| བོད་ཡིག |
222b1 @##/ /rgya gar skad du/ Ar+ya d+harma d+h+wa tu gar+b+ha bi ba ra Na/ bod skad du/ 'phags pa chos kyi dbyings kyi snying po'i rnam par 'grel pa/ dkon mchog gsum la phyag 'tshal lo/ /chos rnams gang dag rgyus byung de dag ni/ /rgyu dang de la 'gog pa gang yin pa/ /de
222b2 bzhin gshegs pa nyid kyis bka' stsal pa//de skad gsungs pa'i tshul can dge sbyong che/ /zhes bya ba smos te/ de la chos gang dag ces bya ba ni rnam pa bdun du shes par bya ste/ rnam par shes pa dang / ming dang / gzugs dang / skye mched drug dang / reg pa dang / tshor ba dang / skye ba dang / rga shi rnams
222b3 so//chos de dag kyang rnam pa lnga las byung ba yin pas rgyus byung ngo / /rgyu lnga po de dag kyang gang zhe na/ ma rig pa dang / sred pa dang / len pa dang / 'du byed dang srid pa dang lnga'o/ /chos rnam pa bdun dang / de'i rgyu lnga po de dag 'gog pa ni rgyu dang de la 'gog pa ste/ de yang nye bar zhi ba dang / thar pa dang / mya ngan
222b4 las 'das pa zhes bya ba nyid do//de yang su zhig gis bshad ce na/ de bzhin gshegs pa nyid kyis bka' stsal te zhes bya ba smos te/ des bshad ces bya ba'i don to/ /don ji ltar gnas pa de bzhin du rtogs pas na de bzhin gshegs pa'o/ /yang na dngos po ji lta ba bzhin du ma nor bar gzhan la ston par
222b5 mdzad pas na de bzhin gshegs pa'o//de lta bu'i lam ston cing rang nyid kyis rtogs pa ste/ thos pa'i dang tshul gang la yod pa de ni de skad gsung ba'i dang tshul can zhes bya'o/ /chen po ni gtso bo dang / phul dang / dam pa dang / rab mchog gi don te/ de yang gsungs pa/ mkhas pa dang / dpa' ba dang / dka'
222b6 thub can dang /spro ba che ba dang / brtson 'grus drag po dang / rmad du byung ba'i phrin las mdzad pa gang yin pa de ni chen po'o/ /de la shes par bya ba ma lus pa mkhyen pas na mkhas pa'o/ /nyon mongs pa thams cad bcom pas dpa' ba'o/ tshul khrims yang dag par bsgoms pas dka' thub
222b7 pa'o//yon tan la sogs pa la mi skyo bas na spro ba che ba'o/ /mgo 'am thod la me 'bar ba bzhin du brtson 'grus drag po'o / /rmad du byung ba'i chos mngon sum du mdzad pas na rmad du byung ba'i phrin las can te/ de lta bu la chen po zhes bya'o/ /dge sbyong zhes bya ba ni sdig pa dang nyon mongs pa nye bar
223a1 zhi bas dge sbyong ngo //sdig pa thams cad spangs pas bram ze'o/ /nyon mongs pas ngal ba sel bas dge sbyong ngo / /bdag nyid kyi dri ma 'byin pas na rab tu byung ba zhes bya ba ste/ de lta bu'i yon tan dang ldan pa'i bcom ldan 'das kyis de skad gsungs zhes sbyar ro/ /de bzhin du
223a2 sdug bsngal dang /kun 'byung dang / 'gog pa dang / lam gyi bden pa la yang sbyar bar bya'o/ /de la rgyu ma rig pa las 'du byed la sogs pa rga shi'i bar du byed pa po med par 'byung ba ni/ lugs las 'byung ba yin la/ rgyu ma rig pa la sogs pa de dag 'gog pa shes pa lugs las bzlog
223a3 pa zhes bya ba ste/ma rig pa log pas 'du byed la sogs pa mi 'byung ste/ de ltar gsung ba ni dge sbyong chen po yin no/ /'phags pa chos kyi dbyings kyi snying po'i rnam par 'grel pa slob dpon klu sgrub kyi zhal snga nas kyis mdzad pa rdzogs so// //rgya gar gyi mkhan po ye shes snying po dang / zhu
chen gyi lo tsA ba ban de dpal brtsegs kyis bsgyur cing zhus te gtan la phab pa'o/