tshod du rung ba yang thun tshod du rung ba ste/ gsog 'jog gi yongs su longs spyod pas yongs su longs spyad par bya'o zhes bstan pa yin no//mdor na sman rnam pa gnyis te/ dus su rung ba dang / dus ma yin par rung ba'o/ /gang dus ma yin par bkag pa med pa de ni dus ma yin par byin len byas la dus dang dus ma yin par yang rung bas yongs su longs spyad par bya'o/ / longs spyad par bya'o zhes bya ba ni bza' zhing mid pa'o/ /rkang pa la bsku ba la sogs pa'i rgyu mtshan la ni gzhan gyis kyang rnyed pa 'chang du mi rung ngo zhes bya bar bstan to/ /de las 'das na zhes bya ba ni zhag brgyad pa la sogs par bstan pa'o/ /de la ltung ba ji ltar 'gyur zhe na/ dge slong gis sman gcig gam mang du yang rung ste/tshes gcig gam/ gzhan du rnyed kyang rung / zhag bdun tshun chad du byin gyis brlabs la bza' bar bya'o/ /yang na gzhan du gtang bar bya'o/ /rkang pa la sogs pa'i bsku mnye'i rgyu mtshan la yang dag par brtags nas so/ /gzhan la sbyin bar bya'o//rnam pa gzhan du na gang cung zad cig lus kyang zhag brgyad lon na spang ba'o/ /gcig gam mang du yang rung tshes gcig la byin gyis brlabs pa las/ gcig gam mang zhig tshes gnyis la rnyed pa des gzhan ni bza' bar bya'o/ /gzhan ni gtang bar bya'o/ /yang na sbyin par bya'o//rnam pa gzhan du na snga ma'i dbang gis nyi ma brgyad pa ste spang ba'o/ /de bzhin du zhag drug gam bdun gyi bar du yang ngo / /gal te phyis byin gyis brlabs pa lhan cig 'dres na snga ma'i nyi ma nas bzung ste/ zhag bdun du yongs su longs spyad par bya'o/ /zhag bdun gyi bar du yongs su longs spyad par bya'o zhes ma bsams par yongs su longs spyad na nyi ma re re la kham re re yang nyes byas so//nyi ma snga ma la byin len byas la phyi de nyin par byin gyis rlob par byed na ltung ba ma yin te/ nyi ma snga ma nas zhag bdun du bgrang ngo / /zhag grangs nyung ngu byin gyis rlob pa ni ltung ba med do//tshad las mi 'da' bar bya ba'i phyir mtshams su nges par bya ba ni bdun du'o/ /zhag bdun lon pa la lon par 'du shes sam yid gnyis za na yang spang ba'o/ /ma lon pa la lon par 'du shes sam yid gnyis za na yang nyes byas so/ /ma lon pa la ma lon par 'du shes sam lon pa la lon par 'du shes na ltung ba med do//sgeg pa'i sems kyis sam/ ro myang ba'i sems kyis sam/ rgyas pa'am/ kha dog gi bye brag gam g.yo dang tshul 'chos par bsams te/ za na thams cad la yang nyes byas so/ /zhag bdun byin gyis brlabs shing za na tshangs pa mtshungs par spyod pa la nyi ma brjod par bya ste/deng bdag gis nyi ma gcig zos te/ de bzhin du lhag ma yang bza'o zhes bya bas so/ /zhag bdun tshang gi bar du yang de bzhin du brjod par bya'o/ /ci lhag pa de kun dga' ra ba pa'am/ dge tshul la sbyin par bya'o//zhag bdun pa gang de nas nye bar blangs pa dang / de las so so blangs pa zhes bya ba ni lag nyar blangs pa dang / byin len byas pa zhes bya ba'i tha tshig go/ /zas kyi phye ma dang 'dres pa zhes bya ba ni dus su rung ba dang 'dres pa zhes bya ba'i tha tshig go/ /phan tshun 'dres pa zhes bya ba ni nyi ma gzhan du byin gyis brlabs pa dang /dus phyi ma'i dbang du bcangs pa ni 'dres pa zhes bya ba'i tha tshig go/ /rang gi rgyud kyis myags pa zhes bya ba ni gang mtshams med pa ste/ zhag lon par ma byas shing rnyed pa'o/ /de thams cad kyi kun dga' ra ba pa dang /dge tshul la yang spang bar bya'o/ /lhung bzed kyi sde tshan rdzogs so// //spang ba thams cad las brtsams te/ rnam par nges par bya ba ni/ dge slong gis spang ba'i dngos po ma spangs la/ zhag lon par ma byas sam/ ltung ba ma bshags sam/ spangs kyang zhag lon par ma byas sam/ltung ba bshags sam spang ba thams cad las zhag lon par byas kyang ltung ba ma bshags par de dang rigs mthun pa'am/ rigs mi mthun pa'ang rung / gzhan zhig rnyed pa 'di lta ste/ lhung bzed dang / chos gos dang / dra ba dang / phor bu dang ska rags la sogs pa dge sbyong gi 'tsho ba'i yo byad cig rnyed na/de dag kyang snga ma'i rgyud kyis spang ba'o/ /spangs par gyur pa la zhag lon par byas nas/ ltung ba bshags pa la ltung ba med do/ /zhag lon par zhes bya ba ni/ gang gi nyin mo spangs pa de'i nyi ma gnyis pa'i zhag gis bar du bcad de/nyi ma gsum pa la ltung ba bshags nas blang ngo / /spang ba thams cad kyang gang zag la spang gi/ dge 'dun ma yin no/ /spangs pa'i dngos po dge 'dun gyis bgo bar mi bya'o/ /lhung bzed gnyis pa spang ba ni ma gtogs te/ de ni dge 'dun la spang ngo zhes gsungs so//chos gos dang gding ba ni bsnyen par rdzogs pa la spang ngo / /dbyig la sogs pa ni bsnyen par rdzogs pa'am/ ma rdzogs pa'am/ rab tu byung ba'am ma byung ba la yang rung ngo / /zhag bdun pa ni bsnyen par ma rdzogs pa la spang ngo / /khros nas chos gos phrogs pa ni gang kho na phrogs pa nyid la spang bar bya ste/sbyin par bya ba'i phyir yin gyi/ rung bar bya ba'i phyir ni ma yin no/ /gang zag gsal zhing yid gcugs pa la spang bar bya ba'i mi gsal ba dang / /yid mi gcugs pa la ma yin no/ /mi gsal ba la spangs pa las gal te mi gsal ba ste slar mi ster na mthus kyang dbrog par bya'o//spang bar gyur pa rung bar bya ba'i phyir spang gi/ gtan du sbyin pa'i phyir ma yin no/ /de bzhin du re ba dang bcas pa'i sems kyis kyang spang ba ni spangs pa ma yin no/ /spangs pa sum cu rdzogs so// //'dul ba bsdus pa bam po brgyad pa/rgyal po'i khab na ste/ sgra gcan 'dzin la dris na tho 'tshams pa'i phyir de bzhin gshegs pa gzhan na bzhugs na gzhan du bstan pa dang / mnyan yod na dge slong lag rgyud kyis lho lam nas 'ongs pa'i rgol ba dang / dus byas pa las brdzun gyis bslus pas na ltung ba'i gzhi'i dbang du mdzad de/bcab pa'i nyon mongs pa'i phyir/ brdzun du smras pa'i tshogs kyi ltung byed dang por bcas so/ /shes bzhin du zhes bya ba ni 'du shes sbas zhes bya ba'i tha tshig go/ /brdzun du smra na zhes bya ba ni don gzhan du 'dug pa las shes pa'i skyes bu la slu ba'i phyir gzhan du smra ba ni brdzun du smraba'o//de yang rnam pa dgu nas rnam pa gnyis kyi bar du ste de la rnam pa dgu ni ltung ba sde lnga dang / nyams pa bzhi'o/ /rnam pa brgyad ni ltung ba sde lnga dang / gzhi med pa gsum mo/ /rnam pa bdun ni nyams pa bzhi dang / gzhi med pa gsum mo/ / rnam pa drug ni sbyor ba dang / dngos gzhi dang mjug ste/ brdzun du smra bar bsams pa gsum dang / gzhi med pa gsum mo/ /rnam pa lnga ni ltung ba sde lnga'o/ /rnam pa bzhi ni nyams pa bzhi'o/ /rnam pa gsum ni gzhi med pa gsum mo/ /yang rnam pa gsum ste/ brdzun du smra bar 'dod nas/brdzun du smra'o snyam du bsams pa dang / de bzhin du smra ba dang / de bzhin du smras zin pa'o/ /rnam pa gnyis ni brdzun du smra bar bsams pa gnyis te/ smra ba dang / smras zin pa'o/ /brdzun du smra ba rnam pa gcig ni med do/ /ltung ba'i dbye ba ni rnam pa lnga ste/de la ni mi'i chos las bla mar gyur pa smras pas pham par 'gyur ba dang / skur ba btab pas dge 'dun lhag mar 'gyur ba dang / dge 'dun gyi nang du chos ma yin pa chos su ston pas na sbom por 'gyur ba dang / so sor thar pa 'don pa'i tshe ltung ba cang mi smra bar bcabs pas na nyes byas su 'gyur ba dang /ji skad bstan pa rnam pa bzhi po de dag ma gtogs pa'i brdzun du smras pa gzhan thams cad ni ltung byed du 'gyur ro/ /ltung byed do zhes bya ba ni sreg pa dang / 'tshed pa dang / ngan song rnams su ltung bar byed pas na ltung byed do/ /nges pa'i tshig gi tshul gyis na ltung bar byed pa'i sgras ni nges pa'i tshig gi don bstan pa yin no//sreg pa dang 'tshed pa zhes bya ba ni/ ltung bar byed ces bya ba'i sgra'i don du bstan to/ /ltung ba gzhan yang ltung bar byed mod kyi/ 'on kyang ming du chags pa'i sgras 'gro bas na ba lang zhes bya ba bzhin te/yul nye bar 'phrog par byed pas nyes pa med do/ /sbyor bas ni thams cad kyang ltung byed du 'dod mod kyi/ sngar smras pa bzhin te nyes pa med do/ /ma mthong ba la sogs la mthong ngo zhes bya ba la sogs par smras na/ tshig re re la yang ltung byed du 'gyur ro/ / de bzhin du ma brjed pa'am/ brjed kyang rung / go bzlog ste smras pa dang / yid gnyis za'am yid gnyis mi za na yang rung / ma mthong ba la sogs pa yang rung ste mthong ngo zhes bya ba la sogs pa'i 'du shes dang / mthong ba la sogs pa yang rung ste/ ma mthong ngo zhes bya ba la sogs pa'i 'du shes dang /'du shes bcabs nas ci ltar bsams pa bzhin go bzlog par smras pa dang / mthong ba la sogs pa rnam pa bzhi po phan tshun go bzlog par smras kyang rung / de bzhin du gcig brjed la/ gzhan ma brjed dam/ gcig la yid gnyis za ste/ gzhan la yid gnyis mi za na yang rung /rnam pa de lta bur phan tshun spel zhing smras na/ tshig re re yang ltung byed du 'gyur ro/ /sems bskyed pa de ni bsdam par bya ba'i nyes byas su 'gyur ro/ /pha rol po la ji srid du go bar ma gyur pa de srid du bshags par bya ba'i nyes byas so/ / pha rol po brda ma phrad par brdzun du smras na nyes byas so/ /kha cig na re ngag gi rig par bya ba'i don lus kyi rig par byas na yang ltung byed du 'gyur ro zhes zer ro/ /mthong ba la mthong bar 'du shes bzhin du ma mthong ngo zhes smras na ltung byed do/ /mthong ba la yid gnyis za ste/mthong ngo zhes smras na ltung byed do/ /ma mthong ngo zhes smras na nyes byas so/ /ma mthong ba la mthong bar 'du shes te/ mthong ngo zhes smras na ltung ba med do/ /ma mthong ba la yid gnyis za ste/ ma mthong ngo zhes smras sam ma mthong ba zhes kyang rung ste/ smras na nyes byas so/ /de lta bas na 'di la ni 'du shes kyi dbye ba 'ba' zhig las ltung bar 'gyur gyi/ dngos po ni de bzhin yin yang rung ma yin yang rung ngo / /khyim pa'i cha lugs sam mu stegs can gyi cha lugs su byas te/ song ba la dris na nga khyim pa'am mu stegs can no zhes smras na ltung byed do//khyim pa'am gzhan mu stegs can gyi cha lugs su bsgyur na nyes byas so/ /kun du 'tsho ba'i cha lugs su byas na nyes pa sbom por 'gyur ro/ /de ltar byas kyang bslab pa phul ba ni ma yin no/ /de bzhin du bram ze la sogs pa rab tu byung ba la khyod 'dren mkhan yin no zhes smras pa dang /de bzhin du bzo la sogs pa yang ngo / /bslab pa ma nyams pa la dge 'dun na re khyod bslab pa nyams pa'o zhes smras pa dang / mkhan po gzhan yin la gzhan du bstan pas ni bslab pa phul bar mi 'gyur ro/ /ma chags pa la khyod la nga'i bu lon chags so zhes smras pa dang /bslab pa phul lo zhes smras pa dang / khyod lo ma lon no zhes bya ba dang / bslab pa byin pa'o zhes smras pa dang / dge slong la khyod su yin zhes dris pa dang / dge slong ma dang lha la sogs pa yin no zhes smras pa dang / dge tshul la sogs par khas len pa tsam gyis ni de ltar mi sems pa'i phyir/bslab pa phul bar mi 'gyur te/ thams cad la yang ltung byed du 'gyur ro/ /bram ze la sogs pa rab tu byung ba la khyod 'dreg mkhan gyi las byed dam zhes smras na nyes byas su 'gyur ro/ /mi shes par smras pa dang /'du shes gzhan du ma yin pa dang / bskal pa'i rnam grangs dang / stong pa nyid du dang / 'das pa ma mthong ba las bsams nas smras na ltung ba med do/ /bsams pa med par khas blangs nas ma byas na/ thams cad la yang nyes byas su 'gyur ro/ / rnam pa gzhan du 'du shes pa dang / de nas smras pa dang / pha rol pos brda phrad par gyur na 'di gsum ni yan lag tu 'gyur te/ ngag gis dang / sems kyis kun nas bslang ba'o/ /de bzhin du ngag las byung ba thams cad la yang rig par bya'o/ /dang po'o// // mnyan yod na ste/ drug sde rnams dge slong rnams la theng po la sogs par smras shing kun du spyo ba dang / rab tu spyo ba dang / rab tu byung ba'i gzhi'i dbang du mdzad de/ mi bzod pa'i nyon mongs pas gnyis pa bcas so/ /mi'i skyon nas smra na zhes bya ba ni nyes par smra ba yin te/rgyu'i don gyi lnga pa ste/ de nyid rgyur gyur pas na ltung byed du 'gyur te de bzhin du gzhan yang ngo / /dge slong gis mi'i skyon nas smra bar bsams te/ khros sam nga rgyal gyis kyang rung / dge slong la rigs la sogs pa gzhi brgyad po rnams kyis smras na dge slong mi dga' bar gyur kyang rung ma gyur kyang rung ste/ltung byed du 'gyur ro/ /de la rigs ni bram ze la sogs pa ste/ skud ris mkhan la sogs par dbye na rnam pa du ma'o/ /bram ze dang rgyal rigs dag la ni nyes byas so/ /de la mi'i skyon nas smra bar ni bsams mod kyi skyon nas smras pa ni ma yin no//de bzhin du bram ze dang / rgyal rigs la bzo dang las kyang brjod par bya'o/ /bzo ni bram ze la sogs pa dang / khab ris mkhan dang / zangs mkhan dang / lcags mgar dang / khar ba mkhan dang / lham mkhan dang / rdza mkhan dang / 'dreg mkhan dang /shing mkhan dang / re lde mkhan dang / bran la ste/ bzo la sogs pa rnam pa du mar dbye'o/ /las ni bram ze'i las su bya ba la sogs pa rnam pa du mar dbye ba yin no/ /bzo ma bslabs pa las brtsams te/ bslab par bya'o zhes smras pa'o/ /bslabs pa las brtsams te khyod kyis las 'di bya'o zhes smra ba yin te/khyad par ni de yod do/ /rtags te theng po dang / lag bzhi ba dang / mi'u thung la sogs par dbye bar bya'o/ /nad de mdze la sogs par dbye ba'o/ /ltung ba ste ltung ba sde lnga'o/ /ltung ba sbom po yang de'i phyogs nyid do//nye ba'i nyon mongs pa ste khro ba dang / khon du 'dzin pa dang / 'chab pa dang / 'tshig pa dang / phrag dog dang / ser sna dang / g.yo dang / sgyu la sogs pa rnam pa du mar dbye'o/ /spyo ba ste khyod ni tshogs chen ma'i bu'o zhes smra ba la sogs pa lta bu ste/ gang dang gang la brten nas bden nam mi bden pas kyang rung ste/khros sam nga rgyal gyis kun du dkris nas smras na/ thams cad kyang ltung bar 'gyur ro/ /mi bden na ltung byed gnyis su 'gyur ro/ /sngon ltung ba byung ba dang / dang po 'khrugs pa dang / rku thabs su gnas pa dang /za ma dang / ma ning dang / dge slong ma sun phyung ba dang / mi ma yin pa las rab tu byung zhing bsnyen par rdzogs pa dang / smyos pa dang / sems 'khrugs pa dang / tshor bas nyen pa dang / glen pa dang / lkugs pa dang / 'on ba dang / dge slong dang / dge slong ma dang / dge tshul dang /dge tshul ma la smras na nyes byas so/ /dge slong mas dge slong ma la smras na ltung byed do/ /dge slong la sogs pa la smras na nyes byas so/ /tshul de bzhin du dge slong gi bslab pa'i gzhir gtogs pa thams cad la'o/ /dge tshul la sogs pas nyon mongs pa'i sems kyis lhag ma dang bcas pa thams cad kyang nyes byas so//sngon ltung ba byung ba la sogs pa bcu po rnams kyis kyang dge slong la smras na nyes byas nyid kyi ltung ba'o/ /de bzhin du bslab pa'i gzhi thams cad la yang ngo / /'phags pas mtha' 'khob pa la'am/ 'thab 'khob pas 'phags pa la yang rung /skad gzhan gyis smras te des kyang brda ma phrad na nyes byas so/ /spring yig la sogs pa rnams kyis nyes byas so/ /de bzhin du ngag dang ldan par phyis 'byung ba thams cad la yang sbyar bar bya'o/ /khyim pa la smras na nyes byas so/ / de'i rang bzhin nyid la de'i rang bzhin nyid du 'du shes pa drug tu sbyar te/ lnga la ni ltung bar 'gyur la/ gcig la ni ltung ba med do/ /ming mthun pa mang ba la ni der rnam grangs su brjod na ltung ba med do/ /sangs rgyas skyong gang yin pa zhes zer ba la/ bram ze las rab tu byung ba gang yin pa de'o zhes bya ba rgyas par ro//sngar ma bsams par smras sam/ ston nam/ chos bshad par bsams sam/ phan par bsams na ltung ba med do/ /yan lag bzhi ste/ gzhan dge slong dang / skyon nas smra bar bsams pa dang / de nas smras pa dang /pha rol pos khong du chud pa'o/ /rigs dang / bzo dang / las rnams dang / rtags dang / nad kyis nyen pa dang / ltung ba sde lnga dang / nye ba'i nyon mongs pa rnams dang ni spyo bar byed pa tha mar dran zhes bya ba ni bsdus pa'i don to/ /gnyis pa'o// //mnyan yod na ste/ drug sde rnams las brtsams te/ 'khor gyi gzhi'i dbang du mdzad nas/ 'khor 'dzin pa'i nyon mongs pas na gsum pa bcas so/ /dge slong phra ma byed na zhes bya ba ni dge slong gnyis la phra ma byed ces tshig rnam par sbyar ro/ /dge slong bzung bas ni/dge slong ma rnams rnam par gcad par bya ba'i phyir ro/ /dbye bar bsams shing nyon mongs pa'i sems kyis smra ba ni phra ma'o/ /yo byad kyi phyir ram/ gnod par byed pa'i mtshan ma dran pa'i phyir ram/ phrag dog tu gyur pa'am/ tha na chos kyi phyir ram/ ston pa'am/kha ton du byed pa'am/ gnas 'cha' ba la sogs pa'i phyir yang rung ste/ gcig gis gcig la'am/ gnyis dag la'am/ mang po rnams la'am/ dge 'dun la'am/ de bzhin du gnyis kyis gcig la'am/ dge 'dun la byed pa'i bar du ste/ de bzhin du mang pos sam/de bzhin du dge 'dun gyis gcig la'am/ dge 'dun la byed pa'i bar du'o/ /de la ltung ba byed pa'i khyad par ni yod kyi ltung ba'i khyad par ni med do/ /dge slong dbye bar bsams nas dge slong gzhan gyi mi'i skyon du smras pa de dag gzhan la che ge mo zhes bya ba khyod la 'di skad ces zer ro zhes smra ba'o//de la des gang smras pa'i ming nyi tshe smos na thams cad la yang nyes byas su 'gyur ro/ /rigs la sogs pa rnam pa brgyad kyi gzhi ma smos na nyes byas su 'gyur gyi ltung byed ni ma yin no/ /gzhi smos na ltung byed do/ /pha rol po bye yang rung ma bye yang rung tshig tu smras pa tsam gyis ltung bar 'gyur ro//sa la 'dug pas nam mkha' la 'dug pa la byed dam/ nam mkha' la 'dug pas sa la 'dug pa dang / mtshams kyi nang du 'dug pas mtshams kyi phyi rol na 'dug pa la'am/ go bzlog pa'am/ gnyi ga mtshungs pa'am/ mtshams mnan te'am/rgal kyang ngo / /bslab pa byin pa la yang ltung ba dge slong dang 'dra bar thams cad du rig par bya'o/ /sngon ltung ba byung ba la sogs pa nas/ dge tshul ma rnams kyi mtha'i bar du 'byed pa dang / de dag gi dge slong phye na yang nyes byas su 'gyur ro/ /dbye bar gyur pa'i tshig tu smras la pha rol pos khong du chud par mi byed na nyes byas so//de la'ang de'i rang bzhin nyid yin la/ de'i rang bzhin nyid du 'du shes pa rnam pa drug tu sbyar te snga ma bzhin te/ thams cad kyang ltung byed do/ /phan par bsams pa dang sdig pa'i grogs bo las phye na ltung ba med do//dbye bar bsams pa dang / de skad du smras pa dang / pha rol pos khong du chud pa ste/ yan lag gsum gyis so/ /gsum pa'o// //mnyan yod na ste/ drug sde rnams chos bzhin du las byas pa las skyo sngogs byed pas na/ rtsod pa'i gzhi'i dbang du mdzad de/ mi bzod pa'i nyon mongs pas bzhi pa bcas so/ /shes bzhin du zhes bya ba ni/ bdag nyid kyis rig pa'am/ gzhan gyis bstan par gyur pa ste/ gsal ba rnams kyis las de tshul bzhin du byas par ro/ /ci ste chos bzhin ma yin par byas par shes pa la nyes pa med do//mthun pa zhes bya ba ni/ thams cad mtshams kyi nang du phyin pa la bya ba'ang thob/ /mngon sum du'ang gyur/ 'dun pa blang bar 'os pa rnams las 'dun pa blangs pa'am/ de dag mngon sum du gyur kyang slar bzlog pa mi 'chags pa ni/ gang dag gis slar bzlog kyang brtan pa rnams kyi'o//bya ba'ang thob ces bya ba ni/ gang gi las bya bar 'os pa'am/ ji snyed kyi las gang bya ba de snyed rnams bya ba thob pa'o/ /gang gis mi 'chags she na/ gang zag bcu bzhi rnams kyi'o/ /'di lta ste/ bus pa'i ste/ nyes par bsams pa sems pa dang /nyes par smra ba smras pa dang / nyes par bya ba byed pa dang / glen pa'i ste/ gang mdo sde la sogs pa mi 'dzin pa dang / mi gsal ba'i ste/ gang de'i don khong du ma chud pa dang / mi mkhas pa'i ste/ gang de'i tshig gi don nges par mi mkhas pa dang / ngo tsha med pa'i ste/ gang pham par 'gyur ba byung ba dang /nang dang bcas pa'i ste/ gang 'thab mo byed pa dang / mtshams kyi phyi rol na 'dug pa'i ste/ gang thos pa'i nye 'khor spangs pa dang / mtshams kyi nang na 'dug pa'i ste/ gang nam mkha' la gnas pa dang / mtshams kyi nang na 'dug kyang gnas nas phyung ba dang / ngag yang dag par mi sdom pa'i ste/gang brdzun du smra ba nas tshig 'khyal pa smra ba'i bar du dang / /spyod lam las nyams pa'i ste/ gang stan gang la 'dug pa de las langs par gyur pa dang / rang bzhin du mi gnas pa'i ste/ gang spyad par bya ba yin pa kun du spyod cing dge slong gi bslab pa la mi slob pa dang /bslab pa byin pa'i dang / gang la chos bzhin du las byed pa'o/ /gang la ma dag pa'o zhes gsungs pa'ang mi 'chags so zhes bya ba ni de yang ngo tsha med pa zhes bya ba las lhag pa ma yin no/ /gang gis 'chags she na/ rang bzhin du gnas pa dang / ngag yang dag par sdom pa dang /mtshams kyi nang du 'dug par gyur pa dang / spyod lam las ma nyams pa dang / de bzhin du gang la chos bzhin du las ma byas pa dang / rang bzhin du gnas pa ma yin pa las rang bzhin du gnas par 'gyur ba'i'o/ /las byed pa'i tshe yang gang gis 'chags she na/ 'di lta ste/ gang zag bcu gnyis bsko ba'i tshe mi 'dod pa dang / de bzhin du dge tshul dang / dge slong ma bsnyen par rdzogs par byed pa'i tshe dang / dge tshul ma la bslab pa byin pa'i tshe yang ngo / /spo bar byed par 'os pa la sogs pa la spo ba byed du gzhug pa sbyin pa'i tshe'o/ /'dis ni 'di ltar mi mthun pa'i las ni spang ba dang /mthun pa'i las bstan par 'gyur ro/ /dge 'dun zhes bya ba ni gzhi tshogs pa la sogs pa ste/ de las nyung bas byas na byas pa ma yin te/ de ltar 'du shes shing de la skyo sngogs byas na ltung ba med do/ /de bzhin bslab pa byin pas grangs su bskang ba dang /khyim pa dang / za ma dang / ma ning dang / dge slong ma sun phyung ba dang / mtshams med pa byas pa dang / mu stegs can dang / mu stegs can zhugs pa dang / rku thabs su gnas pa dang / tha dad du gnas pa dang / gnas par mi bya ba dang / spo ba byed pa dang /'on pa gang gis gsol ba mi thos pa dang / skad mi shes pa dang / khas blangs pas khas ma blangs pa'am/ go bzlog pa'ang rung / sa la 'dug pas nam mkha' la gnas pa'am/ go bzlog pa yang rung ste/ grangs su bskang zhing las byas na byas pa ma yin no/ / de ltar byas na nyes byas so/ /gcig gis gcig la byed pa dang / gnyis sam/ mang po la'am/ bzhi la'am/ gnyis kyis gcig la'am/ gnyis sam/ mang po'am/ bzhi la las byas na nyes byas so/ /mang pos gcig la'am/ gnyis la'am/ mang po la 'am/bzhi la las byas na nyes byas so/ /tshogs kyis tshogs la las byas na dbyen du gtogs pa'i sbom por 'gyur ro/ /chos bzhin du zhes bya ba ni ci ltar bcom ldan 'das kyis las byas pa'i cho ga gsungs pa ltar te/ 'di lta ste/ dbyung bar mi 'os pa la dbyung ba'i las byed na chos bzhin gyi las ma yin te/de bzhin du las thams cad la yang brjod par bya'o/ /gsol ba'i las dang / gsol ba dang / gnyis sam/ gsol ba dang bzhi la/ gsol ba ma byas sam/ las kyi tshig ma brjod kyang rung ste/ byas na chos bzhin gyi las ma yin no//lhag pa la ni nyes pa med de ma tshang na ma byas pa'o/ /gal te las byed pa'i tshe dge 'dun rnams don gcig gi phyir langs na/ gcig gis dkrugs pa yang gsol ba bgyi'o zhes brjod la yang gsol ba bya'o/ /gal te thams cad kyis phyed byas pa las langs na de bzhin du dkrug go//de ltar las gzhan gyi gsol ba byas la/ las gzhan du 'os pa la las gzhan byed na chos ma yin pa'i las yin te/ slar bzlog pa ni chos kyi las so/ /chos dang ldan pa ma yin pa'i las rnam pa lnga ste/ chos ma yin pas mi mthun par byed pa rnams dang /chos ma yin pas mthun par byed pa rnams dang / chos kyis mi mthun par byed pa rnams dang / chos ltar bcos pas mi mthun par byed pa rnams so/ /las bya bar 'os pa las byas na chos bzhin no/ /las bya bar mi 'os pa bsgo ste/ gsol ba byas na las byed pa ni chos ltar bcos pa'o//de bzhin du gang chos kyis mthun par byed pa rnams ni chos dang ldan pa'o/ /bslab pa 'byin pa la sogs pas tshul shing brims te/ las byas na ma byas par blta bar bya'o/ /gnyid kyis log pa la gnas nas 'byin par byed na gal te gsol ba byas nas gnas nas dbyung ba yin te/de bzhin du snyoms par zhugs pa la yang ngo / /grangs su bskang ba'am/ dge 'dun thams cad kyang rung gsol ba thos nas gnyid log na gnas nas phyung ba yin no/ /ji ste nyal ba'i 'og tu gsol ba byas na gnas nas phyung ba ma yin no/ /gnas nas 'byin pa'i tshe gal te ca co mang po 'dzer bar byed pas tha na gcig gis khong du chud na yang gnas nas phyung ba yin no//las gzhan gyis glengs la gnas nas 'byin par byed na de yang gnas nas phyung ba ma yin la/ las byed pa la sbom po'o/ /dge 'dun gyi dbus su las byed pas cho ga bzhin ma yin pa la chos su ston na sbom po'o//dge 'dun thams cad kyis rjes su gnang na/ dge 'dun thams cad la yang 'gal tshabs can du 'gyur ro/ /dge 'dun bye ba las phan tshun gyi phyogs su gnas nas 'byin par byed na gnas nas phyung ba ma yin no/ /skam la gnas pas grangs su bskang ste/gnas nas 'byin par byed la/ gal te des kyang rjes su gnang na gnas nas phyung ba yin no/ /ma bsgo bar gnas nas 'byin par byed la/ gal te dge 'dun gyis kyang rjes su gnang bar ma gyur na/ las byed pa la sbom po'o/ /ji ste dge 'dun thams cad kyis rjes su gnang na ltung ba med de/dge 'dun la ni nyes byas te/ de yang gnas nas phyung ba yin no/ /rnam pa gnyis kar yang tshul shing 'drim pa dang bzhis gnas nas 'byin par byed na/ gnas nas phyung ba ma yin no/ /gnas nas 'byin pa'i las kyi cho ga ji snyed bstan pa bzhin du gzhan la yang ci rigs par blta bar bya'o//bsdigs pa'i las byas pa la smad pa'i las byas na byas pa zhes bya ste/ snga ma ni nyams so/ /de bzhin du phyir 'gyed pa dang / bskrad pa las gnas nas phyung ba'i las byas pa la/ phyir 'gyed pa la sogs pa'i las byas pa yang ngo //gnas nas dbyung bar bya ba la/ bsdigs pa'i las byas na/ de mtshungs par spyod pa'i 'os ma yin pas na/ byas pa ma yin par brjod par bya'o/ /las kyi tshig gcig gis gnas gnyis sam gnas mang po'am/ bzhi la yang rung ste/ re lde la sogs pas mtshams mnan nas las byas na ltung ba med do//sa la 'dug pa dang / nam mkha' la gnas pa la las byas na ma byas pa'o/ /de bzhin du slar ldog pa yang ngo / /dge slong dang dge slong ma rnams kyi las ni tha dad de thun mong ba ni ma gtogs so/ /rnam par nges pa lhag ma kha cig ni smras zin to//kha cig ni gdod smra'o/ /de lta bas na chos bzhin du byas pa las dang chos bzhin du bya ba ma yin pa'i las spang bar bya ba brjod pa'o/ /rtsod pa zhes bya ba ni/ 'khrug pa'i dngos po'am gzhi zhes bya ba'i bar du'o/ /de'i dbang du byas nas 'di rnams 'byung bar 'gyur ro/ zhes kyang bya'o/ /de yang mdor na rnam pa bzhi ste/ 'gyed pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa'o/ /de dag kyang rnam par dbye ba'o/ /rgya cher ni rnam pa mang du'o/ /sbyangs pa zhes bya ba ni nye bar zhi ba'o/ /yang las kyi zhes bya ba ni de yang las byed pa'o//skyo sngogs zhes bya ba ni mi ltos pa'o/ /de la ltung ba ci ltar 'gyur zhe na/ dge slong 'gyed pa'i phyir rtsod pa la rtsod pa de nyid du 'du shes sam rtsod pa gzhan du 'du shes kyang rung / chos bzhin du nye bar zhi bar byas pa la der 'du shes sam yid gnyis za na yang rung ste/skyo sngogs byed na ltung byed do/ /chos ma yin pas nye bar zhi bar byas pa la/ chos bzhin du nye bar zhi bar byas par 'du shes sam/ yid gnyis za na yang rung bas skyo sngogs byas na nyes byas so/ /rtsod pa bzhi po re rer sbyar bar bya'o/ /chos bzhin du byas pa la chos bzhin ma yin par 'du shes pa dang /chos bzhin ma yin pa la chos bzhin du ma yin par 'du shes te/ skyo sngogs byas na gnyi ga la yang ltung ba med do/ /gang zag lnga ste/ gnyug mar gnas pa ste/ gang rtsod pa'i thog ma dang / bar dang / tha ma shes pa dang / las byed pa ste/gang gis rtsod pa de'i las byed pa dang / 'dun pa phul ba ste/ gang gis mtshams su phyin la mngon sum du ma gyur pas rjes su gnang ba byin pa dang / lta ba smra ba ste/ gang gis der rang gi lta ba mngon du byed pa dang / lta ba smra ba la chos bzhin ma yin pa lnga ste/ tha dad par gnas pa dang / bsnyen par ma rdzogs pa dang / gnas par mi bya ba dang / tshogs kyi dang / dngos po lhag ma ma lus pas lta ba smra ba'o/ /go bzlog pa ni chos bzhin du'o/ /glo bur du 'ongs pa ste/ gang thog ma dang / bar ma dang / tha ma mi shes pa'o/ /snga ma gsum pos skyo sngogs byas na ltung byed do/ /phyi ma gnyis pos ni nyes byas so//gnyi ga la yang dge slong yin la rtsod pa la skyo sngogs byas na ltung byed do/ /dge slong gis dge slong ma la skyo sngogs byas na nyes byas te/ de bzhin du thams cad kyi lhan cig pas rgyun chags su sbyar ro/ /dge slong gnyis kyis rtsod pa ma gtogs par de las gzhan pa'i rtsod pa thams cad la skyo sngogs byas na nyes byas so zhes bya ba ni bsdus pa'i don to//dge slong gis bslab pa byin pa la khyod bslab pa byin pa ma yin no zhes smras na nyes byas so/ /khyod bslab pa byin pa ma yin no zhes smras na/ yan lag lnga ste/ pha rol po dge slong gi rtsod pa yin pa dang /chos bzhin du zhi bar gyur pa dang / der 'du shes sam/ the tshom za'ang rung ba dang / des smras pa dang / pha rol bos go ba'o/ /bzhi pa'o// //mnyan yod na ste/ 'char kas yan lag gi nor bu zhes bya ba'i rig pas bud med kyi yul la bud med kyi mtshan nyid gsang ba'i gnas la sogs pa ston pas na/bud med kyi yul la chos bshad pa bkag ste/ phyis kyang skye bo rnams la dgongs pa'i phyir tshig lnga dang drug tu rjes su gnang ba las/ drug sde bsams bzhin du tshig lhag par ston cing / spre'u la sogs pas rig pa'i skyes par byas pa na/ ston pa'i gang gzhi'i dbang du mdzad de/'khrig pa dang / 'gal tshabs can dang / ma gus pa dang / rkyen la ltos pa'i nyon mongs pa rnams yongs su spang ba'i phyir lnga pa bcas so/ /bud med kyi yul la zhes bya ba ni/ legs par smras pa dang / nyes par smras pa'i chos rnams kyi don mngon par shes pa'o//lhag par zhes bya ba ni chos ston na'o zhes bya ba dang 'brel to/ /gang las lhag pa zhes bya zhe na/ nye ba na 'dug pa'i tshig lnga'am drug las zhes bya bar rig par bya'o/ /tshig lnga'am drug las zhes bya ba la/ chos ston na zhes bya ba ni tshig gi lhag ma'o/ /chos zhes bya ba'i sgra ni gnyi ga dang 'brel te/bya ba'i sgra yang med na mi 'byung ba'i phyir ro/ /'di skad du tshig lnga'am drug tu ston cing / de las lhag par ston na'o zhes bstan par 'gyur ro/ /chos zhes bya ba ni/ de bzhin gshegs pas gsungs pa'am/ nyan thos kyis bshad pa'o/ /tshig lnga'am drug ces bya ba ni gang la tshig lnga'am drug tu 'gyur ba ste/gzugs mi rtag pa dang / tshor ba dang / 'du shes dang / 'du byed dang / rnam par shes pa mi rtag go zhes bya ba ni tshig lnga'o/ /mig mi rtag to zhes bya ba nas yid mi rtag go zhes bya ba'i bar du ni tshig drug pa'o/ /tshig lnga'am drug gi thabs ni tshig lnga'am drug ces bya ba'o//gzhan dag ni lhag pa zhes bya ba ni sangs rgyas kyis rjes su gnang ba'i chos las lhag par gal te steg pa'i tshig drug rnams sam/ nye bar 'jal ba'i dngos po'i tshig lnga rnams dang ldan par chos ston pa la bya'o zhes zer te rus dang shin tu mdzes pa dang /cha lugs gzhon nu las rnams dang / /mnyam par phrad pa'i steg tshig ste/ /tshig drug ces bya de la 'dod/ /gang gis bud med la rus dang / shin tu mdzes pa dang / cha lugs dang / gzhon pa dang / las rnams la bya ste/ bsnyen bkur byed pa dang bzo'am/brtson no zhes bya ba'am/ skyes pa dang / bud med mnyam par phrad pa la ste/ des 'di lta bur lkugs pa mo yang 'di lta bur 'dod de/ de bzhin du song ngo zhes bya ba la sogs pa bud med de la'am/ gzhan la yang rung bsngags na ltung byed kyi ltung bar 'gyur ro//gal te mdo sde la sogs pa'i nang du gtogs pa kha ton du byas pa brjod pa ni ma gtogs so/ /rig pa'i skyes pa med par tshul bzhin du chos ston kyang ltung byed do/ /nye bar 'jal ba'i dngos po'i tshig lnga zhes bya ba ni skyes pa'i rabs dang / byung ba dang / 'dra pa dang / sbyar ba dang / rtogs pa brjod pa'o zhes so/ /rig pa'i skyes pa ma gtogs te/ /zhes bya ba la sogs pa ni rig pa'i skyes pa med pa ste/ mi'i rigs skyes pa yin la/ gnas ngan len gyi tshig rtogs pa ni rig pa'i skyes pa zhes brjod par bya'o/ /yang na rung ba'i skyes pa la yang rig pa'i skyes pa zhes bya ste/khyim pa 'am rab tu byung ba la yang rung / gang rnam par 'gyur ba mi bsten pa'o/ /kha cig na re bud med kyi yul yang rig pa'i skyes pa ste/ bslab pa 'bul ba la rig pa'i skyes pa bzhin du/ de'i mdun du ngo tsha dang bcas pas na mi smra ba'i phyir ro zhes zer ro//de la ltung ba ji ltar 'gyur zhe na/ steng gi yang tog tu chos tshig lngar ston pa las bsams bzhin du tshig drug tu 'das sam/ tshig drug tu ston pa las tshig bdun du 'das na ltung byed do/ /bar khang du babs nas der tshig lnga'am drug tu ston na ltung ba med do//de bzhin du 'og gzhi'i sar babs pa dang / sgo khang dang / phyi rol gyi bang rim du yang ltung ba med par brjod par bya'o/ /gso sbyin sbyin pa dang / stong ba dang / kha ton zhu ba dang / dmigs kyis 'dri ba dang / bud med kyi yul mkhas pa'i rang bzhin can gyis gong nas gong du dris pa de ji srid gtan la dbab par byas pa la ltung ba med do//ldab ldib can dang / myur du smra ba dang / rig pa'i skyes pa yod pa la yang ltung ba med do/ /rig pa'i skyes pa med la med par yang 'du shes sam/ yid gnyis za na yang ltung byed do/ /yod pa la med par 'du shes sam/yid gnyis za na nyes byas so/ /de bzhin du bud med yin la bud med du 'du shes pa mu bzhir brjod par bya'o/ /de bzhin du tshig lnga'am drug la tshig lnga'am drug tu 'du shes pa yang ngo / /rig pa'i skyes pa ma ning ngam/ mtha' 'khob pa 'am/kla klo'am/ nyal ba'am/ ra ro ba'am/ smyos pa'am/ snyoms par zhugs pa'am/ glen pa'am/ mi ma yin pa'am/ bud med rung ba ma yin la rig pa'i skyes pa rung ba yin la/ rig pa'i skyes pa rung ba ma yin pa yang rung ste ston na nyes byas so/ /rung ba ma yin pa rung ba'i thad du na yang nyes byas so//ma ning mo la ston na yang nyes byas so/ /de bzhin du mtshan gnyis ma la yang ngo / /de bzhin du nyal bu yang ngo / /yan lag bzhi ste/ gang la bstan pa de yang bud med yin pa dang / tshig lhag mar smras pa dang / rig pa'i skyes pa med pa dang /nye 'khor gyi khyad par med pa ste/ ngag dang sems kyis kun nas bslang ba'o/ /lnga pa'o// //mnyan yod na ste/ bram ze bzhin drug sde rnams bsnyen par ma rdzogs pa la klog tu 'jug cing ca co dang gzhan dag byas pas na/ sten pas gzhi'i dbang du mdzad de/ mgus pa'i nyon mongs pa'i phyir drug pa bcas so//bsnyen par ma rdzogs pa zhes bya ba ni/ dge slong dang dge slong ma ma gtogs pa thams cad bsnyen par ma rdzogs pa'o/ /gang zag ces bya ba ni don dam par gang zag med mod kyi rnam pa bzhi'i phyir gang zag rnam par gzhag ste/ 'jig rten gyi rjes su 'jug pa'i phyir dang /yang dag pa'i tha snyad du bde ba'i phyir dang / thams cad du sems can med na skrag par 'gyur ba'i phyir dang / bdag dang pha rol po'i yon tan dang nyes pa thar pa dang / bcings pa brjod pa'i phyir ro/ /tshig dang tshig ces bya ba ni tshig mnyam pa dang / tshig lhag pa dang /yi ge mnyam pa dang / yi ge lhag pa'o/ /tshig ces bya ba ni tshigs su bcad pa'i bzhi cha'o/ /mnyam pa zhes bya ba ni cig car brjod pa'o/ /tshig lhag pa zhes bya ba ni slob dpon gyis ma smras par nye gnas kyis sngon du brjod pa ni tshig lhag pa'o/ / chos zhes bya ba ni gsung rab yan lag bcu gnyis su gtogs pa'o/ /kha cig na re 'dir 'dul ba dang rab tu ldan pa'i chos kyi don la bya bar 'dod do zhes zer ro/ /'dod na zhes bya ba ni bstan pa sbyin pa'i tshul gyis len du bcug pa yin te/ des ni 'di ltar bsnyen par rdzogs pa dang lhan cig tu 'don pa la nyes pa med do zhes bya bar ston to//dge slong gis bsnyen par ma rdzogs pa la bsnyen par ma rdzogs par 'du shes sam/ bsnyen par ma rdzogs par yid gnyis za na yang rung ste/ tshig mnyam pa dang / tshig lhag pa dang / yi ge mnyam pa dang / yi ge lhag pas 'don na ltung byed do//bsnyen par rdzogs pa la bsnyen par ma rdzogs par 'du shes sam yid gnyis za na'ang rung ste/ 'don na nyes byas so/ /dud 'gro'i skye gnas su gtogs pa dang / smyos pa dang / sems 'khrugs pa dang / tshor bas gzir ba dang / mi ma yin pa dang /glen pa dang / lkugs pa dang / 'on pa dang / tshig gis chos 'don na nyes byas so/ /ji ltar bsnyen par ma rdzogs pa dang / mu bzhir sbyar ba ltar tshig mnyam pa la sogs pa dang / de bzhin du chos la chos su 'du shes pa yang ngo zhes bya ba'i bar ro/ /khyim pa glags tshol ba'am/chos rku bar 'dod pa'am/ ma dad pa'am/ rgyus mi shes pa'am/ mu stegs can yang rung ste/ der ma bklags kyang 'dul ba dang ldan pa'i chos bshad pa tsam gyis kyang ltung byed do/ /ji skad bstan pa go bzlog ste/ khyim pa rnams dang tshig dang tshig gis glag na ltung byed do//dge tshul la nyes byas so/ /chom rkun pa rnams la ltung ba ston pa dang / de bzhin du so sor thar par bstan pa la ni ltung ba med do/ /ji ltar rgyal po dang / dad pa can dang / gtso bo rnams la so sor thar pa bsgrags na'ang ltung ba med do/ /gang ma dad pa'am/ phul ba de la ni bsgrags par mi bya'o//rnam pa lnga la 'dul ba brjod par mi bya'o/ /shes par 'dun du byas nas mi 'dri ba dang / 'gyod pa med pa 'phel bar mi 'dri ba dang / brtag go snyam du bsams shing 'dri ba dang / dbyas bya'o snyam pa dang / klan kar sbyar ro snyam nas 'dri ba'o//slar bzlog pa rnams la ni brjod par bya'o/ /ldab ldib can dang myur du smra ba la ni ltung ba med do/ /kha ton du bya ba'am dmigs kyis 'dri ba sbyin pa la ni ltung ba med do/ /rjes su nyan pa ste/ khyod kho bo dang mnyam pa'am/ sngon du ma klog cig ces bsgo ba las klog pa ni ltung ba med do//bsnyen par ma rdzogs pa la bsnyen par rdzogs par 'du shes pa dang / tshig nyung bar 'du shes pa dang / chos ma yin par 'du shes pa ltung ba med do/ /ston pa dang len pas kun du spyad par bya ba ni spyod lam bzhi po dag gis sbyin par bya ste/ nyal ba ma gtogs te gsum pos nod par bya'o//rgan nam gzhon yang rung khams mnyam mam zhes dris la lus btud de drang por gus pa dang bcas pas legs par yongs su dris te/ legs par gzung ba dang / som nyi med par yang byas nas bstan pa brjod par bya'o/ /'chag pa'i tshe ni gom pa bsri bar bya'o//lus kyis 'dug na tsog tsog po'am/ stan dma' ba byas la khyad par du phyag bya'o/ /ston pas kyang legs par dris te legs par zin pa dang / som nyi med par byas nas kyang sbyin par bya'o/ /bstan par bsnyen bkur byed pa rnams drung na 'dug pa'am/drung na 'dug pa ma yin pa la bstan pa sbyin par bya ste/ gral rims su brtag par mi bya bar logs shig tu bstan pa sbyin par bya'o/ /de bzhin du 'dzin mi nus pa rnams la'o/ /tshig la sogs pa'i dbang du byas nas 'di yang brjod de/ dbyangs kyis ston tam/klog gam/ kha ton du byed pa dang / 'dri ba'i len byin na nyes byas so/ /chos 'chad pa dang / bstod pa brjod pa la ltung ba med do/ /dben pa'i phyogs su dbyangs goms par byed pa la ltung ba med do/ /phyi rol po'i bstan bcos bklag par mi bya'o/ /phas kyi rgol ba tshar bcad par nus na des ni nyin gcig la dus gsum du bgos te gya nom pa'i cha gnyis su ni sangs rgyas kyi gsung bklag par bya'o//gsum pa la ni phyi rol pa'i bsten bcos bklag par bya'o/ /lo grangs las char dbye bar mi bya'o/ /de bzhin du kha ton bya ba yang ngo //mtshan mo la yang rnam pa gsum du bya'o/ /sangs rgyas kyi bka' sdeb sbyor dang / tshig dang / rim pa de la gzhol ba nyid kyis sbyar te bklags na 'gal tshabs can du 'gyur ro/ /nges pa'i tshig smra ba'am/ yul gyi nges pa'i tshig smra ba la ni ltung ba med do//dge slong gis dge slong ma'i 'dul ba bzung ba byas la dge slong ma la klag pa dang / kha ton bya ba dang / dmigs kyis 'dri ba sbyin par rjes su gnang ba yin no/ /chos 'chad pa'i tshe gleng gzhi brjed na grong khyer chen po drug po dag las gang yang rung ba brjod par bya'o//rgyal po dang / khyim bdag dang / dge bsnyen ma brjed na gsal rgyal dang / mgon med zas sbyin dang / sa ga zhes brjod par bya'o/ /sngon gyi byung ba brjed na go rims bzhin du ste/ yul bA rA Na sIr na rgyal po tshangs byin dang /khyim bdag sdums byed dang / dge bsnyen ma gso sbyong 'phags zhes brjod par bya'o/ /tshes brgyad dang bcu bzhi la kun 'dus shing chos bsgrag par bya'o/ /mu stegs can 'ongs na tshar gcad par bya'o/ /bkur sti dang bcas pa dang / spyod lam zhi ba dang / sems zang zing med par byas na chos bstan par bya'o/ /gal te chos ma yin pa zhig tu smra na gnas brtan gyis dgag par bya'o/ /chos smra bas 'khor khrid de 'gro bar mi bya'o/ /bdag nyid 'ong ba la ni ltung ba med do/ /chos btsongs pas 'tsho bar mi bya'o/ /chos smra ba bdag nyid mi 'chad dam gzhan la ma bcol na nyes byas so//gaN+DI brdungs na thams cad kyis kun du myur du 'du bar bya'o/ /gar dang glu dang rol mo slob pa dang thabs ston tam/ bltar 'gro na nyes byas so/ /sman pa mkhas pas snying brtse ba'i phyir khyim pa 'drir 'ongs pa la sman gyi thabs ston par rjes su gnang ngo //zang zing gi sems kyis ni ma gnang ste/ de bzhin du tha na dge slong la yang ngo / /mas gtong ba'i dpyad ni phyogs dben par gzhag par bya'o/ /mna' dor na nyes byas so/ /yal 'dzugs 'khra na nyes byas so/ /drug pa'o// // mnyan yod na ste/ drug sde rnams gnas brtan gyi dge 'dun lhag ma'i ltung ba bsnyen par ma rdzogs pa rnams la brjod de/ de dag kyang de dag la 'phya bar gyur pas na/ bsnyen par ma rdzogs pa'i gang zag gi gzhi las brtsams te/ mi bzod pa'i nyon mongs pas bdun pa bcas so//bsnyen par ma rdzogs pa zhes bya ba ni ji ltar 'don pa'i bslab pa'i gzhi bzhin no/ /gnas ngan len ces bya ba ni pham par 'gyur bas kun nas bslang ba dang / dge 'dun lhag mas kun nas bslang ba'o/ /don 'di ni 'khrig pa dang ldan pa la bya ste/ ngo bo nyid dang kun nas bslang bas nyon mongs pas na gnas ngan len ces ni mi bya'o//dge 'dun gyis gnang ba ma gtogs te zhes bya ba ni/ dge slong 'phral ba dang / dge slong ma gsal ma'i dbang du mdzad de/ bcom ldan 'das kyis tshig 'di khol du phyung ba'o/ /khyim pa rnams la so sor rig par byed pa gcig la spro bar bya ste/gsol ba byas la las bya'o/ /de nas des so sor rig par bya'o/ /ji ste de 'jigs pas so sor rig par byed mi nus na/ dge 'dun thams cad kyis gsol ba 'ba' zhig gi las byas la so sor rig par bya ste/ de gang zag la gnod par nus kyi dge 'dun la ma yin pa'i phyir ro//so sor rig par byed du gnang ba ni dkon mchog gsum la gnod pa dang / nye bar 'phrog pa la spang bar bya ba dang / tshul khrims la sogs pa nyams pa'i phyogs 'phel bar 'gyur ba spang bar bya ba dang / tshul khrims la sogs pa nyams pa rnams mi dge ba'i gnas nas phyung ste/ dge ba la gzhag par bya ba dang / dge slong rnams gcig la gcig tshul khrims la sogs pa nyams pa 'chab po zhes gzhan gyis de ltar shes par mi 'gyur zhing pha rol po dag gi sems bsrung ba dang khyim pa'i khyim du 'jug pa la gnod pa byung ba spang bar bya ba'i phyir ro//de la ltung ba ji ltar 'gyur zhe na/ dge slong gis so sor rig par ma gyur pa la rig par ma gyur par 'du shes sam yid gnyis za na yang rung ste/ dge slong gis gnas ngan len so sor rig par byas na ltung byed do//so sor rig par gyur pa la so sor rig par ma gyur to snyam du shes sam/ yid gnyis za na yang rung ste/ so sor rig par byas na nyes byas so/ /so sor rig par byed pa'i gnang ba byin pa'i dbang du byas te mu bzhir sbyar ro/ / gzhan gyis ni rig par gyur tam/ rig par ma gyur kyang rung ste ltung ba 'dra'o/ /'khrig pa dang ldan pa ma gtogs pa gzhan tshul khrims dang lta ba nyams pa la ni go bar byas na nyes byas so/ /bdag nyid kyi gnas ngan len bsnyen par ma rdzogs pa la brjod na nyes byas so/ / brjod pa las pha rol pos ma rig na yang nyes byas so/ /dge slong mas bdag gi gnas ngan len brjod na nyes byas so/ /gang la brjod pa de'i rim par dbye ba'i rgyud chag pa'i nyes pa ni/ bslab pa'i gzhi gong du smos pa bzhin no/ /dge 'dun gyis so sor rig par byed pa'i gnang ba byin pa la ni ltung ba med do//de yang gnod sems dang ldan na nyes byas so/ /dril bsgrags pa'am/ ri mo la sogs pa bris pa ci ltar bdag gis shes pa bzhin du 'jig rten kun gyis kyang shes so snyam pa la ltung ba med do/ /so sor rig par ma gyur pa la rig go snyam du 'du shes pa ni ltung ba med do//bden pa mthong ba la brjod pa la yang ltung ba med do/ /bdun pa'o// //yangs pa can na ste/ chu klung yid 'ong ldan gyi 'gram na 'khod pa dag gis sngon mu ge byung ba'i tshe ni mi bden la da ni bden te/ mi'i chos las bla mar gyur pa brjod pas na/bsnyen par ma rdzogs pa'i gang zag gi gzhi'i dbang du mdzad de/ yid ches pa dang / rnyed pa dang / bkur stis nyon mongs pa'i phyir ltung byed brgyad pa bcas so/ /mi'i chos las bla mar gyur pa ni pham par 'gyur ba'i gzhi la rnam par phye ba'o//der ni mi bden gyi 'dir ni bden te/ khyad par du yod pa'o/ /der ni pham par 'gyur bar smos kyi 'dir ni ltung byed do/ /gang du nyes pa sbom por smos pa 'dir ni nyes byas su rig par bya'o/ /gang du nyes byas der ni nyes byas nyid do/ /mi ma yin pa dang / smyos pa la sogs pa dang / glen pa la sogs pa dang / sngar ltung ba byung ba la sogs pa rnams la brjod na nyes byas so/ /spring yig la sogs pa rnams kyis kyang nyes byas so/ /'bras bu thob pa las/ lag tu shing thog a mra'i 'bras bu la sogs pa bzhag ste/ khyod kyis 'bras bu thob bam zhes dris pa las 'bras bu las bsams te cang mi smra ba na nyes byas so//ci ste mi'i chos las bla mar gyur pa bzhin du na ni ltung byed do/ /de bzhin du lhag ma'i rnam grangs kyang brjod par bya'o/ /bstan pa la mang po yid ches par gyur pa zhig gi phyir smras na ltung ba med do//khyim pa'i mdun du rdzu 'phrul bstan na nyas byas so/ /gdul bar bsams pa la ni ltung ba med do/ /dge slong mas ston pa'i spyan sngar rdzu 'phrul byed na nyes byas so/ /brgyad pa'o// //rgyal po'i khab na ste/ gyad bu nor gyi chos gos gsum ngan te/dge 'dun gyis mi 'khrug par 'gyur ba'i phyir gsol ba byas te/ ras byin pa dang / mdza' bo dang / sa las skyes pa dag phyis dge slong dag la smos pas na/ rtsod pa'i gzhi'i dbang du mdzad de/ mi bzod pa'i nyon mongs pas ltung byed dgu pa bcas so/ /sngar legs par rung bar byas nas zhes bya ba ni sngar 'dun pa byin pa'o//'di ltar bshes ngor byas te zhes bya ba ni dge slong gi bshes pa gang zhe na mkhan po yi ni lhan cig gnas pa nas 'grogs bshes kyi bar du'o/ /rnyed pa zhes bya ba ni 'dir ni gos kyi rnyed pa la bya bar dgongs so//de yang 'di ltar don gyi byung ba'i dbang gis brjod kyi/ thams cad la yang rnyed pa zhes bya bar gzung ngo / /bdag gi gang zag ces bya ba ni bdag gi gang zag la ste/ bdag nyid kyi de dag la'o zhes bya ba'i tha tshig go/ /gzhan dag las ni bdag gi rnams kyi phyir ro zhes kyang 'byung ngo //rnam pa gzhan du na sngar legs par rung bar gyur pa zhes bya ba ni dge 'dun gyi rnyed pa 'di yin te/ 'di'i cha shas bdag cag dbang ngo snyam pa'o/ /phyi zhig nas khrus byas nas 'ongs pa dang / sbyin bdag gis gang zag gang gi phyir 'ongs te 'ongs pa gang zag de la byin pa dang /khyed kyis 'di rang gi gang zag la bsngos so zhes zer ba de la ltung ba'o/ /ma bsngos pa la ma bsngos par 'du shes sam yid gnyis za na yang rung ste ltung byed do/ /bsngos pa las ma bsngos par 'du shes sam yid gnyis za na yang rung ste nyes byas so//bsngos sam ma bsngos kyang rung ste/ bsngos par 'du shes la gal te nyon mongs pa'i sems med na ltung ba med do/ /nyon mongs pa'i bsam pas ni nyes byas so/ /dge slong ma'i dge 'dun gyi rnyed par gyur pa la de smras na nyes byas so/ /de bzhin du mi ma yin pa las rab tu byung zhing bsnyen par rdzogs pa dang /smyos pa la sogs pa rnams dang / glen pa la sogs pa rnams dang / sngon ltung ba byung ba la sogs pa rnams kyi rnyed par gyur pa de yang ngo / /de bzhin du gang la byin pa de dge slong ma la sogs pa rnams las gang yang rung bar gyur pa la de skad du brjod par bya'o//smras pa las pha rol bos ma shes na nyes byas so/ /gang zag gir bsngos pa nyid na ltung ba med do/ /dgu pa'o// //mnyan yod na ste/ drug sde rnams pham par 'gyur ba rnams 'don pa'i tshe ni cang mi smra bar dge 'dun lhag ma la sogs pa 'don pa'i tshe 'gog par byed de/so sor thar pa'i gzhi la ma gus pa'i nyon mongs pa'i phyir bcu pa bcas so/ /zla ba phyed phyed ces bya ba ni zla ba phyed phyed la bya'o/ /so sor thar pa'i mdo 'don pa na zhes bya ba ni pham par gyur pa gzhi nas rtsod pa zhi bar bya ba bdun gyi bar du ni so sor thar pa'o//gzhi dang phran tshegs la sogs pa'i bslab pa'i gzhi 'di rnams kyang der 'dus pa'o/ /yang 'di dag gis ci bya zhes bya ba ni khyad du gsod pa'i mtshan nyid do/ /gang zag ltung ba rgyun ma chad par byung la ltung ba rnams thos nas yid mi bde bas na khyad du gsod pa zhes bya'o//phran tshegs rab tu phra ba zhes bya ba ni ltung ba'i tshogs phyi ma gsum ste/ phran tshegs rab tu phra ba ni rjes su phra ba zhes bya ba'i tha tshig go/ /bslab pa'i gzhi zhes bya ba ni bslab gsum gyi gzhi'i don to/ /'gyod pa zhes bya ba ni mngon par dga' ba dang /mngon par mi dga' ba dang / bya ba dang / mi bya ba'i lam la khyad par rjes su sems rnam par 'gyur ba ni 'gyod pa'o/ /de nyid yid la gcags pa ste/ sdug bsngal ba'i don du 'gyur ba'o/ /gnod par gyur pa zhes bya ba ni yid gnyis kun nas slong ba'i phyir ro//gzhan dag ni gnod par gyur pa zhes bya ba'i gnas su rnam par 'gyur ba zhes 'don te/ de dag gi don ni de'o/ /de la ltung ba ci ltar 'gyur zhe na/ dge slong pham par gyur pa gzhi nas rtsod pa zhi ba bdun gyi bar du 'don pa'i tshe gnod par 'gyur ba de dag gis sam/ dus ring po ma yin par gzhan dag gis kyang de lta bu'i rigs kyi khyad du gsod na ltung byed do//de bzhin du gzhi dang phran tshegs dang / gleng gzhi dang / sil bu dang / 'dul ba lnga pa dang / 'dul ba bcu drug pa dang / 'dul ba bram ze'i bu mo dang / de dag las gzhan pa las 'dul ba dang ldan pa'i mdo sde rnams la yang ltung byed do//de ldan pa ma yin pa'i mdo sde rnams la ni nyes byas so/ /dge slong ma la sogs pa rnams la 'gyod pa la sogs pa'i tshul ni snga ma bzhin te nyes byas so/ /'gyod pa byed pa la 'gyod par 'du shes pa rnams drug tu sbyar te thams cad la yang ltung bar 'gyur ro//lam ngan pa 'phel ba dang / yang dag pa ma yin pa nyid du shes na ltung ba med do/ /bcu pa'o/ /tshogs dang po rdzogs so// //mnyan yod na ste/ sngon shing mkhan dge slong zhig gis lha'i gnas kyi shing ljon pa zhig bcad pa dang /des bcom ldan 'das la gsol te/ bcom ldan 'das kyis gang gis shing ljon pa bcad pa de 'gal tshabs can du 'gyur ro zhes bka' stsal to/ /lag gi blas ni yang nyi ma bdun nam brgyad rnams na bcad do snyam pa dang / shing de'i drung du dkyil 'khor byas te/dri la sogs pa las gtor ma byas te/ rgyun chags gsum pa klag pa dang / yon bshad pa yang bya'o/ /dge ba bcu'i las kyi lam dang / mi dge ba bcu'i las kyi lam yang bshad par bya'o/ /de'i 'og tu shing ljon pa 'di na lha gang dag gnas pa de gnas gzhan tshol cig /shing ljon pa 'dis dge 'dun gyi 'am/ mchod rten gyi bya ba byed par 'gyur zhes brjod la/ de nas gdod gcad par bya'o/ /gal te 'gyur ba bstan na/ sbyin pa'i bsngags pa dang / /ser sna'i bsngags pa ma yin pa brjod par bya'o/ / gal te yang 'gyur ba bstan na gcad par mi bya'o/ /de ni byung ba yin te/ drug sde yang rang gi lag gis rtswa sngon po gcod de/ mu stegs can la sogs pa rnams kyang smod par byed nas/ sa bon dang / 'byung po'i gzhi'i dbang du mdzad de/ ma dad pa dang rkyen gyis btang snyoms pa'i nyon mongs pa dag dang /snying rje med pa'i nyon mongs pa'i phyir yang / sa bon gyi tshogs kyi bslab pa'i gzhi dang por bcas so/ /sa bon gyi tshogs zhes bya ba ni sa bon gyi rang bzhin lnga ste/ sa bon rnams kyi tshogs ni sa bon gyi tshogs zhes bya ste/ kun nas bsdus pas phung po zhes bya ba'i tha tshig go//de la rtsa ba'i sa bon ni gla sgang la sogs pa gang rtsa ba btab pa las skye ba'o/ /sdong bu'i sa bon ni shing a shwad tha la sogs pa ste/ sdong bu las skyes pa'o/ /tho gu'i sa bon ni gang tho gu las skye ba yin te/ bu ram shing dang 'od ma la sogs pa'o//'gas pa'i sa bon ni shing tog ardza ka la sogs pa'i lo ma ni 'gas pa zhes bya'o/ /sa bon gyi sa bon ni nas la sogs pa'i sa bon yin zhing der bgrang ba'o/ /kha cig na re dgas pa'i sa bon ni gang bkas pas skye ba'o/ /'bru ni sa bon gyi sa bon te nas la sogs pa ste/kha cig gang mi 'dra ba las mi 'dra ba skye ba yin te/ rwa las smyig ma dang / ba lang gi spu dang / lug gi bal las rtswa dUr ba zhes bya ba la sogs par 'gyur ro zhes zer ro/ /'byung po'i gnas zhes bya ba la/ 'byung po ni srin bu dang / phyi byi zhol la sogs pa'i gnas yin pas na shing la gnas zhes bya'o//gzhan dag ni mi'i grong bzhin du 'byung po'i gnas zhes bya ste/ rnam pa lnga po zhes kyang zer te/ rtswa la sogs pa ni de lta bu'i rgyu yin pas na sa bon lta bu zhes bya ste/ gcan gzan gyi gnas dang / ri dgas kyi gnas dang /bya'i gnas dang / rjes su 'brang ba'i gnas dang / sha sbrang gi gnas so/ /rjes su 'brang ba zhes bya ba ni byi ba dang / ne'u le dang / sbrul la sogs pa'o/ /'jig gam 'jig tu bcug ces bya ba ni 'byin pa dang / bkas pa dang / gcod pa dang / 'bigs pa la sogs pa'i tshig bla dgas so//gcig ni rang gi don te/ ni ka tsa'i rkyen to/ /gnyis pa ni rgyu'i byed pa'o/ /de la ltung ba ci ltar 'gyur zhe na/ dge slong gis sa bon nam rtswa la sogs pa la sa bon de nyid du 'du shes sam/ sa bon gzhan du 'du shes sam/ sngon po la sogs par 'du shes sam/yid gnyis za na yang rung / sen mo'am/ mtshon nam/ bong ba la sogs pa rnams kyi sa dang / me dang / chu dang gtun shing gis bsnun tam/ sa skam po la gzhag gam/ 'gyur byed dang / tsha sgo la sogs pas sbags sam/ 'u sha la sogs pa dang / 'chag pa dang / re lde la sogs bshal tam thabs ci dang cir yang rung ste/nyams par bya bar bsams nas bdag rang ngam/ pha rol pos nyams par byas pa las rnam par nyams par gyur na ltung byed do/ /de ltar ma gyur na nyes byas so/ /sa bon ma yin pa la sa bon du 'du shes sam/ yid gnyis za na yang rung nyes byas so/ /de yang dngos po ji snyed pa de [(]snyid [,]snyed [)]kyi ltung byed du 'gyur ro/ /sbyor ba ci snyed pa de snyed las nyes byas so/ /gal te sbyor ba gcig gis mang po nyams par gyur na nyes byas gcig dang / ltung byed mang por 'gyur ro/ /gal te sbyor ba mang pos gcig nyams par gyur na ltung byed gcig ste/nyes byas mang por 'gyur ro/ /sbyor ba dang dngos gzhi'i grangs kyi ltung ba'i grangs bzhin du bslab pa'i gzhi thams cad la yang rig par bya'o/ /shing ljon pa'i sbu bu dang / shun phrags dang / phri dang / 'dab ma skya bo dang / me tog rgyas zin pa dang / 'bras bu smin zin pa bshus sam blags na nyes byas so/ /rtsa ba dang / snying po dang / 'dab ma sngon po dang / me tog kha ma bye ba dang / 'bras bu ma smin pa nyams par byas na ltung byed do/ /nya lcibs dang / nya tshang chu las ji srid phyir ma byung ma bskyod pa de srid du nyes byas so//phyung na ltung byed do/ /pha bong gi dregs pa dang / pha ba dgo dgo dang / sha mo nyams par byas sam phyung ba dang / de bzhin du bum pa dang gos kyi gdang la sogs pa glam can bcad na nyes byas so/ /rung bar byas pa la ni ltung ba med do//shing tog ko la'i tshi gu ril mid byas na nyes byas so/ /spring yig la sogs pa rnams kyis sam/ lus kyi rnam par rig byed dam/ rdzu 'phrul gyis sam/ rnam par thar pas shing ljon pa bcad na legs so zhes smras pa las gal te bcad na nyes byas so//pad+ma'i sdong bu dang / rdo'i zar bu bcad na nyes byas so/ /kha cig gi 'dod pa ni ltung ba'i rnam par dbye ba la/ sbrang tshad dge slong gis 'char mi gzhug par 'bad par bya'o/ /ma byas na nyes byas so/ /'byung po'i gnas srog chags kyis zin pa bshig na ltung byed do//sems can gyi ma zin pa'am/ sgo nga med pa'i tshang ba shig gam/ sgo nga rul pa bcag na ltung ba med do/ /brgya gang srog chags la gnod par mi 'gyur ba thams cad gzhig par bya'o zhe'o/ /thams cad du nyams par bya bar ma bsams na 'chag gam/ khu ba la sogs pa pho'am/ skyang nul lam bshal kyang rung ltung ba med mod kyi 'on kyang rtsa ba dang 'bras bu dag rung bar bya ba byos la bza' bar bya'o/ /rung bar bya ba lnga ste mes rung ba dang / mtshon gyis rung ba dang / rnyings pas rung ba dang / ne tshos rma phyung bas rung ba dang / sen mos rung ba'o/ /yang lnga ste/ phyung ba dang / bcad pa dang / bkas pa dang / phug pa dang / sa bon gyi chos med pa nyid do/ /rgun la sogs pa'i 'bras bu ni phung por byas te/ gnas gsum mam bzhir mes reg par byas te thams cad kyang rung ba'o/ /mtshon dang / sen mo rnams kyis re re nas so/ /rnam pa gzhan du gang ci dang cis kyang rung snad pa dang / tha na kha 'phro dang / zhag lon pa'am/ snad par gyur pa'ang rung ba zhes brjod par bya'o/ /'bru'i rigs mi tshos pa zhes bya ba yod de/ rlangs pas rlan pa'o zhes byas la longs spyad na ltung ba med do//dge slong gis mtshon gyis rung bar byas pa yin te bza' bar bya'o/ /mes rung bar byas pa ni rang gis btsos par gyur pas na bza' bar mi bya'o/ /sa bon nyams par byas pas na ltung byed du yang 'gyur ro/ /sa rung ba'am/ mi rung ba na rung bar byed pa 'dug ste rung bar byed na byas pa yin te/mes rung ba byas pa ma gtogs te bza' bar bya'o/ /dgon par lam du zhugs pa las bsnyen par ma rdzogs pa med dam mu ge'i tshe ni ltung ba med do/ /dang po'o// //mnyan yod na ste/ mdza' bo dang sa las skyes dag grangs su bcug kyang gyad bu nor la mngon sum du 'phya zhing kha cig ces bya ba'i tshig gis gzhogs 'phyas byed de ma gus pa'i gzhi'i dbang du mdzad de/smod pa'i nyon mongs pas na gnyis pa bcas so/ /'phya'am/ gzhogs 'phyas byed ces bya ba ni 'phya ba des gzhogs 'phyas byed ces bya ba'i tshig dang 'brel to//de la 'phya ba ni tshe dang ldan pa 'dis bsams bzhin du mnar to zhes bya ba la sogs pa mngon sum du smra ba'o/ /gzhogs 'phyas ni mngon sum du'am/ mngon sum ma yin yang rung ming mi smos shing kha cig go zhes smra ba'o/ /'di gnyis gcig gam gnyis ka la yang ltung byed du 'gyur ro//de la gang dge 'dun gyis bskos pa'i dge slong la 'phya'am gzhogs 'phyas byed na de la gsol ba dang gnyis kyi las kyis grangs su gzhug par bya'o/ /grangs su bcug pa'i dge slong gis gang zag bcu gnyis mnyam du sbyor ba btang ba'am/sbyor ba ma gtang ba'am/ ma bskos pa'am/ rnam pa gnyis ka la ci ltar yang rung ste/ mngon sum mam mngon sum ma yin pa yang rung / rang bzhin du gnas pa gzhan gyis mdun du gzhogs 'phyas sam/ 'phya ba gnyi ga yang byed na ltung byed do/ /gal te grangs su ma bcug pa ni nyes byas so//gang zag bcu gnyis ni khang chen te/ gtsug lag khang gi bslab pa'i gzhi las bstan to/ /gnas yin pa la gnas yin par 'du shes shing 'phya na ltung ba med do/ /gnas yin pa la gnas ma yin par 'du shes sam yid gnyis za na'ang rung ste 'phya ba na nyes byas so//gnas ma yin pa la gnas ma yin par 'du shes sam/ yid gnyis za na yang rung 'phya na ltung byed do/ /gnas ma yin pa la yang gnas su 'du shes na yang ltung ba med do/ /dud 'gro'i skye gnas su gtogs pa dang /gzhan gyis bsgo ba'am/ de'i skad brda mi phrad pa dang / mi dben pa la dben par 'du shes nas 'phya'am/ go bzlog pa la yang rung ste/ thams cad du ci nas rang bzhin du gnas pa gang la yang go bar mi byed na/ thams cad la yang nyes byas kyi ltung bar 'gyur ro//'phya ba de la slar len gdab par bya ba yod de/ gang ma dad pas gnas yin pa la 'phya ba'o/ /de la btang snyoms su bzhag pa yang yod de/ gang dad pas gnas ma yin pa la khros nas 'phya ba yin te/ 'khrugs pa'i 'du shes kyis lan gdab par mi rigs so//der 'du shes nas lan gdab par sbyin par bya ba yod de/ gang dad pas gnas ma yin pa la ste/ yang dag pa ma yin pa la sogs pa rnams su 'phya ba'o/ /de la ci ltar chos bzhin du slar bya ba yang yod de/ gang dad pas gnas yin la yang dag pa la sogs pas 'phya ba'o//de la khas blang bar bya ba yang yod de/ gang nad pa la nad g.yog bya ba dang sbyin pa la sogs par khas blangs pa la ma byas pa ste/ gang las khas blangs pa de la 'phya ba'o/ /gnyis pa'o// //kau shAm+bI na ste/ 'dun pa ltung ba phyir gyis shig ces bsgo na/gzhan nas gzhan du rjes su 'jug pa dge slong dag gis bsgo ba rna la gzon pa yin no/ /gsol ba dang gnyis kyi las kyis bsgo ba rna la gzon pa'i grangs su bcug go/ /phyis yang bsgo ba na cang mi smra bar 'dug go snyam bsams te/ rna la gzon pas na gsol ba dang gnyis kyi las kyis cang mi smra bas na rna la gzon pa'i grangs su bcug go//grangs su bcug kyang gnyi ga byed pas na ma gus pa'i gzhi'i dbang du mdzad de smod pa'i nyon mongs pas na gsum pa bcas so/ /bsgo ba rnal gzon na zhes bya ba ni/ 'di ni gyis shig 'di ni ma byed cig ces tshig gis bsgo ba ste/de las 'gal bar byed pa rna la gzon pas na rnal gzon pa 'di tshig gis te/ cang mi smra bas byed pa dang yang 'brel te/ /de la ltung ba ji ltar 'gyur zhe na/ dge slong gis dge slong la khyod kyis dge slong ngam/ khyim pa mo yang rung mtshan ma 'di lta bu dang ldan pa mthong ngam zhes dris pa las/des bsgo ba rnal gzon par bsams te/ mtshan ma de lta bu dang ldan pa ni ma yin gyi/ rkang pas 'gro ba mthong ngo zhes sam/ cang mi smra bas dang du len na ltung byed do/ /de lta bu ci srid gang cung zad kyang rung bsams nas gzhan du bya ba las gzhan du rjes su 'jug gam/cang mi smra bar byed kyang rung ste/ dge 'dun nam rang bzhin du gnas pa'i dge slong gis bsgo ba rnal gzon na thams cad la yang ltung byed du 'gyur ro/ /zhus pa las bka' stsal pa/ cang mi smra bar 'dug na nyes byas so//dge 'dun nam/ bla ma 'am/ bla ma'i gnas lta bu zhig gis rigs par bsgo ba las/ nyon mongs pa'i sems kyis rigs par bsgo ba rna la gzon na ltung byed do/ /mi rigs pa zhig la bsgo ba rna la gzon na nyes byas so/ /chom rkun gyis bsgo ba rna la gzon na nyes byas so//ci skad du dgon pa na gnas pa la chom rkun gyis nged kyi phyir zas dang skom gzhag par bya'o zhes bsgo ba na gzhag par bya'o/ /yang na der 'khod par mi bya'o/ /'khod na nyes byas so zhes gsungs pa lta bu'o/ /bsgo ba rnal gzon par bya ba yang yod de/ gang mi rigs pa dang /brdzun la sogs pa smra ba'o/ /de la btang snyoms su gzhag pa yang yod de/ gang khros nas mi rigs pa dang / brdzun la sogs pa smra ba sbyin pa'o/ /de la len gdab pa sbyin par bya ba yang yod do/ /gang ma khros na mi rigs par smra ba'o/ /de la ci ltar chos bzhin du slar bya ba yang yod de/gang tshul khrims la sogs pa nyams pa'o/ /de la khas blang bar bya ba yang yod de/ de tshul khrims la sogs pa phun tshogs par gyur pa dang / dge 'dun la bsnyen bkur bya ba la sogs pa'o/ /gzhan du bya ba las nyon mongs pa'i sems kyis gzhan du byed na ltung byed do//nyon mongs pa med na nyes byas so/ /lus kyis byas na yang ltung ba'o/ /song shig ces byas pa las mi 'gro ba la sogs pa yang de bzhin no/ /gnas yin pas bsgo ba las gnas yin pas bsgo bar 'du shes sam yid gnyis za na yang ltung byed do//gnas ma yin pas bsgo ba la gnas yin pas bsgo bar 'du shes pa dang yid gnyis za na yang rung nyes byas so/ /gnas ma yin pas bsgo ba'am/ gnas yin pas bsgo ba la gnas ma yin pas bsgo bar 'du shes na yang ltung ba med do//dge 'dun nam bla ma'am/ bla ma'i gnas lta bu zhig na nyes byas so/ /de las gzhan du na ltung ba med do/ /skad mi shes pa zhig la bsgo ba rnal gzon na nyes byas so/ /gsad pa zhig bros pa las gsod pa'i gshed mas dris pa la ltung ba med par brjod par bya ste/de la ngal so shig /me gang du zhugs shig chu 'thung shig ce'am/ ci ste yang 'dug tu yang mi btub na sen mo la bltas la sen mo mthong ngo zhes brjod par bya'o/ /yang na nam mkha' la bltas la nam mkha' mthong ngo zhes so/ /gal te yang mi btub na phyogs bzhir rnam par bltas la/'dus byas thams cad bdag med pa'o zhes bya bar yid la bya ste/ ngas sems can gang yang ma mthong ngo zhes brjod pa la ltung ba med do/ /gnod pa de lta bu ma gtogs so/ /khyim pas bsgo ba las rgyu gzhan gyi bsgo ba rnal gzon na nyes byas so/ / kha'i nad yod pas kha na sman 'chang zhing cang mi smra ba ni ltung ba med do/ /gsum pa'o// //'dul ba bsdus pa bam po dgu pa/ mnyan yod na ste/ dge slong rnams bla gab med par mal cha dang stan rnams bor te khyim gzhan du dang ba dang / bcom ldan 'das kyis char pa 'bab par dogs nas nang du bsdus te/de lta bas na gnas mal gyi gzhi'i dbang du mdzad de/ smod pa dang le lo'i nyon mongs pa'i phyir ltung byed bzhi pa bcas so/ /dge 'dun zhes bya ba ni dge 'dun la rnam pa drug ste/ gzhi'i tshogs kyi dge 'dun dang / de las lhag pa'i dge 'dun dang /mngon sum du nye bar 'khod pa'i dge 'dun dang / phyogs bzhi'i dge 'dun dang / gnyug mar gnas pa'i dge 'dun dang / glo bur du lhags pa'i dge 'dun no/ /skabs 'dir ni phyogs bzhi'i dge 'dun la bya ste/ gang dge 'dun gyi yin pa'o//khri zhes bya ba ni mal mthon po dang / mal chen po ma gtogs te/ /de yod du zin kyang dge slong gis de la yongs su longs spyod cing 'dug gam nyal du rung ba ma yin te nyes byas so/ /khyim gzhan du mal mthon po la 'dug pa ni ltung byed do/ /khri'u zhes bya ba ni rkang rten nam/stan bzang po'am/ rgyab rten du bcas pa la bya ste/ dge slong gis de lta bu nye bar gzhag tu mi rung ngo / /stan nang tshangs can zhes bya ba ni stan nang tshangs yod pa ste/ de yang nyis bltab tu drub la/ srid du khru bzhi/ zheng du khru do par byas la/ nang shing bal bcu po rnams las gang yang rung bas dgang bar bya ste/arka'i shing bal dang / ka sha'i shing bal dang / e ra ka'i shing bal dang / shal ma li'i shing bal dang / na me ru ka'i shing bal dang / bu ga'i shing bal dang / lug bal dang / sha na'i shing bal dang / zar ma'i shun phrags dang / ras ma dang / phyag dar khrod pa ste/ bar bar du bya rog gi rkang pa lta bus drub par bya'o/ /la ba zhes bya ba ni par tang dang / be'u phrug la sogs pa'o/ /sngas zhes bya ba ni bcom ldan 'das kyis kha zas mi 'ju ba de'i phyir rjes su gnang ste/khru bzhi kho ra khor yug la sogs pa'o/ /bla gab med pa zhes bya ba ni steng ma g.yogs pa'o/ /bting ba zhes bya ba ni bdag rang gis so/ /gding du bcug pa zhes bya ba ni gzhan gyis so/ /song na zhes bya ba ni nye 'khor las ring du 'das zhes bya ba'i tha tshig go//'dom bzhi bcu rtsa dgu'i bar du ni nye 'khor ro/ /kha cig ni gtsug lag khang gi nye 'khor dang / khyim gyi nye 'khor la bya'o zhes kyang zer ro/ /dge slong 'khod pa la zhes bya ba la/ 'khod pa zhes bya bas ni mi 'khod pa'i nyes pa spang ba'i phyir ro//de dag med na dge tshul la'o/ /de yang med na khyim pa la'o/ /de yang med na phyogs bzhir bltas la lde mig kyog po rnams sbas te song ba lam du dge slong dang phrad na lde mig kyog po rnams bstan par bya'o/ /ma bcol bar zhes bya ba la/ bcol ba ni rnam pa lnga ste/gtsug lag khang 'di re zhes bya ba dang / gtsug lag khang ltos shig ces bya ba dang / gnas mal 'di re zhes bya ba dang / gnas mal long shig ces bya ba dang / lde mig kyog po sbyin pa'o/ /bcol bar mi bya ba rnam pa lnga ste/ ngo tsha med pa dang / nad dang bcas pa dang /rgas 'khogs shing stobs chung ba dang / nad pa sbyor mi bzod pa dang / bsnyen par ma rdzogs pa thams cad la'o/ /snga ma ni gtsug lag khang gi dbang du byas kyi 'dir ni bla gab med pa'i gnas mal gyi dbang du byas pa'o/ /de 'dra ba'i rkyen ma gtogs zhes bya ba ni srog gi bar chad dam/tshangs par spyod pa'i bar chad du 'gyur ba'o/ /bla gab med pa la dge 'dun gyis khri la sogs pa nye bar gzhag nas/ nyon mongs pas drangs bas sam/ ma gus pa'am/ dran pa brjed kyang rung / yul gzhan du song na nye 'khor las 'das na ltung byed do//de tshun chad du nyes byas so/ /lam gyi bar du dran na phyin chad 'di lta bu mi bya'o zhes sems bskyed par bya zhing tshig tu yang brjod par bya'o/ /bdag gi tshangs pa mtshungs par spyod pa dag brtul grang snyam du'o/ /gal te dge slong mthong na brtul cig ces gsol ba gdab par bya'o//des kyang khas blangs nas ma brtul na 'gal tshabs can du 'gyur ro/ /gal te bzhir son te dran na der yang de skad du brjod la/ ltung ba gnyis ka chos bzhin du bya'o/ /ci ste gtsug lag khang gi nang du zhugs pa las de thun dang po nas nam langs kyi bar du'am/nyi ma phyed dam skar ma shar yang rung ste/ gdod dran la phan phun du ma gyur par brtul na nyes byas so/ /phan phun du gyur pa las brtul na ltung byed do/ /phan phun du gyur pa la rnam pa gnyis te/ rlung gis phan phun du gyur pa dang / char pas phan phun du gyur pa'o//rlung gis phan phun du gyur pa ni gal te rim pa gcig las rim pa gnyis su bzlog pa'o/ /char bas phan phun du gyur pa ni rim pa gcig las rim pa gnyis su thal ba yin no/ /dran pa brjed pa nyid du zad na nyes byas so/ /de yang lung du ma bstan pa'o/ /dge ba la sbyor ba zhig tu zhugs na ltung ba med do//gang la rgyu dang spun gnyis ka rung ba ma yin te/ rnga mo'i bal lam ba lang gi spu'am/ ri dgas kyi bal lam ra bal dang 'dres pa'i rang bzhin nam/ thags su ma btags pa yin nam/ bde bar gshegs pa'i sor brgyad kyi tshad las thung ba'am/rin po che yang rung sngon ltung ba byung ba la sogs pa'am/ dge slong ma'i gtsug lag khang du'am/ de las gzhan pa'i dge slong dang bram ze rnams kyi gtsug lag khang de'i mal cha dang / stan yin nam/ khyim pa'i'am/ gang zag gi'am/ sbyin bdag gis bdag gam gzhan la byin pa 'am/gang zag gis thob pa yongs su longs spyad pa'i phyir byin pa de dag thams cad la yang nyes byas so/ /khri'u gcig la gnyis 'khod pa na phyi nas gang langs pa des nang du gzhug par bya'o/ /gal te yang lhan cig langs na gsar bus so/ /gal te yang gnyi ga gsar bu ma yin na gnyis kas so//ma brtul ba la ma brtul ba la sogs par 'du shes na ltung byed gnyis dang / nyes byas gnyis dang / ltung ba med pa gnyis so/ /gnas mal gyi kun du spyad pa ni mal cha dang stan mi blang bar bya ba yang yod de/ gal te yang mi mthun pa byin pa'am/'bru mar la sogs pas nyams par gyur pa'am/ gang yang bskyang bar mi nus pa ste/ gding ba dang mi ldan pa'o/ /gding ba btang snyoms su gzhag nas 'gro bar bya ba yang yod de/ gang du chu dang chom rkun pa dang pha rol gyi dgras 'jigs pa mngon du byung ba'o/ /btang snyoms su mi bya ba yang yod de/gal te seng ge la sogs pa gcan gzhan gyi 'jigs pa med par 'gyur ba'o/ /bcol nas 'gro bar bya ba yang yod de/ gal te 'jigs pa mngon du ma byung ba dang / ched du nan tan du bya ba'o/ /kha cig ni nyes par 'gyur ba mi snang bas 'gro bar bya ba yod de/de dag bting ba dang / de char pa dang rlung gis nyes pa 'byung ba yang med/ zil gyis non pa dang / 'dral ba dang / sril gyis za ba yang med/ chom rkun pas phrogs pa'i nyes pa 'byung ba gang spang bar bya ba'i phyir bcom ldan 'das kyis bslab pa 'di bcas te/ltung ba med do zhes kyang zer ro/ /par tang khra bo dge 'dun gyis ni blang bar bya'o/ /gang zag gis ni ma yin te/ sbyin bdag la yid brtan te spyod pa la ltung ba med do/ /gding ba med par stan khra bo la 'dug par mi bya nyal bar mi bya'o/ /phal cher nyams par gyur pa la ni ltung ba med do//thams cad kyi stan khra bo nye bar bkra ba la gding ba med par spyad par mi bya'o/ /dge 'dun gyi mal cha dang / stan bgos nas bla gab med par char pa 'bab par 'dug gam 'gro bar mi bya'o/ /de bgos la bkru ba dang / brtso blag dang / lhung bzed kyi las mi bya/ bshang ba dang gci ba'i khang pa dang / tshang mang du 'gro bar mi bya/ lus dang 'brel ba'i bar chad bcug nas gon la dal bus bags kyis spyad par bya'o/ /dman bar yongs su longs mi spyad pa la rnam pa lnga ste/ bshal ba dang / drag tu 'dren pa dang / du ba dang / dri ma dang / rdul lo/ / dge 'dun gyis bgo ba la sar pas rim pa gcig tu bya/ spyad pa srab mo ni rim pa gnyis su byas la spyad par bya'o/ /mi gtsang ba gcig gis reg na de ma thag tu sbyang bar bya'o/ /mdze'i nad kyis btab pa zhig na/ mtha' 'khob tu mal cha dang stan sbyin par bya'o/ /rim gro ba yang ngo / /dge 'dun gyi mal cha dang /stan nyams pa la btang snyoms su mi bya'o/ /gang ral ba de la ni drub pa sbyin par bya'o/ /gang rdol ba de la ni lhan pas glan par bya'o/ /gang dbus su dengs pa de mtha' dang gnyis sbyar bar bya'o/ /gang sdug bsngal bas so sor 'dus bya ba de ni mar me'i snying por bya'o//yang na brdungs te sa dang ba lang gi lci bar bsres nas ka ba dang rtsig pa'i bu ga yod par glan pa'am/ skyang nul bya'o/ /lhan cig gnas pa dang / nye gnas rnams kyis tshes brgyad dang bcu bzhi la mal cha dang stan rnams so sor brtag par bya ba dang / bskam par yang bya'o/ / chom rkun pa la sogs pas 'jigs na dge 'dun gyis mal cha dang stan 'phrog par mi bya mod kyi/ 'on kyang khyer la 'gro bar bya'o/ /gang gis khyer ba de'i tshe des spyad par bya'o/ /ci ltar rgan rims dag gis 'phrog par mi bya'o/ /de la 'jigs pa med par gyur ba dang / dge 'dun nyid la dbul bar bya'o//chag chag dang phyag dar byas la de'i 'og tu gos ngan pa gcig gis stan rnams sprug par bya'o/ /mal cha dang stan bsham par bya'o/ /gang de nas gcig tu sha zad par gyur ba de ni smyig ma la bcings te de nyid kyis sprug par bya'o/ /par tang khra bo bting ba la thams cad la yang bcag par bya'o//dus dus su yang bcos par bya'o/ /de la bsrung ba'i phyir yang bsam gtan pa rnams kyi rkang pa dag nyi ma gsum zhing bsku bar bya'o/ /nyin gcig bzhin du ni ma yin no/ /dge 'dun gyi khri'u la 'dug cing btso blag gi las kyis brel pa bslang bar mi bya'o//gral nas spags pa yang mi blang ngo / /tha na lan tshwa'am ldam ldum yang rung byin len byas nas spags pa zhes brjod par bya'o/ /gral ma yin par spags par mi bya'o/ /'dug pa'i sngar 'dugo pa la ji ltar rgan rims bzhin du mi bslang ngo / /gang langs nas 'chag pa de'i stan la 'dug par mi bya'o//des kyang der mi bral bar bya ba'i phyir rdul gzan nam pus 'khyud gzhag par bya'o/ /dge 'dun gyi khri'u thag mas brgyus pa dge tshul la 'dug pa sbyin par mi bya'o/ /dran pa shin du nye bar 'jog pa zhig yin na ltung ba med do/ /chos mnyan pa'i tshe dge slong ma rnams la khri'u thag mas brgyus pa sbyin par mi bya'o//'dod chags dang bral ba rnams la ni mtshan mo yang sbyin par bya'o/ /stan nang tshangs can gcig gam/ par tang khra bo gcig gi steng du khyim pa'am/ dge tshul lam rang bzhin du mi gnas pa'i dge slong dang lhan cig tu 'dug par mi bya'o//de 'dra ba'i rkyen byung ba ni ma gtogs so/ /'di ltar stegs bu la gal te stan par tang khra bo brtul bar gyur pa la ni ltung ba med do/ /de bzhin du bslab pa byin pa dang gnyis stan gcig la'am/ stan nang tshangs can gcig gam/khri'u 'am/ stan par tang khra bo gcig la 'dug par mi bya'o/ /gsar bu dang rgan pa gnyis kyis kyang stan gcig la 'dug par mi bya'o/ /lo gsum gyi bar du chod pa dang lhan cig gam/ lo gcig ma lon pa lo gsum lon pa dang lhan cig gam/ lo gcig lon pa lo bzhi lon pa dang lhan cig pa la ni ltung ba med do/ /khyim gzhan du ni mkhan po dang lhan cig 'dug kyang ltung ba med do/ /khri gcig la gsum gyi bar du 'dug par bya'o/ /khri'u la ni gnyis kyi bar du'o/ /khri'u chung la ni gcig pu'o/ /lam du gos brnyas pa ni gcig pus mi bgo bar thams cad pa rnams la sbyin par bya'o//gal te mang du yod na re re sbyin par bya'o/ /ci ste gcig pu zhig na nyal ba rnams kyi steng nas dgab par bya'o/ /skye bo mang po'i bgo ba gyon te 'chag par mi bya'o/ /gang zag gi dang bcag par yang bya'o/ /khri gcig la gnyis dag nyal bar mi bya'o//lam du zhugs pa las ngo tsha ba can zhig yin la khri yang che na gding ba so sor bting ste/ bar du gtur bus bcad de nyal ba la ltung ba med do/ /khri'u'i steng du khri'u bzhag pa la 'dug par mi bya'o/ /lam phran la sogs par gos sar pa kha tshar ring po dag gis bkab na yon bdag gi ngor mi rtag pa yid la byed pas gzhan nyams pa dang /mu stegs can rnams zil gyis mnan pa'i phyir steng du song yang ltung ba med do/ /chos mnyan pa'i phyir dge 'dun gyi stan gding ba rjes su gnang ste/ de bzhin du seng ge'i khri yang ngo / / gang gsol ba btab pas chos bshad kyi gzhan gyis ni ma yin no/ /de'i ngor lhags pa la ni ltung ba med do/ /dge 'dun gyis gnas brtan nas bzung nas/ gsar bu'i bar du chos bshad par bya'o/ /seng ge'i khri la them skas gzugs par bya'o/ /mchil ma'i snod du gzhi blugs la gzhag par bya'o//dus dus su sbyang bar bya'o/ /bskam par bya'o/ /chos mnyan pa'i stan rnams rdzing bu'i rnam pa'am/ zla gam gyi rnam pa lta bur bsham par bya'o/ /sbyin bdag rnams dge slong gi phyir stan rnyed na sbyin par bya'o/ /gal te de dag nyid kyis bskyal na de lta na legs/gal te ma bskyal na gaN+DI chung ngu brdungs la gnas par byed pa rnams kyis blang bar bya'o/ /de bdag nyid kyi phyir rnyed na yang sbyin la bsrung ba'i dge slong gzhag par bya'o/ /phyogs gcig tu 'dug te kha ton dang yid la byed pa bya'o/ /gang gi tshe dong ba'i tshe blang bar bya'o//gang chang gi snyigs mas ma rung bar gyur ba de ni bkru bar bya'o/ /snum gyis gos pa la sran phyes so/ /mi gtsang ba la sogs pa la ni sas so/ /bla gab med pas chos sgrogs pa'i tshe gal te char ba 'bab na stan rnams bor te ma dong bar gang dang gang la 'dug pa de dang des nang du gzhug par bya'o//ji ste rgan pa rnams kyi lci na de rjes la so sor gzhag par bya'o/ /seng ge'i khri'i steng du khyim pas gser dang dngul gyis spras pa'i gos shig bting na khyim pa'i gos so zhes bya ste/ mi rtag pa yid la byed par 'dug par bya'o/ / dgon pa'i gtsug lag khang yang yon bdag de nyid kyis byas pa zhig tu mal cha dang stan rnyed na sbyin par bya'o/ /khyer ba'i tshe gal te char pa byung na shing ljon pa la sogs pa'i drung du bzhag la gos ngan pas g.yogs par bya'o/ /dus ston zin nas slar mthus kyang dgug par bya'o/ /gnas mal rnams ci ltar nges par yongs su longs spyad par bya'o//bla gab med pa la char pa 'bab pa dang / 'dzam bu'i grib mar bzhugs pa'i sku gzugs bsnyen bar ma rdzogs pa med na ston pa'i 'du shes nye bar bzhag la gzhug par bya'o/ /slob dpon dang mkhan po nyin mo spyod pa'i sar 'gro na gnas pa dag gis stan blangs la 'gro bar bya'o//slob dpon dang mkhan po phyag dar ram khab kyi las shig byed na yang snying las chung bar bya'o/ /gal te phyag dar byed pa'am chos gos 'drub par bskos na ltung ba med do/ /kha ton byed pa'i tshe thos pa'i nye 'khor spangs la gdon bar bya'o//spong ba byed pas kyang gdams ngag mnos nas dben pa'i phyogs gcig tu 'dug par bya'o/ /las res shig bab na zhus nas 'gro bar bya'o/ /gal te de la de nyid du yang las gzhan bya dgos na slar 'ong zhing zhu mi dgos so/ / stan de rnams kyang de dag nyid kyis blang bar bya'o/ /khyer ba dang slar len pa'i tshe yang zhu bar bya'o/ /khyim gzhan du 'dong ba na rjes su mthun pa dang bcas pa'i dus su gaN+DI brdung bar bya'o/ /rang rang gi 'khor rnams la yang brtag par bya'o/ /dge 'dun gyi gnas brtan gyis ni glo bur lags pa rnams la brtag par bya'o//gang gtsug lag khang gi sgo bcad nas 'ongs pa des shing ljon pa'i drung ngam/ rtsig pa'i drung du stan bzhag ste 'gro bar bya'o/ /gya tshom du zan gcod par byed na 'gal tshabs can du 'gyur ro/ /khyim pa dge 'dun gyi stan la 'dug pa las langs te bor nas 'gro ba de dag gang gis mthong ba des nang du gzhug par bya'o//gal te mi nus na dge skos la brjod par bya'o/ /bla gab med pa la gnas mal mang po rnams so sor skam du bcug ste/ gcig pu la bcol nas 'gro bar mi bya'o/ /gal te de 'dra ba'i rkyen zhig byung bar 'gyur na des gaN+DI brdung bar bya'o//gang de la chags par 'gyur nas ma gus par byas te brtul bar mi bya'o/ /dge slong de na 'khod pa de dag gis gus par byas la brtul te nang du gzhug par bya'o/ /de dag gis kyang gaN+DI thos na gus par byas la 'gro bar bya'o/ /me shor na sngar bdag nyid kyi lhung bzed dang chos gos phyir phyung la/phyis dge 'dun gyi'o/ /stobs chung ba zhig srung bar gzhag par bya'o/ /me mi bzod pa'i nang du 'jug par mi bya'o/ /tshig pa la yang 'gyod par mi bya'o/ /de bzhin du chu brug ba la yang brjod par bya'o//gang zag la ni gnod kyi dge 'dun la ni ma yin no/ /thams cad la yang kun du spyad pa ci skad bstan pa bzhin du ma byas na 'gal tshabs can du 'gyur ro/ /bzhi pa'o// //mnyan yod na ste/ lho lam rnams nas dge slong dag 'ongs pas rtswa stan du bting nas sril gyis gtsug lag khang gang bar gyur te/gnas mal gyi gzhi'i dbang du mdzad de/ smod pa dang le lo'i nyon mongs pas na lnga pa bcas so/ /dge 'dun gyi zhes bya ba ni phyogs bzhi'i dge 'dun gyi'o/ /gtsug lag khang gzhan ni nyes byas so/ /gtsug lag khang zhes bya ba ni gang la spyod lam bzhi shong ba yod pa'o//song na zhes bya ba ni nye 'khor spangs na'o/ /nye 'khor ni snga ma bzhin no/ /dge slong 'khod pa la ma bcol zhes bya ba ni gang la bcol nas khas blangs pa des khas blangs la ma byas na nyes byas so/ /rgyun du bting ba la gal te gnyug mar gnas pa'i dge slong dag gis bkag na 'byung bar mi 'gyur ro//de la ltung ba'i rnam par dbye ba ni bslab pa'i gzhi 'das ma thag pa bzhin no/ /'di la phan phun du gyur pa ni rnam pa gnyis te/ rlung gis phan phun du gyur pa dang / sril gyis phan phun du gyur pa yin te/ sril gyis ci srid rim pa gcig las rim pa gnyis su thal ba'o//khyim pa rnams la ni dris te dbyung bar bya'o/ /ma byung na nyes byas so/ /ma dris par gyur na yang nyes byas so/ /dgon par ni bzlog la 'gro bar bya'o/ /rnam pa gzhan du na nyes byas so/ /btso blag gi las kyi phyir rtswa bting ba las gang ngas dor ro zhes gzhan zer ba la ltung ba med do//'chag sar rtswa bting ba ni nyin gcig bzhin du dor bar mi bya'o/ /gzhan du na 'on kyang ltos pa med par 'gro ba ni rtswa'i chun po dag thag pas bcings te/ shing ljon pa la dpyangs shing gzhag par bya'o/ /dus ston chen po'i tshe rtswa'i phung po brtul la gzhag par bya'o//nam dus ston zin na dor bar bya'o/ /dge slong zhig gud du 'gro na mal dang stan bcings la 'gro bar bya'o/ /ba lang gi lci ba sa la mi gzhag mod kyi gzhan du na 'on kyang gyo mo'i nang du gzhag par bya'o/ /lnga pa'o// //mnyan yod na ste/ 'char ka khros nas grogs po gnas 'cha' bar byed pa rnams mtshan mo gtsug lag khang nas phyir phyung bas gnas mal gyi gzhi'i dbang du mdzad de/yongs su 'dzin pa'i nyon mongs pas na drug pa bcas so/ /de 'dra ba'i rkyen ma gtogs zhes bya ba ni dge slong na ba gzhag ste gtsug lag khang nas ma bskrad pa zhes bya ba slar ma byung ba'i phyir bcom ldan 'das kyis tshig 'di gsungs so//gzhan dag ni phyi rol gyi rkyen la de 'dra ba'i rkyen ces bya ba'o zhes kyang zer ste/ 'di lta ste/ 'thab mo byed par 'gyur ba'am/ rtsod pa ma byung ba 'byin ba'am/ 'byung ba 'phel bar byed pa'am/nye bar zhi bar byed pa'i tshe bgegs su byed pa 'am/ tshul khrims dang lta ba dang cho ga dang 'tsho ba nyams par 'gyur ba yin te/ de dag kyang khros te phyir byung na nyes byas so zhe'o/ /de la ltung ba ci ltar 'gyur zhe na/ dge slong gi yo byad kyi phyir ram/ 'das pa'i khon dran nas sam/ma 'ongs pa'i khon 'byung du dogs pa'am/ da ltar gnod par 'gyur ba'am/ rnyed pa dang bkur sti'i phrag dog gam/ bstod pa dang / smad pa'am/ chos kyi phyir ram/ slob dpon gyi phyir ram/ mkhan po'i phyir ram/ lhan cig gnas pa'am/ nye gnas sam/mdza' bo'i phyir yang rung ste/ phyogs bzhi'i dge 'dun gyi gtsug lag khang nas dge slong bdag gis sam/ gzhan gyis 'byin du bcug na ltung byed do/ /de'i lhung bzed dang chos gos dge 'dun gyi gtsug lag khang nas phyir phyung na nyes byas so/ /dge 'dun gyis phyir phyung la nyes byas su 'gyur ba mchis sam/yod de bslab pa 'byin pa'i dge 'dun gang yin pa'o/ /spring yig la sogs pa rnams kyis kyang phyir phyung na nyes byas so/ /dge slong ma'i gtsug lag khang dang / phyogs bzhi'i dge 'dun gyi ma gtogs pa de las gzhan pa'i dge 'dun gyi gtsug lag khang dang /sngon ltung ba 'byung ba la sogs pa dang / mi ma yin pa las rab tu byung zhing bsnyen bar rdzogs pa'i gtsug lag khang dang / gang zag gi gtsug lag khang dang / dge tshul la sogs pa'i gtsug lag khang dang / bla gab med pa la sogs pa dang / mu stegs can gyi gtsug lag khang nas rang bzhin du gnas pa phyir phyung na nyes byas so//dge 'dun gyi la dge 'dun gyir 'du shes pa rnam pa drug tu ste/ gnyis ni ltung byed do/ /bzhi ni nyes byas so/ /de ltar nyes pa med pa la nyes pa med par 'du shes pa'ang rnam pa drug tu brjod par bya'o/ /tshul khrims 'chal ba ni dge 'dun gyi phyir dbyung bar bya'o//gal te 'gyur ba rten par byed na yo byad med par bya'o/ /ka ba la sogs pa la 'dzin na gcad par bya'o/ /de yang dge 'dun gyi 'dus sar bya'o/ /sma dbab par bsams te gnas khang nas phyung bar la ltung ba med do/ /de yang gtsug lag khang nas ni phyir dbyung bar mi bya'o//sma dbab pa la rnam pa lnga ste/ gtam 'dre bar mi bya ba dang / mi gdams pa dang / longs mi spyad pa dang / bsnyen bkur bdag gir mi bya ba dang / dge ba'i phyogs kun nas spyad pa dang / gnas bcas pa'i rgyun dgag pa'o/ /chos lnga dang ldan na sma dbab par bya ste/ma dad pa dang / le lo can dang / bka' blo mi bde ba dang / sdig pa'i grogs po dang / ma gus pa'o/ /sma dbab pa sbyin par 'os pa las sma phab na nyes byas so/ /shin du bsdigs par bya'o/ /dge slong mkhas pa gcig la bcol bar bya'o/ / gang bdag nyid kyis bzod pa byed par 'gyur bar bcol lo/ /ci skad bstan pa'i chos rnam pa lnga po slar bzlog pa dang ldan pa la ni bzod par bya'o/ /bzod par bya bar mi 'os pa la bzod pa byas na nyes byas so/ /gang ma dad pa bsnyen par rdzogs pa dang / bsnyen par rdzogs par 'dod pa'i dge tshul la ni yo byad drug sbyin te/gtsug lag khang nas phyir dbyung bar bya'o/ /dge tshul la ni bla gos dang bcas pa'i mthang gos kyang sbyin par bya'o/ /gtsug lag khang du klu gzhon nu ma se gol gyi sgra byas te/ bzhin bzang dge slong la gnod par ma byed cig ces brjod par bya'o//gal te 'gror ma btub na shur bu la sogs pa rnams sam/ shur bu gnyis pa'am/ tha gu ras mas dkris pas bcings te phyir dbyung bar bya'o/ /skra la sogs pa'i tha gus ni ma yin no/ /sa sgre bo ma yin pa la gzhag par bya'o/ /mes tshig pa'i gnas su gzhag par mi bya'o//ji srid gnas su ma son gyi bar du 'dug par bya'o/ /shig dang mad kun ka dag ni gar bab bab du dor bar mi bya'i ras ma'i nang du dkris te bsil ba'i phyogs su gzhag go/ /de lta bu med na yang ka ba'am/ rtsig pa'i bu gu bsil bar gzhag par bya'o//ji skad du bstan pa'i tshul du ma byas na nyes byas so/ /drug pa'o// //mnyan yod na ste/ 'char ka gtam zer zhing yun ring du 'dug nas thabs kyis sgo phye ste/ nyal zin pa dag gi thog tu mnan nas gnod par byed pas gnas mal gyi gzhi'i dbang du mdzad de/mi bzod pa'i nyon mongs pas na bdun pa bcas so/ /shes bzhin du zhes bya ba ni snga nas nye bar 'khod pa yin te/ rang gis rig pa'am/ de las gzhan gyis bsgo ba'o/ /dge 'dun gyis zhes bya ba ni phyogs bzhi'i dge 'dun gyi'o/ /snga na 'khod pa rnams la zhes bya ba ni snga na 'khod pa'i rnams la'o//phyis gnon zhes bya ba ni mthus gzhan la gnod lar byed pa'o/ /stan zhes bya ba ni khri'am/ khri'u 'am/ gding ba'o/ /gnod ces bya ba ni phyag 'tshal bas gnod pa dang / bsnyen bkur byed pas gnod pa dang / bla ma la rim gro byed pas gnod pa dang /nad pa'i rim gro byed pas gnod pa dang / ston pa dang / kha ton byed pa dang / mnyan pa dang / kun du 'dri bas gnod pa dang / 'dun pa sbyin pas gnod pa dang / zas dang skom gyis gnod pa dang / rnyed pa len pas gnod pa dang / 'dug pas gnod pa dang / nyal bas gnod pa dang / gnas kyis gnod pa ste/ de dag thams cad la yang ltung ba'o/ /de nyid du zhes bya ba ni gnod par bsams pa'o/ /dge 'dun gzhan gyi gtsug lag khang nas gnod par bsams na nyes byas so/ /rkyen ces bya ba ni rgyu ste gang la zhe na ltung ba'o/ /de la ltung ba ci ltar 'gyur zhe na/snga ma nas nye bar 'khod pa la der 'du shes sam/ yid gnyis za na yang rung ste/ gnod par byed na ltung byed do/ /snga nas nye bar 'khod pa ma yin pa la/ snga nas nye bar 'khod par 'du shes sam yid gnyis za'am/ snga nas nye bar 'khod pa la snga nas nye bar 'khod pa ma yin par 'du shes sam yid gnyis za na yang rung ste/gnod par byas na nyes byas so/ /bsnyen par ma rdzogs pa dang / dge slong ma'i dge 'dun gyi gtsug lag khang la sogs pa la ni nyes byas so/ /'char kas mtho btsams par bsams te/ zas ngan pa zos pa gnyis bsdebs te/bskos nas mtshan mo thog thag kha ton byed du bcug ba dang / kha zas gya nom pa zos pa rnams ni mtshan thog thag yid la byed pa bsgom du bcug pa dang / grang ba'i dus kyi tshe na bla gab mad par chus btab ste/ mtshan thog thag bsil yab kyis g.yab pa dang /dro ba'i dus kyi tshe na ni khang pa'i skar khung la sogs pa bcad de/ me bus nas la bas g.yogs te/ steng du bdag nyid kyis mnan te 'dug pa dang / de bzhin du gtsug lag khang snam phyis med pa dang / mi gtsang ba'i gyo mo bcag nas dge slong kha cig wa khar bshang gci byas pa dang /de khyim pa rnams la sbran pa dang / bkru sman 'thungs nas na ba'i thabs su bya ste/ gang nad pa la ltar lhags pa de yun ring du gzhag pa dang / rnal 'byor dang rjes su mthun pa dang / klog pa dang rjes su mthun pa'i gtsug lag khang der nyin thog thag las byed du bcug pa dang /'jigs pa dang / bcas pa'i gtsug lag khang du sgo phye ste ci nas kyang 'jigs pas bde bar nyal du mi gzhug go snyam pa dang / snam phyis gtsug lag khang gi phyi rol na 'dug pa'i sgo gang du nyal te 'dug pa dang / bcom ldan 'das kyis bka' stsal pa/dge slong gis ci tsam du dge slong la bsams bzhin du mtho btsams na ltung byed do/ /'di yang gnod par byed pa zhes bya ba'o/ /stan bzung ba ni nye bar mtshon pa'i don to/ /bshang ba dang / gci ba'i khang bar 'chag par mi bya'o/ /ji ltar rgan rims kyis mtho btsams bar mi bya ste/de la ci ltar rgan rims med kyi ji ltar 'ongs pa bzhin no/ /chu gzhag pa'i sa dang / rkang pa dag bkru ba'i sar dge 'dun gyis snod mi mthun pa gzhag par mi bya'o/ /ci ltar rgan rims su mi blang ste/ de la ci ltar rgan rims su bya ba med pa ni gang gis de thog mar blangs ba des rdzogs par bya'o/ / tshan la sogs pa'i khu ba nyung ngu mas snod brel bar mi bya'o/ /chos dang mthun pa'i las kyis brel ba'i tshe ji ltar rgan rims kyis so zhes stan las mi bslang ngo / /dge 'dun gyi spu gri'i snod bya ba byas pa dang / yang bya'o zhes mi gzhag go/ /bshang ba dang gci ba'i khang par bya ba dang byas na 'dug par mi bya'o//ji skad bstan pa bzhin du ma byas na thams cad du 'gal tshabs can du 'gyur ro/ /bdun pa'o// //mnyan yod na ste/ nye dga' khros nas khri'u'i rkang ba lhung bas bsod snyoms pa'i dpral ba brtol bas na gnas mal gyi gzhi'i dbang du mdzad de/mi bzod pa'i nyon mongs pas na brgyad pa bcas so/ /dge 'dun gyi zhes bya ba ni phyogs bzhi'i dge 'dun gyi ste/ de las gzhan pa'i nyes byas so/ /steng gi nam mkha' la thog bor bar zhes bya ba ni g.yogs pa'i steng ngo / /gtsug lag khang zhes bya ba ni rtswa'i khyim mi brtan pa slar bcos pa ma byas pa la ltung bar 'gyur ro//rtsa ba 'byung ba zhes bya ba ni rkang pa phur bu lta bu ste/ gzer bus btab pa la ni ltung ba med do/ /khri'u zhes bya ba la ni khri'u la'o/ /'dug gam zhes bya ba la sogs pa ni rgod bag gis lus thams cad kyi lcid kyis phab na ltung ba'o//rgod bag med par lus thams cad kyi lcid kyis phab kyang ltung ba med do/ /rkang pa 'byung ba la rkang pa 'byung bar 'du shes pa rnam pa yang drug tu sbyar te gnyis ni ltung byed do/ /gnyis ni nyes byas so/ /gnyis ni ltung ba med pa'o/ /de bzhin du dge 'dun gyi gtsug lag khang la dge 'dun gyi gtsug lag khang 'du shes pa yang drug tu sbyar te//gnyis ni ltung byed do/ /bzhi ni nyes byas so/ /sa'i rang bzhin gyi gzhi la ni nyes byas so/ /ltung ba med pa ni spang leb kyis g.yogs pa dang / spang leb chung ngus g.yogs pa dang / shing leb kyis gsogs pa dang /shing leb 'bur can gyis g.yogs pa dang / byin gyis gzhol ba dang / gan rkyal du byas pa'o/ /de bzhin du rkang rten so sor bcug pa'o/ /brgyad pa'o// //kau shA m+bI na ste/ 'dun pa las brtsams nas chu'i gzhi'i dbang du mdzad de/ snying rje med pa'i nyon mongs pas dgu pa bcas so//shes bzhin zhes bya ba ni srog chags dang bcas su zin kyang mi shes pa la ni nyes pa med do zhes bstan pa'i tha tshig go/ /srog chags dang bcas pa zhes bya ba ni so sor brtags pa'i srogs chags dang bcas pa dang / so sor ma brtags pa'i srog chags dang bcas pa dang /mthong ba'i srog chags dang bcas pa dang / ma mthong ba'i srog chags dang bcas pa dang / glo bur du 'ongs pa'i srog chags dang bcas pa dang / lhan cig skyes pa'i srog chags dang bcas pa dang / skyes pa'i srog chags dang bcas pa dang / ma skyes pa'i srog chags dang bcas pa dang /gzhan gyis brtags pa'i srog chags dang bcas pa'o/ /srog chags la rnam pa gnyis te/ mig lam du snang ba dang / chu tshags kyis zin pa'o/ /de la dang po gsum dang / drug pa ni btsags na ltung ba med do/ /bzhi pa'ang cho ga bya bas so//lnga pa dang bdun pa dang brgyad pa ni steng dang zhabs pho na ltung ba med do/ /dgu pa ni gzhan la yid ches pas na ltung ba med do/ /so sor ma brtags pa'i srog chags dang bcas pa la gzhan gyis mig gis brtags pas ltung ba med do/ /rang gis sbyor bas nyes pa ma mthong ba dang /ji ltar pha rol po la byed du bcug pa'i skyes bu la ci'i phyir 'ji ba ma byas sam/ rtswa la chag chag ma btab ces bsko ba'o/ /chu zhes bya ba ni rtsab mo la sogs pa yang chu zhes bya bas bzung ngo / /rtswa zhes bya ba ni g.yogs pa'i don to/ /lci ba zhes bya ba ni skyang nul dang byug pa'i don to/ / sa zhes bya ba ni gtsug lag khang bya ba la sogs pa'i don to/ /srog chags dang bcas pa la srog chags dang bcas par 'du shes sam/ yid gnyis za na yang ste/ 'debs sam 'debs su bcug na ltung byed do/ /srog chags med pa la srog chags dang bcas par 'du shes sam/ yid gnyis za na nyes byas so/ /srog chags dang bcas pa'i yur ba sel bar byed dam/ 'gog par byed na srog chags ji snyed shi ba ltung byed kyang de snyed do/ /srog chags ji snyed ma shin nyes byas kyang de snyed do/ /spring yig la sogs pa rnams kyis kyang 'debs su bcug gam/ 'o ma la sogs pa rnams kyis kyang / rtswa la sogs pa srog chags dang bcas pa la chag chag btab na nyes byas so/ /srog chags dang bcas sam/ srog chags med kyang rung ste/ srog chags med par 'du shes na ltung ba med do/ /srog chags med pa'i chu yang gar bab bab tu phog na nyes byas so//dor na yang wa khar dbo bar bya'o/ /wa kha'i nye 'khor ni khru gang ngo / /rkang pa dag bkru ba'i gnas ni gtsug lag khang gi lho phyogs su rus sbal gyi rgyab lta bur rtsub par bya'o/ /gang rgan po dang nad pa rnams kyis ni 'jam po ste/ glang po'i che'i rmig mthil lta bu sa las byas pa'i chol zangs dbus na yang rtsub po rgya shug lta bu'am/shing ka tam pa'i me tog lta bur byas la nye bar gzhag par bya'o/ /gal te dge 'dun gyi yin na ni bla gab med pa'am/ wa khar khas phub la gzhag par bya'o/ /gang zag gi ni sgo glegs kyi rgyab bam khri'i 'og tu'o//gser la sogs pa'i ni mi bya'o/ /gang du lhung bzed dam rkang pa dag bkrus pa der dkyil 'khor mdung rtse'i rnam pa lta bu'am/ rdza rnga'i rnam pa lta bur bya'o/ /chu ci tsam yod pa byug par bya'o/ /gru bzhi la sogs par byas na nyes byas so/ /dkon mchog gsum gyi phyir ni ltung ba med do//dgu pa'o// //kau shA m+bI na ste/ drug sdes chu khung la sogs pa ma btod par sbyang gi tshul lta bur gtsug lag khang nyin gcig gis zin par byas pas na/ gnas mal gyi gzhi'i dbang du mdzad de smod pa dang / le lo'i nyon mongs pa rnams kyis bcu pa bcas so//chen po zhes bya ba ni sbyin par bya ba nyid dang / tshad nyid kyis te/ de yang bdag po dang bcas pa'o/ /rtsig tu 'jug na bya ba ni bdag nyid dam gzhan la'o/ /sgo'i sbubs dang gtan pa'i gnas zhes bya ba ni sgo'i sbubs dang gtan pa gzhug par bya'o/ / lugs bzhin du gsungs pa de ltar rjes su gnang ba bzhin du byas na bsgo ba bzhin du byas par gyur pa zhes bya ba'i tha tshig go/ /de thob pa yang 'di skad du brjod de/ 'dir yang don ni 'di yin te/ sbubs dang gtan pa zhes bya ba ni sbubs dang gtan pa'o/ /gang sbubs dang gtan pa ni 'di ltar sgo'i sbubs dang sgo'i gtan pa ste/de'i gnas ni sgo'o/ /gzhan dag ni sgo skyes la sbubs dang / sgo glegs la sgo'i gtan pa zhes bya'o zhes zer ro/ /de yang 'di ni tshad bzhin te/ de lta bas na gnas yan chad cho ga 'di bzhin du bya'o/ /snang ba'i 'du shes zhes bya bar skar khung la sogs pa dang /chu khung btod pa'o/ /de bzhin du 'du shes kyis sa brtag pa zhes bya ba ni rtsig pa'i las su byas pa'o/ /rim pa'i grangs zhes bya ba ni pha gu'i grangs so/ /'jim pa dang bcas pa zhes bya ba ni 'jim pa dang bcas pa ste/ gsher ba zhes bya ba'i tha tshig go//mi sra ba dang / sra ba dang / las su ma byas pa dang / las su byas pa dang / rtswa dang ma bsres pa dang / rtswa dang bsres pa dang / ma spangs pa dang / spangs pa dang / ma brdzis pa dang / brdzis pa dang / mi sra ba'i rdzas snying por 'gyur ba dang / sra ba'i rdzas snying por ma gyur pa'am/sa rnams so/ /de las kha cig ni rim pa phri ba la ltung ba med do/ /kha cig ni gnyen por sbyar bas so/ /kha cig ni gzhan gyi rkyen las te/ gal te pha rol po na re ci nas kyang mi gzhan zhig pa de lta bur ngas bya'o zhes zer ro/ /kha cig ni gzhan gyi khar 'dor ba ste/ nga ni 'di ltar mi byed do//khyod kyis bya bar shes pa ni byos shig ces bya ba'o/ /kha cig ni nyes pa mi snang ba'i phyir te/ gal te 'jig par nyes pa ma mthong ba'o/ /brtsig par bya'o zhes bya ba ni brtsig par bya ba'o/ /sgo sbubs dang / sgo gtan gyi gnas kyi steng du 'ji ba'i gong bu rim pa gnyis sam/gsum du gzhag pa ste/ de yang gong bu snga ma skams nas gzhag par bya ste/ de yang bskams na yang de tsam yang gzhag par bya'o/ /gsher pa la rim pa gcig brtsigs na yang ltung byed do/ /'ji ba'i gong bu snga ma legs par ma zin pa'i steng du bor na nyes byas so/ /gsher ba dang bcas pa la gsher ba dang bcas par 'du shes pa rnam pa drug tu sbyar te/ltung byed gnyis dang nyes byas gnyis dang / ltung ba med pa gnyis so/ /spring yig la sogs pa rnams kyis 'jog tu bcug na nyes byas so/ /rtsas g.yogs sam/ spang leb kyis g.yogs sam/ spang leb chung ngus g.yogs na ltung ba med do/ /rdo ba 'ba' zhig gi'am/ so phag gi'am/ thams cad shing gi rang bzhin nam/ sbyin bdag na re zin nas blta'o zhes zer ba la ltung ba med do/ /sa bon gyi tshogs de gnyis pa'o// //mnyan yod na ste/ drug sde rnams rang gis bsgo zhing mtshams kyi phyi rol du gcig la gcig gis bsgos/mtshams kyi nang du yang nad pa dag la bcol nas de dag las gzhan ni brel bar shes nas gcig la gcig bskos te/ dge slong ma la ston par byed pas na/ dge slong ma'i gzhi'i dbang du mdzad do//ma dad pa dang rkyen la ltos pa'i nyon mongs pa dag gis dge slong ma'i tshogs dang por bcas so/ /gzhi dang nyon mongs pa dag ni 'di las gzhan dgu po yang de bzhin te/ phyis yang brjod par mi bya'o/ /gsum pa la ni mi bzod pa'i nyon mongs pa'o//brgyad pa la ni dge bsnyen ma'i gzhi'i dbang ste/ khyad par ni de yod do/ /ma bskos par zhes bya ba ni gang gsol ba dang gnyis kyis bsko ba'i las ma byas sam/ byas pa la yang nyes pa bzhi dang ldan pa ste/ mtshams dang / nyi ma dang / tshogs dang / gang zag gi nyes pa'o//mtshams kyi phyi rol du bskos par gyur pa dang / gso skyong gi nyin par ma yin pa dang / dge 'dun thams cad kyis ma yin pa dang / yan lag bdun las gang yang rung ba'am/ thams cad dang yang mi ldan pa'i gang zag tu gyur pa yin no/ /yan lag bdun po ni tshul khrims dang ldan pa dang /mang du thos pa ste/ so sor thar pa'i mdo gdon pa rgya chen thos pa'i phyir gnas brtan de bsnyen par rdzogs nas lo nyi shu la sogs par lon pa'i phyir ro/ /pho brang 'khor ram/ grong khyer gyi skad dang / lus kyis rig pas dge slong ma sun phyung ba yang ltung ba phyir bcos pa byas pa dang /pham par gyur pa brgyad ston par nus pa dang / lci ba'i chos brgyad bsten nus pa'o/ /pham par 'gyur ba bzhi ni ci ltar dge slong gi bzhin no/ /de las gzhan yang bzhi ste/ mig man chad pus mo yan chad kyi bar skabs der chags pas/chags pa'i skyes pas reg pa bdag gir byas pa dang / mi tshangs par spyod par sbyor bar brda la sogs pa byed pa dang / dge slong ma'i kha na ma tho ba 'chab pa dang / gnas nas phyung ba'i rjes su phyogs pa'o/ /lci ba'i chos brgyad po dag gang zhe na/ dge slong rnams las bsnyen par rdzogs//zla ba phyed cing gdam ngag gsol/ /dge slong med pa'i gnas gar yang / /dbyar ni nye bar gnas mi bya/ /dge slong nyams pa gleng mi bya/ /spyo bar mi bya gsar bu phyag bya dang / /gnyi ga'i tshogs rnams mgu bya dang / /dgag dbye zhes bya lci ba'i chos//gang de lta bu bskos na nyes byas te de yang bskos pa ma yin no/ /dge 'dun zhes bya ba ni ro gcig pa dang / tha dad pa ma yin pa'o/ /dge slong ma zhes bya ba ni bsnyen par rdzogs pa'o/ /ston na zhes bya ba ni tha na chos brgyad po dag ston pa yang yin te/ phyi ma nyid dge slong ma la ston pas/sring mo dag ci khyed cag dge slong ma'i dge 'dun rnams tshogs sam/ yongs su dag gam/ mthun nam/ kha na ma tho ba med dam/ khyed cag la dge slong 'ga' yang ston par mi spro'o/ /khyed cag gi gdams ngag rjes su bstan pa ni dge 'dun las so/ /sring mo dag ni bag yod par sgrubs shig ces bya'o//chos 'di lta bu dang ldan pa ma gtogs zhes bya ba ni lam phran bsten las brtsams te/ 'jig rten dad par bya bar bsams nas/ dgra bcom pa la yang ltung ba med par bstan pa'i phyir ro/ /bsnyen par rdzogs pa la bsnyen par rdzogs par 'du shes pa ni rnam pa drug ste/ltung byed gnyis dang / nyes byas gnyis dang / ltung ba med pa gnyis so/ /sngon ltung ba byung ba dang / bslab pa byin pa dang / khas blangs pa dang khas ma blangs pa dang / go bzlog kyang rung ste bstan na nyes byas so/ /'di ni de bzhin du dge slong ma rnams dang ldan pa'i tshul thams cad la'ang 'dis shes par bya'o//gang de la de skad gzhan gyi brda ma phrad na nyes byas so/ /'dir sngon byung ba gdams ngag med pa'i dbang du mdzad de gsungs pas/ gdams ngag med par bsam gtan byed na nyes byas so//dang po'o// //mnyan yod na ste/ dga' byed kyis dus ma yin pa'i bar du dge slong ma rnams la chos bstan pas na de dag kyang grong khyer gyi phyi rol du gnas par gyur te/ nad par nang du zhugs pa na shAkya'i bu 'di dag ni 'dre ba dang / lhag par 'dre zhing tshangs par spyad pa spyod do zhes 'phya' bas na gnyis pa bcas so//nyi ma nus pa'i dus dang / dus tshod kyi bar du zhes bya ba ni dus tshod ces bya ba'i sgras ni mtshams brjod pa'am/ dus brjod pa'o/ /dus de srid du bstan pa la ltung bar 'gyur ro/ /de la yang 'di ni dus ma yin pa ste/spyod lam ma yin par 'dug gam/ bya ba zhig gis brel tam/ lus mi bde ba'o/ /nyi ma nub pa la nub par 'du shes sam/ yid gnyis za'ang rung ste/ bstan na ltung byed do/ /nyi ma nub pa la nyi ma nub par 'du shes sam yid gnyis zan yang rung ste/ nyes byas so//lhag ma rnams ni snga ma bzhin no/ /mtshan thog thag chos bsgrags pa dang / sgo drung na gtsug lag khang 'dug pa dang / grong khyer gyi sgo ma bcad pa dang / grong khyer gyi nang na gtsug lag khang 'dug pa dang / dge slong ma'i dbyar khang du ston nam/ khyim gzhan du yang rung ste/ltung ba med do/ /lhan cig bskos pas ci srid 'tsho'i bar du bstan par bya'o/ /gnyis pa'o// //mnyan yod na ste/ mi 'jigs par bya ba ni sbyin pa yin pas dge slong mas dga' byed la mgu bar bya ba byed pa la nye dgas 'di skad du smras so zhes bya bas na gsum pa bcas so//zas cung zad tsam gyi phyir zhes bya ba ni bca' ba lnga dang / bza' ba lnga'i phyir ro/ /zas cung zad tsam gyi phyir der 'du shes pa zhes bya ba drug tu sbyar te/ ltung byed gnyis dang / nyes byas gnyis dang / ltung ba med pa gnyis te/ nyon mongs pa med pas bsams na'o//gal te nyon mongs pas bsams na de la yang nyes byas so/ /skad mi shes pa la smras pa dang / khas blangs pas khas ma blangs pa la'am/ khas ma blangs pas khas blangs pa la yang rung ste nyes byas so/ /gsum pa'o// //mnyan yod na ste/ chung ma rnying pa'i dge slong ma la dge slong gang yang rung ba zhig snam sbyar byin pas na bzhi pa bcas so//nye du ma yin pa zhes bya ba ni ci 'di la chos gos gsum tshang bar yod dam med ces de la bu de mi sems so/ /nye du ni sbyin par byed de/ mi len mod kyi 'on kyang / bcom ldan 'das kyis ni ma dang pha la bsod snyoms kyi phyed sbyin par bya'o//sbyin bdag las kyang blang bar bya'o/ /rnam pa gzhan du na nyes byas so zhes gsungs so/ /chos gos zhes bya ba ni rung ba'i rjes su 'gro ba'o/ /nye du ma yin pa la nye du ma yin par 'du shes pa rnam pa drug tu sbyar ro/ / de bzhin du dge slong ma yang dge slong mar 'du shes pa ste/ ltung byed gnyis dang / nyes byas gnyis dang / ltung ba med pa gnyis so/ /bzhi pa'o// //mnyan yod na ste/ 'char kas speng ma'i snam sbyar drubs te/ tshon sna lnga'i skud pas bdag nyid mgul nas 'khyud pa drubs pas na lnga pa bcas so//byed na zhes bya ba ni 'dra ba dang / 'drub pa dang / 'khru ba dang / 'tshed pa dang / nye du ma yin pa la nye du ma yin par 'du shes pa drug ste/ ltung byed gnyis dang / nyes byas gnyis dang / ltung ba med pa gnyis so/ /lnga pa'o// // mnyan yod na ste/ drug sde rnams dge slong ma bcu gnyis sde rnams dang lhan cig lam du zhugs te/ 'gro ba la 'jig rten pas 'di ni 'di'i chung ma'o/ /'di ni 'di'i mna' ma'o zhes bya ba la sogs pa dpyad pas na/ de dag kyang de bzhin no zhes khas blangs pas na drug pa bcas so//dge slong ma'i don mthun dang zhes bya ba ni lhan cig pa la don mthun zhes bya'o zhes brjod do/ /ji skad du dge slong ma rnams dang grogs su gyur to zhes bstan par 'gyur ro/ /dge slong ma gcig dang 'grogs na yang ltung ba'o/ /lhan cig ces bya ba ni lhan cig pa'o//'thams nas zhes bya ba ni tshur shog lhan cig 'dong zhes bya ba'o/ /lam du 'jug ces bya ba ni gtsug lag khang dang grong gzhan du 'gro ba'i bar gyi lam du bgrang ba la lam zhes bya'o/ /lam du 'jug pas kun du spyad pa ni sang 'gro'o snyam pas slob dpon dang mkhan po la gnas 'dir mchi'o zhes zhu bar bya'o//gal te rjes su gnang na 'gro bar bya'o/ /de la dge 'dun gyi gnas brtan ni phyi nas 'gro bar bya'o/ /mal cha dang stan rnams la'ang brtag par bya'o/ bdag na ba bor te su yang mi 'gro grang snyam pa'i phyir grogs rnams la yang brtag par bya'o//de'i grogs kyi thad du song la la la'i cung zad ma brjed dam zhes dri bar bya'o/ /des 'gron pa la sogs pa la yang brtag par bya'o/ /phan tshun bsdad par bya'o/ /nad dang bcas pas lhan cig 'gro bar mi bya'o/ /de 'dra ba'i rkyen gyis bzod par byas pa la ni ltung ba med do//mi rigs pa'i gtam gyis ma yin mod kyi 'on kyang chos kyi gtam mam 'phags pa'i mi smra bas so/ /lha'i gnas dag tu se gol brdab pa nyid kyis gtsug lag khang gi tshigs su bcad pa bklag par bya'o/ /lha rnams la ni mchod par mi bya'o//gzhan yang ngo / /gang du ngal bso ba'am/ chu blangs pa'am/ bya ba der yang tshigs su bcad pa bklag par bya'o/ /gang du gnas pa der rgyud chags gsum pa brjod par bya'o/ /dpyang thag bskur bar bya ste/ de yang rnam pa gsum mo//chen po ni khru brgya lnga bcu'o/ /thung ngu ni khru brgya'o/ /'bring ni de gnyis kyi bar te/ yul gyi rjes su mthun pa'i tshad kyang ngo / /chos gos sprugs la rkang pa dag bkru ste/ chu btsags nas mchi lham dag ras mas phyi bar bya'o/ /rtsig pa la sogs pa la brdab bar mi bya/bkru bar mi bya'o/ /lag pa gnyis bkrus te chos gos gyon la cho ga bzhin du gtsug lag khang gi nang du 'jug par bya'o/ /gnas khang dang gtsug lag khang du 'dug pa der yang phyi bdar bya'o/ /gsar bu rnams kyis rgan pa rnams kyi las su bya ba la sogs dang /gnas mal bsham pa dang / dga' ba la sogs pa g.yogs par bya'o/ /gtsug lag khang du phyin pa mod la gnas mal gsol bar mi bya'o/ /tha mal pa'i phyogs dben par sgra bskyungs la legs par bsdams te spyod lam mdzes pas 'dug par mi bya'o//gnyug mar gnas pa'i rgan pa rgan pa rnams kyis kyang glo bur du lhags pa rnams ngal sor gzhug par bya'o/ /de dag kyang dge 'dun gyi gnas brtan gyi thad du 'gro bar bya'o/ /des tshur shog 'ongs pa legs so zhes bya ba'i snyan pa'i tshig gis bsu bar bya'o//ches rgan pa rnams la ni langs nas phyag bya'o/ /lhung bzed dang chos gos blang bar bya'o/ /stan bsham par bya/ rkang ba dag bkru bas mgron du gnyer bar bya'o/ /ci nus pas bza' ba dang btung ba yang sbyar bar bya'o/ /ji ltar rjes su mthun par mal cha dang /stan rnams sbyar bar bya'o/ /cho ga ji skad bstan pa'i tshul du ma byas na thams cad du yang nyes byas so/ /'gron lam du zhugs na zhes bya ba ni gang na 'gron pa med par 'gro mi nus pa'o/ /'di yang dge slong dang bcas pa'i 'gron pa zhes bya ba rgyang ring ba nas 'dong ba bcom pa'i phyir tshig 'di yang bcom ldan 'das kyis bkol pa'o//de la kun du spyad pa ni bsnyen par ma rdzogs pa med na dge slong rnams kyis ni dge slong ma'i lam brgyags khyer bar bya'o/ /dge slong ma rnams kyis ni dge slong rnams kyi'o/ /byin len ni phan tshun du bya'o//dge slong na ba bskur bar bya'o/ /gal te nyung na dge slong ma dag gis kyang grogs bya ste/ mgo nas ni de dag gis gdeg par bya'o/ /grong du phyin na na ba'i sman dang bsod snyoms blang bar bya'o/ /dge slong gcig nad g.yog tu bzhag nas lhag ma 'gro bar bya'o//dge slong ma la yang de lta bur bya'o/ /de la ltung ba ji ltar 'gyur zhe na/ rgyang grag phyed phyed cing nyes byas so/ /rgyang grag re re zhing ltung byed do/ /dge slong ma la dge slong mar 'du shes pa rnam pa drug ste/ de bzhin du 'gron pa 'dod pa ma yin pa la 'gron pa 'dong bar 'du shes na ltung byed gnyis dang /nyes byas gnyis dang / ltung ba med pa gnyis so/ /sa la 'dod par 'thams pa las nam mkha' la 'dong ngam/ mi snang bar byas kyang rung ste/ nyes byas so/ /de bzhin du gru'i nang du zhugs pa la yang brjod par bya'o/ / drug pa'o// //mnyan yod na ste/ drug sde las brtsams nas snga ma bzhin te/ bdun pa bcas so/ /'thams nas gru gcig tu 'jug ces bya ba ni sho gam dang / la gcan dang / gru btsas gcig pa'o/ /gyen du 'gro ba'am zhes bya ba ni rgyun las bzlog phyogs su 'gro ba'o//thur du 'gron zhes bya ba ni rgyun phyogs su 'gro ba'o/ /ma gtogs zhes bya ba ni thad kar pha rol du 'gro ba bzhag ste'o/ /de las gzhan pa ltung bar bsams pa'o/ /'di yang chu klung gnas can gyi pha rol du dge 'dun gnyi ga zan gyi phyir 'dong ba las/dge slong ma zan chad par 'gyur ba'i phyir 'di yang bkol pa yin te/ rgyang grags phyed phyed cing nyes byas so/ /rgyang grags re re zhing ltung byed do/ /dge slong ma la dge slong mar 'du shes bas ma bzhin du rnam pa drug tu'o/ /bsnyen par ma rdzogs pa dang / 'thams pa la bsnyen par rdzogs pa dang ngam/ slar bzlog kyang rung ste song na nyes byas so/ /yo ba dang gtib chad pa spang ba dang / dba' glong las gzur ba dang / ru skya dang / gdos pa chag gam/ ru skya 'dzin pa mi nyan pa la ltung ba med do/ /'gram gnyis na bar chad brgyad po dag las gang yang rung ba nye bar gnas na ltung ba med do//bdun pa'o// //mnyan yod na ste/ 'char kas khyim bdag gi chung ma sbed ma dang / sngon rtses pa dran zhing dben par sa la 'khod pas na/ dge bsnyen ma'i gzhi'i dbang du mdzad de brgyad pa bcas so//bud med kyi la zhes bya ba ni mi tshangs par spyod pa bsten par bzod pa'i bud med do/ /gcig pu gcig dang zhes bya ba ni de dang de lhan cig pa'o/ /dben par zhes bya ba ni gang gzhan su yang med pa'o/ /'dug ces bya ba ni 'dom gang gi nang du stan la rkub tshos bzhag pa'o//dben pa la dben par 'du shes sam/ yid gnyis za na yang rung ste dben par skyabs yod par 'dug nas ltung byed do/ /mi dben pa la dben par 'du shes sam/ yid gnyis zan yang rung ste/ nyes byas so/ /klu'i bu mo la sogs pa ni lha dang /gnod sbyin dang / dri za dang / mi'am ci dang / lha ma yin dang / yi dags dang / sha za'i bu mo rnams dang / ma ning dang / mthu med pa dang / glen pa la sogs pa dang / smyos pa la sogs pa rnams la ni nyes byas so/ /kha cig ni gzung du rung na lha mo la yang ltung byed do//de las gzhan pa dag ni nyes byas so zhes kyang zer ro/ /de ma thag tu 'byung ba la yang ji ltar srid pa bzhin du brjod par bya'o/ /sgo khang du 'dug pa dang / sman 'thag tu bcug pa dang / sgo ma gcad bar 'dug pa dang / gzhan dag ni phyir 'byung / gzhan dag ni nang du 'jug pa la ltung ba med do//dben pa yang rung mi dben ba yang rung ste/ mi dben par 'du shes na ltung ba med do/ /brgyad pa'o// //mnyan yod na ste/ 'char ka las brtsams nas/ dge slong ma sbed ma dang / sngon rtses pa dran zhing dben pa na 'greng ste 'dug pas na dgu pa bcas so//'greng na zhes bya ba ni 'dom gang gi nang du ste/ snga ma la ni sa la 'dug pas ltung ba'o/ /'dir ni 'greng ba'i spyod lam gyi phyir te/ 'dir yang byung ba'i dbang du mdzad pa las de skad gsungs kyi gnyis ga la yang ltung ba gnyis su 'gyur ro//nyal ba dang / 'chag pa'i spyod lam la yang ltung bar 'gyur ro/ /ma ning ma gtogs te/ sngon ltung ba byung ba dang / de bzhin du dge slong ma rnams la yang ngo / /sngar gyi bslab pa'i gzhi yis ni ltung byed do/ /ma ning mo la nyes byas so/ /ji ltar de ma thag tu bstan pa la ni ltung ba med do//dgu pa'o// //mnyan yod na ste/ sbom dga' mos 'phags pa kun shes kau N+Ni n+ya la sogs pa'i gnas brtan rnams la zas sbyar ba drug sde rnams kyis yon tan brjod na byin/ de dag gis kyang blangs pas na bcu pa bcas so/ / sbyor du bcug ces bya ba ni de dag gi yon tan brjod par sbyin bdag rnams la dga' bar byas par sbyar ro zhes bya ba'i tha tshig go/ /sbyor du bcug pa ni rnam pa gnyis kyi ste/ tshul khrims kyis sbyor du bcug pa dang / thos pas sbyor du bcug pa'o/ /zas zhes bya ba ni bca' ba lnga dang /bza' ba la'o/ /za na zhes bya ba ni mgul du ming na'o/ /ma gtogs zhes bya ba ni 'di lta bu ma gtogs pa'o/ /sngar khyim du bos pa zhes bya ba ni sngar mgron du bos pa'o/ /sngar mgron du bos pa'i bsod snyoms pa las brtsams nas 'di yang bkol ba yin te/des sbom dga' mo las kho mos khyod kyi yon tan brjod do zhes thos pas na/ des kyang zan chad par byas so/ /de la ltung ba ji ltar 'gyur zhe na/ dge slong mas khyim gang du dge slong rnams la mgron du bos pa der song nas/ dge slong ji lta bu dag mgron du bos/ zas dang skom ji lta bu dag sbyin par byed ces dris pa las/ de dag gis ngan pa zhig go zhes smras pa dang / de nas des gya nom pa sbyor du bcug go/ /rgyun du zhugs pa nas dgra bcom pa'i bar du zhes bya ba dang / dge slong de dag kyang mdo sde dang /'dul ba dang / ma mo 'dzin pa'o zhes de dag la gya nom pa sbyor du bcug la dge slong de dag gis kyang shes bzhin du zos na ltung byed do/ /yon tan rnams ji ltar smras pa bzhin du yang dag pa yin na ltung ba med do/ /sbyor du bcug pa la sbyor du bcug par 'du shes pa rnam pa drug ste/ltung byed gnyis dang / nyes byas gnyis dang / ltung ba med pa gnyis so/ /spring yig la sogs pa rnams kyis sbyor du bcug pa dang / gzhan gyi phyir sbyor bar shes na nyes byas so/ /dge slong ma la dad pa'i khyim mam/ nye du'i khyim yin na ltung ba med do//bcu po 'di ni ston pa dang / zas la spyod pa dang / byed pa dang / phyogs su 'gro ba dang / dben pa'i gnas rnams su rig par bya ste/ bsdus pa'i don te/ dge slong ma'i tshogs te gsum pa'o// //yangs pa can na ste/ drug sde rnams khyim bdag drag shul can gyis mgron du bos pa las khyim du nye bar 'gro ba'i khyim du shing tog a mra'i khur bzos pas na/khyim bdag de yang ma dad par gyur pa'i bsod snyoms kyi gzhi'i dbang du mdzad de/ 'gal tshabs can dang / phongs pa'i dang / ma dad pa dang / nye bar ma zhi ba'i nyon mongs pa rnams yongs su spang ba'i phyir zas kyi tshogs dang por bcas so/ /de bzhin du dgu po la yang gzhi dang nyon mongs pa yang brjod par bya'o/ /yang yang za na zhes bya ba la sogs pa ni/ gang khyim gzhan du zos nas yang gzhan du za ba'o//na ba dus so zhes bya ba ni zas lan cig gis 'tsho bar mi nus pa'o/ /kha cig ni rnam pa gzhan du na shin tu bru ba tsha bar gyur pa yang de bzhin no zhes zer ro/ /las dus so zhes bya ba ni dge 'dun gyi'am/ mchod rten gyi yang rung ste/ tha na phyag dar re lde tsam mam/byug pa ba mal tsam yang rung ste/ phyags nas ba lang gi lci bas skyang nul byas pa yin no/ /lam dus so zhes bya ba ni dpag tshad gcig gam/ dpag tshad phyed du song zhing 'ongs pa yin no/ /gos sbyin pa'i tshe dus te zhes bya ba ni/ gang gi tshe'am de'i ras yug phran nam/ras yug chen rnyed pa'o/ /dus zhes bya ba ni/ rjes su mthun pa'i chos so/ /gos dang bcas pa'i zan la mgron du bos pa las/ gnyis pa la yang gos dang bcas pa'am/ gos med pa'am/ gos dang bcas shing gos kyi rin dang bcas pa'am/gos med pa dang / gos kyi rin med kyang rung / rnam pa bzhi po de bzhin du rnam pa bzhir sbyar ro/ /gos med par mgron du bos pa las gnyis par yang de bzhin te rnam pa bzhi po rnam pa bzhir sbyar ro/ /de la gos dang bcas shing gos kyi rin dang bcas par mgron du bos pa las gnyis par yang de bzhin te/rnam pa bzhi po rnam pa bzhir sbyar ro/ /gos med pa dang / gos kyi rin med par mgron du bos pa las gnyis par yang de bzhin de/ rnam pa bzhi po rnam pa bzhir sbyar ro/ /de la gos dang bcas par mgron du bos pa las gnyis par gos dang /gos kyi rin du bcas pa bzhin du mgron du bos na khas blangs la bza' bar bya'o/ /de ma yin pa'i gnyis par khas blangs na nyes byas so/ /zos na ltung byed do/ /snga ma la ltung ba med do/ /gal te gang zag ni der mgron du bos pa las yang dge 'dun dang lhan cig mgron du bos na snga ma sems kyi dge slong gzhan la sbyin par bya'o//gal te 'di skad ces zer na 'di yang yod mod kyi gzhan yang tshol cig ces bya ba dang / 'dir zo la gzhan du yang tshol cig ces bya ba dang /lhung bzed du blangs pa tsam zhig zo la lhag ma gzhan du zo zhig ces bya ba dang / de bzhin du yang btsun pa gzhan nas kyang zan rnyed par gyur gyis zhes zer ba dang / btsun pa bdag ni khyod la mgron du mi gnyer ro zhes zer ba dang / zas ni sbyin mod kyi bdag ni mgron du mi 'bod do zhes zer ba dang /btsun pa zas gya nom mod kyi bdag mgron du mi 'bod do zhes zer ba dang / btsun pa tshur shog bdag mgron du mi 'bod do zhes zer ba dang / khye'u sus dang bza' ba lnga ni ma gtogs te gzhan gyis so/ /gnyis kyis mngon sum du mgron du 'bod par 'gyur ba dang /bdag gi der gsol la de nas der gsol cig ces zer ba ste/ nyes pa med pa dang / rung bar mthong ba la ltung ba med do/ /kha cig ni gal te sbyin bdag des mtshan ma de la mi dga' bar mi 'gyur na ltung ba med do zhes kyang zer ro//mu ge'i tshe mgron du 'bod pa mang na yang tshangs pa mtshungs par spyod pa'i phyir khas blangs la de dag kyang der dong ste/ bza' bar bya'o/ /ci ste mi ster na bdag nyid kyi cung zad cig za zhing 'di dag phongs pa yin gyi zhes byos la rjes su gnang ba sbyin du gzhug par bya'o//phyi ma ni bdag nyid tshim par bza' bar bya'o/ /spring yig dang lag rtsis dag gis khas len na nyes byas so/ /gang zag gcig pu'i gtsug lag khang ngam/ dgon pa yang rung ste/ sgeg pa'i sems sam/ gya nom pa 'dod pa'i phyir yang yang zan nyes byas so//ma gus pa'am/ g.yo rnams kyi yongs su longs mi spyod na nyes byas so/ /mgron du bos pa la mgron du bos par 'du shes pa rnam pa drug ste/ ltung byed gnyis dang / nyes byas gnyis dang / ltung ba med pa gnyis so/ /dang po'o// // mnyan yod na ste/ drug sde rnams phyogs bzhi'i dge sbyong dang bram ze rnams kyi don du 'dug gnas byas pa na 'khod cing / de'i bdag po'i khyim du zan za ba'i tshe bud med rnams kyis yan lag dang nying lag bstan pas ma dad par gyur te/ de dag gis gcer bu ba rnams bos pa de rnams kyis de dag kyang shin tu brdegs pas na gnyis pa bcas so//min bas zhes bya ba ni 'phags pa shA ri'i bu las brtsams te rjes su gnang ba'o/ /de la ltung ba ji ltar 'gyur zhe na/ /de nyid du gnas la de nyid du zos na nyes byas dang ltung byed do/ / de nyid du gnas la gzhan du zos na nyes byas nyid do/ /gzhan du gnas la der zos pa ltung byed nyid do/ /gzhan du gnas la gzhan du zos na ltung ba med do/ /zas mang po la mang por 'du shes pa rnam pa drug tu ste/ ltung byed gnyis dang / nyes byas gnyis dang / ltung ba med pa gnyis so/ /tshogs kyi phyir byas pa'am/ nyes dus sam/ sbyin bdag na re 'di nyid du 'dug shig ces bsgo ba la ltung ba med do/ /lha la sogs pas 'dug gnas byas pa'am/ dge slong gi 'dug gnas sam/ kun du rgyu ba'i 'dug gnas ma yin na ltung ba med do//gnyis pa'o// //mnyan yod na ste/ drug sde la dus kyis bstabs pa las bag ma lan pa'i phyir bca' ba rnams byas pas thams cad bslangs nas lhung bzed chen po rnams bkang ste khyer ba'i rgyu mtshan gyis g.yas zhar mo de bag mar 'gro ba'i chad du gyur pas na gsum pa bcas so//khyim rnams su 'dong ba la zhes bya ba'i ni khyim rnams su dong ba bdag gis kun du spyad pa ni bsod snyoms pas sgo khar khar gsil gyi sgra byas la nang du 'gro bar bya'o/ /gang na khyim sgo mang ba der phye la sogs pas sgor mtshan ma gdab par bya'o//spyod yul ma yin par lnga po dag tu 'gro bar mi bya'o/ /'di lta ste/ rol mo mkhan gyi khyim dang / smad 'tshong ma'i khyim dang / chang 'tshong ma'i khyim dang / rgyal po'i pho brang dang / gdol pa'i khyim mo/ /gang na bud med 'dod chags drag pa de shi ba la sogs pa'i nyes pa yongs su spang bar bya ba'i phyir de 'gro bar mi bya'o//dad pa zhes bya ba ni sangs rgyas la sogs pa la mngon par dang pa'o/ /phye zhes bya ba ni phye rnams so/ /khur ba zhes bya ba ni bag chos rnams so/ /lhung bzed gang ba gnyis sam gsum zhes bya ba ni lhung bzed la rnam pa gsum ste/chen po dang / bar ma dang / chung ngu'o/ /de las chen po ni 'bras thug po che'i yul la ma ga d+hA'i bre chung ngu do btsos pa'i chan sran tshod dang tshod ma dang bcas pa shong zhing mthe bo'i lto gang gis mur mthug pa'o//chung ngu ni 'bras thug po che yul ma ga d+hA'i bre'u chung gang gi chan la sogs pa ste/ lhag ma ni snga ma bzhin no/ /de'i 'bring po ni bar ma'o/ /phyi rol kun dga' ra ba zhes bya ba ni gtsug lag khang du song ba nas dge slong rnams dang bgo bsha' bya'o//ma bgos na nyes byas so/ mi 'khod na ltung ba med do/ mi 'khod na ltung ba med do/ /de'i phyir 'khod pa zhes brjod do/ /de las lhag par zhes bya ba ni lhung bzed gang ba gsum las lhag par len na ltung byed do/ /de la ltung ba ji ltar 'gyur zhe na/ dge slong gis chen po gsum rnams sam chen po gnyis dag dang /'bring po gcig gam chen po gnyis dag dang / chung ngu gcig gam 'bring po gnyis dag dang / chen po gcig kyang rung ste/ mdor bsdu na ji srid bre'u chung phyed dang lnga las lhag par len du 'gro na len pa'i tshe nyes byas so/ /zos na ltung byed do//lha dang / klu dang / gnod sbyin dang / yi dags dang / mu stegs can dang / kun du rgyu ba'i khyim nas blangs sam/ gzhan len du go bar byas te gsum las lhag par blangs pa dang / khas blangs pas khas ma blangs pa'i phyir khyim du'am/ khas ma blangs pas khas blangs pa'i khyim du dus kyis bstabs pa las blangs na nyes byas so/ /spring yig la sogs pa rnams kyis bstabs par blangs sam/ gzhan len du bcug na nyes byas so/ /lhag par blangs pa la lhag par blangs par 'du shes pa rnam pa drug tu sbyar ro//de nyid du 'dug nas lhag par zos kyang ltung ba med do/ /'di ltar phye dang khur ba ma gtogs par gzhan blangs pa dang / sbyin bdag gis ci bde bar zhes smras pa la yang ltung ba med do/ /dad pas sbyin pa la ltung bar 'gyur ba gsum ste/ tshul khrims dang ldan pa'am/lta ba phun sum tshogs pas byin pa la yang tshul khrims 'chal pa'am/ lta ba nyams pa la byin pa dang / gang du lhag par blangs nas ma zos pa dang / tha na kham gcig zos kyang ltung bar 'gyur ba'o/ /gsum pa'o// //'dul ba bsdus pa bam po bcu pa//mnyan yod na ste/ bcom ldan 'das kyis nga stan gcig par za bas na snying las chung ba la sogs pa'i yon tan du tshor ro/ /khyed cag kyang stan gcig par zo shig ces bka' stsal to/ /dge slong dag za ba'i tshe bla ma'i gnas lta bu mthong ste stan las langs nas bdag cag gis spangs so zhes mi za'o/de la ci tsam chog gi bar du spang bar mi bya'o/ /zas brtsams nas ldang bar mi bya'o zhes bka' stsal to/ /drug sde rnams spangs kyang rung ma spangs kyang rung za bas na bzhi pa bcas so/ /zos zin zhes bya ba ni bza' bar bya ba'i sems yongs su btang ba yin no//'di ltar zas 'dod pa la ni tshig gis ma lus par yang spangs pa yod pa ma yin no/ /yang na zos zin zhes bya ba des za ba la spangs pa zhes bya'o/ /mi za ba las gal te chog go zhes zer ba yang spangs pa ma yin par ston to//spangs pa zhes bya ba ni rnam pa lnga po rnams kyis spangs par 'gyur te/ zas su rnam par shes pa ste/ bca' ba dang / bza' ba'i ngo bo nyid kyis zas rnams yod pa dang / zas 'drim pa'i bud med dang / skyes pa dang / ma ning yang yod par rnam par shes pa dang /zas la za bar yang rnam par shes pa dang / zas kyi rang bzhin lnga la yang spang bar rnam par shes pa dang / stan gang la 'dug pa de las 'phags pa ste/ de lta bas na langs par gyur pa'o/ /go bzlog pa rnam pa lnga po rnams nyid kyis ni ma spangs pa'o//yang rnam pa lnga ste/ zas rung ba spangs pa dang / zas rung ba dang 'dres pa'i ldam ldum la sogs pa dang / sog 'jog ma yin pa dang / sog 'jog ma yin pa dang 'dres pa dang / spyod lam las langs par gyur pa'o/ /go bzlog pa lnga po rnams nyid kyis ni spangs pa ma yin te/gang la zas dang 'dres par rnam par mi shes pa des ni spangs pa ma yin no/ /lnga ste/ 'bras chan dang / zan dron dang / 'di gu dang / sha dang / snum khur gyis spangs par 'gyur te/ ldam ldum la sogs pa rnams kyis ni ma yin te/nya ni sha nyid du 'dus so/ /de lta bas na rtsa ba dang / sdong bu dang / lo ma dang / me tog dang / 'bras bu'i rang bzhin gyi bca' ba lnga 'chos nas bza' ba lnga bza' bar bya ste/ slar bzlog pas de ni spangs pa yin no/ /lhag ma dang bcas pa'i tshig lnga ste/re zhig thong shig ces bya ba dang / re zhig byin cig ces bya ba dang / re zhig song shig ces bya ba dang / re zhig zos zin to zhes bya ba dang / re zhig chog go zhes bya ba'o/ /re zhig ces bya ba'i sgra de lta bu med dam tshig lnga po lhag ma lus pa ni za mi 'dod pa'o//zas 'dod pas kyang skabs kha cig tu lhag ma ma lus pa'i tshig smras kyang spangs par mi 'gyur ba yod do/ /gang na yon bdag gi dngos po rnams zad par mthong ngam/ gzhan la sbyin pa'i sems kyis byin cig ces bya'o//lhag bor ma byas par zhes bya ba ni nad pa'i lhag ma 'dor bar byed pa las/ des de bde ba la reg par gnas par 'gyur ba dang / sbyin par bya ba'i chos yongs su longs spyad par bya ba'i phyir rjes su gnang ba yin no/ /lag pa dag bsnyal te byin lan byas la/dge slong gang zos nas spangs pa ma byas pa'am/ spangs pa byas kyang spyod lam las ma langs pa de'i tshe/ mdun du tsog tsog por 'dug la/ tshe dang ldan pa dgongs su gsol/ bdag dge slong ming 'di zhes bgyi ba 'tshal ma 'tshal lags shing spangs te yongs su rdzogs shing mthar thug par bgyis pa las bca' ba dang /bza' ba 'di rnyed cing 'tshal bar 'tshal na/ bdag la lhag por bgyis te stsal du gsol zhes brjod par bya'o/ /des kyang kham gnyis sam gsum zhig bza' zhing / 'di khyod kyir gyur gyis song shig ces brjod par bya'o//de la gang yang spangs par ma byas pa des bza' bar bya'o/ /lhag por yang bya'o/ /de las gzhan pas ni lhag par byin pa nyid kyis 'di khyod kyir gyur gyis song shig ces smras la bza' bar mi bya'o/ /gal te zos na 'gal tshabs can du 'gyur ro//rnam pa lnga ni lhag por byas pa ma yin te/ mtshams kyi phyi rol du byed pa dang / mi thob pa'i phyogs su 'dug pa'am/ rgyab nas byed pa dang / glo nas byed pa dang / spyod lam las nyams pa'o/ /de las bzlog pa lngas ni byas pa'o/ /yang rnam pa lnga ste/thu bar ma yin pa dang / lhung bzed kyi gzhir ma yin pa dang / sngar bstan pa'i dang po dag dang tha ma'o/ /slar bzlog pa lngas ni byas pa'o/ /gcig gis lhag bor byas na thams cad kyis kyang bza' bar bya'o/ /lhag por ma byas par zhes bya ba ni lhag por ma byas pa can zhes bya ba ste/lhag por ma byas shing mthar thug par ma byas zhes bya ba'i tha tshig go/ /bca' ba zhes bya ba ni bca' ba lnga'o/ /bza' ba zhes bya ba ni bza' ba lnga ste/ mgul du mid na'o/ /spangs pa la spangs par 'du shes sam/ yid gnyis zan yang rung ste/lhag por ma byas pa mgul du mid na ltung byed do/ /ma spangs pa la spangs par 'du shes sam yid gnyis za na yang rung ste nyes byas so/ /mi rung ba zhig zos zin pa la lhag por ma byas par zos na ltung byed do/ /nad pa la ni lhag por ma byas pa za'am/mi rung ba za'am/ zhag bdun pa za'am/ mi rung ba las spangs kyang rung ste/ ltung ba med do/ /bza' ba lnga ma gtogs pa gzhan la ni spangs pa ma yin pas ltung ba med do/ /ut+pal la sogs pa'i rtsa ba dang / byang phyogs kyi shing tog dang /lha'i pad ma'i sdong bu la sogs pa ni dkon pa'i phyir zos kyang ltung ba med do/ /kha cig na re de ni mu ge byung ba'i tshe'o zhes kyang zer ro/ /de bzhin du spangs sam ma spangs kyang rung ste/ ma spangs par 'du shes pa yang ngo / /nas thug ji lta bus na spangs par 'gyur zhe na/gang la kha gzar gyen du 'greng ba'o/ /skyo ma ji lta bus spangs par 'gyur zhe na/ gang la sor mo lnga'i ri mo steng na snang ba yin te/ mgul du mid pa la ni ltung ba med do/ /bzhi pa'o// //mnyan yod na ste/ rgan zhugs rab tu byung bas rgyun ma chad par ltung ba byung ba glengs bas na khros te slob dpon la lhag bor ma byas pa'i bza' ba zar bcug pas na lnga pa bcas so//dus kyis stobs zhes bya ba ni yang yang mgron du byed pa'o/ /skabs tshol zhing zhes bya ba ni bstan pa'o/ /'di nyid rnam par dbye ba ni ci nas kyang dge slong 'di nyes pa 'byung bar bya'o snyam pa'i zhes bya ba ni/ltung ba dang bcas par byas pa zhes bya ba'i tha tshig go/ /de ltar ni dbang du byas par 'gyur ro/ /de nyid ces bya ba ni gzhan du bsams te zar bcug pa la ltung ba med do/ /spangs pa la yang spangs par 'du shes pa rnam pa drug tu sbyar ro//de bzhin du lhag por ma byas pa lhag por ma byas par 'du shes pa rnam pa drug tu sbyar te/ ltung byed gnyis dang / nyes byas gnyis dang / ltung ba med pa gnyis so/ /lnga pa'o// //rgyal po'i khab na ste/ lha sbyin las brtsams nas drug pa bcas so/ /'dus shing za na zhes bya ba ni mi mthun par za ba'o/ /mtshams kyi nang du gcig gis kyang mi mthun pa ma yin gyi/ bzhi la sogs pa rnams dang gang za ba'o/ /ji ltar na mnyam pa'i dbang du byas she na/ gang dang gang lus kyis go bar byed pas za ba de nyid ltung byed do//lus kyis las kyi mtshan nyid las na de'i ltung ba'o/ /zas kyi tshig las bca' ba rnams las ltung ba med kyi/ de dag ni bza' ba rnams so/ /na ba dus so zhes bya ba ni nad pa rnams la khye'u sus byin gyis dge slong thams cad la ma byin pas na/nad pa khye'u sus ma blangs ma las rjes su gnang ba ste/ gang zag gcig gis 'tsho bar mi nus pa de yang nad pa'o/ /las dus so zhes bya ba ni tha na phyag dar re lde tsam mam/ dkyil 'khor ba mal tsam phyags nas ba lang gi lci bas skyang nul byas pa'o//lam dus so zhes bya ba ni dpag tshad gcig gam dpag tshad phyed du song zhing slar 'ongs pa yin no/ /grur zhugs pa dus so zhes bya ba ni lam bzhin no/ /'dus pa chen po zhes bya ba ni gtsug phud kyi dus ston chen po'am/ lo lnga pa'am/ lo drug pa'i tshe mang po tshogs pa la kha cig gis ni lnga la byin/kha cig gis ni bzhi la byin pa'o/ /dge sbyong gi zas dus so zhes bya ba ni kun du 'tsho ba la sogs pa las brtsams te/ 'di las phyi rol gyi la rab tu byung ba de dag kyang dge sbyong zhes bya ba'i grangs su 'gro'o/ /mtshams kyi nang la der 'du shes sam yid gnyis za na yang rung ste/'dus shing zas zos na ltung byed do/ /mtshams kyi phyi rol la mtshams kyi nang du 'du shes sam yid gnyis za na yang rung ste/ zos na nyes byas so/ /mtshams kyi phyi rol lam mtshams kyi nang yang rung ste/ mtshams kyi phyi rol du 'du shes na ltung ba med do//de bzhin du so sor za ba la so sor za bar 'du shes pa yang rnam pa drug tu brjod par bya'o/ /gnas khang la rnam pa gnyis te/ gzhi'i 'dug gnas dang / khang khyim gyi 'dug gnas so/ /gzhi'i 'dug gnas na za ba dag gi khang khyim gyi 'dug gnas nas 'dir gang yang 'ongs sam zhes dri bar bya'o//rnam pa gzhan du na nyes byas so/ /khang khyim gyi gnas na 'khod pas kyang ma dris par mi mthun par zos na ltung byed do/ /gsum mtshungs la gcig mi mtshungs pa dang / gsum bsnyen par rdzogs la/gcig bsnyen par ma rdzogs pa dang / kha zas phan tshun du brims pa dang / tha na lan tshwa las tshum gang ngam/ ldam ldum las sran gcig brims pa dang / gnas so sor nges pa dang gang dag 'di na 'khod pa de dag la sbyin no zhes zer ba dang / nam mkha' la za ba la ni ltung ba med do//drug pa'o// //mnyan yod na ste/ bcu bdun sdes zan ma zos par phyir phyung nas khyim pa rnams las blangs te dus las yol bar zos pas na bdun pa bcas so/ /dus ma yin par zhes bya ba ni dus ma yin pa rnam pa gnyis te/skya rengs ma shar ba dang / nyi ma phyed yol ba'o/ /bca' ba dang bza' ba zhes bya ba ni dus su rung ba'i sman no/ /za na zhes bya ba ni bdag nyid mgul du mid pa'o/ /dus las yol ba la dus las yol bar 'du shes sam/ yid gnyis za na rung zos na ltung byed do/ /dus las ma yol ba la dus las ma yol bar 'du shes sam/ yid gnyis za na yang rung ste nyes byas so/ /dus las ma yol lam dus las yol yang rung ste/ dus las ma yol bar 'du shes na ltung ba med do/ / de bzhin du dus su rung ba'i sman la dus su rung ba'i sman du 'du shes pa rnam pa drug tu sbyar ro/ /nad pa la sman pa'i tshogs ba lang gi lci ba'i nang nas byung ba'i phye'i skyo ma dang / 'phar bas zos pa'i mi gtsang ba nas byung ba'i sha zos pa la ltung ba med do/ /gal te de dag rang bzhin gyis kyang nad ma sos na dus su rung ba thams cad sbyin par bya'o//gang des kyang sos par mi 'gyur na'o/ /gling gsum po rnams dang / lha'i yul du rnams su yang rung / 'dzam bu'i gling gi dus su bza' bar bya'o/ /'dzam bu'i gling gi dus ma lags par bro mi 'tshal bar 'tshal na ltung bar mi 'gyur ba mchis sam/yod de/ shar gyi lus 'phags po dang / nub kyi ba lang spyod kyi gling gi dge slong rang gi dus su za'o/ /de la kun du spyad pa ni dge slong skye bo mang po tshogs pa dang / dus yongs su shes par byas la/ thog mar gaN+DI chung ngu brdungs te/ de nas nad pa rnams kyi zas phog la las su bskos pa rnams zan zos zin pa dang / gaN+DI brdungs par bya'o/ /gal te mi thos na dung bsgril ma bud pa dang / lhan cig pa'i rnga brdung bar bya'o/ /gaN+DI la rnam pa lnga ste/ dge 'dun thams cad kyi ni rgyud gsum dang tog gsum mo//las kyi gaN+DI ste/ rgyud gsum dang tog gnyis so/ /shi ba'i gaN+DI ste byi ba'o/ /spong ba las zhugs pa'i gaN+DI khar gsil lo/ /gnod pa byung ba'i gaN+DI ste ci nus su bya ba'o/ /'dus pa chen po'i tshe gral so sor bya'o//rgan rims ji lta ba bzhin du spyi spungs su bsham par bya'o/ /rgan rims ji lta ba bzhin du 'khod par byed pa bsko bar bya'o/ /rnyed pa mi snyoms pa spangs pa'i phyir de dag gis kyang byin len gyis byin gyis brlabs pa brim par bya'o/ /yang na spyan bya'o/ /de dag gis kyang dang por bza' bar bya'o//gnyi snod gcig gi nang du bza' bar mi bya'o/ /lam du zhugs pa nas snod med pa la ltung ba med do/ /de la ni dge tshul dang yang byin gyis brlabs la lhan cig bza' bar bya'o/ /rung bar byed pa rnams la ni bcangs te sbyin par bya'o/nye du rnams lhan cig za bar 'dod nas dben pa'i phyogs su zos na ltung ba med do/ /gos gcig par byas te bza' bar mi bya'o/ /na ba dang / rgas pa dang / stobs chung bas rngul gzan srab mo'am pus 'khyud gyon te/ dben pa'i phyogs su bza' bar bya ste/ltung ba med do/ /gal te de ltar yang mi nus na gos gcig pa nyid kyis so/ /gser dang / dngul dang / bai DUr+ya dang / shel gyi rang bzhin gyi snod du ma yin no/ /lha dang / klu dang / gnod sbyin gyi gnas su gal te snod gzhan thob pa med na ltung ba med do/ /sa ma pra ba ta zhes ma brjod kyi bar du des tha na lan tshwa tsam yang mi blang ngo //'di byin cig 'di mi 'dod do zhes bsgo zhing bza' bar mi bya'o/ /me drod chung bas tshos pa dang / me drod che bas rjen pa slong ba la ltung ba med do/ /sgra chung ba dang / dang bar 'gyur ba dang / spyod lam shin tu bsdams pa dang ldan pas zas kyi don du 'khod par bya'o/ /zas la mi mthun pa'i 'du shes nye bar gzhag cing dran par brten par byas te sems rnam par ma g.yengs par bza' bar bya'o/ /lhung bzed zas blangs nas dor bar mi bya'o/ /yang na ma la sogs pa la sbyin no//lhag pa kun dga' ra bar khyim pa'am/ bud med 'ongs pa'ang so sor 'grang ste'o/ /dud 'gro'i skye gnas su gtogs pa la'ang bsams bzhin du changs pa gcig sbyin par bya'o/ /lhung bzed kyi gzhi la rkang pas reg par mi bya'o/ / mchil lham dang bcas pas zas bza' bar mi bya'o/ /nad pas ni de'i steng du rkang pa dag bzhag ste'o/ /tug tug zer ba dang / krum krum zer ba la sogs pa sgra 'byung ba dang bcas pa'i zas za bar mi bya mod kyi/ 'on kyang chur spangs te bza' bar bya'o//nas thug sgra 'byung bar mi btub bo/ /la phug chen po bkas la bza' bar bya'o/ /yon bshad pa byed pa'i tshe bza' bar mi bya'o/ /gang gis ma thos pa las ltung ba med do/ /dus yol na tshigs su bcad pa la gnyis mnyan par bya'o/ /dge 'dun gyi gnas brtan gyis kyang kun du lta bar bya'o//dud 'gro la changs pa gcig sbyin par yang gsher bar byas la ci ltar bde ba sbyin par bya'o/ /gang la yang brjod par mi bya'o/ /mgron du bos na yang tshul shing rnams la bgrang ngo / /sbyin bdag gis dris pa dang /dge slong gis brjod par bya'o/ /gal te glo bur du lhags pa'i dge slong rnams gdugs tshod la bab par 'ongs na brjod par bya'o/ /gal te bgrang ba rnams yul gzhan du 'gro na yang brjod par bya'o/ /gal te gdugs tshod la bab tu byed la dong na yang je zan zos la de nas dengs shig ces brjod par bya'o//gaN+DI brdungs la 'dus te ci ba bder 'jug par bya'o/ /dge 'dun gyi gnas brtan gyis gal te dge slong mang bar gyur la kha zas nyung na snyoms par rims shig ces brjod par bya'o/ /gal te bzlog pa zhig na ci 'byor pas rims shig ces brjod par bya'o//de nas yon bshad pa byed pa na yud tsam zhig ngal so la/ 'dod na chos bshad nas 'gro bar bya'o/ /thams cad du zos nas kyang smon lam log par mi 'grub par bya ba'i phyir tshigs su bcad pa re re bklag par bya'o//bdun pa'o// //mnyan yod na ste/ dge slong nag po bsod snyoms kyi 'bras chan skams shing 'jog la/ nam char 'bab pa'am yul ngan pa la sogs pa byung ba'i tshe chu dron mos spangs shing za bas na brgyad pa bcas ste/ / sog 'jog ces bya ba ni gang bdag gi lag tu byin len byas la/ mtshan mo zhig lon pa bdag phyir bza' bar gzhag pa'o/ /rnam pa gzhan du na sog 'jog la rnam pa gnyis te/ snga dro ba'i zas byin len byas pa phyi dro ba'i zas su dang / phyi dro ba'i zas byin len byas pa nyid thun tshod las 'das pa'o//gang byin len ma byas par reg pa ni de dag dus ci srid lag nyar blangs pa'i nyes par 'gyur gyi sog 'jog gi nyes pa ni ma yin no/ /dus las 'das na sog 'jog gi nyes par 'gyur ro/ /sog 'jog la sog 'jog tu 'du shes sam/yid gnyis za na yang rung ste/ mgul du mid na ltung byed do/ /sog 'jog ma yin pa la sog 'jog yin par 'du shes sam/ yid gnyis za na yang rung ste nyes byas so/ /sog 'jog ma yin pa'am/ sog 'jog yin par yang rung ste/sog 'jog ma yin par 'du shes na ltung ba med do/ /byang gi sgra mi snyan du sog 'jog byas pa dang / lag nyar blangs pa dang byin len ma byas pa la ltung ba med do/ /gal te 'di nas blangs te der song na ltung ba'o/ /dge slong la sog 'jog rnam pa gsum po rnams kyis te/dge 'dun gyis dang / dge slong gis dang / bslab pa 'byin pas kyang ngo / /dge slong ma la bzhi po rnams kyis te/ dge slong mas lhag par byas pa'o/ /gnyis po de dag gis sog 'jog tu mi 'gyur te/ngo tsha med pas ri mor mi byed pa dang / ngo tsha yod kyang dran pa nyams pa'o/ /dge tshul la sogs pa rnams la ltos pa dang dang bcas pas byin la ltos pa dang bcas bzhin du zos na nyes byas dang ltung byed do/ /ltos pa dang bcas bzhin du byin la ltos pa med par zos na nyes byas nyid do//ltos pa med par byin la ltos pa dang bcas pas zos na ltung byed nyid do/ /gnyi ga la ltos pa med na gnyi ga la ltung ba med do/ /sog 'jog gis 'bags pa'i lhung bzed dang / lhung bzed chung ngu dang / kha gzar dang / kham phor dang / lhung bzed kyi snod dang / chos gos kyi gdang shing dang / khar gsil dang / tha na sde mig kyog po spyod pa dang / kha sog 'jog dang bcas pa dang / lag pa dag sog 'jog dang bcas pas zos na thams cad du yang ltung byed do//kha sog 'jog dang bcas bzhin du chung ngu 'thungs na nyes byas so/ /kha bsal te bor ba la ltung ba med do/ /de las gzhan pa med na nad pa la ni sog 'jog byas pa'i mar la sogs pa yang sbyin par bya'o/ /chu dang 'o ma la sogs pa'i rgyun lhung bzed kyi nang du ltung ba rnams kyis sog 'jog tu mi 'gyur te/zhu ba thams cad ni 'og tu 'gro ba'o zhes gsungs pa'i phyir ro/ /dge tshul la sogs pas lam brgyags bskur bar bya'o/ /dbab par bya ba yang ngo / /des byin gyis brlab pa byas la ngal sor gzhug go//chom rkun la sogs pas 'jigs te de dag gis bor na rang nyid kyis khyer na sog 'jog gi nyes par mi 'gyur ro/ /chu rgal ba'i phyir byin gyis brlabs la brgal bar bya'o/ /ji ltar gnyis kar mi nus na byin gyis brlabs kyang nyes pa med do/ /dge 'dun gyi gsang shing rta las skyed pa'i grogs bya'o//shing rta la kha lo ba'i stan ma gtogs par nad pa zhon par bya'o/ /de bzhin du grul ni ru skya 'dzin pa'i stan ma gtogs pa'i 'dug pa'o/ /de bzhin du khur bteg cing dbab pa yang ngo / /byin gyis brlabs pa gnyis res kyis khyer bar bya'o//'on kyang 'bru rnams phyi rol du bor ba la gzhan med na rang gis nang du gzhug par bya'o/ /gzhan med na bdag nyid kyis lam brgyags bskur bar bya'o/ /de nas yongs su brjes la bza' bar bya'o/ /de yang med na gnyis su bgos la gcig la bsnyen par ma rdzogs pa la byin te/de nas brjes pa bza' bar bya'o/ /de yang med na nyi ma gcig zan gcad par bya'o/ /nyi ma gnyis pa la stag par gang bza' bar bya'o/ /gsum pa la ni gnyis so/ /bzhi pa la ni srid chog gi bar du'o/ / lam brgyags med dam sbyin pa yang med pa dang / rung ba byed pa med na byin len ma byas kyang shing ljon pa la 'dzegs te 'bras bu blags la bza' bar bya'o/ /dge 'dun gyi mar la sogs pa zangs nas lud cing 'bo la gzhan med na thabs cis kyang rung ba bza' bar bya'o//de bzhin du gang zag gis sman la sogs pas gzhan med na sog 'jog gi nyes pa yod pa ma yin no/ /gang phongs pa'i tshe rjes su gnang ba rnams te/ de ni mi phongs pa'i gnas skabs su mi bya'o/ /mar gyi bum pa la sogs pa la mi shes te/ tshon gyi yin no snyam du shes nas res kyang sog 'jog ma yin no/ /gal te them skas la rim pa nyung bar 'dzegs pa na slar babs la sa la legs par gzhag par bya'o/ /gal te rim pa mang du 'dzegs na steng du gzhag go/ /lag pa dag dang kha bkrus la btung ba btung bar bya'o//kha ni rtag tu zang zing dang bcas pa yin pas de la zang zing med par sus kyang ji ltar mi nus mod kyi 'on kyang ba lang gi lci bas sbyangs te/ chu mkhur ba gnyis sam/ gsum tsam gyis bshal te bor la btung bar bya'o/ /lhung bzed la'ang bsams nas lan gnyis lan gsum du bkru bar bya'o//gal te de lta na yang snum na gang de'i kha'i yang dag pa'i tha snyad du bya ba nyid yin gyi bza' bar bya'o/ /lhung bzod kyi bu gar 'bras chan la sogs pa sog 'jog mthong shing bus brud de bor ba la chu gsum gyis bshal ba bza' bar bya'o//lhung bzed 'phran 'phro nas khu ba tshab blugs pas sngon gos pa'i snum langs shing kun du snang na med par byas la bza' bar bya'o/ /rung bar byas kyang gal te nyi ma gnyis pa la snum langs na nyes pa med do/ /dge slong dang dge slong ma rnams kyis sog 'jog byas pa phan tshun byin len byas la bza' bar bya'o//dge slong ma la sogs pa'i zas la sogs pa dge slong gis sbas pa las/ de dag gis de la bdar te byin na sog 'jog ma yin te/ ltung ba med do/ /brgyad pa'o// // mnyan yod na ste/ dge slong nag po chen po thams cad kyang dur khrod pa yin te/ zas lnga po dag rang gis blangs shing za ba dang / de la mi sha za'o zhes mi snyan pa'i sgra grags te/ bcom ldan 'das kyis bka' stsal ba/ byin len byed du bcug nas bza' bar bya'o//za na de nyid dpang por 'gyur ro zhes bya'o/ /drug sde rnams byin len byas kyang rung byin len ma byas kyang rung za bas na dgu pa bcas so/ /ma byin zhes bya ba ni byin len ma byas pa yin te/ chos mthun pa rnams dang / bslab pa byin pa dang / dge slong ma dang dge slob ma dang dge tshul dang dge tshul ma rnams sam/de las gzhan gang yang rung ba tha na spre'u dang / dom nas glang po che cang shes kyis kyang rung ste/ gang la nyer len shes pa yod na byin len byed pa'ang de dag la yod do/ /khas blangs pa'i bslab pa byin pas de rnams nyid la byin len byas par 'gyur gyi/gzhan rnams la ni ma yin no/ /de bzhin du khas ma blangs pa'i bslab pa byin pas so/ /khas blangs pas byin len byas pa de rnams nyid za ba rung gi gzhan la ni ma yin no/ /de bzhin du khas ma blangs pas byin len byas pa yang ngo //rnam pa bzhis na byin len byas par 'gyur te/ sems kyis bsam par gyur pa dang / byin par byed pa yang so sor nye bar gnas par gyur pa dang / rang gi lag gis blangs pa dang / gnas nye bar bstan pa'o/ /lus kyi 'brel pa la'am/ lus kyi 'brel pas 'brel pa la'am/ma 'brel pa la yang ngo / /byin len byas pa lnga ste/ lus kyis lus la dang / lus dang 'brel pas lus la dang / lus kyis lus dang 'brel pa la dang / lus dang 'brel pas lus dang 'brel pa la dang / 'dir nye bar zhog ces bya ba ste/spong ba'i yul na dkyil 'khor byas na lhung bzed bzhag la 'dir bor cig ces bya ba'i rnam pas so/ /gzhan yang lag pa bkan par byin len rnam pa lnga ste/ man shel dang / khri dang khri'u dang / thu ba dang / lhung bzed kyi gzhi'o//rgyu lnga po rnams kyi ni byin len ma byas pa yin te/ mtshams kyi phyi rol du 'dug pa dang / mi thob pa'i phyogs na 'dug pa dang / glo nas byed pa dang / rgyab nas byed pa dang / lag pa khas bub pa la sogs pa rnams kyis kyang byin len byed pa'o/ /lnga po de slar bzlog pa ni byin len byas pa'o//kha cig na re cho ga ma yin pas byin len byas na nyes byas so zhes zer ro/ /byang gi sgra mi snyan du byin len ma byas par bza' bar bya'o/ /spyi bungs su zas bskyas pa las me shor te bor nas dod yang sbyin bdag gi sems kyis btang ba yin gyi gdugs tshod yol du byed na byang gi sgra mi snyan gyi dus nyid du bza'o//byin len byas par gang byin len ma byas pa ltung na byin len byed pa yod na slar byin len bya'o/ /med na de nyid dbyung bar bya'o/ /'bras chan gyi nang du khu ba'am/ khu ba ma yin pa yang rung ltung na mang du bzhams te dbyung ngo //byin len byas pa khyim pas reg na slar yang byin len bya'o/ /byin len byas pa'i steng du gang byin len ma byas pa gzhag na des mang du bsal la longs spyad par bya'o/ /rdul rnam pa lnga ste/ sog 'jog dang / sog 'jog ma yin pa dang / rung ba dang / mi rung ba dang / rdul nyid rdul yin te mi snang na de thams cad rung ba yin gyi byin len ma byas kyang thams cad spyad par bya'o/ /rnam pa gzhan du na yang lnga ste/ zas dang / btung ba dang / gos dang / me tog dang / 'bras bu'i rdul lo//byin len bya ba'i sems nye bar bzhag nas lhung bzed dang / lhung bzed kyi gzhi gzhan du bor cig ces bya ba las/ gzhan du ltung na byin len byas pa nyid do/ /rang gis nye bar blangs nas ni byin len mi bya'o/ /nad pa la ni byin len ma byas kyang mar dang / 'bru mar byin pa po med na sbyin par bya'o//nad pa sbyor mi bzod na bsnyen par ma rdzogs pas bsnyod par bya'o/ /kha nas mid pa zhes bya ba ni mgul du mid pa'o/ /de lta bas na de nyid kyi phyir gsungs pa dang / lag pa dag bsnyal la byin len ma byas kyang snar blugs pa'i las bya'o zhes bya ba'o//chu dang so shing ma gtogs te zhes bya ba ni de la chu la gtan la dbab par bya ste/ gang rnyog pa can der gdong mi snang ba de la byin len bya'o/ /ka ta ka'i 'bras bu'am/ zan gyi chang bu snum gyis bskus pa bcug la so sor brtag par bya'o//de bzhin du chu gang lan tshwa can nam/ ba tshwa can nam/ rkyen gang gis nus pas kyang rung ste/ de gang gis bya bar rung bar 'gyur ba yang ngo / /gang rdzing bu na 'bras chan gyi tshigs ma la sogs pa'i kha zas yod pa des chu tshags dang / bum pa la sogs pa reg kyang mi rung ba ma yin no//gang la zho'i tshigs ma'am/ steng zhag tu chags pa'i chu de la phan tshun dkrugs la blang bar bya ste/ kha zas des ni kha zas kyi bya ba byed mi nus so/ /lam gyi bgrod par zhugs pa las khron pa nas zo chun rnams kyis bcus pa'i chu so sor brtags pa ni byin len ma byas kyang rung ste/dus dang dus ma yin par btung bar bya'o/ /de ni gtsang ba'i sgo yin no zhes byas la/ bya ma bum gyi nang du yang blugs par bya'o/ /de bzhin du bsti gnas dang / chu mig 'bags pa nas kyang zho'i tshigs ma dang ldan pa dang / lam gyi bsti gnas dang /brag la sogs pa nas kyang de bzhin no/ /de dag thams cad kyang phongs pa'i tshe rjes su gnang ngo / /bum pa lnga ste/ de la bshang ba dang / gcig ba dang / chang gi bum pa ni nye bar gzhag par mi bya'o/ /nye bar gzhag na yang thag ring por dor bar bya'o/ / 'bru mar dang mar gyi bum pa ni mer bsregs na ba lang gi lci bas rung bar byas nas chu bcus te dus dang dus ma yin par yang btung ngo / /yang na chu'i rdzing bu'i nang du gzhug go/ /lhung bzed dam de las gzhan du'ang rung ste/ zas la bya rog gis kyang reg pa dang / mchu'i than kor nyi tshe bsal te longs spyad par bya'o//mi gtsang ba'i sbrang bus reg pa la nyes pa med pa bzhin no/ /bya ma bum nas chu btung bar mi bya mod kyi 'on kyang lag pa dag dang kha bkrus pas so/ /bya ma bum gyi dgab pa'i shing ngam/ rdo las byas pa'i rang bzhin bcad bar bya'o//gal te nyung na lo mar chu btung bar bya'o/ /byin len byed pa med na lo ma lhags par ro/ /de yang med na yal ga la chags pa nyid kyi lo ma las so/ /de yang med na phyogs gcig tu song la bya ma bum gyis so/ /so shing gtan la dbab par bya ste/ so shing la phan yon lnga yod de/mkhris pa 'dren par byed pa dang / bad kan 'dren par byed pa dang / kha sbyong bar byed pa dang / zas yi ga 'byed par byed pa dang / mig la phan pa'o/ /so shing la rnam pa gsum ste/ chen po ni sor bcu gnyis so/ /chung ngu ni sor brgyad do//'bring ni 'dir bar ma'o/ /lag pa dag bkrus la so shing bkrus te bza' bar so brud nas kyang bkrus te dor bar bya'o/ /chu med na bye ma la sogs pas drud do/ /ci ltar dge slong sngon sbrul gdug pa can du gyur pa'i gtam rgyud blta bar bya'o/ /dge slong de yang mang po rgyu ba'i phyogs su ma yin/rtsig pa dang / shing ljon pa'i drung kun du ste/ yongs su longs spyod pa'i sar ma yin/ gzhon nu dag gis gnas brtan gyi drung du so shing dor bar mi bya'o/ /dben par bya ba rnam pa gsum ste/ bshang ba dang / gci ba dang / so shing ngo / /gnas brtan rnams kyis ni chol zangs bcang ngo / /de med na wa kha'i khru gang khor yug tu 'dug la bags kyis dal bus so brud cing de bzhin du lce yang bzhar bar bya'o/ /rnon pos ni ma yin no/ /lce bzhar ba ra gan dang / zangs dang / khar ba dang / lcags kyi rang bzhin las bya'i gser la sogs pa'i rang bzhin ni ma yin no//de yang med na so shing bkas la phan tshun zur nang du drud de lce bzhar bar bya'o/ /se gol brdabs la so shing dor bar bya'o/ /de bzhin du mchil ma yang ngo / /so shing med na ri lu'am/ ba lang gi lci bas kha rung bar byas la longs spyad par bya'o//'di la yang 'gyod par mi bya'o/ /de la ltung ba ci ltar 'gyur zhe na/ byin len ma byas pa la byin len ma byas par 'du shes sam/ yid gnyis za na yang rung ste zos na ltung byed do/ /byin len byas pa la byin len ma byas par 'du shes sam/yid gnyis za na yang rung ste nyes byas so/ /byin len ma byas sam/ byin len byas kyang rung ste/ byin len ma byas pa la byas par 'du shes na ltung ba med do/ /mar la sogs pa'i bum pa byin len byas la dge slong gis kyang brim par bya'o//de bzhin du shing tog kyang ngo / /gal te khyim pa 'drim na yang dge slong rnams kyis sngar bzung ngo / /phyis ni khyim pas so/ /btang ba'i tshe ni slar bzlog pa'o/ /dge slong rnams kyis gang byin pa de ni de dag la de nyid byin len byas pa yin no/ /gang gzhan khyim pas byin pa de la ni byin len bya'o//shing thog la yang rnam pa gsum ste/ gces pa dang / bar ma dang tha ma ste/ rnyed pa mi snyoms pa yod pa'i phyir ro/ /gang 'drim pa de dag gi drung du 'dug bsam nod par bya'o/ /stan las ma 'phags pas ci srid du len par nus pa de ni byin len byas pa nyid yin no//de las gzhan du na ni byin len bya'o/ /dgu pa'o// //ser skya'i gzhi na ste/ drug sde rnams ming chen gyi khyim du za ba las de na ci yang med do zhes te/ khyim gzhan rnams nas 'o ma la sogs pa khyer te 'ongs nas zos pa'i phyir bcu pa bcas so//sha skam zhes bya ba ni sha'i khyad par ro/ /bdag nyid kyi phyir zhes bya ba ni gzhan gyi phyir blangs pa la nyes pa med do/ /gzhan gyi khyim rnams nas zhes bya ba ni nye du'i khyim rnams nas ltung ba med par bstan to/ /bslangs te zhes bya ba ni ma bstabs par yang bdag gam gzhan rnams kyis so//de la ltung ba ci ltar 'gyur zhe na/ min bas bslangs la mi na bas zos na nyes byas dang ltung byed do/ /min bas bslangs la na bas yongs su longs spyod na nyes byas nyid do/ /na bas bslangs la min bas zos na ltung byed do/ / bzhi pa ni ltung ba med pa'o/ /bsod snyoms khyer te 'ongs pa las sring mo chog go zhes smras na 'o na ci bzhed ces zer ba dang / bstabs pa yin par brjod par bya'o/ /de na gang 'dod pa de bslang bar bya'o/ /sbyin bdag gis ci ltar bde bar byas pa yin pas ltung ba med do//de bzhin du zho byin pa las snyigs ma'am/ dar ba slong ba yang ngo / /de bzhin du lha dang klu dang / gnod sbyin la sogs pa'i khyim du yang ngo / /bcu pa'o// //bcu po ni khyim dang / lam dang / blangs pa dang / yongs su longs spyod pa dang / btsal ba las rig par bya'o//gcig dang / gcig dang drug po rnams dang / gcig dang go rims bzhin du'o/ /yongs su longs spyod pa ni rnam pa drug ste/ spangs nas yongs su longs spyod pa dang bstabs pa las yongs su longs spyod pa dang / so sor yongs su longs spyod pa dang /dus ma yin par yongs su longs spyod pa dang / sog 'jog yongs su longs spyod pa dang / byin len ma byas par yongs su longs spyod pa'o/ /tshogs bzhi pa'o// //kau shAm+bIr 'dun pa las brtsams te chu yongs su 'dzin pa'i gzhi'i dbang du mdzad de/ snying rje med pa'i nyon mongs pa na chu'i tshogs dang por bcas so//yongs su longs spyod na zhes bya ba ni yongs su longs spyod pa rnam pa gnyis te gang nang gi lus dang / phyi'i lhung bzed bkru ba la sogs pa'o/ /'di skad du 'debs pa'i bslab pa'i gzhi las khyad par du bstan par 'gyur ro//der ni kha len byed pa'i dbang du byas pa yin gyi 'dir ni yongs su longs spyod pa'i phyir ro zhes bya ba'o/ /de la ltung ba ji ltar 'gyur zhe na/ chu yang yongs su longs spyad par mngon sum du gyur/ dge slong yang 'dod chags dang / zhe sdang dang / gti mug dang /dran pa nyams pa'am/ gang cis kyang rung ste/ ltung ba 'byung bar 'gyur bas kun nas dkris par 'gyur ba dang da ltar byung ba la ngal ba'am/ tsha ba la sogs pa'i rkyen gyis kyang rung ste/ chu la sred par 'gyur ba dang / chu de yang mang po zhig gis rnyogs par 'gyur ba'am/cung zhig rnyogs pa'ang rung srog chags dang bcas sam/ srog chags med kyang rung brtags sam ma brtags kyang rung ste/ dge slong yang 'di srog chags dang bcas pa'o snyam du rtogs la de spyod pa la yang ngo tsha btang bas gang gis 'byung bas 'gyur ba yang mi tshol zhing gnyen po yang mi 'dzin la/bum pa la sogs par 'khur ba gang 'thungs kyang ltung byed do/ /kha cig na re ci srid ci ltar blangs te thams cad 'thungs pa las ltung byed gcig nyid du 'gyur ro zhes kyang zer ro/ /sems bskyed pa ni nyes byas te bsdam par bya'o//sbyor ba yongs su ma rdzogs pa'i bar du nyes byas te bshags par bya ba yin no/ /de bzhin du ltung byed thams cad la yang brjod par bya'o/ /dran pa nyams par mthar phyin na yang nyes byas so/ /srog chags dang bcas pa la srog chags dang bcas par 'du shes rnam pa drug ste/ltung byed gnyis dang / nyes byas gnyis dang / ltung ba med pa gnyis so/ /kha cig na re srog chags med pa la yang srog chags dang bcas par 'du shes na ltung byed do zhes kyang zer ro/ /'di skad du yang dud 'gro'i skye gnas su gyur pa gsod pa'i bslab pa'i gzhi de las khyad par du bstan par 'gyur ro//de bzhin du 'og nas 'byung ba rnams kyis bslab pa'i gzhi rnams brjod pa'i tshogs drug po rnams yongs su rdzogs pa'i bar du 'di ltar dngos po de med kyang der 'du shes sam gzhan la yang rung ste/ltung bar blta bar bya'o/ /de las lta ba dang rab tu ldan pa ni ma gtogs so/ /srog chags dang bcas na zhag bdun pa'am/ 'bras bu rnams sam/ bza' ba rnams sam/ thun tshod du rung ba'am/ de las gzhan yang rung ste/ cung zad cig zos sam 'thungs na ltung byed do/ /de la kun du spyod pa ni mig lnga ma gtogs te/ gzhan gyis ni chu brtag par bya'o/ /lnga po dag gang zhe na/ ling tog la sogs pas khebs pa dang / mig nad dang ldan pa dang / 'khrul pa dang / smyos pa la sogs pa dang /rgas pa lo brgyad cu ba dang / lha'i mig ste/ tha snyad du bya ba ma yin pa'i phyir ro/ /ji srid ba lang drug dang ldan pa'i shing rta smyig ma'i shar bas bkang ba g.yangs kyis 'khor ba'i bar du de srid brtag par bya ba'am/ ji srid sems dag par gyur pa de srid du brtags nas yongs su longs spyad bar bya'o//ji srid nyi ma ma shar ba'i gong du ma rnyed pa dang ma btsags kyang brtags na ni btung du rung gi ma brtags na btsags kyang mi rung ngo / /chu tshags la rnam pa lnga ste/ chu tshags gru gsum dang / ril pa zhabs tshags can dang /ril tshags dang / bum tshags gce'u can dang / chos gos kyi grwa ste/ bsal tshags zhes bya ba ni ming gi rnam grangs so/ /chu tshags med kyi bar du grong gzhan dang / gtsug lag khang gzhan du 'gro bar mi bya ste/ rgyang grags gsum gyi bar du ni ltung ba med do//gal te der song na yang des brel bar mi 'gyur ram/ gtsug lag khang na chu rung ba dang ldan nam/ 'bab chu rung ba zhig yin nam/ khron pa'i chu gzhan dang ma 'dres pa zhig yin na'o/ /chu tshags gcig gis kyang ci srid dge 'dun gyi bar du yang 'gro bar bya'o//gal te 'gro ba phongs par mi 'gyur na'o/ /chu tshags med par 'gro la gnyis pa la chu tshags yod la/ khyod la chu tshags yod dam/ nga la'ang chu tshags su sbyin nam/ gal te slar log gam gzhan du 'gro na de nas thams cad kyi thams cad du zhes mi 'dri na 'gal tshabs can du 'gyur ro//'bab chu drag po zhig yin la gal te bar du chu gzhan dang ma 'dres na rgyang grags lnga'i bar du chu tshags med par 'gro bar bya'o/ /chu mi drag pa zhig yin na ni rgyang grags gsum gyi bar du'o/ /chu drag po las brtags te chu rgyun bzhin 'gro la gal te chu gzhan dang 'dre ba med na rgyang grags rjes su btung bar bya'o//rgyun las bzlog phyogs su 'go na 'jug ngogs su 'dom gang 'khor yug go/ /chu mi drag la chu gzhan dang 'dre ba med na 'jug ngogs gar phyin phyin du brtag par bya'o/ /chu rung ba rnam pa lnga ste/dge 'dun gyis rung ba dang / gang zag gis rung ba dang / chu tshags kyis rung ba dang / bkod mas rung ba dang / khron pas rung ba'o/ /gal te de dag la yid ches sam/ ma brtags kyang rung btung bar bya'o/ /de la brtags nas ji srid nyi ma shar ba tshun chad kyi bar de srid du yongs su longs spyad par bya'o//chu blang ba'i rim pa ni lag pas 'dzin na ni ngal bar 'gyur ba'i phyir shing bu gsum pa rjes su gnang ngo / /gal te chu tshags kyi nang du chu mi chags na gcal phyi ma'am/ ba lang gi lci ba'i phyi ma dag blug par bya'o//chu btsags pa'i rten rnam pa gnyis te/ zangs kyi rang bzhin nam/ sa'i rang bzhin las byas pa las bu ga phug ste/ lcags kyi lu gu rgyud dam/ srad bus shing la gdags par bya'o/ /bum pa gang ba la brtag par bya'i ma gang ba la ni ma yin no//rdul med par bya'o/ /srog chags la thur ma phra mos nye bar bstan par bya'i sor mos ni ma yin no/ /khron par chu tshags drag tu bor na srog chags dag snang bar gyur pas mi drag par bya mod kyi 'on kyang bsal tshags kyi bum pa bya ste/ gang bzhin du gzhug la slar stong par dbyung bar bya'o//chu tshags sbyar bar bya/ bskam par bya'o/ bskam par bya'o/ /dger 'dun gyis ni bum tshags gce'u can gyis blang bar bya'o/ /chu gzhag pa'i phyir lho nub mtshams kyi phyogs su chu'i khang pa bya'o/ /de yang bum pa rnams shing gi khri'u dag gam/yang na so phag gi stegs bu la gzhag go/ /bum pa dus dus su bal ba dza'i khrud shing ngam/ pu shel tsi'i khru da shing gis sbyang bar bya'o/ /gal te nyon mongs na khas bu ba la grib ma la bskam mo/ /lag pa ma bkrus par bum pa la reg par mi bya'o/ /gal te yang dang yang du dgos na shing leb bam/lo mas kha dgab pa dbye bar bya'o/ /chos gos rung bas chu brim par bya ste/ gnas par byed pa rnams kyis chu blang ngo / /de lta bu'i phyir rdza mkhan gyi snod spyad rnams rjes su gnang ste/ snod spyad sbed pa yang bsko bar bya'o/ /des khyim pa rnams rnyed na rnying pa las byin la slar blang bar bya'o//dge slong rnams la ni sar pa las sbyin par bya ste/ phyir blang bar ni mi bya'o/ /de'i phyir gnas khang yang sbyin par bya'o/ /zangs kyi snod spyad nyung na de'i phyogs gcig tu gzhag par bya'o/ /gal te mang na gnas khang tha dad par sbyin par bya'o//dang po'o// //mnyan yod na ste/ 'char kas tshong pa mi tshangs par spyod par bya bar bsams pa las phongs par bya ba'i phyir/ de'i bud med la chos 'chad cing 'dug pas na khyim du nye bar 'gro ba'i gzhi'i dbang du mdzad de/ 'khrig pa'i nyon mongs pas na gnyis pa bcas so//shes bzhin du zhes bya ba ni 'khrig pa byed 'dod par shes pa'o/ /nyal po byed pa zhes bya ba ni bud med ni skyes pas yongs su longs spyad par bya ba yin la skyes pa ni bud med kyis so/ /gang la 'khrig pas yongs su longs spyod pa de la nyal po byed pa zhes bya'o//phyis gnon zhes bya ba ni glo bur du stobs kyis so/ /de la ltung ba ci ltar 'gyur zhe na/ bud med dang skyes pa 'khrig pa spyod pa'i phyir mngon sum du gyur pa dang / dge slong yang khyim du nye bar song ste/ de la yang khyim du nyon mongs pa gzhan gyis dran pa nyams par 'gyur te/'khrig pa la lta ba'i 'dod chags kyis kun nas dkris par gyur pa dang / de gnyis kyang 'khrig pa spyad par byed kyang rung mi byed kyang rung byed du 'dod dam mi 'dod kyang rung dge slong gis 'di gnyis 'khrig pa spyod par byed par shes te/ de lta ba la ngo tsha spangs te stan la skad cig 'dug kyang ltung byed do//nyal po byed pa la nyal po byed par 'du shes pa rnam pa drug tu ste/ ltung byed gnyis dang / nyes byas gnyis dang ltung ba med pa gnyis so/ lha'i bu mo dang / ma ning mo la sogs pa rnams la ni nyes byas so/ /gnyis pa'o// // mnyan yod na ste/ 'char kas snga ma bzhin du'o/ /sngar sgo 'phar gyi rgyab tu de bzhin du rang bzhin nyams pa gnyis blta'o snyam nas gab ste 'dug pas na khyim du nye bar 'gro ba'i gzhi'i dbang du mdzad de/ 'khrig pa'i nyon mongs pas na gsum pa bcas so/ /dben par zhes bya ba ni gang dag de dang de ste/gzhan su yang med pa'o/ /de la yang ltung ba snga ma bzhin te/ snga ma la ni skyabs yod kyang rung med kyang rung / dben yang rung mi dben yang rung gi de stan la 'dug pa'o/ /'dir ni 'greng ba tsam la bya ste/ skad cig gcig la khye'adug kyang ltung byed do/ / 'jigs pas 'greng ba la ltung ba med de/ snga ma la yang de bzhin du brjod par bya'o/ /gsum pa'o// //mnyan yod na ste/ 'phags pa kun dga' bos gcer bu ma gnyis lam bsams par rgan mo la ni khur ba gcig byin/ gnyis pa la gzhon nu ma la ni gnyis byin pa dang /des de la khyod la 'dis don du gnyer gyis sta gon gyis shig ces bsgo bas na mu stegs can gyi gzhi'i dbang du mdzad de ma dad pa la sogs pa dang / rkyen la ltos pa'i nyon mongs pa dag gis bzhi pa bcas so/ /de dag dang bsten pas de dag de'i rang bzhin du 'gyur ro//gcer bu pa zhes bya ba ni bdag gos med pa'o/ /kun du rgyu ba zhes bya ba ni gcer bu pa ma gtogs pa'i mu stegs can thams cad do/ /'am zhes bya ba'i sgra ni rnam pa zhes bya ba'i tha tshig go/ /rang gi lag nas zhes bya ba ni lus kyis so/ / sbyin zhes bya ba ni byin pa'o/ /de ltung ba ji ltar 'gyur zhe na/ gcer bu pa dang / kun du rgyu'i cha lugs bzhin byas pa'i skyes pa 'am/ bud med kyang rung ste/ len pa so sor nye bar gnas par gyur pa dang / dge slong yang sbyin par byed pa ste/ de gcer bu pa yin yang rung ma yin yang rung la dge slong ni der 'du shes par gyur te/bdag gis la gnas sbyin zhing ngo tsha ba spangs la bca' ba dang / bza' ba yang blangs nas sbyin zhing gzhag ste/ snod dam lag pas kyang rung ste/ bzhag ma thag tu ltung byed do/ /de tshun chad rnam pa gnyis ni nyes byas so//de dag ltar byas pa la der 'du shes pa rnam pa drug ste/ ltung byed gnyis dang / nyes byas gnyis dang / ltung ba med pa gnyis so/ /sog 'jog byas pa byin nam/ sa la nye bar bzhag gam/ bgos te zos na nyes byas so/ /nye du'am nad pa yin nam/de lta bas na lta ba dang dbral bar 'dod dam/ las byas pa'am/ rab tu 'byung bar 'dod pa zhig la byin na ltung ba med do/ /rnam pa gzhan du na gang zag sbyin du bcug na nyes byas so/ /bzhi pa'o// //mnyan yod na ste/ drug sde rnams gsal rgyal gyi dmag 'thab mo la chas pa rnams la lta zhing dpyas 'dogs pa na dmag gi gzhi'i dbang du mdzad de nye bar ma zhi ba'i nyon mongs pa'i phyir lnga pa bcas so//chas zhes bya ba ni g.yul la mngon par dga' ba'o/ /dmag ces bya ba ni yan lag bzhi pa'i nang nas gang yang rung ba ste/ glang po che'i tshogs dang /rta pa'i tshogs dang / shing rta'i tshogs dang / dpung bu chung gi tshogs so/ /de la ltung ba ci ltar 'gyur zhe na gtsug lag gi nyen 'khor la phar skye bo mang po'i tshogs 'thab pa'i phyir nye bar gyur pa dang / dge slong yang lta 'dod par gyur te/ dran pa nyams pa lta ba la chags pas kun nas dkris pa dang /dmag de dag kyang 'thab mo la chas par gyur tam/ ma chas kyang rung / dge slong gis 'thab par shes pa nas snga ma bzhin te/ ji srid song nas dmag mthong ma thag tu ltung byed do/ /sbyor ba'i nyes byas la ni grangs med do//lha dang / lha ma yin dang / klu la sogs pa'i dmag la nyes byas so/ /tha na bya 'ur pa 'thab pa la lta na'ang nyes byas so/ /chom rkun gyi dmag la nyes dmigs brtag pa'i phyir lta zhing song ba dang / /bsod snyoms la zhugs pa'i tshe mthong ba dang / lam na gtsug lag khang na 'dug pa dang /dmag gtsug lag khang du lhags pa dang / rgyal po dang / btsun mo dang / gzhon nu dang / blon po dang / khrom gyi ru sna dang / zhang blon dang / grong rdal dang / yul gyi mis bos pa dang / /bar chad brgyad po rnams kyis kyang rung ste ltung ba med do//lnga pa'o// //mnyan yod na ste/ gsal rgyal gyis bos te/ dmag gi sar dong ba las/ drug sde rnams de bzhin du 'phyas 'dogs pas na dmag gi gzhi'i dbang du mdzad de/ nye bar ma zhi ba'i nyon mongs pa'i phyir drug pa bcas so/ /de la ltung ba ji ltar 'gyur zhe na/lam ring po'i yul du dmag 'thab mo la chas par gyur pa dang / dge slong yang bos par gyur tam/ chos gos la sogs pa rnyed pa'i dbang gis kyang rung / phrad par chas sam/ rnyed pa la chags pas kun nas dkris par gyur pa dang / dmag de yang bshams par gyur tam/ma bshams kyang rung ste/ dge slong gis ni der bshams par shes na ci srid zhag gsum pa'i skya rengs shar ba'i bar du 'dug na ltung byed do/ /sbyor ba'i nyes byas la grangs med do/ /rgyal po'i dbang gis sam/ bar chad zhig tu gyur pa la ni ltung ba med do//drug pa'o// //mnyan yod na ste/ drug sde rnams snga ma bzhin te/ dong nas g.yul bshams pa dkrugs shing ci nas kyang de dag 'bros par 'gyur bar 'jigs par byed pas na/ dmag gi gzhi'i dbang du mdzad de nye bar ma zhi ba'i nyon mongs pas bdun pa bcas so//rgyal po la sogs pa'i bkas bos na 'gro bar bya'o zhes bya ba snga ma bzhin no/ /lta bar yang rjes su gnang ngo / /'dis ni slar bkag pa yin te/ 'di ni nye la 'di ni rgyang ring ba'i phyir ro zhes bya ba la sogs pa ni khyad par ro/ /bshams pa zhes bya ba ni 'thab mo byed par bshams pa'o//rgyal mtshan gyi mchog gam zhes bya ba ni lta ba nyams su myong bar byed na zhes bya ba dang 'brel te/ lta ba dang mthong bar gyur pa'o/ /rgyal mtshan la rnam pa gsum ste/ seng ge dang / khyu mchog dang / chu srin gyi rgyal mtshan no/ /de dag gi gang mdun du 'gro ba'o//dpung gi mchog ces bya ba ni dpung rnam pa bzhi po'i gang thog mar 'gro'o/ /g.yul bshams pa zhes bya ba ni rnam pa bzhir bshams pa ste/ 'bru'i kha lta bu dang / shing rta'i dbyibs lta bu dang / zla gam gyi rnam pa lta bu dang / nam mkha' lding gi 'dab ma lta bu'o//lta ba nyams su myong bar byed pa zhes bya ba ni de dag la lta ba'am bshams pa'o/ /dmag la lta ba zhes bya ba ni dmag gi rnam pa ci skad bstan pa las lhag pa'i dmag la lta ba'o/ /de la ltung ba ci ltar 'gyur zhe na/ glang po che la sogs pa go cha bskon pa rnams ni dkrugs na ltung byed do//go cha ma bskon pa dkrugs na nyes byas so/ /bshams par song ba las dmag la lta ba'i bar du ste/ lta ba nyams su myong bar byed na ltung byed do/ /bar chad du gyur pa la ltung ba med do/ /bdun pa'o// //mnyan yod na ste/ 'char kas bcu bdun sde rnams la bsgo ba nyan du mi btub ces brdegs pas na grogs po'i gzhi'i dbang du mdzad de mi bzod pa'i nyon mongs pas na brgyad pa bcas so/ /dge slong gi cha lugs kyi rtags 'chang na dge slong yin nam/ dge slong ma yin yang rung ste/ der 'du shes sam yid gnyis za na yang rung ste/brdeg par bsams kyi bsad par ma bsams na/ sor mo la sogs pa rnams te/ tha na rkang pa'i sor mo'i bar du'am/ so phag la sogs pa rnams te/ ji srid yungs kar gyi 'bru'am/ mda' la sogs pa nas lcug ma'i phre'u'i bar du ste/des brdegs na ltung byed do/ /ji srid sor mo nas ji srid yungs kar gyi 'bru'am/ lcug ma phre'us kyang rung ste/ de snyed kyis ltung bar 'gyur ro/ /ji srid yungs kar la sogs pa lus lam phog kyang nyes byas de snyed du 'gyur ro/ /gsad par bsams na nyes ba sbom por 'gyur ro//dge slong ma yin par 'du shes sam yid gnyis za na yang rung ste/ ka ba'am rtsig pa'am/ gzhan nam/ gang la yang rung ste/ nye bar bsams shing mngon par bsams nas bsnum na nyes byas so/ /ma khros sam/ mngon du byed pa'i don zhig yod na ltung ba med do/ /brgyad pa'o// //dgu pa nyid kyang de bzhin du rig par bya ste/ khyad par du na gzas pa'o/ /brdeg par bsams nas lag pa la sogs pa brdeg pa ni gzas pa yin no/ /gzas ma thag tu ltung byed do/ / brdeg pa gcig gis mang po la gzas pa dge slong gi grangs bzhin du ltung ba'o/ /dge slong khros pa la myur du bzod par bya mod kyi 'on kyang khros ma thag pa la ni ma yin no/ /des kyang seng ge ltar gya tshom mi bya mod kyi 'on kyang mkhas shing shes pas so/ /khros pa la yang rab tu nye bar thob pa na phyag bya'o//des kyang a rog gya zhes brjod par bya'o/ /'thab mo byed pa gnyis la bshugs par bya'o/ /gang che bzhi dbye dgos pa'i khyim pa 'thab mo byed pa'i drung na 'dug par mi bya'o/ /ji skad bstan pa bzhin du ma byas na nyes byas so/ /dgu pa'o// // mnyan yod na ste/ nye dga' la dge 'dun lhag ma'i bar du ltung ba byung ba de chos kyis mthong ba dang des de la ngas khyod kyi mkhan po'i bcabs na khyod kyis kyang nga'i tshobs shig ces gsol ba btab na des khas len byed du ma btub nas dge slong rnams la smras pas na nye dga'i phyir grogs kyi gzhi'i dbang du mdzad de 'chab pa'i nyon mongs pas ni dge 'dun bcu ba bcas so//shes bzhin du zhes bya ba ni rang gis rig par gyur pa'am/ gzhan las thos pa'o/ /dge slong zhes bya ba ni tshul khrims dang ldan pa'am/ tshul khrims 'chal pa ste/dge slong gi cha lugs kyi rtags su 'dug pa'o/ /gnas ngan len ces bya ba ni pham par gyur bas kun nas bslang ba'am/ dge 'dun lhag mas kun nas bslang bar bya'o/ /'chab ces bya ba ni bcabs pa'o/ /de la ltung ba ci ltar 'gyur zhe na/ mthong ba'am/thos kyang rung ste/ bcab par sems bskyed pa na skya rengs shar na ltung byed do/ /sngar ni nyes byas so/ /kha cig ni dris pa'i tshe cang mi smra na ltung bar 'gyur ro zhes zer ro/ /'khrig pa dang ldan pa'i gnas ngan len to zhes mngon par bsams pa'o/ /de ltar na lus kyi las byas pa yin par bstan to//pham par 'gyur ba dang / dge 'dun lhag ma rnam dag la ni ltung byed do/ /ltung byed dang / so sor bshags pa la ni nyes byas so/ /nyon mongs pa'i sems sum gyur na mthar phyin kyang bsdam par byas pa'i nyes byas so/ /rang bzhin du gnas pa'i nang na gnas pa rnams la brjod par bya'i/rang bzhin du mi gnas pa la brjod na brjod pa ma yin par brjod par bya'o/ /tshangs par spyod pa la mi bde ba'am gnod pa 'byung ngam/ /srog gi bar chad du 'gyur ram/ dge 'dun gyi dbyen du 'gyur na ltung ba med do//bcu pa'o// //ltung ba 'di bcu la nye bar mkho ba dang / bgegs su nye bar spyod pa dang / lta bar nye bar spyod pa dang / nye bar mi spyod pa'i dngos po la spyod pa dang / nye bar spyad pa'i dngos po la log par sgrub par byed pa'o/ /dang po dang gsum po rnams dang / lnga pa dang /drug pa dang / bdun pa dang / lhag ma rnams kyang go rims bzhin te/ grogs po rnams la yang nye bar spyod pa'o/ /tshogs lnga pa'o// //mnyan yod na ste/ nye dgas 'khon yod pa'i rgyu mtshan dran pas dge slong chos khyim du khrid de zan bcad par byas pas na/ grogs kyi gzhi'i dbang du mdzad de mi bzod pa'i nyon mongs pas na khyim du nye bar 'gro ba'i tshogs dang por bcas so/ /khyim dag tu zhes bya ba ni bram ze dang khyim bdag gi khyim dag tu'o/ /klan ka btsal bar 'gyur ro zhes bya ba ni zan gcod par byed pa'o/ /de la ltung ba ci ltar 'gyur zhe na/dge slong gis dge slong la 'khrug par bya bar 'dod par gyur pa dang / dregs pas kun nas dkris pa'i kun nas dkris par gyur pa dang / dge slong de la'am dge slong gzhan du yang rung gal te 'di yin no zhes rtogs pa dang / de yang ngo tsha ba spangs te de 'khrug par bya ba'i phyir gang kho bo gcig pu kho na des shes kyang zer na don rtogs ma thag tu ltung byed do//grogs po'i zan gcod par byed na'o zhes bya ba ni rnam par 'byed pa las 'byung ste/ de yang don gyis 'gyung ba'i dbang gis de skad gsungs so/ /bslab pa byin pa dang / skad brda mi phrad pa dang / de las gzhan pa'i dge sbyong dang bram ze dang / dge slong ma'i dbyar khang ngam/ mu stegs kyi khyim mam lha khang ngam/ de lta bur zan gcod na nyes byas so/ /nad pa'am/ sman pas thabs bstan pa las rang gcod pa ni ltung ba med do/ /dang po'o// // rgyal po'i khab tu ste/ shing ljon pa la me btang bas de la du bas 'khrugs par byas pa dang / sbrul gdug pas ltung ste/ de la yang seng ge la reg pa ni 'gal tshabs can du 'gyur ro zhes gsungs pa yin no/ /drug sde dag kyang gzhan la gtong bas rtse bar byed cing me'i gzhi'i dbang du mdzad de/ /nye bar ma zhi ba'i nyon mongs pas gnyis pa bcas so//bdag nyid kyi phyir zhes bya ba ni bdag nyid la brten nas so/ /mi na bar zhes bya ba ni na ba la dus so zhes ma byas kyang rung ba'o/ /me zhes bya ba ni me'o/ /reg ces bya ba ni reg par byed pa ste/ sbor ba dang / sdud pa la sogs pa'o/ /reg tu bcug ces bya ba ni gzhan la'o//gzhan la gtong bas rtse bar byed cing zla ba lta bur byed pa dang / mgal me'i 'khor lo bskor ba dang / dus byin gyis ma brlabs par me sbor ram/ gsod dam/ dran pa nyams pas sam/ dregs pas sam/ rlung g.yab kyis g.yob bam/ bud shing 'dzud dam/bud shing skul bar byed kyang rung ste/ byas ma thag tu ltung byed do/ /skad mi shes sam/ spring yig la sogs pa rnams kyis sam/ lus kyi rnam par shes pas kyang 'bud du bcug na nyes byas so/ /mgal dum brtsigs sam/ ma dag ma brus sam/ me ma mur glongs sam/brus sam/ me ma mur du dus brjod pa med par khur ba bsregs sam/ skra dang / spu dang / sen mo dang / rus pa dang / mchil ma dang / 'bru mar dang / mar dang / mon sran sde'u dang / bal sran gre'u la sogs pa blugs na nyes byas so/ /dus byin gyis brlabs pa la/dkon mchog gsum dang / slob dpon dang / mkhan po dang / tshangs pa mtshungs par spyod pa gzhan dag gi phyir yang rung ste/ byed pa la ltung ba med do/ /de ltar bdag nyid kyi phyir byed dam/ khur ba la sogs pa 'tshed dam/ gtso blag dang / lhung bzed kyi las shig byed na yang dus ring por byin gyis brlab par bya'o//de la bar du dran pa brjed cing reg kyang nyes pa yod pa ma yin no/ /kha cig ni me yang rung me ma yin pa yang rung mer 'du shes na 'dir ltung ba nyid do zhes kyang zer ro/ /kun nas nags la me btang na pham par 'gyur ba'i 'khor gyi sbom po'o/ / brdungs pa la me bud par mi bya mod kyi/ 'on kyang 'og gzhir so phag gshib par bya'o/ /khyams su yang me bud par mi bya'i dang rar bus la dud pa med par byas te/ nang du gzhug go/ /las gsar pa la nye bar longs spyod pa'i shing bus na nyes byas so/ /me bsdu ba'i phyir lcags kyi thal phyags rjes su gnang ngo //chos bshad pa'i tshe mar me'i sdong po mar me dang ldan pa nye bar gzhag par bya'o/ /gang zag gi phyir na mar me'i sdong bu yal ga gcig pa shing ljon pa lta bu'o/ /dge 'dun gyi phyir ni yal ga mang po yang ngo / /gnyis pa'o/ /mnyan yod na ste/ dga' bos nye dga' la spang ba'i las byed par ma shes nas 'dun pa phul te/phyis 'di skad du kho bos 'dun pa nye bar phul lo zhes smras nas 'dun pa'i gzhi'i dbang du mdzad de/ ma gus pa'i nyon mongs pas na gsum pa bcas so/ /'dun pa phul zhes bya ba ni dge 'dun chos bzhin bya ba la mthun par bya ba'o//de'i 'og tu zhes bya ba ni 'gyod pas so/ /spong ba'i chos su byed cing zhes bya ba ni spong ba'i chos de nyid ston te/ 'dun pa phul ba la rtsod par byed pas so/ /dge slong phyir byin cig ces bya ba ni dad pa len pa la de skad zer ba'o/ /de yang ma phul lo zhes mi nyan gyi bdag gis khyed cag la 'di lta bu byed par ni ma shes/da ni slar phrog go zhes bya ba'o/ /skyo sngogs byed pa'i ltung byed dang khyad par ci yod ce na/ 'di gsal ba dag gis byas pa'am/ ma byas zhes ni mi zer gyis bdag gi dad pa byin pa tsam la spong bar byed pa'o/ /de la ltung ba ci ltar 'gyur zhe na/ dge slong gis dge slong la 'dun pa phul bar gyur la/ de yang slar 'gyod pa'i rjes la sngon zhe sdang gis kun nas dkris pas sems kun nas dkris par gyur te/ dge slong de la'am/ gzhan la yang rung ste/ dge slong de ni der 'du shes sam ngo tsha ba spangs nas smra na don kho na chud ma thag tu ltung byed do/ / rjes su khas blangs pas rjes su khas ma blangs pa la'am/ rjes su khas ma blangs pas rjes su khas blangs pa la'am/ bslab pa byin pa la dad pa byin te/ spong ba'i chos su byed na nyes byas so/ /gsum pa'o// //'dul ba bsdus pa bam po bcu gcig pa/ mnyan yod na ste/ bcom ldan 'das kyis tshes brgyad dang bcu bzhi la chos bshad par bya'o/ /nam phyed kyi bar du ni ma yin no zhes bka' stsal pa dang / de nas chos nyan pa dag cig lhags te/ rgan zhugs gcig kyang me mar 'bar ba bzhin du rmi lam na chung ma dang lhan cig yongs su spyod par mthong nas brtol te/ bcom ldan 'das kyis bka' stsal pa/ bsnyen par ma rdzogs pa dang lhan cig gnas gcig tu nyal bar byed pa rnams brtag par mi bya'o/ /snang bar yang ma yin no/ /sgra gcan zin la brten nas nub gnyis kyi bar du rjes su gnang ngo / /na ba'i dbang du mdzad de/ de'i nad g.yog dang / gnyi ga la yang rjes su gnang ngo //nyi ma dang zla ba'i 'od ni tha snyad du bya ba ma yin pas na nyes pa med do/ /bsnyen par ma rdzogs pa rnams gtsug lag khang ngam khang bzangs nas ni phyir dbyung bar mi bya mod kyi 'on kyang nye 'khor nas dbyung bar bya'o/ /sdig pa can gyi dge slong la 'jigs pas na/dge tshul nyi ma gsum pa'i tshe mdza' bo'i gnas khang du bsnyal bar bya'o/ /de lta bu med na dge slong sdig can phyir phyung ba'am/ yang na dge tshul khrid la gzhan du 'gro bar bya'o/ /dbyar nye bar gnas par gyur na so sor brtags la zla ba gsum gyi bar du khyim gcig gi nang du des lhan cig nyal yang rung nyes pa med do//lam du zhugs pa ni phyir byung bas stag la sogs pas gtses par gyur bas na zhag gsum pa'i mtshan mo mi nyal bar bya'o/ /yang na gnyis sam/ gsum mam/ thun gcig gam/ tha na skya rengs shar ba'o/ /gal te de ltar yang ngal na nyal bar bya pa nyid do//gang mi bde ba'i tshe rjes su gnang ba bde bar gnas pa'i tshe mi bya'o/ /zhar la 'ongs pa brjod par bya ste/ lam du zhugs na dge tshul rnams mdun du btang la 'gro bar bya'o/ /de dag la khye'u sus kyang sbyin par bya'o/ /de yang sngon byung ba'i phyir ro/ /nye dga' la dge tshul tsher ma dang / chen po gnyis dang ji srid nub gnyis las lhag par khang pa na lhan cig gnyid log cing nyal ba'i gzhi'i dbang du mdzad de/ nye bar ma zhi ba dang / ma dad pa'i nyon mongs pa dag gis bzhi pa bcas so/ /bsnyen par ma rdzogs par zhes bya ba la gnyis ni bsnyen par rdzogs pa yin te/ dge slong dang /dge slong ma'o/ /dge slong dang / dge slong ma ma gtogs pa de las gzhan pa'i gang zag thams cad de/ mi rigs kyi bsnyen par ma rdzogs pa ste/ mtshan dang grangs ni mi brjod do/ /'di ltar nub gsum pa'i tshe bud med dang lhan cig na ltung byed gnyis te/ dge slong ma dang ni ma yin no/ /lhan cig gnas gcig tu nyal bar byed na zhes bya ba ni gnas bzhi po dag tu skya rengs shar ba'o//lhan cig gnas cig ces bya ba ni khyim gyi rnam grangs su rig par bya'i 'di lhan cig pa'i sgra ma yin te/ lhan cig ces bya ba 'dis rtogs pa'i phyir ro/ /skya rengs ma shar tshun chad sngon rol du nyes byas so/ / gnas la rnam pa bzhi ste/ thams cad g.yogs shing thams cad bskor ba ni gnas khang ngam 'khor gyi khyams sam/ khang pa brtsegs pa la sogs pa'o/ /thams cad g.yogs shing phal cher bskor ba ni sgo bcu pa dang / /sgo bcu gnyis pa'o/ /phal cher g.yogs shing thams cad bskor ba ste/khyams ngos bzhi pa dag go/ /gang phal cher g.yogs shing phal cher bskor ba ste/ khyams ngos gsum pa dang / 'khor gyi khyams so/ /phyed g.yogs shing phyed bskor ba la sogs pa ni khyim gzhan dang / ba gam lta bur phyir byung ba la sogs pa la ni ltung ba med do zhes yang dag par bstan pa'i phyir gzhir smos so//bsnyen par ma rdzogs pa la bsnyen par ma rdzogs par 'du shes pa rnam pa drug ste/ ltung byed gnyis dang / nyes byas gnyis dang / ltung ba med pa gnyis so/ /bsnyen par ma rdzogs pa dang / nub gnyis nyal la nub gsum pa'i tshe za ma'am/ ma ning ngam/ mtshan gnyis pa'am/sprul pa'i bud med dang nyal na dag pa yongs su 'gyur ba yin pas na nyal yang nyes byas kyi ltung bar 'gyur ro/ /bsnyil ba dang / rnam pa gnyis kyis gnas nas phyung ba'i dge tshul dang lhan cig na ltung byed dang nyes byas te/ rnam par bsnyil ba la sogs pa'i phyir ro/ /bya skyibs dang shing ljon pa khong stong gi nang du ni ltung ba med pa 'thob bo//bslab pa byin pa dang / rje zhing nyal bas sbyang bar bya'o/ /des kyang bsnyen par ma rdzogs pa dang de bzhin no/ /bla gos bzhi bltab tu byas te bting ba la snam sbyar sngas su bcug ste/ glo g.yas phyogs kyis phab nas rkang pa'i steng du rkang pa gzhag ste/ yan lag mi 'phyar ba dang /sems mi 'phyar ba dang / gos mi 'phyar ba dang / snang ba'i 'du shes dang / dran pa dang ldan pa dang / ldang ba'i 'du shes kyis nyal ba la rtag par bya'o/ /mtshan mo'i thun dang po dang / tha ma la yang dag pa'i phyogs bya'o/ /mi na bar nyin par nyal bar mi bya'o/ /nyal na yang gal te gnyis pa la bde ba la reg par mi 'gyur na gzhan du 'gro bar bya'o//bzhi pa'o// //mnyan yod na ste/ dge slong 'chi ltas lta bar gyur pa bzlog par bya ba'i phyir gsol ba dang bzhi'i las kyis bsgo na yang ldog tu ma btub pas na/ de la gnas nas phyung ba'i las byas kyang 'on kyang ldog tu ma btub pas na/ tshul bzhin ma yin pa la nye bar rtog pa'i gzhi'i dbang du mdzad de/shes bya la rtog pa'i nyon mongs pas na lnga pa bcas so/ /'di skad ces zer na zhes bya ba ni bcom ldan 'das kyis khyim na gnas pas kyang phyir mi 'ong ba'i 'bras bu'i bar du yang 'thob par 'gyur ro zhes de skad gsungs na/ 'dis ni bzung ba log par bzung bas de skad du smra'o//chos zhes bya ba ni/ sangs rgyas kyis gsungs pa'am/ nyan thos kyis bshad pa yang rung ste/ de bzhin gshegs pa'i mthu nyid kyis nyan thos kyis bshad do zhes bya ba yang bcom ldan 'das su bzung ngo / /bar du gcod pa'i chos zhes bya ba ni ltung ba sde lnga'o//bar du gcod par mi 'gyur ro zhes bya ba ni dge sbyong nyid du mi 'gyur ro zhes bya ba ma yin pa'o/ /de la ltung ba ji ltar 'gyur zhe na dge slong lta ba ngan pa la mngon pa'i nga rgyal dang / che ba'i nga rgyal gyis kun nas dkris par 'gyur ba dang / log par 'dzin pas ngas legs par bzung ngo zhes bya ba dang / dge bar ngas bzung ngo zhes bya ba dang go rims bzhin no/ /chos de yang des de bzhin gshegs pa'i thad nas yi ge'am/ don du blangs sam ma blangs kyang rung ste don 'di yang 'dis nyes pa blangs pa yin/ dge slong yang bdag gis thos so/ /bdag gis legs par zin to snyam nas rig pa dang / de bsgrags pa'i phyir ngo tsha ba yang spangs na smras ma thag tu nyes byas so/ /bzhams te bsgo ba'i tshe ma log na nyes byas so/ /de bzhin du gsol ba dang brjod pa rdzogs pa na'o/ /las brjod pa dang po dang / las brjod pa gnyis pa la yang nyes byas nyid do/ /gsum pa rdzogs na ltung byed do/ /gal te chos dang mthun na'o//rnam pa gzhan du na nyes byas so/ /des kyang dge 'dun gyi nang du ltung ba de mthol bar bya'o/ /rnam pa gzhan du na gsol ba dang las nyams su myong na thams cad du yang nyes byas su 'gyur ro/ /lnga pa'o// //mnyan yod na ste/ de nyid gnas nas phyung ba dang / nye dgas longs spyod pas drug pa bcas so//gzhi dang nyon mongs pa'i don ni de bzhin no/ /de skad zer ba'i zhes bya ba ni ji skad bstan pa'i lta ba smra ba rnams kyi gnas nas phyung ba thams cad do/ /chos bzhin du ma byas pa zhes bya ba ni ma phyung ba'o/ /ma spangs pa zhes bya ba ni gal te ma phyung yang lta ba dang bral bar gyur na ltung ba med do//gtam 'dre ba zhes bya ba ni 'dri ba sbyin pa'o/ /phebs par smra ba zhes bya ba ni yang dag par brjod pa'o/ kun du gnas par byed ces bya ba ni gnas sbyin par byed pa'o/ /kun du longs spyod par byed ces bya ba ni bsnyen bkur nyams su myong ba len pa'o/ /lhan cig gnas gcig tu nyal na zhes bya ba ni gnas bzhi po dag tu skya rengs shar bar byed pa'o//gtam 'dre ba nas nyal ba'i bar du ltung byed do/ /sbyor ba la nyes byas so/ /gang gnas nas phyung bar mi shes pa la ni ltung ba med do/ /khas ma blangs pas khas blangs pa dang longs spyod na nyes byas so/ /bzlog pa ni ltung ba med do/ / nad pa dang sdig pa can gyi lta bar gyur pa de las bzlog par 'dod pa la ltung ba med do/ 'di ni de ma thag par brjod pa la yang rig par bya'o/ /drug pa'o// //mnyan yod na ste/ tsher ma dang chen po pa gnyis gnas ngan len mnyam du spyod cing lhan cig rtse bdag dgra bcom pa'i 'bras bu thob pa mthong ba dang /de gnyis lta ba skyes pas snang ba'i 'du shes gnas su bzhag la gsol ba dang / bzhi'i las kyis bsgo'o/ /bsnyil ba yang ngo / /dge slong gis kyang song ste/ de dag la las brjod pa'i tshig gis bsgo bar bya'o/ /nye dgas nye bar gzung bas na bdun pa bcas te/ bzhi dang nyon mongs par 'gyur ba yang ngo //lan gnyis lan gsum du'o zhes bya ba ni bsgo ba'i las so/ /'di skad ces bsgo bar bya'o zhes bya ba ni de la bsnyil ba'i las bya'o/ /nye bar 'jog pa zhes bya ba ni gnas sbyin par byed pa'o/ /nye bar gtong bar byed na zhes bya ba ni lhung bzed la sogs pa nas ston pa la sogs pa sdud pa'o//lhan cig gnas gcig tu nyal na zhes bya ba ni nyi ma dang po nyid la ltung byed do/ /nyi ma gsum lon na ltung byed gnyis so/ /lhan cig gnas pa sbyin pa nas bstan pa sbyin pa'i bar du de ma thag tu ltung byed do/ /ltung ba ma mthong ba dang phyir mi 'chos pas gnas nas phyung ba'i dge slong dang longs spyod na nyes byas so//bdun pa'o// //rgyal po'i khab na ste/ ri bo dang yid 'ong gi dus ston gyi tshe gar mkhan gyis drug sde la 'phyas pa dang / de dag gis kyang de dag gi cha lugs lta bur gar mkhan gyi gos sbyar te gar byas pa dang / 'jig rten pa thams cad der lhags so//de nas gar mkhan dag gis bya dgar ci snyed pa thams cad phyin chad kyang 'phyas su mi byed pa'i phyir de dag la sbyin no/ /tshon gyi gzhi'i dbang du mdzad nas/ nye bar ma zhi ba'i nyon mongs pas na brgyad pa bcas so/ /sar pa zhes bya ba ni/ sar pa nyid sar pa la bya'i/de dag rnyed pa la ni ma yin no/ /chos gos zhes bya ba ni rnam pa bdun no/ /sngon po zhes bya ba ni rams so/ /gzhan dag ni a ru ra'i skyo ma lcags kyi snod kyi nang du bzhag na sngon por 'gyur ro zhes kyang zer ro/ /de dag ni sngon po ni rams nyid do zhes kyang 'don to/ /dmar po zhes bya ba ni btsag go//dmar po ni dmar po nyid do zhes bya ba ni nye bar 'don to/ /ngur smrig ces bya ba ni shun phrags te rtsa ba la sogs pa rnam pa lngar dbye'o/ /kha lo bsgyur bar bya'o zhes bya ba ni kha bsgyur bar bya'o/ /spyod na zhes bya ba ni gyon pa ste gyon ma thag tu ltung byed du 'gyur ro/ /tshun chad du nyes byas so//tha na lhung bzed kyi kha dgab pa yang rung bar byas so/ /gzhan dag las ni tha na rkang pa dkri ba dang / chu tshags dang lhung bzed kyi snod dang ska rags kyang ngo zhes 'byung ngo / /gos kyi rgyu'am spun mi rung ba'am/ gnyi ga yang rung ste/ rung bar ma byas te gyon na nyes byas so/ /rung bar byas pa zhig rgyal po la sogs pas phrogs pa slar thob na yang rung ba de nyid kyis spyad par bya'o//kha dog ngan par ma bsgyur ba la kha dog ngan par ma bsgyur bar 'du shes pa rnam pa drug ste/ de yang bslab pa'i gzhi thams cad du brtag par bya'o/ /dge 'dun gyi mal cha dang / stan ma spyad pa kha tshar dang bcas pa bcang bar bya'o//kha bsgyur bar mi bya'o/ /cha ga can la sogs par mi bya'o/ /gos dkar po kha tshar dang bcas pa gyon te phyir 'byung bar mi bya'o/ /gal te phyi rol du 'gro na nang du bgos la ji ltar mi snang bar phyi rol nas gos kha bsgyur ba bgo bar bya'o/ /gal te gnang na kha tshar bsnol bar bya'o//gang sbyin pa po la yid brtan te bcang ba de nyid ni cho ga'o/ /brgyad pa'o// //bcom ldan 'das kyis gter gzigs te/ kun dga' bo sbrul gyi dug gdug pa'o zhes bka' stsal pa dang / 'phags pa kun dga' bos dug drag po'o zhes gsol pa de'i phyir zhi ba zhig gzung ba dang /'char kas kyang 'phong slob pa dang / glu mkhan gyi gnas su 'ongs nas khye'u rnams gtses pa dang / nye dgas kyang lits+tsha bI'i khye'u rnams kyi rgyan gzhag pa gnod sbyin gyi nor ro zhes byas nas blangs pa dang / drug sde rnams kyis kyang lits+tsha bI'i skyed mos tshal na 'thab mo'i rol mo'i cha byad rnams brdung bas na mi rung ba blangs pa'i gzhi'i dbang du mdzad de/'gal tshabs can dang phongs pa dang ma dad pa'i nyon mongs pa yongs su spang ba'i phyir yangs pa can du dgu pa bcas so/ /rin po che zhes bya ba ni nor bu dang / mu tig dang / bai DUr+ya dang / man shel dang / byi ru dang / gser dang / dngul dang / asma gar+b+ha dang mu sa la gal ba dang sdug dang dmar po dang / g.yas su 'khyil ba'o/ /rin po cher smos pa zhes bya ba ni g.yul dor sbyad pa'i lag cha ste/ mtshon cha dang rol mor spyad pa'i lag cha thams cad do/ /rang gi lag gis zhes bya ba ni lus kyis zhes bya ba'i tha tshig go//len du 'jug na zhes bya ba ni gzhan gyis so/ /gnas khang du gtogs pa na 'dug pa ma gtogs zhes bya ba ni gtsug lag khang gi nang na 'dug pa ste/ de yang ri dgas 'dzin gyi ma las brtsams nas rjes su gnang ba'o/ /kun dga'i ra bar gtogs pa na zhes bya ba ni gang gtsug lag khang gi phyi rol te 'di yang dge slong gis sre mo lta bu'i rkyal bu mthong nas gzhan la byin pa'i phyir rjes su gnang ngo //de la yang kun du spyad ba ni gal te 'ga' zhig slong na dan rtags dri bar bya'o/ /gal te mthun na sbyin par bya'o/ /rnam pa gzhan du na lo ma la sogs pa rnams kyis kyang bkag ste 'gro bar bya'o//yal bar yang mi dor te nyi ma bdun nam brgyad kyi bar du bsrung bar bya'o/ /gal te ma 'ongs na dge 'dun gyi mdzod du bzhag la zla ba drug 'das nas gal te 'ongs na yang sbyin par bya'o/ /gal te ma 'ongs na dge 'dun gyis dngos po brtan por btsong bar bya'o//'ongs na yang rjes su yi rang bar byed du gzhug par bya'o/ /gal te mi btub na sbyin par bya'o/ /skyed ni sbyin par mi bya'o/ /nor bu la sogs brdungs pa'am/ mgul gdub la sogs pa'i rgyan nam/ pi bang la sogs pa rgyud du ldan pa'am/ bud dung ngam/gzhu rgyud du bcas pa'am/ i l+ya la sogs pa'i rnga g.yogs pa dang bcas pa'am/ mda' mde'u dang bcas pa'am/ mdung la sogs pa mdung rtser bcas pa'am/ sku gzugs sku gdung dang bcas pa blangs sam/ len du bcug na blangs ma thag tu ltung byed do//sbyor ba la ni nyes byas so/ /nor bu la sogs pa ma bdar ba dang / tha na nor bu mching bu'am/ rnga la sogs pa ma sbyar ba'am/ dung bud du mi rung ba'am/ tha na sog ma'i rang bzhin gyi phreng ba'am/ mda' mde'u med pa'am/ sku gzugs sku gdung med pa la nyes byas so/ / klu la sogs pa'i nor bu blangs sam/ spring yig la sogs pa rnams kyis sam/ rin po che'i khri'u la sogs pa la 'dug na nyes byas so/ /lha la sogs pa'i gnas su ni ltung ba med do/ /mtshon cha mtshon du mi rung bar byas pa ni blang bar bya'o/ /rgyan gdags par mi bya'o/ /sku gzugs sku gdung dang bcas sam/ma bcas kyang rung ste/ ston pa'i 'du shes nye bar bzhag nas blangs pa la ni ltung ba med do/ /chu shel dang me shel 'chang ba la ni ltung ba med do/ /de yang chom rkun pa rnams la bstan par mi bya'o/ /chu dang me phyung zhing yod pa de ni bgo bar bya'o/ /rin po che sna bdun las gcig pu dge 'dun lhag ma'o//gnyis la ni nyes byas so/ /bzhi la ni ltung ba med do/ /dgu pa'o// //rgyal po'i khab tu drug sde sa chu dron can du rgyal po gzugs can snying po la mtho btsams so/ /khrus bkag pa las dri mi zhim pa dang 'jig rten pa yang smod pas na zla ba phyed cing rjes su gnang ngo //de las gzhan yang dus la bab pa na'o/ /de nas bslab pa 'dod pa'i bsngags pa brjod de/ rang dbang med pa'i gzhi'i dbang du mdzad nas 'gal tshabs can gyi nyon mongs pa yongs su spangs pa'i phyir bcu pa bcas so/ /de zhes bya ba ni zla ba phyed phyed cing 'khru ba'o//ci lta bu'i de zhe na/ de las 'dums par tshun chad du 'khru ba ste/ mtshams de las 'da' bar ro/ /zla ba lhag ma phyed dang gnyis zhes bya ba ni zla ba phyed dang gnyis na dbyar nye bar gnas par 'gyur ba'o/ /dang po'i zla ba zhes bya ba ni nye bar bzhugs pa'i zla ba'o/ /na ba dus so zhes bya ba ni ci ltar yang ma bkrus pa'i bar du 'tsho bar mi nus pa'o//las dang lam dus so zhes bya ba ni snga ma bzhin no/ /rlung dus so zhes bya ba ni tha na chos gos kyi grwa rlung gis bskyod par gyur pa'o/ /char dus so zhes bya ba ni tha na lus la char gyi thigs pa gnyis sam gsum 'bab pa'o//gang na gnyis kar gyur pa de ni rdzi char dus so/ /de la ltung ba ci ltar 'gyur zhe na/ dbang bskur bas 'khru'am/ nang du zhugs nas 'khru'am/ chu grang mo'am/ chu dron mo'am/ klung drag tu 'bab pa'am/ dal nas 'bab pa la yang rung ste dus byin gyis ma brlabs par 'khrun ji srid lte bar chus ma son pa de srid du ni nyes byas so//lte bar son na ltung byed do/ /dbang bskur bas khrus byas nas chu'i nang du zhugs te 'khrur 'dod dam/ ji srid drag tu 'bab pa la khrus byas nas dal gyis 'bab pa las 'khrur 'dod na yang dus byin gyis brlab par bya'o/ /rnam pa gzhan du na ltung ba dang ltung ba med pa snga ma bzhin no//chu klung rgal ba dang / skam sa'o snyam pa las ltung ba'am/ zam pa la ltung ba'am/ 'dred dam/ brgyal ba las chus btab pa'am/ cung zhig dbyung bar 'dod pa la rkyal bslab par 'dod pa la ltung ba med do/ /gal te bkru bar 'dod na dus byin gyis brlab par bya'o//char 'bab pa'i tshe lus phyung nas 'dug pa la ltung ba med do/ /dus su brjod pa la yang ltung ba med do/ /de la las dus so zhes bya ba gtan la dbab ste/ /gtsug lag khang skyong gis nges par phyag bya'o/ /gal te gtsug lag khang rgya che ba zhig yin na ji srid yongs su spyod pa tshun chad do//phyi nas tshes brgyad dang / bco lnga la yang gaN+DI brdungs te chos kyis rnam par nges pa'i gtam mam/ 'phags pa'i cang mi smra ba nyid kyis so/ /dge 'dun thams cad kyis phyag dar bya'o/ /de'i 'og tu khrus bya'o/ /mchod rten la bstod pa dang bcas pas phyag byas te nang du 'jug par bya'o//chag chag btab pa'am/ phyag dar byas pa'am/ skyong nul byas pa la yang gtsug lag khang gi tshigs su bcad pa bklags la bgom par bya'o/ /de bzhin du mchod rten dang / dri gtsang khang gi grib ma 'am/srog shing gi grib ma la yang ngo / /ji skad bstan pa'i dus ma gtogs par gzhan mtha' 'khob kyi rkyen gyi dus der ni rtag tu 'khru bar rjes su gnang ngo zhes bya ba'o/ /dus gzhan yang ro la reg pa ste/ ji skad du dge slong shi ba la srog chags brtags te mer bsreg par bya'o//de yang med na chu klung la bskur ro/ /yang na sa brko bar bya'o/ /dbyar tshang tshing gi dbus su mgo bor sngas bcug la lho phyogs su kha mngon du phyogs pa la lo ma lhags pas g.yogs la gzhag go/ /bar mar chos bsgrags la yon bshad pa la yang sbyin par bya'o/ /gang gis reg pa de dag gos dang bcas pa khrus bya'o//de dag las gzhan ni lag pa dag dang rkang pa dag bkru bar bya'o zhes gsungs pa yin no/ /breg pa'i las byas pa'i dbang phyir dus kyang gzhan no zhes ci skad gsungs pa yin te/ spu gri'i so'am/ ste'u 'i so lta bur sen mo rnams gcad par bya'o//'bru'i kha lta bu'am/ ra ba'i lcog lta bu'am/ zla ba phyed pa lta bu'am/ byi'u yi mchu lta bur mi bya'o/ /sen mo spyil bar mi bya ste/ dri ma dbyi ba la ni ltung ba med do/ gtsug phud mi gzhag go/ /chan pas breg par mi bya'o/ /rma'i than 'khor gyi skra breg pa la ni ltung ba med do//gsang ba'i gnas kyi phyogs su breg pa'i las mi bya'o/ /gang la rma'am srog chags zhugs na des dge slong gnas brtan dag la dris te breg par bya'o/ /byin pa la yang mi breg ste/ rma'i than kor la ni ltung ba med do/ /dgon pa pas ni skra sor gnyis 'khris pa breg go/ / de las gzhan pa dag gis kyang de tshun chad do/ /chos gos bgos la skra mi breg mod kyi 'on kyang skra bzed pa'i gos bgos la'o/ /de yang med na rngul gzan gyis dkris te dge slong gang mkhas pa des gang phyogs dben par breg go/ /de'i phyir yang dge 'dun la 'dreg pa'i snod spyad rjes su gnang ngo //gang du dge 'dun phyag dar dor ba der sen mo'am/ skra mi 'dor ro/ /nad pa'am rgan po'am/ char 'bab pa la sogs pa rnams kyis byi dor bya'o/ /skra breg pa dang / de'i 'og tu khrus bya'o/ /gang na ba'am rgan pa'am/ yang na chu med na de dag gis yan lag lnga bkru bar bya'o//bkru ba'i kun du spyad pa ni dang por de re zhig yongs su las byed du rung ba btsal lo/ /gos gcig pas gos gcig pa la ma yin seng ge lta bus wa lta bu la ma yin/ de tshul khrims dang ldan pas tshul khrims 'chal pa la ma yin no zhes bya ba'i tha tshig go/ /ma dang / pha dang /nad pa dang / slob dpon dang / mkhan po ni mchog tu tshul khrims 'chal ba yin na yang bya'o/ /ma dad pa'am/ gsar du dad pa kun du bya ba'i las byed du gzhug par mi bya'o/ /bsro gang gi nang du zhugs pa'i tshe yang de dag gan du bzhugs par mi bya'o/ /de nas dus sems la byas te khrus byas so//so phag gam/ nya phyis kyis rkang pa'i mthil drud kyi lus drud par mi bya'o/ /sgren mor khrus mi bya'o/ /'on kyang khrus ras rim pa gcig pa bcad bar bya'o/ /gal te rim pa gnyis pa zhig yin na lag pas chu brtags te khrus bya'o/ /gang la med pa des dben pa'i phyogs su 'dab ma lhags pas g.yogs la bkru'o//gang du son na srog chags dus 'das par 'gyur ba der khrus mi bya'o/ /de nas langs te yud tsam tsog tsog por 'dug par bya'o/ /rim pa gcig par bya ste/ srog chags med par gyur pas de yang bkru bar bya'o//lus skams nas gos rnams bgo bar bya'o/ /yang na lus yongs su phyi bas lus yongs su phyi bar bya'o/ /de yang med na khrus ras kyis kyang ngo / /cho ga ji skad bstan pa bzhin ma byas na thams cad nyes byas so/ /bcu pa'o// // bcu po 'di dag ni bsod snyoms la rgyu ba yongs su longs spyod pa dang / me la yongs su longs spyod pa dang / las la yongs su longs spyod pa dang / nyal ba la yongs su longs spyod pa dang / chos kyi longs spyod la yongs su longs spyod pa dang chos gos la yongs su longs su spyod pa dang / ltung ba mthong ba la yongs su longs spyod pa dang / khrus la yongs su longs spyod par rig par bya ste/ gcig dang / gcig dang / gcig dang gsum po rnams dang / gcig dang / gcig dang / gcig dang go rims bzhin no/ /tshogs drug pa'o// //mnyan yod na ste/ 'char kas 'phong rtsal slob pa'i gnas su song nas mda' lngas bsgrubs pas na dud 'gro'i skye gnas su gtogs pa'i srog chags kyi gzhi'i dbang du mdzad de/mi bzod pa dang / snying rje med pa'i nyon mongs pa dag gis dud 'gro'i tshogs dang por bcas so/ /bsams bzhin du zhes bya ba ni srog chags su 'du shes pa dang /gsad par 'du shes pa'o/ /dud 'gro'i skye gnas su gtogs pa zhes bya ba ni bya rog gam/ de las gzhan sbrul la sogs pa ste/ des ni srog chags yin no zhes bstan par 'gyur ro/ /srog chags gsod ces bya ba ni srog dang phral ba'o/ /srog chags gsod pa'i phyir bsnun ma thag tu ltung byed do//kha cig ni ma shi na yang ngo zhes zer ro/ /de la ltung ba ji ltar 'gyur zhe na/ dge slong gi lus kyis sam lus dang 'brel bas sam/ lus kyis 'phags pas kyang rung bsad par sems la bsnun na de de'i tshe'am de las gzhan du'ang rung ste de nyid kyis she na ltung byed do//ma shi na nyes byas so/ /gzhan gyis kyang tha na smyo bas sam/ dud 'gro'i skye gnas su gtogs pa gang yang rung / bsad na ltung byed nyid do/ /spring yig gam/ lag rtsis kyi nyes byas nyid do/ /gzhan yang bsad do snyam pa las gzhan bsad dam srog chags ma yin pa la srog chags su 'du shes na nyes byas nyid do//kha cig ni ltung byed do zhes kyang zer ro/ /thag pa gtub po snyam pa las sbrul gtubs na ltung ba med do/ /dud 'gro'i skye gnas la dud 'gro'i skye gnas su 'du shes pa rnam pa drug tu sbyar ro/ /dang po'o// //mnyan yod na ste/ nye dgas bcu bdun sde rnams thos pa 'dzin pa las de bar chad du bya ba'i phyir khyed thos pas ci zhig bya/ khyed ni bsnyen par ma rdzogs pa'o zhes smras pa na/ rtsed mo'i gzhi'i dbang du mdzad de/ nye bar ma zhi ba'i nyon mongs bas na gnyis pa bcas so/ bsams bzhin du zhes bya ba ni 'gyod pa dbyung bar bsam pa'o//bde ba la mi reg par zhes bya ba ni yid du mi 'ong ba'o/ /de nyid ces bya ba ni gzhan bsam pa la ltung ba med do/ /dge slong gis dge 'dun gzhi des rigs pa'am mi rigs par yang rung ba bde ba la mi reg par bya bar bsams nas/ dus dang / mtshams dang / slob dpon dang / mkhan po'i nyes pas khyod bsnyen par rdzogs pa ma yin te/ yang bsnyen par rdzogs par bya dgos so zhes zer ba dang / khyod gnas che ge mo zhig tu song nas slob dpon dang mkhan po'i chos gos phrogs pa dang / khyod kyis ni 'dus byas thams cad mi rtag go zhes bya ba la sogs smras pas na khyod la pham par 'gyur ba 'byung ngo zhes zer na gal te dge slong la 'gyod pa skyes sam ma skyes kyang rung ste ltung byed do//bsnyen par rdzogs pa dang pham par 'gyur ba ma gtogs par don gzhan gyi phyir zer ba na nyes byas so/ /bslab pa byin pa dang brda ma phrad pa la 'gyod pa skyed par byed na nyes byas so//don gzhan nam 'dul ba'i yo byad kyi phyir nyid de/ dus la sogs pa nye bar bsdu ba'am/ khyod legs par bsnyen par rdzogs kyis spyod yul ma yin par ma 'gro zhig /ma rung bar gyur ta re zhes bya ba la sogs pa la ni ltung ba med do/ /dge slong la dge slong du 'du shes rnam pa drug tu sbyar te ltung byed gnyis dang /nyes byas bzhi'o/ /kha cig ni dge slong ma yin pa la dge slong du 'du shes sam/ de las gzhan pa la der 'du shes pa na ltung byed do zhes kyang zer ro/ /'gyod par gyur tam ma gyur kyang rung ste/ gzhan yang rnam pa drug tu sbyar ro//gnyis pa'o// //mnyan yod na ste/ bcu bdun sde las bcu drug gis gcig la bzod par bya ba 'dod de sor mos ga ga tshil byas pa dang / de shin tu dgod pa las shi ba'i phyir rtsed mo'i gzhi'i dbang du mdzad de nye bar ma zhi ba'i nyon mongs pas na gsum pa bcas so/ /'dod chags la sogs pas kun nas dkris sam/dreg par sems pas dge slong gis dge slong la sor mo gcig gam rkang pa'i sen mo'i bar du yang rung ste/ ji snyed kyis ga ga tshil byas pa la ltung byed kyang de snyed du 'gyur ro/ /gal te gcig gam gnyi ga yang rung lus kyi dbang po nyams pa zhig yin na nyes byas so//rma'am sbrang bu la sogs pa'am/ rdo 'am shig gam/ mdzer pa'am/ sme ba'am/ spu 'khyil ba ston ba la ni ltung ba med do/ /dge slong la dge slong du 'du shes pa rnam pa drug tu sbyar te ltung byed gnyis dang / nyes byas bzhi'o/ /ga ga tshil la ga ga tshil du 'du shes pa yang rnam pa drug tu sbyar ro//gsum pa'o// //mnyan yod na ste/ bcu bdun sde rnams chu klung gnas can gyi nang du rtse ba gsal rgyal gyis mthong ste ma dad par gyur pa'i phyir rtsed mo'i gzhi'i dbang du mdzad de/ nye bar ma zhi ba'i nyon mongs pas na bzhi pa bcas so/ /chu la rtsen zhes bya ba ni chu la dga' ba'o//gzhi dgus ltung bar 'gyur te/ rtse ba dang / rtser gzhug pa dang / rtsed mo dang / rtsed mo byed du gzhug pa dang / dga' ba dang / dga' bar byed du gzhug pa dang / rgod bag dang / 'phyar g.yeng dang / lus rnam par 'gyur bar byed pa dang / de la chu phan tshun 'thor bar byed pa dang /steng du 'byung ba dang / nang du byi'u zul byed pa dang / 'gro ba la sogs pa dang / chu la rnga bo che la sogs pa lta bur brdung ba ste/ rang gis byed pa dang / gzhan la byed du gzhug pa'i gzhi drug dang / de dag la yid dang / ngag dang / lus kyi dbye bas phye ba la yang gzhi rnam pa gsum gyis bsnan te dgu'o//dge slong gis rtse bar bsams nas/ khri las ldang ba dang / sham thabs gyon pa dang / bla gos gyon pa dang / song nas khrus kyi ras bgos te/ chu'i nang du 'jug na chu chung yang rung che yang rung / gting zab kyang rung mi zab kyang rung / rtse bar rung yang bla/ mi rung yang bla ste/ nang du zhugs na nyes byas so//de yang sbyor ba'i cho ga yin te/ bslab pa'i gzhi thams cad du yang rig par bya'o/ /gyen du 'byung ngam/ byi'u zul byas sam/ pha rol du 'gro ba 'am/ tshu rol du 'ong ngam/ chu'i rgyun nam/ slar gyen du rkyal lam/ chu la rdza rnga la sogs pa byed dam/ tha na chu la ri mo 'dri 'am/bum pa la sogs pa chus gang ba'am/ 'u sha la sogs pas gang ba'am/ chu la rnga bo che lta bur brdungs na ltung byed do/ /bem tol bsnun na nyes byas so/ /sim par bya bar bsams pa dang / pha rol du rgal bar bsams pa dang / rkyal bslab par bsams pa la ltung ba med do/ /dge slong gis rkyal pa de gom par bya'o zhes gsungs so//gzhan yang gtor na chu'i thigs pa ji snyed la ltung byed kyang de snyed par 'gyur ro/ /bsil bar bya bar bsams pa la ltung ba med do/ /'bru mar la sogs pa gtor na nyes byas so/ /chu la ma gtogs par gzhan gyis dga' bar byas na nyes byas so//chu la chur 'du shes pa rnam pa drug tu sbyar ro/ /kha cig ni chu ma yin pa la chur nye bar 'du shes na ltung byed do zhes kyang zer ro/ /bzhi pa'o// //mnyan yod na ste/ ma 'gags pa skyes ba med ba'i bud med kyi khyim du nyal ba na de des mi rigs pas mgron du gnyer te/ mthus kyang gzung bar brtsams pa dang / bud med kyi yul gyi gzhi'i dbang du mdzad de/ ma dad pa'i nyon mongs pas na lnga pa bcas so/ /bud med kyi yul dang lhan cig ces bya ba ni mi'i rigs mi tshangs par spyod pa bsten par bzod pa'o/ /rnam grangs gzhan du na gal te yan lag thams cad gzung du rung ba la yang bya'o//lhan cig gnas gcig tu nyal na zhes bya ba ni gnas rnam pa bzhi po sngar smos par skya rengs shar bar byed na ltung ba'i mtha'o/ /skya rengs shar tshun chad du ni nyes byas so/ /de la ltung ba ci ltar 'gyur zhe na/ dge slong 'og khang du nyal la bud med kyi yul steng khang du nyal na des ya gad phog la drung du bzhag go//yang na sgo bcad de sgo gtan gzhug par bya'o/ /yang na dge slong bsrung ba bzhag go/ /rnam pa gzhan du na skya rengs shar na ltung byed do/ /slar bzlog pa yi ni skas steng du brtul bar bya'o/ /de bzhin du gnas khang dang / khang bzangs dang / sgo gang dang / bang rim khang yang rung ste/ khang bzangs dang khyams na 'dug na khyad par du ni sgo'i phyi rol du bcing bar bya'o/ /ba lang gi lhas sam phyugs lhas sam/ ji skad bstan ba'i khang bzangs yang rung ste rang nyal ba'i sa re sde dag gam tsher thag dag gam/ yal ga la sogs pa rnams kyis bskor bar bya'o//yang na dge slong gzhag go/ /rnam pa gzhan du skya rengs shar na nyes byas so/ /tshun chad sngar yang nyes byas nyid do/ /lha dang klu la sogs pa'i bu mo rnams kyi gzugs snang ba na yang nyes byas so/ /dud 'gro'i skye gnas su gyur pa ni tha na bya gag mo dang /des lhan cig nyal na yang nyes byas so/ /de las chung ba la ni ltung ba med do/ /rtswa stug po'am/ nags stug po'am/ 'ong ma stug po'am/ shin ljon pa khong stong ngam/ bya skyibs su bud med dang lhan cig nyal na nyes byas so/ /stobs med pa'i bud med dang yang nyes byas nyid do//gtsug lag khang du mang po 'brel pa zhig yin la sgo tha dad pa der bud med dang nyal na ltung byed do/ /bsnyen par ma rdzogs pa dang nyal ba la ma yin no/ /gal te gang du bya gag mo gcig nas gnyis par 'gro na'o/ /bud med la bud med du 'du shes pa rnam pa drug tu ste/ ltung byed gnyis dang nyes byas gnyis dang / ltung ba med pa gnyis so/ /gal te nyal ba las phyis bud med kyi yul yang nyal te de la 'du shes med kyang ltung ba'o/ /kha cig ni gang 'dir yang bud med ma yin kyang bud med du 'du shes na ltung byed nyid do zhes zer ro/ /bdag pos bsrungs pa la ltung ba med do//lnga pa'o// //mnyan yod na ste/ 'char kas bcu bdun sde rnams klog cing 'khod pa la lab bzlog ste bgos nas 'byung po zhes bsdigs pas na rtsed mo'i gzhi'i dbang du mdzad de/ nye bar ma zhi ba'i nyon mongs pas drug pa bcas so/ /bzhad gad bya bar bsams kyang zhes bya ba ni rtsed mor bsams pa ste/kyang zhes bya ba'i sgra ni gtse bar bsams pa gzung ngo / /de la ltung ba ji ltar 'gyur zhe na/ dge slong gis dge slong sdangs par bya ba mngon par bsams te sha za la sogs pa gang yid du mi 'ong ba'i gzugs dang / sgra dang / dri dang / reg bya rnams nye bar bsdus nas 'di skad ces kyang zer te/de dag khyod la gsod par byed do zhe na/ dge slong 'jigs par 'gyur tam ma gyur kyang rung ste/ smras ma thag tu ltung byed do/ /rgyal po la sogs pa gang yid du 'ong ba'i gzugs la sogs pa bzung nas 'di skad ces kyang zer te/ de khyod la gsod par byed do zhes zer na nyes byas so//bslab pa byin pa dang / de las gzhan pa'i rab tu byung ba rnams la sdangs par byed pa na yang nyes byas so/ /sems can dmyal ba la sogs pa'i gtam zer ba la ni ltung ba med do/ /dge slong la dge slong du 'du shes pa rnam pa drug ste/ ltung byed gnyis dang /nyes byas bzhi'o/ /yod pa la yod par 'du shes pa zhes bya ba ni gzhan rnam pa drug go/ /kha cig ni dge slong ma yin pa la yang dge slong du 'du shes na ltung byed nyid do zhes zer ro/ /drug pa'o// //mnyan yod na ste/ bcu bdun sde dang drug sde rnams chu'i nang du rtse ba las gting du bying bar shes te/de dag gis chos gos rnams tshang tshig gi nang du sbas te dong bas na rtsed mo'i gzhi'i dbang du mdzad de nye bar ma zhi ba'i nyon mongs pas bdun pa bcas so/ /dge slob ma zhes bya ba ni gang khyim gzung ba lo bcu gnyis lon pa'am/ gzhon nu ma lo bco brgyad lon pa la chos drug dang /rjes su mthun pa'i chos drug la bslab pa'i sdom pa sbyin par bya'o/ /chos drug ni/ gcig pu lam du 'gro mi bya/ /chu bo pha rol rkyal mi bya/ /skyes pa la ni reg mi bya/ /skyes pa dang ni 'dug mi bya/ /smyan du 'gyur bar mi bya zhing / /kha na ma tho 'chab mi bya/ / rjes su mthun pa'i chos drug ni/ /gser la gzung bar mi bya zhing / /mdoms kyi spu ni breg mi bya/ sa ni brko bar mi bya ste/ /rtswa sngo dag ni gcad mi bya/ /byin len ma byas bza' mi bya/ /yongs su gnas par mi bza'o/ /lhung bzed ces bya ba ni gang yang rung ba'o/ /chos gos zhes bya ba ni rnam par brtags par gyur pa'o//dra ba zhes bya ba ni lhung bzed kyi snod sgye'u'o/ /kha cig las dra ba zhes bya ba ni dra ba nyid de/ lhung bzed gzhan gyi'o zhes kyang 'byung ngo / /lhung bzed kyi snod ni brgya byin la brten nas rjes su gnang ba'o/ /de las gzhan pa'i dra ba dang / khar ba ni nad pa dang rgan po la sdom pas 'chang du rjes su gnang ba'o//phor bu can zhes bya ba ni kha phor ro/ /ska rags zhes bya ba ni ska rags gsum du rjes su gnang ba ste/ shur bu dang / lcag phod dang / shur bu phre'u 'o/ /gzhan las ni dang por lhas ma yang zhes 'don to/ /tshom bu can dang / tshar tshar can dang zla gam can dang /gser skud dag ni rung ba ma yin pa'i phyir bkag go/ /gang yang rung ba zhes bya ba ni khab ral la sogs pa'o/ /dge sbyong zhes bya ba ni dang por gang dge sbyong gi rung ba'o/ /mi rung ba la ni dngos gzhi'i ltung bar mi 'gyur ro/ /de 'dra ba'i rkyen ma gtogs te zhes bya ba ni chom rkun la sogs pas brku bar dogs te sbas pa la nyes pa med do//de la ltung ba ci ltar 'gyur zhe na/ gnod par bya bar 'dod dam/ rtsed mo bya bar 'dod kyang rung ste/ gang zag de'i 'am gzhan gyi yang rung / de nyid yin nam de ma yin yang rung / der 'du shes par gyur te sbas na gzhan la gnod par gyur tam ma gyur kyang rung ste sbas ma thag tu ltung byed do//gser la sogs pa'i lhung bzed dam/ lhung bzed spangs pa la sogs pa'am/ chos gos mi rung ba'am/ thags su ma btags pa'am/ tshad las chung ba'am/ bslab pa byin pa'am/ khas blangs pas khas ma blangs pa'i'am/ slar bzlog pa yang rung de las gzhan pa'i dge sbyong dang / bram ze'i rjes su mthun pa'i 'tsho ba'i yo byad gcig sbas kyang rung ste nyes byas so/ /bdun pa'o// //mnyan yod na ste/ nye dgas gnas par byed pa rnams la chos gos rnams sbyin pa dang /de dag gis bdag nyid kyi'o snyam pas lags par kha bsgyur te yul gzhan du 'gro ba rnams kyis de nyid kyi lag tu gzhag go/ /des kyang bgos te dri ma can du byas nas de bzhin du slar bzhag pas na chos gos sbyin pa dang mi sbyin pa'i gzhi'i dbang du mdzad de phongs pa la sogs pa'i nyon mongs pas na brgyad pa bcas so//chos gos zhes bya ba ni snam sbyar dang / bla gos dang / mthang gos so/ /byin nas zhes bya ba ni nges par byin pa'o/ /gdeng med par zhes bya ba ni ma brnyas pa'o/ /spyod na zhes bya ba ni bgos pa'o/ /de la ltung ba ci ltar 'gyur zhe na/ dge slong gis dge slong la gos byin te des ma rig pa dang / ma brnyas par bgo bar 'dod pa la/ ma brnyas par 'du shes sam yid gnyis za na yang rung bgos na bgos ma thag tu ltung byed do/ /sbyor ba la ni nyes byas so/ /bslab pa byin pa la sogs pa'am/ mi rung ba la sogs pa'i gos ma brnyas par bgos na nyes byas so//dga' ba dang yid du 'ong ba dang / gcugs pa dang / thos nas mchog tu dga' ba bskyed par gyur na ltung ba med do/ /ma brnyas par 'du shes pa rnam pa drug tu'o/ /kha cig ni brnyas kyang ma brnyas par 'du shes na ltung byed nyid do zhes kyang zer ro//brgyad pa'o// //rgyal po'i khab tu ste/ mdza' bo dang sa las skyes dag dge slong ma ut+pala'i mdog gi mgo la gyad bu nor gyi chos gos reg pa mthong ste/ dge 'dun lhag ma glengs pas na tshangs pa mtshungs par spyod pa'i gzhi'i dbang du mdzad de mi bzod pa'i nyon mongs pas na dgu pa bcas so//gzhi med pas zhes bya ba ni ma mthong bas dang / ma thos pas dang / mi dogs pas so/ /dge 'dun lhag ma zhes bya ba ni/ bcu gsum las gang yang rung ba'o/ /skur pa na zhes bya ba ni skur pa 'debs pa yin te/ dge slong ma dag pa la gzhi bcu gcig gis ni ltung ba ste/gzhi drug ni ltung ba med do/ /dag pa la ni gzhi bcus ltung ba ste/ gzhi lngas ni ltung ba med do/ /de yang dge 'dun lhag ma'i rjes su 'brangs nas blta bar bya'o/ /gang la dge 'dun lhag ma de la ltung byed do/ /gang la nyes pa sbom po de la nyes byas so zhes bya ba ni khyad par ro//bslab pa byin pa'am/ skad mi shes pa la yang rung ste/ skur pa na nyes byas so/ /dag pa'am mi dag pa yang rung dag par 'du shes sam yid gnyis zan yang rung ste ltung byed do/ /mi dag par 'du shes na nyes byas so/ /kha cig ni dge slong ma yin pa la yang dge slong du 'du shes na ltung byed nyid do zhes zer ro//dgu pa'o// //gleng gzhi ni mnyan yod na ste/ dge slong gzhan zhig rgyal po'i khab nas mnyan yod na 'gro ba las tha ga pa'i chung ma khyim thab la khros pa yang de dang lhan cig song ba dang tha ga pas bdag gi chung ma phrogs so zhes rab mda' bzlog ste/ dge slong de yang shin tu brdegs pas na lam du 'gro ba'i gzhi'i dbang du mdzad nas mdang pa'i nyon mongs pas bcu pa bcas so//skyes pa med par zhes bya ba ni de dang de'o/ /bud med ces bya ba ni spyad du bzod pa'o/ /'dron lam du 'gro na zhes bya ba ni dgon pa'i lam mo/ /grong bar du zhes bya ba ni rgyang grags gcig gi bar du yang ngo //rgyang grags phyed phyed cing nyes byas so/ /rgyang grags re re zhing ltung byed do/ /skyes pa med pa la skyes pa med par 'du shes pa rnam pa drug tu ste/ ltung byed gnyis dang / nyes byas gnyis dang / ltung ba med pa gnyis so/ /gzhan bud med la bud med du 'du shes pa yang rnam pa drug tu'o//sprul pa mo'am/ lha'i bu mo'am/ ma ning mo'am/ mtshan gnyis mo'am/ sbyad du mi rung ba dang lhan cig na nyes byas so/ /kha cig ni skyes pa dang lhan cig gam/ skyes pa med kyang rung / bud med med kyang rung der 'du shes na ltung ba nyid do zhes kyang zer ro//bud med kyis bsel byed dam/ lam stor ba las bud med lam du 'dzud pa la ltung ba med do/ /bcu ba'o// //bcu po 'di yang shig la sogs pa spang bar yongs su longs spyod pa dang / ltung ba dang gleng ba'i yongs su longs spyod pa dang / rtsed mo la dga' ba'i yongs su longs spyod pa dang /dge bsnyen ma'i yongs su longs spyod pa dang / chos gos kyis yongs su longs spyod pa dang / lam du bgrod pa'i yongs su longs spyod pa ste/ dang po dang / gnyis pa dang / dgu pa dang / gsum pa dang / bzhi pa dang / drug pa dang / lnga pa dang /bdun pa dang / brgyad pa dang / bcu pa dang / go rims ji lta ba bzhin du'o/ /bdun pa'i tshogs so/ /mnyan yod na ste/ dge slong gzhan zhig tshong pa sho gam 'dral ba rnams dang lhan cig song ba las sho gam bas shin tu brdegs pas na lam du 'gro ba'i gzhi'i dbang du mdzad de ma dad pa'i nyon mongs pas brku ba'i tshogs dang por bcas so//don mthun rkun ma dang zhes bya ba ni rkun ma zhes bya ba'i chom rkun pa ste/ grong 'joms pa dang / tshong pa sho gam 'dral ba'o/ /'dron lam du 'gro na zhes bya ba ni dgon pa'i lam mo/ /grong bar du zhes bya ba ni rgyang grags re re zhing ltung byed do//rgyang grags phyed phyed cing nyes byas so/ /kha cig ni mda' rgyang re re zhing ltung byed nyid do zhes kyang zer ro/ /de ltar na mda' rgyang gang bor zhing 'gro ba la ltung ba med do/ /smyos pa dang / sems 'khrugs pa dang / tshor bas nyen pa dang / g.yos brku ba dang / tshong pa rkun ma rnams dang lhan cig na nyes byas so//don mthun rkun la don mthun du 'du shes pa rnam pa drug tu'o/ /kha cig ni de lta ma yin yang de ltar 'du shes na ltung byed nyid do zhes kyang zer ro/ /dang po'o// //mnyan yod na ste/ maud gal gyi bus bcu bdun sde rnams bsnyen par rdzogs par byas pas bru ba tsha bas gzir te du bas na bsnyen par rdzogs pa'i gzhi'i dbang du mdzad de 'khor 'dzin pa'i nyon mongs pas gnyis pa'o//lo nyi shu ma lon pa zhes bya ba ni bru ba tsha ba dang / skom pa la sogs pa'i sdug bsngal rnams mi bzod pa'i phyir ro/ /bsnyen par rdzogs par byed ces bya ba ni gang bsnyen par rdzogs par byed pa dang /gang la bsnyen par rdzogs par bya ba dang / de ci ltar bsnyen par rdzogs par 'gyur ba de bzhin du bsnyen par rdzogs pa'i gang kun du spyad ba de bsnyen par rdzogs pa'i mtshan nyid las rig par bya'o/ /de la gang bsnyen par rdzogs par byed pa ni mkhan po dang / slob dpon dang / dge 'dun no/ /mkhan po gnyis te/ rab tu 'byin pa dang / bsnyen par rdzogs par byed pa'o/ /gang lo bcu lon lags la ba ste/ chos lnga dang ldan pa ltung ba shes pa dang / ltung ba med pa dang / lci ba dang / yang ba dang so sor thar ba'i mdo thon pa dang / de rgyas par thon ba'o//rjes su bcas dang rjes gnang dang / /ltung ba lci dang yang ba dang / /bcas dang ltung ba med shes dang / /so sor thar pa 'dzin pa'o/ /na dang 'gyod dang lha rnams dang / /mi dga' grol bar byed pa dang / /tshul khrims spyod la 'dzud pa dang / /tshul khrims spyod dang thos ldan no/ /mi gsal na lo drug cu lon yang gzhan la gnas te 'dug par bya'o//rab tu 'byung bar mi bya/ bsnyen par rdzogs par mi bya/ gnas sbyin par mi bya/ phyag bya ba ma gtogs te/ gnas pas bya ba gzhan thams cad des bya'o/ /'di'i ming yang gnas brtan byis pa zhes bya'o/ /slob dpon ni lnga'o/ /dge tshul gyi slob dpon te/skyabs su 'gro ba dang / bslab pa byin pa'o/ /gsang ste ston pa ste/ gang gis dben par ston pa'o/ /las byed pa ste/ gang gis gsol ba dang bzhi'i las byed pa'o/ /gnas kyi slob dpon te gang nub gcig tsam yang gnas bcas te 'dug pa'o/ / klog pa'i slob dpon te/ gang la rtsa ba bzhi pa'i tshigs su bcad pa gcig gzung ba'o/ /dge 'dun la rnam pa gnyis te/ yul dbus su ni bcu 'dus pa dang / mtha' 'khob tu ni lnga 'dus pa'o/ /gal te mang du yod pa las lngas bsnyen par rdzogs par byas na de ni bsnyen par rdzogs pa yin mod kyi de dag 'gal tshabs can du 'gyur ro//sems can bsnyen par rdzogs pa de bzhin gshegs pa ni tshogs kyi grangs su bskang bar mi bya'o/ /'on pa dang / smyon pa dang / khas blangs pa la sogs pas tshogs kyi grangs su bskang ba na bsnyen par rdzogs pa ma yin no/ /gang la bsnyen par rdzogs par bya zhe na/bsam pa nyams pa dang / rten nyams pa dang / skyes pa nyams pa dang / dkar po'i chos nyams pa dang / gzhan gyi dbang du gyur pa dang / mi dad par 'gyur bas nyams pa ma yin no/ /de la bsam pa nyams pa ni bu lon gyis nyen pa dang / 'jigs pas nyen pa dang / 'tsho ba'i 'jigs pas nyen pa rab tu byung ba'o/ /rten nyams pas ni gang 'bras dang phol mig la sogs pa'i nad dang gnod pas so/ /skyes pa nyams pa zhes bya ba ni ma ning lnga ste/ skyes nas ma ning yin pa ste/ gang btsas nas skyes pa'am/ bud med kyang ma yin pa'o//zla ba phyed phyed pa'i ma ning ste/ zla ba phyed ni skyes pa/ zla ba phyed ni bud med du 'gyur ba'o/ /'khyud pa'i ma ning ste/ gang gzhan gyis 'khyud na gdod dbang po ldong ba'o/ /phrag dog can gyi ma ning ste/ gang gzhan dang 'khrig pa mthong nas so/ /nyams pa'i ma ning ste/gang gi dbang po nad dam mtshon gyis bcad pa'o/ /dang po bzhi ni bsnyil bar bya'o/ /tha ma rnam par 'gyur ba mi bsten pa ni btang snyoms su'o/ /rnam pa gzhan du na bsnyil bar bya ba yin no/ /dkar po'i chos nyams pa zhes bya ba ni nye du shAkya ma me pa ral pa can ma gtogs pa'i mu stegs can no//gzhan ni zla ba bzhi'i dbang du mdzad nas gzhag par bya ste/ mkhan pos ni gos kyi rin gyi gnas pa sbyin par bya'o/ /dge 'dun gyis ni zan no/ /dge tshul gyis gral rim bzhin las byed du gzhug par bya'o/ /sems mgu bar byas nas rab tu dbyung bar bya'o//dge slong ma sun phyung ba zhes bya ba ni gang gis pham par 'gyur pa brgyad po rnams las gang yang rung ba rnams ma byung ba'i dge slong ma la mi tshangs par spyod pas sun phyung ba'o/ /gal te sngar lus la reg par byas la phyis mi tshangs par spyad pa ni dge slong ma sun phyung ba ma yin no//rku thabs su gnas pa zhes bya ba ni gang bdag nyid rab tu byung ba la rang bzhin du gnas pa dang / lhan cig gso sbyin gyi las lan gnyis sam lan gsum nyams su myong bar gyur ba'o/ /zhus pa bram ze'i bu mo lta bu las ni gsol ba dang bzhi'i las kyis so zhes 'byung ngo / / zhu ba las ni bsnyen par rdzogs par gsol ba dang / gsol ba dang gnyis sam/ gsol ba dang bzhi'am/ gso sbyin nam/ dgag dbye'am/ gang zag bcu gnyis su bsko ba yang rung ste/ nyams su myong bar gyur pa'o zhes 'byung ngo / /mu stegs can zhugs pa zhes bya ba ni mu stegs can gang 'di'i rgyal mtshan 'dzin pa de dag gi lta ba la dga' nas der gnas shing bslab pa ma lus la ngur smrig de bzhag nas skya rengs shar bar gyur pa'o//ma bsad pa dang / pha bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang /dge 'dun gyi dbyen byed pa ste/ gang gis chos ma yin pa'i 'du shes kyis dge 'dun phye ba'o/ /pham par 'gyur ba byung ba dang / bsnyil ba dang / bsnyil bar 'os pa ste/ dge slong ma sun phyung 'byin pa la sogs pa 'di dag ni byung yang bsnyil bar bya ba yin no/ /tha dad du gnas pa zhes bya ba ni de yang rnam pa gnyis te/gang gis bsams bzhin du chos kyi phyogs las chos ma yin pa'i phyogs su 'gro ba dang / gang la dge 'dun gyis gsol ba dang las kyis gnas nas phyung ba ste/ dang po babs pa las gal te bsnyen par rdzogs par byed pa'i tshe slar yang sgrub par byed na/bsnyen par rdzogs pa'o/ /bzlog pa ni ma yin no/ /bsnyen par rdzogs nas gal te khas mi len na legs par bsnyen par rdzogs pa ma yin no/ /slang yang gnas nas dbyung bar bya'o/ /bsdigs pa la sogs pa'i las byas pa las bsnyen par rdzogs par byed na 'gal tshabs can du 'gyur ro//de yang chad pa'i las nyams pa yin no/ /gzhan gyi dbang du gyur pa zhes bya ba ni bran dang rgyal pos bkrabs pa dang / ma dang pha dag gis rjes su ma gnang ngo / /yul thag ring ba la ltung ba med do/ /gang btsas nas mas bor ba de ni gang gis gsos pa des rjes su gnang na'o//mi dad par gyur pa zhes bya ba ni 'di lta ste/ sprul pa dang / gang mi ma yin pa dang / dud 'gro'i skye gnas su gtogs pa dang / chom rkun gyi rgyal mtshan can dang / lo nyi shu ma lon pa dang / skra ser ba dang / skra ljang gu dang /skra dkar ba dang / skra glang po che'i lta bu dang / skra med pa dang / mgo 'bar 'bur can dang / glang po che'i lta bu dang / mgo sbom pa dang / lus la glebs pa 'dra ba dang / phag gi mgo lta bu dang / mgo gnyis pa dang / mgo gsum pa dang / mig dmar ba dang / mig po che dang / mig chags pa dang / mig ser ba dang / mig mching bu lta bu dang / mig chu bur lta bu dang / mig med pa dang / glang po che dang / rta dang / ba lang dang / spre'u dang / bong bu dang / sna phag gi lta bu dang / sna gnyis pa dang / sna med pa dang / glang po che la sogs pa'i so lta bu dang / so med pa dang / mjing nub dang / mgul ring ches pa dang / phrag mig dang / sgur po dang / pho mtshan chad pa dang / rlig rlugs dang / rlig pa med pa dang / glang po che la sogs pa lta bu'i rna ba dang / rna ba gcig dang / rna ba med pa dang / lus shin tu ring ba dang / lus shin tu thung ba dang / shin tu skem pa dang / ma 'os par ngal skyen pa dang / kha dog ngan pa bzhi dang / lag pa dang / rkang pa rdum pa dang / lag pa'i sor mo rnams sgu ba dang / mchu med pa dang / lus rma mtshan can dang / rgan ches pa dang / gzhon ches pa dang /theng bo dang / smad 'chal dang / zhar ba dang / lag sor rdum po dang / mi'u thung dang / glen pa dang / dig pa dang / lkugs pa dang / 'on pa dang / rten 'phye dang / mtshan mas btab pa dang / lcag rma can dang / bud med kyis dub pa ste/ gang la gzhon nu nar ma son par 'khrig pa drags te rten nyams pas na/dge ba'i phyogs la mi bzod pa'o/ /khur gyis dub pa dang / lam gyis dub pa dang / ta gam pa ste/ gang gzhon nu nar ma son par nad pa la sogs pas nyen pas na rten nyams pa ste/ dge ba'i phyogs la mi bzod pa'o/ /de la ya za ma lug ni gang lcags kyis bcings pa bkrol ba dang /dman pa'i rigs so/ /mdzes pa rab tu dbyung ba dang / yongs su dag par bsnyen rdzogs par/ /rdzogs sangs rgyas kyis rab mkhyen te/ /bden pa'i mtshan kyis bka' stsal to// //'dul ba bsdus pa bam po bcu gnyis pa/ji ltar bsnyen par rdzogs par bya zhe na/ rab tu 'byung bar 'dod pa la bar chad kyi chos rnams dris te gzung bar bya'o/ /skyabs su 'gro ba dang / bslab pa'i gzhi lnga yang sbyin par bya'o/ /mkhan por gsol bar bya'o/ /gang dge 'dun la zhu bar byed pa'i dge slong la yang gsol ba gdab par bya'o//des kyang khyod kyi bar chad kyi chos rnams yod pa dris sam zhes dri bar bya'o/ /rnam pa gzhan du na nyes byas so/ /ma zhus par rab tu phyung na nyes byas so/ /zhus pa'i tshe gal te yongs su dag na'o zhes/ ma smras na nyes byas so/ / de nas skra 'dreg pa'i dge slong la gsol ba gdab par bya'o/ /des gtsug phud 'dreg pa'i tshe breg gam zhes dri bar bya'o/ /sham thabs bskon pa nyid kyi tshe/ mtshan med pa'am/ mtshan gnyis pa'am/ gle 'dams pa ma yin nam zhes ma tshor bar mtshan brtag go/ /de'i 'og tu dge slong la gsol ba gdab par bya'o//des kyang gang skyabs su 'gro ba sbyin pa dang / dge tshul gyi bslab pa'i gzhi sbyin par bya'o/ /de'i 'og tu chos gos dang lhung bzed btsal lo/ /yang na yo byad drug po rnams brnyas te/ rab tu dbyung ba dang / bsnyen par rdzogs par bya'i btang snyoms su ni mi bya'o//kha skong ba'i dge slong rnams sam dge 'dun thams cad dam/ gsang ste ston pa dang / las byed pa la gsol ba gdab par bya ba'o/ /de'i 'og tu phyag dag 'tshal du bcug la mkhan por gsol bar bya'o/ /chos gos rnams dang lhung bzed ni dge 'dun la brten te byin gyis brlab par bya'o//lhung bzed med par dge tshul du mi bya'o/ /yang na de la lhung bzed chung ngu'am kha phor dag sbyin par bya'o/ /thos pa'i nye 'khor nas spangs te/ mthong ba'i nye 'khor mi ring bar gzhag go/ /bsnyen par rdzogs par 'dod pa shing la 'dzeg tu mi gzhug go//de nas gsang ste ston la gsol ba dang bzhi'i las rnams kyis rgyas par bya'o/ /de'i 'og tu grib tshod gzhal bar bya'o/ /thur ma sor bzhi pas so/ /thur ma ci tsam yod pa de tsam la skyes bu'o/ /nyin mtshan gyi cha yang brjod par bya'o/ / dus tshod rnams ni lnga'o/ /de'i 'og tu gnas rnams brjod par bya'o/ /dang por brjod na nyes byas so/ /bsnyen par rdzogs ma thag tu pham par 'gyur ba bzhi po rnams so/ /ma brjod na 'gal tshabs can du 'gyur ro/ /rnam pa lnga po rnams kyis bsnyen par rdzogs par mi 'gyur te/mkhan po'i ming ma brjod na dang / bdag nyid dang / dge slong gi dge 'dun dang / gsol ba ma byas pa dang / las ma rdzogs pa'o/ /'di las bzlog pa lnga po rnams kyis ni bsnyen par rdzogs par byed pa'o/ /bsnyen par rdzogs par byed pa'i tshe gal te mtshan gyur na legs par bsnyen par rdzogs pa yin gyi/dge slong ma'i dbyar khang du 'gro bar bya'o/ /de skad du yang bcom ldan 'das kyis dge slong rnams las dge slong ma rab tu mang po rnams kyis bsnyen par rdzogs pa dge slong ma'i dngos po btsal bar bya'o zhes 'byung ba lta bu'o/ / dge slong ma'i bsnyen par rdzogs par bya bas/ dge slong du bsnyen par rdzogs par byas na bsnyen par rdzogs pa'o/ /dge slong rnams kyis bsnyen par rdzogs par byas pas/ dge slong mar bsnyen par rdzogs par byas na dge slong ma'i dngos por rig par bya'o//zhu ba las ni skyes pa bud med lta bu'am/ bud med skyes pa lta bu'am/ dge slong ma'i las kyis dge slong ngam/ dge slong gi las kyis dge slong ma'am/ mkhan por gsol ba ma btab bam/ bar chad rnams ma dris sam/ dge tshul ma byas sam/ mkhan po med dam/las byed du med par ram/ mkhan po bsnyen par rdzogs pa ma yin pa yang rung / bsnyen par rdzogs par byas na de ni bsnyen par rdzogs mod kyi/ gzhan rnams gnyis la ni 'gal tshabs can du 'gyur ro/ /mkhan po tshul khrims 'chal pa'o zhes bya bar shes na bsnyen par rdzogs pa ma yin no//de las gzhan du bsnyen par rdzogs pa'o zhes 'byung ngo / /bar chad kyi chos dang ldan pa de bzhin du smra'am/ rnam pa gzhan du'ang rung ste/ bsnyen par rdzogs par byas na bsnyen par rdzogs pa yin te/ snga mas ni dge slong rnams 'gal tshabs can 'gyur ro//bar chad kyi chos dang mi ldan pa de bzhin du smra'am/ rnam pa gzhan du'ang rung ste/ bsnyen par rdzogs par byas na legs par bsnyen par rdzogs pa yin te/ phyi mas ni dge slong rnams 'gal tshabs can du 'gyur ro/ /bsnyen par rdzogs par byed pa'i tshe bslab pa phul lam/mi btub na bsnyen par rdzogs pa ma yin no/ /'on pa'am mtha' 'khob pa gal te las thos sam shes na bsnyen par rdzogs pa yin no/ /slar bzlog pa ni ma yin no/ /rnam pa gzhan du'ang mtha' 'khob pas bsnyen par rdzogs pa ni ma yin mod kyi bsnyen par rdzogs par byed pa rnams la ni 'gal tshabs can du 'gyur ro//rnam pa gzhan du na tshogs kyi grangs kha skong ba'am mkhan po mtshan gyur pa las gal te mtshan ma gyur pa'i tshe gsol ba thos na bsnyen par rdzogs pa'o/ /bzlog pa ni bsnyen par ma rdzogs pa'o/ /nam mkha' la 'dug ste sa la 'dug pa'i las byed na byas pa ma yin zhes brjod par bya'o//ci tsam gyis na bsnyen par rdzogs pa zhes brjod par bya/ gang gsol ba dang bzhi'i las rtogs pa'o/ /ji srid bco brgyad po gzhag pa'i gnas kyi mtshams rnams mnan la gang zag bco brgyad gang la gsol ba gcig gis bsnyen par rdzogs par byar rung ba yod do//rnam pa bcus bsnyen par rdzogs par 'gyur te/ slob dpon med par de bzhin gshegs pa rnams dang / rang sangs rgyas rnams so/ /ye shes mngon par rtogs pas lnga pa rnams dang / dri bas mnyes pas ni legs sbyin no/ /skyabs su 'gro bas na brjod pa gsum gyis bzang sde'i tshogs drug cu po rnams kyi'o//ston par khas blangs pas ni/ 'od srungs chen po'o/ /mtha' 'khob tu ni 'dul ba 'dzin pa dang lnga'o/ /yul gyi dbus su ni bcu 'dus pa'o/ /lci ba'i chos khas blangs pa rnams kyi ni skye dgu'i bdag mo chen mo gau ta mI'o//pho nyas ni chos sbyin ma'o/ /da ltar ni tshogs gnyis ka 'dus pas so/ /dge slong tshur shog ces bya ba ni bcu pa ste/ srid pa tha ma pa yin pa'i phyir dge slong tshur shog ces bya ba ma gtogs pa las bcas tshun chad gzhan gyis bsnyen par rdzogs par bya ba med do/ / bsnyen par rdzogs pa'i kun du spyad pa ni gsar bus ches rgan pa la phyag bya'o/ /dang po lo grangs dri bar bya'o/ /dus tshod kyang ngo / /dus tshod ni lnga ste/ dgun gyi zla ba bzhi dang / dpyid kyi zla ba bzhi dang / dbyar gyi zla ba gcig dang / shi ba'i dbyar gyi nyin zhag gcig dang /dbyar ring po nyin zhag gcig gis chung ba'i zla ba gsum ba'o/ /bzhi la phyag bya bcu la phyag mi bya ste/ bzhi po dag kyang gang zhe na/ lha dang bcas pa'i 'jig rten gyis phyag bya ba de bzhin gshegs pa dang / khyim pa thams cad kyis rab tu byung ba la bya ba dang / bsnyen par rdzogs pa thams cad kyis sngar bsnyen par rdzogs pa la phyag bya ste/dge slong ma ni ma gtogs so/ /bsnyen par ma rdzogs pa thams cad kyis bsnyen par rdzogs pa la'o/ /bcu po dag gang la phyag mi bya zhe na/ sbo ba spyod pa la sogs pa bzhi dang / bslab pa byin pa dang / gnas nas phyung ba gsum ste/ ltung ba ma mthong ba dang / phyir mi'i chos pa dang / lta ba mi gtong ba 'di gsum gnas nas phyung ba dang / khyim pa dang / bsnyen par ma rdzogs pa'o/ /gang gsum mam gnyis dag kyang rung / gang gsol ba gcig gis bsnyen par rdzogs pa de dag la ni gang yang rgan pa med do//gzhan dag na re rgan pa drug go zhes zer te/ na tshod kyis rgan pa dang / chos nyid kyis rgan pa dang / shes pas rgan pa dang / las kyis rgan pa dang / dus kyis rgan pa dang / rigs kyis rgan pa'o/ /chos nyid kyis rgan pa de yang rnam pa gnyis te/ bsnyen par rdzogs pas ring du lon bas na dus kyis rgan pa dang / rigs kyis rgan pa mes po'am/ khu bo'am/ phu bo zhes bya ba la sogs pa'o/ /shes pas rgan pa ste rgyal po la sogs pas shes pa'o/ /las kyis rgan pa ste/ de yang rnam pa gsum mo/ /zhal ta byed pa bas ni kha thon byed pa rgan no/ / kha ton byed pa bas ni spong ba la zhugs pa'o/ /de las lus kyis rgan pas dus kyis gzhan pa la phyag mi bya/ mnyam pa la yang phyag mi bya'o/ /gal te rigs rgyud la sogs pas ches rgan pa ma yin na/ de las gang yang rung ba 'ga' zhig gis rgan na phyag bya'o/ /de bzhin du rigs rgyud dang / shes pa dang /las su mnyam na yang de dag las gzhan gyis rgan pa la phyag bya'o/ /gal te rigs rgyud dam/ rigs rgyud kyis ches rgan pa ma yin na shes pa bas ches shes pa la'o/ /spong ba bas spong ba'i mchog la'o zhe'o/ /phyag bya ba ni rnam pa gnyis te/ dkyil 'khor lnga pa'am/ sgyid pa las 'khyud pa'o/ /phyag 'tshal zhes zer ba ni mngon par smra ba'i tshig nyid do/ /lus btud pa de ni mchod pa'o/ /gzhan dag na re ston pa las dkyil 'khor chen po lnga pas phyag bya'o/ /bla ma dang bla ma'i gnas lta bu la pus mo gzugs pa dang / 'dud par bcas pa'am/ thal mo sbyar ba bcas pa'am/sgyid pa nas 'khyud pa'am/ de bzhin du tsog pus 'dug pa'o/ /tshangs pa mtshungs par spyod pa gzhan rnams la ni mgo 'dud dam/ thal mo sbyar ba'am/ ngag yang dag par brjod pa'o zhes kyang zer ba'o/ /sbags pa la'am sbags pas kyang rung ste gnyis ka la'ang nyes byas so//sbags pa la rnam pa gnyis te/ zas kyis sbags pa dang / mi gtsang bas sbags pa'o/ /mi mthun pas khon yod kyang rims su bab na phyag bya'o/ /des kyang a rog gya zhes brjod par bya'o/ /rnam pa gzhan du na gnyi ga la yang nyes byas so/ /log par ltung yang sngon gyi rgyud la dmigs te phyag bya'o//gos gcig pas phyag bdag gir mi bya/ phyag kyang mi bya'o/ /rgan pa sbring pa byung ba la yang phyag 'tshal lo zhes brjod par bya'o/ /gzhon nu la byung na a rog gya zhes brjod par bya'i yang sos zhes bya ba ni ma yin no/ /rgan zhugs dang / khyim pa 'di dag ni gson par mngon par dga' ba yin bas na de dag la ltung ba med do//mun pa'i nang du phyag byed na mgo sa la gtugs par mi bya'o/ /ngag tu ni brjod par bya'o/ /gnas mal bcas par gnas par mi bya ste/ gang mdza' ba'am/ gang gus bar bya ba dang / gang la ngo tsha bar 'gyur ba srid do snyam du sems nye bar gnas sam/ldan pa'o snyam du sems mngon sum du gnas sam/ dge ba'i phyogs su 'gyur ro snyam nas de'i 'og tu gnas gzung bar bya ste/ chos gos phrag pa gcig tu byas la/ lag pa gnyis kyis rkang pa gnyis la bcangs la 'di skad ces brjod par bya'o/ / btsun pa dgongs su gsol/ /bdag ming 'di zhes bgyi ba btsun pa la gnas par gsol gyi btsun pas bdag la gnas stsal tu gsol/ /btsun pa gnas nas mchis par bgyi'o/ /de bzhin du lan gnyis lan gsum du'o/ /des legs so dge'o zhes brjod par bya'o//des kyang thabs yin no zhes brjod par bya'o/ /gnas mal bcas pa ljongs rgyu ba spyad par mi bya'o/ /lo lnga lon la gsal na ltung ba med do/ /gsal ba rnams ni snga ma bzhin no/ /song nas ngal gso ba'i nyi ma gnyis sam gsum tshun chad du legs par brtags te gnas gzung bar bya'o//dgra bcom pa nyid kyang gzhan la gnas bcas te 'dug par bya'o/ /zhag lnga gnas mal bcas kyang de la rnyed pa sbyin par bya'o/ /de mi gtong ba'i sbyor bas gnas tshol ba chos lnga dang ldan pa rnams la gnas sbyin par mi bya ste/ dad pa med par gyur pa dang /bka' blo mi bde ba dang / sdig pa'i grogs po dang / le lo can dang / ma gus pa'o/ /de lta bu'i rim pa las slar bzlog pa lnga po rnams dang ldan pa la ni gnas bca' ba sbyin par byed do/ /'di nyid go rims ji lta ba bzhin du btang ba dang / ma btang bar rig par bya'o//rnam pa gzhan lngas btang bar 'gyur te/ mtshams las 'das te 'gro ba dang / babs pa dang / mkhan po gzhan nas 'ongs pa dang / phyogs las phyogs ma yin par 'gro ba dang / gnas btang ba nyid ni lnga pa'o/ /mkhan po mthong ma thag tu gzhan la gnas bcas pa btang bar 'gyur te/lam du zhugs pa dang / 'dug tu mi 'dod pa ni ma yin no/ /'ongs na yang ji srid du 'dug gi bar du de thams cad bya ste/ gnyis ka yang blta'o/ /nye gnas sam slob dpon yang rung / gcig ltos pa dang bcas sam/ lam gyis bgrod par zhugs pa las dus gzhan du slar log na yang gnas bcas pa de nyid la'o//dus re zhig gcig tu gnas bzung bas sngar gyi gtang bar mi 'gyur ro/ /gnas gang du gnas sbyin pa de shi la gzhan yang med na/ der gso sbyin gnyis pa'i bar du 'dug par mi bya'o/ /dbyar snga ma'am/ phyi ma gnyi ga yang dbyar nye bar gnas par mi bya'o//dbyar phyi mar nye bar zhugs nas yang so sor brtags la zla ba gnyis kyi bar du 'dug par bya'o/ /de phan chad ni ma yin no/ /slob dpon dang mkhan po dpag tshad phyed dang gsum na 'dug na zla ba phyed phyed cing 'gro bar bya'o/ /rgyang grags ldan 'dug na nyi ma drug gam bdun zhing ngo //rgyang grags gcig na ni nyin re'o/ /mtshams kyi nang na 'dug na dus gsum du'o/ /thams cad du slob dpon dang mkhan po la lhung bzed dang chos gos kyi las kyis bsnyen bkur la sogs pa bya ba rnams la sngon du 'gro bar bya'o/ /de nyid kyis kyang de'i'o//klog pa'i slob dpon la yang bsnyen bkur bya'o/ /gal te klog pa dang / gnas kyi slob dpon gnyi ga nad kyis btab par gyur te/ nus pa yod na gnyi ga la yang bya'o/ /nus pa med na gnas kyi slob dpon mi phangs par byas nas klog pa'i slob dpon la bya'o/ /klog pa ma rnyed kyang gnas su rung gi gnas med par ni mi rung ngo //klog pa'i slob dpon la gal te nye gnas mang na gral rim bzhin du bsnyen bkur bya'o/ /de dang po nang dang bcas pa las 'brel bar mi bya'o/ /de gnyis ka la yang gus par mchod par bya'o/ /chag chag la sogs pa dang / lhung bzed kyi las la sogs pa dang chos bstan pa sbyin pa la sogs pa ma zhus par mi bya'o//de lta bu'i rigs can gyi dge slong ngal sor mi gzhug go/ /mdor bsdu na/ chu dang / so shing dang bshang ba dang / gci ba dang / mtshams kyi nang du mchod rten la phyag byed pa ma gtogs te/ gzhan du bya ba thams cad mi bya'o//kun du spyad pa ji skad bstan pa'i tshul du ma byas na thams cad nyes byas so/ /zhar la 'ongs pas chog go/ /smad pa zhes bya ba ni ltung byed kyi ltung ba byung ba zhes bya ba'i tha tshig go/ /de la ltung ba ci ltar 'gyur zhe na/ gang zag 'di bcu ni 'di lta ste/ lo nyi shu ma lon pa la der 'du shes pa dang /nges pa dang ma nges pa yang rung ste/ gnyi ga la yang bris na/ gnyi ga la yang ci lta bu nyid du smra ba de gnyis ni bsnyen par rdzogs pa ma yin la/ dge slong rnams kyang 'gal tshabs can du 'gyur ro/ /'grogs pa la sogs pa la yang nyes pa'o/ /lo nyi shu ma lon pa la lo nyi shu lon par 'du shes pa dang /nges pa dang ma nges pa yang rung ste/ ci lta bu nyid du yang gnyi ga smra ba'am/ lo nyi shu ma lon pa mi shes sam/ yid gnyis za bar 'gyur nas kyang dris pas lung mi ston pa ste/ 'di lta bu gsum ni bsnyen par rdzogs pa yin la/gzhan bsnyen par rdzogs par byed pa yang 'gal tshabs can du 'gyur ro/ /lo nyi shu lon pa la ma lon par 'du shes pa dang / nges pa dang ma nges pa yang rung ste/ ci lta bu nyid du yang gnyi ga smra ba dang / de bzhin du gnyi ga lon par 'du shes pa dang /nges pa dang / lnga pa nyid ni mi shes sam mi dran nam/ yid gnyis za na yang rung ste/ lnga po 'di dag ni bsnyen par rdzogs pa yin te/ dang po dang / gnyis pa dang / lnga pa la ni bsnyen par rdzogs par byed pa rnams la 'gal tshabs can du 'gyur ro/ /rnam pa 'di bcu las thog ma'i bar bzhi pos ni dang po nyid du 'khrugs par gyur pa yin te/rang bzhin du gnas pa dang / gso sbyin gyi las lan gnyis lan gsum du myong na rku thabs su gnas par 'gyur te/ bsnyil bar bya bar 'os pa dag yin no/ /lo nyi shu lon par 'du shes pa gnyis ni gal te nye du rnams kyis dran par byas na mngal gyi zla ba dang /shol gyi zla ba yang brtsi bar bya'o/ /gal te de bzhin du yang ma lon nas spo bar bya'o/ /yang bsnyen par rdzogs par ro/ /rnam pa gzhan du na snga ma bzhin du ste rku thabs su gnas pa'o/ /lo bcu dgu lon par bsnyen par rdzogs par byas pa las/gal te lo gcig lon pa na dran pa rnyed par 'gyur ba'am/ lo bco brgyad lon par bsnyen par rdzogs par byas nas de bzhin du lo gnyis lon pa la yang legs par gsungs pa'i chos 'dul ba la rab tu byung zhing bsnyen par rdzogs pa dge slong gi dngos po rnyed dka' ba na/de gnyis ni legs par bsnyen par rdzogs pa'o/ /lnga pa ni dran par bya'o/ /yid gnyis gsal bar bya'o/ /cho ga bzhin du yang bya'o/ /rnam pa gzhan du na rku thabs su gnas par 'gyur ro/ /lo nyi shu ma lon pa la lon par 'du shes na de bsnyen par rdzogs par byas na ltung ba med do//'grogs pa dang longs spyod pa la yang ltung ba med do/ /de bsnyen par rdzogs pa ji srid du gnas par gyur/ ji srid bden pa'i 'du shes rnyed pa'i bar du ste lon pa la ni ltung ba med do/ /ma lon pa ni gsol ba dang bzhi'i las la sogs pa nyams su myong na rku thabs su gnas par 'gyur ro//kha cig na re gang zag yongs su dag pa yin yang rung / yongs su dag pa ma yin yang rung ste/ des yongs su ma dag par 'du shes te/ bsnyen par rdzogs par byas na ltung byed do zhes zer ro/ /na tshod rdzogs la skyed ma rdzogs pa yod de mu bzhir ro//de la na tshod rdzogs pa ni lo nyi shu lon pa'o/ /skyed rdzogs pa ni chu zheng du ldan pa dang / skyes pa dang / yongs su smin par rig par bya'o/ /chu zheng du ldan pa ci lta bu zhe na/ gal te byis pa'i bong tshod lta bu'ang ma yin pa'o/ /bus pa'i skad lta bu'ang ma yin pa'o//skyes pa ci lta bu zhe na/ mdoms dang mchan khung la sogs par spu skyes par gyur pa'o/ /yongs su smin pa ci lta bu zhe na/ des bus pa lta bu'i blo ma yin pa la bus pa lta bu'i rang bzhin ma yin pa'o/ /gnyis pa dang bzhi pa ni ltung byed do/ /dang po dang gsum pa la ni ltung ba med do//gang dus mi dran pa de'i tshe mtshan thabs kyis brtags la bsnyen par rdzogs par bya'o/ /lo bco lnga lon na dge tshul du bya'o/ /rnam pa gzhan du nyes byas so/ /lo bdun lon pa bya rog skrod nus pa ni dge 'dun gyis bskos nas bya rog skrod nus pa'o//mi nus pa dang lo ma tshang ba ni ma yin no/ /dge tshul gnyis nye bar gzhag par mi bya'o/ /gal te de gnyis nges par byas te/ 'ongs na gnyis ka rab tu phyung la gcig gzhan la sbyin par bya'o/ /gang la sbyin par bya ba des kyang bsnyen par rdzogs par mi bya'o/ / gnyis pa'o// //mnyan yod na ste/ drug sde rnams bdag nyid rnang la sogs pa byed pa na sa len pa'i gzhi'i dbang du mdzad de/ las ngan pa la dga' ba'i nyon mongs pas gsum pa bcas so/ /sa zhes bya ba ni rnam pa gnyis te/ rang bzhin can dang rang bzhin can ma yin pa'o//char pa che na zla ba gsum po rnams kyis rang bzhin can zhes bya ba'o/ /char pa chung na zla ba drug go/ /dge slong gis rang bzhin can mi tshig gam/ nyams par ma gyur bas brkos pa dang / sa zhag ma nyams pa 'gogs sam/ phur ba btab bam/gad pa ma nyams pa'am/ rtsig pa ma nyams pa gtib bam/ skyang nul ma nyams par 'gogs sam/ gang nas mang gi gram seg gam/ bye ma nyung ba brkos na ltung byed do/ /sa zhag la sogs pa nyams pa ni nyes byas te/ gogs pa'o zhes bya ba'i tha tshig go/ /sa las phur pa phyung ba dang /sa la ri mo 'dri bas nyams pa ma gtogs pa'i sa dang 'brel pa'i ba lang gi lci ba 'gogs pa dang / 'gro bar mngon par sems pas byas pa 'ba' zhig ma gtogs te/ 'dam bskyod pa'am/ de dang 'brel ba'i bum pa la sogs pa bteg pa dang /rtsig pa la phur pa btab pa 'byin tam/ ba lang gi lci ba 'gogs sam/ ri mo bris sam/ ba tsha can 'gogs sam/ sa rang bzhin can ma yin pa brkos sam/ sa tshig pa'am/ nyams par gyur pa brkos sam/ gram seg dang bye ma ni mang / sa ni nyung ba brkos na nyes byas so//gram pa 'ba' zhig gam/ bye ma 'ba' zhig gam/ mkhar len la 'jug cing rgyu skar gyi sbyor bas rung bar byed pa med na/ sa la phur pa mtho bzhi tsam 'debs pa la ltung ba med do/ /kha cig ni gzhan gyis de la bsnun zhing ngam/ chus spangs pa 'am/ char gyis brlan pa'am/sa zhigs pa'am/ thag zos pa'am/ dong du byas par gyur pa de lta bu ni ltung ba med do zhes zer ro/ /rang bzhin can la rang bzhin can du 'du shes pa rnam pa drug tu'o/ /sa la sar 'du shes pa la yang ngo / /kha cig ni rung bar byas sam/ rung bar ma byas kyang rung / rung bar ma byas par 'du shes na ltung byed do zhes kyang zer ro/ /gsum pa'o// //ser skya'i gzhi na ste/ ming chen gyis dge 'dun rnams zla ba bzhir bstabs pa las drug sde rnams de las 'das kyang slong bas na bstabs pa'i gzhi'i dbang du mdzad de 'gal tshabs can dang / phongs pa'i nyon mongs pa dag gis bzhi pa bcas so//zla ba bzhi ni rjes su gnang gi gzhan du ni gtang ngo / /zla ba bzhi zhes bya ba ni zla ba bzhi las gzhan du'o/ /bstabs pa zhes bya ba ni mgron du nye bar bos pa'o/ /bdag gir bya'o zhes bya ba ni khas blangs pa'o/ /so sor bstabs pa zhes bya ba ni tha dad tha dad du dge slong re re nas bstabs pa yin te/pi lin dbang sa'i dbang du mdzad de rjes su gnang ngo / /yang dang yang du bstabs pa zhes bya ba ni bdag cag phyis lhags so zhes bdag gir ma byas pa ste/ gzugs can snying po yang dang yang du stobs pa'o/ /lhag par don du gnyer nas bstabs pa zhes bya ba ni rgyal po la bya ba mang ngo zhes bdag gir mi byed pa la bstabs pa'o//rtag tu bstabs pa zhes bya ba ni zla ba bzhi las 'das nas gshegs ston byas pa dang yang bdag gir mi byed pas na dus thams cad du bstabs pa'o/ /dge slong zla ba bzhi ma 'das par zas ngan pa bstabs pa las mngon par spyad pa ma byas pa zas bsod pa blangs na nyes byas so//zos na ltung byed do/ /bsod pa bstabs pa las ngan pa blangs na gnyi ga la yang nyes byas so/ /zla ba bzhi 'das te/ gang bstabs pa de nyid blangs te zos na ltung byed do/ /de las gzhan du na nyes byas so//zla ba bzhi las 'das sam ma 'das kyang rung / na bas zas bsod pa blangs te zos na ltung ba med do/ /bud med zas khyer te 'ongs pa las ci 'dod ces 'dri na bstabs pa yin pas ci 'dod pa de blangs la longs spyad par bya'o/ /bzhi pa'o// //rgyal po'i khab na ste/ gang thun mong ba'i bslab pa bcas pa de na de'i tshe/ gnyi ga'i dge 'dun yang 'dus te/ bslab pa'i gzhi'i skabs 'dir dge slong ma'i dge 'dun ma 'dus pas na/ lam pa dge slong ma rnams la bsgo ba'i phyir btang ba dang / de 'gro ba las drug sde rnams la yang bsgo yang de dag gis ma mnyan pas na bslab pa'i gzhi la smod pa'i gzhi'i dbang du mdzad de/ma gus pa'i nyon mongs pas na lnga pa bcas so/ /byis pa rnams kyis zhes bya ba ni nye bar bsam par sems pa la sogs pa'o/ /rmongs pa rnams kyis zhes bya ba ni mdo sde la sogs pa mi 'dzin pa'o//mi gsal ba rnams kyis zhes bya ba ni de dag don la mi gsal ba'o/ /mi mkhas pa rnams kyis zhes bya ba ni/ de dag la gtan la 'bebs par mi mkhas pa rnams so/ /mdo sde 'dzin pa dang zhes bya ba ni mdo sde mtha' dag 'dzin pa ste/de bzhin du gzhan yang ngo / /byis pa la sogs pa'i tshig rnams las gang yang rung ba cig smras na yang ltung byed do/ /byis pa yin pa bden pa nyid dam/ bslab pa dang mi mthun pa zhig tu smras na ltung ba med do/ /rjes su khas blangs pa rjes su khas ma blangs pa la smra ba dang /ltung ba byung ba la yang ngo / /lnga pa'o// //mnyan yod na ste/ bcu bdun sde rnams drug sde rnams gnas nas phyung ba'i phyir gros byed pa las bzhabs shing mnyan pas na 'thab pa'i gzhi'i dbang du mdzad de/ mi bzod pa'i nyon mongs pas drug pa'o/ /'thab par gyur ces bya ba la sogs pa la/de la 'khrug nas smras pa dang / phyir smra ba ni 'thab pa'o/ /phan tshun gcig la gcig nyes pa'i dmigs brjod pa ni mtshang 'bru ba'o/ /de la mi bzod pa ni mi mthun pa'o/ /'khrug ste rtsod pa las phan tshun mi 'phrod par smra ba ni rtsod pa'o/ /nyan na zhes bya ba ni nye bar nyan pa'o//de lta de ltar rjes su tha snyad gdags pa zhes bya ba ni de lta de lta bur gzhan zil gyis gnon pa'o/ /steng gi yang tog na gros byed pa dang / dge slong yang steng du 'dzegs pa dang / des rting ba'i sgra'am/ se gol gyi sgra'am/ lung ba'i sgra dbyung bar bya'o/ / ma phyung ba la sgra thos kyi don ma rtogs na nyes byas so/ /sgra dang don gnyi ga rtogs na ltung byed do/ /de bzhin du bar khang ngam/ ji srid phyi rol gyi bang rim mam 'chags dang / lam du 'gro ba'o/ /nang dang bcas pa ma yin pa dang / ma bsams par nang du 'ongs pa dang thos kyang zhi bar bya'o snyam pa la ni ltung ba med do//'thab mo byung ba la ni 'thab mo byung bar 'du shes pa ni rnam pa drug tu'o/ /kha cig na 'thab mo ma byung ba la 'thab mo byung bar 'du shes na ltung ba nyid do zhes zer ro/ /drug pa'o// //mnyan yod na ste/ bcu bdun sdes nye dga' gnas nas phyung ba'i las byed pa'i tshe/dga' bos khri'u'i steng du la ba bzhag ste cang mi smra bar song bas na/ 'bel ba'i gtam rnam par gtan la 'bebs pa'i gzhi'i dbang du mdzad do/ nye bar ma zhi ba'i nyon mongs pas bdun pa bcas so/ /chos dang mthun pa'i gtam rnam par gtan la 'bebs pa zhes bya ba ni gsol ba dang /gsol ba dang gnyis dang / gsol ba dang bzhi'i las rnams so/ /'gro na zhes bya ba ni thos pa'i nye 'khor spang ba'o/ /dge slong 'dug pa la mi smra na zhes bya ba ni nad pa dang / nad g.yog dang / mkhar len byed pa rnams la brten nas rjes su gnang ba'o//ji srid du thos pa'i nye 'khor ma spangs pa de srid du nyes byas so/ /spangs na ltung byed do/ /gsol pa ma zin pa dang / bshang ba dang / gci ba'i sar song nas slar 'ongs pa dang / thos pa'i nye 'khor na 'dug pa la ltung ba med do/ /chos ma yin pa'i las la ltung ba mod do//chos ma yin pa'i las la chos yin pa'i las su 'du shes pa zhes bya ba rnam pa drug tu'o/ /kha cig ni chos ma yin pa la'ang chos yin par 'du shes pa na ltung bar 'gyur ba nyid do zhes zer ro/ /bdun pa'o// //rgyal po'i khab na ste/ glang chen lhas kyi bdag po'i bu nag pa dge 'dun gyi rtsod pa zhi bar mdzad pa la/gcig pu zlog par byed/ khro bar byed/ gtam mjug sdod par mi byed/ phyir smra bar byed par sems pas na/ 'bel ba'i gtam rnam par gtan la 'bebs pa'i gzhi'i dbang du mdzad de smod pa'i dang / ma dad pa'i nyon mongs pa dag gis brgyad pa'o//gus par mi byed na zhes bya ba ni ma gus pa la rnam pa gnyis so/ /dge 'dun gyi ste/ gang dge 'dun gyi tha snyad pa dang / gang zag gi ste/ gang slob dpon dang mkhan po rnams kyi'o/ /dge slong la dge 'dun gyi tha snyad pas 'dug shig ce'am/ ma 'dug shig ce'am/ song shig ces sam/ ma 'gro shig ces sam/ mal cha dang stan dang gtsug lag khang long shig ce'am/ ma len cig ces bsgo ba las ji skad bstan pa rnams mi byed na ltung byed do/ /slob dpon dang mkhan pos bsgo ba rnams mi byed na nyes byas so/ /chos kyis lan ldon pa dang /gnas brtan rnams chos ma yin pa rnams smra ba la gtam gyis brjod pa la ltung ba med do/ /rnam pa gzhan du na yang dge 'dun gyi tha snyad pa dang / chos dang sangs rgyas dang / bla ma dang / de'i gnas lta bu dang / slob ma dang / bdag po'am/'jig rten pa yang rung de dag gi dbang du byas te/ ma gus pa ni gal te ji srid ltar 'gro bar bya ba dang / 'dug par bya ba dang / smra bar bya ba dang / mi smra bar bya ba dang / gal te de ltar lus sam/ ngag gam yid kyis nyon mongs pa mngon du byas te/ ji ltar rigs par mi byed pa'o//de la chos kyi dbang du byas te/ tshul khrims la so sor brtags pa dang / klag gam/ kha ton bya ba dang bstan pa dang / kha ton byed pa ni sbyin pa dang / don 'dzin du gzhug pa dang / bsam pa dang / rnal 'byor dang / gdams ngag dang / yid la byed pa la sogs pa ji ltar yang ma byas pa de ltar de na yang don mi byed pa dang /'jig rten rgyang pan dang ldan pa klog pa dang / nyan pa dus ma yin par nyan pa'am/ tshad med par byed pa'o/ /sangs rgyas zhes bya ba ni sangs rgyas la phyag mi 'tshal ba dang / dus dus su mchod rten la phyag mi 'tshal zhing nye 'khor du spyad pa la yongs su spyod cing mi spang ba dang /bshud pa dang brnyas pa la sogs pa'o/ /bla ma dang de'i gnas lta bu zhes bya ba ni/ ji ltar bla ma'i thad du 'gro bar bya ba dang 'greng bar bya ba dang / shin tu ma gus par mi bya ba dang / shin tu zhum par yang mi bya ba dang /gang mgo mi g.yogs pa nas phrag pa mi sprad pa dang / ltag par mi bsnol ba zhes bya ba'i bar du dang / mi mchod pa nas dkur mi brten pa zhes bya ba'i bar du dang / brla mi bsnol ba dang / rkang pa'i steng du rkang pa mi gzhag pa dang / ji ltar gzhan du phyogs shing 'dug par mi bya ba dang /ma bsgo ba'i bar du ma yin pa dang / stan mthon po lam yin pa dang / byin pa'i steng du byin pa mi gzhag pa dang / ma gus pa la sogs pa ma yin par bya'o/ /ji ltar smra bar bya ba ste/ mi mthun pa'i tshig smra bar mi bya ba dang / bskrad par mi bya ba dang / spang bar mi bya ba dang / smad par mi byed pa la sogs pa'o/ /ci ltar yang cang mi smra bar bya ba ste/ khro ba dang / phrag dog dang / zhe sdang dang / brnyas pa la sogs pa dang / sdig pa spang ba'i sems kyis so/ /sdang mig tu blta bar mi bya ba la sogs pa bsnyen bkur bya bar zhugs pa ci ltar bsnyen bkur bya ba gal to de bzhin du mi byed pa'o//slob ma la yang ma gus pa las brtsams te/ gal te gnas ma yin par smin pa dang / mi bzod pa dang / rjes su mi ston pa dang / 'gyod pa sel bar mi byed pa dang / smod pa dang / 'phya ba dang / nyon mongs pa'i sems kyis chos dang zang zing la sogs pas sdud par mi byed pa dang / ma gus pas de thams cad la yang ltung byed do/ /bdag po zhes bya ba ni rgyal po dang / rgyal po'i blon po la brten te/ ji ltar 'gro bar bya ba la sogs pa ltar mi byed do/ /gang gis ma dang par byed dam/khro bar byed pas na/ de nas gnod par 'gyur ba 'dzin pa'o/ /'jig rten pa zhes bya ba la ni gal te 'jig rten la mi rtog par de lta bus ma dad pa'i lus kyi las kun du spyod pa ste/ gnas ma yin par bshang gci byed pa dang / yid du mi 'ong bar smra ba'o//gzhan yang 'jig rten gyis smad pa spang bar nus pa mi spong ba dang / bdag dang gzhan gyi rigs kyi dge ba 'gag par 'gyur ba dang / 'jig rten pa ma dang pa mi spong ba dang / nyon mongs pa sngon du byas nas 'jig rten gyis smras pa nga la ci gnod ces bya ba rnams ni thams cad la yang ltung byad do//chos la tha na gal te le lo la bde ba nyams su myong zhing ci ltar 'jug par bya ba'i rigs pa la de ltar mi 'dug pa'o/ /dran pa nyams na yang nyes byas so/ /dge 'dun gyi tha snyad pa la der 'du shes pa la sogs pa rnam pa drug tu ste/ ltung byed gnyis dang /nyes byas bzhi'o/ /kha cig ni de ma yin pa la der 'du shes na yang ltung byed nyid do zhes zer ro/ /brgyad pa'o// //mnyan yod na ste/ legs 'ongs bram ze'i khyim du glang po che'i chang dang btung ba bsres pa 'thungs pas ra ro ste lam po cher 'gyel bas na/ bsod snyoms yongs su len pa'i gzhi'i dbang du mdzad de/ ma dad pa la sogs pa'i nyon mongs pas dgu pa bcas so/ /de la 'bru'i chang zhes bya ba ni chan gyi chang btung ba dang / phye'i chang btung ba dang / phabs kyi btung ba'o/ /bcos pa'i chang zhes bya ba ni rtsa ba dang / sdong bu dang / lo ma dang / me tog dang / 'bras bu'i btung ba'o/ /'thungs na zhes bya ba ni mgul du mid na'o/ /myos par 'gyur ba'i kha dog gam/ dri'am/ ro'am/ myong ba yang rung ste/ yan lag tha ma gcig pu med dam/ yan lag gzhan gnyis po med kyang rung myos par 'gyur ba 'thungs kyang rung ba las gal te myos par 'gyur ba na ltung byed tu 'gyur la/myos par ma gyur pa na nyes byas so/ /myos par 'gyur ba'i kha dog 'ba' zhig 'thungs pa la ltung ba med do/ /'bru'i chang dang / bcos pa'i chang ngam gnyi ga bsres pa yang rung / mkhur ba gang 'thungs sam/spang ma'am tshigs ma yang rung za na ltung byed do/ /phabs kyi rdo gu za ba dang / myos par 'gyur ba'i me tog dang 'bras bu za na nyes byas so/ /bskol ba 'thungs sam/ sman pas lung phog pas mkhur bar 'chang ngam lus la nyug pa la ni ltung ba med do/ / chang la sred pa'i phyir 'tsho bar mi nus na btung ba'i rdzas gang chang du gyur pa de phye mar gyur pa ras dkar po'i dum bu'i nang du thum por bcings la chang gi snod ma gang ba'i nang du ci nas kyang chang la ma reg par dpyangs te gzhag par bya'o/ /de nas chu'i nang du dkrugs te zas kyi snga rol dang /zas kyi 'og rol ngag tu btung bar bya'o/ /dge slong dag nga la ston par smra ba rnams kyis myos par 'gyur ba mi sbyin zhing / mi btung mi blang ngo / /myos par 'gyur ba la myos par 'gyur bar 'du shes pa rnam pa drug go/ /kha cig ni myos par 'gyur ba ma yin yang der 'du shes na ltung ba'o zhes kyang zer ro//chang las tshar gyur pa dang / bzhin snang ba de la chus bslad pa btsags te/ thun tshod du rung ba'i dbang du byas nas 'thungs pa la ltung ba med do/ /dgu pa'o// //mnyan yod na ste/ 'char kas gtum mo'i mna'i ma'i khyim du dus ma yin par song ba las/chom rkun pa'i sde dpon la byas te bsad pa las/ grong du 'gro ba'i gzhi'i dbang du mdzad de/ rkyen las ma gtogs pa'i nyon mongs pas bcu pa bcas so/ /dus ma yin pa zhes bya ba ni dus ma yin pa la rnam pa gnyis te/skya rengs ma shar ba dang / nyi ma phyed yol ba'o/ /grong zhes bya ba ni gang na srang dang / sum mdo dang / bzhi mdo yod par shes pa'o/ /'dug pa zhes bya ba ni mi 'khod pa la ltung ba med par bsgrags pa ste/ de yang nad pa la sogs pa la brten nas rjes su gnang ba'o//de 'dra ba'i rkyen ma gtogs zhes bya ba ni khyim gzhan du lhung bzed dam/ chos gos tshig pa dang / srog gi bar chad du gyur pa'am/ tshangs par spyad pa'i bar chad du gyur pa'o/ /dus ma yin pa la dus ma yin par 'du shes sam yid gnyis za na yang rung ste/ 'jug na ltung byed du 'gyur ro//dus la dus ma yin par 'du shes sam yid gnyis za na yang rung ste nyes byas so/ /dus ma yin pa'am/dus la dus su 'du shes na ltung ba med do/ /rnam pa gsum po rnams su 'gro ba la ltung ba med do/ /dgon pa dang / kun du 'gro ba dang / grong nas grong du 'gro ba'o/ /rdzu 'phrul gyis 'jug pa la ltung ba med do/ /nam mkha' la 'dug pas sa la 'dug pa la dang / sa la 'dug pas nam mkha' la 'dug pa'am/ tshangs par spyod pa'i bar chad dam/ mtshams kyi nang na 'dug pas mtshams kyi phyi rol la 'dug pa 'am slar zlog pa yang rung ste/ma smras sam/ skad mi shes pa'am/ rang bzhin du gnas pa ma yin pa dang lhan cig pa las 'jug pa dang / 'di las gzhan pa'i dge sbyong dang bram ze la ma smras par 'jug pa la yang ltung ba med do/ /grong la grong du 'du shes pa yang rnam pa drug tu'o//kha cig ni grong ma yin pa dang / dus la dus ma yin par 'du shes na ltung ba nyid do zhes zer ro/ /bcu pa'o// //brgyad pa'i tshogs rdzogs so// //mnyan yod na ste/ nye dgas khyim pa gzhan zhig dad par byas pa dang /de'i ngor dge slong gi dge 'dun rnams mgron du bos nas kho bo ma 'ongs pa'i bar du ma brim shig ces bsgo nas khyim gzhan du song ste 'dug pa dang / dge slong gi dge 'dun rnams las phal cher zan chad par gyur te/ khyim du nye bar 'gro ba'i gzhi'i dbang du mdzad nas phongs pa dang /ma dad pa'i nyon mongs pa dag gis zas dang bcas pa la sogs pa'i tshogs dang por bcas so/ /zas dang bcas pa zhes bya ba ni mgron du bos pa dang bcas pa'o/ /khyim zhes bya ba ni bram ze'i khyim mam/ khyim bdag gi khyim mo//nye bar mgron du bos pas zhes bya ba ni zas la'o/ /zas kyi snga rol zhes bya ba ni snga dro ste khyim dag tu gnyis dag las lhag par 'gro ba'o/ /zas zos pa'i 'og rol zhes bya ba ni phyi dro ste/ khyim rnams su gsum po rnams las lhag par ro/ /rgyu zhing 'gro zhes bya ba ni 'gro ba zhes bya ba'i tha tshig go//ci tsam du zas kyi sngon rol du khyim gnyis las lhag par ram/ zas zos pa'i 'og rol tu khyim gsum las lhag par rjes su 'jug na ltung byed do/ /gal te khyim bdag la bdag ma 'ongs kyang bshos gsol cig ces bsgo ste/'gro ba dang de'i ngor mgron du ma bos pa dang / bza' ba lnga las gzhan la mgron du bos pa dang / gos su bcas pa yod pa dang / mgron du bos pa de gzhag ste gzhan du tshol ba la ltung ba med do/ /de la kun du spyad pa ni mgron du 'bod pa drug dang / mgron du bos pa dgu dang /lhag ma za ba lnga'o/ /mgron du bos pa drug po rnams gang zhe na/ dbul po mi dad pa dang / dad pa dang / phyug po mi dad pa dang / dad pa dang / nye du ma yin pa dang / nye du yin pa'o/ /mgron du bos pa drug po rnams gang zhe na/ dge 'dun la brten nas mgron du bos pa dang /gang zag so sor bos pa dang / grogs dang lhan cig bos pa dang / nyin zhag tu mgron du bos pa dang / nar ma la mgron du bos pa dang / tshad btsugs te mgron du bos pa dang / ci yod pa de tsam zo shig ces pa 'am/ bye brag ma phye bar mgron du bos pa dang /dus ston la mgron du bos pa'o/ /lhag ma za ba lnga po rnams gang zhe na/ log par ltung ba dud 'gro'am/ yi dags dang / nad pa dang / nad pa'i rim gro dang / sa dwa'i g.yog dang / bdag gi dang / yon bdag gi sbyin ba'am/ rang nyams su 'ongs pa dang / mu ges nyan te ya mtshan can 'ongs pa dang / dge bsnyen nam/ dge bsnyen ma la med par 'gyur ba'o/ /de la dge slong mgron du bos pas log par ltung ba la chang pa gcig tsam sbyin par bya'o/ /lhag ma rnams la sbyin par 'dod na dbul po mi dad pa'i khyim du ni phyed dang nye ba sbyin no//dad pa'i khyim du ni phyed do/ /phyug po ma dad pa'i khyim du ni mnyam par ro/ /dus ston gyi tshe ni ci 'dod par sbyin no/ /lnga po las gzhan ni sbyin bdag gis rjes su gnang na sbyin no/ /nye du'i khyim du ni ci 'dod pa sbyin no/ /tshad btsugs te mgron du bos par ni lhung bzed du 'ongs pa tsam bza' bar bya'i/ji srid 'dod pa'i bar du de la sbyin du ga la yod/ kun du 'bod pa gnyis na de nyid kyi khar bor bar bya'o/ /gal te rang dag mi 'dum na/ lci ba dang / yang ba dang / gang cher dad pa dang / gang cher 'dris pa dang brtags la/gang cher bgo mi dgos pa la de la khas blang par bya'o/ /dang po'o// //mnyan yod na ste/ 'char kas btsun mo phreng ldan ma la dus snga mo zhig tu bstan pa ston par nang du 'ongs te/ de gnyid log pa las bslangs pa dang / de yang btsun mo'i 'khor la 'os pa'i gos gyon pas na/khyim du nye bar 'gro ba'i gzhi'i dbang du mdzad de/ ma dad pa dang / rkyen ma gtogs pa la sogs pa'i nyon mongs pa dag gis gnyis pa'o/ /rgyal rigs zhes bya ba ni rigs gzhan las kyang rgyal srid kyi dbang bskur bas dbang bskur na de yang rgyal rigs nyid ces brjod par bya'o//skya rengs ma shar zhes bya ba ni skya rengs la gsum mo/ /skya rengs sngon po ste/ gang sngon por snang ba dang / skya rengs ser po ste/ gang ser por snang ba dang / skya rengs dmar po ste/ gang dmar por snang ba'o//ma bsdus pa rnams la zhes bya ba ni ma sbas pa rnams so/ /sgo gtan zhes bya ba ni sgo'i gtan pa rnam pa gsum ste/ grong khyer gyi sgo'i gtan pa dang / rgyal po'i pho brang gi sgo'i gtan pa dang / btsun mo'i 'khor gyi sgo'i gtan pa'o/ / de 'dra ba'i rkyen ma gtogs zhes bya ba ni/ ci ltar kau shAm+bI na rgyal po'i bkas gdangs can gyi khyim dang / rgyal po'i khab dang nye ba gcig tu byas te rjes su gnang ba'o/ /lnga po dag gi tshig ni mi gcog pa yin te rgyal po dang / de bzhin gshegs pa dang / dge 'dun gyi gnas brtan dang /slob dpon dang / mkhan po dang dge skos kyi'o/ /grong khyer gyi sgo gtan las 'das pa dang / rgyal po'i pho brang gi sgo gtan las 'das na nyes byas so/ /btsun mo'i 'khor gyi sgo gtan las 'das na ltung byed do/ /nam ma langs pa la nam langs par 'du shes pa rnam pa drug tu'o//rgyal po chen po bzhi po rnams dang / nam mkha' lding rnams kyi sgo gtan las 'das na nyes byas so/ /rgyal po'i pho brang du 'gro ba la nyes dmigs bcur 'gyur te/ 'dzum pa dang / mngal na yod pa las mi tshangs par spyod par dogs pa dang /ma byin par blang bar dogs pa dang / gsang grags par dogs pa dang / gzhon nu bsad pa dang / des kyang rgyal po bsad pa dang / blon po bstod dam/ gnas dma' mor 'jog pa dang / yul rnams ma rung bar byed pa'am/ gzhan gyi yul 'khor ma rung bar byed par dogs pa'o//rgyal po la sogs pa'i bkas ni ltung ba med do/ /gnyis pa'o// //mnyan yod na ste/ drug sde rnams ma gus par so sor thar pa nyan te/ 'di ltar 'di yang bde bar gshegs pas gsungs par da gdod cig 'di thos so zhes smras pas na bslab pa'i gzhi'i dbang du mdzad de/ma gus pa'i nyon mongs pas gsum pa bcas so/ /gus par mi byed ces bya ba ni bstan pa'o/ /lhag ma rnams ni bshad pa'o/ /nyes pa drug ni go rims ci lta ba bzhin du ston te/ ma dad pas nyes pa dang / rim gro med pas nyes pa dang /ma mos pas nyes pa dang / phyi rol du g.yengs pas nyes pa dang / nang du ma bsdus pas nyes pa dang / skyo bas nyes pa dang / de la ltung ba ji ltar 'gyur zhe na/ gso sbyin gyi las kyi tshe dge slong la dge slong gis glengs nas de yang 'dod chags la sogs pas kun nas dkris par gyur tam/dran pa nyams par gyur tam/ gnyid kyis kun nas dkris par gyur tam/ g.yengs pas kun nas dkris pas gyur kyang rung / gal te sngon du gso sbyin gyi las lan gnyis lan gsum gyi tshe 'dug par gyur la des kyang chos de thos sam/ma thos par 'gyur tam/ brjed dam ma brtags te/ dge slong nyid kyang bdag gis ma thos so/ /ma brtags so snyam du rig la de nas kyang de la gnyid dam g.yengs pa la sogs pa sbyor ba nyams su len na gal te gso sbyin gyi tshe ltung ba rnams brjod pa ma thos par mngon du 'da' bar byed na 'das ma thag tu lhan cig bstan pa thams cad la yang ltung byed gcig go//rnam pa gzhan du na ma smras kyang ltung ba 'dir 'gyur ro zhes 'byung ngo / /gal te dge slong ma'i 'dul ba la bslab pa thun mong ma yin pa la bsams na nyes byas so//thun mong ba yin na ltung byed nyid do/ /lam gol bar skyes shing rgas pa dang / mi shes pa bden pa la ltung ba med do/ /so sor thar pa'i mdo 'don pas so sor thar pa legs par gdon par bya'o/ /gaN+DI brdungs pa dang dge slong rnams kyis ltung ba dran par byos la phyir bcos par byas te 'dug par bya'o//gsum pa'o// //mnyan yod na ste/ ba so mkhan gyis rang gi bzos dge slong gi dge 'dun rnams la bstabs pa dang / dge slong dag gis kyang de la ji srid longs spyod zad par gyur pa'i de'i bar du byed du bcug pas na khab ral gyi gzhi'i dbang du mdzad do/ma dad pa la sogs pa'i nyon mongs pas bzhi pa'o/ /khab ral zhes bya ba ni khab ral gnyis rjes su gnang ste/ sbubs can gi rnam pa dang chang ba'o/ /byed du bcug ces bya ba ni bdag gam gzhan gyis so//bcag nas zhes bya ba ni gal te byas zin ba bdag gir byed na bcag la ltung ba bshags par bya'o/ /ma zin par btang na nyes byas so/ /gzhan gyi phyir byed na yang nyes byas so/ /byas zin pa rnyed pa dang / byas pa la longs spyod pa ni ltung ba med do//gang gi mdun du bshags pa des kyang bcag gam zhes dri bar bya'o/ /rnam pa gzhan du nyes byas nyid do/ /de bzhin du bsdus sam bcad dam zhes bya ba yang ngo / /khab rnam pa bzhi rjes su gnang ste/ ra gan dang / zangs dang / khar ba dang / lcags kyi'o/ /gri'u yang rnam pa gnyis te/ bya rog gi mchu lta bu dang / bya gag gi gshog pa lta bu ste/ chen po ni sor drug go/ /chung ngu ni sor bzhir ro/ /'bring ni de gnyis kyi bar ro/ /gser dang / dngul dang / bai DUr+ya dang / shel gyi rang bzhin dang / yu ba khra bo nye bar bkra ba dang /bse rtsis byugs pa ma yin no/ /khab ral legs par sba bar bya ba dang / ngo tsha med pa dang / bsnyen par ma rdzogs pa'i lag tu mi sbyin no/ /bdag gis gzhag par bya ba'am/ ngo tsha shes pa'i lag tu byin la sba'o/ /khab dang gri'u btsas mi zos par bya ba'i phyir ras ma la spra tshil gyis bskus la dkri ba nyid kyis dar gzhag par bya'o//ji skad khab ral gyi gzhi las nges par bstan pa bzhin du yo byad gzhan rnams la yang gnas ji lta ba bzhin du brtag par bya'o/ /ji skad du/ gser la sogs pa'i rang bzhin las byas pa'i sor gdub rgya bcang bar mi bya'o//rgyal rnam pa bzhi ste/ ra gan dang / zangs dang / khar ba dang / shing gi'o/ /dge 'dun gyi rgya la gtsug lag khang gi bdag po'i ming dang / mngon mtshan du chos kyi 'khor lo bya'o/ /gang zag gi mngon mtshan du keng rus sam/ mgo'i thod pa bri'o zhes gsungs so/ /bzhi pa'o// //mnyan yod na ste/ bcom ldan 'das kyis bka' stsal pa/ khri'i drung du rkang pa dag bkru bar mi bya ste/ mgo logs sam rkang pa logs su'o/ /na ba dang / rgas pa dang / nyam chung ba dang / ngal bas ni bkru bar bya'o//khri'i rkang pa shin tu thung ba la nyal bar mi bya'o zhes drug sde rnams kyis thos te/ khru bcu gnyis pa'i lcug ma rnams las khri byas te/ ya gad btsugs pas na gnas mal gyi gzhi'i dbang du mdzad de/ 'gal tshabs can du 'gyur ba dang / phongs pa'i nyon mongs pa yongs su spang ba'i phyir lnga pa bcas te/ ltung byed lhag ma rnams la yang bzhi dang nyon mongs pa ni 'di nyid do/ /byed du bcug na zhes bya ba ni bdag gam gzhan yang rung ngo / /bde bar gshegs pa'i sor brgyad kyi tshad ces bya ba ni mi tha mal pa'i khru gang gi tshad do//bu gar zhugs pa ma gtogs zhes bya ba na 'char ka'i dbang du mdzad de rjes su gnang ba'o/ /bcad na ltung byed do zhes bya ba ni bcad na ltung byed bshags par bya'o zhes bya ba'i tha tshig go/ /lhag ma rnams ni snga ma bzhin no/ /nor bu'am ba so'i rang bzhin las lhag par byas na nyes byas so//khri'i rtsa ba bre kha bzhin du thad kar gcad par bya'i gzho bor mi gcad do/ /de las kyang sa rkon rkang pa'i rten gzhag par bya'o/ /yang na phub ma'i phung por bya'o/ /lnga pa'o// //mnyan yod na ste/ nye dga' dge 'dun gyi khri de yang gzhan dbang ngo snyam nas de shing bal bdal bas de la dge slong de shing bal gyis dkar por gyur pas na drug pa'o//shing bal zhes bya ba ni rnam pa lnga ste/ ka sha'i shing bal dang / a rga'i shing bal dang / shal ma li'i shing bal dang / ras bal dang / na me ru ka'i shing bal lo/ /bdal zhes bya ba ni khri'i steng du shing bal bdal nas steng du gos kyis g.yogs pa'o/ /gos rung ba'am/ shing bal rung bas g.yogs par sbyor ba ni nyes byas so/ /g.yogs zin na ltung byed do/ /gos sam shing bal mi rung bas g.yogs na nyes byas so//drug pa'o// //mnyan yod na ste/ dge slong mang po la brten nas bdun pa bcas so/ /mtho do zhes bya ba ni mi tha mal pa'i khru gsum gyi tshad do/ /mtho gang gis srings shig ces bya ba ni bde bar gshegs pa'i mtho gang ste/ khru phyed dang do'o/ /de ltar srid kyi tshad khru phyed dang lnga'o//zheng du mtho phyed dang do zhes bya ba ni mi tshad ma'i khru do dang sor drug go/ /gding ba dum bu gcig pa la ni byin gyis brlab par mi bya'o/ /bdun pa'o// //mnyan yod na ste/ bcom ldan 'das kyis gang g.yan pa'i nad can rnams kyis g.yan pa dgab pa bcang bar bya'o//de yang dus dus su khrus shig /kha bsgyur bar bya ba yang ngo / /tshur btsug lag sher bar byas te dbyung bar bya'o zhes bka' stsal na/ dge slong rnams tshad las 'das par byed pas na brgyad pa bcas so/ /byed ces bya ba ni bdag gam gzhan no//mtho bzhi zhes bya ba ni mi tshad ma'i khru drug go/ /mtho do zhes bya ba ni khru gsum mo/ /lhag par byas na ltung byed do/ /chung ba la ni byin gyis brlabs na nyes byas so/ /gzhan gyi phyir byas na nyes byas so/ /brgyad pa'o// //mnyan yod na ste/ dge slong rnams sgren mor khrus byed pas na/ri dgas 'dzin gyi ma sa ga las brtsams te/ dbyar gyi gos ras chen gnang ngo / /dge slong rnams tshad de las 'das par byed pas na dgu pa'o/ /byed ces bya ba ni bdag gam gzhan gyis kyang ngo / /tshad ni gsum 'gyur du ste go rims bzhin du sbyar ro/ / de las chung ba la byin gyis brlabs na nyes byas so/ /dgu pa'o// //mnyan yod na ste/ nye dgas chos gos chen po drubs nas cung zad cig bsgos kyi gzhan lhag ma phrag pa la bkal te/ gtsug lag khang gzhan du song bas na bcu pa bcas so/ /bde bar gshegs pa'i chos gos kyi tshad ces bya ba ni tshad las lhag par nye bar mtshon pa'i don to//de las brtsams nas ltung ba zhes bya ba yin no/ /chos gos zhes bya ba ni byin gyis brlabs pa'o/ /mtho bcu zhes bya ba ni mi tshad ma'i khru tshad las khru bco lnga'o/ /zheng du mtho drug ces bya ba ni khru dgu'o/ / de tshun chad chung ngu byed pa ni ltung ba med do/ /khru lnga las lhag par byed na nyes byas so/ /bcu pa'o/ /ltung byed dgu bcu rdzogs so// //nyi shu pa 'di rnams las rnam pa gnyis kyi gzhi rig par bya ste/ lam gyi gzhi dang / 'khor yongs su 'dzin par byed pa'i gzhi dang /sa len pa'i gzhi dang mthong ba dang thos pa dang / dogs pas phan tshun gleng ba dag gis rjes su shes pa'i gzhi dang / dge ba'i phyogs la bslab pa'i gzhi dang / 'phel ba'i gtam rnam par gtan la dbab pa'i gzhi dang / rjes su mi mthun pa'i gzhi dang / btung ba'i gzhi dang /mgron du bos pa'i gzhi dang / grong du 'jug pa'i gzhi dang / khyim du 'jug pa'i gzhi dang / gso sbyin gyi gzhi dang / byed pa sba ba'i gzhi dang / gnas mal byed pa sba ba'i gzhi dang / chos gos mngon par 'du byas pa sba ba'i gzhi ste go rims bzhin no/ /'dul ba bsdus pa bam po bcu gsum pa ste tha ma/rgyal po'i khab na ste/ ut+pala'i mdog bsod snyoms kyi thog ma dge 'dun la phul nas bsod snyoms gnyis pa ni bsod snyoms pa gcig la byin te zan chad par gyur la/ nyi ma gnyis par yang bsod snyoms snga ma dge 'dun la phul lo//gnyis pa nye dgas blangs pas na de brgyal nas srang du 'gyel ba dang / 'jig rten pa smod par byed nas/ dge slong ma'i gzhi'i dbang du mdzad de/ ma dad pa la sogs pa'i nyon mongs pa so sor bshags par bya ba dang po bcas so/ /nye du ma yin pa zhes bya ba ni nye du la ltung ba med par bstan pa'i tha tshig go//dge slong ma zhes bya ba ni bsnyen par rdzogs pa rang bzhin du gnas pa'o/ /lam po che na 'dug pa zhes bya ba ni gal te dbyar khang du 'ongs pa la byin na ltung ba med do/ /bsod snyoms kyi phyir grong du 'gro ba zhes bya ba ni de'am de ma yin pa'i zas gal te lam po che'i dbus su ma byin na ltung ba med do//de las zhes bya ba ni de nyid las so/ /rang gi lag gis zhes bya ba ni gzhan len du mi 'jug pa'am/ gzhan sbyin du 'jug pa la bya'o/ /bca' ba dang bza' ba zhes bya ba ni bca' ba lnga dang bza' ba lnga'o//blangs zhes bya ba ni blangs pa tsam gyis ltung bar 'gyur ro/ /'cha' ba'am za na zhes bya ba ni de'i phyir blangs pa'o/ /dge slong des zhes bya ba ni dge slong ma ma yin te/ des byin yang ltung ba med do zhes bya bar bsgrags pa'o/ /phyi rol kun dga' ra ba zhes bya ba ni grong gi nang na dge slong rnams yod du zin kyang de dag gi mdun du bsgrags par bya ba ni ma yin no//dge slong rnams la zhes bya ba ni rang bzhin du gnas pa'i rnams la'o/ /smad pa zhes bya ba ni de bzhin gshegs pas bkag pa'o/ /mi rigs pa zhes bya ba ni dge slong dang rjes su mthun pa ma yin pas rang bzhin ltar rjes su mi 'jug pa'o//so sor bshags pa zhes bya ba ni ltung ba'i ming bsgrags pa'o/ /de rnams las gzhan pa rnams la yang so sor bshags par bya ba yin na ci'i phyir de nyid kho na la so sor bshags par zhes gsungs she na/ ci ltar dge slong thams cad pa rnams 'dus pa'i mdun du nges pa kho nar kun du bya ba ste/khyad par dang ldan pa bsal bar byed pa zhes bya ba'i tha tshig go/ /de ma thag tu 'di rig cing bshags par bya'o/ /bcab bar mi bya'o zhes bya ba 'di yang khyad par gzhan brjod pa'o/ /kha cig ni mang po rnams las kyang mang po rnams kyi mdun du bshags par bya'o zhes zer ro//gzhan dag ni ji ltar mdo las 'byung ba bzhin du bshags par bya'o zhes kyang zer ro/ /kha cig ni lan gnyis su bshags par bya'o zhes kyang zer ro/ /nye du ma yin pa la nye du ma yin par 'du shes sam/yid gnyis za na yang rung ste blangs na so sor bshags pa'o/ /nye du la nye du ma yin par 'du shes sam/ yid gnyis za na yang rung ste blangs na nyes byas so/ /nye du'am nye du ma yin yang rung ba ste/ nye dur 'du shes te blangs na ltung ba med do/ /dang po'o// // mnyan yod na ste/ drug sde rnams kyis sbom dga' mo la gang du dge 'dun mgron du bos pa der khyod kyis nged la mang ba dang gya nom pa sbyin du chug shig ces bsgo ste/ des kyang de bzhin du byas pas na/ zan chad par gyur pa'i phyir/ bsod snyoms yongs su longs spyod pa'i gzhi'i dbang du mdzad de/ma dad pa la sogs pa'i nyon mongs pas gnyis bcas so/ /rab tu mang po zhes bya ba ni gnyis dag las lhag pa'o/ /khyim gzhan rnams su zhes bya ba ni gang na srang la sogs pa yod par shes pa yin te/ des ni gtsug lag khang du ltung ba med do zhes bstan par 'gyur ro//za ba zhes bya ba ni bca' ba lnga dang / bza' ba lnga'o/ /dge slong ma zhes bya ba ni gsol ba dang bzhi'i las kyis bsnyen par rdzogs pa rang bzhin du gnas pa'o/ /'di la ni bca' ba zhes bya ba la sogs pas ni gya nom pa sbyin du 'jug pa'o/ / 'di la yang zhes bya ba mang po sbyin du 'jug pa'o/ /sdod cig ces bya ba ni cang ma smra bar 'dug shig pa'o/ /yud tsam zhes bya ba ni 'dir ni zan za ba'i dus la bya'i tshad 'dzin pa'i yud tsam la ni ma yin te de nyid kyi phyir gsungs pa/ dge slong 'di rnams zan za'i bar du zhes bya ba'o//ma spobs zhes bya ba ni gcig ste kyang smra bar mi nus pa zhes bya ba'i tha tshig go/ /'di ni de skad smras na phyis bsgo yang ltung ba med par ston pa'o/ /dge slong rnams bar khang na zan za ba dang / de dag gis dge slong ma la bsgo ba ste zan bza' bar bya'o/ / ma bsgo na so sor bshags pa'i ltung ba'o/ /gzhan na sgo khang na zan za ba dang / de dag gis bsgo 'am ma bsgo zhes dris la bza' bar bya'o/ /rnam pa gzhan du na nyes byas so/ /gzhan ni 'gro la gzhan ni 'jug na des kyang dri bar bya'o/ /rnam pa gzhan du na nyes byas so/ / nye du'i khyim na'am/ des gtsor byas te mgron du bos pa la ltung ba med do/ /gnyis pa'o// //yangs ba can du ste/ dmag dpon seng ge zhes bya bas bden pa mthong ba rgyun du gtong bas na longs spyod yongs su zad par gyur bas na/ gsol ba dang gnyis kyi las kyis slob pa'i sdom pa byin te/de yang kun du spyad pa bcas pa ni bsod snyoms yongs su longs spyad par mi bya/ stan la sogs pa la yongs su longs spyad par ni bya'o/ /shA ri'i bu dang maud gal gyi bu gnyis ni sngar mgron du bos bas na zan za ste/ drug sde rnams kyang kho bos shes te zas zos pas na khye'u dang bu mo rnams bkres pas dus pa'i phyir bsod snyoms yongs su longs spyod pa'i gzhi'i dbang du mdzad de/ma dad pa la sogs pa'i nyon mongs pas na gsum pa bcas so/ /dge 'dun gyi zhes bya ba ni de srung bar byed pa'o/ /slob pa zhes bya ba ni rgyun du zhugs pa dang / lan cig phyir 'ong ba dang / phyir mi 'ong ba'i khyim mo/ /mi slob pa rnams ni khyim na mi gnas so/ /slob pa'i sdom pa bcas pa ni 'khrug pa med pa'i las kyis so/ /sngar ma bstabs par zhes bya ba ni gang sdom pa byin pa'i sngon logs su mgron du bos pa yin te/de la ni ltung ba med do/ /rang gi lag gis zhes bya ba ni lag tu'o/ /bca' ba dang bza' ba zhes bya ba ni ldam ldum dang sran tshod blangs pa la ltung ba med do/ /'cha' 'am za na blangs pa tsam gyis ltung bar 'gyur te/ gang gi phyir blangs pa de ston te/ sdom pa slar btang na ltung ba med do//de yang longs spyod 'phel nas gsol ba 'debs na ltung ba med do/ /gsol ba dang gnyis kyi las kyis so/ /gsum pa'o// //ser skya'i gzhi na ste/ gnas mal dgon pa na 'dug ste/ drug sde rnams kyis bud med rnams zan khyer te 'ongs pa las lam bar du bcom pa sgren mor 'drim du bcug pas na bsod snyoms kyi gzhi'i dbang du mdzad de ma dad pa la sogs pa'i nyon mongs pas bzhi pa bcas so//dgon pa zhes bya ba ni grong nas rgyang grags gcig na gnas mal yod pa'o/ /de phan chad ni bas mtha'o/ / de yang gang na bdud kyi ris kyi lha rnams dang / gnod sbyin ma rungs pa med pa der gnas par bya'o/ /ma brtags zhes bya ba ni chos lnga dang ldan pa nags nyul ba bsko bar bya'o/ /de yang nang par sngar langs la nags brtag par bya'o/ /gal te chom rkun yod na dud brda gtul bar bya'o//'dab ma'i chang bu dag lam khar gzhag par bya'o/ /gal te med na rgyal mtshan bsgreng bar bya'o/ /gang sbyin pa po rnams bag yod par 'ong ngam yang na mi 'ong ngo / /de'i grogs shig kyang sbyin par bya'o/ /des kyang khye'u sus kyang bya'o/ /de nyid kyis brtags nas zan za ba ni ltung ba med do//kun dga' ra ba'i phyi rol gyi zhes bya ba ni gtsug lag khang las phyi rol lo/ /'cha' 'am za na yang zhes bya ba ni mgul du mid na'o/ /nags ma brtags pa la ma brtags par 'du shes sam yid gnyis za na yang rung / zos na so sor bshags pa'o//brtags pa la ma brtags par 'du shes sam/ yid gnyis za na yang rung ste nyes byas so/ /nags so sor rtogs par byed pa shi bar gyur tam bros na ltung ba med do/ /kha cig ni ma brtags pa'i gnas khang du gzhan dag dogs par 'gyur ba der zhugs ma thag tu ltung ba'o zhes zer ro//dgon pa pas bya ba ni sa dang / rgyu skar dang / phyogs dang / lam la mkhas par bya'o/ /phye dang / chu la sogs pa gzhag par bya'o/ /tshur shog 'ongs pa legs so zhes bya ba la sogs pa bzhin 'dzum sngon du 'gro bas khro gnyer med par bya'o/ /ma mo la sogs pa shes par bya ba'o/ / gzhan la yang ngo / /so sor bshags pa bzhin pa'o/ /'di dag la ni yongs su longs spyod pa rnam pa bzhi las 'byung ba rig par bya ste/ lag pa yongs su longs spyod pa ngan pa dang / bsgo bas yongs su longs spyod pa ngan pa dang /cho ga ma yin pa yongs su longs spyod pa dang / gnas ngan par yongs su longs spyod par rig par bya'o/ /so sor bshags pa rdzogs so// //rab tu mang po zhes bya ba ni bzhi la sogs pa'i nang nas 'byung ba'i nyes byas kyi ltung ba thams cad bslab pa 'dir bsdus pas na grangs dpag tu med pa'o//'di lta ste rnga brdung bar mi bya ste/ ston pa la mchod pa byos shig ces bsgo ba ni ma gtogs so/ /byug ris gsum mi bya'o/ /me long dang chu la gdong pa blta bar mi bya/ chu brtag pa'i tshe rma'am gnyer ma'am/ skra dkar ram/gdong sngon dang / da ltar gyi khyad par du lta ba la ltung ba med do/ /so mangs dang / pu shel tses skra bshad par mi bya'o/ /dge ba'i phyogs la le lo mi bya'o/ /skyed mos tshal bskyed pas me tog ma byung ngam/ 'bras bu ma byung ngam/ dge slong gzhan la ma bcol gyi bar du phyogs gzhan du 'gro bar mi bya'o//sgo gtan la yun ring du mi brdung ngo / /shes bzhin du bar ma'i sbyor bas sgo dbye zhing gcad par bya'o/ /shes bzhin du phyir dbyung bar bya zhing nang du 'jug par bya'o/ /'chag pa'i tshe drang por byas la dbang po rnams phyir mi 'gro zhing mi drag mi dal bar bcag par bya'o//rkang pa dag bkru ba'i chu snod stong par mthong na slar bkang ste gzhag go/ /mchod rten la phur bu gdab par mi bya/ 'dzegs par mi bya'o/ /bsnyen par ma rdzogs pa med na rkang pa dag spos chus bkrus te dran pa nye par bzhag nas mchod pa'i phyir 'dzeg pa la ltung ba med do//byang chub sems dpa'i sku gzugs la rkang rgyan dang / rna rgyan ma gtogs pa'i rgyan gzhan rnams bya'o/ /sangs rgyas kyi dus ston la sogs pa'i tshe 'khor lnga po rnams kyi zhabs 'bring bya'o/ /rgan po rnams kyis mchod yon blangs la gzhon nu'i bkye bar bya'o//chos gos sbed pa yang bsko bar bya'o/ /'ged pa yang ngo / /de las gzhan dag kyang ji skad bstan pa bzhin du bya'o/ /bslab pa zhes bya ba ni cho ga bsdus pa'i phyir bslab pa mang po 'di dag ces bya'o/ /grong khyer bA rA Na sI na ste lnga sde rnams las brtsams te bslab pa bcas so//gang du yang gleng gzhi dang gang zag gi khyad par de dag ni brjod par bya'o/ /bcom ldan 'das kyis sngon du yang dag par rdzogs pa'i sangs rgyas rnams dang / nyan thos rnams sham thabs ci ltar bgos zhes dgongs pa dang / lha rnams kyis gnas gtsang ma'i lha'i bzhin no zhes gsol pa dang /bcom ldan 'das kyi ye shes kyis mkhyen cing gzigs na de bzhin du gyur to/ /zlum po zhes bya ba ni 'chad par 'gyur ba'i nyes pa rnams spang bar bya ba'i phyir ro/ /drug sde rnams las brtsams te/ ha cang rtsengs pa ma yin zhes bya ba ni pus mo las mi mtho ba'o//bslab par bya'o zhes bya ba ni 'di ltar bslab par bya'o zhes bya ba'i tha tshig go/ /de la ltung ba ci ltar 'gyur zhe na/ sham thabs ci ltar bcas pa de lta bur bdag byed du mi 'dod cing ngo tsha ba yang spangs la/ de lta bu'i mi bya ba'i phyir 'byung bar yang mi tshol/rten par yang mi tshol ba'o/ /gos kyang blangs nas phye ste bsnyen la ji srid ma bgos kyi bar du ni bsdam par bya ba'i nyes byas so/ /bgos ma thag tu bshags par bya'o/ /bar chad gcig byung na ltung ba med do/ /gal te 'byung ba tshol bar mi byed na bsdam par bya ba'i nyes byas so//mi shes sam dran pa nyams bzhin du spyod na bsdam par bya'o/ /de bzhin du gzhan rnams la yang rig par bya'o/ /ha cang 'jol ba ma yin zhes bya ba ni shin tu dma' ba ma yin te/ long bu'i gnas las brtsams te sor bzhi par bya'o/ /glang po che'i sna ltar ma yin zhes bya ba ni gos kyi mtha' mdun nas 'phyang bar bya ba ma yin pa ste/de mdun nas 'phyang na glang po che'i sna dang 'dra bar 'gyur ba'i phyir ro/ /ta la'i lo ma ltar ma yin zhes bya ba ni logs la steng du cha mang por byas te/ me tog lta bur byas te gyon pa'o/ /sbrul mgo'i ldeng ka ltar ma yin zhes bya ba ni slar dgug par mi bya'o zhes bya ba'i tha tshig go//'bru'i phur ma ltar ma yin zhes bya ba ni khyim pa mo bzhin du lta zur gyi steng du bsdus nas gzhag par mi bya'o/ /chos gos zlum por zhes bya ba ni ci ltar 'chad par 'gyur ba'i nyes pa rnams spang bar bya ba yin te/ de la steng du bgo ba ni chos gos so/ /ha cang rtsengs pa ma yin zhes bya ba ni pus mo las mtho ba'o/ /gzhan ni lte ba snang ba la mtho bar bzung ngo zhes kyang zer ro/ /ha cang 'jol ba ma yin zhes bya ba ni sham thabs las dma' ba'o/ /shin tu bsdams pa zhes bya ba ni lag pa dang rkang pa mi g.yob pa'o//legs par bgos pa zhes bya ba ni sham thabs dang bla gos legs par bgos pa la bya ste/ chos gos bsdu bar bya ba ma yin no/ /sgra bskyungs pa zhes bya ba ni tha mal pa'i nga rol bya'i bus pa chung ngu khur ba bzhin du ca co dbyung ba ma yin no/ /gal te mi thos na yang gzhan las bsgo bar bya'o//mig g.yeng bar mi bya ba ni mig gyen du g.yeng bar mi bya'o/ /gnya' shing gang tsam du blta ba zhes bya ba ni khru bzhi'i tshad tsam gyi phyogs su blta bar bya'i/ rgyab bam phan tshun du blta bar mi bya ste/ rta la sogs pa 'khrul pa dang nyams su thug par 'gyur ba spang ba'i phyir ro//mgo mi g.yogs zhes bya ba ni rigs kyi mna' ma la sogs pa bzhin no/ /mi brje zhes bya ba ni sham thabs brdze bar mi bya'o/ /phrag ba gcig la mi gzar ba zhes bya ba ni chos gos bgos pa la slar bzlog ste phrag par gzar bar mi bya'o/ /kha cig ni 'dzin pa la yang gzar pa zhes bya ba ste/'dug kyang lag bas 'dzin la 'gro yang de bzhin no zhes zer ro/ /gnya' gong du mi bsnol zhes bya ba ni bla gos bgos nas rtsib logs gnyi ga nas gong du bzlog ste gyon pa'o/ /phrag pa gnyi ga la mi gzar ba zhes bya ba ni mtha' gnyi ga phrag pa'i steng du gzar ba'o//brang bas ma yin zhes bya ba ni byis pa khye'u dag dang smyon pa la sogs pa bzhin du rkang pa dag gi rtse mos 'gro bar mi bya'o/ /mi mchong ba zhes bya ba ni rim pa ma yin par steng du mchong bar mi bya'o zhes bya'o/ /mi mchong ba zhes bya ba ni shing thags la mchong zhing 'gro bar mi bya ste/lam du 'gro bar bya'o/ /tsog pus ma yin pa zhes bya ba ni rta ltar mthon por byed pa ma yin pa'o/ /dkur mi brten pa zhes bya ba ni lag pas dkur brten par mi bya'o/ /lus mi bsgyur ba zhes bya ba ni gzugs 'tshong ma bzhin du mi bya'o/ /lag pa mi kyog pa zhes bya ba ni byis pa khye'u dag dang smyon pa la sogs pa bzhin du'o//mgo mi bsgyur zhes bya ba ni glang po che'am rtsangs pa ltar ma yin no/ /phrag pa mi sprad ces bya ba ni skyes bus dris byugs pa las phrag pas bsnun te ltung bar byas pas nyes pa'i phyir te/ de ni gzhan la phrag pa sprad de 'gro bar mi bya ba'i don to//lag pa mi sbrel zhes bya ba ni pha rol po'i lag pa dang / lag pa sprel te bzung bar 'gro bar mi bya'o/ /ma bsgo ba zhes bya ba ni mnyan yod na ste/ nye dga' las brtsams nas bram ze dang gtsang sbra 'dod pa'i khyim du khri la 'dug pa'i phyir bcas so//ma brtags par zhes bya ba ni mnyan yod na ste/ 'phags pa 'char ka las brtsams nas khye'u bsad pa'i phyir ro/ /lus thams cad kyi ljid kyis mi dbab ces bya ba ni ser skya'i gnas na ste/ 'char ka las byang chub sems dpa'i btsun mo'i 'khor dag gis smras pa dang /stan la drag tu 'dug pas ltung ba'i phyir bcas so/ /rkang ba mi bsnol zhes bya ba ni rkang pa'i steng du rkang pa mi gzhag pa'o/ /rkang pa mi dgug ces bya ba ni dge bsnyen ma phyag 'tshal ba'i tshe rked pa bcal nas sbom pa la ltos shig ces de skad smras pa'i phyir bcas so/ / rkang pa mi gdangs zhes bya ba ni rkang pa gcig logs shig tu brkyang / gnyis pa yang logs shig tu brkyang ba'o/ /mdoms mi snang bar zhes bya ba ni ci nas sgren mor mi snang ba'o/ /rgyal bu gzhon nu rtogs ldan zhes bya ba'i khang bzangs su srung ma dag gis lhung bzed bcag pas na 'bras chan 'drim pa'i tshe lhung bzed logs shig tu phyung bas 'bras chan sa la bo ba'i phyir 'di skad du legs par zhes gsungs so//mu dang kha da chad du ma yin zhes bya ba ni ci nas steng nas bo bar 'gyur ba'i phyir mu dang kha da chad du mi bya'o/ /sran tshod dang mnyam par ma yin zhes bya ba ni tshod ma dang mnyam pa ma yin pa ste/ci nas steng du 'bras chan blugs nas 'bo ba'i phyir sngar tshod ma mang du blang bar mi bya'o/ /mthar chags zhes bya ba ni 'bras chan dang tshod ma ji ltar 'ongs pa bzhin blang bar bya'i/ ring du song ba la 'bod par mi bya'o/ /ma 'ongs par zhes bya ba ni thang du ma byin ba'o//steng du ma yin zhes bya ba ni 'phags pa dag gtsang sbra ni so sor tha dad pa lags na zhes 'jig rten pa smod pa'i phyir bcas so/ /legs par zas bza' bar bya'o zhes bya ba ni gzugs 'tshong ma la sogs pa bzhin du rnam par 'gyur zhing ma yin no/ /ha cang chung ba ma yin zhes bya ba ni rigs kyi mna' ma bzhin du chung ngu ma yin pa'o//ha cang chen po ma yin zhes bya ba ri gang mkhur ba gang bar gyur nas mu to ba bzhin du ma yin no/ /ma gzas par zhes bya ba ni ma 'ongs par kha gdags te 'dug pas na khar bong ba bcug nas nyes pa'i phyir ro/ / 'bras chan gyis tshod ma mi dgab ces bya ba ni gang na 'bras chan mang tshod ma nyung ba'o/ /sran tshod kyis 'bras chan mi dgab ces bya ba ni gang 'bras chan nyung du thob la sran tshod mang ba na phyis kyang 'dod de yang 'thob tu re ba'o/ /tsug tsug mi bya zhes bya ba ni mnyan yod na tshod ma shin tu mngar ba la skyur ba bro bar ston cing 'phya bas nyes pa'i phyir ro//balcag balcag mi bya zhes bya ba ni tshod ma shin tu skyur ba la mngar bar bro bar ston cing 'phya bas nyes pa'i phyir ro/ /hu hu mi bya zhes bya ba ni 'bras chan tsha ba la kha'i dbugs kyis bsro bar bya'o snyam nas 'phya ba'i phyir ro//phu phu mi bya zhes bya ba ni 'bras chan shin tu grang ba la phu phu zhes byas la grang bar bya'o snyam nas 'phya ba'i phyir ro/ /kha kham dang bcas pas ma yin zhes bya ba ni sgra mi snyan par 'byung ba'i nyes pa'i phyir ro/ /'bru nas tha dad du mi bya zhes bya ba ni 'bras chan 'bru nas so sor gtor te bya gag bzhin bza' bar mi bya'o//'phyas mi gdags zhes bya ba ni kha ba'am skyur ba la sogs pas kha zas la 'phyas gdags par mi bya'o/ /dris nas sbyin bdag gis ni byin no/ /len pa pos ni zos so/ /'byung ba chen po rnams ni tshims par byas so/ /nyin zhag gcig gi lam brgyags kyi zan ni blangs so zhes smra bar bya'o//mkhur ba mi spo zhes bya ba ni yi ga 'chus pa bzhin du mkhur ba nas mkhur bar spo zhing bza' bar mi bya'o/ /kham 'phror mi bcad ces bya ba ni ji ltar phyed kha'i nang du bcug la/ phyed lhung bzed kyi nang du ltung bar ma yin no/ /lce mi dbyung zhes bya ba ni lces mchu bldag par mi bya'o//mchod rten 'dra bar ma yin zhes bya ba ni phye sbrus nas steng dul phug bzhag ste/ de'i steng du yang khur ba gzhag nas ngan 'gro rdzogs byed kyi mchod rten no zhes 'phyas byed pa'i phyir ro/ /lag pa mi bldag ces bya ba ni/ mu to ba bzhin du ma yin no//lhung bzed mi byog ces bya ba ni lhung bzed la ci chags pa de lag pas byog nas bldag pa'o/ /lag pa mi sprug ces bya ba ni kha zas la 'bags pa'i lag ba ci ltar pha rol po lam rung bar 'gyur ba'i phyir mi sprug pa'o/ /lhung bzed mi bskyam zhes bya ba ni lhung bzed 'khru ba'i tshe snam sbyar bzang po ma rung ba'i phyir ro//lhung bzed la 'du shes pa zhes bya ba ni lhung bzed la blta bar bya ste/ rgan zhugs gzhan zhig la brten te drug sdes de'i lhung bzed zan gyi chang pas bkang ba'i phyir ro/ /'phyas gdags pa'i phyir mi lta zhes bya ba ni 'di ni shin tu mang du za'o snyam nas 'phyas btsal bar bsams te gzhan gyi lhung bzed la blta bar mi bya'o//zas dang 'bags pa zhes bya ba ni zas kyis gos pa yin no/ /chu snod ces bya ba ni chu'i ril ba spyi blugs te/ sbrang ma rnams 'du ba'i phyir ro/ /chu zas dang 'bags pa zhes bya ba ni yul 'jigs rung na khang bzangs pad+ma can zhes bya ba tshon sna brgya rtsa gcig gis ri mor bris pa der pho bas na'o//khyim pa 'dug pa la ma dris par zhes bya ba ni khyim bdag la dri bar bya'o/ /lhag ma zhes bya ba ni lhung bzed kyi chu slong ba'i tshe der 'bras chan dang / de yang rus pa bcug pa'i chu nye dgas byin pa'i phyir mi bya bar gsungs te/lhung bzed kyi chu sbyin pa'i kun du spyad pa ni lhung bzed lan gsum bkrus la gtsug lag gi tshigs su bcad pa'i sngags kyis btab ste sbyin bar bya'o/ /'og gzhi med pa zhes bya ba ni 'og gzhi med par tha na lhung bzed gzhag par yang mi bya'o/ /'grengs te ma yin zhes bya ba ni dge slong gzhan zhig la brten te chag pa spang ba'i phyir ro//gad ka ma yin pa zhes bya ba ni mang po la brten te sa mi bde ba spang ba'o/ /g.yang sa ma yin pa zhes bya ba ni g.yang za ba dang nye ba'o/ /dkan gzar po ma yin zhes bya ba ni gang du gzhag pa las 'dril ba'o/ / 'grengs te zhes bya ba la sogs pa ni ma gus par byed pa spang ba'i phyir ro/ / 'grengs te bshang gci mi bya zhes bya ba ni nye dga' la brten te'o/ /nye dgas bkru sman 'thungs nas ldum pa'i ldum rar ldum rnams la phyags mas byugs pas na rtswa sngon po la mi bya'o zhes bya ba gsungs te/ de la kun du spyad pa ni me tog dang 'bras bu'i shing ljon pa'i drung du bshang gci mi bya'o/ /shing ljon pa tsher ma can gyi drung dang / gang na shing ljon pa gcig tu 'brel par 'gyur ba'am/ gang na rtswa sngon po'i 'dab chags par 'gyur ba der 'dab ma lhags pa'am/ rtswa skam po gzhir bting ste byas pa la ltung ba med do//gal te yang ma rnyed na de nyid du yang bya'o/ /snam phyis ni gtsug lag khang gi nub byang gi mtshams su bya'o/ /shing ljon pa tsher ma can dag bskyed par bya'o/ /'og tu rib mas bskor bar bya'o/ /rlung phyogs ma yin par chos gos gzhag par bya'o/ /sa phung bdun tha dad par bzhag la/gzhan yang phung po bdun tha dad par ro/ /gcig gzhan du bzhag la bong rdog gsum khyer te nang du 'jug par bya'o/ /gcig gis ni bshang ba'i lam phyi bar bya'o/ /gnyis pas ni sbyang bar bya'o/ /gsum pas ni lag pa bkru'o/ /de nas phyir byung ste/ bdun pos lag pa ya gcig bkru'o//gzhan bdun po dag gis ni lag pa gnyis bkru'o/ /gcig gis ni chu'i snod bkru'o/ /thog mar zhugs pa dang 'jug pa'i tshe lud pa'i dang se gol gyi sgra gtogs par bya'o/ /dge skos kyis snam phyi sa'i nang du thal ba gtor cing gci pa'i sar ni chus sbyang bar bya'o//tshad pa'i nad kyis btab pa la ni khri bas btags pa la dbus su bu gu dbyung bar bya'o/ /srad bus btags pa yin na drongs la gzungs gdags par bya'o/ gal te sdug bsngal bar gyur na ras ma'am/ lo ma gding bar bya'o/ /gyo mo gnyis nye bar gzhag par bya ste bkru bar bya/bskam par bya/ 'bru mar gyis byug par bya'o/ /snam sbyar bgos nas bshang ba dang gci ba mi bya'o/ /gos legs par bsdus te nang du 'jug par bya'o/ /shes bzhin du yang bshang ba dang gci ba gtang bar bya'o/ /'thor 'thung ma byas par phyag byed pa bdag gir mi bya'o//stan la 'dug par mi bya/ sman 'thungs sam chu ma 'byor ba la ltung ba med do/ /sman 'thungs nas ma lus par ma 'khrus kyi bar du de srid du khrus ma byed par bar bar du bong ba'i dum bu'am/ shing gi gzhog mas bshang ba'i lam phyis shing mjug tu gtsang sbra bya'o//lham la yang mi nyams par gtsang sbra la sogs pa bya'o/ /phyogs ma yin par gci bar mi bya mod kyi 'on kyang gnas gcig tu thams cad bya'o/ /bshang ba dang gci ba dang / khrus kyi sa'i nye 'khor du de nyid kyis ma gtogs par gzhan bya ba thams cad mi bya'o//sgra dang bcas pa'i rlung gi las mi bya'o/ /bshang ba ma 'ongs pa la ched du mi bya'o/ /'ongs pa la ni dgag par mi bya'o/ /bya ba byas pa dang bshang gci'i sa la 'dug par mi bya'o/ /snabs dang mchil ma la sogs pa sgra dang bcas par mi dbyung ngo / / gnas brtan gyi mdun du ma yin/ las yongs su byang ba'i sar ma yin/ zan za ba rnams kyi mdun du ma yin/ mchil ma yang dang yang du dor bar mi bya/ gal te phyi phyir byung na phyogs gcig tu song la dor ro/ /nad pa'i phyir mchil ma'i snod zhog shig /de'i zhabs su phye ma'am/bye ma'am/ thal ba lugs shig /chu'i nang du ma yin zhes bya ba ni nye dgas 'khru sman 'thungs te/ btso blag mkhan gyi 'khru bshal sar bshang ba byas pa'i phyir mngon te/ gang na chus khebs pa der shing la sogs pa bzhog ste der bshang gci bya'o/ /mi gang tsam las mthor mi bya'o zhes bya ba ni lhung bzed du khyer ba la dge skos kyis lta bar byed pa'i phyir mngon par 'dzeg pa zhes bya'o//gnod pa 'byung ba ma gtogs zhes bya ba ni ma 'dzegs na stag gis zos par 'gyur ba'i phyir rjes su gnang ba'o/ /bslab pa'i chos de rnams kyang 'di ltar de dag gzhi rnam pa brgyad du rig par bya ste/chos gos rnams bgo ba'i dbang du byas pa dang / grong du 'jug pa'i dbang du byas pa dang / 'jug par bya ba'i dbang du byas pa dang / bza' ba yongs su longs spyod pa'i dbang du byas pa dang / lhung bzed kyi las kyi dbang du byas pa dang /chos ston pa'i dbang du byas pa dang / mi gtsang ba 'dor ba'i dbang du byas pa dang / me tog dang 'bras bu ma rung bar byed pa'i dbang du byas pa'o/ /bslab pa'i chos rnams rdzogs so// //rtsod pa zhi bar byed pa bdun zhes bya ba ni rtsod pa bzhi po dag 'di rnams kyis zhi bar byed pa'i phyir ro//de la gang chos kyi rnyed pa de chos smra ba rnams la'o zhes bya ba las 'thab mo byung ba'i phyir rtsod pa'i gzhir bcas so/ /de la 'gyod pa'i phyir rtsod pa ni dge 'dun la gang 'di ltar ram/ 'di ltar ma yin no zhes bya ba ni mi mthun par smras nas de dag kun nas slong ba'i 'thab mo'o//'gyed pa yang yin la rtsod pa yang yin pas na 'gyed pa'i rtsod pa'o/ /'gyed pa de'i rtsa ba drug dang / dbyen du gyur ba'i gzhi bcu bzhi'o/ /'gyed pa'i rtsa ba drug bo ni khro zhing khon du 'dzin pa dang / 'chab cing 'tshig pa dang / phrag dog cing ser sna dang /g.yo byed cing sgyu can dang / ngo tsha med cing khrel med pa dang / sdig pa la 'dod cing log par lta ba dang / rang gi lta ba la mchog tu 'dzin cing snyems pa'o/ /dbyen du 'gyur ba'i gzhi ni chos so zhes bya ba'am/ chos ma yin la zhes bya ba'am/ de bzhin du 'dul ba'o//'dul ba ma yin no/ /ltung ba'o/ /ltung ba med pa'o/ /lci ba'o/ /yang ba'o/ /lhag ma lus pa'o/ /lhag ma ma lus pa'o/ /bsdam par bya ba'o/ /bshags par bya ba'o/ /'dul ba dang 'gal ba'o/ /nyes pa bshad par gtogs pa'o//dge ba dang mi dge ba dang / lung du ma bstan pa'i dbye ba las rnam pa gsum ste/ dge bar 'dod pa dang / mi dge bar 'dod pa dang / de gnyi gar mi 'dod pa rnams la yang go rims bzhin du'o/ /gang 'gyed pa de nyid rtsod pa ste/ mu bzhir sbyar ro/ /mu dang po ni mi mthun par smra ba tsam mo//gnyis pa ni de las gzhan la rtsod pa gsum mo/ /gsum pa ni de dag lhan cig pa'o/ /bzhi pa ni de rnams ma gtogs pa'o/ /mi bsdams pa'i phyir rtsod pa ni gang gleng bar mi 'os pa la glengs pa ste/ nyes par glengs pas na mi bsdams pa zhes bya ste/ci ltar gyad bu nor la sogs pa gsum ste/ des kun nas bslang ba 'gyed pa'o/ /de'i rtsa ba ni mi bsdams pa'o/ /de'i lhag ma rnams ni dang po bzhin no/ /ltung ba'i phyir rtsod pa ni ltung ba sde lnga po rnams las 'thab mo'i gleng gzhir gyur pa ste/ de kun nas bslang ba'i 'thab mo byung ba'o//de'i rtsa ba ni lus la sogs pa'o/ /lus 'ba' zhig pa yang yod de/ ji ltar bsnyen par ma rdzogs pa'i phyir ma byung ba las phyir byung bar 'du shes te nyal ba dang / gnyid log pa la bud med kyi yul phyis 'ongs te nyal lam/ gnyid kyis log pa las mal chen po'i steng du gzhag pa'o//ngag 'ba' zhig pa yang yod do/ /ji ltar bud med kyi yul la ma bsams par tshig drug gam bdun du thal ba'o/ /lus dang sems gnyi ga'i bar yang yod de/ ji ltar srog gcod pa dang / chang 'thung ba ste/ tshig tu mi smra'o/ /ngag dang sems gnyis kyi yang yod de/ ji ltar bsams bzhin du tshig drug gam bdun du thal ba'o/ /lus dang ngag dang sems kyi yang yod de/ 'di lta ste/ srog gcod pa de nyid la ngag gis kyang bsngags pa'o/ /bya ba'i phyir rtsod pa ni gsol ba la sogs pa bya ba 'thab mo'i gleng gzhir 'gyur ba ste/des kun nas bslang ba las 'thab mo byung ba'o/ /de'i rtsa ba ni gsol ba la sogs pa bya ba yin te/ lhag ma rnams ni snga ma bzhin te rtsod pa dag ni smras zin to/ /zhi bar bya ba brjod par bya'o/ /'gyed pa'i phyir rtsod pa ni mngon sum gyis 'dul ba dang /gang tshul shing mang po len pas so/ /gang zag gsum ste/ don sbyin par byed pa dang / don slar sbyin par byed pa dang / skam la gnas pa rnams so/ /de la don sbyin par byed pas don rnam pa bcu drug po rnams su shin tu bsams na gzung bar bya ste/bden pa dang / dus dang / tshod dang / don du ldan pa dang / mthong ba dang / thos pa dang / dogs pa dang / lus dang / ngag dang / grong dang / dgon pa dang / mtshan mo dang / nyin par byas pa dang / lhag ma ma lus pa dang / bslang bar nus pa'o/ /de'i tshig gzung bar mi bya ba rnam pa lnga ste/don gtan lam phebs pa dang / gcig nas gcig tu brgyud pa'i tshig dang / bsnyen par ma rdzogs pa'i tshig dag las don du 'dzin pa dang / mdo sde dang gnas mi shes pa rnams kyis so/ /slar bzlog pa lnga po rnams kyis ni gzung bar bya'o/ / don slar sbyin par byed pas kyang rnam pa bcu drug po rnams dang nye ba 'di rnams kho na shin tu bsams la skabs dbye bar bya'o/ /ci 'di tshul khrims dang ldan pa yin nam/ 'gyod pa can nam/ mang du thos pa'am/ 'dul ba gtan la phebs pa yin nam/ ci mthong ba las gleng bar byed dam zhes bya ba la sogs pa bcu gnyis ni snga ma bzhin no//rnam pa lngas ni tshig gzung bar mi bya ste/ mtshams sbyor bar lung mi ston pa dang / gzhan nas gzhan du 'pho ba dang / phyogs la brten te ltung ba khas len pa la yang rung ba med par ston pa dang /dge slong rnams la skur ba 'debs pa dang / gus pa med pa'o/ /slar bzlog pa ni gzung bar bya'o/ /don sbyin par byed pa dang / don slar sbyin par byed pa dag rtsod pa'i nyes dmigs te nye bar zhi ba'i yon tan du mthong ba dag gis skam la gnas pa chos bcu drug dang ldan pa btsal par bya'o//tshul khrims dang bslab pa 'dod pa dang / thos pa dang / 'dul ba la mkhas pa dang / skam la gnas pa dang / chos bzhin ma 'dres pa dang / 'dun pa la sogs pas mi 'gro ba dang / 'dod chags dang /zhe sdang gis ma yin pa dang / rgyal ba'i bka' las mi 'da' ba dang / ma bcas pa las mi 'cha' ba dang / bcas pa las kun du mi gcod pa dang / chos de nyid nye bar zhi bar nus pa dang / slong bar nus pa'o/ /skam la gnas pa la gsum ste/ gang lus dang ngag gi mi bsdams pa ste/phyogs gnyi ga'i thad du bya ba bdag nyid song nas dkrugs par byed pa dang / gang dag ma bsdams pa ste/ gang pho nyas dang / gnyi gas bsdams pa ste/ de lta bur bsko bar bya'i snga ma dag ni ma yin no/ /byis pa rnams ni lnga ste/ chos ma yin pa'i phyir 'jug pa dang /rtsod par gyur pa bzung nas stobs pa dang / skam la gnas pa gzhan gyi mdo sde sun 'byin pa dang / so sor thar pas dge slong rnams gnas nas 'byin pa dang / ma gus pa'o/ /slar bzlog pa lnga po rnams kyis ni gsal ba'o/ /skam la gnas pas rtsod pa gzung ba zhi bar khas blangs pa dang /bdag nyid la rnam pa brgyad rnams su brtag par bya ste/ ci bdag gis thog ma ci las byung shes sam/ bdag gis grogs po skam la gnas pa yod dam/ sngon 'dris par gyur pa ma yin nam/ ci bdag gi tshig 'dzin nam/ltung ba rnam par sbyang bar nus sam/ shes par nus sam/ chos bzhin du nye bar zhi bar nus sam/ ci mi dge ba las slong ba la mkhas par yang ngo / /gzhan la yang rnam pa brgyad rnams su ste/ 'di na 'di ltar rgyal ba'i gsung brtan par byed pa mdo sde la sogs pa 'dzin pa lta yod dam/gang glags tshol ba la slar bzlog pa'i gnas brtan la sogs pa lta yod dam/ rgyal po la brten tam/ mthu yod pa la brten tam/ khyim pa la brten tam/ gzhan la'am/ dge 'dun nyid las nye bar zhi bar byed dam chol ba'o//skam la gnas pa de dag gis mngon sum du 'dul bas rtsod pa zhi bar bya'o/ /mngon sum du bya ba rnam pa gnyis te/ gang zag mngon sum du bya ba la gang dag la nye bar zhi bar bya ba dang / gang dag gis nye bar zhi bar byed pa de dag mngon sum du gyur pa'o/ /chos mngon sum du bya ba ni chos ji lta ba dang /'dul ba ji lta ba bzhin no/ /des don sbyin par byed pa rnams la yang rnam pa brgyad du brtag par bya ste/ cho ga dang / sbyong yul dang / grogs po dang / zla bo dang / lus kyi las dang / ngag gi las dang / 'tsho ba dang / thos pa ste/ 'di dag sdig pa can dag tu rig na ma smra shig ces bsgo bar bya'o//de bzhin du don slar sbyin par byed pa la yang rnam pa brgyad de/ ci sdig pa can du yin na khyod kyis dag gi las thog ma ji lta bu yin zhe na dri ba yang ngo / /ji skad du smra ba de bzhin du bya'o/ /rnam pa bcu drug dag tu rjes su sbyor bas rab tu gnas par bya ste/don sbyin par byed pa nyid ni rig par bya ba dang / brtag pa dang / bzod pa gsol ba dang / dri ba dang / dam 'char gzhug pa dang / spro bar bya'o/ /de bzhin du don slar sbyin par byed pa la yang rnam pa bcu gnyis dang /don slar sbyin par byed pas dam bcas pa gzung ba dang / mdo sde khas len pa dang chos bzhin dang 'dul ba bzhin du rtsod pa tshol ba'o/ /'dir rnam pa lngas ni mi nus par 'gyur te/ rjes su bstan pa'i tshig lnga mngon du mi shes pa'i phyir te/ don sbyin bar byed pa dang /don slar sbyin par byed pa dang / chos dang rjes su mthun par sbyor ba dang / chos ma yin pa dang rjes su mthun par sbyor ba dang / dam 'cha' ba rjes su mi 'dzin pa'o/ /rnam pa lngas zhi bar mi nus te/ rtsod pa'i rang bzhin dang kun nas slong ba dang / gzung ba dang / tshar gcad pa dang / nye bar zhi nas yang mi 'byung bar mi shes pa'o/ /gzhan yang rnam pa lnga ste/ 'khrul ba dang / gsang ste smras pa dang / nor bar smras pa dang / glo bur du smras pa 'dzin pa dang / smras pa yang ji srid lan gsum gyi bar du dam 'char mi gzhug pa'o//gnas bcu drug tu ltung ba bstan par bya ba ste/ lci ba dang / yang ba dang / lhag ma lus pa dang / lhag ma ma lus pa dang / gnas ngan len pa dang / lus kyi dang / ngag gi dang / dge ba dang / mi dge ba dang / lung du ma bstan pa dang / bcabs pa dang / ma bcabs pa dang / bshags pa dang / bsdam par bya ba dang / nyes par bshad par gtogs pa dang / /'dul ba dang 'gal bar gyur pa'i dbye ba rnams te/ de la sdig pa la sogs pa'i chad pa'i las bya'o/ /yang chang pa'i las rnam pa bcu drug ste/tshangs pa dang / bskrad pa dang / longs spyod du mi gzhug pa dang / bsnyil bar bya ba dang / gang ngo bo nyid tshol du gzhug pa dang / spyo bar bya ba dang / smad par bya ba dang / gnas nas dbyung bar bya ba dang / phyogs med par bya ba dang / zhum pa dang / smad bab par bya ba dang /'gyod pa dang / rnam par 'gyod pa dang / rab tu rnam par 'gyod par byed du gzhug pa dang / nye bar bsdu bar bya ba dang / brjod pa dang bcas pa dang / phur pa dang bcas pa dang / ro bzhin du bya ba'o/ /rnam pa bcu drug gi las byas te/ mngon sum du gyur pa dang /bya ba'i skabs phye ba dang / glengs pa dang / dran par byas pa dang / rang gis khas blangs pa dang / pha rol pos khas blangs pa dang / rjes su mthun par sbyor ba brtags pa dang / rjes su mthun par sbyor ba brtag mi dgos pa dang / dris pa dang / dri mi dgos pa dang /khas len du bcug pa dang / khas len du ma bcug kyang rung ngo / /rnam pa bcu drug gi bar na rtsod pa zhi bar 'gyur te/ chos bzhin dang / dge 'dun gyis bsgo ba dang / rgyal ba'i gsung bzhin rjes su mthun pa dang / phyogs dang mi mthun pa'i phyogs la bsgo ba dang /don sbyin par byed pa 'dul ba la mi 'gal ba dang / ma dag pa'i ltung ba mi 'chab pa dang / byung ba dang / bcas pa dang / rjes su bcas pa dang / rjes su gnang ba dang / rjes su mi gnang ba sbyor ba dang / don sbyin par byed pa dang / don slar sbyin par byed pa dag gis dam 'cha' ba 'dzin par byed pa dang /mdo sde ston pa'am/ 'dul ba dang mthun pa dang / chos kyi mig rgyas par 'gyur ba dang / chos dang 'dul ba bzhin zhi bar byed pa'o/ /slar bzlog pa ni zhi ba'o/ /mi nus nas dge 'dun rnams la spo bar bya ste/de la mngon sum ste/ dge 'dun la mngon sum du spos pa dang / des kyang ma nus na gsal ba la gtad par bya'o/ /de dag gis kyang ma nus na gsal ba'i yang gsal ba la gtad par bya'o/ /de dag gis kyang ma nus na slar yang dge 'dun la spo bar bya'o//de dag gis kyang gnas gang na gnas brtan dang bcas/ so sor thar pa dang bcas pa'i dge 'dun la spo bar byed pa'i dge slong bsko bar bya'o/ /des kyang ji ltar gyur pa brjod par bya'o/ /de dag gis kyang ma nus na rtsod pa sbed par byed pa de gnyis la gtad do//des mdo sde la sogs pa 'dzin pa la spo'o/ /de dag gis kyang ma nus na de nyid la'o/ /des kyang ma nus na gang na gnas brtan gtso bo'am/ shes pa de la mtha' nye bar bzung nas gtad par bya'o/ /des de dag la ci yang bdag gir mi bya'o//kha ton la sogs pa sbyin par mi bya'o/ /mdun nam rgyab tu 'dug na ma 'gyed shig ma 'thab shig /gnyi ga rgyal ba med kyi/ 'on kyang gcig pu la bya'o zhes de skad nyi tshe smra bar bya'o/ /des zhi bar gyur na legs par zhi ba zhes bya ba ste/de ltar na mngon sum gyis 'dul ba yin no/ /gal te gnas brtan gyis kyang ma nus na des spo bar byed pa nyid la gtad par bya'o/ /des kyang dge 'dun la'o/ /dge 'dun gyis kyang tshul shing mang po len du bcug nas zhi bar bya'o/ /rnam pa lngar don sbyin par byed pa dang /don slar sbyin par byed pa dag gis rtsub bar gzung ba'i phyir de ltar na rtsub pa can dang / gdug par byed pa'i phyir de ltar gdug pa can dang / rab tu 'dzin pa'i phyir de ltar na dam po can dang / dbye bar byed pa'i gzhi bcu bzhi 'dzin pa'i phyir dbye ba'i bsam pa can dang gnas brtan gyi mthar thug gi bar du phyin kyang sbyor ba gzhan du mi 'gyur ro//tshul shing brim pa la rnam pa bzhi ste/ gang na gnas brtan chos bzhin du mi smra ba mang ba der ni dgab par bya ba dang go bzlog pa der ni gsal bar bya ba dang / gang na rna drung du khyod kyi mkhan po des ni chos kyi tshul shing blangs kyi khyod kyis longs shig ces bsgo ba dang / gang na nad pa mang zhing dge 'dun thams cad kyi dang bzhi pa'o/ /tshul shing brim pa chos dang ldan pa ma yin par len pa bcu ste/ chos ma yin par len pa dang / 'dul ba dang rjes su mi mthun pa dang /ma 'dus par len pa dang / chung zad tsam gyis lhung ba chung ngus dbye bar dogs pa dang / gnas brtan gyi mthar ma phyin par sbyor ba gzhan du bzlog pa dang / rtog pa dang mi ldan pa kha lo sgyur bar byed cing 'dul ba 'dzin pa la sogs pa la mi 'dri ba dang dge 'dun dbye bar bya ba'i phyir ro snyam du 'du shes pa dang /dge slong ches rab tu mang po dag chos ma yin par smra bar 'gyur bar shes pa dang / dge 'dun dbye bar 'gyur ro snyam du shes pa dang / chos ma yin par smra bar gyur kyang ci ma rung snyam pa'o/ /go bzlog pa bcu ni chos yin no/ / tshul shing brim pas tshul shing rnam pa gnyis su bya ste/ chos kyi tshul shing ni dbyibs dang kha dog dang gzugs phun sum tshogs pa dang / chos ma yin pa'i tshul shing ni slar bzlog pa'o/ /chos kyi tshul shing lag pa g.yas par gzung bar bya'o/ /chos ma yin pa'i tshul shing ni lag pa g.yon par ro//de nas mdun du 'dug la bsngags pa dang / mi bsngags pa gnyis brjod par bya'o/ /chos ma yin pa'i tshul shing gi phyir lag pa brkyang na tshig dang po dang gnyis kyi bar du sbyin par mi bya'o/ /gsum pa la sbyin te 'dul ba dang 'gal ba'i nyes byas bshags par bya'o//gal te chos kyi tshul shing gcig gis kyang nyul bar 'gyur na kun shes kauN+Di n+ya'i phyir gcig blang bar bya'o/ /gal te chos kyi tshul shing gcig gis lhag par gyur na chos kyis rtsod pa zhi ba yin te/ gang chos kyis skyo sngogs byed na ltung byed do/ /gal te chos ma yin pa'i tshul shing blangs par 'gyur na yang chos ma yin pas zhi ba yin te/de yang skyo sngogs byas na nyes byas so/ /de ltar na gang tshul shing mang po brim pas zhi bar gyur ba yin no/ /mi bsdams pa'i phyir rtsod pa ni zhi ba rnam pa gsum gyis zhi bar bya ste/ 'gyed pa'i phyir rtsod pa bzhin du mngon sum gyis 'dul ba dang /dran pas 'dul ba ste/ ji ltar gyang bu nor la dge slong dag gis gzhi des glengs pas na/ ngo tsha ba'i phyir gsol ba dang gnyis kyi las kyis dran pas 'dul ba sbyin pa dang / de bzhin du de la ltung ba gzhan byung na gzhan gyis glengs pa na ltung ba phyir bcos pa byas pa yang ngo //ma smyos pas 'dul ba ste/ ci ltar bye ma skyes la/ smyos pa'i tshe byas pa glengs pa'i phyir gsol ba dang / las brjod pa gsum gyis ma smyos pas 'dul ba sbyin pa'o/ /chos ma yin par dran pas 'dul ba sbyin pa la gsum ste/mthar 'gyur ba'i ltung ba byung ba dang / smyos pas nyes pa byung ba dang / me bzhi ltung ba 'byung ba shes bzhin du khas len pa la'o/ /dang po ni bsnyil bar bya bar 'os pa nyid do/ gnyis pa la ni ma smyos par 'dul ba sbyin par 'os so/ /gsum pa la ni de'i ngo bo nyid tshol du gzhug par 'os so//chos ma yin par ma smyos pas 'dul ba sbyin par 'os pa gcig ste/ gang smyos pa ma yin pas na bdag smyos so zhes khas len pa'o/ /ltung ba'i phyir rtsod pa zhi bar 'gyur ba rnam pa bzhis zhi bar byas te/ de la khas blang par bya ba ni ci ltar ltung ba byung ba la glengs sam ma glengs kyang rung /dran par byas sam dran par ma byas kyang rung ste/ dge slong gi mdun du tshul bzhin du 'chags pa 'di ni khas blangs pa'o/ /chos ma yin par khas len du sbyin pa bcu ste/ ltung ba sde lnga byung ba las ma byung ngo zhes khas len pa dang / ma byung ba la byung ngo zhes khas len pa dang / slar bzlog pa bcu ni chos dang mthun pa nyid do/ /de la mngon sum du dul ba ni ri dgas 'dzin gyi bu nag po las brtsams te gang zag la gleng ba dang / de bzhin du chos bzhin 'dul ba bzhin mngon sum du mig gzhir dge 'dun la gleng ba'i bar du dang / de bzhin du gnyis kyis dge 'dun la gleng ba'i bar du dang / mang pos dge 'dun la gleng ba'i bar du dang / dge 'dun gyis dge 'dun la gleng ba'i bar du'o/ /rnam pa bcu drug po de dag nyid la gzhan ni chos bzhin gyi gleng ba chos ma yin na mngon sum du 'dul ba sbyin pa'i rnam pa bcu drug kyang chos bzhin ma yin pa'o//gang la gleng pa chos bzhin ma yin pa gleng bar byed pa chos bzhin yin na mngon sum du 'dul ba sbyin pa rnam pa bcu drug kyang chos bzhin no/ /de la de'i ngo bo nyid tshol du gzhug pa ni dge 'dun gyi nang du gang ltung ba bsnyon te/ bsnyon pa la khas len pa dang /khas blangs pa las yang bsnyon pa de la ni gsol ba dang / gnyis kyi las kyis sbyin par bya ba ste/ de ni chos bzhin pa'o/ /khas blangs pa las bsnyon pa las yang khas len pa 'di ni chos bzhin ma yin pa'o/ /de la rtswa bkram pa lta bu ni phyogs gnyis su chad de gnas pa las phyogs kyi gtso bo dag gis rang rang gi phyogs la bsgo ste/phyogs pha rol po la bzod par byas te ltung ba'ang bshags par bya'o/ /bdag dang phyogs kyi don gyi phyir gang phyogs gcig gis phyogs gnyis pa la spu snyol bar byed 'byung bar bskyod/ phyag 'tshal ba nye bar ston gnyis pa yang de bzhin te/phan tshun ltung ba gleng bar mi byed do/ /de ltar na rtsod pa de rtswa bkram pa lta bu'i rtsod pa zhi bar byas pas zhi ba yin no/ /bya ba'i phyir rtsod pa ni dge 'dun 'dus pas zhi bar bya'o/ /tshangs pa ji bzhin gcig de bzhin/ /brgya byin ci bzhin gnyis de bzhin/ / rgyal po ji bzhin gsum de bzhin/ /de la lhag pa 'khrug par 'gyur/ /zhi bar bgyi ba bdun ma mchis kyang rtsod pa zhi bar 'gyur ba mchis sam yod ste/ gal te gnyis sam gsum gang yang rung ba dus byas pa'am/ khyim pa la sogs par shes par byed dam/ nad yun ring pos thebs sam/yul gzhan du song bas so/ /de lta bas na gang gi tshigs su bcad pa gcig bklag kyang des chos dkon mchog gi rnyed pa yongs su longs spyad par bya'o/ /'di la 'gyod par mi bya'o/ /slob dpon gyis kyang smras pa/ rtsod pa rnam pa bdun la zhi bar byed pa bdun du gnas te/ rtsod pa bdun po ji lta bu zhe na/ltung ba las brtsams te mtshan nyid khas mi len pas na rtsod pa dang / byas pa khas mi len pas rtsod pa dang / rang dbang med par khas mi len pas rtsod pa dang / brtags nas khas blangs pa la khas mi len pas rtsod pa dang khas blangs nas smyon pa'i phyir rtsod pa dang /mtshan ma las rtsod pa dang / nga rgyal gyi phyogs kyis rtsod pa'o/ /de la dang po ni dge slong mngon sum du lhag par spyod pa mthong bas glengs na des byas pa de ni khas len la ltung ba'i mtshan nyid ni khas mi len te/ de la dge 'dun gyis ltung ba dang ltung ba med pa'i mtshan nyid brtags te glengs nas shogs shig ces bsgo bar bya'o//yang na gleng ba dgag par bya ste/ de ltar na rtsod pa mngon sum du 'dul bas zhi bar bya'o/ /gzhan yang gang dang gang byas pa mthong ba dang / thos pa dang / dogs pas glengs nas byas pa de rnams mi dran zhes smra na/ de dge 'dun gyis gleng ba'i dge slong tshul khrims dang cho ga dang 'brel ba brtags la/glengs pa de'i dran pa la dran pas 'dul bas rtsod pa de zhi bar bya'o/ /gzhan yang rang dbang med par byed pa byas pa khas mi len/ de la dge 'dun gyis rang dbang med par byas pa brtags la/ smyos pa la sogs pa la ltung ba med do zhes bya ba ni/ma smyos pas 'dul bas rtsod pa de zhi bar bya'o/ /kha cig ni yang ltung ba'am/ ltung ba ma yin zhes rtogs pa rnams 'khrug par 'gyur te/ dge slong dag gis rtsod pa mdo sde dang / 'dul ba dang / ma mo 'dzin pa la gtad par bya'o/ /de dag gi ltung ba'am/ltung ba med pa de'i ngo bo nyid rtogs la gang de'i ngo bo nyid tshol du gzhug pas gang rtsod pa zhi bar byas pa'o/ /gzhan yang ltung ba khas blangs nas yang bsnyon la bsnyon nas yang khas len na de la dge 'dun gyis ci 'di mang po de mang po rnams kyi thad du khas blangs sam/ 'on te bsnyon zhes brtag par bya'o//gang rnam pa mang du 'dod pas rtsod pa de zhi bar bya'o/ /gzhan yang rtsod pa'i gnas su mi 'gyur te/ gang bdag nyid kyis ltung ba mthong zhing bshags te rtsod pa'i mtshan ma nyid zhi bar bya ba'o/ /de ltar khas blangs pas rtsod pa de zhi ba yin no/ /gzhan yang bdag cag gi phyogs la glengs so zhes te/nga rgyal mngon du bzung nas phyogs dang phyi rol pa'i phyogs su gnas par 'gyur ro/ /de la phyogs te gnyi ga'i gtso bo dag gis rang gi phyogs la bsgo la/ de la rjes su gnang na phyogs gnyis pa la yang bsgo bar bya'o//de ltar na rtsod pa de rtswa bkram pa lta bus zhi bar bya'o/ /dge slong gi spyod pa bcu ste/ ldog pa dang / mi bzod pa dang / ma rtogs pa dang / dge 'dun la rag las pa dang / dge bsnyen ma bsten pa dang / yod byad yongs su longs spyod pa dang / dge slong dang / dge slong ma dang / khyim pa tha snyad dang / bsod snyoms la mgron du bos shing bdag gir byed pa dang / der yang cho ga bzhin du spyad pa dang / phan tshun gleng bar byed pa ste/ 'di dag ni so sor thar pa'i lus so/ /de rnam pa bcu la spyod pa'i tshe/ rnam pa gnyis las nyon mongs pa'i ltung ba 'byung ngo / /ring ba las te/ gang dran pa nyams par gyur pa las kha na ma tho ba dang bcas pa'i ltung ba 'byung bar byed pa dang /nye ba las te/ gang bdag nyid mngon sum du gyur cing ltung ba 'byung bar byed pa'o/ /de la dge slong gis gleng gzhi las byung ba'i mtshan mo yongs su spangs pa de nye bar zhi bar bya'o/ /des kyang zhi bar mi 'gyur na gnyen po yid la bya'o/ / bdag nyid kyis mi nus na bla ma'i gnas lta bu dang / mdo sde dang / 'dul ba dang / ma mo 'dzin pa rnams las gnyen po rig par bya ba dang yid la bya'o/ /gal te yang mi nus na klog pa dang / kha ton bya ba dang / don mnyan pa dang / bsam pa dang / dkon mchog gsum la mchod pa dang / bla ma'i gnas lta bu la zhal ta'i las bya ba dang /yul gzhan du 'gro ba dang / zas bskyung ba la sogs pas dbral bar bya'o/ /gal te yang ma nus na ma dag gzhin du dad pas sbyin pa bdag gis spyad par mi rigs so snyam du ngo tsha ba bskyed par bya'o/ /ston pa gzigs pa dang / lha rnams kyis lha'i mig gis dang / tshangs pa mtshungs par spyod pa rnams kyang bdag la lta'o zhes so/ /ci skad bstan pa de bzhin du mi byed na thams cad nyes byas so/ /dad pas byin pa yongs su longs spyod na yang nyes byas so/ /de bzhin du byas pa las kyang nyon mongs pa mang zhing 'khrul bar gyur na dad pas byin pa yongs su longs spyod kyang ltung ba med do//mtshan ma spangs pa la sogs pa thams cad byas kyang bdag gis mi nus par mthong nas bslab pa dbul bar bya'o/ /de'i phyir nyon mongs pa spang ba'i phyir sbyor bar mi byed na ltung ba mang du 'byung ngo / /de'i gleng gzhi 'byung ba'i phyir dad pas byin pa yongs su longs spyad par bya bar mi rigs so/ /de lta bas na des de yongs su spyod na nyon mongs pa mang du 'gyur ro//rtsod pa zhi bar bya ba rdzogs so// //bcom ldan 'das de'i 'di dag go zhes bya ba ni rgya cher dbye ba'o/ /'di yang rgya cher brjod la mdor bsdus pa yin pa ste/ rjes su gnang ba'ang ma lags bkag pa'ang ma lags pa de la ci ltar bsgrub par bgyi/ci skad du phran tshegs las 'byung ba'i 'dul ba mdor bsdus pa rjes su dran par byas te/ dge slong rnams ci skad du smra ba ngas thog ma nas bkag pa yang med la rjes su gnang ba yang med pa de ni gal te mi rung ba dang / rjes su mi mthun pa la gal te rung ba dang rjes su mthun na rung ba'o zhes byas la spyad par bya'o//rung ba dang rjes su mi mthun mi rung ba dang rjes su mthun na mi rung ba'o zhes byas te spyad par mi bya'o zhes gsungs pa lta bu'o/ /mdor gtogs pa zhes bya ba ni tshig nang du 'dus pa'o/ /mdor bsdus pa zhes bya ba ni don nang du 'dus pa'o/ /gzhan yang zhes bya ba ni gzhi la sogs pa'i gzhung las 'byung ba'o//chos kyi rjes su mthun pa'i chos zhes bya ba ni mya ngan las 'das pa'i chos dang mthun pa nan tan du byed pa'i chos zhes bya'o/ /yang dag par rdzogs pa'i sangs rgyas rnam par gzigs kyi nyan thos rnams ni dka' thub dka' ba la lhag par mos par 'gyur te/de dag kyang dka' thub dka' ba la nan tan du byed cing de'i 'bras bu dang / de ston pa la lhag par mos nas de yang de bzhin du lhag par mos te gal te las rnying pa rnams ni dka' thub kyis zad par 'gyur/ las sar ba rnams ni ma byas nas chu lon bzhin te/ de ltar na tshe phyi ma zag pa med do/ /zag pa med pas na las zad/las zad pas na sdug bsngal zad/ sdug bsngal zad pas na sdug bsngal mthar byed par 'gyur ro/ /gang de ltar ston pa de ni dge sbyong yin no zhes de lta bur lhag par mos pa'i gnyen por bcom ldan 'das des nyan thos rnams la so sor thar pa 'di gsungs so/ /bzod pa dka' thub dam pa zhes bya bar rgya cher ro//de la dka' thub dka' ba la lhag par mos pa'i gnyen por gsungs pa ni bzod pa dka' thub dam pa'o/ /lus gdung ba las ma yin no/ /sems gdung ba de nyid goms par bya bar mchog tu dka' ba'i phyir ro/ /de'i 'bras bu la lhag par mos pa'i gnyen por bzod pa'i/mya ngan 'das pa mchog ces sangs rgyas gsungs/ /zhes bya ba gsungs te/ chos la nges par rtog pa'i bzod pa 'dod pa de ni 'dir bzod pa zhes bya bar dgongs so/ /gang la brten te mya ngan las 'das pa'o/ /mchog ces bya ba ni dam pa ste rtag tu dge ba'i phyir ro/ /ye shes kyis mya ngan las 'da' ba thob kyi dka' thub dka' bas ma yin pas na/de de ltar na bzod pas 'thob pa'i mya ngan las 'da' ba ni/ bzod pa'i mya ngan 'da' ba zhes bya ba tshig bar ma phyi mas bstan to/ /de skad ston pa'i gnyen por/ rab tu byung ba ma yin zhes bya ba la sogs pa gsungs te/ gang lus gdung bar don med pa la gzhan nye bar gdung du 'jug par byed pa de ni gzhan la gnod par byed pa de dag dge sbyong ma yin te/de lta mod kyi 'on kyang gzhan la log par sbyor bas sbyor ba brtsams te spyod par byed pa 'che ba yin no/ /yang dag par rdzogs pa'i sangs rgyas gtsug tor can gyi nyan thos rnams ni phal cher mtho ris su smon lam 'debs shing tshangs par spyad pa lhag par mos par 'gyur te/de ltar lhag par mos pa'i gnyen por bcom ldan 'das des/ so sor thar pa'i mig ldan nyam nga bdag ji bzhin du/ /zhes bya ba 'di rgya cher gsungs so/ /de la shes rab ni mig gi gnas lta bu'o/ /de dang ldan pas na mig ldan zhes bya ste/ji bzhin zhes bya ba'i sgra ni gnyi ga dang 'brel to/ /nyam nga ba dang 'dra ba ni mtho ris yin te/ der spyod pa ni ngan song gi 'gro bar ltung bar 'gyur ro/ 'gro ba yod pa'i zhes bya ba ni mya ngan las 'das ba ni 'gro ba dang 'dra ba'o/ /mkhas dang zhes bya ba ni/ thabs la mkhas pa'o//sdig pa dag ni yongs su spang / /zhes bya ba ni/ mtho ris su smon pa las slar bzlog pa'o/ /gang sdig pa'i byed pa thob pas mtho ris su 'dod pa des ni sdig pa spangs pa ma yin no/ /yang dag par rdzogs pa'i sangs rgyas thams cad skyob de'i nyan thos rnams ni tshul khrims tsam gyis mgu bar 'gyur te/gzhan dag kyang nyes par bshags par zhugs pa rnams la de dag skur pa 'debs shing ngag dang yid kyis de dag la gnod par byed la/ bdag nyid kyang tshul khrims tsam gyis mgu bas na dge sbyong gi 'bras bu yang thob par mi 'gyur te/ bcom ldan 'das kyis nyes pa de'i gnyen por nyan thos rnams dang so sor thar pa 'di gsungs so//de la skur pa 'debs pa'i gnyen por/ skur pa mi 'debs zhes gsungs so/ /yid kyis gnod pa byed pa'i gnyen por gnod mi bya zhes bya ba gsungs so/ /dge sbyong gi 'bras bu mi 'thob pa'i gnyen por so sor thar pa'ang zhes bya ba rgya cher gsungs so/ / mya ngan las 'da' ba'i dbang du byas pa'i tshul khrims la brten nas 'dod pas bsod nams dang / bdag nyid dub pa la sbyor ba'i mtha' gnyis spongs la zhi ba'i gnas su zhugs te/ zhi gnas la brten nas thar bar 'gyur ro zhes bya ba'o/ /yang dag par rdzogs pa'i sangs rgyas log par dad sel gyi nyan thos rnams la phal cher rnyed pa dang bkur sti la 'dod par gyur de 'dod pa'i gnyen por bcom ldan 'das des nyan thos rnams la so sor thar pa/ji ltar bung ba zhes bya ba la sogs pa 'di gsungs so/ /kha dog ni dge sbyong gi tshul khrims yin te/ des ni mdzes bar 'gyur ro/ /dri ni ting nge 'dzin te sbyor ba phra mos tshim par 'gyur ro//yang dag par rdzogs pa'i sangs rgyas gser thub kyi nyan thos rnams las phal cher skyes bu dam pa ma yin pa'i chos la 'jug par 'gyur te/ de dag bdag nyid la ni bstod/ pha rol po rnams la yang smod par byed cing / de rnams ni thos pa'i longs spyod la brtsams te/'bel ba'i gtam rnam par nges pa la gzhan dag la mi mthun par brjod pas na/ bcom ldan 'das des de'i gnyen por gzhan rnams kyi mi mthun pa min zhes bya ba gsungs so/ /tshul khrims kyi longs spyod las brtsams te/ gzhan rnams la byas pa dang / ma byas pa sbyor ba'i ltung ba la rtog pas na gzhan dag gi /byas dang ma byas rnams la min/ /zhes bya ba gsungs so/ /snga ma'i gnyen po yang bdag gi las rtag par bya ste zhes bya ba la sogs pa gsungs so/ /rigs dang mi rigs rnams la yang / /zhes bya ba ni legs par byas pa dang nyes par byas pa zhes bya ba'i tha tshig go/ / yang dag par rdzogs pa'i sangs rgyas 'od srungs kyi nyan thos rnams las phal cher snyoms par 'jug pa'i ro myang bar gyur nas/ nyes pa de'i gnyen por bcom ldan 'das des so sor thar pa/ lhag pa'i sems la bag bya ste/ /zhes bya ba 'di gsungs so/ /lhag pa'i sems la bag med pa ma byed cig ces bya ba yin no//ting nge 'dzin gyi ro myang ba las bzlog pa'o/ /thub pa'i thub gzhi rnams la bslab/ /ces bya ba ni/ bden pa rnams mngon par rtogs pa las 'jug pa'o/ /bden pa dag ni thub pa'i gzhi rnams te/ /thub pa'i skye mched du 'gyur ba'o/ /skyob pa mya ngan med pa yin/ /nyer zhi rtag tu dran ldan pa'i//zhes bya ba ni bden pa mthong ba'i phan yon bstan pa'o/ /gang ting nge 'dzin thob tu zin kyang / dus de srid du mya ngan rnams med par gyur te/ ting nge 'dzin ma nyams pas nyon mongs pa rnams nye bar zhi bar 'gyur ba dang / dran pa dang ldan par yang 'gyur mod kyi tshe phyi ma la ni slar yang mya ngan du 'gyur ba dang /slar yang zhi bar mi 'gyur ba dang / yang brjed pa'i chos yin pas na dran pa dang ldan par yang mi 'gyur ro/ /mngon par rtogs par 'gyur ba'i gang zag gong ma'i cha dang mthun pa'i kun du sbyor ba'i lhag ma spang ba'i rim pa sbyin pas zhes bya la sogs pas ston te/ de la tshigs gsum gyis ni 'dod pa na spyod pa'i kun du sbyor ba spang ba ste/'di ltar phongs pa dang / dri ma dang / 'jungs ba dang bral bas gtong ba bskyed de/ 'phags pa rnams dgyes pa'i tshul khrims la slob pa'i tshe snyoms par 'jug pa'i dge ba'i stobs kyis sdig pa'i ming du bya ba/ 'dod pa na spyod pa'i nyon mongs pa'i las dang /kun nas nyon mongs pa spong ngo / /nyon mongs pa rnams zad nas mya ngan las 'das te/ khams gsum gyi kun du sbyor ba thams cad spangs pa'o/ /yang dag par rdzogs pa'i sangs rgyas shAkya thub pa'i nyan thos rnams ni phal cher nyon mongs pa mang ste/ de dag sdig pa yang byed pa dang / dge ba la phun sum tshogs par byed pa dang /dge ba'i phyogs cung zad tsam gyis kyang mgu bar 'gyur te/ de bzlog par bya ba'i don dang / de spang ba'i thabs su bstan par bya ba'i don dang / de la sbyor ba rnams dran pa mi brjed pa'i thabs bstan pa'i phyir/ bcom ldan 'das des dge slong gi dge 'dun chu bur ma byung ba na so sor thar pa tshigs su bcad pa gsum gyis te/de la tshigs su bcad pa dang po'i rtsa ba gsum gyis ni ci ltar go rims su log par byed pa rnam pa gsum bzlog pa ste/ rang gi sems ni yongs su gdul/ /zhes bya'o/ /gnyis pa ni de spangs pa'i thabs bshad de/ lus la sogs pa rnams te las kyi lam rnams so//so sor sdom pa 'di yang legs na 'ba' zhig ma yin pa sdom ba la lta ci smos/ gang thams cad sdom pa de ni sdug bsngal thams cad las thar bar 'gyur ro/ /de lta bas na gang la ci ltar nus pa de'i de ltar bsdom par bya'o/ /gsum pas ni dran pa mi brjed par bya ba'i thabs ston te/des gsum du dran pa brjed pa mang bar gyur nas/ pha rol pos kha na ma tho ba gleng ba la sogs pa de la lan btab par 'dod nas/ ngag rnams rjes su bsrung zhing zhes bya ba gsungs so/ /nyams su myong ba'i yul la rnam par rtog pa'i dus su yid kyis rab bsdams te zhes bya ba gang gsungs so//spyod yul ma yin par rgyu ba la sogs pa'i dus su yang / gang spyod yul ma yin pa rnam pa lnga la rgyu zhing spyod pa'i tshe blang bar mi bya ba len pa dang / bza' bar mi bya ba za ba dang / gzhan la yang lus kyi rnam par 'tshe ba'i phyir lus kyis mi dge ba dag mi byed cing zhes bya ba gang gsungs pa'o//de la ngag kyang rjes su bsrung bar bya/ yid kyang shin tu bsdam par bya/ /lus kyi mi byed par dran pa nye bar gzhag go/ /las lam gsum po 'di dag rab sbyangs na/ /zhes bya ba ni/ rang gi sems ni yongs su gdul/ /zhes bya ba sngar bstan pa'i thabs su gsungs pa'o//sangs rgyas rnam gzigs zhes bya ba la sogs pa tshigs su bcad pa gsum po ni/ yang dag par sdud par byed pa'i tshig go/ /lha yi lha zhes bya ba ni sangs rgyas thams cad rang byung ba'i phyir rnam par dag pa'i lha'o/ /shAkya thub pa ni lha'i yang lha ste/ des ni 'di ltar snyigs ma lnga bdo ba'i dus su gdul dka' ba'i mi rnams gdul ba kha lo sgyur ba'i phyir gzhan ni ma yin no//gang de ma thag pa nyid du brtsam par bya zhes bya ba la sog gab tshigs su bcad pa gnyis gsungs pa ni/ yang dag par sdud par byed pa dag gis mdo sde'i nang nas phyung ba'o/ /brtsam zhes bya ba ni rab tu byung bar sbyor ba'o//'byung bar bya zhes bya ba ni rab tu 'byung ba'o/ /'jug par bya zhes bya ba ni mthong ba'i lam bskyed pa'o/ /'chi bdag sde ni gzhom par bya/ /zhes bya ba ni bsgom pa'i lam mo/ /bcom ldan 'das kyis bka' stsal pa ma yin te/gnyis po ci ltar bka' stsal pa'i sgrub pa byed pa'i phan yon brjod pa'o/ /gang gi phyir ni mdo bton dang / /zhes bya ba ni yang dag par sdud par byed pa'i tshig yin te/ srog la ltos pa med par tshul khrims yongs su bsrung bar bya bar bstan pa'o/ /'phags pa gzhi thams cad yod par smra ba'i 'dul ba bsdus pa rdzogs so// //slob dpon khyad par bshes gnyen gyis mdzad pa'o// //rgya gar gyis mkhan po shI len+d+ra bo d+hi dang / rgya gar gyi mkhan po shAkya pra b+ha dang / zhu chen gyi lo tsA ba bai tsa na rak+Shi tas bsgyur ba'o/ /slad kyi kha che'i mkhan po dz+nyAn shrI b+ha dra dang /lo tsA ba shAkya'i dge slong rgyal ba shes rab dang / lo tsA ba shAkya'i dge slong shAkya bshes gnyen gyis bcos shing zhus te gtan la phab pa'o// //dge legs snyan pa'i 'brug sgras 'dzam gling khyab gyur cing / /rig pa'i gnas lnga zla bas blo yi ku mud rgyas//rgyal bas lung bstan kha che'i grong khyer dpe med kyi/ /dz+nyA na shI lar bod rje bkra shis rtse lde'i bkas/ /rgyud bskul bod kyi spyi mthun bsod nams dag gis ni/ /tho ling gtsug lag khang du chos kyi sbrang rtsi yis/ /'gro ba tshim mdzad de la shAkya'i dge slong ni/ / rgyal ba'i shes rab ces bya tshul khrims g.yag rnga dang / /mig gi 'bras bu bzhin du bsrung ba'i bdag nyid can/ /thugs rje'i sprin las byung ba 'dul ba'i bdud rtsi yi/ /char gyi rgyun 'bebs tshul khrims lo tog skyed mdzad pa/ /skyes chen de yis 'gro la phan phyir dz+nyA na shI lar zhus//'dul ba 'dzin pa chen po de dang shAkya'i bshes gnyen gyis/ /sngar 'gyur cung zad ma dag pa yi rtogs par dka' ba rnams/ /legs par bcos nas zhu chen byas pa 'di la 'jug par rigs// //