CLOSE WINDOW

D4095
བོད་ཡིག

@##/ /rgya gar skad du/ ab+hi d+harma marma pra dI pa nA ma br-it+ti/ bod skad du/ chos mngon pa'i 'grel pa gnad kyi sgron ma zhes bya ba/ sangs rgyas la phyag 'tshal lo/ /gang zhig kun la mun pa gtan bcom zhing / /'khor ba'i 'dam las 'gro ba drangs mdzad pa/ /don bzhin ston pa de la phyag 'tshal nas//chos mngon mdzod kyi bstan bcos rab bshad bya/ /bstan bcos byed par 'dod pas rang gi ston pa'i che ba'i bdag nyid shes par bya ba'i phyir/ de la yon tan brjod pa sngon du 'gro bas phyag 'tshal ba rtsom ste/ gang zhig ces bya ba ni sangs rgyas bcom ldan 'das kyi dbang du byas nas smras pa'o//'di'i 'am 'dis mun pa bcom pas mun pa bcom pa'o/ /thams cad la mun pa rnam pa thams cad du bcom pas kun la mun pa gtan bcom pa'o/ /mi shes pa ni yang dag pa'i don mthong ba la bgegs su gyur pa'i phyir mun pa ste/ de yang sangs rgyas bcom ldan 'das kyis gnyen po brnyes nas shes bya thams cad la phyis mi skye ba'i chos can du gyur pa'i phyir gtan nas ye bcom pa ste/de'i phyir kun la mun pa gtan bcom pa'o/ /rang sangs rgyas dang nyon thos rnams kyang nyon mongs pa can gyi rmongs pa dang bral ba'i phyir kun la mun pa bcom par ni 'dod mod kyi gtan nas ni ma yin te/'di ltar de dag la nyon mongs pa can ma yin pa'i mi shes pa yod pa nyid do/ /'khor ba'i 'dam las 'gro ba drangs mdzad pa/ /zhes bya ba ni gzhan la phan pa sgrub pas bstod pa'o/ /'khor ba ni 'gro ba kun du chags pa'i gnas yin pa'i phyir dang / rgal bar dka' ba yin pa'i phyir 'dam lta bu yin te/'gro ba der bying ba drangs so/ /don bzhin ston pa zhes bya ba ni 'dis 'di'i gzhan la phan pa sgrub pa'i thabs ston te/ de ni ston pa na yang dag pa'i lta ba bzhin du ston pas 'khor ba'i 'dam las 'gro ba drangs kyi/ rdzu 'phrul dang dam pa sbyin pa'i mthus ni ma yin no/ / de la phyag 'tshal nas zhes bya ba ni dus dang por bya ba brjod nas bstan bcos rab bshad bya zhes smras te/ bstan bcos gang zhe na/ chos mngon pa mdzod ces bya ba'o/ /chos mngon pa zhes bya ba ni gang zhe na/ chos mngon shes rab dri med rjes 'brang bcas/ /shes rab ni chos rab tu rnam par 'byed pa'o//dri med ces bya ba ni zag pa med pa'o/ /rjes 'brang bcas zhes bya ba ni 'khor dang bcas pa'o/ /de ltar na zag pa med pa'i phung po lnga ni chos mngon pa zhes brjod par 'gyur ro/ /re zhig 'di ni don dam pa'i chos mngon pa'o/ /brdar btags pa yang / de thob bya phyir gang dang bstan bcos gang / /gang dang ni thos pa dang bsams pa dang bsgoms pa las byung ba'i shes rab zag pa dang bcas pa dang / skyes nas thob pa rjes su 'brang ba dang bcas pa'o/ /bstan bcos gang zhes bya ba ni shes rab de thob par bya ba'i phyir de yang de'i tshogs su gyur pas chos mngon pa zhes brjod do//nges pa'i tshig tu na rang gi mtshan nyid 'dzin pa'i phyir chos te/ de lta bas na 'di ni don dam pa'i chos mya ngan las 'das pa'am/ chos kyi mtshan nyid la mngon du phyogs pa'i phyir chos mngon pa'o/ /bstan bcos 'di ji ltar na chos mngon pa'i mdzod yin zhe na/ 'dir de don du yang dag chung phyir ram/ /'di yi gnas de yin pas chos mngon mdzod/ /ces bya ba chos mngon pa'i bstan bcos 'di ni de'i mdzod lta bu yin no/ /yang na de las 'di phyung bas chos mngon pa de bstan bcos 'di'i gnas lta bu yin no/ /de'i phyir chos mngon pa de nyid 'di'i mdzod yin te/de lta bas na bstan bcos 'di ni chos mngon pa'i mdzod yin no/ /yang na ci'i phyir chos mngon pa bstan pa'am 'di dang po nyid du sus bstan zhe na/ gsungs pa/ chos rnams rab tu rnam 'byed med par nyon mongs rnams/ /gang phyir nye bar zhi bar bya ba'i thabs med la/ / nyon mongs pas kyang 'jig rten srid mtsho 'dir 'khyams te/ /de bas de phyir 'di ni ston pas gsungs so lo/ /gang gi phyir chos rab tu rnam par 'byed pa med par nyon mongs pa nye bar zhi bar bya ba'i thabs med la/ nyon mongs pa rnams kyis kyang 'jig rten 'khor bar 'khyam par byed pa ste/ de'i phyir ni chos rab tu rnam par 'byed pa de'i don du ston pas ni sangs rgyas kyi chos mngon pa gsungs so lo//chos mngon pa bstan pa med par ni slob mas chos rab tu rnam par dbye bar mi nus pa'i phyir ro/ /chos de dag kyang gang zhe na/ zag bcas zag pa med chos rnams/ /zhes bya ba smos te/ 'di ni chos thams cad mdor bsdus te bstan pa'o//de la zag pa dang bcas pa'i chos rnams gang zhe na/ lam ma gtogs pa'i 'dus byas rnams/ /zag bcas zhes smos so/ /lam gyi bden pa ma gtogs pa 'dus byas kyi chos gzhan rnams ni zag pa dang bcas pa dag go/ /ci'i phyir zhe na/ gang gi phyir de dag la/ zas rnams kun du rgyas par 'gyur/ /zhes bya ste/ 'di rnams la zag pa rnams rgyas par 'gyur te/ 'gog pa dang lam gyi bden pa dag la dmigs pa yin du zin kyang rgyas par ni mi 'gyur ro/ /zag pa dang bcas pa rnams bshad zin to/ /zag med lam gyi bden pa dang / / 'dus ma byas rnam gsum yang ste/ /rnam pa gsum gang zhe na/ nam mkha' dang ni 'gog pa gnyis/ /gnyis gang zhe na/ so sor brtags pas 'gog pa dang / so sor brtags pa ma yin pas 'gog pa ste/ de ltar na nam mkha' la sogs pa 'dus ma byas gsum po de dag dang lam gyi bden pa ni thag pa med pa'i chos rnams te/de dag la zag pa rgyas par 'gyur ba med pa'i phyir ro/ /'dus ma byas pa bstan pa/ rnam pa gsum po gang yin pa/ /de la nam mkha' mi sgrib pa/ /nam mkha' ni sgrib pa med pa'i rang bzhin te/ /gang na gzugs kyi go yod pa'o/ / so sor brtags pas 'gog pa gang / /bral ba'o so so so so yin/ /gang zag pa dang bcas pa'i chos rnams dang bral ba de ni so sor brtags pas 'gog pa'o/ /sdug bsngal la sogs pa 'phags pa'i bden pa rnams la so sor rtog pa ni so sor brtags pa ste/ dge ba'i blo yi bye brag go//des thob par bya ba'i 'gog pa ni so sor brtags pas 'gog pa'o/ /de yang 'di zag pa dang bcas pa'i chos rnams kyi so so sor te/ ldan pa'i rdzas rnams ji snyed pa/ /bral ba'i rdzas kyang de snyed do/ /'gog pa gcig nyid yin na nyon mongs pa'i phyogs gcig spongs na de mngon sum du byas par 'gyur bas lhag ma'i gnyen po bsgom pa don med par 'gyur ro zhes so sor brtags pas 'gog pa bshad zin to//skye la gtan du gegs byed pa/ /'gog gzhan so sor brtags min pas/ /chos ma 'ongs pa rnams skye ba la gtan du gegs su gyur pa bral ba las/ / gzhan pa'i 'gog pa gang yin pa de ni so sor brtags pa ma yin pas 'gog pa ste/ 'di so sor brtags pas thob pa ni ma yin no/ /'o na ci zhe na/ rkyen ma tshang ba las thob ba'o/ /yang / lam ma gtogs pa'i 'dus byas rnams/ /zag bcas zhes gang smras pa'i yul 'dus byas de dag gang zhe na/'dus byas chos rnams de dag kyang / /gzugs la sogs pa phung po lnga/ /gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po zhes bya ba de dag ni 'dus byas kyi chos rnams so//rkyen rnams 'dus shing phrad nas byas pa dag gi phyir 'dus byas rnams so/ /de dag nyid dus gtam gzhi dang / /nges par 'byung bcas gzhi dang bcas/ /de la song ba dang 'gro ba dang 'gro bar 'gyur ba'i phyir ram/ mi rtag pa nyid kyis za ba'i phyir dus rnams so//gtam ni dag go/ /de'i gzhi ni ming ste/ don dang bcas pa'i gzhi bzung bas na 'dus byas ni gtam gyi gzhi zhes bya'o/ /nges par 'byung ba nyid ni nges par 'byung ba ste/ 'dus byas thams cad kyi mya ngan las 'das pa'o/ /de 'di dag la yod pas nges par 'byung bcas dag go//rgyu dang bcas pa'i phyir gzhi dang bcas pa dag go/ /yang 'dus byas de dag nyid/ gang dag zag bcas nyer len pa'i/ /phung po'ang de dag /de dag nye bar len pa dag ni nyon mongs pa rnams te/ dper na rtswa dang sbun pa'i me bzhin nam/ de dag la rag lus pa'i phyir rgyal po'i mi bzhin no//yang na de dag las nye bar len pa rnams 'byung bas nye bar len pa'i phung po rnams te/ me tog dang 'bras bu'i shing ljon pa bzhin no/ /zag pa dang bcas pa'i chos de dag nyid/ 'thab bcas kyang zhes brjod do/ /'thad pa ni nyon mongs pa rnams te/ bdag dang gzhan la gnod pa'i phyir ro/ /de dag gis rgyas par byas pa nyid kyi phyir 'thab bcas dag ste/ zag pa dang bcas pa bzhin no/ /sdug bsngal kun 'byung 'jig rten dang / /lha gnas srid pa'ang de dag yin/ /'phags pa rnams dang mi mthun pa'i phyir sdug bsngal lo/ /'di las sdug bsngal kun 'byung bas na kun 'byung ngo //skad cig re rer 'jig pas na 'jig rten no/ /'di la lta brgyas par 'gyur ba'i sgo nas gnas pas na lta ba'i gnas so/ /sdug bsngal ni kun 'byung las 'byung ba'i phyir srid pa'o/ /de ltar na 'di dag ni zag pa dang bcas pa'i chos rnams kyi rnam grangs don dang mthun pa dag go//gzugs la sogs pa phung po lnga/ /zhes gsungs te/ de la/ gzugs ni dbang po lnga dang don/ /lnga dang rnam rig byed min nyid/ /dbang po lnga ni mig dang / rna ba dang / sna dang / lce dang / lus kyi dbang po rnams dang / don lnga ni mig la sogs pa dbang po de dag nyid kyi yul gang dag yin pa gzugs dang /sgra dang / dri dang / ro dang / reg bya rnams dang / rnam par rig byed ma yin pa ste/ de snyed cig ni gzugs kyi phung po'o/ /de la gzugs la sogs pa'i don gang 'di dag smos pa/ de dag rnams kyi rnam shes rten//mig la sogs gzugs dang rnams/ gzugs dang sgra dang / dri dang / ro dang / reg bya'i rnam par shes pa rnams kyi rten du gyur pa'i gzugs dang ba'i bdag nyid lnga po gang dag yin pa de dag ni rim pa bzhin du mig dang / rna ba dang / sna dang / lce dang / lus ngag yin par rig par bya'o//dbang po lnga bshad zin to/ /don lnga bshad par bya ste/ gzugs rnam gnyis dang / kha dog dang dbyibs so/ /yang de nyid/ rnam nyi shu zhes bya ste/ 'di lta ste/ sngon po dang / ser po dang / dmar po dang / dkar po dang / ring po dang / thung ngu dang / lham pa dang / zlum po dang / mthon po dang / dma' ba dang / phya le ba dang / phya le ba ma yin pa dang / sprin dang / du ba dang / rdul dang / khug rna dang / grib ma dang / nyi ma dang / snang ba dang / mun pa'o/ /de la phya le ba ni dbyibs mnyam ba'o/ /phya le ba ma yin pa ni dbyibs mi mnyam pa'o/ / khug rna ni lho bur ro/ /nyi ma ni nyi ma'i 'od do/ /snang ba ni zla ba dang skar ma dang / me dang sman dang nor bu rnams kyi 'od dag go/ /grib ma ni gang na gzugs rnams snang pa'o/ /bzlog pa ni mun pa'o/ /lhag ma ni brda phrad par sla bas rnam par ma phye'o/ /sgra ni rnam pa brgyad yod de/zin pa dang ma zin pa'i 'byung ba chen po'i rgyu las byung ba sems can dang sems can ma yin par te rnam pa bzhi'o/ /de yang yid du 'ong ba dang yid du mi 'ong ba'i bye brag gis rnam pa brgyad du 'gyur ro/ /de la zin pa'i 'byung ba chen po'i rgyu las byung ba ni lag pa dang ngag gi sgra'o//ma zin pa'i 'byung ba chen po'i rgyu las byung ba ni rlung dang nags tshal dang chu bo'i sgra'o/ /sems can du ston pa ni ngag gi rnam par rig byed kyi sgra'o/ /gzhan ni sems can du ston pa ma yin pa'o/ /gzhan du yang sgra thams cad gnyis gnyis su bsdus pa'i phyir sgra ni rnam pa bzhi ru brjod do//sgra ni bshad zin to/ /ro ni rnam drug /mngar ba dang / skyur ba dang / lan tshwa ba dang / tsha ba dang / kha ba dang / bska ba'i bye brag gis so/ /dri rnam bzhi/ dri zhim pa dang / dri nga ba gnyis la/ mnyam pa dang / mi mnyam pa'i phyir ro/ /reg bya bcu gcig bdag nyid do//'byung ba bzhi dag dang / 'jam pa nyid dang / rtsub pa nyid dang / lci ba nyid dang / yang ba nyid dang / grang ba dang / bkres pa dang / skom pa'o/ /de la 'byung ba rnams ni 'og nas bshad par bya'o/ /'jam pa nyid ni mnyan pa'o/ /rtsub pa nyid ni hrud hrud po'o/ /lci ba nyid ni gang gis na dngos po rnams 'jal bar byed pa'o//bzlog pa ni yang ba nyid do/ /grang ba ni dro ba 'dod par byed pa'o/ /bkres pa ni zas 'dod par byed pa'o/ /skom pa'i btud pa 'dod par byed pa'o/ /rgyu las 'bras bu btags pa'i phyir te/ dper na/ sangs rgyas rnams ni 'byung ba bde/ / zhes bya ba la sogs pa bzhin no/ /rnam par rig byed ma yin pa gang zhe na/ g.yengs dang sems med pa yi yang / /dge dang mi dge rjes 'brel gang / /'byung ba che rnams rgyur byas pa/ /de ni rnam rig byed min brjod/ /sems g.yengs pa zhes bya ba ni de las gzhan pa'i sems pa'i yang yin pa'o//sems med pa'i yang zhes bya ba ni/ /'du shes med pa dang 'gog pa'i snyoms par 'jug pa'i yang yin pa'o/ /yang zhes bya ba'i sgras ni ma yengs pa dang sems dang bcas pa'i yang yin no zhes bya bar yang mngon no/ /dge ba dang mi dge ba zhes bya ba ni dge legs dang dge legs ma yin pa'o//rjes 'brel gang zhes bya ba ni rgyun to/ /thob pa'i rgyun yang 'di lta bu yod pas bye brag tu bya ba'i phyir/ 'byung ba che rnams rgyur byas pa/ /zhes bya ba brjod do/ /rgyur byas pa'i don ni rgyu'i don te/ skyed pa la sogs pa'i rgyu'i ngo bo nyid yin pa'i phyir ro/ /de ni rnam rig byed min zhes bya ba la de ni zhes bya ba'i sgra ni de'i ming shes par bya ba'i phyir te/gzugs dang byed pa'i rang bzhin yin yang rnam par rig byed bzhin du gzhan la rnam par rig byed ma yin pa'o/ /brjod ces bya ba ni slob dpon gyi tshig yin par ston pa'o/ /mdor na rnam par rig byed dang ting nge 'dzin las byung ba'i gzugs dge ba dang mi dge ba ni rnam par rig byed ma yin pa'o//'byung ba che rnams rgyur byas pa/ /zhes gsungs pa de dag gang zhe na/ 'byung ba dag ni sa khams dang / /chu khams me khams rlung khams rnams/ /de dag ni rang gi mtshan nyid 'dzin pa dang /rgyur byas pa'i gzugs dang 'dzin pa'i phyir khams dag go/ /'di dag gzugs gzhan thams cad kyi rten nyid du rags pa'i phyir chen po nyid do/ /yang na de las byung ba'i rang bzhin sa dang / chu dang / me dang rlung gi phung po de dag bya ba la shas che ba dag la de rnams chen por gnas pa'i phyir ro//yang khams de dag gi las gang yang dag par 'grub/ rang bzhin dag ni ci zhe na/ 'dzin pa la sogs las su 'grub/ /ces bya ba smos te/ 'di dag ni go rims bzhin du 'dzin pa dang / sdud pa dang / smin par byed pa dang / rgyas par byed pa'i las yang dag par sgrub po//rgyas par byed pa yang 'phel ba dang / rgyas par byed pa'o/ /rang bzhin ni go rims bzhin du/ sra gsher dro nyid g.yo rnams te/ /sra ba ni sa'i khams so/ /gsher ba ni chu'i khams so/ /dro ba ni me'i khams so/ /g.yo ba ni rlung gi khams so/ /'dis 'byung ba'i yul gzhan du skyed pa'i phyir g.yo bar byed de/sgron ma g.yo ba bzhin du g.yo ba yin no/ /yang sa la sogs pa dang sa'i khams la sogs pa la bye brag ci yod ce na/ 'jig rten gyi ni tha snyad du/ /kha dog dbyibs las zhes brjod/ /'di ltar sa ston pa na kha dog dang dbyibs ston par byed do//sa la ji lta ba de bzhin du/ chu me yang ngo / /'jig rten gyi tha snyad du kha dog dang dbyibs nyid la brjod do/ /rlung tshogs khams nyid yin/ /rlung gi khams gang yin pa de nyid la 'jig rten na rlung zhes 'dogs so/ /de dang 'dra ba'ang yin/kha dog dang dbyibs kyang ngo / /ji ltar rlung tshogs sngon po rlung tshogs zlum po zhes zer ba bzhin no/ /'di yang gzugs su rung bas gzugs kyi phung po zhes bya bar brjod do/ /gzugs su rung ba ni gnod pa'o/ /thogs pa'o zhes kha cig gi'o/ /gzugs kyi phung po'i ngo bo nyid bstan pa gang dag yin pa/dbang don de dag kho na la/ /skye mched dang ni khams bcur 'dod/ /skye mched rnam par gzhag pa ni skye mched bcu ste/ mig gi skye mched dang / gzugs kyi skye mched nas/ lus kyi skye mched dang / reg bya'i skye mched kyi bar yin no//khams rnam par gzhag pa ni de dag nyid bcu ste/ mig gi khams dang gzugs kyi khams nas lus kyi dang reg bya'i khams kyi bar yin no/ /gzugs kyi phung po bshad zin to/ /de la tshor ba myong ba/ myong ba rnam pa gsum ni tshor ba'i phung po ste/ bde ba dang / sdug bsngal dang / sdug bsngal yang ma yin bde ba yang ma yin pa'o/ /de yang dbye na tshor ba'i tshogs drug ste/ mig gi 'dus te reg pa las byung ba'i tshor ba nas yid kyi 'dus te reg pa las byung ba'i bar ro/ /'du shes ni mtshan mar 'dzin pa'i bdag nyid do/ /gang sngon po dang ser po dang /ring po dang / thung ngu dang / pho dang / mo dang / mdza' bshes dang / mdza' bshes ma yin pa dang / bde ba dang / sdug bsngal ba la sogs pa'i rang bzhin gyi khyad par la mtshan mar 'dzin pa de ni 'du shes kyi phung po'o/ /de yang dbye na 'du shes kyi tshogs drug ste tshor ba bzhin no//'du byed phung po bzhi las gzhan/ /gzugs dang / tshor ba dang / 'du shes dang / rnam par shes pa las gzhan pa'i 'du byed rnams ni 'du byed kyi phung po'o/ /de gsum/ tshor ba dang / 'du shes dang / 'du byed kyi phung po dag ste/ skye mched dang / khams rnam par gzhag pa ni/rnam rig byed min dang / 'dus ma byas rnams bcas pa ni/ /chos kyi skye mched khams zhes bya/ /de ltar rdzas bdun po 'di dag ni chos kyi skye mched dang / chos kyi khams zhes bya'o/ /rnam shes so sor rnam rig pa/ yul dang yul las so sor rnam par rig cing dmigs pa ni rnam par shes pa'i phung po zhes bya'o//de yang rnam par shes pa'i tshogs drug ste/ mig gi rnam par shes pa nas yid kyi rnam par shes pa'i bar ro/ /skye mched rnam par gzhag pa la/ yid kyi skye mched kyang de yin/ khams rnam par gzhag pa ni/khams bdun dag tu 'od 'dod pa ste/ /bdun gang zhe na/ rnam par shes pa drug dang yid/ /mig gi rnam par shes pa'i khams nas/ yid kyi rnam par shes pa'i khams dang yid kyi khams kyi bar ro/ /de ltar na phung po lnga dang / skye mched bcu gnyis dang /khams bco brgyad bstan par 'gyur te/ rnam par rig byed ma yin pa ma gtogs pa gzugs kyi phung po ni skye mched bcu dang khams bcu dag go/ /tshor ba la sogs pa phung po gsum dang / rnam par rig byed ma yin pa dang / 'dus ma byas dag ni chos kyi skye mched dang chos kyi khams so//rnam par shes pa'i phung po ni yid kyi skye mched dang / rnam par shes pa'i khams drug dang / yid kyi khams so/ /rnam par shes pa'i tshogs drug ni rnam par shes pa'i phung por bshad pa ma yin nam/ yang de dag las gzhan pa'i yid kyi khams de dag gang zhe na/gzhan ni gang yang ma yin te/ de dag nyid/ drug po 'das ma thag pa yi/ /rnam shes gang yin de yid do/ /rnam par shes pa gang 'gags ma thag pa de nyid ni yid kyi khams zhes bya ste/ dper na bu nyid phar 'gyur ba dang /'bras bu de nyid gzhan gyi sa bon yin pa lta bu'o/ /de lta na 'o na ni rnam par shes pa'i khams drug dang / yid kyi rnam shes gcig gi nang du gcig 'dus pa'i phyir rdzas su na khams bcu bdun nam bcu gnyis su 'gyur ro/ /de lta 'ang yin mod kyi 'on kyang / drug pa'i rten ni rab bsgrub phyir//khams ni bco brgyad dag tu 'dod/ /rnam par shes pa'i khams lnga po dag gi rten lnga ni mig gi khams la sogs pa yin na drug pa yid kyi rnam par shes pa'i khams kyi rten ni gzhan med do/ /de'i phyir rten rab tu bsgrub pa'i ched du yid kyi khams bstan to//de ltar na rten dang brten pa dang dmigs pa drug tshan rnam par gzhag pas khams bco brgyad du 'gyur ro/ /de la phung po de dag gis ni 'dus byas thams cad bsdus so/ /nye bar len pa'i phung po dag gis ni zag pa dang bcas pa thams cad bsdus so/ /skye mched dang khams dag gis ni chos thams cad bsdus so//mdor bsdu na/ phung po dang ni skye mched dang / /khams gcig gis ni thams cad bsdus par shes par bya ste/ gzugs kyi phung po dang / yid kyi skye mched dang / chos kyi khams kyis chos thams cad bsdus par rig par bya'o/ / bsdu ba de dag ni gang dang gang nas 'byung yang rung / rang gi ngo bo nyid kyis te/ gzhan gyi dngos pos ni ma yin par rig par bya'o/ /ci'i phyir zhe na/ gzhan gyi dngos dang mi ldan phyir/ /chos ni gzhan gyi dngos po dang mi ldan pa'i phyir ro/ /de lta bas na gang dang mi ldan pa de nyid kyis bsdus par yang mi rung ngo //mig dang / rna ba dang sna dag gnyis gnyis yod pa'i phyir khams nyi shu rtsa gcig tu 'gyur ba ma yin nam zhe na/ mi 'gyur te/ gang gi phyir/ mig la sogs pa gnyis mod kyi/ /rigs dang spyod yul rnam par shes/ /'dra ba'i phyir na khams gcig nyid//de la rigs 'dra ba ni gnyis ka mig gi rang bzhin yin pa'i phyir ro/ /spyod yul 'dra ba ni gnyis ka'i yul gzugs yin pa'i phyir ro/ /rnam par shes pa 'dra ba ni gnyis ka mig gi rnam par shes pa gcig gi rten yin pa'i phyir te/ de lta bas na mig gi khams ni gcig pa nyid do//de bzhin du rna ba dang / sna dag la yang sbyor bar bya'o/ /mdzes bya'i phyir na gnyis byung ngo / /mig la sogs pa'i khams gcig pa nyid yin yang rten mdzes par bya pa'i phyir gnyis byung ngo / /phung po dang / khams dang skye mched dag bshad zin to/ /phung po dang / khams dang skye mched kyi don gang yin pa 'dir brjod par bya ste/spungs dang skye sgo rigs kyi don/ /phung po skye mched khams rnams yin/ /spungs pa'i don ni phung po'i don to/ /sems dang sems las byung ba rnams skye ba'i sgo'i don ni skye mched kyi don to/ /rigs kyi don ni khams kyi don to/ / rigs kyang 'byung gnas so/ /yang ci'i phyir bcom ldan 'das kyis phung po la sogs pa'i sgo nas bstan pa rnam pa gsum rtsom par mdzad ce na/ smras pa/ gdul bya rnams kyi/ rmongs dbang 'dod rnams gsum gyi phyir/ /phung po la sogs gsum bstan to/ /sems can rnams kyi rmongs pa ni rnam pa gsum ste/kha cig sems las byung ba rnams la ril po'i bdag tu 'dzin pas rmongs so/ /kha cig ni gzugs kho na la'o/ /kha cig ni gzugs dang sems dag la'o/ /dbang po dag kyang rnam pa gsum ste/ dbang po rnon po dang / 'bring dang / rtul po'i phyir ro/ /'dod pa yang rnam pa gsum ste/ bsdus pa dang / bar ma dang / rgya chen po 'dod pa'i phyir te/ de dag la go rims bzhin du phung po dang / skye mched dang / khams gsum bstan te zhes grag go/ /yang ci'i phyir na sems las byung ba gzhan rnams ni 'du byed kyi phung po gcig tu bsdus la 'du shes dang tshor ba dag ni logs shig tu phung por byas she na/smras pa/ rtsod pa'i rtsa bar gyur pa dang / /'khor ba'i rgyu phyir rim rgyu'i phyir/ sems byung rnams las tshor ba dang / /'du shes logs shig phung por gzhag /rtsod pa'i rtsa bdag ni gnyis te 'dod pa la lhag par zhen pa dang /lta ba la lhag par zhen pa'o/ /de gnyis kyi rgyu'i gtso bo ni go rims bzhin du tshor ba dang / 'du shes dag ste/ tshor ba'i ro myangs pa'i dbang gis ni 'dod pa rnams la mngon par zhen la/ 'du shes phyin ci log gi dbang gis ni lta ba rnams la ste/de gnyis ni 'khor ba'i rgyu'i gtso bo yin te/ tshor ba la zhen cing 'du shes phyin ci log tu gyur pa ni 'khor ro/ /gang yang phung po'i go rims kyi rgyu ston par 'gyur ba'i go rims kyi rgyu de'i phyir yang 'di gnyis logs shig tu phung por byas par rig par bya'o/ / 'o na ci'i phyir skye mched dang khams dag tu ni 'dus ma byas bshad la/ phung bo dag tu ni ma yin zhe na/ phung po dag tu 'dus ma byas/ /don du mi rung phyir ma bshad/ /de ni phung po dag gi nang du brjod pa na de ni gzugs ma yin zhing / rnam par shes pa'i bar du yang ma yin pas don du mi rung ba'i phyir re zhig de dag nyid kyi nang du bsdu bar ni mi nus so//phung po drug par brjod par yang mi nus so/ /ci'i phyir zhe na/ don du mi rung ba'i phyir te/ spungs pa'i don ni phung po'i don to zhes bshad na 'dus ma byas ni gzugs bzhin du 'di ltar de dag thams cad gcig tu bsdus nas 'dus ma byas kyi phung po zhes bya ba'i grangs su 'gro bar 'gyur ba 'das pa la sogs pa'i bye brag gis tha dad pa ma yin no//rim ni rags dang kun nyon mongs/ /gnod sogs don khams ji bzhin no/ /gzugs ni thogs pa dang bcas phyir rags so/ /gzugs can ma yin pa rnams kyi nad na yang tshor ba'i rgyu ba rags pa'i phyir te/'di ltar nga'i lag pa la tshor ro/ /de'i rkang pa la tshor ro zhes tha snyad 'dogs so/ /'du shes ni gnyis pas ches rags so/ /rnam par shes pa bas ni 'du byed de/ de'i phyir gang ches rags pa de sngar bshad do/ / yang na thog ma med pa can 'khor ba na pho dang mo dag phan tshun gzugs la mngon par dga' ste/ de dag kyang tshor ba'i ro myang ba la chags pa'i phyir ro/ /de la chags pa yang 'du shes phyin ci log tu gyur pa'i phyir ro/ /phyin ci log de yang kun nas nyon mongs pa dag gis so/ /sems kyang de dag gis kun nas nyon mongs pa can du byas pas de'i phyir kun nas nyon mongs pa'i go rims ji lta ba bzhin no//yang na snod la sogs pa'i don gyis te/ gzugs la sogs pa'i phung po ni snod dang / zas dang / tshod ma dang / byan po dang / za ba po lta bu'o/ /yang na khams kyis te/'dod pa'i yon tan gzugs kyis rab tu phye ba ni 'dod pa'i khams so/ /tshor bas rab tu phye ba ni bsam gtan rnams so/ /'du shes kyis rab tu phye ba ni gzugs med pa gsum mo/ /'du byed tsam gyis rab tu phye ba ni srid pa'i rtse mo ste/ 'di dag ni rnam par shes pa'i gnas pa yin la de dag la rnam par shes pa gnas so zhes phung po'i go rims zhing dang sa bon gyi go rims lta bur bstan pa'i phyir ro//de nyid kyi phyir phung po rnams ni lnga ste mi nyung mi mang ngo / /rim pa'i rgyu de nyid kyi phyir tshor ba dang / 'du shes dag ni 'du byed rnams las logs shig tu phung por byas so//gang gi phyir 'di dag ni ches rags pa'o/ /mig la sogs pa'i khams dang skye mched drug gi go rims brjod par bya ste/ de'i dbang nyid kyis na de'i yul dang rnam par shes pa rnams kyi rim pa'o/ /drug po de dag las kyang / da lta'i don phyir dang pe lnga//mig la sogs pa lnga'i yul ni da ltar ba yin pa'i phyir sngar smos so/ /'byung ba las gyur don phyir bzhi/ /dang por zhes bya bar snyegs so/ /lnga po rnams las kyang bzhi sngar smos pa ni yul 'byung ba las gyur pa yin pa'i phyir ro/ /lus kyi yul ni ma nges te/ res 'ga' ni 'byung ba dag yin la/res 'ga' ni 'byung ba las gyur bdag yin no/ /res 'ga' ni gnyis ka yin no/ /gzhan ni ches ring myur 'jug phyir/ /lhag ma ni ci rigs par ches rgyang ring ba dang / myur bar 'jug pas gzhan pas sngar smos te/ mig dang rna ba ni yul rgyang ring ba'i phyir gnyis pas de dag sngar smos so//de gnyis las kyang mig ni ches rgyang ring po la 'jug pa de'i phyir de sngar smos so/ /sna dang lce ni rgyang ring po la 'jug pa med mod kyi de nyid las kyang sna ni ches myur bar 'jug pa'i phyir sngar smos so/ /yang na ji ltar gnas rim bzhin/ /yang na lus 'di la mig gi rten ni steng na gnas so//de'i 'og na ni rna ba'i'o/ /de'i 'og na ni sna'i'o/ /de nas ni lce'i'o/ /lus kyi ni phal cher de'i 'og na'o/ /yid ni de dag la brten pa dang yul na mi gnas pa'i phyir te/ de dag gi go rims ni ji ltar gnas pa bzhin yin no/ /yang ci'i phyir gzugs kyi phung po bsdus pa'i skye ma ched bcu po dag las gcig gzugs kyi skye mched du brjod la/thams cad kyang chos kyi rang bzhin yin na/ gcig chos kyi skye mched ces bya zhe na/ smras pa/ bye brag don dang gtso bo'i phyir/ /chos mang ba dang mchog bsdus phyir/ / gcig ni gzugs kyi skye mched dang / /gcig ni chos zhes bya bar brjod/ /bye brag gi don ji lta bu zhe na/ ci nas kyang yul dang yul can nyid du rnam par gzhag pa'i sgo nas bcu po 'di dag so sor skye mched nyid yin gyi spyir ni ma yin no zhes rtogs par bya ba yin mig la sogs pa bye brag tu byas pa dag gis ni gang mig la sogs par ni ming ma btags la/gzugs ni yin pa de gzugs kyi skye mched du shes par rung bas 'di'i ming gzhan ma brjod do/ /yang gzugs kyi skye mched ni gtso bo yin pa'i phyir te/ de ni thogs pa dang bcas pa'i phyir lag pa la sogs pa'i 'dus te reg pa dag gis reg na gzugs su rung ba dang /bstan du rung ba'i phyir te/ 'di ni 'di na'o/ /che ge mo zhig na'o zhes brtag tu rung ba'i phyir ro/ /bye brag gi don nyid kyis gcig ni chos kyi skye mched du bshad kyi thams cad ni ma yin no/ /gzhan yang 'dir tshor ba la sogs pa chos mang po rnams bsdus te/de'i phyir chos kyi sgra spyir rjod par byed do/ /chos kyi mchog mya ngan las 'das pa yang 'dir bsdus te gzhan dag tu ma yin no/ /mdo dag las/ phung po dang / skye mched dang / khams shes par bya ba gzhan dag kyang dmigs na/ ci de rnams 'di dag nyid kyis bsdus sam/ 'on te tha dad pa zhig yin zhe na/ 'di dag nyid kyis bsdus kyi tha dad pa ni med de/ de la re zhig /chos kyi phung po brgyad khri dag /gang rnams thub pas gsungs de dag /tshig gam ming yin de dag ni/ /gzugs dang 'du byed dag tu 'dus//gang dag gi ltar na sangs rgyas kyi gsung tshig gi rang bzhin yin pa de dag gi ltar na de dag ni gzugs kyi phung pos bsdus so/ /gang dag gi ltar na ming gi rang bzhin yin pa de dag gi ltar na ni 'du byed kyi phung pos bsdus so/ /yang chos kyi phung po'i tshad ni ji tsam zhe na/ kha cig bstan bcos tshad ces zer/kha cig na re de ni chos kyi phung po zhes bya ba'i chos mngon pa'i tshad tsam mo zhes zer te/ de ni sh+lo ka drug stong ngo / /yang gzhan dag na re/ phung po la sogs pa gtam re yin zhes zer te/ phung po dang / skye mched dang / khams dang / rten cing 'brel bar 'byung ba la sogs pa'i gtam rgyud re re ni chos kyi phung po'o zhes zer ro//spyod pa rnams kyi gnyen por ni/ /chos kyi phung po mthun par gsungs/ /'di skad du sems can rnams kyi spyod pa 'dod chags dang / zhe sdang dang / gti mug dang / nga rgyal la sogs pa spyod pa tha dad pa brgyad khri yod de/de dag gi gnyen por chos kyi phung po brgyad khri gsungs so zhes brjod do/ /de ltar chos kyi phung po brgyad khri phung po 'di dag nyid du bsdus pa/ de bzhin gzhan yang ci rigs par/ /phung po skye mched khams rnams ni/ /rang gi mtshan nyid legs dpyad de/ /ji skad bshad par bsdu bar bya//mdo gzhan dag las/ phung po dang / skye mched dang / khams gzhan gang dag gsungs pa de dag kyang bstan bcos 'di las ji skad bshad pa bzhin de dag gi rang rang gi mtshan nyid legs par dpyad nas phung po la sogs pa 'di skad bshad pa 'di dag nyid du bsdu bar bya ste/de la re zhig tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po dag las tshul khrims kyi phung po ni gzugs kyi phung pos bsdus so/ /lhag ma rnams ni 'du byed kyi phung pos bsdus so/ /zad par gyi skye mched bcu po dag las brgyad ni ma chags pa'i rang bzhin yin pa'i phyir chos kyi skye mched kyis bsdus so//'khor rnams dang bcas na ni phung po lnga'i rang bzhin yin pa'i phyir yid dang chos kyi skye mched dag gis bsdus te/ zil gyis gnon pa'i skye mched dag kyang de dang 'dra'o//zad par nam mkha' dang / rnam shes mtha' yas skye mched dag dang / nam mkha' mtha' yas skye mched la sogs pa bzhi po dag ni phung po bzhi'i rang bzhin yin pa'i phyir yid dang chos kyi skye mched dag gis bsdus so/ /rnam par grol ba'i skye mched lnga po dag ni shes rab kyi rang bzhin yin pa'i phyir chos kyi skye mched kyis bsdus so//'khor rnams dang bcas na ni sgra dang yid dang chos kyi skye mched rnams kyis bsdus so/ /skye mched gnyis las 'du shes med pa'i sems can ni dri dang ro'i skye mched med pa'i phyir skye mched bcu po rnams kyis bsdus so//'du shes med 'du shes med min skye mched du nye bar 'gro ba ni yid dang chos kyi skye mched dag gis bsdus so/ /khams mang po pa las gang dag sa'i khams dang / chu'i khams dang / me'i khams dang / rlung gi khams dang / nam mkha'i khams dang /rnam par shes pa'i khams drug bstan pa la/ de dag las gnyis kyi mtshan nyid ma bshad na de ci nam mkha'i nyid nam mkha'i khams yin pa'am/ rnam par shes pa thams cad kyang rnam par shes pa'i khams yin par rig par bya'am zhe na/ smras pa ma yin no/ /'o na ci zhe na/ sgo dang / skar khung dang / kha dang sna la sogs pa'i bu ga nam mkha'i khams zhes bya/ bu ga zhes bya ba ci zhig yin par rig par bya zhe na/ snang dag mun pa dag yin lo/ /bu ga ni snang ba dang / mun pa dag las gzhan gzung du med do/ /de lta bas na nam mkha'i khams ni snang ba dang mun pa'i rang bzhin te/mtshan mo dang nyin mo'i rang bzhin yin par rig par bya'o zhes grag go/ /zag dang bcas pa'i rnam shes ni/ /rnam shes khams yin/ ci'i phyir zag pa med pa la mi bya zhe na/ 'di ltar khams drug po 'di dag ni/ skye ba'i rten yin par 'dod de/ de dag ni nying mtshams sbyor ba'i sems nas 'chi ba'i sems kyi bar du skye ba'i gzhir gyur pa ste/ zag pa med pa'i chos rnams ni de lta ma yin no/ /de'i phyir/ de ltar na de dag las khams bzhi ni reg bya'i khams kyi nang du 'dus so/ /lnga pa ni gzugs kyi khams kyi nang du 'dus so//drug pa ni rnam par shes pa'i khams bdun po dag tu 'dus so/ /gang dag khams bco brgyad bstan pa de dag las bstan du yod pa rnams ni du/ bstan du med pa rnams ni du zhe na/ bstan yod 'dir ni gzugs gcig pu/ /de ni 'di ni 'di na'o/ /che ge mo zhig go zhes bstan par nus so//lhag ma rnams ni bstan du med pa'o zhes bshad par 'gyur ro/ /thogs pa dang bcas pa rnams ni du/ thogs pa med pa rnams ni du zhe na/ thogs dang bcas pa gzugs can bcu/ /gzugs kyi phung pos bsdus pa'i khams bcu gang dag bshad pa de dag ni sgrib pa la thogs pas thogs pa dang bcas pa rnams so//lung ma bstan brgyad de dag nyid/ /gzugs sgra ma gtogs dbang po lnga po rnams dang / dri dang / ro dang / reg bya'i khams rnams te brgyad po de dag ni dge ba dang mi dge ba'i ngo bor lung bstan du med pa'i phyir lung ma bstan dag go//gzhan rnam gsum/ sems kyi khams bdun ma chags pa la sogs pa dang mtshungs par ldan pa dag ni dge ba yin no/ /chags pa la sogs pa dang mtshungs par ldan pa dag ni mi dge ba yin no/ /gzhan dag lung du ma bstan pa yin no/ /chos kyi khams ni ma chags pa la sogs pa'i ngo bo nyid dang mtshungs par ldan pa dang /kun nas bslang ba dang / so sor brtags pas 'gog pa ni dge ba'o/ /chags pa la sogs pa'i ngo bo dang mtshungs par ldan pa dang / kun nas bslang ba ni mi dge ba'o/ /gzhan ni lung du ma bstan pa yin no//gzugs dang sgra'i khams ni lus dang ngag gi rnam par rig byed kyis bsdus pa dge ba dang mi dge ba dang / lung du ma bstan pa'i sems kyis kun nas bslang ba dag ni dge ba dang mi dge ba dang lung du ma bstan pa dag go/ /'dod pa'i khams su gtogs pa dag ni du zhe na/'dod khams gtogs pa thams cad do/ /gtogs pa ni ma bral ba zhes bya ba'i don to/ /gzugs kyi khams na bcu bzhi ste/ /dri dang ro dang sna dang ni/ /lce yi rnam shes khams ma gtogs/ /de na dri dang ro dag med de/ gnyis ni khams kyi zas yin pa'i phyir yin la/de la 'dod chags dang bral ba rnams kyang der skye ba'i phyir ro/ /de lta bas na dmigs pa med pa'i phyir sna dang lce'i rnam par shes pa dag kyang med do/ /gzugs med rtogs pa yid dang ni/ /chos dang yid kyi rnam shes khams/ /gzugs kyi 'dod chags dang bral ba rnams der skyes te/de'i phyir gzugs kyi rang bzhin gyi khams bcu dang / de dag la brten pa dang / dmigs pa rnam par shes pa'i khams lnga yang med do/ /zag pa dang bcas pa rnams ni du/ zag pa med pa rnams ni du zhe na/ /yid dang chos dang yid kyi rnam par shes pa'i chos gang dag bshad pa/de gsum zag bcas zag pa med/ /gang dag lam gyi bden pa dang 'dus ma byas kyis bsdus pa de dag ni zag pa med pa yin no/ /lhag ma dag ni zag bcas so/ /rtog pa dang bcas dpyod pa dang bcas pa rnams ni du/ rtog pa med la dpyod pa tsam dag ni du/rtog pa yang med pa rnams ni du zhe na/ rtog dang dpyod dang bcas pa ni/ rnam par shes pa'i khams lnga yin/ /'di dag ni khams rtag tu rtog pa dang dpyod pa dag dang mtshungs par ldan pa yin te/ tha ma gsum ni rnam gsum mo/ /de la yid kyi khams dang /yid kyi rnam par shes pa'i khams dang / rtog pa dang dpyod pa dag las gzhan pa chos kyi khams mtshungs par ldan pa dag 'dod pa'i khams dang bsam gtan dang po na ni rtog pa dang bcas dpyod pa dang bcas pa dag yin no/ /bsam gtan khyad par can na ni rtog pa med cing dpyod pa tsam dag yin no//bsam gtan gnyis pa nas bzung ste srid pa'i rtse mo'i bar gyi dang / chos kyi khams mtshungs par ldan pa ma yin pa thams cad dang / bsam gtan khyad par can gyi dpyod pa ni rtog pa yang med dpyod pa yang med pa dag yin no/ /rtog pa ni rtog pa gnyis pa yang med pa'i phyir dang /dpyod pa dang mtshungs par ldan pa'i phyir rtog tu rtog pa med cing dpyod pa tsam yin no/ /lhag ma rnams ni gnyis ka spangs/ /lhag ma ni gzugs can gyi khams bcu po dag ste/ de dag ni mtshungs par ldan pa ma yin pa'i phyir rtag tu rtog pa yang med la dpyod pa yang med pa dag yin no//gal te rnam par shes pa'i tshogs lnga po rnams rtog pa dang dpyod pa dang bcas pa dag yin na/ ji ltar na rnam par rtog pa med pa dag ces bya zhe na/ nges par rtog dang rjes dran pa'i/ /rnam par rtog pas rnam mi rtog /rnam par rtog pa ni rnam pa gsum mo zhes grag ste/ngo bo nyid dang res par rtog pa dang rjes su dran pa'i rnam par rtog pa'o/ /de bas na de dag la ngo bo nyid kyis rtog pa ni yod kyi gzhan dag ni ma yin te/ de bas na rnam par rtog pa med pa dag ces bya ste/ dper na rta rkang pa gcig pa la rkang med ces bya ba bzhin no/ /yang sems kyi rang bzhin ngo bo nyid dang /rjes su dran pa'i rtog pa dag /de dag yid kyi shes rab g.yeng / /yid kyi dran pa thams cad nyid/ /yid kyi rnam par shes pa dang mtshungs par ldan pa'i shes rab ni yid kyi zhes bya'o/ /mnyam par gzhag pa ma yin pa ni g.yeng ba zhes bya ste/ de ni nges par rtog pa'i rnam par rtog ba'o/ /yid kyi dran pa nyid mnyam par gzhag pa dang mnyam par gzhag pa ma yin pa'i dran pa thams cad ni rjes su dran pa'i rnam par rtog pa yin no/ /dmigs pa dang bcas pa rnams ni du/ dmigs pa med pa rnams ni du zhe na/ dmigs bcas sems kyi khams bdun no//sems kyi khams bdun po de dag ni yul 'dzin pa'i phyir dmigs pa dang bcas pa dag go/ /chos kyi phyed kyang / gang sems las byung ba'i rang bzhin chos kyi khams de ni dmigs pa dang bcas pa'o/ /lhag ma gzugs can gyi khams bcu po dag dang chos kyi khams kyi phyogs gcig ldan pa ma yin pa ni dmigs pa med pa zhes bya bar grub po//zin pa rnams ni du/ ma zin pa rnams ni du zhe na/ ma zin dgu/ brgyad po de dag rnams dang sgra/ /sems kyi khams bdun dang chos kyi khams dang / sgra'i khams rnams ni ma zin pa'o/ /dgu po gzhan ni rnam pa gnyis//zin pa dag kyang yin ma zin pa dag kyang yin te/ de la mig dang / rna ba dang / sna dang / lce dang / lus da ltar byung ba rnams ni zin pa yin no/ /'das pa dang ma 'ongs pa rnams ni ma zin pa yin no/ /gzugs dang / dri dang / ro dang / reg bya'i khams da ltar byung ba dbang po dang tha mi dad pa rnams ni zin pa yin no// gzhan dag ni ma zin pa rnams so/ /zin pa zhes bya ba'i don ci zhe na/ phan pa dang gnod pa dag gis phan tshun mthun par byed pa'i phyir sems dang sems las byung ba rnams kyi rten gyi dngos por nye bar bzung ba ste/ 'jig rten na sems pa dang bcas pa zhes brjod pa gang yin pa'o//'byung ba'i rang bzhin du/ 'byung ba las gyur pa du yin zhe na/ reg bya rnam pa gnyis yin te/ 'byung ba dang / 'byung ba las gyur pa'o/ /de la 'byung ba dag ni bzhi'o/ /'byung ba las gyur pa ni 'jam pa nyid la sogs pa 'byung ba dag las byung ba'i phyir ro//lhag ma gzugs can dgu po ni 'byung gyur te/ dbang po lnga'i khams dag dang yul bzhi'o/ /chos khams phyogs gcig kyang / 'byung ba las gyur pa ste/ rnam par rig byed ma yin pa zhes bya'o/ /lhag ma rnams ni gnyis ka ma yin pa'o//bsags pa rnams ni du/ bsags pa ma yin pa rnams ni du zhe na/ gzugs can bcu ni bsags pa'o/ /dbang po'i khams lnga dang yul lnga dag ni rdul phra rab 'dus pa yin pa'i phyir bsags pa dag go/ /khams bco brgyad po 'di dag las gcod par byed pa ni gang gcad par bya ba ni gang /sreg par byed pa ni gang / bsreg par bya ba ni gang / 'jal bar byed pa ni gang / gzhal bar bya ba ni gang zhe na/ gcod byed gcad par bya ba nyid/ /phyi rol gyi ni khams bzhi yin/ /gzugs dang / dri dang / ro dang / reg bya zhes bya ba ste/ dgra sta dang / shing zhes bya ba la sogs ba'o/ /gcod pa yang 'dus pa'i rgyun 'brel bar 'byung ba can rnam par 'byed pa skyed pa'o/ /dbang po rnams ni gcad par bya ba ma yin te/ gnyis su byar med pa'i phyir ro/ /gcod par byed pa yang ma yin te/ nor bu'i 'od bzhin du dang ba nyid kyi phyir ro//ji ltar gcod byed gcad par bya ba nyid phyi rol gyi khams bzhi yin pa ltar/ de bzhin bsreg bya 'jal byed pa'o/ /de dag nyid bsreg par bya ba yin la/ de dag nyid 'jal bar byed pa yin no/ /dbang po rnams ni ma yin te/ dang ba'i phyir ro/ /sgra yang ma yin te/ chad pa'i phyir ro//bsreg dang gzhal la mi mthun smra/ /kha cig na re khams bzhi po sreg par byed pa yang yin la gzhal bar bya ba yang yin no zhes brjod do/ /rnam par smin pa las skyes pa'i khams ni du/ rgyas pa las byung ba rnams ni du/ rgyu mthun pa las byung ba rnams ni du/rdzas dang ldan pa rnams ni du/ skad cig ma rnams ni du zhe na/ smras pa/ rnam par smin las skyes pa dang / /rgyas las byung ba nang gi lnga/ /mig la sogs pa lnga po dag ni rnam par smin pa las skyes pa yang yin la/ rgyas pa las byung ba yang yin no/ /rgyu mthun par byung ba las ni med de/de dag las ma gtogs pa'i rgyu mthun pa med pa'i phyir ro/ /de la rnam par smin pa'i rgyu las skyes pa ni/ rnam par smin pa las skyes pa'o/ /zas dang legs par bya ba dang / ting nge 'dzin gyi khyad par dag gis rgyas par byas pa rnams ni rgyas pa las byung ba dag go//sgra ni rgyas pa las byung ba dang / rgyu mthun pa las byung ba yod kyi/ sgra ni rnam smin las skyes min/ /rang gi 'dod dgur 'byung ba'i phyir/ /rgyu mthun las byung rnam smin skyes/ /thogs pa med pa brgyad/ sems kyi khams bdun po dag dang chos kyi khams te skal pa mnyam pa dang /kun du 'gro ba'i rgyus bskyed pa rnams ni rgyu mthun pa las byung ba dag go/ /rnam par smin pa'i rgyus bskyed pa rnams ni rnam par smin pa las skyes pa dag go/ /gzhan rnam gsum/ lhag ma gzugs dang / dri dang / ro dang / reg bya'i khams dag ste/de dag ni rnam par smin pa las skyes pa dang / rgyas pa las byung ba dang / rgyu mthun pa las byung ba dag kyang yin no/ /rdzas dang lhan cig 'dus ma byas ni brtan pa'i phyir rdzas so/ /de yang chos kyi khams la yod pas chos kyi khams gcig pu rdzas dang ldan pa yin no/ /tha ma gsum/skad cig ma ste/ tha ma de dag yid kyi khams la sogs pa sdug bsngal la chos shes pa'i bzod pa'i tshogs la skad cig ma gcig rgyu mthun pa las byung ba ma yin par 'gyur te/ de'i phyir skad cig ma zhes bya'o/ /de la sdug bsngal la chos shes pa'i bzod pa dang mtshungs par ldan pa'i sems ni yid kyi khams dang yid kyi rnam par shes pa'i khams yin no//lhag ma de dag dang lhan cig 'byung ba rnams ni chos kyi khams so/ /'di dpyad par bya ste gang mig gi khams dang mi ldan pa las ldan pa thob pa de mig gi rnam par shes pa dang yang yin nam/ gang mig gi rnam par shes pa dang yin pa de mig gi khams dang yang yin nam zhe na/ smras pa/ mig dang ni/ rnam shes khams dag so so dang / lhan cig tu yang thob pa yod/ /re zhig so so ni mig gi khams dang yin la mig gi rnam par shes pa'i khams dang ma yin pa yang yod de/'dod pa'i khams na rim gyis mig gi dbang po thob pa'o/ /mig gi rnam par shes pa'i khams dang yin la/ mig gi khams dang ma yin pa yang yod de/ bsam gtan gnyis pa la sogs par skyes pas gzugs lta zhing mig gi rnam par shes pa mngon du byed pa na'o//lhan cig tu yang ni gnyis ka dang ldan pa 'thob pa yang yod de/ gzugs med pa'i khams nas shi 'phos nas 'dod pa'i khams dang tshangs pa'i 'jig rten du skyes pa na'o/ /gnyis ka dang ma yin pa ni rnam pa de dag ma gtogs pa'o/ /nang gi khams dag ni du/phyi'i dag ni du zhe na/ nang gi bcu gnyis gzugs la sogs ma gtogs pa rnam par shes pa drug dang rten drug go/ /mig la sogs pa ni sems kyi rten nyid du nye ba nyid kyi phyir nang gi'o/ /sems ni ngar 'dzin pa'i rten yin pa'i phyir bdag tu nye bar 'dogs pa'o/ / gzugs la sogs pa yul gyi khams drug po dag ni phyi'i yin no/ /rten pa dang bcas pa'i khams rnams ni du/ de dag dang mtshungs pa rnams ni du zhe na/ re zhig mtha' gcig tu/ chos zhes bya ba ni rten pa dang bcas/ rten dang brten par dmigs pa gang rang gi las byed pa de ni rten pa dang bcas pa'o//gang la yid kyi rnam par shes pa mtha' yas pa ma skyes pa'am/ skye bar mi 'gyur ba'i chos kyi khams gang yin pa de dag ni 'ga' yang med de/ de lta bas na chos kyi khams ni rtag tu brten pa dang bcas pa yin no/ /lhag ma ni de dag mtshungs pa dag kyang yin//kyang zhes bya ba'i sgra brten pa dang bcas pa dag kyang yin pa'o/ /de dag mtshungs pa zhes bya ba ni 'di ci zhig ce na/ gang zhig rang gi las mi byed/ /gang rang gi las mi byed pa de ni brten pa dang bcas pa'o zhes bshad par 'gyur ro/ /de la mig la sogs pa dag ni gang gcig gi brten pa dang bcas pa de ni thams cad kyi yin la/gzugs la sogs pa dag ni gang kho na'i dmigs par gyur pa de kho na'i brten pa dang bcas pa dag go/ /brten pa dang bcas pa ni dngos po'i byed pa la brten pa ste/ de 'di dag la yod pas brten pa dang bcas pa rnams sam/'bras bu la reg pa'i phyir brten pa dang bcas pa dag go/ /yang gang dag brten pa dang bcas pas ma yin pa de dag ni rigs mthun par 'dra ba'i phyir de dang mtshungs pa dag go/ /mthong bas spang bar bya ba'i khams rnams ni du/ bsgom pas spang bar bya ba'i khams rnams ni du/spang bar bya ba ma yin pa rnams ni du zhe na/ re zhig gzugs can bcu ni bsgom pas spang bya yin/ lnga yang yin te/ rnam par shes pa'i khams lnga po dag go/ /tha ma gsum rnam gsum/ phra rgyas brgyad cu rtsa brgyad dang / /de dag dang lhan cig 'byung ba dang /de dag gi thob pa rjes su 'brang ba dang bcas pa ni mthong bas spang bar bya ba dag yin no/ /zag pa dang bcas pa lhag ma dag ni bsgom pas spang bar bya ba dag yin no/ /zag pa med pa ni spang bya ma yin pa'o/ /so so'i skye bo nyid dang / ngan song ba'i lus dang / ngag gi las dag kyang 'phags pa'i lam dang 'gal ba'i phyir mthong bas spang bar bya ba gzhan yang yod pa ma yin nam zhe na/de dag ni mthong bas spang bar bya ba ma yin te/ mdor bsdu ba ni 'di yin no/ /nyon mongs can min mthong spang min/ /gzugs min drug pa min skyes min/ /nyon mongs pa can ma yin pa ni mthong bas spang bar bya ba cung zad kyang med la/gzugs kyang ma yin no/ /so so'i skye bo nyid ni nyon mongs pa can ma yin pa'i lung du ma bstan pa yin te/ dge ba'i rtsa ba kun du chad pa dang 'dod chags dang bral ba rnams kyang de dang ldan pa'i phyir ro/ /lus dang ngag gi las ni gzugs yin no//de lta bas na de dag ni mthong bas spang bar bya ba ma yin te/ bden pa dag la log par mi rtog pa'i phyir ro/ /drug pa ma yin pa las skyes pa ni dbang po lnga las skyes pa gang yin pa ste/ de yang mthong bas spang bar bya ba ni med do/ /lta ba ni du/ lta ba ma yin pa ni du zhe na/mig dang chos kyi khams phyogs ni/ lta ba yin te/ de dag gang zhe na/ smras pa/ rnam pa brgyad/ 'jig tshogs la lta ba la sogs pa lta ba lnga po dag dang / 'jig rten pa'i yang dag pa'i lta ba dang / slob pa'i lta ba dang / mi slob pa'i lta ba dang / chos kyi khams rnam pa brgyad po 'di dag ni lta ba yin no//lhag ma ni lta ba ma yin no/ /de la 'jig rten pa'i yang dag pa'i lta ba ni yid kyi rnam par shes pa dang mtshungs par ldan pa'i shes rab dge ba zag pa dang bcas pa'o/ /slob pa'i zag pa med pa'i lta ba ni slob pa'i'o/ /mi slob pa'i ni mi slob pa'i'o//yang ci'i phyir yid kyi rnam par shes pa dang mtshungs par ldan pa kho na la 'jig rten pa'i yang dag pa'i lta ba zhes bya zhe na/ 'di ltar/ rnam shes lnga dang mtshungs skyes blo/ /nges rtogs med phyir lta ba yin/ /rtog par byed pa ni lta ba yin te/ nges par sems pa la zhugs pa dag yin na/rnam par shes pa lnga dang lhan cig skyes pa'i shes rab ni de lta ma yin te/ de lta bas na 'di ni lta ba ma yin no/ /de nyid kyi phyir shes rab nyon mongs pa can nam/ nyon mongs pa can ma yin pa gzhan yang lta ba ma yin no/ /'o na mig kyang rtog par byed pa nyid med na ji ltar lta ba ma yin zhe na/gzugs la lta ba'i don gyis te/ gang gi phyir/ mig gis gzugs rnams mthong / gal te mig gis gzugs rnams mthong bar gyur na/ rnam par shes pa gzhan dang ldan pas kyang mthong bar 'gyur ro zhe na/ mig thams cad kyis mthong ba ni ma yin pa nyid do//'o na ci zhe na/ rten bcas rnam par shes pa dang bcas pa zhes bya ba'i don to/ /gang gi tshe rnam par shes pa dang bcas par gyur pa de'i tshe mthong ngo / /de lta na 'o na ni mig la brten pa'i rnam par shes pa de kho nas mthong bar 'gyur ro zhe na/ de la brten pa'i rnam shes min//mthong ngo zhes nges par bya ba'i nus pa ni med do/ /ci'i phyir zhe na/ gang phyir bar du chod pa yi/ /gzugs ni mthong ba min phyir lo/ /gang gi phyir rtsig pa la sogs pas bar du chod pa'i gzugs mi mthong ngo zhes grag go/ /gal te rnam par shes pas mthong bar gyur na de ni thogs pa med pa'i phyir rtsig pa la sogs pa la yang thogs pa med pas gzugs bsgribs pa yang mthong bar 'gyur ro//mthong ba yang ma yin te/ de bas na rnam par shes pas mi mthong ngo / /ji ltar yang mig gis mthong ba de bzhin du rna bas thos so/ /snas tshor ro/ /lces myong ngo //lus kyis reg go/ /yid kyis rnam par shes so/ /ci mig gcig gis gzugs rnams mthong ngam/ 'on te gnyis kas she na/ 'di la nges pa med de/ mig ni gnyis ka dag gis kyang / /mthong ste gsal bar mthong phyir ro/ /mig ni gnyis kas kyang mthong ste/ gnyis ka phye na gsal ba rab tu mthong bar 'gyur ro//rten rnam par chad pas rnam par chad pa mthong ba yang med de/ rnam par shes pa ni yul na mi gnas pa'i phyir ro/ /ci mig la sogs pa rnams yul dang phrad pa zhig gam/ 'on te ma phrad pa zhig yin zhe na/ /mig dang yid dang rna ba ni//yul dang ma phrad/ 'di ltar gzugs rgyang ring po nas mthong zhing mig dang phrad pa'i mig sman mi mthong ngo / /sgra rgyang ring po nas thos so/ /yid ni gzugs can ma yin pa'i phyir phrad pa nyid du mi nus so/ /lhag ma sna dang / lce dang / lus zhes bya ba/ gsum gzhan du/ yul dang phrad pa zhes bya ba'i tha tshig go//yang ci mig la sogs pa dag gis bdag nyid kyi tshad dang mnyam pa'i don la 'dzin tam/ 'on te mnyam pa'am mi mnyam pa zhig la 'dzin ce na/ re zhig gang dag yul dang phrad par bshad pa/ sna la sogs pa gsum po de rnams kyis ni/ yul ni mnyam par 'dzin par 'dod//dbang po'i rdul phra rab rnams ji snyed pa de snyed kyi yul gyi rdul phra rab rnams dang phrad nas rnam par shes pa bskyed do/ /mig dang rna ba dag gis ni ma nges so/ /yid ni lus can ma yin pas tshad yongs su ma chad pas mi dpyod do/ /da ni gang 'di dag rnam par shes pa'i khams drug bshad pa ji ltar de dag gi yul da ltar ba dang dus gsum yin pa ltar rten kyang de lta bu yin nam zhe na/smras pa ma yin te/ tha ma'i rten 'das/ yid kyi rnam par shes pa'i rten ni 'gags ma thag pa'i yid do/ /lnga rnams ni/ de dag lhan cig skyes pa'ang yin/ /de la mig gi rnam par shes pa'i lhan cig skyes pa'i rten ni mig nas lus kyi rnam par shes pa'i bar du yang lus yin la/de dag gi 'das pa'i rten yid yin no/ /yang rnam par shes pa ni gnyis ka la rag lus te skye na ci'i phyir mig la sogs pa kho na la brten ces bya ba'i gzugs la sogs pa ni ma yin no zhe na/ de dag gyur pas 'gyur nyid phyir//brten ni mig la sogs pa yin/ /mig la sogs pa rnams gyur pas rnam par shes pa rnams 'gyur ba yin te/ phan pa dang gnod pa dang / gsal ba dang mi gsal ba nyid kyi rjes su byed pa'i phyir ro/ /gzugs la sogs pa rnams gyur pas de dag 'gyur ba ma yin te/de'i phyir de kho na rten yin no/ /yang de dag gis ni gzugs la sogs pa rnam par shes na/ ci'i phyir mig la sogs pa rnam par shes pa zhes bya la/ gzugs la sogs pa'i rnam par shes pa ma yin zhe na/ gang gi phyir de dag gi rten ni mig la sogs pa yin pa/de phyir thun mong ma yin phyir/ /de dag gis ni rnam shes bstan/ /mig ni rnam par shes pa gzhan gyi rten du 'gyur bar mi nus la/ gzugs ni yid kyi rnam par shes pa'i dmigs par yang 'gyur la/ mig gi rnam par shes pa'i dmigs par yang 'gyur te/ lus kyi bar du yang de dang 'dra bar rig par bya'o/ /de lta bas na rten du gyur pa'i phyir dang / thun mong ma yin pa'i phyir de dag kho nas rnam par shes pa bstan gyi gzugs la sogs pa ni ma yin te/ dper na rnga bo che'i sgra dang / nas kyi myu gu bzhin no/ /yang lus gang la gnas te mig gis gzugs rnams la lta ba na/ci lus dang mig dang gzugs dang rnam par shes pa de rnams sa gcig pa kho na zhig yin nam/ 'on te gzhan gyis pa yang yin zhe na/ smras pa/ thams cad la bye brag yod de/ de la nges pa 'di yin te/ lus la 'og gi mig ma yin/ /las dang mig dang gzugs rnams ni 'dod pa na spyod pa nas bsam gtan bzhi pa'i bar sa lnga pa yin no//mig gi rnam par shes pa ni 'dod pa na spyod pa dang / bsam gtan dang po'i sa pa dang sa gnyis pa yin no/ /de las gang sa'i lus yin pa'i sa de ba'am/ sa gong ma'i yin gyi sa 'og ma'i ma yin no//'di'i mig gi yul ni de'i sa pa 'am sa 'og ma'i gzugs yin gyi/ mig gi gong ma'i gzugs ma yin/ sa gong ma'i gzugs sa 'og ma'i mig gis mthong bar ni nam yang mi nus so/ /rnam par shes pa'ang / sa gong ma'i ma yin te/ gzugs bzhin no/ /de yi gzugs/lus kyi'ang gnyis ka thams cad du de'i zhes bya ba bshad ma thag pa'i mig gi rnam par shes pa'i yul ni gong ma dang 'og ma dang rang gis pa'i gzugs thams cad du yin la/ lus kyi'ang gzugs dang rnam par shes pa thams cad du yin no/ /ji ltar mig 'di rgyas par bshad pa ltar/rna ba'ang de bzhin/ lus la gong ma'i rna ba min/ /rna bas gong ma'i sgra ma yin/ /rnam par shes pa'ang sgra ni 'di'i/ /lus kyi'ang gnyis ka thams cad du/ /gsum dag ni/ thams cad rang gi sa pa nyid/ /sna dang lce dang lus kyi khams rnams kyi ni lus dang yul dang rnam par shes pa rnams rang gis pa kho na yin no//spyir bstan nas dmigs kyis bsal ba gsungs pa ni/ lus kyi rnam shes 'og dang ni/ /rang gi sa pa lus dang lus kyi khams dang reg bya ni rtag tu rang gi sa pa kho na yin no/ /lus kyi rnam par shes pa ni kha cig gi rang gi sa pa yin te 'di lta ste/'dod pa'i khams dang bsam gtan dang por skyes pa rnams kyi lta bu'o/ /kha cig ni sa 'og ma pa yin te/ 'di lta ste/ bsam gtan gnyis pa la sogs par skyes pa rnams kyi lta bu'o/ /yid ma nges te/ res 'ga' ni lus dang / yid kyi rnam par shes pa dang / chos dag dang mtshungs pa'i sa pa'i yid yin la/res 'ga' ni sa gong ma dang 'og ma pa yin te/ de nyid kyi phyir sa lnga pa'i lus la yang snyoms par 'jug pa dang / skye ba'i tshe yid la sogs pa'i sa thams cad pa dag yin no/ /'di dpyad par bya ste/ khams bco brgyad po rnam par shes pa drug po rnams las gang gis shes par bya ba yin zhe na/smras pa/ gnyis kyi rnam shes phyi yi lnga/ /gzugs la sogs pa'i yul rnams ni mig la sogs pa la brten pa'i rnam par shes pa dang / yid kyi rnam par shes pas shes par bya ba'o/ /lhag ma khams bcu gsum dag ni yid kyi rnam par shes pa nyid kyis shes par bya ba'o zhes brjod par 'gyur ro//khams bco brgyad po de dag las rtag pa rnams ni du/ mi rtag pa rnams ni du zhe na/ 'dus ma byas chos rtag pa'o/ /des na chos kyi khams kyi phyogs gcig rtag la lhag ma rnams ni mi rtag pa yin no/ /dbang po rnams ni du/ dbang po ma yin pa rnams ni du zhe na/ chos kyi phyed dang gang dag ni/ /bcu gnyis nang gir bshad dbang po/ /de la chos zhes bya ba'i phyed ni srog gi dbang po la sogs pa dbang po bcu gcig dang / mi shes pa kun shes par byed pa la sogs pa dbang po'i cha ste/ chos kyi khams kyi phyogs gcig yin pa'i phyir ro//nang gi bcu gnyis ni mig la sogs pa rang gi ming gis smos pa lnga dang / yid kyi dbang po ni sems kyi khams bdun no/ /pho dang mo'i dbang po dag ni lus kyi phyogs gcig go/ /lhag ma khams lnga po de dag dang chos kyi khams kyi phyogs ni dbang po ma yin pa zhes bya bar grub po//phung po dang khams dang skye mched bstan pa zhes bya ste/ mdzod kyi gnas dang po'o// //dbang po rnams bshad pa la/ dbang po'i don ni dbang phyug dam pa'o/ /'di dag las gang zhig gang la dbang byed ce na/ lnga po rnams ni don bzhi la dbang byed/ re zhig mig dang rna ba dag re re zhing don bzhi bzhi la dbang byed pa ni long ba dang 'on pa dag ni mi mdzes pa'i ngo bo yin pa'i phyir lus mdzes par bya ba dang mthong ba dang thos nas yang ba yongs su spong ba'i phyir lus yongs su srung ba dang / mig dang rna ba'i rnam par shes pa mtshungs par ldan pa dang bcas pa dag bskyed pa dang /gzugs la lta ba dang sgra nyan pa dag gi thun mong ma yin pa'i rgyu nyid la dbang byed pa'o/ /sna dang / lce dang / lus ni snga ma bzhin du lus mdzes par bya ba la dbang byed pa dang / de dag gis kham gyi zas la yongs su longs spyod pa'i phyir lus yongs su srung ba la dbang byed pa dang / rang la brten pa'i rnam par shes pa skyed pa dang / rang gi lus nyams su myong ba la sngar bzhin du dbang byed pa'o/ /bzhi rnams gnyis la'o/ /re zhig pho dang mo'i dbang po dag ni sems can gyi bye brag dang / khyad par dag la dbang byed de/ de la sems can gyi bye brag ni mo dang pho zhes bya ba'o/ / sems can gyi khyad par ni nu ma la sogs pa'i dbyibs dang nga ro dang spyod pa gzhan pa nyid do/ /gzhan dag na re ni kun nas nyon mongs pa dang rnam par byang bdag la dbang byed de/ de dang mi ldan pa la sdom pa ma yin pa la sogs pa med pa'i phyir ro/ /srog gi dbang po ni ris mthun par mtshams sbyor ba dang /yang dag par 'dzin pa dag la dbang byed do/ /yid kyi dbang po ni yang srid par mtshams sbyor ba dang / rang gi ngo bo dang mthun par byed pa dag la dbang byed do/ /bde ba la sogs pa'i dbang po lnga gang yin pa dang / dad pa la sogs pa brgyad gang yin pa/ lnga dang brgyad po de rnams ni//kun nas nyon mongs rnam byang dang / /go rims bzhin du dbang byed de/ /bde ba la sogs pa lnga po dag ni kun nas nyon mongs pa la dbang byed de/ de dag la 'dod chags la sogs pa rgyas par 'gyur ba'i phyir ro/ /dad pa la sogs pa rnams ni/ rnam par byang ba la dbang byed de/ de dag ni rnam par byang bar byed pa'i phyir ro//gzhan dag na re/ rang gi don dang thams cad la/ /dmigs par dbang byed phyir dbang drug /mig la sogs pa lnga po dag ni rang rang gi don la dmigs par bya ba la dbang byed do/ /sgra thos pa yang med pa de'i phyir thun mong gi rgyu yin pa'i phyir yid ni don thams cad la dmigs pa la dbang byed de//de'i phyir de dag ni so sor dbang po'o/ /mo nyid pho nyid la dbang phyir/ /lus las mo dang pho dbang dag /rnam par bzhag ste/ don tha dad pa dag ni ma yin no/ /mo'i ngo bo ni mo nyid do/ /pho'i ngo bo ni pho nyid do/ /de la pho dang mo dag gi nga ro la sogs pa gzhan pa'o//ris gnas kun nas nyon mongs dang / /rnam par byang la dbang byed phyir/ /srog dang tshor ba rnams dang ni/ /dad sogs lnga yang dbang por 'dod/ /srog gi dbang po ni ris mthun par gnas par bya ba dang / tshor ba rnams ni kun nas nyon mongs la dang / dad pa la sogs pa lnga po dag ni rnam par byang ba la dbang byed de/ 'di ltar de dag ni nyon mongs pa rnams kyang rnam par gnon la lam yang 'dren par byed do/ /mya ngan 'das sogs gong nas gong / /thob pa la ni dbang byed phyir/ /kun shes byed dang kun shes dang / /de bzhin kun shes ldan dbang po//de la kun shes byed pa'i dbang po ni kun shes pa'i dbang po thob par bya ba la dang / kun shes pa'i dbang po ni kun shes pa dang ldan pa'i dbang po thob par bya ba la dang / kun shes pa dang ldan pa'i dbang po ni yongs su mya ngan las 'da' bar bya ba la dbang byed do/ / sogs pa'i sgra ni rnam grangs gzhan du bstan par bya ba'i phyir te/ mthong ba dang bsgom pas spang bar bya ba'i nyon mongs pa spong ba dang / mthong ba'i chos la bde bar gnas pa la dbang byed pa'i phyir dbang po gsum dag go/ /dbang byed pa'i phyir dbang po nyid yin na go//ma rig pa la sogs pa kha bskang dgos pa ni ma yin te/ gang gi phyir 'di ltar 'di ni sems kyi brten dang de'i bye brag /gnas dang kun nas nyon mongs nyid/ /tshogs dang rnam byang ji snyed pa/ /dbang po rnams kyang de snyed du/ /'dod de/ de la sems kyi rten ni dbang po drug dag yin te/ skye mched drug po yang sems can gyi rdzas kyi gzhi yin no//mo dang pho'i dbang po dag gis ni de mo dang phor bye brag tu 'byed do/ /srog gi dbang pos ni gnas par byed do/ /tshor ba rnams kyis ni kun nas nyon mongs par byed do/ /dad pa la sogs pa lngas ni rnam par byang ba la sogs pa'i tshogs sogs par byed do/ / gsum gyis ni rnam par byang bar byed de/ de'i phyir ma rig pa la sogs pa ni dbang po nyid du mi 'dod do/ /yang na 'jug pa'i rten dang ni/ /skye dang gnas dang nyer spyod las/ /bcu bzhi de bzhin ldog pa la/ /dbang po rnams ni gzhan yin no/ /'jug pa'i rten ni dbang po drug yin no/ /skye ba ni mo dang po'i dbang po dag las te/de las skye ba'i phyir ro/ /gnas pa ni srog gi dbang po ste/ des gnas par byed pa'i phyir ro/ /tshor ba rnams kyis ni nye bar spyod par byed de/ de'i phyir de dag ni dbang po bcu bzhi yin no/ /rnam pa de nyid kyis gzhan dag ni ldog pa yin no/ /gang gi phyir ldog pa'i rten ni dad pa la sogs pa yin no//skye ba ni kun shes par byed pa'i dbang po yin no/ /gnas pa ni kun shes pa'i dbang po yin no/ /kun shes pa dang ldan pa'i dbang pos ni nye bar spyod par byed do/ /de'i phyir dbang po dag ni de snyed cig yin la/ de nyid kyi phyir de dag gi go rims kyang de yin no/ / de la dbang po gang dag gzhan du ma bstan pa de dag bstan te/ lus tshor sim pa ma yin gang / /sdug bsngal dbang po'o/ /sim pa ma yin pa zhes bya ba ni gnod par byed pa'o/ /sim pa ni bde ba'o/ /lus kyi tshor ba sim pa ni bde ba'i dbang po'o/ /sim pa zhes bya ba ni phan 'dogs pa ste/ bsam gtan gsum pa na/ sems kyi de ni bde dbang po/ /bsam gtan gsum pa ni sems kyi tshor ba sim pa de nyid bde ba'i dbang po'o/ /gzhan na de yid bde ba yin/ /bsam gtan gsum pa las gzhan pa 'dod pa'i khams dang bsam gtan dang po dang gnyis pa na ni sems kyi tshor ba sim pa gang yin pa de ni yid bde ba'i dbang po yin no//sems kyi tshim pa ma yin pa/ /yid mi bde ba'o btang snyoms ni/ /bar ma'o/ /sems pa yang ma yin sim pa ma yin pa yang ma yin pa ni bar ma zhes brjod de btang snyoms kyi dbang po'o/ /ci lus kyi'am sems kyi zhes bya zhe na/ smras pa/gnyis ga'i yin no/ /ci'i phyir 'di bsdus nas dbang po gcig tu byas she na/ mi rtog phyir/ sems kyi bde ba dang sdug bsngal ba ni phal cher rnam par rtog pa las skye'i lus kyis ni ma yin no/ /yul gyi dbang gis ni dgra bcom pa rnams la yang skye bas de'i phyir de dag dbang po nyid du tha dad kyi lus kyi dang sems kyi btang snyoms ni rnam par mi rtog pa kho nar rang gi ngang gis skye bas lus kyi dang sems kyi zhes bya ba dbang po gcig tu byas so//mthong bsgom mi slob lam la dgu/ /gsum yin/ yid dang bde ba dang / yid bde ba dang / btang snyoms rnams dang / dad pa la sogs pa lnga dang /dbang po dgu po de dag ni mthong ba dang / bsgom pa dang / mi slob pa'i lam dag la dbang po gsum du brjod do/ /mthong ba'i lam la ni mi shes pa kun shes par byed pa zhes bya'o/ /sgom pa'i lam la ni kun shes pa yin te/ phra rgyas lhag ma spang ba'i phyir ro//mi slob pa'i lam la ni kun shes pa dang ldan pa'i dbang po yin te/ de'i ngang tshul nyid kyi phyir ro/ /dbang po de dag la zag pa dang bcas pa ni du/ zag pa med pa rnams ni du zhe na/ gsum ni dri ma med/ kun shes byed pa'i dbang po la sogs pa gsum bshad ma thag pa de ni zag pa med pa yin te/dri ma rnams ni zag pa'i rnam grangs yin pa'i phyir ro/ /gzugs can srog dang sdug bsngal dag /zag pa dang bcas/ dbang po gzugs can bdun dang / srog gi dbang po dang / sdug bsngal dang yid mi bde ba'i dbang po dag ni gcig tu zag pa dang bcas pa yin no//dgu rnam gnyis/ yid dang / bde ba dang / yid bde ba dang / btang snyoms dag dang / dad pa la sogs pa lnga dang / dbang po dgu po de dag ni zag pa dang bcas pa dang zag pa med pa dag go/ /rnam par smin pa yin pa rnams ni du/ma yin pa rnams ni du zhe na/ re zhig gcig tu/ srog ni rnam smin bcu gnyis gnyis/ /bcu gnyis gang zhe na/ tha ma brgyad dang yid mi bde/ ma gtogs pa ste/ dad pa la sogs pa tha ma brgyad dang / yid mi bde ba ma gtogs pa srog gi dbang po las gzhan bcu gnyis ni rnam pa gnyis te/rnam par smin pa dang / rnam par smin pa ma yin pa'o/ /de la mig la sogs pa bdun rgyas pa las byung ba rnams ni rnam par smin pa ma yin no/ /lhag ma rnams ni rnam par smin pa'o/ /yid dang sdug bsngal ba dang / bde ba dang / yid bde ba dang / btang snyoms kyi dbang po rnams ni dge ba dang / nyon mongs pa can rnams dang / spyod lam pa dang / bzo'i gnas pa dang / sprul pa rnams ni ci rigs par rnam par smin pa ma yin no/ /lhag ma rnams ni rnam par smin pa yin pa'o/ /dbang po rnams la rnam par smin pa dang bcas pa ni du/ rnam par smin pa med pa rnams ni du zhe na/gang 'di yid mi bde bar bshad ma thag pa/ de gcig ni/ rnam par smin bcas/ de gcig pu ni rnam par smin pa dang bcas pa kho na yin no/ /ni zhes bya ba'i sgra ni kho na zhes bya ba'i don dang / rim pa bzhin du sbyar bar rig par bya'o/ /bcu rnam gnyis/ rnam par smin pa dang bcas pa dag kyang yin/ rnam par smin pa med pa dag kyang yin no/ /bcu gang zhe na/ yid dang tshor gzhan dad la sogs/ /tshor gzhan zhes smos pas ni yid mi bde ba las gzhan pa'i gzung ngo / /de la yid dang bde ba dang / yid bde ba dang / btang snyoms mi dge ba dang /dge ba zag pa dang bcas pa rnams ni rnam par smin pa dang bcas pa dag yin no/ /zag pa med pa rnams dang lung du ma bstan pa rnams ni rnam par smin pa med pa dag yin no/ /sdug bsngal gyi dbang po ni dge ba dang mi dge ba ni rnam par smin pa dang bcas pa yin no/ /lung du ma bstan pa ni rnam par smin pa med pa yin no//dad pa la sogs pa zag pa dang bcas pa rnams ni rnam par smin pa dang bcas pa dag yin no/ /zag pa med pa rnams ni rnam par smin pa med pa dag yin no/ /gzhan ni rnam par smin pa med pa dag yin zhes bya bar grub po/ /dge ba la sogs pa'i dri ba la/ dge ba brgyad/ dad pa la sogs pa gcig tu dge ba rnams so/ /yid mi bde ba/ rnam gnyis/ dge ba yang yin/ mi dge ba yang ngo / /yid dang tshor gzhan ni/ rnam gsum/ dge ba dang / mi dge ba dang / lung du ma bstan pa dag go/ /gzhan ni rnam pa gcig /brgyad po dag ni lung du ma bstan pa kho na'o//khams kyi dri ba la/ dri med ma gtogs 'dod par gtogs/ /gcig tu zag pa med pa ma gtogs pa'i lhag ma ni srid pas 'dod par gtogs pa'o/ /pho mo'i dbang dang sdug bsngal dag /ma gtogs gzugs gtogs/ dri ma med pa yang ma gtogs zhes bya bar sbyar te/ sdug bsngal dag /ces bya ba ni sdug bsngal dang / yid mi bde ba dag go/ /gzugs can dang / bde ba'ang ma gtogs gzugs med gtogs/ /ji skad bshad pa ma gtogs pa'i lhag ma ci zhe na/ yid dang / srog dang / btang snyoms kyi dbang po dag dang / dad pa la sogs pa lnga po yang ngo //spong ba'i dri ba la/ yid dang tshor ba gsum rnam gsum/ /tshor ba gsum ni bde ba dang / yid bde ba dang / btang snyoms rnams so/ /gnyis kyis spang bya yid mi bde/ /yid mi bde ba ni mthong ba dang bsgom pa gnyis kyis spang bar bya ba yin no/ /dgu ni bsgom pas spang bar bya zhes pa'i dbang du byas te/mig la sogs pa dang brgyad pa srog dang sdug bsngal gyi dbang po ni bsgom pas spang bar bya ba dag kho na yin no/ /lnga po ni spang bar bya ba yin yang / dad pa la sogs pa lnga ni zag pa dang bcas pa dang / zag pa med pa'i phyir bsgom pas spang bar bya ba dag ma yin pa yang ngo //gsum min gzhan gsum ni spang bya ma yin pa nyid de/ zag pa med pa'i phyir ro/ /rnam pa'i bye brag bshad zin nas rnyed pa brjod par bya ste/ 'dod par dang po rnam smin gnyis/ /rnyed de/ lus kyi dbang po dang / srog gi dbang po'o/ /de dag kyang / rdzus te skye bas min/rdzus te skye ba bkag pas sgo nga las skye ba dang / mngal nas skye ba dang / drod gsher las skyes ba dag gis rnyed bar rig par bya'o/ /yid dang btang snyoms dag kyang nying mtshams sbyor ba'i tshe nyon mongs pa can yin pa'i phyir rnam par smin pa las byung bdag ma yin no//yang rdzus te skye ba dag gis du zhig 'thob ce na/ de yis drug gam/ gal te mtshan ma med pa zhig yin na ste/ 'di ltar bskal pa dang po pa rnams lta bu'o/ /de dag gis mig dang / rna ba dang / sna dang / lce dang / lus dang / srog gi dbang po rnams 'thob bo/ /bdun nam ni/gal te mtshan gcig pa zhig yin na ste/ 'di ltar lta la sogs pa dag na'o/ /brgyad ni gal te mtshan gnyis pa zhig yin na'o/ /ji ltar ngan song dag na'o/ /re zhig 'dod pa'i khams na ni de lta bu yin no/ /gzugs na drug go/ /'dod pa'i khams na mtshan ma med pa dag gis rnyed pa gang dag yin pa nyid do//gong mar gcig /gzugs med pa'i khams su dang po nyid du srog gi dbang po gcig kho na rnam par smin pa thob bo/ /rnyed pa bshad zin nas gtong ba brjod pa/ gzugs med dag tu 'chi ba ni/ /srog dang yid dang btang snyoms nyid/ /'gag par 'gyur ro gzugs na brgyad//gzugs kyi khams su 'chi ba na gsum po de dag dang / mig la sogs pa lnga dang dbang po brgyad 'gag go/ /'dod par bcu'am dgu'am brgyad/ /mtshan gnyis pa'i ni brgyad po de dag dang pho dang mo'i dbang po dang bcu 'gag go/ /mtshan gcig pa zhig yin na dgu'o/ /mtshan med pa zhig yin na brgyad do//rim gyis 'chi ba dag la bzhi/ rim gyis 'chi na lus dang srog dang yid dang / btang snyoms kyi dbang po dag 'gag go/ /nyon mongs pa can dang lung du ma bstan pa'i sems kyis 'chi ba la ni tshul de'o/ /dge ba'i sems kyis kyang / dge la thams cad dag tu lnga/ /thams cad du ji skad bshad pa'i dbang po rnams dang lhag par dad pa la sogs pa'i dbang po lnga ni dge ba'i sems kyis 'chi ba la rig bar bya'o//dbang po'i skabs su dbang po'i chos thams cad dpyad par bya ste/ dge sbyong gi tshul gyi 'bras bu gang zhig dbang po du dag gis 'thob ce na/ 'bras bu tha ma gnyis dgus 'thob//rgyun du zhugs pa dang dgra bcom pa nyid kyi 'bras bu dag ni dbang po dgus thob bo/ /de la rgyun du zhugs pa'i 'bras bu ni dad pa la sogs pa dang / kun shes pa dang ldan pa'i dbang po ma gtogs pa dang / yid dang btang snyoms kyi dbang po dag dang dgus 'thob po//zag pa med pa gnyis kyang bral bas thob pa 'dren pa dang gnas par byed pa nyid kyi phyir rim pa bzhin du rig par bya'o/ /dgra bcom pa nyid ni dad pa la sogs pa dang / kun shes byed pa'i dbang po ma gtogs pa dag dang / yid kyi dbang po dang / bde ba dang / btang snyoms kyi dbang po rnams las gang yang rung ba zhig dang /dgus 'thob bo/ /gnyis ni bdun dang brgyad dang dgus/ /de la re zhig gal te/ lan cig phyir 'ong ba'i 'bras bu mthar gyis thob la/ de yang 'jig rten pa'i lam gyis thob na ni dad pa la sogs pa lnga dang / btang snyoms dang / yid kyi dbang po dang dbang po bdun dag gis 'thob po/ /'on te 'jig rten las 'das pas ni kun shes pa'i dbang po brgyad pa yin no/ /ci ste phal cher la 'dod chags dang bral ba zhig gis 'thob na ni de dgus 'thob ste/ de gang dag kho nas rgyun du zhugs pa'i 'bras bu 'thob pa kho na bzhin no//gal te phyir mi 'ong ba'i 'bras bu mthar gyis thob la/ de 'jig rten dang 'jig rten las 'das pa dag gis thob na lan cig phyir 'ong ba'i 'bras bu bzhin du bdun dang brgyad kyis 'thob bo/ /ci ste 'dod chags dang bral ba zhig gis thob na ni de dgus 'thob ste/ rgyun du zhugs pa'i 'bras bu ji lta ba bzhin no//yang 'dir rten gyi bye brag las bde ba dang / yid bde ba dang / btang snyoms kyi dbang po rnams las gang yang rung ba zhig yin no/ /'o na chos mngon pa las dbang po du zhig gis dgra bcom pa nyid 'thob ce na/ smras pa/ bcu gcig gis zhes bshad pa ji ltar dgu dag gis she na/de ni dgu kho nas 'thob ste/ bcu gcig dag gis dgra bcom nyid/ /'ga' zhig srid phyir bshad pa yin/ /gang zag 'ga' zhig gis yongs su nyams shing yongs su nyams nas bde ba dang / yid bde ba dang / btang snyoms kyi dbang po dag gis dgra bcom pa nyid 'thob pa srid pa yod pas de'i phyir bcu gcig dag gis zhes gsungs so//dbang po gang zhig dang ldan na gdon mi za bar dbang po du dag dang ldan pa zhes bya ba 'di dpyad par bya ste/ de la/ btang snyoms dang ni srog dang ni/ /yid dang ldan la nges gsum ldan//de ni gdon mi za bar gsum kho na ste/ 'di dag ni phan tshun med na mi ldan pa yin gyi lhag ma rnams dang ni ma nges te/ ldan pa yang yod/ mi ldan pa yang yod do/ /bde lus ldan la bzhi dag dang / /gang bde ba dang lus dag dang ldan pa de ni dbang po bzhi ste/ de gsum dang 'di dag gi gcig lhag pas so//mig sogs ldan pa lnga dang ldan/ /gang zhig mig gi dbang po ldan pa de ni gdon mi za bar btang snyoms dang / srog dang / yid dang / lus kyi dbang po dag dang de dang dbang po lnga dang ldan te/ rna ba dang / sna dang / lce'i dbang po dag dang ldan pa yang de dang 'dra bar rig par bya'o//yid bde ldan yang / gang zhig yid bde ba'i dbang po dang ldan pa de yang gdon mi za bar btang snyoms dang / srog dang / yid dang / bde ba dang / yid bde ba dang / dbang po lnga dang ldan no/ /sdug bsngal ldan/ bdun dang / gang zhig sdug bsngal gyi dbang po dang ldan pa de ni gdon mi za bar lus dang / srog dang / yid dag dang / tshor ba'i dbang po bzhi dang bdun dang ldan no/ /mo'i dbang sogs ldan/ brgyad dang / gang zhig mo'i dbang po dang ldan pa de ni gdon mi za bar bdun po de dag dang mo'i dang brgyad dang ldan no/ /sogs zhes bya ba'i sgras ni pho'i dbang po dang / yid mi bde ba dang / dad pa la sogs pa gzung ste/de dag dang ldan pa ni re re zhing yang brgyad dang ldan pa yin te/ bdun po de dag dang / pho'i dbang po dang ldan no/ /yid mi bde ba'i dbang po yang de dang 'dra'o/ /dad pa la sogs pa dang ldan pa ni lnga po de dag dang / btang snyoms dang / srog dang / yid dang ldan no/ /kun shes ldan pa yi//dbang po ldan la bcu gcig ldan/ /gang zhig kun shes pa'i dbang po dang ldan pa de ni gdon mi za bar bde ba dang / yid bde ba dang / btang snyoms dang / srog dang / yid dang dad pa la sogs pa dag dang / kun shes pa'i dbang po dang / bcu gcig dang ldan no/ /de bzhin du kun shes pa dang ldan pa'i dbang po dang ldan pa yang bcu po de dag nyid dang kun shes pa dang ldan pa'i dbang po dang ldan no//kun shes byed pa'i dbang ldan la/ /bcu gsum ngag dang ldan pa yin/ /yid dang / srog dang / lus kyi dbang po dag dang / tshor ba'i dbang po bzhi dag dang / dad pa la sogs pa dang /kun shes par byed pa'i dbang po dang ldan no/ /gang zhig nang na nyung ba dang ldan pa de dbang po ji snyed cig dang ldan zhe na/ dge med nang na nyung ldan pa/ /lus tshor srog yid brgyad dang ldan/ /dge ba'i rtsa ba kun du chad pa ste/ de nang na nyung ba dag dang ldan na tshor ba lnga dag dang / lus dang / yid dang / srog dang / dbang po brgyad dang ldan no/ /ji ltar dge ba med pa ltar/ /gzugs med byis pa'ang de bzhin te/ /btang snyoms srog yid dge rnams dang / /so so'i skye bo btang snyoms dang / /srog dang / yid dang / dad pa la sogs pa lnga dang ldan no/ /yang gang zhig nang na dbang po mang po dang ldan pa de ji snyed cig dang ldan zhe na/mang por ldan na bcu dgu ste/ /dri ma med rnams ma gtogs so/ /mtshan gnyis/ zag pa med pa gsum ma gtogs pa mtshan gnyis pa ni bcu dgu dang ldan no/ /gzhan yang gang zhig ce na/ 'phags pa chags bcas te/ mtshan gcig dri med gnyis ma gtogs/ /slob pa 'dod chags dang ma bral ba mtshan gcig pa kun shes pa dang ldan pa'i dbang po dang gnyis po las gang yang rung ba gcig dang ldan pa ma gtogs pa bcu dgu dang ldan pa'o/ /dbang po rnams kyi rab tu dbye ba rgyas par bshad zin nas/ 'di dpyad par bya ste/kyi 'dus byas kyi chos 'di dag ji ltar mtshan nyid tha dad pa de bzhin du tha dad par skye ba zhig yin nam/ 'on te kha cig nges par lhan cig skye ba yang yod ce na/ smras pa/ yod de/ chos 'di dag thams cad ni gzugs dang / sems dang sems las byung ba dag dang / sems dang ldan pa ma yin pa dag dang / 'dus ma byas pa dang lngar 'gyur ro/ /de la 'dus ma byas la ni skye ba med pa nyid do/ /chos gzugs can rnams kyi nges pa ni 'di yin te/ 'dod na dbang po med pa dang / sgra med phra rab rdul rdzas brgyad/ /thams cad las phra ba'i gzugs ni bsags pa'i rdul phra rab ces bya ste/de 'dod pa'i khams na sgra yang med dbang po yang med pa zhig yin na ni rdzas brgyad dang ldan par skye ste/ 'byung ba chen po bzhi dang / gzugs dang / dri dang / ro dang / reg bya rnams so/ /lus dbang ldan la rdzas dgu'o/ /gang rdzas brgyad dang / lus kyi dbang po yod pa de ni de nyid dang dgu'o//dbang po gzhan ldan rdzas bcu'o/ /gang la mig la sogs pa gang yang rung ba zhig yod pa de kho na dang bcu pa'o/ /de dag sgra dang bcas pa zhig tu skye na yang rdzas dgu dang / bcu dang / bcu gcig dang ldan no/ /rdzas kyi sgra yang 'dir 'gyur ba'i rigs kyi don to//de bzhin du gzugs la sogs pa so sor 'byung ba bzhi la brten par 'dod do/ /gzugs la sogs pa rdzas kyi sgra ni skye mched kyi don can no/ /de lta na yang dbyibs la sogs par grub bo/ /gzugs can rnams kyi nges par lhan cig 'byung ba bshad zin nas lhag ma rnams kyi brjod par bya ste/ sems dang sems byung nges lhan cig /thams cad 'dus byas mtshan nyid dang / /thob pa'am/ thob pa dang ni sems can du ston pa kho na dang lhan cig skye'i gzhan dang ni ma yin no zhes bye brag tu bya ba'i phyir 'am zhes bya ba'i sgra smos so/ /sems las byung ba rnams zhes brjod pa sems las byung ba de dag gang zhe na/ sems byung rnam lnga ste/ sa mang la sogs tha dad phyir/ /'di lta ste/ sa mang po dag dang / dge ba'i sa mang po pa rnams dang / nyon mongs pa'i sa mang po pa rnams dang / mi dge ba'i sa mang po pa rnams dang / nyon mongs pa chung ngu'i sa pa rnams so/ /tshor dang sems pa 'du shes dang / / 'dun dang reg dang blo gros dran/ /yid la byed dang mos pa dang / /ting nge 'dzin sems thams cad la/ /de la tshor ba ni bshad zin to/ /sems pa ni sems mngon par 'du byed pa'o/ /'du shes ni brjod zin to/ /'dun pa ni byed 'dod pa'o/ /reg pa ni yul dang dbang po dang rnam par shes pa 'dun pa las skyes pa'i reg pa'o//blo gros ni shes rab ste/ chos rab tu rnam par 'byed pa'o/ /dran pa ni dmigs pa ma brjed pa'o/ /yid la byed pa ni sems kyi 'jug pa'o/ /mos pa ni 'dod pa'o/ /ting nge 'dzin ni sems rtse gcig pa nyid do/ /'di dag ni sa thams cad la 'byung ngo / /dad dang bag yod shin tu sbyangs//btang snyoms ngo tsha shes khrel yod/ /rtsa ba gnyis rnam mi 'tshe dang / /brtson 'grus rtag tu dge la 'byung / /de la dad pa ni sems dang ba'o/ /bag yod pa ni dge ba'i chos rnams bsgom pa ste/ de dag la gces su 'dzin pas kun du srung ba zhes bya ba'i don to/ / shin tu sbyangs pa ni sems las su rung ba nyid do/ /btang snyoms ni sems mnyam pa nyid dang sems lhun gyis grub pa nyid do/ /ngo tsha shes pa dang khrel yod pa ni 'og nas 'chad par 'gyur ro/ /rtsa ba gnyis ni chags pa med pa dang / zhe sdang med pa dag go/ /gti mug med pa yang yod mod kyi de yang shes rab ste/sa mang po par bshad do/ /rnam par mi 'tshe ba ni rnam par tho mi 'tshams pa'o/ /brtson 'grus ni dge ba la sems mngon par spro ba'o/ /'di dag ni dge ba'i sems thams cad la 'byung ba'o/ /rmongs dang bag med le lo dang / /ma dad pa dang rmugs dang rgod/ /nyon mongs can la rtag tu 'byung //de la rmongs pa ni mi shes pa dang mi gsal ba'o/ /bag med pa ni bag yod ba'i mi mthun pa'o/ /le lo ni brtson 'grus kyi mi mthun ba'i phyogs so/ /ma dad pa ni dad pa'i mi mthun pa'o/ /rmugs pa ni sems las su mi rung ba'o/ /rgod pa ni sems rnam par ma zhi ba ste/'di dag ni nyon mongs pa can gyi sems thams cad la 'byung ngo / /mi dge la ni khrel med dang / /ngo tsha med pa'o/ /de dag gi mtshan nyid ni 'og nas 'chad do/ /khro ba dang / khon du 'dzin dang g.yo dang ni/ /phrag dog 'tshig 'chab ser sna dang / /sgyu dang rgyags dang rnam 'tshe ni//nyon mongs chung ngu'i sa pa rnams/ 'di dag ni ma rig pa tsam dang / bsgom pas spang bar bya ba dang / yid kyi sa pa kho na dang mtshungs par ldan pa'i phyir nyon mongs pa chung ngu'i sa par brjod do/ /'di dag gi rgyas par bshad pa ni phyis 'chad do/ /sems gang zhig la sems las byung ba du zhig gdon mi za bar 'byung ba brjod par bya ste/re zhig 'dod pa na spyod pa'i sems ni rnam pa lnga ste dge ba la sogs pa'o/ /de la/ 'dod pa'i dge ba'i sems la ni/ /rtog dang dpyod dang bcas pa'i phyir/ /sems las byung ba nyi shu gnyis/ /sa mang po pa bcu dang /dge ba'i mang po pa bcu dang / rtog pa dang / dpyod pa dag go/ /la la dag tu 'gyod pa bsnan/ /de la gang dge ba ma byas pa dang / mi dge ba byas nas gdung ba gang yin pa ste/ de ni mi dge ba byas pa la dmigs pa'i yid la gcags pa dge ba la 'gyod pa'o//de ni gang la yod pa de la sems las byung ba nyi shu rtsa gsum 'byung ngo / /mi dge la ni ma 'dres dang / /lta dang ldan pa'ang nyi shu 'byung / /ma 'dres pa zhes bya ba ni sems gang lam rig pa 'ba' zhig pa ste/ de la sa mang po pa bcu dang / nyon mongs pa'i sa mang po pa drug dang / mi dge ba'i sa mang po pa gnyis dang /rtog pa dang / dpyod pa'o/ /mi dge ba'i lta ba dang ldan pa yang nyi shu 'byung ste/ gang kho na ma 'dres pa la'o/ /lta ba yang mi dge ba 'jig tshogs dang / mthar 'dzin pa ma gtogs pa shes rab kyi rang bzhin yin pas bsnan pa ma yin no/ /nyon mongs bzhi dang khro sogs dang //'gyod pa dang ni nyi shu gcig /de la nyon mongs pa bzhi ni 'dod chags dang / khong khro dang / nga rgyal dang / the tshom mo/ /khro ba la sogs pa ni bshad zin to/ /'gyod pa ni mi dge ba ste dge ba las bzlog pas so/ /'di dag gang la yod pa de ni nyi shu rtsa gcig yin te/ 'di dag kho na las gang yang rung ba cig lhag par byas nas so//bsgribs la bco brgyad/ 'dod pa'i khams na 'jig tshogs la lta ba dang / mthar 'dzin par lta ba dang mtshungs par ldan pa'i sems ni bsgribs pa ste/ de la sems las byung ba bco brgyad 'byung ste/ sa mang po pa bcu dang / nyon mongs pa'i sa mang po pa drug dang /rtog pa dang / dpyod pa'o/ /lung ma bstan/ gzhag la bcu gnyis dag tu 'dod/ /ma bsgribs la lung du ma bstan pa'i sems la sa mang po pa bcu dang / rtog pa dang / dpyod pa zhes bya ba bcu gnyis so/ /gnyid ni kun la mi 'gal phyir/ /gang la yod pa des bsnan to//gnyid ni ji skad bshad pa thams cad dang mi 'gal te/ de'i phyir gang la yod pa de la des bsnan par rig par bya'o/ /gang de ltar 'dod pa'i khams la sems byung nges par bshad pa/ de las 'gyod gnyid mi dge rnams/ /bsam gtan dang po dag na med/ /bsam gtan dang po na ni ji skad bshad pa de las 'gyod pa dang /gnyid dang / gang yang cung zad mi dge ba g.yob la sogs pa thams cad du med de/ gzhan thams cad ni de dang 'dra'o/ /bsam gtan dang po na med pa gang dag yin pa de dag kho na dang / rtog pa'ang bsam gtan khyad par can/ /de'i gang na dpyod pa yang med de lhag ma ni de dang 'dra'o//da ni gzhung las byung ba kha cig gi tha dad du bya ba 'byung ba brjod par bya ste/ ngo tsha med pa dang / khrel med pa tha dad du bya ba ci zhig yod ce na/ ma gus ngo tsha med/ yon tan rnams dang yon tan can rnams la ma gus pa nyid ni bkur pa med pa nyid de ngo tsha med pa'o//khrel med/ kha na ma tho 'jigs mi lta/ /kha na ma tho ba zhes bya ba ni dam pa rnams kyis smad pa ste/ de la 'jig par mi lta ba ni khrel med pa'o/ /'dir 'jigs pa ni mi 'dod pa'i 'bras bu ste/ 'di las 'jigs par 'gyur ba'i phyir ro/ /bzlog pa ni ngo tsha shes pa dang khrel yod pa yin par rig par bya'o//dga' ba dang gus pa la tha dang du bya ba ci zhig yod ce na/ dga' dang / dga' ba ni rnam pa gnyis dang / /nyon mongs pa can ni sred pa ste/ dper na bu dang chung ma la sogs pa lta bu'o/ /nyon mongs pa can ma yin pa ni dad pa ste/ dper na ston pa dang bla ma dang yon tan can rnams la bya ba bzhin no//gus nyid ngo tsha shes/ gus pa ni ngo tsha shes pa ji skad bshad pa bzhin no/ /de gnyis 'dod dang gzugs dag na/ /gzugs med pa yi khams na ni/ /gang zag la dmigs pa'i dga' ba dang gus pa dag med do/ / rnam par rtog pa dang / dpyod pa dag la tha dad du bya ba ci yod ce na/ rtog dang dpyod pa rtsing zhib nyid/ /sems kyi'o zhes 'og nas 'chad de/ rtog pa ni sems rtsing ba'o/ /dpyod pa ni sems zhib pa'o/ /nga rgyal dang rgyags pa dag la tha dad du bya ba ci zhig yod ce na/ nga rgyal khengs pa rgyags pa ni//rang gi chos la chags pa yi/ /sems ni yongs su gtugs pa'o/ /pha rol po las gang yang rung ba'i khyad par zhig yongs su btags nas sems khengs pa ni nga rgyal lo/ /rgyags pa ni rang gi chos kho na la chags pa'i sems yongs su gtugs pa gang yin pa'o//sems las byung ba rnams sems dang bcas te bshad zin to/ /gsung rab las 'di dag gi tha snyad du 'dogs pa'i phyir de dag gi ming 'di dag brjod de/ sems dang yid dang rnam shes ni/ /don gcig 'byed pas na sems so/ /go bas na yid do//rnam par shes pas na rnam par shes pa'o/ /sems dang sems byung dang / rten dang dmigs dang rnam bcas dang / /mtshungs par ldan pa'ang don gcig ste/ /sems dang sems las byung ba de dag nyid dbang po la brten pa'i phyir rten dang bcas pa dag ces bya'o/ /yul la 'dzin pa'i phyir dmigs pa dang bcas pa dag go//dmigs pa de nyid la sems rnam pa re re nas bye brag tu gcod pa'i phyir rnam pa dang bcas pa dag go/ /mnyam par ldan pa'i phyir mtshungs par ldan pa dag go/ /rnam pa gang dag gis mtshungs par ldan zhe na/ gsungs pa/ rnam pa lnga/ mtshungs pa rnam pa lnga po rten dang /dmigs pa dang / rnam pa dang / dus dang / rdzas mtshungs pa dag gis mtshungs par ldan no/ /rdzas mtshungs pa yang ji ltar sems gcig kho na yin pa de kho na bzhin du sems las byung ba rnams kyang re re yin pa'o/ /sems dang sems las byung ba dag bshad zin to/ /mi ldan pa yi 'du byed rnams//thob dang ma thob skal mnyam dang / /'du shes med snyoms 'jug dag dang / /srog dang mtshan nyid rnams dang ni/ /ming gi tshogs la sogs pa yang / /'du byed 'di dag ni sems dang mtshungs par ldan pa yang ma yin la/ gzugs kyi rang bzhin yang ma yin pas sems dang ldan pa ma yin pa dag ces bya'o//de la re zhig /thob pa rnyed dang ldan pa'o/ /thob pa ni rnam pa gnyis te/ ma thob pa dang / rnam par nyams pa las rnyed pa dang / thob nas ldan pa'o/ /bzlog pa ni ma thob pa'o zhes bya bar grub po/ /'di dag kyang gang gi yin zhe na/ thob dang ma thob rang rgyud du//gtogs pa rnams kyi'o/ /gzhan gyi rgyud du gtogs pa rnams kyi ni ma yin te/ gzhan dag dang ni 'ga' yang ldan pa med do/ /rgyud du ma gtogs pa rnams kyi ni yang ma yin te/ sems can du mi bgrang bdag ni 'ga' yang ldan pa med do/ /slar yang thob pa dang ma thob pa dag ni/'gog gnyis kyi/ so sor brtags pa ma yin pas 'gog pa ni sems can thams cad dang ldan no/ /so sor brtags pa dang ni 'ga' zhig go/ /thob pa de yang ni/ dus gsum pa yi rnam pa gsum/ /chos 'das pa rnams kyi thob pa 'das pa yang yod/ ma 'ongs pa dang /da ltar byung ba yang yod la/ de bzhin du ma 'ongs pa dang / da ltar byung ba rnams kyi yang so sor rnam pa gsum mo/ /dge la sogs kyi dge la sogs/ /dge ba dang mi dge ba dang / lung du ma bstan pa rnams kyi thob pa ni rim pa bzhin du dge ba dang / mi dge ba dang / lung du ma bstan pa de kho na yin no/ /der gtogs rnams kyi rang khams pa/ /'dod pa dang / gzugs dang / gzugs med pa na spyod pa rnams kyi thob pa ni rang gi khams pa kho na'o/ /ma gtogs rnams kyi rnam pa bzhi/ /zag pa med pa rnams kyi thob pa ni rnam pa bzhi ste/so sor brtags pas 'gog pa'i ni gzugs dang / gzugs med pa na spyod pa'ang yin la/ zag pa med pa'ang yin te/ lam gyi dbang gis so/ /lam gyi bden pa'i ni zag pa med pa nyid do/ /so sor brtags pa ma yin pas 'gog pa'i ni khams gsum pa ma yin te skye ba'i dbang gis so//de ni bsdus nas rnam pa bzhir 'gyur ro/ /slob pa rnams kyi thob pa ni thob pa'i slob pa kho na yin no/ /mi slob pa rnams kyi thob pa ni mi slob pa nyid do/ /slob dang mi slob min gyi gsum/ /de dag kyang zag pa dang bcas pa dang 'dus ma byas pa'o//de la zag pa dang bcas pa rnams kyi dang so sor brtags pa ma yin pas 'gog pa'i dang / 'phags pa ma yin pas thob pa so sor brtags pas 'gog pa'i thob pa ni slob pa yang ma yin mi slob pa yang ma yin no/ /de nyid kyi slob pas thob pa ni slob pa'o/ /mi slob pas thob ba ni mi slob pa'o//mthong ba dang bsgom pas spang bar bya ba rnams kyi thob pa ni de'i rigs dag kho nas so/ /spang bya min pa'i rnam gnyis 'dod/ /zag pa med pa rnams la so sor brtags pa ma yin pa'i 'gog pa dang / 'phags pa ma yin pas thob ba so sor brtags pas 'gog pa'i thob pa ni bsgom pas spang bar bya ba'o//de nyid 'phags pa'i lam gyis thob pa dang / lam gyi bden pa'i ni zag pa med pa ste/ spang bar bya ba ma yin pa'o/ /dus gsum pa yi rnam pa gsum/ /zhes spyir bstan pa gang yin pa de'i dmigs kyis gsal ba ni 'di yin te/lung bstan min thob lhan cig skyes/ /ma bsgribs la lung du ma bstan pa rnams kyi thob pa ni lhan cig skyes pa kho na'o/ /mngon shes sprul pa ma gtogs pa/ /mngon par shes pa dang lung du ma bstan pa gnyis dang sprul pa'i sems ma gtogs pa'o/ / de dag ni sbyor ba'i khyad par gyis 'grub pas stobs dang ldan pa'i phyir sngar dang phyis dang lhan cig skyes pa yang yod do/ /ci ma bsgribs la lung du ma bstan pa kho na'i thob pa dang lhan cig skyes pa yin nam zhe na/ smras pa bsgribs pa'i gzugs kyi thob pa ni lhan cig skyes pa kho na'o/ / chen pos kyang rnam par rig byed ma yin pa mi slong bas stobs chung bar grub pa'i phyir ro/ /dus gsum pa yi rnam pa gsum/ /zhes bya ba'i dmigs bsal ni/ 'dod pa na/ gzugs kyi sngar ni skye ba med/ /lhan cig skye ba dang / dus phyis skye ba ni yod do/ / thob pa'i rnam pa'i bye brag ni bshad zin to/ /ma thob ma bsgribs lung ma bstan/ /ma thob pa thams cad ni ma bsgribs la lung du ma bstan pa kho na yin no/ /'das ma skyes kyi de rnam gsum/ /da ltar byung ba ma thob pa ni med de/ 'das pa dang / ma 'ongs pa dag ni dus gsum pa yin no//'dod sogs gtogs dang dri med kyi'ang / /rnam pa gsum zhes bya bar sbyar te/ 'dod par gtogs pa rnams kyi ni 'dod pa dang / gzugs dang gzugs med pa na spyod pa'i yin te/ rigs pa'i dbang gis so/ /gzugs dang / gzugs med par gtogs pa rnams dang / zag pa rnams kyi yang de dang 'dra'o/ /ma thob pa zag pa med pa ni med de/ 'di ltar/ lam ma thob pa so so yi/ /skye bor 'dod do/ /gang gi phyir so so'i skye bo nyid ni zag pa med pa yin par mi 'os so/ /yang ma thob pa ni ji ltar nyams she na/chos gang gi ma thob pa gang yin pa de ni/ de thob pa dang / sa 'phos nas ni rnam nyams 'gyur/ /re zhig 'di lta ste/ 'phags pa'i lam gyi ma rnyed pa ni so so'i skye bo nyid de/ de ni rnyed pa dang / sa 'phos pa las rnam par nyams par 'gyur te/ gzhan dag gi yang de bzhin du sbyar bar bya'o//yang skal ba mnyam pa 'di ci zhe na/ skal mnyam sems can 'dra ba'o/ /skal ba mnyam pa nyid ni sems can rnams kyi 'dra ba yin te/ de yang tha dad pa ma yin pa dang / tha dad pa ste/ de dag kho na'i sa dang / khams dang / 'gro ba dang / skye gnas la sogs pa'i dbye bas so//yang 'du shes med ba pa zhes bya ba 'di ci zhe na/ 'du shes med pa pa 'du shes/ /med par sems dang sems byung rnams/ /'gog pa'o/ /gang gis ma 'ongs pa'i sems dang sems las byung ba rnams 'gog pa de ni 'du shes med pa pa zhes bya ba'i rdzas so//de yang gcig tu rnam smin/ 'du shes med pa'i snyoms par 'jug pa'i'o/ /gang dag na 'du shes med pa'i sems can rnams 'khod pa'i sems can de dag gang zhe na/ de 'bras che/ lha de dag ni 'bras bu che ba zhes bya ba yin te/ de dag gi phyogs gcig ni 'du shes med pa pa yin te/bsam gtan khyad par can bzhin no/ /'du shes med pa pa bshad zin to/ /ji ltar sems dang sems las byung ba rnams 'gog pa la 'du shes med par bshad pa/ de bzhin 'du shes med snyoms 'jug /sems dang sems las byung ba rnams kyi 'gog pa zhes bya ba tsam ste/ de bzhin zhes bya ba'i sgras 'dren to//snyoms par 'jug pa de ni/ bsam gtan tha mar/ 'di bsam gtan bzhi pa la snyoms par zhugs pa yin no/ /de la yang snyoms par 'jug pa ni/ 'byung 'dod pas/ 'di la nges par 'byung 'dod cing snyoms par 'jug go/ /'du shes med pa pa ni rnam par smin pa yin pa'i phyir lung ma bstan pa zhes bya bar grub bo//'di ni dge ba'o/ /dge ba yin yang / skyes nas myong gyur nyid/ mthong ba'i chos dang lan grangs gzhan la myong bar 'gyur ba yang ma yin la/ ma nges pa yang ma yin no/ /de yang so so'i skye bo kho na'i yin par 'dod kyi/ 'phags pa'i ma yin/'phags pa rnams ni 'di la ltung ba'i gnas lta bur gzigs pas snyoms par mi 'jug go/ /'di ni sems med pa yin yang mngon par 'du bya ba chen pos bsgrub par bya ba yin pa'i phyir/ dus gcig thob/ da ltar gyi dus kho na thob po/ /skad cig ma gnyis pa la sogs par ni ji srid du thob pa 'das pa dang ldan pa yin no//'du shes med pa'i snyoms par 'jug pa ji lta bar/ 'gog pa zhes pa'ang de bzhin nyid/ /sems dang sems las byung ba rnams 'gog pa'o zhes bya ba tsam dang 'brel bar bya'o/ /khyad par du/ 'di gnas don du/ zhi bar gnas pa'i 'du shes mngon du btang ba'i yid la byed pas 'di la snyoms par 'jug go/ /yang de ni bsam gtan bzhi ba'i sa pa yin gyi/ 'di ni srid rtser skyes/ 'di ni dge ba'o/ /dge ba kho na yin gyi nyon mongs pa can yang ma yin la lung du ma bstan pa yang ma yin no//dge ba yin yang / gnyis su myong 'gyur dang / ma nges/ skyes nas myong bar 'gyur ba dang / lan grangs gzhan las myang bar 'gyur ba'i phyir dus gnyis su 'gyur ba dang / rnam par smin pa'i phyir ma nges pa yang ma yin no/ /de yang mtha' gcig tu 'phags pa'i/'phags pa'i yang 'di ni 'dod chags dang bral bas thob par bya ba ma yin te/ 'on kyang sbyor bas 'thob/ 'di ni sbyor bas thob par bya ba kho na yin pas 'das pa yang mi thob la ma 'ongs pa yang mi thob ste/ de ni sems kyi stobs kyis thob pa'i phyir ro/ /ci bcom ldan 'das kyi yang sbyor ba las byung ba yin na ma zhe na/smras pa ma yin no/ /'on kyang / thub pa'i byang chub kyis thob bya/ /sangs rgyas bcom ldan 'das rnams kyis ni 'di zad pa mkhyen pa dang / dus mnyam du brnyes so/ /nub phyogs pa dag na re de ni dang po kho nar byang chub sems dpa' slob pa'i gnas skabs na skyed par byed do zhes zer ro//kha che ba rnams na re/ dang por ma yin/ ci'i phyir zhe na/ skad cig ma/ sum cu rtsa bzhis thob phyir ro/ /byang chub sems dpa' ni sems kyi skad cig ma sum cu rtsa bzhis byang chub rjes su thob ste/ bden pa mngon par rtogs pa na bcu drug dang /srid pa'i rtse mo'i 'dod chags dang bral ba na nyon mongs pa'i rnam pa dgu spong bar byed pa'i bar chad med pa dang rnam par grol ba'i lam dgu dgu skye ba'i phyir bco brgyad de/ de'i phyir bar skabs 'dir mi 'dra ba'i sems mi srid pas 'gog pa'i snyoms par 'jug pa mi rung ngo //snyoms par 'jug pa 'di gnyis kyi rnam pa'i bye brag mang po zhig yod mod kyi/ gnyis ka 'dod dang gzugs rten can/ /snyoms par 'jug pa 'di gnyis ka yang 'dod pa'i khams dang gzugs kyi khams su bskyed do/ /yang / 'gog pa dang por mi'i nang du/ 'gog pa'i snyoms par 'jug pa ni dang por mi dag gi nang du skyed do//phyis ni sngar yongs su nyams pa de dag gis gzugs kyi khams su yang skyed do/ /snyoms par 'jug pa dag bshad zin to/ /srog ni tshe yin/ tshe zhes bya ba'i chos de gang yin pa de yang mi shes pas/ drod dang ni/ rnam shes rten gang yin pa'o//gang drod dang rnam par shes pa'i rten du gyur pa'i chos gnas pa'i rgyu gang yin pa de ni tshe yin no/ /srog bshad zin to/ /mtshan nyid dag ni skye ba dang / /rga dang gnas dang mi rtag nyid/ /bzhi po 'di rnams ni 'dus byas kyi mtshan nyid dag yin te/ gang la 'di dag yod pa'i chos de ni 'dus byas su mngon no//bzlog pa ni 'dus ma byas pa'o/ /skye ba la sogs pa de dag kyang 'dus byas yin pa'i phyir skye ba la sogs pa gzhan yod par 'gyur ro zhe na/ yod pa de kho na ste/ de dag skye ba'i skye la sogs/ /de dag la yang skye ba'i skye ba dang / rga ba'i rga ba dang /gnas pa'i gnas pa dang / mi rtag pa nyid kyi mi rtag pa nyid do zhes bya ba rjes su mthun pa'i mtshan nyid bzhi yod do/ /re re la yang mtshan nyid bzhi pa dang / mthar thug pa med par 'gyur ro zhe na/ mi 'gyur te/ 'di ltar/ de chos brgyad dang gcig la 'jug /chos bdag nyid gtogs par mtshan nyid dang rjes su mthun pa'i mtshan nyid brgyad dang lhan cig tu dgu skye la/de la skye bas ni bdag nyid ma gtogs pa chos gzhan brgyad skyed par byed do/ /skye ba'i skye bas ni de kho na skyed par byed do/ /de bzhin du gnas pa la sogs pas gnas pa dang / skyed pa dang nyams par byed pa zhes brjod par bya'o//gal te ma 'ongs pa'i skye ba bskyed par bya ba skyed pa yin na/ ma 'ongs pa thams cad cig car ci'i phyir mi skyed ce na/ 'di ltar rgyu dang rkyen dag med par ni/ skye ba bskyed bya skyed byed min/ /rgyu dang rkyen tshogs pa med par ni skye ba skyed par byed pa ma yin pa'i phyir ro//mtshan nyid dag ni bshad zin to/ /ming gi tshogs la sogs pa ni/ /ming dang ngag dang yi ge'i tshogs/ /sogs pa smos pa ni tshig dang yi ge'i tshogs gzung ngo / /de la ming byed pas ni ming ste/ dper na gzugs sgra zhes bya ba la sogs pa lta bu'o//ngag ni tshig ste ji tsam gyis don yongs su rdzogs pa'o/ /yi ge ni yi ge ste/ ming la sogs pa de dag gi tshogs ni ming la sogs pa'i tshogs dag yin te/ mang ba'i don gang yin pa'o/ /yang ci ming gi tshogs la sogs pa 'di dag ldan pa'am/ sems can du ston pa'am/ sems can ma yin par ston pa'am/ rnam par smin pa las skyes pa'am/ rgyas pa las byung ba'am/ rgyu mthun pa las byung ba 'am/ dge ba'am/ mi dge ba'am/ lung du ma bstan pa gcig ces brjod par bya zhe na/ smras pa/ 'dod dang gzugs gtogs sems can ston/ / rgyu mthun lung bstan min/ 'dod par gtogs pa dang / gzugs su gtogs pa 'di dag ni ston pa'o/ /gang zhig rjod par byed pa de dag dang ldan gyi brjod par bya ba gang yin pa dang ni ma yin no/ /rgyu mthun pa las byung ba dang / ma bsgribs la lung du ma bstan pa dag yin no/ / ji ltar 'di dag sems can du ston pa dang / rgyu mthun pa las byung ba dang / ma bsgribs la lung du ma bstan pa dag yin pa de bzhin du/ skal mnyam/ de ni rgyu mthun pa las byung ba 'ba' zhig ma yin gyi/ rnam par smin pa'ang yin/ khams gsum pa ste/ 'dod pa dang gzugs dang / gzugs med pa na spyod pa yin na/ /thob rnam gnyis/ rgyu mthun pa las byung ba dang / rnam par smin pa las skyes pa dag yin no/ /mtshan nyid rnams kyang / rnam pa gnyis te/ thob pa bzhin no/ /snyoms 'jug dang / mi ldan pa dag rgyu mthun pa/ /sems med pa'i snyoms par 'jug pa gnyis dang mi ldan pa rnams ni rgyu mthun pa las byung ba dag kho na yin no/'di dag ni lhag ma brjod par bya ba bshad zin to/ /rgyu dang rkyen dag med par ni/ /skye ba bskyed bya skyed byed min/ /zhes gang bshad pa de dag gis rgyu dang rkyen rnams gang zhe na/ byed rgyu lhan cig 'byung ba dang / skal mnyam mtshungs par ldan pa dang / /kun du 'gro dang rnam smin dang / /rgyu ni rnam pa drug tu 'dod/ /de la rang las gzhan pa byed rgyu'i rgyu/ rang gi ngo bo ma gtogs pa chos thams cad ni chos 'dus byas kyi byed rgyu ste/ skye ba la gegs mi byed pa'i ngo bor gnas pa'i phyir ro/ /lhan cig 'byung gang phan tshun 'bras//chos gang dag phan tshun gyi 'bras bu yin pa de dag ni phan tshun lhan cig 'byung ba'i rgyu'o/ /dpe ji lta bu zhe na/ 'byung bzhin sems kyi rjes 'jug dang / /sems dang mtshan nyid mtshan gzhi bzhin/ /'byung ba chen po bzhi dag ni phan tshun lhan cig 'byung ba'i rgyu yin no//sems ni sems kyi rjes su 'jug pa'i chos rnams kyi yin la/ de dag kyang de'i'o/ /'dus byas kyi mtshan nyid rnams ni mtshan gzhi'i yin la de yang de dag gi yin no/ /sems kyi rjes su 'jug pa'i chos de dag kyang gang zhe na/ sems las byung dang sdom gnyis dang //sems dang de dag gi mtshan nyid/ /sems kyi rjes 'jug /sems las byung ba thams cad dang / bsam gtan gyi sdom pa dang / zag pa med pa'i sdom pa dang / de dag dang / sems kyi skye ba la sogs pa gang yin pa'i chos de dag ni sems kyi rjes su 'jug pa zhes bya'o/ / de dag ji ltar sems kyi rjes su 'jug ce na/ mdor bsdu na/ dus dang ni/ 'bras sogs dge la sogs pas so/ /re zhig dus las ni/ sems dang lhan cig skye ba dang / /gnas pa dang / 'gag pa gcig pa nyid dang / dus gcig tu gtogs pa nyid kyis so/ /'bras bu la sogs pas ni/'bras bu dang / rnam par smin pa dang / rgyu mthun pa gcig pa nyid kyis te/ dge ba la sogs pas ni dge ba la sogs pa'i sems la dge ba la sogs pa nyid kyis so/ /lhan cig 'byung ba'i rgyu bshad zin to/ /skal mnyam rgyu ni 'dra ba'o/ /chos 'dra ba rnams ni chos 'dra ba rnams kyi skal pa mnyam pa'i rgyu ste/'di lta ste/ dge ba'i phung po lnga po dag ni dge ba rnams kyi yin no/ de bzhin du nyon mongs pa can dang lung du ma bstan pa dag go/ /ci thams cad yin nam zhe na/ ma yin te/ rang ris sa pa'o/ /ris ni lnga ste/ sdug bsngal mthong bas spang bar bya ba nas bsgom pas spang bar bya ba'i bar ro/ /sa ni dgu ste/ 'dod pa'i khams dang / bsam gtan dang gzugs med pa brgyad do/ /'di dag ni rang gi ris dag dang rang gi sa pa yin te/ rang gi ris rnams kyi skal ba mnyam pa'i rgyu ste/ de dag kyang thams cad ma yin no//'on kyang / sngar skyes pa rnams sngar skyes pa rnams ni phyi ma skyes pa dang ma skyes pa rnams kyi skal ba mnyam pa'i rgyu yin na/ /ma 'ongs pa kho na skal ba mnyam pa'i rgyu ma yin no/ /skal ba mnyam pa'i rgyu ni rang gi sa pa yin no zhes bshad pa gang yin pa de ji ltar nges sam zhe na/de zag pa dang bcas pa ni nges so/ /sa dgu'i lam ni phan tshun du/ skal pa mnyam pa'i rgyu yin no zhes bya bar skabs dang sbyar te/ mi lcogs pa med pa dang / bsam gtan khyad par can dang / bsam gtan bzhi dang / gzugs med pa gsum dag gi lam gyi bden pa ni phan tshun du skal pa mnyam pa'i rgyu yin no//'di ni sa de dag tu glo bur du 'ongs pa yin la khams de dag tu gtogs pa ma yin te/ de yang / mnyam dang khyad par can gyi yin/ /chung ngu'i rgyu ni ma yin no/ /ci lam kho na mnyam pa dang khyad par can dag gi skal ba mnyam pa'i rgyu yin nam zhe na/smras pa/ ma yin te/ 'jig rten pa dag kyang / sbyor byung de gnyis kho na'i yin/ /thos dang bsams byung la sogs pa/ /thos pa dang / bsams pa dang / bsgoms pa las byung ba sbyor ba las byung ba'i yon tan de dag kyang mnyam pa dang khyad par can dag kho na'i rgyu yin gyi dman pa rnams kyi ni ma yin no//skal ba mnyam pa'i rgyu bshad zin to/ /mtshungs ldan rgyu ni sems dag dang / /sems byung rten mtshungs can rnams so/ /gang dag la rten mtshungs pa tha mi dad par yod pa'i sems dang sems las byung ba de dag ni phan tshun mtshungs par ldan pa'i rgyu yin no//kun 'gro zhes bya nyon mongs can/ /rnams kyi rang sar kun 'gro lnga/ /kun du 'gro ba'i chos sngar skyes pa rnams ni nyon mongs pa'i chos phyi ma rnams kyi kun du 'gro ba'i rgyu yin no/ /de dag kyang 'og tu bshad par bya'o/ /'di ni nyon mongs ba can gyi chos kyi thun mong gi rgyu yin pas na/skal ba ma nyam pa'i rgyu logs shig tu rnam par gzhag ste/ ris gzhan dag gi yang rgyu yin pa'i phyir ro/ /kun du 'gro ba'i rgyu bshad zin to/ /rnam smin rgyu ni mi dge dang / /dge ba zag bcas rnams kho na/ /lung ma bstan pa ma yin te/ stobs chung ba'i phyir sa bon rul ba bzhin no//zag pa med pa ma yin te/ sred pas mngon par ma brlan pa'i phyir mngon par ma brlan pa'i sa bon drung po bzhin no/ /rgyu rnams bshad zin to/ /dus nges pa ma bshad pas de brjod pa/ kun 'gro skal mnyam dus gnyis pa/ /'das pa dang da ltar byung ba kho na'o//gsum po dag ni dus gsum pa/ /lhan cig 'byung ba dang mtshungs par ldan pa rnams dang / rnam par smin pa'i rgyu dag ni dus gsum pa yin no/ /rgyu de dag gang yin pa'i 'bras bu de dag gang zhe na/ 'dus byas bral bcas 'bras bu yin/ /de lta na 'o na ni 'dus ma byas 'bras bu yin pa'i phyir de dag gi 'bras bu yin pa'i rgyur yang 'gyur la/rgyu yin pa'i phyir de dag gi rgyu yin pa'i 'bras bur yang 'gyur ro/ /'dus byas kho na la rgyu dang 'bras bu yod kyi/ 'dus ma byas la de dag med/ /rgyu rnam pa drug mi srid pa'i phyir dang / 'bras bu rnam pa lnga mi srid pa'i phyir ro/ /yang 'bras bu 'di dag las 'bras bu gang zhig rgyu gang gi yin zhe na/ rnam smin 'bras bu tha ma'i yin/ /rnam par smin pa'i rgyu ni rnam par smin pa'i 'bras bu'o/ /bdag po'i 'bras bu dang po'i yin/ /byed rgyu'i ni bdag po'i 'bras bu'o/ / rgyu mthun skal mnyam kun 'gro ba'i/ /'di gnyis dang 'dra ba'i 'bras bu yin pa'i phyir rgyu mthun pa'i 'bras bu yin no/ /skyes bu pa ni gnyis kyi yin/ /skyes bu byed pa'i 'bras bu ni lhan cig 'byung ba dang mtshungs par ldan pa'i rgyu dag gi yin no/ /yang rnam par smin pa'i 'bras bu 'di ci yin/bdag po'i 'bras bu'i bar du yang ci zhig yin zhe na/ rnam smin lung du ma bstan chos/ /sems can brjod lung bstan phyis 'byung / /ci'i phyir sems can du ston pa ma yin pa'i don las las skyes pa ma yin nam zhe na/ thun mong ba'i phyir ro/ / lung bstan phyis 'byung ba ni dge ba dang mi dge ba las 'byung ba'o/ /rgyu mthun rgyu dang 'dra ba'o/ /rgyu dang 'dra ba'i chos gang yin pa de ni rgyu mthun pa'i 'bras bu'o/ /bral ba blo yis zad pa'o/ /so sor brtags pas 'gog pa ni bral ba'i 'bras bu'o/ /gang gi stobs kyis gang skye ba'i//'bras de skyes bu'i byed las skyes/ /dper na sa 'og ma'i sbyor ba'i sems kyis sa gong ma'i ting nge 'dzin dang / zag pa dang bcas pa'am/ zag pa med pa zhes bya ba la sogs pa'o/ /sngon byung ma yin 'dus byas ni/ /'dus byas kho na'i bdag po'i 'bras/ /sngar byung ba las gzhan pa'i 'dus byas kyi chos ni 'dus byas thams cad kyi bdag po'i 'bras bu yin no//yang rgyu 'di dag las gang zhig dus gang du 'bras bu 'dzin tam 'byin ce na/ lnga po da lta 'bras bu 'dzin/ /yongs su bzung zin pa'i phyir 'das pa rnams kyang ma yin la/ skyes bu byed pa med pa'i phyir ma 'ongs pa rnams kyang ma yin no//gnyis ni rab tu 'byin par byed/ /lhan cig 'byung ba dang / mtshungs par ldan pa'i rgyu dag ni da ltar 'bras bu 'byin par byed do/ /da ltar gyi dang 'das pa dag /gnyis kho na skal pa ma nyam pa dang / kun du 'gro ba'i rgyu dag go//da ltar bdag kyang mjug thogs su sgrub pa'i phyir te/ de yang phyis 'das pa dag go/ /gcig ni 'das pas 'byin par 'gyur/ /'di ltar lhan cig gam de ma thag tu rnam par smin pa'i 'bras bu ni med do/ /de la chos gang zhig rgyu dus dag gis skyed par byed ce na/ smras pa/ mdor bsdu na/ chos rnams ni rnam pa bzhi po dag yin te/ chos nyon mongs pa can rnams dang / rnam par smin pa las skyes pa rnams dang / zag pa med pa'i dang po rnams dang / de dag gi lhag ma rnams ni rnam par smin pa las ma gtogs pa'i lung du ma bstan pa rnams dang /zag pa med pa'i skad cig ma dang po ma gtogs pa'i dge ba rnams so/ /de dag ni/ nyon mongs can dang rnam smin skyes/ /lhag dang dang po 'phags rim bzhin/ /rnam smin kun 'gro de gnyis dang / /skal mnyam ma gtogs lhag las skyes/ /chos nyon mongs pa rnams ni rnam par smin pa'i rgyu ma gtogs pa lhag ma rnams las skye'o//rnam par smin pa las skyes pa rnams ni kun 'gro'i rgyu ma gtogs pa lhag ma rnams las so/ /chos lhag ma rnams ni rnam par smin pa dang / kun du 'gro ba'i rgyu de dag ma gtogs pa lhag ma rnams las so//zag pa med pa'i dbang po rnams ni de dag dang skal ba mnyam pa'i rgyu ma gtogs pa lhag ma rnams las skye'o/ /chos bstan pa de dag gang yin snyom pa la/ sems dang sems las byung ba yin/ /'o na gang dag sems dang ldan pa ma yin pa dang / gzugs can gyi chos de dag ji lta bu zhe na/mtshungs ldan ma gtogs gzhan de bzhin/ /mtshungs par ldan pa'i rgyu gcig pu ma gtogs pa chos nyon mongs pa can la sogs pa sems dang sems las byung ba rnams ji lta ba de kho na bzhin du skye ste/ rgyu rgya cher bshad pa rdzogs so// // rkyen rnams gang zhe na/ rkyen ni bzhi po dag tu gsungs/ /gang nas gsungs she na/ mdo las rkyen nyid ni bzhi ste zhes bya ba la sogs pa'o/ /de la rgyu zhes bya ba rgyu lnga yin/ /byed rgyu'i rgyu ma gtogs pa rgyu lnga ni rgyu'i rkyen yin no/ /sems dang sems byung skyes pa rnams/ /tha ma min mtshungs de ma thag /dgra bcom pa'i tha ma ma gtogs pa sems dang sems las byung ba skyes pa rnams ni mtshungs pa de ma thag pa'i rkyen yin no/ /dmigs pa chos rnams thams cad do/ /ci rigs par mig gi rnam par shes pa la sogs pa rnams kyi ni gzugs la sogs pa'o/ / yid kyi rnam par shes pa'i ni chos thams cad do/ /byed rgyu zhes bya bdag por bshad/ /byed pa'i rgyu gang yin pa de ni bdag po'i rkyen yin no/ /yang rkyen 'di dag bya ba byed pas na gnas skabs gang gi chos la byed ce na/ re zhig rgyu'i rkyen rnam pa lngar bshad pa de las/ / rgyu gnyis po dag 'gag pa la/ bya ba byed do/ /'gag pa zhes bya ba ni da ltar yin te/ 'gag pa la mngon du phyogs pa'i phyir ro/ /de la lhan cig 'byung ba dang mtshungs par ldan pa'i rgyu dag bya ba byed de/ de gnyis ni lhan cig 'byung ba'i 'bras bu la bya ba byed pa'i phyir ro//gsum po ni skye ba la'o zhes bya ba ni ma 'ongs pa ste/ skye ba la mngon du phyogs pa'i phyir ro/ /de la ni skal ba mnyam pa dang / kun du 'gro ba dang / rnam par smin pa'i rgyu rnams bya ba byed de/ rgyu'i rkyen ni de tsam zhig yin no/ /de las gzhan pa yi/ /rkyen dag de las bzlog pa yin//mtshungs pa de ma thag pa'i rkyen ni skabs 'byed pa'i phyir skye ba la bya ba byed do/ /dmigs pa'i rkyen ni da ltar gyi sems dang sems las byung ba rnams kyis 'dzin pa'i phyir 'gag pa la bya ba byed do/ /bdag po'i rkyen ni gnas skabs thams cad du mi sgrib pa'i ngo bor gnas pas 'di'i bya ba de ni de nyid yin no//rkyen rnams byed pa dang bcas pa bshad zin to/ /yang chos gang zhig rkyen du zhig gis bskyed ce na/ bzhi yis sems dang sems byung rnams/ /sems dang sems las byung ba rnams ni ci rigs par rkyen bzhi pos skyed do/ / gsum gyis snyoms par 'jug pa gnyis/ /dmigs pa'i rkyen ma gtogs pa snyoms par 'jug pa 'di dag ni sems kyi mngon par 'du byed pa las skye ba'i phyir sems kyi de ma thag pa can dag yin no/ /gzhan ni gnyis po dag las skye/ /chos gzhan ldan pa ma yin pa rnams dang /gzugs can rnams ni rgyu dang / bdag po'i rkyen dag las skye'o/ /rgyu dang rkyen dag kho na las chos thams cad kyang skye'o/ /dbang phyug sogs min rim sogs phyir/ /dbang phyug la sogs pa gcig kho na rgyu yin na 'gro ba thams cad cig car 'byung bar 'gyur ba zhig na dngos po rnams rim gyis 'byung bar yang snang ngo //dbang phyug dag kyang thog ma med pas kyang gzhan la ma ltos pas 'byin pa thog ma med par 'gyur ba dang 'byin pa la dgos pa med pa'i phyir dbang phyug la sogs pa ni rgyu ma yin no/ /yang gzhan ni gnyis po dag las skye zhes gang bshad pa de ji ltar na 'byung ba rnams 'byung ba rnams kyi rgyu'i rkyen yin zhe na/de'i rgyu 'byung ba rnam pa gnyis/ /'byung ba'i rgyu zhes bya ba'i tha tshig go/ /skal ba mnyam pa dang / lhan cig 'byung ba'i rgyu dag gis so/ /'byung las gyur pa'i rnam pa lnga//'byung ba rnams 'byung ba las gyur pa'i rgyu rnam pa lnga yin te/ skyed pa'i rgyu yin te/ de las skye ba'i phyir ro/ /brten pa'i rgyu yin te/ skyes pa 'byung ba'i rjes su mthun par byed pa'i phyir ro/ /gnas pa'i rgyu yin te/ rten du gyur pa'i phyir ro//rton pa'i rgyun yin te/ rgyun mi 'chad pa'i rgyu yin pa'i phyir ro/ /nye bar 'phel ba'i rgyu yin te/ de ni byed rgyu kho na rnam pa lnga ru phye ba'o/ /'byung gyur rnam gsum phan tshun du/ /lhan cig 'byung ba dang / skal ba mnyam pa dang / rnam par smin pa'i rgyu dag gis so//de la lhan cig 'byung ba'i rgyu ni lus dang ngag gi las sems kyi rjes su 'jug pa phan tshun du yin gyi gzhan ni ma yin no/ /skal pa mnyam pa'i'o/ /rnam par smin pa'i rgyu ni lus dang ngag gi las gang gi rnam par smin pa mig la sogs pa gang yin pa'o/ /'byung ba rnams kyi de rnams gcig /'byung ba las gyur pa'i gzugs 'byung ba rnams kyi ni rnam par smin pa'i rgyu kho na yin te/ lus dang ngag gi las gang gis 'byung ba rnams rnam par smin pa'o/ /sems dang sems las byung ba rnams bye brag med par mtshungs pa de ma thag pa'i rkyen du bshad kyi sems gang gi mjug thogs su gang 'byung ba ma bshad pas de brjod pa/mdor bsdu na sems bcu gnyis po 'di lta ste/ 'dod yid dge dang mi dge dang / /bsgribs pa dang ni ma bsgribs pa/ /'dod pa'i khams na sems bzhi ste/ /dge ba dang mi dge ba dang / bsgribs la lung du ma bstan pa dang / ma bsgribs la lung du ma bstan pa'o/ /gzugs dang gzugs med pa dag na/ /mi dge las gzhan/ bcu po de dag ni zag pa dang bcas pa'i sems yin no/ /zag med gnyis/ slob pa dang mi slob pa ste/ de ltar na de dag ni sems bcu gnyis yin no//de la/ 'dod sems dge ba las sems dgu/ /mjug thogs su zhes 'og nas 'chad par 'gyur ro/ /'di lta ste/ rang gi sa pa bzhi dang / gzugs na spyod pa gnyis dang / snyoms par 'jug pa'i tshe dge ba dang / nying mtshams sbyor ba'i tshe bsgribs pa'o/ /gzugs med pa na spyod pa ni bsgribs pa kho na'o/ /slob pa dang mi slob pa zhes so/ /de ni brgyad po kho na las/ 'dod pa na spyod pa'i dge ba'i sems de yang ni brgyad kyi mjug thogs su 'byung ste/ rang gi sa pa bzhi dang / gzugs na spyod pa gnyis las te/ldang ba'i tshe dge ba dang / nyon mongs pa can gyi snyoms par 'jug pas gzir ba'i tshe sa 'og ma'i dge ba la brten pa'i phyir bsgribs pa dang / ldang ba'i tshe slob pa dang mi slob pa dag las so/ /mi dge ba ni bcu dag las/ /slob pa dang mi slob pa ma gtogs pa'o//de las bzhi ste/ rang gi sa pa dag kho na'o/ /ji ltar 'dod pa'i khams kyi mi dge ba'i sems kyi bshad pa/ bsgribs de bzhin/ mi dge ba ji lta ba bzhin no/ /ma bsgribs pa ni lnga dag las/ /ma bsgribs la lung du ma bstan pa'i sems ni lnga las te/ rang gi sa pa bzhi dang / gzugs na spyod pa'i dge ba las sprul pa'i sems so/ /de las mjug thogs sems bdun no/ /rang gi bzhi dang / gzugs na spyod pa gnyis te/ sprul pa'i sems kyi mjug thogs su dge ba dang / nying mtshams sbyor ba'i tshe nyon mongs pa can dang /de bzhin du gzugs med pa na spyod pa'i nyon mongs pa can no/ /gzugs na dge las bcu gcig go/ /gzugs med pa na spyod pa ma bsgribs la lung du ma bstan pa ma gtogs pa'o/ /de ni dgu yi mjug thogs su/ /'dod pa na spyod pa'i nyon mongs pa can gnyis dang /gzugs med pa na spyod pa'i ma bsgribs la lung du ma bstan pa ma gtogs so/ /bsgribs pa brgyad las/ 'dod pa na spyod pa'i nyon mongs pa can gnyis dang / slob pa dang / mi slob pa gnyis ma gtogs so/ /de las drug bsgribs pa las rang gi sa pa gsum dang /'dod pa na spyod pa'i ma bsgribs la lung du ma bstan pa ma gtogs so/ /ma bsgribs pa ni gsum las so/ /ma bsgribs pa ni rang gi sa pa dag kho na las so/ /de las drug ste/ rang gi sa pa gsum dang / 'dod pa na spyod pa'i nyon mongs pa can dag dang /gzugs med pa na spyod pa yang ngo / /gzugs kyi khams kyi ma bsgribs la lung du ma bstan pa ji skad bshad pa ltar/ gzugs med pa'ang de'i tshul lo/ /de na yod pa'i yang rang gi sa pa gsum kho na las 'byung la/ de las kyang rang gi sa pa gsum po dang sa 'og ma pa'i nyon mongs pa can rnams dang drug 'byung ngo //dge ba las sems dgu dag go/ /gzugs med pa na spyod pa'i dge ba'i sems las ni sems dgu 'byung ste/ 'dod pa na spyod pa'i dge ba dang / 'dod pa dang gzugs na spyod pa'i ma bsgribs la lung du ma bstan pa dag ma gtogs so//de drug go/ /rang gi sa pa gsum dang / gzugs na spyod pa'i dge ba dang / slob pa dang mi slob pa dag las so/ /bsgribs pa la bdun/ rang gi sa pa gsum dang / gzugs na spyod pa'i dge ba dang / bsgribs pa dang / 'dod pa na spyod pa'i nyon mongs pa can gnyis so/ /de de bzhin/ de yang bdun kho na las 'byung ste/ 'dod pa dang gzugs na spyod pa'i nyon mongs pa can rnams dang / slob pa dang mi slob pa dag ma gtogs so/ /slob pa bzhi las/ khams gsum pa'i dge ba dang slob pa las so/ / de las lnga/ bzhi po de dag nyid dang / mi slob pa'o/ /mi slob pa ni lnga las so/ /bshad ma thag pa'i lnga po de nyid las so/ /de las sems ni bzhi dag go/ /khams gsum pa'i dge ba dag dang / mi slob pa'o/ /sems bcu gnyis rdzogs so// //yang bcu gnyis de dag nyi shur yang //bshad de/ gsum du skyes nas thob pa dang / /sbyor byung dge rnam gnyis phye nas/ /khams gsum po dag tu skyes nas thob pa dang / sbyor ba las byung ba'i dge ba'i sems rnam pa gnyis su dbye'o/ /rnam smin skyes dang sbyor lam pa/ /bzo yi gnas dang sprul pa dang //'dod na lung bstan min rnams bzhi/ /gzugs na bzo ma gtogs pa'o/ /gzugs kyi khams na bzo'i gnas ma gtogs te/ de na bzo med pa'i phyir ro/ /de ltar bcu gnyis po de dag nyi shur 'gyur ro/ /yang sems nyi shu po 'di dag las gang gi mjug thogs su gang zhig 'byung ba de brjod de/'dod na sbyor ba'i sems las bcu/ /mngon par shes pa'i 'bras bu ma gtogs pa rang gi sa pa bdun dang / gzugs na spyod pa'i sbyor ba las byung ba dang / slob pa dang mi slob pa'o/ /de yang brgyad kyi mjug thogs su rang gi dge ba dang /nyon mongs pa can dag dang / gzugs na spyod pa'i sbyor ba las byung ba dang / nyon mongs pa can dag dang / slob pa dang mi slob pa dag las so/ /skyes nas thog pa'i mjug thogs su dgu/ mngon par shes pa'i 'bras bu ma gtogs pa rang gi sa pa bdun dang / gzugs dang gzugs med pa na spyod pa'i nyon mongs pa can dag go//de yang bcu gcig mjug thogs su/ /bcu gcig gi mjug thogs su 'byung zhes bya ba'i don to/ /snga ma bzhin du rang gi sa pa bdun dang / gzugs na spyod pa'i sbyor ba las byung ba dang / /nyon mongs pa can dag dang / slob pa dang mi slob pa dag las so/ /nyon mongs can sems gnyis las bdun/ /snga bzhin rang gi dag kho na'o/ /de dag bcu bzhi'i sems mjug thogs/ /rang gi sa pa bdun dang / sbyor ba las byung ba dang / mngon par shes pa'i 'bras bu ma gtogs pa gzugs na spyod pa bzhi dang /sbyor ba las byung ba ma gtogs pa gzugs med pa na spyod pa gsum las so/ /spyod lam rnam smin skyes phyis brgyad/ /sbyor ba las byung ba dang / mngon par shes pa'i 'bras bu dag ma gtogs pa rang gi sa pa drug dang / gzugs dang gzugs med pa na spyod pa'i nyon mongs pa can dag go//de dag bdun po nyid las so/ /sngar bzhin du rang gi sa pa bdun kho na las so/ /bzo'i gnas las drug /sbyor ba las byung ba dang / mngon par shes pa'i 'bras bu dag ma gtogs pa rang gi rnams kho na'o/ /de yang / bdun las/ mngon par shes pa'i 'bras bu ma gtogs pa rang gi dag kho na las so//sprul sems phyi nas gnyis/ mngon par shes pa'i 'bras bu rang nyid dang / gzugs na spyod pa'i sbyor ba las byung ba'o/ /de yang gnyis las byung / de kho na las so/ /'dod pa las skyes pa/ brgyad po dag go/ /gzugs gtogs brjod/sbyor ba las byung las bcu gnyis/ /'dod pa na spyod pa'i dge ba dag dang / mngon par shes pa'i 'bras bu dang / rang gi drug dang / gzugs med pa'i sbyor ba las byung ba dang / slob pa dang / mi slob pa'o/ /de yang sems bcu'i mjug thogs su/ 'dod pa na spyod pa'i sbyor ba las byung ba dang /mngon par shes pa'i 'bras bu dag dang / spyod lam pa dang / rnam par smin pa la skyes pa dag ma gtogs pa rang gi bzhi dang / gzugs med pa na spyod pa'i sbyor ba las byung ba dang / nyon mongs pa can dag dang / slob pa dang mi slob pa dag las so//skyes nas thob pa'i mjug thogs brgyad/ /'dod pa na spyod pa'i nyon mongs pa can dag dang / mngon par shes pa'i 'bras bu ma gtogs pa rang gi lnga dang / gzugs med pa na spyod pa'i nyon mongs pa can no/ /de ni lnga las/ mjug thogs su mngon par shes pa'i 'bras bu ma gtogs pa rang gi dag kho na las so//bsgribs las dgu/ 'dod pa na spyod pa'i dge ba dang / nyon mongs pa can dag ste/ bzhi dang / mngon par shes pa'i 'bras bu ma gtogs pa rang gi lnga'o/ /de yang sems ni bcu gcig las/ 'dod pa na spyod pa'i skyes nas thob pa dang /spyod lam pa dang / rnam par smin pa las skyes pa dag dang / mngon par shes pa'i 'bras bu ma gtogs pa rang gi lnga dang / sbyor ba las byung ba ma gtogs pa gzugs med pa na spyod pa gsum las so/ /rnam smin skyes dang spyod lam las//bdun no/ /'dod pa na spyod pa'i nyon mongs pa can dag dang / sbyor ba las byung ba dang / mngon par shes pa'i 'bras bu ma gtogs pa rang gi gzhi dang gzugs med pa na spyod pa'i nyon mongs pa can no/ /de dag lnga nyid las/ mngon par shes pa'i 'bras bu ma gtogs pa rang gi dag kho na las so//sprul sems las gnyis/ rang gi sbyor ba las byung ba dang / mngon par shes pa'i 'bras bu dag kho na'o/ /de gnyis las/ de kho na las so/ /gzugs su gtogs pa bshad nas/ gzugs med par gtogs par brjod do/ gzugs med gtogs pa'i mjug thogs su/ /sbyor ba las byung sems bdun no/ /gzugs na spyod pa'i sbyor ba las byung ba dang / rang gi bzhi dang / slob pa dang mi slob pa'o/ /de drug las gzugs na spyod pa'i sbyor ba las byung ba dang / rnam par smin pa las skyes pa ma gtogs pa rang gi gsum dang /slob pa dang mi slob pa dag las so/ /skyes nas thob pa'i/ mjug thogs su ni sems bdun te/ /rang gi bzhi dang / sa 'og ma'i nyon mongs pa can dag go/ /de yang bzhi las/ rang gi dag kho na las so/ /bsgribs las brgyad/ rang gi bzhi dang / gzugs na spyod pa'i sbyor ba las byung ba dang / nyon mongs pa can dag dang / 'dod pa na spyod pa'i nyon mongs pa can dag go/ /de yang bcu yi mjug thogs su/ /rang gi bzhi dang / 'dod pa dang / gzugs na spyod pa'i skyes nas thob pa dang / spyod lam pa dang / rnam par smin pa las skyes pa dag las so//rnam smin skyes las drug /sbyor ba las byung ba ma gtogs pa rang gi gsum dang / 'og ma'i nyon mongs pa can gsum mo/ /bzhi las/ de yang rang gi dag kho na las so/ /slob pa'i mjug thogs drug /khams gsum pa'i sbyor ba las byung ba rnams dang /'dod pa na spyod pa'i skyes nas thob pa dang / slob pa dang mi slob pa'o/ /de yang bzhi las/ sbyor ba las byung ba gsum dang / slob pa las so/ /mi slob pa las ni lnga ste/ slob pa'i gcig pu ma gtogs pa slob pa'i mjug thogs su lnga po ji lta ba bzhin no/ / de yang de gnyis las/ mi slob pa ni lnga kho na las te/ sbyor ba las byung ba gsum dang / slob pa dang mi slob pa dag las so/ /ci'i phyir sbyor ba las byung ba'i sems kyi mjug thogs su ni rnam par smin pa las skyes pa dang / spyod lam pa dang / bzo'i gnas pa'i sems dag 'byung la/sbyor ba las byung ba ni de dag las ma yin zhe na/ mngon par 'du byed zhugs pa'i phyir/ /stobs chung phyir dang 'bad med phyir/ /sbyor ba las byung rjes mthun min/ /de'i phyir de yi mjug thogs min/ /de la gsum ste/ 'byung ba'i sems kyang mngon par 'du bya ba med pas sbyor ba las byung ba'i mjug thogs su dngos po'i don du rab tu skye'o//de lta na 'o na ni nyon mongs pa can dag las kyang sbyor ba las byung ba 'byung bar mi 'gyur te/ mi mthun pa'i phyir ro/ /nyon mongs can las mi mthun kyang / /nyon mongs kun 'byung yongs shes phyir/ / sbyor ba las byung kun du 'byung / /mngon par sbyor ba la rigs so/ /de la yang / slob dang mi slob sbyor byung dang / /gzugs gtogs las ni 'dod spyod pa/ /de las de ni 'bad med min/ /gzugs med spyod pa'i nyon mongs las/ /gzugs spyod skyes nas thob mi 'gyur/ /gzugs spyod nyon mongs can las ni//'dod gtogs mi gsal gsal phyir ro/ /tshig le'ur byas pa 'di dag kyang 'grel pa kho na bsdus pa yin pas rnam par phye'o/ /gang dag sems bcu gnyis bshad pa de dag las/ sems gang la du zhig rnyed ce na/ khams gsum pa yi nyon mongs can//drug dang drug dang gnyis rnyed do/ /'dod pa na spyod pa'i nyon mongs pa can gyi sems mngon du gyur na sems drug rnyed do/ the tshom gyis dge ba'i rtsa ba'i nying mtshams sbyor ba dang / khams su slar ldog pa'i phyir ro/ /khams su slar ldog pa dang / dngos su nyams pa las mi dge ba dang / bsgribs la lung du ma bstan pa dag dang / gzugs na spyod pa'i nyon mongs pa can dang / yongs su nyams na gzugs med na spyod pa'i nyon mongs pa can dang / slob pa'o/ /gzugs na spyod pa'i nyon mongs pa can la yang drug rnyed de/ khams su slar ldog pa las gzugs na spyod pa gsum dang / 'dod pa na spyod pa'i ma bsgribs la lung du ma bstan pa dang /yongs su nyams pa las gzugs med pa'i nyon mongs pa can dang / slob pa'o/ /gzugs med pa na spyod pa'i nyon mongs pa can la ni gnyis rnyed de/ yongs su nyams pa las nyon mongs pa can de nyid dang / slob pa'o/ /gzugs skyes dge la gsum dag go//dge ba de nyid dang / 'dod pa dang gzugs na spyod pa'i ma bsgribs la lung du ma bstan pa dag go/ /slob pa la bzhi/ slob pa de nyid dang / 'dod pa dang gzugs na spyod pa'i ma bsgribs la lung du ma bstan pa dag dang / gzugs med pa'i dge ba'o//'phags pa'i lam gyis 'dod pa dang gzugs kyi khams las 'dod chags dang bral bar byed pa na'o/ /lhag la de/ sems gang la rnyed pa ma bshad pa de la ni de nyid rnyed par blta bar bya'o/ /bsdu ba'i tshigs su bcad pa ni/ skye dang snyoms par 'jug pa dang //'dod chags bral dang yongs nyams dang / /dge ba'i nying mtshams sbyor ba'i tshe/ /sems de ldan pa min las rnyed/ /ces bya'o/ /dbang po bstan pa zhes bya ba mdzod kyi gnas gnyis pa'o// //khams gsum gyi dbye bas sems la sogs pa rnams kyi dbye ba bshad nas/de nyid ma bshad pas de brjod par bya ste/ dmyal ba yi dags dud 'gro dang / /mi rnams dang ni lha drug dag /'dod pa'i khams yin/ 'gro ba bzhi dang / lha'i ris drug po 'di lta ste/ rgyal chen bzhi pa rnams dang / sum cu rtsa gsum pa rnams dang /'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams te/ 'di rnams ni 'dod pa'i khams yin no/ /dmyal ba dang / gling dbye ba las de nyi shu/ /gnas rnams zhes bya ba tshig lhag ma'o//dmyal ba chen po brgyad de/ yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / gling bzhi dang / yi dags dang / dud 'gro zhes bya ba gnas nyi shu po 'di dag 'dod pa'i khams so//'dod pa'i khams 'di'i gong ma'i gnas dag bcu bdun ni/ gzugs khams yin/ ji ltar yin zhe na/ der so so yi/ bsam gtan sa ni gsum pa yin/ /bzhi pas ni brgyad pa yin/ /zhes bya ba smos te/ de la bsam gtan dang po na ni tshangs ris rnams dang /tshangs pa'i mdun na 'don rnams dang / tshangs chen rnams so/ /gnyis pa na ni 'od chung rnams dang / tshad med 'od rnams dang / 'od gsal rnams so/ /gsum pa na ni dge chung rnams dang / tshad med dge rnams dang / dge rgyas rnams so//bzhi pa na ni sprin med 'od rnams dang / bsod nams skyes rnams dang / 'bras bu che rnams dang / mi che ba rnams dang / mi gdung ba rnams dang / gya nom snang rnams dang / shin tu mthong rnams dang / 'og min rnams zhes bya ba gnas bcu bdun po 'di dag ni gzugs kyi khams so//gzugs med khams na gnas med do/ /skye ba las ni rnam pa bzhi/ /'di lta ste/ nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched do/ /der ni ris dang srog la yang //sems kyi rgyud ni rten yin/ khams gsum po bshad pa gang yin pa/ der ni dmyal sogs 'gro ba lnga/ /rang gi ming gis bstan de dag /gang gis na de dag khams gsum dag tu zhes bya ba la/ ci 'gro ba la ma gtogs pa'i khams dag cig yod dam zhe na/yod de/ khams rnams ni dge ba dang / nyon mongs pa can dang / snod dang / srid pa bar ma pa'i rang bzhin dag kyang yin no/ /yang 'gro ba lnga po dag gang yin pa de dag /nyon mongs can min lung bstan min/ /sems can zhes bya bar srid min/ /'gro ba lnga ni ma bsgribs la lung du ma bstan pa nyid do//de lta ma yin na 'gro ba 'chol bar 'gyur ro/ /sems can zhes bya ba nyid yin yang srid pa bar ma'i rang bzhin ni ma yin no/ /'gro ba lnga pa'i khams gsum 'di nyid du/ lus dang 'du shes tha dad dang / /lus tha dad cing 'du shes gcig//bzlog dang lus dang 'du shes gcig /gzugs can ma yin gsum po dag /rnam shes gnas pa bdun/ rim pa bzhin du rig par bya'o/ /mdo las/ sems can dus tha dad cing 'du shes tha dad pa dag kyang yod do/ /'di lta ste/ mi rnams dang lha kha cig go/ / de yang 'dod pa na spyod pa rnams dang / bsam gtan dang po pa dang por byung ba ma gtogs pa rnams so/ /sems can gzugs can lus tha dad cing 'du shes gcig pa dag kyang yod de/ 'di lta ste tshangs ris kyi lha gang dag dang por byung ba de dag go/ /de dag thams cad ni 'di snyam du bdag cag ni tshangs pa 'dis phyung ngo snyam du shes par 'gyur la/tshangs pa yang 'di dag ni bdag gis phyung ngo snyam du'o/ /sems can gzugs can lus gcig cing 'du shes tha dad pa dag kyang yod de/ 'di lta ste 'od gsal gyi lha rnams so/ / 'dir ni mtha' smos pas bsam gtan gnyis pa mtha' dag smos par rig par bya'o/ /sems can gzugs can lus gcig cing 'du shes gcig pa dag kyang yod de/ 'di lta ste dge rgyas kyi lha rnams so/ /'du shes gcig pa dag ces bya ba ni bde bar 'du shes pa dag go/ /de la bsam gtan dang po ni nyon mongs pa can gyi 'du shes su 'du shes gcig pa dag yin no//gnyis pa ni dge bas 'du shes tha dad pa dag yin no/ /gsum pa ni rnam par smin pa las byung bas 'du shes gcig pa dag yin no/ /gzugs med pa gsum po ni mdo las ji skad 'byung ba ste/ de ltar na/ de dag ni rnam pa gnas pa bdun yin no/ /ci'i phyir lhag ma rnam par shes pa ma yin zhe na/ 'di ltar/ lhag ma/ de 'joms byed ldan/ lhag ma gang zhig ce na/ ngan 'gro rnams dang / bsam gtan bzhi pa dang / srid pa'i rtse mo'o/ /'di dag na rnam par shes pa 'joms par byed pa dag yod pa'i phyir ro//de la ngan song na ni 'joms par byed pa sdug bsngal gyi tshor ba'o/ /bsam gtan bzhi pa na ni 'du shes med pa pa'o/ /srid pa'i rtse mo na ni 'gog pa'i snyoms par 'jug pa'o/ /rnam par shes pa gnas pa bdun po ji skad bshad pa de dag dang /srid rtse dang / 'du shes med pa'i sems can rnams/ /sems can gyi ni gnas dgur bshad/ /'di dag tu sems can rnams rang dga' bas kun du gnas so/ /mi 'dod bzhin gnas phyir gzhan min/ /ngan song dag tu ni sems can rnams mi 'dod bzhin du las kyi srin pos kun du gnas su 'jug go//mdo gzhan las ni rnam par shes pa gnas pa bdun zhes gsungs/ gzhan las ni/ gnas pa dag ni yang bzhi ste/ rnam par shes pa gzugs su nye bar 'gro ba dang / tshor bar nye bar 'gro ba dang / 'du shes su nye bar 'gro ba dang / 'du byed du nye bar 'gro ba'o/ /de dag gi rang bzhin ci zhe na/ zag pa dang bcas pa'i phung po bzhi/ de dag kyang / rang gi sa pa nyid/ sa gzhan du ni ma yin no/ /ci'i phyir zhe na/ gnas pa ni rten pa ma yin na skal ba mi mnyam pa'i sa pa'i phung po dag ni rnam par shes pa srid pa'i dbang gis mi rten pa'i phyir ro//ci'i phyir rnam par shes pa la rnam par shes pa zhes mi bya zhe na/ dper na rnam par shes pa gnas pa bdun bzhin no/ /bdun la rigs te/ de la bye brag med par ni skye ba'i skye mched kyis bsdus pa'i phung po dag las mngon par dga' ba dang bcas pa'i rnam par shes pa 'jug na rnam par shes pa la rnam par shes pa gnas pa zhes bya'o//so sor dbye na ni ji ltar gzugs la sogs pa kun nas nyon mongs par byed pa yin pa ltar/ rnam par shes pa 'ba' zhig ni de lta ma yin te/ de lta bas na rnam par shes pa gnas pa bzhi dag tu/rnam shes 'ba' zhig gnas par ma bshad do/ /yang ci rnam par shes pa gnas pa bdun gyis bzhi bsdus sam/ 'on te bzhis bdun bsdus she na/ bdun gyis bzhi yang ma yin la/ bzhis kyang bdun ma yin no/ /bsdu na mu bzhi yin no/ /bdun gyis bsdus la bzhis ma yin pa yang yod de zhes bya ba de lta bu la sogs pa ste/mu dang po ni bdun dag tu rnam par shes pa gang yin pa'o/ /gnyis pa ni ngan song rnams dang / bsam gtan bzhi pa rnams dang / srid pa'i rtse mo na rnam par shes pa ma gtogs pa'i phung po rnams so//gsum pa ni bdun dag tu phung po bzhi rnams so/ /bzhi pa ni ngan song dag gi rnam par shes pa'o/ /'gro ba la sogs pa'i bye brag gis tha dad pa'i khams gsum bshad pa gang yin pa/ der ni sgo nga las skyes sogs/ /sems can skye gnas bzhi dag tu//rig par bya ste/ sgo nga las skyes pa'i dang / mngal las skyes pa'i dang / drod gsher las skyes pa'i dang / rdzus te skyes pa'i skye gnas so/ /'dir sems can rnams 'chol bar 'gyur zhing skye ba thun mong ba'i phyir 'dre bar 'gyur bas skye gnas so//yang 'gro ba gang na skye gnas du zhig yod ce na/ smras pa/ mi dang dud 'gro rnam pa bzhi/ /dmyal ba rnams dang lha rnams dang / /srid pa bar ma rdzus te skye/ /mi dang dud 'gro dag rnam pa bzhi ci rigs par brjod par bya'o/ /dmyal ba dang / srid pa bar ma dang / lha thams cad rdzus te skye'o/ /yi dags mngal nas skye ba 'ang yin/ /rdzus te skye ba dag kyang yin no/ /srid pa bar ma zhes bya ba de ci zhe na/ 'dir gang skye dang 'chi ba yi/ /srid pa'i bar du 'byung ba'o/ /'gro ba'i bar ma yin pa'i phyir srid pa'i bar ma'o//ji ltar na 'di skyes pa yang yin la/ 'byung ba yang ma yin zhe na/ bgrod pa'i yul du ma phyin phyir/ /srid pa bar ma byung ba min/ /son pa ni byung ba yin na 'di yang bgrod par bya ba'i yul du son pa ma yin te/ de lta bas na byung ba ma yin no/ /'chi ba'i srid pa chad pa kho na las skye ba'i srid pa 'byung ngo zhes kha cig gi'o//de yang / 'bru yi rgyun dang chos mthun phyir/ /srid pa chad las 'byung ba min/ /rgyun gyis 'jug pa'i chos rnams ni rgyun mi chad par yul gzhan dag tu 'byung bar mthong ste/ dper na 'bru'i rgyun lta bu'o//chad nas 'byung ba yang mthong ste/ dper na me long la sogs pa dag gi nang du gzugs las gzugs brnyan lta bu'o zhes zer ro/ /gzugs brnyan ma grub phyir ba dang / /mi 'dra'i phyir na dpe ma yin/ /gzugs brnyan zhes bya ba gzhan kho na zhig 'byung ngo zhes bya ba de ni ma grub ste/grub tu zin yang mi 'dra ba'i phyir dpe ma yin no/ /'o na ji ltar ma grub ce na/ gcig na lhan cig gnyis med phyir/ /yul de nyid na me long gi gzugs kyang snang gzugs brnyan kyang snang / rten gyi 'byung ba tha dad pa'i phyir yul gcig tu gzugs gnyis lhan cig 'byung ba ni med de/re zhig ma grub pa'i phyir te/ de lta bu yin no/ /ji ltar mi 'dra zhe na/ rgyun min phyir/ ji ltar 'chi ba'i srid pa'i skye ba'i srid pa lta bur gzugs brnyan ni gzugs kyi rgyun du gyur pa ma yin te/ me long gi rgyud dang 'brel pa'i phyir dang /lhan cig 'byung ba'i phyir ro/ /rgyun la rgyun mi 'chad par 'byung bar brjod pa'i phyir dpe mi 'dra ba yin no/ /gzugs brnyan ni gnyis las 'byung phyir/ gzugs brnyan gyi gzugs dang me long gnyis las 'byung bar 'gyur te/ skye ba'i srid pa yang 'chi ba'i srid pa dang gzhan la ni mi 'byung bas mi 'dra'o//de bas na srid pa bar ma ni yod do/ /mgur nas gsungs phyir yod do/ /mdo las srid pa ni bdun te/ dmyal ba'i srid pa dang / dud 'gro'i srid pa dang / yi dags kyi srid pa dang / lha'i srid pa dang /mi yi srid pa dang / las kyi srid pa dang / srid pa bar ma'o zhes gsungs so/ /dri za gnas gsum mngon du gyur pas ma'i mngal du bu chags par 'gyur te/ ma rung zhing zla mtshan dang ldan pa dang / pha ma la chags par gyur cing phrad pa dang / dri za yang nye bar gnas par gyur na'o//srid pa bar ma ma gtogs pa dri za gang zhig yin/ de'i phyir bar ma'i srid pa ni yod do/ /lngar gsungs pa/ bar ma dor yongs su mya ngan las 'da' ba la sogs pa phyir mi 'ong ba lngar gsungs la/ srid pa bar ma med na ji lta bur ma dor yongs su mya ngan las 'das pa 'byung /'di las kyang 'gro ba'i mdo sde las/ skyes bu dam pa'i 'gro ba bdun/ /zhes bya ba'i mdo las dus dang yul gyi khyad par gyi bye brag bar ma dor yongs su mya ngan las 'da' ba gsum du bshad de/ dper na lcags kyi tsha tsha bzhin no zhes bya ba de'i phyir yang yod do//yang 'gro ba gang du 'gro bar 'gyur ba'i srid pa bar ma'i sha tshugs ji lta bu zhig mngon par 'grub ce na/ de ni 'phen pa gcig pa'i phyir/ /sngon dus srid 'byung sha tshugs can/ /las gang gis 'gro ba 'phen pa de nyid kyis der phyin par bya ba'i phyir srid pa bar ma yang 'phen te/ / de'i phyir de ni 'gro ba gang du 'gro ba der dus snga ma'i srid pa 'byung bar 'gyur ba de'i sha tshugs lta bur 'gyur ro/ /yang srid pa snga ma zhes bya ba 'di gang yin zhe na/ de ni 'chi ba'i snga rol te/ skye ba'i skad cig phan chad do/ /skye ba'i skad cig phan chad nas 'chi ba'i skad cig ma gtogs pa ni snga ma'i srid pa yin no//srid pa bar ma de yang / ris mthun lha mig dag pas mthong / /srid pa bar ma ris mthun pa dag kho nas mthong ngo / /gang dag la lha'i mig rnam par dag pas mngon par shes pa las byung ba de dag gis kyang 'di mthong ngo / /las kyi rdzu 'phrul shugs dang ldan/ /rdzu 'phrul ni nam mkha' la 'gro'o//las kyi rdzu 'phrul byed pas na las kyi rdzu 'phrul lo/ /de'i shugs ni las kyi rdzu 'phrul gyi shugs te mgyogs pa nyid do/ /de 'di la yod pas na las kyi rdzu 'phrul gyi shugs dang ldan pa'o/ /dbang po kun tshang / dbang po lnga char tshang ba'o/ /thogs med ldan/ 'di la gang du yang thogs pa med pa'o//mi zlogs/ srid pa bar ma dor nas lha'i srid pa bar ma'am/ gzhan du 'gyur ba ni mi srid do/ /kham gyi zas kyis gnas pa yin yang rags pa ni mi za ste/ 'on kyang de ni dri za'o/ /de ni dri za ba zhes bya ba'i don to/ /yang 'gro ba'i yul du phyin par bya ba'i phyir 'byung ba'i srid pa bar ma de ni/blo na phyin ci log gyur pas/ /rtse dgas 'gro ba'i yul du 'gro/ /de ni las kyi mthu las byung ba'i mig gis rang gi skye ba'i yul thag ring po na 'dug kyang mthong ngo / /des de na pha ma nyal po byed pa de mthong nas pho zhig yin na ni ma la pho'i 'dod chags skye'o/ / bzlog pa la ni khong khro ba ste/ /de de gnyis kyis phyin gyi log tu gyur pas yul der phyin pa dang / dga' ba 'dod nas gnas skabs der bdag nyid mos so/ /re zhig sgo nga la skye ba dang / mngal las skye ba'i skye gnas su 'jug pa ni de lta bu'o/ /dri dang gnas la mngon 'dod gzhan/ / drod gsher las skye ba'i skye gnas su skye ba ni/ las ji lta ba bzhin du skye ba'i gnas gtsang ma'am mi gtsang ba'i dri 'dod pas 'gro'o/ /rdzus te skye ba'i skye gnas su skye ba ni gnas 'dod pas so/ /de la lha'i srid pa bar ma ni stan las ldang ba bzhin du gyen du 'gro'o/ /mi dang / dud 'gro dang /yi dags rnams kyi ni mi la sogs pa bzhin no/ /dmyal ba yi ni spyi'u tshugs yin/ /yang dag sdom dang dka' thub can/ /drang srong rnams la skur 'debs pa/ /rkang pa gyen bstan spyi tshugs su/ /de dag dmyal ba rnams su lhung / /zhes tshigs su bcad pa de mngon par brjod pa'i phyir ro//mdo las mngal du 'jug pa ni bzhi gsungs te/ de la gcig ni shes bzhin du 'jug go/ /gnas pa dang 'byung ba ni shes bzhin du ma yin no/ /gzhan ni gnas pa yang / yang zhes bya ba'i sgras ni 'jug pa yang ngo / /gzhan ni/ 'byung ba'ang / shes bzhin du 'jug pa dang gnas pa yang ngo //gzhan ni thams cad rmongs/ la la ni shes bzhin ma yin par byed do/ /de yang ni sgo nga las skyes rtag tu'o/ /sems can sgo nga las skyes pa ni rtag tu rmongs par byed do/ /yang 'dir bstan pa/ mngal du 'jug pa gsum dag ste/ / 'khor los sgyur dang rang byung gnyis/ /'khor los sgyur ba dang / rang byung sangs rgyas dang / rdzogs pa'i sangs rgyas dag ste/ 'og nas go rims bzhin zhes 'chad par 'gyur ro/ /las sam ye shes sam gnyis ka /rgya che'i phyir na go rims bzhin/ /las rgya chen po bsod nams rgya chen po byed pa rnams ni dang po yin no//ye shes rgya chen po thos pa mang po dang rab tu 'byed pa byed pa rnams ni gnyis pa yin no/ /bsod nams kyi las dang ye shes rgya che ba rnams ni gsum pa yin no/ /gal te sems can thams cad la mngal du 'jug pa yod na bdag yod par 'gyur ro zhe na bdag med/bdag ji lta bu zhig ce na/ gang phung po 'di bdag 'dor zhing phung po gzhan du nying mtshams sbyor ro zhes bya bar rtog pa'o/ /'o na bdag ji lta bu zhig mi dgag ce na/ phung po tsam nyid do/ /gal te phung po tsam kho na la bdag ces 'dogs na de la dgag pa med do//de ltar na 'o na phung po bdag nyid 'jig rten gzhan du 'pho'o zhes bya bar 'gyur ro zhe na/ de dag ni mi 'pho ste/ nyon mongs las kyis mngon 'dus byas/ /srid pa bar ma'i rgyun gyis ni/ /mar me bzhin du mngal du 'gro/ /phung po rnams ni skad cig ma ste/de dag la ni 'pho ba'i mthu med kyi nyon mongs pa rnams dang las rnams kyis yongs su bsgos pa'i phung po tsam gyi srid pa bar ma zhes bya ba'i rgyun gyis ma'i mngal du 'gro ste/ dper na mar me bzhin no/ /de yang / ji ltar 'phangs bzhin rim gyis rgyun//skyes nas las dang nyon mongs kyis/ /'jig rten pha rol dag tu 'gro/ /tshe'i las tha dad pa'i phyir phung po'i rgyun thams cad kyis 'phen par 'dra ba ni ma yin pas/ de'i phyir gang zhig ji srid du 'phangs pa de srid nur nur po la sogs pa'i rim gyis skye bar 'gyur te/dbang po rnams yongs su smin nas ni nyon mongs pa rnams kun du spyod cing las rnams kyang nye bar sog par 'gyur ro/ /de dag lus zhig nas yang snga ma bzhin du srid pa bar ma'i rgyun gyis 'jig rten pha rol du 'gro ste/ de ltar/ srid pa'i 'khor lo thog ma med//rnam pa des na las dang nyon mongs pa'i rgyu las byung ba'i skye ba dang / yang de las byung ba'i las dang nyon mongs pa rnams dang / yang de dag las skye ba yin pas na srid pa'i 'khor lo thog ma med pa yin par rig par bya'o/ /de ltar phung po'i rgyun skye ba'i gnas skabs gsum bstan pa gang yin pa de ni/rten cing 'brel par 'byung ba yi/ /yan lag bcu gnyis cha gsum mo/ /de la yan lag bcu gnyis po ni ma rig pa nas rga shi'i bar ro/ /cha gsum ni sngon gyi dang / phyi ma'i mtha' dang / bar ma'i skye ba dag go/ /de yang / sngon dang phyi mtha' gnyis gnyis dang //bar du brgyad/ ma rig pa dang 'du byed rnams ni sngon gyi mthar ro/ /skye ba dang rga shi ni phyi ma'i mthar ro/ /lhag ma brgyad ni bar du'o/ /de dag kyang / yongs rdzogs ldan la/ 'byung ste/ gang zhig gnas skabs 'di thams cad la reg pa gang bar ma do kho nar 'chi ba yang ma yin la/gzugs dang gzugs med pa na spyod pa yang ma yin no/ /de la/ ma rig nyon mongs sngon gnas skabs/ /tshe snga ma la nyon mongs pa'i gnas skabs gang yin pa de ni 'di la ma rig pa zhes bya'o/ /'du byed dag ni sngon las kyi/ /gnas skabs zhes bya bar sbyar te/tshe snga ma'i bsod nams la sogs pa'i las kyi gnas skabs gang yin pa de ni 'du byed rnams zhes bya ste/ las gang gis 'dir rnam par smin pa'o/ /rnam shes mtshams sbyor phung po yin/ /ma'i mngal du nying mtshams sbyor ba'i skad cig ma la phung po lnga ni rnam par shes pa yin no//ming dang gzugs ni de phan chad/ /skye mched drug dod tshun chad do/ /mtshams sbyor ba'i sems phan chad ji srid du skye mched drug ma dod kyi bar skabs de ni ming dang gzugs zhes bya'o/ /de ni gsum 'dus tshun chad do/ /skye mched drug dod nas ji srid du dbang po dang yul dang rnam par shes pa dang gsum ma 'dus pa de srid kyi gnas skabs de ni skye mched drug ces bya'o//reg pa bde sdug la sogs kyi/ /rgyu shes nus pa tshun chad do/ /reg pa ni de srid du 'byung ste/ ji srid du tshor ba gsum gyi rgyu ba yongs su gcod par mi nus pa'i bar ro/ / yongs su gcod nus nas ni/ tshor 'khrig tshun chad/ tshor ba'i gnas skabs ni ji srid du 'khrig pa'i 'dod chags kun du mi spyod pa'i bar ro/ /srid pa ni/ longs spyod 'khrig pa'i chags can gyi/ /'dod pa'i yon tan dang / 'khrig pa'i 'dod chags kun du spyod pa'i gnas skabs ji srid du yul yongs su tshol ba la ma zhugs pa ni sred pa'o//nye bar len pa longs spyod rnams/ /thob par bya phyir yongs rgyug pa'i/ /gnas skabs gang du yul thob par bya ba'i phyir yongs su tshol ba la zhugs pa thams cad du rgyug pa de ni len pa'o/ /de ltar yongs su rgyug pa na/de srid 'bras bu 'byung ba yi/ /las byed de ni srid pa yin/ /de yul rnams thob par bya ba'i phyir yongs su rgyug pa na yang srid pa'i las sogs pa de ni de'i srid pa yin no/ /las des kyang 'di nas tshe phyi mar nying mtshams sbyor bar 'gyur te/ nying mtshams sbyor ba/de ni/ skye ba yin/ 'dir rnam par shes pa'i yan lag gang yin pa de ni tshe gzhan du skye ba yin no/ /de phan chad/ tshor ba'i bar ni rga shi yin/ /skye ba phan chad tshor ba'i gnas skabs kyi bar ni rga shi yin te/ de la yan lag bzhi po ming dang gzugs dang / skye mched drug dang /reg pa dang / tshor ba gang dag yin pa de dag nyid gzhan dag tu rga shi yin no/ /rten cing 'brel par 'byung ba mang po yod kyang / 'di ni gnas skabs par 'dod lo/ /gtso bo'i phyir na yan lag bsgrags/ /ma rig pa la sogs pa gtso bo yin pa'i gnas skabs su ni ma rig pa la sogs pa dag kho nar gsungs so//sems can du ston pa kho na'i rten cing 'brel pa cha gsum gsungs pa yang / sngon dang phyi mtha' bar dag la/ /rmongs pa rnam par bzlog phyir ro/ /ji ltar sngon gyi mtha' las bar ma 'byung ba dang / bar ma las phyi ma'i mtha' zhes bya ba rmongs pa 'di rnam par bzlog pa'i phyir cha gsum pa dang sems can du ston pa gsungs so//rten cing 'brel par 'byung ba de yang 'dir nyon mongs pa dang / las dang / gzhi'i rang bzhin te/ de la/ nyon mongs gsum mo/ /ma rig pa dang / sred pa dang / len pa rnams so//las gnyis so/ /'du byed dag dang / srid pa'o/ /gzhi bdun/ lhag ma rnam par shes pa la sogs pa yan lag ni gzhi'i rang bzhin yin te/ las dang nyon mongs pa'i rten yin pa'i phyir ro/ /ji ltar gzhi yin pa/ de bzhin 'bras bu yin/ yan lag bdun po nyid 'bras bu'o//lhag ma lnga ni rgyu'o/ /bar ma kho na rgyu dang 'bras bu rgyas par bshad de/ gnyis kyi rgyu 'bras mdor bsdus pa/ /bar ma'i rjes su dpag pa las/ /bar ma kho na las sngon gyi mtha' dang phyi ma'i mtha' dag gis rgyu dang 'bras bu rgyas par rjes su dpag par nus bsam bshad do//gal te yang rten cing 'brel bar 'byung ba yan lag bcu gnyis kho na yin na/ de ltar na go ma rig pa'i rgyu ma bstan pa'i phyir 'khor ba thog ma can du yang 'gyur la/ rga shi'i 'bras bu ma bstan pa'i phyir mtha' dang ldan par 'gyur ba'am/ yang na ni gzhan gyis kha bskang dgos so//de la yang gzhan zhig yod na ni thug pa med par 'gyur ro zhe na/ kha bskang par bya mi dgos te/ 'di ltar bcom ldan 'das kyis/ nyon mongs pa las nyon mongs dang / /bya ba nyid do de las gzhan/ /de las gzhi dang nyon mongs skye//'dir ni srid pa'i yan lag lugs/ /zhes bstan zin to/ /nyon mongs pa las nyon mongs pa skye ste/ srid pa las len pa'o/ /nyon mongs pa las las te/ len pa las srid pa dang / ma rig pa las 'du byed rnams so/ /las las gzhi ste/ 'du byed rnams las rnam par shes pa dang / srid pa las skye ba'o/ /gzhi las gzhi ste/ rnam par shes pa las ming dang gzugs nas/ reg pa nas tshor ba'i bar dang / skye ba las rga shi'o/ /gzhi las nyon mongs pa ste/ tshor ba las srid pa'o/ /gang gi phyir srid pa'i yan lag rnams kyi lugs de ltar rnam par gzhag pa de'i phyir ma rig pa nyon mongs pa'i rang bzhin yang gzhi'am nyon mongs pa las skye bar 'gyur ro zhes bstan pa yin la/rga shi dang tshor ba la thug pa'i gzhi las kyang nyon mongs pa 'byung po zhes bstan pa yin pas yang 'di la kha bskang par bya ba cung zad kyang med do//yang rten cing 'brel par 'byung ba dang / rten cing 'brel par 'byung ba'i chos dag la khyad par ci zhe na/ re zhig bstan bcos las ni khyad par cung zad kyang med de/ gnyis ka yang 'dus byas kyi chos thams cad yin par gsungs so//mdo'i dgongs pa ni/ 'dir ni 'byung ba rgyu yin te/ /byung ba 'bras bu yin par 'dod/ /ces gsungs te/ rgyur gyur pa'i yan lag ni rten cing 'brel par 'byung ba yin te/ 'di las 'byung ba'i phyir ro/ /'bras bur gyur pa'i yan lag ni rten cing 'brel bar byung ba ste/de ltar na yan lag thams cad kyang gnyis kar grub bo/ /yang ma rig pa zhes bya ba'i don gang zhe na/ rig pa'i mi mthun phyogs chos gzhan/ /ma rig mi mdza' brdzun sogs bzhin/ /ji ltar mdza' bo las bzlog na/ /de'i mi mthun pa'i phyogs su gyur pa'i mi mdza' ba 'ga' zhig yod kyi/mdza' bo las gzhan pa gang yin pa yang ma yin la/ mdza' bo med pa yang ma yin pa dang / bden pa zhes bya ba ni mi slu ba ste/ de'i mi mthun pa'i phyogs su gyur pa dag ni mi bden pa yin pa dang / chos ma yin pa dang / don ma yin pa dang /bya ba ma yin pa la sogs pa yang chos la sogs pa'i mi mthun par gyur pa de bzhin du ma rig pa yang rig pa'i mi mthun par gyur pa chos gzhan zhig tu blta bar bya'o/ /'di la gang zhe na/ kun sbyor sogs tshig phyir/ mdo dag las/ ma rig pa ni kun du sbyor ba dang / 'ching ba dang / phra rgyas la sogs pa nyid du gsungs te/ med pa tsam ni de lta bu yin par 'os pa yang ma yin no/ /'o na ni dper na chung ma ngan ma la chung ma ma yin zhes bya ba dang / bu ngan pa la bu ma yin zhes bya ba ltar ma rig pa yang de dang 'dra'o//gal te/ shes rab ngan po'i min lta phyir/ /smad pa'i shes rab ni nyon mongs pa can yin na de lta na yang lta ba'i rang bzhin yin pas ma rig par mi rung ngo / /'o na ni gang lta ba'i rang bzhin ma yin pa de de yin par 'gyur ro/ /de yang yin par mi 'os so/ /de ci'i phyir zhe na/lta ba de dang mtshungs ldan phyir/ /gal te ma rig pa shes rab yin par 'gyur na/ shes rab kyi rdzas gnyis mtshungs par mi ldan pa'i phyir lta ba de dang mtshungs par ldan par mi 'gyur ro/ /shes rab nyon mongs bstan phyir ro/ /zhes bya ba 'di las kyang 'grub ste/'dod chags kyis nye bar nyon mongs pa can du gyur pa'i sems ni rnam par mi 'grol lo/ /ma rig pas nye bar nyon mongs pa can du gyur pa'i shes rab ni rnam par mi 'dag go zhes gsungs te/ shes rab de nyid shes rab de'i nye par nyon mongs pa can du yang mi rigs so//yang ming dang gzugs zhes bya ba'i don ci zhe na/ gzugs ni rgya cher bshad pa ji lta ba bzhin du'o/ /ming ni gzugs can min phung po/ /tshor ba la sogs pa bzhi'o/ /skye mched drug ni bshad zin nas/ /da ni reg pa brjod par bya ste/ reg drug /mig gi 'dus te reg pa nas yid kyi 'dus te reg pa'i bar ro//de dag kyang / 'dus te byung ba yin/ dbang po dang yul dang rnam par shes pa rnams 'dus pa las skye'o/ /drug po de dag las/ lnga ni thogs pa'i reg pa yin/ /drug pa bla dgas tshig ces bya/ /mig la sogs pa'i reg pa rnams ni thogs pa dang bcas pa'i dbang po la brten pa'i phyir thogs pa'i reg pa rnams so//yid kyi 'dus te reg pa ni tshig bla dgas kyi reg pa zhes bya ste/ ming bla dgas la dmigs pa'i phyir ro/ /yang de nyid gsum du 'gyur te/ rig dang ma rig dang gzhan reg /de dag kyang / dri med nyon mongs can lhag ma/ /rig pa'i reg pa ni zag pa med pa'i reg pa'o/ /ma rig pa'i reg pa ni nyon mongs pa can gyi reg pa ste/ rig pa dang ma rig pa dang mtshungs par ldan pa'i phyir ro/ /lhag ma ni gnyis ka dang mtshungs par mi ldan pa'i phyir rig pa yang ma yin ma rig pa yang ma yin pa'i reg pa'o//de yang ni dge ba zag pa dang bcas pa dang / ma bsgribs la lung du ma bstan pa'o/ /yang ma rig pa'i reg pa'i phyogs gcig smos pas/ gnod sems rjes su chags pa'i reg /gnod sems rjes su chags pa dang mtshungs par ldan pa'i phyir ro//yang thams cad bsdu na/ bde bar myong 'gyur la sogs gsum/ bde ba myong bar 'gyur ba'i reg pa dang / sdug bsngal myong bar 'gyur ba dang / bde ba yang ma yin sdug bsngal ba yang ma yin pa yang myong bar 'gyur ba ste reg pa bshad zin to//tshor ba bshad par bya ste/ de la reg pa rnam pa drug sngar bshad zin pa/ de las byung ba'i tshor ba drug mig gi 'dus te reg pa las byung ba'i tshor ba nas yid kyi 'dus te reg pa las byung ba'i bar ro/ /de dag las/ lnga ni lus kyi'o//sems kyi gzhan/ lus kyi lnga ste/ dbang po gzugs can la brten pa'i phyir ro/ /sems kyi ni drug pa ste/ de sems tsam la brten pa'i phyir ro/ /de yid nye bar rgyu ba las/ /rnam pa dag ni yang bco brgyad/ /yang sems las byung ba'i tshor ba de nyid yid kyi nye bar rgyu ba bco brgyad rnam par gzhag pa las rnam pa bco brgyad du dbye'o//de la yid bde ba'i nye bar rgyu ba drug dang / btang snyoms kyi nye bar rgyu ba drug go zhes bya ba rnam pa bco brgyad du 'gyur ro/ /de dag las bco lnga ni gzugs la sogs pa la nye bar rgyu ba yin te/gzugs la sogs pa so sor nges pa la dmigs pa'i phyir ma 'dres pa la dmigs pa yin no/ /chos la nye bar rgyu ba gsum ni rnam pa gnyis ka yin no/ /yid nye bar rgyu ba zhes bya ba'i don ci zhe na/ yid la brten nas yid bde ba la sogs pa de dag yul la nye bar rgyu ba'i phyir ro zhes grag go//gzhan dag na re/ yul dag la nye bar rgyu bar byed pa'i phyir te/ tshor ba'i dbang gis yid yul dag la yang dang yang du rnam par rgyu ba'i phyir ro/ /yang yid kyi nye bar rgyu ba 'di dag las du zhig 'dod pa'i khams dang ldan pa yin/de dag las kyang du zhig gi dmigs pa ci zhig yin/ de bzhin du gzugs dang gzugs med pa dang ldan pa'i bar du brjod par bya'o zhe na/ 'dod na thams cad rang dmigs can/ /'dod pa'i khams na ni bco brgyad po thams cad yod la/ de dag thams cad kyi dmigs pa yang de yin no//de dag nyid kyi/ spyod yul gzugs can bcu gnyis so/ /gzugs kyi khams ni bcu gnyis kyi dmigs pa yin no/ /dri dang rol nye bar rgyu ba drug ma gtogs pa'o/ /gong ma gsum gyi/ spyod yul zhes bya bar sbyar te/ gzugs med pa ni chos la nye bar rgyu ba gsum gyi dmigs pa yin no//'dod pa dang ldan pa bshad zin to/ /bsam gtan ni/ gnyis na bcu gnyis/ yid mi bde ba'i nye bar rgyu ba rnams ma gtogs so/ /bcu gnyis po de dag kyang / 'dod 'gro rnams/ 'dod pa'i khams ni de dag gi dmigs pa'o//rang la dmigs brgyad/ gzugs kyi khams de nyid ni de dag gi rang bzhin yin te/ de ni yid kyi nye bar rgyu ba brgyad kyi dmigs pa yin te/ dri dang rol nye bar rgyu ba bzhi ma gtogs so/ /gzugs med pa gnyis kyi'o/ /chos la nye bar rgyu ba ngag gi dmigs pa yin no//bsam gtan gnyis na drug /bsam gtan gsum pa dang / bzhi pa dag nan btang snyoms kyi nye bar rgyu ba drug kho na yod kyi/ gzhan dag ni med do/ /de dag /drug gi dmigs pa ni/ 'dod pa'o/ /'dod pa'i khams ni drug car gyi yang dmigs pa yin no//rang ni bzhi'o/ /gzugs kyi khams ni bzhi'i dmigs pa yin te/ de na dri dang ro med pa'i phyir ro/ /gong ma gcig gi dmigs pa yin/ /gzugs med pa'i khams na ni chos la nye bar rgyu ba gcig kho na dmigs pa yin no/ /gzugs dang ldan pa dag bshad zin to//gzugs med nye bar bsdogs na bzhi/ /gzugs med pa'i nyer bsdogs ni/ 'dir nam mkha' mtha' yas skye mched kyi nyer bsdogs yin te/ de na ni gzugs dang / sgra dang / reg bya dang / chos la nye bar rgyu ba bzhi'o/ /de dag kyang / gzugs 'gro/de dag gi dmigs pa ni bsam gtan bzhi pa yin te/ gang dag gi ltar na de rnam par 'chad pa la dmigs pa yod pa yin no/ /gong mar 'gro ba gcig /de na gzugs med pa la dmigs pa ni gcig kho na ste/ chos la nye bar rgyu ba'o/ /dngos gzhi na gcig gzugs med pa'i dngos gzhi na ni chos la nye bar rgyu ba gcig kho na yod kyi gzhan ni med do//de yang / rang yul can/ gzugs med pa'i khams kho na la dmigs pa yin no/ /de dag kyang / bco brgyad thams cad zag dang bcas/ /de ltar na tshor ba'i yan lag 'di'i dbye ba ni du ma yod par shes par bya'o//yan lag lhag ma rnams ni mi brjod de/ 'di ltar/ bshad dang 'chad par 'gyur ba gzhan/ /'dir yan lag kha cig ni bshad zin la/ kha cig ni 'og nas 'chad do/ /rten cing 'brel bar 'byung ba de yang nyon mongs pa dang las dang gzhi rnams so zhes bstan pa/ 'dir ni nyon mongs sa bon bzhin/ /klu bzhin rtsa bzhin ljon shing bzhin/ /de bzhin shun pa bzhin du 'dod/ /dper na sa bon las myu gu dang sdong bu dang lo ma la sogs pa skye bar 'gyur ba de bzhin du nyon mongs pa las kyang nyon mongs pa dang las dang gzhi rnams skye bar 'gyur ro/ / dper na klu gnas pa'i mtsho ni skam par mi 'gyur ba ltar/ nyon mongs pa'i klu gnas pa'i skye ba'i mtsho yang ngo / /dper na nags tshal rtsa ba rnams ma phyung ba rnams ni bcang cing bcad kyang slar skye bar 'gyur ba ltar/ nyon mongs pa rtsa ba nas ma bton pa'i 'gro ba rnams kyang ngo / / dper na shing ljon pa rnams dus dus su me tog dang 'bras bu rnams skyed par byed pa de bzhin du nyon mongs pa rnams kyang lan cig ma yin par nyon mongs pa dang las dang gzhi rnams kyi rgyu yin no/ /dper na shun pa dang bcas pa'i 'bras thug po che rnams skye bar nus pa bzhin du nyon mongs pa'i shun pa dang bcas pa la skye ba gzhan du skye bar nus so//de ltar re zhig nyon mongs pa sa bon dang 'dra bar rig par bya'o/ /las ni shun bcas 'bras dang 'dra/ /de bzhin sman dang me tog bzhin/ /shun pa lta bu'i nyon mongs pa bshad zin to//da ni shun pa dang bcas pa'i 'bras bu'i las brjod par bya'o/ /dper na 'bru dang sman dag 'bras bu smin na mthar phyin pa de bzhin du las kyang ngo / /dper na me tog 'bras bu bskyed par bya ba la nye ba'i rgyu yin pa ltar las rnams kyang rnam par smin pa bskyed par bya ba la de bzhin du rig par bya'o//gzhi ni bza' btung grub pa bzhin/ /dper na bza' btung du grub pa yongs su longs spyod par bya ba 'ba' zhig yin gyis yang bskyed par bya ba ma yin pa ltar rnam par smin pa zhes bya ba'i gzhi yang de bzhin no/ /yang phung po skye ba'i rgyun de sred pa bzhi las mi 'da'o//srid pa bzhi po de dag las/ /skye ba'i srid pa nyon mongs can/ /nyon mongs pa gang gis she na/ rang gi sa pa'i nyon mongs kun/ /nyon mongs pa rnams kho nas yin gyi kun nas dkris pa tshig rkya thub pa rnams kyis ni ma yin no/ /gzhan rnams gsum mo//srid pa bar ma la sogs pa ni dge ba dang nyon mongs pa can dang lung du ma bstan pa rnams so/ /de las kyang / gzugs med gsum/ srid pa bar ma ma gtogs so/ /'dod pa dang gzugs kyi khams na srid pa bzhi po yang yod ces bya bar snang bar 'gyur ro/ / sems can gyi skye ba ji lta ba bzhin du bshad zin nas/ gnas pa brjod pa/ 'gro ba zas kyis gnas pa yin/ /de dag kyang / kham gyi zas la sogs pa ste/ /de la/ kham gyi zas ni 'dod pa na/ /gzugs dang gzugs med pa'i khams dag na ni yang med do/ /de yang / skye mched gsum gyi bdag nyid do/ /dri dang ro dang reg bya'i skye mched rnams ni kham gyi zas kho na yin te/ kham du byas nas mid pa'i phyir ro/ /gzugs kyi skye mched ma yin des/ /rang dbang grol la mi phan phyir/ /gzugs kyi skye mched ni kham du byas nas mid pa yin/ yang kham gyi zas ma yin te/ mid pa'i tshe rang gi dbang po dang 'byung ba chen po rnams la phan mi 'dogs pa'i phyir ro/ /gang gi tshe mthong ba na bde ba dang yid bde bar byed pa de'i tshe yang de la dmigs pa bde ba myong bar 'gyur ba'i reg pa zas yin gyi gzugs ma yin no/ / grol ba phyir mi 'ong ba dang / dgra bcom pa zas shin tu yid du 'ong ba mthong ba rnams la yang phan 'dogs pa med pa'i phyir ro/ /reg dang sems pa rnam shes ni/ /zag bcas zas yin gsum dag na/ /reg pa dang / sems pa dang / rnam par shes pa zag pa dang bcas pa dag kho na zas te/khams gsum char na yang yod do/ /ci'i phyir zag pa med pa rnams ma yin zhe na/ 'di ltar srid pa gso bar byed pa'i don ni zas kyi don yin na/ de dag ni srid pa zad par bya ba'i phyir skyes pa dag yin no/ /gzhan yang mdo las/ sems can byung ba rnams gnas par byed pa dang /'tsho bar byed pa dang / srid pa tshol bar byed pa rnams la phan par byed pa yin no zhes gsungs na zag pa med pa'i sems rnams ni de lta ma yin pas zas ma yin no/ /re zhig byung ba ni sems can skyes pa rnams la bya bar yang shes na/srid pa tshol ba rnams gang zhe na/ yid las byung dang srid tshol dang / /dri za srid pa bar ma dang / /'grub pa'o/ /bcom ldan 'das kyis srid pa bar ma ni brjod pa 'di dag gis gsungs so/ /yid las byung ba ni yid tsam las skyes pa'i phyir ro//srid pa tshol ba'i ngang tshul can yin pa'i phyir srid pa tshol ba'o/ /dri za ba'i phyir na dri za'o/ /skye ba la mngon du phyogs pa'i phyir mngon par 'grub pa'o/ /yang ci'i phyir zas bzhi kho na yin/ zag pa dang bcas pa'i chos thams cad srid pa rnams gso bar byad pa dag ma yin nam zhe na/de ni de lta yin mod kyi/ 'on kyang gtso bor bshad de/ 'di la gnas dang ni/ brten pa rgyas pa'i don du gnyis/ /srid gzhan 'phen dang 'grub pa yi/ /don du gnyis te go rims bzhin/ /gnas ni dbang po dang bcas pa'i lus so/ /de rgyas par byed pa ni kham gyi zas so//brten pa ni sems dang sems las byung ba rnams so/ /de rgyas par byed pa ni reg pa ste/ re zhig 'di gnyis ni 'dir skyes pa'i srid pa gso bar bya ba la gtso bo yin no/ /yid la sems pas ni yang srid pa 'phen bar byed do/ /'phangs zin pa las kyis yongs su bsgos pa'i rnam par shes pa'i sa bon las mngon par 'grub pas 'di gnyis ni ma skyes pa'i srid pa skyed pa la gtso bo yin te/de'i phyir bzhir gsungs so/ /da ni rnam par shes pa gang la gnas te 'chi 'pho ba dang / skye bar 'gyur ba 'di brjod par bya ste/ chad dang mtshams sbyor 'dod chags bral//nyams dang 'chi 'pho skye ba rnams/ /yid kyi rnam shes kho nar 'dod/ /ces bya ba smos te/ dge ba'i rtsa ba yang dag par chad pa dang / de'i nying mtshams sbyor ba dang / khams dang sa las 'dod chags dang bral ba dang / yongs su nyams pa dang /'chi 'pho ba dang / skye ba dang / chos drug po 'di dag ni yid kyi rnam par shes pa kho na yin par 'dod do/ /tshor ba las kyang / 'chi 'pho skye ba btang snyoms la/ /'chi 'pho ba dang skye ba ni btang snyoms las 'byung ngo / /yid kyi rnam par shes pa de la yang / rtse gcig sems med de la med//skal ba mi mnyam pa'i sa pa yin pa'i phyir dang / mngon par 'du byed pa las byung ba nyid yin pa'i phyir sems rtse gcig pa la 'chi 'pho ba'am skye ba med do/ /sems med pa la yang med de/ sems med pa la gnod par mi nus pa'i phyir ro/ / 'chi ba'i srid pa rnam pa gsum du bshad pa la dgra bcom pa ni/ mya ngan 'das lung bstan min gnyis/ /spyod lam pa'am/ rnam par smin pa'i sems las te/ /sems 'chad pa'i rjes su mthun pa'i phyir ro/ /yang 'chi ba na lus kyi phyogs gang du rnam par shes pa 'gag ce na/cig car 'chi na ni yid dang bcas pa'i lus kyi dbang po mod la 'gag par 'gyur ro/ /gal te rim gyis 'chi 'pho na ni de'i tshe/ 'og min lhar 'gro mi skye rnams/ /rim gyis 'chi na rkang pa dang / /lte ba snying gar yid 'chi 'pho/ /ngan song du 'gro ba rnams kyi yid ni rkang pa dag nas 'chi 'pho'o//mir 'gro ba dag ni lte ba nas so/ /lhar 'gro ba rnams ni snying gar ro/ /mi skye ba ni dgra bcom pa dag ste/ de dag gi yang thugs kar ro/ /kha cig ni dbu nas zhes so/ /gnad gcod pa'i tshor bas nyen de pe'i srog chags rnams ni de ltar rim gyis 'chi bar 'gyur ro//gnad gcod pa ni chu sogs kyis/ /de ltar 'chi ba na chu dang me dang / rlung gi khams rnams bad kan dang / mkhris pa dang / rlung gi rang bzhin dag gi tshor ba mi zad pa dag gis gnad gcod par 'gyur ro/ /sems can gyi 'jig rten gyi tshogs pa gsum du rnam par gzhag ste/de la/ 'phags dang mtshams med byed pa dang / /yang dag log pa nyid du nges/ /gang dag la zag pa med pa'i lam skyes pa de dag 'phags pa rnams te/ de dag mya ngan las 'das par nges pa'i phyir yang dag par nges pa'i tshogs pa la'o/ / gang mtshams med pa byed pa de dag ngan song du nges pa'i phyir log par nges pa'i tshogs pa la'o/ /gzhan dag ni ma nges pa'i tshogs pa la'o zhes bya bar grub bo/ /sems can gyi 'jig rten bshad zin nas/ snod kyi 'jig rten bshad par bya ste/ de la snod kyi 'jig rten gyi/ /gnas par 'dod pa'i 'og dag gi//rlung gi dkyil 'khor rngams su ni/ /sa ya drug 'bum grangs med do/ /'og nas nam mkha' la brten pa'i rlung gi dkyil 'khor te/ de'i rngams su dpag tshad sa ya drug 'bum mo/ /rgyar ni grangs med do/ /de'i steng na/ chu rngams 'bum phrag bcu gcig dang //stong phrag dag ni nyi shu'o/ /rlung gi dkyil 'khor der sems can rnams kyi las dag gis sprin rnams 'dus nas char gyi rgyun gnya' shing tsam bab pa de chu'i dkyil 'khor du 'gyur te/ de'i rngams su ni dpag tshad 'bum phrag bcu gcig dang nyi khri'o/ /chu de dag kyang sems can rnams kyi las kyi mthu las byung ba'i rlung dag gis mngon par dkrugs pa na steng ma gser du 'gyur ro//chu'i dkyil 'khor de'i/ phyis ni rngams su 'bum phrag brgyad/ /lhag ma dag na gser du gyur/ /lhag ma gang zhig ce na/ 'bum phrag gsum dang nyi khri'o/ /chu dang gser gyi dkyil 'khor gyi rngams bshad zin to/ /chu dang gser gyi dkyil 'khor gyi/ /thad kar 'bum phrag bcu gnyis dang / /stong phrag gsum dang brgya phrag ni/ /phyed dang lnga rnams kho na'o/ /'di gnyis ka rgyar mnyam mo//khor yug tu ni sum 'gyur ro/ /kho ra khor yug tu brtsi ba ni sum 'gyur ro/ /de la lhun po gnya' shing 'dzin/ /gshol mda' 'dzin dang seng ldeng can/ /de bzhin blta na sdug ri dang / /rta rna dang ni rnam 'dud dang / /mu khyud 'dzin ri'o/ /'di ltar ri chen po brgyad ni gser gyi dkyil 'khor la brten pa yin te/ri rab ni dbus na'o/ /lhag ma rnams kyis ni ri rab la bskor te gnas so/ /gang phyir ri mu khyud 'dzin/ de nas ni gling rnams yin no/ /de'i phyi rol na ni gling bzhi'o/ /de dag gi yang / phyi rol na ni khor yug ste/ /des ni gling bzhi khor yug tu bskor ba'o//de dag las/ bdun ni gser yin de lcags so/ /gnya' shing 'dzin la sogs pa'i ri bdun ni gser gyi'o/ /khor yug ni lcags so/ /lhun po rin chen bzhi yi rang bzhin can/ /gser dang / dngul dang / baiDUR+Ya dang / shel gyi rang bzhin no//ri de dag kyang / chu yi nang du brgyad khri dag nub bo/ /gser gyi sa gzhi'i steng du chu dpag tshad brgyad khri yod pa der nub bo/ /chu'i steng du yang / dpag tshad dag ni brgyad khri'o/ /de ltar na ri rab ni 'phang du dpag tshad 'bum drug khri'o/ /brgyad po'i 'phang du phyed phyed dbri/ / ri rab chu'i steng du ji tsam 'phags pa de'i phyed ni gnya' shing 'dzin yin te/ de bzhin du lhag ma rnams so/ /de dag rngams su'ang 'phang dang mnyam/ /da dag chu las gyen du 'phags pa rngams su yang de tsam ste/ rgya cher zhes bya ba'i tha tshig go/ /de dag bar bdun rol mtsho yin/ mu khyud 'dzin la thug pa'i ri de dag gi bar bdun ni rol mtsho bdun zhes bya'o//yang de dag las/ dang po stong phrag brgyad cu'o/ /rgyar ro de ni nang gi rgya mtsho yin/ /de yi ngos la sum 'gyur ro/ /gnya' shing 'dzin gyi 'gram gcig nas brtsis na dpag tshad nyis 'bum bzhi khri'o/ / rol mtsho gzhan ni phyed phyed dbri/ /dpag tshad stong nyis brgya lnga bcu'o zhes bya ba'i bar du rol mtsho bdun no/ /de dag gi srid du ni ha cang 'byam klas pa'i phyir ma bgrangs so/ /lhag ma phyi yi mtsho chen yin/ /mu khyud 'dzin nas khor yug gi bar lhag ma de ni phyi'i rgya mtsho chen po'o/ / kha chon du dpag tshad 'bum phrag gsum dang stong phrag ni/ nyi shu gnyis so/ /de ri rab kyi ngos bzhir gling bzhi ste/ de la ni/ 'dzam bu'i gling ste ngos gsum la/ /stong phrag gnyis po shing rta'i dbyibs/ /de'i ngos gsum ni dpag tshad nyis stong nyis stong yod la dbyibs ni shing rta dang 'dra'o//gcig la dpag tshad phyed dang bzhi/ /de'i ngos gcig la dpag tshad phyed dang bzhi'o/ /shar gyi lus 'phags zla kham 'dra/ /shar gyi lus 'phags kyi gling ni zla kham gyi dbyibs so/ /rgyar ni/ ngos gsum 'di dang 'dra/ /ji ltar 'dzam bu'i gling la dpag tshad stong phrag gnyis gnyis bzhin no//gcig la dpag tshad sum brgya lnga bcu'o/ /ngos bzhi pa la ni dpag tshad sum brgya lnga bcu'o/ /ba lang spyod gling zlum po ste/ stong phrag byed dang brgyad yin no/ /de dbus stong phrag phyed dang gsum mo/ /sgra mi snyan brgyad gru bzhir mnyam//yang de dag gi bar bar na gling rnams mngon par grub pa de dag ni gang / du zhig ni yod ce na/ de yi bar gyi gling brgyad ni/ /lus dang lus 'phags sgra mi snyan/ /sgra mi snyan gyi zla dang ni/ /rnga yab dang ni rnga yab gzhan/ /g.yo ldan dang ni lam mchog 'gro//de la lus dang lus 'phags ni shar gyi lus 'phags kyi 'khor yin no/ /sgra mi snyan dang sgra mi snyan gyi zla ni byang sgra mi snyan gyi'o/ /g.yo ldan dang lam mchog 'gro ni nub kyi ba lang spyod kyi'o/ /rnga yab dang rnga yab gzhan ni 'dzam bu'i gling gi'o/ / 'di nas byang du ri nag po dgu 'das gangs ri'o/ /'dzam bu'i gling 'di nas byang phyogs su di nag po gsum yod do/ /de dag 'das nas gzhan gsum yod do/ /yang gsum yod do/ /de'i pha rol na gangs ri'o/ /de nas ni/ spos ngad ldan pa'i tshu rol na//chu zheng lnga bcu yod pa'i mtsho/ /gangs ri de'i pha rol ri spos kyi dad ldang ba'i tshu rol na mtsho ma dros pa zhes bya ba zheng du yang dpag tshad lnga bcu yod pa/ chur yang dpag tshad lnga bcu yod do/ /yang dmyal ba rnams phyogs ni gang rol na tshad ji tsam zhe na/ 'di 'og stong phrag nyi shu na//mnar med pa'o de tsam mo/ /'dzam bu'i gling 'di nyid kyi 'og dpag tshad nyi khri rngams dang rgyar ni de tsam mo/ /sdug bsngal la bar chad med pas na mnar med pa'o/ /de yi steng na dmyal ba bdun/ /rab tu tsha ba dang / tsha ba dang / ngu 'bod chen po dang / ngu 'bod dang /bsdus 'joms dang / thig nag dang / yang sos dag go/ /de dag kyang / brgyad po kun la lhag bcu drug /lhag pa bcu drug gang zhe na/ /de dag gi ni ngos bzhi na/ /me ma mur dang ro myags dang / /spu gri'i lam sogs chu bo bzhi/ /de dag gi sgo re re na lhag pa bzhi bzhi yod do//me ma mur pus mo nub tsam gang du sems can de dag gi rkang pa bzhag na ni pags pa dang sha khrag zhig par 'gyur la/ rkang pa bteg na ni de dag slar skye ba dang / ro myags mi gtsang ba'i 'dam rdzab gang du 'bu mchu rnon zhes bya ba lus thams cad dkar zhing mgo gnag pa rus pa'i bar du 'bigs par byed pa dang /spu gri lam sogs ni spu gri gtams pa'i lam chen po dang / ral gri lo ma'i nags tshal dang / /khyi sre bo dang / lcags kyi shal ma li'i nags tshal dang / khwa lcags kyi mchu can rnams so//spu gri'i lam la sogs pa de dag ni mtshon cha mngon par 'dra ba'i phyir gcig tu dril nas gsungs so/ /lhag pa bzhi pa ni chu bo rab med thal chu khol mas gang ba ste/ gnod pa lhag pa'i gnas yin pa'i phyir bzhi po de dag lhag pa ste/ sgo'i dbye bas bcu drug tu 'gyur ro//re zhig de dag ni tsha ba'i dmyal ba brgyad yin no/ /chu bur can sogs grang brgyad gzhan/ /'di lta ste/ chu bur can dang / chu bur rdol ba dang / so tham tham pa dang / a chu dang / kyi hud dang / ut+pal ltar gas pa dang /pad+ma ltar gas pa dang / pad+ma ltar cher gas pa'o/ /ming 'di rnams ni sems can grang ba mi bzad pas nyen pa de dag gi lus dang sgra 'gyur ba dang mthun pa dag yin no/ /nyi ma dang zla ba 'di nas thag ji srid ce na/ nyi zla lhun po'i phyed na'o/ /ri gnya' shing 'dzin gyi rtse mo dang mnyam par rgyu'o//tshad kyang / dpag tshad lnga bcu gcig dang bcas/ /rim pa bzhin du'o/ /gling bzhi po dag tu nyi mas cig car bya ba byed dam zhe na/ ma yin te/ 'on kyang / nam phyed nyi ma nub pa dang / /nyi ma phyed dang 'char dus gcig /gang gi tshe byang sgra mi snyan du nam phyed pa de'i tshe shar lus 'phags su nyi ma nub bo//'dzam bu'i gling du nyi ma phyed do/ /ba lang spyod du nyi ma shar te/ de bzhin du gzhan dag la yang sbyar bar bya'o/ /nyi ma 'gro ba'i bye brag las nyin mo dang mtshan mo rnams ring thung du 'gyur te/ de la yang / dbyar gyi zla ba gnyis pa yi//tha ma'i chos dgu nas mtshan ring / /dbyar zla tha chungs yar gyi ngo'i tshes dgu nas mtshan mo ring ngo / /dgun rnams kyi ni bzhi pa la/ /thung ngu 'gyur ro/ /dgun zla tha chungs kyi phyogs gnyis pa'i tshes dgu nas so/ /nyin mo bzlog /gang gi tshe nyin mo ring ba de'i tshe mtshan mo thung bar 'gyur ro//ji tsam zhig gis ring bar 'gyur zhe na/ nyin mtshan ring ba thang gcig go/ /de dag kyang go rims bzhin du/ nyi ma lho byang 'gro ba'i tshe'o/ /dkar po'i phyogs kyi dang po zla ba'i dkyil 'khor ma rangs par snang ba de la rgyu ci zhe na/ nyi ma dang ni nye ba las//rang gi grib mas bsgribs par snang / /gang gi tshe zla ba'i gzhal med khang nyi ma'i gzhal med khang dang nye bar rgyu ba de'i tshe nyi ma'i 'od de gzhal med khang la 'bab ste/ des na de'i pha rol gyi ngos su grib ma 'bab pas zla ba'i dkyil 'khor ma rangs par snang ngo lo//yang nyi ma dang zla ba dang skar ma dag gi lha rnams lha'i ris gang du zhe na/ rgyal po chen po rnams su'o/ /ci de dag gi gnas 'di tsam kho na'am zhe na/ ma yin te/ 'on kyang lhun po'i bang rim dag kyang ngo / /'di la bang rim ni du zhig / thag srid ce na/ 'di la bang rim bzhi yod de/ bar gyi thag ni stong phrag bcu/ /dpag tshad khri'i lhag na gcig yod de/ /bzhi po'i bar du yang de dang 'dra'o/ /de dag kyang de las grangs bzhin du ste/ stong phrag dag ni bcu drug dang / /brgyad dang bzhi dang gnyis 'phags so//dang po ni ri rab las dpag tshad stong phrag bcu drug 'phags so/ /gnyis pa ni brgyad do/ /gsum pa ni bzhi'o/ /bzhi pa ni gnyis so/ /de la lag na gzhong thogs dang / /phreng thogs dang ni rtag myos dang / /rgyal chen bzhi pa'i lha rnams gnas//'di dag la grangs bzhin du gzhong thogs la sogs pa rnams gnas te/ ri ni bdun po dag la yang / /gnya' shing 'dzin la sogs par yang de dag gi grong dang grong rdal dag go/ /lhun po'i rtse na sum cu gsum/ /yang lhun po'i rtse mo ji tsam zhe na/de yi ngos la brgyad khri'o/ /ngos re re la brgyad khri brgyad khri'o/ /phyogs mtshams brtsegs pa bzhi la ni/ /lag na rdo rje gnas/ ri rab kyi rtse mo'i mtshams ni grwa bzhi ste/ de dag las dpag tshad lnga brgya'i tshad tsam gyis brtsegs pa bzhi la gyen du 'phags te/de dag la gnod sbyin lag na rdo rje zhes bya ba gnas so/ /ri rab de'i steng gi dbus na/ grong khyer blta na sdug ces pa/ ngos la nyis stong lnga brgya pa/ /dpag tshad phyed dang gnyis gser gyi/ /rang bzhin bzhi bkra mnyen pa yod/ /ngos re re zhing dpag tshad nyis stong lnga brgya pa/'phang du dpag tshad phyed dang gnyis pa de ni rgyal po'i pho brang ngo / /de ni rnam par rgyal byed de/ /ngos la nyis brgya lnga bcu'o/ /grong khyer gyi dbus na rnam par rgyal byed ces bya ba'i khang bzangs dos dang ngos kyi srid du dpag tshad nyis brgya lnga bcu pa zhig yod do//re zhig 'di ni grong gi mngon par dga' ba yin no/ /phyi rol shing rta sna tshogs dang / /rtsub 'gyur 'dres tshal dga' bas brgyan/ /ngos bzhi'i tshal bzhi ni lha rnams kyi'o/ /de dag gi ni phyogs bzhi na/ /nyi shus bcad nas gzhi bzang / skyed mos tshal de dag gi phyogs bzhi'i dpag tshad nyi shu bcad pa na sa gzhi bzang po'o//grong khyer gyi phyi rol gyi ngos nyid du/ byang shar mtshams na yongs 'du ste/ /lho nub mtshams na chos bzang ngo / /shing sa brtol yongs 'du zhes bya ba lha rnams kyi 'dod pa'i dga' ba mchog gi gnas gcig yod do//gang du lha rnams 'khod nas bya ba dang / bya ba ma yin pa 'gro bar byed pa lha'i 'dun sa chos bzang zhes bya ba yod do/ /re zhig de ni sa dang 'brel pa'i lha rnams kyi snod kyi gnas pa yin no/ /de steng lha rnams gzhal med khang / / gang dag gi snod mngon pa ni mdor bsdu na/ /'dod pa spyod pa drug yin no/ /drug po kho na 'dod pa dag la spyod kyi lhag ma rnams ni ma yin no/ /de dag kyang / gnyis gnyis 'khyud dang lag bcangs dang / /dgod dang lta bas 'khrig pa yin/ /sa dang 'brel bar gnas pa rgyal chen bzhi dang /sum cu rtsa gsum pa rnams ni mi rnams ji lta ba bzhin du gnyis kyis 'khrig go/ /de dag la yang rlung btang bas yongs su gdung ba dang 'bral lo/ /lhag ma rnams ni 'khyud pa la sogs pa grangs bzhin du'o/ /lha'am lha mo gang gi pang du lha gzhon nu'am lha'i bu mo skye bar 'gyur ba de ni gnyis kyi bu yang yin la/ngu mo yang yin no/ /bong tshod ji tsam du skye zhe na/ byis pa lo lnga lon pa nas/ lo bcu lon pa lta bu'i bar de dag tu skye/ lha'i ris de dag tu grangs bzhin du'o/ /gzugs can rnams/ kun rdzogs gos dang bcas pa nyid//de la/ 'dod pa'i skye ba gsum po ni/ /'dod pa'i lha dang mir bcas rnams/ /'dod pa'i khams su rig par bya ste/ de la 'dod pa'i nye bar gnas pa rnams ni mi dang lha'i ris bzhi rnams so/ /'dod pa rang gis sprul pa ni 'phrul dga' ba dag go//'dod pa gzhan gyis sprul pa ni gzhan 'phrul dbang byed pa rnams so/ /gzugs kyi khams na ni bde ba skye ba gsum po ni/ /bsam gtan gsum las sa dgu yin/ /lha de dag ni dben pa las skyes pa'i bde ba dang / ting nge 'dzin las skyes pa'i dga' ba'i bde ba dang /dga' ba med pa'i bde bar gnas pa zhes bya ba ni rim pa bzhin du bde ba skye ba dag go/ /lha'i ris 'di dag gi gnas ni/ /gnas nas gnas 'og ji srid par/ /de nas de'i gong de srid/ /'di lta ste/ 'di nas dpag tshad bzhi khri na rgyal po chen po bzhi'i gnas so//ji srid de dag gi bar de srid du de nas steng du ni sum cu rtsa gsum mo/ /de bzhin du sum cu rtsa gsum nas 'og tu 'dzam bu'i gling ji srid par gong ma 'thab bral ba rnams kyi gnas su yang de srid do zhes rgyas par drang bar bya'o/ /yang ci gnas 'og mar skyes pa rnams god ma'i gzhal med khang du dong nas mthong bar 'gyur ram zhe na/rdzu 'phrul gzhan rten ma gtogs par/ /de dag gong ma mthong ba med/ /rdzu 'phrul gyis sam/ gzhan la brten nas te rdzu 'phrul dang ldan pa'am/ /de na gnas pa'i lhas khrid par gyur na sum cu rtsa gsum pa rnams 'thab bral ba'i nang du 'gro bar 'gyur te/lhag ma rnams kyang de dang 'dra'o/ /yang 'thab bral ba la sogs pa'i gzhal med khang bzhi'i tshad ni ri rab [(]gyi [,]kyi [)]rtse mo ji tsam yod pa de tsam mo/ /gzhan dag na re gong ma nyis 'gyur ro zhes zer ro//bsam gtan dang po ni gling bzhi pa tsam mo/ /bsam gtan gnyis pa dag gsum pa dang / bzhi pa ni stong chung ngu'i dang / stong gnyis pa dang / stong gsum pa'i 'jig rten gyi khams tsam mo/ /yang stong chung ngu la sogs pa'i 'jig rten gyi khams de dag gang zhe na/gling bzhi pa dang nyi zla dang / /ri rab dang ni 'dod lha dang / /tshangs pa'i 'jig rten stong la ni/ /stong ni spyi phud yin par 'dod/ /'dzam bu'i gling nas tshangs pa'i 'jig rten gyi bar stong ni stong spyi phud kyi 'jig rten gyi khams zhes bya'o/ /de stong la ni stong gnyis pa//bar ma'i 'jig rten khams yin no/ /de stong la ni stong gsum mo/ /'di thams cad kyang mnyam du 'jig cing 'byung ba yin/ mnyam du 'byung ba zhes bya ba ni 'og tu bshad par bya'o/ /de la yang de na sems can rnams kyi yong snod bzhin du tshad kyi bye brag yod pas brjod de/'dzam bu'i gling pa rnams kyi tshad/ /khru bzhi pa dang phyed dang bzhi/ /shar dang ba lang spyod dang ni/ /byang zhes bya ba nyis 'gyur skyed/ /de dag kyang khru brgyad dang / bcu drug dang / sum cu rtsa gnyis pa dag rim pa bzhin du'o//'dod dang ldan pa lha yi lus/ /bzhi tsha nas ni rgyang grag dag/ /phyed dang gnyis kyi bar du bskyed/ /rgyang grag bzhi cha gcig ni dang po'i yin te/ phyi ma rnams kyi ni phyed dang gnyis kyi bar ro/ /gzugs can dang po dpag tshad phyed/ /bsam gtan dang po'i lus ni dpag tshad phyed tsam mo//de yi gong ma phyed phyed bskyed/ /gnas gsum dag nas 'od chung rnams kyi ni dpag tshad gnyis kyi bar ro/ /'od chung rnams kyi ltag yan chad/ /lus ni nyis 'gyur nyis 'gyur bskyed/ /sprin med dpag tshad gsum dor ro//dge rgyas pa rnams kyi ni drug cu rtsa bzhi yin pa'i bar du'o/ /sprin med rnams kyi ni nyis 'gyur du bsgyur te/ de nas dpag tshad gsum phri na dpag tshad brgya nyi shu rtsa lnga'o/ /de yan chad kyang nyis 'gyur nyis 'gyur ro/ /lus dag gi bshad nas tshe'i brjod do//sgra mi snyan na tshe stong ste/ /gnyis na phyed phyed spangs pa'o/ /ba lang spyod pa rnams kyi ni lo lnga brgya'o/ /shar gyi lus 'phags rnams kyi ni nyis brgya lnga bcu'o/ /'di na ma nges tha mar ni/ /lo bcu dang po dpag tu med/ /bskal pa dang po pa rnams kyi stong la sogs par bgrang bar mi nus pa'i phyir dpag tu med pa'o//mi rnams kyi bshad nas lha rnams kyi brjod par bya ste/ mi rnams kyi lo lnga bcu la/ /'dod pa dag gi lha rnams las/ /'og ma dag gi nyin zhag gcig /des na tshe lo lnga brgya'o/ /gong ma gnyis ka nyis 'gyur ro//sum cu rtsa gsum pa rnams las brtsams te/ nyin zhag kyang nyis 'gyur yin la tshe yang nyis 'gyur ro/ /'dod pa dang ldan pa rnams kyi tshe'i tshad bshad zin to/ /gzugs can nyin mtshan med tshe ni/ /rang lus gzhal ba'i skal ba yis//gang dag gi lus dpag tshad ji snyed pa de dag gi tshe yang bskal ba de snyed do/ /gzugs med bskal pa stong phrag ni/ /nyi shu lhag pas lhag pa yin/ /gzugs med pa rnams kyi ni dang po bskal pa nyi khri nas srid pa'i rtse mo na brgyad khri'i bar ro/ /yang 'dir bskal pa chen po gang ste/'od chung nas bzung bskal chen te/ /de yi 'og ma phyed yin no/ /bsam gtan dang po'i sa pa rnams kyi ni bar gyi bskal pa bzhi bcu la bskal par byas brjod par bya'o/ /bde 'gro'i tshe tshad bshad zin to/ /ngan 'gro'i brjod pa/yang sos la sogs drug rim bzhin/ /'dod lha'i tshe dang nyin zhag mnyam/ /'dod pa na spyod pa'i lha ris drug po de dag gi tshe ji tsam bshad pa de dang go rims bzhin du yang sos la sogs pa drug gi nyin zhag dang mnyam pa'o/ /des na de dag rnams kyi tshe/ / 'dod pa'i lha dang 'dra ba yin/ /rang gi nyin zhag gi lo lnga brgya yang sos kyi nas tsha ba'i tshe lo khri drug stong yin pa'i bar du'o/ /rab tu tsha phyed/ rab tu tsha ba na ni tshe'i tshad bar gyi bskal pa phyed do/ /mnar med ni/ bar gyi bskal pa'o/ /dud 'gro rnams kyi ni nges pa med de/dud 'gro rnams/ mchog ring bskal pa'o/ /yi dags rnams/ zla ba nyin zhag gis lnga brgya'o/ /mi rnams kyi zla ba ni yi dags kyi nyin zhag gcig ste/ des na tshe lo lnga brgya'o/ /yang grang ba'i dmyal ba la/ til spyad nang nas lo brgya zhing / /til gcig phyung bas zad gyur pa//chu bur can gyi tshe yin te/ /gzhan gyi tshe ni nyi shur bsgyur/ /de dag gi tshe'i tshad ni dpe tsam gyis gsungs te/ ma ga d+hA'i til gyis sbyang ba khal brgyad cu pa nas lo brgya 'das zhing til re re bor na/ de zad pa dang mnyam pa ni chu bur can gyi tshe'o//de'i 'og ma gzhan dag gi ni nyi shur bsgyur ro/ /de ltar tshe dang ldan pa'i sems can de dag tshe yongs su ma rdzogs par bar ma dor 'chi ba yod dam/ 'on te med ce na/ thams cad la yod de/ sgra mi snyan ma gtogs par 'chi/ /sgra mi snyan pa kho na'i sems can rnams tshe nges pa yin te/gzhan dag ni ma yin no/ /dpag tshad dang lo la sogs pa'i grangs kyis lus dang tshe la sogs pa bshad zin nas/ yang thams cad kyi rnam par gzhag pa yang ming yin pas de rab tu ston pa'i don du dang po'i rim ba brtsam mo/ / gzugs min dus mtha' rdul yig dag /skad cig /gzugs kyi mtha' ni rdul phra rab yin no/ /ming gi ni yi ge'o/ /dus kyi ni skad cig go/ /de la phra rab rdul dang ni/ /rdul phran dang ni de bzhin du/ /lcags chu ri bong lug dang glang / /nyi zer rdul dang sro ma dang / /de las byung dang de bzhin du//sor tshigs zhes bya gong bdun bsgyur/ /rdul phra rab la sogs pa 'di dag ni rdul phran la sogs bdun 'gyur du rig par bya ste/ 'di lta ste/ rdul phra rab bdun la rdul phran nas/ nas bdun la sor tshigs kyi bar ro/ /ngos su byas nas ni/ sor ni nyi shu bzhi la khru/ /khru bzhi la ni gzhu gang ngo / /'dom gang ngo zhes bya ba'i thi chag go/ /de dag lnga brgya rnams la ni/ /rgyang grags de la dgon par 'dod/ /de brgyad dpag tshad ces bya'o/ /zhes bya bar gsungs so/ /dpag tshad kyi tshad bshad zin to/ /da ni lo'i brjod par bya ste/skad cig ma brgya nyi shu la/ /de yi skad cig de dag kyang / /drug cu la ni thang cig go/ /yud tsam nyin zhag zla gsum ni/ /gong nas gong du sum cur bsgyur/ /zhag mi thub pa dang bcas pa'i/ /zla ba bcu gnyis la log gcig /lo la zhag gi shol drug 'dor te/'di lta ste/ dgun dang dbyar dang dpyid rnams kyi/ /zla ba phyed dang gnyis 'das nas/ /zla ba phyed ni lus pa na/ /mkhas pas zhag mi thub pa dor/ /lo'i tshad bshad zin to/ /bskal pa rnam pa mang bshad pa/ /'di lta ste/ 'jig pa'i bskal pa dang /'chags pa'i bskal pa dang / bar gyi bskal ba dang / bskal pa chen po'o/ /de la/ 'jig pa'i bskal pa dmyal ba yi/ /srid pa med nas snod zad pa'o/ /dmyal ba dag na sems can mi srid pa nas bzung ste/ / snod zad pa'i bar 'di ni 'jig pa'i bskal pa'o/ /'chags pa dang po'i rlung nas ni/ /dmyal ba srid pa'i bar du'o/ /dang po ni rlung nas bzung ste dmyal ba dag na sems can srid pa'i bar gyi dus 'di ni 'chags pa'i bskal pa'o/ /bar gyi bskal pa dpag med nas//tshe lo bcu pa'i bar du'o/ /'jig rten 'chags pa na mi rnams kyi tshe dpag tu med pa la bar gyi bskal pa bcu dgu 'da' bar 'gyur ro/ /tshe dpag tu med pa nas 'grib pa nas tshe lo bcu pa'i bar du 'gyur te/ /'di ni dang po'i bskal pa bar ma'o/ /de nas yar skye mar 'bri ba'i//bskal pa gzhan ni bco brgyad dang / /tshe lo bcu pa de dag las yar skye bar 'gyur ba na rim gyis tshe lo brgyad khri par 'gyur ba la yang mar 'bri ba'i tshe lo bcu par 'gyur ba 'di ni bar gyi bskal pa gnyis pa yin te/ de lta bu bco brgyad kyi bar dang /yar skye ba ni gcig yin te/ /bar gyi bskal pa gcig ni nyi shu pa'o/ /yang yar skye ba de dag ji tsam du yar skye bar 'gyur zhe na/ de dag tshe ni brgyad khri'i bar/ /de las yar ni mi skye'o/ /de ltar 'jig rten chags pa 'di/ /bar gyi bskal pa nyi shur gnas/ /de ltar bar gyi bskal pa'i tshul 'dis 'jig rten 'di bar gyi bskal pa nyi shur chags nas gnas so//dus de srid kho nar/ 'chags pa dang ni 'jig pa dang / /zhig nas 'dug pa dag mnyam mo/ /bar gyi bskal pa nyi shu kho nar 'chags so/ /nyi shur 'jig go/ /nyi shur zhig nas 'dug go//bar gyi bskal pa nyi shu phrag bzhi po de dag ni brgyad cur 'gyur te/ de dag brgyad cu la bskal chen/ /bskal pa grangs med pa gsum gyis sangs rgyas nyid thob par 'gyur ro zhes gang gsungs pa'i bskal pa de dag gang zhe na/ bskal pa chen por bshad pa gang yin pa/de grangs med pa gsum la sangs rgyas 'byung ngo / /bskal pa grangs med pa gsum gyis sangs rgyas 'thob kyang ci sangs rgyas yar skye ba'i tshe 'byung ngam/ 'on te mar 'bri ba'i tshe 'byung zhe na/ mar ni 'grib pa yi/ brgya ya bar la de dag 'byung / /yar skye ba'i tshe sems can rnams skyo bar dka' ba'i phyir ro//brgya bas mar 'grib pa'i tshe yang snyigs ma lnga shin tu lhag pas so/ /yang rang sangs rgyas rnams dus gang du 'byung zhe na/ rang sangs rgyas rnams gnyis ka la/ /yang yar skye ba dang mar 'grib pa na'o/ /de la yang / bse ru bskal pa brgya yi rgyus//rang sangs rgyas ni rnam pa gnyis te/ tshogs shing spyod pa rnams dang / bse ru lta bu rnams so/ /de dag gi phyi ma ni bskal ba chen po brgyar byang chub kyi tshogs dag la spyad pas rang sangs rgyas kyi byang chub 'thob pa'o/ /yang 'khor los sgyur ba rnams nam 'byung zhe na/'khor los sgyur ba 'byung ba ni/ /stong phrag brgyad cu las mi 'phyi/ /mi rnams kyi tshe dpag tu med pa nas brgyad khri'i bar du 'khor los sgyur ba rnams 'byung ste/ 'og tu ni ma yin no/ /de dag ni rgyal srid 'khor los sgyur ba'i ngang tshul can yin pas 'khor los sgyur ba rnams so//de dag kyang rnam pa bzhi ste/ gser dngul zangs lcags 'khor lo can/ /de dag gling gcig gling gnyis dang / /gsum dang bzhi la mas rim bzhin/ /gang la lcags kyi 'khor lo yod pa de ni gling gcig la dbang byed pa nas gang la gser gyi 'khor lo yod pa de ni gling bzhi la dbang byed pa'i bar ro//'khor los sgyur ba de dag ni 'di ltar 'byung ste/ lhan cig gnyis min sangs rgyas bzhin/ /de la 'ga' zhig na re 'jig rten gyi khams su sangs rgyas gnyis mi 'byung ste/ 'khor los sgyur ba'i rgyal po bzhin no zhes zer ro//kha cig na re thams cad du mi 'byung zhes 'dzer to/ /yang 'khor los sgyur ba dag sa las rgyal bar byed pa na ji ltar rgyal bar byed ce na/ go rims bzhin du/ phas bsu rang 'gro g.yul bshams dang / /mtshon brtsams pas rgyal/ gang la gser gyi 'khor lo yod pa de la ni khams kyi rgyal phran rnams rang res pas bsu bar byed do//gang la dngul gyi 'khor lo yod pa de ni bdag nyid de dag gi thad du 'gro ste phyis 'dud do/ /gang la zangs kyi 'khor lo yod pa de ni der song nas g.yul sham par byed do/ / gang la lcags kyi 'khor lo yod pa de ni de dag gi thad du song nas phan tshun mtshon brtsams pas so/ /'khor los sgyur ba thams cad kyang / /gnod pa med/ mtshon chas rgyal yang gsod du mi 'jug go/ /rgyal po gzhan dag las 'di dag skyes bu chen po'i mtshan dag ni khyad par ro//de la yang / thub mtshan yul na gnas pa dang / /gsal la rdzogs pas 'phags pa yin/ /sangs rgyas rnams kyi mtshan ni shin tu yul na gnas pa dang / shin tu gsal ba dang / shin tu kun du rdzogs pa dag yin pas de dag gi khyad par ni de yin no/ / yang ci bskal pa dang po'i mi rnams kyang rgyal po dang bcas par gyur tam/ 'on kyang / sngar byung sems can gzugs can bzhin/ /de nas rim gyis ro la chags/ /le los gsog 'jog byas nas ni/ /'dzin bcas rnams kyis zhing dpon bstabs/ /bskal pa dang po'i mi rnams ni mngal nas skyes pa ma yin/dga' ba'i zas can dang / rang gi 'od can/ bdag gi ba med pa yongs su gzung ba med par gyur to/ /de bzhin du byung ba de dag sa'i ro dang zhag la sogs pa'i ro la brkam par gyur pas de yang nub nas sA lu la sogs pa yongs su 'dzin te/de la yang brku ba la sogs pa la rab tu 'jug pa na de bsrung ba'i phyir rgyal po bstabs te/ rgyal po gcig nas gcig tu brgyud pa'i rtsom pa ni de yin no/ /de nas las kyi lam lhag pas/ /tshe thung lo ni bcu yin no/ /de nas de ltar las kyi lam rnams 'phel ba dang /mi rnams kyi tshe khad kyis thung ngur 'gyur te/ tshe lo bcu par 'gyur ro/ /bskal pa mtshon dang nad dang ni/ /mu ge dag gis tshar phyin to/ /bar gyi bskal pa ni mtshon dang nad dang mu ge gsum gyis tshar phyin to/ /yang mtshon gyi gnod pa dang /nad dang mu ge dag dus ji srid gcig 'byung zhe na/ /zhag rnams dang ni zla ba dang / /lo bdun dag tu go rims bzhin/ /mtshon cha'i bskal pa brdeg pa ni zhag bdun 'byung ngo / /nad ni zla ba bdun dang zhag bdun 'byung ngo / /mu ge ni lo bdun dang zla ba bdun dang zhag bdun du'o//yang 'jig pa dag ni du zhe na/ me dang chu dang rlung dag gis/ /'jig pa dag ni yang gsum yin/ /'di'i sems can rnams bsam gtan gcig tu 'du bas na 'jig pa yin no/ /nyi ma bdun du ni mes 'jig pa yin no/ /bar gyi chus ni chus 'jig pa yin no/rlung rab tu 'khrugs pas ni rlung gis rab tu 'jig pa yin to/ /de dag gis ni snod rnams kyi cha shas phra mo yang ma lus par byed do/ /yang 'jig pa gang gi rtse mo gang yin zhe na/ bsam gtan gnyis sogs gsum po ni/ /de dag gi rtse go rims bzhin//mes 'jig pa'i rtse mo ni bsam gtan gnyis pa yin te/ man chad sreg par byed do/ /chus 'jig pa'i rtse mo ni gsum pa yin te/ man chad srul bar byed do/ /rlung gis 'jig pa'i rtse mo ni bzhi pa yin te/ man chad 'thor bar byed do/ /yang ci'i phyir bsam gtan dang po dang /gnyis pa dang / gsum pa dag me dang chu dang rlung dag gis 'jig ce na/ de yi skyon dang chos mthun phyir/ /bsam gtan dang po na ni rtog pa dang dpyod pa dag skyon yin te/ de dag kyang yid yongs su gdung bar byed pa dag yin pa'i phyir me lta bu dag yin no//gnyis pa na ni dga' ba skyon yin te/ de yang shin tu sbyangs pa dang ldan pas lus mnyen par byed pa yin pa'i phyir/ chu lta bu yin no/ /bsam gtan gsum pa na ni dbugs rngub pa dang dbugs 'byung ba ste/ de dag kyang rlung kho na yin pas snyoms par 'jug pa'i bsam gtan gang na nang gi skyon ji lta bar skye ba'i bsam gtan de na phyi rol gyi yang de lta bu yin no//'di kho na'i phyir/ bzhi pa na med mi g.yo'i phyir/ /bsam gtan bzhi pa ni nang gi skyon dang bral ba'i phyir mi g.yo ba zhes gsungs te/ de'i phyir 'dir phyi'i skyon yang mi 'jug go//'o na bsam gtan bzhi pa'i snod rtag par 'gyur ro zhe na/ mi rtag de yi gzhal med khang / /sems can bcas te 'byung 'jig phyir/ /bsam gtan bzhi pa na ni sems can skye ba 'am 'chi 'pho ba'ang rung ste/de ni gzhal med khang dang bcas te yin pas de la rtag pa med do/ /yang 'jig pa de dag go rims gang gis 'byung zhe na/ re zhig bar chad med par ni/ /me yis bdun no/ /mes 'jig pa bdun 'byung ngo / /de'i 'og tu ni chu yis gcig /mes 'jig pa bdun gyi mjug thogs su chu yis gcig 'byung ngo //de ltar chu bdun thal nas kyang / /me yis bdun no/ /rim pa des na chus 'jig pa bdun thal nas yang mes 'jig pa bdun 'byung ngo / /de nas ni/ mjug tu rlung gis 'jig pa yin/ /de nas rlung gis 'jig pa gcig 'byung ngo //de ltar 'jig pa ni de dag gi rim pa yin no/ /'jig rten bstan pa zhes bya ba mdzod kyi gnas gsum pa'o// //yang sems can dang snod kyi 'jig rten rnam pa sna tshogs pa bshad pa gang yin pa de dag sus byas she na/ sus kyang blo sngon du btang nas byas pa ni med do/ /'on kyang sems can rnams kyi/ las las 'jig rten sna tshogs skyes/ /las las de ci zhig ce na/ /de ni sems pa dang des byas/ /sems pa dang bsams pa'i las so zhes gsungs la/ bsams pa gang yin pa de ni sems pas byas pa yin no//las gnyis po de dag ni gsum yin te/ lus dang / ngag dang / yid kyi las so/ /de la yang / sems pa yid kyi las yin no/ /des bskyed lus dang ngag gi las/ /sems pas bskyed pa gang yin pa//bsams pa'i las zhes gsungs pa gang yin pa de dag ni lus dang ngag gi las su rig par bya'o/ /de dag rnam rig rnam rig min/ /de dag kyang rnam par rig byed dang / rnam par rig byed ma yin pa'i rang bzhin no/ /de la/ lus rnam rig byed dbyibs su 'dod//sems kyi dbang gis lus de ltar gnas pa ni lus kyi rnam par rig byed yin no/ /'gro ba zhes kha cig gi ste/ de brjod pa/ 'gro min gang phyir 'dus byas ni/ /skad cig pa yin/ 'dus byas thams cad ni skad cig las phan chad du med pa'i phyir de ni yul gzhan du 'pho ba ni mi rigs te/de lta bas na 'gro ba ma yin no/ /skad cig mar shes par bya ste/ 'dus byas ni gdon mi za bar 'jig phyir ro/ /dngos po rnams 'jig pa ni rgyu med pa las 'byung ba yin no/ /de yang gal te skyes pa tsam la ma yin na phyis kyang mi 'byung bar 'gyur ro//de yang mthong ste gal te 'jig pa rgyu dang ldan pa zhig tu gyur na/ blo rang sgra dang me lce dag 'jig pa med pa las 'byung ba yang mthong bas 'di rgyu la ltos pa ma yin no/ /yang gang zhig gzugs la sogs pa me dang 'brel pas 'jig par 'dod pa de dag gi lan yang 'di yin te/rgyu med pa las 'ga' mi 'byung / /gzhan yang / rgyu yang 'jig pa por 'gyur ro/ /me dang 'brel pa gang las tshos byed las skye ba 'byung ba de nyid de dang 'dra bar tshos pa dang / ches tshos pa dang / ches cher tshos pa byung na de dag 'jig pas rgyu de dag gi 'jig pa por 'gyur ba'am/yang na bye brag med par 'gyur ro/ /de yang rigs pa ma yin te/ de'i phyir 'gro ba med na lus kyi rnam par rig byed dbyibs yin no zhes bya bar grub po/ /mdo sde pa rnams na re dbyibs ni rdzas su med de/gal te yod na ni/ gnyis gzung 'gyur/ mig gis mthong na yang ring po'o snyam du shes par 'gyur la/ lus kyis reg na'ang shes par 'gyur bas gzugs kyi skye mched la ni gnyis kyis 'dzin pa med do/ /gang yang thogs pa dang bcas pa'i gzugs cung zad yod pa de ni gdon mi za bar rdul phra rab la yod pa yin na/de rdul la med/ ring po la sogs pa'i dbyibs ni rdul phra rab la med do/ /de lta bas na mang po gnas pa kho na la ring po la sogs par 'dogs par zad do/ /bye brag tu smra ba rnams na re/dbyibs kyang rdzas kho na yin la/ lus kyi rnam par rig byed kyang dbyibs kyi bdag nyid yin no zhes zer ro/ /ngag rnam rig byed ni ngag sgra/ /ngag gi rang bzhin gyi sgra gang yin pa de nyid ngag gi rnam par rig byed yin no/ /rnam par rig byed ma yin pa ni sngar bshad pa kho na yin no//mdo sde pa rnams na re/ de yang rdzas su med de/ khas blangs nas mi byed pa tsam gyi phyir ro/ /bye brag tu smra ba rnams na re yod do zhes zer ro/ /ji ltar shes she na/ rnam gsum dri med gzugs gsungs dang / /'phel dang ma byas lam sogs phyir//bcom ldan 'das kyis gzugs ni rnam pa gsum du gsungs te/ bstan du yod la thogs pa dang bcas pa dang / bstan du med la thogs pa dang bcas pa dang / bstan du yang med la thogs pa yang med pa'o zhes so/ /zag pa med pa'i gzugs kyang gsungs te/gzugs gang la rjes su chags pa 'am/ khong khro ba mi skye ba zhes bya ba dpag tu med pa'o/ /rnam par rig byed ma yin pa ma gtogs pa ni bstan du yang med la/ thogs pa yang med pa'i gzugs kyang med la/ zag pa med pa yang med do//'phel bar yang gsungs te/ rdzas las byung ba'i dngos po 'di dag dang ldan pa ni rtag tu rgyun mi 'chad par bsod nams mngon par 'phel ba kho nar 'gyur ro/ /rnam par rig byed ma yin pa ma gtogs pa ni yid gzhan dang ldan pa'i bsod nams kyang mngon par 'phel bar mi rung ngo //rnam par rig byed ma yin pa med na bdag nyid kyis ma byas la gzhan byed du bcug pa'i las kyi lam dag kyang 'grub par mi 'gyur ro/ /rnam par rig byed ma yin pa'i gzugs med na lam yan lag brgyad par mi 'gyur la/so sor thar pa'i sdom pa yang med par 'gyur te/ yang dag par blangs pa'i 'og tu gang gis na yid gzhan dang ldan pa 'di yang dge slong du 'gyur ba de ni med do/ /de bas na rnam par rig byed ma yin pa de ni yod pa kho na'o/ /yang ci rnam par rig byed ma yin pa yod pa de'i tshe yod pa'i 'byung ba chen po dag kho na rgyur byas nas 'byung ngam zhe na/ma yin te/ rtag tu ba 'di lta ste/ 'dod rtogs rnam rig min skad cig /phyin chad 'das pa'i 'byung las skyes/ /'dod pa na spyod pa'i rnam par rig byed ma yin pa ni skad cig ma dang po phyin chad 'das pa'i 'byung ba rgyur byas nas skye'o//de dag ni 'di'i bzhi'i don du 'gyur la/ lus kyi 'byung ba chen po da ltar byung ba rnams ni rten du 'gyur te/ 'khor lo sa la 'dril ba lag pas 'phul ba dang / sa'i phyogs bzhin no/ /yang gang na yod pa'i lus dang ngag gi las gang na yod pa'i 'byung ba chen po dag rgyur byas pa yin zhe na/zag bcas lus dang ngag gi las/ /rang gi 'byung ba dag rgyur byas/ /'dod pa na spyod pa nas bsam gtan bzhi pa'i bar gyi lus dang ngag gi las de'i sa pa'i 'byung ba dag kho na rgyur byas pa yin no//zag med gang du skyes pa'i yin/ /sa gang du skyes pa de skyed par byed pa de'i sa pa'i 'byung ba chen po dag rgyur byas par rig par bya ste/ rnam par rig byed ma yin pa'i las de las kyang / rnam rig byed min ma zin dang / /rgyu mthun las byung sems can ston/ /gzhan yang rgyu mthun zin pa'i 'byung las skyes//rnam par rig byed ma yin pa ni rgyu mthun pa dang zin pa'i 'byung ba kho na dag rgyur byas nas skye ste/ 'di ni mnyam par gzhag pa ma yin pa'i sa pa'i rnam pa yin no/ /ting 'dzin skyes 'byung ma zin dang / /rgyas byung tha dad min las skyes/ / ting nge 'dzin las skyes pa rgyas pa las byung ba dang / ma zin pa'i 'byung ba dag kho na rgyur byas nas skye'o/ /tha dad pa dag kyang yin te/ 'byung ba chen po dag rgyur byas nas srog gcod pa spang ba skye/ de dag kho na las tshig 'chal pa spong ba'i bar du skye'o/ /yang las de rnam pa gnyis dang /rnam pa gsum dang / rnam pa lngar bshad pa de la/ rnam rig min lung bstan min med/ /dge ba dang mi dge ba yod/ ces gsungs par 'gyur ro/ /gzhan ni rnam gsum rnam par rig byed dang / sems pa ni rnam pa gsum mo/ /mi dge ni 'dod/ / na'o/ /mi dge ba ni 'dod pa'i khams kho na ni yod kyi gzhan na ni ma yin no/ /dge ba dang lung du ma bstan pa ni ma bkag pa'i phyir thams cad na yod do/ /de la/ gzugs na'ang rnam rig min/ 'ang gi sgras ni 'dod pa na yang yod do/ /gzugs med pa dag na ni 'byung ba med pa'i phyir med do//rnam rig dpyod dang bcas dag na/ /'dod pa'i khams dang / bsam gtan dang po kho na na yod kyi de man chad na med do/ /'dod pa na yang bsgribs pa med/ ci'i phyir tshangs pa'i 'jig rten man chad na rnam par rig byed med la/ 'dod pa'i khams na bsgribs pa med ce na/gang phyir kun slong med/ rtog pa dang / dpyod pa dang bcas pa'i sems kyis rnam par rig byed kun nas slong bar byed na/ de yang bsam gtan gnyis pa la sogs pa dag na med de/ bsgom pas spang bar bya bas skyed kyi/ bsgribs la lung du ma bstan pa'i yang 'dod pa'i khams na med do//yang ci kun nas slong ba'i dbang kho na las chos rnams kyi dge ba la sogs par rig par bya'am zhe na/ smras pa/ ma yin te/ 'on kyang rnam pa bzhi ste/ don dam pa dang / ngo bo nyid dang / mtshungs par ldan pa dang /kun nas slong bas so/ /de las re zhig thar pa dam pa'i don du dge /mya ngan las 'das pa ni sdug bsngal thams cad nye bar zhi ba yin te/ de bas na mchog tu bde ba'i phyir don dam par dge ba ste/ nad med pa bzhin no/ /rtsa ba/ ngo tsha khrel yod bdag nyid kyis//dge ba'i rtsa ba gsum dang / ngo tsha shes pa dang / khrel yod pa ni ngo bo nyid kyis dge ba dag ste/ gzhan mtshungs par ldan pa dang kun nas slong ba la mi ltos pa'i phyir te/ 'phrod pa'i sman bzhin no/ /de dag dang ldan mtshungs ldan gyis/ dge ba'i rtsa ba dang / ngo tsha shes pa dang /khrel yod pa de dag nyid dang mtshungs par ldan pa'i chos rnams ni mtshungs par ldan pa'i dge ba dag yin te/ sman dang sbyar ba'i btung ba bzhin no/ /bya ba la sogs kun slong bas/ /dge ba'i rtsa ba la sogs pa dang mtshungs par ldan pa'i chos de dag kho nas kun nas bslang ba'i lus dang ngag gi las sems kyis ma zin pa dag kun nas slong bas dge ba yin te/sman dang sbyar ba'i btung ba las byung ba'i 'o ma bzhin no/ /dge ba ji skad du bshad pa de las/ bzlog pa mi dge /'khor ba ni sdug bsngal thams cad 'jug pa'i bdag nyid kyis mchog tu mi bde ba'i phyir don dam par mi dge ba yin no//mi dge ba'i rtsa ba dang ngo tsha med pa dang khrel med pa rnams ni ngo bo nyid kyis so/ /de dag dang mtshungs par ldan pa'i chos rnams ni mtshungs par ldan pas so/ /de dag gis kun nas bslang pa'i lus dang ngag gi las dang /skye ba la sogs pa dang thob pa rnams ni kun nas bslang ba las te/ nad dang mi 'phrod pa'i sman la sogs pa dper bya'o/ /de lta na 'o na ni 'khor ba'i khongs su gtogs pa'i phyir zag pa dang bcas pa cung zad kyang lung du ma bstan pa'am/dge bar mi 'gyur ro zhe na/ don dam par de skad du bshad kyi zag pa dang bcas pa gang zhig rnam par smin pa'i phyir lung du ma bstan pa de ni lung du ma bstan pa zhes bya ba la/ rnam par smin pa yid du 'ong ba can ni dge ba zhes bya'o/ /gal te don dam par lung du ma bstan pa tshol ba na ni de la/don dam par lung ma bstan pa brtag pa dag /'dus ma byas nam mkha' dang / so sor ma brtags pas 'gog pa ni rnam grangs med par lung du ma bstan pa yin no/ /mthong bas spang bar bya ba'i sems ni rnam par rig byed kun nas slong ba ma yin no zhes gang bshad pa/'o na ci'i phyir bcom ldan 'das kyis log par lta ba de las ni log pa rtog pa dang log pa'i ngag dang log pa'i las kyi mtha' 'byung bar 'gyur ro zhes bya ba la sogs pa gsungs she na/ 'di ni 'gal ba med de/ 'di ltar/ kun slong rnam gnyis rgyu dang ni//de yi dus kyi slong zhes bya/ /kun nas slong ba ni rnam pa gnyis te/ rgyu'i kun slong dang / de'i dus kyi kun nas slong ba ste/ de'i dus kho na na de yod pa'i phyir ro/ /gnyis las dang po rab 'jug byed/ /gnyis pa rjes su 'jug byed yin/ /rgyu'i kun nas slong ba ni 'phen par byed pa yin pa'i phyir rab tu 'jug par byed pa yin no//de'i dus kyi kun nas slong ba ni bya ba'i dus su mthun par 'jug pa'i phyir rjes su 'jug par byed pa yin no/ /de la yang / mthong bas spang bya'i rnam shes ni/ /rab tu 'jug byed yin/mthong bas spang bar bya ba'i sems ni de kun nas slong bar byed pa dpyod pa dang rtog pa dag gi gzhir gyur pa'i phyir rnam par rig byed rab tu 'jug par byed pa yin gyi sems kha phyir bltas pa'i phyir rjes su 'jug par byed pa ni ma yin no/ /de lta bas na mdo las rgyu'i kun nas slong ba'i dbang du mdzad nas gsungs pa'i phyir mi 'gal lo//yid ni/ bsgom pas spang bya gnyis ka yin/ /yid kyi rnam par shes pa bsgom pas spang bar bya ba ni gnyis ka yin te/ rab tu 'jug par byed pa yang yin la rjes su 'jug par byed pa yang yin no/ /lnga ni rjes su 'jug byed yin//rnam par shes pa'i tshogs lnga ni rjes su 'jug par byed pa kho na yin no/ /yang ci rab tu 'jug par byed pa ji lta bar rjes su 'jug par byed pa yang de dang 'dra 'am zhe na/ 'di ni nges pa med de/ rab tu 'jug byed dge sogs las/ /rjes 'jug byed kyang rnam gsum 'gyur//rab tu 'jug par byed pa dge ba las kyang rjes su 'jug par byed pa dge ba dang mi dge ba dang lung du ma bstan par yang 'gyur la/ mi dge ba dang lung du ma bstan pa la yang de dang 'dra'o/ /thub pa'i 'dra ba'am de dge ba/ /rab tu 'jug par byed pa dge ba las kyang rjes su 'jug par byed pa 'dra ba dang /lung du ma bstan pa las kyang rjes su 'jug pa dge ba yin no/ /bsgom pas spang bar bya ba'i yid ni rab tu 'jug par byed pa yang yin la rjes su 'jug par byed pa yang yin no zhes bshad pa/ rnam smin las skyes gnyis ka yin/ / rnam par smin pa las skyes pa'i sems ni mngon par 'du bya ba med par 'jug pa nyid kyi phyir rab tu 'jug par byed pa yang ma yin la/ rjes su 'jug par byed pa yang ma yin no/ /zhar la 'ongs pa rdzogs so// //sngar bshad pa de ni/ rnam rig min rnam gsum zhes bya//sdom dang sdom pa min dang gzhan/ /'chal pa'i tshul khrims kyi rgyun sdom zhing 'gog pas na sdom pa'o/ /de la/ sdom pa so sor thar ces bya/ /de bzhin zag med bsam gtan skyes/ /de la/ so sor thar ces bya rnam brgyad/ /dge slong dang /dge slong ma dang / dge slob ma dang / dge tshul dang / dge tshul ma dang / dge bsnyen dang / dge bsnyen ma dang / bsnyen gnas pa'i sdom pa ste/ sdom pa 'di ni ming du rnam pa brgyad yin no/ /rdzas su rnam pa bzhi yin no/ /dge slong dang / dge tshul dang / dge bsnyen dang /bsnyen gnas kyi sdom pa'o/ ji ltar shes she na/ mtshan las ming ni 'pho ba'i phyir/ /mtshan gyur na dge slong ni dge slong ma zhes bya la/ dge slong ma yang dge slong zhes bya ste/ de bzhin du dge bsnyen ni dge bsnyen ma zhes bya ba'i bar du'o/ /mtshan gyur pa la sngon gyi sdom pa gtong ba'i rgyu yang yod pa ma yin la sngon med pa'i sdom pa 'thob pa'i rgyu yang yod pa ma yin no//sdom pa 'di skye ba na yang / tha dad/ skyes te ma 'dres pa nyid do/ /dge bsnyen gyis dge tshul dang dge slong gi sdom pa blangs pas sngar gyi rnams las sdom pa gzhan bsnan pas lhag par ni mi byed do//de bzhin gzhan yang ngo / /de dag 'gal ba med/ sdom pa phyi ma yang dag par blangs pas sngon thob pa gtong ba ni ma yin te/ de lta ma yin na dge slong [(]kyi [,]gi [)]sdom pa yongs su btang bas dge bsnyen yang ma yin pa kho nar 'gyur du 'ong ngo //ji ltar na dge bsnyen yin pa nas/ dge slong gi bar du yin zhe na/ spang bya lnga brgyad cu dang ni/ /thams cad spong ba mnos pa las/ /dge bsnyen dang ni bsnyen gnas dang / /dge tshul ched dang dge slong nyid/ /spang bar bya ba lnga po las slar ldog pa yang dag par blangs pas ni dge bsnyen gyi sdom pa dang /brgyad po las bsnyen gnas la gnas pa dang / gser dngul 'dzin pa las slar ldog pa brgyad po la bsnan nas bcu po las dge tshul yin no/ /'dir yang gar dang / glu dang / rol mo dang / dri dang / phreng ba dang / byug pa gnyis su byas na ni bcur 'gyur ro/ /spang bar bya ba thams cad las slar ldog pa yang dag par blangs pas ni de dge slong yin no/ /so sor thar pa'i sdom pa nyid ni/ tshul khrims dang ni legs spyad dang / /las dang sdom pa zhes bya'o//las mi mnyam pa las log pa yang dag par blangs pas na tshul khrims so/ /mkhas pas bsngags pas na legs spyad do/ /bya ba'i rang bzhin yin pas na las so/ /de ltar na re zhig bye brag med par so sor thar pa'i sdom pa yang dag par bstan no//yang / dang po'i rnam rig rnam rig min/ /so sor thar dang bya ba'i lam/ /sdom pa yang dag par blangs pa'i rnam par rig byed dang rnam par rig byed ma yin pa dang po dag ni so sor thar pa zhes bya ste/ des sdig pa las so sor thar pa'i phyir ro/ /dngos gzhi'i las kyi lam zhes bya'o//skad cig ma gnyis pa la sogs pa ni so sor thar pa'i sdom pa kho na yin gyi/ so sor thar pa ni ma yin no/ /mjug yin gyi las kyi lam dngos gzhi ni ma yin no/ /yang sdom pa 'di rnams las gang zhig gang dang ldan zhe na/ so sor thar dang ldan pa brgyad//dge slong dang dge slong ma la sogs pa'o/ /bsam gtan skyes dang de ldan pa/ /bsam gtan las sam bsam gtan gyis bskyed pas na bsam gtan skyes te/ gang bsam gtan dang ldan pa de ni gdon mi za par bsam gtan gyi sdom pa dang ldan no//'dir ni nyer bsdogs kyang bsam gtan du brjod nas bstan to/ /zag med 'phags pa'i sems can dang / /zag pa med pa'i sdom pa ni 'phags pa'i gang zag rnams dang ldan no/ /sems kyi rjes su 'brang ba sngar bshad pa de las/ tha ma gnyis ni sems rjes 'brang //bsam gtan gyi sdom pa dang / zag pa med pa'i sdom pa'o/ /yang smras pa/ bar chad med lam skyes de gnyis/ /mi lcogs med la spong zhes bya/ /de dag kho na bar chad med pa'i lam dgu dag tu spong ba'i sdom pa zhes brjod do/ /de gnyis kyis 'chal ba'i tshul khrims dang /de kun nas slong bar byed pa'i nyon mongs pa rnams spong ba'i phyir ro/ /'o na bcom ldan 'das kyis/ /yid kyi sdom pa legs pa ste/ /zhes gsungs pa dang / de bzhin du mig gi dbang po sdom pas bsdams te gnas so zhes gsungs pa/yid dang dbang po'i sdom pa 'di gnyis kyi rang bzhin ci zhe na/ 'di gnyis rnam par rig byed ma yin pa'i tshul khrims kyi rang bzhin ma yin te/ 'on kyang / shes bzhin dang ni dran dag gnyis/ /yid dang dbang po'i sdom pa yin/ /yid kyi sdom pa yang dran pa dang shes bzhin gyi rang bzhin yin la/dbang po'i sdom pa yang ngo / /yang gang zhig rnam par rig byed dang / rnam par rig byed ma yin pa dang / dus ji srid du ldan zhe na/ so sor thar gnas ji srid du/ /ma btang bar rtag da ltar gyi/ /rnam rig mi ldan/ so sor thar pa'i sdom pa la gnas pa gang de ni ji srid du rnam par rig byed ma yin pa mi gtong ba de srid du da ltar gyi dang ldan no//skad cig ma dang po phyin chad 'das pa dang / ma btang ba zhes sbyar bar bya'o/ /so sor thar pa'i sdom pa la gnas pa ji skad bshad pa/ sdom min gnas pa'ang de dang 'dra//de yang rtag tu da ltar ba dang / skad cig ma gcig phyin chad 'das pa yang ldan no/ /bsam gtan sdom dang ldan pa ni/ /rtag tu 'das dang ma 'ongs dang / /skad cig ma dang po'i la yang tshe rabs gzhan dag tu gtang ba'i bsam gtan gyi sdom pa 'das pa 'thob bo//'phags ni dang po 'das dang min/ /'phags pa yang skad cig ma dang po la ma 'ongs pa'i gang zag pa med pa'i rnam par rig byed ma yin pa dang ldan la/ 'das pa dang mi ldan te/ lam de sngon ma bskyed pa'i phyir ro/ /mnyam gzhag 'phags lam gnas de gnyis//da ltar dang ldan/ bsam gtan dang zag pa med pa'i sdom pa la gnas pa de dag ni ji srid ma langs pa de srid du da ltar gyi rnam par rig byed ma yin pa dang ldan no/ /sdom pa dang sdom pa ma yin pa la gnas pa dag bshad zin to/ /bar gnas la yod na dang po bar gyi dang /gang sdom pa yang ma yin sdom pa ma yin pa yang ma yin pa de la gdon mi za bar rnam par rig byed ma yin pa yod pa ma yin gyi/ gang la yod pa de ni skad cig dang po la da ltar ba dang ldan no/ /skad cig dang po nas/ phyin chad dus ni gnyis dang po/'das dang da ltar ba dang yang ngo / /sdom pa dang sdom pa ma yin par gnas pa dag kyang gdon mi za bar rtag tu dge ba dang mi dge ba'i rnam par rig byed ma yin pa dang ldan pa kho na ma yin te/ 'on kyang sdom min gnas pa dge ba dang / sdom la gnas pa mi dge ba'i//rnam rig mi ldan ji srid du/ /rig dang nyon mongs shugs ldan par/ /sdom pa ma yin pa la gnas pa ni rab tu dang ba'i shugs kyis mchod rten la phyag 'tshal ba la sogs pa'i bya ba byed pa na dge ba'i rnam par rig byed ma yin pa skye la/ sdom pa la gnas pa ni nyon mongs pa'i shugs gang gis gsod pa dang 'ching ba la sogs pa'i bya ba byed pa na de dag ji srid du rjes su 'brang ba de srid du rnam par rig byed ma yin pa yang ngo //rnam par rig byed ma yin pa'i skabs bshad zin to/ /rnam rig byed ni thams cad la/ /byed pa dag la da ltar ldan//sdom pa dang sdom pa ma yin pa dang bar ma la gnas pa thams cad ji srid du rnam par rig byed byed pa de srid du da ltar gyi dang ldan no/ /ma btang bar du skad cig ma/ /phyin chad 'das ldan ma 'ongs med/ /ma 'ongs pa'i rnam par rig byed ni su dang yang mi ldan no//bsgribs pa dang ni ma bsgribs pa/ /'das pa dag dang ldan pa 'ang med/ /chos nyam chung ba'i thob pa yang nyam chung ba yin pas rjes su 'brel pa can ma yin no/ /sdom pa'i rnam grangs sngar bshad nas/ /sdom pa ma yin pa brjod de/ /sdom pa min dang nyes spyad dang //'chal pa'i tshul khrims las de'i lam/ /sdom pa min pa'i rnam grangs ni sdom pa'i las bzlog ste shes par bya'o/ /rnam par rig byed dang ldan pa la rnam par rig byed ma yin pa dang mi ldan pa zhes bya ba mu bzhi ste/ de la re zhig bar ma dor gnas sems zhan pas//byed na rnam rig nyid dang ldan/ /'di ni re zhig mu dang po yin no/ /rnam rig btang dang ma skyes pa'i/ /'phags pa'i gang zag rnam rig min/ /'phags pa'i gang zag gang zhig tshe gzhan du yongs su gyur nas da dung rnam par rig byed ma byung ba'am/rnam par rig byed rnam par nyams na rnam par rig byed ma yin pa kho na dang ldan no zhes bya ba mu gnyis pa'o/ /gsum pa dang bzhi pa ni go sla'o/ /yang sdom pa 'di dag ji ltar 'thob ce na/ bsam gtan las skyes bsam gtan gyi/ /sa nyid kyis 'thob/ gang gi tshe bsam gtan gyis sems zag pa dang bcas pa dngos gzhi ba'am/ nyer bsdogs pa 'thob pa de'i tshe bsam gtan gyi sdom pa yang 'thob ste/ lhan cig 'byung ba yin pa'i phyir ro/ /zag med ni 'phags des/ de la bsam gtan bzhi dang / mi lcogs pa med pa dang /bsam gtan khyad par can dag zag pa med pa'i sa yin te/ de thob pas zag pa med pa'i sdom pa 'thob bo/ /so sor thar ces pa/ gzhan gyi rnam rig byed sogs kyis/ /gal te 'di la gzhan gyis rnam par rig par byed la 'di yang gzhan las te/ de yang dge 'dun nam gang zag las 'thob pa'o/ /sogs pa'i sgras rang byung gis ni sangs rgyas rnams kyi zhes bya ba la sogs pa bsnyen par rdzogs pa rnams bsdu'o/ /de la yang / ji srid 'tsho dang nyin zhag tu/ /sdom pa yang dag blang bar bya/ /bsnyen gnas kyi sdom pa ni nyin zhag tu'o//gzhan ni ji srid 'tsho'i bar du'o/ /nyin zhag pa yi sdom min med/ /de de ltar nod med ces grag /ji srid 'tsho'i bar du sdig pa'i khas blangs pa las sdom pa ma yin pa mi skye la/ nyin zhag pa ni med do/ /bsnyen gnas nyin zhag tu mnod na ji ltar du mnod par bya zhe na/dma' bar 'dug smras bzlas pa yis/ /mi brgyan nam ni nang par du/ /bsnyen gnas yan lag tshang bar ni/ /nang par gzhan las mnod par bya/ /dma' bar 'dug smras bzlas pa ni/ /bsnyen gnas kyi sdom pa skye ba'i don du'o/ / 'bogs pa po'i tshig gi rjes su bzlas par bya'i snga ma'am/ mnyam du ma yin no/ /de ltar na 'di gzhan las mnos pa yin no/ /mi brgyan pa ni rgyan nar ma ma gtogs so/ /nang par mnod par bya ste/ nyin zhag pa'i sdom pa yin pa'i phyir ro/ / gang gis chos brgyad la rtag tu bsnyen gnas la gnas par bya'o zhes sngon yang dag par blangs par byas pa de ni zan zos kyang mnod par bya'o/ /gzhan las mnod par bya ste/ rkyen yod kyang mi 'da' bar bya ba'i phyir ro/ /de las gzhan du mnos pas ni legs par spyad pa tsam du 'gyur gyi/bsnyen gnas kyi sdom pa ni ma yin no/ /ci'i phyir yan lag brgyad nod ce na/ /tshul khrims yan lag bag yod pa'i/ /yan lag brtul zhugs yan lag ste/ /bzhi gcig de bzhin gsum rim bzhin/ /yang bag yod pa'i yan lag dang //brtul zhugs kyi yan lag 'di dag mnos pas cir 'gyur zhe na/ de yis dran nyams dregs par 'gyur/ /myos pas 'gyur ba 'thungs pas ni bya ba dang bya ba ma yin pa'i dran pa nyams pa nyid du 'gyur ro/ /khri stan mthon po la sogs pa bstan na dregs par 'gyur ro//dus su za zhing zas nar ma'i dus su zab yongs su spangs pa las bsnyen gnas kyi dran pa dang skyo ba'i dran pa nye bar gnas par 'gyur te/ de med na gnyis ka yang med do/ /yang ci bsnyen gnas 'di dag dge bsnyen kho na la yod dam gzhan la'ang bsnyen gnas kyi sdom pa yod mod kyi/skyabs su ma song ba la med/ /dge bsnyen ma yin pa yang gang zhig nyin zhag de la/ sangs rgyas dang chos dang dge 'dun la skyabs su song ste/ bsnyen gnas kyi sdom pa nod pa de la bsnyen gnas kyi sdom pa skye bar 'gyur te/ gzhan du ni ma yin no/ / mdo las/ skyabs su 'gro ba tsam gyis dge bsnyen du bshad pa/ cis pas su 'gro ba kho nas dge bsnyen du 'gyur ram zhe na/ kha che pa rnams na re sdom pa med par mi 'gyur ro zhes zer ro/ /'o na gang mdo las gsungs pa ji lta bu zhe na/ 'di la 'gal ba med de/ 'di ltar/dge bsnyen nyid du khas blangs pa/ /de kho na las/ sdom pa skye bar 'gyur ba/ dge bsnyen du khas blangs pa kho nas 'di'i dge bsnyen gyi sdom pa skye bar 'gyur ro/ /sdom pa thob kyang bslab pa'i gzhi rnams shes par bya ba'i phyir/ bstan pa dge slong bzhin/ ji ltar dge slong dang dge tshul gyi sdom pa thob zin pa shes par bya ba'i phyir khyod kyis 'di dang 'di bsdam mo zhes bslab pa'i gzhi rnams 'dzin du 'jug pa ltar dge bsnyen yang de dang 'dra bas sdom pa med pa'i dge bsnyen ni med do/ /gal te thams cad bsdams pa yin na/ sna gcig spyod sogs ji lta bu//gal te dge bsnyen thams cad dge bsnyen gyi sdom pa la gnas pa yin no/ bcom ldan 'das kyis sna gcig spyod pa dang / phyogs gcig spyod pa dang / phal cher spyod pa dang / yongs su rdzogs par spyod pa'i dge bsnyen zhes gsungs pa ji lta bu yin/de srung ba las gsungs zhes grags/ /gang zhig bslab pa'i gzhi gang srung bar byed pa de ni de spyod pa zhes gsungs par zad kyi thams cad sdom pa la gnas par ni 'dra'o/ /sdom pa thams cad kyang / chung ngu la sogs yid ji bzhin/ chung ngu dang 'bring dang chen po nyid ni yang dag par len pa'i sems kyi dbang gis so//gang zhig sangs rgyas dang / chos dang / dge 'dun la skyabs su 'gro ba de ci la skyabs su 'gro zhe na/ gang zhig gsum la skyabs su 'gro ste/ sangs rgyas dge 'dun byed pa'i chos/ /mi slob pa dang gnyis ka dang //mya ngan 'das la skyabs su 'gro/ /gang zhig sangs rgyas la skyabs su 'gro ba de ni sangs rgyas su byed pa'i chos mi slob pa la skyabs su 'gro ba yin no/ /de dag kyang zad pa shes pa la sogs pa 'khor dang bcas pa yin no/ /gzugs kyi sku ni snga ma dang phyi mar yang khyad par med pa'i phyir ro//gang zhig dge 'dun la skyabs su 'gro ba de ni dge 'dun du byed pa'i chos slob pa dang mi slob pa la skyabs su 'gro ba yin te/ gang dag 'thob pas gang zag brgyad po mi phyed pa'i phyir dge 'dun du 'gyur pa'o//gang zhig chos la skyabs su 'gro ba de ni mya ngan las 'das pa'i chos so sor brtags pas 'gog pa la skyabs su 'gro ba yin te/ bdag gzhan gyi rgyud kyi nyon mongs pa rnams dang sdug bsngal zhi bar mtshan nyid gcig pa nyid kyi phyir ro/ /de lta na'ang mtshan nyid tha mi dad pa'i phyir sangs rgyas dang chos dang dge 'dun thams cad la skyabs su 'gro'o zhes gsungs par 'gyur ro//skyabs kyi don kyang skyob pa'i don yin te/ de la brten nas sdug bsngal thams cad las gtan du nges par thar pa'i phyir ro/ /yang ci'i phyir sdom pa gzhan dag la ni mi tshangs par spyod pa spong ba'i gzhi rnam par gzhag la/dge bsnyen la ni 'dod pas log par g.yem pa spong ba bslab pa'i gzhir rnam par gzhag ce na/ log g.yem shin tu smad phyir dang / /sla phyir mi byed thob phyir ro/ /'dod pas log par g.yem pa ni 'jig rten na shin tu smad pa yin no//khyim pa dag gis 'dod pas log par g.yem pa las sdom pa sla'i 'phags pas kyang 'dod pa la log par g.yem pa mi byed pa'i sdom pa thob bo/ /de bas na bslab pa'i gzhi 'di nyid rnam par gzhag go//gang dag dge bsnyen yin bzhin du yang chung ma len par byed na/ ci de dag gis de dag las kyang / sdom pa thob pa'am/ 'on te min zhe na/ nyi tshe ba'i sdom pa thob par 'gyur du 'ong bas 'thob bo/ /ji ltar sdom pa nyams par mi 'gyur zhe na/ 'di ltar sdom pa ji ltar khas blangs bzhin//'thob kyi rgyud las ma yin no/ /'di dag gi sdom pa ni ji ltar 'dod pas log par g.yem pa spong ngo zhes khas len pa de bzhin 'thob bo/ /de la 'dod log med pas sdom pa nyams pa yang med do/ /yang ci'i phyir brdzun du smra ba spong ba kho na bslab pa'i gzhir gzhag la phra ma la sogs pa las ni ma yin zhe na/rgyu gsum po de dag nyid kyi phyir te/ brdzun smra shin tu smad phyir dang / /sla phyir mi byed 'thob phyir ro/ /bslab pa thams cad 'das gyur na/ /brdzun du thal bar 'gyur ba'i phyir/ /bslab pa thams cad 'das na dri bar bya ba la bdag gis de lta bu ma byas so zhes bya ba 'di nye bar gnas par 'gyur te/brdzun du smra bar thal bar 'gyur bas de'i ji ltar 'das par byas kyang bdag nyid 'chags par 'gyur snyam nas brdzun du smra ba las ldog par bshad do/ /yang ci'i phyir bcas pa'i kha na ma tho ba las myos par 'gyur ba 'thungs pa las gzhan 'di'i bslab pa'i gzhi rnam par ma bzhag ce na/bcas pa'i kha na ma tho ba/ /myos 'gyur nyid las/ ci'i phyir zhe na/ gzhan bsrung phyir ro/ /myos par 'gyur ba 'thungs na yan lag gzhan dang gzhan dag kyang mi bsrung bar 'gyur ro//ci sdom pa gsum po 'di dag gang las gcig 'thob/ de las lhag ma dag kyang 'thob pa ma zhe na ma yin no/ /'on kyang / 'dod gtogs thams cad gnyis ka dang / /de ltar dag las 'thob par 'gyur//'dod gtogs zhes bya ba ni so sor thar pa'i sdom pa yin no/ /thams cad las zhes bya ba ni sbyor ba dang dngos dang mjug las so/ /gnyis ka las zhes bya ba ni sems can sems can ma yin par ston pa dang / rang bzhin dang bcas pa'i kha na ma tho ba las so//sems can gyi rten la 'jug pa'i phyir dus da ltar gyi phung po dang khams dang / skye mched kho na las 'thob kyi 'das pa dang ma 'ongs pa dag las ma yin te/ de dag ni sems can du mi bgrang ba'i phyir ro/ /bsam gtan zag med sdom pa ni/ /dngos dang dus ni thams cad las//bsam gtan dang zag pa med pa'i sdom pa ni las kyi lam dngos kha na las 'thob kyi sbyor ba dang mjug las kyang ma yin na bcas pa'i kho nam tho ba las lta smos kyang ci dgos/ dus thams cad kyi phung po dang / khams dang skye mched las 'thob bo/ / yang ci sdom pa dang sdom pa ma yin pa dag sems can thams cad dang / yan lag thams cad dang / rgyu thams cad kyis 'thob bam/ 'on te bye brag ci yod ce na/ re zhig nges par/ sdom pa sems can thams cad las 'thob la/ yan lag rgyu la dbye ba yod//de la dge slong gi sdom pa ni thams cad las 'thob bo/ /de las gzhan ni gzhi las so/ /las kyi lam rnams ni sdom pa'i yan lag las yin no/ /rgyu las kyang rnam grangs la las ni thams cad kyis te/ gal te ma chags pa dang /zhe sdang med pa dang / gti mug med pa rgyu yin na'o/ /la la las ni gcig gis te/ /sems chung ngu dang 'brid dang chen po dag rgyur 'dod pa yin na'o/ /sdom pa min pa thams cad dang / /yan lag kun las rgyus min no/ /ma tshang ba'i sdom pa ma yin pa can ni med do//rgyu thams cad kyis ni ma yin te/ sems chung ngu la sogs pa cig car du mi 'byung ba'i phyir ro/ /gang dag las 'thob pa bshad nas ji ltar 'thob pa de brjod par bya ste/ sdom pa min pa bya ba'am/ /khas len pa las 'thob par 'gyur//de'i rigs su skyes pa rnams kyis ni gsod par sbyor ba bya ba las sdom pa ma yin pa 'thob bo/ /gzhan gyi rigs su skyes pa rnams ni las de khas len pa las so/ /lhag ma'i rnam rig min zhing dang / /len du gus par byed pas 'thob/ /gang kun dga' rab la sogs pa phul ba tsam gyis rnam par rig byed ma yin pa skye bar 'gyur ba de lta bu'i zhing yang yod do//yang na sangs rgyas la phyag ma 'tshal gyi bar du zas mi bza'o zhes bya ba la sogs pa'i yi dam bcas pa'am/ dge ba'am mi dge ba gang las 'di'i rnam par rig byed ma yin pa skye bar 'gyur ba de lta bu'i gus pas las byed pa las so//thob pa bshad nas gtong ba brjod par bya ste/ bslab pa phul dang shi 'phos dang / /mtshan gnyis dag ni 'byung ba dang / /rtsa ba chad dang mtshan 'das las/ /so sor thar pa'i 'dul ba gtong //bslab pa'i gzhi rnams kyi mi brda phrad pa'i drung du bsam pa thag pa nas slar phul pa dang / ris mthun btang ba dang / mtshan gnyis cig car byung ba dang / dge ba'i rtsa ba kun du chad pa las so/ /bsnyen gnas kyi sdom pa ni mtshan mo 'das pa las kyang ngo //kha cig ltung bar 'gyur las smra/ /gzhan dag na re ltung bar 'gyur ba bzhi las gang yang rung ba zhig gis dge slong dang dge sbyong gi sdom pa gtong ngo zhes zer ro/ /gzhan dag dam chos nub pa las/ /'di ltar dam pa'i chos nub na bslab pa'i mtshams thams cad dang //las kyi mtha' rnams med par 'gyur ro/ /kha che rnams ni byung ba la/ /bu lon nor bzhin gnyis su 'dod/ /kha che ba rnams na re rtsa ba'i ltung ba la yang dge slong gi sdom pa gtong ba med do/ /ci'i phyir zhe na/ phyogs gcig nyams pas sdom pa zad par gtong ba ni ma rigs pa'i phyir ro//'on kyang 'di la tshul khrims dang 'chal ba'i tshul khrims gnyis ka yang yod de/ dper na 'ga' zhig la nor yang bdog la bu lon yang chags pa bzhin no/ /ltung ba de bshags na tshul khrims dang ldan pa kho nar 'gyur ro//yang bsam gtan dang zag pa med pa'i sdom pa dag ji ltar gtong zhe na/ bsam gtan gtogs pa'i dge ba ni/ /sa 'phos nyams pa dag gis gtong / /bsam gtan du gtogs pa'i dge ba thams cad gtong ba ni gong ma'am 'og tu skye ba ste sa 'phos pa las sam/snyoms par 'jug pa las yongs su nyams pa las so/ /ji ltar gzugs su gtogs pa ltar/ /de bzhin gzugs med gtogs 'phags pa/ /'bras bu thob sbyangs nyams pa las/ /dge ba zag pa med pa ni 'bras bu thob pa las lam snga ma gtong bar 'gyur ro//dbang po sbyangs pa las dbang po rtul po'i lam mo/ /yongs su nyams pa las lam gong ma'o/ /re zhig sdom pa rnams ni de ltar gtong ngo / /sdom min sdom pa thob pa dang / /shi dang mtshan gnyis byung ba dang / /sdom pa thob pa las ni gal te sdom pa yang dag par blangs pas sam//bsam gtan gyi sdom pa thob pa na'o/ /lus bor ba'i phyir shi ba dang / rten nyams pa'i phyir mtshan gnyis byung ba las so/ /bar ma shugs blangs bya ba dang / /don tshe rtsa ba chad pa las/ / rab tu dang ba dang nyon mongs pa'i shugs gang gis rnam par rig byed ma yin pa 'phangs pa de chad pa de yang rnam par chad par 'gyur ro/ /gal te yang dag par gtong na blangs pa gtong ba las so/ /ji ltar blangs pa mi byed na bya ba rnam par chad pa las so/ / mchod rten dang / kun dga' ra ba dang / gtsug lag khang dang / mal cha dang / stan dang / gos dang / rgyan la sogs pa'i dngos po'i don chad pa las so/ /tshe chad pa las kyang ngo / /gang gi tshe dge ba'i rtsa ba kun du gcod par byed pa rtsom pa na yang ngo / /de ltar na bar ma'i rnam par rig byed ma yin pa gtong bar 'gyur ro//'dod gtogs dge ba gzugs min ni/ /rtsa chad gong du skyes pa las/ /dge ba'i rtsa ba kun du chad pa'am/ gzugs dang / gzugs med pa'i khams su skye ba las so/ /nyon mongs pa can gzugs min no//gnyis po skyes pas rnam nyams 'gyur/ /nye ba'i nyon mongs pa'i rnam pa gang gi spong ba'i lam gang yin pa des 'di 'khor dang bcas pa yongs su spong bar byed kyi gzhan du ni ma yin no/ /yang sdom pa ma yin pa dang / sdom pa ni sems can gang dag la yod ce na/za ma ma ning sgra mi snyan/ /mtshan gnyis ma gtogs mi rnams la/ /sdom min sdom pa'ang de bzhin la/ /lha la'ang / byang gi sgra mi snyan pa rnams la ni yang dag par len pa dang / ting nge 'dzin med pa'i phyir dang / sdig pa bya ba'i bsam pa med pa'i phyir sdom pa dang sdom pa ma yin pa med do//ngan song rnams la yang gang dang ldan pa dang / gang med pas sdom pa dang sdom pa ma yin pa dag tu 'gyur ba ngo tsha shes pa dang khrel yod pa shas chen po med do/ /za ma la sogs pa de dag gi lus de lta bu gang la sdom pa ma yin pa mi skye la/ sdom pa yang ngo //de la yang / mi rnams la gsum mo/ /mi rnams la ni so sor thar pa'i sdom pa la sogs pa thams cad yod do/ /'dod dang gzugs skyes lha rnams la/ /bsam gtan skyes yod/ bsam gtan gyi sdom pa ni 'dod pa dang gzugs kyi khams su skyes pa'i lha rnams kho na la yod do//zag med ni/ bsam gtan khyad par 'du shes med/ /sems can ma gtogs gzugs med na 'ang / /'dod pa dang gzugs kyi khams su skyes pa rnams la yang yod do/ /bsam gtan khyad par can dang / 'du shes med pa'i sems can du skyes pa ma gtogs so//gzugs med par skyes pa rnams la yang ldan pa kho na'i sgo nas yod do/ /'di man chad ni mdo las bstan pa'i las rnam par bshad pa brtsam mo/ /las ni dge ba la sogs pa bsam ste/ de la/ las bde mi bde dang gzhan ni/ /bde ba'i las ni dge ba ste//'bras bu yid du 'ong ba dang / /mya ngan las 'das pa thob bar byed pa gang yin pa'o/ /mi dge ba'i las ni mi dge ba ste de las bzlog pa'o/ /de dag las gzhan bde ba yang ma yin pa la mi bde ba yang ma yin pa ni lung du ma bstan pa zhes bya ba'i tha tshig go/ /bsod nams bsod nams min mi g.yo//bde ba myong 'gyur la sogs gsum/ /de la/ bsod nams 'dod khams dge ba'i las/ /mig yo gong ma las skyes pa'i/ /dge ba'i zhes bya bar sbyar te/ gzugs dang gzugs med pa na spyod pa'i las dge ba ni mi g.yo ba yin no/ /ci'i phyir zhe na/gang phyir sa ni de dag tu/ /las rnam smin phyir mi g.yo'i phyir/ /'dod pa na spyod pa'i las ni rnam par smin pa'i phyir g.yo ste/ /'gro ba gzhan gyi las 'gro ba gzhan du rnam par smin par 'gyur la/ lha'i ris gzhan gyi yang lha'i ris gzhan la'o/ /bsod nams ma yin pa'i las ni mi dge ba'o zhes 'jig rten nyid du grags so//bsod nams la sogs pa'i lam bstan zin to/ /bsam gtan gsum pa'i bar dge ba dang / bde ba myong 'gyur/ sa 'di ni tshor ba'i yin te/ 'di lta ste/ 'dod pa'i khams dang bsam gtan gsum mo/ /de yan chad/sdug min bde min myong 'gyur ba/ /dge ba zhes bya bar sbyar te/ bsam gtan gsum pa yan chad kyi las dge ba ni bde ba yang ma yin sdug bsngal ba yang ma yin pa myong ba yin no/ /sdug bsngal myong 'gyur 'di'i mi dge /'dod pa'i khams kho na'i mi dge ba'i las ni sdug bsngal gyi tshor ba myong ba'o//'og na'ang bar ma yod do zhes/ /kha cig zer te/ ci'i phyir zhe na/ gang gi phyir/ bsam gtan khyad par rnam smin las/ /de lta ma yin na bsam gtan khyad par can gyi las kyi rnam par smin pa med pa'am/ las gang gis kyang bsam gtan khyad par can du smin par mi 'gyur ro//snga phyi med gsum smin 'dod phyir/ /'dod pa'i khams las gzhan na ni las gsum gyi rnam par smin pa dag cig car du ldan pa med de/ bde ba myong bar 'gyur ba ni gzugs so/ /sdug bsngal myong bar 'gyur ba ni sems dang / sems las byung ba rnams so/ /bde ba yang ma yin sdug bsngal ba yang ma yin pa myong ba ni mi ldan pa'i 'du byed rnams te/ de'i phyir yang 'og na bar ma yod do/ /ji ltar na tshor ba'i rang bzhin ma yin pa'i las bde ba myong bar 'gyur zhes bya zhe na/ 'di la 'gal ba med de/ gang gi phyir/ ngo bo nyid dang mtshungs ldan dang / /dmigs pa dang ni rnam smin dang / /mngon sum du ni gyur pa las/ /myong 'gyur rnam pa lnga yin no/ /de la ngo bo nyid kyis myong bar 'gyur ba ni tshong ba rnams so/ /mtshungs par ldan pas myong bar 'gyur ba ni reg pa ste/ bde ba myong bar 'gyur ba'i reg pa zhes bya'o//dmigs pa myong bar 'gyur ba ni yul rnams te/ ji skad du/ mig gis gzugs rnams mthong nas gzugs so sor yang dag par myong ba zhes bya'o/ /rnam par smin pa myong bar 'gyur ba ni las yin te/ mthong ba'i chos la myong bar 'gyur ba'i las zhes bya'o//mngon sum du gyur pa myong bar 'gyur ba ni ji skad du/ gang gi tshe bde ba'i tshor ba nyams su myong ba'o/ /de bas na rnam par smin pa nyams su myong bar 'gyur ba yin pa'i phyir las kyang bde ba myong bar 'gyur ba zhes bya ba la sogs par brjod do/ /de yang nges dang ma nges pa//mthong ba'i chos la sogs pa la/ /myong 'gyur phyir na nges rnam gsum/ /de ni ma nges pa dang bcas pa rnam pa bzhi yin no/ /kha cig las rnam lnga zhes zer/ /myong par 'gyur ba ma nges pa la rnam par smin pa nges pa dang ma nges pa rnam pa gnyis su phye nas so//gzhan dag mu ni bzhi zhes zer/ /gnas skabs nges la rnam par smin pa ma nges pa yang yod de/ mthong ba'i chos la sogs pa la myong bar 'gyur la/ rnam par smin pa ni ma nges pa'i las gang yin pa'o/ /rnam par smin pa nges la gnas skabs dag tu ma yin pa yang yod de/de las bzlog pa'o/ /gnyis ka yang yod pa dang / gnyis ka med pa zhes bya ba bshad pa'i rjes su 'brangs nas shes par bya'o/ /las bzhi po de dag las/ /gsum gyis ris ni 'phen par byed/ /mthong ba'i chos la myong bar gyur pa'i las kyis ni ris mthun pa 'phen par mi byed pa'i phyir ro//khams gang ngam 'gro ba gang na las kyi 'phen pa du zhig yod ce na/ thams cad na ni 'phen pa bzhi/ /thams cad du las bzhi 'phen te/ /dge ba'am mi dge ba ci rigs par ro/ /spyir bstan pa 'di'i dmigs kyis bsal ba ni 'di yin te/dmyal ba na ni dge ba'i gsum/ /mthong ba'i chos la myong bar 'gyur ba ni med de/ de na dge ba'i rnam par smin pa'i skabs med pa'i phyir ro/ /gang las 'dod chags bral brtan pa'i/ /byis pa der skyes myong mi byed/ /so so'i skye bo yongs su mi nyams pa'i chos can zhig na/de ni sa gang las 'dod chags dang bral ba der skyes nas myong bar 'gyur ba'i las ni mi byed do/ /'phags pa gzhan du'ang myong mi byed/ /brtan pa zhes bya bar sbyar te/ de ni der lan grangs gzhan du myong bar 'gyur ba'i las kyang mi byed do//'dod rtse'i mi brtan pa yang min/ /'dod pa'i khams sam srid pa'i rtse mo las 'dod chags dang bral ba'i 'phags pa ni der skyes nas myong bar 'gyur ba dang / lan grangs gzhan la myong bar 'gyur ba'i las byed pa ni rung ba ma yin no/ /de ni de'i tshe 'bras bu las yongs su nyams pa yin la/'bras bu las yongs su nyams pa la yang 'chi ba med do/ /ci srid pa bar ma la yang las kyis 'phen pa yod dam zhe na/ smras pa/ yod de/ srid pa bar ma 'dod khams su/ /'phen pa rnam pa nyi shu gnyis/ /ji ltar byas pas she na/ nur nur po dang /mer mer po dang / nar nar po dang / gor gor po dang / rkang lag 'gyus pa'i gnas skabs lnga dang / byis pa dang / gzhon nu dang / dar la bab pa dang / dar la yol ba dang / rgan po'i gnas skabs lnga dang / gnas skabs bcu po 'di dag la nyams su myong ba dang /srid pa bar mar nyams su myong bar nges pa dang ma nges pa rnam pa nyi shu rtsa gnyis 'phen par byed do/ /de ni mthong chos 'bras bu yin/ /de ni ris gcig kho na yin/ /de ni ris mthun pa gcig kho na yin te/ srid pa bar ma gang yin pa dang / de'i rgyu las byung ba gnas skabs bcu po gang dag yin pa de ni las gcig gis 'phangs pa yin no//de'i phyir mthong ba'i chos kyi myong ba kho na yin no/ /yang nges pa'i las ci 'dra bar rig par bya zhe na/ nyon mongs rab dang drag po dang / /yon tan zhing dang rgyun chags su/ / byas pa gang zhig yin pa dang / /pha ma gsod gang de nges so/ /nyon mongs pa drag pos byas pa'i las gang yin pa dang / rab tu dang ba drag pos byas pa dang / gang rgyun du byed pa dang / yon tan gyi zhing la byed pa de ni nges pa yin par rig par bya ste/ yon tan gyi zhing ni dkon mchog gsum dang /'bras bu dang snyoms par 'jug pa khyad par can thob pa'i gang zag go/ /de la nyon mongs pa dang rab tu dang ba drag po dang / rgyun du byed pa med par yang dge ba'am mi dge ba dang / pha ma gsod pa yang nges par 'gyur ro/ /mthong ba'i chos la myong ba'i las ci 'dra ba zhe na/mthong chos 'bras bu can gyi las/ /zhing dang bsam pa'i khyad par las/ /mthong ba'i chos la myong bar 'gyur ba'i las zhing gi khyad par las 'gyur ro/ /bsam pa'i khyad par las kyang ngo / /yang / sa de'i 'dod chags gtan bral phyir/ /yang dge ba'am mi dge ba'i las sa gang yin pa de las gtan du 'dod chags dang bral ba yin pa'i phyir de mthong ba'i chos la myong bar 'gyur ro//las ji lta bu zhig ce na/ rnam smin nges pa gang yin pa'o/ /de'i nges pa 'di yin te/ gnas skabs nges pa'i yang ma yin la ma nges pa'i yang ma yin no//gang nges par myong pa'i zhing de kho na ci mthong ba'i chos la myong ba yin zhe na/ yin te/ de dang gang zag khyad par can gzhan yang 'di lta ste/ gang dag 'gog byams nyon mongs med/ /mthong dang dgra bcom 'bras langs pa/ /de la phan gnod byas pa yis/ /'bras bu 'phral du mong bar 'gyur//'gog pa'i snyoms par 'jug pa las langs pa ni snyoms par 'jug pa mya ngan las 'das pa dang 'dra ba'i phyir sems mchog tu zhi ba 'thob po/ /nyon mongs pa med pa las langs pa'i rgyu ni sems can tshad med pa la nyon mongs pa med pa dang ldan pa'i lhag pa'i bsam pa dang rjes su 'brel pa dang /shin tu gsal ba'i bsod nams tshad med pas yongs su bsgom pa dang / rjes su 'brel pa yin no/ /byams pa las langs pa yang de dang 'dra'o/ /mthong ba'i lam las langs pa'i rgyud ni mthong bas spang bar bya ba ma lus pa spangs ba'i phyir gnas yongs su gyur pa sar pa yin pas dri ma med ba yin no//de bzhin du dgra bcom pa'i 'bras bu las langs pa'i rgyud ni bsgom pas spang par bya ba ma lus par spangs pas so/ /rnam par smin pa'i gtso bo ni tshor ba yin pas de'i phyir 'di dpyad par bya ste/ rnam par rtog pa med pa yi//dge ba'i las kyi rnam smin ni/ /sems kyi tshor ba kho nar 'dod/ /rnam par rtog pa med pa'i las ni bsam gtan khyad par can nas srid pa'i rtse mo'i bar dag na yod de/ dge ba'i las rnam par rtog pa med pa de'i rnam par smin pa ni sems kyi tshor ba kho na yin no//mi dge ba'i ni lus kyi yi/ /sems kyi sdug bsngal gyi tshor ba ni yid mi bde ba yin te/ de yang rnam par smin pa ma yin no/ /de'i phyir rnam par smin pa ni lus kyi yin no/ /'o na sems can rnams kyi sems g.yeng par gyur pa gang yin pa de ni sems gang la zhe na/rnam par rtog pa'i phyir lnga dag las ma yin te/ g.yengs pa'i sems ni yid sems la/ /de ni las kyi rnam smin skyes/ /gang zhig gsang sngags kyi sbyor ba la sogs pas pha rol po'i sems g.yeng par byed pa'i las de'i rnam par smin pas tshe phyi ma la sems g.yeng bar 'gyur ro//skrag gnod ma nyams mya ngan gyis/ /mi ma yin pa la sogs pa'i 'jigs pas sam/ khams mi mnyam pas sam/ nye du shi ba la sogs pa'i mya ngan gyis sems g.yeng bar 'gyur ro/ /gal te yid kyi rnam par shes ba g.yeng bar 'gyur ba sems g.yengs pa yang las kyi rnam par smin pa las skyes pa yin na go//ji ltar sems kyi tshor ba rnam par smin pa ma yin par 'gyur zhe na/ sems de nyid rnam par smin pa yin no zhes mi zer ro/ /de lta mod kyi 'byung ba chen po rnams 'khrugs pa gang yin pa de rnam par smin pa yin la/de las skyes pas de'i phyir rnam par smin pa yin no/ /sems g.yengs pa de yang / sgra mi snyan min 'dod ldan rnams/ /sgra mi snyan pa min pa 'dod pa dang ldan pa rnams ni lha dag gi nang du yang lha smyon pa yod na mi dang ngan song rnams lta smos kyang ci dgos/yang gsum ste/ yon po dang / skyon dang / snyigs ma dag kyang gsungs te/ de la/ yon skyon snyigs mar gsungs pa ni/ /g.yo dang zhe sdang 'dod chags skyes/ /lus ngag yid kyi las g.yo las skyes pa ni lus la sogs pa yon por bshad de/gya gyu'i rgyu las byung ba yin pa'i phyir ro/ /lus la sogs pa'i las zhe sdang las skyes pa skyon du bshad de/ sdang ba'i rgyu las byung ba'i phyir ro/ /lus la sogs pa'i las 'dod chags las skyes pa ni snyigs mar bshad de/ chags pa'i rgyu las byung ba yin pa'i phyir ro//dkar gnag la sogs bye brag gis/ /las ni rnam pa bzhi yin no/ /de la/ mi dge gzugs dang 'dod gtogs pa'i/ /dge ba nyid ni rim bzhin du/ /gnag dang dkar dang gnyis ka'i las/ /de zad byed pa zag med yin/ /mi dge ba ni gcig tu gnag pa yin la/yid du mi 'ong ba'i phyir rnam par smin pa yang yin no/ /gzugs su gtogs pa'i dge ba ni mi dge ba dang ma 'dres pa'i phyir gcig tu dkar ba yin la/ yid du 'ong ba'i phyir rnam par smin pa dkar ba yin no/ /'dod par gtogs pa'i dge ba ni/ /mi dge ba dang 'dres pa'i phyir dkar gnag yin la/rnam par smin pa 'dres pa'i phyir rnam par smin pa yang dkar gnag yin no/ /'di ni rgyud kyi sgo nas rnam par gzhag gi ngo bo nyid kyi sgo nas ni ma yin no/ /zag pa med pa'i las ni las gsum po de dag zad par byed pa yin no/ /de ni nyon mongs pa can ma yin pa'i phyir mi gnag pa'o//rnam par smin pa dkar po nyid med pa'i phyir mi dkar ba'o/ /'jug pa dang 'gal bas khams su ma gtogs pa'i phyir rnam par smin pa med pa yin no/ /zag pa med pa'i las thams cad las gsum po 'di thams cad zad par byed pa yang ma yin te/'on kyang / chos bzod 'dod chags bral ba yi/ /bar chad med lam brgyad kyi gang / /sems pa rnam pa bcu gnyis te/ /nag po zad par byed pa'i las/ /mthong ba'i lam la chos shes pa'i bzod pa bzhi dang / 'dod pa las 'dod chags dang bral ba la bar chad med pa'i lam brgyad kyi sems pa gang yin pa ste/rnam pa bcu gnyis po de dag ni nag po'i las zad par byed pa'i las yin no/ /dgu pa'i sems pa gang yin pa/ /de ni dkar nag zad byed yin/ /'dod pa las 'dod chags dang bral ba la bar chad med pa'i lam dgu po'i sems pa gang yin pa de ni dkar gnag gi las dang /nag po dkar ba ma yin pa'i rnam pa dgu po spong bar byed do/ /dkar po bsam gtan chags bral ba'i/ /bar chad med lam skyes tha mas/ /bsam gtan dang bsam gtan las 'dod chags dang bral bar byed pa'i bar chad med pa'i lam tha ma dgu pa de'i sems pa 'di ni dkar po'i las spong bar byed pa'o//gzhan ni dmyal ba myang 'gyur dang / /'dod gzhan myong 'gyur gnyis su rig /dmyal ba myong bar 'gyur ba dang / /dmyal ba las gzhan 'dod pa'i khams su myong bar 'gyur ba rim pa bzhin du nag po dang dkar gnag yin no//gzhan ni mthong bas spang bya gnag/ /dge ba dang ma 'dres pa'i phyir ro/ /'dod pa las skyes gzhan dkar gnag /'dod pa'i khams la dkar gnag ni bsgom pas spang ba yin no/ / mdo las thub pa'i ni gsum ste zhes gsungs pa de la/ mi slob lus ngag las yid nyid/ /thub pa'i gsum ste go rims bzhin/ /mi slob pa'i lus dang ngag gi las ni thub pa'i lus dang ngag gi las yin no/ /mi slob pa'i yid kho na yid kyi thub pa yin te/yid kyi las ni ma yin no/ /ci'i phyir zhe na/ thub pa'i yang spong ba'i don gyis yin te/ de'i phyir yid nyid spong ba la thub pa zhes bya'o/ /gtsang byed gsum gsungs pa de la/ legs spyad gsum po thams cad ni/ /gtsang byed rnam pa gsum yin no//lus kyi legs par spyad pa thams cad ni lus gtsang byed yin no/ /de bzhin du ngag dang yid kyi las gtsang ba yin te/ lus re zhig dang gtan du nyes par spyad pa'i nyon mongs pa'i dri ma spong ba'i phyir ro/ /nyes par spyad pa gsum gsungs pa de la/lus kyi la sogs mi dge ba/ /nyes par spyad pa gsum du 'dod/ /lus dang ngag dang yid kyi las mi dge ba ni lus dang ngag dang yid kyi nyes par spyad pa yin no/ /brnab sems la sogs las min yang / /yid kyi nyes spyad rnam gsum mo/ /las kyi rang bzhin ma yin yang //yid kyi nyes par spyad pa rnam pa gsum yod de/ brnab sems dang / gnod sems dang log par lta ba'o/ /bzlog pa legs par spyad pa yin/ nyes par spyad pa las bzlog pa ni legs par spyad par rig par bya'o/ /nyes par spyad pa dang legs par spyad pa bshad pa gang dag yin pa/de las che long bsdus nas ni/ /dge dang mi dge ci rigs par/ /las kyi lam ni bcur gsungs so/ /dge ba rnams ni legs par spyad pa dag las so/ /mi dge ba rnams ni nyes par spyad pa dag las so/ /'dir nyes par spyad pa ci zhig dang /legs par spyad pa ci zhig ma bsdus she na/ re zhig mi dge ba rnams las lus kyi nyes par spyad pa'i phyogs sbyor ba dang / mjug dang / nyon mongs pa can rdeg pa la sogs pa dang / yid kyi nyes par spyad pa'i phyogs sems pa ma bsdus so/ /dge ba la lus kyi legs par spyad pa'i phyogs sbyor ba dang /mjug dang / myos par 'gyur ba la sogs pa spong ba dang / sbyin pa dang / mchod sbyin la sogs pa dang / ngag gi nyes par spyad pa yang snyan par smra ba la sogs pa dang / yid kyi legs par spyad pa'i sems pa ma bsdus so//las kyi lam de rnams las/ mi dge drug ni rnam rig min/ /'dod pas log par g.yems pa las gzhan drug po ni rnam par rig byed ma yin pa'i rang bzhin no/ /gzhan byed du bcug pa na'o/ /gcig rnams gnyis so/ /'dod pas log par g.yems pa ni rtag tu rnam par rig byed dang /rnam par rig byed ma yin pa'i rang bzhin yin te/ rang nyid kyi de mthar thug par byas pa'i phyir ro/ /de dag kyang byed na/ las kyi lam drug po 'di dag kyang bdag nyid byed pa na rnam pa gnyis te/ rnam par rig byed dang rnam par rig byed ma yin pa'o/ / dge ba bdun rnam gnyis/ yang dag par blangs pa'i tshul khrims ni rnam par rig byed la rag lus pa'i phyir ro/ /ting 'dzin las skyes rnam rig min/ /bsam gtan dang zag pa med pa'i sdom pas bsdus pa ni sems tsal la rag lus pa'i phyir rnam par rig byed ma yin pa'o/ / nyer bsdogs rnams ni rnam rig byed/ /rnam rig byed min 'gyur ba'am/ /ma yin/ gal te kun nas dkris pa drag po'am/ rab tu dang ba lhur len pa chen pos sbyor ba rtsom na rnam par rig byed ma yin par 'gyur gyi gzhan du ni ma yin no/ /bzlog pa mjug yin no/ /de dag ni gdon mi za bar rnam par rig byed ma yin pa'i rang bzhin ni yin no//rnam par rig byed du ni 'gyur ba'am/ yang na ma yin te/ gal te las kyi lam byas nas yang de'i rjes su mthun pa'i chos spyod na ni rnam par rig byed du 'gyur gyi gzhan du ni ma yin no/ /mdo las/ srog gcod pa ni chags pa las skyes pa dang /zhe sdang las skyes pa dang / gti mug las skyes pa'o zhes bya ba nas log par lta ba'i bar du gsungs pa de ni/ sbyor ba rtsa ba gsum las skyes/ /de la srog gcod pa las skyes pa'i sbyor ba ni 'di lta ste/ de'i las kyi yan lag gi phyir ram/nor gyi phyir ram rtse mo la sogs pa'i phyir sbyor na'o/ /zhe sdang las skyes pa ni 'di lta ste/ khon las nges par 'byung bar bya ba'i phyir gsod par byed pa'o/ /gti mug las skyes pa ni 'di lta ste mchod sbyin byed pa la sogs pa'i don du'o/ /ma byin par len pa chags pa las skyes pa'i sbyor ba ni gang zhig gang don du gnyer ba des de 'phrog pa'am/gzhan gyi rnyed pa'am/ bkur sti'am grags pa'i phyir ram/ bdag gam mdza' bo yongs su bskyab pa'i phyir 'phrog pa'o/ /zhe sdang las skyes pa ni kho na las nges par 'byung ba'i phyir ro//gti mug las skyes pa ni 'di lta ste/ rgyal pos chos 'don pa po tshad mar byas nas sam/ mi bgrungs pa chad pas bcad pa'i phyir chos kyi blos 'phrog pa'o/ /'dod pas log par g.yem ba chags pa las skyes ba'i sbyor ba ni gzhan gyi chung ma la sogs pa la chags pas sam/rnyed pa dang bkur sti la sogs pa'i phyir mi tshangs par spyod pa'o/ /zhe sdang las skyes pa ni kho na las nges par 'byung bar bya ba'i phyir ro/ /gti mug las skyes pa ni 'di lta ste/ par sig pa rnams ma la sogs pa la bgrod pa'o/ /brdzun du smra ba la sogs pa chags pa las skyes pa dang zhe sdang las skyes pa snga ma bzhin no//gti mug las skyes pa rnams ni phal cher log par lta bas rab tu bcug pa'o/ /de yi mjug thogs las byung phyir/ /brnab sems sogs rtsa gsum las skyes/ /chags pa'i mjug thogs su byung ba ni chags pa las skyes pa rnams so/ / mi dge ba rnams bshad zin to/ /dge ba sbyor dang mjug bcas rnams/ /chags sdang gti mug med las skyes/ /dge ba'i sems kyis kun nas bslang ba'i phyir dang / de yang gdon mi za bar ma chags pa la sogs pa dang mtshungs par ldan pa'i phyir dge ba thams cad rtsa ba gsum las skyes pa yin no//de mi dge ba'i las kyi lam gyi sbyor ba spong ba ni dge ba'i las kyi lam gyi sbyor ba yin no/ /dngos spong ba ni dngos yin no/ /mjug spong ba ni mjug yin no/ /sdom pa len pa na yang sbyor ba dang dngos dang mjug rnams sbyar bar bya'o/ /sbyor ba rtsa ba gsum las skyes/ /zhes bya ba bshad nas/gang gis gang la mthar thug pa de brjod par bya ste/ gsod dang gnod sems tshig rtsub po/ /zhe sdang gis ni mthar phyin byed/ /yongs su 'dor ba dang rtsub pa'i sems mngon du 'gyur ba'i phyir ro/ /log g.yems brnab sems ma byin len/ /chags pa yis ni rdzogs par byed//log par lta ba gti mug gis/ /cher rmongs par 'gyur bas de mthar phyin par byed do/ /lhag ma gsum gyis rdzogs par 'dod/ /brdzun du smra ba dang / phra ma dang / tshig rkyal pa rnams ni srid pa bzhin du gsum gyis mthar phyin to/ /gang las kyi lam cha bzhir bshad pa de dag ni gsum dang /gsum dang / gcig dang / gsum ste go rims bzhin du/ gzhi ni sems can longs spyod dang / /ming dang gzugs dang ming yin no/ /srog gcod pa la sogs pa'i gzhi ni sems can yin no/ /gzhan gyi bud med kyi gan du 'gro ba la sogs pa'i gzhi ni longs spyod yin no//log par lta ba'i gzhi ni ming dang gzugs so/ /brdzun du smra ba la sogs pa'i gzhi ni ming gi tshogs yin no/ /gang zhig gis pha rol po 'chi bar nges par byas nas de dang mgo mnyam du'am sngar shi bar gyur pa de la las kyi lam dngos yod dam/ /'on te med ce na/snga dang mnyam du shi ba la/ /dngos med lus gzhan skyes phyir ro/ /lus gang gis de la sbyor ba byas pa de ni chad la lus gzhan kho na zhig byung ste/ de ni sbyor ba po ma yin pa'i phyir las kyi lam dang ldan par rigs pa ma yin no/ /gang dmag gis gdab pa dang / lings 'debs pa dang /ma 'khrigs par gdab ba dag tu pha rol po gsad par bya ba'i phyir mang po tshogs pas btab la/ gcig gcig gis srog gcod na de dang su zhig ldan par 'gyur zhe na/ dmag la sogs pa don gcig phyir/ /thams cad byed pa po bzhin ldan/ /don gcig pa'i phyir thams cad byed pa po ji lta ba bzhin du ldan par 'gyur te/de dag ni don gyis na/ phan tshun du sbyor bar byed pa yin no/ /yang srog gcod pa'i mtshan nyid nas log par lta ba'i bar gyi mtshan nyid ci zhe na/ /srog gcod pa ni bsams bzhin du ma nor bar ni gzhan bsad pa'o/ / gal te 'di bsad do snyam du bsams nas gsod par byed la/ gzhan dang ma nor bar de nyid gsod par byed na de tsam gyis srog gcod pa yin no/ /ma byin len pa gzhan gyi nor/ /mthu dang 'jab bus bdag gir byed/ /gal te gzhan gyi bdag gir byas pa la mthu dang 'jab bus bdag gir byed cing /gang mthu dang 'jab bus bdag gir bya bar bsams pa de las gzhan du 'du shes kyang ma 'khrul na de tsam gyis ma byin par len pa yin no/ /bgrod min bgrod par 'dod pa yis/ /log par g.yem pa rnam pa bzhi/ /bgrod par bya ba ma yin pa la 'gro ba bgrod par bya ba ma yin pa gzhan gyis yongs su bzung ba'am/ma'am bu mo la sogs pa'o/ /yan lag ma yin par 'gro ba skye gnas ma yin par ro/ /yul ma yin par 'gro ba snang ba'am mchod rten la sogs pa'o/ /dus ma yin par 'gro ba sbrum ma 'am byis pa gso ba dang /nges pa dang bcas pa'i gan du 'gro ba la sogs pa'o/ /brdzun tshig 'du shes gzhan bsgyur ba'i/ /tshig don mngon par go ba'o/ /don smra ba gang yin pa de las 'du shes gzhan du bsgyur la/ des gang gi dbang du byas nas smras pa'i tshig de'i don yang go na tshig de'i brdzun du smra ba yin no//mdo las tha dad bcu drug gsungs pa de ni ma mthong ba la mthong zhes smra ba nas mi shes par shes so zhes pa'i bar la sogs pa'o/ /mthong ba dang / thos pa dang / rtogs pa dang / rnam par shes pa dag gi mtshan nyid ci zhe na/ mig rna yid kyi rnam shes dang /gsum gyis nyams su myong gang de/ /mthong thos rnam par shes pa dang / /rtogs pa yin te rim bzhin bshad/ /mig gi rnam par shes pas nyams su myong ba de ni mthong ba dang / rna ba'i rnam par shes pas myong ba de ni thos pa dang / yid kyi rnam par shes pas myong ba de ni rnam par shes pa dang /sna dang / lce dang / lus kyi rnam par shes pas myong ba ni rtogs pa zhes bshad do/ /phra ma pha rol dbye ba'i phyir/ /nyon mongs can gyi sems kyi tshig /pha rol dbye zhing mi mdza' bar bya ba'i phyir sems nyon mongs pa can gyi tshig ni phra ma ste/ don mngon par go ba dang /ma nor ba zhes bya bar sbyar ro/ /tshig rtsub po ni mi snyan pa/ sems nyan mongs pa can gyi tshig ces pa dang yang sbyar te/ sems nyon mongs pa can gyi tshig mi snyan pa pha rol po la smras shing don mngon par go la/ gang la smra bar 'dod pa de nyid la smras pa gang yin pa de ni tshig rtsub po yin no//nyon mongs can kun kyal pa nyid/ /nyon mongs pa can gyi tshig thams cad ni tshig kyal pa yin no/ /gzhan ni de las gzhan nyon mongs/ /gzhan dag na re ngag gi las brdzun gyi tshig smra ba la sogs pa de dag las gzhan pa nyon mongs can gyi tshig gang yin pa de ni tshig kyal pa yin no zhes zer ro//kha gsag glu dang zlos gar bzhin/ /bstan bcos ngan bzhin/ dper na dge slong log pas 'tsho ba kha gsag byed pa dang / chags pas kha cig glu len pa dang / zlos gar mkhan rnams zlos gar gyi tshe gzhan dag mgu bar bya ba'i phyir 'khyal pa dang /de'i lta bar gyur nas bstan bcos ngan pa dag 'don pa dang / de bzhin du brdzun du smra ba las gzhan pa nyon mongs pa can gyi ngag gi las gang yin pa de yang tshig kyal pa yin no/ /brnab sems ni/ log pas gzhan gyi nor la chags/ /pha rol po dag gi gang yin pa bdag gi yin par gyur kyang ci ma rung snyam nas gzhan gyi nor dag la mthu'am 'jab bu yang rung log pa mi rigs pas bdag gir byed par 'dod pa gang yin pa de ni brnab sems so//gnod sems sems can la sdang ba/ /pha rol la gnod pa'i rnam par zhugs pa'o//dge dang mi dge med lta ba/ /log par lta ba yin/ las dge ba dang mi dge ba med do zhes lta ba de ni log par lta ba'o/ /las kyi lam bcur bshad pa'i las kyi lam zhes bya ba'i don ni ci yin zhe na/ 'di la/ gsum lam bdun ni las kyang yin/ /brnab sems la sogs pa 'jug pa'i las kyi lam yin pas las kyi lam mo//srog gcod pa la sogs pa bdun ni las kyang yin las kyi lam yang yin pa las kyi lam mo/ /mi dge ba'i las kyi lam bcu po gang dag yin pa de dag thams cad dge ba'i chos rnams kun du spyod pa dang 'gal ba yin la/med par lta bas rtsa ba gcod/ /dge ba'i rtsa ba gcod pa ni log par lta ba chen po yongs su rdzogs pas so/ /dge ba'i rtsa ba gang zhig gcod ce na/ 'dod gtogs skyes nas thob pa rnams/ /'dod pa na spyod pa rnams kyi gcod de/ gzugs dang gzugs med pa dag dang mi ldan pa'i phyir ro//skyes nas 'thob pa dag kho na kun du 'chad par 'gyur te/ sbyor ba las byung ba dag ni sngar yongs su nyams zin pa'i phyir ro/ /ci la dmigs pa'i log par lta bas kun du gcod par byed ce na/ rgyu dang 'bras la skur ba 'debs pas//legs par spyad pa med do/ /nyes par spyad pa med do zhes rgyu la skur pa 'debs pa gang dag yin pa dang / legs par spyad pa dang nyes par spyad pa rnams kyi 'bras bu rnam par smin pa med do zhes 'bras bu la skur pa 'debs pa gang dag yin pa'o/ /de la yang zag pa dang bcas pa kho nas zhes kha cig zer ro//'di skad du brjod de/ kun gyis/ gtan nas cig car gcod pa ni ma yin no/ /rim gyis bsgom pas spang bar bya ba'i nyon mongs pa bzhin du chen po'i chen pos chung ngu'i chung ngu gcod par byed pa'i bar du log par lta ba dgus dge ba'i rtsa ba rnam pa dgu gcod par byed do//gang du dge ba'i rtsa ba rnams kun du gcod ce na/ mi'i nang du/ ngan song dag na ni ma yin te/ shes rab nyon mongs pa can dang / nyon mongs pa can ma yin pa dag mi brtan pa'i phyir ro/ /lha dag gi nang na yang med de/ las kyi 'bras bu mngon sum du gyur pa'i phyir ro//gling gsum dag na yod kyi byang gi sgra mi snyan na med de/ sdig pa'i bsam pa med pa'i phyir ro/ /de dag kyang / skyes pa bud med kyis gcod do/ /de dag las kyang / lta spyad sdig pa'i bsam pa bstan pa dang / mkhyud pa can yin pa'i phyir ro/ / dge ba'i rtsa ba kun du chad pa'i rang bzhin ji lta bu zhig yin zhe na/ de ni mi ldan pa'o/ /gang gi tshe dge ba'i rtsa ba rnams kyi thob pa chad de yang mi skye la mi ldan pa de skyes na dge ba'i rtsa ba rnams kun du chad pa zhes bya'o/ /kun du chad pa de dag kyang / mtshams ni the tshom yod lta bas/ nam zhig la rgyu dang 'bras bu la the tshom skyes pa'am/ yod par lta ba de'i tshe yang de'i thob pa kun du skyes pa'i phyir dge ba'i rtsa ba rnams nying mtshams sbyor bar 'gyur ro/ /yang de dag gi nying mtshams sbyor ba ni/ mtshams med byed pa'i 'di la min/ /gzhan gyi 'di nyid la 'gyur gyi mtshams med pa byed pa ni dmyal bar skye ba'am 'chi 'pho bar nying mtshams sbyor ro//'di ni las kyi lam gyi skabs yin pas de la las kyi lam du zhig dang sems pa lhan cig cig car du 'byung bar 'gyur ba brjod par bya ste/ mi dge brgyad kyi bar dag dang / /sems pa cig car lhan cig 'byung //re zhig sems pa gcig dang lhan cig 'byung ba ni brnab sems la sogs pa mngon du gyur pa'i phyir sems pa nyon mongs pa ma yin pa de'i sbyor bas gzugs can rnams las gang yang rung ba zhig mthar phyin par byed na'o/ /gnyis dang lhan cig 'byung ba ni gnod sems su gyur pas srog gcod na'o//gsum dang lhan cig 'byung ba ni gnod sems su gyur pas gzhan gyi srog chags gsad pas 'phrog na'o/ /bzhi dang lhan cig 'byung ba ni dbyen bya ba'i bsam pa dang ldan pas brdzun gyi tshig gam tshig rtsub po smra na ste/ de la yid kyi gcig yin ngag gi gsum yin no//yang na brnab sems la sogs par gyur pa de'i sbyor bas gzhan gsum mthar phyin par byed na ste/ lnga dang drug dang bdun dang yang de bzhin du sbyar bar bya'o/ /brgyad dang lhan cig 'byung ba ni drug la sbyor ba byas nas/ 'dod pas log par g.yem pa bdag nyid kyis byed la mnyam du mthar phyin par gyur na'o//re zhig mi dge ba dang ni de lta bu yin no/ /dge ba bcu yi bar dag dang / /gcig dang brgyad dang lnga dang min/ /de la gnyis dang lhan cig 'byung ba ni dge ba'i rnam par shes pa lnga la gnas pa dang ngo / /gsum dang ni yang dag pa'i lta ba dang mtshungs par ldan pa'i yid kyi rnam par shes pa na'o//bzhi dang ni mi dge ba dang lung du ma bstan pa'i sems dang ldan pa dge bsnyen dang dge tshul gyi sdom pa yang dag par len pa na'o/ /drug dang ni dge ba'i rnam par shes pa lnga la gnas pas de yang dag par len na'o//bdun dang ni dge ba'i yid kyi rnam par shes pa yod pas de kho na yang dag par len na'o/ /dgu dang ni dge ba'i rnam par shes pa lnga la gnas pas dge slong gi sdom pa yang dag par len na'o/ /bcu dang ni dge ba'i yid kyi rnam par shes pa la gnas pas de kho na yang dag par len na'o//'gro ba gang na dge ba'am mi dge ba'i las kyi lam du zhig mngon sum du gyur pa'am ldan pa'i sgo nas yod ce na/ dmyal ba na ni kyal pa dang / /tshig rtsub gnod sems rnam gnyis so/ /smre sngags 'don pa'i phyir tshig kyal pa yin no//phan tshun brgyad bkag byed pa'i phyir tshig rtsub po yin no/ /gcig la gcig sems kyi rgyud rtsub pos zhe sdang ba'i phyir gnod sems yin no/ /brnab sems log lta ldan pas so/ /chags par bya ba'i dngos po med pa'i phyir dang / las kyi 'bras bu mngon sum du gyur pa'i phyir mngon sum du gyur pa ni med do//las kyi lam gzhan dag ni gnyis ka yang med do/ /sgra mi snyan na gsum yod de/ yid kyi gsum ni ldan pa'i sgo nas sbyar gyi nga yir 'dzin pa dang / kun nas brnar sems pa'i dngos po med pa dang / sdig pa can gyi bsam pa ma yin pa'i phyir ro//de ni bdun pa dngos su yang / /de na tshig kyal pa ni mngon sum du gyur pa'i sgo nas kyang yod de/ gzhan dag rnam pa gnyis ka yang med do/ /'dod pa gzhan na mi dge bcu/ /dmyal ba dang / byang gi sgra mi snyan dag las gzhan pa'i 'dod pa'i khams na ni mi dge ba'i las kyi lam bcu rnam pa gnyis ka yod do//mi dge ba rnams bshad zin to/ /dge ba gsum ni thams cad na/ /rnyed dang mngon du gyur sgo nas/ /khams gsum thams cad la yid kyi gsum rnam pa gnyis ka yang yod do/ /gzugs med 'du shes med sems can//rnyed pas bdun yod/ /gzugs med pa dang / 'du shes med pa'i sems can dag ni lus dang ngag gi dge ba'i las kyi lam bdun ldan pa'i sgo kho na nas yod do/ /gzugs med par skyes pa'i 'phags pa rnams la zag pa med pa'i sdom pa 'das pa dang ma 'ongs pa dang ldan pa'i phyir dang /'du shes med pa'i sems can rnams kyang bsam gtan gyi sdom pa dang ldan pa'i phyir ro/ /lhag byas na/ mngon du gyur pa'i sgo nas kyang / /dmyal bcas sgra mi snyan ma gtogs/ /lhag mar byas pa'i khams sam 'gro ba gzhan gang yin pa de la dmyal ba dang byang gi sgra mi snyan pa dag ma gtogs pa dge ba bdun po dag mngon du gyur pa'i sgo nas kyang yod do//dge ba dang mi dge ba'i las kyi lam bcu po 'di dag ni/ thams cad bdag po rgyu mthun dang / /rnam smin 'bras bu 'byin par 'dod/ /re zhig mi dge ba thams cad kyi rnam par smin pa'i 'bras bu ni dmyal bar skye ba'o//mi rnams su srog gcod pa'i rgyu mthun pa'i 'bras bu ni tshe thung ba'o/ /ma byin par len pa ni longs spyod kyis phongs pa'o/ /'dod pas log par g.yem pas ni dgra dang bcas pa'i chung ma can du'o//brdzun du smra ba ni skur pa mang ba'o/ /phra mas ni mdza' bo dbye'o/ /tshig rtsub po ni yid du mi 'ong ba'i sgra thos so/ /tshig kyal pas ni tshig gzung bar mi 'os pa'o/ /brnab sems kyis ni 'dod chags che bar ro/ /gnod sems kyis ni zhe sdang che bar ro/ /log par lta bas ni gti mug che bar 'gyur ro//srog gcod pa'i bdag po'i 'bras bu ni phyi'i dngos po rnams gzi mthu chung bar 'gyur ro/ /ma byin par len pas ni ser ba dang char pa mang bar 'gyur ro/ /'dod pas log par g.yem pas ni rdul gyis 'khrigs pa'o/ /brdzun du smra bas ni dring bar ro//phra mas ni mtho dman can du'o/ /tshig rtsub pos ni tsha sgo can dang / dgon dung can du'o/ /tshig kyal pas ni dus log pa can du'o/ /brnab sems kyis ni 'bras bu phra mor ro/ /gnod sems kyis ni 'bras bu kha bar ro/ /log par lta bas ni 'bras bu chung ngu'am med par 'gyur ro//'di yang / sdug bsngal phyir dang bsang phyir dang / /gzi byin med phyir 'bras rnam gsum/ /srog gcod par byed pas ni gsad par bya ba sdug bsngal bskyed pa dang / srog dang bral bas bsad pa dang / gzi byin med par byas pa yin te/ de'i de la dmyal bar skye ba la sogs pa'i 'bras bu rnam pa gsum gsungs so//ma byin par len pa la sogs pa dang / dge ba rnams la yang de bzhin du sbyar bar bya'o/ /log pa'i lus ngag gi las kyi mtha' dag gis log par 'tsho ba gang gsungs pa de ni gzhan med kyi de nyid yin te/lus dang ngag la chags las skyes/ /log 'tsho/ lus ngag gi las kyi mtha' ni zhe sdang dang gti mug las skyes pa yin te/ de ni de dag las/ sbyang dka'i phyir logs shig bstan to/ /chags pa'i chos ni 'phrog par byed pa yin pas des kun nas bslang ba'i las sems bsrung bar sla ba ma yin te/de'i phyir 'tsho ba sbyang dka' bas bsgrib par bya ba'i phyir logs shig tu bstan to/ /gal te/ yo byad la/ chags bslang gang zhig 'tsho bas yo byad la chags pas bslang ba'i lus dang ngag gi las kho na log pa'i 'tsho ba yin la/gzhan ni ma yin te zhes 'dod pa de ni/ mdo dang 'gal phyir min/ tshul khrims kyi phung po'i mdo las/ glang po che 'thab pa la lta ba la sogs pa yang log pa'i 'tsho bar gzhag ste/ log pa'i yul la yongs su longs spyod pa'i phyir ro//'di ni rdzogs so/ /gong du 'bras bu lnga bshad pa gang dag yin pa de dag las las gang zhig 'bras bu du zhig gi 'bras bu dang bcas pa yin zhe na/ drir bcas spong ba'i lam dag gi /las ni lnga yis 'bras bur bcas/ /las de ni 'bras bu lngas 'bras bu dang bcas pa yin no//dri med bzhi yis/ bar chad med pa'i lam zag pa med pa'i las ni rnam par smin pa'i 'bras bu ma gtogs pa 'bras bu bzhis 'bras bu dang bcas pa yin no/ /zag bcas gzhan/ dge dang mi dge gang yin pa'ang //spong ba'i lam las gzhan pa'i las dge ba zag pa dang bcas pa gang yin pa dang / mi dge ba gang yin pa de yang 'bras bu bzhis 'bras bu dang bcas pa yin te/ bral ba'i 'bras bu ma gtogs so/ /zag pa med pa lhag ma dang / /lung bstan min gang gsum gyis so//spong ba'i lam las gzhan pa'i lam zag pa med pa dang lung du ma bstan pa'i las gang yin pa ni 'bras bu gsum gyis te/ rnam par smin pa dang bral ba'i 'bras bu dag ma gtogs so/ /dge ba'i dge la sogs pa ni/ /bzhi dang gnyis dang de bzhin gsum//las dge ba'i 'bras bu chos dge ba bzhi ste/ rnam par smin pa'i 'bras bu ma gtogs so/ /mi dge ba ni gnyis te/ /skyes bu byed pa dang bdag po'i 'bras bu'o/ /lung du ma bstan pa'i gsum ste/ rgyu mthun pa dang bral ba'i 'bras bu ma gtogs pa'o//mi dge'i dge sogs gnyis dang ni/ /gsum dang bzhi ste rim pa bzhin/ /las mi dge ba'i 'bras bu chos dge ba ni gnyis te/ skyes bu byed pa dang / bdag po'i 'bras bu dag go/ /mi dge ba ni gsum ste/ rnam par smin pa dang bral ba'i 'bras bu ma gtogs so//lung du ma bstan pa ni bzhi ste/ bral ba ma gtogs so/ /lung bstan min gyi dge la sogs/ /de dag gnyis dang gsum dang gsum/ /lung du ma bstan pa'i 'bras bu chos dge ba gnyis te/ skyes bu byed pa dang / bdag po'i 'bras bu'o/ /mi dge ba gsum te/ bral ba dang / rnam par smin pa ma gtogs pa'o/ /lung du ma bstan pa'i chos gsum ni de dag kho na yin no/ /'das pa'i thams cad bzhi yin no/ /'das pa'i las kyi 'bras bu dus gsum pa'i chos ni bzhi ste/bral ba'i 'bras bu ma gtogs so/ /bar ma yi ni ma 'ongs pa 'ang / /da ltar byung ba'i 'bras bu chos ma 'ongs pa 'ang bzhi ste/ de dag nyid do/ /bar ma gnyis so/ /da ltar byung ba'i chos ni gnyis te/ skyes bu byed pa dang bdag po'i 'bras bu dag go//ma skyes pa'i 'bras bu ma 'ongs gsum yin no/ /rgyu mthun pa dang / bral ba'i 'bras bu dag ma gtogs so/ /rang gi sa pa bzhi yin no/ /bral ba'i 'bras bu ma gtogs so/ /gzhan gyi sa pa gsum dang gnyis/ /gal te gzhan gyi sa pa'i chos zag pa med pa zhig yin na ni 'bras bu gsum ste/rnam par smin pa dang / bral ba'i 'bras bu dag ma gtogs so/ /gal te zag pa dang bcas pa zhig yin na ni gnyis te/ skyes bu byed pa dang bdag po'i 'bras bu dag go/ /slob pa'i slob la sogs pa gsum//slob pa'i las kyi 'bras bu slob pa'i chos gsum ste/ rnam par smin pa dang bral ba'i 'bras bu dag ma gtogs so/ /mi slob pa yang de dang 'dra'o/ /slob pa'i yang ma yin mi slob pa yang ma yin pa yang gsum ste/ rnam par smin pa dang rgyu mthun pa'i 'bras bu dag ma gtogs so//mi slob las kyi 'bras bu ni/ /slob pa yi ni chos la sogs/ /gcig dang gsum dang gnyis yin no/ /mi slob pa'i las kyi 'bras bu slob pa'i chos ni gcig ste/ bdag po'i 'bras bu'o/ /mi slob pa ni gsum ste//rnam par smin pa dang bral ba'i 'bras bu dag ma gtogs so/ /slob pa'i yang ma yin mi slob pa yang ma yin pa ni gnyis te/ skyes bu byed pa dang / bdag po'i 'bras bu dag go/ /de las gzhan pa'i 'bras bu ni/ /slob sogs gnyis dang gnyis dang lnga/ / slob pa yang ma yin mi slob pa yang ma yin pa'i las kyi 'bras bu spong ba'i chos ni gnyis te/ skyes bu byed pa dang / bdag po'i 'bras bu dag go/ /mi slob pa yang de dang 'dra'o/ /slob pa yang ma yin mi slob pa yang ma yin pa ni 'bras bu lnga char yin no/ /mthong bas spang bya'i de la sogs//gsum dang bzhi dang gcig yin no/ /mthong bas spang bar bya ba'i las kyi 'bras bu mthong bas spang bar bya ba'i chos ni gsum ste/ rnam par smin pa dang / bral ba'i 'bras bu ma gtogs so/ /bsgom pas spang bar bya ba ni bzhi ste/ bral ba'i 'bras bu ma gtogs so//spang bar bya ba ma yin pa ni gcig ste/ bdag po'i 'bras bu'o/ /bsgom pas spang bar bya las kyi/ /de dag gnyis dang bzhi dang gsum/ /bsgom pas spang bar bya ba'i las kyi 'bras bu mthong bas spang bar bya ba ni gnyis te/ skyes bu byed pa dang /bdag po'i 'bras bu dag go/ /bsgom pas spang bar bya ba ni bzhi ste/ bral ba'i 'bras bu ma gtogs pa'o/ /spang bar bya ba ma yin pa ni gsum ste/ rnam par smin pa dang / rgyu mthun pa'i 'bras bu dag ma gtogs so/ /spang bya min pa'i de dag gcig / gnyis dang bzhi ste go rims bzhin/ /spang bar bya ba ma yin pa'i mthong bas spang bar bya ba ni gcig ste/ bdag pos 'bras bu'o/ bsgom pas spang bar bya ba ni gnyis te/ skyes bu byed pa dang / bdag po'i 'bras bu'o/ /spang bar bya ba ma yin pa ni bzhi ste/ rnam par smin pa'i 'bras bu ma gtogs pa'o//yang rigs pa ma yin pas bskyed pa la sogs pa'i las gsum gsungs pa de brjod par bya ste/ rigs min bskyed pa nyon mongs can/ /kha cig cho ga nyams pa'ang zhe'o/ /nyon mongs pa can ma yin pa yang rigs pa ma yin pa byed pa'i phyir cho ga nyams pa ni rigs pa ma yin pas bskyed pa'o//bzlog pa ni rigs pas bskyed pa'o/ /de gnyis ma yin pa ni rigs pa yang ma yin la rigs pa ma yin pa yang ma yin pas bskyed pa'o/ /ci las gcig gis skye ba gcig kho na 'phen nam/ 'on te du ma yang 'phen/ de bzhin du las du mas kyang skye ba gcig kho na 'phen nam/ 'on te du ma kho na zhig 'phen ce na/ 'di ni grub pa'i mtha' yin te/ gcig gis skye ba gcig 'phen na/ /las gcig kho nas skye ba gcig kho na 'phen to/ /las gcig gis 'phangs pa'i las ni/yongs rdzogs byed pa du ma yin par 'dod de/ dper na ri mo mkhan gyi ri mo gcig gis gzugs kyis bcad nas mang pos yongs su rdzogs par byed pa dang 'dra'o/ /las 'ba' zhig skye ba 'phen par byed pa yang ma yin te/ 'on kyang rnam par smin pa dang bcas pa gzhan yang ngo /rnam pa thams cad du/ sems med snyoms par 'jug pa dag /'phen byed ma yin 'thob pa'ang min/ /rnam par smin pa dang bcas pa'i sems med pa'i snyoms par 'jug pa dag gis kyang ris mthun pa 'phen par byed de/ las dang lhan cig mi 'byung ba'i phyir ro//thob pa rnams kyis kyang ma yin te/ las dang 'bras bu mi gcig pa'i phyir ro/ /sgrib pa gsum gsungs pa de dag gi rang bzhin ci zhe na/ mtshams med pa yi las rnams dang / /nyon mongs shas che ngan 'gro dang / 'du shes med pa'i sems can dang / /sgra mi snyan sgrib gsum du 'dod/ /mtshams med pa lnga ni las kyi sgrib pa yin no/ /nyon mongs pa shas che ba rgyun du 'byung ba ni nyon mongs pa'i sgrib pa'o/ /ngan song rnam pa gsum dang mi dang lha'i phyogs gcig na rnam par smin pa'i sgrib pa'o//yang sgrib pa 'di dag pas gang zhig 'gro ba gang dag na yod par rig par bya zhe na/ re zhig gcig tu/ mtshams med gling gsum dag na yod/ /sgra mi snyan ma gtogs pa'o/ /de dag na yang skyes pa dang bud med rnams kho na la ste/ za ma sogs la mi 'dod do//phan dang ngo tsha chung ba'i phyir/ /de dag gi pha ma phan chung ba ste/ lus ma tshang ba'i bdag por gyur pa'i phyir ro/ /de dag kyang pha ma la ngo tsha shes pa dang khrel yod pa shas chen pos nye bar mi gnas pas so/ /las kyi sgrib pa bshad zin to/ /lhag ma 'gro ba lnga dag na//nyon mongs pa'i dang / rnam par smin pa'i sgrib pa ni lhag ma dag go/ /mi dag gi nang na ni sgra mi snyan pa rnam par smin pa'i sgrib pa yin no/ /lha dag gi nang na ni 'du shes med pa'i sems can rnams so/ /mtshams med pa rnams kyi nang nas gsum ni srog gcod pa'o/ / gcig ni brdzun du smra ba'i rang bzhin yin no/ /gcig ni srog gcod pa'i sbyor ba'o/ /dge 'dun dbyen ni mi 'phrod pa'i/ /rang bzhin ldan pa ma yin chos/ /nyon mongs can min lung bstan min/ /de dang dge 'dun yang dag ldan/ /de yi kha na ma tho brdzun/ / de dang 'byed po yang dag ldan/ /dge 'dun gyi dbyen zhes bya ba ni mi 'phrod pa ste/ ldan pa ma yin pa'i chos nyon mongs pa can ma yin pa ste/ ji ltar mtshams med par 'gyur/ gang gis de 'byed par byed pa'i brdzun du smra ba de ni mtshams med pa pa'i rang bzhin yin no/ de dang yang 'byed pa po yang dag par ldan no/ /bskal par mnar med par smin 'gyur/ /gzhan dag gis ni bar gyi bskal par ni ma nges so/ /yang gang zhig gis mtshams med pa mang po byas pa yin la/ de dag bar chad med pa kho nar smin par gyur na de la de dag ci zhig tu 'gyur zhe na/lhag pas gnod pa lhag par 'gyur/ /de mtshams med pa mang pos mnar med pa der gang gis na gnyis dang / gsum dang / bzhi dang / lnga 'gyur gyi tshor ba myong bar 'gyur ba'i lus chen po gzhon sha can gyi lus thob cing / gnod pa yang rab tu mang ba dang shin tu mi bzad par 'gyur ro//dge 'dun 'byed par byed pa de su zhig yin zhe na/ dge slong lta spyad tshul ldan pas/ /'byed do/ /dge slong gis 'byed kyis khyim pa dang / dge slong ma la sogs pas kyang ma yin no/ /de yang lta ba spyad pa kho nas 'byed kyi sred pa spyad pas ni ma yin no//tshul khrims dang ldan pas 'byed de/ de'i tshig gzung bar 'os pa'i phyir ro/ /nyams pas ni ma yin te/ bcom ldan 'das kyi drung las/ gzhan du'o/ /ston pa mngon sum du bzhugs pa nyid du dbye bar mi nus pa'i phyir ro/ / su dag gcig 'byed ce na/ byis pa rnams/ so so'i skye bo rnams kho na yin gyi 'phags pa rnams ni ma yin te/ chos mngon sum du gyur pa'i phyir ro/ /de yang / ston dang lam gzhan la bzod pa/ /bye ba'o/ /gang gi tshe de dag gis de bzhin gshegs pa las gzhan pa'i ston pa dang /des bstan pa'i lam las gzhan pa'i lam la bzod na de tsam gyis dge 'dun bye ba zhes brjod do/ /bye nas kyang de nyid kyi nub gcig tu de ni mi gnas so/ /dge 'dun bye na gdon mi za bar nam ma langs pa nyid du dge 'dun 'dum par 'gyur ro/ /dge 'dun gyi dbyen du bshad pa gang yin pa/de ni 'khor lo'i dbyen du 'dod/ /de'i tshe la ma 'jug pa'i gegs su gyur pa'i phyir de'i tshe bcom ldan 'das kyi chos kyi 'khor yang phye ba yin no/ /yang 'khor lo'i dbyen gang du'am ji tsam gyis she na/ 'dzam bu'i gling na'o dgu sogs kyis//brgyad ni gdon mi za bar phyogs gnyis na gnas pa dang / dgu pa ni dbyen byed pa po yin te/ lhag mi ni nges pa med do/ /gzhan ni las kyi dbyen las 'gyur te/ gal te mtshams gcig gi nang du mi mthun pas las dag byed na'o//de yang ni/ las kyi dbyen ni gling gsum na'o/ /sgra mi snyan ma gtogs so/ /de ni brgyad dag yan chad kyis/ /'khor lo'i dbyen dus drug tu mi 'byung ngo / /'di lta ste/ dang po mtha' skyon zung gcig gi /snga rol thub pa nongs pa dang / /mtshams ma bcad pa dag tu yang //'khor lo'i dbyen ni mi 'byung ngo / /dang po chos kyi 'khor lo bskor nas ring po ma lon pa dang / tha ma bcom ldan 'das mya ngan las 'da' ba'i tshe dang / chu bur gyi sngon rol du ste/ ji srid du tshul khrims kyi skyon dang / lta ba'i skyon ma byung gi bar dang /zung gcig gi sngon rol te/ ji srid du nyan thos kyi mchog zung gcig ma byung gi bar te/ des phyir sdum par byed pa'i phyir ro/ /thub pa nongs pa ni ston pa yongs su mya ngan las 'das na mi 'byung ste/[ (]'gren [,]'gran [)]zla med pa'i phyir ro/ /mtshams ma bcad na yang mtshams gcig gi nang du phyogs gnyis su gnas pas bye ba yin pa'i phyir ro//ci'i phyir pha ma bsad pa la sogs pa mtshams med pa yin la/ gzhan ni ma yin zhe na/ phan 'dogs pa dang yon tan zhing / /spangs dang med par byas phyir ro/ /re zhig pha ma bsad pa ni phan 'dogs pa med par byas pa'i phyir dang /yon tan gyi zhing min pa'i phyir dgra bcom pa bsad pa la sogs pa yang mtshams med pa yin no/ /gal te pha'am ma mtshan gyur pa yang lus gcig pa de las ni/ mtshan ni gzhan du gyur kyang 'gyur/ /de la yang mtshams med par 'gyur ro//gang gi tshe bud med gzhan las nur nur po zags nas bud med gzhan gyi mngal du blugs na de'i tshe gang zhig bsad pa na mtshams med par 'gyur ba de'i ma gang yin zhe na/ gang gi zla mtshan las byung ngam/ /gang gi zla mtshan las byung ba ni de'i ma yin no/ / ci de bzhin gshegs pa la ngan sems kyis khrag byung bas gdon mi za bar mtshams med par 'gyur ram zhe na/ bgrongs par sems pa la ni 'gyur gyi/ sangs rgyas brdeg par sems la min/ /gal te brdeg pa'i bsam pas 'byin par byed na mtshams med par mi 'gyur ro/ /gal te dgra ma choms pa'i tshe bsnun la bsnun pa'i 'og tu dgra bcom par 'gyur na/bsnun 'og dgra bcom pa la min/ /des ni dgra bcom pa la sbyong ba ma byas pa'i phyir ro/ /ci mtshams med pa'i sbyor ba byas te/ de yang ma bzlog par 'dod chags dang bral ba'am 'bras bu thob par 'gyur ram zhe na/mtshams med sbyor ba byas pa la/ /'dod chags bral 'bras mi srid do/ /gzhan gyi las kyi lam gyi sbyor ba byas nas 'phags pa'i lam bskyed ba la dgag pa med do/ /mtshams med pa 'di dag gi nang nas kha na ma tho ba dang bcas pa chen po gang yin zhe na/ dge 'dun dbye phyir brdzun smra ba//kha na ma tho rab cher 'dod/ /de'i ni rnam par smin pa bskal pa gcig tu mnar med par skye ba yin la/ lhag ma rnams la ni ma nges so/ /legs par spyad pa gang zhig 'bras bu che zhe na/ 'jig rten pa yi dge ba la/ /srid rtse'i sems pa 'bras rab che/ /de'i rnam par smin pa ni bskal pa brgyad khri'i bar du zhi ba yin no//ci mtshams med pa rnams kho nas dmyal ba dag tu gdon mi za bar skye'am zhe na/ mtshams med pa dang cha 'dra bas kyang gdon mi za bar skye bar 'gyur ro/ /de dag gang yin zhe na/ smras pa/ ma dgra bcom ma sun byas dang //byang chub sems dpa' nges gnas dang / /slob pa gsod dang dge 'dun gyi/ /'du ba'i sgo ni 'phrog pa dag /mtshams med pa dang cha 'dra ste/ /lnga pa mchod rten 'jig pa yin/ /gal te mi tshangs par spyad pas ma dgra bcom ma sun par byed pa dang / nges par gtogs pa'i byang chub sems dpa' gsod pa dang /slob pa gsod pa dang / dge 'dun gyi zhal du 'du ba'i sgo 'phrog pa dang / mchod rten 'jig par byed pa dang lnga po 'di dag ni mtshams med pa lnga dang cha 'dra ba yin no/ /rnam par smin pa dang bcas pa'i las gzhan yang dus gsum po dag tu shin tu gegs byed de/gsum po gang dag tu zhe na/ bzod dang phyir mi 'ong dgra bcom/ /'thob la las gegs shin tu byed/ /rtse mo las bzod pa 'thob pa la ni de'i rnam par smin pa'i sa las 'da' ba'i phyir ngan song ba'i las rnams gegs bya ba'i phyir nye bar gnas so//phyir mi 'ong ba'i 'bras bu 'thob pa la ni 'dod pa na spyod pa'i mthong ba'i chos la myong bar 'gyur ba ma yin pa'i las rnams gegs bya ba'i phyir nye bar gnas so/ /dgra bcom pa 'thob pa la ni gzugs dang gzugs med pa na spyod pa'i las dag go/ /byang chub sems dpa' bsad pa zhes bshad pa gang yin pa/gang nas byang chub sems dpa' yin/ /gang nas bzung ste nges par gtogs pa'i byang chub sems dpa' zhes brjod par bya/ gang nas mtshan gyi las byed pa/ /gang phan chad nas mtshan rnam par smin par 'gyur ba'i las rnams byed par rtsom pa'o/ / de ni dus de phan chad rtag tu/ bde 'gror rigs mthong skye dbang tshang / /phor gyur tshe rabs dran mi ldog pa yin no/ /de'i 'gro ba rab tu bsngags pa ni lha dang mi yin no/ /rigs mtho bar skye ba ni rgyal rigs dang / bram ze la sogs pa'i ris su skye ba'o/ /dbang po tshang ba ni dbang po ma tshang ba med pa'o//pho kho na yin gyi mo la sogs pa ma yin no/ /skye ba thams cad du yang tshe rabs dran par 'gyur ro/ /byang chub las mi ldog par yang 'gyur ro/ /mtshan ma rnam par smin pa can gyi las su bshad pa gang yin pa de ni gling gang zhig tu zhe na/ de ni 'dzam gling phor gyur te//mngon sum sangs rgyas la sems pa/ /bsam pa las byung bskal pa brgya/ /lus pa dag tu 'phen par byed/ /'dzam bu'i gling kho nar 'phen gyi de dag blo rno ba'i phyir ro/ /pho kho nas yin gyis mos ni ma yin no/ /ston pa mngon sum du gyur pa dang sangs rgyas la dmigs pa'i sems kho nas bskal pa brgya lus pa'i tshe 'phen gyi bskal pa mang po lus pa'i tshe ni ma yin no//las de yang bsams pa las byung ba'o/ /mtshan de dag kyang / re re'ang bsod nams brgya las skyes/ /bsod nams kyi tshad ni byang chub sems dpa' byang chub la nye ba ma gtogs pa sems can gyi longs spyod kyi 'bras bu can ji snyed pa tsam mo//yang bcom ldan 'das byang chub sems dpar gyur pa na sangs rgyas ji snyed cig la bsnyen bkur byas she na/ bskal pa grangs med pa dang po la bdun khri lnga stong la/ gnyis pa la bdun khri drug stong la/ gsum pa la bdun khri bdun stong la'o//bskal pa grangs med pa gang gi tha mar sangs rgyas gang zhig byung bar gyur ce na/ rnam gzigs mar me rin chen gtsug /grangs med gsum gyi tha mar byung / /rin chen gtsug tor can gyi tshe ni grangs med pa dang po rdzogs so/ /mang me mdzad kyi tshe gnyis pa'o//rnam par gzigs kyi tshe gsum pa'o/ /de dag thams cad kyi/ dang po shAkya thub pa yin/ de la bcom ldan 'das kyis bdag kyang 'di 'dra ba'i rnam pa kho nar shog shig ces dang por smon lam btab bo/ /yang byang chub sems dpa' gnas skabs gang du pha rol tu phyin pa gang rdzogs par byed ce na/kun la thams cad snying rje yis/ /sbyin par byed pas sbyin pa rdzogs/ /gang gis kun la mig gi bar dang rkang pa'i bar thams cad mngon par mtho ba'i khyad par can la mi re bar snying rjes sbyin par byed na de tsam gyis sbyin pa'i pha rol tu phyin pa yongs su rdzogs pa yin no//chags bcas yan lag bcad kyang ni/ /mi 'khrug bzod dang tshul khrims kyi/ /gang gi tshe 'dod chags dang ma bral ba bzhin du yan lag bcad kyang cung zad kyang mi 'khrug pa de'i tshe 'di'i tshul khrims dang bzod pa'i pha rol tu phyin pa dag yongs su rdzogs pa yin no//skar rgyal bstod pas brtson 'grus kyi/ /bcom ldan 'das de bzhin gshegs pa skar rgyal la rkang pa gcig gis 'greng ste/ zhag bdun gyi bar du tshigs su bcad pa gcig gis bstod pa de'i tshe brtson 'grus kyi pha rol tu phyin pa yang yongs su rdzogs la bskal pa dgu yang bsdums so//de ma thag pa'i ting nge 'dzin blo'i/ /byang chub pa'i sngon rol gyi de ma thag rdo rje lta bu'i ting nge 'dzin gyi tshe bsam gtan dang shes rab kyi pha rol tu phyin pa dag yongs su rdzogs so/ /mdo las bsod nams bya ba'i gzhi gsum gsungs pa de ni ji ltar bsod nams bya ba'i gzhi gsum yin zhe na/gsum po bsod nams bya ba dang / /de bzhin dper na las lam bzhin/ /de la sbyin pa las byung ba'i bsod nams bya ba'i gzhi la lus dang ngag gi las ni rnam pa gsum char yin no/ / de kun nas slong bar byed pa'i sems pa ni bsod nams yang yin la bya ba yang yin no/ /de dang lhan cig 'byung ba'i chos rnams ni bsod nams kho na yin no/ /tshul khrims las byung ba'i lus dang ngag gi las kho na yin pas gsum char yin no/ /bsgoms pa las byung ba la byams pa ni bsod nams kyang yin la bsod nams bya ba'i gzhi yang yin no//de dang lhan cig 'byung ba'i sems pa dang tshul khrims ni bsod nams kyang yin la bya ba yang yin no/ /de dang mtshungs par ldan pa gzhan dag ni bsod nams kho na yin no//sbyin pa zhes bya ba 'di ci zhe na/ gang gis sbyin byed de sbyin pa/ mchod dang phan 'dogs 'dod pa yis/ /gang gis gzhan dag la mchod pa dang phan gdags par 'dod pa dag gis sbyin pa sbyin par byed pa de sbyin pa'o/ /gang gis sbyin par byed pa de yang gang zhig ce na/lus dang ngag la slong dang bcas/ /slong ba yang gang zhig ce na/ tshogs pa gang gis de slong bar byed pa'o/ /de 'bras longs spyod chen po can/ /sbyin pa gang yin pa de ni 'bras bu longs spyod chen po can yin no/ /sbyin pa na yang / bdag gzhan don phyir gnyis don phyir/ /gnyis ka'i don du min phyir sbyin/ /de la gang 'dod chags dang ma bral bas mchod rten la sbyin pa de ni bdag kho na'i don du'o/ /gang 'dod chags dang bral bas pha rol la sbyin pa mthong ba'i chos la myong ba ma gtogs pa de ni gzhan kho na'i don du'o//'dod chags dang ma bral bas pha rol la sbyin pa gang yin pa de ni gnyis ka'i don gyi phyir ro/ /'phags pa 'dod chags dang bral bas gang mchod rten la 'bul ba de ni gnyis ka'i don du ma yin no/ /de ni bkur sti dang byas pa gzo ba 'ga' zhig gis 'bul bar zad do//sbyin pa'i 'bras bu longs spyod chen po can zhes spyir bstan pa/ de yis khyad par sbyin bdag dang / /dngos dang zhing gi khyad par las/ /de la re zhig /sbyin bdag khyad 'phags dad sogs kyis/ /dad pa dang tshul khrims dang thos pa la sogs pa'i yon tan dang ldan pa'i sbyin bdag ni khyad par du 'phags pa'o//de'i sbyin pa de ni sbyin bdag gi khyad par las 'bras bu 'byin pa la khyad par du 'phags par 'gyur te/ sbyin bdag de lta bu de ni/ /gus la sogs pas sbyin par byed/ /gus pa dang / rang gi lag dang / dus su dang / gzhan la mi gnod par sbyin par byed de/ de phyir bkur sti rgya chen dang / /dus dang bar chad med par rnyed/ /de'i phyir sbyin bdag de'i sbyin pa de ni byin pas go rims bzhin du khyad par de bzhin 'byung ngo / /yang ji ltar dngos po khyad par du 'phags she na/ kha dog la sogs phun tshogs dngos/ /khyad par du 'phags pa zhes bya bar sbyar ro/ /dngos po de lta bu byin pas rim pa bzhin du/ de las gzugs bzang grags ldan pa/ /dga' dang shin tu gzhon sha can/ /dus su reg na bde lus 'gyur/ /kha dog phun sum tshogs pa byin pas gzugs bzang ba dang /dri phun sum tshogs pa byin pas grags pa phun sum tshogs pa dang / ro phun sum tshogs pa byin pas dga' ba dang / reg bya phun sum tshogs pa byin pas lus shin tu gzhon sha can dang / 'di'i lus dus su reg na bde ba'i lus su 'gyur ro//yang ji ltar na zhing khyad par du 'phags she na/ 'gro dang sdug bsngal phan 'dogs dang / /yon tan rnams kyis zhing khyad 'phags/ /re zhig 'gro ba ni ji ltar dud 'gro'i skye gnas su skyes pa la sbyin pa byin na rnam par smin pa brgya 'gyur du'o//tshul khrims 'chal bar gyur pa'i mi la sbyin pa byin na stong 'gyur du'o/ /sdug bsngal gyis khyad par du 'phags te/ ji ltar nad pa la byin na rnam par smin pa tshad med par gsungs pa lta bu'o/ /phan 'dogs pa'i khyad par las ni 'di lta ste pha ma'o/ /yon tan gyi khyad par las ni ji ltar tshul khrims dang ldan pa la byin na rnam par smin pa 'bum 'gyur ro zhes bya ba la sogs pa'o//sbyin pa thams cad kyi nang na/ mchog ni grol bas grol ba la'ang / /'dod chags dang bral bas 'dod chags dang bral ba la byin pa gang yin pa'o//byang chub sems dpa' yis/ gang byang chub sems dpa' sems can thams cad la phan par bya ba'i phyir sbyin pa de yang mchog yin no/ /de ma gtogs pa bcom ldan 'das kyis sbyin pa brgyad gsungs pa de dag gi nang na ni/ brgyad pa/mchog yin no zhes sbyar ro/ /brgyad gang zhe na/ nye ba la sbyin pa dang / 'jigs pas sbyin pa dang / bdag la byin pas sbyin pa dang / bdag la sbyin par 'gyur bas sbyin pa dang / sngon bdag gi pha dang mes po dag gis byin pas sbyin pa dang / mtho ris kyi don du sbyin pa dang /grags pa'i don du sbyin pa dang / sems kyi rgyan dang / sems kyi yo byad dang / rnal 'byor gyi tshogs dang / don gyi mchog gi don du sbyin pa byin pa'o/ /de dag las tha ma ni mchog yin no/ /bcom ldan 'das kyis rgyun du zhugs pa'i 'bras bu la zhugs pa dang /rgyun du zhugs pa'i 'bras bu la gnas pa la byin pa'i rnam par smin pa gzhal du med par gsungs mod kyi/ gzhan yang / 'phags pa min yang pha ma dang / /nad pa dang ni chos smra dang / /skye mtha'i byang chub sems dpa' la/ /yon ni gzhal du med pa yin//lnga po 'di dag la ni so so'i skye bor gyur pa yin yang 'bras bu'i sgo nas yon gnas gzhal du med pa yin no/ /las rnams kyi lci ba dang yang ba nyid shes par 'dod pas rgyu drug shes par bya ste/ 'di lta ste/ mjug dang zhing dang gzhi dang ni/ / sbyor dang sems pa bsam pa ste/ /de dag chung dang che ba las/ /las kyang chung dang che ba nyid/ /mjug ces bya ba ni byas pa'i rjes la yang byed pa gang yin pa'o/ /zhing zhes bya ba ni phan pa dang gnod pa dag byed pa'o/ /gzhi ni las kyi lam mo/ /sbyor ba ni de'i don du lus dang ngag gi las so//sems pa ni ngag gi las kyi lam mthar phyin par byed pa'o/ /bsam pa ni de dag las de dang 'di dag cig ni bya'o/ /de dang 'di lta bu zhig ni phyis bya'o snyam du sems pa'o/ /las byas pa dang / bsags pa ni ji lta bu zhe na/bsams bzhin pa dang rdzogs pa dang / /mi 'gyod gnyen po med pa dang / /'khor dang rnam par smin pa las/ /bsags pa'i las zhes bya ba yin/ /ched du bsams nas byas pa yin gyi blo sngon du ma btang ba yang ma yin pa bab col du byas pa yang ma yin no//rdzogs pa ni kha cig ni nyes par spyad pa gcig gis ngan song du 'gro ba/ kha cig ni gsum gyi bar gyis 'gro ba'o/ /de gang zhig gis ji tsam gyis 'gro ba de rdzogs na bsags pa yin no/ /mi 'gyod pa dang gnyen po med pa ni yid la bcags pa med pa dang /gnyen po med pa yin no/ /'khor las ni mi dge ba la 'khor ba yang mi dge ba yin no/ /rnam par smin pa las ni rnam par smin pa 'byin par nges pa yin no/ /de bzhin du dge ba la yang sbyar bar bya'o/ /de las gzhan du byas pa'i las ni ma bsags pa yin no//'dod chags dang bcas pas mchod rten la sbyin pa byin pa ni bdag gi don du'o zhes bshad pa de la longs spyod pa dang len pa po med na bsod nams ji ltar 'byung zhe na/ mchod rten la btang rgyus byung ba'i/ /bsod nams len med byams sogs bzhin//ji ltar byams pa la sogs pa la len par byed pa'am gzhan la phan 'dogs pa med kyang rang gi sems kyi mthus bsod nams su gyur pa de bzhin du/ yon tan dang ldan pa 'das kyang de la dad par byas pas rang gi sems la bsod nams su 'gyur ro//gal te zhing bzang po la sbyin par bya ba'i 'bras bu sa bon yid du 'ong ba can yin na/ 'o na ni zhing ngan pa la byin na 'bras bu yid du mi 'ong bar 'gyur zhe na/ rgyun las 'bras bu mi 'khrul phyir/ /ngan pa'i zhing la'ang 'bras yid 'ong / /zhing ngan pa la yang sa bon las 'bras bu mi 'khrul ba mthong ste/rgyun gyi sa bon las ni rgyun gyi 'bras bu mngar ba skye ba de bzhin du zhing ngan pa la yang gzhan la phan pa'i lhag pa'i bsam pa la zhugs pa'i sbyin pa'i sa bon gyi 'bras bu yang yid du 'ong ba kho na 'grub kyi yid du mi 'ong ba ni ma yin no//sbyin pa las byung ba bshad nas/ tshul khrims las byung ba brjod par bya ste/ 'chal pa'i tshul khrims mi dge'i gzugs/ /de spong tshul khrims rnam gnyis so/ /rnam par rig byed gang spong bar byed pa dang /rnam par rig byed ma yin pas spong ba gang yin pa'o/ /tshul khrims ni 'chal pa'i tshul khrims kho na spong ba 'ba' zhig ma yin gyi/ 'on kyang sangs rgyas kyis ni bcad pa yang / rang bzhin gyi 'chal ba'i tshul khrims ma yin pa yang bcom ldan 'das kyis bcad pa dus ma yin pa'i zas la sogs pa gang dag yin pa de dag spong ba rnam pa gnyis kyang tshul khrims yin no//tshul khrims mdor bshad zin to/ /rnam dag yon tan bzhi ldan no/ /tshul khrims de'i rgyus 'phen ma byung //de'i gnyen po dang bzhi la brten/ /'chal ba'i tshul khrims kyis ji skad bshad pa'i phan ma byung ba'o/ /'chal pa'i tshul khrims kyi rgyus phan ma byung ba ni chags pa la sogs pas nyon mongs pa dang nye ba'i nyon mongs pas phan ma byung bas so//'chal pa'i tshul khrims kyi gnyen po la brten pa ni dran pa nye bar gzhag pa la brten pa'i phyir ro/ /zhi pa la brten pa ni mya ngan las 'das par yongs su bsngo ba'i phyir ro/ /tshul khrims rdzogs so// //mnyam par gzhag pa'i dge ba ni//bsgom pa'o/ /mnyam par gzhag pa zhes bya ba ni ting nge 'dzin gyi rang bzhin dang lhan cig 'byung ba'o/ /'di ci'i phyir bsgom pa zhes bya zhe na/ sems la bsgo phyir ro/ /mnyam par gzhag pa'i dge ba de ni rgyud yon tan rnams kyis de'i bdag nyid du byed pa'i phyir sems la shin tu bsgo bar byed pa yin no//re zhig sbyin pas ni longs spyod chen por 'gyur ro zhes bshad na tshul khrims dang bsgom pas cir 'gyur zhe na/ mtho ris don du tshul khrims dang / /'bral ba'i don du bsgom gtso'i phyir//sbyin pa yang mtho ris kyi don du 'gyur mod kyi/ tshul khrims ni gtso bo yin pa'i phyir ro/ /tshul khrims kyis kyang 'bral bar 'gyur mod kyi bsgom pa ni gtso bo yin pa'i phyir ro/ /mdo las gang zag bzhi ni tshangs pa'i bsod nams 'byung bar gsungs pa gang zhe na/bskal par mtho ris dga' gnas phyir/ /bzhi yis tshangs pa'i bsod nams yin/ /bsod nams ji tsam gyis na bskal par mtho ris su dga' bar gnas par 'gyur ba 'di ni tshangs pa'i bsod nams yin no/ /zang zing gi sbyin pa bshad zin to//chos sbyin nyon mongs can min pas/ /mdo sogs yang dag ji bzhin ston/ /chos kyi sbyin pa ni mdo la sogs pa nyon mongs pa can ma yin pa ji lta ba bzhin ston pa'o/ /bsod nams bya ba'i gzhi rnam pa gsum bshad nas/ yang / bsod nams mya ngan 'das pa dang / /nges 'byed cha mthun dge rnam gsum/ /bsod nams kyi cha dang mthun pa ni rnam par smin pa yid du 'ong ba can gang yin pa'o/ /thar pa'i cha dang mthun pa ni gang skyes nas nges par mya ngan las 'da' ba'i chos su 'gyur ro//nges par 'byed pa'i cha dang mthun pa ni 'og nas bshad par bya'o/ /'jig rten na yig 'bru dang / rgya dang / bgrang ba dang / snyan dngag dang / grangs zhes bya ba gang yin pa 'di dag gi rang bzhi ni ci zhe na/ rigs pas rab tu bcug pa'i las//rnam gsum kun slong bcas pa ni/ /yig 'bru rgya dang bgrangs bcas pa'i/ /snyan dang grangs te go rims bzhin/ /rigs pas bcug pa zhes bya ba ni thabs kyi bye brag gis bcug pa'o/ /las rnam gsum zhes bya ba ni/ lus dang / ngag dang /yid kyi las so/ /de la re zhig yig 'bru dang / rgya ni lus kyi las rigs pas rab tu bcug pa kun nas slong ba dang bcas pa yin no/ /bgrang ba dang snyan ngag ni ngag gi las te/ de lta na de dag ni phung po lnga'i rang bzhin yin no/ / grangs ni yid kyi las te/ yid kyis chos rnams sdom par byed pa gang yin pa'o/ /da ni chos kyi rnam grangs kha cig brjod par bya ste/ bsgribs ngan kha na ma tho bcas/ /nyon mongs can chos/ nyon mongs pa can gyi chos rnams kyi rnam grangs dag go/ /dri med dge gya nom/gya nom pa zhes bya ba ni dge ba zag pa med pa'i rnam grangs yin no/ /ngan pa dang gya nom pa las gzhan pa'i bar ma zhes bya bar grub bo/ /'dus byas dge bstan bya/ bsten par bya ba zhes bya ba ni 'dus byas kyi chos dge ba rnams kyi rnam grangs yin no//lhag ma rnams ni bstan par bya ba ma yin par 'grub bo/ /chos gzhan thams cad ni bla ma dang bcas pa yin gyi/ thar pa bla na med pa yin/ /mya ngan las 'das pa las ches khyad par du 'phags pa ni med kyi de ni dge ba dang rtag pa yin pa'i phyir thams cad las khyad par du 'phags pa yin no//las bstan pa zhes bya ba mdzod kyi gnas bzhi pa'o// //las las 'jig rten sna tshogs skyes/ /zhes bshad pa de dag kyang phra rgyas kyi dbang gis bsags par 'gyur gyi/ phra rgyas med par ni srid pa mngon par 'grub par mi nus pas de'i phyir/srid pa'i rtsa ba phra rgyas su rig par bya'o/ /de yang drug /'dod chags de bzhin khong khro dang / /nga rgyal ma rig lta ba dang / /the tshom yin te/ de bzhin zhes smos pa ni 'dod chags kyi dbang gis gzhan dag dmigs pa la/rgyas par 'gyur ba nyid shes par bya ba'i don du'o/ /de drug kyang / 'dod chags dbye bas bdun du bshad/ /gang gi phyir/ khams gnyis las skyes srid 'dod chags/ /gzugs dang gzugs med pa'i khams nas skyes pa'i 'dod chags ni srid pa'i 'dod chags so//'dod par gtogs pa'i ni 'dod pa'i 'dod chags so/ /yang ci'i phyir gzugs dang gzugs med pa'i 'dod chags ni srid pa'i 'dod chags zhes bya zhe na/ kha ni nang du bltas phyir de/ /thar pa'i 'du shes bzlog phyir bshad/ /de dag ni phal cher snyoms par 'jug pa la 'dod chags pa yin la/de yang kha nang du bltas pa yin te/ de lta bas na gcig tu byas so/ /khams de gnyis la thar pa yin no snyam pa'i 'du shes bzlog pa'i phyir srid pa'i 'dod chags zhes kyang gsungs so/ /yang phra rgyas drug po de dag bcur yang 'chad de/ji ltar byas nas she na/ lta ba lnga ste 'jig tshogs dang / /log dang mthar 'dzin lta ba dang / /lta ba dang ni tshul khrims dang / /brtul zhugs mchog tu 'dzin dang bcu/ /phra rgyas drug las lta ba rnam pa lngar byas nas bcur 'gyur ro/ /yang 'di dag bcu po las dgu bcu rtsa brgyad du 'chad de/'di lta ste/ de dag bcu dang bdun bdun brgyad/ /lta ba gsum gnyis ma gtogs pa/ /'dod na sdug bsngal la sogs pa/ /mthong bas rim bzhin spong bar byed/ /phra rgyas bcur bshad pa gang dag yin pa de dag 'dod pa'i khams na sdug bsngal mthong bas spang bar bya ba ni bcur yod do//de dag nyid las kun 'byung ba mthong bas spong bar bya ba bdun dang / 'gog pa mthong bas spong bar bya ba bdun te/ 'jig tshogs la lta ba dang / tshul khrims dad brtul zhugs mchog tu 'dzin pa ma gtogs so/ / lam mthong bas spang bar bya ba ni brgyad de/ 'jig tshogs la lta ba dang / mthar 'dzin par lta ba ma gtogs so/ /de ltar na 'dod pa na spyod pa'i phra rgyas sum cu rtsa gnyis yin no/ /de bzhin du gzugs kyi khams na nyi shu rtsa brgyad/ gzugs med pa'i khams na nyi shu rtsa brgyad yin no//'dod pa'i khams na mthong bas spong bar bya ba so gnyis yin la/ bzhi ni bsgom pas spang bya yin/ /'di lta ste/ 'dod chags dang / khong khro ba dang / ma rig pa dang / nga rgyal to/ de dag ni 'dod pa na spyod pa'i sum cu rtsa drug tu 'gyur ro/ /khong khro ma gtogs de dag nyid//gzugs khams/ khong khro ba rnam pa lnga bor nas gzugs su gtogs pa'i phra rgyas sum cu rtsa gcig yin no/ /gzugs med de dang 'dra/ sum cu rtsa gcig kho na'o/ /de ltar dgu bcu brgyad du 'dod/ /de ltar na de dag rnam pa dang bye brag dang khams kyi dbye bas dgu bcu rtsa brgyad du 'dod do//de bas na/ srid rtse las skyes bzod pa yis/ /gzhom bya mthong bas spang bya nyid/ /bsgom pas spang bar bya ba dag ni ma yin no/ /lhag skyes mthong dang bsgom gnyis kyis/ /bzod pas gzhom par bya ba zhes bya bar sbyar te/ sa lhag ma dag gi chos dang rjes su mthun pa'i bzod pas spang bar bya ba rnams ni ci rigs par 'phags pa rnams kyis ni mthong bas spang bar bya ba yin la/so so'i skye bo rnams kyis ni bsgom pas spang bar bya ba dag go/ /bzod pas gzhom min bsgom kho nas/ /sa gang dag phra rgyas gang dag shes pas gzhom par bya ba yod pas de dag ni gnyis ka'i yang rtag tu bsgom pas spang bar bya ba yin no//lta ba lnga ming gi sgo nas bstan gyi rang gi ngo bo'i sgo nas ma bstan pas de'i phyir de'i ngo bo brjod par bya ste/ bdag dang bdag gi rtag chad dang / /med dang dman la mchog lta dang //rgyu min lam min der lta ba/ /de dag lta ba lnga yin no/ /bdag dang bdag gir lta ba ni 'jig tshogs la lta ba'o/ /bdag tu mngon par 'dod pa'i dngos po de nyid la rtag par lta ba'am chad par lta ba ni mthar 'dzin pa'i lta ba'o/ /sdug bsngal la sogs pa'i bden pa yod na med do zhes bya ba'i lta ba ni log par lta ba'o//dman pa zag pa dang bcas pa la mchog tu lta ba ni lta ba mchog tu 'dzin pa'o/ /rgyu ma yin pa la rgyur lta ba dang / lam ma yin pa la lam du lta ba ni tshul khrims dang brtul zhugs mchog tu 'dzin pa'o/ /gnyis ka la yang la sogs pa'i sgra mi mngon par byas so//gal te rgyu ma yin pa rgyur lta ba dang tshul khrims dang brtul zhugs mchog tu 'dzin pa yin no/ /ci'i phyir kun 'byung mthong bas spong bar bya ba ma yin zhe na/ gang las dbang phyug gam skye dgu'i bdag po la rgyur lta ba de ni de la rtag pa dang gcig bu dang bdag byed pa por mngon par zhen nas lta ste/de lta bas na 'di ltar/ dbang phyug sogs rgyur mngon zhen pa/ de ni/ rtag bdag phyin ci log pa yis/ /rab tu 'jug pas de'i phyir de/ /sdug bsngal mthong bas spang bya nyid/ /de la rtag pa dang bdag tu 'dzin pa de gnyis ni sdug bsngal mthong ba kho nas spong bar 'gyur te/de lta bas na de byas pa rgyur mngon par zhen pa yang de nyid kyis spong bar 'gyur ro/ /rtag bdag phyin ci log pa yis/ /zhes gang bshad pa phyin ci log de gnyis kho nar zad dam zhe na/ ma yin te/ 'on kyang phyin ci log ni bzhi ste/ de ni/ lta ba gsum las phyin ci log /bzhi tshan/ mthar 'dzin par lta ba las rtag par lta ba ni rtag par phyin ci log go/ /lta ba mchog tu 'dzin pa las ni bde ba dang gtsang bar phyin ci log go/ /'jig tshogs la lta ba las ni bdag tu lta bar phyin ci log go/ /ci'i phyir nyon mongs pa gzhan dag phyin ci ma log ma yin zhe na/'di ltar rgyu gsum gyis phyin ci log rnam par gzhag pa 'di lta ste/ phyin ci log phyir dang / nges rtog phyir dang sgro 'dogs phyir/ /chad par lta ba dang / log par lta ba ni sgro 'dogs pa dag ma yin no/ /tshul khrims dang brtul zhugs mchog tu 'dzin pa ni gcig tu phyin ci log ma yin no//nyon mongs pa gzhan dag ni nges par rtog par byed pa ma yin pas phyin ci log ma yin no/ /mdo las 'du shes dang / sems dang / lta ba phyin ci log tu gsungs pa de la lta ba kho na phyin ci log yin la/ sems dang 'du shes de'i dbang gis/ /lta ba phyin ci log gi dbang gis 'du shes dang sems phyin ci log tu bshad do//yang lta ba'i phra rgyas kho na la dbye ba yod kyi gzhan la med dam zhe na/ yod pa 'di lta ste/ nga rgyal bdun/ nga rgyal dang / lhag pa'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyal dang /cung zad snyam pa'i nga rgyal dang / log pa'i nga rgyal lo/ /de la chung ngu las bdag khyad par du 'phags pa'am mnyam pa dang mnyam mo snyam du sems khengs pa ni nga rgyal lo/ /mnyam pa bas bdag khyad par du 'phags so snyam pa ni lhag pa'i nga rgyal lo/ /khyad par du 'phags pa bas kyang bdag khyad par du 'phags so snyam pa ni nga rgyal las kyang nga rgyal lo//'jig tshogs la lta ba sngon du 'gro bas nga'o snyam pa ni nga'o snyam pa'i nga rgyal lo/ /rtogs pa'i khyad par ma thob pa la bdag gis thob bo snyam pa ni mngon pa'i nga rgyal lo//ches khyad par du 'phags pa bas bdag cung zad cig gis dman no snyam pa ni cung zad snyam pa'i nga rgyal lo/ /yon tan ma yin pa dang ldan pa la bdag ni yon tan dang ldan no snyam pa ni log pa'i nga rgyal lo/ /bstan bcos las nga rgyal gyi rnam pa dgu gang dag bshad pa de dag ni/rnam dgu gsum po/ /de la dang po gsum ni bdag mchog dang mnyam pa dang / dman pa yin no zhes bya ba lta ba la brten pa gsum ni lhag pa'i nga rgyal dang / nga rgyal dang / cung zad snyam pa'i nga rgyal dag go/ /gnyis pa'i gsum ni bdag bas mchog dang / mnyam pa dang / dman pa yod do zhes bya ba ni cung zad snyam pa'i nga rgyal dang / nga rgyal dang / lhag pa'i nga rgyal rnams so/ /gsum pa'i gsum ni bdag pas mchog dang / mnyam pa dang / dman pa med do zhes bya ba ni nga rgyal dang / lhag pa'i nga rgyal dang / cung zad snyam pa'i nga rgyal dag go//yang nga rgyal bdun po 'di dag ci zhig gis spang bar bya ba yin zhe na/ mthong dang bsgom pas zad bya ba/ /ci 'phags pa rnams la bsgom pas spang bar bya ba ma spangs pa gang yin pa de kun du spyod dam zhe na/ nges pa med de/ 'di ltar bsgom pas spang bar bya ba ni//gsod sogs kun nas dkris pa'o/ /nyon mongs pa kun nas dkris pa gang gis ched du bsams te/ srog gcod par byed pa nas brdzun du smra bar byed pa'i bar de ni bsgom pas spang bar bya ba yin no/ /de bzhin 'jig sred/ 'jig pa'i sred pa yang bsgom pas spang bar bya ba yin no//bsgom pas spang bar bya ba ni nga rgyal gyi rnam pa rnams kyang yod do zhes bshad pa la nga'o snyam pa'i nga rgyal yang yod mod kyi/ 'phags pa la/ rnam sogs nga'o snyam mi 'byung / /sogs pa smos pas ni 'jig pa'i sred pa'i bar du gzung ngo / /ci'i phyir de dag ma spangs kyang mi 'byung zhe na/lta bas rgyas par 'gyur phyir ro/ /nga rgyal gyi rnam pa rnams dang / nga'o snyam pa'i nga rgyal ni 'jig tshogs la lta bas rgyas par 'gyur ro/ /de bas na 'jug pa chad pa'i phyir yang ldang bar mi nus so/ /gsod pa la sogs pa'i kun nas dkris pa ni log par lta bas rgyas par 'gyur ba'i phyir ro//'jig pa'i sred pa chad par lta bas rgyas par 'gyur ba'i phyir ro/ /skye ba'i sred pa'i phyogs ni rtag par lta bas rgyas par 'gyur ba'i phyir ro/ /mi dge'i 'gyod pa'ang ma yin no/ /'gyod pa ni mi dge ba yang bsgom pas spang bar bya ba ma yin na 'phags pa la de mi 'byung ste/the tshom gyis kun nas bslang ba yin pa'i phyir ro/ /yang phra rgyas de dag las/ du kun du 'gro ba dang / kun du 'gro ba ma yin pa ni du zhe na/ sdug bsngal rgyu mthong spang bya ba/ /lta dang de bzhin the tshom dang / / gang de lhan cig ma 'dres pa'i/ /ma rig gang yin kun du 'gro/ /de ltar na lta ba bdun dang / the tshom gnyis dang / ma rig pa gnyis dang / phra rgyas bcu gcig po de dag ni rang gi khams mtha' dag la dmigs pa'i phyir skal ba mnyam pa'i khams kun du 'gro ba yin no/ / de dag las dgu gong du dmigs/ lta ba gnyis po ma gtogs so/ /'jig tshogs la lta ba dang / mthar 'dzin par lta ba ma gtogs pa phra rgyas gzhan dgu ni skal ba mi mnyam pa'i khams kun du 'gro ba dag yin no/ /phra rgyas kun du 'gro ba ma yin te/ 'on kyang / de dag dang ni lhan cig dang //'byung de'ang kun 'gro thob ma gtogs/ /thob pa rnams ni 'bras bu du ma'i phyir 'di dag tu ma gtogs so/ /phra rgyas 'di dag las zag pa dang bcas pa la dmigs pa dang / zag pa med pa la dmigs pa ni du zhe na/ 'gog dang lam mthong spang bya ba//log lta the tshom de dag dang / /ldan dang 'ba' zhig ma rig dang / /drug ni zag med spyod yul can/ /lhag ma rnams ni zag pa dang bcas pa la dmigs pa zhes bya bar grub bo/ /de la yang / rang gi sa pa'i 'gog pa dang / /lam ni phan tshun rgyu yin pas/ /sa drug sa dgu'i lam ni de'i//spyod yul can gyi yul yin no/ /'gog pa la dmigs pa log par lta ba la sogs pa'i dmigs pa ni rang gi sa pa'i 'gog pa kho na yin no/ /lam la dmigs pa 'dod pa na spyod pa rnams kyi dmigs pa ni sa drug gi chos shes pa'i phyogs dang mthun pa'i lam thams cad yin te/gang yang gzugs dang gzugs med pa'i gnyen po yang yin no/ /gzugs dang gzugs med pa na spyod pa'i sa brgyad po rnams kyi dmigs pa yang sa dgu'i rjes su shes pa'i phyogs dang mthun pa'i lam thams cad yin te/lam ni phan tshun rgyu yin pa'i phyir ro/ /yang ci'i phyir 'dod chags la sogs pa 'di dag zag pa med pa la dmigs pa ma yin zhe na/ 'dod chags min te spang bya'i phyir/ /'dod chags ni spang bar bya ba yin na gal te zag pa med pa la dmigs pa yin na go spang bar bya ba ma yin par 'gyur te/dge ba'i chos la 'dun pa bzhin no/ /gnod mi byed phyir zhe sdang min/ /gnod par byed pa'i dngos po la ni khong khro ba skye na/ 'gog pa dang lam dag ni de lta bu ma yin no/ /zhi dang dag dang mchog gyur phyir/ /nga rgyal ma yin mchog 'dzin min/ /'gog pa dang lam dag ni zhi ba yin pa'i phyir de dag gis khengs par 'gyur bar yang 'os pa ma yin la/yang dag pa'i don du dag pa yin pa'i phyir de gnyis la dag par 'dzin pa ni tshul khrims dang brtul zhugs mchog tu 'dzin pa yang ma yin no/ /dman pa la mchog tu 'dzin pa ni lta ba mchog tu 'dzin pa yin na de gnyis ni mchog kyang yin te/de lta bas na de dag gi dmigs pa zag pa med pa yin par rigs pa ma yin no/ /phra rgyas de dag las du ni dmigs pa'i sgo nas rgyas par 'gyur/ du ni mtshungs par ldan pa kho na'i sgo nas rgyas par 'gyur zhe na/ phra rgyas kun du 'gro rnams ni/ /dmigs pa'i sgo nas rang gi sa/ /thams cad du ni rgyas par 'gyur/ /kun 'gro ma yin rang ris su/ /gang dag kun du 'gro ba de dag ni dmigs pa'i sgo nas rang gi sa pa'i rnam pa lnga po rnams la yang rgyas par 'gyur ro/ /kun du 'gro ba ma yin pa rnams ni rang gi sar rang gi ris kho na la ste/gzhan du ni ma yin no/ /zag pa med pa la dmigs pa yod du zin kyang / zag med gong ma'i yul can min/ /zag pa med pa la dmigs pa dang / sa gong ma la dmigs pa rnams ni dmigs pa'i sgo nas rgyas par mi 'gyur ba kho na'o//ci'i phyir zhe na/ de dag gi dmigs pa'i dngos po ni/ bdag gir ma byas gnyen po'i phyir/ /dngos po gang zhig bdag tu lta ba dang / sred pa dag gis bdag gir byas pa de la phra rgyas gzhan dag kyang rgyas par nus kyi zag pa med par yang de lta ma yin la/ sa gong ma yang de lta ma yin no//mya ngan las 'das pa dang lam ni de dag la dmigs pa rnams kyi gnyen por gyur pa yin la/ sa gong ma yang sa 'og ma rnams kyi gnyen po yin pas de'i phyir yang de dag tu gnas mi thod do/ /ji ltar dmigs pa'i sgo nas rgyas par 'gyur ba ni bshad zin to//gang zhig gang dang mtshungs ldan pa/ /de ni deng mtshungs ldan kho nas/ /phra rgyas gang zhig chos gang dang mtshungs par ldan pas rgyas par 'gyur ro/ /de dag las du ni mi dge ba yin/ du ni lung du ma bstan pa yin zhe na/ gong ma thams cad lung ma bstan/ /gzugs dang gzugs med pa na spyod pa thams cad ni lung du ma bstan pa kho na yin no//'dod na 'jig tshogs lta ba dang / /mthar 'dzin lhan cig ma rig pa/ /'dod pa'i khams na 'jig tshogs la lta ba dang / mthar 'dzin par lta ba dang / de dag dang mtshungs par ldan pa'i ma rig pa lung du ma bstan pa dag yin no//lhag ma rnams 'dir mi dge ba'o/ /lhag ma rnams ni 'dod pa'i khams ni mi dge ba dag yin no/ /du ni mi dge ba'i rtsa ba dag yin/ du ni ma yin zhe na/ 'dod na 'dod chags khong khro dang / /rmongs rnams mi dge'i rtsa ba yin/ /'dod pa'i khams na 'jig tshogs dang //mthar 'dzin pa'i lta ba dang mtshungs par ldan pa'i rmongs pa ma gtogs pa rmongs pa dang / de dang mtshungs par ldan pa'i 'dod chags dang / zhe sdang ni mi dge ba'i rtsa ba gsum mo/ /lung ma bstan pa'i rtsa ba gsum/ /de ni sred dang ma rig blo//sred pa dang / ma rig pa dang / shes rab tha na rnam par smin pa las skyes pa yang rung ste/ gang cung zad de thams cad ni lung du ma bstan pa'i rtsa ba'o/ /rnam gnyis mthar 'jug phyir de las/ /gzhan min/ the tshom ni rnam pa gnyis nyid du 'jug pa'i phyir rtsa bar 'os pa ma yin te/g.yo ba med pa'i phyir ro/ /nga rgyal ni khengs pa'i mtshan nyid kyis mthon por 'jug pa'i phyir rtsa ba ma yin te/ chos mi mthun pa'i phyir ro/ /'jig rten na rtsa ba rnams ni brtan pa dang / 'og nas gnas pa dag yin par mthong ba'i phyir ro//bzhi zhes nyi 'og pa/ /de dag sred lta nga rgyal rmongs/ /lung du ma bstan pa'i sred pa dang / lta ba dang / nga rgyal dang / ma rig pa ni lung du ma bstan pa'i rtsa ba dag go/ /ci'i phyir zhe na/ bsam gtan pa gsum ma rig las/ /'di ltar bsam gtan pa ni gsum ste/ sred pa dang / lta ba dang / nga rgyal shas che ba'i bsam gtan dag yin la/ de dag kyang ma rig pa'i dbang gis 'gyur ro/ /mdo las/ lung du ma bstan pa'i dngos po bcu bzhi gang gsungs pa de dag lung du ma bstan pa ni ma yin te/ gzhag par bya ba'i dri ba ni lung du ma bstan pa yin no//ci de kho na lung du ma bstan pa yin nam ma yin te/ 'on kyang rnam pa bzhi 'di lta ste/ mgo gcig pa dang rnam phye dang / /dri dang bzhag par lung bstan pa/ /'chi dang skyes dang khyad par 'phags/ /bdag gzhan la sogs lta bu yin/ /ci sems can thams cad 'chi bar 'gyur ram zhes 'dri na 'chi bar 'gyur ro zhes mgo gcig tu lung bsten par bya'o//ci sems can thams cad skye bar 'gyur ram zhes 'dri na/ nyon mongs pa can rnams ni skye bar 'gyur gyi nyon mongs pa med pa rnams ni ma yin no zhes rnam par phye ste lung bstan par bya'o/ / ci mi 'di khyad par du 'phags pa yin nam dman pa yin zhes 'dri na lha'am ngan song gang la ltos te 'di zhes dris nas lung bstan par bya'o/ /ci phung po rnams las sems can gzhan nam gzhan ma yin zhes 'dri na/ sems can gyi rdzas med pa'i phyir gzhag par bya'o/ /gang zag gang gi phra rgyas gang zhig dmigs pa gang la rgyas par 'gyur ba de ni des na de dang ldan pa yin no zhes brjod par bya'o//'das pa ni gang dang ldan pa zhes bya ba nas/ da ltar ba ni gang dang ldan pa zhes bya ba'i bar 'di dag gang zhe na/ smras pa/ 'das dang nyer gnas 'dod chags dang / / khong khro nga rgyal dag gis ni/ /gang la de skyes ma spangs pa'i/ /dngos po de dang ldan pa yin/ /dngos po gang la 'das pa dang da ltar byung ba'i 'dod chags dang / khong khro dang / nga rgyal rnams skyes pa ma spangs pa de dag gis dngos po de dang ldan te/ de dag ni rang gi mtshan nyid pa'i nyon mongs pa yin pa'i phyir gdon mi za bar thams cad la thams cad du 'byung ba ma yin no//yid kyi de dag ma 'ongs pas/ kun dang / gang la de skyes ba ma spangs zhes bya bar sbyar te/ yid kyi 'dod chags dang / khong khro ba dang / nga rgyal ma 'ongs pa de dag nyid kyis dus gsum pa'i dngos po thams cad dang ldan no//gzhan gyis rang dus pa/ 'dod chags dang / khong khro ba gzhan dag gis ni rnam par shes pa'i tshogs lnga ma 'ongs pa'i dngos po kho na dang ldan no/ /skye ba'i chos rnams kyis ni de lta bu yin no/ /de dag nyid/ mi skye rnams kyis thams cad dang / / mi skye ba'i chos rnams kyis dus gsum pa'i dngos po thams cad dang ldan no/ /lhag ma kun gyis kun dang ldan/ /lta ba dang / the tshom dang ma rig pa rnams kyis dngos po thams cad dang ldan te/ nyon mongs pa spyi la dmigs pa yin pa'i phyir ro/ /ci 'das pa dang ma 'ongs pa'i dngos po rdzas su yod dam/'on te med/ gal te yod na ni dus thams cad du yod pa'i phyir rtag pa nyid du 'gyur ro/ /'on te med na ji ltar de dang ngam/ des ldan pa'am/ bral ba yin zhe na/ bye brag tu smra ba rnams ni 'dus byas kyi mtshan nyid dang ldan pa'i phyir 'dus byas rnams rtag pa nyid du dam mi 'cha'i/dus rnams kun du yod par ni gsal bar dam 'cha'o/ /ci'i phyir zhe na/ gsungs phyir/ bcom ldan 'das kyis gal te 'das pa'i gzugs zhig yod par ma gyur na/ 'phags pa nyan thos thos pa dang ldan pa 'das pa'i gzugs la mi lta bar yang mi 'gyur ba zhig na/gang gi phyir 'das pa'i gzugs yod do zhes rgyas par gsung so/ /gnyis phyir/ rnam par shes pa ni gnyis la brten nas skye'o zhes gsungs pa gang zhe na/ mig dang gzugs rnams nas yid dang chos kyi bar yin no//yul yod phyir/ 'das pa dang ma 'ongs pa med na de la dmigs pa'i rnam par shes pa ni yul med par 'gyur gyi yul dang mi ldan no/ /'bras phyir/ gal te 'das pa zhig med na tshe phyi ma la 'das pa'i las kyi 'bras bu med par 'gyur ro/ /de'i phyir 'das pa dang ma 'ongs pa yod do//yang 'di ltar/ de yod smra ba'i phyir thams cad/ /yod par smra bar 'dod/ gang dag 'das pa dang ma 'ongs pa dang da ltar byung ba thams cad yod par smra ba de dag ni thams cad yod par smra ba yin no/ /gzhan ni rnam par phye ste smra ba yin no/ /thams cad yod par smra ba de dag kyang du zhig ce na/smras pa/ de dag /rnam bzhi dngos dang mtshan nyid dang / /gnas skabs gzhan gzhan 'gyur zhes bya/ /dngos po gzhan du 'gyur ba ni btsun pa chos skyo ba yin te/ de na re chos dus rnams su 'jug pa na dngos po gzhan du 'gyur gyi rdzas gzhan du 'gyur ba ni ma yin te/dper na gser gyi snod bcom nas gzhan du byed pa ni dbyibs gzhan du 'gyur ba bzhin no/ /mtshan nyid gzhan du 'gyur ba ni btsun pa dbyangs sgrogs yin te/ de na re chos dus rnams su 'jug pa na 'das pa'i mtshan nyid dang ldan la gnyis dang ni mi ldan pa ma yin no//de bzhin du gzhan yang ngo / /gnas skabs gzhan du 'gyur ba ni btsun pa dbyig bshes yin te/ de na re chos dus rnams su 'jug pa na 'das pa la sogs pa'i gnas skabs su phyin nas gzhan dang gzhan zhes ston to/ /gzhan dang gzhan du 'gyur ba ni btsun pa sangs rgyas lha yin te/chos dus rnams su 'jug pa na snga ma dang phyi ma la ltos nas gzhan zhes brjod do/ /de dag las/ gsum pa bzang ste/ gnas skabs gzhan du 'gyur ba gang yin pa'o/ /de'i ni/ bya ba yis/ dus rnams rnam gzhag/ /gang gi tshe chos de bya ba mi byed pa de'i tshe ni ma 'ongs pa yin la/gang gi tshe bya ba byed pa de'i tshe ni da ltar byung ba yin zhing / gang gis byas nas 'gags pa de'i tshe 'das pa yin no/ /de'i yang chos de'i bdag nyid de kho nar yod la rtag tu bya ba byed pa la gegs su byed/ gang gis na res 'ga' ni bya ba byed la res 'ga' ni ma yin/bya ba 'das pa dang / ma 'ongs pa dang / da ltar byung ba zhes bya ba gang yin pa/ de yang ji ltar/ ci bya ba la yang bya ba gzhan zhig yod dam/ gal te chos las bya ba gzhan zhig yin na skyon der yang 'gyur ba zhig yin na de ni gzhan ma yin/ de'i phyir skyon der mi 'gyur ro/de lta na 'o na ni/ de nyid dus su mi rung / gang gi tshe chos yod pa de'i tshe kho nar bya ba yang yod par 'gyur ro/ /gal te ji ltar da ltar rdzas su yod pa de bzhin du 'das pa dang ma 'ongs pa yang yod na/ de bzhin du/ yod na ci phyir ma skyes zhig/ /chos de'i rang gi ngo bo kho nar yod na ji ltar na ma skyes pa zhes bya ba'am zhig pa zhes bya ba 'di 'grub par 'gyur ro//bye brag tu smra ba na re 'das pa dang ma 'ongs pa'i rdzas su yod pa kho na'o/ /gang zhig brang bar mi nus pa de la ni bdag la phan par 'dod pas 'di ltar rig par bya ste/ chos nyid dag ni zab pa yin//de gdon mi za bar rtogs pas bsgrubs pa ma yin no/ /dngos po gang zhig spangs na dngos po de dang bral ba yin pa 'di dpyad par bya ste/ spangs la dngos po de dang bral ba yang ma yin no/ /'di lta ste/ sdug bsngal mthong spang bya spangs kyang / /kun 'gro lhag ma rnams kyis ldan//dang po'i rnam pa spangs kyang de'i/ /yul can dri ma lhag rnams kyis/ /sdug bsngal shes pa ni ma skyes pa'i tshe sdug bsngal mthong bas spang bar bya ba'i ris spangs pa yin no/ /de spangs kyang de la dmigs pa kun du 'gro ba kun 'byung mthong pas spang bar bya ba rnams kyis ldan no//bsgom pas spang bar bya ba'i ris la yang rnam pa dgu las dang po'i rnam pa spangs nas de spangs kyang de la dmigs pa'i nyon mongs pa lhag ma rnams kyis ldan par rig par bya'o/ /dngos po gang la phra rgyas du zhig rgyas par 'gyur zhes bya ba'i tshig 'di re re nas bshad na ni brjod par bya ba mang por 'gyur te/de lta bas na mdor bsdu na chos ni bcu drug tu rnam par gzhag pa dang / sems bcu drug tu rnam par bzhag nas yul can gyi nges pa rab tu bstan par bya ste/ sdug bsngal rgyu mthong goms pa yis/ /spang bya 'dod khams las skyes pa//rang gi gsum dang gzugs gtogs gcig /dri med rnam shes spyod yul lo/ /re zhig sdug bsngal dang / kun 'byung ba mthong bas spang bar bya ba dang / bsgom pas spang bar bya ba'i chos 'dod pa na spyod pa rnams kyi ni sems lnga'i dmigs pa yin te/ rang gi khams pa gsum ste/de dag nyid dang / gzugs na spyod pa ste/ bsgom pas spang bar bya ba kho na dang / zag pa med pa'i dmigs pa yin no/ /gzugs la mas las skyes rang gi dang / /'og gsum gong gcig dri med kyi'ang / /chos rnam pa gsum po de dag nyid gzugs na spyod pa na sems brgyad kyi dmigs pa yin te/rang gi sa pa gsum ste/ de dag nyid dang / khams 'og ma pa gsum ste/ de dag nyid dang / khams gong ma pa gcig ste/ bsgom pas spang bar bya ba kho na dang / zag pa med pa'i dmigs pa yin no/ /gzugs med las skyes khams gsum gtogs//gsum dang zag med spyod yul lo/ /chos rnam pa gsum po de dag nyid gzugs med pa na spyod pa ni sems bcu'i dmigs pa yin te/ khams gsum pa rnam pa gsum gsum ste/ de dag nyid dang / zag pa med pa'i dmigs pa yin no/ /'gog dang lam mthong spang bya kun//rang gis glags pa'i spyod yul lo/ /'gog pa dang / lam mthong bas spang bar bya ba'i chos rnams kyi rang gi sems ni 'gog pa dang lam mthong bas spang bar bya ba kho na yin te/ chos de dag ni des glags pa'i dmigs pa yin no/ /zag med khams gsum mtha' gsum dang //zag pa med pa'i spyod yul lo/ /chos zag pa med pa rnams ni sems bcu'i dmigs pa yin te/ khams gsum gyi rnam pa gsum ste/ 'gog pa dang / lam mthong ba dang / bsgom pas spang bar bya ba dang / zag pa med pa'i dmigs pa yin no//de ltar sems bcu drug po de dag gis dmigs pa chos bcu drug rnam par gzhag par rig nas/ gang la ji tsam du phra rgyas dag rgyas par 'gyur ba de dag mngon par rig par bya'o/ /de la yang / nyon mongs phra rgyas bcas rnams gnyis/ /nyon mongs can min rgyas 'gyur gyis//sems nyon mongs pa can ni de dang mtshungs par ldan pa dang / de la dmigs pa ma spangs pa'i phra rgyas rgyas par 'gyur ba rnams dang / de dang mtshungs par ldan pa spangs pa rgyas par mi 'gyur ba rnams kyi phra rgyas dang bcas pa yin te/ de dang lhan cig pa'i phyir ro/ / sems nyon mongs pa can ma yin pa ni de la dmigs pa ma spangs pa rgyas par 'gyur ba dag kho nas phra rgyas dang bcas pa yin no/ /phra rgyas bcu po'i 'jug pa'i rim pa bstan par bya ste/ re zhig dang po kho nar ma rig pa dang ldan pa las bden pa rnams la kun du rmongs par 'gyur te/de'i phyir/ rmongs la the tshom/ rmongs par gyur pa phyogs gnyis thos nas the tshom skye bar 'gyur ro/ /de nas ni/ log lta/ rab tu 'jug ste/ sdug bsngal med do zhes bya ba la sogs pa'o/ /de nas 'jig tshogs lta/ sdug bsngal las phung po bsal nas bdag tu mngon par zhen pa'i phyir ro//de nas mthar 'dzin/ bdag rtag pa dang chad pa'i mthar 'dzin pa'i phyir ro/ /de nas ni/ tshul khrims mchog 'dzin/ gang kho na la mthar 'dzin pa des dag par yid ches pa'i phyir ro/ /de nas lta/ mchog tu 'dzin zhes sbyar te/ gang gis dag par yid ches pa de la mchog tu 'dzin pa'i phyir ro//des ni/ rang gi lta la nga rgyal chags/ /de la chags pa'i phyir dang / des khengs par 'gyur ba'i phyir ro/ /gzhan la zhe sdang / rang gi lta ba la lhag par zhen par gyur pas de'i dgra bor gyur pa gzhan gyi lta ba la zhe sdang 'jug go//gzhan dag ni rang gi lta la blangs nas bor ba gzhan la zhe sdang bar 'dod do/ /de ltar rim/ de dag gi 'jug pa'i rim pa ni de yin no/ /nyon mongs skye na rgyu gsum gyis skye ste/ phra rgyas spangs pa ma yin dang / /yul ni nye bar gnas pa dang / /tshul bzhin ma yin yid byed/ /las rgyu dang /yul dang / sbyor ba'i stobs kyis/ nyon mongs/ skye ste gang / rgyu ni tshang ba yin/ res 'ga' ni yul gyi stobs kho nas skye ste/ dper na dgra bcom pa yongs su nyams pa'i chos can gyi lta bu'o/ /yang phra rgyas de dag nyid zag pa dang / chu bo dang / sbyor ba dang / nye bar len pa'i dbye bas gsungs so/ /de la re zhig /'dod na gti mug ma gtogs pa'i/ /nyon mongs kun nas dkris bcas zag /ma rig pa ma gtogs pa 'dod pa na spyod pa'i nyon mongs pa rnams kun nas dkris pa dang bcas pa 'dod pa'i zag pa yin no//gzugs dang gzugs ni med pa na/ /phra rgyas kho na srid pa'i zag /ma rig pa ma gtogs pa gzugs dang gzugs med pa na spyod pa'i zag pa rnams ni srid pa'i zag pa yin no/ /ci'i phyir gcig tu byas she na/ de lung ma bstan kha nang bltas/ /mnyam gzhag sa pa'i phyir gcig byas//'di dag rgyu gsum gyi phyir gcig tu byas so/ /khams gsum gyi ma rig pa ni ma rig pa'i zag pa zhes bya bar grub bo/ /zag pa de dag gi yang / rtsa ba ma rig yin pas na/ /logs shig tu ni zag par bstan/ /zag pa de dag ji skad du bshad pa ltar/chu bo sbyor ba'ang de bzhin du/ /lha rnams gsal phyir logs shig bstan/ /'dod pa'i zag pa nyid du 'dod pa'i chu bo dang / 'dod pa'i sbyor ba'o/ /de bzhin du srid pa'i zag pa ni srid pa'i chu bo dang / srid pa'i sbyor ba yin no/ /lta ba rnams ni ma gtogs te/ de dag ni chu bo dang /sbyor ba rnams las logs shig tu bzhag ste/ gsal ba'i phyir ro/ /zag par ma yin grogs ming rnams/ /'jog pa'i rjes su mi mthun lo/ /zag pa rnams kyi nges pa'i tshig ni 'jog par byed pas na zhes 'og nas 'chad na/ lta ba 'ba' zhig ni gsal ba'i phyir 'jog pa'i rjes su mthun pa ma yin pas bsres nas gzhag go//ji skad bshad nyid ma rig bcas/ /nyer len rnams te lta rnams gnyis/ /phye ba'i phyir ro/ /'dod pa'i sbyor ba nyid ma rig pa dang bcas pa ni 'dod pa'i nye bar len pa'o/ /srid pa'i sbyor ba nyid ma rig pa dang bcas pa ni bdag tu smra ba'i nye bar len pa'o//lta ba'i sbyor ba dag las tshul khrims dang brtul zhugs phyung ste/ lta ba'i nye bar len pa'o/ /tshul khrims dang brtul zhugs ni tshul khrims dang brtul zhugs kyi nye bar len pa'o/ /ci'i phyir ma rig pa bsres te nye bar len par bshad ce na/srid pa 'dzin pa'i phyir nye bar len pa dag yin na/ ma rig pa 'dzin par byed pa min phyir bsres/ ma rig pa ni mi shes pa'i mtshan nyid kyis mi gsal ba'i phyir 'dzin par byed pa ma yin te/ de'i phyir bsres so/ /yang de dag gi nang nas phra rgyas kyi don ci yin/nye bar len pa'i bar gyi don ci yin zhe na/ gang phyir de dag phra ba dang / /rjes 'brel rnam gnyis rgyas 'gyur dang / /rjes su 'brel pa de yi phyir/ /phra rgyas dag tu bshad pa yin/ /de la phra ba ni rtogs par dka' bas rgyu ba phra ba'i phyir ro/ /rjes 'brel pa ni thob pa dang rjes su 'brel pas so//rgyas par 'gyur ba ni dmigs pa dang mtshungs par ldan pa'i sgo nas so/ /rjes su 'brang ba ni sbyor ba med pa ste/ bzlog bzhin du yang yang du mngon du 'gyur ba'i phyir ro/ /de dag 'jog byed zag byed dang / /'khyer bar byed dang 'byar byed dang //nye bar 'dzin phyir zag la sogs/ /de dag gi ni nges tshig yin/ /'khor bar 'jog par byed pa dang / /srid pa'i rtse mo nas mnar med pa'i bar du skye mched drug gi rma nas 'dzag pas na zag pa dag yin no/ /'khyer bar byed pas na chu bo dag yin no/ /'byar bar byed pas na sbyor ba dag go//nye bar 'dzin par byed pas na nye bar len pa rnams so/ /de dag kun du sbyor sogs kyi/ /dbye bas yang rnam lngar bshad do/ /phra rgyas de dag nyid kun du sbyor ba dang / 'ching ba dang / phra rgyas dang / nye ba'i nyon mongs pa dang / kun nas dkris pa'i dbye ba yang rnam pa lngar phye nas bshad do//de la kun du sbyor ba ni dgu ste/ rjes su chags pa dang / khong khro ba dang / nga rgyal dang / ma rig pa dang / lta ba dang / mchog tu 'dzin pa dang / the tshom dang / phrag dog dang / ser sna'i kun du sbyor ba rnams so/ /yang ci'i phyir lta ba gsum ni logs shig tu lta ba'i kun du sbyor bar bshad la/gnyis ni logs shig tu mchog tu 'dzin pa'i kun du sbyor bar bshad ce na/ rdzas dang mchog 'dzin 'dra ba'i phyir/ /lta gnyis kun du sbyor gzhan no/ /lta ba gsum yang rdzas bco brgyad yin la/ mchog tu 'dzin pa'i lta ba gnyis kyang rdzas bco brgyad kho na yin te/de'i phyir rdzas mnyam pas 'di gnyis kun du sbyor ba gzhan du byas so/ /'di gnyis ni mchog tu 'dzin pa'i rang bzhin yin la/ lhag ma rnams ni ma yin pas mchog tu 'dzin par 'dra ba'i phyir yang 'di dag gnyis logs shig tu bshad de/gzung ba dang 'dzin pa tha dad pa'i phyir ro/ /yang ci'i phyir kun du sbyor ba dag phrag dog dang / ser sna ni logs shig tu kun du sbyor ba gnyis su bshad la/ kun nas dkris pa gzhan ni ma yin zhe na/ gang phyir gnyis ka'ang gcig tu ni/ /mi dge rang dbang de yi phyir//phrag dog ser sna de dag las/ /logs shig kun sbyor gnyis su bshad/ /gang la gcig tu mi dge ba dang / rang dbang can 'di gnyis ga yin pa de lta bu'i kun nas dkris pa gzhan ni med do/ /yang bcom ldan 'das kyis kun du sbyor ba/ tha ma'i cha dang mthun rnam lnga/ /gsungs te/ci'i phyir rnam pa lnga kho na yin zhe na/ 'di ltar/ gnyis kyis 'dod las mi 'da' la/ /gsum po yis ni phyir zlog byed/ /'dod pa la 'dun pa dang / gnod sems dag gis ni 'dod pa'i khams las mi 'da'o/ /'jig tshogs la lta ba la sogs pa dag gis ni 'das kyang phyir zlog par byed do//'dir yang gsungs pa/ sgo dang rtsa bas bsdus phyir gsum/ /kho nar gsungs so/ /sngar mthong bas spang bar bya ba spangs na yang sgo dang rtsa ba bsdus pas nyon mongs pa rnams ni rnam pa gsum du gsungs te/ rnam pa gcig pa dang / rnam pa gnyis pa dang / rnam pa bzhi pa dag go/ /de dag gi sgo ni 'di gsum gyis bsdus so/ /gzhan yang mthar 'dzin par lta ba ni 'jig tshogs la lta bas rab tu bcug la/ lta ba mchog tu 'dzin pa'i tshul khrims dang / brtul zhugs mchog tu 'dzin pas rab tu bcug /log par lta ba ni the tshom gyis rab tu bcug ste/de'i phyir rtsa ba bsdus so zhe'o/ /gzhan dag na re/ 'gro mi 'dod dang lam nor dang / /lam la the tshom de rnyed cig /thar pa bgrod la gegs byed yin/ /de yi phyir na gsum bstan to/ /'jig tshogs la lta bas ni thar pa la skrag par 'gyur bas 'gro mi 'dod par 'gyur ro//tshul khrims dang brtul zhugs mchog tu 'dzin pas ni lam gzhan la yang dag par bstan pa'i phyir lam nor bar 'gyur ro/ /the tshom gyis ni lam la som nyi za bar 'gyur te/ de'i phyir 'di gsum kho na spang bar bstan to/ /ji ltar kun du sbyor ba tha ma'i cha dang mthun pa lnga bshad pa de bzhin du yang /gong mi'i cha dang mthun lnga nyid/ /gzugs dang gzugs med las skyes pa'i/ /'dod chags gnyid rgod nga rgyal rmongs/ /'di dag ma spangs par khams gong ma las mi 'da' ba'i phyir ro/ /kun du sbyor ba bshad zin to/ /'ching ba ni gsum ste/ 'dod chags dang /zhe sdang dang / gti mug rnams so/ /'di yang / tshor ba'i dbang gis 'ching ba gsum/ /'di lta ste/ bde ba'i tshor ba la ni 'dod chags dmigs pa dang / mtshungs par ldan pa'i sgo nas rgyas par 'gyur ro/ /sdug bsngal ba las ni zhe sdang ngo / /bde ba yang ma yin/ sdug bsngal ba yang ma yin pa la gti mug ste/'dod chags dang / zhe sdang ni de lta ma yin no/ /yang na rang gi rgyud la yod pa'i dmigs pa'i sgo nas nges pa yin no/ /phra rgyas rnams ni sngar bshad pa kho nar zad do/ /nye ba'i nyon mongs pa rnams brjod par bya ste/ de la re zhig gang dag nyon mongs pa yin pa de dag ni nye ba'i nyon mongs pa yang yin te/sems nye bar nyon mongs par byed pa'i phyir ro/ /nyon mongs las gzhan nyon mongs can/ /sems byung 'du byed phung zhes pa/ /gang de 'ang nye ba'i nyon mongs te/ /de dag nyon mongs zhes mi bya/ /de dag kyang gzhi phran tshegs las 'don pa gang yin pa'o//'dir ni kun nas dkris pa dang nyon mongs pa'i dri mas bsdus pa kho na bstan par bya ste/ de la re zhig/ /ngo tsha med dang khrel med dang / /phrag dog ser sna rgod pa dang / /'gyod dang rmugs dang gnyid dang ni/ /kun nas dkris pa rnam pa brgyad//yang kha cig gis brgyad po de dang / khro dang 'chab pa'o/ /de dag gis bcu ste/ de la phrag dog ni gzhan gyi phun sum tshogs pa la sems khong nas 'khrugs pa'o/ /ser sna ni chos dang zang zing dang mkhas pa rab tu sbyin pa dang / 'gal ba can sems kyi kun du 'dzin pa'o//rgod pa ni sems rnam par ma zhi ba'o/ /gnyid ni lus yang dag par 'dzin mi nus pa sems mngon par sdud pa'o/ /de dang 'gyod pa ni nyon mongs pa can kho na kun nas dkris pa yin no/ /khro ba ni gnod sems dang rnam par 'tshe ba ma gtogs pa sems can dang sems can ma yin pa la kun nas mnar sems pa gang yin pa'o//'chab pa ni kha na ma tho ba mkhyud pa'o/ /nye ba'i nyon mongs pa kha cig sngar bshad pas 'dir rnam par ma phye'o/ /kun nas dkris pa de rnams las/ 'dod chags kyis/ ngo tsha med rgod ser sna bslang / /gsum po 'di dag ni 'dod chags kyi rgyu mthun pa yin no//'chab pa rtsod do/ /kha cig na re sred pa'i rgyu mthun pa'o zhe'o/ /gzhan na re ma rig pa'i rgyu mthun pa'o zhe'o/ /gzhan dag na re de gnyis ka yin te shes pa dang mi shes pa rnams kyi yin no zhes so/ /ma rig las/ /rmugs dang gnyid dang khrel med do/ / gsum po 'di ni ma rig pa'i rgyu mthun pa'o/ /the tshom las 'gyod khro ba dang / /phrag dog khong khro'i rgyu las byung / /khong khro ba kun nas bslang ba dag yin te/ de ltar na nye ba'i nyon mongs pa bcu po de dag ni nyon mongs pa'i rgyu mthun pa dag yin no/ /gzhan yang nyon mongs dri ma drug//sgyu dang g.yo dang rgyags pa dang / /de bzhin 'tshig dang khon 'dzin dang / /rnam 'tshe sgyu ni gzhan 'drid pa'o/ /g.yo ni sems gya gyu ba'o/ /rgyags pa ni sngar bshad zin to/ /'tshig pa ni kha na ma tho ba dang bcas pa'i dngos po la dam du 'dzin pa'o/ /khon du 'dzin pa ni kun nas mnar sems kyi dngos po la lan mang du byed pa'o//rnam par 'tshe ba ni rnam par tho 'tshams pa'o/ /nyon mongs pa'i dri ma drug po de dag las/ sgyu dang rgyags pa ni/ /'dod chags las skyes khon 'dzin dang / /rnam 'tshe khong khro las skyes so/ /'tshig pa lta ba mchog 'dzin las/ /g.yo ni lta bas kun nas bslang //rgyu mthun bshad nas ci zhig gis spang bar bya ba bshad par bya ste/ de las ngo tsha med pa dang / /khrel med rmugs gnyid rgod rnam gnyis/ /chos lnga po 'di dag ni mthong ba dang bsgom pas spang bar bya ba dag yin no/ /de las gzhan ni bsgom spang bya/ /phrag dog dang /ser sna dang / 'gyod pa dang / khro ba dang / 'chab pa ni bsgom pas spang bar bya ba dag yin no/ /rang dbang / ma rig pa tsam dang mtshungs par ldan pa'i phyir nye ba'i nyon mongs pa lnga po rang dbang can dag kyang ngo / /de bzhin dri ma rnams/ nyon mongs pa'i dri ma drug kyang de dang 'dra'o//nye ba'i nyon mongs pa ji skad bshad pa de dag ni/ 'dod na mi dge gsum rnam gnyis/ /rmugs pa dang / rgod pa dang / gnyis ni mi dge dang / lung du ma bstan pa dag yin no/ /de yan chad ni lung ma bstan/ 'dod pa'i khams yan chad na ci rigs par rnam pa gcig go//de dag las du zhig gang na yod ce na/ 'dod dang bsam gtan dang po na/ /g.yo sgyu 'di nyid ni/ 'dod pa'i khams dang bsam gtan dang po na'o/ /tshangs pa'i 'jig rten na sgyu ji ltar yod ce na tshangs pas 'drid phyir ro/ /tshangs pa chen po ni de na bdag nyid log bar kun du ston pas tshe dang ldan pa rta thul la 'drid par zhugs so//rmugs rgod rgyags pa khams gsum na/ /gsum po 'di dag ni khams gsum pa dag yin no/ /gzhan dag 'dod khams las skyes pa/ /nye ba'i nyon mongs pa bcu gcig ni 'dod pa na spyod pa kho na yin no/ /nyon mongs pa dang nye ba'i nyon mongs pa rnams bshad zin to//de dag las kyang / mthong spang bya gnyid nga rgyal bcas/ /yid kyi rnam shes sa pa yin/ /mthong bas spang bar bya ba thams cad ni yid kyi rnam par shes pa'i sa pa dag yin te/ gnyid nga rgyal bsgom pas spang bar bya ba dag dang bcas pa yang ngo //nye ba'i nyon mongs rang dbang yang / /nye ba'i nyon mongs pa rang dbang can gang dag yin pa de dag ni yid kyi sa pa kho na yin par blta bar bya'o/ /gzhan ni rnam shes drug rten can/ /nyon mongs pa dang nye ba'i nyon mongs pa gzhan dag ni rnam par shes pa drug gi sa pa dag go/ /yang de dag las bde ba la sogs pa'i dbang po dang mtshungs par ldan pa brjod par bya ste/bde ba dag dang 'dod chags su/ /mtshungs ldan/ 'dod chags ni bde ba dang yid bde ba dang mtshungs par ldan no/ /zhe sdang bzlog pa'o/ /zhe sdang ni sdug bsngal dang yid mi bde ba dang mtshungs par ldan no//ma rig pa dag thams cad dang / /dbang po lnga char dang mtshungs par ldan no/ /med lta yid bde sdug bsngal dang / /log par lta ba ni yid bde ba dang / yid mi bde ba dag dang mtshungs par ldan to/ /bsod nams dang sdig pa'i las can dag dang go rims bzhin no//yid mi bde dang the tshom mo/ /gzhan yid bde dang / lta ba bzhi dang / nga rgyal dang yid bde ba dang mtshungs par ldan no/ /'di dag /'dod las skyes par bstan nas gzhan bshad par bya ste/ btang snyoms dang kun/ nyon mongs pa rnams ni rgyun chad pa'i dus na gdon mi za bar btang snyoms kun du gnas pa'i phyir ro//yang sa gong ma rnams ji lta bu zhe na/ smras pa/ sa gong ma/ sa ji bzhin du rang rang dang / sa gong ma'i phra rgyas rnams ni sa gang na dbang po ji snyed pa rang rang gi dbang po dang ldan no/ /'gyod dang phrag dog khro ba dang / /rnam 'tshe khon du 'dzin pa dang //'tshig pa yid mi bde ba dang / /mtshungs par ldan pa zhes bya bar sbyar te/ skyo ba'i rnam par 'jug pa'i phyir dang / yid kyi sa pa yin pa'i phyir ro/ /ser sna dag ni bzlog pa yin/ /yid bde ba dang mtshungs par ldan pa zhes bya ba'i don to/ /g.yo dang sgyu dang 'chab dang gnyid/ gnyis ka dang ldan/ yid bde ba dang / yid mi bde ba dag dang mtshungs par ldan pa rnams so/ /bde ba dag dang / rgyags pa/ bsam gtan gsum pa na ni bde ba dang mtshungs par ldan no/ /man chad na ni yid bde ba dang mtshungs par ldan no/ /yan chad na ni btang snyoms dang mtshungs par ldan te/ 'di ltar btang snyoms kun du 'gro/ /thams cad btang snyoms dang mtshungs par ldan te/ de ni ma rig pa bzhin du gang la yang dgag pa med do/ /bzhi po gzhan ni lnga dag dang / ngo tsha med pa dang / khrel med pa dang / rmugs pa dang / rgod pa dang / kun nas dkris pa bzhi po 'di dag ni dbang po lnga char dang mtshungs par ldan no//mdo las/ 'dod pa la 'dun pa dang / gnod sems dang / rmugs pa dang / gnyid dang / rgod pa dang / 'gyod pa dang / the tshom dang / sgrib pa lnga po gsungs pa gang dag yin pa de la rmugs pa dang / rgod pa dang /the tshom khams gsum pa yin yang gcig tu mi dge ba yin pa'i phyir ro/ /'dod na sgrib rnams/ 'dod pa'i kho nar sgrib pa'i ming 'thob bo/ /de la yang / mi mthun dang / zad dang bya ba gcig pa'i phyir/ /gnyis gcig rmugs gnyid dag dang / rgod pa dang 'gyod pa dag gcig yin te/mi mthun pa dang / zas dang / bya ba gcig yin pa'i phyir ro/ /gnyid dang rmugs pa dag gi mi mthun pa gcig ste/ snang ba'i 'du shes so/ /zas gcig pa ni chos lnga ste/ rmya ba dang / mi dga' ba dang / bya rmyang dang / kha zas kyi drod mi zin pa dang / sems zhum pa nyid do/ /'di dag gi bya ba yang gcig ste/ 'di gnyis kas kyang sems zhum par byed do/ /rgod pa dang 'gyod pa dag gi yang mi mthun pa gcig ste/ zhi gnas so/ /zas gcig pa ni chos bzhi ste/ nye du'i rnam par rtog pa dang / yul gyi rnam par rtog pa dang / mi 'chi ba'i rnam par rtog pa dang /sngon rgod pa dang rtses pa dang / /dga' ba dang / dga' mgur yongs su spyod pa rnams rjes su dran pa yin no/ /'di gnyis kyi bya ba yang gcig ste/ 'di gnyis kas kyang sems rnam par ma zhi bar byed do/ /gang gi tshe nyon mongs pa thams cad kyang sgrib pa yin na/ci'i phyir lnga kho nar bshad ce na/ phung po gnod byed dang / the tshom phyir na lnga nyid do/ /'dod pa la 'dun pa dang / gnod sems dag gis ni tshul khrims kyi phung po la dang / rmugs pa dang / gnyid dag gis ni shes rab kyi phung po la dang / rgod pa dang 'gyod pas ni ting nge 'dzin gyi phung po la gnod par byed pa'o//ting nge 'dzin dang shes rab dag med na bden pa dag la the tshom za bar 'gyur te/ de'i phyir sngar bshad zin to/ /'di dpyad par bya ste/ skal ba mi mnyam pa'i khams kun du 'gro ba rnams dang / 'gog pa dang lam mthong bas spang bar bya ba zag pa dang bcas pa la dmigs pa rnams gang gi tshe dmigs pa yongs su shes pa de'i tshe spong bar mi 'gyur la/gang gi tshe spong bar 'gyur ba de'i tshe ni dmigs pa yongs su mi shes na ji ltar de dag spong zhe na/ nyon mongs pa rnams ni dmigs pa yongs su shes pas zad par nges pa ma yin no//'on kyang / dmigs pa yongs su shes pa dang / /de la dmigs pa yang dag par/ /zad dang dmigs pa spangs pas so/ /de la dmigs pa yongs su shes pas ni sdug bsngal dang kun 'byung mthong bas spang bar bya ba rang gi sa la dmigs pa rnams dang / zag pa med pa la dmigs pa'o//de la dmigs pa rnams yang dag par zad pas ni skal ba mi mnyam pa'i khams kun du 'gro ba rnams so/ /de la dmigs pa ni skal ba mnyam pa'i khams kun du 'gro ba dag yin pas de spang na de dag kyang spangs pa yin no/ /dmigs pa spangs pas ni 'gog pa dang lam ma thob bas spang bar bya ba zag pa dang bcas pa la dmigs pa rnams zad par 'gyur ro//zag pa med pa la dmigs pa de dag ni de dag gis dmigs pa yin pas de dag spangs na de dag kyang spangs par 'gyur ro/ /de ltar re zhig mthong bas spang bar bya ba rnams yin no/ /bsgom pas spang bar bya ba rnams ni/gnyen po skyes pas zad par 'gyur/ /nyon mongs pa'i rnam pa gang gi gnyen po lam gang yin pa de skyes pas spong bar byed do/ /de yang ni chen po'i chen po'i ni chung ngu'i chung ngus zhes bya ba la sogs pas 'chad par 'gyur ro/ /gnyen po yang rnam pa du zhig ce na/ smras pa/ gnyen po rnam la zhi spong ba dang //gzhi dang srid nyid rnam par ni/ /sun 'byin zhes bya/ /spong ba'i gnyen po bar chad med pa'i lam mo/ /gzhi'i gnyen po ni de yan chad kyi gnyen po gang yin pa'o/ /thag bsring ba'i ngo bo'i gnyen po ni rnam par grol ba'i lam man chad kyi gnyen po gang yin pa'o/ / sun 'byin pa'i gnyen po ni lam gang gis khams de la skyon du mthong nas rnam par sun 'byin par byed pa'o/ /nyon mongs pa spong ba na gang las spang bar bya zhe na/ dmigs pa las/ nyon mongs pa ni spang byar 'dod/ /mtshungs par ldan pa las nyon mongs pa rnam par dbye bar mi nus la/ dmigs pa las ni nus so//thag bsring ba'i ngo bo zhes bya bar sngar bshad pa de bstan par bya ste/ mtshan nyid dang ni mi mthun phyogs/ /yul rnams chad dang dus kyis te/ /'byung dang tshul khrims phyogs dang ni/ /dus gnyis ring ba nyid lta bu'o/ /mtshan nyid kyis ring ba ni dper na 'byung ba chen po rnams lhan cig skyes pa yin yang mtshan nyid mi mthun pas ring ba lta bu'o//gnyen pos ring ba ni dper na 'chal ba'i tshul khrims las tshul khrims lta bu'o/ /yul gyis ring ba ni bskal pa'i yul rnams yul rnam par chad pas so/ /dus kyis ring ba ni dper na 'das pa dang ma 'ongs pa lta bu'o/ /ci lam khyad par du 'gro ba'i phyir nyon mongs pa rnams kyi spangs pa yang dang yang du khyad par du 'gyur ram zhe na/de ni med de/ nyon mongs pa thams cad ni/ lan cig tu zad/ gang gis spong ba'i lam gang yin pa de kho nas zad pa yin no/ /de dag gi /bral ba'i thob pa yang dang yang dus du zhig tu zhe na/ smras pa/ drug tu ste/ gnyen po skye dang 'bras thob dang / /dbang po rnam par 'phel rnams su/ /gnyen po ni rnam par grol ba'i lam mo/ /'bras bu dag ni dge sbyong gi 'bras bu dag go/ /dbang po rnam par 'phel ba ni dbang po 'pho ba'o/ /dus de dag tu nyon mongs pa bral ba thob bo/ /bral ba de yang ni gnas skabs de dang de dag tu yongs su shes pa zhes bya ba'i ming 'thob bo//de dag kyang / yongs su shes dgu/ de la re zhig 'dod pa na/ dang po rnam gnyis zad la gcig/ /'dod pa'i khams na dang po'i rnam pa gnyis sdug bsngal dang kun 'byung mthong bas spang bar bya ba spangs pa ni yongs su shes par bya ba gcig go//gnyis zad pa ni de gnyis so/ /'dod pa'i khams kho na na 'gog pa dang lam mthong bas spang bar bya ba'i rnam pa spangs pa ni yongs su shes pa gnyis so/ /ji ltar 'dod pa na spyod pa ji lta ba bzhin du/ de bzhin gong ma de gsum nyid/ /de ltar na khams gsum pa'i mthong bas spang bar bya ba spangs pa ni yongs su shes pa drug yin no//yongs su shes pa gzhan gsum ste/ /tha ma'i cha dang mthun gzugs dang / /zag pa kun zad/ 'dod pa'i zag pa spong ba'i yongs su shes pa dang / gzugs kyi zag pa spong ba'i yongs su shes pa dang / zag pa thams cad spong ba'i yongs su shes pa 'di dag bsgom pas spang bar bya ba spangs pa'i yongs su shes pa gsum ste/ sngar gyi drug dang dgur 'gyur ro/ /de dag las kyang / drug bzod 'bras/ snga ma dag go/ /lhag ma dag ni shes pa yin/ /phyi ma gsum mo//mi lcogs med 'bras thams cad do/ /bsam gtan rnams kyi lnga 'am brgyad/ /bye brag tu smra ba'i lugs kyis ni bsam gtan gyi 'bras bu yongs su shes pa lnga ste/ gzugs dang gzugs med pa na spyod pa'i nyon mongs pa spangs pa'i rang bzhin no/ /btsun pa dbyangs sgrogs kyi lugs kyis brgyad de/de ni 'dod chags dang bral bas 'dod pa na spyod pa'i mthong bas spang bar bya ba rnams spangs pa yang bral ba'i thob pa zag pa med pa rnyed pa'i phyir/ mthong ba'i lam gyi 'bras bur 'dod do/ /tha ma'i cha dang mthun pa spangs pa'i yongs su shes pa ni mi lcogs pa med pa'i 'bras bu kho na yin no//bsam gtan khyad par can yang bsam gtan bzhin du blta bar bya'o/ /gzugs med pa rnams kyi ni/ nye bar bsdogs pa'i gcig yin te/ /gzugs kyi 'dod chags zad pa'i yongs su shes pa'o/ /gzugs med dngos gzhi gsum gyi yang / /gcig kho na ste/ kun du sbyor ba thams cad yongs su gtugs pa'i yongs su shes pa'ang 'bras bu'o/ /thams cad 'phags pa'i lam gyi yin/ /'jig rten pa'i/ 'bras bu ni tha ma'i cha dang mthun pa dang / gzugs kyi 'dod chags zad pa'i yongs su shes pa dag go/ /gnyis rjes kyi 'ang / rjes su shes pa'i 'bras bu yang yongs su shes pa gnyis te/tha ma dag go/ /chos shes pa'i ni gsum yin no/ /tha ma dag kho na'o/ /de'i phyogs mthun gyi drug dang lnga/ chos shes pa'i phyogs dang mthun pa'i 'bras bu ni yongs su shes pa drug ste/ chos kyi bzod pa dang shes pa rnams kyi 'bras bu gang dag yin pa kho na'o//rjes su shes pa'i phyogs dang mthun pa ni lnga ste/ rjes kyi bzod pa dang shes pa rnams kyi 'bras bu gang dag yin pa kho na'o/ /ci'i phyir spangs pa re re yongs su shes par rnam par mi gzhag ce na/ 'di ltar re zhig bzod pa'i 'bras bu bral ba ni/ bral ba'i thob pa zag med dang //srid rtse nyams par byed pa dang / /rgyu gnyis kun du bcom pa'i phyir/ /yongs shes/ su rnam par gzhag go/ /re zhig so so'i skye bo la ni bral ba'i thob pa zag pa med pa dang / srid pa'i rtse mo nyams par byed pa med do/ /'phags pa la yang / ji srid du sdug bsngal la rjes su shes pa'i bzod pa la gnas pa de srid du bral ba'i thob pa zag pa med pa yod la/srid pa'i rtse mo nyams par byas pa med do/ /sdug bsngal la rjes su shes pa la gnyis ka yod do/ /rgyu gnyis kun du bcom pa ni ma yin te/ chos dang rjes su shes pa gzhan la gsum po thams cad yod pas de'i phyir gnas skabs de dang de dag tu spangs pa'i yongs su shes pa'i ming 'thob po//shes pa'i 'bras bu ni spangs pa ste/ rgyu gsum po de dang bzhi pa/ khams las 'das pa las/ gang gi tshe khams las yang dag par 'das pa de'i tshe yongs su shes pa'i ming 'thob po/ /gang zhig yongs su shes pa du ma dang ldan zhe na/gcig min mthong la gnas pa ni/ /lnga yi bar dang yang dag ldan/ /re zhig so so'i skye bo ni mi ldan pa kho na'o/ /'phags pa yang kun 'byung la chos shes pa'i bzod pa la gnas pa'i bar ro/ /kun 'byung la chos shes pa ni gcig dang ldan no//kun 'byung la rjes su shes pa ni gnyis dang ldan no/ /'gog pa la chos shes pa ni gsum dang ldan no/ /'gog pa la rjes su shes pa ni bzhi dang ldan no/ /lam la chos shes pa ni lnga dang ldan no/ /bsgom la gnas pa drug gam ni/ /gcig gam yang na gnyis dang ngo / /drug gis ni ji srid du 'dod pa las 'dod chags dang bral ba ma thob pa'am/de las yongs su nyams pa'o/ /sngon nam phyis 'dod pa la 'dod chags dang bral ba thob pa ni gcig gis so/ /dgra bcom pa nyid thob na yang gcig kho na dang ngo / /gzugs na spyod pa'i kun nas dkris pas yongs su nyams na de yang gcig go/ /gzugs kyi 'dod chags dang bral ba thob pa na gnyis dang ngo //gzugs med pa na spyod ba'i kun nas dkris pas yongs su nyams pa yang gnyis kho na dang ngo / /yang ci'i phyir phyir mi 'ong ba dang dgra bcom pa dag gi yongs su shes pa gcig kho nar rnam par gzhag ce na/ 'di ltar/ khams las 'dod chags bral ba dang / / 'bras bu thob phyir de dag bsdoms/ /yongs su shes pa rnams sdom zhing gcig tu rnam par 'jog pa ni rgyu gnyis kyis yin la/ phyir mi 'ong ba dang dgra bcom pa dag la 'di gnyis ka yod pas de'i phyir yongs su shes pa ni gcig ces bya'o/ /yang gang zhig gis yongs su shes pa du zhig gis gtong ngam 'thob ce na/la la gcig gnyis lnga dang drug /gtong ste 'thob pa lnga yin no/ /dgra bcom pa nyid dam 'dod pa las 'dod chags dang bral ba las yongs su nyams pas ni gcig gtong ngo / /phyir mi 'ong ba'i gzugs kyi 'dod chags dang bral ba zhig 'dod pa las 'dod chags dang bral ba las yongs su nyams na yongs su shes pa gnyis gtong ngo //'dod chags dang bral ba sngon du 'gro ba lam la rjes su shes pa ni lnga gtong ngo / /mthar gyis pa 'dod pa las 'dod chags dang bral bar byed pas ni yongs su shes pa drug gtong ngo / /de bzhin du thob pa yang la la ni yongs su shes pa kho na gcig thob ste/gang la la zhig gis sngon med pa thob pa'o/ /la la ni gnyis te/ gang zhig gzugs med pa'i khams las 'dod chags dang bral ba 'ba' zhig las yongs su nyams pa'o/ /kha cig gis ni drug ste/ gang zhig phyir mi 'ong ba'i 'bras bu las yongs su nyams pa'o/ /lnga thob pa ni 'ga' yang med pa nyid do//phra rgyas bstan pa zhes bya ba mdzod kyi gnas lnga pa'o// //ji skad du spangs pa ni yongs su shes pa'i ming 'thob po zhes bshad pa de yang / dben pa mthong ba bsgoms pa las/ /nyon mongs spangs pa zhes bshad pa/ /de la yang / bsgom pa'i lam ni rnam gnyis te/ / mthong ba zhes bya zag pa med/ /bsgom pa'i lam ni 'jig rten dang 'jig rten las 'das pa'o/ /mthong ba'i lam ni 'jig rten las 'das pa kho na'o/ /bden pa mthong ba las zhes brjod de/ de dag kyang / bden pa dag ni bzhir bshad do/ /gang du bshad ce na/ chos zag pa dang bcas pa dang / / zag pa med pa bstan par ro/ /der gang bshad pa'i rim pa ci de kho na yin na ma zhe na/ ma yin te 'on kyang / sdug bsngal kun 'byung de bzhin du/ /'gog dang lam ste de ltar na/ /de dag gi rim pa ni 'di yin te/ rang gi ngo bo ni sngar ji skad bshad pa kho na bzhin no/ /'di yang / de dag ji ltar mngon rtogs kyis//bden pa gang zhig sngar mngon par rtogs pa de sngar bstan to/ /gang gi tshe tshor ba'i phyogs gcig sdug bsngal gyi rang bzhin yin pa de'i tshe ji ltar na 'du byed zag pa dang bcas pa thams cad sdug bsngal zhes brjod ce na/ yid 'ong yid du mi 'ong dang / /de las gzhan zag bcas rnams nyid//sdug bsngal nyid gsum ldan pa'i phyir/ /ci rigs ma lus sdug bsngal lo/ /de la yid du 'ong ba dag ni 'gyur ba'i sdug bsngal gyis sdug bsngal lo/ /yid du mi 'ong ba dag ni sdug bsngal gyi sdug bsngal gyis so/ /de dag las gzhan rnams ni 'du byed kyi sdug bsngal gyis sdug bsngal lo/ / bcom ldan 'das kyis bden pa bzhir gsungs pa las/ bden pa gnyis kyang ste/ kun rdzob dang / don dam pa'i bden pa ste/ de dag gi mtshan nyid ci zhe na/ gang la bcom dang blo yis gzhan/ /bsal na de blo mi 'jug pa/ /bum chu bzhin du kun rdzob tu/ /yod de don dam yod gzhan no/ / gang la cha shas su bcom na de'i blo mi 'jug pa de ni kun rdzob tu yod pa ste/ dper na bum pa lta bu'o/ /gang la blos chos gzhan bsal na de'i blo mi 'jug pa de yang kun rdzob tu yod de/ dper na chu lta bu'o/ /de las gzhan ni don dam par yod de/ gang la bcom pa'am blos chos gzhan bsal yang de'i blo 'jug pa nyid ni dper na gzugs lta bu'o//de la ni rdul phra rab tu bcom yang rung / blos ro la sogs pa'i chos bsal yang rung / gzugs kyi rang bzhin gyi blo 'jug pa nyid do/ /bden pa dag bshad nas ji ltar na de dag mthong bar 'gyur ba dang po 'jug pa las brtsams te brjod par bya'o/ /tshul gnas thos dang bsam ldan pas//bsgom pa la ni rab tu sbyor/ /bden pa rnams ma thong bar 'dod pas dang po kho nar tshul khrims srung bar byed do/ /de'i 'og tu bden pa mthong ba dang mthun pa'i chos thos pa 'dzin pa'am don nyan par byed do/ /thos pas phyin ci ma log par sems par byed do/ /bsams nas ting nge 'dzin bsgom pa la rab tu sbyor bar byed do//de dag kyang / thes sogs las byung blo rnams ni/ /ming dang gnyis ka don yul can/ /thos pa las byung pa'i shes rab ni ming la dmigs pa yin la/ bsams pa las byung ba ni ming dang don la dmigs pa yin te/ res 'ga' ni yi ges don 'dren par byed do//res 'ga' ni don gyis yi ge 'dren par byed do/ /bsgoms pa las byung ba'i shes rab ni don la dmigs pa kho na yin te/ de ni yi ge la mi ltos par don la 'jug go/ /de ltar bsgom pa la rab tu brtson pa de ji ltar na bsgom pa rdzogs par 'gyur zhe na/ bsrings gnyis ldan/gal te 'du 'dzi dang mi dge ba'i rnam par rtog pa thag bsrings pa'i phyir lus dang / sems dag gis bsrings pa yin na rdzogs par 'gyur ro/ /'o na bsrings pa de nyid su la sla zhe na/ 'dod pa chung ba dang / chog shes pa la sla'i/ chog mi shes pa dang / 'dod chen can la ma yin no/ / chog mi shes pa ni gang zhig yin/ /'dod chen can ni gang zhig yin zhe na/ rnyed pa la sred chog mi shes/ /ma rnyed la 'dod 'dod chen can/ /chos gos la sogs pa rnyed pa la yang dang yang du 'dod pa ni chog mi shes pa yin la/ ma rnyed pa dag la de 'dod pa ni 'dod chen can yin no/ /bzlog pa de yi gnyen po dag /chog shes pa dang 'dod pa chung ba dag go/ /de gnyis khams gsum gtogs dri med/ /de'i gnyen po zhes bya bar sbyar te/ chog mi shes pa dang / 'dod chen can ni 'dod pa na spyod pa kho na 'dod chen chung ba dang / chog shes pa 'di gnyis kyi rang bzhin ci zhe na/ ma chags pa zhes bya ba smos te/'di dag ni ma chags pa'i rang bzhin dag yin no/ /'phags rigs/ ma chags pa zhes bya bar sbyar te/ 'di dag las 'phags pa rnams skye bas na 'phags pa'i rigs bzhi'o/ /de dag las/ gsum ni chog shes bdag nyid do/ /dang po gsum po chos gos dang / /bsod snyoms dang /mal stan gyis chog shes pa'o/ /'phags pa'i rigs bzhi pa ni spong ba dang bsgom pa dag la dga' ba nyid yin no/ /bcom ldan 'das kyis 'phags pa'i rigs bzhis ci zhig bstan zhe na/ gsum gyis tshul bstan tha ma las/ /rang gi tshul dang las kyi mtha' yongs su spangs pa dag la gnyis bcas te/gsum gyis ni tshul dang / bzhi pas ni las so/ /bcas pa de yang / sred pa skye ba'i gnyen po'i phyir/ /sred pa skye ba bzhi ste/ chos gos la sogs pa gsum dang / sred pa med pa la bzhi pa'o/ /de dag gi gnyen por 'phags pa'i rigs bzhi bstan te/ bdag gir bdag 'dzin dngos 'dod pa//de yi dus dang gtan bzhi'i phyir/ /bdag gir 'dzin pa'i dngos po ni chos gos la sogs pa'o/ /bdag tu 'dzin pa'i dngos po ni lus so/ /de dag la 'dod pa ni sred pa'o/ /de la bdag gir 'dzin pa'i dngos po la 'dod pa de'i dus su zhi bar byed pa gsum mo/ /gnyis ka la 'dod pa gtan du zhi bar byed ba ni bzhi pa'o//de ltar snod du gyur pa de ji ltar na bsgom pa de la 'jug pa yin zhe na/ de la 'jug pa mi sdug dang / /dbugs rngub 'byung ba dran pa yin/ /'dod chags rnam rtog lhag rnams so/ /gang zhig 'dod chags nye ba dang shin tu spyad pa de ni mi sdug pas 'jug go/ /gang zhig rnam par rtog pa spyad pa de ni dbugs rngub pa dang 'byung ba dran pas 'jug go//de la 'dod chags ni rnam pa bzhi ste/ kha dog gi 'dod chags dang / dbyibs kyi 'dod chags dang / reg pa'i 'dod chags dang / bsnyen bkur gyi 'dod chags so/ /de dag la bye brag med par shis pa ni/ keng rus chags bcas thams cad la//rus pa'i keng rus la ni chags pa'i bzhi rnam pa bzhi po 'di dag thams cad med do/ /de yang mi sdug pa bsgom pa'i rnal 'byor spyod pa de ni rnam pa gsum du brjod de/ las dang po pa dang / yongs su sbyang ba byas pa dang / yid la byed pa rdzogs pa'o/ /de la/ rus pa rgya mtsho'i bar du ni/ / spro zhing sdud pas las dang po/ /mi sdug pa bsgom par 'dod pas ni rang gi yan lag la sems gtod de/ de der sha myags shing zags par mos pa na rim gyis rus pa rnam par sbyong bar byed pas thams cad rus pa'i keng rus su lta zhing de bzhin du yang gnyis pa la mos pa byed pa nas/ gtsug lag khang dang / kun dga' ra ba dang /grong dang / zhing gi bar nas rim gyis rgya mtsho'i mtha' klas pa'i bar gyi sa gzhi rus pa'i keng rus kyis gang bar mos par byed do/ /yang mos pa 'phel bar bya ba'i don du yang sdud na sems bsdu ba'i phyir keng rus gcig bu kho na la mos pa'i bar du sdud de/ 'di tsam gyis na las dang po pa'i rnal 'byor spyod pa yongs su rdzogs pa yin no//keng rus nas ni thod phyed bar/ /btang bas sbyang ba byas par bshad/ /de yang sems bsdus pa khyad par du byed pa'i phyir rus pa'i keng rus de las rkang pa'i rus pa rnams bor nas lhag ma yid la byed cing / de bzhin du rim gyis thod pa'i phyed kyi bar por nas yid la byed pa 'di ni yongs su sbyang ba byas pa yin no//smin ma'i bar du sems 'dzin pas/ /yid la byed pa rdzogs pa yin/ /de thod pa'i phyed kyang bar nas smin ma gnyis kyi bar du sems 'dzin pa 'di ni yid la byed pa rdzogs pa'o/ /yang mi sdug pa 'di'i rang bzhin ci zhig yin/ sa ni du pa zhig yin/ dmigs pa ni ci zhig yin/ gang du ni skyed par byed ce na/ go rims bzhin du/ mi sdug ma chags sa bcu dang / /dmigs pa 'dod snang mi skyed do/ /mi sdug pa 'di'i rang bzhin ni ma chags pa'o/ /sa ni bcu pa ste/ bsam gtan bzhi yi nyer bsdogs dang / /bsam gtan khyad par can dang bcas pa dang /'dod pa'i khams na yod do/ /dmigs pa ni 'dod pa na spyod pa'i kha dog dang dbyibs so/ /mi kho na las skye ba'i gzhan du ni ma yin no/ /mi sdug pa'i rnam pa zhes bya ba ni ming kho nas grub po/ /mi sdug pa'i mtshan nyid rab tu dbye ba dang bcas pa bshad zin to/ /dbugs rngub dbugs 'byung dran pa ni//shes rabs lnga spyod yul rlung / /'dod rten dbugs rngub pa ni dbugs rngub pa ste rlung 'jug pa gang yin pa'o/ /dbugs 'byung ba ni dbugs 'byung ba gang yin pa'o/ /de gnyis dran pa ni dbugs rngub pa dang 'byung ba dran pa ste/ de ni shes rab kyi rang bzhin yin no/ /dran ba zhes smos pa ni de'i stobs bskyed pas 'jug pa'i phyir ro//sa lnga ni nyer bsdogs pa gsum dang / bsam gtan khyad par can dang / /'dod pa'i khams na yod de/ btang snyoms dang / mtshungs par ldan pa'i phyir ro/ /de'i dmigs pa ni rlung yin no/ /'dod pa'i khams kyi rten can yin te/ lta dang mi dag gi nang du bskyed do//chos 'di pa rnams kho na'i yin gyi byi ba'i ma yin no/ /lud med pa'i phyir dang / bdag nyid kyis chos thab mo mngon par mi rtogs pa'i phyir ro/ /de yang / bgrang la sogs pa rnam pa drug /dbugs rngub dbugs 'byung dran pa 'di/ /bgrang dang rjes 'gro 'jog pa dang / /rtog pa dang ni sgyur ba dang / /yongs dag rnam pa drug tu 'dod//de la bgrang ba ni dbugs rngub pa dang / dbugs 'byung ba gang la sems gtang nas mngon par 'du bya ba med par lus dang sems tsam gyis gcig dang gnyis dang gnyis nas bcu'i bar du bgrang bar byed pa'o/ /sems mngon par sdud pa dang rnam par g.yeng bar dogs pas ha cang mang ba dang / nyung ngur ni ma yin no/ /bar skabs su sems rnam par g.yengs na yang mgo nas ji srid du ting nge 'dzin ma thob kyi bar du bgrang par bya'o/ /rjes su 'gro ba ni 'di dag thag ji srid cig tu 'byung ngam 'jug ces dbugs 'byung ba'i 'gros kyi rjes su 'gro ba'o/ /'jig pa ni nor bu'i thag pa bzhin du sna'i rtse mo nas rkang pa'i mtho bong gi bar du gnas par lta zhing /ci 'di dag phan 'dogs par byed pa zhig gam gnod par byed pa zhig ces rtog pa'o/ /nye bar rtogs pa ni 'di dag rlung 'ba' zhig ma yin gyi 'byung ba chen po dag dang 'byung ba dag las mngon par grub pa rgyur byas pa'i gzugs dang / de dag la brten pa'i sems dang sems las byung ba rnams kyang yod do zhes phung po lnga la nye bar rtog par byed pa'o//sgyur ba ni phyi rol du dmigs pa'i blo bsgyur te/ chos kyi mchog gi bar du gong nas gong du dge ba'i rtsa ba rnams la yang dag par spyad par bya'o/ /yongs su dag pa ni mthong ba'i lam la sogs par 'jug pa'o/ /de la yang / dbugs rngub dbugs 'byung gang las lus//lus gang gi sa pa yin pa de'i sa pa dag yin par rig par bya'o/ /sems can zhes bya ma zin pa'o/ /dbang po dang tha dad pa'i phyir ro/ /rgyu mthun las byung / lus rgyas pas 'grib par 'gyur ba'i phyir dang / chad nas yang nying mtshams sbyor ba'i phyir rgyas pa las byung ba dang / rnam par smin pa las skyes pa ni ma yin no//'og ma yi/ yid kyis de gnyis mi rtogs so/ /de gnyis ni rang gi sa pa dang sa gong ma'i sems kyis rtogs kyi/ 'og ma spyod lam pa dang / sprul pa'i sems kyis mi rtogs so/ /'jug pa'i sgo gnyis bshad zin to/ /de gnyis kyis ting nge 'dzin thob nas/ lhag mthong bsgrub par bya ba'i phyir//zhi gnas grub par gyur pa yis/ /dran pa nyer gzhag bsgom par bya/ /ji ltar bya zhe na/ lus tshor sems dang chos rnams la/ /mtshan nyid gnyis su yongs brtags pas/ /lus dang / tshor ba dang / sems dang / chos rnams la rang dang spyi'i mtshan nyid/ dag tu yongs su brtags pa ste//de dag gi rang gi mtshan nyid ni rang gi ngo bo'o/ /spyi'i mtshan nyid ni 'dus byas rnams ni mi rtag pa nyid dang / zag pa dang bcas pa rnams sdug bsngal nyid dang / chos thams cad stong pa dang bdag med pa nyid dag go/ /lus kyi ngo bo ni 'byung ba dang 'byung ba las gyur pa nyid do/ /gsum las gzhan bdag ni chos so//yang dran pa nye bar gzhag pa rnams kyi rang bzhin ni ci zhe na/ dran pa nye bar gzhag pa ni rnam pa gsum ste/ rang bzhin dang / 'brel pa dang / dmigs pa'i dran pa nye bar gzhag pa'o/ /shes rab thos sogs las byung ba'o/ /gzhan ni 'brel dang dmigs pa las//rang bzhin gyi dran pa nye bar gzhag pa ni shes rab ste/ gzhan de dang lhan cig 'byung ba'i chos rnams 'brel pa'i dran pa nye bar gzhag pa'o/ /de dag gi dmigs pa ni dmigs pa'i dran pa nye bar gzhag pa'o/ /rim ni ji ltar skye ba bzhin/ /ci'i phyir de ltar skye zhe na/ sngar rags pa mthong ba'i phyir ro/ /phyin ci log gi gnyen por bzhi//gtsang ba dang bde ba dang / rtag pa dang / bdag tu phyin ci log pa rnam pa bzhi'i gnyen por dran pa nye bar gzhag pa bzhi go rims bzhin du bstan to/ /de ltar lus la sogs pa la dran pa nye bar gzhag pa rnams goms par byas nas/ de ni chos dran nyer gzhag pa/ /spyi la dmigs pa la gnas te//de dag la ni mi rtag dang / /sdug bsngal stong bdag med par lta'o/ /dran pa nye bar gzhag pa 'dres pa la dmigs pa la gnas te/ lus la sogs pa de dag thams cad spyir bsdus te rnam pa bzhir lta'o/ /de las dro bar gyur pa 'byung / /dran pa nye bar gzhag pa de ltar goms pa las rim gyis dge ba'i rtsa ba dro bar gyur pa zhes bya ba skye'o//de ni bden bzhi'i spyod yul can/ /dro bar gyur pa de ni rgyun chags pa yin pa'i phyir bden pa bzhi la dmigs pa yin no/ /rnam pa bcu drug sdug bsngal la sogs pa re re la yang rnam pa bzhi bzhi dang ldan pa'i phyir ro/ /dro ba las/ rtse mo/ /dro ba chung ngu dang 'bring dang chen po'i rim gyis mngon par 'phel ba la rtse mo dag skye ste/de yang de dang 'dra/ ji ltar dro bar gyur pa rnams bden pa bzhi la dmigs pa dang / rnam pa bcu drug yin pa bzhin te/ chos mchog tu gyur pa'i phyir na ming gzhan du btags so/ /gnyis ka chos kyis rnam pa gtod/ /dro bar gyur pa dang /rtse mo dang / 'di gnyis ka chos dran pa nye bar gzhag pas nye bar gtod par byed ba ni/ dang po nyid du bden pa rnams la rnam pa dag 'god pa'o/ /gzhan dag gis kyang 'phel bar byed do/ /dran pa nye bar gzhag pa bzhi char gyis kyang de dag 'phel bar byed do/ /rnam par 'phel bar byed pa na sngon thob pa rnams mngon sum du mi byed de/dga' ba chen po med pa'i phyir ro/ /chung ngu dang 'bring dang / chen po'i rim gyis 'phel ba dag las/ de las bzod pa yang skye ste/ yongs su mi nyams pa'i sgo nas bden pa la cher bzod pa'i phyir ro/ /de yang rnam pa gsum ste/ chung ngu dang / 'bring dang / chen po'o/ /de la rnam pa gnyis de bzhin/ /rtse mo rnams ji skad bshad pa ltar bzod pa chung ngu dang / 'bring dag kyang de dang 'dra ste/ de kho na bzhin du rnam pa gtod pa'i phyir ro/ /rnam par 'phel ba la ni khang par 'di yod do/ /bzod pa ni/ thams cad chos kyis 'phel bar byed/ / chos dran pa nye bar gzhag pa kho nas 'phel bar byed kyi/ gzhan gyi sa ni ma yin no/ /chen po 'dod gtogs sdug bsngal yul/ /de ni chos kyi mchog dang nye ba'i phyir 'dod pa na spyod pa'i sdug bsngal la dmigs pa kho na'o/ /de nyid kyi phyir dro bar gyur pa la sogs pa'i nges pa ma smos pa'i phyir khams gsum pa'i sdug bsngal la sogs pa la dmigs pa nyid du grub po//gang gi tshe gzugs dang / gzugs med pa'i gnyen po la sogs pa bden pa'i rnam pa dmigs pa re re nas phri nas 'dod pa na spyod pa'i sdug bsngal kho na la skad cig ma gnyis su yid la byed pa'i bar de thams cad ni bzod pa 'bring yin la/gang gi tshe skad cig ma gcig kho na gang yin pa de'i tshe ni chen po yin no/ /de ni skad cig gcig /de ni skad cig ma gcig yin gyi rgyun chags pa ni ma yin no/ /de bzhin chos mchog /de dag kyang bzod pa chen po'i ji lta ba bzhin du 'dod pa na spyod pa'i sdug bsngal la dmigs pa dang /skad cig ma gcig pa dag yin no/ /dro bar gyur pa la sogs pa de dag ni dran pa nye bar gzhag pa'i rang bzhin yin pa'i phyir shes rab kyi bdag nyid ces bya'o/ /thams cad phung po lnga/ 'khor dang bcas pa smos pa'i phyir ro/ /thob pa ma gtogs/ thob pa rnams ni dro bar gyur pa la sogs pas ma bsdus te/ 'phags pa la de mngon du gyur pas dro bar gyur pas sogs pa yang mngon sum du 'gyur du 'ong bas so/ /de ltar ni/ des 'byed cha mthun rnam pa bzhi/ /bsgoms byung thos pa dang / bsams pa las byung ba ni ma yin no/ /mi lcogs med pa dang /khyad par bsam gtan sa pa'o/ /'di'i sa ni mi lcogs pa med pa dang / bsam gtan khyad par can dang / bsam gtan bzhi yin te/ de dag gis bsdus pa'i phyir ro/ /gnyis ni 'og na 'ang yod pa'am/ /btsun pa dbyangs sgrogs kyi ltar na/ dang po gnyis ni sa bdun pa yin te/'dod pa na spyod pa yang yod do/ /de dag thams cad kyang / 'dod rten mi kho na las skyed par byed pa'o/ /gsum ni skyes pa dang bud med kyis gnyis ka'i rten can dag 'thob po/ /chos mchog bud med kyis/ gnyis ka'i rten can 'thob par 'gyur/ /chos kyi mchog ni bud med kyis gnyis ka'i rten can 'thob la/skyes pas ni skyes pa'i rten 'ba' zhig 'thob ste/ bud med nyid med pa'i phyir ro/ /nges par 'byed pa'i cha dang mthun pa rnams ji ltar gtong zhe na/ 'phags pas de dag sa bor nas/ /gtong ngo / /'phags pa ni sa gang thob par gyur pa'i sa de dag 'dor ba na/ de dag kyang gtong ngo / /sa 'dor ba ni sa 'phos pa las so/ /'phags min 'chi 'pho bas so/ /so so'i skye bo ni 'chi ba kho nas gtong ngo / /dang po gnyis yongs nyams pas kyang / /'chi bas kyang gtong ste/ so so'i skye bo kho na'o/ /dngos gzhi'i de nyid la bden mthong / /gang zhig bsam gtan dngos gzhi'i sa pa'i nges par 'byed pa'i cha dang mthun pa rnams skyed par byed pa des ni tshe de nyid la gdon mi za bar bden pa rnams mthong bar 'gyur te/yid 'byung shas che ba'i phyir ro/ /rnam par nyams na sngon med 'thob/ /gang gi tshe rnam par nyams pa dag kyang su thob pa de'i tshe sngon med pa dag kho na 'thob kyi sngon btang ba dag ni ma yin no//rnam par nyams pa dang / yongs su nyams pa 'di dag gi rang bzhin ci zhe na/ nyams pa gnyis ni mi ldan pa/ nyams pa de gnyis ka yang mi ldan pa'i rang bzhin yin no/ /rtse mo thob pa rtsa mi 'chad/ /rtse mo thob ba ni yongs su nyams kyang dge ba'i rtsa ba kun du mi 'chad do/ / bzod thob ngan song mi 'gro'o/ /bzod pa las ni rnam par nyams kyang ngan song du mi 'gro ste/ der 'gro ba'i las dang nyon mongs pa thag bsrings pa'i phyir ro/ /nges par 'byed pa'i cha dang mthun pa de dag kyang rigs gsum yin te/ /de la/ gnyis slob rigs las bzlog nas ni/ /sangs rgyas su 'gyur/dro bar gyur pa dang / rtse mo skyes pa nyan thos kyi rigs las bzlog nas yang sangs rgyas su 'gyur ba ni srid do/ /gzhan gsum yang / gsum yang nyan thos kyi rigs las bzlog nas sangs rgyas las gzhan du 'gyur ro/ /rang sangs rgyas kyi rigs rnams ni bzlog par mi nus te/ 'di ltar/ ston dang bse ru byang chub par/ /bsam gtan mtha' rten gcig la kun/ /sangs rgyas dang / rang sangs rgyas dag ni bsam gtan bzhi pa kho na la nges par 'byed pa'i cha dang mthun pa rnams las bzung ste/ byang chub kyi bar du skyed par byed do/ /gzhan dag na re mi sdug pa nas bzung ste/ byang chub kyi bar du'o zhe'o//ci tshe dang po kho na la sbyor ba byas te/ nges par 'byed pa'i cha dang mthun pa skyed par byed dam zhe na/ de lta bu ni med kyi nges par/ de yi sngon du thar cha mthun/ /skyed par byed do/ /thams cad las shin tu/ myur bar srid pa gsum gyi mthar/ /sa bon 'debs pa dang / 'bru skye ba dang /'bras bu chags pa bzhin du tshe gcig la ni thar pa'i cha dang mthun pa dang / gnyis pa la ni nges par 'byed pa'i cha dang mthun pa dang / gsum pa la ni 'phags pa'i lam skyed par byed do/ /thar pa'i cha dang mthun pa de yang / thos bsams las byung / yin par brjod de/ bsgoms pa las byung ba ni ma yin no/ / las gsum mo/ /gtso bor ni yid kyi las so/ /de'i smon lam gyis yongs su bzung ba'i phyir lus dang ngag gi las kyang thar pa'i cha dang mthun pa yin no/ /de yang 'di/ mi yi nang nas 'phen par byed/ /mi kho na'i nang du ste/ gzhan du ma yin te/ ci rigs par shes rab dang skyo ba med pa'i phyir ro/ /thar pa'i cha dang mthun pa zhar las 'ongs pa bshad nas/gnas skabs kyi 'bad par bya ste/ 'jig rten pa yi chos mchog las/ /chos kyi bzod pa zag pa med/ /'jig rten pa'i chos mchog gi mjug thogs su chos shes pa'i bzod pa zag pa med pa skye'o/ /dmigs pa gang la zhe na/ 'dod sdug bsngal la/ de'i dmigs pa ni 'dod pa na spyod pa'i sdug bsngal lo//de nas ni/ de nyid la chos shes/ 'dod pa na spyod pa'i sdug bsngal de kho na la chos shes pa skye'o/ /de bzhin sdug bsngal lhag la rjes bzod shes/ /gzugs dang gzugs med pa na spyod pa'i sdug bsngal la rjes su shes pa'i bzod pa spyi la dmigs pa skye'o/ / de nas ni rjes su shes pa'o/ /ji ltar sdug bsngal gyi bden pa la bzod pa dang shes pa bzhi po de dag skye ba ltar/ bden pa gsum la'ang de bzhin no/ /kun 'byung ba dang / 'gog pa dang / lam dag la 'dod pa'i khams dang gong mar chos dang chos su shes pa'i bzod pa dang shes pa rnams so//de ltar bden pa mngon rtogs 'di/ /sems bcu drug go/ /rim pa des na bden pa mngon par rtogs pa 'di ni sems bcu drug yin no/ /de ni rnam gsum ste/ mthong dmigs bya ba zhes bya'o/ /mthong ba'i mngon par rtogs pa ni shes rab kyis bden pa rnams so/ /dmigs pa'i mngon par rtogs pa ni de dang mtshungs par ldan pa rnams kyis kyang ngo //bya ba'i mngon par rtogs pa ni ldan pa ma yin pa'i tshul khrims dang skye ba la sogs pas kyang ngo / /sdug bsngal mthong na de'i mngon par rtogs pa ni gsum mo/ /kun 'byung ba la sogs pa'i ni bya ba'i mngon par rtogs pa yin te/ spong ba dang / mngon sum du byed ba dang /bsgom pa'i phyir ro/ /mngon par rtogs pa sems bcu drug par bshad pa gang yin pa/ de ni chos mchog dang sa gcig /chos kyi mchog sa gang yin pa sems bcu drug po 'di dag kyang de'i sa pa dag go/ /ci'i phyir gdon mi za bar bzod pa dag dang shes pa dag yin zhe na/ bzod dang shes pa go rims bzhin/ /bar chad med dang rnam grol lam//bzod pa rnams ni nyon mongs pa'i thob pa rnam par gcod pa la bar chad bya bar mi nus pa'i phyir bar chad med pa'i lam dag yin no/ /shes pa rnams ni nyon mongs pa'i thob pa las rnam par grol ba'i thob pa dang lhan cig skyes pa'i phyir rnam par grol ba'i lam dag yin no/ /ci sems bcu drug po thams cad bden pa mthong ba'i lam yin nam zhe na/ma yin te/ 'on kyang de las skad cig bco lnga ni/ ma mthong mthong phyir mthong ba'i lam/ /sems bcu drug pa la ni sngon ma mthong ba blta bar bya ba med kyi/ ji ltar mthong ba goms par byed pa'i phyir bsgom pa'i lam kho na'o/ /mthong ba'i lam dang bsgom pa'i lam ji ltar skye ba bshad zin to//ji ltar na 'phags pa'i lam skyes pa'i gang zag rnams rnam par gzhag pa de bzhin du brjod par bya ste/ mthong ba'i lam gyi rang bzhin gyi skad cig ma bco lngar bshad pa gang dag yin pa/ dbang po rno rtul de dag tu/ /dad dang chos kyi rjes 'brang gi /yin par rig par bya ba ste/dbang po rtul po ni dad pa'i rjes su 'brang ba'o/ /dbang po rnon po ni chos kyi rjes su 'brang ba'o/ /de dag kyang / bsgom pas spang bya ma spangs nas/ /'bras bu dang po la zhugs pa/ /dad pa dang chos kyi rjes su 'brang ba de dag kho na 'ching ba mtha' dag dang ldan pa zhig yin na de gnyis rgyun du zhugs pa'i 'bras bu la zhugs pa zhes bya'o//rnam lnga'i bar bcom/ 'jig rten pa'i lam gyis bsgoms te spang bar bya ba 'dod pa na spyod pa rnams las rnam pa lnga'i bar du spangs na'o/ /gnyis pa la/ dgu pa tshun chad zad pa yin/ /gang gi tshe de gnyis kyi de yan chad rnam pa drug gam bdun nam brgyad gcig sngon spangs pa de'i tshe lan cig phyir 'ong ba'i 'bras bu la zhugs pa dag tu brjod de/'dod pa'am yang na gong ma las/ /chags bral gsum pa la zhugs pa/ /gal te 'dod pa'i khams sam gong ma ci yang med pa'i skye mched kyi bar las 'dod chags dang bral ba zhig yin na phyir mi 'ong ba'i 'bras bu la zhugs pa dag yin no//gang zhig gang la zhugs pa ni/ /bcu drug pa la de 'bras gnas/ /sems bcu drug pa skyes na 'bras bu gang la zhugs par gyur pa de ni de'i tshe 'bras bu de la gnas pa yin no/ /de tshe dbang po rno rtul dag /dad pas mos dang mthong bas thob/ /de'i tshe dbang po rtul po ni dad pas mos pa'o/ /dbang po rnon po gang yin pa de ni mthong bas thob pa'o//ci'i phyir rnam pa lnga spangs kyang sems bcu drug pa la rgyun du zhugs pa kho na zhes bya la/ lan cig phyir 'ong ba'i 'bras bu la zhugs pa zhes mi bya zhe na/ gang gi phyir/ 'bras thob 'bras bu khyad par gyi/ /lam thob med pa de yi phyir/ /'bras gnas khyad par bya ba'i phyir/ /mi brtson pa ni zhugs ma yin//'bras bu thob na 'bras bu khyad par can gyi lam mi thob ste/ de lta bas na 'bras bu la gnas ba ji srid du khyad par du bya ba'i phyir mi brtson pa de srid du zhugs pha zhes mi bya'o/ /re zhig phal cher las dang / 'dod pa las 'dod chags dang bral ba rnams kyi nges par 'jug pa'i gang zag rnam par gzhag pa de ni de lta bu yin no//mthar gyis 'jug pa brjod par bya ste/ de'i phyir re zhig 'di ltar rnam par gzhag par bya'o/ /ji ltar 'dod pa'i khams kyi nyon mongs pa rnam pa dgu bstan ba de bzhin du/ sa dang sa na nyes rnam dgu/ /srid pa'i rtse mo'i bar du'o/ /nyes pa rnams ji ltar/ de bzhin du ni yon tan rnams//sa dang sa na de'i gnyen po bar chad med pa dang / rnam par grol ba'i lam zhes bya ba yon tan yang rnam pa dgu dgu kho na yod do/ /ji ltar byas nas she na/ chung dang 'bring dang che rnams kyi/ /chung ngu la sogs tha dad phyir/ /'di lta ste/ chung ngu'i chung ngu dang /chung ngu'i 'bring dang / chung ngu'i chen po ste/ de bzhin du 'bring dang / chen po dag gi dbye ba yang gsum gsum mo/ /de la lam chung ngu'i chung ngus ni nyon mongs pa chen po'i chen po spong la/ de bzhin du chen po'i chen pos ni chung ngu'i chung ngu'i bar ro/ /de ltar nyon mongs pa rnam pa dgu po de dag thams cad du/ 'bras gnas bsgom spang bya ma zad//re ltar thogs na lan bdun pa/ /gang zhig bsgom pas spang bar bya ba'i nyon mongs pa gcig kyang ma spangs pa de ni rgyun du zhugs pa yin la/ tshe bdun gyi bar du skye ba na lan bdun pa'o/ /re ltar thogs na lan bdun zhes bya ba ni thams cad kyi tha shal pa'o/ /de ni de las gzhan par skye ba'i srid pa bdun dang /srid pa bar ma bdun du mi rnams kyi nang du nying mtshams sbyor bar byed la/ de bzhin du lha rnams kyi nang du yang ste/ bdun tshan du 'dra ba'i mchog tu thogs na lan bdun pa zhes gsungs so/ /re zhig bsgom pas spang bar bya ba ma zad pa ni de lta bu yin no/ /rnam gsum rnam bzhi las grol ba//tshe gnyis gsum du rigs nas rigs/ /rgyun du zhugs pa de nyid nyon mongs pa'i rnam pa gsum mam bzhi spangs pa'i phyir dang / tshe gcig gam gnyis su lus pa'i phyir rigs nas rigs su skye pa zhes bya'o/ /rnam pa lnga yi bar bcom pa/ /gnyis pa la ni zhugs pa'ang yin/ /'bras bu la gnas pa gang gis rnam pa gcig nas lnga'i bar du spangs pa yin na de ni 'bras bu gnyis pa la zhugs pa yin no//rnam pa drug pa zad gyur pa/ /de ni lan cig phyir 'ong ba dang / de ni 'bras bu gnyis ba thob pa yin te/ lha dag gi nang du song nas mi'i 'jig rten du lan cig phyir 'ong ba'i phyir ro/ /'bras bu la gnas pa de nyid/ nyes cha bdun dang brgyad zad pa//tshe gcig pa bar chad gcig pa dang / gsum pa la ni zhugs pa'ang yin/ /rnam pa bdun nam brgyad pa spangs pa'i phyir dang / tshe gcig lus pa'i phyir bar chad gcig pa zhes bya'o/ /de dgu zad pas phyir mi 'ong / /'dod pa'i 'dod chags dang bral ba 'dod pa'i khams su phyir mi 'ong ba'i phyir phyir mi 'ong ba zhes bya'o//de ni bar skyes 'du byed dang / /'du byed med yongs mya ngan 'da'/ /gong du 'pho ba rnams/ bar ma dor yongs su mya ngan las 'das pa ni gang bar ma dor yongs su mya ngan las 'da' ba'o/ /skyes nas yongs su mya ngan las 'da' ba ni skyes pa tsam las mi 'chi bar phung po lhag ma dang bcas pa'i yongs su mya ngan las 'da' bas yongs su mya ngan las 'da' ba ste/mngon par brtson pa dang / lam ngang gis 'byung ba nyid kyi phyir ro/ /mngon par 'du byed pa dang bcas pas yongs su mya ngan las 'da' ba ni skyes nas sbyor ba ma btang zhing mngon par 'du byed pa dang bcas pas yongs su mya ngan las 'da' ba gang yin pa ste/mngon par brtson pa dang / lam ngang gis 'byung ba ma yin pa'i phyir ro/ /mngon par 'du bya ba med par yongs su mya ngan las 'da' ba ni mngon par 'du byed pa med par te/ mngon par brtson pa med par lam ngang gis 'byung ba'i phyir ro/ /gong du 'pho ba ni gang du skyes pa de nyid du yongs su mya ngan las mi 'da' bar gong du 'gro ba'o//de ni/ bsam gtan spel nas 'og min 'gro/ /de la gang gis bsam gtan spel ba de ni 'og min du yongs su mya ngan las 'da' ba'o/ /de 'phar phyed 'phar thams cad du/ /'chi 'pho/ /gang du 'pho ba 'og min gyi mthar thug pa de yang 'phar ba la sogs pa'i bye brag gis rnam pa gsum ste/de la 'phar ba zhes bya ba ni 'dir bsam gtan rnams spel nas/ bsam gtan dang po'i ro myangs te bsam gtan gsum pa las yongs su nyams pa las tshangs ris pa dag gi nang du skyes nas sngon gyi goms pa'i dbang gis bsam gtan bzhi pa spel te/ de nas shi 'phos nas 'og min pa dag gi nang du skyes pa gang yin pa ste/de ni bar du mi 'gro bas na 'phar ba zhes bya'o/ /phyed du 'phar ba zhes bya ba ni de nas gnas gtsang ma rnams su skyel bar nas gnas gzhan 'ga' tsam yang rgal te 'og min du 'jug pa gang yin pa'o/ /gnas thams cad du 'chi 'pho ba ni gnas gzhan thams cad du 'phos nas 'og min du 'jug pa gang yin pa'o//de las/ gzhan srid rtse mor 'gro/ /gong du 'pho pa bsam gtan ma spel ba ni srid pa'i rtse mor mthar thug pa yin no/ /de ni snyoms par 'jug pa rnams ro myang bar byed cing gnas gzhan thams cad du skye la/ gnas gtsang ma rnams su mi 'jug pa kho nar gzugs med par skye ba'i rim gyis srid pa'i rtse mor song ste yongs su mya ngan las 'da' ba'o//re zhig de dag ni gzugs su nye bar 'gro ba'i phyir mi 'ong ba lnga yin no/ /gzhan ni gzugs med 'gro rnam bzhi/ /bar ma dor yongs su mya ngan las 'da' ba ma gtogs pa gzugs med par 'gro ba'i phyir mi 'ong ba rnam pa bzhi yin no//gzhan ni 'di la mya ngan 'da'/ /mya ngan las 'da' ba'o/ /gsum la yang rnam gsum phye nas/ gzugs su nyer 'gro dgur bshad do/ /bar ma do dang / skyes nas yongs su mya ngan las 'da' ba dag dang / gong du 'pho ba gsum rnam pa gsum du byas pa 'di lta ste re zhig bar ma dor mya ngan las 'da' ba rnams ni dpe gsum gyis myur ba dang /myur ba ma yin pa dang / yun ring mo zhig nas yongs su mya ngan las 'da' ba'i phyir ro/ /skyes nas yongs su mya ngan las 'da' ba ni skyes nas dang / mngon par 'du byed pa dang / mngon par 'du byed pa med par yongs su mya ngan las 'da' ba'i phyir ro//gong du 'pho ba ni 'phar ba la sogs pa'i bye brag gis so/ /de dag ni khyad par rnams/ las dbang nyon mongs bye brag las/ /gsum dang dgu po de dag gi khyad par ni las dang / nyon mongs pa dang / dbang po'i bye brag las te/ re zhig gsum po ni mngon par 'grub pa dang /skyes pa dang / lan grangs gzhan la myong bar 'gyur ba'i las bsags pa'i phyir dang / nyon mongs pa kun du spyod pa chung ba dang / 'bring dang / chen po'i phyir dang / dbang po chen po dang / 'bring dang / chung ngu'i phyir ro/ /dgu po de dag so sor khyad par de nyid kyi phyir ci rigs par gsum tshan dang po gnyis ni gong ma bzhin du nyon mongs pa dang dbang po'i bye brag las so//gsum tshan tha ma ni lan grangs gzhan la myong bar 'gyur ba'i las kyi bye brag las kyang ngo / /'o na mdo las skyes bu dam pa'i 'gro ba bdun bstan pa ji lta bu zhe na/ gong du 'pho ba ma phye bar/ /dam pa'i 'gro ba bdun du 'dod/ /dgu po de dag kho na la gong du 'gro ba ma phye bas bdun du 'gyur ro//ci'i phyir 'di dag kho na skyes bu dam pa'i 'gro ba yin la slob pa'i 'gro ba gzhan dag ni ma yin zhe na/ dam pa dam min 'jug mi 'jug /son pa phyir mi 'ong phyir de/ /'di dag ni las dge ba kho na la 'jug gi mi dge ba la ni mi 'jug go/ /'di dag tu son pa rnams la yang /phyir mi 'ong ba med pa de'i phyir 'di dag kho na skyes bu dam pa'i 'gro ba yin no/ /ci'i phyir phyir mi 'ong ba tshe yongs su gyur pa la yang dbye ba 'di yod dam zhe na/ med de/ 'di ltar/ 'dod par tshe yongs gyur pa'i 'phags/ /khams gzhan du ni 'gro ba med/ /'dod pa'i khams su tshe yongs su gyur pa'i 'phags pa ni khams gzhan du mi 'gro ste/de nyid la phyir mi 'ong ba'i 'bras bu thob nas yongs su mya ngan las 'da' ba'i phyir ro/ /de dang gong mar skyes pa ni/ /yongs nyams dbang po 'pho mi sten/ /'dod pa'i khams su tshe yongs su gyur pa'i 'phags pa de dang / khams gong mar skyes pa'i 'phags pa ni dbang po rnams kyang mi 'pho la/ji ltar yang yongs su nyams par mi 'gyur ro/ /bsam gtan spel nas 'og min 'gro/ /zhes gang bshad pa de yang dang po nyid du bsam gtan gang spel bar byed ce na/ dang por bzhi pa spel bar byed/ /ting nge 'dzin de ni thams cad pas las su rung ba ste/de dag gi phun sum tshogs pa la sim pa'i phyir ro/ /de'i yang / skad cig ma ni bsres pas 'grub/ /gang gi tshe zag pa med pa'i skad cig ma'i mjug thogs su zag pa dang bcas pa dang / zag pa dang bcas pa'i mjug thogs su yang zag pa med pa mngon sum du byed la/ de ltar zag pa dang bcas pa'i skad cig ma dang /zag pa med pa dag tu bsres pas spel ma 'grub pa yin no/ /rgyun chags dang ldan pa la ji srid du skad cig gnyis sbyor ba de ltar bsam gtan bzhi pa spel nas de'i stobs kyis gzhan dang gzhan dag kyang spel bar byed do/ /ci'i phyir bsam gtan spel bar byed ce na/ skye dang gnas par bya phyir dang //nyon mongs pas ni 'jigs phyir yang / /phyir mi 'ong ba dbang po rnon po rnams ni gnas gtsang mar skye bar bya ba'i phyir dang / mthong ba'i chos la bde bar gnas par bya ba'i phyir ro/ /dbang po rtul po rnams ni nyon mongs pas 'jigs pa'i yang phyir te/ de bzhin du dgra bcom pa rnams skye ba ma yin pas gnas gtsang mar skye ba spangs nas so//yang ci'i phyir gnas gtsang mar skye ba lnga kho na yin zhe na/ bsam gtan bzhi pa spel mang bsgom par bshad pa gang yin pa/ de ni rnam pa lnga yi phyir/ /gnas gtsang skye ba lnga kho na/ /spel mar bsgom pa de ni chung ngu dang / 'bring dang / chen po dang / shin tu che ba dang /shin tu ches che ba'i bye brag gis rnam pa lnga yin te/ phyi ma re re la gsum gsum du spel bar byas nas so/ /bar ma zag pa dang bcas pa las skye'o/ /'gog pa thob pa'i phyir mi 'ong / /lus kyi mngon sum byed par 'dod/ /phyir mi 'ong ba gang la la 'gog pa thob pa de ni sems med par mya ngan las 'das pa dang 'dra ba lus kyis mngon sum du byed pa'i phyir lus kyis mngon sum du byed pa zhes bya'o//srid rtse'i bar cha brgyad zad pa/ /dgra bcom nyid la zhugs pa yin/ /phyir mi 'ong ba zhes bya ba'i dbang du byas pa ste/ yang phyir mi 'ong ba de bsam gtan dang po'i rnam pa gcig las 'dod chags dang bral ba nas bzung ste/srid pa'i rtse mo'i bar du brgyad kyi bar spangs pas dgra bcom pa nyid bzhugs pa yin no/ /dgu pa'i bar chad med lam yang / /dgra bcom pa nyid la zhugs pa kho na yin no/ /de ni rdo rje lta bu yin/ /bar chad med pa'i lam de ni phra rgyas thams cad 'joms par byed pa yin pa'i phyir rdo rje lta bu'i ting nge 'dzin zhes bya'o/ /yang srid pa'i rtse mo pa'i rnam pa dgu par bshad pa gang yin pa/de zad thob dang zag pa shes/ /dang po nyid du zag pa thams cad zad pa'i thob pa dang lhan cig skyes pa'i phyir zad pa shes pa yin no/ /de tshe de mi slob dgra bcom/ /dgra bcom pa nyid la zhugs pa de zad pa shes pa skyes na mi slob pa dang / dgra bcom pa'i 'bras bu thob pa nyid kyi phyir dgra bcom pa'o//'bras bu gzhan gyi phyir bslab par bya ba med pa'i phyir mi slob pa'o/ /bsgom pa'i lam 'jig rten las 'das pa dang rnam pa gnyis su bshad pa la slob pa 'di gang gis gang la 'dod chags dang bral ba thob ce na/ 'jig rten 'das kyis srid rtse las/ /chags bral 'jig rten pas ni ma yin no/ /ci'i phyir zhe na/de'i gong na 'jig rten pa med pa'i phyir dang / rang gi sa pa'i gnyen po ma yin pa'i phyir ro/ /gnyen po ma yin pa yang nyon mongs pa rgyas par 'gyur ba'i phyir ro/ /nyon mongs pa gang zhig dngos po gang la rgyas par 'gyur ba de ni dngos po des spong bar byed pa ma yin la/ gang gi gnyen po gang yin pa de la ni nyon mongs pa de rgyas par mi 'gyur ba'i phyir ro//gzhan las rnam pa gnyis srid pa'i rtse mo las gzhan pa'i sa la ni 'jig rten pa dang 'jig rten las 'das pas kyang 'dod chags dang bral lo/ /de la yang / 'jig rten pa yis chags bral ba'i/ /'phags la bral ba'i thob rnam gnyis/ /'phags pa 'jig rten pa'i lam gyis 'dod chags dang bral bar gyur pa la bral ba'i thob pa 'jig rten pa dang /'jig rten las 'das pa rnam pa gnyis skye'o/ /kha cig 'jig rten 'das kyis kyang / /btang la nyon mongs mi ldan phyir/ /gal te 'phags pa'i lam gyis 'dod chags dang bral ba thob pa la 'jig rten pa'i bral ba'i thob pa mi skyen de lta na 'phags pa'i lam gyis ci yang med pa'i skye mched las 'dod chags dang bral ba bsam gtan la brten te dbang po rnams 'pho bar byed pa gang yin pa de lam snga ma zad par btang ba'i phyir dang /'bras bu'i lam 'ba' zhig thob pa'i phyir sa gong ma pa'i nyon mongs pa bral ba dang mi ldan par yang 'gyur la/de btang na yang nyon mongs pa de dag dang ldan par yang 'gyur ro/ /srid rtse'i phyed las rnam grol dang / gong du skyes pa bzhi mi ldan/ 'jig rten pa'i 'bral ba'i thob pa med du zin kyang de dag dang ldan par mi 'gyur te/ dper na srid pa'i rtse mo'i rnam pa phyed las rnam par grol ba la de'i bral ba'i thob pa 'jig rten pa yang med la/dbang po 'pho bas 'jig rten las 'das pa la yang btang bzhin du yang nyon mongs pa de dag dang ldan par mi 'gyur ba dang / yang dper na so so'i skye bo la bsam gtan dang po yan chad du skyes pa 'dod pa na spyod pa'i nyon mongs pa'i bral ba'i thob pa btang bas yang de dag dang ldan par mi 'gyur ba bzhin pas 'di ni shes par byed pa ma yin no//sa gang zhig gis gang las 'dod chags dang bral bar 'gyur zhe na/ zag med mi lcogs med pa yis/ /thams cad las ni 'dod chags bral/ /srid pa'i rtse mo'i bar las so/ /yang gang zhig nyer bsdogs la brten te sa 'og ma las 'dod chags dang bral ba thob na/ci 'di'i rnam par grol ba'i lam thams cad bar chad med pa'i lam bzhin du nyer bsdogs las skye'am zhe na/ smras pa/ ma yin no/ /'o na ji lta bu zhe na/ sa gsum rgyal la bsam gtan nam/ /nyer bsdogs las mtha'i rnam grol lam/ /'dod pa'i khams dang /bsam gtan gnyis kyi 'dod chags dang bral ba la rnam par grol ba'i lam tha ma nyer bsdogs sam bsam gtan dngos gzhi las skye'o/ /gong ma'i nyer bsdogs las min/ sa gsum las rgyal ba yan chad ni btang snyoms [(]gyi [,]kyi[)]dbang po thun mong yin pa'i phyir dngos gzhi kho na las skye'i nyer bsdogs las ni ma yin no//zag med mi lcogs med pa yis/ /thams cad las ni 'dod chags bral/ /zhes bshad kyi/ gzhan dag ni ma bshad pas de'i phyir 'phags/ brgyad kyis rang gong sa las rgyal/ /zhes bya ba smos te/ zag pa med pa'i bsam gtan dang / /bsam gtan khyad par can dang /gzugs med pa gsum dang brgyad kyis ni rang gi sa dang gong ma las 'dod chags dang bral bar 'gyur ro/ /'og ma las ni ma yin te/ 'dod chags dang bral zin pa'i phyir ro/ /de la 'jig rten las 'das pa'i lam bar chad med pa dang / rnam par grol ba'i lam rnams ni bden pa la dmigs pa'i phyir bden pa'i rnam par zhugs pa dag yin no zhes bya bar grub bo//'jig rten pa yi rnam grol dang / /bar chad med lam go rims bzhin/ /zhi sogs rags sogs rnam pa can/ /gong dang 'og ma'i spyod yul can/ /rnam par grol ba'i lam rnams ni ci rigs par sa gong ma la zhi ba dang / gya nom pa dang / nges par 'byung ba'i rnam par lta'o//bar chad med pa'i lam rnams ni zhi ba la sogs pa'i rnam pa las bzlog pa sa 'og ma la rag las pa dang / tha ba ngan pa dang / rtsig pa stug po lta bur lta'o/ /zhar la 'ongs pa rdzogs so// //yang zad pa shes pa'i mjug thogs su ci zhig skye zhe na/ gal te mi g.yo'i zad shes las//mi skye'i blo gros/ gal te dgra bcom pa mi g.yo ba'i chos can zhig yin na/ de la zad pa shes pa'i de ma thag tu mi skye ba'i shes pa skye'o/ /gal te min/ zad pa shes sam mi slob lta/ /gal te mi g.yo ba'i chos can ma yin na ni zad pa shes pa las zad pa shes pa kho na'am/ mi slob pa'i yang dag pa'i lta ba skye'o//yongs su nyams pa srid pa'i phyir mi skye ba shes pa ni ma yin no/ /ci mi g.yo ba'i chos can la de mi skye ba kho na yin nam zhe na/ de ni dgra bcom thams cad la/ /mi g.yo ba'i chos can la yang res 'ga' mi skye ba shes pa las mi skye ba shes pa kho na skye la/ res 'ga' mi slob pa'i yang dag pa'i lta ba skye'o//gang dag 'bras bu bzhir bshad pa de dag gang gi 'bras bu yin zhe na/ dge sbyong gi tshul gyi 'bras bu yin no/ /dge sbyong gi tshul zhes bya ba 'di ci zhig ce na/ dge sbyong tshul ni dri med lam/ /dge sbyong gi tshul ni zag pa med pa'i lam yin no/ /des nyon mongs pa zhi bar byed pa'i sgo nas dge sbyong du 'gyur ro//dge sbyong gi tshul de'i 'bras bu 'di dag kho na ma yin gyi de ci zhe na/ 'bras bu 'dus byas 'dus ma byas/ /de dag brgyad cu rtsa dgu'o/ /grol lam zad pa rnams dang bcas/ /mthong bas spang bar bya ba spong bar byed pa'i rnam par grol ba'i lam brgyad dang / bsgom pas spang bar bya ba spong ba re re zhing yang nyon mongs pa rnam pa dgu dgu spong bar byed pa'i de snyed kho na'i rnam par grol ba'i lam dag ni dge sbyong gi tshul gyi 'bras bu 'dus byas pa dag yin no//nyon mongs pa de dag gi spangs pa ni 'bras bu 'dus ma byas pa dag yin no/ /'o na sngar gyi dge sbyong gi tshul gyi 'bras bu bzhi bshad pa ji ltar zhe na/ de dag la ni 'gal ba med de/gang gi phyir/ 'bras bu bzhi rnam gzhag pa ni/ /rgyu lnga dag ni srid phyir ro/ /'di lta ste/ 'bras la sngon lam btang ba dang / /gzhan thob pa dang zad bsdoms dang / /shes pa brgyad mtshan thob pa dang / /rnam pa bcu drug thob pa'o/ /lam snga ma btang ba dang sngon med pa'i lam thob pa ni zhugs pa dang 'bras bu'i lam btang ba dang thob pa'i phyir ro//spangs pa bsdoms pa dang / thams cad kyi bral ba gcig gi thob pa rnyed pa'i phyir ro/ /shes pa brgyad cig car du thob pa ni chos dang rjes su shes pa rnam pa bzhi'o/ /rnam pa bcu drug thob pa ni mi rtag pa la sogs pa'i rnam pa dag go/ / rgyu lnga po de dag yin te/ gang dag gi 'bras bu bzhir rnam par gzhag pa gsungs pa'o/ /gal te zag pa med pa'i lam kho na dge sbyong gi tshul yin na 'jig rten pa'i lam gyis thob pa'i 'bras bu gnyis ji ltar dge sbyong gi tshul gyi 'bras bur rung zhe na/ 'jig rten pa yis thob 'bras ni/ /bsres dang zag med thob 'dzin phyir//de la mthong ba'i lam gyis 'bras bu spangs pa yang der bsre bar bya ste/ thams cad kyi thob pa de'i 'bras bu bsdus pa gcig rnyed pa'i phyir ro/ /gang lan cig phyir 'ong ba'i 'bras bu gang zhe na/ kun du sbyor ba gsum spangs pa dang / 'dod chags dang / zhe sdang dang / gti mug rnams bsrabs pa gang yin pa de yin no//phyir mi 'ong ba'i 'bras bu gang zhe na/ kun du sbyor ba tha ma'i cha dang mthun pa'i lnga spangs pa gang yin pa de yin no zhes gsungs so/ /zag pa med pa'i bral ba thob pas kyang / spangs pa de 'dzin par yang byed de/ de'i stobs kyis yongs su nyams pa mi 'chi ba'i phyir ro//'di'i phyir yang 'di dge sbyong gi 'bras bu nyid du rigs so/ /dge sbyong gi tshul du bshad pa gang yin pa/ de nyid tshangs tshul tshangs pa yi/ /'khor lo tshangs pas bskor phyir ro/ /bcom ldan 'das ni tshangs pa'i tshul bla na med pa dang ldan pa'i phyir tshangs pa yin te/ 'khor lo 'di ni de'i yin pas na tshangs pa'i ste/des bskor ba'i phyir ro/ /chos kyi 'khor lo mthong ba'i lam rgyu bas na 'khor lo'o/ /de dang chos mthun pa'i phyir mthong ba'i lam ni chos kyi 'khor lo yin no/ /'di'i chos mthun pa ji lta bu zhe na/ myur bar 'gro sogs rtsibs sogs phyir/ /myur du 'gro ba'i phyir dang / 'dor ba dang 'jug pa'i phyir dang / ma rgyal ba las rgyal bar byed pa'i phyir dang / rgyal ba rnal du 'god pa'i phyir dang / 'phar ba dang 'bab pa'i phyir te/ myur bar 'gro ba la sogs pa ni de lta bu yin no/ /rtsibs la sogs pa dang chos mthun pa'i phyir 'khor lo zhes bya ste/ yang dag pa'i lta ba dang / rtog pa dang /rtsol ba dang / dran pa ni rtsibs lta bu yin no/ /yang dag pa'i ngag dang / las kyi mtha' dang / 'tsho ba rnams ni lte ba lta bu yin no/ /ting nge 'dzin ni mu khyud lta bu yin no/ /yang khams gang du dge sbyong gi tshul gyi 'bras bu thob ce na/ 'dod par gsum thob/ gsum po ni 'dod pa'i khams kho nar 'thob po//tha ma ni gsum du'o/ /dgra bcom pa nyid ni khams gsum du 'thob bo/ /re zhig 'bras bu gnyis ni 'dod chags dang ma bral bas thob par bya ba yin pa'i phyir gong mar mi thob par yang rigs pa na gsum pa go ci'i phyir mi 'thob ce na/ gong na mthong lam med/ 'dod pa'i khams las gong na ni mthong ba'i lam med la/de med par yang 'dod chags dang bral ba'i phyir phyir mi 'ong ba'i 'bras bu thob pa med pas zhes bya ba 'di re zhig rigs pa yin no/ /mi skyo lud las 'dir rtsom zhing / der mthar phyin zhes 'byung phyir ro/ /gzugs na spyod pa'i so so'i skye bo rnams ni snyoms par 'jug pa'i bde ba la chags pa'i phyir dang /kun du mi skyo ba'i phyir ro/ /phyir mi 'ong ba lnga ni 'di rtsom pa ni lam rtsom pa ste der mthar phyin par 'gyur ro/ /de bas na de la phyir mi 'ong ba'i 'bras bu med de/ /'di skad du/ gal te mi g.yo'i zad shes las/ /mi skye'i blo gros zhes bshad de/ /ci dgra bcom pa la yang dbye ba yod dam zhe na/ smras pa/yod de/ dgra bcom drug 'dod/ /yongs su nyams pa'i chos can dang / /'chi bar sems pa'i chos can dang / /rjes su bsrung ba'i chos can dang / /gnas pa las mi bskyod pa dang / /rtogs pa'i skal ba can dang / mi g.yo ba'i chos can no/ /de dag las/ lnga ni dad pa'i mos las skyes/ /mi g.yo ba'i chos can ma gtogs pa'o//de dag rnam grol dus dang sbyor/ /lnga po de dag gi rnam par grol ba ni dus dang sbyor bas phangs pa yin par rig par bya ste/ rtag tu rjes su srung ba'i phyir ro/ /mi g.yo'i chos can mi g.yo ba/ /yongs su nyams pa'i sgo nas g.yo bar mi nus pa'i phyir ro/ /de'i phyir de dus mi sbyor grol//de nyid kyi phyir de ni dus dang mi sbyor bar rnam par grol ba zhes bya ste/ yongs su nyams pa mi srid pa'i phyir ro/ /de ni mthong thob rgyu las byung / /mi g.yo ba'i chos can de ni mthong bas thob pa sngon du 'gro ba yin par rig par bya ste/ ci dgra bcom pa 'di dag dang po kho na nas de dag gi rigs can zhig yin nam/'on te phyis yin zhe na/ kha cig dang po nas de'i rigs/ kha cig sbyangs pa las gyur to/ /kha cig ni dang po nyid nas yongs su nyams pa'i chos can gyi rigs can yin la/ kha cig ni yongs su nyams pa'i chos can du gyur pa las dbang po rnams sbyangs pas 'chi bar sems pa'i chos can du gyur pa yin te/mi g.yo ba'i chos can gyi bar du yang de dang 'dra'o/ /de la yongs su nyams pa'i chos can ni yongs su nyams par 'gyur ba'i skal ba dang ldan gyi 'chi bar sems pa'i chos can la sogs pa ni ma yin pa gang yin pa'o/ /'chi bar sems pa'i chos can ni 'chi bar sems par gyur ba'i skal ba can gang yin pa'o//rjes su srung ba'i chos can ni rjes su srung ba'i skal ba can gang yin pa'o/ /gnas pa las mi bskyod pa ni yongs su nyams par 'gyur ba'i rkyen stobs dang ldan pa med na rjes su ma bsrungs kyang gnas par 'gyur ba'i skal ba can yin zhing nyams par mi 'gyur ba dang / mngon par brtson pa med na 'phel bar yang mi 'gyur ba'i skal ba can gang yin pa'o//rtogs pa'i skal ba can ni mi g.yo ba rtogs par 'gyur ba'i skal ba can gang yin pa'o/ /mi g.yo ba'i chos can ni yongs su nyams par mi 'gyur ba'i skal ba can gang yin pa'o/ /'di dag gang zhig gang las yongs su nyams she na/ bzhi ni rigs las lnga 'bras las//nyams 'gyur/ 'chi bar sems pa'i chos can la sogs pa bzhi ni rigs las yongs su nyams par 'gyur ro/ /lnga ni 'bras bu las so/ /de dag kyang / dang po las ma yin/ gang gi rigs dang po gang yin pa dang / gang gi 'bras bu dang po gang yin pa de las yongs su nyams par mi 'gyur ro//ci dgra bcom pa de dag kho na rigs drug dang ldan nam/ 'on te gzhan dag kyang zhe na/ slob dang 'phags min rigs drug ldan/ /slob pa dang / so so'i skye bo rnams kyang rigs drug dang ldan no/ /gzhan yang / mthong ba la ni 'pho ba med/ /mthong ba'i lam las gzhan pa la dbang po 'pho ba yod do//de yang / thob dang ma thob nyer spyad las/ /yongs nyams rnam pa gsum shes bya/ /gal te yon tan thob pa las yongs su nyams na thob pa las yongs su nyams pa yin no/ /gal te yon tan thob par bya ba ma thob na ma thob pa las yongs su nyams pa'o/ /gal te yon tan thob pa mngon sum du mi byed na nye bar spyad pa las yongs su nyams pa'o//yongs su nyams pa 'di rnams las ni/ ston la tha ma mi g.yo la/ /bar ma 'ang gzhan la rnam gsum mo/ /bcom ldan 'das la ni nye bar spyad pa las yongs su nyams pa kho na mnga'i gzhan ni mi mnga'o/ /mi g.yo ba'i chos can la ni de dang ma thob pa las yongs su nyams pa yang yod do//gang zag khyad par can gyi chos ma thob pa'i phyir ro/ /dgra bcom pa gzhan la ni thob pa las yongs su nyams pa yang yod do/ /yang gang zhig dgra bcom pa'i 'bras bu las yongs su nyams na/ ci de yang skye 'am zhe na/ de lta bu ni med de/ 'di ltar/ 'bras las nyams pa 'chi ba med//'bras bu las yongs su nyams pa ni 'ga' yang 'chi ba med de/ 'bras bu gang zhig las yongs su nyams pa ni 'bras bu de la gnas pas/ bya ba ma yin de mi byed/ /yongs su nyams kyang 'bras bu de dang 'gal ba'i bya ba mi byed do/ /yang dbang po rnams 'pho ba la bar chad med pa dang /rnam par grol ba'i lam du dag skye zhe na/ mi g.yo rnam grol bar chad med/ /lam dgu'o shin tu bsten phyir ro/ /rtogs pa'i skal ba can zhig mi g.yo ba'i rigs can rtogs par byed pa na bar chad med pa'i lam dgu dang / rnam par grol ba'i lam dgu skye ste/ dgra bcom pa nyid thob pa bzhin no/ /de la dbang po rtul po'i rigs de shin tu goms par byas pa'i yin pas 'bad pa chung ngus bzlog par mi nus te/slob pa dang mi slob pa'i lam dag gis brtan por byas pa'i phyir ro/ /mthong bas thob la re re'o/ /mthong bas thob pa rtogs par byed na bar chad med pa dang rnam par grol ba'i lam re re skye'o/ /bar chad med pa dang rnam par grol ba'i lam de dag ni/zag med/ 'phags pa rnams kyi dbang po zag pa dang bcas pa'i lam gyis 'pho ba med do/ /dbang po rnams gang du 'phel zhe na/ ma'i nang du 'phel/ mi rnams kyi nang du dbang po 'pho'o/ /yang gang zhig sa gang la brten na dbang po rnams 'pho bar byed ce na/ mi slob sa dgu la brten te/ /mi lcogs pa med pa dang /bsam gtan khyad par can dang / bsam gtan bzhi dang / gzugs med pa gsum la'o/ /slob pa drug la/ gzugs med pa gsum ma gtogs so/ /ci'i phyir zhe na/ gang gi phyir/ 'phel ba 'bras bu khyad par can/ /btang ste 'bras bu thob par 'gyur/ /dbang po rnams 'pho ba na dbang po rtul po'i lam gyi 'bras bu khyad par can btang ste/dbang po rnon po'i lam gyi rigs kyi 'bras bu thob par 'gyur na/ phyir mi 'ong ba'i 'bras bu gzugs med pas bsdus pa ni med do zhes bya ba 'di ni gtan tshigs yin no/ /dgra bcom pa 'di dag thams cad la dbang po'i bye brag gis dgu kho na yin te/ji ltar byas nas she na/ sangs rgyas gnyis dang nyan thos bdun/ /de dgu dbang po rnam dgu can/ /de la nyan thos bdun ni yongs su nyams pa'i chos can la sogs pa lnga dang / mi g.yo ba'i chos can rnam pa gnyis te/ sbyangs pa las gyur pa dang / dang po nas de'i rigs can yin no/ /mi g.yo ba'i bye brag kho na rang sangs rgyas dang /sangs rgyas so/ /de lta na de dag ni chung ngu'i chung ngu la sogs pa rnams dbang po dgu'i bye brag gis gang zag dgu yin no/ /slob pa dang mi slob pa bsdus pa'i phyir yang 'phags pa'i gang zag rnams ni thams cad du bdun yin te/ dad pas rjes su 'brang ba dang / chos kyi rjes su 'brang ba dang /dad pas mos pa dang mthong bas thob pa dang / lus kyis mngon sum du byed pa dang / shes rab kyis rnam par grol ba dang / gnyis ka'i cha las rnam par grol ba'o/ /gang zag bdun po/ /de dag kyang / sbyor ba dang / dbang po snyoms 'jug rnam grol dang / /gnyis ka byas pa'o/ /sbyor ba las ni dad pa dang /chos kyi rjes su 'brang ba dag ste/ dang po nyid nas gzhan gyi dring 'jog pa dang / chos kyi rjes su 'brang ba dag gis don rnams la sbyor ba'i phyir ro/ /dbang po las ni dad pas mos pa dang / mthong bas thob pa dag ste/ dbang po rtul po dang rnon po yin pa'i phyir ro/ / snyoms par 'jug pa las ni lus kyis mngon du byed pa ste/ /'gog pa'i snyoms par 'jug pa mngon du byed pa'i phyir ro/ /rnam par grol ba las ni shes rab kyis rnam par grol ba'o/ /snyoms par 'jug pa rnam par grol ba las ni gnyis ka'i cha las rnam par grol ba'o/ /ming gi sgo nas ni gang zag de bdun yin no//de dag drug /rdzas su ni de dag drug yin no/ /'di ltar lam gsum la gnyis gnyis/ /mthong ba dang sgom pa'i lam gyi sngar bshad pa bzhi'o/ /mi slob pa'i lam la ni dus dang sbyor ba dang / dus dang mi sbyor bas rnam par grol ba'o/ /gnyis ka'i cha las rnam par grol ba zhes bya ba ni gang shes rab kyis rnam par grol ba ni gang zhe na/'gog thob gnyis ka las rnam grol/ /gang 'gog pa'i snyoms par 'jug pa thob pa de ni gnyis ka'i cha las rnam par grol ba yin te/ nyon mongs pa dang / rnam par thar pa'i sgrib pa las rnam par grol ba'i phyir ro/ /shes rab kyis ni cig shos so//shes rab kyi stobs kyis nyon mongs pa'i sgrib pa 'ba' zhig las rnam par grol ba'i phyir ro/ /ji tsam gyis slob pa dang mi slob pa yongs su rdzogs she na/ snyoms 'jug dbang po 'bras rnams kyi/ /slob pa yongs rdzogs shes bya'o/ /snyoms par 'jug pa las ni 'gog pa la snyoms par zhugs pa thob pa gang yin pa'o//dbang po las ni mthong bas thob pa'o/ /'bras bu las ni phyir mi 'ong ba'o/ /de ltar na slob pa yongs su rdzogs pa yin no/ /gnyis kyis mi slob yongs su rdzogs/ /dbang po dang snyoms par 'jug pa dag las so/ /lam de yang rnam pa mang po zhig yin te/ mdor na lam ni rnam bzhi ste/ /khyad par can dang rnam grol dang //bar chad med dang sbyor zhes bya/ /sbyor ba'i lam ni gang gi mjug thogs su bar chad med pa'i lam skye ba'o/ /bar chad med pa'i lam ni gang gis sgrib pa rab tu spong ba'o/ /rnam par grol ba'i lam ni des spong bar bya ba'i sgrib pa las nges par grol ba dang po nyid du skye ba gang yin pa'o/ /khyad par can gyi lam ni de las gzhan pa'i lam mo//yang lam nyid mya ngan las 'das pa sgrub par byed pa'i phyir sgrub pa zhes gsungs so/ /sgrub pa bzhi zhes gsungs pa de la/ bsam gtan dag gi lam rnams sla/ /yan lag gis yongs su zin pa dang / zhi gnas dang lhag mthong mnyam pa dag gis 'bad mi dgos par rang gi ngang gis 'byung ba'i phyir ro//sa gzhan dag gi dka' ba yin/ /mi lcogs pa med pa la sogs pa rnams la bsgrub par dka' ba ni de las bzlog pa'o/ /sgrub pa de yang rnam pa gnyis te/ blo rtul mngon shes bul ba ste/ /cig shos kyis ni mngon shes myur/ /dbang po rtul po ni sgrub par sla ba'am dka' yang rung ste/mngon par shes pa bul ba yin no/ /dbang po rnon po ni mngon par shes pa myur ba yin no/ /de ltar na sgrub pa'i gzhi yin no/ /yang lam de nyid byang chub kyi phyogs dang mthun pa sum cu rtsa bdun du gsungs te/ de la zad dang mi skye shes pa ni/ /byang chub/zad pa dang mi skye ba shes pa ni gang zag gi bye brag gis rnam pa gsum mo/ /de dang mthun nyid phyir/ sum cu rtsa bdun de'i phyogs mthun/ byang chub dang mthun pa'i phyir/ ming gi sgo nas/ byang chub kyi phyogs dang mthun pa sum cu rtsa bdun zhes bya'o/ /rdzas su bcu/ byang chub kyi phyogs dang mthun pa thams cad ni rdzas bcu po 'di lta ste/dad dang brtson 'grus dran pa dang / /shes rab ting 'dzin btang snyoms dga'/ /rtog dang tshul khrims shin tu sbyangs/ /de ltar de dag ni rdzas bcu'o/ /ji ltar byas nas she na/ dran pa nyer gzhag shes rab ste/ /brtson 'grus yang dag 'jog ces bya/ /rdzu 'phrul rkang pa ting 'dzin to//dran pa nye bar gzhag pa dang / yang dag par rab tu spong ba dang / rdzu 'phrul gyi rkang pa rnams ni shes rab dang / brtson 'grus dang / ting nge 'dzin gyi rang bzhin dag yin no/ /de'i phyir re zhig dbang po dang stobs ni ming gis smos la/ dad pa dang / brtson 'grus dang / dran pa dang /ting nge 'dzin dang / shes rab kyi rdzas lnga yin te/ dran pa nye bar gzhag pa rnams dang / chos rnam par 'byed pa yang dag byang chub kyi yan lag dang / yang dag pa'i lta ba ni shes rab kho na yin no/ /yang dag par rab tu spong ba rnams dang / brtson 'grus yang dag byang chub kyi yan lag dang / yang dag pa'i rtsol ba ni brtson 'grus kho na yin no//rdzu 'phrul gyi rkang pa rnams dang / ting nge 'dzin yang dag byang chub kyi yan lag dang / yang dag pa'i ting nge 'dzin ni ting nge 'dzin kho na yin no/ /dran pa yang dag byang chub kyi yan lag dang / yang dag pa'i dran pa ni dran pa kho na yin no/ /ci zhig lus she na/dga' ba dang / shin tu sbyangs pa dang / btang snyoms yang dag byang chub kyi yan lag dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba rnams ni tshul khrims kyi yan lag ste/ de ltar na bcu yin no/ /'di skad du/ dran pa nye bar gzhag pa la sogs pa ni shes rab dang brtson 'grus dang ting nge 'dzin gyi rang bzhin dag yin no zhes gang bshad pa des ni/gtso bo smos pas/ yin par rig par bya'i/ de dag ni/ sbyor byung yon tan kun kyang yin/ /gtso bo smos pas de skad bshad kyi/ dran pa nye bar gzhag pa la sogs pa ni sbyor ba las byung ba'i yon tan thams cad kyang yin no//gnas skabs gang du byang chub kyi phyogs dang mthun pa gang zhig rab tu 'byed ce na/ sde tshan bdun ni go rims bzhin/ /las ni dang po pa dag dang / /nges 'byed cha mthun rnams dang ni/ /bsgom dang mthong la rab tu phye/ /las dang po pa'i gnas skabs su ni lus la sogs pa nye bar brtag pa'i phyir dran pa nye bar gzhag pa rnams so//khyad par thob pas brtson 'grus yang dag par spel ba'i phyir dro bar 'gyur ba dag la ni yang dag par rab tu 'jog pa rnams so/ /yongs su nyams par mi 'gyur ba'i dge ba'i rtsa ba la 'jug pa'i phyir rtse mo dag la ni/ rdzu 'phrul gyi rkang pa rnams so/ /yang yongs su nyams par mi 'gyur ba'i sgo nas dbang thob pa'i phyir brjod bzod pa dag la ni dbang po rnams so//nyon mongs pa rnams kyis mi brdzi ba'i phyir chos mchog dag la ni stobs rnams so/ /byang chub dang nye ba'i phyir bsgom pa'i lam la ni byang chub kyi yan lag rnams so/ /'gro bas rab tu phye ba'i phyir mthong ba'i lam la ni lam gyi yan lag rnams te/de ni myur bar 'gro ba yin pa'i phyir ro/ /byang chub kyi phyogs dang mthun pa du zhig ni zag pa dang bcas pa yin/ du zhig ni zag pa med pa yin zhes bya ba 'di brjod par bya ste/ byang chub yan lag lam yan lag /zag pa med/ de gnyis ni bsgom pa dang mthong ba'i lam la rnam par gzhag pa yin pa'i phyir ro/ / gzhan rnams gnyis so/ /byang chub kyi phyogs dang mthun pa gzhan dag ni zag pa dang bcas pa dang / zag pa med pa dag yin no/ /sa gang na byang chub kyi phyogs dang mthun pa du zhig yod ce na/ bsam gtan dang po na thams cad/ /mi lcogs med na dga' ma gtogs/ /nyer bsdogs rnams ni stobs kyis drang dgos pa'i phyir dang /sa 'og ma'i dgos pa dang bcas pa'i phyir dga' ba med do/ /gnyis pa na ni rtog ma gtogs/ /gnyis pa na yang dag pa'i rtog pa med de/ de na rtog pa med pa'i phyir ro/ /gnyis na de gnyis ma gtogs pa/ /bsam gtan gsum pa dang bzhi pa dag na ni dga' ba dang rtog pa dag ma gtogs pa'o//bsam gtan bar na'ang / de gnyis nyid ma gtogs pa sum cu rtsa lnga kho na'o/ /gzugs med pa/ gsum na'ang / de dang tshul yan lag /ma gtogs zhes bya bar sbyar te/ gzugs med pa gsum na ni yang dag pa'i ngag dang / las kyi mtha' dang / 'tsho ba rnams dang / dga' ba dang /rtog pa dag ma gtogs pa'o/ /byang chub dang ni lam yan lag/ /ma gtogs 'dod khams srid rtse na/ /'dod pa'i khams srid pa'i rtse mo la byang chub kyi yan lag dang / lam gyi yan lag ma gtogs te/ de dag la zag pa med pa'i lam med pa'i phyir ro/ /byang chub kyi phyogs dang mthun pa la gnas pa gnas skabs gang du shes nas dad pa thob par rig par bya zhe na/bden gsum mthong na tshul khrims dang / /chos la shes nas dad pa thob/ /lam mngon rtogs na sangs rgyas dang / /de yi dge 'dun dag la yang / /sdug bsngal dang / kun 'byung ba dang / 'gog pa'i bden pa rnams mngon par rtogs na chos la shes nas dad pa dang /'phags pa dgyes pa'i tshul khrims rnams thob bo/ /lam gyi bden pa mngon par rtogs na sangs rgyas dang de'i nyan thos kyi dge 'dun la shes nas dad pa thob ste/ gang zhig de gnyis la dad pa de ni sangs rgyas su byed pa'i chos mi slob pa dang / dge 'dun du byed pa'i chos slob pa dang / mi slob pa rnams la'o/ /yang zhes bya ba'i sgras ni tshul khrims dang chos la shes nas dad pa dag kyang thob par ston to//'dir gang la chos su dgongs pa yin zhe na/ chos bden gsum dang rang sangs rgyas/ /byang chub sems dpa'i lam yin no/ /de dag ni dad pa'i gzhi'i bye brag las ming gi sgo nas shes nas dad pa bzhi zhes bya'o/ /rdzas su gnyis te dad pa dang /tshul khrims dang / sangs rgyas dang / chos dang / dge 'dun la shes nas dad pa rnams ni dad pa'i rang bzhin dag go/ /'phags pa dgyes pa'i tshul khrims rnams ni tshul khrims kho na'o/ /shes nas dad pa rnams gcig tu/ /dri ma med pa yin/ zag pa med pa zhes bya ba'i tha tshig go//mdo las/ slob pa rnams ni lam yan lag brgyad dang ldan no/ /mi slob pa rnams ni bcu dang ldan no zhes gsungs pa/ ci'i phyir slob pa la yang dag pa'i rnam par grol ba dang / yang dag pa'i shes pa ma bshad ce na/ bcings phyir slob pa'i yan lag tu/ /rnam grol ma bshad/ slob pa ni nyon mongs pa'i 'ching ba'i phyogs gcig gis bcings pa yin pas 'di la rnam par grol ba zhes ma gsungs so//rnam par grol ba med pa'i phyir rnam par grol ba'i shes pa yang med do/ /de rnam gnyis/ 'dus byas dang 'dus ma byas pa'o/ /de la/ nyon mongs bcom pa 'dus ma byas/mos pa 'dus byas/ /nyon mongs pa spangs pa ni rnam grol 'dus ma byas pa yin no/ /mi slob pa'i mos pa ni 'dus byas so/ /yan lag ni/ de yin/ 'dus byas pa'i mos pa de nyid mi slob pa'i yan lag tu bshad de/ yan lag rnams 'dus byas pa'i phyir ro/ /de nyid rnam grol gnyis/ sems rnam par grol ba dang /shes rab rnam par grol ba'o/ /byang chub ji skad bshad shes pa/ /sngar byang chub bshad pa gang zad pa dang mi skye ba shes pa de nyid 'dir yang dag pa'i shes pa'o/ /sems ji ltar rnam par grol zhe na/ mi slob sems ni skye 'gyur ba/ /sgrib pa las ni rnam grol 'gyur/ /mi slob pa'i sems ma 'ongs pa sgrib pa rnams las grol lo//gnas skabs gang ba'i lam gyis de'i sgrib pa spong zhe na/ 'gag par 'gyur ba'i lam gyis ni/ /de yi sgrib pa rab tu spong / /da ltar gyi zhes bya ba'i tha tshig go/ /rnam par grol ba 'dus ma byas bshad pa gang yin pa dang / khams gsum po spangs pa'i khams dang / 'dod chags dang bral ba'i khams dang /'gog pa'i khams zhes 'byung ba gang yin pa de dag la khyad par ci yod ce na/ 'dus ma byas nyid khams zhes bya/ /rnam par grol ba 'dus ma byas pa de nyid khams gsum yin no/ /de la yang / 'dod chags kun zad 'dod chags bral/ /'dod chags spangs pa ni 'dod chags dang bral ba'i khams yin no//spangs pa'i khams ni gzhan dag go/ /'dod chags las gzhan nyon mongs pa spangs pa ni spangs pa'i khams yin no/ /'gog pa'i khams zhes bya ba gzhi/ /yang dag par zad pa zhes bya ba kho nar sbyar te/ nyon mongs pa la ma gtogs pa'i gzhi spong ba ni 'gog pa'i khams yin no//dngos po gang gis yid 'byung bar 'gyur ba'i dngos po des 'dod chags dang bral bar yang 'gyur ram zhe na/ mu bzhi'o/ /ji ltar byas pas she na/ sdug bsngal rgyu bzod shes rnams kyis/ /yid 'byung / sdug bsngal dang kun 'byung gi bzod pa dang shes pa rnams kho nas yid 'byung ngo / / gang gis spong 'gyur ba/ kun gyi 'dod chags bral bar 'gyur/ /sdug bsngal la sogs pa la bzod pa dang shes pa dag gis nyon mongs pa spong bar 'gyur ba thams cad kyis kyang 'dod chags dang bral bar 'gyur ro/ /de lta na ni mu bzhi srid/ /de la sdug bsngal dang kun 'byung la bzod pa dang /shes pa rnams kyis nyon mongs pa mi spong na yid 'byung ba kho na yin no/ /'gog pa dang lam la bzod pa dang shes pa rnams kyis nyon mongs pa dag spong na 'dod chags dang bral ba kho na yin no/ /snga ma rnams kyis nyon mongs pa dag spong na gnyis ka yin no/ /phyi ma rnams kyis nyon mongs pa dag mi spong na gnyis ka ma yin no//de la 'jig rten gyi lam gyis 'dod chags dang bral ba zhig bden pa rnams la lta na chos shes pa'i bzod pa rnams kyis nyon mongs pa dag mi spong ngo / /shes pa rnams kyis sbyor ba dang / /rnam par grol ba dang khyad par can gyi lam gyis bsdus pa rnams kyang mi spong ngo / /lam dang gang zag bstan pa zhes bya ba mdzod kyi gnas drug pa'o// //bzod pa rnams dang / zhes pa rnams dang / yang dag pa'i lta ba rnams dang / yang dag pa'i shes pa zhes kyang 'byung na/ ci bzod pa dag yin la shes pa ma yin nam/ yang dag pa'i shes pa yin la yang dag pa'i lta ba ma yin nam zhe na/ dri med bzod rnams shes pa min/ /des spang bar bya ba'i phra rgyas the tshom ma spangs pa'i phyir ro/ /de dag yang dag par rtog pa dang / yongs su tshol ba'i bdag nyid can yin pa'i phyir lta ba dag yin no/ /ji ltar bzod pa rnams lta ba yin gyi shes pa rnams ma yin pa de bzhin du/ zad dang mi skye'i blo lta min/ /yang dag par rtog pa med pa dang /yongs su tshol ba'i bsam pa can ma yin pa'i phyir ro/ /de las gzhan 'phags blo gnyis ka /bzod pa dang / zad pa dang mi skye ba shes pa dag las gzhan pa zag pa med pa'i shes rab ni lta ba dang shes pa yang yin no/ /gzhan shes/ 'jig rten gyi shes rab bo/ / drug ni lta ba'ang yin/ lta ba lnga dang / 'jig rten pa'i yang dag pa'i lta ba dang 'jig rten pa'i shes rab rnam pa de drug lta ba yin gyi gzhan ni lta ba ma yin no/ /'di dag dang gzhan dag kyang shes pa ni yin no/ /ji snyed cig gis shes pa thams cad bsdus she na/ shes pa bcu bsdus so/ /mdor bsdu na/ shes pa zag bcas zag pa med//de gnyis las kyang / dang po kun rdzob ces bya'o/ /zag pa dang bcas pa gang yin pa de ni kun rdzob shes pa yin no/ /zag med rnam gnyis chos dang ni/ /rjes su shes pa kho na yin/ /shes pa gnyis po de dag ni gsum yin no/ /de la kun rdzob yul ni thams cad do/ /kun rdzob shes pa'i dmigs pa ni chos thams cad do//chos shes bya ba'i spyod yul ni/ /'dod sdug bsngal sogs/ chos shes pa'i dmigs pa ni 'dod pa na spyod pa'i sdug bsngal dang / de'i kun 'byung ba dang / 'gog pa dang / lam rnams yin no/ /rjes shes pa'i/ spyod yul gong ma'i sdug bsngal sogs//rjes su shes pa'i dmigs pa ni gzugs dang gzugs med pa na spyod pa rnams kyi sdug bsngal la sogs pa'o/ /de dag nyid bden bye brag gis/ /bzhi ste/ sdug bsngal la sogs pa'i shes pa rnams yin te/ de la dmigs pa'i phyir ro/ /rnam bzhi de dag ni/ mi skye ba dang zad pa shes/ /de dag chos dang rjes su shes pa bzhi ste/zad pa shes pa dang / mi skye ba shes pa zhes bya'o/ /de gnyis dang po skyes pa ni/ /sdug bsngal rgyu rjes shes pa yin/ /sdug bsngal dang / kun 'byung gi rnam pa rnams kyis srid pa'i rtse mo'i phung po la dmigs pa'i phyir ro/ /bzhi las pha rol sems rig pa/ /pha rol gyi sems rig pa ni chos dang rjes su shes pa dang /lam dang / kun rdzob shes pa rnams su blta bar bya'o/ /de'i nges pa ni 'di yin te/ des ni sa dbang gang zag 'das/ /zhig dang ma skyes mi rig go/ /sa 'das pa mi rig pa ni bsam gtan 'og ma'i sa pas bsam gtan gong ma'i sa pa'o/ /dbang po 'das pa mi shes pa ni dad pas mos pa dang /dus kyi rnam par grol ba'i lam gyis mthong bas thob pa dang dus dang mi sbyor bar rnam par grol ba'i lam mo/ /gang zag 'das pa mi shes pa ni phyir mi 'ong ba dang dgra bcom pa dang nyan thos dang / rang sangs rgyas dang / sangs rgyas kyi lam 'og mas gong ma'o/ / zhig pa dang ma skyes pa mi shes pa ni 'das pa dang ma 'ongs pa'o/ /gzhan yang / chos rje blo phyogs phan tshun min/ /pha rol gyi sems shes pas chos shes pa'i phyogs dang mthun pas kyang rjes su shes pa'i phyogs dang mthun pa'i sems mi shes so/ /de bzhin du gzhan gyi gzhan yang ngo / /ma thob pa'i lam la pha rol gyi sems shes pa med do//de'i dmigs pa ni yod de/ de la pha rol gyi sems shes pas mthong ba'i lam shes par 'dod pas sbyor ba byas pa/ nyan thos mthong ba'i skad cig gnyis/ /rig ste bse ru lta bus gsum/ /sangs rgyas sbyor ba med par kun/ /pha rol gyi sems shes pas skad cig ma gnyis shes pa ste/sdug bsngal la chos shes pa'i bzod pa dang / chos shes pa'o/ /rjes su shes pa'i phyogs dang mthun pa la dmigs pa ni sbyor ba gzhan gyis bsgrub par bya ba yin pa'i phyir ro/ /rang sangs rgyas kyis ni dang po gnyis dang / brgyad pa kun 'byung ba la rjes su shes pa dang / gsum shes te sbyor ba chung ba'i phyir/ gzhan dag na re dang po dang gnyis pa dang bco lnga pa rnams shes so zhes zer ro/ /sangs rgyas kyis ni sbyor ba med par mthong ba'i lam gyi skad cig ma thams cad mkhyen to/ /yang zad pa shes pa dang mi shes pa dag la khyad par ci yod ce na/ zad pa shes pa bden rnams la/ / yongs shes pa la sogs nges pa'o/ /yongs shes byar med ces la sogs/ /mi skye ba yi blor 'dod do/ /sdug bsngal la sogs pa rnams la yongs su shes/ spangs mngon sum du byas/ bsgoms pa nyid kyi nges pa ni zad pa shes pa'o/ /de bzhin du yongs su shes par bya ba med pa nas bsgom par bya ba med do zhes bya ba'i bar gyis nges pa ni mi skye ba'i shes pa'o//de ltar de dag ni shes pa bcu ste/ chos shes pa dang / rjes su shes pa dang / kun rdzob shes pa dang / pha rol gyi sems shes pa dang / kun 'byung shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa'o//ci'i phyir de dag gsum yod la bcur rnam par gzhag ce na/ rang bzhin dang ni gnyen po dang / /rnam pa rnam pa spyod yul dang / /sbyor dang bya ba byas nyid dang / /rgyu byas pa las bcu yin no/ /rang bzhin las ni kun rdzob shes pa ste/ /don dam pa ni mi shes pa'i phyir ro/ /gnyen po las ni chos dang rjes su shes pa dag ste/'dod pa'i khams dang / khams gong ma'i gnyen po yin pa'i phyir ro/ /rnam pa las ni sdug bsngal dang / /kun 'byung ba shes pa dag ste/ rdzas la dmigs pa tha mi dad pa'i phyir ro/ /rnam pa dang dmigs pa las ni 'gog pa dang lam shes pa dag ste/ rnam pa dang dmigs pa tha dad pa'i phyir ro//sbyor ba las ni pha rol gyi sems shes pa ste/ sems shes par bya ba'i don du sbyor ba byas pa las grub pa'i phyir sems las byung ba yang shes so/ /bya ba byas pa las ni zad pa shes pa lta/ bya ba byas pa'i rgyud la dngos po nyid du skye ba'i phyir ro/ /rgyu rgyas pa las ni mi skye ba shes pa ste/zag pa med pa'i shes pa thams cad kyi rgyu can yin pa'i phyir ro/ /thams cad kyi gnyen po thams cad yin pa'i phyir chos shes pa 'dod pa'i khams kyi gnyen po zhes bshad par zad kyi/ bsgom pa'i lam la 'gog pa'i lam/ /lam la chos shes gang yin de/ /khams gsum gyi ni gnyen po yin/ / 'gog pa dang lam la chos shes pa'i bsgom pa'i lam gyis bsdus pa dag ni khams gsum char gyi gnyen po yin no/ /'dod pa'i khams kyi rjes ma yin/ /shes pa bcu po de dag las/ /chos shes pa dang rjes su shes/ /rnam pa bcu drug /de dag ni 'og nas bshad par bya'o/ /kun rdzob ni/ de bzhin gzhan du 'ong /rnam pa bcu drug dang ldan pa yang yin la/ gzhan gyi rnam pa can yang yin te/ chos thams cad kyi rang dang spyi'i mtshan nyid la sogs pa 'dzin pa'i phyir ro/ /rang rang gi bden pa'i rnam pas bzhi yin no/ /sdug bsngal gyi bden pa la sogs pa rnams ni rang rang gi bden pa'i rnam pa dag tu 'jug pa re re zhing rnam pa bzhi bzhi yin no//pha rol yid shes dri med kyang / /de bzhin rnam pa bzhi dang ldan pa yin te/ lam shes pa yin pa'i phyir ro/ /dri ma dang bcas ni/ shes bya'i rang gi mtshan nyid rnam/ /zag pa dang bcas pa ni shes bya sems dang sems las byung ba rnams kyi rang gi mtshan nyid gang yin pa de ni rnam pa 'dzin pa'o//gnyis ka yang / rdzas re re zhig spyod yul lo/ /gang gi tshe sems 'dzin pa de'i tshe sems las byung ba rnams mi 'dzin la/ gang gi tshe tshor ba 'dzin pa de'i tshe 'du shes mi 'dzin zhes bya ba de lta bu la sogs pa'o/ /lhag ma rnam pa bcu bzhi can/ /stong dang bdag med ma gtogs so/ / zad pa dang / mi skye ba'i shes pa dag ste/ de gnyis ni stong pa dang bdag med pa'i rnam pa dag ma gtogs pa rnam pa bcu bzhi yin no/ /don dam pa bdag yin kyang kun rdzob la brten pa'i phyir ro/ /ci zag pa med pa la rang gi mtshan nyid kyi rnam pa yod dam/ 'on te med ce na/ dri med bcu drug gzhan rnam med/ / rnam pa bcu drug ma gtogs pa zag pa med pa'i rnam pa med do/ /gzhan yod ces pa bstan bcos la/ /gzhan nyi 'og pa rnams na re yod ces zer ro/ /bstan bcos las 'di skad du/ mi ldan pa'i sems kyis 'dod pa dang ldan pa'i chos rnams shes pa na 'di ni gnas yod do/ /'di ni gzhi yod do//ces bya bar shes par 'gyur bar zhes bya ba sbyor bar byed pas rnam par shes pa zhes bya ba'i bar ro/ /yang ci rnam pa bcu drug po 'di ming du 'am rdzas su yod ce na/ rdzas su rnam pa bcu drug go/ /de la rkyen la rag lus pa'i phyir mi rtag pa'o/ /gnod pa'i bdag nyid yin pa'i phyir sdug bsngal ba'o//bdag gir lta ba'i mi mthun pa'i phyogs kyis stong pa'o/ /bdag tu lta ba'i mi mthun pa'i phyogs kyi bdag med pa'o/ /sa bon gyi chos kyi tshul gyi rgyu'o/ /'byung ba'i tshul gyis kun 'byung ba'o/ /'brel ba'i tshul gyis rab tu skye ba'o/ /mngon par 'grub pa'i don gyis rkyen no/ /phung po zhig pa'i phyir 'gog pa'o//me gsum zhi ba'i phyir zhi ba'o/ /'tshe ba med pa'i phyir gya nom pa'o/ /skyon thams cad dang bral ba'i phyir nges par 'byung ba'o/ /bgrod par bya ba'i don gyis na lam mo/ /rigs pa dang ldan pa'i phyir rigs pa'o/ /yang dag par bsgrub pa'i don gyis sgrub pa'o/ /shin tu yang dag par 'da' bar byed pa'i phyir nges par 'byin pa'o//rnam pa zhes bya ba'i chos 'di ci zhe na/ rnam pa shes rab/ yang ci shes rab kho nas 'dzin par byed dam zhe na/ smras pa/ ma yin no/ /'o na ji lta bu zhe na/ dang bcas pa'i/ dmigs pa dang bcas par 'dzin par byed/ shes rab dang / gzhan yang dmigs pa dang bcas pa'i chos rnams kyis 'dzin par byed do/ /yod pa thams cad gzung bya yin/ /gang ci yod kyang rung thams cad gzung bar bya ba yin no/ /shes pa bcu po rnams kyi dge ba la sogs pa'i dbye ba brjod de/ dang po rnam gsum/ dge ba dang mi dge ba dang /lung ma bstan no/ /gzhan rnams dge /shes pa dgu po ni dge ba kho na yin no/ /dngos po sa rnams thams cad na 'dod pa'i khams nas srid pa'i rtse mo'i bar ro/ /drug na chos shes bya/ /bsam gtan bzhi dang / mi lcogs pa med pa dang / bsam gtan khyad par can na'o/ /dgu na/ rjes shes bya ba/drug la gzugs med pa gsum bsnan nas so/ /de bzhin drug /sdug bsngal dang / kun 'byung dang / 'gog pa dang / lam dang / zad pa dang / mi skye ba shes pa rnams kyang sa dgu po de dag nyid na'o/ /gzhan yid shes pa bsam gtan bzhi/ /pha rol gyi sems shes pa ni bsam gtan bzhi na'o//de ni 'dod dang gzugs rten can/ /'dod pa dang gzugs kyi khams su de mngon sum du byed do/ /chos shes bya ba 'dod rten can/ /khams gsum pa yin rten can gzhan/ /pha rol gyi sems dang / chos shes pa ma gtogs pa khams gsum du mngon sum du byed do/ /sa dang rten bshad zin to/ / dran pa nye bar gzhag pa'i bsdus pa brjod par bya ste/ 'gog blo dran pa nyer gzhag pa/ /gcig ste/ 'gog pa shes pa gcig ni chos dran pa nye bar gzhag pa'o/ /pha rol sems blo ni/ gsum mo/ /pha rol gyi sems shes pa ni gsum ste/ tshor ba dang / sems dang / chos dran pa nye bar gzhag pa yin no/ /lhag ma bzhi yin no/ /'gog pa dang /pha rol gyi sems shes pa dag las gzhan rnams ni dran pa nye bar gzhag pa bzhi char ro/ /shes pa gang gi dmigs pa shes pa du yin zhe na/ chos blo'i spyod yul dgu yin no/ /rjes su shes pa ma gtogs pa'o/ /lam rjes blo yi dgu yin no/ /go rims bzhin du kun rdzob dang / /chos shes pa las gzhan pa'o//sdug bsngal rgyu blo'i gnyis yin no/ /kun rdzob dang / gzhan gyi sems shes pa dag go/ /bzhi yi bcu yin/ kun rdzob dang / gzhan gyi sems shes pa dang / zad pa dang / mi skye ba shes pa rnams kyi dmigs pa bcu ka'o/ /gcig gi min/ 'gog pa shes pa'i dmigs pa ni shes pa ma yin pa nyid do//chos bcu dag ni sbyar bar bya/ /bcu gang zhe na/ khams gsum pa dang dri med chos/ /'dus ma byas rnams gnyis gnyis so/ /chos 'dus ma byas rnams la 'dod pa dang / gzugs dang / gzugs med pa na spyod pa dang / zag pa med pa rnams mtshungs par ldan pa dang /ldan pa ma yin pa'i bye brag gis rnam pa brgyad du bya'o/ /'dus ma byas rnams la dge ba dang / lung du ma bstan pa'i bye brag gis rnam pa gnyis su bya'o/ /chos bcu po 'di dag ji ltar sbyar bar bya zhe na/ shes pa gang gi dmigs pa du zhig yin zhes sbyar bar bya zhe na/ de la kun rdzob shes pa'i dmigs pa ni chos bcu po thams cad yin no//chos shes pa'i ni lnga ste/ 'dod pa na spyod pa dang / zag pa med pa bzhi dang / 'dus ma byas dge ba yin no/ /rjes su shes pa ni bdun te/ gzugs dang / gzugs med pa na spyod pa dang / zag pa med pa drug dang / 'dus ma byas dge ba yin no//sdug bsngal dang / kun 'byung shes pa dag gi ni drug ste/ 'dod pa dang gzugs dang gzugs med pa na spyod pa rnams so/ /'gog pa shes pa ni gcig ste/ 'dus ma byas dge ba kho na'o/ /lam shes pa ni gnyis te/ zag pa med pa dag go/ /gzhan gyi sems shes pa ni gsum ste/ 'dod pa na spyod pa dang /gzugs na spyod pa dang / zag pa med par mtshungs par ldan pa rnams so/ /zad pa dang mi skye ba shes pa dag gi dmigs pa ni chos dgu ste/ 'dus ma byas lung du ma bstan pa ma gtogs so/ /shes pa gcig gis thams cad shes par 'gyur ba yod dam zhe na/ med do/ /'on kyang / kun rdzob gcig pus rang tshogs las/ /gzhan ni bdag med nyid rig 'gyur/ /kun rdzob shes pas ni rang gi tshogs las gzhan pa'i chos thams cad ni bdag med pa'o zhes bdag med pa nyid du shes par 'gyur ro/ /de ni rdzogs so/ /gang zhig shes pa du dang ldan pa zhes bya ba 'di brjod par bya ste/ re zhig so so'i skye bo ni kun rdzob shes pa gcig pu dang ldan no//'dod chags dang bral ba zhig yin na ni pha rol gyi sems shes pa dang yang ngo / /'phags pa ni/ zag med skad cig dang po la/ /chags bcas shes pa gcig dang ldan/ /'dod pa las 'dod chags dang ma bral ba zhig yin na sdug bsngal la chos shes pa'i bzod pa la kun rdzob shes pa gcig kho na dang ldan no//gnyis pa la gsum/ sdug bsngal la chos shes pa la ni kun rdzob shes pa dang / chos shes pa dang / sdug bsngal shes pa ste gsum dang ngo / /yan chad ni/ bzhi la re re 'phel dang ldan/ /sdug bsngal la rjes su shes pa la ni rjes su shes pa 'phel la/kun 'byung ba dang / 'gog pa dang / lam la chos shes pa rnams la ni de dag kho na 'phel lo/ /'dod chags dang bral ba zhig yin na ni thams cad du gzhan gyi sems shes pa lhag par ldan par rig par bya'o/ /yang gnas skabs gang du shes pa du zhig 'thob ce na/mthong ba'i lam la bzod pa dang / /shes pa ji ltar skyes pa rnams/ /ma 'ongs pa 'thob/ mthong ba'i lam la bzod pa'am shes pa gang dang gang skyes pa dang 'dra ba ma 'ongs pa de'i rnam pa bzhi kho na 'thob par 'gyur ro/ /de nyid la/ rjes gsum la ni kun rdzob kyang / /mthong ba'i lam de nyid la sdug bsngal dang /kun 'byung ba dang / 'gog pa la rjes su shes pa gsum la kun rdzob shes pa yang 'thob bo/ /chos shes pa la ni ma yin te/ bden pa zad par mngon par ma gtogs pa'i phyir ro/ /de'i phyir mngon rtogs mtha' zhes bya/ /de nyid kyi phyir kun rdzob shes pa de ni mngon par rtogs pa'i mtha' las 'byung ba'o//de res 'ga' mngon sum du byed dam zhe na/ nam yang mi byed/ de mtha' gcig tu/ de ni mi skye'i chos can yin/ /sa du pa'i kun rdzob shes pa de 'thob ce na/ mthong ba'i lam gyis ni/ rang dang 'og sa/ mthong ba'i lam sa gang yin pa'i sa de ba dang / 'og ma'i kun rdzob shes pa 'thob ste/gal te mi lcogs pa med pa'i sa pa zhig yin na ni de nyid kyi sa pa dang / 'dod pa na spyod pa 'thob bo/ /gzhan la yang de bzhin no/ /de yang dran pa nye bar gzhag pa du dag gcig yin zhe na/ 'gog pa'i mtha'/ 'gog pa mngon par rtogs pa las chos dran pa nye bar gzhag pa'o/ /lhag ma dran pa nye bar gzhag pa bzhi char ro//de yang 'di mngon par rtogs pa'i mtha' las byung ba ni/ rang bden rnam can 'bad las byung / /bden pa gang zhig mngon par rtogs pas thob pa de ni bden pa'i rnam pa can kho na'o/ /mthong lam gyis thob par bya ba yin pa'i phyir sbyor ba las byung ba yin no zhes bya ba'i tha tshig go//chags bcas bcu drug pa la drug /'dod chags dang ma bral ba la ni lam la rjes su shes pa'i skad cig ma la shes pa gnyis pa da ltar byung ba yin te/ lam shes pa dang / lam la rjes su shes pa'o/ /ma 'ongs pa drug 'thob ste/ chos shes pa dang / rjes su shes pa dang / sdug bsngal dang /kun 'byung dang / 'gog pa dang / lam shes pa rnams so/ /'dod la chags dang bral ba bdun/ /bdun pa ni pha rol gyi sems shes pa'o/ /de yi gong ma chags bcas kyis/ /bsgom pa'i lam la bdun thob bo/ /skad cig ma bcu drug gi gong ma ji srid du 'dod pa las 'dod chags dang bral ba ma yin pa de srid du sbyor ba dang bar chad med pa dang rnam par grol ba dang /khyad par gyi lam thams cad la shes pa bdun 'thob ste/ drug po dang / kun rdzob kyi shes pa bdun pa yin no/ /sa bdun las rgyal mngon shes dang / mi g.yo 'thob dang spel bsgom pa'i/ /bar chad med pa'i lam dag dang / /gong ma'i grol ba'i lam brgyad la'ang //sa bdun ni bsam gtan bzhi dang / gzugs med pa gsum mo/ /de dag las 'dod chags dang bral ba dang / mngon par shes pa lnga dang / mi g.yo ba rtogs par byed pa dang / bsam gtan spel mar bsgom pa slob pa bar chad med pa'i lam ji snyed pa de thams cad la shes pa bdun 'thob ste/de dag nyid do/ /mi g.yo ba rtogs par byed pa la ni kun rdzob shes pa ni mi 'thob ste/ der ni zad pa shes pa bdun pa yin no/ /srid pa'i rtse mo'i 'dod chags dang bral ba'i rnam par grol ba'i lam brgyad la yang shes pa bdun po kho na 'thob ste/ gzhan gyi sems shes pa ni bdun pa yin la kun rdzob shes pa ni ma yin te/srid pa'i rtse mo'i gnyen po ma yin pa'i phyir ro/ /slob pa sbyong ba'i grol ba la/ /shes pa drug dang bdun 'thob bam/ /slob pa sbyong ba'i rnam par grol ba'i lam la 'dod chags dang bcas pa ni drug 'thob bo/ /'dod chags dang bral ba la pha rol gyi sems shes pa ni bdun pa yin no//bar chad med pa'i lam la drug /slob pa sbyong ba'i bar chad med pa'i lam la drug 'thob bo/ /de bzhin srid rtse'i lam rgya la la'ang / /srid pa'i rtse mo las 'dod chags dang bral ba'i bar chad med pa'i lam la yang de bzhin drug 'thob bo/ /zad pa shes pa la dgu'o/ / mi skye ba shes pa las gzhan pa rnams so/ /mi g.yo bas ni bcu 'thob bo/ /mi g.yo ba'i chos can gang yin pa des ni bcu char 'thob bo/ /der 'pho grol ba'i tha ma la'ang / /gang zhig mi g.yo ba nyid du 'pho ba de'i rnam par grol ba'i las tha ma la yang bcu 'thob bo/ /bshad pa'i lhag ma la brgyad 'thob//lhag ma yang gang zhig ce na/ 'dod pa'i 'dod chags dang bral ba'i rnam par grol ba'i lam dgu pa dang / sa bdun pa las 'dod chags dang bral ba dang / mngon par shes pa dang spel mar bsgom pa dag gi rnam par grol ba'i lam rnams dang / mi g.yo ba rtogs par byed pa'i rnam par grol ba'i lam brgyad dang /'dod chags dang bral ba'i sbyor ba dang / khyad par can gyi lam thams cad de/ de dag thams cad la ni zad pa dang mi skye ba shes pa ma gtogs pa shes pa brgyad ma 'ongs pa 'thob bo/ /yang lam gang las du ba'i shes pa 'thob ce na/ re zhig kun rdzob shes pa ni lam sa gang ba yin pa dang /dang po nyid du sa gang thob pas de pa'i ma 'ongs pa 'thob bo/ /zag pa med pa ni lam sa gang yin pa 'ba' zhig tu yang ma zad de/ 'o na ji lta bu zhe na/ gang las chags bral bya phyir gang / /thob pa der yang 'og ma'ang 'thob/ /sa gang las 'dod chags dang bral bar bya ba la yang sbyor ba'i lam la sogs pa rnam pa gnyis yin la/'dod chags dang bral bas sa gang zhig 'thob pa de'i sa pa dang sa 'og ma'i zag pa med pa'i shes pa rnams thob par 'gyur ro/ /zad pa shes la zag bcas kyang / /zad pa shes pa la ni zag pa dang bcas pa'i yon tan mi sdug pa dang / dbugs 'byung ba dang / rngub pa dran pa dang / dran pa nye bar gzhag pa dang / tshad med pa dang / rnam par thar ba la sogs pa gang ji snyed pa de thams cad 'thob bam zhe na/ gang sngon med pa de snyed kyi/ /sa kun sngon snyed mi 'thob bo/ /gang rnam par nyams pa las gang rnyed pa de yang mi 'thob ste/'thob pa btang ba'i phyir ro/ /ci thob pa rnyed pa kho na yin nam zhe na/ smras pa/ ma yin no/ /thob pa ni rnam pa bzhi ste/ de la/ rnyed dang bsten zhes bya ba ni/ /dge ba 'dus byas thob pa'o/ /gnyen po dang ni thag bsring ba'i/ /thob pa zag dang bcas pa yin/ rnyed pa dang bsten pas thob pa dag ni dge ba dang 'dus byas rnams kyi yin te/ma 'ongs pa rnams kyi gcig go/ /da ltar byung ba rnams kyi gnyis ka'o/ /gnyen po dang thag bsring ba'i thob pa dag ni zag pa dang bcas pa'i chos rnams kyi yin no/ /gang zag thams cad kyi zad pa shes pa'i yon tan thob pa'i phyir bshad kyi/sangs rgyas chos ni ma 'dres pa/ /stobs la sogs pa bco brgyad do/ /stobs bcu dang / mi 'jigs pa bzhi dang / dran pa nye bar gzhag pa gsum dang / thugs rje chen po ste/ 'di rnams bcom ldan 'das kyi zad pa mkhyen pa kho nas brnyes par 'gyur ro/ /de la gnas dang gnas min shes pa bcu//las 'bras la brgyad/ las dang rnam par smin pa mkhyen pa'i stobs ni shes pa brgyad de/ 'gog pa dang / lam shes pa dag ma gtogs so/ /bsam gtan sogs/ dbang po mos dang khams dang la ni/ dgu'o/ /bsam gtan dang / rnam par thar pa dang / ting nge 'dzin dang /snyoms par 'jug pa mkhyen pa'i stobs ni shes pa dgu ste/ 'gog pa shes pa ma gtogs pa'o/ /dbang po mchog dang mchog ma yin pa mkhyen pa'i stobs dang / mos pa sna tshogs mkhyen pa'i stobs dang / khams sna tshogs mkhyen pa'i stobs kyang de bzhin du rig par bya'o/ /lam dag la bcu'am/'am gyi sgra las dgu zhes pa yang ngo / /gal te lam de 'bras bu dang bcas par gzung na ni shes pa bcu'o/ /gal te ma yin na ni dgu ste/ de dag kho na'o/ /gnyis ni kun rdzob shes pa yin/ /sngon gyi gnas rjes su dran pa mkhyen pa'i stobs dang / 'chi 'pho dang skye ba mkhyen pa'i stobs dag ni kun rdzob shes pa'o//zad pa drug gam bcu yin no/ /zag pa zad pa'am mkhyen pa'i stobs ni shes pa drug ste/ chos shes pa dang / rjes su shes pa dang / 'gog pa shes pa dang / zad pa shes pa dang / mi skye ba shes pa dang / kun rdzob shes pa rnams te/ gal te zag pa zad pa 'gog pa shes pa kho na zhig yin nam/'on te zad pa shes pa zag pa zad pa'i shes pa'i rgyud la yod pa yin na ni des na shes pa bcu yin no/ /rang bzhin bshad nas sa brjod pa/ /sngon gnas 'chi 'pho skye ba'i stobs/ /bsam gtan dag na/ sngon gyi gnas dang / 'chi 'pho ba dang / skye ba mkhyen pa'i stobs ni bsam gtan bzhi'i sa pa'o//lhag ma ni/ sa rnams kun na/ de dag kyang 'dod pa'i khams dang / mi lcogs pa med pa dang / bsam gtan khyad par can dang / bsam gtan dang / gzugs med pa dag ste bcu gcig go/ /shes pa rnam pa bcu po de nyid gzhan gyi stobs zhes mi bya'o/sangs rgyas kho na'i stobs zhes bya ste/ ci'i phyir/ 'di stobs gang phyir thogs mi mnga'/ /gang gi phyir 'di'i mkhyen pa shes bya thams cad la thogs pa mi mnga' bar 'jug pa'i phyir ro/ /re zhig de ltar na mkhyen pa thogs pa mi mnga' ba'i phyir sangs rgyas rnams kyi yid kyi stobs ni shes bya bzhin du mtha' yas pa yin no//sku la sred med bu yi stobs/ /gzhan dag tshigs na/ gzhan dag na re tshigs dang tshigs na sred med kyi bu'i stobs mnga'o zhes zer ro/ /sred med kyi bu'i stobs kyi tshad ji tsam zhe na/ glang chen sogs/ /bdun cus lhag pa'i stobs yin no/ /glang po che phal pa dang / stobs kyi glang po che dang / tshan po che dang / rab gnon dang / yan lag mchog dang / stobs mchog dang / sred med kyi bu rnams gong mas gong du bcu 'gyur du bskyed de brjod par bya'o/ /de ni reg bya'i skye mched do/ /lus kyi stobs de ni thams cad kyang reg bya'i skye mched kyi rang bzhin 'byung ba chen po'i khyad par kho nar rig par bya'o//stobs rnams bshad zin to/ /mi 'jigs pa ni rnam pa bzhi/ /mdo las ji skad du 'byung ba bzhin no/ /de dag kyang / ji ltar stobs ni dang po dang / /bcu pa gnyis pa bdun pa bzhin/ /stobs dang po ji lta bar/ kye ma nga mngon par rdzogs par sangs rgyas par gyur pa la zhes bya ba'i mi 'jigs pa 'di yang de dang 'dra'o//zag pa zad pa mkhyen pa'i stobs ji lta bar kye ma nga zag pa zad par gyur ba la zhes bya ba'i mi 'jigs pa 'di yang de dang 'dra'o/ /las bdag gir bya ba mkhyen pa'i stobs ji lta bar ngas gang dag bar du gcod par 'gyur ba'i chos gsungs pa la zhes mi 'jigs pa yang de dang 'dra'o/ /kun du 'gro ba'i lam mkhyen pa'i stobs ji lta bar ngas gang nyan thos rnams kyi nges par 'byung ba'i lam du gsungs pa la zhes bya ba'i mi 'jigs pa 'di yang de dang 'dra'o//dran pa nye bar gzhag pa ni 'khor gyi bye brag las gsum yin te/ mdo ji lta bar de yang / dran dang shes bzhin bdag nyid gsum/ dran pa nye bar gzhag pa gsum po 'di dag ni dran pa dang shes bzhin gyi bdag nyid yin no//thugs rje chen po kun rdzob blo/ /thugs rje chen po ni kun rdzob shes pa'i bdag nyid do/ /ci'i phyir thugs rje chen po zhes bya zhe na/ tshogs dang rnam pa spyod yul dang / /mnyam pa'i phyir dang ches che'i phyir/ /tshogs ni bsod nams dang ye shes kyi tshogs chen pos yang dag par grub pa'i phyir ro//rnam pa ni sdug bsngal gsum la rtog pa'i phyir ro/ /dmigs pa ni khams gsum la dmigs pa'i phyir ro/ /mnyam pa nyid ni sems can thams cad la 'dra bar 'jug pa'i phyir ro/ /chas che ba nyid ni de las che ba med pa'i phyir ro/ /snying rje dang /thugs rje chen po gnyis la tha dad du bya ba ci yod ce na/ tha dad bya ba rnam pa brgyad/ /ngo bo nyid las ni zhe sdang med pa dang / gti mug med pa'i ngo bo'i phyir ro/ /rnam pa las ni sdug bsngal gcig dang / gsum gyi rnam pa can gyis so/ /dmigs pa las ni khams gcig dang / /gsum gyi sems can la dmigs pas so//sa las ni bsam gtan bzhi dang / bsam gtan bzhi pa'i sa pas so/ /rgyud las ni nyan thos la sogs pa dang / sangs rgyas kyi rgyud la skyes pas so/ /thob pa las ni 'dod pa'i khams dang / srid pa'i rtse mo'i 'dod chags dang bral bas thob pa'i phyir ro/ /yongs su mi skyob pa dang yongs su skyob pa dang /mi 'dra ba dang / 'dra bar thugs rje chen po mdzad pa'i phyir ro/ /ci sangs rgyas thams cad kyis mnyam pa yin zhe na/ sangs rgyas thams cad tshogs dang ni/ /chos sku 'gro ba'i don spyod pas/ /mnyam pa nyid de sku tshe dang / /rigs dang sku bong tshod kyis min/ /sangs rgyas thams cad ni rgyu gsum po sngon gyi bsod nams dang ye shes kyi tshogs kyis yang dag par 'grub pa dang /chos kyi sku yongs su 'grub pa dang / 'jig rten gyi don spyod pas mnyam pa nyid yin no/ /sku tshe dang / rigs dang / gdung dang / sku bong tshod du mdzad pa la ni bye brag yod do/ /re zhig de dag ni sangs rgyas kyi chos ma 'dres pa bco brgyad ces bya'o//chos gzhan slob dang thun mong yin/ /kha cig so so'i skye bo dang / /de dag kyang gang zhe na/ nyon mongs med dang smon nas shes/ /so so yang dag rig mngon sogs/ /de la/ nyon mongs med pa kun rdzob shes/ /de yi rang bzhin 'di yin te/ /bsam gtan mtha' na/bsam gtan bzhi pa'i sa pa yin te/ lam sla ba rnams kyi mchog yin pa'i phyir ro/ /mi g.yo'i chos/ dgra bcom pa gzhan gyi ni ma yin no/ /mis bskyed/ gling gsum du bskyed do/ /nyon mongs 'dod gtogs pa/ ma skyes gzhir bcas spyod yul can//de'i dmigs pa ni nyon mongs pa 'dod pa na spyod pa ma 'ongs pa gzhi dang bcas pa rnams yin te/ pha rol po dag nyon mongs pa skye bar ma gyur cig ces zhugs pa'i phyir ro/ /nyon mongs pa med pa ji skad du bshad pa/ smon nas shes pa'ang de bzhin no/ /de yang kun rdzob shes pa dang / /bsam gtan gyi mtha' na yod pa dang /mi g.yo ba'i chos can yin pa dang / mi'i rten can yin no/ /de'i dmigs pa thams cad do/ /smon nas shes pa'i dmigs pa ni chos thams cad dang ldan no/ /de bzhin chos don nges tshig dang / /spobs pa so so yang dag rig /de bzhin zhes bya ba ni nyon mongs pa med pa mi g.yo ba'i chos can dang /mi'i rten can bzhin no/ /'di dag ni dmigs pa dang / sa dang / rang gi ngo bo'i bye brag ni tha dad par brjod do/ /gsum ni go rims bzhin ming dang / don dang ngag la thogs med shes/ /ming dang tshig dang yi ge'i tshogs rnams dang / don dang / ngag la thogs pa med par shes pa ni chos dang /don dang / nges pa'i tshig so so yang dag par rig pa rnams so/ /bzhi pa rig pa thags thogs med/ /mngon spyod lam la dbang nyid la/ /thags thogs med par mngon par brjod pa nyid dang / ting nge 'dzin la dbang bar bsal bar bya ba la thogs pa med par shes pa yin no//de yi dmigs pa ngag dang lam/ /de'i dmigs pa ni ngag kyang yin la lam yang yin no/ /shes pa dgu'o/ /de'i rang bzhin ni 'gog pa shes pa ma gtogs pa dgu'o/ /sa thams cad 'dod pa nas srid pa'i rtse mo'i bar sa thams cad pa yin no/ /yang dag don rig bcu'am drug /gal te chos thams cad yin na ni shes pa bcu'o//'on te mya ngan las 'das pa yin na drug ste/ chos dang rjes su shes pa dang / 'gog pa dang / zad pa dang / mi skye ba dang / kun rdzob shes pa rnams so/ /de ni kun na/ don so so yang dag par rig pa ni thams cad pa'o/ /gzhan kun rdzob/ chos dang nges pa'i tshig so so yang dag par rig pa dag ni kun rdzob shes pa'i rang bzhin no//chos rig 'dod dang bsam gtan na/ /'dod pa dang bsam gtan bzhi na'o/ /ngag ni 'dod dang dang po na/ /nges pa'i tshig so so yang dag par rig pa ni 'dod pa'i khams dang / bsam gtan dang po'i sa pa'o//ma tshang bar ni de thob med/ /gang la gcig yod pa de la so so yang dag par rig pa bzhi char gdon mi za bar yod do/ /nyon mongs pa med pa la sogs pa'i yon tan bstan pa gang yin pa/ drug po de dag bar mtha' bas/ /bsam gtan bzhi pa'i stobs kyis 'di dag 'thob bo/ / de ni rnam drug nyon mongs pa med pa dang / smon nas shes pa dang / so so yang dag par rig pa gsum dang / rab kyi mtha' de nyid dang / drug gi bdag nyid do/ /rab kyi mtha' zhes bya ba ni ci zhe na/ bsam gtan mtha'/ bsam gtan bzhi pa'o/ /de ni sa kun gyis mthun byas/ /'phel ba'i rab tu phyin pa yin//'dod pa na spyod pa'i sems las bsam gtan dang po la snyoms par zhugs pa nas/ rim gyis bsam gtan bzhi pa'i bar dang / de bzhin du gong ma la yang ste/ de ltar na sa thams cad kyis mthun par byas pa yin no/ /de ltar bsgom pa chung ngu las 'bring dang / 'bring las chen po la snyoms par 'jug ste/'phel ba'i rab yin no/ /yon tan drug po de yang / sangs rgyas las gzhan sbyor las skyes/ /'dod chags dang bral bas thob pa ni ma yin no/ /re zhig de dag nyan thos dang thun mong ba'o/ /mngon par shes pa la sogs pa so so'i skye bo dang yang ngo / /mngon par shes pa gang zhe na/rdzu 'phrul rna ba yid dang ni/ /sngon tshe 'chi 'pho skye ba dang / /zad shes mngon du bya ba yi/ /mngon shes rnam drug de dag las lnga ni so so'i skye bo dang thun mong ba'o/ /de dag thams cad ni/ rnam grol blo/ /rnam par grol ba'i lam gyi shes rab kyi rang bzhin yin no/ /bzhi ni kun rdzob shes pa ste//sems kyi rnam grangs dang / zag pa zad pa'i mngon par shes pa ma gtogs pa'o/ /sems la shes pa lnga yin no/ /sems kyi rnam grangs mngon par shes pa ni lnga ste/ chos shes pa dang / rjes su shes pa dang / lam dang / kun rdzob dang / pha rol gyi sems shes pa rnams so//zad pa'i mngon shes stobs bzhin no/ /'di ni zag pa zad pa'i mkhyen pa'i stobs ji lta ba bzhin no/ /lnga ni bsam gtan bzhi dag na/ /mngon par shes pa lnga ni bsam gtan bzhi'i sa pa'o/ /lnga po de dag ni/ rang dang 'og sa'i yul can yin/ /gong ma'i ni ma yin no//'di dag ji ltar 'thob ce na/ ma 'dris pa rnams ni sbyor bas/ thob bya 'dris pa chags bral bas/ /mngon par shes pa ni tshe rabs gzhan na goms pa rnams ni 'dod chags dang bral bas 'thob bo/ /gsum pa dran pa nyer gzhag gsum/ /tshor ba dang / sems dang chos dran pa nye bar gzhag pa gsum mo//dang po rdzu 'phrul rna ba mig /rdzu 'phrul dang / lha'i rna ba dang / /mig gi mngon par shes pa ni lus dran pa nye bar gzhag pa'i'o/ /lhag ma dag ni dmigs kyis ma phye ba'i phyir dran pa nye bar gzhag pa bzhi char gyi rang bzhin yin no zhes bya bar grub po/ /mig dang rna ba'i mngon shes ni//lung du ma bstan lhag rnams dge/ /mig dang rna ba'i mngon par shes pa dag ni de dag dang mtshungs par ldan pa'i shes rab dag yin no/ /de dag ni gtso bo 'am phal che ba bstan pa yin no/ /mngon par shes pa 'di rnams las/ /gsum ni rig pa/ sngon gyi gnas dang / 'chi 'pho ba dang / skye ba shes pa dang / zag pa zad pa'i mngon par shes pa rnams ni mi slob pa'i rig pa gsum mo/ /ci'i phyir de dag kho na yin gyi gzhan ma yin zhe na/ sngon mtha' sogs/ ma rig pa ni bzlog phyir ro/ /'di dag ni sngon dang / phyi ma'i mtha' dang / bar la kun du rmongs pa zlog par byed do/ /de dag las kyang don dam par/mi slob pa tha ma/ zag pa zad pa'i mngon par shes pa nyid ni mi slob pa ste/ gnyis ni de'i/ rgyud la skyes phyir de'i zhes bya/ /mi slob pa'i rgyud las skyes pa'i phyir mi slob pa zhes brjod do/ /mngon par shes pa de dag slob pa yin par mi 'dod dam zhe na/ slob la 'dod de mi rig dang //bcas rgyud phyir na rig ma bshad/ /rgyud la ma rig pa dang bcas pa la rig pa gzhag tu mi rung ste/ yang de zil gyis gnon pa'i phyir ro/ /mngon par shes pa de dag las/ /dang po gsum pa drug pa ni/ /cho 'phrul rnams yin/ rdzu 'phrul dang / kun brjod pa dang / rjes su bstan pa'i cho 'phrul rnams yin no//'di dag gi nang na/ bstan pa mchog /rjes su bstan pa'i cho 'phrul ni mchog ste/ mi 'phrul phyir dang phan pa dang / /yid 'ong 'bras la sbyor byed phyir/ /rdzu 'phrul ci zhe na/ rdzu 'phrul ting 'dzin/ des ci zhig yang dag par 'byor bar 'gyur zhe na/ de las ni/sprul dang 'gro ba/ de la 'gro ba ni gsum ste/ ston pa la/ yid mgyogs 'gro ba/ yul thag ring por yang thugs bskyed pa'i dus su byon pa'i phyir ro/ /gzhan dag la/ phyin byed mos pa las byung yang / /nyan thos dang / rang sangs rgyas rnams ni lus phyin byed kyi 'gro ba yang yod de/bya ba bzhin du rim gyis lus phyin par byed pa'i phyir ro/ /mos pa las byung ba yang yod de/ thag ring po la nye bar mos nas myur du 'gro ba'i phyir ro/ /'gro ba 'di dag ni sangs rgyas la ma bshad kyang 'grub bo/ /sprul pa ni rnam pa gnyis te/ de la/ 'dod par gtogs pa'i sprul pa ni/ /phyi yi skye mched bzhi rnam gnyis//bdag dang gzhan gyi lus dang 'brel ba'i gzugs dang dri dang ro dang reg bya'i skye mched kyi rang bzhin no/ /gzugs gtogs gnyis/ de na dri dang ro med pa'i phyir ro/ /de yang rnam pa gnyis te/ 'dod pa'i khams ji lta bar 'di ni sprul pa rnam pa bzhi yin no/ /gzugs kyi khams na yang de dang 'dra bas mdor bsdu na sprul pa ni rnam pa brgyad yin no//de yang sprul pa ni sprul sems dag gis/ de dag kyang ni bcu bzhi'o/ /bsam gtan 'bras gnyis lnga yi bar/ /rim bzhin/ bsam gtan dang po'i 'bras bu ni gnyis te/ 'dod pa'i khams dang / bsam gtan dang po'i sa pa dag ste/de bzhin du bsam gtan bzhi pa'i bar dag kyang bzhi dang lngar sbyar bar bya'o/ /bsam gtan gyi 'bras bu sprul pa'i sems ni rang gi sa dang sa 'og ma pa yin par rig par bya'o/ /gong ma las skyes min/ sa gong ma'i sprul pa'i sems ni bsam gtan 'og ma'i 'bras bur med/ de rnyed bsam gtan bzhin/ yang ci sprul pa'i sems kho na las ldang bar 'gyur ram zhe na/ de lta bu ni med de/ de ni/ ngag dang rang sa las/ skye bar 'gyur te/ sprul pa'i sems ni bsam gtan dag pa pa'i mjug thogs su skye ba'am/ sprul pa'i sems kyi mjug thogs su skye'o/ /de las gnyis/ bsam gtan dag pa pa dang sprul pa'i sems dag skye'o/ /sprul pa'i sems thams cad kyang / rang gi sa pas sprul bar byed/ /sa gzhan pa yis ni ma yin no/ /smrar 'jug pa ni 'og mas kyang / /kyang gi sgras ni rang gi sa pas yang ngo / /'dod pa'i khams dang / bsam gtan dang po'i sa pa'i sprul pa ni rang gi sa pa'i sems kho nas smrar 'jug go//sa gong ma pa ni bsam gtan dang po'i sa pas so/ /sprul pa mang po rnams smra ba ni/ ston min sprul pa po dang bcas/ /sangs rgyas las gzhan pa ni sprul pa po dang bcas te smra'o/ /gang gi tshe smra ba'i sems pa de'i tshe sprul pa'i sems med pas sprul pa rnams kyang med de/ji ltar de smra 'jug ce na/ /byin gyis brlabs nas gzhan 'jug phyir/ /gnas par 'dod pas sprul pa byin gyis brlabs nas yid gzhan rnam par rig byed kun nas slong bar byed pas ngag 'jug par byed do/ /ci gson po kho na la byin gyi rlab yod dam zhe na/shi ba la yang byin rlabs yod/ /mi brten la med/ sha dang khrag la sogs pa byin gyis brlabs pa med pa'i phyir ro/ /gzhan dag min/ gzhan dag na re shi ba la byin gyis brlabs pa med do zhes zer ro/ /ci sems gcig gis sprul pa gcig kho na sprul par byed dam zhe na/ dang por du mas gcig yin te//dang po nyid du ni sprul pa'i sems du mas sprul pa gcig sprul par byed do/ /byang bar gyur nas bzlog pa'o/ /mngon par shes pa byang nas ni sems gcig gis sprul pa po ji snyed 'dod pa du mas sprul par byed do/ /yang ci sprul pa'i sems thams cad lung du ma bstan pa yin nam zhe na/ bsgoms las skyes pa lung ma bstan/ /skye ba las skyes rnam gsum mo/ /lha dang sha za la sogs pa'i skye bas thob pa'i sprul pa'i sems ni dge ba dang mi dge ba dang / lung du ma bstan pa yin no/ /ci bsgoms pa las byung ba dang skye bas thob pa'i rdzu 'phrul rnam pa 'di gnyis kho nar zad dam zhe na/ rdzu 'phrul rnam pa gnyis po de dag dang /gsang sngags sman dag dang / /las las skyes dang rnam pa lnga/ /rdzu 'phrul bshad zin to/ /lha yi mig dang rna ba yin/ /bsam gtan sa pa'i gzugs dang ba/ /bsam gtan la snyoms par zhugs pas sgra dang snang ba la gtong pa bsam gtan gyis pa'i rgyur byas pa'i gzugs dang bdag mngon par 'grub bo//yang de dag ni/ rtag tu sten bcas ma tshang med/ /thag ring phra sogs spyod yul can/ /lha'i mig dang rna ba ni de dang mtshungs pa med do/ /zhar ba dang 'on pa med pa'i phyir ma tshang ba yang ma yin no/ /de gnyis kyi yul ni gzugs dang sgra thag ring ba dang / phra ba dang /bsgribs pa dag kyang yin no/ /de la yang / dgra bcom pa se ru ston rnams kyis/ /stong gnyis gsum dang grangs med mthong / /nyan thos kyi lha'i mig gis stong gnyis pa'i 'jig rten gyi khams mthong ngo / /rang sangs rgyas kyis stong gsum mo/ /sangs rgyas bcom ldan 'das kyis ni 'jig rten gyi khams grangs med pa gzigs so//ci rdzu 'phrul 'ba' zhig skye bas thob pa yin nam/ 'on te gzhan yang yin zhe na/ /gzhan yang skye bas thob/ lha'i rna ba la sogs pa skye bas thob pa yang yod mod kyi/ mngon par shes pa'i ming mi thob pa/ des ni/ srid pa bar ma mi mthong ngo / /de ni mngon par shes pa kho nas mthong ba'i phyir ro//sems shes de ni rnam gsum/ pha rol gyi sems shes pa skye bas thob pa ni dge ba dang / mi dge ba dang / lung du ma bstan pa rnam pa gsum mo/ /gang rtog dang rig sngags kyis byas pa'ang / /gang yang mtshan ma rnams kyis pha rol gyi sems shes pa dang /gang yang rig sngags kyis byas pa de yang rnam pa gsum mo/ /gzhan gyi sems shes pa dang / sngon gyi gnas rjes su dran pa skye bas thob pa dag ni/ dmyal ba bas ni dang po shes/ /sdug bsngal gyi tshor bas mnyen pa'i bar du'o/ /'gro ba gzhan na gnas pas ni rtag tu shes so/ /mi la skye bas thob pa med//mi rnams la ni rdzu 'phrul la sogs pa skye bas thob pa med do/ /ye shes bstan pa zhes bya ba mdzod kyi gnas bdun pa'o// //shes pa'i gnas skabs kyi shes pa'i rang bzhin gyi yon tan rnams bshad nas/ rang bzhin gzhan rnams brjod pa/ de lta bas na yon tan thams cad gyi rten yin pa'i phyir dang po kho nar bsam gtan las brtsams te/bsam gtan dag ni rnam pa gnyis/ /mdor bsdu na skye ba dang / snyoms par 'jug pa'i bye brag gis so/ /de dag kyang / bzhi bsam gtan dang po nas bzhi pa'i bar ro/ /de la/ der skye ba dag rab tu bshad/ /der so so'i bsam gtan zhes bya ba la sogs pa'o//snyoms par zhugs pa'i bsam gtan brjod par bya ste/ snyoms 'jug dge ba rtse gcig pa/ /dge ba'i sems rtse gcig pa ni bsam gtan no/ /rjes 'brang bcas na phung po lnga/ /'khor dang bcas na ni phung po lnga'i rang bzhin yin no//yang dge ba rtse gcig pa'i bsam gtan dang po ji lta bu/ bzhi pa'i bar ni ji lta bu zhe na/ dpyod dang dga' dang bde dang ldan/ /bsam gtan dang po ni dpyod pa dang / dga' ba dang bde ba dang ldan pa yin no/ /lhan cig spyod pa'i phyir rtog pa dang yang ldan no/ /bsam gtan lhag ma gsum na ni/ / yan lag lnga lnga spangs pa yin/ /gnyis pa ni dga' ba dang / bde ba dang ldan pa'o/ /gsum pa ni dpyod pa dang dga' ba spangs pa'o/ /bzhi pa ni dpyod pa dang / dka' ba dang bde ba spangs pa yin no/ /bsam gtan rnams ji lta bar/ de bzhin gzugs med phung po bzhi/ /rjes su 'brang ba'i gzugs med pa'i phyir ro//'og ma'i sa las dben las skyes/ /bsam gtan bzhi pa las skyes pa ni nam mkha' mtha' yas skye mched nas 'du shes yod min med min skye mched kyi bar rang rang gi 'og ma las dben pa las skyes pa rnams so/ /gzugs med pa de dag kyang / nyer bsdogs gsum dang bcas par ni//gzugs kyi 'du shes bshig ces bya/ /nam mkha' mtha' yas skye mched kyi nyer bsdogs ni bsam gtan bzhi pa la dmigs pa'i phyir gzugs kyi 'du shes bshig pa zhes bya ba'i ming mi 'thob po/ /gzugs med pa na gzugs med do/ /de ni ji ltar na de nas 'chi 'pho ba rnams kyi gzugs bskal pa mi nyung ba zhig tu rgyun chad pa las yang skye bar 'gyur zhe na/gzugs ni sems las skye bar 'gyur/ /gzugs ni de'i rnam par smin pa'i rgyus yongs su bsgos pa'i sems 'jug pa rnyed pa las skye bar 'gyur ro/ /ci nam mkha' mtha' yas skye mched la sogs pa de dag nam mkha' la sogs pa kho na la dmigs pa yin pas de skad ces bya'am zhe na/ma yin te/ 'on kyang / rnam shes mtha' yas mkha' mtha' yas/ /ci yang med ces bya de ltar/ /sbyor phyir/ grangs bzhin du nam mkha' mtha' yas so/ /rnam par shes pa mtha' yas so/ /ci yang med ces yid la byed cing sbyor ba'i phyir de dag gi ming de skad ces bya'o//dman phyir 'du shes med/ 'du shes med pa'ang ma yin no/ /'du shes chung ba'i phyir 'du shes med 'du shes med min zhes bya'o/ /de ltar snyoms 'jug dngos gzhi'i rdzas/ /rnam pa brgyad/ bsam gtan bzhi dang / gzugs med pa bzhi'o/ /de dag las/ bdun rnam pa gsum srid pa'i rtse mo las gzhan pa bdun ni rnam pa gsum yin te/ro myang ldan dang dag pa dang / /zag med/ ro myong ba dang mtshungs par ldan pa dang / dag pa ba dang / zag pa med pa rnams so/ /brgyad pa rnam pa gnyis/ zag pa med pa ma gtogs so/ /de la/ ro myang mtshungs ldan sred bcas so//ro myang ba ni sred pa yin no/ /'jig rten pa yi dge ba ni/ /dag pa/ 'jig rten pa'i dge ba snyoms par 'jug pa'i rdzas ni dag pa pa zhes bya ste/ ma chags pa la sogs pa chos dkar po dang mtshungs par ldan pa'i phyir ro/ /ro myang ba dang mtshungs par ldan pa des ci zhig ro myong bar byed ce na/ de ni nges myang bya/snyoms par 'jug pa'i rdzas dag pa pa 'das ma thag pa de ni des ro myong bar byed do/ /zag med 'jig rten 'das pa po/ /'jig rten las 'das pa'i snyoms par 'jug pa'i rdzas gang yin pa de ni zag pa med pa yin no/ /snyoms par 'jug pa'i rdzas de dag las bsam gtan rnams kho na yan lag dang ldan pa yin gyi gzugs med pa ni ma yin no//de la/ dang po la lnga rtog dpyod dang / /dga' dang bde dang ting 'dzin rnams/ /de dag ni bsam gtan dang po'i yan lag lnga yin no/ /gnyis pa la ni yan lag bzhi/ /rab dang dang ni dga' la sogs/ /rab tu dang ba dang / dga' ba dang /bde ba dang / sems rtse gcig pa nyid do/ /gnyis pa ni yan lag bzhi dang ldan no/ /gsum pa la lnga btang snyoms dang / /dran dang shes bzhin bde dang gnas/ /gsum pa ni btang snyoms dang / dran pa dang / shes bzhin dang / bde ba dang / ting nge 'dzin de yan lag lnga dang ldan no/ /mtha' na bzhi dran btang snyoms dang //bde min sdug min ting 'dzin rnams/ /bzhi pa ni bde ba yang ma yin/ sdug bsngal ba yang ma yin pa'i tshor ba dang / btang snyoms yongs su dag pa dang / /dran pa yongs su dag pa dang / /ting nge 'dzin te yan lag bzhi dang ldan no/ /de dag ni/ bzhi po la ming gi sgo nas yan lag bco brgyad yin no//rdzas su bcu gcig /de la bsam gtan dang po ba'i lnga dang / gnyis pa na ni rab tu dang ba lhag go/ /gsum pa na ni btang snyoms dang / dran pa dang / shes bzhin dang / bde ba rnams so/ /bzhi pa na ni bde ba yang ma yin sdug bsngal ba yang ma yin pa'i phyir tshor ba'o//ci'i phyir bsam gtan gsum pa na yod pa'i bde ba rdzas gzhan du brjod ce na/ 'di ltar de'i bde ba ni tshor ba yin la/ bsam gtan dang po na/ shin tu sbyangs pa bde ba yin/ /bsam gtan dang po dang gnyis pa dag na/ shin tu sbyangs pa la bde bar gsungs pa'i phyir ro//nang rab tu dang ba gang zhe na/ rab tu dang ba dad pa yin/ /de ni bsam gtan gnyis pa thob pa'i phyir mnyam par gzhag pa'i sa las nges par 'byung bar yid ches par byas te/ de ni 'dir nang rab tu dang ba zhes bya'o/ /dga' ba ni yid bde ba yin no zhes gang bshad pa 'di ltar khong du chud/ gzhan ji ltar 'gyur/dga' ba ni sems las byung ba'i chos gzhan kho na yin la/ yid bde ba ni bsam gtan gsum char gyi bde ba yin no/ bsam gtan dag gi bde ba ni yid bde ba yin par mi rung ba nyid kyis/ lung rnam gnyis phyir dga' yid bde/ /bcom ldan 'das kyis rnam par 'gyur ba'i mdo las bsam gtan gsum pa bka' stsal nas 'dir 'di'i yid bde ba'i dbang po skyes pa ma lus par 'gag par 'gyur ro//zhes bka' stsal la/ bsam gtan bzhi pa na ni bde ba'i dbang po 'gag par ba gyur ro zhes bka' stsal to/ /yang bde ba yang spangs te snga nas sdug bsngal yang spangs shing yid bde ba dang yid mi bde ba yang nub ces kyang gsungs pas de'i phyir bsam gtan gsum pa na yid bde ba'i dbang po med do//de lta bas na dga' ba kho na yid bde ba yin gyi bde ba ni ma yin no/ /ci nyon mongs pa can gyi bsam gtan dag na yang ji skad du bshad pa'i yan lag de dag yod dam zhe na/ med do/ / de dag na ci zhig med ce na/ nyon mongs can la dga' bde dang / /rab dang shes bzhin dran pa dang / /btang snyoms dran pa dag pa med/ /bsam gtan dang po na ni dben pa las skyes pa'i dga' ba dang bde ba med de/ nyon mongs pa las dben pa ma yin pa'i phyir ro/ /gnyis pa na ni rab tu dang ba med de/ nyon mongs pas rnyogs pa'i phyir ro/ /gsum pa na ni dran pa dang shes bzhin med de/ nyon mongs pa can gyi bde bas kun du rmongs par byed do/ /bzhi pa la ni btang snyoms dang / /dran pa yongs su dag pa med de/ nyon mongs pas dri ma can du byas pa'i phyir ro/ /kha cig shin tu sbyangs btang snyoms/ /kha cig na re dang po dang gnyis pa dag na ni shin tu sbyangs pa med la/gsum pa dang bzhi pa dag na ni btang snyoms med de/ de gnyis ni dge ba'i sa mang po pa yin pa'i phyir ro zhes zer ro/ /bcom ldan 'das kyis bsam gtan gsum ni skyon dang bcas pa'i phyir g.yo ba dang bcas pa dag yin no zhes bka' stsal to/ / skyon brgyad las ni grol ba'i phyir/ /bzhi pa g.yo ba med pa yin/ /skyon de dag kyang gang zhe na/ rtog dang dpyod dang dbugs dag dang / bde ba la sogs bzhi yin no/ /bsam gtan bzhi pa la skyon brgyad po de dag kyang med pas de'i phyir de ni mi g.yo ba zhes bshad do/ /ci snyoms par 'jug pa'i bsam gtan dag na yod pa'i tshor ba gang dag yin pa de dag nyid skye ba'i bsam gtan dag na yang yod dam zhe na/ma yin te/ 'on kyang / skye ba'i bsam gtan dag na ni/ /yid bde bde dang btang snyoms dang / /btang snyoms yid bde bde ba dang / /btang snyoms btang snyoms tshor ba yod/ /'di ni bsam gtan rnams kyi rnam par shes pa gsum mam bzhi'i tshogs ci rigs pa dang yid kyis pa'i tshor ba dag yin no//rnam par shes pa'i tshogs gsum rtog pa dad dpyod pa rnams med kyang / gnyis pa sogs na lus mig dang / /rna ba'i rnam shes rnam rig slong / /gang yin de ni dang por gtogs/ /bsam gtan gnyis pa la sogs pa dag na ni bsam gtan dang po'i sa pa'i mig dang /rna ba dang / lus kyi rnam par shes pa dang / rnam par rig byed kun nas slong bar byed pa mngon sum du byed do/ /de lung ma bstan nyon mongs min/ /nyon mongs pa can ni ma yin te/ /'dod chags dang bral ba'i phyir ro/ /dman pa'i phyir dge ba yang ma yin no//yang dag pa la sogs pa'i bsam gtan dang / gzugs med pa rnams ji ltar 'thob ce na/ de dang mi ldan 'dod chags bral/ /skye ba las ni dag pa 'thob/ /sa 'og ma las 'dod chags dang bral ba'am/ sa 'og mar skye ba las las dag pa 'thob po/ /zag med 'dod chags bral ba yis//de dang mi ldan pa las 'thob/ /ces bya bar sbyar ro/ /nyon mongs can nyams skye ba yis/ /gal te de las 'dod chags dang bral ba kho na las yongs su nyams pa las 'thob po/ gal te sa 'og mar skye ba las 'thob po/ /snyoms par 'jug pa'i rdzas gang zhig las ci zhig skye zhe na/zag pa med pa'i mjug thogs su/ /ltag 'og gsum pa'i bar dge ba skye'o/ /dge ba smos pas ni dag pa pa dang zag pa med pa gzung ste/ zag pa med pa'i snyoms par 'jug pa'i rdzas kyi mjug thogs su rang gi sa pa'i dag pa dang / zag pa med pa dang /sa gong ma dang 'og ma'i sa pa gnyis gnyis skye'o/ /ji ltar zag pa med pa'i mjug thogs su bshad pa ltar/ dag pa las de bzhin/ rang gi sa pa'i nyon mongs kyang / /dag pa pa'i mjug thogs su lhag par rang gi sa pa'i nyon mongs pa can skye'o/ /lhag ma ni zag pa med pa las ji lta ba bzhin no//nyon mongs can las rang dag dang / /nyon mongs/ nyon mongs pa can gyi mjug thogs su ni rang gi sa pa'i dag pa pa dang / nyon mongs pa can dag skye'o/ /'og ma'i dag gcig kyang / nyon mongs pas gzir ba'i sa 'og ma pa'i dag pa la yang dga' bar 'gyur ro/ / snyoms par zhugs pa'i dus la ltos nas dag pa pa dang / nyon mongs pa can las rang gi sa pa'i nyon mongs pa can kho na skye'o/ /'chi 'pho'i dag las nyon mongs kun/ /'chi 'pho ba'i tshe skye bas thob pa'i dag pa pa'i mjug thogs su sa thams cad pa'i nyon mongs pa can skye'o/ /nyon mongs can las gong ma min//'chi 'pho ba'i tshe nyon mongs pa can gyi bsam gtan dang gzugs med pa'i mjug thogs su rang gi sa pa dang sa 'og ma'i nyon mongs pa can skye'i sa gong ma pa ni ma yin no/ /dag pa pa thams cad las zag pa med pa'i snyoms par 'jug pa'i rdzas skye ba yang ma yin no//'di ltar/ dag pa nyams pa'i cha mthun sogs/ /rnam bzhi/ de yang / de ni go rims bzhin/ nyon mongs skye dang rang sa dang / gong dang zag med rjes mthun pa'o/ /nyams pa'i cha dang mthun pa ni nyon mongs pa skye ba dang rjes su mthun pa'o/ /gnas pa'i cha dang mthun pa ni rang gi sa dang rjes su mthun pa'o//khyad par gyi cha dang mthun pa ni sa gong ma dang rjes su mthun pa'o/ /nges par 'byed pa'i cha dang mthun pa ni zag pa med pa'i rjes su mthun pa ste/ zag pa med pa ni de las skye'o/ /yang bzhi po de dag las gang gi mjug thogs su du zhig skye zhe na/ nyams cha mthun sogs mjug thogs su/ /gnyis dang gsum dang gsum dang gcig /nyams pa'i cha dang mthun pa'i mjug thogs su gnyis skye ste/ nyams pa dang / gnas pa'i cha dang mthun pa dag go/ /gnas pa'i cha dang mthun pa ni gsum ste/ nges par 'byed pa'i cha dang mthun pa mi gtogs so//khyad par gyi cha dang mthun pa'i ni gsum ste/ nyams pa'i cha dang mthun pa ma gtogs so/ /nges par 'byed pa'i ni gcig ste/ de gcig pu skye'o/ /thod rgal gyi snyoms par 'jug pa ji lta bar skyed ce na/ sa brgyad rnam gnyis 'brel ba dang / /gcig rgal song zhing 'ongs nas ni//ris mi mthun pa gsum par 'gro/ /thod rgal gyi ni snyoms 'jug yin/ /sa brgyad ni bsam gtan dang gzugs med pa'i snyoms par 'jug pa dag go/ /rnam gnyis ni zag pa dang bcas pa dang / zag pa med pa'o/ /'brel ba dang / zhes pa ni go rims bzhin du'o//gcig rgal ni re re rgal nas so/ /song zhing zhes bya ba ni lugs dang mthun par 'gyur ro/ /'ongs nas zhes bya ba ni lugs dang mi mthun par 'gyur ro/ /zag pa dang bcas pa'i sa brgyad dang / zag pa med pa'i sa bdun lugs dang mthun pa dang lugs dang mi mthun pa'i sgo nas byang bar byas nas phyis zag pa dang bcas pa'i bsam gtan dang po nas zag pa dang bcas pa gsum pa la snyoms par 'jug cing /de nas ni nam mkha' mtha' yas skye mched la/ de nas ci yang med pa'i skye mched la snyoms par 'jug go/ /de bzhin du lugs dang mi mthun pa yang byang bar byas nas zag pa med pa rnams kyang re re rgal zhing lugs dang mthun pa dang lugs dang mi mthun par snyoms par 'jug pa'i sbyor ba yin no//gang gi tshe zag pa dang bcas pa dang po nas zag pa med pa'i bsam gtan gsum pa la snyoms par 'jug cing / de bzhin du lugs dang mi mthun par yang snyoms par 'jug pa de'i tshe rigs mi mthun pa'i rdzas gsum par 'gro ba'i phyir mngon par grub pa yin no/ /rten gang gis bsam gtan dang gzugs med pa du zhig mngon sum du byed ce na/ bsam gtan gzugs med rang dang ni//'og sa'i rten can/ srid pa'i rtse mo ni srid pa'i rtse mor yang mngon sum du byed la/ 'og ma 'dod pa'i khams kyi bar du yang ngo / /de bzhin du gzhan yang ngo / /ci'i phyir gong du skyes pa snyoms par 'jug pa 'og ma mngon du mi byed ce na/ 'di ltar de la/ 'og dgos med/spyir bstan par byas nas dmigs kyis ston par byed de/ srid rtser 'phags pa'i ci yang med/ /mngon sum byas nas zag pa zad/ /srid pa'i rtse mor skyes pa ni zag pa med pa'i ci yang med pa'i skye mched mngon sum du byas nas zag pa zad par 'gyur ro/ /bsam gtan dang /gzugs med pa'i dmigs pa ci zhe na/ sred bcas rang gi srid la dmigs/ /zag pa dang bcas pa rang gi sa pa la dmigs so/ /bsam gtan dge yul yod dgu yin/ /dge ba'i bsam gtan dag pa pa dang zag pa med pa'i dmigs pa ni thams cad yin no//gzugs med dngos gzhi dge rnams kyi/ /spyod yul zag bcas 'og ma min/ /gzugs med pa'i dngos gzhi dge ba rnams kyi dmigs pa ni sa 'og ma'i zag pa dang bcas pa ma yin te/ rang gi sa dang gong ma la dmigs pa'i phyir ro/ /bsam gtan dang / gzugs med pa rnam pa gsum po 'di dag las//zag pa med pas nyon mongs rnams/ /spong ngo / /dag pa pas kyang mi spong na nyon mongs pa can gyis lta smos kyang ci dgos te/ nyer bsdogs dag pas kyang / gzugs dang gzugs med pa'i nyer bsdogs dag pa pas kyang nyon mongs pa rnams spang ste/sa 'og ma'i gnyen po yin pa'i phyir ro/ /nyer bsdogs du zhig yod ce na/ de dag la ni nyer bsdogs brgyad/ /re re la gang gis de la 'jug pa re re yod do/ /ci de dag kyang rnam pa gsum yin la/ de dag la tshor ba dang / yang de dang 'dra bar yod dam zhe na/ma yin te/ dag pa bde min sdug bsngal min/ /de dag ni dag pa pa yin la btang snyoms kyi dbang po dang mtshungs par ldan pa dag kyang yin te/ 'bad de drang bar bya ba yin pa'i phyir ro/ /dang po 'phags pa'ang / nyer bsdogs kyi dang po mi lcogs pa med pa ste/ de ni dag pa pa yang yin la zag pa med pa yang ma yin no/kha cig gsum/ ro myang ba dang mtshungs par ldan pa yang zhes zer ro/ ci 'di don gcig gam tha dad ce na/ tha dad de/ nyer bsdogs ni 'dod chags dang bral ba'i lam yin la/ rtog med bsam gtan khyad par can/ /bsam gtan dang po kho na rtog pa dang mtshungs par mi ldan pa ni bsam gtan khyad par can yin te/bsam gtan gyi khyad par can yin pa'i phyir ro/ /rnam gsum bde min sdug bsngal min/ /de ni tshangs chen 'bras bu can/ /bsam gtan khyad par can de bsgoms na tshangs pa chen por 'gyur ro/ /yang ting nge 'dzin thams cad mdor bsdus nas mdo las gsum du gsungs te/de la re zhig bsam gtan khyad par can ni rtog pa med la dpyod pa tsam gyi ting nge 'dzin to zhes shes par byas zin to/ /de/ man chad rtog dpyod bcas pa yis/ /ting 'dzin bsam gtan khyad par can/ /de man chad ni bsam gtan dang po dang mi lcogs pa med pa'o//yan chad gnyis ka med/ bsam gtan khyad par can yan chad rtog pa dang dpyod pa med ces bya ba'i tha tshig go/ /yang ting nge 'dzin gsum gsungs te/ de la/ mtshan med zhi ba'i rnam pa can/ /'gog pa'i bden pa'i rnam pa dag dang mtshungs par ldan pa'i ting nge 'dzin ni mtshan ma med pa'o//stong nyid bdag med stong nyid du/ /'jug pa'o/ /stong pa nyid kyi ting nge 'dzin ni rnam pa gnyis dang mtshungs par ldan no/ /smon pa med pa ni/ de las gzhan bden rnam pa dang / /smon pa med pa'i ting nge 'dzin ni rnam pa bcu dang ldan par 'jug go//ting nge 'dzin gsum po 'di dag ni rnam pa gnyis te/ dag dang dri ma med/ dag pa pa dang / dri ma med pa dag go/ /de dag /dri med rnam thar sgo gsum mo/ /gsum po de dag las/ zag pa med pa ni rnam par thar pa'i sgo gsum yin no/ /yang / stong nyid stong nyid ces la sogs//gzhan yang ting nge 'dzin gsum mo zhes pa'o/ /de dag las/ gnyis ni stong dang mi rtag par/ /mi slob pa'i la dmigs pa yin/ /stong pa nyid stong pa nyid ni mi slob pa'i stong pa nyid kyi ting nge 'dzin la stong pa nyid kyi rnam pas dmigs so/ /smon pa med pa smon pa med pa yang mi slob pa'i smon pa med pa la mi rtag pa'i rnam pas dmigs so//mtshan ma med pa mtshan med ni/ /zhi bar ma brtags zad pa la/ /mtshan ma med pa mtshan ma med pa'i ting nge 'dzin ni mi slob pa'i mtshan ma med pa so sor ma brtags pas 'gog pa la zhi ba'i rnam pas dmigs so//ting nge 'dzin 'di dag ni gcig tu/ zag bcas/ 'phags pa'i lam la sdang ba'i phyir ro/ /gang du skyed par byed ce na/ mi nang / lha dag gi nang du ni ma yin no/ /su la skye zhe na/ mi g.yo la/ dgra bcom pa gzhan la ni ma yin no/ /sa du pa zhig yin zhe na/ nyer bsdogs bdun ni ma gtogs so//'dod pa'i khams dang / mi lcogs pa med pa dang / bsam gtan khyad par can dang / bsam gtan dang / gzugs med pa rnams dang / bcu gcig na yod do/ /yang ting nge 'dzin bsgom pa rnam pa bzhi gsungs te/ de la/ dge ba'i bsam gtan dang po ni//bde 'gyur ting 'dzin bsgom pa yin/ /bde ba'i bsam gtan dang po dag pa pa'am/ zag pa med pa ni/ mthong ba'i chos la bde bar gnas par 'gyur ba'i ting nge 'dzin bsgom pa yin no/ /ming gi mngon shes mthong 'gyur 'dod/ /lha'i mig gi mngon par shes pa ni mthong bar 'gyur ba'i ting nge 'dzin bsgom pa yin no//sbyor ba las byung blo dbyer 'gyur/ /sbyor ba'i yon tan khams gsum pa dang / zag pa med pa thams cad ni shes rab rab tu rnam par 'byed par byed pa'i ting nge 'dzin bsgom pa yin no/ /rdo rje lta bu'i bsam gtan mtha'i/ / gang yin de zag zad 'gyur bsgom/ /bsam gtan bzhi pa'i rdo rje lta bu'i ting nge 'dzin gang yin pa de ni zag pa zad par 'gyur ba'i ting nge 'dzin bsgom pa yin no/ /ting nge 'dzin rnams bshad nas/ de la brten pa'i yon tan rnams bstan par bya ste/ tshad med pa ni bzhi yin no/ /byams pa dang /snying rje dang / dga' ba dang / btang snyoms te/ sems can tshad med pa la dmigs pa'i phyir ro/ /ci'i phyir bzhi kho na zhe na/ gnod sems la sogs gnyen po'i phyir/ gnod sems dang / rnam par 'tshe ba dang / mi dga' ba dang / 'dod pa'i 'dod chags rnams kyi grangs bzhin no//de la/ zhe sdang med byams snying rje yang / /zhe sdang med pa'i rang bzhin no/ /yid bde ba ni dga' ba yin/ /btang snyoms ma chags/ ma chags pa'i rang bzhin no/ /'di dag gi rnam pa ni/ kye ma bder gyur sdug bsngal dang / /dgar gyur sems can rnams mnyam pa/kye ma sems can rnams bde bar gyur cig snyam pa yid la byed pa nas sems can rnams mnyam mo snyam du yid la byed cing snyoms par 'jug pa'i bar ro/ /'di dag gi rnam pa bshad zin to/ /spyod yul 'dod pa'i sems can rnams/ /de la dmigs pa'i gnod sems la sogs pa'i gnyen po yin pa'i phyir ro//de dag sa du pa zhig yin zhe na/ dga' ba bsam gtan gnyis na yod/ /dang po dang gnyis pa na ste/ yid bde ba yin pa'i phyir ro/ /gzhan ni drug na/ gzhan gsum ni mi lcogs pa med pa dang / bsam gtan khyad par can dang / bsam gtan rnams dang drug na yod do//kha cig lnga/ mi lcogs pa med pa ma gtogs pa zhe'o/ /gnod sems la sogs gnyen po'i phyir/ /zhes gang bshad pa/ ci tshad med pa rnams kyis kyang spong ngam zhe na/ de yis mi spong / de dag gi sbyor bas gnod sems la sogs pa rnam par gnon pa'i phyir gnyen por bshad do//tshad med pa bzhi po 'di dag ni/ mi dag gi /nang du skyed do/ /gzhan du ni ma yin no/ /ci tshad med pa gcig dang ldan pa de gdon mi za bar thams cad dang ldan nam zhe na/ nges pa med de/ 'on kyang / nges gsum ldan/ bsam gtan gsum pa dang / bzhi par skyes pa dga' ba dang mi ldan no//gsum po dang ni rtag tu ldan no/ /rnam par thar brgyad/ gzugs can gzugs rnams la lta ba zhes bya ba ni dang po'o/ /nang gzugs med par 'du shes pas phyi rol gyi gzugs rnams lta ba ni gnyis pa'o/ /sdug pa'i rnam par thar pa lus kyis mngon sum du byas te rdzogs par byas nas gnas pa zhes bya ba ni gsum pa'o//gzugs med pa bzhi dang / brgyad pa 'du shes dang / tshor ba 'gog pa'o/ /de rnams las/ dang po gnyis/ mi sdug /dang po gnyis ni rnam par bsngos pa la sogs pa'i rnam pa can yin pa'i phyir mi sdug pa'i rang bzhin dag yin no//de dag /bsam gtan gnyis na yod/ dang po dang gnyis pa na'o/ /gsum pa mtha' na de ma chags/ /bsam gtan bzhi pa na ma chags pa'i rang bzhin yin no/ /de dag 'khor dang bcas na ni phung po lnga'i bdag nyid do/ /gzugs med mnyam gzhag dge rnams so//gzugs med pa bzhi'i ni mnyam par gzhag pa dge ba kho na rnam par thar pa zhes bya'o/ /'gog pa'i snyoms par 'jug pa'o/ /rnam par thar pa brgyad pa 'du shes dang tshor ba 'gog pa'i snyoms par 'jug pa ste/ de ni sngar bshad zin to/ /de la ni/phra ba phra ba'i mjug thogs su/ /srid pa'i rtse mo'i 'du shes ni phra ba ste/ de bas kyang chos phra bar byas nas 'gog pa la snyoms par 'jug go/ /snyoms par 'jug pa rnams ni/ /rang gi sa dang 'og ma yi/ /'phags pa'i sems kyis de las ldang / /srid pa'i rtse mo'i sems pa'am//ci yang med pa'i skye mched kyis pa'i sems zag pa med pas de las ldang ngo / /rnam par thar pa 'di dag las/ /dang po 'dod gtogs snang yul can/ /'di dag gi dmigs pa ni ci rigs par 'dod pa na spyod pa'i gzugs kyi skye mched yid du mi 'ong ba dang yid du 'ong ba yin no//gang dag gzugs can min de dag /spyod yul gong dang rang gi sa'i/ /sdug bsngal sogs dang rjes shes phyogs/ /gzugs med pa'i rnam par thar pa rnams kyi dmigs pa ni rang gis pa dang gong ma'i sdug bsngal dang / de'i rgyu dang / 'gog pa dang / rjes su shes pa'i phyogs dang mthun pa'i lam thams cad yin no//zil gyis gnon pa'i skye mched brgyad/ /nang gzugs su 'du shes pas phyi rol gyi gzugs chung ngu kha dog bzang po la sogs pa rnams la lta zhing / gzugs de dag zil gyis mnan nas shes zil gyis mnan nas mthong ste/ de lta bur 'du shes pa 'di ni dang po'o// de bzhin du chen po rnams kyang shes par bya'o/ /de kho na bzhin du nang gzugs med par 'du shes pa ste/ de ltar na bzhi po de dag dang / /nang na gzugs med par 'du shes pa dag kho na sngon po dang / ser po dang / dmar po dang / dkar po rnams la lta ba ste/ de ltar na brgyad yin no//de dag las/ gnyis ni rnam thar dang po bzhin/ /dang po dang gnyis pa'o/ /gnyis ni gnyis pa bzhin no/ /gsum pa dang bzhi pa ni rnam par thar pa gnyis pa bzhin no/ /gzhan/ sdug pa'i rnam par thar pa bzhin/ /sdug pa'i rnam par thar pa ji lta bar gzhan bzhi yang de dag 'dra ste/khyad par ni de dag gis ni rgyab kyis phyogs pa tsam du zad pa/ 'di dag gis dmigs pa zil gyis gnon to/ /ji ltar 'dod pa bzhin du mos pa'i phyir dang / nyon mongs pa mi skye ba'i phyir ro/ /zad par bcu'o/ /bar chad med par zad par rgyas par byed pa'i phyir/zad par gyi skye mched ni bcu ste/ zad par sa dang chu dang / me dang / rlung dang / sngon po dang / ser po dang / dmar po dang / dkar po dang / zad par nam mkha' dang / rnam shes mtha' yas skye mched do/ /de rnams las/ brgyad ma chags/ dang po brgyad ni/ ma chags pa'i rang bzhin dag yin no/ /bsam gtan mtha' na/ bzhi pa na'o/ /spyod yul ni/ 'dod pa/ 'di dag gi dmigs pa ni/ 'dod pa na spyod pa'i gzugs kyi skye mched do/ /gnyis ni gzugs med dag /zad par gyi skye mched tha ma gnyis ni gzugs med pa dag pa pa'i rang bzhin dag yin no//spyod yul rang gi phung po bzhi/ /'gog pa'i rnam par thar pa ma gtogs pa rnam par thar pa la sogs pa de dag thams cad ni so so'i skye bo dang 'phags pa'i skye bo dang 'phags pa'i rgyud la yod pa dag pa pa yin no/ /'di dag las/ 'gog pa bshad zin/'gog pa'i rnam par thar pa 'di ni sngar bshad zin to/ /lhag ma ni/ 'dod chags bral dang sbyor bas 'thob/ /'gog pa las gzhan pa'i rnam par thar pa la sogs pa'i 'dod chags dang bral bas 'thob pa yang yin la/ sbyor ba las byung bdag kyang yin te/ 'dris pa dang ma 'dris pa'i phyir ro//gzugs med ces bya khams gsum gyi/ /rten can lhag ma mi las skye/ /gzugs med pa'i rnam par thar pa dang / gzugs med pa'i zad par dag ni khams gsum pa'i rten can dag go/ /lhag ma mi'i rten can kho na'o/ /ji ltar na gzugs dang gzugs med pa'i khams dag tu gzugs med pa dang /bsam gtan gyi khyad par skye zhe na/ khams gnyis dag tu gzugs med pa/ /rgyu dang las kyi stobs kyis skye/ /rgyu'i stobs kyis ni nye ba dang yang dang yang du goms pa la sogs pa las so/ /las kyi stobs kyis ni sa gong ma pa'i lan grangs gzhan la myong bar 'gyur ba'i las kyi rnam par smin pa nye bar gnas pa'i phyir ro//gzugs kyi khams su bsam gtan rnams/ /de dag dang chos nyid kyis kyang / gzugs kyi khams su ni bsam gtan rgyu dang / las kyi stobs de dag dang /chos nyid kyis kyang skye ste/ 'jig pa'i tshe lta bu'o/ /dam pa'i chos 'di ji srid cig tu gnas she na/ ston pa'i dam chos rnam gnyis te/ /lung dang rtogs pa'i bdag nyid do/ /lung ni mdo sde la sogs pa gsum mo/ /rtogs pa ni byang chub kyi phyogs dang mthun pa rnams so/ /de 'dzin byed pa smra byed dang //sgrub par byed pa kho na yin/ /lung ni 'dzin par byed pa/ smra bar byed pa dag go/ /rtogs par byed pa ni sgrub par byed pa'o/ /de bas na 'di dag gnas pa'i bar du dam pa'i chos kyang gnas so/ /mngon pa 'di nyid ston pas bshad dam zhe na/ bdag gis mngon pa'i chos 'di phal cher ni//kha che bye brag smra ba'i tshul grub bshad/ /nyes par zin gang de 'dir bdag gis nyes/ /dam chos tshul la tshad ma thub rnams yin/ /sangs rgyas dang de'i sras rnams kyang ngo / /ston pa 'jig rten mig ni zum gyur cing / /dpang gyur skye bo phal cher zad pa na//de nyid ma mthong rang dgar gyur pa yis/ /ngan rtog rnams kyis bstan pa 'di dkrugs so/ /rang byung rang byung bstan pa gces 'dzin rnams/ /mchog tu zhir gshegs 'gro mgon med pa na/ /'doms med yon tan 'joms par byed pa yi/ /dri mas dga' mgur deng sang 'di na spyod//de ltar thub pa dag gi bstan pa ni/ /lkog mar srog phyin 'dra dang dri ma rnams/ /stobs dang ldan pa'i dus su rig nas ni/ /thar pa 'dod pa dag gis bag yod gyis/ /snyoms par 'jug pa bstan pa zhes bya ba mdzod kyi gnas brgyad pa rdzogs so// //yang ci 'di las gzhan la thar pa yod dam zhe na/med do/ /ci'i phyir zhe na/ bdag tu lta ba phyin ci log la zhen pa'i phyir te/ phung po'i rgyud kho na la bdag tu 'dogs par ni nges par mi 'dzin to/ /'on na ci zhe na/ rdzas gzhan kho na la bdag tu yongs su rtogs par byed la/ nyon mongs pa rnams ni bdag tu 'dzin pa las rab tu skye ba yin no//bdag tu mngon par brjod pa 'di ni phung po'i rgyud kho na la 'jug gi mngon par brjod par bya ba gzhan la ni ma yin no zhes bya ba 'di ji ltar khong du chud ce na/ mngon sum dang rjes su dpag pa med pa'i phyir ro/ /gal te de lta na 'o na ni sangs rgyas thams cad mkhyen pa ma yin par 'gyur te/thams cad shes par 'gyur ba'i sems sam sems las byung ba gang yin pa de ni cung zad kyang med de/ skad cig ma yin pa'i phyir ro/ /gang zag gis ni shes par 'gyur ro/ /smras pa/ rgyun gyis spyod pa'i phyir na dper/ /me yis thams cad sreg 'dod ltar//de bzhin thams cad mkhyen 'dod bya'i/ /cig car thams cad mkhyen phyir min/ /kho bo cag ni thams cad la cig car mkhyen pa mngon sum du gyur pa'i phyir sangs rgyas thams cad mkhyen pa yin par ni mi smra'i/ 'o na ji ltar zhe na/ mthu yod pa'i phyir de sangs rgyas zhes bya ba'i rgyud gang yin pa de la gang du bzhed pa gtad pa tsam gyis phyin ci ma log par mkhyen pa skye ba gang yin pa de'i mthu yod do//'o na phung po lnga kho na la yod la bdag med na/ ci'i phyir bcom ldan 'das kyis kyang med pa kho na'o zhes ma gsungs she na/ 'dri ba po'i bsam pa la ltos pa'i phyir te/ des srog ces bya pa'i phung po'i rgyun gang yin pa de yang med par go bar gyur na/log par lta bar ltung bar 'gyur te/ rten cing 'brel par 'byung ba mi shes pa'i phyir ro/ /'dir gsum pa/ lta ba'i mche bas smras pa dang / /las rnams 'jig pa la ltos nas/ /stag mos phru gu khyer ba ltar/ /rgyal bas chos ni ston par mdzad//bdag yod nyid du khas blangs na/ /lta ba'i mche bas smras par 'gyur/ /kun rdzob rtogs par ma gyur nas/ /dge ba'i phru gu nyams byed 'gyur/ /yang gsungs pa/ med phyir bcom ldan 'das kyis srog /de nyid gzhan du ma gsungs so/ /btags pa dang med du 'gyur 'ong bas//med do zhes kyang ma gsungs so/ /phung po'i rgyun ni gang la dge /mi dge'i 'bras bu yod pa nyid/ /de la srog ces bya ste de/ /srog med bstan pas med par 'gyur/ /srog ces bya ba phung po la/ /btags tsam zhes kyang ma gsungs so/ /de'i tshe skye bo de 'dra ste/ /stong nyid rtogs pa'i skal ldan min//'di ltar gnas pas bdag yod dam/ /med ces dris pa 'dri ba yi/ /bsam pa la ltos ma gsungs te/ /yod na ci phyir yod mi gsungs/ /'jig rten rtag ces bya ba yang 'dri ba po'i bsam pa la ltos nas lung ma bstan te/ re zhig gal te 'jig rten bdag nyid yin par 'dod na ni/de med pa'i phyir lung ma bstan bzhi char mi rigs so/ /'on te 'jig rten 'khor ba thams cad yin no zhe na/ de yang rigs pa ma yin te/ 'jig rten rtag na 'ga' yang yongs su mya ngan las 'da' bar mi 'gyur ro/ /mi rtag na ni thams cad chad par 'gyur ro//gnyis ka yin na ni kha cig ni yongs su mya ngan las 'da' bar 'gyur la/ kha cig ni mi 'gyur ro/ /gnyis ka ma yin na ni kha cig ni yongs su mya ngan las 'da' ba yang ma yin la/ yongs su mya ngan las mi 'da' ba yang ma yin pa kho nar 'gyur ro/ /de bas na yongs su mya ngan las 'da' ba ni/lam la rag lus pa'i phyir rnam pa bzhi char yang nges par lung mi ston te/ gcer bu pa'i nyan thos kyi bye'u bzung ba bzhin no/ de bzhin du gzhan rnams kyang ngo / /gal te rnam par shes pa las rnam par shes pa skye'o/ /bdag las ma yin na/ ci'i phyir rtag tu de dang 'dra ba kho na skye bar mi 'gyur zhing /myu gu dang / sdong po dang / 'dab ma la sogs pa bzhin du rim pa nges par skye bar mi 'gyur zhe na/ gnas pa gzhan du 'gyur ba ni 'dus byas kyi mtshan nyid yin pa'i phyir te/ rgyun gdon mi za bar gzhan du 'gyur ba 'di ni/ 'dus byas kyi rang bzhin no/ /de lta ma yin na/bsam gtan rdzogs pas mnyam par gzhag pa rnams las lus dang sems 'dra ba skye na skad cig ma dang po dang khyad par med pa'i phyir/ phyis kyang bdag ldang bar mi 'gyur ro/ /gang las gang zhig skye bar 'gyur ba de kho na las de skye ba'i phyir sems rnams kyi rim pa yang nges pa kho na yin no//de ma thag pa'i rgyu shes pa la ni sangs rgyas rnams mnga' bdag yin te/ 'di skad du rma bya'i mdongs ni gcig la yang / /rgyu yi rnam pa thams cad ni/ /kun mkhyen min pas shes bya min/ /de shes kun mkhyen stobs yin no/ /zhes bshad nas gzugs can ma yin pa'i sems kyi bye brag rnams lta smos kyang ci dgos/ci'i phyir de dang 'dra ba kho nar skye bar mi 'gyur zhing / myu gu dang sdong bu dang 'dab ma la sogs pa bzhin du rim pa nges par skye bar mi 'gyur zhes bya ba 'di ni mu stegs can gang la la sems ni bdag las skye'o snyam du sems pa de kho na la gsal bar klan kar 'gyur ro//bdag med na ji ltar las zhig zin pa las/ tshe phyi ma la 'bras bu 'byung / /bdag yod na yang ji ltar na las zhig zin pa las tshe phyi ma la 'bras bu 'byung / kho bo cag kyang las zhig zin pa las tshe phyi ma la 'bras bu 'byung bar mi smra'o/ /'o na ci yin zhe na/ de'i rgyud yongs su 'gyur ba'i khyad par las te/sa bon dang 'bras bu 'byung ba zhes bya ba de ni zhig pa las byung ba yang ma yin la mjug thogs kho nar 'byung ba yang ma yin no/ /'o na ci zhe na/ rgyud yongs su 'gyur ba'i khyad par las te/ myu gu dang / sdong bu dang / 'dab ma la sogs pa me tog la thug pa rim pa rdzogs pa las gzhan na//yang rgyud ni ci yin/ yongs su 'gyur ba ni ci yin/ khyad par ni ci yin zhe na/ las sngon du 'gro ba'i phyir sems phyir zhing 'byung ba gang yin pa de ni rgyud do/ /de gzhan dang gzhan du skye ba ni yongs su 'gyur ba'o/ /de mjug thogs su 'bras bu skyed nus pa gang yin pa de ni yongs su 'gyur ba las/khyad par du 'phags pa'i phyir yongs su 'gyur ba'i khyad par yin te/ dper na yang srid pa'i nye bar len pa dang bcas pa'i sems lta bu'o/ /las rnam pa sna tshogs pa sngon du 'gro ba nyid yin yang las gang lci ba'am/nye ba dang / goms pa gang yin pa des byas pa'i nus pa gsal bar byed kyi/ gzhan gyis ni ma yin te/ ji skad du/ las ni 'khor bar lci gang dang / /nye ba gang dang goms pa gang / /sngon byas gang yin de las ni/ /snga ma snga ma rnam smin 'gyur/ /de la rnam par smin pa'i rgyus bskyed pa/ rnam par smin pa'i 'bras bu bskyed pa'i nus pa ni rnam par smin pa bskyed nas ldog go//skal pa mnyam pa'i rgyus bskyed pa rgyu mthun pa'i 'bras bu bskyed pa'i nus pa ni nyon mongs pa can rnams kyi gnyen po skyes nas ldog go/ /nyon mongs pa can ma yin pa rnams ni rgyun gtan du log pa na te/ gang gi tshe yongs su mya ngan las 'das pa na'o//mthu rnam pa sna tshogs pa'i tha dad pa'i las rnams kyis bsgos pa'i rgyud rnams gnas skabs 'dir phyin na 'bras bu 'di lta bu mngon par 'grub par 'gyur ro zhes bya ba ni sangs rgyas rnams kho na'i yul yin no/ /yang gsungs pa/ las dang des bsgos des mjug rnyed/ / de las 'bras bu sangs rgyas las/ /gzhan gyi rnam pa thams cad ni/ /nges par rab tu mi shes so/ /de ltar sangs rgyas rnams kyi gsung rab rigs pa'i lam/ /legs par gsungs pas dag pa chos nyid 'di mthong nas/ /mu stegs long ba lta ngan sna tshogs g.yo rnams kyi/ /gzhung lugs spangs te long ba ma yin rnams 'gro'o//de bzhin gshegs pa nyi ma'i gsung 'od kyi/ /snang ldan mya ngan 'das grong lam gcig pa/ /bdag med 'phags pa stong gis bgrod pa 'di/ /phye yang dman pa'i mig gis mi mthong ngo / /de ltar 'di ni phyogs tsam zhig /rang gi mthu yis rnam 'phel ba'i/ /dug la rma yi phyogs bzhin du/ /shin du mkhas pa rnams la bstan//gang zag bstan pa zhes bya ba mdzod kyi gnas dgu pa'o/ /chos mngon pa mdzod kyi 'grel pa gnad kyi sgron ma zhes bya ba/ slob dpon phyogs kyi glang pos mdzad pa rdzogs so// //gzhung gi tshad ni sho lo ka bzhi stong ngo / /blo gros phun sum tshogs pa sangs rgyas gnyis pa ltar gyur dbyig gnyen des mdzad chos mngon mdzod//tshig le 'ur byas pa'i 'grel pa gnad kyi sgron ma zhes bya 'jam dbyangs phyogs kyi glang pos sbyar/ de nyid 'dzam gling nyi ma shAkya'i mtshan can chos rje de sras thu bor gyur pa yi/ /paN chen rnal 'byor zla ba ltar grags mkhas mchog gang yin de dang 'jam dpal gzhon nus bsgyur// //