CLOSE WINDOW

D4094
བོད་ཡིག

@##/ /rgya gar skad du/ a b+hi d+harma ko Sha u pA yi ka nA ma TI ka/ bod skad du/ chos mngon pa'i mdzod kyi 'grel bshad nye bar mkho ba zhes bya ba/ thams cad mkhyen pa la phyag 'tshal lo//'phags pa thugs rje chen po la phyag 'tshal lo/ /gang zhig nyon mongs nyon mongs ma yin pa/ /ma lus shes bya'i yul la sems rmongs shing / /rgud pa thams cad kyi ni gzhir gyur pa//shes rab 'od zer ring pos mthar mdzad cing / /thugs rje'i thugs ldan chos ston phyag brkyang bas/ /'khor ba'i 'dam las 'gro ba 'dren mdzad pa/ /de la dang po nyid du phyag 'tshal lo//rang gzhan grub mtha' ma lus dag /rnam bshad mkhas par rab grags pa/ /kun mkhyen ston pa'i slob dpon ni/ /shAkyas byin gus phyag byas nas/ /de yi zhabs kyi pad rdul la/ /gtugs pas gsal ba'i blo ldan pa//dge slong zhi gnas lha yis ni/ /mdzod la mkho ba 'dir bsdu bya/ /gang zhig ces bya ba ni sangs rgyas bcom ldan 'das kyi dbang du byas nas smras pa'o zhes bya ba la/ /sangs rgyas kyi sgra ni bde bar gshegs pa nges tshig dang bcas pa la brjod de/'di ltar/ 'di skad bdag gis thos pa dus gcig na/ bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs te/de nas bram ze gzhan zhig bcom ldan 'das ga la ba der nye bar song ste/ nye bar song nas bcom ldan 'das dang thabs cig yang dag par dga' ba dang / yang dag par mgu ba dang / rab tu dga' bar 'gyur ba'i gtam rnam pa sna tshogs byas te phyogs gcig tu 'dug go//phyogs gcig tu 'dug nas bram ze des bcom ldan 'das la 'di skad ces gsol to/ /gau tam sangs rgyas sangs rgyas zhes brjod pa ci khyod kyi ming pha dang mas byas sam/nges tshig gang gis na sangs rgyas zhes brjod/ /de nas bram ze des de'i tshe tshigs su bcad pa 'di skad ces gsol to/ /'jig rten rnam par 'dren pa las/ /ming mchog sangs rgyas zhes 'byung ba/ /pha dang ma yis byas sam ci//nges tshig gang gis sangs rgyas brjod/ /bram ze la ni rjes brtse bas/ /de la ston pas lung bstan pa/ /bram ze ji ltar sangs rgyas kyi/ /mtshan nyid brjod pa rnyed pa ni/ /sangs rgyas 'du byed 'jig pa yi/ /chos can 'das pa'i dus la gzigs//de bzhin ma 'ongs dus dang ni/ /de bzhin da ltar byung ba gzigs/ /mngon par shes bya mngon shes byed/ /de bzhin bsgom bya sgom byed dang / /rab tu spang bya spong byed gzigs/ /des na bram ze sangs rgyas brjod/ /gang zhig cung zad shes bya ba/ / thams cad nga yis rab tu mkhyen/ /thams cad mkhyen cing thams cad gzigs/ /des na bram ze sangs rgyas so/ /'du byed 'chi 'pho sdug bsngal ba/ /'ba' zhig bskal par bsam byas nas/ /dri ma rdul bral zug rngu med/ /byang chub 'di thob nga sangs rgyas/ /de nas bram ze de bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi drung nas song ngo //bcom ldan 'das kyi sgra yang chos kyi phung po las dang po sdud par byed pas nges tshig ji skad du/ bcom ldan 'das zhes bya ba dge ba'i chos rnams kyi skal ba dang ldan pas sam/dge ba'i chos bsgom pa'i skal ba dang ldan pas sam/ dge ba'i chos rnams bsgom pa'i skal ba dang ldan pa de'i phyir bcom ldan 'das zhes bya'o/ /yang na sangs rgyas bcom ldan 'das lus bsgoms pa/ tshul khrims bsgoms pa/ sems bsgoms pa/ shes rab bsgoms pas che ba'i bdag nyid dpag tu med cing tshad med pa'i chos dang ldan pa de la sangs rgyas bcom ldan 'das zhes bya'o/ /yang na sangs rgyas bcom ldan 'das dbang dang / nus pa dang / 'gro ba dang / mnga' dbang dang / rab kyi stobs dang / skal ba dang / dbang sgyur ba mnga' bas de la bcom ldan 'das zhes brjod do//yang na sangs rgyas bcom ldan 'das 'dod chags bcom pa dang / zhe sdang bcom pa dang / gti mug bcom pa dang / 'di'i sdig pa mi dge ba'i chos nyon mongs pa dang / yang srid par nad dang bcas pa dang / rnam par smin pa sdug bsngal ba la 'ongs pa'i skye ba dang /rga ba dang / 'chi ba bcom pa ste/ ji skad du/ 'dod chags bcom zhing zhe sdang bcom/ /gti mug bcom zhing nyon mongs spangs/ /'di yi sdig pa mi dge'i chos/ /bcom pas bcom ldan zhes brjod do/ / zhes bshad pas bcom ldan 'das zhes bya/ yang na sangs rgyas bcom ldan 'das tshangs par spyod pa rab tu spyad nas/ sngon rang nyid kyis ma thos shing mngon par ma shes shing yongs su ma shes pa'i chos rnams phyis byang chub chen po rjes su thob nas mthong zhing chos mngon par shes te/nyan thos rnams la chos rab tu 'byed pa dang / yang dag par rab tu 'byed pa dang / lhan cig chos dang lhan cig brtson pa sten par byed de/ ji skad du/ gang chos brtson pa bsten pa'i de bzhin gshegs/ /sems can kun la thogs med rjes brtse ba//de 'dra lha dang mi yi ston pa ni/ /srid pa'i pha rol son la legs phyag 'tshal/ /zhes bshad do/ /de'i phyir bcom ldan 'das zhes bya'o/ /yang na nyan thos gus pa dang bcas pa'i tshig dang / zhe sa dang bcas pa'i tshig brjod pas rjes su mthun cing rab tu rigs pa de dag de bzhin gshegs pa la bcom ldan 'das bcom ldan 'das zhes yang dag par brjod do//des na bcom ldan 'das zhes bya'o/ /'di ltar de dag la sangs rgyas kyi chos dang zhes bya ba la/ bcom ldan 'das na len+d+ra'i a mra'i tshal na bzhugs te/ de nas tshe dang ldan pa shA ri'i bu nang du yang dag 'jog las langs te/bcom ldan 'das ga la ba der nye bar song ste/ nye bar 'ongs nas bcom ldan 'das kyi zhabs la spyi bos phyag byas nas phyogs gcig tu 'dug go/ /phyogs gcig tu 'dug nas tshe dang ldan pa shA ri'i bus bcom ldan 'das la 'di skad ces gsol to//btsun pa bcom ldan 'das la bdag mngon par rab tu dang ste/ dge sbyong ngam/ bram ze gzhan gang zhig bcom ldan 'das las mngon par shes pa khyad par du 'phags pa gang yang ma byung / 'byung bar mi 'gyur/ da ltar yang med de/ 'di lta ste/ mngon par rdzogs par byang chub pa zhes bya'o/ /bcom ldan 'das kyis bka' stsal pa/ shA ri'i bu btsun pa bcom ldan 'das la bdag 'di ltar mngon par rab tu dang ste/ dge sbyong ngam bram ze gzhan gang zhig bcom ldan 'das las mngon par shes pa khyad par du 'phags pa gang yang ma byung /'byung bar mi 'gyur/ da ltar yang med [(]da[,]de[)]/ 'di lta ste/ mngon par rdzogs par byang chub pa'o zhes rgya che ba dang / drang srong gi ngag gi brjod pa mtha' gcig tu nges par 'dzin pa/ 'khor gyi nang du seng ge'i sgra sgrogs pa legs so legs so/ /shA ri'i bu ci gang byung bar gyur pa 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas de dag sangs rgyas bcom ldan 'das 'di lta bu'i tshul khrims dang ldan/sangs rgyas bcom ldan 'das kyi chos 'di lta bu byung / 'di lta bu'i shes rab dang /'di lta bu'i mngon par shes pa dang / 'di lta bu'i rnam par grol ba dang / 'di lta bu'i mang du gnas pa dang ldan pa'i sangs rgyas bcom ldan 'das byung ngo zhes khyod kyis sems kyis dmigs shing rig gam/ btsun pa ma lags so/ / gang ma 'ongs pa'i dus na 'byung bar 'gyur ba'i de bzhin gshegs pa dgra bcom pa yang dag par rdzogs pa'i sangs rgyas de dag sangs rgyas bcom ldan 'das 'di lta bu'i tshul khrims dang ldan pa/ 'di lta bu'i chos/ 'di lta bu'i shes rab/ 'di lta bu'i mngon par shes pa/ 'di lta bu'i rnam par grol ba/'di lta bu'i mang du gnas pa dang ldan pa sangs rgyas bcom ldan 'das rnams 'byung bar 'gyur ro zhes rig gam/ btsun pa ma lags so/ da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas pa 'di lta bu'i tshul khrims dang ldan pa/'di lta bu'i shes rab/ 'di lta bu'i mngon par shes pa/ 'di lta bu'i rnam par grol ba/ 'di lta bu'i mang du gnas pa dang ldan zhes bya bar yang rig gam/ btsun pa ma lags so/ /shA ri'i bu khyod kyis 'das pa dang ma 'ongs pa dang da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi sems kyi rnam grangs mi shes na bsam pa cis/ji ste btsun pa bcom ldan 'das la bdag mngon par rab tu dang ste/ dge sbyong ngam bram ze gzhan gang zhig bcom ldan 'das las mngon par shes pa khyad par du 'phags pa gang yang ma byung 'byung bar mi 'gyur ba da ltar med de/'di lta ste/ rdzogs par byang chub pa zhes bya'o zhes ngag gis brjed pa drang srong gi ngag gis brjod pa rgya che ba mtha' gcig tu nges par 'dzin pa 'khor gyi nang du seng ge'i sgra sgrogs/btsun pa bdag gis 'das pa dang ma 'ongs pa dang da ltar byung ba'i de bzhin gshegs pa dgra bcom pa de dag gi thugs kyi rnam grangs ma 'tshal mod kyi/ 'on kyang chos kyi rnam grangs 'tshal te/ 'dir bcom ldan 'das kyis bdag la chos bstan pa pa gang bla na med pa/gong na med pa/ gya nom pa/ ches gya nom pa/ dman pa dang khyad par du 'phags pa dkar po dang nag po mi 'dra ba'i rten cing 'brel par 'byung ba gsal bar mdzad de/ ji lta ji ltar bcom ldan 'das kyis bdag la chos bstan pa bla na med pa/ gong na med pa/gya nom pa/ ches gya nom pa/ dman pa dang khyad par du 'phags pa'i chos dkar po dang nag po mi 'dra ba'i rten cing 'brel par 'byung ba rgyas par gsal bar mdzad pa de lta de ltar bdag la chos gcig mngon par yongs su shes pa dang / chos gcig spangs pa mngon par shes pa dang /chos gcig mngon sum du bya ba mngon par shes pa dang / chos gcig bsgom pa mngon par shes pa dang / chos rnams la rtogs pa nye bar 'gro ba dang / ston pa la rab tu dang bar gyur cing yang dag par rdzogs pa'i sangs rgyas bcom ldan 'das la rtag tu ngo mtshar bar yang shes so//shA ri'i bu khyod kyi drung du kha cig nye bar 'ongs te 'di lta bu'i dri ba 'byung ste/ 'das pa'i dus na dge sbyong ngam bram ze dge sbyong gau ta ma las khyad par du 'phags pa byung ngam/ 'di lta ste/ rdzogs par byang chub pa la'o zhes khyod la 'di ltar 'dri ba de la ji ltar lan gdab par bya/btsun pa bdag gi drung du kha cig nye bar 'ongs te de ltar 'dri ba de la bdag gis med do zhes lan gdab par bya'o/ /shA ri'i bu khyod kyi drung du kha cig nye bar 'ongs te 'di skad du 'dri ste/ ma 'ongs pa'i dus na gzhan dge sbyong ngam bram ze dge sbyong gau ta ma las ches khyad par du 'phags pa 'byung bar 'gyur ram/'di lta ste/ rdzogs par byang chub pa la'o zhes 'di skad du 'dri na/ shA ri'i bu ji ltar lan 'debs/ btsun pa bdag gi drung du kha cig nye bar 'ongs te 'di ltar 'dri na 'dri ba de la med do zhes lan gdab par bgyi'o//shA ri'i bu khyod kyi drung du kha cig nye bar 'ongs te 'di skad du 'dri ste/ shA ri'i bu da ltar byung ba'i dus na dge sbyong ngam bram ze gzhan kha cig dge sbyong gau ta ma las khyad par du 'phags pa yod dam/ 'di lta ste/ mngon par rdzogs par byang chub pa la'o zer na/ de ltar 'dri ba de la shA ri'i bu ji ltar lan 'debs/ btsun pa bdag gi drung du kha cig nye bar 'ongs te 'di ltar 'dri na 'dri ba de la med do zhes lan gdab par bgyi'o/ /shA ri'i bu khyod kyi drung du kha cig nye bar 'ongs nas 'di ltar 'dri ste/ shA ri'i bu 'das pa'i dus na gzhan dge sbyong ngam bram ze dge sbyong gau ta ma dang 'di lta ste/mngon par byang chub pa la mnyam zhing mnyam pa yod dam zhes 'di ltar 'dri na/ shA ri'i bu ji ltar lan gdab/ btsun pa kha cig bdag gi drung du nye bar 'ongs te 'dri na 'dri ba de la yod do zhes lan gdab par bgyi'o/ /shA ri'i bu khyod kyi drung du kha cig nye bar 'ongs te 'di ltar 'dri ste/shA ri'i bu ma 'ongs pa'i dus na gzhan dge sbyong ngam bram ze dge sbyong gau ta ma 'di lta ste/ mngon par byang chub pa la mnyam zhing mnyam pa 'byung bar 'gyur ram zhes 'di ltar 'dri ba de la shA ri'i bu ji ltar lan gdab/ btsun pa bdag gi drung du kha cig nye bar 'ongs te 'di ltar 'dri na 'dri ba de la bdag gis yod do zhes lan gdab par bgyi'o/ /shA ri'i bu khyod kyi drung du kha cig nye bar 'ongs te 'di ltar 'dri ste/ shA ri'i bu da ltar byung ba'i dus na dge sbyong ngam bram ze dge sbyong gau ta ma dang mngon par byang chub pa la mnyam zhing mnyam pa yod dam zhes 'di ltar 'dri na shA ri'i bu ji ltar lan gdab par bya/btsun pa bdag gi drung du kha cig nye bar 'ongs te 'di ltar 'dri na 'dri ba de la bdag gis med do zhes lan gdab par bgyi'o/ /shA ri'i bu khyod kyi drung du kha cig nye bar 'ongs shing 'di skad du 'dri ste shA ri'i bu 'das pa dang ma 'ongs pa dang da ltar byung ba'i dge sbyong dang bram ze kha cig rjes su yi rang la kha cig rjes su yi rang ba ma yin pa ci'i phyir zhes 'di ltar 'dri na/shA ri'i bu ji skad du lan gdab par bya/ btsun pa kha cig bdag gi drung du nye bar 'ongs te 'di ltar 'dri na 'dri ba de la bdag gis 'di ltar lan gdab par bya ste/'das pa'i dus na dge sbyong ngam bram ze bcom ldan 'das dang mngon par byang chub pa la mnyam zhing mnyam par byung bar gyur to/ /ma 'ongs pa'i dus na gzhan dge sbyong dang bram ze bcom ldan 'das dang mngon par byang chub pa la mnyam zhing mnyam par 'byung bar 'gyur ro//gnas ma yin zhing go skabs med de/ de gang snga phyi med par de bzhin gshegs pa dgra bcom pa yang dag par rdzogs pa'i sangs rgyas gnyis 'jig rten du 'byung ba ni gnas ma yin zhing go skabs med la/gang gcig 'byung ba ni go skabs yod do zhes bcom ldan 'das las bdag gis mngon sum du thos shing mngon sum du 'byung ngo / /btsun pa bcom ldan 'das bla na med pa 'di lta ste mngon par byang chub pa'o/ /de bcom ldan 'das kyis ma lus pa mngon par shes shing ma lus pa mngon par rab tu mkhyen nas/dge sbyong ngam bram ze bcom ldan 'das las 'di lta ste/ mngon par byang chub pa zhes bya ba mngon par shes pa khyad par du 'phags pa dus phyis mngon par shes par bya ba mngon par shes pa gzhan med do zhes mdo'i dum bu de lung ring po'i dang po'i sdom gyi tshigs su bcad pa tha ma'i mdo las 'byung ngo //de nyid slob dpon sna tshogs blo gros kyi tshigs bcad bzhi brgya par 'god de/ nyan thos kun gyis rtogs gyur pa/ /khyod kyi chos kyi ded dpon po/ /bla na med pa rjes smra bas/ /khyod la dngos su nyer gnas te/ / sangs rgyas chos zab bshad pa la/ /rjes su rigs par sangs rgyas kyi/ /chos shes pa de min zhes smras/ /zhes bshad do/ /yul dang dus shin tu bskal pa dang don rab tu dbye ba zhes bya ba la/ gnas brtan shA ri'i bus skyes bu gzhan 'ga' zhig gi sngon dang phyis kyi mtha' ma shes pas sa phyogs gcig na bcom ldan 'das dang shA ri'i bu bzhugs so//ji tsam na skyes bu gzhan zhig 'chi ba'i dus byed pa na bcom ldan 'das kyis shA ri'i bu la bka' stsal pa/ shA ri'i bu 'di gong du skye ba ltos shig /des bsam gtan bzhi pa'i sa pa'i lha'i mig mngon sum du byas te bltas pa na de tsam du bskal pa'i skye ba ji tsam pa yul du ma gyur to//ting nge 'dzin las langs te/ bcom ldan 'das ma 'tshal to zhes smras so/ /bcom ldan 'das kyis bka' stsal pa/ /khyod kyis ji tsam du mthong ba de las langs te/'jig rten gyi khams 'di zhes bya bar bud med che ge mo zhes bya ba'i mngal du skyes so zhes bka' stsal to/ /yang bcom ldan 'das dang tshe dang ldan pa shA ri'i bu sa phyogs gcig tu bzhugs so/ /ji tsam na skyes bu gzhan zhig mngon du phyogs te 'ongs so/ /de la bcom ldan 'das kyis shA ri'i bu la bos te/shA ri'i bu skyes bu 'di khyod la yun ring por bsten pa la ltos/ des bsam gtan bzhi pa'i sa pa'i sngon gyi gnas rnam pa du ma rjes su dran pa'i mngon par shes pa mngon du byas te bltas pa de srid du sngon yun ring du bsten pa ji tsam pa yul du ma gyur to//de ting nge 'dzin las langs nas bcom ldan 'das la 'tshal to zhes smras so/ /bcom ldan 'das kyis bka' stsal pa/ ji tsam khyod kyis mngon pa de las 'das te/ che ge mo zhes bya ba'i rigs dang che ge mo zhes bya ba'i gnyen 'dun du skyes so zhes bka' stsal to//yang mngon par 'du bya ba chen pos yun ring du bltas kyang thar pa'i cha dang mthun pa'i dge ba'i rtsa ba ma mthong ba gnas brtan shA ri'i bu la rab tu 'byung ba'i phyir 'ongs pa las bshad pa/ ngas ni 'di yis thar pa yi/ /sa bon shin tu phra ba dag /'byung khung rdo yi gseb na gser//bag la zha ba lta bur gzigs/ /bsam gtan shes rab bdag nyid dros/ /gnyis kyis thar pa thob nas ni/ /rang gi bya ba khyod kyis ni/ /mngon du de yis thob par 'gyur/ /spros pa thob kyang las 'di la/ /'bras bu rtsom pa med par min//rdo yi nang du gnas pa'i gser/ /ma bzhus 'byung bar mi 'gyur ro/ /zhes bcom ldan 'das kyis rab tu byung nas nyin zhag de la dgra bcom pa thob ces rgyas par ji ltar btsun pa gzhon nu len gyis dpe'i phreng ba las drug pa dang bcu pa'i drug pa las stag gi 'jigs pa'i dpe las bshad do//gnas brtan maud gal gyi bu chen po yang ji ltar yi dwags lnga brgya'i don du gnyer ba bsgrubs nas ma gnas pa'i sa dris pa las de dag las kyi rlung gi shugs kyis 'phangs te 'bad pa chen pos gdungs kyang ma shes so//bcom ldan 'das kyis skye bo mang po'i rang gi shes pa sngon du btang nas lhar skyes shing gnas so zhes gtam rgyud brgya pa las lnga pa'i sdom gyi tshigs su bcad pa lnga pa las 'byung ngo / /lam ma gtogs pa 'dus byas rnams/ /zag bcas zhes bya ba la/ gleng gzhi ni mnyan du yod pa na'o//de nas bcom ldan 'das kyis dge slong rnams la bos nas bka' stsal pa/ dge slong dag legs par rab tu nyon la yid la zung shig dang / zag pa dang bcas pa dang zag pa med pa'i chos rnams bshad par bya'o/ /zag pa dang bcas pa'i chos rnams gang zhe na/ gzugs gang 'das pa dang ma 'ongs pa dang / da ltar byung ba la rjes su chags pa dang khong khro ba skye ba dang / ji srid du tshor ba dang / 'du shes dang / 'du byed dang / rnam par shes pa 'das pa dang ma 'ongs pa dang da ltar byung ba la rjes su chags pa dang khong khro ba skye ba 'di ni zag pa dang bcas pa zhes bya'o//gzugs gang 'das pa dang ma 'ongs pa dang da ltar byung ba la rjes su chags pa dang khong khro ba mi skye ba dang / ji srid du tshor ba dang / 'du shes dang / 'du byed dang / rnam par shes pa 'das pa dang / ma 'ongs pa dang / da ltar byung ba la rjes su chags pa dang khong khro ba mi skye ba 'di ni zag pa med pa zhes bya'o//dge slong dag ngas zag pa dang bcas pa dang zag pa med pa ji skad bshad pa 'dir rab tu bshad do/ /de skad ces bka' stsal pa dang / dge slong de dag bcom ldan 'das kyis gsungs pa la mngon par dga'o/ / 'dir mdo las gzugs gang 'das pa dang ma 'ongs pa dang da ltar byung ba la rjes su chags pa dang khong khro ba mi skye ba zhes rjes su chags pa dang khong khro ba rang gi ris tsam las dmigs pas rgyas pa skye ba bkag cing log par lta ba lam gyi bden pa la dmigs kyang de'i gnyen po yin pas mi rgyas pas zag pa med pa zhes bshad par 'gyur ro//'o na gang 'gog pa ni 'dra ba ma yin no zhes gang bye brag tu bshad pa chen po las 'byung ba dang / chos sbyin gyi mdo las/ de la 'gog pa ni 'dra ba ma yin no zhes 'don pa don la khyad par med do/ /de ji ltar zhe na/bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs te/ de'i tshe de'i dus na dge slong ma chos sbyin mnyan yod na rgyal po'i kun dga' ra ba na dge slong ma'i dbyar khang na gnas so/ /de nas tshe dang ldan pa sa ga dge slong ma chos sbyin gang na ba der nye bar 'ongs te/dge slong ma chos sbyin gyi zhabs la spyi bos phyag byas nas phyogs gcig tu 'dug go/ /phyogs gcig tu 'dug nas dge bsnyen sa gas dge slong ma chos sbyin la 'di skad ces gsol to/ /'phags ma 'dri ba lung ston pa la skabs 'byed na phyogs 'ga' zhig yongs su 'dri'o//tshe dang ldan pa sa ga nyon cig dang 'dri ba rig par bya'o/ /'phags ma 'jig tshogs zhes brjod pa dang / 'jig tshogs kun 'byung ba zhes brjod pa dang / 'jig tshogs 'gog pa zhes brjod pa/ 'phags ma 'jig tshogs ni gang /'jig tshogs kun 'byung ba dang / 'jig tshogs 'gog pa ni gang / tshe dang ldan pa sa ga nye bar len pa'i phung po lnga ni 'phags pa'i chos kyi gsung rab las 'jig tshogs zhes bya'o/ /lnga gang zhe na/ gzugs nye bar len pa'i phung po dang / tshor ba dang / 'du shes dang /'du byed dang / rnam par shes pa nye bar len pa'i phung po'o/ /'jig tshogs la lta ba kun 'byung ba ni yang srid par dga' ba'i 'dod chags dang lhan cig pa'i srid pa ste/ de dang de la mngon par dga' ba'o/ /'jig tshogs 'gog pa ni yang srid par dga' ba'i 'dod chags dang lhan cig pa'i srid pa de dang de la mngon par dga' ba ma lus pa spangs shing nges par 'byung ba zad pa 'dod chags dang bral ba 'gog pa nye bar zhi ba grub pa'o//'phags ma ji ltar 'jig tshogs la lta ba 'byung bar 'gyur zhe na/ tshe dang ldan pa sa ga byis pa so so'i skye bo thos pa dang mi ldan pa gzugs bdag yin no zhes yang dag par rjes su mthong ngo / /gzugs bdag dang ldan/ bdag la gzugs yod/ gzugs la bdag gnas zhes yang dag par rjes su mthong zhing / de bzhin du tshor ba dang /'du shes dang / 'du byed dang / rnam par shes pa bdag yin rnam par shes pa bdag dang ldan/ bdag la rnam par shes pa yod/ rnam par shes pa la bdag gnas zhes yang dag par rjes su mthong ste/ 'jig tshogs la lta ba kun 'byung bar 'gyur ro/ / 'phags ma ji ltar 'jig tshogs la lta ba 'byung bar mi 'gyur zhe na/ tshe dang ldan pa sa ga 'phags pa nyan thos thos pa dang ldan pas gzugs bdag yin/ gzugs bdag dang ldan/ bdag la gzugs yod/ gzugs la bdag gnas zhes yang dag par rjes su mi mthong ste/tshor ba dang / 'du shes dang / 'du byed dang / rnam par shes pa bdag yin/ rnam par shes pa bdag dang ldan/ bdag la rnam par shes pa yod/ rnam par shes pa la bdag gnas zhes yang dag par rjes su mi mthong ste/ des na 'jig tshogs la lta ba kun 'byung bar mi 'gyur ro//'phags ma phung po dang nye bar len pa'i phung po zhes brjod pa/ 'phags ma ci phung po gang yin pa de nyid nye bar len pa'i phung po yin nam/ 'on te phung po gzhan nyid yin cing nye bar len pa'i phung po yang gzhan nyid yin no//tshe dang ldan pa sa ga nye bar len pa'i phung po gang yin pa ni phung po yin no/ /phung po ni nye bar len pa'i phung po ma yin no/ /phung po ni nye bar len pa'i phung po yin pa ni gang / phung po yin la nye bar len pa'i phung po ma yin pa ni gang zhe na/ tshe dang ldan pa sa ga gzugs gang zag pa dang bcas pa nye bar len pa dang bcas pa dang /tshor ba dang / 'du shes dang / 'du byed dang / rnam par shes pa gang zag pa dang bcas pa nye bar len pa dang bcas pa 'di phung po yang yin la nye bar len pa'i phung po yang yin no/ /gzugs gang zag pa med cing nye bar len pa med pa dang /tshor ba dang / 'du shes dang / 'du byed dang / rnam par shes pa zag pa med cing nye bar len pa med pa 'di ni phung po yin la nye bar len pa'i phung po ma yin pa zhes bya'o/ /'phags ma gang 'di phung po gsum po tshul khrims kyi phung po dang /ting nge 'dzin gyi phung po dang / shes rab kyi phung po dang / gang yang 'phags pa'i lam yan lag brgyad pa zhes 'byung ba ci phung po gsum gyis 'phags pa'i lam yan lag brgyad bsdus sam/ 'on te 'phags pa'i lam yan lag brgyad kyis phung po gsum bsdus/tshe dang ldan pa sa ga phung po gsum gyis 'phags pa'i lam yan lag brgyad bsdus kyi/ 'phags pa'i lam yan lag brgyad kyis ni phung po gsum bsdus pa ma yin no/ /ji ltar phung po gsum gyis 'phags pa'i lam yan lag brgyad bsdus shing 'phags pa'i lam yan lag brgyad kyis phung po gsum ma bsdus she na/tshe dang ldan pa sa ga de la yang dag pa'i ngag dang / yang dag pa'i las kyi mtha' dang / yang dag pa'i 'tsho ba dag ni bcom ldan 'das kyis tshul khrims kyi phung por bshad do/ /gang yang yang dag pa'i dran pa dang /yang dag pa'i ting nge 'dzin ni bcom ldan 'das kyis ting nge 'dzin gyi phung por bshad do/ /gang yang yang dag pa'i lta ba dang / yang dag pa'i rtog pa dang / yang dag pa'i rtsol ba ni bcom ldan 'das kyis shes rab kyi phung por bshad do/ /tshe dang ldan pa sa ga des na phung po gsum gyis 'phags pa'i lam yan lag brgyad bsdus shing 'phags pa'i lam yan lag brgyad kyis ni phung po gsum ma lus par rig par bya'o//'phags ma lam 'dus byas sam 'on te 'dus ma byas pa/ tshe dang ldan pa sa ga 'dus byas so//'phags ma 'gog pa 'dra ba yin nam/ tshe dang ldan pa sa ga 'dra ba ma yin no/ /'phags ma bsam gtan dang po yan lag du zhig dang ldan/ tshe dang ldan pa sa ga yan lag lnga dang ldan te/ rtog pa dang / dpyod pa dang / dga' ba dang / bde ba dang / sems rtse gcig pa'o/ /'phags ma ting nge 'dzin dang / ting nge 'dzin gyi rgyu mtshan dang / ting nge 'dzin gyi stobs dang / ting nge 'dzin gyi sgom pa zhes 'byung ba/ 'phags ma ting nge 'dzin ni gang / ting nge 'dzin gyi rgyu mtshan dang / ting nge 'dzin gyi stobs dang /ting nge 'dzin sgom pa ni gang / tshe dang ldan pa sa ga dge ba'i sems rtse gcig pa ni ting nge 'dzin no/ /dran pa nye bar gzhag pa bzhi ni ting nge 'dzin gyi rgyu mtshan no/ /yang dag par spong ba bzhi ni ting nge 'dzin gyi stobs so/ /chos 'di rnams nyid la bsnyen par byed/ nye bar bsnyen par byed/ gnas par byed/ bsgom zhing sbyor ba ni ting nge 'dzin gyi sgom pa zhes bya'o/ /'phags ma 'du byed 'du byed ces 'byung ba/ 'phags ma 'du byed rnams gang / tshe dang ldan pa sa ga lus kyi 'du byed dang / ngag gi 'du byed dang / yid kyi 'du byed dang gsum mo//'phags ma lus kyi 'du byed gang / ngag gi 'du byed gang / yid kyi 'du byed gang / tshe dang ldan pa sa ga dbugs 'byung ba dang rngub pa ni lus kyi 'du byed ces bya'o/ /rtog pa dang dpyod pa ni ngag gi 'du byed ces bya'o/ /'du shes dang sems pa ni yid kyi 'du byed ces bya'o//'phags ma dbugs 'byung ba dang rngub pa ci'i phyir lus kyi 'du byed ces bya/ 'phags ma rtog pa dang dpyod pa ci'i phyir ngag gi 'du byed ces bya/ 'du shes dang sems pa ci'i phyir yid kyi 'du byed ces bya/ tshe dang ldan pa sa ga dbugs 'byung ba dang rngub pa ni lus kyi chos te/lus la brten pa lus dang 'brel pa lus la brten te rab tu 'jug pas de'i phyir dbugs 'byung ba dang rngub pa lus kyi 'du byed ces bya'o/ /rtog pa dang dpyod pas ni brtags shing dpyad nas smra ba de'i phyir rtog pa dang dpyod pa la ngag gi 'du byed ces bya'o//'du shes dang sems pa ni sems las byung ba'i chos te/ sems kyi rjes su 'gro ba sems la brten pa sems dang 'brel pa sems la rab tu brten nas 'jug pas de'i phyir 'du shes dang sems pa la yid kyi 'du byed ces bya'o/ /'phags ma gang gi tshe chos des lus bor nas sems med pa'i shing bzhin du gnas pa de'i tshe lus btang nas gnas par 'gyur ba'i chos de gang zhe na/tshe dang ldan pa sa ga tshe dang drod dang rnam par shes pa gsum gyis te/ tshe dang drod dang rnam shes kyis/ /gang tshe lus ni 'dor byed cing / /bor nas de tshe gnas pa ni//sems med ci ltar shing bzhin no/ /'phags ma shi zhing dus las 'das pa dang 'gog pa la snyoms par zhugs pa bsam pa'am rgyu tha dad pa'am/ khyad par 'ga' zhig yod dam/ tshe dang ldan pa sa ga shi zhing dus las 'das pa dang 'gog pa la snyoms par zhugs pa bsam pa'am rgyu tha dad pa'am/khyad par rnam pa mang du yod de/ tshe dang ldan pa sa ga shi zhing dus las 'das pa ni lus kyi 'du byed 'gags shing sems kyi 'du byed dang ngag gi 'du byed 'gags par 'gyur la/ tshe dang drod dang bral zhing dbang po rnams gzhan du gyur cing rnam par shes pa lus las 'da' bar 'gyur ro//'gog pa la snyoms par zhugs pa ni lus kyi 'du byed 'gag par 'gyur zhing ngag gi 'du byed dang sems kyi 'du byed 'gag par 'gyur yang tshe dang drod 'gag par mi 'gyur zhing dbang po gzhan du 'gyur ba dang /rnam par shes pa lus las 'da' bar mi 'gyur ro/ /gang tshe dang ldan pa sa ga shi zhing dus las 'das pa dang 'gog pa la snyoms par zhugs pa 'di'i bsam pa dang rgyu dang khyad par yin no/ /'phags ma ji ltar 'gog pa la snyoms par 'jug par 'gyur/ tshe dang ldan pa sa ga dge slong 'gog pa la snyoms par zhugs pa na bdag 'di ltar 'gog pa'i snyoms par 'jug pa la zhugs par bya'o snyam du mi sems/'di'i sems sngon de lta de ltar yongs su sbyangs [(]zhing [,]shing [)]yongs su sbyang ba byas pa ji lta ji ltar de dang de la nye bar gnas par 'gyur ro//'phags ma ji ltar 'gog pa las ldang bar 'gyur/ tshe dang ldan pa sa ga dge slong 'gog pa la gnas pa ldang ba na 'di ltar bdag 'gog pa las langs shing ldang bar bya'o snyam du mi sems kyang 'di sems sngon nyid du de lta de ltar yongs su sbyangs shing yongs su sbyang ba byas pa ji lta ji ltar de dang de la nye bar gnas par 'gyur ro//'phags ma dge slong 'gog pa la snyoms par zhugs pa ni lus kyi 'du byed dam/ ngag gi 'du byed dam/ sems kyi 'du byed kyi chos du zhig dang po nyid du 'gag par 'gyur/ tshe dang ldan pa sa ga dge slong 'gog pa la snyoms par zhugs pa dang po nyid du ngag gi 'du byed 'gag par 'gyur ro//de nas ni lus dang yid kyi 'du byed do/ /'phags ma dge slong 'gog pa la snyoms par zhugs pa las langs pa na dang po nyid du lus kyi 'du byed dam/ ngag gi 'du byed dang /yid kyi 'du byed kyi chos du zhig skye bar 'gyur/ tshe dang ldan pa sa ga dge slong 'gog pa la snyoms par zhugs pa las langs pa na dang po nyid du yid kyi 'du byed skye bar 'gyur ro/ /de nas ni lus dang ngag gi 'du byed do/ /'phags ma dge slong 'gog pa las langs pa sems zhing la gzhol zhing zhing la 'bab pa dang gang la bab par 'gyur/tshe dang ldan pa sa ga dge slong 'gog pa las langs pa'i sems dben pa la gzhol ba dang / dben pa las 'bab pa dang / dben pa la bab par 'gyur ro/ /thar pa la gzhol zhing thar pa la 'bab pa dang thar pa la bab par 'gyur ro//mya ngan las 'das pa la gzhol zhing mya ngan las 'das pa la 'bab pa dang / mya ngan las 'das pa la bab par 'gyur ro/ /'phags ma dge slong 'gog pa las langs pa reg pa gang la reg /tshe dang ldan pa sa ga mi g.yo ba dang /cung zad med pa dang / mtshan ma med pa gsum la'o/ 'phags ma dge slong 'gog pa la snyoms par zhugs pa chos mang po du zhig byed par 'gyur/ tshe dang ldan pa sa ga dri ba 'di ni thog ma nyid du dri bar bya ba dang da ltar byas kyang lung bstan par bya'o/ /dge slong 'gog pa la snyoms par zhugs pa chos gnyis kyis mang po byed par 'gyur te/zhi gnas dang / lhag mthong ngo / /'phags ma tshor ba gang / tshe dang ldan pa sa ga gsum ste/ bde ba dang / sdug bsngal ba dang / bde ba yang ma yin sdug bsngal ba yang ma yin pa'o/ / 'phags ma bde ba'i tshor ba ni gang / sdug bsngal ba'i tshor ba ni gang / bde ba yang ma yin sdug bsngal ba yang ma yin pa'i tshor ba ni gang / tshe dang ldan pa sa ga bde ba'i tshor ba'i reg pa las skyes pa lus dang sems kyis bde ba dang dga' ba myong ba ni bde ba'i tshor ba zhes bya'o//gang sdug bsngal myong ba'i reg bya reg pa las skyes pa lus dang sems kyis sdug bsngal ba dang mi bde ba tshor zhing rig pa ni sdug bsngal gyi tshor ba zhes bya'o/ /gang sdug bsngal yang ma yin bde ba yang ma yin pa'i reg bya reg pa las skyes pa lus dang sems kyis sdug bsngal yang ma yin bde ba yang ma yin pa dang /dga' ba yang ma yin pa dang mi dga' ba yang ma yin pa myong ba ni bde ba yang ma yin sdug bsngal ba yang ma yin pa zhes bya'o/ /'phags ma bde ba'i tshor ba la gang zhig rgyas par 'gyur/ sdug bsngal gyi tshor ba la gang zhig rgyas par 'gyur/bde ba yang ma yin sdug bsngal ba yang ma yin pa'i tshor ba la gang zhig rgyas par 'gyur/ tshe dang ldan pa sa ga bde ba'i tshor ba la 'dod chags rgyas par 'gyur ro/ /sdug bsngal gyi tshor ba la zhe sdang rgyas par 'gyur ro/ /bde ba yang ma yin sdug bsngal ba yang ma yin pa'i tshor ba la gti mug rgyas par 'gyur ro//'phags ma bde ba'i tshor ba thams cad la 'dod chags rgyas par 'gyur ram/ sdug bsngal gyi tshor ba thams cad la zhe sdang rgyas par 'gyur ram/ bde ba yang ma yin sdug bsngal ba yang ma yin pa'i tshor ba thams cad la gti mug rgyas par 'gyur ram/tshe dang ldan pa sa ga bde ba'i tshor ba thams cad la 'dod chags rgyas pa ma yin la/ sdug bsngal gyi tshor ba thams cad la zhe sdang rgyas pa ma yin zhing bde ba yang ma yin sdug bsngal ba yang ma yin pa'i tshor ba thams cad la gti mug rgyas pa ma yin mod kyi/bde ba'i tshor ba gang la 'dod chags rgyas par mi 'gyur zhing spong bar 'gyur ba yod la/ sdug bsngal gyi tshor ba gang la zhe sdang rgyas par mi 'gyur zhing spong bar 'gyur ba yod la/ bde ba yang ma yin sdug bsngal ba yang ma yin pa'i tshor ba la gti mug rgyas par mi 'gyur zhing spong bar 'gyur ba yang yod do/ /'phags ma bde ba'i tshor ba 'dod chags rgyas par mi 'gyur zhing spong bar 'gyur ba gang / tshe dang ldan pa sa ga 'di la 'phags pa nyan thos 'dod pa las dben pa/sdig pa mi dge ba'i chos las dben pa rtog pa dang bcas shing dpyod pa dang bcas pa dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rtog pa dang dpyod pa nye bar zhi nas nang yongs su dang ba sems kyi rnam pa gcig tu gyur nas rtog pa med pa dang dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa nye bar bsgrubs te gnas so//de dga' ba las 'dod chags dang bral nas btang snyoms su gnas te dran pa dang shes bzhin can bde ba lus kyis so sor myong zhing gang 'phags pa rnams kyi btang snyoms pa'o zhes brjod pa dran pa dang /bde bar gnas pa bsam gtan gsum pa nye bar bsgrubs te gnas so/ /'di ni bde ba'i tshor ba la 'dod chags rgyas par mi 'gyur zhing spong bar 'gyur ba zhes bya'o/ /'phags ma sdug bsngal gyi tshor ba la zhe sdang rgyas par mi 'gyur zhing spong bar 'gyur ba gang /tshe dang ldan pa sa ga 'di la 'phags pa nyan thos thar pa bla ma la 'dod pa skyed de bdag nam de'i skye mched nye bar bsgrubs te gnas par 'gyur/ gang gi tshe 'phags pa'i skye mched nye bar bsgrubs nas gnas zhes thar pa bla ma 'dod pa dang /don du gnyer ba dang / yongs su gdung ba dang / yid mi bde ba 'di ni sdug bsngal gyi tshor ba zhe sdang rgyas par mi 'gyur zhing spong bar 'gyur ba zhes bya'o/ /'phags ma bde ba yang ma yin sdug bsngal ba yang ma yin pa'i tshor ba la gti mug rgyas par mi 'gyur zhing spong bar 'gyur ba gang zhe na/tshe dang ldan pa sa ga 'di la 'phags pa nyan thos bde ba yang spangs/ sdug bsngal ba yang spangs shing snga ma bzhin du yid bde ba dang mi bde ba nub cing bde ba yang ma yin sdug bsngal ba yang ma yin pa btang snyoms dang dran pa yongs su dag pa bsam gtan bzhi pa nye bar bsgrubs te gnas so//'di ni bde ba yang ma yin sdug bsngal ba yang ma yin pa'i tshor ba la gti mug rgyas par mi 'gyur zhing spong bar 'gyur ba zhes bya'o/ /'phags ma bde ba'i tshor ba cis bde ba yin/ cis sdug bsngal ba yin/cis nye bar 'tshe ba yin/ sdug bsngal gyi tshor ba cis bde ba yin/ cis sdug bsngal ba yin/ cis nye bar 'tsho ba yin/ bde ba yang ma yin sdug bsngal ba yang ma yin pa'i tshor ba cis bde ba yin/ cis sdug bsngal ba yin/ cis nye bar 'tshe ba yin/tshe dang ldan pa sa ga bde ba'i tshor ba skye ba na yang bde/ gnas pa na yang bde/ yongs su 'gyur ba na yang sdug bsngal te/ gang mi rtag pa des nye bar 'tshe ba yin no/ /sdug bsngal gyi tshor ba skye ba na yang sdug bsngal/ gnas pa na yang sdug bsngal/ yongs su 'gyur ba na bde ste/ gang gi tshe mi rtag pa de'i tshe nye bar 'tshe ba yin no/ /bde ba yang ma yin sdug bsngal ba yang ma yin pa'i tshor ba mi shes pa sdug bsngal/ ye shes skyes na bde ba/ gang gi tshe mi rtag pa de nye bar 'tshe ba yin no/ /'phags ma bde ba'i tshor ba rab tu rnam par 'byed pa gang /sdug bsngal gyi tshor ba'o/ /sdug bsngal gyi tshor ba'i rab tu rnam par 'byed pa gang / bde ba'i tshor ba'o/ /bde ba dang sdug bsngal gyi tshor ba'i rab tu rnam par 'byed pa gang / bde ba yang ma yin sdug bsngal ba yang ma yin pa'i tshor ba'o//bde ba yang ma yin sdug bsngal ba yang ma yin pa'i tshor ba'i rab tu rnam par 'byed pa gang / ma rig pa'o/ /ma rig pa'i rab tu rnam par 'byed pa gang / rig pa'o/ /rig pa'i rab tu rnam par 'byed pa gang / tshe dang ldan pa sa ga mya ngan las 'das pa'o/ /'phags ma mya ngan las 'das pa'i rab tu rnam par 'byed pa gang /tshe dang ldan pa sa ga ring ba bas kyang [(]shing [,]shin [)]tu ring bar 'di'i mtha' bsdu bar nus pa ma yin no/ /bcom ldan 'das kyi drung du mya ngan las 'das par 'gro ba dang / mya ngan las 'das pa'i mthar 'gyur ba sdug bsngal zad par 'gyur ba yang dag pa'i tshangs par spyod pa spyad par bya'o//de nas dge bsnyen sa ga dge slong ma chos sbyin gyis bshad pa la dga' zhing yi rang nas/ dge slong ma chos sbyin gyi rkang pa la phyag byas nas langs te song ngo / /dge bsnyen sa ga song nas ring po ma lon par dge slong ma chos sbyin bcom ldan 'das gang na ba der nye bar song te/nye bar song nas bcom ldan 'das kyi zhabs la spyi bos phyag 'tshal nas phyogs gcig tu 'dug go/ /phyogs gcig tu 'dug nas dge slong ma chos sbyin gyis dge bsnyen sa ga dang lhan cig ji srid du gtam brjod par gyur pa thams cad bcom ldan 'das la rgyas par zhus so//bcom ldan 'das kyis dge slong ma chos sbyin la 'di skad ces bka' stsal to/ /chos sbyin legs so legs so/ /nga la yang dge bsnyen sa ga don 'di nyid dang / tshig 'di nyid dang / yi ge 'di nyid kyi dri ba 'dri na nga yang don 'di nyid dang tshig dang yi ge 'di nyid kyis ji ltar khyod kyis bstan pa bzhin du lung bstan par bya'o//de skad ces bka' stsal pa dang / dge slong ma chos sbyin bcom ldan 'das kyis gsungs pa la rjes su yi rang zhing mngon par dga'o/ /'dir sdom la/ 'jig tshogs lta bas dri bya gsum//lta ba gnyis kyi bya ba dang / /phung po lnga gsum lam dang ni/ /'gog pa'i tshig ni bcu pa yin/ /ting 'dzin yan lag du yod dang / /'du byed phung po du zhig dang / /tshor bas dri ba drug dang ni/ /rab tu rnam dbye rnam pa drug /de dag nyid dus zhes bya ba la/gleng gzhi ni mnyan du yod pa na'o/ /dge slong dag dus ni rnam pa gsum ste/ gsum gang zhe na/ 'das pa'i dus dang / ma 'ongs pa'i dus dang / da ltar byung ba'i dus so zhes bka' stsal to/ /gtam gzhi dang zhes bya ba la/ gleng gzhi ni mnyan du yod pa na'o//dge slong dag gtam gyi gzhi ni gsum te/ bzhi pa med cing lnga pa med de/ ngas 'di lta bu mthong zhes mkhas pa rnams mthong ba'i don las brtsams te gtam brjod cing smra ba dang / ngas 'di lta bu rnam par shes so zhes thos pa dang / bye brag phyed pa dang / rnam par shes pa'i don las brtsams te gtam brjod cing smra ba ste/ gsum gang zhe na/ 'das pa'i gtam gyi gzhi dang / /ma 'ongs pa dang / da ltar byung ba'i gtam gyi gzhi'o/ /'das pa'i gtam gyi gzhi gang zhe na/ 'di la mkhas pa dag 'das pa'i dus na 'di lta bu byung ngo zhes 'das pa'i dus las brtsams te gtam brjod cing smra ba ni 'das pa'i dus kyi gtam gyi gzhi zhes bya'o//ma 'ongs pa'i gtam gyi gzhi gang zhe na/ 'di la mkhas pa dag ma 'ongs pa'i dus na 'di lta bu 'byung bar 'gyur ro/ / zhes ma 'ongs pa'i dus las brtsams te gtam brjod cing smra ba ni ma 'ongs pa'i dus kyi gtam gyi gzhi zhes bya'o/ /da ltar byung ba'i gtam gyi gzhi gang zhe na/ 'di la mkhas pa dag da ltar byung ba'i dus na da ltar ni 'di lta bu'o zhes da ltar byung ba'i dus las brtsams te gtam brjod cing smra ba 'di ni da ltar byung ba'i dus kyi gtam gyi gzhi zhes bya'o//gtam gyi gzhi ni rnam pa 'di gsum ste/ bzhi pa med cing lnga pa med de/ gang mkhas pa rnams 'di lta bu mthong zhes mthong ba'i don las brtsams te gtam brjod cing smra ba dang /'di lta bu shes so zhes thos pa dang / bye brag phyed pa dang / rnam par shes pa'i don las brtsams te gtam brjod cing smra ba'o/ /bcom ldan 'das kyis de skad ces bka' stsal nas/ bde bar [(]gshes [,]gshegs [)]pas de skad gsungs te/ de nas ston pas gzhan yang 'di skad ces bka' stsal to//bshad bya'i 'du shes sems can ni/ /'chad par byed 'dir rab tu gnas/ /bshad bya yongs su ma shes na/ /rga dang 'chi ba'i spyod yul 'gyur/ /'chad byed yongs su shes pa yin/ /'chad pa po la mi nyan cing / /de la pha rol smra ba med//de phyir rtag tu bsam gtan mnyam gzhag chags/ /gdung ba med cing skye rga'i mtha' mthong nas/ /bdud kyi sde kun bcom pa'i dge slong dag /srid par skye dang 'chi ba'i pha rol 'gro/ /zhes bka' stsal to/ /nges par 'byung bcas rnams zhes bya ba la/gleng gzhi ni mnyan du yod pa na'o/ /nges par 'byung ba ni gsum ste/ 'dod pa las nges par 'byung ba dang / gzugs las nges par 'byung ba dang / gzugs med pa las nges par 'byung ba dang / gang cung zad mngon par 'dus byas shing bsags pa 'gag pa ni nges par 'byung ba zhes bya'o zhes bka' stsal to//gang dag zag bcas nyer len pa'i/ /phung po'ang de dag ces bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag phung po dang nye bar len pa'i phung po dag bstan pa de legs par rab tu nyon la yid la zung shig dang bshad par bya'o/ /phung po gang zhe na/ gzugs gang cung zad 'das pa dang / ma 'ongs pa dang / da ltar byung ba dang / nang gi dang / phyi'i dang / rags pa dang /phra ba dang / dman pa dang / gya nom pa dang / gang thag nye ba dang / thag ring ba dang / thams cad gcig tu bsdus nas gzugs kyi phung po zhes bya ba'i grangs su 'gro'o/ /tshor ba gang cung zad dang / 'du shes dang / 'du byed dang / rnam par shes pa gang cung zad 'das pa dang /ma 'ongs pa dang / da ltar byung ba dang / nang gi dang phyi dang / rags pa dang / phra ba dang / dman pa dang / gya nom pa dang / thag nye ba dang ring ba dang / thams cad gcig tu bsdus nas rnam par shes pa'i phung po zhes bya ba'i grangs su 'gro ste/'di ni phung po zhes bya'o/ /nye bar len pa'i phung po gang zhe na/ gzugs 'das pa dang ma 'ongs pa dang da ltar byung ba gang la 'dun pa'am/ chags pa'am/ zhen pa'am/ dga' ba'am/ chags zhen nam/ mngon par zhen pa dang / tshor ba gang dang / 'du shes gang dang / 'du byed gang dang / rnam par shes pa 'das pa dang / ma 'ongs pa dang / da ltar byung ba gang la 'dun pa'am/ chags pa'am/ zhen pa'am/ dga' ba'am/ chags zhen nam/ mngon par zhen pa 'di ni nye bar len pa'i phung po zhes bya'o/ / dge slong dag phung po dang nye bar len pa'i phung po ji skad bstan pa 'di rab tu bstan to zhes bka' stsal to/ /don 'di nyid dge slong ma chos sbyin gyi mdo las yi ge gzhan dang nges pa'i tshig gzhan gyis bshad de/ 'phags ma phung po dang nye bar len pa'i phung po zhes bshad pa/'phags ma phung po gang yin pa de nyid nye bar len pa'i phung po yin nam zhes bya ba la sogs pas nye bar bsdus pa'o/ /'jig pas 'jig rten no zhes bya ba la/ gleng gzhi ni mnyan du yod pa na'o/ /de nas tshe dang ldan pa dran pa bcom ldan 'das gang na ba der nye bar song ste nye bar 'ongs nas/bcom ldan 'das kyi zhabs la spyi bos phyag byas nas phyogs gcig tu 'dug go/ /phyogs gcig tu 'dug nas tshe dang ldan pa dran pas bcom ldan 'das la 'di skad ces gsol to/ /btsun pa 'jig rten 'jig rten zhes bshad pa ci'i phyir 'jig rten zhes bgyi/dran pa 'jig cing rab tu 'jig pa ste/ /rab tu 'jig cing rab tu 'jig pas 'jig rten zhes bya'o/ /ci 'jig cing rab tu 'jig /dran pa mig rab tu 'jig cing 'jig pa dang / gzugs dang / mig gi rnam par shes pa dang / mig gi 'dus te reg pa dang /gang gi tshe yang mig gi 'dus te reg pa'i rkyen las byung ba'i tshor ba bde ba dang / sdug bsngal ba dang / bde ba yang ma yin sdug bsngal ba yang ma yin pa de'i tshe yang 'jig cing rab tu 'jig ste/ rna ba dang / sna dang / lce dang lus dang / yid 'jig cing rab tu 'jig pa dang /gang gi tshe chos dang / yid kyi rnam par shes pa dang / yid kyi 'dus te reg pa dang / yid kyi 'dus te reg pa las byung ba'i tshor ba bde ba dang / sdug bsngal ba dang / bde ba yang ma yin sdug bsngal ba yang ma yin pa de'i tshe yang 'jig cing rab tu 'jig ste/'jig cing rab tu 'jig pa de'i 'jig cing rab tu 'jig pas dran pa de'i phyir 'jig rten zhes bya'o/ /bcom ldan 'das kyis de skad ces bka' stsal pa dang / tshe dang ldan pa dran pa bcom ldan 'das kyis gsungs pa la rjes su yi rang zhing mngon par dga'o//bcom ldan 'das kyis ji skad du mig gi nang gi skye mched de zhes bya ba la/ gleng gzhi ni mnyan du yod pa na'o/ /de nas dge slong gzhan zhig bcom ldan 'das gang na ba der nye bar song ste nye bar 'ongs nas bcom ldan 'das kyi zhabs la spyi bos phyag byas te phyogs gcig tu 'dug go//phyogs gcig tu 'dug nas bcom ldan 'das la 'di skad ces gsol to/ /btsun pa mig ni nang gi skye mched de zhes bcom ldan 'das kyis bstan gyi rgyas par ni rnam par ma phye na/ btsun pa ji ltar mig nang gi skye mched lags/dge slong mig ni nang gi skye mched de/ 'byung ba chen po bzhi'i rgyu las byung ba gzugs dang ba gzugs can bstan du med pa thogs pa dang bcas pa'o/ /mig ji lta ba de bzhin du/ rna ba dang / sna dang / lce dang lus kyang brjod par bya'o/ / btsun pa yid ni nang gi skye mched yin no zhes bcom ldan 'das kyis bstan gyi rgyas par ni rnam par ma phye na/ btsun pa ji ltar yid nang gi skye mched lags/ dge slong yid ni nang gi skye mched de/ sems dang yid dang rnam par shes pa ni gzugs can ma yin pa bstan du med cing thogs pa med pa'o//btsun pa gzugs ni phyi'i skye mched de zhes bcom ldan 'das kyis bstan gyi/ rgyas par ni rnam par ma phye na/ btsun pa ji ltar na gzugs phyi'i skye mched lags/ dge slong gzugs ni phyi'i skye mched de/ 'byung ba chen po bzhi'i rgyu las byung ba bstan du yod la thogs pa dang bcas pa'o//de bzhin du sgra dang / dri dang / ro dang / btsun pa reg bya ni phyi'i skye mched yin no zhes bcom ldan 'das kyis bstan gyi/ rgyas par ni rnam par ma phye na/ btsun pa ji ltar na reg bya phyi'i skye mched lags/ dge slong dag reg bya ni phyi'i skye mched de 'byung ba chen po bzhi dag dang 'byung ba chen po bzhi rgyur byas pa gzugs can bstan du med cing thogs pa dang bcas pa'o//btsun pa chos ni phyi'i skye mched de zhes bcom ldan 'das kyis bstan gyi/ rgyas par ni rnam par ma phye na/ btsun pa ji ltar chos phyi'i skye mched lags/ dge slong chos ni phyi'i skye mched de/ skye mched bcu gcig gis ma bsdus pa'i chos kyi skye mched de bstan du med cing thogs pa med pa'o/ /de nas dge slong de stan las langs te song ngo / /rab tu byed pa dang mdo sde las zhes bya ba la/lag pa brdabs pa'i dpe'i mdo las ji ltar 'byung ba bzhin te/ gleng gzhi ni mnyan du yod pa na'o/ /de nas dge slong gzhan zhig gcig pu dben pa na ting nge 'dzin na gnas pa na bdag gi bdag gang yin/ cis bdag gi bdag yin/ ji ltar bdag gi bdag yin/gang la bdag gi bdag yin zhes 'di lta bu sems la dpyod pa skyes te/ de nas dge slong de ting nge 'dzin las langs te/ bcom ldan 'das gang na ba der nye bar song ngo / /nye bar song nas bcom ldan 'das kyi zhabs la mgo bos phyag 'tshal te phyogs gcig tu 'dug go/phyogs gcig tu 'dug nas/ dge slong des bcom ldan 'das la 'di skad ces gsol to/ /btsun pa bdag 'di na gcig pu dben pa na ting nge 'dzin la gnas pa na bdag gi bdag gang yin/ cis gdag gi bdag yin/ ji ltar bdag gi bdag yin/ gang la bdag gi bdag yin zhes 'di lta bu sems la rnam par dpyod pa skyes so/ /dge slong legs par nyon la yid la zung shig dang gnyis shig bstan cing bshad par bya'o/ /gnyis gang zhe na/ mig dang gzugs dang / rna ba dang sgra dang / sna dang dri dang / lce dang ro dang / lus dang reg bya dang / yid dang / chos te/ 'di ni gnyis zhes bya'o/ /dge slong gang zhig dge sbyong gau ta mas gnyis bstan pa de bdag gis bsal te/ gzhan gnyis bstan par bya'o zhes pa ni tshig tsam du zad cing dri ba'i lan yongs su mi shes pa yin zhing slar la kun tu rmongs pa skyes pa dang yang dag pa'i yul can ma yin pa ste/de ci'i phyir zhe na/ mig dang gzugs la brten nas mig gi rnam par shes pa skye ste/ dge slong de la gang nang gi rkyen gyi bdag nyid mig gi sha'i gong bu la sra ba dang mkhrang bar gyur pa zin pa 'di ni mig gi sha'i gong bu la nang gi bdag nyid kyi sa'i khams zhes bya ba'o//dge slong de la gang nang gi rkyen gyi bdag nyid mig gi sha'i gong bu la chu dang chur gyur pa brlan pa dang mnyen pa dang mnyen par gyur pa dang zin pa 'di ni mig gi sha'i gong bu la nang gi bdag nyid kyi chu'i khams zhes bya'o//dge slong de la nang gi rkyen gyi bdag nyid mig gi sha'i gong bu la me dang mer gyur pa dang / dro ba dang dro bar gyur pa zin par gyur pa 'di ni mig gi sha'i gong bu nang gi bdag nyid kyi me'i khams zhes bya'o/ /dge slong de la nang gi rkyen gyi bdag nyid kyi mig gi sha'i gong bu la rlung dang rlung du gyur pa yang ba dang g.yo bar gyur pa zin pa 'di ni mig gi sha'i gong bu la nang gi bdag nyid kyi rlung gi khams zhes bya ba'o//dge slong 'di lta ste/ lag pa gnyis sprad cing brdabs pa las sgra 'byung bar 'gyur ba de bzhin du mig dang gzugs la brten nas mig gi rnam par shes pa dang /gsum 'dus pa'i reg pa dang / lhan cig skyes pa'i tshor ba dang / 'du shes dang / sems pa zhes bya ba ste/ 'di lta bu'i chos can gyi bdag nyid mi rtag pa/ mi brtan pa/ g.yung drung ma yin pa/ yid brtan du med pa/ yongs su 'gyur ba'i chos can te/ ci'i phyir zhe na/ 'di ltar dge slong skye ba dang / rga ba dang / na ba dang / 'chi ba dang / 'chi 'pho zhing skye ba dang / dge slong 'du byed sgyu ma lta bu/ smig rgyu lta bu rnam par 'jig pa'i chos can/ de tsam gyi dus can/ rkyen gzhan gyis gnas pa/ma byung ba las byung zhing byung nas kyang 'jig pa ste/ dge slong de'i phyir 'du byed ni stong pa/ 'du byed ni stong pa zhes sems kyis rnam par shes shing 'du shes nas yang dag par dga' ba skye ste/ de ci'i phyir zhe na/ dge slong 'du byed ni stong pa/ rtag pa dang brtan pa dang g.yung drung ma yin pa/yongs su 'gyur ba'i chos can bdag dang bdag gi bas stong pa'o/ /'di lta ste/ skyes bu mig dang ldan pa mar me thogs te khang pa stong pa'i nang du zhugs na der stong zhing stong par mthong bar 'gyur ba de bzhin du dge slong 'du byed rnams stong ngo / / 'du byed rnams stong ngo zhes sems kyis shes shing 'du shes pa na sems yang dag par dga' ba skye ste/ de ci'i phyir zhe na/ dge slong 'du byed rnams ni stong pa rtag pa dang brtan pa dang g.yung drung ma yin pa yongs su 'gyur ba'i chos can bdag dang bdag gis stong pa'o/ /rna ba dang / sna dang / lce dang / lus kyi 'dus te reg pa las byung ba'i lus kyi rnam par shes pa'i bar du ste/ dge slong de la gang nang gi rkyen gyi bdag nyid kyi lus sha'i gong bu la sra ba dang mkhrang bar gyur pa zin pa 'di ni lus kyi sha'i gong bu la nang gi bdag nyid kyi sa'i khams zhes bya'o/ /[(]dge dge [,]dge [)]slong de la nang gi rkyen gyi bdag nyid kyi lus kyi sha'i gong bu la chu dang chur gyur pa mnyen pa dang mnyen par 'gyur ba 'di dang zin par gyur pa 'di ni lus kyi sha'i gong bu la nang gi bdag nyid kyi chu'i khams zhes bya'o//dge slong de la gang nang gi rkyen gyi bdag nyid kyi lus kyi sha'i gong bu la me dang mer gyur pa dro ba dang dro bar gyur pa zin pa 'di ni lus kyi sha'i gong bu la nang gi bdag nyid kyi me'i khams zhes bya'o//dge slong de la gang nang gi rkyen gyi bdag nyid kyi lus sha'i gong bu la rlung dang rlung du gyur pa yang ba dang g.yo bar gyur pa zin pa 'di ni lus kyi sha'i gong bu la nang gi bdag nyid kyi rlung gi khams zhes bya'o//dge slong 'di lta ste/ lag pa gnyis sprad cing brdabs pa las sgra 'byung bar 'gyur ba de bzhin du lus dang reg bya la brten nas lus kyi rnam par shes pa dang / gsum 'dus pa'i reg pa dang / lhan cig skyes pa'i tshor ba dang /'du shes dang / sems pa zhes bya ba ste/ 'di lta bu'i chos can gyi bdag nyid ni mi rtag pa/ mi brtan pa/ g.yung drung ma yin pa/ yid brtan du med pa/ dge slong yongs su ma gyur pa'i chos can te/ de ci'i phyir zhe na/ dge slong 'di ltar skye ba dang /rga ba dang / na ba dang / 'chi ba dang / 'chi 'pho zhing skye ba dang / sgyu ma dang / smig rgyu lta bu ste/ rnam par 'jig pa'i chos can de tsam gyi dus can/ rkyen gzhan gyis gnas pa/ ma byung ba las byung zhing byung nas kyang 'jig pa ste/ dge slong de'i phyir 'du byed rnams ni stong pa 'du byed rnams ni stong pa zhes sems kyis rnam par shes shing 'du shes pa na sems dga' ba dang yang dag par rab tu dga' ba skye ste/de ci'i phyir zhe na/ dge slong 'du byed rnams ni rtag pa dang / brtan pa dang / g.yung drung ma yin pa yongs su 'gyur ba'i chos can bdag dang bdag gis stong pa'o//'di lta ste skyes bu mig dang ldan pa mar me thogs te khang pa stong pa'i nang du zhugs na der stong zhing stong par mthong bar 'gyur ba de bzhin du dge slong 'du byed rnams stong ngo / /'du byed rnams stong ngo zhes sems kyis shes shing 'du shes pa ni sems dga' ba dang yang dag par dga' ba skye ste/de ci'i phyir zhe na/ dge slong 'du byed rnams ni mi rtag pa mi brtan pa g.yung drung ma yin pa yongs su 'gyur ba'i chos can bdag dang bdag gis stong pa'o/ /'di lta ste/ lag pa gnyis brdabs shing phrad pa las sgrar 'byung bar 'gyur ba de bzhin du yid dang chos la brten nas yid kyi rnam par shes pa 'byung ba dang /gsum 'dus pa'i reg pa dang / lhan cig skyes pa'i tshor ba dang / 'du shes dang / sems pa zhes bya ba ste/ dge slong 'di lta bu'i chos can gyi bdag ni mi rtag pa/ mi brtan pa/ g.yung drung ma yin pa/ yid brtan du med pa'o/ /dge slong bdag ni yongs su 'gyur ba'i chos can te/ bdag dang bdag gi bas stong pa'o/ /de ci'i phyir zhe na/ dge slong skye ba dang / rga ba dang / na ba dang / 'chi ba dang / 'chi 'pho zhing skye ste/ dge slong 'du byed rnams ni sgyu ma lta bu/smig rgyu lta bu/ 'jig pa'i chos can te/ de tsam gyi dus can/ rkyen gzhan gyis gnas pa/ ma byung ba las byung zhing byung nas 'jig pa'i phyir ro/ /de'i phyir dge slong 'du byed rnams stong pa 'du byed rnams stong pa zhes sems kyis shes shing 'du shes pa na dga' ba dang yang dag par dga' ba skye ste/de ci'i phyir zhe na/ dge slong 'du byed rnams ni stong pa/ rtag pa dang / brtan pa dang / g.yung drung ma yin pa/ yongs su 'gyur ba'i chos can bdag dang bdag gis stong pa ste/ 'di lta ste/ skyes bu mig dang ldan pa mar me thogs te khang pa stong pa'i nang du zhugs nas des stong zhing stong par mthong bar 'gyur ba de bzhin du dge slong 'du byed rnams stong zhing stong pa zhes sems kyis shes shing 'du shes na sems dga' ba dang rab tu dga' bar 'gyur te/de ci'i phyir zhe na/ dge slong 'du byed rnams ni mi rtag pa mi brtan pa g.yung drung ma yin pa yongs su 'gyur ba'i chos can bdag dang bdag gi bral ba'o//de nas dge slong de bcom ldan 'das kyis gsungs pa la rjes su yi rang zhing mngon par dga' nas/ bcom ldan 'das kyi zhabs la spyi bos phyag byas nas bcom ldan 'das kyi drung nas song ngo //de nas bcom ldan 'das kyis lag pa brdabs pa'i dpe'i gdams ngag byin pa dang / gcig tu dben pa tshad med pa gdung ba med pa spangs pa zhes bdag nyid lung ston cing gcig tu dben pa tshad med pa gdung ba med pa la bdag nyid gnas par bya ba'i phyir skra dang kha spu bregs te/ 'phags pa'i chos gos bgos te dad pas yang dag par khyim nas khyim med par rab tu byung [(]te[,]ste[)]/ bla na med pa'i tshangs par spyod pa spyad nas mthong ba'i chos nyid la bdag nyid mngon par shes pa mngon sum du byas te/ bdag gi skye ba zad do/ /tshangs par spyod pa bsten to/ /bya ba byas so//srid pa 'di las gzhan mi shes so zhes dgra bcom pa dang sems rnam par grol bar gyur to/ /ji skad du bcom ldan 'das kyis gzugs su rung bas gzugs zhes bya ba la sogs pa la/ gleng gzhi ni mnyan du yod pa na'o/ /dge slong dag nye bar len pa'i phung po lnga gang zhe na/gzugs nye bar len pa'i phung po dang / tshor ba dang / 'du shes dang / 'du byed dang / rnam par shes pa nye bar len pa'i phung po'o/ /dge slong dag dge sbyong ngam bram ze gang kha cig sngon gyi gnas rnam pa du ma rjes su dran zhing dran pa'am/ dran par gyur pa'am/ dran par 'gyur ba 'di thams cad ni nye bar len pa'i phung po lnga po 'di nyid la sngon gyi gnas rnam pa du ma rjes su dran zhing dran pa'am/dran par gyur pa'am yang dag par dran par 'gyur ro/ /lnga gang zhe na/ dge sbyong ngam bram ze bdag 'das pa'i dus na gzugs dang ldan par gyur/ 'di lta bu'i gzugs dang ldan par gyur zhes sngon gyi gnas rnam pa du ma yang dag par rjes su dran zhing yang dag par rjes su dran pa dang / yang dag par rjes su dran par gyur pa dang / yang dag par rjes su dran par 'gyur ba dang / dge sbyong ngam bram ze 'das pa'i dus na rnam par shes pa dang ldan par 'gyur/'di lta bu'i rnam par shes pa dang ldan par gyur zhes sngon gyi gnas rnam pa du ma yang dag par rjes su dran zhing yang dag par rjes su dran pa dang / yang dag par rjes su dran par gyur pa dang / yang dag par rjes su dran par 'gyur te/ dge slong dag gzugs ni gzugs su rung bas gzugs nye bar len pa'i phung po zhes bya'o//cis gzugs su rung zhe na/ lag pa'i reg pas reg par bya bas gzugs su rung ba dang / bong ba'i 'dus te reg pa dang / dbyug pa'i 'dus te reg pa dang / mtshon gyi 'dus te reg pa dang /grang ba dang / dro ba dang / bkres pa dang / skom pa dang / sbrang bu dang / sha sbrang dang / rlung dang / nyi ma dang / sdig sbrul gyi 'dus te reg pas reg na/ reg tu yod cing gzugs su rung bas gzugs te/ de'i phyir gzugs su rung bas gzugs nye bar len pa'i phung po zhes bya'o//gzugs nye bar len pa'i phung po de yang mi rtag pa sdug bsngal ba yongs su 'gyur ba'i chos can no/ /dge slong tshor zhing myong bas na tshor ba zhes bya ste/ de'i phyir tshor ba nye bar len pa'i phung po zhes bya'o/ /ci tshor zhe na/ bde ba dang / sdug bsngal ba dang /bde ba yang ma yin sdug bsngal ba yang ma yin pa myong bas dge slong dag de'i phyir tshor zhing myong bas tshor ba nye bar len pa'i phung po zhes bya'o/ /tshor ba nye bar len pa'i phung po de yang mi rtag pa sdug bsngal ba yongs su 'gyur ba'i chos can no/ /dge slong dag 'dus te shes pas 'du shes te de'i phyir 'du shes nye bar len pa'i phung po zhes bya'o//ci 'dus te shes she na/ chung ngu 'dus te shes pa dang / rgya chen po dang tshad med pa dang / cung zad med do zhes cung zad med pa yang rab tu shes te/ dge slong dag 'dus te shes pas de'i phyir 'du shes nye bar len pa'i phung po zhes bya'o//'du shes nye bar len pa'i phung po de yang mi rtag pa sdug bsngal ba yongs su 'gyur ba'i chos can no/ /dge slong dag 'du byed mngon par 'dus byas shing 'du byed mngon par 'du byed pa de'i phyir 'du byed nye bar len pa'i phung po zhes bya'o//cis 'du byed mngon par 'du byed ce na/ gzugs 'dus byas mngon par 'du byed pa dang / tshor ba dang / 'du shes dang / 'du byed dang / rnam par shes pa 'dus byas mngon par 'du byed de/ dge slong dag 'dus byas mngon par 'du byed cing 'dus byas mngon par 'du byed pa de'i phyir 'du byed nye bar len pa'i phung po zhes bya'o//'du byed nye bar len pa'i phung po de yang mi rtag pa sdug bsngal ba yongs su 'gyur ba'i chos can no/ /dge slong dag rnam par shes shing rab tu shes pa de'i phyir rnam par shes pa nye bar len pa'i phung po zhes bya'o//ci zhig rnam par shes she na/ gzugs rnam par shes pa dang / sgra dang / dri dang / ro dang / reg bya dang / chos rnam par shes te/ dge slong dag rnam par shes shing rab tu shes pa de'i phyir rnam par shes pa nye bar len pa'i phung po zhes bya'o/ /dge slong dag rnam par shes pa'i nye bar len pa'i phung po de yang mi rtag pa sdug bsngal ba yongs su 'gyur ba'i chos can no//dge slong dag de la 'phags pa nyan thos thos pa dang ldan pa 'di ltar yang dag par rab tu slob par byed de/ bdag da ltar da ltar byung ba'i gzugs kyis bcom ste 'di lta ste bdag da ltar da ltar byung ba'i gzugs kyis bcom pa de bzhin du 'das pa'i dus kyi gzugs kyis bdag bcom mo//bdag da ltar da ltar byung ba'i gzugs kyis bcom pa na yang 'das pa'i gzugs la mngon par dga' ste/ de'i tshe yang de dang 'dra ba nyid du shes par byas nas 'das pa'i gzugs la ltos par mi 'gyur/ma 'ongs pa'i gzugs la mngon par dga' bar mi 'gyur/ da ltar byung ba'i gzugs la skyo ba dang 'dod chags dang bral ba dang 'gog pa thob par 'gyur ro/ /'phags pa nyan thos thos pa dang ldan pa 'di ltar yang dag par rjes su slob par byed de/bdag da ltar da ltar byung ba'i tshor ba dang / 'du shes dang / 'du byed dang / da ltar byung ba'i rnam par shes pa bcom ste/ 'di lta ste/ da ltar byung ba'i gzugs kyis bcom pa de bzhin du bdag 'das pa'i dus kyi rnam par shes pas bcom mo//bdag da ltar byung ba'i rnam par shes pas bcom pa na yang ma 'ongs pa'i rnam par shes pa la mngon par dga' ste/ de'i tshe yang de dang 'dra ba nyid du shes par byas nas 'das pa'i dus kyi rnam par shes pa la ltos par mi 'gyur/ma 'ongs pa'i rnam par shes pa la mngon par dga' bar mi 'gyur/ da ltar byung ba'i rnam par shes pa la skyo ba dang / 'dod chags dang bral ba dang / 'gog pa thob par 'gyur te/ de nyams par byed cing mthu skyed par mi byed/ 'grib par byed cing 'phel bar mi byed/mi gsal bar byed cing gsal bar mi byed/ spong bar byed cing len par mi byed do/ /ci zhig nyams par byed cing mthu skyed par mi byed ce na/ gzugs nyams par byed cing mthu skyed par mi byed do/ /tshor ba dang / 'du shes dang / 'du byed dang / rnam par shes pa nyams par byed cing mthu skyed par mi byed do/ /ci zhig 'grib par byed cing 'phel bar mi byed ce na/ gzugs 'grib par byed cing 'phel bar mi byed do/ /tshor ba dang / 'du shes dang / 'du byed dang / rnam par shes pa 'grib par byed cing 'phel bar mi byed do//ci zhig mi gsal bar byed cing gsal bar mi byed ce na/ gzugs mi gsal bar byed cing gsal bar mi byed do/ /tshor ba dang / 'du shes dang / 'du byed dang / rnam par shes pa mi gsal bar byed cing gsal bar mi byed do/ /ci zhig spong bar byed cing len par mi byed ce na/gzugs spong bar byed cing len par mi byed do/ /tshor ba dang / 'du shes dang / 'du byed dang / rnam par shes pa spong bar byed cing len par mi byed do/ /nyams par byed cing mthu skyed par mi byed par gnas par 'gyur ro/ /'grib par byed cing 'phel bar mi byed par gnas par 'gyur ro//mi gsal bar byed cing gsal bar mi byed par gnas par 'gyur ro/ /spong bar byed cing len par mi byed pa dang / kun nas nyon mongs pa dang / nyon mongs pa ma yin pa so so rang gis rig cing shes nas/ bdag gi skye ba zad do/ /tshangs par spyod pa bsten no//bya ba byas so/ /srid pa 'di las gzhan mi shes so zhes bya bar 'gyur ro zhes bka' stsal to/ /'di ltar don gyi sde tshan las zhes bya ba la/ phran tshegs kyi don gyi sde tshan gyi mdo las/ bse ru lta bu'i tshigs bcad kyi de ma thag tu bshad pa lta bu ste/ de la dang por mnyan yod na bram ze gzhan zhig gi 'bras kyi zhing brlag pa dang /chung ma shi ba'i sngon gyi skye ba'i gtam rgyal po rnam par rgyal ba'i sde la tshigs su bcad pa'i don las brtsams te bshad pa/ de nas bcom ldan 'das gleng gzhi 'di dang / rgyu 'di dang don 'di lta bu byung bar gyur te/don shes pa'i nga'i dge slong 'di lta bu 'byung bar 'gyur ro/ /mdo'i tshig dar zhing rgyas par 'gyur/ nga'i tshangs par spyod pa dar zhing rgyas par 'gyur/ skye bo gzhan mang po la yang dar ba dang / lha dang mi rnams la yang yang dag par gsal bar 'gyur zhes dgongs nas de'i tshe don gyi sde'i mdo 'di bshad do//gal te 'dod pa 'dod byed na/ /de yi yid la 'dod 'phel te/ /yid du 'ong ba thob pa'i mi/ /shin tu dga' ba 'phel bar 'gyur/ /gal te 'dod pa tshol byed cing / /'dun pa skyes pa'i lus can te/ /'dod pa de dag ma 'byor na//zug rngus zug bzhin gnod par 'gyur/ /gang zhig sbrul mgo'i rkang pa ltar/ /'dod pa thams cad rang spangs na/ /de ni 'jig rten srid can la/ /dran pas shin tu yang dag 'da'/ /zhing dngos nor bu ba lang dang / /rta dang 'bangs dang bud med dang //gnyen dang so so'i 'dod pa la/ /skyes bu gang zhig 'dod byed pa/ /stobs ldan nye bar 'tshe ba yis/ /stobs che de dag bcom par 'gyur/ /gru zhig pa la chu bzhin no/ /de nas sdug bsngal thob par 'gyur/ /de phyir skye bo dran ldan pas/ / rtag tu 'dod pa yongs spangs shing / /de spangs chu bo brgal ba'i gru/ /thob nas srid pa'i pha rol 'gro/ /zhes bka' stsal to/ /mdo las ni bcom ldan 'das kyis sems pa'i tshogs drug go zhes bshad do zhes bya ba la/ gleng gzhi ni mnyan du yod pa na'o/ /dge slong dag nye bar len pa'i phung po ni lnga ste/lnga gang zhe na/ gzugs nye bar len pa'i phung po dang / tshor ba dang / 'du shes dang / 'du byed dang / rnam par shes pa nye bar len pa'i phung po'o/ /gzugs nye bar len pa'i phung po gang zhe na/ gzugs gang ci yang rung ba de thams cad 'byung ba chen po bzhi dag dang 'byung ba chen po bzhi dag rgyur byas pa ste/'di ni gzugs nye bar len pa'i phung po zhes bya'o/ /gzugs nye bar len pa'i phung po de yang mi rtag pa/ sdug bsngal ba/ yongs su 'gyur ba'i chos can te/ gang gzugs nye bar len pa'i phung po ma lus par spangs shing nges par 'byung ba/bcom pa/ zad pa/ 'dod chags dang bral ba/ 'gog pa/ nye bar zhi ba/ nus pa/ gzugs nye bar len pa'i phung po gzhan dang nying mtshams mi sbyor ba/ nye bar len pa med pa/ mi 'byung ba 'di nyid mchog yin te/'di lta ste/ nye bar len pa thams cad las nges par 'byung ba/ srid pa zad pa/ 'dod chags dang bral ba/ 'gog pa/ mya ngan las 'das pa'o/ /tshor ba nye bar len pa'i phung po gang zhe na/ tshor ba'i tshogs drug ste/ mig gi 'dus te reg pa las skyes pa'i tshor ba dang /rna ba dang / sna dang lce dang lus dang yid kyi 'dus te reg pa las skyes pa'i tshor ba ste/ 'di ni tshor ba nye bar len pa'i phung po zhes bya'o/ /tshor ba nye bar len pa'i phung po de yang snga ma bzhin du mya ngan las 'das pa'i bar du'o/ / 'du [(]shas [,]shes [)]nye bar len pa'i phung po gang zhe na/ 'du shes kyi tshogs drug ste/ mig gi 'dus te reg pa las skyes pa'i 'du shes dang / rna ba dang sna dang lce dang lus dang yid kyi 'dus te reg pa las skyes pa'i 'du shes te/ 'du shes nye bar len pa'i phung po zhes bya'o/ / de yang snga ma bzhin du mya ngan las 'das pa'i bar du'o/ /'du byed nye bar len pa'i phung po gang zhe na/ sems pa'i tshogs drug ste/ mig gi 'dus te reg pa las skyes pa'i 'du shes dang / rna ba dang / sna dang lce dang lus dang yid kyi 'dus te reg pa las skyes pa'i 'du shes te/'di ni 'du byed nye bar len pa'i phung po zhes bya'o/ /de yang snga ma bzhin du mya ngan las 'das pa'i bar du'o/ /rnam par shes pa nye bar len pa'i phung po gang zhe na/ rnam par shes pa'i tshogs drug ste/ mig gi rnam par shes pa dang / rna ba dang / sna dang / lce dang lus dang yid kyi rnam par shes pa ste/ 'di ni rnam par shes pa nye bar len pa'i phung po zhes bya'o/ /de yang snga ma bzhin du mya ngan las 'das pa'i bar du'o/ /dge slong dag gang chos 'di rnams shes rab chung ngus 'byed cing bzod la/ so so'i skye bo'i sa las yang dag par 'das te yang dag pa nyid du nges pa'i sa non cing rgyun du zhugs pa'i 'bras bu ma thob la/ rgyun du zhugs pa'i 'bras bu ma thob par bar skabs su dus byed par mi rigs pa 'di ni dad pa'i rjes su 'brang ba zhes bya'o/ /dge slong dag gang chos 'di rnams la shes rab chen pos 'byed cing bzod la/yang dag pa nyid du nges pa'i sa non cing rgyun du zhugs pa'i 'bras bu la gnas pa'i bar snga ma bzhin no/ /dge slong dag gang chos rnams la yang dag pa ji lta ba bzhin gyi shes rab kyis lta bar gyur cing 'di ni kun tu sbyor ba gsum spangs shing yongs su shes par 'gyur te/'di lta ste/ 'jig tshogs la lta ba dang / tshul khrims dang brtul zhugs mchog tu 'dzin pa dang / the tshom mo/ /'di ni rgyun du zhugs pa byang chub pa'i mthar mi ltung ba nyid du nges pa'i chos can mchog tu thogs na srid pa bdun du mi dang lha'i nang du nying mtshams sbyar nas sdug bsngal mthar byed par 'gyur ba 'di ni mchog tu thogs na srid pa bdun zhes bya'o//dge slong dag gang gis chos 'di rnams yang dag pa'i shes rab kyis lta bar 'gyur zhing 'dod chags dang zhe sdang dang gti mug srab mor gyur cing 'jig rten 'dir lan cig 'ongs nas sdug bsngal gyi mthar byed par 'gyur ba 'di ni lan cig phyir 'ong ba zhes bya'o//dge slong dag gang gis chos 'di rnams yang dag pa ji lta ba bzhin gyi shes rab kyis lta bar 'gyur zhing tha ma'i cha dang mthun pa'i kun sbyor lnga spangs shing yongs su shes par 'gyur te/'di lta ste/ 'jig tshogs la lta ba dang / 'dod pa la 'dun pa dang / gnod sems dang / tshul khrims dang brtul zhugs mchog tu 'dzin pa dang / the tshom mo/ 'di ni skyes nas der mya ngan las 'das te/ 'jig rten 'dir phyir mi ldog pa'i chos can phyir mi 'ong ba zhes bya'o/ /dge slong dag gang gis chos 'di rnams yang dag pa ji lta ba bzhin gyi shes rab kyis shin tu mthong bar gyur pa ni nye bar len pa med par zag pa dag las sems rnam par bral zhing grol bar gyur pa/ bya ba byas pa/khur bor ba/ rang gi don rjes su thob pa/ srid pa kun tu sbyor ba yongs su zad pa/ yang dag pa'i shes rab kyis sems rnam par grol bar gyur to zhes bka' stsal to/ /dge slong dag chos gcig mngon par shes shing yongs su ma shes na zhes bya ba la/ gleng gzhi ni mnyan du yod pa na'o/ /dge slong dag thams cad mngon par shes shing yongs su shes pa zhes bya ba'i chos kyi rnam grangs bstan par bya yis legs par rab tu nyon la yid la zung shig dang / bshad par bya'o/ /thams cad mngon par shes shing yongs su shes pa zhes bya ba'i chos kyi rnam grangs gang zhe na/dge slong dag mig mngon par shes shing yongs su shes te/ gzugs dang / mig gi rnam par shes pa dang / mig gi 'dus te reg pa dang / mig gi 'dus te reg pa'i rkyen gyis byung ba'i tshor ba bde ba dang / sdug bsngal ba dang / bde ba yang ma yin sdug bsngal ba yang ma yin pa de dag kyang mngon par shes shing yongs su shes so/ /dge slong dag /rna ba dang / sna dang / lce dang / lus dang / yid mngon par shes shing yongs su shes pa dang / yid kyi rnam par shes pa dang /yid kyi 'dus te reg pa dang / yid kyi 'dus te reg pa'i rkyen gyis byung ba'i tshor ba bde ba dang / sdug bsngal ba dang / bde ba yang ma yin/ sdug bsngal ba yang ma yin pa de dag kyang mngon par shes shing yongs su shes te/ rna ba dang / sna dang / lce dang / lus dang / yid mngon par shes shing yongs su shes pa dang / yid kyi rnam par shes pa dang / yid kyi 'dus te reg pa dang / yid kyi 'dus te reg pa'i rkyen gyis byung ba'i tshor ba'i bde ba dang / sdug bsngal ba dang / bde ba yang ma yin sdug bsngal ba yang ma yin pa de yang mngon par shes shing yongs su shes te/dge slong dag chos gcig mngon par ma shes shing yongs su ma shes na sdug bsngal gyi mthar byed par nga mi smra'o/ /'di ni thams cad mngon par shes shing yongs su shes pa zhes bya ba'i chos kyi rnam grangs te/ dge slong dag thams cad mngon par shes shing yongs su shes pa zhes bya ba'i chos kyi rnam grangs bstan pa ji skad du bshad pa 'di ngas rgyas par rab tu bshad do//gleng gzhi ni mnyan du yod pa na'o/ /dge slong dag thams cad mngon par shes shing yongs su spang bar bya ba zhes bya ba'i chos kyi rnam grangs ngas bstan par bya yis/legs par rab tu nyon la yid la zung shig dang bshad par bya'o/ /thams cad mngon par shes shing spang bar bya ba zhes bya ba'i chos kyi rnam grangs gang zhe na/ dge slong dag mig mngon par shes shing yongs su spang bar bya ba dang /gzugs dang / mig gi rnam par shes pa dang / mig gi 'dus te reg pa nas/ mig gi 'dus te reg pa las byung ba'i tshor ba bde ba dang / sdug bsngal ba dang / bde ba yang ma yin sdug bsngal ba yang ma yin pa'i bar du mngon par shes shing yongs su spang bar bya'o//dge slong dag /rna ba dang / sna dang / lce dang / lus dang yid mngon par shes shing yongs su spang bar bya'o/ /chos dang / yid kyi rnam par shes pa dang / yid kyi 'dus te reg pa dang / yid kyi 'dus te reg pa nang gi rkyen bdag nyid kyi rkyen las byung ba'i tshor ba bde ba dang /sdug bsngal ba dang / bde ba yang ma yin/ sdug bsngal ba yang ma yin pa'i tshor ba ni mngon par shes shing yongs su spang bar bya'o/ /dge slong dag chos gcig mngon par ma shes shing yongs su ma spangs na sdug bsngal gyi mthar byed par nga mi smra'o//'di ni thams cad mngon par shes shing yongs su spang bar bya ba zhes bya ba'i chos kyi rnam grangs so/ /dge slong dag thams cad mngon par shes shing yongs su spang bar bya ba zhes bya ba'i chos kyi rnam grangs bstan pa 'di/ /ngas rgyas par rab tu bshad do zhes bka' stsal to//dper na bsdu ba'i dngos po bzhi po dag gis 'khor rnams sdud pa zhes bya ba la sogs pa la/ bcom ldan 'das dgon pa'i gnas kyi bsti gnas na bzhugs te/ de nas dgon pa pa lag pa can zhes bya ba 'khor lnga brgya dang bcom ldan 'das gang na ba der 'ongs te/bcom ldan 'das kyi zhabs la spyi bos phyag 'tshal te phyogs gcig tu 'dug go/ /phyogs gcig tu 'dug pa dang dgon pa pa lag pa can la bcom ldan 'das kyis 'di skad ces bka' stsal to/ /dge bsnyen lag pa can 'khor mang po dang 'dug cing nye bar gnas pa ji ltar gang gis bsdu bar bya snyam du sems/btsun pa gang 'di bcom ldan 'das kyis bsdu ba'i dngos po bzhi gsungs pa 'di lta ste/ sbyin pa dang / snyan par smra ba dang / don mthun pa dang / don spyod pa'o/ /de rnams las gang yang rung zhing gang yang rung ba zhig gis bsdu bar bya snyam du sems te/kha cig la ni sbyin pa/ kha cig la ni snyan par smra ba/ kha cig la ni don mthun pa/ kha cig la ni don spyod pas so/ /lag pa can legs so legs so/ /chos 'di dag gis 'khor sdud pa ste/ 'di lta ste bsdu ba'i dngos po bzhi po sbyin pa dang /snyan par smra ba dang / don mthun pa dang / don spyod pa'o/ /gang kha cig chos dang mthun par 'khor sdud pa de thams cad ni bsdu ba'i dngos po bzhi po 'dis te/ kha cig la ni sbyin pa/ kha cig la ni snyan par smra ba/ kha cig la ni don mthun pa/ kha cig la ni don spyod pas so/ /'das pa'i dus na yang gang kha cig chos dang mthun par 'khor sdud pa de thams cad bsdu ba'i dngos po bzhi po 'dis te kha cig la ni sbyin pa/ kha cig la ni snyan par smra ba/ kha cig la ni don mthun pa/ kha cig la ni don spyod pas so/ / ma 'ongs pa'i dus na yang gang kha cig chos dang mthun par 'khor sdud pa de thams cad bsdu ba'i dngos po bzhi po 'dis te/ kha cig la ni sbyin pa/ kha cig la ni snyan par smra ba/ kha cig la ni don spyod pa/ kha cig la ni don mthun pas so/ /sbyin pa rnams kyi nang na mchog ni 'di yin te/'di lta ste chos kyi sbyin pa'o/ /snyan pa rnams kyi nang nas mchog ni 'di yin te/ 'di lta ste/ rigs kyi bu chos don du gnyer zhing nyan pa la dus dus su rtag tu snyan par smra bar byed pa'o/ /don spyod pa rnams kyi nang na mchog ni 'di yin te 'di lta ste ma dad pa dag dad pa phun sum tshogs par byed cing sgrub par byed/'dul bar byed/ 'god par byed/ rab tu gnas par byed/ tshul khrims 'chal pa tshul khrims phun sum tshogs par byed/ ser sna can gtong ba phun sum tshogs par byed/ shes rab 'chal pa shes rab phun sum tshogs par byed pa nas rab tu gnas par byed pa'i bar du'o//don mthun pa rnams kyi nang na mchog ni 'di yin te/ 'di lta ste/ rgyun du zhugs pa la rgyun du zhugs pas lhan cig don mthun par byed/ lan cig phyir 'ong ba la lan cig phyir 'ong bas/ phyir mi 'ong ba la phyir ma 'ong bas/ dgra bcom pa la dgra bcom pas lhan cig don mthun par byed do/ /bcom ldan 'das kyis de skad ces bka' stsal nas/ bde bar gshegs pas de skad gsungs te/ ston pas gzhan yang 'di skad ces bka' stsal to/ /sbyin dang snyan par smra ba dang //'di la don ni spyod pa dang / /don mthun pa yis sems can rnams/ /ji ltar rig par de dang der/ /gal te 'di yis mi sdud na/ /ma la bu yi rgyu yis ni/ /mchod pa thob par mi 'gyur zhing / /pha dang bu yi rgyu yis so/ /gang phyir bsdu ba 'di yis ni//rjes su 'jug byed chos ldan pa/ /che ba'i bdag nyid thob nas ni/ /de phyir 'jig rten lta bar 'gyur/ /de nas dgon pa pa lag pa can 'khor lnga brgya dang bcas pa bcom ldan 'das kyis gsungs pa la rjes su yi rang nas bcom ldan 'das kyi zhabs la spyi bos phyag byas te/bcom ldan 'das kyi drung nas song ngo / /gzugs gang ci yang rung ba 'das pa'am zhes bya ba la/ dge slong dag phung po dang nye bar len pa'i phung po bstan par bya'o zhes sngar bshad pa'i mdo bzhin du blta bar bya'o/ /'dod pa yang rnam pa gsum ste zhes bya ba la/mdor bsdus pa 'dod pa'i dpe ni gleng gzhi ni mnyan du yod pa na'o/ /de nas dge slong gzhan zhig nang du yang dag 'jog las langs te bcom ldan 'das gang na ba der nye bar song ste/ nye bar song nas/ bcom ldan 'das kyi zhabs la spyi bos phyag byas te phyogs gcig tu 'dug go//phyogs gcig tu 'dug nas dge slong des bcom ldan 'das la 'di skad ces gsol to/ /bcom ldan 'das bdag la legs par mdor bsdus pa de bzhin du chos bshad du gsol/ ji ltar bdag bcom ldan 'das kyi drung du mdor bsdus pa'i chos thos nas gcig tu dben pa/tshad med pa/ gdung ba med pa/ mnyam par gzhag pa'i bdag nyid la gnas par bya'o/ /gcig tu dben pa/ tshad med pa/ gdung ba med pa/ mnyam par gzhag pa'i bdag nyid la gnas te/ gang gi don du rigs kyi bu skra dang kha spu bregs te lus la chos gos bgos nas dad pas yang dag pa kho nar khyim nas khyim med par rab tu byung nas bla na med pa'i tshangs par spyod pa spyad nas mthong ba'i chos nyid la rang nyid kyis mngon par shes pa mngon sum du bya ste/rig pa phun sum tshogs pa bdag gi skye ba zad do//tshangs par spyod pa bsten to/ /bya ba byas so/ /srid pa 'di las gzhan mi shes so zhes bya ba bcom ldan 'das bdag la bshad du gsol zhes dge slong des de skad ces gsol ba dang / bka' stsal pa/ dge slong legs so legs so/ /dge slong 'di skad du smra ba legs so legs so//bcom ldan 'das bdag la legs par mdor bsdus pa de bzhin du chos bshad du gsol/ /ji ltar bdag bcom ldan 'das kyi drung du mdor bsdus pa'i chos thos nas gcig tu dben pa/ tshad med pa/ gdung ba med pa/ mnyam par gzhag pa'i bdag nyid la gnas par bya'o//gcig tu dben pa/ tshad med pa/ gdung ba med pa/ mnyam par gzhag pa'i bdag nyid la gnas te gang gi don du rigs kyi bu skra dang kha spu bregs te lus la chos gos bgos shing dad pas yang dag pa kho nar khyim nas khyim med par rab tu byung nas bla na med pa'i tshangs par spyod pa spyad nas mthong ba'i chos nyid la rang nyid kyis mngon par shes pa mngon sum du byas te/rig pa phun sum tshogs pa bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes dge slong de bzhin du smra'am/btsun pa de bzhin no/ /dge slong de bas na legs par nyon la yid la zung shig dang bshad par bya'o/ /dge slong gang khyod ma yin pa'i chos de khyod kyis spang bar bya'o/ /don te khyod kyis spangs nas yun ring po'i don dang / phan pa dang / bde bar 'gyur ro//gsol ba bcom ldan 'das 'tshal lo/ /bde bar gshegs pa 'tshal lo/ /bka' stsal pa/ dge slong ji ltar khyod kyis ngas mdor bsdus te rnam par ma phye bar bshad pa ji ltar shes/ gsol pa btsun pa gzugs bdag ma lags te/ chos de spangs nas yun ring po'i don dang phan pa dang bde bar 'gyur ro//tshor ba dang / 'du shes dang / 'du byed dang / rnam par shes pa bdag ma lags te/ chos de spangs na yun ring po'i don dang phan pa dang / bde bar 'gyur ro/ /btsun pa bcom ldan 'das 'di ltar bdag gis mdor bsdus shing rnam par ma phye bar bshad pa'i don rgyas par 'tshal lo//dge slong legs legs so/ /dge slong ngas mdor bsdus te rnam par ma phye bar bshad pa'i don shes pa legs so/ /de ci'i phyir zhe na/ dge slong gzugs bdag ma yin te chos de khyod kyis spang bar bya'o//chos de khyod kyis spangs na yun ring po'i don dang phan pa dang bde bar 'gyur ro/ /tshor ba dang / 'du shes dang / 'du byed dang / rnam par shes pa bdag ma yin te/ chos de khyod kyis spang bar bya'o/ /chos de khyod kyis spangs na yun ring po'i don dang phan pa dang bde bar 'gyur ro//de nas dge slong de bcom ldan 'das kyis gsungs pa la mngon par dga' zhing yi rangs nas bcom ldan 'das kyi zhabs la spyi bos phyag byas te/ bcom ldan 'das kyi drung nas song ngo / /de nas dge slong de la bcom ldan 'das kyis mdor bsdus pa'i gdams ngag 'dis gdams pas gcig tu dben pa/tshad med pa/ gdung ba med pa/ mnyam par gzhag pa'i bdag nyid lung ston par byed do/ gcig tu dben pa/ tshad med pa/ gdung ba med pa/ mnyam par gzhag pa'i bdag nyid la gnas te/ gang gi don du rigs kyi bu skra dang kha spu bregs te/chos gos bgos nas dad pas yang dag pa kho nas khyim nas khyim med par rab tu byung nas/ bla na med pa'i tshangs par spyod pa spyad nas mthong ba'i chos nyid la rang nyid kyis mngon par shes pa mngon sum du byas te/ rig pa phun sum tshogs pa bdag gi skye ba zad do//tshangs par spyod pa bsten to/ /bya ba byas so/ srid pa 'di las gzhan mi shes so zhes bya ba'i shes pa dang ldan zhing tshe dang ldan pa sems rnam par grol ba'i dgra bcom par gyur to/ /don 'di nyid phung po'i tshogs kyi sdom gyi tshigs su bcad pa gsum pa las mdo gzhan dang gzhan bdun 'di ltar 'byung ste/rjes su mthun dang grangs dang ni/ /rgyun du sbyor dang rga ba dang / /yongs sbyor rtog dang dro ba dang / /sems ni rnam par grol ba dang / /mdo sde gnyis po dag las kyang / /rgyal ba nyid las skyes pa yi//zhes 'byung ngo / /'dir mdor bsdus par 'dod pa'i dpe gzhan yang / bcom ldan 'das rgyal ba 'phel ba gang bsnyen bkur ba tshe dang ldan pa grong gi bdag po rgyal ba'i bu dang lhan cig bzhugs so/ /de nas tshe dang ldan pa rgyal ba'i bu bcom ldan 'das gang na ba der nye bar song ste/nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go/ /phyogs gcig tu 'dug nas tshe dang ldan pa rgyal ba'i bus bcom ldan 'das la 'di skad ces gsol to/ /btsun pa bslab pa'i tshig brgya phyed lhag dang bcas pa ni zla ba phyed phyed cing so sor thar pa'i mdo 'don pa las 'byung ste/rigs kyi bu bdag legs su 'dod par bslab pa la shin tu bslab par bya'o/ /de la bdag bslab pa 'di la slob par mi spro'o/ /bka' stsal pa/ tshe dang ldan pa rgyal ba'i bu khyod kyis dus dang dus su bslab pa gsum la bslab par bya'o//gsol pa/ bcom ldan 'das de la bdag spro'o/ /bde bar gshegs pa spro'o/ /tshe dang ldan pa rgyal ba'i bu 'di ltar khyod kyis dus dang dus su lhag pa'i tshul khrims kyi bslab pa la bslab par bya'o/ /lhag pa'i sems dang /lhag pa'i shes rab kyi bslab pa la bslab par bya'o/ /rgyal ba'i bu khyod kyis dus dang dus su lhag pa'i tshul khrims kyi bslab pa la bslab cing / lhag pa'i sems dang / lhag pa'i shes rab kyi bslab pa la slob par byed na yun ring po mi thogs par zag pa zad cing zag pa med pa dang /sems rnam par grol ba dang shes rab rnam par grol ba dang / mthong ba'i chos nyid la rang nyid kyis mngon par shes pa mngon sum du byas shing rig pa phun sum tshogs par 'gyur te/ bdag gi skye ba zad do/ /bya ba byas so/ /byed pa byas so//srid pa 'di las gzhan mi shes so zhes bya bar 'gyur ro/ /de nas tshe dang ldan pa rgyal ba'i bu bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas te bcom ldan 'das kyi drung nas song ngo / / tshe dang ldan pa rgyal ba'i bu la bcom ldan 'das kyis gdams ngag 'dis gdams pa dang / gcig tu dben pa/ tshad med pa/ gdung ba med pa/ mnyam par gzhag pa'i bdag nyid lung ston par byed de/ gcig tu dben pa/ tshad med pa/ gdung ba med pa mnyam par gzhag pa'i bdag nyid nas/snga ma bzhin du shes pa dang ldan pa'i bar du tshe dang ldan pa rgyal ba'i bu sems rnam par grol bar gyur to/ /rtsod pa'i rtsa ba ni gnyis te zhes bya ba la/ tshe dang ldan pa kA t+yA ya na chen po chu bo sgrib pa can gyi 'dam pa can gyi chu ngogs na bzhugs te/de nas bram ze lag na dbyug pa can tshe dang ldan pa kA t+yA ya na chen po gang na ba der nye bar song ste/ nye bar song nas tshe dang ldan pa kA t+yA ya na chen po dang lhan cig yang dag par dga' bar 'gyur ba dang / yang dag par mgu bar 'gyur ba'i gtam rnam pa sna tshogs byas te/phyogs gcig tu 'dug go/ /phyogs gcig tu 'dug nas bram ze dbyug pa can gyis tshe dang ldan pa kA t+yA ya na la 'di skad ces gsol to/ /kA t+yA ya na rgyu gang dang / rkyen gang gis rgyal po la rgyal pos lhan cig rtsod par gyur/ zhing pa la zhing pas/bram ze la bram zes/ khyim bdag la khyim bdag gis lhan cig rtsod par gyur/ bram ze 'dod pa la chags pa dang / zhen pa dang / 'brel pa dang / mngon par 'dod pa dang / yang dag par chags pa'i rgyus rgyal po la rgyal pos lhan cig rtsod par gyur cing zhing pa la zhing pas/bram ze la bram zes/ khyim bdag la khyim bdag gis lhan cig rtsod par gyur to/ /kA t+yA ya na 'dod pa la chags pa dang / zhen pa dang / 'brel pa dang / mngon par 'dod pa dang / yang dag par chags pa'i rgyus rgyal po la rgyal pos lhan cig rtsod cing /zhing pa la zhing pas/ bram ze la bram zes/ khyim bdag la khyim bdag gis lhan cig rtsod par gyur na/ kA t+yA ya na rgyu gang dang rkyen gang gis rab tu byung ba dang rab tu byung ba lhan cig rtsod par gyur/ bram ze lta ba la chags pa dang / zhen pa dang /'brel pa dang / mngon par 'dod pa dang / yang dag par chags pa'i rgyus rab tu byung ba dang rab tu byung ba rnams lhan cig rtsod par gyur to/ /kA t+yA ya na lta ba la chags pa dang / zhen pa dang / 'brel pa dang / mngon par 'dod pa dang / yang dag par chags pa'i rgyus rab tu byung ba rnams rtsod par gyur na/kA t+yA ya na da ltar kha cig 'dod pa la chags pa dang / zhen pa dang / 'brel pa dang / mngon par 'dod pa dang / yang dag par chags pa'i rgyu 'di dag las yang dag par 'das pa dang / lta ba la chags pa dang / zhen pa dang / 'brel pa dang / mngon par 'dod pa dang / yang dag par chags pa'i rgyu 'di dag las 'das pa yod dam/ bram ze yod de/ 'di lta ste/ bdag gi ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das so/ /de 'dod pa la chags pa dang / zhen pa dang / 'brel pa dang / mngon par 'dod pa dang / yang dag par chags pa'i rgyu 'di dag las yang dag par 'das so/ /lta ba la chags pa dang / zhen pa dang / 'brel pa dang / mngon par 'dod pa dang / yang dag par chags pa'i rgyu 'di dag las yang dag par 'das so/ /kA t+yA ya na bcom ldan 'das gau ta ma da ltar gang na bzhugs/bram ze shar phyogs kyi yul na mnyan yod ces bya ba'i ko sa la'i grong khyer na rgyal byed kyi tshal mgon med zas sbyin gyi kun dga' ra ba na da ltar bcom ldan 'das bzhugs so/ /de nas bram ze lag na dbyug pa can stan las langs te bla gos phrag pa gcig tu gzar nas/sa'i dkyil 'khor gang na bcom ldan 'das bzhugs pa'i phyogs der thal mo sbyar te phyag byed cing ched du brjod pa 'di skad ched du brjod do/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la phyag 'tshal lo//bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gang 'dod pa la chags pa dang / zhen pa dang / 'brel pa dang / mngon par 'dod pa dang / yang dag par chags pa'i rgyu 'di dag las yang dag par 'das shing lta ba la chags pa dang /zhen pa dang / 'brel pa dang / mngon par 'dod pa dang / yang dag par chags pa 'di rnams las yang dag par 'das pa de la phyag 'tshal lo/ /phyag 'tshal lo zhes ched du brjod do/ /de nas bram ze dbyug pa can tshe dang ldan pa kA t+yA ya na chen pos bshad pa la rjes su yi rang zhing mngon par dga' nas stan las langs te song ngo //de nyid mdo la brten te slob dpon sna tshogs blo gros [(]gyis [,]kyis [)]tshigs su bcad pa bzhi brgya pa las bcom ldan 'das la bstod pa/ 'dod pa mi snang 'brel med cing //lta ba'i dra ba bcom gyur pa/ /de nas rtsod rtsa mi 'byung ste/ /rtsa ba med par gang las 'byung / /zhes gsungs so/ /pho dang mo dag phan tshun gzugs la mngon par dga'o zhes bya ba la re rer bsdus pa las bsdus pa'i sdom gnyis pa'i mtha'i mdo las 'byung ste/de las 'di skad du 'don te/ dge slong dag ji ltar skyes bu bud med la chags pa las 'di ltar dga' ba skye ba/ 'di ltar rgyags pa dang / sred pa dang / dga' ba dang / chags pa dang / brgyal ba dang / 'ching ba dang / don du gnyer ba dang /kun tu sbyor ba'i chos gcig kyang ngas yang dag par rjes su ma mthong ste/ skyes bu bud med kyi gzugs la chags pa dang / zhen pa dang / chags zhen dang / brgyal ba dang / zhen pa thob pa ni skyon mi mthong zhing nges par 'byung ba mi tshol bas skyes bu bud med kyi dbang du 'gyur ro//skyes bu bud med kyi gzugs la ji lta ba de bzhin du bud med skyes pa'i gzugs la yang de bzhin no/ /'dres pa zhes bya ba'i gsum pa las kyang skyes bu bud med kyi gzugs la bud med kyang skyes bu'i gzugs la ste/ gzugs ji lta ba de bzhin du dri dang ro dang reg bya gsum la yang mdo rnam pa gsum mo//zhing dang sa bon gyi go rims lta bur bstan pa'i don du zhes bya ba la/ sa bon gyi rnam pa lnga ste zhes mdo las 'byung ste/ bde ba la phung po zhes bya ba las ngas chos gcig kyang yang dag par rjes su ma mthong zhes bya ba'i sdom gyi tshigs su bcad pa gsum pa las dang /mdzod kyi gnas drug par kun 'byung gi bden pa dpyad pa las ji skad du sa bon gyi rnam pa lnga zhes bya ba ni nye bar len pa dang bcas pa'i rnam par shes pa'i tshig bla dgas so zhes rang gi ngo bos bsdus nas der 'chad par 'gyur ro//chos kyi phung po brgyad khri bzhi stong ji skad du bshad ce na/ ji ltar ched du brjod pa bsdus pa las dang po'i sdom gyi tshigs su bcad pa gsum pa'i mdo las 'byung ste/ tshe dang ldan pa kun dga' bos smras pa/ tshe dang ldan pa dag bdag gis chos kyi phung po brgyad khri lhag cig bcom ldan 'das kyi drung du thos shing bzung la/gnyis ni dge slong dag las so/ /bdag gi tshig dum bur bzung ba ni yang dag par rjes su mi dran te/ gzhan du na dus gcig tu thos so/ /bcom ldan 'das la yongs su dris te bzung ba ni bdag gis mngon par mi shes te/gzhan du na lan cig thos pas so/ /de'i tshe yang 'di lta bu ste/ 'di ltar sems kyi chos yongs su gzung bar bya'o/ /kha cig chos kyi rjes su bzung zhing rtogs pa thob pa dang / gzhan yongs su gzung ba'i phyir zhes mngon par mi shes te/gzhan du na bdag nyid gdul ba'i don dang / zhi ba'i don dang / bdag nyid yongs su mya ngan las 'da' ba'i don du'o/ /sems khengs pa dang zhum pa'i rgyu yang dag par rjes su mi shes so/ /tshangs par spyod pa gzhan las lhag pa'i rgyu'i sems mngon par mi shes shing ma skyes so//gang gi tshe tshe dang ldan pa kun dga' bos 'di ltar bshad pa na tshe dang ldan pa dga' bo chos la ngo mtshar bar gyur to/ /de la re zhig lnga ni zhes bya ba la sogs pa la/ tshul khrims la sogs pa'i phung po de dang de las 'don pa bzhin te/ji ltar re zhig drug pa'i mdo'i gsum tshan gyi dang po las ji skad bshad pa lta bu ste/ chos lnga mngon sum du bya ba ni mi slob pa'i phung po lnga ste/ mi slob pa'i tshul khrims kyi phung po dang / ting nge 'dzin gyi phung po dang /shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po'o/ /zad par gyi skye mched bcu po rnams ni zhes bya ba la/ gleng gzhi ni mnyan du yod pa na'o/ /dge slong dag zad par gyi skye mched ni bcu po 'di rnams te/bcu gang zhe na/ la la zad par sa'o zhes steng dang 'og dang thad kar gnyis su med cing tshad med par 'du shes su byed cing la la zad par chu dang / me dang / rlung dang / sngon po dang / ser po dang / dmar po dang / dkar po dang / nam mkha' mtha' yas skye mched dang /rnam shes mtha' yas skye mched do zhes steng dang 'og dang thad kar gnyis su med cing tshad med par 'du shes su byed do zhes bka' stsal to/ /zil gyis gnon pa'i skye mched rnams kyang de dang 'dra'o zhes bya ba la/ gleng gzhi ni mnyan du yod pa na'o/ /dge slong dag brgyad po 'di dag ni zil gyis gnon pa'i skye mched de/brgyad gang zhe na/ nang gzugs med par 'du shes pas phyi rol gyi gzugs chung ngu kha dog bzang po'am ngan pa rnams la lta zhing gzugs de dag zil gyis mnan nas shes/ gzugs de dag zil gyis mnan nas mthong ste/de lta bu'i 'du shes su gyur pa 'di ni zil gyis gnon pa'i skye mched dang po'o/ /nang gzugs su 'du shes pas phyi rol gyi gzugs chen po kha dog bzang po dang ngan pa rnams la lta zhing gzugs de dag zil gyis mnan nas shes/ zil gyis mnan nas mthong ste/de lta bu'i 'du shes par gyur pa 'di ni zil gyis gnon pa'i skye mched gnyis pa'o/ /nang gzugs med par 'du shes pas phyi rol gyi gzugs chung ngu kha dog bzang po dang ngan pa rnams la lta zhing gzugs de dag zil gyis mnan nas shes/ zil gyis mnan nas mthong ste/de lta bur 'du shes par gyur pa 'di ni zil gyis gnon pa'i skye mched gsum pa'o/ /nang gzugs med par 'du shes pas phyi rol gyi gzugs chen po kha dog bzang po dang / ngan pa rnams la lta zhing gzugs de dag zil gyis mnan nas shes/ zil gyis mnan nas mthong ste/ de lta bur 'du shes par 'gyur ba 'di ni zil gyis gnon pa'i skye mched bzhi pa'o/ /nang gzugs med par 'du shes pas phyi rol gyi gzugs sngon po kha dog sngon po sngon po lta bur ston pa 'od sngon po 'byung ba 'di lta ste/ zar ma'i me tog gam/yul wA rA Na sI'i ras phun sum tshogs pa sngon po kha dog sngon po sngon po lta bur ston pa 'od sngon po 'byung ba de bzhin du nang gzugs med par 'du shes pas phyi rol gyi gzugs sngon po kha dog sngon po lta bur ston pa 'od sngon po 'byung ba rnams la lta ba 'di ni zil gyis gnon pa'i skye mched lnga pa'o//nang gzugs med par 'du shes pas phyi rol gyi gzugs ser po kha dog ser po ser po lta bur ston pa 'od ser po 'byung ba 'di lta ste/ dong ka'i me tog gam/ yul wA rA Na sI'i ras phun sum tshogs pa ser po kha dog ser po ser po lta bur ston pa 'od ser po 'byung ba de bzhin du nang gzugs med par 'du shes pas phyi rol gyi gzugs ser po kha dog ser po ser po lta bur ston pa 'od ser po 'byung ba rnams la lta ba 'di ni zil gyis gnon pa'i skye mched drug pa'o//nang gzugs med par 'du shes pas phyi rol gyi gzugs dmar po kha dog dmar po dmar po lta bur ston pa 'od dmar po 'byung ba 'di lta ste dper na/ban du dzi ba ka'i me tog gam/ yul wA rA Na sI'i ras phun sum tshogs pa dmar po kha dog dmar po dmar po lta bur ston pa 'od dmar po 'byung ba de bzhin du nang gzugs med par 'du shes pas phyi rol gyi gzugs dmar po kha dog dmar po dmar po lta bur ston pa 'od dmar po 'byung ba rnams la lta ba 'di ni zil gyis gnon pa'i skye mched bdun pa'o//nang gzugs med par 'du shes pas phyi rol gyi gzugs dkar po kha dog dkar po dkar po lta bur ston pa 'od [(]dkor [,]dkar [)]po 'byung ba 'di lta ste dper na skar ma pa ba sangs lta bu'am/yul wA rA Na sI'i ras phun sum tshogs pa dkar po kha dog dkar po dkar po lta bur ston pa 'od dkar po 'byung ba de bzhin du nang gzugs med par 'du shes pas phyi rol gyi gzugs dkar po kha dog dkar po dkar po lta bur ston pa 'od dkar po 'byung ba rnams la lta ba 'di ni zil gyis gnon pa'i skye mched brgyad pa'o zhes bka' stsal to/nam mkha' mtha' yas la sogs pa skye mched gzhan bzhi po rnams ni zhes bya ba la/ gleng gzhi ni mnyan du yod pa na'o/ / dge slong dag skye mched ni bzhi po 'di dag ste/ nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang 'du shes med 'du shes med min skye mched do zhes bka' stsal to/ /skye mched 'di dag ni gnyis pa'i de ma thag mdo'i dum bu rnam par dbye ba las blta bar bya'o//rnam par grol ba'i skye mched lnga po zhes bya ba la/ gleng gzhi ni mnyan du yod pa na'o/ /dge slong dag rnam par grol ba'i skye mched ni lnga ste/ lnga gang zhe na/ dge slong dag 'di la ston pa'am tshangs par spyod pa mkhas pa bla ma'i gnas lta bu gzhan gang yang rung ba chos ston par byed de//ji lta ji ltar ston pa'am tshangs par spyod pa bla ma'i gnas lta bu gzhan gang yang rung ba chos ston par byed pa de lta de ltar chos rnams don so so yang dag par rig pa dang / chos so so yang dag par rig par 'gyur ro//don so so yang dag par rig pa de la chos so so yang dag par rig pa'i dga' ba skye bar 'gyur ro/ /dga' ba de la rab tu dga' ba skye bar 'gyur ro/ /yid dga' na lus shin tu sbyangs par 'gyur ro/ /lus shin tu sbyangs na bde ba myong bar 'gyur ro//bde ba myong na ting nge 'dzin la mnyam par 'jog par 'gyur ro/ /mnyam par gzhag pa na ji lta ba bzhin shes pa dang / yang dag pa ji lta ba bzhin mthong bar 'gyur ro/ /yang dag pa ji lta ba bzhin shes shing yang dag pa ji lta ba bzhin mthong na skyo bar 'gyur ro//skyo na 'dod chags dang bral bar 'gyur ro/ /'dod chags dang bral na grol bar 'gyur ro/ /'di ni rnam par grol ba'i skye mched dang po'o/ /gang las dge slong ngam dge slong ma de'i dran pa nye bar mi gnas pa dran pa nye bar gnas par 'gyur ro/ / sems mnyam par ma bzhag pa mnyam par 'jog par 'gyur/ zag pa yongs su ma zad pa yongs su zad par 'gyur te/ rjes su ma thob pa'i mya ngan las 'das pa grub pa dang bde ba bla na med pa thob par 'gyur te/ gzhan yang dge slong ston pa'am tshangs par spyod pa mkhas pa bla ma'i gnas lta bu gzhan gang yang rung ba chos ston par mi byed mod kyi/ji ltar thos pa dang / ji ltar mthong ba dang thob pa'i chos rnams rgyas par kha ton byed de/ ji lta ji ltar thos pa dang / ji ltar mthong ba dang / rtogs pa'i chos rnams rgyas par kha ton du byed pa de lta de ltar chos rnams la don so so yang dag par rig par 'gyur ro//chos so so yang dag par rig pa dang / don so so yang dag par rig pa de la chos so so yang dag par rig pa dang don so so yang dag par rig pa'i dga' ba skye bar 'gyur ro/ /dga' ba de la rab tu dga' ba skye bar 'gyur ba nas 'dod chags dang bral ba dang grol ba'i bar du ste/'di ni rnam par grol ba'i skye mched gnyis pa'o/ /gang la dge slong ngam dge slong ma de'i dran pa nye bar ma gnas pa dran pa nye bar gzhag par 'gyur/ sems mnyam par ma bzhag pa mnyam par gzhag par 'gyur/zag pa yongs su ma zad pa yongs su zad par 'gyur te/ rjes su ma thob pa'i mya ngan las 'das pa grub pa dang bde ba bla na med pa thob par 'gyur ro/ /gzhan yang dge slong ston pa'am tshangs par spyod pa mkhas pa bla ma'i gnas lta bu gzhan gang yang rung ba chos ston pa yang mi byed la/ji ltar thos pa dang / ji ltar rtogs pa dang / khong du chud pa'i chos rnams rgyas par kha ton du yang mi byed mod kyi/ ji ltar thos pa dang / ji ltar rtogs pa dang / khong du chud pa'i chos rnams gzhan dag rnams la rgyas par yang dag par gsal bar byed de/ji lta ji ltar thos pa dang / rtogs pa dang / khong du chud pa'i chos rnams gzhan dag la rgyas par rab tu gsal bar byed pa de lta de ltar de dag la chos rnams la don so sor rig pa dang / chos so sor rig par 'gyur te/don so sor rig pa dang / chos so sor yang dag par rig pa de la rab tu dga' ba skye ba nas 'dod chags dang bral ba dang grol ba'i bar du 'gyur ro/ /'di ni rnam par grol ba'i skye mched gsum pa'o/ /gang la dge slong ngam dge slong ma gnas pa de'i dran pa nye bar mi gnas pa dran pa nye bar gnas par 'gyur/sems mnyam par ma bzhag pa mnyam par 'jog par 'gyur/ zag pa yongs su ma zad pa yongs su zad par 'gyur te/ rjes su ma thob pa mya ngan las 'das pa grub pa dang dben pa bla na med pa thob par 'gyur ro/ /gzhan yang dge slong ston pa'am tshangs par spyod pa mkhas pa gzhan gang yang rung ba chos ston par yang mi byed/ji ltar thos pa dang / ji ltar rtogs pa dang / ji ltar khong du chud pa rgyas par kha ton du yang mi byed/ ji ltar thos pa dang / ji ltar rtogs pa dang / ji ltar khong du chud pa'i chos rnams gzhan dag la rab tu gsal bar yang mi byed mod kyi/ji ltar thos pa dang / ji ltar rtogs pa dang / ji ltar khong du chud pa'i chos rnams gcig tu dben par song ste/ don sems shing 'jal ba dang / nye bar dpyod par byed do/ /ji lta ji ltar thos pa dang /ji ltar rtogs pa dang / ji ltar khong du chud pa'i chos rnams gcig tu dben par song ste/ don sems shing 'jal ba dang nye bar dpyod par byed pa de lta de ltar chos rnams so sor rig pa dang / don so sor rig par 'gyur te/ chos so sor rig pa dang /don so sor rig pa de la rab tu dga' ba skye ba na 'dod chags dang bral ba dang grol ba'i bar du 'gyur ro/ /'di ni rnam par grol ba'i skye mched bzhi pa'o/ /gang las dge slong ngam dge slong ma gnas pa de'i dran pa nye bar mi gnas pa nye bar gnas par 'gyur ba nas rjes su ma thob pa mya ngan las 'das pa grub pa dang /bde ba bla na med pa rjes su thob par 'gyur ba'i bar du'o/ /gzhan yang dge slong ston pa'am tshangs par spyod pa mkhas pa bla ma'i gnas lta bu gzhan gang yang rung ba chos ston par yang mi byed la/ ji ltar thos pa dang /ji ltar rtogs pa dang / ji ltar khong du chud pa'i chos rnams rgyas par kha ton du yang mi byed la/ ji ltar thos pa dang / ji ltar rtogs pa dang / ji ltar khong du chud pa'i chos rnams gcig tu dben par song ste/ don sems shing 'jal ba dang nye bar dpyod par yang mi byed mod kyi/ting nge 'dzin gyi rgyu mtshan bzang po gzhan dang gzhan legs par rab tu 'dzin par gyur cing shin tu yid la byed shin tu sten par byed/ shin tu rab tu 'byed par byed de/ ji lta ji ltar ting nge 'dzin gyi rgyu mtshan bzang po gzhan dang gzhan legs par rab tu 'dzin cing shin tu yid la byed/shin tu sten par byed/ shin tu rab tu 'byed par byed pa de lta de ltar chos rnams la don so so yang dag par rig pa dang / chos so so yang dag par rig par 'gyur te/ chos so so yang dag par rig pa dang / don so so yang dag par rig pa de la rab tu dga' ba skye bar 'gyur ba dang /'dod chags dang bral ba nas grol ba'i bar du 'gyur ro/ /'di ni rnam par grol ba'i skye mched lnga pa ste/ gang las dge slong ngam dge slong ma de'i dran pa nye bar gnas par 'gyur ba nas/ mya ngan las 'das pa grub pa dang /bde ba bla na med pa thob pa'i bar du 'gyur ro zhes bka' stsal to/ /skye mched gnyis po dag ni zhes bya ba la/ rnam grangs bshad pa'i sdom gyi tshigs su bcad pa gnyis pa'i dang po'i mdo las gsungs te tshe dang ldan pa dga' bo rnam par shes pa'i gnas dang /skye mched rnam pa gnyis so/ /rnam par shes pa'i gnas bdun gang zhe na/ sems can gzugs can lus tha dad cing 'du shes tha dad pa dag kyang yod de/ 'di lta ste/ mi rnams dang lha kha cig go/ /'di ni rnam par shes pa gnas pa dang po'o/ /sems can gzugs can lus tha dad cing 'du shes gcig pa dag kyang yod de/'di lta ste/ tshangs ris kyi lha gang dag dang por byung ba de dag go/ /'di ni rnam par shes pa gnas pa gnyis pa'o/ /sems can gzugs can lus gcig cing 'du shes tha dad pa dag kyang yod de/'di lta ste/ 'od gsal gyi lha rnams so/ /'di ni rnam par shes pa gnas pa gsum pa'o/ /sems can gzugs can lus gcig cing 'du shes gcig pa dag kyang yod de/ 'di lta ste/ dge rgyas kyi lha rnams so/ /'di ni rnam par shes pa gnas pa bzhi pa'o//sems can gzugs can ma yin pa gang dag rnam pa thams cad du gzugs kyi 'du shes las yang dag par 'das te/ thob pa'i 'du shes rnams nub par gyur cing sna tshogs kyi 'du shes yid la mi byed pas nam mkha' mtha' yas so snyam nas nam mkha' mtha' yas skye mched rdzogs par byas te gnas pa yod de/'di lta ste/ nam mkha' mtha' yas skye mched du nye bar 'gro ba'i lha rnams so/ /'di ni rnam par shes pa gnas pa lnga pa'o/ /sems can gzugs can ma yin pa gang dag rnam pa thams cad du nam mkha' mtha' yas skye mched las yang dag par 'das te rnam shes mtha' yas so snyam nas rnam shes mtha' yas skye mched rdzogs par byas te gnas pa yod de/'di lta ste/ rnam shes mtha' yas skye mched du nye bar 'gro ba'i lha rnams so/ /'di ni rnam par shes pa gnas pa drug pa'o//sems can gzugs can ma yin pa gang dag rnam pa thams cad du rnam shes mtha' yas skye mched las yang dag par 'das te cung zad med do snyam nas ci yang med pa'i skye mched rdzogs par byas nas gnas pa yod de/ /'di lta ste/ ci yang med pa'i skye mched du 'gro ba'i lha rnams so//'di ni rnam par shes pa gnas pa bdun pa'o/ /skye mched gnyis gang zhe na/ sems can gzugs can gang dag 'du shes med cing 'du shes med pa yod de/ 'di lta ste/ 'du shes med pa'i sems can rnams te/ 'di ni skye mched dang po'o//sems can gzugs can ma yin pa gang dag rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched bsgrubs te gnas pa yod de/ 'di lta ste/ 'du shes med 'du shes med min skye mched du nye bar 'gro ba'i lha rnams so//'di ni skye mched gnyis pa'o zhes gsungs so/ /de bzhin du khams mang po pa'i mdo las zhes bya ba la/ gleng gzhi ni mnyan du yod pa na'o/ /de nas tshe dang ldan pa kun dga' bo gcig tu dben pa na nang du yang dag 'jog las gnas pa na 'di lta bu'i sems la sems kyi dpyod pa yongs su skyes te/gang cung zad 'jigs pa skye zhing skye ba de thams cad ni byis pa rnams la skye'i/ mkhas pa rnams la ni ma yin no/ /gang cung zad nye bar 'tshe ba dang rab tu 'tshe ba dang / nye bar rab tu 'tshe ba skye ba 'di thams cad ni byis pa rnams la skye bar 'gyur gyi/mkhas pa rnams la ni ma yin no/ /de nas tshe dang ldan pa kun dga' bo nang du yang dag 'jog las langs te bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag 'tshal te phyogs gcig tu 'dug go//phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa 'di na bdag gcig pu dben pa na nang du yang dag 'jog las mchis pa na 'di lta bu'i sems la sems kyi yongs su dpyod pa 'di lta bu skyes te/gang cung zad 'jigs pa skye zhing skye ba thams cad ni byis pa rnams la skye'i/ mkhas pa rnams la ni ma yin no/ /gang cung zad nye bar 'tshe ba dang / rab tu 'tshe ba dang / nye bar rab tu 'tshe ba skye zhing skye ba de thams cad ni byis pa rnams la skye'i/ /mkhas pa rnams la ni ma yin no//kun dga' bo de de bzhin no/ /de de bzhin te/ gang cung zad 'jigs pa skye ba de thams cad ni byis pa rnams la skye'i/ mkhas pa rnams la ni ma yin no/ /gang cung zad nye bar 'tshe ba dang / rab tu 'tshe ba dang / nye bar rab tu 'tshe ba skye zhing skye ba de thams cad ni byis pa rnams la skye'i/mkhas pa rnams la ni ma yin no/ /kun dga' bo 'di lta ste/ 'dam bu skam po 'am/ rtswa'i khyim mang po la mes bsregs pa na mthong bar mes bsregs pa de bzhin du gang cung zad 'jigs pa skye zhing skye ba de thams cad ni byis pa rnams la skye'i/mkhas pa rnams la ni ma yin no/ /gang cung zad nye bar 'tshe ba dang / rab tu 'tshe ba dang / nye bar rab tu 'tshe ba de thams cad ni byis pa rnams la skye'i/ mkhas pa rnams la ni ma yin no/ /'das pa'i dus na gang cung zad 'jigs pa skye ba de thams cad kyang byis pa rnams la skye'i/mkhas pa rnams la ni ma yin no/ /gang cung zad nye bar 'tshe ba dang / rab tu 'tshe ba dang / nye bar rab tu 'tshe ba de thams cad ni byis pa rnams la skye'i/ mkhas pa rnams la ni ma yin no/ /ma 'ongs pa'i dus na gang cung zad 'jigs pa skye ba de thams cad kyang byis pa rnams la skye'i/mkhas pa rnams la ni ma yin no/ /gang cung zad nye bar 'tshe ba dang / rab tu 'tshe ba dang / nye bar rab tu 'tshe ba de thams cad ni byis pa rnams la skye'i/ mkhas pa rnams la ni ma yin no//kun dga' bo 'das pa dang ma 'ongs pa dang / da ltar byung ba'i dus rnams su byis pa 'jigs pa dang bcas kyi/ mkhas pa rnams ni ma yin no/ /byis pa rnams nye bar 'tshe ba dang bcas kyi/ mkhas pa rnams ni ma yin no/ /byis pa rnams rab tu 'tshe ba dang bcas kyi/mkhas pa rnams ni ma yin no/ /byis pa rnams rab tu nye bar 'tshe ba dang bcas kyi/ mkhas pa rnams ni ma yin no/ /kun dga' bo byis pa rnams 'di lta bu'i nye bar 'tshe ba dang / rab tu 'tshe ba dang / nye bar rab tu 'tshe ba dang bcas par 'dod kyi mkhas pa rnams ni ma yin no//kun dga' bo de'i phyir byis pa'i chos rnams dang mkhas pa'i chos rnams rig par bya zhing byis pa dang mkhas pa'i chos rnams rig nas byis pa'i chos spang bar bya zhing mkhas pa'i chos rnams la 'jug par bya/ bslab par bya'o/ / btsun pa ji ltar na byis pa byis pa zhes bya ba'i grangs su 'gro/ kun dga' bo phung po la mi mkhas pa dang / khams dang / skye mched dang / rten cing 'brel par 'byung ba dang / gnas dang gnas ma yin pa la mi mkhas pa 'di tsam gyis byis pa byis pa zhes bya ba'i grangs su 'gro'o//btsun pa 'di tsam gyis byis pa byis pa zhes bya ba'i grangs su 'gro na/ btsun pa ji tsam gyis mkhas pa mkhas pa zhes bya ba'i grangs su 'gro/ /kun dga' bo phung po la mkhas pa dang / khams dang skye mched la mkhas dang / rten cing 'brel par 'byung ba la mkhas pa dang /gnas dang gnas ma yin pa la mkhas pa de ni mkhas pa zhes bya ba'i grangs su 'gro'o/ /btsun pa ji tsam gyis na khams la mkhas par 'gyur zhe na/ kun dga' bo khams bco brgyad la mkhas shing shes pa dang mthong ba ste/ji ltar gnas pa'i mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang /sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang /yid kyi rnam par shes pa'i khams te/ khams bco brgyad po 'di rnams yang dag pa ji lta ba bzhin shes shing mthong ba dang / yang khams drug yang dag pa ji lta ba bzhin shes shing mthong ste/ sa'i khams dang / chu'i khams dang / me'i khams dang /rlung gi khams dang / nam mkha'i khams dang / rnam par shes pa'i khams 'di dag yang dag pa ji lta ba bzhin shes shing mthong ba dang / gzhan yang khams drug yang dag pa ji lta ba bzhin shes shing mthong ste/ 'dod pa'i khams dang / gnod sems kyi khams dang / rnam par 'tshe ba'i khams dang / nges par 'byung ba'i khams dang / gnod sems kyi khams dang / gnod sems med pa'i khams so/ /drug po 'di dag ji lta ba bzhin shes shing mthong ngo / /gzhan yang khams drug yang dag pa ji lta ba bzhin shes shing mthong ste bde ba'i khams dang /sdug bsngal gyi khams dang / yid bde ba'i khams dang / yid mi bde ba'i khams dang / btang snyoms kyi khams dang / ma rig pa'i khams te/ drug po 'di dag yang dag pa ji lta ba bzhin shes shing mthong ngo / /yang khams bzhi yang dag pa ji lta ba bzhin shes shing mthong ste/tshor ba'i khams dang / 'du shes kyi khams dang / 'du byed kyi khams dang / rnam par shes pa'i khams dang / bzhi po 'di dag ji lta ba bzhin shes shing mthong ngo / /yang khams gsum yang dag pa ji lta ba bzhin shes shing mthong ste/'dod pa'i khams dang / gzugs kyi khams dang / gzugs med pa'i khams te/ gsum po 'di dag yang dag pa ji lta ba bzhin shes shing mthong ngo / /gzhan yang khams gsum yang dag pa ji lta ba bzhin shes shing mthong ste/ gzugs kyi khams dang / gzugs med pa'i khams dang / 'gog pa'i khams te/ gsum po 'di dag yang dag pa ji lta ba bzhin shes rab kyis shes shing mthong ngo / /yang khams gsum yang dag pa ji lta ba bzhin shes shing mthong ste/ 'das pa'i khams dang /ma 'ongs pa'i khams dang / da ltar byung ba'i khams te/ gsum po 'di dag yang dag pa ji lta ba bzhin shes shing mthong ngo / /gzhan yang khams gsum yang dag pa ji lta ba bzhin shes shing mthong ste/ ngan pa'i khams dang / bar ma'i khams dang /gya nom pa'i khams te/ gsum po 'di dag yang dag pa ji lta ba bzhin shes shing mthong ngo / /gzhan yang khams gsum yang dag pa ji lta ba bzhin shes shing mthong ste/ dge ba'i khams dang / mi dge ba'i khams dang / lung du ma bstan pa'i khams te/gsum po 'di dag yang dag pa ji lta ba bzhin shes shing mthong ngo / /gzhan yang khams gsum yang dag pa ji lta ba bzhin shes shing mthong ste/ slob pa'i khams dang / mi slob pa'i khams dang / slob pa yang ma yin mi slob pa yang ma yin pa'i khams te/gsum po 'di dag yang dag pa ji lta ba bzhin shes shing mthong ngo / /yang khams gnyis yang dag pa ji lta ba bzhin shes shing mthong ste/ zag pa dang bcas pa'i khams dang / zag pa med pa'i khams te/ gnyis po 'di dag yang dag pa ji lta ba bzhin shes shing mthong ngo //gzhan yang khams gnyis yang dag pa ji lta ba bzhin shes shing mthong ste/ 'dus byas kyi khams dang / 'dus ma byas kyi khams te/ gnyis po 'di dag yang dag pa ji lta ba bzhin shes shing mthong ngo / /'di tsam gyis na khams la mkhas par 'gyur ro//btsun pa 'di tsam gyis khams la mkhas par 'gyur na/ btsun pa ji tsam gyis na skye mched la mkhas par 'gyur/ kun dga' bo skye mched bcu gnyis yang dag pa ji lta ba bzhin shes shing mthong ba la mkhas pa ste/ mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg bya'i skye mched dang / yid kyi skye mched dang /chos kyi skye mched dang / skye mched bcu gnyis po 'di dag yang dag pa ji lta ba bzhin shes shing mthong ba ste/ 'di tsam gyis na skye mched la mkhas par 'gyur ro/ /btsun pa 'di tsam gyis skye mched la mkhas par 'gyur na/ btsun pa ji tsam gyis rten cing 'brel par 'byung ba la mkhas par 'gyur/kun dga' bo rten cing 'brel par 'byung ba yan lag bcu gnyis po 'di dag go rims dang go rims las bzlog pa yang dag pa ji lta ba bzhin shes shing mthong ba ste/ 'di lta ste/ 'di yod pas 'di 'byung 'di skyes pa'i phyir 'di skye ste/'di ltar ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang /yid mi bde ba dang / 'khrug pa rnams 'byung zhing sdug bsngal gyi phung po 'di 'ba' zhig 'byung bar 'gyur ro/ /'di lta ste/ 'di med pas 'di mi 'byung / 'di 'gags pas 'di 'gag ste/ ma rig pa 'gags pas 'du byed 'gag / 'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag / tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga ba dang / na ba dang 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar na sdug bsngal gyi phung po 'di 'ba' zhig 'gag par 'gyur ro/ /kun dga' bo 'di tsam gyis ni rten cing 'brel par 'byung ba la mkhas par 'gyur ro/ /[(]bcun [,]btsun [)]pa 'di tsam gyis rten cing 'brel par 'byung ba la mkhas par 'gyur na btsun pa ji tsam gyis gnas dang gnas ma yin pa la mkhas par 'gyur/kun dga' bo gnas ma yin pa la gnas ma yin pa dang / gnas la gnas su yang dag pa ji lta ba bzhin du rab tu shes pa ste/ kun dga' bo gnas ma yin zhing go skabs med de/ gang lus kyis nyes par spyad pa dang / yid dang ngag gis nyes par spyad pa'i rnam par smin pa 'dod pa dang / sdug bsngal ba dang / dga' ba dang / yid du 'ong ba 'grub par 'gyur ba 'di ni gnas ma yin zhing go skabs med do//gang lus kyis legs par spyad pa dang / yid dang ngag gis legs par spyad pa'i rnam par smin pa mi 'dod pa dang / mi sdug pa dang / mi dga' ba dang / yid du mi 'ong ba 'grub pa 'di ni gnas ma yin zhing go skabs med do/ / gang lus kyis legs par spyad pa dang / ngag dang / yid kyis legs par spyad pa'i rnam par smin pa 'dod pa dang / sdug pa dang / dga' ba dang / yid du 'ong ba 'grub par 'gyur ba 'di ni gnas yin zhing go skabs yod do/ /gnas ma yin zhing go skabs med de gang lus kyis nyes par spyod pa dang /ngag dang yid kyis nyes par spyad pa spyod pa de'i rgyu dang de'i rkyen gyis lus zhig ste shi ba'i 'og tu mtho ris lha dang mi'i 'jig rten du skye ba 'di ni gnas ma yin zhing go skabs med do/ /gnas yin zhing go skabs yod de gang lus kyis nyes par spyad pa spyod pa dang /ngag dang yid kyis nyes par spyad pa spyod pa de'i rgyu dang de'i rkyen gyis lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye ba 'di ni gnas yin zhing go skabs yod do/ /gnas ma yin zhing go skabs med de/gang lus kyis legs par spyad pa spyod pa dang / ngag dang yid kyis legs par spyad pa spyod pa de'i rgyu dang de'i rkyen gyis lus zhig ste shi ba'i 'og tu ngan song ngan 'gro log par ltung ba dmyal ba rnams su skye ba 'di ni gnas ma yin zhing go skabs med do//gnas yin zhing go skabs yod de/ gang lus kyis legs par spyad pa spyod pa dang / ngag dang yid kyis legs par spyad pa spyod pa de'i rgyu dang de'i rkyen gyis lus zhig ste shi ba'i 'og tu mtho ris lha dang mi'i 'jig rten du skye ba 'di ni gnas yin zhing go skabs yod do//gnas ma yin zhing go skabs med de/ snga phyi med par 'jig rten gcig tu 'khor los sgyur ba gnyis 'byung bar 'gyur ba 'di ni gnas med do/ /gcig 'byung ba 'di ni gnas yod do/ / gnas ma yin zhing go skabs med de/ gang snga phyi med par 'jig rten gcig tu de bzhin gshegs pa dgra bcom pa yang dag par rdzogs pa'i sangs rgyas gnyis 'byung ba 'di ni gnas ma yin zhing gcig 'byung ba ni gnas yod do/ /gnas ma yin zhing go skabs med de/bud med 'khor los sgyur ba'i rgyal po byed par 'gyur ba 'di ni gnas med do/ /gang skyes pas byed par 'gyur ba 'di ni gnas yod do/ /gnas ma yin zhing go skabs med de/ bud med rgyal po chen po bzhi nyid dang / brgya byin nyid dang / tshangs pa nyid byed par 'gyur ba dang / rang sangs rgyas kyi byang chub mngon du byed pa dang / bla na med pa yang dag par rdzogs pa'i sangs rgyas byed par 'gyur ba 'di ni gnas ma yin zhing skyes pas byed par 'gyur ba 'di ni gnas yod do/ /gnas ma yin zhing go skabs med de gang zag lta ba phun sum tshogs pa bsams bzhin du ma gsod par 'gyur ba 'di ni gnas med cing so so'i skye bo ni gnas yod do//gnas ma yin zhing go skabs med de/ gang zag lta ba phun sum tshogs pa bsams bzhin du pha gsod pa dang /dgra bcom pa gsod pa dang / dge 'dun mthun pa 'byed pa dang / de bzhin gshegs pa'i sku la ngan sems kyis khrag 'byin par 'gyur ba 'di ni gnas ma yin zhing go skabs med do/ /so so'i skye bo ni gnas yod do/ /gnas ma yin zhing go skabs med de/gang zag lta ba phun sum tshogs pa bsams bzhin du dud 'gro'i 'gro ba bsad par 'gyur ba dang / bsams bzhin du bslab pa las 'da' ba dang / bslab pa nyams par byed par 'gyur ba dang / 'di las phyi rol pa'i yon gnas kyi rjes su 'brang ba dang /'di las phyi rol pa'i ston pa la dad pa dang / dge sbyong dang bram ze 'di dag shes par bya ba shes so/ /mthong bar bya ba mthong ngo zhes gzhan dge sbyong dang bram ze la mngon du phyogs shing lta ba dang / mngon du phyogs shing rtog pa dang /bkra shis dang dge mtshan dag la dad pa 'dzin pa dang / srid pa brgyad pa 'grub par 'gyur ba 'di ni gnas ma yin zhing so so'i skye bo ni gnas yod do/ /gnas ma yin zhing go skabs med de/ gang sgrib pa rnam pa lnga po sems nye ba'i nyon mongs par byed pa shes rab nyam chung bar byed pa mya ngan las 'das pa thob pa'i gnas su gyur pa ma spangs bar dran pa nye bar gzhag pa bzhi rnams la sems legs par gnas shing spyod par 'gyur ba 'di ni gnas ma yin no//gang sgrib pa lnga po sems nye bar nyon mongs par byed pa/ shes rab nyam chung bar byed pa mya ngan las 'das pa thob pa'i gegs su gyur pa spangs na dran pa nye bar gzhag pa bzhi rnams la sems legs par gnas shing gnas pa 'di ni gnas yod do/ /gnas ma yin zhing go skabs med de/ gang sgrib pa lnga po sems nye bar nyon mongs par byed pa/shes rab nyam chung bar byed pa/ mya ngan las 'das pa thob pa'i gegs kyi phyogs su gyur pa ma spangs par dran pa nye bar gzhag pa bzhi rnams la sems legs par gnas shing gnas pa dang / byang chub kyi yan lag bdun bsgom pa 'di ni gnas med do//gnas yod de gang sgrib pa lnga po sems nye bar nyon mongs par byed pa shes rab nyam chung bar byed pa mya ngan las 'das pa thob pa'i gegs kyi phyogs su gyur pa de spangs na dran pa nye bar gzhag pa bzhi rnams la sems legs par gnas shing gnas pa dang /byang chub kyi yan lag bdun bsgom par 'gyur ba 'di ni gnas yod do/ /gnas ma yin zhing go skabs med de/ gang sgrib pa lnga po sems nye bar nyon mongs par byed pa/ shes rab nyam chung bar byed pa mya ngan las 'das par mi 'jug par byed pa'i gegs kyi phyogs ma spangs shing dran pa nye bar gzhag pa bzhi la sems mi gnas shing mi spyod pa byang chub kyi yan lag bdun ma bsgoms par sdug bsngal yang dag par mthar byed par 'gyur ba 'di ni gnas med do//gnas yod de/ gang sgrib pa lnga po sems nye bar nyon mongs par byed pa/ shes rab nyam chung bar byed pa mya ngan las 'das par 'jug pa'i gegs kyi phyogs spangs shing dran pa nye bar gzhag pa bzhi la sems gnas shing spyod la byang chub kyi yan lag bdun bsgoms nas sdug bsngal gyi mthar byed par 'gyur ba 'di ni gnas yod do//gnas ma yin zhing go skabs med de gang sgrib pa lnga po sems nye bar nyon mongs par byed pa shes rab nyam chung bar byed pa mya ngan las 'das par 'jug pa'i gegs kyi phyogs ma spangs shing dran pa nye bar gzhag pa bzhi la sems mi gnas shing mi spyod la/byang chub kyi yan lag bdun ma bsgoms par rang sangs rgyas kyi byang chub mngon du byed par 'gyur ba 'di ni gnas med do/ /gnas yod de/ gang sgrib pa lnga po sems nye bar nyon mongs par byed pa shes rab nyam chung bar byed pa mya ngan las 'das par 'jug pa'i gegs kyi phyogs spangs shing dran pa nye bar gzhag pa bzhi la sems gnas shing spyod la byang chub kyi yan lag bdun bsgoms te rang sangs rgyas kyi byang chub mngon du byed par 'gyur ba 'di ni gnas yod do//gnas ma yin zhing go skabs med de gang sgrib pa lnga po sems nye bar nyon mongs par byed pa shes rab nyam chung bar byed pa mya ngan las 'das par 'jug pa'i gegs kyi phyogs ma spangs shing dran pa nye bar gzhag pa bzhi la sems legs par mi gnas shing mi spyod la/byang chub kyi yan lag bdun ma bsgoms par bla na med pa yang dag par rdzogs par sangs rgyas shing byang chub pa 'di ni gnas ma yin zhing go skabs med do/ /gnas yod de gang sgrib pa lnga po sems nye bar nyon mongs par byed pa shes rab nyam chung bar byed pa mya ngan las 'das par 'jug pa'i gegs kyi phyogs spangs shing dran pa nye bar gzhag pa bzhi la sems gnas shing spyod pa byang chub kyi yan lag bdun bsgoms nas bla na med pa yang dag par rdzogs pa'i byang chub pa 'di ni gnas yod do//kun dga' bo 'di tsam gyis na gnas dang gnas ma yin pa la mkhas par 'gyur ro//btsun pa 'di tsam gyis gnas dang gnas ma yin pa la mkhas par 'gyur na/ chos kyi rnam grangs 'di'i ming ci lags ji ltar gzung bar bgyi/ kun dga' bo de'i phyir chos kyi rnam grangs 'di'i ming le'u bzhi pa zhes bya bar yang zung shig /chos kyi me long zhes bya bar yang zung shig /bdud rtsi lnga zhes bya bar yang zung shig /khams mang po pa'i mdo zhes bya bar yang zung shig /de'i phyir khams mang po pa'i mdo las 'di skad ces gsungs so//bar sdom la/ khams ni bco brgyad bzhi dag dang / /sa dang 'dod pa tshor bde dang / /'dod pa gzugs dang 'das pa dang / /dman dang dge ba'i khams nyid dang / /slob pa dang ni mi slob pa/ /zag bcas zag pa med pa dang / /'dus byas 'dus ma byas dag tu//byas nas tshoms su yang dag bstan/ /bstan yod 'dir ni gzugs gcig pu/ /thogs dang bcas pa gzugs can bcu/ /zhes bya ba la skye mched so sor bstan pa'i mdo sngar bshad pa gzhan du blta bar bya'o/ /dbang po rnams ma tshang ba med cing zhan pa ma yin zhes bya ba la/ji ltar re zhig lung ring po'i mdo las dang po yongs su nyams par brjod pa de dang de las 'don pa lta bu ste/ de las 'di ltar 'byung ste/ gal te thams cad du gzugs med pa'i khams yod na/ 'di ltar bdag lus zhig ste shi ba'i 'og tu gzugs med pa'i khams su skye bar 'gyur la/ gal te rnam pa thams cad du gzugs med pa'i khams med na/ 'di ltar gzugs kyi khams kyi lha yid las byung ba'i gzugs can dbang po rnams ma tshang ba med cing zhan pa ma yin pa/yan lag nying lag thams cad dang ldan pa/ kha dog bzang po dang ldan pa/ rang gi 'od can/ nam mkha' la 'gro ba/ dga' ba za zhing dga' ba'i zas dang ldan pa/ tshe ring zhing dus yun ring du gnas pa dag yongs su nyams pa na de dang der skye bar 'gyur ro zhes 'byung ngo //de gsum zag bcas zag med ces bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos nas bka' stsal pa/ dge slong dag zag pa dang bcas pa dang /zag pa med pa'i chos rnams bstan par bya ste/ de legs par nyon la yid la zung shig dang bshad par bya'o/ /zag pa dang bcas pa'i chos rnams gang zhe na/ dge slong dag mig dang gzugs dang de bzhin du mig gi rnam par shes pa nas/mig gi 'dus te reg pa dang / de bzhin du mig gi 'dus te reg pa las byung ba'i tshor ba bde ba dang sdug bsngal ba dang / bde ba yang ma yin sdug bsngal ba yang ma yin pa nas/ de bzhin du rna ba dang / sna dang / lce dang / lus dang / 'jig rten pa'i yid dang /chos dang / yid kyi rnam par shes pa nas/ yid kyi 'dus te reg pa dang / yid kyi 'dus te reg pa las byung ba'i tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa'i bar 'di ni zag pa dang bcas pa zhes bya'o//zag pa med pa'i chos rnams gang zhe na/ 'jig rten las 'das pa'i yid dang chos dang yid kyi rnam par shes pa nas/ yid kyi 'dus te reg pa las byung ba'i tshor bde ba 'am sdug bsngal ba 'am/ bde ba yang ma yin sdug bsngal ba yang ma yin pa'i bar 'di ni zag pa med pa'i chos rnams zhes bya'o//dge slong dag ngas khyed la zag pa dang bcas pa dang zag pa med pa'i chos rnams bstan pa 'di rgyas par rab tu bshad do zhes bka' stsal to/ /de nyid kyi phyir rtog pa dang bcas dpyod pa dang bcas pa'i sa na zhes bya ba gang nas 'byung zhe na/bye brag tu bshad pa las so/ /rtog pa med par brjod par bya/ /zhes bya ba gang nas 'byung zhe na/ chos mngon pa las so/ /mdo las 'byung ba rnams ni gzhi nyid dang / sra ba la sogs pa'i mtshan nyid du gzung ba'i phyir la zhes bya ba la/lung bar ma'i 'dun pa'i mjug thogs su glang po che'i rjes lta bu'i mdo de dang der ji ltar re zhig gzugs nye bar len pa'i phung po gang zhe na/ gzugs gang ci yang rung ba de thams cad ni 'byung ba chen po bzhi dag dang 'byung ba chen po bzhi rgyur byas pa'o//'byung ba chen po bzhi gang zhe na/ sa'i khams dang / chu'i khams dang / me'i khams dang / rlung gi khams so/ /sa'i khams gang zhe na/ tshe dang ldan pa dag sa'i khams ni gnyis te/ nang gi bdag nyid dang / phyi rol gyi ste/nang gi bdag nyid kyi sa'i khams dang phyi rol gyi'o/ /nang gi bdag nyid kyi sa'i khams gang zhe na/ gang lus 'di la nang gi bdag nyid kyi zhes bya ba la sogs pa nas phyi'i bar du ste/ rlung dang rlung du gyur pa zhes bya ba nas/ 'di ni phyi'i rlung gi khams so zhes bya ba'i bar du ji ltar khams drug rnam par dbye ba'i mdo'i rjes thogs kho nar blta bar bya'o//mdo las ji skad du zhes bya ba la/ skye mched so sor bstan par sngar bris pa bzhin blta bar bya'o/ /'o na gang mig gi sha'i gong bu la zhes bya ba la sogs pa ni sngar lag pa brdabs pa'i dpe'i mdor bstan pa bzhin no//dge slong dag skyes bu 'di ni khams drug pa yin no zhes bya ba la/ bcom ldan 'das yul ma ga d+ha na ljongs rgyu zhing rim gyis rgyal ba'i gan du gshegs so/ /de nas bcom ldan 'das rdza mkhan b+harga gang na ba der nye bar gshegs te/nye bar gshegs nas rdza mkhan b+harga la 'di skad ces bka' stsal to/ /b+harga gal te nga khyod la mi gnod na khyod kyi nang khyim gyi phyogs gcig tu nyin zhag gcig gnas so/ /lha nyid nga la mi gnod mod kyi/'di na dge sbyong zhig sngar 'ongs nas nyin zhag gcig gnas so/ /gal te tshe dang ldan pa la mi gnod na lha ji ltar dgyes pa bzhin dga' zhing bde bar bzhugs shig /de nas bcom ldan 'das rdza mkhan b+harga'i khyim du gshegs so//de'i tshe rdza mkhan b+harga'i khyim na tshe dang ldan pa phu skar sa ri sngar 'ongs te nyin zhag gcig gnas so/ /de nas bcom ldan 'das kyis tshe dang ldan pa phu skar sa ri la 'di skad ces bka' stsal to/ /dge slong gal te nga khyod la mi gnod na rdza mkhan b+harga'i khyim gyi phyogs gcig tu nyin zhag gcig gnas so//rdza mkhan b+harga la yang lta'o/ /tshe dang ldan pa bdag la mi gnod de 'di ltar rdza mkhan b+harga'i khang pa rgya che zhing ngas rtswa'i stan bkod nas yod pas der gzhan du na ji ltar bde bar bzhugs shig /de nas bcom ldan 'das khang pa'i phyi rol tu zhabs bkrus te khang par gshegs nas rang nyid rtswa'i stan bkod pa'i steng du skyil mo krung bcas nas lus bsrang ste dran pa nye bar gzhag bzhin du bzhugs so//tshe dang ldan pa phu skar sa ri yang khang pa'i phyi rol tu rkang pa bkrus nas khang pa'i nang du zhugs nas rtswa'i stan bkod pa'i steng du skyil mo krung bcas te lus drang por bsrang ste/dran pa nye bar gzhag bzhin du 'jug go/ /nyin zhag de la bcom ldan 'das dang tshe dang ldan pa phu skar sa ri gang phal cher 'phags pa rnams kyis mi smra ba nyid la gnas te 'dug go//de nas bcom ldan 'das mtshan mo'i thun tha ma la 'di lta bur dgongs te/ rab tu byung ba 'di 'di ltar zhi bar gnas pa ni shin tu ngo mtshar ro/ /gang 'di skad bdag gis rab tu byung ba 'di la khyod kyi ston pa gang yin/ gang las rab tu byung /gang gi chos la dga' zhes dri bar bya'o/ /de nas bcom ldan 'das kyis tshe dang ldan pa phu skar sa ri la 'di skad ces bka' stsal to/ /dge slong khyod kyi ston pa gang / gang la brten te rab tu byung / gang gi chos la dga'/ tshe dang ldan pa 'di na dge sbyong gau ta ma zhes bya ba shAkya'i sras po shAkya'i rigs las skra dang kha spu bregs shing ngur smrig bgos nas dad pas yang dag par khyim nas khyim med par rab tu byung ste/bla na med pa'i byang chub tu yang dag par rdzogs par sangs rgyas pa'i bcom ldan 'das de bdag gi ston pa yin no//bdag de las rab tu byung zhing de'i chos la dga'o/ /dge slong khyod kyis ston pa mthong zhing ngo shes sam/ tshe dang ldan pa ma yin no/ /gzhan du na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa bde bar gshegs pa/'jig rten mkhyen pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das so zhes thos so/ /de nas bcom ldan 'das 'di snyam du dgongs te/ rigs kyi bu 'di bdag gi bstan pa la rab tu byung bas bdag gis 'di la chos bshad par bya'o snyam du dgongs te/ tshe dang ldan pa phu skar sa ri la 'di skad ces bka' stsal to/ /dge slong thog mar dge ba/ bar du dge ba/ tha mar dge ba/ don bzang po/tshig 'bru bzang po/ ma 'dres pa/ yongs su rdzogs pa/ yongs su dag pa/ tshangs par spyod pa/ gsal bar byed pa/ 'di lta ste khams drug rab tu rnam par 'byed pa zhes bya ba'i chos kyi rnam grangs bstan par bya'i/ de legs par rab tu nyon la yid la zung shig dang bshad par bya'o//khams drug rab tu rnam par 'byed pa'i chos kyi rnam grangs gang zhe na/ dge slong skyes bu 'di ni khams drug pa yin te/ gang las yid zag pa med pa nye bar mi 'jug pa reg pa'i skye mched drug pa dang / yid kyi nye bar rgyu ba bco brgyad pa dang /byin gyi rlabs bzhi pa yin no/ /zag pa med par 'jug na yid nye bar zhi bas rdzogs par byang chub pa zhes brjod do/ /de la 'di ni gdams pa ste/ shes rab bag med pa las bsrung ba dang / stong pa rab tu spel ba dang / lam bsgom pa pa sten pa ste/'di ni khams drug rab tu rnam par 'byed pa'i chos kyi rnam grangs kyi mdor bstan pa'o/ /dge slong skyes bu 'di ni khams drug pa yin no zhes bstan pa de'i rgyas par bshad pa cung zad brjod par bya ste/ khams drug gang zhe na/ sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams zhes bya ba ste/ dge slong skyes bu 'di ni khams drug pa yin no zhes bstan pa de ngas rgyas par rab tu bshad do/ /skyes bu 'di ni reg pa'i skye mched drug pa yin no zhes bstan pa de'i rgyas par bshad pa cung zad cig brjod par bya ste/reg pa'i skye mched drug gang zhe na gzugs mthong ba'i phyir mig gi 'dus te reg pa nas/ rna ba dang / sgra dang / sna dang / dri dang / lce dang / ro dang / lus dang / reg bya ste/ chos shes pa'i phyir yid kyi 'dus te reg pa'i bar du ste/ dge slong skyes bu 'di ni reg pa'i skye mched drug yin no zhes bstan pa de ngas rgyas par bshad do/ /dge slong skyes bu 'di ni yid kyi nye bar rgyu ba bco brgyad pa yin no zhes bstan pa de'i rgyas par bshad pa cung zad cig brjod par bya ste/yid kyi nye bar rgyu ba bco brgyad gang zhe na/ yid bde ba'i nye bar rgyu ba drug dang / yid mi bde ba'i nye bar rgyu ba drug dang / btang snyoms kyi nye bar rgyu ba drug go/ /yid bde ba'i nye bar rgyu ba drug gang zhe na/ dge slong 'di la mig gis gzugs rnams mthong nas yid bde ba'i gnas kyi gzugs rnams la nye bar rgyu bar byed do//rna ba dang / sgra dang / sna dang / dri dang / lce dang / ro dang / lus dang / reg bya dang / yid kyi chos rnams rnam par shes nas yid bde ba'i gnas kyi chos rnams la nye bar rgyu bar byed do//yid mi bde ba'i nye bar rgyu ba drug gang zhe na/ dge slong 'di la mig gis gzugs rnams mthong nas yid mi bde ba'i gnas kyi gzugs rnams la nye bar rgyu bar byed do/ /rna ba dang / sgra dang / sna dang / dri dang / lce dang / ro dang / lus dang / reg bya dang / yid kyi chos rnams rnam par shes nas yid mi bde ba'i gnas kyi chos rnams la nye bar rgyu bar byed do/ /btang snyoms kyi nye bar rgyu ba drug gang zhe na/ dge slong 'di la mig gis gzugs rnams mthong nas btang snyoms kyi gnas kyi gzugs rnams la nye bar rgyu bar byed do//rna ba dang / sgra dang / sna dang / dri dang / lce dang / ro dang / lus dang / reg bya dang / yid kyi chos rnams rnam par shes nas btang snyoms kyi gnas kyi chos rnams la nye bar rgyu bar byed do/ /dge slong de la yid bde ba'i nye bar rgyu ba drug dang /yid mi bde ba'i nye bar rgyu ba drug dang / btang snyoms kyi nye bar rgyu ba drug po 'di dag gcig tu bsdus na yid kyi nye bar rgyu ba bco brgyad du 'gyur te/ dge slong skyes bu 'di ni yid kyi nye bar rgyu ba bco brgyad yin no zhes bstan pa de ngas rgyas par rab tu bshad do/ / dge slong skyes bu 'di ni byin gyi rlabs bzhi pa yin no zhes bstan pa de'i rgyas par bshad pa cung zad brjod par bya ste/ byin gyi rlabs bzhi gang zhe na/ shes rab kyi byin gyi rlabs dang / bden pa'i byin gyi rlabs dang / gtong ba'i byin gyi rlabs dang / nye bar zhi ba'i byin gyi rlabs so//dge slong skyes bu 'di ni byin gyi rlabs bzhi pa yin no zhes bstan pa de ngas rgyas par rab tu bshad do/ /de la 'di ni gdams pa yin te/ shes rab bag med par mi bya ba dang / bden pa rjes su bsrung bar bya ba dang / gtong ba rab tu spel bar bya ba dang / thar pa'i lam bsten par bya'o zhes bstan pa de'i rgyas par bshad pa cung zad cig brjod par bya ste/ dge slong ji ltar na shes rab bag med par mi bya zhe na/ dge slong 'di la lus 'di nyid kyi khams la so sor rtog ste/ lus 'di la sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams yod de zhes so sor rtog go/ /sa'i khams gang zhe na/ dge slong sa'i khams ni rnam pa gnyis te/ nang gi dang / phyi'i ste/ nang gi sa'i khams kyang yod/ phyi'i sa'i khams kyang yod do/ /nang gi sa'i khams gang zhe na/ nang gi bdag nyid sra ba dang / mkhrang bar gyur pa drung du gyur pa zin pa ste/ de yang gang zhe na/ 'di lta ste/ skra dang / spu dang / sen mo dang / so dang / rdul dang / dri ma dang / sha dang / rus pa dang / rgyus pa dang / rtsa dang / snying dang / glo ba dang / rgyu ma dang / gnye ma dang / pho ba dang / long ka dang / lto ba dang / lgang ba zhes bya ste/ gang yang lus 'di la gzhan yang nang gi bdag nyid sra ba dang / mkhrang bar gyur pa/ drung du gyur pa zin pa 'di ni nang gi bdag nyid kyi sa'i khams zhes bya'o//phyi rol gyi sa'i khams gang zhe na/ gang yang phyi rol gyi sra ba dang / mkhrang bar gyur pa drung du ma gyur pa ma zin pa 'di ni phyi rol gyi sa'i khams zhes bya'o/ /dge slong de la nang gi bdag nyid kyi sa'i khams dang / phyi rol gyi sa'i khams de dag gcig tu mdor bsdus pa 'di la khams/khams tsam/ khams kyi rab tu dbye ba nyid du rig nas/ de thams cad bdag gi ma yin/ bdag ma yin/ bdag 'di dag ma yin zhes yang dag pa ji lta ba bzhin gyi shes rab kyis mthong nas sa'i khams la 'dod chags dang bral ba 'di ni dge slong shes rab bag yod pa zhes bya'o//chu'i khams gang zhe na/ dge slong chu'i khams ni rnam pa gnyis te/ nang gi bdag nyid dang / phyi rol gyi'o/ /nang gi bdag nyid kyi chu'i khams kyang yod/ phyi'i chu'i khams kyang yod do/ nang gi bdag nyid kyi chu'i khams gang zhe na/gang yang lus 'di la nang gi bdag nyid kyi chu'i khams mnyen pa dang / mnyen par gyur pa drung du gyur pa zin pa ste/ de yang gang zhe na/ 'di lta ste/ mchi ma dang / rdul dang / mchil ma dang / snabs dang / zhag dang / chu ser dang / tshil dang / mkhris pa dang / bad kan dang /rnag dang / khu ba dang / glad pa dang / glad rgyas dang / gci ba zhes bya ba ste gang yang lus 'di la gzhan yang nang gi bdag nyid mnyen pa dang mnyen par gyur pa drung du gyur pa zin pa 'di ni nang gi bdag nyid kyi chu'i khams zhes bya'o/ /phyi rol gyi chu'i khams gang zhe na/ gang yang phyi rol gyi chu mnyen pa dang /mnyen par gyur pa/ drung ma yin pa ma zin pa 'di ni phyi rol gyi chu'i khams zhes bya'o/ /dge slong de la nang gi bdag nyid kyi chu'i khams dang / phyi rol gyi chu'i khams de dag gcig tu mdor bsdus pa 'di dag la khams/ khams tsam/ khams kyi rab tu dbye ba nyid du rig na pa de thams cad bdag gi ma yin/bdag ma yin/ bdag 'di dag ma yin zhes yang dag pa ji lta ba bzhin gyi shes rab kyis mthong nas chu'i khams la sems 'dod chags dang bral ba 'di ni dge slong shes rab bag yod pa zhes bya'o/ /me'i khams gang zhe na/dge slong me'i khams ni rnam pa gnyis te/ nang gi dang phyi rol gyi ste/ nang gi me'i khams kyang yod/ phyi rol gyi me'i khams kyang yod do/ /nang gi bdag nyid kyi me'i khams gang zhe na/ gang yang lus 'di la nang gi bdag nyid kyi me dang mer gyur pa dang / dro ba dang / dro bar gyur pa dang / drung du gyur pa zin pa ste/ de yang gang zhe na/ 'di lta ste/ lus 'di la gdung bar byed pa dang / yongs su gdung bar byed pa dang / zos pa dang / 'thungs pa dang / bca' ba dang / myangs pa yang dag par smin par 'gyur zhing 'ju bar byed pa zhes bya ba'i grangs su 'gro ba dang /gang yang lus 'di la gzhan yang nang gi bdag nyid kyi me dang mer gyur pa zin pa 'di ni nang gi bdag nyid kyi me'i khams zhes bya'o/ /phyi rol gyi me'i khams gang zhe na/ gang yang phyi rol gyi me dang mer gyur pa/ dro ba dang dro bar gyur pa/ drung du ma gyur pa/ ma zin pa 'di ni phyi rol gyi me'i khams zhes bya'o/ /de la dge slong nang gi bdag nyid kyi me'i khams dang phyi rol gyi bdag nyid kyi me'i khams de dag gcig tu mdor bsdus pa 'di la khams/ khams tsam/ khams kyi rab tu dbye ba nyid du rig nas de thams cad bdag gi ma yin/bdag ma yin/ bdag de dag ma yin zhes yang dag pa ji lta ba bzhin gyi shes rab kyis mthong na sa me'i khams las [(]sams [,]sems [)]'dod chags dang bral ba 'di ni dge slong shes rab bag yod pa zhes bya'o/ /rlung gi khams gang zhe na/ dge slong rlung gi khams ni rnam pa gnyis te/nang gi dang phyi rol gyi ste/ nang gi bdag nyid kyi rlung gi khams kyang yod do/ /phyi rol gyi bdag nyid kyi rlung gi khams kyang yod do/ /nang gi bdag nyid kyi rlung gi khams gang zhe na/ dge slong gang yang lus 'di la nang gi bdag nyid kyi rlung dang rlung du gyur pa zin pa ste/de yang gang zhe na/ 'di lta ste/ gyen du rgyu ba'i rlung rnams dang / thur du 'gro ba'i rlung rnams dang / zur la gnas pa'i rlung rnams dang / sgal bu la gnas pa'i rlung rnams dang / lto ba la gnas pa'i rlung rnams dang / gcod par byed pa'i rlung rnams dang / spu gri lta bu'i rlung rnams dang / gong bur gnas pa'i rlung rnams dang / 'dral bar byed pa'i rlung rnams dang / sdud pa'i rlung rnams dang / 'joms par byed pa'i rlung rnams dang / rlung 'jug par byed pa'i rlung rnams dang / 'tshem par byed pa'i rlung rnams dang /'byung ba dang rngub pa'i rlung rnams dang / yan lag gi rjes su 'gro ba'i rlung rnams zhes bya ba ste/ gang yang lus 'di la gzhan yang nang gi bdag nyid kyi rlung dang rlung du gyur pa yang zhing g.yo ba drung du gyur pa zin pa 'di ni nang gi bdag nyid kyi rlung gi khams zhes bya'o//phyi rol gyi bdag nyid kyi rlung gi khams gang zhe na/ gang yang phyi rol gyi rlung dang rlung du bgrangs pa dang / yang zhing g.yo ba drung ma yin pa ma zin pa 'di ni phyi rol gyi rlung gi khams zhes bya'o/ /dge slong de la gang nang gi bdag nyid kyi rlung gi khams dang / phyi rol gyi bdag nyid kyi rlung gi khams de dag gcig tu bsdus te 'di dag ni khams/ khams tsam/ khams kyi rab tu dbye ba yin zhes rig nas de thams cad bdag gi ma yin bdag ma yin/ bdag de dag ma yin zhes yang dag pa ji lta ba bzhin shes rab kyis mthong nas rlung gi khams la sems 'dod chags dang bral bar 'gyur ba 'di ni [(]dog [,]dge [)]slong shes rab bag yod pa zhes bya'o//nam mkha'i khams gang zhe na/ dge slong nam mkha'i khams ni rnam pa gnyis te/ nang gi bdag nyid dang / phyi rol gyi ste/ nang gi bdag nyid kyi nam mkha'i khams kyang yod/phyi rol gyi bdag nyid kyi nam mkha'i khams kyang yod do/ /nang gi bdag nyid kyi nam mkha'i gang zhe na/ gang yang lus 'di la nang gi bdag nyid nam mkha' dang nam mkhar bgrang ba pags pa dang sha dang / khrag gis ma khebs shing ma khyab pa ste de yang gang zhe na/mig gi sbubs dang / rna ba'i sbubs dang / sna'i sbubs dang / kha'i bu ga dang / kha'i sgo dang / mgrin pa dang / mgrin pa'i rtsa zhes bya ba'am/ gang gis na zos pa de gang la gnas par byed pa/ gang gis zos pa dang / 'thungs pa dang /myangs pa dag 'og tu ltung bar byed pa dang / gang yang lus 'di la gzhan yang nang gi bdag nyid nam mkhar bgrang ba sha dang pags pa dang khrag gis ma khebs shing ma khyab pa ste 'di ni nang gi bdag nyid kyi nam mkha'i khams zhes bya'o/ phyi rol gyi bdag nyid kyi nam mkha'i khams gang zhe na/gang yang phyi rol gyi nam mkha'i dang nam mkhar gyur pa/ gzugs kyis ma khebs shing ma khyab pa ste/ 'di ni phyi rol gyi nam mkha'i khams zhes bya'o/ /dge slong de la gang nang gi bdag nyid kyi nam mkha'i khams dang / phyi rol gyi bdag nyid kyi nam mkha'i khams de dag gcig tu bsdus te 'di dag ni khams/khams tsam/ khams kyi rab tu dbye ba yin no zhes rig nas de thams cad bdag gi ma yin/ bdag ma yin/ bdag de dag ma yin zhes yang dag pa ji lta ba bzhin gyi shes rab kyis mthong nas nam mkha'i khams las sems 'dod chags dang bral bar gyur pa 'di ni dge slong shes rab bag yod pa zhes bya'o//dge slong gang dag khams lnga po 'di dag las 'dod chags dang bral zhing grol bar gyur la/ rnam par shes pa khyad par can dag cing nges pa rnam par shes shing yongs su shes so//ci zhig rnam par shes she na/ bde ba rab tu shes so/ /sdug bsngal rab tu shes so/ /yid bde ba rab tu shes so/ /yid mi bde ba rab tu shes so/ /btang snyoms rab tu shes so/ /ci ltar bde ba'i tshor ba rab tu shes she na/ bde ba myong bar 'gyur ba'i reg pa las brten te 'byung ba'i tshor ba bde ba myong ba ste/bde ba'i tshor ba myong ba na bde ba'i tshor ba myong ngo zhes ji lta ba bzhin rab tu shes so/ /de nas bde ba myong bar 'gyur ba'i reg pa de nyid 'gags te/ bde ba myong bar 'gyur ba'i reg pa la brten te 'byung ba'i bde ba'i tshor ba yang 'gags la nye bar zhi ba dang /bsil bar gyur pa dang nub par gyur pa'o/ /bde ba'i tshor ba ji lta ba bzhin du sdug bsngal gyi tshor ba dang / yid bde ba'i tshor ba dang / yid mi ba'i tshor ba dang / btang snyoms myong bar 'gyur ba'i reg pa la brten te byung ba'i btang snyoms te/btang snyoms myong ba na btang snyoms myong ba'o zhes yang dag pa ji lta ba bzhin rab tu shes so/ /de nas btang snyoms myong bar 'gyur ba'i reg pa de nyid 'gags te btang snyoms myong bar 'gyur ba'i reg pa la brten te byung ba'i btang snyoms kyang 'gags la/nye bar zhi ba dang / bsil bar gyur pa dang / nub par 'gyur ro/ /de 'di snyam du sems par 'gyur te/ bde ba'i tshor ba 'di ni rgyu gang las byung / kun 'byung gang / skye ba gang / gang las rab tu byung / de yang 'di snyam du sems te/ bde ba'i tshor ba 'di'i rgyu ni reg pa'o/ /kun 'byung ni reg pa/ skye ba ni reg pa/ reg pa las rab tu byung ba ste/ reg pa kun 'byung bas de dang de'i tshor ba de dang de kun 'byung bar 'gyur ro/ /reg pa 'gags pas de dang de'i tshor ba de dang de 'gag par 'gyur/nye bar zhi ba dang / bsil bar 'gyur ba dang / nub par 'gyur te/ 'di lta ste/ shing gnyis 'dus shing phrad la tshogs pa las dro ba dang me 'byung bar 'gyur la/ ci ste shing gnyis ma 'dus pa'am/ gnyis po med na mi 'byung zhing / mi snang la bsil bar gyur cing / shing ji lta ba de bzhin du reg pa kun 'byung bas de dang de'i tshor ba de dang de kun 'byung bar 'gyur ro/ /reg pa 'gags pas de dang de'i tshor ba de dang de 'gag par 'gyur ro/ /nye bar zhi ba dang / bsil bar 'gyur ba dang / nub par 'gyur ro/ / dge slong gang gi phyir tshor ba bzhi po 'di dag las sems 'dod chags dang bral zhing grol na/ de nas btang snyoms yongs su dag cing yongs su byang ba khyad par can du 'gyur ro/ /de 'di snyam du sems par 'gyur te/ bdag gi tshor ba btang snyoms 'di ltar yongs su dag cing byang bas nam mkha' mtha' yas skye mched bsgrubs te/sems de dang 'dra bar bsgoms pa dang / de la brten te btang snyoms nye bar gnas pa dang / de dang 'brel pa dang / der zhen pa dang / de'i rgyu can nam mkha' mtha' yas skye mched nye bar gnas par bya'o/ / de yang 'di snyam du sems te/ bdag gi tshor ba dang btang snyoms 'di ltar yongs su dag cing byang bas rnam shes mtha' yas skye mched dang / ci yang med pa'i skye mched dang / 'du shes med 'du shes med min gyi skye mched la nye bar bsgrubs shing gnas te/ sems de dang 'dra bar bsgoms pa dang /de la brtan te btang snyoms nye bar gnas pa dang / de dang 'brel pa dang / der zhen pa dang / de'i rgyu can gyi yod min med min gyi skye mched la nye bar gnas par bya'o/ /'di lta ste/ gser mgar ram gser mgar gyi slob ma mkhas pa legs par yongs su sbyangs pa sa le sbram shes par byas nas rgyan gang la gang byed par 'dod pa de byed de/de gal te rna rgyan nam/ gal te mgo'i rgyan nam/ de dag gal te ska rags sam/ de gal te mgul rgyan nam/ de gal te sor mo'i rgyan nam/ gser ram dngul gyi phreng ba byed na/de de dang de la dal bus byed par 'gyur ro/ /de bzhin du de 'di snyam du sems te/ bdag gi tshor ba btang snyoms 'di ltar yongs su dag cing byang bas nam mkha' mtha' yas skye mched la gnas te/ sems de dang 'dra bar bsgoms pa dang / de la brten te btang snyoms nye bar gnas pa dang /de dang 'brel pa dang / der zhen pa dang / de'i rgyu can nam mkha' mtha' yas skye mched la nye bar gnas par bya'o/ /de yang 'di snyam du sems te/ bdag gi tshor ba btang snyoms 'di ltar yongs su dag cing byang bas rnam shes mtha' yas skye mched dang /ci yang med pa'i skye mched dang / 'du shes med 'du shes med min skye mched la nye bar gnas te/ sems de dang 'dra bar bsgoms pa dang / de la brten te btang snyoms nye bar gnas pa dang / de dang 'brel pa dang /der zhen pa dang / de'i rgyu can gyi yod min med min skye mched la nye bar gnas par bya'o/ /de 'di snyam du sems par 'gyur te/ gang tshor ba btang snyoms nam mkha' yas skye mched la brten te gnas pa de yang 'dus byas/ 'dus byas gang yin pa de ni mngon par dga' bar bya ba 'am/mngon par brjod pa 'am/ zhen pa dang / rab tu zhen cing gnas par bya ba ma yin no zhes rab tu rig nas nam mkha' mtha' yas skye mched la sems 'dod chags dang bral bar 'gyur ro/ /de 'di snyam du sems par 'gyur te/ gang tshor ba btang snyoms rnam shes mtha' yas skye mched dang /ci yang med pa'i skye mched dang / 'du shes med 'du shes med min skye mched la brten te gnas pa de yang 'dus byas te/ 'dus byas gang yin pa de ni mngon par dga' bar bya ba'am/ mngon par brjod pa'am/ zhen pa'am/ rab tu zhen cing gnas par bya ba ma yin no zhes rab tu rig nas 'du shes med 'du shes med min skye mched la sems 'dod chags dang bral bar 'gyur ro//dge slong 'di ni shes rab bag yod pa zhes bya'o/ /dge slong gang gi phyir skye mched bzhi po 'di dag las sems 'dod chags dang bral zhing grol bar gyur na/de sems kyi mngon par 'du byed pa dngos po 'am dngos po med par mi phyed de/ lus kyi mthar rig cing tshor ba na/ lus kyi mthar rig cing tshor ba'o zhes ji lta ba bzhin rab tu shes so/ /'tsho ba'i mthar rig cing tshor ba na 'tsho ba'i mthar rig cing tshor ba'o zhes ji lta ba bzhin rab tu shes so//lus zhig ste shi ba'i mthar 'di thams cad rig ste/ thams cad ma lus par 'gags pa thams cad ma lus par nub pa/ yongs su zad cing byang bar 'gro bar 'gyur ro/ /dper na til mar dang sdong bu las sgron ma 'byung bar 'gyur la/de la kha cig gis dus dus su til mar gyis ma gsos shing sdong bu la nye bar ma bsdus na sgron ma'i nye bar len pa 'gags pas myur du 'chi bar 'gyur ro/ /de bzhin du de lus kyi mthar rig cing tshor ba na/ lus kyi mthar rig cing tshor ba'o zhes yang dag pa ji lta ba bzhin du rab tu shes la/'chi ba'i mthar rig cing tshor ba na 'tsho ba'i mthar rig cing tshor ba'o zhes ji lta ba bzhin du shes te/ lus zhig ste shi ba'i mthar 'di thams cad rig ste/ thams cad ma lus par 'gags pa ma lus par nub pa/yongs su zad cing yongs su byang bar 'gro bar 'gyur ro/ /de ltar mthong zhing de ltar shes na 'dod pa'i zag pa las sems rnam par grol bar 'gyur la/ srid pa dang ma rig pa'i zag pa las sems rnam par grol bar 'gyur zhing rnam par grol ba'i ye shes mthong bar 'gyur te/bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya bar 'gyur ro/ /dge slong shes rab rnams kyi nang nas mchog ni zag pa zad pa'o/ /de'i phyir de dang ldan pa'i dge slong shes rab kyi byin gyi rlabs mchog dang ldan par 'gyur ro//de'i rnam par grol ba bden pa'i byin gyi rlabs mchog dang ldan par 'gyur ro/ /dge slong brdzun pa'i mchog ni brdzun pa slu ba'i chos so/ /dge slong bden pa rnams kyi mchog ni 'di lta ste/ ji lta ba nyid do/ /de'i phyir de dang ldan pa'i dge slong bden pa'i byin gyi rlabs mchog dang ldan par 'gyur ro//gang 'di nye bar len pa ni sngon gyi mi mkhas shing mi shes pa las nye bar len par 'gyur te/ de med na de'i dus na mi sdug pa dang yid du mi 'dod par 'gyur ro/ /dge slong stong pa rnams kyi nang nas mchog ni 'di lta ste/nye bar len pa thams cad las nges par 'byung ba/ srid pa zad pa/ 'dod chags dang bral ba/ 'gog pa mya ngan las 'das pa yin te/ de'i phyir de dang ldan pa'i dge slong gtong ba'i byin gyi rlabs mchog dang ldan par 'gyur ro//dge slong 'dod chags nye ba'i nyon mongs pa las sems rnam par ma grol ba/ zhe sdang nye ba'i nyon mongs pa dang / gti mug nye ba'i nyon mongs pa las sems rnam par ma grol ba 'di dag dge slong 'dod chags zhe sdang gti mug ma lus par spangs nas nges par 'byung ba bral ba zad pa 'dod chags dang bral ba 'gog pa rab tu zhi ba nub pa nye bar zhi ba zhes bya'o//dge slong mchog tu nye bar zhi ba ni 'di dag yin te/ 'di lta ste/ 'dod chags zhe sdang gti mug ma lus par spangs pa/ nges par 'byung ba/ bral ba zad pa/'dod chags dang bral ba 'gog pa rab tu zhi ba nub pa ste/ de'i phyir de dang ldan pa'i dge slong ni nye bar zhi ba mchog gi byin gyi rlabs dang ldan par 'gyur ro/ /dge slong bdag ces bya ba 'di ni mi brtan pa/ nga'i bdag ces bya ba 'di ni mi brtan pa/ 'byung bar 'gyur zhes bya ba 'di ni mi brtan pa/ 'byung bar mi 'gyur zhes bya ba 'di ni mi brtan pa/ gzugs 'byung bar 'gyur zhes bya ba 'di ni mi brtan pa/ gzugs med par 'byung bar 'gyur zhes bya ba 'di ni mi brtan pa/ 'du shes 'byung bar 'gyur zhes bya ba 'di ni mi brtan pa/'du shes 'byung bar mi 'gyur zhes bya ba 'di ni mi brtan pa/ 'du shes med 'du shes med min 'byung bar 'gyur zhes bya ba 'di ni mi brtan pa/ dge slong mi brtan pa ni nad/ mi brtan pa ni 'bras/ mi brtan pa ni zug rngu/ mi brtan pa ni sdug bsngal gyi rtsa ba yin no zhes rnam par shes nas dran pa dang shes bzhin dang ldan pas brtan pa'i sems kyis phal cher gnas par bya'o//ji ltar mi brtan pa de bzhin du rab tu shes pa dang / spros pa dang / 'dus byas yin no/ /dge slong bdag ces bya ba 'di ni sred par gyur pa/nga'i bdag ces bya ba 'di ni sred par gyur pa/ bdag 'byung bar 'gyur zhes bya ba 'di ni sred par gyur pa/ bdag 'byung bar mi 'gyur zhes bya ba 'di ni sred par gyur pa/ gzugs 'byung bar 'gyur zhes bya ba 'di ni sred par gyur pa/ gzugs med par 'byung bar 'gyur zhes bya ba 'di ni sred par gyur pa/'du shes 'byung bar 'gyur zhes bya ba 'di ni sred par gyur pa/ 'du shes 'byung bar mi 'gyur zhes bya ba 'di ni sred par gyur pa/ 'du shes med 'du shes med min 'byung bar 'gyur zhes bya ba 'di ni sred par gyur pa ste/ dge slong sred pa ni nad/sred pa ni 'bras/ sred pa ni [(]zung [,]zug [)]rngu/ sred pa ni sdug bsngal gyi rtsa ba yin no zhes rnam par shes nas dran pa dang shes bzhin dang ldan pas sred pa dang bral ba'i sems kyis phal cher gnas par bya'o/ /dge slong mi brtan pa dang / rab tu shes pa dang /spros pa dang / 'dus byas dang / sred par gyur pa 'di dag ma lus par spangs na nges par 'byung ba dang bral ba dang / zad pa dang / 'dod chags dang bral ba dang / 'gog pa dang / rab tu zhi ba dang / nub pa dang / nye bar zhi ba zhes bya'o/ / dge slong thub pa zhes bya ba ni gang la skye ba med pa dang / rga ba med pa dang / 'chi ba med pa dang / zhe sdang med pa dang / chags pa med pa dang / yongs su gdung ba med pa ste/ de ci'i phyir zhe na/ 'di nyid rgyu dang / rkyen med pas skye ba med pa'o/ /ma skyes pa na gang las rga bar 'gyur zhing /ma rgas na gang las 'chi bar 'gyur la/ 'chi ba med na gang las zhe sdang bar 'gyur zhing / zhe sdang med na gang las chags par 'gyur la/ rgas pa med na gang las yongs su gdung bar 'gyur zhes bdag gi skye ba zad do/ /tshangs par spyod pa bstan to//bya ba byas so/ /srid pa 'di las gzhan mi shes so zhes de nyid so sor rang gi rig pa'i shes rab kyis rab tu shes so/ /dge slong khams drug rab tu rnam par dbye ba zhes bya ba'i chos kyi rnam grangs thog mar dge ba bar du dge ba tha mar dge ba don bzang po tshig 'bru bzang po/ma 'dres pa yongs su rdzogs pa/ yongs su dag pa/ yongs su byang ba/ tshangs par spyod pa gsal bar byed pa'i chos bshad par bya'o zhes khams rab tu dbye ba'i chos kyi rnam grangs ngas ji skad du bstan pa de rgyas par rab tu bshad do/ /chos kyi rnam grangs 'di bstan pa na tshe dang ldan pa phu skar sa ri chos rnams la chos kyi mig rdul med cing dri ma dang bral ba rnam par dag pa skyes so//de nas tshe dang ldan pa phur skar sa ri chos mthong ba dang / chos thob pa dang / chos rig pa dang / chos khong du chud nas the tshom las brgal zhing /som nyi las rgal te/ gzhan gyi rkyen gyis 'gro bar bya ba ma yin pa'i bstan pa'i chos rnams la mi 'jigs pa thob nas stan las langs te bla gos phrag pa gcig tu gzar te/ bcom ldan 'das kyi zhabs la gtugs te 'di skad ces gsol to/ /bcom ldan 'das ji ltar byis pa dang /ji ltar rmongs pa dang / ji ltar mi gsal ba dang / ji ltar mi mkhas pa bdag gis ston pa la tshe dang ldan pa zhes yang dag par brjod pa ni sdig pa bgyis so/ /bde bar gshegs pa sdig pa bgyis so/ /btsun pa de la sdig par 'tshal zhing /sdig par khums la sdig pa la sdig par 'dzin pas thugs brtse bar mdzad du gsol/ dge slong khyod bden te/ ji ltar byis pa dang / ji ltar rmongs pa dang / ji ltar mi gsal ba dang / ji ltar mi mkhas pas ston pa la tshe dang ldan pa zhes brjod pa ni sdig par 'gyur ro//dge slong gang gi phyir sdig par shes shing sdig par mthong ba dang / sdig pa bshags shing phyis mi byed pa'i sdom pa blang bar bya'o/ /dge ba'i chos rnams 'phel bar 'dod par bya'o/ /de ci'i phyir zhe na/ dge slong gang 'ga' zhig sdig par shes shing sdig par mthong la sdig pa bshags shing phyis mi byed pa'i sdom pa 'dzin na dge ba'i chos rnams mi nyams shing 'phel bar 'gyur ro//de nas bcom ldan 'das kyis tshe dang ldan pa phu skar sa ri la chos kyi gtam gyis yang dag par bstan/ yang dag par brjod cing / yang dag par dga' bar mdzad nas gdan las bzhengs te gshegs so/ /tshe dang ldan pa phu skar sa ri yang bcom ldan 'das kyi phyi nas song ngo / /bcom ldan 'das kyi zhabs la spyi bos phyag byas te/ bcom ldan 'das la lan gsum bskor ba byas te/ bcom ldan 'das kyi zhabs drung nas log ste/ring po ma lon par ba be'u gzhon nu ma yod pa zhig gis 'tsho ba dang phral bar gyur to/ /de 'chi ba'i dus na dbang po rnams rab tu gsal bar gyur/ bzhin yongs su dag par gyur/ pags pa'i mdog dkar bar gyur to/ /de nas nyin zhag de nyid kyi snga dro dge slong rab tu mang po chos gos bgos khar gsil thogs te rgyal po'i khabs tu bsod snyoms la zhugs pa na/rgyal po'i khab tu bsod snyoms la rgyu ba'i dge slong mang po de dag gis 'di skad du thos te/ bcom ldan 'das rdza mkhan b+harga'i khang pa na tshe dang ldan pa phu skar sa ri khams drug rab tu rnam par dbye ba'i chos kyi rnam grangs kyis btul cing bkod la bcom ldan 'das kyi zhabs drung nas log ste ring po ma lon par ba be'u gzhon nu 'brangs pa zhig gis 'tsho ba dang phral bar gyur te/de 'chi ba'i dus na dbang po rnams yongs su gsal bar 'gyur/bzhin gyi mdog yongs su dag par 'gyur/ pags pa yongs su dkar bar gyur zhes rgyal po'i khabs kyi bsod snyoms pa rnams kyis thos te/ zas kyi bya ba byas nas/ de 'og tu lhung bzed gyu ste/ lhung bzed dang / chos gos rnams phyogs gcig tu bzhag nas rkang pa bkrus te bcom ldan 'das gang na ba der nye bar song ste/nye bar song nas bcom ldan 'das kyi zhabs la spyi bos phyag byas te/ phyogs gcig tu 'dug go/ /phyogs gcig tu 'dug nas/ bcom ldan 'das la 'di skad ces gsol to//btsun pa 'di na bdag cag snga dro chos gos bgos lhung bzed thogs te rgyal po'i khab tu bsod snyoms la zhugs pa na/ btsun pa bdag cag dge slong mang po bsod snyoms la zhugs pa de dag gis 'di skad thos te/ tshe dang ldan pa phu skar sa ri bcom ldan 'das rdza mkhan b+harga'i khang pa na tshe dang ldan pa phu skar sa ri khams drug rab tu rnam par dbye ba'i chos kyi rnam grangs kyis brtul cing bkod pa bcom ldan 'das kyi zhabs drung nas log ste/ring po ma lon par ba be'u gzhon nu 'brangs pa zhig gis 'tsho ba dang phral bar gyur te/de 'chi ba'i dus na dbang po rnams yongs su gsal bar gyur/ bzhin yongs su dag par gyur/ pags pa'i mdog yongs su dkar bar gyur/ ces thos so/ /btsun pa de'i 'gro ba ni ci zhig yin/ 'jig rten pha rol ni ci zhig yin/dge slong dag rigs kyi bu de'i skye ba ni 'gag pa ste/ chos rnams la chos rnams rjes su rab tu shes te/ 'di lta ste/ chos kyi dbang du byas nas nga la gnod par 'gyur ba ma byas te/ dge slong dag rigs kyi bu de yongs su mya ngan las 'das pa'i lus la lus kyi mchod pa gyis shig /de nas bcom ldan 'das kyis tshe dang ldan pa phu skar sa ri lung bstan nas dge slong dag bcom ldan 'das la mngon par dga' zhing bcom ldan 'das kyis gsungs pa la mngon par rjes su yi rang ngo / /'du shes dang sems pa'i chos de dag ni sems las byung ba'o zhes bya ba ni dge slong ma chos sbyin gyi mdo sngar bris pa bzhin blta bar bya'o//yang nyan thos kyi rnam par bshad pa las sdom gyi tshigs su bcad pa bcu gsum pa'i mdo las tshe dang ldan pa bde byed kyis ji skad bstan pa bzhin te/gzhan yang mdo de dang de las 'don pa lta bu'o/ /sems 'dod chags dang bcas pa la sogs pa 'byung ba'i phyir zhes bya ba ni mdo sde mang po las 'byung ste/ ci lta re zhig rnam grangs rnam par bshad pa'i sdom gyi tshigs su bcad pa gnyis pa dran pa nye bar gzhag pa dang po'i mdo las/ji ltar na dge slong sems la sems kyi rjes su lta zhing gnas she na/ dge slong 'di la sems 'dod chags dang bcas pa la sems 'dod chags dang bcas so zhes yang dag pa ji lta ba bzhin du rab tu shes so/ / sems 'dod chags dang bral ba la sems 'dod chags dang bral lo zhes yang dag pa ji lta ba bzhin rab tu shes so/ /zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / bsdus pa dang rnam par g.yengs pa dang /zhum pa dang / rab tu bsdus pa dang / mtho ba dang / dma' ba dang / nye bar zhi ba dang / nye bar ma zhi ba dang / mnyam par bzhag pa dang / mnyam par ma bzhag pa dang / bsgoms pa dang / ma bsgoms pa dang / sems rnam par grol ba dang / sems rnam par ma grol ba'o zhes yang dag pa ji lta ba bzhin rab tu shes so//sems shin tu rnam par grol ba la sems shin tu rnam par grol ba'o zhes yang dag pa ji lta ba bzhin rab tu shes so/ /nang gi sems la sems kyi rjes su lta zhing gnas so/ /phyi'i sems la sems kyi rjes su lta zhing gnas so/ /nang dang phyi'i sems la sems kyi rjes su lta zhing gnas so//kun 'byung ba'i chos can la sems kyi rjes su lta zhing gnas so/ /'jig pa'i chos can la sems kyi rjes su lta zhing gnas so/ /kun 'byung ba dang 'jig pa'i chos can gyi sems la sems kyi rjes su lta zhing gnas so/ /sems so zhes rjes su dran pa dang dran pa nye bar gzhag par gyur pa na rnam par shes pa tsam dang mthong ba tsam dang /rab tu dran pa tsam gyi bar du rten cing gnas te/ 'jig rten cung zad nye bar mi len te/ 'di ltar dge slong sems la sems kyi rjes su lta zhing gnas so/ /reg pa'i skye mched drug po 'di dag ni sngon gyi las yin par rig par bya'o zhes bya ba la/gleng gzhi ni mnyan du yod pa na'o/ /dge slong dag khyed cag gis phung po ma yin zhing gzhan gyi yang ma yin gyi reg pa'i skye mched drug ste/ dge slong reg pa'i skye mched drug po 'di dag ni sngon gyi las mngon par 'dus byas pa/mngon par dga' ba sngon gyi las nyid du rig par bya'o zhes nga smra'o/ /rig pa'i skye mched drug gang zhe na/ mig gi 'dus te reg pa'i skye mched dang / rna ba dang / sna dang / lce dang / lus dang / yid kyi 'dus te reg pa'i skye mched do/ /dge slong dag de la 'phags pa nyan thos thos pa dang ldan pa rten cing 'brel par 'byung ba shin tu legs par tshul bzhin dpyod par byed do//'di lta ste 'di yod pas 'di 'byung / 'di skyes pa'i phyir 'di skye ste 'di lta ste 'di yod pas rnam par shes pa'i tshogs drug 'byung la/ reg pa'i tshogs drug dang /tshor ba'i tshogs drug dang / sred pa'i tshogs drug go/ /'di lta ste 'di yod pas skye ba dang rga ba dang na ba dang 'chi ba dang mya ngan dang smre sngags 'don pa dang / sdug bsngal ba dang / yid mi bde ba dang 'khrug pa rnams 'byung zhing / de ltar na sdug bsngal gyi phung po 'di 'ba' zhig 'byung bar 'gyur te/ dge slong 'di ltar 'jig rten ni rgyu dang bcas shing rkyen dang bcas pa las rab tu byung ste/ de ltar na 'jig rten ni rgyu dang bcas pa las rab tu byung ngo / /dge slong dag 'jig rten ni rgyu dang bcas rkyen dang bcas pa las rab tu 'gag par 'gyur ro//ji ltar 'jig rten rgyu dang bcas rkyen dang bcas pa las rab tu 'gag par 'gyur zhe na/ 'di lta ste/ 'di yod pas 'di 'byung / 'di 'gags pas 'di 'gag ste/ 'di lta ste/ rnam par shes pa'i tshogs drug po 'di med pas reg pa'i tshogs drug dang /tshor ba'i tshogs drug dang / sred pa'i tshogs drug mi 'byung bar 'gyur zhing / 'di lta ste/ 'di med pas skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/de ltar na sdug bsngal gyi phung po chen po 'di 'ba' zhig 'gag par 'gyur ro/ /dge slong dag gang gi phyir 'phags pa nyan thos thos pa dang ldan pa 'jig rten 'byung ba dang bcas pa 'jig rten 'gog pa dang bcas pa yang dag pa ji lta ba bzhin gyi shes rab kyis rab tu mthong bar gyur cing rab tu rig pa dang /rab tu yid la byed pa dang / rab tu bsten pa dang / yang dag par rab tu rig pa zhes brjod do/ /'phags pa nyan thos dam pa'i chos 'di rtogs shing mthong ba dang / dam pa'i chos 'di nye bar rtogs pa dang / 'di ni dam pa'i chos zhes bya bar rab tu rtogs pa dang /slob pa'i ye shes dang / slob pa'i mthong bas 'jig rten 'di mi dmigs pa'i shes rab dang ldan pa dang / 'phags pa'i nges par 'byung ba dang / rab tu nges pa dang / rab tu nges par 'byung ba dang / yang dag par sdug bsngal zad pa dang /sdug bsngal mthar byed par 'gyur te/ de ci'i phyir zhe na/ dge slong dag 'di ltar 'phags pa nyan thos thos pa dang ldan pa 'jig rten kun 'byung ba dang 'jig rten 'gog pa dang bcas pa yang dag pa ji lta ba bzhin du shes rab kyis rab tu mthong ba dang / rab tu rig pa dang /rab tu yid la byed pa dang / rab tu bsten pa dang / yang dag par rab tu rig pa'i phyir ro zhes bka' stsal to/ /sems ni ngar 'dzin pa'i rten yin pas/ bdag ces nye bar 'dogs te zhes bya ba la/ bdag nyid bdag gi mgon yin te/ /gzhan ni su zhig mgon du gyur//bdag nyid legs par dul na ni/ /mkhas pas mtho ris thob par 'gyur/ /gzung bar dka' zhing myur bar 'jug /gang du 'dod pa der 'jug byed/ /sems dul ba ni legs pa ste/ /sems dul ba ni bde bar 'dren/ /zhes gsungs so/ /mig gis gzugs rnams mthong zhes bya ba ni mdo sde mang po las 'don te/ji ltar re zhig gleng gzhi ni mnyan du yod pa na'o/ /dge slong dag drug po 'di dag la rtag tu gnas par bya ste drug gang zhe na/ dge slong dag 'di la dge slong mig gis gzugs rnams mthong nas yid bde bar mi 'gyur/yid mi bde bar mi 'gyur/ dran pa dang shes bzhin dang ldan pas btang snyoms su gnas so/ /rna bas sgra dang / snas dri dang / lces ro dang / lus kyis reg bya dang / yid kyis chos rnams rnam par shes nas yid bde bar mi 'gyur/ yid mi bde bar mi 'gyur/ dran pa dang shes bzhin dang ldan pas btang snyoms su gnas te/ drug po 'di dag gis rtag tu gnas pa dang ldan pa'i dge slong ni rim gror bya ba/ bkur stir bya ba/ thal mo sbyar bar bya ba/ rab tu rjed par bya ba bla na med pa'i bsod nams kyi zhing 'jig rten gyi yon gnas zhes bya'o zhes bka' stsal to//mig gi rnam par shes pas gzugs rnams zhes bya ba la sogs pa la/ 'dod pa rnams nyes dmigs mang por 'chad pa'i mdo las 'don pa dang / skye mched drug gi tshogs kyi mdo de dang de las gsungs pa lta bu ste/bcom ldan 'das ko ru pa na ko la ma shi'i grong khyer na bzhugs te/ de nas bcom ldan 'das kyis dge slong rnams la bos te/ dge slong dag thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa/ yongs su gsal bar byed pa'i chos bshad par bya ste/ 'di lta ste/ le'u bzhi pa zhes bya ba'i chos kyi rnam grangs legs par rab tu nyon la yid la zung shig dang / bshad par bya'o/ / le'u bzhi pa zhes bya ba'i chos kyi rnam grangs gang zhe na/ dge slong dag mig gis shes par bya ba'i gzugs 'dod pa dang / sdug pa dang / dga' ba dang / yid du 'ong ba dang / 'dod par bya ba dang / rab tu dga' bar byed pa yod de/ de dag mthong nas dge slong mngon par dga' ba dang /brjod pa dang / zhen pa dang / lhag par zhen cing gnas pa dang / mig gi rnam par shes par bya ba'i gzugs mi 'dod pa dang / mi sdug pa dang / mi dga' ba dang / yid du mi 'ong ba dang / 'dod par bya ba ma yin pa dang / rab tu dga' bar bya ba ma yin pa dang /sdug bsngal ba dang / nad dang / rjes su mi mthun pa dang yid dang mi mthun pa yod de/ de dag mthong na dge slong sdang ba dang / khro ba dang / gnod sems dang / mi mos pa dang / rab tu mi dga' zhing khro ba skyed pa 'di ni dge slong bdud sdig can gyi dbang du song zhing log par song ba zhes bya'o//bdud sdig can gyis ji ltar dga' mgur byed pa zhes bya'o/ /bdud kyi 'ching ba las ma grol zhing bdud kyi dbang du gyur pa zhes brjod do/ /rna ba dang / sna dang / lce dang / lus dang / yid kyi rnam par shes par bya ba'i chos 'dod pa dang /sdug pa dang / dga' ba dang / yid du 'ong ba dang / 'dod par bya ba dang / dga' bar bya ba yod de/ de dag mthong nas dge slong mngon par dga' ba dang / brjod pa dang / zhen pa dang / lhag par zhen cing gnas pa dang / yid kyi rnam par shes par bya ba'i chos mi 'dod pa dang /mi dga' ba dang / mi sdug pa dang / yid du mi 'ong ba dang / 'dod par bya ba ma yin pa dang / rab tu dga' bar bya ba ma yin pa dang / sdug bsngal ba dang / nad dang / rjes su mi mthun pa yod de/ de dag mthong nas snga ma bzhin du khro ba nas bdud sdig can gyis ji ltar 'dod pa bzhin byed pa zhes bya ba'i bar du'o//dge slong dag mig gi rnam par shes par bya ba'i gzugs 'dod pa dang / sdug pa dang / dga' ba dang / yid du 'ong ba dang / 'dod par bya ba dang / dga' bar bya ba yod de/ de dag mthong nas dge slong mngon par mi dga' ba dang /mi brjod pa dang / ma zhen pa dang / lhag par ma zhen cing gnas pa dang / dge slong dag mig gi rnam par shes par bya ba'i gzugs mi 'dod pa dang / mi sdug pa dang / mi dga' ba dang / yid du mi 'ong ba dang / 'dod par bya ba ma yin pa dang /rab tu dga' bar bya ba ma yin pa dang / sdug bsngal ba dang / nad dang / rjes su mi mthun pa dag yod de/ de dag mthong nas mi sdang ba dang / mi khro ba dang / gnod sems med pa dang / mi mos pa dang / rab tu mngon par mi dga' ba ma yin pa dang / khong khro ba mi skyed pa 'di ni dge slong bdud sdig can gyi dbang du ma song zhing legs par ma song ba zhes bya ba'o/ /bdud sdig to can gyi 'dod dgur byed pa ma yin pa zhes bya'o/ bdud kyi 'ching ba las grol zhing bdud kyi dbang du ma gyur pa zhes bya'o/ /rna ba dang / sna dang / lce dang / lus dang /yid kyi rnam par shes par bya ba'i chos 'dod pa dang / sdug pa dang / dga' ba dang / yid du 'ong ba dang / 'dod par bya ba dang / dga' bar bya ba yod de/ de dag mthong nas dge slong mngon par mi dga' ba dang / mi brjod pa dang / ma zhen pa dang / lhag par ma zhen cing gnas pa dang /yid kyi rnam par shes pas shes par bya ba'i chos mi 'dod pa dang / mi dga' ba dang / yid du mi 'ong ba nas snga ma bzhin du bdud kyi 'ching ba las grol zhing bdud kyi dbang du ma gyur pa zhes bya ba'i bar du'o/ /'di ni le'u bzhi pa zhes bya ba'i chos kyi rnam grangs te/ dge slong dag thog mar dge ba/bar du dge ba/ tha mar dge ba/ don bzang po/ tshig 'bru bzang po/ zhes sngar ji skad du bshad pa'i chos bstan par bya ba'o zhes ngas bstan pa de rgyas par rab tu bshad do zhes bka' stsal to/ /bram ze mig ni gzugs rnams mthong bar bya ba la/sgo yin no zhes bya ba la/ skye mched drug gi tshogs las bsdus pa'i sdom gyi tshigs su bcad pa gnyis pa'i dang po'i sdom gyi tshigs su bcad pa las/ brtson dang gzhan dang yang dag ldan/ /ma rig sbrul gyi so dag dang / /thos dang kA t+yA ya na dang / /sna tshogs dga' ba'i dbang po'o//zhes bya ba las kA t+yA ya na'i mdo 'di ltar 'don te/ de nas bram ze dmar po yud tsam mi smra bar 'dug nas kA t+yA ya na chen po la 'di skad ces gsol to/ /kA t+yA ya na sgo sgo zhes brjod pa/ ci ste sgo sgo zhes brjod/ smras pa/ bram ze legs so legs so/sgo sgo zhes bya ba'i dri ba dri bar rigs so/ /ngas khyod sgo'i dri ba lung bstan par bya'o/ /bram ze mig ni gzugs rnams mthong bar bya ba la sgo yin no/ /rna ba ni sgra/ sna ni dri/ lce ni ro/ lus ni reg bya/ yid ni chos rnams rnam par shes par bya ba la sgo yin no/ /smras pa/ kA t+yA ya na khyod kyis sgo sgo zhes dri ba dris pa la sgo sgo zhes lung bstan pa ni ngo mtshar ro/ /bcom ldan 'das kyis kyang ljongs kyi mi'i tshig la mngon par zhen par mi bya zhes bya ba la/ rnam par 'byed pa dang po'i sdom gyi tshigs su bcad par khams drug dang / skye mched drug 'chi bar brjod pa la sogs pa'i mdo gsum las bshad de/ljongs kyi mi'i tshig la mngon par zhen par mi bya'o/ /'jig rten gyi ming la rgyug par mi bya'o zhes ngas bshad pa de rgyas par cung zad bshad par bya ste/ ji tsam gyis na ljongs kyi mi'i tshig la mngon par zhen par 'gyur zhing ji tsam gyis na 'jig rten gyi ming la rab tu rgyug par 'gyur zhe na/dge slong dag 'di lta ste/ dngos po gcig po 'di nyid la skye bo kha cig ka si zhes bya bar shes shing rab tu shes so/ /lhung bzed ces bya ba'am/ shi shi la zhes bya ba'am/ rtsa ba zhes bya ba'am/ tsi ta zhes bya ba'am/snod ces bya ba'am/ kham phor zhes bya bar rab tu shes so/ /ji lta ji ltar skye bos shes pa de lta de ltar bstan cing spyod pa dang / mngon par zhen pa dang tha snyad du byed de 'di nyid bden gyi/ gzhan ni rmongs pa'o zhes tha snyad du byed de/ ji ltar skye bo rnams kyi nges tshig gi don du byas pa yin no zhes tha snyad du mi byed de/de bzhin du kha cig gis bdag tu rab tu shes la/ sems can zhes bya ba'am/ gso ba zhes bya ba'am/ skyes bu zhes bya ba'am/ gang zag ces bya ba'am/ shed las skyes pa zhes bya ba'am/ shed bu zhes bya bar rab tu shes te/ de lta de ltar bstan cing dpyod pa dang / mngon par zhen pas 'di nyid bden gyi/ gzhan ni gti mug go zhes tha snyad du byed do/ /ji ltar don brjod par bya ba'i phyir byas so zhes tha snyad du mi byed de/ de ltar na ljongs kyi mi nges pa'i tshig la mngon par zhen cing 'jig rten gyi ming la rab tu rgyug par 'gyur ro//ji ltar na ljongs kyi mi'i nges pa'i tshig la mngon par mi zhen cing 'jig rten gyi ming la rab tu rgyug par mi 'gyur zhe na/ dge slong dag 'di lta ste/ dngos po gcig po de nyid la skye bo kha cig gis ka si zhes bya bar shes shing rab tu shes so/ /lhung bzed ces bya ba'am/ she shi la zhes bya ba'am/rtsa ba zhes bya ba'am/ tsi ta zhes bya ba'am/ snod ces bya ba'am/ kham phor zhes bya bar rab tu shes te/ ji lta ji ltar skye bos rab tu shes pa de lta de ltar bstan cing dpyod pa dang / mngon par zhen pas 'di nyid bden gyi gzhan ni gti mug pa'o zhes tha snyad du byed mod kyi/skye bo rnams kyi nges pa'i tshig gi don du tha snyad du byed do/ /de bzhin du kha cig bdag ces rab tu shes shing sems can zhes bya ba'am/ gso ba zhes bya ba'am/ skye ba zhes bya ba'am/ skyes bu zhes bya ba'am/ gang zag ces bya ba'am/ shed bu zhes bya ba'am/ shed las skyes pa zhes bya ba'am/skye ba zhes bya ba de lta de ltar bstan cing dpyod pa dang / mngon par zhen pas 'di nyid bden gyi/ gzhan ni gti mug pa'o zhes tha snyad du byed mod kyi/ don ston par bya ba'i phyir byas so zhes tha snyad du byed de/ 'di tsam gyis na ljongs kyi mi'i nges pa'i tshig la mngon par zhen par mi 'gyur la/'jig rten gyi ming la rab tu rgyug par mi 'gyur ro/ /ljongs kyi mi'i nges pa'i tshig la mngon par zhen par mi bya'o/ /'jig rten gyi ming la rgyug par mi bya'o zhes/ ngas bstan pa de rgyas par rab tu bshad do/ / mdo las dbang po nyi shu rtsa gnyis zhes bya ba la sogs pa la/ gleng gzhi ni mnyan du yod pa na'o/ /de nas bram ze rang bzhin nyan bcom ldan 'das gang na ba der nye bar 'ongs te/ nye bar 'ongs nas bcom ldan 'das dang / lhan cig yang dag par dga' ba dang / yang dag par mgu ba dang /rab tu dga' bar 'gyur ba'i gtam rnam pa sna tshogs byas te/ phyogs gcig tu 'dug go/ /phyogs gcig tu 'dug nas bram ze rang bzhin nyan gyis bcom ldan 'das la 'di skad ces gsol to/ /gau ta ma dri ba lung ston pa la skabs 'byed na/ bdag phyogs 'ga' zhig yongs su 'dri'o//bram ze ji ltar 'dod pa dris shig/ /gau ta ma dbang po dbang po zhes brjod pa dbang po rnams ni du zhig /dbang po rnams dbang po du zhig gis bsdus par gyur/ bram ze dbang po nyi shu rtsa gnyis so/ /nyi shu rtsa gnyis gang zhe na/ 'di lta ste/ mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po dang / mo'i dbang po dang / pho'i dbang po dang / srog gi dbang po dang / bde ba'i dbang po dang / sdug bsngal gyi dbang po dang / yid bde ba'i dbang po dang /yid mi bde ba'i dbang po dang / btang snyoms kyi dbang po dang / dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po zhes bya'o/ /bram ze nyi shu rtsa gnyis po 'di dag ni dbang po rnams zhes brjod do/ /'di tsam gyis na dbang po rnams bsdus par 'gyur ro/ /de nas bram ze rang bzhin nyan bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs drung nas song ngo //chos mngon pa'i mdzod kyi mdo dang sbyar ba'i TIka nye bar mkho ba zhes bya ba las/ gnas dang po phal cher mdo dang sbyar ba'o// //mthong ba dang thos nas ya nga ba spang ba'i phyir zhes bya ba la sogs pa la/mig dang ldan pa dka' ba'i gnas/ /rnam par gnon par byed pa ltar/ /mkhas pas 'tsho ba'i 'jig rten 'dir/ /sdig pa dag ni yongs su spangs/ /thos nas chos kun rnam par shes/ /thos nas sdig las 'da' bar byed/ / thos nas mya ngan 'das pa thob/ /ces 'byung ngo / /ji skad du/ de'i tshe dri za de u0f85sems gnyis po rjes su chags pa dang zhes bya ba la sogs pa la/ phra rgyas btags pa'i dbugs 'byung ba drug pa las mi 'gags shing 'das la/ mngal gyi rkyen ni phyin ci log pa zhes bya ba la sogs pa 'byung ngo //mngal du 'jug pa'i mdo las kyang don 'di nyid yi ge gzhan du 'byung ste/ de la 'di ltar 'don te/ de la 'di dga' bo ji ltar na sems can ma'i mngal du 'jug par 'gyur zhe na/ dga' bo 'di la pha ma chags par 'gyur zhing 'dus pa dang / ma rung zhing zla mtshan dang ldan pa dang /dri za nye bar gnas na 'jug par 'gyur ro/ /dri za zhes bya ba ni srid pa bar ma do'i sems can gyi tshig bla dgas so/ /de yang rnam pa gnyis su 'gyur te/ kha dog bzang ba dang kha dog ngan pa'o/ /de la dmyal ba'i srid pa bar ma do ni kha dog ngan pa ste/ 'di lta ste ka ba tshig pa lta ba'o//dud 'gro'i srid pa bar ma do ni du ba'i kha dog lta bu'o/ /yi dags kyi ni chu lta bu'o/ /'dod pa na spyod pa'i mi dang lha rnams kyi ni gser gyi kha dog go/ /gzugs na spyod pa rnams kyi ni dkar po'o/ /gzugs med pa na spyod pa la ni srid pa bar ma med de/gzugs med pa'i phyir ro/ /srid pa bar ma kha cig ni lag pa gnyis pa'o/ /kha cig ni rkang pa gnyis pa'o/ /kha cig ni rkang pa mang po can no/ /kha cig ni rkang pa gcig pa'o/ /'gro ba gang du sngon gyi las kyis skye bar 'gyur ba srid pa bar ma do'i sems can yang de dang 'dra bar 'gyur ro//srid pa bar ma do'i sems can thams cad kyang nam mkha' la 'gro ba thogs pa med pa rdzu 'phrul dang ldan pa lta bu'o/ /lha'i mig dang ldan par 'gyur ro/ /ma zla mtshan dang ldan zhes bya ba ni dus dang dus su zla mtshan dang ldan pa'o//de la bud med kha cig ni zhag gsum dang lnga dang bdun gyi bar du zla mtshan dang ldan par 'gyur ro/ /kha cig ni rgyu dang rkyen gyi dbang gis yun ring por zla mtshan dang ldan par 'gyur zhing / zla mtshan dang zla mtshan 'brel bar 'gyur ro/ /de la bud med gang sdug bsngal zhing 'gro ba ngan par gyur pa dang /nye bar gdung ba dang / 'khrug pa mang ba dang / bza' ba dang / btung ba gya nom pa ma yin na dus thung ngur zla mtshan dang ldan par 'gyur te/ myur du yongs su zad cing gtugs par 'gyur ro/ /dga' bo 'di lta ste dper na sa rtsub mo'i phyogs su chu btab na myur du yongs su zad cing gtugs par 'gyur ba de bzhin du bud med gang sdug bsngal zhing 'gro ba ngan par gyur pa dang /nye bar gdung ba dang / 'khrug pa mang ba dang / bza' ba dang btung ba gya nom pa ma yin na/ dus thung ngur zla mtshan dang ldan par 'gyur te myur du zad cing yongs su gtugs par 'gyur ro//bud med gang bde zhing 'gro ba bzang por gyur pa dang / nye bar gdung ba dang / 'khrug pa nyung ba dang / bza' ba dang btung ba gya nom pa ni yun ring por zla mtshan dang ldan par 'gyur te/ myur du yongs su zad cing yongs su gtugs par mi 'gyur te/dga' bo 'di lta ste dper na sa 'jam po'i phyogs su chu btab na myur du yongs su zad cing gtugs par mi 'gyur ba de bzhin du bud med gang bde zhing 'gro ba bzang bar gyur pa dang / nye bar gdung ba dang 'khrug pa nyung ba dang / bza' ba dang btung ba gya nom pa ni yun ring por zla mtshan dang ldan par 'gyur te/ myur du yongs su zad cing yongs su gtugs par mi 'gyur te/ zla mtshan la zla mtshan 'brel par 'gyur ro/ /dga' bo de la gal te pha las khu ba byung zhing ma las ma byung na re zhig de'i dus na mngal du 'jug par mi 'gyur ro//gal te ma las byung zhing pha las ma byung na re zhig de'i dus na mngal du 'jug par mi 'gyur ro/ /ma dag par gyur cing pha ma dag par gyur pa dang / pha dag cing ma ma dag par gyur pa re zhig de'i dus na mngal du 'jug par mi 'gyur ro/ /de'i dus na ma rlung gis bzung bar gyur pa'am/pha bzung ba'am/ bad kan gyis bzung ba'am/ khrag gis bzung ba'am/ shas gang ba'am/ rmen can lta bu'am/ nas kyi bar lta bu'am/ grog mo'i rked pa lta bu'am/ rnga mo'i gdong pa lta bu'am/ khyi'i gdong pa lta bu'am/ shing rta'i gdong pa lta bu'am/ ka ba lta bu'am/ 'dab ma lta bu'am/ nang du rtse mo lta bu skyes pa'am/ 'og tu zab pa'am/ steng du zab pa'am/ mngal snod du ma gyur pa'am/ khrag 'dzag pa'am/ chung ba'am/ khra'i mchu lta bu'am/ g.yas phyogs yangs pa'am/ g.yon phyogs yangs pa'am/ steng du yangs pa'am/ 'og tu yangs pa'am/ mtho ba'am/ dma' ba'am/ sgur pa'am/ yo ba'am/ skyon dang bcas pa'am/ nyes pa dang bcas pa dang / bi sa ra ka zhes bya ba'i srog chags kyis zos par gyur pa [(]sta[,]ste[)]/ re zhig de'i dus na mngal du 'jug par mi 'gyur ro//pha dang ma dbang thang chen po dang ldan par gyur la dri za dbang thang chung ngu dang ldan par gyur pa dang / dri za dbang thang chen po dang ldan la pha ma dbang thang chung ngu dang ldan par gyur na/ re zhig de'i dus na mngal du 'jug par mi 'gyur ro//thams cad nus pa chen po dang ldan na 'gyur ro/ /pha dang ma dag gis bu rnyed par 'gyur ba'i las ma byas shing ma bsags pa dang / dri zas kyang pha dang ma rnyed pa'i las ma byas shing ma bsags pa dang / dri za la bud med dam skyes pa'i sems gnyis po las gang yang rung ba nye bar mi gnas na re zhig de srid du mngal du 'jug par mi 'gyur ro//dga' bo ji ltar na ma'i mngal du 'jug par 'gyur zhe na/ dga' bo 'di la pha dang ma gnyis chags par gyur cing 'dus pa dang / ma rung zhing zla mtshan dang ldan pa dang / dri za nye bar gnas na 'jug par 'gyur te/pha dang ma'i khu ba byung zhing pha dang ma chags par gyur pa dang / de'i dus na pha dang ma rlung gis bzung bar ma gyur pa dang / bad kan gyis ma bzung ba dang / khrag gis ma bzung ba dang / shas gang ba ma yin pa dang / rmen can lta bu ma yin pa dang /nas kyi bar lta bu ma yin pa dang / grog mo'i rked pa lta bu ma yin pa dang / rnga mo'i gdong pa dang / khyi'i gdong pa dang / shing rta'i gdong pa dang / ka ba lta bu dang / 'dab ma lta bu dang / nang du rtse mo lta bu skyes pa ma yin pa dang / steng du zab pa dang /'og tu zab pa ma yin pa dang / snod du gyur pa dang / khrag 'dzag pa dang / chung ba ma yin pa dang / khra'i mchu lta bu ma yin pa dang / g.yas phyogs yangs pa dang / g.yon phyogs yangs pa dang / steng du yangs pa dang / 'og tu yangs pa ma yin pa dang / mtho ba dang dma' ba ma yin pa dang / sgur po ma yin pa dang / skyon med pa dang / nyes pa med pa dang / pha dang ma dbang thang chen po dang ldan zhing dri za yang dbang thang chen po dang ldan par gyur pa dang / pha dang ma dbang thang chung ngu dang ldan par gyur na dri za yang dbang thang chung ngu dang ldan par gyur pa dang /pha dang ma dag gis bu rnyed cing thob par 'gyur ba'i las byas shing bsags pa dang / dri zas kyang pha dang ma rnyed cing thob par 'gyur ba'i las byas shing bsags pa dang / dri za la bud med dam skyes pa'i sems gnyis po las gang yang rung ba nye bar gnas na/dga' bo 'di ltar ma'i mngal du 'jug par 'gyur ro zhes 'byung ste/ mdzod kyi gnas gsum par srid pa bar ma'i rnam bshad kyi skabs su yang dri za zhes bya ba 'di nyid drang bar bya'o/ /ji skad du 'jig rten 'di ni sems kyis khrid ces bya ba la/ rnam par 'byed pa bsdus pa'i sdom gyi tshigs su bcad pa gnyis pa'i dang po'i mdo las/btsun pa 'jig rten ni gang gis khrid/ gang gis drangs/ gang gis skye zhing skye ba la dbang bsgyur/ de skad ces gsol pa dang / bcom ldan 'das kyis dge slong de la 'di skad ces bka' stsal to//dge slong legs so legs so/ /blo bzang po dang / shes rab bzang po dang / shes rab dang dpyod pas 'jig rten 'di gang gis khrid/ gang gis drangs/ gang gis skye zhing skye ba la dbang sgyur zhes dge slong khyod kyis bdag la 'di ltar 'dri ba legs so/ /de legs par nyon la yid la zung shig dang bshad par bya'o//dge slong 'jig rten 'di ni sems kyis khrid/ sems kyis yongs su drangs te/ sems kyis de skye zhing skye ba la dbang bsgyur ro/ /gang gis 'jig rten 'di yongs su khrid cing yongs su 'dren pa dang / gang gi skye ba la dbang sgyur ba des 'phags pa nyan thos dgra bcom pa mi 'gro zhing mi 'dren la de skye zhing skye ba la dbang mi sgyur te/de ci'i phyir zhe na/ 'phags pa nyan thos sems la dbang sgyur bar byed kyi/ de la ni sems kyis dbang sgyur bar byed pa ma yin no zhes bya'o/ /bde bar gyur pa'i sems mnyam par 'jog par 'gyur ro zhes bya ba la/skye mched drug gi mdor sngar bris pa bzhin no/ /ched du brjod pa bsdus pa'i sdom gyi tshigs su bcad pa gnyis pa'i mdo las der bstan pa bzhin du yang drang bar bya ste/ bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs te/de nas tshe dang ldan pa kun dga' bo bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go/ /phyogs gcig tu 'dug nas bcom ldan 'das la 'di skad ces gsol to//btsun pa tshul khrims gang gi don du kun dga' bo yongs su gdung ba med pa'i don du'o/ /btsun pa yongs su gdung ba med pa gang gi don du/ kun dga' bo ji srid du dga' ba skyed pa'i don du'o/ /btsun pa dga' ba skyed pa gang gi don du/ ji srid du rab tu dga' ba skye ba'i don du'o/ /btsun pa rab tu dga' ba gang gi don du/ ji srid du shin tu sbyangs pa gang gi don du'o/ /btsun pa shin tu sbyangs pa gang gi don du/ kun dga' bo ji srid sems bde ba'i don du'o/ /btsun pa bde ba gang gi don du/ kun dga' bo sems mnyam par gzhag pa'i don du'o//btsun pa ting nge 'dzin gang gi don du/ ji srid du ji lta ba bzhin shes pa dang mthong ba'i don du'o/ /btsun pa ji lta ba bzhin shes pa dang mthong ba gang gi don du/ ji srid du skyo ba'i don du'o/ /btsun pa skyo ba gang gi don du/ kun dga' bo ji srid du 'dod chags dang bral ba'i don du'o/ /btsun pa 'dod chags dang bral ba gang gi don du/ kun dga' bo ji srid du rnam par grol ba'i don du'o/ /btsun pa rnam par grol ba gang gi don du/ kun dga' bo ji srid du yongs su mya ngan las 'das pa'i don du'o/ / kun dga' bo tshul khrims dang ldan na gdung ba med par 'gyur ro/ /gdung ba med na dga' ba skye bar 'gyur ro/ /dga' ba skyes na rab tu dga' ba skye bar 'gyur ro/ /lus shin tu sbyangs na bde ba skye bar 'gyur ro/ /bde ba myong na sems mnyam par 'jog par 'gyur ro/ / kun dga' bo sems mnyam par bzhag na yang dag pa ji lta ba bzhin shes pa dang / yang dag pa ji lta ba bzhin mthong bar 'gyur ro/ /yang dag pa ji lta ba bzhin shes shing yang dag pa ji lta ba bzhin mthong na yid 'byung bar 'gyur ro/ /yid byung na rnam par grol bar 'gyur ro/ / rnam par grol na yongs su mya ngan las 'das par 'gyur te/ kun dga' bo 'di ni chos nyid la chos kyi rgyu mthun pa'o/ /chos nyid la chos kyi rgyu mthun par gyur pa'o/ /tshul khrims 'di la rten cing bsgoms te lan mang du byas na rab kyi mchog tu nye bar 'gro bar 'gyur te/ pha rol tu ma phyin pa pha rol tu 'gro bar 'gyur ba'i bar du'o zhes bka' stsal to//sdug bsngal gyi rgyu can gyi dad pa zhes bya ba la sogs pa la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te bka' stsal pa/ dge slong dag mya ngan las 'das pa yang rgyu dang bcas par nga smra'o//dge slong dag mya ngan las 'das pa'i rgyu gang zhe na/ rnam par grol ba zhes brjod do/ /dge slong dag rnam par grol ba yang rgyu dang bcas par nga smra'o/ /dge slong dag rnam par grol ba'i rgyu gang zhe na/ 'dod chags dang bral ba zhes brjod do/ /dge slong dag 'dod chags dang bral ba yang rgyu dang bcas par nga smra'o//dge slong dag 'dod chags dang bral ba'i rgyu gang zhe na/ yid 'byung ba zhes brjod do/ /dge slong dag yid 'byung ba yang rgyu dang bcas par nga smra'o/ /dge slong dag yid 'byung ba'i rgyu gang zhe na/ ji lta ba bzhin du shes pa dang mthong ba zhes brjod do//dge slong dag yang dag pa ji lta ba bzhin shes pa dang mthong ba yang rgyu dang bcas par nga smra'o/ /dge slong dag yang dag pa ji lta ba bzhin shes pa dang mthong ba'i rgyu gang zhe na/ ting nge 'dzin zhes brjod do/ /dge slong dag ting nge 'dzin de yang rgyu dang bcas par nga smra'o//dge slong dag ting nge 'dzin gyi rgyu gang zhe na/ bde ba'o zhes brjod do/ /dge slong dag bde ba yang rgyu dang bcas par nga smra'o/ /dge slong dag bde ba'i rgyu gang zhe na/ shing tu sbyangs pa zhes brjod do/ /dge slong dag shin tu sbyangs pa yang rgyu dang bcas par nga smra'o/ / dge slong shin tu sbyangs pa'i rgyu gang zhe na/ dga' ba'o zhes brjod do/ /dge slong dag dga' ba yang rgyu dang bcas par nga smra'i/ rgyu med par ni ma yin te/ dge slong dag dga' ba'i rgyu gang zhe na/ rab tu dga' ba zhes brjod do/ /dge slong dag rang tu dga' ba yang rgyu dang bcas par nga smra'i/rgyu med par ni ma yin te/ dge slong dag rab tu dga' ba'i rgyu gang zhe na/ yongs su gdung ba med pa zhes brjod do/ /dge slong dag yongs su gdung ba med pa yang rgyu dang bcas par nga smra'i/ rgyu med par ni ma yin te/ dge slong dag yongs su gdung ba med pa'i rgyu gang zhe na/tshul khrims sdom pa zhes brjod do/ /dge slong dag tshul khrims sdom pa yang rgyu dang bcas par nga smra'i/ rgyu med par ni ma yin te/ dge slong dag tshul khrims sdom pa'i rgyu gang zhe na/ dbang po sdom pa zhes brjod do/ /dge slong dag dbang po'i sdom pa yang rgyu dang bcas par nga smra'i/rgyu med par ni ma yin te/ dge slong dag dbang po sdom pa'i rgyu gang zhe na/ dran pa dang shes bzhin zhes brjod do/ /dge slong dag dran pa dang shes bzhin yang rgyu dang bcas par nga smra'i rgyu med par ni ma yin te/ dge slong dag dran pa dang shes bzhin gyi rgyu gang zhe na/tshul khrims yid la byed pa zhes brjod do/ /dge slong dag tshul khrims yid la byed pa yang rgyu dang bcas par nga smra'i/ rgyu med par ni ma yin te/ dge slong dag tshul khrims yid la byed pa'i rgyu gang zhe na/ dad pa zhes brjod do/ /dge slong dag dad pa yang rgyu dang bcas par nga smra'i/rgyu med par ni ma yin te/ dge slong dag dad pa'i rgyu gang zhe na/ sdug bsngal ba zhes brjod do/ /dge slong dag sdug bsngal ba yang rgyu dang bcas par nga smra'i/ rgyu med par ni ma yin te/ dge slong dag sdug bsngal ba'i rgyu gang zhe na/rga shi zhes brjod do/ /dge slong dag rga shi yang rgyu dang bcas par nga smra'i/ rgyu med par ni ma yin te/ dge slong dag rga shi'i rgyu gang zhe na/ skye ba zhes brjod do/ /dge slong dag skye ba yang rgyu dang bcas par nga smra'i/ rgyu med par ni ma yin te/ dge slong dag skye ba'i rgyu gang zhe na/srid pa zhes brjod do/ /dge slong dag srid pa yang rgyu dang bcas par nga smra'i/ rgyu med par ni ma yin te/ dge slong dag srid pa'i rgyu gang zhe na/ nye bar len pa zhes brjod do/ /dge slong dag nye bar len pa yang rgyu dang bcas par nga smra'i/ rgyu med par ni ma yin te/ dge slong dag nye bar len pa'i rgyu gang zhe na/ sred pa zhes brjod do/ /dge slong dag sred pa yang rgyu dang bcas par nga smra'i rgyu med par ni ma yin te/ dge slong dag sred pa'i rgyu gang zhe na/ tshor ba zhes brjod do/ /dge slong dag tshor ba yang rgyu dang bcas par nga smra'i/ rgyu med par ni ma yin te/dge slong dag tshor ba'i rgyu gang zhe na/ reg pa zhes brjod do/ /dge slong dag reg pa yang rgyu dang bcas par nga smra'i/ rgyu med par ni ma yin te/ dge slong dag reg pa'i rgyu gang zhe na/ skye mched drug ces brjod do/ /dge slong dag skye mched drug kyang rgyu dang bcas par nga smra'i/rgyu med par ni ma yin te/ dge slong dag skye mched drug gi rgyu gang zhe na/ ming dang gzugs zhes brjod do/ /dge slong dag ming dang gzugs kyang rgyu dang bcas par nga smra'i/ rgyu med par ni ma yin te/ dge slong dag ming dang gzugs kyi rgyu gang zhe na/ rnam par shes pa zhes brjod do//dge slong dag rnam par shes pa yang rgyu dang bcas par nga smra'i/ rgyu med par ni ma yin te/ dge slong dag rnam par shes pa'i rgyu gang zhe na/ 'du byed ces brjod do/ /dge slong dag 'du byed kyang rgyu dang bcas par nga smra'i/ rgyu med par ni ma yin te/ dge slong dag 'du byed kyi rgyu gang zhe na/ma rig pa zhes brjod do/ /dge slong dag ma rig pa'i rgyus 'du byed/ 'du byed kyi rgyus rnam par shes pa/ rnam par shes pa'i rgyus ming dang gzugs/ ming dang gzugs kyi rgyus skye mched drug /skye mched drug gi rgyus reg pa/ reg pa'i rgyus tshor ba/ tshor ba'i rgyus srid pa/srid pa'i rgyus len pa/ len pa'i rgyus srid pa/ srid pa'i rgyus skye ba/ skye ba'i rgyus rga shi/ rga shi'i rgyus sdug bsngal ba/ sdug bsngal ba'i rgyus dad pa dang / tshul khrims yid la byed pa dang / dran pa dang / shes bzhin dang / dbang po sdom pa dang / tshul khrims sdom pa dang /gdung ba med pa dang / dga' ba dang / rab tu dga' ba dang / shin tu sbyangs pa dang / bde ba dang / ting nge 'dzin dang / skye ba dang / 'dod chags dang bral ba dang 'gog pa'i rgyus mya ngan las 'das pa'o zhes bka' stsal to/ /mdo las/ bde ba'i tshor ba la ni 'dod chags rgyas par 'gyur/sdug bsngal gyi tshor ba la ni zhe sdang rgyas par 'gyur zhes bya ba la sogs pa la/ ji skad du lung bar ma las sdom gyi tshigs su bcas pa gsum pa'i mthar dge slong ma chos sbyin gyi mdo de dang de dag mdzod kyi gnas dang por/ so sor brtags pa'i 'gog pa gang //bral ba'i so so so so yin/ /zhes bshad pa bzhin blta bar bya'o/ /lus tshor sim pa ma yin gang / /sdug bsngal dbang po zhes bya ba la sogs pa la/ gleng gzhi ni mnyan du yod pa na'o/ /dge slong dag lnga po 'di dag ni dbang po lnga'o/ /lnga gang zhe na/ bde ba'i po dang /sdug bsngal gyi dbang po dang / /yid bde ba'i dbang po dang / yid mi bde ba'i dbang po dang / btang snyoms kyi dbang po'o/ /bde ba'i dbang po gang zhe na/ gang bde ba myong ba'i reg pa las skyes pa las dang sems kyis sim pa dang bde ba rig cing myong ba 'di ni bde ba'i dbang po zhes bya'o//sdug bsngal gyi dbang po gang zhe na/ sdug bsngal myong bar 'gyur ba'i reg pa reg pa las skyes pa/ lus dang sems kyi sim pa ma yin zhing sdug bsngal ba 'di ni sdug bsngal gyi dbang po zhes brjod do/ /yid bde ba'i dbang po gang zhe na/gang yid bde ba myong bar 'gyur ba'i reg pa reg pa las skyes pa/ sems kyi sim pa dang bde bar rig cing myong ba 'di nyid yid bde ba'i dbang po zhes bya'o/ /yid mi bde ba'i dbang po gang zhe na/ yid mi bde ba myong bar 'gyur ba'i reg pa reg pa las skyes pa sems kyi sim pa ma yin pa dang /sdug bsngal ba 'di ni yid mi bde ba'i dbang po zhes bya'o/ /btang snyoms kyi dbang po gang zhe na/ btang snyoms myong bar 'gyur ba'i reg pa reg pa las skyes pa lus dang / sems kyi sim pa yang ma yin sim pa ma yin pa yang ma yin bde ba yang ma yin sdug bsngal ba yang ma yin pa rig cing myong ba 'di ni btang snyoms kyi dbang po zhes bya'o zhes bka' stsal to//gsum ni dri ma med ces bya ba la/ gleng gzhi ni mnyan du yod pa na'o/ /dbang po ni rnam pa gsum ste/ mi shes pa kun shes par byed pa'i dbang po dang / kun shes pa'i dbang po dang /kun shes pa dang ldan pa'i dbang po'o/ /slob pa slob par byed bzhin pa/ /drang po'i lam gyi rjes su 'jug/ /'phags pa'i lam gyi rjes mthun pa/ /rang gi sems ni rjes su srung / /'di zad dang po'i shes pa ste/ /de nas kun shes bla ma ste/ / de nas skyabs la kun shes las/ /grol ba'i shes pa 'byung bar 'gyur/ /kun sbyor thams cad zad pa yi/ /mi g.yo rnam par grol ba ni/ /de yi dbang po phun tshogs shing / /dbang po nye bar zhi bar 'gyur/ /bdud kyi sde las rnam rgyal zhing / /lus kyi tha ma 'dzin pa yin//zhes bka' stsal to/ /'di ltar 'phags pa'i gang zag rnam par bzhag pa mdzad nas zhes bya ba la sogs pa la/ gleng gzhi ni mnyan du yod pa na'o/ /dge slong dag dbang po lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang /ting nge 'dzin gyi dbang po dang / shes rab kyi dbang po'o/ /dge slong dag dbang po lnga po 'di dag rno zhing yongs su rdzogs pa na shes rab kyis rnam par grol ba'i dgra bcom par 'gyur ro/ /de bas zhan zhing rtul ba ni phyir mi 'ong ba zhes bya bar 'gyur ro/ /de bas rtul zhing zhan pa ni dad pa'i rjes su 'brang ba zhes bya ste/dge slong dag gang gi phyir yongs su rdzogs pa dang yongs su rdzogs par byed pa dang / phyogs gcig dang phyogs gcig byed pa ni dbang po lnga po 'bras bu dang bcas pa zhes bya'o/ /gang la dbang po lnga po 'di dag rnam pa thams cad du thams cad med pa de ni phyi rol so so'i skye bo'i phyogs la gnas par nga smra'o zhes gsungs so//gleng gzhi ni mnyan du yod pa na'o/ /dge slong dag dbang po lnga ni dad pa'i dbang po nas shes rab kyi dbang po'i bar du ste/ dbang po 'di dag che ba dang / rno ba dang / yongs su rdzogs pa ni gnyis ka'i cha las rnam par grol ba'i dgra bcom pa zhes bya'o//de bas chung zhing zhan pa ni shes rab kyi rnam par grol ba'i dgra bcom pa zhes bya'o/ /de bas chung zhing zhan pa ni lus kyi mngon sum du byed pa zhes bya'o/ /de bas chung zhing zhan pa ni bar ma dor yongs su mya ngan las 'da' ba'i chos can zhes bya'o/ /de bas chung zhing zhan pa ni tshe gcig bar chad gcig pa zhes bya ba'o//de bas chung zhing zhan pa ni phyir mi 'ong ba zhes bya'o/ /de bas chung zhing zhan pa ni rigs nas rigs su skye ba zhes bya ba'o/ /de bas chung zhing zhan pa ni mchog tu thogs na srid pa lan bdun pa zhes bya'o/ /de bas chung zhing zhan pa ni chos kyi rjes su 'brang ba zhes bya'o//de bas chung zhing zhan pa ni dad pa'i rjes su 'brang ba zhes bya'o/ /dge slong dag dbang po'i pha rol tu phyin pa la brten nas 'bras bu'i pha rol tu phyin pa rab tu shes par 'gyur ro/ /'bras bu'i pha rol tu phyin pa la brten nas dbang po lnga po 'bras bu dang bcas par 'gyur ro/ /dge slong dag gang la dbang po lnga po 'di dag rnam pa thams cad du gtan med pa de ni phyi rol pa so so skye bo'i phyogs la gnas pa'o zhes nga smra'o zhes gsungs so//mdo las kyang sems can 'jig rten du skyes shing zhes bya ba la sogs pa la de nas bcom ldan 'das 'di snyam du ngas rtogs pa'i chos zab pa/zab par snang ba/ lta bar dka' ba/ rtogs par dka' ba/ mkhas shing mdzangs pas rig par bya ba/ ngas gzhan dag la bstan kyang gzhan dag gis rnam par mi shes shing nga la yang gnod pa ngal ba dang tshegs nyid du 'gyur bas bdag gcig pu dben pa'i phyogs su mthong ba'i chos la bde bar gnas par rigs so zhes dgongs so//de nas bcom ldan 'das thugs las chung ngus chos mi ston par bzhugs pa dang / tshangs pa stong gi bdag po 'di snyam du sems te/ kye ma 'jig rten 'di ni nyams so/ /'jig rten 'di rab tu nyams so/ / gang las da ltar de bzhin gshegs pa dgra bcom pa yang dag par rdzogs pa'i sangs rgyas rnams ni 'jig rten du ras 'ga' zhig 'byung ste/ 'di lta ste/ u dum wA ra'i me tog bzhin no/ /bcom ldan 'das thog mar chos mi gsung ba thugs las chung ngur bzhugs pas bdag song ste gsol ba gdab par bya'o//de nas tshangs pa stong gi bdag po 'di lta ste/ skyes bu stobs dang ldan pa'i lag pa brkyang ba dang bskum pa tsam gyis tshangs pa stong gi bdag po tshangs pa'i 'jig rten nas mi snang bar gyur te/ bcom ldan 'das kyi mdun du 'dug ste/ de nas tshangs pa stong gi bdag po de'i tshe tshigs su bcad pa 'di skad ces gsol to//ma ga d+ha yi yul 'dir sngon chad chos/ /ma dag dri ma'i rjes su 'brel byung phyir/ /bdud rtsi'i sgo mo dbyer bar mdzod cig chos/ /rdul bral dri ma med pa bshad du gsol/ /bcom ldan 'das kyis bka' stsal pa/ /tshangs pa nga yi tha ba kun//bcom nas tshegs chen gyis rtogs te/ /chos 'di srid pa'i 'dod chags kyis/ /dkris pas bde blag rtogs ma yin/ /rgyun phyogs las ni bzlog pa'i lam/ /zab la shin tu blta dka' ba/ /'dod chags kyis chags mun pa yi/ /phung pos bsgribs pas mi mthong ngo //btsun pa sems can 'jig rten du skyes shing 'jig rten du rgas pa 'di rnams la dbang po rnon po yang mchis/ dbang po 'bring po yang mchis/ dbang po rtul po yang mchis te/ rang gi rgyud gdul sla ba dang / gdul nyung ba dang / gdul nyung ba'i rigs can yang mchis pa dag dam pa'i chos ma thos na yongs su nyams par 'gyur te/'di lta ste/ ut+pa la'am/ ku mu da'am/ puN+Da rI ka dag chu las skyes pa dang / chu las 'phel ba dang / chu las mngon par 'phags te gnas pa dang / kha cig chu dang mnyam por gnas pa dang / kha cig chur nub ste gnas pa de bzhin du sems can 'jig rten du skyes shing 'jig rten du rgas pa 'di rnams la dbang po rnon po yang mchis/dbang po 'bring po yang mchis/ dbang po rtul po yang mchis/ rang gi rgyud gdul sla ba dang / gdul nyung ba dang / gdul nyung ba'i rigs can yang mchis pa dag dam pa'i chos ma thos na yongs su nyams par 'gyur te/sems can rnams kyis rtogs par 'gyur bas/ bcom ldan 'das chos bshad du gsol/ bde bar gshegs pa bshad du gsol/ /de nas bcom ldan 'das 'di snyam du rang nyid kyi sangs rgyas kyi spyan gyis 'jig rten la blta'o zhes dgongs nas/ de nas bcom ldan 'das rang nyid kyi sangs rgyas kyi spyan gyis 'jig rten la sems can 'jig rten du skyes shing 'jig rten du rgas pa 'di rnams la dbang po rnon po yang yod/dbang po 'bring po yang yod/ dbang po rtul po yang yod la rang gi rgyud gdul sla zhing gdul nyung ba dang / gdul nyung ba'i rigs can dag yod pas dam pa'i chos ma thos na yongs su nyams par 'gyur bar gzigs nas yang sems can de rnams la snying rje chen pos non pas/de nas de'i tshe bcom ldan 'das kyis tshigs su bcad de bka' stsal pa/ tshangs pa mi la bslu dpyad mang po yis/ /chos mchog rab tu bshad par bya ba min//bdud rtsi'i sgo mo rab tu dbye bar bya/ /su zhig nyan par 'dod pa rnams shog cig /de nas tshangs pa stong gi bdag po 'di snyam du bcom ldan 'das chos 'chad par 'gyur ro/ /bde bar gshegs pa chos 'chad par 'gyur ro snyam du rig nas dga' ba dang yid bde ba dang /rab tu dga' ba dang / yid bde ba'i mchog skyes te/ bcom ldan 'das kyi zhabs la spyi bos phyag byas te lan gsum du bskor ba byas nas de nyid du mi snang bar gyur to/ /yang ngas ji srid du/ dbang po lnga po 'di dag rig /ces bya ba la sogs pa la gleng gzhi ni mnyan du yod pa na'o//dbang po lnga ste/ lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /dge slong dag ji srid du ngas dad pa'i dbang po ji lta ba bzhin ma shes shing / dad pa'i dbang po kun 'byung ba dang /dad pa'i dbang po 'gag pa dang / dad pa'i dbang po'i 'gog par 'gro ba'i lam ji lta ba bzhin ma shes pa de srid du nga lha dang bcas pa'i 'jig rten dang / bdud dang bcas pa dang / dge sbyong dang bcas pa'i tshangs pa'i skye dgu dang / lha dang mir bcas pa las grol ba dang /mi ldan pa dang / rnam par mi ldan par 'gyur zhing sems phyin ci log rab tu mang po la gnas pa de srid du nga bla na med pa yang dag par rdzogs par mngon par byang chub pa zhes mi shes so/ /dge slong dag gang yang nga dad pa'i dbang po yang dag pa ji lta ba bzhin rab tu shes shing dad pa'i dbang po kun 'byung ba dang /dad pa'i dbang po 'gog pa dang / dad pa'i dbang po'i 'gog par 'gro ba'i lam ji lta ba bzhin shes shing brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ji lta ba bzhin rab tu shes pa dang /shes rab kyi dbang po 'gog pa dang / shes rab kyi dbang po'i 'gog par 'gro ba'i lam ji lta ba bzhin shes nas de'i phyir lha dang bcas pa'i 'jig rten gyi dbang po dang / bdud dang bcas pa dang / tshangs pa dang bcas pa'i zhes bya ba nas byang chub la zhes rnam par shes pa'i bar du'o//dge slong dag ngas dad pa'i dbang po'i kun 'byung ba dang / mi snang ba dang / ro myang ba dang / nyes dmigs dang / nges par 'byung ba ji lta ba bzhin mi shes shing / brtson 'grus kyi dbang po dang / dran pa'i dbang po dang / ting nge 'dzin gyi dbang po dang /shes rab kyi dbang po'i kun 'byung ba dang / mi snang ba dang / ro myang ba dang / nyes dmigs dang / nges par 'byung ba ji lta ba bzhin mi shes pa de srid du nga lha dang bcas pa'i 'jig rten zhes bya ba nas/ byang chub pa mi shes sa zhes bya ba'i bar du'o/ /dge slong dag gang yang ngas dad pa'i dbang po'i kun 'byung ba dang /mi snang ba dang / ro myang ba dang / nyes dmigs dang / nges par 'byung ba ji lta ba bzhin shes shing / rgyas par brtson 'grus nas/ bla na med pa yang dag par rdzogs pa'i mngon par byang chub pa zhes mi shes pa'i bar du'o zhes bka' stsal to//ji skad du/ tshangs spyod 'di la legs spyod cing / /zhes bya ba la sogs pa ni skye mched drug gi mdo'i bsdus pa'i sdom gyi tshigs su bcad pa dang po'i las lnga pa nye sde'i mong las/ gnas brtan shA ri'i bus tshigs su bcad pa 'di skad ces smras so/ /tshangs spyod 'di la legs spyod cing //lam la legs par bsgoms pa ni/ /tshe zad dga' bar 'gyur ba ste/ /dper na nad dang bral ba bzhin/ /tshangs spyod 'di la legs spyod cing / /lam la'ang shin tu bsgoms pa ni/ /tshe zad dga' bar 'gyur ba ste/ /ji ltar dug gis gnod bzhin no//tshangs spyod 'di la legs spyod cing / /lam la legs par bsgoms pa ni/ /'bar ba'i khyim nas thar pa ltar/ /'chi ba'i tshe na mi dga' med/ /tshangs spyod 'di la legs spyod cing / /lam la'ang legs par bsgoms pa ni/ /rtswa dang shing dang mnyam par ni//'jig rten shes rab kyis mthong na/ /de la don gnyer gzhan med cing / /gzhan du nying mtshams sbyor mi byed/ /yang ci'i phyir bcom ldan 'das kyis tshe'i 'du byed btang zhing byin gyis brlabs zhe na zhes bya ba la sogs pa la/ mdo drug pa dang / yongs su mya ngan las 'das pa chen po'i mdo'i tshig brgyad pa'i sdom gyi tshigs su bcad pa'i mdo las 'don pa lta bu ste/de nas bcom 'das 'di snyam du ji ltar sems mnyam par gzhag na tshe'i 'du byed byin gyis brlabs/ srog gi 'du byed dag gtong bar 'gyur ba de lta bu'i ting nge 'dzin la snyoms par 'jug par bya'o snyam du dgongs nas/de nas bcom ldan 'das ji ltar sems mnyam par gzhag na tshe'i 'du byed dag byin gyis brlabs nas srog gi 'du byed dag gtong bar 'gyur ba de lta bu'i ting nge 'dzin la snyoms par zhugs te/ tshe'i 'du byed btang ma thag tu de'i dus na sa chen po g.yo ba dang /thog 'bab pa dang / yul tshig pa dang / nam mkha' la lha'i rnga byung bar gyur to/ /de nas bcom ldan 'das ting nge 'dzin las bzhengs te/ de'i tshe tshigs su bcad pa 'di skad ces bka' stsal to/ /sgong skyes sgo nga'i sbubs grol ltar/ /nang gi bdag nyid mnyam gzhag pas//mi 'dra ba dang 'dra ba yis/ /srid pa'i 'du byed thub pas btang / /gang yang ngas rdzu 'phrul gyi rkang pa bzhi po 'di de ltar bsgoms pas zhes bya ba la sogs pa la/ gleng gzhi ni mnyan du yod pa na'o/ /dge slong dag rdzu 'phrul gyi rkang pa bzhi bsgom pa bshad par bya ste/de legs par nyon la zhes pa la sogs pa snga ma bzhin no/ /dge slong dag ji ltar rdzu 'phrul gyi rkang pa bzhi bsgom par 'gyur zhe na/ 'di la dge slong 'dun pa'i ting nge 'dzin spong ba'i 'du byed dang ldan pa dben pa la gnas pa 'dod chags dang bral ba la gnas pa 'gog pa la gnas pa/rnam par spong bas yongs su sgyur ba/ 'dun pa zhum par mi 'gyur la 'phyo bar mi 'gyur ba/ nang du bsdus pa dang / phyi rol du rnam par g.yengs pa ma yin pa/ phyis dang sngon gyi 'du shes mi 'byung ba/ steng dang 'og gi 'du shes kyis sems la rgyas par ma bsgribs shing snang ba dang bcas shing lhan cig tu gyur pa'i sems 'byung bar 'gyur zhing 'di lta ste/bdag gi sems la mun pa 'byung bar ma gyur cig ces sgom par byed/ dge slong dag brtson 'grus dang / sems dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/'dod chags dang bral ba la gnas pa/ 'gog pa la gnas pa/ rnam par spong bas yongs su sgyur bar spyod pa zhum par mi 'gyur zhing 'phyo bar mi 'gyur ba nang du bsdus pa dang / phyi rol du g.yengs pa ma yin pa phyis dang sngon gyi 'du shes dang steng dang 'og gi 'du shes sems la rgyas par ma bsgribs shing snang ba dang bcas shing lhan cig par gyur pa'i sems 'byung bar 'gyur zhing 'di lta ste/bdag gi sems la mun pa 'byung bar ma gyur cig ces sgom par byed de/ dge slong dag de ltar na rdzu 'phrul gyi rkang pa bzhi bsgom par 'gyur ro//dge slong nga yang de bzhin du rdzu 'phrul gyi rkang pa bzhi bsgom zhing bsgoms nas rdzu 'phrul gyi rkang pa bzhi po dag gis rdzu 'phrul gyi yul rnam pa du ma nyams su myong ste/ lha'i mig dang rna ba dang / sngon gyi gnas rjes su dran pa dang / 'chi 'pho ba dang skye ba shes pa dang /sems kyi rnam grangs dang / zag pa zad pa 'di lta bur gyur to/ /dge slong dag nga rdzu 'phrul gyi rkang pa bzhi po 'di dag gis 'dod na bskal pa'am bskal pa las lhag par gnas par bya'o zhes gsungs so/ /bde ba myong bar 'gyur ba'i las dang zhes bya ba la sogs pa la gleng gzhi ni mnyan du yod pa na'o//dge slong dag byis pa so so'i skye bo thos pa dang mi ldan pa dag 'byung ba chen po bzhi'i lus las skyes shing 'dod chags dang bral ba dang rnam par grol bar 'gyur gyi/ rnam par shes pa las ni ma yin no/ /de ci'i phyir zhe na/ 'byung ba chen po bzhi'i lus la rnam par 'jog dang /nyams par mthong la/ gang yang 'di skad du 'di ni sems dang yid ces bya ba dang / rnam par shes pa zhes bya bar byis pa so so'i skye bo thos pa dang mi ldan pa de la skyo ba dang / 'dod chags dang bral ba dang / 'gog pa mi mthong ste/ de ci'i phyir zhe na/ dge slong dag byis pa so so'i skye bo thos pa dang mi ldan pa nyin mtshan rtag tu bsrung zhing skyob pa dang / bdag gir nye bar 'gro ba dang / zin pa dang / 'di ni bdag /'di ni bdag gi bdag go zhes byis pa so so'i skye bo thos pa dang mi ldan pas de la skyo ba dang /'dod chags dang bral ba dang / 'gog par mi mthong ngo / /dge slong dag byis pa so so'i skye bo thos pa dang mi ldan pa gang zhig [(]'byang [,]'byung [)]ba chen po bzhi'i lus la bdag tu khas len pa 'di ni mchog yin gyi/ rnam par shes pa ni ma yin te/ de ci'i phyir zhe na/ 'byung ba chen po bzhi'i lus ni yang dag par bde zhing bsrungs nas lo bcu'am/nyi shu'am/ sum cu'am/ bzhi bcu'am/ lnga bcu'am/ brgya'am/ de las lhag par yang gnas kyi/ gang yang 'di skad du sems zhes bya ba'am/ yid ces bya ba'am/ rnam par shes pa zhes bya ba de dang de dag ni nyin mtshan du 'jig cing de dang de dag tu skad cig thang cig yud tsam du 'jig cing rnam pa du ma mang po skye zhing skye'o//'gag cing 'gag go/ /'di lta ste/ spre'u dgon pa'i tshal na rgyu ba na/ shing gi yal ga dmigs la/ de btang nas yang gzhan dmigs te/de bzhin du sems zhes bya ba dang / yid ces bya ba dang / rnam par shes pa zhes bya ba de dag dang / de dag ni nyin mtshan du 'jig cing de dang de dag skad cig thang cig yud tsam du 'jig cing rnam pa du ma mang po gzhan skye zhing skye'o/ /'gag cing 'gag go/ / dge slong dag de la 'phags pa nyan thos thos pa dang ldan pa rten cing 'brel par 'byung ba nyid du legs par sems shing yid la byed cing rtog par byed de 'di lta ste/ 'di yod pas 'di 'byung / 'di skyes pa'i phyir 'di skye ste/ 'di lta ste/ bde ba myong bar 'gyur ba'i reg pa la brten te skyes pa tshor ba bde ba myong ba na bde ba'i tshor ba myong zhing tshor ba bde ba rig go zhes yang dag pa ji lta ba bzhin rab tu shes so//de nas de'i bde ba myong bar reg pa 'gags shing bde ba myong bar 'gyur ba'i reg pa la brten te skyes pa tshor ba bde ba 'gags pa dang / nye bar zhi ba dang /bsil bar gyur pa dang / nub par 'gyur ro/ /bde ba'i tshor ba ji lta ba de bzhin du/ sdug bsngal gyi tshor ba dang / yid bde ba'i tshor ba dang / yid mi bde ba'i tshor ba dang / btang snyoms myong bar 'gyur ba'i reg pa la brten te/ skyes pa tshor ba btang snyoms myong ba na tshor ba btang snyoms myong zhing tshor ba btang snyoms rig go zhes yang dag pa ji lta ba bzhin rab tu shes so//de nas de'i btang snyoms myong bar 'gyur ba'i reg pa 'gags shing btang snyoms myong bar 'gyur ba'i reg pa la brten te/ skyes pa'i tshor ba btang snyoms 'gags shing nye bar zhi ba dang /bsil bar gyur pa dang nub par gyur te/ /de 'di snyam du sems te/ tshor ba 'di dag gi rgyu gang / gang las yang dag par byung / gang las rab tu byung / yang de 'di snyam du sems te/ tshor ba 'di dag ni reg pa'i rgyu can/reg pa las yang dag par byung ba/ reg pa las skyes pa/ reg pa las rab tu byung ba ste/ tshor ba de dang de yang dag par 'byung ba las reg pa de dang de yang dag par 'byung zhing reg pa de dang de 'gags pas tshor ba de dang de 'gags pa dang / nye bar zhi ba dang / bsil ba dang / nub par 'gyur te/ dge slong dag de ltar mthong ba'i 'phags pa nyan thos lus la yang skyo bar 'gyur zhing / tshor ba dang / 'du shes dang / 'du byed dang / rnam par shes pa la skyo ba skye ba'am/ 'dod chags dang bral zhing 'dod chags dang bral ba dang / grol zhing grol ba dang /rnam par grol ba'i ye shes mthong bar 'gyur te/ bdag gi skye ba zad do/ /tshangs par spyod pa bsten to/ /bya ba byas so/ /bdag srid pa 'di las gzhan mi shes so zhes bya bar 'gyur ro zhes bka' stsal to/ /da ni ji ltar de dag la pho zhes bya zhe na zhes bya ba la sogs pa gang las 'byung zhe na/khams mang po pa las rnam par 'byed pa bsdus pa'i mthar bshad de/ 'di ni mdzod kyi gnas dang por de bzhin khams mang po pa zhes bya bar bris pa bzhin blta bar bya'o/ /kun nas mnar sems kyi gzhi med pa'i phyir dang zhes bya ba la kun nas mnar sems kyi gzhi dgu de dang de las 'don te/ji ltar re zhig mdo drug pa'i dang po'i mdo las/ chos dgu ni gnod pa'i cha ste/ kun nas mnar [(]sem [,]sems [)]kyi gzhi rnam pa dgu ste/ 'di dag la don med par 'dod pa/ mi phan par 'dod pa/ bde bar mi 'dod pa/reg pa gnas par mi 'dod pa/ grub pa dang bde bar mi 'dod pa 'dis bdag la gnod pa byas so/ /byed do/ /byed par 'gyur ro zhes de la kun nas mnar sems skye'o/ /gang yang bdag la don 'dod pa dang / phan par 'dod pa dang / bde bar 'dod pa dang /reg par gnas par 'dod pa dang / grub pa dang bde bar 'dod pa de la/ 'di don du mi 'dod pa dang / phan par mi 'dod pa dang / bde bar mi 'dod pa dang / reg par gnas par mi 'dod pa dang / grub pa dang bde bar mi 'dod pa 'dis de la gnod par byas so//byed do/ /phyis byed par 'gyur ro zhes kun nas mnar sems skye'o/ /gang yang bdag la don du mi 'dod pa/ phan par mi 'dod pa/ bde bar mi 'dod pa/ grub pa dang bde bar mi 'dod pa de la don du 'dod pa dang / phan par 'dod pa dang /bde bar 'dod pa dang / reg par gnas par 'dod pa dang / grub pa dang bde bar 'dod de/ de'i don byas so/ /byed do/ /phyis yang byed par 'gyur ro zhes de la kun nas mnar sems skye ste/ /nyams pa'i cha 'di dag ni shin tu nyes dmigs can du gsal bar bcu las 'phro ba las bshad do//mdo las kyang gang yang gzugs med pa'i rnam par thar pa zhi ba zhes bya ba la sogs pa la/ de nas bcom ldan 'das kyis dge slong rnams la bos te/ dge slong nga ston pa'i mdun na 'dug par gyur na ci ma rung snyam pa dang / ngas ston pa la yongs su dri ba dris te/dge slong rnams la chos kyi gtam byed par 'gyur ba dang / tshul khrims rnams la yongs su rdzogs par byed pa dang / ma bcos pa'i bsam gtan dang / lhag mthong dang ldan pa dang / stong pa nyid kyi gnas pa 'phel bar byed pa dang / rang gi don dang 'brel cing rjes su thob pa dang /mkhas pas ma smad pa'i tshangs par spyod par gyur na ci ma rung snyam pa dang / dge slong dag kye ma nga'i shes pa dang / yang dag par mthong ba mi brjed cing / lus zhig ste bde 'gro mtho ris su skye bar 'gyur ba dang / tshul khrims yongs su rdzogs pa dang /ma bcos pa'i bsam gtan dang lhag mthong dang ldan pa dang / stong pa nyid kyi gnas par 'phel bar byed pa dang / rang gi don dang 'brel zhing rjes su thob pa dang mkhas pas ma smad pa'i tshangs par spyod par gyur kyang ci ma rung snyam pa dang / dge slong dag kye ma nga'i nye bar spyod pa gang dag chos gos dang /bsod snyoms dang / mal cha dang / na ba'i gsos sman dang / yongs su spyod pa de dag bya ba byas shing shin tu don dang 'bras bu che ba dang / rjes su bsngags pa che ba dang / rab tu rgya che ba dang / tshul khrims rnams la phun sum tshogs par byed pa nas/mkhas pas ma smad pa'i tshangs par spyod par gyur kyang ci ma rung snyam pa'i bar du'o/ /dge slong dag kye ma nga mi dga' ba bzod cing bdag la mi dga' ba skyes na des sems mi 'khrugs par gnas shing tshul khrims yongs su rdzogs par byed pa nas mkhas pas ma smad pa'i tshangs par spyod par gyur kyang ci ma rung snyam pa'i bar du'o//dge slong dag kye ma nga 'jigs pa dang 'jigs pa'i sgra bzod cing 'jigs pa skyes na yang de'i rgyus sems mi nyams par gnas pa dang / tshul khrims rnams la yongs su rdzogs par byed pa nas/mkhas pas ma smad pa'i tshangs par spyod par gyur kyang ci ma rung snyam pa'i bar du'o/ /dge slong dag kye ma bdag gi skye ba nas skye bar sdig pa mi dge ba'i rtog pas sems mi nyams par gnas shing tshul khrims rnams la yongs su rdzogs par byed ces bya ba snga ma bzhin no//dge slong dag kye ma bdag bkres pa dang skom pa dang / sbrang bu dang / sha sbrang dang / sdig sbrul gyi reg pa dang / gzhan gyis nyes par smras pa dang / nyes pa gnod pa'i tshig gi lam dang skye ba nas skye bar lus kyi tshor ba sdug bsngal ba/ drag pa/ rtsub pa yid du mi 'ong ba srog 'phrog par byed pa'i bag chags bzod cing tshul khrims rnams la yongs su rdzogs par byed pa'i bar snga ma bzhin no/ /dge slong dag kye ma bdag 'dod pa la dben zhes bya ba man chad bsam gtan bzhi pa'i bar du bsgrubs te gnas par gyur na ci ma rung snyam pa dang /tshul khrims rnams la yongs su rdzogs par byed pa'i bar du snga ma bzhin no/ /dge slong dag kye ma bdag gang dag gzugs med pa'i rnam par thar pa zhi ba gzugs rnams las 'das pa de dag lus kyis mngon sum du byas shing rdzogs par byas te gnas na ci ma rung snyam pa dang /tshul khrims rnams la yongs su rdzogs par byed pa'i bar du snga ma bzhin no/ /de bzhin du rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sngon gyi gnas rjes su dran pa dang /'chi 'pho ba dang / skye ba shes pa dang / dge slong dag kye ma bdag zag pa rnams las zag pa med par sems rnam par grol ba dang / shes rab rnam par grol zhing mthong ba'i chos nyid la rang nyid kyis mngon par shes pa mngon sum du byas te/ rig pa phun sum tshogs pa bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya ba dang / tshul khrims rnams la yongs su rdzogs par byed pa dang / ma bcos pa'i bsam gtan dang shes rab dang ldan pa dang / stong pa nyid kyi gnas pa 'phel bar byed pa dang / rang gi don dang 'brel zhing rjes su thob pa dang / mkhas pas ma smad pa'i dpyod pa dang ldan par gyur kyang ci ma rung snyam pa dang zhes bka' stsal to/ /bar sdom la/ ston dang shes rab bsod snyoms dang / /mi dga' ba dang 'jigs pa dang //rtog dang bzod dang bsam gtan dang / /rnam thar 'bras bu mngon shes drug /shing gi phung po 'di la khams sna tshogs yod do zhes bya ba la sogs pa la/ gleng gzhi ni rgyal po'i khab na'o/ /de nas tshe dang ldan pa shA ri'i bu dge slong mang po dang thabs cig tu snga dro chos gos bgos lhung bzed thogs te/bya rgod phung po'i ri las babs nas rgyal po'i khab tu bsod snyoms kyi phyir zhugs pa dang / tshe dang ldan pa shA ri'i bus lam gyi bar du shing gi phung po chen po zhig mthong ngo / /mthong nas lam nas 'das te dge slong gi dge 'dun gyi mdun du ji ltar 'tsham par stan bting ba la 'dug ste/tshe dang ldan pa shA ri'i bus dge slong rnams la bos te/ tshe dang ldan pa gang dag dge slong bsam gtan dang ldan pa/ rdzu 'phrul dang ldan pa/ sems la dbang thob pa de gal te shing gi phung po 'di sar mos na yang de bzhin du 'gyur gyi/gzhan du na ma yin no/ /de ci'i phyir zhe na/ shing gi phung po 'di la sa'i khams yod de/ de'i phyir dge slong bsam gtan dang ldan pa/ rdzu 'phrul dang ldan pa/ sems la dbang thob pa de gal te shing gi phung po 'di sar mos na de bzhin du 'gyur gyi gzhan du ni ma yin no/ / tshe dang ldan pa dag gang dge slong bsam gtan dang ldan pa rdzu 'phrul dang ldan pa sems la dbang thob pa de gal te shing gi phung po ni chu dang / me dang / rlung dang / gser du mos na yang de bzhin du 'gyur gyi gzhan du ni ma yin te/ de ci'i phyir zhe na/ shing gi phung po 'di la gser gyi khams yod de/ de'i phyir dge slong bsam gtan dang ldan pa rdzu 'phrul dang ldan pa sems la dbang thob pa de gal te shing gi phung po 'di la gser du mos na yang de bzhin du 'gyur gyi/ gzhan du ni ma yin no/ /tshe dang ldan pa dag gang dge slong bsam gtan pa/ rdzu 'phrul dang ldan pa/ sems la dbang thob pa de gal te shing gi phung po 'di la gang dang gang du mos pa de dang der 'gyur gyi/gzhan du ni ma yin no/ /de ci'i phyir zhe na/ shing gi phung po 'di la khams rnam pa sna tshogs yod de/ de'i phyir dge slong bsam gtan dang ldan pa rdzu 'phrul dang ldan pa sems la dbang thob pa de gal te shing gi phung po 'di la khams rnam pa sna tshogs su gang dang gang mos na yang de dang der 'gyur gyi/gzhan du ni ma yin no/ /tshe dang ldan pa dag bsam gtan pa rnams kyi bsam gtan gyi yul dang / rdzu 'phrul can rnams kyi rdzu 'phrul gyi yul ni 'di ltar bsam gyis mi khyab ste/ tshe dang ldan pa dag de'i phyir 'di ltar bslab par bya ste/gang yang bsam gtan dang ldan pa dang / rdzu 'phrul dang ldan pa dang / sems la dbang thob par 'gyur ba de ltar bslab par bya'o zhes smras so/ /mdo las lus shin tu sbyangs pa zhes gsungs pa ma yin nam zhe na zhes bya ba la sogs pa la/ gleng gzhi ni mnyan du yod pa na'o//de nas dge slong rab tu mang po dag snga dro chos gos bgos/ lhung bzed thogs te bsod snyoms kyi phyir mnyan yod du zhugs pa dang / de nas dge slong rab tu mang po de dag 'di snyam du gyur te/ nam langs pa dang bdag cag mnyan yod du bsod snyoms rgyu yis/bde bar bdag cag gzhan mu stegs can gyi rab tu byung ba'i kun dga' ra ba gang na ba der 'gro bar bya'o/ /de nas dge slong rab tu mang po de dag gzhan mu stegs can gyi rab tu byung ba'i kun dga' ra ba gang na ba der nye bar song ste/ nye bar song nas mu stegs can gyi rab tu byung ba de dag dang lhan cig yang dag par bde ba dang /yang dag par mgu ba dang / yang dag par rab tu dga' bar 'gyur ba'i gtam rnam pa sna tshogs dag byas te/ phyogs gcig tu 'dug go/ /phyogs gcig tu 'dug nas/ dge slong rab tu mang po de dag la gzhan mu stegs can gyi rab tu byung ba de dag gis 'di skad ces smras so//khyed cag gi dge sbyong gau ta ma nyan thos rnams la dge slong dag khyed cag tshur shog /sgrib pa lnga po sems nye bar nyon mongs par byed pa/ shes rab nyam chung bar byed pa/ gegs kyi phyogs mya ngan las 'das pa ma yin pa 'jug par byed pa de dag spongs la/dran pa nye bar gzhag pa bzhi la sems legs par gnas par bya'o/ /byang chub kyi yan lag bdun bsgom par bya'o zhes chos ston par byed do/ /nged cag kyang nyan thos rnams la khyed tshur shog cig /sgrib pa lnga po sems nye bar nyon mongs par byed pa shes rab nyam chung bar byed pa/gegs kyi phyogs mya ngan las 'das par byed pa de dag spongs la/ dran pa nye bar gzhag pa bzhi la sems legs par gnas par byed do/ /byang chub kyi yan lag bdun bsgom par bya'o zhes chos ston par byed na/ 'di lta ste/ dge sbyong gau ta mas chos bshad pa dang / bdag cag gis chos bshad pa khyed cag dang 'di la khyad par ci yod cing bsam pa tha dad pa dang rgyu tha dad pa ci yod/ de skad ces smras pa dang / dge slong rab tu mang po de dag cang mi smra bar 'dug go/ /de nas dge slong rab tu mang po de dag gzhan mu stegs can gyi rab tu byung bas bshad pa la rjes su yi rang bar yang mi byed/khro bar yang mi byed de/ rjes su yi rang ba dang khro bar mi byed bzhin du stan las langs te song ngo / /de nas dge slong rab tu mang po de dag mnyan yod du bsod snyoms spyad cing zas kyi bya ba byas te zos pa'i 'og tu lhung bzed gyu nas chos gos dang lhung bzed phyogs gcig tu bzhag nas rkang pa bkrus te/bcom ldan 'das gang na ba der nye bar 'ongs te/ nye bar 'ongs nas bcom ldan 'das kyi zhabs la mgo bos phyag byas nas/ phyogs gcig tu 'dug go/ / phyogs gcig tu 'dug nas/ dge slong mang po de dag gzhan mu stegs can gyi rab tu byung ba de dag dang lhan cig gtam yang dag par brjod cing ji ltar gyur pa rgyas par bcom ldan 'das la gsol to/ /de skad ces gsol pa dang / bcom ldan 'das kyis dge slong rab tu mang po de dag la 'di skad ces bka' stsal to//dge slong dag gzhan mu stegs can gyi rab tu byung ba de dag la 'di skad du brjod par bya ste/ bcom ldan 'das kyis sgrib pa lnga po ma bshad kyi/ 'on kyang sgrib pa lnga po de nyid rnam grangs gang gis bcur 'gyur ba bshad do/ /bcom ldan 'das kyis byang chub kyi yan lag bdun ma bshad kyi/'on kyang byang chub kyi yan lag bdun po de nyid rnam grangs gang gis bcu bzhir 'gyur bar bshad do/ /khyed cag gi sgrib pa lnga po de nyid rnam grangs gang gis bcur 'gyur byang chub kyi yan lag bdun po de nyid rnam grangs gang gis bcu bzhir 'gyur zhes 'di ltar dris pa na/gzhan mu stegs can de dag gzhan dang gzhan gyi phyi rol dag ston pa 'am/ khro ba'am/ zhe sdang ba dang / nga rgyal ba dang / rtsa ba dang / gnod sems dang / mi bzod pa dang / gshe bar byed par 'gyur ro/ /cang mi smra bar 'gyur ro/ /mi smra bar zhum zhing 'dug pa dang /dpung po lhod pa dang / kha phyir phyogs pa dang / spro ba med pa dang / mchog tu mnyam par ma bzhag pa'i sems kyis gnas par 'gyur te/ de ci'i phyir zhe na/ dri ba 'di'i lung ston cing sems mgu bar byed par 'gyur ba ngas lha dang bcas pa'i 'jig rten dang /bdud dang bcas pa'i 'jig rten dang / dge sbyong dang bcas shing bram ze dang bcas pa dang / tshangs pa'i skye dgu dang / lha dang mi'i nang du yang dag par rjes su ma gzigs te/ gzhan du na de bzhin gshegs pa 'am 'dir thos pa'i de bzhin gshegs pa'i nyan thos ni ma gtogs so//dge slong dag sgrib pa lnga po nye bar bstan par 'gyur te/ sgrib pa lnga po de nyid rnam grangs gang gis bcur 'gyur zhe na/ dge slong dag 'dod pa la 'dun pa'i sgrib pa nye bar bstan par bya ste/ 'dod pa la 'dun pa'i sgrib pa rnam grangs gang gis gnyis su 'gyur zhe na/nang gi bdag nyid kyi 'dod pa la 'dun pa rnams dang / phyi rol gyi bdag nyid kyi 'dod pa la 'dun pa'o/ /de la nang gi bdag nyid kyi 'dod pa la 'dun pa rnams ni sgrib pa ste/ mngon par mi shes pa yang dag par mi rtogs pa mya ngan las 'das pa ma yin pa sgrub par byed pa'o//gang yang phyi rol gyi bdag nyid 'dod pa la 'dun pa de yang sgrib pa ste/ mngon par mi shes pa yang dag par mi rtogs pa mya ngan las 'das pa ma yin par sgrib par byed pa'o/ /dge slong dag 'dod pa la 'dun pa'i sgrib pa nye bar bstan pa rnam grangs 'dis na gnyis su 'gyur ro//dge slong dag gnod sems kyi sgrib pa bstan par bya ste/ rnam grangs gang gis gnod sems kyi sgrib pa rnam pa gnyis su 'gyur zhe na/ gnod sems dang gnod sems kyi rgyu mtshan no/ /de la gang gnod sems ni sgrib pa ste/mngon par mi shes pa yang dag par mi rtogs pa mya ngan las 'das pa ma yin pa sgrub par byed pa'o/ /gang yang gnod sems kyi rgyu mtshan de yang sgrib pa ste/ mngon par mi shes pa/ yang dag par mi rtogs pa/ mya ngan las 'das pa ma yin pa sgrub par byed pa'o//gnod sems kyi sgrib pa nye bar bstan pa rnam grangs 'dis gnyis su 'gyur ro/ /dge slong dag rmugs pa dang gnyis kyi sgrib pa nye bar bstan par bya ste/ rnam grangs gang gis rmugs pa dang gnyid rnam pa gnyis su 'gyur zhe na/ rmugs pa dang gnyid do/ / de la rmugs pa ni sgrib pa ste/ mngon par mi shes pa yang dag par mi rtogs pa/ mya ngan las 'das pa ma yin pa sgrub par byed pa'o/ /gang yang gnyid de yang mngon par mi shes pa yang dag par mi rtogs pa/ mya ngan las 'das pa ma yin pa sgrub par byed pa'o/ /dge slong dag rmugs pa dang gnyid kyi sgrib pa nye bar bstan pa rnam grangs 'dis rmugs pa dang gnyid kyi sgrib pa rnam pa gnyis su 'gyur ro//dge slong dag rgod pa dang 'gyod pa nye bar bstan par bya ste/ rnam grangs gang gis rgod pa dang 'gyod pa gnyis su 'gyur zhe na/ rgod pa dang 'gyod pa yang yod do//de la rgod pa ni sgrib pa ste/ mngon par mi shes pa/ yang dag par mi rtogs pa/ mya ngan las 'das pa ma yin pa/ sgrub par byed pa'o/ /gang yang 'gyod pa de yang sgrib pa ste/ mngon par mi shes pa yang dag par mi rtogs pa mya ngan las 'das pa ma yin pa sgrub par byed pa'o//dge slong dag rgod pa dang 'gyod pa nye bar bstan pa rnam grangs 'dis rgod pa dang 'gyod pa rnam pa gnyis su 'gyur ro/ /dge slong dag the tshom gyi sgrib pa nye bar bstan par bya ste/ rnam grangs gang gis the tshom gyi sgrib pa rnam pa gnyis su 'gyur zhe na/ dge ba'i chos rnams la the tshom za ba yang yod/mi dge ba'i chos rnams la the tshom za ba yang yod de/ de la dge ba'i chos rnams la the tshom za ba yang sgrib pa ste/ mngon par mi shes pa yang dag par mi rtogs pa mya ngan las 'das pa ma yin pa sgrub par byed pa'o/ /gang yang mi dge ba'i chos rnams la the tshom za ba de yang sgrib pa ste/mngon par mi shes pa yang dag par mi rtogs pa mya ngan las 'das pa ma yin pa sgrub par byed pa ste/ the tshom gyi sgrib pa nye bar bstan pa rnam grangs 'dis the tshom gyi sgrib pa rnam pa gnyis su 'gyur ro/ /dge slong dag sgrib pa la nye bar bstan pa rnam grangs 'dis sgrib pa lnga po de nyid bcur 'gyur ro//dge slong dag byang chub kyi yan lag bdun nye bar bstan par bya ste/ rnam grangs gang gis ni byang chub kyi yan lag bdun bcu bzhir 'gyur zhe na/ dge slong dag dran pa yang dag byang chub kyi yan lag nye bar bstan par bya ste/rnam grangs gang gis na/ dran pa yang dag byang chub kyi yan lag gnyis su 'gyur zhe na/ dge ba'i chos rnams la dran pa rab tu gnas pa dang / mi dge ba'i chos rnams la dran pa rab tu gnas pa yang yod de/ de la dge ba'i chos rnams la dran pa rab tu gnas pa de yang byang chub kyi yan lag ste/mngon par shes pa yang dag par rtogs pa mya ngan las 'das pa yang dag par sgrub par byed pa'o/ /gang yang mi dge ba'i chos rnams la dran pa rab tu gnas pa de yang mngon par shes pa yang dag par rtogs pa mya ngan las 'das pa yang dag par sgrub par byed pa'o//dge slong dag dran pa yang dag byang chub kyi yan lag nye bar bstan pa rnam grangs 'dis ni dran pa yang dag byang chub kyi yan lag gnyis su 'gyur ro/ /dge slong dag chos rab tu rnam par 'byed pa yang dag byang chub kyi yan lag nye bar bstan par bya ste/rnam grangs gang gis na chos rab tu rnam par 'byed pa yang dag byang chub kyi yan lag rnam pa gnyis su 'gyur zhe na/ dge ba'i chos rnams la rab tu rnam par 'byed pa yang yod la/ mi dge ba'i chos rnams la chos rab tu rnam par 'byed pa yang yod do/ /de la dge ba'i chos rnams la rab tu rnam par 'byed pa de yang byang chub kyi yan lag ste/mngon par shes pa yang dag par rtogs pa mya ngan las 'das par sgrub par byed pa'o/ /mi dge ba'i chos rnams la rab tu rnam par 'byed pa yang dag byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o//chos rnam par 'byed pa yang dag byang chub kyi yan lag nye bar bstan pa rnam grangs 'dis chos rab tu rnam par 'byed pa yang dag byang chub kyi yan lag rnam pa gnyis su 'gyur ro/ /dge slong dag brtson 'grus yang dag byang chub kyi yan lag nye bar bstan par bya ste/rnam grangs gang gis brtson 'grus yang dag byang chub kyi yan lag gnyis su 'gyur zhe na/ mi dge ba'i chos rnams yongs su spong bar sgrub pa'i brtson 'grus kyang yod/ dge ba'i chos rnams phun sum tshogs pa sgrub pa'i brtson 'grus kyang yod do//de la dge ba'i chos rnams yongs su spong bar sgrub pa'i brtson 'grus de yang byang chub kyi yan lag ste/ mngon par shes pa yang dag par rtogs pa mya ngan las 'das pa yang dag par sgrub par byed pa'o/ /dge ba'i chos rnams phun sum tshogs par sgrub pa'i brtson 'grus de yang byang chub kyi yan lag ste/mngon par shes pa yang dag par rtogs pa mya ngan las 'das pa sgrub par byed pa'o/ /dge slong dag brtson 'grus yang dag byang chub kyi yan lag nye bar bstan pa/ rnam grangs 'dis brtson 'grus yang dag byang chub kyi yan lag gnyis su 'gyur ro//dge slong dag dga' ba yang dag byang chub kyi yan lag nye bar bstan par bya ste/ rnam grangs gang gis na dga' ba yang dag byang chub kyi yan lag gnyis su 'gyur zhe na/ dga' ba yang yod/ dga' ba'i gnas lta bu'i chos kyang yod de/ de la dga' ba yang dag byang chub kyi yan lag ste/mngon par shes pa yang dag par rtogs pa mya ngan las 'das pa sgrub par byed pa'o/ /dga' ba'i gnas lta bu'i chos de yang byang chub kyi yan lag ste/ mngon par shes pa yang dag par rtogs pa mya ngan las 'das par sgrub par byed pa'o/ /dge slong dag dga' ba yang dag byang chub kyi yan lag nye bar bstan pa rnam grangs 'dis na dga' ba yang dag byang chub kyi yan lag rnam pa gnyis su 'gyur ro//dge slong dag shin tu sbyangs pa yang dag byang chub kyi yan lag nye bar bstan par bya ste/ rnam grangs gang gis na shin tu sbyangs pa yang dag byang chub kyi yan lag rnam pa gnyis su 'gyur zhe na/lus shin tu sbyangs pa yang yod/ sems shin tu sbyangs pa yang yod de/ de la lus shin tu sbyangs pa de yang byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o//sems shin tu sbyangs pa de yang byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o/ /dge slong dag shin tu sbyangs pa yang dag byang chub kyi yan lag nye bar bstan pa rnam grangs 'dis na shin tu sbyangs pa yang dag byang chub kyi yan lag rnam pa gnyis su 'gyur ro//dge slong dag ting nge 'dzin yang dag byang chub kyi yan lag nye bar bstan par bya ste/ rnam grangs gang gis na ting nge 'dzin yang dag byang chub kyi yan lag rnam pa gnyis su 'gyur zhe na/ ting nge 'dzin kyang yod la ting nge 'dzin gyi rgyu mtshan kyang yod de/ de la ting nge 'dzin gyi byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o/ /ting nge 'dzin gyi rgyu mtshan de yang byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o/ /dge slong dag ting nge 'dzin yang dag byang chub kyi yan lag nye bar bstan pa rnam grangs 'dis ting nge 'dzin yang dag byang chub kyi yan lag rnam pa gnyis su 'gyur ro//dge slong dag btang snyoms yang dag byang chub kyi yan lag nye bar bstan par bya ste/ rnam grangs gang gis btang snyoms yang dag byang chub kyi yan lag rnam pa gnyis su 'gyur zhe na/dge ba'i chos rnams la btang snyoms pa yang yod/ mi dge ba'i chos rnams la btang snyoms pa yang yod do/ /dge ba'i chos rnams la btang snyoms pa de yang byang chub kyi yan lag ste/ mngon par shes pa yang dag par rtogs pa mya ngan las 'das pa sgrub par byed pa'o//mi dge ba'i chos la btang snyoms pa de yang mngon par shes pa yang dag par rtogs pa mya ngan las 'das pa sgrub par byed pa ste/ dge slong dag btang snyoms yang dag byang chub kyi yan lag nye bar bstan pa/ rnam grangs 'dis na btang snyoms yang dag byang chub kyi yan lag rnam pa gnyis su 'gyur ro//dge slong dag byang chub kyi yan lag bdun nye bar bstan pa rnam grangs 'dis byang chub kyi yan lag bdun rnam pa bcu bzhir 'gyur ro zhes bka' stsal to/ /bcom ldan 'das kyis dga' ba dang / dga' ba'i gnas lta bu'i chos rnams dga' ba yang dag byang chub kyi yan lag tu gsungs pa dang /khong khro ba dang khong khro ba'i rgyu mtshan gnod sems kyi sgrib par gsungs pa dang zhes bya ba la sogs pa la bris ma thag pa 'di nyid bltas te brjod par bya'o/ /yang dag pa'i lta ba dang / rtog pa dang / rtsol ba rnams zhes bya ba la sogs pa ni sngar dge slong ma chos sbyin gyi mdor bstan pa bzhin blta bar bya'o/ /reg pa'i skye mched drug po 'di dag ni sngon gyi las yin par rig par bya'o zhes bya ba la sogs pa la mdzod kyi gnas dang por rnam par smin pa las skyes pa dang /rgyas las byung ba nang gi lnga zhes bya ba la sogs pa ji ltar re zhig gleng gzhi yang dag par ldan pa'i bsdus pa'i sdom gyi tshigs su bcad pa/ dang po'i sdom gyi tshigs su bcad pa gnyis pa'i mdo sde dang de las shes par byed par rig pa bzhi'o/ /'khor dang 'brel ba ma yin pa'i phyir zhes bya ba la gleng gzhin ni mnyan du yod pa na'o//dge slong dag brgyad po 'di dag ni 'khor te/ brgyad gang zhe na/ rgyal po'i 'khor dang / bram ze'i 'khor dang / khyim bdag gi 'khor dang / dge sbyong gi 'khor dang / rgyal chen bzhi'i 'khor dang /sum cu rtsa gsum pa'i 'khor dang / bdud kyi 'khor dang / tshangs pa'i 'khor ro zhes bka' stsal to/ /dge slong rta thul gyis 'byung ba chen po 'di dag yongs su ma lus par 'gag par 'gyur zhes dris pa dang zhes bya ba la tshul khrims kyi phung po'i dang po'i sdom gyi tshigs su bcad pa gnyis pa'i mdo las bcom ldan 'das kyis ji skad du khyim bdag nya pa'i bu las brtsams so//khyim bdag gi bu gang gi tshe dge slong 'khor 'dir 'dus shing tshogs pa gang gis gcig pu dben par ting 'dzin la mnyam par bzhag pa na sems la sems kyis rnam par dpyod pa 'di lta bu skye ba'i gnas yod do//'di lta ste/ 'byung ba chen po sa dang chu dang me dang rlung bzhi po 'di dag ma lus par gang du yongs su 'gag par 'gyur/ ma lus par yongs su nub pa dang zad pa dang gtugs par 'gyur ro snyam mo/ /de nas dge slong de 'dzam bu'i gling nas mi snang bar gyur te/rgyal chen bzhi'i ris kyi lha rnams kyi nang du song ste/ de nas dge slong des rgyal chen bzhi'i ris kyi lha rnams la 'di skad ces smras so/ /'di lta ste 'byung ba chen po sa dang chu dang me dang rlung bzhi po 'di gang du ma lus par yongs su 'gag par 'gyur/ ma lus par yongs su nub pa dang zad pa dang yongs su gtugs par 'gyur/ de dag gis smras pa dge slong nged cag gis kyang 'di lta ste/ 'byung ba chen po sa dang chu dang [(]med [,]me [)]dang rlung bzhi po 'di gang du ma lus par yongs su 'gag pa dang / yongs su nub pa dang / zad pa dang / gtugs par 'gyur ba mi shes shing mi mthong ngo / 'on kyang bdag cag las ches khyad par du 'phags pa/ ches mchog tu gyur pa rgyal po chen po bzhi zhes bya ba yod kyi/ des 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag pa dang / ma lus par yongs su nub pa dang zad pa dang gtugs pa shes so/ /de nas dge slong de rgyal po chen po bzhi gang na ba der nye bar song ste/ nye bar song nas rgyal po chen po bzhi la 'di skad ces smras so/ /'di lta ste/ 'byung ba chen po sa dang chu dang me dang rlung bzhi po 'di dag gang du ma lus par 'gag pa dang /ma lus par yongs su nub pa dang zad pa dang / gtugs par 'gyur/ dge slong bdag cag gis kyang 'di lta ste 'byung ba chen po sa dang chu dang me dang rlung bzhi po 'di dag gang du ma lus par yongs su nub pa dang zad pa dang gtugs par 'gyur ba mi shes shing mi mthong ngo //'on kyang bdag cag las ches khyad par du 'phags pa sum cu rtsa gsum pa'i lha zhes pa yod de de dag gis 'byung ba chen po 'di lta ste sa dang chu dang me dang rlung bzhi po 'di dag gang du ma lus par yongs su nub pa dang zad pa dang gtugs par 'gyur ba shes so/ /de nas dge slong de rgyal chen bzhi'i ris kyi lha rnams kyi nang nas mi snang bar gyur te/sum cu rtsa gsum du song ste/ de nas dge slong des [(]su [,]sum [)]cu rtsa gsum pa'i lha rnams la 'di skad ces smras so/ /'di lta ste 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur/ma lus par yongs su nub pa dang zad pa dang gtugs par 'gyur/ dge slong nged cag gis kyang 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su nub pa dang / zad pa dang / gtugs par 'gyur ba mi shes shing mi mthong ngo //'on kyang bdag cag la ches khyad par du 'phags pa ches mchog tu gyur pa brgya byin lha'i dbang po yod kyi des 'byung ba chen po 'di lta ste/ sa dang chu dang me dang rlung bzhi po 'di dag gang du ma lus par yongs su 'gag pa dang / ma lus par yongs su nub pa dang / zad pa dang gtugs par 'gyur ba shes so//de nas dge slong de brgya byin lha'i dbang po gang na ba der nye bar song ste/ nye bar song nas brgya byin lha'i dbang po la 'di skad ces smras so/ /kau shi ka 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag pa dang /ma lus par yongs su nub pa dang / zad pa dang gtugs par 'gyur/ dge slong bdag gis kyang 'di lta ste/ 'byung ba chen po sa dang chu dang me dang rlung bzhi po 'di dag gang du yongs su ma lus par 'gag pa dang / ma lus par yongs su nub pa dang / zad pa dang gtugs par 'gyur ba mi shes shing ma mthong mod kyi/'on kyang bdag pas ches khyad par du 'phags pa ches mchog tu gyur pa 'thab bral ba yod kyi/ des 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag pa dang / ma lus par nub pa dang /yongs su zad pa dang gtugs pa shes so/ /de nas dge slong de rgyas par ji ltar sum cu rtsa gsum gyi lha dang brgya byin lha'i dbang po dang / de bzhin du 'thab bral dang lha'i bu rab 'thab bral dang / dga' ldan dang lha'i bu yongs su dga' ldan dang / 'phrul dga' dang / lha'i bu rab 'phrul dga' dang / gzhan 'phrul dbang byed dang / dbang sgyur gyi lha'i bu dang / tshangs ris kyi lha'i bu rnams kyi nang du phyin te/ de nas dge slong des tshangs ris pa'i lha rnams la 'di skad ces smras so/ /'di lta ste 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur ba dang /ma lus par nub pa dang zad pa dang gtugs par 'gyur/ de dag gis 'di skad ces smras so/ /dge slong bdag cag gis kyang 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur ba dang /ma lus par nub pa dang zad pa dang gtugs par 'gyur ba mi shes shing ma mthong mod kyi 'on kyang bdag cag pas ches khyad par du 'phags pa/ ches mchog tu gyur pa/ tshangs pa tshangs pa chen po/ dbang phyug byed pa po/ sprul pa po/'byin par byed pa/ 'byin pa po/ dngos po rnams kyi pha lta bur gyur pa tshangs pa chen po yod kyis des mi shes pa dang / mi mthong ba dang / mi rig pa dang / rnam par mi shes pa cung zad tsam yang med kyi/ des 'di lta ste 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur ba dang ma lus par nub pa dang gtugs pa shes so//tshangs pa de gang na 'dug cing gang du gnas/ dge slong bdag cag gis kyang tshangs pa gang na 'dug cing gang du gnas pa mi shes shing mi mthong mod kyi/ 'on kyang snang ba yod na tshangs pa mthong bar 'gyur ro/ /de nas 'khor de dag la snang ba byung ste/ tshangs pa gzhon nu gdong pa lnga po byis pa gzhon nu lta bu'i mdog can du mngon par gyur to/ /de nas dge slong des tshangs pa la 'di skad ces smras so/ /tshangs pa 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur zhing / ma lus par nub pa dang zad pa dang gtugs par 'gyur/ des 'di skad ces smras so/ /kho bo ni tshangs pa'o/ /tshangs pa chen po'o/ /dbang phyug go/ /byed pa po'o//sprul pa pa'o/ /'byin par byed pa'o/ /'byin pa po'o/ /dngos po rnams kyi pha lta bur gyur pa'o/ /tshangs pa khyod tshangs pa yin nam ma yin yang rung / dbang phyug dang byed pa po yin nam ma yin yang rung / sprul pa po yin nam sprul pa po ma yin yang rung / 'byin par byed pa dang 'byin par byed pa po dang dngos po rnams kyi pha lta bur gyur pa yin nam 'byin par byed pa dang 'byin pa po dang dngos po rnams kyi pha lta bur gyur pa ma yin yang rung khyed la de dris pa ma yin gyi/bdag khyod la 'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur/ma lus pa nub pa dang zad pa dang gtugs par 'gyur zhes dri'o/ /lan gnyis lan gsum du tshangs pas dge slong de la 'di skad ces smras so/ /dge slong bdag ni tshangs pa/ tshangs pa chen po zhes bya ba nas/ rgyas par sa dang chu dang me dang rlung bzhi po zhes bya ba'i bar du'o//de nas tshangs pas dge slong de'i lag pa nas bzung ste dben pa'i phyogs gcig tu song nas 'di skad ces smras so/ /dge slong tshangs pa'i 'khor 'di dag thams cad bdag la tshangs pas mi shes pa dang / mi mthong ba dang / mi rig pa dang rnam par mi rig pa cung zad kyang med do zhes rnam par shes la/'on kyang bdag gis ni 'di lta ste/ 'byung ba chen po sa dang chu dang me dang rlung bzhi po 'di dag ma lus par gang du yongs su 'gag par 'gyur ba dang / ma lus par nub pa dang / zad pa dang gtugs par 'gyur ba mi shes shing bdag gis ma mthong ngo //'on kyang dge slong khyod rang gi nyes shing nyes pa byas te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bzhag nas don 'di lta bu bdag la yongs su dri snyom du sems sam/ dge slong 'on kyang bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs te/dge slong 'dod na bcom ldan 'das gang na ba der nye bar song ste nye bar song nas/ bcom ldan 'das la don 'di lta bu yongs su dris shig /ji lta ba bzhin the tshom med par bcom ldan 'das de lung ston par 'gyur ro//de nas dge slong de tshangs pa'i 'jig rten nas mi snang bar gyur te/ mnyan yod du 'ongs nas nga gang na ba der song ste/ nye bar song nas nga la 'di skad ces gsol to/ /'di lta ste/ 'byung ba chen po sa dang chu dang me dang rlung bzhi po 'di dag gang du ma lus par yongs su 'gag par 'gyur/ma lus par yongs su nub pa dang / zad pa dang / gtugs par 'gyur/ de la 'di skad ces bka' stsal te/ dge slong skyes bu mkhas pa kha cig ni dpes bshad pa'i don shes par 'gyur bas dpe nyon cig /dge slong sngon byung ba 'dzam bu'i gling gi tshong pa mang po rgya mtsho las brgal ba'i grur zhugs shing pha rol gyi 'gram mthong ba'i bya khyer te nor gyi phyir rgya mtsho chen po brgal ba na/ji srid du 'gro ba de srid du pha rol gyi 'gram mthong ba'i bya gtong bar byed do/ /gal te pha rol gyi 'gram mthong nas bya de gnas su phyir mi ldog par pha rol gyi 'gram du 'gro bar byed do//gal te pha rol gyi 'gram ma mthong na bya de de bzhin du gnas su ldog cing pha rol gyi 'gram du 'gro bar mi byed do/ /de bzhin du dge slong khyod pha rol gyi 'gram ma mthong ba'i bya bzhin du tshangs pa'i 'jig rten gyi bar du phyin nas lung bstan pa ma thob ste/slar nga'i drung du 'ongs so/ /'on kyang dge slong dri ba 'di 'di lta bur dri bar mi bya zhing / dri ba 'di 'di lta bur 'dri na yongs su rdzogs par mi 'gyur te/ ji ltar dri ba dri bar bya ba dang / ji ltar dri ba yongs su rdzogs par 'gyur ba de legs par nyon la yid la zung shig dang bshad par bya'o//gang du sa chu me dang ni/ /rlung dag rjes su mi 'jug dang / /gang du ring dang thung ba dang / /phra sbom dge dang mi dge dang / /gang du ming dang gzugs dag ni/ /ma lus pa dag 'gag par 'gyur/ /de la ji lta ji ltar chos rnam par shes nas lung bstan par 'gyur ba 'gog pa ste/rnam par shes pa bstan du med pa mtha' yas pa thams cad du khyab cing khyab pa de 'byung bar mi 'gyur gyi/ 'on kyang sa dang chu dang me dang rlung yang 'jug par mi 'gyur la/ ring ba dang thung ngu dang / phra ba dang / spom pa dang / dge ba dang mi dge ba dang / ming dang gzugs ma lus pa yang 'dir 'gag par 'gyur ro/ /btsun pa dge slong de'i ming ci yin/ khyim bdag gi bu rta thul zhes bya'o zhes bka' stsal to/ /bdag la ltos nas nyes pa rnams kyis mi 'dzem pa ni zhes bya ba la sogs pa la/ gleng gzhi ni mnyan du yod pa na'o//dbang du bya ba ni rnam pa gsum ste/ dbang du bya ba gsum gang zhe na/ 'jig rten gyi dbang du bya ba dang / bdag gi dbang du bya ba dang / chos kyi dbang du bya ba'o/ /'jig rten gyi dbang du bya ba gang zhe na/ 'di la 'phags pa nyan thos dgon pa'am/ shing drung ngam/khang pa stong par 'di ltar yang dag par bslab ste/ 'jig rten 'di ni rab tu mang ngo / /'jig rten 'di'i dbyibs ni rab tu mang ngo / /'jig rten rab tu mang po dang / 'jig rten gyi dbyibs rab tu mang po 'di ni rdzu 'phrul dang ldan zhing mthu che ba lha'i mig dang / gzhan gyi sems ring po na 'dug pa mthong zhing de dag gis de mi mthong ba sems kyis sems la khyab par byas te/ yid kyis yid rab tu shes pa yod do/ /'di na bcom ldan 'das kyi nyan thos kyi dge 'dun rdzu 'phrul dang ldan zhing mthu che ba lha'i mig dang / gzhan gyi sems shes pas ring po na 'dug pa mthong zhing de dag gis de mi mthong ba sems kyis sems la khyab par byas te yid kyis yid rab tu shes pa yang yod do//gal te nga chags sems dang 'dres pa sdig pa mi dge ba'i rnam par rtog pas rtog par byed na des bdag shes shing des bdag mthong bar 'gyur la shes shing mthong nas brjod par 'gyur ro//rigs kyi bu khyim nas khyim med par dad pas rab tu byung nas chags sems dang 'dres pa'i sdig pa mi dge ba'i rnam par rtog pas rtog par byed do zhes mthong zhing smra bar 'gyur ro/ /gang yang de dag gis bdag shes shing gang yang de dag gis bdag mthong la/gang yang bdag gi bdag nyid kyis bdag nyid shes shing bdag nyid mthong bas/ gang yang bdag gi bdag nyid kyis bdag nyid shes shing bdag gi bdag nyid kyis bdag nyid mthong la rnam par shes so zhes smra bar 'gyur ro/ /de ltar shes shing de ltar mthong nas brtson 'grus rtsom par 'gyur ro//mi zhum pa dang lus shin tu sbyangs pa dang brtun zhing dran pa nye bar 'jog par 'gyur ro/ /shes bzhin dang sems mnyam par 'jog pa dang rtse gcig par 'gyur te/ de 'jig rten nyid kyi dbang du byas te/ mi dge ba spong zhing dge ba sgom par 'gyur te/'di ni 'jig rten gyi dbang du byas pa zhes bya'o/ /bdag gi dbang du byas pa gang zhe na/ 'di la 'phags pa nyan thos dgon pa'am/ shing drung ngam khang pa stong par 'di ltar yang dag par rjes su slob ste/ dgon pa dben pa de dang der skad cig skad cig gis rtogs pa khyad par du 'gro bar 'gyur te/gal te bdag chags sems dang 'dres pa'i sdig pa mi dge ba'i rnam par rtog pas rtog par byed pa na/ de dag gi tshul dang mi mthun zhing chos 'di lta bu rnam par mi shes so zhes de de ltar mthong nas brtson 'grus rtsom par 'gyur ro//mi zhum pa dang lus shin tu sbyangs pa dang brtun zhing dran pa nye bar 'jog par 'gyur ro/ /shes bzhin dang sems mnyam par 'jog pa dang / rtse gcig par 'gyur te/ de bdag gi dbang du byas nas mi dge ba spong zhing dge ba bsgom par 'gyur te/ 'di ni bdag gi dbang du bya ba zhes bya'o//chos kyi dbang du bya ba gang zhe na/ 'di la 'phags pa nyan thos dgon pa'am shing drung ngam khang pa stong par 'di ltar yang dag par slob ste/ bcom ldan 'das kyi chos ni legs par gsungs pa/ yang dag par mthong ba/ nad med pa/ dus chad pa med pa/ nye bar gtod pa/ 'di mthong ba la don yod pa/ mkhas pa rnams kyis so so rang gis rig par bya ba ste/ gal te bdag chags sems dang 'dres pa sdig pa mi dge ba'i rnam par rtog pas rtog par byed na/ de bdag gi tshul dang mi mthun zhing chos 'di lta bu rnam par mi shes so zhes de ltar shes shing de ltar mthong na brtson 'grus rtsom par 'gyur ro//mi zhum pa dang lus shin tu sbyangs pa dang brtun zhing dran pa nye bar 'jog par 'gyur ro/ /shes bzhin dang sems mnyam par gzhog pa dang rtse gcig par 'gyur te/ de chos kyi dbang du byas nas mi dge ba spong ba dang dge ba bsgom par 'gyur ro//'di ni chos kyi dbang du byas pa zhes bya'o/ /sdig pa'i las rnams byed pa la/ /dben pa'i gnas ni yod ma yin/ /bden nam yang na brdzun yang rung / /bdag nyid kyis ni rnam par shes/ /bdag nyid pha rol brnyas mi byed//dbang po'i mchog ni 'di yin te/ /bdag la yod pa'i sdig pa dag /rab tu gsang bar mi bya'o/ /'jig rten byis pa rnams ni dkar spyod pa/ /lha dang de bzhin gshegs pa rnams kyis gzigs/ /blo dang dran ldan 'jig rten 'di nyid kyi/ /dbang du byas te bdag gi sdig pa spong //chos spyod bden pa pha rol gnon pa yi/ /thub pa chos kyi dbang byas nyams mi 'gyur/ /gang zhig bdud spangs gshin rje rab bcom zhing / /spangs par ldan pa skye ba zad la reg /de ni zhi zhing 'dod pa sdig pa spangs/ /skye dang rga las brgal bar nga smra'o//zhes bka' stsal to/ /mdo las rtog pa dang dpyod pa dag ni ngag mngon par 'du byed pa yin par gsungs te zhes bya ba la sogs pa la/ gang las bshad ce na/ dge slong ma chos sbyin gyi mdo sngar bshad pa dang / 'dod pa can gyi mdo las nye bar bstan pa ma byas par bshad do//rnam par shes pa rnam par shes pa'o zhes bya ba la/ mdzod kyi gnas dang por phung po las sdom gyi tshigs su bcad pa'i mtha'i mdo las gzugs su rung bas na gzugs so zhes bya ba la sogs pa bstan pa bzhin no/ /mi slob pa'i chos bcu po 'di dag ces bya ba la sogs pa la/gleng gzhi ni mnyan du yod pa na'o/ /dge slong dag bcu po 'di dag ni mi slob pa'i chos te/ bcu gang zhe na/ mi slob pa'i yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang /yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dang / yang dag pa'i rnam par grol ba dang / yang dag pa'i ye shes so/ /mi slob pa'i chos bcu po 'di bskyed cing thob la kun tu ldan pas na yan lag lnga rnam par spangs pa'i 'phags par 'gyur ro//yan lag drug dang ldan pa dang / bsrung ba gcig pa dang / brten pa bzhi dang / rang sangs rgyas las rab tu 'das pa dang / kun 'byung ba spangs pa dang / rnam par rtog pa med pa dang / lus kyi 'du byed shin tu sbyangs pa dang / sems rnam par grol ba dang / shes rab rnam par grol ba dang / gcig tu tshangs par spyod pa dang / skyes bu'i mchog ces bya ba'o zhes bka' stsal to/ /dge slong dag 'khor los sgyur ba rin po che sna bdun dang ldan pa zhes bya ba la sogs pa la/ lung bar ma'i sdom gyi tshigs su bcad pa gnyis pa las rgyas pa byis pa dang mkhas pa'i mdo las 'don te/de lus kyis legs par spyad pa spyad/ ngag dang yid kyis legs par spyad pa spyad nas de'i rgyu dang de'i rkyen gyis lus zhig pa'i 'og tu bde 'gro mtho ris kyi lha'i 'jig rten du skye bar 'gyur ro/ /dge slong dag gang yang yang dag par smra bas smra ste/dben pa ni 'dod pa/ dben pa ni sdug pa/ dben pa ni dga' ba/ dben pa ni yid du 'ong ba ste/ mtho ris so zhes zer ba de ni yang dag par smra bas smra ba ste/ dge slong dag mtho ris ni 'dod pa/ mtho ris ni sdug pa/ mtho ris ni dga' ba/ mtho ris ni yid du 'ong ba'o//de nas dge slong gzhan zhig stan las langs te bla gos phrag pa gcig tu gzar te/ bcom ldan 'das gang na ba der thal mo sbyar te/ bcom ldan 'das la 'di skad ces gsol to/ /btsun pa mtho ris ci tsam du bde/ dge slong ngas khyod kyis sla bar rtogs pa'i phyir bshad par bya'o//btsun pa dpe cung zhig mchis sam/ dge slong yod do/ /de nas bcom ldan 'das kyis dge slong de la 'di skad ces bka' stsal to/ /dge slong 'di lta ste 'khor los sgyur ba'i rgyal po rin po che sna bdun dang ldan pa/ mi bzhi po thams cad kyi dbang phyug thob pa/gling bzhi'i rgyal po dang / dbang phyug dang / bdag po byed pa mchog tu bde ba dang ldan nam/ yid bde ba dang ldan nam/ btsun pa re zhig rin po che gcig dang ldan pa dang / mi gcig la dbang ba dang / gling gcig gi rgyal po dang / dbang phyug dang / bdag po byed pa yang mchog tu bde ba dang yid bde ba dang ldan na/'khor los sgyur ba'i rgyal po lta ci smos/ de nas bcom ldan 'das kyis sen mo'i rtse mor rdul gcig bsnams te/ dge slong de la bos te dge slong 'di ji snyam du sems/ nga'i sen mo'i rtse mo la yod pa'i rdul 'di mang ngam/ sa chen po la gnas pa'i rdul gang mang /btsun pa sen mo'i rtse mo la yod pa'i rdul 'di nyung zhing rab tu nyung la shin tu rab tu nyung ste/ bcom ldan 'das sa chen po'i rdul gyi dper yang mi 'gro la/ brgya'i char yang / stong gi char yang / brgya stong gi char yang / grangs su yang / bgrang bar yang /dper yang / rgyur yang nye bar mi 'gro'o/ /dge slong ji ltar sen mo'i rtse mo la brten pa'i rdul sa chen po la brten pa'i rdul gyi dper yang nye bar mi 'gro la/ brgya'i char yang / stong gi char yang / brgya stong gi char yang / grangs su yang / bgrang bar yang / dper yang / rgyur yang nye bar mi 'gro ba de bzhin du 'khor los sgyur ba'i rgyal po rin po che sna bdun dang ldan pa/gling bzhi'i dbang phyug dang / rgyal po dang / bdag po byed pa'i bde ba de lha'i bde ba'i dper yang mi 'gro la/ brgya'i char yang / stong gi char yang / brgya stong gi char yang / grangs su yang / bgrang bar yang /dper yang / rgyur yang nye bar mi 'gro'o/ /de ci'i phyir zhe na/ reg pa'i skye mched drug ces bya ba'i mtho ris yod de/ der skyes pa'i sems can de dag mig gis gzugs gang mthong ba yid du 'ong ba mthong bar 'gyur gyi/ yid du mi 'ong ba mthong bar mi 'gyur la/ yid dga' bar 'gyur gyi mi dga' bar mi 'gyur/dga' ba'i gzugs su 'gyur gyi/ mi dga' ba'i gzugs su mi 'gyur/ rab tu dga' ba'i gzugs su 'gyur gyi mi dga' ba'i gzugs su mi 'gyur te/ de'i rgyus gcig tu bde ba dang yid bde ba so sor rig par 'gyur ro/ / rna bas sgra dang / snas dri dang / lces ro dang / lus kyis reg bya dang / yid kyis chos rnam par shes na yid du 'ong ba shes par 'gyur gyi/ yid du mi 'ong ba ma yin la/ dga' ba'i gzugs su 'gyur gyi/ mi dga' ba'i gzugs ma yin no/ /rab tu dga' ba'i gzugs su 'gyur gyi/rab tu mi dga' ba'i gzugs ma yin te/ de'i rgyus gcig tu bde ba dang yid bde ba so sor myong bar 'gyur ro/ /dge slong gal te mkhas pa'i rang bzhin can de gnas de las gal te/ 'chi 'pho zhing 'dir mi rnams dang skal ba mnyam par 'ong na yang rigs gang dang gang du skye ba de dang der phyug cing nor mang la longs spyod che ba dang /bdog pa mang ba dang / rang dbang dang bcas par 'gyur ba dang / nor dang 'bru dang / rin po che dang / gser gyi mdzod gang ba dang / bran pho dang bran mo dang las byed pa'i skyes bu mang ba dang / grogs po dang mdza' bo dang gnyen bshes dang /snag gi gnyen mtshams mang bar 'gyur ba de lta bu dang skal ba mnyam pa'i rigs su skye bar 'gyur ro/ /thob pa rnyed dang ldan pa'o zhes bya ba la/ gleng gzhi ni mnyan du yod pa na'o/ /dge slong dag chos gcig dang ldan na dran pa nye bar gzhag pa bzhi sgom pa'i skal ba med de/'di lta ste ma rnyed pa'o/ /dge slong dag ma rnyed pa dang ldan na dran pa nye bar gzhag pa bzhi bsten pa'i skal ba med do/ /dge slong dag chos gcig dang ldan na dran pa nye bar gzhag pa bzhi sgom pa'i skal ba yod de rnyed pa'o/ /rnyed pa dang ldan na dran pa nye bar bzhag pa bzhi bsten pa'i skal ba yod do zhes bka' stsal to//bcom ldan 'das kyis kyang brgya la mi rnams dang skal ba mnyam pa 'di lta bu nyid du 'ong na yang zhes bya ba la sogs pa la/ ji ltar re zhig byis pa dang mkhas pa'i mdo las go rims las bzlog ste gnyis par bshad pa lta bu dang /de'i rjes thogs la tshangs pa'i dra ba'i mdo de dang de las 'don pa lta bu'o/ /mdo las sems can de dag yun ring por 'dug ste 'du shes skyes nas zhes bya ba la sogs pa la/ tshul khrims kyi phung po'i zhabs su tshangs pa'i dra ba las bshad pa dang / mdzod kyi gnas gsum par lta ba drug cu rtsa gnyis ji ltar tshangs pa'i dra ba las bshad pa der 'don pa lta bu ste/dge slong dag dge sbyong dang bram ze kha cig sngon gyi mtha'i bskal par 'di lta ste dngos po gnyis po bdag dang 'jig rten rgyu med pa las byung zhing rgyu med pa las skyes par smra zhing mngon par smra ba dag yod de/ dge sbyong dang bram ze de dag gang zhig rtogs shing gang la brten nas 'di lta ste/ dngos po gnyis po bdag dang 'jig rten rgyu med pa las byung zhing rgyu med pa las skye bar mngon par smra zhing smra zhe na/ dge slong dag gzugs kyi khams na 'du shes med pa'i sems can zhes bya ba'i lha yod de/ yang sems can de dag 'du shes skyes nas gnas de nas 'chi 'pho bar 'gyur ro//de nas sems can gzhan zhig tshe zad de las zad de gnas de nas 'chi 'phos te brgya la mi rnams dang skal ba mnyam pa 'di lta bu nyid du 'ongs te/ cher skyes shing / dbang po yongs su smin nas skra dang kha spu bregs te chos gos bgos shing dad pas yang dag pa kho nar khyim nas khyim med par rab tu byung nas de dgon pa'am shing drung ngam/khang pa stong par yongs su gdung ba'i rgyu dang / spangs pa'i rgyu dang / lan mang du byas pa'i rgyu dang yang dag par yid la byas pa'i rgyus ji ltar sems mnyam par gzhag pa sngon gyi 'du shes skyes pa rjes su dran pa sems de lta bur zhi ba'i ting nge 'dzin gyis mthong ste/de 'di snyam du 'gyur te/ bdag dang 'jig rten 'di ni rgyu med pa las rab tu byung la/ de bzhin du bdag dang 'jig rten 'di ni rgyu med pa las rab tu skyes so/ /bdag sngon ma byung la da ltar yang dag par byung [(]zhis [,]zhes [)]dge slong dang po'i dngos po gang rtogs shing gang la brten zhing gang zhig dmigs nas sngon gyi mtha'i bskal par bdag dang 'jig rten rgyu med pa las byung zhing bdag dang 'jig rten rgyu med pa las skyes so zhes mngon par smra zhing mngon par smra'o//re zhig skyil mo krung mi bshig go snyam pa'i bsam pa 'di mi ldang ba'i phyir ro zhes bya ba la sogs pa la/dge 'dun dbyen gyi gzhi'i mdo drug pa'i gzhi las 'di ltar 'don te/ byang chub sems dpa' klu'i rgyal po nag po yang dag par bstod nas rdo rje'i gdan du mngon par phyogs te bzhugs nas de 'di snyam du dgongs te/rtswa bting ba la 'dug par bya'o zhes rtog cing rtswa dgos pa na lha'i dbang po brgya byin gyis byang chub sems dpa'i thugs sems kyis shes nas spos kyi ri las reg na 'jam pa'i rtswa khur du blangs te bdag nyid rtswa 'tshong bkra shis kyi gzugs su mngon par sprul nas byang chub sems dpa'i mdun du 'dug go//byang chub sems dpas smras pa/ rab tu bzang po'i gdong pa bdag la rtswa byin cig /de nas lha'i dbang po brgya byin gyis byang chub sems dpa'i zhabs la gtugs te gus pa dang bcas pas phul lo/ /de nas byang chub sems dpas rtswa 'tshong bkra shis las rtswa blangs nas lhas byin gyis brlabs pa'i lam nas byang chub kyi shing drung du nye bar gshegs so//nye bar gshegs nas ma 'dres shing ma 'dres pa'i rtswa'i stan 'ding bar rtsom pa na/ de nas rtswa de dag ma 'dres par lhung bar gyur pa na/ byang chub sems dpa' 'di snyam du/ji ltar rtswa 'di dag lhung ba las na bdag nges par bla na med pa'i ye shes rtogs par 'gyur ro/ /de nas rdo rje'i gdan na klu'i rgyal po ltar sku bskyil te skyil mo krung bcas te sku drang por bsrangs nas dran pa nye bar gzhag pa mngon du phyogs shing sems bskyed cing tshig tu yang brjod pa/ji srid du zag pa med pa ma thob kyi bar du skyil mo krung 'di mi bshig par bya'o zhes brjod do/ /ci'i 'di dag la skyes nas yongs su nyams pa yod dam zhe na zhes bya ba la sogs pa la/ lung bar ma 'char byed kyi mdo bdun pa'i mtha'i sdom gyi tshigs su bcad pa'i dang por 'di ltar 'don te/tshe dang ldan pa dag 'di ni dge slong tshul khrims phun sum tshogs pa yang yin ting nge 'dzin phun sum tshogs pa yang yin shes rab phun sum tshogs pa yang yin la/ de yang dang yang du 'du shes dang tshor ba 'gog pa la snyoms par 'jug pa dang ldan pa'i gnas de yod do zhes yang dag pa ji lta ba bzhin rab tu shes so//de mthong ba'i chos kho na la dang po nyid du kun shes pa yang thob par mi byed cing / 'chi ba'i dus kyi tshe yang ma yin la lus zhig nas kyang kham gyi zas za ba'i lha las 'das te/ yid las byung ba'i lha'i lus gang yang rung ba zhig tu skye bar 'gyur ro//der skyes nas yang dang yang du 'du shes dang tshor ba 'gog pa la snyoms par 'jug pa dang ldang ba'i gnas de yod do zhes yang dag pa ji lta ba bzhin rab tu shes so/ /de'i tshe tshe dang ldan pa 'char byed 'khor 'dus pa de'i nang na 'dug par gyur te/ de nas tshe dang ldan pa 'char byed kyis tshe dang ldan pa shA ri'i bu la 'di skad ces smras so//dge slong gnas ma yin zhing go skabs med de/ yid las byung ba lha'i lus gang yang rung ba zhig tu skyes nas yang dang yang du 'du shes dang tshor ba 'gog pa la snyoms par 'jug pa dang ldang ba 'di ni gnas med cing yang dag pa ji lta ba bzhin shes pa 'di ni gnas med do//de ltar lan gnyis lan gsum du smra'o/ /de nas tshe dang ldan pa shA ri'i bu 'di snyam du bdag gis bshad pa la dge slong 'di lan gsum gyi bar du phyir zlog par byed khro bar byed cing tshangs pa mtshungs par spyod pa rnams kyang bdag gis bshad pa la rjes su yi rang bar mi byed pas na/bdag bcom ldan 'das gang na ba der 'gro bar bya'o snyam du sems so/ /de nas tshe dang ldan pa shA ri'i bu bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas te phyogs gcig tu 'dug go//phyogs gcig tu 'dug nas tshe dang ldan pa shA ri'i bus dge slong zhes bos nas tshe dang ldan pa dag 'di na dge slong tshul khrims phun sum tshogs pa yang yin/ ting nge 'dzin phun sum tshogs pa yang yin/ shes rab phun sum tshogs pa yang yin la/de yang dang yang du 'du shes dang tshor ba 'gog pa la snyoms par 'jug pa dang ldang ba'i gnas de yod do zhes bya ba yang dag pa ji lta ba bzhin rab tu shes so zhes bya ba nas/ yang dag ji lta ba bzhin rab tu shes so zhes bya ba'i bar du'o/ /de nas de'i tshe de'i dus na tshe dang ldan pa 'char byed 'khor de'i nang na 'dug par gyur to//de nas tshe dang ldan pa 'char byed kyis tshe dang ldan pa shA ri'i bu la 'di skad ces smras so/ /dge slong gnas ma yin zhing go skabs med de yid las byung ba'i lha'i lus gang yang rung ba zhig tu skyes nas yang dang yang du 'du shes dang tshor ba 'gog pa la snyoms par 'jug pa dang ldang ba 'di ni gnas med cing yang dag pa ji lta ba bzhin shes pa 'di ni gnas med do zhes de ltar lan gnyis lan gsum du smras so//de nas tshe dang ldan pa shA ri'i bu 'di snyam du ston pa'i mdun du yang bdag gis bshad pa la dge slong 'di phyir zlog par byed khong khro bar byed cing tshangs pa mtshungs par spyod pa rnams kyang bdag gis bshad pa la/rjes su yi rang bar mi byed pas bdag cang mi smra bar bya'o snyam nas/ de nas tshe dang ldan pa shA ri'i bu cang mi smra bar gyur to/ /de nas bcom ldan 'das kyis tshe dang ldan pa 'char byed la bos te/'char byed khyod kyis yid las byung ba'i lha'i lus gang yang rung ba gang yin par shes/ btsun pa ji srid du gzugs can ma yin pa lha 'du shes can de dag ma lags sam/ skyes bu rmongs pa long ba khyod mig dang ldan pa dge slong shA ri'i bu dang lhan cig chos mngon pa dang 'dul ba'i gtam bya bar sems sam zhes de nas bcom ldan 'das kyis tshe dang ldan pa 'char byed la mngon sum du spyos nas tshe dang ldan pa kun dga' bo la bos te/kun dga' bo khyod kyang dge slong gnas brtan rnams la rnam par gtses pa btang snyoms su byed dam/ skyes bu chen po dge slong gnas brtan gtses pa la snying rje yang ma skyes sam zhes de nas bcom ldan 'das kyis tshe dang ldan pa 'char byed dang /tshe dang ldan pa kun dga' bo la mngon sum du spyos nas/ dge slong rnams la bos te/ 'di na dge slong tshul khrims phun sum tshogs pa yang yin/ ting nge 'dzin phun sum tshogs pa yang yin/shes rab phun sum tshogs pa yang yin la de yang dang yang du 'du shes dang tshor ba 'gog pa la snyoms par 'jug pa dang ldang ba'i gnas de yod do zhes yang dag pa ji lta ba bzhin du rab tu shes so/ /de mthong ba'i chos kho na la dang po nyid du kun shes pa thob par yang mi byed cing 'chi ba'i dus kyi tshe yang yin la/lus zhig nas kyang kham gyi zas za ba'i lha las 'das te yid las byung ba'i lha'i lus gang yang rung ba zhig tu skye bar 'gyur ro/ /der skyes nas kyang yang dang yang du 'du shes dang tshor ba 'gog pa la snyoms par 'jug pa dang ldang ba'i gnas de yod do zhes yang dag pa ji lta ba bzhin rab tu shes so//de skad ces bka' stsal nas/ bcom ldan 'das nang du yang dag 'jig gi phyir gdan las bzhengs te gtsug lag khang du zhugs so/ /mdo las mthar gyis gnas pa'i snyoms par 'jug pa dgu zhes bya ba la sogs pa la/gleng gzhi ni mnyan du yod pa na'o/ /dge slong dag mthar gyis gnas pa'i snyoms par 'jug pa ni dgu po 'di rnams te/ 'dod pa las dben pa sdig pa mi dge ba'i chos las dben pa/ rtog pa dang bcas dpyod pa dang bcas pa dang dben pa las skyes pa'i dga' ba dang bde ba can bsam gtan dang po nye bar bsgrubs shing gnas te/'di ni mthar gyis gnas pa'i snyoms par 'jug pa dang po'o/ /de rtog pa dang dpyod pa nye bar zhi nas nang yongs su dang ste/ sems rtse gcig tu gyur nas rtog pa dang dpyod pa med pa ting nge 'dzin las skyes pa'i dga' ba dang bde ba can bsam gtan gnyis pa nye bar bsgrubs shing gnas te/'di ni mthar gyis gnas pa'i snyoms par 'jug pa gnyis pa'o/ /de dga' ba las 'dod chags dang bral nas btang snyoms su gnas te/ dran pa dang shes bzhin can bde ba lus kyis so sor myong la gang 'phags pa rnams kyis btang snyoms pa'o zhes brjod pa dran pa can bde ba dang ldan pa bsam gtan gsum pa nye bar bsgrubs shing gnas te/'di ni mthar gyis gnas pa'i snyoms par 'jug pa gsum pa'o/ /de bde ba yang spangs sdug bsngal ba yang spangs shing yid bde ba dang yid mi bde ba sngar nyid du nub cing bde ba yang ma yin sdug bsngal ba yang ma yin pa'i btang snyoms yongs su dag pa'i bsam gtan bzhi pa nye bar bsgrubs te gnas so//'di ni mthar gyis gnas pa'i snyoms par 'jug pa bzhi pa'o/ /de rnam pa thams cad du gzugs kyi 'du shes las yang dag par 'das te/thogs pa'i 'du shes nub cing sna tshogs kyi 'du shes yid la mi byed pas nam mkha' mtha' yas so zhes nam mkha' yas skye mched nye bar bsgrubs u0f85te gnas pa 'di ni lnga pa'o/ /de nas rnam pa thams cad du nam mkha' mtha' yas skye m ched las yang dag par 'das te/rnam shes mtha' yas so zhes rnam shes mtha' yas skye mched nye bar bsgrubs te gnas pa 'di ni drug pa'o/ /de rnam pa thams cad du rnam shes mtha' yas skye mched las yang dag par 'das te/ ci yang med do snyam nas ci yang med pa'i skye mched nye bar bsgrubs te gnas pa 'di ni bdun pa'o//de rnam pa thams cad du ci yang med pa'i skye mched las yang dag par 'das te 'du shes med 'du shes med min skye mched nye bar bsgrubs te gnas pa 'di ni brgyad pa'o/ /de rnam pa thams cad du 'du shes med 'du shes med min skye mched las yang dag par 'das te/'du shes dang tshor ba 'gog pa lus kyis mngon sum du byas shing nye bar bsgrubs te gnas pa 'di ni dgu pa ste/ /'di ni mthar gyis gnas pa'i snyoms par 'jug pa dgu pa'o zhes bka' stsal to/ /gsum 'dus pa'i reg pa dang / reg pa las byung ba'i tshor ba dang zhes bya ba la sogs pa la/ ji ltar re zhig mdzod kyi gnas dang por lag pa brdabs pa'i dpe'i mdo de dang de las 'don pa bzhin no/ /ma rig pa'i 'dus te reg pa la brten te/ skyes pa zhes bya ba la sogs pa la/ gleng gzhi ni mnyan du yod pa na'o//de nas bcom ldan 'das snga dro chos gos dang lhung bzed thogs te mnyan yod du bsod snyoms kyi phyir zhugs te/ mnyan yod du bsod snyoms srung nas zas kyi bya ba mdzad nas/ gsol zin pa'i 'og tu lhung bzed gyu ste/ dge slong gi dge 'dun gyis ma mthong zhing nye bar gnas pa'i dge slong la ma sbran par chos gos dang lhung bzed bsnams te/nub phyogs su ljongs rgyu zhing an+da'i tshal gang na ba der gshegs so/ /dge slong gzhan zhig an+da'i tshal na gnas shing 'gro ba na des bcom ldan 'das gcig pu gnyis su med pa nye bar gnas pa med par chos gos dang lhung bzed bsnams te/nub phyogs su ljongs rgyu zhing an+da'i tshal du byon te a mra'i tshal du bzhugs pa mthong ngo / mthong nas tshe dang ldan pa kun dga' bo gang na ba der nye bar song ste/ nye bar song nas tshe dang ldan pa kun dga' bo la 'di skad ces smras so//tshe dang ldan pa kun dga' bo khyod kyis shes sam 'di ni bdag an+da'i tshal na gnas shing 'gro ba na bcom ldan 'das gcig pu gnyis su med pa nye bar gnas pa med par chos gos dang lhung bzed bsnams te/ nub phyogs su ljongs rgyu zhing an+da'i shAb+he tshal du byon te a mra'i tshal du bzhugs pa mthong ngo //dge slong gang gi tshe bcom ldan 'das dge slong gi dge 'dun gyis ma mthong zhing nye bar gnas pa'i dge slong la ma sbran par chos gos dang lhung bzed bsnams te gshegs pa de'i tshe na dge slong su yang bcom ldan 'das kyi zhabs nas mi 'brang ba ste/ de ci'i phyir zhe na/ de'i dus na bcom ldan 'das thugs las chung ngur bzhugs shing thugs las bskyungs te bzhugs pas so//de nas bcom ldan 'das byang phyogs kyi lnga len du ljongs rgyu zhing gshegs te/ shing sA la bzang po gzhan zhig gi drung du brten te bzhugs so/ /de nas dge slong rab tu mang po tshe dang ldan pa kun dga' bo gang na ba der nye bar song ste/nye bar song nas tshe dang ldan pa kun dga' bo la 'di skad ces smras so/ /tshe dang ldan pa kun dga' bo bcom ldan 'das gang na bzhugs pa thos sam/ tshe dang ldan pa dag bcom ldan 'das nub phyogs su ljongs rgyu zhing zhes bya ba nas/snga ma bzhin du shing sA la bzang po'i drung na bzhugs so zhes thos so/ /tshe dang ldan pa kun dga' bo mi shes sam/ bdag cag yun ring por bcom ldan 'das mthong bar 'dod pas skom pas gdungs te bdag cag bcom ldan 'das mthong zhing blta bar 'dod pas tshe dang ldan pa kun dga' bo gal te khyod la mi gnon na bcom ldan 'das gang na ba der nye bar 'gro bas thugs brtse bar mdzad du gsol/de nas tshe dang ldan pa kun dga' bos dge slong rab tu mang po de dag la cang mi smra bas dang du blangs so/ /de nas tshe dang ldan pa kun dga' bo dang dge slong rab tu mang po de dag de nyid kyi mtshan mo 'das pa dang /snga dro chos gos dang lhung bzed thogs te bsod snyoms kyi phyir mnyan yod du zhugs te/ bsod snyoms spyad nas zas kyi bya ba byas te/ zos pa'i 'og tu lhung bzed gyu ste/ ji ltar yongs su spyod pa'i mal cha dag bsdus te chos gos dang lhung bzed thogs te/ljongs rgyu zhing an+da'i tshal gang na ba der song ngo / /de nas tshe dang ldan pa kun dga' bo dang dge slong rab tu mang po de dag byang phyogs kyi lnga len du ljongs rgyu zhing pa ta la'i tshal gang na ba der phyin te/ de nas tshe dang ldan pa kun dga' bo dang /dge slong rab tu mang po de dag chos gos dang lhung bzed phyogs gcig tu bzhag nas rkang pa bkrus nas/ bcom ldan 'das gang na ba der song ste/ nye bar song nas/ bcom ldan 'das kyi zhabs la mgo bos phyag byas te phyogs gcig tu 'dug go/ /phyogs gcig tu 'dug nas dge slong rab tu mang po de dag la bcom ldan 'das kyis chos kyi gtam gyis yang dag par bstan/yang dag par bkod/ yang dag par btsud/ yang dag par dga' bar byas so/ /de nas dge slong gzhan zhig 'khor de'i nang na tshogs shing 'dus pa de 'di lta bu'i sems la sems kyi rjes su rtog pa skyes te/ji ltar shes shing ji ltar mthong ba'i rjes la zag pa thams cad zad par 'gyur snyam mo/ /de nas bcom ldan 'das kyis dge slong de'i sems thugs kyis mkhyen nas dge slong de dag la bos te/ dge slong dag gal te 'khor 'dir 'dus shing 'tshogs te 'dug pa'i rigs kyi bu 'ba' zhig la 'di lta bu'i sems la sems kyi rnam par rtog pa skye ba'i gnas yod cing go skabs yod de/ji ltar shes shing ji ltar mthong ba'i rjes la zag pa zad par 'gyur zhes bya ba'o/ /ngas khyed la phung po rab tu rnam par 'byed pa zhes bya ba'i chos bshad par bya ste/'di lta ste dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad de/ dge slong dag de ltar ngas phung po rab tu rnam par 'byed pa zhes bya ba'i chos bstan to//ci ste yang rigs kyi bu 'dun pa drag po ma yin pa dang / gdung ba drag po ma yin pa dang / dga' ba drag po ma yin pa dang / dad pa drag po ma yin na myur ba ma yin par 'di lta ste/ zag pa thams cad zad pa bla na med pa rjes su 'thob par 'gyur ro//dge slong dag de ltar ngas phung po rab tu 'byed pa zhes bya ba'i chos bstan pa de la ci ste rigs kyi bu 'dun pa drag po dang / gdung ba drag po dang / dga' ba drag po dang / dad pa drag po yod na myur du 'di lta ste/ zag pa thams cad zad pa bla na med pa rjes su 'thob par 'gyur ro//dge slong dag byis pa so so'i skye bo thos pa dang mi ldan pa gzugs bdag yin no zhes yang dag par rjes su mthong ste/ de'i yang dag par mthong ba na de ni 'dus byas te/ dge slong 'du byed gang gi rgyu can dang gang las yang dag par byung ba dang / gang las skyes pa dang / gang las rab tu byung zhe na/ dge slong dag ma rig pa'i 'dus te reg pa las skyes pa'i tshor ba dang / las la brten te sred pa dang / de las byung ba'i 'du byed rnams 'byung ngo / /dge slong dag sred pa gang gi rgyu can dang / gang las yang dag par byung ba dang /gang las skye ba dang / gang las rab tu byung zhe na/ dge slong dag sred pa ni tshor ba'i rgyu can/ tshor ba las yang dag par byung ba dang / tshor ba las skyes pa dang / tshor ba las rab tu byung ba'o/ /dge slong dag tshor ba gang gi rgyu can dang / gang las yang dag par byung ba/gang las skyes pa/ gang las yang dag par byung zhe na/ dge slong dag tshor ba ni reg pa'i rgyu can/ reg pa las yang dag par byung ba/ reg pa las skyes pa reg pa las byung ba'o/ /dge slong dag reg pa gang gi rgyu can dang / gang las yang dag par byung ba dang /gang las skyes pa dang / gang las yang dag par byung zhe na/ dge slong dag reg pa ni skye mched drug gi rgyu can dang / skye mched drug las yang dag par byung ba/ skye mched drug las skyes pa/ skye mched drug las rab tu byung ba'o/ /dge slong dag de las skye mched drug dang / ming dang gzugs ni mi rtag pa/ 'dus byas pa sems las byung ba ste/ rten cing 'brel par 'byung ba'o/ /reg pa dang / tshor ba dang / sred pa dang / 'dus byas kyang mi rtag pa dang / 'dus byas pa dang / sems las byung ba dang / rten cing 'brel par 'byung bar yang dag par rjes su mthong ngo //de gzugs bdag yin no zhes yang dag par rjes su mi mthong mod kyi/ bdag gzugs dang ldan no zhes yang dag par rjes su mthong ngo / /de bdag gzugs dang ldan no zhes yang dag par rjes su mi mthong mod kyi/ bdag la gzugs yod do zhes yang dag par rjes su mthong ngo //de bdag la gzugs yod do zhes yang dag par rjes su mi mthong mod kyi/ 'on kyang gzugs la bdag yod do zhes yang dag par rjes su mthong ngo / /de gzugs la bdag yod do zhes yang dag par rjes su mi mthong mod kyi/ tshor ba bdag yin no zhes yang dag par rjes su mthong ngo //de tshor ba bdag yin no zhes yang dag par rjes su mi mthong mod kyi/ 'on kyang bdag tshor ba dang ldan no zhes yang dag par rjes su mthong ngo / /de bdag tshor ba dang ldan no zhes yang dag par rjes su mi mthong mod kyi/ 'on kyang bdag la tshor ba yod do zhes yang dag par rjes su mthong ngo /de bdag la tshor ba yod do zhes yang dag par rjes su mi mthong mod kyi/ 'on kyang tshor ba la bdag yod do zhes yang dag par rjes su mthong ngo / /de tshor ba la bdag yod do zhes yang dag par rjes su mi mthong mod kyi/ 'on kyang 'du shes bdag yin no zhes yang dag par rjes su mthong ngo //de 'du shes bdag yin no zhes yang dag par rjes su mi mthong mod kyi/ 'on kyang bdag 'du shes dang ldan no zhes yang dag par rjes su mthong ngo / /de bdag 'du shes dang ldan no zhes yang dag par rjes su mi mthong mod kyi/ 'on kyang bdag la 'du shes yod do zhes yang dag par rjes su mthong ngo //de bdag la 'du shes yod do zhes yang dag par rjes su mi mthong mod kyi/ 'on kyang 'du shes la bdag yod do zhes yang dag par rjes su mthong ngo / /'du shes la bdag yod do zhes yang dag par rjes su mi mthong mod kyi/'on kyang 'du byed bdag yin no zhes yang dag par rjes su mthong ngo / /de 'du byed bdag yin no zhes yang dag par rjes su mi mthong mod kyi/ 'on kyang bdag 'du byed dang ldan no zhes yang dag par rjes su mthong ngo / /de bdag 'du byed dang ldan no zhes yang dag par rjes su mi mthong mod kyi/'on kyang bdag la 'du byed yod do zhes yang dag par rjes su mthong ngo / /de bdag la 'du byed yod do zhes yang dag par rjes su mi mthong mod kyi/ 'on kyang 'du byed la bdag yod do zhes yang dag par rjes su mthong ngo / /de 'du byed la bdag yod do zhes yang dag par rjes su mi mthong mod kyi/'on kyang rnam par shes pa bdag yin no zhes yang dag par rjes su mthong ngo / /de rnam par shes pa bdag yin no zhes yang dag par rjes su mi mthong mod kyi/ 'on kyang bdag rnam par shes pa dang ldan no zhes yang dag par rjes su mthong ngo //de bdag rnam par shes pa dang ldan no zhes yang dag par rjes su mi mthong mod kyi/ 'on kyang bdag la rnam par shes pa yod do zhes yang dag par rjes su mthong ngo / /des bdag la rnam par shes pa yod do zhes yang dag par rjes su mi mthong mod kyi/ 'on kyang rnam par shes pa la bdag yod do zhes yang dag par rjes su mthong ngo //de rnam par shes pa la bdag yod do zhes yang dag par rjes su mi mthong mod kyi/ 'on kyang chad par lta ba dang med par lta bar 'gyur ro/ /de chad par lta ba dang med par lta bar mi 'gyur gyi/ 'on kyang dogs pa dang som nyi dang bcas par 'gyur ro//de dogs pa dang som nyi dang bcas par mi 'gyur gyi/ 'on kyang 'di ni nga'i bdag yin no zhes 'di ni nga'i bdag tu yang dag par rjes su mthong ba dang / de'i bdag tu rtogs par gyur te/ 'di ni nga'i bdag gi zhes yang dag par rjes su mthong ba de yang 'dus byas te/dge slong dag 'dus byas de dag rgyu gang las byung / gang las yang dag par byung zhes snga ma bzhin du rten cing 'brel par 'byung ba'i bar du'o/ /dge slong dag 'di ltar shes shing 'di ltar mthong ba'i rjes thogs su zag pa thams cad zad par 'gyur ro//dge slong dag 'di ji snyam du sems/ gzugs rtag pa'am mi rtag pa yin/ btsun pa mi rtag pa lags so/ /gang mi rtag pa de sdug bsngal ba 'am/ sdug bsngal ba ma yin/ btsun pa sdug bsngal ba lags so/ /gang yang mi rtag pa sdug bsngal ba yongs su 'gyur ba'i chos can de dag la 'phags pa nyan thos thos pa dang ldan pa bdag tu nye bar rtog pa dang /'di ni nga'i bdag yin no zhes rtog gam/ btsun pa ma lags so/ /dge slong dag 'di ji snyam du sems/ tshor ba dang 'du shes dang / 'du byed dang rnam par shes pa rtag pa'am zhes bya ba nas/snga ma bzhin du rtog gam zhes bya ba'i bar du'o/ /chos kyi rnam grangs 'di bshad pa na dge slong rab tu mang po de dag nye bar len pa med par zag pa rnams las sems rnam par grol lo/ /bcom ldan 'das kyis kyang tshe dang drod dang rnam shes 'dis zhes bya ba la sogs pa las rnam par bshad pa rgyas par dge slong ma chos sbyin gyi mdo las blta bar bya'o//mdo las lus thob pa ni rnam pa bzhi ste zhes bya ba la/ gleng gzhi ni mnyan du yod pa na'o/ /lus thob pa ni rnam pa bzhi ste bzhi gang zhe na/lus thob pa gang zhig bdag nyid 'chi bar 'gyur gyis gzhan gyis gsod pa ma yin pa yang yod/ lus thob pa gang zhig gzhan gyis gsod kyi bdag nyid 'chi ba ma yin pa yang yod/ lus thob pa gang zhig rang nyid 'chi zhing gzhan gyis kyang gsod pa yang yod/lus thob pa gang zhig bdag nyid kyang mi 'chi la gzhan gyis kyang mi gsod pa yang yod/ de'i dus na tshe dang ldan pa shA ri'i bu 'khor 'dus pa de'i nang na 'dug par gyur to/ /de nas tshe dang ldan pa shA ri'i bu stan las langs te/ bla gos phrag pa gcig tu gzar te/bcom ldan 'das gang na ba der thal mo sbyar nas phyag byas te/ bcom ldan 'das la 'di skad ces gsol to/ /btsun pa de la lus thob pa gang zhig bdag nyid 'chi bar 'gyur gyi/ gzhan gyis gsod pa ma yin pa ni bdag nyid kyi rkyen gyis sems can de dag gnas de nas 'chi 'pho bar 'gyur ba rnams so//lus thob pa gang zhig gzhan gyis gsod kyi/ bdag nyid 'chi ba ma yin pa ni gzhan gyi rkyen gyis sems can de dag gnas de nas 'chi 'pho bar 'gyur ba rnams so/ /lus thob pa gang zhig bdag nyid kyang 'chi zhing gzhan gyis kyang gsod pa ni bdag nyid dang gzhan gyi rkyen gyis gnas de nas 'chi 'pho bar 'gyur ba rnams so//btsun pa de la lus thob pa gang zhig bdag nyid kyang mi 'chi la gzhan gyis kyang mi gsod pa'i sems can de dag gang du blta bar bgyi/ shA ri'i bu 'du shes med 'du shes med min skye mched du nye bar 'gro ba rnams so//btsun pa ci sems can de dag thams cad bdag nyid gnas de nas 'chi 'pho bar 'gyur ram 'on te kha cig /shA ri'i bu sems can de dag las kha cig ni gnas de nas 'chi 'pho bar 'gyur la/ de dag las kha cig ni 'di ltar yongs su mya ngan las 'das par 'gyur ro//btsun pa ci'i rgyu ci'i rkyen gyis sems can de dag las kha cig ni bdag nyid gnas de nas 'chi 'pho bar 'gyur la/ de dag las kha cig ni 'di ltar yongs su mya ngan las 'da' bar 'gyur/ shA ri'i bu 'di na kha cig rnam pa thams cad du ci yang med pa'i skye mched las yang dag par 'das te/'du shes med 'du shes med min skye mched nye bar bsgrubs te gnas shing / de 'du shes med 'du shes med min skye mched kyi snyoms par 'jug pa'i ro myang zhing nges pa dang bcas pa dang zhen pa dang lhag par zhen cing gnas te/ de bla ma dang nges par 'byung ba dang /'di nyid bla na med pa dang nges par 'byung ba yin no zhes yang dag pa ji lta ba bzhin rab tu shes te/ lus zhig pa'i 'og tu 'du shes med 'du shes med min skye mched kyi lha rnams dang skal ba mnyam par skye bar 'gyur ro/ /der ji srid du tshe'i tshad yod par gnas [(]ta[,]te[)]/ji srid du tshe gnas pa'i 'du byed de dag yongs su zad pa [(]dad [,]dang [)]gnas de nas yongs su 'chi 'pho bar 'gyur ro/ /shA ri'i bu 'di ni kha cig rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched nye bar bsgrubs te gnas shing de 'du shes med 'du shes med min skye mched kyi snyoms par 'jug pa'i ro mi myang zhing nges par mi byed la ma zhen cing lhag par ma zhen par gnas la bla ma dang bcas pa dang /nges par 'byung ba ma yin pa'o zhes yang dag pa ji lta ba bzhin rab tu shes te/lus zhig pa'i 'og tu 'du shes med 'du shes med min skye mched kyi lha rnams dang skal ba mnyam par skye bar 'gyur ro/ /de der tshe'i tshad ji srid par gnas te/ ji srid du tshe gnas pa'i 'du shes de dag zad pa dang de bzhin du de yongs su mya ngan las 'das par 'gyur ro/ / shA ri'i bu 'di'i rgyu dang 'di'i rkyen gyis sems can de dag las kha cig ni bdag nyid gnas de nas 'chi bar 'gyur la/ sems can de dag las kha cig ni 'di ltar yongs su mya ngan las 'da' bar 'gyur ro zhes bka' stsal to/ rtsed mos myos pa pa rnams dang yid rab tu 'khrug pa la rnams zhes bya ba la/dge slong dag 'dod pa'i khams na lha rtsed mos myos pa pa zhes bya ba yod de/ de gang gi dus na rtsed mo'i dga' ba dang ldan zhing gnas pa de dag rtsed mo'i dga' ba mang po dang ldan zhing gnas pas lus ngal ba dang dran pa nyams par 'gyur te/ dran pa yang dag par nyams pas sems can de dag gnas de nas 'chi 'pho bar 'gyur ro//dge slong dag 'dod pa'i khams na yid rab tu 'khrug pa pa zhes bya ba'i lha yod de/ de dag gang gi tshe mig gis mig tshugs su mang du blta bar 'gyur te/ de dag mig gis mig tshugs su mang du lta ba na yid rab tu 'khrug par 'gyur ro//de dag yid rab tu 'khrugs pas gnas de nas 'chi 'pho bar 'gyur zhes mdzod kyi gnas gsum par tshul khrims kyi phung po'i mdor tshangs pa'i dra ba las bshad par 'gyur ro/ /sangs rgyas rnams kyi yang yin par brjod par bya zhes bya la/ji skad du yongs su mya ngan las 'das pa'i mdo las bcom ldan 'das kyis tshe'i 'du byed byin gyis brlabs nas srog gi 'du byed btang ngo zhes dbang po'i skabs su srog gi rnam smin zhes pa der bris pa bzhin no/ /sku tshe'i sum cha btang nas yongs su mya ngan las 'da' ba 'di ni sangs rgyas bcom ldan 'das rnams kyis chos nyid yin no//ston pa ni dug dang mtshon dang mtshon cha dang sngags dang 'khrul 'khor dang gnod pa'i thabs rnam pa sna tshogs dang / lha dang lha ma yin gyi dbang po rnams kyis kyang bgrang bar mi nus pa 'di ni chos nyid yin no//mthong ba'i lam dang zhes bya ba la rnam par 'byed pa mdo'i sdom gyi tshigs su bcad pa gsum pa'i phung po las dang po bslab pa'i sdom rab tu dga' ba'i ched du brjod pa rnam par 'byed pa las ji skad du dge slong dag chos 'di la shes rab chung ngus bsgom par bzod pa ni dad pa'i rjes su 'brang ba zhes bya ste/yang dag pa nyid du nges pa'i sa non cing so so'i skye bo'i sa las rnam par 'das la rgyun du zhugs pa'i 'bras bu ma thob par bar ma dor mi 'chi'o/ /dge slong dag chos 'di la shes rab chung ngus bsgom par bzod pa ni chos kyi rjes su 'brang ba zhes bya ste/yang dag pa nyid du nges pa'i sa non cing zhes bya ba nas/ snga ma bzhin du rgyun du zhugs pa'i 'bras bu ma thob par bar ma dor mi 'chi'o zhes bya ba'i bar du'o/ /mdo 'di yang mdzod kyi gnas dang por/ 'du byed phung po bzhi las gzhan/ /zhes bya bar bcom ldan 'das kyis mdo drug pa las ji skad du bshad pa der bris pa bzhin no byams pa la snyoms par zhugs pa zhes bya ba la/ji ltar re zhig bad sa la'i rgyal po 'char byed kyi btsun mo dpe med ma dang sngo bsangs ma mi mthun par sngo bsangs ma la rab tu khros so/ /'jig rten na mdza' ba dang mi mdza' ba dang bar ma dag yod pas kha cig khyod la lha khros so zhes sngo bsangs ma la smras so//sngo bsangs mas rang gi 'khor rnams la bos te/ sring mo dag bdag cag thams cad byams pa'i ting nge 'dzin bsgom par bya'o zhes de thams cad byams pa la snyoms par zhugs pa dang /bad sa'i rgyal po 'char byed kyis gzhu bkang nas mda' 'phangs so/ /mda' de lam phyed du phyin pa dang / sa la lhung bar gyur to/ /yang gnyis pa bkang ba dang sngo bsangs mas smras pa/ lha ma 'phen mdzod rnam pa thams cad kyi rnam pa thams cad du phog par mi 'gyur ro//rgyal pos smras pa/ ci khyod lha mo'am/ klu mo'am/ gnod sbyin mo'am/ dri za mo'am/ mi'am ci mo'am/ lto 'phye chen po zhig yin nam/ lha bdag lha mo yang ma yin/ klu mo dang / gnod sbyin mo dang / dri za mo dang / mi 'am ci mo dang /lto 'phye chen mo ma yin gyi/ 'on kyang bdag ni bcom ldan 'das kyi nyan thos phyir mi 'ong ba yin no zhes rgyas par 'dul ba las 'don pa lta bu'o 'gog pa la snyoms par zhugs pa zhes bya ba la/ dbyangs dang bcas pas bsdus pa'i sdom gyi tshigs su bcad pa gnyis pa bdud bsdigs pa'i mdo las/gnas brtan maud gal gyi bu chen pos bdud las brtsams te ji skad du/ sdig can yang dag par rdzogs pa'i sangs rgyas rnam par gzigs kyi dge slong 'tsho byed dang mkhas pa zhes bya ba mchog zung gcig zung mchog dang zung bzang po byung bar gyur to//gcig ni rdzu 'phrul can gyi mchog /gnyis pa ni shes rab can gyi mchog go/ /sdig can rgyu gang dang rkyen gang gis tshe dang ldan pa 'tsho byed la 'tsho byed 'tsho byed ces ming gang gi phyir byas she na/ sdig can tshe dang ldan pa 'tsho byed grong ngam grong khyer gang du brten cing nye bar gnas te/snga dro chos gos dang lhung bzed thogs nas grong dang grong khyer gang du bsod snyoms kyi phyir lus shin tu bsdams pa dang / dbang po shin tu bsdams pa dang / dran pa nye bar yang dag par gzhag bzhin du zhugs te/ de grong ngam grong khyer gang du bsod snyoms spyad nas/zas kyi bya ba byas te/ zas zos pa'i 'og tu lhung bzed gyu nas/ dgon pa'i gnas su myur ba myur bar 'gog pa la snyoms par 'jug go/ /de ba lang rdzi dang / phyugs rdzi dang / rtswa thu ba dang / shing thu ba dang / lam gyis 'tsho ba dang / lam na gnas pa'i mi dag gis mthong nas de dag 'di snyam du 'phags pa 'di ni 'dug bzhin du dus las 'das so//gang bdag cag gis rtswa skam po dang / shing skam po dang / ba lang gi lci ba skam po bsdus te sbar bar bya ba sbar nas bsreg par bya'o snyam nas/ de dag rtsa skam po dang shing skam po dang ba lang gi lci ba skam po bsdus te sbar bar bya ba sbar nas me 'bar ba dang song ngo //de nas tshe dang ldan pa 'tsho byed nyin zhag de la snyoms par 'jug pa las langs te/ chos gos sprugs te snga dro chos gos dang lhung bzed thogs te/ grong ngam grong khyer du bsod snyoms kyi phyir lus shin tu bsdams pa dang /dbang po shin tu bsdams pa dang / dran pa yang dag par nye bar bzhag nas zhugs pa dang / ba lang rdzi dang / phyugs rdzi dang / rtswa thu ba dang / shing thu ba dang / lam gyis 'tsho ba dang / lam na gnas pa'i mi de dag gis mthong nas 'di snyam du bdag cag gis 'phags pa 'di 'dug bzhin du dus las 'das par mthong nas rtswa skam po dang /shing skam po dang / ba lang gi lci ba skam po bsdus te/ sbar bar bya ba sbar nas me sbar te 'ongs nas/ tshe dang ldan pa 'phags pa 'di da rung yang 'tsho'am snyam mo/ /sdig can rgyu 'di dang rkyen 'dis tshe dang ldan pa 'tsho byed la 'tsho byed ces ming du byas so zhes 'byung ngo //tshe dang ldan pa nye ba 'khor mu la phal su na'i mchod rten gyi rdo'i gos kyi rnyed pa las dge slong ma khab dang mtshon thogs te gnod pa'i sems skyes pa dang / chos gos byin gyis ma brlabs pa nyid du 'gog pa la snyoms par zhugs so//des chos gos la khab dang mtshon cha brgyab nas shi'o snyam du byas te song ngo / /de yang ting nge 'dzin las langs te rgyal byed kyi tshal du song nas gtam ji ltar gyur pa dge slong rnams la go bar byas so zhes phran tshegs kyi sgo brgyad pa'i sdom gyi tshigs su bcad pa dang po las de ltar 'don to//mkhas pa rnams kyis mthong ba'i lam la snyoms par zhugs pa la sogs pa sems rtse gcig pa dang sems med pa la/ rtse gcig sems med pa la de med ces mdzod kyi gnas gsum par 'chi 'pho zhing skye ba bkag ste/de lta bu'i spros pa 'chad par 'gyur bar rig par bya'o/ /rgyal po'i drang srong zhes bya ba la/ gang yang 'khor los sgyur ba'i rgyal po bu thu bo rgyal srid kyi dbang phyug la dbang byed du bcug ste rab tu byung ba'o/ /'di lta ste rgyal po dang yang dag par ldan pa las 'don te/ lha chen po bcu gnyis pa'i mdo las bcom ldan 'das kyis ji skad du/ mi rnams kyi tshe lo stong phrag brgyad cu thub pa na rgyal po lha chen po zhes bya ba 'khor los sgyur ba mtha' bzhi las rnam par rgyal ba/ chos dang ldan zhing chos kyi rgyal po chen po rin po che sna bdun dang ldan pa byung ste/ de'i rin po che 'di lta bu'i gzugs can gyi rin po che sna bdun byung ste/ 'di lta ste 'khor lo rin po che dang / glang po rin po che dang / rta rin po che dang / bud med rin po che dang / khyim bdag rin po che dang / dmag dpon rin po che dang / nor bu rin po che dang bdun no/ /de la bu dpa' ba rtul phod pa yan lag mchog gi gzugs dang ldan pa pha rol gyi sde rab tu 'joms pa stong du tshang ba yang byung bar gyur zhing /sa chen po 'di rgya mtsho la thug pa ma lus par gnod pa med cing 'tshe ba med pa dang dbyug pa med cing mtshon cha med pas chos kyis rnam par rgyal te gnas so/ / de nas rgyal po lha chen po dus gzhan zhig na 'dreg mkhan gyi skyes bu skra dang kha spu bregs pa na/ 'dreg mkhan gyi skyes bu la bos te/ skyes bu khyod kyis gang gi tshe nga'i mgo bo las lha'i pho nya skra dkar skyes shing byung ba mthong ba de'i tshe khyod nga la smros shig /'dreg mkhan gyi skyes bus rgyal po lha chen pos smras pa thos nas lha de bzhin no zhes gsol to//dus gzhan zhig gi tshe 'dreg mkhan gyi skyes bus rgyal po lha chen po skra dang kha spu 'dreg pa na/ rgyal po lha chen po la lha'i pho nya skra dkar skyes shing byung bar gyur pa mthong ngo / /mthong nas rgyal po lha chen po la 'di skad ces gsol to//lha'i dbu las lha'i pho nya skra dkar skyes shing byung bar gyur pa mkhyen par mdzod cig /des smras pa/ kye skyes bu khyod kyis skra dkar de gser gyi tsher zungs kyis dal bus dal bus phyung la nga'i lag par byin cig /lha de bzhin no zhes 'dreg mkhan gyi skyes bus rgyal po lha chen po'i mgo las skyes pa'i skra dkar gser gyi tsher zungs kyis dal bus dal bus bton te rgyal po lha chen po'i phyag tu phul lo//de nas rgyal po lha chen pos phyag gnyis kyis skra dkar de bsnams nas/ brkyang zhing rab tu brkyang nas/ched du brjod pa/ bdag gi yan lag mchog spyi bor/ /na tshod 'phrog pa dang por skyes/ /lha yi pho nya byung gyur pas/ /rab tu byung ba'i dus la bab/ bdag gis mi rnams kyi bde ba ni longs spyod kyis lha'i bde ba btsal ba'i dus la bab po/ / gang bdag gis rgyal bu gzhon nu bu thu bo la rgyal srid kyi dbang phyug la dbang byed du bcug nas rgyal po drang srong gi tshangs par spyod pa spyad par bya'o/ /de nas rgyal po lha chen pos rgyal bu gzhon nu thu bo la pho nya btang ste bkug nas 'di skad ces smras so/ /bu gzhon nu nga'i mgo bo las lha'i pho nya skra dkar skyes shing byung ba shes par gyis shig /rab tu byung ba'i dus la bab po/ /bdag gis mi rnams kyi 'dod pa ni yongs su spyad kyi da ni lha'i bde ba btsal ba'i dus la bab pas/ bu gzhon nu khyod la sa chen po rgyal mtsho la thug pa 'di khyod la byin gyi/ de dag la khyod kyis chos dang ldan pas yang dag par rjes su bstan par bya ste/ chos ma yin pas ni ma yin no/ /gang kha cig chos ma yin pas spyod cing mi mthun par spyod na yul las skrod cig /bu gzhon nu khyod la yang gang gi tshe lha'i pho nya skra dkar skyes shing byung bar gyur pa de'i tshe khyod kyang rgyal bu gzhon nu thub rgyal srid kyi dbang phyug la dbang byed du chug la/rgyal po drang srong gi tshangs par spyad pa spyod cig /ji ltar yang bu gzhon nu khyod 'di lta bur nges par dge ba'i lam la 'jug pa dang / rjes su 'jug par bya'o/ /skyes bu tha chad dang / skyes bu tha mar ma gyur cig /bu gzhon nu gang kha cig 'di lta bu'i ngo bo'i skyes bu bzang po'i zung la 'jug pa dang / 'di lta bu'i ngo bo'i nges pa dang dge ba'i lam la mi 'jug cing rjes su mi 'jug par 'gyur ba de skyes bu tha chad du 'gyur zhing skyes bu tha mar 'gyur ro/ /[(]sa [,]des [)]na bu gzhon nu khyod la nga 'di skad du ji ltar khyod 'di lta bu'i ngo bo skyes bu bzang po'i zung la 'jug cing /'di lta bu'i ngo bo'i nges pa dang / dge ba'i lam la 'jug pa dang rjes su 'jug par bya'o/ /khyod skyes bu tha chad dang skyes bu tha mar ma gyur cig ces nga smra'o/ /de nas rgyal po lha chen pos sras gzhon nu thu bo rgyal srid kyi dbang phyug la dbang byed du bcug nas rgyal po'i drang srong gi tshangs par spyod pa spyad do//kun dga' bo rgyal po lha chen po rgyal bu gzhon nu thu bo rgyal srid kyi dbang phyug la dbang byed du bcug ste/ de yang rgyal po lha chen po zhes bya ba 'khor los sgyur ba mtha' bzhi las rnam par rgyal ba chos dang ldan zhing chos [(]gyi [,]kyi[)]rgyal po rin po che sna bdun dang yang dag par ldan pa zhes bya ba nas snga ma bzhin du gnas so zhes bya ba'i bar du'o//kun dga' bo de'i yang bu dang bu'i bu dang / tsha bo'i tsha bor rgyal po u0f85lha chen po stong phrag brgyad cu rtsa bzhis me te le'i g zhi 'di nyid du rgyal po drang srong gi tshangs par spyod pa spyod do//ji ltar 'khor los sgyur ba'i rgyal po gnyis kas 'chi ba ma yin pa de bzhin du 'khor los sgyur ba btang nas rab tu byung ba yang rig par bya'o/ /rgyal ba'i pho nya zhes bya ba la rgyal ba ni bcom ldan 'das te de'i drung du 'phrin skyel ba'o//de ni 'phrin skyel ba'i don ma byas par tshe thung ngur 'gyur ba'am/ gnyis ka'i rkyen gyis mi 'chi ste/ a mra skyong ma'i ne tso bzhin no/ /bcom ldan 'das skye ba 'phel ba'i ljongs na rgyu zhing chu bo can du phyin te/ chu bo can na bzhugs so zhes a mra skyong mas thos nas/de la ne tso bzhin rgyas zhes bya ba mi'i skad smra ba dang go ba zhig yod nas/ ne tso bzhin rgyas la 'di skad ces smras so/ /bzhin rgyas khyod bcom ldan 'das gang na ba der nye bar song ste/ nye bar song nas nga'i tshig gis bcom ldan 'das kyi zhabs la spyi bos phyag gyis la/gnod pa nyung ngam/ nyam nga ba chung ngam/ bskyod pa yang ngam/ 'tsho ba dang stobs dang ldan nam/ zo mdog bde'am/ bde ba la legs par gnas sam zhes smra'o/ /btsun pa a mra skyong ma btsun pa la 'di skad du gang gi tshe bcom ldan 'das yangs pa can du gshegs pa de'i tshe thog mar a mra'i tshal du thugs brtse bar dgongs nas gshegs su gsol zhes smros shig /de nas ne tso bzhin rgyas a mra skyong mas smras pa thos nas bcom ldan 'das gang na ba der chas so/ / de li ts+tsha bI gzhon nu rnams kyis mthong nas/ ji ltar bdag cag gi smad 'tshong ma'i ne tso 'gro yin 'dug gi zhes mda' 'phangs par brtsams pa dang / de dag gi spyi bor mda' de dag lhung bar brtsams pa dang / de nas ne tsos tshigs su bcad pa smras pa/ gzhan gyi yul mis gnod pa la//pho nya bcings pa min zhes thos/ /bdag ni rgyal ba'i pho nya ste/ /lus can kun gyi gnod ma yin/ /de dag gis tshigs su bcad de smras pa/ khyod kyi tshig la bdag cag gi/ /mda' yang chad cing ltung bar 'gyur/ /drang srong chen pos rab bsrungs pas/ /khyod ni 'jigs pa med par song //de nas ne tso bzhin rgyas bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas te/ bcom ldan 'das la 'di skad ces gsol to/ /a mra skyong ma btsun pa bcom ldan 'das kyi zhabs la spyi bos phyag byed cing gnod pa nyung ngam zhes bya ba nas/snga ma bzhin du bde ba la reg par gnas sam zhes bya ba'i bar du 'dri'o/ /bzhin rgyas khyod dang a mra skyong ma bde bar gyur cig /a mra skyong ma btsun pa la 'di skad du gang gi tshe bcom ldan 'das yangs pa can du gshegs pa'i tshe thog mar a mra'i tshal du thugs brtse bar dgongs nas gshegs su gsol/bcom ldan 'das ne tso bzhin rgyas la cang mi gsung bas gnang bar mdzad do/ /de nas ne tso bzhin rgyas bcom ldan 'das kyis cang mi gsung bas gnang bar rig nas bcom ldan 'das kyi zhabs la spyi bos phyag byas nas bcom ldan 'das kyi drung nas song ngo //bcom ldan 'das kyi zhabs drung nas dong zhing ring po ma lon par khra cig gis srog dang bral bar gyur to/ /de 'chi ba'i dus byas pa'i 'og tu rgyal chen bzhi'i ris kyi lha rnams kyi nang du skyes so//'di ni chos nyid de lha'i bu skyes nas ring po ma lon par lha de la sems rnam pa gsum mngon du 'gyur te/ gang nas shi 'phos/ gang du skyes/ las gang gis skyes zhes skye bar 'gyur ro/ /des bltas na dud 'gro las 'chi 'phos nas rgyal chen bzhi'i ris kyi lha'i nang du skyes shing bcom ldan 'das la sems mngon par dad pa'i rgyu las so snyam mo//de nas ne tso'i sngon gyi skye ba'i lha'i bu 'di snyam du bdag zhag lon nas bcom ldan 'das kyi drung du zhal blta ba'i phyir 'gro ba ni tshul dang mthun pa ma yin no/ /bdag zhag ma lon pa nyid du bcom ldan 'das kyi zhal blta bar bya ba'i phyir nye bar 'gro bar bya'o snyam nas/sngon ne tsor skyes pa'i lha'i bu rna cha gdub kor dri ma med pa g.yo zhing mu tig gi dra ba phyed pas brgyan cing nyin zhag de nyid la lha'i me tog ut+pa la dang / pad+ma dang / puN+Da rI ka dang / man+da ra ba dag thogs te 'ong zhing nye bar 'ongs nas mtshan mo bcom ldan 'das gang na ba der 'ongs te/nye bar 'ongs nas bcom ldan 'das la me tog gis gtor te/ bcom ldan 'das kyi drung du chos nyan pa'i phyir 'dug go/ /da dung du yang sngon ne tsor skyes pa'i 'od kyis gnas rgyas par snang bas khyab par gyur to//de nas bcom ldan 'das kyis sngon ne tsor skyes pa'i lha'i bu'i bsam pa dang bag la nyal dang khams dang rang bzhin mkhyen par mdzad nas 'phags pa'i bden pa bzhi rtogs par 'gyur ba de lta bu'i chos bstan par mdzad pa sngon ne tsor skyes pa'i lha'i bus thos nas 'jig tshogs la lta ba nyi shu ri'i rtse mo ye shes kyi rdo rjes bcom nas rgyun du zhugs pa'i 'bras bu mngon sum du byas so//de bden pa mthong nas lan gsum du ched du brjod pa ched du brjod de/ btsun pa bdag cag la 'di lta bu phas ma byas mas ma byas/ mdza' bshes dang / gnyen 'dun dang / rgyal po dang / lha rnams kyis kyang ma byas/ sngon gyi mdza' bo dang / dge slong dang bram zes kyang ma byas pa bcom ldan 'das kyis mdzad de/ dmyal ba dang / yi dags dang dud 'gro las bton te/ lha dang mi'i go 'phang la gzhag go//'khor ba mthar byas so/ /khrag dang mchi ma'i rgya mtsho skams so/ /rus pa'i ri bo las bsgral lo/ /ngan song gi sgo bkag go/ /mtho ris kyi sgo phye zhing snang bar mdzad do/ /'jig tshogs la lta ba'i brag ye shes kyi rdo rjes bcom nas rgyun du zhugs pa'i 'bras bu mngon sum du byas te/btsun pa bdag ni mngon par 'phags so/ /btsun pa bdag ni mngon par 'phags so/ /bdag bcom ldan 'das la skyabs su mchi zhing chos dang dge 'dun la skyabs su mchi'o/ /ji srid 'tsho'i bar du dge bsnyen gyi sdom pa 'dzin cing srog gi phyir mngon par dad pas skyabs su 'gro'o//de nas sngon ne tsor skyes pa'i lha'i bu 'thob par bya ba thob cing bsgrub par bya ba bsgrubs te/ zhing pa dang / dpa' bo g.yul las rgyal ba lta bu dang / nad pa nad las thar pa lta bus bcom ldan 'das kyis gsungs pa la mngon par dga' zhing rjes su yi rang nas 'byor pa gang gis bcom ldan 'das kyi zhabs drung du 'ongs pa'i 'byor pa de nyid kyis rang rang gi gnas su song ngo /rgyal bas bstan pa dang zhes bya ba la/ rgyal ba zhes bya ba ni bcom ldan 'das te/ nges par byin gyis brlabs pa ni rgyal bas bstan pa'o/ / bka' lung ni rnam pa gnyis te/ rigs pas nges pa dang lung bstan pa'o/ /de la rigs pas nges par bka' lung stsal ba'o/ /lung bstan pa ni 'di dang 'di lta bur 'byung bar 'gyur zhes bya ba ste/ re zhig rigs pas nges pa ni khyim bdag gzi brjid kyi bu rab tu 'bar ba'i nang na gnas pa bcom ldan 'das kyis 'tsho byed la bka' lung stsal te/de bzhin du byas pa dang de la gnod pa cung zad kyang ma gyur pa ji skad du ro bsregs pa'i nang me 'bar ba'i nang na gnas pa'i gzhon nu rgyal bas bka' stsal te blangs pa dang / rgyal ba'i mthus nus pa bcom nas skad cig gis me de kha ba'i 'dam bur song bar gyur to zhes 'byung ba bzhin no//lung bstan pa ni rgyal bas bstan pa ste/ khyim bdag gzi brjid kyi bu 'di lha dang mi'i dpal nyams su myong nas dgra bcom pa'i 'bras bu mngon sum du byed par 'gyur ro zhes bya ba'i bar du'o//de ma'i lto ba na gnas pa na'ang 'chi ba'i rkyen du ma las 'das shing ma shi la ro bsregs pa'i nang du bcug kyang ma tshig cing de bzhin gshegs pa ji ltar gsung ba dbang por mthong nas zhes bya ba la sogs pa khyim bdag gzi brjid kyi bu'i rtogs pa brjod pa 'dul ba phran tshegs las rgyas par blta bar bya'o//yang na rgyal bas bstan pa zhes bya ba la/ rgyal bas bstan pa zhes bya ba ni rab tu phyug po'i ming yin par gzung bar bya ste/ ji ltar brjod par bya zhe na/ mnyan yod na ded dpon gzhan zhig yod do/ /de rigs mnyam pa las chung ma blangs te/de dang lhan cig rtse bar byed dga' bar byed/ dga' mgur spyod par byed pa las/ sems can srid pa tha ma pa gzhan zhig de'i chung ma'i mngal du zhugs so/ /ded dpon de yang zong thogs te yul gzhan du song ngo / /de yul gzhan du song ba dang de'i chung ma la khye'u zhig btsas so//de 'jig rten gyi gnod pa spang ba'i phyir ji ltar 'ga' zhig gis kyang shes par mi 'gyur ba de lta bu'i las dang sbyor bas khyod kyis 'di gsad par bya'o zhes khol mo'i lag tu gtad do/ /de bzhin du des khyi'i tshang gi nang du bskyur ro/ / de khyi rnams kyis nyin mtshan rtag tu srung bar byed do/ /ji tsam na bcom ldan 'das snga dro chos gos dang lhung bzed thogs te/ dge slong gi dge 'dun gyis yongs su bskor cing dge slong gi dge 'dun gyis mdun du byas te mnyan yod du gshegs so/ /rgyal po sde rab tu 'pham byed kyang mnyan yod du 'ongs te bcom ldan 'das mthong ba dang /bcom ldan 'das kyi phyi bzhin du 'brangs so/ /de bzhin du khyim bdag mgon med zas sbyin yang dge bsnyen lnga brgya dang lhan cig 'khor skye bo stong phrag du ma dang sa phyogs der 'ongs so/ /khyi rnams kyis bcom ldan 'das mthong ba dang so sor byer nas song ste ji tsam na bcom ldan 'das kyi phyag g.yas pa brkyang ste/gzhon nu de la gzigs te bka' stsal pa/ gzhon nu 'di mnyan yod na phyug po rnams kyi mchog byed par 'gyur ro/ /nga'i bstan pa la rab tu byung nas nyon mongs pa thams cad spangs te dgra bcom pa nyid mngon sum du byed par 'gyur ro//ji tsam na khyim bdag phyug po'i mchog ces bya ba zhig gis rgyal po la zhus pa/ bdag gis 'di gzung bar bya'o zhes rgyal bas bstan pa zhes bya ba'i ming btags par gyur zhes bya ba nas/ rgyas par glengs te chung ma la reg par byas pa'i bar du ste/de la bu gsum dang bu mo smad ma zhes bya ba yod de/ chung mas smras pa/ rje'i sras bu 'di ci bdag cag gi khyim gyi las byed par 'gyur ram/ phyug pos smras pa/ 'di da ji ltar bya/ chung mas smras pa/ gsad par bya'o zhes rgyas par dug gi sbyor ba brtsams kyang gsad par ma nus shing mer bcug kyang ma tshig go//mtshon gyis gtubs kyang chod par ma gyur to/ /de nas de dang thag mi ring ba zhig na rgyal po sde rab tu pham byed kyi glang po che'i bres yod de de'i nang du bskyur ro/ /der yang glang po che rnams kyis nyin mtshan rtag tu bsrung zhing 'dug go//de bzhin du phyug pos slar blangs pa'i bar du'o/ /de bzhin du rgyas par khyi'i tshang du bskyur ba dang / de dag kyang de bzhin du srung ba dang phyug pos slar blangs pa'i bar du dang / chung mas smras pa/ lam po che'i bzhi mdor gzhag par bya'o zhes lam po che'i bzhi mdor bzhag pa'i bar du'o//de nas ljongs gzhan zhig na 'bras kyis phyug po zhes pa zong gis 'tsho ba rtog cing gnas pa/ de'i ming 'bras phyug po zhes bya bar btags so/ /des 'bras shing rta lnga brgya bkang nas mnyan yod du 'ongs so/ /des khye'u de mthong nas shing rta 'gror ma btub pa dang /de 'bras phyug pos khye'u blangs pa'i bar du'o/ /khyim bdag phyug po'i mchog de yang nyo ba'i phyir de'i gan du 'ongs pa dang / phyug po'i mchog gis khye'u mthong ba'i bar du nas smras pa/ khye'u 'di gang nas 'ongs/ des smras pa/ lam po che'i bzhi mdo nas rnyed do/ /phyug po'i mchog gis smras pa/ khye'u 'di rgyal po dang blon po dang yul mi'i mdun bdag cag gis rigs bzhin du blangs shing sangs rgyas bcom ldan 'das kyis mnyan yod kyi phyug po'i mchog tu 'gyur ro zhes rgyal bas bstan pa yin gyi/ khye'u 'di bdag la byin cig ces smras so//de dag gis kyang byin to/ /gang gi tshe cher skyes pa de'i tshe khye'u yi ge bzung ste 'ong ba 'di khyod kyis zung la rdza mkhan gyis sreg pa'i nang du bsreg par bya'o zhes rdza mkhan gyi drung du btang ngo / /de ji srid du yi ge bzung ste/ ra bar phyin pa dang phyug po'i mchog gi bu gsum po de na 'dus te 'dug pas 'di skad ces rgyal bas bstan pa gang du 'gro//des smras pa/ rdza mkhan gyi drung du'o/ /ji srid du rgyas par phyug po'i mchog gi bus de las yi ge blangs te rdza mkhan gyi khang par song ste/ rdza mkhan gyis bsad par gyur to/ / dgongs ka'i dus na rgyal bas bstan pa khang par zhugs pa dang / phyug po'i mchog gis yi ge gar song zhes smras so/ /de phu bos blangs te song ngo zhes smras pa nas/ phyug po'i mchog gis rta pa gnyis btang ngo zhes bya ba'i bar du rgyas par dang / de nas yang ji ltar 'ga' zhig gis kyang shes par mi 'gyur ba de lta bu'i las dang sbyor bas yi ge khyer nas 'ong ba'i gzhon nu 'di khyi'i tshang du gzhug par bya'o zhes btang ba dang /de yi ge bzung ste ra bar phyin pa dang zhes pa nas rgyas par phyug po'i mchog gi bu gnyis pa ra bar khyis zos pa'i bar du rgyas par bya ste/bya ba'i gan du btang ste khyod kyis 'di thab kyi nang du bcug ste tshig par bya'o zhes btang ste bu gcig pu sgor bcings te bzhag pa dang zhes pa nas rgyas par nan gyis rgyal bas bstan pa las yi ge blangs te bya ba'i gan du song ba dang / bya bas me dong du bcug nas bsad pa dang /thams cad du rta pa gnyis btang ba dang / de dag gis ma slebs par bsad do/ /de nas rang nyid mtshon thogs te rgyal bas bstan pa gsod par rtsom pa na khang pa nang gi mis gang bar mthong nas las kyi mtha'i gnas su song ba dang / de yang phyi rol gyi skye bos gang bar mthong nas/rgyal bas bstan pa mi yid ches pa zhig gi drung du gang khye'u yi ge gzung ba 'di mthong ma thag tu sa brkos pa'i nang du gsad par gyis zhes yi ge bskur te btang ngo / /ji srid du rgyal bas bstan pa mnyan yod du phyin te/ ltas mkhan gyis mthong nas 'di skad ces gzhon nu 'di phun sum tshogs pa dang rgud pa myong bar 'gyur ro zhes smras so//gzugs 'tshong mas ltas mkhan la dris pa dang des smras pa gzhon nu 'di de ring phyug po'i mchog tu 'gyur ba'am/ 'chi ba'i gnas skabs kyi khyim du 'jug par 'gyur ro//de nas des khyim du zhugs te nyal bar gyur to/ /de nas gzugs 'tshong mas de'i sor mo'i bar nas shog bu blangs te/ yongs su bsgyur te de'i sor mo'i bar du bzhag par gyur to/ /'di ltar bris te/ rgyal bas bstan pa 'di la 'dreg mkhan gyis skra dang kha spu bregs te/bu mo gzugs 'tshong ma rgyan thams cad kyis brgyan te/ ljongs 'di tsam dang rgyal po dang blon po dang yul mis rig cing tshor bar chung ma'i don du sbyin par bya'o/ /ji srid du rgyal bas bstan pa gnyid sad nas yid ches pa la shog bu byin pa dang / des kyang thams cad ma lus par de bzhin du byas so/ /ji tsam na phyug po'i mchog 'ongs te dris pa khyod kyis ji ltar ngas smras pa de bzhin du byas sam/ de'i nyis ltab tu byas so zhes des smras so/ /ji tsam na/ phyug po'i mchog kha nas khrag dron mo skyug cing dus las 'das par gyur pa'i bar du'o//de nas rgyal po sde rab tu 'pham byed kyis rgyal bas bstan pa phyug po'i mchog tu bzhag par gyur pa'i bar rgyas par byung ste/ des sangs rgyas dge slong gi dge 'dun gyis mdun du bltas te sde ston mo la spyan drangs shing phyug po'i mchog byas nas bcom ldan 'das kyi bstan pa la rab tu byung nas dgra bcom pa nyid thob par gyur to//de skad ces thos pa dang / dge slong rnams the tshom skyes te bcom ldan 'das la zhus pa/ tshe dang ldan pa rgyal bas bstan pas las ci zhig byas na gzhan gyi gnod pas ma gnod par gyur/ bcom ldan 'das kyis bka' stsal pa/de'i phyir dge slong dag nyon cig /sngon byung ba 'das pa'i dus na bA rA Na sI'i grong khyer du rgyal po tshangs pas byin zhes bya ba byung bar gyur te/ de la bu gdug pa'i bsam pa can zhig skyes so/ /de'i mdun na 'don la bu snying rje'i bsam pa can zhig skyes so zhes bya ba nas rgyas par rgyal po tshangs pas byin dus las 'das par gyur nas de'i bu rgyal srid la bzhag par gyur to//ji tsam na mdun na 'don yang dus las 'das te/ rgyal pos tshor nas song la de'i bu khrid de shog dang mdun na 'don du gzhug par bya'o zhes bka' stsal to/ /ji tsam na de 'ongs pa mthong nas smras pa/nga gang gi tshe rgyal srid byed pa de'i tshe khyod res 'ga' zhig nga'i drung du 'ong ngam zhes rgyal pos mdun na 'don du gzhug go/ /des smras pa/ nges pa zhig byas te gang 'ga' zhig 'gum par 'os pa de bdag gis rig bzhin du 'gum par mdzod cig /rgyal pos smras pa de bzhin no/ /ji tsam na srog chags brgya stong du ma rgyal po la zhus te srog las thar bar byas so/ /ji tsam dus gzhan zhig na rgyal po'i gsad par bya ba zhig nye bar gnas pa na/ des smras pa/ mdun na 'don khrid la shog cig dang de la smras shing bltar gzhug go//ji tsam na rgyal po skyes bu de'i khang par zhugs te/ mdun na 'don gang na 'dug ces smras pa dang / phyi rol du byung ste song ngo zhes smras so/ /ji tsam na rgyal pos gsad par bya ba mdun na 'don gyis rgyal po la zhus pa dang / rgyal pos smras pa khyod la byin no zhes bya ba nas/rgyas par de skyo ba skyes nas rab tu byung ste rang sangs rgyas kyi byang chub mngon du byas so/ /mdun na 'don gyis ji srid 'tsho'i bar du nye bar spyad pa kun gyis bsnyen bkur byas nas smon lam btab pa'i mdun na 'don de ni rgyal bas bstan pa 'di yin no//las de'i rnam par smin pas gnod pa'i rgyu rnam pa du ma las grol zhing gzhan gyi nye bar gnod pas ma gnod do/ /phyug po'i mchog gi bu las ci zhig byas nas gcig ni rdza mkhan gyi khyim du bsregs/ gnyis pa ni ra ba'i nang du khyis zos/ gsum pa ni bya bas bsregs/dge slong dag de'i phyir nyon cig sngon byung ba 'das pa'i dus na khur bus tshong byed pa gnyis shig bA rA NA sIr 'ongs so/ /de'i 'og tu yang gnyis 'ongs so zhes bya ba nas/ rgyas par ming rus dris te mthun zhing nor gcig par gyur to/ /gcig ni bA rA Na sIr song nas zas kyis 'tsho bar byed la/gsum ni tshong byed do/ /ji tsam na des rang sangs rgyas la bsod snyoms gcig phul ba de dag gis thos te khros nas smras pa/ gal te rab tu byung ba de nga'i dbang du gyur na rdza mkhan gyi rdza ma'i gnas su bsreg par bya'o/ /gnyis pas smras pa/gal te rab tu byung ba de nga'i dbang du gyur na gson bzhin ra bar khyi la sbyin par bya'o/ /gsum pas smras pa/ ngas bya ba'i thab tu bsreg par bya'o zhes gang gis tshig smras pa de bzhin du rnam par smin pa yongs su smin to/ /gang gis rang sangs rgyas la bsod snyoms 'bul ba de ni rgyal bas bstan pa yin no//chos len pa dang zhes bya ba la/ chos len pa yang rgyal bas bstan pa ltar mas dur khrod du bskyur yang bden pa mthong bar 'os pa yin pas ma shi ba lta bu'o/ /mchog can dang zhes bya ba la/ rgyal po'i khab na tshe dang ldan pa mchog can zhes bya ba dang /tshe dang ldan pa shA ri'i bu lhan cig gnas so/ /de bsod snyoms kyi phyir zhugs pa dang rgyal po'i khab na phyug po'i mchog ces bya ba zhig yod de/ de la 'bangs po yid ches pa rkun ma zhes bya ba yod de phyug po skyed mos tshal du song ste 'bangs po yid ches pa rkun ma la bskul zhing smras pa/song la khyim nas cung zad cig khyer la shog cig ces smras so/ /de smad 'tshong mas bslus te phyug po'i chung ma'i dpung pa gnyis gdu bu'i phyir bcad do/ /de mi rnams kyis bdas pa dang de'i lhung bzed du dpung pa gnyis po de bcug go//de ji srid du rgyal po ma skyes dgras mchog can gsal shing la bskyon pa'i bar du'o/ /ji tsam na 'phags pa shA ri'i bus gsal shing la gnas bzhin du gdams ngag phog ste yang dag par skyo nas dgra bcom pa nyid thob ste/ gsal shing khyer nas nam mkha' la mngon par 'phags so zhes rgyas par byung ba dang /'dam bu can gyi grong khyer na phyug po zhig la bu gcig dang bu mo zhig dang gnyis skyes te/ de gnyis phan tshun du shin tu mthun no/ /ji tsam na de gnyis rtse ba las ltogs te ma'i drung du song nas smras pa/ma bdag cag bkres kyis zan byin cig /de gnyen rnams la yongs su [(]'drim [,]'brim [)]pas ngal bas khyod cag rang gnyis long la zo zhig ces smras so/ /bus smras pa/ khyod gsal shing la bskyon nam zhes smras so/ /bu mos smras pa/ khyod kyi dpung pa gnyis bcad dam/bdag cag gnyis la zan mi sbyin pa ci ste zhes smras so zhes rgyas par bcom ldan 'das 'od srungs kyi bstan pa la mchog can rab tu byung bas zhes bya ba'i bar du'o/ /gang+gA len pa zhes bya ba la bA rA Na sIr gang+gA len pa zhes bya ba phyug po'i bu nor gyis phyug cing yangs par gyur pa/skye bo mngon par dga' ba dpal dang / grags pa dang / snyan pa dang / blo yongs su dag pa dang / mi dang / glo bur du 'ongs pa dang / rang gi mi dang / lha dang / dge sbyong dang / bram ze rnams kyis ming thos pa zhig byung bar gyur to/ /de dus res 'ga' zhig na skyed mos tshal gyi dga' ba yid kyis myong bar bya ba'i phyir bA rA Na sIr song ste/phyi rol na kun du 'khyams pa las sangs rgyas bcom ldan 'das chos kyi 'khor lo bskor ba'i gnas dga' zhing rab tu nyams dga' ba drang srong chen po'i tshogs kyi 'khor lo bskor ba zhes bya bar phyin no//de shin tu ngo mtshar zhing rmad du byung bas dga' ba rgya chen po'i spyod pa mgo dang / sha dang / khrag dang / mig dang / lag pa dang / rkang pa dang / rta dang / glang po che dang / bu dang / bu mo dang / rgyal srid la sogs pa rnam pa du mas slong ba'i skye bo rnams la rnam par 'gyed cing dga' bar byed pa/brtul zhugs dang nges pa dang sdom pa yang dag par len pas mi dge ba'i rtsa ba las nges par byung zhing rnam pa du ma sna tshogs kyi dka' ba mang po spyod pa las skyes pa'i che ba'i bdag nyid srog chags gzhan rnams kyis bsgrub cing rtogs par bya ba ma yin pa'i pha rol tu phyin pa/shes bya mang po ma lus pa phra ba'i dngos po'i de kho na nyid rtogs pa'i gzhir gyur pa/ shes bya'i rgya mtsho chen po yang dag par bsrubs pa las yang dag par byung ba/ bdag med pa'i ye shes rin po che rags pa dang / phra ba dang / nang dang / phyi rol dang / thag ring ba dang /nye ba dang / rang dang gzhan gyi rgyud la brten pa'i sgra dang don gyi bdag nyid du ma'i de kho na nyid du rab tu rig pa/ thams cad rig pa'i sangs rgyas bcom ldan 'das kyi gsung rab kyi chos nye bar bstan pas yid yang dag par byung ste/ 'khor bar gnas pa'i nye bar spyod pa phan pa la mi ltos shing /rab tu byung ba'i bde ba mchog la ltos shing yid la byed par gyur kyang pha dang ma las gnang ba ma thob pa rab tu byung ba'i dngos po mi thob par yid la byas te/ pha dang mas rjes su gnang bar bya ba'i phyir yid la tshim par the tshom za ba tsam gyis gnas skabs gzhan thob kyang rjes su gnang ba ma thob nas rim gyis srung ma rnams snyom las byed par gyur pa'i tshe gnyen dang khyim spangs te/gang dang gang na bcom ldan 'das dang nyan thos kyi tshogs dang thabs cig tu bzhugs pa/ gzhan gang yang rung ba dge slong dag bzhugs pa'i sa de dang der song ngo //de dang der bdag nyid kyi dgos pa smras pa dang / pha dang mas ma gnang bar bcom ldan 'das kyi bstan pa la 'jug cing yon tan gyi tshogs su gyur pa'i rab tu byung ba ma rnyed par sems la bsams te/ skye ba 'di la bdag gi dka' bla yis rab tu byung ba ma thob kyis skye ba gzhan du yang 'di dag nga'i bar chad du ma gyur cig ces gang shi nas bcom ldan 'das kyi bstan pa la rab tu byung ba'i rgyus smon lam sngon du btang ste bdag nyid gtang bar bya'o zhes de dug zos kyang ma shi'o//mtshon gyis gtubs kyang ma chod cing / g.yang du mchongs pa dang /ri dang glang po smyon pa dang / gang 'brog dgon par lcug mas bdag nyid bcings pa dang / de lta bu la sogs pa srog gi bar chad du ma las 'das te gshin rje'i mche ba'i bar du zhugs par ma gyur nas dbugs dron mo ring po 'byin zhing 'dug go/ /yang smras pa/gang las lha dang lha min mi yi 'jig rten sdug bsngal thob/ /'jig rten gsum kun ring na gnas kyang drung du drangs te 'joms/ /de ni bdag gis mdza' grogs bzhin du btsal kyang ma rnyed pa/ /'chi la 'chi ba gzhan zhig yod dam cis na mi mngon 'gyur/ /yang 'di snyam du rnam pa thams cad du 'chi ba'i thabs khyad par can gzhan zhig yod kyis da ni de brtsam par bya ste/rgyal po'i khab tu song la gzhan gyi rdzas ma byin par blangs na de'i 'bras bu gnas par 'gyur te/ ma ga d+ha de na rgyal po ma skyes dgra chad pa drag po byed pa yod de/ des thos nas rkun ma zhes mthar byed cing gshin rje'i khyim du 'jug par 'gyur ro zhes de rgyal po'i khab tu phyin nas skye bo mang pos mthong ba nyid du rku bar brtsams pa dang /rkun ma rkun ma zhes srung ma rnams kyis bdag len bzung ste/ lha 'di ni rjes su mi mthun zhing grong khyer gyi rkun ma ste/ rgyal po'i khab kyi phyug po rnams ltogs par byed pa/yid ches pa rnams yid mi ches par skyed par byed pa yin no zhes rgyal po la phul lo/ /de yang rgyal pos khyod rkun ma yin nam zhes bka' stsal pa dang / des yin no zhes smras so/ /rgyal pos smras pa/ rgyal po'i khab kyi chad pa drag cing che ba ma thos sam/zhes smras pa/ ma thos pa yang ma yin mod kyi/ 'on kyang / mi rigs pa la chags pa dang / /de la 'jigs par mi gzung bas/ /des na bdag gi 'jigs med par/ /rkun ma bya bar brtsams pa yin/ /zhes pa dang / lha 'on kyang / gang la gang zhig mngon 'dod pa'i//dngos po de la de sbyar bya/ /nyid ni srung bar 'dod pa ste/ /bdag ni rku bar 'dod pa yin/ /de nas rgyal pos spos kyi glang po che smyos pa'i rdul gyi dri bsnam zhing yang dag par tshor ba shin tu khro bzhin du khro ba'i snyigs mas bzhin bsgyur te/ gang gA len pa khang pa der sdigs mdzub gtad de smin ma khro gnyer bskyed de/gshed ma la tshig 'di skad du sdig pa byed pa 'di nyes par spyod pa 'di myur du rgyal po'i khab pa thams cad kyis thos par gsal shing la bskyon cig ces bka' stsal to/ /gshed ma'i skyes bu de dag gis ka ra bI ra'i me tog mgul bar btags te/gsal shing bstan pa dang / rgya che zhing mtho ba phrag pa la bkal te/ rgyal po'i khab kyi tshong dus dang / 'dun sa dang / bzhi mdo dang / sum mdo dang / ra ba tha dad pa du ma rnams su thos par/ kye mi dag 'di ni rkun ma ste me tog nang gi sbrul nag po ltar phyug po thams cad dbul por byed pa rgyal po'i chos lugs las 'das te rgyal po'i bka' lung gis sdig pa byed pa 'di gsal shing la bskyon pa khyod cag ltos shig ces smras so//des smras pa/ bzhin bzangs dag myur bar gsal shing gi rtse mo la rgyal po'i bka' lung sgrubs shig /de dag gis smras pa/ rim pa 'di lta bus bya ba brtson pa ma yin nam/ des yang smras pa/ 'chi ba'i gegs su mi 'gyur bar myur du gyis shig /de dag gis smras pa/ khyod gson po'i don du rkun ma byed pa ma yin nam ji ltar na 'tsho ba yongs su btang bar lan mang du sems sam/des smras pa/ 'gro ba 'di las gzhan med do/ /yang smras pa/ bud med byis pa gzhon nu rgan pa lang tshor babs mdun du/ /rkun ma nyid du rig par byas shing dpung pa rab tu bcings nas su//rgyal pos gsad par bka' lung stsal ba khyod kyi lag gnas pa/ /'chi bdag yul las 'gro ba gzhan med 'di ni nges pa yin/ /phan tshun du smras pa/ 'di ni ma ga d+ha'i yul pa thams cad kyi rdzas 'phrog par nus so/ /ci ste zhe na/ 'tsho ba la yang ltos med par//gzu lums su ni 'jug pa'i mi/ /'di la bsod nams yang na ni/ /rtogs par bya ba cung zad med/ /kwa'e sdig pa spyod pa bdag cag gis gsad par bya ba ni mang du mthong ste/ kha cig myos 'gyur 'dod cing gzhan dag zas la gzhan ni chu/ /gzhan ni gnyen 'dun mthong ba'i bde ba 'dod cing gzhan ni tshang //gsad bya'i skye bo phal cher gzhan ni skad cig gson ngas tshol/ /khyod ni srog nyams 'dod pa 'di ci rnam pa 'di gang las/ /des smras pa/ gang gi gang la yang dpal du rtogs pa des de don du gnyer bar byed pa 'di ni 'jig rten gyi lugs yin la/bdag kyang 'chi ba la dpal du rtogs nas don du gnyer ba yin gyis/ myur du bdag gi yid la re zhing don du gnyer ba yongs su rdzogs par gyis shig /gzhan du na bdag rkun ma zhes bstan pa don med par 'gyur ro/ /yang smras pa/ gsal shing la bskyon skra grol lus las khrag 'dzag cing /mig gi 'bras bu bya rog gis bton 'og tu 'dzag pa dang / spyang ki kang ka stag gis sha dang khrag dag yongs su bgrod gyur nas/ /srog gi sbyin pa btang ste dur khrod gnas su bdag srog dor ba ltos/ /de dag phan tshun du brtags te smras pa/rnam pa du ma'i brjod pa 'di ni ngo mtshar te/ slar rgyal pos ma thos kyi bar du bdag cag gis de gsal shing la bskyon par mi nus so/ /de nas gshed ma'i skyes bu zhig log ste rgyal po la zhus so/ /rgyal pos bkug nas dris pa/ khyod kyis 'di skad du brjod pa bden nam/des lha mad lags so zhes smras so/ /rgyal pos smras pa/ shi ste don ci zhig 'grub par 'gyur/ des smras pa/ sangs rgyas kyi bstan pa la rab tu byung ba'o/ /rgyal pos smras pa/ gson bzhin ston pa ma thob na/ /shi nas ji ltar thob par 'gyur/ /gang las nges pa 'di skyes pa//ci yi don du bden par smros/ /des rgyal po la smras pa/ lha gal te bdag smra na rab tu byung ba'i phyir bdag shi bar 'dod do/ /rgyal pos smras pa/ khyod kyis go rims bzhin du ma bstan gyis/ de ji ltar go rims bzhin du rgyas par smros shig /des ji ltar brjod pa bzhin du rang gi gtam rgyas par smras nas gsol pa/ lha gzigs mdzod cig /gang las srog 'byin la sogs thub pa sdug bsngal myong gyur pa/ /de yi thams cad gzhan don bcas shing rang min gzhan don 'jug /de ltar rig kyang gang zhig bka' la gnas par mi byed pa//'du shes med cing rtswa phung dang 'dra sa yi khur bur zad/ /ston pa zhir gshegs de'i tshogs ri mo 'drar thar gyur pa'i lam/ /de yi go 'phang sems rmongs 'phel bas gtums shing sgrib pa na/ /phan pa ji ltar bya bar nus zhes de ltar nges pa ni//mya ngan 'das pa ji srid lta ba'i sgra 'di stobs med bya/ /gang zhig ngan 'gro sna tshogs bdag nyid gang du bkod pa dang / /gnas gtsang spangs pa'i bde 'gror yun ring ma skyes gang zhig yod/ /rnam mang gnas su byung bar ma gyur sems can gang zhig yod/ / blo ldan rang gzhan de ltar mthong ba 'gro ba'i phra rgyas 'grol/ /rgyal pos de'i tshig thos nas pad+ma'i sbubs ltar ngo mtshar ba'i spyan gyis smras pa/ kye bdag gi gzu lums su dpyad pa sngon du ma btang bar gshed ma las bka' lung stsal to/ /phyir rgol smra bar gyur pa sna tshogs kyi//las dang 'bras bu lkog gyur ma mthong ngam/ /khyod kyis bden pa mthong bar gyur tam ci/ /thub ces the tshom bsams pa 'di cis 'phangs/ /sems la sangs rgyas rjes su dran bcas khyod bsad cing / /'jig rten gnod bcas bdag gi 'gro ba gang zhig 'gyur//bu gcig dga' bar mdzod cig sems dang bka' yis gnod bsal te/ /rim gyis lung bstan rab byung dngos po thob la shes par 'gyur/ /gsad bya gsad bya ma yin gnod dang zhi 'bras bka' lung can/ /'di la pha dang ma bzhin rgyal 'bangs kun la mnga' bdag ste//khyod ni nga yi srog sbyin pa yi bu yi mchog yin te/ /rjes su gnang nas rab byung zhi thob the tshom ma byed cig /bu mthong ngam/ sangs rgyas bcom ldan 'das thugs rje mchog gi spyod pa sna tshogs mnga' ba/ /bsam pa dang / bag la nyal dang / khams dang / rang bzhin dang / dbang po yongs su smin pa dang / dge ba'i rtsa ba dang / dus dang dus ma yin pa'i gnas skabs la ltos nas gdul bya la 'jug ste/ nga 'di snyam du khyod la rnam par smin pa nges pa'i las kyis 'phangs pa yod pas thugs rjes btang snyoms su mdzad do/ / zhes dgongs so/ /drang srong chen po gang la dus min dang / /snod min mi 'bab btang snyoms mi mdzad pa/ /de'i phyir rnam pa 'dis ni btang snyoms mdzad/ /dus dang snod dang phan par gzigs nas gsung / /de nas rgyal pos blon po rnams la bos te smras pa/ rgyal po'i khab pa rnams la 'di rgyal po'i bu yin no zhes thos par gyis shig /de nas blon po rnams kyis rgyal po'i bu la 'os pa'i gos dang / rgyan dang / phreng ba dang / byug pa dang / gdugs dang / rgyal mtshan dang / bran la sogs pa rnam pa sna tshogs dang / rgyal po la 'os pa'i glang po che la bskyon nas grong khyer du bos pa/ya mtshan can dang / thos pa dang bcas pa khyed rnams nyon cig /'di ni yul bA rA Na sI'i phyug po'i bu gang gA len zhes bya ba bcom ldan 'das kyi bstan pa la rab tu byung bar 'dod pa na pha dang ma las gnang ba ma thob nas bdag ci nas 'jig rten pha rol du thob par 'gyur zhes de 'chi ba'i thabs gzhan rtog nas rkun mar bstan te bsad par bka' lung stsal pa 'di ltar rigs gzhan gyis mi 'phrogs pa'i rtog mthu'i che ba'i bdag nyid sa chen po'i thig le gcig pa rgyal bar bya ba las rnam par rgyal ba'i lha ma skyes dgra'i sras su skyes so zhes thos par byas te/dga' ba dang skyo ba yang dag par skyes pa mang po phyi nas 'brang zhing mdun du byas te/ rgyal pos gnang nas smyug ma'i nags tshal gang na ba der song ngo / /de der sngon gyi dus su byas pa'i rgyus bar chad thams cad zad cing nye bar grol te/thob par rigs pa rab tu byung ba phun sum tshogs pa thob bo/ /de rab tu byung ba phun sum tshogs pa thob nas yid la byed pa phung po dang khams rab tu rnam par dbye ba rtog pa'i rim gyis kun tu sbyor ba dang / 'ching ba dang / nye ba'i nyon mongs pa dang /kun nas dkris pa thams cad kyi lcags sgrog gi 'ching ba shes rab kyi ral gris yang dag par bcad nas 'jig rten thams cad kyi che ba'i che bar mchod par bya ba 'bras bu'i mchog dgra bcom pa nyid mngon sum du byas so/ /'dir mdor bsdus te brjod kyi/ rgyas par ni rtogs pa brjod pa brgya'i sdom gyi tshigs su bcad pa bcu pa'i brgyad pa las blta bar bya'o//tshang dpon gyi bu grags pa gzhon nu zhes bya ba la/ bcom ldan 'das bA rA Na sI'i chu bo sgrib med kyi 'gram na bzhugs so/ /de'i tshe bA rA Na sI na grags pa mchog gi rigs kyi bu zhig yod de/nyin par bud med kyi rol mos rtse zhing dga' la yongs su spyod pa lus chad cing lus ngal te lus lci bar gyur pas gnyid log par gyur to/ /bud med de dag kyang lus chad cing lus ngal te lus lci bar gyur pas gnyid log par gyur to/ /grags pa mchog gi rigs kyi bus bud med de dag sgren mor kha chu 'dzag pa skra grol ba lag pa dag g.yengs pa gzhan dang gzhan gyi brdol smras byed pa dag mthong nas/btsun mo'i 'khor de dag la dur khrod kyi 'du shes byung bar gyur te/ de nas rigs kyi bu grags pa gzhon nu mal stan chen po las babs te/brgya stong ri ba'i mchil lham gnyis gon nas btsun mo'i grong gi sgo khang gang na ba der nye bar song ste/ nye bar song nas/ kye grogs po dag bdag ni rab tu gtses so/ /bdag ni nye bar gtses so zhes 'o dod bos pas mi ma yin pa rnams kyis sgo phye nas sgra mi thos par byas so//de nas rigs kyi bu grags pa gzhon nu tshong dus kyi sgo gang na ba der nye bar song ste nye bar song nas kye grogs po dag bdag ni rab tu gtses so bdag ni nye bar gtses so zhes 'o dod bos pas de mi ma yin pa rnams kyis sgo phye ste sgra mi grags par byas so//de nas rigs kyi bu grags pa gzhon nu grong khyer gyi sgo gang na ba der nye bar song ste/ nye bar song nas/ kye grogs po dag bdag ni rab tu gtses so/ /bdag ni nye bar gtses so zhes 'o dod bos pa de mi ma yin pa rnams kyis sgo phye ste sgra mi thos par byas so//de nas rigs kyi bu grags pa gzhon nu chu bo sgrib med kyi 'gram gang na ba der nye bar song ngo / /de'i tshe na bcom ldan 'das chu bo sgrib med kyi 'gram/ phyi rol bla gab med pa na 'chag cing 'chag nas bzhugs pas rigs kyi bu grags pa gzhon nu rgyang ring po nas 'ong ba gzigs shing rigs kyi bu grags pa gzhon nus kyang bcom ldan 'das chu bo sgrib med kyi phyi rol bla gab med pa na 'chag cing 'chag par mthong nas dge sbyong bdag ni gtses so//kye dge sbyong bdag ni rab tu gtses so zhes 'o dod bos so/ /de nas bcom ldan 'das kyis rigs kyi bu grags pa gzhon nu la 'di skad ces bka' stsal to//kye gzhon nu tshur shog /'di na nye bar 'tshe ba med pa dang nye bar 'tshe ba med pa'i gnas yod do/ /de nas rigs kyi bu grags pa gzhon nus brgya stong ri ba'i mchil lham zung dag chu bo sgrib med kyi ngos su bor nas chu bo rgal te bcom ldan 'das gang na ba der nye bar song ste/nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go/ /de nas bcom ldan 'das rigs kyi bu grags pa gzhon nu dang gtsug lag khang gang na ba der nye bar gshegs te/ nye bar gshegs nas gdan bshams pa la bzhugs so//de nas rigs kyi bu grags pa gzhon nu bcom ldan 'das kyi zhabs la spyi bos phyag byas te phyogs gcig tu 'dug go/ /phyogs gcig tu 'dug nas rigs kyi bu grags pa gzhon nu bcom ldan 'das kyi chos dang ldan pa'i gtam gyis yang dag par bstan/yang dag par 'dzin du bcug /yang dag par gzengs bstod/ yang dag par dga' bar mdzad nas gang sangs rgyas bcom ldan 'das kyi sngon gyi dus kyi rgyu chos kyi gtam 'di lta ste/ sbyin pa'i gtam dang / tshul khrims kyi gtam dang /mtho ris kyi gtam dang / 'dod pa rnams ro chung zhing nyes dmigs mang ba dang / kun nas nyon mongs pa dang / rnam par byang ba dang / thar pa dang / dben pa dang / bsngags pa dang / rnam par byang ba'i phyogs rgyas par yang dag par gsal bar mdzad do//gang gi tshe sangs rgyas bcom ldan 'das kyis de la dga' ba'i sems dang / dge ba'i sems dang / rab tu dga' ba'i sems dang / sgrib pa dang bral ba'i sems dang / 'khor ba las yang dag par 'da' ba'i chos bstan pa shes par nus shing rig pa de'i tshe sangs rgyas bcom ldan 'das rnams 'khor ba las yang dag par 'das pa'i chos bstan pa 'di lta ste/sdug bsngal ba dang / kun 'byung ba dang / 'gog pa dang lam ste/ 'phags pa'i bden pa bzhi po rgyas par rab tu gsal bar mdzad do/ /'di lta ste/ gos dri ma dang bral zhing yongs su dag pa gtso blag mkhan gyi lag tu gtad na yang dag par tshon 'dzin par 'gyur ba de bzhin du rigs kyi bu grags pa gzhon nu stan la 'dug bzhin du 'phags pa'i bden pa bzhi mngon par rtogs te/'di lta ste/ sdug bsngal ba dang / kun 'byung ba dang / 'gog pa dang / lam mo/ de nas rigs kyi bu grags pa gzhon nu chos mthong ba dang / chos thob pa dang / chos rig pa dang / chos rtogs pa dang / chos la the tshom dang yid gnyis dang bral ba/ gzhan gyi rkyen gyis bkri bar bya ba ma yin pa/ ston pa gzhan gyis bstan pa'i dring mi 'jog pa/chos la mi 'jigs pa thob nas stan las langs te/ bcom ldan 'das gang na ba de logs su thal mo sbyar te/ bcom ldan 'das la 'di skad ces gsol to/ /btsun pa bdag ni mngon par 'phags so/ /rab tu 'phags so/ / des na bdag bcom ldan 'das la skyabs su mchi'o/ /chos dang dge 'dun la skyabs su mchi'o/ /dge bsnyen du gzung du gsol/ deng nas gzung ste ji srid 'tsho'i bar du srog dang bsdos te skyabs su 'gro zhing mngon par dang ngo / /de nas btsun mo'i 'khor gyi nang nas gzhan zhig gnyid sad de bltas pa na grags pa gzhon nu rang gi mal stan chen po la mi snang ba mthong nas khyim bdag rigs mchog gi khang pa gang na ba der nye bar song ste/nye bar song nas khyim bdag rigs mchog la 'di skad ces kye jo bo grags pa gzhon nu rang gi mal stan chen po la mi snang ba mkhyen par mdzod cig /ces smras so/ /de nas khyim bdag rigs mchog 'di snyam du ci grags pa gzhon nu rkun ma'am g.yon can gyis nor gyi phyir phyi rol du khyer bar ma gyur ram snyam du rig par byas nas/ pho nya rta pa bzhi brdzangs so/ /rang nyid lag na mar me thogs pa'i skyes bu dang lhan cig chu bo sgrib med gang na ba der nye bar song nas/khyim bdag rigs mchog gi chu bo sgrib med kyi 'gram du brgya stong ri ba'i mchil lham zung cig bzhag pa mthong nas de yang 'di snyam du ci gzhon nu 'di rkun ma'am g.yon can gyis nor gyi phyir phyi rol du khyer bar ma gyur te/'di lta ste chu bo sgrib med kyi 'gram du brgya stong ri ba'i mchil lham gnyis po bzhag pas so/ /gzhon nu 'jug ngogs 'di nyid nas chu bo sgrib med brgal bar gyur te/ 'di lta ste chu bo sgrib med kyi 'gram du brgya stong ri ba'i mchil lham gnyis po 'di bzhag par byas so zhes rig par byas nas 'jug ngogs de nyid nas chu bo sgrib med brgal te/bcom ldan 'das gang na ba der nye bar song ngo / /bcom ldan 'das kyis rgyang ring po nas khyim bdag rigs mchog 'ong ba gzigs nas 'di snyam du gzhon nu 'di stan 'di la 'dug bzhin du mi mthong bar gyur pa de lta bu'i ngas rdzu 'phrul mngon par 'du bya ba mngon par 'du bya'o snyam du dgongs nas/de nas bcom ldan 'das kyis grags pa gzhon nu stan de nyid la 'dug bzhin du khyim bdag rigs mchog gis mi mthong bar 'gyur ba de lta bu'i rdzu 'phrul mngon par 'du mdzad do//de nas khyim bdag rigs mchog bcom ldan 'das gang na ba der nye bar song ste/ nye bar song nas bcom ldan 'das la 'di skad ces gsol to/ /bcom ldan 'das grags pa gzhon nu gang du song ba gzigs lags sam/ khyim bdag 'dug cig dang stan 'di nyid la 'dug bzhin du grags pa gzhon nu mthong bar 'gyur ba'i gnas de yod de/de nas khyim bdag rigs mchog 'di snyam du gal te bcom ldan 'das kyis gzhon nu mthong bar 'gyur ram snyam mo/ /bcom ldan 'das kyis bka' stsal pa/ khyim bdag des na gang gi tshe stan 'di nyid la 'dug bzhin du grags pa gzhon nu mthong bar 'gyur ba'i gnas de yod do//de de ltar rig nas dga' ba dang / yid bde ba dang / rab tu dga' ba dang / yid bde ba skyes te bcom ldan 'das kyi zhabs la spyi bos phyag byas nas phyogs gcig tu 'dug go/ / phyogs gcig tu 'dug nas khyim bdag rigs mchog bcom ldan 'das kyis chos dang ldan pa'i gtam gyis yang dag par zhes bya ba snga ma bzhin no/ /chos kyi rnam grangs 'di bshad pa na khyim bdag rigs mchog chos rnams la chos kyi mig rdul med cing dri ma dang bral ba rnam par dag pa skyes so//grags pa gzhon nu rgyan thams cad kyis brgyan bzhin du nye bar len pa med par zag pa las sems rnam par grol lo/ /de nas bcom ldan 'das kyis rdzu 'phrul mngon par 'du bya ba de slar brtul te/ tshigs su bcad pa 'di skad ces bka' stsal to/ / brgyan par byas kyang chos spyod cing / /dul bsdams tshangs par spyod gyur cing / /sems can kun la dbyug pa spangs/ /bram ze dge sbyong dge slong de/ /de'i tshe na dgra bcom pa drug yod la bdun pa ni bcom ldan 'das yin no/ /khyim bdag rigs mchog gis grags pa gzhon nu stan de nyid la 'dug pa mthong ste/grags pa gzhon nu la 'di skad ces smras so/ /gzhon nu ma lus ngal ba dang / lus chad pa dang / smre sngags 'don par 'gyur gyis khyim du 'dong ngo / /de nas bcom ldan 'das kyis khyim bdag rigs mchog la 'di skad ces bka' stsal to//khyim bdag 'di ji snyam du sems/ gang gis mi slob pa'i ye shes dang mi slob pa'i mthong bas 'phags pa'i bden pa bzhi po mngon par rtogs kyang khyim gyi gnas su 'dug cing yongs su bsags pa'i 'dod pa la longs spyod dam/btsun pa ma lags so/ /ji ltar khyim bdag khyod slob pa'i ye shes dang / slob pa'i mthong bas 'phags pa'i bden pa bzhi mngon par rtogs pa de bzhin du grags pa gzhon nu mi slob pa'i ye shes dang mi slob pa'i mthong bas 'phags pa'i bden pa bzhi mngon par rtogs so//btsun pa grags pa gzhon nus thob pa legs par thob ste/ mi slob pa'i ye shes dang mi slob pa'i mthong bas 'phags pa'i bden pa bzhi mngon par rtogs pa lags so/ /bcom ldan 'das grags pa gzhon nu phyi bzhin 'brang ba'i dge slong dang rigs mchog gi khyim gang na ba der gshegs pa thugs brtse bar mdzad du gsol//bcom ldan 'das khyim bdag rigs mchog la cang mi gsung bar gnang ngo / /de nas khyim bdag rigs mchog bcom ldan 'das kyis cang mi gsung bar gnang bar rig nas/ bcom ldan 'das kyi zhabs la spyi bos phyag byas te song ngo //de nas bcom ldan 'das nyin zhag de nyid kyi snga dro chos gos dang lhung bzed thogs te phyi bzhin 'brang ba'i dge slong grags pa gzhon nu dang khyim bdag rigs mchog gi khyim gang na ba der gshegs so/ /de'i dus na tshe dang ldan pa grags pa'i btsun mo chen mo dang gnyis pa mdun na gnas ma zhes bya ba lam gyi bar na bcom ldan 'das nam gshegs zhes sems shing 'dug go//tshe dang ldan pa grags pa'i btsun mo chen mo dang / mdun gnas ma gnyis kyis bcom ldan 'das rgyang ring po nas gshegs pa mthong ste/ mthong nas bcom ldan 'das kyi gdan bshams te/'di ltar bcom ldan 'das bde bar gshegs sam/ bcom ldan 'das gdan bshams pa 'di la bzhugs su gsol zhes zhus te/ bcom ldan 'das gdan bshams pa la bzhugs so/ /de nas tshe dang ldan pa grags pa'i btsun mo chen mo dang mdun gnas ma gnyis kyis zhabs la spyi bos phyag byas te phyogs gcig tu 'dug go//phyogs gcig tu 'dug nas tshe dang ldan pa grags pa'i btsun mo gnyis po chen mo dang mdun gnas ma gnyis la chos dang ldan pa'i gtam gyis zhes bya ba nas/rgyas par ji srid du 'phags pa'i bden pa bzhi mngon par rtogs te/ snga ma bzhin du skyabs su song zhing sems mngon par btang ba'i bar du'o/ /de nas tshe dang ldan pa grags pa'i btsun mo chen mo dang mdun gnas ma gnyis kyis bcom ldan 'das la 'di skad ces gsol to//de nas btsun pa 'dir zas kyi bya ba mdzod cig /de nas bcom ldan 'das kyis tshe dang ldan pa grags pa'i btsun mo gnyis po chen mo dang mdun gnas ma gnyis la cang mi gsung bar gnang ngo / /de nas tshe dang ldan pa grags pa'i btsun mo gnyis po chen mo dang mdun gnas ma gnyis kyis bcom ldan 'das dang tshe dang ldan pa grags pa gnyis bde bar zhugs par rig nas/gtsang zhing gya nom pa'i bza' ba dang bca' ba rang gi lag nas [(]'drim [,]'brim [)]zhing tshim par byas te/ bcom ldan 'das gtsang zhing gya nom pa'i bza' ba dang bca' ba rang gi lag nas tshim par brims par rig cing /lhung bzed gyu ba dang / stan dma' ba zhig blangs te bcom ldan 'das kyi drung du chos nyan pa'i phyir 'dug go/ /de nas bcom ldan 'das kyis tshe dang ldan pa grags pa'i btsun mo gnyis po chen mo dang /mdun gnas ma gnyis chos dang ldan pa'i gtam gyis yang dag par bstan/ yang dag par 'dzin du 'jug/ yang dag par gzengs bstod/ yang dag par dga' bar mdzad nas gdan las bzhengs te gshegs so/ /mi ma yin pa rnams kyis sgo phye zhing sgra mi thos par byas te/'di 'ga' zhig gis kyang bsad par ma nus te/ skye ba tha ma pa yin pa'i phyir ro/ /'tsho byed kyang mas sgrom bur bcug ste rgyal po'i sgor skyur ba las bden pa mthong bar rig pas ma shi zhes gtam rgyud rgyas par 'dul ba las gos kyi gzhir blta bar bya'o//sogs pa'i sgras b+ha ba lo ba da ka la sogs pa srid pa tha ma pa bden pa mthong bar rigs pa dag las g.yang sar skyur yang ma shi bar dper byas pa ste/ de nyid kyi phyir ji skad bshad pa thams cad bsdu ba'i don du srid pa tha ma pa'i byang chub sems dpa' rnams dang zhes smos so//byang chub sems dpa' yum de'i lhums na gnas pa zhes bya ba la sogs pa ni byang chub sems dpa'i mthu dang lha'i mthus rmad du byung ba'i sems can ma'i mngal du zhugs pa la ji skad du/ ma ni bde zhing sems la sdig bral dang //skyes pa gzhan la 'dod pa med par 'gyur/ /khyim gyi phyogs bzhir lag na mtshon thogs pa'i/ /lha rnams bsrung ba'i don du khyab cing gnas/ /zhes bya'o/ /yang ci'i phyir mdo las btsun pa zhes bya ba ni lus thob pa ni rnam pa bzhi ste zhes bya ba la sogs pa sngar gyi skabs su bris zin to//bde ba skye ba zhes bya ba la sogs pa la/[ (]gling [,]gleng [)]gzhi ni mnyan du yod pa na'o/ /bde ba skye ba ni rnam pa gsum ste/ 'di dag gis lus dben pa las skyes pa'i dga' ba dang bde bas mngon par tshim zhing yongs su dga' bas yongs su khyab ste gnas so//de dag gi lus la rnam pa thams cad du mi gsal ba dang ma khyab pa cung zad kyang med de/ dben pa las skyes pa'i dga' ba dang bde ba dang yid bde ba dang ldan zhing tshe ring zhing dus ring mo zhig tu gnas pa'i sems can de dag yod de/'di lta ste/ tshangs ris kyi lha rnams te/ 'di ni bde ba skye ba dang po yin no/ /'di dag ni lus ting nge 'dzin las skyes pa'i dga' ba dang bde ba mngon par tshim zhing yongs su tshim la yongs su dga' bas yongs su khyab ste gnas so//de dag gi lus la rnam pa thams cad du mi gsal ba dang ma khyab pa cung zad kyang med de/ ting nge 'dzin las skyes pa'i dga' ba dang bde ba dang yid bde ba dang ldan zhing tshe ring zhing dus ring mo zhig tu gnas pa'i sems can de dag yod de/ 'di lta ste 'od gsal gyi lha rnams te/ 'di ni bde ba skye ba gnyis pa yin no/ /'di dag ni lus dga' ba med pa'i bde bas mngon par tshim zhing yongs su tshim la/ yongs su dga' bas yongs su khyab ste gnas so/ /de dag gi lus la rnam pa thams cad du mi gsal ba dang ma khyab pa cung zad kyang med de/dga' ba med pa'i bde ba dang ldan zhing tshe ring zhing dus ring mo zhig tu gnas pa'i sems can de dag yod de/ 'di lta ste dge rgyas kyi lha rnams te/ 'di ni bde ba skye ba gsum pa yin no zhes bka' stsal to/ /sems can lus tha dad pa dag kyang yod de zhes bya ba la sogs pa ni rnam par shes pa gnas pa bdun du blta bar bya zhing /bcu las 'phros pa las 'don pa lta bu dang / 'di nyid du mdzod kyi gnas dang por/ de bzhin gzhan yang ci rigs par/ /zhes bya bar skye mched gnyis po zhes bya ba'i skabs su bstan pa bzhin no//mdo las gsum po 'di dag ni 'dus byas kyi mtshan nyid yin no zhes gsungs pa ma yin nam zhes bya ba la/ gleng gzhi ni mnyan du yod pa na'o/ /dge slong dag gsum po 'di dag ni 'dus byas 'dus byas su mtshon par byed pa ste/gsum gang zhe na/ 'dus byas skye bar yang mngon no/ /'jig pa dang gnas pa las gzhan du 'gyur bar yang mngon no/ /'dus ma byas ni skye bar mi mngon zhing 'jig pa dang gnas pa gzhan du 'gyur bar mi mngon no zhes bka' stsal to/ /dper na skye ba'i 'byung ba zhes bya ba dang /mi rtag pa nyid kyis 'jig pa zhes bya ba bzhin no zhes bya ba la/ ji skad du/ 'du byed thams cad mi rtag ste/ /skye zhing 'jig pa'i chos can yin/ /skyes nas 'jig par 'gyur bas na/ /de dag nye bar zhi ba bde/ /zhes 'byung ngo //de lta yin pas rigs kyi bu dga' bo'i tshor ba ni rig bzhin du zhes bya ba la/ gleng gzhi ni mnyan du yod pa na'o/ /dge slong dag stobs dang ldan zhes bya ba ni/ rigs kyi bu dga' bo la yang dag par smra bas smra'i/ dge slong dag mdzes pa dang 'dod chags shas che ba zhes bya ba ni tshe dang ldan pa dga' bo la yang dag par smra bas smra'i/gzhan la ni ma yin no/ /dge slong dag rigs kyi bu dga' bo dbang po'i sgo yongs su bsdams shing gnas pa dang / zas kyi tshod shes pa dang / nam gyi cha stod dang cha smad la mi nyal bar sbyor ba la brtson par gnas pa dang /dran pa dang shes bzhin mchog dang ldan pas ji srid 'tsho'i bar du tshangs par spyod pa yongs su dag pa dang yongs su rdzogs pa spyad par nus so/ /dge slong dag de la rigs kyi bu dga' bo'i dbang po rnams kyis yongs su sgo bsdams pa gang zhe na/dge slong dag rigs kyi bu dga' bo mig gis gzugs rnams mthong nas mtshan mar mi 'dzin la/ mngon rtags su mi 'dzin cing mig gi dbang po lhag par sdom pas bsdams shing gnas te/ 'jig rten gyi chags sems dang yid mi bde ba sdig pa mi dge ba'i chos rnams la sems zag pa dang bral zhing de dag la 'bad pa dang /sdom zhing srung ste/ mig gi dbang po la mig gi dbang po bsdams te gnas so/ /rna bas sgra dang / snas dri dang / lces ro dang / lus kyis reg bya dang / yid kyis chos rnams rnam par shes nas mtshan mar mi 'dzin cing mngon rtags su mi 'dzin la zhes bya ba nas snga ma bzhin du sdom zhing srung ste/yid kyi dbang pos yid kyi dbang po bsdams te gnas pa'i bar du ste/ dge slong dag 'di ni rigs kyi bu dga' bo'i dbang po'i sgo bsdams pa zhes bya'o//dge slong dag de la rigs kyi bu dga' bo'i zas kyi tshod shes pa gang zhe na/ dge slong dag rigs kyi bu dga' bo shes bzhin du zas za ste/ rtse ba'i phyir ma yin/ rgyags pa'i phyir ma yin/ 'tshag gi phyir ma yin/ rnam par brgyan pa'i phyir ma yin gyi/ ji ltar srid du lus gnas shing rten pa dang /bkres pa bzlog pa dang / tshangs par spyod pa rjes su gzung ba'i phyir ro/ /tshor ba snga ma bzlog cing tshor ba gsar pa skyed par bya ba'i phyir dang / gang la stobs dang bde ba la reg pas gnas par bya ba'i phyir te/ 'di lta ste/ shing rta mkhan gyi skyes bu shing rta'i mig tu mar ram til mar skud par byed pa na rtse ba'i don du ma yin/rgyags pa'i don du ma yin/ 'tshag gi don du ma yin/ rnam par brgyan pa'i don du ma yin gyi/ ji srid du khur theg par bya ba'i don du'o/ /skyes bu sman can rma la mar ram til mar skud par byed pa na/rtse ba'i don du ma yin/ 'tshag gi don du ma yin/ rnam par brgyan pa'i don du ma yin gyi/ ji srid du rma las thar par bya ba'i don du'o/ /dge slong dag de bzhin du rigs kyi bu dga' bo shes bzhin du zas za bar byed ces bya ba nas snga ma bzhin du bde ba la reg par gnas pa'i phyir zhes bya ba'i bar du ste/dge slong dag 'di ni rigs kyi bu dga' bo'i zas kyi tshod shes pa zhes bya'o/ /dge slong dag de la rigs kyi bu dga' bo nam gyi cha stod dang cha smad la mi nyal ba'i sbyor ba la brtson par gnas pa gang zhe na/dge slong dag rigs kyi bu dga' bo nyin mo rgyu ba dang gnas pa dag la chos rnams la sems sgrib pa med cing yongs su dag go/ /de mtshan mo'i thun dang po la rgyu ba dang gnas pa dag las chos rnams la sems sgrib pa med cing yongs su dag nas mtshan mo'i thun par pa la gtsug lag khang gi phyi rol du rkang pa bkrus nas glo g.yas pa phab ste/rkang pas rkang pa mnan nas/ dran pa dang shes bzhin gyis snang ba'i 'du shes dang ldan pa'i 'du shes yid la byed cing nyal bar byed do/ /de mtshan mo'i thun tha ma la myur ba myur bar langs nas rgyu ba gnas pa dag la chos rnams la sems sgrib pa med cing yongs su dag go//dge slong dag 'di ni rigs kyi bu dga' bo'i nam gyi cha stod dang cha smad la mi nyal bar sbyor ba la brtson pa zhes bya'o/ /dge slong dag de la rigs kyi bu dga' bo'i dran pa dang shes bzhin mchog gang zhe na/dge slong dag rigs kyi bu dga' bo shar phyogs su blta ba na sems thams cad dang ldan pas lta bar byed do/ /de gal te lho dang nub dang byang phyogs su lta ba na yang sems thams cad dang ldan pas lta bar byed do//de ltar lta ba na 'jig rten gyi chags sems dang yid mi bde ba sdig pa mi dge ba dag las sems zag pa dang bral bar 'gyur ro/ /dge slong dag rigs kyi bu dga' bo'i tshor ba ni rig bzhin du skye'o/ /rig bzhin du gnas so/ /rig bzhin du nub pa dang yongs su zad pa dang yongs su gtugs par 'gyur ba de yang dran bzhin du yin gyi ma dran par ni ma yin no//'du shes dang spyod pa rig bzhin du skye ba dang / rig bzhin du gnas pa dang / rig bzhin du nub pa dang / yongs su zad pa dang / yongs su gtugs par 'gyur gyi/de yang dran bzhin du yin gyi/ ma dran par ni ma yin no/ /dge slong dag 'di ni rigs kyi bu dga' bo'i dran pa dang shes bzhin mchog ces bya'o/ /dge slong dag de lta bas na 'di ltar bslab par bya ste/ 'di lta ste rigs kyi bu dga' bo ltar dbang po'i sgo rnams yongs su bsdams te gnas pa dang /'di lta ste/ rigs kyi bu dga' bo bzhin du zas kyi tshod shes pa dang / 'di lta ste rigs kyi bu dga' bo bzhin du nam gyi cha stod dang cha smad la mi nyal ba'i sbyor ba la brtson pas gnas pa dang / rigs kyi bu dga' bo bzhin du dran pa dang shes bzhin mchog dang ldan par dge slong dag dga' bo la gdams pa'i gdams ngag 'dis dga' bo bzhin du blta bar bya'o//de nas dge slong gzhan zhig gis tshigs su bcad pa 'di skad ces smras so/ /dbang po bsdams shing so sor dran ldan dang //de bzhin zas tshod mnyam por rig pa dang / /sems kyi rgyu mtshan de 'drar rig pa dag /tshe dang ldan pa dga' bor bcom ldan gsung / /zhes smras so/ /tshigs bcad ming la brten pa ste/ /zhes bya ba la/ gleng gzhi ni mnyan du yod pa na'o/ /de nas lha gzhan zhig kha dog mngon par 'phags shing rab tu 'phags pa dang mtshan mo bcom ldan 'das gang na ba der nye bar 'ongs te/nye bar 'ongs nas bcom ldan 'das kyi zhabs la spyi bos phyag byas nas phyogs gcig tu 'dug go/ /da dung yang lha'i kha dog gis dze ti'i tshal thams cad snang ba rgya chen pos khyab par gyur cing phyogs gcig tu 'dug nas de'i tshe lha des tshigs su bcad pa 'di skad ces smras so//tshigs bcad rgyu ni ci zhig yin/ /de yi dgod pa gang zhig yin/ /tshigs su bcad pa gang la brten/ /tshigs bcad bzhi ni ci zhig yin//bcom ldan 'das kyis bka' stsal pa/ /tshigs bcad rgyu ni 'dod pa ste/ /de yi dgod pa yi ge yin/ /tshigs bcad ming la brten pa ste/ /tshigs bcad bzhi ni snyan ngag mkhan/ /de nas lha de bcom ldan 'das kyis gsungs pa la mngon par dga' zhing rjes su yi rangs nas bcom ldan 'das kyi zhabs la spyi bos phyag byas te de nyid du mi snang bar gyur to//zag pa gang dag gi skye ba zhes bya ba la sogs pa la/ bcom ldan 'das ko tu ba na ko tu ba'i kal ma shad dam mya na bzhugs te/ de nas bcom ldan 'das kyis dge slong rnams la bos te/dge slong dag shes pa dang mthong bas zag pa zad par nga smra'i/ mi shes pa dang ma mthong bas ni ma yin no/ /dge slong dag 'di ltar ci zhig shes pa dang mthong bas zag pa zad par nga smra'i/ mi shes pa dang mi mthong bas ni ma yin zhe na/ 'di lta ste tshul bzhin ma yin pa yid la byed pa dang /tshul bzhin yid la byed pa'o/ /dge slong dag tshul bzhin ma yin pa yid la mi byed na 'dod pa'i zag pa ma skyes pa skye bar 'gyur zhing skyes nas 'phel zhing rgyas par 'gyur la/ srid pa'i zag pa dang ma rig pa'i zag pa ma skyes pa skye bar 'gyur zhing skyes pa 'phel zhing rgyas par 'gyur ro//dge slong dag tshul bzhin yid la byed pas 'dod pa'i zag pa ma skyes pa mi skyed cing skyed pa spong bar 'gyur ro/ /srid pa'i zag pa dang ma rig pa'i zag pa ma skyes pa mi skyed cing skyes pa spong bar 'gyur ro//dge slong dag byis pa so so'i skye bo thos pa dang mi ldan pa skyes bu dam pa ma mthong zhing 'phags pa'i chos la mi mkhas shing 'phags pa'i chos kyis ma dul te 'di ltar yang dag pa ji lta ba bzhin rab tu mi shes te/ bdag gi chos so zhes tshul bzhin ma yin pa'i yid la byed pas 'dod pa'i zag pa ma skyes pa skye bar 'gyur zhing /skyes pa 'phel zhing rgyas par 'gyur ro/ /srid pa'i zag pa dang ma rig pa'i zag pa ma skyes pa skye bar 'gyur zhing skyes pa 'phel zhing rgyas par 'gyur ro/ /'di ltar yang bdag gis chos la tshul bzhin yid la byed pas 'dod pa'i zag pa ma skyes pa mi skyed cing skyes pa spong bar 'gyur ro//srid pa'i zag pa dang ma rig pa'i zag pa ma skyes pa mi skyed cing skyes pa spong bar 'gyur ro zhes 'di ltar yang dag pa ji lta ba bzhin rab tu mi shes pas chos gang dag yid la bya ba ma yin pa'i chos de dag yid la byed cing /chos gang dag yid la bya ba'i chos de dag yid la mi byed de/ de chos gang dag yid la bya ba ma yin pa'i chos de dag yid la byed cing / chos gang dag yid la bya ba'i chos de dag yid la mi byed pas 'di ltar 'dod pa'i zag pa ma skyes pa skye bar 'gyur zhing skyes pa 'phel ba dang rgyas par 'gyur ro//srid pa'i zag pa dang ma rig pa'i zag pa ma skyes pa skye bar 'gyur zhing skyes pa 'phel ba dang rgyas par 'gyur ro/ /'di ltar yang bdag gis chos la yid la byed pas 'dod pa'i zag pa ma skyes pa mi skyed cing skyes pa spong bar 'gyur ro//srid pa'i zag pa dang ma rig pa'i zag pa ma skyes pa mi skyed cing skyes pa spong bar 'gyur ro zhes de 'di ltar yang dag pa ji lta ba bzhin rab tu shes pas chos gang dag yid la bya ba ma yin pa'i chos de dag yid la mi byed cing / chos gang dag yid la bya ba'i chos de dag yid la byed do//de chos gang dag yid la bya ba ma yin pa'i chos de dag yid la mi byed cing / chos gang dag yid la bya ba'i chos de dag yid la byed pas 'di ltar 'dod pa'i zag pa ma skyes pa mi skyed cing skyes pa spong bar 'gyur ro/ / srid pa'i zag pa dang ma rig pa'i zag pa ma skyes pa mi skyed cing skyes pa spong bar 'gyur ro/ /dge slong dag zag pa dang bcas pa gegs su gyur pa yongs su gdung ba nye bar 'khrug pa de ni rnam pa bdun te/ bdun gang zhe na/ zag pa dang bcas pa mthong bas spang bar bya ba yang yod/zag pa dang bcas pa bsdams pas spong bar bya ba yang yod/ zag pa dang bcas pa spongs pas spang bar bya ba yang yod/ zag pa dang bcas pa bsten pas spang bar bya ba yang yod/ zag pa dang bcas pa dul bas spang bar bya ba yod/ zag pa dang bcas pa bzod pas spang bar bya ba yang yod/zag pa dang bcas pa bsgom pas spang bar bya ba yang yod do/ /zag pa dang bcas pa mthong bas spang bar bya ba gang zhe na/ dge slong dag byis pa so so'i skye bo thos pa dang mi ldan pa dag skyes bu dam pa ma mthong zhing 'phags pa'i chos la mi mkhas pa 'phags pa'i chos kyis mi dul ba de 'di ltar tshul bzhin ma yin pa yid la byed de/bdag 'das pa'i dus na byung bar gyur tam/ 'on te bdag 'das pa'i dus na byung bar ma gyur/ bdag 'das pa'i dus na ci 'dra bar byung /bdag 'das pa'i dus na ji ltar byung bar gyur zhes bya ba dang / phyi ma'i mtha'i rjes su 'brang bar 'gyur te/ bdag ma 'ongs pa'i dus na 'byung bar 'gyur ram/ 'on te ma 'ongs pa'i dus na 'byung bar mi 'gyur/ ma 'ongs pa'i dus na ci 'dra bar 'byung bar 'gyur/ ma 'ongs pa sdom pas bsdams pa zhes bya'o/ /zag pa dang bcas pa spangs pas spong bar bya ba gang zhe na/ dge slong dag 'di la glang po che smyon pa thag ring du yongs su spang bar bya zhing / khyi smyon pa dang / brdung ba dang / rta rgod dang / gnas mi shes pa dang / ngam grog dang /mtsho dang / g.yang sa dang / shing rta dang / ljan ljin dang / sdig pa can dang / tha chad dang / sdig pa can gyi grogs po dang / sdig pa can gyi mal cha dang / stan dang / mal cha dang stan 'di lta bu la yongs su zhen pa mkhas pa tshangs par spyod pas mi srid pa srid par 'gyur ba dang /brtag par bya ba ma yin pa rtog par byed pa de lta bu'i mal cha dang stan ring du yongs su spang bar bya ste/ spangs na zag pa dang / gegs dang / yongs su gdung ba dang / 'khrug pa skye bar yongs su spang bar bye ste/ 'di ltar zag pa dang / gegs dang / yongs su gdung ba dang /'khrug pa mi skye ba 'di ni spangs pas spang bar bya ba zhes bya'o/ /zag pa dang bcas pa bsten pas spang bar bya ba gang zhe na/ 'di la dge slong so sor brtags nas chos gos gyon par byed kyi rtse ba'i phyir ma yin rgyags pa'i phyir ma yin/ 'tshag gi phyir ma yin/brgyan pa'i phyir ma yin gyi/ ji srid du sbrang bu dang / sha sbrang dang / rlung dang / tsha ba dang / sdig sbrul gyi reg pa gzhom par bya ba'i phyir dang / ngo tsha ba dang gsang ba'i gnas dgab par bya ba'i phyir gon par byed do/ /so sor brtags nas bsod snyoms bsten par byed kyi rtsed mo'i phyir ma yin/rgyags pa'i phyir ma yin/ 'tshag gi phyir ma yin/ brgyan pa'i phyir ma yin gyi ji srid du lus 'di gnas pa dang mi bsgom pa dang / bkres pa bsal ba dang / tshangs par spyod pa la rjes su bzung ba dang / tshor ba rnying pa rnams bsal zhing tshor ba gsar pa bskyed par bya ba'i phyir dang /'tsho bar 'gyur ba dang / stobs dang / bde ba la reg par gnas par bya ba'i don du'o/ /so sor brtags te mal cha dang stan la nyal bar byed de/ rtse ba'i phyir ma yin/ rgyags pa'i phyir ma yin/ 'tshag gi phyir ma yin/ brgyan pa'i phyir ma yin gyi/ ji srid du tha mal pa'i yongs su 'jig pa rnams gzhom pa dang / mnyam par gzhag pa'i phyir ro/ /de so sor brtags te na ba'i gsos sman sten par byed de/ rtse ba'i phyir ma yin/ rnam par brgyan pa'i phyir ma yin gyi/ji srid du lus kyi tshor ba sdug bsngal ba drag pa rtsub pa gnad gcod pa yid du mi 'ong ba srog 'phrog par byed pa bsal zhing dga' ba dang ldan par bya ba'i don du'o/ /gang zhig so sor ma bsten na zag pa dang bcas pa gegs yongs su gdung ba dang nye bar 'khrug pa mi skye ba 'di ni so sor bsten pas spang bar bya ba zhes bya'o//zag pa dang bcas pa dul bas spang bar bya ba gang zhe na/ 'di la dge slong 'dod pa'i rnam par rtog pa skyes pa mi bzod cing spong zhing bsring la thag ring du byed pa dang / gnod sems kyi rnam par rtog pa dang / rnam par 'tshe ba'i rnam par rtog pa skyes pa mi bzod cing spong la bsring ba dang thag ring du byed cing 'dul ba/ zag pa dang / gegs dang / yongs su gdung ba dang / nye bar 'khrug pa skyes pa 'dul bar byed cing 'di ltar mi skye bar byed pa/ zag pa dang / gegs dang /yongs su gdung ba dang / nye bar 'khrug pa 'dul bar byed pas sdom pa zhes bya'o/ /zag pa dang bcas pa bzod pas spang bar bya ba gang zhe na/ 'di la dge slong dge ba'i chos rnams la brtson 'grus brtsams zhing gnas te/ stobs dang ldan pa'i brtson 'grus dang / spro ba dang / brtan pa dang pha rol gnon pa khur mi 'dor ba gang gis pags pa dang / rtsa rgyus dang / rus pa tsam zhig lus shing lus kyi sha dang / khrag skams kyang dge ba'i chos rnams la brtson 'grus rtsom pa gang dang / stobs dang ldan pa'i brtson 'grus dang / spro ba dang / brtan pa dang /pha rol gnon pa dang / khur mi 'dor ba gang gis thob par bya ba ma thob pa de srid du brtson 'grus rtsom par 'gyur te/ de 'di snyam du brtson 'grus brtsams shing gnas nas lus ngal ba skyes sam/ sems ngal lam/ lus dang sems la rims nad byung ngam lus dang sems yongs su gdung ba'am/lus dang sems yongs su 'khrug pa skyes kyang tshe dang ldan pa de de'i rgyus brtson pa yongs su mi 'dor ro/ /tshe dang ldan pa de bkres pa dang skom pa dang / sbrang bu dang / sha sbrang dang / rlung dang / tsha ba dang / sdig sbrul gyi reg pa dang /gzhan gyis shes par smras pa dang / nyes par brjod pa'i tshig gi lam rnams bzod cing / lus kyi tshor ba sdug bsngal ba drag pa rtsub pa gnad gcod pa yid du mi 'ong ba srog 'phrog par byed pa skyes shing skyes pa bzod par 'gyur zhing bzod pa bskyed do/ / gang zhig mi bzod na zag pa dang bcas pa gegs yongs su gdung ba nye bar 'khrug pa skye bar 'gyur ba de 'di ltar bzod na zag pa dang bcas pa gegs yongs su gdung ba nye bar 'khrug pa skye bar mi 'gyur ba 'di ni zag pa dang bcas pa bzod pas spang bar bya ba zhes bya'o/ /zag pa dang bcas pa bsgom pas spang bar bya ba gang zhe na/'di la dge slong nye bar len pa dang bcas pa'i phung po lnga rnams la skye ba dang 'jig pa'i chos can du rjes su lta zhing gnas te/ 'di lta ste/ 'di ni gzugs so/ /'di ni gzugs kun 'byung ba'o/ /'di ni gzugs 'gog pa'o//'di ni tshor ba dang / 'du shes dang / 'du byed dang / 'di ni rnam par shes pa'o/ /'di ni rnam par shes pa kun 'byung ba'o/ /'di ni rnam par shes pa 'gog pa'o zhes de nye bar len pa dang bcas pa'i phung po lnga po 'di nyid la skye ba dang 'jig pa'i chos can du rjes su lta zhing gnas te/dran pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bar sgom par byed do/ /chos rab tu rnam par 'byed pa dang /brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms byang chub kyi yan lag dben pa la gnas pa 'dod chags dang bral ba la gnas pa 'gog pa la gnas pa rnam par spong ba yongs su bsgyur ba sgom par byed de/ gang zhig ma bsgoms na skye bar 'gyur ba'i zag pa dang /gegs dang yongs su gdung ba dang nye bar 'khrug pa de dag 'di ltar bsgoms pas zag pa dang gegs dang yongs su gdung ba dang 'khrug pa skye bar mi 'gyur te/ 'di ni zag pa dang bcas pa bsgom pas spang bar bya ba zhes bya'o/ / de ltar na dge slong zag pa dang bcas pa gang dag mthong bas spang bar bya ba de dag mthong bas spong bar 'gyur ro/ /zag pa dang bcas pa gang dag bsdams pas spang bar bya ba de dag bsdams pas yongs su spong bar 'gyur ro/ /zag pa dang bcas pa gang dag yongs su spangs pas spang bar bya ba de dag yongs su spangs pas spang ngo //zag pa dang bcas pa gang dag so sor bsten pas spang bar bya ba de dag so sor bsten pas spong ngo / /zag pa dang bcas pa gang dag dul bas spang bar bya ba de dag dul bas spong bar byed par 'gyur ro/ /zag pa dang bcas pa gang dag bzod pas spang bar bya ba de dag bzod pas spang bar byed do//zag pa dang bcas pa gang dag bsgom pas spang bar bya ba de dag bsgom pas yongs su spong bar 'gyur ba 'di ni dge slong zag pa thams cad las sems rab tu bsdams pa zhes brjod de/ sred pa chad pa dang kun du sbyor ba spangs pa/yang dag pa'i ye shes kyis sdug bsngal mthar byed par 'gyur ro zhes bka' stsal to/ /de ltar na rab tu byed pa'i gzhung zhes bya ba la sogs pa la/ rab tu byed pa las dri ba stong 'byung ba las 'phags pa'i bden pa rnam par dbye ba'i mdo'i 'phags pa'i bden pa bzhi dri ba dang lan las ji skad du 'jig tshogs la lta ba'i rgyu can yin la 'jig tshogs la lta ba'i rgyu ma yin pa ni du/'jig tshogs la lta ba'i rgyu yin la 'jig tshogs la lta ba'i rgyu can ma yin pa ni du/ 'jig tshogs la lta ba'i rgyu can yang yin la 'jig tshogs la lta ba'i rgyu yang yin pa ni du/'jig tshogs la lta ba'i rgyu can yang ma yin la 'jig tshogs la lta ba'i rgyu yang ma yin pa ni du zhe na zhes dri ba bkod nas lan btab pa/ gnyis ni 'jig tshogs la lta ba'i rgyu can yang ma yin la 'jig tshogs la lta ba'i rgyu yang ma yin no//gnyis la ni bye brag yod de sdug bsngal gyi bden pa dang kun 'byung ba ni 'jig tshogs la lta ba'i rgyu can yang yin la 'jig tshogs la lta ba'i rgyu ma yin te/ 'jig tshogs la lta ba'i rgyu can yang yin la 'jig tshogs la lta ba'i rgyu yang yin pa dang / 'gog pa dang lam gyi bden pa ni 'jig tshogs la lta ba'i rgyu can yang ma yin la 'jig tshogs la lta ba'i rgyu yang ma yin pas so/ /de la 'jig tshogs la lta ba'i rgyu can yin la 'jig tshogs la lta ba'i rgyu ma yin pa ni 'das pa dang da ltar byung ba'i sdug bsngal mthong bas spang bar bya ba'i phra rgyas rnams dang /de dag dang mtshungs par ldan pa'i sdug bsngal gyi bden pa ma gtogs pa dang / 'jig tshogs la lta ba dang / de dang mtshungs par ldan pa'i chos rnams kyi skye ba dang / rga ba dang / gnas pa dang / mi rtag pa ma gtogs pa de las gzhan pa sdug bsngal gyi bden pa nyon mongs pa can gang yin pa 'di ni 'jig tshogs la lta ba'i rgyu can yin la 'jig tshogs la lta ba'i rgyu ma yin pa zhes bya'o//'jig tshogs la lta ba'i rgyu yang yin la 'jig tshogs la lta ba'i rgyu can yang yin pa ni gang dag ma gtogs pa rnams so/ /'jig tshogs la lta ba'i rgyu can yang ma yin la 'jig tshogs la lta ba'i rgyu yang ma yin pa ni sdug bsngal gyi bden pa nyon mongs pa can ma yin pa ste/'di ltar sdug bsngal dang kun 'byung gi bden pa'o/ /gzugs bskyed pa'i rgyu gang yin pa dang rkyen gang yin pa de dag kyang zhes bya ba la/ gleng gzhi ni mnyan du yod pa na'o/ /dge slong dag gzugs bskyed pa'i rgyu gang yin pa dang / rkyen gang yin pa de dag kyang mi rtag na/ rgyu dang rkyen mi rtag pa la brten nas byung ba'i gzugs la rtag par ga la 'gyur/ tshor ba dang 'du shes dang 'du byed dang rnam par shes pa bskyed pa'i rgyu gang yin pa dang /rkyen gang yin pa de dag kyang mi rtag na rgyu dang rkyen mi rtag pa la brten te skyes pa'i rnam par shes pa lta rtag par ga la 'gyur/ dge slong dag gzugs mi rtag pa tshor ba dang 'du shes dang 'du byed dang rnam par shes pa ni mi rtag pa ste/ gang mi rtag pa de sdug bsngal ba/gang sdug bsngal ba de bdag med pa/ gang bdag med pa de thams cad nga'i med pa/ nga yir bya ba med pa/ bdag gi bdag tu bya ba med pa/ 'di lta ste/ yang dag pa'i shes rab kyis blta bar bya'o/ /dge slong dag de ltar mthong ba'i 'phags pa nyan thos thos pa dang ldan pa gzugs la yid 'byung zhing /tshor ba dang / 'du shes dang / 'du byed dang / rnam par shes pa la yid 'byung bar 'gyur ro/ /gang yid 'byung ba de 'dod chags dang bral lo/ /'dod chags dang bral na grol bar 'gyur ro/ /grol na rnam par grol ba'i ye shes dang mthong bas bdag gi skye ba zad do//tshangs par spyod pa bsten to/ /bya ba byas so/ /srid pa 'di las gzhan mi shes so zhes bya bar 'gyur ro zhes bka' stsal to/ /sdug bsngal spangs par 'gyur ro zhes bya ba'i mdo 'di ji ltar drang zhe na zhes bya ba la sogs pa la/ gleng gzhi ni mnyan du yod pa na'o//dbang po lnga po 'di dag kun du bsten goms par byas lan mang du byas nas 'das pa dang ma 'ongs pa dang da ltar byung ba'i sdug bsngal spangs par 'gyur zhing mi 'jug par 'gyur ro/ /lnga gang zhe na/ dge slong dag dad pa'i dbang po kun du bstan goms par byas lan mang du byas na 'das pa dang ma 'ongs pa dang da ltar byung ba'i sdug bsngal spangs shing mi 'jug par 'gyur ro//brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po kun du bsten goms par byas lan mang du byas na 'das pa dang ma 'ongs pa dang /da ltar byung ba'i sdug bsngal spangs par 'gyur ro zhes gsungs so/ /gzugs la 'dun pa dang 'dod chags gang yin pa de spongs shig ces bya ba la sogs pa la/ gleng gzhi ni mnyan du yod pa na'o/ /dge slong dag gzugs la 'dun pa dang 'dod chags gang yin pa de spongs shig /'dun pa dang 'dod chags spangs na khyod kyis gzugs de lta bu yang spangs pa dang / yongs su shes par yang 'gyur te shing ta la rtsa ba bcad pa bzhin du mi snang ba dang phyis mi skye ba'i chos can du 'gyur ro/ /dge slong dag tshor ba dang / 'du shes dang / 'du byed dang / rnam par shes pa la 'dun pa dang 'dod chags gang yin pa de spongs shig /'dun pa dang 'dod chags spangs na khyod kyis 'dun pa dang 'dod chags yongs shes pa dang yongs su spangs par 'gyur te/ shing ta la rtsa ba bcad pa bzhin du mi snang ba dang phyis yongs su mi skye ba'i chos can du 'gyur ro zhes bka' stsal to//dper na sred pa rnam par dpyad pa dag la zhes bya ba la sogs pa la/ gleng gzhi ni mnyan du yod pa na'o/ /dge slong dag dra ba dang 'khri shing dang / mtsho dang / rab tu 'bags pa dang gang dang gang gis skye dgu la sgrib pa/rab tu sgrib pa/ khyab par byed pa/ rab tu khyab par byed pa/ bkab pa dang / g.yogs pa dang / rab tu 'gebs pa dang / dru bu 'dzings pa lta bu dang / rtswa mun dza dang bal ba dza lta bu dang / 'gro ba dang 'ong bar gyur cing 'jig rten 'di nas 'jig rten pha rol du nying mtshams sbyor bar byed pa/'khor bar 'khor zhing 'jug par byed pa bsten par bya ste/ dge slong dag srid pa'i dra ba dang / 'khri shing dang / mtsho dang / rab tu 'bab pa dang gang dang gang dag gis skye dgu la sgrib par byed pa nas nying mtshams sbyor bar byed pa 'khor bar 'khor zhing 'jug par byed pa'i bar du byed pa de gang zhe na/dge slong dag de'o zhes bya ba byung bar gyur cing / nga 'di lta bu'o zhes bya ba byung bar gyur cing / nga 'di 'dra'o snyam du byung bar gyur cing / nga de lta ma yin no snyam du byung bar gyur cing / nga bzang ngo snyam du byung bar gyur cing / nga ngan no snyam du byung bar gyur cing / 'gyur bar bya'o snyam pa dang / 'gyur bar mi bya'o snyam pa dang / 'di lta bur 'gyur bar bya'o/ /'di 'dra bar 'gyur bar bya'o/ /de lta ma yin par 'gyur bar bya'o snyam pa dang / 'di lta bur gyur cig snyam pa dang /'di 'dra bar gyur cig snyam pa dang / de lta ma yin par gyur cig snyam pa dang / gyur kyang ci ma rung snyam pa dang / 'di lta bur gyur kyang ci ma rung snyam pa dang / 'di 'dra bar gyur kyang ci ma rung snyam pa dang / de lta ma yin par gyur kyang ci ma rung zhes dge slong dag nang gi bdag nyid la brten te/sred pa spyod pa bco brgyad 'byung bar 'gyur ro/ /dge slong dag de la bdag go snyam pa byung bar gyur cing / bdag 'di lta bu'o snyam pa byung zhing / bdag 'di 'dra'o snyam pa byung zhing / bdag bzang ngo snyam pa byung bar gyur cing /bdag ngan no snyam pa byung bar gyur la/ 'gyur bar bya'o snyam pa byung zhing / 'gyur bar mi bya'o snyam pa dang / 'di lta bur 'gyur bar bya snyam pa dang / 'di 'dra bar 'gyur bar bya snyam pa dang / de lta ma yin par 'gyur bar bya'o snyam pa dang / gyur cig snyam pa dang / 'di lta bur gyur cig snyam pa dang / 'di 'dra bar gyur cig snyam pa dang / de lta ma yin par gyur cig snyam pa dang / gyur kyang ci ma rung snyam pa dang / 'di lta bur gyur kyang ci ma rung snyam pa dang / 'di 'dra bar gyur kyang ci ma rung snyam pa dang / de lta ma yin par gyur kyang ci ma rung snyam pa zhes dge slong dag phyi'i bdag nyid la brten nas sred pa spyod pa bco brgyad po 'di dag 'byung bar 'gyur ro//de dag gcig tu bsdus na sred pa spyod pa sum cu rtsa drug 'byung bar 'gyur ro/ /dge slong dag 'das pa'i dus la brten nas sred pa spyod pa sum cu rtsa drug byung la/ma 'ongs pa'i dus la brten nas sred pa spyod pa sum cu rtsa drug 'byung zhing / da ltar byung ba'i dus la brten nas sred pa spyod pa sum cu rtsa drug byung ste/ gcig tu bsdus na/ sred pa spyod pa brgya rtsa brgyad 'byung bar 'gyur ro/ /dge slong dag 'di ni sred pa'i dra ba dang / 'khri shing dang /mtsho dang / rab tu 'bags pa dang / gang dang gang gis skye dgu 'di la sgrib pa dang rab tu sgrib pa zhes bya ba nas/ 'khor bar 'khor ba sgrub par byed pa zhes bya ba'i bar du'o/ /dge slong dag sred pa'i dra ba dang / 'khri shing dang / mtsho dang / rab tu 'bags pa gang dang gang gis skye dgu 'di la sgrib pa dang rab tu sgrib pa/khyab par byed pa/ rab tu khyab par byed pa/ bkab pa dang / g.yogs pa dang / rab tu 'gebs pa dang / dru bu 'dzings pa lta bu/ rtswa mun dza dang bal ba dza lta bu dang / 'gro ba dang 'ongs par gyur pa 'jig rten 'di nas 'jig rten pha rol du nying mtshams sbyor bar byed cing 'khor bar 'khor bar byed pa bsten par bya'o zhes ji skad du bstan pa de rgyas par rab tu bshad do zhes bka' stsal to//bcom ldan 'das kyis chos gang dag 'dus byas kyang rung 'dus ma byas kyang rung ba de dag gi mchog ni 'dod chags dang bral ba yin par bshad do zhes bya ba la/gleng gzhi ni mnyan du yod pa na'o/ /dge slong dag btags pa'i mchog ni rnam pa gsum ste/ gsum gang zhe na/ btags pa'i mchog sangs rgyas dang / btags pa'i mchog chos dang dge 'dun no//btags pa'i mchog sangs rgyas gang zhe na/ sems can gang rkang pa med pa dang / rkang gnyis pa 'am/ rkang mangs sam/ gzugs can nam/ gzugs can ma yin pa 'am/ 'du shes can nam 'du shes med pa 'am/ 'du shes med 'du shes med min skye mched gang ci yang rung ba de dag gi nang na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni mchog ces brjod do zhes bya'o//gang cung zad sangs rgyas la mngon par dad pas lha'i nang na lhar gyur pa mi'i nang na mir gyur pa de dag ni 'di ltar rnam par smin pa'i mchog la re bar bya'o//'di ni btags pa'i mchog sangs rgyas zhes bya'o/ /btags pa'i mchog chos gang zhe na/ 'dus byas kyang rung 'dus ma byas kyang rung chos gang ci yang rung ba de dag gi nang na mchog ni 'dod chags dang bral ba yin par bshad de/gang cung zad chos la mngon par dad pas mngon par dad pa/ lha'i nang na lhar gyur pa/ mi'i nang na mir gyur pa de dag ni 'di ltar rnam par smin pa'i mchog la re bar bya ste/ 'di ni btags pa'i mchog chos zhes bya'o/ /btags pa'i mchog dge 'dun gang zhe na/'dus pa'am tshogs pa'am ma tshogs pa'am 'khor gang ci yang rung ba rnams kyi nang na mchog ni de bzhin gshegs pa'i nyan thos kyi dge 'dun yin par bshad de/ gang cung zad chos dang dge 'dun la mngon par dad pas mngon par dad pa/lha'i nang na lhar gyur pa/ mi'i nang na mir gyur pa de dag ni 'di ltar rnam par smin pa'i mchog la re bar bya ste/ 'di ni btags pa'i mchog dge 'dun zhes bya'o zhes gsungs nas ston pas gzhan yang 'di skad ces bka' stsal to/ /chos mchog rnam par shes nas ni//yon gnas bla na med pa'o/ /sangs rgyas mchog la rab dang ba/ /'jig rten mchog la rab tu dang / /nyer zhi 'dod chags dang bral ba'i/ /chos mchog la ni rab dad dang / /bsod nams zhing mchog bla med pa'i/ /dge 'dun mchog la rab dad cing //mchog gi sbyin pa rab byed pa/ /bsod nams mchog ni rab tu 'dzin/ /tshe dang kha dog mchog dang ni/ /grags dang stobs dang bde ba dang / /mal stan mchog dag thob gyur cing / /longs spyod spyod pa nyid du 'gyur/ /gnas mchog la ni gnas pa dang //mdzes pa'i mchog ni thob par 'gyur/ /sbyin pa mchog la sbyin pa dang / /chos kyi mchog dang ldan pa dang / /shes rab phun sum tshogs byas nas/ /mya ngan 'das par 'gro bar 'gyur/ /zhes bka' stsal to/ /mdo las mthong ba'i chos la mya ngan las 'das pa thob pa'i dge slong zhes bya ba la/gleng gzhi ni mnyan du yod pa na'o/ /de nas dge slong gzhan zhig nang du yang dag 'jog las langs nas bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas te phyogs gcig tu 'dug go//phyogs gcig tu 'dug nas bcom ldan 'das la 'di skad ces gsol to/ /btsun pa dge slong mthong ba'i chos la mya ngan las 'das pa thob pa dge slong mthong ba'i chos la mya ngan las 'das pa thob pa zhes bya ba la/ btsun pa ji tsam gyis na mthong ba'i chos la mya ngan las 'das pa thob pa'i dge slong du 'gyur/ji tsam gyis na bde bar gshegs pas mthong ba'i chos la mya ngan las 'das pa thob pa'i dge slong zhes tha snyad gdags pas btags/ de skad ces gsol pa dang / bcom ldan 'das kyis dge slong de la 'di skad ces bka' stsal to//dge slong legs so legs so/ /dge slong khyod 'di lta bu'i dri ba 'dri ba mthong ba'i chos la mya ngan las 'das pa thob pa zhes bya ba nas snga ma bzhin du tha snyad btags so zhes bya ba'i bar du'o/ /dge slong khyod 'di lta bu 'dri 'am/ btsun pa de bzhin no/ /de'i phyir dge slong legs par nyon la yid la zung shig dang bshad par bya'o/ /dge slong gzugs la skyo ba dang 'dod chags dang bral ba dang 'gog pa dang nye bar len pa med par zag pa dag las sems rnam par grol zhing gnas na mthong ba'i chos la mya ngan las 'das pa thob pa'i dge slong zhes brjod par nus so//tshor ba dang / 'du shes dang / 'du byed dang / rnam par shes pa la skyo ba dang 'dod chags dang bral ba dang / 'gog pa dang / nye bar len pa dag las sems rnam par grol zhing gnas na mthong ba'i chos la mya ngan las 'das pa thob pa'i dge slong zhes brjod par nus to//dge slong 'di tsam gyis na mthong ba'i chos la mya ngan las 'das pa thob pa'i dge slong zhes bya bar 'gyur ro/ /dge slong 'di tsam gyis na bde bar gshegs pas mthong ba'i chos la mya ngan las 'das pa thob pa'i dge slong zhes tha snyad btags so//de nas dge slong de bcom ldan 'das kyis gsungs pa la mngon par dga' zhing rjes su yi rangs nas bcom ldan 'das kyi zhabs la spyi bos phyag byas nas bcom ldan 'das kyi zhabs drung nas song ngo / /'di skad du sdug bsngal 'di ni ma lus par spangs pa zhes bya ba la sogs pa la/gleng gzhi ni mnyan du yod pa na'o/ /de nas dge slong gzhan zhig gcig pu dben pa na nang du yang dag 'jog la gnas pa na sems la yongs su rtog pa/ ji ltar shes shing ji ltar mthong na chos mthong bar 'gyur zhes 'di lta bu skyes so//de nas dge slong de nang du yang dag 'jog las langs nas/ bcom ldan 'das gang na ba der song ste/ nye bar song nas zhes bya ba nas/ bcom ldan 'das la 'di skad ces gsol to zhes bya ba'i bar du'o/ /btsun pa bdag 'di na gcig pu dben pa na nang du yang dag 'jog la gnas pa na sems la yongs su rtog pa/ji ltar shes shing ji ltar mthong na chos mthong bar 'gyur zhes 'di lta bu skyes so/ /dge slong de'i phyir legs par nyon la yid la zung shig dang gnyis shig bshad par bya'o/ /gnyis gang zhe na/mig dang / gzugs dang / rna ba dang / sgra nas/ yid dang chos kyi bar du ste/ 'di ni gnyis zhes bya'o/ /dge slong gang kha cig 'di skad du/ dge sbyong gau ta ma btags pa 'di ni gnyis ma yin gyis/ bdag gi 'di ltar gnyis po de las bzlog pa gzhan gnyis gdags par bya'o zhes smra ba 'di ni tshig tsam dang /dris pa'i lan yang dag par mi shes shing mgo rmongs par byed pa ste/ 'di ltar de'i yul ma yin pa'i phyir ro/ /de ci'i phyir zhe na/ dge slong mig dang gzugs la brten nas skyes pa mig gi rnam par shes pa dang / gsum 'dus pa'i reg pa dang /lhan cig skyes pa'i tshor ba dang / 'du shes dang sems pa zhes bya ba 'di ni dge slong bdag gi gzugs can ma yin pa'i phung po bzhi dang / gzugs can mig gi dbang po ste/ 'di tsam la mi zhes bya'o/ /de la sems can dang mi dang shed las skyes dang shed bu dang gang zag dang srog dang gso ba zhes 'dogs so//dge slong de la bdag gi mig gis gzugs rnams mthong ngo zhes bya ba nas/ yid kyis chos rnams rnam par shes so zhes bya ba'i bar du nye bar 'dogs so/ /de la 'di dag kyang tha snyad de tshe dang ldan pa'i ming ni 'di zhes bya/rus ni 'di lta bu/ rigs ni 'di lta bu/ bde ba dang sdug bsngal ni 'di lta bu zhig myong / tshe ring zhing yun ring po 'di tsam zhig tu gnas/ tshe'i mtha' ni 'di tsam zhig tu gyur zhes bya ba 'di ni dge slong gang 'du shes tsam 'di ni dam bcas pa tsam mo/ /ji ltar 'di thams cad tha snyad tsam yin zhe na/dge slong chos 'di dag thams cad ni mi rtag pa dang mngon par 'dus byas pa dang / sems las byung ba dang / brten te skyes pa'o/ /gang mi rtag pa/ mngon par 'dus byas pa sems las byung ba brten te skyes pa de dag ni sdug bsngal ba/de ni sdug bsngal skye ba/ sdug bsngal gnas pa dang / mngon par 'phel ba dang / gang sdug bsngal yang dang yang du rab tu 'byung ba'o/ /gang sdug bsngal 'di ma lus par spangs pa/ byang bar gyur pa/ zad pa/ 'dod chags dang bral ba/ 'gog pa/ rnam par zhi ba/ nub pa/ sdug bsngal gzhan dang nying mtshams sbyor ba med pa/ len pa med pa 'byung ba med pa gang yin pa 'di lta ste/ phung po thams cad nges par spangs pa/ srid pa zad pa/ 'dod chags dang bral ba/ 'gog pa/ mya ngan las 'das pa ste/dge slong gang 'ga' zhig chos 'di rnams la sems shing 'jal ba dang gnas pa 'di ni phyis yid la yongs su gdung ba mi 'jug cing len pa med pa zhes bya'o/ /dge slong ci ste gang bdag gis bdag 'di ltar shes shing 'di ltar mthong ba de chos mngon par 'gyur ro/ /rna ba dang / sna dang / lce dang / lus dang reg bya la brten nas skyes pa lus kyi rnam par shes pa dang / gsum 'dus pa'i reg pa dang lhan cig skyes pa'i tshor ba dang / 'du shes dang / sems pa zhes bya ba 'di ni bdag gi gzugs can ma yin pa'i phung po bzhi dang / gzugs can lus kyi dbang po ste 'di tsam la mi zhes bya'o//de la sems can dang mi dang shed las skyes pa dang shed bu dang skyes bu dang gang zag dang srog dang gso ba zhes tha snyad 'dogs so/ /dge slong de la bdag gi mig gis gzugs rnams mthong ngo zhes bya ba nas/ yid kyis chos rnams rnam par shes so zhes bya ba'i bar du tha snyad 'dogs te//de la 'di dag kyang tha snyad de tshe dang ldan pa ming 'di zhes bya ba nas/ dge slong gang 'di ltar shes shing 'di ltar mthong ba de chos mthong bar 'gyur ro zhes bya ba'i bar du'o/ /dge slong yid dang chos la brten nas skyes pa yid kyi rnam par shes pa dang / gsum 'dus pa'i reg pa dang / lhan cig skyes pa'i tshor ba dang / 'du shes dang / sems pa zhes bya ba 'di ni dge slong bdag gi gzugs can ma yin pa'i phung po bzhi yin la/ 'byung ba chen po bzhi'i lus te 'di tsam la mi zhes bya'o/ /de la sems can dang mi dang shed las skyes pa dang shed bu dang skyes bu dang gang zag dang srog dang gso ba zhes 'dogs so//dge slong de la bdag gi mig gis gzugs rnams mthong ngo zhes bya ba nas/ yid kyis chos rnams rnam par shes so zhes bya ba'i bar du nye bar 'dogs so/ /de la 'di dag kyang tha snyad de/tshe dang ldan pa ming ni 'di zhes bya ba nas/ dge slong gang 'di ltar shes shing 'di ltar mthong ba des chos mthong bar 'gyur ro zhes bya ba'i bar du'o/ /bcom ldan 'das kyis de skad ces bka' stsal nas/ bde bar gshegs pas de skad gsungs nas ston pas gzhan yang 'di skad ces bka' stsal to//ming dang gzugs dag gnyis la brten nas ni/ /skyes par gyur pa sems las byung ba'i chos/ /rnam shes reg dang lhan cig tshor ba dang / /'du shes sems pa dang ni rgyu dang bcas/ /gang zag shed las skyes dang shed bu dang //'di na bdag gam bdag gi bya ba med/ /phung po sdug bsngal yongs su 'gyur ba'i chos/ /skye ba'i chos can 'jig pa'i chos can yin/ /sems can ming dang shed skyes shed bu ste/ /'di dag yod ces 'dir ni btags pa yin/ /phung po rgyu mtshan rgyu las de dag las//gzhan yang rnam mang 'du shes skye bar 'gyur/ /ci ste dge sbyong bram ze gzhan gang dag /bdag cag gnyis las gzhan gnyis 'chad smras pa/ /tshig gis mngon par brjod pa'i skal ba can/ /'dri ba'i lan dag rab tu mi shes yin/ /las dang sred pa dang ni ma rig pa//phyi ma'i tshe la 'du byed rnams kyi rgyu/ /phung po dag las phung po yang gzhan du/ /nying mtshams sbyor ba gang zag ces smra'o/ /srid pa ma lus nye bar zhi ba dang / /ma rig nub cing rab tu 'gags pa na/ /sred pa zad pas sdug bsngal rab zad par/ /'di ltar spyan dang ldan pa'i sangs rgyas gsung //zhes bka' stsal to/ /mar me shi bar gyur pa ltar/ /zhes bya ba la sogs pa la/ yongs su mya ngan las 'das pa'i mdo dang / dbyangs kyi tshogs kyi mdo las tshangs pa'i sgo'i mdor 'don pa lta bu ste/ sangs rgyas bcom ldan 'das yongs su mya ngan las 'das ma thag pa nyid du tshe dang ldan pa ma 'gags pas tshigs su bcad pa smas pa/dbugs rngub pa dang dbugs 'byung dang / sems brtan par ni skyob pa gnas/ /mi g.yo zhi ba rtogs nas ni/ spyan ldan yongs su mya ngan 'das/ /gang tshe rnam kun stobs lnga pa//ston pa dus mdzad gyur pa na/ /de tshe 'jigs pa'i sgra byung zhing / /ba spu ldang ba byung bar gyur/ /zhum pa med pa'i sems kyis na/ /tshor ba yongs su bzod mdzad cing / /mar me shi bar gyur pa ltar/ /de yi sems ni rnam par thar//lam gyi tshogs las kyang bslab pa'i sgo'i mdo 'di ltar tshigs su bcad pa 'don te/ de dag srog dang bral gyur cing / /rnam par sred zad rnam par grol/ /mar me shi bar gyur pa ltar/ /de yi sems ni rnam par thar/ /zhes mdzod kyi gnas brgyad pa tshul khrims dang ting nge 'dzin dang shes rab kyi rang bzhin zhes mdo 'chad par 'gyur ro//mdo las rkyen nyid ni bzhi ste zhes bya ba la sogs pa la/ bzhi las 'phros pa'i mdo las/ rab tu rig dang rkyen dang ni/ /zhes bya bar gleng gzhi ni mnyan du yod pa na'o zhes 'don pa lta bu'o//bcom ldan 'das kyis kyang bsam gtan rnams kyi yul ni bsam gyis mi khyab po zhes gsungs so zhes bya ba la sogs pa la/ gleng gzhi ni mnyan du yod pa na'o/ /bzhi po 'di ni bsam gyis mi khyab pa'i gnas te/ bsam par byed na smyo bar 'gyur zhing mgo rmongs pa dang sems g.yengs pa thob par 'gyur ro//bzhi gang zhe na/ bdag bsam pa dang / 'jig rten bsam pa dang / sems can gyi las kyi rnam par smin pa dang / sangs rgyas rnams kyi sangs rgyas kyi yul lo zhes bka' stsal to/ /mi sdug pa dang lhan cig pa'i dran pa yang dag byang chub kyi yan lag ces bya ba la sogs pa la/gleng gzhi ni mnyan du yod pa na'o/ /dge slong dag mi sdug pa sgom par byed cing kun du bsten cing lan mang du byas na 'bras bu chen por 'gyur zhing bsngags pa che bar 'gyur ro/ /ji ltar 'bras bu che ba dang bsngags pa che ba'i mi sdug pa bsgom par 'gyur zhe na/dge slong 'di la mi sdug pa dang lhan cig pa'i dran pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su sgyur ba sgom par byed de/dge slong 'di la mi sdug pa dang lhan cig par gyur pa'i chos rab tu rnam par 'byed pa dang / dga' ba dang shin tu sbyangs pa dang / ting nge 'dzin dang / btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/rnam par spong bas yongs su sgyur ba sgom par byed de/ dge slong 'di lta bu 'bras bu che ba dang bsngags pa che ba'i mi sdug pa sgom par 'gyur ro zhes bka' stsal to/ /chos mngon pa mdzod kyi mdo dang sbyar ba'i TI ka nye bar mkho ba zhes bya ba las gnas gnyis pa phal cher mdo dang sbyar ba'o// //'jig rten sna tshogs gang de 'dod pa min/ /zhes bya ba la sogs pa la/ gleng gzhi ni mnyan du yod pa na'o/ /de nas tshe dang ldan pa 'dod pa can bcom ldan 'das gang na ba der nye bar song ste/ nye bar song nas phyogs gcig tu 'dug pa'i bar du'o//de nas tshe dang ldan pa 'dod pa can bcom ldan 'das la 'di skad ces gsol to/ /btsun pa 'dod pa 'dod pa zhes bgyi ba 'di lta ste/ 'dod pa 'dod pa zhes bgyi ba de gang gi tshig bla dwags lags/ bka' stsal ba 'dod pa 'dod pa zhes bya ba 'di ni 'dod pa'i yon tan lnga'i tshig bla dwags ma yin gyi/'on kyang 'dun pa'i 'dod chags 'di la 'dod pa zhes bya'o/ /'jig rten sna tshogs gang de 'dod pa min/ /skyes bu'i kun rtog 'dod chags 'dod pa yin/ /'jig rten dag na sna tshogs de bzhin gnas/ /'on kyang brtan rnams 'di la 'dun pa 'dul//btsun pa 'on kyang lam rtogs shing bstan pa dang / bsgoms pa dang / lan mang du byas na 'dun pa dang 'dod chags spong bar 'gyur ba yod dam/ 'dod pa can yod de/ 'di lta ste/ 'phags pa'i lam yan lag brgyad pa yang dag pa'i lta ba nas/yang dag pa'i ting nge 'dzin gyi bar du'o/ /btsun pa rab tu rtogs pa dang / bsten pa dang / bsgoms pa dang / lan mang du byas na 'dod pa spong ba'i lam 'di ni bzang ngo / /de nas tshe dang ldan pa 'dod pa can bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas te zhabs drung nas song ngo //'dod pa ni 'dod chags zhes rtogs par nus kyang chos mngon pa'i bstan bcos de dang de las 'dod pa'i 'dod chags nyid du rtogs par bya ba'i phyir kun du rgyu 'tsho byed la 'phags pa shA ri'i bus ji skad du tshigs su bcad pa gnyis 'thad pa dang bcas pa bkod pa slob dpon gyis bris pa bzhin du blta bar bya'o//mdo las dper na char gyi rgyun gnya' shing tsam 'bab pa na zhes bya ba la/ bcom ldan 'das yangs pa can gyi spre'u rdzing gi 'gram gyi gtsug lag khang na bzhugs te/de nas bcom ldan 'das kyis dge slong rnams la bos te/ /dge slong dag sems can ma rig pas bsgribs shing sred pas kun du sbyor zhing sred pas gtums shing yun ring por 'khor bar mtshams sbyor zhing sdug bsngal gyi sngon gyi mtha' mi shes pa rnams kyi 'khor ba thog ma dang tha ma med de/dper na char gyi rgyun gnya' shing tsam 'bab pa na bar snang la chu'i rgyun 'bab pa rnams kyi bar mtshams med de/ de bzhin du shar gyi phyogs kyi 'jig rten gyi khams chags pa dang / 'jig pa dang / gzhan zhig nas 'dug pa dang /gzhan chags pa dang / gzhan chags nas gnas pa rnams kyi bar dang mtshams med de/ de bzhin du lho dang / nub dang / byang phyogs kyi 'jig rten gyi khams 'jig pa dang chags pa dang / gzhan 'jig pa dang / gzhan zhig nas 'dug pa dang / gzhan chags pa dang /gzhan chags nas gnas pa rnams kyi bar dang mtshams med do/ /dge slong dag sems can ma rig pas bsgribs shing sred pas kun du sbyor zhing sred pas gtums te/ yun ring por 'khor bar mtshams sbyor ba ni sdug bsngal gyi mtha' mi shes pa rnams kyi 'khor ba thog ma dang tha ma med do//dge slong dag de'i phyir 'di ltar bslab par bya ste/ gang las sred pa chad pa dang gang rtogs pas sred pa mngon par mi grub pa de ltar dge slong dag khyed kyis bslab par bya'o/ /'o na tshe dang ldan pa chos de dag las ma gtogs pa'i dmyal ba ma dmigs so zhes bya ba la sogs pa la/'di skad du kha che ba mdo 'don gyi/ nyi 'og pa rnams ni ma yin pas 'di ni ma rnyed do/ /yang snyigs ma rnam pa lnga mdo de dang de las 'don pa lta bu ste/ re zhig ji ltar yang dag par ldan pa'i las de'i mdo las btsun pa rgyu gang dang rkyen gang gis bcom ldan 'das kyis sngon ni bslab pa'i gzhi ches nyung ngu dag bcas kyang dge slong rab tu mang po dag dgra bcom pa nyid thob cing gnas la bcom ldan 'das kyis da ltar ni bslab pa'i gzhi ches mang po bcas kyang dge slong ches nyung ngu dag dgra bcom pa thob cing gnas par gyur/dga' byed de bzhin no/ /ji ltar da ltar tshe'i snyigs ma dang / nyon mongs pa'i snyigs ma dang / dus kyi snyigs ma dang / lta ba'i snyigs ma dang / sems can gyi snyigs ma dag gis dga' byed sems can rnams nyams par byas shing dam pa'i chos kyang nub pa'i dus na ston pas nyan thos kyi 'dul ba'i bslab pa'i gzhi ches mang po bcas kyang dge slong ches nyung ngu dag dgra bcom pa nyid thob cing gnas par 'gyur ro zhes 'byung ngo //rnam shes gnas pa bdun zhes bya ba la/ bdun las 'phros pa'i bdun pa'i sdom gyi tshigs su bcad pa brgyad cu pa la sogs pa la lta bar bya'o//'di nyid du yang mdzod kyi gnas dang por/ de las gzhan yang ci rigs par/ /zhes bya ba'i skabs su skye mched gnyis po zhes bya ba 'grel par bris zin pa dang / sems can gyi gnas 'chad par 'gyur ba las ming gzhan du byas pa rtogs par bya'o//mdo las sems can de dag 'di snyam du zhes bya ba la sogs pa ni mdzod kyi gnas gsum pa 'di nyid du rten cing 'brel par 'byung ba'i skabs su tshangs pa'i dra ba las lta ba drug cu rtsa gnyis bshad pa/ ji skad du tshangs pa'i dra ba las zhes bya ba 'byung bar 'gyur te/de la sngon gyi mtha' la rnam par rtog pa rnams kyi dang po'i gzhi las 'di skad du 'don te/ dge slong dag 'jig rten 'jig par 'gyur ba'i dus yod de/ 'jig rten 'di 'jig par gyur pa na sems can phal cher 'od gsal gyi lha'i rigs su skye bar 'gyur te/yid las byung ba'i gzugs can dbang po ma tshangs pa med pa/ yan lag dang nying lag thams cad dang ldan pa/ kha dog dang dbyibs mdzes pa/ rang gi 'od can nam mkha' la thogs pa med par 'gro ba/ dga' ba za zhing dga' ba'i zas dang ldan pa tshe ring zhing dus ring por gnas par 'gyur ro//dge slong dag 'jig rten 'di 'chags par 'gyur ba'i dus yod de/ 'jig rten 'di 'chags pa na nam mkha' stong pa la tshangs pa'i gzhal med khang mngon par 'grub par 'gyur ro/ /de nas sems can gzhan gang yang rung ba zhig tshe zad las zad bsod nams zad pas 'od gsal gyi lha'i ris nas shi 'phos te/tshangs pa'i gzhal med khang stong pa'i nang du skye bar 'gyur ro/ /de de na gcig pu zla med cing grogs med par gyur pa yun ring zhing dus ring po zhig tu gnas te/de nas sems can de dus ring por gnas pa na kye ma bdag dang skal ba mnyam pa'i sems can gzhan dag kyang 'dir skyes na ci ma rung zhes sred pa skye zhing mngon par dga' ba yang dag par skyes so/ /sems can de de ltar sems la smon cing gnas pa na sems can de dang skal ba mnyam pa sems can gzhan zhig tshe zad cing las zad pa bsod nams zad pas 'od gsal gyi lha'i ris de nas shi 'phos nas tshangs pa'i gzhal med khang du skyes par gyur to//de nas sems can de 'di snyam du sems par 'gyur te/ bdag gcig pu zla med cing grogs med par tshe ring zhing yun ring bar gnas te/kye ma bdag dang skal ba mnyam pa'i sems can gzhan dag kyang 'dir skyes na ci ma rung zhes dus ring por sred pa skyes shing dga' ba yang dag par skyes shing bdag gi sems la de ltar smon pas bdag dang skal ba mnyam pa'i sems can 'dir skyes la sems can 'di dag ni bdag gis sprul pa/bdag ni sems can 'di dag gi dbang phyug /byed pa po/ sprul pa po/ /rab tu 'byin pa po/ /dngos po rnams kyi pha lta bur gyur pa'o/ /sems can de dag kyang 'di snyam du sems can 'di gcig pu zla med cing grogs med par gyur pa tshe ring zhing yun ring por gnas pa sems can de tshe ring zhing yun ring por gnas te/kye ma bdag dang skal ba mnyam pa'i sems can gzhan dag kyang 'dir skyes na ci ma rung zhes sred pa skyes shing yang dag par dga' ba skyes pa sems can de'i sems la 'di ltar smon pas sems can de dang skal ba mnyam par bdag cag kyang 'dir skyes shing sems can 'di ni bdag cag gi sprul pa po/sems can 'di ni bdag cag gi dbang phyug /byed pa po/ 'byin pa po/ rab tu 'byin par byed pa/ dngos po rnams kyi pha lta bur gyur pa'o zhes 'byung ngo //'od gsal gyi lha'i ris de na sems can gang dag ces bya ba la sogs pa la/ bcom ldan 'das yangs pa can spre'u'i rdzing gi 'gram gyi gtsug lag khang na bzhugs te/ de nas bcom ldan 'das kyis dge slong rnams la bos te/ dge slong dag 'du byed thams cad ni mi rtag pa mi brtan pa/yid brtan par bya ba ma yin pa yongs su 'gyur ba'i chos can yin pas spong bar bya'o/ /dge slong dag 'dus byas thams cad la yongs su skyo bar bya'o/ /'dod chags dang bral bar bya'o/ /rnam par grol bar bya'o/ /dge slong dag 'di lta bur 'gyur ba'i dus yod de dus ring por gyur pa na lha rnams kyis char gyi rgyun mi 'bebs par 'gyur te/lha rnams kyi char gyi rgyun ma phab pas sa chen po'i sa bon gyi tshogs dang / 'byung po'i tshogs dang / sman dang rtswa dang nags tshal thams cad skams par 'gyur zhing mi 'byung bar 'gyur ro//dge slong dag 'dus byas 'di dag ni mi rtag pa mi brtan pa yid brtan par bya ba ma yin pa yongs su 'gyur ba'i chos can yin pas yongs su spong bar bya'o/ /dge slong dag 'dus byas thams cad la skyo bar bya'o/ /'dod chags dang bral bar bya'o//rnam par grol bar bya'o/ /dge slong dag gang las dus ring por gyur pa na nyi ma gnyis 'char ba'i dus yod de/ 'jig rten du nyi ma gnyis shar ba na sa chen po 'di ngam grog chung ngu dang / ngam grog chen po thams cad skams par 'gyur zhing mi 'byung bar 'gyur ro//dge slong dag 'dus byas thams cad ni 'di ltar mi rtag pa mi brtan pa/ yid brtan par bya ba ma yin pa yongs su gyur pa'i chos can yin pas yongs su spang bar bya'o/ /dge slong dag 'dus byas thams cad las yongs su skyo bar bya'o/ /'dod chags dang bral bar bya'o//rnam par grol bar bya'o/ /dge slong dag gang las dus ring por gyur pa na 'jig rten 'dir nyi ma gsum 'char bar 'gyur ba'i dus de yod de/ dge slong dag 'jig rten na nyi ma gsum 'char ba na sa chen po 'di'i chu klung chung ngu dang chu klung chen po thams cad skams shing mi 'byung bar 'gyur te/dge slong dag 'dus byas 'di dag ni 'di ltar mi rtag pa mi brtan pa/ yid brtan par bya ba ma yin pa yongs su 'gyur ba'i chos can yin pas yongs su spang bar bya'o/ /dge slong dag 'dus byas thams cad las yongs su skyo bar bya'o/ /'dod chags dang bral bar bya'o//rnam par grol bar bya'o/ /dge slong dag gang las dus ring por gyur pa na/ 'jig rten 'dir nyi ma bzhi 'char ba'i dus yod de/ dge slong dag 'jig rten 'dir nyi ma bzhi 'char ba na mtsho chung ngu dang gang mtsho chen po ma dros pa zhes bya ba dang / chu klung chen po 'di lta ste/ gang gA dang /sin+d+hu dang / si ta dang / pak+Shu zhes bya ba de dag kyang de'i tshe skams par 'gyur zhing mi 'byung bar 'gyur ro/ /dge slong dag 'dus byas thams cad ni mi rtag pa mi brtan pa/ yid brtan par bya ba ma yin pa/ yongs su 'gyur ba'i chos can yin pas yongs su spang bar bya'o/ / dge slong dag 'dus byas thams cad la yongs su skyo bar bya'o/ /'dod chags dang bral bar bya'o/ /rnam par grol bar bya'o/ /dge slong dag dus ring por gyur pa na 'jig rten 'dir nyi ma lnga 'char bar 'gyur ba'i dus yod de/ 'jig rten 'dir nyi ma lnga shar ba na rgya mtsho chen po las chu dpag tshad brgya phrag gcig skams par 'gyur zhing nyams pa dang mi 'byung bar 'gyur ro//dpag tshad brgya phrag gnyis dang / gsum dang / bzhi dang / lnga dang / drug dang / bdun gyi chu skams shing nyams pa dang mi 'byung bar 'gyur ro/ /dge slong dag nyi ma lnga pa 'jig rten 'dir shar ba na/rgya mtsho chen po las chu dpag tshad stong phrag gcig skams par 'gyur zhing nyams pa dang mi 'byung bar 'gyur zhing dpag tshad stong phrag gnyis dang / gsum dang / bzhi dang / lnga dang / drug dang / bdun gyi chu bskams shing nyams pa dang mi 'byung bar 'gyur ro/ / dge slong dag nyi ma lnga pa 'jig rten 'dir shar ba na rgya mtsho chen po las dpag tshad stong phrag bdun gyi chu las par 'gyur zhing / dpag tshad stong phrag drug dang lnga dang bzhi dang gsum dang gnyis dang gcig gi chu las par 'gyur te/ dge slong dag nyi ma lnga 'jig rten 'di na shar ba na rgya mtsho chen po las dpag tshad bdun gyi chu las par 'gyur zhing drug dang lnga dang bzhi dang gsum dang dpag tshad gnyis dang gcig gi chu las par 'gyur ro//dge slong dag nyi ma lnga pa 'jig rten 'dir shar ba na rgya mtsho chen po bdun las rgyang grags bdun gyi chu las par 'gyur zhing drug dang lnga dang bzhi dang gsum dang gnyis dang rgyang grags gcig gi chu las par 'gyur ro//dge slong dag nyi ma lnga pa 'jig rten 'dir shar ba na rgya mtsho chen po la ta la bdun tsam gyi chu las par 'gyur zhing drug dang lnga dang bzhi dang gsum dang gnyis dang ta la gcig tsam gyi chu las par 'gyur ro/ /dge slong dag nyi ma lnga pa 'jig rten 'dir shar ba na rgya mtsho chen po las mi 'greng bdun tsam gyi chu las par 'gyur zhing /drug dang lnga dang bzhi dang gsum dang gnyis dang mi 'greng gcig tsam gyi chu las par 'gyur ro/ /dge slong dag nyi ma lnga 'jig rten 'dir shar ba na rgya mtsho chen po las 'gul ba tsam gyi chu las par 'gyur zhing mchan khung tsam dang lte ba tsam dang /dbyi zur tsam dang / brla tsam dang / rje ngar tsam dang / long bu nub pa tsam gyi chu las par 'gyur ro/ /dge slong dag nyi ma lnga pa 'jig rten 'dir shar ba na rgya mtsho chen po'i chu thams cad kyi thams cad du bskams shing nyams pa dang mi 'byung bar 'gyur te/sor mo'i rtse mo nub pa tsam du 'gyur te/ dge slong dag 'dus byas thams cad ni 'di ltar mi rtag pa mi brtan pa/ yid brtan par bya ba ma yin pa/ yongs su 'gyur ba'i chos can yin pas yongs su spang bar bya'o/ /dge slong dag 'dus byas thams cad las yongs su skyo bar bya'o//'dod chags dang bral bar bya'o/ /rnam par grol bar bya'o/ /dge slong dag gang las dus ring por gyur pa na 'jig rten 'dir nyi ma drug 'char bar 'gyur ba'i dus yod de/ dge slong dag nyi ma drug shar ba na sa chen po 'di dang ri'i rgyal po ri rab las du ba 'byung bar 'gyur zhing /du ba rab tu 'thul ba dang / rab tu du ba 'thul bar 'gyur te/ 'di lta ste rdza mkhan gyi bsreg khang la dang po me sbar bas/ dang po du ba 'byung bar 'gyur zhing / du ba rab tu 'thul ba dang /du ba kun du 'thul bar 'gyur ba de bzhin du dge slong dag nyi ma drug po 'jig rten 'dir shar ba na sa chen po 'di ri'i rgyal po ri rab dang bcas pa la du ba 'byung bar 'gyur zhing / du ba rab tu 'thul ba dang / du ba kun du 'thul bar 'gyur ro/ /dge slong dag 'dus byas thams cad ni mi rtag pa/mi brtan pa/ yid brtan par bya ba ma yin pa/ yongs su 'gyur ba'i chos can yin pas yongs su spang bar bya'o/ /dge slong dag 'dus byas thams cad la yongs su skyo bar bya'o/ /'dod chags dang bral bar bya'o/ /rnam par grol bar bya'o/ /dge slong dag gang las dus ring por gyur pa na 'jig rten 'dir nyi ma bdun 'char bar 'gyur ba'i dus yod de/dge slong dag 'jig rten 'dir nyi ma bdun shar ba na sa chen po 'di ri'i rgyal po ri rab dang bcas pa 'bar zhing rab tu 'bar te kun du 'bar zhing me lce gcig tu gyur cing sreg par byed do//'di lta ste shing gi khur po bcu dang / nyi shu dang / sum cu dang / bzhi bcu dang / lnga bcu dang / shing khur brgya dang / shing gi khur po brgya stong phrag du ma dang / shing gi khur po gzhan brgya stong phrag du ma dang / shing gi khur po stong phrag du ma dang / shing gi khur po gzhan brgya stong phrag du ma las byung ba'i me'i phung po chen po sreg par byed pa de bzhin du dge slong dag 'jig rten 'dir nyi ma bdun shar ba na sa chen po ri'i rgyal po ri rab dang bcas pa 'bar zhing rab tu 'bar te kun du 'bar zhing me lce gcig tu gyur cing sreg par byed do//dge slong dag sa chen po ri'i rgyal po ri rab dang bcas pa 'bar zhing rab tu 'bar te/kun tu 'bar zhing me lce gcig tu gyur nas sreg pa'i rtse mo rlung gis g.yengs pas tshangs pa'i gzhal med khang stong pa sreg par byed do/ /dge slong dag 'od gsal gyi lha'i ris de na sems can gang dag skyes nas ring du ma lon pa 'jig rten 'di 'jig pa la mi mkhas shing 'chags pa la mi mkhas pa de dag me lce de mthong nas me lces tshangs pa'i gzhal med khang stong pa bsreg pa [(]'dar [,]'dir [)]'ongs par gyur na mi rung ngo zhes skrag nas yi chad cing skyo bar 'gyur ro//dge slong dag 'od gsal gyi lha'i ris de na sems can dag skyes nas ring du lon pa 'jig rten 'jig pa la mkhas shing 'chags pa la mkhas pa de dag sems can skrag pa de dag la grogs po dag ma 'jigs shig /grogs po dag ma 'jigs shig /me lce 'di sngon yang tshangs pa'i gzhal med khang stong pa bsregs nas de nyid du med par gyur to zhes dbugs 'byin par byed do//dge slong dag ri'i rgyal po ri rab 'bar zhing rab tu 'bar te kun du 'bar zhing me lce gcig tu gyur cing bsregs pa na dpag tshad stong phrag gcig gi gzhal med khang tshig cing nyams pa dang mi 'byung bar 'gyur ro/ / gnyis dang gsum dang bzhi dang lnga dang drug dang dpag tshad stong phrag bdun gyi gzhal med khang tshig cing nyams pa dang mi 'byung bar 'gyur ro/ /dge slong dag sa chen po dang ri'i rgyal po ri rab tshig cing bsregs pa na thal ba tsam gyi lhag ma yang ma lus par 'gyur ro/ /dper na mar ram til bsregs tshig pa dag rjes tsam yang dri ma tsam yang ma lus par 'gyur ba de bzhin du/dge slong dag sa chen po dang ri'i rgyal po ri rab tshig cing bsregs pa na rjes tsam gyi'am grib ma tsam gyi ma lus par 'gyur ro/ /dge slong dag de la rgya mtsho chen po bskams par 'gyur zhing /nyams pa dang mi 'byung bar 'gyur zhes bya ba la mngon du mthong ba ma gtogs par su zhig dad cing yid ches par 'gyur/ dge slong dag de la gang yang ri'i rgyal po ri rab tshig cing rab tu tshig pa dang nyams pa dang mi 'byung bar 'gyur zhes bya ba la mngon du mthong ba ma gtogs par su zhig dad cing yid ches par 'gyur/dge slong dag de las chen po tshig cing rab tu tshig pa dang nyams pa dang mi 'byung bar 'gyur ro zhes bya ba la mngon du mthong ba ma gtogs pa su zhig dad cing yid ches par 'gyur/ dge slong dag sngon byung ba ston pa mig bzangs zhes bya ba phyi rol mu stegs pa rdzu 'phrul dang ldan pa 'dod pa las 'dod chags dang bral ba byung ste/dge slong dag ston pa mig bzangs kyi nyan thos brgya phrag du ma dang / nyan thos stong phrag du ma dang / nyan thos brgya stong phrag du ma byung ste/ ston pa mig bzangs nyan thos rnams la shin tu dri ma dang bral ba dang /tshangs par spyod pa yongs su rdzogs par ston par mi byed kyi/ tshangs ris kyi lha dang skal ba mnyam pa ston te/ dge slong dag ston pa mig bzangs kyis nyan thos bslab pa rnam pa thams cad kyi thams cad du rdzogs pa de dag tshangs pa'i gnas bzhi bsgoms nas 'dod pa la 'dun pa'i 'dod chags spangs shing phal cher gnas te/tshangs pa'i 'jig rten gyi lha rnams dang skal ba mnyam par skye bar gyur to/ /gang gi rnam pa thams cad kyi thams cad du ma yin pa de dag las kha cig ni gzhan 'phrul dbang byed kyi lha rnams dang skal ba mnyam par skye bar 'gyur zhing /kha cig ni 'phrul dga' dang / kha cig ni 'thab bral dang / kha cig ni sum cu rtsa gsum dang / kha cig ni rgyal chen rigs bzhi dang / rgyal rigs shing sA la chen po lta bu rnams dang / bram ze'i rigs shing sA la chen po lta bu rnams dang /khyim bdag shing sA la chen po lta bu rnams dang skal ba mnyam par skye bar gyur to/ /de nas ston pa mig bzangs 'di snyam du bdag nyan thos rnams dang lhan cig 'gro ba dang snyoms par 'jug pa ni tshul dang mthun pa ma yin gyis bdag gong ma bsam gtan gnyis pa bsgoms nas 'od gsal gyi lha rnams dang skal ba mnyam par skye bar bya'o snyam mo//de nas ston pa mig bzangs gong ma bsam gtan gnyis pa bsgoms nas 'od gsal gyi lha rnams dang skal ba mnyam par skyes so/ /dge slong dag khyod cag de'i tshe de'i dus na ston pa mig bzangs zhes bya ba phyi rol mu stegs can rdzu 'phrul dang ldan pa 'dod pa las 'dod chags dang bral ba byung bar gyur cing /de'i nyan thos gzhan brgya phrag du ma dang / stong phrag du ma dang / brgya stong phrag du ma byung bar gyur pa la gang 'di nyan thos rnams shin tu mthar thug pa dang shin tu dri ma dang bral ba dang /tshangs par spyod pas yongs su rdzogs pa'i chos ston par mi byed kyi/ tshangs pa'i 'jig rten gyi lha rnams dang skal ba mnyam par ston pa de gzhan zhig yin snyam na/ de ltar mi blta ste/ nga nyid de'i tshe de'i dus na ston pa mig bzangs zhes bya ba phyi rol mu stegs can rdzu 'phrul dang ldan pa 'dod pa las 'dod chags dang bral bar gyur cing nga'i nyan thos gzhan brgya phrag du ma dang /stong phrag du ma dang / brgya stong phrag du ma byung bar gyur cing nga nyid de'i tshe de'i dus na nyan thos rnams shin tu mthar thug pa dang / shin tu dri ma dang bral ba dang /tshangs par spyod pa yongs su rdzogs pa'i chos mi ston gyi tshangs pa'i 'jig rten gyi lha rnams dang skal ba mnyam pa ston par byed par 'gyur ro/ /de ci'i phyir zhe na/ de'i tshe 'dod chags dang bcas par 'gyur zhing zhe sdang dang gti mug dang bcas shing ma grol la/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su ma grol zhing sdug bsngal dang bcas par smra'o/ /dge slong dag da ltar ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das 'jig rten du byung zhing 'dod chags dang bral zhing zhe sdang dang gti mug dang bral ba/yongs su grol ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dang / sdug bsngal las grol bar nga smra'o//dge slong dag nga da ltar ni nyan thos rnams la shin tu mthar thug pa dang / shin tu dri ma dang bral ba dang / shin tu tshangs par spyod pa yongs su rdzogs pa'i chos bstan nas da ltar bdag nyan thos rnams bslab pa rnam pa thams cad kyi thams cad du yongs su rdzogs pa de dag ni sdug bsngal 'di dag yongs su zad par 'gyur ro//gang gi rnam pa thams cad kyi thams cad du ma yin pa de dag las kha cig ni 'og ma'i cha dang mthun pa kun du sbyor ba lnga spangs te/ rdzus te skye zhing der yongs su mya ngan las 'da' ba mi ltung ba'i chos can du 'gyur ro/ /gang gi rnam pa thams cad kyi thams cad du ma yin pa de dag las kha cig ni kun du sbyor ba gsum po 'dod chags dang zhe sdang dang gti mug bsrabs te lan cig phyir 'ong ba 'jig rten 'dir lan cig phyir 'ongs nas sdug bsngal mthar byed par 'gyur ro//gang gi rnam pa thams cad kyi thams cad du ma yin pa de dag las kha cig ni kun du sbyor ba gsum spangs te rgyun du zhugs pa mi ltung ba'i chos can rdzogs pa'i byang chub tu nges par srid pa lan bdun par 'gyur te/lha rnams dang mi rnams kyi nang du nying mtshams sbyar nas sdug bsngal gyi mthar byed par 'gyur te/ dge slong dag de'i tshe da ltar gnyis kar yang nga'i nyan thos rnams 'bras bu dang bcas shing rab tu byung bas 'bras bu dang bcas la tshangs par spyod pa yongs su rdzogs par gyur to zhes bka' stsal to//sems can gyi ni gnas dgur 'dod/ /ces pa la/ gleng gzhi ni mnyam du yod pa na'o/ /de nas bcom ldan 'das kyis dge slong rnams la bos te/dge slong dag sems can gyi gnas ni dgu ste/ dgu gang zhe na/ sems can lus tha dad cing 'du shes tha dad pa dag kyang yod de/ 'di lta ste mi rnams dang lha kha cig ste/ 'di ni sems can gyi gnas dang po'o/ /sems can gzugs can lus tha dad cing 'du shes gcig pa dag kyang yod de/'di lta ste tshangs ris kyi lha de dag las dang por byung ba rnams so/ /'di ni sems can gyi gnas gnyis pa'o/ /sems can lus gcig cing 'du shes tha dad pa dag kyang yod de/ 'di lta ste 'od gsal gyi lha rnams te/'di ni rnam par shes pa sems can gyi gnas gsum pa'o/ /sems can lus gcig cing 'du shes gcig pa dag kyang yod de/ 'di lta ste/ dge rgyas kyi lha rnams te/ 'di ni sems can gyi gnas bzhi pa'o/ /sems can gzugs can 'du shes med cing 'du shes dang mi ldan pa dag kyang yod de/'di lta ste/ 'du shes med pa rnams te/ 'di ni sems can gyi gnas lnga pa'o/ /sems can gzugs can ma yin pa gang dag rnam pa thams cad du gzugs kyi 'du shes las yang dag par 'das shing thogs pa'i 'du shes rnams nub par gyur cing sna tshogs kyi 'du shes yid la mi byed pas nam mkha' mtha' yas so zhes nam mkha' yas skye mched nye bar bsgrubs te gnas pa dag kyang yod de/'di lta ste/ nam mkha' mtha' yas skye mched du nye bar 'gro ba'i lha rnams so/ /'di ni rnam par shes pa'i sems can gyi gnas drug pa'o//sems can gzugs can ma yin pa gang dag rnam pa thams cad du nam mkha' mtha' yas skye mched las yang dag par 'das te/ rnam shes mtha' yas so zhes rnam shes mtha' yas skye mched nye bar bsgrubs te gnas pa dag kyang yod de/ /'di lta ste rnam shes mtha' yas skye mched du nye bar 'gro ba'i lha rnams so//'di ni sems can gyi gnas bdun pa'o/ /sems can gzugs can ma yin pa gang dag rnam pa thams cad du rnam shes mtha' yas skye mched las yang dag par 'das te/ cung zad med do snyam du cung zad med pa'i skye mched bsgrubs te gnas pa dag kyang yod de 'di lta ste ci yang med pa'i skye mched du 'gro ba'i lha rnams so//'di ni sems can gyi gnas brgyad pa'o/ /sems can gzugs can ma yin pa gang dag cung zad med pa'i skye mched las yang dag par 'das te 'du shes med 'du shes med min gyi skye mched bsgrubs te gnas pa dag kyang yod de/'di lta ste/ 'du shes med 'du shes med min skye mched du 'gro ba'i lha rnams te/ 'di ni sems can gyi gnas dgu pa'o zhes bka' stsal to/ /gnas pa dag ni yang bzhi ste zhes bya ba la/ gleng gzhi ni gnyan du yod pa na'o/ /dge slong dag zas bzhi po 'di dag ni sems can byung ba rnams gnas par byed cing 'tsho ba dang /sred pa tshol ba rnams la phan 'dogs par byed pa ste/ bzhi gang zhe na/ rags pa dang phra ba'i khams kyi zas dang / gnyis pa ni reg pa'o/ /gsum pa ni yid la sems pa'o//bzhi pa ni rnam par shes pa'i zas te/ dge slong dag zas bzhi po 'di rnams la dga' ba dang 'dod chags par 'gyur ro/ /gang la dga' ba dang 'dod chags pa yod pa de la rnam par shes pa gnas pa dang brtan par 'gyur ro/ /gang la rnam par shes pa gnas shing brtan pa de la ming dang gzugs 'byung bar 'gyur ro//gang la ming dang gzugs yod pa de la 'du byed 'phel bar 'gyur ro/ /gang la 'du byed 'phel ba de la ma 'ongs pa'i yang srid pa mngon par 'grub par 'gyur zhing 'byung bar 'gyur ro/ /gang la ma 'ongs pa'i yang srid pa mngon par 'grub cing 'byung ba de la ma 'ongs pa'i skye ba dang /rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'di 'ba' zhig kun tu 'byung bar 'gyur ro/ / dge slong dag zas bzhi po 'di dag la dga' ba dang 'dod chags med par gyur na gang la dga' ba dang 'dod chags med pa de la/ rnam par shes pa gnas shing brtan par mi 'gyur ro/ /gang la rnam par shes pa gnas shing brtan pa med pa de la ming dang gzugs 'byung bar mi 'gyur ro/ /gang la ming dang gzugs med pa de la 'du byed 'phel bar mi 'gyur ro//gang la 'du byed 'phel ba med pa de la ma 'ongs pa'i yang srid pa mngon par 'grub par mi 'gyur ro/ /gang la ma 'ongs pa'i yang srid pa mngon par 'grub par mi 'gyur ba de la ma 'ongs pa'i skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag nye bar 'gag par 'gyur ro/ /de ltar na sdug bsngal gyi phung po chen po 'di 'ba' zhig de ltar 'gag par 'gyur ro zhes bka' stsal to/ gzhan yang bcom ldan 'das kyis rnam par shes pa'i gnas bzhi ni zhing gi ngo bor bstan la/nye bar len pa dang bcas pa'i rnam par shes pa zad par ni sa bon gyi ngo bor bstan te zhes bya ba la/ chos kyi phung po las gzugs bdag ma yin zhes bya bar sdom gyi tshigs su bcad pa gsum pa'i sa bon gyi dpe las bshad pa dang /mdzod kyi gnas drug pa 'di nyid du yang kun 'byung gi bden pa bshad pa'i skabs su/ sa bon gyi ni rnam pa lnga/ /zhes bya ba la/ 'di ni nye bar len pa dang bcas pa'i rnam par shes pa'i tshig bla dgas so zhes bya ba la sogs pa rang bzhin gcig par bshad pa dang /mdzod kyi gnas dang por yang phung po'i go rims brjod par yang dag par bshad par blta bar bya'o/ /yi dags mngal nas skye ba'ang yin/ /zhes bya ba la/ sangs rgyas bcom ldan 'das la rgyal po dang / rgyal po'i blon po dang / grong mi dang /yul mi dang / phyug po dang / ded dpon dang / lha dang / klu dang / gnod sbyin dang / nam mkha' lding dang / dri za dang / mi'am ci dang / lto 'phye chen po rnams kyis bkur stir byas/ bla mar byas/ rjed par byas shing mchod de/ lha dang / klu dang / gnod sbyin dang lha ma yin dang /nam mkha' lding dang / mi'am ci dang / lto 'phye chen po dag gis bkur zhing sangs rgyas bcom ldan 'das grags pa dang / bsod nams chen po dang / rnyed pa dang / chos gos dang / bsod snyoms dang / mal cha dang / stan dang / na ba'i gsos sman dang / nye bar sbyar ba thams cad dang ldan pa nyan thos kyi dge 'dun dang / thabs cig tu rgyal po'i khab kyi smyig ma'i tshal bya ka lan ta ka gnas pa na brten cing bzhugs so/ /de nas tshe dang ldan pa maud gal gyi bu chen po snga dro chos gos dang lhung bzed thogs te/ rgyal po'i khab tu bsod snyoms kyi phyir zhugs so//rgyal po'i khab tu bsod snyoms spyad nas zas kyi bya ba byas te zos pa'i 'og tu lhung bzed blangs nas/ lhung bzed dang chos gos mtha' gcig tu bzhag nas yi dags rgyu ba'i phyir song ba dang / de bya rgod phung po'i ri'i drung du song nas yi dags mos gshin rje srin mo lta bur khrag gi thigs pas 'bags pa/rus pa yongs su bskor ba/ dur khrod na gnas pa/ nyin mtshan du bu lnga lnga skye ba de lta bu sdug bsngal nyams su myong zhing bu la yongs su gdung ba dang bcas kyang ltogs pa'i dbang gis de dag kyang za ba zhig mthong ngo //de nas gnas brtan maud gal gyi bu chen pos khyod kyis sdig pa'i las ci zhig byas na 'di lta bu'i sdug bsngal rnam pa du ma nyams su myong bar gyur zhes de la dris pa dang / yi dags mos smras pa/ nyi ma yod bzhin du sgron mas dgos pa ci zhig yod ces bcom ldan 'das la dris dang /bdag cag gis las ji lta bu bsags pa ston par 'gyur ro/ /de thos nas sems can sdig pa byed pa dag las ldog par 'gyur ro/ /de nas tshe dang ldan pa maud gal gyi bu chen po bcom ldan 'das gang na ba der nye bar song ngo / /de'i tshe na bcom ldan 'das nang du yang dag par 'jog pa las bzhengs te/'khor rnams la zhim zhing rab tu zhim pa sbrang rtsi ma bskol ba lta bu'i chos ston par byed de 'khor brgya phrag du mas bcom ldan 'das la dbang po mi g.yengs par zhim pa'i chos nyan to/ /de nas sangs rgyas bcom ldan 'das mdun du gsung ba dang /dga' bar gsungs pas legs par 'ongs sam zhes mdun du 'gro bas/ bcom ldan 'das kyis tshe dang ldan pa maud gal gyi bu la bos te/ maud gal gyi bu da ltar gang nas 'ongs/ maud gal gyi bus smras pa/ btsun pa bcom ldan 'das bdag yi dags rgyu ba can mchis te/der bdag gis yi dags mo gshin rje srin mo lta bu khrag gi thigs pas 'bags pa/ rus pas yongs su bskor ba/ dur khrod na gnas pa mthong ste/ bdag la 'di skad du/ /bdag gi nyin mo bu lnga dang / de bzhin mtshan mo bu lnga dag//skyes nas de dag za mod kyi/ /'on kyang bdag la tshim pa med/ /ces smra'o/ /'dis sdig pa'i las ci zhig byas na mi'i 'jig rten du drag cing rtsub pa'i sdug bsngal rnam pa du ma nyams su myong zhing 'jig par 'gyur/ bcom ldan 'das kyis maud gal gyi bu sdig pa'i las spyod pa'i yi dags mo de'i las ci zhig byas pa nyan par 'dod dam/btsun pa de bzhin no/ /des na maud gal gyi bu legs par nyon la yid la zung shig dang ngas bshad par bya'o/ /sngon byung ba 'das pa'i dus na bA rA Na sI'i grong khyer du khyim bdag phyug par gyur cing nor mang ba longs spyod che ba/yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig byung ste/ des rigs mnyam pa las chung ma blangs te/ de dang lhan cig rtse bar byed/ dga' bar byed/ yongs su spyod par byed pa las bu pho yang med bu mo yang med do//de lag pa 'gram pa la gtad de/ bdag gi khyim na nor mang po yod cing bu pho yang med bu mo yang med pas bdag gi nor thams cad bud med ces rgyal pos khyer bar 'gyur ro zhes sems khong du chud cing 'dug go/ / de bu dang bu mo 'dod pa'i phyir zhi ba dang / chu lha dang / rnam thos kyi bu dang / brgya byin dang / tshangs pa la sogs pa'i lha khyad par can gzhan dang gzhan dag la gsol ba 'debs par byed do/ /'di lta ste/ kun dga' ra ba'i lha dang / tshal gyi lha dang / bzhi mdo'i lha dang / sum mdo'i lha dang / gtor ma za ba'i lhan cig skyes pa'i chos can dang / rtag par rgyun du 'brang ba'i lha dag la gsol ba 'debs par byed de/ 'jig rten na gsol ba 'debs pa'i rgyus bu dang bu mo skye'o zhes grags pa yod mod kyi/ de ni de lta ma yin te/ gal te de ltar gyur na 'khor los sgyur ba'i rgyal po bzhin du re re'ang bu stong stong ldan par 'gyur ro//'on kyang gnas gsum mngon du gyur na bu pho dang bu mo dag skye bar 'gyur te/ gsum gang zhe na/ pha ma gnyis chags par gyur cing 'dus pa dang / ma rung zhing zla mtshan dang ldan pa dang / dri za nye bar gnas pa ste/gnas gsum mngon du gyur na bu pho dang bu mo dag skye bar 'gyur gyi/ lha la gsol ba 'debs pas bu dang bu mo dag skye ba ma yin no/ /de 'di snyam du blo byung ste/ gal te sems can dang ldan par 'gyur srid kyis chung ma gnyis pa zhig blang bar bya'o snyam nas des rigs mnyam pa las chung ma gnyis pa zhig blangs te/de de dang lhan cig rtse bar byed dga' bar byed yongs su spyod par byed do/ /rtse bar byed dga' bar byed yongs su spyod par byed pa las dus gzhan zhig na sems can dang ldan par gyur to/ /de dga' ba dang yid bde ba dang dga' bas bdag po la 'di skad ces smras so//kye rje'i sras dga' bar mdzod cig /bdag sems can dang ldan par gyur te/ ji ltar bdag gis dku g.yas par rten cing gnas pas na nges par khye'ur 'gyur ro/ /de dga' zhing rab tu dga' nas lus kyi stod bteg nas lag pa brkyang nas ched du brjod pa/nga yun ring po nas mngon par 'dod pa'i bu'i gdong mthong zhing rigs dang rjes su mthun zhing mi mthun pa ma yin pa dang / nga'i bya ba byed cing cher skyes nas nga gso ba'i bya ba byed pa dang / nga'i rigs rgyud yun ring du gnas shing bdag cag shi zhing dus las 'das pa'i 'og tu nyung ngu'am mang po yang rung /sbyin pa dag sbyin bsod nams dag byas te/ 'di dag pha ma gang du skyes pa der 'gro zhing rjes su 'brang bar gyur cig ces yon dag sbyin par gyur cig ces brjod do/ /de sems can dang ldan par rigs nas/ steng gi khang bzangs kyi gzhi dang ldan par bzhag ste/ grang ba dang / grang ba la phan pa dang / dro ba dang dro ba la phan pa dag rig par byas te/ sman pas bsgo ba'i kha zas ha cang kha ba ma yin pa dang / ha cang mngar ba ma yin pa dang / ha cang skyur ba ma yin pa dang / ha cang mngal ba ma yin pa dang /kha ba dang / mngar ba dang / skyur ba dang / mngal ba dag spangs pa'i kha zas za zhing gnas te/ mu tig dang mu tig gi phreng bas brgyan cing gnas te/ lha mo dga' ba'i tshal na rgyu ba bzhin du khri nas khri dang / khri'u nas khri'ur 'og gis gzhi la mi 'bab cing sgra mi snyan pa cung zad kyang mi thos par ji srid du mngal yongs su smin par byed do//de nas de'i tshe chen mas de'i rim gro de dag mthong nas phrag dog gi sems skyes te/ gal te 'di la skyes bu skyes na nges par nga la gnod par 'gyur gyi thabs shig bya'o snyam nas 'dod pa bsten pa rnams ni sdig pa'i las mi byed pa cung zad kyang med pas des mi 'dod pa'i g.yang sar ma lhung bar byed cing 'dzag par byed pa rnam pa de lta bu'i mngal 'jig par byed pa'i rdzas sbyin to//des 'thungs ma thag tu mngal rlugs par 'gyur ro/ /de nas chung ma gnyis pas de thams cad bsdus nas chen ma la smras pa khyod kyis nga la gang gis na mngal rlugs pa'i sman byin to//de nas chen mas gnyen rnams kyi nang du mna' dor bar brtsams pa/ gal te ngas khyod kyi mngal rlugs par byas na nga yi dags su gyur cig /skye ba nas skye bar bu za bar gyur cig ces smras so/ /maud gal gyi bu ji snyam du sems/ phyug po'i chung ma de ni yi dags mo 'di nyid yin te/ phrag dog gi dbang gis mngal rlugs pa'i sman byin te/ des yi dags su skyes shing gang brdzun du smra ba byas pa'i las kyi rnam par smin pas nyin mtshan du bu lnga lnga skyes shing za bar gyur to/ /maud gal gyi bu de'i phyir ngag gi nyes pa spyad pa spang ba'i phyir 'bad par bya ste/maud gal gyi bu ji ltar rnam pa 'di lta bu'i rkyen yi dags su skye bar 'gyur ba spang ba'i phyir bslab par bya'o/ /bcom ldan 'das dgyes shing de skad ces bka' stsal pa dang / tshe dang ldan pa maud gal gyi bu dang / lha dang / klu dang / lha ma yin dang / nam mkha' lding dang / mi'am ci dang / lto 'phye chen po de dag bcom ldan 'das kyis gsungs pa la mngon par dga' zhing rjes su yi rang ngo / /ji ltar na mdo las rdzus te skyes pa'i nam mkha' lding gis rdzus te skyes pa'i klu za ba'i phyir 'dren to zhes gsungs she na zhes bya ba la/ klu ni rnam pa bzhi ste/sgo nga las skyes pa dang / mngal las skyes pa dang / drod gsher las skyes pa dang / rdzus te skyes pa'o/ /nam mkha' lding yang rnam pa bzhi ste/ sgo nga las skyes pa'i nam mkha' lding dang / mngal las skyes pa dang / drod gsher las skyes pa dang / rdzus te skyes pa'i nam mkha' lding ngo //sgo nga las skyes pa'i nam mkha' lding gis sgo nga las skyes pa'i klu bza' ba'i phyir 'byin par byed kyi/ mngal nas skyes pa dang / drod gsher las skyes pa dang / rdzus te skyes pa ni ma yin te/ gal te 'byin par byed na de thal bar byed par 'gyur ro/ /drod gsher las skyes pa'i nam mkha' lding gis sgo nga las skyes pa dang /mngal nas skyes pa dang / drod gsher las skyes pa'i klu bza' ba'i phyir 'byin par byed kyi/ rdzus te skyes pa ni ma yin te/ gal te 'byin par byed na de thal bar byed par 'gyur ro/ /rdzus te skyes pa'i nam mkha' lding gis sgo nga las skyes pa dang /mngal nas skye ba dang / drod gsher las skyes pa dang / rdzus te skyes pa'i klu bza' ba'i phyir 'byin to zhes gsungs so/ /mdo las srid pa ni bdun te zhes bya ba la/ gleng gzhi ni mnyan du yod pa na'o/ /srid pa ni bdun te/ dmyal ba'i srid pa dang /dud 'gro'i srid pa dang / yi dags kyi srid pa dang / lha'i srid pa dang / mi'i srid pa dang / las kyi srid pa dang / srid pa bar ma'o zhes gsungs so/ /dri za yang nye bar gnas par gyur na'o zhes bya ba la/ ji ltar re zhig mdzod kyi gnas gnyis pa 'di nyid du mngal du 'jug pa'i mdo las bshad pa dang go rims las bzlog pa'i rim pa gsum pa yi dags sngar bstan pa bzhin dang /srid pa bar ma rta len gyi bu'i mdo de dang de las 'don pa bzhin no/ /gal te de lta na rta len gyi bu'i mdo zhes bya ba la/ tshangs pa 'dus pa'i dang po'i sdom gyi tshigs su bcad pa thams cad kyi mthar bcom ldan 'das rta len gyi bu gzhon nu las brtsams te/bram ze gzhon nu sngon byung ba ri 'or gyi dgon pa gzhan zhig na/ drang srong rab tu mang po dag dgon pa na gnas te/ de dag la 'di lta bu'i sdig pa can gyi lta ba bram ze ni rigs mchog yin te gzhan ni dman pa yin no//bram ze'i rigs ni dkar ba gzhan ni nag pa'o/ /bram zes ni dag par byed de gzhan gyis ni ma yin no/ /bram ze ni tshangs pa'i snying las skyes/ kha las skyes/ tshangs pa las skyes pa tshangs pas byin pa zhes bya ba skyes so/ /dgon pa na gnas pa'i drang srong rab tu mang po de dag la sdig pa can gyi lta ba'i rnam pa bram ze rnams ni rigs mchog ces bya ba nas/tshangs pas byin pa'i zhes bya ba'i bar du skyes pa na/ lha ma tang ga'i rigs su skyes pa'i drang srong a se tas thos te/ thos nas chos gos gyon cing chos gos steng du bkab ste/chos gos kyis gtums nas/ mang du ri ba'i mchil lham dang / mu tig dang nor bu'i yu ba can gyi bsil yab g.yob cing rang gi gnas nas mi snang bar gyur te/ drang srong rab tu mang po dgon pa na sbyin sreg byed pa'i gnas dang sreg khang gang na ba der song ngo / /de nas dgon pa'i drang srong de las gzhan zhig gis lha ma tang ga'i rigs su skyes pa'i drang srong a se tas chos gos gyon cing chos gos steng du g.yogs te/chos gos kyis gtums nas mang du ri ba'i mchil lham dang / mu tig dang nor bu'i yu ba can gyi bsil yab g.yob cing drang srong rab tu mang po sbyin sreg byed pa'i gnas dang sreg khang na 'dug pa mthong ngo //mthong nas dgon pa'i drang srong rab tu mang po gang na ba der nye bar song ste/ de dag gi drung du nye bar song nas dgon pa'i drang srong rab tu mang po de dag la 'di skad ces gsol to/ /de ltar bdag cag gi sbyin sreg byed pa'i gnas dang /sreg khang na chos gos gyon cing zhes bya ba nas/ 'dug pa zhes bya ba'i bar du ste/ bdag cag de'i drung du song nas mngon du phyogs shing khyod thal bar gyur cig ces dmod pa dor bar bya'o/ /de'i tshe dgon pa'i drang srong rab tu mang po de dag las gang dang gang la mngon du phyogs te/khyod thal bar gyur cig khyod thal bar gyur cig ces dmod pa bor ba na de dag thal bar 'gyur ro/ /de nas dgon pa'i drang srong rab tu mang po de dag lha ma tang ga'i rigs su skyes pa'i drang srong a se ta gang na ba der song ste nye bar song nas lha ma tang ga'i rigs su skyes pa'i drang srong a se ta la mngon du phyogs te/khyod thal bar gyur cig khyod thal bar gyur cig ces dmod pa dor ro/ /ji lta ji ltar dgon pa'i drang srong rab tu mang po de dag lha ma tang ga'i rigs su skyes pa'i drang srong a se ta la khyod thal bar gyur cig ces dmod pa bor ba de lta de ltar lha ma tang ga'i rigs su skyes pa'i drang srong a se ta shin tu gzugs bzang ba dang /shin tu blta bar bya ba dang / shin tu rab tu dang bar gyur to/ /de nas dgon pa'i drang srong rab tu mang po de dag 'di snyam du bdag cag gi sngon gang dang gang la mngon du phyogs te/ khyod thal bar gyur cig khyod thal bar gyur cig ces dmod pa dor ba de thal bar gyur na da lta 'di ci ste/ji lta ji ltar bdag cag gis mngon du phyogs te/ khyod thal bar gyur cig khyod thal bar gyur cig ces dmod pa dor ba de lta de ltar shin tu gzugs bzang ba dang / shin tu blta bar bya ba dang / shin tu rab tu dad par gyur pa ci las gyur zhes bdag dri bar bya'o//des dgon pa'i drang srong rab tu mang po de dag lha ma tang ga'i rigs su skyes pa'i drang srong a se ta la 'di skad ces gsol to/ /khyod su zhig /khyod cag gi lha ma tang ga'i rigs su skyes pa'i drang srong a se ta thos sam thos so/ / bdag yin no/ /bzod par mdzod cig /bzod do/ /khyed cag la 'di lta bu'i sdig pa can gyi lta ba'i rnam pa bram ze ni rigs mchog yin no zhes bya ba nas/ tshangs pas byin zhes bya ba skyes pa bden nam/ de bzhin no/ /khyod cag gis bdag cag ma bram ze mo yin zhing bram ze dang lhan cig 'gro zhing bram ze mo yin pa dang /ma yin pa dang / de'i yang ma dang / de'i ma dang / de'i yang ma dang zhes bya ba ma'i bdun rgyud kyi bar du bram ze ma yin zhing / bram ze dang lhan cig 'gro ba yin zhing bram ze ma yin pa dang ma yin pa de lta bu shes sam ma yin no/ /yang khyed cag gis bdag cag gi pha bram ze yin zhing /bram ze mo dang lhan cig tu 'gro zhing bram ze mo yin pa dang / ma yin pa dang / de'i yang pha dang / de'i yang pha dang / de'i yang pha'i bar du pha'i bdun rgyud kyi bar du bram ze yin zhing bram ze mo dang lhan cig 'gro ba dang / bram ze mo ma yin pa dang ma yin pa de lta bu shes sam/ma yin no/ /khyed cag gi mngal du 'jug pa thos sam thos so/ /ji lta ji ltar thos/ gnas rnam pa gsum mngon du gyur na ma'i mngal du 'jug par 'gyur te/ gsum gang zhe na/ pha dang ma chags par gyur cing 'dus pa dang / ma rung zhing zla mtshan dang ldan pa dang / dri za nye bar gnas par gyur na ste/gnas rnam pa 'di gsum mngon du gyur pas mngal du 'jug par 'gyur ro/ /khyed cag gi dri za nye bar gnas pa ni gang yin/ rgyal rigs sam/ bram ze'i rigs sam/ rje'u'i rigs sam/ dmangs rigs sam/ 'on te shar phyogs nas 'ongs pa zhig gam/'on te lho dang nub dang byang phyogs nas 'ongs pa zhig shes sam/ ma yin no/ /de ltar na re zhig khyed cag gis bdag gi ma bram ze mo yin zhing bram ze dang lhan cig 'gro la bram ze ma yin pa la ma yin pa zhes bya ba nas/ rgyas par snga ma bzhin du bdag cag gi pha bram ze yin zhing zhes bya ba nas/snga ma bzhin du rgyas par byas te mi shes sam/ dri za nye bar gnas pa zhes bya ba nas/ bram ze zhes bya ba'i byang phyogs nas 'ongs pa ci'i phyir mi shes/ gal te gang ngam de'am gang du'am gang du 'gro ba de bzhin no/ ci ste khyed cag la 'di lta bu'i sdig pa can gyi lta ba'i rnam pa bram ze ni rigs mchog yin no zhes bya ba nas tshangs pas byin pa yin no zhes bya ba'i bar du skyes/de skad ces smras pa dang / dgon pa'i drang srong rab tu mang po de dag cang mi smra bar gyur te/ de'i phyir re zhig dgon pa'i drang srong mang po de dag res 'ga' lha ma tang ga'i rigs su skyes pa'i drang srong a se tas bram ze'i dri ba dris pa lan yongs su rdzogs par 'debs ma nus na/khyod kyi dgon pa'i drang srong mang po de dag ni dUr ba 'dzin pa tsam du yang mi rigs so/ /de nas bcom ldan 'das kyis gzhon nu dUr ba 'dzin pa'i dpes spyod cing smad nas kha rog por gyur cing yi mug nas phrag pa smad nas thur du lta zhing spobs pa med pa dang /rab tu sems shing gnas par gyur to zhes 'byung ngo / /sngar gsungs zhes bya ba la/ gleng gzhi ni mnyan du yod pa na'o/ /lnga gang zhe na/ bar ma dor yongs su mya ngan las 'da' ba dang / skyes nas yongs su mya ngan las 'da' ba dang /mngon par 'du byed pa med par yongs su mya ngan las 'da' ba dang / mngon par 'du bya ba dang bcas par yongs su mya ngan las 'da' ba dang / gong du 'pho ba'o zhes bka' stsal to/ /'gro mod ces bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/dge slong dag nye bar len pa med par yongs su mya ngan las 'da' ba skyes bu dam pa'i 'gro ba bdun pa bstan par byas te/ legs par rab tu nyon la yid la zung shig dang bshad par bya'o/ /skyes bu dam pa'i 'gro ba bdun gang zhe na/ 'di la dge slong 'di ltar bdag med do//bdag gi med do/ /bdag 'byung bar mi 'gyur ro/ /bdag gi 'byung bar mi 'gyur ro zhes rab tu sgrub ste/ gang yod cing gang 'byung ba de spong zhing btang snyoms thob par 'gyur te/ /de srid pa 'dis ma gos shing srid pa 'dis ma 'bags pa gzhan yang bla na med pa zhi ba'i go 'phang rab tu shes shing rtogs la/go 'phang 'di nyid lus kyis mngon du byas te/ 'di ltar sgrub pa'i dge slong gi 'gro ba ni gang / skye ba ni gang / 'jig rten pha rol ni gang zhes yongs su 'dri na/ dper na zhogs ma'i me chung ngu mngon par 'grub pa bzhin du 'chi bar 'gyur ba de bzhin du re zhig nga rgyal gyi lhag ma spang bar bya ba dang /yongs su shes par bya ba de dag gang nga rgyal gyi lhag ma spangs shing yongs su ma shes pa tha ma'i cha dang mthun pa'i kun du sbyor ba snga ma rnams spangs te/ bar ma dor yongs su mya ngan las 'da' bar 'gyur ba 'di ni dge slong dag skyes bu dam pa'i 'gro ba dang po zhes bshad do//gzhan yang dge slong 'di ltar bdag med do/ /bdag gi med do/ /bdag 'byung bar mi 'gyur ro zhes bya ba nas/ snga ma bzhin du 'di ltar yongs su bsgrub pa'i dge slong gi 'gro ba ni gang skye ba ni gang / 'jig rten pha rol ni gang zhes yongs su 'dri na/'di lta ste/ lcags kyi tsha tsha gnam du yar ba bzhin du 'chi bar 'gyur ba de bzhin du/ re zhig nga rgyal gyi lhag ma yongs su spang bar bya ba dang / yongs su shes par bya ba de dag nga rgyal gyi lhag ma yongs su ma spangs shing yongs su ma shes pa tha ma'i cha dang mthun pa'i kun du sbyor ba lnga spangs shing bar ma dor yongs su mya ngan las 'da' bar 'gyur ba 'di ni dge slong dag skyes bu dam pa'i 'gro ba gnyis pa zhes bshad do//gzhan yang dge slong 'di ltar zhes bya ba nas/ snga ma bzhin du 'di ltar sgrub pa'i dge slong gi 'gro ba ni gang / skye ba ni gang /pha rol ni gang zhig ces 'dri na/ 'di lta ste/ de bzhin [(]nga [,]du [)]re zhig nga rgyal gyi lhag ma yongs su spang bar bya ba dang / yongs su shes par bya ba de dag nga rgyal gyi lhag ma yongs su ma spangs shing / yongs su ma shes pa de tha ma'i cha dang mthun pa'i kun du sbyor ba lnga yongs su spangs te/ bar ma dor yongs su mya ngan las 'das par 'gyur ba 'di ni dge slong dag skyes bu dam pa'i 'gro ba gsum pa zhes bshad do/ /gzhan yang dge slong 'di ltar zhes bya ba nas/ snga ma bzhin du 'di ltar sgrub pa'i dge slong gi 'gro ba ni gang / skye ba ni gang / pha rol ni gang zhig ces 'dri na/ 'di lta ste/ de bzhin du re zhig brgyal gyi lhag ma yongs su spang bar bya ba dang / yongs su shes par bya ba de nga rgyal gyi lhag ma ma spangs shing yongs su ma shes pa tha ma'i cha dang mthun pa'i kun du sbyor ba lnga rnams yongs su spangs te/ skyes nas yongs su mya ngan las 'da' bar 'gyur ba 'di ni dge slong dag skyes bu dam pa'i 'gro ba bzhi pa zhes bshad do//gzhan yang dge slong 'di ltar zhes bya ba nas/ snga ma bzhin du 'di ltar sgrub pa'i dge slong gi 'gro ba ni gang / skye ba ni gang / pha rol ni gang zhig ces 'dri na 'di lta ste/ de bzhin du re zhig nga rgyal gyi lhag ma yongs su spang bar bya ba dang /yongs su shes par bya ba de dag nga rgyal gyi lhag ma yongs su ma spangs shing yongs su ma shes pa tha ma'i cha dang mthun pa'i kun du sbyor ba lnga po rnams yongs su spangs te/ mngon par 'du byed pa dang bcas par yongs su mya ngan las 'da' ba 'di ni dge slong dag skyes bu dam pa'i 'gro ba lnga pa zhes bshad do//gzhan yang dge slong 'di ltar zhes bya ba nas snga ma bzhin du 'di ltar sgrub pa'i dge slong gi 'gro ba ni gang / skye ba ni gang / 'jig rten pha rol ni gang zhig ces 'dri na/ 'di lta ste/ lcags kyi gong bu'am/ lcags kyi sdong po me 'bar zhing rab tu 'bar ba dang /brdungs te brdungs pa na lcags kyi tsha tsha gnam du yar ba bzhin du rgya chen po rtswa'i nang du lhung ste du bar 'thul zhing me 'bar zhing de der du ba dag 'thul zhing me lce bar nas shin tu rgya chen po'i rtswa dang shing dag bsregs te ma lus par yongs su 'gags pas de bzhin du re zhig gang nga rgyal gyi lhag ma yongs su spang bar bya ba dang /yongs su shes par bya ba de dag nga rgyal gyi lhag ma yongs su ma spangs shing yongs su ma shes pa tha ma'i cha dang mthun pa'i kun du sbyor ba lnga yongs su spangs shing mngon par 'du bya ba med par yongs su mya ngan las 'da' bar 'gyur ba ni dge slong dag skyes bu dam pa'i 'gro ba drug pa yin no zhes bshad do//gzhan yang dge slong 'di ltar zhes bya ba nas/ snga ma bzhin du 'di ltar sgrub pa'i dge slong gi 'gro ba ni gang / skye ba ni gang / 'jig rten pha rol ni gang zhig ces 'dri na/ 'di lta ste/ lcags kyi gong bu'am lcags kyi sdong po me rab tu 'bar ba dag brdungs pa las lcags kyi tsha tsha gnam du yar bas shin tu yangs shing rgya che ba'i rtswa dang shing du lhung nas du ba dag 'thul zhing me lce dag 'bar nas shin tu yangs shing rgya chen por gyur pa'i rtswa dang shing gi phung po dag bsregs te/ grong dang grong gi phyogs gcig dang grong khyer gyi phyogs gcig dang /ljongs dang ljongs kyi phyogs gcig dang / rtswa dang / ra ba dang / gling dang / nags tshal dag bsregs te/ grong dang / grong gi phyogs gcig bsregs shing / grong khyer dang / grong khyer gyi phyogs gcig bsregs/ ljongs dang / ljongs kyi phyogs gcig dang / rtswa dang / ra ba dang / gling dang / nags tshal dag bsregs te/ lam gyi mtha' dang chu'i mthar 'ongs te rtswa sngon po yod pa'i sa phyogs su ma lus par 'gags shing shi ba de bzhin du re zhig nga rgyal gyi lhag ma yongs su spang bar bya ba dang / yongs su shes par bya ba de dag nga rgyal gyi lhag ma yongs su ma spangs shing yongs su ma shes pa tha ma'i cha dang mthun pa'i kun du sbyor ba lnga yongs su spong zhing gang du 'gro bar 'gyur ba 'di ni dge slong dag skyes bu dam pa'i 'gro ba bdun pa zhes bshad do//nye bar len pa med pa yongs su mya ngan las 'da' ba gang zhe na/dge slong 'di ltar bdag med do/ /bdag gi med do/ /bdag 'byung bar mi 'gyur ro/ /bdag gi 'byung bar mi 'gyur ro zhes sgrub cing gang yod cing gang 'byung ba de spang bar bya'o zhes so sor btang snyoms thob cing de srid pa 'dis ma gos la de srid pa 'dis ma 'bags par gyur te/ de nas gong ma zhi ba'i gnas yongs su shes shing yongs su rtogs par 'gyur te/ gnas de 'dis lus kyi mngon sum du byed de 'di ltar sgrub pa'i dge slong ni shar phyogs su 'gro bar nga mi smra'o/ /lho phyogs su ma yin/ nub phyogs su ma yin/ byang phyogs su ma yin/ steng du ma yin/ 'og tu ma yin/ phyogs mtshams su ma yin/ gzhan du na mthong ba'i chos 'di nyid la 'dun pa log cing zhi ba dang / bsil bar gyur pa tshangs par spyod par 'gyur ro zhes nga smra ste/ 'di ni nye bar len pa med par yongs su mya ngan las 'da' ba zhes bya'o/ /dge slong dag ngas khyod la skyes bu dam pa'i 'gro ba bdun dang /nye bar len pa med par yongs su mya ngan las 'da' ba bshad par bya'o zhes ji skad du bstan pa de rgyas par rab tu bshad do/ /bsam gtan dag gi bcu tshan bzhi/ /zhes bya ba la sogs pa la/ nyan thos kyi rnam par bshad pa'i sdom gyi tshigs su bcad pa nyi shu pa las/gleng gzhi ni mnyan du yod pa na'o/ /dge slong dag 'di na dge slong rnam pa gang dang rtags gang dang mtshan ma gang gis 'dod pa las dben pa sdig pa mi dge ba'i chos las dben pa/ rtogs pa dang bcas shing dpyod pa dang bcas pa'i dben pa las skyes pa'i dga' ba dang bde ba can bsam gtan dang po nye bar bsgrubs te gnas par 'gyur ba de nyid kyi rnam pa de dag dang /rtags de dag dang mtshan ma de dag yid la mi byed kyi/ 'on kyang gang de na dmigs pa'i gzugs kyi rnam pa'am/ tshor ba'i rnam pa'am/ 'du shes kyi rnam pa'am/ 'du byed kyi rnam pa'am/rnam par shes pa'i rnam pa'am/ chos de dag 'gro ba med par yid la byed de/ nad dang 'bras dang / zug rngu dang / gnod pa dang / mi rtag pa dang / sdug bsngal ba dang / stong pa dang / bdag med par yid la byed de/ de chos de dag la 'gro ba med par yid la byas shing nad dang /'bras dang / zug rngu dang / gnod pa dang / mi rtag pa dang / sdug bsngal ba dang / stong pa dang / bdag med par yid la byas pas chos rnams la sems skyo ba dang / skrag pa dang / sngangs par 'gyur te/ chos de dag la sems skyo ba dang / skrag pa dang / sngang ba dang /'di ni zhi ba/ 'di ni gya nom pa ste/ 'di lta ste/ nye bar len pa thams cad las nges par 'byung ba/ sred pa zad pa/ 'dod chags dang bral ba/ 'gog pa'o zhes 'chi ba med pa'i dbyings la gtod par 'gyur ro zhes bka' stsal to/ /de bzhin du mdo rgyas pa 'gog pa mya ngan las 'das pa'i bar du blta'o//de de ltar shes shing de ltar mthong nas 'dod pa'i zag pa las sems rnam par grol bar 'gyur zhing srid pa'i zag pa dang ma rig pa'i zag pa las sems rnam par grol te/ bdag gi skye ba zad do/ / tshangs par spyod pa [(]bstan [,]bsten [)]to/ /bya ba byas so/ /gang srid pa 'di las gzhan mi shes so zhes rnam par grol ba dang / rnam par grol ba'i ye shes mthong bar 'gyur ro/ /mdo de nyid 'gog pa dang / mya ngan las 'das pa'i bar du'o/ /rnam par grol bar mi 'gyur mod kyi/ 'on kyang chos la 'dun pa de nyid dang /chos la chags pa de nyid dang / chos la dga' ba de nyid dang / chos la mngon par dga' ba de nyid kyis tha ma'i cha dang mthun pa'i kun du sbyor ba lnga spangs te/ bar ma dor yongs su mya ngan las 'da' bar 'gyur ro/ /bar ma dor yongs su mya ngan las 'da' bar mi 'gyur mod kyi/skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur mod kyi/ mngon par 'du bya ba med par yongs su mya ngan las 'da' bar 'gyur ro/ /mngon par 'du bya ba med par yongs su mya ngan las 'da' bar mi 'gyur gyi/mngon par 'du bya ba dang bcas par yongs su mya ngan las 'da' bar 'gyur ro/ /mngon par 'du bya ba dang bcas par yongs su mya ngan las 'da' bar mi 'gyur gyi gong nas gong du 'pho bar 'gyur ro/ /gong du 'pho bar mi 'gyur gyi/ 'on kyang chos la 'dun pa de nyid dang /chos la sred pa de nyid dang / chos la dga' ba de nyid dang / chos la rab tu mngon par dga' ba de nyid kyis tshangs pa chen po'i lha rnams dang skal ba mnyam par skye bar 'gyur ro/ /tshangs pa chen po'i lha rnams dang skal ba mnyam par skye bar mi 'gyur gyi/tshangs pa'i mdun na 'don gyi lha rnams dang skal ba mnyam par skye bar 'gyur ro/ /tshangs pa'i mdun na 'don gyi lha rnams dang skal ba mnyam par skye bar mi 'gyur gyi/ tshangs ris kyi lha rnams dang skal ba mnyam par skye bar 'gyur ro/ /dge slong dag 'di na dge slong rnam pa gang dang /rtags gang dang mtshan ma gang dag gis rtog pa dang dpyod pa nye bar zhi nas nang yongs su dang ste/ sems kyi rgyud gcig tu gyur cing rtog pa med cing dpyod pa med la ting nge 'dzin las skyes pa'i dga' ba dang bde ba can bsam gtan gnyis pa nye bar bsgrubs te/ gnas par 'gyur ba de nyid kyi rnam pa de dag dang rtags de dag dang /mtshan ma de dag yid la mi byed kyi 'on kyang gang de na dmigs pa'i gzugs kyi rnam pa'am/ tshor ba'i rnam pa'am/ 'du shes kyi rnam pa'am/ 'du byed kyi rnam pa'am/ rnam par shes pa'i rnam pa ste/ de chos de dag las 'gro ba med par yid la byed do//nad dang / 'bras dang / zug rngu dang / gnod pa dang / mi rtag pa dang / sdug bsngal ba dang / stong pa dang / bdag med par yid la byed de/ chos de dag 'gro ba med par yid la byas shing / nad dang / 'bras dang / zug rngu dang / gnod pa dang / mi rtag pa dang /sdug bsngal ba dang / stong pa dang / bdag med par yid la byas pas/ chos rnams la sems skyo ba dang / skrag pa dang yid 'byung bar 'gyur te/ de chos de dag la sems skyo ba dang / skrag pa dang yid byung nas/ 'di ni zhi ba/ 'di ni gya nom pa ste/ 'di lta ste/ nye bar len pa thams cad las nges par 'byung ba/sred pa zad pa/ 'dod chags dang bral ba/ 'gog pa mya ngan las 'das pa'o zhes 'chi ba med pa'i dbyings la sems gtod par 'gyur ro/ /mdo de nyid 'gog pa dang mya ngan las 'das pa'i bar du'o/ /de de ltar shes shing de ltar mthong nas 'dod pa'i zag pa las sems rnam par grol bar 'gyur zhing srid pa'i zag pa dang ma rig pa'i zag pa las sems rnam par grol bar 'gyur zhing bdag gi skye ba zad do//tshangs par spyod pa bsten to/ /bya ba byas so/ /gang srid pa 'di las gzhan mi shes so zhes rnam par grol ba dang /rnam par grol ba'i ye shes mthong bar 'gyur ro/ /rnam par grol bar mi 'gyur mod kyi/ 'on kyang chos la 'dun pa de nyid dang / chos la sred pa de nyid dang / chos la dga' ba de nyid dang / chos la mngon par rab tu dga' ba de nyid kyis tha ma'i cha dang mthun pa'i sbyor ba lnga spangs te/bar ma dor yongs su mya ngan las 'da' bar 'gyur ro/ /bar ma dor yongs su mya ngan las 'da' bar mi 'gyur mod kyi/ 'on kyang skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/mngon par 'du bya ba med par yongs su mya ngan las 'da' bar 'gyur ro/ /mngon par 'du bya ba med par yongs su mya ngan las 'da' bar mi 'gyur gyi/ mngon par 'du bya ba dang bcas par yongs su mya ngan las 'da' bar 'gyur ro/ /mngon par 'du bya ba dang bcas par yongs su mya ngan las 'da' bar mi 'gyur gyi/gong du 'pho bar 'gyur ro/ /gong du 'pho bar mi 'gyur gyi/ de chos la 'dun pa de dang / chos la sred pa de dang / chos la dga' ba de dang / chos la mngon par dga' ba de nyid kyis 'od chung gi lha rnams dang skal ba mnyam par skye bar 'gyur ro//'od chung gi lha rnams dang skal ba mnyam par mi 'gyur gyi/ tshad med 'od kyi lha rnams dang skal ba mnyam par skye bar 'gyur ro/ /tshad med 'od kyi lha rnams dang skal ba mnyam par mi 'gyur gyi/ 'od gsal gyi lha rnams dang skal ba mnyam par skye bar 'gyur ro//dge slong dag dge slong 'di na rnam pa gang dang / rtags gang dang / mtshan ma gang gis dga' ba las 'dod chags dang bral zhing btang snyoms su gnas par dran pa dang shes bzhin can yin te/ bde ba lus kyis nyams su myong la/ gang 'phags pa rnams kyi btang snyoms pa'o zhes brjod pa dran pa dang bde bar gnas pa bsam gtan gsum pa nye bar bsgrubs te/nye bar gnas par 'gyur ba de nyid kyi rnam pa de dang / rtags de dang / mtshan ma de yid la mi byed kyi/ 'on kyang de na dmigs pa'i gzugs kyi rnam pa'am/ tshor ba'i rnam pa'am/'du shes kyi rnam pa'am/ 'du byed kyi rnam pa'am/ rnam par shes pa'i rnam pa chos de dag la 'gro ba med par yid la byed cing / nad dang / 'bras dang / zug rngu dang / gnod pa dang / mi rtag pa dang / sdug bsngal ba dang / stong pa dang / bdag med par yid la byed de/de chos de dag la 'gro ba med par yid la byed pa nas/ bdag med pa'i bar du yid la byed pas chos rnams la sems skyo ba dang / skrag pa dang / yid 'byung bar 'gyur te/ des chos rnams la skyo ba dang / skrag pa dang yid byung ste/ 'di ni zhi ba/ 'di ni gya nom pa ste/'di lta ste/ nye bar len pa thams cad las nges par 'byung ba sred pa zad pa/ 'dod chags dang bral ba 'gog pa'o zhes 'chi ba med pa'i dbyings la sems gtod par 'gyur te/ mdo de nyid 'gog pa dang mya ngan las 'da' ba'i bar du'o/ /de de ltar mthong zhing de ltar shes nas 'dod pa'i zag pa las sems rnam par grol bar 'gyur la/srid pa'i zag pa dang / ma rig pa'i zag pa las sems rnam par grol bar 'gyur te/ bdag gi skye ba zad do/ /tshangs par spyod pa bsten to/ /bya ba byas so/ /gang srid pa 'di las gzhan mi shes so zhes rnam par grol ba dang /rnam par grol ba'i ye shes mthong bar 'gyur ro/ /rnam par grol bar mi 'gyur gyi/ de chos la 'dun pa de dang / chos la sred pa de dang / chos la dga' ba de dang / chos la mngon par rab tu dga' ba de nyid kyis tha ma'i cha dang mthun pa'i kun du sbyor ba lnga spangs te/bar ma dor yongs su mya ngan las 'da' bar 'gyur ro/ /bar ma dor yongs su mya ngan las 'da' bar mi 'gyur gyi/ skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/ mngon par 'du byed pa med par yongs su mya ngan las 'da' bar 'gyur ro/ /mngon par 'du byed pa med par yongs su mya ngan las 'da' bar mi 'gyur gyi/ mngon par 'du byed dang bcas par yongs su mya ngan las 'da' bar 'gyur ro/ /mngon par 'du byed dang bcas par yongs su mya ngan las 'da' bar mi 'gyur gyi/gong du 'pho bar 'gyur ro/ /gong du 'pho bar mi 'gyur gyi/ chos la 'dun pa de nyid dang / chos la sred pa de nyid dang / chos la dga' ba de nyid dang / chos la mngon par rab tu dga' ba de nyid kyis dge chung gi lha rnams dang skal ba mnyam par skye bar 'gyur ro//dge chung gi lha rnams dang skal ba mnyam par skye bar mi 'gyur gyi/ tshad med dge ba'i lha rnams dang skal ba mnyam par skye bar 'gyur ro/ /tshad med dge ba'i lha rnams dang skal ba mnyam par skye bar mi 'gyur gyi/ dge rgyas kyi lha rnams dang skal ba mnyam par skye bar 'gyur ro//dge slong dag 'di na dge slong rnam pa gang dang / rtags gang dang / mtshan ma gang gis bde ba yang spangs/ sdug bsngal ba yang spangs shing / yid bde ba dang yid mi bde ba snga nas kyang nub cing / bde ba yang ma yin sdug bsngal ba yang ma yin pa'i btang snyoms yongs su dag pa bsam gtan bzhi pa nye bar bsgrubs te gnas par 'gyur ba de nyid kyi rnam pa de dag dang /rtags de dag dang / mtshan ma de dag yid la mi byed kyi/ 'on kyang gang de na dmigs pa'i gzugs kyi rnam pa 'am/ tshor ba'i rnam pa 'am/ 'du shes kyi rnam pa 'am/'du byed kyi rnam pa 'am/ rnam par shes pa'i rnam pa'i chos de dag la 'gro ba med par yid la byed pa byas nas sred pa zad cing 'dod chags dang bral ba dang / mya ngan las 'das pa'i bar du ste/ mdo de nyid 'gog pa dang / mya ngan las 'das pa'i bar du'o/ /de de ltar shes shing de ltar mthong nas 'dod pa'i zag pa las sems rnam par grol bar 'gyur zhing /srid pa'i zag pa dang / ma rig pa'i zag pa las sems rnam par grol bar 'gyur te/ bdag gi skye ba zad do/ /tshangs par spyod pa bsten to/ /bya ba byas so/ /gang srid pa 'di las gzhan mi shes so zhes rnam par grol ba dang /rnam par grol ba'i ye shes mthong bar 'gyur ro/ /rnam par grol bar mi 'gyur gyi/ chos la 'dun pa de nyid dang / chos la sred pa de nyid dang / chos la dga' ba de nyid dang / chos la mngon par rab tu dga' ba de nyid kyis tha ma'i cha dang mthun pa'i kun du sbyor ba lnga spangs te/bar ma dor yongs su mya ngan las 'da' bar 'gyur ro/ /bar ma dor yongs su mya ngan las 'da' bar mi 'gyur gyi/ skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/mngon par 'du byed pa med par yongs su mya ngan las 'da' bar 'gyur ro/ /mngon par 'du byed pa med par yongs su mya ngan las 'da' bar mi 'gyur gyi/ mngon par 'du byed pa dang bcas par yongs su mya ngan las 'da' bar 'gyur ro/ /mngon par 'du byed pa dang bcas par yongs su mya ngan las 'da' bar mi 'gyur gyi/gong du 'pho bar 'gyur ro/ /gong du 'pho bar mi 'gyur gyi/ chos la 'dun pa de nyid dang / chos la sred pa de nyid dang / chos la dga' ba de nyid dang / chos la mngon par rab tu dga' ba de nyid kyis sprin med kyi lha rnams dang skal ba mnyam par skye bar 'gyur ro//sprin med kyi lha rnams dang skal ba mnyam par skye bar mi 'gyur gyi/ bsod nams 'phel gyi lha rnams dang skal ba mnyam par skye bar 'gyur ro/ /bsod nams 'phel gyi lha rnams dang skal ba mnyam par skye bar mi 'gyur gyi/ 'bras bu che ba'i lha rnams dang skal ba mnyam par skye bar 'gyur ro/ /dge slong dag 'di na dge slong rnam pa gang dang / rtags gang dang / mtshan ma gang gis rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing sna tshogs kyi 'du shes rnams yid la byed pas nam mkha' mtha' yas so zhes nam mkha' mtha' yas skye mched nye bar bsgrubs te gnas par 'gyur ba'i rnam pa de dang /rtags de dang / mtshan ma de yid la mi byed kyi 'on kyang gang na dmigs pa'i tshor ba'i rnam pa dang / 'du shes kyi rnam pa'am/'du byed kyi rnam pa 'am/ rnam par shes pa'i rnam pa'i chos de dag la 'gro ba med par yid la byed pa nas/ snga ma bzhin du sred pa zad pa dang / 'dod chags dang bral ba 'gog pa'i bar du mdo de nyid 'gog pa dang mya ngan las 'das pa'i bar du'o/ /de la de ltar shes shing de ltar mthong nas 'dod pa'i zag pa las sems rnam par grol zhing srid pa'i zag pa dang /ma rig pa'i zag pa las sems rnam par grol bar 'gyur te/ bdag gi skye ba zad do/ /tshangs par spyod pa bsten to/ /bya ba byas so/ /gang srid pa 'di las gzhan mi shes so zhes rnam par grol ba dang /rnam par grol ba'i ye shes mthong bar 'gyur ro/ /rnam par grol bar mi 'gyur gyi/ chos la 'dun pa de nyid dang / chos la sred pa de nyid dang / chos la dga' ba de nyid dang / chos la mngon par rab tu dga' ba de nyid kyis skyes nas yongs su mya ngan las 'da' bar 'gyur ro//skyes nas yongs su mya ngan las 'da' bar mi 'gyur gyi/ mngon par 'du bya ba med par yongs su mya ngan las 'da' bar 'gyur ro/ /mngon par 'du bya ba med par yongs su mya ngan las 'da' bar mi 'gyur gyi/mngon par 'du bya ba dang bcas par yongs su mya ngan las 'da' bar 'gyur ro/ /mngon par 'du bya ba dang bcas par yongs su mya ngan las 'da' bar mi 'gyur gyi/ gong du 'pho bar 'gyur ro/ /gong du 'pho bar mi 'gyur gyi/ chos la 'dun pa de nyid dang / chos la sred pa de nyid dang / chos la dga' ba de nyid dang / chos la mngon par rab tu dga' ba de nyid kyis nam mkha' mtha' yas skye mched du nye bar 'gro ba'i lha rnams dang skal ba mnyam par skye bar 'gyur ro/ /dge slong dag 'di na dge slong rnam pa gang dang / rtags gang dang / mtshan ma gang gis nam mkha' mtha' yas skye mched las yang dag par 'das te/ rnam shes mtha' yas so zhes rnam shes mtha' yas skye mched nye bar bsgrubs te gnas par 'gyur ba'i rnam pa de dang / rtags de dang / mtshan ma de yid la mi byed kyi/ 'on kyang gang de na dmigs pa'i tshor ba 'am/'du shes sam/ 'du byed dam/ rnam par shes pa'i rnam pa'i chos de dag 'gro ba med par yid la byed pa nas snga ma bzhin du sred pa zad nas 'dod chags dang bral ba 'gog pa mya ngan las 'das pa'i bar du ste/ mdo de nyid 'gog pa dang mya ngan las 'das pa'i bar du'o//de de ltar shes shing de ltar mthong nas 'dod pa'i zag pa las sems rnam par grol zhing / srid pa'i zag pa dang / ma rig pa'i zag pa las sems rnam par grol bar 'gyur te/ bdag gi skye ba zad do/ /tshangs par spyod pa bsten to/ /bya ba byas so/ /gang srid pa 'di las gzhan mi shes so//zhes rnam par grol ba dang / rnam par grol ba'i ye shes mthong bar 'gyur ro/ /sems rnam par grol bar mi 'gyur gyi/ 'on kyang chos la 'dun pa de nyid dang / chos la sred pa de nyid dang / chos la dga' ba de nyid dang / chos la mngon par rab tu dga' ba de nyid kyis/tha ma'i cha dang mthun pa'i kun du sbyor ba lnga spangs te/ skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/ mngon par 'du byed med par yongs su mya ngan las 'da' bar 'gyur ro/ /mngon par 'du byed med par yongs su mya ngan las 'da' bar mi 'gyur gyi/mngon par 'du bya ba dang bcas par yongs su mya ngan las 'da' bar 'gyur ro/ /mngon par 'du bya ba dang bcas par [(]yangs [,]yongs [)]su mya ngan las 'da' bar mi 'gyur gyi/ gong du 'pho bar 'gyur ro/ /gong du 'pho bar mi 'gyur gyi/chos la 'dun pa de nyid dang / chos la sred pa de nyid dang / chos la dga' ba de nyid dang / chos la mngon par rab tu dga' ba de nyid kyis rnam shes mtha' yas skye mched du nye bar 'gro ba'i lha rnams dang skal ba mnyam par skye bar 'gyur ro/ /dge slong dag 'di na dge slong rnam pa gang dang /rtags gang dang / mtshan ma gang [(]gos [,]gis [)]rnam pa thams cad du rnam shes mtha' yas skye mched las yang dag par 'das te cung zad med do snyam du cung zad med pa'i skye mched nye bar bsgrubs te gnas par 'gyur ba'i rnam pa de dag dang / rtags de dag dang / mtshan ma de dag yid la mi byed kyi/'on kyang gang de na dmigs pa'i tshor ba'i rnam pa 'am/ 'du shes kyi rnam pa 'am/ 'du byed kyi rnam pa 'am/ rnam par shes pa'i rnam pa'i chos de dag 'gro ba med pa'i rnam par yid la byed pa nas/ snga ma bzhin du sred pa zad pa 'dod chags dang bral ba 'gog pa mya ngan las 'das pa'i bar du ste/mdo de nyid 'gog pa dang mya ngan las 'das pa'i bar du'o/ /de ltar shes shing de ltar mthong nas 'dod pa'i zag pa rnams las sems rnam par grol zhing / srid pa dang ma rig pa'i zag pa rnams las sems rnam par grol bar 'gyur ba nas/srid pa 'di las gzhan mi shes so zhes bya ba'i bar du'o/ /rnam par grol bar mi 'gyur gyi/ chos la 'dun pa de nyid dang / chos la srid pa de nyid dang / chos la dga' ba de nyid dang / chos la mngon par rab tu dga' ba de nyid kyis tha ma'i cha dang mthun pa'i kun du sbyor ba lnga spangs te/skyes nas yongs su mya ngan las 'da' bar 'gyur ro/ /skyes nas yongs su mya ngan las 'da' bar mi 'gyur gyi/ mngon par 'du bya ba med par yongs su mya ngan las 'da' bar 'gyur ro/ /mngon par 'du bya ba med par yongs su mya ngan las 'da' bar mi 'gyur gyi/mngon par 'du bya ba dang bcas par yongs su mya ngan las 'da' bar 'gyur ro/ /mngon par 'du bya ba dang bcas par yongs su mya ngan las 'da' bar mi 'gyur gyi/ gong du 'pho bar 'gyur ro/ /gong du 'pho bar mi 'gyur gyi/ chos la 'dun pa de nyid dang /chos la sred pa de nyid dang / chos la dga' ba de nyid dang / chos la mngon par rab tu dga' ba de nyid kyis ci yang med pa'i skye mched du nye bar 'gro ba'i lha rnams dang skal ba mnyam par skye bar 'gyur ro/ /dge slong dag 'di na dge slong rnam pa gang dang rtags gang dang / mtshan ma gang gis rnam pa thams cad du ci yang med pa'i skye mched las 'das te/'du shes med 'du shes med min skye mched nye bar bsgrubs te gnas par 'gyur ba'i rnam pa de dang / rtags de dang / mtshan ma de dag yid la mi byed kyi/ 'on kyang de na gang dmigs pa'i tshor bar gyur pa 'am/ 'du shes su gyur pa 'am/'du byed du gyur pa 'am/ rnam par shes pa'i chos de dag la 'gro ba med par yid la byed cing / nad dang / 'bras dang / zug rngu dang / gnod pa dang / mi rtag pa dang / sdug bsngal ba dang / stong pa dang / bdag med par yid la byed cing chos de dag 'gro ba med par yid la byas pa nas/bdag med pa'i bar du yid la byas pas de chos rnams la sems skyo ba dang / skrag pa dang yid 'byung bar 'gyur te/ de chos rnams la sems skyo ba dang skrag pa dang yid byung nas/ 'di ni zhi ba/ 'di ni gya nom pa ste/ 'di lta ste/ nye bar len pa thams cad las nges par 'byung ba/sred pa zad pa/ 'dod chags dang bral ba/ 'gog pa mya ngan las 'das pa'o zhes mdo de nyid dang 'gog pa dang yongs su mya ngan las 'das pa'i bar du'o/ /de de ltar shes shing de ltar mthong nas 'dod pa'i zag pa rnams las sems rnam par grol bar 'gyur zhing srid pa'i zag pa dang ma rig pa'i zag pa las sems rnam par grol ba bdag gi skye ba zad do//tshangs par spyod pa bsten to/ /bya ba byas so/ /srid pa 'di las gzhan mi shes so zhes bya ba rnam par grol ba dang / rnam par grol ba'i ye shes mthong bar 'gyur ro//rnam par grol bar mi 'gyur gyi/ chos la 'dun pa de nyid dang / chos la sred pa de nyid dang / chos la dga' ba de nyid dang / chos la mngon par rab tu dga' ba de nyid kyis tha ma'i cha dang mthun pa'i kun du sbyor ba lnga spangs te/ skyes nas yongs su mya ngan las 'da' bar 'gyur ro//skyes nas yongs su mya ngan las 'da' bar mi 'gyur gyi/ mngon par 'du byed pa med par yongs su mya ngan las 'da' bar 'gyur ro/ /mngon par 'du byed pa med par yongs su mya ngan las 'da' bar mi 'gyur gyi/ mngon par 'du bya ba dang bcas par yongs su mya ngan las 'da' bar 'gyur ro//mngon par 'du bya ba dang bcas par yongs su mya ngan las 'da' bar mi 'gyur gyi/ chos la 'dun pa de nyid dang / chos la sred pa de nyid dang / chos la dga' ba de nyid dang / chos la mngon par rab tu dga' ba de nyid kyis 'du shes med 'du shes med min skye mched nye bar 'gro ba'i lha rnams dang skal ba mnyam par skye bar 'gyur ro zhes bka' stsal to//de nas bdud sun 'byin byed ces bya ba la sogs pa la/ dbyangs dang bcas par bsdus pa'i sdom gyi tshigs su bcad pa gnyis pa'i mthar bdud bsdigs pa las 'don pa lta bu ste/ de nas bdud sun 'byin byed ces bya ba sdig pa can zhig 'di snyam du dge slong ma mgo reg 'di dag 'jug pa'i go skabs mi rnyed pa de ltar bdag gis bya ste/gang bdag nyid kyi lus kyis gsad par bya'o snyam mo/ /de'i tshe yang dag par rdzogs pa'i sangs rgyas 'khor ba 'jig lhan cig gnas pa tshe dang ldan pa mkhas pa bram ze grong sA la na bzhugs so//de nas yang dag par rdzogs pa'i sangs rgyas 'khor ba 'jig snga dro chos gos dang lhung bzed bsnams te/ phyi bzhin 'brang ba tshe dang ldan pa mkhas pa dang / bram ze'i grong sA lar bsod snyoms kyi phyir zhugs so//de nas bdud sun 'byin byed kyis rdo ba dang gseg ma thogs te/ tshe dang ldan pa mkhas pa'i spyi bor bsnun te khrag 'dzag par gyur to/ /de nas tshe dang ldan pa mkhas pa spyi bor bsnun pa'i khrag 'dzag bzhin du bcom ldan 'das yang dag par rdzogs pa'i sangs rgyas 'khor ba 'jig gi phyi bzhin du grib ma ltar rjes su 'brang ba yang dag par rdzogs pa'i sangs rgyas 'khor ba 'jig glang po che'i lta bas lus thams cad kyi g.yas phyogs su gzigs pa na/tshe dang ldan pa mkhas pa'i spyi bor bsnun te khrag 'dzag pa gzigs so/ /gzigs nas e ma zhes gsungs pa 'di skad du kye ma bdud sun 'byin byed 'di ni shin tu yang tshod mi shes pa yin no zhes gsungs so//de nas bdud sun 'byin byed yang dag par rdzogs pa'i sangs rgyas 'khor ba 'jig gis e ma zhes gsungs ma thag tu rang gi lus de nyid kyis dmyal ba chen po mnar med par ltung bar gyur to zhes 'byung ngo //da ni mtshams med pa lnga'i las byas shing bsags nas de ma thag tu sems can dmyal bar skye'o zhes gsungs pa 'di ji ltar drang zhes bya ba la/ mtshams med pa lnga ni gleng gzhi ni mnyam du yod pa na'o/ /mtshams med pa lnga po 'di dag gi las gang gis gcig tu byas shing bsags pa de dag de'i rgyu dang rkyen gyis lus zhig ma thag tu dmyal bar skye bar 'gyur ro//lnga gang zhe na/ ma gsod pa dang / pha gsod pa dang / dgra bcom pa gsod pa dang / dge 'dun gyi dbyen byed pa dang / de bzhin gshegs pa'i sku la ngan sems kyis khrag 'byin pa'o zhes bka' stsal to//bar na khyod kyi lam rgyags kyang ni yod ma yin/ /zhes gsungs pa'i tshigs su bcad pa ji ltar drang zhes bya ba la/ gleng gzhi ni mnyan du yod pa na'o/ /de nas bram ze gzhan zhig rgas shing 'khogs pa nas gzer ba/ sdig pa byas pa/ drag po byas pa/ sdig pa can bsod nams ma yin pa byas shing dge ba ma byas pa/ 'jigs pa mi 'jigs par ma byas shing skyabs ma byas pa zhig bcom ldan 'das ga la ba der nye bar 'ongs te/ nye bar 'ongs nas bcom ldan 'das dang thabs cig tu zhes bya ba nas/ mi 'jigs par byas/phyogs gcig tu 'dug nas bram zes bcom ldan 'das la 'di skad ces gsol to/ /gau ta ma 'di na bdag bram ze rgas shing 'khogs pa nas gzer zhing sdig pa byas pa/ drag po byas pa/ sdig pa can/ bsod nams ma byas shing 'jigs pa la mi 'jigs par ma byas shing skyabs ma byas te/gang bdag 'jig rten pha rol du shi zhing dus las 'das pa na gling ngam/ skyabs sam/ skyob pa 'am/ dpung gnyen du gyur pa de lta bu'i chos bcom ldan 'das gau ta mas legs par bshad du gsol/ /bram ze khyod rgas shing 'khogs pa nas gzer zhing sdig pa byas pa drag po byas pa/sdig pa can/ bsod nams ma byas shing dge ba ma byas pa 'jigs pa la mi 'jigs par ma byas pa bden no/ /bram ze 'jig rten 'di dag ni sems kyis khrid de 'di lta ste/ rga bas so/ /bram ze 'jig rten 'di ltar khrid par byed pa/'di lta ste/ rga ba skyes bu gang dang gang gis rang dbang du 'gyur ba'i lus kyis legs par spyad pa 'am/ ngag gis legs par spyad pa 'am/ yid kyis legs par spyad par gyur pas lus zhig ste shi ba'i 'og tu rten nam/ gling ngam/ skyabs sam/ skyob pa 'am/ dpung gnyen du 'gyur ba de lta bu khyod la rnam pa thams cad kyi thams cad du med do/ /de'i phyir bram ze khyod lus kyis legs par spyad pa spyod pa dang / ngag gis legs par spyad pa spyod pa dang / yid kyis legs par spyad pa spyod na pha rol du dus las 'das nas/rten nam/ gling ngam/ skyabs sam/ skyob pa 'am/ dpung gnyen du 'gyur ro/ /bcom ldan 'das kyis de skad ces bka' stsal zhing bde bar gshegs pas de skad ces gsungs nas ston pas gzhan yang 'di skad ces bka' stsal to/ /bram ze na tshod khyer zin rga ba dang //na ba yin te gshin rje'i drung du phyin/ /bar na khyod kyi gnas kyang yod min zhing / /khyod kyi lam rgyags kyang ni yod ma yin/ /mkhas pa'i snod gyur brtson 'grus rab brtsams nas/ /dri ma bral zhing yan lag dang bral te/ slar yang skye rga na 'chi mi 'byung ba//khyod kyis bdag nyid gling du gyur te byos/ /de nas bram ze de bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi drung nas song ngo / /byang chub sems dpa' rnams ni dper na gzhon nu thor bu ltar mtshan dang dpe byad dang bcas pa yin no zhes bya ba la/gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag skyes bu chen po'i mtshan sum cu rtsa gnyis dang ldan pa'i skyes bu chen po 'di'i 'gro ba ni 'gro ba gnyis su 'gyur te/gzhan du ni ma yin te/ gal te khyim gyi gnas na gnas na 'khor los sgyur ba'i rgyal po mtha' bzhi las rnam par rgyal ba chos dang ldan zhing chos can chos kyi rgyal po rin po che sna bdun dang ldan pa ste/ de'i rin po che sna bdun ni 'di lta bu dag 'byung bar 'gyur te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ni dmag dpon rin po che'o/ /de la bu dpa' zhing rtul phod pa yan lag mchog gi gzugs dang ldan pa/pha rol gyi sde rab tu 'joms pa stong yongs su tshang bar 'byung bar 'gyur zhing / sa chen po 'di rgya mtsho la thug pa ma lus pa tsher ma med cing gnod pa med la/ dbyug pa dang mtshon cha med par chos kyis rnam par rgyal zhing gnas so/ /gal te skra dang kha spu bregs shing chos gos bgos te dad pa dang bcas yang dag pa kho nar khyim nas khyim med par rab tu byung na/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhes 'jig rten du sgrar sgrogs par 'byung bar 'gyur ro/ /skyes bu chen po'i mtshan sum cu rtsa gnyis dang ldan pa'i skyes bu chen po'i 'gro ba ni 'gro ba gnyis su 'gyur ro//gzhan du ni ma yin te/ gal te khyim gyi gnas na gnas na 'khor los sgyur ba'i rgyal po mtha' bzhi las rnam par rgyal ba chos dang ldan zhing chos can chos kyi rgyal po rin po che sna bdun dang ldan pa ste/de'i rin po che sna bdun ni 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ni dmag dpon rin po che'o/ /de la bu dpa' zhing rtul phod pa yan lag mchog gi gzugs dang ldan pa/pha rol gyi sde rab tu 'joms pa stong yongs su tshang bar 'byung bar 'gyur zhing / sa chen po 'di rgya mtsho la thug pa ma lus pa 'tshe ba med cing gnod pa med pa/ dbyug pa dang mtshon cha med par chos kyis rnam par rgyal zhing gnas la/ gal te skra dang kha spu bregs shing chos gos bgos te dad pas yang dag pa kho nar khyim nas khyim med par rab tu byung na/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhes 'jig rten du grags pa 'byung bar 'gyur ba de dag gang yin/ btsun pa bcom ldan 'das chos kyi rtsa ba bcom ldan 'das las byung ba bcom ldan 'das la brten pa lags pas/bcom ldan 'das kyis dge slong rnams la bshad du gsol/ /dge slong rnams kyis thos na 'dzin par 'gyur ro/ /de'i phyir dge slong dag legs par nyon la yid la zung shig dang bshad par bya'o//dge slong dag skyes bu chen po rnams ni zhabs legs par gnas pa yin te/ skyes bu chen po'i zhabs legs par gnas pa'i phyir skyes bu chen po'i zhabs gnyis mnyam par 'gro ste/ 'di ni skyes bu chen po'i mtshan nyid do/ /zhabs kyi 'og gi mthil 'khor lo rtsibs stong dang ldan pa dag lte ba dang bcas pa/mu khyud dang bcas pa rnam pa thams cad du yongs su rdzogs pa yod de/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni sor mo ring ba dang / zhabs kyi rting pa yangs pa dang /phyag dang zhabs 'jam pa dang / phyag dang zhabs gzhon sha can yin te/ 'di lta ste/ shing bal gyi 'da' ba 'am ras bal gyi 'da' ba lta bu ste/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni phyag dang zhabs dra bar 'brel pa ste/phyag gnyis dang / zhabs gnyis sor mo dra bar 'brel pa 'di lta ste/ ngang pa'i rgyal po lta bu ste/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni long bu mi mngon pa yin zhing / rje ngar e na ya lta bur mtho ba dang /dma' ba med pa dang / sku'i sbom ji srid par zheng du yang mnyam pa dang / phyag ma btud par brlar slebs par reg pa ste/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni mdoms kyi sba ba nub pa yin te/ 'di lta ste/ mdoms kyi sba ba sbubs su nub pa rta cang shes sam glang po che cang shes lta bu ste/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni shing n+ya gro d+ha ltar sku'i chur ji srid par zheng du de srid de/ zheng du ji srid par chur yang de srid de/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni yan lag gi spu gyen du phyogs shing ba spu re re nas g.yas phyogs su 'khyil zhing skyes te/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni pags pa gser gyi 'od dang ldan pa yin te/pags pa srab cing gser gyi mdog 'dra zhing pags pa srab cing rdul dang dri mas mi gos par gnas pa yin no/ /dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni sku'i bdun mtho ba yin te/ phyag gnyis dang zhabs gnyis dang phrag pa gnyis dang gcig ni ltag pa ste/sku las bdun mtho bar skyes pa yin te/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni sha rgyas shing ro stod seng ge lta bur sku rgyas pa dang drang ba dang / dpung pa'i mgo gnyis shin tu zlum pa dang /tshems bzhi bcu mnga' ba dang / tshems mnyam pa dang / tshems thags bzang ba dang / mche ba shin tu dkar ba dang / seng ge'i 'gram pa dang / ro bro ba'i mchog dang ldan pa yin te/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni ljags srab pa yin te/ljags srab mor gyur pa zhal gyi dkyil 'khor khebs pa ste/ zhal gyi dkyil 'khor skra mtshams kyi mthar khebs pa yin te/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni tshangs pa'i dbyangs dang /ka la ping ka'am lha'i rnga ltar yid 'phrogs pa lha'i dbyangs dang ldan te/ dge slong dag 'di ni skyes bu chen po'i mtshan nyid do/ /dge slong dag skyes bu chen po rnams ni spyan yangs shing ba'i rdzi ma lta bu dang / spyi gtsug gtsug tor dang ldan pa dang / smin mtshams kyi bar du mdzod spu dkar po dung lta bu g.yas phyogs su 'khyil ba skyes pa yin te/dge slong dag 'di ni skyes bu chen po'i mtshan nyid do/ /dge slong dag skyes bu chen po'i mtshan sum cu rtsa gnyis po 'di dag gang la ldan pa de skyes bu chen po 'gro ba gnyis su 'gyur gyi/ gzhan du ma yin no//gal te khyim na gnas na 'khor los sgyur ba'i rgyal po mtha' bzhi las rnam par rgyal ba chos dang ldan zhing chos can chos kyi rgyal po rin po che sna bdun dang ldan pa ste/ de'i rin po che sna bdun ni 'di lta bu dag 'byung ste/ 'di lta ste/ 'khor lo rin po che dang / glang po rin po che dang /rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che ni bdun pa'o/ /de la bu dpa' zhing rtul phod pa yan lag mchog gi gzugs dang ldan pa/ pha rol gyi sde rab tu 'joms pa stong tshang bar 'byung bar 'gyur zhing rgya mtsho la thug pa'i sa 'di ma lus par 'tshe ba med cing gnod pa med par dbyug pa dang mtshon cha med par chos kyis mngon par rgyal zhing gnas so//gal te skra dang kha spu bregs nas chos gos bgos nas dad pas yang dag pa kho nar khyim nas khyim med par rab tu byung na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhes 'jig rten du mngon par grags par 'gyur ro zhes bka' stsal to//ji ltar mdo las skyes bu chen po'i mtshan sum cu rtsa gnyis su gcig tu bshad pa de bzhin du dpe byad bzang po brgyad cu ni ma bshad de/so sor 'thor ba bsdus te brjod par bya'o/ /mdo rnams kyang phal cher nub pas so/ /lung bzhi pa las rnyed pa dang / rgya shug gi bu'i bstod pa'i mdo de dang de las bshad pa dang / rgya mtsho lta bu'i bshad pa las mtshan dang dpe byad brjod cing bshad pa rnam par bkod de/sangs rgyas bcom ldan 'das rnams ni sen mo'i tshad yangs pa yin zhing / srab pa dang / mtho ba dang / zangs kyi mdog lta bu dang / snum pa dang / zlum pa dang / rgyas pa dang / sor mo byin gyis phra ba dag yin no/ /rtsa mdud pa med cing mi mngon pa dang shin tu phra ba dang / long bu mnyam zhing mi mngon pa dang /zhabs mnyam pa dang mi g.yo ba dang / dmar ba dag yin no/ /seng ge dang / glang po che dang / khyu mchog dang / ngang pa'i rgyal po ltar g.yas phyogs su nye bar gshegs pa dang / byin pa ba spu med cing mkhrang zhing tshad mnyam pa dang / byin pa legs par zlum zhing 'dus shing 'byor la mi mngon pa ma yin pa'i rje ngar dang /brnya chu shing gi sdong po ltar sdug cing ras bal ltar tshad mnyam zhing go rims bzhin rjes su 'brel pa dang / gsang ba'i gnas zla ba phyed pa ltar yangs shing mtho la ba spu nyung ba dang / rgyab kyi smad 'jam zhing legs par 'dus la gru bzhi ha cang mi yangs shing ko kon d+ha ltar mdzes pa dang /lte ba zab cing bu ga med pa dang / mdog dmar zhing g.yas su 'khyil ba dang / lto ba 'jam zhing ba spu med la mkhregs shing rjes su mthun pa dang / lto ba'i nang 'bar 'bur med cing kun du legs par zlum zhing yongs su dag pa dang / rtsib logs mnyam par 'jug cing shas gang la shin tu ring ba ma yin la 'jam pa dang /ro rgyab nub pa ma yin zhing shas gang la cung zad thung la rdo rje'i dbyibs ltar skyes shing ring ba dang / 'jam pa'i ri mo mtshams 'byor zhing mi mngon pa'i bkod pa dang / sta zur rgyas shing gang la brtan cing mtshams 'byor la thugs ka mnyam la mtho zhing rgya che ba dang /nu ma shin tu rags pa ma yin zhing mtho ba dang / dung ltar g.yas su 'khyil la ri mo shin tu phra mo ma yengs par shin tu mnyam zhing dmar ba dang / thugs ka yul shin tu bskal pas bar yangs pa dang / mchan khung sha rgyas shing yangs la mtho ba ma yin pa dang /sku rgyab stod mkhrang zhing rgya che la shas gang zhing tshad mnyam pa dang / dpung pa glang po che ltar cung zad mi mngon zhing mtshams 'byor la mkhrang zhing 'jam la mnyam pa dang / 'gram pa mnyam zhing 'jam la ba spu med cing brtan la seng ge'i lta bu dang / phyag mnyam zhing ring la zangs kyi mdog lta bu dang /phyag gi ri mo zab cing ma 'dres la mi yo zhing thun tshags med la srab cing zangs kyi mdog lta bu dang sor mo'i tshigs phra zhing ma 'khrugs la dmar ba dang / mthe chung srin lag las tshad lhag pa dang / ba spu shin tu mang ba ma yin la phra zhing 'jam la mnyen la rtsa ba 'byor zhing mnyam pa dang /pags pa snum zhing ma 'khums la mnyam pa'i snying po can dang / pags pa grang ba dang / tsha ba'i reg pas mdog mi 'gyur ba dang / sha snum zhing brtan la sdug cing ha cang rags pa ma yin zhing / ha cang phra ba ma yin pa dang / khrag ban du dzi ba ka'i me tog lta bu'am zangs mdog 'dra zhing snum zhing 'jam la tsan+dan gyi dri bsung lta bu dang /rus pa shas g.yogs shing brtan la shin tu mdzes pa dang / rus pa'i mtshams klu mdud pa ltar mi mngon pa dang / sku gdung rdo rje ltar mi shigs shing legs par 'dus pa dang / yan lag shin tu rnam par dbyes shing mdzes pa dang /sku rim par 'tsham zhing rgyas la yongs su dag cing gzhon sha can dang / sbrang ba dang / sme ba dang / gnag bag med pa dang / sku la nad kyis byas pa'i nyam chung ba med pa dang / seng ge gzims cha brten pas sku rnam par g.yengs pa dang bral ba dang / pags pa rdul dang dri mas nye bar nyon mongs pa med cing dag pa dang /me dang nor bu dang sman chen po dang / nyi ma dang zla ba lta bu'i 'od zer dang / ri rab lta bu rab tu lci ba dang ldan pa dang / dus su reg na bde ba'i reg pa dang ldan pa dang / ba spu'i bu ga'i dri 'jam zhing mngar la ku su ma dang / tsan dan lta bu'i bsung dang ldan pa dang / zhal gyi dri ut+pa la sngon po sar pa lta bu rtag tu 'byung ba dang /'tshe ba med cing 'gram pa ring ba dang / mnyen zhing gong bu ma yin pa'i dbugs dang / gsung gi dbyangs zas gcod pa dang / dman pa za ba dang / dus yongs su 'gyur ba dang bral zhing mngon par gsal ba'i chos 'chad pa dang /shin tu 'khums pa dang rgya che ba ma yin pa dang / spyod pa yongs su dag pa dang / dpe byad yul na gnas shing yongs su gsal zhing rdzogs pa dang / shin tu yongs su dang ba'i phyir mthong ba rab rib med pa dang / mgrin pa ha cang ring ba dang ha cang thung ba ma yin zhing gnyer ma gsum gyis rnam par brgyan pa dang /ko sko tshad mnyam zhing brtan la yo ba med cing mi ring la rgya che ba dang / mchu bim pa ltar dmar zhing 'jam la mdzes pa dang / rnyil gyi sha ban du dzi ba ka'i me tog ltar 'jam pa dang / tshems gtsang zhing mnyen la dag cing mdzes pa dang / mche ba mnyam zhing mtshams 'byor la zlum zhing rno la mnyen pa dang /dgos pa dang bcas na tshems las g.yas phyogs su 'od zer skad cig gis spro ba dang / ljags dri ma med cing 'jam la dmar zhing mnyen pa dang / spyi gtsug glang po che'i spyi bo'i gtsug ltar rno zhing 'jam pa dang / shangs 'jam zhing mtho ba dang / kha spu mi mthug cing 'jam la rtsa ba brtan cing mnyen la phra ba kon da li ka sngon po lta bu dang /mkhur tshos ha cang mtho ba dang rno ba ma yin la sha rgyas shing gang ba dang / mi mnyam pa dang mnyam pa'i kha dog can dang / dpral ba'i mtshams [(]lags [,]legs [)]par dbyes shing dung dang zla ba 'khyil ba lta bu dang / spyan yangs shing mnyen la 'jam zhing yongs su dag pa dang /rab tu dang zhing ma 'khums pa'i rdzi ma dang / mthong la dul zhing dag la mi yo bas khyab pa dang / shin tu chung ba ma yin pa'i stobs lnga pa'i phyir spyan mi 'dzums pa dang / smin ma ring ba dang / gnag pa dang / 'jam pa dang / rjes su [(]'cham [,]'tsham [)]pa dang /mnyen pa'i dpral ba gser gyi byang bu dang zla ba ltar 'jam zhing yangs pa dang / zla ba'i dkyil 'khor yongs su rdzogs pa lta bu dang / dbu sdug cing rdo rje ltar mkhregs pa dang / gdugs ltar dbu yongs su rgyas pa dang / dbu skra'i bkod pa 'jam zhing ma 'dzings pa bung ba ltar mnyen zhing 'jam la rjes su 'brel zhing dri bsung mchog dang ldan pa dang /sangs rgyas bcom ldan 'das lha dang / lha ma yin dang / mi dang klu'i 'gro bas spyi gtsug bltar mi nus pa'o/ /kha che ba rnams ni sangs rgyas kyi sku la dpe byad bzang po 'jig rten thams cad la bkra shis pa 'byung bar byed pa 'di ltar byed de/gnas brtan dbyig bshes kyis ji skad du phreng ba dang / dung dang / gdugs dang dpal gyi be'u bzang po dang / lcags kyu dang / rgyal mtshan dang / mtshon cha dang / zla ba dang / chu dang / pad+ma rnams kyis sku rnam par spras pa zhes bshad la/ don 'di nyid yang dag par brjod pa'i phyir ji skad du yang dag pa'i dpe byad bzang po brgyad cu bde bar gshegs pa'i mtshan bzang po'i 'khor gzhan yang nyon cig /gdugs dang / rgyal mtshan dang / lcags kyu dang / dpal gyi be'u dang / mu tig dang / bum pa dang / rta dang / nya dang / chu srin dang / rus sbal dang / nam mkha' lding dang /stag dang / glang po che dang / ka la ping ka dang / shang shang te'u dang / khug rta dang / ne+e tso dang / khu byug dang / ri dgas nag po dang / rma bya dang / ral gri dang / rdo rje'i yan lag dang / nor bu dang / rin po che dang / nor dang / mdung dang / rtse gsum dang / dgra sta dang / mda' dang / sprin dang /drag po dang / tshangs pa dang / dbang po dang / gzhon nu dang / nyi ma dang / 'phags skyes po dang / zla ba dang / mig mi bzang dang / nor bdag dang / yul 'khor skyong dang / g.yung drung 'khyil pa dang / pad+ma dang / ba dan bzang po dang / me long dang / dUr ba gzhon nu dang / mu tig dang / gser dang / sman chen po dang / lha'i rnga dang / drang srong chen po dang / pa la dang / dpung rgyan dang / sor gdub dang / rna cha dang / seng ge dang / khyu mchog dang / me tog dang bcas pa'i shing gi yal ga dang zhes bya ba la sogs pa la brgyad cu ji skad du brjod pa thams cad mkhyen pa'i dpe byad bzang po brgyad cu mtshan nyid stong dang ldan pa mu stegs can rnams kyang mthong nas 'byor pa'i phyir mngon par dga' ba skyed par byed pa'o//'phags pa shes rab kyi pha rol tu phyin pa stong phrag nyi shu lnga pa las kyang mtshan dang dpe byad kyi le'u bzhi bcu dgu pa las 'don pa lta bu ste/ rab 'byor de bzhin gshegs pa'i dpe byad bzang po brgyad cu gang zhe na/sangs rgyas bcom ldan 'das rnams ni 'du byed thams cad las sems 'dod chags dang bral ba'i phyir sen mo zangs kyi mdog lta bu dag yin no/ /sangs rgyas bcom ldan 'das rnams ni sems can thams cad la phan pa dang bde ba'i thugs mnga' ba'i phyir sen mo mdog snum pa dag yin no//sangs rgyas bcom ldan 'das rnams ni rigs rgyud mthon por skyes pa'i phyir sen mo mtho ba dag yin no/ /sangs rgyas bcom ldan 'das rnams ni tshul kha na ma tho ba mi mnga' ba'i phyir sen mo zlum pa dag yin no//sangs rgyas bcom ldan 'das rnams ni dge ba'i rtsa ba yangs shing rgya che ba bsags pa'i phyir sen mo rgyas pa dag yin no/ /sangs rgyas bcom ldan 'das rnams ni dge ba'i rtsa ba rim gyis bsags pa'i phyir sen mo byin gyis phra ba dag yin no/ /sangs rgyas bcom ldan 'das rnams ni lus dang ngag dang yid dang 'tsho ba yongs su bsrungs pa'i phyir rtsa mi mngon pa dag yin no//sangs rgyas bcom ldan 'das rnams ni nyon mongs pa'i mdud pa las grol ba'i phyir rtsa la mdud pa med pa dag yin no/ /sangs rgyas bcom ldan 'das rnams ni chos rnams la thugs shin tu mi mngon pa'i phyir long bu mi mngon pa dag yin no//sangs rgyas bcom ldan 'das rnams ni dka' ba'i gnas thams cad las yongs su sgrol ba'i phyir zhabs mnyam pa dag yin no/ /sangs rgyas bcom ldan 'das rnams ni mi'i seng ge yin pa'i phyir seng ge'i stabs su gshegs pa yin no//sangs rgyas bcom ldan 'das rnams ni mi'i glang po yin pa'i phyir glang po'i stabs su gshegs pa yin no/ /sangs rgyas bcom ldan 'das rnams ni nam mkha' la gshegs pa'i phyir ngang pa'i rgyal po'i stabs su gshegs pa yin no/ /sangs rgyas bcom ldan 'das rnams ni skor phyogs kyi lam dang mthun par gshegs pa'i phyir khyu mchog gi stabs su gshegs pa yin no//sangs rgyas bcom ldan 'das rnams ni mdzes pa'i phyir mdzes par gshegs pa dag yin no/ /sangs rgyas bcom ldan 'das rnams ni thugs rtag tu mi g.yo ba'i phyir mi g.yo bar gshegs pa dag yin no//sangs rgyas bcom ldan 'das rnams ni tshul dang yon tan yongs su dag pa ston pa'i phyir sku 'khril bag dang bcas pa dag yin no/ /sangs rgyas bcom ldan 'das rnams ni sdig pa mi dge ba'i chos rnam par dag pa'i phyir sku byi dor byas pa lta bu dag yin no//sangs rgyas bcom ldan 'das rnams ni chos go rims bzhin du 'chad pa'i phyir sku rim par 'tsham pa dag yin no/ /sangs rgyas bcom ldan 'das rnams ni sku gsung thugs yongs su dag pa'i phyir sku gtsang ba dag yin no/ /sangs rgyas bcom ldan 'das rnams ni thugs rang bzhin gyis 'jam pa'i phyir sku 'jam pa dag yin no//sangs rgyas bcom ldan 'das rnams ni rang bzhin gyis rnam par dag pa'i phyir sku rnam par dag pa dag yin no/ /sangs rgyas bcom ldan 'das rnams ni chos 'dul ba yongs su rdzogs pa'i phyir dpe byad yongs su rdzogs pa dag yin no//sangs rgyas bcom ldan 'das rnams ni mdzes shing rgya che ba'i yon tan ston pa'i phyir sku kho lag yangs shing bzang ba dag yin no/ /sangs rgyas bcom ldan 'das rnams ni sems can thams cad la thugs mnyam pa'i phyir mnyam par gshegs pa dag yin no/ / sangs rgyas bcom ldan 'das rnams ni gzigs pa rnam par dag pa'i phyir spyan rnam par dag pa dag yin no/ /sangs rgyas bcom ldan 'das rnams ni rab tu 'jam pa'i chos ston pa'i phyir sku 'jam zhing gzhon sha can dag yin no/ /sangs rgyas bcom ldan 'das rnams ni rtag tu thugs ma zhum pa'i phyir sku zhum pa med pa dag yin no//sangs rgyas bcom ldan 'das rnams ni dge ba'i rtsa ba mthon po dang ldan pa'i phyir sku rgyas pa dag yin no/ /sangs rgyas bcom ldan 'das rnams ni yang srid pa'i tshogs yongs su zad pa'i phyir sku shin tu grims pa dag yin no/ /sangs rgyas bcom ldan 'das rnams ni rten cing 'brel par 'byung ba'i yan lag dang nying lag legs par 'chad pa'i phyir yan lag shin tu rnam par 'byes pa dag yin no//sangs rgyas bcom ldan 'das rnams ni gzigs pa shin tu rnam par dag pa'i phyir gzigs pa rab rib med cing rnam par dag pa dag yin no/ /sangs rgyas bcom ldan 'das rnams ni tshul phun sum tshogs pa'i slob ma mnga' ba'i phyir dku zlum pa dag yin no//sangs rgyas bcom ldan 'das rnams ni 'khor ba'i skyon rnam par dag pa'i phyir dku'i skabs phyin pa dag yin no/ /sangs rgyas bcom ldan 'das rnams ni nga rgyal gyi de'u bcom pa'i phyir dku ma rnyongs pa dag yin no//sangs rgyas bcom ldan 'das rnams ni chos rnams zad par mi byed pa'i phyir phyal phyang nge ba dag yin no/ /sangs rgyas bcom ldan 'das rnams ni shin tu zab pa'i chos rtogs shing khong du chud pa'i phyir lte ba zab pa dag yin no/ /sangs rgyas bcom ldan 'das rnams ni rjes su mthun zhing gzung bar 'os pa'i slob ma mnga' ba'i phyir lte ba g.yas phyogs su 'khyil pa dag yin no//sangs rgyas bcom ldan 'das rnams ni kun nas mdzes pa'i slob ma'i tshogs mnga' ba'i phyir kun nas mdzes pa dag yin no/ /sangs rgyas bcom ldan 'das rnams ni thugs shin tu gtsang ba'i phyir kun du spyod pa gtsang ba dag yin no//sangs rgyas bcom ldan 'das rnams ni chos 'dul ba gnag bag med pa ston pa'i phyir sku la sme ba dang gnag bag med pa dag yin no/ /sangs rgyas bcom ldan 'das rnams ni sku shing bal ltar yang ba'i chos ston pa brnyes pa'i phyir phyag shing bal ltar shin tu 'jam pa dag yin no//sangs rgyas bcom ldan 'das rnams ni rang gi gnyen gyi tshogs spangs te/ dge sbyong chen po'i dngos po brnyes pa'i phyir phyag gi ri mo mdangs yod pa dag yin no/ /sangs rgyas bcom ldan 'das rnams ni bslab pa'i gnas ha cang spangs par mi 'cha' ba'i phyir phyag gi ri mo zab pa dag yin no//sangs rgyas bcom ldan 'das rnams ni 'jig rten thams cad gzugs brnyan lta bur rtogs pa'i phyir zhal la gzugs kyi gzugs brnyan snang ba dag yin no/ /sangs rgyas bcom ldan 'das rnams ni ma nyen pa sngon du 'gro bas 'dul ba'i phyir ljags mnyen pa dag yin no//sangs rgyas bcom ldan 'das rnams ni yon tan phra mo ma yin pa dang ldan pa'i phyir ljags srab pa dag yin no/ /sangs rgyas bcom ldan 'das rnams ni byis pa'i skye bo chags pa can rnams kyis rtogs par dka' ba'i phyir ljags dmar ba dag yin no/ /sangs rgyas bcom ldan 'das rnams ni glang po che'i nga ro dang 'brug gi sgras yongs su mi skrag pa'i phyir glang po che'i nga ro dang 'brug gi sgra dang ldan pa dag yin no//sangs rgyas bcom ldan 'das rnams ni snyan cing mnyen la 'jam pa brjod pa'i slob ma mnga' ba'i phyir gsung snyan cing mnyen la 'jam pa dag yin no/ / sangs rgyas bcom ldan 'das rnams ni srid pa'i kun du sbyor ba rnam par log pa'i phyir mche ba zlum pa dag yin no/ /sangs rgyas bcom ldan 'das rnams ni skye bo rnon po 'dul ba la mkhas pa'i phyir mche ba rno ba dag yin no/ /sangs rgyas bcom ldan 'das rnams ni chos 'dul ba shin tu dkar ba'i phyir mche ba dkar ba dag yin no//sangs rgyas bcom ldan 'das rnams ni mnyam pa'i sa'i cha la zhugs pa'i phyir mche ba mnyam pa dag yin no/ /sangs rgyas bcom ldan 'das rnams ni mngon par rtogs pa'i rim gyis ston pa'i phyir mche ba byin gyis phra ba dag yin no/ /sangs rgyas bcom ldan 'das rnams ni shes rab mthon po'i sar zhugs pa'i phyir shangs mtho ba dag yin no//sangs rgyas bcom ldan 'das rnams ni gdul bya gtsang sme'i skye bo dang ldan pa'i phyir shangs gtsang ba dag yin no/ /sangs rgyas bcom ldan 'das rnams ni sangs rgyas kyi chos shin tu rgya chen po dang ldan pa'i phyir spyan yangs pa dag yin no/ / sangs rgyas bcom ldan 'das rnams ni sku thams cad kun du stug pa'i phyir rdzi ma stug pa yin no/ /sangs rgyas bcom ldan 'das rnams ni mig dkar nag 'byes shing pad+ma'i 'dab ma rangs pa lta bu'i lha dang lha ma yin dang / mi gzhon nu rnams kyis mchog tu dga' bar bya ba'i phyir spyan dkar nag 'byes shing pad+ma'i 'dab ma lta bu dag yin no//sangs rgyas bcom ldan 'das rnams ni rtag tu mdun phyogs su gzigs pa'i phyir smin tshugs ring ba dag yin no/ /sangs rgyas bcom ldan 'das rnams ni 'jam par 'dul ba la mkhas pa'i phyir rdzi ma 'jam pa dag yin no/ /sangs rgyas bcom ldan 'das rnams ni skyon kun du mkhyen pa'i phyir smin ma'i spu mnyam pa dag yin no//sangs rgyas bcom ldan 'das rnams ni dge ba'i rtsa ba 'jam zhing mnyen pas skye bo'i rgyud 'dul bar byed pa'i phyir smin ma snum pa dag yin no/ /sangs rgyas bcom ldan 'das rnams ni chos mchog tu don dang ldan pa mnga' ba'i phyir snyan shal sdug cing snyan shal ring ba dag yin no//sangs rgyas bcom ldan 'das rnams ni g.yul las rnam par rgyal ba'i phyir snyan mnyam pa dag yin no/ /sangs rgyas bcom ldan 'das rnams ni gdul bya rgyud ma nyams pa mnga' ba'i phyir snyan gyi dbang po ma nyams pa dag yin no//sangs rgyas bcom ldan 'das rnams ni lta bar song ba thams cad yongs su spangs pa'i phyir dpral ba legs par 'byes pa dag yin no/ /sangs rgyas bcom ldan 'das rnams ni dge sbyong dang bram ze dang pha rol rgol ba rnam par gnon pa'i phyir dpral ba'i dbyes che ba dag yin no/ /sangs rgyas bcom ldan 'das rnams ni smon lam yongs su rdzogs pa'i phyir dbu shin tu rgyas pa dag yin no//sangs rgyas bcom ldan 'das rnams ni yul gyi skye bo la rnam par chags pa log pa'i phyir dbu skra bung ba ltar gnag pa dag yin no/ /sangs rgyas bcom ldan 'das rnams ni mthong ba dang bsgom pas spang bar bya ba'i phra rgyas spangs pa'i phyir dbu skra stug pa dag yin no//sangs rgyas bcom ldan 'das rnams ni chos dkar pos ma skyes pa'i bstan pa'i ro dang ldan pa'i phyir dbu skra 'jam pa dag yin no/ /sangs rgyas bcom ldan 'das rnams ni rtag tu ma 'dzings pa'i thugs dang ldan pa'i phyir dbu skra ma 'dzings pa dag yin no//sangs rgyas bcom ldan 'das rnams ni rtag tu tshig rtsub spangs pa'i phyir dbu skra mi bshor ba dag yin no/ /sangs rgyas bcom ldan 'das rnams ni skye bo byang chub kyi yan lag gi dri zhim pos rjes su mthun par 'jug pa'i phyir dbu skra dri zhim pa dag yin no/ /sangs rgyas bcom ldan 'das rnams ni phyag dang zhabs kyi mthil na dpal gyi be'u dang g.yung drung 'khyil pa mnga' ba'i phyir dpal gyi be'u dang g.yung drung 'khyil pas brgyan pa dag yin no//rab 'byor de bzhin gshegs pa'i sku dpe byad bzang po 'di dag dang ldan no/ /de nyid du gzhan du gnas brtan klu sgrub kyis yi ge gzhan dang tshig 'bru gzhan gyis rnam par bshad de/ji skad du/ sangs rgyas yang dag dpe byad brgyad cu po/ /nga yis rab bshad yid la dad skyed nyon/ /sangs rgyas bcom ldan 'das zhes rab brjod pa/ /sen mo zangs mdog snum dang sen mo mtho/ /smra mchog rtsa mi mngon zhing rtsa yi ni//mdud pa mi mngon long bu mi mngon pa/ /ri dgas rgyal dang klu yi stabs dag tu/ /rnam par gshegs shing zhabs la mi mnyam med/ /khyu mchog ngang pa'i rgyal po'i stabs dang ni/ /g.yas su ldog cing mdzes par gshegs pa dang / /byi dor byas 'dra rim par 'tsham pa'i sku/ / ma yo ba dang 'khril bag chags pa dang / /kho lag yangs shing bzang dang gzhan yang ni/ /dpe byad yongs su rdzogs dang gom snyoms dang / /dku zhum med dang gtsang zhing 'jam pa dang / /gzhon sha chags shing sku ni rnam par dag /yan lag nying lag shin tu rnam 'byes shing / /thub pa'i dbang po shin tu grims pa'i sku//gzigs pa rab rib med cing rnam par ni/ /dag cing rab tu rgyas pa'i sku mnga' ba/ /sku ni 'bar 'bur med cing skabs phyin dang / /phyang nge'i phyal dang lte ba'i bug pa zab/ /shin tu kun nas blta na rab mdzes shing / /lte ba g.yas kyi phyogs su 'khyil pa dang / / rgyal ba kun du spyod pa rab gtsang zhing / /sme ba gnag bag smad du med pa dang / /ljags mnyen srab cing zhal gyi gzugs brnyan 'char/ /rgyal ba'i zhal ni ha cang ring ba min/ /glang chen nga ro 'brug gi sgra dang ni/ /mnyam pa'i dbyangs kyi mchog dang ldan pa dang / /shing bal ltar 'jam shin tu gzhon sha can//phyag gi ri mo dmar zhing zab pa dang / /phyag gi ri mo yo ba ma yin dang / /phyag gi ri mo mchog tu yangs pa dang / /shin tu snyan cing mnyen la 'jam pa'i gsung / /mche ba zlum zhing mche ba rno ba dang / /mche ba dkar zhing mche ba mnyam pa dang / /thub pa seng ge'i mche ba byin gyis phra/ / tshems ni shin tu dkar zhing gtsang ba dang / /spyan yangs pa dang rdzi ma stug pa dang / /'jam zhing shin tu yangs la mi dkar dang / /smin ma'i spu ni snum zhing 'jam pa dang / /snyan shal stug cing ring la snyan mnyam dang / /bcom ldan snyan gyi dbang po ma nyams dang / /dpral ba shin tu legs par 'byes pa dang //dbu ni rgyas la yongs su rdzogs pa dang / /dbu skra bung ba snum zhing dri zhim dang / /dbu skra 'jam zhing yongs su ma 'dzings dang / /dpal gyi be'u dang g.yung drung 'khyil pa yis/ /sangs rgyas dbu skra rnam par brgyan pa yin/ /gang gis mtshan rnams gsal byed pa/ /sangs rgyas yang dag dpe byad ni//bzang po brgyad cu 'di dag ste/ /bde gshegs thams cad gsal byed yin/ /mtshan mchog sum cu rtsa gnyis dang / /dpe byad bzang po brgyad cu'i sku/ /sangs rgyas rjes su mi dran gang / /'di dang pha rol gnyis kar mnyam/ /gzhan yang slob dpon sna tshogs blo gros kyis ji skad du/bdag nyid snod mchog nyid du gzigs nas ni/ /bdag nyid yon gnas nyid du zhal 'ches te/ /'di ltar khyod kyis rtswa mchog tsam yang ni/ /sbyin bdag dbul ba de yang ma bkag gnang / /gal te bgos na phyag g.yas brkyang nas ni/ /phyag g.yas rjes su gzung ba'i rjes mthun byed/ / khyod la dpe byad brgyad cus bstod pa yis/ /ji ltar bdag kyang rjes su gzung bar mdzod/ /mnga' bdag khyod kyi sku yi stobs kyi tshad/ /gzhal nus 'jig rten gsum na 'ga' med 'dod/ /gus pa'i rnam pa'i 'byor pa 'di 'dra zhes/ /'phags pa gang phyir bdag 'dra ba yang gnas/ /khyod kyi sor mo ri yi spor gnas pa//sen mo zangs kyi mdog 'dra 'od zer can/ /pad+ma rA ga mdzes pa'i zla shar nas/ /gser gyi rang bzhin snying po mdzes par byas/ /rtse ltar mtho zhing phra la mnyam zhing 'phro/ /dbyangs bcas 'od gsal sen mo mdzes par byas/ /legs skyes ut+pal dmar po'i 'dab ma ltar/ /lto ba ma grums ma chag mnyam zhing mtho//steng du sdug mnyen dpal gyis bsdums pa ltar/ /shin tu gsal ba'i mdangs kyis rnam par mdzes/ /lha mi phyag byed tshe na skad cig la/ /skyes bu 'dul ba'i sen mo me long bzhin/ /zhes bya ba la sogs pa mtshan dang dpe byad kyi bstod pa snyan dngags kyi rgyan dang bcas pa blta bar bya'o//gnas brtan thogs med kyis theg pa chen po'i chos mngon pa'i bstan bcos rnal 'byor spyod pa zhes bya ba las byang chub sems dpa'i sar mtshan dang dpe byad kyi le'u las/ dpe byad bzang po brgyad cu 'jig rten dang thun mong du bshad pa ni khyad par du 'phags pa ma brjod pa'i phyir mngon par dad par byed pa ma yin pas mi gzung ngo //dpe byad bzang po 'di dag legs pa dang / legs pa ma yin pa rnam par gzhag pa ni slob dpon go chas byin gyis snyoms par 'jug pa'i phung po rnam par bshad pa dbugs dbyung ba bzhi par rgyas par bshad pa blta bar bya'o/ /dper na rgyal po kr-i kI'i rmi lam thun bcu zhes bya ba la sogs pa la/gser phreng can gyi rtogs pa brjod pa las 'di ltar 'don te/ de nas rgyal po kr-i kI yang dag par rdzogs pa'i sangs rgyas 'od srungs gang na ba der nye bar song ste nye bar song nas/ bcom ldan 'das yang dag par rdzogs pa'i sangs rgyas 'od srungs kyi zhabs la spyi bos phyag byas te phyogs gcig tu 'dug go//phyogs gcig tu 'dug nas yang dag par rdzogs pa'i sangs rgyas 'od srungs la rgyal po kr-i kIs 'di skad ces gsol to/ /btsun pa ma dang bdag mtshan mo rmi lam na rmi lam thun bcu mthong ste/ btsun pa glang po che chen po skar khung nas byung ba la mjug ma thogs pa dang /skom pa ma yin pa rnams kyi phyi bzhin du khron pa gda' ba dang / phye bre gang dang mu tig bre gang brje ba dang / tsan dan shing tha mal pa la 'tshong ba dang / kun dga' ra ba me tog dang 'bras bu phun sum tshogs la me tog dang 'bras bu phun sum tshogs pa de ni thams cad ma byin par len pas phrogs pa dang /glang po che chung ngus spos kyi glang po che bsdigs pa dang / spre'u mi gtsang bas 'bags pa gzhan la skud pa dang / spre'u rgyal por dbang bskur ba dang / snam bu gcig mi bco brgyad kyis bgos pa la snam bu yang de de bzhin du gnas pa dang /skye bo phal po che'i tshogs 'dus te tshig ngan brjod cing chad pa dang gnod pa byed pa bdag gis mthong ngo / mthong nas bdag rgyal srid las nyams pa 'am/ srog gi bar chad du 'gyur du 'ong zhes bdag rengs shing 'jigs pa dang / skrag par gyur to/ /de nas yang dag par rdzogs pa'i sangs rgyas 'od srungs kyis 'di skad ces bka' stsal to/rgyal po chen po ma 'jigs shig rgyu 'di las khyod rgyal srid las nyams pa dang / srog gi bar chad du mi 'gyur gyi ma 'jigs shig /de ci'i phyir zhe na/ rgyal po chen po gang khyod kyis glang po che skar khung nas byung ba la mjug ma thogs pa mthong ba de ci'i snga ltas she na//ma 'ongs pa na skye dgu'i tshe lo brgya thub pa'i dus na shAkya thub pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas 'byung bar 'gyur te/ de'i nyan thos dag rang gi skye bo gnyen bshes rgya chen po spangs nas rab tu byung ste/ de ltar rab tu byung nas gtsug lag khang la khyim gyi 'du shes skye bar 'gyur zhing / de nas ser sna kun du bsten cing lan mang du byas pas lus zhig ste shi ba'i 'og tu ngan song ngan 'gro rnams su ltung zhing skye bar 'gyur ba de'i snga ltas yin no/ /rgyal po chen po khyod kyis skom pa ma yin pa rnams kyi phyi bzhin du khron pa gda' ba rmi lam du mthong ba de ci'i snga ltas she na/de'i nyan thos dag bram ze dang khyim bdag rnams la chos ston pa de dag nyan par mi 'dod cing gnas par 'gyur ba de'i snga ltas so/ /rgyal po chen po khyod kyis phye bre gang dang mu tig bre gang brje ba rmi lam du mthong ba de ci'i snga ltas she na/de'i nyan thos phye tshol ba'i phyir dbang po dang stobs dang byang chub kyi yan lag la sogs pa'i rin po che yang dag par gsal bar byed de/ de'i snga ltas so/ /rgyal po chen po khyod kyis tsan dan shing tha mal par 'tshong ba rmi lam du mthong ba de ci'i snga ltas she na/de'i nyan thos dag lus ma bsgoms pa 'byung bar 'gyur zhing / tshul khrims ma bsgoms pa dang / sems ma bsgoms pa dang / shes rab ma bsgoms pa dag 'byung bar 'gyur la/ lus ma bsgoms pa dang / tshul khrims ma bsgoms pa dang / sems ma bsgoms pa dang /shes rab ma bsgoms pas mu stegs kyi bstan pa 'dzin cing sangs rgyas kyi gsung rab dang mnyam par byed par 'gyur te/ de'i snga ltas so/ rgyal po chen po khyod kyis kun dga' ra ba me tog dang 'bras bu phun sum tshogs pa dag ma byin par len pas phrogs pa rmi lam du mthong ba de ci'i snga ltas she na/de'i nyan thos khyim la brten te dge 'dun gyi me tog dang 'bras bu btsongs shing btsongs te bzung nas 'tsho ba'i phyir sems pa dag 'byung bar 'gyur te/ de ni de'i snga ltas so/ /rgyal po chen po gang khyod kyis glang po chung ngus spos kyi glang po chen po skrag par byed pa de rmi lam du mthong ba de ci'i snga ltas she na/de'i nyan thos tshul khrims 'chal pa sdig pa'i chos can dag 'byung bar 'gyur te/ des gang dag dge slong tshul khrims dang ldan pa yon tan dang ldan pa/ des shing dge ba de dag bskrad nas gnas gzhan na gnas par 'gyur te/ de ni de'i snga ltas so/ / rgyal po chen po khyod kyis spre'u mi gtsang bas 'bags pa gzhan la skud pa rmis pa de ci'i snga ltas she na/ de'i nyan thos sdig pa'i chos can tshul khrims 'chal ba de dag gis dge slong tshul khrims dang ldan pa yon tan dang ldan pa des shing dge ba'i chos can dag la mi bden pa'i skyon 'gel bar 'gyur te/de'i snga ltas so/ /rgyal po chen po khyod kyis spre'u rgyal por dbang bskur ba rmis pa de ci'i snga ltas she na/ de'i dus na ma ning yang rgyal po byed par 'gyur te/ de'i snga ltas so/ /rgyal po chen po khyod kyis snam bu gcig mi bco brgyad kyis bgos la snam bu yang de bzhin du gnas pa rmi lam du mthong ba de ci'i snga ltas she na/de'i bstan pa kha bco brgyad du gyes par gyur la rnam par grol ba'i snam bu ni ral bar mi 'gyur te/ de'i snga ltas so/ /rgyal po chen po khyod kyis gang skye bo phal po che'i tshogs 'dus shing tshig ngan brjod de/ chad pa dang gnod pa byed pa rmi lam du mthong ba de ci'i snga ltas she na/de'i bstan pa lo stong du gnas shing ngan par smra ba dang chad pa byed pas nub par 'gyur te/ de'i snga ltas yin te/ de'i phyir khyod rgyal srid nyams pa 'am/ srog gi bar chad du mi 'gyur gyi rgyal po chen po ma 'jigs shig /de nas rgyal po kr-i kI yang dag par rdzogs pa'i sangs rgyas 'od srungs kyis dbugs phyung nas mngon par rab tu dad par gyur to zhes 'byung ngo // //dge slong ma dkar mo yang gos dang bcas par yin te zhes bya ba la/ bcom ldan 'das ser skya'i shing n+ya gro d+ha'i kun dga' ra ba na bzhugs te/ de nas shAkya'i nang na shAkya skyed pa zhes bya ba yod de/phyug cing zhes bya ba nas de de dang lhan cig tu rtse bar byed/ dga' bar byed/ yongs su spyod par byed pa las bu yang med bu mo yang med ces bya ba'i bar du'o/ /de bu mngon par 'dod pas zhi ba dang chu lha dang / rnam thos kyi bu dang khyim gyi lha la sogs pa lha stong phrag du ma la gsol ba 'debs par byed kyang bu ma skyes so//ji tsam du dus gzhan zhig na rtse dga' bar byed cing yongs su spyod par byed do/ /de rtse dga' zhing yongs su spyod par byed pa las dus gzhan zhig na chung ma sems can dang ldan par gyur to/ /des chung ma la smras pa/ bzang mo gal te bu pho skyes na de lta na legs/ 'di ltar bu mo skyes na lhan cig bskrad par bya'o/ /ji tsam na zla ba dgu 'das pa'i 'og tu de'i chung ma la bu mo gzugs bzang la mdzes shing blta na sdug pa mi'i kha dog las 'das pa lha'i kha dog thob pa gos dkar pos g.yogs pa/ mngal gyi nyes pas ma gos pa zhig btsas so/ /ji tsam na chung ma la bu mo btsas pa thos nas khro ba dang bcas pas nang du zhugs pa dang / rked pa lha'i gos kyis dkris pa'i bu mo de byin pa dang / shAkyas bu mo de mthong nas ngo mtshar skyes par gyur to/ /de btsas pa'i btsas ston dag byas te ming 'dogs par byed pa na/kye shes ldan dag bu mo 'di'i ming ci gdags/ gnyen rnams kyis smras pa gang gi phyir bu mo ni gos dkar po dang bcas par skyes pa de'i phyir bu mo 'di'i ming dkar mo zhes gdags so/ /bu mo dkar mo ji lta ji ltar cher skyes pa de lta de ltar gos kyang skye zhing dri ma dang bral bar gyur to//de'i lus la rdul dang dri mas mi gos par gyur to/ /gang gi tshe bu mo dkar mo rim gyis chen por gyur pa de'i tshe/ de la rgyal po'i bu dang / blon po'i bu dang / phyug po'i bu dag gis slong du 'ongs shing de dag gis gtses pa dang / gal te ngas ma byin na 'gras par 'gyur ro zhes de'i pha lag pa 'gram pa la gtad de de sems khong du chud cing 'dug par gyur to//ji tsam na bu mos pha sems shing 'dug pa mthong nas/ pha ci zhig sems/ de la des don dag rgyas par brjod pa dang / bu mos smras pa/ pha 'di snyed bya ci dgos/ bdag ni 'dod pa don du gnyer ba ma yin gyi/ bcom ldan 'das kyi bstan pa la rab tu 'byung gis pha mkhyen par mdzod cig /de ji srid du pha dang mas gnang nas rab tu byung ste/ gos gang gis dkris te skyes pa de nyid yongs su rdzogs pa'i chos gos lnga par gyur to/ /des sbyor zhing brtson pa dang 'dun cing 'bad pas rgyu ba dang mi rgyu ba'i 'gro ba lnga'i 'khor ba 'di nyid rab tu rig nas 'khor ba'i 'du byed thams cad rul ba dang lhung ba dang rnam par 'gyur ba dang 'jig pa'i chos can spangs te/nyon mongs pa thams cad spangs shing khams gsum las 'dod chags dang bral ba gser dang bong ba/ nam mkha' dang lag mthil/ tsan+dan dang ste'u ru mtshungs shing rig pa dang /rnam par grol ba'i spobs pa can rnyed pa dang bkur sti la kha phyir phyogs pa lha'i dbang pos mchod cing gus par bya ba dgra bcom pa nyid mngon du byas so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa dkar mos las ci zhig byas nas gang gis na phyug po'i rigs su skyes shing gzugs bzang zhing mdzes pa dang blta na sdug par gyur/ci zhig byas pas na gos dkar pos dkris bzhin du skyes shing dgra bcom pa nyid mngon du byas par gyur/ bcom ldan 'das kyis bka' stsal pa/ dge slong dag dkar mo nyid kyis skye ba snga ma la las byas shing bsags la so sor thob par byas pa chu bo bzhin du nye bar gnas pa ste/ gzhan gyis byas shing bsags pa gzhan su zhig gis nyams su myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/chu dang me dang rlung gi khams la rnam par smin par mi 'gyur gyi/ 'on kyang las byas shing bsags pa ni zin pa'i phung po dang khams dang skye mched la rnam par smin par 'gyur te/ lus can dag gi las rnams ni/ /bskal pa brgyar yang chud mi za/ /tshogs shing dus la bab pa na//'bras bu dag tu 'gyur ba nyid/ /dge slong dag sngon byung ba 'das pa'i dus na/ bskal pa bzang po 'di nyid la/ skye dgu rnams tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa bde bar gshegs pa bla na med pa skyes bu 'dul zhing kha lo sgyur ba lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/de bA rA Na sI'i grong khyer drang srong smra ba ri dgas kyi nags na brten zhing bzhugs so/ /ji tsam na phyug po'i chung ma dad pa can rang bzhin bzang zhing dge ba'i bsam pa can zhig /bya ba 'ga' zhig gi phyir drang srong smra ba ri dgas kyi nags su 'ongs so/ /de nas sangs rgyas bcom ldan 'das skyes bu chen po'i mtshan sum cu rtsa gnyis dang / dpe byad bzang po brgyad cus sku rnam par brgyan pa nyi ma stong bas lhag pa'i gzi brjid can byon pa/ rin po che'i ri bo lta bu'i 'od zer kun nas 'bar ba dang bcas shing blta bar bya ba'i bcom ldan 'das de mthong nas zhabs la spyi bos phyag byas nas chos mnyan pa'i phyir phyogs gcig tu 'dug go//de nas bcom ldan 'das yang dag par rdzogs pa'i sangs rgyas 'od srungs kyis chos bstan nas/bcom ldan 'das la mngon par dad de/ bcom ldan 'das dge slong gi dge 'dun dang bcas pa gdugs tshod gsol nas dge slong gi dge 'dun la chos gos phul te/ rim gyis pha dang mas rjes su gnang nas bcom ldan 'das de'i bstan pa la rab tu byung ngo / /dge slong dag ji snyam du sems/phyug po'i chung ma de nyid dge slong ma dkar mo yin no/ /dge slong gi dge 'dun la sra brkyang gi chos gos phul bas gos dkar pos dkris bzhin du skyes shing tshangs par spyod pa yongs su rdzogs shing yongs su bsrungs pa des na skye ba bcom zhing dgra bcom pa nyid mngon sum du byas so//dge slong dag de lta bas na las gcig tu gnag pa rnams kyi rnam par smin pa ni gcig tu gnag pa yin zhing / gcig tu dkar ba rnams kyi ni gcig tu dkar ba/ 'dren ma rnams kyi ni 'dren ma yin pa de'i phyir dge slong dag las gcig tu gnag pa'i las rnams dang / 'dren ma rnams spang bar bya zhing /gcig tu dkar ba'i las rnams yongs su spyad par bya'o/ /bcom ldan 'das kyis de skad ces bka' stsal pa dang / dge slong dag bcom ldan 'das kyis gsungs pa la mngon par dga' zhing rjes su yi rang ngo / /bcom ldan 'das kyis sems can rnams kyi las kyi rnam par smin pa ni bsam gyis mi khyab bo zhes gsungs so zhes bya ba la/bzhi las 'phros pa'i sgo lnga pa las sdom gyi tshigs su bcad pa gnyis pa'i mdo las bsam par bya ba rnam pa gnyis te bshad pa dang / 'di nyid du yang go rims las bzlog pa'i mdzod kyi gnas gnyis par bshad pa lta bu'o/ /btab pa las 'di skad du zhes bya ba la/mdzod kyi gnas gnyis pa dbang po'i rnam par bshad pa phra rgyas btab pa las bshad pa bzhin no/ /pha ma'i nur nur po'i mi gtsang ba las skyes zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag 'di lta ste/ 'di na sbrul gdug pa gzi brjid drag pa/dug drag pa bzhi sgrom cig gi nang du bcug par gyur cing / de nas skyes bu byis pa'i rang bzhin ma yin pa/ rmongs pa ma yin zhing yang dag pa'i shes pa dang ldan pa bde ba 'dod cing sdug bsngal mi 'dod pa 'tsho bar 'dod cing / 'tsho ba dang rjes su mthun pa 'ga' zhig 'ongs te/de la gzhan kha cig gis 'di skad ces smras so/ /kye skyes bu sbrul gdug pa gzi brjid drag cing dug drag pa bzhi sgom cig gi nang du bcug cing khyod kyis de la dus dus su byug par bya/ dus dus su khrus bya zhing / dus dus su zas sbyin par bya zhing / dus dus su yang dag par bde ba la sbyar bar bya'o//kye skyes bu gang gi tshe sbrul gdug pa gzi brjid drag cing dug drag pa bzhi po 'di dag las gang yang rung ba zhig khros par gyur na de'i rgyus khyod 'chi ba 'am 'chi ba la thug pa tsam gyi sdug bsngal nyams su myong bar 'gyur ro/ /kye skyes bu khyod bdag nyid kyi bya ba gang yin pa de byos shig ces smras na/de nas skyes bu de sbrul gdug pa gzi brjid che zhing dug drag pa bzhi sgrom gyi nang du bcug pas 'jigs nas/ gang gis na myur ba myur bar 'bros par byed pa na skyes bu gzhan zhig gis kye skyes bu khyod kyi phyi bzhin du bdar 'ong gi des khyod la gnod pa 'am gnod par 'gyur gyi kye skyes bu khyod rang gi bya ba gang yin pa de byos shig ces smras pa dang /de nas skyes bu de sbrul gdug pa gzi brjid che zhing dug drag pa bzhi sgrom cig gi nang du bcug pa dang / gshed ma'i skyes bu lag na ral gri thogs pa lngas rab tu 'jigs te gang gi na myur ba myur bar 'bros pa na/ skyes bu gzhan zhig gis kye skyes bu gshed ma'i skyes bu drug pa zhig gis phyi nas snyeg cing phyi nas nye bar 'ongs shing 'dug gi des khyod kyi mgo drungs nas bcad de sa la bskyur bar 'gyur gyi/kye skyes bu khyod rang gi bya ba gang yin pa de byos shig ces smras pa dang / sbrul gdug pa gzi brjid che ba bzhi sgrom cig gi nang du bcug pa dang /gshed ma'i skyes bu lag na ral gri thogs pa lnga dang / gshed ma'i skyes bu drug pa drung na nye ba de dag gis shin tu 'jigs te myur ba myur bar bros pa dang / des de na grong stong pa zhig mthong ngo / /de grong stong pa der zhugs te/ ji srid du khang pa stong pa der bltas pa na stong pa 'ba' zhig mthong ste/brdzun pa nyid dang / slu ba nyid dang / snying po med pa nyid mthong zhing gang gnod pa mthong ba de dag kyang brdzun pa dang / slu ba dang / snying po med par mthong ba la skyes bu gzhan zhig 'di skad ces/ kye skyes bu khang pa stong pa 'dir grong la gnod pa'i rkun ma 'byung bar 'gyur gyi des khyod bzung nas rnam pa thams cad kyi thams cad du srog dang phral bar 'gyur gyi/kye skyes bu khyod rang gi bya ba gang yin pa de byos shig ces smras pa dang / de nas skyes bu de sbrul gdug pa bzhi zhes bya bas/ gshed ma'i skyes bu drung na nye ba dang / grong stong pa la gnod pa'i rkun ma dag gis rab tu 'jigs te myur ba myur bar bros pa na/des de na chu bo chen po ri las 'bar ba'i chu bo rgyun ring zhing gting zab pa myur bar 'gro zhing khyer bar bya ba khyer bar byed pa tshu rol gyi ngogs dogs pa dang bcas pa 'jigs pa dang bcas pa 'jigs pa tha dad pas 'jigs su rung bar gyur cing / pha rol gyi ngogs zhi zhing bde ba grub pa dang / bde ba dang bcas pa de tshu rol gyi ngogs las pha rol gyi ngogs su rgal bar byed par gru 'am gzings med par gyur cing / de lta bu'i chu bo chen po ri las 'bab pa'i chu bo rgyun ring zhing gting zab pa myur bar 'gro zhing khyer bar bya ba khyer bar byed pa tshu rol gyi ngogs dogs pa dang bcas pa 'jigs pa dang bcas pa 'jigs pa tha dad pas 'jigs su rung bar gyur cing /pha rol gyi ngogs zhi zhing bde ba grub pa dang bde ba dang bcas pa 'di las pha rol du rgal bar byed par gru 'am gzings gang dag gis rtswa 'am shing ngam yal ga dang 'dab ma dag bsdus te gzings su zhugs shing /gzings la brten te lag pa dang / rkang pa'i rtsol ba brtsam par bya'o zhes de snyam du bsams nas/ rtswa dang shing dang 'dab ma dang lo ma dag phyogs gcig tu bsdus te/ gzings 'ching bar byed de/ gzings bcings te/ gzings la zhugs shing gzings la brten gzings la gnas te/lag pa dang rkang pa'i rtsol ba rtsom par byed de/ ji ltar lag pa dang rkang pa'i rtsol ba rtsom par byed pa de ltar sgrom spangs shing sbrul gdug pa gzi brjid che zhing dug drag pa bzhi sgrom cig gi nang du bcug pa spangs par gyur cing / gshed ma'i skyes bu lag na ral gri thogs pa spangs par gyur cing /gshed ma'i skyes bu drug pa drung na nye bar spangs shing / khang pa stong pa spangs shing / grong 'joms pa'i rkun ma spangs par gyur cing / chu bo chen po ri las 'bab cing rgyun ring la gting zab pa myur bar 'gro zhing khyer bar bya ba khyer bar byed pa ring du spangs par gyur cing / tshu rol gyi ngogs dogs pa dang bcas pa 'jigs pa dang bcas pa 'jigs pa tha dad pas 'jigs su rung ba spangs shing ring du byas par 'gyur zhing /pha rol gyi ngogs zhi zhing bde ba dang grub pa dang bde legs su brgal nas pha rol tu phyin te tshangs shing gnas so/ /dge slong dag 'di ni ji srid du don shes par bya ba'i phyir dper byas pa yin gyi/'di'i don ni gzhan du blta bar bya ste/ dge slong dag sgrom cig ces bya ba ni lus kyi tshig bla dwags te/ gzugs can rags pa 'byung ba chen po bzhi las gyur pa/ pha dang ma'i mi gtsang ba nur nur po las brten te skyes pa/ 'bras chan dang zan dron gyis gsos pa/ rtag par rgyun du brdzun pa slu ba yongs su 'jig pa'i chos can gyi tshig bla dwags so/ /sbrul gdug pa bzhi zhes bya ba ni 'byung ba chen po bzhi'i tshig bla dwags so/ /de bzhi gang zhe na/ sa dang / chu dang / me dang / rlung ngo / /dge slong dag sa'i khams 'khrugs na yang 'chi ba 'am 'chi ba la thug pa tsam gyi sdug bsngal myong bar 'gyur ro//gshed ma'i skyes bu lag na ral gri thogs pa lnga zhes bya ba ni nye bar len pa'i phung po lnga'i tshig bla dwags so/ /gshed ma'i skyes bu drug pa drung na nye ba zhes bya ba ni 'dod chags kyi tshig bla dwags so/ /grong stong pa zhes bya ba ni nang gi bdag nyid kyi skye mched rnams kyi tshig bla dwags so//dge slong dag dge slong rigs kyi bu mig la stong pa nyid du lta bar byed cing dge slong dag rna ba dang / sna dang / lce dang / lus dang / yid la rigs kyi bu de lta bas na stong pa nyid du mthong bar 'gyur zhing brdzun pa nyid dang / slu ba nyid dang / snying po med pa nyid du mthong bar 'gyur zhing / dge slong dag rigs kyi bu mig la shin tu brdzun pa dang /slu ba dang / gsog dang / snying po med par mthong bar 'gyur zhing / dge slong dag rigs kyi bu rna ba dang / sna dang / lce dang / lus dang / yid la shin tu brdzun pa dang / slu ba dang / gsog dang snying po med pa nyid du mthong bar 'gyur ro/ /grong 'joms pa'i rkun po zhes bya ba ni phyi'i skye mched rnams kyi tshig bla dgas te/gzugs yid du 'ong ba dang mi 'ong bas mig 'joms par byed do/ /rna ba sgras sna dris lce ros/ lus reg byas dge slong dag yid ni chos yid du 'ong ba dang mi 'ong ba rnams kyis 'joms par byed do/ / dge slong dag chu bo chen po zhes bya ba ni chu bo bzhi po 'dod pa'i chu bo dang / srid pa'i chu bo dang / lta ba'i chu bo dang / ma rig pa'i chu bo'i tshig bla dwags so/ /dge slong dag rgyun ring po zhes bya ba ni srid pa gsum po 'dod pa'i srid pa dang / gzugs kyi srid pa dang / gzugs med pa'i srid pa gsum gyi tshig bla dwags so//tshu rol gyi 'gram dogs pa dang bcas pa 'jigs pa dang bcas pa 'jigs pa tha dad pas 'jigs su rung ba zhes bya ba ni 'jig tshogs la lta ba'i tshig bla dwags so/ /pha rol gyi 'gram zhi zhing bde ba grub pa dang bde ba dang bcas pa zhes bya ba ni phung po lhag ma dang bcas pa'i mya ngan las 'das pa'i tshig bla dwags so//gzings zhes bya ba ni 'phags pa'i lam yan lag brgyad kyi tshig bla dgas so/ /lag pa dang rkang pa'i rtsol ba rtsom pa zhes bya ba ni brtson 'grus brtsams pa'i tshig bla dwags so/ /pha rol tu phyin cing rgal la tshangs shing gnas so zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyi tshig bla dwags so//dge slong dag nyan thos rnams kyis dran par bya'o zhes bya ba nas/ 'di ni nga'i rjes su bstan pa'o zhes bya ba'i bar du gsungs so/ /kun dga' bo la gdams pa las kyang kun dga' bo la gdams pa 'di ltar 'don te/sring mo lus zhes bya ba ni lus kyi tshig bla dwags te/ gzugs can rags pa 'byung ba chen po bzhi las gyur pa pha'i mi gtsang ba nur nur po las skyes pa 'bras chan dang zan dron gyis bskyed cing rtag tu 'drul zhing yongs su nyams pa 'jig cing rnam par 'gyur ba'i chos can gyi tshig bla dwags so//de bzhin du gzhan las kyang ngo / /dge slong dag khyed kyis yun ring por zhes bya ba la sogs pa la bcom ldan 'das yangs pa can spre'u rdzing gi gtsug lag khang du bzhugs te/ de nas lam du gnas pa bzhi bcu po thams cad kyang dgon pa pa/ bsod snyoms pa/phyis mi len pa/ slob pa 'dod pa las 'dod chags dang bral ba dag yin la/ gang bdag gis 'di dag 'di na 'dug bzhin du ji ltar nye bar len pa med par zag pa dag las sems rnam par grol bar 'gyur ba de lta bu'i chos bshad par bya'o snyam du dgongs nas/ de nas bcom ldan 'das kyis dge slong bzhi bcu'i tshogs la bos te/dge slong dag sems can thog ma dang tha ma med pa'i 'khor bar ma rig pas bsgribs shing sred pas kun du sbyor ba/ sred pas bcings pa yun ring po nas 'khor bar nying mtshams sbyor zhing 'khor ba rnams kyi sdug bsngal gyi sngon gyi mtha' mi shes so//dge slong dag 'di ji snyam du sems/ 'di ltar chu bo gang+gA gang nas 'bab pa rgya mtsho chen po gang du 'jug pa de'i bar gyi gang+gA'i chu mang ngam/ gang yang khyed cag gi yun ring po'i dus na 'khor bar nying mtshams sbyor ba'i khrag zags par gyur pa mang / btsun pa ji ltar bdag cag gis bcom ldan 'das kyis bshad pa'i don 'tshal ba ltar na/'di ltar chu bo chen po gang+gA gang nas 'bab pa dang / rgya mtsho chen po gang du 'jug pa de'i bar gyi gang+gA'i chu bas bdag cag gi yun ring por 'khor bar nying mtshams sbyor ba'i khrag 'dzag pa 'di nyid ches mang ngo / /dge slong dag legs so legs so//'di ltar chu bo gang+gA gang nas 'bab pa dang / rgya mtsho chen po gang du 'jug pa de'i bar gyi gang+gA'i chu bas khyod cag gi yun ring por 'khor bar nying mtshams sbyor ba'i khrag zags par gyur pa ches mang ngo / /dge slong dag 'di ji snyam du sems/ 'di ltar chu bo gang+gA gang nas 'bab pa dang /rgya mtsho chen po gang du 'jug pa de'i bar gyi gang+gA'i chu dang / gang yang shar phyogs kyi rgya mtsho chen po dang / lho phyogs dang / nub phyogs dang / byang phyogs kyi rgya mtsho chen po bzhi'i chu mang ngam/ gang yang khyed cag gi yun ring por 'khor bar nying mtshams sbyor ba'i khrag zags pa mang /btsun pa ji ltar bdag cag gis bcom ldan 'das kyis bshad pa'i don 'tshal ba ltar na 'di ltar na chu bo gang+gA gang nas 'bab pa dang / rgya mtsho chen po gang du 'jug pa de'i bar gyi gang+gA'i chu dang / gang yang shar phyogs kyi rgya mtsho chen po dang / lho phyogs dang / nub phyogs dang / byang phyogs kyi rgya mtsho chen po bzhi'i chu bas bdag cag gi yun ring por 'khor bar nying mtshams sbyor ba'i khrag zags par gyur pa ches mang ngo //dge slong dag legs so legs so/ /'di ltar chu bo gang+gA gang nas 'bab pa dang / rgya mtsho chen po gang du 'jug pa de'i bar gyi gang+gA'i chu bo dang /gang yang shar phyogs kyi rgya mtsho chen po dang / lho phyogs dang / nub phyogs dang / byang phyogs kyi rgya mtsho chen po bzhi'i chu bas khyed cag gi yun ring por 'khor bar nying mtshams sbyor ba'i khrag zags par gyur pa 'di nyid ches mang ngo / /de ci'i phyir zhe na/ dge slong dag khyed cag yun ring por glang po che dang skal ba mnyam par skyes te/glang po cher gyur cing lag pa bcad pa nyams su myong ba dang / rkang pa bcad pa dang / rna ba bcad pa dang / mgo bcad pa dang / so 'don pa lan du mar nyams su myong bar gyur cing / lan du mar khrag zags par gyur to//dge slong dag khyed cag khyi dang / rnga mo dang / ba lang dang / bong bu dang / ra dang / ri dgas dang / ma he dang / phag dang / khyim bya rnams dang skal ba mnyam par skyes shing khyim byar gyur te/ lag pa bcad pa nyams su myong ba dang / rkang pa bcad pa dang / rna ba bcad pa dang / mgo bo bcad pa dang /mchu gcod par gyur pa'i sdug bsngal du ma nyams su myong bar gyur cing lan mang du khrag zags par gyur to/ /dge slong dag khyed cag yun ring por rkun mar gyur te bzung ba dang / mi gzhan gyis bzung ba 'phrog pa dang / gzhan 'ching ba dang / rgyun gcod pa dang / bcings pa 'grol ba dang /chom rkun pa dang / grong 'joms pa dang / grong khyer 'joms pa dang / yul 'joms pa dang / ljongs 'joms pa yin no zhes bzung ba dang / der lan du mar lag pa bcad pa nyams su myong zhing / rkang pa bcad pa dang / rna ba bcad pa dang / sna bcad pa dang / mgo bo bcad pa nyams su myong zhing der lan du mar khrag zags par gyur to//dge slong dge slong dag khyed kyis yun ring por sdug bsngal drag pa tshab rtsub pa yongs su myong zhing dur khrod skyed do/ /khrag gi thigs pa blangs so/ /lan cig ma yin par dmyal ba dang / lan cig ma yin par dud 'gro dang / lan cig ma yin par yi dags dang / lan cig ma yin par ngan song ngan 'gro log par lhung bar gyur to/ /dge slong dag gzugs rtag pa 'am mi rtag pa yin snyam du sems/ btsun pa 'di ni mi rtag pa'o/ /gang mi rtag pa de sdug bsngal ba yin nam/ btsun pa 'di ni sdug bsngal ba'o/ /gang mi rtag pa dang /sdug bsngal ba dang / yongs su 'gyur ba'i chos can de la 'phags pa nyan thos thos pa dang ldan pa 'di ni bdag go 'di ni bdag ste/ 'di ni bdag gi'o zhes bdag tu khas len par byed dam/ btsun pa ma lags so/ /dge slong dag 'di ji snyam du sems/ tshor ba dang / 'du shes dang /'du byed dang / rnam par shes pa rtag pa 'am mi rtag pa yin snyam du sems/ btsun pa 'di ni mi rtag pa'o/ /gang mi rtag pa de sdug bsngal ba 'am/ sdug bsngal ba ma yin/ btsun pa sdug bsngal ba/ gang mi rtag pa dang / sdug bsngal ba dang / yongs su 'gyur ba'i chos can de la 'phags pa nyan thos thos pa dang ldan pa 'di ni bdag go//'di ni bdag ste/ 'di ni bdag gi'o zhes bdag khas len par byed dam/ btsun pa ma lags so/ /dge slong dag de'i phyir gzugs gang 'das pa 'am ma 'ongs pa dang / da ltar byung ba 'am/ nang gi 'am/ phyi'i 'am/ rags pa 'am/ phra ba 'am/dman pa 'am/ gya nom pa 'am/ thag nye ba 'am/ rgyang ring ba 'am/ de thams cad la 'di ni bdag gi ma yin no/ /'di ni bdag gi ma yin te/ bdag gi bdag med do zhes 'di ltar yang dag pa'i shes rab kyis blta bar bya'o/ /tshor ba dang / 'du shes dang / 'du byed dang / rnam par shes pa gang cung zad 'das pa 'am/ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ dman pa 'am/ gya nom pa 'am/ thag nye ba 'am/ rgyang ring ba de thams cad la 'di ni bdag gi ma yin zhing bdag ma yin no/ /'di ni bdag gi ma yin no zhes 'di ltar yang dag pa'i shes rab kyis ji lta ba bzhin du blta bar bya'o//dge slong dag de ltar mthong ba'i 'phags pa nyan thos thos pa dang ldan pa gzugs la yid 'byung zhing / tshor ba dang / 'du shes dang / 'du byed dang / rnam par shes pa la yid 'byung bar 'gyur ro/ /yid byung nas 'dod chags dang bral bar 'gyur ro//'dod chags dang bral nas grol bar 'gyur ro/ /grol nas bdag gi skye ba zad do/ /tshangs par spyod pa bsten to/ /bya ba byas so/ /yang srid pa 'di las gzhan mi shes so zhes/ rnam par grol ba'i ye shes mthong bar 'gyur ro//chos kyi rnam grangs 'di bshad pa'i tshe dge slong bzhi bcu'i tshogs rnams nye bar len pa med par zag pa dag las sems rnam par grol lo zhes gsungs so/ /dmyal ba yi ni spyi tshugs yin/ /zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/dge slong dag yongs su gdung ba dang bcas pa dang / yongs su gdung ba med pa'i chos bstan par bya yis de legs pa'i nyon la yid la zung shig dang bshad par bya'o/ /yongs su gdung ba dang bcas pa'i chos gang yin zhe na/ dge slong dag skyes pa 'am bud med tshul khrims 'chal pa sdig pa'i chos can gang lus kyis nyes par spyod pa'am/ngag dang yid kyis nyes par spyod pa dang ldan pa dag 'di ltar 'gyur te/ de'i dus na nad kyis thebs shing sdug bsngal zhing na la mal stan la 'dug cing khri dang stan gyi steng na 'dug pa la lus kyi tshor ba sdug bsngal ba drag pa tsha ba rtsub pa yid du mi 'ong ba srog 'phrog par byed pa rnams kyis reg pa na gang yang de 'di ltar 'gyur te/sngon gyi lus kyis nyes par spyad pa dang / ngag gis nyes par spyad pa dang yid kyis nyes par spyad pa de'i tshe de'i dus na mngon du 'gyur zhing ches gsal bar 'gyur ro//'di lta ste nyi ma nub pa'i dus na ri'am ri'i bang rim gyi grib ma sa la lhags par 'gyur/ rab tu lhags par 'gyur/ ches gsal bar lhags pa de bzhin du/ de 'di ltar gang gi tshe sngon gyi lus kyis nyes par spyad pa dang / ngag gis nyes par spyad pa dang /yid kyis nyes par spyad pa de'i tshe de'i dus na mngon sum du 'gyur te/ rab tu mngon du 'gyur zhing ches gsal bar 'gyur ro/ /de 'di snyam du kye ma 'di ltar bdag gis lus dang ngag dang yid kyis sdig pa byas te/ sdig pa byas so/ /drag po byas so/ /nyes par byas so/ / bsod nams ma byas so/ /dge ba ma byas shing 'jigs pa la mi 'jigs pa'i skyabs ma byas pas pha rol du 'gro bar 'gyur ro zhes 'gyod pa dang bcas par 'gyur ro/ /'gyod pa dang bcas te shi ba ni legs pa ma yin zhing dus byed pa dang pha rol du 'gro ba ni legs pa ma yin no//'di ni 'gyod pa yongs su gdung ba dang bcas pa'i chos zhes bya'o/ /yongs su gdung ba med pa'i chos gang zhe na/ dge slong dag skyes pa 'am bud med tshul khrims dang ldan pa dge ba'i chos can gang lus kyis legs par spyad pa dang / ngag gis legs par spyad pa dang / yid kyis legs par spyad pa dang ldan pa dag 'di ltar 'gyur te/ de'i dus na nad kyis thebs shing sdug bsngal zhing na la mal stan la 'dug cing khri dang stan gyi steng na 'dug pa la lus kyi tshor ba sdug bsngal ba drag pa tsha ba rtsub pa yid du mi 'ong ba srog 'phrog par byed pa rnams kyis reg pa na gang yang de 'di ltar 'gyur te/sngon lus kyis legs par spyad pa dang / ngag gis legs par spyad pa dang / yid kyis legs par spyad pa de'i tshe na mngon du 'gyur zhing / rab tu mngon du 'gyur la/ ches gsal bar 'gyur te/ 'di lta ste/ nyi ma nub pa'i dus na ri'am ri'i bang rim gyi grib ma sa la lhags par 'gyur/rab tu lhags par 'gyur ches gsal bar lhags pa de bzhin du 'di ltar gang sngon lus kyis legs par spyad pa dang / ngag gis legs par spyad pa dang / yid kyis legs par spyad pa de'i tshe de'i dus na mngon du 'gyur te/ rab tu mngon du 'gyur zhing ches gsal bar 'gyur ro//de 'di snyam du kye ma bdag gis 'di ltar lus dang ngag dang yid kyis dge ba byas te/ sdig pa drag po ma byas so/ /bsod nams byas so/ /dge ba byas shing 'jigs pa la mi 'jigs pa'i skyabs byas te 'jig rten pha rol du 'gro bar 'gyur ro zhes 'gyod pa med par 'gyur te/'gyod pa med par shi ba ni legs shing dus byed pa dang pha rol du 'gro ba ni legs pa yin te/ 'di 'gyod pa yongs su gdung ba med pa'i chos zhes bya'o/ /dge slong dag yongs su gdung ba dang bcas pa dang / yongs su gdung ba med pa'i chos bshad par bya'o zhes ji skad du bshad pa de rgyas par rab tu bshad do//'gyod pa dang bcas mi rnams kyi/ /'tsho ba shin tu dka' bar gnas/ /mi de rnams kyi 'gro ba dag /gang du 'gro ba legs par nyon/ /yang sos dang ni thig nag dang / /bsdus 'joms ngu 'bod gnyis dang ni//tsha dang rab tu tsha ba dang / /mnar med pa zhes bya ba ste/ /de ltar de dag dmyal ba ni/ /brgyad ces bya ste rgal bar dka'/ /drag po'i las kyis kun du gang / /re re la yang lhag bcu drug /rtsig pa bzhi dang sgo bzhi dang / /rnam phyed ris su chad pa yin/ /lcags kyi ra bas kun nas bskor//lcags dag gis ni gang ba yin/ /de nas lcags 'bar sa gzhi ste/ /'bar ba'i me dang ldan pa yin/ /dpag tshad stong phrag du mar ni/ /me lce dag gis khyab par gnas/ /ser sna can rnams 'dul byed pa'i/ /me lce'i sgra ni bsgrub par dka'/ /'joms shing ba spu ldang ba dang //'jigs par byed cing sdug bsngal byed/ /yang dag sdom dang dka' thub can/ /drang srong rnams la skur 'debs pa/ /de dag spyi'u tshugs dag tu ni/ /dmyal bar lhung ba dag tu 'gyur/ /'tshed bzhin pa yi nya bzhin du/ /de dag drag pos 'joms shing 'tshed/ / mtshon gyis bcom pa'i klu bzhin du/ /de dag rtag tu smre sngags 'don/ /'di ltar nyes par spyod pa rnams/ /'o dod chen pos smre sngags 'don/ /zhes bka' stsal to/ /mngal du 'jug pa gsum dag ces bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/dge slong dag mngal du 'jug pa ni rnam pa gsum ste/ shes bzhin du ma'i mngal du 'jug pa dang / shes bzhin du gnas pa dang / 'byung ba shes bzhin ma yin pa dang / ma'i mngal du 'jug pa shes bzhin du ma yin gyi/ gnas pa dang / 'jug pa shes bzhin dang /ma'i mngal du 'jug pa dang / 'byung ba dang / gnas pa yang shes bzhin du gnas pa yod do zhes gsungs so/ /'di rgyas par ni phra rgyas btab pa'i dbugs 'byung ba drug pa las blta bar bya'o/ /'di skad du bcom ldan 'das kyis las ni yod pa rnam par smin pa ni yod do zhes bya ba la sogs pa la/bcom ldan 'das skya bseng gi grong khyer kol ma sha dam mya na bzhugs te/ de nas bcom ldan 'das kyis dge slong rnams la bos te/ dge slong dag thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su byang ba tshangs par spyod pa/ gsal bar byed pa/ 'di lta ste/ don dam pa stong pa nyid ces bya ba'i chos kyi rnam grangs bstan par bya yis de legs par nyon la yid la zung shig dang bshad par bya'o/ /don dam pa stong pa nyid ces bya ba'i chos kyi rnam grangs gang zhe na/mi skye ba ni gang nas kyang mi 'ong / 'gag pa gang du mi 'gro ste/ dge slong dag 'di ltar mig ni ma byung ba las byung zhing byung nas kyang yongs su 'jig pa ste las ni yod do/ /rnam par smin pa ni yod do/ /chos su brdar btags pa ma gtogs pa phung po 'di 'dor bar byed cing phung po gzhan nying mtshams sbyor bar byed pa po ni mi dmigs so//de la chos su brdar btags pa ni 'di yin te/ 'di lta ste/ 'di yod pas 'di 'byung / 'di skyes pa'i phyir 'di skye ste/ 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'di 'ba' zhig 'byung bar 'gyur ro/ /'di ltar 'di med pas 'di mi 'byung / 'di ma skyes pas 'di 'gag par 'gyur te/ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag / reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gag pas rga shi dang / mya ngan dang / smre sngags 'don pa dang /sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po chen po 'di 'ba' zhig 'gag par 'gyur ro/ /'di ni don dam pa stong pa nyid ces bya ba'i chos kyi rnam grangs so/ dge slong dag thog mar dge ba/ bar du dge ba/tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su byang ba/ tshangs par spyod pa/ yongs su gsal bar byed pa 'di lta ste/ don dam pa stong pa nyid ces bya ba'i chos kyi rnam grangs bshad par bya'o zhes ji skad du bstan pa de rgyas par bar tu bshad do zhes bka' stsal to//dang po nur nur po yin no zhes bya ba la sogs pa la/ bcom ldan 'das ma ga d+hAr ljongs rgyu zhing gshegs te/ gnod sbyin dbang po'i khyim du mtshan mo gnas pa'i phyir gshegs so/ /de nas gnod sbyin dbang po bcom ldan 'das gang na ba der nye bar 'ongs te/nye bar 'ongs nas bcom ldan 'das kyi zhabs la spyi bos phyag byas te phyogs gcig tu 'dug go /phyogs gcig tu 'dug nas gnod sbyin dbang pos tshigs su bcad pa 'di skad ces gsol to/ /srog gis ci zhig mi shes sam/ /srog gis ci zhig mi rtogs sam/ /srog ni gang du bcings shing gnas//srog gi 'ching ba sred pa yin/ /bcom ldan 'das kyis bka' stsal pa/ /srog gis gzugs rnams mi shes te/ /'du byed kyang ni rtogs ma yin/ /srog ni lus 'dir bcings shing gnas/ /srog ni 'ching ba sred pa yin/ /sangs rgyas gzugs ni srog min gsung //ji ltar tshang tshing 'dir gnas shing / /ji ltar rim gyis gong bur 'gyur/ /ji ltar lus ni mngon 'phel 'gyur/ /dang por nur nur po yin no/ /nur nur po las mer mer po/ /mer mer po las nar nar skye/ /nar nar po las mkhrang 'gyur skye/ /mkhrang las rkang lag 'gyus pa dang / / skra spu sen mo la sogs dang / /dbang po gzugs can rnams dang ni/ /mtshan rnams rim gyis skye bar 'gyur/ /gang tshe ma yis bzas pa dang / /btung ba gnyis ka longs spyad pas/ /mngal gyi nang na gnas pa'i mi/ /des ni gso zhing skye bar 'gyur/ /de nas gnod sbyin dbang po bcom ldan 'das kyis gsungs pa la mngon par dga' zhing rjes su yi rang nas/bcom ldan 'das kyi zhabs la spyi bos phyag byas te/ bcom ldan 'das kyi drung nas song ngo / /'di ltar/ gleng gzhi chen po'i rnam grangs las/ /zhes bya ba la mdor bstan pa brjod pa las 'di ltar 'don te/ kun dga' bo ming dang gzugs la rkyen yod dam zhes 'dri na/rkyen yod do zhes lan gdab par bya'o/ /kun dga' bo ming dang gzugs kyi rkyen gang yin zhes 'dri na/ rnam par shes pa rkyen yin no zhes brjod par bya'o/ /kun dga' bo rnam par shes pa'i rkyen gyis ming dang gzugs so zhes ngas ji skad du bstan pa de rgyas par rab tu bshad do//kun dga' bo gal te rnam par shes pa ma'i mngal du zhugs par ma gyur na/ khu ba dang khrag gi nur nur po'i nang du mngon par brgyal bar 'gyur ram/ btsun pa ma lags so/ /kun dga' bo gal te rnam par shes pa ma'i mngal du zhugs par ma gyur ram/ 'phos par ma gyur na rnam par shes pa 'di lta bur nye bar 'gyur ram/ btsun pa ma lags so/ /kun dga' bo gal te byis pa dang / gzhon nu dang gzhon nu ma dang / lang tsho'i gnas skabs kyi rnam par shes pa dang po nas 'di ltar chad cing ma byung bar gyur na ming dang gzugs 'di ltar rgyas shing yangs pa rgya chen por 'gyur ram/btsun pa ma lags so/ /kun dga' bo gal te rnam pa thams cad du rnam par shes pa med na ming dang gzugs gdags par nus sam/ btsun pa ma lags so/ /kun dga' bo de'i phyir rgyu mtshan 'di dang / rgyu 'di dang / kun 'byung ba 'di lta ste/ rnam par shes pa'i rkyen gyis ming dang gzugs zhes bya'o//rnam par shes pa'i rkyen gyis ming dang gzugs zhes ngas ji skad du bstan pa de rgyas par rab tu bshad do/ /'di ltar mdo de nyid las dge slong dag dge slong gis gang phan chad rten cing 'brel par 'byung ba dang zhes bya ba la sogs pa la/ gleng gzhi ni mnyan du yod pa na'o//dge slong dag rten cing 'brel par 'byung ba dang / rten cing 'brel par 'byung ba'i chos rnams bshad par bya yis de legs par nyon la yid la zung shig dang bshad par bya'o/ /rten cing 'brel par 'byung ba'i chos rnams gang zhe na/ 'di ltar 'di yod pas 'di 'byung /'di skyes pa'i phyir 'di skye ste/ 'di ltar ma rig pa'i rkyen gyis 'du byed rnams zhes bya ba nas/ 'di 'ba' zhig kun du 'byung bar 'gyur zhes bya ba'i bar du ste/ skye ba'i rkyen gyis rga shi zhes bya ba de bzhin gshegs pa rnams byung yang rung / de bzhin gshegs pa rnams ma byung yang rung ba 'di ni chos nyid de/chos rnams kyi chos nyid 'di ni rtag tu gnas pa'o zhes rang nyid kyi mngon par shes pas mkhyen cing mngon par sangs rgyas nas ston par byed/ 'chad par byed/ rab tu 'chad par byed/ rnam par 'byed par byed/ 'grel par byed/ rgyas par byed/ston cing yang dag par gsal bar byed de/ 'di ltar skye ba'i rkyen gyis rga shi dang / srid pa dang / len pa dang / sred pa dang / tshor ba dang / reg pa dang / skye mched drug dang / ming dang gzugs dang / rnam par shes pa dang / ma rig pa'i rkyen gyis 'du byed rnams te/ de bzhin gshegs pa rnams byung ngam ma byung yang rung chos nyid de/chos rnams kyi chos nyid 'di ni rtag tu gnas so zhes de bzhin gshegs pas rang nyid kyi mngon par shes pas mkhyen nas mngon par sangs rgyas nas ston par byed/ 'chad par byed/ rab tu 'chad par byed/ rnam par 'byed par byed/'grel bar byed/ rgyas par byed/ ston cing yang dag par gsal bar byed de/ 'di ltar ma rig pa'i rkyen gyis 'du byed rnams zhes bya ba 'di ni chos rnams kyi gnas pa/ chos rnams kyi nges pa/ chos rnams kyi ji lta ba nyid/ de bzhin nyid/ mi 'gyur ba de bzhin nyid/ gzhan ma yin pa de bzhin nyid ji lta ba/bden pa/ de kho na nyid/ ji lta ba bzhin mi 'gyur ba/ phyin ci ma log pa/ rkyen 'di tsam pa ste/ 'di ni rten cing 'brel par 'byung ba go rims las bzlog pa ste/ 'di ni rten cing 'brel par 'byung ba zhes bya'o/ /rten cing 'brel par 'byung ba'i chos rnams gang zhe na/ ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi'o/ /dge slong dag de la skye ba dang / rga shi ni mi rtag pas 'dus byas bsags pa/ rten cing 'brel par 'byung ba/skye ba dang / 'jig pa'i chos can/ 'dod chags dang bral ba'i chos can/ 'gag pa'i chos can du de ltar yongs su shes par bya'o/ /skye ba dang / srid pa dang / len pa dang / sred pa dang / tshor ba dang / reg pa dang / skye mched drug dang / ming dang gzugs dang /rnam par shes pa dang / 'du byed kyang mi rtag pa/ 'du byas pa/ bsags pa/ rten cing 'brel par 'byung ba/ skye ba dang / 'jig pa'i chos can/ 'dod chags dang bral ba'i chos can/ 'gog pa'i chos can du de yongs su shes par bya ste/ 'di ni rten cing 'brel par 'byung ba zhes bya'o//dge slong dag gang yang 'phags pa nyan thos thos pa dang ldan pa/ rten cing 'brel par 'byung ba dang / rten cing 'brel par 'byung ba'i chos rnams yang dag pa'i shes rab kyis ji lta ba bzhin shes shing / rab tu mthong zhing bar tu rig la/ rab tu rten cing rab tu yid la byas shing / legs par so sor rtogs na/ de ci bdag 'das pa'i dus na byung bar gyur tam 'on te byung bar ma gyur/ bdag 'das pa'i dus na ci zhig tu byung bar gyur/ bdag 'das pa'i dus na ji ltar byung bar gyur zhes sngon gyi mtha' rjes su 'brang bar mi 'gyur ro/ /ci bdag ma 'ongs pa'i dus na 'byung bar 'gyur ram/'on te bdag ma 'ongs pa'i dus na 'byung bar mi 'gyur/ bdag ma 'ongs pa'i dus na ci zhig tu 'byung bar 'gyur/ bdag ma 'ongs pa'i dus na ji ltar 'byung bar 'gyur zhes phyi ma mtha'i rjes su 'brang bar mi 'gyur ro/ /'di ci zhig 'di ji ltar yod pa ni ci zhig 'byung bar ni ci zhig sems can 'di dag gang nas 'ongs shing 'chi 'pho ba na gang du 'gro bar 'gyur zhes nang gi bdag nyid la the tshom za bar mi 'gyur ro//gang yang dge sbyong ngam bram ze gang kha cig 'jig rten gyi lta bar gyur pa tha dad pa 'di lta ste/ bdag tu smra ba dang / yang dag par ldan pa dang / mtshams sbyor bar byed par smra ba dang / yang dag par ldan pa dang / gso bar smra ba dang yang dag par ldan pa dang / dge mtshan dang bkra shis su smra ba dang yang dag par ldan pa dag de'i tshe na yongs su shes shing yongs su spangs par 'gyur/ rtsa ba bcad par 'gyur te/shing ta la rtsa ba bcad pa ltar ma 'ongs pa'i skal ba mi skye ba'i chos can du 'gyur te/ de ci'i phyir zhe na/ dge slong dag 'di ltar 'phags pa nyan thos thos pa dang ldan pa rten cing 'brel par 'byung ba dang / rten cing 'brel par 'byung ba'i chos rnams yang dag pa'i shes rab kyis ji lta ba bzhin shes shing rab tu mthong zhing rab tu rig la rab tu yid la byas shing /rab tu rten la legs par so sor rtogs pa'i phyir ro/ /dge slong dag rten cing 'brel par 'byung ba dang / rten cing 'brel par 'byung ba'i chos rnams bstan par bya'o zhes ji skad du bstan pa de rgyas par rab tu bshad do zhes bka' stsal to//ma rig pa tshul bzhin ma yin pa yid la byed pa'i rgyu can du gsungs zhes bya ba la/ bcom ldan 'das skya bseng gi grong khyer kol ma sha dam mya na bzhugs te/ de nas bcom ldan 'das kyis dge slong rnams la bos te/ dge slong dag thog mar dge ba/ bar du dge ba zhes bya ba nas tshangs par spyod pa yongs su gsal bar byed pa 'di lta ste/rgyu dang bcas rkyen dang bcas rgyu mtshan dang bcas pa zhes bya ba'i chos kyi rnam grangs bshad par bya yis de legs par zhes bya ba nas bshad par bya ba'i bar du'o/ /dge slong dag rgyu dang bcas rkyen dang bcas rgyu mtshan dang bcas pa zhes bya ba'i chos kyi rnam grangs gang zhe na/dge slong dag mig ni rgyu dang bcas rkyen dang bcas rgyu mtshan dang bcas pa ste/ dge slong dag mig gi rgyu ni gang / rkyen ni gang / rgyu mtshan ni gang zhe na/ dge slong dag las ni rgyu/ las ni rkyen/ las ni rgyu mtshan no/ /dge slong dag las ni rgyu dang bcas rkyen dang bcas rgyu mtshan dang bcas pa'o//dge slong dag las kyi rgyu ni gang / rkyen ni gang / rgyu mtshan ni gang zhe na/ dge slong dag las kyi rgyu ni sred pa/ rkyen ni sred pa/ rgyu mtshan ni sred pa'o/ /dge slong dag sred pa yang rgyu dang bcas/ rkyen dang bcas/ rgyu mtshan dang bcas pa ste/dge slong dag sred pa'i rgyu ni gang / rkyen ni gang / rgyu mtshan ni gang zhe na/ dge slong dag sred pa'i rgyu ni ma rig pa/ rkyen ni ma rig pa rgyu mtshan ni ma rig pa'o/ /dge slong dag ma rig pa yang rgyu dang bcas rkyen dang bcas/ rgyu mtshan dang bcas pa ste/ dge slong dag ma rig pa'i rgyu ni gang / rkyen ni gang / rgyu mtshan ni gang zhe na/ dge slong dag ma rig pa'i rgyu ni tshul bzhin ma yin pa yid la byed pa/ rkyen ni tshul bzhin ma yin pa yid la byed pa/ rgyu mtshan ni tshul bzhin ma yin pa yid la byed pa'o/ /dge slong dag tshul bzhin ma yin pa yid la byed pa rgyu dang bcas/ rkyen dang bcas/rgyu mtshan dang bcas pa'o/ /dge slong dag tshul bzhin ma yin pa yid la byed pa'i rgyu ni gang / rkyen ni gang / rgyu mtshan ni gang zhe na/ ming dang gzugs la brten nas ma rig pa las skyes pa yid la byed pa rnyog pa skyes te/ gang rmongs shing kun du rmongs la ma rig pa de sred pa don du gnyer ro//sred pa dang bcas nas rnam par rig byed kyi las byed de/ dge slong dag tshul bzhin ma yin pa yid la byed pa ni ma rig pa'i rgyu can ma rig pa ni sred pa'i rgyu can/ sred pa ni las kyi rgyu can/ las ni mig gi rgyu can no/ /dge slong dag rna ba dang / sna dang / lce dang / lus dang /yid kyang rgyu dang bcas/ rkyen dang bcas/ rgyu mtshan dang bcas pa ste/ dge slong dag yid kyi rgyu ni gang / rkyen ni gang / rgyu mtshan ni gang zhe na/ dge slong dag yid kyi rgyu ni las/ rkyen ni las/ rgyu mtshan ni las so/ /dge slong dag las kyang rgyu dang bcas/ rkyen dang bcas/ rgyu mtshan dang bcas pa ste/dge slong dag las kyi rgyu ni gang / rkyen ni gang / rgyu mtshan ni gang zhe na/ dge slong dag las kyi rgyu ni sred pa/ rkyen ni sred pa/ rgyu mtshan ni sred pa'o/ /dge slong dag sred pa yang rgyu dang bcas/ rkyen dang bcas/ rgyu mtshan dang bcas pa ste/ dge slong dag sred pa'i rgyu ni gang /rkyen ni gang / rgyu mtshan ni gang zhe na/ dge slong dag sred pa'i rgyu ni ma rig pa/ rkyen ni ma rig pa/ rgyu mtshan ni ma rig pa'o/ /dge slong dag ma rig pa rgyu dang bcas/ rkyen dang bcas/ rgyu mtshan dang bcas pa ste/ dge slong dag ma rig pa'i rgyu dang / rkyen dang / rgyu mtshan gang zhe na/ tshul bzhin ma yin pa yid la byed pa ni rgyu'o/ /tshul bzhin ma yin pa yid la byed pa ni rkyen no/ /tshul bzhin ma yin pa yid la byed pa ni rgyu mtshan no/ /dge slong dag tshul bzhin ma yin pa yid la byed pa yang rgyu dang bcas/ /tshul bzhin ma yin pa yid la byed pa yang rkyen dang bcas/tshul bzhin ma yin pa yid la byed pa yang rgyu mtshan dang bcas pa ste/ dge slong dag tshul bzhin ma yin pa yid la byed pa'i rgyu ni gang / rkyen ni gang / rgyu mtshan ni gang zhe na/ dge slong dag yid dang / chos la brten nas ma rig pa las skyes pa'i yid la byed pa rnyog pa skyes te/gang rmongs shing kun du rmongs la/ ma rig pa de sred pa don du gnyer ro/ /sred pa dang bcas na rnam par rig byed kyi las byed de/ dge slong dag tshul bzhin ma yin pa yid la byed pa ni ma rig pa'i rgyu can/ ma rig pa ni sred pa'i rgyu can/ sred pa ni las kyi rgyu can/ las ni mig gi rgyu can te/'di ni rgyu dang bcas/ rkyen dang bcas/ rgyu mtshan dang bcas pa zhes bya ba'i chos kyi rnam grangs te/ dge slong dag rgyu dang bcas/ rkyen dang bcas/ rgyu mtshan dang bcas pa'i chos bshad par bya ste zhes bya ba nas/ snga ma bzhin du rgyu dang bcas/ rkyen dang bcas/ rgyu mtshan dang bcas pa'i chos bshad par bya'o zhes ngas ji skad du bstan pa de rgyas par rab tu bshad do zhes bka' stsal to//mdo gzhan las ma rig pa'i 'dus te reg pa las byung ba'i tshor ba zhes bya ba la phung po'i sngon gyi tshigs su bcad pa bzhi pa'i dang po'i mdo mdzod gyi gnas gnyis par mi ldan pa'i 'du byed kyi 'gog pa'i snyoms par 'jug pa'i skabs su bris pa blta bar bya'o//bcom ldan 'das kyis khyed la rten cing 'brel par 'byung ba'i chos rnams kyang bshad par bya'o zhes bka' stsal to zhes bya ba ni snga ma bzhin du de ma thag kho nar dge slong dag khyed da la rten cing 'brel par 'byung ba dang /rten cing 'brel par 'byung ba'i chos rnam par bshad par bya zhes mdo bris pa blta bar bya'o/ /'di ni mdo'i don ma yin no zhes bya ba la sogs pa la gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag rten cing 'brel par 'byung ba'i thog ma dang /rnam par dbye ba bshad par bya yis de legs par nyon la yid la zung shig dang bshad par bya'o/ /rten cing 'brel par 'byung ba'i dang po gang zhe na/ 'di yod pas 'di 'byung / 'di skyes pa'i phyir 'di skye ste/ 'di ltar ma rig pa'i rkyen gyis 'du byed dang /'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kun du 'byung bar 'gyur te/ dge slong dag de ltar na sdug bsngal gyi phung po chen po 'di 'ba' zhig kun du 'byung bar 'gyur te/'di ni rten cing 'brel par 'byung ba'i dngos po zhes bya'o/ /rnam par dbye ba gang zhe na/ ma rig pa'i rkyen gyis 'du byed ces 'byung ba ma rig pa gang zhe na/ sngon gyi mtha' mi shes pa dang / phyi ma'i mtha' mi shes pa dang / sngon dang phyi ma'i mtha' mi shes pa dang /nang mi shes pa dang / phyi mi shes pa dang / nang dang phyi rol mi shes pa dang / las mi shes pa dang / rnam par smin pa mi shes pa dang / las kyi rnam par smin pa mi shes pa dang / rgyu mi shes pa dang / 'bras bu mi shes pa dang / rgyu dang 'bras bu mi shes pa dang / sangs rgyas mi shes pa dang / chos mi shes pa dang / dge 'dun mi shes pa dang / sdug bsngal dang / kun 'byung dang / 'gog pa dang / lam mi shes pa dang / rgyu las byung ba'i chos rnams mi shes pa dang / dge ba dang mi dge ba rnams dang / kha na ma tho ba dang bcas pa dang / kha na ma tho ba med pa rnams dang / brten par bya ba dang /brten par bya ba ma yin pa rnams dang / spang bya dang spang bya ma yin pa rnams dang / dkar po dang / nag po rnams dang / rnam par dbye ba dang bcas pa'i rten cing 'brel par 'byung ba'i chos rnams mi shes pa dang / 'di ltar reg pa'i skye mched drug 'di ltar yang dag pa ji lta ba bzhin so sor ma rig pa ste/gang yang de dang de la mi shes pa dang / ma mthong ba dang / mngon par ma rtogs pa dang / mun pa dang / rmongs pa ma rig pa'i mun pa zhes bya ba ste 'di ni ma rig pa zhes bya'o/ ma rig pa'i rkyen gyis 'du byed gang zhe na/ 'du byed ni rnam pa gsum ste/lus kyi 'du byed dang / ngag gi 'du byed dang / yid kyi 'du byed do/ /'du byed kyi rkyen gyis rnam par shes pa zhes 'byung ba rnam par shes pa gang zhe na/ rnam par shes pa'i tshogs drug ste/ mig gi rnam par shes pa dang / rna ba dang / sna dang / lce dang / lus dang / yid kyi rnam par shes pa'o/rnam par shes pa'i rkyen gyis ming dang gzugs zhes byung ba ming gang zhe na/ gzugs can ma yin pa'i phung po bzhi ste/ tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po'o/ /gzugs gang zhe na/ gzugs gang ci yang rung ba de thams cad ni 'byung ba chen po bzhi dag dang /'byung ba chen po bzhi dag rgyur byas pa ste/ gzugs 'di dang sngar bstan pa thams cad gcig tu bsdus te ming dang gzugs zhes bya'o/ /ming dang gzugs kyi rkyen gyis skye mched drug ces 'byung ba skye mched drug gang zhe na/ nang gi skye mched drug ste/ mig nang gi skye mched dang /rna ba dang / sna dang / lce dang / lus dang / yid nang gi skye mched do/ /skye mched drug gi rkyen gyis reg pa zhes 'byung ba reg pa gang zhe na/ reg pa'i chos drug ste/ mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa'o/ /reg pa'i rkyen gyis tshor ba zhes 'byung ba tshor ba gang zhe na/tshor ba gsum ste/ bde ba dang / sdug bsngal ba dang / bde ba yang ma yin/ sdug bsngal ba yang ma yin pa'o/ /tshor ba'i rkyen gyis sred pa zhes 'byung ba sred pa gang zhe na/ sred pa gsum ste/ 'dod pa'i sred pa dang / gzugs kyi sred pa dang / gzugs med pa'i sred pa'o/ /sred pa'i rkyen gyis len pa zhes 'byung ba len pa gang zhe na/ nye bar len pa bzhi ste/ 'dod pa nye bar len pa dang / lta ba nye bar len pa dang / tshul khrims dang brtul zhugs nye bar len pa dang / bdag tu smra ba nye bar len pa'o/ /len pa'i rkyen gyis srid pa zhes 'byung ba srid pa gang zhe na/srid pa rnam pa gsum ste/ 'dod pa'i srid pa dang / gzugs kyi srid pa dang / gzugs med pa'i srid pa'o/ /srid pa'i rkyen gyis skye ba zhes 'byung ba skye ba gang zhe na/ sems can de dang de dag sems can gyi ris mthun pa de dang [(]dar [,]der [)]skye zhing yang dag par skye ba dang / 'jug pa dang / mngon par grub pa dang / rab tu byung ba dang / phung po thob cing khams dang skye mched thob la/ phung po mngon par grub cing dbang po dang grong mngon par rab tu byung ba ste 'di ni skye ba zhes bya'o/ /skye ba'i rkyen gyis rga shi zhes 'byung ba rga shi gang zhe na/ gang spyi ther dang / skra dkar dang /'khyogs shing gnyer ma mang ba dang / sgur po sgu bo/ gre ba sgra ngar ngar pos 'gags pa/ lus sgu zhing 'khar ba la brten pa/ sme ba'i thig les lus nyams pa/ lus bcings shing bcings pa dang / dbang po rnams yongs su nyams shing yongs su smin pa dang / 'jig pa dang 'du byed rnams yongs su rnyings shing rgas par gyur pa 'di ni rga ba zhes bya'o//'chi ba gang zhe na/ sems can gyi skal pa mnyam pa de dang de las 'chi 'pho zhing 'jig la nub cing tshe dang drod nyams la phung po 'phos shing dbang po rnams 'gags te/ shi zhing dus byed par 'gyur ba 'di ni 'chi ba zhes bya ste/'chi ba 'di dang rga ba gnyis ga gcig tu bsdus nas rga shi zhes bya'o/ /'di ni rten cing 'brel par [(]'byang [,]'byung [)]ba'i rnam par dbye ba zhes bya'o/ /dge slong dag khyed la rten cing 'brel par 'byung ba'i dang po dang rnam par dbye ba bshad par bya'o zhes ji skad du bstan pa de rgyas par rab tu bshad do//'di lta ste glang po'i rjes lta bu'i mdo las zhes bya ba la/ glang po'i rjes lta bu'i mdo bar ma'i bdun po tha ma las bstan pa mdzod kyi gnas dang por blta bar bya'o/ /der bstan pa phyogs tsam 'di ltar 'don te/ sa'i khams gang zhe na/ tshe dang ldan pa dag sa'i khams ni rnam pa gnyis te/nang dang phyi rol gyi'o/ /nang gi sa'i khams kyang yod do/ nang gi sa'i khams gang zhe na/ gang yang lus 'di la nang gi bdag nyid kyi sra ba dang / mkhrang ba dang / zin pa dang / zin par gyur pa ste/ de gang zhe na/ 'di lta ste/ skra dang / spu dang / sen mo dang / so dang / rdul dang / dri ma dang / pags pa dang / sha dang / rus pa dang / rtsa dang / rgyus pa dang / snying dang / glo ba dang / mchin pa dang / mkhal ma dang / rgyu ma dang / gnye ma dang / pho ba dang / long ka dang / gang rags par gyur pa ste/ gang lus 'di la sra ba dang / mkhrang ba zin pa dang /zin par gyur pa 'di ni nang gi bdag nyid kyi sa'i khams zhes bya'o/ /de bzhin gshegs pa rnams byung yang rung ma byung yang rung zhes bya ba la/ gleng gzhi ni mnyan du yod pa na'o/ /de nas dge slong gzhan zhig bcom ldan 'das gang na ba der nye bar 'ongs te/ nye bar 'ongs nas zhes bya ba nas/bcom ldan 'das la 'di skad ces gsol to zhes bya ba'i bar du'o/ /ci bcom ldan 'das kyis rten cing 'brel par 'byung ba byas sam/ 'on te gzhan zhig gis byas/ dge slong rten cing 'brel par 'byung ba ni ngas kyang ma byas la/ gzhan gyis kyang ma byas kyi/ de bzhin gshegs pa rnams byung yang rung ma byung yang rung /chos rnams kyi chos nyid 'di ni gnas pa/ chos kyi dbyings te/ de bzhin gshegs pa rang nyid kyis mkhyen cing mngon par sangs rgyas nas 'chad par byed/ ston par byed/ rnam par 'byed par byed/ 'brel pa dang ston cing yang dag par gsal bar byed de/'di lta ste 'di yod pas 'di 'byung / 'di skyes pas 'di skye ste/ ma rig pa'i rkyen gyis 'du byed/ 'du byed kyi rkyen gyis rnam par shes pa zhes bya ba nas snga ma bzhin du/ 'di 'ba' zhig kun du 'byung bar 'gyur ro zhes bya ba'i bar du'o/ /'di ltar 'di med pas 'di mi 'byung /'di 'gags pas 'di 'gag par 'gyur te/ 'di ltar ma rig pa 'gags pas 'du byed 'gag ces bya ba nas skye ba dang rga shi 'gag par 'gyur zhes bya ba'i bar du'o zhes bka' stsal to/ /dper na gzhan las ma rig pa yod na 'du byed rnams 'byung gi gzhan du ma rig pa'i rkyen med par 'du byed rnams ma yin na zhes bya ba la/yang dag par ldan pa'i gleng gzhi las dang ldan pa dang / 'bras bu can zhes bya ba'i sdom gyi [(]tshogs [,]tshigs [)]su bcad pa gsum pa'i mdo sa can las 'di ltar 'don to/ de nas tshe dang ldan pa kun dga' bos bcom ldan 'das la 'di skad ces gsol to//btsun pa bcom ldan 'das kyis bshad pa'i don bdag gis 'tshal ba ltar na skye ba yod na rga shi 'byung bar 'gyur gyi/ gzhan du na skye ba'i rkyen med par rga shi 'byung bar mi 'gyur ro/ /skye ba dang / srid pa dang / len pa dang / sred pa dang / tshor ba dang / reg pa dang / skye mched drug dang / ming dang gzugs dang / rnam par shes pa dang / ma rig pa yod na 'du byed 'byung bar 'gyur gyi/ gzhan du na ma rig pa med par 'du byed rnams 'byung bar mi 'gyur ro/ /btsun pa skye ba med na rga shi 'byung bar mi 'gyur gyi/ gzhan du na skye ba 'gags pas rga shi 'gag par mi 'gyur ro//skye ba dang srid pa dang / len pa dang / sred pa dang / tshor ba dang / reg pa dang / skye mched drug dang / ming dang gzugs dang / rnam par shes pa dang / ma rig pa 'gags pas 'du byed 'gag par 'gyur gyi/ gzhan du na ma rig pa 'gags pas 'du byed 'gag par mi 'gyur ro//kun dga' bo de de bzhin te/ de de bzhin no/ /skye ba yod na rga shi 'byung bar 'gyur gyi/ gzhan du na skye ba med na rga shi 'byung bar mi 'gyur te zhes bya ba nas snga ma bzhin du ma rig pa 'gags pas 'du byed 'gag par 'gyur zhes bya ba'i bar du'o/ /lta ba drug cu rtsa gnyis ni tshangs pa'i dra ba las ji skad du 'byung ba bzhin te zhes bya ba la/'di skad bdag gis thos pa dus gcig na bcom ldan 'das dge slong gi dge 'dun brgya phrag phyed dang bcu gsum dang / dge bsnyen stong dang / slong mo za ba lnga brgya dang lhan cig tu ma ga d+hA na ljongs rgyu zhing gshegs te/ rgyal po'i khab dang pa Ta li'i grong khyer gyi bar na rgyal po bzhugs sa smyug ma'i ldum bu can du mtshan mo bzhugs pa'i phyir gshegs so//de'i tshe de'i dus na kun du rgyu rab dga' zhes bya ba rnam grangs du mas sangs rgyas kyi bsngags pa ma yin pa brjod chos dang dge 'dun gyi bsngags pa ma yin pa rjod par byed do//kun du rgyu rab dga'i lhan cig gnas pa tshangs pas byin zhes bya ba rnam grangs du mas sangs rgyas kyi bsngags pa brjod/ chos dang dge 'dun gyi bsngags pa brjod de/ slob dpon dang nye bar gnas pa 'di gnyis ka yang lta ba gzhan dang gzhan du gyur cing / 'dod pa dang blo tha dad par smra ba yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi phyi bzhin du 'brang bar gyur to//de nas dge slong rab tu mang po rgyal po bzhugs sa na 'dus par gyur cing 'dug pa de dag bar skabs su 'di lta bu'i gtam gleng langs te/tshe dang ldan pa dag sems can rnams kyi mos pa sna tshogs pa ni ngo mtshar te/ gang gi phyir da ltar kun du rgyu rab dga' sangs rgyas kyi bsngags pa ma yin pa brjod/ chos dang dge 'dun gyi bsngags pa ma yin pa brjod la zhes bya ba nas dge 'dun gyi bsngags pa brjod ces bya ba'i bar du'o//dge slong rab tu mang po rgyal po bzhugs sa na 'dus par gyur ces 'dug pa de dag 'di lta bu'i gtam brjod pa/ bcom ldan 'das nyin par gyi gnas pas bzhugs pas lha'i rna ba shin tu rnam par dag pa mi las 'das pas gsan to/ /gsan nas rgyal po bzhugs sa gang na ba der nye bar gshegs te dge slong gi dge 'dun gyi dbus su gdan bshams pa la bzhugs te/bcom ldan 'das kyis dge slong rnams la bos te dge slong dag dge slong rab tu mang po rgyal po bzhugs sa na 'dus par gyur cing 'dug pa dag par skabs su gtam brjod pa ci lta bu gleng langs/don ci'i phyir 'dus par gyur cing 'dug par gyur/ btsun pa bdag cag 'di na dge slong rab tu mang po dag rgyal po bzhugs sa na 'dus par gyur cing 'dug pa dag bar skabs su 'di lta bu'i gtam brjod pa gleng langs te/ sems can rnams kyi mos pa sna tshogs pa ni ngo mtshar te/gang gi phyir da ltar kun du rgyu rab dga' sangs rgyas kyi bsngags pa ma yin pa brjod la/ chos dang dge 'dun gyi bsngags pa ma yin pa brjod ces bya ba nas dge 'dun gyi bsngags pa brjod ces bya ba'i bar du dang / 'di lta bu bdag cag ces snga ma bzhin no//dge slong dag nga'i bsngags pa ma yin pa brjod pa dang / chos dang dge 'dun gyi bsngags pa ma yin pa rjod par byed pa de la khyed cag mi bzod par mi bya ba dang / ma dad pa dang sems mi dga' bar mi bya ba ste/ dge slong dag nga'i bsngags pa ma yin pa brjod/ chos dang dge 'dun gyi bsngags pa ma yin pa brjod pa de la khyed cag mi bzod pa dang / ma dad pa dang / sems mngon par mi dga' bar gyur na de nyid khyed cag gi bar du gcod par 'gyur te/ de ci'i phyir zhe na/ dge slong de srid du khro ba dang gtum par 'gyur zhing yid du mi 'ong bar 'gyur te/gzhan gyis smras pa'i don rnam pa thams cad du yongs su rdzogs par shes pa dang mthong bar 'gyur ba 'di ni gnas ma yin zhing go skabs med do/ /dge slong dag de lta bas na de'i phyir nga'i bsngags pa ma yin pa brjod pa dang / chos dang dge 'dun gyi bsngags pa ma yin pa brjod pa [(]yar [,]yang [)]dag pa ni yang dag pa nyid du shes par bya zhing /'di ni yang dag pa ma yin pa 'di lta bu ni yang dag pa ma yin pa ste/ bdag cag la chos 'di med do zhes yang dag pa ma yin pa ni yang dag pa ma yin pa'o zhes yongs su spang bar bya'o/ /dge slong dag nga'i bsngags pa brjod pa dang /chos dang dge 'dun gyi bsngags pa rjod par byed pa na de la khyed dga' ba dang / yid bde ba dang / sems yeng yeng por mi bya ste/ dge slong dag nga'i bsngags pa brjod pa dang / chos dang dge 'dun gyi bsngags pa rjod par byed pa de la khyed cag dga' ba dang / yid bde ba dang /sems yeng yeng por byed na/ de nyid khyed cag gi bar du gcod par 'gyur te/ de ci'i phyir zhe na/ dge slong dag de de srid du dga' ba skye ba dang / yid bde ba skye ba dang / sems yeng yeng por gyur na gzhan gyis smras pa ni don thams cad yongs su rdzogs par shes pa dang mthong bar 'gyur ba 'di ni gnas ma yin zhing go skabs med do//dge slong dag de lta bas na de'i phyir nga'i bsngags pa brjod pa dang / chos dang dge 'dun gyi bsngags pa brjod pa na 'di ni yang dag pa 'di lta bu ni yang dag pa ste chos 'di dag bdag cag ldan no zhes yang dag pa ni yang dag par shes par bya zhing yang dag pa ma yin pa ni yang dag pa ma yin pa'o zhes yongs su spang bar bya'o//byis pa so so'i skye bo thos pa dang mi ldan pa de bzhin gshegs pa'i bsngags pa brjod cing smra ba 'di ni shin tu chung ste/ 'di lta ste/ tshul khrims tsam la'am/ 'dod pa las dben pa tsam la'o//ji ltar na tshul khrims tsam la zhe na/ bcom ldan 'das ni tshul khrims dang ldan pa/ tshul khrims rdzogs pa ji skad smras pa de bzhin du byed pa/ ji ltar byed pa de bzhin du smra ba zhes bya ba dang / bcom ldan 'das de ni srog gcod pa spangs shing srog gcod pa las log pa dbyug pa dang mtshon cha spangs pa zhes bya ba nas rgyas par dpe'i bar du dang /tshul khrims kyi phung po zhes bya ba nas phyi nas rnam par smin par 'gyur ro zhes bya ba'i bar du ste/ 'di ltar tshul khrims tsam la'o/ /ji ltar dben pa la zhe na/ bcom ldan 'das de ni 'phags pa'i tshul khrims kyi phung po 'di dang ldan pas de dbang po'i sgo bsrungs shing gnas zhes bya ba nas dbang po'i sdom pa dang ldan pa de 'phags pa'i tshul khrims kyi phung po 'di dang ldan pas gshegs pa dang byon pa shes bzhin du bzhugs shing /gzigs pa dang / rnam par gzigs pa dang / gzims [(]gyis [,]kyis [)]ngal ba bsang ba dag la mi mkhyen bzhin du bzhugs zhes bya ba nas bsam gtan bzhi pa nye bar bsgrubs te gnas so zhes bya ba'i bar du'o/ /'di lta bu ni 'dod pa las dben pa'o/ /dge slong dag gzhan yang chos zab mo zab par snang ba/ yongs su dag pa yongs su byang ba de dag ni rang nyid kyis mngon par mkhyen cing mngon par sangs rgyas nas bstan cing bshad pas gzhan gyis de bzhin gshegs pa yang dag pa ji lta ba bzhin gyi bsngags pa brjod cing smra bar 'gyur ro//dge slong dag dge sbyong ngam bram ze gang kha cig sngon gyi mthar rtog cing rtag par smra ba dag bdag dang 'jig rten ni rtag pa'o zhes mngon par smra bas mngon par smra ba dag yod de/'di lta ste dngos po bzhi rnams la'o/ /dge slong dag bram ze de dag gang rtogs shing gang la brten te gang dmigs nas/ sngon gyi mthar rtog cing rtag par smra ba dag 'di ltar dngos po bzhi rnams la bdag dang 'jig rten ni rtag pa'o zhes mngon par smra bas mngon par smra ba dag 'byung zhe na/dge slong dag 'di na dge sbyong ngam bram ze kha cig dgon pa'am shing drung ngam/ khang pa stong pa yongs su gdung ba'i rgyu dang / spangs pa'i rgyu dang / bsgoms pa'i rgyu dang /lan mang du byas pa'i rgyu dang / yang dag par yid la byas pa'i rgyu dang / 'di lta bu'i sems zhi ba'i ting nge 'dzin thob par gyur te/ ji ltar sems mnyam par gzhag pa la 'jig pa dang chags pa'i bar gyi bskal pa nyi shu rjes su dran te/ de 'di snyam du bdag dang 'jig rten ni rtag pa'o//bdag dang 'jig rten rtag pa ni de kho na ltar 'gyur te/ bdag dgon pa'am shing drung ngam khang pa stong par zhes bya ba nas 'jig pa dang chags pa'i bar gyi bskal pa nyi shu rjes su dran te bdag dang 'jig rten ni rtag pa ma song ba mi 'gro ba gnod pa byar med pa/rtag tu gnas pa rdo rje ltar gnas pa'o/ /sems can byung bar gyur pa 'di dag nyid nying mtshams sbyor zhing 'khor te rtag pa dang mnyam pa 'di med do zhes bya bar 'gyur te/ dge slong 'di ni dngos po dang po ste gang rtogs shing gang la brten te gang dmigs pas sngon gyi mthar rtog cing rtag par smra ba dag bdag dang 'jig rten ni rtag pa'o zhes mngon par smra bas mngon par smra ba'o//dge slong ngam bram ze gzhan pa yang gang rtogs shing gang la brten te gang dmigs nas sngon gyi mthar rtog cing rtag par smra ba dag bdag dang 'jig rten rtag pa'o zhes mngon par smra bas mngon par smra zhe na/dge sbyong dag 'di na dge sbyong dang bram ze kha cig ston pa'am/ shing drung ngam khang pa stong par yongs su gdung ba'i rgyu dang / spangs pa'i rgyu dang / bsgoms pa'i rgyu dang / lan mang du byas pa'i rgyu dang / yang dag par yid la byas pa'i rgyu dang las de lta bu'i sems zhi ba'i ting nge 'dzin thob par gyur te/ji ltar sems mnyam par gzhag pa na 'jig pa dang / chags pa'i bar gyi bskal pa bzhi bcu yongs su dran nas/ de 'di snyam du bdag dang 'jig rten ni rtag pa'o/ /bdag dang 'jig rten rtag pa ni de kho na ltar 'gyur te zhes bya ba nas snga ma bzhin du 'jig pa dang chags pa'i bar gyi bskal pa bzhi bcu rjes su dran te/bdag dang 'jig rten ni ma song ba mi 'gro ba gnod pa byar med pa rtag tu gnas shing rdo rje ltar gnas pa'i sems can byung bar gyur pa 'di dag nyid nying mtshams sbyor zhing 'khod de rtag pa dang mnyam pa ni med do zhes bya bar 'gyur te/dge slong dag 'di ni dngos po gnyis pa zhes bya ba nas snga ma bzhin du mngon par smra bas mngon par smra'o zhes bya ba'i bar du'o/ /dge sbyong ngam bram ze gzhan gsum pa yang gang rtogs shing gang la brten te gang dmigs nas sngon gyi mthar rtog pa rtag par smra ba dang zhes bya ba nas snga ma bzhin du ji ltar sems mnyam par gzhag na 'jig pa dang chags pa'i bar gyi bskal pa brgyad cu rjes su dran nas/de 'di snyam du bdag dang 'jig rten rtag pa ste de ni de kho na ltar 'gyur te zhes bya ba nas rtag pa dang / mnyam pa gzhan med do zhes bya ba'i bar du ste/dge slong dag 'di ni dngos po gsum pa ste/ gang rtogs shing gang la brten te/ gang dmigs nas sngon gyi mthar rtog pa rtag par smra ba dag bdag dang 'jig rten ni rtag pa'o zhes mngon par smra bas mngon par smra ba'o/ /dge sbyong ngam bram ze gzhan zhig bzhi pa yang gang rtogs shing gang la brten te/gang dmigs nas sngon gyi mtha' la rtog pa rtag par smra ba dag ces bya ba nas snga ma bzhin sems mnyam par gzhag pa ni mi las 'das pa'i lha'i mig rnam par dag pas sems can rnams kyi 'chi 'pho ba dang / skye ba dang / kha dog bzang po dang /kha dog ngan pa dang / dman pa dang / gya nom pa dang / bde 'gror 'gro ba dang / bzang 'gror 'gro ba dag mthong nas de 'di snyam du bdag dang 'jig rten ni rtag pa'o/ /bdag dang 'jig rten rtag pa ni de kho na ltar 'gyur te/ bdag dgon pa'am shing drung ngam khang pa stong par zhes bya ba nas sems mnyam par gzhag pa na mi las 'das pa'i lha'i mig rnam par dag pa zhes bya ba nas ngan 'gror 'gro ba yang mthong zhes bya ba'i bar du bdag dang 'jig rten ni song zhing mi 'gro ba/gnod pa byar med cing rtag tu gnas shing rdo rje ltar gnas pa'i sems can 'di dag nyid nying mtshams sbyor zhing 'khor te/rtag pa dang mnyam pa med do zhes bya bar 'gyur te/ dge slong dag 'di ni dngos po bzhi pa ste gang rtogs shing gang la brten te/ gang dmigs nas sngon gyi mtha' la rtog pa rtag par smra ba dag bdag 'jig rten ni rtag pa'o zhes mngon par smra bas mngon par smra ba'o/ / dge slong ngam bram ze gang kha cig sngon gyi mthar rtog pa rtag par smra ba dag bdag dang 'jig rten ni rtag pa'o zhes mngon par smra bas mngon par smra ba de thams cad ni dngos po bzhi po 'di dag las gong mar gyur pa med cing mi 'byung ngo / /de dag ni de bzhin gshegs pas yang dag pa ji lta ba bzhin rab tu mkhyen te/'di dag ni lta bar gyur pa 'di lta bu 'dzin pa bsam pa 'di lta bu 'gro ba/ 'di lta bu skye ba 'di lta bu 'jig rten pha rol po 'di lta bu zhes de bzhin gshegs pas zhes yang dag pa ji lta ba bzhin rab tu mkhyen te/ 'di dang 'di las gong mar gyur pa yang de bzhin gshegs pas yang dag pa ji lta ba bzhin rab tu mkhyen nas rnam par mi dpyod mi rtog cing bdag nyid so sor ma grub pa zhes rtogs shing tshor ba'i kun 'byung ba dang /skye ba mkhyen cing / 'di ni sdug bsngal kun 'byung ba mkhyen par gyur to/ /dge sbyong dag 'di ni chos zab mo zab par snang ba zhes bya ba nas snga ma bzhin du dge sbyong dag ces bya ba'i bar du'o//dge sbyong dag bram ze kha cig sngon gyi mthar rtog pa rtag par smra ba dag bdag dang 'jig rten ni rtag pa'o zhes mngon par smra ba dag yod de/ 'di lta ste dngos po bzhi rnams la'o/ /dge sbyong ngam bram ze dag gang rtogs shing gang la brten te gang dmigs nas sngon gyi mthar rtog pa phyogs gcig rtag par smra ba dag 'di ltar dngos po bzhi pa rnams la bdag dang 'jig rten phyogs gcig rtag pa'o zhes mngon par smra bas mngon par smra ba dag 'byung bar 'gyur zhe na/dge slong dag 'jig rten 'di 'jig cing 'jig par 'gyur ba de lta bu'i dus kyang yod de/'jig rten 'jig pa na sems can phal cher 'od gsal gyi lha rnams dang skal ba mnyam par skye bar 'gyur te/ der yid las byung ba'i gzugs can dang dbang po tshang zhing nyams pa med pa yan lag dang nying lag thams cad dang ldan pa kha dog dang dbyibs mdzes pa rang gi 'od can nam mkha' la 'gro ba/dga' ba za zhing dga' ba'i zas dang ldan pa/ tshe ring zhing dus ring du gnas pa dag 'byung bar 'gyur ro/ /dge slong dag gang gi tshe 'jig rten 'di chags par 'gyur ba'i dus kyang yod de/ 'jig rten chags pa na nam mkha' stong pa la tshangs pa'i gzhal med khang stong pa mngon par grub par 'gyur te/de nas sems can gzhan zhig tshe zad cing las zad la bsod nams zad pas 'od gsal gyi lha'i ris de nas 'chi 'phos te tshangs pa'i gzhal med khang stong pa der skye bar 'gyur te/de de na gcig [(]bu [,]pu [)]zla med cing grogs med par yun ring du tshe ring zhing dus ring por gnas par 'gyur te/ de nas sems can de tshe ring zhing dus ring por gnas pa na kye ma bdag dang skal ba mnyam pa'i sems can gzhan dag kyang 'dir skyes na ci ma rung zhes sred pa skyes shing mngon par dga' ba skyes so//sems can de 'di lta bu'i sems la smon par byed pa na sems can gzhan tshe zad cing las zad bsod nams zad pa zhig 'od gsal gyi lha'i ris de nas 'chi 'phos nas tshangs pa'i gzhal med khang du skye bar 'gyur ro/ /de nas sems can de 'di snyam du bdag gcig pu zla med cing grogs med par tshe ring zhing yun ring du gnas te/de la ngas yun ring por kye ma bdag dang skal ba mnyam pa'i sems can gzhan dag kyang 'dir skyes na ci ma rung zhes sred pa skyes shing mngon par dga' ba skyed cing 'di ltar bdag gi smon pas bdag dang skal ba mnyam pa'i sems can gzhan dag kyang 'dir skyes te sems can 'di ni ngas sprul pa/bdag ni sems can 'di dag gi dbang phyug byed pa po'o/ sprul pa po/ /'byin pa/ 'byin par byed pa'o/ /dngos po rnams kyi pha lta bu'o/ /sems can de dag kyang 'di snyam du bdag cag sems can 'di gcig pu zla med cing grogs med par tshe ring zhing dus ring por gnas te/sems can de dus ring po zhig 'das kyi bar du kye ma bdag dang skal ba mnyam pa'i sems can gzhan dag kyang 'dir skyes na ci ma rung zhes sred pa skyes shing mngon par dga' ba skyed cing / sems can de 'di ltar sems la smon pas bdag cag kyang 'dir skyes te/bdag cag ni sems can 'dis sprul pa/ sems can 'di ni bdag cag gi dbang phyug byed pa po/ sprul pa po/ 'byin pa/ rab tu 'byin par byed pa/ dngos po rnams kyi pha lta bur gyur pa'o snyam du sems so/ /de nas sems can gzhan tshe zad cing las zad la bsod nams zad pa zhig de nas 'chi 'phos te 'di lta bu mi rnams dang skal ba mnyam par 'ongs te/cher skyes shing dbang po rnams yongs su smin te/ skra dang kha spu bregs gos ngur smrig dag bgos te/ dad pas yang dag pa kho nar khyim nas khyim med par rab tu byung ste/de dgon pa 'am shing drung ngam khang pa stong par yongs su gdung ba dang / spangs pa dang / bsgoms pa dang / lan mang du byas pa dang / yid la byas pas de lta bur sems zhi ba'i ting nge 'dzin thob ste/ ji ltar sems mnyam par gzhag pa na/ sngon gyi bdag nyid kyis nyams su myong ba dran nas de 'di snyam du gyur te/gang 'di dag ni tshangs pas sprul pa ste/ de ni rtag pa brtan pa yongs su mi 'gyur ba'i chos can te/ bdag cag tshangs pas sprul pa/ mi rtag pa mi brtan pa yongs su 'gyur ba'i chos can no zhes phyogs rtag pa dang / phyogs gcig rtag pa ma yin par smra ba ste/dge slong dag 'di ni dngos po dang po gang rtogs shing gang la brten te gang dmigs nas sngon gyi mthar rtog pa phyogs gcig rtag cing / phyogs gcig mi rtag par smra ba dag bdag dang 'jig rten phyogs gcig go zhes mngon par smra bas mngon par smra'o//dge slong dag gzhan yang gnyis pa 'byung bar 'gyur te/ dge sbyong ngam bram ze gang rtogs shing gang la brten te/ gang dmigs nas sngon gyi mthar rtog pa phyogs gcig rtag cing phyogs gcig mi rtag par smra ba bdag dang 'jig rten phyogs gcig rtag pa'o zhes mngon par smra bas mngon par smra zhe na/dge slong dag tshangs pa 'di ltar lta zhing 'di skad du smra zhing 'di skad du smra ste/ 'di ltar sa dang / chu dang / me dang / rlung bzhi po 'di dag ni mi rtag pa mi brtan pa yid brtan du med pa yongs su 'gyur ba'i chos can no zhes bya'o/ /gang yang sems zhes bya ba'am yid ces bya ba'am rnam par shes pa zhes bya ba 'di ni rtag pa brtan pa yid brtan par bya ba/yongs su mi 'gyur ba'i chos can no zhes bya'o/ /de nas sems can gzhan tshe zad cing las zad pa bsod nams zad pa zhig gnas de nas 'chi 'phos te/ 'di lta bu mi rnams dang skal ba mnyam pa nyid du 'ongs te cher skyes shing dbang po rnams yongs su smin pa dang skra dang kha spu bregs shing gos ngur smrig dag bgos te dad pa yang dag pa kho nar khyim nas khyim med par rab tu byung zhing /de dgon pa'am shing drung ngam khang pa stong par gdung ba dang /spong ba dang / sgom pa dang / lan mang du byas pa dang / yid la byas pa'i rgyu las zhes bya ba nas/ sems mnyam par gzhag pa na gang gi tshe tshangs pa'i lta bar gyur pa so sor nyams su myong nas de 'di snyam/ 'di ltar sa dang / chu dang / me dang / rlung bzhi po 'di dag ni mi rtag pa/yid brtan du med pa/ yongs su 'gyur ba'i chos can zhes bya'o/ /gang yang sems zhes bya ba'am/ yid ces bya ba'am rnam par shes pa zhes bya ba 'di ni rtag pa/ brtan pa/ yid brtan par bya ba/ yongs su mi 'gyur ba'i chos can zhes bya'o/ /phyogs gcig rtag par 'gyur te/dge slong dag 'di ni dngos po gnyis pa gang rtogs shing gang la brten te gang dmigs nas sngon gyi mthar rtog pa zhes bya ba nas snga ma bzhin no/ /dge slong dag gzhan yang gsum pa 'byung bar 'gyur te/ dge slong ngam bram ze gang rtogs shing gang la brten te gang la dmigs nas sngon gyi mthar rtog pa bdag dang 'jig rten phyogs gcig rtag cing brtan par mngon par smra bas mngon par smra zhe na/dge slong 'dod pa'i khams na lha rtsed mos myos pa zhes bya ba yod de/ de dag gang gi tshe shin tu rtse zhing dga' ba dang ldan par gnas te/ de dag dge zhing dga' ba dang ldan par gnas pas lus ngal zhing dran pa nyams te dran pa yang dag par nyams pas de dag gnas de nas 'chi 'pho bar 'gyur te/de nas sems can gzhan zhes bya ba nas/ snga ma bzhin du ji ltar sems mnyam par gzhag pa na bdag nyid kyi sngon gyi dngos po so sor nyams su myong zhing dran nas de 'di snyam du gang de dag 'dod pa'i khams kyi lha rtsed mos myos pa zhes bya ba shin tu rtse zhing dga' ba dang ldan pa ma yin pa de dag ni rtag pa/brtan pa g.yung drung yongs su mi 'gyur ba'i chos can no/ /gang dag bdag cag shin tu rtse zhing dga' ba dang ldan pa de dag ni mi rtag pa mi brtan pa/g.yung drung ma yin pa/ yongs su 'gyur ba'i chos can no zhes phyogs gcig rtag cing phyogs gcig mi rtag par smra ba ste/ dge slong dag 'di ni dngos po gsum pa ste/ gang rtogs shing gang la brten nas zhes bya ba snga ma bzhin no/ /dge slong dag gzhan yang bzhi pa 'byung bar 'gyur te/dge sbyong ngam bram ze gang rtogs shing gang la brten nas gang dmigs nas sngon gyi mthar rtog pa dag phyogs gcig rtag par smra ba dag ces bya ba'i bar snga ma bzhin du'o/ /dge slong dag 'dod pa'i khams na lha yid rab tu 'khrugs pa zhes bya ba yod de/ gang gi tshe de dag mig gis mig la gtad de lta bar 'gyur gyi de dag mig gis mig la btsugs te lta ba na yid rab tu sdang bar 'gyur te/ yid rab tu sdang bas sems can de dag gnas de nas 'chi 'pho bar 'gyur te/ de nas sems can gzhan zhes bya ba nas snga ma bzhin du ji ltar sems mnyam par gzhag pa na bdag nyid kyi sngon gyi dngos po so sor myong zhing dran pa des 'di snyam du 'dod pa'i khams na gang yid rab tu 'khrugs pa zhes bya ba'i lha shin tu mig gis mig la gtad de de lta ma yin pa de dag ni rtag pa'o//brtan pa'o/ /g.yung drung ngo / /yongs su mi 'gyur ba'i chos can no//gang dag bdag cag shin tu mig gis mig la gtad de lta ba de dag ni mi rtag pa'o/ /mi brtan pa'o/ /g.yung drung ma yin pa'o/ yongs su 'gyur ba'i chos can no snyam du phyogs gcig rtag cing phyogs gcig mi rtag par smra ste/ dge slong dag 'di ni dngos po bzhi pa ste/gang rtogs shing gang la brten nas gang dmigs shing / sngon gyi mthar rtog pa phyogs gcig rtag cing phyogs gcig mi rtag par smra ba dag /bdag dang 'jig rten phyogs gcig rtag pa'o zhes mngon par smra bas mngon par smra ba'o/ /dge slong dag dge sbyong ngam bram ze gang kha cig sngon gyi mthar rtog pa dag bdag dang 'jig rten phyogs gcig rtag pa'o zhes mngon par smra bas mngon par smra ste/'di lta ste dngos po bzhi po 'di dag las gzhan med cing 'byung bar mi 'gyur ro zhes bya ba nas snga ma bzhin du'o/ /de dag gang zhe na zhes bya ba snga ma bzhin du'o/ /dge slong dag dge sbyong ngam bram ze sngon gyi mthar rtog pa dag bdag dang 'jig rten rgyu ba med pa las kun du 'byung zhing rgyu med pa las skyes par mngon par smra bas mngon par smra ste/'di lta ste dngos po gnyis po 'di dag la'o/ /dge slong ngam bram ze gang rtogs shing gang la brten te gang dmigs nas sngon gyi mthar rtog pa bdag dang 'jig rten rgyu med par smra ba dag /bdag dang 'jig rten rgyu med pa las skyes so zhes mngon par smra zhe na/ dge slong dag gzugs kyi khams na lha 'du shes med pa zhes bya ba yod de/ 'du shes skyes nas gnas de nas 'chi 'pho bar 'gyur te/de nas sems gzhan zhes bya ba nas snga ma bzhin du ji ltar sems mnyam par gzhag na sngon du 'du shes pa'i bar yang dag par rjes su dran te/ de 'di snyam du bdag dang 'jig rten ni rgyu med pa las kun du 'byung ste/ rnam pa 'dis na bdag dang 'jig rten rgyu med pa las kun du byung zhing /bdag sngon ma byung ba las da ltar byung bar gyur to snyam mo/ /dge slong dag 'di ni dngos po dang po gang rtogs shing gang la brtan te gang dmigs nas sngon gyi mthar rtog pa bdag dang 'jig rten rgyu med par smra ba dag ces bya ba snga ma bzhin no/ /dge slong dag gzhan yang gnyis pa 'byung bar 'gyur te/dge sbyong ngam bram ze gang rtogs shing gang la brten te gang dmigs nas zhes bya ba nas mngon par smra bas mngon par smra'o zhes bya ba'i bar du'o/ /dge slong dag 'di na kha cig gcig tu rtog ge dang dpyod pa par gyur la/ rtog ge yongs su rdzogs pa'i sa la gnas par gyur cing /so so skye bo rang la snang ba ma brjod cing dpyod pa kun du dpyod pa de 'di snyam du bdag dang 'jig rten ni rgyu med pa las kun du byung ngo / /rnam pa 'dis na bdag dang 'jig rten rgyu med pa las kun du 'byung ste bdag 'di na gcig pu byung ste bdag 'di na gcig pu rtog ge dang dpyod pa par 'gyur la/rtog ge yongs su rdzogs pa'i sa la gnas par gyur cing / so so skye bo rang la snang ba kun du dpyod cing rtog go dpyod pa kun du dpyod pa na bdag dang 'jig rten ni rgyu med pas kun du 'byung ngo snyam ste/ dge slong dag 'di na dngos po gnyis po gang rtogs nas zhes bya ba snga ma bzhin no//dge slong dag dge sbyong dang bram ze gang kha cig sngon gyi mthar rtog pa bdag dang 'jig rten rgyu med pa las kun du byung zhing rgyu med pa las kun du skye bar mngon par smra bas mngon par smra ba de dag ni dngos po gnyis pa 'di kho na ste/ 'di las lhag pa med cing 'byung bar mi 'gyur ro/ / de dag de bzhin gshegs pas yang dag pa ji lta ba bzhin rab tu mkhyen zhes bya ba nas snga ma bzhin du dge slong dag chos gzhan zab mo zab par snang ba de dag bshad par 'gyur ro zhes bya ba'i bar du'o/ /dge slong dag chos gzhan zab mo zab par snang ba de dag gang zhe na zhes bya ba nas snga ma bzhin du dge slong dag dge sbyong dang bram ze kha cig sngon gyi mthar rtog pa bdag dang 'jig rten mtha' dang bcas pa dang /mtha' dang bcas pa yang yin/ mtha' med pa yang yin pa dang / mtha' dang bcas pa yang ma yin mtha' med pa yang ma yin no zhes 'di ltar dngos po bzhi po 'di dag la'o//dge sbyong ngam bram ze de dag gang rtogs shing gang la brten te gang dmigs nas sngon gyi mthar rtog pa bdag dang 'jig rten mtha' dang bcas pa dang mtha' med pa dang / mtha' med pa dang bcas pa yang ma yin/ mtha' med pa yang yin pa dang / mtha' med pa yang ma yin/ mtha' dang bcas pa yang ma yin par smra ba mngon par smra bas mngon par smra ba dag 'byung bar 'gyur zhe na/dge slong dag 'di na dge sbyong ngam bram ze kha cig dgon pa'am shing drung ngam khang pa stong par zhes bya ba nas snga ma bzhin du sems mnyam par gzhag pa na 'jig rten 'di ni mtha' dang bcas pa yin no zhes bya ba'i 'du shes can du gyur te/de 'di snyam du 'jig rten ni mtha' dang bcas pa ste/ rnam pa 'dis 'jig rten mtha' dang bcas shing yongs su chad pa ste/ bdag dgon pa'am shing drung ngam khang pa stong par brtson pa dang spangs pa dang bsgoms pa'i rgyus zhes bya ba nas snga ma bzhin du mnyam par gzhag pa na 'jig rten mtha' dang bcas pa'i 'du shes can du gnas te 'jig rten ni mtha' dang bcas mtha' chad pa'o zhes bya ba ste/dge slong dag 'di ni dngos po dang po ste gang rtogs zhes bya ba nas snga ma bzhin du'o/ /gnyis pa yang 'byung bar 'gyur te/dge sbyong dang bram ze dag gang rtogs shing zhes bya ba nas snga ma bzhin du dge slong dag 'di ni dge sbyong ngam bram ze gang kha cig dgon pa'am shing drung ngam khang pa stong par zhes bya ba nas sems mnyam par gzhag pa na 'jig rten ni mtha' med pa yin no zhes 'du shes nye bar gnas par 'gyur te/'jig rten 'di ni mtha' med pa dang mtha' thug pa med pa yin no zhes dge slong dag 'di ni dngos po gnyis pa gang rtogs nas zhes bya ba snga ma bzhin du'o/ /gsum pa yang 'byung bar 'gyur te/ dge sbyong ngam bram ze gang rtogs shing gang la brten nas zhes bya ba snga ma bzhin du'o//dge slong dag 'di na dge slong ngam bram ze gang kha cig dgon pa'am/ shing drung ngam khang pa stong pa ji ltar sems mnyam par gzhag pa na steng dang 'og gi 'jig rten mtha' dang bcas pa'i 'du shes dang thad kar mtha' med pa yin no zhes bya ba'i 'du shes gnas par gyur nas de 'di snyam du steng dang 'og gi 'jig rten mtha' dang bcas shing thad kar ni mtha' med pa yin te/rnam pa 'dis steng dang 'og gi 'jig rten mtha' dang bcas shing thad kar ni mtha' med pa yin te/ bdag dgon pa'am shing drung ngam khang pa stong par zhes bya ba nas sems mnyam par gzhag pa na steng dang 'og gi 'jig rten mtha' med cing thad kar mtha' dang bcas pa'i 'du shes nye bar gnas so zhes steng dang 'og gi 'jig rten mtha' dang bcas shing thad kar mtha' med pa yin no snyam ste/dge slong dag 'di na dngos po gsum pa gang rtogs shing zhes bya ba snga ma bzhin du'o//bzhi pa yang 'byung bar 'gyur te/ dge sbyong dang bram ze gang rtogs shing gang la brten te gang dmigs nas sngon gyi mthar rtog pa bdag dang 'jig rten mtha' dang bcas pa dang mtha' med pa dang / mtha' dang bcas pa yang ma yin/ mtha' med pa yang ma yin pa'o zhes mngon par smra bas smra zhe na/dge slong dag 'di na dge sbyong ngam bram ze kha cig dgon pa'am zhes bya ba nas/ sems mnyam par gzhag pa na 'jig rten mtha' dang bcas pa yang ma yin la mtha' med pa yang ma yin no snyam pa'i 'du shes nye bar gnas par 'gyur te/ de 'di snyam du 'jig rten ni mtha' dang bcas pa yang ma yin zhing mtha' med pa yang ma yin no//rnam pa 'dis 'jig rten mtha' dang bcas pa yang ma yin zhing mtha' med pa yang ma yin te/ bdag dgon pa'am shing drung ngam khang pa stong pa zhes bya ba nas sems mnyam par gzhag pa na 'jig rten mtha' dang bcas pa yang ma yin zhing mtha' med pa yang ma yin no zhes 'du shes nye bar gnas par 'gyur ro zhes bdag dang 'jig rten mtha' dang bcas pa ma yin mtha' med pa yang ma yin no snyam ste/dge slong 'di ni dngos po bzhi po gang rtogs shing gang la brten te dmigs nas zhes bya ba snga ma bzhin du'o//dge slong de dag dge sbyong ngam bram ze kha cig sngon gyi mthar rtog pa bdag dang 'jig rten mtha' dang bcas pa dang / mtha' med pa dang / mtha' dang bcas pa yang yin/ mtha' med pa yang yin/ mtha' dang bcas pa yang ma yin/ mtha' med pa yang ma yin par mngon par smra bas mngon par smra ba de thams cad ni dngos po bzhi po 'di las gong na med cing zhes bya ba snga ma bzhin du'o//dge slong dag chos gzhan gang dag zab mo zab par snang ba zhes bya ba nas snga ma bzhin du'o/ /chos 'di ltar zab mo zab par snang ba de dag kyang gang zhe na zhes bya ba nas snga ma bzhin du dge slong dang bram ze gang kha cig sngon gyi mthar rtog pa 'chi ba med cing g.yeng ba med pa dag 'chi ba med pa dang g.yeng ba med pa dri ba dris pa'i tshig las g.yeng ba skye bar 'gyur te 'di lta ste dngos po bzhi rnams la'o//dge sbyong dag 'di na dge sbyong ngam bram ze gang kha cig mi dge ba'i chos rnams yang dag pa ji lta ba bzhin du mi shes shing dge ba'i chos sdug bsngal dang /kun 'byung ba dang / 'gog pa dang lam rnams yang dag pa ji lta ba bzhin du mi shes shing de 'di snyam du bdag gis mi dge ba'i chos rnams yang dag pa ji lta ba bzhin du mi shes shing zhes bya ba nas bdag gis lam rnams yang dag pa ji lta ba bzhin du mi shes zhes bya ba'i bar du'o//dge sbyong ngam bram ze mi dge ba'i chos rnams kyi dri ba 'dri zhing / dge ba'i chos sdug bsngal ba dang / kun 'byung ba dang / 'gog pa dang / lam rnams kyi dri ba 'dri bar 'gyur na/ mi dge ba'i chos 'dri ba 'di dag la dris pa lung ston cing /dge ba'i chos sdug bsngal ba dang / kun 'byung ba dang / 'gog pa dang / lam rnams kyi dri ba de dag la dris pa lung ston na/ de ni bdag gi brdzun du 'gyur ro zhes dge sbyong ngam bram ze de brdzun du smra bas 'jigs shing /brdzun du smra bas 'jigs par gyur la/ brdzun du smra bas yongs su smod par byed cing der gtod cing gnas la/ de'i rten dang / gling dang dpung gnyen byed par gyur cing / 'chi ba dang / rnam par g.yeng ba'i tshig las rnam par g.yeng ba skye bar 'gyur te/ dge slong dag 'di ni dngos po dang po ste/gang rtogs shing gang la brten cing gang rtogs pa las sngon gyi mtha' la rtog pa 'chi ba dang rnam par g.yeng ba'i dri ba dris pas rnam par g.yeng ba skye ba'o/ /gzhan yang gnyis pa 'byung bar 'gyur te/ dge sbyong ngam bram ze gang rtogs shing zhes bya ba nas snga ma bzhin du'o//dge slong dag dge sbyong ngam bram ze kha cig mi dge ba'i chos rnams yang dag pa ji lta ba bzhin du mi shes shing zhes bya ba nas snga ma bzhin du de bdag gi brdzun du 'gyur zhing gang bdag gi log par 'gyur ro zhes dge slong ngam bram ze log par lta bas 'jigs shing log par lta bas 'jigs par 'gyur te log par lta ba yongs su smod par byed pa na der gtad cing gnas te zhes bya ba nas snga ma bzhin du'o//dge slong dag 'di ni dngos po gnyis te/ dge sbyong ngam bram ze gang rtogs shing gang la brten cing gang dmigs nas zhes bya ba nas snga ma bzhin du tshig gis sems rnam par g.yeng ba skye bar 'gyur ro zhes bya ba'i bar du'o//gzhan yang gsum pa 'byung bar 'gyur te dge sbyong ngam bram ze gang kha cig gang rtogs shing gang la brten te gang dmigs nas sngon gyi mthar rtog pa 'chi ba med pa dang g.yeng ba med pa zhes bya ba nas snga ma bzhin du'o//dge slong dag 'di na dge sbyong ngam bram ze kha cig mi dge ba'i chos rnams yang dag pa ji lta ba bzhin du mi shes shing dge ba'i chos rnams zhes bya ba nas snga ma bzhin du'o/ /de ni bdag gi brdzun du 'gyur zhing gang bdag gi brdzun gang yin pa de dang bdag gi log pa gang yin de ni yang dag pa ma yin pa'o zhes dge sbyong ngam bram ze de yang dag pa ma yin pa'i mi shes pas 'jigs shing /yang dag pa ma yin pa'i mi shes pas 'jigs nas yang dag pa ma yin pa'i mi shes pas yongs su smod cing / der sems gtod cing gnas pa dang / gling zhes bya ba nas tshig gis g.yeng ba skye bar 'gyur te/dge slong dag 'di ni dngos po gsum pa ste zhes bya ba nas rnam par g.yeng ba skye bar 'gyur ro zhes bya ba'i bar ro/ /gzhan yang bzhi pa 'byung bar 'gyur te/ dge sbyong ngam bram ze gang rtogs shing gang la brten te gang dmigs nas zhes bya ba nas snga ma bzhin du'o/ / dge slong dag 'di na dge sbyong ngam bram ze rang bzhin gyis rmongs par gyur cing blun par gyur pas de 'di snyam du gal te bdag gi drung du kha cig 'ongs nas 'jig rten pha rol yod do zhes dri ba 'dri na de la 'jig rten pha rol yod do zhes lung bstan par bya'o/ /bdag gis 'jig rten pha rol yod pa dang 'jig rten pha rol med do zhes dris pa de bzhin du lung bstan par bya'o//yod pa dang / med pa dang yod pa yang ma yin med pa yang ma yin pa dang / de bzhin dang ma yin pa dang / gzhan du dang gzhan du ma yin pa dang / de ma yin/ de med/ de ma yin la de ltar ma yin zhes 'dri na de la bdag gis de ma yin/de ltar ma yin zhes bdag gis 'jig rten pha rol dris pa'i lung bstan par bya'o zhes dge sbyong ngam bram ze rmongs pas 'jigs shing rmongs pas 'jigs par 'gyur la rmongs pa smod par byed na/ der gtod cing gnas te gling dang / skyabs dang / dpung gnyen du gyur cing / 'chi ba med pa dang g.yeng ba med pa dris pa'i tshig las g.yeng ba skye bar 'gyur te/dge slong dag 'di ni dngos po bzhi pa ste/ gang rtogs shing gang la brten te gang dmigs nas zhes bya ba nas g.yeng ba skye bar 'gyur ba'i bar du'o/ /dge slong ngam bram ze kha cig sngon gyi mthar rtog pa 'chi ba med cing g.yeng ba med pa dag 'chi ba med pa dang /g.yeng ba med pa'i tshig las g.yeng ba skye bar 'gyur ba de thams cad dngos po 'di dag ste 'di las gang na med pa mi 'byung ste/ de dag de bzhin gshegs pas yang dag pa ji lta ba bzhin rab tu mkhyen te lta bar gyur pa 'di dag 'dzin pa dang dpyod pa dang zhes bya ba snga ma bzhin du'o//dge slong dang dge sbyong dang bram ze gang kha cig sngon gyi mtha' dang bcas pa'i lta bar gyur pa mngon par smra bas mngon par smra ba de thams cad ni lta bar gyur pa bco brgyad po 'di dag las gong na med cing mang ba ma yin no/ /de dag de bzhin gshegs pas yang dag pa ji lta ba bzhin rab tu mkhyen ces bya ba nas lhag par mkhyen te zhes bya ba'i bar du'o//dge slong dag chos [(]gzhin [,]gzhan [)]gang dag zab mo zab par snang ba zhes bya ba snga ma bzhin du'o/ /dge slong dag chos gzhan gang dag zab mo zab par snang ba de dag gang zhe na zhes bya ba nas snga ma bzhin du'o//dge slong dag dge sbyong ngam bram ze phyi ma'i mthar rtog pa 'du shes can du smra ba dag pha rol du bdag 'du shes can du 'gyur ro zhes mngon par smra bas mngon par smra ste/ 'di lta ste/ dngos po bcu drug po 'di rnams la'o/ dge sbyong ngam bram ze sngon gyi mthar rtog pa dngos po bcu drug po 'di dag la gang rtogs shing zhes bya ba nas snga ma bzhin du'o//dge slong dag 'di na dge sbyong ngam bram ze 'di ltar lta zhing 'di skad du bdag gzugs dang ldan la pha rol du 'du shes can du gyur cing gzugs med pa dang / gzugs dang bcas pa dang / gzugs med pa dang / gzugs dang bcas pa yang ma yin/gzugs med pa yang ma yin la/ pha rol du 'du shes can du 'gyur ro zhes bya ba dang 'du shes gcig pa dang / 'du shes tha dad pa dang / chung ngu'i 'du shes dang / tshad med pa'i 'du shes can du 'gyur ba yin no zhes bya ba dang / gcig tu bde ba dang / gcig tu sdug bsngal ba dang /bde ba dang / sdug bsngal ba dag /bde ba yang ma yin sdug bsngal ba yang ma yin zhing bdag pha rol du 'du shes can du 'gyur ro zhes bya ba ste/ dge slong dag bzhi bcu drug po 'di dag rtogs shing gang la rten cing gang la dmigs nas phyi ma'i mthar rtogs pa 'du shes can du smra ba dag ces bya ba nas mngon par smra bas mngon par smra'o//dge slong dag dge sbyong ngam bram ze gang cung zad phyi ma'i mthar rtogs pa de thams cad ni bzhi bcu drug po 'di dag las gong na med cing mang ba ma yin no/ /de dag de bzhin gshegs pas yang dag pa ji lta ba bzhin du rab tu mkhyen cing / de las bla mar gyur pa yang dag pa ji lta ba bzhin du rab tu mkhyen te 'di dag ni lta bar 'gyur ba 'dzin pa/'di ltar spyod pa 'di ltar sems pa/ 'di ltar rnam par dpyod pa/ 'di ltar 'gro ba/ goms pa 'thad pa dang bcas pa/ 'di ltar pha rol du 'gro ba can yin no zhes de bzhin gshegs pas yang dag pa ji lta ba bzhin rab tu mkhyen to//de dag las bla mar gyur pa yang yang dag pa ji lta ba bzhin rab tu mkhyen to/ de dag de bzhin gshegs pas yang dag pa ji lta ba bzhin rab tu mkhyen cing de las gong mar gyur pa yang yang dag pa ji lta ba bzhin mkhyen pas mngon par mi dpyod cing /dpyod pa'i bdag nyid so so rang gis rig pa'i bdag nyid du yongs su mya ngan las 'das par mkhyen cing / tshor ba'i kun 'byung ba dang 'gog pa mkhyen nas 'di ni sdug bsngal/ 'di ni sdug bsngal kun 'byung ba zhes lhag par mkhyen to/ /dge sbyong dag chos gzhan gang dag zab mo zab par snang ba zhes bya ba nas snga ma bzhin du'o//dge slong dag chos gzhan gang dag zab mo zab par snang ba de gang zhe na zhes bya ba nas snga ma bzhin du'o/ /dge slong dag mtha' dang bcas la pha rol du 'du shes can du 'gyur zhing / mtha' med pa dang / mtha' dang bcas pa dang / mtha' med pa dang mtha' dang bcas pa yang ma yin/mtha' yod pa yang ma yin mtha' med pa yang ma yin la pha rol du 'du shes can du 'gyur ro zhes bya ba dang / dge sbyong dang bram ze kha cig phyi ma'i mthar rtog pa dag pha rol du bdag 'du shes med pa can du mngon par smra bas mngon par smra ba dag yod de/ 'di lta ste dngos po brgyad po 'di dag la'o/ /de dge sbyong dang bram ze de dag dngos po brgyad po gang rtogs shing gang la brten cing dmigs nas zhes bya ba snga ma bzhin no/ /dge slong dag dge sbyong ngam bram ze 'di ltar blta 'di ltar smra ba dag yod de bdag gzugs dang ldan la pha rol du 'du shes med pa can du 'gyur ro//gzugs med pa dang / gzugs dang bcas pa dang / gzugs med pa dang / gzugs dang bcas pa yang ma yin/ gzugs med pa yang ma yin la pha rol du 'du shes med pa can du 'gyur ro zhes bya ba dang / gang bdag mtha' dang bcas la pha rol du 'du shes med pa can du 'gyur ro zhes bya ba dang /mtha' med pa dang / mtha' dang bcas pa dang / mtha' med pa dang mtha' dang bcas pa yang ma yin/ mtha' med pa yang ma yin la/ pha rol du 'du shes med pa can du 'gyur ro zhes bya ba ste/ dge slong dag dngos po brgyad po 'di dag gang rtogs shing zhes bya ba nas snga ma bzhin no//dge slong dag dge sbyong dang bram ze gang cung zad ces bya ba nas snga ma bzhin du lhag par mkhyen to zhes bya ba'i bar du'o/ /dge slong dag chos gzhan gang dag ces bya ba snga ma bzhin du'o/ /dge slong dag dge sbyong dang bram ze phyi ma'i mthar rtog pa 'du shes yod pa yang ma yin 'du shes med pa yang ma yin par smra ba dag bdag pha rol du 'du shes yod pa yang ma yin med pa yang ma yin no zhes mngon par smra bas mngon par smra ste/'di lta ste/ dngos po brgyad po 'di rnams la'o/ /dge slong dag dge sbyong ngam bram ze de dag gang rtogs shing gang la brten cing gang dmigs nas phyi ma'i mthar rtogs pa 'du shes yod pa yang ma yin med pa yang ma yin par smra ba dag dngos po brgyad po dag la bdag pha rol du 'du shes yod pa yang ma yin med pa yang ma yin no zhes mngon par smra bas mngon par smra zhe na/dge slong dag dge sbyong dang bram ze phyi ma'i mthar rtogs pa kha cig 'di ltar lta zhing 'di skad du smra ste/bdag gzugs dang ldan la pha rol du 'du shes yod pa yang ma yin med pa yang ma yin pa dang / gzugs med pa dang / gzugs dang bcas pa dang / gzugs med pa dang gzugs dang bcas pa yin pa yang ma yin/ gzugs med pa yang ma yin la/pha rol du 'du shes yod pa yang ma yin 'du shes med pa yang ma yin par 'gyur ro zhes bya ba dang / bdag mtha' dang bcas par gyur la/ pha rol du 'du shes yod pa yang ma yin med pa yang ma yin pa dang / mtha' med pa dang / mtha' dang bcas pa dang / mtha' med pa dang mtha' dang bcas pa yang ma yin mtha' yang ma yin la/pha rol du 'du shes yod pa yang ma yin/ med pa yang ma yin par 'gyur ro zhes bya ba ste/ dge slong dag dngos po brgyad po 'di dag gang rtogs shing gang la brten cing gang dmigs nas sngon gyi mthar rtog pa 'du shes yod pa yang ma yin med pa yang ma yin par smra ba dag /bdag pha rol du 'du shes yod pa yang ma yin med pa yang ma yin par mngon par smra bas mngon par smra'o/ /dge slong dag ces bya ba nas lhag par mkhyen to zhes bya ba'i bar du'o/ /dge slong dag chos gzhan gang dag ces bya ba snga ma bzhin du'o/ /gang zhe na zhes bya ba'i bar snga ma bzhin du'o//dge slong dag dge sbyong ngam bram ze kha cig phyi ma'i mthar rtog pa chad par smra ba dag bdag pha rol du chad par 'gyur ro zhes mngon par smra bas mngon par smra ba dag yod de/ 'di lta ste/ dngos po bdun po 'di rnams la'o/ /dge sbyong dang bram ze de dag gang rtogs shing gang la brten cing gang dmigs nas zhes bya ba nas mngon par smra zhe na zhes bya ba'i bar du'o//dge slong dag dge sbyong ngam bram ze kha cig sngon gyi mthar rtog pa 'di ltar lta zhing 'di skad du smra ba dag yod de/ ji srid du bdag gzugs can te rags pa 'byung ba chen po bzhi'i rgyu las byung ba gson pa dag gnas pa dang nye bar gnas pa dang brtas pa de srid du nad dang bcas/'bras dang bcas/ zug rngu dang bcas/ rims nad dang bcas pa'o/ /gang gi tshe bdag rgyun chad cing rnam par zhig la/ gcig nas gcig tu mi 'byung ba 'di tsam gyis na bdag yang dag par rgyun chad par 'gyur ro//'dod pa na spyod pa'i lha rnams dang / gzugs na spyod pa'i lha rnams dang / gzugs med pa nam mkha' mtha' yas skye mched du nye bar 'gro ba rnams dang / gzugs med pa rnam shes mtha' yas skye mched du nye bar 'gro ba rnams dang / gzugs med pa ci yang med pa'i skye mched du nye bar 'gro ba rnams dang /gzugs med pa yod min med min skye mched du nye bar 'gro ba rnams su gson pa dang gnas pa dang brtas pa dang / nye bar gnas pa de srid du nad dang bcas/ 'bras dang bcas zhes bya ba nas yang dag par rgyun chad par 'gyur ro zhes bya ba'i bar du'o//dge slong dag 'di ni dngos po bdun po gang rtogs shing gang la brten cing gang dmigs nas phyi ma'i mthar rtog pa chad par smra ba dag ces bya ba nas mngon par smra'o zhes bya ba'i bar du'o/ /dge sbyong dang bram ze gang cung zad ces bya ba nas de thams cad ni dngos po bdun po 'di las gong na med cing mang ba ma yin no//de dag de bzhin gshegs pas yang dag pa ji lta ba bzhin mkhyen cing zhes bya ba nas lhag par mkhyen to zhes bya ba'i bar du'o/ /dge slong dag chos gzhan gang zhes bya ba snga ma bzhin du'o/ /dge slong dag dge sbyong ngam bram ze gang phyi ma'i mtha' rtog pa mthong ba'i chos la mya ngan las 'das par smra ba dag mthong ba'i chos la mya ngan las 'das par mngon par smra bas mngon par smra ste/'di lta ste dngos po lnga po 'di rnams la'o/ /dge sbyong dang bram ze de dag gang rtogs shing zhes bya ba snga ma bzhin du'o/ /dge slong dag dge sbyong dang /bram ze kha cig 'di ltar lta zhing 'di ltar smra ba dag yod de/ ji srid du bdag 'dod pa'i yon tan lnga po len pa dang / khas len pa dang ldan pa dang / rtse dga' zhing yongs su sbyong pa de srid du bdag mthong ba'i chos la yongs su mya ngan las 'da' bar mi 'gyur ro/ /gang gi tshe bdag 'dod pa las dben zhing sdig pa mi dge ba'i chos las dben zhes bya ba nas bsam gtan bzhi pa nye bar bsgrubs te gnas so zhes bya ba'i bar du'o//'di tsam gyis na bdag mthong ba'i chos la mya ngan las 'das pa thob par 'gyur te/ dge slong dag 'di ni dngos po lnga po gang rtogs shing gang la brten te gang dmigs nas sngon gyi mthar rtog pa mthong ba'i chos la mya ngan las 'das par smra ba dag mthong ba'i chos la mya ngan las 'das par mngon par smra bas mngon par smra'o//dge slong dag dge sbyong dang bram ze gang cung zad ces bya ba nas de thams cad ni dngos po lnga po 'di dag las gong na med cing mang ba ma yin no zhes bya ba'i bar du'o//de dag de bzhin gshegs pas zhes bya ba nas lhag par mkhyen to zhes bya ba'i bar du'o/ /dge sbyong ngam bram ze gang cung zad phyi ma'i mthar rtog pa phyi ma'i mtha' dang bcas pa'i lta bar gyur pa mngon par smra bas mngon par smra ba de dag thams cad ni lta bar gyur pa bzhi bcu rtsa bzhi po 'di las gong na med cing mang ba ma yin no//de dag de bzhin gshegs pas yang dag pa ji lta ba bzhin du rab tu mkhyen ces bya ba snga ma bzhin du'o/ /dge sbyong ngam bram ze gang cung zad sngon gyi mthar rtog cing sngon gyi mtha' dang bcas pa'i lta bar gyur pa mngon par smra bas mngon par smra ba dang /phyi ma'i mthar rtog pa dang phyi ma'i mtha' dang lhan cig pa'i lta bar gyur pa mngon par smra bas mngon par smra ba de thams cad ni lta bar gyur pa drug cu rtsa gnyis po 'di dag las gong na med cing mang ba ma yin no//de dag de bzhin gshegs pas yang dag pa ji lta ba bzhin du rab tu shes zhes bya ba snga ma bzhin du'o/ /dge slong dag de la dge sbyong ngam bram ze gang dag sngon gyi mthar rtog pa sngon gyi mtha' dang bcas pa'i lta bar gyur pas g.yengs pa dang / gnas pa dang rab tu gnas pa dang / mngon par [(]zhin [,]zhen [)]pa dang / mngon par rab tu zhen pa dang / phyi ma'i mthar rtog pa dang / phyi ma'i mthar rtog pa dang bcas pa'i lta bar gyur pas g.yengs pa dang / rab tu g.yengs pa dang / gnas pa dang rab tu gnas pa dang / mngon par zhen pa dang / mngon par rab tu zhen pa de thams cad ni bdud sdig to can gyi dra bar chud cing dbang du gyur cing /dbang du song ba/ ji ltar 'dod pa ltar byed pa/ bdud sdig to can gyi 'ching bas bcings shing / bdud kyi dbang las ma grol ba zhes bya'o/ /dge slong dag dper na nya ba'am nya ba'i slob ma mkhas pas dra ba mig chung ngu chur bcug ste/'chu ba na dge slong dag der srog chags rags pa g.yengs shing g.yeng ba de dag dra ba'i nang du 'gro zhing nya ba'i dbang du song zhing dbang du gyur pa lag par song ba ji ltar 'dod pa bzhin byed pa zhes bya bar rig par bya'o/ /dge slong dag de bzhin du dge sbyong ngam bram ze gang cung zad sngon gyi mthar rtog pa dag ces bya ba nas snga mi bzhin du bdud kyi zhags pa las yongs su ma grol ba zhes bya'o zhes bya ba'i bar du'o//dge slong dag de la dge slong ngam bram ze gang dag sngon gyi mthar rtog pa rtag par smra ba dag bdag dang 'jig rten ni rtag pa'o zhes mngon par smra bas mngon par smra ste/ 'di lta ste dngos po bzhi po 'di rnams la'o/ /des dge sbyong dang bram ze de dag yid 'khrug par 'gyur/ ma rig par 'gyur/ bag med par 'gyur/ rnam par rmongs shing sred pa'i g.yo ba dang bcas shing gnas par rig par bya'o zhes bya ba nas phyi ma'i mthar rtog pa mthong ba'i chos la mya ngan las 'das par smra ba dag mthong ba'i chos la mya ngan las 'das pa zhes mngon par smra bas mngon par smra ba ste/'di lta ste dngos po bzhi po 'di rnams la'o/ /des dge sbyong ngam bram ze de dag yid 'khrug par 'gyur/ ma rig par 'gyur/ bag med par 'gyur/ rnam par rmongs shing srid pa'i g.yo ba dang bcas shing gnas par rig par bya'o zhes bya ba nas phyi ma'i mthar rtog pa mthong ba'i chos la mya ngan las 'das pa'o zhes mngon par smra bas mngon par smra ste 'di lta ste dngos po lnga rnams la'o/ /des dge sbyong ngam bram ze de dag yid 'khrug par 'gyur ma rig par 'gyur/bag med par 'gyur/ rnam par rmongs shing srid pa'i g.yo ba dang bcas shing gnas par rig par bya'o/ /dge slong dag de la dge sbyong ngam bram ze gang dag sngon gyi mthar rtog pa rtag par smra ba dag bdag dang 'jig rten rtag go zhes mngon sma bas mngon par smra ste 'di lta ste dngos po bzhi rnams la'o//de dag ni rten cing 'brel par 'byung ba ste rten cing 'brel par 'byung ba ma yin pa 'di ni gnas pa ma yin zhing go skabs med do zhes bya ba nas mthong ba'i chos la mya ngan las 'das par smra ba dag mthong ba'i chos la mya ngan las u0f85'das pa'o zhes mngon par smra b as mngon par smra ste 'di lta ste dngos po lnga po 'di rnams la'o//'di dag kyang rten cing 'brel par 'byung ba ste/ de dag rten cing 'brel par mi 'gyur ro zhes bya ba 'di ni gnas ma yin zhing go skabs med do/ /dge slong dag de la dge sbyong ngam bram ze gang dag sngon gyi mthar rtog pa rtag par smra ba dag ces bya ba nas mngon par smra bas mngon par smra'o zhes bya ba'i bar du'o//'di ltar dngos po bzhi po 'di rnams la'o/ /de dag kyang reg pa'i rkyen can te reg pa'i rkyen ma yin par gzhan du tshor ba 'byung bar 'gyur ba 'di ni gnas med do zhes bya ba nas phyi ma'i mthar rtog pa mthong ba'i chos la mya ngan las 'das par smra ba dag mthong ba'i chos la mya ngan las 'das pa'o zhes mngon par smra ba ste 'di lta ste dngos po lnga po gang rnams la'o//de dag kyang reg pa'i rkyen gyis byung ba ste reg pa'i rkyen ma yin par gzhan du tshor ba 'byung bar 'gyur ba 'di ni gnas ma yin no/ /dge slong dag gang gi phyir reg pa'i skye mched drug po dag gi kun 'byung ba dang /mi snang ba dang / nyes dmigs dang / ro myang ba dang / nges par 'byung ba yang dag pa ci lta ba bzhin du rab tu shes shing / de las bla mar gyur pa'i chos rnams yang dag pa ji lta ba bzhin shes pas gang yang zag pa dang bcas shing nyon mongs pa dang bcas pa yang srid par rnam par smin pa nad dang sdug bsngal ba dang /ma 'ongs pa'i skye ba dang rgas pa dang na ba dang 'chi ba de dag de bzhin gshegs pas spangs shing yongs su shes la shing ta la mgo bcad pa ltar rtsa ba nas bton cing yang mi skye ba'i chos can du 'gyur ro//chos kyi rnams grangs 'di bshad pa na stong gsum gyi stong chen po'i 'jig rten gyi khams 'di lan gsum g.yos/ rab tu g.yos/ kun du rab tu g.yos so/ /'gul rab tu 'gul/ kun du rab tu 'gul lo/ /ldeg rab tu ldeg kun du rab tu ldeg go/ /de'i tshe na tshe dang ldan pa kun dga' bo bcom ldan 'das kyi zur na rnga yab thogs te g.yob cing 'dug ste/de nas tshe dang ldan pa kun dga' bos bcom ldan 'das la 'di skad ces gsol to/ /btsun pa bcom ldan 'das chos kyi rnam grangs 'di'i ming ci yin/ ji ltar gzung bar bya/ kun dga' bo de'i phyir chos kyi rnam grangs 'di rgyu'i dra ba zhes bya bar zung shig /don gyi dra ba dang / chos kyi dra ba dang / tshangs pa'i dra ba zhes bya bar yang zung shig /de'i phyir tshangs pa'i dra ba zhes bya ba ni chos kyi rnam grangs 'di'i tshig bla dwags so/ /de skad ces bka' stsal pa dang dge slong de dag bcom ldan 'das kyis gsungs pa la mngon par dga' zhing rjes su yi rang ngo //bar sdom la/ rtag dang phyogs gcig rgyu med dang / /mtha' yod de bzhin 'chi med dang / /'du shes bcas dang 'du shes med/ /'du shes yod min med min chad/ /mya ngan 'das dang g.yengs pa dang / /yang dag rmongs pa zhes bya dang //brten nas byung dang reg pas so/ /ji skad du gcer bu pa rnams sgren mo gos med pa yin no zhes bya ba la lung ring po dang skye ba med pa'i mdo dang / mu bzhi pa'i tshoms kyi dka' 'grel gyi sgo gnyis pa'i sdom gyi tshigs su bcad pa las/ bdag la phan pa zhes bya 'dir/ / zhes bya ba las 'di skad 'don te/ bdag nyid gdung zhing bdag nyid yongs su gdung ba dang rjes su mthun zhing ldan la gzhan mi gdung zhing gzhan yongs su mi gdung ba dang rjes su mthun zhing ldan pa'i gang zag gang zhe na/ 'di ltar dka' thub can kha cig ngan pas 'tsho zhing skyes pa'i dus bzhin du sgren mor 'dug cing /gos dang bral bar kun du rgyu la lag pa gcig gis len pa dang / de lag pa na dbyug pa thogs pa'i bsod snyoms mi len pa dang / lag na mtshon thogs pa dang / lag na chol zangs thogs pa dang / zar ma thogs pa dang / gang grong dang grong ma yin pa'i bar na sbrang bu bzhin du gnas par gyur pa'i bsod snyoms mi len pa dang /gang gi sgo na khyim gnas par gyur pa dang / gang na 'bras byung ba las bsod snyoms mi len pa dang / gang na 'thag pa dang / gang na sbrum ma yod pa dang / gang na bu btsa' ba yod pa dang / gang na 'tsho ba pa dang / gang na med ces smra ba der mi 'gro ba dang / gang na 'dug ces smra ba dang / ston par byed pa dang / nye bar ston par byed par mi 'gro zhing ngan pa dang sha mi za ba dang / nya dang shing 'bras mi za ba dang / chang mi 'thung ba dang / sman gyi btung ba mi 'thung ba dang / khyim gcig tu rnyed pa len pa dang /gnyis dang gsum dang khyim bdun du rnyed pa len pa dang / bza' ba dang btung ba mi za ba dang rjes su mthun zhing ldan pa dang / kham bu gcig za zhing yongs su za ba dang / kham bu gnyis dang / gsum dang / yun du za ba dang / btung ba za zhing 'thung ba dang / dus gcig tu longs spyod pa dang /gnyis dang / gsum dang / bdun gyi mthar spyod cing za ba dang / zla ba phyed nas yongs su spyad pa dang / zla ba phyed kyi mthar za ba dang / zla ba gcig lon nas za ba dang / zla ba gcig nas za ba dang / tshod ma za ba dang / sngo za ba dang / rgya 'bras za ba dang / gzegs ma za ba dang / ba lang gi lci ba za ba dang / gar rdu za ba dang / dgon pa'i phyogs su 'dzin nas 'bras bu dang sa bon las bral ba dang / rtsa ba dang 'bras bu dang 'tsho ba dang gzegs ma dang bcas shing gnas pa dang / dur khrod du gnas pa dang / nye bar zhi ba na gnas pa dang / ri la gnas pa dang /rgyan 'chang ba dang / ri dang dur khrod 'chang ba dang / ra'i la ba 'chang ba dang / skra'i la ba 'chang ba dang / ra dang skra'i la ba 'chang ba dang / pags pa 'chang ba dang / g.yang gzhi 'chang ba dang / pags pa dang g.yang gzhi 'chang ba dang / dUr ba 'chang ba dang / tsir ra nya 'chang ba dang /dUr ba dang tsir ra nya 'chang ba dang / dri ma 'chang ba dang / 'dam 'chang ba dang / dri ma dang 'dam 'chang ba dang / skra 'chang ba dang / kha spu 'chang ba dang / skra dang kha spu 'chang ba dang / skra 'byid pa dang / kha spu 'byid pa dang / skra dang kha spu 'byid pa dang / rjes su mthun zhing ltar gnas te/lag pa gcig gnam du bsgreng ba dang / g.yeng bar mi byed pa dang / tsog tsog por 'dug pa spong ba dang / rjes su mthun pas gnas pa dang / 'bras bu la brten cing gnas pa dang / 'bras bu la mal stan byed pa dang / mtshon cha la brten pa dang / mtshon cha mal stan du byed pa dang /ba lang gi lci bas byugs ma thag pa'i sa gzhi la nyal ba dang /[ (]tshu'i [,]chu'i [)]nang du gnas pa dang / ji srid dus gsum gyi bar du chur gnas pa dang / me la kun du spyod pa nas lan gsum du me la kun du spyod pa'i bar du'o/ /rkang pa gcig gis gnas pa dang / nyi ma la rjes su phyogs te nyi ma'i rjes su 'jug pa dang /nye bar gdung ba du mas lus la gdung zhing yongs su gdung bar byed cing nye bar gdung ba dang rjes su mthun zhing gnas pa ste/ 'di ni bdag nyid gdung zhing bdag nyid yongs su gdung ba dang rjes su mthun zhing ldan la/ gzhan mi gdung zhing gzhan yongs su mi gdung ba dang mthun zhing ldan pa'i gang zag ces bya'o//ji skad du dge slong dag bdag gam bdag gi zhes bya ba la/ rgyal po dang yang dag ldan pa'i tshogs las drug pa ral pa can gyi mdo las ji skad du 'don te/ de nas [(]bcom [,]bcom ldan [)]'das kyis ma ga d+hA'i dbang phyug gi rgyal po gzugs can snying po la bos nas rgyal po chen po gzugs ni skye ba dang 'jig pa'i chos can te skye ba dang 'jig pa'i chos can du rig par bya'o//rgyal po chen po tshor ba dang 'du shes dang 'du byed dang rnam par shes pa yang skye ba dang 'jig pa'i chos can te skye ba dang 'jig pa'i chos can du rig par bya'o/ /rgyal po chen po rigs kyi bu dag gzugs skye ba dang 'jig pa'i chos can du rig nas gzugs yongs su shes par 'gyur ro//tshor ba dang 'du shes dang 'du byed dang rnam par shes pa skye ba dang 'jig pa'i chos can du yongs su rig nas rnam par shes pa yongs su shes par 'gyur ro/ /rgyal po chen po rigs kyi bu gzugs yongs su shes na bdag gi zhes nye bar mi 'gro/nye bar mi len/ mi gnas shing mngon par mi zhen to/ /rgyal po chen po rigs kyi bu tshor ba dang 'du shes dang 'du byed dang rnam par shes pa yongs su shes na bdag go zhes nye bar mi 'gro nye bar mi len mi gnas shing mngon par mi zhen to//rgyal po chen po rigs kyi bu gzugs la nye bar mi 'gro/ nye bar mi len/ mi gnas shing mngon par mi zhen/ bdag gir mi byed na tshad med cing grangs med pa'i mya ngan las 'da' bar 'gyur ro zhes nga smra'o/ /rgyal po chen po rigs kyi bu tshor ba dang 'du shes dang 'du byed dang rnam par shes pa la nye bar mi 'gro/nye bar mi len/ mi gnas shing mngon par mi zhen/ bdag gir mi byed na tshad med cing grangs med pa'i mya ngan las 'da' bar 'gyur ro zhes nga smra'o/ /de nas ma ga d+hA'i bram ze dang khyim bdag rnams 'di snyam du gzugs bdag ma yin/ tshor ba dang 'du shes dang 'du byed dang rnam par shes pa bdag ma yin na bdag ci zhig yin te sems can nam/srog gam/ skyes bu'am/ gang zag gam/ shed las skyes pa'am/ shed bu'am/ byed pa po'am/ byed du 'jug pa'am/ skyed pa po'am/ yang dag par skyed pa po'am/ slong ba po'am/ kun nas slong ba po'am/tshor ba po'am/ tshor bar byed pa po'am/ rab tu tshor ba po gang de dang der dge ba'i las rnams byas shing byas nas rnam par smin pa so sor myong bar 'gyur ba mi shes shing ma byung 'byung bar mi 'gyur zhing da ltar med do snyam du sems par gyur to/ /de nas bcom ldan 'das kyis bram ze dang khyim bdag de dag gi sems thugs kyis mkhyen nas/dge slong rnams la bos te/ dge slong dag bdag dang bdag gi zhes bya ba ni byis pa so so'i skye bo thos pa dang mi ldan pa btags pa'i rjes su lhung ba rnams kyi ste 'di la bdag dang bdag gi med do/ /sdug bsngal skye bzhin pa na skye zhig sdug bsngal 'gag bzhin pa na 'gag go//'du byed skye bzhin pa na skye zhing / 'du byed 'gag bzhin pa na 'gag go/ /rgyu de dang rkyen de dag la brten nas sems can rnams kyi 'du byed kyi rgyun 'jug cing 'du byed kyi rgyun nying mtshams sbyor bar 'gyur ro/ /dge slong dag de bzhin gshegs pas mkhyen nas sems can rnams skye ba dang 'jig par 'dogs par mdzad do//bcom ldan 'das kyis thams cad la 'di skad du zhes bya ba la/ re zhig phung po'i mtha'i sdom las btsun pa ci phung po nye bar len pa lags sam/ 'on te phung po las gzhan zhig nye bar len pa yin/ dge slong dag phung po nye bar len pa ma yin zhing /phung po las gzhan yang nye bar len pa ma yin gyi/ 'on kyang dga' ba la 'dod chags pa 'di ni nye bar len pa zhes bya'o/ /de bzhin du skye mched drug gi tshogs kyi drag po'i sdom las/ mig dang gzugs nas yid dang chos kyi bar du'o ste 'di ni nye bar blang bar bya ba zhes bya'o//gang dga' ba la 'dod chags pa ni nye bar len pa'i chos zhes bya'o zhes mdo 'di gnyis mdzod kyi gnas lnga pa dang bdun par 'chad par 'gyur ro/ /mdo las kun dga' bo tshe phyi ma la yang srid pa mngon par 'grub pa zhes bya ba la sogs pa la gleng gzhi ni mnyan du yod pa na'o//de nas tshe dang ldan pa kun dga' bo bcom ldan 'das gang na ba der nye bar 'ongs te nye bar 'ongs nas bcom ldan 'das kyi zhabs la spyi bos phyag byas te phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to//btsun pa 'di lta ste srid pa zhes brjod pa/ srid pa srid pa zhes bya ba 'di gang gi tshig bla dgas lags/ kun dga' bo srid pa ni rnam pa gsum ste/ 'dod pa'i srid pa dang / gzugs kyi srid pa dang / gzugs med pa'i srid pa'o/ /kun dga' bo gal te 'dod pa dang yang dag par ldan pa'i las med na 'ga' yang gang du 'dod pa'i srid pa zhes 'dogs sam/btsun pa ma lags so/ /kun dga' bo las kyi zhing dang / sred pa'i rlan dang / rnam par shes pa'i sa bon dang / ma rig pa'i mun pa ste/ kun dga' bo rmongs par gyur pa'i sems can de dag sems dman pa la rnam par shes pa gnas par 'gyur te/'di lta ste/ 'dod pa'i sred par ro/ /kun dga' bo gzugs dang yang dag par ldan pa'i las med na 'ga' yang gzugs kyi srid pa zhes 'dogs sam/ btsun pa ma lags so/ /kun dga' bo las kyi zhing dang /sred pa'i rlan dang / rnam par shes pa ni sa bon dang / ma rig pa ni mun pa ste/ kun du rmongs par gyur pa'i sems can de dag sems bar ma la rnam par shes pa gnas par 'gyur te/ 'di lta ste gzugs kyi srid par ro/ /kun dga' bo gzugs med pa dang yang dag par ldan pa'i las med na/'ga' yang gang du gzugs med pa'i srid pa zhes 'dogs sam/ btsun pa ma lags so/ /kun dga' bo las kyi zhing dang / sred pa'i rlan dang / rnam par shes pa'i sa bon dang ma rig pa'i mun pa ste/ kun du rmongs par gyur pa'i sems can de dag sems mchog la rnam par shes pa gnas par 'gyur te/'di lta ste/ gzugs med pa'i sred par ro/ /de ci'i phyir zhe na/ kun dga' bo gang yang ma 'ongs pa'i las mngon par 'byung zhing mngon par 'grub par 'gyur ba 'di la srid pa zhes bya'o zhes bka' stsal to/ /mdo las ma rig pa'i kun du sbyor ba dang zhes bya ba de'i don du dris te/kun du sbyor ba ni rnam pa dgu ste/ 'dod chags kyi kun du sbyor ba dang / gnod sems kyi kun du sbyor ba dang / nga rgyal gyi kun du sbyor ba dang / ma rig pa'i kun du sbyor ba dang / lta ba'i kun du sbyor ba dang / mchog tu 'dzin pa'i kun du sbyor ba dang / phrag dog gi kun du sbyor ba dang /ser sna'i kun du sbyor ba dang / the tshom gyi kun du sbyor ba'o/ /'ching ba ni rnam pa gsum ste/ 'dod chags kyi 'ching ba dang / zhe sdang gi 'ching ba dang / gti mug gi 'ching ba'o/ /phra rgyas ni rnam pa bdun te/ 'dod pa'i 'dod chags kyi phra rgyas dang / gnod sems kyi phra rgyas dang /srid pa'i 'dod chags kyi phra rgyas dang / nga rgyal gyi phra rgyas dang / ma rig pa'i phra rgyas dang / lta ba'i phra rgyas dang / the tshom gyi phra rgyas so/ /chu bo ni bzhi ste/ 'dod pa'i chu bo dang / srid pa'i chu bo dang / lta ba'i chu bo dang / ma rig pa'i chu bo'o/ /sbyor ba ni bzhi ste/ 'dod pa'i sbyor ba dang /srid pa'i sbyor ba dang / lta ba'i sbyor ba dang / ma rig pa'i sbyor ba'o/ /nyan thos kyi rnam par bshad pa'i sdom gyi tshigs su bcad pa bzhi pa las gnas brtan shA ri'i bu la kun du rgyu 'dzam bu'i grib mas kun du sbyor ba la sogs pa'i dri ba dris pa'i mdor bstan pa byas pa der shes par bya'o//mdo las 'dod chags kyis nye bar nyon mongs pa can du gyur pa'i zhes bya ba la sogs pa la gleng gzhi ni mnyan du yod pa na'o/ /tshul khrims la bsten cing tshul khrims la gnas pa dag chos gnyis shig goms par bya ste/ zhi gnas dang lhag mthong ngo / /zhi gnas kun du bsten cing goms par byas lan mang du byas na don ci zhig rjes su thob par 'gyur zhing /lhag mthong bsten cing goms par byas lan mang du byas na don ci zhig rjes su thob par 'gyur zhe na/ zhi gnas kun du bsten cing goms par byas lan mang du byas na sems bsgoms par 'gyur zhing / sems bsgoms na gang 'dod chags spong bar 'gyur ro/ /lhag mthong kun du bsten cing goms par byas lan mang du byas na shes rab bsgoms par 'gyur zhing / shes rab bsgoms na ma rig pa spong bar 'gyur te/ 'dod chags kyis nye bar nyon mongs pa can du gyur pa'i sems ni rnam par mi grol lo//ma rig pas nye bar nyon mongs par gyur pa'i shes rab ni rnam par mi 'dag /dge slong dag 'dod chags dang bral ba'i sems ni rnam par grol la/ gti mug dang bral ba'i sems ni rnam par grol lo/ /dge slong gang 'dod chags spangs shing sems rnam par grol ba dang /ma rig pa las 'dod chags dang bral zhing shes rab rnam par grol ba gang gis lus kyi mngon sum du byas par gyur pa de ni sred pa chad cing kun du sbyor ba spangs pa yang dag pa'i yid kyis mngon par rtogs nas sdug bsngal mthar byas pa'i dge slong zhes bya'o zhes bka' stsal to/ / mdo las bdag gis de ltar shes de ltar mthong zhes bya ba la sogs pa la/ bcom ldan 'das rgyal po'i khab kyi 'od ma'i tshal bya ka lan da ka gnas pa na bzhugs te/ de nas kun du rgyu be'u'i rigs bcom ldan 'das gang na ba der nye bar 'ongs te/ nye bar 'ongs nas bcom ldan 'das dang lhan cig yang dag par bde ba dang /dga' ba dang / yang dag par rab tu dga' bar 'gyur ba'i gtam rnam pa sna tshogs byas te phyogs gcig tu 'dug go/ /phyogs gcig tu 'dug nas kun du rgyu be'u'i rigs kyis bcom ldan 'das la 'di skad ces gsol to/ /kye gau ta ma dris pa la lung bstan pa'i slad du skabs 'byed na bdag phyogs 'ga' zhig yongs su 'dri'o//be'u the tshom za ba gang yin pa dris shig /kye gau ta ma 'jig rten rtag ces bya ba 'di nyid bden gyi gzhan ni gti mug pa'o zhes 'di ltar lta zhing 'di skad smra'am/ be+e'u 'jig rten rtag ces bya ba 'di nyid bden gyi gzhan ni gti mug pa'o zhes nga 'di ltar mi lta zhing 'di skad du mi smra'o//kye gau ta ma mi rtag pa dang / rtag kyang rtag la mi rtag kyang mi rtag pa dang / rtag pa yang ma yin mi rtag pa yang ma yin pa dang / mtha' dang bcas pa dang / mtha' med pa dang / mtha' dang bcas pa yang ma yin mtha' med pa yang ma yin pa dang /srog de nyid lus dang / srog las lus gzhan du gyur pa dang / de bzhin gshegs pa grongs nas yod ces bya ba dang / med ces bya ba dang / yod kyang yod la med kyang med ces bya ba dang / yod pa yang ma yin med pa yang ma yin no zhes smra ba 'di nyid bden gyi gzhan ni gti mug pa'o zhes 'di ltar lta zhing 'di skad du smra ba'am/be'u 'di lta ste 'jig rten mi rtag ces bya ba dang / rtag kyang rtag la mi rtag kyang mi rtag pa dang / rtag pa yang ma yin mi rtag pa yang ma yin pa dang / mtha' dang bcas pa dang / mtha' med pa dang / mtha' dang yang bcas la mtha' med pa dang /mtha' dang bcas pa yang ma yin mtha' med pa yang ma yin pa dang / srog de nyid lus dang / srog las lus gzhan du gyur pa dang / de bzhin gshegs pa grongs nas yod ces bya ba dang / med ces bya ba dang / yod kyang yod la med ces bya ba dang / yod pa yang ma yin med pa yang ma yin zhes bya ba nga 'di ltar mi lta zhing 'di skad du mi smra'o//kye gau ta ma lta ba 'di dag rnam pa thams cad kyi thams cad du khas mi len pa lta ba 'di dag nyes dmigs dang bcas par yang dag par rjes su mthong ngam/ be'u de la lta ba gang 'jig rten rtag pa'o zhes bya ba 'di nyid bden gyi gzhan ni gti mug pa'o zhes smra ba 'di nyid bden gyi gzhan ni gti mug pa zhes bya ba'i lta ba 'di ni lta bar gyur pa/lta ba'i tshang tshing / lta ba'i dgon pa/ lta bas g.yengs pa/ lta bas bskyed pa/ lta ba'i kun du sbyor ba ste/ de ni sdug bsngal ba/ de ni gnod pa/ de ni nye bar 'tshe ba/ de ni yongs su sreg par byed pa ste/mngon par mi shes shing mngon par mi rtogs shing mya ngan las 'das pa mi thob par byed pa ste/ lta ba gang 'jig rten rtag ces bya ba 'di nyid bden gyi [(]gzhin [,]gzhan [)]ni gti mug pa'o zhes bya ba'o/ /de la be'u lta ba gang mi rtag pa dang / rtag kyang rtag la mi rtag kyang mi rtag ces bya ba dang /rtag pa yang ma yin ma rtag pa yang ma yin zhes bya ba dang / mtha' dang bcas pa dang / mtha' med pa dang / mtha' dang yang bcas shing mtha' med pa dang / mtha' dang bcas pa yang ma yin mtha' med pa yang ma yin pa dang / srog de nyid lus dang / srog las lus gzhan du 'gyur zhes bya ba dang /de bzhin gshegs pa grongs nas yod ces bya ba dang med ces bya ba dang yod kyang yod la med kyang med ces bya ba dang / yod pa yang ma yin med pa yang ma yin zhes bya ba 'di nyid bden gyi gzhan ni gti mug pa'o zhes smra ba 'di nyid bden gyi gzhan ni gti mug pa'o zhes bya ba 'di yang lta bar gyur pa/ lta ba'i tshang tshing / lta bas g.yengs pa/ lta bas bskyed pa/ lta ba la spyod pa/ lta ba'i kun du sbyor ba ste/ de ni sdug bsngal ba/ de ni gnod pa/ de ni nye bar 'tshe ba/ de ni yongs su sreg par byed pa mngon par mi shes shing mngon par mi rtogs pa mya ngan las 'das pa thob par mi byed pa'o/ /gau ta ma khyod kyi lta ba ci zhig/be'u de bzhin gshegs pa ni lta bar gyur pa spangs pa ste/ 'on kyang de bzhin gshegs pa'i lta bar gyur pa spang ba ci zhig lta ba ci zhe na/ de bzhin gshegs pas sdug bsngal 'phags pa'i bden pa'o zhes yang dag pa'i shes rab kyis ji lta ba bzhin mthong zhing / 'di ni sdug bsngal kun 'byung ba'o//'di ni sdug bsngal 'gog pa'o/ /'di ni sdug bsngal 'gog par 'gro ba'i lam mo zhes rtogs shing 'phags pa'i bden pa yang dag pa'i shes rab kyis ji lta ba bzhin mthong ste/ bdag gis de ltar shes shing de ltar mthong ste/ sred pa thams cad dang / lta ba thams cad dang /'jug pa thams cad dang / ngar 'dzin pa dang / nga yir 'dzin pa dang / nga'o snyam pa'i nga rgyal la mngon par zhen pa'i phra rgyas thams cad spangs shing yongs su shes nas grib ma med par yongs su mya ngan las 'das so/ /gau ta ma 'di ltar sems rnam par grol ba'i dge sbyong gang du 'gro bar 'gyur bar smra/be'u de'i phyir khyed kyis ji ltar bzod pa de bzhin du lung ston cig dang bshad par bya'o/ /be'u 'di lta ste 'dir khyed kyis mdun du me 'bar nas sbar ro zhes bya bar shes sam/ gau ta ma me sbar ro zhes bya bar 'tshal lags so/ /de nyid me shin shi'o zhes bya bar shes sam/gau ta ma shi'o zhes bya bar 'tshal lags so/ /be'u gal te kha cig 'ongs te khyod kyi mdun du me sbar ba de shar phyogs sam lho phyogs sam/ nub phyogs dang byang phyogs gang du song zhes 'dri na/ be'u 'di skad du dri ba la ji skad du lung ston/ gau ta ma gal te kha cig 'ongs te bdag la 'di ltar 'dri na/de la bdag gis 'di skad du/ gang bdag gi mdun du me sbar ba de gang rtswa dang / shing dang / yal ga dang 'dab ma la brten te de tsam du 'bar la/ de dag yongs su zad cing gtugs shing gzhan nye bar len pa ma tshogs pas nye bar len pa med par shi bar 'gyur te/de shar phyogs su ma song / lho dang / nub dang / byang gi phyogs su ma song zhes lung bstan par bya'o/ /be'u de bzhin du de bzhin gshegs pas ngo bo gang gis gzugs su 'dogs shing nye bar 'dogs pa'i ngo bo de spangs shing yongs su shes la rtsa ba bcad cing / shing ta la mgo bcad pa ltar skal ba mnyam pa phyis mi skye ba'i chos can du gyur to//gang dang gang gis tshor ba dang / gang dang gang gis 'du shes dang / gang dang gang gis 'du byed dang / gang dang gang gis rnam par shes pa shes par 'dogs pa ngo bo nyid de nyid kyi de bzhin gshegs pas spangs shing yongs su shes te/ rtsa ba bcad cing shing ta la mgo bcad pa ltar skal ba mnyam par phyis mi skye ba'i chos can du 'gyur te/shar phyogs su ma song / lho dang / nub dang / byang phyogs su ma song ba ste zab cing rgya che la tshad med cing bgrang du med pa'i mya ngan las 'das pa zhes bya'o/ /gau ta ma bdag dpe bshad par spobs so//be'u de'i dus la bab na [(]spabs [,]spobs [)]par gyis shig /gau ta ma 'di lta ste/ grong dang grong khyer thag mi ring ba zhig na sa'i gzhi mdzes par byed pa sA la'i tshal zhig yod par gyur la/ sA la'i tshal de las gcig la lo du ma zhig ci la grangs mang du 'phel ba/ de yang nyin mtshan du yal ga rnying zhing pags pa shus pa dang /yal ga dang 'dab ma rim gyis nyams te/ de dus gzhan na shun pa dang bral/ pags pa dang bral/ yal ga dang lo 'dab dang bral te dag cing snying po gnas par 'gyur te/ de bzhin du gau ta ma chos 'dul ba/ pags pa dang shun pa dang bral zhing yal ga dang lo 'dab dang bral ba'i snying po gnas par 'gyur ro//gau ta ma skye dgu kun gzhi la dga' zhing / kun gzhi la rab tu dga' zhing / kun gzhi la mngon par dga' ba rnams la/ gau ta ma kun gzhi med par chos rnams las mngon par byang chub ste/ /de bzhin gshegs pa dgra bcom pa yang dag par rdzogs par byang chub pa gau ta ma mchi'o zhes bya ba nas zhabs drung nas song ngo zhes bya ba'i bar du'o//'di ltar mdo'i khungs chos gsum po 'di dag 'brel zhing 'dus la zhes bya ba la sogs pa la [(]gling [,]gleng [)]gzhi ni mnyan du yod pa na'o/ /dge slong dag rnam pa gnyis la brten nas rnam par shes pa skye bar 'gyur te/gnyis gang zhe na/ mig dang / gzugs dang / rna ba dang / sgra dang / sna dang / dri dang / lce dang / ro dang / lus dang / reg bya dang / yid dang chos de 'di ni gnyis zhes bya'o/ /dge slong dag kha cig 'di skad du dge sbyong gau ta mas gnyis su btags pa de bdag gis bsal te gzhan gnyis bstan par bya'o zhes smra ba de ni tshig tsam ste dris pa'i lan yang dag par mi shes pa lan la rmongs pa skyed de/de de'i yul ma yin pa'i phyir ro/ /de ci'i phyir zhe na/ mig dang gzugs la brten nas mig gi rnam par shes pa skye bar 'gyur te/ dge slong dag de la mig ni mi rtag pa/'dus byas pa/ tshogs shing brten nas byung ba'o/ /gzugs dang mig gi rnam par shes pa yang mi rtag pa 'dus byas pa tshogs shing brten nas byung ba ste/ chos 'di rnams nyid 'brel zhing 'dus la tshogs pa gang yin pa de nyid la reg pa zhes bya'o/ /dge slong dag reg pas tshor bar byed/reg pas sems par byed/ reg pas 'du shes par byed de/ chos 'di dag kyang mi rtag pa/ 'dus byas pa/ tshogs pa brten nas byung ba ste/ 'di lta ste/ reg pa dang tshor ba dang / 'du shes dang / sems pa'o/ /dge slong dag rna ba dang sna dang lce dang lus dang yid dang chos la brten nas yid kyi rnam par shes pa skye ste/dge slong dag de la yid gang yin pa de yang mi rtag pa 'dus byas pa 'dus shing brten nas byung ba ste/ chos dang yid kyi rnam par shes pa yang mi rtag pa 'dus byas pa tshogs pa brten nas byung ba ste/ de ltar na chos gsum po 'di dag nyid 'brel zhing 'dus la tshogs pa gang yin pa de ni reg pa zhes bya'o//dge slong dag reg pas tshor bar byed/ reg pas sems par byed/ reg pas 'du shes par byed de/ chos 'di dag kyang mi rtag pa/ 'dus byas pa/ tshogs pa brten nas byung ba ste/ 'di lta ste/reg pa dang tshor ba dang 'du shes dang sems pa'o zhes bka' stsal to/ /'dir mdo'i khungs tshan drug pa'i chos kyi rnam grangs gang zhe na zhes bya ba la/ bcom ldan 'das skya ba seng na kol ma sha dam mya zhes bya ba'i grong khyer na bzhugs te/ de nas bcom ldan 'das kyis dge slong rnams la bos te/dge slong dag ngas khyed la drug tshan drug pa zhes bya ba'i chos kyi rnam grangs thog mar dge ba/ bar du dge ba/ tha mar dge ba/ don bzang po/ /tshig 'bru bzang po/ /ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa/ yongs su gsal bar byed pa bshad par bya yis de legs par nyon la yid la zung shig dang bshad par bya'o//drug tshan drug pa zhes bya ba'i chos kyi rnam grangs gang zhe na/ nang gi skye mched drug dang / phyi'i skye mched drug dang / rnam par shes pa'i skye mched drug dang / reg pa'i tshogs drug dang / tshor ba'i tshogs drug dang /sred pa'i tshogs drug go/ /nang gi skye mched drug gang zhe na/ mig nang gi skye mched dang / rna ba dang / sna dang / lce dang / lus dang / yid nang gi skye mched de/ 'di dag ni nang gi skye mched drug ste drug tshan dang po'o/ /phyi'i skye mched drug gang zhe na/ gzugs ni phyi'i skye mched dang /sgra dang / dri dang / ro dang / reg bya dang / chos ni phyi'i skye mched de 'di dag ni phyi'i skye mched drug ste drug tshan gnyis pa'o/ /rnam par shes pa'i tshogs drug gang zhe na/ mig gi rnam par shes pa dang / rna ba dang / sna dang / lce dang / lus dang / yid kyi rnam par shes pa ste 'di ni rnam par shes pa'i tshogs drug ste drug tshan gsum pa'o//reg pa'i tshogs drug gang zhe na/ mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa ste/ 'di dag ni reg pa'i tshogs drug ste drug tshan bzhi pa'o/ /tshor ba'i tshogs drug gang zhe na/mig gi 'dus te reg pa las skyes pa'i tshor ba dang / rna ba dang / sna dang / lce dang / lus dang / yid kyi 'dus te reg pa las skyes pa'i tshor ba ste/ 'di dag ni tshor ba'i tshogs drug ste drug tshan lnga pa'o/ /sred pa'i tshogs drug gang zhe na/ mig gi 'dus te reg pa las skyes pa'i sred pa dang /rna ba dang / sna dang / lce dang / lus dang / yid kyi 'dus te reg pa las skyes pa'i sred pa ste/ 'di dag ni sred pa'i tshogs drug ste drug tshan drug pa'o/ /dge slong dag mig bdag yin no zhes smra ba ni 'thad pa ma yin te/ de ci'i phyir zhe na/ dge slong dag mig ni skye ba dang 'jig par shes la/gang skye ba dang 'jig par shes pa de ni skye bar 'gyur zhing 'jig par 'gyur ba 'di lta bu 'ong ste de'i phyir 'thad pa ma yin no/ /dge slong mig ni bdag ces smra yang bdag ma yin no/ /gzugs dang mig gi rnam par shes pa dang / mig gi 'dus te reg pa dang / mig gi 'dus te reg pa las skyes pa'i tshor ba dang /mig gi 'dus te reg pa las skyes pa'i sred pa bdag ces smra ba ni 'thad pa ma yin te/ de ci'i phyir zhe na/ dge slong dag mig gi 'dus te reg pa las byung ba'i tshor ba ni skye ba dang 'jig par shes la/ gang skye ba dang 'jig par shes pa de ni skye bar 'gyur zhing 'jig par 'gyur ba 'di lta bu 'ong ste de'i phyir 'thad pa ma yin no//dge slong dag mig gi 'dus te reg pa las byung ba'i sred pa bdag ces smra ba gang yin pa de ni mig gi 'dus te reg pa'i rkyen gyis byung ba'i sred pa bdag ma yin no/ /rna ba dang / sna dang / lce dang / lus dang / dge slong yid bdag ces smra ba ni rigs pa ma yin te/de ci'i phyir zhe na/ dge slong dag yid ni skye ba dang 'jig par shes la gang skye ba dang 'jig par shes pa de ni skye bar 'gyur zhing 'jig par 'gyur ba 'di lta bu 'ong ste/ de'i phyir 'thad pa ma yin no/ /dge slong dag yid ni bdag yin no zhes smra ba 'di ni yid ni bdag ma yin no//chos dang yid kyi rnam par shes pa dang / yid kyi 'dus te reg pa las byung ba'i tshor ba dang / yid kyi 'dus te reg pa las byung ba'i sred pa bdag yin no zhes smra ba de ni 'thad pa ma yin te/ de ci'i phyir zhe na/ dge slong dag yid kyi 'dus te reg pa las byung ba'i sred pa ni skye ba dang 'jig par shes la gang skye ba dang 'jig par shes pa de ni skye bar 'gyur zhing 'jig par 'gyur ba 'di lta bu 'ong ste de'i phyir 'thad pa ma yin no//yid kyi 'dus te reg pa las byung ba'i sred pa bdag ces smra ba ni yid kyi 'dus te reg pa las byung ba'i sred pa ni bdag med pa'o//de ci'i phyir zhe na/ dge slong dag mig dang gzugs la brten nas mig gi rnam par shes pa skye zhing gsum 'dus pa'i reg pa dang / reg pa'i rkyen gyis tshor ba bde ba dang sdug bsngal ba dang / bde ba yang ma yin sdug bsngal ba yang ma yin pa skye ste/dge slong dag de la gang bde ba'i tshor bas reg na mngon par dga' zhing rab tu dga' la mngon par zhen cing gnas par 'gyur te/ bde ba'i tshor ba la 'dod chags rgyas par 'gyur ro/ /dge slong dag de la sdug bsngal gyi tshor bas reg na mi bzod cing / khro ba dang gnang sems dang / zhum zhing gnas te khro ba bsags par 'gyur te/ sdug bsngal gyi tshor ba la zhe sdang rgyas par 'gyur ro zhes tshor ba ni bdag gi kun 'byung ba dang / mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin mi shes pa de bde ba dang sdug bsngal gyi tshor ba la gti mug rgyas par 'gyur ro//dge slong dag dge slong de bde ba'i tshor ba la 'dod chags rgyas pa ma spangs shing / sdug bsngal gyi tshor ba la zhe sdang rgyas pa ma spangs la/ bde ba yang ma yin sdug bsngal ba yang ma yin pa'i tshor ba la gti mug rgyas pa ma spangs shing 'di lta ba dang nga rgyal gyi phra rgyas 'byung zhing ma rig pa las 'dod chags dang ma bral nas yang dag pa'i rig pa ma skyes par sdug bsngal mthar byed par 'gyur ba 'di ni gnas med do//dge slong dag dge sbyong de bde ba'i tshor ba la 'dod chags rgyas par 'gyur ba spangs shing / sdug bsngal gyi tshor ba la zhe sdang rgyas par 'gyur ba spangs la/bde ba yang ma yin sdug bsngal ba yang ma yin pa'i tshor ba la ma rig pa rgyas par 'gyur ba spangs te/ 'di lta ba dang nga rgyal gyi phra rgyas mi 'byung zhing / ma rig pa las 'dod chags dang bral nas yang dag pa'i rig pa skye ste sdug bsngal mthar byed par 'gyur ba 'di ni gnas yod do//dge slong dag rna ba dang / sna dang / lce dang / lus dang / yid dang / chos la brten nas yid kyi rnam par shes pa skye bar 'gyur te/ gsum 'dus pa'i reg pa dang / reg pa'i rkyen gyis tshor ba bde ba dang sdug bsngal ba dang / bde ba yang ma yin sdug bsngal ba yang ma yin pa skye ste/dge slong dag de la gang bde ba'i tshor ba la mngon par dga' zhing rab tu dga' la/ mngon par zhen cing gnas par 'gyur te/ bde ba'i tshor ba la 'dod chags rgyas par 'gyur ro/ /dge slong dag de la sdug bsngal gyi tshor bas reg na mi bzod pa skye zhing khro ba dang gnod sems dang zhum zhing gnas te khro ba bskyed nas sdug bsngal gyi tshor ba la zhe sdang rgyas par 'gyur ro zhes tshor ba 'di dag ni kun 'byung ba dang /mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin du mi shes pa de bde ba dang sdug bsngal gyi tshor ba la gti mug rgyas par 'gyur ro//dge slong dag dge slong de bde ba'i tshor ba la 'dod chags rgyas pa ma spangs shing / sdug bsngal gyi tshor ba la zhe sdang rgyas pa ma spang la/ bde ba yang ma yin sdug bsngal ba yang ma yin pa'i tshor ba la gti mug rgyas par 'gyur ba ma spangs la/ 'di lta ba dang nga rgyal gyi phra rgyas 'byung zhing ma rig pa las 'dod chags dang ma bral nas yang dag pa'i rig pa ma skyes par sdug [(]bsal [,]bsngal [)]mthar byed par 'gyur ba 'di ni gnas med do//dge slong dag dge slong de bde ba'i tshor ba la 'dod chags rgyas pa spangs shing / sdug bsngal gyi tshor ba la zhe sdang rgyas pa spangs la bde ba yang ma yin sdug bsngal ba yang ma yin pa'i tshor ba la ma rig pa rgyas par 'gyur ba spangs shing /'di'i lta ba dang nga rgyal gyi phra rgyas mi 'byung zhing ma rig pa las 'dod chags dang bral nas yang dag pa'i rig pa skyes te sdug bsngal mthar byed par 'gyur ba 'di ni gnas yod do//dge slong dag ji lta ba bzhin zhes bya ba'i yang dag par rjes su mthong ba mig tu gyur pa/ ye shes su gyur pa/ nye bar zhi bar 'jug pa mngon par shes pa/ rdzogs par byang chub pa/ mya ngan las 'das par 'jug par byed pa yod de/ dge slong dag ji lta ba bzhin zhes bya ba'i yang dag par rjes su mthong ba/mig tu gyur pa/ ye shes su gyur pa/ nye bar zhi bar 'jug pa/ mngon par shes pa/ rdzogs par byang chub pa/ mya ngan las 'das par 'jug par byed pa/ de gang zhe na/ dge slong dag 'di la dge slong mig bdag med do zhes bya bar yang dag par rjes su mthong zhing /gzugs dang / mig gi rnam par shes pa dang / mig gi 'dus te reg pa dang / mig gi 'dus te reg pa las byung ba'i nang gi bdag nyid kyi tshor ba bde ba dang / sdug bsngal ba dang / bde ba yang ma yin sdug bsngal ba yang ma yin pa de yang bdag med do zhes yang dag par rjes su mthong ste/dge slong dag 'di ni yang dag pa ji lta ba bzhin mthong ba zhes bya ba mig tu gyur pa zhes bya ba nas snga ma bzhin du mya ngan las 'das par 'jug pa'i bar du'o/ /'di ni drug tshan drug pa zhes bya ba'i chos kyi rnam grangs so/ /dge slong dag ngas khyed la drug tshan drug pa zhes bya ba'i chos kyi rnam grangs thog mar dge ba/bar du dge ba/ tha mar dge ba/ don bzang po/ tshig 'bru bzang po zhes bya ba nas snga ma bzhin du bshad par bya'o zhes gang bstan pa de rgyas par rab tu bshad do zhes 'byung ngo / /reg pa dang tshor ba phan tshun 'bras bu nyid du 'dod pa 'di ni mdo las mi bzhed de zhes bya ba la gleng gzhi ni mnyan du yod pa na'o//dge slong dag sred pa sna tshogs la brten nas tshor ba sna tshogs 'byung ba ni ma yin zhing / tshor ba sna tshogs la brten te reg pa sna tshogs 'byung ba ma yin la/ reg pa sna tshogs la brten nas khams sna tshogs 'byung ba ni ma yin gyi/'on kyang khams sna tshogs la brten nas reg pa sna tshogs par 'byung bar 'gyur zhing reg pa sna tshogs la brten nas tshor ba sna tshogs/ tshor ba sna tshogs la brten nas sred pa sna tshogs 'byung bar 'gyur ro/ /dge slong dag khams gang cung zad khams su gyur pa de thams cad ni khams bco brgyad de/mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang /ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams so/ /'di ni khams rnams kyi khams sna tshogs pa zhes bya'o//dge slong dag ji ltar khams sna tshogs la brten nas reg pa kun 'byung bar 'gyur zhing reg pa la brten nas tshor ba sna tshogs/ tshor ba sna tshogs la brten nas sred pa sna tshogs kun 'byung bar 'gyur zhe na/ mig gi khams la brten nas mig gi 'dus te reg pa 'byung bar 'gyur gyi/mig gi 'dus te reg pa la brten nas mig gi khams skye ba ni ma yin gyi/ 'on kyang mig gi khams la brten nas mig gi 'dus te reg pa skye'o/ /mig gi 'dus te reg pa la brten nas mig gi 'dus te reg pa'i rkyen gyis tshor ba skye'i/ mig gi 'dus te reg pa'i rkyen gyis tshor ba la brten nas mig gi 'dus te reg pa skye ba ni ma yin zhing /mig gi 'dus te reg pa'i rkyen gyis tshor ba la brten nas mig gi 'dus te reg pa'i rkyen gyis tshor ba'i sred pa skye'i/ mig gi 'dus te reg pa'i rkyen gyis tshor ba'i sred pa la brten nas mig gi 'dus te reg pa'i rkyen gyis tshor ba skye ba ni ma yin no//'on kyang rig gi 'dus te reg pa'i rkyen gyis tshor ba la brten nas/ mig gi 'dus te reg pa'i rkyen gyis tshor ba'i sred pa skye'o/ /rna ba dang / sna dang / lce dang / lus dang / yid kyi khams la brten te yid kyi 'dus te reg pa skye'i/ yid kyi 'dus te reg pa la brten nas yid kyi khams skye ba ni ma yin gyi 'on kyang yid kyi khams la brten nas yid kyi 'dus te reg pa skye'o//yid kyi 'dus te reg pa la brten te yid kyi 'dus te reg pa'i rkyen gyis tshor ba skye'o/ /yid kyi 'dus te reg pa'i rkyen gyis tshor ba la brten nas yid kyi 'dus te reg pa skye ba ni ma yin no//yid kyi 'dus te reg pa'i rkyen gyis tshor ba la brten nas yid kyi 'dus te reg pa'i rkyen gyis tshor ba'i sred pa skye'i/ yid kyi 'dus te reg pa'i rkyen gyis tshor ba'i sred pa la brten nas yid kyi 'dus te reg pa'i rkyen gyis tshor ba skye ba ni ma yin no/ /'on kyang yid kyi 'dus te reg pa'i rkyen gyis tshor ba la brten nas yid kyi 'dus te reg pa'i rkyen gyis tshor ba'i sred pa skye'o//dge slong dag de ltar na khams sna tshogs la brten nas reg pa sna tshogs skye bar 'gyur zhing reg pa sna tshogs la brten nas tshor ba sna tshogs/ tshor ba sna tshogs la brten nas sred pa sna tshogs skye bar 'gyur te zhes bka' stsal to//'di skad du bcom ldan 'das kyis mdo sde la brten par bya'o zhes gsungs so zhes bya ba la/ mdo drug pa'i mtha' yongs su mya ngan las 'das pa chen po'i mdo las 'di ltar 'don te/ bcom ldan 'das yongs su spyod pa'i grong khyer gyi byang phyogs kyi grong shing sha pa'i tshal na bzhugs te/de nas bcom ldan 'das kyis tshe dang ldan pa kun dga' bo la bos te/ kun dga' bo de nyid kyi phyir dang po dang tha mar mdo sde la brten par bya'i gang zag la brten par mi bya'o/ /kun dga' bo ji ltar na de dge slong mdo sde la brten par bya'i gang zag la brten par mi bya zhe na/kun dga' bo 'di na dge slong kha cig 'ongs te 'di skad du tshe dang ldan pa dag 'di ni chos/ 'di ni 'dul ba/ 'di ni ston pa'i bstan pa ste bcom ldan 'das las bdag gis mngon sum du bzung ba'i slad du'o zhes smra na/ de dge slong des bshad pa la spro bar yang mi bya/skyon gdags par yang mi bya bar/ spro ba dang skyon brjod pa med par rna gtad de chos kyi yi ge dang tshig yang dag par bzung nas mdo sde dang bstun par bya/ 'dul ba la blta bar bya'o/ /gal te mdo sde dang bstun cing 'dul ba la bltas pa na mdo sde la mi 'jug /'dul ba la mi snang /chos nyid dang 'gal na/ dge slong de la dge slong gis 'di skad ces brjod par bya ste/ tshe dang ldan pa chos 'di ni bcom ldan 'das kyis ma bshad de/ tshe dang ldan pa chos 'di ni khyed kyis nyes par bzung ba ste/ 'di ltar chos 'di ni mdo sde dang bstun cing 'dul ba la bltas pa na/chos 'di mdo sde la mi 'jug/ 'dul ba la mi snang / chos nyid dang 'gal te/ 'di ni chos ma yin/ 'di ni 'dul ba ma yin/ 'di ni ston pa'i bstan pa ma yin no zhes dor bar bya'o/ /kun dga' bo yang dge slong gzhan zhig 'ongs te 'di skad du/ tshe dang ldan pa dag gnas che ge mo zhig na dge slong gi dge 'dun mang po gnas shing gnas brtan dang bcas pas so sor thar pa dang bcas pa yod de//tshe dang ldan pa dag dge slong gi dge 'dun mang po las 'di ni chos/ 'di ni 'dul ba/ 'di ni ston pa'i bstan pa'o zhes pa dag gis mngon sum du thos shing mngon sum du gzung ba'i phyir ro zhes smra na dge slong des bshad pa la spro bar mi bya/skyon gdags par yang mi bya bar spro ba dang / skyon brjod pa med par chos kyi yi ge dang tshig yang dag par bzung nas mdo sde dang [(]bstan [,]bstun [)]par bya/ 'dul ba la blta bar bya'o/ /gal te mdo sde dang bstun cing 'dul ba la bltas pa na mdo sde la mi 'jug /'dul ba la mi snang / chos nyid dang 'gal na/ dge slong de la dge slong dag gis 'di skad ces brjod par bya ste tshe dang ldan pa dge slong gi dge 'dun mang po de dag gis chos kyi tha snyad dang 'dul ba'i tha snyad kyis chos ma yin pa dang 'dul ba ma yin pa bshad cing tshe dang ldan pa chos 'di ni khyed kyis nyes par bzung ba ste/'di ltar mdo sde dang bstun cing 'dul ba la bltas pa na/ mdo sde la mi 'jug cing / 'dul ba la mi snang la chos nyid dang 'gal te/ 'di ni chos ma yin/ 'di ni 'dul ba ma yin/ 'di ni ston pa'i bstan pa ma yin no zhes dor bar bya'o//kun dga' bo yang dge slong gzhan kha cig 'ongs te/ 'di skad du tshe dang ldan pa dag gnas che ge mo zhig na dge slong mdo sde 'dzin pa dang / 'dul ba 'dzin pa dang / ma mo 'dzin pa rab tu mang po dag gnas te/ tshe dang ldan pa dag dge slong rab tu mang po de dag 'di ni chos/ 'di ni 'dul ba/'di ni ston pa'i bstan pa'o zhes de dag las bdag gis mngon sum du thos shing mngon sum du bzung ba'i phyir ro zhes smra na/ dge slong des bshad pa la yang spro bar mi bya/ skyon gdags par yang mi bya bar spro ba dang / skyon gdags pa med par rna gtad do chos kyi yi ge dang tshig yang dag par bzung nas mdo sde dang bstun par bya/'dul ba la blta bar bya'o/ /gal te mdo sde dang bstun/ 'dul ba la bltas na mdo sde la mi 'jug /'dul ba la mi snang / chos nyid dang 'gal na/ dge slong de la dge slong dag gis 'di skad ces brjod par bya ste/tshe dang ldan pa dge slong gi dge 'dun rab tu mang po de dag gis chos kyi tha snyad dang 'dul ba tha snyad kyis chos ma yin pa dang 'dul ba ma yin pa bshad cing / tshe dang ldan pa chos 'di ni khyod kyis nyes par bzung ba ste/ 'di ltar mdo sde dang bstun cing 'dul ba la bltas pa na/ mdo sde la mi 'jug /'dul ba la mi snang / chos nyid dang 'gal te/ 'di ni chos ma yin/ 'di ni 'dul ba ma yin/ 'di ni ston pa'i bstan pa ma yin no zhes dor bar bya'o/ /kun dga' bo yang dge slong gang gzhan kha cig 'ongs te 'di skad du tshe dang ldan pa dag gnas che ge mo zhig na gnas brtan dang bcas pa ste gnas brtan du grags pa gzhan dang gzhan dag gnas te/dge slong gnas brtan du grags pa gzhan de dag las bdag gis mngon sum du thos shing mngon sum du gzung ba'i phyir ro zhes smra na/ dge slong des bshad pa la spro bar yang mi bya/ skyon brjod par yang mi bya ste spro ba dang skyon gdags pa med par rna gtad de chos kyi yi ge dang tshig yang dag par bzung nas mdo sde dang bstun par bya/'dul ba la blta bar bya'o/ /gal te mdo sde dang bstun/ 'dul ba la bltas pa na/ mdo sde la mi 'jug 'dul ba la mi snang / chos nyid dang 'gal na/ dge slong de la dge slong dag gis 'di skad ces brjod par bya ste/tshe dang ldan pa dge slong gnas brtan de dag gis chos kyi tha snyad dang 'dul ba'i tha snyad kyis chos ma yin pa dang 'dul ba ma yin pa yang dag par bshad cing / tshe dang ldan pa chos 'di ni khyod kyis nyes par bzung ba ste/ 'di ltar mdo sde dang bstun cing 'dul ba la bltas pa na mdo sde la mi 'jug 'dul ba la mi snang /chos nyid dang 'gal te/ 'di ni chos ma yin pa/ 'di ni 'dul ba ma yin pa/ 'di ni ston pa'i bstan pa ma yin no zhes dor bar bya'o/ /kun dga' bo 'di ni dge slong kha cig 'ongs te 'di skad du tshe dang ldan pa dag 'di ni chos/'di ni 'dul ba 'di ni ston pa'i bstan pa'o zhes bdag gis bcom ldan 'das las mngon sum du gzung ba'i phyir ro zhes smra na/ dge slong des bshad pa la spro bar yang mi bya skyon gdags par yang mi bya bar spro ba dang skyon gdags pa med par rna gtad de chos kyi yi ge dang tshig yang dag bzung nas mdo sde dang bstun par bya/'dul ba la blta bar bya'o/ /gal te mdo sde dang bstun/ 'dul ba la bltas pa na/ mdo sde la 'jug 'dul ba la snang / chos nyid dang mi 'gal na dge slong de la dge slong dag gis 'di skad ces brjod par bya ste tshe dang ldan pa chos 'di ni bcom ldan 'das kyis bshad cing /tshe dang ldan pas legs par bzung ba ste/ 'di ltar mdo [(]ste [,]sde [)]dang bstun cing 'dul ba la bltas pa na mdo sde la 'jug 'dul ba la snang / chos nyid dang mi 'gal te/ 'di ni chos/ 'di ni 'dul ba/ 'di ni ston pa'i bstan pa'o zhes yongs su gzung bar bya'o//kun dga' bo yang dge slong gzhan kha cig 'ongs te 'di skad du/ tshe dang ldan pa dag gnas che ge mo zhig na dge slong gi dge 'dun rab tu mang po bzhugs shing gnas brtan dang bcas pa so sor thar pa dang bcas pa ste/ tshe dang ldan pa dag dge slong gi dge 'dun rab tu mang po de dag las 'di lta ste/'di ni chos/ 'di ni 'dul ba/ 'di ni ston pa'i bstan pa'o zhes mngon sum du bzung ba'i phyir ro zhes smra na/ dge slong des bshad pa la spro bar yang mi bya/ skyon gdags par yang mi bya ste/ spro ba dang / skyon gdags pa med par rna gtad de chos kyi yi ge dang tshig yang dag par bzung nas mdo sde dang bstun par bya/'dul ba la blta bar bya'o/ /gal te mdo sde dang bstun/ 'dul ba la bltas pa na mdo sde la 'jug 'dul ba la snang / chos nyid dang mi 'gal na/ dge slong de la dge slong de dag gis 'di skad ces brjod par bya ste/ tshe dang ldan pa dge slong mang po dag gis chos dang 'dul ba yang dag par bshad de/tshe dang ldan pas chos 'di legs par bzung ste/ 'di ltar mdo sde dang bstun 'dul ba la bltas pa na mdo sde la 'jug 'dul ba la snang / chos nyid dang mi 'gal te/ 'di ni chos/ 'di ni 'dul ba/ 'di ni ston pa'i bstan pa'o zhes gzung bar bya'o//kun dga' bo yang dge slong gzhan kha cig 'ongs te 'di skad du/ tshe dang ldan pa dag gnas che ge mo zhig na dge slong 'dul ba 'dzin pa dang / mdo sde 'dzin pa dang ma mo 'dzin pa rab tu mang po dag gnas te/ tshe dang ldan pa dge slong rab tu mang po de dag gis 'di ni chos/'di ni 'dul ba/ 'di ni ston pa'i bstan pa'o zhes bdag gis mngon sum du gzung ba'i phyir zhes smra na/ dge slong des bshad pa la spro bar yang mi bya/ skyon gdags par yang mi bya ste/ spro ba dang / skyon gdags pa med par rna gtad de chos kyi yi ge dang tshig yang dag par bzung nas mdo sde dang bstun cing 'dul ba la blta bar bya'o//gal te mdo sde dang bstun 'dul ba la bltas pa na mdo sde la 'jug 'dul ba la snang / chos nyid dang mi 'gal na dge slong de la dge slong dag gis 'di skad ces brjod par bya ste/ tshe dang ldan pa dge slong rab tu mang po dag gis chos dang 'dul ba yang dag par bshad cing /tshe dang ldan pas chos 'di legs par bzung ste/ 'di ltar mdo sde dang bstun cing 'dul ba la bltas pa na/ mdo sde la 'jug 'dul ba la snang / chos nyid dang mi 'gal te/ 'di ni chos/ 'di ni 'dul ba/'di ni ston pa'i bstan pa'o zhes gzung bar bya'o/ /kun dga' bo yang / dge slong gzhan kha cig 'ongs te 'di skad du/ tshe dang ldan pa dag gnas che ge mo zhig na/ gnas brtan dang bcas shing gnas brtan du grags pa gzhan dang gzhan gnas te/ tshe dang ldan pa dag bdag gis dge slong gnas brtan du grags pa gzhan dang gzhan de dag las/'di ni chos/ 'di ni 'dul ba/ 'di ni ston pa'i bstan pa'o zhes mngon sum du thos shing gzung ba'i phyir ro zhes smra na/ dge slong des bshad pa de la spro bar yang mi bya skyon gdags par yang mi bya ste/ spro ba dang / skyon gdags pa med par rna gtad do//chos kyi yi ge dang / tshig dang / yang dag par bzung nas mdo sde dang bstun par bya/ 'dul ba la blta bar bya'o/ /gal te mdo sde dang bstun 'dul ba la bltas pa na mdo sde la 'jug 'dul ba la snang / chos nyid dang mi 'gal na/ dge slong de la dge slong dag gis 'di skad ces brjod par bya ste/tshe dang ldan pa dge slong gnas brtan dag gis chos dang 'dul ba legs par bshad cing / tshe dang ldan pas chos 'di legs par bzung ste/ 'di ltar mdo sde la bstun cing / 'dul ba la bltas pa na mdo sde la 'jug 'dul ba la snang / chos nyid dang mi 'gal na/dge slong de la dge slong dag gis 'di skad ces brjod par bya ste/ tshe dang ldan pa dge slong gnas brtan dag gis chos dang 'dul ba legs par bshad cing / tshe dang ldan pas chos 'di legs par bzung ste/ 'di ltar mdo sde la bstun cing 'dul ba la bltas pa na/ mdo sde la 'jug 'dul ba la snang /chos nyid dang mi 'gal te/ 'di ni chos/ 'di ni 'dul ba/ 'di ni ston pa'i bstan pa'o zhes gzung bar bya'o/ /kun dga' bo de la snga ma bzhin nag po bstan pa ste/ dge slong gis de dag legs par dpyad de rtogs nas/ 'di ni chos ma yin/ 'di ni 'dul ba ma yin/'di ni ston pa'i bstan pa ma yin no zhes dor bar bya'o/ /phyi ma bzhi ni chen po bstan pa ste/ dge slong dag gis de dag legs par dpyad de rtogs nas 'di ni chos/ 'di ni 'dul ba/ 'di ni ston pa'i bstan pa'o zhes gzung bar bya ste/ kun dga' bo dge slong 'di ltar mdo sde la brten par bya'i gang zag la brten nas gnas par mi bya'o//mig dang gzugs la brten nas mig gi rnam par shes pa gsum 'dus pa'i reg pa dang zhes bya ba la sogs pa la ji ltar re zhig skye mched drug las bsdus pa'i sdom gyi tshigs su bcad pa gnyis pa'i mtha' ma'i mdo sde de dang de las mngon pa mdzod kyi gnas gnyis par 'gog pa rdzas ma yin par sgrub pa'i skabs su 'dus ma byas la de dag med ces bya bar bris pa bzhin du blta bar bya'o//dper na byams pa dang lhan cig par gyur pa'i dran pa yang dag byang chub kyi yan lag ces bya ba la sogs pa la gleng gzhi ni mnyan du yod pa na'o//dge slong dag byams pa bsgom par bya ste/ byams pa kun du brten goms par byas lan mang du byas na 'bras bu che zhing phan yon chen por 'gyur ro/ /'bras bu chen po can dang / phan yon chen po can gyi byams pa bsgoms pa gang zhe na/ 'di ni dge slong byams pa dang [(]lhag [,]lhan [)]cig par gyur pa'i dran pa yang dag byang chub kyi yan lag dang /dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom par byed do/ /byams pa dang lhag cig par gyur pa'i chos rab tu rnam par 'byed pa dang /brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom par byed de/'di ltar na 'bras bu chen po can dang phan yon chen po can gyi byams pa bsgom par 'gyur te/ byams pa ji lta ba bzhin du snying rje dang / dga' ba dang / btang snyoms kyang brjod par bya'o zhes bka' stsal to/ /'o na gang mdo las tshor ba gang yin pa dang zhes bya ba la sogs pa la yang dag par ldan pa'i sdom gyi tshigs su bcad pa gsum pa las/gsus po che'i mdo las/ ji skad du/ tshe dang ldan pa shA ri'i bu tshor ba gang yin pa dang / sems pa gang yin pa dang / 'du shes gang yin pa dang / rnam par shes pa gang yin pa'i chos 'di dag ni 'dres pa zhig gam ma 'dres pa zhig /rnam par dbye ba'am/ rab tu rnam par dbye ba'am/ bye brag gam/ mngon par 'dod pa'am/ rgyu tha dad pa yod dam/ tshe dang ldan pa gsus po che tshor ba gang yin pa dang / sems pa gang yin pa dang / 'du shes gang yin pa dang / rnam par shes pa gang yin pa'i chos de dag ni 'dres pa yin gyi ma 'dres pa ni ma yin no//chos 'di dag ni rnam par dbye ba'am/ rab tu dbye ba'am/ bye brag gam/ mngon par 'dod pa'am/ rgyu tha dad par gdags pa rnyed pa ma yin no/ /de ci'i phyir zhe na/ gang myong bar byed pa de sems par byed do/ /gang sems par byed pa de 'dus te shes par bya'o//gang 'dus te shes par byed pa de rnam par shes par byed do/ /de'i phyir chos de dag ni 'dres pa yin gyi ma 'dres pa ni ma yin no/ /chos de dag ni rnam par dbye ba'am rab tu dbye ba'am khyad par ram mngon par 'dod pa'am rgyu tha dad par gdags par rnyed pa ma yin no/ /'di ni gsus po che'i mdo'i khungs so//tshe dang drod dag lhan cig pa la 'dres par gsungs pa'i phyir zhes bya ba la 'di yang gsus po che'i mdo las shA ri'i bu gang yang tshe dang drod ces bya ba'i chos 'di gnyis ni 'dres pa zhig gam ma 'dres pa zhig /chos 'di gnyis ni rnam par dbye ba'am rab tu dbye ba'am bye brag gam mngon par 'dod pa'am rgyu tha dad par gdags pa rnyed dam/tshe dang ldan pa gsus po che gang yang tshe dang drod ces bya ba'i chos 'di gnyis ni 'dres pa yin gyi ma 'dres pa ni ma yin no/ /chos 'di gnyis ni rnam par dbye ba'am/ rab tu dbye ba'am bye brag gam mngon par 'dod pa'am rgyu tha dad par gdags pa rnyed pa ma yin no//de ci'i phyir zhe na/ gang na tshe yod pa de na drod yod cing / gang na drod yod pa de na tshe yod cing / gang la tshe yod pa de la drod du gdags pa yod cing drod kyang tshor ro/ /'di lta ste/ dper na tshe dang ldan pa gsus po che til dang / sdong bu la brten nas sgron me 'byung zhing gang na me lce yod pa der 'od 'byung zhing /gang na 'od yod pa de na me lce 'byung zhing / me lce yod na 'od gdags su yod cing 'od yod na yang me lce ste de bzhin du tshe dang ldan pa gsus po che gang na tshe yod pa de na drod yod cing gang na drod yod pa de na tshe yod la/ gang la tshe yod pa de la drod gdags su yod cing drod kyang tshor ro//de ci'i phyir chos 'di gnyis ni 'dres pa yin gyi ma 'dres pa ni ma yin no/ /chos 'di gnyis ni rnam par dbye ba'am rab tu dbye ba'am bye brag gam mngon par 'dod pa'am rgyu tha dad par gdags pa rnyed pa ma yin no/ /de yid nye bar rgyu ba las/ /rnam pa dag ni yang bco brgyad//ces bya ba la yid kyi nye bar rgyu ba bco brgyad po 'di dag ni skye mched drug gi mtha' sdom gyi tshigs su bcad pa rnam par dbye ba bsdus pa'i dang po'i chu'i khams dang / skye mched drug gi mdo gnyis las skye mched drug rnam par dbye ba'i mdo mdzod kyi gnas dang por/reg bya rnam pa gnyis yin te/ /zhes bya ba'i tshig le'ur byas pa'i 'grel par dge slong dag skyes bu 'di ni khams drug pa yin no zhes bya bar bshad pa yin no/ /gang dag gis gnyen por rtag tu yod pa drug gnas pa yin pa ste zhes bya ba la/ skye mched drug gi sdom gyi mtha'i tshigs su bcad pa las/yid mi bde dang yid bde dang / /btang snyoms rtag tu yod pa drug /ces mngon pa mdzod kyi gnas dang por mig gis gzugs rnams mthong nas zhes bya bar bris pa bzhin no/ /ston pa'i bka' sum cu rtsa drug tu 'gyur te zhes bya ba la/rnam par dbye ba bsdus pa'i mdo gnyis pa las 'di skad du 'don te/ ston pa'i bka' sum cu rtsa drug po 'di 'di dag ni nang gi bdag nyid du reg par bya'o zhes ngas ji skad du bshad pa de cung zad rgyas par bshad pa ste/ ston pa'i bka' sum cu rtsa drug gang zhe na/ yid bde ba zhen pa la brten pa drug dang / yid bde ba nges par 'byung ba la brten pa drug dang / yid mi bde ba zhen pa la brten pa drug dang / yid mi bde ba nges par 'byung ba la brten pa drug dang / btang snyoms zhen pa la brten pa drug dang / btang snyoms nges par 'byung ba la brten pa drug go//yid bde ba zhen pa la brten pa drug gang zhe na/ dge slong dag mig gi rnam par shes par bya ba'i gzugs la brten nas yid bde ba skye bar 'gyur la/ yid bde ba de yang rnam pa gnyis te/ zhen pa la brten pa dang / nges par 'byung ba la brten pa'o/ /yid bde ba zhen pa la brten pa gang zhe na/ mig gis rnam par shes par bya ba'i gzugs la brten nas dga' ba sdug pa yid du 'ong ba/ 'dod par 'dus pa/ dga' ba skyes pa ma thob pa thob pa dang / sngon thob pa rjes su dran zhing yid bde ba skye ba 'di lta bu ni yid bde ba zhen pa la brten pa zhes bya'o/ /yid bde ba nges par 'byung ba la brten pa gang zhe na/gzugs ni mi rtag pa dang / 'dod chags dang bral ba dang / yongs su 'gyur ba dang / 'gog pa dang / nub pa dang / nye bar zhi ba yin no zhes rig nas sngon dang da ltar byung ba'i gzugs thams cad mi rtag pa sdug bsngal ba yongs su 'gyur ba'i chos can yin no zhes rig nas yid bde ba skye ba 'di lta bu ni yid bde ba nges par 'byung ba la brten pa zhes bya'o//rna ba dang sna dang lce dang lus dang yid kyis rnam par shes par bya ba'i chos la brten nas yid bde ba skye bar 'gyur la yid bde ba de yang rnam pa gnyis te/ zhen pa la brten pa dang / nges par 'byung ba la brten pa'o//yid bde ba zhen pa la brten pa gang zhe na/ yid kyis rnam par shes par bya ba'i chos 'dod pa sdug pa dga' ba yid du 'ong ba 'dod pas bsdus pa dga' ba skyed pa ma thob pa thob pa dang sngon thob pa la rjes su dran zhing yid bde ba skye bar 'gyur ba 'di lta bu ni yid bde ba zhen pa la brten pa zhes bya'o//yid bde ba nges par 'byung ba la brten pa gang zhe na/ chos ni mi rtag pa dang yongs su 'gyur ba dang / 'dod chags dang bral ba dang / /'gog pa dang nye bar zhi ba dang nub pa yin no zhes rig cing / sngon dang da ltar byung ba'i chos thams cad mi rtag pa sdug bsngal ba yongs su 'gyur ba'i chos can yin no zhes rig nas yid bde ba skye ba 'di lta bu ni yid bde ba nges par 'byung ba la brten pa zhes bya'o//yid mi bde ba zhen pa la brten pa drug gang zhe na/ mig gi rnam par shes par bya ba'i gzugs la brten nas yid mi bde ba skye bar 'gyur la/ yid mi bde ba de yang rnam pa gnyis te/zhen pa la brten pa dang / nges par 'byung ba la brten pa'o/ /yid mi bde ba zhen pa la brten pa gang zhe na/ mig gi rnam par shes pa'i gzugs mi 'dod pa/ mi sdug pa/ mi dga' ba yid du mi 'ong ba/ mi 'dod pas bsdus pa rab tu dga' ba mi skye ba ma thob pa thob cing sngon thob pa dang /sngon 'dod pa dang bral ba dang 'gag pa dang mi ldan pa dang yongs su 'gyur ba'i chos can du rjes su dran zhing / yid mi bde ba skye bar 'gyur ba 'di lta bu ni yid mi bde ba zhen pa la brten pa zhes bya'o/ /yid mi bde ba nges par 'byung ba la brten pa gang zhe na/ gzugs rnams ni mi rtag pa/yongs su 'gyur ba/ 'dod chags dang bral ba dang / 'gog pa dang nye bar zhi ba dang / nub pa yin no zhes sngon dang da ltar gyi gzugs thams cad mi rtag pa/ sdug bsngal ba yongs su 'gyur ba'i chos can du rig nas/ thar pa bla ma la 'dod pa skyed cing bdag nam zhig na mchog gi skye [(]mchod [,]mched [)]bsgrubs shing nye bar gnas 'phags pa'i skye mched nye bar bsgrubs shing nye bar gnas zhes bla na med pa'i thar pa la 'dod pa dang don du gnyer ba yongs su gdung ba dang yid bde ba skye bar 'gyur ba 'di ni yid mi bde ba nges par 'byung ba la brten pa zhes bya'o//rna ba dang sna dang lce dang lus dang yid kyi rnam par shes par bya ba'i chos rnams la brten nas yid mi bde ba skye bar 'gyur la yid mi bde ba de yang rnam pa gnyis te zhen pa la brten pa dang / mngon par 'byung ba la brten pa'o/ /yid mi bde ba zhen pa la brten pa gang zhe na/yid kyi rnam par shes par bya ba'i chos mi 'dod pa mi sdug pa mi dga' ba yid du mi 'ong ba mi 'dod pas bsdus pa rab tu dga' ba mi skyed pa ma thob pa thob cing sngon 'dod pa dang bral ba dang 'gog pa dang mi ldan pa dang yongs su 'gyur ba'i chos can rjes su dran zhing yid mi bde ba skye bar 'gyur ba 'di lta bu ni yid mi bde ba zhen pa la brten pa zhes bya'o//yid mi bde ba nges par 'byung ba la brten pa gang zhe na/ chos rnams ni mi rtag pa/ yongs su 'gyur ba/ 'dod chags dang bral ba/ 'gog pa nye bar zhi ba yin no zhes sngon dang da ltar gyi chos thams cad mi rtag pa sdug bsngal ba yongs su 'gyur ba'i chos can du rig nas thar pa bla ma la 'dod pa skyed cing bdag nam zhig na mchog gi skye mched nye bar bsgrubs shing gnas 'phags pa'i skye mched nye bar bsgrubs te gnas par 'gyur zhes bla na med pa'i thar pa la 'dod pa dang yid mi bde ba skye bar 'gyur ba 'di ni yid mi bde ba nges par 'byung ba la brten pa zhes bya'o//btang snyoms zhen pa la brten pa drug gang zhe na/ mig gi rnam par shes par bya ba'i gzugs la btang snyoms pa ste/ btang snyoms de yang rnam pa gnyis te/ zhen pa la brten pa dang / mngon par 'byung ba la brten pa'o/ / btang snyoms zhen pa la brten pa gang zhe na/ dge slong dag byis pa so so'i skye bo thos pa dang mi ldan pa dag gzugs la btang snyoms shing / gzugs la zhen pa dang / gzugs la brten cing gzugs mi 'dor zhing gzugs mngon par bsgrub pa 'di lta bu ni gzugs la btang snyoms pa zhen pa la brten pa zhes bya'o//btang snyoms nges par 'byung ba la brten pa gang zhe na/ gzugs ni mi rtag pa/ yongs su 'gyur ba/ 'dod chags dang bral ba/ 'gog pa nye bar zhi ba nub pa yin no zhes sngon dang da ltar gyi gzugs thams cad mi rtag pa yongs su 'gyur ba'i chos can yin no zhes rig nas so sor brtags shing so sor brtags nas/btang snyoms su byed de 'di ni btang snyoms nges par 'byung ba la brten pa zhes bya'o/ /rna ba dang / sna dang / lce dang / lus dang / yid kyis rnam par shes par bya ba'i chos rnams la brten nas btang snyoms skye bar 'gyur la/ btang snyoms de yang rnam pa gnyis te/zhen pa la brten pa dang / mngon par 'byung ba la brten pa'o/ /btang snyoms zhen pa la brten pa gang zhe na/ dge slong dag byis pa so so'i skye bo mi mkhas shing thos pa dang mi ldan pa dag chos la btang snyoms shing chos la zhen pa dang / chos la brten cing chos mi 'dor la chos mngon par sgrub pa 'di lta bu ni chos la btang snyoms pa zhen pa la brten pa zhes bya'o//btang snyoms nges par 'byung ba la brten pa gang zhe na/ chos ni mi rtag pa yongs su 'gyur ba/ 'dod chags dang bral ba/ 'gog pa nye bar zhi ba nub pa yin no zhes sngon dang da ltar gyi chos thams cad mi rtag pa dang yongs su 'gyur ba'i chos can yin no zhes rig nas so sor brtags shing so sor brtags nas btang snyoms su byed de 'di ni btang snyoms nges par 'byung ba la brten pa zhes bya'o//dge slong dag de la yid bde ba zhen pa la brten pa drug dang / yid mi bde ba zhen pa la brten pa drug dang /yid bde ba nges par 'byung ba la brten pa drug dang / yid mi bde ba nges par 'byung ba la brten pa drug dang / btang snyoms zhen pa la brten pa drug dang / btang snyoms nges par 'byung ba la brten pa drug ste gcig tu bsdus na ston pa'i bka' sum cu rtsa drug tu 'gyur ro//ston pa'i bka' sum cu rtsa drug pa 'di dag ni nang gi bdag nyid du rig par bya'o zhes ngas ji skad bstan pa de rgyas par rab tu bshad do/ /sems can thams cad ni zas kyis gnas so zhes bya ba ni mdo'i tshig yin no zhes bya ba la/ mdo drug pa 'gro ba'i rnam grangs kyi mdo'i tshig go//zas rnams kyang gang dag ce na zhes bya ba la/ gleng gzhi ni mnyan du yod pa na'o/ /dge slong dag zas bzhi po 'di dag ni sems can byung ba rnams gnas par byed cing 'tsho bar byed pa/ srid pa tshol ba rnams la phan 'dogs par byed pa ste/ bzhi gang zhe na/rags pa dang phra ba'i kham gyi zas dang / gnyis pa reg pa dang / gsum pa yid la sems pa dang / bzhi pa ni rnam par shes pa'i zas so zhes bka' stsal te/ /mdo las gnod pa dang bcas pa'i lus mngon par grub nas gnod pa dang bcas pa'i 'jig rten du skye bar 'gyur ro zhes bya ba la/gleng gzhi ni mnyan du [(]yon [,]yod [)]pa na'o/ /de nas bcom ldan 'das kyis dge slong rnams la bos te/ las ni rnam pa bzhi ste/ gnag la rnam par smin pa gnag pa'i las kyang yod do/ /dkar la rnam par smin pa dkar ba'i las kyang yod/ dkar gnag la rnam par smin pa dkar gnag gi las kyang yod/las mi dkar mi gnag cing rnam par smin pa med la las de dag zad pa'i phyir 'jug pa'i las kyang yod do/ /gnag la rnam par smin pa gnag pa'i las gang zhe na/ ji ltar gnod pa dang bcas pa'i lus kyi 'du byed byed cing bsags pa dang / gnod pa dang bcas pa'i ngag dang yid kyi 'du byed byed cing bsags te/de gnod pa dang bcas pa'i lus kyi 'du byed byas shing bsags la gnod pa dang bcas pa nye bar bsags shing bsags nas gnod pa dang bcas pa nye bar bsags shing bsags pas gnod pa dang bcas pa'i bdag nyid kyang dngos po mngon par 'grub par 'gyur zhing /gnod pa dang bcas pa'i bdag nyid kyi dngos po mngon par grub nas gnod pa dang bcas pa'i 'jig rten du skye bar 'gyur zhing gnod pa dang bcas pa'i 'jig rten du skyes nas gnod pa dang bcas pa'i reg pa reg la gnod pa dang bcas pa'i reg pa reg nas gnod pa dang bcas pa'i tshor ba gcig tu sdug bsngal ba/gcig tu drag pa gcig tu rtsub pa/ gcig tu yid du mi 'ong ba'i tshor ba nyams su myong bar 'gyur te/ 'di lta ste sems can dmyal ba na gnas pa rnams kyi lta bu'o/ /las kyi sems can rnams skyed cing srid par skyes nas 'di lta bu'i ngo bo yid du mi 'ong ba'i reg pa reg par 'gyur te de'i phyir sems can rnams ni las ji lta ba bzhin nye bar 'gro ba'o zhes nga smra ste/'di ni gnag la rnam par smin pa gnag pa zhes bya'o/ /dkar la rnam par smin pa dkar ba'i las gang zhe na/'di ltar gnod pa med pa'i lus kyi 'du byed byed cing bsags pa dang gnod pa med pa'i ngag dang yid kyi 'du byed byed cing bsags te de gnod pa'i lus kyi 'du byed byed cing bsags la gnod pa med pa nye bar bsags shing [(]gsags [,]bsags [)]nas/ gnod pa med pa nye bar bsags shing bsags pas gnod pa med pa'i bdag nyid kyi dngos po mngon par 'grub par 'gyur zhing gnod pa med pa'i bdag nyid kyi dngos po mngon par grub nas gnod pa med pa'i 'jig rten du skye bar 'gyur zhing gnod pa med pa'i 'jig rten du skyes nas gnod pa med pa'i reg pa reg par 'gyur zhing /gnod pa med pa'i reg pa reg nas gnod pa med pa'i tshor ba myong ba gcig tu 'dod pa/ gcig tu sdug pa/ gcig tu dga' ba/ gcig tu yid du 'ong ba'i tshor ba nyams su myong bar 'gyur te/ 'di lta ste lha gzhal yas khang la gnas pa rnams kyi lta bu'o/ /las kyi sems can rnams bskyed cing sred par skyes nas 'di lta bu ngo bo yid du 'ong ba'i reg pa reg par 'gyur te/de'i phyir sems can rnams ni las ji lta ba bzhin nye bar 'gro ba'o zhes nga smra ste/ 'di ni dkar la rnam par smin pa dkar ba'i las zhes bya'o/ /dkar gnag la rnam par smin pa dkar gnag gi las gang zhe na/ji ltar gnod pa dang bcas pa dang gnod pa med pa'i lus kyi 'du byed byed cing bsags pa dang / gnod pa dang bcas pa dang gnod pa med pa'i ngag dang yid kyi 'du byed byed cing bsags te/ de gnod pa dang bcas pa dang gnod pa med pa'i lus kyi 'du byed byed cing bsags la/gnod pa dang bcas pa dang gnod pa med par nye bar bsags shing bsags nas/ gnod pa dang bcas pa dang gnod pa med pa nye bar bsags pas gnod pa dang bcas pa dang gnod pa med pa'i bdag nyid kyi dngos po mngon par 'grub par 'gyur zhing / gnod pa dang bcas pa dang gnod pa med pa'i bdag nyid kyi dngos po mngon par grub nas gnod pa dang bcas pa dang gnod pa med pa'i 'jig rten du skye bar 'gyur zhing /gnod pa dang bcas pa dang gnod pa med pa'i bdag nyid kyi 'jig rten du skyes nas gnod pa dang bcas pa dang gnod pa med pa'i reg pa reg par 'gyur zhing gnod pa dang bcas pa dang gnod pa med pa'i reg pa reg nas gnod pa dang bcas pa dang gnod pa med pa'i tshor ba nyams su myong bar 'gyur te 'di lta ste gcig tu 'dod pa dang mi 'dod pa dang gcig tu sdug pa dang /mi sdug pa dang /gcig tu dga' ba dang mi dga' ba dang / gcig tu yid du 'ong ba dang yid du mi 'ong ba'i tshor ba nyams su myong bar 'gyur te 'di lta ste mi rnams dang lha'i phyogs gcig tu bzhag ste/ las kyis sems can rnams bskyed cing srid par skyes nas 'di lta bu'i ngo bo yid du 'ong ba dang yid du mi 'ong ba'i reg pas reg par 'gyur te de'i phyir sems can rnams ni las ji lta ba bzhin nye bar 'gro ba'o zhes nga smra'o//'di ni dkar gnag la rnam par smin pa dkar gnag gi las so/ /las mi dkar mi gnag la rnam par smin pa med cing las zad par bya ba'i phyir 'jug pa'i las gang zhe na/gang gnag la rnam par smin pa gnag pa'i las de zad par byed pa'i sems pa dang / gang dkar la rnam par smin pa dkar ba'i las de zad par byed pa'i sems pa dang / gang dkar gnag la rnam par smin pa dkar gnag gi las de zad par byed pa'i sems pa ste/ 'di ni las mi dkar mi gnag la rnam par smin pa med cing las de dag zad par bya ba'i phyir 'jug pa'i las zhes bya'o zhes bka' stsal to//mdzod kyi gnas bzhi par/ dkar gnag la sogs bye brag gis/ /las ni rnam pa bzhi yin no/ /zhes bya bar mdo 'chad par 'gyur ro/ /de bzhin du mdo las zhes bya ba la sogs pa la/gleng gzhi ni mnyan du yod pa na'o/ /gang gis mngon par 'grub pa'i kun du sbyor ba ni spangs la skyes pa'i kun du sbyor ba ma yin pa'i gang zag kyang yod/ gang gis skye ba'i kun du sbyor ba ni spangs la mngon par 'grub pa'i kun du sbyor ba ma yin pa'i gang zag kyang yod/gang gis mngon par 'grub pa'i kun du sbyor ba spangs shing skye ba'i kun du sbyor ba yang spangs pa yod/ gang gis mngon par 'grub pa'i kun du sbyor ba yang ma spangs shing skye ba'i kun du sbyor ba yang ma spangs pa'i gang zag kyang yod do zhes bka' stsal to/ /mu dang po ni gzugs kyi khams las 'dod chags dang bral ba'i gong du 'pho ba'o//gnyis pa ni bar ma dor yongs su mya ngan las 'da' ba'o/ /gsum pa ni dgra bcom pa'o/ /bzhi pa ni rnam pa de dag ma gtogs pa'o/ /bcom ldan 'das kyis zas bzhi ni zhes bya ba la sogs pa la gleng gzhi ni mnyan du yod pa na'o//dge slong dag zas bzhi po 'di dag ni nad kyi rtsa ba/ 'bras kyi rtsa ba/ zug rngu'i rtsa ba/ rga shi'i rkyen yin te/ bzhi gang zhe na/ rags pa dang phra ba'i kham gyi zas dang / gnyis pa reg pa dang / gsum pa yid la sems pa dang / bzhi pa rnam par shes pa'o//bzhi po 'di dag ni bsod nams kyi rgyu mthun pa dang / dge ba'i rgyu mthun pa dang / bde ba'i gzhi ste/ gzhi gang zhe na/ sangs rgyas la shes nas dad pa ni bsod nams kyi rgyu mthun pa/ dge ba'i rgyu mthun pa/ bde ba'i gzhi'o/ /chos la dang / dge 'dun la dang / 'phags pa dgyes pa'i tshul khrims ni bsod nams kyi rgyu mthun pa/ dge ba'i rgyu mthun pa/ bde ba'i gzhi yin no zhes bka' stsal to/ /bcom ldan 'das kyis gang gis phyi'i drang srong 'dod pa las 'dod chags dang bral ba zhes bya ba la sogs pa la/ gleng gzhi ni mnyan du yod pa na'o//de nas khyim bdag ngan pa sbyin pa zhes bya ba la bcom ldan 'das gang na ba der nye bar 'ongs te nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go/ /phyogs gcig tu 'dug nas khyim bdag ngan pa sbyin pa la bcom ldan 'das kyis 'di skad ces bka' stsal to//khyim bdag ci khyod dang khyim na sbyin pa dag gtong ngam bsod nams dag byed dam/ btsun pa de bzhin te/ bdag gis khyim na sbyin pa dag gtong bsod nams dag byed mod kyi ngan pa sbyin gyi mchog tu gyur pa ni ma yin no/ /khyim bdag ngan pa yang rung mchog tu gyur pa yang rung gnyis ka yang longs spyod kyi rnam par smin pa can te/khyim bdag ngan pa yang rung mchog tu gyur pa yang rung dad pa med pas sbyin par byed/ ma gus pa dang / rang gi lag nas ma byin pa dang / dus ma yin par sbyin par byed na de'i rnam par smin par myong bar 'gyur ba khyim gyi longs spyod chen po thob par mi 'gyur ro//gos kyi longs spyod chen po dang / gnas kyi longs spyod chen po dang / mal cha dang stan gyi longs spyod dang / zas kyi longs spyod chen po dang / yongs su spyod pa chen po thob par mi 'gyur zhing / gzugs dang sgra dang / dri dang ro dang reg bya mchog thob par mi 'gyur te khyim bdag 'di lta bu'i rang bzhin gyi sbyin pa sbyin na 'di lta bu'i rnam par smin par 'gyur ro/ /khyim bdag ngan pa yang rung mchog tu gyur pa yang rung dad pas sbyin par byed/ gus pas dang / rang gi lag nas dang / dus su rnam pa sna tshogs sbyin par byed na/ sbyin pa de'i rnam par smin pa so sor myong bar 'gyur ba khyim gyi longs spyod chen po thob par 'gyur zhing gos kyi longs spyod chen po dang / gnas kyi longs spyod chen po dang / mal cha dang stan gyi longs spyod chen po dang / zas kyi longs spyod chen po dang /yongs su spyod pa chen po thob par 'gyur zhing / gzugs dang sgra dang dri dang ro dang reg bya mchog thob par 'gyur te/ khyim bdag 'di lta bu'i rang bzhin gyi sbyin pa sbyin na rnam par smin pa 'di lta bu la reg par bya'o/ /khyim bdag sngon byung ba 'das pa'i dus na bram ze'i shing sA la chen po zhes bya ba byung ste/des bram ze rnams la sbyin pa 'di lta bu dag btang ste/ glang po che brgyad khri bzhi stong gser gyis brgyan cing gser gyis spras pa/ gser gyi dra bas g.yogs shing / gser gyis bkab pa bram ze rnams la sbyin pa btang ngo / /rta brgyad khri bzhi stong gser gyis brgyan cing gser gyis spras pa/gser gyi dra bas g.yogs shing gser gyis bkab pa dag bram ze rnams la sbyin pa btang ngo / /shing rta brgyad khri bzhi stong shing rta bzhi po rnams te/ gser gyi shing rta rnams dang / dngul dang / be+e DUr+ya dang / shel gyi rang bzhin gyi shing rta rnams te/seng ge'i pags pas g.yogs pa dang / stag gi pags pas g.yogs pa dang / gung gi pags pas g.yogs pa dang / la ba dkar pos g.yogs shing ba dan gyis brgyan pa bram ze rnams la sbyin pa gtang ngo / /gser gyi gzhong pa brgyad khri bzhi stong dngul gyi phye mas bkang ba dang /dngul gyi gzhong pa brgyad khri bzhi stong gser gyi phye mas bkang pa dag bram ze rnams la sbyin pa btang ngo / /gzhal yas khang brgyad khri bzhi stong gser gyi rang bzhin dang / dngul dang / bai DUr+ya dang / shel gyi rang bzhin bram ze rnams la sbyin pa btang ngo / /gdan brgyad khri bzhi stong gdan rnam pa bzhi po gser gyi rang bzhin dang /dngul dang / be+e DUr+ya dang / shel gyi rang bzhin te/ ka ni kas g.yogs pa dang / byang bus g.yogs pa dang / ri mo can gyis g.yogs pa dang / rnam par 'phel bas g.yogs pa dang / pa la le kas g.yogs pa dang /ka ling ka'i gos kyis g.yogs pa ba dan gyis brgyan pa dang / phyogs brgyad khri bzhi stong phyogs rnam pa bzhi po/ ka shi ka'i gos phra mos g.yogs pa dang / /bri ma ka phra mo dang / ko tam pa phra mo dang / du gu la'i ras phra mos g.yogs pa dag go/ /ba lang brgyad khri bzhi stong gser gyi rwa dang dngul gyi rmig pa can be'u dang 'jo ba'i snod dang 'jo mkhan dang bcas pa dang bu mo brgyad khri bzhi stong gser gyi dpung rgyan dang mgul rgyan can bram ze rnams la sbyin pa btang ste/bza' ba dang btung ba dang bca' ba dang myang ba dang bldag pa gzhan lta smos kyang ci dgos te/khyim bdag bram ze shing sA la chen po dus kyi bram ze rnams la 'di lta bu'i ngo bo sbyin pa byin pa bas/ gang gis phyi'i drang srong 'dod pa la 'dod chags dang bral ba brgya la zas byin na sbyin pa de bas sbyin pa 'di 'bras bu che'o/ /khyim bdag gang bram ze shing sA la chen po dus kyi bram ze rnams la 'di lta bu'i sbyin pa byin pa dang /gang gis phyi'i drang srong 'dod pa la 'dod chags dang bral ba brgya la zas byin pa bas/ gang gis 'dzam bu'i tshal na 'dug pa'i skye bo gcig la byin na sbyin pa de bas sbyin pa 'di 'bras bu che'o/ /khyim bdag gang bram ze shing sA la lta bu dus kyi bram ze rnams la 'di lta bu'i ngo bo'i sbyin pa byin pa dang /gang gis phyi'i drang srong 'dod pa las 'dod chags dang bral ba brgya la sbyin pa byin pa bas/ gang gis rgyun du zhugs pa'i 'bras bu mngon du bya ba'i phyir zhugs pa gcig la byin na sbyin pa de bas sbyin pa 'di 'bras bu che'o zhes rgyas pa dang po nas brtsams te thams cad du brjod par bya ste/tha ma nas brtsams pa 'chad par 'gyur ro/ /gang gis rgyun du zhugs pa'i 'bras bu mngon du bya ba'i phyir zhugs pa brgya la sbyin pa byin pa bas/ gang gis rgyun du zhugs pa gcig la sbyin pa byin na sbyin pa de bas sbyin pa 'di 'bras bu che'o//gang gis rgyun du zhugs pa brgya la sbyin pa byin pa bas/ gang gis lan cig phyir 'ong ba'i 'bras bu mngon du bya ba'i phyir zhugs pa gcig la sbyin pa byin na sbyin pa de bas sbyin pa ni 'bras bu che'o/ /gang gis lan cig phyir 'ong ba'i 'bras bu mngon du bya ba'i phyir zhugs pa brgya la sbyin pa byin pa bas/gang gis lan cig phyir 'ong ba gcig la sbyin pa byin pa de bas sbyin pa 'di 'bras bu che'o/ /gang gis lan cig phyir 'ong ba brgya la sbyin pa byin pa bas/ gang gis lan cig phyir mi 'ong ba'i 'bras bu mngon du bya ba'i phyir zhugs pa gcig la sbyin pa byin na sbyin pa de bas sbyin pa 'di 'bras bu che'o//gang gis phyir mi 'ong ba'i 'bras bu mngon du bya ba'i phyir zhugs pa brgya la sbyin pa byin pa bas/ gang gis phyir mi 'ong ba gcig la byin na sbyin pa de bas sbyin pa 'di 'bras bu che'o/ /gang gis phyir mi 'ong ba brgya la sbyin pa byin pa bas/gang gis dgra bcom pa'i 'bras bu mngon du bya ba'i phyir zhugs pa gcig la sbyin pa byin na sbyin pa de bas sbyin pa 'di 'bras bu che'o/ /gang gis dgra bcom pa'i 'bras bu mngon du bya ba'i phyir zhugs pa brgya la sbyin pa byin pa bas/ gang gis dgra bcom pa gcig la sbyin pa byin na sbyin pa de bas sbyin pa 'di 'bras bu che'o//gang gis dgra bcom pa brgya la sbyin pa byin pa bas/ gang gis phyogs bzhi'i dge 'dun la kun dga' ra ba 'bul na sbyin pa de bas 'di [(]'bral [,]'bras [)]bu che'o/ /gang gis kun dga' ra ba de nyid du gtsug lag khang rab tu gnas pa byed na sbyin pa de bas 'di 'bras bu che'o//de bas kyang gang gis gtsug lag khang de nyid du mal cha dang stan 'bul ba 'di lta ste/ khri dang khri'u dang stegs dang stan gru bzhi sbyin pa dang / de bas kyang gang gis gtsug lag khang de nyid du dge slong rnams la rjes su mthun pa'i 'tsho ba rtag tu 'bul ba dang /de bas kyang gang gis sangs rgyas la skyabs su 'gro/ /chos dang dge 'dun la skyabs 'gro ba dang / bslab pa'i gzhi yang dag pas blangs te gnas na sbyin pa de bas 'bras bu che'o/ /de bas kyang gang gis byams pa dang lhan cig pa'i sems zhes rgyas par sbyar te/khyim bdag gang shing sA la chen po lta bu dus kyi bram ze rnams la 'di lta bu'i ngo bo'i sbyin pa byin pa dang / gang gis phyi'i drang srong 'dod pa dag las 'dod chags dang bral ba brgya la sbyin pa byin pa dang / gang gis rgyun du zhugs pa'i 'bras bu mngon du bya ba'i phyir zhugs pa brgya la byin pa dang /gang gis rgyun du zhugs pa brgya la byin pa dang / gang gis lan cig phyir 'ong ba'i 'bras bu mngon du bya ba'i phyir zhugs pa brgya la byin pa dang / gang gis lan cig phyir 'ong ba brgya la byin pa dang / gang gis phyir mi 'ong ba'i 'bras bu mngon du bya ba'i phyir zhugs pa brgya la byin pa dang /gang gis lan cig phyir mi 'ong ba brgya la byin pa dang / gang gis dgra bcom pa'i 'bras bu mngon du bya ba'i phyir zhugs pa brgya la byin pa dang / gang gis dgra bcom pa brgya la byin pa dang / gang gis phyogs bzhi'i dge slong gi dge 'dun la kun dga' ra ba 'bul ba dang /gang gis de nyid du gtsug lag khang rab tu gnas par byed pa dang / gang gis mal cha dang stan 'bul ba 'di lta ste/ khri dang khre'u dang stan dang stegs dang / stan gru bzhi dag 'bul ba dang / gang gis gtsug lag khang de nyid du dge slong rnams la rjes su mthun pa'i 'tsho ba nar ma 'bul ba dang /gang gis sangs rgyas la skyabs su 'gro/ chos dang dge 'dun la skyabs su 'gro zhing bslab pa'i gzhi yang dag par blangs te gnas pa dang / gang gis byams pa dang lhan cig pa'i sems kho na med pa/ gnod pa med pa/ rgya che ba thams cad du khyab pa/ tshad med pas rgyas par byed pa bas/ gang gis 'du byed thams cad mi rtag par rjes su mthong zhing gnas pa dang / 'bad pas rtsol ba dang bcas par rjes su mthong ba dang / 'dod chags dang bral bar rjes su mthong ba dang / 'gog par rjes su mthong ba dang /so sor nub par rjes su mthong zhing gnas na/ khyim bdag 'di ltar bslab par bya'o zhes bka' stsal to/ /'on kyang lha'i bu 'chi ba'i chos can dag la zhes bya ba la/ gleng gzhi ni mnyan du yod pa na'o/ /dge slong dag sum cu rtsa gsum gyi lha kha dog dang ldan pa bde ba mang ba gzhal yas khang mtho ba'i nang du yun ring du gnas pa dag 'dod dam/dge slong dag nyi ma dang zla ba 'di dag 'di ltar rdzu 'phrul che zhing mthu che bas kyang sum cu rtsa gsum gyi 'od mi shes te/ 'on kyang sum cu rtsa gsum pa rang gis 'od dam 'od zer ram snang ba shes so//lha'i bu 'chi ba'i chos can la sngon du 'chi ba'i ltas rnam pa lnga 'byung bar 'gyur te/ gos sar pa rnyis par 'gyur ba dang / me tog gi phreng ba ma rnyis pa rnyis par 'gyur ba dang / lus la dri mi zhim pa 'byung bar 'gyur ba dang / mchan khung gnyis la rdul 'byung ba dang / lha'i bu 'chi ba'i chos can rang gi stan la mi dga' ba ste/sum cu rtsa gsum gyi lha de dag gis lha'i bu de 'chi ba'i chos can yin no zhes rig nas lan gsum du gsol ba 'debs par byed do/ grogs po bde 'gror song cig /bde 'gror song nas rnyed pa legs par rnyed par gyur cig /rnyed pa legs par rnyed nas sangs rgyas kyi bstan pa legs par gnas par gyur cig ces lan gsum du gsol ba 'debs par byed do/ /de nas dge slong gzhan zhig stan las langs te bla gos phrag pa gcig tu byas nas bcom ldan 'das gang na ba der thal mo sbyar te/ 'di skad ces gsol to/ /btsun pa ji tsam gyis sum cu rtsa gsum pa'i lha rnams kyi bde 'gror 'gro zhes bgrang ba gang zhig lags/ ji tsam gyis na thob par bya ba legs par thob pa'i grangs su 'gro /ji tsam gyis na legs pa'i gnas pa'i grangs su 'gro /dge slong sum cu rtsa gsum pa'i lha rnams kyi bde 'gro'i 'gro ba ni mi'o//gang mir gyur nas de bzhin gshegs pas mkhyen cing chos 'dul ba la dad pa thob pa ni lha rnams kyi rnyed pa legs par rnyed pa zhes bya ba'i grangs su 'gro'o/ /de dad pa rgyas shing rtsa ba skyes shing gnas pa dang / dge sbyong dang bram ze dang lha dang bdud dang tshangs par bcas pa'i 'jig rten gyis mi 'phrogs pa zhes bya ba ni sum cu rtsa gsum pa'i lha rnams kyis legs par gnas pa zhes bya ba'i grangs su 'gro'o//dge slong dag 'on kyang mi rnams ni tshe thung zhing lha rnams ni tshe ring ba ste/ mi rnams kyi lo brgya gang yin pa de sum cu rtsa gsum pa'i lha rnams kyi nyin zhag gcig yin la/des nyin zhag sum cu la zla ba gcig yin zhing zla ba bcu gnyis la lo gcig yin te/ lha'i lo stong ni sum cu rtsa gsum pa'i lha rnams kyi tshe'i tshad yin no/ /gang gi tshe lha'i bu gzhan zhig lha'i 'khor mang po dang tshogs shing 'dug pa na/gang tshe zad las zad bsod nams zad pa zhig gnas de nas ltung zhing 'chi 'pho ste/ mi rnams dang skal ba mnyam par 'ongs te/ cher skyes shing dbang po yongs su smin te/ lus kyi legs par spyad pa legs par spyad/ ngag dang yid kyi legs par spyad pa legs par spyad nas bde 'gro mtho ris kyi 'jig rten lha rnams kyi nang du skye ste/dge slong lha'i bu rang gi gnas stong pa der slar skyes kyi bar du lha'i 'khor de stan las ldang bar mi 'gyur te/ rnam par rtog pa 'di lta bus mi rnams ni tshe thung zhing lha rnams ni tshe ring ba yin no//de la 'di skad ces brjod par bya ste/ gang gi tshe zad lha rnams ni/ /lha yi rigs nas 'chi 'pho tshe/ /grogs po bde 'gro mi rnams dang / /skal mnyam nyid du khyod song cig /mir gyur de bzhin gshegs pa la/ /rtogs shing dad pa rnyed gyur cig / dad pa de yang gtan du dang / /rtsa ba skye zhing gnas pa dang / /ji srid 'tsho bar mi 'phrogs dang / /dam pa'i chos rab rig pa dang / /lus kyis nyes par spyad spangs shing / /ngag gis nyes spyad spong ba dang / /yid kyis nyes spyad spangs pa dang / /tshad med khyad par 'phags pa'o/ / lus kyis dge ba byed pa dang / /ngag gis dge ba byed pa dang / /yid kyis dge ba byed pa dang / /gzhan yang sa steng dam pa'i chos/ /tshangs par spyod pa bsten gyur ces/ /lan gsum bar du lha rnams kyis/ /lha la gsol ba 'debs par byed/ /mi rnams nas ni 'chi 'pho ste//slar yang ji ltar snga ma bzhin/ /zhes bka' stsal to/ /mdo las 'khrul pa can gyi ltas bstan pa ni mdor ma bsdus so/ /phung po gsum zhes bya ba la/ tshogs gsum pa las drug po yon po dang skyon dang snyigs ma zhes sdom gyi tshigs su bcad pa las 'di ltar 'don te/yang dag pa nyid du nges pa gang zhe na zhes bya ba la/ gleng gzhi ni mnyan du yod pa na'o/ /dge slong dag log pa nyid dang / /log pa nyid du 'gro ba'i lam bstan par bya'o/ /yang dag pa nyid dang yang dag pa nyid du 'gro ba'i lam bstan par bya ste/de legs par rab tu nyon la yid la zung shig dang bshad par bya'o/ /log pa nyid gang zhe na/ dmyal ba dang / yi dags dang / dud 'gro ste ngan song ngan 'gro log par lhung ba rnams so/ /log pa nyid du 'gro ba'i lam gang zhe na/ log pa'i lta ba dang / log pa'i rtog pa dang /log pa'i las kyi mtha' dang / log pa'i 'tsho ba dang / log pa'i rtsol ba dang / log pa'i dran pa dang / log pa'i ting nge 'dzin to/ /yang dag pa nyid gang zhe na/ gang 'dod chags gtan spangs pa dang / zhe sdang gtan spangs pa dang / gti mug gtan spangs pa dang /nyon mongs pa dang bcas pa spangs pa'o/ /yang dag nyid du 'gro ba'i lam gang zhe na/ 'phags pa'i lam yan lag brgyad de/ 'di lta ste/ yang dag pa'i lta ba nas/ yang dag pa'i ting nge 'dzin gyi bar du'o/ /dge slong dag log pa nyid dang log pa nyid du 'gro ba'i lam bstan par bya zhing /yang dag pa nyid dang yang dag pa nyid du 'gro ba'i lam bstan par bya'o zhes ngas ji skad du bstan pa de rgyas par rab tu bshad do zhes bka' stsal to/ /dge slong dag log pa nyid dang log pa nyid du 'gro ba'i lam bstan par bya zhing yang dag pa nyid dang yang dag pa nyid du 'gro ba'i lam bstan par bya ste/de legs par nyon la yid la zung shig dang bshad par bya'o/ /log pa nyid gang zhe na/ dmyal ba dang / yi dwags dang / dud 'gro rnams kyi ngan 'gro rnams so/ /log pa nyid du 'gro ba'i lam gang zhe na/ mi dge ba bcu'i las kyi lam rnams te/srog gcod pa dang / ma byin par len pa dang / 'dod pa log par spyad pa dang / brdzun du smra ba dang / phra ma dang / tshig rtsub mo dang tshig kyal pa dang / brnab sems dang / gnod sems dang / log par lta ba rnams so/ /yang dag pa nyid gang zhe na/ gang 'dod chags gtan spangs pa dang /zhe sdang gtan spangs pa dang / gti mug gtan spangs pa dang / nyon mongs pa thams cad spangs pa'o/ /yang dag pa nyid du 'gro ba'i lam gang zhe na/ 'phags pa'i lam yan lag brgyad po 'di lta ste/ yang dag pa'i lta ba dang / yang dag pa'i rtog pa dang /yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to zhes ngas bstan pa de rgyas par rab tu bshad do/ /dge slong dag log pa nyid dang log pa nyid du 'gro ba'i lam bstan par bya zhing yang dag pa nyid dang yang dag pa nyid du 'gro ba'i lam bstan par bya yis de legs par nyon la yid la zung shig dang bshad par bya'o//log pa nyid gang zhe na/ mtshams med pa'i las rnams te/ 'di lta ste/ ma gsod pa dang /pha gsod pa dang / dgra bcom pa gsod pa dang / dge 'dun gyi dbyen byed pa dang / de bzhin gshegs pa'i sku la ngan sems kyis khrag 'byin pa'o/ /log pa nyid du 'gro ba'i lam gang zhe na/ log pa'i lta ba nas/ log pa'i ting nge 'dzin gyi bar du'o/ / yang dag pa nyid gang zhe na/ 'dod chags gtan spangs pa la sogs pa snga ma bzhin no/ /yang dag pa nyid du 'gro ba'i lam gang zhe na snga ma bzhin no/ /dge slong dag log pa nyid dang log pa nyid du 'gro ba'i lam bstan par bya zhing / yang dag pa nyid dang yang dag pa nyid du 'gro ba'i lam bstan par bya yis/legs par nyon la yid la zung shig dang bshad par bya'o/ /log pa nyid gang zhe na/ mtshams med pa lnga'i las rnams te/ snga ma bzhin no/ /log pa nyid du 'gro ba'i lam gang zhe na/ srog gcod pa nas log par lta ba'i bar du'o//yang dag pa nyid gang zhe na/ gang 'dod chags gtan spangs pa la sogs pa snga ma bzhin no/ /yang dag pa nyid du 'gro ba'i lam gang zhe na/ snga ma bzhin no/ /dge slong dag log pa nyid du 'gro ba'i lam bstan par bya zhing yang dag pa nyid dang yang dag pa nyid du 'gro ba'i lam bstan par bya yis de legs par nyon la yid la zung shig dang bshad par bya'o zhes ngas ji skad bstan pa de rgyas par rab tu bshad do zhes gsungs so//de ltar de dag dmyal ba ni brgyad ces bya ba ni 'jig rten bstan pa'i mdzod kyi gnas kyi gong du bris pa bzhin blta bar bya'o//yi dags kyi rtog pa brjod pa zhes bya ba la/ phran tshegs kyi sde snod las nyan thos kyi rnam par bshad pa brgya pa las 'don pa bzhin te/ nyan thos kyi rnam par bshad pa las 'di nyung ba bas ches gzhung nyung bar btus pa ste/ sdom ni/ gzhal yas khang dang rus phreng dang / /'phags med rna 'phyang sha dum dang / /kham dang mda' dang mdung dang ni/ /phag mig bum pa lnga pa yin/ /gleng gzhi ni rgyal po'i khab na'o/ /de'i tshe tshe dang ldan pa maud gal gyi bu chen po dang / tshe dang ldan pa legs pa rgyal po'i khab bya rgod phung po'i ri la gnas so//de nas tshe dang ldan pa legs pa nang par langs te tshe dang ldan pa maud gal gyi bu chen po gang na ba der nye bar song ste/ nye bar sang nas tshe dang ldan pa maud gal gyi bu chen po'i zhabs la phyag byas te phyogs gcig tu 'dug go/ /phyogs gcig tu 'dug nas tshe dang ldan pa legs pas tshe dang ldan pa maud gal gyi bu chen po la 'di skad ces smras so//btsun pa maud gal gyi bu chen po bya rgod phung po'i ri las babs te bdag cag rgyal po'i khab tu bsod snyoms kyi phyir 'gro ba'i dus la bab po/ /de'i tshe tshe dang ldan pa maud gal gyi bu chen pos tshe dang ldan pa legs pa la cang mi smra bas khas blangs so//de nas tshe dang ldan pa maud gal gyi bu chen po dang tshe dang ldan pa legs pa snga dro chos gos dang lhung bzed thogs te bya rgod phung po'i ri las babs te rgyal po'i khab tu bsod snyoms la zhugs so//de nas tshe dang ldan pa maud gal gyi bu chen pos phyogs gzhan zhig na 'dzum zhing 'dug go/ /tshe dang ldan pa legs pas tshe dang ldan pa maud gal gyi bu 'dzum pa mthong ngo / /mthong nas smras pa/ de bzhin gshegs pa'am/ de bzhin gshegs pa'i nyan thos rnams ni rgyu med rkyen med par 'dzum pa mi mdzad na/'phags pa maud gal gyi bu chen po 'dzum pa mdzad pa'i rgyu gang lags/ rkyen gang lags/ tshe dang ldan pa legs pa dri ba lung bstan pa'i dus la ma bab kyis rgyal po'i khab tu bsod snyoms spyad nas ston pa'i mdun du dris te/de nas dris pa lung bstan la 'chad par 'gyur ro/ /de nas tshe dang ldan pa maud gal gyi bu chen po dang tshe dang ldan pa legs pa rgyal po'i khab [(]cu [,]tu [)]bsod snyoms spyad nas zas kyi bya ba byas te/ bros pa'i 'og tu lhung bzed gyu nas rkang pa bkrus te/ bcom ldan 'das gang na ba der nye bar song ste/nye bar song nas bcom ldan 'das kyi zhabs la phyag byas te phyogs gcig tu 'dug go/ /phyogs gcig tu 'dug nas tshe dang ldan pa legs pas tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen pos 'dzum pa mdzad pa'i rgyu gang legs/rkyen gang lags/ tshe dang ldan pa legs pa bdag gis sems can gzhal yas khang lta bu nam mkha' las gyen du 'gro ba slong ba'i smre sngags 'don pa dang / drag cing tsha la rtsub pa'i tshor ba sdug bsngal nyams su myong ba zhig mthong nas/bdag 'di snyam du 'di lta bu'i sems can/ 'di lta bu'i gnod sbyin/ 'di lta bu'i bdag nyid kyi dngos po thob pas 'di lta bu drag cing tsha la rtsub pa'i sdug bsngal myong ngo snyam mo/ /de nas bcom ldan 'das kyis dge slong rnams la bos te/ dge slong dag nga'i nyan thos mig dang ldan par gyur pa shes par gyur pa/chos can du gyur cing gnas pa legs so legs so/ /nga'i nyan thos 'di lta bu'i shes pa dang mthong bar 'gyur ba'i gnas yod do/ /dge slong dag ngas kyang 'di lta bu'i sems can gzigs mod kyi su la yang ma gsungs te/kha cig ngas bshad pa la ma dad par 'gyur te/ de ci'i phyir zhe na/ kha cig de bzhin gshegs pas bshad pa la ma dad na skyes bu rmongs pa de yun ring por don ma yin pa dang mi phan pa dang sdug bsngal bar 'gyur ro/ /dge slong dag sngon byung ba sems can 'di rgyal po'i khab tu gshed ma'i skyes bur gyur te/de las de'i rnam par smin pas lo brgya phrag mang po dang / lo stong phrag mang po dang / lo brgya stong phrag mang por btsos so/ /las de nyid kyi lhag mas 'di lta bu'i sems can/ 'di lta bu'i gnod sbyin 'di lta bu'i bdag nyid kyi dngos po thob ste/'di lta bu'i drag cing tsha la rtsub pa'i sdug bsngal gyi tshor ba nyams su myong ngo / /dge slong dag dge slong maud gal gyi bus lung bstan pa ni de kho na ltar te gzhan du ma yin no zhes gzung bar bya'o/ /gleng gzhi de nyid kyis las byas nas bshad pa'i bar du ste/tshe dang ldan pa legs pa bdag gis sems can keng rus kyi phreng ba sha dang khrag dang pags pa dang bral ba mi gtsang zhing dri nga la rtsa rgyus kyis dkris pa'i dri mi zhim pa/ bya rog gis zab logs dag na bya rog dang kun du rgyu ba nam mkha' las gyen du 'gro ba slong ba'i smre sngags 'don pa drag cing tsha la rtsub pa'i tshor ba sdug bsngal ba nyams su myong ba zhes bya ba nas rgyas par dge slong dag sems can 'di sngon rgyal po'i khab tu gshed ma pa'i skyes bu'i khol por skyes te/de las de'i rnam par smin pas lo mang po dang lo brgya phrag mang por zhes bya ba nas gzung bar bya'o zhes bya ba'i bar du'o//tshe dang ldan pa legs pa ngas sems can pags pa med pa nam mkha' las gyen du 'gro ba slong ba'i smre sngags 'don pa dag mthong ste zhes bya ba nas/ rgyas par dge slong dag sems can 'di sngon rgyal po'i khab tu shan pa'i skyes bur gyur te/de las de'i rnam par smin pas lo mang por zhes bya ba nas/ gzung bar bya'o zhes bya ba'i bar du'o/ /tshe dang ldan pa legs pa ngas sems can sha'i dum bu lta bu nam mkha' la 'gro ba slong ba'i smre sngags 'don pa zhes bya ba nas rgyas par dge slong dag sems can 'di sngon rgyal po'i khab tu mngal rlugs par byed pa'i bud med du gyur te/de las de'i rnam par smin pa zhes bya ba nas/ gzung bar bya ba'i bar du'o/ /mngal rlugs par byed pa ji lta ba bzhin du rlugs par byed du 'jug pa yang de dang 'dra'o//tshe dang ldan pa legs pa ngas sems can khab kyi ba spu can khab 'bar zhing / /rab tu 'bar la 'bar ba gcig du gyur pa lus las 'byung zhing 'jug pa nam mkha' la gyen du 'gro ba/ slong ba'i smre sngags 'don pa zhes bya ba nas rgyas par dge slong dag sems can 'di sngon rgyal po'i khab tu glang po che 'dul ba'i skyes bur gyur te/de las de'i las kyi rnam par smin pas zhes bya ba nas gzung bar bya'o zhes bya ba'i bar du'o/ /glang po che 'dul ba ji lta ba bzhin du rta 'dul ba dang / ba lang 'dul ba dang / gnod par byed pa yang de dang 'dra'o//tshe dang ldan pa legs pa ngas sems can mda'i ba spu can/ mda' 'bar zhing rab tu 'bar la 'bar ba gcig tu gyur pa lus las 'byung zhing 'dzugs pa nam mkha' las gyen du 'gro ba/ slong ba'i smre sngags 'don pa zhes bya ba nas/ dge slong dag sems can 'di sngon rgyal po'i khab kyi grong khyer 'di nyid du ri dgas 'chor bar gyur te/de las de'i rnam par smin pa zhes bya ba nas/ gzung bar bya'o zhes bya ba'i bar du'o/ /tshe dang ldan pa legs pa ngas sems can mdung gi ba spu can mdung 'bar zhing rab tu 'bar la me 'bar ba gcig tu gyur pa lus las 'byung zhing 'jugs pa nam mkha' las gyen du 'gro ba slong ba'i smre sngags 'don pa zhes bya ba nas/rgyas par dge slong dag sems can 'di rgyal po'i khab kyi grong khyer du rngon pa'i khol por gyur te/ de las de'i rnam par smin pas zhes bya ba nas gzung bar bya'o zhes bya ba'i bar du'o//tshe dang ldan pa legs pa ngas sems can phag pa'i mig can kha dang sna gyen du bltas pa nam mkha' las gyen du 'gro ba slong ba'i smre sngags 'don pa zhes bya ba nas rgyas par dge slong dag sems can 'di sngon rgyal po'i khab kyi grong khyer du gshed mar gyur te/de las de'i rnam par smin pas zhes bya ba nas gzung bar bya'o zhes bya ba'i bar du'o/ /gshed ma ji lta ba bzhin du skra 'dzin pa yang de bzhin no/ /tshe dang ldan pa legs pa ngas sems can bum pa tsam bum pa'i steng na 'dug pa 'gro ba na khur ba nam mkha' las gyen du 'gro ba slong ba'i smre sngags 'don pa dag ces bya ba nas/rgyas par dge slong dag sems can 'di sngon rgyal po'i khab kyi grong khyer du sgyu byed pa'i skyes bur gyur te/ de las de'i rnam par smin pa zhes bya ba nas/gzung bar bya'o zhes bya ba'i bar du'o/ /khar ba la sgyu byed pa ji lta ba bzhin du srang la sgyu byed pa dang / gzhal ba la sgyu byed pa bgrang ba la sgyu byed pa yang de bzhin no/ /sdom ni/ 'bar dang g.yo dang rlung dang ni/ /'drogs dang rdul dang tshig pa dang / /mi gtsang bum pa bum bdun dang //lce dang shing 'dra la sogs pa'i/ /tshogs dag tha ma nyid dag tu/ /sde tshan sdom du bsdebs pa yin/ /tshe dang ldan pa legs pa ngas sems can lcags kyi rang bzhin 'bar zhing rab tu 'bar la 'bar ba gcig tu gyur pa lus las 'byung zhing 'jug pa nam mkha' las gyen du 'gro ba slong ba'i smre sngags 'don pa zhes bya ba nas rgyas par/dge slong dag sems can 'di sngon rgyal po'i khab kyi grong khyer du nye bar 'gyur te/ de las de'i rnam par smin pas zhes bya ba nas gzung bar bya'o zhes bya ba'i bar du'o/ /nya ba ji lta ba bzhin zhes bya ba yang de bzhin no//tshe dang ldan pa legs pa ngas sems can lcags kyi rang bzhin 'bar zhing rab tu 'bar la 'bar ba gcig tu gyur la nam mkha' la 'khyam zhing / nam mkha' las gyen du 'gro ba slong ba'i smre sngags 'don pa zhes bya ba nas rgyas par dge slong dag sems can 'di sngon rgyal po'i khab kyi grong khyer du ltas mkhan gyi bud med du gyur te/mi bden pa'i sgyus skye bo mang po bslus te/ de las de'i rnam par smin pas zhes bya ba nas gzung bar bya'o zhes bya ba'i bar du'o/ /tshe dang ldan pa legs pa ngas sems can rlung gi dkyil 'khor ltar 'khyam zhing nam mkha' las gyen du 'gro ba slong ba'i smre sngags 'don pa zhes bya ba nas rgyas par/dge slong dag sems can 'di sngon rgyal po'i khab kyi grong khyer du ltas mkhan du gyur te/ de mi bden pa'i sgyus skye bo mang po bslus te/ de las de'i rnam par smin pas zhes bya ba nas gzung bar bya'o zhes bya ba'i bar du'o//tshe dang ldan pa legs pa ngas sems can 'drogs shing 'drogs pa lta bu/ yi chad cing yi chad pa lta bu/ skya bo bseng bseng po/ mgo gtums pa lta bu/ tsog tsog por 'dug nas nam mkha' las gyen du 'gro ba slong ba'i smre sngags 'don pa zhes bya ba nas rgyas par/dge slong dag sems can 'di sngon rgyal po'i khab kyi grong khyer du byi byed par gyur la/ de las de'i rnam par smin pas zhes bya ba nas gzung bar bya'o zhes bya ba'i bar du'o/ /byi ba pa ltar bud med slu ba yang de bzhin no/ /tshe dang ldan pa legs pa ngas sems can rul cing myags la mi gtsang ba dri ngan cing dri mi zhim pa nam mkha' las gyen du 'gro zhing slong ba'i smre sngags 'don pa zhes bya ba nas rgyas par/dge slong dag sems can 'di sngon bA rA Na sI'i grong khyer du bud med gzugs 'tshong mar gyur la des yang dag par rdzogs pa'i sangs rgyas 'od srungs kyi nyan thos tshul ma yin pas spyan drangs pa dang /des khas ma blangs nas/ de mi dga' zhing khros nas ro rul bskol ba'i chus gtor ro/ /de las de'i rnam par smin pas zhes bya ba nas 'di ltar gzung bar bya'o zhes bya ba'i bar du'o//tshe dang ldan pa legs pa ngas sems can lus kyi stod 'bar zhing rab tu 'bar la 'bar ba gcig tu gyur pas des 'joms shing nam mkha' las gyen du 'gro zhing slong ba'i smre sngags 'don pa zhes bya ba nas/ rgyas par dge slong dag sems can 'di sngon bA rA Na sA+e'i grong khyer du rgyal po kr-i kI'i btsun mo dam par gyur la/de bud med rnams dang lhan cig rgyal po kr-i kI'i gnas pa rtogs par byed pa na/ de yid mi dga' bas rab tu 'bar ba'i til de la gtor ro/ /de las de'i rnam par smin pas zhes bya ba nas/de ltar gzung bar bya'o zhes bya ba'i bar du'o/ /tshe dang ldan pa legs pa ngas sems can mi gtsang ba'i nang du nub pa mdun dang rgyab dang logs su mi gtsang bas bskor ba/ zas su mi gtsang ba za ba slong ba'i smre sngags 'don pa zhes bya ba nas rgyas par dge slong dag sems can 'di sngon bA rA Na sA+e'i grong khyer du rgyal po kr-i kI'i bram ze mdun na 'don du gyur la/de yang dag par rdzogs pa'i sangs rgyas 'od srungs kyi nyan thos zas kyi phyir spyan drangs te/ mi gtsang bas bkang ba'i gzhong pa steng du zas kyis g.yogs te/ ji srid du dus kyi mthar kha cig gis skyur bar 'gyur ba dang / gzhan mi rnyed par gyur cig ces phyi nas 'di skad ces 'phags pa dag zhal zas bzang po 'di dag gsol cig longs spyod cig ces smras so/ /de'i tshe dge slong gi dge 'dun phal cher zan gcad par gyur te/ de las de'i rnam par smin pas zhes bya ba nas/snga ma bzhin du de ltar gzung bar bya'o zhes bya ba'i bar du'o/ /tshe dang ldan pa legs pa ngas sems can lcags kyi rang bzhin gyi bum pa lta bu 'bar zhing rab tu 'bar la 'bar ba gcig tu gyur pas rnam par grol ba lcags bskol bas steng du ldugs par byed pas/nam mkha' las gyen du 'gro ba/ slong ba'i smre sngags 'don pa zhes bya ba nas rgyas par dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge slong gzhi bar gyur la/ de'i dus na dge slong gi dge 'dun la thun mong du til mar gyi bum pa dag rnyed pa las/dge slong 'gron po glo bur du 'ongs pa dang / de la sems skyes pa ji srid du dge slong glo bur du 'ongs pa 'di ma song gi bar du dgod par mi bya'o zhes des de ltar byas pa dang / de las de'i rnam par smin pas zhes bya ba nas/snga ma bzhin du de ltar gzung bar bya'o zhes bya ba'i bar du'o/ /tshe dang ldan pa legs pa ngas sems can lcags kyi gong bu bdun ltar 'bar zhing rab tu 'bar la 'bar ba gcig tu gyur pa lus las 'byung zhing 'jug pa dang / nam mkha' las gyen du 'gro zhing slong ba'i smre sngags 'don pa zhes bya ba nas rgyas par dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge tshul du gyur la/de'i dus na dge 'dun la 'dzam bu'i 'bras bu bdun rnyed pa las des sgyu'i sems kyis bdag gir byas pa las//de las de'i rnam par smin pas zhes bya ba nas/ de ltar gzung bar bya'o zhes bya ba'i bar du'o/ /tshe dang ldan pa legs pa ngas sems can lcags kyi rang bzhin gyi ste'u lta bur 'bar zhing rab tu 'bar la 'bar ba gcig tu gyur pas lce 'joms shing nam mkha' las gyen du 'gro ba slong ba'i smre sngags 'don pa zhes bya ba nas rgyas par/dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge tshul du gyur te/ dge 'dun gyi bu ram 'bags pa'i ste'u rku ba'i sems kyis lces bldags so//de las de'i rnam par smin pas zhes bya ba nas/ gzung bar bya'o zhes bya ba'i bar du'o/ /tshe dang ldan pa legs pa ngas sems can lcags kyi 'khor lo lta bu 'bar zhing rab tu 'bar la kun du 'bar zhing me lce gcig tu gyur pas mchan khung gnyis nas 'khor lo 'khor zhing nam mkha' las gyen du 'gro ba/slong ba'i smra sngags 'don pa zhes bya ba nas rgyas par dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge tshul du gyur te/ de'i dus na dge 'dun la sbrang rtsi'i kha zas kyi rnyed pa byung ba las/des rku ba'i sems kyis sbrang rtsi'i bum pa mchan khung du bcug pa dang / de las de'i rnam par smin pas zhes bya ba nas/ de ltar gzung bar bya'o zhes bya ba'i bar du'o/ /tshe dang ldan pa legs pa ngas sems can lcags kyi snam bu gon pa lcags kyi snam bus g.yogs pa lcags kyi stan la 'dug pa/lcags kyi gong bu 'bar zhing rab tu 'bar la 'bar ba gcig tu gyur pa zas su za ba/ nam mkha' las gyen du 'gro ba/ slong ba'i smre sngags 'don pa zhes bya ba nas rgyas par/ dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge slong dam bzhag par gyur la/des dge 'dun gyi ming ngan du gnyer nas dge 'dun gyi lhag ma rang nyid kyis bdag gir byas te/ de las de'i rnam par smin pas zhes bya ba nas/ de ltar gzung bar bya'o zhes bya ba'i bar du'o//dge slong ji lta ba bzhin du dge slong ma dang / dge tshul dang / dge tshul ma yang de bzhin no/ /tshe dang ldan pa legs pa ngas sems can lcags kyi rang bzhin gyi shing rta 'chos par byed pa na lus kyi rting pa nas ltag pa'i bar du 'gro bar byed cing / lcags kyi rang bzhin gyis gzhi 'bar zhing rab tu 'bar la 'bar ba gcig tu gyur pa'i lam gyis 'joms shing rab tu 'joms la nam mkha' las [(]sting [,]steng [)]du 'gro ba slong ba'i smre sngags 'don pa zhes bya ba nas rgyas par/ dge slong dag sems can 'di sngon rgyal po'i khab kyi grong khyer du shing rtas 'tsho ba par gyur la/de las de'i rnam par smin pas zhes bya ba nas/ de ltar gzung bar bya'o zhes bya ba'i bar du'o/ /tshe dang ldan pa legs pa ngas sems can kha'i lce bton te lcags kyi rang bzhin gyi phur pa brgyas btab ste sems can de'i lce la lcags kyi phur pa brgyas khyab cing rgyas par rab tu khyab par gyur te/'di lta ste/ khyu mchog gi pags pa phur pa brgyas khyab cing rgyas par khyab pa de bzhin du sems can de'i lce lcags kyi phur pa brgyas khyab cing rgyas par khyab par gyur pa nam mkha' las steng du 'gro ba/ slong ba'i smre sngags 'don pa zhes bya ba nas/rgyas par dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge slong gzhi bar gyur te/ des dge slong 'ongs pa dag skrod par byed de tshe dang ldan pa dag 'di na 'dug gnas dang bza' ba dang btung ba dang 'bras bu dag med kyis gnas gzhan gang na bza' ba dang btung ba rnyed pa der song ste gnas par gyis shig /'di na chos gos dang bsod snyoms dang mal cha dang stan dang na ba'i rkyen sman gyi yo byad rnams med do zhes skrod par byed de/ der dge slong ma 'ongs pa dag mi 'ong zhing 'ongs pa dag 'gro bar byed de/de las de'i rnam par smin pas zhes bya ba nas/ gzung bar bya'o zhes bya ba'i bar du'o/ /tshe dang ldan pa legs pa ngas sems can kha'i lce bton te/ lcags kyi rang bzhin gyi phur pa btab ste/ sems can de'i lce la lcags kyi rang bzhin gyi phur pa brgyas khyab cing rgyas par rab tu khyab par gyur te/'di lta ste/ khyu mchog gi pags pa phur pa rgyas par brgyas khyab pa de bzhin du sems can de'i lce la yang lcags kyi phur pa brgyas khyab cing rgyas par gyur pa/ nam mkha' las gyen du 'gro ba/ slong ba'i smre sngags 'don pa zhes bya ba nas rgyas par/dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge slong gnyug mar gnas par gyur la/ de dge slong 'ongs pa dag la mgo reg gi sa rdul zhes skrod par byed de/ der dge slong ma 'ongs pa mi 'ong la 'ongs pa 'gro bar byed de/de las de'i rnam par smin pas zhes bya ba nas de ltar gzung bar bya'o zhes bya ba'i bar du'o/ /tshe dang ldan pa legs pa ngas sems can kha'i lce bton te lcags kyi rang bzhin gyi phur pa brgyas btab ste/ sems can de'i lce la lcags kyi phur pa brgyas khyab cing rgyas par gyur te/'di lta ste/ khyu mchog gi pags pa phur pa brgyas khyab cing rgyas par rab tu khyab pa de bzhin du sems can de'i lus la lcags kyi phur pa zhes bya ba nas rgyas par/ dge slong dag sems can 'di sngon yang dag par rdzogs pa'i sangs rgyas 'od srungs kyi gsung rab la dge slong dbang byed par gyur te/de dge 'dun la mi mthun pa'i rgyu byed de/ des dge 'dun ku tsi dang bcas pa dang / smra ba dang bcas pa dang / rtsod pa nye bar 'dzin pas der dge slong ma 'ongs pa mi 'ong zhing 'ongs pa dag kyang 'gro ste/ de las de'i rnam par smin pas zhes bya ba nas/gzung bar bya'o zhes bya ba'i bar du'o zhes gsungs so/ /shing las mi 'da' ba las dgongs nas gsungs pa yin no zhes bya ba la/ gang las bshad ce na/ yongs 'du'i mdo las te/ lung bar ma'i bdun pa'i bzhi pa 'jig rten brtags pa las 'di ltar 'don te/sum cu rtsa gsum gyi lha rnams kyi lha'i grong khyer gyi g.yas phyogs na yongs 'du sa brtol zhes bya ba yod de/ yongs 'du sa brtol de'i rtsa ba dpag tshad lnga sa la zug cing / srid du dpag tshad lnga brgya slebs pa/yongs 'du sa brtol de ni yal ga lnga pa ste/ yal ga gcig ni shar du dpag tshad lnga brgyar slebs so/ /yal ga gnyis pa ni lho phyogs su dpag tshad lnga brgyar slebs so/ /yal ga gsum pa ni nub phyogs su dpag tshad lnga brgyar slebs so/ /yal ga bzhi pa ni byang phyogs su dpag tshad lnga brgyar slebs so//yal ga lnga pa ni nam mkha' la dpag tshad lnga brgyar slebs te/ khyab par gnas so/ /dpag tshad lnga brgya dang dpag tshad lnga ni thad kar ro/ /dpag tshad lnga brgya ni rgyar ro/ /dpag tshad bco lnga dang gsum ni kun nas yongs su 'khor bar ro//shing yongs 'du sa brtol de'i dri'i rdzi phyogs su ni dpag tshad lnga brgyar ro/ /rdzi phyogs ma yin par ni lnga brgyar ro/ /de nas tshe dang ldan pa kun dga' bo gcig pu dben pa na nang du yang dag par 'jog la 'dug pa na 'di lta bu'i sems la sems kyi yongs su rtogs pa skyes te/dri'i rigs gsum po 'di dag ni rdzi phyogs su 'gro zhing rdzi phyogs ma yin par mi 'gro ba ste/ gsum gang zhe na/ 'di lta ste rtsa ba'i dri dang / sdong bu'i dri dang / me tog gi dri'o/ /de las gzhan pa'i dri'i rigs gang ngam/ dri'i rigs gang zhig rdzi phyogs su yang mi 'gro zhing rdzi phyogs ma yin par yang mi 'gro ba dang /rdzi phyogs dang rdzi phyogs ma yin par 'gro ba yang yod dam yongs su rtog pa skyes so/ /de nas tshe dang ldan pa kun dga' bo nang du yang dag 'jog las langs te/ bcom ldan 'das gang na ba der nye bar song ste/nye bar song nas bcom ldan 'das kyi zhabs la spyi bos phyag byas te phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol te/ btsun pa bdag 'di na gcig pu dben pa na nang du yang dag 'jog la 'dug pa na 'di lta bu'i sems la sems kyi yongs su rtog pa skyes te/dri'i rigs gsum po 'di dag ni dri'i rigs rdzi phyogs su 'gro zhing phyogs ma yin par mi 'gro ba ste/ gsum gang zhe na/ 'di lta ste/ rtsa ba'i dri dang / sdong bu'i dri dang / me tog gi dri'o//de las gzhan pa'i dri'i rigs gang ngam dri'i rigs gang zhig rdzi phyogs su yang mi 'gro zhing rdzi phyogs ma yin par yang mi 'gro ba dang / rdzi phyogs dang rdzi phyogs ma yin par 'gro ba de yod dam zhes sems la yongs su rtog pa skyes so/ /kun dga' bo de de bzhin te/dri'i rigs gsum po 'di dag ni dri'i rigs rdzi phyogs su 'gro zhing rdzi phyogs ma yin par mi 'gro ba ste/ gsum gang zhe na/ rtsa ba'i dri dang / sdong bu'i dri dang / me tog gi dri'o/ /kun dga' bo de las gzhan pa'i dri'i rigs gang ngam dri'i rigs gang zhig rdzi phyogs su yang mi 'gro zhing /rdzi phyogs ma yin par mi 'gro ba dang / rdzi phyogs dang rdzi phyogs ma yin par yang 'gro ba yod de/ kun dga' bo dri'i rigs gang ngam dri'i rigs gang zhig rdzi phyogs su yang mi 'gro zhing rdzi phyogs ma yin par yang mi 'gro ba dang / rdzi phyogs dang rdzi phyogs mi yin par 'gro ba de gang zhe na/kun dga' bo 'di ni grong ngam grong khyer gzhan 'ga' zhig na skyes pa'am bud med tshul khrims dang ldan pa dge ba'i chos can ji srid 'tsho'i bar du srog gcod pa spang zhing srog gcod pa las log pa dang ma byin par [(]lan [,]len [)]pa dang / 'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas las slar ldog cing gnas na/ de phyogs dang phyogs mtshams su yang dag pa'i skyes bu yin no zhes grags par 'gyur te/ grong ngam grong khyer che ge mo zhig na skyes pa'am bud med tshul khrims dang ldan pa dge ba'i chos can ji srid 'tsho'i bar du srog gcod pa spong zhing srog gcod pa las log pa dang /ma byin par len pa dang / 'dod pas log par g.yem pa dang / brdzun du smra ba dang /'bru'i chang dang / bcos pa'i chang myos par 'gyur ba bag med pa'i gnas spong zhing myos par 'gyur ba bag med pa'i gnas las slar log pa 'di lta bu gnas so zhes grags par 'gyur te/ kun dga' bo 'di ni dri'i rigs gang ngam dri'i rigs gang zhig rdzi phyogs su yang mi 'gro zhing rdzi phyogs ma yin par yang mi 'gro ba dang /rdzi phyogs dang rdzi phyogs ma yin par yang 'gro ba dag yin no/ /ston pas gzhan yang 'di skad ces bka' stsal to/ /me tog dri ni rdzi phyogs min mi 'gro/ /rtsa ba'am rgya spos tsan dan yang ma yin/ /mkhas rnams dri ni rdzi phyogs min 'gro ste//skyes bu dam pa phyogs bcu kun du 'gro/ /a ka ru dang tsan dan dang / ut+pa la dang bcas gser me tog /dri'i rigs de dag rnams las ni/ /tshul khrims dri mchog bla na med/ /a ka ru dang tsan dan gyi/ /dri ni cung zad tsam yin te/ /gang zhig tshul khrims ldan pa'i dri//'di dang lhar bcas grags par 'gyur/ /tshul khrims ldan pa de dag rnams/ /bag med pa ni spong bar 'gyur/ /bdud kyi lam gyis mi 'phrogs shing / /yang dag rjes gnang rnam par grol/ /'di ni bde legs lam yin te/ /'di ni shin tu rnam dag lam//bsam gtan ldan zhugs bdud rnams kyi/ /'ching ba rab tu zlog pa yin/ /zhes bka' stsal to/ /'di la 'dod pa skye ba gsum po ni/ /'dod pa'i lha dang mir bcas rnams/ /zhes bya ba la/ gleng gzhi ni mnyan du yod pa na'o/ /'dod pa skye ba ni rnam pa gsum ste/sems can 'dod pa nye bar gnas pa rnams 'dod pa nye bar gnas pa dag la dbang phyug gis dbang byed pa dag kyang yod de/ mi rnams dang lha kha cig ste/ 'di ni 'dod pa skye ba dang po'o/ /sems can 'dod pa spyod pa rnams 'dod pa rnams sprul zhing 'dod pa rnams la dbang phyug gis dbang byed pa dag kyang yod de/'di lta ste/ dper na 'phrul dga'i lha rnams lta bu'o/ /'di ni 'dod pa skye ba gnyis pa'o/ /sems can 'dod pa gzhan dag gis sprul pa rnams kyis sprul pa dag la dbang phyug gis dbang byed pa dag kyang yod de/ 'di lta ste/ dper na gzhan 'phrul dbang byed kyi lha rnams lta bu ste/ 'di ni 'dod pa skye ba gsum pa yin no zhes gsungs so/ /bde ba skye ba dag ni yang dag par 'gro ba'i rnam grangs las 'dod pa skye ba'i rjes thogs kyi mdo las 'byung ba mdzod kyi gnas gnyis par/ srog ni tshe yin zhes bya bar 'dir la lar ni dang por smos par rtogs par bya'o zhes bris pa blta bar bya'o//gling gzhi pa dang nyi zla dang / /zhes bya ba la/ gleng gzhi ni mnyan du yod pa na'o/ /dge slong dag gsum po 'di dag ni 'jig rten gyi khams rnams te/ gsum gang zhe na/ stong spyi phud kyi 'jig rten gyi khams dang /stong gnyis pa bar ma'i 'jig rten gyi khams dang / stong gsum gyi stong chen po'i 'jig rten gyi khams so/ /stong spyi phud kyi 'jig rten gyi khams gang zhe na/ ji srid du nyi ma phyogs gsal zhing snang bar byed pa de srid du stong gi 'jig rten gyi khams te/ nyi ma stong dang / zla ba stong dang / ri rab stong dang / shar gyi lus 'phags stong dang / nub kyi ba lang spyod stong dang / byang gi sgra mi snyan stong dang / lho'i 'dzam bu gling stong dang / rgyal po chen po bzhi stong dang / sum cu rtsa gsum stong dang / 'thab bral stong dang / dga' ldan stong dang /'phrul dga' stong dang / gzhan 'phrul dbang byed stong dang / tshangs pa'i 'jig rten stong rnams la ni stong spyi phud kyi 'jig rten gyi khams zhes brjod do/ /stong gnyis pa bar ma'i 'jig rten gyi khams gang zhe na/ ji srid du nyi ma phyogs snang zhing gsal bar byed pa de srid du stong gnyis pa bar ma'i 'jig rten gyi khams te/nyi ma stong dang / zla ba stong dang / ri rab stong dang / shar gyi lus 'phags stong dang / nub kyi ba lang spyod stong dang / byang gi sgra mi snyan stong dang / lho'i 'dzam bu gling stong dang / rgyal po chen po bzhi stong dang / sum cu rtsa gsum stong dang /'thab bral stong dang / dga' ldan stong dang / 'phrul dga' stong dang / gzhan 'phrul dbang byed stong dang / tshangs pa'i 'jig rten gyi khams stong rnams te/ 'di ni stong spyi phud kyi 'jig rten gyi khams zhes bya ste/ dge slong dag gang stong spyi phud kyi 'jig rten gyi khams stong la ni stong gnyis pa bar ma'i 'jig rten gyi khams zhes bya'o//stong gsum gyi stong chen po'i 'jig rten gyi khams gang zhe na/ ji srid du nyi ma phyogs gsal bar byed pa de srid du stong gsum gyi 'jig rten gyi khams te/ nyi ma stong dang /zla ba stong dang / ri rab stong dang / shar gyi lus 'phags stong dang / nub kyi ba lang spyod stong dang / byang gi sgra mi snyan stong dang / lho'i 'dzam bu gling stong dang / rgyal po chen po bzhi stong dang / sum cu rtsa gsum stong dang / 'thab bral dang / dga' ldan dang / 'phrul dga' dang /gzhan 'phrul dbang byed dang / tshangs pa'i 'jig rten gyi khams stong rnams la ni stong spyi phud kyi 'jig rten gyi khams zhes bya la/ dge slong dag gang stong spyi phud kyi 'jig rten gyi khams stong la stong gnyis pa bar ma'i 'jig rten gyi khams zhes bya la/ gang stong gnyis pa bar ma'i 'jig rten gyi khams stong la ni stong gsum gyi stong chen po'i 'jig rten gyi khams zhes bya'o//bcom ldan 'das kyis de skad ces bka' stsal pa dang / dge slong de dag bcom ldan 'das kyis gsungs pa la mngon par dga' zhing yi rang ngo // //yang ji ltar snod rnams kyi tshad dang bye brag yod pa de bzhin du de na gnas pa'i sems can rnams kyi tshad kyang bye brag yod dam zhe na zhes bya ba la/bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs te/ de nas bcom ldan 'das kyis dge slong rnams la bos te bka' stsal pa/dge slong dag khyed cag sems can rnams kyi tshe'i tshad nyan par 'dod dam/ bcom ldan 'das de'i dus dang de'i dus la bab kyis/ bcom ldan 'das kyis dge slong rnams la sems can rnams kyi tshe'i tshad bstan du gsol/ dge slong rnams kyis thos nas 'dzin par 'gyur ro//dge slong dag de'i phyir legs par nyon la yid la zung shig dang bshad par bya'o/ /btsun pa de bzhin no zhes dge slong de dag bcom ldan 'das kyi ltar nyan pa dang / de nas bcom ldan 'das kyis 'di skad ces bka' stsal to/ / dge slong dag dmyal ba rnams kyi tshe'i nang na ches ring ba ni bskal pa ste de dag las dus ma yin par 'chi bar 'gyur ba ni yod do/ /dud 'gro rnams kyi nang na tshe ches ring ba ni bskal pa ste/ dus ma yin par 'chi bar 'gyur ba ni yod do/ /dge slong dag gang mi rnams kyi nyin zhag sum cu gang yin pa de yi dwags rnams kyi nyin zhag gcig yin la/nyin zhag de nyid kyis nyin zhag sum cu la zla ba gcig yin la/ zla ba bcu gnyis la lo gcig yin te/ de ltar brtsis pa'i lo lnga brgya ni yi dwags rnams kyi tshe'i tshad do/ /mi rnams kyi tshe'i tshad du brtsis na lo stong phrag bco lngar 'gyur te/dus ma yin par 'chi ba ni yod do/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /mchu dang mgrin pa skams shing shin tu sdug bsngal ba/ /lus ni brag gi ri ltar che zhing mtho/ /rang gis skra yis g.yogs shing rnam par bsgribs//shin tu rid cing kha ni khab mig tsam/ /gcer bu rang gi skra yis rnam par bsgribs/ /rus pa'i 'khrul 'khor shin tu mtho ba ste/ smre sngags 'don cing lag na ka pa la thogs/ /de dag bkres skom sdug bsngal gyis gdungs shing //slong ba'i sgra 'byin tshor ba sdug bsngal myong / /ser sna bsten cing phan tshun phrag dog gi/ /las kyi 'bras bus yi dwags 'jig rten skyes/ /dge slong dag shar gyi lus 'phags kyi mi rnams kyi tshe'i tshad ni lo nyis brgya lnga bcu ste/ dus ma yin par 'chi ba ni yod do/ / dge slong dag nub kyi ba lang spyod kyi mi rnams kyi tshe'i tshad ni lo lnga brgya ste/ dus ma yin par 'chi ba ni yod do/ /dge slong dag byang gi sgra mi snyan gyi mi rnams ni nga yir bya ba med cing yongs su 'dzin pa med la/ tshe nges shing tshe 'phos pa'i 'og tu 'gro ba khyad par can mtho ris su 'gro ste/dge slong dag rnam pa 'dis na byang gi sgra mi snyan gyi mi rnams kyi tshe'i tshad ni lo stong ngo / /dus ma yin par 'chi ba med do/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /phongs pas sdug bsngal sems can dag /gzhan gyi nor dag 'dod byed cing / /gzhan dag bkol zhing dman pa dag /de dag dam pa sten mi byed/ /phyug cing nor rnams mang ba dang / /nye bar longs spyod dang ldan pas/ /nor dang 'bras dang g.yog 'khor ldan/ /de dag dam pa ston par byed/ 'di ni ji srid 'tsho'i bar du//bsod nams dge ba'i las byed pas/ /lha bzhin dga' ba dang ldan pa'i/ /phun sum tshogs pa chen po 'thob/ /lkog gyur ma yin 'di dag ltos/ /'jig rten bde ba gang cung zad/ /de dag sngon gyi sbyin pa'i 'bras/ /sgra mi snyan pa'i mi rnams ni/ /nga yir med cing yongs 'dzin med//gos mchog rab tu sten byed pa/ /de ni sngon gyi sbyin pa'i 'bras/ /de dag rnams la nad med cing / /de na grang dang dro ba med/ /gzugs dang kha dog phun sum tshogs/ /de ni ston gyi sbyin pa'i 'bras/ /byang gi sgra mi snyan gling na/ /ma tshang med cing dum bu min/ / gtsang ba'i 'bru dag skye ba ste/ /de ni sngon gyi sbyin pa'i 'bras/ /nor bu'i 'od kyis de dag rnams/ /rtag tu gsal zhing mdzes par byed/ /gang de rnams la gtsang byed pa/ /de ni sngon gyi sbyin pa'i 'bras/ /de na tshod ma cung zad med/ /sran ma sogs kyang yod ma yin/ /kha dog dri dang ror ldan pa'i//'bras dag rtag tu longs spyod byed/ /rdza ma gcig tu btsos pa ni/ /sten las langs par gyur gyi bar/ /snod du zad par mi 'gyur te/ /de ni sngon gyi sbyin pa'i 'bras/ /ku ba bzhin du 'bras gzhan gyis/ /bcad nas yal ga las slar skye/ /ma smin pa yang smin par byed//de ni sngon gyi sbyin pa'i 'bras/ /yan lag brgyad ldan chu bo bzang / /de dag chu bo shin tu bsil/ /'thungs na gnod par mi 'gyur ba/ /de ni sngon gyi sbyin pa'i 'bras/ /glu gar dag gi shing rnams kyis/ /de dag rtag tu dga' bar byed/ /rtag tu yid ni bde byed pa/ /de ni sngon gyi sbyin pa'i 'bras//glu gar shing gis rab mdzes shing / /gos kyi shing dag mang po dang / /spos shing phun sum tshogs pa dag /de ni sngon gyi sbyin pa'i 'bras/ /glu gar dri dang me tog dang / /chos gos rnams la rtag tu ni/ /gang dang 'dra ba 'dod pa dag /de dag de dang 'dra bar 'gyur//de dag sa gzhi 'jam pa ni/ /shing bal dag dang 'dra ba la/ /rtag tu rab tu dga' byed pa/ /de ni sngon gyi sbyin pa'i 'bras/ /de dag khro ba yod min te/ /phan tshun dag tu rtse zhing dga'/ /phrag dog ser sna med pa dag /de ni sngon gyi sbyin pa'i 'bras/ /mtshan gyi thun ni dang po la//skad cig tsam du char bab pas/ /rdul dag sel bar byed pa ni/ /de ni sngon gyi sbyin pa'i 'bras/ /de dag yongs su 'dzin med de/ /ma yis bu yang ngo mi shes/ /mya ngan med cing dga' ba ste/ /de ni sngon gyi sbyin pa'i 'bras/ /ma yis lam stong dag tu ni/ /bskyur nas 'gro bar byed pa na//mdzub mo'i rtse las 'o ma 'dzag /de ni sngon gyi sbyin pa'i 'bras/ /'ga' zhig shi na de dag rnams/ /ngu bar mi byed bskyur te 'gro /gleng dag kha yis gtsang byed pa/ /de ni sngon gyi sbyin pa'i 'bras/ /shin tu yongs su bsrungs pa ste/ /glu dang gar gyis dga' bar byed//rtsed 'jo dga' bar byed pa dag /de ni sngon gyi sbyin pa'i 'bras/ /mi rnams kyi ni tshe lo dag /stong phrag rab tu zad pa na/ /gzhan dag tu ni 'chi byed pa/ /de ni sngon gyi sbyin pa'i 'bras/ /mi yi lus kyi phan pa dang / /longs spyod rgya chen la brten nas/ /lha yi nang du skye ba dag /de ni sngon gyi sbyin pa'i 'bras/ /dge slong dag 'dzam bu'i gling gi mi rnams kyi tshe ni 'phel ba dang 'grib pa las shes par bya ste/ tshe tshad dpag tu med pa dang / tshe lo stong phrag brgya bcu dang / tshe lo brgya dang / tshe lo bcu pa yang yin te/ dge slong dag da ltar ni 'dzam bu'i gling gi mi rnams yun ring du 'tsho na lo brgya thub la/cung zad lhag pa yang yod de/ /tshad 'di tsam du yang dag pa'i bde ba myong bar byed do/ /dge slong dag lo brgya 'tsho ba na gnas skabs bcu nyams su myong bar gyur te/ sngas mtho ba la nyal ba'i byis pa ni gnas skabs dang po'o//rtse zhing dga' ba'i rang bzhin can ni gzhon nu'i gnas skabs gnyis pa'o/ /'dod pa spyod cing lang tsho la bab pa ni gnas skabs gsum pa'o/ /spro ba dang stobs dang ldan pa ni gnas skabs bzhi pa'o/ /shes rab dang spobs pa dang ldan pa ni gnas skabs lnga pa'o//dran pa dang dpyod pa'i rang bzhin can ni gnas skabs drug pa'o/ /nyes pa dang bcas par gyur pa gnas skabs bdun pa'o/ /rgyal pos shes shing dga' bar gyur pa ni gnas skabs brgyad pa'o/ /na zhing rgas par gyur pa ni gnas skabs dgu pa'o/ / tshe dang yid dang bral bar gyur pa ni gnas skabs bcu pa ste/ dge slong dag tshe lo brgya 'tsho ba na gnas skabs bcu nyams su myong bar 'gyur ro/ /dge slong dag tshe lo brgya 'tsho ba na dus tshigs sum brgyar 'tsho bar 'gyur te/ dus tshigs brgya ni dgun no/ /dus tshigs brgya ni sos ka'o//dus tshigs brgya ni dbyar ro/ /dus tshigs sum brgyar 'tsho ba na zla ba brgya phrag bcu gnyis su 'tsho bar 'gyur te/ dgun zla ba bzhi dang / so ga zla ba bzhi dang / dbyar zla ba bzhi'o/ /zla ba brgya phrag bcu gnyis su 'tsho ba na zla ba phyed pa brgya phrag nyi shu rtsa bzhir 'tsho bar 'gyur te/dgun brgyad/ sos ka brgyad/ dbyar brgyad de/ zla ba phyed pa brgya phrag nyi shu rtsa bzhir 'tsho ba na nyin zhag stong phrag sum cu rtsa drug tu 'tsho bar 'gyur te/ bcu gnyis ni dgun no/ /bcu gnyis ni sos ka'o/ /bcu gnyis ni dbyar ro/ /nyin zhag stong phrag sum cu rtsa drug tu 'tsho ba na kha zas stong phrag bdun cu rtsa gnyis za bar 'gyur te/gzhan ni phyed za ste/ de la 'di dag ni zas gzhan te/ khros pa na yang mi za/ sdug bsngal ba na yang mi za/ rtsol ba byed pa na yang mi za/ gso sbyong byed pa na yang mi za/ bya ba la chags pa na yang mi za/ rnyed pa na yang mi za/ma rnyed pa na yang mi za/ gnyid log pa na yang mi za/ smyo ba na yang mi za/ bag med pa na yang mi za ste/ za ba dang mi za ba gcig tu bsdus nas zas stong phrag bdun cu rtsa gnyis su 'gyur ro/ /dge slong dag ngas 'dzam bu'i gling gi mi rnams kyi tshe'i tshad bshad cing /'chi ba dang / zla ba dang / zla ba phyed pa dang / nyin zhag dang / zas dang / zas gzhan yang bshad zin to/ /dge slong dag gang mi rnams kyi tshe lo lnga bcu gang yin pa de ni rgyal po chen po bzhi rnams kyi nyin zhag gcig yin la/ des na nyin zhag sum cu la zla ba gcig zla ba bcu gnyis la lo 'khor ba gcig yin la/des lha'i lo lnga brgya ni rgyal po chen po bzhi'i lha rnams kyi tshe'i tshad yin no/ /mi rnams kyi lo'i grangs su brtsis na lo stong phrag dgu bcur 'gyur te/ dus ma yin par 'chi ba ni yod do/ /de ni dmyal ba chen po yang sos kyi nyin zhag gcig yin la des na nyin zhag sum cu la zla ba gcig /zla ba bcu gnyis lo'i 'khor gcig ste/ des na lo lnga brgya ni dmyal ba chen po yang sos kyi tshe'i tshad yin no/ /mi'i tshe'i tshad du bgrangs na lo bye ba brgya stong phrag drug cu dang / /bye ba phrag stong ngo / /dus ma yin par 'chi ba ni yod do//de nas bcom ldan 'das kyis de'i tshe tshigs su bcad pa 'di skad bka' stsal to/ /lus kyis nyes spyad spyod pa dang / /ngag gi nyes spyad spyod pa dang / /yid kyis nyes spyad spyod pa dang / /gang yang skyon dag sdud byed pa/ /dmyal ba'i las kyi rnam smin gyis/ /yang sos dag tu skye 'gyur te//lo ni bye ba stong phrag tu/ /yang sos dag tu bcom par 'gyur/ /phan tshun khon la dga' ba dang / /skyes bu gnod pa byed pa dag /dmyal ba dag gi las rnams kyis/ /yang sos dag tu skye bar 'gyur/ /dge slong dag yang mi rnams kyi tshe lo brgya gang yin pa de ni sum cu rtsa gsum pa rnams kyi nyin zhag gcig yin la/de nyid kyis brtsis pa'i nyin zhag sum cu la zla ba gcig /zla ba bcu gnyis la lo gcig ste/ des lha'i lo stong ni sum cu rtsa gsum pa rnams kyi tshe'i tshad do/ /de mi rnams kyi tshe'i tshad kyi grangs su brtsis na lo bye ba phrag gsum dang 'bum phrag drug cu ste/dus ma yin par 'chi ba ni yod do/ /de ni dmyal ba chen po thig nag gi nyin zhag gcig tu 'gyur la/ des nyin zhag sum cu la zla ba gcig /zla ba bcu gnyis la lo gcig yin la/ des ni lo stong ni dmyal ba chen po thig nag gi tshe tshad yin no//de mi rnams kyi tshe tshad kyi grangs su brtsis na lo 'bum phrag bye ba phrag bcu gnyis dang / lo stong phrag bye ba phrag dgu bcu rtsa drug ste/ dus mi yin par 'chi ba ni yod do/ /de nas bcom ldan 'das kyis de'i tshe tshigs su bcad pa 'di skad ces bka' stsal to//sangs rgyas dge 'dun rnams dang ni/ /pha dang ma la brnyas pa dag/ thig nag dag tu skye 'gyur te/ /sdug bsngal tshor ba myong bar 'gyur/ /gzhan dag gnas nas skrod byed cing / /skyes bu mdza' bo 'byed pa dag /thig nag dag tu skye bar 'gyur/ / de bzhin dbyen dang brdzun dag dang / /dmyal ba dag gi las rnams kyis/ thig nag dag tu skye bar 'gyur/ /dge slong dag mi rnams kyi lo nyis brgya gang yin pa de ni lha 'thab bral ba rnams kyi nyin zhag gcig yin la de nyid kyis brtsis pa'i nyin zhag sum cu la zla ba gcig /zla ba bcu gnyis la lo gcig ste/des na lha'i lo nyis stong ni 'thab bral gyi lha rnams kyi tshe'i tshad do/ /de mi rnams kyi tshe'i tshad kyi grangs su brtsis na lo bye ba phrag bcu bzhi dang / lo 'bum phrag bzhi bcur 'gyur te/ /dus ma yin par 'chi ba ni yod do/ /de nyid dmyal ba chen po bsdus 'joms kyi nyin zhag gcig yin la/des nyin zhag sum cu la zla ba gcig /zla ba bcu gnyis la lo gcig tu brtsis pa'i lo nyis stong ni dmyal ba chen po bsdus 'joms pa rnams kyi tshe'i tshad yin no/ /de mi rnams kyi tshe'i tshad kyi grangs su brtsis na lo bye ba phrag bcu gcig dang /lo 'bum phrag bye ba phrag gsum dang / lo stong phrag bye ba phrag drug cu rtsa brgyad de/ dus ma yin par 'chi ba ni yod do/ /de'i tshe bcom ldan 'das kyis tshigs su bcad pa 'di skad ces bka' stsal to/ /dge ba rnam gsum mi byed cing / /mi dge rnam pa gsum byed pa//dmyal ba'i las kyi rnam smin gyis/ /bsdus 'joms dag tu skye bar 'gyur/ /ra dang lug dang ma he dang / /khyim bya dang ni phag dag dang / /de bzhin srog chags gzhan gsod pa/ /bsdus 'joms dag tu skye bar 'gyur/ /dge slong dag mi rnams kyi lo bzhi brgya gang yin pa de ni dga' ldan gyi lha rnams kyi nyin zhag gcig yin la//de nyid kyis brtsis pa'i nyin zhag sum cu la zla ba gcig zla ba bcu gnyis la lo gcig /des na lha'i lo bzhi stong ni dga' ldan gyi lha rnams kyi tshe'i tshad yin no/ /de nyid mi rnams kyi tshe'i tshad kyi grangs su brtsis na lo bye ba phrag lnga bcu rtsa bdun dang /lo 'bum phrag drug cu ste/ dus ma yin par 'chi ba ni yod do/ /de nyid dmyal ba chen po ngu 'bod kyi zhag gcig yin la des nyin zhag sum cu la zla ba gcig /zla ba bcu gnyis la lo gcig tu brtsis pa'i lo bzhi stong ni sems can dmyal ba chen po ngu 'bod pa rnams kyi tshe'i tshad yin no//de mi rnams kyi tshe'i tshad du brtsis na lo bye ba phrag drug cu dang / lo 'bum phrag bye ba phrag sum cu rtsa gcig dang / lo stong phrag bye ba phrag bzhi bcu ste/ dus ma yin par 'chi ba ni yod do/ /de'i tshe bcom ldan 'das kyis tshigs su bcad pa 'di skad ces bka' stsal to//lag pa khrag dang bcas pa yis/ /srog dag gcod par byed pa dag /sdig pa'i las dag kun spyod pa/ /ngu 'bod dag tu skye bar 'gyur/ /chags dang bral bzhin ngu 'bod du/ /yun ring dag tu bsreg par 'gyur/ /sgyu dang tshul 'chos byed pa dag / 'jigs pa'i skad dag 'don par 'gyur/ /dge slong dag mi rnams kyi lo brgyad brgya gang yin pa de 'phrul dga'i lha rnams kyi nyin zhag gcig yin la/ des nyin zhag sum cu la zla ba gcig /zla ba bcu gnyis la lo gcig tu brtsis pa'i lha'i lo stong phrag brgyad ni 'phrul dga'i lha rnams kyi tshe'i tshad yin no//de mi rnams kyi tshe'i tshad du brtsis na lo bye ba brgya phrag sum cu dang / lo 'bum phrag bzhi bcu ste/ dus mi yin par 'chi ba ni yod do/ /de nyid sems can dmyal ba chen po ngu 'bod chen po rnams kyi nyin zhag gcig yin la/ nyin zhag sum cu la zla ba gcig /zla ba bcu gnyis la lo gcig tu brtsis pa'i stong phrag brgyad ni sems can dmyal ba chen po ngu 'bod chen po pa rnams kyi tshe'i tshad yin no/ /de nyid mi rnams kyi tshe'i tshad du brtsis na lo bye ba phrag drug cu rtsa drug dang / lo 'bum phrag bye ba phrag sum cu rtsa lnga dang / stong phrag bye ba phrag lnga bcu rtsa gnyis te/dus ma yin par 'chi ba ni yod do/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /lta ba'i thibs pos rab g.yogs shing / /sred pas kun nas btul ba dang / /sdig las kun du spyod pa dag /ngu 'bod chen por skye bar 'gyur//gnod pa sna tshogs byed pa dang / khyim dag 'bigs par byed pa dag /'bar zhing ba spu langs pa yi/ /ngu 'bod chen por sreg par 'gyur/ /mdza' bo 'byed par byed pa dag /ral gyi bya rgod khwa dag gis/ bskor te za zhing 'joms par 'gyur/ /dge slong dag gang mi rnams kyi lo stong drug brgya gang yin pa de ni gzhan 'phrul dbang byed pa rnams kyi nyin zhag gcig yin la/nyin zhag sum cu la zla ba gcig /zla ba bcu gnyis la lo gcig tu brtsis pa'i lha'i lo stong phrag bcu drug ni gzhan 'phrul dbang byed pa rnams kyi lha'i tshe tshad yin no/ / de mi rnams kyi tshe'i tshad du brtsis na lo bye ba phrag brgya nyi shu rtsa gcig dang / lo [(]'brum [,]'bum [)]phrag drug cu ste/ dus ma yin par 'chi ba ni yod do/ /de nyid dmyal ba chen po tsha ba'i nyin zhag gcig yin la/ des nyin zhag sum cu la zla ba gcig /zla ba bcu gnyis la lo gcig tu brtsis pa'i lo stong phrag bcu drug ni dmyal ba chen po tsha ba pa rnams kyi tshe'i tshad yin te/de mi rnams kyi tshe'i tshad du bgrangs na lo bye ba bye ba phrag lnga brgya dang / lo bye ba phrag sum cu dang / lo 'brum phrag bye ba phrag brgyad khri dang / stong phrag bye ba phrag drug cu ste/ dus ma yin par 'chi ba ni yod do/ / de nas bcom ldan 'das kyis de'i tshe tshigs su bcad pa 'di skad ces bka' stsal to/ /dge sbyong dang ni bram ze dang / /dam pa pha dang ma rnams la/ /rab tu gdung bar byed pa dag /rtag tu tsha bar skye bar 'gyur/ /skye bo mang po rnams la ni/ /yongs su gdung zhing gnod byed pa'i/ /dmyal ba yi ni las dag gis//tsha ba dag tu skye bar 'gyur/ /dge slong dag khyed sems can dmyal ba chu bur can rnams kyi tshe'i tshad nyan par 'dod dam/ de bzhin te bcom ldan 'das de'i dus la bab po/ /bde bar gshegs pa de'i dus la bab kyis/ bcom ldan 'das dge slong rnams la chu bur can du skyes pa'i sems can rnams kyi tshe'i tshad bstan du gsol/de thos nas dge slong rnams kyis 'dzin par 'gyur ro/ /dge slong dag des na legs par rab tu nyon la yid la zung shig dang bshad par bya'o/ /dge slong dag 'di ni yul ko sa la'i til khal nyi shus gang ba'i sbyang ba kha sdom cig yod par gyur la/de las skyes bu 'ga' zhig gis lo brgya zhing til 'bru re re bton na/ dge slong dag yul ko sa la'i til khal nyi shu'i til sbyang mthar yongs su zad cing gtugs par 'gyur ba ni ches myur gyi/ chu bur can du skyes pa'i sems can rnams kyi che'i mtha' ni ma yin no zhes nga smra'o//ji ltar chu bur can nyi shu gang yin pa de ni chu bur rdol ba ba gcig yin no/ /ji ltar chu bur rdol ba ba nyi shu gang yin pa ni so thams thams pa gcig yin no/ /ji ltar so thams thams pa nyi shu gang yin pa de ni a chu zer ba gcig yin no/ /ji ltar a chu zer ba nyi shu gang yin pa de ni kyi hud zer ba gcig yin no//ji ltar kyi hud zer ba nyi shu gang yin pa de ni ut+pal ltar gas pa gcig yin no/ /ji ltar ut+pal ltar gas pa nyi shu gang yin pa de ni pad+ma ltar gas pa gcig yin no/ /ji ltar pad+ma ltar gas pa nyi shu gang yin pa de ni pad+ma chen po ltar gas pa gcig yin no//gang gi phyir lha sbyin gyi phyogs pa dge slong ko ka li ka dge slong shA ri'i bu dang / maud gal gyi bu la sems rab tu sdang bas sems can dmyal ba chen po pad+ma chen po ltar gas par skyes so/ /dge slong dag de lta bas na khyed kyis ka ba tshig pa la yang gdug pa'i sems bskyed par mi bya na rnam par shes pa dang bcas pa la lta smos kyang ci dgos zhes de ltar bslab par bya'o//de nas bcom ldan 'das kyis de'i tshe tshigs su bcad pa 'di skad ces bka' stsal to/ /skyes bu'i skye ba thob pa dag /kha nas rtsub pa'i tshig smra zhing / /nyes par spyad pa smra byed cing //bdag nyid rab tu 'joms par byed/ /gang zhig smad bya bstod byed cing / /bstod bya smod par byed pa dang / /kha nas 'thab cing rtsod pa dag /bde ba myong bar mi 'gyur te/ /skad cig tsam gyi dus kyis kyang / /rang gi nor dag 'phrog par byed/ /gang gi dus ni mang po ru/ /bde gshegs yid rab sdang byed pa//chu bur rdol du stong phrag brgya/ /chu bur can du sum cu drug /gang zhig 'phags pa smod byed cing / lus ngag yid kyi sdig pa can/ /sdig sems mi bden smra ba dag /bdag gis rab tu bsags nas ni/ /kha na ma tho med stobs las/ /de dag zad cing spong byed 'gyur//dge slong dag sems can dmyal ba chen po rab tu tsha ba pa rnams kyi tshe'i tshad ni bskal pa phyed yin te/ dus ma yin par 'chi ba ni yod do/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /mi dge spangs pa 'dod pa yi/ /'bras bu mtho ris skye bar 'gyur//mi 'dod pa yi las byed pa/ /rab tu tsha bar skye bar 'gyur/ /dge sbyong dag dang bram ze dang / /pha dang ma la gnod pa dang / /de bzhin bla ma gnod byed pa/ /rab tu tsha bar skye bar 'gyur/ /dge slong dag sems can dmyal ba chen po mnar med pa rnams kyi tshe'i tshad ni bskal pa gcig yin te/dus ma yin par 'chi ba ni yod do/ /gang gi phyir skyes bu rmongs pa lha sbyin gyis de bzhin gshegs pa'i sku la ngan sems kyis [(]khrug [,]khrag [)]phyung ba dang / dge slong ma dgra bcom ma bsad pas rang gi lus de nyid kyis sems can dmyal ba chen po mnar med par skyes so//de nas bcom ldan 'das kyis de'i tshe tshigs su bcad pa 'di skad ces bka' stsal to/ /gang zhig 'phags pa'i bstan pa dang / /chos kyis 'tsho ba'i 'phags pa la/ /rab tu khro bar byed pa dang / /sdig can log lta ston byed pa/ /'bras bu mgul pa gcod pa dang / /'bras bu rang la gnod par 'gyur//'dod pa dag las ma grol na/ /sdig pa dag las grol mi 'gyur/ /dge ba dag las grol ba dag /sdig can gdung las grol mi 'gyur/ /de dang de dag ma grol na/ /pha rol dag tu 'ching bar 'gyur/ /'phags pa 'ching bar mi 'gyur te/ sdig bcas byis pa 'ching bar 'gyur//rab tu 'tshe ba'i las byas pas/ /dmyal ba dag tu 'gro 'gyur te/ /dmyal ba'i las dag byas pa yis/ /mnar med dag tu skye bar 'gyur/ /dge slong dag tshangs ris pa rnams kyi lha'i tshe tshad ni bskal pa phyed yin te/ dus ma yin par 'chi ba ni yod do/ /dge slong dag tshangs pa'i mdun na 'don gyi lha rnams kyi tshe'i tshad ni bskal pa gcig yin to/dus ma yin par 'chi ba ni yod do/ /dge slong dag tshangs pa chen po'i lha rnams kyi tshe'i tshad ni bskal pa phyed dang gnyis te/ dus ma yin par 'chi ba ni yod do/ /dge slong dag 'od chung gi lha rnams kyi tshe'i tshad ni bskal pa gnyis te/dus ma yin par 'chi ba ni yod do/ /dge slong dag tshad med 'od kyi lha rnams kyi tshe'i tshad ni bskal pa bzhi ste/ dus ma yin par 'chi ba ni yod do/ /dge slong dag 'od gsal gyi lha rnams kyi tshe'i tshad ni bskal pa brgyad de/ dus ma yin par 'chi ba ni yod do/ / dge slong dag dge chung gi lha rnams kyi che'i tshad ni bskal pa bcu drug ste/ dus ma yin par 'chi ba ni yod do/ /dge slong dag tshad med che ba'i lha rnams kyi tshe'i tshad ni bskal pa sum cu rtsa gnyis te/ dus ma yin par 'chi ba ni yod do/ /dge slong dag dge rgyas pa'i lha rnams kyi tshe'i tshad ni bskal pa drug cu rtsa bzhi ste/dus ma yin par 'chi ba ni yod do/ dge slong dag sprin med kyi lha rnams kyi tshe'i tshad ni bskal pa brgya nyi shu rtsa lnga lhag pa ste/ dus ma yin par 'chi ba ni yod do/ /dge slong dag bsod nams skyes kyi lha rnams kyi tshe'i tshad ni bskal pa phyed dang sum brgya ste/ dus ma yin par 'chi ba ni yod do/ /dge slong dag 'bras bu che ba'i lha rnams kyi tshe'i tshad ni bskal pa lnga brgya ste/ dus ma yin par 'chi ba ni yod do/ /dge slong dag mi che ba'i lha rnams kyi tshe'i tshad ni bskal pa stong phrag gcig ste/ dus ma yin par 'chi ba ni yod do/ /dge slong dag mi gdung ba'i lha rnams kyi tshe'i tshad ni bskal pa stong phrag gnyis te/dus ma yin par 'chi ba ni yod do/ /dge slong dag shin tu mthong ba'i lha rnams kyi tshe'i tshad ni bskal pa stong phrag bzhi ste/ dus ma yin par 'chi ba ni yod do/ /dge slong dag gya nom snang gi lha rnams kyi tshe'i tshad ni bskal pa stong phrag brgyad de/dus ma yin par 'chi ba ni yod do/ /dge slong dag 'og min gyi lha rnams kyi tshe'i tshad ni bskal pa stong phrag bcu drug ste/ dus ma yin par 'chi ba ni yod do/ /dge slong dag nam mkha' mtha' yas skye mched kyi lha rnams kyi tshe'i tshad ni bskal pa nyi khri ste//dus ma yin par 'chi ba ni yod do/ /dge slong dag rnam shes mtha' yas skye mched kyi lha rnams kyi tshe'i tshad ni bskal pa bzhi khri ste/ dus ma yin par 'chi ba ni yod do/ /dge slong dag ci yang med pa'i skye mched kyi lha rnams kyi tshe'i tshad ni bskal pa drug khri ste/ dus ma yin par 'chi ba ni yod do//dge slong dag 'du shes med 'du shes med min skye mched kyi lha rnams kyi tshe'i tshad ni bskal pa brgyad khri ste/ dus ma yin par 'chi ba ni yod do/ /dge slong dag mnar med pa'i sems can dmyal ba nas/ 'du shes med 'du shes med min skye mched kyi bar gyi srid pa'i mtha' ni 'di tsam ste/srid par skye ba ni 'di tsam ste/ 'di tsam gyis na 'gro ba lngar 'khor ba'i sems can rnams kyi 'gro ba dang / 'ongs pa dang / gnas pa dang / 'chi 'pho dang skye ba zhes gdags so/ /dge slong dag srid pa dang srid par skye ba la mngon par dga' bar mi bya'o/ /cung zad tsam dang skad cig tsam du yang srid pa mngon par 'grub pa'i bsngags pa nga mi smra ste/de ci'i phyir zhe na/ dge slong dag srid pa mngon par 'grub pa ni sdug bsngal ba ste/ 'di lta ste/ mi gtsang ba ni chung yang dri mi zhim par gsal ba ste/ dge slong dag de bzhin du cung zad tsam mam skad cig tsam du srid pa mngon par 'grub pa'i bsngags pa nga mi smra ste/de ci'i phyir zhe na/ dge slong dag srid pa mngon par 'grub pa ni sdug bsngal ba'i phyir ro/ /byis pa so so'i skye bo thos pa dang mi ldan pa rnams ni 'gro ba lnga'i 'khor bar rgyug ste/ mngon par rgyug cing rab tu rgyug la mi 'grol lo/ /yang dang yang du dmyal ba dang / /yang dang yang du dud 'gro dang / / yang dang yang du yi dags dang / /yang dang yang du ngan song ngan 'gror lhung ngo / /dge slong dag de lta bas na de'i phyir khyed kyis 'di ltar bslab par bya ste/ srid pa dang srid pa mngon par 'grub pa bcad pa de ltar dge slong dag khyed kyis bslab par bya'o/ /bcom ldan 'das dgyes shing de skad ces bka' stsal pa dang /dge slong dag de ltar bcom ldan 'das kyis gsungs pa la mngon par dga' zhing rjes su yi rang ngo // //dge slong dag klu chen po brgyad po 'di dag ni zhes bya ba la gleng gzhi ni mnyan du yod pa na'o/ /dge slong dag klu chen po brgyad po 'di dag ni bskal par gnas shing sa 'dzin pa/ bya'i rgyal po nam mkha' lding gis mi rdzi ba/ lha dang lha ma yin gyi g.yul nyams su myong bar byed/ so sor nyams su myong bar byed pa ste/ de dag gang zhe na/ klu'i rgyal po dga' bo dang / klu'i rgyal po nye dga' bo la sogs pa ste/ 'di dag ni mthu dang 'phrul rab tu che ba ste/ rgya mtsho la brten pa lha ma yin dang 'thab pa lha'i dbang po brgya byin gyi dpung byed pa ste/stobs che ba/ dug che ba/ gzi brjid che ba/ brang gis 'gro ba/ 'thab mo'i tshul sna tshogs pa'o zhes bka' stsal to/ /til sbyang nang nas lo brgya zhing / /til gcig phyung bas zad gyur pa/ /zhes bya ba la sogs pa la/ go rims las bzlog par le'u gnyis pa'i de ma thag pa'i mdo las te/dbyangs dang tshoms dang lha yi sgo/ /bram ze ko ka glog dang rgyal/ /yangs pa can reg nyon mongs dang / /ko ka li ka srid mi rtag /ces 'byung ba'i ko ka li ka'i sdom gyi tshigs su bcad pa'i mdo las blta bar bya'o/ /nyi ma bdun 'jig rten du 'byung bar 'gyur te zhes bya ba ni lung bar ma'i bdun pa las 'di skad du 'don te/mdzod kyi gnas 'di nyid du sems can gzugs can lus tha dad cing 'du shes tha dad pa dag kyang yod de zhes bya ba der mdo ji lta ba bzhin du ji ltar 'du shes tha dad par shes par byed pa bris zin to/ / 'jig rten gdags pa las kyang tshigs su bcad pa 'di ltar 'byung ste/ dus mthar 'tsho ba'i 'jig rten 'dir/ /sprin las chu dag mi 'byung ste/ /rtswa dang gel pa gso shing tshogs/ /nyi ma gcig gis sreg par 'gyur/ /de bzhin chu klung chung ngam grog /nyi ma gnyis pas nyams shing skams/ / chu klung ngam grog chen po dag /gsum pa'i 'bar bas sreg par 'gyur/ /yid 'ong ma dros zhes bya'i mtsho/ /mi ma yin ldan rgya che ba/ /gtsang ba'i chu yis rab gang ba/ /nyi ma bzhi pas skams par 'gyur/ /'byung po phal chen tshogs kyi gnas/ /rin chen 'byung gnas 'jigs sgra can//nyi ma bcu phyed pas gdungs shing / /ma lus yongs su skams par 'gyur/ /sa dang rin chen bzhi rang bzhin/ /ri rab drug pas gdungs pa las/ /shin tu du ba 'thul bar 'gyur/ /bdun pa'i 'od zer 'bar ba yis/ /nyi ma bdun pas sreg par 'gyur/ /sa 'dzin pa dang sa rnams ni//rab tu 'bar bas sreg par 'gyur/ /de nas me 'od rno zhing mtho/ /res 'ga' de yi 'od dag gis/ /dmyal ba dang ni yi dags su/ /zhugs te rtag tu gdung zhing sreg /gcod med shin tu 'od zer rno/ /gzi brjid chen po dang ldan pa/ /rtag tu gdungs pas nyams byed pa'i//rkun ma'i dpon po bdun zhes grags/ /'dod chags gzhal yas khang rnams dang / /'dod pa'i rnam pa kun ldan pa'i/ /lha ma yin gyi gnas rnams dang / /shin tu yid 'ong 'dod lha'i tshogs/ /tshangs dang bcas pa'ang sreg par 'gyur/ /ri rab dang ni sa chen dang //lha rnams zad cing 'gyur shes nas/ /blo ldan dam pa 'phags rnams blo/ /thar pa'i gnas la rtag 'jug gis/ /mdo las ni gtso bo smos zhes bya ba la/ rgyal po dang yang dag par ldan pa'i mdo gnyis pa las 'di ltar 'don te/ dge slong dag 'khor los sgyur ba'i rgyal po 'jig rten du 'byung bar 'gyur te/ji lta bu'i rang bzhin can gyi 'khor lo rin po che 'jig rten du 'byung bar 'gyur zhe na/ dge slong dag 'di na rgyal po rgyal rigs spyi bo nas dbang bskur ba de tshes bco lnga'i nyin par mgo bo khrus byas shing gso sbyong la gnas te/ khang thog tu song ste blon po'i tshogs kyis yongs su bskor cing 'dug pa na/shar phyogs nas 'khor lo rin po che rtsibs stong dang ldan pa lte ba dang mu khyud dang bcas pa rnam pa thams cad yongs su rdzogs pa/ mdzes pa/ bzo bos ma byas pa/ lha rdzas thams cad pa/ gser gyi rang bzhin 'byung bar 'gyur te/ rgyal po rgyal rigs spyi bo nas dbang bskur ba tshes bco lnga'i nyin par mgo bo khrus byas te/gso sbyong la gnas shing khang thog tu song ste blon po'i tshogs kyis yongs su bskor cing 'dug pa na/ shar phyogs nas 'khor lo rtsibs stong dang ldan pa lte ba mu khyud dang bcas pa rnam pa thams cad rdzogs pa/ mdzes pa bzo bos ma byas pa/ lha rdzas thams cad pa/ gser gyi rang bzhin du 'byung bar 'gyur ro zhes thos nas de nas 'khor los sgyur ba'i rgyal po 'di snyam du ci bdag 'khor los sgyur ba'i rgyal po yin nam zhes/ des 'khor los sgyur ba'i rgyal po brtag par 'dod nas stan las langs te bla gos phrag pa gcig tu byas te/pus mo g.yas pa'i lha nga sa la btsugs te/ lag pa gnyis kyis 'khor lo rin po che legs par blangs te lag pa g.yon par bzhag ste lag pa g.yas pas 'khor lo de sgyur zhing 'di skad smras te/ 'khor lo rin po che bzang po 'dis sngon gyi 'khor los sgyur ba'i lam las rgyal zhing rnam par rgyal bar byed par gyur cig ces smra'o//de nas 'khor lo rin po che dang 'khor los sgyur ba'i rgyal po shar phyogs su steng gi nam mkha' la 'khor lo rin po ches mdun du lam drangs te mngon par 'phags te 'gro bar 'gyur ro/ /'khor los sgyur ba'i rgyal po 'khor lo rin po che dang lhan cig dpung gi tshogs yan lag bzhi dang 'gro ba na 'khor lo rin po che gang du gnas pa der 'khor los sgyur ba'i rgyal po dpung gi tshogs yan lag bzhi dang bcas pa gnas par byed do// //khams mang po pa'i mdo las ji skad bshad pa lta bu ste/gang snga phyi med par de bzhin gshegs pa dgra bcom pa yang dag par rdzogs pa'i sangs rgyas gnyis 'jig rten gyi khams gcig tu 'byung ba 'di gnas ma yin zhing go skabs med do/ /gcig ni gnas yin zhing go skabs yod do/ /gang snga phyi med par gling gcig tu 'khor los sgyur ba'i rgyal po gnyis 'byung ba 'di ni gnas ma yin zhing go skabs med do//gcig ni gnas yin zhing go skabs yod do zhes 'byung ba mdo las ji skad du zhes bya ba la sogs pa ni lung ring po'i bdun pa'i mdo las 'don pa lta bu ste/ mdzod kyi gnas dang por phyag 'tshal ba'i tshigs su bcad pa 'di ltar de dag las sangs rgyas kyi chos dang zhes bya ba der bris par blta bar bya'o//bcom ldan 'das kyis tshangs pa'i dra ba'i mdo las zhes bya ba la/ ting nge 'dzin dang yang dag par ldan pa'i mdo drug pa las/ de nas tshangs pas bcom ldan 'das la 'di skad ces gsol to/ / grogs po dge sbyong ngam bram ze tshe ring zhing yun ring du gnas pa gang de dag gis nang du yang dag 'jog kyang khyed cag gi tshe dang mnyam pa dag byung ste/ dge sbyong ngam bram ze de dag ni nges par 'byung ba la nges par 'byung ba'i blo can/ nges par 'byung ba ma yin pa la yang nges par 'byung ba ma yin pa'i blo can te/de de tsam du nges par 'byung ba shes shing mthong ba'i gnas med do/ /yang grogs po khyed ni nges par 'byung ba la nges par 'byung ba ma yin pa'i 'du shes can/ nges par 'byung ba ma yin pa la nges par 'byung ba'i 'du shes can te/ khyod ni nges par 'byung ba shes pa'am mthong ba'i gnas med do//yang grogs po khyed ni sa la mngon par dga' ba/ sa la bsngags pa/ nga'i nye bar gnas pa/ dngos po la nye bar gnas pa/ nga'i ji ltar 'dod pa bzhin byed pa/ sa dang chu dang me dang rlung dang sa gzhi dang lha dang skye dgu'i bdag po dang tshangs pa la mngon par dga' ba tshangs pas bsngags pa/nye bar gnas pa/ dngos po la nye bar gnas pa/ ji ltar 'dod pa bzhin bya ba'o/ /tshangs pa de bzhin no/ /dngos po bdun po de dag gang yang rung ba zhig bdag gi grangs su 'gro ba'am/ der gyur pa'am/ de dang 'dra bar gyur pa'am/ de lta bur gyur tam/ tshangs pa ngas ni brgyad po de dag dang khyod 'khor dang bcas pa yongs su shes so/ /khyod 'di lta bu rdzu 'phrul dang ldan pa'o zhes rig go/ /ji ltar grogs po khyod kyis brgyad po de dag dang bdag 'khor dang bcas pa yongs su shes sam/ de nas bcom ldan 'das kyis de'i tshe tshigs su bcad pa 'di skad ces bka' stsal to//ji srid nyi ma mun 'phrog cing / /phyogs rab snang bar byed kyi bar/ /de srid stong gi 'jig rten du/ /'di ltar dbang sgyur rab tu byed/ /mchog dang mchog min rab tu shes/ /'dod chags bral dang bral min min/ /'di lta'i dngos po'am dngos po gzhan//tshangs pa khyod kyis nyams su myong / /de nas bcom ldan 'das kyis de'i tshe bdag nyid kyi dbang du byas te tshigs su bcad pa 'di skad ces bka' stsal to/ /ji srid nyi ma mun 'phrog cing / /phyogs rab snang bar byed kyi bar/ /de srid stong gi 'jig rten la/ / bdag ni dbang rab sgyur byed la/ /mchog dang mchog min rab mkhyen cing / /'dod chags bral dang bral min mkhyen/ /'di lta'i dngos po'am dngos po gzhan/ /tshangs pa nga yis nyams su myong / /mdo las ji skad du zhes bya ba la sogs pa la rgyas pa dang yang dag par ldan pa'i mdo dang po dang gnyis pa'i mdo dang po las te/gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag 'khor los sgyur ba'i rgyal po 'jig rten du byung na rin po che sna bdun 'jig rten du 'byung bar 'gyur ro/ /bdun gang zhe na/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / khyim bdag rin po che dang / bud med rin po che dang / dmag dpon rin po che ni bdun pa ste/ dge slong dag 'khor los sgyur ba'i rgyal po 'jig rten du byung ba na rin po che bdun po de dag 'jig rten du 'byung bar 'gyur ro//dge slong dag de bzhin du de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du rab tu byung na byang chub kyi yan lag bdun 'jig rten du rab tu 'byung bar 'gyur te/ byang chub kyi yan lag bdun gang zhe na/ 'di lta ste/ dran pa yang dag byang chub kyi yan lag dang /chos rab tu rnam par 'byed pa dang / brtson 'grus dang / dga' ba dang / shin tu sbyangs pa dang / btang snyoms dang / ting nge 'dzin yang dag byang chub kyi yan lag ni bdun pa ste/ de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du byung ba na byang chub kyi yan lag bdun po de dag 'jig rten du rab tu 'byung bar 'gyur ro zhes bka' stsal to//gzhan yang skyes bu chen po'i mtshan sum cu rtsa gnyis dang ldan te/ 'di lta ste/ sangs rgyas bzhin no zhes bya ba la/ rgyal po dang yang dag par ldan pa'i mdo gsum pa dang bzhi pa las 'byung ba mdzod kyi gnas 'di nyid kyi srid pa bar ma'i rnam par bshad pa mtshan dang dpe byad dang bcas pa zhes bya bar bris zin to// //sngar byung sems can gzugs can bzhin/ /zhes bya ba la/ bcom ldan 'das mnyan yod na ri dgas dgra'i ma'i kun dga' ra ba na rab tu byung nas ring po ma lon pa'i gnas 'jog dang ba ra dwa dza gnyis dang thabs cig tu bzhugs so//de nas bcom ldan 'das dgongs ka nang du yang dag 'jog las langs te/ bsil khang nas babs te bsil khang gi grib ma zhig la 'chag cing bzhugs so//de nas tshe dang ldan pa gnas 'jog gis bcom ldan 'das dgongs ka bsil khang nas babs te/ bsil khang gi grib ma la gcig pu 'chag cing bzhugs pa mthong ngo / /mthong nas tshe dang ldan pa ba ra dwa dza la 'di skad ces smras te/ tshe dang ldan pa bcom ldan 'das dgongs kyi dus na bsil khang nas babs te bsil khang gi grib ma la gcig pu 'chag cing bzhugs pa shes sam/bdag cag bcom ldan 'das 'chag cing gang na bzhugs pa der bcom ldan 'das las cung zad cig chos zab mo rab tu snang ba nyan pa'i rnyed pa thob par bya'o/ /de nas tshe dang ldan pa gnas 'jog dang tshe dang ldan pa ba ra dwa dza gnyis bcom ldan 'das gang na ba der nye bar song ste/nye bar song nas bcom ldan 'das kyi zhabs la spyi bos phyag byas te/ bcom ldan 'das dang lhan cig 'chag cing 'dug go/ /de nas bcom ldan 'das kyis tshe dang ldan pa bse s+tha la bos te/khyed cag bram ze gnas 'jog dang ba ra dwa dza gnyis bram ze'i rigs las rab tu byung ste/ skra dang kha spu bregs te gos ngur smrig bgos te yang dag pa'i dad pa kho nas khyim nas khyim med par rab tu byung ngam/ bram ze kha cig 'di ltar yid du mi 'ong ba mi dga' ba 'ba' zhig yongs su rdzogs pas rnam par smad pas rnam par smod par byed dam/btsun pa de bzhin te/ bram ze dag yid du mi 'ong zhing mi dga' ba 'ba' zhig yongs su rdzogs pas rnam par smod pas rnam par smod par byed do/ /ji ltar khyed cag bram ze gzhon nu gnas 'jog dang ba ra dwa dza gnyis la yid du mi 'ong zhing mi dga' ba 'ba' zhig yongs su rdzogs pas rnam par smod pas rnam par smod par byed/btsun pa bram ze rnams bdag cag la 'di skad du smra ste/ bram ze rnams kyi rigs ni mchog ste/ rigs gzhan ni dman pa'o/ /bram ze rnams ni rigs dkar ba ste/ rigs gzhan ni gnag pa'o//bram ze rnams ni tshangs pa'i bu ste/ lto ba las skyes pa/ kha las skyes pa/ tshangs pa las skyes pa/ tshangs pas sprul pa tshangs pas byin pa las khyed cag rigs mchog btang nas rigs dman pa dag len par byed dam/ dkar po'i rigs gtang ste/ nag po'i rigs len par byed dam/gang gi phyir da ltar khyed cag dge sbyong mgo reg sdig pa'i grogs po skye dgu'i bdag po ma [(]yan [,]yin [)]pa rab tu byung ba'i rjes su rab tu byung ba ni ma legs shing ma rung ste/ shes rab cher nyams so zhes btsun pa 'di lta bu'i ngo bo yid du mi 'ong zhing mi dga' ba 'ba' zhig yongs su rdzogs pas rnam par smod pas rnam par smod par byed do//gnas 'jog bram ze rnams kyis gang smras pa de ni mi bden pa so sor ma brtags par smra ba ste/ ji ltar byis pa rmongs pa rnams 'di skad du smra ste/ bram ze rnams ni rigs mchog ste/ /gzhan ni rigs dman pa'o/ / bram ze rnams kyi rigs dkar ba ste/ gzhan ni rigs gnag pa'o/ /bram ze rnams ni dag par byed pa/ bram ze rnams tshangs pa'i bu ste kha las skyes pa lto las skyes pa tshangs pa las skyes pa tshangs pas byin pa'o zhes smra ste/ de ci'i phyir zhe na/ gnas 'jog 'di ltar bram ze rnams bag ma len pa dang /bag ma gtong ba dang / sbrum pa dang / btsa' ba dang / 'o ma bsnun pa dang bram ze las skyes pa mthong zhing 'di ltar mngal nas skyes par mthong bzhin du brdzun du smra ba ste/ mi bden pa brjod bya ma yin pa brdzun du smra ba 'di skad du bram ze rnams kyi rigs ni mchog ste/ rigs gzhan ni dman pa'o/ /bram ze rnams kyi rigs ni dkar ba ste/ rigs gzhan ni nag pa'o/ /bram ze rnams tshangs pas byin pa zhes smra'o/ /gnas 'jog 'di ji snyam du sems/ rje'u rigs dang dmangs rigs dag lus kyis nyes par spyod pa dang / ngag gis nyes par spyod pa dang / yid kyis nyes par spyod par byed la 'on te bram ze rnams ma yin nam/ btsun pa bram ze dang dmangs rigs dang rje'u rigs dag kyang lus kyis nyes par spyod pa dang / ngag gis nyes par spyod pa dang / yid kyis nyes par spyod pa dag spyod par bgyid do/ /gnas 'jog ji snyam du sems/ bram ze rnams lus kyis legs par spyad pa dang /ngag gis legs par spyad pa dang / yid kyis legs par spyad pa spyod cing 'on te rje'u rigs dang / dmangs rigs dag ma yin nam/ btsun pa bram ze rnams lus kyis legs par spyad pa spyod cing dag gis legs par spyad pa dang yid kyis legs par spyad pa spyod la rje'u rigs dang dmangs rigs rnams kyang ngo //gnas 'jog 'di ji snyam du sems/ rje'u rigs dang dmangs rigs dag lus kyis nyes par spyad pa spyod cing ngag gis nyes par spyad pa dang yid kyis nyes par spyad pa spyad nas de'i rgyu dang de'i rkyen gyis lus zhig ste shi ba'i rkyen gyis ngan song ngan 'gro sems can dmyal ba rnams su skye bar 'gyur zhing bram ze rnams ma yin nam/'on te bram ze dang rgyal rigs dang rje'u rigs kyang yin/ btsun pa bram ze dang rje'u rigs dang dmangs rigs dag kyang lus kyis nyes par spyad pa spyad/ ngag gis nyes par spyad pa dang /yid kyis nyes par spyad pa spyad nas lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /gnas 'jog de ji snyam du sems bram ze rnams lus kyis legs par spyad pa spyad cing ngag dang yid kyis legs par spyad pa spyad nas de'i rgyu dang de'i rkyen gyis lus zhig ste shi ba'i 'og tu bde 'gro mtho ris kyi 'jig rten du skye bar 'gyur zhing rje'u rigs dang dmangs rigs dag ma yin nam/'on te rje'u rigs dang dmangs rigs kyang yin/ btsun pa bram ze dang rje'u rigs dang dmangs rigs rnams kyang lus kyis legs par spyad pa spyad cing /ngag dang yid kyis legs par spyad pa spyad nas de de'i rgyu dang de'i rkyen gyis lus zhig ste shi ba'i 'og tu bde 'gro mtho ris kyi 'jig rten du skye bar 'gyur ro/ /gnas 'jog de ji snyam du [(]sams[,]sems[)]/ rje'u rigs dang dmangs rigs dag brnab sems dang / gnod sems dang / rmugs pa dang / gnyid dang / rgod pa dang 'gyod pa dang / the tshom rnams dang ldan zhing bram ze rnams ma yin nam/ 'on te bram ze rnams kyang yin/ btsun pa bram ze dang rje'u rigs dang dmangs rigs rnams kyang brnab sems dang / gnod sems dang / rmugs pa dang /gnyid dang / rgod pa dang 'gyod pa dang / the tshom rnams dang ldan no/ /gnas 'jog de ji snyam du sems bram ze rnams la brnab sems med cing gnod sems dang / rmugs pa dang gnyid dang / rgod pa dang / 'gyod pa dang / the tshom rnams med cing rje'u rigs dang dmangs rigs dag ma yin nam/'on te rje'u rigs dang dmangs rigs rnams kyang yin/ btsun pa bram ze dang rje'u rigs dang dmangs rigs rnams kyang brnab sems med pa dang / gnod sems dang / rmugs pa dang / gnyid dang / rgod pa dang / 'gyod pa dang / the tshom med pa dang ldan no/ / bse s+tha de ji snyam du sems/ dmangs rigs rnams lus kyis gnyis byed cing ngag dang yid kyis gnyis byed la bde ba dang sdug bsngal nyams su myong zhing bram ze rnams ma yin nam/ 'on te bram ze rnams kyang yin/ btsun pa bram ze dang rje'u rigs dang dmangs rigs rnams kyang lus kyis gnyis byed cing ngag dang yid kyis gnyis byed la bde ba dang sdug bsngal nyams su myong ngo //gnas 'jog 'di lta bu'i rang bzhin sdig pa mi dge ba'i chos rnam pa du ma bstan pa de dag dang / rje'u rigs dang dmangs rigs dag dang ldan zhing bram ze rnams ma yin pa dang / gang ngas dge ba'i chos rnam pa mang po yongs su bshad pa de dag las cha tsam dang bram ze rnams ldan zhing rje'u rigs dang dmangs rigs dag ma yin na/bram ze rnams kyi rigs ni mchog ste gzhan ni dman pa'o/ /bram ze rnams kyi rigs ni dkar ba ste gzhan ni rigs nag po'o/ /bram ze rnams ni dag par byed pa tshangs pa'i bu ste kha las skyes pa skye ba las skyes pa tshangs pas byin pa'o zhes brjod pa legs par 'gyur na/gnas 'jog gang bram ze rnams ni tshangs pa'i bu ste kha las skyes pa snying las skyes pa tshangs pa las skyes pa tshangs pas sprul pa tshangs pas byin pa'o zhes yang dag par smra bas smra ba de ni nga la yang dag par smra ba ste/de ci'i phyir zhe na/ de ni de bzhin gshegs pa dgra bcom pa yang dag par rdzogs pa'i sangs rgyas kyi tshig bla dgas te/ 'di ltar tshangs pa zhi zhing bsil bar gyur pa zhes bya ba la sogs pa'o/ /gnas 'jog ji snyam du sems/ de la bram ze rnams bag ma len pa dang gtong bar gdags pa dang /chu dang sngags dang bsam gtan dag bya bar 'os pa yin nam/ btsun pa bram ze rnams bag ma len pa dang gtong ba dang chu dang / sngags dang bsam gtan dag bya bar 'os pa yin no/ /gnas 'jog gang las bag ma len pa dang gtong bar gdags pa shes shing rigs su smra ba dang rus su smra ba dang lang tshor smra ba yang shes sam/gnas 'jog sems can gang ris su smra bas bcings pa dang / rtsod par smra bas bcings pa dag bla na med pa'i rig pa dang rkang par ldan pa mngon du byas pa dang mngon du byed par mi rigs so/ /gnas 'jog rigs su smra ba dang lang tshor smra ba btang ste/bla na med pa'i rig pa dang rkang par ldan pa mngon du byas shing mngon du byed par 'gyur ro/ /gnas 'jog 'di ji snyam du sems/ rgyal po gsal rgyal la ko sa la ba rnams kyis mngon par dga' bar byas shing bsnyen bkur dang phyag bya zhing thal mo sbyar bar byed dam/btsun pa de de bzhin te/ rgyal po gsal rgyal sde rab tu pham byed la ko sa la pa rnams kyis mngon par dga' bar bya zhing bsnyen bkur ba dang thal mo sbyar zhing phyag 'tshal bar byed do/ /bse s+tha 'di ji snyam du sems/ ko sa la'i rgyal po gsal rgyal de bzhin gshegs pa la mngon par dga' ba dang bsnyen bkur ba dang thal mo sbyar zhing phyag 'tshal bar byed dam/btsun pa de de bzhin te/ ko sa la'i rgyal po gsal rgyal bcom ldan 'das la gus zhing rab tu gus par byed do/ /gnas 'jog ko sa la'i rgyal po gsal rgyal de bzhin gshegs pa la gus pa gus par 'jug pa ma yin gyi/'di ltar dge sbyong gau ta ma ni rigs mthon po bdag ni rigs dma' ba/ dge sbyong gau ta ma ni grags pa che ba bdag ni grags pa chung ba/ dge sbyong gau ta ma ni nus pa che ba/ bdag ni nus pa chung ba/ dge sbyong gau ta ma ni longs spyod che ba/ bdag ni longs spyod chung ba zhes ma yin gyi/'on kyang chos nyid de la de bzhin gshegs pa la ko sa la'i rgyal po sde rab tu pham byed bsnyen bkur zhing bla mar byed mchod par byed de gus pa las kyang gus par 'jug go/ /gnas 'jog dkyil 'khor gsum po 'di dag ni 'dres shing rab tu 'dres pa ste/gal te dge ba dang mi dge ba'i chos sems can thams cad mngon pa'i nga rgyal med pa 'di lta ste mi nyid do/ /gsum gang zhe na/ rgyal rigs kyi dkyil 'khor dang / bram ze'i dkyil 'khor dang / rje'u rigs kyi dkyil 'khor te/ gnas 'jog rgyal rigs kyi dkyil 'khor gyi thog mar byung ba gang zhe na/gnas 'jog gang 'jig rten 'di 'jig par 'gyur ba'i dus yod de/ 'jig rten 'di 'jig par gyur pa na sems can phal cher 'od gsal gyi lha'i ris rnams su skye bar 'gyur te/ de na de dag gzugs can yid las byung ba/ dbang po ma nyams shing tshang ba/yan lag dang nying lag thams cad rdzogs pa/ mdzes shing kha dog dang ldan pa/ rang gi 'od can/ nam mkha' la 'gro ba/ dga' ba za zhing dga'i ba'i zas can/ tshe ring zhing yun ring du gnas pa dag ste/ de'i dus na sa chen po 'di chus gang zhing rgya mtsho dang cha'i rang bzhin gcig tu 'gyur ro//sa chen po 'di rgya mtsho gcig tu gyur pa'i steng du rlung gis mkhrang zhing spris ma lta bur gyur te/ 'di lta ste 'o ma skol ba bsil mor gyur pa na steng du rlung gis spris ma mkhrang por gyur pa lta bu ste/ de bzhin du sa chen po rgya mtsho dang chu'i rang bzhin du gyur pa'i steng du rlung gis mkhrang zhing spris ma lta bur gyur te/de nas sa chen po 'di kha dog phun sum tshogs pa dri dang ro phun sum tshogs pa/ 'di lta bu'i kha dog dang gzugs dang ldan pa ste/ 'di lta ste/ sbrang ma'i sbrang rtsi ma bskol ba lta bu'o/ /gnas 'jog 'jig rten 'di chags pa na 'jig rten 'dir 'od gsal gyi lha'i ris nas sems can tshe zad las zad bsod nams zad pa kha cig gnas de nas shi 'phos te mi rnams dang skal ba mnyam pa nyid du 'ong bar 'gyur ro//gzugs can yid las byung ba dbang po tshang zhing ma nyams pa yan lag dang nying lag thams cad dang ldan pa/ mdzes shing kha dog dang ldan pa rang gi 'od can nam mkha' la 'gro ba/ dga' ba za zhing dga' ba'i zas dang ldan pa/ tshe ring zhing yun ring du gnas pa dag go/ /de'i dus na nyi ma dang zla ba 'jig rten du rab tu ma byung ste/ rgyu skar dang / skad cig dang / thang cig dang / yud tsam dang / nyin zhag dang /zla ba phyed dang / zla ba dang / lo dag 'jig rten du ma byung zhing skyes pa dang bud med du gdags pa yang med de/ gzhan du na sems can zhes bya ba'i grangs su 'gro'o/ /de na sems can brkam pa'i rang bzhin can gang yang rung ba zhig gis sor mo'i rtse mos de'i ro myangs so/ji lta ji ltar ro myangs pa de lta de ltar 'dod par gyur to/ /ji lta ji ltar 'dod pa de lta de ltar rim gyis kham gyi zas yongs su spyod par gyur to/ /sems can de sor mo'i rtse mos sa'i ro myong bar byed cing / ji lta ji ltar myang ba de lta de ltar 'dod par gyur cing ji lta ji ltar 'dod pa de lta de ltar rim gyis kham gyi zas yongs su spyod par byed pa sems can gzhan de rnams kyis mthong ste/mthong nas sa'i ro la sor mo'i rtse mos ro myong bar byed do/ /ji lta ji ltar myang ba de lta de ltar 'dod par gyur ji lta ji ltar 'dod pa de lta de ltar rim gyis kham gyi zas yongs su spyod par byed do//gang yang sems can de dag sa'i ro'i kham gyi zas rim gyis yongs su spyod par byed pa na/ sems can de dag gi lus la lci ba nyid dang rtsub pa nyid du zhugs shing mdzes pa dang 'od nub cing mun pa dag 'jig rten du byung bar gyur te/ 'jig rten du mun pa byung na nyi ma dang zla ba 'byung bar 'gyur ba 'di ni chos nyid yin te/rgyu skar dang / skad cig dang / thang cig dang / yud tsam dang / nyin zhag dang / zla ba phyed pa dang / zla ba dang / lo yang 'jig rten du rab tu byung bar gyur te/ /de dag kha zas de za zhing dus ring zhing yun ring du gnas te/de dag las nyung zhing ches nyung bar za ba de ni kha dog dang ldan par gyur la/ gang mang zhing ches mang bar za ba de dag ni kha dog ngan par gyur te/ zas rnam pa gnyis la brten nas kha dog rnam pa gnyis su gyur te/ kha dog rnam pa gnyis las sems can de dag khyod ni kha dog ngan zhing nga ni kha dog bzang po yin no zhes phan tshun brnyas pa byed par gyur to//sems can de dag kha dog gi mngon pa'i nga rgyal gyis sdig pa mi dge ba'i chos rtag tu byed pa'i rgyus sa'i ro de dag nub par gyur to/ /sa'i ro de nub pa dang sems can de dag 'dus shing tshogs nas 'di skad du kyi hud ro kyi hud ro zhes nyam thag pa'i smre sngags 'don to//'di lta ste/ mi'i nang na rngan pa cung zad tsam thob nas sngon gyi mi rnams kyi yi ge dang tshig 'bru'i rjes su tha snyad 'dogs par byed pa lta bu ste/ kyi hud ro kyi hud ro zhes de skad du smra bar byed do/ /gnas 'jog 'di ltar sa'i ro de nub pa dang sems can de dag 'dus shing tshogs nas 'di skad du kyi hud ro kyi hud ro zhes smre sngags 'don cing 'di skad du rjod par byed kyang de dag gis ngas smras pa'i sgra ni 'di/ngas smras pa'i don ni 'di zhes sgra dang don ni mi shes so/ /gnas 'jog sa'i ro de nub pa dang sems can de dag la sa'i zhag cig byung bar gyur te/kha dog phun sum tshogs pa ro phun sum tshogs pa zhig byung ste/ 'di lta bu'i kha dog dang ro dang ldan pa ste/ 'di lta ste/ dong ka'i me tog lta bu/ ro 'di lta ste sbrang rtsi ma bskol ba lta bu'o/ /de dag zas de la za zhing dus ring zhing yun ring du gnas te/ de dag las gang nyung zhing ches nyung bar za ba de dag ni kha dog dang ldan par gyur la/gang mang zhing ches mang bar za ba de dag ni kha dog ngan par gyur te/ zas rnam pa gnyis la brten nas kha dog rnam pa gnyis su gyur te/ kha dog rnam pa gnyis las sems can de dag khyed ni kha dog ngan zhing nga ni kha dog bzang ba yin no zhes phan tshun brnyas pa byed par gyur te/sems can de dag kha dog gi mngon pa'i nga rgyal gyis sdig pa mi dge ba'i chos rtag tu byed pa'i rgyus sa'i zhag de yang nub par gyur to/ /sa'i zhag de nub pa dang sems can de dag 'dus shing tshogs nas 'di skad du kyi hud ro kyi hud ro zhes nyam thag pa'i smre sngags 'don te/'di lta ste/ de ltar mi rnams kyi nang na rngan pa cung zad tsam thob nas sngon gyi mi rnams kyi yi ge dang tshig 'bru'i rjes su tha snyad 'dogs par byed pa lta bu ste/ kyi hud rA sa kyi hud rA sa zhes smre sngags 'don par byed do/ /gnas 'jog sa'i zhag de nub pa dang sems can de dag 'dus shing tshogs nas 'di skad du kyi hud ro kyi hud ro zhes smre sngags 'don zhing rjod par byed kyang ngas smres pa'i sgra ni 'di/ngas smras pa'i don ni 'di zhes sgra dang don dag ni mi shes so/ /gnas 'jog sa'i zhag de nub pa dang sems can de dag la myu gu'i tshal kha dog phun sum tshogs pa ro phun sum tshogs pa zhig byung ste/'di lta bu'i kha dog dang ro dang ldan pa ste/ 'di lta ste/ ka dam+pa'i me tog lta bu/ 'di lta bu'i ro ste 'di lta ste sbrang ma'i sbrang rtsi ma bskol ba lta bu'o/ /de dag kha zas de za zhing dus ring zhing yun ring du gnas te/ de dag las gang nyung zhing ches nyung bar za ba de dag kha dog dang ldan par gyur la/gang mang zhing ches mang bar za ba de dag ni kha dog ngan par gyur te/ zas rnam pa gnyis la brten nas kha dog rnam pa gnyis su gyur te/ kha dog rnam pa gnyis las sems can de dag la khyod ni kha dog ngan zhing nga ni kha dog bzang ba yin no zhes brnyas pa byed par gyur te/sems can de dag kha dog gi mngon pa'i nga rgyal gyis sdig pa mi dge ba'i chos rtag tu byed pa'i rgyus myu gu'i tshal de yang nub par gyur to/ /gnas 'jog myu gu'i tshal nub pa dang sems can de dag 'dus shing tshogs nas 'di skad du mdun du song mdun du song zhes smre sngags 'don par byed do//'di lta ste da ltar mi rnams la gang cung zad tsam rtsa rno ba de dag gis skrod cing skrod par byed nas sngon gyi mi rnams kyi yi ge dang tshig 'bru'i rjes su tha snyad 'dogs par byed pa lta bu ste/ mdun du song mdun du song zhes smre sngags 'don par byed do//gnas 'jog myu gu'i tshal de nub pa dang / sems can de dag 'dus shing tshogs shing mdun du song mdun du song zhes smre sngags 'don par byed kyang ngas smras pa'i sgra ni 'di/ ngas smras pa'i don ni 'di yin zhes smras pa'i sgra dang don ni mi shes so/ /gnas 'jog myu gu'i tshal de nub pa dang /sems can de dag la ma rmos ma btab pa'i 'bras sA lu pags pa dang shun pa med cing gtsang la dag pa sor mo bzhi'i tshad tsam gyis 'khrigs pa dgongs ka brngas na nang par skye zhing / nang par brngas na dgongs ka skye ba/ brngas shing brngas shing skye ba/ brngas pa dang skye ba yang mi shes pa dag byung bar gyur to/ /de dag de za zhing tshe ring zhing yun ring du gnas so/ /gang yang sems can de dag ma rmos ma btab pa'i 'bras sA lu zas su za ba dang yongs su spyod pa na dbang po tha dad pa dag byung bar gyur te/ gcig la ni pho'i dbang po/ gcig la ni mo'i dbang po/de dag pho dang mo'i dbang po dang ldan pa'i sems can de dag phan tshun du mig gis mig la btsugs te lta bar byed do/ /ji lta ji ltar mig gis mig la btsugs te lta ba de lta de ltar kun tu chags so/ /ji lta ji ltar chags pa de lta de ltar sred do/ /ji lta ji ltar sred pa de lta de ltar log par zhugs so//sems can de dag log par zhugs pa sems can gzhan gyis mthong nas rdul dag gtor bar byed/ gseg ma dang gyo mo dag 'thor zhing 'di skad du/ kye sems can grong pa bya ba ma yin pa byed pa/ sems can grong pa bya ba ma yin pa byed pa da ltar sems can sun 'byin pa byed dam/zhes smra bar byed do/ /'di lta ste/ da ltar mi'i nang nas bag ma gtong ba na phye ma dag 'thor bar byed/ spos dang / phreng ba dang / gos dag kyang 'thor zhing bu mo bde bar gyur cig /bu mo bde bar gyur cig ces smra ba lta bu ste/ de bzhin du sems can de dag log par zhugs pa sems can gzhan gyis mthong nas rdul dag 'thor bar byed cing gyo mo dang gseg ma dag kyang 'thor zhing 'di skad du/kye sems can grong pa bya ba ma yin par byed pa/ grong pa bya ba ma yin pa byed pa da ltar sems can dag sun 'byin par byed dam zhes smra bar byed do/ /gnas 'jog gang sngon chos ma yin par 'dod pa de ni da ltar chos su mngon par 'dod la/gang sngon 'dul ba ma yin pa de ni da ltar 'dul bar mngon par 'dod cing / gang sngon smad pa gang yin pa de ni da ltar rjes su bsngags te/ lan gcig dang lan gnyis dang gsum dang bdun gyi bar du sten bar byed do//gang yang sems can 'di dag chos ma yin pa'i shin tu sdig pa can gyi brtul zhugs len cing gnas pa na 'di skad du bdag cag khyim dag byas la der bya ba ma yin pa bya'o zhes khyim bya ba'i 'du shes skyes so/ /khyim gyi rtsom pa 'jig rten du byung ba'i dang po ni de yin no/ /de dag ni chos dang chos ma yin pa yin la/'di ni chos dang chos te/ mchog tu gyur pa ni rgyal po'i dbang po'o/ /de dag nub mo bza' bar bya ba'i sA lu nub mo len cing nang par bza' bar bya ba nang par len du 'gro ba las/ de nas sems can brkam pa'i rang bzhin can gang yang rung ba zhig gis dgongs ka dang nang par gnyis dus gcig tu blangs so//de nas sems can gzhan de dag gis sems can de la 'di skad ces smras so/ /kye sems can bdag cag sA lu len pa'i phyir cha bar bya'o/ /des 'di skad ces smras so/ /kye sems can dag shes par gyis shig /bdag gis ni dgongs ka dang nang par dus gcig tu blangs so//de nas sems can de dag 'di snyam du gyur te/ kye ma thabs 'di rab tu legs te/ bdag cag gis ni nyin zhag gcig nas nyin zhag bdun gyi bar du blang bar bya'o zhes sems can de dag gis nyin zhag gcig nas nyin zhag bdun gyi bar du sA lu blangs so//gang yang sems can de dag ma rmos ma btab pa'i 'bras sA lu sog 'jog gis spyod cing nye bar longs spyod pa na sA lu de dag shun pa dang sbun pa can du gyur cing brngas shing brngas pa dag kyang phyir mi skye la brngas pa dag kyang shes par gyur te/ sA lu de dag ris su chad cing ris su gnas par gyur te/ de nas sems can de dag 'dus shing tshogs nas smre sngags 'don par byed de/ bdag cag sngon gzugs can yid las byung ba/ dbang po ma nyams shing tshang ba/ yan lag dang nying lag thams cad dang ldan pa/ mdzes shing kha dog dang ldan pa/nam mkha' la thogs pa med par 'gro ba/ dga' ba za zhing dga' ba'i zas dang ldan pa ring du gnas te/ bdag cag la sa'i zhag kha dog phun sum tshogs pa ro phun sum tshogs pa dag byung la bdag cag gis ro de kham gyi zas su rim gyis yongs su longs spyad pa las lci ba dang mkhrang ba lus la zhugs pas mdzes pa dang 'od nub cing mun pa 'jig rten du byung bar gyur to//bdag cag de dag za zhing dus ring zhing yun ring du gnas te/ bdag cag de dag nyung bar za ba de dag ni kha dog dang ldan par gyur la/ gang ches mang bar za ba de dag ni kha dog ngan par gyur te/ zas rnam pa gnyis la brten nas kha dog rnam pa gnyis las sems can de dag khyod ni kha dog ngan zhing nga ni kha dog bzang ba yin no zhes phan tshun brnyas pa byed par gyur te/de dag bdag cag kha dog gi mngon pa'i nga rgyal gyis sdig pa mi dge ba'i chos rtag tu byed pa'i rgyus sa'i ro de nub ste/ sa'i zhag byung bar gyur te/kha dog phun sum tshogs pa dri phun sum tshogs pa ro phun sum tshogs pa ste/ bdag cag de za zhing tshe ring zhing yun ring du gnas so/ /bdag cag de dag las ches nyung bar za ba de dag ni kha dog dang ldan la/ gang ches mang bar za ba de dag ni kha dog dang mi ldan par gyur te/ zas rnam pa gnyis la brten nas kha dog rnam pa gnyis su gyur to//de dag bdag cag kha dog rnam pa gnyis las sems can de dag khyod ni kha dog ngan zhing nga ni kha dog bzang ba yin no zhes phan tshun brnyas pa byed par gyur te/ bdag cag kha dog gi mngon pa'i nga rgyal gyis sdig pa mi dge ba'i chos rtag tu byed pa'i rgyus sa'i zhag de nub par gyur to//myu gu'i tshal zhig byung bar gyur te kha dog phun sum tshogs pa dri phun sum tshogs pa ro phun sum tshogs pa ste/ bdag cag de za zhing tshe ring zhing dus ring du gnas te/ bdag cag de las gang ches nyung bar za ba de dag ni kha dog dang ldan par gyur la/gang mang bar za ba de dag ni kha dog ngan par gyur te/ zas rnam pa gnyis la brten nas kha dog rnam pa gnyis su gyur te/ kha dog rnam pa gnyis las de dag khyod ni kha dog ngan zhing nga ni kha dog bzang ba yin no zhes phan tshun brnyas pa byed par gyur te/ bdag cag kha dog gi mngon pa'i nga rgyal gyis sdig pa mi dge ba'i chos rtag tu byed pa'i rgyus myu gu'i tshal de dag nub ste ma rmos ma btab pa'i 'bras sA lu dag byung ste/sbun pa dang lkog med cing gtsang ba sor bzhi tsam gyi 'khor ba nang brngas na nub skyes zhing nub brngas na nang skye ba brngas shing brngas shing yang skye ba brngas pa dang skyes pa yang mi shes pa dag byung ste/ bdag cag de za zhing tshe ring zhing yun ring du gnas so//gang yang bdag cag 'bras sA lu sog 'jog tu longs spyod par byed pa na sA lu de dag spun pa dang shun pa dang bcas par gyur cing brngas shing brngas pa dag kyang mi skye la/ brngas pa dang skyes par yang shes so/ /ris dang ris su gnas par gyur to//da ni bdag cag 'dus shing tshogs te zhing dag bgo bar bya/ mu dang mtshams dag gcad par bya'o zhes smras te/ de 'dus shing tshogs nas zhing dag 'god par byed/ mu 'dren cing mtshams dag 'jog par byed do/ /gnas 'jog 'di ni 'jig rten na mtshams byung ba rnams kyi dang po ni 'di yin te/chos dang chos ma yin pa'o de la chos kyi chos ni 'di yin te/ rgyal ba'i dbang po'i chos mchog go/ /de nas sems can gzhan gang yang rung ba zhig gis rang la sA lu yod bzhin du gzhan gyi la ma byin par blangs so/ /de nas sems can de sA lu rang la yod bzhin du ma byin par len pa byed pa mthong ngo //mthong nas sems can de la 'di skad ces smras so/ /kye sems can khyed rang la sA lu yod bzhin du ci'i phyir gzhan gyi la ma byin par len par byed/ sems can khyod phyin chad de ltar ma byed cig ces smra bar byed de/ des lan gnyis lan gsum du rang la sA lu yod bzhin du gzhan gyi la ma byin par blangs pa dang /sems can de dag gis lan gnyis lan gsum du mthong nas sems can de la/ kye khyod rang la sA lu yod bzhin du gzhan gyi la ci'i phyir ma byin par len pa song shig ces smras so/ /de dag gis phar 'dren tshur 'dren byed cing tshogs kyi nang du smod cing bshung ba'i bar du byed do//kye sems can khyod rang la sA lu yod bzhin du gzhan gyi la ci'i phyir ma byin par len par byed ces smras so/ /de nas sems can de dag la sems can des 'di skad ces smras so/ /kye sems can dag sems can 'dis sA lu'i phyir phar 'dren tshur 'dren cing tshogs kyi nang du smad pa'i bar du byas so//de nas sems can de dag gis sems can de la 'di skad ces smras so/ /kye sems can khyod rang la sA lu yod bzhin du gzhan gyi la ci'i phyir ma byin par len te/ khyod sA lu'i rgyu las 'dren pa dang tshogs kyi nang du smod pa'i bar du byung gis phar song shig /phyin chad de ltar ma byed ces smras so/ /de nas sems can de dag 'di snyam du gyur te/ sA lu'i rgyu las 'dren pa dang phan tshun tshogs kyi nang du smod pa'i bar du byung ba ma mthong ngam/ bdag cag rnams 'dus shing tshogs te bdag cag las gzugs bzang ba mdzes pa blta na sdug pa/nus pa che ba zhig btus te zhing gi dpon por bskos te gang bdag cag las chad pas gcad par bya ba de dag chad pas gcod cing / phan gdags par bya ba de dag la phan 'dogs par bya zhing bdag cag gi zhing phun sum tshogs par 'gyur ba de la chos dang ldan pa'i dpya dag sbyin par bya'o zhes sems can de dag 'dus shing tshogs nas sems can de dag la mdzes pa gzugs bzang ba blta na sdug pa stobs che ba zhig btus te zhing gi dpon por bskos so//des sems can chad pas gcad par bya ba dag chad pas gcod cing phan gdags par bya ba dag phan 'dogs par byed cing sems can de dag gi zhing phun sum tshogs par 'gyur ba chos dang ldan pa'i dpya dag 'bul bar byed do//skye bo mang pos bkur bas mang pos bkur ba mang pos bkur ba zhes bya ba'i ming byung ngo / /zhing srung pas rgyal rigs rgyal rigs zhes bya ba'i ming byung ngo //tshul khrims 'phel zhing rgyas par spyod pa dang / shes rab 'phel zhing rgyas par spyod pa ste/ chos kyi skye dgu dga' bar byed pas rgyal po zhes bya ba'i ming byung ngo / /gnas 'jog 'jig rten du rgyal rigs kyi dkyil 'khor byung ba rnams kyi dang po ni 'di yin no/ /de yang chos kyi ste chos ma yin pas ni ma yin te/de la chos ni 'di yin te/ chos rgyal ba'i dbang po'i chos so/ /gnas 'jog bram ze rnams kyi dkyil 'khor 'jig rten du byung ba rnams kyi dang po gang zhe na/ de nas sems can de dag las sems can kha cig yongs su 'dzin pa ni nad/ yongs su 'dzin pa ni 'bras/ yongs su 'dzin pa ni zug rngu/ yongs su 'dzin pa ni sdug bsngal gyi rtsa ba zhes rig nas grong las dgon par song ste/ yal ga dang 'dab ma dag bsdus te khang pa byed de/ nang za ba nang par grong du bsod snyoms kyi phyir 'jug cing nub za ba nub mo grong du bsod snyoms kyi phyir 'jug pa na/ de nas sems can de dag sems can de la 'di snyam du kye ma sems can 'di ni dka' ba spyod pa ste yongs su 'dzin pa ni nad/ yongs su 'dzin pa ni zug rngu/ yongs su 'dzin pa ni sdug bsngal thams cad kyi rtsa ba zhes rig nas grong las dgon par song ste/ yal ga dang 'dab ma dag bsdus te khang pa byed do//de nang par za ba nang par grong du bsod snyoms kyi phyir 'jug /dgongs ka za ba'i phyir dgongs ka grong du bsod snyoms kyi phyir 'jug par byed de/ de la sbyin par bya zhing mchod par bya ba yin no zhes shes so/ /de nas sems can kha cig bsam gtan gyi bde ba dang rab tu dben pa'i bde ba ma rtogs te/phyogs gcig tu song nas sa'i khang pa byas te bdag cag 'dir gsang sngags dag bcing bar bya/ rig byed dag bcing bar bya'o zhes de dag de na gsang sngags dag 'ching zhing rig byed dag 'ching bar byed do/ /de nas sems can kha cig bsam gtan gyi bde ba dang /rab tu dben pa'i bde ba dag mngon par ma rtogs te/ gsang sngags 'ching ba dang rig byed 'ching ba dag mngon par ma rtogs na slar yang grong gi mthar song ste khang pa sgo bzhi pa dag byas te gnas par byed do/ /bdag cag sbyin pa dag sbyin zhing bsod nams dag bya ste/ dge sbyong dang bram ze 'gro ba dang 'ong ba dag la ji ltar nus pa stobs ji lta bar bsod snyoms dag sbyin par bya'o zhes de de na sbyin pa dag gtong /bsod nams dag byed cing dge sbyong dang bram ze 'gro zhing 'ong ba la nus pa ji lta ba dang stobs ji lta bar bsod snyoms dag sbyin par byed do/ /grong las dgon pa rten cing gnas yid phyir phyogs shing yid phyogs pas bram ze bram ze zhes bya ba'i ming byung ngo //yang dngos po gang bsam gtan byed pa de dag la bsam gtan zhes bya ba'i ming byung ngo / /dgon pa las slar yang grong du zhugs pa de dag ni grong pa zhes bya ba'i ming byung ngo / /gnas 'jog 'jig rten du bram ze'i dkyil 'khor byung ba rnams kyi dang po ni 'di yin no//de yang chos yin gyi chos ma yin pas ni ma yin no/ /de la 'di ni chos chos kyi mchog rgyal ba'i dbang po'i chos so/ /gnas 'jog dmangs rigs kyi dkyil 'khor 'jig rten du byung ba rnams kyi dang po gang yin zhe na/ de nas sems can brtson 'grus can kha cig khang pa so sor byas nas bzo'i gnas kyi las la gnas par byed de/ kye sems can 'di dag ni brtson 'grus brtsams shing khang pa so sor byas nas bzo'i gnas kyi las la gnas pas de yang dmangs rigs dmangs rigs zhes bya ba'i ming byung ngo //gnas 'jog 'jig rten du dmangs rigs kyi dkyil 'khor byung ba rnams kyi dang po ni 'di yin no/ /de yang chos yin gyi chos ma yin pas ni ma yin te/ de la chos ni 'di yin te rgyal ba'i dbang po'i chos so/ /dkyil 'khor rnam pa gsum 'jig rten du byung ba na dkyil 'khor bzhi pa yang 'jig rten du byung bar gyur to//rgyal rigs kyi rigs kyi bu skra dang kha spu bregs gos ngur smrig bgos te/ yang dag pa'i dad pas khyim nas khyim med par rab tu byung ba ni rgyal rigs rnams kyis mngon par brjod cing phyag btsal ba dang thal mo sbyar ba'i las bya bar rigs pa yin zhing / bram ze'i rigs dang dmangs rigs kyis kyang mngon par brjod cing thal mo sbyar ba'i las bya bar rigs pa yin no/ /bram ze'i rigs dang rje'u'i rigs dang dmangs rigs kyi rigs kyi bu skra dang kha spu bregs te gos ngur smrig bgos nas yang dag pa'i dad pas khyim nas khyim med par rab tu byung ba ni rgyal rigs kyis mngon par brjod cing phyag bya ba dang thal mo sbyar ba'i las bya bar rigs pa ma yin zhing /bram ze'i rigs dang rje'u rigs dang dmangs rigs kyis kyang mngon par brjod cing phyag btsal ba dang thal mo sbyar zhing 'dud pa'i las bya bar 'os pa yin no/ / gnas 'jog rigs dang rus dang cho 'brang rnams kyi nang na rgyal rigs mchog yin gyi/ bram ze ni ma yin te/ gnas 'jog tshangs pa stong gi bdag pos tshigs su bcad pa smras pa/ rigs su gyur pa'i rten byed pa'i/ /rkang gnyis rnams la rgyal rigs mchog /rig pa dang ni rkang par ldan//lha dang mi yi nang na mchog /ces tshangs pa stong gi bdag pos tshigs su bcad pa smras pa/ gang yin pa de ni legs par bshad pa yin zhing nyes par bshad pa ma yin la/ legs par brjod pa yin zhing nyes par brjod pa ma yin te/ nga yang 'di skad du/ rigs su gyur pa rten byed pa'i//rkang gnyis rnams la rgyal rigs mchog /rig pa dang ni rkang par ldan/ /lha dang mi yi nang na mchog /ces smra'o/ /chos kyi rnam grangs 'di bshad pa na tshe dang ldan pa gnas 'jog dang / tshe dang ldan pa ba ra dwa dza gnyis len pa med par zag pa las sems rnam par grol lo zhes gsungs so//bskal pa mtshon dang nad dang ni/ /zhes bya ba la sogs pa la 'dus pa gsum pa las sdom gyi tshigs su bcad pa las sngon gyi slob dpon mdo 'don pa bzhin te/ gnas rnam pa gsum gyis bskal pa mthar 'byin par byed de/ mtshon dang nad dang mu ge'o/ /gsum po de dag ni bar gyi bskal pa ste/mtshon gyi bar gyi bskal pa dang / /nad kyi bskal pa bar ma dang mu ge'i bskal pa bar ma'o/ /'jig pa ni rnam pa gsum ste/ mes 'jig pa dang chus 'jig pa dang / rlung gis 'jig pa'o/ /'jig pa'i rtse mo ni rnam pa gsum ste/ 'od gsal dang dge rgyas dang 'bras bu che ba dag ste/gang gi tshe 'jig rten mes 'jig pa de'i tshe 'od gsal gyi lha dag 'jig pa'i rtse mor 'gyur ro/ /gang gi tshe 'jig rten chus 'jig pa de'i tshe dge rgyas kyi lha dag 'jig pa'i rtse mor 'gyur ro/ /gang gi tshe 'jig rten rlung gis 'jig pa de'i tshe 'bras bu che ba'i lha rnams 'jig pa'i rtse mor 'gyur ro//mdo las ji skad du sdug bsngal gyi dbang po 'gags so zhes bya ba la/ gleng gzhi ni mnyan du yod pa na'o/ /dge slong lnga po 'di dag ni dbang po ste/ lnga gang zhe na/ yid mi bde ba'i dbang po dang / sdug bsngal gyi dbang po dang /yid bde ba'i dbang po dang / bde ba'i dbang po dang / btang snyoms kyi dbang po'o/ /dge slong yid mi bde ba'i dbang po ni skye ba yin zhing yid bde ba'i dbang po ni skye ba yin no zhes yang dag pa ji lta ba bzhin rab tu shes so/ /de yang rgyu dang bcas shing rkyen dang bcas pa rnam pa dang bcas pa mngon par 'du byed pa dang bcas pa yin no zhes yang dag pa ji lta ba bzhin rab tu shes so//de 'di snyam du 'gyur te/ rgyu gang dang rkyen gang gis yid mi bde ba'i dbang po skyed par byed pa'i rgyu de dang rkyen de dag rtag pa zhig gam mi rtag pa zhig /yang de 'di snyam du gyur te/ gang yid mi bde ba'i dbang po skyed par byed pa'i rgyu gang yin pa dang rkyen gang yin pa'i yid mi bde ba skyed par byed pa'i rgyu gang yin pa dang rkyen gang yin pa de dag gang las rtag par 'gyur zhes de yid mi bde ba'i dbang po skyes shing byung ba dag mi rtag par rjes su lta zhing gnas so//rtsol ba dang bcas par rjes su lta ba dang /'gog par rjes su lta ba dang / so sor rab tu zhi bar rjes su lta zhing gnas te/ de la 'di'i sems nye bar sdud do/ /gang du 'di'i yid mi bde ba'i dbang po skyes shing byung ba ma lus par yongs su 'gag par 'gyur zhing ma lus par yongs su zad cing gtugs par 'gyur/gang du 'di'i sems sdud par 'gyur/ gang du 'di'i yid mi bde ba'i dbang po ma lus par yongs su 'gag par 'gyur zhe na/ 'di ni dge slong 'dod pa las dben zhes bya ba nas bsam gtan dang po bsgrubs te gnas so zhes bya ba'i bar du ste/ 'dir 'di'i sems nye bar bsdus shing 'dir 'di'i yid mi bde ba'i dbang po ma lus par yongs su 'gags shing ma lus par yongs su zad cing gtugs par gyur te/'di ni dge slong 'di lta ste yid mi bde ba'i dbang po nges par 'byung ba la mkhas shing lhag par bya'o zhes bya'o/ /dge slong sdug bsngal gyi dbang po ni skye ba yin zhing sdug bsngal gyi dbang po ni 'byung ba yin no zhes yang dag pa ji lta ba bzhin du rab tu shes so//de yang rgyu dang bcas shing rkyen dang bcas pa rnam pa dang bcas pa 'du byed pa dang bcas pa yin no zhes yang dag pa ji lta ba bzhin du rab tu shes so/ /de 'di snyam du rgyu gang dang rkyen gang gis sdug bsngal gyi dbang po skyed par byed pa'i rgyu de dang rkyen de dag rtag pa zhig gam mi rtag pa zhig /de 'di snyam du gang sdug bsngal gyi dbang po skyed par byed pa'i rgyu gang yin pa dang rkyen gang yin pa'i sdug bsngal gyi dbang po skyed par byed pa'i rgyu gang yin pa dang rkyen gang yin pa de dag rtag par lta ga la 'gyur zhes de sdug bsngal gyi dbang po skyes shing byung ba dag mi rtag par rjes su lta zhing gnas so//rtsol ba dang bcas par rjes su lta ba dang / 'gog par rjes su lta ba dang / so sor nub par rjes su lta zhing gnas pa ste/ de la de'i sems nye bar sdud do/ /gang 'di'i sdug bsngal gyi dbang po skyes shing byung ba ma lus par yongs su 'gag par 'gyur zhing ma lus par yongs su zad cing gtugs par 'gyur ba dang /gang du 'di'i sems nye bar sdud cing gang du 'di'i sdug bsngal gyi dbang po ma lus par yongs su 'gag par 'gyur zhe na 'di na dge slong rtog pa dang dpyod pa nye bar zhi nas zhes bya ba nas bsam gtan gnyis pa bsgrubs te gnas so zhes bya ba'i bar du'o//'dir 'di'i sems nye bar sdud cing 'dir 'di'i sdug bsngal gyi dbang po ma lus par yongs su 'gag shing ma lus par yongs su zad cing gtugs par 'gyur te/ 'di ni dge slong 'di lta ste sdug bsngal gyi dbang po'i nges par 'byung ba la mkhas shing lhag par byang ba zhes bya'o//dge slong yid bde ba'i dbang po ni skye ba yin zhing yid bde ba'i dbang po ni 'byung ba yin no zhes yang dag pa ji lta ba bzhin du rab tu shes so/ /de yang rgyu dang bcas shing rkyen dang bcas pa rnam pa dang bcas pa mngon par 'du byed pa dang bcas pa yin no zhes yang dag pa ji lta ba bzhin du rab tu shes so//de 'di snyam du 'gyur te/ gang yid bde ba'i dbang po skyed par byed pa'i rgyu gang yin pa dang rkyen gang yin pa zhes bya ba nas/ sdug bsngal gyi dbang po bzhin rgyas par bya ste/gang du 'di'i sems sdud par 'gyur gang du 'di'i yid bde ba'i dbang po skyes pa dag ma lus par yongs su 'gag cing ma lus par yongs su zad cing gtugs par 'gyur zhe na/ 'di na dge slong dga' ba las 'dod chags dang bral zhing zhes bya ba nas/ bsam gtan gsum pa bsgrubs te gnas so zhes bya ba'i bar du'o//'dir 'di'i sems nye bar sdud cing 'dir 'di'i yid bde ba'i dbang po skyes pa dag ma lus par yongs su 'gag cing ma lus par yongs su zad cing gtugs par gyur te/ dge slong 'di lta ste yid bde ba'i dbang po nges par 'byung ba la mkhas shing lhag par bya ba zhes bya'o//dge slong bde ba'i dbang po skyes shing byung ba dag yang dag pa ji lta ba bzhin rab tu shes so zhes bya ba sdug bsngal gyi dbang po bzhin brjod par bya'o/ /gang du 'di'i sems nye bar sdud cing gang du 'di'i sdug bsngal gyi dbang po ma lus par yongs su 'gag cing ma lus par yongs su zad cing gtugs par 'gyur zhe na/'di na dge slong bde ba spangs shing zhes bya ba nas/ bsam gtan bzhi pa bsgrubs te gnas so zhes bya ba'i bar du ste/ 'dir 'di'i sems nye bar sdud cing / 'dir 'di'i bde ba'i dbang po ma lus par yongs su 'gag cing zhes bya ba nas snga ma bzhin du bde ba'i dbang po'i nges par 'byung ba la mkhas shing lhag par byang ba zhes bya ba'i bar du'o//dge slong btang snyoms kyi dbang po skyes shing byung ba yang dag pa ji lta ba bzhin rab tu shes so/ /de yang rgyu dang bcas pa zhes bya ba nas/ sdug bsngal gyi dbang po bzhin du rgyas par bya ste/gang du 'di'i sems nye bar sdud cing gang du 'di'i btang snyoms kyi dbang po ma lus par yongs su 'gag cing ma lus par zad cing gtugs par 'gyur zhe na/ 'di ni dge slong rgyu mtshan thams cad dang / yid la byed pa dang / sems kyi rgyu mtshan gyi ting nge 'dzin lus kyis mngon sum du byas shing gnas te/'dir 'di'i sems nye bar sdud cing 'dir 'di'i btang snyoms kyi dbang po ma lus par yongs su 'gag cing ma lus par zad cing gtugs par 'gyur te/ dge slong 'di lta ste 'di ni btang snyoms kyi dbang po'i nges par 'byung ba la mkhas shing lhag par byang ba zhes bya'o zhes gsungs so//bsam gtan bzhi pa ni nang bdag nyid kyi skyon dang bral ba'i phyir zhes bya ba la bar ma yang dag par ldan pa'i sdom gyi tshigs su bcad pa gnyis pa las/ 'jig rten dang po zhes bya ba'i mdo las te/ 'char byed 'di na dge slong 'dod pa las dben zhes bya ba nas/bsam gtan dang po nye bar bsgrubs te gnas so zhes bya ba'i bar du ste/ 'di ni 'dir 'phags pa rnams kyis g.yo ba dang bcas par gsungs te/ gang 'dir 'phags pa rnams kyis g.yo ba dang bcas par gsungs zhe na 'di na rtog pa dang dpyod pa dag ni 'phags pa rnams kyis g.yo ba dang bcas par gsungs so//gzhan yang dge slong rtog pa dang dpyod pa nye bar zhi nas zhes bya ba nas bsam gtan gnyis pa nye bar bsgrubs te nye bar gnas so zhes bya ba'i bar du ste/ 'di ni 'phags pa rnams kyis g.yo ba dang bcas par gsungs pa ste/gang 'dir 'phags pa rnams kyis g.yo ba dang bcas par gsungs she na/ dga' ba dang bcas pa ni 'phags pa rnams kyis g.yo ba dang bcas par gsungs so/ /gzhan yang dge slong dga' ba las 'dod chags dang bral zhing bsam gtan gsum pa nye bar bsgrubs te gnas so zhes bya ba'i bar du ste/'dir 'di dag 'phags pa rnams kyis g.yo ba dang bcas par gsungs pa ste/ gang 'dir 'phags pa rnams kyis g.yo ba dang bcas par gsungs she na/ 'di ni bde ba 'di ni bde ba zhes bya ba ste 'di 'phags pa rnams kyis g.yo ba dang bcas par gsungs so//gzhan yang bde ba spangs te/ bsam gtan bzhi pa nye bar bsgrubs shing gnas so zhes bya ba'i bar du ste 'di tsam ni 'phags pa rnams kyis mi g.yo bar gsungs so/ /chos mngon pa mdzod kyi rnam par bshad pa nye bar mkho ba zhes bya ba las mdzod kyi gnas gsum pa phal cher mdo dang sbyar ba rdzogs so// //las ni gnyis te/ sems pa'i las dang bsams pa'i las so zhes bya ba ni gnyis pa'i mdo las rig par bya ste/ rnam grangs rnam par bshad pa mtha'i sdom gyi tshigs su bcad pa bdun pa yid 'byung ba'i mdo las 'di ltar 'don te/dge slong dag las rig par bya zhing las 'byung ba'i rgyu dang / las kyi rnam par smin pa dang / las kyi rnam par dbye ba dang / las 'gags pa dang / las rnams 'gag par 'gyur ba rtogs shing rig par bya'o/ /dge slong dag las rig par bya'o zhes bya ba la las gang zhe na/sems pa'i las dang bsams pa'i las te/ las 'di dang las 'di 'di ltar rig par bya'o/ /las 'byung ba'i rgyu rig par bya'o zhes bya ba las 'byung ba'i rgyu gang zhe na zhes brjod par bya ste/ dge slong dag ma rig pa ni las kyi kun 'byung ba'i rgyu'o//'di ni las kun 'byung ba'i rgyu'o/ /'di ltar ni las kun 'byung ba'i rgyu'o zhes rig par bya'o/ /las kyi rnam par smin pa rig par bya'o zhes bya ba las kyi rnam par smin pa gang zhe na/ gnag la rnam par smin pa gnag pa'i las kyang yod/ dkar la rnam par smin pa dkar ba'i las kyang yod/dkar gnag la rnam par smin pa dkar gnag gi las kyang yod/ /mi dkar mi gnag cing rnam par smin pa med pa las de dag zad par byed pa'i las kyang yod/ 'di ni las kyi rnam par smin pa 'di ltar las kyi rnam par smin pa zhes rig par bya'o/ /las kyi rab tu dbye ba rig par bya'o zhes bya ba las kyi rab tu dbye ba gang zhe na/las gzhan gyis ni dmyal bar skye ba mngon par 'grub par byed la/ las gzhan gyis ni dud 'gror skye ba dang / las gzhan gyis ni yi dags su skye ba dang / las gzhan gyis ni mi rnams su skye ba mngon par 'grub par byed de/ 'di ni las rnams kyi rnam par dbye ba 'di ltar las rnams kyi rnam par dbye ba yin no zhes rig par bya'o/ /las 'gog pa rig par bya'o zhes bya ba las rnams kyi 'gog pa gang zhe na/ ma rig pa 'gags pa las las 'gag par 'gyur te/ 'di ni las rnams kyi 'gog pa 'di las rnams 'gog go zhes rig par bya'o//las rnams 'gog par 'gyur ba'i lam rig par bya'o zhes bya ba las rnams 'gog par 'gyur ba'i lam gang zhe na/ 'phags pa'i lam yan lag brgyad po 'di lta ste/ yang dag pa'i lta ba nas yang dag pa'i ting nge 'dzin gyi bar dag ste/'di ni las rnams 'gog par 'gro ba'i lam/ 'di ltar las rnams 'gog par 'gro ba'i lam yin no zhes rig par bya'o/ /gang yang dge slong 'di ltar las yang dag pa ji lta ba bzhin rab tu shes shing las kun 'byung ba'i rgyu dang / las kyi rnam par smin pa dang / las kyi rab tu dbye ba dang /las 'gog pa dang / las 'gog par 'gro ba'i lam yang dag pa ji lta ba bzhin rab tu shes pa ni 'di lta ste/ dge slong las kyi mtshan nyid yang dag par mthong zhing / yang dag par shes pa tshangs par spyod la skyo ba dang bcas pa zhes bya'o zhes gsungs so/ /mdo las gzugs rnam pa gsum pa gsungs te zhes bya ba la/gleng gzhi ni mnyan du yod pa na'o/ /gnas rnam pa gsum gyis gzugs bsdus te/ bstan du yod la thogs pa dang bcas pa'i gzugs kyang yod/ bstan du med la thogs pa dang bcas pa'i gzugs kyang yod/ bstan du med la thogs pa med pa'i gzugs kyang yod ces bka' stsal to//gzugs zag pa med pa yang gsungs te zhes bya ba la/ phung po can la/ dad pa gnyis dang dga' bo gnyis/ /rab tu 'jig dang 'pho ba can/ /sa la ser dang dmar po can/ /phung po chos dang zag bcas so/ /zhes sdom gyi tshigs su bcad pa'i mdo mdzod kyi gnas dang por/gang dag zag bcas nyer len pa'i/ /zhes bya bar bris zin to// //'phel bar yang gsungs te zhes bya ba la/ bcom ldan 'das kau shAm+pI na sgra can gyi kun dga' ra ba na bzhugs te/ de nas tshe dang ldan pa skul byed chen po bcom ldan 'das gang na ba der nye bar song ste/nye bar song nas bcom ldan 'das kyi zhabs la spyi bos phyag byas te/ phyogs gcig tu 'dug go /phyogs gcig tu 'dug nas tshe dang ldan pa skul byed chen pos bcom ldan 'das la 'di skad ces gsol to/ /btsun pa rdzas las byung ba'i bsod nams bya ba'i dngos po 'bras bu che ba phan yon che ba gzi brjid che ba rgya che ba dag nyan pa'i skabs rnyed dam/bcom ldan 'das kyis skul byed la 'di skad ces bka' stsal to/ /skul byed rnyed de rdzas las byung ba'i bsod nams bya ba'i dngos po bdun po 'di dag ni 'bras bu che ba phan yon che ba gzi brjid che ba rgya che ba dag ste/gang dang ldan na dad pa'i rigs kyi bu'am/ rigs kyi bu mo 'gro ba dang 'dug pa dang gnyid log pa dang sad na yang rung rtag tu rgyun mi 'chad par bsod nams skye zhing bsod nams nye bar skye ba dag ste/ bdun gang zhe na/ skul byed 'di na dad pa'i rigs kyi bu'am dad pa'i rigs kyi bu mo phyogs bzhi'i dge slong gi dge 'dun la kun dga' ra ba 'bul bar byed pa 'di ni rdzas las byung ba'i bsod nams dang po ste/'bras bu che ba phan yon che ba gzi brjid che ba rgya che ba dag ste/ gang dang ldan pa'i dad pa'i rigs kyi bu'am rigs kyi bu mo 'gro ba dang 'dug pa dang /gnyid log pa dang sad pa na yang rung rtag par rgyun mi 'chad par bsod nams skye zhing bsod nams skye ba'o/ /skul byed gzhan yang dad pa'i rigs kyi bu'am rigs kyi bu mo kun dga' ra ba de nyid du gtsug lag khang rtsig par byed pa 'di ni skul byed rdzas las byung ba'i bsod nams gnyis pa ste/'bras bu che ba zhes bya ba nas/ snga ma bzhin du bsod nams nye bar skye ba dag go zhes bya ba'i bar du'o/ /skul byed gzhan yang dad pa'i rigs kyi bu'am dad pa'i rigs kyi bu mo gnas de nyid du mal cha dang stan dag 'bul bar byed pa 'di lta ste/ khri dang khri'u dang stan gru bzhi pa dag 'bul bar byed pa 'di ni skul byed rdzas las byung ba'i bsod nams bya ba'i dngos po gsum pa ste/'bras bu che ba zhes bya ba nas bsod nams nye bar skye'o zhes bya ba'i bar du'o/ /skul byed gzhan yang dad pa'i rigs kyi bu'am dad pa'i rigs kyi bu mo gnas de nyid du rjes su mthun pa'i 'tsho ba nar ma 'bul bar byed pa 'di ni skul byed rdzas las byung ba'i bsod nams bya ba'i dngos po bzhi pa ste/'bras bu che ba zhes bya ba nas snga ma bzhin du bsod nams nye bar skye ba zhes bya ba'i bar du'o/ /skul byed gzhan yang dad pa'i rigs kyi bu'am rigs kyi bu mo glo bur 'ongs pa dag la sbyin pa sbyin par byed pa 'di ni skul byed rdzas las byung ba'i bsod nams bya ba'i dngos po lnga pa ste/'bras bu che ba zhes bya ba la sogs pa snga ma bzhin du bsod nams nye bar skye ba'i bar du'o/ /skul byed gzhan yang dad pa'i rigs kyi bu'am rigs kyi bu mo nad pa dang nad g.yog dag la sbyin pa sbyin par byed na/skul byed 'di ni rdzas las byung ba'i bsod nams drug pa ste/ 'bras bu che ba zhes bya ba nas snga ma bzhin du bsod nams nye bar skye ba'o zhes bya ba'i bar du'o/ /skul byed gzhan yang dad pa'i rigs kyi bu'am ma dad pa'i rigs kyi bu mo rlung dmar dang lhags pa dang grang ba de lta bu'i rang bzhin dag byung ba na rlung dmar dang lhags pa dang char 'bab pa dang grang ba'i dus su dge slong gi dge 'dun la 'phags pa sku ma gsher zhing chos gos ma gsher bar 'di dag bzhes la bde ba la reg par gnas par mdzod cig ces bza' ba dang skyo ma dang thug pa dag phyi rol tu song ste 'bul bar byed do//skul byed 'di ni rdzas las byung ba'i bsod nams bya ba'i dngos po bdun pa ste/ 'bras bu che ba zhes bya ba nas snga ma bzhin du bsod nams nye bar skye'o zhes bya ba'i bar du'o/ /skul byed bsod nams bya ba'i dngos po bdun po 'di rnams dang ldan pa'i dad pa'i rigs kyi bu'am rigs kyi bu mo'i bsod nams dang bsod nams kyi 'bras bu rnam par smin pa ni 'di tsam zhes bsod nams kyi tshad gzung bar mi nus te/'on kyang bsod nams mang zhing bsod nams kyi phung po chen po zhes bya ba'i grangs su 'gro'o//skul byed 'di lta ste chu bo chen po lnga po 'di dag ni ma 'dres par rgya mtshor 'bab pa ste/ 'di lta ste gang gA dang / ya mu na dang / se ra yu dang / a dze ra ba ti dang / chen po dag ste/ de la chu rdza ma 'di tsam dang / chu rdza ma brgya phrag dang / chu rdza ma brgya stong phrag 'di tsam yod do zhes chu'i tshad yongs su gzung bar mi nus kyi/'on kyang chu mang po dang chu'i phung po chen po chen po zhes bya ba'i grangs su 'gro'o/ /skul byed de bzhin du gang rdzas las byung ba'i bsod nams bya ba'i dngos po 'di rnams dang ldan pa'i dad pa'i rigs kyi bu 'am rigs kyi bu mo'i bsod nams dang /bsod nams kyi 'bras bu dang / bsod nams kyi 'bras bu rnam par smin pa 'di tsam yin no zhes bsod nams kyi tshad gzung bar mi nus kyi/ 'on kyang bsod nams mang zhing bsod nams kyi phung po chen po zhes bya ba'i grangs su 'gro'o/ / lan gnyis su yang tshe dang ldan pa skul byed kyis bcom ldan 'das la 'di skad ces gsol to/ /btsun pa rdzas las byung ba ma yin pa'i bsod nams bya ba'i dngos po 'bras bu che ba phan yon che ba gzi brjid che ba rgya che ba dag mnyan pa'i skabs mchis lags sam/ bcom ldan 'das kyis skul byed la bka' stsal pa/skul byed yod de skul byed rdzas las byung ba ma yin pa'i bsod nams bya ba'i dngos po bdun po 'di dag ni 'bras bu che ba phan yon che ba gzi brjid che ba rgya che ba/ dad pa'i rigs kyi bu'am rigs kyi bu mo gang dang ldan na 'gro ba'am 'dug pa'am gnyid log pa pa'am sad pa na yang rung rtag tu rgyun mi 'chad par bsod nams nye bar skye ba nyid du 'gyur ba dag ste/bdun gang zhe na/ skul byed 'di na dad pa'i rigs kyi bu'am rigs kyi bu mo de bzhin gshegs pa'am de bzhin gshegs pa'i nyan thos kyi dge 'dun grong ngam zhing gzhan dag na brten cing bzhugs so zhes thos nas thar pa dge ba yang dag par sdud par byed pa'i dga' ba dang rab tu dga' ba 'thob pa ste/skul byed 'di ni rdzas las byung ba ma yin pa'i bsod nams bya ba'i dngos po dang po ste/ 'bras bu che ba zhes bya ba nas snga ma bzhin du bsod nams nye bar skye'o zhes bya ba'i bar du'o/ /skul byed gzhan yang dad pa'i rigs kyi bu'am rigs kyi bu mo de bzhin gshegs pa'am de bzhin gshegs pa'i nyan thos kyi dge 'dun de nyid 'dir 'ong bar rtsom pa thos nas thar pa dge ba yang dag par sdud par byed pa'i dga' ba dang rab tu dga' ba 'thob pa ste/skul byed 'di ni rdzas las byung ba ma yin pa'i bsod nams bya ba'i dngos po gnyis pa ste/'bras bu che ba zhes bya ba nas snga ma bzhin du bsod nams nye bar skye'o zhes bya ba'i bar du'o/ /skul byed gzhan yang dad pa'i rigs kyi bu'am rigs kyi bu mo de bzhin gshegs pa 'am de bzhin gshegs pa'i nyan thos kyi dge 'dun de nyid lam du zhugs pa thos nas thar pa dge ba yang dag par sdud pa'i dga' ba dang rab tu dga' ba 'thob pa ste/skul byed 'di ni rdzas las byung ba ma yin pa'i bsod nams bya ba'i dngos po gsum pa ste/ 'bras bu che ba zhes bya ba nas snga ma bzhin du bsod nams nye bar skye'o zhes bya ba'i bar du'o/ /skul byed gzhan yang dad pa'i rigs kyi bu'am rigs kyi bu mo de de bzhin gshegs pa 'am de bzhin gshegs pa'i nyan thos de nyid grong ngam zhing che ge mo zhig tu gshegs nas bzhugs so zhes thos nas thar pa dge ba yang dag par sdud par byed pa'i dga' ba dang rab tu dga' ba 'thob pa ste/skul byed 'di ni rdzas las byung ba ma yin pa'i bsod nams bya ba'i dngos po bzhi pa ste/'bras bu che ba zhes bya ba nas snga ma bzhin du bsod nams nye bar skye'o zhes bya ba'i bar du'o/ /skul byed gzhan yang dad pa'i rigs kyi bu'am rigs kyi bu mo de bzhin gshegs pa'am de bzhin gshegs pa'i nyan thos kyi dge 'dun de nyid blta ba'i phyir 'gro zhing mthong nas thar pa dge ba yang dag par sdud pa'i dga' ba dang rab tu dga' ba 'thob pa ste/skul byed 'di ni rdzas las byung ba ma yin pa'i bsod nams bya ba'i dngos po lnga pa ste/ 'bras bu che ba zhes bya ba nas snga ma bzhin du bsod nams nye bar skye'o zhes bya ba'i bar du'o//gzhan yang skul byed dad pa'i rigs kyi bu'am rigs kyi bu mo de bzhin gshegs pa'am de bzhin gshegs pa'i nyan thos kyi dge 'dun de nyid las chos thos nas thar pa dge ba yang dag par sdud par byed pa'i dga' ba dang rab tu dga' ba 'thob pa ste/ skul byed 'di ni rdzas las byung ba ma yin pa'i bsod nams bya ba'i dngos po drug pa ste/'bras bu che ba zhes bya ba nas snga ma bzhin du bsod nams skye'o zhes bya ba'i bar du'o/ /skul byed gzhan yang dad pa'i rigs kyi bu'am rigs kyi bu mo de bzhin gshegs pa'am de bzhin gshegs pa'i nyan thos de nyid las chos thos nas sangs rgyas la skyabs su 'gro/chos la skyabs su 'gro/ dge 'dun la skyabs su 'gro zhing bslab pa'i gnas yang dag par 'dzin pa ste/ skul byed 'di ni rdzas las byung ba ma yin pa'i bsod nams bya ba'i dngos po bdun pa ste/ 'bras bu che ba phan yon che ba gzi brjid che ba dad pa'i rigs kyi bu 'am rigs kyi bu mo gang dang ldan na 'gro ba 'am/'dug pa'am gnyid log pa'am/ sad pa na yang rung rtag par rgyun mi 'chad par bsod nams nye bar skye bar 'gyur ba dag go/ /skul byed rdzas las byung ba ma yin pa'i bsod nams bya ba'i dngos po 'di dag dang ldan pa'i rigs kyi bu'am rigs kyi bu mo'i bsod nams dang /bsod nams kyi 'bras bu dang / bsod nams kyi 'bras bu rnam par smin pa'i tshad ni gzung bar mi nus kyi/ 'on kyang bsod nams mang po bsod nams kyi phung po chen po zhes bya ba'i grangs su 'gro'o/ /skul byed 'di lta ste/chu bo chen po lnga po 'di dag ni 'dres shing rgya mtshor 'bab pa dag ste/ 'di lta ste/ gang gA dang / ya mu na dang / ma ra yu dang / a dze ra ba ti dang / chen po dag ste/ de dag la chu rdza ma'am/ chu rdza ma brgya 'am/ chu rdza ma stong ngam chu rdza ma stong phrag 'di tsam yod do zhes chu'i tshad gzung bar mi nus kyi/'on kyang chu mang po dang chu'i phung po chen po zhes bya ba'i grangs su 'gro'o/ /skul byed de bzhin du dad pa'i rigs kyi bu'am rigs kyi bu mo rdzas las byung ba ma yin pa'i bsod nams bya ba'i dngos po 'di dag dang ldan pa de'i bsod nams dang / bsod nams kyi 'bras bu dang /bsod nams kyi 'bras bu rnam par smin pa ni 'di tsam mo zhes bsod nams kyi tshad gzung bar mi nus kyi/ 'on kyang bsod nams mang po dang bsod nams chen po zhes bya ba'i grangs su 'gro'o/ /'dir smras pa/ ji ltar gtsang dag 'jug ngogs bde/ rin chen 'byung gnas bkra shis mtshor//mi dang ri dgas tshogs dag gis/ /bsten pa'i chu bo so sor 'bab/ /de bzhin mal stan gding ba'i dngos/ /sbyin pa'i mi la bsod nams rgyun/ /ji ltar rgya mtsho'i chu bzhin 'bab/ /ces bka' stsal to/ /ji skad du bcom ldan 'das kyis dge slong chos rtogs par bya zhes bya ba la skye mched drug gi tshogs kyis bsdus pa'i sdom gyi tshigs su bcad pa'i mthar 'di ltar 'don te/thams cad thams cad yod do zhes/ /chos rnams thams cad dris pa dang / /bram ze dge slong kun dga' bo/ /ston pas dge slong rnams la ni/ /legs par bshad pa go byas nas/tshoms su yang dag bsdebs pa yin/ /zhes mdzod kyi gnas dang por/ de dag rnams kyi rnam shes rten/ /mig la sogs gzugs dang ba rnams/ /zhes bya ba der bris zin to/ /gang 'di skad du shes par bya ba zhes bya ba la sogs pa la bcom ldan 'das ko tu ba na ka lam sha mya zhes bya ba'i ko tu pa'i grong khyer na bzhugs te/de nas bcom ldan 'das kyis dge slong rnams la bos te/ dge slong dag thog mar dge ba zhes bya ba nas snga ma bzhin du tshangs par spyod pa yongs su gsal bar byed pa'i skye mched drug gi tshogs zhes bya ba'i chos kyi rnam grangs kyi chos bshad par bya ste/de legs par nyon zhes bya ba nas bshad par bya ba'i bar du'o/ /skye mched drug gi tshogs kyi chos kyi rnam grangs gang zhe na/ dge slong dag mig dang gzugs yang dag pa ji lta ba bzhin ma shes shing ma mthong ba dang / mig gi rnam par shes pa dang / mig gi 'dus te reg pa dang /mig gi 'dus te reg pa'i rkyen gyis skyes pa'i tshor ba bde ba'am/ sdug bsngal ba'am/ bde ba yang ma yin sdug bsngal ba yang ma yin pa yang dag pa ji lta ba bzhin ma shes shing ma mthong nas/ mig dang gzugs la yang dag par dga' zhing mig gi rnam par shes pa dang mig gi 'dus te reg pa dang /mig gi 'dus te reg pa'i rkyen gyis skyes pa'i tshor ba bde ba dang / sdug bsngal ba'am/ bde ba yang ma yin sdug bsngal ba yang ma yin pa la yang dag par dga' bar 'gyur ro/ /de de la yang dag par chags shing rmongs la so sor rtog pa dang sems bcings shing nye bar len pa'i phung po lnga nye bar sogs par 'gyur te/dga' ba'i 'dod chags dang lhan cig pa'i srid pa las yang srid par 'gro ba de dang der dga' ba'i 'dod chags 'jug cing de de dag tu skye bar 'gyur te/ lus ngal ba dang / sems ngal ba dang / lus kyi rims nad dang / sems kyi rims nad dang /lus yongs su sreg pa dang / sems yongs su sreg pa dang / lus kyi 'bad rtsol dang / sems kyi 'bad rtsol dang / lus kyi sdug bsngal ba so sor nyams su myong ba dang / sems kyi sdug bsngal ba so sor nyams su myong bar yang 'gyur zhing de lus dang sems kyi sdug bsngal so sor nyams su myong bas 'di ltar ma 'ongs pa'i skye ba dang /rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar sdug bsngal gyi phung po chen po 'di 'ba' zhig yang dag par 'byung bar 'gyur ro//dge slong dag rna ba dang / sna dang / lce dang / lus dang / yid dang / chos yang dag pa ji lta ba bzhin ma shes shing ma mthong la/ yid kyi rnam par shes pa dang / yid kyi 'dus te reg pa dang / yid kyi 'dus te reg pa'i rkyen gyis byung ba'i tshor ba bde ba'am/sdug bsngal ba'am/ bde ba yang ma yin sdug bsngal ba yang ma yin pa yang dag pa ji lta ba bzhin ma shes shing ma mthong na/ de la yang dag par dga' bar 'gyur ro/ /de de la yang dag par chags shing rmongs la so sor rtog cing sems bcings pa dang nye bar len pa'i phung po lnga nye bar sogs par 'gyur te/dga' ba'i 'dod chags dang lhan cig pa'i sred pa las yang sred par 'gro ba de dang der skye bar 'gyur te/ lus ngal ba dang / sems ngal ba dang / lus kyi rims nad dang / sems kyi rims nad dang / lus yongs su sreg pa dang / sems yongs su sreg pa dang /lus kyi 'bad pa dang / sems kyi 'bad pa dang / lus kyi sdug bsngal so sor nyams su myong ba dang / sems kyi sdug bsngal so sor nyams su myong bar yang 'gyur zhing de lus dang sems kyi sdug bsngal so sor nyams su myong bas 'di ltar ma 'ongs pa'i skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ sdug bsngal gyi phung po chen po 'di 'ba' zhig yang dag par 'byung bar 'gyur ro/ /dge slong dag mig dang gzugs yang dag pa ji lta ba bzhin rab tu shes shing /mig gi rnam par shes pa dang / mig gi 'dus te reg pa dang / mig gi 'dus te reg pa'i rkyen gyis byung ba'i tshor ba bde ba 'am/ sdug bsngal ba'am/ bde ba yang ma yin sdug bsngal ba yang ma yin pa yang dag pa ji lta ba bzhin shes shing mthong nas/ de la yang dag par dga' bar mi 'gyur ro//de de la yang dag par mi chags shing mi rmongs la so sor mi rtog cing sems mi 'ching la nye bar len pa'i phung po lnga nye bar mi sogs te/ dga' ba'i 'dod chags dang lhan cig pa'i sred pa las 'gro ba de dang der skye bar mi 'gyur zhing / lus kyi ngal ba dang /sems kyi ngal ba dang / lus kyi rims nad dang / sems kyi [(]rigs [,]rims [)]nad dang / lus kun tu sreg pa dang / sems kun du sreg pa dang / lus kyi 'bad rtsol dang / sems kyi 'bad rtsol dang / lus kyi sdug bsngal so sor myong ba dang / sems kyi sdug bsngal so sor nyams su myong bar yang mi 'gyur zhing lus dang sems kyi sdug bsngal so sor myong bas ma 'ongs pa'i skye ba dang /rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar mi 'gyur te/ de ltar na sdug bsngal gyi phung po chen po 'di 'ba' zhig 'byung bar mi 'gyur ro//dge slong dag rna ba dang / sna dang / lce dang / lus dang / yid dang / chos yang dag pa ji lta ba bzhin rab tu shes shing mthong la/ yid kyi rnam par shes pa dang / yid kyi 'dus te reg pa dang / yid kyi 'dus te reg pa'i rkyen gyis byung ba'i tshor ba bde ba'am/sdug bsngal ba'am/ bde ba yang ma yin sdug bsngal ba yang ma yin pa yang dag pa ji lta ba bzhin shes shing mthong na/ de de la yang dag par dga' bar mi 'gyur ro/ /de de la mi chags shing mi rmongs la so sor mi rtog cing sems mi 'ching la nye bar len pa'i phung po lnga nye bar mi stsogs te/dga' ba'i 'dod chags dang lhan cig pa'i sred pa las yang sred par 'gro ba de dang der skye bar mi 'gyur zhing lus ngal ba dang / sems ngal ba dang / lus kyi rims nad dang / sems kyi rims nad dang / lus yongs su sreg pa dang / sems yongs su sreg pa dang / lus kyi 'bad rtsol dang /sems kyi 'bad rtsol dang / lus kyi sdug bsngal so sor myong ba dang / sems kyi sdug bsngal so sor nyams su myong bar yang mi 'gyur te/ lus dang sems kyi sdug bsngal so sor myong bas ma 'ongs pa'i skye ba dang / rga ba dang / na ba dang / 'chi ba dang / mya ngan dang / smre sngags 'don pa dang /sdug bsngal ba dang / yid mi bde ba dang / 'khrug pa rnams 'byung bar mi 'gyur te/ de ltar na sdug bsngal gyi phung po chen po 'di 'ba' zhig 'byung bar mi 'gyur ro/ /de de ltar shes shing de ltar mthong na 'phags pa'i lam yan lag brgyad sgom pa yongs su rdzogs par 'gyur te/yang dag pa'i lta ba sgom pa yongs su rdzogs par 'gyur zhing / yang dag pa'i rtog pa dang / yang dag pa'i ngag dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin sgom pa yongs su rdzogs par 'gyur te/ 'di'i yang dag pa'i las kyi mtha' dang /'tsho ba dag ni sngon nyid du yongs su dag cing byang bar gyur te/ de ltar na go rims las zlog par 'phags pa'i lam yan lag brgyad sgom pa yongs su rdzogs par 'gyur ro/ /dran pa nye bar gzhag pa bzhi sgom pa yongs su rdzogs par 'gyur ro/ /yang dag par spong ba bzhi dang /rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun sgom pa yongs su rdzogs par 'gyur ro/ /zhi gnas dang lhag mthong 'dris shing mnyam par 'jug ste/ de chos gang dag mngon par shes par bya ba dang yongs su shes par bya ba'i chos de dag mngon par shes shing yongs su shes so//chos gong mngon par shes nas spang bar bya ba de dag mngon par shes nas rab tu spong ngo / /chos gang dag mngon par shes nas mngon sum du bya ba'i chos de dag mngon par shes nas mngon du byed do/ /chos gang dag mngon par shes nas bsgom par bya ba'i chos de dag mngon par shes nas sgom par byed do//chos gang dag mngon par shes par bya ba dang / yongs su shes par bya ba'i chos de dag mngon par shes par bya ba dang yongs su shes pa gang zhe na/ 'di lta ste/ ming dang gzugs so/ /'di ni chos gang dag mngon par shes pa dang yongs su shes par bya ba'i chos de dag mngon par shes shing yongs su shes pa zhes bya'o//chos gang dag mngon par shes nas yongs su spang bar bya ba'i chos de dag mngon par shes nas yongs su spong ba gang zhe na/ ma rig pa dang srid pa'i sred pa ste/ 'di ni chos gang dag mngon par shes nas yongs su spang ba'i chos de dag mngon par shes nas yongs su spong ba zhes bya'o//chos gang dag mngon par shes nas mngon sum du bya ba'i chos de dag mngon par shes nas mngon du [(]bed [,]byed [)]pa gang zhe na/ rig pa dang rnam par grol ba ste/ 'di ni mngon par shes nas mngon du bya ba'i chos de dag mngon par shes nas mngon du byed pa zhes bya'o//chos gang dag mngon par shes nas bsgom par bya ba'i chos de dag mngon par shes nas sgom par byed pa gang zhe na/ zhi gnas dang lhag mthong ste/ 'di ni chos gang dag mngon par shes nas bsgom par bya ba'i chos de dag mngon par shes nas sgom par byed pa'o//dge slong dag dge slong gang dag mngon par shes par bya ba dang yongs su shes par bya ba'i chos de dag mngon par shes shing yongs su shes par 'gyur ba dang / chos gang dag mngon par shes nas spang bar bya ba'i chos de dag mngon par shes nas yongs su spong bar 'gyur ba dang /chos gang dag mngon par shes nas mngon du byed pa'i chos de dag mngon par shes nas mngon sum du byed par 'gyur ba dang / chos gang dag mngon par shes nas bsgom par bya ba'i chos de dag sgom par 'gyur ba 'di ni dge slong zhes brjod de/ dge slong sred pa chad pa/kun tu sbyor ba spangs pa/ yang dag pa'i mngon par rtogs pas sdug bsngal mthar byed pa zhes bya'o/ /'di ni skye mched drug ces bya ba'i chos kyi rnam grangs te/ dge slong dag thog mar dge ba zhes bya ba nas tshangs par spyod pa yongs su gsal bar byed pa'i chos bshad par bya ste/'di lta ste/ skye mched drug bstan pa chen po zhes bya ba'i chos kyi rnam grangs so zhes ngas ji skad du bstan pa de rgyas par rab tu bshad do/ /spong ba chu lon du yod pa ste bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag log pa nyid dang yang dag pa nyid kyis chos dag bshad par bya ste/ de legs par nyon la yid la zung shig dang bshad par bya'o/ /log pa nyid gang zhe na/ log pa'i lta ba dang / log pa'i rtog pa dang / log pa'i ngag dang / log pa'i las kyi mtha' dang / log pa'i 'tsho ba dang /log pa'i rtsol ba dang / log pa'i dran pa dang / log pa'i ting nge 'dzin to/ /'di ni log pa nyid ces bya'o/ /yang dag pa nyid gang zhe na/ 'di lta ste/ yang dag pa'i lta ba dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /yang dag pa'i lta ba gang zhe na/ yang dag pa'i lta ba de ni rnam pa gnyis te/ 'jig rten pa'i yang dag pa'i lta ba zag pa dang bcas pa nye bar len pa dang bcas pa bde 'gro sgrub par byed pa yang yod/'jig rten las 'das pa'i yang dag pa'i lta ba zag pa med pa nye bar len pa med pa yang dag par sdug bsngal zad cing sdug bsngal mthar 'byin par byed pa sgrub pa yang yod/ 'jig rten pa'i yang dag pa'i lta ba zag pa dang bcas pa nye bar len pa dang bcas pa bde 'gro sgrub par byed pa gang zhe na/lta ba gang sbyin pa yod do/ /mchod sbyin yod do/ /legs par spyad pa yod do/ /nyes par spyad pa yod do/ /legs par spyad pa dang / nyes par spyad pa'i las kyi 'bras bu rnam par smin pa yod do/ /'jig rten 'di yod do/ /'jig rten pha rol yod do/pha yod do/ /ma yod do/ /sems can rdzus te byung ba yod do/ /'jig rten na dgra bcom pa yod do/ /yang dag par 'gro ba dang / yang dag par rtog pa yod do zhes lta ba 'di 'jig rten pa'i lta ba ste/ 'di ltar chos rnams la rang nyid kyis mngon par shes pa mngon du bya ba phun sum tshogs pa rab tu rig pa ste/skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya ba ste/ 'di ni 'jig rten pa'i yang dag pa'i lta ba zag pa dang bcas pa nye bar len pa dang bcas pa bde 'gro sgrub par byed pa dag go/ /'jig rten las 'das pa'i yang dag pa'i lta ba zag pa med pa nye bar len pa med pa sdug bsngal zad cing sdug bsngal mthar 'byin par byed pa gang zhe na/'di na 'phags pa nyan thos sdug bsngal la sdug bsngal du yid la byed cing kun 'byung la kun 'byung dang / 'gog pa la 'gog pa dang / lam la lam du yid la byed de/yid la byed pa zag pa med pa dang yang dag par ldan pa rnams 'byed cing rab tu 'byed pa dang / rnam par 'byed pa dang / mtshon pa dang / yang dag par mtshon pa dang / nye bar mtshon pa dang / sten pa dang / rab tu shes pa dang / shes rab dang / blo dang / rig pa dang /mkhas pa dang / yongs su shes pa dang / dpyod pa dang / lta ba 'di ni 'phags pa'i 'jig rten las 'das pa'i yang dag pa'i lta ba zag pa med pa nye bar len pa med pa sdug bsngal zad cing sdug bsngal mthar 'byin par byed pa zhes bya'o/ /yang dag pa'i rtog pa gang zhe na/ yang dag pa'i rtog pa de ni rnam pa gnyis te/ 'jig rten pa'i yang dag pa'i rtog pa zag pa dang bcas pa nye bar len pa dang bcas pa bde 'gro mtho ris sgrub par byed pa yang yod/ 'jig rten las 'das pa'i yang dag pa'i lta ba zag pa med pa nye bar len pa med pa sdug bsngal zad cing sdug bsngal mthar byed pa yang yod do//'jig rten pa'i yang dag pa'i rtog pa zag pa dang bcas pa nye bar len pa dang bcas pa bde 'gro sgrub par byed pa gang zhe na/ thar pa'i rnam par rtog pa dang / gnod sems med pa'i rnam par rtog pa dang / rnam par 'tshe ba med pa'i rnam par rtog pa ste/ 'di ni 'jig rten pa'i yang dag pa'i rtog pa zag pa med pa nye bar len pa med pa bde 'gro sgrub par byed pa dag go//'phags pa'i 'jig rten las 'das pa'i yang dag pa'i rtog pa zag pa med pa nye bar len pa med pa sdug bsngal zad cing sdug bsngal mthar 'byin par byed pa gang zhe na/ 'di na 'phags pa nyan thos sdug bsngal la sdug bsngal du yid la byed cing /kun 'byung la kun 'byung dang / 'gog pa la 'gog pa dang / lam la lam du yid la byed cing zag pa med pa'i yid la byed pa dang / yang dag par ldan pa'i sems kyis dpyod pa dang / rab tu dpyod pa dang / rnam par dpyod pa dang / mngon par rab tu dpyod pa dang / rtog pa dang / rnam par rtog pa dang / bgrang ba dang / yang dag par rtog pa ste/ 'di ni 'phags pa'i 'jig rten las 'das pa'i yang dag pa'i rtog pa zag pa med pa nye bar len pa med pa sdug bsngal zad cing sdug bsngal mthar byed pa zhes bya'o//yang dag pa'i ngag gang zhe na/ yang dag pa'i ngag de ni rnam pa gnyis te/ 'jig rten pa'i yang dag pa'i ngag zag pa dang bcas pa nye bar len pa dang bcas pa bde 'gro sgrub par byed pa yod do/ /'jig rten las 'das pa'i yang dag pa'i ngag zag pa med pa nye bar len pa med pa sdug bsngal zad cing sdug bsngal mthar byed pa yang yod do//'jig rten pa'i yang dag pa'i ngag zag pa dang bcas pa nye bar len pa dang bcas pa bde 'gro sgrub par byed pa gang zhe na/ brdzun du smra ba spong ba dang / phra ma spong ba dang / tshig rtsub po spong ba dang /tshig 'khyal pa spong ba ste/ 'di ni 'jig rten pa'i yang dag pa'i ngag zag pa dang bcas pa nye bar len pa dang bcas pa bde 'gro sgrub par byed pa zhes bya'o/ /'phags pa'i 'jig rten las 'das pa'i yang dag pa'i ngag zag pa med pa nye bar len pa med pa sdug bsngal zad cing sdug bsngal mthar 'byin pa gang zhe na/'di ni 'phags pa nyan thos sdug bsngal la sdug bsngal du yid la byed cing / kun 'byung la kun 'byung dang / 'gog pa la 'gog pa dang / lam la lam du yid la byed de log par 'gro ba'i ngag gi nyes par spyod pa rnam pa bzhi spangs shing de las gzhan pa'i ngag gi nyes par spyad pa so sor ma brtags shing zag pa med pa dang bral ba dang /rab tu bral ba dang / rnam par bral ba dang / bton pa dang / mi byed pa'i sdom pa dang / mi byed pa dang / chad pa dang / chu lon dang / mi 'thob pa dang / yang dag par mi 'thob pa dang /'da' ba dang yang dag par 'da' ba 'di ni 'phags pa'i 'jig rten las 'das pa'i ngag zag pa med pa nye bar len pa med pa sdug bsngal zad cing sdug bsngal mthar 'byin par byed pa zhes bya'o/ /yang dag pa'i las kyi mtha' gang zhe na/ yang dag pa'i las kyi mtha' de ni rnam pa gnyis te/'jig rten pa'i yang dag pa'i las kyi mtha' zag pa dang bcas pa nye bar len pa dang bcas pa bde 'gro sgrub par byed pa yang yod/ 'phags pa'i 'jig rten las 'das pa'i yang dag pa'i las kyi mtha' zag pa med pa nye bar len pa med pa sdug bsngal zad cing sdug bsngal mthar 'byin par byed pa yang yod do//'jig rten pa'i yang dag pa'i las kyi mtha' zag pa dang bcas pa nye bar len pa dang bcas pa bde 'gro sgrub par byed pa gang zhe na/ srog gcod pa spong ba dang / ma byin par len pa spong ba dang / 'dod pa las log par g.yem pa spong ba ste/'di ni 'jig rten pa'i yang dag pa'i las kyi mtha' zag pa dang bcas pa nye bar len pa dang bcas pa bde 'gro sgrub par byed pa zhes bya'o/ /'jig rten las 'das pa'i yang dag pa'i las kyi mtha' zag pa med pa nye bar len pa med pa sdug bsngal zad cing sdug bsngal mthar 'byin par byed pa gang zhe na/'di ni 'phags pa nyan thos sdug bsngal la sdug bsngal du yid la byed cing kun 'byung la kun 'byung dang / 'gog pa la 'gog pa dang / lam la lam du yid la byed de/ log pa'i tshor bar 'gro ba'i lus kyi nyes par spyod pa rnam pa gsum spangs te/de las gzhan pa'i lus kyi nyes par spyod pa dag so sor brtags pa dang / zag pa med pa dang / bral ba dang / rab tu bral ba dang / rnam par bral ba dang yang dag par 'das pa'i bar du ste/ 'di ni 'phags pa'i 'jig rten las 'das pa'i yang dag pa'i las kyi mtha' zag pa med pa nye bar len pa med pa sdug bsngal zad cing sdug bsngal mthar 'byin par byed pa zhes bya'o//yang dag pa'i 'tsho ba gang zhe na/ yang dag pa'i 'tsho ba de ni rnam pa gnyis te/ 'jig rten pa'i yang dag pa'i 'tsho ba zag pa dang bcas pa nye bar len pa dang bcas pa bde 'gro sgrub par byed pa yang yod/'jig rten las 'das pa'i yang dag pa'i 'tsho ba zag pa med pa nye bar len pa med pa sdug bsngal mthar 'byin par byed pa yang yod do/ /'jig rten pa'i yang dag pa'i 'tsho ba zag pa dang bcas pa nye bar len pa dang bcas pa bde 'gro sgrub par byed pa gang zhe na/gang 'di so sor brtags nas chos dang ldan pas chos gos dag 'tshol bar byed de chos ma yin pas ni ma yin no/ /chos dang ldan pas mal cha dang / stan dang / na ba'i gso sman dang / 'tsho ba'i yo byad dag tshol bar byed kyi/ chos ma yin pas ni ma yin pa ste/ 'di ni 'jig rten pa'i yang dag pa'i 'tsho ba zag pa dang bcas pa nye bar len pa dang bcas pa bde 'gro sgrub par byed pa dag ces bya'o/ /'jig rten las 'das pa'i yang dag pa'i 'tsho ba zag pa med pa nye bar len pa med pa sdug bsngal zad cing sdug bsngal mthar 'byin par byed pa gang zhe na/'di na 'phags pa nyan thos sdug bsngal la sdug bsngal du yid la byed cing kun 'byung la kun 'byung dang / 'gog pa la 'gog pa dang / lam la lam du yid la byed de/ log pa'i 'tsho ba so sor ma brtags shing zag pa med pa dang bral ba dang rab tu bral ba zhes bya ba nas yang dag par 'das pa'i bar du ste/'di ni 'jig rten las 'das pa'i yang dag pa'i 'tsho ba zag pa med pa nye bar len pa med pa sdug bsngal zad cing sdug bsngal mthar byed pa zhes bya'o/ /yang dag pa'i rtsol ba gang zhe na/yang dag pa'i rtsol ba de ni rnam pa gnyis te/ 'jig rten pa'i yang dag pa'i rtsol ba zag pa dang bcas pa nye bar len pa dang bcas pa bde 'gro sgrub par byed pa yang yod/ /'jig rten las 'das pa'i yang dag pa'i rtsol ba zag pa med pa nye bar len pa med pa sdug bsngal zad cing sdug bsngal mthar 'byin par byed pa yang yod do//'jig rten pa'i yang dag pa'i rtsol ba zag pa dang bcas pa nye bar len pa dang bcas pa bde 'gro sgrub par byed pa gang zhe na/ gang 'dun pa dang / brtson pa dang / rtsol ba dang / gnod pa dang / pha rol gnon pa dang /brtan pa dang / rtsom pa dang / spro ba dang / chog par mi 'dzin pa dang / sems yang dag par 'dzin pa dang / rtag tu byed pa ste/ 'di ni 'jig rten pa'i yang dag pa'i rtsol ba zag pa dang bcas pa nye bar len pa dang bcas pa bde 'gro sgrub par byed pa zhes bya'o/ /'jig rten las 'das pa'i yang dag pa'i rtsol ba zag pa med pa nye bar len pa med pa sdug bsngal zad cing sdug bsngal mthar 'byin par byed pa gang zhe na/'di na 'phags pa nyan thos sdug bsngal la sdug bsngal du yid la byed cing kun 'byung la kun 'byung dang / 'gog pa la 'gog pa dang / lam la lam du yid la byed de zag pa med pa'i yid la byed pa dang yang dag par ldan pas 'dun pa dang zhes bya ba nas rtag tu byed do zhes bya ba'i bar du ste/ 'di ni 'phags pa'i 'jig rten las 'das pa'i rtsol ba zag pa med pa nye bar len pa med pa sdug bsngal zad cing sdug bsngal mthar 'byin par byed pa zhes bya'o//yang dag pa'i dran pa gang zhe na/ yang dag pa'i dran pa de ni rnam pa gnyis te/ 'jig rten pa'i yang dag pa'i dran pa zag pa dang bcas pa nye bar [(]lan [,]len [)]pa dang bcas pa bde 'gro sgrub par byed pa yang yod/ 'jig rten las 'das pa'i dran pa zag pa med pa nye bar len pa med pa sdug bsngal zad cing sdug bsngal mthar 'byin par byed pa yang yod do//'jig rten pa'i yang dag pa'i dran pa zag pa dang bcas pa nye bar len pa dang bcas pa bde 'gro sgrub par byed pa gang zhe na/ gang dran pa dang / rjes su dran pa dang /so sor dran pa dang / rab tu dran pa dang / mi brjed pa dang / chos nyid mi brjed par sems la mngon par brjod pa ste/ 'di ni 'jig rten pa'i yang dag pa'i dran pa zag pa dang bcas pa nye bar len pa dang bcas pa bde 'gro sgrub par byed pa zhes bya'o/ /'phags pa'i 'jig rten las 'das pa'i yang dag pa'i dran pa zag pa med pa nye bar len pa med pa sdug bsngal zad cing sdug bsngal mthar 'byin par byed pa gang zhe na/'di na 'phags pa nyan thos sdug bsngal la sdug bsngal du yid la byed cing kun 'byung la kun 'byung dang / 'gog pa la 'gog pa dang /lam la lam du yid la byed de/ zag pa med pa'i yid la byed pa dang / yang dag par ldan pas 'dun pa dang zhes bya ba nas rtag par byed ces bya ba'i bar du ste/ 'di ni 'phags pa'i 'jig rten las 'das pa'i dran pa zag pa med pa nye bar len pa med pa sdug bsngal zad cing sdug bsngal mthar 'byin par byed pa zhes bya'o//yang dag pa'i ting nge 'dzin gang zhe na/ yang dag pa'i ting nge 'dzin de ni rnam pa gnyis te/ 'jig rten pa'i yang dag pa'i ting nge 'dzin zag pa dang bcas pa nye bar len pa dang bcas pa bde 'gro sgrub par byed pa yang yod/'phags pa'i 'jig rten las 'das pa'i yang dag pa'i ting nge 'dzin zag pa med pa nye bar len pa med pa sdug bsngal zad cing sdug bsngal mthar 'byin par byed pa yang yod/ /'jig rten pa'i yang dag pa'i ting nge 'dzin zag pa dang bcas pa nye bar len pa dang bcas pa bde 'gro sgrub par byed pa gang zhe na/gang sems gnas pa dang / yang dag par gnas pa dang / rab tu gnas pa dang / kun tu gnas pa dang / nye bar gnas pa dang / yid rnam par mi g.yeng ba dang / zhi gnas la sems sdud pa dang / ting nge 'dzin la sems rtse gcig pa ste/'di ni 'jig rten pa'i yang dag pa'i ting nge 'dzin zag pa dang bcas pa nye bar len pa dang bcas pa bde 'gro sgrub par byed pa zhes bya'o/ /'phags pa'i 'jig rten las 'das pa'i yang dag pa'i ting nge 'dzin zag pa med pa nye bar len pa med pa sdug bsngal zad cing sdug bsngal mthar 'byin par byed pa gang zhe na/'di ni 'phags pa nyan thos sdug bsngal la sdug bsngal du yid la byed cing kun 'byung la kun 'byung dang / 'gog pa la 'gog pa dang / lam la lam du yid la byed de/ zag pa med pa'i yid la byed pa dang / yang dag par ldan pas sems gnas pa dang yang dag par gnas pa dang /rab tu gnas pa dang / kun tu gnas pa dang / nye bar gnas pa dang / yid rnam par mi g.yeng ba dang / zhi gnas la sems sdud pa dang / ting nge 'dzin la sems rtse gcig pa ste/ 'di ni 'phags pa 'jig rten las 'das pa yang dag pa'i ting nge 'dzin zag pa med pa nye bar len pa med pa sdug bsngal zad par byed cing sdug bsngal mthar 'byin par byed pa zhes bya'o//'di ni log pa nyid dang yang dag pa nyid ces bya'o/ /dge slong dag log pa nyid dang yang dag pa nyid bstan par bya'o zhes ngas ji skad du bstan pa de rgyas par rab tu bshad do zhes bka' stsal to//gang yang mdo las ji skad du zag pa dang bcas pa'i chos rnams gang zhe na zhes bya ba la skye mched drug gi tshogs kyis bsdus pa'i sdom dang po las rtogs par bya ste/ de'i sdom gyi tshigs su bcad pa bdun pa'i mtha' las bstan pa mdzod kyi gnas dang por zag pa dang bcas pa 'di nyid ni rnam pa gsum ste zhes bya ba der bris zin to//mdo las 'di ci'i phyir khyad par du mdzad ce na zhes bya ba la gleng gzhi ni mnyan du yod pa na'o/ /dge slong dag drug po 'di dag ni sems kyi sbags pa dang / tha ba'i gzhi ste/ drug gang zhe na/ dge slong dag gzugs zag pa dang bcas pa nye bar len pa dang bcas pa ni sems kyi sbags pa dang tha ba'i gzhi'o//sgra dang / dri dang / ro dang / reg bya dang / chos zag pa dang bcas pa nye bar len pa dang bcas pa ni sems kyi sbags pa dang / tha ba'i gzhi'o zhes gsungs so/ /dge slong tshul khrims dang ldan pa dge ba'i chos can zhes bya ba/bcom ldan 'das sa'i ru 'du 'dam bu can gyi rtsa bar dbyar gnas pa'i phyir bzhugs te/ de'i tshe bcom ldan 'das kyi drung na dge slong rab tu mang po dag dbyar gnas pa'i phyir dgon par mtshams bcad de 'dug go/ /de nas dge slong rab tu mang po de dag dbyar zla ba gsum 'das nas chos gos byas pa byin gyis brlabs te/chos gos dang lhung bzed thogs nas bcom ldan 'das gang na ba der nye bar song ste/ nye bar song nas bcom ldan 'das kyi zhabs la phyag byas te phyogs gcig tu 'dug go/ /phyogs gcig tu 'dug nas dge slong rab tu mang po dag gis bcom ldan 'das la 'di skad ces gsol to//btsun pa bdag cag dbyar gnas lags te mtshams dag bshig lags sam/ dge slong dag khyed cag mtshams ma bshig cig /de ci'i phyir zhe na/ dge slong dag ji srid du mtshams gnas pa de srid du sbyin pa dag gi bsod nams nye bar skye ba kho nar 'gyur zhing bsod nams mngon par 'phel ba kho nar 'gyur ro//dge slong dag bzhi po 'di dag ni bsod nams kyi rgyu mthun dge ba'i rgyu mthun bde ba thun mong ba nyid du sbyin bdag gis re bar bya ste/ bzhi gang zhe na/gang gi gtsug lag khang dge slong tshul khrims dang ldan pa dge ba'i chos can tshad med pa dang sems kyi ting nge 'dzin phun sum tshogs pa lus kyis mngon sum du byas te/ yongs su longs spyod na de'i gzhi las sbyin pa po la tshad med pa'i bsod nams kyi rgyu mthun pa dang dge ba'i rgyu mthun pa bde ba thun mong ma yin pa nyid du rig par bya'o//tshad med pa dang sems kyi ting nge 'dzin phun sum tshogs pa lus kyis mngon sum du byas te/ chos gos dang bsod snyoms dang mal cha dang stan yongs su longs spyad na gzhi de las sbyin bdag la de las tshad med pa'i bsod nams kyi rgyu mthun pa dang /dge ba'i rgyu mthun pa dang bde ba thun mong ba nyid du re bar bya ste/ dge slong dag bsod nams kyi rgyu mthun pa dang dge ba'i rgyu mthun pa dang / bde ba thun mong ba bzhi po 'di rnams dang ldan pa'i sbyin bdag gi bsod nams kyi tshad ni 'di tsam bsod nams kyi 'bras bu 'di tsam bsod nams kyi 'bras bu rnam par smin pa 'di tsam zhes gzung bar mi nus te/bsod nams mang zhing gzhan du bsod nams kyi phung po chen po zhes bya ba'i grangs su 'gro'o/ /'di lta ste/ chu bo chen po bzhi po 'di dag ni 'dres shing rgya mtsho chen por 'bab pa dag ste/'di lta ste/ gang gA dang / ya mu na dang / ma ra yu dang / a dze ra ba ti dang / chen po ste/ de dag la chu 'di tsam mam chu rdza ma 'di tsam dang / chu rdza ma brgya phrag 'di tsam dang / chu rdza ma stong phrag 'di tsam dang / chu rdza ma brgya stong phrag 'di tsam yod do zhes tshad gzung bar mi nus kyi/gzhan du chu mang po dang chu'i phung po chen po zhes bya ba'i grangs su 'gro'o/ /dge slong dag de bzhin du bsod nams kyi rgyu mthun pa dang dge ba'i rgyu mthun pa dang bde ba thun mong pa bzhi po 'di rnams dang ldan pa'i bsod nams kyi tshad ni gzung bar mi nus te/ gzhan du na bsod nams mang ba dang bsod nams kyi phung po chen po zhes bya ba'i grangs su 'gro'o//ji ltar gtsang dag 'jug ngogs bde/ /rin chen 'byung gnas bkra shis mtshor/ /mi dang ri dgas tshogs dag gis/ /bsten pa'i chu bo so sor 'bab/ /de bzhin mal cha stan gding dngos/ / sbyin pa'i mi la bsod nams rgyun/ /ji ltar rgya mtshor chu bzhin 'bab/ /ces gsungs so/ /gleng gzhi ni mnyan du yod pa na'o/ /'jig rten gyi chos ni rnam pa brgyad de/ 'di lta ste/ rnyed pa dang / ma rnyed pa dang / grags pa dang / ma grags pa dang / bstod pa dang / smad pa dang /bde ba dang / sdug bsngal ba 'o zhes gsungs so/ /log par lta ba dang log par rtog pa 'byung bar 'gyur ro zhes bya ba la/ gleng gzhi ni mnyan du yod pa na'o/ /dge slong dag ma rig pa sngon du 'gro zhing rgyu sngan la sdig pa mi dge ba'i chos rnam pa du ma yang dag par 'byung zhing stsogs par 'gyur te/dge slong dag ngo tsha med pa dang / khrel med pa las log pa'i lta ba 'byung bar 'gyur ro/ /log pa'i lta ba de las log pa'i rtog pa 'byung bar 'gyur zhing log pa'i ngag dang log pa'i las kyi 'ba' dang / log pa'i 'tsho ba dang / log pa'i rtsol ba dang /log pa'i dran pa dang / log pa'i ting nge 'dzin rab tu 'byung bar 'gyur ro/ /rig pa dang ngo tsha shes pa dang / khrel yod pa sngon du 'gro zhing sngon gyi rgyu mtshan las dge ba'i chos rnam pa du ma yang dag par skye zhing sogs par 'gyur te/ dge slong ngo tsha shes pa dang khrel yod pa las yang dag pa'i lta ba 'byung bar 'gyur zhing yang dag pa'i lta ba de las yang dag pa'i rtog pa 'byung zhing yang dag pa'i ting nge 'dzin gyi bar du 'byung bar 'grub te/'phags pa nyan thos thos pa dang ldan pa yang dag par ldan pa mnyam par bzhag pa 'di lta ste/ 'dod chags dang zhe sdang dang gti mug dag las sems rnam par grol ba zhes bya'o/ /de ltar 'phags pa nyan thos sems yang dag par rnam par grol ba yang dag pa nyid du shes par 'gyur te/ bdag gi skye ba zad do zhes bya ba nas/ srid pa 'di las gzhan mi shes so zhes bya ba'i bar du'o zhes gsungs so//ji skad du mdo las glang chen zhes bya ba la sogs pa la bcom ldan 'das mnyan yod kyi shar gyi kun dga' ra ba ni ri dgas dga' ma'i ma dad par lhan cig gnas pa tshe dang ldan pa 'char ka dang thabs cig tu bzhugs so/ /de nas bcom ldan 'das dgongs ka nang du yang dag 'jog las bzhengs te/tshe dang ldan pa 'char ka la bos nas tshur shog shar phyogs kyi rdzing bur sku bkru ba'i phyir bdag cag 'gro bar bya'o/ /bcom ldan 'das kyis gsungs pa thos nas tshe dang ldan pa 'char ka btsun pa de bzhin no zhes gsol te/ de nas bcom ldan 'das kyi phyi bzhin 'brang ba'i dge slong 'char ka dang shar phyogs kyi rdzing bu gang na ba der nye bar gshegs te/nye bar gshegs nas chos gos dag dgon pa'i mtha' zhig tu bzhag nas shar phyogs kyi rdzing bur zhugs te sku khrus mdzad nas shar phyogs kyi rdzing bu nas byung ste chos gos brkyang pa zhig sku skems par mdzad cing bzhugs so//de'i tshe ko sa la'i rgyal po sde rab tu pham byed kyi glang po che se ga to zhes bya ba glang po che'i rgyal po chen po rol mo'i cha byad sna tshogs kyi sgra dang shar phyogs kyi rdzing bur 'ongs nas khrus byas shing 'thungs nas 'gro ba skye bo rnams kyis mthong na 'di skad du kye ma glang po che glang po che glang po che chen po bzang ngo zhes smra'o//ko sa la'i rgyal po sde rab tu pham byed kyi glang po che se ga to zhes bya ba glang po che'i rgyal po chen po rol mo'i cha byad sna tshogs kyi sgra dang shar phyogs kyi rdzing bur 'ongs nas khrus byas shing 'thungs nas 'gro ba na skye bo dag 'di skad du kye ma glang po che glang po che glang po che chen po bzang ngo zhes smra ba tshe dang ldan pa 'char byed kyis mthong nas bcom ldan 'das la 'di skad ces gsol to//btsun pa ko sa'i rgyal po sde rab tu pham byed kyi glang po che se gto zhes bya ba nas glang po che glang po che chen po rab tu bzang ngo zhes bya ba'i bar du ste/ci btsun pa glang po che gcig po lus skyes pa mthong nas skye bo dag glang po che glang po che glang po che chen po bzang ngo zhes smra'am 'on te gzhan cung zad cig la yang smra/ glang po che lus chen por skyes pa skye bo dag gis mthong nas 'di skad du kye ma glang po che glang po che glang po che chen po rab tu bzang ngo zhes smra zhing rta dang khyu mchog dang ma he dang ra dang lug dang sbrul dang skyes bu dang shing gi phung po chen po mngon par 'phel ba skye bo rnams kyis mthong nas 'di skad du kye ma glang po che glang po che glang po che chen po rab tu bzang ngo zhes smra mod kyi/'on kyang 'char byed lha dang bcas pa'i 'jig rten dang / bdud dang bcas pa dang / /tshangs pa dang bcas pa dang / dge sbyong dang bram zer bcas pa'i lha dang mi'i 'jig rten na lus dang ngag dang yid kyi nyes par spyad pa mi byed pa de glang po che zhes nga smra ste/'char byed de la de bzhin gshegs pa ni lha dang bcas pa dang / bdud dang bcas pa dang / tshangs pa dang bcas pa dge sbyong dang bram zer bcas pa lha dang mi'i 'jig rten na nyes par spyad pa mi byed pas glang po che zhes bya'o/ /de nas tshe dang ldan pa 'char ka 'di snyam du 'gyur te/bcom ldan 'das la mngon sum du glang po che'i dpe tshigs su bcad pas bstod par bya'o snyam nas tshe dang ldan pa 'char kas bla gos phrag pa gcig la gzar te bcom ldan 'das gang na ba de logs su thal mo sbyar nas phyag 'tshal te bcom ldan 'das la 'di skad ces gsol to/ / bcom ldan 'das bdag spobs lags so/ /bde bar gshegs pa spobs lags so/ /bcom ldan 'das kyis 'char ka spobs par gyis shig ces bka' stsal pa dang / de'i tshe tshe dang ldan pa 'char kas tshigs su bcad pa 'di skad ces gsol to/ /mir gyur rdzogs pa'i sangs rgyas ni//dul zhing mnyam par bzhag pa ste/ tshangs spyod lam gyis spyod lam dang / /thugs ni shin tu nye bar zhi/ /chos kun pha rol phyin pa la/ /gang yang mi rnams phyag byed cing / /lha rnams kyis kyang phyag byas te/ /dgra bcom bdag gis 'di ltar thob/ / kun sbyor kun las rab 'das shing / /mya ngan 'das pa'i pha rol phyin/ /gser ri rdo las grol ba ltar/ /'dod pa kun las nges par 'byung / /rdzogs pa'i sangs rgyas sgra dbyangs ni/ /nyi ma bzhin du rab tu grags/ /glang chen rnams kyi nang dag tu/ /bden pa bla na med pa yin/ / legs par bsngags dang rnam mi 'tshe/ /glang chen rkang pa snga ma gnyis/ /dka' thub tshangs par spyod pa dag /glang chen rkang pa phyi ma gnyis/ /dad pa dang ni btang snyoms dag /glang chen chen po'i mche ba dag /dran pa mgrin pa shes rab mgo/ /chos la sems pa dpung pa ste/ / rnam par 'byed pa rgyab yin te/ /bden pa rtsib logs khog pa chos/ /dbugs dbyung rngub pa bsam gtan te/ /nang gi bdag nyid mnyam bzhag pa/ /glang chen gshegs na'ang mnyam par bzhag /bzhugs na'ang mnyam par bzhag pa ste/ /glang chen mnal na 'ang mnyam par gzhag /bzhengs na 'ang mnyam par gzhag pa yin/ /thams cad du ni glang chen dag /glang chen gyis ni rab tu bsdus/ /kha na ma tho rab spangs shing / /kha na ma tho med par spyod/ /glang chen spyod spyod cing rab spyod do//rnam par ma dpyad par ma yin/ /gsog 'jog rab tu spangs nas ni/ /'tsho ba dang ni mnabs par mdzad/ /gzhan gyis byin pa thams cad du/ /dad pas byin pa spyod par mdzad/ /'ching ba thams cad yongs bcad cing / /phra rgyas thams cad rnam par spangs//gang dang gang gis rab byung ba/ /ltos pa med par rab tu 'gro/ /ji ltar yid 'ong [(]bri [,]dri [)]ldan pa/ /pad+ma dkar po mdzes pa dag /chu las rab tu byung yang ni/ /chu yis rab tu ma gos pa/ /de bzhin rdzogs sangs 'jig rten skyes/ /'jig rten skyon gyis ma gos te//ji ltar 'dam skyes pad+ma bzhin/ /ji ltar me dag 'bar ba na/ /shing dang bral na nye bar zhi/ /rnam par zhi zhing nges 'byung ba/ /mya ngan 'das pa zhes brjod do/ /rnam par shes bya'i don 'di dag /sgra dbyangs rnam par bshad nas shes/ /glang chen glang chen zhes brjod pa/ / gsal bar bstan pa go bar 'gyur/ /'dod chags spangs shing zhe sdang spangs/ /gti mug spangs shing zag pa med/ /phung po yongs su spangs pa ni/ /glang chen mya ngan 'das zhes brjod/ /ces gsungs so/ /lus la yongs su gdung med pas/ /tshul khrims yang dag blangs pa bde//gnyid log pa 'ang bde ba ste/ /sad pa na'ang 'phel bar 'gyur/ /zhes gsungs so/ /gang yang bcom ldan 'das kyis ji skad du zhes bya ba bcom ldan 'das shAkya thub pa'i bstan pa la lo bcu gnyis skyon ma byung gi bar du dge slong gi dge 'dun la tshigs su bcad pa gsum gyis so sor thar pa'i mdo ston te/sdig pa ci yang mi bya ste/ dge ba phun sum tshogs par bya/ /rang gi sems ni yongs su gdul/ /'di ni sangs rgyas bstan pa yin/ /lus kyi sdom pa legs pa ste/ /ngag gi sdom pa legs pa yin/ /yid kyi sdom pa legs pa ste/thams cad du ni sdom pa legs/ /kun tu bsdoms pa'i dge slong ni/ /sdug bsngal kun las grol bar 'gyur/ /ngag rnams bsung zhing yid rnams rab bsdams te/ /lus kyi mi dge ba dag mi byed cing / /las lam gsum po 'di dag rab sbyangs nas/ /drang srong gsungs pa'i lam ni rtogs par 'gyur//zhes gsungs so/ /mig gi dbang po sdom pas bsdams shing gnas so zhes bya ba la/ ji ltar re zhig tshul khrims kyi phung po'i tshogs kyi rgyud chags gsum pa'i mdo de dang / de las 'don pa lta bu ste/ de tshul khrims kyi phung po 'di dang yang dag par ldan zhing yid dang dbang po'i sgo bsrungs shing gnas te/dran pas bsrungs pa dang / dran pas shin tu bsrungs pa dang / dran pas rab tu bsrungs te/ mi g.yeng bar spyod do/ /mig gis gzugs dag mthong nas mtshan mar mi 'dzin mngon rtags su mi 'dzin cing lhag par mig gi dbang po sdom pas bsdams shing gnas te sdig pa mi dge ba'i chos 'jig rten gyi brnab sems dang gnod sems dang yid mi bde ba las sems zag pa dang bral zhing de dag las sems sdom zhing mig gi dbang po bsrungs te/mig gi dbang po sdom pas bsdams shing gnas so//rna bas sgra dang / snas dri dang / lces ro dang / lus kyis reg bya dang / yid kyis chos rnam par shes pa nas mtshan mar mi 'dzin mngon rtags su mi 'dzin cing lhag par dbang po'i sgo sdom pas bsdams shing gnas te/ sdig pa mi dge ba'i chos 'jig rten gyi brnab sems dang yid mi bde ba dag la sems zag pa dang bral zhing de dag la sdom pas bsdams shing yid kyi dbang po gsungs te/yid kyi dbang po sdom pas bsdams shing gnas so zhes gsungs so/ /bla ma'i chos khas blangs pas ni skye dgu'i bdag mo zhes bya ba la/ rnam grangs rnam par bshad pa'i mthar skye dgu'i bdag mo chen mo'i mdo las 'don te/kun dga' bo 'on kyang ngas bud med kyi tshogs yongs su bsrung ba dang / yongs su mi 'da' ba dang / gang las bud med kyi tshogs ji srid 'tsho'i bar du slob par byed par 'gyur ba bla ma'i chos rnam pa brgyad bca' bar bya ste/kun dga' bo dper na/ khyim bdag zhing pa dag dbyar 'das pa'i 'og tu ston gyi dus na chu yongs su bsrungs shing yongs su mi 'da' bar bya ba'i don du chu bo'i 'gram mam gtsang po'i 'gram du chu lon dag 'ching bar byed de/ kun dga' bo de bzhin du ngas bud med kyi tshogs rnams yongs su bsrung ba dang yongs su mi 'da' ba dang /gang gis bud med kyi tshogs rnams ji srid 'tsho'i bar du slob par byed par 'gyur ba bla ma'i chos rnam pa brgyad bca' bar bya ste/ brgyad gang zhe na/ kun dga' bo bud med kyi tshogs dag gis rab tu byung zhing bsnyen par rdzogs pa dge slong ma'i dngos po dge slong dag las blang bar bya ste/kun dga' bo 'di ngas ni bud med kyi tshogs yongs su bsrung ba dang yongs su mi 'da' bar bya ba dang / gang las bud med kyi tshogs ji srid 'tsho'i bar du slob par byed par 'gyur ba bla ma'i chos dang po'o//kun dga' bo dge slong mas dge slong ma dag zla ba phyed phyed cing gdams ngag dang rjes su bstan pas blang bar bya ste/ 'di ni bud med kyi tshogs yongs su bsrung zhing yongs su mi 'da' ba dang / gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa gnyis pa'o//kun dga' bo dge slong med pa'i gnas su dge slong ma dbyar gnas pa'i phyir 'gro bar mi bya ste/ 'di ni bud med kyi tshogs yongs su bsrung ba dang / yongs su mi 'da' ba dang / gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa gsum pa'o//dbyar gnas pa'i 'og tu dge slong mas mthong ba dang thos pa dang dran pa'i gnas rnam pa gsum gyis gnyi ga'i dge 'dun la dgag dbye bya ba ste/ kun dga' bo ngas 'di ni bud med kyi tshogs yongs su bsrung zhing /yongs su mi 'da' ba dang / gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa bzhi pa'o/ /kun dga' bo dge slong mas dge slong la rtsod par mi bya ba dang / tshul khrims kyi skyon dang / lta ba'i skyon dang / dpyod pa'i skyon dang 'tsho ba'i skyon dran par mi bya ba dang / dge slong mas dge slong la rtsod pa dang / tshul khrims kyi skyon dang lta ba'i skyon dang / dpyod pa'i skyon dang / 'tsho ba'i skyon dran par byed pa ni dgag par bya ba dag go/ /dge slong gis dge slong ma la rtsod pa dang tshul khrims kyi skyon dang lta ba'i skyon dang dpyod pa'i skyon dang 'tsho ba'i skyon dran par mi byed pa ni dgag pa ma yin no//kun dga' bo 'di ni ngas bud med kyi tshogs yongs su bsrung zhing yongs su mi 'da' ba dang gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa lnga pa'o//kun dga' bo dge slong la dge slong mas khro bar mi bya zhing smra bar mi bya ste/ dge slong la dge slong mas rtsod cing khro la smra bar byed pa bkag pa ste/ kun dga' bo 'di ni ngas bud med kyi tshogs yongs su bsrung zhing yongs su mi 'da' bar bya ba dang / gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa drug pa'o//kun dga' bo dge slong ma bla ma'i chos las 'das nas zla ba phyed du gnyi ga'i dge 'dun mgu ba spyad par bya ba ste/ kun dga' bo 'di ni ngas bud med kyi tshogs yongs su bsrung zhing yongs su mi 'da' bar bya ba dag las gang bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa bdun pa'o//dge slong ma lo brgya lon pas kyang de ring bsnyen par rdzogs pa'i dge slong la mngon par brjod cing phyag 'tshal ba dang / stan las ldang ba dang /'dud pa'i las dag bya ba ste/ kun dga' bo 'di ni ngas bud med kyi tshogs yongs su bsrung zhing yongs su mi 'da' ba dang / gang las bud med kyi tshogs ji srid 'tsho'i bar du slob par byed par 'gyur ba bla ma'i chos bcas pa brgyad pa'o/ /kun dga' bo skye dgu'i bdag mo chen mo gau ta mI gal te bla mar gyur pa'i chos brgyad po 'di dag yang dag par bsgrubs na de nyid kyis rab tu byung zhing bsnyen par rdzogs nas dge slong ma'i dngos por 'gyur ro//de nas tshe dang ldan pa kun dga' bo bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas te/bcom ldan 'das kyi drung nas song ste/ skye dgu'i bdag mo gau ta mI gang na ba der song ste nye bar song nas skye dgu'i bdag mo chen mo gau ta mI la 'di skad ces smras so/ / gau ta mI bud med kyi tshogs kyis rab tu byung zhing bsnyen par rdzogs te dge slong ma'i dngos po rnyed mod kyi 'on kyang bcom ldan 'das kyis bud med kyi tshogs yongs su bsrung zhing yongs su mi 'da' bar bya ba dang / gang las bud med kyi tshogs ji srid 'tsho'i bar du slob par 'gyur ba bla ma'i chos brgyad bcas pa de nyon cig dang bshad par bya'o zhes gsungs so//pho nyas ni chos sbyin no zhes bya ba la/ gleng gzhi ni mnyan du yod pa na'o/ /mnyan yod na khyim bdag ri dgas dang sbyin pa zhes bya ba gnyis gnas te/ de gnyis bshes por gyur pa nas/ ji srid du ma skyes pa'i gnyen 'brel byas pa'i bar du ste/ri dgas rtse zhing dga' ba dang yongs su spyod par byed pa las bu pho cig btsas te/ des de'i ming sa gzhis btags so/ /sbyin pas ri dgas la bu pho gcig skyes so zhes thos nas bdag gi bshes po la bu pho skyes pa de bdag gi mag par 'gyur ba'i gnas yod do zhes yang dag par rig nas des de la gos dang rgyan dag bskur ro//sbyin pa rtse zhing dga' ba dang yongs su spyod par byed pa las bu mo zhig btsas so/ /gang gi tshe dge slong ma dag der zhugs te chos ston par byed pa de'i tshe bu mo de rna ba gtad de chos nyan par byed do//de'i gnyen gyi tshogs dag 'dus te/ bu mo 'di'i ming cir gdags zhes ming 'dogs par byed pa na bu mo 'di chos 'don cing rna ba gtad de chos nyan par byed la khyim bdag sbyin pa'i khyim du skyes pas chos sbyin zhes gdags so zhes chos sbyin du btags so/ / khyim bdag sbyin pa la bu mo zhig skyes so zhes ri dgas kyis thos nas bdag gi bshes po la bu mo skyes pa gang yin pa de ni bdag gi mna' mar 'gyur ba'i gnas yod do zhes yang dag par rig nas des de la gos dang rgyan dag bskur ro/ /chos sbyin gsos shing bskyed pa las cher skyes pa dang /de pha dang ma'i drung du song nas smras pa/ yab yum mkhyen par mdzod cig /bdag ni dad pas yang dag pa kho nar khyim nas khyim med par rab tu 'byung ngo / /de gnyis kyis smras pa/ khyed ma skyes par nged cag gis ri dgas kyi bu la sbyin zin gyis khyod rang la dbang med do//de na dge slong ma ut+pa la'i mdog yang dang yang du chos ston par byed de/ de la chos sbyin gyis smras pa/ 'phags ma bdag dad pas yang dag pa kho nar khyim nas khyim med par rab tu 'byung 'dod na pha dang mas ma gnang gis/ khyod kyis bdag 'di nyid du ma tshor bar rab tu dbyung du gsol/des smras pa/ bcom ldan 'das la dri'o zhes des rnam pa de dag dge slong rnams la bsnyad do/ /dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong ma ut+pa la'i pho nyas chos sbyin rab tu dbyung bar bya zhes chos sbyin gnas de na gnas bzhin du gsum la skyabs su 'gro ba dang dge bsnyen gyi sdom pa sbyin par bya'o//des khyod la dge 'dun gyis gsum la skyabs su 'gro ba sbyin zhing dge bsnyen gyi sdom pa dag byin gyis khyod go rims bzhin du rab tu byung ba nyid du 'gyur ro zhes smras so//de la chos gos bskon nas ut+pa la'i mdog gis chos bstan pa dang rab tu byung ba tsam gyis chos sbyin gyis rgyun du zhugs pa'i 'bras bu mngon sum du byas so/ /ut+pa la'i mdog gis bcom ldan 'das la zhus pa dang / bcom ldan 'das kyis bka' stsal pa/ut+pa la'i mdog pho nyar byas te chos sbyin la bslab pa sbyin par bya zhing chos sbyin gnas de na gnas pa de nyid du bslab pa sbyin par bya'o/ /ut+pa la'i mdog song nas chos sbyin la smras shing bslab pa sbyin te chos bstan pa dang / des lan cig phyir 'ong ba'i 'bras bu mngon sum du byas so//ut+pa la'i mdog gis bcom ldan 'das la chos sbyin gyis lan cig phyir 'ong ba'i 'bras bu mngon sum du byas so zhes smras pa dang / bcom ldan 'das kyis bka' stsal pa/ ut+pa la'i mdog pho nyar byas te/ chos sbyin la tshangs par spyod pa yongs su rdzogs pa sbyin par bya zhing chos sbyin gnas de nyid na gnas bzhin du tshangs par spyod pa yongs su rdzogs par 'gyur ba sbyin par bya'o//ut+pa la'i mdog song ste smras shing tshangs par spyod pa yongs su rdzogs par byin zhing chos bstan pa dang / des phyir mi 'ong ba'i 'bras bu mngon sum du byas so//ut+pa la'i mdog gis bcom ldan 'das la chos sbyin gyis phyir mi 'ong ba'i 'bras bu mngon sum du byas so zhes gsol pa dang / bcom ldan 'das kyis bka' stsal pa/ ut+pa la'i mdog pho nyar byas te chos sbyin la bsnyen par rdzogs pa sbyin par bya zhing chos sbyin khyim gyi gnas de nyid na gnas bzhin du bsnyen par rdzogs par bya'o//ut+pa la'i mdog song nas dge 'dun gyis khyod la bsnyen par rdzogs par byin no zhes chos sbyin la smras shing chos bstan pa dang / des dgra bcom pa'i 'bras bu mngon sum du byas so//dgra bcom pa khyim gyi nang du gnas pa 'di ni gnas ma yin zhing go skabs med la sog 'jog gis yongs su longs spyod cing 'dod pa spyod pa 'di ni gnas ma yin zhing go skabs med pas des pha dang ma la dgra bcom pa nyid mngon sum du byas te mchis lags so zhes smras so//bu mo re zhig sdod go rims bzhin bya zhes nas sbyin pas sangs rgyas dge slong gi dge 'dun dang lhan cig khyim du gdugs tshod la spyan drangs te/ sa ga la yang phrin bskur ba/ 'di nas chos sbyin 'gro zhing 'dug pa/ gal te nus pa yod na zung cig /de yang 'khor dang bcas pa 'ongs te sgo drung na 'dug go /bcom ldan 'das gdugs tshod gsol nas chos bstan te gshegs so/ /chos sbyin phyi nas cha bar brtsams pa dang / sa gas chos sbyin gzung bar bya ba'i phyir lag pa brkyang ba dang / de nam mkha' la mngon par 'phags te/ 'bar ba dang / sreg pa dang /glog 'byin pa dang char 'bebs pa dang rdzu 'phrul bya bar brtsams pa dang / de sems mngon par dad nas 'phags ma khyod 'di lta bu'i yon tan gyi chos lhag par rtogs sam zhes smras te/ des de la ji srid 'cho'i bar du nye bar mkho ba thams cad phul lo/ /rang byung gi bsnyen par rdzogs pa ni dpe brjod gsal po ma rnyed pas ma bris so//dge slong 'od srungs chen po ni 'dul ba las bshad do/ /legs sbyin ni snyigs ma lnga'i mdo las so/ /sde bzang drug cu'i tshogs ni reg pa drug pa las 'don te/ de'i drug pa dang bzhi pa'i mdo las so/ /nyin zhag gcig pa ni mdo las bshad de zhes bya ba la gleng gzhi ni mnyan du yod pa na'o//dge slong dag 'phags pa'i lam yan lag brgyad dang yang dag par ldan pa'i gso sbyong dag yang dag par bstan par bya yis/ de legs par nyon zhes bya ba nas/ bshad par bya'o zhes bya ba'i bar du'o/ / 'phags pa'i lam yan lag brgyad dang ldan pa'i gso sbyong gang zhe na/ 'di na 'phags pa nyan thos 'phags pa'i lam yan lag brgyad dang ldan pa'i gso sbyong la gnas par 'dod pa dag la yan lag brgyad pa sbyin par bya ste/ brgyad gang zhe na/ ji ltar dgra bcom pa dag ji srid 'tsho'i bar du srog gcod pa spangs te/srog gcod pa las log pa dang / dbyug pa spangs shing mtshon cha spangs te ngo tsha ba dang bcas pas sems can srog chags 'byung por gyur pa yan chad kyi srog nye bar bzung ste/ srog gcod pa las slar log pa de bzhin du bdag ming 'di zhes bya ba dus 'di nas bzung ste/mtshan mo 'das shing nyi ma ma shar gyi bar du srog gcod pa spong zhing srog gcod pa las slar log ste/ yan lag dang po 'dis bdag 'phags pa dgra bcom pa de dag gis bslab pa la rjes su slob po rjes su bsgrub po/ /gzhan yang ji ltar dgra bcom pa dag ji srid 'tsho'i bar du ma byin par len pa spangs shing ma sbyin par len pa las log /sbyin pa po'i sbyin pa dang sbyin pa bar pa dag la 'dod cing mi rgyu la ser sna med cing dag cing gtsang la bdag nyid yongs su bsrungs te/ ma byin par len pa spangs te ma byin par len pa las log pa de bzhin du bdag ming 'di zhes bya ba ma byin par len pa spangs shing ma byin par len pa las log ste/yan lag gnyis pa 'dis bdag 'phags pa dgra bcom pa de dag gis bslab pa la rjes su slob po/ /rjes su bsgrub po/ /gzhan yang dgra bcom pa dag ji srid 'tsho'i bar du mi tshangs par spyod pa spangs shing mi tshangs par spyod pa las log cing tshangs par spyod pa dga' bar spyod cing dag pa dang gtsang bar spyod pa dang ldan pa 'gro ba'i chos spangs shing log par g.yem pa dang bral ba dang mi tshangs par spyod pa spangs te mi tshangs par spyod pa las slar log pa de bzhin du zhes bya ba nas bdag ming 'di zhes bya ba zhes bya ba nas/yan lag gsum pa'o zhes bya ba'i bar du snga ma bzhin du'o/ /gzhan yang dgra bcom pa dag brdzun du smra ba spangs shing brdzun du smra ba las slar log pa dad pa/ yid ches pa dang brtan pa dang 'jig rten la sgro mi 'dogs shing brdzun du smra ba spangs shing /brdzun du smra ba las slar log pa de bzhin du bdag ming 'di zhes bya ba zhes bya ba nas yan lag bzhi pa yin no zhes bya ba'i bar du'o/ /gzhan yang dgra bcom pa dag ji srid 'tsho'i bar du myos par 'gyur ba bag med pa'i gnas spangs shing myos par 'gyur ba bag med pa'i gnas las log pa de bzhin du bdag ming 'di zhes bya ba zhes bya ba nas/yan lag lnga pa yin no zhes bya ba'i bar du'o/ /gzhan yang ji ltar dgra bcom pa dag ji srid 'tsho'i bar du mal stan mthon po dang mal stan chen po dang / dri dang /phreng ba dang / gar dang kha dog sgyur ba spangs te zhes bya ba nas/ yan lag drug pa 'dis zhes bya ba'i bar du snga ma bzhin du'o/ /gzhan yang dgra bcom pa dag ji srid 'tsho'i bar du glu gar dang rol mo spangs te glu gar dang rol mo las slar log pa de bzhin du bdag ming 'di zhes bya ba nas/yan lag bdun pa yin no zhes bya ba'i bar du'o/ /gzhan yang dgra bcom pa dag ji srid 'tsho'i bar du dus ma yin pa'i kha zas spangs te dus ma yin pa'i kha zas las log pa de bzhin du bdag ming 'di zhes bya ba nas dus ma yin pa'i kha zas spangs te dus ma yin pa'i kha zas las slar ldog ste/yan lag brgyad pa 'dis bdag 'phags pa dgra bcom pa de dag gis rjes su slob bo rjes su bsgrub bo/ /lan gnyis lan gsum du brjod par bya ste/ 'di ni 'phags pa'i lam yan lag brgyad dang ldan pa'i gso sbyong zhes bya'o zhes gsungs so/ /shan pa dang byi ba byed pa nyin par dang mtshan mo zhes bya ba la/'dul ba'i ko lpags kyi gzhi las 'don pa lta bu ste/ rgya mtsho'i ngos su don mthun dang bral zhing nyams pa'i rna ba bye ba ri yi dags kyi grong gnyis su zhugs shing de las yang dag par 'das pa nas ji srid du nyi ma nub pa na gzhal yas khang cig mthong ste/de na bud med mdzes pa gzugs bzang ba bzhi dang / skyes bu mdzes pa gzugs bzang ba blta na sdug pa yan lag gi rgyan dang / rna cha dang / phreng ba sna tshogs kyis brgyan cing klubs pa na 'dug ste/ de dag dang lhan cig rtse zhing dga' la yongs su spyod par byed do/ / de dag gis de ring po nas 'ong ba mthong nas de la smras pa/ bye ba ri bde bar 'ongs pa legs so/ /mi ltogs sam mi skom mam zhes smras so/ /de 'di snyam du ci 'di nges par na lha'am klu'am gnod sbyin zhig yin snyam nas/ smras pa bdag ltogs shing skom mo/ /de dag gis de la khrus byas shing zan byin te/de gzhal yas khang de nyid na 'dug pa nas ci tsam na nyi ma shar ba'i dus na/ de dag gis de la smras pa/ bye ba ri song shig 'dir gnod pa dag 'byung bar 'gyur ro/ /de de nas byung nas phyogs gcig tu song ste 'dug pa dang / de'i rjes la nyi ma shar ba'i dus na/gzhal yas khang de nub par gyur cing bud med bzhi po nub nas khro zhing sre ba'i khyi bzhi byung bar gyur te/ de dag gis de'i mgo thur du bstan te ji srid du sos bcad cing dum bu dum bur zos pa nas ji tsam dgongs ka nyi ma nub pa'i dus na gzhal yas khang yang phyir byung zhing bud med bzhi po yang byung bar gyur te/skyes bu de yang mdzes pa gzugs bzang ba blta na sdug pa yan lag gi rgyan dang rna cha dang phreng ba sna tshogs kyis brgyan cing klubs par gyur te/ de de dag dang lhan cig rtse zhing dga' la yongs su spyod par byed do/ /de de dag gi drung du song ste/ kye khyed cag gis las ci zhig byas nas 'dir skyes/de dag gi smras pa/ bye ba ri 'dzam bu'i gling gi mi rnams ni yid ches par dka' ba yin pas dad par mi 'gyur ro/ /des smras pa/ ngas mngon sum du mthong na ci'i phyir dad par mi 'gyur/ de dag gis smras pa/ bye ba ri bdag grong gi shan par gyur nas lug dag bsad cing btsongs shing bsgyur te 'tsho bar byed pa las 'phags pa kA t+yA ya na bdag la thugs brtse bas 'ongs te smras pa/bzhin bzangs chos ma yin pa sdig pa can gyi las 'di'i 'bras bu rnam par smin pa ni mi 'dod cing mi sdug pa yin no zhes smras kyang bdag gis de'i tshig ma mnyan no//de yang yang dgongs shing bskul te/ bzhin bzangs chos ma yin pa sdig pa can gyi las 'di'i 'bras bu ni mi 'dod pa yin no zhes smras kyang bdag gis de'i tshig ma mnyan pa dang / des smras pa/ bzhin bzangs khyod lug dag nyin par gsod dam 'on te mtshan mo//bdag gis smras pa/ 'phags pa nyin par ro zhes smras so/ /des smras pa/ mtshan mo bdag la tshul khrims dag long shig /bdag gis de la mtshan mo tshul khrims dag blangs so/ /de las de'i rnam par smin pa ni mtshan mo 'di lta bu'i bde ba dag nyams su myong ngo /gang nyin par lug dag bsad pa'i las de'i rnam par smin pas nyin par rnam pa 'di lta bu'i sdug bsngal dag nyams su myong ngo zhes tshigs su bcad pa smras pa/ nyin par gzhan gyi srog bcad cing / /mtshan mo'i tshul khrims yon tan ldan/ /de dag las de'i 'bras bu ni//bde dang mi bde nyams su myong / /bye ba ri khyod grong du 'gro ba na/ /de na nga'i bu shan pa yod kyis de la 'di skad ces smros shig /ngas khyed cag gi pha mthong ste/ de 'di skad du chos ma yin pa sdig pa can gyi las 'di'i 'bras bu ni mi 'dod pa dang mi sdug pa yin no zhes smra'o/ / des smras pa/ kye skyes bu khyod 'di skad smra la 'dzam bu'i gling gi mi rnams ni yid ches par dka' ba yin pas dad par mi 'gyur ro/ /de dag gis smras pa/ gal te dad par mi 'gyur na 'di skad du smra bar bya ste/ khyod kyi pha'i gdang bu'i 'og na gser gyi bum pa gang ba cig 'dug gis de thon la khyed cag rang yang bde bar gnas shing dus dus su 'phags pa kA t+yA ya na la yang bsod snyoms phul cig /bdag gi ming gis yon dag phul zhing chos bshad pa byas na las de ma lus par zad cing yongs su byang ba dang gtugs par 'gyur ro zhes smra'o/ /de de las yang dag par 'das pa nas ji tsam na nyi ma 'char ba'i dus na gzhal yas khang zhig gi nang na bud med mdzes pa gzugs bzang ba blta na sdug pa zhig dang skyes bu mdzes pa gzugs bzang ba blta na sdug pa zhig yan lag gi rgyan dang /rna cha dang / phreng ba sna tshogs kyis brgyan zhing klubs pa zhig mthong ste/de de dang lhan cig rtse zhing dga' la yongs su spyod pa mthong ngo / /de dag gis de rgyang ring po nas mthong nas gus pas smras pa/ bye ba ri 'ongs pa legs so/ /mi ltogs sam/ mi skom mam zhes smras so/ /de 'di snyam du ci 'di nges par lha'am/ klu'am gnod sbyin zhig snyam nas smras pa/bdag skom mo/ /ltogs so/ /de dag gis de la khrus byas shing zan byin te/ de gzhal yas khang de nyid na gnas so/ /ji tsam na nyi ma nub pa'i dus na de dag gis smras pa/ 'dir gnod pa dag 'byung bar 'gyur gyis bye ba ri song shig /de sa'i phyogs gcig mthong ba cig tu byung ste 'dug pa dang /de'i 'og tu dgongs ka nyi ma nub pa'i dus na gzhal yas khang de yang nub cing bud med de yang nub ste/ srin bu rkang pa brgya pa chen po zhig byung ste/ de skyes bu de'i lus dag lan bdun du g.yogs shing dkris te/ skra nas rkang pa'i bar du zos so//ji tsam du nyi ma 'char ba'i dus na gzhal yas khang de yang phyir byung zhing bud med kyang byung zhing skyes bu de yang mdzes pa gzugs bzang ba blta na sdug pa yan lag gi rgyan dang / rna cha dang phreng ba sna tshogs kyis klubs par gyur te/ de de dang lhan cig rtse zhing dga' ba yongs su spyod par byed do//de de dag gi drung du song ste/ kye khyed cag gis las ci zhig byas pas 'dir skyes/ des smras pa/ bye ba ri 'dzam bu'i gling gi ni rnams yid ches par dka' ba yin pas dad par mi 'gyur ro/ /des smras pa/ ngas mngon sum du mthong na ci'i phyir dad par mi 'gyur/ des smras pa/ bdag sngon grong gi bram ze byi ba byed par gyur la/ 'phags pa kA t+yA ya na bdag la thugs brtse bas 'ongs te smras pa/ bzhin bzangs chos ma yin pa sdig pa can gyi las de'i 'bras bu ni mi 'dod pa dang yid du mi 'ong ba yin no zhes smras kyang bdag gis de'i tshig ma mnyan no//de yang nas yang du 'ongs te skul bar byed de/ bzhin bzangs chos ma yin pa sdig pa can gyi chos 'di'i 'bras bu ni mi 'dod cing yid du mi 'ong ba yin no zhes smras kyang bdag gis de'i tshig ma mnyan pa dang des smras pa/ bzhin bzangs khyod byi ba nyin par byed dam/'on te mtshan mo byed/ ngas smras pa/ 'phags pa mtshan mo byed do/ /des smras pa bzhin bzangs de lta na nyin par tshul khrims kyi sdom pa dag zung cig /ngas de las nyin par tshul khrims kyi sdom pa blangs te/ las de'i 'bras bu rnam par smin pas nyin par rnam pa 'di lta bu'i bde ba nyams su myong la/gang mtshan mo byi ba byas pa'i las de'i 'bras bu rnam par smin pas mtshan mo rnam pa 'di lta bu'i sdug bsngal dag nyams su myong ngo zhes tshigs su bcad pa smras pa/ mtshan mo byi ba byed pas myos/ /nyin mo tshul khrims yon tan ldan/ /de dag las de'i 'bras bu ni//bde dang mi bde nyams su myong / bye ba ri khyod grong du 'gro na bram ze byi ba byed pa bdag gi bu yod kyis de la 'di skad du smra bar bya ste/ khyod cag gi pha bdag gis mthong ste de la 'di skad du/ chos ma yin pa sdig pa can gyi chos 'di'i rnam par smin pa ni mi 'dod cing yid du mi 'ong ba yin no zhes smros shig /kye skyes bu khyod 'di skad smra ba la 'dzam bu'i gling gi mi rnams ni yid ches par dka' ba yin pas dad par mi 'gyur ro/ /des smras pa/ bye ba ri gal te mi dad na 'di skad du khyod kyi pha'i hom khung gi 'og na gser gyi bum pa gang ba zhig 'dug gis de thon la bdag nyid kyang bde bar gyis la 'phags pa kA t+yA ya na la yang bsod snyoms phul cig bdag cag gi ming gis yon phul zhing chos bstan pa dag gyis dang /las de ma lus par zad cing yongs su byang ba dang gtugs par 'gyur ro zhes smra'o zhes gsungs so/ /de ltar ma yin na sngar gso sbyong gi mdo nas ji skad gsungs pa bzhin na mdo'i 'don pa 'di mi rigs so//gang yang ming chen gyi mdo las zhes bya ba la/ bcom ldan 'das ser skya'i gzhi n+ya gro d+ha'i kun dga' ra ba na bzhugs te/ de nas shAkya ming chen bcom ldan 'das gang na ba der nye bar song ste zhes bya ba nas/ bcom ldan 'das la 'di skad ces gsol to//btsun pa ji tsam gyis na dge bsnyen du 'gyur lags/ ming chen khyim pa gos dkar po can skyes pa pho'i dbang po dang ldan pa zhig sangs rgyas la skyabs su 'gro /chos la skyabs su 'gro /dge 'dun la skyabs su 'gro zhing bdag dge bsnyen du gzung du gsol zhes tshig tu yang smra bar byed na/ming chen 'di tsam gyis na dge bsnyen du 'gyur ro/ /btsun pa 'di tsam gyis na dge bsnyen du 'gyur ram/ btsun pa ji tsam gyis na sna gcig la slob par byed pa'i dge bsnyen du 'gyur/ ming chen dge bsnyen gang zhig srog gcod pa spong zhing srog gcod pa las slar ldog par byed na/ 'di tsam gyis na sna gcig la slob par byed pa'i dge bsnyen du 'gyur ro/ /btsun pa 'di tsam gyis na sna gcig la slob pa'i dge bsnyen du 'gyur lags sam/ btsun pa ji tsam gyis na bslab pa phyogs gcig bsrung ba'i dge bsnyen du 'gyur zhe na/ ming chen dge bsnyen gang zhig srog gcod pa spong zhing srog gcod pa las slar ldog par byed pa/ma byin par len pa spong zhing ma byin par len pa las slar ldog par byed na ming chen 'di tsam gyis na phyogs gcig la slob pa'i dge bsnyen du 'gyur ro/ /btsun pa 'di tsam gyis phyogs gcig la slob pa'i dge bsnyen du 'gyur ram/ btsun pa ji tsam gyis na phal cher slob pa'i dge bsnyen du 'gyur/ ming chen dge bsnyen gang srog gcod pa spong zhing srog gcod pa las slar ldog pa dang / ma byin par len pa spong zhing ma byin par len pa las slar ldog pa dang / 'dod pas log par g.yem pa spong zhing 'dod pas log par g.yem pa las slar ldog par byed na ming chen 'di tsam gyis na phal cher bslab pa'i dge bsnyen du 'gyur ro//btsun pa 'di tsam gyis na phal cher spyod pa'i dge bsnyen du 'gyur ram/ btsun pa ji tsam gyis na bslab pa yongs su rdzogs pa'i dge bsnyen du 'gyur zhe na/ dge bsnyen gang zhig srog gcod pa spong zhing srog gcod pa las slar ldog pa dang ma byin par len pa dang /'dod pas log par g.yem pa dang / brdzun du smra ba dang 'bru'i chang dang bcos pa'i chang myos par 'gyur ba bag med pa'i gnas spangs te/ 'bru'i chang dang bcos pa'i chang myos par 'gyur ba bag med pa'i gnas las slar ldog par byed na/ming chen 'di tsam gyis na slob pa yongs su rdzogs pa'i dge bsnyen du 'gyur ro/ /btsun pa 'di tsam gyis na bslab pa yongs su rdzogs pa'i dge bsnyen du 'gyur ram/ de nas shAkya ming chen zhes bya ba nas/ langs te song ngo zhes bya ba'i bar du'o/ /'jigs pas skrag pa'i mi rnams ni/ /phal cher ri dang nags tshal dang / /zhes bya ba la cho 'phrul chen po'i mdo las 'di skad du 'don te/ de nas bcom ldan 'das kyi g.yas dang g.yon gyi logs nas pad+ma dag byung ste/ de dag la sangs rgyas kyi sprul pa'i sku dag bzhugs te/de dag gi yang g.yas dang g.yon gyi logs dag nas pad+ma dag byung ste zhes bya ba nas 'og min gyi bar du de bzhin du ste/ de dag la bcom ldan 'das kha cig ni 'bar bar byed la/ sreg pa dang char 'bebs pa dang / glog 'byin par byed la/ kha cig ni lung ston par mdzad/kha cig ni dri ba 'dri bar mdzad/ kha cig ni lan 'debs par mdzad/ kha cig ni gshegs par mdzad/ kha cig ni bzhugs par mdzad/ kha cig ni gzims par mdzad pa lta bur snang ste/ de nas bcom ldan 'das kyis de'i tshe tshigs su bcad pa 'di skad ces bka' stsal to//brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod par 'gyur/ /skye ba'i 'khor ba rab spangs nas/ /sdug bsngal tha mar byed par 'gyur//de nas bcom ldan 'das kyis ji ltar khye'u dang bu mos kyang 'og min gyi bar du sangs rgyas kyi sprul pa bsgribs pa med par mthong ba de bzhin du byin rlabs mdzad do/ /de nas bcom ldan 'das kyis dge slong rnams la bos te/ dge slong dag mtshan ma 'di dag zung shig ces nas mi snang bar gyur to//de nas rgyal po sde rab tu pham byed kyis mu stegs can rnams la 'di skad ces smras so/ /kye bcom ldan 'das kyis mi'i chos las khyad par du 'phags pa'i rdzu 'phrul dang cho 'phrul dag dang / mi'i chos las bla na med pa'i rdzu 'phrul dag bstan pa mthong ngam/da ni khyed cag gi res la bab kyis khyed cag gis kyang mi'i chos las khyad par du 'phags pa'i rdzu 'phrul dang cho 'phrul dag ston cig ces smras pa dang / 'od srungs rdzogs byed dang / kun du rgyu gnag lhas kyi bu dang / smra 'dod kyi bu yang dag par rgyal ba can dang /mi 'pham skra'i la ba can dang / ka t+ya'i bu nog can dang / gcer bu pa gnyen gyi bu rnams phan tshun dpung pa dag bsnun/ 'gyel te kha rog par gyur/ dpa' zhum par gyur/ phrag pa zhum par gyur/ spobs pa med par gyur te sems pa la zhugs te gnas so/ /ston pas [(]'ang [,]'ong [)]skad ces bka' stsal to//ji srid nyi ma ma byung ba/ /de srid srin bus snang bar byed/ /nyi ma shar bar gyur pa na/ /snang ba med cing nag por gyur/ /ji srid de bzhin gshegs pa ni/ /ma byung bar du rtog ge snang / /rdzogs sangs 'jig rten snang ba na/ /rtog ge mi snang nyan thos min//de nas phyag na rdo rje 'di snyam du skyes bu rmongs pa 'di dag de bzhin gshegs pa la yun ring ba nas nye bar 'tsho'o snyam pas gang gis na mu stegs can gyi rdzu 'phrul gyi khang pa mi snang bar gnas par 'gyur ba'i rlung dmar dang char pa dag btang ba dang / de las kha cig ni 'jigs nas ri phug tu zhugs so//kha cig ni rtswa'i phug tu/ kha cig ni nags kyi phug tu/ kha cig ni kun dga' ra bar/ kha cig ni lha khang du/ kha cig ni bcom ldan 'das kyi rdzu 'phrul gyi khang par zhugs so/ /de nas bcom ldan 'das kyis sangs rgyas dang sangs rgyas kyi rdzu 'phrul chen po dang lha dang lha rnams kyi mthu chen pos ji ltar rdzu 'phrul gyi khang pa la char thigs pa gcig tsam yang mi 'bab pa rnam pa de lta bur byin gyis brlabs so//de nas bcom ldan 'das kyis de'i tshe tshigs su bcad pa 'di skad ces bka' stsal to/ /'jigs pas skrag pa'i mi rnams ni/zhes bya ba nas/ sdug bsngal kun las grol mi 'gyur/ /zhes bya ba'i bar du'o/ /gang yang 'di ltar 'don te zhes bya ba la/ re zhig reg pa bzhi pa'i mdo de dang de las te/ de nas khyim bdag rigs mchog grags pa'i bu chos mthong ba/ chos thob pa/chos rig pa/ chos kyi rnam grangs rtogs pa/ chos la the tshom las brgal zhing som nyi las brgal ba/ gzhan gyi rkyen gyis mi 'gro ba chos la mi 'jigs pa thob pa stan las langs te/ bla gos phrag pa gcig tu byas te/ bcom ldan 'das gang na ba de thal mo sbyar te/bcom ldan 'das la 'di skad ces gsol to/ /btsun pa bdag ni mngon par 'phags so/ /rab tu 'phags so/ /btsun pa bdag sangs rgyas la skyabs su mchi'o/ /chos dang dge 'dun la skyabs su mchi'o/ /dge bsnyen du gzung du gsol/ 'di nas bzung ste ji srid 'tsho'i bar du srog gcod pa spong zhing skyabs su 'gro ste mngon par dad do zhes gsungs te/'di yang mdzod kyi gnas gnyis par tshe zad pas 'chi ba zhes bya ba la sogs pas bris zin to/ /gang yang mdo las ji skad du dge 'dun zhes bya ba 'byung bar 'gyur ba de la yang skyabs su song shig ces bya ba la reg pa bzhi pa'i mdo de las 'di skad 'don te/de nas bcom ldan 'das kyis tshong pa ga gon dang bzang po gnyis la bos te/ khyed cag sangs rgyas la skyabs su song shig /chos la skyabs su song shig ma 'ongs pa'i dus na dge 'dun zhes bya ba 'byung bar 'gyur ba de la yang skyabs su song shig /de dag gis smras pa/ btsun pa de bzhin te/ sangs rgyas la skyabs su mchi'o/ /chos la skyabs su mchi'o/ /ma 'ongs pa'i dus na dge 'dun zhes bya ba 'byung bar 'gyur ba de la yang skyabs su mchi'o zhes gsungs so/ /bstan bcos las 'di skad du zhes bya ba la ye shes la 'jug pa las gang ji skad du gang sangs rgyas la skyabs su 'gro ba de ci zhig la skyabs su 'gro zhe na/chos gang dag dang ldan nas sangs rgyas zhes brjod pa dang 'dogs pa dang ming dang tha snyad du bya ba ste/ sangs rgyas su byed pa'i chos mi slob pa la skyabs su 'gro zhes gsungs so//ji skad du bcom ldan 'das kyis zhes bya ba la 'dul ba phran tshegs kyi sgo bzhi pa las sdom gyi tshigs su bcad pa lnga par rdzu 'phrul gyi rnam pa 'di ltar 'don to/ /btsun pa ji ltar nad pa zhes bya ba la 'dul ba phran tshegs kyi sgo bzhi pa'i sdom gyi tshigs su bcad pa bzhi pa las/tshe dang ldan pa nye ba 'khor gyis bcom ldan 'das la dris pa/ btsun pa bcom ldan 'das ji skad du nad pa bskyang zhing ji ltar nad pa gso bar bgyi/ nye ba 'khor rang bzhin gyi kha na ma tho ba ma gtogs par ji ltar bde bar nad pa bskyang bar bya'o zhes gsungs so/ /shAkya nang pa rnams zhes bya ba la 'dul ba mu tig gi sgo dang po'i sdom gyi tshigs su bcad pa bcu pa las te/de las ji skad du myos par 'gyur ba'i chos bzhi po 'di dag dang ldan pa ni byis pa rmongs pa mi gsal ba skyes bu dam pa ma yin pa nyid du rig par bya ste/ bzhi gang zhe na/ srog gcod pa ma spangs shing /ma byin par len pa dang / 'dod pas log par g.yem pa dang / 'bru'i chang dang bcos pa'i chang myos par 'gyur ba ma spangs pa'o/ /chos bzhi po 'di rnams dang ldan pa ni mkhas pa gsal ba skyes bu dam pa zhes bya ste/ bzhi gang zhe na/ srog gcod pa spangs shing srog gcod pa las slar log pa dang /ma byin par len pa dang / 'dod pa las log par g.yem pa dang / 'bru'i chang dang bcos pa'i chang myos par 'gyur ba bag med pa'i gnas las slar log pa'o/ /gleng gzhi ni mnyan du yod pa na'o/ /chos bzhi po 'di dag dang ldan pa ni byis pa rmongs pa mi gsal ba mi mkhas pa skyes bu dam pa ma yin pa zhes bya ste/brdzun du smra ba dang / phra ma'i tshig dang / tshig rtsub mo dang / tshig kyal pa ma spangs pa'o/ /chos bzhi po 'di rnams dang ldan pa ni mkhas pa gsal ba skyes bu dam pa ste/ bzhi gang zhe na/ brdzun du smra ba spangs pa dang /phra ma dang / tshig rtsub po dang / tshig kyal ba spangs pa'o zhes gsungs so/ /lus dang ngag gi nyes par spyod pa'i tshoms las 'don pas srog gcod pa dang phra ma bzhin du myos par 'gyur ba 'thung ba yang nyes par spyod pa zhes bya'o/ /gang yang bcom ldan 'das kyis ji skad du zhes bya ba la 'dul ba'i rab tu byung ba'i gzhi las 'di ltar 'don te/tshe dang ldan pa khyod nyon cig /bzhi po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des 'di ltar rab tu byung zhing bsnyen par rdzogs pa'i dge slong gi ltung bar 'gyur ba'i chos su gsungs te/de dag las gang yang rung ba zhig gis ltung bas dge slong ltung ba dang bcas par 'gyur na/ dge slong ma yin/ dge sbyong ma yin/ shAkya'i bu ma yin te/ dge slong gi dngos po nyams shing bcom par 'gyur te/dge sbyong gi dngos po zhig cing ltung ba dang pham pa dang phyir gsor mi rung bar 'gyur te/ 'di lta ste/ shing ta la'i mgo bcad pa bcos su med cing sngon por 'gyur du mi rung la 'phel zhing rgyas pa dang yangs par 'gyur du mi rung ba de bzhin du dge slong 'di lta bu'i ngo bo'i myos par 'gyur ba 'thung na yang dge slong ma yin/dge sbyong ma yin/ shAkya'i bu ma yin te/ dge slong gi dngos po las nyams shing bcom par 'gyur te/ de'i dge sbyong gi dngos po zhig cing lhung ba dang / pham pa dang / phyir bcos su mi rung bar 'gyur ro zhes gsungs so//'di dag ni 'dul ba las bstan te zhes bya ba la/ rnam par 'byed pa'i pham pa dang po las 'di skad du 'don te/ yang dge slong gang zhes bya ba nas/ dge slong ni rnam pa bzhi ste/ ming gi dge slong dang / khas 'ches pa'i dge slong dang / slong bas na dge slong dang / nyon mongs pa bcom pa'i dge slong ngo //ming gi dge slong gang zhe na/ gang ming dang ming du brjod pa dang / nges tshig dang btags pa dang rig byed dang / tha snyad du dge slong zhes bya ba dang / dge slong gi rigs dang / spyir dge slong zhes brjod pa ste/ 'di ni ming gi dge slong zhes bya'o/ /khas 'ches pa'i dge slong gang zhe na/dge slong ma yin bzhin du dge slong zhes bdag nyid khas 'che zhing rkun mar gnas bzhin du bdag nyid dge slong zhes khas 'che ba ste/ 'di ni khas 'che ba'i dge slong zhes bya'o/ /slong bas na dge slong gang zhe na/ gang chos dang ldan par slong zhing 'tsho bar byed pa ste/ 'di ni slong bas dge slong zhes bya'o//nyon mongs pa bcom pa'i dge slong gang zhe na/ gang gi zag pa dang bcas pa'i kun nas nyon mongs pa yang srid par nad dang sdug bsngal kun 'byung ba dang / ma 'ongs pa'i skye ba dang rga ba dang na ba dang 'chi ba de dag spangs shing yongs su shes par gyur cing rtsa ba nas bcad de/shing ta la mgo bcad pa bzhin du ma 'ongs pa'i skal ba mnyam pa mi skye ba'i chos can du byas pa ste/ 'di ni nyon mongs pa bcom pas na dge slong zhes brjod do/ /don 'di la ni gsol ba dang bzhi'i las kyis bsnyen par rdzogs pa'i dge slong yin par dgongs te/ de yang khro ba med pa dang gnas par bya'o zhes gsungs so//dge 'dun gyi longs spyod pas kham bu gcig kyang ma gnang zhes bya ba la/ gleng gzhi ni mnyan du yod pa na'o/ /mu stegs can gyi nyan thos dag 'dun pas don du gnyer nas bya ba byed pa khyim bdag mgon med zas sbyin gyis mthong zhing rig nas 'di snyam du mu stegs can gyi nyan thos dag 'dun pas don du gnyer nas nyes par bshad pa'i chos la mu stegs kyi bya ba byed na/bdag kyang skye bo mang pos dge 'dun la yon dbul bar bya'o snyam mo/ /de nas khyim bdag mgon med zas sbyin bcom ldan 'das gang na ba der song ste/nye bar song nas bcom ldan 'das kyi zhabs la spyi bos phyag byas nas bcom ldan 'das la 'di skad ces gsol to/ /bcom ldan 'das mkhyen par mdzod cig /bdag kyang skye bo mang po'i tshogs dag dge 'dun la yon dag 'bul bar 'gyur ba de ltar bgyi'o/ / bcom ldan 'das kyis bka' stsal pa/ khyim bdag gnang gis bskul bar gyis shig /khyim bdag gis bskul nas 'di skad du 'phags pa bdag nyid kyis kyang bskul bar mdzod cig dang de ltar na bdag cag gi mdzes par 'gyur ro zhes pa'i skabs de lta bu dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ dge slong dag gis de la grogs dag sbyin par bya'o/ /khyim bdag gis smras pa/ gal te sgrogs par byed na bdag cag las bsod nams mang por 'gyur ro/ /bcom ldan 'das kyis bka' stsal pa/dge slong dag gis bsgrag par bya'o/ /khyim bdag 'di lta bu'i zhes bsgrag par bya'o/ /des 'di skad ces 'phags pa rnams kyis bsgrags na bdag cag la bsod nams chen por 'gyur ro/ /bcom ldan 'das kyis bka' stsal pa/ dge slong gis bsgrag par bya zhing gtsug lag khang du 'ongs pa yang bsgrag par bya'o//der sgrib pa dang bcas nas 'khor lo la 'dzeg par bya'o/ /der tshad pa dang char pas gnod na gtsug lag khang bya'o/ /der skye bo mang po'i tshogs 'dus pas bsgribs shing mi mthong na sgo bzhi gdod par bya zhing sgo bzhi'i steng du 'dzegs te bsgrag par bya'o//gos kyi rnyed pa mang du byung bas khyim bdag mgon med zas sbyin gyi rgyal byed kyi tshal gang bar byas so/ /der ma byin par len pa dag gis phrogs nas bcom ldan 'das kyis bka' stsal pa/ bzlog par bya'o/ /gzhan gyi ltung ba dag sdud pa yang 'gegs par byed nas/bcom ldan 'das kyis bka' stsal pa/ gang yang phrogs pa dag bzlog par bya'i gang bcings pa dag ni bzlog par mi bya'o/ /de nas khyim bdag mgon med zas sbyin gyis smras pa/ bcom ldan 'das kyi nyan thos kyi dge 'dun tshul khrims phun sum tshogs pa/ting nge 'dzin phun sum tshogs pa/ shes rab phun sum tshogs pa/ rnam par grol ba phun sum tshogs pa/ rnam par grol ba'i ye shes phun sum tshogs pa/ 'dud par bya ba/ rab tu 'dud par bya ba/ thal mo sbyar bar bya ba/ 'dun par bya ba/'jig rten gyi bla na med pa'i yon gnas de dag la gos kyi phreng ba 'di dag bdag 'bul lo zhes smras so/ /de nas so so'i skye bo dag 'di skad du bdag cag 'ching ba mtha' dag pa rnams kyis 'di dag mi 'thob po zhes smras so/ /de nas slob pa dag 'di skad du/ bdag ni kun tu sbyor ba dag gis lhag ma dang bcas pas bdag cag gis kyang mi 'thob po zhes smras so//mi slob pa dag 'di snyam du zhes bya ba nas/ skabs de bcom ldan 'das la gsol ba zhes bya ba nas rgyas par ro/ /kun dga' bo song la dge slong rnams la 'di skad du khyed cag nga'i drung na bsam pa thag pa nas mya ngan las 'das pa'i bsam pas tshangs par spyad pa spyod dam zhes smros shig /de nas tshe dang ldan pa kun dga' bos dge slong rnams la smras pa dang / de dag gis smras pa/ btsun pa kun dga' bo de bzhin no/ /tshe dang ldan pa kun dga' bos bcom ldan 'das la gsol pa dang /bcom ldan 'das kyis bka' stsal pa/ de lta bas na rjes su gnang gis nga'i drung na bsam pa thag pa nas mya ngan las 'das pa 'dod cing tshangs par spyad pa spyod pa dag la kha zas ro brgya pa dang / brgya stong ri ba'i gos dang / gzhal yas khang lnga brgya dag gzhang mod kyi/'on kyang dge slong dag yongs su longs spyod pa ni lnga ste/ bdag pos yongs su longs spyod pa dang / skal bas yongs su longs spyod pa dang / rjes su gnang bas yongs su longs spyod pa dang / bu lon gyis yongs su longs spyod pa dang / rku bas yongs su longs spyod pa rnams so//de la bdag pos yongs su longs spyod pa ni dgra bcom pa'o/ /skal bas yongs su longs spyod pa ni slob pa'o/ /rjes su gnang bas yongs su longs spyod pa ni so so'i skye bo dge ba'i chos can rnams so/ /bu lon gyis yongs su longs spyod pa ni yang yang lhung ba dag go//rku bas yongs su longs spyod pa ni tshul khrims 'chal pa rnams te/ rtsa ba'i ltung ba byung zhing dge sbyong ma yin pa la dge sbyong du khas 'che ba rnams la ni rjes su ma gnang ste/ dge slong tshul khrims 'chal pa dge 'dun gyi zas la kham su gcig tsam dang / gnas sa phyi rting gang tsam yang ma yin no//de lta bas na rjes su gnang gis byung ba dag yang dag par bgo bar bya'o/ /de nas tshe dang ldan pa nye ba 'khor gyis bcom ldan 'das la zhus pa/ btsun pa bcom ldan 'das kyis tshul khrims 'chal pa bskrad par bya'o zhes gsungs na gang gis bskrad par bgyi/nye ba 'khor dge 'dun gyis so/ /ji ltar bskrad par bgyi/ de'i snod dag gdon par bya'o/ /'dug rten dag gzhan du bsgyur bar bya zhing / /lhung bzed kyi gzhi rten yang gzhan du bskyur zhing / bar bur gyi snod kyang gzhan du bskyur bar bya'o/ /btsun pa gal te skrod pa na ka ba la 'ju na ji ltar bskyur bar bya/ka ba gcad par bya'o/ /de gang gis slar bsab par bya/ dge 'dun gyis so/ /gal te de sgo skyes la 'ju na/ sgo skyes bton par bya'o/ /gang gis de slar bsab par bya/ /dge 'dun gyis so/ /'dul ba'i gleng gzhi gnyis pa'i sdom gyi tshigs su bcad pa bdun pa dang po las de skad du 'don to//shing rul dag ni bsal bar bgyi/ zhes bya ba la/ bcom ldan 'das tsam pa ni rdzing gi 'gram na bzhugs te/ de nas bcom ldan 'das gso sbyong bco lnga pa de nyid kyi tshe dge slong gi dge 'dun gyi mdun du gdan ji lta ba bzhin bshams pa la bzhugs te/dge slong gi dge 'dun la gzigs te cang mi gsung bar bzhugs so/ /de nas tshe dang ldan pa kun dga' bo [(]sngan [,]stan [)]las langs te bla gos phrag pa gcig tu gzar te/ bcom ldan 'das ga na ba der thal mo sbyar zhing phyag byas nas bcom ldan 'das la 'di skad ces gsol to//btsun pa dge slong gi dge 'dun 'dus shing tshogs nas mchis lags te/ bcom ldan 'das so sor thar pa'i mdo 'don du gsol/ bde bar gshegs pa so sor thar pa'i mdo 'don du gsol/ de skad ces gsol pa dang / bcom ldan 'das cang mi gsung bar bzhugs te/tshe dang ldan pa kun dga' bo yang rang gi stan la ji lta ba bzhin 'dug go/ /de nas mtshan mo'i thun dang po 'das shing thun bar pa la bab pa na tshe dang ldan pa kun dga' bo stan las langs te/ bcom ldan 'das la 'di skad ces gsol to/ /btsun pa mtshan mo'i thun dang po 'das shing thun bar ma la bab lags gyis/bcom ldan 'das so sor thar pa'i mdo 'don du gsol/ bde bar gshegs pa so sor thar pa'i mdo 'don du gsol/ de skad ces gsol kyang bcom ldan 'das cang mi gsung bar bzhugs te/ tshe dang ldan pa kun dga' bo yang rang gi stan la 'dug go//de nas mtshan mo thun dang po 'das shing bar ma yang 'das la/ thun tha ma snang ba byung bar chas shing ring po mi thogs par skya rengs 'char ba'i dus na tshe dang ldan pa kun dga' bo stan las langs te bcom ldan 'das la 'di skad ces gsol to/ / btsun pa mtshan mo'i thun dang po 'das shing bar ma yang 'das la/ thun tha ma la bab ste snang ba byung bar chas shing da ni ring po mi thogs par skya rengs 'char ba'i dus la bab kyis/ bcom ldan 'das dang dge slong gi dge 'dun yun ring du bzhugs kyis/ bcom ldan 'das so sor thar pa'i mdo 'don du gsol/bde bar gshegs pa so sor thar pa'i mdo 'don du gsol/ kun dga' bo dge slong gi dge 'dun gyi 'khor yongs su ma dag pa de srid du dgag gis khyod rang gi stan la ji lta ba bzhin 'dug cig /de nas tshe dang ldan pa kun dga' bo rang gi stan la ji lta ba bzhin du 'dug go//de'i tshe na tshe dang ldan pa maud gal gyi bu chen po 'khor 'dus pa de'i nang na 'dus shing 'dug par gyur te/ de nas tshe dang ldan pa mod gal gyi bu chen po 'di snyam du bcom ldan 'das kyis dge slong gang la dgongs nas/ kun dga' bo dge slong gi dge 'dun gyi 'khor yongs su ma dag pa de srid du dgag gis khyod rang gi stan la ji lta ba bzhin 'dug cig ces gsungs/bdag gis dge slong gi dge 'dun thams cad la blta bar bya'o snyam nas/ de nas tshe dang ldan pa maud gal gyi bu chen po sems ting nge 'dzin gang la mnyam par gzhag na dge slong gi dge 'dun thams cad snang bar 'gyur ba de lta bu'i ting nge 'dzin la snyoms par zhugs so//tshe dang ldan pa maud gal gyi bu chen pos dge slong gi dge 'dun thams cad la bltas pa ni dge slong gzhan zhig tshul khrims 'chal pa sdig pa'i chos can nang rul pa dung gi sgra ltar kun du spyod pa/dge sbyong ma yin par dge sbyong du khas 'che ba/ tshangs par spyod pa ma yin par tshangs par spyod par khas 'che ba zhig dge slong gi dge 'dun gyi nang du 'dug pa mthong ngo / mthong nas stan las langs te dge slong de'i dpung pa nas bzung ste/ sgo'i phyi rol du bton te/'di skad ces skyes bu rmongs pa nyams pa khyod phar song 'di ni khyod dge slong gi tha ma ste/ deng nas bzung ste dge slong gi gnas khang ngam longs spyod la ji ltar sngar bzhin du longs spyod par ma byed cig ces smras so/ /de nas tshe dang ldan pa maud gal gyi bu chen pos dge slong de sgo'i phyi rol du bton nas sgo lcags bcug cing lde mig dag bsdams nas/bcom ldan 'das gang na ba der nye bar song ste/ nye bar song nas bcom ldan 'das la 'di skad ces gsol to/ /bcom ldan 'das kyis dge slong gang la dgongs nas tshe dang ldan pa kun dga' bo la 'di skad ces kun dga' bo dge slong gi dge 'dun yongs su ma dag pa de srid du dgag gis zhes bka' stsal pa'i dge slong de bdag gis dpung pa nas bzung ste/sgo'i phyi rol du bton lags so/ /'di skad ces skyes bu rmongs pa nyams pa khyod phar song / 'di ni khyod kyi dge slong gi tha ma ste/ de nas bzung ste dge slong gi gnas khang ngam longs spyod la ji ltar sngar bzhin du longs spyod par ma byed cig ces smras te/ de sgo'i phyi rol du bskrad nas sgo lcags bcug ste lde mig bsdams te mchis lags kyis bcom ldan 'das dang dge slong gi dge 'dun bzhugs nas ring du lon gyis/bcom ldan 'das so sor thar pa'i mdo 'don du gsol/ bde bar gshegs pa so sor thar pa'i mdo 'don du gsol/ maud gal gyi bu skyes bu rmongs pa des bsod nams ma yin pa mang du bsags pa mthong ngam/ ston pa dang / dge slong gi dge 'dun mtshan thog thag gtses pa mthong ngam/ji ltar da lta skyes bu rmongs pa des bsod nams ma yin pa mang du bsags nas song ngo / /maud gal gyi bu de lta bas na khyed cag nyid kyis dang por zla ba phyed phyed cing so sor thar pa'i mdo gdon par bya zhing de bzhin gshegs pas phyis zla ba phyed phyed cing so sor thar pa'i mdo 'don par 'gyur ro//de ci'i phyir zhe na/ maud gal gyi bu dge slong gi 'khor yongs su ma dag par de bzhin gshegs pas zla ba phyed phyed cing so sor thar pa'i mdo bton na skyes bu rmongs pa de'i mgo tshal pa bdun du 'gas par 'gyur ro/ /maud gal gyi bu 'di lta ste/'di ni dge slong tshangs par spyod pa gzhon zhing rab tu gzhon pa rnams dang de 'di ltar 'gro ba dang 'ongs pa dang lta ba dang rnam par lta ba dang / bskum pa dang brkyang ba dang chos gos snam sbyar len pa dang / lhung bzed len pa la 'dra ste/ ji tsam na dge 'dun gyi spobs pa'i ltung ba gang rung ba zhig 'gal bar byed pa na/de yang dge 'dun gyi sbom po gang yang rung ba dag gsal bar byed par 'gyur ro/ /de la dge slong rnams 'di snyam du dge sbyong sun 'byin par byed pa 'byung bar 'gyur te/ dge sbyong gi sre da ste des dge slong 'dus pa 'di dag yang dag par rangs pa lta bus nyams par byas shing dge sbyong sun 'byin par ma gyur cig snyam ste/'di lta ste/ zhing pa'i khyim bdag dag nas kyi zhing phun sum tshogs par bya ba'i phyir nas kyi skyon du gyur pa de dang 'dra ba'i sre da rtsa ba nas 'don par byed de/ 'di lta ste/ nas gzhan dang sdong bu dang 'dab ma dang /yal ga dag 'dra zhing / 'di lta ste/ ji srid du mgo bo ma byung gi bar du nas gzhan dang 'dra zhing / mgo bo byung bar gyur pa na zhing pa'i khyim bdag de 'di snyam du 'di ni nas rlag par byed pa ste nas kyi sre da byung ngo snyam nas khyim bdag zhing pa des zhing pa gzhan dag kyang rlag par byed par 'gyur du 'ong ngo zhes 'di dag rtsa ba nas bcad cing bskyur bar 'gyur te/de bzhin du de 'gro ba dang 'ong ba dang chos gos snam sbyar dang lhung bzed len pa dag la 'dra bar 'gyur zhes bya ba nas snga ma bzhin du dge slong dag pa gzhan dag kyang sun 'byin par 'gyur du 'ong zhes bya ba'i bar du'o//'di lta ste/ zhing pa'i khyim bdag dag dbyar 'das te ston gyi dus na chu 'gram gyi yur ba dge 'chos par 'dod na/ sta re rnon po dag thogs te nags kyi nang du zhugs nas de de na shing dag rdung bar byed rab tu rdung bar byed/ kun du rdung bar byed de/ de na shing gang dag brdungs shing rab tu brdungs pa kun du brdungs pa na/sgra brtan zhing sgra zab la rnga'i sgra lta bu de dag khyim bdag zhing pa des 'dor bar byed do/ /de na shing gang dag brdungs rab tu brdungs kun du brdungs pa na sgra mi brtan zhing sgra mi zab la rnga'i sgra lta bu mi 'don pa de dag khyim bdag zhing pa des rtsa ba nas bcad de mgo bo dag blangs te/gang yang rul cing snying po med par gyur pa dag dor nas chu'i yur ba dag 'tsho bar byed do/ /de bzhin du len pa dag las 'dra ste zhes bya ba nas/ snga ma bzhin du dge sbyong sun 'byin par byed pa byung zhing / dge sbyong gi sre da dang dge sbyong shing rul pa lta bu'o zhes bya ba nas 'dis dge slong gzhan dag kyang sun 'byin par gyur zhes bya ba'i bar snga ma bzhin 'gro ba dang 'ong ba dang snam sbyar gyi bar du'o//'di lta ste/ khyim bdag zhing pa dag 'bras kyi phung po 'phyar bar byed pa na/ 'bras gang dag brtan par gnas shing snying po dang bcas pa de dag phyogs gcig tu gnas par 'gyur/gang phub ma dang snying po med pa de dag rlung gis phyogs gcig tu byed par 'gyur te/ 'dis gzhan dag kyang rlag par byed par 'gyur ro zhes khyim bdag zhing pa des btsas shing bsrungs nas 'jig par byed do/ /de bzhin du lhung bzed len pa dag la 'dra bar 'gyur zhes bya ba nas/dge slong sun 'byin par byed pa 'byung ngo / /dge sbyong gi sre da dang / dge sbyong shing rul ba lta bu dang / dge slong snying po med pa zhes bya ba nas gzhan dag kyang sun 'byin par 'gyur du 'ong ngo zhes bya ba'i bar du snga ma bzhin du'o/ /ston pas gzhan yang 'di skad ces bka' stsal to//kha na ma tho bcas shing 'khyog /sgyu dang ser sna dang bcas shing / /dben par song ste nye bar spyod/ /sdig par lta zhing ma gus pa/ /brdzun du smra zhing mi shes pa/ /sdig pa 'dod cing khro ba dang / /lhan cig gnas pa shes byas nas/ /de dag 'dre zhing 'grogs pa dag /rtag tu rab tu spang bar bya/ /dge slong min pa dge slong du/ /smra ba sre da bsal bar gyis/ /shing rul dag ni bsal bar gyis/ /snying po med pa dor bar gyis/ /sdig 'dod rnam par spangs nas ni/ /spyod lam phun sum tshogs pa dang / /dag cing rab tu dag pa dang / / lhan cig gnas par sems pas na/ /de dag 'dus shing tshogs pa rnams/ /sdug bsngal tha mar byed par 'gyur/ /zhes gsungs so/ /'di ltar dge sbyong ni rnam pa bzhi ste zhes bya ba la/ drug na drug pa'i mdo'i sdom gyi tshigs su bcad pa dang po las 'di ltar 'don te/ de nas bcom ldan 'das phreng ba can nas ljongs rgyu zhing sdig pa can du gshegs nas dza lo ka'i tshal na bzhugs so//sdig pa can gyi gyad rnams kyis bcom ldan 'das phreng ba can nas ljongs rgyu zhing sdig pa can du gshegs te dza lo ka'i tshal na bzhugs so zhes thos te/ thos nas 'dus shing tshogs te/rab tu 'dus shing tshogs nas bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag 'tshal te/ phyogs gcig tu 'dug go/ /phyogs gcig tu 'dug nas/ sdig pa can gyi gyad rnams la bcom ldan 'das kyis chos dang ldan pa'i gtam gyis yang dag par ston pa dang /yang dag par bskul ba dang / yang dag par dga' ba dang / yang dag par gsal ba mdzad do/ /de'i tshe na 'khor 'dus pa de'i nang nas mgar ba'i bu tsun da zhes bya ba 'dus par gyur cing 'dug par gyur to/ /de nas bcom ldan 'das kyis sdig pa can gyi gyad rnams chos kyi gtam gyis yang dag par bstan cing yang dag par bskul yang dag par dga' bar mdzad nas cang mi gsung bar bzhugs so//sdig pa can gyi gyad rnams bcom ldan 'das kyis gsungs pa la mngon par dga' zhing rjes su yi rang ste/ bcom ldan 'das kyi zhabs la spyi bos phyag byas te/bcom ldan 'das kyi drung nas song ngo / /mgar ba'i bu tsun da de nyid du 'dug go/ /de nas mgar ba'i bu tsun da sdig pa can gyi gyad dag song nas yun ring du lon pa dang / stan las langs te bla gos phrag pa gcig tu gzar te/ bcom ldan 'das gang na ba der thal mo sbyar zhing phyag byas nas bcom ldan 'das la 'di skad ces gsol to//bcom ldan 'das dge slong gi dge 'dun dang bcas pa bdag gi khyim du gdugs tshod gsol bar ci gnang / bcom ldan 'das kyis mgar ba'i bu tsun da la cang mi gsung bas gnang bar mdzad do//de nas mgar ba'i bu tsun da bcom ldan 'das kyis cang mi gsung bas gnang bar rig nas bcom ldan 'das kyi zhabs la spyi bos phyag byas nas song ngo / /de nas mgar ba'i bu tsun da de nyid kyi mtshan mo shing thog dang 'bru dag btsos shing bcom ldan 'das dang dge slong gi dge 'dun la gtsang zhing bsod pa'i kha zas dang ston mo dag bshams te/gdan dag bshams chu snod dag bzhag cing btsun pa gdugs tshod kyi dus la bab kyis da ni bcom ldan 'das dus mkhyen par mdzad du gsol zhes dus tshod rjod par byed pa'i pho nya dag btang ngo / /de nas bcom ldan 'das snga dro chos gos dang lhung bzed thogs te/dge slong gi dge 'dun gyi tshogs kyis yongs su bskor zhing dge slong gi dge 'dun gyi tshogs kyis mngon sum du byas te/ mgar ba'i bu tsun da'i gdugs tshod gang na ba der gshegs so/ /nye bar gshegs nas dge slong gi dge 'dun gyi gung la gdan bshams pa la bzhugs so//de nas mgar ba'i bu tsun das sangs rgyas dang dge slong gi dge 'dun mngon par phyogs shing bde bar bzhugs par rig nas rgya shug gi 'bras bu phun sum tshogs pa dang legs par sbyar ba'i 'bru dag gis rang gi lag nas 'bul zhing stobs par byed do//dge slong gi dge 'dun la yang gtsang zhing bsod pa'i kha zas dag rang gi lag gis 'bul zhing stobs par byed do/ /de'i tshe na dge slong sdig pa can dge slong gzhan zhig gi rmog brkus te mchan khung du bcug ste/ dge slong sdig pa can de sangs rgyas kyi mthus sangs rgyas dang tsun das mthong ngo //de nas mgar ba'i bu tsun das rnam grangs du mar rgya shug gi 'bras bu phun sum tshogs pa dang legs par sbyar ba'i 'bru dag gis rang gi lag nas 'bul zhing stobs par byed cing dge slong gi dge 'dun la yang gtsang zhing bsod pa'i bza' ba dang btung bas rang gi lag nas 'bul zhing bstabs par byas nas bcom ldan 'das kyis gsol zhing phyag bcabs te lhung bzed gyu bar rig nas/stan dma' ba zhig blangs te bcom ldan 'das kyi mdun du 'dug ste tshigs su bcad pa'i dbyangs kyis dri ba zhus pa/ pha rol rgal cing som nyi spangs//thub pa rab zad rnam 'dren mchog /kha lo sgyur mchog 'jig rten na/ /dge sbyong du mchis bdag 'dri'o/ /bcom ldan 'das kyis bka' stsal pa/ dge sbyong bzhi ste lnga pa med/ /de dag gsal bar ngas shes bya/ /lam gyis rgyal dang lam ston dang / lam phyir 'tsho dang lam sun 'byin//gsol pa/ lam gyis rgyal ba gang la brjod/ /ji ltar mtshungs med lam ston yin/ /lam phyir 'tsho ba dris pas gsungs/ /lam sun 'byin pa gsal bar mdzod/ /bcom ldan 'das kyis bka' stsal pa/ /gang zhig the tshom zug rngu spangs/ / gzhan gyis bkri min mya ngan 'das/ /'jig rten lhar bcas ston pa yi/ /sangs rgyas lam gyis rgyal zhes brjod/ /blang dang spang bya mchog rig nas/ /chos rnams de bzhin ston cing 'byed/ /thub pa dkri min the tshom chad/ /lam ston dge sbyong gnyis pa yin/ /gang zhig chos gnas legs ston cing //dran pa'i bdag nyid lam phyir 'tsho/ /kha na ma tho med gnas slob/ /dge slong gsum pa lam phyir 'tsho/ /'phags pa'i rtags kyis g.yogs byas nas/ /'gran cing khyim sun 'byin pa dang / /'chal cing ma dul sgyu dang bcas/ /gzugs brnyan bzhin spyod lam sun 'byin//khyim pa thos ldan 'phags nyan thos/ /blo bzang 'di ltar bsams byas nas/ /thams cad 'di ltar ma yin zhes/ /shes nas ma dad par mi bya/ /ji ltar gdug bcas gdug bcas min/ /dag dang ma dag mnyam par byed/ /gcig gis sdig pa'i las byas nas//sdig bral gzhan la'ang skye bo dogs/ /kha dog gzugs dang mtshan nyid bzang / /mthong nas gzhan la ches min bya/ /ma dul phal cher 'jig rten na/ /shin tu dul ba'i rtags kyis spyod/ /gser gyi gzugs brnyan snying po lcags/ /phyi rol gser g.yogs sun 'byin ltar//nang du gdug bcas phyi rol du/ /'khor dang bcas shing 'phags ltar spyod/ /de nas bcom ldan 'das mgar ba'i bu tsun da'i sbyin pa la rjes su thugs rangs shing thugs rangs par mdzad de/ dul zhing khon dang mi ldan pa'i/ /sbyin bdag bsod nams rab 'phel te/ / dge zhing sdig pa rab sdangs nas/ /nyon mongs zad cing log par 'gyur/ /de nas bcom ldan 'das kyis mgar ba'i bu tsun nga la chos dang ldan pa'i gtam gyis yang dag par bskul zhing dga' bar mdzad nas bzhengs te gshegs so zhes gsungs so/ /bslab pa byin pa zhes bya ba la/ / phran tshegs kyi sgo gnyis pa'i sdom gyi tshigs su bcad pa lnga pa las dga' byed la brten te bslab pa bcas pa'i dbang du mdzad nas 'dul ba las tshig le'ur byas pa bkod pa/ gal te nyes par gyur pa la/ /'chab sems gcig kyang ma skyes na/ /pham pa byung bar gyur kyang ni/ / pham par 'gyur ba ma yin no/ /mdo sde dang 'dul ba las zhes bya ba la re zhig mdo sde ni sangs rgyas kyi rnam par bshad pa'i sdom gyi tshigs su bcad pa bzhi pa'i dang po las te/ mdzod kyi gnas 'di nyid du/ /gzhan la'ang bsnyen gnas yod mod kyi/ /skyabs su ma song ba la med/ ces bris par blta bar bya'o/ /'dul ba las kyang de lta bu bsnyil bar bya'o zhes gsungs so zhes bya ba la rab tu byung ba'i gzhi'i sdom gyi tshigs su bcad pa gnyis pa bslab pa'i gnas bzhi pa las te/ bya rog skrod dang sun 'byin dang / /rkun ma'i gnas dang ma ning dang /zhes 'byung la/ phran tshegs kyi sgo bdun pa sdom gyi tshigs su bcad pa bzhi pa las kyang / mtshan gnyis de bzhin mtshan gcig dang / zhes 'byung la/ de nyid kyi phyir rab tu 'byin pa'i dus na brtag pa'i phyir mkhan pos 'di ltar dri bar bya ste/ khyod za ma ma yin nam/ ma ning ma yin nam/ mtshan gnyis pa ma yin nam zhes dri zhing de khas len na khyod mi skye ba'i chos can yin gyis song shig ces brjod par bya'o zhes 'byung ngo / /gang yang mdo las ji skad du dge slong dag sgo nga las skyes pa'i klu ni zla ba phyed phyed cing zhes bya ba la/ gleng gzhi ni mnyan du yod pa na'o//dge slong dag sgo nga las skyes pa'i klu ni zla ba phyed phyed cing gnas nas byung ste shin tu yongs su dag pa'i yan lag brgyad dang ldan pa'i gso sbyong la nye bar gnas par byed de/ lus sa la bsgyur cing gnas te rgyu ba dang mi rgyu ba'i 'jig rten gang la yang gnod par mi byed do/ /de ci'i phyir zhe na/dge slong dag sgo nga las skyes pa'i klu 'di snyam du bdag sngon mir gyur pa na shin tu yongs su dag cing phun sum tshogs pa'i bsnyen gnas yan lag brgyad pa ma bsrungs pas da ltar sgo nga las skyes pa'i klu rnams dang skal ba mnyam par skyes so/ /gal te bdag sngon mir gyur pa na shin tu dag cing phun sum tshogs pa'i gso sbyong yan lag brgyad pa dang bcas na/bdag nga ltar sgo nga las skyes pa'i klu rnams dang skal ba mnyam par skye bar mi 'gyur ro/ /de lta bas na bdag sngon mir gyur pa na phun sum tshogs shing shin tu yongs su dag pa'i gso sbyong yan lag brgyad pa ma bsrungs pas da ltar bdag sgo nga las skyes pa'i klu rnams dang skal ba mnyam par skyes so snyam du sems so zhes gsungs so//sgo nga las skyes pa ji lta ba bzhin du mngal nas skyes pa dang / drod gsher las skyes pa dang / rdzus te skyes pa yang de bzhin no/ /de ni mdo las 'byung ba'i las rnams bshad par bya ste zhes bya ba la/dge ba la sogs pa'i las rnams bstan pa'i dbang du mdzad nas gsum tshan gsum pa'i sdom gyi tshigs su bcad pa bdun pa'i lhag ma las bstan pa 'chad pa po nyid kyis ji ltar rigs par mdo las nye bar bsdu bar bya ste/ de yang 'di skad du 'don te/yon skyon snyigs ma snyigs ma can/ /nyes par spyad pa rnam gsum dang / /gtsang thub lus bsod bsod min dang / /'das sogs bde gshegs gsal bar mdzad/ /gnas gsum gyis ni bsdus pa dang / /ched du bsam brjod gsum dag dang / /las rnams gsum dang 'das dang dge//slob dang mthong dang 'dod dag gzugs/ /mthong ba'i chos la bde ba dang / /yid bde ba dang sdug bsngal dang / /log lta spang bya chung ngu dang / /ser sna dang ni ser sna med/ /brnab sems brnab sems med pa dag /tshogs su yang dag bsdebs pa yin//yon po ni rnam pa gsum ste/ lus kyi yon po dang / ngag gi yon po dang / yid kyi yon po'o/ /skyon ni rnam pa gsum ste/ lus kyi skyon dang / ngag gi skyon dang / yid kyi skyon no/ /snyigs ma can ni rnam pa gsum ste/ lus kyi snyigs ma can dang / ngag gi snyigs ma can dang / yid kyi snyigs ma can no/ /snyigs ma ni rnam pa gsum ste/ lus kyi snyigs ma dang / ngag gi snyigs ma dang / yid kyi snyigs ma rnams so/ /nyes par spyad pa ni rnam pa gsum ste/ 'dod chags kyi nyes par spyod pa dang / zhe [(]sdong [,]sdang [)]gi nyes par spyod pa dang / gti mug gi nyes par spyod pa'o//gtsang byed ni rnam pa gsum ste/ lus gtsang byed dang / ngag gtsang byed dang / yid gtsang byed do/ /thub pa ni rnam pa gsum ste/ lus thub pa dang / ngag thub pa dang / yid thub pa'o/ /'du byed ni rnam pa gsum ste/ lus kyi 'du byed dang / ngag gi 'du byed dang / yid kyi 'du byed do//'du byed rnam pa gsum las chos rnams su nye bar 'gro ba'i 'du byed bshad pa/ gzhan yang 'phags pa nyan thos 'di na 'di ltar slob ste/ gzugs gang ci yang rung ba de thams cad ni 'byung ba chen po bzhi dag dang 'byung ba chen po bzhi dag rgyur byas pa ste/ 'byung ba chen po bzhi gang yin pa de yang mi rtag pa 'dus byas pa bsams pas bsgrubs pa rten cing 'brel par 'byung ba yin no zhes rig nas mi g.yo ba la mos pa can du 'gyur te/de de ltar rtogs nas de la lan mang du bsgrubs shing gnas so/ /skye mched la sems mngon par dang ste/sems mngon par dang bas da ltar 'phags pa nyan thos mi g.yo ba la snyoms par 'jug cing shes rab rnam par grol bar 'gyur ro/ /gang zhig bsgrubs pas rnam par shes pa mi g.yo bar 'gro bar 'gyur ba 'di ni gnas yod cing skabs yod de/ 'di ni mi g.yo bar nye bar 'gro ba'i las gnyis pa bstan pa'o//gzhan yang 'phags pa nyan thos 'di ni 'di ltar yang dag par so sor slob ste/ mthong ba'i chos kyi 'dod pa gang yin pa dang / pha rol gyi 'dod pa gang yin pa dang / mthong ba'i chos kyi gzugs gang yin pa dang / pha rol gyi gzugs gang yin pa dang / mthong ba'i chos kyi 'dod pa'i 'du shes dang / pha rol gyi 'dod pa'i 'du shes dang / mthong ba'i chos kyi gzugs kyi 'du shes dang / pha rol gyi gzugs kyi 'du shes 'di dag ni mi rtag pa 'dus byas pa bsams pas bsgrubs pa rten cing 'brel bar 'byung ba yin no zhes rig nas mi g.yo ba la mos pa can du 'gyur te/de de ltar rtogs nas de la lan mang du bsgrubs shing gnas so/ /skye mched la sems mngon par dang ste/ sems mngon par dang bas da ltar 'phags pa nyan thos mi g.yo ba la snyoms par 'jug pa'i shes rab rnam par grol bar 'gyur ro//gang zhig bsgrubs pas rnam par shes pa mi g.yo bar nye bar 'gro bar 'gyur ba 'di ni gnas yin zhing go skabs yod de/ 'di ni mi g.yo bar nye bar 'gro ba'i las gsum pa bstan pa'o/ /gzhan yang 'phags pa nyan thos 'di na 'di ltar yang dag par so sor slob ste/mthong ba'i chos kyi 'dod pa gang yin pa dang / pha rol gyi 'dod pa gang yin pa dang / mthong ba'i chos kyi gzugs gang yin pa dang / pha rol gyi gzugs gang yin pa dang / mthong ba'i chos kyi 'dod pa'i 'du shes gang yin pa dang / pha rol gyi 'dod pa'i 'du shes gang yin pa dang /mthong ba'i chos kyi gzugs kyi 'du shes gang yin pa dang / pha rol gyi gzugs kyi 'du shes gang yin pa dang / mi g.yo ba'i 'du shes gang yin pa'i 'du shes 'di dag mi rtag pa 'dus byas pa bsams pas bsgrubs pa rten cing 'brel par 'byung ba yin no zhes rig nas ci yang med pa la mos par 'gyur zhing /de de ltar rtogs te de lan mang du bsgrubs shing gnas so/ /skye mched la sems mngon par dang [(]sta[,]ste[)]/ sems mngon par dang bas da ltar 'phags pa nyan thos ci yang med pa la snyoms par 'jug cing shes rab rnam par grol bar 'gyur ro//gang zhig bsgrubs pas rnam par shes pa ci yang med par 'gro bar 'gyur ba 'di ni gnas yin zhing go skabs yod de/ 'di ni ci yang med pa'i skye mched du nye bar 'gro ba'i lam dang po bstan pa'o/ /gzhan yang 'phags pa nyan thos 'di na 'di ltar so sor yang dag par slob ste/bdag 'ga' zhig tu 'ga' yang cung zad med do/ /bdag gi 'ga' zhig tu 'ga' yang cung zad med do zhes rig nas ci yang med pa la mos par 'gyur te/ de de ltar rtogs nas de la lan mang du bsgrubs shing gnas te/ skye mched la sems mngon par dang ste/sems mngon par dang bas da ltar 'phags pa nyan thos ci yang med pa'i skye mched la snyoms par 'jug cing shes rab rnam par grol bar 'gyur ro/ /gang zhig bsgrubs pas rnam par shes pa ci yang med par 'gro ba 'di ni gnas yin zhing go skabs yod do/ /'di ni ci yang med pa'i skye mched du nye bar 'gro ba'i las gnyis pa bstan pa'o//gzhan yang 'phags pa nyan thos 'jig rten ni stong pa'o/ /'jig rten ni stong pa ste/ kye ma 'jig rten 'di ni stong pa'o zhes so sor rab tu rtog ste 'di lta ste/ rtag pa dang brtan pa dang / g.yung drung dang / mi 'gyur ba'i chos can gyis stong zhing bdag dang bdag gi dang bral ba'o zhes rig nas ci yang med pa'i skye mched la mos par 'gyur te/de de ltar rtogs nas de la lan mang du bsgrubs shing gnas pa'o/ /skye mched la sems mngon par dang ste/ sems mngon par dang bas da ltar 'phags pa nyan thos ci yang med pa la snyoms par 'jug cing shes rab rnam par grol bar 'gyur ro//gang zhig bsgrubs pas rnam par shes pa ci yang med par 'gro bar 'gyur ba 'di ni gnas yin zhing go skabs yod do/ /'di ni ci yang med pa'i skye mched du 'gro ba'i las gsum pa bstan pa'o//gzhan yang 'phags pa nyan thos 'di na 'di ltar yang dag par so sor slob ste/ mthong ba'i chos kyi 'dod pa gang yin pa dang / pha rol gyi 'dod pa gang yin pa dang mthong ba'i chos kyi gzugs gang yin pa dang / pha rol gyi gzugs gang yin pa dang /mthong ba'i chos kyi 'dod pa'i 'du shes gang yin pa dang / pha rol gyi 'dod pa'i 'du shes gang yin pa dang / mthong ba'i chos kyi gzugs kyi 'du shes gang yin pa dang / pha rol gyi gzugs kyi 'du shes gang yin pa dang / mi g.yo ba'i 'du shes gang yin pa dang ci yang med pa'i 'du shes gang yin pa 'di dag ni mi rtag pa 'dus byas pa bsams pas bsgrubs pa/rten cing 'brel par 'byung ba yin no zhes rig nas 'du shes med 'du shes med min skye mched la mos par 'gyur te/ de de ltar rtogs nas de la lan mang du bsgrubs shing gnas te/skye mched la sems mngon par dang ste/ sems mngon par dang bas da ltar 'phags pa nyan thos 'du shes med 'du shes med min skye mched la snyoms par 'jug cing shes rab rnam par grol bar 'gyur ro/ /gang zhig bsgrubs nas rnam par shes pa 'du shes med 'du shes med min skye mched du nye bar 'gro ba 'di ni gnas yin zhing go skabs yod do//'di ni 'du shes med 'du shes med min skye mched du nye bar 'gro ba'i las bstan pa'o/ /de'i tshe na tshe dang ldan pa kun dga' bo bcom ldan 'das kyi rgyab na rnga yab thogs te/ bcom ldan 'das la rnga yab g.yob cing 'dug go//de nas tshe dang ldan pa kun dga' bos bcom ldan 'das la 'di skad ces gsol to/ /btsun pa 'di na dge slong 'di snyam du bdag med do/ /bdag gi med do/ /bdag 'byung bar ma gyur cig bdag gi 'byung bar ma gyur cig ces btsun pa de ltar rtogs pa'i dge slong mthong ba'i chos 'di nyid la yongs su mya ngan las 'da' bar 'gyur ram/kun dga' bo gcig tu nges pa ma yin te/ kha cig ni yongs su mya ngan las 'da' bar 'gyur la kha cig ni mya ngan las 'da' bar mi 'gyur ro/ /btsun pa 'di na rgyu gang dang rkyen gang gis 'di ltar rtogs pa'i dge slong kha cig mthong ba'i chos nyid la yongs su mya ngan las 'da' bar gyur la/kha cig ni yongs su mya ngan las mi 'da' bar 'gyur ba lags/ kun dga' bo 'di na dge slong 'di ltar rtogs par 'gyur te/ bdag med do/ /bdag gi med do/ /bdag 'byung bar ma gyur cig /bdag gi 'byung bar ma gyur cig ces gang yod cing gang byung ba de spongs shing btang snyoms su bya ba 'thob ste/ de btang snyoms la zhen cing nges par byed de/ kun dga' bo dge slong 'di ni nye bar len pa dang bcas shing mthong ba'i chos 'di nyid la yongs su mya ngan las mi 'da' ba zhes bya'o//btsun pa ci 'phags pa nyan thos de'i dus na nye bar len pa gang gis nye bar len pa dang bcas pa lags/ /'di lta ste/ srid pa'i rtse mo ste/ 'du shes med 'du shes med min skye mched kyi 'du byed lhag mas so/ /btsun pa 'phags pa nyan thos de'i dus na nye bar len pa gang gis nye bar len pa dang bcas pa'i nye bar len pa 'di ni mchog /nye bar len pa 'di ni gtso bo ste/ 'di lta ste/ srid pa'i rtse mo ste/ 'du shes med 'du shes med min skye mched kyi 'du byed lhag ma'o/ /kun dga' bo de de bzhin no de de bzhin te/ 'phags pa nyan thos de'i dus na nye bar len pa gang gis nye bar len pa dang bcas pa'i nye bar len pa de ni mchog nye bar len pa de ni gtso bo ste/'di lta ste/ srid pa'i rtse mo ste/ 'du shes med 'du shes med min skye mched kyi 'du byed lhag ma'o/ /kun dga' bo 'di na dge slong 'di ltar rtogs par 'gyur te/ bdag med do/ / bdag gi med do/ /bdag 'byung bar ma gyur cig /bdag gi 'byung bar ma gyur cig ces gang yod cing gang byung ba de spong zhing btang snyoms su bya ba thob ste/ de btang snyoms la ro mi myong zhing mi zhen cing nges par mi byed de/ kun dga' bo dge slong 'di ni nye bar len pa dang bcas shing yongs su mya ngan las 'da' ba zhes bya'o//kun dga' bo rgyu 'di dang rkyen 'dis dge slong kha cig ni mthong ba'i chos nyid la yongs su mya ngan las 'da' bar 'gyur la/ kha cig ni mya ngan las 'da' bar mi 'gyur ro/ /btsun pa bcom ldan 'das kyis mi g.yo bar nye bar 'gro ba'i lam bstan cing /ci yang med pa'i skye mched du nye bar 'gro ba'i lam yang bstan/ 'du shes med 'du shes med min skye mched du nye bar 'gro ba'i lam yang bstan/ nye bar len pa med par mya ngan las 'da' ba yang bstan lags kyi/ btsun pa 'phags pa'i rnam par grol ba'i lam bstan du gsol/kun dga' bo 'di ni dge slong 'di ltar so sor yang dag par slob ste/ mthong ba'i chos kyi 'dod pa gang yin pa dang / pha rol gyi 'dod pa gang yin pa dang / mthong ba'i chos kyi gzugs gang yin pa dang / pha rol gyi gzugs gang yin pa dang /mthong ba'i chos kyi 'dod pa'i 'du shes gang yin pa dang / pha rol gyi 'dod pa'i 'du shes gang yin pa dang / mthong ba'i chos kyi gzugs kyi 'du shes gang yin pa dang / pha rol gyi gzugs kyi 'du shes gang yin pa dang / ci yang med pa'i skye mched gang yin pa dang / 'du shes med 'du shes med min skye mched gang yin pa 'di tsam ni 'jig tshogs te/ji tsam du 'jig tshogs gang yin pa de tsam du skye bar 'gyur/ na bar 'gyur/ rga bar 'gyur/ 'chi 'pho zhing skye bar 'gyur te/ 'di 'chi ba zhes bya'o/ /'chi ba med pa gang zhe na/ nye bar len pa spangs pa nges par byung ba/sred pa zad pa 'dod chags dang bral ba 'gog pa ste/ kun dga' bo ngas 'phags pa'i chos 'dul ba mi g.yo bar nye bar 'gro ba'i lam bstan cing ci yang med pa'i skye mched du nye bar 'gro ba'i lam yang bstan cing 'du shes med 'du shes med min skye mched du nye bar 'gro ba'i lam yang bstan/nye bar len pa med pa mya ngan las 'das pa bstan cing / 'phags pa'i rnam par grol ba yang bstan te/ kun dga' bo 'di ni ston pas dge slong rnams la bya ba byed/ thugs rje dang rjes su brtse bas don du 'dod pa dang phan par 'dod de bdag gis byas so/ /da ni khyed cag rnams kyis bya ba dgon pa dang /shing drung dang / khang pa stong pa dang / ri dang ri'i phug dang / sog ma'i spyil bu dang / bla gab med pa dang / dur khrod dang nags dag tu mal stan rnying pa dag la dge slong dag bsam gtan bya zhing bag med par mi bya ste/ phyis 'gyod par gyur ta re/'di nga'i rjes su bstan pa'o zhes gsungs so/ /bar sdom la/ mi rtag rnam gsum bdag dang cung zad med/ mthong chos bdag dang lta dang ji tsam bstan/ /de la mdo dang pos ni bsam gtan gyi lam bstan cing / mdo gnyis pa la sogs pas ni gzugs med pa'i snyoms par 'jug pa bstan par shes par bya'o//mig gi gzugs rnams mthong nas gzugs la so sor yang dag par rtog par byed do zhes bya ba la/ gleng gzhi ni mnyan du yod pa na'o/ /dge slong dag rnam grangs gang gis rnam grangs gang la brten te dge slong dad pa gzhan du gyur cing /'dod pa yang gzhan du/ thos pa yang gzhan du rnam pa yongs su spyod pa yang gzhan du mthong ba'i bsam gtan la bzod pa yang gzhan du gyur la/ srid pa 'di las gzhan mi shes so zhes yang dag pa nyid du lung ston pa de lta bu yod dam/ btsun pa bcom ldan 'das chos kyi rtsa ba/bcom ldan 'das chos kyi spyan zhes bya ba nas bshad par bya'o zhes bya ba'i bar du'o/ /dge slong dag rnam grangs gang gis rnam grangs gang la brten te dge slong dad pa gzhan du gyur cing zhes bya ba nas/ snga ma bzhin du srid pa 'di las gzhan mi shes so zhes yang dag pa nyid du lung bstan pa de lta bu yod do zhes bya ba'i bar du snga ma bzhin no//dge slong dag rnam grangs gang gis rnam grangs gang la brten te zhes bya ba nas snga ma bzhin du srid pa 'di las gzhan mi shes so zhes yang dag pa nyid du lung ston par 'gyur ba de gang zhe na/ dge slong dag 'di ni dge slong mig gis gzugs rnams mthong nas gzugs la so sor yang dag par rtog par byed kyi/gzugs rnams la 'dod chags par yang dag par so sor rtog par ni mi byed de/ nang gi bdag nyid kyi mig gi rnam par shes pa gzugs rnams la chags pa med cing nang gi bdag nyid kyi mig gi rnam par shes pa gzugs rnams la chags pa med do zhes yang dag pa ji lta ba bzhin rab tu shes so//dge slong dag 'di na dge slong rna bas sgra la/ snas dri la/ lces ro la/ lus kyis reg bya la/ yid kyis chos rnams rnam par shes nas chos la so sor yang dag par rtog par byed kyi/chos la 'dod chags par so sor yang dag par rtog par mi byed de/ nang gi bdag nyid kyi yid kyi rnam par shes pa chos rnams la chags pa med cing / nang gi bdag nyid kyi yid kyi rnam par shes pa chos rnams la chags pa med do zhes yang dag pa ji lta ba bzhin rab tu shes so//gang yang dge slong de mig gis gzugs rnams mthong nas zhes bya ba nas/ snga ma bzhin du srid pa 'di las gzhan mi shes so zhes yang dag pa nyid du lung ston par 'gyur ba yod do zhes bya ba'i bar du'o/ /gang yang dge slong de rna bas sgra nas snga ma bzhin du yid kyis chos rnams rnam par shes nas chos so sor yang dag par rtog par byed kyi/chos la 'dod chags par so sor yang dag par rtog par mi byed de/ nang gi bdag nyid kyi yid kyi rnam par shes pa chos rnams la chags pa med cing / nang gi bdag nyid kyi yid kyi rnam par shes pa chos rnams la chags pa med do zhes yang dag pa ji lta ba bzhin rab tu shes na/dge slong dag 'di ji snyam du sems/ chos 'di dad pa dang / 'dod pa dang / thos pa dang / rnam pa yongs su dpyod pa dang / mthong ba'i bsam gtan la bzod pas rig par bya ba [(]yan [,]yin [)]snyam mam/btsun pa ma lags so/ /chos 'di ni yang dag pa ji lta ba nyid du yang dag pa'i shes rab kyis mthong zhing rig par bya ba yin no/ /btsun pa de bzhin no/ /dge slong dag 'di ni rnam grangs gang gis dang rnam grangs gang la brten nas dad pa yang gzhan du zhes bya ba nas/srid pa 'di las gzhan mi shes so zhes yang dag pa nyid du lung ston pa zhes bya ba'i bar du snga ma bzhin no zhes gsungs so/ /gang gi tshe bde ba'i tshor ba myong ba de'i tshe zhes bya ba la/ gang las nye bar bstan ce na/ gleng gzhi ni chen po'i chos kyi rnam grangs las 'don te/kun dga' bo ji tsam gyis na bdag nyid yang dag par rjes su mthong zhing bdag nyid yang dag par rjes su mthong ba zhes bya/ btsun pa bcom ldan 'das chos rnams kyi rtsa ba/ bcom ldan 'das chos rnams kyi spyan te/ bcom ldan 'das dge slong rnams don 'di bstan na dge slong rnams kyis thos nas legs par 'dzin par 'gyur ro//kun dga' bo de'i phyir legs par nyon la yid la zung shig dang bshad par bya'o/ /kun dga' bo 'di ni tshor ba bdag yin no zhes yang dag par rjes su mthong zhing yang dag par rjes su mthong ngo / /kun dga' bo gzhan yang 'di na kha cig tshor ba bdag yin no zhes yang dag par rjes su mi mthong mod kyi/'on kyang bdag ni rig cing tshor ba'i chos can no zhes yang dag par rjes su mthong zhing yang dag par rjes su mthong ngo / /kun dga' bo gzhan yang 'di na kha cig tshor ba bdag yin no zhes yang dag par rjes su mi mthong zhing bdag ni rig cing tshor ba'i chos can no zhes yang dag par rjes su mi mthong mod kyi 'on kyang bdag ni so sor myong ba ma yin pa'o zhes yang dag par rjes su mi mthong zhing yang dag par rjes su mthong ste/kun dga' bo de la tshor ba bdag yin no zhes yang dag par rjes su mthong zhing yang dag par rjes su mthong ba de la 'di skad du brjod par bya ste/tshe dang ldan pa dag tshor ba ni gsum po 'di dag ste/ bde ba dang / sdug bsngal dang / bde ba yang ma yin sdug bsngal ba yang ma yin pa'o/ /tshe dang ldan pa dag gang gi tshe bde ba'i tshor ba myong ba de'i tshe tshor ba gnyis po sdug bsngal ba dang bde ba yang ma yin sdug bsngal ba yang ma yin pa'i tshor ba dag 'gag par 'gyur ro//khyod gang gi tshe bde ba'i tshor ba myong ba na bde ba'i tshor ba de yang mi rtag ste/ 'gag pa'i chos can te/ bde ba'i tshor ba 'gags pa na bdag dang bral zhing bdag 'ong ba med par gyur tam ci//tshe dang ldan pa dag gang gi tshe sdug bsngal gyi tshor ba myong ba de'i tshe tshor ba gnyis po bde ba dang / bde ba yang ma yin sdug bsngal ba yang ma yin pa'i tshor ba dag 'gag par 'gyur ro/ /khyod gang gi tshe sdug bsngal gyi tshor ba nyams su myong ba na sdug bsngal gyi tshor ba de yang mi rtag cing 'gag pa'i chos can te/sdug bsngal gyi tshor ba 'gags pa na bdag dang bral zhing bdag 'ong ba med par gyur tam/ tshe dang ldan pa dag gang gi tshe bde ba yang ma yin sdug bsngal ba yang ma yin pa'i tshor ba myong ba de'i tshe tshor ba gnyis po bde ba dang sdug bsngal gyi tshor ba gnyis po dag 'gag par 'gyur ro//khyod gang gi tshe bde ba'i tshor ba myong ba na bde ba yang ma yin sdug bsngal ba yang ma yin pa'i tshor ba de yang mi rtag cing 'gag pa'i chos can te/ bde ba yang ma yin sdug bsngal ba yang ma yin pa'i tshor ba 'gags pa na bdag dang bral zhing 'ong ba med par gyur tam zhes so//kun dga' bo 'di ji snyam du sems/ /de 'di ltar bde ba dang sdug bsngal 'dres shing 'chol ba'i tshor ba myong ba la tshor ba bdag yin no zhes yang dag par rjes su mthong ba de dge'am/ btsun pa ma lags so/ /kun dga' bo rnam grangs 'dis na tshor ba bdag yin no zhes yang dag par rjes su lta zhing yang dag par rjes su lta ba 'di ni ngas mi bzod do//kun dga' bo de la kha cig tshor ba bdag yin no zhes yang dag par rjes su mi mthong mod kyi 'on kyang bdag ni rig cing tshor ba'i chos can no zhes yang dag par rjes su lta zhing yang dag par rjes su lta ba de la 'di skad du brjod par bya ste/gang yang tshor ba med pa de lta tshor ba bo mi dmigs so/ /kun dga' bo gang tshor ba med pa de la tshor ba po mi dmigs na bdag ni rig cing tshor ba'i chos can no zhes smra ba de dag dge ba yin nam/ btsun pa ma lags so//kun dga' bo rnam grangs 'dis na bdag rig cing tshor ba'i chos can no zhes yang dag par rjes su lta ba 'di ni ngas mi bzod do/ /kun dga' bo de la tshor ba bdag yin no zhes yang dag par rjes su mi mthong zhing / yang dag par rjes su mi mthong la/ bdag ni rig cing tshor ba'i chos can no zhes yang dag par rjes su lta ba 'di ni ngas mi bzod rjes su mi mthong mod kyi/'on kyang bdag ni so sor myong ba med pa'o zhes yang dag par rjes su lta zhing yang dag par rjes su mthong ba de la 'di skad ces brjod par bya ste/ tshe dang ldan pa dag gang la tshor ba po mi dmigs so//kun dga' bo gang la tshor ba med pa de la tshor ba po mi dmigs kyang bdag ces bya bar 'gyur ram/ btsun pa ma lags so/ /kun dga' bo bdag tu rlom pa thams cad du mi bden na bdag ni so sor rig pa med pa'o zhes yang dag par rjes su mthong ba na dge ba yin nam/btsun pa ma lags so/ /kun dga' bo rnam grangs 'dis na bdag ni so sor rig pa med pa'o zhes yang dag par rjes su mthong zhing yang dag par rjes su mthong ba 'di ni ngas mi bzod do/ /kun dga' bo 'di tsam gyis na bdag yang dag par rjes su mthong zhing yang dag par rjes su mthong ba zhes bya'o//ji ltar dge slong gi dge 'dun la bud med ces brjod pa zhes bya ba la/ gang gi tshe bcom ldan 'das kyi gsung kau shAm+bI pa'i dge slong rnams kyis lan gsum gyi bar du phyir bzlog pa dang / de'i tshe dge slong rnams kyis the tshom thams cad gcod par mdzad pa sangs rgyas bcom ldan 'das la zhus pa/de bzhin gshegs pas phrin las ci zhig mdzad nas las de'i rnam par smin pas bcom ldan 'das kyis dge ba'i gsung / phan pa'i gsung / gzung bar 'os pa'i tshig dag kyang kau shAm+bI pa'i dge slong rnams kyis lan gsum gyi bar du phyir bzlog /bcom ldan 'das kyis bka' stsal pa/ dge slong dag de bzhin gshegs pa nyid kyis te/ sngon gzhan gyis byas shing bsags pa dag gzhan su zhig gis nyams su myong bar 'gyur ba zhes bya ba nas/ lus can rnams la 'bras bur smin/zhes bya ba'i bar du'o/ /dge slong dag sngon byung ba 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das yang dag par rdzogs pa'i sangs rgyas ma pham pa zhes bya ba 'jig rten du byung ste/ de'i tshe na nga byang chub sems dpa'i spyad pa spyod de phyug po'i bur gyur te/ bla na med pa'i byang chub tu sems bskyed cing rab tu byung ngo / /rab tu byung nas sde snod gsum par gyur to//de nas dge slong gi dge 'dun la rtsod pa byung ste/ des rtsod pa de cher 'phel bar byas so/ /ji tsam na dge slong mdo sde 'dzin pa zhig gis de bton nas rtsod pa de zhi bar byas pa dang / des bud med rnams kyi rtsod pa zhi bar byas sam zhes dge slong gi dge 'dun la bud med ces smras so//ngag gi nyes par spyad pa des de'i skyes pa'i dbang po nub cing bud med kyi dbang po byung bar gyur cing skye ba lnga brgyar bud med du skyes shing yang dag par rdzogs pa'i sangs rgyas rin chen gtsug tor can gyis de'i bud med kyi dngos po bzlog cing skyes pa'i dngos po thob par byas so//nga nyid de'i tshe de'i dus na phyug po'i bur gyur cing byang chub sems dpa'i spyad pa spyod pa na sde snod gsum par gyur kyang ngas dge 'dun la ngag gi nyes par spyod pa smras pas las de'i rgyus kau shAm+bI pa'i dge slong rnams kyis lan gsum gyi bar du nga'i tshig phyir bzlog go//'di nyid phran tshegs las sangs rgyas mang po'i rtogs pa brjod par tshigs su bcad par byas te/ de nas sangs rgyas mi pham pa'i/ /sngon byung sde snod gsum par gyur/ /dge slong dge 'dun rtsod pa na/ /dge 'dun bud med ces brjod pa'i/ /ngag gi nyes par spyad byas pas//bud med nyid du nye bar song / /slar yang sems rab dad pa yis/ /skyes pa'i dngos po nyid du gyur/ /zhes gsungs so/ /ji ltar nyung rum zhes bya ba la/ rgyal po ka na ka'i nyung rum long ba zhes bya ba cig yod do zhes grag ste/ de lam na 'gro ba na ba lang lnga brgya'i khyu zhig khrid de 'gro ba mthong nas/'di dag ci byed ces dris pa dang / smras pa dbang po dag gdon pa'i phyir ro/ /de 'di snyam du bdag kyang sngon byas pa'i las kyi rnam par smin pas 'di lta bur gyur la/ 'di yang 'di lta bur gyur te/ mi des las 'di byas pas skye ba mang por rnam pa 'di lta bu'i sdug bsngal nyams su myong bar 'gyur ro zhes bsam pa'i khyad par drag po mngon du byas nas ba lang nyos te grol bar byas so//de nas nyung rum de'i skyes pa'i dbang po byung bar gyur to/ /rgyal pos thos nas rab tu dga' ste de nyid bud med kyi srung mar gzhag go/ /ji ltar pi lin ta'i bu'i gtam rgyud ces bya ba la/bcom ldan 'das bcom brlag gi a mra'i kun dga' ra ba na bzhugs so/ /de'i tshe bram ze mo pi lin ta'i bu drug dus las 'das par gyur to/ /de de dag dus byas pas sgren mor byung ste/ smyo zhing sems g.yengs nas de dang der 'khyams zhing bcom brlag gi a mra'i tshal gang na ba der song [(]do[,]ngo [)]//de'i tshe bcom ldan 'das dge slong brgya phrag du ma'i 'khor gyis mdun gyis bltas te chos ston cing bzhugs so/ /bram ze mo pi lin tas thag ring po nas bcom ldan 'das mthong nas ngo tsha zhing 'dzem pa dang bcas pas gzugs bsdus te dran pa rnyed par gyur to//bcom ldan 'das kyis bram ze mo pi lin ta ring po nas gzigs nas/ tshe dang ldan pa kun dga' bo la bka' stsal pa/ kun dga' bo bram ze mo pi lin ta la bla gos byin te/ dgab par gyis shig dang chos bshad par bya'o/ / de nas tshe dang ldan pa kun dga' bos bram ze mo pi lin ta la bla gos byin zhing bram ze mo pi lin ta chos gos bla gos kyis g.yogs te/ bcom ldan 'das gang na ba der nye bar song ste nye bar song nas bcom ldan 'das kyi zhabs la spyi bos phyag byas te phyogs gcig tu 'dug go/ /phyogs gcig tu 'dug nas bram ze mo pi lin ta la chos kyi gtam gyis yang dag par bstan par mdzad/yang dag par bskul bar mdzad/ yang dag par dga' bar mdzad/ yang dag par rab tu gsal bar mdzad de/ gang sangs rgyas bcom ldan 'das dus dang por bya ba 'di lta ste/sbyin pa'i gtam dang / tshul khrims kyi gtam dang / mtho ris kyi gtam dang / 'dod pa rnams ro chung zhing nyes dmigs dang bcas pa dang / kun nas nyon mongs pa dang rnam par byang ba dang / thar pa dang dben pa'i rjes su bsngags pa dang /rnam par byang ba'i phyogs kyi chos rgyas par gsal bar mdzad de/ gang gi tshe bcom ldan 'das kyis dga' ba'i sems dang / dge ba'i sems dang rab tu dga' ba'i sems dang / sgrib pa dang bral ba'i sems dang / chos khyad par can bstan pa'i snod du mkhyen pa de'i tshe sangs rgyas bcom ldan 'das kyis chos khyad par can ston par mdzad pa 'di lta ste/sdug bsngal dang / kun 'byung dang / 'gog pa dang / lam ste/ 'phags pa'i bden pa bzhi rgyas par rab tu gsal bar mdzad de/ dper na khrus mkhan gyi gos shin tu dag pa tshos su bcug na tshon rtsi len pa de bzhin du bram ze mo pi lin ta stan de nyid la 'dug bzhin du 'phags pa'i bden pa bzhi mngon du gyur te/'di lta ste/ sdug bsngal dang / kun 'byung ba dang / 'gog pa dang / lam rnams mngon par rtogs so/ /de nas bram ze mo pi lin ta chos mthong /chos thob/ chos rig /chos kyi rnam grangs khong du chud/ chos la the tshom dang yid gnyis las brgal te/ ston pa'i bstan pa la gzhan gyi dring mi 'jog cing chos rnams la mi 'jigs pa thob nas stan las langs te bcom ldan 'das gang na ba der thal mo sbyar nas phyag byed cing bcom ldan 'das la 'di skad ces gsol to//btsun pa bdag ni mngon par 'phags so/ /rab tu 'phags so/ /bdag 'di nas bzung ste bcom ldan 'das la skyabs su mchi'o/ /chos dang dge slong gi dge 'dun la skyabs su mchi'o/ /bdag dge bsnyen du gzung du gsol/ / deng nas bzung ste ji srid 'tsho'i bar du srog dang bsdos te song zhing skabs su 'gro la mngon par dad do/ /de nas bram ze mo pi lin ta bcom ldan 'das kyis gsungs pa la mngon par dga' zhing rjes su yi rangs nas bcom ldan 'das kyi zhabs la spyi bos phyag byas te bcom ldan 'das kyi drung nas song ngo //de nas dus gzhan zhig na bram ze mo pi lin ta'i bu bdun pa dus las 'das par gyur to/ /de dus las 'das pa na mya ngan mi byed de/ smre sngags 'don pa dang / brang rdung ba dang / smre bar mi byed cing / rmongs pa med do/ /de nas ba ra d+h+wa dza'i rigs kyi bram zes bram ze mo pi lin ta la 'di skad ces smras so//sngon gyi rab tu dga' ba yi/ /bu dag dran par gyur pa na/ gdung ba dang ni sdug bsngal zhing / /nyin mtshan zas dag gcod par byed/ /bdun pa dag ni rnam pa thams cad du/ /khyod rang gis ni zos sam ci/ /pi lin tas smras pa/ ci ste yang yang gdung bar bya//bu dang tsha bo stong phrag dang / /gnyen bshes tshogs ni brgya phrag dang / /yun rings dus nas ngas zos shing / /bram ze khyod kyis kyang de bzhin/ /bu dang tsha bo tshad med dag /phan tshun du ni zos nas ni/ /phyir yang skye ba dag tu 'gyur/ /mya ngan dang ni smre ba dang //yongs su gdung ba su zhig byed/ /skye ba dang ni 'chi ba las/ /nges par 'byung bar shes par gyis/ /ngas ni skye dang 'chi ba las/ /nges par 'byung bar rab shes shing / /sangs rgyas kyis ni rab bstan pas/ /rab tu gdung ba med par byas/ /pi lin ta khyod ci yi phyir/ / rmad du byung ba'i gtam dag sgrogs/ /chos gang zhig gis rtogs shing shes/ /ci zhig rab tu zhig gyur nas/ /pi lin ta khyod rmad byung ba'i/ /gtam dag rab tu smra bar byed/ /bram ze bcom brlag a mra'i tshal/ /rdzogs pa'i sangs rgyas bzhugs nas su/ /thub pa sdug bsngal thams cad dag /spong bar byed pa'i chos rtogs te/ /sdug bsngal sdug bsngal kun 'byung dang / /sdug bsngal yang dag 'da' ba dang / /zhi ba mya ngan 'das 'gro ba'i/ /'phags lam yan lag brgyad pa dang / /yang dag rjes ston bcom ldan 'das/ /de yi bstan la bdag rab dga'//de yi chos dag shes nas su/ /bu yi mya ngan med par 'gyur/ /bdag kyang a mra'i tshal du 'gro/ /bdag gi bu yi mya ngan dag /bcom ldan 'das kyis sel bar 'gyur/ /bram ze rdzogs sangs kha ba dang / /gser gyi mdog 'dra'i pags pa can/ / rnam par 'dren pa chu bo brgal/ /ma dul ba dag 'dul bar byed/ /de nas bram ze de myur du/ /shing rta rta la zhon nas ni/ /dga' zhing rab tu dang ba yis/ /bcom brlag a mra'i nags su song / /bram zes sangs rgyas mthong nas ni/ /sems dag rab tu dang bar 'gyur/ / mngon par dad pa'i sems bcas pas/ /ston pa'i drung du nye bar song / /sdug bsngal sdug bsngal kun 'byung dang / /sdug bsngal yang dag 'da' ba dang / /zhi ba mya ngan 'das 'gro ba'i/ /'phags lam yan lag brgyad pa dag /de yis thos nas dam pa'i chos/ / de nyid du ni mngon par rtogs/ /de yi chos rnams shes nas su/ /rab tu byung ba'i dngos po 'dod/ /bram ze de ni rab byung nas/ /bag yod bzhin du spyod pa ni/ /nyin zhag gsum gyis gsum rig par/ /thub pa yis ni lung bstan to/ /bram ze gsum rig gyur nas ni//kha lo sgyur la 'di skad smras/ /khyod myur song la shing rta 'dis/ /bram ze mo la byin par gyis/ /pi lin ta la 'di skad brjod/ /khyod sems rab tu dga' bar gyis/ /bram ze sangs rgyas mthong nas ni/ /sems rab mngon par dang bar 'gyur/ /sems rab mngon par dang ba yis//ston pa'i drung du nye bar phyin/ /zhes bya ba la sogs pa gsungs so/ /'di sred pa rnam pa drug ces bya ba la/ gnag la rnam par smin pa gnag pa'i las spyod pa ni rnam pa drug ste/ gnag la rnam par smin pa gnag pa'i las spyod pa drug gang zhe na/ shan pa la sogs pa dang /mtshams med pa lnga dang / tshul khrims 'chal pa rnam pa lnga dang / tshul khrims 'chal pa bdun dang / tshul khrims 'chal pa rnam pa brgyad dang / tshul khrims 'chal pa bcu rnams so/ /dkar la rnam par smin pa dkar ba'i las spyod pa ni rnam pa bdun te/dkar la rnam par smin pa dkar ba'i las spyod pa bdun gang zhe na/ tshul khrims rnam pa lnga dang / tshul khrims rnam pa bdun dang / tshul khrims rnam pa brgyad dang / tshul khrims rnam pa bcu dang / bsam gtan bzhi dang / tshad med pa bzhi dang / gzugs med pa bzhi'o/ / mi gnag mi dkar la rnam par smin pa med pa'i las spyod pa bcu ste/ gzhan du ma bstan to/ /gong du bris pa de las nag po drug dkar po bdun dkar po yang ma yin nag po yang ma yin pa bcu/ dkar nag 'dres ma'i ni cung zad kyang ma bstan to/ /mdo thams cad la [(]dbyang [,]dpyad [)]par bya'o/ / de la mdo ni 'di ltar brjod par bya ste/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag las ni rnam pa bzhi ste/ gnag la rnam par smin pa gnag pa'i las kyang yod/ dkar la rnam par smin pa dkar ba'i las kyang yod/dkar gnag la rnam par smin pa dkar gnag gi las kyang yod/ dkar po yang ma yin nag po yang ma yin la rnam par smin pa med cing las de dag zad par bya ba'i phyir 'jug pa'i las kyang yod do/ /gnag la rnam par smin pa gnag pa'i las gang zhe na/ tshul khrims 'chal ba rnam pa bcu'o//dkar la rnam par smin pa dkar ba'i las gang zhe na/ gzugs med pa bzhi'o/ /dkar nag la rnam par smin pa dkar nag gi las gang zhe na/ ji ltar gnod pa dang bcas pa'i lus kyi 'du byed cing nye bar stsogs pa dang / gnod pa med pa'i lus kyi 'du byed cing nye bar stsogs pa'o//dkar po yang ma yin nag po yang ma yin la las de dag zad par bya ba'i phyir 'jug pa gang zhe na/ 'di na dge slong 'phags pa'i lam yan lag brgyad sgom par byed pa'o zhes gsungs so/ /de ltar na gzugs med pa na spyod pa dang gzugs med pas bsdus pa yang mdo las dkar la rnam par smin pa dkar ba'i las su bshad pa yin no//stong pa nyid chen po'i mdo las zhes bya ba la/ lung bar ma las/ dge sbyong dge sbyong mnyam gnyis dang / /dmigs bcas yongs shes rjes 'brang dang / chen po bzhi bcu stong nyid gnyis//tshoms su yang dag bsdebs nas brjod/ /ces bya ba'i sdom gyi mtha'i mdo las 'di ltar 'don te/ /gang gi phyir 'phags pa nyan thos nye bar len pa'i phung po lnga rnams la rang gi sems kyis so sor brtag par bya ste/ ci nye bar len pa'i phung po lnga rnams la bdag tu mngon pa'i nga rgyal dang /bdag tu 'dun pa'i phra rgyas ma spangs shing yongs su ma shes la ma 'gags shing ring du ma byas pa yod dam/ 'on te nye bar len pa'i phung po lnga po 'di rnams la bdag tu mngon pa'i nga rgyal dang / bdag tu 'dun pa'i phra rgyas ma spangs shing yongs su ma shes la ma 'gags shing ring du ma byas pa med/kun dga' bo dge slong de gal te 'di ltar rang gi sems la so sor rtog par byed pa na/ nye bar len pa'i phung po lnga po 'di rnams la bdag tu mngon pa'i nga rgyal dang / bdag tu 'dun pa'i phra rgyas ma spangs shing yongs su ma shes la ma 'gags shing ring du ma byas pa yod do zhes rnam par shes nas/'phags pa nyan thos ngas nye bar len pa'i phung po lnga rnams la skye ba dang 'jig pa yang dag par rjes su lta zhing gnas te/ 'di lta ste 'di ni gzugs/ 'di ni gzugs kun 'byung ba/ 'di ni gzugs 'gag pa/ 'di ni tshor ba dang 'du shes dang 'du byed/ 'di ni rnam par shes pa/ 'di ni rnam par shes pa kun 'byung ba/ 'di ni rnam par shes pa 'gag pa zhes de nye bar len pa'i phung po lnga rnams la skye ba dang 'jig par yang yang dag par rjes su lta zhing gnas pas nye bar len pa'i phung po lnga rnams la bdag tu mngon pa'i nga rgyal dang bdag tu 'dun pa'i phra rgyas ma spangs shing yongs su ma shes la ma 'gags shing ring du ma byas pa de 'byung bar ma 'gyur ro//kun dga' bo gal te dge slong 'di ltar rang gi sems la so sor rtog pa shes na nye bar len pa'i phung po lnga rnams la bdag tu mngon pa'i nga rgyal dang /bdag tu 'dun pa'i phra rgyas ma spangs shing yongs su ma shes la ma 'gags shing ring du ma byas pa med cing / kun dga' bo de de la dran pa dang shes bzhin dang ldan te chos 'di ni gcig tu dkar ba/ gcig tu dge ba/ gcig tu kha na ma tho ba med pa/[ (]me [,]mi [)]'da' zhing bdud sdig pa can gyis yang dag par mi 'phrogs pa/ kun nas nyon mongs pa sdig pa mi dge ba'i chos yang srid par nad dang rnam par smin pa sdug bsngal ba skye ba dang rga ba dang 'chi bas mi 'phrogs pa zhes bya'o/ /bstan bcos las zhes bya ba la rab tu byed pa'i rkang pa'i bsdu ba bstan pa'i rab tu byed pa drug pa'i sgo las/nyes sbyar yongs su shes par bya/ /zhes bya ba las so/ /nyes par spyad pa ni rnam pa gsum ste zhes bya ba la/ gleng gzhi ni mnyan du yod pa na'o/ /nyes par spyad pa ni rnam pa gsum ste/lus kyis nyes par spyad pa dang / ngag gis nyes par spyad pa dang / yid kyis nyes par spyad pa'o/ /legs par spyad pa ni rnam pa gsum [(]se[,]ste[)]/ lus kyis legs par spyad pa dang / ngag gis legs par spyad pa dang / yid kyis legs par spyad pa'o/ /lus kyis nyes par spyod pa byas shi ngag gis nyes par spyod pa dang /yid kyis nyes par spyod pa byas na sems can dmyal ba rnams su skye bar 'gyur ro/ /lus kyis legs par spyod pa byas shing ngag gis legs par spyod pa dang / yid kyis legs par spyod pa byas na lha rnams su skye bar 'gyur ro zhes gsungs so/ /bsags pa'i las mdo las zhes bya ba la/gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag las byas shing bsags la nye bar bsags pa dag gi rnam par smin pa ni so sor myong bar 'gyur ro zhes smra'o/ /de yang mthong ba'i chos nyid la dang / skyes nas dang / lan grangs gzhan na myong bar 'gyur ba'o/ /dge slong dag las ma byas la ma bsags shing nye bar ma bsags pa'i las kyi rnam par smin pa ni so sor myong bar mi 'gyur ro zhes nga smra'o/ /dge slong dag de la lus kyi sdig pa mi dge ba'i las rnam pa gsum dang / ngag gi bzhi dang / yid kyi gsum byas shing bsags la nye bar bsags pas rnam par smin pa sdug bsngal zhing mi dge ba 'byin par 'gyur te/ dge slong dag ji ltar na lus kyi sdig pa mi dge ba'i las rnam pa gsum byas shing bsags la nye bar bsags pas rnam par smin pa sdug bsngal zhing mi dge ba 'byin par 'gyur ba gang zhe na/kha cig srog gcod cing lag pa khrag dang bcas pa/ bcom zhing rab tu spong la ngo tsha ba med cing snying rje med pa grog sbur yan chad kyi srog chags 'byung po thams cad kyi srog nye bar bzung ste/ srog gcod pa las ma log par gyur pa dag go/ /kha cig ma byin par len te grong ngam dgon par song nas gzhan gyis ma byin pa rku ba'i grangs su gtogs pa ste/ma byin par len pa las ma log par gyur pa dag go/ /kha cig 'dod pas log par g.yem pa mas bsrungs pa'am/ phas bsrungs pa'am/ ming pos bsrungs pa'am/ sring mos bsrungs pa'am/ gyos pos bsrungs pa'am/ sgyug mos bsrungs pa'am/ gnyen gyis bsrungs pa'am/ rigs kyis bsrungs pa'am/ rus kyis bsrungs pa'am/ chad pa dang bcas pa dang sgrib pa dang bcas pa'i gzhan gyi bud med gzhan gyis yongs su bzung ba la phreng ba 'phangs te/de dang lhan cig stobs kyis mnan te 'dod pa spyod par byed cing 'dod pas log par g.yem pa las ma log par gyur pa dag go/ /dge slong dag lus kyi sdig pa mi dge ba rnam pa gsum po 'di dag byas shing bsags pas rnam par smin pa sdug bsngal zhing mi dge ba 'byin par 'gyur ro//dge slong dag ji ltar na ngag gi sdig pa mi dge ba'i las rnam pa bzhi byas shing bsags pa nye bar bsags pas rnam par smin pa mi dge zhing sdug bsngal ba 'byin par 'gyur ba de gang zhe na/ kha cig brdzun du smra ste de rgyal po'i pho brang du 'gro'am/ blon po'i khang par 'gro'am/ tshogs kyi nang du 'gro'am/ 'khor gyi nang du 'gro ba na dbang po 'dri ste/ kye skyes bu shes pa de smros shig /mi shes pa de ma smra shig /de mthong ba de smos shig /ma mthong ba de ma smra shig /des dbang po dris pa na de mi shes bzhin du bdag gis shes so zhes smra/ma mthong bzhin du bdag gis mthong ngo zhes bdag gi phyir dang gzhan gyi phyir dang zang zing cung zad tsam gyi phyir shes bzhin du brdzun du smra ste/ brdzun du smra ba las ma log par gyur pa'o/ /kha cig phra ma can du gyur te/ rab tu 'byed pa/ de las thos nas 'di dag la smra/ 'di dag las thos nas dbye bar gyur cig ces 'di la smras te tshogs 'byed par gyur te/dad pa dang mi mthun zhing ma dul la rjes su mi mthun pa bas tshig smra zhing phra ma las ma log par gyur pa'o/ /kha cig tshig rtsub mo smra ba can du gyur te/ tshig gang snyan pa dang / bde ba dang snying du 'ong ba dga' ba pha rol mgu ba/gsal ba/ rnam par shes par bya ba/ mnyan par bya ba rjes su mthun pa/ skye bo mang po dga' ba/ skye bo mang po la sdug pa/ skye bo mang po rab tu dga' bar byed pa/ skye bo mang po yid du 'ong ba/ mnyam par bzhag pa/ ting nge 'dzin sgrub par byed pa de lta bu'i tshig spangs te/tshig gang brlang zhing rtsub pa/ pha rol gyi [(]gnang [,]gnad [)]gcod pa/ pha rol gyi rjes su mi mthun pa/ skye bo mang po mi 'dod pa/ skye bo mang po la mi sdug pa/ skye bo mang po mi dga' zhing / /skye bo mang po yid du mi 'ong ba/ mnyam par ma bzhag pa/ ting nge 'dzin ma yin pa sgrub par byed pa de lta bu'i tshig smra zhing tshig rtsub mo las ma log par gyur pa'o//kha cig tshig 'khyal pa can du gyur te/ de yang tshig ma yin par smra ba/ mi bden par smra ba/ de kho na nyid ma yin par smra ba/ don ma yin par smra ba/ ma zhi bar smra ba ste 'khrugs shing dus ma yin par smra ba/nye bar brtags pa ma yin pa/ /chos ma yin pa dang / don ma yin pa sdud par byed pa/ ngag 'khyal pa las ma log par gyur pa'o/ /dge slong dag de ltar na ngag gi sdig pa mi dge ba'i las rnam pa bzhi byas shing bsags la nye bar bsags pas rnam par smin pa mi dga' zhing sdug bsngal ba 'byin par 'gyur ro//dge slong dag ji ltar na yid kyi las rnam pa gsum byas shing bsags te nye bar bsags pa rnam par smin pa sdug bsngal zhing mi dge ba de gang zhe na/ kha cig brnab sems can du gyur te/ 'dod pa rnams la yang dag par chags pa drag po ste/gzhan gyi rdzas dang / gzhan gyi nor dang / gzhan gyi nye bar mkho ba rnams la brnab sems skye ba de gzhan gyi de bdag gir gyur kyang ci ma rung zhes brnab sems las ma log par gyur pa'o/ /kha cig gnod sems can du gyur te gdug pa'i yid kyis rnam par rtog pa 'di snyam du sems can khyed rnams nyams shing pham la don ma yin pa phongs pa thob par gyur cig ces gnod sems las ma log par gyur pa'o//kha cig log par lta ba can du gyur te/ de lta ba phyin ci log pas 'di ltar lta zhing 'di skad du smra ste/ sbyin pa med do/ /mchod sbyin med do//legs par spyad pa med do/ /nyes par spyad pa med do/ /legs par spyad pa dang nyes par spyad pa'i las kyi 'bras bu rnam par smin pa med do/ /'jig rten 'di med do/ /'jig rten pha rol med do/ /pha med do/ /ma med do/ /sems can rdzus te byung ba rnams med do/ /'jig rten na dgra bcom pa yang dag par song zhing yang dag par rtogs pa 'jig rten 'di dang pha rol du mthong ba'i chos nyid la rang nyid kyis mngon par shes la phun sum tshogs pa mngon sum du byas te/bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya ba med do zhes log par lta ba las ma log par gyur pa dag go//dge slong dag 'di ltar yid kyi sdig pa mi dge ba'i las rnam pa gsum byas shing bsags la nye bar bsags pas rnam par smin pa mi dga' zhing sdug bsngal ba dag 'byin par 'gyur ro//dge slong dag de la 'phags pa nyan thos lus kyi mi dge ba'i chos rnams spong zhing lus kyi dge ba'i chos rnams sgom par byed do/ /ngag dang yid kyi mi dge ba'i chos rnams spong zhing ngag dang yid kyi dge ba'i chos rnams sgom par byed do/ /byams pa dang lhan cig pa'i sems kho na med pa 'gran zla med pa/gnod pa med pa/ yangs pa thams cad du song ba tshad med pa legs par bsgoms pas phyogs gcig tu khyab par byas nas yongs su rdzogs par byas te gnas so/ /de bzhin du gnyis pa dang / de bzhin du gsum pa dang / de bzhin du bzhi pa dang /steng dang 'og dang logs kyi 'jig rten 'di thams cad kyi thams cad du byams pa dang lhan cig pa'i sems kho na med cing 'gran zla med pa gnod pa med pa yangs pa thams cad du song ba tshad med pa legs par bsgoms pas khyab par byas nas yongs su rdzogs par byas nas gnas so//de 'di snyam du sngon bdag gi sems ma bsgoms shing chung ngur gyur pa de ltar bdag gi tshad med cing legs par bsgom par bya'o snyam pa'o/ /dge slong dag 'phags pa nyan thos thos pa dang ldan pa'i sems bag med pa mi srid cing mi ltung la mi gnas shing bgrang bar yang mi 'gyur ro//dge slong dag khye'u dang bu mo byams pa'i sems kyi ting nge 'dzin sgom par byed pa yang sdig pa mi dge ba'i las 'di lta ste lus dang ngag dang yid kyi las byed cing nye bar sogs par 'gyur ram/ gzhan dag las yun ring po don ma yin pa mi phan pa dang sdug bsngal de lta de ltar ston par 'gyur ram/btsun pa ma lags so/ /dge slong dag legs so/ /legs so/ /dge slong dag skyes pa'am/ bud med dam/ khyim pa'am/ rab tu byung bas kyang byams pa'i sems kyi ting nge 'dzin bsgom par bya'o/ /dge slong dag de ci'i phyir zhe na/ / skyes pa dang bud med dang khyim pa dang rab tu byung ba dag kyang lus 'di btang nas pha rol du 'gro bar 'gyur te/ dge slong dag sems kyi rjes su 'gro bar sems la brten pa sems kyis bcings pa [(]sams [,]sems [)]la brten te 'jug pa'o/ /dge slong dag 'ga' zhig 'di skad du nga'i lus 'di nyid kyis sngon sdig pa mi dge ba'i las byas shing bsags la nye bar bsags pa de thams cad 'di la myong bar gyur cig skyes nas dang lan grangs gzhan la myong bar ma gyur cig ces dge slong dag de ltar byams pa'i sems kyi ting nge 'dzin dang ldan na phyir mi ldog par gnas shing bla na med pa'i chos so sor rig par gyur te/de la 'phags pa nyan thos thos pa dang ldan pa lus kyi sdig pa mi dge ba rnams spong zhing lus kyi dge ba'i las rnams sgom par byed do/ /ngag dang yid kyi sdig pa mi dge ba'i las rnams spong zhing ngag dang yid kyi dge ba'i las rnams sgom par byed do//de snying rje dang dga' ba dang btang snyoms dang lhan cig pa'i sems zhes bya ba nas snga ma bzhin du dge slong dag de ltar btang snyoms kyi sems ting nge 'dzin dang ldan na phyir mi ldog par gnas shing bla na med pa'i chos so sor rig par 'gyur ro zhes bya ba'i bar du gsungs so//dge slong dag srog gcod pa ni rnam pa gsum ste zhes bya ba la/ gleng gzhi ni mnyan du yod pa na'o/ /dge slong dag srog gcod pa ni rnam pa gsum ste/ brnab sems las skyes pa dang / gnod sems las skyes pa dang / gti mug las skyes pa'o/ /dge slong dag ma byin par len pa dang /'dod pas log par g.yem pa dang / brdzun du smra ba dang / phra ma dang / tshig rtsub mo dang / tshig kyal pa dang / brnab sems dang / gnod sems dang log par lta ba ni rnam pa gsum ste/ brnab sems las skyes pa dang / gnod sems las skyes pa dang /log par lta ba las skyes pa'o/ /dge slong dag srog gcod pa spang ba ni rnam pa gsum ste/ ma chags pa las skyes pa dang / /zhe sdang med pa las skyes pa dang / gti mug med pa las skyes pa'o/ /dge slong dag ma byin par len pa dang / 'dod pas log par g.yem pa dang /brdzun du smra ba dang / phra ma dang / tshig rtsub mo dang / tshig 'khyal ba dang / brnab sems med pa dang / gnod sems med pa dang / log par lta ba med pa ni rnam pa gsum ste/ ma chags pa las skyes pa dang / /zhe sdang med pa las skyes pa dang / gti mug med pa las skyes pa'o zhes gsungs so//ji skad du bcom ldan 'das kyis kyang / tshe dang drod dang rnam shes kyis/ /zhes bya ba la sogs pa la bcom ldan 'das 'khrug pa can na chu bo gang gA'i 'gram na bzhugs te/ de nas bcom ldan 'das kyis dge slong rnams la bos te/dge slong dag 'di lta ste/ chu bo gang gA'i rgyun gyis dbu ba'i phung po chen po khyer nas 'gro ba de mig dang ldan pa'i skyes bus mthong ste/ bsams shing tshul bzhin du brtags te/ des mthong zhing bsams te/ tshul bzhin du brtags pa na mi bden par snang zhing / brdzun pa slu ba gsog tu snang ngo //de ci'i phyir zhe na/ dbu ba rdos pa la snying po ci yang med pa'i phyir ro/ /dge slong dag de bzhin du gzugs ci yang rung ba 'das pa'am/ ma 'ongs pa'am/ da ltar byung ba'am/ nang gi'am/ phyi'i'am/ rags pa'am/ phra ba'am/ dman pa'am/ gya nom pa'am/ thag ring ba'am/ thag nye ba de dag dge slong gis mthong ste/ bsams bzhin du tshul bzhin brtags te/ des de mthong zhing bsams te/ tshul bzhin brtags pa na mi bden par snang zhing / brdzun pa slu ba gsog tu snang ngo / /snying po med pa dang / nad dang / 'bras dang / zug rngu dang / mi rtag pa dang / sdug bsngal ba dang / stong pa dang / bdag med par snang ngo / /de ci'i phyir zhe na/ gzugs kyi phung po la ci yang med pa'i phyir ro/ /dge slong dag 'di lta ste/ ltas char chen po phab pa na chu las chu bur du byung ba dag gzhan skye zhing gzhan 'gag ste/de mig dang ldan pa'i skyes bus mthong ste/ bsams shing tshul bzhin brtags te/ des de mthong zhing bsams te tshul bzhin du bsams pa na mi bden par snang zhing / brdzun pa slu ba gsog tu snang ngo / /de ci'i phyir zhe na/ chu bur la snying po ci yang med pa'i phyir ro/ / dge slong dag de bzhin du tshor ba gang ci yang rung ba'am/ ma 'ongs pa'am/ da ltar byung ba'am/ nang gi'am/ phyi'i'am/ rags pa'am/ phra ba'am/ dman pa'am/ gya nom pa'am/ thag ring ba'am thag nye ba'i bar du ste/ de dag dge slong dag gis mthong zhing bsams shing tshul bzhin brtags pa dang /des de mthong zhing bsams te tshul bzhin brtags pa ni mi bden par snang zhing brdzun pa slu ba gsog dang nad dang / 'bras dang / zug rngu dang / gnod par snang zhing mi rtag pa dang / sdug bsngal ba dang / stong pa dang / bdag med par snang ngo / / de ci'i phyir zhe na/ tshor ba'i phung po la snying po ci yang med pa'i phyir ro/ /dge slong dag 'di lta ste/ so ga tha ma'i dus la bab pa na nam mkha' sprin dang bral zhing / nyi ma gung gi dus na bye ma la smig rgyu g.yo bdag de mig dang ldan pa'i skyes bus mthong ste bsams shing tshul bzhin brtags te/des de mthong zhing bsams te tshul bzhin brtags pa na mi bden par snang zhing brdzun pa slu ba gsog tu snang ngo / /de ci'i phyir zhe na/ smig rgyu la snying po ci yang med pa'i phyir ro/ /dge slong dag de bzhin du 'du shes gang ci yang rung ba 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am/ rags pa'am/ phra ba'am/ dman pa'am/ gya nom pa'am/ thag ring ba'am/ thag nye ba'i bar du ste/ dge slong dag gis mthong ste/ bsams shing tshul bzhin brtags te/ des de mthong zhing bsams te/ tshul bzhin du bsams pa na mi bden par snang zhing /brdzun pa slu ba gsog dang nad dang 'bras dang zug rngu dang gnod par snang ste/ mi rtag pa dang / sdug bsngal ba dang / stong pa dang / bdag med par snang ngo / /de ci'i phyir zhe na/ 'du shes kyi phung po la snying po ci yang med pa'i phyir ro/ /dge slong dag 'di lta ste/ mig dang ldan pa'i skyes bu snying po don du gnyer zhing snying po tshol ba dag sta re rnon po thogs nas nags su zhugs te/ des chu shing gi phung po chen po drang zhing legs par skyes la mi rtsub pa dag mthong nas des de rtsa ba nas bcad de 'dab ma 'dab mar phye ba na des de la 'bras bu yang ma mthong na snying po lta smos kyang ci dgos/skyes bu mig dang ldan pa des mthong ste bsams shing tshul bzhin brtags te/ des de mthong zhing bsams te tshul bzhin brtags pa na mi bden zhing brdzun pa slu ba gsog tu snang ngo / /de ci'i phyir zhe na/ chu shing la snying po ci yang med pa'i phyir ro//dge slong dag de bzhin du 'du byed gang ci yang rung ba 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am/ rags pa'am/ phra ba'am/ dman pa'am/ gya nom pa'am/ thag ring ba dang thag nye ba'i bar du ste/ dge slong dag gis de dag mthong ste bsams shing tshul bzhin brtags te/des de mthong zhing bsams te tshul bzhin brtags pa na mi bden par snang zhing brdzun pa slu ba gsog dang nad dang 'bras dang zug rngu dang gnod par snang ste/ mi rtag pa dang / sdug bsngal ba dang / stong pa dang / bdag med par snang ngo / /de ci'i phyir zhe na/ 'du byed kyi phung po la snying po ci yang med pa'i phyir ro/ /dge slong dag 'di lta ste/ sgyu ma mkhan nam sgyu ma mkhan gyi slob ma mkhas pa dag lam gyi bzhi mdo chen por 'dug ste/ sgyu ma bzhi sprul pa ston par byed de/ 'di lta ste/ glang po che'i tshogs dang / rta pa'i tshogs dang / shing rta'i tshogs dang / rkang thang pa'i tshogs te/ de dag mig dang ldan pa'i skyes bus mthong ste/ mthong nas bsams shing tshul bzhin brtags te/ des de mthong zhing bsams te tshul bzhin bsams pa na mi bden par snang zhing brdzun pa slu ba gsog tu snang ngo //de ci'i phyir zhe na/ sgyu ma la snying po ci yang med pa'i phyir ro/ /dge slong dag de bzhin du rnam par shes pa gang ci yang rung ba 'das pa'am/ ma 'ongs pa'am/ da ltar byung ba'am/ nang gi'am phyi'i 'am/ rags pa'am/ phra ba ba'am/dman pa'am/ gya nom pa'am/ thag nye ba'am thag ring ba'i bar du ste/ de dag dge slong dag gis mthong ste bsams shing tshul bzhin bsams te/ des de mthong zhing bsams te/ tshul bzhin brtags pa na mi bden pa brdzun pa slu ba gsog dang nad dang 'bras dang zug rngu dang gnod par snang zhing mi rtag pa dang /sdug bsngal ba dang / stong pa dang / bdag med par snang ste/ de ci'i phyir zhe na/ rnam par shes pa'i phung po la snying po ci yang med pa'i phyir ro/ /bcom ldan 'das kyis de skad ces bka' stsal cing bde bar gshegs pas de skad gsungs nas/ston pas gzhan yang 'di skad ces bka' stsal to/ /gzugs ni dbu ba rngos pa 'dra/ tshor ba chu'i chu bur bzhin/ /'du shes smig rgyu lta bu ste/ 'du byed chu shing lta bu yin/ /rnam shes sgyu ma lta bu zhes/ /nyi ma'i gnyen gyis bka' stsal to/ /ji lta ji ltar tshul bzhin du//rab tu brtags shing brtags pa na/ skye ba dang ni 'jig pa dang / /slu ba dang ni gsog tu snang / /shes rab dman pa rnams la ni/ /phung po 'di dag rnam ma bstan/ /chos gsum po ni rab spangs na/ lus dang bral zhing spong bar 'gyur/ /tshe dang drod dang rnam shes kyis//gang tshe lus 'di 'dor byed cing / /bor nas de tshe gnas pa ni/ /sems med ji ltar shing bzhin no/ /'di na 'di 'dra'i rgyud 'di dag /sgyu ma byis pa 'drid pa ste/ /gnod par byed pa'i zug rngu ste/ mngon par rlom pa tsam med do/ /dge slong de ltar phung po rnams/ /rab tu brtags shing brtson 'grus rtsom//nyin mo dang ni mtshan mo dag /dran dang shes bzhin dang ldan na/ /'du byed zhi zhing rab zhi ba'i/ /go 'phang rab tu rtogs par 'gyur/ /bcom ldan 'das kyis de skad ces bka' stsal pa dang / dge slong de dag yid dga' zhing bcom ldan 'das kyis gsungs pa la mngon par dga'o//tshigs su bcad pa 'di dag sngar dge slong ma chos sbyin gyi mdor sngar bris zin mod kyi/ /de lta na'ang bcom ldan 'das kyi gsung 'di mdo'i khungs dper nye bar bkod do/ /tha snyad bcu drug ces bya ba la/ mdo gcig nas mi snang ngo / /brgyad tshan brgyad pa'i sgo dang po'i sdom gyi tshigs su bcad pa bdun pa dang bcu pa dang bcu gcig pa'i mdo ji ltar bstan pa go rims bzhin du 'don to//mdo sde smra ba zhes bya ba la/ gleng gzhi ni mnyan du yod pa na'o/ /de nas tshe dang ldan pa mchod byed kyi ma can dgongs ka nang du yang dag 'jog las langs te/bcom ldan 'das ga na ba der nye bar song zhing nye bar song nas bcom ldan 'das la 'di skad ces gsol to/ /bcom ldan 'das bdag la mdor bsdus pa de ltar chos legs par bshad du gsol zhes bya ba nas/ snga ma bzhin du srid pa 'di las gzhan mi shes so zhes bya ba'i bar du'o//de skad ces gsol pa dang / bcom ldan 'das kyis tshe dang ldan pa mchod byed kyi ma can la 'di skad ces bka' stsal to/ /mchod byed kyi ma can khyod rgas pa na tshod du phyin pa nga'i drung nas mdor bsdus pa nyan par 'dod na 'di na gsar bu rab tu byung nas ring po ma lon pa chos 'dul ba 'di la ring po ma lon pa dag ji ltar byed par 'gyur/btsun pa bdag rgas shing 'khogs la na tshod du phyin pa yin yang bcom ldan 'das las mdor bsdus pa'i gdams ngag nyan par 'dod do/ /bcom ldan 'das bdag la mdor bsdus pa de ltar chos legs par bstan du gsol zhes bya ba nas//srid pa 'di las gzhan mi shes so zhes bya ba'i bar du'o/ /bcom ldan 'das la tshe dang ldan pa mchod byed kyi ma can gyis lan gnyis lan gsum du de skad ces gsol pa dang tshe dang ldan pa mchod byed kyi ma can la khyod rgas shing 'khogs la na tshod du phyin pa nga las gdams ngag mdor bsdus pa nyan par 'dod na 'di ni gsar bu rab tu byung nas ring po ma lon pa/chos 'dul ba 'di la ring po ma lon pa dag ji ltar byed par 'gyur zhes bka' stsal to/ /bcom ldan 'das la yang lan gnyis lan gsum du tshe dang ldan pa mchod byed kyi ma can 'di skad ces gsol to//btsun pa bdag rgas shing 'khogs la na tshod du phyin pa yin yang bcom ldan 'das las gdams ngag nyan par 'dod de/ bcom ldan 'das bdag la mdor bsdus pa de ltar chos legs par bstan du gsol zhes bya ba nas srid pa 'di las gzhan mi shes so zhes bya ba'i bar du'o//bka' stsal pa/ mchod byed kyi ma can khyod kyis lan gsum gyi bar du don 'di ma go bas mchod byed kyi ma can de'i phyir khyod nyid la dri bar bya ste/ ji ltar bzod pa de bzhin du lung ston cig /mchod byed kyi ma can 'di ji snyam du sems/khyod kyis mig gis gzugs dag ma mthong zhing sngon mthong bar ma gyur ma mthong na gzhi de las khyod la 'di lta bu'i dngos po mthong bar bya'o zhes 'dun pa'am/ chags pa'am/ 'chums pa'am/ dga' ba'am/ chags zhen nam/ lhag par chags par 'gyur ba skye'am/btsun pa ma lags so/ /mchod byed kyi ma can 'di ji snyam du sems/ khyod kyi rna bas sgra dang / snas dri dang / lces ro dang / lus kyis reg bya dang / yid kyis chos gang rnam par ma shes shing sngon rnam par shes par ma gyur la rnam par ma shes na/ gzhi de las khyod la 'di lta bu'i dngos po rnam par shes par bya'o zhes 'dun pa'am/chags pa'am/ 'chums pa'am/ dga' ba'am/ chags zhen nam/ lhag par chags par 'gyur ba skye 'am/ btsun pa ma lags so/ /mchod byed kyi ma can legs so legs so/ /'di ltar mthong ba ni mthong ba tsam/thos pa ni thos pa tsam/ bye brag phyed pa ni bye brag phyed pa tsam/ rnam par shes pa ni rnam par shes pa tsam ste/ mchod byed kyi ma can gang gis na de dang des khyod ma yin zhing gang gis na khyod kyis de dang de la ma yin la de dang des khyod la ma yin zhing 'di na ma yin zhing bar bar na ma yin pa 'di nyid sdug bsngal mthar byas pa zhes bya'o//bcom ldan 'das rnam par shes so/ /bde bar gshegs pa rnam par shes so/ /mchod byed kyi ma can ngas mdor bsdus shing rnam par ma phye bar bshad pas ji lta ji ltar don rgyas par shes par 'gyur/ de nas de'i tshe tshe dang ldan pa mchod byed kyi ma can gyis tshigs su bcad pa 'di skad ces smras so//gzugs rnams mthong nas dran nyams shing / /rgyu ba'i rgyu mtshan yid byas nas/ /sems ni yang dag chags myong nas/ /de la lhag par zhen cing gnas/ /de las rang bzhin du ma yi/ / tshor ba rnams ni skye zhing 'byung / /brnab sems dang ni gnod sems kyis/ /sems ni rab tu bcom par 'gyur/ /gzugs dag nye bar bsags pa na/ /mya ngan 'das pa ring zhes brjod/ /srid bcas mya ngan 'das min zhes/ /nyi ma'i gnyen gyis bka' stsal to/ /gzugs la mngon par mi dga' zhing //gzugs rnams mthong nas dran ldan na/ /sems ni yang dag chags mi 'gyur/ /de las lhag par chags mi 'gyur/ /de las rang bzhin du ma yi/ /char ba skye zhing 'byung mi 'gyur/ /brnab sems dang ni gnod sems kyis/ / sems 'di rnam par bcom mi 'gyur/ /gzugs dag nye bar mi stsogs na/ /mya ngan 'das pa zhes brjod do/ /sred zad mya ngan 'das pa zhes/ /nyi ma'i gnyen gyis bka' stsal to/ /gzugs dang de bzhin tshor ba'i yang / /ji ltar gnas pa bzhin mthong na//zad cing nye bar mi sogs te/ de bzhin dran dang ldan par spyod/ /de bzhin sgra dang dri dang ni/ /ro dang reg bya rnams dang ni/ /chos rnams mthong nas dran nyams shing / /dga' ba'i rgyu mtshan yid byas pas/ /sems ni yang dag chags myos nas/ /de la lhag par zhen par 'gyur//de la rang bzhin du ma yi/ /tshor ba rnams ni skye zhing 'byung / /brnab sems dang ni gnod sems kyis/ /sems 'di rab tu bcom par 'gyur/ /chos dag nye bar sogs pas na/ /mya ngan 'das pa ring zhes brjod/ /srid bcas mya ngan 'das min zhes/ / nyi ma'i gnyen gyis bka' stsal to/ /chos la mngon par mi dga' zhing / /chos rnams mthong nas dran ldan na/ /sems ni yang dag chags mi 'gyur/ /de la lhag par chags mi 'gyur/ /de las rang bzhin du ma yi/ /tshor ba 'byung zhing skye mi 'gyur/ /brnab sems dang ni gnod sems kyis//sems 'di rnam par bcom mi 'gyur/ /chos dag nye bar mi sogs pa/ /mya ngan 'das pa zhes brjod do/ /sred zad mya ngan 'das pa zhes/ /nyi ma'i gnyen gyis bka' stsal to/ /gzugs dang de bzhin tshor ba'i yang / /ji ltar gnas pa bzhin mthong na//zad cing nye bar mi sogs te/ de bzhin dran dang ldan par spyod/ /btsun pa 'di ltar bcom ldan 'das kyis mdor bsdus shing rnam par ma phye bar bshad pa'i don rgyas par bdag gis 'tshal to/ /mchod byed kyi ma can legs so legs so/ /mchod byed kyi ma can khyod kyis ngas mdor bsdus te rnam par ma phye bar bshad pa'i don khyod kyis shes pa legs so//de ci'i phyir zhe na/ gzugs rnams mthong na zhes bya ba nas/ de bzhin dran dang ldan par spyod/ /ces bya ba'i bar du tshigs su bcad pa rgyas par ro/ /de nas tshe dang ldan pa mchod byed kyi ma can zhes bya ba nas/bcom ldan 'das kyi drung nas song ngo zhes bya ba'i bar du'o/ /de nas tshe dang ldan pa mchod byed kyi ma can bcom ldan 'das las mdor bsdus pa'i gdams ngag thos nas dgra bcom pa sems rnam par grol ba'i bar du gyur to zhes gsungs so/ /mdo las ji skad du 'dod pa la 'dun pa'i dbang du byas nas zhes bya ba la/ji ltar tshul khrims kyi phung po dbyu gu gsum pa'i mdo de dang de las 'don pa lta bu ste/ de 'phags pa'i tshul khrims kyi phung po dang yang dag par ldan zhing 'dis dbang po'i sgo bsdams shing yang dag pa'i dran pa dang shes bzhin 'di dag dang ldan zhing rnam par dben pa'i mal cha dang stan la brten te dgon pa dang shing drung dang khang pa stong par gnas pa'am/de dgon pa'am/ shing drung ngam/ khang pa stong par song ste/ skyil mo krung bcas shing lus drang po re bsrang ste/ dran pa mngon du [(]phyags [,]phyogs [)]par bzhag nas 'dug ste/sems la 'jig rten gyi brnab sems spangs te brnab sems dang bral bar lan mang du gnas shing sems la brnab sems rnam par sbyong bar byed do/ /gnod sems dang / rmugs pa dang / gnyid dang / rgod pa dang / 'gyod pa dang / / 'jig rten gyi the tshom spangs shing som nyi las brgal cing the tshom las brgal te/ dge ba'i chos rnams la the tshom med cing the tshom las sems rnam par sbyor bar byed de/ de sems nye bar nyon mongs par byed pa shes rab nyam chung bar byed pa gegs kyi phyogs mya ngan las 'das pa ma yin pa sgrub par byed pa'i sgrib pa lnga po spangs nas 'dod pa las dben pa sdig pa mi dge ba'i chos rnams las dben pa zhes bya ba nas bsam gtan bzhi pa bsgrubs te gnas so zhes bya ba'i bar du'o//med par lta bas rtsa ba gcod/ /ces bya ba la/ gang gis dge ba'i rtsa ba kun du gcod cing ji ltar kun du gcod la rnam pa gang gis kun du gcod ce na/smras pa/ gang zag kha cig gis pha dang ma bsams bzhin du srog dang phral nas 'gyod pa dang lhan cig pa'i sems cha tsam yang mi bskyed la kha cig gis pha dang ma bsams bzhin du srog dang phral bar byas nas 'gyod pa cha shas tsam skyed par byed do//de na dge sbyong ngam/ 'jig rten rgyang pan pa'i rigs can med do zhes smra ba rgyu med par smra ba de dang de dag dge ba dang mi dge ba'i las rnams zhig cing chad nas med pa yin no zhes 'dogs te de de dang de'i drung du nye bar song nas dri ba 'di 'dri ste/dge ba ni gang zhig yin/ kha na ma tho ba dang bcas pa ni gang zhig yin/ kha na ma tho ba med pa ni gang zhig yin/ ci zhig byas na dge bar 'gyur zhing sdig par mi 'gyur zhes dris pa dang / des de 'gyod pa ma skyes pa mi skyed cing 'gyod pa skyes pa dag kyang myur du sel bar byed de/'di skad du srog gcod pa ni 'bras bu dang bral ba ste/ 'bras bu med pa/ don med pa/ skye ba med pa/ ro med pa/ bsngags pa med pa ste/ srog gcod pa la rnam par smin pa'i 'bras bu med do/ /ma byin par len pa dang / 'dod pas log par g.yem pa dang / brdzun du smra ba dang / phra ma dang / tshig rtsub mo dang / tshig kyal pa dang / brnab sems dang / gnod sems dang / log par lta ba ni 'bras bu dang bral ba ste/ 'bras bu med pa don med pa/ skye ba med pa ro med pa bsngags pa med pa ste/ log par lta ba med cing log par lta ba'i 'bras bu rnam par smin pa med do zhes brjod la/ de de la 'dod cing bzod la yang dag par gsal bar byed do/ /gang gi tshe de 'dod cing bzod la gsal bar byed pa 'di tsam gyis na gang zag g.yon gyi lam du zhugs pa zhes bya ste/ 'di lta ste log par lta ba can/log par rtog pa dang / log pa'i las kyi mtha' dang / log pa'i 'tsho ba log pa'i ting nge 'dzin can zhes bya'o/ /de 'di lta bu'i g.yon pa'i lam la zhugs pas nyes par spyod pa rnam pa gsum 'phel zhing drag por 'gyur zhing mang por 'gyur ro/ / legs par spyod pa rnam pa gsum 'bri zhing srab mor 'gyur zhing yang bar 'gyur ro/ /mi dge ba'i rtsa ba rnam pa gsum 'phel zhing drag por 'gyur zhing sdug bsngal mang por 'gyur ro/ /dge ba'i rtsa ba rnam pa gsum 'bri zhing srab mor 'gyur zhing yang bar 'gyur la gseng tshags can du 'gyur ro//mi dge ba'i las kyi lam bcu mngon par 'phel zhing drag por 'gyur zhing stug la mang por 'gyur ro/ /dge ba bcu'i las kyi lam phra zhing srab mor 'gyur zhing gseng tshags can du 'gyur te/ g.yon phyogs kyi lam 'phel zhing drag por 'gyur zhing stug la mang por 'gyur ro//g.yas phyogs kyi lam 'bri zhing srab mor 'gyur la yang zhing gseng tshags can du 'gyur ro/ /de mang du srog gcod pa can du 'gyur zhing ma byin par len pa 'dod pas log par g.yem pa/ brdzun du smra ba/ phra ma smra ba/ tshig rtsub mo smra ba/tshig kyal pa smra ba/ brnab sems dang gnod sems dang log par lta ba can du 'gyur te/ de 'di lta bu'i ma dul bas mang du gnas par 'gyur zhing ma bsdams pas mang du gnas par 'gyur te/ res 'ga' zhig ci zhig ltar dge ba'i sems dang sems las byung ba'i chos rnams mngon du 'gyur ro//de nas yang mi dge ba nyid mang du kun du spyod de gang yang phal cher g.yon phyogs pa ste/ dbyar phyi ma ston gyi dus la bab pa na glog chen po byung bas snang ba dang cung zad snang ba dang / gzugs mthong bar byas nas myur du nub pa de bzhin du de 'di lta bu'i ma dul ba dang ma bsdams pa lan mang du gnas par 'gyur te/brgya la res 'ga' zhig na dge ba'i sems dang sems las byung ba'i chos rnams mngon du 'gyur zhing de nas yang mi dge ba nyid du sbyor bar 'gyur te/ gang yang phal cher g.yon phyogs pa ste/ 'di lta ste tsha bas gdungs shing tsha bas nyen pa'i skyes bu skom zhing ngal la tshad pas nyen pa dag khron pa bsil mo'i nang du zhugs te myur du de nas byung na de'i chu dang chu'i thigs pa rags pa dag myur ba myur bar rgal la ltung bar 'gyur zhing 'di ltar ba spu'i bu ga na chu phra mo dag yod pa de bzhin du ma dul zhing ma bsdams pa lan mang du gnas pa 'di'i brgya la res 'ga' zhing dge ba'i sems dang sems las byung ba'i chos rnams mngon du 'gyur ro//de nas yang mi dge ba nyid mang du kun du spyod par 'gyur te/ gang yang phal cher g.yon phyogs par 'gyur ro/ / de srog chags khyad par can bsams bzhin du srog dang phral ba la dge ba dang mi dge ba'i las kyi rnam par smin pa med do zhes dus gzhan du yang de 'gyod pa'i sems cha tsam yang skyed par mi byed de/ gang yang gang zag khyad par can srog dang phral ba la dge ba dang mi dge ba'i las kyi rnam par smin pa med do zhes 'gyod pa'i sems cung zad tsam yang skyed par mi byed de/'di tsam gyis na gang zag 'di'i khams gsum pa'i dge ba'i rtsa ba kun du chad pa zhes brjod par bya'o/ /gang zag 'di'i dge ba'i rtsa ba mthong ba'i chos nyid la nying mtshams sbyor ba'i skal ba med pa ste/gang zag 'di'i dge ba'i rtsa ba rnams dmyal ba dag nas 'chi 'pho ba'am skye ba na nges par nying mtshams sbyor bar 'gyur ro/ /gang yang 'di lta bu gang zag bsams bzhin du srog dang phral ba dang / gang yang srog chags grog sbur dag srog dang phral na gang zhig kha na ma tho ba chen por 'gyur zhe na/kun nas dkris pa mnyam na rnam par smin pa mnyam par 'gyur ro/ /'di skad du zer ba yang yod de/ srog chags grog sbur dag bsams bzhin du srog dang phral na kha na ma tho ba chen por 'gyur gyi/ gang zag 'di lta bu ni ma yin te/ de ci'i phyir zhe na/ smras pa srog chags grog sbur dag gi dge ba'i rtsa ba kun du ma chad la gang zag 'di'i dge ba'i rtsa ba kun du chad pa'i phyir ro zhes phra rgyas btags pa'i dbugs 'byung ba brgyad pa dang / rnam par shes pa'i tshogs kyi phung po lnga pa las 'don to/ /tshul khrims kyi phung po las zhes bya ba la sogs pa la/tshul khrims kyi phung po'i dbyu gu gsum pa'i mdo las 'di ltar 'don te/ ji ltar yang dbyu gu gsum pa dge sbyong ngam bram ze dad pas byin pa longs spyod cing rnam pa du ma lta bu'i phyir rjes su sbyor bas mngon par brtson pas gnas te/ 'di lta ste glang po che 'thab pa dang / rta 'thab pa dang / shing rta 'thab pa dang / rkang thang 'thab pa dang / rdo bas 'thab pa dang / khu tshur 'thab pa dang / khyu mchog 'thab pa dang / ba lang 'thab pa dang / ra 'thab pa dang / lug 'thab pa dang / khyim bya 'thab pa dang / chu skyar 'thab pa dang /khyim bya dang chu skyar 'thab pa dang / skyes bu 'thab pa dang / bud med 'thab pa dang / gzhon nu 'thab pa dang / gzhon nu ma 'thab pa dang / khang pa dang / khang bzangs dang / rgyal mtshan gyi mchog dang dpung gi mchog bshams pa la lta ba nyams su myong bar byed/ dge sbyong ngam bram ze de dag rnam pa 'di lta bu'i lta ba la brtson pa'i sbyor bas sbyor zhing gnas pa dang bral bar bya'o zhes gsungs so/ /gang yang gnas brtan ma 'gags pas ji skad du zhes bya ba la sogs pa la/ rgyal po dang yang dag par ldan pa las/ 'khor lo gnyis dang / mtshan gnyis dang / /chu ral lha yi pho nya dang / /a tag bi d+heM gi dang ni/ /dngos dang phyis kyi mdo dag go/ /zhes bya ba'i mdo tha ma las/ bcom ldan 'das bA rA Na sI na drang srong smra ba ri dgas kyi nags na bzhugs te/ de nas dge slong rab tu mang po dag nye bar gnas pa'i phyir 'dus shing tshogs par gyur te 'dug pa dag bar skabs su 'di lta bu'i gtam brjod pa byung ste/tshe dang ldan pa dag khyim pa gos dkar po can gang gi khyim du nyi ma re re zhing kAR+ShA pa Na brgya rnyed pa dang / gang gis dge slong tshul khrims dang ldan pa dge ba'i chos can ltung ba dang bral ba la bsod snyoms gcig yongs su longs spyod par phul na gang zhig gis yin//de na gcig gis smras na/ tshe dang ldan pa dag khyim pa gos dkar po can gang gi khyim du nyi ma re re zhing kAR+ShA pa ni brgya rnyed pa bas gang gis dge slong tshul khrims dang ldan pa dge ba'i chos can ltung ba dang bral ba la bsod snyoms gcig yongs su longs spyod par phul na mchog tu 'gyur ro//gzhan gyis smras pa/ tshe dang ldan pa dag khyim pa gos dkar po can gang gi khyim du nyi ma re re zhing kAR+ShA pa Na brgya rnyed pa pas kAR+ShA pa Na stong rnyed kyang ci zhig bya/ gang gis dge slong tshul khrims dang ldan pa dge ba'i chos can ltung ba dang bral ba la bsod snyoms gcig yongs su longs spyod par phul na mchog tu 'gyur ro//de'i tshe na tshe dang ldan pa ma 'gags pa 'khor 'dus pa de'i nang du 'dus shing 'tshogs par gyur pa 'dug ste/ de nas tshe dang ldan pa ma 'gags pas dge slong rnams la bos te/tshe dang ldan pa dag khyim pa gos dkar po can gang gi khyim du nyi ma re re zhing kAR+Sha pa Na brgya dang stong dang stong phrag brgya rnyed kyang ci zhig bya/ gang gis dge slong tshul khrims dang ldan pa dge ba'i chos can ltung ba dang bral ba la bsod snyoms gcig yongs su spyad par phul na ches mchog tu 'gyur te/tshe dang ldan pa dag bA rA Na sI 'di nyid du skyes bu dbul po rtsa thu ba zhig tu gyur pa mngon par dran te/ de nang par langs te zor ba thogs nas rtswa thu ba'i phyir bA rA Na sI nas 'gro ste/ de'i tshe na rang sangs rgyas steng gnas zhes bya ba zhig bA rA Na sI na nye bar brten cing bzhugs so//de nas bcom ldan 'das de snga dro chos gos dang lhung bzed thogs te bsod snyoms kyi phyir bA rA Na sIr zhugs so/ /bcom ldan 'das de zhugs pa bdag 'gro bas mthong zhing bdag 'gro ba dang yang bcom ldan 'das de zhugs pas mthong ngo //de nas nga myur bar rtswa khur bu gang khyer nas bA rA Na sIr zhugs so/ /bcom ldan 'das de ji ltar bA rA Na sIr lhung bzed bkrus te bsod snyoms kyi phyir zhugs pa de bzhin du phyir byung bar gyur te/ bsod snyoms gcig kyang ma brnyes so//bcom ldan 'das de byung nas gshegs pas bdag zhugs pa mthong nas 'di snyam du skyes bu 'di 'gro ba yang bdag zhugs pas mthong zhing da ltar skyes bu zhugs pa yang bdag 'gro bas mthong ba las na skyes bu 'dis nges par zas kyi bya ba ma byas so zhes dgongs nas nga'i phyi bzhin phyi bzhin du 'brangs so//de nas bdag rang gi khang par phyin nas rtswa'i khur bu phyogs gcig tu bzhag nas rgyab tu bltas pa dang / bcom ldan 'das de sgo'i drung na bzhugs pa mthong ngo / /mthong nas bdag 'di snyam du bcom ldan 'das 'di bdag 'gro bas mthong zhing bdag 'gro ba yang bcom ldan 'das 'di zhugs pas mthong /bdag zhugs pa yang 'di 'gro bas mthong la/ 'di 'gro bas kyang bdag zhugs pa mthong la da ltar 'di sgo drung na bzhugs pa mthong ba las na 'phags pa 'dis nges par zas kyi bya ba ma byas kyis gang bdag gi phyir bzhag pa'i zas de dag bcom ldan 'das 'di la bsod snyoms 'bul bar bya'o snyam nas de nas bdag gis myur ba myur bar bcom ldan 'das kyi gdan bshams te/bcom ldan 'das de la 'di skad ces bcom ldan 'das gdan bshams pa ji lta ba bzhin du bzhugs su gsol zhes smras nas bcom ldan 'das gdan bshams pa ji lta ba bzhin du bzhugs pa dang /de nas ngas bdag gi phyir bzhag pa'i zas dag bcom ldan 'das de la bsod snyoms phul ba dang bcom ldan 'das des bdag la 'di skad ces kye skyes bu de las phyed bdag la bsod snyoms phul la phyed khyod bza' bar gyis shig dang /'o skol gnyis ka'i bkres pa zlog par 'gyur ro zhes smras so/ /bdag gis 'di skad ces smras so/ /bdag cag ni khyim na gnas shing gzhi bdag ste/ bdag cag la til dang 'bras dang myong gu yod la ma sha yang yod cing /btsun pa bdag cag ni dus dang dus ma yin par yang za ba lags kyis bcom ldan 'das ni dus su gsol zhing dus su bzhed la dus srung ba lags kyis bcom ldan 'das thugs brtse bar dgongs la bdag las bsod snyoms 'di bzhes su gsol/ de nas bcom ldan 'das des thugs brtse bas bdag las bsod snyoms de bzhes so//de nas bcom ldan 'das de bsod snyoms bzhes te lhung bzed thogs nas de bzhin du nam mkha' la gshegs so/ /tshe dang ldan pa dag ngas mngon par shes te/ bdag ni bsod snyoms gcig po de'i rnam par smin pas lan bdun gyi bar du sum cu rtsa gsum gyi lha bzang po'i rigs su skyes shing lan bdun gyi bar du 'khor los sgyur ba'i rgyal po mtha' bzhi las rnam par rgyal ba chos can chos kyi rgyal po//rin po che sna bdun dang ldan par gyur te/ de la bdag gi rin po che sna bdun ni 'di lta bu'i rang bzhin dag byung ste/'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che rnams so/ /dpa' ba rtul phod pa/yan lag mchog gi gzugs dang ldan pa/ pha rol gyi sde rab tu 'joms pa'i bu stong du tshang ba yang byung bar gyur to/ /rgya mtsho la thug pa'i sa chen po 'di ma lus par gnod pa med cing 'tshe ba med pa la dbyug pa dang / mtshon cha med la chos kyis rnam par rgyal nas gnas par gyur to//bdag ni bsod snyoms gcig po de'i rnam par smin pas da ltar shAkya'i rigs phyug po rnams su skyes te brgya phrag du ma dang / stong phrag du ma dang / brgya stong phrag du ma'i gser dang sa le sbram dag btang nas rab tu byung na/ dngos po ngan pa gzhan lta smos kyang ci zhig dgos//bdag ni bsod snyoms gcig po de'i rnam par smin pas don du gnyer ba dang tshegs chung ngus chos gos yongs su longs spyod cing bsod snyoms dang / na ba'i gsos sman dang / mal cha dang / stan dang / 'tsho ba'i yo byad dag don du gnyer ba dang tshegs chung ngus yongs su longs spyod do//tshe dang ldan pa dag bdag gis bcom ldan 'das de de ltar mthu dang byin rlabs che bar shes nas bya ba mang du byed par 'gyur ba'i gnas yod cing skabs yod do/ /gang yang nyes par spyad pa rnam pa gsum las bcom ldan 'das kyis zhes bya ba la/dbyangs dang bcas dang nye ba 'khor/ /brgya byin gyis lan sa ga dang / /sum cu dpe dang de yi phyed/ /tshoms su yang dag bsdebs pa yin/ /zhes bya ba'i sdom gyi tshigs su bcad pa gnyis pa'i nye ba 'khor gyi mdo las te/ de nas khyim bdag nye bar 'khor gcer bu pa gnyen gyi bus brtson par byas pas na len drar 'ongs te/bcom ldan 'das gang na ba der nye bar song ste/ nye bar song nas bcom ldan 'das dang lhan cig yang dag par dga' bar 'gyur ba dang / yang dag par mgu bar 'gyur ba'i gtam rnam pa sna tshogs byas te phyogs gcig tu 'dug go /phyogs gcig tu 'dug nas khyim bdag nye ba 'khor gyis bcom ldan 'das la 'di skad ces gsol to/ /gau ta ma gal te skabs 'byed na phyogs 'ga' zhig 'dri'o/ /khyim bdag ji ltar bzod pa bzhin du dris shig/ gau ta ma gcer bu dka' thub can yun ring po nas 'ongs sam/khyim bdag 'ongs so/ /gau ta ma yun ring po'i gcer bu dka' thub can dang gau ta ma lhan cig bar skabs su gtam gzhan brjod pa dag byung bar gyur tam/ khyim bdag byung ngo / /gau ta ma de'i phyir gau ta ma dang yun ring por gcer bu dka' thub can lhan cig bar skabs su gzhan brjod pa byung ba de dag thams cad rgyas par bdag la bshad du gsol//de nas bcom ldan 'das kyis yun ring por gcer bu dka' thub can dang bar skabs su gtam gzhan brjod pa de thams cad khyim bdag nye bar 'khor la rgyas par bshad do//bshad nas khyim bdag nye bar 'khor yid dga' zhing rab tu dga' nas lus kyi stod bteg nas lag pa g.yas pa brkyang nas ched du brjod pa 'di skad du ched du brjod de/ dka' thub can legs so/ /ji ltar ston pa'i nyan thos mkhas pa gsal ba dul ba mi 'jigs par smra ba/ston pa'i bstan pa shes pas las kyis nyes par spyod pa thams cad las kha na ma tho ba chen po nyid du bcas shing ngag dang yid kyis nyes par spyod pa ni de ltar ma yin te/ ngag dang yid kyi nyes par spyod pa ro dang 'dra bas ci zhig byed par 'gyur zhes lus kyi nyes par spyad pa las brtsams te rags pa nyid du bstan to//de nas bcom ldan 'das kyis khyim bdag nye bar 'khor la 'di skad ces bka' stsal to/ /de nas khyim bdag khyod bdag dang lhan cig 'di na bar skabs kyi gtam brjod pa ni de gal te khyod kyis bden par rtog cing bzod la mi khro 'am/bdag gau ta ma khyod dang lhan cig bar skabs kyi gtam gzhan brjod pa na bdag bcom ldan 'das la bden par rtog cing bzod la mi khro'o/ /khyim bdag 'di lta ste gcer bu pa thun bzhi pa thun bzhi pa'i sdom pa can de 'gro ba na srog chags phra zhing phra mo'i tshogs dag mang po dag 'tsho ba dang phral te/gcer bu pa gnyen gyi bu de'i 'bras bu ni ci zhig rnam par smin pa ni ci zhig yin par shes/ gau ta ma bsams bzhin du byas pas kha na ma tho ba chen por mi 'gyur ro/ /gal te bsams bzhin du na ni kha na ma tho ba chen por 'gyur ro//khyim bdag bsams bzhin du zhes bya ba gang la bya/ gau ta ma yid kyi las so/ /khyim bdag yid kyis byas pa yid kyis byas pa zhes lung ston na snga ma dang phyi ma mi mthun zhing phyi ma dang snga ma mi mthun par 'gyur ro/ /'khor gyi nang du 'di lta bu'i ngo bo bshad de/lus kyis nyes par spyod pa thams cad las kha na ma tho ba chen po ste/ ngag gis nyes par spyod pa dang yid kyis nyes par spyod pa ni de lta ma yin te/ ngag gis nyes par spyod pa ro dang 'dra ba dang yid kyis nyes par spyod pa ro dang 'dra ba dag gis ci zhig byed par 'gyur zhes lus kyis nyes par spyod pa las brtsams te/kha na ma tho ba rags pa nyid du bstan to/ /'di lta ste khyim bdag gcer bu pa thun bzhi pa thun bzhi pa'i sdom pa can chu dron mo rdeg cing chu grang mo mi 'dod pa de 'chi ba'i dus na chu grang mo 'dod kyang chu grang mo ma rnyed nas dus byed par 'gyur ro//gcer bu pa gnyen gyi bu de'i 'gro ba ni gang skye ba ni gang / 'jig rten pha rol du gdags pa ni gang / gau ta ma yid chags pa zhes bya ba ni lha gang na ba der skye bar 'gyur ro/ /de ci'i phyir zhe na/ de'i sems de la bcings bzhin du dus las 'das pa'i phyir ro//khyim bdag yid kyis byas pa yid kyis byas pa zhes lung ston na snga ma dang phyi ma mi mthun zhing phyi ma dang snga ma mi mthun par 'gyur te/ 'khor gyi nang du 'di lta bu'i rang bzhin bshad de/ lus kyis nyes par spyod pa thams cad las kha na ma tho ba chen po ste/ ngag gis nyes par spyod pa dang / yid kyis nyes par spyod pa ni de lta ma yin te/ ngag gis nyes par spyod pa ro dang 'dra ba dang / yid kyis nyes par spyod pa ro dang 'dra ba dag gis ci zhig byed par 'gyur zhes lus kyis nyes par spyod pa las brtsams te kha na ma tho ba rags pa nyid du bstan to/ /khyim bdag 'di lta ste/ na len+d+ra 'di ltar 'byor pa rgyas pa bde ba lo legs pa skye bo dang mi mang pos gang bar gyur la/ de nas lag na ral gri dang phub thogs pa'i skyes bu 'ga' zhig 'ongs nas 'di skad du 'di ltar na len+d+ra 'di ltar 'byor pa rgyas pa bde ba lo legs pa skye bo dang mi mang pos gang ba 'di nyin zhag gcig la brlag cing nyams par bya'o//don ma yin pas phongs par bya'o zhes smra na khyim bdag 'di lta bu sems pa'i skyes bu stobs dang ldan pa des na len+d+ra 'di ltar 'byor pa rgyas pa bde ba lo legs pa skye bo dang mi mang pos gang ba 'di nyin zhag gcig la brlag pa dang nyams pa dang don ma yin pas phongs par bya bar nus sam/gau ta ma ma lags so/ /de ci'i phyir zhe na/ na len+d+ra 'di ltar 'byor pa rgyas pa bde ba lo legs pa skye bo dang mi mang pos gang ba 'di tshegs chung ngus skyes bu gcig gis brlag pa dang nyams pa dang don ma yin pas phongs par bya bar mi nus te/gnyis dang gsum dang bdun gyis kyang brlag pa dang nyams pa dang / don ma yin pas phongs par bya bar mi nus te/ gzhan du na skyes bu de ni phongs shing dub pa'i skal ba can du 'gyur lags so/ /khyim bdag 'di lta ste/na len+d+ra 'di ltar 'byor cing rgyas pa bde ba lo legs pa skye bo dang mi mang pos gang bar gyur la phyi rol du mu stegs pa'i drang srong rdzu 'phrul dang ldan pa sems la dbang thob pa 'ga' zhig 'ongs nas 'di skad du na len+d+ra 'byor pa rgyas pa bde ba lo legs pa skye bo dang mi mang pos gang ba de yid skad cig tsam khros pas brlag par bya'o//nyams pa dang don ma yin pas phongs par bya'o/ /thal bar bya'o zhes smra na/ khyim bdag 'di ci snyam du sems/ stobs dang ldan pa'i phyi rol mu stegs pa'i drang srong rdzu 'phrul dang ldan pa sems la dbang thob pa des na len+d+ra 'di ltar 'byor pa rgyas pa bde ba lo legs pa skye bo dang mi mang pos gang ba 'di skad cig tsam yid khros pas brlag pa dang nyams pa dang don ma yin pas phongs pa dang thal bar bya bar nus sam/gau ta ma phyi rol mu stegs pa'i drang srong rdzu 'phrul dang ldan pa sems la dbang thob pa des na len+d+ra tsam yid khros pas kyang na len+d+ra dang grong dang grong khyer gyi phyogs gcig dang /ljongs dang ljongs kyi phyogs gcig kyang sreg par byed par 'gyur na/ ro dang 'dra ba'i na len+d+ra lta smos kyang ci dgos/ /khyim bdag yid kyis byas pa yid kyis byas pa zhes lung ston na snga ma dang phyi ma mi mthun zhing phyi ma dang snga ma mi mthun te/'khor gyi nang du 'di lta bu'i rang bzhin bshad de/ lus kyis nyes par spyad pa thams cad kha na ma tho ba chen po ste/ ngag gis nyes par spyad pa dang / yid kyis nyes par spyad pa ni de lta ma yin te/ngag gis nyes par spyad pa ro dang 'dra ba dang / yid kyis nyes par spyad pa ro dang 'dra ba dag gis ci zhig byed par 'gyur zhes lus kyis nyes par spyad pa las brtsams te rags pa nyid du bstan to/ /khyim bdag dbyig pa can gyi dgon pa dang / ka ling ka'i dgon pa dang /ma tang ka'i dgon pa de stong par gyur cing dgon par gyur pa dag 'ga' zhig las thos sam/ gau ta ma thos lags so/ /dbyig pa can gyi dgon pa dang / ka ling ka'i dgon pa dang ma tang ka'i dgon pa de dag cis stong par gyur cing dgon par gyur/ de skad ces bka' stsal pa dang /khyim bdag nye ba 'khor cang mi smra bar gyur to/ /de nas bcom ldan 'das kyis khyim bdag nye ba 'khor la 'di skad ces bka' stsal to/ /khyim bdag lung ston cig /lung ston cing / /ci'i phyir kha rog 'dug /'khor gyi nang du 'di lta bu'i rang bzhin dag smra ste/gau ta ma dang bdag lhan cig bar skabs kyi gtam brjod pa na gau ta ma la bdag bden par rtog cing bzod la mi khro'o zhes smras nas kha rog par 'dug gam/ gau ta ma bdag don 'di nyid sems shing kha rog 'dug ste/ ji ltar da ltar bdag gcer bu pa byis pa rmongs pa mi gsal ba mi mkhas pas yun ring por bdag bslus so//bsgribs shing 'khrul du bcug ste/ 'di skad du lus kyis nyes par spyod pa thams cad la kha na ma tho ba chen po ste/ ngag gis nyes par spyod pa dang yid kyis nyes par spyod pa ni de lta ma yin no/ / ngag gis nyes par spyod pa ro dang 'dra ba dang / yid kyis nyes par spyod pa ro dang 'dra ba dag gis ci zhig byed par 'gyur zhes lus kyis nyes par spyod pa la brtsams te/ kha na ma tho ba rags pa nyid du bstan to/ /gau ta ma drang srong rnams yid khros pas de ltar gyur to zhes thos so/'di nas bzung ste gau ta ma la mngon par dad do/ /log par lta ba kha na ma tho ba chen po yin no zhes bya ba la/ gleng gzhi ni mnyan du yod pa na'o/ /dge slong dag med par lta ba ni kha na ma tho ba chen po ste/ de ci'i phyir zhe na/ log par lta ba can gyi skyes bu'i lus kyi las dang /de bzhin du lta ba'i ngag dang yid kyi las dang don du gnyer ba dang / smon lam dang de'i rjes su 'jug pa'i chos 'du byed thams cad kyang mi 'dod pa mngon par 'grub par byed pa/ mi sdug pa dang / mi dga' ba dang / yid du mi 'ong ba dang / yid du mi 'thad pa dang /mngon par mi dga' ba nyid sgrub par byed pa ste/ de ci'i phyir zhe na/ lta ba de ni sdig pa can te 'di ltar log par lta ba'o/ /'di lta ste nim pa'i sa bon nam/ ku ba khan te ma'i sa bon nam/ ke sha ta'i sa bon dag zhing bzang zhing gshin pa'i sa phyogs su btab na gang dang gang sa'i bcud ni sas len cing /chu'i ni chus/ me'i ni mes/ rlung gi ni rlung gis blangs nas de thams cad kha ba dang tsha ba dang ro med pa can du 'gyur ro/ /de ci'i phyir zhe na/ 'di ltar sa bon ro kha ba dang tsha ba dang ro med pa can yin pa'i phyir ro/ /de bzhin du log par lta ba ni mchog tu kha na ma tho ba chen po'o//log par lta ba can gyi skyes bu'i lus kyi las dang / de bzhin du lta ba'i ngag dang yid kyi las dang / don du gnyer ba dang / smon lam dang de'i rjes su mthun pa'i chos 'du byed thams cad kyang mi 'dod pa mngon par 'grub par byed/mi sdug pa dang / mi dga' ba dang / yid du mi 'ong ba dang / yid du mi 'thad pa mngon par 'grub par byed pa ste/ de ci'i phyir zhe na/ lta ba de ni sdig pa can te 'di ltar log par lta ba'o/ /dge slong dag yang dag pa'i lta ba ni kha na ma tho ba med pa'i mchog ste/ de ci'i phyir zhe na/yang dag par lta ba can gyi skyes bu'i lus kyi las dang / ngag dang yid kyi las kyang de'i don du gnyer ba dang / smon lam dang / de'i rjes su mthun pa'i chos 'du byed thams cad kyang 'dod pa mngon par 'grub par byed pa sdug pa dang dga' ba dang yid du 'ong ba dang yid du 'thad pa mngon par 'grub par byed pa ste/de ci'i phyir zhe na/ 'di ltar lta ba de ni dge ba'o/ /'di lta ste/ bu ram shing gi sa bon nam/ 'bras kyi sa bon nam/ rgun 'bru'i sa bon dag zhing bzang zhing gshin pa la btab na de'i gang dang gang gi sa'i bcud ni sas len cing /chu'i ni chus/ me'i ni mes/ rlung gi ni rlung gis blangs nas de thams cad mi kha zhing mi tsha la ro dang bcas par 'gyur te/ de ci'i phyir zhe na/ 'di ltar sa bon mi kha zhing mi tsha la ro dang bcas pa yin pa'i phyir ro/ /de bzhin du yang dag par lta ba ni kha na ma u0f85tho ba med pa'i mchog yin no//yang dag pa'i lta ba can gyi lus kyi las dang / de bzhin du lta ba'i ngag dang yid kyi las dang de'i don du gnyer ba dang / smon lam dang de'i rjes su mthun pa'i 'du byed kyi chos thams cad kyang 'dod pa mngon par 'grub par byed pa/sdug pa dang dga' ba dang yid du 'ong ba dang yid du 'thad pa sgrub par byed pa ste/ de ci'i phyir zhe na/ 'di ltar yang / lta ba de ni dge ba'o/ /sman pa'i chos ni bstan mi bya/ /bag med pa dang gnas mi bya/ /'jig rten 'phel bar mi bya ste/ /log par lta can 'dod mi bya//'jig rten pa yi yang dag lta/ /chen po gang la yod gyur pa/ /de ni skye ba stong du yang / /ngan 'gror 'gro bar mi 'gyur ro/ /zhes gsungs so/ /de nyid kyi phyir ji skad du grong dpon ngas 'di nas bzung zhes bya ba la sogs pa la/ bcom ldan 'das dge slong gi dge 'dun mang po brgya phrag phyed dang bcu gsum gyi dge slong dang /dge bsnyen stong dang / slong mo za ba lnga brgya tsam dang thabs cig tu grong nas grong du dang / grong khyer nas grong khyer dang ljongs nas ljongs su rgyu zhing na len+d+ra gang na ba der gshegs nas na len+d+ra'i a mras bskor ba'i tshal na bzhugs so//de'i tshe na mu ge chen po rgal bar dka' zhing slong mo bas zas dag rnyed par dka' ba byung bar gyur to/ /de nas gcer bu pa'i dge bsnyen grong dpon lag na ral gri thogs pa zhig gcer bu pa gang na ba der nye bar song ste/ nye bar song nas gcer bu pa'i rkang pa la mgo bos phyag byas nas phyogs gcig tu 'dug go//phyogs gcig tu 'dug pa dang / grong dpon lag na ral gri thogs pa de la gcer bu pa dag gis 'di skad ces smras so/ /grong dpon gang gi phyir ngos gnyis la bug pa yod pa'i lcags kyi thu lum lta bu'i dge sbyong gau ta mas dri ba dris nas lung bstan par yang mi nus bstan par bya ba ma yin par yang mi nus pa'i rtsod pa dag bya bar nus sam/'phags pa dag ji ltar na ngos gnyis la bug pa gnyis yod pa'i lcags kyi thu lum lta bu'i dge sbyong gau ta mas dri ba dris na lung bstan par yang mi nus/lung bstan par bya ba ma yin par yang mi nus pa'i rtsod pa dag ji ltar lags/ grong dpon khyod dge sbyong gau ta ma gang na ba der nye bar song la nye bar song nas 'di skad ces smros shig /dge sbyong gau ta ma khyod khyim gyi skye ba sems sam khyim gyi bsngags pa dag rjod par byed dam/gal te de ma yin no zhes zer na 'di skad ces brjod par bya ste/ de ltar na gau ta ma khyod dang phyis byis pa so so'i skye bo thams cad dang khyad par ci zhig yod/ gal te de de bzhin no zhes zer na 'di skad du brjod par bya ste/ dge sbyong gau ta ma khyod da ltar mu ge chen po rgal bar dka' zhing slong mo pas zas dag rnyed par dka' ba byung ba na dge slong gi dge 'dun mang po brgya phrag phyed dang bcu gsum gyi dge slong dang dge bsnyen stong dang slong mo za ba lnga brgya tsam dang lhan cig tu grong nas grong du grong khyer nas grong khyer du ljongs nas ljongs su rgyu zhing gau ta ma khyim rnams la ser ba bzhin du rgyu zhing gnod pa byed la khyim gyi skye bo 'joms par byed de/gau ta ma 'di ni mi rigs pa 'di ni mi 'dra ba 'di ni mi 'thad pa'o zhes grong dpon 'di skad du smras na ngos gnyis na bu ga yod pa'i lcags kyi thu lum lta bu 'di dge sbyong gau ta mas dris na lung bstan par yang mi nus bstan par bya ba ma yin par yang mi nus pa'i rtsod par 'gyur ro//'phags pa dag nus lags so/ /de nas gcer bu pa'i nyan thos grong dpon lag na ral gri thogs pa gcer bu pas bskul nas na len+d+ra gang na ba der song ste/bcom ldan 'das gang na ba der nye bar song nas bcom ldan 'das dang lhan cig yang dag par dga' bar 'gyur ba dang yang dag par bde bar 'gyur ba'i gtam rnam pa sna tshogs byas te phyogs gcig tu 'dug go/phyogs gcig tu 'dug nas grong dpon lag na ral gri thogs pa des bcom ldan 'das la 'di skad ces gsol to/ /gau ta ma khyod khyim rnams kyi skye ba rtog par byed dam/ khyim dag gi bsngags pa rjod par byed dam/ grong dpon de bzhin gshegs pa ni yun ring mo nas khyim rnams kyi skye ba brtag par mdzad cing khyim rnams kyi bsngags pa brjod par mdzad do//gau ta ma khyod da ltar mu ge chen po rgal bar dka' zhing slong mo ba dag gis zas dag rnyed par dka' ba byung ba na dge slong gi dge 'dun mang po brgya phrag phyed dang bcu gsum gyi dge slong dang /dge bsnyen stong dang / slong mo pa lnga brgya tsam dang thabs cig tu grong nas grong dang grong khyer nas grong khyer dang / ljongs nas ljongs su rgyu zhing / khyim rnams la ser ba bzhin du gnod par byed dam/ khyim gyi skye ba bcom par byed dam/gau ta ma 'di ni mi rigs pa 'di ni mi 'dra ba 'di ni mi 'thad pa'o/ /grong dpon ngas 'di nas bzung ste bskal pa dgu bcu rtsa gcig yang dag par rjes su dran te/ zas sbyin pa ster bar bya ba'i phyir khyim gang la yang mi bde ba dang nyam nga ba dang gnod par mngon par mi mkhyen to//grong dpon 'on kyang khyed kyis mthong ngam/ khyim rnams phyug pa dang nor mang po dang / yo byad rab tu mang ba dang / pha'i nor mang ba dang / nor dang gser dang sa le sbram dang / mdzod dang bang ba dang khyim gyi tshogs mang po dang / bran pho dang bran mo dang las byed pa'i skyes bu mang po dang /gnyen bshes dang / snag gi [(]gnyan [,]gnyen [)]mtshams mang po dang ldan pa dag mthong ngam/ de dag ni yun ring po'i dge ba las byung ba/ bden pa las byung ba/ nye bar zhi ba las byung ba'o/ /grong dpon brgyad po 'di dag ni khyim rnams 'jig cing skye bar mi 'gyur ba'i rkyen brgyad de/brgyad gang zhe na/ grong dpon rgyal po ni khyim 'joms par byed pa'o/ /rkun po dang / me dang / chu dang / gter dang / las kyi mtha' dang / mi dga' bas sgro 'dogs pa dang / bud med gang gis khyim dang / khyim gyi yan lag rnams don ma yin pas phongs par byed cing skyer mi ster ba'o/ /grong dpon mi rtag pa zhes bya ba brgyad po yang ngas bstan par byas te/ grong dpon gang kha cig rgyu dang rkyen brgyad po spangs nas 'di skad du dge sbyong gau ta ma ni khyim rnams la gnod par rtog cing skyo bar mi rtog pa'o zhes smra na/de'i tshig de lta ba ma spangs shing 'dod pa dang bzod pa dang log pa'i rnam par rtog pa ma spangs pa ste/ mda' thur du 'phangs pa ltar lus zhig ste shi ba'i 'og tu ngan song ngan 'gro log par ltung ba sems can dmyal ba rnams kyi nang du skye bar 'gyur ro//de skad ces bka' stsal pa dang / grong dpon lag na ral gri thogs pa ngu shing mchi ma 'dzag ste/ de nas grong dpon lag na ral gri thogs pa ngu zhing mchi ma 'dzag bzhin du bcom ldan 'das gang na ba der thal mo sbyar nas phyag byed cing 'di skad ces gsol to//bcom ldan 'das sdig pa bgyis so/ /bde bar gshegs pa sdig pa bgyis so/ /ji ltar byis pa rmongs pa mi gsal ba mi mkhas par gyur pas gau ta ma la mi bden pa gsog brdzun du smra bas smad par bgyis so/ /gau ta ma de bdag gis sdig par mthong zhing sdig par shes nas mthol lags te/gau ta ma bdag la thugs brtse bar mdzad du gsol/ grong dpon bden te sdig pa la sdig par mthong nas sdig par bshags sam/ ji ltar byis pa mi gsal ba mi mkhas par gyur pas gau ta ma la mi bden pa gsog brdzun du smra bas smad par byas pa de gang gi phyir grong dpon khyod kyis mi rigs par mthong zhing mthong nas bshags te/phyis mi byed pa'i sdom pa 'dzin na mi 'phel zhing spong la dge ba'i chos rnams nyams par mi 'gyur te/de ci'i phyir zhe na/ grong dpon gang kha cig sdig pa la sdig par mthong zhing shes nas mthol zhing phyis mi byed pa'i sdom pa 'dzin na mi 'phel zhing spong la dge ba'i chos rnams nyams par mi 'gyur ro/ /de nas grong dpon lag na ral gri thogs pa bcom ldan 'das kyis gsungs pa la mngon par dga' zhing rjes su yi rangs nas bcom ldan 'das kyi drung nas song ngo //bsod nams bya ba'i dngos po ni rnam pa gsum ste zhes bya ba la/ gleng gzhi ni mnyan du yod pa na'o/ /dge slong dag bsod nams bya ba'i dngos po ni gsum po 'di dag ste/gsum gang zhe na/ sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang / bsgoms pa las byung ba'i bsod nams bya ba'i dngos po'o/ /sbyin pa las byung ba'i bsod nams bya ba'i dngos po gang zhe na/kha cig sbyin pa por gyur te/ dge sbyong ngam bram ze dang snying rje ba dang slong ba dang lam du zhugs pa dag la 'di lta ste zas dang ston mo dang gos dang phreng ba dang dri dang byug pa dang khri dang sgron ma dag sbyin par byed pa ste/ 'di ni sbyin pa las byung ba'i bsod nams bya ba'i dngos po zhes bya'o//tshul khrims las byung ba'i bsod nams bya ba'i dngos po gang zhe na/ 'di na kha cig srog gcod pa spong zhing srog gcod pa las log pa dang / ma byin par len pa dang / 'dod pas log par g.yem pa dang / brdzun du smra ba dang / 'bru'i chang dang bcos pa'i chang myos par 'gyur ba bag med pa'i gnas spong zhing 'bru'i chang dang bcos pa'i chang myos par 'gyur ba bag med pa'i gnas las log par gyur pa'o//'di ni tshul khrims las byung ba'i bsod nams bya ba'i dngos po zhes bya'o/ /bsgoms pa las byung ba'i bsod nams bya ba'i dngos po gang zhe na/'di na kha cig byams pa dang lhan cig par gyur pa'i sems khon med pa 'gran zla med pa gnod pa med pa yangs pa thams cad du khyab pa tshad med pa legs par bsgoms pas phyogs gcig tu rgyas par khyab par byas nas bsgrubs te gnas so//de bzhin du gnyis pa dang gsum pa dang bzhi pa dang steng dang 'og dang phyogs bcu'i 'jig rten thams cad byams pa dang / lhan cig pa'i sems khon med pa 'gran zla med pa gnod pa med pa/ yangs pa thams cad du khyab pa tshad med pa legs par bsgoms pas rgyas par khyab par byas te bsgrubs nas gnas so//snying rje dang dga' ba dang btang snyoms dang lhan cig par gyur pa'i sems kho na med pa 'gran zla med pa gnod pa med pa/ yangs pa thams cad du song ba tshad med pa legs par bsgoms pas phyogs gcig tu rgyas par khyab par byas te bsgrubs nas gnas so//de bzhin du gnyis pa dang gsum pa dang bzhi pa dang steng dang / 'og dang thad ka'i phyogs bcu'i 'jig rten gyi khams thams cad btang snyoms dang lhan cig pa'i sems khon med pa 'gran zla med pa gnod pa med pa yangs pa thams cad du song ba tshad med pa legs par bsgoms pas khyab par byas te bsgrubs nas gnas so//'di ni bsgoms pa las byung ba'i bsod nams bya ba'i dngos po zhes bya'o/ /dge slong dag de la sbyin pa las byung ba'i bsod nams bya ba'i dngos po bsten cing bsgoms te lan mang du byas pas longs spyod chen po thob par 'gyur ro//tshul khrims las byung ba'i bsod nams bya ba'i dngos po bsten cing bsgoms te lan mang du byas na mtho ris su skye bar 'gyur ro/ /bsgoms pa las byung ba'i bsod nams bya ba'i dngos po bsten cing bsgoms te [(]len [,]lan [)]mang du byas na bral ba 'thob par 'gyur ro//bcom ldan 'das kyis de skad bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to/ /thog ma tha mar bde 'byung ba'i/ / chos nyid rjes su bslab par bya/ /sbyin pa dang ni tshul khrims dang / /byams pa'i sems ni bsgom par bya/ /chos gsum dag ni bsgom byas nas/ /rtag tu bde ba thob cing ldan/ /mkhas pa gnod med bde ba yi/ 'jig rten dag tu skye bar 'gyur//bcom ldan 'das kyis de skad ces bka' stsal pa dang / dge slong de dag bcom ldan 'das kyis gsungs pa la mngon par dga' zhing rjes su yi rangs so/ /sbyin bdag khyad 'phags dad sogs kyis/ zhes bya ba la/ gleng gzhi ni mnyan du yod pa na'o/ / dge slong dag skyes bu dam pa'i sbyin pa ni rnam pa lnga ste/ lnga gang zhe na/ dge slong mthu dam pa dad pas sbyin pa sbyin par byed/ gus par byas te dang / rang gi lag nas dang / dus su dang / gzhan la mi gnod par sbyin pa sbyin par byed do/ /dge slong dag dad pas sbyin pa'i sbyin pa po'i 'bras bu rnam par smin pa gang zhe na/kun dga' bo dad pas sbyin na phyug por 'gyur te/ nor mang zhing longs spyod che ba dang / nye bar mkho ba mang po dang / nang mi mang po dang / nor dang 'bru dang gser dang sa le sbram dang / bang mdzod kyi tshogs mang po dang /g.yog po dang g.yog mo dang las byed pa'i mi mang po dang / grogs po dang nye du dang snag gi gnyen mtshams mang po dang ldan par 'gyur ro/ /dge slong dag dad pas sbyin pa'i sbyin pa po'i 'bras bu rnam par smin pa de ltar 'gyur ro/ /dge slong dag gus par byas te sbyin pa'i sbyin bdag gi 'bras bu rnam par smin pa gang zhe na/gus par byas te sbyin pa sbyin na phyug por 'gyur ro zhes bya ba nas grogs po dang mdza' bo dang nye du dang snag gi gnyen mtshams mang po dang ldan par 'gyur ro zhes bya ba'i bar du ste/ pha dang ma dang / bu dang / g.yog po dang / g.yog mo dang las byed pa'i mi rnams kyis gus par byed par 'gyur zhing grogs po dang / mdza' bo dang nye du dang snag gi gnyen mtshams dang rgyal po dang / lha dang / sngon 'dris pa dang / dge sbyong dang / bram ze rnams kyis gus par byed par 'gyur ba ste/dge slong dag gus par byas te sbyin pa ni sbyin pa po 'bras bu rnam par smin pa de ltar 'gyur ro/ /dge slong dag rang gi lag nas sbyin pa'i sbyin pa po'i 'bras bu rnam par smin pa gang zhe na/ rang gi lag nas sbyin pa sbyin na phyug por 'gyur ro zhes bya ba nas grogs po dang mdza' bo dang nye du dang snag gi gnyen mtshams mang po dang ldan par 'gyur ro zhes bya ba'i bar du ste/khyim gyi longs spyod rgya chen po la sems mngon par dga' bar 'gyur zhing gos kyi longs spyod rgya chen po thob pa dang / zas kyi longs spyod rgya chen po dang / mal cha dang stan gyi longs spyod rgya chen po dang / yid kyi longs spyod rgya chen po dang / gzugs dang sgra dang dri dang ro dang / reg bya'i longs spyod rgya chen po la sems mngon par dga' bar 'gyur ro/ /dge slong dag rang gi lag nas sbyin pa'i sbyin pa po'i 'bras bu rnam par smin pa de ltar 'gyur ro//dge slong dag dus su sbyin pa'i sbyin pa po'i 'bras bu rnam par smin pa gang zhe na/ dus su sbyin na phyug por 'gyur ro zhes bya ba nas grogs po dang mdza' bo dang nye du dang snag gi gnyen mtshams mang po dang ldan par 'gyur ro zhes bya ba'i bar du ste/ de'i longs spyod nyams shing zhig pa dag kyang phyir skye bar 'gyur te/ dge slong dag 'di ni dus su sbyin par byed pa'i sbyin pa po'i 'bras bu rnam par smin pa yin no/ /dge slong dag gzhan la mi gnod par sbyin par byed pa'i sbyin pa po'i 'bras bu rnam par smin pa gang zhe na/ gzhan la mi gnod par byed pa'i sbyin pa sbyin na phyug por 'gyur ro zhes bya ba nas/ grogs po dang mdza' bo nas nye du dang snag gi gnyen mtshams mang po dang ldan par 'gyur ro zhes bya ba'i bar du ste/ gang gis longs spyod mang ste brtson 'grus kyis mang po bsags shing rdul dang dri mas lus la khyab ste chos dang ldan zhing chos kyi rnyed pa de dag rgyal po'am/rkun po'am/ me'am/ chu'am/ mi dga' ba'i chad pa dag las gang gis kyang 'phrogs par nus pa ma yin te/ dge slong dag gzhan la mi gnod par sbyin pa byed na sbyin pa po'i 'bras bu rnam par smin pa de ltar 'gyur ro//mkhas pas dad gus rang la gnas/ /dus su mi gnod sbyin byed na/ /sbyin bdag sbyin pa yangs shing che/ /skal pa chen po 'byung bar 'gyur/ /zhes bka' stsal to/ /kha dog la sogs phun tshogs dngos//zhes bya ba la/ gleng gzhi ni mnyan du yod pa na'o/ /dge slong dag bzhi po 'di dag sbyin pa ste/ bzhi gang zhe na/ kha dog dang dri dang ro dag phun sum tshogs pa ma yin pa'i sbyin pa yang yod la kha dog phun sum tshogs pa yin la dri dang ro phun sum tshogs pa ma yin pa'i sbyin pa yang yod/kha dog dang dri phun sum tshogs pa yin la ro phun sum tshogs pa ma yin pa'i sbyin pa yang yod/ kha dog dang dri dang ro phun sum tshogs pa'i sbyin pa yang yod do/ /de la gal te 'di lta bu'i sbyin pa kha dog dang dri dang ro phun sum tshogs pa ma yin pa 'di lta bu'i ngo bo'i sbyin pa dag sbyin par byed na phyug por 'gyur te/nor mang zhing longs spyod che ba dang / nye bar mkho ba mang ba dang / pha'i nor mang ba dang / nor dang 'bru dang gser dang / sa le sbram dang bang ba dang mdzod mang po dang ldan par 'gyur ro/ /bran pho dang bran mo dang las byed pa'i mi mang po dang /grogs po dang mdza' bo dang nye du dang snag gi gnyen mtshams mang po dang ldan par 'gyur gyi/ mdzes shing gzugs bzang bar mi 'gyur te/ grags pa dang stobs che ba dang / skye bo mang po dga' ba dang yid du 'ong bar mi 'gyur ro//dge slong dag 'di lta bu'i sbyin pa sbyin bdag gi 'bras bu rnam par smin pa 'di lta bur re bar bya'o/ /de la gal te 'di lta bu'i sbyin pa kha dog phun sum tshogs pa yin zhing dri dang ro phun sum tshogs pa ma yin pa 'di lta bu'i ngo bo'i sbyin pa dag sbyin par byed na phyug por 'gyur ro zhes bya ba nas/grogs po dang mdza' bo dang nye du dang snag gi gnyen mtshams mang po dang ldan par 'gyur ro zhes bya ba'i bar du ste/ mdzes shing gzugs bzang bar 'gyur gyi/ grags pa dang / stobs chen po dang / skye bo mang po dga' ba dang yid du 'ong bar mi 'gyur ro//dge slong dag 'di lta bu'i ngo bo'i sbyin pa sbyin par byed na rnam par smin pa 'di lta bur re bar bya'o/ /de la gal te 'di lta bu'i sbyin pa kha dog dang / dri phun sum tshogs pa yin la/ ro phun sum tshogs pa ma yin pa de lta bu'i ngo bo'i sbyin pa dag sbyin par byed na phyug por 'gyur ro zhes bya ba nas/mdza' bo dang grogs po dang snag gi gnyen mtshams mang po dang ldan par 'gyur zhing mdzes shing gzugs bzang ba dang / grags pa dang stobs che ba can du 'gyur gyi/ skye bo mang po dga' ba dang / yid du 'ong bar mi 'gyur te/ dge slong dag 'di lta bu'i ngo bo sbyin pa sbyin par byed na rnam par smin pa 'di lta bur re bar bya'o/ /de la gal te 'di lta bu'i sbyin pa kha dog dang dri dang ro phun sum tshogs pa 'di lta bu'i ngo bo'i sbyin pa dag sbyin par byed na phyug por 'gyur ro zhes bya ba nas/grogs po dang mdza' bo dang nye du dang snag gi gnyen mtshams mang po dang ldan par 'gyur ro zhes bya ba'i bar du ste/ mdzes shing gzugs bzang ba dang / grags pa dang / stobs che ba dang / skye bo mang po dga' zhing yid du 'ong bar 'gyur te/ dge slong dag 'di lta bu'i ngo bo'i sbyin pa dag sbyin par byed na rnam par smin pa 'di lta bur re bar bya'o//rnam pa du ma phun tshogs shing / /ser sna med par sbyin byed na/ /rnam pa du ma phun tshogs pa'i/ /rnam par smin pa so sor bsten/ /mig gis yid 'ong gzugs mthong zhing / /sgra dang dri dang de bzhin ro//lus kyis yid 'ong reg bya dag /so sor kun du bsten par 'gyur/ /las kyi rnam smin las skyes pa'i/ /yid kyis chos rnams shes pa dang / /yid du 'ong ba shes 'gyur gyi/ /nam yang yid du mi 'ong min/ /rnam pa du ma phun tshogs shing / /ser sna med par sbyin byed na//rnam pa du ma phun tshogs pa'i/ /rnam par smin pa so sor bsten/ /lnga tshan lnga pa'i dmigs pa dang / /mi dmigs pa'i tshigs su bcad pa dang / mu bzhi pa'i mdo'i tshig las 'di dag nye bar bkod pa'o/ /bcom ldan 'das kyis ji skad du dud 'gro'i skye gnas su gtogs pa brgya la zhes bya ba la sogs pa la/bcom ldan 'das ser skya'i gzhi n+ya gro d+ha'i kun dga' ra ba na bzhugs te/ de na skye dgu'i bdag mo chen mo gau ta ma'i gos sar pa gser gyi mdog lta bu zung gnyis khyer te/bcom ldan 'das gang na ba der nye bar song ste nye bar song nas bcom ldan 'das kyi zhabs gnyis la spyi bos phyag byas nas phyogs gcig tu 'dug go/ /phyogs gcig tu 'dug nas skye dgu'i bdag mo chen mos bcom ldan 'das la 'di skad ces gsol to/ / btsun pa gos sar pa gser gyi mdog lta bu zung 'di gnyis bcom ldan 'das kyis mnabs par 'gyur ro zhes bcom ldan 'das kyi phyir rang nyid kyis bgyis pa lags kyis/ 'di dag bcom ldan 'das kyis thugs brtse ba'i slad du bzhes su gsol/ /gau ta ma'i 'di dag dge 'dun la phul cig /dge 'dun la phul na nga dang dge 'dun gyis longs spyad pa byas par 'gyur ro/ /lan gnyis lan gsum du bcom ldan 'das la skye dgu'i bdag mo chen mos 'di skad ces gsol to/ /btsun pa gos sar pa gser gyi mdog lta bu zung gnyis po 'di bcom ldan 'das kyis mnabs par 'gyur ro zhes bcom ldan 'das kyi phyir rang nyid kyis bgyis pa lags kyis bcom ldan 'das thugs brtse ba'i slad du 'di dag bzhes su gsol/bcom ldan 'das kyis kyang lan gnyis lan gsum du skye dgu'i bdag mo chen mo gau ta mi la 'di skad ces bka' stsal to//gau ta ma'i dge 'dun la phul cig /dge 'dun la phul na nga dang dge 'dun gyis longs spyod pa byas par 'gyur ro/ /de'i tshe tshe dang ldan pa kun dga' bo bcom ldan 'das kyi rgyab logs na rlung yab thogs te/ bcom ldan 'das la rlung yab g.yob cing 'dug par gyur to//de nas tshe dang ldan pa kun dga' bos bcom ldan 'das la 'di skad ces gsol to/ /btsun pa skye dgu'i bdag mo chen mo gau ta ma'i ni bcom ldan 'das la phan pa mang po byed pa ste/ bcom ldan 'das btsas ma thag tu yum sgyu ma dus las 'das te/rang gi nu ma bsnun cing gsos cher bskyed pa lags kyis/ bcom ldan 'das thugs brtse bar dgongs te gos sar pa gser gyi mdog lta bu zung gnyis po 'di skye dgu'i bdag mo chen mo las bzhes su gsol/ kun dga' bo de de bzhin te/skye dgu'i bdag mo chen mo gau ta ma'i ni nga la phan pa mang po byed pa btsas ma thag tu yum sgyu ma dus las 'das te rang gi nu ma bsnun zhing gsos cher bskyed pa yin mod kyi/ 'on kyang nga yang skye dgu'i bdag mo chen mo la phan pa mang po byed pa ste/ de ci'i phyir zhe na/kun dga' bo dge ba'i bshes gnyen nga dang phrad pas skye dgu'i bdag mo chen mo sangs rgyas la mngon par dad cing chos dang dge 'dun la mngon par dad pa dang / sangs rgyas la skyabs su song chos dang dge 'dun la skyabs su song / sangs rgyas la mtha' gcig tu nges/chos dang dge 'dun la mtha' gcig tu nges/ sangs rgyas dang chos dang dge 'dun la the tshom dang yid gnyis dang bral/ sdug bsngal dang / kun 'byung dang / 'gog pa dang lam la the tshom dang yid gnyis dang bral/ bden pa mthong zhing phyir mi 'ong ba'i 'bras bu rtogs te/kun dga' bo gang zag gang zhig gang zag gang zhig dang phrad pas sangs rgyas la mngon par dad/ chos dang dge 'dun la mngon par dang / sangs rgyas la skyabs su song / chos dang dge 'dun la skyabs su song / sangs rgyas la mtha' gcig tu nges/ chos dang dge 'dun la mtha' gcig tu nges/ sangs rgyas dang chos dang dge 'dun la the tshom dang yid gnyis dang bral/ sdug bsngal dang kun 'byung dang 'gog pa dang lam la the tshom dang yid gnyis dang bral/ bden pa mthong zhing phyir mi 'ong ba'i 'bras bu mngon par rtogs te/gang zag de la gang zag 'dis ji srid 'tsho'i bar du 'di lta ste/ chos gos dang bsod snyoms dang mal cha dang / stan dang / na ba'i gsos sman dang / nye bar byas pa thams cad kyis lan glan par sla ba ma yin no/ /kun dga' bo dge 'dun du gyur pa'i yon gnas bdun dang gang zag ni bcu bzhi yod de/dge 'dun du gyur pa yon gnas bdun gang zhe na/ sangs rgyas la mngon du phyogs te dge slong gi dge 'dun la sbyin pa byin na dge 'dun yon gnas yin no/ /dge slong gi dge 'dun la sbyin pa byin na dge 'dun yon gnas yin no//dge slong ma'i dge 'dun la sbyin pa sbyin par byed na yang dge 'dun yon gnas yin no/ /gnyi ga'i dge 'dun la sbyin pa sbyin par byed na dge 'dun yon gnas yin no/ /dge slong gi dge 'dun 'di tsam gshegs shig ces sbyin pa sbyin par byed na yang dge 'dun yon gnas yin no//dge slong ma'i dge 'dun 'di tsam gshegs shig ces sbyin pa sbyin par byed na yang dge 'dun yon gnas yin no/ /gnyi ga'i dge 'dun la 'di tsam gshegs shig /ces sbyin pa sbyin par byed na dge 'dun yon gnas yin no zhes bya ba dang /kun dga' bo ma 'ongs pa'i dus na sa'i rigs zhes bya ba la mgul pa chos gos tshal bu thogs pa dag 'byung bar 'gyur te/ de la yang bram ze dang khyim bdag gang zhig gis dge 'dun mngon par byas nas bsams shing dge 'dun du dmigs nas sbyin pa dag gtong bar 'gyur/bsod nams dag byed par 'gyur te/ de yang bsod nams kyi sgor 'gyur ro zhes nga smra'o/ /da ltar gyi dge 'dun la bzod pa phun sum tshogs pa/ mdzes pa phun sum tshogs pa/ zhi ba phun [(]sum [,]sum tshogs [)] tshogs pa/dul ba phun sum tshogs pa/ spyod yul phun sum tshogs pa/ spyod lam phun sum tshogs pa/ spyod yul dang spyod lam phun sum tshogs pa/ tshul khrims phun sum tshogs pa/ ting nge 'dzin phun sum tshogs pa/ shes rab phun sum tshogs pa/ rnam par grol ba phun sum tshogs pa/rnam par grol ba'i ye shes mthong ba phun sum tshogs pa sbyin pa'i 'os su gyur pa/ rab tu sbyin pa'i 'os su gyur pa/ thal mo sbyar bar bya ba phyag gi 'os su gyur pa/ 'jig rten gyi bla na med pa'i yon gnas la lta smos kyang ci zhig dgos kun dga' bo phyi rol pa la sbyin pa dang /legs par sbyin pa dang / mchod sbyin dang / sbyin pa'i zhing du gyur pa ji ltar dge slong gi dge 'dun yang dag par rjes su ngas ma mthong ngo / /kun dga' bo 'phags pa'i dge 'dun la bya ba chung ngu byas kyang ma 'ongs pa'i dus na 'bras bu chen po dang rjes su bsngags pa che zhing rgya che bar 'gyur ro//gang zag rnam pa bcu bzhi gang zhe na/ de bzhin gshegs pa dgra bcom pa yang dag par rdzogs pa'i sangs rgyas la sbyin pa sbyin par byed na gang zag so so yon gnas yin no/ /rang sangs rgyas la sbyin pa sbyin par byed na gang zag so so yon gnas yin no//dgra bcom pa la sbyin pa sbyin par byed na gang zag so so yon gnas yin no/ /dgra bcom pa'i 'bras bu mngon du bya ba'i phyir zhugs pa la sbyin pa sbyin par byed na gang zag so so yon gnas yin no/ /phyir mi 'ong ba la sbyin pa sbyin par byed na gang zag so so yon gnas yin no//phyir mi 'ong ba'i 'bras bu mngon du bya ba'i phyir zhugs pa la sbyin pa sbyin par byed na gang zag so so yon gnas yin no/ /lan cig phyir 'ong ba la sbyin pa sbyin par byed na gang zag so so yon gnas yin no/ /lan cig phyir 'ong ba'i 'bras bu mngon du bya ba'i phyir zhugs pa la sbyin pa sbyin par byed na gang zag so so yon gnas yin no//rgyun du zhugs pa la sbyin pa sbyin par byed na gang zag so so yon gnas yin no/ /rgyun du zhugs pa'i 'bras bu mngon du bya ba'i phyir zhugs pa la sbyin pa sbyin par byed na gang zag so so yon gnas yin no//phyi'i drang srong 'dod pa las 'dod chags dang bral ba la sbyin pa sbyin par byed na gang zag so so yon gnas yin no/ /skyes bu gang zag tshul khrims dang ldan pa la sbyin pa sbyin par byed na gang zag so so yon gnas yin no/ /tshul khrims 'chal pa'i skyes bu gang zag la sbyin pa sbyin par byed na gang zag so so yon gnas yin no//dud 'gror song ba'i srog chags la sbyin pa sbyin par byed na gang zag so so yon gnas yin no/ /kun dga' bo de la dud 'gror song ba'i srog chags dag la sbyin pa sbyin par byed na rnam par smin pa brgya 'gyur du re bar bya'o//tshul khrims 'chal pa'i skyes bu gang zag la sbyin pa sbyin na rnam par smin pa stong 'gyur du re bar bya'o/ /tshul khrims dang ldan pa'i skyes bu gang zag la sbyin pa sbyin par byed na rnam par smin pa 'bum 'gyur du re bar bya'o//phyi'i drang srong 'dod pa las 'dod chags dang bral ba rnams la sbyin pa sbyin par byed na rnam par smin pa bye ba 'bum 'gyur du re bar bya'o/ /rgyun du zhugs pa'i 'bras bu mngon du bya ba'i phyir zhugs pa la sbyin pa sbyin par byed na rnam par smin pa tshad med do/ / rgyun du zhugs pa'i 'bras bu thob pa la byin na ches tshad med do/ /de bas kyang lan cig phyir 'ong ba'i 'bras bu mngon du bya ba'i phyir zhugs pa la byin na ches tshad med do/ /de bas kyang lan cig phyir 'ong ba la byin na ches tshad med do/ /de bas kyang phyir mi 'ong ba'i 'bras bu mngon du bya ba'i phyir zhugs pa la byin na ches tshad med do//de bas kyang phyir mi 'ong ba la byin na ches tshad med do/ /de bas kyang dgra bcom pa'i 'bras bu mngon du bya ba'i phyir zhugs pa la byin na ches tshad med do/ /de bas kyang dgra bcom pa la byin na ches tshad med do/ /rang sangs rgyas dang de bzhin gshegs pa dgra bcom pa yang dag par rdzogs pa'i sangs rgyas la 'bul bar byed pa lta smos kyang ci dgos/kun dga' bo sbyin pa bzhi po 'di dag ni sbyin pa dag par byed pa bzhi ste/ bzhi gang zhe na/ sbyin pa po yongs su dag la len pa po yongs su ma dag pa'i sbyin pa yang yod/len pa yongs su dag la sbyin pa po yongs su ma dag pa'i sbyin pa yang yod/ sbyin pa po yang yongs su ma dag cing len pa po yang yongs su ma dag pa'i sbyin pa yang yod/ sbyin pa po yongs su dag pa la len pa po yongs su dag pa'i sbyin pa yang yod do//sbyin pa po yongs su ma dag pa la len pa po yongs su ma dag pa'i sbyin pa gang zhe na/ kun dga' bo 'di ni sbyin pa'i bdag po tshul khrims dang ldan pa sdom pas bsdams shing / lung mthong la 'bras bu mthong nas 'di ltar lta zhing 'di skad du smra ste sbyin pa yang yod do//sbyin pa sbyin na 'bras bu rnam par smin pa yod do zhes smra la/ len pa po tshul khrims 'chal cing sdom pas ma bsdams la lung ma mthong la 'bras bu ma mthong nas 'di ltar lta zhing 'di skad du smra ste/ sbyin pa med do/ /sbyin pa sbyin na 'bras bu rnam par smin pa med do zhes smra ba ste/'di ni sbyin pa po yongs su dag la len pa po yongs su ma dag pa'i sbyin pa zhes bya'o/ /len pa po yongs su dag la sbyin pa po yongs su ma dag pa'i sbyin pa gang zhe na/ kun dga' bo 'di ni sbyin pa'i bdag po tshul khrims 'chal cing sdom pas ma bsdoms shing lung ma mthong la 'bras bu ma mthong nas 'di ltar lta zhing 'di skad du smra ste/sbyin pa med do/ /sbyin pa byin pa la 'bras bu rnam par smin pa med pa'o zhes smra la/ len pa po tshul khrims dang ldan pa sdom pas bsdams shing lung mthong la 'bras bu mthong nas 'di ltar lta zhing 'di skad du smra ste/sbyin pa yod do/ /sbyin pa byin pa la 'bras bu rnam par smin pa yod do zhes smra ste/ 'di ni len pa po yongs su dag la sbyin pa po yongs su ma dag pa'i sbyin pa zhes bya'o/ /sbyin pa po yang yongs su ma dag la len pa po yang yongs su ma dag pa'i sbyin pa gang zhe na/kun dga' bo 'di ni sbyin pa po tshul khrims 'chal cing sdom pas ma bsdams la lung ma mthong zhing 'bras bu ma mthong nas 'di ltar lta zhing 'di skad du smra ste/ sbyin pa med do/ /sbyin pa byin pa la 'bras bu rnam par smin pa med do zhes smra la/len pa po yang tshul khrims 'chal cing sdom pas ma bsdams la lung ma mthong nas 'di ltar lta zhing 'di skad du smra ste/ sbyin pa [(]mid [,]med [)]do/ /sbyin pa byin pa la 'bras bu rnam par smin pa med do zhes smra ste/ 'di ni sbyin pa po yang yongs su ma dag la len pa po yang yongs su ma dag pa'i sbyin pa zhes bya'o//sbyin pa po yang yongs su dag la len pa po yang yongs su dag pa'i sbyin pa gang zhe na/ kun dga' bo 'di ni sbyin pa po tshul khrims dang ldan la sdom pas bsdams shing lung mthong la 'bras bu mthong nas 'di ltar lta zhing 'di skad du smra ste/sbyin pa yod do/ /sbyin pa byin pa la 'bras bu rnam par smin pa yod do zhes smra la/ len pa po yang tshul khrims dang ldan la sdom pas bsdams shing lung mthong la 'bras bu mthong nas 'di ltar lta zhing 'di skad du smra ste/sbyin pa yod do/ /sbyin pa'i 'bras bu rnam par smin pa yod do zhes smra ste/ 'di ni sbyin pa po yang yongs su dag la len pa po yang yongs su dag pa'i sbyin pa zhes bya'o/ /bcom ldan 'das kyis de skad ces gsungs shing / bde bar gshegs pas de skad ces bka' stsal nas/ston pas gzhan yang 'di skad ces bka' stsal to/ /gang zhig khrims ldan chos shes dang / /las 'bras rnam par smin dad pas/ /tshul khrims spangs la sbyin byed na/ /sbyin 'di sbyin bdag dag ces bya/ /gang zhig khrims bral chos ni shes//las 'bras rnam smin dad mi byed/ /tshul khrims ldan la sbyin byed na/ /sbyin 'di len pa dag ces bya/ /gang zhig khrims dral chos mi shes/ /las 'bras rnam smin dad mi byed/ /tshul khrims spangs la sbyin byed na/ /sbyin 'di 'bras bu cher mi brjod/ / gang zhig khrims ldan chos shes dang / /las 'bras rnam par smin dad pas/ /tshul khrims ldan la sbyin byed na/ /sbyin 'di 'bras bu che zhes brjod/ /las 'bras rnam smin mngon dad pas/ /bran pho bran mo'am bkren pa'am/ /rang min kun bcas sbyin byed na/ /sbyin 'di skyes bu dam pas bsngags//gang zhig lus ngag bsdams dag nyid/ /lag brkyang bsod snyoms spyod pa yi/ /'dod chags bral la chags bral gyis/ /sbyin na zang zing sbyin pa'i mchog /ces gsungs so/ /bar sdom la/ dran zhing bzod ldan snyom las med//spyod dang gsong smra tshul khrims ldan/ /de bzhin du rdzas las byung ba'i bsod nams bya ba'i dngos po zhes bya ba la/ lung bar ma'i mdo bdun pa las 'don pa mdzod kyi gnas 'di nyid du 'phel dang zhes bya ba der ji skad du bris par blta bar bya'o//phan 'dogs pa'i khyad par las ni pha dang ma ste zhes bya ba la/ mdza' bo'i bu mo'i skyes pa'i rabs las gsungs te/ 'di ltar des kAR+ShA pa Na bzhi dang brgyad dang bcu drug dang sum cu rtsa gnyis byin pa dang / rdog pa bsnun pas de la btsun mo rnams kyis bsnyen bkur byas pa dang /mgo la 'khor lo 'khor ba'i bde ba dang sdug bsngal phan pa dang / gnod pa'i 'bras bu nyams su myong ngo zhes bya ba la sogs pa bshad do/ /sems can phal cher phan pa byas na gnod pa byed la de'i 'bras bu mi 'dod pa nyid du yang dag par mthong nas de spang bar bya ba'i phyir dom dang ri dgas su skyes pa'i rabs dper rjod par byed de/byang chub sems dpa' dom du gyur pa na zhag bdun gyi bar du char pa dang rlung byung ste/ shing thun zhig rang gi phug tu bcug ste/ lus la 'khyud cing grang ba bsal te rtsa ba dang 'bras bu'i kha zas dag byin te/char pa dang rlung zhi ba dang thal mo sbyar nas des smras pa/ jo bo bdag gis phan pa'i lan ci bya ba gsungs shig /des smras pa/ bdag la phan pa'i lan cung zad kyang bya mi dgos kyis gzhan du na gzhan la ma smra bar gar 'dod par song shig ces smra'o//des sha cha gnyis la chags pa'i dbang gis rngon pa la smras te/ sha 'gyed par byed pa'i skal ba len par 'dod nas lag pa brkyang pa sa la lhung bar gyur to/ /yang byang chub sems dpa' ri dgas gser gyi logs zhes bya bar gyur pa na/ skyes bu gzhan zhig 'ching ba dam pos bcings te chu bos khyer ba nyam thag pa'i smre sngags 'don pa zhig bton pa dang / des smras pa/ phan pa'i lan ci 'dod pa smros shig /khyod kyis nga 'di na 'dug pa su la yang ma smra shig dang 'di tsam gyis phan pa'i las byas par 'gyur ro//de nor la chags pas rgyal po dbang po'i sde tshol bzhin pa la/ lha ri dgas kyi dbang po de bdag gis mthong ngo zhes lag pa brkyang ba dang / las drag cing rtsub pa rnams kyi 'bras bu ni myur du 'byung bas lag pa sa la ltung bar gyur to/ /skyes pa'i rabs gnyis po 'di dag ni 'dul ba gzhi las ji ltar lha sbyin byas pa mi shes shing byas pa mi rig pa de nyon cig ces bya bar brgya byin dbang po sde chen po zhes bya ba'i sdom du rgyas par 'don to//mchog ni grol bas grol ba la/ /zhes bya ba la/ gau ta ma'i mdo'i mtha' las tshigs su bcad pa nye bar bkod la/ rtogs pa brjod pa las kyang 'di ltar 'byung ste/ bcom ldan 'das mnyan yod na bzhugs te/ de nas ljongs gzhan zhig nas dge slong zhig mnyan yod du 'ongs so/ /de spyod yul la mi mkhas pa zhig pas nga'i bsod snyoms gang las rnyed par 'gyur zhes rtog pa na ting nge 'dzin ma rnyed par gyur to//de la tshe dang ldan pa shA ri'i bus smras pa/ tshe dang ldan pa sems las chung ngus dge phyogs la sbyor cig dang / ngas khyod la bsod snyoms sbyin par bya'o//de nas dge slong de dag 'dod chags dang ma bral bar gyur pas ji ltar 'di'i bsod snyoms za zhes brtson 'grus brtsams pa dang dgra bcom pa nyid mngon sum du byas nas tshe dang ldan pa shA ri'i bus bsod snyoms phul lo/ /bcom ldan 'das kyis bka' stsal pa/dge slong dag sngon byung ba 'das pa'i dus na rims nad ces bya ba'i rgyal po byung ste/ de rnam par rgyal bar byed pa'i yon gnas zhig byung ste de lha rnams kyis 'di skad du rgyal po chen po 'di na rnam par rgyal bar byed pa'i yon gnas zhig yod de/ de la bsod snyoms dag phul cig ces smras pa dang de gang na gnas zhes mi shes nas ji tsam na rgyal pos grong khyer stong phrag drug cu lo stong phrag drug cur sbyin pa dag byin yang rang sangs rgyas de la bsod snyoms gcig kyang ma phul te de ni snga dro bslangs nas de'i 'og tu za'i/dus ma yin par ni mi za ba'i phyir ro/ /dge slong dag gang yang rgyal po des grong khyer stong phrag drug cu la lo stong phrag drug cur sbyin pa dag byin pa bas gang yang shA ri'i bus dge slong 'di la sbyin pa byin pa de ni sbyin pa 'di'i brgya'i char yang nye bar mi 'gro'o zhes bya ba'i bar du rgyas par 'byung ngo //brgyad pa zhes bya ba la/ gleng gzhi ni mnyan du yod pa na'o/ /sbyin pa ni rnam pa brgyad de/ brgyad gang zhe na/ nye ba la sbyin pa dang / 'jigs pa la sbyin pa dang / bdag la sbyin pas sbyin pa dang / bdag la sbyin par 'gyur bas sbyin pa dang /sngon bdag gi pha dang mes po dag gis byin par sbyin pa dang / mtho ris kyi don du sbyin pa dang / grags pa'i don du sbyin pa dang / /sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob par bya ba'i phyir sbyin pa sbyin pa ste/ de la gal te sems kyi rgyan gyi don dang / sems kyi yo byad dang rnal 'byor gyi mchog dang / don gyi mchog thob par bya ba'i don du sbyin pa 'di ni sbyin pa'i mchog ces brjod do/ /gtso bo zhes brjod do/ /bla ma zhes brjod do/ /'di lta ste ba las 'o ma/ 'o ma las zho/ / zho las mar sar/ mar sar las mar/ mar las mar gyi snying po ni mchog ces bya bar brjod do/ /gtso bo zhes brjod do/ /bla ma zhes brjod do/ /de bzhin du gal te sems kyi rgyan gyi don dang / sems kyi yo byad kyi don zhes bya bas ni snga ma bzhin du bla ma zhes brjod de zhes bya ba'i bar du ste/de ci'i phyir zhe na/ 'di lta bu'i rang bzhin gyi sbyin pa sbyin par byed na sems rab tu dang bar 'gyur ro/ /sems rab tu dang ba las dga' ba skye bar 'gyur ro/ /dga' ba las rab tu dga' ba skye bar 'gyur ro/ /rab tu dga' ba las lus sems shin tu sbyangs par 'gyur ro//lus sems shin tu sbyangs na bde ba myong bar 'gyur ro/ /bde ba las sems mnyam par 'jog par 'gyur ro/ /sems mnyam par gzhag na yang dag pa ji lta ba bzhin shes shing yang dag pa ji lta ba bzhin mthong bar 'gyur ro//yang dag pa ji lta ba bzhin shes shing yang dag pa ji lta ba bzhin mthong na skyo bar 'gyur ro/ /skyo na 'dod chags dang bral bar 'gyur ro/ /'dod chags dang bral na grol bar 'gyur ro/ /grol na rnam par grol ba'i ye shes mthong bar 'gyur te/ bdag gi skye ba zad do//tshangs par spyod pa bsten to/ /bya ba byas so/ /srid pa 'di las gzhan mi shes so zhes bya bar 'gyur ro/ /gang phyir dus dang drang po dang / /rnam pa du ma phun tshogs pa'i/ /ser sna med pas sbyin byed na/ /sbyin bdag 'bras bu chen por 'gyur//sbyin pa legs par sbyin no zhes/ /sems ni rab tu dang bar 'gyur/ /sems rab dang ba'i mkhas pa la/ /dga' ba yang dag skye bar 'gyur/ /dga' ba de las rab dga' skye/ /rab tu dga' bde lus sems ni/ /shin tu sbyangs pa skye bar 'gyur//dran ldan shin tu sbyangs pa la/ /bde ba yang dag myong bar 'gyur/ /sems bde ting nge 'dzin la ni/ /sems rtse gcig tu 'jog par 'gyur/ /sems mnyam 'jog la ji lta bzhin/ /yang dag shes shing mthong bar 'gyur/ /yang dag mthong nas lus la blo//skyo ba yang dag skye bar 'gyur/ /lus la skyo ba'i dran ldan ni/ /yang dag 'dod chags bral bar 'gyur/ /'dod chags zhe sdang gti mug las/ /chags dang bral ba'i mkhas pa ni/ /tshangs par spyod pa rab bsten cing / /bdag gi skye ba zad mthong 'gyur//srid pa 'di las mi shes zhes/ /'di ltar bsngags pa chen por 'gyur/ /gang yang dmigs pa med bcas nas/ /mi g.yo'i go 'phang thob par 'gyur/ /zhes gsungs so/ /mdo las ji skad du gang zag bzhi po 'di dag ni tshangs pa'i bsod nams skyed pa zhes bya ba la/bcom ldan 'das mnyan yod na rgyal byed tshal mgon med zas sbyin gyi kun dga' ra ba na bzhugs te/ de nas bcom ldan 'das kyis dge slong rnams la bos te/ gang zag bzhi po 'di dag ni tshangs pa'i bsod nams skyed pa ste/ bzhi gang zhe na/ gang zag gang gis sngon ma byas pa'i sa phyogs su de bzhin gshegs pa'i sku gdung dang bcas pa'i mchod rten rab tu gnas par byed de/ gang zag 'di ni tshangs pa'i bsod nams skyed pa dang po yin no/ /gzhan yang gang zag gang gis sngon ma byas pa'i sa phyogs su phyogs bzhi'i dge slong gi dge 'dun gyi gtsug lag khang rab tu gnas par byed pa ste/gang zag 'di ni tshangs pa'i bsod nams skyed pa gnyis pa yin no/ /gzhan yang gang zag gang gis de bzhin gshegs pa'i nyan thos kyi dge 'dun bye ba sdum par byed pa ste/gang zag 'di ni tshangs pa'i bsod nams skyed pa gsum pa yin no/ /gzhan yang gang zag gang gis byams pa dang lhan cig par gyur pa'i sems kho na med pa/ 'gran zla med pa/ gnod pa med pa/ yangs pa rgya che ba tshad med pa/ legs par bsgoms te phyogs gcig tu khyab par byas nas bsgrubs te gnas so//de bzhin du gnyis pa dang / de bzhin du gsum pa dang / de bzhin du bzhi pa dang / steng dang / 'og dang / logs kyi 'jig rten gyi khams 'di thams cad du byams pa dang lhan cig pa'i sems khon med pa/'gran zla med pa/ gnod pa med pa yangs pa rgya che ba tshad med pa legs par bsgoms te phyogs gcig tu khyab par byas nas bsgrubs te gnas so/ /de bzhin du snying rje dang dga' ba dang btang snyoms dang lhan cig par gyur pa'i sems zhes bya ba nas snga ma bzhin du gang zag 'di ni tshangs pa'i bsod nams skyed pa bzhi pa yin no zhes bya ba'i bar du'o zhes gsungs so//chos sbyin nyon mongs can min pas/ /zhes bya ba la sogs pa la/ gleng gzhi ni mnyan du yod pa na'o/ /sbyin pa ni rnam pa gnyis te/ chos kyi sbyin pa dang / zang zing gi sbyin pa'o//sbyin pa 'di ni chung ngu ste/ 'di lta ste/ zang zing gi sbyin pa'o/ /sbyin pa 'di ni mchog tu gyur pa ste 'di lta ste chos kyi sbyin pa'o zhes gsungs so/ /chos mngon pa mdzod kyi rnam par bshad pa nye bar mkho ba las/ gnas bzhi pa phal cher mdo dang sbyar ba rdzogs so//@##/ /'di na kha cig 'dod pa'i 'dod chags kyis kun nas dkris pa zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag ngas khyed la tha ma'i cha dang mthun pa'i kun tu sbyor ba lnga bstan par bya yis de legs par zung shig /de'i tshe tshe dang ldan pa mchod byed kyi ma can 'khor 'dus shing tshogs par gyur pa de'i nang na 'dug par gyur te/ de nas tshe dang ldan pa mchod byed kyi ma can stan las langs te/bla gos phrag pa gcig tu byas nas bcom ldan 'das gang na ba der thal mo sbyar zhing phyag byas nas bcom ldan 'das la 'di skad ces gsol to/ /btsun pa bcom ldan 'das kyi bstan pa'i tha ma'i cha dang mthun pa'i kun tu sbyor ba lnga po bdag gis bzung lags so//mchod byed kyi ma can khyod kyis ji lta ji ltar ngas bstan pa'i tha ma'i cha dang mthun pa'i kun tu sbyor ba lnga po dag bzung / btsun pa 'dod pa la 'dun pa ni tha ma'i cha dang mthun pa'i kun tu sbyor ba'o zhes bcom ldan 'das kyis bshad pa de bdag gis gzung ngo //btsun pa gnod sems dang / 'jig tshogs la lta ba dang / tshul khrims dang brtul zhugs mchog tu 'dzin pa dang / the tsom ni tha ma'i cha dang mthun pa'o zhes bcom ldan 'das kyis bshad pa de bdag gis bzung ste/ btsun pa 'di ltar bcom ldan 'das kyis bshad dpa'i tha ma'i cha dang mthun pa'i kun du sbyor ba lnga rnams bdag gis bzung lags so//mchod byed kyi ma can gzhan mu stegs can kun du rgyu 'di ltar byis pa'i dpes smod cing bshung bar sems te/ de ci'i phyir zhe na/ mchod byed kyi ma can byis pa gzhon nu nad pa mal stan la nyal ba bdag gis 'dod pa zhes bya ba yang mi sems na/'dod pa'i 'dod chags kyis sems kun nas dkris pa lta smos kyang ci dgos/ 'on kyang 'dod pa'i 'dod chags kyi bag la nyal dang ni rjes su 'brel ba yin no/ /byis pa gzhon nu nad pa mal stan la nyal ba rnams kyis sems can zhes bya ba yang mi shes na/gnod sems kyis sems kun nas dkris te gnas pa lta smos kyang ci dgos/ 'on kyang gnod sems kyi bag la nyal dang ni rjes su 'brel pa yin no/ /byis pa gzhon nu mal stan la nyal ba rnams kyis lus zhes bya ba yang mi shes na/'jig tshogs la lta bas sems kun nas dkris te gnas pa lta smos kyang ci dgos/ 'on kyang 'jig tshogs la lta ba bag la nyal ba dang ni rjes su 'brel ba yin no/ /byis pa gzhon nu nad pa mal stan la nyal ba rnams kyis tshul khrims zhes bya ba yang mi shes na/tshul khrims dang brtul zhugs mchog tu 'dzin pas sems kun nas dkris te gnas pa lta smos kyang ci dgos/ 'on kyang tshul khrims dang brtul zhugs mchog tu 'dzin pa'i bag la nyal dang ni rjes su 'brel pa yin no/ /byis pa gzhon nu nad pa mal stan la nyal ba rnams kyis the tshom zhes bya ba yang mi shes na the tshom gyi phra rgyas kyis sems kun nas dkris te gnas pa lta smos kyang ci dgos zhes gzhan mu stegs can gyi kun du rgyu dag smod cing bshung bar byed na/de la khyod ji snyam du sems/ de skad ces bka' stsal pa dang /tshe dang ldan pa mchod byed kyi ma can kha rog par 'dug cing zhum par gyur cing phrag ba bcum bar gyur cing 'og tu bltas te spobs pa med par gyur nas/ sems bzhin du gnas par gyur to/ /de'i tshe tshe dang ldan pa kun dga' bo bcom ldan 'das kyi sku rgyab na rlung yab thogs te bcom ldan 'das la g.yob cing 'dug par gyur te de nas tshe dang ldan pa kun dga' bos bcom ldan 'das la 'di skad ces gsol to//gang bcom ldan 'das kyis dge slong rnams la tha ma'i tshe dang mthun pa'i kun du sbyor ba lnga bsten pa'i dus ni bcom ldan 'das 'di lags te/bde bar gshegs pa 'di lags so/ /bcom ldan 'das las thos nas dge slong rnams kyis 'dzin par 'gyur lags so/ /kun dga' bo de'i phyir legs par nyon la yid la zungs shig dang bshad par bya'o/ /kun dga' bo 'di na kha cig 'dod pa'i 'dod chags kyis kun nas dkris pa'i sems kyis lan mang du gnas te/'dod pa'i 'dod chags kyis kun nas dkris pa skyes pa rnams la nges par 'byung ba yang dag pa ji lta ba bzhin mi shes te/ des 'dod pa'i 'dod chags kyis kun nas dkris pa tha ma'i cha dang mthun pa'i kun du sbyor ba de dag la yang dag pa'i stobs kyis spong bar mi byed do//kun dga' bo 'di na kha cig gnod sems dang / 'jig tshogs la lta ba dang / tshul khrims dang / brtul zhugs mchog tu 'dzin pa dang / the tshom gyis kun nas dkris pa'i sems kyis lan mang du gnas te/ the tshom gyis kun nas dkris pa skyes pa rnams las phyis nges par 'byung ba yang dag pa ji lta ba bzhin mi shes te/ des the tshom gyis kun nas dkris pa tha ma'i cha dang mthun pa'i kun tu sbyor ba de dag yang dag pa'i stobs kyis spong bar byed do//kun dga' bo lam gang zhig rtogs pas tha ma'i cha dang mthun pa'i kun du sbyor ba lnga spong bar 'gyur ba'i lam de des ma rtogs par tha ma'i cha dang mthun pa'i kun du sbyor ba lnga spong bar 'gyur ba gang yin pa 'di ni gnas ma yin zhing go skabs med do//'di lta ste/ kun dga' bo mig dang ldan pa'i skyes bu snying po tshol zhing don du gnyer ba dag sta re rnon po thogs nas nags su zhugs te/ des de na shing chen po rtsa ba dang ldan pa/ lo ma dang ldan pa/ yal ga dang ldan pa/ 'dab ma dang me tog dang 'bras bu dang ldan pa zhig mthong nas 'di skad du ngas shing 'di'i rtsa ba ma bcad cing rtse mo ma bcad par yal ga dang 'dab ma dang /me tog dang snying po dag khyer nas 'gro bar bya'o zhes zer na/ de skad du ma smra cig ces brjod par bya'o/ /de ci'i phyir zhe na/ 'di ni gnas ma yin zhing go skabs med do//gang yang skyes bu 'dis shing gi rtsa ba ma bcad par yal ga dang 'dab ma dang me tog dang snying po khyer nas 'gro bar 'gyur ba 'di ni gnas ma yin zhing go skabs med do/ /kun dga' bo de bzhin du lam gang zhig rtogs pas tha ma'i cha dang mthun pa'i kun du sbyor ba lnga spong bar 'gyur ba'i lam de des ma rtogs par tha ma'i cha dang mthun pa'i kun du sbyor ba lnga spong bar 'gyur ba 'di ni gnas ma yin zhing go skabs med do//kun dga' bo lam gang zhig rtogs pas tha ma'i cha dang mthun pa'i kun du sbyor ba lnga spong bar 'gyur ba'i lam de des rtogs na/tha ma'i cha dang mthun pa'i kun du sbyor ba lnga spong bar 'gyur ba 'di ni gnas yin zhing go skabs yod do/ /kun dga' bo 'di lta ste/ mig dang ldan pa'i skyes bu snying po tshol zhing don du gnyer ba dag sta re rnon po thogs nas nags su zhugs te des de na shing chen po rtsa ba dang ldan pa dang /sdong po dang ldan pa yal ga dang 'dab ma dang 'bras bu dang ldan pa zhig mthong nas de 'di skad du ngas shing 'di'i rtsa ba bcad de rtse mo bcad nas yal ga dang lo ma dang me tog dang snying po dag khyer nas 'gro bar bya'o zhes zer na/de bzhin no zhes brjod par bya ste/ de ci'i phyir na/ 'di ni gnas yin zhing skabs yod do/ /gang yang skyes bu des shing gi rtsa ba bcad cing rtse mo dag bcad nas yal ga dang 'dab ma dang me tog dang snying po dag khyer nas 'gro ba 'di ni gnas yin zhing go skabs yod do//kun dga' bo de bzhin du 'dis lam thob par rtogs pas tha ma'i cha dang mthun pa'i kun du sbyor ba rnams spang bar 'gyur ba'i lam de des rtogs nas tha ma'i cha dang mthun pa'i kun du sbyor ba rnams spong bar 'gyur ba 'di ni gnas yin zhing go skabs yod do//kun dga' bo lam ni gang rtogs pas tha ma'i cha dang mthun pa'i kun du sbyor ba rnams spong ba gang zhe na/ kun dga' bo 'di na kha cig 'dod pa'i 'dod chags kyis kun nas dkris pa'i sems kyis lan mang du mi gnas te/ 'dod pa'i 'dod chags kyis kun du dkris pa skyes pa rnams las phyis nges par 'byung ba yang dag pa ji lta ba bzhin du rab tu shes te/des 'dod pa'i 'dod chags kyi phra rgyas de dag stobs kyis so sor legs par btul te phra rgyas dang bcas pa spong bar byed do/ /kun dga' bo 'di na kha cig gnod sems dang /'jig tshogs la lta ba dang / tshul khrims dang brtul zhugs mchog tu 'dzin pa dang the tshom gyis kun nas dkris pa'i sems kyis lan mang du mi gnas te/ the tshom gyis kun nas dkris pa skyes pa rnams las phyis nges par 'byung ba yang dag pa ji lta ba bzhin shes te/des the tshom gyis kun nas dkris pa de stobs kyis so sor btul te phra rgyas dang bcas pa spong bar byed do zhes bya ba'i mdo'i dum bu lung bar ma las/ gso sbyong can dang ta la can/ /dga' dang tha ma'i cha mthun bcas//zhes bya ba'i tha ma'i cha dang mthun pa'i mdo las byung ngo / /gang yang mdo las ni nyon mongs pa nyid phra rgyas su bshad de zhes bya ba la/ drug tshan drug pa'i skye mched drug bstan pa'i sgo gnyis pa las/ dga' dang kun dga' las gdams pa/ /zhes bya ba'i sdom gyi tshigs su bcad pa bstan pa mdzod kyi gnas gsum par rten cing 'brel par 'byung ba'i skabs su/reg drug 'dus te byung ba yin/ zhes bya bar bris pa bzhin blta bar bya ste/ de las 'di ltar 'don te/ dge slong dag mig dang gzugs la brten nas mig gi rnam par shes pa skye bar 'gyur zhing gsum 'dus pa'i reg pa dang reg pa la brten nas tshor ba bde ba'am/sdug bsngal ba'am/ bde ba yang ma yin sdug bsngal ba yang ma yin pa skye bar 'gyur ro/ /dge slong dag de la bde ba'i tshor ba la reg na mngon par dga' zhing mngon par brjod pa dang zhen pa dang lhag par zhen cing gnas par 'gyur te/'di'i bde ba'i tshor ba la 'dod chags rgyas par 'gyur ro/ /dge slong dag de la sdug bsngal gyi tshor ba la reg na mngon par mi dga' zhing khro la gnod sems dang yongs su gdug cing mi dga' zhing gnas par 'gyur te/'di'i sdug bsngal gyi tshor ba la gnod sems rgyas par 'gyur ro zhes gang gis tshor ba gang gi kun 'byung ba dang mi snang ba dang ro myang ba dang nyes dmigs dang nges par 'byung ba yang dag pa ji lta ba bzhin mi shes te/'di'i bde ba yang ma yin sdug bsngal ba yang ma yin pa'i tshor ba la ma rig pa rgyas par 'gyur ro/ /mdo las 'dod chags rnam pa gnyis su phye nas bshad de zhes bya ba la bdun tshan bdun pa las/ zag bdun yid bdun rnam shes gnas/ srid dang phra rgyas bdun gcig byas//zhes 'byung ba'i phra rgyas kyi mdo las/ ji ltar mngon pa mdzod kyi gnas gsum pa rten cing 'brel par 'byung ba'i skabs su kun sbyor sogs chig phyir zhes bya bar bris par lta bar bya'o/ /'di ltar las rnam par 'byed pa chen po'i mdo las 'dod chags dang bral ba rnams la 'og ma 'dod pa la dmigs pa'i lta ba kun du 'byung bar gsungs zhes bya ba la//'di skad bdag gis thos pa dus gcig na bcom ldan 'das rgyal po'i khab kyi smyug ma'i tshal bya ka lan da ka gnas pa na bzhugs te/ de'i tshe tshe dang ldan pa dran pa rgyal po'i khab kyi dgon pa'i dbyar khang na 'dug par gyur te/kun du rgyu po ta la'i bu tshe dang ldan pa dran pa gang na ba der nye bar song ste/ nye bar song nas tshe dang ldan pa dran pa dang lhan cig yang dag par dga' bar 'gyur ba dang / yang dag par bde bar 'gyur ba'i gtam rnam pa sna tshogs byas te phyogs gcig tu 'dug go//phyogs gcig tu 'dug nas kun tu rgyu po ta la'i bus tshe dang ldan pa dran pa la 'di skad ces smras so/ /dran pa dris pa lung ston pa la skabs 'byed na bdag phyogs 'ga' zhig 'dri'o/ /po ta la'i bu dris shig dang /thos nas rig par bya'o/ /dran pa gang las lus kyi las kyi 'bras bu med cing ngag gi las kyi 'bras bu med pa/ yid kyi las kyi 'bras bu med pa de lta bu'i ting nge 'dzin dang ting nge 'dzin la snyoms par zhugs pa'i dge slong cung zad cig yod do zhes nga smra'o zhes bdag gis dge sbyong gau ta ma las mngon sum du thos nas mngon sum du bzung ste/dran pa 'di la khyod ji skad du smra/ po ta la'i bu gang yang lus kyi las kyi 'bras bu med cing ngag gi las kyi 'bras bu med la yid kyi las kyi 'bras bu med pa de lta bu'i ting nge 'dzin dang ting nge 'dzin la snyoms par zhugs pa'i dge slong cung zad cig yod do zhes smra'o zhes bcom ldan 'das kyis bshad pa'i don bdag gis mi shes mod kyi/'on kyang gang gi las byas shing bsags pa nye bar bsags pa dag gi rnam par smin pa so sor mi myong ba ma yin no zhes nga smra ste/de yang mthong ba'i chos dang skyes nas dang lan grangs gzhan la'o/ /las ma byas shing ma bsags la nye bar ma bsags pa dag gi rnam par smin pa ni so sor myong bar mi 'gyur ro zhes bcom ldan 'das kyis bshad pa'i don bdag gis 'di ltar shes so//dran pa khyod dge sbyong gau ta ma las dge sbyong du khas blangs nas ji tsam lon/ po ta la'i bu bdag legs par gsungs pa'i chos 'dul ba la rab tu byung nas lo gsum lhag tsam lon no/ /dran pa da ltar 'di na gnas brtan rgyal pos gnang ba rab tu byung nas ring du lon pa/ dang po nyid nas tshangs par spyod pa spyad pa bstan bcos smra zhing rnam par 'byed shes pa/tshangs par spyod pa dge slong rnams kyis ci zhig byed par 'gyur/ da ltar 'di na khyod gsar bu yang dge sbyong gau ta ma la legs pa shin tu rjes su srung bar sems sam/ dran pa las byas shing bsags la nye bar bsags pa dag gis ni zhig myong bar 'gyur/po ta la'i bu las bsams bzhin byas shing bsags la nye bar bsags pas sdug bsngal myong bar 'gyur ro/ /de nas kun du rgyu po ta la'i bu tshe dang ldan pa dran pas bshad pa la dga' bar yang mi byed khro bar yang mi byed par stan las langs te song ngo / /de'i tshe na tshe dang ldan pa skul byed chen po tshe dang ldan pa dran pa dang mi ring ba zhig na shing ljon pa gzhan zhig gi drung na nyin par gnas pa'i phyir 'dug go//de nas tshe dang ldan pa skul byed chen pos tshe dang ldan pa dran pa dang / kun du rgyu po ta la'i bu lhan cig gtam gzhan rgyas par brjod pa rnams thos so/ /tshe dang ldan pa skul byed chen po tshe dang ldan pa dran pa kun du rgyu po ta la'i bu dang lhan cig gtam gzhan brjod pa 'di ltar gyur pa thams cad bzung ste yid la byas nas/tshe dang ldan pa kun dga' bo gang na ba der nye bar song ste/ nye bar song nas tshe dang ldan pa kun dga' bo dang thabs cig yang dag par dga' bar 'gyur ba dang /yang dag par bde bar 'gyur ba'i gtam rnam pa sna tshogs byas te phyogs gcig tu 'dug go/ /phyogs gcig tu 'dug nas tshe dang ldan pa skul byed chen pos tshe dang ldan pa dran pa kun du rgyu po ta la'i bu dang lhan cig gtam gzhan brjod pa ji ltar gyur pa de thams cad rgyas par tshe dang ldan pa kun dga' bo la bsnyad do//de skad ces smras pa dang / tshe dang ldan pa kun dga' bos tshe dang ldan pa skul byed chen po la 'di skad ces smras so/ /tshe dang ldan pa skul byed chen po gtam 'di dag dang bcom ldan 'das gang na ba der 'gro bar gyis shig /bcom ldan 'das ga la ba der nye bar song nas bcom ldan 'das la chos zab mo zab par snang ba 'di lta bu'i don dran pa rnyed par 'gyur/ de nas tshe dang ldan pa skul byed chen po dang tshe dang ldan pa kun dga' bo bcom ldan 'das gang na ba der nye bar song zhing nye bar song nas/bcom ldan 'das kyi zhabs la spyi bos phyag byas nas phyogs gcig tu 'dug go/ /phyogs gcig tu 'dug nas tshe dang ldan pa kun dga' bos tshe dang ldan pa skul byed chen po la 'di skad ces smras so/ /dge slong kun dga' bo dang skul byed kyi brjod par 'dod pa dag ni bcom ldan 'das las thos par 'gyur ro//da ltar bde bar gshegs pa las thos par 'gyur ro/ /de nas tshe dang ldan pa skul byed chen pos tshe dang ldan pa dran pa kun du rgyu po ta la'i bu dang gtam gzhan brjod pa de thams cad bcom ldan 'das la rgyas par gsol ba dang /bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo dge slong dran pa las rnam par 'byed pa lung ston pa la ltos/ 'dis ni dris pa phyogs gcig tu lung bstan to/ /de nas tshe dang ldan pa kun dga' bos bcom ldan 'das la 'di skad ces gsol to//btsun pa tshe dang ldan pa dran pas gang cung zad tshor ba de thams cad ni sdug bsngal ba'o zhes bya ba 'di la bsams nas kun du rgyu po ta la'i bu la bshad pa'i gnas yod cing skabs yod de/ /skul byed dge slong kun dga' bo'i bsam pa la ltos/kun du rgyu po ta la'i bu ngas mthong ba yang dag par rjes su mi dran na de dang lhan cig bar skabs kyi gtam brjod pa 'di lta bu lta smos kyang ci dgos/ btsun pa ji ltar na tshe dang ldan pa dran pas kun du rgyu po ta la'i bus dri ba dris pa'i lung bstan pa/ yang dag par lung bstan par byas par 'gyur lags/kun dga' bo dge slong dran pas kun du rgyu po ta la'i bu'i dri ba dris pa la 'di ltar lung bstan na yang dag par lung bstan par 'gyur te/ po ta la'i bu bsams bzhin du las byas shing nye bar bsags na bde ba myong bar 'gyur ro//bsams bzhin du sdug bsngal myong bar 'gyur ba'i las byas shing nye bar bsags na sdug bsngal myong bar 'gyur ro/ /bsams bzhin du sdug bsngal yang ma yin bde ba yang ma yin pa'i las byas shing nye bar bsags na bde ba yang ma yin sdug bsngal ba yang ma yin pa myong bar 'gyur ro//kun dga' bo kun du rgyu po ta la'i bus ni dge slong dran pa la tshor ba gsum las bsams te dris pa dge slong dran pas gang cung zad tshor ba de thams cad ni sdug bsngal ba'o zhes ni phyogs gcig lung bstan to/ /btsun pa bcom ldan 'das kyis tshe dang ldan pa dran pa'i sems la khyab ste mkhyen pa ni ngo mtshar lags so//kun dga' bo de bzhin gshegs pa de mkhyen pa la ngo mtshar ci zhig yod/ kun dga' bo de bzhin gshegs pa las las rnam par 'byed pa chen po zhes bya ba'i chos kyi rnam grangs nyon cig dang bshad par bya'o//nga la sems mngon par dad par gyis shig /sems mngon par dang zhing rab tu dang nas bya ba mang du byed par 'gyur ba'i gnas yin zhing skabs yod do/ /bcom ldan 'das dus la bab cing bde bar gshegs pa dus la bab ste/ bcom ldan 'das kyis dge slong rnams la las rnam par 'byed pa chen po'i chos kyi rnam grangs bshad na bcom ldan 'das las thos nas dge slong rnams kyis legs par 'dzin par 'gyur ro//kun dga' bo de'i phyir legs par nyon la yid la zung shig dang bshad par bya'o/ /kun kun dga' bo 'di ni kha cig srog gcod pa dang ma bral bar gyur cing ma byin par len pa dang /'dod pas log par g.yem pa dang / brdzun du smra ba dang / phra ma dang / tshig rtsub mo dang / tshig kyal pa dang / brnab sems dang / gnod sems dang / log par lta bas 'bags shing ma bral bar gyur pa dag lus zhig ste shi ba'i 'og tu bde 'gro mtho ris su skye bar 'gyur ba yang yod la/gzhan yang kun dga' bo 'di na kha cig srog gcod pa dang bral bar gyur cing / ma byin par len pa dang / brdzun du smra ba dang / phra ma dang / tshig rtsub mo dang / tshig kyal pa dang / brnab sems dang / gnod sems dang / log par lta bas ma 'bags shing bral bar gyur pa dag lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba yang yod la/ kun dga' bo gzhan yang 'di na kha cig srog gcod pa dang bral bar gyur pa nas log par lta bas ma 'bags shing bral ba'i bar du gyur la lus zhig ste shi ba'i 'og tu bde 'gro mtho ris kyi 'jig rten du skye bar 'gyur ba yang yod de/kun dga' bo de la srog gcod pa dang ma bral ba nas/ log par lta bas bsags shing ma bral ba'i bar dag bde 'gro mtho ris kyi 'jig rten du skye ba dag phyi rol mu stegs byed kyi dge sbyong ngam/bram ze lha'i mig dang gzhan gyi sems rig pa dag gis mthong nas/ de 'di snyam du lus kyi nyes par spyad pa med do/ /lus kyi nyes par spyad pa'i rnam par smin pa med do//ngag dang yid kyis nyes par spyad pa med do/ /ngag dang yid kyis nyes par spyad pa'i rnam par smin pa med do/ /'di lus kyis srog gcod pa dang ma bral ba nas log par lta bas bsags shing ma bral la lus zhig ste shi ba'i 'og tu bde 'gro mtho ris kyi 'jig rten du skyes pa ngas mthong la/gzhan yang srog gcod pa dang ma bral bar gyur pa nas log par lta bas bsags shing ma bral bar gyur kyang bde 'gro mtho ris kyi 'jig rten du skye bar 'gyur ba dag 'byung bar 'gyur te/ gang 'di ltar lta ba ni yang dag pa'i lta ba ste/ gzhan ni log pa'o zhes dge sbyong ngam bram ze de dag ji ltar mthong ba dang ji ltar rig pa stobs kyis rnam par dpyad de 'di nyid bden gyi/gzhan ni gti mug pa'o zhes rjes su tha snyad 'dogs par byed do/ /kun dga' bo de la srog gcod pa dang bral bar gyur pa nas log par lta bas ma 'bags shing bral bar gyur pa'i bar dag ngan song ngan 'gro log par ltung ba sems can dmyal ba dag tu skyes par gyur pa dag phyi rol mu stegs byed kyi dge sbyong ngam/bram ze lha'i mig dang gzhan gyi sems rig pa dag gis mthong nas/ de 'di snyam du lus kyis legs par spyad pa med do//lus kyis legs par spyad pa'i rnam par smin pa med do/ /ngag dang yid kyis legs par spyad pa med do/ /ngag dang yid kyis legs par spyad pa'i rnam par smin pa med do/ /sems can 'di srog gcod pa dang bral bar gyur pa nas log par lta bas ma 'bags shing bral ba'i bar du gyur la lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes pa ngas mthong ste/gzhan dag kyang srog gcod pa dang ma bral ba nas log par lta ba'i bar gyis ma 'bags shing bral bar gyur kyang ngan song ngan 'gro log par ltung ba sems can dmyal ba rnams su skye bar 'gyur ba dag 'byung bar 'gyur te/'di ltar lta ba ni yang dag pa'i lta ba ste/ gzhan ni log pa'o zhes dge sbyong ngam bram ze de dag ji ltar mthong ba dang ji ltar rig pa stobs kyis rnam par dpyad de 'di nyid bden gyi gzhan ni gti mug pa'o zhes rjes su tha snyad 'dogs par byed do//de la kun dga' bo srog gcod pa dang ma bral bar gyur pa nas/ log par lta bas 'bags shing ma bral bar gyur pa'i bar dag lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes pa dag phyi rol mu stegs byed kyi dge sbyong ngam bram ze lha'i mig dang gzhan gyi sems shes pa dag gis mthong nas de 'di snyam du lus kyis nyes par spyad pa yod do//lus kyis nyes par spyad pa'i rnam par smin pa yod do/ /ngag dang yid kyi nyes par spyad pa yod do//ngag dang yid kyis nyes par spyad pa'i rnam par smin pa yod do/ /sems can 'di srog gcod pa dang ma bral bar gyur pa nas log par lta bas 'bags shing ma bral ba'i bar du gyur la lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes pa ngas mthong ngo //gzhan dag kyang srog gcod pa dang ma bral ba nas/ log par lta bas 'bags shing ma bral ba'i bar du gyur na ngan song ngan 'gro log par ltung ba sems can dmyal ba rnams su skye bar 'byung bar 'gyur te/ 'di ltar lta ba ni yang dag pa'i lta ba ste/gzhan ni log pa'o zhes dge sbyong ngam bram ze de dag ji ltar mthong ba dang ji ltar rig pa'i stobs kyis rnam par dpyad de/ 'di nyid bden gyi gzhan ni gti mug pa'o zhes rjes su tha snyad 'dogs par byed do/ /kun dga' bo de la srog gcod pa dang bral bar gyur pa nas log par lta bas ma 'bags shing bral bar gyur pa dag lus zhig ste shi ba'i 'og tu bde 'gro mtho ris kyi 'jig rten du skyes par gyur pa dag phyi rol mu stegs byed kyi dge sbyong ngam bram ze lha'i mig dang gzhan gyi sems rig pas mthong nas/de 'di snyam du lus kyis legs par spyad pa yod do//lus kyis legs par spyad pa'i rnam par smin pa yod do/ /ngag dang yid kyis legs par spyad pa yod do/ /ngag dang yid kyis legs par spyad pa'i rnam par smin pa yod do/ /sems can 'di srog gcod pa dang bral bar gyur pa nas log par lta bas ma 'bags shing bral bar gyur pas lus zhig ste shi ba'i 'og tu bde 'gro mtho ris kyi 'jig rten du skyes pa bdag gis mthong ste/gzhan dag srog gcod pa dang bral ba nas/ log par lta ba'i bar gyis ma 'bags shing bral ba'i bar du gyur na bde 'gro mtho ris kyi 'jig rten du skye ba dag 'byung bar 'gyur te/'di ltar lta ba ni yang dag pa'i lta ba ste/ gzhan ni log pa'o zhes dge sbyong ngam bram ze de dag ji ltar mthong ba dang / ji ltar rig pa'i stobs kyis rnam par dpyad de 'di nyid bden gyi gzhan ni gti mug pa'o zhes rjes su tha snyad 'dogs par byed do//kun dga' bo de la dge sbyong ngam bram ze gang zhig lus kyi nyes par spyad pa med do/ lus kyis nyes par spyad pa'i rnam par smin pa med do/ /ngag dang yid kyis nyes par spyad pa med do/ /ngag dang yid kyis nyes par spyad pa'i rnam par smin pa med do zhes 'di ltar lta zhing 'di skad du smra ba de dag ngas rjes su ma gnang ngo //gang yang sems can 'di srog gcod pa dang ma bral ba nas/ log par lta ba'i bar gyis 'bags shing ma bral bar gyur la lus zhig ste shi ba'i 'og tu bde 'gro mtho ris kyi 'jig rten du skyes par gyur pa bdag gis mthong ngo zhes zer ba 'di yang ngas rjes su ma gnang ngo //gang yang 'di skad du gzhan yang srog gcod pa dang ma bral ba nas/ log par lta bas 'bags shing ma bral bar gyur kyang bde 'gro mtho ris kyi 'jig rten du skye bar 'gyur zhes zer ba 'di yang ngas rjes su ma gnang ngo //gang yang 'di skad du gang 'di ltar mthong ba ni yang dag pa ste/ gzhan ni log pa'i shes pa'o zhes zer ba de yang ngas rjes su ma gnang ngo / /gang yang dge sbyong ngam/ bram ze de dag ji ltar mthong ba dang ji ltar rig pa'i stobs kyis rnam par dpyad nas 'di nyid bden gyi/ gzhan ni gti mug pa'o zhes rjes su tha snyad 'dogs par byed pa 'di yang ngas rjes su ma gnang ngo //kun dga' bo de ci'i phyir zhe na/ de bzhin gshegs pas skyes bu de'i dbang po dang shes pa rnam pa gzhan du mkhyen cing ma 'ongs pa'i chos kun 'byung ba dag rnam pa gzhan du mkhyen pa'i phyir ro//kun dga' bo de la des dge sbyong ngam/ bram ze gzhan zhig lus kyis legs par spyad pa med do/ /lus kyis legs par spyad pa'i rnam par smin pa med do/ /ngag dang yid kyis legs par spyad pa med do/ /ngag dang yid kyis legs par spyad pa'i rnam par smin pa med do zhes 'di ltar lta zhing 'di skad du smra ba 'di yang ngas rjes su ma gnang ngo //gang yang 'di skad du sems can 'di ni srog gcod pa dang bral bar gyur [(]ba [,]pa [)]nas/ log par lta ba'i bar gyis ma 'bags shing bral bar gyur la lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes pa ngas mthong ngo zhes zer ba 'di yang ngas rjes su ma gnang ngo //gang yang 'di skad du gzhan dag kyang srog gcod pa dang ma bral ba nas log par lta ba'i bar gyis ma 'bags shing bral bar gyur kyang ngan song ngan 'gro log par ltung ba sems can dmyal ba rnams su skye bar 'gyur ro zhes zer ba 'di yang ngas rjes su ma gnang ngo //gang yang 'di skad du gang 'di ltar mthong ba ni yang dag par mthong ba ste/ gzhan ni log pa'i shes pa'o zhes zer ba 'di yang ngas rjes su ma gnang ngo / /gang yang dge sbyong ngam bram ze de dag ji ltar mthong ba dang ji ltar rig pa dang stobs kyis rnam par dpyad na 'di nyid bden gyi/gzhan ni gti mug pa'o zhes rjes su tha snyad 'dogs par byed pa 'di yang ngas rjes su ma gnang ste/ kun dga' bo de ci'i phyir zhe na/ de bzhin gshegs pas skyes bu de'i dbang po dang rnam par shes pa rnam pa gzhan du mkhyen cing ma 'ongs pa'i chos kun 'byung ba dag rnam pa gzhan du mkhyen pa'i phyir ro//kun dga' 'o de la dge sbyong ngam bram ze de dag go lus kyis nyes par spyad pa med do/ /lus kyis nyes par spyad pa'i rnam par smin pa med do/ /ngag dang yid kyis nyes par spyad pa med do/ /ngag dang yid kyis nyes par spyad pa'i rnam par smin pa med do zhes 'di ltar lta zhing 'di skad smra ba de yang ngas rjes su ma gnang ngo //gang yang 'di skad du srog gcod pa dang ma bral ba nas/ log par lta ba'i bar gyis 'bags shing ma bral ba dag lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro zhes zer ba 'di ni ngas rjes su ma gnang ngo //gang yang 'di skad du gzhan yang srog gcod pa dang bral bar gyur pa nas log par lta bas ma 'bags shing bral bar gyur pa'i bar dag ngan song ngan 'gro log par ltung ba sems can dmyal ba rnams su skye bar 'gyur ba dag 'byung bar 'gyur ro zhes zer ba 'di yang ngas rjes su ma gnang ngo //gang yang 'di skad du 'di ltar mthong ba de ni yang dag par mthong ba ste/ gzhan ni log pa'i shes pa'o zhes zer ba 'di yang ngas rjes su ma gnang ngo / /gang yang dge sbyong ngam bram ze de dag ji ltar mthong ba dang ji ltar rig pa'i stobs kyis rnam par dpyad de/'di nyid bden gyi gzhan ni gti mug pa'o zhes rjes su tha snyad [(]'dags [,]'dogs [)]par byed pa 'di yang ngas rjes su ma gnang ngo / /kun dga' bo de ci'i phyir zhe na/ de bzhin gshegs pas skyes bu de'i dbang po dang rnam par shes pa gzhan du mkhyen cing ma 'ongs pa'i chos kun 'byung ba yang rnam pa gzhan du mkhyen pa'i phyir ro//kun dga' bo de la dge sbyong ngam/ bram ze gang dag lus kyis legs par spyad pa yod do/ /lus kyis legs par spyad pa'i rnam par smin pa yod do//ngag dang yid kyis legs par spyad pa yod do/ /ngag dang yid kyis legs par spyad pa'i rnam par smin pa yod do zhes 'di ltar lta zhing 'di skad smra ba de dag ngas rjes su gnang ngo / /gang yang de 'di skad du sems can 'di srog gcod pa dang bral ba nas/ log par lta bas ma 'bags shing bral ba'i bar du gyur pa dag lus zhig ste shi ba'i 'og tu bde 'gro mtho ris kyi 'jig rten du skye bar 'gyur ba dag ngas mthong ngo zhes zer ba 'di yang ngas rjes su gnang ngo //gang yang 'di skad du gzhan dag kyang srog gcod pa dang bral ba nas/ /log par lta bas ma 'bags shing bral bar gyur na de thams cad lus zhig ste shi ba'i 'og tu bde 'gro mtho ris su skye bar 'gyur ro zhes zer ba de yang ngas rjes su gnang ngo //gang yang 'di skad du 'di ltar mthong ba de ni yang dag par mthong ba ste/ gzhan ni log pa'i shes pa'o zhes zer ba de dag ngas rjes su gnang ngo //gang yang dge sbyong ngam bram ze de dag ji ltar mthong ba dang ji ltar rig pa'i stobs kyis rnam par 'byed de/ 'di nyid bden gyi gzhan ni gti mug pa'o zhes zer ba de yang ngas rjes su gnang ste/ de ci'i phyir zhe na/ de bzhin gshegs pas skyes bu de'i dbang po dang /rnam par shes pa gzhan du mkhyen cing ma 'ongs pa'i chos kun 'byung ba yang rnam pa gzhan du mkhyen pa'i phyir ro/ /kun dga' bo de la srog gcod pa dang ma bral bar gyur pa nas log par lta bas 'bags shing ma bral bar gyur pa dag lus zhig ste shi ba'i 'og tu bde 'gro mtho ris kyi 'jig rten du skye bar 'gyur ba yin nam/de'i rgyu dang de'i rkyen gyis bde 'gro mtho ris kyi 'jig rten du skyes pa ma yin gyi/ 'on kyang 'dis sngon dge ba'i las byas shing bsags la ldan pa de nyid rkyen te/ 'chi ba'i dus na yang dag pa'i lta ba dang lhan cig par gyur pa'i dge ba'i chos sems dang sems las byung ba'i chos rnams rnyed par 'gyur te/de'i rgyu dang de'i rkyen gyis lus zhig ste shi ba'i 'og tu bde 'gro mtho ris kyi 'jig rten du skye bar 'gyur ba yin no/ /gzhan yang gang zhig sdig pa mi dge ba'i las byas shing nye bar bsags pa de dag ni rnam grangs gang gis kyang so sor mi myong ba ma yin no zhes nga smra'o//de yang mthong ba'i chos la'am/ skyes nas sam/ lan grangs gzhan la'o/ /kun dga' bo de bzhin gshegs pas skyes bu gang zag 'di'i dbang po dang shes pa 'di ltar mkhyen cing ma 'ongs pa'i chos kun 'byung ba dag 'di ltar mkhyen to//kun dga' bo de la srog gcod pa dang bral bar gyur pa nas/ log par lta bas ma 'bags shing bral bar gyur pa'i bar dag lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba yin no//'di de'i rgyu dang de'i rkyen gyis lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes pa ma yin gyi/ 'on kyang 'dis sngon mi dge ba'i las byas shing bsags la ldan pa de nyid rkyen yin te/'chi ba'i dus na log pa'i lta ba dang / lhan cig par gyur pa'i mi dge ba'i sems dang sems las byung ba'i chos rnams rnyed par 'gyur te/ de'i rgyu dang de'i rkyen gyis lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes pa'o//gzhan yang gang sdig pa mi dge ba'i las byas shing nye bar bsags pa de dag ni rnam grangs gang gis kyang rnam par smin pa so sor mi myong ba ma yin no zhes nga smra'o/ /de yang mthong ba'i chos la'am/ skyes nas sam/ lan grangs gzhan la ste/kun dga' bo de bzhin gshegs pas skyes bu gang zag 'di'i dbang po dang rnam par shes pa 'di ltar mkhyen cing ma 'ongs pa'i chos kun 'byung ba 'di ltar mkhyen to/ /kun dga' bo de la srog gcod pa dang ma bral bar gyur cing ma byin par len pa dang / brdzun du smra ba dang /phra ma dang / tshig rtsub mo dang / tshig 'khyal pa dang / brnab sems dang / gnod sems dang / log par lta bas 'bags shing ma bral bar gyur pa dag ngan song ngan 'gro log par ltung ba sems can dmyal ba rnams su skye bar 'gyur ba de dag ni de'i rgyu dang de'i rkyen gyis lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes par gyur pa yin te/de bzhin gshegs pas skyes bu gang zag 'di'i dbang po dang rnam par shes pa 'di ltar mkhyen cing ma 'ongs pa'i chos kyi kun 'byung ba 'di ltar mkhyen to//kun dga' bo de la srog gcod pa dang bral bar gyur cing ma byin par len pa dang / brdzun du smra ba dang / phra ma dang / tshig rtsub mo dang / tshig 'khyal pa dang / brnab sems dang / gnod sems dang / log par lta bas ma 'bags shing bral bar gyur pa dag lus zhig ste shi ba'i 'og tu bde 'gro mtho ris kyi 'jig rten du skye bar 'gyur ba de dag ni de'i rgyu dang de'i rkyen gyis lus zhig ste shi ba'i 'og tu bde 'gro mtho ris kyi 'jig rten du skyes pa yin te/kun dga' bo de bzhin gshegs pas skyes bu gang zag 'di'i dbang po dang rnam par shes pa 'di ltar mkhyen cing ma 'ongs pa'i chos kun 'byung ba 'di ltar mkhyen to//kun dga' bo gang zag ni bzhi po 'di dag ste/ bzhi gang zhe na/ gsor mi rung ba rung bar snang ba dang / gsor rung ba mi rung bar snang ba dang / gsor mi rung ba la gsor mi rung bar snang ba dang /gsor rung ba la gsor rung bar snang ba dang zhes gsungs so/ /ji skad du tshangs pa'i dra ba las sngon gyi mthar rtogs pa'i rtag par smra ba rnams dang / phyogs gcig rtag par smra ba dang / rgyu med pa las kun du 'byung bar smra ba las 'dod chags dang bral ba rnams la 'dod pa'i khams la dmigs pa'i lta ba kun du 'byung bar gsungs zhes bya ba la/tshul khrims kyi phung po'i mdo'i mtha' las 'byung ba mdzod kyi gnas gsum par lta ba drug cu rtsa gnyis ni ji ltar tshangs pa'i dra ba las 'byung ba bzhin te zhes bya ba der bris par zad do//'jig tshogs ni nye bar len pa'i phung po lnga'o zhes bya ba la/ gleng gzhi ni mnyan du yod pa na'o/ /dge slong dag 'jig tshogs la lta ba dang / 'jig tshogs kun 'byung ba dang / 'jig tshogs 'gog pa dang / 'jig tshogs 'gog par 'gyur ba'i lam dag bstan par byas/de legs par nyon la yid la zung shig dang bshad par bya'o/ /'jig tshogs gang zhe na/ nye bar len pa'i phung po lnga rnams te/ lnga gang zhe na/ gzugs nye bar len pa'i phung po dang / tshor ba dang / 'du shes dang / 'du byed dang /rnam par shes pa nye bar len pa'i phung po'o/ /'jig tshogs kun 'byung ba gang zhe na/ dga' ba'i 'dod chags dang lhan cig par gyur pa'i sred pa yang srid par kun 'byung bar byed pa de dang de la mngon par dga' ba'o/ /'jig tshogs 'gog pa gang zhe na/ gang gi tshe 'di'i dga' ba'i 'dod chags dang lhan cig par gyur pa'i sred pa yang srid par kun 'byung bar byed pa de dang de la mngon par dga' ba dag ma lus par spangs shing nges par spangs pa zad pa 'dod chags dang bral ba 'gog pa nye bar zhi ba nub par gyur pa'o//'jig tshogs 'gog par 'gro ba'i lam gang zhe na/'phags pa'i lam yan lag brgyad de/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin no/ /dge slong dag 'jig tshogs dang / 'jig tshogs kun 'byung ba dang / 'jig tshogs 'gog pa dang / 'jig tshogs 'gog par 'gro ba'i lam dag bstan par bya'o zhes ngas ji skad du bshad pa de rgyas par rab tu bshad do zhes gsungs te/chos sbyin gyi mdor don 'di nyid tshig dang / yi ge dang / nges pa'i tshig gzhan gyis bshad do/ /dge slong dag dge sbyong ngam bram ze gang cung zad bdag go zhes yang dag par rjes su lta zhing yang dag par rjes su mthong ba de thams cad ni nye bar len pa'i phung po lnga rnams la bdag go zhes yang dag par rjes su lta ste/lnga gang zhe na/ dge sbyong ngam bram ze de dag gzugs bdag yin no/ /gzugs bdag dang ldan no/ /bdag la gzugs yod do/ /gzugs la bdag yod do zhes yang dag par rjes su lta zhing yang dag par rjes su lta'o//dge sbyong ngam/ bram ze de dag tshor ba dang / 'du shes dang / 'du byed dang / rnam par shes pa bdag yin no/ /rnam par shes pa bdag dang ldan no/ /bdag la rnam par shes pa yod do/ /rnam par shes pa la bdag yod do zhes yang dag par rjes su lta zhing yang dag par rjes su lta'o//dge slong dag byis pa so so'i skye bo thos pa dang mi ldan pa dag bdag go zhes yang dag par rjes su lta ste/ bdag gam/ bdag go zhes bya ba ni mi mkhas pa rnams yin no/ /nga'i zhes bya ba dang /nga'i ma yin no zhes yang dag par rjes su mthong ba dang ma bral na bdag ces mthong ba dang ma bral bas dbang po rnams 'pho zhing reg ste/ dge slong dag reg pa'i skye mched drug po 'di dag gang yang rung ba zhig gi reg pas reg pa'i byis pa so so'i skye bo thos pa dang mi ldan pa dag bde ba dang /sdug bsngal myong zhing nye bar len te/ drug gang zhe na/ mig gi 'dus te reg pa'i skye mched dang / rna ba dang / sna dang / lce dang / lus dang / yid kyi 'dus te reg pa'i skye mched de/ dge slong dag yid kyi khams dang / chos dang ma rig pa'i khams yod de/dge slong dag ma rig pa'i 'dus te reg pas reg nas byis pa so so'i skye bo thos pa dang mi ldan pa rnams la nga'i zhes bya ba dang / nga'i ma yin zhes bya ba dang / bdag 'di na zhes bya ba dang / bdag bzang ngo zhes bya ba dang / bdag ngan no zhes bya ba dang / bdag dang 'dra'o zhes bya ba tshor bar 'gyur ro//ma mthong ngo zhes bya ba dang / ma shes zhes bya ba myong bar 'gyur zhing dge slong dag reg pa'i skye mched drug la gnas par 'gyur ro/ /gzhan yang 'phags pa nyan thos thos pa dang mi ldan zhing ma rig pa dang bral zhing rig pa skyes pa dag ma rig pa dang bral zhing rig pa skyes pas nga'o zhes bya ba dang /nga'i ma yin no zhes bya ba dang / bdag 'di na zhes bya ba dang / bdag bzang ngo zhes bya ba dang / bdag ngan no zhes bya ba dang / bdag dang 'dra'o zhes bya bar tshor bar mi 'gyur zhing ma mthong ngo zhes bya ba dang / ma shes so zhes bya bar tshor bar mi 'gyur zhing gnas so//de ltar shes shing de ltar mthong ba de sngon gyi ma rig pa'i 'dus te reg pa'i tshor ba dag 'gags pa dang nub par gyur cing rig pa'i reg pas/ tshor ba phyi ma dag skye zhing 'byung bar 'gyur ro zhes gsungs so/ /phyin ci log ni rnam pa bzhi ste zhes bya ba la/gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag bzhi po 'di dag ni sems can rnams kyi sems phyin ci log gis phyin ci log tu byed pa ste/ sems can rnams kyi sems phyin ci log dang /'du shes phyin ci log dang / lta ba phyin ci log tu byed pa dru bu 'dzings pa lta bu thags 'dzings pa lta bu skye zhing 'jig pa rtswa muny+dza dang bal ba dza lta bu skye zhing 'jig pa 'jig rten 'di nas 'jig rten pha rol du nying mtshams sbyor bar byed pa/ pha rol nas 'dir nying mtshams sbyor zhing 'khor la 'khor bar 'jug par byed pa dag go /bzhi gang zhe na/ mi rtag pa la rtag go zhes sems can rnams 'du shes phyin ci log dang / sems phyin ci log dang / lta ba phyin ci log ste/ phyin ci log 'dis sems can rnams kyi sems phyin ci log tu byed pa dru bu 'dzings pa lta bu/thags 'dzings pa lta bu/ rtswa muny+dza dang bal ba dza lta bu skye zhing 'jig pa 'jig rten 'di nas 'jig rten pha rol du nying mtshams sbyor ba pha rol nas 'dir nying mtshams sbyor zhing 'khor la 'khor bar 'jug par byed pa dag go/ /sdug bsngal ba la bde ba'o zhes bya ba dang mi gtsang ba la gtsang ngo zhes bya ba dang /bdag med pa la bdag go zhes bya ba sems can rnams kyi sems phyin ci log dag gis phyin ci log tu byed pa ste/ sems can rnams kyi sems phyin ci log dang lta ba phyin ci log tu byed pa dru bu 'dzings pa lta bu rtswa muny+dza dang bal ba dza lta bu skye zhing 'jig pa 'jig rten 'di nas 'jig rten pha rol du nying mtshams sbyor bar byed pa pha rol nas 'dir nying mtshams sbyor zhing 'khor la 'khor bar 'jug par byed pa dag go//gang gi tshe de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du byung ba de'i tshe 'di ni sdug bsngal 'phags pa'i bden pa zhes chos ston par 'gyur zhing /'di ni sdug bsngal kun 'byung ba/ /'di ni sdug bsngal 'gog pa/ 'di ni sdug bsngal 'gog par 'gro ba'i lam mo zhes chos ston par 'gyur te/ dge slong dag gang de bzhin gshegs pa dgra bcom pa yang dag par rdzogs pa'i sangs rgyas rnams 'di ni sdug bsngal 'phags pa'i bden pa'o zhes chos ston pa thos shing /'di ni sdug bsngal kun 'byung ba/ /'di ni sdug bsngal 'gog pa/ 'di ni sdug bsngal 'gog par 'gro ba'i lam mo zhes chos ston pa mthong ba de dag mi rtag pa la rtag go zhes 'du shes phyin ci log dang /sems phyin ci log dang / lta ba phyin ci log spong bar 'gyur zhing / sdug bsngal ba la bde ba'o zhes bya ba dang / mi gtsang ba la gtsang ngo zhes bya ba dang / bdag med pa la bdag go zhes bya ba 'du shes phyin ci log dang /sems phyin ci log dang / lta ba phyin ci log dag spong bar 'gyur ro/ /sems can mi rtag rtag 'du shes/ /sdug bsngal ba la bder 'du shes/ /bdag med pa la bdag dang ni/ /mi gtsang gtsang ba'i 'du shes can/ /phyin ci log gyur sems can rnams//sems g.yengs 'du shes bral bar gyur/ /de dang ldan pa'i skye bo rnams/ /yid mi bde ba nyid mi 'gyur/ /be'u dag ma yi phyir 'brang ba/ /skye dang rga ba'i rjes su 'jug /gang tshe 'jig rten rdzogs sangs rgyas/ /lha mi phan par bzhed pa po/ /spyan ldan nyon mongs las rgal ba//de bzhin gshegs rnams byung ba na/ /sdug bsngal sdug bsngal 'gog pa dang / /sdug bsngal kun du 'byung ba dang / /sdug bsngal yang dag 'da' ba yi/ /zhi ba mya ngan 'das 'gro ba'i/ /'phags lam yan lag brgyad pa dag/ sdug bsngal thams cad 'gog pa'i chos//nye bar ston byed de yi tshe/ /mi rtag mi rtag nyid du mthong / /sdug bsngal sdug bsngal nyid mthong ste/ /bdag med pa la bdag med dang / /mi gtsang mi gtsang nyid du rtogs/ /de ni 'grub bde thob 'gyur zhing / /mthong ba'i chos la mya ngan 'das/ / 'jigs pa thams cad las rgal zhing / /sred pa kun dang bral bar 'gyur/ /zhes gsungs so/ /mdo las kyang ji skad du zhes bya ba la/ /gleng gzhi ni mnyan du yod pa na'o/ /dge slong dag bzhi po 'di dag ni 'phags pa'i bden pa rnams te/ bzhi gang zhe na/ sdug bsngal 'phags pa'i bden pa dang //sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa'o/ /gang yang 'phags pa nyan thos thos pa dang ldan pa sdug bsngal 'phags pa'i bden pa'o zhes yang dag pa ji lta ba bzhin rab tu shes shing 'di ni sdug bsngal kun 'byung ba/'di ni sdug bsngal 'gog pa/ 'di ni sdug bsngal 'gog par 'gro ba'i lam mo zhes yang dag pa ji lta ba bzhin rab tu shes te/ des de'i tshe mi rtag pa la rtag go zhes 'du shes phyin ci log dang / sems phyin ci log dang /lta ba phyin ci log de dag spong bar byed do/ /sdug bsngal ba la bde ba'o zhes bya ba dang / mi gtsang ba la gtsang ba'o zhes bya ba dang / bdag med pa la bdag go zhes 'du shes phyin ci log dang / sems phyin ci log dang / lta ba phyin ci log pa dag spong bar byed do zhes gsungs so//gang yang mdo las gnas brtan kun dga' bos 'phags pa ngag gi dbang phyug gi dbang du mdzad nas zhes bya ba la gleng gzhi ni mnyan du yod pa na'o/ /de nas tshe dang ldan pa kun dga' bo snga dro chos gos dang lhung bzed thogs nas phyi bzhin 'brang ba'i dge sbyong tshe dang ldan pa ngag gi dbang phyug dang lhan cig mnyan yod du bsod snyoms kyi phyir zhugs so//de nas tshe dang ldan pa ngag gi dbang phyug gis bud med kyi tshogs gzhon nu ma kha dog dang ldan pa dga' dga' lta bu gzhan dang gzhan dag mthong nas 'dod chags kyi sems skyes te/de nas tshe dang ldan pa ngag gi dbang phyug 'di snyam du bdag gis bud med kyi tshogs gzhon nu ma kha dog dang ldan pa dga' dga' lta bu gzhan dang gzhan dag mthong nas chags pa'i sems skyes pa ni bdag gis ma rnyed cing rnyed pa ma yin la ngan pa rnyed kyis bzang po ma rnyed do snyam du rig nas/tshe dang ldan pa kun dga' bo la 'di skad ces smras so/ /'dod pa'i 'dod chags zil non pas/ /sems ni yongs su gdungs par gyur/ /gau tam bdag la thugs brtse bas/ /nye bar zhi ba'i thabs gsungs shig /'du shes phyin ci log pa yis//khyod kyi sems ni yongs su gdungs/ /sdug pa'i mtshan mar 'dzin spangs nas/ /'dod chags nye bar spong bar 'gyur/ /mi sdug bsgom la rtag tu khyod/ /rtse gcig legs par 'jog par gyis/ /mi sdug me yis skams nas ni/ /yang dang yang du sreg mi 'gyur//'du byed dman pa nyid dang ni/ /de bzhin sdug bsngal bdag med mthong / /lus su gtogs pa dran byas nas/ /shin tu skyo ba mang bar 'gyur/ /mtshan ma med pa bsgom byas nas/ /nga rgyal phra rgyas zhi bar 'gyur/ /de nas nga rgyal mngon rtogs nas//sdug bsngal tha mar byed par 'gyur/ /zhes gsungs so/ /phyi rol pa'i lta bar gyur pa rnams kyi nang na 'di nyid mchog yin te zhes bya ba la/ gleng gzhi ni mnyan du yod pa na'o/ /dge slong dag ngas mchog tu gdags pa bcu bshad par bya ste/ de legs par nyon la yid la zung shig dang bshad par bya'o//mchog tu gdags pa bcu gang zhe na/ ko sa la'i rgyal po sde rab tu pham byed ji srid du rang gi sa las rnam par rgyal te/ ko sa la'i rgyal po sde rab tu pham byed ces gang du btags nas grags pa 'jug pa ste/ sems can de dag rnams las ko sa la'i rgyal po mchog ces bya ste/ko sa la'i rgyal po sde rab tu pham byed de yang mi rtag pa yongs su 'gyur ba gzhan du srid pa ste/ 'phags pa nyan thos thos pa dang ldan pa dag 'di ltar rig nas de'i phyir skyo bar 'gyur zhing de la 'dod chags dang bral ba dang /'dod chags dang bral ba de las grol ba dang rnam par grol bar 'gyur te/ mchog la yang skyo bar 'gyur na dman pa la lta smos kyang ci zhig dgos te/ 'di ni mchog tu gdags pa dang po'o/ /ji srid du nyi mas mun pa 'phrog cing phyogs snang bar byed pa de srid du stong gi 'jig rten zhes bya ste nyi ma stong dang zla ba stong dang ri'i rgyal po ri rab stong dang /shar gyi lus 'phags stong dang / nub kyi ba lang spyod stong dang / byang gi sgra mi snyan stong dang / lho'i 'dzam bu gling stong dang / rgyal po chen po bzhi'i ris kyi lha stong dang / sum cu rtsa gsum dang 'thab bral dang /dga' ldan dang / 'phrul dga' dang / gzhan 'phrul dbang byed stong rnams dang / tshangs pa'i 'jig rten stong rnams te/ 'di ni stong gi spyi phud kyi 'jig rten gyi khams zhes bya ste/ stong spyi phud kyi 'jig rten gyi khams de dag las tshangs pa stong gi bdag po ni mchog ces brjod par bya'o//tshangs pa stong gi bdag po de yang mi rtag pa/ yongs su 'gyur ba zhes bya ba nas/ snga ma bzhin du dman pa la lta smos kyang ci dgos te/ 'di ni mchog tu gdags pa gnyis pa'o zhes bya ba'i bar du'o/ /dge slong dag 'jig rten 'di 'jig par 'gyur ba'i dus yod de/'jig rten 'jig pa na sems can phal cher 'od gsal gyi lha'i ris su skye bar 'gyur te/ de dag de na gzugs can yid las byung ba dbang po ma nyams shing tshang ba/ yan lag dang nying lag thams cad dang ldan pa/ kha dog dang dbyibs legs pa/rang gi 'od can/ nam mkha' la 'gro ba/ /dga' ba za zhing dga' ba'i zas can/ tshe ring zhing yun ring du gnas te/ 'od gsal gyi lha'i ris su skyes nas ring du ma lon pa'i lha de dag las 'od gsal gyi lha'i ris su skyes pa de dag mchog ces brjod par bya'o//'od gsal gyi lha'i ris su sngar skyes pa de rnams kyang mi rtag pa yongs su 'gyur ba zhes bya ba nas snga ma bzhin du dman pa la lta smos kyang ci dgos te 'di ni mchog tu gdags pa gsum pa'o/ /lam ni rnam pa bzhi ste/ mngon par shes pa bul la dka' ba'i lam yang yod/mngon par shes pa myur la dka' ba'i lam yang yod/ mngon par shes pa bul la sla ba'i lam yang yod/ mngon par shes pa myur la sla ba'i lam yang yod de/ de dag las mngon par shes pa myur la sla ba'i lam 'di ni mchog ces brjod par bya ste/de bzhin du sgrub pa'i sems can rnams kyang mi rtag pa yongs su 'gyur ba zhes bya ba nas/ snga ma bzhin du dman pa la lta smos kyang ci dgos te/ 'di ni mchog tu gdags pa bzhi pa'o/ /'du shes ni rnam pa bzhi ste/ chung ngu dang lhan cig skye ba dang / rgya chen po dang /tshad med pa dang / cung zad med do zhes cung zad med pa dang lhan cig skyes pa'i 'du shes so/ /de dag las gang 'du shes ni cung zad kyang med do zhes cung zad med pa dang lhan cig skyes pa'i 'du shes ni 'du shes 'di dag las mchog ces brjod par bya zhing / de bzhin du 'du shes med pa'i sems can de yang mi rtag pa yongs su 'gyur ba zhes bya ba dang /snga ma bzhin du dman pa la lta smos kyang ci dgos zhes bya ba'i bar du ste/ 'di ni mchog tu gdags pa lnga pa'o/ /zil gyis gnon pa'i skye mched ni rnam pa brgyad de/ brgyad gang zhe na/ nang gzugs su 'du shes pas phyi rol gyi gzugs [(]cung [,]chung [)]ngu kha dog bzang po dang kha dog [(]dan [,]ngan [)]pa rnams la lta ba na gzugs de dag zil gyis mnan te shes/ zil gyis mnan te mthong zhing 'di lta bu'i 'du shes can du gyur pa ste/ 'di ni zil gyis gnon pa'i skye mched dang po'o zhes sngar mdzod kyi gnas dang por bshad pa bzhin no//de dag las gang gzugs med par 'du shes par phyi rol gyi gzugs dkar po dkar po lta bur ston pa 'od dkar po 'byung ba 'di lta ste/ skar ma pa bsangs lta bu ste/ zil gyis gnon pa'i skye mched de dag las zil gyis gnon pa'i skye mched 'di ni mchog ces brjod do//de bzhin du zil gyis gnon pa'i sems can de yang mi rtag pa yongs su 'gyur ba zhes bya ba nas/ snga ma bzhin du dman pa la lta smos kyang ci dgos zhes bya ba'i bar du ste/ 'di ni mchog tu gdags pa drug pa'o/ /zad par gyi skye mched ni rnam pa bcu ste/bcu gang zhe na/ zad par sa dang lhan cig skyes pa steng dang 'og dang logs su gnyis med cing tshad med pa zhes bya ba nas/ snga ma bzhin du zad par rnam par shes pa'i bar du ste/ zad par gyi skye mched de dag las rnam shes mtha' yas skye mched kyi zad par gyi steng dang 'og dang logs su gnyis med cing tshad med pa zhes bya ba'i bar gyi skye mched 'di ni mchog ces brjod par bya'o//de bzhin du zad par gyi skye mched de la snyoms par zhugs pa'i sems can rnams kyang mi rtag pa yongs su 'gyur ba zhes bya ba nas/ snga ma bzhin du dman pa la lta smos kyang ci dgos zhes bya ba'i bar du ste/'di ni mchog tu gdags pa bdun pa'o/ /phyi rol pa'i lta bar gyur pa rnams kyi nang na mchog ni bdag 'byung bar ma gyur cig /bdag gi 'byung bar ma gyur cig ces bya ba 'di nyid mchog yin te/ de bzhin du lta bar gyur pa'i sems can rnams kyang mi rtag pa yongs su 'gyur ba zhes bya ba nas/snga ma bzhin du dman pa la lta smos kyang ci dgos zhes bya ba'i bar du ste/ 'di ni mchog tu gdags pa brgyad pa'o/ /phyi rol pa'i gtsang zhing dag par smra ba rnams kyi nang na mchog ni 'di yin te/ 'di lta ste/ mchog tu dag par smra bar btags pa srid pa'i rtse mo ste/ 'du shes med 'du shes med min skye mched kyi 'du byed lhag ma'o/ /de bzhin du yongs su dag pa'i sems can de yang mi rtag pa yongs su 'gyur ba zhes bya ba nas/ snga ma bzhin du dman pa la lta smos kyang ci dgos zhes bya ba'i bar du ste/'di ni mchog tu gdags pa dgu pa'o/ /mthong ba'i chos la mya ngan las 'das pa rnams kyi nang na mchog ni 'di lta ste/ mthong ba'i chos la mya ngan las 'das par btags pa reg pa'i skye mched drug ma lus par spangs pa/ nges par spangs pa/byang bar gyur pa/ zad pa/ 'dod chags dang bral ba 'gog pa/ nye bar zhi ba/ nus pa ste/ de bzhin du mya ngan las 'das pa'i sems can de yang mi rtag pa yongs su 'gyur zhes bya ba nas/ snga ma bzhin du dman pa la lta smos kyang ci dgos zhes bya ba'i bar du ste/ 'di ni mchog tu gdags pa bcu pa'o zhes gsungs so//bar sdom la/ sde rab pham byed tshangs pa dang / /'od gsal lam du 'du shes dang / /zil gnon zad par skye mched dang / /lta ba rnam dag mya ngan 'das/ /gang yang mdo las lung du ma bstan pa'i dngos po bcu bzhi 'byung zhes bya ba la/lung ring po'i mdo dgu pa las dge slong dag gzhan mu stegs can kun du rgyu dag 'di skad du khyed cag gi dge sbyong gau ta ma 'jig rten rtag go zhes bya ba 'di nyid bden gyi gzhan ni gti mug pa'o zhes bya ba dang / mi rtag go zhes bya ba dang / rtag kyang rtag la mi rtag kyang mi rtag ces bya ba dang /rtag pa yang ma yin mi rtag pa yang ma yin zhes bya ba dang / mtha' dang bcas pa dang / mtha' med pa dang / mtha' dang bcas pa yang yin la mtha' med pa yang yin zhes bya ba dang / mtha' dang bcas pa yang ma yin mtha' med pa yang ma yin zhes bya ba dang /lus de nyid srog ces bya ba dang / lus las srog de gzhan no zhes bya ba dang / de bzhin gshegs pa grongs nas yod ces bya ba dang / de bzhin gshegs pa grongs nas med ces bya ba dang / de bzhin gshegs pa grongs nas yod kyang yod la/med kyang med ces bya ba dang / de bzhin gshegs pa grongs nas yod pa yang ma yin med pa yang ma yin zhes bya ba ji ltar lung ston par byed ces 'dri bar 'gyur ba'i gnas yod do/ /de la ma yin no zhes brjod par bya'o/ /dge slong dag gang gi tshe gzhan mu stegs can kun du rgyu dag 'di skad du ci'i phyir/khyed cag dge sbyong gau ta mas chos 'di dag phyogs gcig tu lung ma bstan ces 'dri na 'di skad du brjod par bya ste/ 'di dag ni don la nye bar mi mkho ba/ chos la nye bar mi mkho ba/ tshangs par spyod pa la nye bar mi mkho ba/ mngon par shes pa dang /mngon par rtogs pa dang / mya ngan las 'das pa mi sgrub pa ste/ de'i phyir bcom ldan 'das kyis cha gcig tsam yang lung ma bstan to zhes brjod par bya'o/ /dge slong dag gzhan mu stegs can gyi kun du rgyu dag 'di skad du khyed cag gi dge sbyong gau ta mas gzhan cha shas ci zhig lung bstan ces 'dri na 'di skad du brjod par bya ste/bcom ldan 'das kyis 'di ni sdug bsngal 'phags pa'i bden pa'o zhes phyogs gcig tu lung bstan to/ /'di ni sdug bsngal kun 'byung / 'di ni sdug bsngal 'gog pa/ 'di ni sdug bsngal 'gog par 'gro ba'i lam 'phags pa'i bden pa'o zhes bcom ldan 'das kyis phyogs gcig tu lung bstan to zhes brjod par bya'o//dge slong dag gzhan mu stegs kun du rgyu dag 'di skad du ci'i phyir khyed cag gi dge sbyong gau ta mas chos 'di dag phyogs gcig tu lung bstan ces 'dri ba'i gnas yod la/de la 'di skad du brjod par bya ste/ chos 'di dag ni don la nye bar mkho ba/ chos la nye bar mkho ba/ tshangs par spyod pa la nye bar mkho ba/ mngon par shes pa dang / mngon par rtogs pa dang / mya ngan las 'das pa sgrub par byed pa'o/ /de'i phyir chos 'di dag bcom ldan 'das kyis lung bstan to zhes brjod par bya'o zhes gsungs so//mgo gcig tu lung bstan pa dang zhes bya ba la/ gleng gzhi ni mnyan du yod pa na'o/ /dris pa lung bstan pa ni rnam pa bzhi ste/ bzhi gang zhe na/ mgo gcig tu dris pa lung bstan pa dang / rnam par phye ste dris pa lung bstan pa dang /dri ba dris te lung bstan pa dang / rnam par gzhag pa lung bstan pa'o/ /mgo gcig lung bstan nyid dang ni/ /rnam par phye ba de bzhin gzhan/ /dris pa lung bstan gsum pa ste/ /rnam par gzhag pa bzhi pa'o/ /dris pa lung bstan bzhi po dag / de dang de la go rims bzhin/ /'di ltar shes shing smra ba dag /dge slong de nyid rig pa yin/ /rtogs par dka' zhing bzod par dka'/ /zab cing blta dka'i chos can yin/ /mkhas pa don dang don min dang / /gnyi ka yang dag rig pas na/ /don min yongs su spong byed cing / / don du gyur pa yongs su 'dzin/ /don mngon rtogs pa'i bstan pa de/ /mkhas pa mya ngan 'da' bar 'gyur/ /zhes gsungs so/ /dge slong dag gzugs 'das pa zhig yod par ma gyur na zhes bya ba la/ gleng gzhi ni mnyan du yod pa na'o/ /dge slong dag gzugs 'das pa dang ma 'ongs pa yang mi rtag na/da ltar byung ba lta smos kyang ci zhig dgos te/ dge slong dag 'phags pa nyan thos thos pa dang ldan pa 'di ltar mthong ba dag 'das pa'i gzugs la btang snyoms su bya ba thob cing ma 'ongs pa'i gzugs la mngon par mi dga' zhing da ltar byung ba'i gzugs la skyo ba dang 'dod chags dang bral ba dang /'gog pa thob par 'gyur ro/ /dge slong dag gzugs 'das pa zhig med na 'phags pa nyan thos thos pa dang ldan pa 'das pa'i gzugs la btang snyoms su bya ba yang thob par mi 'gyur na/ gzugs 'das pa dag yod de/de'i phyir 'phags pa nyan thos thos pa dang ldan pa ma 'ongs pa'i gzugs la btang snyoms su bya ba thob par 'gyur ro/ /dge slong dag gal te gzugs ma 'ongs pa zhig med na 'phags pa nyan thos thos pa dang ldan pa dag ma 'ongs pa'i gzugs la mngon par mi dga' ba yang mi 'gyur ba zhig na/gzugs ma 'ongs pa dag yod de/ de'i phyir 'phags pa nyan thos thos pa dang ldan pa ma 'ongs pa'i gzugs la mngon par mi dga' bar 'gyur ro/ /dge slong dag gal te gzugs da ltar byung ba zhig med na 'phags pa nyan thos thos pa dang ldan pa dag da ltar byung ba'i gzugs la skye ba dang 'dod chags dang bral ba dang [(]'gag [,]'gog [)]pa thob par yang mi 'gyur ba zhig na/gzugs da ltar byung ba dag yod de/ de'i phyir 'phags pa nyan thos thos pa dang ldan pa dag da ltar byung ba'i gzugs la skyo ba dang 'dod chags dang bral ba dang 'gog pa thob par 'gyur ro//dge slong dag de bzhin du tshor ba dang 'du shes dang 'du byed dang rnam par shes pa 'das pa zhig med na zhes bya ba snga ma bzhin te/ dge slong dag 'phags pa nyan thos thos pa dang ldan pa dag 'das pa'i rnam par shes pa la btang snyoms su bya ba thob par yang mi 'gyur na zhes bya ba snga ma bzhin du'o zhes gsungs so//gnyis pa brten te rnam par shes pa skye'o zhes bya ba skye mched drug gi dbang po'i sdom gyi tshigs su bcad pa/ reg dang ming dang 'dod pa dang / /bag med pa ni gnyis dag dang / zhes bya ba'i mdo gnyis par bstan pa dag mdzod kyi gnas gsum par/reg drug 'dus te 'byung ba yin/ /zhes bya ba dang / chos gsum po 'di dag 'brel zhing 'dus la tshogs pa'o zhes bya ba der bris pa blta bar bya'o/ /gang yang kun du rgyu thor tshugs can rnams kyi dbang du mdzad nas zhes bya ba la/bcom ldan 'das rgyal po'i khab kyi smyug ma'i tshal bya ka lan da ka gnas pa na bzhugs te/ de'i tshe tshe dang ldan pa shA ri'i bu rgyal po'i khab bya rgod phung po'i ri la brten cing gnas so/ /de nas bram ze kun du rgyu thor tshugs can mang po tshe dang ldan pa shA ri'i bu gang na ba der nye bar 'ongs te/nye bar 'ongs nas tshe dang ldan pa shA ri'i bu dang lhan cig yang dag par dga' bar 'gyur ba dang / bde bar 'gyur ba'i gtam rnam pa sna tshogs byas te phyogs gcig tu 'dug go/ /phyogs gcig tu 'dug nas de nas kun du rgyu thor tshugs can mang po de dag gis tshe dang ldan pa shA ri'i bu la 'di skad ces smras so//shA ri'i bu khyod cag gi ston pa ci zhig smra zhing ci zhig 'chad par byed/ nga'i ston pa 'di skad du smra zhing 'di skad du 'chad de/ kha cig gis byas shing nye bar bsags na de'i rgyu dang de'i rkyen gyis lus zhig ste shi ma thag tu dmyal ba dag tu skye bar 'gyur ba'i mtshams med pa'i las ni lnga po 'di dag ste/lnga gang zhe na/ pha gsod pa dang / ma gsod pa dang / dgra bcom pa gsod pa dang / dge 'dun gyi dbyen byed pa dang / de bzhin gshegs pa'i sku la ngan sems kyis khrag 'byin pa rnams so//shA ri'i bu ci las 'das pa zad pa 'gags pa bral ba yongs su gyur pa dag med na bsams bzhin du pha dang ma dang dgra bcom pa srog dang bral ba dang / dge 'dun gyi dbyen byed pa dang / de bzhin gshegs pa'i sku la ngan sems kyis khrag 'byin pa dag de'i rgyu dang de'i rkyen gyis lus zhig ste shi ma thag tu sems can dmyal bar skye ba'i gnas med do//de nas bram ze kun du rgyu thor tshugs can de dag tshe dang ldan pa shA ri'i bus bshad pa la mngon par dga' bar yang mi byed/ khro bar mi byed par stan las langs te song ngo / / de nas tshe dang ldan pa shA ri'i bu kun du rgyu thor tshugs can de dag song nas ring po ma lon par bcom ldan 'das gang na ba der nye bar song ste/ nye bar song nas phyogs gcig tu 'dug pa'i bar du'o/ /de nas tshe dang ldan pa shA ri'i bus bram ze kun du rgyu thor tshugs can rnams dang lhan cig gtam gzhan brjod pa ci ltar gyur pa de thams cad rgyas par bcom ldan 'das la gsol te//de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu bram ze kun du rgyu thor tshugs can de dag gis ma bsams shing rjes su mi mthun pa so sor brtags pa'i tshig smras te/byis pa rmongs pa mi gsal ba mi mkhas par 'di skad du las gang 'das pa zad pa 'gags pa bral ba yongs su gyur pa de dag ni med do/ /'di na kha cig gis pha dang ma dang dgra bcom pa bsams bzhin du srog dang bral ba dang /dge 'dun gyi dbyen byas pa dang / de bzhin gshegs pa'i sku la ngan sems kyis khrag 'byin pa dag de'i rgyu dang de'i rkyen gyis lus zhig ma thag kho nar sems can dmyal bar skye bar 'gyur ba 'di ni gnas ma yin zhing go skabs med do zhes nga mi smra'o//shA ri'i bu de ci'i phyir zhe na/ las gang 'das pa zad pa 'gags pa bral ba rnam par gyur pa de dag ni yod de/ med pa ma yin te/ 'di na kha cig gis pha dang ma dang dgra bcom pa bsams bzhin du srog dang phral ba dang / dge 'dun gyi dbyen byed pa dang /de bzhin gshegs pa'i sku la ngan sems kyis khrag 'byin pa dag de'i rgyu dang de'i rkyen gyis lus zhig ma thag kho nar sems can dmyal bar skye bar 'gyur ro/ /shA ri'i bu gang gi phyir las gang 'das pa zad pa 'gags pa bral ba yongs su gyur pa de dag ni yod cing med pa ma yin te/'di na kha cig gis pha dang ma dang dgra bcom pa bsams bzhin du srog dang phral ba dang / dge 'dun gyi dbyen byed pa dang / de bzhin gshegs pa'i sku la ngan sems kyis khrag 'byin pa dag lus zhig ma thag kho nar sems can dmyal bar skye bar 'gyur ro//shA ri'i bu las gang 'das pa zad pa 'gags pa bral ba yongs su gyur pa de dag ni yod la med pa ma yin te/ 'di na kha cig gis lus kyi log pa'i lam dang ngag dang yid kyi log pa'i lam dag thob par 'gyur te/ shA ri'i bu las gang 'das pa zad pa 'gags pa bral ba rnam par gyur pa de dag ni yod de/de'i phyir 'di na kha cig lus kyi log pa'i lam dang ngag dang yid kyi log pa'i lam dag thob par 'gyur ro/ /shA ri'i bu las gang zad pa 'gags pa bral ba rnam par gyur pa de dag ni yod la med pa ma yin te/ 'di na kha cig lus kyis nyes par spyod pa dang ngag dang yid kyis nyes par spyod pa dag lus zhig ste shi ba'i 'og tu ngan song ngan 'gro log par ltung ba sems can dmyal bar skye bar 'gyur te/ de'i phyir las 'das pa zad pa 'gags pa bral bar gyur pa de dag yod do/ / shA ri'i bu las 'das pa zad pa 'gags pa bral ba 'gags pa yongs su gyur pa de dag ni yod la med pa ma yin te/ 'di na kha cig lus kyis legs par spyod pa dang / ngag dang yid kyis legs par spyod pa dag lus zhig ste shi ba'i 'og tu bde 'gro mtho ris kyi 'jig rten du skye bar 'gyur te/de'i phyir las 'das pa zad pa 'gags pa bral bar gyur pa de dag yod do/ /don dam pa stong pa nyid kyi mdo las zhes bya ba la skye mched drug gi mdo las/ bsdus pa'i sdom gyi tshigs su bcad pa gnyis pa'i sdom gyi tshigs su bcad pa bdun pa las te/'di nyid kyi mdzod kyi gnas gsum par/ bdag med phung po tsam nyid do/ /zhes bya ba'i 'grel par ji skad du bcom ldan 'das kyis las ni yod/ rnam par smin pa yod de zhes bya ba bris par blta bar bya'o/ /gang yang byang chub sems dpa' ji skad du zhes bya ba la/lung ring po ting nge 'dzin dang yang dag par ldan pa'i mdo dang po las 'don te/ de nas bcom ldan 'das kyis lan gnyis kyi bar du tshe dang ldan pa ma 'gags pa la bos te/ ma 'gags pa khyed cag lhan cig 'dus te tshogs nas gnas pa rnams mi'i chos bla ma cung zad cig shes pa yod cing /'phags pa'i khyad par rtogs la/ shes pa dang mthong ba la rig nas gnas sam/ btsun pa de bzhin te bdag cag 'dus te tshogs shing 'dug pa rnams mi'i chos bla ma cung zad shes pa yod cing 'phags pa'i khyad par rtogs la shes pa dang mthong ba la reg nas gnas pa na gzugs mthong ba'i snang ba gcig yang dag par shes la/de la gzugs mthong ba'i snang ba de myur du nub par gyur te/ btsun pa bdag gis gzugs mthong zhing shes pa de'i rgyu mtshan legs par yid la byas te rtogs par nus pa ma yin la/de'i rgyu mtshan yang legs par yid la byas te gzung bar mi nus la/ gang las gzugs mthong ba'i snang ba de nub pa'i rgyu mtshan yang mi shes so/ /ma 'gags pa de'i phyir gzugs mthong ba'i snang ba de rtogs par 'gyur ba'i rgyu mtshan legs par yid la gyis shig /de'i rgyu mtshan yang legs par yid la gyis shig /rgyu mtshan gang gis gzugs mthong ba'i snang ba de nub par gyur pa yang legs par yid la gyis shig /ma 'gags pa nga yang sngon rdzogs pa'i byang chub mngon par ma rtogs pa na gzugs kyi snang ba gcig yang dag par shes shing mthong ste/ gzugs mthong ba'i snang ba de myur du nub par gyur to/ /ma 'gags pa de la nga 'di snyam du gyur te ci bdag gis gzugs kyi snang ba yang dag par shes shing mthong ba de yod pa zhig gam/'on te med pa zhig /bdag gis gzugs mthong ba de yang yod pa zhig gam 'on te med pa zhig /de la bdag 'di snyam du gyur te/ gang yang 'jig rten na med pa gang yin pa de ni bdag gis shes pa 'am mthong ba'i gnas med do//yod pa gang yin pa de bdag la snang zhing yang dag par shes kyi/ med pa ni ma yin no/ /gzugs yod pa gang yin pa de mthong gi /med pa ni ma yin no/ /ma 'gags pa de la nga 'di snyam du gyur te/ci bdag gi sems la nye ba'i nyon mongs byung bas gzugs mthong ba'i snang ba de nub par gyur to/ /de nas yang nga 'di snyam du bdag gi sems la the tshom gyi nye ba'i nyon mongs pa skyes te/ the tshom gyi nye ba'i nyon mongs pa de sgrib pa'i rgyu yin zhing ting nge 'dzin 'pho bar byed pa mig nyams par byed pa gzugs mthong ba'i snang ba nub par byed pa'o zhes gsungs so//dge slong dag tshur shog ngas nang gdams na nub khyad par du 'gro zhes bya ba la/ gleng gzhi ni mnyan du yod pa na'o/ /dge slong dag chos gang dag lhag par mos pa'i gnas mngon sum du byas pa de dang de dag mngon sum du bya ba'i phyir 'jug pa ni mi 'jigs pa dang ldan pa'i de bzhin gshegs pas mkhyen to//nga'i nyan thos sgyu dang g.yo med cing drang la drang po'i rang bzhin can dag tshur shog /ngas gdams pa dang /ngas rjes su bstan pa dang / ngas chos dag bstan par bya ste/ nang par gdams na dgongs ka khyad par du 'gro zhing dgongs ka gdams na nang par khyad par du 'gro ste/ de ji ltar khyad par can gyi chos yang dag par rtogs pa na yod pa yang yod par shes/med pa yang med par shes/ bla ma dang bcas pa la bla ma dang bcas par shes/ bla na med pa la bla na med par shes/ gang yang shes par bya ba dang / mthong bar bya ba dang / mngon par rtogs par bya ba dang / thob par bya ba de thams cad shes pa dang mthong bar 'gyur ba'i gnas yod do//dge slong dag slob pa'i stobs rnam pa lnga dang / de bzhin gshegs pa'i stobs ni rnam pa bcu ste/ slob pa'i rnam pa lnga gang zhe na/ dad pa slob pa'i stobs dang / brtson 'grus kyi stobs dang / ngo tsha shes pa'i stobs dang / khrel yod pa'i stobs dang / shes rab slob pa'i stobs so/ /de bzhin gshegs pa'i stobs bcu gang zhe na/ dge slong dag 'di la de bzhin gshegs pas gnas la gnas dang / gnas ma yin pa la gnas ma yin pa'o zhes yang dag pa ji lta ba bzhin rab tu mkhyen te/gang yang de bzhin gshegs pas gnas yin pa la gnas dang / gnas ma yin pa la gnas ma yin pa'o zhes yang dag pa ji lta ba bzhin rab tu mkhyen pa 'di ni gang dang yang dag par ldan na de bzhin gshegs pa dgra bcom pa yang dag par rdzogs pa'i sangs rgyas khyu mchog rlabs po che'i gnas su dam 'cha' zhing tshangs pa'i 'khor lo bskor ba la 'khor gyi nang du seng ge'i sgra sgrogs pa de bzhin gshegs pa'i stobs dang po'o//gzhan yang de bzhin gshegs pas 'das pa dang ma 'ongs pa dang /da ltar byung ba chos sgrub pa dang gnas pa dang / rgyu dang dngos po dang rnam par smin pa yang dag pa ji lta ba bzhin rab tu mkhyen te/ gang yang de bzhin gshegs pas 'das pa dang ma 'ongs pa dang da ltar byung ba'i chos sgrub pa dang gnas pa dang rgyu dang dngos po dang rnam par smin pa yang dag pa ji lta ba bzhin rab tu shes pa 'di ni gang dang yang dag par ldan pas zhes bya ba nas/'khor gyi nang du seng ge'i sgra sgrogs pa zhes bya ba'i bar du ste/ 'di ni de bzhin gshegs pa'i stobs gnyis pa'o/ /gzhan yang de bzhin gshegs pas bsam gtan dang rnam par thar pa dang /ting nge 'dzin dang / snyoms par 'jug pa dang / kun nas nyon mongs pa dang / rnam par byang ba rnam par gzhag pa yongs su dag pa yang dag pa ji lta ba bzhin rab tu mkhyen te/ gang yang de bzhin gshegs pas bsam gtan dang rnam par thar pa dang ting nge 'dzin dang snyoms par 'jug pa dang /kun nas nyon mongs pa dang rnam par byang ba rnam par gzhag pa yongs su dag pa yang dag pa ji lta ba bzhin rab tu mkhyen pa 'di ni gang dang ldan pas zhes bya ba nas snga ma bzhin te/ 'di ni de bzhin gshegs pa'i stobs gsum pa'o//gzhan yang de bzhin gshegs pas sems can gzhan dang gang zag gzhan rnams kyi dbang po mchog dang mchog ma yin pa yang dag pa ji lta ba bzhin rab tu mkhyen te gang yang de bzhin gshegs pas sems can gzhan dang gang zag gzhan rnams kyi dbang po mchog dang mchog ma yin pa yang dag pa ji lta ba bzhin rab tu mkhyen pa 'di ni gang dang ldan pas zhes bya ba nas/snga ma bzhin du ste/ 'di ni de bzhin gshegs pa'i stobs bzhi pa'o/ /gzhan yang de bzhin gshegs pas sems can gzhan dang gang zag gzhan rnams kyi mos pa sna tshogs yang dag pa ji lta ba bzhin rab tu mkhyen te/gang yang de bzhin gshegs pas sems can gzhan dang gang zag gzhan rnams kyi mos pa sna tshogs yang dag pa ji lta ba bzhin rab tu mkhyen te/gang dang ldan pas zhes bya ba nas snga ma bzhin du ste/ 'di ni de bzhin gshegs pa'i stobs lnga pa'o/ /gzhan yang de bzhin gshegs pas khams sna tshogs dang / 'jig rten du ma dang 'jig rten sna tshogs mkhyen te/ gang yang de bzhin gshegs pas khams sna tshogs dang /'jig rten du ma dang 'jig rten gyi khams sna tshogs yang dag pa ji lta ba bzhin rab tu mkhyen pa 'di ni gang dang ldan pas zhes bya ba nas/ snga ma bzhin te/ 'di ni de bzhin gshegs pa'i stobs drug pa'o/ /gzhan yang de bzhin gshegs pas thams cad du 'gro ba'i lam yang dag pa ji lta ba bzhin rab tu mkhyen te/gang yang de bzhin gshegs pas thams cad du 'gro ba'i lam yang dag pa ji lta ba bzhin rab tu mkhyen pa zhes bya ba nas/ gang dang yang dag par ldan pa zhes bya ba'i bar du snga ma bzhin te/'di ni de bzhin gshegs pa'i stobs bdun pa'o/ /gzhan yang de bzhin gshegs pas sngon gyi gnas rnam pa du ma yang dag par rjes su dgongs te/ 'di lta ste/ skye ba gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum cu dang / bzhi bcu dang / lnga bcu dang / drug cu dang / bdun cu dang / brgyad cu dang / dgu bcu dang / brgya dang / stong dang / skye ba brgya stong dang / skye ba stong phrag du ma dang /skye ba brgya stong phrag du ma dang / 'jig pa'i bskal pa dang / chags pa'i bskal pa dang / 'jig pa'i bskal pa du ma dang / chags pa'i bskal pa du ma dang / 'jig pa dang chags pa'i bskal pa du ma yang dag par rjes su dgongs te/sems can 'di dag ming ni 'di lta bu/ rus ni 'di lta bu/ rigs ni 'di lta bu/ bde ba dang sdug bsngal ni 'di lta bu zhig myong / dus ni ring po 'am thung ngu 'di lta bur gnas/ de'i tshe mtha' ni 'di tsam zhig tu gyur/ de gnas de nas shi 'phos nas che ge mo zhig tu skyes so//de nas 'chi 'phos te yang che ge mo zhig tu skyes so/ /de nas 'chi 'phos nas 'dir skyes so zhes bya bar rnam pa dang bcas/ dan rtags dang bcas par sngon gyi gnas rnam pa du ma rjes su dgongs te/ gang yang de bzhin gshegs pas sngon gyi gnas rnam pa du ma rjes su dgongs zhes bya ba nas/gang dang ldan pas zhes bya ba snga ma bzhin du ste/ 'di ni de bzhin gshegs pa'i stobs brgyad pa'o/ /gzhan yang de bzhin gshegs pa sems can rnams kyi 'chi 'pho ba dang skye ba yang dag pa ji lta ba bzhin rab tu mkhyen te/sems can 'di dag ni lus kyis nyes par spyod pa dang ldan/ ngag gis nyes par spyod pa dang ldan/ yid kyis nyes par spyod pa dang ldan/ 'phags pa la skur pa 'debs pa log par lta ba can te/ lus zhig ste shi ba'i 'og tu de'i rgyu dang de'i rkyen gyis ngan song ngan 'gro log par ltung ba sems can dmyal ba rnams su skye bar 'gyur ro//sems can 'di dag ni lus kyis legs par spyod pa dang ldan/ ngag gis legs par spyod pa dang ldan/ yid kyis legs par spyod pa dang ldan pa 'phags pa la skur pa mi 'debs pa yang dag pa'i lta ba can te/de'i rgyu de'i rkyen gyis lus zhig ste shi ba'i 'og tu bde 'gro mtho ris kyi 'jig rten du skye bar 'gyur ro zhes de bzhin gshegs pas sems can rnams kyi 'chi 'pho ba dang skye ba yang dag pa ji lta ba bzhin du rab tu mkhyen te/gang dang ldan pa zhes bya ba nas snga ma bzhin du ste 'di ni de bzhin gshegs pa'i stobs dgu pa'o/ /gzhan yang de bzhin gshegs pas zag pa zad cing zag pa dag las sems rnam par grol zhing shes rab rnam par grol te/ mthong ba'i chos nyid la rang nyid kyis mngon par shes pa mngon sum du byas te/bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes rab tu mkhyen te/ gang yang de bzhin gshegs pas zag pa zad cing zag pa dag las sems rnam par grol zhing shes rab rnam par grol te/mthong ba'i chos la rang nyid kyis mngon par shes pa mngon sum du byas te/ bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya ba rab tu mkhyen pa 'di ni gang dang yang dag par ldan na de bzhin gshegs pa dgra bcom pa yang dag par rdzogs pa'i sangs rgyas khyu mchog rlabs po che'i gnas su dam 'cha' zhing /tshangs pa'i 'khor lo bskor te 'khor gyi nang du seng ge'i sgra sgrogs pa de bzhin gshegs pa'i stobs bcu pa'o//dge slong dag de bzhin gshegs pa'i gnas dang gnas ma yin pa mkhyen pa'i stobs 'di la dri ba dris pa na/ ji ltar yang de bzhin gshegs pas gnas dang gnas ma yin pa mkhyen pa'i stobs mkhyen cing gzigs te rnam par mkhyen cing yang dag pa nyid du mngon par byang chub nas dris pa lung ston par mdzad do//de bzhin gshegs pa'i las kyi rnam par smin pa mkhyen pa'i stobs dang / de bzhin gshegs pa'i bsam gtan dang rnam par thar pa mkhyen pa'i stobs dang / de bzhin gshegs pa'i dbang po mchog dang mchog ma yin pa mkhyen pa'i stobs dang /de bzhin gshegs pa'i mos pa sna tshogs mkhyen pa'i stobs dang / de bzhin gshegs pa'i khams sna tshogs mkhyen pa'i stobs dang / de bzhin gshegs pa'i thams cad du 'gro ba'i lam mkhyen pa'i stobs dang /de bzhin gshegs pa'i sngon gyi gnas rnam pa du ma rjes su dran pa'i stobs dang / de bzhin gshegs pa'i 'chi 'pho ba dang skye ba mkhyen pa'i stobs dang / de bzhin gshegs pa'i zag pa zad pa mkhyen pa'i stobs zhes bya ba nas/dris pa lung ston par mdzad do zhes bya ba'i bar du'o/ /dge slong dag gnas dang gnas ma yin pa mkhyen pa'i stobs ni mnyam par gzhag pa yin gyi/ mnyam par ma bzhag pa ma yin no zhes nga smra'o zhes bya ba nas/ rgyas par dge slong dag zag pa zad pa'i stobs ni mnyam par gzhag pa yin gyi mnyam par ma bzhag pa ni ma yin no zhes nga smra'o zhes bya ba'i bar du'o/ /dge slong dag ting nge 'dzin ni lam ste ting nge 'dzin ma yin pa ni lam ngan pa'o zhes gsungs so/ /bram ze thams cad yod ces bya ba ni zhes bya ba la/gleng gzhi ni mnyan du yod pa na'o/ /de nas bram ze rang bzhin nyan bcom ldan 'das gang na ba der nye bar song ste/ nye bar song nas bcom ldan 'das dang lhan cig yang dag par dga' bar 'gyur ba dang / yang dag par bde bar 'gyur ba'i gtam rnam pa sna tshogs byas nas phyogs gcig tu 'dug go//phyogs gcig tu 'dug nas bram ze rang bzhin nyan gyis bcom ldan 'das la 'di skad ces gsol to/ /gau ta ma dris pa lung bstan pa'i phyir skabs 'byed na bdag phyogs cung zad cig 'dri'o//bram ze ji ltar 'dod pa bzhin du dris shig dang lung bstan par bya'o/ /gau ta ma thams cad yod ces bya ba na gau ta ma thams cad yod ces bya ba gang yin/ bram ze de'i phyir khyod nyid la dri bar bya ste ji ltar bzod pa de bzhin du lan thob cig / bram ze 'di ci snyam du sems/ mig yod dam/ gau ta ma mchis lags so/ /gzugs yod dam/ gau ta ma mchis lags so/ /mig gi rnam par shes pa yod dam/ gau ta ma mchis lags so/ /mig gi 'dus te reg pa yod dam/ gau ta ma mchis lags so//mig gi 'dus te reg pa'i rkyen gyis byung ba'i tshor ba bde ba dang / sdug bsngal ba dang / bde ba yang ma yin sdug bsngal ba yang ma yin pa yod dam/ gau ta ma mchis lags so/ /bram ze 'di ci snyam du sems/ rna ba dang / sna dang / lce dang / lus dang / yid yod dam/ gau ta ma mchis lags so/ /chos yod dam/ gau ta ma mchis lags so/ /yid kyi rnam par shes pa yod dam/ gau ta ma mchis lags so/ /yid kyi 'dus te reg pa yod dam/ gau ta ma mchis lags so/ /yid kyi 'dus te reg pa'i rkyen gyis byung ba'i tshor ba bde ba dang sdug bsngal ba dang bde ba yang ma yin sdug bsngal ba yang ma yin pa yod dam/gau ta ma mchis lags so/ /bram ze 'di dag ni thams cad yod ces bya ba ste/ bram ze gang kha cig 'di skad du dge sbyong gau ta mas thams cad yod do zhes bstan pa de spangs te ngas rnam pa gzhan du thams cad yod pa'o zhes bstan par bya'o zhes smra ba'i tshig tsam dang dris pa'i lan mi shes shing dris pa'i lan la mgo rmongs pa skyed par byed pa ste/de ci'i phyir zhe na/ ji ltar yang de'i yul ma yin pa'i phyir ro//de nas bram ze rang bzhin nyan bcom ldan 'das kyis gsungs pa la mngon par dga' zhing rjes su yi rangs nas stan las langs te song ngo zhes gsungs so/ /'dod pa'i sbyor ba gang zhe na zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/dge slong dag bzhi po 'di dag ni sbyor ba ste/ 'dod pa'i sbyor ba dang / srid pa'i sbyor ba dang / lta ba'i sbyor ba dang / ma rig pa'i sbyor ba'o/ /'dod pa'i sbyor ba gang zhe na/ byis pa so so'i skye bo thos pa dang mi ldan pa dag 'dod pa rnams kyi kun 'byung ba dang /mi snang ba dang / ro myang ba dang / nyes dmigs nges par 'byung ba yang dag pa ji lta ba bzhin du rab tu mi shes te/ de 'dod pa rnams kyi kun 'byung ba dang / mi snang ba dang ro myang ba dang / nyes dmigs dang nges par 'byung ba yang dag pa ji lta ba bzhin rab tu mi shes pa 'dod pa rnams la 'dod pa'i 'dun pa dang /chags pa dang 'dod pa la dga' ba dang / 'dod pa la nges pa dang / 'dod pa la 'dun pa dang / 'dod pas brgyal ba dang / 'dod pa la 'chums pa dang /'dod pa la lhag par 'chums pa dang / 'dod par bying ba dang / 'dod pa la lhag par zhen pa ste/ de'i sems yongs su gtugs nas gnas te 'di ni 'dod pa'i sbyor ba zhes bya'o/ /de bzhin du srid pa'i sbyor ba dang lta ba'i sbyor ba la yang brjod par bya'o//ma rig pa'i sbyor ba gang zhe na/ dge slong dag byis pa so so'i skye bo thos pa dang mi ldan pa dag reg pa'i skye mched drug po 'di rnams kyi kun 'byung ba dang mi snang ba dang ro myang ba dang nyes dmigs dang nges par 'byung ba yang dag pa ji lta ba bzhin du rab tu mi shes te/de rig pa'i skye mched drug po rnams kyi kun 'byung ba dang / mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin du rab tu mi shes pas de reg pa'i skye mched drug po rnams la mi shes shing ma rig pa rgyas par 'gyur te/'di ni ma rig pa'i sbyor ba zhes bya'o/ /sbyor ba ma yin pa yang bzhi ste/ bzhi gang zhe na/ 'dod par mi sbyor ba dang / srid par mi sbyor ba dang / lta bar mi sbyor ba dang / ma rig par mi sbyor ba'o/ /'dod par mi sbyor ba gang zhe na/'phags pa nyan thos thos pa dang ldan pa 'dod pa rnams kyi kun 'byung ba dang / mi snang ba dang ro myang ba dang / nyes dmigs dang / nges par 'byung ba yang dag pa ji lta ba bzhin du rab tu shes te/ de 'dod pa rnams kyi kun 'byung ba dang mi snang ba dang ro myang ba dang nyes dmigs dang nges par 'byung ba yang dag pa ji lta ba bzhin du rab tu shes pas 'dod pa rnams la 'dod pa'i 'dun pa dang /chags pa dang / 'dod pa la dga' ba dang / 'dod pa la nges pa dang / 'dod pa la 'dun pa dang / 'dod pas brgyal ba dang /'dod pa la 'chums pa dang / 'dod pa la lhag par 'chums pa dang / 'dod par bying ba dang / 'dod pa la lhag par zhen par mi 'gyur ba ste/ de'i sems de la yongs su gtugs te mi gnas pa 'di ni 'dod par mi sbyor ba zhes bya'o/ /srid par mi sbyor ba dang /lta bar mi sbyor ba yang de bzhin du brjod par bya'o/ /ma rig pa'i mi sbyor ba gang zhe na/ 'phags pa nyan thos thos pa dang ldan pa reg pa'i skye mched drug po 'di rnams kyi kun 'byung ba dang / mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin du rab tu shes te/de reg pa'i skye mched drug po 'di dag ni kun 'byung ba dang / mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin du rab tu shes pas de reg pa'i skye mched drug po rnams la mi shes shing ma rig pas rgyas par mi 'gyur te/'di ni ma rig pa'i sbyor ba med pa zhes bya'o/ /gzhan yang ston pas 'di skad ces bka' stsal to/ /'dod pas sbyor bas yang dag ldan/ /gnyis pa srid pas sbyor ba ste/ /lta ba'i sbyor bas yang dag par/ /ma rig sbyor ba sngon 'gro bas//bral zhing 'da' bar dka' ba yin/ /sems can 'khor bar skye bar 'gyur/ /'dod pa'i sbyor ba rab spangs shing / /de bzhin srid pa'i sbyor ba dang / /lta ba'i sbyor ba rab spangs shing / /ma rig sbyor la chags bral zhing / /kun sbyor thams cad mi ldan na//yang srid dag tu 'gro mi 'gyur/ /zhes gsungs so/ /'dun pa'i 'dod chags ni nye bar len pa zhes gsungs zhes bya ba la/ gleng gzhi ni mnyan du yod pa na'o/ /dge slong dag nye bar blangs pa dang nye bar len pa'i chos dag bstan par bya ste/ de legs par nyon la yid la zung shig dang bshad par bya'o//nye bar blang ba'i chos rnams gang zhe na/ mig dang gzugs dang / rna ba dang sgra dang / sna dang dri dang / lce dang ro dang / lus dang reg bya dang / yid dang chos te/ 'di ni nye bar blang ba'i chos rnams zhes bya'o/ /nye bar len pa'i chos rnams gang zhe na/gang las 'dun pa'i 'dod chags te/ 'di ni nye bar len pa'i chos rnams zhes bya'o/ /dge slong dag nye bar blang ba dang / nye bar len pa'i chos rnams bstan par bya'o zhes ngas ji skad du bstan pa de rgyas par rab tu bshad do zhes gsungs te/de bzhin du mdo gzhan mang po las bstan to/ /'di lta ste/ gru rgyun las bzlog phyogs su mngon par 'du bya ba chen pos bkri bar bya zhes bya ba la/ bcom ldan 'das rgyal po'i khab kyi smyug ma'i tshal bya ka lan da ka gnas pa na bzhugs te/ de'i tshe tshe dang ldan pa shA ri'i bu rgyal po'i khab kyi bya rgod phung po'i ri la 'dug par gyur to//de nas tshe dang ldan pa shA ri'i bus dge slong rnams la bos te/ tshe dang ldan pa dag 'di na dge slong dgon pa'am shing drung ngam/ khang pa stong par song nas 'di ltar so so yang dag par bslab ste/ ci nang gi bdag nyid kyi 'dod pa rnams la 'dun pa'i 'dod chags yod pa zhig so sor myong ngam/'on te med pa zhig ces dge slong des mdzes shing sdug pa'i mtshan ma cung zad cig yid la byed de/ dge slong des mdzes shing sdug pa'i mtshan ma cung zad cig yid la byas pa na sems bsten pa la gzhol bar 'gyur zhing /bsten pa la 'bab pa dang / bsten pa la bab pa dang / rjes su mthun par 'gyur te/ 'di lta ste/ gru mngon par 'du bya ba chen pos rgyun las bzlog phyogs su bkri bar bya ba de nyid mngon par 'du bya ba med cing 'bad rtsol chung ngus rgyun phyogs su 'khyer ba de bzhin du dge slong des bzang zhing sdug pa'i mtshan ma cung zad cig yid la byed de dge slong des bzang zhing sdug pa'i mtshan ma cung zad cig yid la byas pa na/sems bsten pa la gzhol bar 'gyur zhing / bsten pa la 'bab pa dang / bsten pa la bab pa dang /rjes su mthun par gyur na/ tshe dang ldan pa dag dge slong des 'di ltar nga'i sems rang gi 'du byed kyis nye bar bcom zhing chu bzhin du bsten pa dang / chos rnams kyis nye bar bcom la/ ma zhi zhing ma dul ba nye bar zhi ba'i lam ma rnyed la rtse gcig tu ma gyur pa'o/ /'di ltar ngas mdzes shing sdug pa'i mtshan ma cung zad yid la byas pa na sems bsten pa la gzhol bar gyur cing /bsten pa la 'bab pa dang / bsten pa la bab pa dang / rjes su mthun par gyur to zhes rig par bya'o/ /tshe dang ldan pa dag dge slong des 'di ltar 'dod pa'i yon tan lnga rnams la bdag gi sems 'dod chags dang bral zhing rnam par grol lo zhes lung bstan par mi bya'o//tshe dang ldan pa dag 'di na dge slong dgon pa'am shing drung ngam khang pa stong par song na 'di ltar so sor yang dag par rjes su slob ste/ ci bdag nang gi bdag nyid kyi 'dod pa rnams la 'dun pa'i 'dod chags yod pa zhig so sor myong ba'am/'on te med pa zhig ces dge slong des mdzes shing sdug pa'i mtshan ma cung zad cig yid la byed de/ dge slong des mdzes shing sdug pa'i mtshan ma cung zad cig yid la byas nas sems dben pa la gzhol bar 'gyur/ dben pa la 'bab pa dang /dben pa la bab pa dang / bsten pa'i rjes su mi mthun par gyur te/ 'di lta ste khyim bya'am/ rgyus dag me'i nang du bcug na tshig cing 'khums te zhu bar 'gyur ba de bzhin du dge slong des mdzes shing sdug pa'i mtshan ma cung zad cig yid la byas pa na sems dben pa la gzhol bar gyur/dben pa la 'bab pa dang / dben pa la bab pa dang / bsten pa'i rjes su mi mthun par gyur na/ tshe dang ldan pa dag dge slong des 'di ltar nga'i sems rang gi 'du byed kyis nye bar ma bcom zhing / chu bzhin du bstan pa ma yin zhing / /chos kyis nye bar ma bcom la//zhi zhing dul te nye bar zhi ba'i lam rnyed cing rtse gcig tu gyur pa ste/ 'di ltar ngas mdzes shing sdug pa'i mtshan ma cung zad yid la byas pa na sems dben pa la gzhol bar gyur/ dben pa la 'bab pa dang / dben pa la bab pa dang / bsten pa'i rjes su mi mthun par gyur to zhes rig par bya zhing /dge slong des 'dod pa'i yon tan lnga rnams la nga'i sems 'dod chags dang bral zhing rnam par grol lo zhes lung bstan par bya'o zhes gsungs so/ /ci'i phyir lta ba gsum por zhes bya ba la sogs pa la/ gang yang 'di nyid du gnas mang po bshad de/ ji ltar re zhig phung po'i sdom gyi tshigs su bcad pa/skye la mngon dga' mi bya dang / /rnam par 'jig pa gsum dag dang / /yongs su 'dod dang yang dag mthong / /sdom du gyur pa phyi ma yin/ /zhes sdom gyi tshigs su bcad pa gsum pa'i mdo las bstan pa mdzod kyi gnas dang por bcom ldan 'das kyis mdo las sems pa'i tshogs drug ces gsungs pa ni/gtso bo bstan pa yin zhes bya bar bris zin to/ /lam gyi tshogs dang mdo mang po dag las te/ de la re zhig dbang po'i sgo'i sdom gyi tshigs su bcad pa gnyis pa'i mdo bzhi pa las bstan pa/mdzod kyi gnas drug par gang yang bde ba'i dbang po dang / yid bde ba'i dbang po dag ni bde ba'i tshor ba'o zhes bya bar 'chad par 'gyur bar blta bar bya'o/ /de dag kyang gzhi phran tshegs las 'byung ba gang yin pa zhes bya ba la/ gleng gzhi ni mnyan du yod pa na'o/ / dge slong dag chos gcig dang yang dag par ldan na dran pa nye bar gzhag pa bzhi bsten pa'i skal ba med de/ 'di lta ste 'dod chags so/ /'dod chags dang yang dag par ldan na dran pa nye bar gzhag pa bzhi bsten pa'i skal ba med do/ /chos gcig dang yang dag par ldan na dran pa nye bar gzhag pa bzhi bsten pa'i skal ba dang ldan te/'di lta ste 'dod chags med pa ste/ 'dod chags med pa dang ldan na dran pa nye bar gzhag pa bzhi bsten pa'i skal ba yod do/ /ji ltar bsten pa bzhin du bsgom pa yang / lan mang du byed pa dang / rjes su bsrung ba dang / reg pa dang / mngon sum du bya ba yang de bzhin no/ /yang dag par ldan pa ji lta ba bzhin du shes pa dang / mi shes pa dang / mthong ba dang ma mthong ba dang / mngon par shes pa dang mngon par ma shes pa dang / yongs su shes pa dang / yongs su ma shes pa dang / spangs pa dang / ma spangs pa dang / bsgribs pa dang / ma bsgribs pa dang / btang ba dang / ma btang ba dang / yongs su btang ba dang yongs su ma btang ba dang / g.yogs pa dang ma g.yogs pa dang / nub pa dang ma nub pa dang / yongs su gtugs pa dang yongs su ma gtugs pa yang de bzhin no/ /'dod chags ji lta ba bzhin du zhe sdang dang /gti mug dang / khro ba dang / khon du 'dzin pa dang / 'chab pa dang / 'tshig pa dang / phrag dog dang / ser sna dang / sgyu dang g.yo dang / ngo tsha med pa dang / khrel med pa dang / nga rgyal dang / lhag pa'i nga rgyal dang / nga rgyal las kyang nga rgyal dang / mngon pa'i nga rgyal dang / nga'o snyam pa'i nga rgyal dang / log pa'i nga rgyal dang / cung zad snyam pa'i nga rgyal dang / bag med pa dang / nges pa dang / yang dag par rtsom pa dang / tshul 'chos pa dang / kha gsag dang / gzhogs slong dang / rnyed pa 'dod pa dang / rnyed pa rnyed pas sgrub pa dang / sdig pa 'dod pa dang /chen po 'dod pa dang / 'dod pas gces spras byed pa dang / tshig ngan dang / sdig pa'i grogs po dang / mi bzod pa dang / 'dod pa dang / yongs su 'dod pa dang / 'dod chags dang / chos ma yin pa la chags pa dang / mi 'phrod pa'i ser sna dang / 'jig tshogs la lta ba dang /dngos por lta ba dang / dngos po med par lta ba dang / 'dod pa la 'dun pa dang / gnod sems dang / rmugs pa dang / gnyid dang / rgod pa dang / 'gyod pa dang / the tshom dang / rmya ba dang / mi dga' ba dang / glal byed pa dang / zas kyi tshod mi 'dzin pa dang / sems zhum pa dang / 'du shes sna tshogs yid la byed pa dang / lus kyi gnas ngan len dang / yang yang 'dod pa dang / mang du smra ba dang / mi drang ba dang / khro ba dang / rang bzhin ma yin pa'i rjes su 'jug pa dang / 'dod pa'i rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa dang /gnyen 'dun gyi rnam par rtog pa dang / ljongs kyi rnam par rtog pa dang / mi 'chi ba'i rnam par rtog pa dang / ngan sems kyi rnam par rtog pa dang / rigs snyems pa dang yang dag par ldan pa'i rnam par rtog pa dang / mya ngan dang smre sngags 'don pa dang sdug bsngal ba dang yid mi bde ba dang 'khrug pa'o zhes gsungs so//mdo'i tshig ji skad du zhes bya ba la/ lung bar ma'i 'dun pa'i sdom gyi tshigs su bcad pa gnyis pa'i mtha'i mdo las tshig 'di skad du rgyu dang rkyen lnga po 'di dag ni the tshom gyi sgrib pa dang / de las skyes pa sdug bsngal dang /yid mi bde ba'i sems las byung ba'i chos skyed par byed pa ste/ lnga gang zhe na/ 'dod pa'i 'dod chags kyis kun nas dkris pa dang / 'dod pa'i 'dod chags kyis kun nas dkris pa de las byung ba sdug bsngal dang yid mi bde ba dag so sor yang dag par myong bar byed do//gnod sems dang / rmugs pa dang / gnyid dang / rgod pa dang / 'gyod pa dang / the tshom gyis kun nas dkris pas the tshom gyis kun nas dkris pa dang / de'i rkyen gyis skyes pa sdug bsngal ba dang / yid mi bde ba dag so sor yang dag par myong bar byed do/rgyu lnga dang rkyen lnga po 'di dag ni sdug bsngal ba dang yid mi bde ba'i sems las byung ba skyed par byed pa'o zhes gsungs so/ /gya gyu ci yin sdig can lta/ /zhes bya ba la/ dge slong gzhan zhig dge ba can gyi ljongs nas 'ongs te/ nags kyi mtha' gzhan zhig la brten cing nye bar gnas so//de nas dge tshul ma zhig gis dge slong dang de'i lde mig mthong nas tshigs su bcad pa smras pa/ rtag pa ci zhig slong mo'i zas/ /mi rtag ci zhig dge 'dun zas/ /drang po ci zhig dbang po'i gzugs/ /gya gyu ci zhig lde mig go/ /de nas dge slong de 'di snyam du 'di dge tshul ma yin bzhin du tshigs su bcad pa brjod par spobs na/bdag ci'i phyir spobs par mi bya snyam du bsams nas/ tshigs su bcad pa smras pa/ rtag pa ci zhig mya ngan 'das/ /mi rtag ci zhig 'du byed chos/ /drang po ci zhig 'phags pa'i lam//gya gyu ci zhig sdig can lta/ /zhes gsungs so/ /sgrib pa lnga po 'di dag ni mi dge ba'i phung po ma 'dres pa yongs su rdzogs pa zhes bya ba la/ gleng gzhi ni mnyan du yod pa na'o/ /dge slong dag mi dge ba'i phung po zhes bya ba ni sgrib pa rnam pa lnga'o zhes smra ba ni de'i yang dag par smra ba ste/de ci'i phyir zhe na/ dge slong dag sgrib pa lnga po 'di dag ni mi dge ba'i phung po ma 'dres pa yongs su rdzogs pa ste/ lnga gang zhe na/ 'dod pa la 'dun pa'i sgrib pa dang / gnod sems dang / rmugs pa dang / gnyid dang / rgod pa dang / 'gyod pa dang / the tshom gyi sgrib pa'o//dge slong dag dge ba'i phung po zhes bya ba ni/ dran pa nye bar gzhag pa bzhi'o zhes smra ba ni/ de'i yang dag par smra ba ste/ de ci'i phyir zhe na/ dge slong dag dran pa nye bar gzhag pa bzhi po 'di dag ni dge ba'i phung po ma 'dres pa yongs su rdzogs pa ste/bzhi gang zhe na/ lus dran pa nye bar gzhag pa dang / tshor ba dang / sems dang / chos dran pa nye bar gzhag pa rnams so zhes gsungs so/ /rmugs pa dang gnyid dag ni zas gcig tu gsungs te zhes bya ba la/ gleng gzhi ni mnyan du yod pa na'o/ /dge slong dag sgrib pa lnga dang / byang chub kyi yan lag bdun gyi zas dang zas ma yin pa dag bshad par bya ste/ de legs par nyon la yid la zung shig dang bshad par bya'o/ /dge slong dag sgrib pa rnam pa lnga'i zas gang zhe na/dge slong dag 'dod pa'i 'dod chags kyis kun nas dkris pa'i chos rnams la tshul bzhin ma yin pa'i yid la byed pa lan mang du byed na/ 'dod pa la 'dun pa'i sgrib pa ma skyes pa skye bar 'gyur zhing /skyes pa phyir zhing 'phel ba dang yangs par 'gyur ro/ /gnod sems dang / rmugs pa dang / gnyid dang / rgod pa dang / 'gyod pa dang / dge slong dag the tshom gyis kun nas dkris pa'i chos rnams la/ tshul bzhin ma yin pa yid la byed pa lan mang du byed na/the tshom gyi sgrib pa ma skyes pa skye bar 'gyur zhing / skyes pa phyir zhing 'phel ba dang yangs par 'gyur te/ 'di lta ste/ zas kyis lus gnas pa dang / zas la lus brten gyi zas med par ma yin pa de bzhin du/sgrib pa lnga po dag kyang zas kyis gnas la zas la brten nas gnas kyi/ zas med par ni ma yin no/ /dge slong dag 'dod pa la 'dun pa'i zas gang zhe na/ sdug pa'i mtshan mar 'dzin pa ste/ de la tshul bzhin ma yin pa'i yid la byed pa lan mang du byed na/ 'dod pa la 'dun pa'i sgrib pa ma skyes pa skye bar 'gyur zhing / skyes pa phyir zhing 'phel ba dang yangs par 'gyur ro/ /dge slong dag 'di ni 'dod pa la 'dun pa'i zas so//dge slong dag gnod sems kyi sgrib pa'i zas gang zhe na/ kun nas mnar sems dang / kun nas mnar sems kyi rgyu mtshan te/ de la tshul bzhin ma yin pa'i yid la byed pa lan mang du byed na gnod sems kyi sgrib pa ma skyes pa skye bar 'gyur zhing /skyes pa phyir zhing 'phel ba dang rgyas par 'gyur ro/ /'di ni gnod sems kyi sgrib pa'i zas so/ /dge slong dag rmugs pa dang gnyid kyi zas gang zhe na/ chos lnga po mi dga' ba dang / rmya ba dang / glal byed pa dang /zas kyi tshod mi zin pa dang / sems zhum pa ste/ de la tshul bzhin ma yin pa'i yid la byed pa lan mang du byed na/ rmugs pa dang gnyid kyi sgrib pa ma skyes pa skye bar 'gyur zhing / skyes pa phyir zhing 'phel ba dang yangs par 'gyur ro//'di dag ni rmugs pa dang gnyid kyi zas so/ /dge slong dag rgod pa dang 'gyod pa'i sgrib pa'i zas gang zhe na/ chos bzhi po gnyen 'dun gyi rnam par rtog pa dang / ljongs kyi rnam par rtog pa dang / mi 'chi ba'i rnam par rtog pa dang / sngon dgod pa dang dga' ba dang rtse ba dang yongs su spyad pa rjes su dran pa ste/de la tshul bzhin ma yin pa yid la byed pa lan mang du byed na rgod pa dang 'gyod pa'i sgrib pa ma skyes pa skye bar 'gyur zhing / skyes pa phyir zhing 'phel ba dang yangs par 'gyur te/'di ni rgod pa dang 'gyod pa'i sgrib pa'i zas so/ /dge slong dag the tshom gyi sgrib pa'i zas gang zhe na/ rgyud ni rnam pa gsum yod de/ 'das pa'i dus dang / ma 'ongs pa dang / da ltar byung ba'i chos so/ /de la tshul bzhin ma yin pa'i yid la byed pa lan mang du byed na the tshom gyi sgrib pa ma skyes pa skye bar 'gyur zhing skyes pa phyir zhing 'phel ba dang yangs par 'gyur te/dge slong dag 'di ni the tshom gyi sgrib pa'i zas so/ /'di lta ste/ zas kyis lus gnas shing zas la lus brten te/ lus gnas pa zas med par ma yin pa de bzhin du sgrib pa lnga po dag kyang zas kyis gnas shing zas la brten te gnas kyi zas med par ni ma yin no/ /dge slong dag byang chub kyi yan lag bdun gyi zas ma yin pa gang zhe na/ dran pa yang dag byang chub kyi yan lag gi gnas kyi chos rnams la tshul bzhin ma yin pa yid la byed pa lan mang du byed pa/dran pa yang dag byang chub kyi yan lag ma skyes pa mi skye zhing skyes pa nyams par 'gyur ro/ /chos rab tu rnam par 'byed pa dang / brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms yang dag byang chub kyi yan lag gi gnas kyi chos rnams la tshul bzhin ma yin pa yid la byed pa lan mang du byed na btang snyoms yang dag byang chub kyi yan lag ma skyes pa mi skye zhing skyes pa nyams par 'gyur te/'di lta ste/ zas kyis lus gnas shing zas la brten te lus gnas kyi/ zas med par ma yin pa de bzhin du byang chub kyi yan lag bdun po dag kyang zas la brten te gnas kyi zas med par ni ma yin no/ /dge slong dag dran pa yang dag byang chub kyi yan lag gi zas ma yin pa gang zhe na/dran pa nye bar gzhag pa bzhi rnams te/ de la tshul bzhin ma yin pa'i yid la byed pa lan mang du byed na dran pa yang dag byang chub kyi yan lag ma skyes pa mi skye zhing skyes pa dag nyams par 'gyur te/ dge slong dag 'di ni dran pa yang dag byang chub kyi yan lag gi zas ma yin pa'o//dge slong dag chos rab tu rnam par 'byed pa yang dag byang chub kyi yan lag gi zas ma yin pa gang zhe na/ dge ba'i chos rnams rab tu rnam par 'byed pa dang / mi dge ba'i chos rnams [(]rang [,]rab [)] tu rnam par 'byed pa ste/de la tshul bzhin ma yin pa yid la byed pa lan mang du byed na chos rab tu rnam par 'byed pa yang dag byang chub kyi yan lag ma skyes pa mi skye zhing skyes pa nyams par 'gyur te/ dge slong dag 'di ni chos rab tu rnam par 'byed pa yang dag byang chub kyi yan lag gi zas ma yin pa'o//dge slong dag brtson 'grus yang dag byang chub kyi yan lag gi zas ma yin pa gang zhe na/ yang dag par spong ba bzhi po rnams to/ de la tshul bzhin ma yin pa yid la byed pa lan mang du byed na brtson 'grus yang dag byang chub kyi yan lag ma skyes pa mi skye zhing skyes pa nyams par 'gyur te/'di ni brtson 'grus yang dag byang chub kyi yan lag gi zas ma yin pa zhes bya'o/ /dge slong dag dga' ba yang dag byang chub kyi yan lag gi zas ma yin pa gang zhe na/ dga' ba dang dga' ba'i gnas lta bu'i chos rnams te/de la tshul bzhin ma yin pa yid la byed pa lan mang du byed na/ dga' ba yang dag byang chub kyi yan lag ma skyes pa mi skye zhing skyes pa nyams par 'gyur te/ dge slong dag 'di ni dga' ba yang dag byang chub kyi yan lag gi zas ma yin pa zhes bya'o//dge slong dag shin tu sbyangs pa yang dag byang chub kyi yan lag gi zas ma yin pa gang zhe na/ lus shin tu sbyangs pa dang / sems shin tu sbyangs pa ste/ de la tshul bzhin ma yin pa yid la byed pa lan mang du byed na shin tu sbyangs pa yang dag byang chub kyi yan lag ma skyes pa mi skye zhing skyes pa nyams par 'gyur ro//dge slong dag 'di ni shin tu sbyangs pa yang dag byang chub kyi yan lag gi zas ma yin pa zhes bya'o/ /dge slong dag ting nge 'dzin yang dag byang chub kyi yan lag gi zas ma yin pa gang zhe na/ ting nge 'dzin dang /ting nge 'dzin gyi rgyu mtshan te/ de la tshul bzhin ma yin pa'i yid la byed pa lan mang du byed na ting nge 'dzin yang dag byang chub kyi yan lag ma skyes pa mi skye zhing skyes pa nyams par 'gyur te/ dge slong dag 'di ni ting nge 'dzin yang dag byang chub kyi yan lag gi zas ma yin pa zhes bya'o//dge slong dag btang snyoms yang dag byang chub kyi yan lag gi zas ma yin pa gang zhe na/ khams rnam pa gsum po spangs pa'i khams dang / 'dod chags dang bral ba'i khams dang / 'gog pa'i khams rnams te/ de la tshul bzhin ma yin pa'i yid la byed pa lan mang du yid la byed na/btang snyoms yang dag byang chub kyi yan lag ma skyes pa mi skye zhing skyes pa nyams par 'gyur te/ dge slong dag 'di ni btang snyoms yang dag byang chub kyi yan lag gi zas ma yin pa zhes bya ste/ 'di lta ste/ zas kyis lus gnas shing zas la brten te lus gnas kyi/zas med par ni ma yin pa de bzhin du byang chub kyi yan lag bdun po rnams kyang zas kyis gnas shing zas la brten te gnas kyi/ zas med par ni ma yin no/ /dge slong dag sgrib pa lnga'i zas ma yin pa gang yin pa de gang zhe na/ 'dod pa'i 'dod chags kyi kun nas dkris pa'i chos rnams la tshul bzhin yid la byed pa lan mang du byed na 'dod pa la 'dun pa'i sgrib pa ma skyes pa mi skye zhing skyes pa spong bar 'gyur ro//gnod sems dang / rmugs pa dang gnyid dang rgod pa dang / 'gyod pa dang / the tshom gyis kun nas dkris pa'i chos rnams la tshul bzhin yid la byed pa lan mang du byed na the tshom gyi sgrib pa ma skyes pa mi skye zhing skyes pa spong bar 'gyur te/dge slong dag 'di lta ste zas kyis lus gnas shing zas la brten te lus gnas kyi zas med par ma yin pa de bzhin du sgrib pa lnga po rnams kyang zas kyis gnas shing zas la brten te gnas kyi zas med par ni ma yin no//dge slong dag 'dod pa la 'dun pa'i sgrib pa'i zas ma yin pa gang zhe na/ mi sdug pa ste de la tshul bzhin du yid la byed pa lan mang du byed na 'dod pa la 'dun pa'i sgrib pa ma skyes pa mi skye zhing skyes pa spong bar 'gyur te/ dge slong dag 'di ni 'dod pa la 'dun pa'i sgrib pa'i zas ma yin pa zhes bya'o//dge slong dag gnod sems kyi sgrib pa'i zas ma yin pa gang zhe na/ byams pa ste/ de la tshul bzhin yid la byed pa lan mang du byed na/ gnod sems kyi sgrib pa ma skyes pa mi skye zhing skyes pa spong bar 'gyur te/ dge slong dag 'di dag ni gnod sems kyi sgrib pa'i zas ma yin pa zhes bya'o//dge slong dag rmugs pa dang gnyid kyi sgrib pa'i zas ma yin pa gang zhe na/ snang ba'i 'du shes te/ de la tshul bzhin du yid la byed pa lan mang du byed na rmugs pa dang gnyid kyi sgrib pa ma skyes pa mi skye zhing skyes pa nyams par 'gyur te/dge slong dag 'di ni rmugs pa dang gnyid kyi sgrib pa'i zas ma yin pa zhes bya'o/ /dge slong dag rgod pa dang 'gyod pa'i zas ma yin pa gang zhe na/ zhi gnas te/ de la tshul bzhin du yid la byed pa lan mang du byed na rgod pa dang 'gyod pa'i sgrib pa ma skyes pa mi skye zhing skyes pa spong bar 'gyur te/dge slong dag 'di ni rgod pa dang 'gyod pa'i sgrib pa'i zas ma yin pa zhes bya'o/ /dge slong dag the tshom gyi sgrib pa'i zas ma yin pa gang zhe na/ rkyen ni 'di lta bu zhes rten cing 'brel par 'byung ba so sor rtog pa ste/ de la tshul bzhin du lan mang du yid la byed na the tshom gyi sgrib pa ma skyes pa mi skye zhing skyes pa spong bar 'gyur te/'di lta ste/ zas kyis lus gnas shing zas la brten te lus gnas kyi zas med par ni ma yin pa de bzhin du sgrib pa lnga po rnams kyang zas kyis gnas shing zas la brten te gnas kyi/ zas med par ni ma yin no//dge slong dag byang chub kyi yan lag bdun gyi zas gang zhe na/ dran pa yang dag byang chub kyi yan lag gi gnas kyi chos rnams la tshul bzhin du yid la byed pa lan mang du byed na dran pa yang dag byang chub kyi yan lag ma skyes pa dag skye zhing skyes pa dag phyir zhing 'phel ba dang yangs par 'gyur ro//chos rab tu rnam par 'byed pa dang / brtson 'grus dang / shin tu sbyongs pa dang / ting nge 'dzin dang / btang snyoms yang dag byang chub kyi yan lag gi gnas kyi chos rnams la tshul bzhin du yid la byed pa lan mang du byed na btang snyoms yang dag byang chub kyi yan lag ma skyes pa skye bar 'gyur zhing skyes pa dag phyir zhing 'phel ba dang yangs par 'gyur te/'di lta ste/ zas kyis lus gnas shing zas la brten te lus gnas kyi zas med par ni ma yin pa de bzhin du byang chub kyi yan lag bdun po rnams kyang zas la brten te gnas kyi zas med par ni ma yin no//dge slong dag dran pa yang dag byang chub kyi yan lag gi zas gang zhe na/ dran pa nye bar gzhag pa bzhi rnams te/ de la tshul bzhin du yid la byed pa lan mang du byed na dran pa yang dag byang chub kyi yan lag ma skyes pa dag skye bar 'gyur zhing skyes pa dag 'phel zhing rgyas pa dang yangs par 'gyur ro//dge slong dag 'di ni dran pa yang dag byang chub kyi yan lag gi zas zhes bya'o/ /dge slong dag chos rab tu rnam par 'byed pa yang dag byang chub kyi yan lag gi zas gang zhe na/ dge ba'i chos rnams rab tu rnam par 'byed pa dang /mi dge ba'i chos rnams rab tu rnam par 'byed pa ste/ de la tshul bzhin du yid la byed pa lan mang du byed na chos rab tu rnam par 'byed pa yang dag byang chub kyi yan lag ma skyes pa dag skye bar 'gyur zhing skyes pa dag phyir zhing 'phel zhing rgyas pa dang yangs par 'gyur ro//dge slong dag 'di ni chos rab tu rnam par 'byed pa yang dag byang chub kyi yan lag gi zas zhes bya'o/ /dge slong dag brtson 'grus yang dag byang chub kyi yan lag gi zas gang zhe na/ yang dag par spong ba bzhi rnams te/de la tshul bzhin du yid la byed pa lan mang du byed na brtson 'grus yang dag byang chub kyi yan lag ma skyes pa skye zhing skyes pa phyir zhing 'phel zhing rgyas pa dang yangs par 'gyur te/ dge slong dag 'di ni brtson 'grus yang dag byang chub kyi yan lag gi zas zhes bya'o//dge slong dag dga' ba yang dag byang chub kyi yan lag gi zas gang zhe na/ dga' ba dang dga' ba'i gnas lta bu'i chos rnams te/ de la tshul bzhin du yid la byed pa lan mang du byed na dga' ba yang dag byang chub kyi yan lag ma skyes pa skye bar 'gyur zhing skyes pa 'phel zhing rgyas pa dang yangs par 'gyur ro//dge slong dag 'di ni dga' ba yang dag byang chub kyi yan lag gi zas zhes bya'o/ /dge slong dag shin tu sbyangs pa yang dag byang chub kyi yan lag gi zas gang zhe na/lus shin tu sbyangs pa dang / sems shin tu sbyangs pa ste/ de la tshul bzhin du yid la byed pa lan mang du byed na shin tu sbyangs pa yang dag byang chub kyi yan lag ma skyes pa skye bar 'gyur zhing skyes pa dag 'phel zhing rgyas pa dang yangs par 'gyur te/dge slong dag 'di ni shin tu sbyangs pa yang dag byang chub kyi yan lag gi zas zhes bya'o/ /dge slong dag ting nge 'dzin yang dag byang chub kyi yan lag gi zas gang zhe na/ ting nge 'dzin dang / ting nge 'dzin gyi rgyu mtshan te/ de la tshul bzhin du yid la byed pa lan mang du byed na ting nge 'dzin yang dag byang chub kyi yan lag ma skyes pa dag skye bar 'gyur zhing skyes pa dag phyir zhing 'phel zhing rgyas pa dang yangs par 'gyur te/dge slong dag 'di ni ting nge 'dzin yang dag byang chub kyi yan lag gi zas zhes bya'o/ /dge slong dag btang snyoms yang dag byang chub kyi yan lag gi zas gang zhe na/khams gsum po spangs pa'i khams dang / 'dod chags dang bral ba'i khams dang / 'gog pa'i khams rnams te/ de la tshul bzhin du yid la byed pa lan mang du byed na btang snyoms yang dag byang chub kyi yan lag ma skyes pa dag skye bar 'gyur zhing skyes pa dag phyir zhing 'phel zhing rgyas pa dang yangs par 'gyur te/dge slong dag 'di ni btang snyoms yang dag byang chub kyi yan lag gi zas zhes bya ste/ 'di lta ste/ zas kyis lus gnas shing zas la brten te lus gnas kyi zas med par ni ma yin pa de bzhin du byang chub kyi yan lag bdun po dag kyang zas kyis gnas shing zas la brten nas gnas kyi/zas med par ni ma yin no/ /dge slong dag sgrib pa rnam pa lnga dang / byang chub kyi yan lag bdun gyi zas dang zas ma yin pa bstan par bya yis zhes ngas ji skad du bstan pa de rgyas par rab tu bshad do zhes gsungs so//chos mngon pa mdzod kyi rnam par bshad pa nye bar mkho ba las gnas lnga pa phal cher mdo dang sbyar ba rdzogs so// // @##/ /sman pa'i rgyal po yan lag rnam pa bzhi dang ldan pa zhes bya ba la/ gleng gzhi ni mnyan du yod pa na'o/ /yan lag rnam pa bzhi dang ldan pa'i sman pa zug rngu 'byin pa ni rgyal po la 'os shing rgyal po la rigs pa rgyal po'i yan lag gi grangs su 'gro'o//bzhi gang zhe na dge slong dag 'di la sman pa zug rngu 'byin pa nad la mkhas par gyur pa dang / nad kun nas slong ba la mkhas pa dang /nad kun nas spang ba la mkhas pa dang / nad byung ba dag phyir mi ldog par bya ba'i thabs la mkhas par gyur pa'o/ /dge slong dag ji ltar na sman pa zug rngu 'byin pa nad la mkhas par gyur pa yin zhe na/dge slong dag 'di la sman pa zug rngu 'byin pa nad 'di ni 'di dang 'di lta bu'o zhes nad shes par gyur pa yin te/ dge slong dag 'di ltar na sman pa zug rngu 'byin pa nad la mkhas par gyur pa yin no//dge slong dag ji ltar na sman pa zug rngu 'byin pa/ nad kun nas slong ba la mkhas par gyur pa yin zhe na/ dge slong dag 'di la sman pa zug rngu 'byin pa/ / nad 'di ni rlung gis kun nas bslang ba/ nad 'di ni mkhris pas kun nas bslang ba/ nad 'di ni bad kan gyis kun nas bslang ba/ nad 'di ni 'dus pas kun nas bslang ba/ 'di ni glo bur ba/ 'di ni dus yongs su 'gyur ba zhes nad kun nas slong ba shes par gyur pa yin te/dge slong dag 'di ltar na sman pa zug rngu 'byin pa nad kun nas slong ba la mkhas par gyur pa yin no/ /dge slong dag ji ltar na sman pa zug rngu 'byin pa nad byang ba'i thabs la mkhas pa yin zhe na/dge slong dag 'di la sman pa zug rngu 'byin pa nad 'di ni mig sman gyis/ 'di ni mig sman so sos/ 'di ni skyug pas/ 'di ni 'khru bas/ 'di ni stod sbyangs kyis/ 'di ni smad sbyangs kyis/'di ni sna sbyangs gyis/ 'di ni du ba btung bas/ 'di ni rdul gdon pas zhes de lta bu'i rang bzhin gyi bya ba rnams kyis nad skyes pa rnams spang ba'i bya ba shes par gyur pa yin te/ dge slong dag 'di ltar na sman pa zug rngu 'byin pa nad spong ba la mkhas par gyur pa yin no//dge slong dag ji ltar na sman pa zug rngu 'byin pa nad byang ba phyir mi ldog par bya ba'i thabs la mkhas par gyur pa yin zhe na/ dge slong dag 'di la sman pa zug rngu 'byin pa nad 'di ni 'di dang 'di lta bu'o zhes phyir mi ldog par bya ba'i bya ba rnams kyis spong zhing phyis mi skye bar shes par gyur pa yin te/dge slong dag 'di ltar na sman pa zug rngu 'byin pa nad byang ba phyir mi ldog par bya ba'i thabs la mkhas par gyur pa yin no/ /de bzhin du de bzhin gshegs pa dgra bcom pa yang dag par rdzogs pa'i sangs rgyas ni yan lag rnam pa bzhi dang ldan pa'i sman pa zug rngu 'byin pa bla na med pa zhes brjod de/bzhi gang zhe na/ dge slong dag de bzhin gshegs pas 'di ni sdug bsngal 'phags pa'i bden pa'o zhes yang dag pa ji lta ba bzhin rab tu mkhyen cing /'di ni sdug bsngal kun 'byung ba/ 'di ni sdug bsngal 'gog pa/ 'di ni sdug bsngal 'gog par 'gro ba'i lam mo zhes yang dag pa ji lta ba bzhin du rab tu mkhyen te/ dge slong dag sman pa zug rngu 'byin pa sdug bsngal gyi rtsa ba spong ba'i sman dag mi shes la/ skye ba dang rga ba dang na ba dang 'chi ba dang mya ngan dang /smre sngags 'don pa dang / sdug bsngal ba dang yid mi bde ba dang 'khrug pa'i sdug bsngal gyi rtsa ba spong ba'i sman dag mi shes so/ /dge slong dag de bzhin gshegs pa dgra bcom pa yang dag par rdzogs pa'i sangs rgyas kyis sdug bsngal gyi rtsa ba spong ba'i sman mkhyen cing skye ba dang /rga ba dang na ba dang 'chi ba dang / mya ngan dang smre sngags 'don pa dang / sdug bsngal ba dang yid mi bde ba dang / 'khrug pa'i sdug bsngal gyi rtsa ba spong ba'i sman dag mkhyen te/ de'i phyir de bzhin gshegs pa dgra bcom pa yang dag par rdzogs pa'i sangs rgyas ni sman pa zug rngu 'byin pa bla na med pa zhes brjod do zhes gsungs so//'di dag ni 'phags pa rnams la bden pa de'i phyir 'phags pa'i bden pa zhes bya'o zhes bya ba la/ gleng gzhi ni mnyan du yod pa na'o/ /dge slong dag khyed cag gis ngas 'phags pa'i bden pa bzhi bstan pa khyed cag gis gzung ngam/de nas dge slong gzhan zhig stan las langs te/ bla gos phrag pa gcig tu byas nas bcom ldan 'das gang na ba der thal mo sbyar te phyag byas nas/ bcom ldan 'das la 'di skad ces gsol to/ /btsun pa bcom ldan 'das kyis gsungs pa'i 'phags pa'i bden pa bzhi po dag bdag gis bzung lags so//dge slong khyod kyis ngas bstan pa'i 'phags pa'i bden pa bzhi po dag ji lta ji lta bur bzung / bcom ldan 'das kyis sdug bsngal 'phags pa'i bden pa'o zhes bstan pa de bdag gis bzung ste/de bzhin dang gzhan du mi 'gyur ba dang / de kho na nyid dang / ji lta ba bzhin dang / phyin ci ma log cing 'phags pa rnams la bden pa de'i phyir 'phags pa'i bden pa zhes brjod do/ /sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam zhes bstan pa de bdag gis bzung ste/de bzhin dang gzhan du mi 'gyur ba dang / de kho na nyid dang / ji lta ba bzhin dang / phyin ci ma log cing 'phags pa rnams la bden pa de'i phyir 'phags pa'i bden pa zhes brjod do/ /btsun pa bcom ldan 'das kyis bstan pa'i 'phags pa'i bden pa bzhi rnams bdag gis de ltar bzung ngo //dge slong ngas bstan pa'i 'phags pa'i bden pa bzhi bzung ba legs so legs so/ /de ci'i phyir zhe na/ sdug bsngal 'phags pa'i bden pa'o zhes ngas bstan pa dge slong 'dis rab tu bzung zhing de bzhin zhes bya ba nas/ snga ma bzhin du 'di dag 'phags pa rnams la bden pa de'i phyir 'phags pa'i bden pa zhes brjod do zhes bya ba'i bar du'o//sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa zhes bstan pa de dge slong 'dis rab tu bzung zhing de bzhin dang zhes bya ba nas/snga ma bzhin du 'di dag 'phags pa rnams la bden pa de'i phyir 'phags pa'i bden pa zhes bya'o zhes bya ba'i bar du'o/ /dge slong dag de'i phyir 'phags pa'i bden pa bzhi po sngon mngon par ma rtogs pa rnams mngon par rtogs par bya ba'i phyir dran pa dang shes bzhin gyis 'dun pa drag po dang /brtson 'grus dang / 'bad pa dang / rtsol ba dang / mi gtong ba dang / rab tu 'bad pa chen po zhes bya'o zhes gsungs so/ /'phags pas bde bar gang gsungs pa/ /de ni gzhan gyis sdug bsngal rig /ces bya ba la/ gleng gzhi ni mnyan du yod pa na'o/ /dge slong dag lha dang mi rnams gzugs la dga' zhing gnas te/gzugs la kun du dga' ba dang / gzugs la rab tu dga' ba dang / gzugs la mngon par dga' ba dang / gzugs la 'dod chags dang bral ba dang / 'gags na lha dang mi rnams su sdug bsngal bar gnas so/ / sgra la dga' ba dang / dri la dga' ba dang / ro la dga' ba dang / reg bya la dga' ba dang / chos la dga' ba dang / chos la kun du dga' ba dang / chos la rab tu dga' ba dang / chos la mngon par dga' ba dang / chos la 'dod chags dang bral ba dang / 'gags na lha dang mi rnams su sdug bsngal bar gnas so//dge slong dag de bzhin gshegs pa dgra bcom pa yang dag par rdzogs pa'i sangs rgyas kyis ni gzugs kyi kun 'byung ba dang / mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin rab tu mkhyen te/ gzugs kyi kun 'byung ba dang / mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin rab tu mkhyen pas gzugs la dga' zhing gnas te/ gzugs la kun du dga' ba dang / gzugs la rab tu dga' ba dang / gzugs la mngon par dga' ba med cing gzugs la 'dod chags dang bral zhing 'gags na de bzhin gshegs pa dgra bcom pa yang dag par rdzogs pa'i sangs rgyas sdug bsngal bar mi gnas so//dge slong dag de bzhin gshegs pa dgra bcom pa yang dag par rdzogs pa'i sangs rgyas rnams kyis sgra dang / dri dang / ro dang / reg bya dang / chos rnams kyi kun 'byung ba dang / mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin rab tu mkhyen to/ /de chos rnams kyi kun 'byung ba dang mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin du rab tu mkhyen pas chos la mngon par dga' zhing mi gnas te/chos la kun du dga' ba dang / chos la rab tu dga' ba dang / chos la mngon par dga' ba med cing chos la 'dod chags dang bral zhing 'gags na de bzhin gshegs pa dgra bcom pa yang dag par rdzogs pa'i sangs rgyas sdug bsngal bar mi gnas so//de ci'i phyir zhe na/ mig dang gzugs la brten nas mig gi rnam par shes pa skye bar 'gyur zhing / gsum 'dus pa las reg pa dang / reg pa'i rkyen gyis tshor ba bde ba dang / sdug bsngal ba dang bde ba yang ma yin sdug bsngal ba yang ma yin pa skye bar 'gyur ro zhes des tshor ba 'di rnams kyi kun 'byung ba dang /mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin rab tu mkhyen te/ des tshor ba 'di dag gi kun 'byung ba dang / mi snang ba dang /ro myang ba dang / nyes dmigs dang / nges par 'byung ba yang dag pa ji lta ba bzhin rab tu mkhyen pas gzugs la kun du sbyor ba de dag zad cing gzhan gyis sbyor ba'i sbyor ba dag zad la mya ngan las 'das pa grub pa dang bde ba bla na med pa zhes brjod do/ /dge slong dag rna ba dang / sna dang lce dang lus dang yid dang chos la brten nas yid kyi rnam par shes pa skye bar 'gyur zhing gsum 'dus pa las reg pa dang /reg pa la brten te tshor ba bde ba dang sdug bsngal ba dang bde ba yang ma yin sdug bsngal ba yang ma yin pa skye bar 'gyur te/ des tshor ba 'di dag gi kun 'byung ba dang zhes bya ba nas snga ma bzhin du nges par 'byung ba yang dag pa ji lta ba bzhin rab tu mkhyen pas chos la kun du sbyor ba de dag zad cing gzhan gyis sbyor ba'i sbyor ba dag zad la mya ngan las 'das pa grub pa dang bde ba bla na med pa zhes brjod do zhes bya ba'i bar du'o//ston pas gzhan yang 'di skad bka' stsal to/ /gzugs dang sgra dang dri dang ro//reg dang chos rnams 'ba' zhig la/ /lha mir bcas pa'i 'jig rten rnams/ /'dod dang sdug dang yid 'ong dang / /ji srid yod pa zhes brjod cing / /de la bde ba nyid du rig /gang phyir 'dod chags bral 'gags na/ /de dag sdug bsngal nyid du rig /'jig tshogs lta ba 'gags pa ni//gzhan gyis bde ba mthong ba yin/ /rkyen las 'di dag byung ba dang / /'jig rten kun gyis mthong ma yin/ /'phags pas bde bar gang gsungs pa/ /de ni sdug bsngal gzhan gyis rig /gzhan gyis sdug bsngal gang smras pa/ /de ni 'phags pas bde bar mkhyen/ / gang las byis pa rmongs gyur pa/ /mun pas kun nas bskor ba dang / /mun pa lta bur gyur pa yi/ /rtogs par dka' ba'i chos rnams ltos/ /sgron ma mthong ba ji lta bar/ /de dag sgrib pa med par 'gyur/ /kha cig rnam par mi shes mi/ /chos rnams ji ltar rig par 'gyur/ / srid pa'i 'dod chags mthar phyin pa/ /chos rnams yang dag rig par 'gyur/ /gang yang 'di dag 'phags pa las/ /gzhan gyis rtogs par rigs ma yin/ /go 'phang gang zhig yongs shes na/ /yang srid dag tu 'gro mi 'gyur/ /zhes gsungs so/ /bde ba'i tshor ba skye ba na bde ba zhes bya ba la/lung bar ma'i sdom gyi tshigs su bcad pa gsum pa'i mthar dge slong ma chos sbyin gyi mdo las 'don pa sdug bsngal gyi tshor ba ni 'gags pa na bde zhes mdo bris zin to/ /gang mi rtag pa de ni sdug bsngal ba'o zhes bya ba la/ gleng gzhi ni mnyan du yod pa na'o/ /dge slong dag gzugs mi rtag pa ste gang mi rtag pa de ni sdug bsngal ba/de ni bdag med pa ste/ gang bdag med pa de thams cad ni nga'i zhes bya ba dang / 'di bdag gi zhes bya ba dang / bdag 'di'i zhes bya ba med do zhes 'di ltar yang dag pa'i shes rab kyis blta bar bya'o/ /dge slong dag 'di ltar mthong ba'i 'phags pa nyan thos thos pa dang ldan pa dag gzugs la skyo bar 'gyur zhing tshor ba dang /'du shes dang / 'du byed dang / rnam par shes pa rnams la yang skyo bar 'gyur te/ skyo na 'dod chags dang bral zhing 'dod chags dang bral na grol bar 'gyur zhing / grol na rnam par grol ba'i ye shes mthong ba bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya bar 'gyur ro zhes gsungs so/ /skye mched drug gi tshogs kyi sdom gyi tshigs su bcad pa gnyis pa'i mdo lnga pa las gzugs la sogs pa'i gnas rnams dang /mig la sogs pa nang gi bdag nyid kyi skye mched rnams su byas nas de ltar 'don to// //gang cung zad tshor ba de thams cad sdug bsngal ba'o zhes bya ba la/ gleng gzhi yang dag par ldan pa'i sgo gsum pa'i sdom gyi tshigs su bcad pa lnga par lnga pa dang yan lag lngar bzhag pa zhes bya ba'i mdo las gnas brtan 'char byed kyis bcom ldan 'das la yongs su dris pa ji skad du btsun pa bcom ldan 'das la bdag don 'di lta bu yongs su 'dri ste/btsun pa tshor ba rnams du zhig mchis pa bcom ldan 'das kyis bshad du gsol/'char byed ngas tshor ba gcig tu bshad pa'i rnam grangs kyang yod/ ngas tshor ba gnyis su bshad pa'i rnam grangs kyang yod/ ngas tshor ba gsum du bshad pa'i rnam grangs kyang yod/ ngas tshor ba bzhir bshad pa'i rnam grangs kyang yod/ ngas tshor ba lngar bshad pa'i rnam grangs kyang yod/ngas tshor ba drug tu bshad pa'i rnam grangs kyang yod/ ngas tshor ba bco brgyad du bshad pa'i rnam grangs kyang yod/ ngas tshor ba sum cu rtsa drug tu bshad pa'i rnam grangs kyang yod/ ngas tshor ba brgya rtsa brgyad du bshad pa'i rnam grangs kyang yod/ ngas tshor ba tshad med par bshad pa'i rnam grangs kyang yod do//'char byed ngas tshor ba gcig tu bshad pa'i rnam grangs gang zhe na/ gang cung zad tshor ba de thams cad ni sdug bsngal ba ste/ 'char byed rnam grangs 'dis na ngas tshor ba gcig tu bshad do/ /'char byed ngas tshor ba gnyis su bshad pa'i rnam grangs gang zhe na/lus kyi dang sems kyi ste/ 'char byed rnam grangs 'dis na ngas tshor ba gnyis su bshad do/ /'char byed ngas tshor ba gsum du bshad pa'i rnam grangs gang zhe na/ bde ba dang / sdug bsngal ba dang / bde ba yang ma yin sdug bsngal ba yang ma yin pa ste/ 'char byed ngas rnam grangs 'dis na tshor ba gsum du bshad do//'char byed ngas tshor ba bzhir bshad pa'i rnam grangs gang zhe na/ 'dod pa dang yang dag par ldan pa dang / gzugs dang yang dag par ldan pa dang / gzugs med pa dang yang dag par ldan pa dang / zag pa med pa dang yang dag par ldan pa ste/ 'char byed ngas rnam grangs 'dis na tshor ba bzhir bshad do//'char byed ngas tshor ba lngar bshad pa'i rnam grangs gang zhe na/ bde ba'i dbang po dang / sdug bsngal ba'i dbang po dang / yid bde ba'i dbang po dang / yid mi bde ba'i dbang po dang / btang snyoms kyi dbang po ste/ 'char byed ngas rnam grangs 'dis na tshor ba lngar bshad do//'char byed ngas tshor ba drug tu bshad pa'i rnam grangs gang zhe na/ mig gi 'dus te reg pa las skyes pa'i tshor ba dang / rna ba dang / sna dang / lce dang / lus dang / yid kyi 'dus te reg pa las skyes pa'i tshor ba ste/ 'char byed ngas rnam grangs 'dis na tshor ba drug tu bshad do//'char byed ngas tshor ba bco brgyad du bshad pa'i rnam grangs gang zhe na/ yid bde ba'i nye bar rgyu ba drug dang / yid mi bde ba'i nye bar rgyu ba drug dang / btang snyoms kyi nye bar rgyu ba drug ste/ de dag gcig tu bsdams na tshor ba bco brgyad du 'gyur te/ 'char byed ngas rnam grangs 'dis na tshor ba bco brgyad du bshad do//'char byed ngas tshor ba sum cu rtsa drug tu bshad pa'i rnam grangs gang zhe na/ yid bde ba zhen pa la brten pa drug dang / yid bde ba mngon par 'byung ba la brten pa drug dang / yid mi bde ba zhen pa la brten pa drug dang / yid mi bde ba mngon par 'byung ba la brten pa drug dang /btang snyoms zhen pa la brten pa drug dang / btang snyoms mngon par 'byung ba la brten pa drug ste/ gcig tu bsdus nas sum cu rtsa drug tu 'gyur ro/ /'char byed ngas rnam grangs 'dis tshor ba sum cu rtsa drug tu bshad do/ /'char byed ngas rnam grangs gang gis tshor ba brgya rtsa brgyad du bshad ce na/'das pa'i dus su byung ba'i tshor ba sum cu rtsa drug dang / ma 'ongs pa'i dus na 'byung bar 'gyur ba'i tshor ba sum cu rtsa drug dang / da ltar byung ba'i dus na byung ba'i tshor ba sum cu rtsa drug ste/ de dag gcig tu bsdus na tshor ba brgya rtsa brgyad du 'gyur te/'char byed ngas rnam grangs 'dis na tshor ba brgya rtsa brgyad du bshad do/ /'char byed ngas tshor ba dpag tu med par bshad pa'i rnam grangs gang zhe na/ ji ltar tshor yang tshor ba zhes bya ba'i grangs su 'gro ste/ 'char byed ngas rnam grangs 'dis na tshor ba dpag tu med par bshad do/ / 'char byed gang 'ba' zhig ngas rnam grangs kyis bshad pa'i chos rnams rnam pa thams cad kyi thams cad du thams cad kyis don thams cad mi shes na/ de dag 'thab pa dang / mtshang 'dru ba dang / rtsod pa dang / rnam par smra ba dang / rtsod par skye zhing byung ba dag ston pa'i chos 'dul bas nye bar ma zhi bar gnas so zhes re bar bya'o//'char byed gang 'ga' zhig ngas rnam grangs kyis bshad pa'i chos rnams rnam pa thams cad kyi thams cad du thams cad kyis don thams cad shes na/ de dag 'thab pa dang / mtshang 'dru ba dang / rtsod pa dang / rnam par smra ba dang /rtsod pa skyes shing byung ba dag ston pa'i chos 'dul ba la nye bar zhi zhing gnas par 'gyur ro zhes re bar bya'o zhes gsungs so// //ngas 'du byed mi rtag pa nyid la dgongs nas zhes bya ba la/ gleng gzhi ni mnyan du yod pa na'o/ /de nas tshe dang ldan pa kun dga' bo gcig bu dben pa na nang du yang dag 'jog la gnas pa na sems la sems kyis yongs su rtog pa 'di lta bu dag skyes te/bcom ldan 'das kyis bde ba dang sdug bsngal ba dang / bde ba yang ma yin sdug bsngal ba yang ma yin pa'i tshor ba gsum du yang gsungs la/ bcom ldan 'das kyis tshor ba gang ci yang rung ba de thams cad ni sdug bsngal ba'o zhes kyang gsungs/bcom ldan 'das kyis ci la dgongs nas tshor ba gang ci yang rung ba de thams cad ni sdug bsngal ba'o zhes gsungs snyam du sems na/ de nas tshe dang ldan pa kun dga' bo dgongs ka nang du yang dag 'jog las langs te/bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas nas/ phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa bcom ldan 'das 'di na bdag gcig pu dben par gyur pa na nang du yang dag 'jog la gnas pa na sems la sems kyi rnam par rtog pa 'di lta bu dag skyes te/bcom ldan 'das kyis tshor ba 'di gsum du yang gsungs la zhes bya ba nas/ tshor ba gang ci yang rung ba de thams cad ni sdug bsngal ba'o zhes kyang gsungs zhes bya ba'i bar du'o//kun dga' bo ngas 'du byed ni mi rtag pa nyid dang yongs su 'gyur ba nyid la dgongs nas tshor ba gang ci yang rung ba de thams cad ni sdug bsngal ba'o zhes gsungs so/ /kun dga' bo 'on kyang 'du byed rnams rim pa bzhin du nye bar zhi bar 'gyur zhing rim pa bzhin du 'du byed rnams nye bar zhi bar 'gyur te/rim pa bzhin du 'du byed rnams so sor 'gag par 'gyur zhing rim pa bzhin du 'du byed rnams so sor rab tu 'gag par 'gyur ro/ /btsun pa ji lta ji ltar 'du byed rnams rim gyis nye bar zhi bar 'gyur zhing rim pa bzhin du 'du byed rnams nye bar zhi bar 'gyur zhe na/kun dga' bo bsam gtan dang po la snyoms par zhugs na ngag nye bar zhi bar 'gyur ro/ /bsam gtan gnyis pa la snyoms par zhugs na rtog pa dang dpyod pa nye bar zhi bar 'gyur ro/ /bsam gtan gsum pa la snyoms par zhugs na dga' ba nye bar zhi bar 'gyur ro/ /bsam gtan bzhi pa la snyoms par zhugs na dbugs 'byung ba dang rngub pa nye bar zhi bar 'gyur ro//'du shes dang tshor ba 'gog pa la snyoms par zhugs na 'du byed dang tshor ba nye bar zhi bar 'gyur te/ kun dga' bo 'di ltar 'du byed rnams rim pa bzhin du nye bar zhi bar 'gyur zhing rim pa bzhin du nye bar zhi bar 'gyur ro/ /btsun pa 'di ltar 'du byed rnams rim gyis nye bar zhi bar 'gyur zhing rim pa bzhin du 'du byed rnams nye bar zhi bar 'gyur na/btsun pa ji lta ji ltar rim pa bzhin du 'du byed rnams so sor 'gag par 'gyur zhing / rim pa bzhin du 'du byed rnams rab tu so sor 'gag par 'gyur zhe na/ kun dga' bo bsam gtan dang po la snyoms par zhugs na ngag so sor 'gag par 'gyur zhes bya ba nas/'du shes dang tshor ba 'gog pa la snyoms par zhugs na 'du shes dang tshor ba so sor 'gag par 'gyur zhes bya ba'i bar du ste/ kun dga' bo 'di ltar na rim pa bzhin du 'du byed rnams so sor 'gag par 'gyur zhing rim pa bzhin du 'du byed rnams so sor 'gag par 'gyur ro//kun dga' bo so sor 'gag pa de dag las mchog tu gyur pa'i so sor 'gag pa/ khyad par du 'phags pa'i so sor 'gag pa/ bla na med pa'i so sor 'gag pa/ gong na med pa'i so sor 'gag pa/ so sor 'gag pa gzhan las so sor 'gag pa/ bla na med par 'jug pa/ 'das par 'jug pa/ gya nom par 'jug pa drug pa yang yod de/ kun dga' bo so sor 'gag pa de dag las zhes bya ba nas/ so sor 'gag pa gzhan las so sor 'gag pa/ bla na med par 'jug pa/ 'das par 'jug pa/ gya nom par 'jug pa drug pa de gang zhe na/ kun dga' bo 'di na dge slong sems 'dod chags las 'dod chags dang bral zhing rnam par grol bar 'gyur/zhe sdang dang gti mug las sems 'dod chags dang bral zhing rnam par grol bar gyur pa ste/ kun dga' bo 'di ni so sor 'gag pa de dag las zhes bya ba nas/ so sor 'gag pa gzhan las so sor 'gag pa/bla na med par 'jug pa/ 'das par 'jug pa/ gya nom par 'jug pa drug pa'o/ /rdzogs pa'i sangs rgyas rab mkhyen pas/ /'du byed mi rtag nyid dang ni/ /yongs su 'gyur ba nyid mkhyen nas/ /tshor ba sdug bsngal zhes gsungs so/ /gang yang dge slong brtson ldan zhing / /shes bzhin yongs su mi gtong ba//de yis tshor ba 'di dag kun/ /yongs su shes pa de mkhas pa'o/ /de yis tshor ba yongs shes nas/ /mthong ba'i chos la zag pa med/ /phung po zhig par gyur pa na/ /shes rab mya ngan 'das grangs 'thob/ /ces gsungs so// //bde ba'i tshor ba ni sdug bsngal ba nyid du blta bar bya'o zhes bya ba la/gleng gzhi ni mnyan du yod pa na'o/ /dge slong dag tshor ba ni gsum po 'di dag ste/ gsum gang zhe na/ bde ba'i tshor ba dang / sdug bsngal gyi tshor ba dang / bde ba yang ma yin sdug bsngal ba yang ma yin pa'i tshor ba'o/ /dge slong dag de la bde ba'i tshor ba ni sdug bsngal du blta bar bya'o//sdug bsngal gyi tshor ba ni zug rngur blta bar bya'o/ /bde ba yang ma yin sdug bsngal ba yang ma yin pa'i tshor ba ni mi rtag pa dang / yongs su 'gyur ba'i chos can du blta bar bya'o/ /dge slong dag dge slong gang zhig bde ba'i tshor ba sdug bsngal du mthong bar gyur cing /sdug bsngal gyi tshor ba 'bras dang / bde ba yang ma yin sdug bsngal ba yang ma yin pa'i tshor ba ni mi rtag pa dang / yongs su 'gyur ba'i chos can du mthong na/ dge slong 'dis yang dag pa legs par mthong ba zhes bya'o/ /ston pas gzhan yang 'di skad bka' stsal to/ / gang gis bde ba sdug bsngal mthong / /de bzhin sdug bsngal zug rngu dang / /bde min sdug bsngal ma yin la/ /mi rtag nyid du mthong gyur pa/ /dge slong de yis yang dag mthong / /zhi zhing zhi ba'i go 'phang reg /bdag tu 'dzin pa bcom nas ni/ /bdud kyi sde las rgyal bar 'gyur/ / zhes gsungs so// //gang yang ji skad du sdug bsngal ba la bde'o zhes 'du shes phyin ci log ces bya ba la/ mu bzhi pa'i tshoms kyi sdom gyi tshigs su bcad pa bzhi pa'i mdo gnyis pa las 'byung ba/ mdzod kyi gnas lnga pa 'di nyid du phyin ci log gi mdo las bris pa blta bar bya'o/ / gang yang bde ba'i dbang po dang / /zhes bya ba la/ gleng gzhi ni mnyan du yod pa na'o/ /dge slong dag dbang po ni lnga po 'di dag ste/ bde ba'i dbang po dang / sdug bsngal gyi dbang po dang / yid bde ba'i dbang po dang / yid mi bde ba'i dbang po dang / btang snyoms kyi dbang po'o/ /de la bde ba'i dbang po gang yin pa dang /yid mi bde ba'i dbang po gang yin pa ni bde ba'i tshor bar blta bar bya'o/ /sdug bsngal gyi dbang po gang yin pa dang / yid mi bde ba'i dbang po gang yin pa ni sdug bsngal gyi tshor bar blta bar bya'o/ /btang snyoms kyi dbang po gang yin pa ni bde ba yang ma yin sdug bsngal ba yang ma yin par blta bar bya'o//gang gis dbang po lnga po 'di dag yang dag pa'i shes rab kyis yang dag pa ji lta ba bzhin mthong na kun du sbyor ba gsum spong zhing yongs su shes par 'gyur te/ gsum gang zhe na 'jig tshogs la lta ba dang / tshul khrims dang brtul zhugs mchog tu 'dzin pa dang /the tshom mo/ /rgyun du zhugs pa mi ltung ba'i chos can rdzogs pa'i byang chub tu nges pa mchog tu thogs na srid pa lan bdun pa/ lha dang mi rnams kyi nang du lan bdun du nying mtshams sbyar nas sdug bsngal mthar byed par gyur pa dag yin no zhes gsungs so// // ming chen gzugs gcig tu sdug bsngal ba zhes bya ba la sogs pa la/ bcom ldan 'das yangs pa can na spre'u'i rdzing gi gtsug lag khang na bzhugs te/ de'i tshe na lits+tsha bI ming chen zhes bya ba nyi ma re re zhing bcom ldan 'das la blta ba dang / bsnyen bkur ba'i phyir brtson par byed par gyur to/ /de nas lits+tsha bI ming chen 'di snyam du bdag bcom ldan 'das la blta ba dang bsnyen bkur ba'i phyir 'gro na/re zhig nam nangs kyi bar du bcom ldan 'das kyang nang du yang dag 'jog las ma bzhengs shing / dge slong rnams kyang nang du yang dag 'jog las ma langs pas bdag 'tsho ba pa'i a mra bdun pa dag gi nang du nye bar 'gro bar bya'o snyam nas/de nas lits+tsha bI ming chen 'tsho ba pa'i a mra bdun pa'i kun dga' rab gang na ba der song ngo / /de'i tshe na 'tsho ba pa'i a mra bdun pa'i kun dga' ra ba na 'od srungs rdzogs byed dge 'dun gyi grangs kyis bgrang zhing 'phags pa ltar bcos pa'i skye bo mang po dang chen por bgrang pa dag gis mdun du byas te/'tsho ba pa lnga brgya tsam gyis gtso bor byas te 'dug par gyur te/ de'i 'khor rnams ku co dang ca co dang sgra gsang chen po dang / sgra gsang mthon po dag gis so so nas smra ste/ dud 'gro'i gtam brjod cing 'dus par gyur cing 'dug pas 'od srungs rdzogs byed kyis lits+tsha bI ming chen 'ongs par gyur pa dag thag ring po nas sngar mthong nas rang gi 'khor rnams la sgra chung ngur byed du bcug ste/khyed cag re zhig sgra chung ngur gyis shig /khyed cag kha rog 'dug cig /dge sbyong gau ta ma'i nyan thos lits+tsha bI ming chen zhes bya ba 'ong zhing 'dug gi/ dge sbyong gau ta ma'i nyan thos yangs pa can na gnas pa khyim pa gos dkar po gyon pa de dag las lits+tsha bI ming chen ni mchog tu gyur pa ste/sgra chung bar 'dod pa/ sgra chung ba la dga' ba/ sgra chung bas 'dul ba/ sgra chung ba'i bsngags pa brjod pa/ 'khor sgra chung bar rig nas 'ong bar bya'o snyam du sems so/ /de skad ces smras pa dang /'khor rnams kha rog 'dug par gyur to/ /de nas lits+tsha bI ming chen 'od srungs rdzogs byed gang na ba der nye bar 'ongs te/ nye bar 'ongs nas 'od srungs rdzogs byed dang lhan cig yang dag par dga' ba dang / yang dag par bde bar 'gyur ba'i gtam rnam pa sna tshogs byas te/ phyogs gcig tu 'dug go/ /phyogs gcig tu 'dug nas lits+tsha bI ming chen gyis 'od srungs rdzogs byed la 'di skad ces smras so/ /'od srungs khyed 'od srung ba dag 'di skad du sems can rnams kun nas nyon mongs pa ni rgyu med rkyen med/ sems can rnams ni rgyu med rkyen med pa'i kun nas nyon mongs so//sems can rnams kyi rnam par byang ba ni rgyu med rkyen med de/ sems can rnams ni rgyu med rkyen med par rnam par byang ngo zhes nyan thos rnams la chos ston to zhes thos nas/ 'od srungs gang kha cig 'di skad smra zhing 'di skad du lung ston na khyed cag 'od srung ba dag smod par byed dam/mi bden par smra ba dang / khyed cag 'od srung ba'i chos smra ba dang / chos la chos kyi rjes su mthun par lung ston pa yin no/ /'ga' zhig 'ongs te 'khor gyi nang du chos smra ba dang rjes su smra na chos smad pa'i gnas su mi byed dam/ ming chen de skad du smra ste/ de ltar lung ston pa bden te/ smod par mi byed la/mi bden par smra ba ma yin la chos smra ba yin zhing / chos la chos kyi rjes su mthun par lung ston pa yin zhing de dag las 'ga' zhig 'ongs te 'khor gyi nang du chos smra ba dang rjes su smra na chos de lta bu smad pa'i gnas su mi byed do/ /de ci'i phyir zhe na/ ming chen nga yang 'di ltar lta zhing 'di skad du smra ste/sems can rnams kyi kun nas nyon mongs pa ni rgyu med rkyen med de/ sems can rnams ni rgyu med rkyen med par kun nas nyon mongs so/ /sems can rnams kyi rnam par byang ba ni rgyu med rkyen med de/ sems can rnams ni rgyu med rkyen med par rnam par byang ngo / /de nas lits+tsha bI ming chen 'od srungs rdzogs byed kyis bshad pa la khro bar yang mi byed/rjes su yi rang bar yang mi byed par stan las langs te song ngo / /de nas lits+tsha bI ming chen bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go//phyogs gcig tu 'dug nas lits+tsha bI ming chen 'od srungs rdzogs byed dang lhan cig gtam gzhan brjod pa de thams cad rgyas par bcom ldan 'das la gsol to/ /de skad ces gsol pa dang / bcom ldan 'das kyis lits+tsha bI ming chen la 'di skad ces bka' stsal to/ /ming chen 'od srungs rdzogs byed ni ma dpyad par de'i rang bzhin ma yin pa dang /so sor ma brtags pa'i chos smra ba yin te/ ji ltar yang byis pa rmongs pa mi gsal ba mi mkhas pa 'di skad du sems can rnams kyi kun nas nyon mongs pa ni rgyu med rkyen med de/ sems can rnams ni rgyu med rkyen med par kun nas nyon mongs so//sems can rnams kyi rnam par byang ba ni rgyu med rkyen med de/ sems can rnams ni rgyu med rkyen med par rnam par byang ngo zhes smra ste/ de ci'i phyir zhe na/ ming chen sems can rnams kyi kun nas nyon mongs pa ni rgyu dang bcas shing rkyen dang bcas te/ sems can rnams ni rgyu dang bcas shing rkyen dang bcas par kun nas nyon mongs so//sems can rnams kyi rnam par byang ba ni rgyu dang bcas shing rkyen dang bcas pa ste/ sems can rnams ni rgyu dang bcas shing rkyen dang bcas par rnam par byang ngo / /ming chen sems can rnams kyi kun nas nyon mongs pa ni rgyu dang bcas rkyen dang bcas pa ste/sems can rnams rgyu dang bcas rkyen dang bcas par nyon mongs pa gang zhe na/ ming chen gzugs gcig tu sdug bsngal bar gyur na/ sems can rnams gzugs la chags par yang mi 'gyur zhing / bde bar yang mi 'gyur/bde ba'i rjes su 'gro bar yang mi 'gyur/ bde ba dang yid bde ba chung ngu las 'das te/ bde ba'i rgyu nyid du yang shes par mi 'gyur ba zhig na/ ming chen gang gi phyir gzugs gcig tu sdug bsngal ba ma yin zhing / bde ba dang yid bde ba dang rjes su 'brel pa dang / bde ba dang yid bde ba chung ngu las 'das te bde bar shes pa de'i phyir sems can rnams gzugs la yang dag par chags shing chags nas yang dag par sbyor ba dang /yang dag par sbyor bas kun nas nyon mongs par 'gyur te/ tshor ba dang / 'du shes dang / 'du byed dang / ming chen rnam par shes pa gcig tu sdug bsngal ba zhig tu gyur na sems can rnams rnam par shes pa la chags par yang mi 'gyur zhing /bde bar yang mi 'gyur/ bde ba'i rjes su 'gro bar mi 'gyur/ bde ba dang yid bde ba chung ngu las 'das te/ bde ba'i rgyu nyid du shes par yang mi 'gyur ba zhig na/ming chen gang gi phyir rnam par shes pa gcig tu sdug bsngal ma yin zhing bde ba dang yid bde ba dang rjes su 'brel pa dang / bde ba dang yid bde ba chung ngu las 'das te/ bde bar shes pa de'i phyir sems can rnams rnam par shes pa la yang dag par chags shing yang dag par chags pas yang dag par sbyor ba dang /yang dag par sbyor bas kun nas nyon mongs par 'gyur ro/ /ming chen rgyu 'di dang rkyen 'dis sems can rnams kun nas nyon mongs shing / sems can rnams kyi kun nas nyon mongs pa 'di dag gi rgyu dang bcas shing rkyen dang bcas so/ /ming chen sems can rnams kyi rnam par byang ba ni rgyu dang bcas shing rkyen dang bcas pa ste/sems can rnams ni rgyu dang bcas rkyen dang bcas par rnam par byang ba gang zhe na/ ming chen gzugs gcig tu bde ba zhig tu gyur na sems can rnams gzugs la 'dod chags dang bral bar yang mi 'gyur zhing sdug bsngal bar yang mi 'gyur sdug bsngal gyi rjes su 'gro bar yang mi 'gyur/sdug bsngal dang yid mi bde ba chung ngu las 'das te sdug bsngal gyi rgyu nyid du yang shes par mi 'gyur ba zhig na/ ming chen gang gi phyir gzugs gcig tu bde ba ma yin zhing sdug bsngal dang / sdug bsngal dang rjes su 'brel ba dang /sdug bsngal yid mi bde ba chung ngu las 'das nas sdug bsngal gyi rgyu shes pa de'i phyir sems can rnams gzugs la yang dag par chags pa dang bral zhing 'dod chags dang bral nas rnam par grol ba dang / rnam par grol nas yongs su dag par 'gyur ro/ /tshor ba dang /'du shes dang / 'du byed dang / ming chen rnam par shes pa gcig tu bde ba zhig tu gyur na sems can rnams rnam par shes pa las 'dod chags dang bral bar yang mi 'gyur zhing sdug bsngal bar yang mi 'gyur/ sdug bsngal ba'i rjes su 'gro bar yang mi 'gyur/ sdug bsngal ba dang /yid mi bde ba chung ngu las 'das nas sdug bsngal gyi rgyu nyid du yang shes par mi 'gyur ba zhig na/ ming chen gang gi phyir rnam par shes pa gcig tu bde ba ma yin zhing sdug bsngal ba dang / sdug bsngal gyi rjes su 'brel pa dang / sdug bsngal ba dang / yid mi bde ba chung ngu las 'das te sdug bsngal bar shes pa de'i phyir sems can rnams rnam par shes pa las 'dod chags dang bral zhing 'dod chags dang bral nas rnam par grol ba dang /rnam par grol nas yongs su dag par 'gyur te/ ming chen rgyu 'di dang rkyen 'dis sems can rnams rnam par byang zhing /sems can rnams kyi kun nas nyon mongs pa rgyu 'di dag gis rgyu dang bcas shing rkyen dang bcas so/ /de nas lits+tsha bI ming chen bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas nas/bcom ldan 'das kyi drung nas song ngo zhes gsungs so// //mdo las sred pa gsungs zhes bya ba la/ gleng gzhi ni mnyan du yod pa na'o/ /dge slong dag bzhi po 'di dag ni 'phags pa'i bden pa ste/ bzhi gang zhe na/ sdug bsngal 'phags pa'i bden pa dang /sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa'o/ /sdug bsngal 'phags pa'i bden pa gang zhe na/ skye ba'i sdug bsngal dang / rga ba'i sdug bsngal dang / na ba'i sdug bsngal dang /'chi ba'i sdug bsngal dang / mdza' ba dang bral ba'i sdug bsngal dang / mi mdza' ba dang phrad pa'i sdug bsngal dang / gang 'dod pa btsal te ma rnyed pa de dag sdug bsngal ba ste/ mdor na nye bar len pa'i phung po lnga po dag ni sdug bsngal ba'o/ /sdug bsngal kun 'byung ba 'phags pa'i bden pa gang zhe na/dga' ba'i 'dod chags dang lhan cig par gyur pa'i sred pa yang srid par kun 'byung ba ste/ de dang de la mngon par dga'o/ /sdug bsngal 'gog pa 'phags pa'i bden pa gang zhe na/ gang yang dga' ba'i 'dod chags dang lhan cig par gyur pa'i sred pa yang srid par byung ba de dang de la mngon par dga' ba la ma lus par spangs pa/so sor 'gags pa/ zad pa 'dod chags dang bral ba 'gags par nye bar zhi bar nub pa'o/ /sdug bsngal 'gog par 'gro ba'i lam 'phags pa'i bden pa gang zhe na/'phags pa'i lam yan lag brgyad de/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to zhes gsungs so// //bcom ldan 'das kyis ji skad du/ las dang sred pa dang ni ma rig pa/ /phyi ma'i tshe la 'du byed rnams kyi rgyu/ /zhes bya ba la/ skye mched drug gi tshogs kyis bsdus pa'i sdom gyi tshigs su bcad pa gnyis pa'i sdom gyi tshigs su bcad pa gsum pa'i mdo bcu gcig pa mi'i mdo las bstan pa mdzod kyi gnas gnyis pa 'di nyid du/'dus ma byas la de dag med/ /ces bya ba'i skabs su mya ngan las 'das pa dngos po med pa tsam du bstan par shes par byed pa bris pa blta bar bya'o/ /sa bon gyi rnam pa lnga zhes bya ba la gleng gzhi ni mnyan du yod pa na'o//dge slong dag lnga po 'di dag ni sa bon gyi rnam pa lnga ste/ lnga gang zhe na/ 'di lta ste/ rtsa ba'i sa bon dang / sdong bu'i sa bon dang / mdo'i sa bon dang / gshegs pa'i sa bon dang / sa bon gyi sa bon rnams so/ /dge slong dag gal te sa bon de dag ma chag cing ma grugs la/ma rul zhing rlung dang tshad pa dag gis ma nyams la/ snying po dang ldan pa tshags byas pa dang ldan pa yang sa'i khams yod la chu'i khams med na sa bon de 'phel zhing rgyas pa dang yangs par mi 'gyur ro/ /dge slong dag gal te sa bon de dag ma chag cing ma grugs la ma rul zhing rlung dang tshad pa dag gis ma nyams la snying po dang ldan zhing tshags byas pa dang ldan yang chu'i khams yod la sa'i khams med na sa bon de 'phel zhing rgyas pa dang yangs par mi 'gyur ro//dge slong dag gang yang sa bon de dag ma chag cing ma grugs la ma rul zhing rlung dang tshad pa dag gis ma nyams la snying po dang ldan zhing tshags byas pa dang ldan yang sa'i khams dang chu'i khams kyang yod par gyur na sa bon de 'phel zhing rgyas pa dang yangs par 'gyur ro//dge slong dag 'di ni ji ltar don shes par bya ba'i phyir dper byas pa ste/ don ni gzhan du blta bar bya ste/ dge slong dag sa bon gyi rnam pa lnga zhes bya ba ni nye bar len pa dang bcas pa'i rnam par shes pa'i tshig bla dgas so//sa'i khams zhes bya ba ni rnam par shes pa gnas pa bzhi'i tshig bla dgas so/ /chu'i khams zhes bya ba ni dga' ba'i 'dod chags kyi tshig bla dgas so/ /dge slong dag nye bar len pa dang bcas pa'i rnam par shes pa'i gnas ni bzhi ste/bzhi gang zhe na/ dge slong dag rnam par shes pa gzugs la nye bar brten cing gnas te/ gzugs la brten/ gzugs la gnas/ gzugs la rab tu gnas pa dang / don du gnyer zhing bsten nas 'phel zhing rgyas pa dang yangs par 'gyur ro//tshor bar nye bar 'gro ba dang / 'du shes su nye bar 'gro ba dang / dge slong dag rnam par shes pa 'du byed du nye bar 'gro ba la brten cing gnas te/ 'du byed la brten/ 'du byed la gnas/ 'du byed la rab tu gnas pa dang / don du gnyer zhing bsten nas 'phel zhing rgyas pa dang /yangs par 'gyur ro/ /dge slong dag 'di tsam las gzhan du rnam par shes pa 'gro ba'am/ 'ong ba'am/ gnas pa'am/ 'chi 'pho ba'am/ skye ba'am/ 'phel zhing rgyas pa dang yangs par mi 'gyur ba mi gdags so/ /dge slong dag gang zhig 'di skad du ngas gzugs las gzhan dang /tshor ba dang 'du shes dang 'du byed las gzhan du rnam par shes pa 'gro ba'am 'ong ba'am gnas pa'am/ 'chi 'pho ba'am/ skye ba'am/ 'phel zhing rgyas pa dang / yangs par 'gyur ba gdags par bya'o zhes smra na/ de ni de'i tshig tsam dang dris pa'i lan yongs su mi shes shing lan la mgo rmongs par byed pa ste/ji ltar yang de'i yul ma yin pa'i phyir ro/ /de ci'i phyir zhe na/ dge slong dag gzugs kyi khams la 'dod chags dang bral bar gyur te/ 'dod chags dang bral na gzugs su nye bar 'gro ba'i yid kyi rang bzhin gyi 'ching ba spong bar 'gyur zhing /gzugs su nye bar 'gro ba'i yid kyi rang bzhin 'ching ba spangs na dmigs pa chad par 'gyur zhing rnam par shes pa gnas pa 'phel zhing rgyas pa dang yangs par mi 'gyur ro/ /tshor ba'i khams dang / 'du shes kyi khams dang /dge slong dag 'du byed kyi khams la 'dod chags dang bral bar 'gyur te/ 'du byed las 'dod chags dang bral na 'du byed du nye bar 'gro ba'i yid kyi rang bzhin gyi 'ching ba spong bar 'gyur zhing / 'du byed du nye bar 'gro ba'i yid kyi rang bzhin gyi 'ching ba spongs na dmigs pa 'chad par 'gyur zhing /rnam par shes pa gnas pa 'phel zhing rgyas pa dang / yangs par mi 'gyur te/ rnam par shes pa'i gnas pa 'phel zhing / mngon par ma rgyas na mngon par 'du mi byed la/ mngon par 'dus ma byas pa'i phyir der gnas so/ /der gnas pa'i phyir dga' bar 'gyur ro//dga' ba las rnam par grol bar 'gyur ro/ /rnam par grol ba las 'jig rten cung zad kyang nye bar mi len to/ /nye bar ma blangs na gdung ba med do/ /gang yongs su gdung ba med pa de nang gi bdag nyid kyi mya ngan las 'das pa bdag gi skye ba zad do/ /tshangs par spyod pa bsten to//bya ba byas so/ /srid pa 'di las gzhan mi shes so zhes bya bar 'gyur te/ de'i rnam par shes pa shar phyogs kyi yul du song zhes nga mi smra'o/ /lho phyogs dang / nub phyogs dang / byang phyogs dang / steng dang / 'og gi phyogs dang / phyogs mtshams su yang ma yin te/gzhan du na mthong ba'i chos nyid la grib ma med par yongs su mya ngan las 'das shing / zhi zhing bsil bar gyur pa tshangs par spyod pa'o zhes gsungs so// //mdo las kyang rgyur gsungs zhes bya ba la/ gleng gzhi ni mnyan du yod pa na'o/ /dge slong dag ma rig pa ni yang dag par chags pa'i rgyu dang yang dag par ldang ba'i rgyu dang /yang dag par rmongs pa'i rgyu ste/ ma rig pa ni yang dag par chags pa'i rgyu yang dag par sdang ba'i rgyu/ yang dag par rmongs pa'i rgyu'o/ /dge slong dag gang gi phyir las ni skye ba'i rgyu yin la/ sred pa ni mngon par grub pa'i rgyu yin te/'dir bsgom pa'i rang bzhin dge ba zag pa dang bcas pa'i las byas na/ der skyes nas rnam par smin pa so sor myong bar 'gyur te/ de'i phyir sems can dag gi las las gzhan du mi 'gro ba'o zhes nga smra'o zhes gsungs so// //rgyu dang bcas rkyen dang bcas gzhi dang bcas pa'i mdo las zhes bya ba la/skye mched drug gi tshogs kyis bsdus pa'i sdom gyi tshigs su bcad pa gnyis par 'das dang zhes bya ba'i sdom gyi tshigs su bcad pa bsdus pa dang / sngar don dam pa stong pa nyid kyi mdo las 'byung ba mdzod kyi gnas gsum pa 'di nyid du rten cing 'brel par 'byung ba'i skabs su ma rig pa'i tshul bzhin ma yin pa yid la byed par bshad pa las/mdo gzhan las zhes bya bar bris pa blta bar bya'o/ /'phags pa'i rigs zhes bya ba la/ gleng gzhi ni mnyan du yod pa na'o/ /dge slong dag bzhi po 'di dag ni 'phags pa'i pa'i rigs mchog rgyal po'i rigs sngon nyon mongs pa ma yin zhing nyon mongs pa med pa dge slong ngam/bram ze'am/ lha'am/ bdud dam/ tshangs pa dang bcas pa'i 'jig rten gang gis kyang nyon mongs par bya bar mi nus pa dag ste/ bzhi gang zhe na/'di la dge slong chos gos gang yang rung bas dga' bar 'gyur zhing / chos gos gang yang rung bas dga' ba'i bsngags pa brjod la de chos gos kyi rgyus rang bzhin ma yin pa mi tshol lo/ /de rnyed pa'i chos gos kyis mi snyems shing chos gos rnyed pa dag la ma chags par longs spyod de chags pa dang zhen pa dang /'dun pa dang / brgyal ba dang / zhen pa dang / lhag par zhen par mi 'gyur zhing nyes dmigs mthong zhing nges par 'byung ba yang dag pa ji lta ba bzhin du shes nas nye bar longs spyod de/ gang gi phyir dge slong mkhas shing dran pa dang shes bzhin dang ldan par 'gyur te/'di ni dge slong sngon gyi 'phags pa'i rigs la gnyis pa zhes brjod do/ /chos gos ji lta ba bzhin du bsod snyoms dang / mal cha dang stan yang de bzhin no/ /gzhan yang dge slong spong ba la dga' bar 'gyur zhing spong ba la dga' ba dang / spong ba la dga' ba'i rjes su mthun par gyur pa dang /sgom pa la dga' bar gyur cing sgom pa la dga' ba dang / sgom pa la dga' ba'i rjes su mthun par gyur pa ste/ de spong ba dang sgom pa la dga' bas bsnyems par mi 'gyur zhing / gang gi phyir dge slong dran pa dang shes bzhin dang ldan par 'gyur te/'di dge slong sngon gyi 'phags pa'i rigs la gnas pa zhes brjod do/ /'phags pa'i rigs bzhi po 'di dag dang yang dag par ldan pa'i 'phags pa nyan thos shar phyogs su nye bar brten cing gnas pa na mi dga' ba mi gnod de/ de nyid kyis mi dga' ba la gnod do//de gal te lho dang nub dang byang phyogs su brten cing nye bar gnas pa na yang mi dga' bas mi gnod de/ des mi dga' ba la gnod par byed do/ /de ci'i phyir zhe na/ dge slong dag 'phags pa nyan thos thos pa dang ldan pa dag gnang ba bzod kyi/mi dga' ba ni bzod do/ /brtan rnams mi dga' mi bzod do/ /brtan rnams dga' ba bzod pa yin/ /de yis 'dod pa'i 'dod chags kun/ /spong ba gang gis bzlog par nus/ /'dzam bu chu bo'i gser 'od ltar/ /de la gang gis smad par nus/ /zhes gsungs so// //sred pa skye ba ni rnam pa bzhi ste zhes bya ba la/ gleng gzhi ni mnyan du yod pa na'o/ /dge slong dag chos gos kyi rgyus sred pa skye bzhin pa na skye'o/ /gnas pa na gnas so/ /mngon par zhen pa na mngon par zhen to/ /bsod snyoms kyi rgyu dang / mal cha dang stan gyi rgyu dang /srid pa mi 'byung ba'i rgyus sred pa skye bzhin pa na skye bo zhes bya ba snga ma bzhin du'o zhes gsungs so/ /lus la lus kyi rjes su lta zhing dran pa nye bar gnas so zhes bya ba la/ gleng gzhi ni mnyan du yod pa na'o/ /dge slong dag dran pa nye bar gzhag pa ni bzhi po 'di dag ste/ bzhi gang zhe na/lus la lus kyi rjes su lta zhing dran pa nye bar gzhag pa dang / tshor ba dang / sems dang / chos rnams la chos kyi rjes su lta zhing dran pa nye bar gnas so zhes gsungs so// //nang gi lus la lus kyi rjes su lta zhing gnas so zhes bya ba la/ gleng gzhi ni mnyan du yod pa na'o//dge slong dag dran pa nye bar gzhag pa bzhi bsgom pa dag bstan par bya ste/ de legs par nyon la yid la zung shig dang bshad par bya'o/ /dge slong dag dran pa nye bar gzhag pa bzhi bsgom pa gang zhe na/ 'di la dge slong dag nang gi lus la lus kyi rjes su lta zhing brtun pa shes bzhin dang dran pa can 'jig rten gyi brnab sems dang yid mi bde ba bsal cing gnas so//phyi'i lus dang phyi dang nang gi lus dang / nang gi tshor ba dang / phyi'i tshor ba dang / phyi nang gi tshor ba dang / nang gi sems dang / phyi'i sems dang / nang dang phyi'i sems dang / nang gi chos rnams dang / phyi'i chos rnams dang / nang dang phyi'i chos rnams la chos kyi rjes su lta zhing brtun pa shes bzhin can dran pa dang ldan pa 'jig rten gyi brnab sems dang yid mi bde ba bsal te gnas so/ /dge slong dag 'di ltar dran pa nye bar gzhag pa bzhi bsgom pa goms par bya'o//dge slong dag dran pa nye bar gzhag pa bzhi bsgom pa goms par bya'o zhes bstan par bya'o zhes ngas ji skad du bstan pa de rgyas par rab tu bshad do zhes gsungs so// //de bzhin du tshe dang ldan pa ma 'gags pas ji skad du zhes bya ba la tshe dang ldan pa ma 'gags pa gnas bcas na tsher ma gsum pa can gyi tshal na brten cing gnas so//de'i tshe na tshe dang ldan pa mod gal gyi bu chen po brga na ri bong gsod pa zhes bya ba ri dwags kyi nags 'jigs pa'i sgra can gyi nags na rten cing nye bar gnas so//de nas tshe dang ldan pa ma 'gags pa gcig pu dben par gyur pa na nang du yang dag 'jog la gnas pa na sems la sems kyi rnam par rtog pa 'di lta bu dag skyes te/ sems can rnams yongs su dag par byed cing mya ngan dang yongs su 'tsho ba las 'da' zhing sdug bsngal ba dang yid mi bde ba rnams nub nas rigs pa'i chos rtogs pa'i theg pa ni gcig kho na ste/'di lta ste dran pa nye bar gzhag pa bzhi'o/ /bzhi gang zhe na/ lus dran pa nye bar gzhag pa dang / tshor ba dang / sems dang / chos dran pa nye bar gzhag pa'o/ /gang 'ga' zhig dran pa nye bar gzhag pa bzhi la mi dga' ba de dag ni 'phags pa'i tshul la mi dga' ba yin la/gang 'phags pa'i tshul la mi dga' ba de dag ni 'phags pa'i lam la mi dga' ba yin la/ gang 'phags pa'i lam la mi dga' ba de dag ni thar pa la mi dga' la/gang thar pa la mi dga' ba de dag ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / ma 'ongs pa'i sdug bsngal ba dang / yid mi bde ba dang / 'khrug pa las ma grol zhing sdug bsngal ba'o zhes nga smra'o/ / gang 'ga' zhig dran pa nye bar gzhag pa bzhi la dga' ba de dag ni 'phags pa'i tshul la dga' la/ 'phags pa'i tshul la dga' ba de dag ni 'phags pa'i lam la dga' zhing / 'phags pa'i lam la dga' ba de dag ni thar pa la dga' la/ thar pa la dga' ba de dag ni rnam par grol bar 'gyur te/skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / ma 'ongs pa'i sdug bsngal ba dang / yid mi bde ba dang / 'khrug pa las rnam par grol zhing sdug bsngal med pa'o zhes nga smra'o/ / de nas tshe dang ldan pa maud gal gyi bu chen pos tshe dang ldan pa ma 'gags pa'i sems sems kyis rnam par shes nas/ de lta bu'i ting nge 'dzin la snyoms par zhugs te/ skyes bu stobs dang ldan pa'i lag pa brkyang ba las bskum pa'am/ bskum pa las brkyang ba tsam gyis tshe dang ldan pa maud gal gyi bu chen po brga ri bong gsod pa zhes bya ba ni dgas kyi nags 'jigs pa can nas mi snang bar gyur te/tsher ma gsum pa can gyi tshal du tshe dang ldan pa ma 'gags pa'i mdun du 'dug nas 'di skad ces smras so/ /tshe dang ldan pa ma 'gags pa khyod gcig pu dben par gyur pa na nang du yang dag 'jog la gnas pa na sems la sems kyi rnam par rtog pa 'di lta bu ma skyes sam/sems can rnams yongs su dag par byed cing / mya ngan dang yongs su 'tshe ba thams cad las 'da' la sdug bsngal dang yid mi bde ba rnams nub nas rigs pa'i chos rtogs pa'i theg pa ni gcig kho na ste zhes bya ba nas/rgyas par sdug bsngal ba med pa'o zhes bya ba'i bar du'o/ /tshe dang ldan pa maud gal gyi bu chen po de bzhin no/ /tshe dang ldan pa ma 'gags pa ji tsam gyis na dran pa nye bar gzhag pa bzhi bsgom pa la dga' bar 'gyur zhing rab tu dga' bar 'gyur/tshe dang ldan pa maud gal gyi bu chen po 'di la dge slong lus la lus kyi rjes su lta zhing gnas te/ de'i lus la lus kyi rjes su lta zhing dran pa nye bar gnas pa na lus la dmigs te dran pa gnas pa dang / rab tu gnas pa dang / legs par gnas pa dang / zhi ba dang / dul ba dang / nye bar zhi zhing ting nge 'dzin de gcig tu gyur cing gnas so/ /tshor ba dang / sems dang / chos rnams la chos rnams kyi rjes su lta zhing gnas te/ de chos rnams la chos rnams kyi rjes su lta zhing dran pa nye bar gnas te/chos rnams la dmigs nas dran pa gnas pa dang / rab tu gnas pa dang / legs par gnas pa dang / zhi ba dang / dul ba dang / nye bar zhi zhing ting nge 'dzin de gcig tu gyur cing gnas so/ /'phags pa maud gal gyi bu chen po 'di tsam gyis dran pa nye bar gzhag pa bzhi bsgom pa la dga' zhing rab tu dga' bar 'gyur ro//de nas tshe dang ldan pa maud gal gyi bu chen po tshe dang ldan pa ma 'gags pas bshad pa la mngon par dga' zhing rjes su yi rang nas 'di lta bu'i ting nge 'dzin la snyoms par zhugs te/ ji ltar sems ting nge 'dzin la mnyam par gzhag na tsher ma gsum pa can gyi tshal nas mi snang bar 'gyur zhing brga ba'i ri bong gsod pa zhes bya ba'i ri dgas kyi nags 'jigs skrag na gnas par 'gyur ba de lta bu'i ting nge 'dzin la snyoms par zhugs so zhes gsungs so// //ji skad du bcom ldan 'das kyis kyang zhes bya ba la/gleng gzhi ni mnyan du yod pa na'o/ /de nas dge slong gzhan zhig dgongs ka nang du yang dag 'jog las langs te/ bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas te phyogs gcig tu 'dug go//phyogs gcig tu 'dug nas dge slong des bcom ldan 'das la 'di skad ces gsol to/ /btsun pa byang chub kyi yan lag byang chub kyi yan lag ces bshad pa/ 'di lta ste/ byang chub kyi yan lag ces bya ba 'di gang gi tshig bla dgas lags/dge slong byang chub kyi yan lag byang chub kyi yan lag ces bshad pa 'di lta ste/ byang chub kyi yan lag ces bya ba 'di ni byang chub kyi phyogs kyi chos so bdun gyi tshig bla dgas so/ /dge slong 'on kyang byang chub kyi yan lag rnams go rims bzhin du skye zhing byang chub kyi yan lag rnams go rims bzhin du 'thob pa dang bsgom pa yongs su rdzogs par 'gyur ro//btsun pa ji lta ji ltar byang chub kyi yan lag rnams go rims bzhin du skye zhing byang chub kyi yan lag rnams go rims bzhin du 'thob pa dang bsgom pa yongs su rdzogs par 'gyur zhe na/ 'di na dge slong lus la lus kyi rjes su lta zhing gnas te/lus la lus kyi rjes su lta zhing gnas pa de'i tshe ni dran pa nye bar gnas par 'gyur zhing kun du mi rmongs pa yin te/ de'i tshe na dran pa yang dag byang chub kyi yan lag mgo rtsom pa yin zhing / de'i tshe na dran pa yang dag byang chub kyi yan lag bsgom par 'gyur la de'i tshe na dran pa yang dag byang chub kyi yan lag bsgom pa yongs su rdzogs par 'gyur ro//de bzhin du dran pa dang chos de sems pa dang / rab tu sems pa dang / yongs su rtog pa dang / rnam par dpyod par byed cing chos rab tu rnam par 'byed pa yang dag byang chub kyi yan lag de'i tshe mgo rtsom pa yin zhing /chos rab tu rnam par 'byed pa yang dag byang chub kyi yan lag de'i tshe bsgom par 'gyur la/ chos rab tu rnam par 'byed pa yang dag byang chub kyi yan lag de'i tshe bsgom pa yongs su rdzogs par 'gyur ro/ /de chos de dag la sems pa dang /yongs su rtog pa dang rnam par dpyod par byed na/ de la ma zhum pa'i brtson 'grus rtsom par 'gyur te/ de'i tshe na brtson 'grus yang dag byang chub kyi yan lag mgo rtsom pa yin zhing / de'i tshe brtson 'grus yang dag byang chub kyi yan lag bsgom pa yin la/ de'i tshe brtson 'grus yang dag byang chub kyi yan lag bsgom pa yongs su rdzogs par 'gyur ro/ /brtson 'grus brtsams pa la zang zing med pa'i dga' ba skye bar 'gyur te/ de'i tshe dga' ba yang dag byang chub kyi yan lag mgo rtsom pa yin zhing / de'i tshe dga' ba yang dag byang chub kyi yan lag bsgom pa yin la/de'i tshe dga' ba yang dag byang chub kyi yan lag bsgom pa yongs su rdzogs par 'gyur ro/ /yid dga' ba la lus dang sems shin tu sbyangs par 'gyur te/ de'i tshe na shin tu sbyangs pa yang dag byang chub kyi yan lag mgo rtsom pa yin zhing /de'i tshe na shin tu sbyangs pa yang dag byang chub kyi yan lag bsgom pa yin la/ de'i tshe na shin tu sbyangs pa yang dag byang chub kyi yan lag bsgom pa yongs su rdzogs par 'gyur ro/ /lus shin tu sbyangs na bde ba myong zhing de'i sems ting nge 'dzin la mnyam par 'jog par 'gyur te/de'i tshe ting nge 'dzin yang dag byang chub kyi yan lag mgo rtsom pa yin zhing / de'i tshe ting nge 'dzin yang dag byang chub kyi yan lag bsgom pa yin la/ de'i tshe ting nge 'dzin yang dag byang chub kyi yan lag bsgom pa yongs su rdzogs par 'gyur ro//de bzhin du mnyam par 'jog pa na 'jig rten gyi brnab sems dang yid mi bde ba rnam par bsal nas btang snyoms su 'gyur te/ de'i tshe btang snyoms yang dag byang chub yan lag mgo rtsom pa yin zhing / de'i tshe btang snyoms yang dag byang chub kyi yan lag bsgom pa yin la/de'i tshe btang snyoms yang dag byang chub kyi yan lag bsgom pa yongs su rdzogs par 'gyur ro/ /'di na dge slong tshor ba dang sems dang chos rnams la chos rnams kyi rjes su lta zhing gnas te/ chos rnams la chos rnams kyi rjes su lta zhing gnas pa de'i dran pa nye bar gnas par 'gyur zhing kun tu mi rmongs pa yin te/de'i tshe na dran pa yang dag byang chub kyi yan lag mgo rtsom pa yin zhing zhes bya ba nas/ rgyas par de'i tshe na btang snyoms yang dag byang chub kyi yan lag bsgom pa yongs su rdzogs par 'gyur ro zhes bya ba'i bar du'o//dge slong dag 'di ltar byang chub kyi yan lag rnams rjes su 'thob par 'gyur zhing go rims 'dis byang chub kyi yan lag rnams rab tu 'byung bar 'gyur ro zhes gsungs so// //dge slong dag ji ltar na zhes bya ba la/ dge slong dag dran pa nye bar gzhag pa rnams kyi kun 'byung ba dang nub pa dag bshad par bya ste/de legs par nyon la yid la zung shig dang bshad par bya'o/ /dge slong dag ji ltar na dran pa nye bar gzhag pa bzhi rnams kun 'byung ba dang nub pa yin zhe na/ dge slong dag zas kun 'byung bas lus kun 'byung ba yin la/zas 'gags pas lus 'gag par 'gyur ro/ /lus kun 'byung ba'i chos can du rjes su mthong zhing gnas pa dang / lus 'jig pa'i chos can du rjes su mthong zhing gnas pa dang / lus kun 'byung ba dang 'jig pa'i chos can du rjes su mthong zhing gnas pa dang /mi rten cing gnas na 'jig rten cung zad kyang nye bar mi len to/ /dge slong dag reg par kun 'byung bas tshor ba kun 'byung ba yin la/ reg pa 'gags pas tshor ba nub par 'gyur te/ tshor ba kun 'byung ba'i chos can du rjes su mthong zhing gnas pa dang /tshor ba 'jig pa'i chos can du rjes su mthong zhing gnas pa dang / tshor ba kun 'byung ba dang 'jig pa'i chos can du rjes su mthong zhing gnas pa dang / mi rten cing gnas na 'jig rten cung zad kyang nye bar mi len to/ /dge slong dag ming dang gzugs kun 'byung bas sems kun 'byung ba yin la/ming dang gzugs 'gags pas sems nub par 'gyur ro/ /sems kun 'byung ba'i chos can du rjes su mthong zhing gnas pa dang / sems 'jig pa'i chos can du rjes su mthong zhing gnas pa dang / sems kun 'byung ba dang 'jig pa'i chos can du rjes su mthong zhing gnas pa dang /mi rten cing gnas na 'jig rten cung zad kyang nye bar mi len to/ /dge slong dag yid la byed pa kun 'byung bas chos kun 'byung ba yin zhing / yid la byed pa 'gags pas chos nub par 'gyur ro/ /chos kun 'byung ba'i chos can du rjes su mthong zhing gnas pa dang /chos 'jig pa'i chos can du rjes su mthong zhing gnas pa dang / chos kun 'byung ba dang 'jig pa'i chos can du rjes su mthong zhing gnas pa dang / mi rten cing gnas na 'jig rten cung zad kyang nye bar mi len to/ /dge slong dag 'di ltar na dran pa nye bar gzhag pa rnams kun 'byung ba dang nub pa rnams te/dge slong dag dran pa nye bar gzhag pa bzhi rnams kyi kun 'byung ba dang / nub pa bshad par bya'o zhes ngas ji skad du bstan pa de rgyas par rab tu bshad do zhes gsungs so// //mdo las ji skad du yang dag pa'i mya ngan las 'das pa zhes bya ba la lam gyi tshogs dang lam gyi yan lag gi sgo las te/log pa'i yan lag gi lam dmyal ba la byed du 'jug pa dang / de nyid kyi mtshams med pa la yang dag par sbyor ba zhes bya ba'i mdo las blta bar bya'o/ /mdo 'di yang mdzod kyi gnas gsum par/ 'phags dang mtshams med byed pa dag /yang dag log pa nyid du nges/ /zhes bya ba der bris zin to// //kun 'byung la sogs pa ni bya ba'i mngon par rtogs pa yin te/ spong ba dang / mngon du byed pa dang / bsgom pa'i phyir ro zhes bya ba la/ gleng gzhi ni mnyan du yod pa na'o/ /dge slong dag bzhi po 'di dag ni 'phags pa'i bden pa bzhi ste/ bzhi gang zhe na/ sdug bsngal 'phags pa'i bden pa dang / sdug bsngal kun 'byung ba 'phags pa'i bden pa dang / sdug bsngal 'gog pa 'phags pa'i bden pa dang / sdug bsngal 'gog par 'gro ba'i lam 'phags pa'i bden pa'o//de la sdug bsngal 'phags pa'i bden pa mngon par shes pas yongs su shes par bya zhing / kun 'byung ba 'phags pa'i bden pa mngon par shes nas yongs su spang bar bya/ 'gog pa 'phags pa'i bden pa mngon par shes nas mngon sum du bya/lam 'phags pa'i bden pa mngon par shes nas bsgom par bya'o/ /dge slong dag gang yang dge slong sdug bsngal 'phags pa'i bden pa mngon par shes pas yongs su shes shing / sdug bsngal kun 'byung ba 'phags pa'i bden pa mngon par shes nas/ spangs la/ 'gog pa 'phags pa'i bden pa mngon par shes nas mngon du byas te/ sdug bsngal 'gog par 'gro ba'i lam 'phags pa'i bden pa mngon par shes nas bsgoms pa ni dge slong srid pa chad pa kun du sbyor ba spangs pa yang dag pa'i lam mngon par rtogs nas sdug bsngal mthar byed pa zhes brjod do zhes gsungs so// //'phags pa nyan thos sdug bsngal la sdug bsngal du yid la byed ces bya ba la/ lam gyi tshoms kyi lam gyi yan lag gi sgo'i sdom gyi tshigs su bcad pa bdun pa las/ yang dag nyid ces bya ba la sogs pa'i mdo las byung ba/mdzod kyi gnas bzhi par/ spong ba dag ni chu lon gsungs/ /zhes bya ba bris te/ de las 'di ltar 'don te/ yang dag pa'i lta ba 'phags pa 'jig rten las 'das pa zag pa med pa nye bar len pa med pa sdug bsngal yang dag par zad pa/ sdug bsngal mthar bya ba'i phyir 'jug par bya ba gang zhe na/'di na 'phags pa nyan thos sdug bsngal la sdug bsngal du yid la byed pa'am/ kun 'byung la kun 'byung du yid la byed pa'am/ 'gog pa la 'gog par yid la byed pa'am/ lam la lam du yid la byed pa'i zag pa med pa'i yid la byed pa dang mtshungs par ldan pa chos rab tu rnam par 'byed pa gang yin pa dang /rnam par 'byed pa dang / rab tu rnam par 'byed pa dang / mtshon pa dang / yang dag par mtshon pa dang / nye bar mtshon pa dang / bsten pa dang / so sor rig pa'i shes pa dang / mthong ba dang / blo dang / rig pa dang / rtog pa gang yin pa ste/'di ni 'phags pa'i 'jig rten las 'das pa'i yang dag pa'i lta ba zag pa med pa nye bar len pa med pa sdug bsngal yang dag par zad pa sdug bsngal mthar bya ba'i phyir 'jug pa'o/ /khyim bdag bden pa mngon par rtogs pa gcig pa nyid ni med pa nyid de zhes bya ba la/ gleng gzhi ni mnyan du yod pa na'o//de nas khyim bdag mgon med zas sbyin bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas te phyogs gcig tu 'dug go/ /phyogs gcig tu 'dug nas khyim bdag mgon med zas sbyin gyis bcom ldan 'das la 'di skad ces gsol to//btsun pa 'phags pa'i bden pa bzhi po rnams go rims bzhin du mngon par rtogs lags sam/ 'on te cig car/ khyim bdag 'phags pa'i bden pa bzhi po rnams ni go rims bzhin du mngon par rtogs/ cig car mngon par rtogs pa ni ma yin no/ /khyim bdag gang zhig 'di skad du bdag gis sdug bsngal 'phags pa'i bden pa mngon par ma rtogs par/kun 'byung 'phags pa'i bden pa mngon par rtogs par bya zhing / kun 'byung 'phags pa'i bden pa mngon par ma rtogs par 'gog pa 'phags pa'i bden pa mngon par rtogs par bya/ 'gog pa 'phags pa'i bden pa mngon par ma rtogs par sdug bsngal 'gog par 'gro ba'i lam 'phags pa'i bden pa mngon par rtogs par bya'o/ /zhes smra na/ de skad du ma smra shig ces brjod par bya'o/ /de ci'i phyir zhe na/ khyim bdag 'di ni gnas ma yin zhing go skabs med de/ gang sdug bsngal 'phags pa'i bden pa mngon[6] par ma rtogs par kun 'byung ba 'phags pa'i bden pa mngon par rtogs pa dang /kun 'byung 'phags pa'i bden pa mngon par ma rtogs par 'gog pa 'phags pa'i bden pa mngon par rtogs pa dang / 'gog pa 'phags pa'i bden pa mngon par ma rtogs par/lam 'phags pa'i bden pa mngon par rtogs pa 'di ni gnas med do/ /khyim bdag 'di lta ste/ gang zhig 'di skad du bdag gis shing rta'am/ shing rta'i khang pa dag gi rmang ma brtsigs pa rtsig pa dag brtsig par bya zhing / rtsig pa ma brtsigs par khong thog dang shing sbra dag brtsig par bya'o zhes smra na/de skad du ma smra shig ces brjod par bya'o/ /de ci'i phyir zhe na/ 'di ni gnas ma yin zhing go skabs med de/ shing rta'am shing rta'i khang pa dag gi rmang ma brtsigs par rtsig pa brtsigs pa dang / rtsig pa ma brtsigs par khang thog dang / shing sbra rtsig par byed pa 'di ni gnas med do//khyim bdag de bzhin du kha cig 'di skad du bdag gis sdug bsngal gyi bden pa mngon par ma rtogs par kun 'byung gi bden pa mngon par rtogs par bya zhes bya ba nas/ snga ma bzhin du sdug bsngal 'gog par 'gro ba'i lam 'phags pa'i bden pa mngon par rtogs par bya'o zhes smra na/'di ni gnas med do/ /khyim bdag gang zhig 'di skad du bdag gis sdug bsngal 'phags pa'i bden pa mngon par rtogs nas/ kun 'byung 'phags pa'i bden pa mngon par rtogs par bya zhing / kun 'byung 'phags pa'i bden pa mngon par rtogs nas/ 'gog pa 'phags pa'i bden pa mngon par rtogs par bya zhing /'gog pa 'phags pa'i bden pa mngon par rtogs nas/ lam 'phags pa'i bden pa mngon par rtogs par bya'o zhes smra na/ de bzhin no zhes brjod par bya'o/ /de ci'i phyir zhe na/ 'di ni gnas yin zhing go skabs yod de/ gang sdug bsngal 'phags pa'i bden pa mngon par rtogs nas/kun 'byung 'phags pa'i bden pa mngon par rtogs pa dang / kun 'byung 'phags pa'i bden pa mngon par rtogs nas 'gog pa 'phags pa'i bden pa mngon par rtogs pa dang / 'gog pa 'phags pa'i bden pa mngon par rtogs nas lam 'phags pa'i bden pa mngon par rtogs par 'gyur ba 'di ni gnas yod do//khyim bdag 'di lta ste kha cig 'di skad du bdag gis shing rta'am shing rta'i khang pa dag gi rmang brtsigs te rtsig pa brtsig par bya'o/ /rtsig pa brtsigs nas khang thog dang shing sbra dag brtsig par bya'o zhes smra na/ de bzhin no zhes brjod par bya 'o//de ci'i phyir zhe na/ 'di ni gnas yin zhing go skabs yod de/ shing rta'am shing rta'i khang pa dag gi rmang brtsigs te/ rtsig pa brtsigs pa dang / rtsig pa brtsigs nas khong thog dang shing sbra dag brtsigs pa 'di ni gnas yod do/ /khyim bdag de bzhin du sdug bsngal 'phags pa'i bden pa mngon par rtogs nas kun 'byung 'phags pa'i bden pa mngon par rtogs pa dang /kun 'byung 'phags pa'i bden pa mngon par rtogs nas 'gog pa 'phags pa'i bden pa mngon par rtogs pa dang / 'gog pa 'phags pa'i bden pa mngon par rtogs nas lam 'phags pa'i bden pa mngon par rtogs pa 'di ni gnas yod do//de bas na 'phags pa'i bden pa rnams mngon par ma rtogs pa mngon par rtogs par bya ba'i phyir 'dun pa drag po dang / brtson 'grus rtsom pa dang / spong ba dang rab tu spong ba dang mi gtong bar bya zhing / dran pa dang shes bzhin dang ldan par bya'o/ /de nas khyim bdag mgon med zas sbyin gyis bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas te/bcom ldan 'das kyi drung nas song ngo zhes gsungs so/ /de nas dge slong gzhan zhig gis khyim bdag mgon med zas sbyin gyis dris pa de nyid kyi dpe'i khyad par dris pa dang /dge slong 'di lta ste/ gang zhig 'di skad du bdag gis bang rim rim pa bzhi pa'i bang rim dang po la ma 'dzegs par gnyis pa dang gsum pa dang / bzhi pa nas khang thog gi bar du 'dzeg par bya'o zhes smra na/ de skad ma smra shig ces brjod par bya'o/ /de ci'i phyir zhe na/'di ni gnas ma yin zhing go skabs med de/ gang zhig bang rim rim pa bzhi po'i rim pa dang po las ma 'dzegs par gnyis pa dang gsum pa dang bzhi pa nas khang thog gi bar du 'dzeg par 'gyur ba 'di ni gnas med do/ /dge slong dag de bzhin du gang zhig 'di skad du ngas sdug bsngal 'phags pa'i bden pa mngon par ma rtogs par zhes bya ba nas snga ma bzhin du'o//dge slong dag gang zhig 'di skad du ngas sdug bsngal 'phags pa'i bden pa mngon par rtogs nas zhes bya ba nas snga ma bzhin du 'di ni gnas yod do zhes bya ba'i bar du'o/ /dge slong dag de bzhin du gang gis 'di skad du ngas bang rim rim pa bzhi pa'i them pa dang po la 'dzegs nas gnyis pa dang gsum pa dang bzhi pa nas/khang thog gi bar du 'dzeg par bya'o zhes smra na de bzhin no zhes brjod par bya ste/ de ci'i phyir zhe na/ 'di ni gnas yin zhing go skabs yod de/ gang zhig bang rim rim pa bzhi pa'i them pa dang po la 'dzegs nas gnyis pa dang / gsum pa dang bzhi pa nas khong thog gi bar du 'dzeg pa 'di ni gnas yod do/ /de bzhin du gang zhig 'di skad du ngas sdug bsngal 'phags pa'i bden pa mngon par rtogs nas/ zhes bya ba'i bar du snga ma bzhin no//ji ltar dge slong gzhan bzhin du tshe dang ldan pa kun dga' bos dpe'i khyad par dris pa dang / kun dga' bo 'di lta ste/ gang zhig 'di skad du bdag gis them skas rim pa bzhi pa can gyi skas them dang po la ma 'dzegs par gnyis pa dang gsum pa dang bzhi pa la 'dzeg par bya'o zhes smra na/de skad du ma smra shig ces brjod par bya'o/ /de ci'i phyir zhe na/ 'di ni gnas ma yin zhing go skabs med do/ /them skas rim pa bzhi pa can gyi skas them dang po la ma 'dzegs par gnyis pa dang gsum pa dang bzhi pa la 'dzeg pa 'di ni gnas med do/ /de bzhin du gang zhig 'di skad du ngas sdug bsngal gyi bden pa mngon par ma rtogs par zhes bya ba nas/snga ma bzhin no/ /kun dga' bo gang kha cig 'di skad du ngas sdug bsngal gyi bden pa mngon par rtogs nas zhes bya ba nas snga ma bzhin du kun dga' bo 'di lta ste/ gang zhig 'di skad du ngas bang rim bzhi pa'i them skas them pa dang po la 'dzegs nas/gnyis pa dang gsum pa dang bzhi pa'i bar du 'dzeg par bya'o zhes smra na/ de bzhin no zhes brjod par bya'o/ /de ci'i phyir zhe na/ 'di ni gnas yin zhing go skabs yod de bang rim bzhi pa'i them skas dang po la 'dzeg nas gnyis pa dang gsum pa dang bzhi pa'i bar du 'dzeg par 'gyur ba 'di ni gnas yod do//de bzhin du gang zhig 'di skad du ngas sdug bsngal 'phags pa'i bden pa mngon par rtogs nas zhes bya ba snga ma bzhin du'o zhes gsungs so/ /gal te mdo las gang zhig sangs rgyas la nem nur med cing the tshom med pa de ni zhes bya ba la mdo de ni bdag gis ma rnyed do//gleng gzhi yang dag par ldan pa'i 'phags pa'i bden pa'i sgo'i sdom gyi tshigs su bcad pa bdun pa'i mdo las 'di ltar 'don te/ gleng gzhi ni mnyan du yod pa na'o/ /gang 'ga' zhig sangs rgyas la nem nur dang bcas shing the tshom dang bcas pa de ni sdug bsngal la yang nem nur dang the tshom dang bcas pa yin zhing /kun 'byung ba dang 'gog pa dang lam la yang nem nur dang bcas shing the tshom dang bcas pa yin no/ /gang 'ga' zhig chos dang dge 'dun la nem nur dang bcas shing the tshom dang bcas pa de ni sdug bsngal gyi bden pa la yang nem nur dang bcas shing the tshom dang bcas pa yin zhing /kun 'byung dang 'gog pa dang lam la yang nem nur dang bcas shing the tshom dang bcas pa yin no/ /gang 'ga' zhig sangs rgyas la nem nur med cing the tshom med pa de ni sdug bsngal la yang nem nur med cing the tshom med pa yin la/ kun 'byung dang 'gog pa dang lam la yang nem nur med cing the tshom med pa yin no//gang 'ga' zhig chos dang dge 'dun la nem nur med cing the tshom med pa de ni sdug bsngal la nem nur med cing the tshom med pa yin la/ kun 'byung dang 'gog pa dang lam la yang nem nur med cing the tshom med pa yin no/ /gang 'ga' zhig sdug bsngal la nem nur dang bcas shing the tshom dang bcas pa de ni sangs rgyas la yang nem nur dang bcas shing the tshom dang bcas pa yin la/chos dang dge 'dun la yang nem nur dang bcas shing the tshom dang bcas pa yin no/ /gang 'ga' zhig kun 'byung dang 'gog pa dang lam la nem nur dang bcas shing the tshom dang bcas pa de ni sangs rgyas la yang nem nur dang bcas shing the tshom dang bcas pa yin zhing chos dang dge 'dun la yang nem nur dang bcas shing the tshom dang bcas pa yin no//gang 'ga' zhig sdug bsngal la nem nur med cing the tshom med pa de ni sangs rgyas la yang nem nur med cing the tshom med pa yin zhing chos dang dge 'dun la yang nem nur med cing the tshom med pa yin no//gang 'ga' zhig kun 'byung dang 'gog pa dang lam la nem nur med cing the tshom med pa de ni sangs rgyas la yang nem nur med cing the tshom med pa yin zhing chos dang dge 'dun la yang nem nur med cing the tshom med pa yin no zhes gsungs so// //gnas bdun la mkhas pa dang 'dab ma bdun pa bzhin no zhes bya ba la/ gleng gzhi ni mnyan du yod pa na'o/ /dge slong dag gnas bdun la mkhas shing don rnam pa gsum yongs su rtog pa'i dge slong ni chos 'dul ba 'di la myur du zag pa zad pa the tshom thob par 'gyur ro//dge slong dag ji ltar na dge slong gnas bdun la mkhas par 'gyur ba yin zhe na/ dge slong dag 'di la dge slong gzugs yang dag pa ji lta ba bzhin du rab tu shes shing gzugs kun 'byung ba dang / gzugs 'gog pa dang gzugs 'gog par 'gro ba'i lam yang dag pa ji lta ba bzhin du rab tu shes pa dang / gzugs kyi ro myang ba dang / nyes dmigs dang / nges par 'byung ba yang dag pa ji lta ba bzhin du rab tu shes la/ tshor ba dang 'du shes dang 'du byed dang rnam par shes pa yang dag pa ji lta ba bzhin rab tu shes la/rnam par shes pa'i kun 'byung ba dang / rnam par shes pa 'gog pa dang / rnam par shes pa 'gog par 'gro ba'i lam yang dag pa ji lta ba bzhin rab tu shes pa dang / rnam par shes pa'i ro myang ba dang / nyes dmigs dang / nges par 'byung ba yang dag pa ji lta ba bzhin rab tu shes pa'o//ji ltar na gzugs yang dag pa ji lta ba bzhin rab tu shes pa yin zhe na/ gzugs gang ci yang rung ba de thams cad ni 'byung ba chen po bzhi dag dang 'byung ba chen po bzhi dag rgyur byas pa yin zhe na/ gzugs ni 'di'o/ /gzugs ni 'di lta bu'o zhes yang dag pa ji lta ba bzhin rab tu shes pa'o//ji ltar gzugs kyi kun 'byung ba yang dag pa ji lta ba bzhin rab tu shes pa yin zhe na/ dga' ba kun 'byung bas gzugs kun 'byung ba ste/ 'di ltar na gzugs kun 'byung ba yang dag pa ji lta ba bzhin shes par 'gyur ba yin no/ / ji ltar na gzugs 'gog pa yang dag pa ji lta ba bzhin rab tu shes par gyur pa yin zhe na/ dga' ba 'gags pas gzugs 'gag pa ste/ gzugs 'gog pa ni 'di dang / gzugs 'gog pa ni 'di lta bu'o zhes yang dag pa ji lta ba bzhin rab tu shes pa'o/ /ji ltar na gzugs 'gog par 'gro ba'i lam yang dag pa ji lta ba bzhin rab tu shes pa yin zhe na/'di ltar 'phags pa'i lam yan lag brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang /yang dag pa'i dran pa dang / yang dag pa'i ting nge 'dzin te/ 'di ni gzugs 'gog par 'gro ba'i lam yang dag pa ji lta ba bzhin du rab tu shes pa'o/ /ji ltar na gzugs kyi ro myang ba yang dag pa ji lta ba bzhin rab tu shes pa yin zhe na/ gzugs la brten nas bde ba dang yid bde ba skyes te/gzugs kyi ro myang ba ni 'di'o/ /gzugs kyi ro myang ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na gzugs kyi nyes dmigs yang dag pa ji lta ba bzhin rab tu shes pa yin zhe na/ gang yang gzugs ni mi rtag pa sdug bsngal ba yongs su 'gyur ba'i chos can te/gzugs kyi nyes dmigs ni 'di'o/ /gzugs kyi nyes dmigs ni 'di lta bu'o zhes yang dag pa ji lta ba bzhin rab tu shes pa'o/ /ji ltar na gzugs kyi nges par 'byung ba yang dag pa ji lta ba bzhin rab tu shes pa yin zhe na/gang zhig gzugs la 'dun pa'i 'dod chags 'dul zhing 'dun pa'i 'dod chags spangs pa dang / 'dun pa'i 'dod chags las yang dag par 'das pa ste/ gzugs kyi nges par 'byung ba ni 'di'o/ /gzugs kyi nges par 'byung ba ni 'di lta bu'o zhes yang dag pa ji lta ba bzhin rab tu shes pa'o//ji ltar na tshor ba yang dag pa ji lta ba bzhin rab tu shes pa yin zhe na/ gang yang tshor ba'i tshogs drug ste/ mig gi 'dus te reg pa las byung ba dang / rna ba dang sna dang lce dang lus dang yid kyi 'dus te reg pa las byung ba'i tshor ba ste/ tshor ba ni 'di'o/ / tshor ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na tshor ba'i kun 'byung ba yang dag pa ji lta ba bzhin rab tu shes pa yin zhe na/ reg pa kun 'byung bas tshor ba kun 'byung ba ste/ tshor ba'i kun 'byung ba ni 'di'o/ /tshor ba'i kun 'byung ba ni 'di lta bu'o zhes yang dag pa ji lta ba bzhin rab tu shes pa'o//ji ltar na tshor ba 'gog pa yang dag pa ji lta ba bzhin rab tu shes pa yin zhe na/ reg pa 'gags pas tshor ba 'gag pa ste/ tshor ba 'gog pa ni 'di'o/ /tshor ba 'gog pa ni 'di lta bu'o zhes yang dag pa ji lta ba bzhin rab tu shes pa'o//ji ltar na tshor ba 'gog par 'gro ba'i lam yang dag pa ji lta ba bzhin rab tu shes pa yin zhe na/ 'phags pa'i lam yan lag brgyad de/ snga ma bzhin du yang dag pa'i ting nge 'dzin gyi bar du'o/ /tshor ba 'gog par 'gro ba'i lam ni 'di'o/ /tshor ba 'gog par 'gro ba'i lam ni 'di lta bu'o zhes yang dag pa ji lta ba bzhin rab tu shes pa'o//ji ltar na tshor ba'i ro myang ba yang dag pa ji lta ba bzhin rab tu shes pa yin zhe na/ gang yang tshor ba la brten nas bde ba dang yid bde ba skyed de/ tshor ba'i ro myang ba ni 'di'o/ /tshor ba'i ro myang ba ni 'di lta bu'o zhes yang dag pa ji lta ba bzhin rab tu shes pa'o//ji ltar na tshor ba'i nyes dmigs yang dag pa ji lta ba bzhin rab tu shes pa yin zhe na/ gang yang tshor ba ni mi rtag pa dang / sdug bsngal ba dang / yongs su 'gyur ba'i chos can te/ tshor ba'i nyes dmigs ni 'di'o/ /tshor ba'i nyes dmigs ni 'di lta bu'o zhes yang dag pa ji lta ba bzhin rab tu shes pa'o//ji ltar na tshor ba'i nges par 'byung ba yang dag pa ji lta ba bzhin rab tu shes pa yin zhe na/ gang zhig tshor ba la 'dun pa'i 'dod chags 'dul zhing / 'dun pa'i 'dod chags spangs pa dang 'dun pa'i 'dod chags las yang dag par 'das pa ste/tshor ba'i nges par 'byung ba ni 'di'o/ /tshor ba'i nges par 'byung ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du shes yang dag pa ji lta ba bzhin rab tu shes pa yin zhe na/ 'du shes kyi tshogs drug ste/mig gi 'dus te reg pa las skyes pa'i 'du shes dang / rna ba dang sna dang lce dang lus dang yid kyi 'dus te reg pa las skyes pa'i 'du shes te 'du shes ni 'di'o/ /'du shes ni 'di lta bu'o zhes yang dag pa ji lta ba bzhin du rab tu shes pa'o/ /ji ltar na 'du shes kun 'byung ba yang dag pa ji lta ba bzhin rab tu shes pa yin zhe na/reg pa kun 'byung bas 'du shes kun 'byung ba ste/ 'du shes kun 'byung ba ni 'di'o/ 'du shes kyi kun 'byung ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar 'du shes 'gog pa yang dag pa ji lta ba bzhin rab tu shes pa yin zhe na/reg pa 'gags pas 'du shes 'gag ste/ 'du shes 'gog pa ni 'di'o/ /'du shes kyi 'gog pa ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du shes 'gog par 'gro ba'i lam yang dag pa ji lta ba bzhin rab tu shes pa yin zhe na/'phags pa'i lam yan lag brgyad de/ snga ma bzhin du yang dag pa'i ting nge 'dzin gyi bar du ste/ 'du shes 'gog par 'gro ba'i lam ni 'di'o/ /'du shes 'gog par 'gro ba'i lam ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du shes kyi ro myang ba yang dag pa ji lta ba bzhin rab tu shes pa yin zhe na/'du shes la brten nas bde ba dang yid bde ba skye ste/ 'du shes kyi ro myang ba ni 'di'o/ /'du shes kyi ro myang ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du shes kyi nyes dmigs yang dag pa ji lta ba bzhin rab tu shes pa yin zhe na/gang yang 'du shes kyi mi rtag pa dang sdug bsngal ba dang / yongs su 'gyur ba'i chos can te/ 'du shes kyi nyes dmigs ni 'di'o/ /'du shes kyi nyes dmigs ni 'di lta bu'o zhes yang dag pa ji lta ba bzhin rab tu shes pa'o/ /'du shes kyi nges par 'byung ba yang dag pa ji lta ba bzhin rab tu shes pa yin zhe na/gang zhig 'du shes la 'dun pa'i 'dod chags 'dul shing 'dun pa'i 'dod chags spangs pa dang / 'dun pa'i 'dod chags las yang dag par 'das pa ste/ 'du shes kyi nges par 'byung ba ni 'di'o/ /'du shes kyi nges par 'byung ba ni 'di lta bu'o zhes yang dag pa ji lta ba bzhin rab tu shes pa'o//ji ltar na 'du shes rnams yang dag pa ji lta ba bzhin rab tu shes pa yin zhe na/ sems pa'i tshogs drug ste/ mig gi 'dus te reg pa las skyes pa'i sems pa dang / rna ba dang sna dang lce dang lus dang yid kyi 'dus te reg pa las skyes pa'i sems pa rnams te/ 'du byed rnams ni 'di'o/ /'du byed rnams ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du byed rnams kun 'byung ba yang dag pa ji lta ba bzhin rab tu shes pa yin zhe na/reg pa kun 'byung bas 'du byed kun 'byung ba ste/ 'du byed rnams kun 'byung ba ni 'di'o/ /'du byed rnams kun 'byung ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du byed rnams 'gog pa yang dag pa ji lta ba bzhin rab tu shes pa yin zhe na/reg pa 'gags pas 'du byed rnams 'gog ste/ 'du byed rnams 'gog pa ni 'di'o/ /'du byed rnams 'gog pa ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du byed rnams 'gog par 'gro ba'i lam yang dag pa ji lta ba bzhin rab tu shes pa yin zhe na/gang yang 'phags pa'i lam yan lag brgyad de/ snga ma bzhin du yang dag pa'i lta ba nas yang dag pa'i ting nge 'dzin gyi bar du ste/ 'du byed rnams 'gog par 'gro ba'i lam ni 'di'o/ /'du byed rnams 'gog par 'gro ba'i lam ni 'di lta bu'o zhes yang dag pa ji lta ba bzhin rab tu shes pa'o//ji ltar na 'du byed rnams kyi ro myang ba yang dag pa ji lta ba bzhin rab tu shes pa yin zhe na/ gang yang 'du byed rnams la brten nas bde ba dang yid bde ba skyes te/ 'du byed rnams kyi ro myang ba ni 'di'o/ /'du byed rnams kyi ro myang ba ni 'di lta bu'o zhes yang dag pa ji lta ba bzhin rab tu shes pa'o//ji ltar na 'du byed rnams kyi nyes dmigs yang dag pa ji lta ba bzhin rab tu shes pa yin zhe na/ gang yang 'du byed rnams ni mi rtag pa dang / sdug bsngal ba dang yongs su 'gyur ba'i chos can no zhes 'du byed rnams kyi nyes dmigs ni 'di'o//'du byed rnams kyi nyes dmigs ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du byed rnams kun 'byung ba yang dag pa ji lta ba bzhin rab tu shes pa yin zhe na/ gang zhig 'du byed rnams la 'dun pa'i 'dod chags 'dul zhing /'dun pa'i 'dod chags spangs pa dang / 'du byed rnams la 'dun pa'i 'dod chags las yang dag par 'das te/ 'du byed rnams kyi nges par 'byung ba ni 'di'o/ /'du byed rnams kyi nges par 'byung ba ni 'di lta bu'o zhes yang dag pa ji lta ba bzhin rab tu shes pa'o//ji ltar na rnam par shes pa yang dag pa ji lta ba bzhin rab tu shes pa yin zhe na/ rnam par shes pa'i tshogs drug ste/ mig gi rnam par shes pa dang / rna ba dang sna dang lce dang lus dang yid kyi rnam par shes pa ste/ rnam par shes pa ni 'di'o/ /rnam par shes pa ni 'di lta bu'o zhes yang dag pa ji lta ba bzhin rab tu shes pa'o//ji ltar na rnam par shes pa'i kun 'byung ba yang dag pa ji lta ba bzhin rab tu shes pa yin zhe na/ ming dang gzugs kun 'byung bas rnam par shes pa kun 'byung ba ste/ rnam par shes pa'i kun 'byung ba ni 'di'o/ /rnam par shes pa'i kun 'byung ba ni 'di lta bu'o zhes yang dag pa ji lta ba bzhin rab tu shes pa'o//ji ltar na rnam par shes pa'i 'gog pa yang dag pa ji lta ba bzhin rab tu shes pa yin zhe na/ ming dang gzugs 'gags pas rnam par shes pa 'gag ste/ rnam par shes pa'i 'gog pa ni 'di'o/ / rnam par shes pa'i 'gog pa ni 'di lta bu'o zhes yang dag pa ji lta ba bzhin rab tu shes pa'o/ /ji ltar na rnam par shes pa 'gog par 'gro ba'i lam yang dag pa ji lta ba bzhin rab tu shes pa yin zhe na/ 'phags pa'i lam yan lag brgyad de snga ma bzhin du yang dag pa'i lta ba nas yang dag pa'i ting nge 'dzin gyi bar du ste/rnam par shes pa 'gog par 'gro ba'i lam ni 'di'o/ /rnam par shes pa 'gog par 'gro ba'i lam ni 'di lta bu'o zhes yang dag pa ji lta ba bzhin rab tu shes pa'o/ /ji ltar na rnam par shes pa'i ro myang ba yang dag pa ji lta ba bzhin rab tu shes pa yin zhe na/ gang yang rnam par shes pa la brten nas bde ba dang yid bde ba skye ste/rnam par shes pa'i ro myang ba ni 'di'o/ /rnam par shes pa'i ro myang ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na rnam par shes pa'i nyes dmigs yang dag pa ji lta ba bzhin rab tu shes pa yin zhe na/gang yang rnam par shes pa ni mi rtag pa/ sdug bsngal ba yongs su 'gyur ba'i chos can te/ rnam par shes pa'i nyes dmigs ni 'di'o/ /rnam par shes pa'i nyes dmigs ni 'di lta bu'o zhes yang dag pa ji lta ba bzhin rab tu shes pa'o/ /ji ltar na rnam par shes pa'i nges par 'byung ba yang dag pa ji lta ba bzhin rab tu shes pa yin zhe na/gang zhig rnam par shes pa la 'dun pa'i 'dod chags 'dul zhing / 'dun pa'i 'dod chags spangs pa dang / 'dun pa'i 'dod chags las yang dag par 'das pa ste/ rnam par shes pa'i nges par 'byung ba ni 'di'o//rnam par shes pa'i nges par 'byung ba ni 'di lta bu'o zhes yang dag pa ji lta ba bzhin rab tu shes pa'o/ /dge slong dag 'di ltar na dge slong gnas bdun la mkhas par 'gyur ro/ /dge slong ji ltar na dge slong don rnam pa gsum yongs su rtog pa yin zhe na/ 'di ni dge slong dgon pa'am/shing drung ngam/ khang pa stong par song nas phung po dang khams dang skye mched rnams la tshul bzhin du legs par rtog pa ste/ dge slong dag 'di ltar na dge slong don rnam pa gsum yongs su rtog par 'gyur ro/ /dge slong dag gnas bdun la mkhas pa dang / don rnam pa gsum yongs su rtog pa'i dge slong ni chos 'dul ba 'di la myur du zag pa zad pa rjes su thob par 'gyur ro zhes ngas ji skad du bstan pa de rgyas par rab tu bshad do zhes gsungs so//gang yang 'di skad du mdo las gang zag lta ba phun sum tshogs pa zhes bya ba la/ khams mang po pa'i mdo'i rnam par bshad pa bstan pa las 'di ltar 'don te/gnas ma yin zhing go skabs med de/ gang zag lta ba phun sum tshogs pa ma dang pha dang dgra bcom pa srog dang phral bar byed pa dang / dge 'dun gyi dbyen byed pa dang / de bzhin gshegs pa'i sku la ngan sems kyis khrag 'byin pa 'di ni gnas med do//gang yang so so'i skye bo ni gnas yod do/ /gnas ma yin zhing go skabs med de/ gang zag lta ba phun sum tshogs pas bsams bzhin du dud 'gro'i skye gnas su gtogs pa'i srog chags srog dang phral bar byed pa dang / bsams bzhin du bslab pa las yang dag par 'da' ba dang / bslab pa nyams par byed pa 'di ni gnas med do/ /'di las phyi rol du gyur pa'i ston pa bsten pa dang / 'di las phyi rol du gyur pa'i gang zag yon gnas su byed pa dang / dge sbyong ngam bram ze 'di dag ni shes par bya ba shes pa/ blta bar bya ba mthong ba'o zhes dge sbyong dang bram ze dag gi ngor lta zhing ngor rtog pa dang /dge mtshan dang bkra shis kyis dag par 'dzin pa dang / srid pa brgyad pa mngon par 'grub par 'gyur ba 'di ni gnas med do/ /gang yang so so'i skye bo ni gnas yod do zhes gsungs so/ /'o na gang mdo las skyes bu dam pa'i 'gro ba bdun zhes bstan pa ji lta bu zhe na zhes bya ba la/lung bar ma'i bdun pa'i mdo lnga pa las 'byung ba mdzod kyi gnas gsum pa 'di nyid du srid pa bar ma'i skabs su 'gro ba yod do zhes bya bar bris zin to/ /'o na mdo las skyes bu dam pa gang yin zhe na zhes bya ba la/ gleng gzhi ni mnyan du yod pa na'o/ /dge slong dag skyes bu dam pa dang /skyes bu dam pa las kyang skyes bu dam pa dag bsten par bya ste/ de legs par nyon la yid la zung shig dang bshad par bya'o/ /skyes bu dam pa gang zhe na/ slob pa'i yang dag pa'i lta ba dang ldan pa dang / slob pa'i yang dag pa'i rtog pa dang / slob pa'i yang dag pa'i ngag dang /slob pa'i yang dag pa'i las kyi mtha' dang / slob pa'i yang dag pa'i 'tsho ba dang / slob pa'i yang dag pa'i rtsol ba dang / slob pa'i yang dag pa'i dran pa dang / slob pa'i yang dag pa'i ting nge 'dzin dang yang dag par ldan pa ste 'di ni skyes bu dam pa zhes bya'o/ /skyes bu dam pa las kyang skyes bu dam pa gang zhe na/mi slob pa'i yang dag pa'i lta ba dang ldan pa nas/ mi slob pa'i yang dag pa'i ting nge 'dzin gyi bar dang ldan pa ste/ 'di ni skyes bu dam pa las kyang skyes bu dam pa zhes bya'o/ /dge slong dag skyes bu dam pa dang / skyes bu dam pa las kyang skyes bu dam pa bsten par bya'o zhes ngas ji skad du bstan pa de rgyas par rab tu bshad do zhes gsungs so//'o na brgya byin gyis zhes bya ba la/ dbyangs dang bcas pa'i sdom gyi tshigs su bcad pa gsum pa'i brgya byin gyis dris pa'i mdo las te/ btsun pa de la bdag 'di snyam du kye ma bdag 'di nas shi 'phos te/ mi rnams dang skal ba mnyam par skye bar 'gyur zhing gang yang bdag phyug cing nor mang la longs spyod che ba dang / rdzas dang nye bar sbyar ba mang ba dang / rang dbang ba mang ba dang / nor dang 'bru dang gser dang sa le sbram dang bang ba dang mdzod kyi tshogs rab tu mang po dang /bran pho dang bran mo dang las byed pa'i skyes bu mang po dang / grogs po dang mdza' bo dang nye du dang snag gi gnyen mtshams rab tu mang po de lta bu'i rigs dang skal ba mnyam par skye zhing / der yang bdag cher skyes shing dbang po rnams yongs su smin pas sbyin pa dag byin bsod nams dag byas nas skra dang kha spu bregs shing gos ngur smrig bgos nas dad pas yang dag pa kho nar khyim med par rab tu byung ba dang /btsun pa bdag rigs par gnas shing gal te kun shes par 'byung bar 'gyur ba dang / kun shes pa 'byung nas sdug bsngal gyi mthar byed pa de ltar bdag rigs par gnas par gyur cig /gal te kun shes par ma gyur cing bdag tha mar rnam par nyams na lha gzugs can yid las byung ba/ dbang po tshang zhing ma nyams pa/ yan lag dang nying lag thams cad dang ldan pa/ kha dog dang dbyibs mdzes pa/rang gi 'od can nam mkha' la thogs pa med par 'gro ba/ dga' ba za zhing dga' ba'i zas can/ tshe ring zhing yun ring du gnas pa der skye bar gyur cig /bdag ni rigs nas gal te kun shes 'byung 'gyur zhing / /kun shes 'byung ba de nyid bdag gi sdug bsngal mthar//bdag ni rigs gnas gal te kun shes ma gyur cing / bdag ni tha mar nyams na lta gang 'og min zhes/ /rnam par grags pa der ni skye bar 'gyur bar shog /bcom ldan bdag ni rgyun zhugs bde gshegs rgyun zhugs te/ /ma thob par gnas lan cig phyir 'ong bdag 'dod do//legs so brgya byin bag yod par ni gnas par gyis/ /gang gis rgyun zhugs nges par rang bdag nyid kyis ni/ /rgyu mtshan gang las khyad par dang po rgya chen rtogs/ /bcom ldan nyid las gzhan min ston pa gzhan min zhes/ /gzhan dang mi mtshungs khyad par bdag gis mngon par shes//drang srong dag ni lhar gyur 'di na 'dug bzhin du/ /slar yang srog rnyed lta bur blo ldan bdag 'dzin to/ /zhes gsungs so/ /'gog pa thob pa phyir mi 'ongs/ /lus kyis mngon du byed par 'dod/ /ces bya ba la/ bcom ldan 'das ser skya'i gzhi n+ya gro d+ha'i kun dga' ra ba na bzhugs te/de'i tshe ser skya'i yul mi shAkya rab tu mang po rnams 'dun ma 'dus shing tshogs nas 'dug par gyur pa de dag gtam gzhan brjod pa 'di lta bu gleng lags te/ ming chen da ltar 'di na gang gang gis na da ltar 'di na shAkya mda' lag 'chi ba'i dus na myos par gyur pa 'thungs shing bslab pa dral ba/de bcom ldan 'das kyis rgyun du zhugs pa mi ltung ba'i chos can rdzogs pa'i byang chub tu nges pa tha mar 'gyur te/ srid pa lan bdun pa lha dang mi rnams kyi nang du lan bdun nying mtshams sbyar nas sdug bsngal gyi mthar byed par 'gyur ro zhes lung bstan to//des ming chen khyod bcom ldan 'das gang na ba der nye bar song nas/ bcom ldan 'das la don 'di lta bu yongs su dris la/ bcom ldan 'das kyis ji ltar lung bstan pa de bzhin du zung shig /de nas shAkya ming chen bcom ldan 'das gang na ba der nye bar song ste nye bar song nas/bcom ldan 'das kyi zhabs la spyi bos phyag 'tshal nas phyogs gcig tu 'dug go/ /phyogs gcig tu 'dug nas shAkya ming chen gyis bcom ldan 'das la 'di skad ces gsol to/ /btsun pa bdag cag ser skya'i gzhi'i yul mi shAkya rab tu mang po rnams 'dun ma 'dus shing tshogs te 'dus par gyur pa de dag gtam gzhan brjod pa 'di lta bu gleng lags te/ming chen da ltar 'di na gang gang gis tha mar 'gyur te/ da lta 'di na shAkya mda' lag 'chi ba'i dus na myos par 'gyur ba 'thungs shing bslab pa dral ba de yang bcom ldan 'das kyis rgyun du zhugs pa mi ltung ba'i chos can rdzogs pa'i byang chub tu nges par srid pa lan bdun pa/lha dang mi rnams kyi nang du lan bdun nying mtshams sbyar nas sdug bsngal gyi mthar byed par 'gyur ro zhes lung bstan to/ /btsun pa 'di ji lta bu zhes bcom ldan 'das la bdag dogs pa 'di lta bu yongs su 'dri'o//ming chen 'phags pa nyan thos dag bde bar gshegs pa ni ston pa ste/ bde bar gshegs pa ni ston pa zhes smra ba ni legs par smra ba yin zhing sems bskyed pa dang / drang po'i lta ba can dang / lta ba legs par 'gyur ro/ / ming chen 'phags pa nyan thos dag bcom ldan 'das kyis chos 'di legs par gsungs pa ste/ bcom ldan 'das kyis chos ni legs par gsungs pa'i zhes smra ba ni legs par smra ba yin zhing / sems bskyed pa dang / lta ba drang po can dang / lta ba legs par 'gyur ro/ / ming chen 'phags pa nyan thos dag bcom ldan 'das kyi nyan thos kyi dge 'dun ni legs par zhugs pa ste/ bcom ldan 'das kyi nyan thos kyi dge 'dun ni legs par zhugs pa'o zhes smra ba ni legs par smra ba yin zhing sems bskyed pa dang / lta ba drang po can dang / lta ba legs par 'gyur ro//ming chen 'di na 'phags pa nyan thos sangs rgyas la dad pa mi phyed pa dang chos dang dge 'dun la dad pa mi phyed par 'gyur zhing / shes rab che ba dang / shes rab myur ba dang / shes rab rno ba dang / nges par 'byung ba'i shes rab dang / skyo ba'i shes rab dang / rnam par grol ba'i shes rab dang yang dag par ldan pa dang /rnam par thar pa brgyad lus kyis mngon sum du byas nas gnas shing 'di'i shes rab zag par lta ba yongs su zad pa ste/ ming chen 'di ni 'phags pa nyan thos dmyal bar mi 'gro ba yi dags dang dud 'gror mi 'gro ba ngan song ngan 'gro log par mi ltung par mi 'gro ba ste/gang yang 'di skad du gnyi ga'i cha las rnam par grol ba'o zhes brjod pa'o/ /gzhan yang ming chen 'phags pa nyan thos sangs rgyas la dad pa mi byed pa dang zhes bya ba nas rnam par grol ba'i shes rab dang ldan pa zhes bya ba'i bar du ste/ rnam par thar pa brgyad lus kyis mngon sum du byas te gnas shing 'di'i shes rab zag par lta ba yongs su zad pa ste/ming chen 'di ni 'phags pa nyan thos dmyal bar mi 'gro zhes bya ba nas/ ngan song ngan 'gro log par mi ltung ba zhes bya ba'i bar du'o/ /gang yang ji skad du shes rab kyis rnam par grol ba zhes brjod pa'o/ / gzhan yang ming chen sangs rgyas la dad pa mi phyed pa dang zhes bya ba nas/ rnam par grol ba'i shes rab dang yang dag par ldan pa zhes bya ba'i bar du ste/ rnam par thar pa brgyad lus kyis mngon sum du byas te gnas shing 'di'i shes rab zag par lta ba yongs su zad pa ste/ ming chen 'di ni 'phags pa nyan thos dmyal bar mi 'gro zhes bya ba nas/ngan song ngan 'gro log par mi ltung ba'o zhes bya ba'i bar du'o/ /gang yang ji skad du lus kyis mngon sum du byed pa zhes brjod pa'o/ /gzhan yang ming chen 'phags pa nyan thos sangs rgyas la dad pa mi phyed pa dang zhes bya ba nas rnam par grol ba'i shes rab dang ldan pa zhes bya ba'i bar du ste/tha ma'i cha dang mthun pa'i kun du sbyor ba lnga spangs shing yongs su shes pa ste/ 'di lta ste/ 'dod pa la 'dun pa dang / gnod sems dang / 'jig tshogs la lta ba dang / tshul khrims dang brtul zhugs mchog tu 'dzin pa dang /the tshom ste/ ming chen 'di ni 'phags pa nyan thos dmyal bar mi 'gro ba zhes bya ba nas/ ngan song ngan 'gro log par mi ltung ba'o zhes bya ba'i bar du ste/ gang yang 'di skad du bar mdor yongs su mya ngan las 'da' ba dang / skyes nas yongs su mya ngan las 'da' ba dang /mngon par 'du bya ba med par yongs su mya ngan las 'da' ba dang / mngon par 'du bya ba dang bcas par yongs su mya ngan las 'da' ba dang / gang du 'pho ba zhes brjod pa'o/ /gzhan yang ming chen 'phags pa nyan thos sangs rgyas la dad pa mi phyed pa zhes bya ba nas/rnam par grol ba'i shes rab dang yang dag par ldan pa zhes bya ba'i bar du ste/ kun du sbyor ba gsum po spangs shing yongs su shes par gyur la/ 'dod chags dang zhe sdang dang gti mug srab pa ste/ ming chen 'di ni 'phags pa nyan thos dmyal bar mi ltung ba zhes bya ba nas ngan song ngan 'gro log par mi ltung ba zhes bya ba'i bar du ste/gang yang ji skad du bar chad gcig pa can zhes brjod pa'o/ /gzhan yang ming chen 'phags pa nyan thos sangs rgyas la dad pa mi phyed pa zhes bya ba nas/ chos dang dge 'dun la dad pa mi phyed pa dang ldan zhing /mgyogs pa'i shes rab dang / myur ba'i shes rab dang / rno ba'i shes rab dang / nges par 'byung ba'i shes rab dang / skyo ba'i shes rab dang / rnam par grol ba'i shes rab dang yang dag par ldan pa/ kun du sbyor ba gsum spangs shing yongs su shes par gyur ba ste/'di lta ste/ 'jig tshogs la lta ba dang / tshul khrims dang / brtul zhugs mchog tu 'dzin pa dang / the tshom mo/ /'di ni 'phags pa nyan thos dmyal bar mi 'gro zhing yi dags dang dud 'gror mi 'gro ba ngan song ngan 'gro log par mi ltung ba ste/gang yang 'di skad du rigs nas rigs su skye ba dang srid pa lan bdun pa zhes brjod pa'o/ /gzhan yang ming chen 'phags pa nyan thos sangs rgyas la dad pa mi phyed pa dang / chos dang / dge 'dun la dad pa mi phyed pa dang / chos lnga po rnams la shes rab chen pos rnam par dpyod par bzod pa ste/'di lta ste/ dad pa dang brtson 'grus dang / dran pa dang / ting nge 'dzin dang / shes rab po/ /'di ni 'phags pa nyan thos dmyal bar mi ltung zhes bya ba nas/ ngan song ngan 'gro log par mi ltung ba zhes bya ba'i bar du ste/ gang yang 'di skad du chos kyi rjes su 'brang ba zhes brjod pa'o//gzhan yang ming chen 'phags pa nyan thos sangs rgyas la dad pa mi phyed cing chos dang dge 'dun la dad pa mi phyed pa dang chos lnga po rnams la shes rab chung ngus rnam par dpyod pas bzod pa ste/ 'di lta ste/ dad pa dang / brtson 'grus dang / dran pa dang /ting nge 'dzin dang / shes rab po/ /ming chen 'di ni 'phags pa nyan thos dmyal bar mi 'gro zhing / yi dags su mi 'gro ba/ dud 'gror mi 'gro ba/ ngan song ngan 'gro log par mi ltung ba'o zhes bya ba'i bar du ste/ gang yang ji skad du dad pa'i rjes su 'brang ba zhes brjod pa'o//ming chen 'di ni gnas ma yin zhing go skabs med de/ shing sA las ngas bshad pa'i don 'di lta bu shes pa 'di ni gnas med pa'o/ /'on kyang gnas nges par yongs su brtag par bzung ste bshad par bya'o/ /ming chen sA la 'dis ngas bshad pa'i don ni mi shes pas da rgyun du zhugs par lung mi ston to//ci'i phyir ngas shAkya mda' lag rgyun du zhugs par lung bstan ce na/ ming chen shAkya mda' lag 'tsho ba'i dus kyi tshe myos par 'gyur ba 'thung ba spangs shing bslab pa yang dag par blangs te/ des na ngas 'chi ba'i dus na rgyun du zhugs pa mi ltung ba'i chos can rdzogs pa'i byang chub tu nges pa/mchog tu thogs na srid pa lan bdun la/ lha dang mi rnams su lan bdun du nying mtshams sbyar nas sdug bsngal mthar byed pa zhes ngas lung bstan to/ /de nas shAkya ming chen bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas te bcom ldan 'das kyi drung nas song ngo //rnam par thar pa brgyad lus kyis mngon sum du byas nas bsgrubs te gnas so zhes bya ba la/ brgyad pa ni 'du shes dang tshor ba 'gog pa'i rnam par thar pa ste 'gog pa'i snyoms par 'jug pa zhes bya ba dang /ming gnyis pa la lus kyis mngon sum du byed pa zhes brjod do/ /mdo gang las 'gog pa lus kyis mngon sum du byed pa thob pa zhes bya ba gsungs pa'i mdo de nyid las 'phags pa'i gang zag gi rnam par dbye ba gzhan yang nye bar bsdus so// //mdo las slob pa bco brgyad ces gsungs pa zhes bya ba la/ bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs te/ de nas khyim bdag mgon med zas sbyin bcom ldan 'das gang na ba der nye bar song ste nye bar song nas bcom ldan 'das kyi zhabs la phyag byas te/phyogs gcig tu 'dug go/ /phyogs gcig tu 'dug nas/ khyim bdag mgon med zas sbyin gyis bcom ldan 'das la 'di skad ces gsol to/ /btsun pa 'jig rten gyi yon gnas su du zhig mchis/ khyim bdag gnyis te slob pa dang /mi slob pa'o/ /khyim bdag de la slob pa bco brgyad dang / mi slob pa dgu'o/ /slob pa bco brgyad gang zhe na/ rgyun du zhugs pa'i 'bras bu mngon du bya ba'i phyir zhugs pa dang / rgyun du zhugs pa dang / lan cig phyir 'ong ba'i 'bras bu mngon du bya ba'i phyir zhugs pa dang /lan cig phyir 'ong ba dang / phyir mi 'ong ba'i 'bras bu mngon du bya ba'i phyir zhugs pa dang / phyir mi 'ong ba dang / dgra bcom pa'i 'bras bu mngon du bya ba'i phyir zhugs pa dang / dad pa'i rjes su 'brang ba dang / chos kyi rjes su 'brang ba dang /dad pas mos pa dang / mthong bas thob pa dang / rigs nas rigs su skye ba dang / bar chad gcig pa can dang / bar ma dor yongs su mya ngan las 'da' ba dang / skyes nas yongs su mya ngan las 'da' ba dang / mngon par 'du bya ba dang bcas par yongs su mya ngan las 'da' ba dang /mngon par 'du bya ba med par yongs su mya ngan las 'da' ba dang / gang du 'pho ba ste/ 'di ni slob pa bco brgyad ces bya'o/ /mi slob pa dgu gang zhe na/ yongs su nyams pa'i chos can dang / 'chi bar sems pa'i chos can dang / rjes su bsrung ba'i chos can dang /gnas pa las mi skyo ba dang / rtogs pa'i skal ba can dang / mi g.yo ba'i chos can dang / shes rab kyis rnam par grol ba dang / phyogs gcig las rnam par grol ba dang / gnyi ga'i cha las rnam par grol ba ste/ 'di ni mi slob pa'i gang zag dgu zhes bya'o//slob pa dang mi slob pa 'di dag ni 'jig rten 'di na sbyin pa dang mchod sbyin gyi 'os su gyur pa'o/ /lus dang ngag dang de bzhin du/ /yid kyi drang por gyur pa na/ /gang la byin na 'bras che ba/ /mchod sbyin bya ba'i zhing bzang yin/ /zhes gsungs so/ /de dag ni tshul khrims dang ting nge 'dzin dang shes rab kyi rang bzhin dag yin no zhes bya ba la/gleng gzhi ni mnyan du yod pa na'o/ /dge slong dag gsum po 'di dag ni bslab pa gsum ste/ gsum gang zhe na/ lhag pa'i tshul khrims kyi bslab pa dang / lhag pa'i sems dang / lhag pa'i shes rab kyi bslab pa'o//lhag pa'i tshul khrims kyi bslab pa gang zhe na/ 'di ni dge slong tshul khrims dang ldan par gnas shing so sor thar pas bsdams na cho ga dang spyod yul phun sum tshogs pa dang kha na ma tho ba phra rab tsam la yang 'jigs par lta zhing / bslab pa yang dag par blangs pa la slob par byed pa ste/'di ni lhag pa'i tshul khrims kyi bslab pa zhes bya'o/ /lhag pa'i sems kyi bslab pa gang zhe na/ 'di ni dge slong 'dod pa las dben pa zhes bya ba nas/ bsam gtan bzhi pa bsgrubs te nye bar gnas so zhes bya ba'i bar du ste/ 'di ni lhag pa'i ting nge 'dzin gyi bslab pa zhes bya'o//lhag pa'i shes rab kyi bslab pa gang zhe na/ 'di ni dge slong sdug bsngal 'phags pa'i bden pa'o zhes yang dag pa ji lta ba bzhin rab tu shes shing / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa'o zhes yang dag pa ji lta ba bzhin rab tu shes pa ste/'di ni lhag pa'i shes rab kyi bslab pa zhes bya'o/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to//bcom ldan lhag pa'i tshul khrims dang / /sems dang lhag pa'i shes rab kyi/ /bslab pa gsum po phun tshogs pa'i/ /dge slong gang der spyod par byed/ /stobs ldan brtan pa'i brtson 'grus can/ /nyin mo ji ltar de bzhin mtshan/ /mtshan mo ji ltar de bzhin nyin//snga ma ji bzhin de bzhin phyis/ /phyi ma ji bzhin de bzhin sngar/ /ji ltar 'og tu de ltar steng / /steng du ji ltar de bzhin 'og /rtag tu dbang po bsdams shing spyod/ /tshad med pa yi ting 'dzin gyis/ /phyogs kun zil gyis gnon byed pa/ /de ni bslab lam yang dag pa'i//dbang po slob pa zhes brjod do/ /de yis sems ni rnam grol zhing / /rnam par shes na stong byed pa/ /de ni bstan pa lam rjes 'gro/ /'jig rten rdzogs sangs rgyas zhes brjod/ /rmongs pa med par rab gnas shing / /rig dang zhabs su ldan pa dang / / 'chi ba'i 'og tu sred zad cing / /rnam par grol ba thob par 'gyur/ /mar me shi bar gyur pa ltar/ /de yi sems ni rnam par thar/ /zhes gsungs so/ /mdo las zhi byed bslab pa la slob cing bslab pa la slob pas na de'i phyir zhes bya ba la/ bcom ldan 'das rgyal po'i khab kyi 'od ma'i tshal gyi bya ka lan da ka gnas pa na bzhugs te/ des na kun du rgyu zhi byed bcom ldan 'das gang na ba der nye bar song ste/ nye bar song nas bcom ldan 'das dang lhan cig ces bya ba nas phyogs gcig tu 'dug nas zhes bya ba'i bar du ste/ de nas kun du rgyu zhi byed kyis bcom ldan 'das la 'di skad ces gsol to/ /gau ta ma slob pa slob pa zhes brjod pa/ ci'i phyir slob pa slob pa zhes brjod/ zhi byed bslab pa la slob cing bslab pa la slob pas de'i phyir slob pa zhes brjod do/ /gau ta ma bslab pa gang la slob/ dus dang dus su lhag pa'i tshul khrims kyi bslab pa la slob pa dang /lhag pa'i sems dang / lhag pa'i shes rab kyi bslab pa la slob par byed pa ste/ zhi byed de'i phyir bslab pa la slob cing bslab pa la slob pas na de'i phyir slob pa zhes bya'o/ /gau ta ma gang yang dge slong dgra bcom pa/ zag pa zad pa/ bya ba byas pa/ byed pa byas pa/ khur bor ba/ rang gi don rjes su thob pa/ srid pa kun du sbyor ba yongs su zad pa/ yang dag par shes pas sems shin tu rnam par grol ba/ de'i tshe na bslab pa gang zhig la slob par byed ce na/ zhi byed gang yang dge slong dgra bcom pa zag pa zad pa/bya ba byas pa/ byed pa byas pa/ khur bor ba/ rang gi don rjes su thob pa/ srid pa kun du sbyor ba/ yongs su zad pa/ yang dag pa'i shes pas sems shin tu rnam par grol ba de'i tshe 'dod chags ma lus par zad pa so sor myong ba dang / zhe sdang zad pa dang /gti mug zad pa so sor myong bar byed do/ /de 'dod chags yang dag par zad pa dang / zhe sdang yang dag par zad pa dang / gti mug yang dag par zad pas gang yang sdig par 'gyur ba de mi byed cing dge ba la brten par byed de/ zhi byed bslab pa la slob cing / / bslab pa la slob pas na de'i phyir slob pa'i slob pa zhes bya'o/ /de nas kun du rgyu zhi byed bcom ldan 'das kyis gsungs pa la zhes bya ba nas langs te song ngo zhes bya ba'i bar du'o/ /kun du rgyu zhi byed ji lta ba bzhin du tshe dang ldan pa kun dga' bo dang / gzhan yang dge slong rnams la bcom ldan 'das kyis bshad pa yang de bzhin no//'o na mdo las 'dis sdig pa mi dge ba'i chos zhes bya ba la/ lung bar ma'i mdo dang po'i mthar 'di skad ces gsungs te/ ji ltar dge sbyong du 'gyur zhe na/ 'dis sdig pa mi dge ba'i chos yang srid par kun nas nyon mongs pa can/nad dang bcas shing rnam par smin pa sdug bsngal ba/ ma 'ongs pa'i skye ba dang rga ba dang na ba dang 'chi ba rnams zhi bar byas pa ste 'di ltar na dge sbyong du 'gyur ro/ /ji ltar na bram zer 'gyur zhe na/ 'dis sdig pa mi dge ba'i chos yang srid par kun nas nyon mongs pa can nad dang bcas shing rnam par smin pa sdug bsngal ba ma 'ongs pa'i skye ba dang rga ba dang na ba dang 'chi ba rnams la phyir phyogs par byas pa ste/'di ltar na bram zer 'gyur ro/ /ji ltar na 'phags par 'gyur ba yin zhe na/ 'dis sdig pa mi dge ba'i chos yang srid par kun nas nyon mongs pa can nad dang bcas shing rnam par smin pa sdug bsngal ba ma 'ongs pa'i skye ba dang rga ba dang na ba dang 'chi ba rnams las ring du gyur pa ste/'di ltar na 'phags par 'gyur ro/ /ji ltar na khrus byed par 'gyur zhe na/ 'dis sdig pa mi dge ba'i chos yang srid par kun nas nyon mongs pa can nad dang bcas shing rnam par smin pa sdug bsngal ba/ma 'ongs pa'i skye ba dang rga ba dang na ba dang 'chi ba rnams dag par byas pa ste/ 'di ltar na khrus byed par 'gyur ro zhes gsungs so/ /de ltar na 'o na sangs rgyas kyis gsungs pa la kha bskang bya dgos so zhes bya ba la/ gleng gzhi ni mnyan du yod pa na'o//dge slong dag dge sbyong dang dge sbyong gi 'bras bu dag bstan par bya ste/ de legs par nyon la yid la zung shig dang ngas bshad par bya'o/ /dge sbyong gang zhe na/ 'phags pa'i lam yan lag brgyad de/ 'di lta ste yang dag pa'i lta ba nas/ yang dag pa'i ting nge 'dzin gyi bar du'o//dge sbyong gi 'bras bu gang zhe na/ dge sbyong gi 'bras bu bzhi ste/ bzhi gang zhe na/ rgyun du zhugs pa'i 'bras bu dge sbyong gi 'bras bu dang / lan cig phyir 'ong ba'i 'bras bu dge sbyong gi 'bras bu dang / phyir mi 'ong ba'i 'bras bu dge sbyong gi 'bras bu dang /dgra bcom pa'i 'bras bu dge sbyong gi 'bras bu'o/ /rgyun du zhugs pa'i 'bras bu dge sbyong gi 'bras bu gang zhe na/ kun du sbyor ba gsum spangs pa gang yin pa de yin no/ /lan cig phyir 'ong ba'i 'bras bu dge sbyong gi 'bras bu gang zhe na/ kun du sbyor ba gsum spangs shing 'dod chags dang zhe sdang dang gti mug srab mor gyur pa gang yin pa de yin no//phyir mi 'ong ba'i 'bras bu dge sbyong gi 'bras bu gang zhe na/ tha ma'i cha dang mthun pa'i kun du sbyor ba lnga spangs pa gang yin pa de yin no/ /'bras bu rnams kyi mchog dgra bcom pa nyid dge sbyong gi 'bras bu gang zhe na/'dod chags gtan spangs pa dang / zhe sdang gtan spangs pa dang / gti mug gtan spangs pa dang / nyon mongs pa thams cad spangs pa gang yin pa de yin no/ /dge slong dag dge sbyong dang / dge sbyong dag gi 'bras bu dag bstan par bya'o zhes ngas ji skad du bstan pa de rgyas par rab tu bshad do zhes gsungs so//mdo las bcom ldan 'das de ni tshangs pa zhes kyang bya zhes bya ba la/ brgya byin gyi mdo'i nye bar bstan pa la bshad pa las te/ de nas lha'i dbang po brgya byin gyis sum cu rtsa gsum pa'i lha rnams la bos te/grogs po dag gang yang bdag cag chos bzang lha'i 'dun sa na 'dus shing tshogs te 'dug pa de dag tshangs pa la lan gsum du 'dud pa byas te/ bdag cag tshangs pa la lan gsum du 'dud pa byas pa de sdun du bcom ldan 'das la byas par 'gyur te/de ci'i phyir zhe na/ bcom ldan 'das de ni tshangs pa zhes kyang bya/ zhi ba dang bsil bar gyur pa zhes kyang bya'o zhes kyang gsungs so/ /'phags pa kun shes kau N+Di n+ya la de skyes pa na zhes bya ba la bcom ldan 'das wA rA Na sI na drang srong smra ba ri dgas kyi nags na bzhugs te/de nas bcom ldan 'das kyis dge slong lnga po rnams la bos te/ dge slong dag 'di ni sdug bsngal 'phags pa'i bden pa'o zhes dge slong dag ngas sngon ma thos pa'i chos rnams la tshul bzhin du yid la byed pa na mig skyes so/ /shes pa dang /rig pa dang / blo skyes so/ /'di ni sdug bsngal kun 'byung ba/ 'di ni sdug bsngal 'gog pa/ 'di ni sdug bsngal 'gog par 'gro ba'i lam 'phags pa'i bden pa'o zhes ngas sngon ma thos pa'i chos rnams la tshul bzhin du yid la byed pa na mig skyes so/ /shes pa dang /rig pa dang / blo skyes so/ /dge slong dag gang yang sdug bsngal 'phags pa'i bden pa mngon par shes nas yongs su shes par bya'o zhes ngas sngon ma thos pa'i chos rnams la tshul bzhin du yid la byed pa na mig skyes so/ /shes pa dang / rig pa dang / blo skyes so//dge slong dag kun 'byung 'phags pa'i bden pa de mngon par shes nas yongs su spang bar bya'o zhes ngas sngon ma thos pa'i chos rnams la tshul bzhin du yid la byed pa na zhes bya ba nas/ snga ma bzhin du blo skyes so zhes bya ba'i bar du'o/ /dge slong dag sdug bsngal 'gog pa 'phags pa'i bden pa de mngon par shes nas mngon sum du bya'o zhes bya ba nas snga ma bzhin du blo skyes so zhes bya ba'i bar du'o//dge slong dag sdug bsngal 'gog par 'gro ba'i lam 'phags pa'i bden pa de mngon par shes nas bsgom par bya'o zhes bya ba nas/ snga ma bzhin du blo skyes so zhes bya ba'i bar du'o//dge slong dag sdug bsngal 'phags pa'i bden pa de mngon par shes par bya ba shes so zhes ngas sngon ma thos pa'i chos rnams la tshul bzhin du yid la byed pa na mig skyes so/ /shes pa dang / rig pa dang / blo skyes so/ /dge slong dag sdug bsngal kun 'byung ba 'phags pa'i bden pa de mngon par shes nas yongs su spangs so zhes ngas sngon ma thos pa'i chos rnams la tshul bzhin du yid la byed pa na mig skyes so//shes pa dang / rig pa dang / blo skyes so/ /dge slong dag sdug bsngal 'gog pa 'phags pa'i bden pa de mngon par shes nas mngon sum du byas so zhes bya ba nas/snga ma bzhin du blo skyes so zhes bya ba'i bar du'o/ /dge slong dag sdug bsngal 'gog par 'gro ba'i lam 'phags pa'i bden pa de mngon par shes nas bsgom par bya'o zhes ngas sngon ma thos pa'i chos rnams la tshul bzhin du yid la byed pa na mig skyes so//shes pa dang / rig pa dang / blo skyes so/ /dge slong dag nga la ci srid du 'phags pa'i bden pa bzhi po 'di rnams la lan gsum du bzlas pa dang rnam pa bcu gnyis su ma bskor bar mig ma skyes shing / shes pa dang / rig pa dang / blo ma skyes la/ de srid du lta dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i lha dang mi las ma grol zhing ldan pa dang / rab tu ldan pa dang / sems phyin ci log dang ma bral bar lan mang du gnas pa de srid du bdag bla na med pa yang dag par rdzogs pa'i byang chub tu mngon par rdzogs par sangs rgyas pa'o zhes ngas mngon par mkhyen to//dge slong dag nga la 'phags pa'i bden pa bzhi po 'di rnams la lan gsum du bzlas pa dang / rnam pa bcu gnyis su bskor ba na mig skyes shing shes pa dang rig pa dang blo skyes te de nas bdag lha dang bcas pa'i 'jig rten dang /bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i lha dang mi las rnam par grol zhing mi ldan pa dang / rab tu mi ldan pa dang / sems phyin ci log dang bral zhing lan mang du gnas so/ /de nas bdag bla na med pa yang dag par rdzogs pa'i byang chub tu mngon par rdzogs par sangs rgyas so zhes ngas mngon par mkhyen to/ /chos kyi rnam grangs 'di bshad pa na kau N+Di n+ya dang lha brgyad khri bzhi stong dag la chos rnams la chos kyi mig rdul med cing dri ma dang bral ba rnam par dag pa skyes so//de nas bcom ldan 'das kyis tshe dang ldan pa kau N+Din+ya la bos to/ kau N+Di n+ya chos kun shes sam/ bcom ldan 'das 'tshal lags so/ /kau N+Di n+ya chos kun shes sam/ bde bar gshegs pa 'tshal lags so//tshe dang ldan pa kau N+Di n+yas chos kun rnam par shes te/ de'i phyir kun shes kau N+Di n+ya zhes btags te/ tshe dang ldan pa kau N+Di n+yas chos kun shes so zhes sa bla ba'i gnod sbyin rnams sgra brjod cing dbyangs sgrogs par byed de/ grogs po dag wA rA Na sI drang srong smra ba ri dgas kyi nags su bcom ldan 'das kyis skye bo mang po la phan pa dang /skye bo mang po la bde ba dang / lha dang mi rnams la thugs brtse bas phan pa dang bde ba'i phyir dge sbyong ngam/ bram ze'am/ lha'am/ bdud dam/ tshangs pa dang bcas pa'i 'jig rten gang gis kyang chos dang mthun par ma bskor ba lan gsum du bzlas te rnam pa bcu gnyis su bskor ba'i chos kyi 'khor lo chos dang mthun par bskor ro zhes dbyangs sgrogs so//sa bla pa'i gnod sbyin rnams las bar snang la gnas pa'i gnod sbyin rnams dang / rgyal chen ris bzhi dang / sum cu rtsa gsum dang /'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams kyis thos nas skad cig dang thang cig dang yud tsam gyis tshangs pa'i 'jig rten gyi bar du sgra grags par gyur to/ /tshangs ris kyi lha rnams sgra brjod cing dbyangs sgrogs par byed de/grogs po dag wA rA Na sI drang srong smra ba ri dgas kyi nags su zhes bya ba nas/ snga ma bzhin du bskor to zhes bya ba'i bar du'o/ /drang srong smra ba ri dgas kyi nags su bcom ldan 'das kyis lan gsum du bzlas te rnam pa bcu gnyis su chos dang mthun par chos kyi 'khor lo bskor ba de'i phyir chos kyi rnam grangs 'di la chos kyi 'khor lo bskor ba zhes btags so zhes gsungs so//gnyis pa gnas bdun la mkhas pa bzhin no zhes bya ba la/ gnyis bstan pa ni skye mched drug gi tshogs kyi mdo las byung ba mdzod kyi gnas lnga par gnyis phyir zhes bya bar bstan la/mdzod kyi gnas gsum par/ /re drug 'dus te byung ba yin/ /zhes bya bar yang bris zin to/ /gnas bdun pa la mkhas pa ni mdzod kyi gnas 'di nyid du shing 'dab ma bdun pa bzhin no zhes bya bar bshad zin pas yang mi 'chad do/ /lung yang bar mdor yongs su mya ngan las 'das pas na gong du 'pho ba'i bar gang zag lnga po 'di dag ni zhes bya ba la/bcu tshan bcu pa'i las rgyal gnyis/ /zhes bya ba'i sdom las te/ gleng gzhi ni mnyan du yod pa na'o/ /gang zag ni bcu ste/ bcu gang zhe na/ rigs nas rigs su skye ba dang /mchog tu thogs na lan bdun pa dang / bar chad gcig pa can dang / lan cig phyir 'ong ba dang / bar ma dor yongs su mya ngan las 'da' ba dang / skyes nas yongs su mya ngan las 'da' ba dang / mngon par 'du bya ba med par yongs su mya ngan las 'da' ba dang /mngon par 'du bya ba dang bcas par yongs su mya ngan las 'da' ba dang / gang du 'pho ba dang / dgra bcom pa ste/ gang zag bcu po 'di dag las gang zag lnga ni 'dir rtsom zhing 'dir mthar 'byin par 'gyur la/ gang zag lnga ni 'dir rtsom zhing der mthar 'byin par 'gyur ro//gang zag lnga po 'di rnams las 'dir rtsom zhing 'dir mthar 'byin pa gang zhe na/ rigs nas rigs su skye ba nas/ dgra bcom pa'i bar du ste/ gang zag lnga po 'di dag ni 'dir rtsom zhing 'dir mthar 'byin par 'gyur ro/ /gang zag lnga po 'di rnams las 'dir rtsom zhing der mthar 'byin pa gang zhe na/bar ma dor yongs su mya ngan las 'da' ba nas gong du 'pho ba'i bar du ste/ gang zag lnga po 'di dag ni 'dir rtsom zhing der mthar 'byin par 'gyur ro zhes gsungs so/ /dgra bcom drug 'dod ces bya ba la/gleng gzhi ni mnyan du yod pa na'o/ /dge slong dag drug po 'di dag ni dgra bcom pa ste/ drug gang zhe na/ yongs su nyams pa'i chos can dang / 'chi bar sems pa'i chos can dang / rjes su srung ba'i chos can dang / gnas pa las mi bskyod pa dang / rtogs pa'i skal ba can dang /mi g.yo ba'i chos can no zhes gsungs so/ /dge slong dag 'phags pa'i shes rab kyis spangs pa gang yin pa de ni spangs pa yin no zhes bya ba la/ gleng gzhi ni mnyan du yod pa na'o/ /dge slong dag ji srid du dge ba'i chos rnams la dad pa yod pa de srid du sdig pa mi dge ba'i chos rnams kun du mi 'byung ngo zhes nga smra'o//dad pa nub par gyur cing ma dad pas sems gtugs pa ni sdig pa mi dge ba'i chos rnams skye bar 'gyur ro zhes nga smra'o/ /ji srid du brtson 'grus dang / ngo tsha shes pa dang / khrel yod pa dang / shes rab yod pa de srid du sdig pa mi dge ba'i chos rnams kun du mi 'byung ngo zhes nga smra'o/ /shes rab nub par gyur cing 'chal ba'i shes rab kyis sems gtugs pa na sdig pa mi dge ba'i chos rnams skye bar 'gyur ro zhes nga smra'o/ /dge slong dag dad pa la brten nas mi dge ba'i chos rnams spong bar 'gyur zhing dge ba'i chos rnams bsgom par 'gyur te/spangs pa na de nyid 'di'i dge ba'o zhes brjod par bya'o/ /brtson 'grus dang ngo tsha shes pa dang khrel yod pa la brten nas mi dge ba'i chos rnams spong bar 'gyur zhing dge ba'i chos rnams bsgom par 'gyur te/spongs pa de nyid 'di'i dge ba zhes brjod par bya'o/ /de ci'i phyir zhe na/ dge slong dag gang 'phags pa'i shes rab kyis spangs pa gang yin pa de ni spangs pa yin no zhes gsungs so/ /slob pa la bag yod pa la bag yod par bya'o zhes bya ba la/ gleng gzhi ni mnyan du yod pa na'o//dge slong dag dge slong thams cad ni bag yod pa la bag yod par bya'o zhes nga mi smra zhing / dge slong thams cad la bag yod pa la bag yod par bya'o zhes nga mi smra'o/ /dge slong dag ji lta bu'i dge slong la bag yod pa la bag yod par bya'o zhes nga smra zhe na/ gang dge slong dgra bcom pa/zag pa zad pa/ bya ba byas pa/ byed pa byas pa/ khur bor ba/ rang gi don rjes su thob pa/ srid pa kun du sbyor ba yongs su zad pa/ yang dag pa'i shes pas sems shin tu rnam par grol ba 'di lta bu'i rang bzhin gyi dge slong la bag yod pa la bag yod par bya'o zhes nga mi smra'o//de ci'i phyir zhe na/ tshe dang ldan pa de dag gis ni bag yod pa la bag yod par byas zin to/ /tshe dang ldan pa de dag ni yang bag med pa'i skal ba can du mi 'gyur ro/ /tshe dang ldan pa de dag gis bag yod pa la bag yod pa'i 'bras bu 'di yang dag par rjes su gzigs nas bag yod pa la bag yod par bya'o zhes nga mi smra'o//dge slong ji lta bu'i rang bzhin gyi dge slong bag yod pa la bag yod par bya'o zhes nga smra zhe na/ dge slong dag dge slong slob pa yang dag par thob cing / phyis mya ngan las 'das pa grub pa dang bde ba bla na med pa don du gnyer zhing lan mang du gnas pa ste/dge slong dag 'di lta bu'i rang bzhin gyi dge slong la bag yod pa la bag yod par bya'o zhes nga smra ste/ /da ci'i phyir zhe na/ tshe dang ldan pa 'di dbang po rno zhing rjes su mthun pa'i mal cha dang stan la brten pa dang /dge ba'i bshes gnyen nye bar bsten cing bsnyen bkur ba dang / rim gror byed pas ring po mi thogs par zag pa zad cing sems rnam par grol ba dang / shes rab rnam par grol bas bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes mthong ba'i chos nyid la rang nyid kyis mngon par shes pa phun sum tshogs pa mngon sum du byas nas gnas so//de ci'i phyir zhe na/ dge slong dag mig gi rnam par shes par bya ba'i gzugs 'dod pa sdug pa dga' ba yid du 'ong ba 'dod pa sdud par byed pa/dga' bar byed pa de dag mthong nas mngon par mi dga' zhing mngon par mi brjod la mi zhen cing lhag par mi zhen cing gnas te/ de de la mi dga' mngon par mi dga' zhing mngon par mi brjod la mi zhen cing lhag par mi zhen cing gnas pa na ma zhum pa'i brtson 'grus rtsom par 'gyur zhing lus las su rung zhing shin tu sbyangs pa dang /ma rmongs pa'i dran pa nye bar gnas par 'gyur zhing sems mnyam par gzhag pa rtse gcig par 'gyur la/ dag pa dang lhan cig par gyur pa'i tshad med pa legs par bsgom pa rgyas par 'gyur te/ 'di ltar na 'dis ting nge 'dzin dang po mig gi rnam par shes par bya ba'i gzugs rnams la spangs pa thob par 'gyur ro//dge slong dag rna ba dang sna dang lce dang lus dang yid kyi rnam par shes par bya ba'i chos 'dod pa sdug pa dga' ba yid du 'ong ba 'dod pa sdud par byed pa dga' bar byed pa de dag rnam par shes nas mngon par mi dga' zhing mngon par mi brjod la mi zhen cing lhag par mi zhen cing gnas te/de de la mngon par mi dga' zhing mngon par mi brjod la mi zhen cing lhag par mi zhen par gnas pa na ma zhum pa'i brtson 'grus rtsom par 'gyur zhing lus las su rung zhing shin tu sbyangs pa dang /ma rmongs pa'i dran pa nye bar gnas par 'gyur zhing sems mnyam par gzhag pa rtse gcig par 'gyur la/ dga' ba dang lhan cig par gyur pa'i tshad med pa legs par bsgom pa rgyas par 'gyur te/ de ltar 'dis ting nge 'dzin drug pa yid kyi rnam par shes par bya ba'i chos rnams la spangs pa thob par 'gyur ro zhes gsungs so//kun dga' bo dgra bcom pa la yang rnyed pa dang bkur stis bar chad byed pa yin par nga smra'o zhes bya ba la/ gleng gzhi ni mnyan du yod pa na'o/ /de nas bcom ldan 'das kyis tshe dang ldan pa kun dga' bo la bos te/kun dga' bo dgra bcom pa la yang rnyed pa dang bkur stis bar chad byed pa yin par nga smra'o/ /bcom ldan 'das ci'i slad du 'di skad gsungs/ kun dga' bo dgra bcom pa la yang rnyed pa dang bkur stis bar chad byed pa yin par nga smra'o/ /ma thob pa thob pa dang /ma rtogs pa rtogs pa dang / mngon sum du ma byas pa mngon sum du bya ba la ni ma yin te/ 'on kyang 'di ni mthong ba'i chos la bde bar gnas pa lhag pa'i sems las byung ba bzhi po gang yang rung ba zhig rtogs pa las yongs su nyams par nga smra'o/ /gang yang 'dis gcig pu dben par bdag nyid la phan pa'i bag yod pa dang /brtson 'grus kyi gnas te/ sems rnam par grol ba mi g.yo ba lus kyis mngon sum du byas pa gang yin pa de las ni rnam grangs gang gis kyang yongs su nyams par 'gyur ba nga mi smra'o/ /kun dga' bo de lta bas na 'di ltar bslab par bya ste/gang rnyed pa dang bkur sti 'byung bar 'gyur ba dang / rnyed pa dang bkur sti byung ba dag la sems yongs su gtugs te mi gnas pa de ltar bslab par bya'o zhes gsungs so/ /de nas tshe dang ldan pa gnag tshogs can zhes bya ba la sogs pa la/ bcom ldan 'das rgyal po'i khab kyi ri bo cha can gyi ngos shing 'dab ma bdun pa can gyi phug na bzhugs so//de'i tshe tshe dang ldan pa gnag tshogs can rgyal po'i khab kyi drang srong gi ri'i ngos rdo nag po can gyi ri la brten cing gnas so/ /de nas tshe dang ldan pa gnag tshogs can gcig pu dben pas bdag la phan pa'i bag yod pa dang /brtson 'grus kyis gnas pa na dus kyis sems rnam par grol ba yid du 'ong ba lus kyis mngon sum du byas so/ /de de las yongs su nyams te/ lan gnyis lan gsum dang bzhi dang lnga dang lan drug tu dus kyis sems rnam par grol ba lus kyis mngon sum du byas so//de de las yongs su nyams so/ /de nas tshe dang ldan pa gnag tshogs can 'di snyam du bdag gcig pu dben pas bdag nyid la phan pa'i bag yod pa dang brtson 'grus kyis gnas pa na dus kyis sems rnam par grol ba yid du 'ong ba lus kyis mngon sum du byas so//bdag de las yongs su nyams te/ lan gnyis dang gsum dang bzhi dang lnga dang drug tu dus kyis sems rnam par grol ba yid du 'ong ba lus kyis mngon sum du byas so/ /de las kyang bdag yongs su nyams te/ gang bdag gis lan bdun pa la dus kyis sems rnam par grol ba yid du 'ong ba lus kyis mngon sum du byas pa las yongs su nyams par ma gyur cig ces mtshon cha dag 'chang bar byed do//de nas bdud sdig can 'di snyam du dge sbyong gau ta ma ni rgyal po'i khab kyi ri bo cha can gyi ngos shing 'dab ma bdun pa can gyi phugs na gnas la/de'i nyan thos dge slong gnag tshogs can rgyal po'i khab kyi drang srong gi ri'i ngos rdo nag po can gyi ri la brten cing gnas so/ /de gcig pu dben pas bdag nyid la phan pa'i bag yod pa dang brtson 'grus kyis gnas pa na dus kyis sems rnam par grol ba yid du 'ong ba lus kyis mngon sum du byas so//de las yongs su nyams te/ lan gnyis lan gsum dang bzhi dang lnga dang drug tu dus kyis sems rnam par grol ba yid du 'ong ba lus kyis mngon sum du byas so/ /de de las kyang yongs su nyams pa dang / de 'di snyam du bdag gcig pu dben pas bdag nyid la phan pa'i bag yod pa dang brtson 'grus kyis gnas pa na dus kyis sems rnam par grol ba yid du 'ong ba lus kyis mngon sum du byas so//bdag de las yongs su nyams te/ lan gnyis dang lan gsum dang bzhi dang lnga dang drug tu dus kyis sems rnam par grol ba yid du 'ong ba lus kyis mngon sum du byas te/de las kyang bdag yongs su nyams te gang bdag gis lan bdun pa la dus kyis sems rnam par grol ba yid du 'ong ba lus kyis mngon sum du byas pa las yongs su nyams par ma gyur cig ces mtshon cha dag 'chang bar byed do//dge slong gnag tshogs can de mtshon cha 'chang zhing dus kyis sems rnam par grol ba yid du 'ong ba lus kyis mngon sum du byas te nga'i yul las 'da' bar 'gyur ba 'di ni gnas yin zhing go skabs yod do/ /gang yang bdag song ste ston pa la smra bar bya'o snyam nas/de nas bdud sdig can bai DUR+Ya'i dbyug pa can gyi rgyud mangs zhig mchan khung du thogs nas bcom ldan 'das gang na ba der nye bar song ste/ nye bar song nas bcom ldan 'das kyi mdun du 'dug ste/ bai DUR+Ya'i dbyug pa can gyi rgyud mangs brdungs shing tshigs su bcad pa smras pa/dpa' chen shes rab chen po pa/ /mthu chen dbang dang gzi brjid 'bar/ /khon dang 'jigs pa kun las 'das/ /spyan ldan khyod la bdag phyag 'tshal/ /dpa' chen 'chi ba zil gnon pa/ /nyan thos 'chi bar 'dod pa dag /thub pa chen pos mkhyen nas ni/ / de dag bzlog par mdzad du gsol/ /bcom ldan nam zhig nyan thos dag /bstan la rab tu dga' bar 'gyur/ /slob pa thob par gyur pa na/ /mi mchog dus ni byed par 'gyur/ /bdud kyis de ltar smras pa dang / /ston pas ma grol bdud las gsungs/ /bag med ldan pa'i sdig can khyod//rang gi don phyir 'ongs pa ste/ /brtan zhing brtan pa phun tshogs shing / /bsam gtan sgom par byed pa la/ /nyin mtshan rtag tu rjes sbyor ba/ /'tsho ba dag la ltos pa med/ /srid pa 'jigs bcas shes nas ni/ /srid pa zad par 'gro bar 'gyur/ / ma grol ba las rgyal nas ni/ /mya ngan 'das pa 'gro bar 'gyur/ /de yi mya ngan rab gdung bas/ /'phyen na phyi mar ltung bar 'gyur/ /de nas de yid mi bde bas/ /de nyid du ni mi snang gyur/ /de nas tshe dang ldan pa gnag tshogs can drang srong gi ri'i ngos rdo nag po can gyi ri la mtshon cha 'chang zhing dus kyis sems rnam par grol ba lus kyis mngon sum du byas te/'chi ba'i dus na dbang po rnams yongs su dang zhing / bzhin gyi mdog yongs su dag nas/ pags pa'i mdog kun du dkar por gyur to/ /de nas bcom ldan 'das kyis dge slong rnams la bos te/dge slong dag bdag cag gang na rigs kyi bu gnag tshogs can mtshon gyis btab pa drang srong gi ri'i ngos rdo nag po can gyi ri gang na ba der 'gro bar bya'o/ /dge slong de dag bcom ldan 'das kyis gsungs pa thos nas/ btsun pa de bzhin no zhes de nas bcom ldan 'das dge slong rab tu mang po de dag dang thabs cig tu drang srong gi ri bo'i ngos rdo nag po can gyi ri gang na ba der nye bar gshegs so//de'i tshe tshe dang ldan pa gnag tshogs can lus phung pos rnam par dben pa sa la lhung ste 'dug go/ /bcom ldan 'das kyis tshe dang ldan pa gnag tshogs can lus phung pos rnam par dben pa sa la lhung ste 'dug pa gzigs nas dge slong rnams la bos te/dge slong dag khyed cag gis rigs kyi bu gnag tshogs can phung pos rnam par dben pa'i lus sa la bskyur te 'dug pa dag mthong ngam/ btsun pa de bzhin no/ /dge slong dag khyed cag gis rigs kyi bu gnag tshogs can gyi lus la du ba 'thul zhing rab rib dang mun pa lta bur shar phyogs dang /lho dang / nub dang / byang phyogs su khyab cing 'phros pa dag mthong ngam/ btsun pa de bzhin no/ /dge slong dag 'di ni bdud sdig can te/ rigs kyi bu gnag tshogs can gyi lus la rnam par shes pa yang dag par 'tshal ba'o//dge slong dag rigs kyi bu gnag tshogs can mtshon chas btab ste 'chi ba'i tshe dbang po rnams yongs su dang zhing bzhin gyi mdog yongs su dag pa las pags pa'i mdog kun du dkar por gyur te/ rnam par shes pa gnas med par gyur to//de nas bcom ldan 'das kyis tshe dang ldan pa gnag tshogs can lung bstan pa dang / de nas de'i tshe bdud sdig can gyis tshigs su bcad pa 'di skad ces smras so/ /steng dang 'og dang logs dang ni/ /phyogs dang phyogs 'tshams rnams su yang / /gnag tshogs gang du song ba dag /bdag gis btsal kyang ma rnyed do/ /bcom ldan 'das kyis bka' stsal pa/ gang phyir brtan rnams cung zad tsam/ /'dod pa nyid du mi byed pa/ /sred pa rtsad nas bton nas ni/ /yongs su mya ngan 'das par 'gyur/ /de nas sdig can yid mi bde zhing sdug bsngal gyis yid la gcags bzhin du de nyid du mi snang bar gyur to zhes gsungs so//bcu las 'phros pa las kyang zhes bya ba la/ mdo drug gi tshogs kyi bcu las 'phros pa'i mdo dang po las 'di skad du/ tshe dang ldan pa dag mang du byed pa'i chos ni gcig ste/ 'di ltar dge ba'i chos rnams la bag yod pa'o//bsgom par bya ba'i chos ni gcig ste/ lus su gtogs pa'i dran pa'o/ /yongs su shes par bya ba'i chos ni gcig ste/ zag pa dang bcas pa'i rig pa'o/ /spang bar bya ba'i chos ni gcig ste/ bdag tu nga rgyal ba'o/ /nyams pa'i cha dang mthun pa'i chos ni gcig ste/tshul bzhin ma yin pa yid la byed pa'o/ /khyad par du 'gro ba'i cha dang mthun pa'i chos ni gcig ste/ tshul bzhin yid la byed pa'o/ /rtogs par dka' ba'i chos ni gcig ste/ bar chad med pa'i ting nge 'dzin to/ /bskyed par bya ba'i chos ni gcig ste/sems rnam par grol ba dus dang sbyor ba yid du 'ong ba'o/ /mngon par shes par bya ba'i chos ni gcig ste/ sems can thams cad ni zas kyis gnas pa zhes bya'o/ /mngon sum du bya ba'i chos ni gcig ste/ sems rnam par grol ba mi g.yo ba yin no/ /tshe dang ldan pa dag chos bcu po 'di dag ni de bzhin no//mi 'gyur ba'i de bzhin nyid gzhan ma yin pa'i de bzhin nyid/ dben pa de kho na nyid ji lta ba bzhin phyin ci ma log pa'o zhes/ 'di ltar yang dag pa ji lta ba bzhin yang dag pa'i shes rab kyis blta bar bya'o zhes gsungs so/ /'o na ni gang las 'di skad du 'phags pa nyan thos thos pa dang ldan pa zhes bya ba la/gleng gzhi ni mnyan du yod pa na'o/ /dge slong dag 'phags pa nyan thos thos pa dang ldan pa dang thams cad sdug bsngal ba'i chos can dang / kun 'byung ba dang / mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin yang dag pa'i shes rab kyis mthong bar gyur cing 'dis 'dod pa rnams sol ba'i phung po lta bur mthong bar gyur cing 'dis 'dod pa rnams de ltar mthong bar 'gyur ro/ /'dod pa rnams ji lta ba bzhin mthong ba dang /'dod pa rnams mthong ba na 'dod pa rnams la 'dun pa dang / 'dod pa la zhen pa dang / 'dod pa la dga' ba dang / 'dod par bying ba dang / 'dod par nges pa dang / 'dod pa la zhen pa dang / de la sems yongs su gtugs shing mi gnas te/ spyod lam dang gnas pa la mkhas shing rab tu mkhas par 'gyur ro/ /'di de ltar rgyu spyod pa dang gnas pa la mkhas shing rab tu mkhas par gyur na ji ltar na spyod pa dang gnas pa na 'jig rten gyi brnab sems dang yid mi bde ba sdig pa mi dge ba'i chos rnams las sems zag pa dang bral bar 'gyur ro//dge slong dag ji ltar na 'phags pa nyan thos thos pa dang ldan pas thams cad sdug bsngal ba'i chos can dang / kun 'byung ba dang / mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin yang dag pa'i shes rab kyis mthong bar 'gyur zhe na/dge slong dag 'di la 'phags pa nyan thos thos pa dang ldan pa 'di ni sdug bsngal 'phags pa'i bden pa'o zhes yang dag pa ji lta ba bzhin rab tu shes shing 'di ni kun 'byung ba dang / 'gog pa dang / sdug bsngal 'gog par 'gro ba'i lam 'phags pa'i bden pa'o zhes yang dag pa ji lta ba bzhin rab tu shes te/dge slong dag 'di ltar na 'phags pa nyan thos thos pa dang ldan pas thams cad sdug bsngal ba'i chos can dang / kun 'byung ba dang / mi snang ba dang / ro myang ba dang / nyes dmigs dang / nges par 'byung ba ji lta ba bzhin yang dag pa'i shes rab kyis mthong bar 'gyur ro//dge slong dag ji ltar na 'phags pa nyan thos thos pa dang ldan pa 'dod pa rnams la sol ba'i phung po lta bur mthong bar 'gyur zhing 'dis 'dod pa rnams de ltar mthong bar 'gyur ba dang / 'dod pa rnams ji lta ba bzhin shes shing 'dod pa rnams mthong bar 'gyur ba dang /'dod pa rnams la 'dun pa dang / 'dod pa la zhen pa dang / 'dod pa la dga' ba dang / 'dod pa la bying ba dang / 'dod par nges pa dang / 'dod pa la zhen pa dang / de la sems yongs su gtugs shing mi gnas par 'gyur zhe na/'di lta ste/ grong ngam grong khyer dang thag mi ring ba na sol ba'i phung po du ba dang me lce dang bral ba'i sol ba'i phung pos gang bar gyur la/ de nas skyes bu byis pa'i rang bzhin ma yin te/ rmongs pa'i rang bzhin ma yin pa/ shes rab dang bcas pa/ rang dbang thob pa/ bde ba 'dod pa/ sdug bsngal mi 'dod pa/ gson par 'dod pa/ 'chi bar mi 'dod pa/ 'chi ba dang rjes su mi mthun pa 'ga' zhig 'ongs te 'di snyam du/ du ba dang me lce dang bral ba'i sol ba'i phung po 'di'i nang du bdag ltung bar gyur na/ gzhi de las 'chi ba'am 'chi ba la thug pa'i sdug bsngal myong bar 'gyur ro snyam nas/de de las thag ring du byed cing don du gnyer ba dang / smon pa dag thag ring du byed do/ /dge slong dag de bzhin du 'phags pa nyan thos thos pa dang ldan pa 'dod pa rnams sol ba'i phung po lta bur mthong bar 'gyur zhing 'dis 'dod pa rnams de ltar mthong ba na 'dod pa rnams ji lta ba bzhin shes shing 'dod pa rnams mthong ba na/'dod pa rnams la 'dun pa dang / 'dod pa la zhen pa dang / 'dod pa la dga' ba dang / 'dod par bying ba dang / 'dod par nges pa dang / 'dod pa la zhen pa dang / de la sems yongs su gtugs shing mi gnas par 'gyur ro//dge slong dag ji ltar na 'phags pa nyan thos thos pa dang ldan pa spyod pa dang gnas pa la mkhas shing rab tu mkhas pa yin zhe na/ ji ltar spyod pa dang gnas pa na 'jig rten gyi brnab sems dang yid mi bde ba sdig pa mi dge ba'i chos rnams la sems zag pa dang bral bar 'gyur te/de bzhin du 'dis spyod pa dang gnas pa la mkhas shing rab tu mkhas par 'gyur te/ dge slong dag 'di lta ste/ grong ngam grong khyer dang thag mi ring ba zhig na tsher ma mang pos gang bar gyur la/ skyes bu 'ga' zhig bya ba cung zad cig gi phyir der zhugs pa dang /mdun na yang tsher ma/ rgyab na yang tsher ma/ logs dang / steng dang / 'og dang / phyogs dang phyogs mtshams tsher mas gang bar gyur na de de na dran pa dang ldan bzhin du 'gro ba dang / dran pa dang ldan bzhin du 'ong ba dang /rnam par lta zhing dran pa dang ldan bzhin du skum pa dang rkyong bar byed de/ de ci'i phyir zhe na/ bdag la tsher ma zug par ma gyur cig snyam pa'i phyir ro/ /dge slong dag de bzhin du 'phags pa nyan thos thos pa dang ldan pa dag grong ngam grong khyer dag na brten cing nye bar gnas pa/snga dro chos gos dang lhung bzed thogs te/ grong ngam grong khyer du bsod snyoms kyi phyir 'jug pa na lus kyis legs par bsrungs pa dang / dbang pos legs par bsdams pa dang / dran pa nye bar gzhag nas bsod snyoms la 'jug par byed cing / de de na dran bzhin du 'ong ba dang /dran bzhin du 'gro ba dang / dran bzhin du rnam par lta bas dran bzhin du rnam par lta ba dang / dran bzhin du skum pa dang / dran bzhin du rkyong bar byed de/ de ci'i phyir zhe na/ bdag la tsher ma ma zug cig snyam pa'i phyir ro/ /dge slong dag chos 'dul ba 'di la tsher ma zhes gang la brjod ce na/gang 'jig rten na dga' ba'i rang bzhin dang chags pa'i rang bzhin de ni chos 'dul ba 'di la tsher ma zhes brjod do/ /'jig rten na dga' ba'i rang bzhin dang / chags pa'i rang bzhin chos 'dul ba 'di la tsher ma zhes brjod pa de gang zhe na/'di ltar 'dod pa'i yon tan lnga po mig gis shes par bya ba'i gzugs 'dod pa dang / dga' ba dang / yid du 'ong ba dang / 'dod pa nye bar sdud pa dang / dga' bar byed pa dang / rna bas rnam par shes par bya ba'i sgra dang / snas rnam par shes par bya ba'i dri dang /lces rnam par shes par bya ba'i ro dang / lus kyis rnam par shes par bya ba'i reg bya 'dod pa dang / sdug pa dang / dga' ba dang / yid du 'ong ba dang / 'dod pa nye bar sdud pa dang / dga' bar byed pa rnams te/ dge slong dag 'di ni 'jig rten la dga' ba'i rang bzhin dang chags pa'i rang bzhin chos 'dul ba 'di la tsher ma zhes brjod do//dge slong dag de ltar na 'phags pa nyan thos thos pa dang ldan pa dag spyod pa dang gnas pa la mkhas shing rab tu mkhas par gyur la/ de bzhin du spyod pa dang gnas pa la mkhas shing rab tu mkhas par 'gyur ro//ji ltar spyod pa dang gnas pa na 'jig rten gyi brnab sems dang yid mi bde ba sdig pa mi dge ba'i chos rnams las sems zag pa dang bral bar 'gyur te/ dge slong dag 'phags pa nyan thos de ltar spyod cing de ltar gnas pa de la brgya la res 'ga' zhig dran pa nyams pa las sdig pa mi dge ba'i rnam par rtog pa 'dod chags nye bar sdud pa'am/zhe sdang nye bar sdud pa'am/ gti mug nye bar sdud pa dag skye bar 'gyur ro/ /dge slong dag 'phags pa nyan thos thos pa dang ldan pa de la dran pa nyams pa chung ngu byung yang de yang de myur du zad pa dang yongs su gtugs par gyur te/dper na lcags kyi gong bu'am/ lcags kyi tsha tsha 'bar zhing me rab tu 'bar ba dag la 'ga' zhig gis chu'i thigs pa chung ngu gnyis gsum gtor na/ dge slong dag chu'i thigs pa chung ngu lhung ma thag tu yang myur du yongs su zad pa dang yongs su gtugs par 'gyur ro//dge slong dag de bzhin du 'phags pa nyan thos thos pa dang ldan pa de la dran pa nyams pa chung ngu byung yang de yang myur du yongs su zad cing gtugs par 'gyur ro/ /dge slong dag 'phags pa nyan thos thos pa dang ldan pa de ltar spyod cing de ltar gnas pa de la rgyal po'am gnyen rnams 'ongs te/kye skyes bu dag khyed ci'i phyir mgo bregs shing lag na lhung bzed thogs nas khyim nas khyim rnams su rgyu zhing gos ngur [(]smig [,]smrig [)]grang mo 'dis lus yongs su gdung bar byed/ kye skyes bu khyod 'dod pa rnams la longs spyod bzhin du 'dug la sbyin bdag byin/ bsod nams dag gyis shig ces 'dod pa rnams la 'dod par byed na/ dge slong dag 'di ji snyam du sems/ ci 'phags pa nyan thos thos pa dang ldan pa de la rgyal po'am gnyen rnams kyis 'dod pa spyad pa'i phyir bos pa na de bslab pa gtong zhing nyams par byed dam/btsun pa ma lags so/ /'phags pa nyan thos thos pa dang ldan pa thams cad la sdug bsngal ba'i chos can dang / kun 'byung ba dang / mi snang ba dang / ro myang ba dang / nyes dmigs dang / nges par 'byung ba ji lta ba bzhin yang dag pa'i shes rab kyis mthong bar 'gyur te/'dis 'dod pa rnams la sol ba'i phung po lta bur mthong bar gyur cing / 'dis 'dod pa rnams de ltar mthong ba dang / 'dod pa rnams ji lta ba bzhin shes pa dang / 'dod pa rnams mthong ba na/ 'dod pa rnams la 'dun pa dang / 'dod pa la zhen pa dang /'dod pa la dga' ba dang / 'dod par bying ba dang / 'dod pa la nges pa dang / 'dod pa la zhen pa dang / de sems yongs su gtugs shing mi gnas pa ste/ spyod lam dang gnas pa la mkhas shing rab tu mkhas par gyur la/ 'di de ltar spyod pa dang gnas pa la mkhas shing rab tu mkhas par gyur na/ji ltar spyod pa dang gnas pa na 'jig rten gyi brnab sems dang yid mi bde ba sdig pa mi dge ba'i chos rnams las sems zag pa dang bral bar gyur pa dag rgyal po'am gnyen rnams kyis 'dod pa spyod pa'i phyir bos pa na bslab pa so sor btang zhing nyams par byed pa 'di ni gnas ma mchis so//dge slong dag legs so legs so/ /dge slong dag 'phags pa nyan thos thos pa dang ldan pa de'i sems yun ring po nas dben pa la gzhol ba dang / dben pa la bab pa/ dben pa la 'bab pa/ thar pa la gzhol ba/ thar pa la bab pa/thar pa la 'bab pa/ mya ngan las 'das pa la gzhol ba/ mya ngan las 'das pa la bab pa/ mya ngan las 'das pa la 'bab pa/ zhi ba/ thag bsrings pa/ thar pa/ zag pa'i gnas lta bu'i chos rnams las zhi bar gyur pa/ bsil bar gyur pa/ tshangs par gyur pa de rgyal bo'am gnyen rnams kyis 'dod pa spyad pa'i phyir bos pa na bslab pa so sor btang nas nyams par byed pa 'di ni gnas med de/gzhan du na rgyal po'am gnyen rnams dus phyis phongs shing dub pa'i skal ba can du 'gyur ro/ /dge slong dag dper na chu bo gang gA'i chu yun ring por shar phyogs su gzhol ba/shar du bab pa/ shar du 'bab par gyur pa la/ de nas lag tu 'jor dang bstsel po thogs pa'i skye bo'i tshogs mang po 'ongs nas 'di skad du chu bo gang gA'i chu yun ring po shar du gzhol ba/ shar du bab pa/ shar du 'bab pa 'di bdag cag gis nub tu gzhol zhing nub tu bab pa dang /nub tu 'bab par bya'o zhes smra na/ dge slong dag chu bo gang gA'i chu yun ring po nas shar du gzhol ba/ shar du bab pa/ shar du 'bab par gyur pa la 'di stobs dang ldan pa skye bo'i tshogs mang po de dag gis nub tu gzhol ba dang /nub tu bab pa dang / nub tu 'bab par bya bar nus sam/ btsun pa ma lags te/ de ci'i slad du zhe na/ btsun pa 'di ltar chu bo gang gA'i chu yun ring po nas shar du gzhol ba/ shar du bab pa/ shar du 'bab pa 'di skye bo'i tshogs mang po de dag gis nub tu gzhol ba dang /nub tu bab pa dang / nub tu 'bab par bya ba sla ba ma lags kyi/ gzhan du na skye bo'i tshogs mang po de dag phongs shing dub pa'i skal ba can du 'gyur ro/ /dge slong dag de bzhin du 'phags pa nyan thos thos pa dang ldan pa de'i sems yun ring po nas dben pa la gzhol ba/dben pa la bab pa/ dben pa 'bab pa/ thar pa la gzhol ba/ thar pa la bab pa/ thar pa la 'bab pa/ mya ngan las 'das pa la gzhol ba/ mya ngan las 'das pa la bab pa/ mya ngan las 'das pa la 'bab pa/ zhi ba/ thag bsrings pa/ thar pa la mngon par dga' ba zag pa'i gnas lta bu'i chos rnams las zhi zhing bsil bar gyur pa tshangs par gyur pa de la rgyal po'am gnyen rnams kyis 'dod pa spyod pa'i phyir bos pa na/bslab pa btang nas nyams par byed pa 'di ni gnas med de/ gzhan du na rgyal po'am gnyen de dag phongs shing dub pa'i skal ba can du 'gyur ro zhes gsungs so//mdo gzhan las/ de ni dgra bcom pa'i stobs yin par yang gsungs zhes bya ba la/ gleng gzhi ni mnyan du yod pa na'o/ /de nas tshe dang ldan pa shA ri'i bu dgongs ka nang du yang dag 'jog las langs te/bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go/ /phyogs gcig tu 'dug nas tshe dang ldan pa shA ri'i bus bcom ldan 'das la 'di skad ces gsol to/ /btsun pa dge slang dgra bcom pa zag pa zad pa la stobs du zhig mchis/shA ri'i bu rnam pa brgyad de/ brgyad gang zhe na/ shA ri'i bu dge slong dgra bcom pa zag pa zad pa de'i sems yun ring po nas dben pa la gzhol ba/ dben pa la bab pa/ dben pa la 'bab pa yin/ thar pa la gzhol ba/ thar pa la bab pa/thar pa la 'bab pa yin/ mya ngan las 'das pa la gzhol ba/ mya ngan las 'das pa la bab pa/ mya ngan las 'das pa la 'bab pa yin no/ /'dod pa rnams sol ba'i phung po lta bur mthong ba yin te/ 'dis 'dod pa rnams kyi de bzhin nyid mthong ste/ ji ltar 'dod pa rnams ji lta ba bzhin shes shing 'dod pa rnams ji lta ba bzhin du mthong nas/'dod pa la 'dun pa dang / 'dod pa la zhen pa dang / 'dod pa la dga' ba dang / 'dod pa la nges pa dang / 'dod pa la zhen pa dang / de la sems yongs su gtugs te mi gnas pa yin/ 'dis dran pa nye bar gzhag pa bzhi legs par bsgoms pa yin/yang dag par spong ba bzhi legs par bsgoms pa yin/ rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad bsgoms pa legs par bsgoms pa yin no//de nas tshe dang ldan pa shA ri'i bu bcom ldan 'das kyis gsungs pa la zhes bya ba nas/ langs te song ngo zhes bya ba'i bar du'o zhes gsungs so/ /mdo las 'di skad du zhes bya ba la/ 'di nas go rims las bzlog ste brtsis pa'i lnga pa dang /dge slong dag 'phags pa nyan thos thos pa dang ldan pa zhes bya ba sol ba'i phung po lta bu'i mdo las go rims las bzlog ste bgrangs pa'i gsum pa las 'byung ba bstan zin to/ /bcom ldan 'das kyis kyang 'di la gang zhig nyon mongs pa lnga spangs te zhes bya ba la/ gleng gzhi ni mnyan du yod pa na'o//de nas bcom ldan 'das kyis dge slong rnams la bos te/ dge slong dag gang zag ni rnam pa bzhi ste/ rgyun phyogs su 'gro ba'i gang zag dang / rgyun las bzlog phyogs su 'gro ba'i gang zag dang / bdag nyid du gnas pa'i gang zag dang / brgal zhing pha rol tu phyin pa'i gang zag go/ /rgyun phyogs su 'gro ba'i gang zag gang zhe na/ 'di na 'dod pa la brten zhing sdig pa'i las byed pa'i gang zag rnams te/ 'di ni rgyun phyogs su 'gro ba'i gang zag ces bya'o/ /rgyun las bzlog phyogs su 'gro ba'i gang zag gang zhe na/ 'di ni 'dod pa la brten kyang sdig pa'i las mi byed pa'i gang zag rnams te/'di ni rgyun las bzlog phyogs su 'gro ba'i gang zag ces bya'o/ /bdag nyid du gnas pa'i gang zag gang zhe na/ gang zag 'ga' zhig 'di na dgon pa'am/ shing drung ngam/ khang pa stong par song nas 'bad pa dang / spangs pa dang / bsgom pa dang / lan mang du byas pa'i rgyu dang / yang dag pa'i yid la byed pa'i rgyus ji ltar sems mnyam par gzhag pa na tha ma'i cha dang mthun pa'i kun du sbyor ba lnga spangs shing mi skye ba de lta bu'i ting nge 'dzin zhi ba la reg par gyur te/ de yongs su mya ngan las 'da' zhing 'jig rten 'dir yang phyir mi ldog cing mi 'ong ba 'di ni bdag nyid du gnas pa'i gang zag ces bya'o//brgal zhing pha rol tu phyin pa'i gang zag gang zhe na/ 'di la gang zag dgon pa'am/ shing drung ngam/ khang pa stong par song nas 'bad pa dang / spangs pa dang / lan mang du byas pa dang / yang dag pa'i yid la byas pa'i rgyus ji ltar sems mnyam par gzhag pa na zag pa zad cing zag pa las sems rnam par grol ba dang / shes rab rnam par grol ba ste/ bdag gi skye ba zad do/ /tshangs par spyod pa bsten to/ /bya ba byas so/ /byed pa byas so/ /srid pa 'di las gzhan mi shes so zhes mthong ba'i chos nyid la rang nyid kyis mngon par shes pa phun sum tshogs pa bsgrubs te gnas pa de lta bu'i ting nge 'dzin zhi ba la reg par gyur pa ste/'di ni 'gro zhing pha rol du 'gro ba'i gang zag ces bya'o/ /ston pas gzhan yang 'di skad ces bka' stsal to/ / 'dod khams 'di na gang dag 'ga' zhig ni/ /'dod pas g.yengs shing 'dod la chags ma bral/ /srid par bya zhing yang yang skye ba dang / /dga' bar 'gyur ba rgyun phyogs 'gro ba yin/ /de nyid 'dod dang sdug bsngal spangs pa ni/ /rgyun las bzlog phyogs 'gro ba'i gang zag brjod/ /'di na gang zhig nyon mongs lnga spangs te//mi 'phrogs chos ldan slob pa yongs su rdzogs/ /sems la dbang thob dbang po mnyam gzhag pa/ /thams cad bdag nyid gnas pa zhes brjod do/ /mchog dang mchog min mnyam pa'i chos rnams kun/ /med dang mi snang skyon bcas rig gyur cing / / thams cad kun las de dag rnam par grol/ /'jig rten mthar byas pha rol 'gro zhes brjod/ /de phyir dge slong dran pa legs bzhag ste/ /'dod dang sdug bsngal bsten pa spong bar gyis/ /zhes gsungs so/ /lam ni bzhi ste zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/dge slong dag lam ni rnam pa bzhi ste/ mngon par shes pa bul la dka' ba'i lam yang yod/ mngon par shes pa myur la dka' ba'i lam yang yod/ mngon par shes pa bul la sla ba'i lam yang yod/mngon par shes pa myur la sla ba'i lam yang yod/ mngon par shes pa bul la dka' ba'i lam gang zhe na/ 'di na kha cig nye bar len pa'i phung po lngas 'dzem zhing gnod la/ ring du byed cing smod par byed de/ lnga gang zhe na/ gzugs nye bar len pa'i phung po dang / tshor ba dang / 'du shes dang / 'du byed dang / rnam par shes pa nye bar len pa'i phung po lngas 'dzem zhing gnod la/ring du byed cing smod par byed de/ dper na skyes bu gzhon nu legs par khrus byas shing legs par byugs shing bskus pa skra dang kha spu bcos shing gos dkar po gon pa dang / sbrul gyi ro'am/ khyim bya'i ro'am/ mi'i ro'i kha'am/ mgo bo la reg na shin tu 'dzem zhing gnod la thag ring du byed cing smod par byed do/ /de bzhin du de nye bar len pa'i phung po lngas 'dzem zhing gnod pa dang / ring du byed cing smod par byed de/ de nye bar len pa'i phung po lngas bdag nyid nyon mongs shing snyon rmongs par byed pa dang / khur lci bas mnan no snyam zhing /da ltar bdag 'chi ba la thug gi bar du byas so zhes rig nas/ de nye bar len pa'i phung po lnga rnams la 'dzem zhing smod pa dang / rjes su mi mthun te de nye bar len pa'i phung po lnga rnams la 'dzem zhing gnas pa dang / smod pa dang rjes su mi mthun pa 'di ni de'i dka' ba zhes bya'o//de'i dbang po lnga bul ba'i rang bzhin du gyur la/ chung ngu dang bul bar 'jug pa ste/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po bul ba'i rang bzhin du gyur cing chung ngu dang bul bar 'jug pa'i phyir 'di ltar zag pa zad pa'i bar chad med pa'i lam ches bul bar thob par 'gyur te/'di ni mngon par shes pa bul la dka' ba'i lam zhes bya'o/ /mngon par shes pa myur la dka' ba'i lam gang zhe na/ 'di na kha cig nye bar len pa'i phung po lngas 'dzem zhing gnod la ring du byed cing smod par byed de/de nye bar len pa'i phung po lngas bdag nyid nyon mongs shing nyon mongs par byas pa dang / khur lci bas mnan pa dang / bdag da ltar 'chi ba la thug gi bar du byas so snyam du rig nas/ de nye bar len pa'i phung po lnga rnams la 'dzem zhing smod pa dang rjes su mi mthun te/de nye bar len pa'i phung po lnga rnams la 'dzem zhing smod pa dang rjes su mi mthun pa 'di ni de'i dka' ba zhes bya'o/ /de'i dbang po lnga rnon por gyur cing mgyogs par 'jug ste/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang /shes rab kyi dbang po rnon por gyur cing myur du 'jug pa de'i phyir 'di ltar zag pa zad pa'i bar chad med pa'i lam ches myur ba thob par 'gyur te/ 'di ni mngon par shes pa myur la dka' ba'i lam zhes bya'o/ /mngon par shes pa bul la sla ba'i lam gang zhe na/ 'di na dge slong 'dod pa las dben pa sdig pa mi dge ba'i chos rnams las dben pa zhes bya ba nas/bsam gtan bzhi pa nye bar bsgrubs te gnas so zhes bya ba'i bar du ste/ de de'i tshe na rang la gnod par bya bar mi sems/ gzhan la gnod pa dang / gnyi ga la gnod par bya bar mi sems kyi/bdag la phan par sems pa dang / gzhan la phan pa dang / skye bo mang po la bde ba dang / lha dang mi'i 'jig rten la snying brtse ba dang / phan pa dang bde ba'i phyir sems te/ gang gi phyir gnod pa med pa 'di ni 'dir sla ba zhes bya'o/ /de'i dbang po lnga po bul bar gyur cing chung ngu dang bul bar 'jug ste/'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po bul bar gyur cing chung ngu dang bul bar 'jug pa'i phyir 'di ltar zag pa zad pa'i bar chad med pa'i lam ches bul ba 'thob par 'gyur te/'di ni mngon par shes pa bul la sla ba'i lam zhes bya'o/ /mngon par shes pa myur la sla ba'i lam gang zhe na/ 'di na dge slong 'dod pa las dben pa zhes bya ba nas/ snga ma bzhin du lha dang mi'i 'jig rten la snying brtse zhing phan pa dang bde ba'i phyir sems te zhes bya ba'i bar du ste/gang gi phyir gnod pa med pa 'di ni 'di ltar sla ba zhes bya'o/ /de'i dbang po lnga po rnon por gyur cing myur du 'jug ste/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po rno zhing myur du 'jug pa'i phyir 'di ltar zag pa zad pa'i bar chad med pa'i lam ches myur bar thob par 'gyur te/'di ni mngon par shes pa myur la sla ba'i lam zhes bya'o/ /nye bar len pa'i phung po lnga ji lta ba bzhin du 'dod pa dang / lus dang / 'du byed dang nyon mongs pas kyang de bzhin no zhes gsungs so/ / byang chub kyi phyogs dang mthun pa'i chos sum cu rtsa bdun ni zhes bya ba la/ gleng gzhi ni mnyan du yod pa na'o/ /dge slong dag dran pa nye bar gzhag pa ni bzhi ste/ bzhi gang zhe na/ lus dran pa nye bar gzhag pa dang / tshor ba dang / sems dang / chos dran pa nye bar gzhag pa'o/ /gleng gzhi ni mnyan du yod pa na'o//dge slong dag yang dag par spong ba ni bzhi ste/ bzhi gang zhe na/ 'di na dge slong sdig pa mi dge ba'i chos skyes pa rnams spong ba'i phyir 'dun pa skyed cing 'bad pa dang / brtson 'grus rtsom pa dang / sems rab tu 'dzin to/ /sdig pa mi dge ba'i chos ma skyes pa rnams mi skye bar bya ba'i phyir 'dun pa skyed cing 'bad pa dang /brtson 'grus rtsom pa dang / sems rab tu 'dzin to/ /dge ba'i chos ma skyes pa rnams bskyed par bya ba'i phyir 'dun pa skyed cing 'bad pa dang / brtson 'grus rtsom pa dang / sems rab tu 'dzin to/ /dge ba'i chos skyes pa rnams gnas pa dang / mi brjed cing bsgom pa yongs su rdzogs pa dang / 'phel zhing rgyas pa dang / yongs bar bya ba'i phyir 'dun pa skyed cing 'bad pa dang / brtson 'grus rtsom pa dang / sems rab tu 'dzin par byed do zhes gsungs so/ /gleng gzhi ni mnyan du yod pa na'o/ /dge slong dag rdzu 'phrul gyi rkang pa ni bzhi ste/bzhi gang zhe na/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang / brtson 'grus kyi ting nge 'dzin dang / sems kyi ting nge 'dzin dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o zhes gsungs so/ /gleng gzhi ni mnyan du yod pa na'o//dbang po ni lnga ste/ lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o zhes gsungs so/ /gleng gzhi ni mnyan du yod pa na'o/ /stobs ni rnam pa lnga ste/ lnga gang zhe na/ dad pa'i stobs dang /brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs so zhes gsungs so/ /gleng gzhi ni mnyan du yod pa na'o/ /dge slong dag byang chub kyi yan lag ni bdun te/ bdun gang zhe na/ dran pa yang dag byang chub kyi yan lag dang /chos rab tu 'byed pa dang / brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms yang dag byang chub kyi yan lag go zhes gsungs so/ /gleng gzhi ni mnyan du yod pa na'o/ /dge slong dag 'phags pa'i lam yan lag brgyad gang zhe na/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to zhes gsungs so/ /dge slong dag ngas khyed la rdzu 'phrul yang bshad ces bya ba la sogs pa la/gleng gzhi ni mnyan du yod pa na'o/ /dge slong dag ngas khyed la rdzu 'phrul yang bshad/ rdzu 'phrul gyi rkang pa dang / rdzu 'phrul gyi rkang pa bsgom pa dang / rdzu 'phrul gyi rkang pa bsgom pa'i lam yang bshad par bya ste/ de legs par nyon la yid la zung shig dang bshad par bya'o//rdzu 'phrul gang zhe na/ 'di na dge slong rdzu 'phrul gyi rnam pa du ma nyams su myong bar byed pa ste/ 'di lta ste/ gcig tu gyur nas mang por 'gyur ba dang / mang por gyur nas gcig tu 'gyur ba dang / snang ba dang mi snang ba shes shing mthong ba nyams su myong ba dang /rtsig pa la mi thogs pa dang / rdo ba dang / ra ba la lus kyis thogs pa med par 'gro bar 'gyur te/ dper na nam mkha' la bya ba bzhin no/ /sa la yang byi'u zul du byed de/ dper na chu la bya ba bzhin no/ /chu la yang mi 'bying bar 'gro ste/ dper na sa la bya ba bzhin no//nam mkha' la yang skyil mo krung bcas shing 'gro ste/ dper na 'dab chags bya bzhin no/ /nyi ma dang zla ba 'di ltar rdzu 'phrul che zhing mthu che ba 'di dag la lag pas nam zhing nyug par byed pa dang / tshangs pa'i 'jig rten gyi bar du lus kyis dbang sgyur ba'o/ /rdzu 'phrul gyi rkang pa gang zhe na/ rdzu 'phrul gyi rkang pa ni bzhi ste/ bzhi gang zhe na/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang / brtson 'grus kyi ting nge 'dzin dang / sems kyi ting nge 'dzin dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /rdzu 'phrul gyi rkang pa bsgom pa gang zhe na/'di na dge slong 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba dag sgom par byed do/ /brtson 'grus kyi ting nge 'dzin dang /sems kyi ting nge 'dzin dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom par byed do/ /rdzu 'phrul gyi rkang pa bsgom pa'i lam gang zhe na/'di lta ste/ 'phags pa'i lam yan lag brgyad po yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to//dge slong dag ngas khyed la rdzu 'phrul yang bshad la/ rdzu 'phrul gyi rkang pa dang / rdzu 'phrul gyi rkang pa bsgom pa dang / rdzu 'phrul gyi rkang pa bsgom pa'i lam bshad par bya'o zhes ngas ji skad du bshad pa de rgyas par rab tu bshad do zhes gsungs so/ /dran pa nye bar gzhag pa bzhi po 'di dag ni zhes bya ba la lung bar ma'i gong bu zhes bya ba la sogs pa sdom gyi tshigs su bcad pa gnyis pa'i dul dang zhes bya ba'i mdo las 'don te/gang yang gnas 'di ni gdul byar gyur pa'i dge slong 'ga' zhig yod par gyur la/ de dag dus phyis de bzhin gshegs pas 'dul bar 'gyur te/ dge slong dag tshur shog mal cha dang stan la ma zhen cing rnam par dben pa dang / dgon pa'am/ shing drung ngam/ khang pa stong song la/ khyod dgon pa'am/ shing drung ngam/ khang pa stong par 'dug ste/ skyil mo krung bcas te lus drang por bsrangs nas dran pa mngon du phyogs te gzhag par gyis shig /khyod 'jig rten gyi brnab sems spangs shing bral bar gyis shig /brnab sems kyis sems lan mang du mi gnas pa dang / brnab sems yongs su dag par gyis shig /gnod sems dang / rmugs pa dang / gnyid dang / rgod pa dang / 'gyod pa dang / 'jig rten gyi the tshom dang /yid gnyis dang / som nyi spong ba dang / dge ba'i chos rnams la the tshom las sems dag par gyis shig /sgrib pa lnga po sems nye bar nyon mongs par byed pa/ shes rab nyam chung bar byed pa gegs kyi phyogs mya ngan las 'das pa mngon par mi sgrub pa spangs shing / brtun pa shes bzhin can dran pa dang ldan pa 'jig rten gyi brnab sems dang yid mi bde ba bsal te/nang gi lus la lus kyi rjes su lta ba dang / brtun pa shes bzhin can dran pa dang ldan pa 'jig rten gyi brnab sems dang yid mi bde ba rnam par bsal te/ phyi'i lus la lus kyi rjes su lta zhing gnas pa dang /nang gi tshor ba dang / phyi'i tshor ba dang / nang dang phyi'i tshor ba dang / nang gi sems dang / phyi'i sems dang / nang dang phyi'i sems dang / brtun pa shes bzhin can dran pa dang ldan pa 'jig rten gyi brnab sems dang yid mi bde ba rnam par spangs te/ nang gi chos dang /phyi'i chos dang / phyi dang nang gi chos rnams la chos kyi rjes su lta zhing dran pa nye bar gzhag pa bzhi po 'di dag de'i sems kyis nye bar 'dogs pa yin te/ zhen pa la brten pa'i tshul khrims mngon par bsal ba'i phyir dang / zhen pa la brten pa'i kun du rtog pa rnams bsal bar bya ba'i phyir dang / zhen pa la brten pa'i rims nad dang / ngal ba dang 'bad pa rnams so sor dgag par bya ba'i phyir dang / dam pa'i chos la mngon par dga' zhing 'phags pa dgyes pa'i tshul khrims la yang dag par bskul ba'i phyir srung bar 'gyur te/ dper na glang po ma dul ba 'dul mkhan gyis shing sdong po chen po rtsa ba sa la bsnubs te/dgon pa'i glang po che dgon pa'i rang bzhin bsal bar bya ba'i phyir dang / dgon pa dran pa'i rnam par rtog pa bsal bar bya ba'i phyir dang / dgon pa'i nad dang ngal ba dang 'khrug pa bsal bar bya ba'i phyir dang / grong la mngon par dga' ba dang mi la dga' ba'i ngang tshul la yang dag par bskul bar bya ba'i phyir gre ba legs par 'ching bar byed do//de bzhin du dran pa nye bar gzhag pa bzhi po 'di dag ni de'i sems kyi nye bar 'dogs pa ste/ ji srid du zhen pa la brten pa'i tshul khrims mngon par bsal bar bya ba'i phyir dang / zhen pa la brten pa'i dran pa'i kun du rtog pa rnams bsal bar bya ba'i phyir dang /zhen pa la brten pa'i rims nad dang ngal ba dang 'khrug pa rnams bsal bar bya ba'i phyir dang / dam pa'i chos la mngon par dga' ba dang / 'phags pa dgyes pa'i tshul khrims la yang dag par bskul bar bya ba'i phyir dran pa nye bar gzhag pa bzhi po 'di dag ni de'i sems kyis nye bar 'dogs par 'gyur ro zhes gsungs so//'di ltar 'phags pa'i lam yan lag brgyad bsgom pa yongs su rdzogs par gyur na zhes bya ba la/ skye mched drug gi tshogs chen po'i mdo las skye mched drug gi sdom gyi tshigs su bcad pa gnyis pa las 'don te/ dga' dang dga' bo la gdams dang //sdom dang yongs su nyams pa can/ /dbang po mtha' dang thogs pa dang / /maud gal ya na phyi ma ste/ /drug tshan drug dang skye mched drug /mi nyid dga' ba tha ma yin/ /zhes bya ba'i sdom du bstan pa mdzod kyi gnas bzhi pa 'di nyid du/ rnam gsum dri med gzugs gsungs dang //'phel dang ma byas lam sogs phyir/ /zhes bya bar bstan te/ 'o na ji skad du 'di ltar shes shing 'di ltar mthong ba zhes bya bar bris par blta bar bya'o/ /yang dge slong yang dag pa ji lta ba bzhin gyi tshig brjod pa zhes bya ba 'di ni zhes bya ba la/ gleng gzhi ni mnyan du yod pa na'o//de nas dge slong gzhan zhig gcig pu dben par gyur pa na/ nang du yang dag 'jog la gnas pa na sems la sems kyis rnam par rtog pa 'di lta bu dag skyes te/ ji ltar shes shing ji ltar mthong na dge slong mthong ba rnam par dag par 'gyur/ de nas dge slong de dgongs ka nang du yang dag 'jog las langs te/dge slong gzhan zhig gi drung du nye bar song ste/ nye bar song nas des dge slong de la 'di skad ces smras so/ /tshe dang ldan pa ji ltar shes shing mthong na dge slong mthong ba shin tu rnam par dag par 'gyur/ tshe dang ldan pa dge slong reg pa'i skye mched drug rnams kyi kun 'byung ba dang / mi snang ba dang / ro myang ba dang / nyes dmigs dang / nges par 'byung ba yang dag pa'i shes rab kyis yang dag pa ji lta ba bzhin mthong bar 'gyur na/ tshe dang ldan pa 'di ltar shes shing 'di ltar mthong na dge slong mthong ba shin tu rnam par dag par 'gyur ro/ /de nas dge slong de dge slong de'i dri ba lung bstan pas ma mgu nas dge slong gzhan zhig gi drung du nye bar song ste/nye bar song nas des dge slong gzhan de la 'di skad ces smras so/ /tshe dang ldan pa dge slong ji ltar shes shing ji ltar mthong na dge slong mthong ba shin tu rnam par dag par 'gyur/ tshe dang ldan pa gang khams drug po rnams kyi kun 'byung ba dang /mi snang ba dang / ro myang ba dang / nyes dmigs dang / nges par 'byung ba yang dag pa'i shes rab kyis yang dag pa ji lta ba bzhin du rab tu shes par gyur pa ste/ 'di ltar mthong na dge slong mthong ba shin tu rnam par dag par 'gyur ro/ /de nas dge slong de dge slong de'i dris pa lung bstan pas ma mgu nas zhes bya ba nas/snga ma bzhin du tshe dang ldan pa ji ltar shes shing ji ltar mthong na dge slong mthong ba shin tu rnam par dag par 'gyur/ tshe dang ldan pa zas rnam pa bzhi rnams kyi kun 'byung ba dang / mi snang ba dang / ro myang ba dang / nyes dmigs dang /nges par 'byung ba yang dag pa'i shes rab kyis yang dag pa ji lta ba bzhin mthong bar 'gyur ba ste/ 'di ltar mthong na dge slong mthong ba shin tu rnam par dag par 'gyur ro/ /de nas dge slong de dge slong de'i dri ba lung bstan pas kyang ma mgu nas zhes bya ba nas/ tshe dang ldan pa ji ltar shes shing ji ltar mthong na dge slong mthong ba shin tu rnam par dag par 'gyur zhes bya ba'i bar du ste/tshe dang ldan pa nye bar len pa'i phung po lnga rnams la nang du mthong bar gyur cing / 'bras dang / zug rngu dang / gnod pa dang / mi rtag pa dang / sdug bsngal ba dang / stong pa dang / bdag med par mthong bar gyur pa ste/'di ltar mthong na dge slong mthong ba shin tu rnam par dag par 'gyur ro/ /de nas dge slong de dge slong de'i dri ba lung bstan pas kyang ma mgu nas bcom ldan 'das gang na ba der nye bar song ste zhes bya ba nas/ phyogs gcig tu 'dug go zhes bya ba'i bar du ste/ dge slong des bcom ldan 'das la 'di skad ces gsol to//btsun pa 'di na gcig pu dben par gyur pa na nang du yang dag 'jog la gnas pa na sems la sems kyis rnam par rtog pa 'di lta bu dag skyes te zhes bya ba nas/ snga ma bzhin du ji ltar shes shing ji ltar mthong na dge slong mthong ba shin tu rnam par dag par 'gyur zhes bya ba'i bar du ste/bdag dgongs ka nang du yang dag 'jog las langs nas dge slong gzhan zhig gi drung du nye bar song ste nye bar song nas bdag gis dge slong de la 'di skad ces smras so/ /tshe dang ldan pa ji ltar shes shing ji ltar mthong na dge slong mthong ba shin tu rnam par dag par 'gyur/des smras pa/ tshe dang ldan pa gang yang reg pa'i skye mched drug po rnams kyi kun 'byung ba dang zhes bya ba nas/ snga ma bzhin du rgyas par dge slong de'i dri ba lung bstan pas bdag ma mgu nas zhes bya ba'i bar du ste/ bcom ldan 'das gang na ba der nye bar 'ongs shing nye bar 'ongs nas/ btsun pa bcom ldan 'das la bdag don 'di nyid yongs su 'dri ste/ btsun pa ji ltar shes shing ji ltar mthong na dge slong mthong ba shin tu rnam par dag par 'gyur/ dge slong sngon byung ba shing mya ngan 'tshang sngon mthong zhing thos par gyur pa'i skyes bu zhig yod par gyur la/ de nas skyes bu de shing mya ngan 'tshang mthong ba'i skyes bu gzhan zhig gi drung du nye bar song ste/nye bar song nas mya ngan 'tshang mthong ba'i skyes bu de la 'di skad ces smras so/ /kye skyes bu khyod kyis mya ngan 'tshang shes sam/ kye skyes bu bdag gis mya ngan 'tshang shes so/ /kye skyes bu mya ngan 'tshang ji lta bu zhig /kye skyes bu shing mya ngan 'tshong ni sol ba ltar kha dog nag pa ste/dper na ka ba tshig pa lta bu'o/ /dge slong de'i tshe na shing mya ngan 'tshang sol ba ltar kha dog gnag cing ka ba tshig pa lta bu yin no/ /de nas skyes bu de skyes bu de'i mya ngan 'tshang dri ba lung bstan pa la ma mgu nas/ shing mya ngan 'tshang mthong ba'i skyes bu gzhan zhig gi drung du nye bar song ste/nye bar song nas zhes bya ba nas snga ma bzhin du kye skyes bu shing mya ngan 'tshang ji lta bu zhig /kye skyes bu shing mya ngan 'tshang ni dmar zhing kha dog dmar ba'i yal ga 'phyang ba ste/ dper na sha'i gong bu lta bu'o/ /de nas skyes bu de skyes bu de'i dri ba lung bstan pas ma mgu nas zhes bya ba nas snga ma bzhin du/kye skyes bu shing mya ngan 'tshang ji lta bu zhig /kye skyes bu shing mya ngan 'tshang ni ser zhing ser ba'i 'dab ma mngon par grub pa ste/ dper na shi ri sha lta bu'o/ /de'i tshe na shing mya ngan 'tshang ser zhing ser ba'i 'dab ma mngon par grub pa ste/dper na shi ri sha lta bu yin no/ /de nas skyes bu de skyes bu de'i dri ba lung bstan pas kyang ma mgu nas zhes bya ba nas snga ma bzhin du/ kye skyes bu mya ngan 'tshang ji lta bu zhig /kye skyes bu shing mya ngan 'tshang ni 'dab ma skyes pa dag 'dab ma dkar po dang / 'dab ma mnyen zhing rgya che ba yin te/dper na n+ya gro d+ha lta bu yin no/ /dge slong de'i tshe na shing mya ngan 'tshang 'dab ma skyes pa dag 'dab ma dkar po dang 'dab ma mnyen zhing rgya che ba n+ya gro d+ha lta bu yin no/ /de nas skyes bu de skyes bu de'i shing mya ngan 'tshang dri ba lung bstan pas kyang ma mgu nas gang na shing mya ngan 'tshang mthong ba'i skyes bu yod pa de dang der dri ba lung bstan pa'i phyir 'gro bar byed do//dge slong de bzhin du rigs kyi bu de dag gis gcig pu dben pa bag yod pas gtugs pas bdag la phan pa'i bdag nyid du gnas te/ ji lta ji ltar nye bar len pa med par zag pa las sems rnam par grol bar gyur pa de lta de ltar lung bstan par byas so//des na dge slong dpe nyon cig dang / skyes bu mkhas pa rnams la dpes rnam par bshad na don shes par 'gyur ro/ /dge slong dper na 'di nas phyogs gcig na grong khyer rtsig pa dang / ra ba brtan pos bskor ba/ shin tu rnam par phye ba'i srang bzhi dang ldan pa/sgo bzhir sgo srung gi skyes bu mkhas shing gsal ba der 'gro ba dang 'ong ba dpyod pa'i shes rab dang ldan pa/ ngo shes pa gtong zhing ngo mi shes pa 'gegs par byed pa dag gnas par gyur cing / srang gi dbus na grong khyer gyi bdag po gnas par gyur la/shar phyogs nas pho nya gnyis shig 'ongs te shar phyogs kyi sgo srung gang na ba der nye bar song ste nye bar song nas shar phyogs kyi sgo srung gi skyes bu la 'di skad du/ kye skyes bu grong khyer gyi bdag po gang na 'dug/ kye skyes bu grong khyer gyi bdag po srang gi dbus 'di na 'dug go//de nas pho nya gnyis pa de dag grong khyer gyi bdag po gang na ba der nye bar song ste/ nye bar song nas grong khyer gyi bdag po la yang dag pa ji lta ba bzhin gyi tshig brjod cing ji ltar rtogs pa'i lam gyis 'jug go/ /de bzhin du lho dang nub dang byang phyogs nas pho nya gnyis shig 'ongs te/byang phyogs kyi sgo srung gi skyes bu gang na ba der nye bar song ste/ nye bar song nas byang phyogs kyi sgo srung gi skyes bu la 'di skad du kye skyes bu grong khyer gyi bdag po gang na 'dug /kye skyes bu grong khyer gyi bdag po srang gi dbus 'di na 'dug go/ /de nas pho nya gnyis po de dag grong khyer gyi bdag po gang na ba der nye bar song ste/nye bar song nas grong khyer gyi bdag po la yang dag pa ji lta ba bzhin gyi tshig brjod cing ji ltar rtogs pa'i lam gyis 'jug go/ /dge slong 'di ni dper byas pa ste/ ji srid du don shes par bya ba'i phyir dper byas pa yin la don ni 'di ltar blta bar bya ste/ grong khyer zhes bya ba 'di ni gzugs can rags pa 'byung ba chen po bzhi'i rgyu las byung ba pha dang ma'i mi gtsang ba las skyes shing 'bras chan dang zan dron gyis gsos pa'i lus de'i tshig bla dgas te/ rtag tu bkru ba dang phyi ba dang yongs su 'jig pa'i chos can gyi tshig bla dgas so/ / rtsig pa dang ra ba zhes bya ba 'di ni yang dag pa'i lta ba'i tshig bla dgas so/ /shin tu rnam par phye ba'i srang bzhi dang ldan zhes bya ba 'di ni nang dang phyi'i skye mched drug rnams kyi tshig bla dgas so/ /sgo bzhi zhes bya ba 'di ni rnam par shes pa gnas pa bzhi'i tshig bla dgas so/ /sgo srung gi skyes bu zhes bya ba ni lus su gtogs pa'i dran pa'i tshig bla dgas so//grong khyer gyi bdag po zhes bya ba 'di ni nye bar len pa dang bcas pa'i rnam par shes pa'i tshig bla dgas so/ /pho nya gnyis zhes bya ba 'di ni zhi gnas dang lhag mthong gi tshig bla dgas so/ /yang dag pa ji lta ba bzhin gyi tshig brjod pa zhes bya ba 'di ni 'phags pa'i bden pa bzhi'i tshig bla dgas so//ji ltar rtogs pa'i lam gyis 'jug ces bya ba 'di ni 'phags pa'i lam yan lag brgyad pa'i tshig bla dgas so/ /dge slong gang yang ston pas nyan thos rnams la bya ba rjes su brtse ba dang / snying brtse ba dang /don du 'dod pa dang / phan par 'dod pa dang / ston pas nyan thos rnams la bya ba de ngas byas zin gyi/ da ni khyed cag gi bya ba dgon pa dang / shing drung dang / khang pa stong pa dang / ri'i tshang tshing dang / ri'i phug dang / rtswa dang / lo ma'i spyil bu dang / bla gab med pa dang /dur khrod du bas mtha'i gnas mal la brten nas bsgom par bya ste/ dge slong bag med par ma gyur cig phyis 'gyod par gyur ta re/ 'di ni da'i rjes su bstan pa yin no zhes gsungs so/ /slob pa ni yan lag brgyad dang ldan no zhes bya ba la/ bcom ldan 'das ko ru ba 'dul ba zhes bya ba'i grong khyer na bzhugs te/de nas bcom ldan 'das kyis dge slong rnams la bos te/ dge slong dag sems can rnams yongs su dag par byed cing mya ngan dang nye bar 'tshe ba thams cad las yang dag par 'da' ba dang / sdug bsngal dang yid mi bde ba nub par byed pa'i theg pa ni gcig kho na ste/'di ltar yang dag pa'i ting nge 'dzin to/ /dge slong dag 'phags pa'i lam yan lag bdun po 'di dag ni yang dag pa'i ting nge 'dzin gyi rgyu dang yan lag tu gyur pa ste/ bdun gang zhe na/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa ste/ dge slong dag 'phags pa'i lam yan lag bdun po 'di rnams kyis yongs su sbyangs shing yongs su sbyang ba byas pas sems rtse gcig par gyur pa 'di ni yang dag pa'i ting nge 'dzin zhes bya'o//rgyu dang bcas yan lag dang bcas pa'i yang dag pa'i lta ba sngon du 'gro ba las dge ba'i chos rnams skyes par gyur te/ log par lta ba la log par lta ba zhes yang dag par rjes su mthong bar gyur pa 'di ni yang dag pa'i lta ba'o/ / yang dag pa'i lta ba la yang dag pa'i lta ba'o zhes yang dag par rjes su mthong bar gyur pa 'di ni yang dag pa'i lta ba'o/ /log par lta ba gang zhe na/ gang zhig med par lta ba ste/ sbyin pa po med do/ /len pa po med do/ /mchod sbyin med do/ /legs par spyad pa med do/ /nyes par spyad pa med do/ /legs par spyad pa dang nyes par spyad pa'i las rnams kyi 'bras bu rnams kyi rnam par smin pa med do//'jig rten 'di med do/ /'jig rten pha rol med do/ /pha med do/ /ma med do/ /sems can rdzus te byung ba rnams med do/ /'jig rten na dgra bcom pa yang dag par rtogs shing yang dag par zhugs pa/ 'jig rten 'di na stobs mchog dang ldan pa bdag gi skye ba zad do//tshangs par spyod pa bsten to/ /bya ba byas so/ /byed pa byas so/ /srid pa 'di las gzhan mi shes so zhes mthong ba'i chos 'di nyid la rang nyid kyis mngon par shes pa phun sum tshogs pa mngon sum du byas nas gnas pa de dag med do/ / zhes smra ba ste/ 'di ni log pa'i lta ba zhes bya'o/ /yang dag pa'i lta ba gang zhe na/ gang yang sbyin pa yod do/ /len pa yod do/ /mchod sbyin yod do/ /legs par spyad pa yod do/ /nyes par spyad pa yod do/ /legs par spyad pa dang / nyes par spyad pa'i las kyi 'bras bu rnam par smin pa yod do//'jig rten 'di yod do/ /'jig rten pha rol yod do/ /pha yod do/ /ma yod do/ /sems can rdzus te byung ba rnams yod do/ /'jig rten na dgra bcom pa yang dag par rtogs shing yang dag par zhugs pa/ 'jig rten 'di na stobs mchog dang ldan pa/ bdag gi skye ba zad do//tshangs par spyod pa bsten to/ /bya ba byas so/ /byed pa byas so/ /srid pa 'di las gzhan mi shes so zhes mthong ba'i chos 'di nyid la rang nyid kyis mngon par shes pa phun sum tshogs pa mngon sum du byas nas gnas pa yod do zhes lta ba ste/ 'di ni yang dag pa'i lta ba zhes bya ste/log par lta ba la log par lta ba'o zhes yang dag par rjes su mthong bar gyur pa 'di ni yang dag pa'i lta ba yin la/ yang dag pa'i lta ba la yang dag pa'i lta ba'o zhes yang dag par rjes su mthong ba 'di ni yang dag pa'i lta ba yin no zhes sems can rnams kyi log pa'i lta ba spang ba'i phyir 'bad par bya zhing /yang dag pa'i lta ba skyed pa'i phyir yang dag par rtsol bar bya'o/ /log par lta ba spang ba dang / yang dag pa'i lta ba bsgom pa la dran pa dang ldan pa 'di ni yang dag pa'i dran pa zhes bya ste/ lam gyi yan lag gsum po 'di dag ni lta ba nyid kyi rjes su 'jug pa ste/'di lta ste/ lta ba dang / rtsol ba dang / dran pa'o/ /dge slong dag de la yang dag pa'i lta ba sngon du 'gro ba las dge ba'i chos rnams skye bar 'gyur ro/ /log pa'i rtog pa la log pa'i rtog pa'o zhes yang dag par rjes su mthong bar gyur pa 'di ni yang dag pa'i lta ba yin la/yang dag pa'i rtog pa la yang dag pa'i rtog pa'o zhes yang dag par rjes su mthong ba 'di ni yang dag pa'i lta ba yin no/ /log pa'i rtog pa gang zhe na/ 'di lta ste/ 'dod pa'i rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa ste/'di ni log pa'i rtog pa zhes bya'o/ /yang dag pa'i rtog pa gang zhe na/ thar pa'i rnam par rtog pa dang / brnab sems med pa'i rnam par rtog pa dang / rnam par mi 'tshe ba'i rnam par rtog pa ste/ 'di ni yang dag pa'i rtog pa zhes bya'o/ /log par rtog pa la log par rtog pa'o zhes yang dag par rjes su mthong ba 'di ni yang dag pa'i lta ba yin la/yang dag pa'i rtog pa la yang dag pa'i rtog pa'o zhes mthong bar gyur pa 'di ni yang dag pa'i lta ba yin no zhes sems can rnams kyi log pa'i lta ba spang ba'i phyir 'bad par bya zhing / yang dag pa'i lta ba skyed pa'i phyir yang dag pa'i rtsol ba zhes bya'o//log par lta ba spang ba dang yang dag pa'i lta ba bsgom pa la dran pa dang ldan pa 'di ni yang dag pa'i dran pa zhes bya ste/ lam gyi yan lag gsum po 'di dag ni yang dag pa'i rtog pa nyid kyi rjes su 'jug ste/ 'di lta ste/ lta ba dang / rtsol ba dang / dran pa'o/ /dge slong dag de'i yang dag pa'i lta ba sngon du 'gro ba las dge ba'i chos rnams skye bar 'gyur ro/ /log pa'i ngag la log pa'i ngag go zhes yang dag par rjes su mthong bar gyur pa 'di ni yang dag pa'i lta ba yin la/ yang dag pa'i ngag la yang dag pa'i ngag go zhes mthong bar gyur pa gang yin pa 'di ni yang dag pa'i lta ba yin no//log pa'i ngag gang zhe na/ brdzun du smra ba dang / phra ma dang / tshig rtsub mo dang / tshig 'khyal pa ste/ 'di dag ni log pa'i ngag ces bya'o/ /yang dag pa'i ngag gang zhe na/ brdzun du smra ba spong ba dang / phra ma dang /tshig rtsub mo spong ba dang / tshig 'khyal pa spong ba'o/ /'di ni yang dag pa'i ngag ces bya ste/ log pa'i ngag la log pa'i ngag go zhes yang dag par rjes su mthong ba 'di ni 'di'i yang dag pa'i lta bar 'gyur la/ yang dag pa'i ngag la yang dag pa'i ngag go zhes yang dag par rjes su mthong ba 'di ni 'di'i yang dag pa'i lta bar 'gyur ro//de de ltar shes nas log pa'i lta ba spang ba'i phyir 'bad par byed cing / yang dag pa'i ngag nye bar bsgrub pa'i phyir yang dag pa'i rtsol ba byed de/ de dran pa dang ldan bzhin du log pa'i ngag spang zhing yang dag pa'i ngag sgom par byed pa ni yang dag pa'i dran pa ste/lam gyi yan lag gsum pa 'di dag ni yang dag pa'i ngag gi rjes su 'jug pa ste/ 'di lta ste/ lta ba dang / rtsol ba dang / dran pa'o/ /dge slong dag de la yang dag pa'i lta ba sngon du 'gro ba las dge ba'i chos rnams skye bar 'gyur te/ log pa'i las kyi mtha' la log pa'i las kyi mtha' zhes yang dag par rjes su mthong ba 'di ni 'di'i yang dag pa'i lta bar 'gyur la/yang dag pa'i las kyi mtha' la yang dag pa'i las kyi mtha'o zhes yang dag par rjes su mthong ba 'di ni yang dag pa'i lta bar 'gyur te/ log pa'i las kyi mtha' gang zhe na/ srog gcod pa dang /ma byin par len pa dang / 'dod pa la log par g.yem pa ste/ 'di ni log pa'i las kyi mtha' zhes bya'o/ /yang dag pa'i las kyi mtha' gang zhe na/ srog gcod pa spong ba dang / ma byin par len pa spong ba dang / 'dod pas log par g.yem pa spong ba ste/ 'di ni yang dag pa'i las kyi mtha' zhes bya'o zhes log pa'i las kyi mtha' la log pa'i las kyi mtha'o zhes yang dag par rjes su mthong ba 'di ni 'di'i yang dag pa'i lta bar 'gyur la/yang dag pa'i las kyi mtha' la yang dag pa'i las kyi mtha'o zhes mthong ba 'di ni 'di'i yang dag pa'i lta bar 'gyur ro//de de ltar shes nas log pa'i las kyi mtha' spong ba'i phyir 'bad par byed cing / yang dag pa'i las kyi mtha' nye bar bsgrub pa'i phyir yang dag pa'i rtsol ba byed la/ de dran pa dang ldan bzhin du log pa'i las kyi mtha' spong zhing yang dag pa'i las kyi mtha' sgom par byed pa 'di ni 'di'i yang dag pa'i dran pa ste/lam gyi yan lag gsum pa 'di dag ni yang dag pa'i las kyi mtha'i rjes su 'jug ste/ 'di lta ste/ lta ba dang / rtsol ba dang / dran pa'o/ /dge slong dag de la yang dag pa'i lta ba sngon du 'gro ba las dge ba'i chos rnams skye bar 'gyur te/ log pa'i 'tsho ba la log pa'i 'tsho ba'o zhes yang dag par rjes su mthong ba 'di ni 'di'i yang dag pa'i lta bar 'gyur la/ yang dag pa'i 'tsho ba la yang dag pa'i 'tsho ba'o zhes yang dag par rjes su mthong ba 'di ni 'di'i yang dag pa'i lta bar 'gyur te/ log pa'i 'tsho ba gang zhe na/ gang 'di na mi rigs pa chos ma yin pas chos gos la sogs pa tshol bar byed kyi/chos kyis ma yin pa dang / chos ma yin pas bsod snyoms dang / mal cha dang / stan dang / na ba'i rkyen sman dang / 'tsho ba'i yo byad dag tshol bar byed kyi/ chos kyis ma yin pa ste/'di ni log pa'i 'tsho ba zhes bya'o/ /yang dag pa'i 'tsho ba gang zhe na/ gang 'di na rigs shing chos kyis chos gos tshol bar byed kyi/ chos ma yin pas ma yin pa dang / chos kyis bsod snyoms dang / mal cha dang / stan dang / na ba'i rkyen sman dang / 'tsho ba'i yo byad dag tshol bar byed kyi/chos ma yin pas ma yin pa ste/ 'di ni yang dag pa'i 'tsho ba zhes bya'o zhes log pa'i 'tsho ba la log pa'i 'tsho ba zhes yang dag par rjes su mthong ba 'di ni 'di'i yang dag pa'i lta bar 'gyur la/ yang dag pa'i 'tsho ba la yang dag pa'i 'tsho ba'o zhes mthong ba 'di ni 'di'i yang dag pa'i lta bar 'gyur ro//de de ltar shes nas log pa'i 'tsho ba spang ba'i phyir 'bad par byed cing / yang dag pa'i 'tsho ba nye bar bsgrub pa'i phyir yang dag pa'i rtsol ba byed cing / de dran pa dang ldan bzhin du log pa'i 'tsho ba spong zhing yang dag pa'i 'tsho ba bsgom pa 'di ni 'di'i yang dag pa'i dran pa ste/lam gyi yan lag gsum pa 'di dag ni yang dag pa'i 'tsho ba'i rjes su 'jug pa ste/ 'di lta ste/ lta ba dang / rtsol ba dang / dran pa'o/ /dge slong dag de la yang dag pa'i lta ba sngon du 'gro ba las dge ba'i chos rnams skye bar 'gyur te/ yang dag pa'i rtsol ba gang zhe na/'dun pa'i brtson 'grus dang / mi 'da' ba dang / pha rol gnon pa dang / spong ba dang / rtsol ba dang / mi 'gong ba dang / chog par mi 'dzin pa 'di ni yang dag pa'i tshol ba zhes bya'o/ /yang dag pa'i dran pa gang zhe na/ gang yang dran pa dang / rjes su dran pa dang /so sor dran pa dang / mi brjed pa'i dran pa dang / mi brjed pa dang / mi rmongs pa dang / rab tu ma rmongs pa dang / ma rmongs pa'i chos can dang / sems kyi mngon par brjod pa ste/ 'di ni yang dag pa'i dran pa zhes bya'o/ /yang dag pa'i ting nge 'dzin gang zhe na/ gang yang sems gnas pa dang /rab tu gnas pa dang / mngon par gnas pa dang / rang bzhin du gnas pa dang / mi g.yeng ba dang / yang dag par sdud pa dang / zhi gnas dang / ting nge 'dzin dang / sems rtse gcig pa ste/ 'di ni yang dag pa'i ting nge 'dzin zhes bya'o/ /de la yang dag pa'i lta ba las yang dag pa'i rtog pa skye bar 'gyur zhing /yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin 'byung bar 'gyur ro/ /dge slong dag sems yang dag par mnyam par gzhag pa'i 'phags pa nyan thos thos pa dang ldan pa 'di ltar 'dod chags dang /zhe sdang dang / gti mug las sems yang dag par grol bar 'gyur ro/ /de ltar sems rnam par grol ba'i 'phags pa nyan thos dag gi skye ba zad do/ / tshangs par spyod pa bsten to/ /bya ba byas so/ /byed pa byas so/ /srid pa 'di las gzhan mi shes so zhes yang dag pa'i shes par 'gyur ro/ /dge slong dag de la slob pa'i lam ni yan lag rnam pa brgyad dang ldan la/ dgra bcom pa zag pa zad pa kun shes pa la bstan pa'i mi slob pa ni yan lag bcu dang yang dag par ldan no//yan lag rnam pa brgyad dang ldan pa'i slob pa'i lam gang zhe na/ slob pa yang dag pa'i lta ba dang ldan pa dang / slob pa'i yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang /yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dang yang dag par ldan pa ste/ slob pa'i lam ni yan lag brgyad po 'di dag dang yang dag par ldan no/ /dgra bcom pa zag pa zad pa kun shes pa la brten pa'i mi slob pa'i yan lag bcu dang yang dag par ldan pa gang zhe na/mi slob pa'i yang dag pa'i lta ba dang yang dag par ldan pa dang / mi slob pa'i yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dang / yang dag pa'i rnam par grol ba dang / mi slob pa'i yang dag pa'i shes pa dang yang dag par ldan pa ste/ dgra bcom pa zag pa zad pa kun shes pa la brten pa'i mi slob pa'i lam ni yan lag bcu po 'di dag dang yang dag par ldan no//dge slong dag de la yang dag pa'i lta bas log pa'i lta ba spong bar 'gyur te/ log pa'i lta ba la brten nas sdig pa mi dge ba'i chos rnam pa du ma 'byung bar 'gyur ro/ /yang dag pa'i lta ba spangs nas yang dag pa'i lta ba la brten nas dge ba'i chos rnam pa du ma bsgom pa yongs su rdzogs par 'gyur ro//yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dang / yang dag pa'i rnam par grol ba dang /yang dag pa'i shes pas log pa'i lta ba spong bar 'gyur te/ log pa'i lta ba la brten nas sdig pa mi dge ba'i chos rnam pa du ma 'byung bar 'gyur te/ yang dag pa'i shes pas spangs nas yang dag pa'i shes pa la brten nas dge ba'i chos rnam pa du ma bsgom pa yongs su rdzogs par 'gyur ro//dge slong dag de la gang yang mi dge ba'i phyogs kyi chos nyi shu dang / gang yang dge ba'i phyogs kyi chos nyi shu po de dag gcig tu bsdams nas bzhi bcu pa zhes bya ba'i chos kyi rnam grangs chen po dge sbyong ngam/ bram ze'am/ lha'am/ bdud dam/ tshangs pa dang bcas pa'i 'jig rten gang gis kyang ma bskor ba'i tshangs pa'i 'khor lo bskor to/ /dge slong dag gang kha cig 'di ltar ngas bzhi bcu pa chen po'i chos kyi rnam grangs chen po bstan pa la phyir bzlog cing khro bar bya'o snyam du sems na de la gzhan gyis chos kyis smra zhing rjes su smra ba'i smad pa'i gnas kyi chos bcu 'byung bar 'gyur te/bcu gang zhe na/ yang dag pa'i lta ba smad cing log pa'i lta ba rjes su bsngags la gang yang dge sbyong dang bram ze log par lta zhing log pa'i lam du zhugs pa de dag khyed kyis mchod cing khyed kyis bsngags so zhes gzhan gyis chos smra zhing rjes su smra ba'i smad pa'i gnas kyi chos 'di lta bu dang po 'ong bar 'gyur ro//yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang /yang dag pa'i ting nge 'dzin dang / yang dag pa'i rnam par grol ba dang / yang dag pa'i shes pa smad cing log pa'i shes pa rjes su bsngags la gang yang dge sbyong dang bram ze log par shes shing log par zhugs pa de dag khyed kyis mchod cing khyed kyis rab tu bsngags so zhes gzhan gyis chos kyis smra zhing rjes su smra ba'i smad pa'i gnas kyi chos 'di lta bu bcu pa 'ong bar 'gyur te/gang yang re zhig dge sbyong dang bram ze dus dang lo bgrang ba med par smra zhing rtog pa mi dge ba'i chos byas shing byas pa de dang de dag chad pa dang / 'jig pa dang nyams par dogs pa de dag kyang bzhi bcu pa'i chos kyi rnam grangs chen po bstan pa la zhe sdang dang 'jigs pa la gtogs par phyir bzlog pa dang khro bar bya ba mnyam du mi sems so zhes gsungs so//rnam grol gnyis zhes bya ba la/ sa dang byis pa thog dang ni/ /rigs dang tshul khrims sdug bsngal dang / /pha la brten nas 'joms pa dang //log pa nyid ni brgyad pa yin/ /zhes bya ba sdom gyi tshigs su bcad pa'i pha la brten nas zhes bya ba'i mdo las 'byung ba mdzod kyi gnas gsum pa 'di nyid du rten cing 'brel par 'byung ba'i skabs su shes rab nyon mongs bstan phyir zhes bya bar bris zin to/ / 'o na mdo las stag gi byang chub kyi bu dag ces bya ba la/ tshe dang ldan pa kun dga' bo kron d+hi nas ljongs rgyu zhing ro can par phyin to/ /ro can gyi grong gi byang phyogs kyi shing sha pa'i tshal na gnas so/ /de nas ro can pa dang kron d+hi pa rnams kyis thub pa chen po 'phags pa kun dga' bo kron d+hi nas ljongs rgyu zhing ro can du phyin to//ro can gyi grong gi byang phyogs kyi shing sha pa'i tshal na gnas so zhes thos te/ thos nas 'dus shing nye bar 'dus/ tshogs shing rab tu tshogs te rab tu tshogs nas tshe dang ldan pa kun dga' bo gang na ba der nye bar song ste/ nye bar song nas 'phags pa kun dga' bo'i zhabs la phyag byas te phyogs gcig tu 'dug go//phyogs gcig tu 'dug nas ro can pa dang kron d+hi pa rnams la tshe dang ldan pa kun dga' bos 'di skad ces smras so/ /stag gi byang chub kyi bu dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yongs su dag pa'i gtso bo bzhi gsungs te/bzhi gang zhe na/ tshul khrims yongs su dag pa'i gtso bo dang / sems yongs su dag pa'i gtso bo dang / lta ba yongs su dag pa'i gtso bo dang / rnam par grol ba yongs su dag pa'i gtso bo'o//stag gi byang chub kyi bu dag tshul khrims yongs su dag pa'i gtso bo gang zhe na/ 'di na 'phags pa nyan thos tshul khrims dang ldan pa/ so sor thar pa'i sdom pas bsdams pa/ cho ga dang spyod yul phun sum tshogs pa/ kha na ma tho ba phra rab tsam la yang 'jigs par lta ba/bslab pa yang dag par blangs pa dag la slob cing gnas te/ tshul khrims kyi phung po ma rdzogs pa yongs su rdzogs par bya ba dang / yongs su rdzogs pa rjes su gzung bar bya ba'i phyir brtson 'grus dang / 'bad pa dang / spro ba dang / rtsom pa dang / mi gtong bar sems rab tu 'dzin te/'di ni tshul khrims yongs su dag pa'i gtso bo zhes bya'o/ /stag gi byang chub kyi bu dag sems yongs su dag pa'i gtso bo gang zhe na/ 'di na 'phags pa nyan thos thos pa dang ldan pa 'dod pa las dben pa/ sdig pa mi dge ba'i chos las dben pa zhes bya ba nas bsam gtan bzhi pa nye bar bsgrubs te gnas so zhes bya ba'i bar du ste/ting nge 'dzin gyi phung po yongs su rdzogs pa yongs su rdzogs pa dang / yongs su rdzogs pa rjes su gzung bar bya ba'i phyir zhes bya ba nas/ 'di ni sems yongs su dag pa'i gtso bo yin no zhes bya ba'i bar du'o//stag gi byang chub kyi bu dag lta ba yongs su dag pa'i gtso bo gang zhe na/ 'di na 'phags pa nyan thos ston pa'am tshangs par spyod pa bla ma'i gnas lta bu gang yang rung ba chos ston par byed pa na/ ji lta ji ltar ston pa'am/ tshangs par spyod pa bla ma'i gnas lta bu gang yang rung ba chos ston par byed pa de lta de ltar chos rnams la lhag par rig cing lhag par rig pa dang /yang dag pa'i shes rab kyis ji lta ba bzhin mthong bar 'gyur ro/ /ji lta ji ltar chos rnams lhag par rig cing lhag par rig pa dang // yang dag pa'i shes rab kyis ji lta ba bzhin du mthong ba de lta de ltar de chos rnams la don gyi shugs rnyed pa dang /chos kyi shugs rnyed pa dang / ston pa la rab tu dad par 'gyur ro/ /gzhan yang 'di na 'phags pa nyan thos ston pa'am tshangs par spyod pa bla ma'i gnas lta bu gang yang rung ba dag chos ston par mi byed mod kyi ji ltar thos pa dang / ji ltar bstan pa dang / ji ltar khong du chud pa'i chos rnams la rgyas par dbyangs kyis kha ton du byed do/ /ji lta ji ltar thos pa dang / ji lta bar nye bar bstan pa dang / ji ltar khong du chud pa'i chos rnams la rgyas par dbyangs kyi kha ton du byed pa de lta de ltar chos rnams lhag par rig cing lhag par rig pa dang /yang dag pa'i shes rab kyis ji lta ba bzhin mthong bar 'gyur ro/ /ji lta ji ltar chos rnams lhag par rig cing lhag par rig pa dang / yang dag pa'i shes rab kyis ji lta ba bzhin mthong ba de lta de ltar chos rnams la don gyi shugs rnyed pa dang / chos kyi shugs rnyed pa dang /ston pa la rab tu dad par 'gyur ro/ /gzhan yang 'di na 'phags pa nyan thos ston pa'am tshangs par spyod pa bla ma'i gnas lta bu gang yang rung ba chos ston par yang mi byed la/ ji ltar thos pa dang / ji ltar nye bar bstan pa dang / ji ltar khong du chud pa'i chos rnams rgyas par kha ton du yang mi byed kyi/'on kyang ji ltar thos pa dang / ji ltar nye bar bstan pa dang / ji ltar khong du chud pa'i chos rnams rgyas par gzhan dag la yang dag par gsal bar byed de/ ji lta ji ltar thos pa dang / ji ltar nye bar bstan pa dang / ji ltar khong du chud pa'i chos rnams rgyas par gzhan dag la rab tu gsal bar byed pa de lta de ltar chos rnams lhag par rig cing lhag par rig pa dang /yang dag pa'i shes rab kyis ji lta ba bzhin du mthong bar 'gyur ro/ /ji lta ji ltar chos rnams lhag par rig cing lhag par rig pa dang / yang dag pa'i shes rab kyis ji lta ba bzhin mthong ba de lta de ltar chos rnams la don gyi shugs rnyed pa dang /chos kyi shugs rnyed pa dang / ston pa la rab tu dad par 'gyur ro/ /gzhan yang 'di na 'phags pa nyan thos ston pa'am tshangs par spyod pa bla ma'i gnas lta bu gang yang rung ba dag chos ston par yang mi byed la/ji ltar thos pa dang / ji ltar nye bar bstan pa dang / ji ltar khong du chud pa'i chos rnams rgyas par kha ton du yang mi byed la/ ji ltar thos pa dang / ji ltar nye bar bstan pa dang / ji ltar khong du chud pa'i chos rnams la rgyas par gzhan dag la rab tu gsal bar yang mi byed kyi/'on kyang ji ltar thos pa dang / ji ltar nye bar bstan pa dang / ji ltar khong du chud pa'i chos rnams gcig pu dben par song ste/ don sems shing 'jal ba dang nye bar rtog par byed do/ /ji lta ji ltar thos pa dang / ji ltar nye bar bstan pa dang / ji ltar khong du chud pa'i chos rnams gcig pu dben par song ste/don sems shing 'jal ba dang nye bar rtog par byed pa de lta de ltar chos rnams lhag par rig cing lhag par rig pa dang / yang dag pa'i shes rab kyis ji lta ba bzhin mthong bar 'gyur ro/ /ji lta ji ltar chos rnams lhag par rig cing lhag par rig pa dang / yang dag pa'i shes rab kyis mthong ba de lta de ltar chos rnams la don gyi shugs rnyed pa dang /chos kyi shugs rnyed pa dang / chos rnams la tshul bzhin yid la byed par 'gyur te/ gzhan gyi sgra dang nang gi bdag nyid kyi tshul bzhin yid la byed pa las yang dag pa'i lta ba ma skyes pa skye bar 'gyur zhing / skyes pa 'phel zhing rgyas pa dang / yangs par 'gyur zhing / lta ba'i phung po yongs su ma rdzogs pa yongs su rdzogs par bya ba dang / yongs su rdzogs pa rjes su gzung bar bya ba'i phyir 'dun pa skyed cing rtsol ba dang / brtson 'grus dang / spro ba dang / rtsom pa dang / mi gtong ba dang / sems yongs su 'dzin te/ 'di ni lta ba yongs su dag pa'i gtso bo zhes bya'o/ /stag gi byang chub kyi bu dag rnam par grol ba yongs su dag pa'i gtso bo gang zhe na/ 'di na 'phags pa nyan thos 'dod chags las sems 'dod chags dang rnam par bral zhing rnam par grol ba yin/ zhe sdang las sems 'dod chags dang rnam par bral zhing rnam par grol ba yin/gti mug las sems 'dod chags dang rnam par bral zhing rnam par grol ba yin/ 'di ni rnam par grol ba yongs su dag pa'i gtso bo zhes bya'o/ /de nas ro can pa kron d+hi pa dag tshe dang ldan pa kun dga' bos bshad pa la mngon par dga' zhing rjes su yi rangs te/tshe dang ldan pa kun dga' bo'i rkang pa la mgo bos phyag byas nas song ngo zhes gsungs so/ /chos mngon pa mdzod kyi rnam par bshad pa nye bar mkho ba las gnas drug pa phal cher mdo dang sbyar ba rdzogs s+ho// //'o na bcom ldan 'das kyis 'dod chags dang bcas pa'i sems la 'dod chags dang bcas pa'i sems so zhes bya ba la sogs pa gsungs pa zhes bya ba la/gnas mang po las bshad de/ ji ltar re zhig dran pa nye bar gzhag pa la bsgom pa las 'di na dge slong 'dod chags dang bcas pa'i sems la 'dod chags dang bcas pa'i sems so zhes yang dag pa ji lta ba bzhin rab tu shes so//'dod chags dang bral ba'i sems la 'dod chags dang bral ba'i sems so zhes yang dag pa ji lta ba bzhin rab tu shes so/ /zhe sdang dang bcas pa dang / zhe sdang dang bral ba dang / gti mug dang bcas pa dang /gti mug dang bral ba dang / rnam par g.yengs pa dang / kun du bsdus pa dang / zhum pa dang / rab tu bzung ba dang / rgod pa dang / rgod pa ma yin pa dang / rnam par ma zhi ba dang / rnam par zhi ba dang / mnyam par ma bzhag pa dang / mnyam par bzhag pa dang / ma bsgoms pa dang / bsgoms pa dang / rnam par ma grol ba dang / rnam par grol ba'i sems la rnam par grol ba'i sems so zhes yang dag pa ji lta ba bzhin rab tu shes so/ /shin tu rnam par grol ba'i sems la shin tu rnam par grol ba'i sems so zhes yang dag pa ji lta ba bzhin rab tu shes so zhes gsungs so//mdo las ji ltar sems nang du bsdus pa yin zhe na zhes bya ba la/ gleng gzhi ni mnyan du yod pa na'o/ /dge slong dag rdzu 'phrul gyi rkang pa bzhi bsgom pa bshad par bya ste/ de legs par nyon la yid la zung shig dang bshad par bya'o/ /dge slong dag ji ltar na rdzu 'phrul gyi rkang pa bzhi bsgom pa yin zhe na/'di na dge slong bdag gi 'dun pa zhum pa dang / rab tu bzung ba dang / nang du bsdus pa dang / phyi rol du rnam par g.yengs par ma gyur cig /snga ma dang phyi ma'i 'du shes dang / 'og mas steng 'og gi 'du shes su gyur cig/'dun pa ma bsgribs shing ma g.yogs la 'dun pa snang ba dang bcas shing lhan cig par gyur pa dang / 'di ltar bdag gi 'dun pa mun pa'i rang bzhin du ma gyur cig ces 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/'gog pa la gnas pa rnam par spangs pas yongs su bsgyur ba sgom par byed do/ /ji ltar na 'dun pa zhum pa yin zhe na/ le lo dang lhan cig par gyur pa ste/ de ltar na 'dun pa zhum pa yin no/ /ji ltar na 'dun pa rab tu bzung ba yin zhe na/ 'dun pa gang rgod pa dang lhan cig par gyur pa ste/ de ltar na 'dun pa rab tu bzung ba yin no/ /ji ltar na 'dun pa nang du bsdus pa yin zhe na/ 'dun pa gang rmugs pa dang / gnyid dang lhan cig par gyur cing nang du kun 'gog pa dang lhan cig par gyur la lhag mthong dang mtshungs par mi ldan pa yin no//ji ltar na phyi rol du rnam par g.yengs pa yin zhe na/ 'dun pa gang 'dod pa'i yon tan lnga rnams la g.yengs shing rnam par 'phros pa yin no/ /de ltar na 'dun pa phyi rol du rnam par g.yengs pa yin no/ /ji ltar na snga ma dang phyi ma'i 'du shes su 'gyur zhe na/ 'di na dge slong so sor rtog pa'i rgyu mtshan nyid legs par rab tu bzung zhing yid la byed pa bsten cing so sor rig pa ste/'di lta ste/ 'dug cing gnas pa la nye bar rtog pa dang / 'dug cing gnyid log pa dang / mdun du 'gro ba dang / phyi nas 'gro ba la nye bar rtog pa de bzhin du dge slong so sor rtog pa'i rgyu mtshan nyid legs par rab tu bzung ste/yid la byed pa bsten cing so sor rig pa ste/ 'di ltar na sngon dang phyi ma'i 'du shes su 'gyur ro/ /'di na dge slong lus 'di la spyi bo nas rkang mthil gyi bar du skra dang / klad pa dang / pags pa'i mthar thug par ji ltar gnas pa dang /ji ltar smon pa mi gtsang ba'i rdzas rnam pa du mas yongs su gang bar so sor rtog par byed de/ lus 'di la skra yang yod/ ba spu dang / kha dang / so dang / rdul dang / dri ma dang / pags pa dang / sha dang / rus pa dang / chu ba dang / rtsa dang / mchin pa dang /glo ba dang / rgyu ma dang / gnye ma dang / pho ba dang / long ka dang / lto ba dang / mcher pa dang / rdul dang / mchi ma dang / mchil ma dang / snabs dang / mkhris pa dang / bad kan dang / rnag dang / khu ba dang / klad pa dang / klad rgyas dag 'dzag pa'o/ / zhes de ltar na steng dang 'og gi 'du shes su 'gyur ro/ /ji ltar na bdag gi sems ma bsgribs shing ma g.yogs la sems snang ba dang bcas shing lhan cig par gyur pa dang / ji ltar bdag gi sems mun pa'i rang bzhin du ma gyur cig ces bya bar 'gyur zhe na/ 'di na dge slong snang ba'i 'du shes legs par rab tu bzung ste/yid la byed de ston cing so sor rig pa ste/ nyin mo ji lta bar mtshan mo de bzhin/ mtshan mo ji lta bar nyin mo de bzhin/ sngon ji lta bar phyis de bzhin/ phyis ji lta bar sngon de bzhin/ steng du ji lta bar 'og tu de bzhin/ 'og tu ji lta bar steng du de bzhin no zhes bdag gi sems ma bsgribs shing ma g.yogs la sems snang ba dang bcas shing lhan cig par gyur pa dang /'di ltar bdag gi sems mun pa'i rang bzhin du ma gyur cig ces bya ste/ 'di ltar na bdag gi sems ma bsgribs shing ma g.yogs la sems snang ba dang bcas shing lhan cig par gyur pa dang /'di ltar bdag gi sems mun pa'i rang bzhin du ma gyur cig ces bya bar 'gyur ro/ /'di na dge slong bdag gi dpyod pa zhum pa dang / rab tu bzung ba dang / nang du bsdus pa dang / phyi rol du rnam par g.yengs par ma gyur cig /snga ma dang phyi ma'i 'du shes dang /steng dang 'og gi 'du shes su gyur cing / bdag gi sems ma bsgribs shing ma g.yogs la sems snang ba dang bcas shing lhan cig par gyur pa dang / 'di ltar bdag gi sems mun pa'i rang bzhin du ma gyur cig ces brtson 'grus kyi ting nge 'dzin dang / sems kyi ting nge 'dzin dang /dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong ba yongs su bsgyur ba dag sgom par byed do/ /ji ltar dpyod pa zhum pa yin zhe na/dpyod pa gang le lo dang lhan cig par gyur pa ste/ de ltar na dpyod pa zhum pa yin no/ /ji ltar na dpyod pa rab tu bzung ba yin zhe na/ dpyod pa gang rgod pa dang lhan cig par gyur pa'o/ /ji ltar na dpyod pa nang du bsdus pa yin zhe na/ dpyod pa gang rmugs pa dang / gnyid dang lhan cig par gyur cing nang du kun du 'gog pa dang lhan cig par gyur la lhag mthong dang mtshungs par mi ldan pa yin te/'di ltar na dpyod pa nang du bsdus pa yin no/ /ji ltar dpyod pa phyi rol du rnam par g.yengs pa yin zhe na/ dpyod pa gang 'dod pa'i yon tan lnga rnams la rjes su g.yengs shing rnam par 'phros pa yin te/'di ltar na dpyod pa phyi rol du rnam par g.yengs pa yin no/ /ji ltar na sngon dang phyi ma'i 'du shes zhes bya ba nas/ snga ma bzhin du 'di ltar bdag sems mun pa'i rang bzhin du ma gyur cig ces bya ba'i bar du'o/ /dge slong dag de ltar rdzu 'phrul gyi rkang pa bzhi bsgom par 'gyur ro//dge slong dag rdzu 'phrul gyi rkang pa bzhi bsgom pa dag bstan par bya'o zhes ngas ji skad bshad pa de rgyas par rab tu bshad do zhes gsungs so/ /zhum pa dang / rab tu bzung ba dang / nang du bsdus pa dang / phyi rol du rnam par g.yengs pa la sogs pa ji ltar 'dun pa'i ting nge 'dzin la rgyas par bshad pa de bzhin du brtson 'grus kyi ting nge 'dzin dang /sems kyi ting nge 'dzin la yang thams cad rgyas par go bar bya ste/ de ltar na shes par byed par 'gyur ro/ /mdo las ji ltar na sems nang du bsdus pa yin zhe na/ gang gi tshe sems zhum par gyur pa'o zhes bya ba la/gleng gzhi ni mnyan du yod pa na'o/ /de nas dge slong rab tu mang po dag snga dro chos gos dang lhung bzed thogs te/ bsod snyoms kyi phyir mnyan yod du zhugs so/ /de nas dge slong rab tu mang po de dag 'di snyam du bdag cag mnyan yod du bsod snyoms kyi phyir re zhig nam ma nangs kyi/bdag cag gzhan mu stegs can gyi kun du rgyu de dag gi kun dga' ra bar 'gro bar bya'o snyam mo/ /de nas gzhan mu stegs can gyi kun du rgyu de dag gis dge slong rab tu mang po de dag la 'di skad ces smras so/ /khyed cag gi dge sbyong gau ta ma nyan thos rnams la 'di ltar dge slong dag tshur shog /sgrib pa lnga po sems nye bar nyon mongs par byed pa/ shes rab nyam chung bar byed pa/ gnod pa'i phyogs mya ngan las 'das par mi 'jug pa dag spongs la/ dran pa nye bar gzhag pa bzhi pa rnams la sems legs par gzhag cing gnas te/ byang chub kyi yan lag bdun bsgom par gyis shig ces nyan thos rnams la chos ston pa thos nas bdag cag 'di ltar khyed cag tshur shog /sgrib pa lnga po sems nye bar nyon mongs par byed pa/ shes rab nyam chung bar byed pa/ gnod pa'i phyogs mya ngan las 'das par mi 'jug pa dag spongs la/dran pa nye bar gzhag pa bzhi po rnams la sems legs par gzhag cing gnas te/ byang chub kyi yan lag bdun sgoms shig ces nyan thos rnams la chos ston na/ 'di ltar na dge sbyong gau ta mas chos bstan pa dang bdag cag gis chos bstan pa la khyad par dang / bsam pa dang /tha dad du bya ba ci zhig yod/ de skad ces smras pa dang / dge slong rab tu mang po de dag cang mi smra bar gyur to/ /de nas dge slong rab tu mang po de dag gzhan mu stegs can gyi kun du rgyu de dag gis bshad pa la mngon par dga' bar yang mi byed khro bar yang mi byed par stan las langs te song ngo //de nas dge slong rab tu mang po de dag mnyan yod du bsod snyoms spyad cing zas kyi bya ba byas nas zos pa'i 'og tu lhung bzed bkrus te/ chos gos dang lhung bzed mtha' cig tu bzhag ste/ rkang pa bkrus nas bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas te/phyogs gcig tu 'dug go/ /phyogs gcig tu 'dug nas dge slong rab tu mang po de dag gis gzhan mu stegs can gyi kun du rgyu de dag dang lhan cig ji srid du gtam gzhan brjod pa de thams cad rgyas par bcom ldan 'das la gsol to//de skad ces gsol pa dang / dge slong rab tu mang po de dag la bcom ldan 'das kyis 'di skad ces bka' stsal to/ /dge slong dag gzhan mu stegs can gyi kun du rgyu de skad smra ba de dag la 'di skad brjod par bya ste/ gang gi tshe sems bying ba dang / bying bar dogs pa de'i tshe byang chub kyi yan lag gang zhig bsgom pa'i dus yin/gang zhig bsgom pa'i dus ma yin/ gang gi tshe rgod pa dang / rgod par dogs pa de'i tshe byang chub kyi yan lag gang zhig bsgom pa'i dus yin/ gang zhig bsgom pa'i dus ma yin zhes dge slong dag gzhan mu stegs can gyi kun du rgyu de dag la 'di skad du dris pa na/phan tshun 'dri bar 'gyur/ gtam gzhan nye bar 'god par 'gyur/ khro ba dang / zhe sdang dang / nga rgyal dang / 'tshig pa dang / gnod pa dang / mi bzod pa byed par 'gyur/ kha rog par gnas par 'gyur/ yi mug par 'gyur/ phrag pa bcum pa dang / kha 'og tu bltas pa dang / spobs pa med par 'gyur ro/ /sems shing gnas par 'gyur te/ de ci'i phyir zhe na/ dge slong dag ngas lha dang bcas pa'i 'jig rten dang / bdud dang bcas pa dang / tshangs pa dang / dge sbyong dang bram zer bcas pa'i skye dgu lha dang mir bcas pa'i 'jig rten na de bzhin gshegs pa'am/de bzhin gshegs pa'i nyan thos kyi dge 'dun rnams ma gtogs pa dris pa lung ston par sems pa yang dag par rjes su ma gzigs so/ /dge slong dag nyon cig gang gi tshe sems zhum pa dang / zhum par dogs pa de'i tshe shin tu sbyangs pa yang dag byang chub kyi yan lag dang /ting nge 'dzin yang dag byang chub kyi yan lag dang / btang snyoms yang dag byang chub kyi yan lag bsgom pa'i dus ma yin te/ de ci'i phyir zhe na/ dge slong dag sems zhum pa dang zhum par dogs pa na chos 'di dag gis zhum pa nyid mngon par sgrub par byed do/ /dge slong dag dper na me chung ngu cher 'bar zhing 'bar bar 'dod pa 'ga' zhig shing rlon pa dang /rtswa rlon pa dang / lci ba rlon pa dag bcug na dge slong dag de ji snyam du sems/ de dag gis mi de phal cher gsod par 'gyur ram/ btsun pa de bzhin no/ /de bzhin du gang gi tshe sems zhum pa dang zhum par dogs pa de'i tshe shin tu sbyangs pa yang dag byang chub kyi yan lag dang /ting nge 'dzin yang dag byang chub kyi yan lag dang / btang snyoms yang dag byang chub kyi yan lag dag bsgom pa'i dus ma yin te/ de ci'i phyir zhe na/ gang gi tshe zhum pa dang zhum par dogs pa de'i tshe chos 'di dag gis zhum pa nyid mngon par 'grub par byed pa'i phyir ro//gang gi tshe rgod pa dang rgod par dogs pa de'i tshe chos rab tu rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag rnams bsgom pa'i dus ma yin te/ de ci'i phyir zhe na/ dge slong dag rgod pa dang rgod par dogs pa na chos 'di dag gis phal cher rgod pa nyid mngon par 'grub par byed pa'i phyir te/dge slong dag dper na dga' zhig me 'bar bar gyur pa dag gsad par 'dod nas shing skam po dang / rtswa skam po dang / lci ba skam po dag 'jug par byed na/ dge slong dag ji snyam du sems/de'i rgyus me de cher 'bar bar 'gyur ram/ btsun pa de bzhin no/ /de bzhin du gang gi tshe rgod pa dang rgod par dogs pa de'i tshe chos rab tu rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag bsgom pa'i dus ma yin te/de ci'i phyir zhe na/ dge slong dag sems rgod pa dang rgod par dogs pa na chos 'di dag gis rgod pa nyid mang du mngon par 'grub par byed pa'i phyir ro/ /dge slong dag gang gi tshe sems zhum pa dang zhum par dogs pa de'i tshe/ chos rab tu rnam par 'byed pa yang dag byang chub kyi yan lag dang /brtson 'grus yang dag byang chub kyi yan lag dang / dga' ba yang dag byang chub kyi yan lag rnams bsgom pa'i dus yin te/ de ci'i phyir zhe na/ dge slong dag sems zhum pa dang zhum par dogs pa na chos 'di dag gis mthong ba dang / yang dag par bskul ba dang / snang ba dang / yang dag par dga' bar byed pa'i phyir ro/ /dge slong dag dper na 'ga' zhig me chung ngu cher 'phel zhing 'bar bar 'dod nas shing skam po dang / rtswa skam po dang / lci ba skam po dag 'jug par byed na/ dge slong dag de ji snyam du sems/ rgyu des me 'bar bar 'gyur ram/ btsun pa de bzhin no//de bzhin du gang gi tshe zhum pa dang zhum par dogs pa de'i tshe chos rab tu rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag rnams bsgom pa'i dus yin te/ de ci'i phyir zhe na/ dge slong dag zhum pa dang zhum par dogs pa na chos 'di dag gis mthong ba dang / yang dag par bskul ba dang / snang ba dang / yang dag par dga' bar byed pa'i phyir ro/ /gang gi tshe rgod pa dang rgod par dogs pa de'i tshe shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag rnams bsgom pa'i dus yin te/ de ci'i phyir zhe na/ dge slong dag rgod pa dang rgod par dogs pa na chos 'di dag gis nang du 'jog par byed cing nye bar gnas pa dang / gcig tu byed cing ting nge 'dzin du sgrub par byed pa'i phyir te/dge slong dag dper na me 'bar ba gsad par 'dod pa 'ga' zhig gis shing rlon pa dang / rtswa rlon pa dang / lci ba rlon pa dag 'jug par byed na/ dge slong dag 'di ji snyam du sems/ rgyu de las me de 'chi bar 'gyur ram/ btsun pa de bzhin no/ /de bzhin du gang gi tshe rgod pa dang rgod par dogs pa na de'i tshe shin tu sbyangs pa yang dag byang chub kyi yan lag dang /ting nge 'dzin yang dag byang chub kyi yan lag dang / btang snyoms yang dag byang chub kyi yan lag rnams bsgom pa'i dus yin te/ de ci'i phyir zhe na/ dge slong dag rgod pa dang rgod par dogs pa na chos 'di dag gis nang du 'jog par byed cing /nye bar gnas pa dang / rtse gcig tu byed cing ting nge 'dzin sgrub par byed do/ /dge slong dag dran pa ni thams cad du 'gro ba'o zhes nga smra'o zhes gsungs so/ /gang las 'di'i sems 'dod chags dang bral ba yin zhes bya ba la/ bcom ldan 'das rgyal po'i khab kyi 'od ma'i tshal bya ka lan da ka gnas pa na bzhugs te/de nas lha sbyin gyi phyogs pa'i dge slong zla ba ma'i bu tshe dang ldan pa shA ri'i bu gang na der nye bar song ste/ nye bar song nas tshe dang ldan pa shA ri'i bu dang lhan cig ces bya ba nas/ phyogs gcig tu 'dug nas zhes bya ba'i bar du ste/de nas lha sbyin gyi phyogs pa dge slong zla ba ma'i bu la/ tshe dang ldan pa shA ri'i bus 'di skad ces smras so/ /zla ba ma'i bu lha sbyin dge slong rnams la chos kyi gtam dag ston par byed dam/ ston par byed do/ /zla ba ma'i bu lha sbyin ji lta ji ltar dge slong rnams la chos kyi gtam ston par byed/dge slong dag gtam gang gi phyir dge slong sems kyis sems rnam par gyur na/ 'di lta ste/ lnga po dag las bdag gi sems 'dod chags dang bral lo zhes lung bstan par bya'o zhes tshe dang ldan pa shA ri'i bus 'di ltar lha sbyin dge slong rnams la chos kyi gtam ston par byed do/ / zla ba ma'i bu gang gi phyir dge slong sems kyis sems rnam par rgyal bar gyur te/ sems 'dod chags dang bral bar gyur cing zhe sdang dang bral ba dang / rmongs pa dang bral zhing ma chags pa'i chos can dang / mi sdang ba'i chos can dang / ma rmongs pa'i chos can dang / 'dod pa'i srid pa dang / gzugs kyi srid pa dang / gzugs med pa'i srid par phyir mi ldog pa'i chos can gyi dge slong des bdag gi skye ba zad do/ /tshangs par spyod pa bsten to/ /bya ba byas so/ /byed pa byas so/ /srid pa 'di la gzhan mi shes so zhes lung ston na mdzes par 'gyur ro zhes lha sbyin 'di ltar dge slong rnams la chos kyi gtam ston par mi byed dam/tshe dang ldan pa shA ri'i bu ma yin no/ /de nas tshe dang ldan pa shA ri'i bus dge slong rnams la bos te/ tshe dang ldan pa dag gang gi phyir dge slong sems kyis sems rnam par rgyal zhing sems 'dod chags dang bral ba yin/ zhe sdang dang bral ba dang / rmongs pa dang bral zhing ma chags pa'i chos can dang /mi sdang ba'i chos can dang / ma rmongs pa'i chos can dang / 'dod pa'i srid pa dang / gzugs kyi srid pa dang / gzugs med pa'i srid par phyir mi ldog pa'i chos can dge slong des bdag gi skye ba zad do/ /tshangs par spyod pa bsten to/ /bya ba byas so//byed pa byas so/ /srid pa 'di las gzhan mi shes so zhes lung ston na mdzes par 'gyur ro zhes gsungs so/ /gzhan yod ces pa bstan bcos las zhes bya ba la/ rnam par shes pa'i tshogs kyi bstan bcos las te/ de las mi ldan pa'i sems kyis zhes bya ba la sogs pa dang / mthong bas spang bar bya ba'i sems kyis zhes bya ba la sogs pa gnyis dmigs pa zhes bya ba'i dbugs 'byung ba drug pa las rab tu dbye ba rgyas par 'don to/ /mdo las nye bar len pa'i phung po lnga bo 'di dag ni bdun pa'i rtsa ba can zhes bya ba la/ bcom ldan 'das mnyan yod kyi shar gyi kun dga' ra ba na ri dgas kyi ma'i gnas na bzhugs te/de nas bcom ldan 'das dgongs ka nang du yang dag 'jog las bzhengs te/ bsil khong nas babs te/ bsil khang gi grib ma la dge slong gi dge 'dun gyis mdun du byas te/ gdan bshams pa la bzhugs so/ /bzhugs nas bcom ldan 'das kyis ched du brjod pa 'di ched du brjod do//dge slong dag nye bar len pa'i phung po ni lnga ste/ lnga gang zhe na/ gzugs nye bar len pa'i phung po dang / tshor ba dang / 'du shes dang / 'du byed dang / rnam par shes pa nye bar len pa'i phung po'o/ /de nas dge slong gzhan zhig stan las langs te bla gos phrag pa gcig tu byas te/bcom ldan 'das gang ba der thal mo sbyar zhing phyag byas nas bcom ldan 'das la 'di skad ces gsol to/ /bcom ldan 'das de de bzhin no/ /bde bar gshegs pa de de bzhin te/ btsun pa nye bar len pa'i phung po ni lnga ste/ lnga gang zhe na/ gzugs nye bar len pa'i phung po dang /tshor ba dang / 'du shes dang / 'du byed dang / rnam par shes pa nye bar len pa'i phung po'o/ des na dge slong 'dug shig dang / 'dug nas ji ltar 'dod pa bzhin du yongs su dris shig /de nas dge slong de bcom ldan 'das kyi zhabs la spyi bos phyag 'tshal nas phyogs gcig tu 'dug ste/bcom ldan 'das la 'di skad ces gsol to/ /btsun pa nye bar len pa'i phung po ni lnga ste/ lnga gang zhe na/ gzugs nye bar len pa'i phung po dang / tshor ba dang / 'du shes dang / 'du byed dang / rnam par shes pa nye bar len pa'i phung po'o/ /dge slong de de bzhin no//de de bzhin te/ dge slong nye bar len pa'i phung po lnga ste/ gzugs nye bar len pa'i phung po dang / tshor ba dang / 'du shes dang / 'du byed dang / rnam par shes pa nye bar len pa'i phung po'o/ /btsun pa legs so zhes dge slong de bcom ldan 'das kyis gsungs pa la mngon par dga' zhing rjes su yi rangs te/slar yang bcom ldan 'das la dri ba dris pa/ btsun pa nye bar len pa'i phung po 'di dag gi rtsa ba ni gang / kun 'byung ba ni gang / rab tu skye ba ni gang / rkyen gyi rnam pa ni gang zhig lags/ dge slong nye bar len pa'i phung po lnga po 'di dag ni 'dun pa'i rtsa ba can/'dun pa las kun 'byung ba/ 'dun pa dang 'dra ba/ 'dun pa las rab tu skye ba dag yin no/ /btsun pa legs so zhes dge slong de bcom ldan 'das kyis gsungs pa la mngon par dga' zhing rjes su yi rangs te/ slar yang bcom ldan 'das la yongs su dri ba dris pa/ btsun pa phung po gang yin pa de nyid nye bar len pa'i phung po yin nam/'on te phung po dag las gzhan zhig nye bar len pa yin zhe na/ dge slong phung po gang yin pa de nyid kyi nye bar len pa ma yin la/ phung po dag dang phung po las gzhan yang nye bar len pa ma yin mod kyi/ 'on kyang 'dun pa'i 'dod chags te/'di tsam ni nye bar len pa zhes bya'o/ /btsun pa legs so zhes dge slong de bcom ldan 'das kyis gsungs pa la mngon par dga' zhing rjes su yi rangs te/ slar yang bcom ldan 'das la yongs su dri ba dris pa/ btsun pa phung po dag las phung po rab tu dbye bar gdags pa rnyed lags sam/bcom ldan 'das kyis bka' stsal pa/ dge slong rnyed de/ ji ltar kha cig ma 'ongs pa'i dus na bdag gzugs 'di lta bu dang ldan par gyur kyang ci ma rung / bdag ma 'ongs pa'i dus na tshor ba 'di lta bu dang ldan pa dang / 'du shes 'di lta bu dang ldan pa dang / 'du byed 'di lta bu dang ldan pa dang /rnam par shes pa 'di lta bu dang ldan par gyur kyang ci ma rung snyam pa ste/ dge slong 'di ltar na phung po rab tu dbye bar gdags par 'gyur ro/ /btsun pa legs so zhes dge slong de bcom ldan 'das kyis gsungs pa la mngon par dga' zhing rjes su yi rangs nas/ slar yang bcom ldan 'das la yongs su dri ba dris pa/btsun pa ji tsam gyis na phung po phung po zhes tshigs bla dgas su gyur ce na/ dge slong 'di na gzugs gang ci yang rung ba 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am/ rags pa'am/ phra ba'am/ dman pa'am/gya nom pa'am/ gang thag ring ba'am/ thag nye ba de dag gcig tu bsdus nas phung po zhes bya ba'i grangs su 'gro ste/ tshor ba dang / 'du shes dang / 'du byed dang / rnam par shes pa gang ci yang rung ba 'das pa'am/ ma 'ongs pa'am/ da ltar byung ba 'am/nang gi'am/ phyi'i 'am/ rags pa'am/ phra ba'am/ dman pa'am/ gya nom pa'am/ thag ring ba'am/ thag nye ba de thams cad gcig tu bsdus nas rnam par shes pa'i phung po zhes bya ba'i grangs su 'gro ste/ dge slong 'di tsam gyis na phung po zhes bya ba'i tshigs bla dgas su 'gyur ro//btsun pa legs so zhes dge slong de bcom ldan 'das kyis gsungs pa la mngon par dga' zhing rjes su yi rangs te/ slar yang bcom ldan 'das la yongs su dri ba dris pa/ btsun pa rgyu gang dag dang rkyen gang dag gis gzugs kyi phung po zhes gdags/ btsun pa rgyu gang dag dang rkyen gang dag gis tshor ba'i phung po dang /'du shes kyi phung po dang / 'du byed kyi phung po dang / rnam par shes pa'i phung po zhes gdags/ dge slong 'byung ba chen po bzhi'i rgyu dag dang / 'byung ba chen po bzhi'i rkyen gyis gzugs kyi phung po zhes gdags te/ de ci'i phyir zhe na/gzugs gang ci yang rung ba de thams cad ni 'byung ba chen po bzhi'i rkyen can yin no/ /reg pa'i rgyu dang reg pa'i rkyen gyis tshor ba'i phung po dang / 'du shes kyi phung po dang / 'du byed kyi phung po zhes gdags/ de ci'i phyir zhe na/ tshor ba'i phung po gang ci yang rung ba dang / 'du shes kyi phung po dang /'du byed kyi phung po gang ci yang rung ba de thams cad ni reg pa'i rkyen can no/ /dge slong ming dang gzugs kyi rgyu dang rkyen gyis rnam par shes pa'i phung po zhes gdags te/ de ci'i phyir zhe na/ rnam par shes pa'i phung po gang ci yang rung ba de thams cad ni ming dang gzugs kyi rkyen can no//btsun pa legs so zhes snga ma bzhin du'o/ /btsun pa gzugs kyi ro myang ba ni gang / nyes dmigs ni gang / nges par 'byung ba ni gang / tshor ba dang / 'du shes dang / 'du byed dang / rnam par shes pa'i ro myang ba ni gang / nyes dmigs ni gang / nges par 'byung ba ni gang /dge slong gang gzugs la brten nas bde ba dang yid bde ba skye ba 'di ni gzugs kyi ro myang ba zhes bya'o/ /gang yang gzugs ni mi rtag pa/ sdug bsngal ba/ yongs su 'gyur ba'i chos can te/ 'di ni gzugs kyi nyes dmigs so/ /gang yang gzugs la 'dun pa'i 'dod chags 'dul zhing 'dun pa'i 'dod chags spangs pa dang /'dun pa'i 'dod chags las yang dag par 'das pa ste/ 'di ni gzugs kyi nges par 'byung ba'o/ /gang yang tshor ba dang / 'du shes dang / 'du byed dang / gang yang rnam par shes pa la brten te/ bde ba dang yid bde ba skye ba 'di ni rnam par shes pa'i ro myang ba zhes bya'o//gang yang rnam par shes pa ni mi rtag pa dang / sdug bsngal ba dang / yongs su 'gyur ba'i chos can te/ 'di ni rnam par shes pa'i nyes dmigs so/ /gang yang rnam par shes pa la 'dun pa'i 'dod chags 'dul zhing 'dun pa'i 'dod chags spangs pa dang /'dun pa'i 'dod chags las yang dag par 'das pa ste/ 'di ni rnam par shes pa'i nges par 'byung ba'o/ /btsun pa legs so zhes dge slong de bcom ldan 'das kyis gsungs pa la zhes bya ba ni snga ma bzhin no/ /btsun pa ci tsam gyis na bdag ces bya bar 'gyur/dge slong byis pa so so skye bo thos pa dang mi ldan pa gzugs la bdag go zhes yang dag par rjes su mthong zhing bdag gzugs dang ldan pa dang / bdag la gzugs yod gzugs la bdag yod de zhes yang dag par rjes su mthong ngo / /tshor ba dang / 'du shes dang /'du byed dang / rnam par shes pa bdag yin no/ /bdag rnam par shes pa dang ldan pa dang / bdag la rnam par shes pa yod/ rnam par shes pa la bdag yod do zhes yang dag par rjes su mthong ste/ dge slong 'di tsam gyis na bdag ces bya bar 'gyur ro/ /btsun pa legs so zhes bya ba snga ma bzhin no//btsun pa ji tsam gyis na bdag ces bya bar mi 'gyur zhe na/ dge slong 'phags pa nyan thos thos pa dang ldan pa gzugs bdag yin no zhes yang dag par rjes su mi mthong zhing bdag gzugs dang ldan pa dang / bdag la gzugs yod gzugs la bdag yod do zhes yang dag par rjes su mi mthong zhing /tshor ba dang / 'du shes dang / 'du byed dang / rnam par shes pa bdag yin no/ /bdag rnam par shes pa dang ldan pa dang / bdag la rnam par shes pa yod/ rnam par shes pa la bdag yod do zhes yang dag par rjes su mi mthong ba ste/ dge slong 'di tsam gyis na bdag ces bya bar mi 'gyur ro//btsun pa legs so zhes snga ma bzhin no/ /btsun pa ji ltar shes shing ji ltar mthong na de ma thag tu zag pa zad par 'gyur/ dge slong 'di na gzugs gang ci yang rung ba 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am/ rags pa'am/ phra ba'am/ dman pa'am/ gya nom pa'am/ gang thag ring ba'am/ thag nye ba de thams cad bdag gi ma yin la/ bdag kyang de dag gi ma yin la de dag kyang bdag gi ma yin no/ /zhes yang dag pa'i shes rab kyis ji lta ba bzhin mthong zhing rab tu shes pa dang / dge slong 'di na tshor ba gang ci yang rung ba dang / 'du shes dang /'du byed dang / rnam par shes pa gang yang rung ba 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am/ rags pa'am/ phra ba'am/ dman pa'am/ gya nom pa'am/ gang thag nye ba'am thag ring ba de dag thams cad bdag gi ma yin la/ bdag kyang de dag gi ma yin la/ de dag kyang bdag gi ma yin no zhes yang dag pa'i shes rab kyis ji lta ba bzhin mthong zhing rab tu shes pa ste/dge slong 'di ltar shes shing 'di ltar mthong na de ma thag tu zag pa zad par 'gyur ro/ /de nas dge slong gzhan mi mkhas pa ma rig pa'i sgo nga'i sbubs su nub pa/ mig nyams pa ston pa'i bstan pa spangs pa zhig 'khor de na 'dus par gyur cing tshogs te 'dug pa de la 'di lta bu'i sdig pa can gyi lta bar gyur pa skyes te/gzugs bdag ma yin/ tshor ba bdag ma yin/ 'du shes bdag ma yin/ 'du byed bdag ma yin/ rnam par shes pa bdag ma yin na/ bdag med pas byas pa bdag gis ji ltar myong bar 'gyur/de nas bcom ldan 'das kyis dge slong de'i sems thugs kyis mkhyen nas dge slong rnams la bos te/ dge slong dag gal te skyes bu rmongs pa ma rig pa'i sgo nga'i sbubs su nub cing mig nyams pa ston pa'i bstan pa spangs pas 'khor 'dir 'dus shing tshogs te 'dug pa 'ga' zhig la gzugs bdag ma yin/tshor ba bdag ma yin/ 'du shes bdag ma yin/ 'du byed bdag ma yin/ rnam par shes pa bdag ma yin na/ bdag med pas byas pa'i las bdag gis ji ltar myong bar 'gyur zhes sdig pa can gyi lta ba'i rnam pa 'di lta bu skyes nas yongs su 'dri ba'i gnas yod kyis/dge slong dag ngas khyed cag 'dul bar bya ste/ dge slong dag 'di lta ste/ 'di ji snyam du sems/ gzugs rtag pa zhig gam mi rtag pa zhig /btsun pa mi rtag pa'o/ /gang mi rtag pa de sdug bsngal ba'am/ sdug bsngal ba ma yin/btsun pa sdug bsngal ba'o/ /gang mi rtag cing sdug bsngal ba de yongs su 'gyur ba'i chos can la 'phags pa nyan thos thos pa dang ldan pa bdag ces bya ba dang / 'di dag bdag gi/ bdag kyang 'di dag gi/ de dag kyang bdag gi bdag yin no zhes nye bar 'gro'am/ btsun pa ma lags so//dge slong dag 'di ji snyam du sems/ tshor ba dang / 'du shes dang / 'du byed dang / rnam par shes pa rtag pa zhig gam/ mi rtag pa zhig /btsun pa mi rtag pa'o zhes bya ba nas snga ma bzhin du nye bar 'gro'am zhes bya ba'i bar du ste/ btsun pa ma lags so/ / dge slong dag de lta bas na gzugs gang ci yang rung ba 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am/ rags pa'am/ phra ba'am/ dman pa'am/ gya nom pa'am/ thag ring ba'am/ thag nye ba de thams cad bdag gi ma yin la/ bdag kyang de dag gi ma yin la/de dag kyang bdag gi bdag ma yin no zhes bya ba nas snga ma bzhin du yang dag pa'i shes rab kyis ji lta ba bzhin blta bar bya'o/ /tshor ba gang ci yang rung ba dang / 'du shes dang / 'du byed dang / rnam par shes pa gang ci yang rung ba 'das pa'am/ ma 'ongs pa'am da ltar byung ba'am/nang gi'am/ phyi'i 'am zhes bya ba nas/ snga ma bzhin du yang dag pa'i shes rab kyis ji lta ba bzhin blta bar bya'o zhes bya ba'i bar du ste/ dge slong dag 'di ltar mthong ba'i 'phags pa nyan thos thos pa dang ldan pa gzugs las grol zhing / tshor ba dang / 'du shes dang / 'du byed dang / rnam par shes pa dag las grol zhing skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa rnams las rnam par grol zhing / sdug bsngal las rnam par grol ba'o zhes nga smra'o//chos kyi rnam grangs 'di bshad pa na dge slong rab tu mang po dag nye bar len pa med pa zag pa dag las sems rnam par grol bar gyur to zhes gsungs so/ /sred pa rnam par spyod pa zhes bya ba la/ sangs rgyas kyis rnam par bshad pa'i sdom gyi tshigs su bcad pa dgu pa'i mdo lnga pa las 'byung ba 'di nyid kyi mdzod kyi gnas gnyis par/'dus ma byas la de dag med/ /ces bya ba'i skabs su ji ltar sred pa rnam par spyod pa zhes bya bar bris zin to/ /dge slong dag 'du byed ni sdug bsngal ba'o zhes bya ba la/ rgyal po dang yang dag par ldan pa'i tshogs las drug pa ral pa can gyi mdo las 'di ltar 'don te/dge slong dag 'du byed ni sdug bsngal ba ste/ mya ngan las 'das pa ni zhi ba'o/ /rgyu las kun du byung ba rnams ni sdug bsngal ba ste/ rgyu las byung ba'i chos rnams 'gags pa dang / chad pa dang / mi 'jug pa dang / sdug bsngal gzhan dang nying mtshams sbyor ba med pa 'di lta bu ni sdug bsngal gyi mtha' zhes bya'o//dge slong dag de la mya ngan las 'das pa gang yin zhe na/ sdug bsngal 'gags pa dang / zhi ba dang / nye bar zhi ba dang / bsil bar gyur pa dang / nub par gyur pa 'di ni dge slong dag 'di ni zhi ba'i gnas zhes brjod do//'di lta ste/ thams cad so sor spangs pa sred pa zad pa nad med pa 'gog pa mya ngan las 'das pa zhes bya'o zhes gsungs so// //ji skad du mthong ba rnam par dag par bya ba'i phyir 'di lam yin gyi/ gzhan ni med do zhes bya ba la/ 'du byed thams cad mi rtag par/ /gang tshe shes rab kyis mthong ba//de nas yid 'byung 'gyur ba ste/ /lam 'di sdug bsngal dag phyir yin/ /'du byed thams cad sdug bsngal bar/ /gang tshe shes rab kyis mthong ba/ /de nas yid 'byung 'gyur ba ste/ /lam 'di sdug bsngal dag phyir yin/ /'du byed thams cad stong par ni/ /gang tshe shes rab kyis mthong ba/ /de nas yid 'gyur 'byung ba ste//lam 'di sdug bsngal dag phyir yin/ /'du byed thams cad bdag med par/ /gang tshe shes rab kyis mthong ba/ /de nas yid 'byung 'gyur ba ste/ /lam 'di sdug bsngal dag phyir yin/ /sred pa'i zug rngu dbyung ba'i phyir/ /nga yis khyed la lam bshad de/ /de bzhin gshegs pa 'chad pa po//khyed cag nyid kyis bsgrub par bya/ /sred pa'i zug rngu dbyung ba'i phyir/ /nga yis khyed la lam bstan te/ /de bzhin gshegs pa ston pa po/ /khyed cag nyid kyis bsgrub par bya/ /mthong ba rnam par dag bya'i phyir/ /'di nyid lam yin gzhan med de/ /sgrub par byed pa bsam gtan can/ /bdud kyi 'ching ba spong bar 'gyur//zhes gsungs so//dbang po drug po 'di dag shin tu 'dul ba dang zhes bya ba la/ gleng gzhi ni mnyan du yod pa na'o/ /dge slong dag dbang po drug po 'di dag shin tu ma dul ba dang / ma sbas pa dang / ma bsrungs pa dang / ma bsdams pa dang / ma bsgoms na ma 'ongs pa na sdug bsngal dag 'byung bar 'gyur te/ drug gang zhe na/ mig gi dbang po ma dul ba dang /ma sbas pa dang / ma bsrungs pa dang / ma bsdams pa dang / ma bsgoms na ma 'ongs ba na sdug bsngal 'byung bar 'gyur ro/ /rna ba'i dbang po dang / sna'i dbang po dang / lce'i dbang po dang / lus kyi dbang po dang / dge slong dag yid kyi dbang po ma dul ba dang / ma sbas pa dang / ma bsrungs pa dang / ma bsdams pa dang /ma bsgoms na ma 'ongs pa na sdug bsngal 'byung bar 'gyur ro/ /dge slong dag dbang po drug po 'di dag ma dul ba nas ma 'ongs pa'i sdug bsngal 'byung ba'i bar du 'gyur zhe na/ dge slong dag byis pa so so'i skye bo thos pa dang mi ldan pa ni mig gis gzugs dag mthong nas mtshan mar 'dzin cing mngon rtags su 'dzin la/de'i rgyus sems la 'jig rten gyi brnab sems dang yid mi bde ba sdig pa mi dge ba'i chos rnams rjes su 'dzin cing de dag ma bsdams la mig gi dbang po ma bsrungs na mig gi dbang po'i sdom pa thob par mi 'gyur ro/ /rna bas sgra dang / snas dri dang / lces ro dang / lus kyis reg bya dang / yid kyis chos rnams rnam par shes nas mtshan mar 'dzin cing mngon rtags su 'dzin par 'gyur te zhes bya ba nas/yid kyi dbang po'i sdom pa thob par mi 'gyur zhes bya ba'i bar du'o/ /dge slong dag 'di ltar na dbang po drug po 'di dag ma dul zhes bya ba nas ma 'ongs pa'i sdug bsngal 'byung bar 'gyur zhes bya ba'i bar du'o/ /dge slong dag dbang po drug po 'di dag shin tu dul ba dang / shin tu sbas pa dang / shin tu bsrungs pa dang / shin tu bsdams pa dang / shin tu bsgoms na ma 'ongs pa'i sdug bsngal 'byung bar mi 'gyur te/ drug gang zhe na/ dge slong dag mig gi dbang po shin tu dul ba dang / shin tu sbas pa dang / shin tu bsrungs pa dang / shin tu bsdams pa dang /shin tu bsgoms na ma 'ongs pa'i sdug bsngal 'byung bar mi 'gyur ro/ /dge slong dag ji ltar na dbang po drug po 'di dag shin tu dul ba zhes bya ba nas ma 'ongs pa'i sdug bsngal 'byung bar mi 'gyur ba'i bar du 'gyur zhe na/ dge slong dag 'phags pa nyan thos thos pa dang ldan pa mig gis gzugs mthong nas mtshan mar mi 'dzin cing mngon rtags su mi 'dzin la/de'i rgyus sems la 'jig rten gyi brnab sems dang yid mi bde ba sdig pa mi dge ba'i chos rjes su mi 'dzin cing zhes bya ba nas/ rgyas par yid kyi dbang po sdom pa thob par mi 'gyur zhes bya ba'i bar du'o/ /dge slong dag 'di ltar na dbang po drug po 'di dag legs par dul ba dang /shin tu bsrungs pa zhes bya ba nas ma 'ongs pa'i sdug bsngal 'byung bar mi 'gyur zhes bya ba'i bar du gsungs so/ /de bzhin du lus 'di la skra yod ces bya ba la sogs pa ji ltar re zhig mdzod kyi gnas 'di nyid du rdzu 'phrul gyi rkang pa gnyis pa bsgom pa'i mdo las ji ltar na steng dang 'og gi 'du shes su 'gyur zhes de dang de las 'don pa blta bar bya'o// //stobs bcu zhes bya ba la/ bcu las 'phros pa dang / lam gyi tshogs dang / stobs kyi sgo'i mtha'i mdo las 'don pa mdzod kyi gnas lnga pa 'di nyid du 'das pa dang / ma 'ongs pa bsgom par dge slong dag nga'i nyan thos rnams la nang bsdams na nub khyad par du 'gro ste zhes bya ba'i mdor bris pa blta bar bya'o// //mi 'jigs pa bzhi zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag bzhi po 'di dag ni de bzhin gshegs pa'i mi 'jigs pa ste/gang dang yang dag par ldan na de bzhin gshegs pa dgra bcom pa yang dag par rdzogs pa'i sangs rgyas khyu mchog rlabs po che'i gnas su dam 'cha' zhing / tshangs pa'i 'khor lo rab tu bskor ba dang / 'khor gyi nang du seng ge'i sgra sgrogs pa dag ste/ bzhi gang zhe na/ kye ma bdag mngon par rdzogs par sangs rgyas pa la chos 'di mngon par rdzogs par sangs ma rgyas so zhes dge sbyong ngam/ bram ze'am/ lha'am/ bdud dam/ tshangs pa'am/ gang su dag yang rung ba chos dang mthun par rgol ba'i rgyu yang dag par rjes su ma gzigs te/'di ltar rgyu yang dag par rjes su ma gzigs pas bdag bde ba thob cing mi 'jigs pa thob la 'jigs pa med par gnas te khyu mchog rlabs po che'i gnas su dam 'cha' zhing 'khor lo rab tu bskor zhing 'khor gyi nang du seng ge'i sgra sgrogs so/ /kye ma bdag zag pa zad pa la zag pa 'di yongs su ma zad do zhes dge sbyong ngam/bram ze'am/ lha'am/ bdud dam/ tshangs pa gang su yang rung ba chos dang mthun par rgol ba'i rgyu yang dag par rjes su ma gzigs te/ 'di ltar rgyu yang dag par rjes su ma gzigs pas bdag bde ba thob cing mi 'jigs pa thob la 'jigs pa med par gnas te/ khyu mchog rlabs po che'i gnas su dam 'cha'o//tshangs pa'i 'khor lo rab tu bskor zhing 'khor gyi nang du seng ge'i sgra sgrogs so/ /gang ngas nyan thos rnams la bar du gcod pa'i chos gsungs pa de dag bstan kyang bar du gcod par mi 'gyur ro zhes dge sbyong ngam/ bram ze'am/ lha'am/ bdud dam/tshangs pa'am/ gang su yang rung ba chos dang mthun par rgol ba'i rgyu yang dag par rjes su ma gzigs te/ 'di ltar rgyu yang dag par rjes su ma gzigs pas bdag bde ba thob cing mi 'jigs pa thob pa 'jigs pa med par gnas te/ khyu mchog rlabs po che'i gnas su dam 'cha' zhing tshangs pa'i 'khor lo rab tu bskor zhing 'khor gyi nang du seng ge'i sgra sgrogs so//gang ngas nyan thos rnams la 'phags pa'i nges par 'byung ba'i lam ni nges shing nges par 'byin pa dang / gang yang sdug bsngal yang dag par zad par byed pa dang / sdug bsngal mthar byed pa yin no zhes gsungs pa la nges par 'byung ba'i lam ma yin no zhes dge sbyong ngam/bram ze'am/ lha'am/ bdud dam/ tshangs pa'am/ gang su yang rung ba chos dang mthun par rgol ba'i rgyu yang dag par rjes su ma mthong ma gzigs te/ rgyu yang dag par rjes su ma gzigs pas bdag bde ba thob cing mi 'jigs pa thob la 'jigs pa med par gnas te/khyu mchog rlabs po che'i gnas su dam 'cha' zhing tshangs pa'i 'khor lo rab tu bskor ba dang / 'khor gyi nang du seng ge'i sgra sgrogs so zhes gsungs so/ /dran pa nye bar gzhag pa gsum po 'di dag ni zhes bya ba la/ rnam par 'byed pa'i tshogs kyi mdo gnyis pa skye mched drug rnam par 'byed pa las 'di ltar 'don te/dge slong dag dran pa nye bar gzhag pa gsum po 'di dag ni gang 'phags pas bsten cing 'phags pas bsten par rigs la tshogs yongs su sdud pa ste zhes ngas ji skad du bshad pa de cung zad bshad par bya'o/ /dge slong dag 'di na ston pa nyan thos rnams la rjes su brtse ba dang /thugs brtse ba dang / don du bzhed pa dang / phan par bzhed pa dang / brtse bas 'di ni phan pa 'di ni bde ba/ 'di ni phan pa dang bde ba'o zhes chos ston par byed pa na/ nyan thos kha cig nyan par mi byed/ rna blags te nyan par mi byed/ kun shes pa'i sems nye bar 'jog par mi byed/chos rnams la chos kyi rjes su mthun pa rtogs par mi byed/ ston pa'i bstan pa las 'das te 'jug kyang des de bzhin gshegs pa la gnod par mi 'gyur/ mi bzod par mi 'gyur/ 'khrug par mi 'gyur/ thugs mngon par mi dgyes par mi 'gyur/de la de bzhin gshegs pa dran pa dang shes bzhin dang ldan par btang snyoms su bzhugs te/ 'di ni dran pa gang 'phags pas bsten cing 'phags pas bsten par rigs shing tshogs yongs su sdud pa dran pa nye bar gzhag pa dang po yin no/ /gzhan yang ston pa nyan thos rnams la rjes su brtse ba dang /thugs brtse ba dang / don du bzhed pa dang / phan par bzhed pa dang / brtse bas 'di ni phan pa 'di ni bde ba/ 'di ni phan pa dang bde ba'o zhes chos ston par byed pa na nyan thos kha cig nyan par byed/ rna blags te nyan par byed/ kun shes pa'i sems nye bar 'jog par byed/ chos rnams la chos kyi rjes su mthun pa rtogs par byed/ston pa'i bstan pa las yang dag par mi 'da' bar 'jug kyang des de bzhin gshegs pa dgyes par mi 'gyur ro/ /thugs yeng yeng por mi 'gyur te/ de la de bzhin gshegs pa dran pa dang shes bzhin dang ldan par btang snyoms su bzhugs te/'di ni gang 'phags pas bsten cing 'phags pas bsten par rigs shing tshogs yongs su sdud pa dran pa nye bar gzhag pa gnyis pa'o/ /gzhan yang ston pa nyan thos rnams la rjes su brtse ba dang / thugs brtse ba dang / don du bzhed pa dang / phan par bzhed pa dang /brtse bas 'di ni phan pa 'di ni bde ba/ 'di ni phan pa dang bde ba'o zhes chos ston par byed pa na nyan thos kha cig nyan par yang mi byed/ rna blags te nyan par mi byed/ kun shes pa'i sems nye bar 'jog par mi byed/ chos rnams la chos kyi rjes su mthun par rtogs par mi byed/ ston pa'i bstan pa las 'da' bar mi byed pa dang /nyan thos kha cig nyan par byed/ rna blags te nyan par byed/ kun shes pa'i sems nye bar 'jog par byed/ chos rnams la chos kyi rjes su mthun par rtogs par byed/ ston pa'i bstan pa las mi 'da' bar byed kyang des de bzhin gshegs pa las gnod par mi 'gyur/mi bzod par mi 'gyur/ 'khrug par mi 'gyur/ thugs mngon par mi dgyes par mi 'gyur la thugs dgyes par mi 'gyur/ thugs yeng yeng por mi 'gyur zhing de la de bzhin gshegs pa dran pa dang / shes bzhin dang ldan par btang snyoms su bzhugs te/ 'di ni 'phags pas bsten cing 'phags pas bsten par rigs shing tshogs yongs su sdud pa dran pa nye bar gzhag pa gsum pa'o//dge slong dag dran pa nye bar gzhag pa gsum po 'di dag ni gang 'phags pas bsten cing 'phags pas bsten par rigs pa tshogs yongs su sdud pa'o zhes ngas ji skad bstan pa de rgyas par rab tu bshad do//sku tshe dang / rigs dang / sku bong tshad kyis min zhes bya ba la/ mdo drug gi tshogs kyi lnga pa rtogs pa brjod pa chen po'i mdo las 'di ltar 'don te/ dge slong dag 'di nas bskal pa dgu bcu rtsa gcig gi gong du yongs su gang yang de bzhin gshegs pa rnam par gzigs 'jig rten du byung ba dang /dge slong dag gang yang 'di nas bskal pa sum cu rtsa gcig gi gong du yang dag par rdzogs pa'i sangs rgyas rin chen gtsug tor can dang / thams cad skyob 'jig rten du byung la/ dge slong dag bskal pa bzang po 'di la yang dag par rdzogs pa'i sangs rgyas bzhi 'jig rten du byung ste/'khor ba 'jig dang / gser thub dang / 'od srungs dang / da ltar shAkya thub pa nga dag go/ /dge slong dag yang dag par rdzogs pa'i sangs rgyas rnam par gzigs kyi tshe'i tshad ni lo stong phrag brgyad cu thub par gyur to/ /dge slong dag yang dag par rdzogs pa'i sangs rgyas rin chen gtsug tor can gyi tshe'i tshad ni lo stong phrag bdun cu thub par gyur to//dge slong dag yang dag par rdzogs pa'i sangs rgyas thams cad skyob kyi tshe'i tshad ni lo stong phrag drug cu thub par gyur to/ /dge slong dag yang dag par rdzogs pa'i sangs rgyas 'khor ba 'jig gi tshe'i tshad ni lo stong phrag lnga bcu thub par gyur to//dge slong dag yang dag par rdzogs pa'i sangs rgyas gser thub kyi tshe'i tshad ni lo stong phrag bzhi bcu thub par gyur to/ /dge slong dag yang dag par rdzogs pa'i sangs rgyas 'od srungs kyi tshe'i tshad ni lo stong phrag sum cu thub par gyur to/ /da ltar nga'i tshe'i tshad ni lo brgya ste/ yang dag par bde ba dang bcas na cung zad lhag pa yang yod do//dge slong dag yang dag par rdzogs pa'i sangs rgyas rnam par gzigs ni rgyal rigs su 'khrungs par gyur la/ dge slong dag yang dag par rdzogs pa'i sangs rgyas rin chen gtsug tor can dang / thams cad skyob dang / 'khor ba 'jig dang / gser thub dang / 'od srungs ni bram ze'i rigs su 'khrungs par gyur cing / da ltar nga ni rgyal rigs su 'khrungs par gyur to/ /dge slong dag yang dag par rdzogs pa'i sangs rgyas rnam par gzigs kyi gdung ni ko ti byir gyur la/ dge slong dag yang dag par rdzogs pa'i sangs rgyas rin chen gtsug tor can dang / thams cad skyob dang /'khor ba 'jig dang / 'od srungs dang / gser thub rnams kyi gdung ni 'od srungs su gyur to/ /da ltar nga'i gdung ni gau ta mar gyur to zhes bya ba 'di lta bu la sogs par tha dad do// //gang dag rgyal ba rnam 'dren cing / /bya ba chung ngu byed gyur pa/ /zhes bya ba la sogs pa la/sangs rgyas rab tu mang po'i byed pa las 'don to/ /gang zhig 'jig rten sangs rgyas la/ /skyabs song skyes bu de mchog ste/ /sangs rgyas bya ba byas skye bo/ /mya ngan 'das par 'gro bar 'gyur/ /gang zhig rgyal ba rnam 'dren la/ /bya ba cung zad byed gyur pa/ /de dag mtho ris sna tshogs dag /bgrod nas bdud rtsi go 'phang thob/ /'di ltar ji bzhin thos nas ni/ /nga ni mya ngan 'das 'og tu/ /srid pa'i rgya mtshor 'khyam 'gyur zhes/ /dge ba mang po rab tu bya/ /zhes gsungs so/ /nyon mongs pa med pa zhes bya ba la sogs pa la/ bcom ldan 'das mnyan yod kyi lho phyogs na bzhugs pa na bram ze sbas pa la shin tu khro ba'i rang bzhin can gyi bu zhig skyes par gyur to//ji tsam na pha'i srid srung gi rig byed kyi las kyi mtha' dag bor te rab tu byung ngo / /de de na yang khro ba'i rang bzhin du gyur te/ bya dang ri dgas dag la gnod pa byed pa na/ nags tshal la gnas pa'i lha rnams kyis de de na gnas su mi ster te/ji tsam na bcom ldan 'das lha dang bcas pa'i 'jig rten mngon par dang bar byed pa'i cho 'phrul chen po ston pa de'i tshe cho 'phrul chen po de la nags tshal la gnas pa'i lha de dag mngon par dang ste/ snying rjes smras pa/ 'jig rten gyi rgyan du gyur pa'i sangs rgyas byung gi/khyod bcom ldan 'das blta ba'i phyir song shig ces ji srid du rgyal byed kyi tshal du khrid pa'i bar du'o/ /bcom ldan 'das kyis de dad par byed pa'i 'od kyi dkyil 'khor bkye ste/ ji tsam na rab tu byung ba'i bar du ste/ byams pa goms par byas nas dgra bcom pa nyid thob par gyur to//rab 'byor zhes ming grags par gyur pa'o/ /grang dang / yul dang / ljongs gang du bsod snyoms kyi phyir 'gro ba na bdag la su yang sems nyon mongs par ma gyur cig ces bya ba rnam par bltas te/ phyis spyod yul du 'gro bar byed de/ gang gi phyir sems nye bar nyon mongs par byed na spyod yul du mi 'gro zhing zan gcod pa'i bar du yang byed do//ji tsam na des bsam pa na bdag nyid klu las shi 'phos pa dang / gnyen rnams gdul byar gyur pa mthong ste/ ji tsam na klu'i khang par phyin te/ klu'i rigs lnga brgya 'ongs pa dag btul te/ de dag byams pa'i ting nge 'dzin la bkod de shing shal ma li'i nam mkha' lding gi gnod pa med par byas so//ji tsam na gnas brtan gyis nam mkha' lding rnams gdul ba'i phyir klu'i rigs lnga brgya shing shal ma li'i steng du bteg ste/ nam mkha' lding lnga brgya lnga brgya btul ba'i bar du'o/ /de nas bcom ldan 'das kyis dge slong rnams la bos te/dge slong dag nga'i nyan thos nyon mongs pa med pa la gnas pa rnams kyi nang du mchog ni dge slong rab 'byor 'di yin te/ las gang gis klur skyes she na/ bcom ldan 'das 'od srungs kyi gsung rab la rigs kyi bu 'di rab tu byung ste/ de'i mkhan po nyon mongs pa med pa la gnas te/des kyang nyon mongs pa med pa la dad pa thob po/ /des gzhon du rnams kyis rgod pa dang / bzlog pa dang / de rnams kyis smras pa/ 'di ni byams pa byams pa la gnas pa zhes smras pa dang / de khros nas smras pa/ tshe dang ldan pa khyed cag ni sbrul dang 'dra'o zhes bya ba la sogs pa rgyas par 'byung ngo //so so yang dag par rig pa bzhi zhes bya ba la/ gleng gzhi ni mnyan du yod pa na'o/ /dge slong dag bzhi po 'di dag ni so so yang dag par rig pa bzhi ste/ bzhi gang zhe na/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o zhes gsungs so/ /btags pa'i ming dang gzugs btags pa las so so yang dag par rig pa 'di dag bshad do/ /mngon shes rnam drug ces bya ba la/ gleng gzhi ni mnyan du yod pa na'o/ /dge slong dag mngon par shes pa ni drug ste/drug gang zhe na/ rdzu 'phrul gyi yul shes pa dang / lha'i mig dang / rna ba dang / sems kyi rnam grangs dang / sngon gyi gnas rnam pa du ma rjes su dran pa dang / zag pa zad pa'o zhes gsungs so/ /'o na rab tu byed pa las zhes bya ba la/ rab tu byed pa'i rkang pa'i yang dag par sdud pa'i rab tu byed pa las/mngon par shes pa'i chos rnams gang zhe na/ shes rab dge ba ni mngon par shes pa zhes brjod de/ chos thams cad kyi dngos po ji lta ba bzhin mngon par shes pa'i phyir ro zhes gsungs so/ /gsum ni rig pa zhes bya ba la/ gleng gzhi ni mnyan du yod pa na'o//mi slob pa'i rig pa ni gsum ste/ mi slob pa'i sngon gyi gnas rjes su dran pa shes pa mngon sum du bya ba'i rig pa dang / mi slob pa'i 'chi 'pho ba dang / skye ba shes pa mngon sum du bya ba'i rig pa dang / mi slob pa'i zag pa zad pa'i shes pa mngon sum du bya ba'i rig pa'o/ /sngon gyi gnas rnams rig pa yis//mtho ris ngan song gzigs nas ni/ /de nas mngon shes nges pa yis/ /thub pa skye ba zad par 'gyur/ /kun las 'dod chags rnam grol zhing / /sems ni 'dod chags grol zhes 'gyur/ /rig pa gsum po phun tshogs pas/ /de phyir gsum rig ces bya'o//zhes gsungs so/ /cho 'phrul rnam pa gsum ni/ mdo drug gi tshogs kyi bzhi pa reg pa'i mdo las 'byung ste/ de nas bcom ldan 'das kyis ral pa can stong rab tu phyung zhing bsnyen par rdzogs par byas te/ ji ltar 'dod par nye bar gnas par bya ste/ ga ya mgo gang na ba der ljongs rgyu zhing gshegs te/rim gyis ga ya mgor gshegs te/ ga ya mgo'i a shir sha'i mchod rten na dge slong stong tham pa dang / thabs cig tu bzhugs so/ /de nas bcom ldan 'das kyis dge slong stong rnams la cho 'phrul rnam pa gsum po rdzu 'phrul gyi cho 'phrul dang / kun brjod pa'i cho 'phrul dang /rjes su bstan pa'i cho 'phrul rnams kyis gdams par mdzad de/ de la bcom ldan 'das kyi rdzu 'phrul gyi cho 'phrul ni 'di yin te/ bcom ldan 'das ji ltar thugs mnyam par gzhag pa na rang gi gdan las mi snang ba de lta bu'i ting nge 'dzin la snyoms par zhugs te/ shar phyogs su 'phos te spyod lam bzhi ston par mdzad de/'di lta ste/ gshegs pa dang / bzhugs pa dang / gnas pa dang / gzims pa dang / ston par mdzad do/ /me'i khams la snyoms par zhugs shing me'i khams la snyoms par zhugs nas sangs rgyas bcom ldan 'das kyi sku las rnam pa du ma'i 'od dag 'phros te/'di lta ste/ sngon po dang / ser po dang / dmar po dang / dkar po dang / ljang gu dang / shel gyi kha dog lta bu dag 'byung ba'i cho 'phrul dag ston cing / lus kyi stod nas chu grang mo'i rgyun 'byung zhing lus kyi smad nas 'bar ba dang / lus kyi smad nas chu grang mo'i rgyun 'byung zhing lus kyi stod nas 'bar bar byed de/shar phyogs ji lta ba bzhin du lho dang / de bzhin du nub dang / de bzhin du byang phyogs su yang ston par byed de/ phyogs bzhir steng dang 'og tu rdzu 'phrul bstan par mdzad nas/ de nas rdzu 'phrul mngon par 'du bya ba ni de dag slar btul te/dge slong gi dge 'dun gyi mdun du gdan bshams pa nyid la bzhugs te/ 'di ni bcom ldan 'das kyi rdzu 'phrul gyi cho 'phrul lo/ /de la bcom ldan 'das kyi kun brjod pa'i cho 'phrul ni 'di yin te/ dge slong dag khyed kyi sems ni 'di lta bu/ yid ni 'di lta bu/rnam par shes pa ni 'di lta bu ste/ 'di lta bur rtog par byed do/ /'di lta bur rtog par mi byed do/ /'di ltar yid la byed do/ /'di ltar yid la mi byed do/ /'di ni spangs pa'o/ /'di ni lus kyis mngon sum du byas nas bsgrubs te gnas so zhes bya ba ste/ 'di ni bcom ldan 'das kyis kun brjod pa'i cho 'phrul yin no//de la bcom ldan 'das kyi rjes su bstan pa'i cho 'phrul ni 'di yin te/ dge slong dag 'di thams cad ni kun du 'bar ba'o/ /dge slong dag 'di thams cad ni 'bar ba gang zhe na/ dge slong dag mig ni kun du 'bar ba'o / gzugs dang / mig gi rnam par shes pa dang / mig gi 'dus te reg pa dang / mig gi 'dus te reg pa'i rkyen gyis byung ba'i tshor ba bde ba'am/ sdug bsngal ba'am/ bde ba yang ma yin sdug bsngal ba yang ma yin pa de yang kun du 'bar ba'o/ /gang gis kun du 'bar zhe na/ 'dod chags kyi me 'bar ba dang /zhe sdang gi me dang / gti mug gi me kun tu 'bar ba dang / skye ba dang / rga ba dang / na ba dang / 'chi 'pho ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dang / sdug bsngal kun du 'bar ba'o zhes nga smra'o/ /dge slong dag rna ba dang /sna dang / lce dang / lus dang / yid ni kun du 'bar ba ste/ chos dang yid kyi rnam par shes pa dang / yid kyi 'dus te reg pa dang / yid kyi 'dus te reg pa'i rkyen gyis 'byung ba'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa de yang kun du 'bar ba ste/gang gis kun du 'bar zhe na/ 'dod chags kyi me 'bar ba dang / zhe sdang gi me dang / gti mug gi me kun du 'bar ba dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang /yid mi bde ba dang / 'khrug pa dang / sdug bsngal kun du 'bar ba'o zhes nga smra ste/ 'di ni bcom ldan 'das kyi rjes su bstan pa'i cho 'phrul yin no/ /chos kyi rnam grangs 'di bshad pa na sngon ral pa can du gyur pa'i dge slong nye bar len pa med par zag pa las sems rnam par grol lo zhes gsungs so// //bstan pa mchog /mi 'khrul phyir dang phan pa dang / /zhes bya ba la/ bcom ldan 'das nA len dra a mras kun du bskor ba'i kun dga' ra ba na bzhugs te/ de nas khyim bdag nya pa'i bu bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas te/phyogs gcig tu 'dug go/ /phyogs gcig tu 'dug nas khyim bdag nya pa'i bus bcom ldan 'das la 'di skad ces gsol to/ /btsun pa nA len dra 'byor ba rgyas pa bde ba lo legs pa skye bo dang mi mang pos gang ba 'di na bcom ldan 'das la mngon par dad pa mang du mchis lags te/bcom ldan 'das kyis dge slong rnams 'ga' zhig mi'i chos las bla mar gyur pa'i rdzu 'phrul dag bstan du bcug na legs te/ bram ze dang / khyim bdag 'gro ba dang 'ong ba dag gis mthong nas 'di lta bu'i nA len dra phal cher bcom ldan 'das la dad par 'gyur ro//khyim bdag gi bu nga 'di ltar dge slong dag khyed cag bram ze dang khyim bdag 'ong ba rnams la mi'i chos las bla mar gyur pa'i rdzu 'phrul dag ston cig ces nyan thos rnams la chos mi ston gyi/ 'on kyang 'di ltar dge slong dag dge ba ni gsang bar bya zhing sdig pa ni mthol bar bya'o zhes nyan thos rnams la chos ston to//bcom ldan 'das kyis mi'i chos bla mar gyur pa'i rdzu 'phrul la nyes dmigs ci zhig yang dag par rjes su gzigs na 'di ltar dge slong dag dge ba ni gsang bar bya zhing sdig pa ni mthol bar bya'o zhes nyan thos rnams la chos ston to//khyim bdag gi bu cho 'phrul ni rnam pa gsum ste/ gsum gang zhe na/ rdzu 'phrul gyi cho 'phrul dang / kun brjod pa'i cho 'phrul dang / rjes su bstan pa'i cho 'phrul lo/ /khyim bdag gi bu rdzu 'phrul gyi cho 'phrul gang zhe na/ khyim bdag gi bu 'di na dge sbyong ngam bram ze kha cig rdzu 'phrul gyi yul rnam pa du ma nyams su myong bar byed pa ste/'di lta ste/ gcig tu gyur nas mang por 'gyur ba dang / mang por gyur nas gcig tu 'gyur ba dang / snang ba dang mi snang bar shes pa dang mthong ba nyams su myong bar byed pa dang / rtsig pa dang / ra ba dang / rdo ba dang / ri la lus kyis thogs pa med par 'gro ste/ 'di lta ste/ nam mkha' la bya ba bzhin no/ /sa la yang byi'u zul du byed de/ 'di lta ste/ chu la bya ba bzhin no/ /chu la yang 'bying ba med par 'gro ste/ 'di lta ste/ sa la bya ba bzhin no/ /nam mkha' la yang skyil mo krung gis 'gro ste/dper na 'dab chags bya bzhin no/ /nyi ma dang zla ba 'di ltar rdzu 'phrul che zhing mthu che ba 'di dag lag pas nom zhing nyug pa dang / tshangs pa'i 'jig rten gyi bar du lus kyis dbang sgyur bar byed de/ dge sbyong ngam/ bram ze dag rdzu 'phrul rnam pa du ma nyi ma dang zla ba lag pas nom zhing nyug pa'i bar du byed pa dag dad pa'i khyim bdag gam/khyim bdag gi bu 'ga' zhig gis mthong ste/ mthong nas ma dad pa'i khyim bdag gam khyim bdag gi bu dag la 'di skad du/ kye skyes bu shes par gyis shig /'di na dge sbyong ngam/ bram ze rdzu 'phrul gyi yul rnam pa du ma gcig tu gyur nas mang por 'gyur ba dang /nyi ma dang zla ba lag pas nom zhing nyug pa'i bar du byed pa dag ngas mthong ngo zhes smra'o/ /de 'di skad du/ kye skyes bu khyod kyis 'di na dge sbyong ngam/ bram ze rdzu 'phrul gyi yul rnam pa du ma nyi ma dang zla ba la nom zhing nyug pa'i bar du byed pa mthong ba de la ngo mtshar ba ci zhig yod/kye skyes bu gan d+ha ra ba zhes bya ba'i rig sngags yod do/ /de 'ga' zhig gis bzung zhing bcangs na rdzu 'phrul gyi yul rnam pa du ma nyi ma dang zla ba la nom zhing nyug pa'i bar du byed pa yod do zhes smra na/ khyim bdag gi bu 'di ji snyam du sems/ gnas dang po 'di la dad pa'i khyim bdag gam khyim bdag gi bu dag ma dad pa'i khyim bdag gam khyim bdag gi bu'i nye bar brjod pa nyan snyam sems sam/btsun pa de bzhin no/ /khyim bdag gi bu mi'i chos las bla mar gyur pa'i rdzu 'phrul la nyes dmigs 'di lta bu ngas yang dag par rjes su gzigs nas 'di ltar nyan thos rnams la/dge slong dag dge ba ni gsang bar bya zhing sdig pa ni mthol bar bya'o zhes chos ston par mdzad do/ /khyim bdag gi bu kun brjod pa'i cho 'phrul gang zhe na/ khyim bdag gi bu 'di na dge sbyong ngam bram ze kha cig ni rgyu mtshan nam/ yongs su brjod pa la kun brjod par bya ste/ yid ni 'di lta bu'o//yid ni gzhan du'o/ /snga bar byas pa dang / snga bar brjod pa yang kun brjod la/ gsang bar byas pa dang / gsang bar brjod pa kun yang rjod par byed la/ 'das pa dang / ma 'ongs pa dang / da ltar byung ba kun yang rjod par byed cing / thag ring po yang kun brjod la/thag nye bar yang kun brjod cing / sems kyang kun brjod la sems las byung ba yang kun rjod par byed de/ gang cung zad brjod pa de thams cad de bzhin du 'gyur gyi/ gzhan du yang ma yin pa dang / rgyu mtshan nam yongs su brjod pa las kun rjod par mi byed mod kyi/ 'on kyang lha dang mi rnams las thos nas yid ni 'di lta bu'o zhes kun rjod par byed de zhes bya ba nas/ thams cad de bzhin du gyur pa ma yin zhes bya ba'i bar du dang / rgyu mtshan dang yongs su brjod pa las kun rjod par yang mi byed la lha dang mi rnams las thos nas kun rjod par yang mi byed mod kyi/'on kyang yongs su rtog pa dang / yongs su dpyod pas sems can gzhan dang gang zag gzhan rnams kyi yid yid kyis rnam par shes nas yid ni 'di lta bu'o zhes bya ba nas/ snga ma bzhin du thams cad de bzhin du 'gyur gyi/ gzhan du ma yin zhes bya ba'i bar du'o/ /dge sbyong ngam bram ze rgyu mtshan nam/yongs su brjod pa las yid ni 'di lta bu'o zhes kun rjod par byed pa zhes bya ba nas/ snga ma bzhin du thams cad de bzhin du 'gyur gyi/ gzhan du ma yin zhes bya ba'i bar du ste/ dad pa'i khyim bdag gam/ khyim bdag gi bu dag gis mthong ste/ mthong nas ma dad pa'i khyim bdag gam khyim bdag gi bu de dag la 'di skad du kye skyes bu dag shes par gyis shig /'di na dge sbyong ngam/ bram ze rgyu mtshan nam yongs su brjod pa las yid ni 'di lta bu'o zhes kun brjod ces bya ba nas/ thams cad de bzhin du 'gyur gyi/ gzhan du yang ma yin pa ngas mthong ngo zhes smras pa dang /kye skyes bu khyod kyis dge sbyong ngam bram ze rgyu mtshan nam yongs su brjod pa las yid ni 'di lta bu'o zhes kun brjod ces bya ba nas/ thams cad de bzhin du 'gyur gyi/ gzhan du ma yin pa mthong ba la ngo mtshar ba ci zhig yod/ kye skyes bu rtog byed ces bya ba'i rig sngags yod de gang zhig gis bzung zhing bcangs nas rgyu mtshan nam yongs su brjod pa las yid ni 'di lta bu'o zhes kun rjod par byed ces bya ba nas thams cad de bzhin du 'gyur gyi gzhan du ma yin no zhes smra na/khyim bdag gi bu 'di ji snyam du sems/ gnas gnyis pa 'di la dad pa'i khyim bdag gam/khyim bdag gi bu de dag ma dad pa'i khyim bdag gam/ khyim bdag gi bu de dag gi nye bar brjod pa nyan snyam sems sam/ btsun pa de bzhin no/ /khyim bdag gi bu mi'i chos las bla mar gyur pa'i kun brjod pa'i cho 'phrul la nyes dmigs 'di lta bu ngas yang dag par rjes su gzigs nas/dge slong dag dge ba ni gsang bar bya zhing sdig pa ni mthol bar bya'o zhes nyan thos rnams la chos ston par mdzad do/ /khyim bdag gi bu rjes su bstan pa'i cho 'phrul gang zhe na/ khyim bdag gi bu de bzhin gshegs pa dgra bcom pa yang dag par rdzogs pa'i sangs rgyas 'jig rten du byung zhes bya ba nas rgyas par gnas rnam pa gsum rnams la ston pa'i yongs su dag pa btsal bar bya'o zhes de'i dpe tshul khrims kyi phung po'i bsam gtan dang /mngon par shes pa zhes bya ba'i tshul khrims kyi phung po'i mdo lnga pa'i stod kyi cha las 'byung la/smad kyi cha ni mdzod kyi gnas gnyis par tshangs pa'i bar du g.yo sgyu 'byung ngo zhes bya ba der bris zin to/ /ston pa la/ yid mgyogs 'gro ba zhes bya ba la/ bcom ldan 'das shar sha pa'i grong khyer gyi tsan dan gyi khang pa na bzhugs te/ de'i tshe rgya mtsho chen po'i nang na klu'i rgyal po nag po dang /gau ta ma zhes bya ba gnyis gnas te/ bcom ldan 'das shar sha pa'i grong khyer na chos ston gyis nyan pa'i phyir 'gro'o zhes gnas te/ de nas klu lnga brgya'i 'khor dang / chu bo lnga brgya nas byung ste shar sha pa'i grong khyer du 'ong ba sangs rgyas bcom ldan 'das kyi chos rnams la mi brjed pa'i dran pas klu'i rgyal po nag po dang /gau ta ma gnyis shar sha ba'i grong khyer du 'ongs na grong khyer gzhig cing mi snang bar 'gyur ba gzigs te/ de nas bcom ldan 'das kyis tshe dang ldan pa maud gal gyi bu chen po la bos te/ maud gal gyi bu chen po de bzhin gshegs pa'i glo bur ba'i bsod snyoms dag zung shig /de ci'i phyir zhe na/ maud gal gyi bu chen po glo bur gyi bsod snyoms ni rnam pa lnga ste/ lnga gang zhe na/ glo bur du lhags pa dang / mgron po dang / nad pa dang / nad g.yog dang / las byed pa rnams kyi'o/ /don 'di la bcom ldan 'das nyid las byed pa yin no//de nas bcom ldan 'das dang / maud gal gyi bu thabs cig tu klu'i rgyal po nag po dang / gau ta ma gnyis gang na ba der gshegs shing nye bar gshegs te bka' stsal pa/ klu'i dbang po dag shur pa ri'i grong khyer mi snang bar 'gyur ba de ltar bsam par gyis shig /de gnyis kyis smras pa/ btsun pa dad pa'i shugs de 'dra bas bdag cag der 'ongs na gang yang bdag srog chags grog sbur yan chad la yang gnod par mi nus na/ shur sha pa na gnas pa'i skye bo'i tshogs la lta smos kyang ci 'tshal/ de nas bcom ldan 'das gdugs tshod gsol bar rtsom pa na/klu de dag so so nas 'di snyam du kye ma bcom ldan 'das bdag gi chu gsol bar gyur kyang ci ma rung snyam du sems so/ /bcom ldan 'das kyis dgongs pa/ gal te gcig gi chu 'thungs na gzhan dag mi dga' bar 'gyur gyis thabs kyi rnam pa zhig bya'o zhes dgongs te/de nas bcom ldan 'das kyis tshe dang ldan pa maud gal gyi bu chen po la bos te/ maud gal gyi bu chu lnga brgya gang du 'dus pa de las chu lhung bzed gang khyer la shog shig /btsun pa de bzhin no zhes tshe dang ldan pa maud gal gyi bu chen pos bcom ldan 'das las mnyan te/chu bo lnga brgya gang du 'dus pa de las chu lhung bzed gang blangs te/ bcom ldan 'das gang na ba der nye bar song ste/ nye bar song nas bcom ldan 'das la chu lhung bzed bkang nas phul ba dang / bcom ldan 'das kyis blangs te gsol to/ /de nas tshe dang ldan pa maud gal gyi bu chen po 'di snyam du sems te/sngon bcom ldan 'das kyis dge slong dag pha dang / ma dag ni bu la dka' ba byed pa ste/ gsos skyed par byed cing 'dzam bu'i gling sna tshogs ston pa ste/ phrag pa gcig la pha/ phrag pa gnyis pa la ma khyer te/ lo 'khor ba brgyar gnas pa dang /gang yang sa chen po 'di'i nor bu dang / mu tig dang / bai DUR+Ya dang / dung dang / shel dang / gser dang / dngul dang / sa le sbram dang / asma gar+b+ha dang / mu sa la gar+b+ha dang / lo he ta rA ga dang / dung g.yas su 'khyil pa la sogs pa 'di lta bu rnams kyis phyug par byas kyang bus pha dang ma la phan pa byas pa ma yin no//gang gis pha dang ma ma dad pa dad pa phun sum tshogs par byed cing 'dul ba dang / rab tu 'god pa dang / rab tu 'jog par byed cing tshul khrims 'chal ba tshul khrims phun sum tshogs pa dang /ser sna can gtong ba phun sum tshogs pa dang / shes rab 'chal ba shes rab phun sum tshogs par byed cing 'dul ba la rab tu 'god pa dang / rab tu 'jog par byed na/ 'di tsam gyis bus pha dang ma la phan pa byas pa yin no zhes gsungs so//bdag gis ma la phan pa cung zad kyang ma byas kyis da bdag gis ma gang du skyes pa bsam par bya'o zhes des bsams pa dang 'jig rten gyi khams 'od zer can du skyes par mthong zhing / gang gis 'dul zhe na/ bcom ldan 'das kyis 'dul bar mthong nas/de 'di snyam du bdag thag ring po nas 'ongs par gyur la bdag gis don 'di bcom ldan 'das kyis dgongs par bya'o zhes/ des bcom ldan 'das la 'di skad ces gsol to/ /btsun pa bcom ldan 'das kyis sngon dge slong dag pha dang ma bu la dka' ba byed pa ste zhes gsungs na/bdag gi ma 'jig rten gyi khams 'od zer can du skyes pa de bcom ldan 'das kyis gdul bar 'os te/ bcom ldan 'das thugs brtse ba nye bar bzung ste de gdul bar mdzad du gsol/ bcom ldan 'das kyis bka' stsal pa/ maud gal gyi bu gang gi rdzu 'phrul gyis 'gro bar bya/bcom ldan 'das bdag gi'o/ /de nas bcom ldan 'das dang tshe dang ldan pa maud gal gyi bu chen po ri rab kyi steng du zhabs 'jog cing gshegs te/ zhag bdun gyis 'od zer can gyi 'jig rten gyi khams su phyin to/ /maud gal gyi bu chen po thag ring po nas 'ong ba bu mo bzang mos mthong ste/mthong nas rings par de'i drung du 'ongs te smras pa/ yun ring mo zhig na bu mthong ngo yun ring mo zhig na bu mthong ngo zhes smras so/ /de na skye bo mang po'i tshogs dag 'di skad du gzhon nu ma 'di rab tu byung ba rgan po 'di'i mar ji ltar 'gyur zhes smras pa dang / de dag la 'phags pa maud gal gyi bu chen pos bdag gi phung po 'di gsos shing bskyed pa des na 'di ma zhes bya'o zhes smras so//de nas bcom ldan 'das kyis gzhon nu ma bzang mo'i bsam pa dang / bag la nyal dang khams dang rang bzhin mkhyen par mdzad nas/ 'phags pa'i bden pa bzhi mthong ba de lta bu'i chos bstan par mdzad de/gzhon nu ma bzang mos thos nas 'jig tshogs la lta ba'i ri'i rtse mo mtho ba nyi shu ye shes kyi rdo rjes bcom nas rgyun du zhugs pa'i 'bras bu mngon sum du byas te/ de bden pa mthong nas ched du brjod pa lan gsum du ched du brjod pa snga ma bzhin du lha dang mi la bkod do zhes bya ba'i bar du'o//yang smras pa/ shin tu rkyen mang ldan pa'i ngan song lam/ /'jigs su rung las khyed kyi mthu yis bsgral/ /mtho ris 'gro ba'i bsod nams sgo phye zhing / /mya ngan 'das pa'i lam ni bdag gis thob/ /khyod la brten nas bdag skyon rnam dag cing //bdag gi mig ni shin tu rnam dag gyur/ /sdug bsngal rgya mtsho'i pha rol phyin gyur cing / /'phags pa dgyes pa'i zhi ba'i gnas thob po/ /skye rga 'chi ba'i 'khrug dang bral gyur cing / /lha dang lha min mi yi 'gro bas mchod/ /skye ba stong du mthong ba rnyed dka' ba//thub pa mthong ba 'bras bu bcas par gyur/ /btsun pa bdag ni mngon par 'phags so/ /mngon par 'phags so/ /ded nas bzung ste bcom ldan 'das dang chos dang dge 'dun la skyabs su mchi'o/ /bdag dge bsnyen du gzung du gsol/ dus 'di nas bzung ste ji srid 'tsho'i bar du srog dang bsngo zhing skyabs su 'gro zhing mngon par dang ngo / /bcom ldan 'das tshe dang ldan pa maud gal gyi bu chen po dang thabs cig tu bsod snyoms bzhes par gnang bar mdzod cig /bcom ldan 'das kyis gnang ste/ gzhon nu ma bzang mos bcom ldan 'das dang tshe dang ldan pa maud gal gyi bu chen po bde bar bzhugs par rig nas/ gtsang zhing bsod pa'i bza' ba dang bca' ba dag gis rang gi lag nas [(]'drim [,]'brim [)]par byed/ stobs par byed de/ lan du mar bsod pa'o/ /bza' ba dang bca' ba dag gis brims shing bstabs nas bcom ldan 'das gsol bar rig nas lag pa gnyis kyis lhung bzed gyu ste/stan dma' ba cig blangs te bcom ldan 'das kyi mdun du chos nyan pa'i phyir 'dug par gyur to/ /bcom ldan 'das kyis de la chos bstan te/ tshe dang ldan pa maud gal gyi bu chen pos bcom ldan 'das kyi lhung bzed blangs nas bkrus te/bcom ldan 'das kyis bka' stsal pa/ maud gal gyi bu 'gro bar bya'o/ /bcom ldan 'das gshegs shig /gang gi rdzu 'phrul gyis/ bcom ldan 'das kyi'o/ /gang yang rgyal byed kyi tshal du phyin pa de lta bu'i dgongs pa mdzad de/bcom ldan 'das phyin tam/ maud gal gyi bu phyin to/ /de nas tshe dang ldan pa maud gal gyi bu chen po ngo mtshar skyes te smras pa/ bcom ldan 'das rdzu 'phrul 'di'i ming ci lags/ maud gal gyi bu yid mgyogs pa'o/ / btsun pa sangs rgyas kyi chos 'di ltar zab pa bdag gis rnam par mi shes te/ gal te rnam par shes par ma gyur na yang bdag gi lus til gyi phye ma tsam du gyur kyang bla na med pa yang dag par rdzogs pa'i byang chub tu sems bskyed pa bzlog par mi bya'o/ /da bdag gis ci bya ste bud shing tshig pa bzhin du gyur to zhes gsungs so//sangs rgyas rnams kyi sangs rgyas kyi yul ni bsam gyis mi khyab po zhes bya ba la/ bzhi las 'phros pa las 'byung ba mdzod kyi gnas gnyis pa 'di nyid du sems can gyi gnas dgu'i skabs su bris shing / mdzod kyi gnas gsum par srid pa bar ma bsam par sems can rnams kyi las kyi rnam par smin pa ni bsam gyis mi khyab po zhes yang dag par bshad do//ston min sprul pa po dang bcas/ /zhes bya ba la/ phran tshegs kyi sde snod las don gyi sde tshan bcu pa las mdo 'di ltar 'don te/ de nas mnyan yod na gnas pa'i bram ze dang khyim bdag de dag 'di snyam du rgyu gang dang rkyen gang gis rab tu byung ba rnams dang rab tu byung ba rnams su rtsod cing 'thab pa dang mtshang 'bru ba dang chad pas gcod pa dag byung bar gyur/bcom ldan 'das la gus pas 'dri ba'i nus pa med do snyam mo/ /de nas bcom ldan 'das kyis mnyan yod kyi bram ze dang khyim bdag de dag gi sems thugs kyis mngon par mkhyen nas/mgo bregs shing chos gos bgos pa skyes bu chen po'i mtshan sum cu rtsa gnyis dang dpe byad bzang po brgyad cu dang yang dag par ldan pa'i sprul pa zhig sprul par mdzad do//chos nyid kyis nyan thos rnams kyis sprul pa sprul nas/ nyan thos rnams smra na sprul pa yang smra bar byed la/ nyan thos rnams mi smra na sprul pa yang mi smra bar 'gyur zhing / sprul pa gcig smra na/ thams cad smra zhing / gcig mi smra na thams cad kyang mi smra bar 'gyur ro//sangs rgyas bcom ldan 'das rnams kyis sprul pa sprul par mdzad pa na/ sangs rgyas bcom ldan 'das dri bar mdzad pa na sprul pa lung ston par byed la/ sprul pa dri bar mdzad na bcom ldan 'das lung ston par mdzad do/ /de nas sprul pa de stan las langs te bla gos phrag pa gcig tu byas nas bcom ldan 'das gang na ba der thal mo sbyar zhing phyag byas nas/de'i tshe don gyi sde tshan 'di las brtsams te tshigs su bcad pa'i dbyangs kyis zhu ba zhus pa/ phrag dog lhan cig mya ngan smre sngags 'don/ /'thab rtsod 'di dag gang gis rab tu bskyed//phra ma dang bcas nga rgyal lhag nga rgyal/ /'di dag gang gis bskyed pa bdag 'dri'o/ /phrag dog lhan cig mya ngan smre sngags 'don/ /'thab dang rtsod pa 'di dag dga' bas bskyed/ /phra ma dang bcas nga rgyal lhag nga rgyal/ /'di dag dga' bas rab tu bskyed pa yin//zhes bya ba la sogs pa byung ngo / /gcig cig smra bar gyur pa na zhes bya ba la sogs pa'i tshigs su bcad pa'i dpe ni lung ring po'i mdo las tshangs pa'i sprul pa de dag lha'i dbang po'i phang par 'dug ste so so nas gtam smras so zhes bya ba la sogs pa 'byung ngo // //'phags pa 'od srungs chen po'i byin gyis rlabs kyis zhes bya ba la/ gang gi phyir de la bcom ldan 'das kyis bstan pa gtad de/ bcom ldan 'das yongs su mya ngan las 'das pa'i 'og tu gsung rab bsdu ba byas so/ /dgra bcom pa lnga brgya po de dag yongs su mya ngan las 'das pa dang /'phags pa 'od srungs chen po la bstan pa yongs su gtad do/ /de ltar bya ba ma lus par byas te/ ri bya rkang mo'i steng du 'dzegs nas bcom ldan 'das kyi phyag dar khrod pa'i na bzas lus dang bsil byed dang lhung bzed gtums te/ri gsum gyis bsgribs te/ bcom ldan 'das byams pa'i gsung rab kyi bar du nyams par ma gyur cing des rang gi 'khor rnams la rig par byed par 'gyur ro zhes byin gyis brlabs nas yongs su mya ngan las 'das so/ /gang gi tshe bcom ldan 'das byams pa 'jig rten du byung ba de'i tshe nyan thos kyi dge 'dun dang lhan cig sa phyogs der gshegs te ri gsum po dag rnam par bsal te/bcom ldan 'das byams pa'i phyag gis rus pa'i tshogs bsnams te chos ston par 'gyur te/ chos ston pa thos nas nyan thos bye ba phrag dgu bcu rtsa drug dgra bcom pa nyid mngon sum du byed par 'gyur ro zhes phren tshegs las/dbyangs dang zhes bya ba la sogs pa'i sman gyi gzhi'i sdom gyi tshigs su bcad pa gsum pa las rgyas par 'don to/ /chos mngon pa mdzod kyi rnam par bshad pa nye bar mkho ba zhes bya ba las mdzod kyi gnas bdun pa phal cher mdo dang sbyar ba rdzogs so// //'di ltar mdo las lhag pa'i sems kyi bslab pa dang zhes bya ba la/ lam gyi tshogs kyi bslab pa'i sgo'i mdo gsum pa dang bzhi pa las 'byung ba mdzod kyi gnas drug pa 'di nyid du/ de'i tshe de mi slob dgra bcom/ /zhes bya ba la/ tshig le'ur byas pa dang / yang tshul khrims dang / ting nge 'dzin dang / shes rab kyi rang bzhin yin zhes bris zin to/ /sems yongs su dag pa'i gtso bo zhes bya ba la/ stag gi byang chub kyi bu dang / nyan thos kyi rnam par bshad pa sdom gyi tshigs su bcad pa bcu gcig pa'i tha ma las 'byung ba mdzod kyi gnas drug par bshad zin to//bcom ldan 'das kyis kyang bsam gtan mi dge ba dag kyang zhes gsungs so zhes bya ba la/ tshangs pa'i tshogs kyi sdom gyi tshigs su bcad pa dang po'i maud gal gyi bu dang sbas pa'i mdo las 'di ltar 'don te/ de'i tshe na sde dpon nye dga' 'khor der 'dus par gyur cing tshogs te 'dug par gyur te/ de nas sde dpon nye dgas chen por grags pa'i bram ze 'char byed la 'di skad ces smras so/ /'char byed khyed cag 'ong ma'i tshal bya ka lan da ka gnas pa na de ltar bsam gtan dang bsam gtan gyi tshul gyis mngon par dga' ba bden nam/sde dpon de de bzhin te/ de de bzhin no/ /bsam gtan dang bsam gtan gyi tshul gyis sdom par byed do/ /dus gcig gi tshe bcom ldan 'das gau ta ma chu bo can byi kun dze ka'i spyil bu na bzhugs te/ de'i tshe bcom ldan 'das gau ta ma des bdag la bsam gtan thams cad ni bsngags shing bsam gtan thams cad kyi rab tu bsngags pa gsung ngo //de nas tshe dang ldan pa kun dga' bos chen por grags pa'i bram ze 'char byed la 'di skad ces smras so/ /'char byed khyod 'di skad du bcom ldan 'das gau ta ma des bdag la bsam gtan thams cad bsngags shing bsam gtan thams cad kyis rab tu bsngags pa gsung ngo zhes ma smra shig /'on kyang bcom ldan 'das ni bsngags par mi 'os pa de dag gi bsngags pa mi gsung gi/ bsngags par 'os pa dag gi bsngags pa mi gsung ngo //ji ltar bcom ldan 'das gau ta ma gang bsngags par mi 'os pa dag gi bsngags pa mi gsung zhe na/ 'char byed 'di na kha cig 'dod pa'i 'dod chags kyis kun nas dkris pa'i sems la lan mang du gnas shing 'dod pa'i 'dod chags kyis kun nas dkris pa'i skyes pa rnams la phyis nges pa 'byung ba yang dag pa ji lta ba bzhin du rab tu mi shes te/de 'dod pa'i 'dod chags kyis kun nas dkris pas bar du bcad cing sgom par byed rab tu bsgom zhing bsgom ste/ gnod sems dang / rmugs pa dang / gnyid dang / rgod pa dang / 'gyod pa dang / the tshom gyis kun nas dkris pas sems la lan mang du gnas shing the tshom gyis kun nas dkris pa skyes pa rnams las/ phyis nges par 'byung ba yang dag pa ji lta ba bzhin mi shes te/ de the tshom gyis kun nas dkris pas rab tu bcad cing sgom par byed/rab tu bsgom zhing bsgom ste/ 'di ltar na bsngags par ma 'os pa'i bsam gtan gyi bsngags pa mi gsung ngo / /ji ltar na bsngags par 'os pa'i bsngags pa gsung zhe na/ 'char byed 'di na dge slong 'dod pa las dben pa sdig pa mi dge ba las dben zhes bya ba nas/bsam gtan bzhi pa bsgrubs te gnas so zhes bya ba'i bar du ste/ 'di ltar na bsngags par 'os pa bsngags so/ /kun dga' bo bcom ldan 'das gau ta mas bsngags par mi 'os pa'i bsam gtan gyi bsngags pa mi gsung zhing / bsngags par 'os pa'i bsngags pa gsung ngam/kun dga' bo bdag la yang bya ba mang po dang bya ba mang du mchis kyis 'gro bar bya'o/ /'char byed de ltar de'i dus la bab par shes na song shig/ de nas chen por grags pa'i ma ga d+hA'i bram ze 'char byed tshe dang ldan pa kun dga' bos bshad pa la mngon par dga' zhing rjes su yi rang ste/stan las langs te song ngo zhes gsungs so/ /gal te tshe dang drod gnyis 'dres par gsungs pa'i phyir dang zhes bya ba la/ lung bar ma'i sdom gyi tshigs su bcad pa gsum pa'i mthar gsus po che'i mdo las byung ba mdzod kyi gnas gsum pa 'di nyid du/de las byung ba'i tshor ba drug /lnga ni lus kyi'o sems kyi gzhan/ /zhes bya bar tshe dang drod gnyis lhan cig cing 'dres par gsungs pa'i phyir skad cig ma nges par grub po zhes bya bar bris zin to// //'dam bu'i shog gnyis bzhin zhes bya ba la/ gleng gzhi ni rgyal po'i khab na'o//de'i tshe na tshe dang ldan pa shA ri'i bu dang / tshe dang ldan pa gsus po che gnyis rgyal po'i khab kyi bya rgod phung po'i ri la brten te gnas to/ /de nas tshe dang ldan pa shA ri'i bu dgongs ka nang du yang dag 'jog las langs te/ tshe dang ldan pa gsus po che gang na ba der nye bar song ste/nye bar song nas tshe dang ldan pa gsus po che dang lhan cig yang dag par dga' ba dang yang dag par bde ba'i gtam rnam pa sna tshogs byas te phyogs gcig tu 'dug go/ /phyogs gcig tu 'dug nas tshe dang ldan pa shA ri'i bus tshe dang ldan pa gsus po che la 'di skad ces smras so//tshe dang ldan pa gsus po che dris pa lung bstan pa'i phyir skabs su 'byed na bdag phyogs cung zad cig yongs su 'dri'o/ /tshe dang ldan pa shA ri'i bu dris shig dang thos nas rig par bya'o/ /tshe dang ldan pa gsus po che rga ba yod dam/ tshe dang ldan pa shA ri'i bu yod do//'chi ba yod dam/ tshe dang ldan pa shA ri'i bu yod do/ /tshe dang ldan pa gsus po che ci rga ba dang 'chi ba dag rang gis byas sam/ gzhan gyis byas sam/ 'on te rang gis kyang byas shing gzhan gyis kyang byas sam/ 'on te rga ba dang 'chi ba dag rang gis kyang ma byas gzhan gyis kyang ma byas par rgyu med par byung /tshe dang ldan pa shA ri'i bu rga ba dang 'chi ba ni rang gis ma byas shing gzhan gyis ma byas la/ rang gis byas pa dang gzhan gyis byas pa yang ma yin la/ rga ba dang 'chi ba dag ni rang gis ma byas gzhan gyis ma byas par rgyu med pa las kyang ma byung gi/'on kyang skye ba'i rkyen gyis rga ba dang 'chi ba byung ngo / tshe dang ldan pa gsus po che ci skye ba rang gis byas sam/ 'on te gzhan gyis byas sam/ 'on te rang gis kyang byas shing gzhan gyis kyang byas sam/ skye ba dang rga ba dag rang gis ma byas gzhan gyis ma byas par rgyu med pa las byung /tshe dang ldan pa shA ri'i bu skye ba ni rang gis ma byas shing gzhan gyis ma byas la/ rang gis byas pa dang gzhan gyis byas pa yang ma yin la/ skye ba ni rang gis ma byas gzhan gyis ma byas par rgyu med pa las byung ba yang ma yin no/ /'on kyang srid pa'i rkyen gyis skye ba byung ngo //tshe dang ldan pa gsus po che ci srid pa rang gis byas sam/ 'on te gzhan gyis byas sam/ 'on te rang gis kyang byas shing gzhan gyis kyang byas sam/ 'on te srid pa rang gis kyang ma byas gzhan gyis kyang ma byas par rgyu med pa las byung / tshe dang ldan pa shA ri'i bu srid pa ni rang gis kyang ma byas shing gzhan gyis kyang ma byas la/ rang gis byas pa dang gzhan gyis byas pa yang ma yin la/ srid pa ni rang gis ma byas gzhan gyis ma byas par rgyu med pa las byung ba yang ma yin te/ 'on kyang len pa'i rkyen gyis srid pa'o/ /tshe dang ldan pa gsus po che ci len pa rang gis byas sam/'on te gzhan gyis byas sam/ 'on te rang gis kyang byas shing gzhan gyis kyang byas sam/ 'on te len pa rang gis kyang ma byas gzhan gyis kyang ma byas par rgyu med pa las byung / tshe dang ldan pa shA ri'i bu len pa ni rang gis ma byas shing gzhan gyis ma byas la/rang gis byas pa dang gzhan gyis byas pa yang ma yin la/ len pa ni rang gis ma byas gzhan gyis ma byas par rgyu med pa las byung ba yang ma yin te/ 'on kyang srid pa'i rkyen gyis len pa byung ngo / /tshe dang ldan pa gsus po che srid pa rang gis byas sam/ 'on te gzhan gyis byas sam/'on te rang gis kyang byas shing gzhan gyis kyang byas sam/ 'on te sred pa rang gis kyang ma byas gzhan gyis kyang ma byas par rgyu med pa las byung / tshe dang ldan pa shA ri'i bu sred pa ni rang gis kyang ma byas shing gzhan gyis kyang ma byas la/ rang gis byas pa dang gzhan gyis byas pa yang ma yin la/sred pa rang gis ma byas gzhan gyis ma byas par rgyu med pa las byung ba yang ma yin te/ 'on kyang tshor ba'i rkyen gyis sred pa byung ngo / /tshe dang ldan pa gsus po che tshor ba rang gis byas sam/ /'on te gzhan gyis byas sam/ 'on te rang gis kyang byas shing gzhan gyis kyang byas sam/'on te tshor ba rang gis ma byas gzhan gyis ma byas par rgyu med pa las byung / tshe dang ldan pa shA ri'i bu tshor ba ni rang gis kyang ma byas shing gzhan gyis kyang ma byas la/ rang gis byas pa yang ma yin gzhan gyis byas pa yang ma yin la/ tshor ba rang gis ma byas gzhan gyis ma byas par rgyu med pa las byung ba yang ma yin te/'on kyang rig pa'i rkyen gyis tshor ba byung ngo / /tshe dang ldan pa gsus po che reg pa rang gis byas sam/ 'on te gzhan gyis byas sam/ 'on te rang gis kyang byas shing gzhan gyis kyang byas sam/ 'on te reg pa rang gis ma byas gzhan gyis ma byas par rgyu med pa las byung /tshe dang ldan pa shA ri'i bu reg pa ni rang gis ma byas shing gzhan gyis ma byas la/ rang gis byas pa dang gzhan gyis byas pa yang ma yin la/ reg pa rang gis ma byas gzhan gyis ma byas par rgyu med pa las byung ba yang ma yin te/'on kyang skye mched drug gi rkyen gyis reg pa byung ngo / /tshe dang ldan pa gsus po che skye mched drug rang gis byas sam/ 'on te gzhan gyis byas sam/ 'on te rang gis kyang byas shing / gzhan gyis kyang byas sam/ 'on te skye mched drug rang gis ma byas gzhan gyis ma byas par rgyu med pa las byung /tshe dang ldan pa shA ri'i bu skye mched drug ni rang gis ma byas shing gzhan gyis kyang ma byas la/ rang gis byas pa dang gzhan gyis ma byas pa yang ma yin la/ skye mched drug ni rang gis ma byas gzhan gyis ma byas par rgyu med pa las byung ba yang ma yin te/ 'on kyang ming dang gzugs kyi rkyen gyis skye mched drug byung ngo / /tshe dang ldan pa gsus po che ming dang gzugs rang gis byas sam/ 'on te gzhan gyis byas sam/ 'on te rang gis kyang byas shing gzhan gyis kyang byas sam/ ming dang gzugs rang gis ma byas/ gzhan gyis ma byas par rgyu med pa las byung /tshe dang ldan pa shA ri'i bu ming dang gzugs ni rang gis ma byas shing gzhan gyis kyang ma byas la/ rang gis byas pa dang gzhan gyis byas pa yang ma yin la/ ming dang gzugs ni rang gis ma byas gzhan gyis kyang ma byas par rgyu med pa las byung ba yang ma yin te/ 'on kyang rnam par shes pa'i rkyen gyis ming dang gzugs byung ngo //tshe dang ldan pa gsus po che rnam par shes pa rang gis byas sam/ 'on te gzhan gyis byas sam/ 'on te rang gis kyang byas shing gzhan gyis kyang byas sam/ 'on te rnam par shes pa rang gis ma byas gzhan gyis kyang ma byas par rgyu med pa las byung /tshe dang ldan pa shA ri'i bu rnam par shes pa ni rang gis ma byas shing gzhan gyis kyang ma byas la/ rang gis byas pa dang gzhan gyis byas pa yang ma yin la/ rnam par shes pa rang gis ma byas gzhan gyis kyang ma byas par rgyu med pa las byung ba yang ma yin te/'on kyang ming dang gzugs kyi rkyen gyis rnam par shes pa byung ngo / /tshe dang ldan pa gsus po che snga mas phyi ma dang / phyi mas snga ma 'di ji ltar rigs par 'gyur te/ de ltar tshe dang ldan pa gsus po ches 'di skad du/ tshe dang ldan pa shA ri'i bu ming dang gzugs ni rang gis ma byas shing gzhan gyis ma byas la/rang gis byas pa dang gzhan gyis byas pa yang ma yin la/ ming dang gzugs rang gis ma byas gzhan gyis ma byas par rgyu med pa las byung ba yang ma yin no/ /'on kyang rnam par shes pa'i rkyen gyis ming dang gzugs byung ngo zhes bshad pa la/da ltar ni ming dang gzugs kyi rkyen gyis rnam par shes pa byung ngo zhes tshe dang ldan pa gsus po ches bshad pa'i don mi shes te/ tshe dang ldan pa gsus po ches bshad pa'i don 'di ji ltar blta bar bya/ de'i phyir tshe dang ldan pa shA ri'i bus skyes bu mkhas pa rnams ni dpes rnam par bshad pa'i don shes par 'gyur bas re zhig dpe nyon cig /dper na 'dam bu'i shog gnyis blang ba dag phan tshun bsten cing phan tshun 'brel ba dang / phan tshun bsten cing gnas te/ de las 'ga' zhig gis gcig blangs nas gnyis pa lhung bar gyur pa de bzhin du/ tshe dang ldan pa shA ri'i bu ches gnyis po 'di dag ni phan tshun bsten pa phan tshun 'brel ba/ phan tshun bsten cing gnas pa ste/ rnam par shes pa'i rkyen gyis ming dang gzugs yin zhing / ming dang gzugs kyi rkyen gyis rnam par shes pa yin no/ /tshe dang ldan pa gsus po che ji ltar ston pa'i nyan thos mkhas pa gsal ba dul ba 'jigs pa med pa 'chi ba med pa dang /'chi ba med pa'i khams lus kyis mngon sum byas shing bsgrubs te gnas pa dag gis 'di lta bu'i rang bzhin zab cing zab pa'i dris pa dag yang dag pa'i shes rab kyis rnam par dpyad nas lung bstan pa legs so legs so//tshe dang ldan pa gsus po che ni tshangs par spyod pa mkhas pa dag gis spyi bo la thod bzhin du thogs te/ blta ba'i phyir 'gros rnyed pa dang / bsnyen bkur ba de dag ni rnyed pa legs par rnyed pa'o/ /bdag cag kyang rnyed pa legs par rnyed de/ bdag cag tshe dang ldan pa gsus po che blta ba'i phyir 'gro ba dang /bsnyen bkur rnyed pa 'ba' zhig tu ma zad kyi tshe dang ldan pa gsus po che bdag cag sum cu pa'i chos kyi rnam grangs bstan pa la bdag mngon par spro zhing bstod la rjes su yi rang ste/ tshe dang ldan pa gsus po che dge slong na ba dang 'chi ba la yid 'byung ba dang /'dod chags dang bral ba dang / 'gog pa'i chos ston par byed na dge slong chos kyi gtam smra ba zhes bya'o/ /skye ba dang / srid pa dang / len pa dang / sred pa dang / tshor ba dang / reg pa dang / skye mched drug dang / ming dang / gzugs dang / rnam par shes pa la skyo ba dang /'dod chags dang bral ba dang / 'gog pa'i chos ston par byed na dge slong chos kyi gtam smra ba zhes bya ba brjod par bya'o/ /tshe dang ldan pa gsum po che na ba dang 'chi ba la yid 'byung ba dang / 'dod chags dang bral ba dang / 'gag pa rtogs na dge slong chos kyi gtam smra ba zhes bya'o bya ba nas/snga ma bzhin du rnam par shes pa la yid 'byung ba dang / 'dod chags dang bral ba dang 'gog pa dag rtogs par gyur na dge slong chos kyi gtam smra ba zhes bya'o/ /tshe dang ldan pa gsus po che dge slong na ba dang 'chi ba la yid 'byung ba dang / 'dod chags dang bral ba dang 'gog pa dang nye bar len pa med par zag pa las sems rnam par grol bar 'gyur na dge slong chos kyi gtam smra ba zhes brjod par bya'o//tshe dang ldan pa gsus po che skye ba dang / srid pa dang / len pa dang / sred pa dang / tshor ba dang / reg pa dang / skye mched drug dang / ming dang gzugs dang / rnam par shes pa la yid 'byung ba dang / 'dod chags dang bral ba dang / 'gog pa dang nye bar len pa med par zag pa rnams las sems rnam par grol bar gyur na dge slong chos kyi gtam smra ba zhes brjod par bya'o/ /tshe dang ldan pa shA ri'i bu ston pa'i nyan thos mkhas pa gsal ba dul ba 'jigs pa med pa zhes bya ba nas/snga ma bzhin du blta ba'i phyir 'gro ba dang bsnyen bkur rnyed pa zhes bya ba nas/ legs so legs so zhes bya ba'i bar du ste/ skyes bu dam pa de gnyis phan tshun du mngon par dga' zhing rjes su yi rangs nas stan las langs te song ngo zhes gsungs so//gang yang rnam par shes pa'i rkyen gyis ming dang gzugs zhes bya ba la/ rten cing 'brel bar 'byung ba'i mdo de dang / de las 'don te/ gang yang gzugs la sogs pa las gzhan du rnam par shes pa 'gro ba dang 'ong ba bkag pa'i phyir zhes bya ba la/phung po'i sdom gyi tshigs su bcad pa bdun pa'i mngon par mi byed ces bya ba'i mdo'i mtha' las 'byung ba dang / bdag med ces bya ba'i sdom gyi tshigs su bcad pa'i mdo gsum par sa bon gyi rnam pa lnga zhes bya ba'i mdo gsum pa las byung ba mdzod kyi gnas drug pa 'di nyid du 'phags pa'i bden pa bsam par sa bon gyi rnam pa lnga zhes bya ba ni nye bar len pa dang bcas pa'i rnam par shes pa'i tshig bla dgas so zhes bya ba der bshad zin to//zas bzhi gsungs pa'i phyir zhes bya ba la/ gleng gzhi yang dag par ldan pa'i sgo dang po las bu'i sha'i dpes bstan pa mdzod kyi gnas gsum pa 'di nyid du/'gro ba zas kyi gnas pa yin/ /zhes bya bar zas kyi dbang du byas te/ bshad pa blta bar bya'o/ /gal te kham du byed pa'i zas za ba'i lha rnams las 'das te zhes bya ba la/ lung bar ma'i bdun pa las sdom gyi tshigs su bcad pa tha ma las 'char byed kyi mdo las 'don te/de'i mdo'i dum bu yang mdzod kyi gnas gnyis pa'i/ 'gog pa dang po mi nang du/ /zhes bya bar bstan te/ gzhan du na 'char byed kyi mdo las 'gal lo zhes bya bar bris pa blta bar bya'o/ /dga' ba'i zas zhes gsungs pa'i phyir zhes bya ba la/ji ltar re zhig brgya byin gyis dris pa'i mdo las mdzod kyi gnas drug pa 'di nyid du/ 'dod par tshe yongs gyur pa'i 'phags/ /khams gzhan du ni 'gro mi byed/ /ces bshad zin to/ /gzugs med pa rnams ni gzugs las nges par 'byung ba yin no zhes bya ba la/ gleng gzhi ni mnyan du yod pa na'o/ /nges par 'byung ba'i khams ni rnam pa gsum ste/ 'dod pa rnams las nges par 'byung ba ni gzugs can rnams so/ /gzugs med pa rnams ni gzugs las nges par 'byung ba yin no/ /gang cung zad mngon par sems shing mngon par 'dus byas pa de dag 'gags pa ni nges par 'byung ba'o zhes gsungs so//gzugs med pa'i rnam par thar pa zhi ba gang dag ces bya ba la/ lung bar ma'i sdom gyi tshigs su bcad pa bdun pa'i phyi ma las ba lang skyong gi mdo las byung ba dang / ting nge 'dzin yang dag par ldan pa'i lus su gtogs pa'i dran pa nye bar gzhag pa dang /rnam grangs rnam par bshad pa'i sdom gyi tshigs su bcad pa gnyis pa'i mdo dgu pa las 'byung ba mdzod kyi gnas gnyis pa 'di nyid du dbang po'i rna ba bshad par gzugs na drug go zhes bshad zin to/ /gzugs can ma yin pa'i sems can dag kyang yod ces bya ba la/mdzod kyi gnas gsum pa 'di nyid du rnam par shes pa'i gnas bdun dang / sems can gyi gnas dgu bstan pa'i mdo sems can lus tha dad cing 'du shes tha dad pa zhes bya ba nas/ sems can gyi ni gnas dgur 'dod/ /ces bya bar bshad zin to/ / bcom ldan 'das kyis kyang bsam gtan dag la ni zhes bya ba la/ nyan thos kyi rnam par bshad pa'i sdom gyi tshigs su bcad pa nyi shu pa las byung ba mdzod kyi gnas gsum pa 'di nyid du srid pa bar ma'i rnam pa yod pa nyid sgrub par byed pa bkod par mdo rgyas par bris zin to/ /gal te de la yang 'di ltar 'du shes ni nad do//'du shes ni 'bras so zhes bya ba la/ bcom ldan 'das rgyal po'i khab kyi 'od ma'i tshal bya ka lan da ka gnas pa na bzhugs te/ de nas bcom ldan 'das kyis dge slong rnams la bos te/ dge slong dag rangs byed kyi bu lhag spyod 'bras dang 'bras kyi rtsa ba yongs su bsal ba'o zhes rnam par shes pa 'dis shes par gyur na/'di ni thams cad rig pa'i shes pa/ 'di ni thams cad tshor ba'i shes pa'o zhes 'di ltar lta zhing 'di skad du smra ste/ dge slong dag rangs byed kyi bu lhag spyod ni thams cad ma rig pa la thams cad rig pa'i nga rgyal can/thams cad ma tshor ba la thams cad tshor ba'i nga rgyal can 'bras dang 'bras kyi rtsa ba yongs su ma bsal ba la 'bras dang 'bras kyi rtsa ba yongs su bsal ba'i nga rgyal can te/ dge slong dag rangs byed kyi bu lhag spyod ni 'di ltar lta zhing 'di skad du smra ste/ 'du shes ni nad do//'du shes ni 'bras so/ /'du shes ni zug rngu'o/ /'du shes med pa ni kun du rmongs pa'o/ /'di lta ste 'du shes med 'du shas med min skye mched ni zhig/ 'di ni gya nom pa'o zhes de 'du shes med 'du shes med min skye mched kyi lam bsgoms nas 'du shes med 'du shes med min skye mched kyi lha rnams dang skal ba mnyam par skyes so//dge slong dag rangs byed kyi bu lhag spyod ni 'jig tshogs la lta ba can/ 'jig tshogs la lta bas bcings shing yongs su ma grol ba/ 'jig tshogs can te/ de gnas de nas 'chi 'phos nas 'di lta bu 'ong bar 'gyur te/ skye gnas dman pa byi la'i skye gnas su skye bar 'gyur te/dge slong dag gang zhig 'bras dang 'bras kyi rtsa ba yongs su bsal ba'o zhes rnam par shes pa 'dis yongs su shes par gyur na/ 'di ni thams cad rig pa'i shes pa/ 'di ni thams cad tshor ba'i shes pa'o zhes smra ba 'di ni yang dag par smra ba ste/ ci'i phyir de'i yang dag par smras pas smra ba yin zhe na/'bras dang 'bras kyi rtsa ba yongs su bsal ba'o zhes rnam par shes pa 'dis shes par gyur na 'di ni thams cad rig pa'i shes pa 'di ni thams cad tshor ba'i shes pa ste/ dge slong dag ji ltar thams cad rig pa yin zhe na/ 'di ni dge slong rig pa'i skye mched drug rnams kyi kun 'byung ba dang /mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin rab tu shes pa ste/ 'di ltar na dge slong thams cad rig par 'gyur ro/ /dge slong ji ltar na dge slong thams cad tshor ba yin zhe na/'di na dge slong tshor ba rnams kyi kun 'byung ba dang / mi snang ba dang / ro myang ba dang / nyes dmigs dang / nges par 'byung ba yang dag pa ji lta ba bzhin rab tu shes te/ 'di ltar na dge slong thams cad tshor bar 'gyur ro/ /dge slong dag 'bras zhes bya ba 'di ni lus gzugs can rags pa 'byung ba chen po bzhis bskyed cing pha dang ma'i mi gtsang ba las yang dag par byung ba zan dron dang 'bras chan gyis gsos shing /rtag tu khrus dang byug pa byas kyang 'jig cing gyes pa'i chos can gyi de'i tshig bla dgas so/ /dge slong dag 'bras kyi rtsa ba zhes bya ba 'di ni mig ni yid du 'ong ba dang mi 'ong ba'i gzugs la 'dzag cing /rna ba ni sgra/ sna ni dri/ lce ni ro/ /lus ni reg bya dang / yid ni yid du 'ong ba dang mi 'ong ba'i chos la 'dzag pa'i phyir ro/ /'bras kyi rtsa ba zhes bya ba 'di ni ma rig pa dang srid pa'i sred pa'i tshig bla dgas so/ /gang gi phyir dge slong ma rig pa dang srid pa'i srid pa yongs su spangs shing yongs su shes par gyur pa ste/shing ta la mgo bcad pa ltar drungs phyung zhing mi snang zhing phyis mi skye ba'i chos can du byas pa 'di ni 'bras dang 'bras kyi rtsa ba yongs su bsal bar yongs su shes pa zhes bya'o zhes gsungs so/ / gang sems gnas pa dang yang dag par gnas pa zhes bya ba la/ de dang de las 'don te/ ji ltar re zhig lam gyi tshoms kyi lam gyi yan lag gi sgo'i log pa nyid ces bya ba'i sdom gyi tshigs su bcad pa bdun pa'i mdo gsum pa las 'byung ba mdzod kyi gnas bzhi par/ rnam gsum dri med gzugs gsungs dang //'phel dang ma byas lam rdzogs phyir/ /zhes bya ba'i skabs su/ spong ba dag ni chu lon du gsungs zhes bya bar blta bar bya'o/ /'o na mdo las bde ba'i dbang po gang zhe na zhes bya ba la/ lam gyi tshoms [(]gyi [,]kyi[)]dbang po'i sgo'i sdom gyi tshigs su bcad pa gnyis pa'i mtha'i cha las 'byung ba blta bar bya ste/'di nyid kyi mdzod kyi gnas gnyis par/ lus tshor sim pa ma yin gang / /sdug bsngal dbang po zhes bya bar bshad zin to/ /bde ba lus kyis myong ba zhes bya ba la bsam gtan gyi rnam par byed pa de dang de las 'di ltar 'don te/ de dga' ba las 'dod chags dang bral te/dran pa shes rab dang ldan zhing btang snyoms su gnas te/ bde ba lus kyis myong ba gang 'phags pa rnams kyis dran pa dang ldan zhing btang snyoms pa'o zhes brjod pa ste/ dga' ba med pa'i bsam gtan gsum pa bsgrubs te gnas so zhes gsungs so/ /gang gi tshe 'phags pa nyan thos rab tu dben pa zhes bya ba la sogs pa la/bcom ldan 'das mnyan yod na rgyal byed kyi tshal mgon med zas sbyin gyi kun dga' ra bar dbyar gnas pa'i phyir gshegs so/ /de nas khyim bdag mgon med zas sbyin bcom ldan 'das gang na ba der nye bar song ste/nye bar song nas bcom ldan 'das kyi zhabs la spyi bos phyag byas te phyogs gcig tu 'dug go/ /phyogs gcig tu 'dug nas khyim bdag mgon med zas sbyin la chos kyi gtam gyis yang dag par bstan par mdzad/ yang dag par bskul/ yang dag par gzengs bstod/ yang dag par dga' bar mdzad de/ chos dang ldan pa'i gtam gyis rnam grangs du mar yang dag par bstan/ yang dag par bskul/ yang dag par dga' bar mdzad nas cang mi gsung bar bzhugs so/ /de nas khyim bdag mgon med zas sbyin stan las langs te bla gos phrag pa gcig tu byas nas bcom ldan 'das gang na ba der thal mo sbyar te phyag byas nas bcom ldan 'das la 'di skad ces gsol to//bcom ldan 'das dge slong gi dge 'dun dang thabs cig tu zla ba gsum du chos gos dang bsod snyoms dang /mal cha dang / stan dang / na ba'i rkyen sman dang / 'tsho ba'i yo byad bzhes par gnang bar mdzad du gsol/ bcom ldan 'das kyis khyim bdag mgon med zas sbyin la cang mi gsung bar gnang bar mdzad do/ /de nas khyim bdag mgon med zas sbyin gyis bcom ldan 'das kyis cang mi gsung bar gnang bar rig nas bcom ldan 'das kyi zhabs la spyi bos phyag byas nas song ngo //bcom ldan 'das dge slong gi dge 'dun dang thabs cig tu dbyar zla ba gsum du khyim bdag mgon med zas sbyin gyis chos gos dang / bsod snyoms dang / mal cha dang / stan dang / na ba'i rkyen sman dang /'tsho ba'i yo byad kyis nye bar gnas par byas te/ de nas khyim bdag mgon med zas sbyin dbyar zla ba gsum 'das pa'i 'og tu bcom ldan 'das gang na ba der nye bar song nas bcom ldan 'das kyi zhabs la spyi bos phyag byas te phyogs gcig tu 'dug go/ /phyogs gcig tu 'dug pa dang /bcom ldan 'das kyis khyim bdag mgon med zas sbyin la 'di skad ces bka' stsal to/ /khyim bdag legs so legs so de bzhin gshegs pa dge slong gi dge 'dun dang thabs cig tu dbyar zla ba gsum du chos gos dang / bsod snyoms dang / mal cha dang / stan dang / na ba'i rkyen sman dang / 'tsho ba'i yo byad kyis nye bar gnas par byas kyi/ khyim bdag ma 'ongs pa na mtho ris 'grub par byed pa skal ba khyad par can gyi rnam par smin pa bde ba can gong mar 'gro bar 'gyur ro/ /khyim bdag 'di tsam kyis dga' bar mi bya ste/ 'on kyang dus dang dus su rab tu dben pa'i bde ba lus kyis mngon sum du byas nas bsgrubs te/ gnas pa de ltar bslab par bya'o/ /de nas khyim bdag mgon med zas sbyin bcom ldan 'das kyis gsungs pa la mngon par dga' zhing rjes su yi rangs te bcom ldan 'das kyi drung nas song ngo //de'i tshe tshe dang ldan pa shA ri'i bu 'khor 'dus pa de na tshogs shing 'dug par gyur te/ de nas tshe dang ldan pa shA ri'i bu khyim bdag mgon med zas sbyin bcom ldan 'das kyi drung nas song nas ring du lon par rig nas bcom ldan 'das la 'di skad ces gsol to/ /btsun pa ngo mtshar ro zhes bya ba nas 'di ltar bcom ldan 'das kyis khyim bdag mgon med zas sbyin las brtsams te/khyim bdag legs so legs so zhes bya ba nas/ snga ma bzhin du de ltar bslab par bya'o zhes bya ba'i bar du ste/ gang gi tshe 'phags pa nyan thos rab tu dben pa'i bde ba lus kyis mngon sum du byas shing bsgrubs te gnas pa de'i tshe chos lnga yongs su spong zhing chos lnga bsgom pa yongs su rdzogs par 'gyur te/chos lnga yongs su spong bar 'gyur ba gang zhe na/ gang yang 'dod pa nye bar sdud pa'i yid bde ba yongs su spong ba dang / gang 'dod pa nye bar sdud pa'i yid mi bde ba yongs su spong ba dang /gang yang mi dge ba nye bar sdud pa'i yid bde ba yongs su spong ba dang / gang mi dge ba nye bar sdud pa'i yid mi bde ba yongs su spong ba dang / gang mi dge ba nye bar sdud pa'i btang snyoms yongs su spong bar 'gyur ba ste/ chos lnga po 'di dag yongs su spong bar 'gyur ro/ /chos lnga po bsgom pa yongs su rdzogs par gyur pa gang zhe na/dga' ba dang / rangs pa dang / shin tu sbyangs pa dang / bde ba dang / ting nge 'dzin no/ /shA ri'i bu de de bzhin te/ gang gi tshe 'phags pa nyan thos rab tu dben pa'i dga' ba lus kyis mngon sum du byas shing bsgrubs te gnas zhes bya ba nas/snga ma bzhin du ting nge 'dzin to zhes bya ba'i bar du'o zhes gsungs so/ /mdo las kyang lus shin tu sbyangs pa dang zhes bya ba la/ lam gyi tshoms kyi byang chub kyi yan lag gi sgo'i sdom gyi tshigs su bcad pa gnyis pa'i mdo dang po las 'byung ba mdzod kyi gnas gnyis par/dad dang bag yod shin tu sbyangs/ /zhes bya ba'i tshig le'ur byas pa dang / mdo las lus shin tu sbyangs pa zhes kyang 'byung ba ma yin nam zhes bya bar bris pa blta bar bya'o/ /zag pa dang bcas pa'i chos rnams gang zhe na zhes bya ba la/ skye mched drug gi tshogs kyis bsdus pa'i sdom dang po'i lam zhes bya ba'i sdom gyi tshigs su bcad pa'i tha ma las 'byung ba mdzod kyi gnas dang por/zag bcas zag pa med chos rnams/ /zhes bya bar bris zin to/ /bcom ldan 'das kyis rnam par sgyur ba'i mdo las zhes bya ba la/ lam gyi tshogs kyi dbang po'i sgo'i sdom gyi tshigs su bcad pa gnyis pa las 'byung ba mdzod kyi gnas gsum par/nang gi skyon dang chos mtshungs phyir/ /zhes bya bar bstan cing / 'dir sdug bsngal gyis dbang po 'gags so zhes bya bar bshad zin to/ /rnam par sgyur ba'i mdo las bsam gtan bzhi pa na bde ba'i dbang po 'gag par 'gyur ro zhes bya ba la sogs pa 'byung ngo //bde ba yang spangs te zhes bya ba la/ bsam gtan bzhi pa'i dbang du byas nas mdo de dang de las 'don pa ste/ de bde ba yang spangs sdug bsngal ba yang spangs shing yid bde ba dang yid mi bde ba snga nas kyang nub pas bde ba yang ma yin/sdug bsngal ba yang ma yin par btang snyoms yongs su dag par bsam gtan bzhi pa bsgrubs te gnas so zhes 'byung / bcom ldan 'das kyis bsam gtan gsum ni skyon dang bcas pa'i phyir g.yo ba dang bcas par gsungs zhes bya ba lung bar ma'i sdom gyi tshigs su bcad pa gnyis pa'i dang po'i mdo las te/mdo dum bu mdzod kyi gnas gsum par/ bzhi pa g.yo ba med pa yin/ /zhes bya bar bshad pa blta bar bya'o/ /mdo las rlung med pa'i mar me dper mdzad pa'i phyir ro zhes bya ba la/ phung po las/ dbyu gu gsum dang gong bu gsum/ / lu hi ta yi rnam bshad gnyis/ /zhes bya ba'i lu hi ta'i mdo dang po la rlung med pa'i mar me'i dpe 'di ltar 'don te/ lu hi ta gang gi tshe 'phags pa nyan thos bde ba yang spangs shing / sdug bsngal ba yang spangs te zhes bya ba nas/ bsam gtan bzhi pa bsgrubs te gnas pa de'i tshe sems mtho bar mi 'gyur zhing dma' bar mi 'gyur bar mngon par gnas shing mi g.yo ba thob ste/dper na khang pa'am khang pa'i khyams su mar me bzhag pa dud 'gro'am bya'am mis ma bskul zhing ma bskyod pa de srid du mi mtho mi dma' bar mi 'gyur bar mngon par gnas shing mi g.yo ba thob po/ /lu hi ta gang gi tshe 'phags pa nyan thos bsam gtan can bde ba yang spangs shing zhes bya ba nas bsam gtan bzhi pa bsgrubs te gnas pa de'i sems kyang de'i tshe mtho bar mi 'gyur zhing dma' bar mi 'gyur bar mngon par gnas shing mi g.yo ba thob po zhes gsungs so//yang ting nge 'dzin thams cad mdor bsdus te zhes bya ba la/gleng gzhi ni mnyan du yod pa na'o/ /ting nge 'dzin ni rnam pa gsum ste/ rtog pa dang bcas shing dpyod pa dang bcas pa'i ting nge 'dzin dang / rtog pa med la dpyod pa tsam gyi ting nge 'dzin dang / rtog pa yang med la dpyod pa yang med pa'i ting nge 'dzin to zhes gsungs so//yang stong pa nyid kyi ting nge 'dzin dang zhes bya ba la/ gleng gzhi ni mnyan du yod pa na'o/ /ting nge 'dzin ni rnam pa gsum ste/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin to zhes gsungs so/ /lam yang gzings lta bur gdon mi za bar dor bar bya ba'i phyir zhes bya ba la/'di lta ste chu bo gang+gA chus yongs su gang zhing rgyas te bya rog btung du rung ba tsam du gyur la gru'am gzings med par rgyun phyogs dang bzlog phyogs dang pha rol dang tshu rol gyi 'gram du brgal bar mi nus pas/ gang bdag gis rtsa dang /shing dang / 'dab ma dang / lo ma mang po dag bsdus te/ gzings byas pa/ gzings la brten cing gzings la gnas te lag pa gnyis kyis rtsol bas pha rol du 'gro bar bya'o zhes de de ltar rnam par dpyad nas rtswa dang / shing dang / 'dab ma dang / lo ma mang po dag bsdus te gzings byas nas/gzings la brten cing gzings la gnas te/ rgyun las bzlog phyogs su lag pa gnyis kyis rtsol bas bde bar pha rol tu phyin te/ de nas skyes bu de 'di snyam du gzings 'di ni bdag la phan pa mang po byed pa ste/ bdag gzings 'di la brten cing gzings la gnas nas rgyun las bzlog phyogs su lag pa gnyis kyis rtsol bas bde bar pha rol tu brgal te/gang bdag gis gzings 'di ni mgo bo'am phrag pa la khur te gang du 'dod pa der 'gro bar bya'o zhes/ dge slong dag 'di ji snyam du sems/ skyes bu des phan pa mang po byed pa skyes bu de de lta de ltar rtog bzhin du gzings de mgo bo'am phrag pa la khur te/gang du 'dod pa der 'gro'am/ btsun pa ma lags so/ /de nas skyes bu de 'di snyam du gzings 'dis cung zad phan pa mang po byed pa yin te/ bdag gzings 'di la brten cing gzings la gnas te rgyun las bzlog phyogs su lag pa gnyis kyis rtsol bas bde bar pha rol gyi ngos su brgal bar byas kyang bdag gis gzings 'di thang las bskyur ba'am chu'i rgyun la bskyur bar bya'o zhes des gzings de thang la bskyur ba'am chu'i rgyun du bskyur te ji ltar 'dod pa bzhin du 'gro na/dge slong dag 'di ji snyam du sems/skyes bu de gzings de la de lta de ltar rtog pa na bya ba byas pa yin nam/ btsun pa de bzhin no/ /dge slong dag de bzhin du ngas bstan pa'i chos rnams kyang nges par 'byung ba'i phyir yin gyi/ yongs su gzung ba'i phyir ni ma yin no/ /dge slong dag de lta bas na ngas gzings lta bu'i chos kyi rnam grangs bstan pa dag shes nas sngar chos ma yin pa bzhin du chos kyang spang bar bya'o zhes lung bar ma'i sdom gyi tshigs su bcad pa gnyis pa bkra shis pa'i mdo las 'byung ngo //dri med rnam thar sgo gsum mo/ /zhes bya ba la/ gleng gzhi ni mnyan du yod pa na'o//rnam par thar pa'i sgo ni rnam pa gsum ste/ gsum gang zhe na/ rnam par thar pa'i sgo stong pa nyid dang / mtshan ma med pa dang / smon pa med pa'o zhes gsungs so/ /gzhan yang ting nge 'dzin gsum mo zhes bya ba la/ gleng gzhi ni mnyan du yod pa na'o/ /gzhan yang ting nge 'dzin gsum ste/gsum gang zhe na/ stong pa nyid stong pa nyid kyi ting nge 'dzin dang / mtshan ma med pa mtshan ma med pa'i ting nge 'dzin dang / smon pa med pa smon pa med pa'i ting nge 'dzin no zhes gsungs so/ /yang ting nge 'dzin bsgom pa rnam pa bzhi ste zhes bya ba la/ gleng gzhi ni mnyan du yod pa na'o//ting nge 'dzin bsgom pa ni rnam pa bzhi ste/ bzhi gang zhe na/ ting nge 'dzin bsgom pa kun du bsten goms par byas lan mang du byas na mthong ba'i chos la bde bar gnas par 'gyur ba yang yod/ ting nge 'dzin bsgom pa kun du bsten goms par byas lan mang du byas na shes par 'gyur ba dang mthong bar 'gyur ba yang yod/ting nge 'dzin bsgom pa kun du bsten goms par byas lan mang du byas na shes rab rab tu 'byed par 'gyur ba yang yod/ ting nge 'dzin bsgom pa kun du bsten goms par byas lan mang du byas na zag pa zad par 'gyur ba yang yod do/ /ting nge 'dzin bsgom pa kun du bstan goms par byas lan mang du byas na mthong ba'i chos la bde bar gnas par 'gyur ba gang zhe na/'di na dge slong lus 'di rab tu dben pa las skyes pa'i dga' ba dang / bde bas mngon par gang zhing rgyas la khyab ste/ 'di lta ste rab tu dben pa las skyes pa'i dga' ba dang /bde ba lus 'di la ma khyab pa'i cha cung zad kyang med par khyab par gnas pa ste/ dper na khrus mkhan nam khrus mkhan gyi slob ma mkhas pas 'dag chal gyi phye ma zhib mo dag zangs gzhong ngam 'khar gzhong ngam nya phyis kyi nang du chu dang bcug nas sbangs na gong du de rlan pa dang rlan pa'i rjes su 'gro ba dang /phyi dang nang dag rlan pas khyab cing sla ba dang 'thor bar mi 'gyur ba de bzhin du 'di na dge slong lus 'di zhes bya ba snga ma bzhin te/ 'di ni ting nge 'dzin bsgom pa kun du bsten goms par byas lan mang du byas na mthong ba'i chos la bde bar gnas par 'gyur ba zhes bya'o/ / ting nge 'dzin bsgom pa yongs su bsten goms par byas lan mang du byas na shes par 'gyur ba dang mthong bar 'gyur ba gang zhe na/ 'di na dge slong snang ba'i 'du shes legs par rab tu bzung zhing legs par yid la byas legs par mngon sum du byed cing bsgom pa ste/ nyin mo ji lta bar mtshan mo de bzhin/ mtshan mo ji lta bar nyin mo de bzhin/ snga ma ji lta bar phyis de bzhin/ phyis ji lta bar sngar de bzhin/ steng du ji lta bar 'og tu de bzhin/ 'og tu ji lta bar steng du de bzhin no zhes 'di ltar bdag gi sems mun pa'i rnam par ma gyur cig ces sems ma bsgrims shing snang ba dang lhan cig par gyur pa'i sems sgrib pa med pa sgom par byed/'di ni ting nge 'dzin bsgom pa kun du bsten goms par byas lan mang du byas na shes par 'gyur ba dang mthong bar 'gyur ba zhes bya'o/ /ting nge 'dzin bsgom pa kun du bsten goms par byas lan mang du byas na shes rab rab tu rnam par 'byed par 'gyur ba gang zhe na/'di na dge slong tshor ba'i skye ba rig cing tshor ba'i skye ba rnam par rig la/ tshor ba'i gnas pa rig cing tshor ba'i gnas pa rnam par rig la/ mi snang ba dang yongs su zad pa dang yongs su gtugs pa rnam par rig go/ /de dran pa dang ldan bzhin du 'du shes rnam par rig cing rnam par rtog pa'i skye ba rnam par rig cing gnas pa rnam par rig la/mi snang ba dang yongs su zad pa dang yongs su gtugs pa rnam par rig ste/ de yang dran pa dang ldan bzhin du ste dran pa dang mi ldan par ni ma yin te/ 'di ni ting nge 'dzin bsgom pa kun du bsten goms par byas lan mang du byas na shes rab rab tu rnam par 'byed pa zhes bya'o//ting nge 'dzin bsgom pa kun du bsten goms par byas lan mang du byas na zag pa zad par 'gyur ba gang zhe na/ 'di ni dge slong nye bar len pa'i phung po lnga rnams kyi skye ba dang 'jig pa rjes su lta zhing gnas te/ 'di ni gzugs so/ /'di ni ting nge 'dzin kun 'byung ba/ 'di ni gzugs kyi mi snang ba/ 'di ni tshor ba dang / 'du shes dang / 'du byed dang / rnam par shes pa'o/ /'di ni rnam par shes pa'i kun 'byung ba/ 'di ni rnam par shes pa'i mi snang ba'o zhes nye bar len pa'i phung po lnga rnams kyi skye ba dang 'jig pa yang dag par rjes su mthong ba ste/'di ni ting nge 'dzin bsgom pa kun du bsten goms par byas lan mang du byas na zag pa zad par 'gyur ba zhes bya'o/ /ngas 'di la dgongs nas pha rol du 'gro ba dag gis dris pa la rnam par bshad do/ /'dod pa'i 'du shes yid mi bde/ /gnyi ga rab tu spang bar bya//rmugs dang gnyid dag spang bya ste/ /rgod dang 'gyod pa spang bar bya/ /chos la rtog pa sngon 'gro bas/ /btang snyoms yongs dag dran pa can/ /kun shes ma rig rab spangs shing / /rnam thar brtul zhugs can zhes bya/ /zhes gsungs so/ /tshad med pa ni rnam pa bzhi//zhes bya ba la/ gleng gzhi ni mnyan du yod pa na'o/ /tshad med pa ni rnam pa bzhi ste/ bzhi gang zhe na/ byams pa dang / snying rje dang / dga' ba dang / btang snyoms so zhes gsungs so/ /gnod sems la sogs gnyen po'i phyir/ /zhes bya ba la/ gleng gzhi ni mnyan du yod pa na'o/ / dge slong dag byams pa bsgoms shing byams pa kun du bsten byams pa lan mang du byas na gnod sems rab tu spong bar 'gyur ro zhes gsungs so/ /gleng gzhi ni mnyan du yod pa na'o/ /dge slong dag snying rje bsgoms snying rje kun du bsten snying rje lan mang du byas na rnam par 'tshe ba rab tu spong bar 'gyur ro zhes gsungs so//gleng gzhi ni mnyan du yod pa na'o/ /dge slong dag dga' ba bsgoms shing dga' ba kun du bsten dga' ba lan mang du byas na mi dga' ba rab tu spong bar 'gyur ro zhes gsungs so/ /gleng gzhi ni mnyan du yod pa na'o/ /dge slong dag btang snyoms bsgoms shing btang snyoms kun du bsten btang snyoms lan mang du byas na 'dod pa'i 'dod chags dang gnod sems rab tu spong bar 'gyur ro zhes gsungs so//phyogs gcig nas 'jig rten thams cad kyi rab tu rgyas par byed do zhes bya ba la/ gsum tshan gsum pa'i bsod nams bya ba'i dngos po gsum gyi mdo de dang de las mngon pa mdzod kyi gnas bzhi par bsod nams bya ba'i dngos po'i skabs su bris te/de las 'di ltar 'don te/ 'di na kha cig byams pa dang lhan cig par gyur pa'i sems khon med pa 'gran zla med pa gnod pa med pa rgya chen por gyur pa tshad med pa legs par bsgoms pa/ phyogs gcig tu mos shing khyab par byas te bsgrubs nas gnas so/ /de bzhin du gnyis pa dang / de bzhin du gsum pa dang / de bzhin du bzhi pa dang / steng dang 'og dang logs kyi 'jig rten thams cad byams pa lhan cig par gyur pa'i sems kho na med pa 'gran zla med pa gnod pa med pa rgya chen por gyur pa tshad med pa legs par bsgoms pa/phyogs gcig tu mos shing khyab par byas te bsgrubs nas gnas so zhes gsungs so/ /rnam par thar pa brgyad ces bya ba la/ gleng gzhi ni mnyan du yod pa na'o/ /rnam par thar pa ni rnam pa brgyad de/ brgyad gang zhe na/gzugs can gyis gzugs rnams la lta ba 'di ni rnam par thar pa dang po'o/ /nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /sdug pa'i rnam par thar pa lus kyis mngon sum du byas nas gnas pa 'di ni rnam par thar pa gsum pa'o//de rnam pa thams cad du gzugs kyi 'du shes las yang dag par 'das te/ thogs pa'i 'du shes nub par gyur cing sna tshogs kyi 'du shes yid la mi byed pas nam mkha' mtha' yas so zhes nam mkha' mtha' yas skye mched nye bar bsgrubs shing nye bar gnas te 'di lta ste/ nam mkha' mtha' yas skye mched du nye bar 'gro ba'i lha rnams te 'di ni rnam par thar pa bzhi pa'o//de rnam pa thams cad du nam mkha' mtha' yas skye mched las yang dag par 'das te rnam par shes pa mtha' yas so zhes rnam shes mtha' yas skye mched nye bar bsgrubs shing nye bar gnas te/ 'di lta ste/rnam shes mtha' yas skye mched du nye bar 'gro ba'i lha rnams te/ 'di ni rnam par thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te/ ci yang med do zhes ci yang med pa'i skye mched nye bar bsgrubs shing nye bar gnas te/ 'di lta ste/ci yang med pa'i skye mched du nye bar 'gro ba'i lha rnams te/ 'di ni rnam par thar pa drug pa'o/ /de rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched bsgrubs shing nye bar gnas te/ 'di lta ste 'du shes med 'du shes med min skye mched du nye bar 'gro ba'i lha rnams te/'di ni rnam par thar pa bdun pa'o/ /rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa lus kyis mngon sum du byas shing nye bar bsgrubs shing gnas te/ 'di ni rnam par thar pa brgyad pa'o zhes gsungs so//zil gyis gnon pa'i skye mched brgyad/ /ces bya ba la/ brgyad las 'phros pa'i sdom gyi tshigs su bcad pa bdun pa'i mdo bzhi pa las 'byung ba/ mdzod kyi gnas dang po 'di nyid du/ de bzhin gzhan yang ci rigs pa/ /zhes bya ba'i tshig le'ur byas pa dang / de bzhin du/zil gyis gnon pa'i skye mched drug /ces bya bar bris par blta bar bya'o/ /zad par gyi skye mched ni bcu ste zhes bya ba la/ bcu las 'phros pa'i sdom gyi tshigs su bcad pa gsum pa dang / yang dag par 'gro ba'i rnam grangs kyi mdo bcu pa'i tha ma las 'byung ba 'di nyid kyi mdzod kyi gnas dang por bsdus pa'i skabs su de bzhin du zad par gyi skye mched rnams zhes bya bar bris par blta bar bya'o//chos mngon pa mdzod kyi rnam par bshad pa nye bar mkho ba zhes bya ba las/ gnas brgyad pa phal cher mdo dang sbyar ba rdzogs so// //de ltar mod kyi ci bcom ldan 'das kyis gzugs bdag ma yin no zhes bya ba la/gleng gzhi ni mnyan du yod pa na'o/ /dge slong dag gzugs 'das pa dang ma 'ongs pa dag bdag ma yin na da ltar byung ba lta smos kyang ci dgos te/ dge slong dag 'di ltar mthong ba'i 'phags pa nyan thos thos pa dang ldan pa 'das pa'i gzugs la btang snyoms su 'gyur zhing ma 'ongs pa'i gzugs la mngon par mi dga' la da ltar byung ba'i gzugs la yid 'byung ba dang /'dod chags dang bral bar 'gyur ro/ /dge slong dag tshor ba dang / 'du shes dang / 'du byed dang / rnam par shes pa 'das pa dang ma 'ongs pa dag bdag ma yin na da ltar byung ba lta smos kyang ci dgos te/dge slong dag 'di ltar mthong ba'i 'phags pa nyan thos thos pa dang ldan pa 'das pa'i gzugs la btang snyoms su 'gyur zhing / ma 'ongs pa'i gzugs la mngon par mi dga' la/ da ltar byung ba'i gzugs la yid 'byung ba dang / 'dod chags dang bral bar 'gyur ro zhes gsungs so/ /gnyis la brten nas rnam par shes pa skye bar 'gyur zhes bya ba la/skye mched drug gi tshogs las 'don te/ de yang mdzod kyi gnas lnga par 'das pa dang ma 'ongs pa bsam par bya'o zhes bya bar rnam par bshad pa bstan la/ mdzod kyi gnas gsum par rten cing 'brel bar 'byung ba'i skabs su reg pa'i yan lag rnam par dbye ba bris par blta bar bya'o//de bzhin du dge slong dag mig gi rgyu dang gzugs kyi rkyen la brten te zhes bya ba la/ gleng gzhi ni mnyan du yod pa na'o/ /de nas dge slong gzhan zhig bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas te/phyogs gcig tu 'dug go/ /phyogs gcig tu 'dug nas dge slong des bcom ldan 'das la 'di skad ces gsol to/ /btsun pa rgyu gang dang rkyen gang gis mig gi rnam par shes pa skye/ btsun pa rgyu gang dang rkyen gang gis rna ba dang sna dang lce dang lus dang yid kyi rnam par shes pa skye bar 'gyur/dge slong mig gi rgyu dang gzugs kyi rkyen la brten nas mig gi rnam par shes pa skye bar 'gyur te/ de ci'i phyir zhe na/ mig gi rnam par shes pa gang ci yang rung ba de thams cad ni mig dang gzugs la brten te byung ba'o/ /rna ba'i rgyu dang sgra'i rkyen la brten nas rna ba'i rnam par shes pa skye bar 'gyur te/de ci'i phyir zhe na/ rna ba'i rnam par shes pa gang ci yang rung ba de thams cad ni rna ba dang sgra la brten nas 'byung ba'o/ /dge slong dag sna'i rgyu dang dri'i rkyen la brten nas sna'i rnam par shes pa skye bar 'gyur te/ de ci'i phyir zhe na/ sna'i rnam par shes pa gang ci yang rung ba de thams cad ni sna dang dri la brten nas byung ba'o//lce'i rgyu dang ro'i rkyen la brten nas lce'i rnam par shes pa skye bar 'gyur te/ de ci'i phyir zhe na/ lce'i rnam par shes pa gang ci yang rung ba de thams cad ni lce dang ro la brten nas byung ba'o/ /lus kyi rgyu dang reg bya'i rkyen la brten nas lus kyi rnam par shes pa skye bar 'gyur te/de ci'i phyir zhe na/ lus kyi rnam par shes pa gang ci yang rung ba de thams cad ni lus dang reg bya la brten nas byung ba'o/ /yid kyi rgyu dang chos kyi rkyen la brten nas yid kyi rnam par shes pa skye bar 'gyur te/ de ci'i phyir zhe na/ yid kyi rnam par shes pa gang ci yang rung ba de thams cad ni yid dang chos la brten nas byung ba'o zhes gsungs so//gang rgyu dang rkyen la brten nas skyes pa'i rnam par shes pa zhes bya ba de yang phung po las 'don te/ 'das pa yis ni bzhi dag dang / /skyo dang yongs su grol ba dang / /rgyu yis rnam pa gnyis byed cing / /gnyis po gzhan ni ro myang bas//zhes bya ba'i sdom gyi tshigs su bcad pa gnyis pa'i mdo bdun pa dang brgyad pa las 'byung ba 'di nyid kyi mdzod kyi gnas gnyis par/ 'dus ma byas la de dag med/ /ces bya bar bris pa blta bar bya'o/ /mdo'i tshig 'di skad du bram ze zhes bya ba la/ bcom ldan 'das dpa' bo'i sde nas ljongs rgyu zhing gshegs te ta lar gshegs nas/ta la'i nags khrod na bzhugs so/ /ta la'i bram ze shing sA la chen pos dge sbyong gau ta ma dpa' bo'i sde nas ljongs rgyu zhing gshegs te/ ta lar gshegs nas ta la'i nags khrod na bzhugs so zhes thos te/ thos nas thams cad rab tu dkar ba'i rgod ma'i shing rta la zhon te/gser gyi dbyug pa dang ril ba spyi blugs dag thogs nas/ gzhon nu'i tshogs kyis yongs su bskor zhing / gzhon nu'i tshogs kyis mdun du byas nas/ bcom ldan 'das kyi drung du bcom ldan 'das la blta ba dang bsnyen bkur ba'i phyir ta la'i nags nas byung ste/ji srid du shing rtas bgrod par bya ba de srid du shing rtas song zhing shing rtas bgrod par bya ba ma yin pa na rkang gis kun dga' ra bar zhugs nas/ bcom ldan 'das gang na ba der nye bar song ste/ nye bar song nas bcom ldan 'das dang lhan cig yang dag par dga' ba dang / yang dag par bde bar 'gyur ba'i gtam rnam pa sna tshogs byas te phyogs gcig tu 'dug go//phyogs gcig tu 'dug nas ta la'i bram ze shing sA la chen pos bcom ldan 'das la 'di skad ces gsol to/ /gau ta ma dris pa lung bstan pa'i phyir skabs 'byed na bdag phyogs cung zad cig dri'o/ /bram ze ji ltar 'dod bzhin du dris shig /gau ta ma dbang po lnga po 'di dag ni spyod yul tha dad pa/ yul tha dad pa/ rang rang gi spyod yul dang yul nyams su myong zhing / gzhan dang gzhan gyi spyod yul dang yul nyams su mi myong ba ste/ mig gi dbang po dang / rna ba'i dbang po dang / sna'i dbang po dang / lce'i dbang po dang /lus kyi dbang po'o/ /'di dag spyod yul dang yul ci zhig nyams su myong zhing 'di dag ci zhig la brten pa lags/ bram ze dbang po lnga po 'di dag ni spyod yul tha dad pa/ yul tha dad pa/ rang rang gi spyod yul dang yul nyams su myong zhing / gzhan dang gzhan gyi spyod yul dang yul nyams su myong ba ste/'di ltar mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po'o/ /'di dag ni yid kyi spyod yul nyams su myong zhing / 'di dag ni yid la brten pa'o/ /gau ta ma yid gang la brten/ bram ze yid ni dran pa la brten pa'o/ /gau ta ma dran pa gang la brten/ bram ze dran pa ni dran pa nye bar gzhag pa bzhi la brten to/ /gau ta ma dran pa nye bar gzhag pa bzhi gang la brten/ bram ze dran pa nye bar gzhag pa bzhi ni byang chub kyi yan lag bdun la brten to/ /gau ta ma byang chub kyi yan lag bdun gang la brten/bram ze byang chub kyi yan lag bdun ni rig pa dang rnam par grol ba la brten to/ /gau ta ma rig pa dang rnam par grol ba gang la brten/ bram ze rig pa dang rnam par la ba ni mya ngan las 'das pa la brten to/ /gau ta ma mya ngan las 'das pa gang la brten/ bram ze ha cang thal ches te/ dris pa'i mtha' bsdu bar mi nus so/ /nga'i drung du tshangs par spyod pa bsten pa rnams ni sdug bsngal yang dag par zad cing sdug bsngal mthar byas nas mya ngan las 'das par 'gro zhing / mthar mya ngan las 'das par 'gyur ro/ /de nas ta la'i bram ze shing sA la chen po bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi drung nas song ngo //srog chags drug pa lta bu'i mdo las zhes bya ba la/ de nas bcom ldan 'das kyis dge slong rnams la bos te/ dge slong dag 'di lta ste/ skyes bu mdze can lus nyams pa lus smin pa dbang po sdug bsngal gyis nye bar bcom pa dag smyig ma'i nags su zhugs na/smyig ma'i lo ma dang tsher ma dag lus la zug cing / rtswa dang shing dang rkang pa la zug cing / de'i rgyus sdug bsngal so sor myong bar 'gyur ro/ /drag pa tsha ba rtsub pa yid du mi 'ong ba nyid so sor nyams su myong bar 'gyur ro//de bzhin du 'di na kha cig reg pa'i skye mched drug gis sdug bsngal nyams su myong bar 'gyur te/ drag pa tsha ba rtsub pa yid du mi 'ong ba so sor nyams su myong bar 'gyur ro/ /drug gang zhe na/ mig gi reg pa'i skye mched kyis sdug bsngal so sor myong bar 'gyur zhing /drag pa tsha ba rtsub pa yid du mi 'ong ba nyid nyams su myong bar 'gyur ro/ /rna ba dang / sna dang / lce dang / lus dang / yid kyi 'dus te reg pa sdug bsngal so sor myong bar 'gyur zhing / drag pa tsha ba rtsub pa yid du mi 'ong ba nyid so sor nyams su myong bar 'gyur ro/ / dge slong dag 'di lta ste/ gdug pa can la shing ngam shing gi sdong po dag gis snad na sdug bsngal bar 'gyur zhing / nad dang bcas pa dang / chu ser dang / rnag 'dzag par 'gyur ba de bzhin du 'di na skyes bu kha cig gtum zhing ngor smra ba'i rang bzhin can du gyur na/ de chung ngu dang mi dga' ba chung ngus kyang khro ba dang gnod sems skyed cing yi mug cing gnas te/khro bar yang dag par byed de/ de ci'i phyir zhe na/ dge slong dag skyes bu de'i sems ni mdze can lta bu'o/ /dge slong dag sdom pa ma yin pa dang sdom pa dag bshad par bya ste/ de legs par nyon la yid la zung shig dang / bshad par bya'o/ /sdom pa ma yin pa gang zhe na/ dge slong dag byis pa so so'i skye bo thos pa dang mi ldan pa dag mig gis gzugs dag mthong nas mtshan mar 'dzin cing mngon rtags su 'dzin la phyis chos rnams la lan mang du rjes su rtog pa dang / rjes su dpyod par byed do/ /nyes dmigs ma mthong zhing nyes dmigs ma mthong bas lus kyis thag sring bar mi byed do//dge slong dag byis pa so so skye bo thos pa dang mi ldan pa dag rna bas sgra dang / snas dri dang / lces ro dang / lus kyis reg bya dang / yid kyis chos rnam par shes nas mtshan mar 'dzin cing mngon rtags su 'dzin la phyis chos rnams la lan mang du rjes su rtog pa dang /rjes su dpyod par byed de/ nyes dmigs ma mthong zhing nyes dmigs ma mthong bas lus kyis thag sring bar mi byed de/ 'di ni sdom pa ma yin pa zhes bya'o/ /sdom pa gang zhe na/ dge slong dag 'phags pa nyan thos pa dang ldan pa mig gis gzugs mthong nas mtshan mar mi 'dzin cing mngon rtags su mi 'dzin la zhes bya ba nas lus kyis thag bsrings nas gnas so zhes bya ba'i bar du ste/'di ni sdom pa zhes bya'o/ /sdom pa ma yin pa dang sdom pa dag bshad par bya'o zhes ngas ji skad du bstan pa de rgyas par rab tu bshad do//dge slong dag dper na skyes bu zhig dgon pa'i a mra'i nags su song ba na srog chags drug rnyed de/ khyi rnyed de khyi bzung nas skra'i thag pa'i 'ching bas legs par brtan par bcings shing / bya rnyed pa dang bya bzung nas skra'i thag pa'i 'ching pas legs par bcings shing /ce spyang rnyed pa dang ce spyang bzung nas skra'i thag pa'i 'ching bas legs par brten par bcings shing / chu srin byis pa gsod rnyed pa dang chu srin byis pa gsod bzung nas skra'i thag pa'i 'ching bas legs par brtan par bcings shing / sbrul rnyed pa dang sbrul bzung nas skra'i thag pa'i 'ching bas legs par brten par bcings shing /spre'u rnyed pa dang spre'u bzung nas skra'i thag pa'i 'ching bas legs par brtan par bcings te/ de dag bar du thag pa gcig gis bcings te btang na spyod yul tha dad pa de dag rang rang gi spyod yul dang yul 'dod cing gzhan dang gzhan gyi spyod yul dang yul mi 'dod de/khyi ni grong gi mthar 'jug par 'dod cing / bya ni nam mkha' la 'phur bar 'dod la/ ce spyang ni dur khrod du 'jug par 'dod de/ chu srin byis pa gsod ni chu'i nang du 'jug par 'dod cing / sbrul ni khung du 'jug par 'dod la/ spre'u ni rigs su 'jug par 'dod de/ dge slong dag 'on kyang spyod yul tha dad cing yul tha dad pa'i srog chags drug po rnams rang rang gi spyod yul dang yul 'dod cing gzhan dang gzhan gyi spyod yul dang yul mi 'dod mod kyi/ 'on kyang gang spungs che zhing stobs che bar 'gyur ba de'i rjes su 'gro zhing de'i dbang du 'gyur ro//de bzhin du spyod yul dang yul tha dad pa'i dbang po drug po 'di dag rang rang gi yul 'dod cing gzhan dang gzhan gyi yul mi 'dod de/ mig gis yid du 'ong ba'i gzugs blta bar 'dod cing yid du mi 'ong ba'i gzugs rjes su mi mthun par 'gyur ro//rna ba ni yid du 'ong ba'i sgra mnyan par 'dod cing yid du mi 'ong ba'i sgra rjes su mi mthun par 'gyur ro/ /sna ni yid du 'ong ba'i dri mnam par 'dod cing yid du mi 'ong ba'i dri rjes su mi mthun par 'gyur ro/ /lce ni yid du 'ong ba'i ro myong bar 'dod cing yid du mi 'ong ba'i ro dang rjes su mi mthun par 'gyur ro//lus ni yid du 'ong ba'i reg bya reg par 'dod cing yid du mi 'ong ba'i reg bya rjes su mi mthun par 'gyur ro/ /yid ni yid du 'ong ba'i chos rnam par shes par 'dod cing yid du mi 'ong ba'i chos dang rjes su mi mthun par 'gyur te/ dge slong dag spyod yul tha dad pa dang /yul tha dad pa'i dbang po drug po 'di dag ni rang rang gi spyod yul dang yul 'dod cing gzhan dang gzhan gyi spyod yul dang yul mi 'dod mod kyi/ 'on kyang gang stobs che zhing stobs dang ldan pa de'i rjes su 'gro zhing de'i dbang du 'gyur ro/ /de nas skyes bu des srog chags drug po de dag ka ba'am phur pa la legs par bcings te bzhag na pha rol ring du song yang lus ngal ba dang /lus dub pa dang / lus lci bas ka ba'am phur pa de nyid kyi drung du 'khor zhing 'dug la mngon par gnas par 'gyur ro/ /dge slong dag 'di ni ngas don shes par bya ba'i phyir dper byas pa yin te/'di ni gzhan du blta bar bya'o/ /dge slong dag srog chags drug po zhes bya ba 'di ni dbang po drug po rnams kyi tshig bla dgas so/ /ka ba'am phur pa legs par bcings te zhes bya ba 'di ni lus su gtogs pa'i dran pa'i tshig bla dgas so/ /dge slong dag lus su gtogs pa'i dran pa kun du bsten goms par byas lan mang du byas na mig gis yid du 'ong ba'i gzugs blta bar 'dod pa dang /yid du mi 'ong ba'i gzugs rjes su mi mthun par mi 'gyur ro/ /rna bas yid du 'ong ba'i sgra mnyan par 'dod cing yid du mi 'ong ba'i sgra mi mthun par 'gyur ro//snas yid du 'ong ba'i dri bsnam par 'dod cing yid du mi 'ong ba'i dri rjes su mi mthun par mi 'gyur ro/ /lces yid du 'ong ba'i ro myong bar 'dod cing yid du mi 'ong ba'i ro rjes su mi mthun par mi 'gyur ro/ /lus kyis yid du 'ong ba'i reg bya reg par 'dod cing yid du mi 'ong ba'i reg bya rjes su mi mthun par mi 'gyur ro//yid kyis yid du 'ong ba'i chos rnam par shes par 'dod cing yid du mi 'ong ba'i chos rjes su mi mthun par mi 'gyur te/ dge slong dag de lta bas na 'di ltar bslab par bya ste/ gang lus su gtogs pa'i dran pa kun du sten pa dang /goms par byed pa dang lan mang du byed pa de ltar dge slong dag bslab par bya'o zhes gsungs so/ /bcom ldan 'das kyis thams cad mngon par shes par bya ba dang / yongs su shes par bya ba zhes bya ba la/ skye mched drug gi tshogs kyis bsdus pa'i sdom gyi tshigs su bcad pa dang po'i sdom gyi tshigs su bcad pa brgyad pa'i mdo lnga pa las 'byung ba mdzod kyi gnas dang por/'du byed phung po bzhi las gzhan/ /zhes bya bar chos gcig mngon par ma shes shing yongs su ma shes na zhes bris zin to/ /shes rab dang rnam par shes pa dag ni yul mtshungs pa'i phyir zhes bya ba la/lung bar ma las 'byung bas sngar gnas par bshad cing bstan la/ gsus po che'i mdo las 'di ltar 'don te/ tshe dang ldan pa shA ri'i bu shes rab shes rab ces brjod pa/ tshe dang ldan pa shA ri'i bu shes rab gang zhe na/ tshe dang ldan pa gsus po che rab tu shes shing rab tu shes pa de'i phyir shes rab ces bya'o//ci zhig rab tu shes she na/ dge ba dang mi dge ba'i chos rnams ji lta ba bzhin rab tu shes shing kha na ma tho ba dang bcas pa dang / kha na ma tho ba med pa dang / dman pa dang / gya nom pa dang / dkar po dang / nag po dang /rten cing 'brel bar 'byung ba rab tu dbye ba dang bcas pa ji lta ba bzhin rab tu shes te/ tshe dang ldan pa gsus po che rab tu shes shing rab tu shes pa de'i phyir shes rab ces bya'o/ /tshe dang ldan pa shA ri'i bu rnam par shes pa rnam par shes pa zhes brjod pa rnam par shes pa gang yin zhe na/ tshe dang ldan pa gsus po che rnam par shes shing rnam par shes te/ de'i phyir rnam par shes pa zhes bya'o/ /ci zhig rnam par shes she na/ gzugs rnam par shes shing / sgra dang / dri dang / ro dang / reg bya dang / chos rnam par shes te/ tshe dang ldan pa gsus po che rnam par shes shing rnam par shes pa de'i phyir rnam par shes pa zhes bya'o//tshe dang ldan pa shA ri'i bu shes rab gang yin pa dang rnam par shes pa gang yin pa'i chos 'di gnyis 'dres pa zhig gam ma 'dres pa zhig/ gang yang chos 'di gnyis so so so sor khyad par ram rnam pa tha dad par gdags pa rnyed dam/ tshe dang ldan pa gsus po che shes rab gang yin pa dang rnam par shes pa gang yin pa'i chos 'di gnyis ni 'dres pa ste/ ma 'dres pa ma yin zhing gang yang chos 'di gnyis so so so sor khyad par ram rnam pa tha dad par gdags pa mi rnyed de/ tshe dang ldan pa gsus po che gang yang shes rab ces bya ba dang rnam par shes zhes bya ba'i chos 'di gnyis ni yang dag par 'dres pa ste/chos 'di gnyis ni so so so sor khyad par ram rnam pa tha dad par gdags pa mi rnyed de/ de ci'i phyir zhe na/ gang rab tu shes pa de rnam par shes shing gang rnam par shes pa de rab tu shes pa de'i phyir chos 'di gnyis ni yang dag par 'dres pa ste ma 'dres pa ma yin zhing gang yang chos 'di gnyis so so so sor khyad par ram rnam pa tha dad par gdags pa mi rnyed do zhes gsungs so//ma'i mdo las zhes bya ba la skye mched drug gi tshogs las 'byung ba gnas drug pa 'di nyid du kun 'byung gi bden pa'i dbang du mdzad nas/bcom ldan 'das kyis las dang srid pa zhes bya bar bshad par bstan cing / mdzod kyi gnas gnyis par/ 'dus ma byas la de dag med/ /ces bya ba'i skabs su bris pa blta bar bya'o/ /bram ze thams cad yod do zhes bya ba ni skye mched bcu gnyis kyi bar gyi chos rnams yin no zhes bya ba la/skye mched drug gi tshogs kyis bsdus pa'i sdom gyi tshigs su bcad pa gnyis pa las/ thams cad thams cad yod do zhes/ /bram ze chos rnams thams cad dris/ /zhes bya ba'i sdom gyi tshigs su bcad pa'i mdo gnyis pa las 'byung ba gnas lnga pa 'di nyid du 'das pa dang ma 'ongs pa bsam par ji ltar mdo las thams cad yod do zhes bshad pa de ltar legs te zhes bya bar bris zin to//gzugs can snying po'i mdo las zhes bya ba la/ rgyal po dang yang dag par ldan pa'i tshoms la 'byung ba drug pa dang /mdzod kyi gnas gsum par rten cing 'brel bar 'byung ba'i skabs su dge slong dag bdag bdag ces bya ba 'di ni zhes bya bar bris zin to/ /dgra bcom ma brag gis bdud las brtsams te zhes bya ba la/ gleng gzhi ni mnyan du yod pa na'o//de'i tshe dge slong ma brag mnyan yod kyi rgyal po'i dge slong ma'i dbyar khang na gnas te/ de nas dge slong ma brag snga dro chos gos dang lhung bzed thogs te mnyan yod du bsod snyoms kyi phyir zhugs te/ bsod snyoms spyad nas zas kyi bya ba byas te zos pa'i 'og tu lhung bzed 'khrus te/chos gos dang lhung bzed phyogs gcig tu bzhag nas/ 'dug pa'i stan khyer nas/ long ba can gyi nags tshal gang na ba der nye bar song ste/ nye bar song nas long ba can gyi nags tshal du zhugs te/ shing ljon pa gzhan zhig gi drung du nyan par gnas pa'i phyir brten cing 'dug go//de nas bdud sdig to can 'di snyam du gang dge sbyong gau ta ma ni mnyan yod kyi rgyal byed kyi tshal mgon med zas sbyin gyi kun dga' ra ba na bzhugs la/ de'i nyan thos dge slong ma brag ni mnyan yod kyi rgyal po'i dge slong ma'i dbyar khang na 'dug ste/ snga dro chos gos dang lhung bzed thogs nas zhes bya ba nas/snga ma bzhin du shing ljon pa gzhan zhig gi drung du nyin par gnas pa'i phyir 'dug go zhes bya ba'i bar du ste/ gang yang bdag rnam par g.yeng ba'i las kyi phyir nye bar 'gro bar bya'o snyam nas gzhon nu lang tsho la bab pa'i gzugs su bdag nyid mngon par sprul nas/dge slong ma brag gang na ba der nye bar song ste/ nye bar song nas dge slong ma brag gi mdun du 'dug ste tshigs su bcad pa smras pa/ sems can 'di dag gang gis byas/ /sems can rnams kyi byed pa gang / /sems can gang las rab tu skyes/ /sems can gang du 'gro bar 'gyur//bdud kyi sems can snyam sems nas/ /'di ni lta bar gyur pa ste/ /'du byed phung po 'di stong ste/ /'di la sems can rnyed ma yin/ /ji ltar yan lag tshogs la ni/ /shing rta'i 'du shes dran pa 'byung / /de bzhin phung po'i nyer len las/ / kun rdzob tu ni sems can brjod/ /'di dag skye ba sdug bsngal te/ /gnas pa nyid kyi sdug bsngal te/ /sdug bsngal nyid ni 'gag 'gyur zhing / /sdug bsngal tshogs las gzhan du min/ /de nas bdud sdig can 'di snyam du dge slong ma brag gi sems kyis bdag gi sems shes so snyam nas sdug bsngal zhing yid mi bde ste/yid la gcags bzhin du de nyid du mi snang bar gyur to zhes gsungs so/ /lung phran tshegs las bram ze rgya shug gi dbang du mdzad nas zhes bya ba la/ de bzhin gshegs pas ba da ra'i/ /sems ni thugs kyis mkhyen mdzad nas/ / rdzogs sangs steng du rdzu 'phrul gyis/ /gshegs nas skyil mo krung bcas bzhugs/ /de nas mtshan gyis yongs brgyan te/ /skyo bcas rgya shug gis mthong nas/ /stan las rab tu langs nas ni/ /zhabs la spyi bos phyag byas te/ /grogs po 'di na ston pa ni/ /gzhon nu rnams kyis thos nas ni//pha rol rab tu rgal gyur cing / skam sar gnas pa'i chos ston byed/ /de nas ping go stan las langs/ /bla gos phrag pa gcig byas shing / /thal mo sbyar ba byas nas ni/ /tshigs su bcad pa 'di skad smras/ /'di ni bram ze rdzogs sangs rgyas//'gro ba sems can rab tu 'dzin/ /'di yis 'dod pa rab 'dul zhing / /the tshom gcod par mdzad pa 'di/ /'di yis 'dod pa rab 'dul bas/ /mkhan po khyed ni dgyes par mdzod/ /'di ni 'jig rten nyi ma ste/ /'di ni 'jig rten sgrol ma yin/ /'di yis nyon mongs rab spong ba'i//thub pas chos ni bstan par mdzad/ /'di ni 'jig rten mchog gyur te/ /'jig rten snang ba 'di yin no/ /sems can grol mdzad 'di yin te/ /sems can gso bar mdzad pa 'di/ /'di yis las rab gsal mdzad nas/ /sdug bsngal kun las grol bar mdzad//'di yi rigs ni mchog yin te/ /'di ni nyi ma'i rigs su 'khrungs/ /mtshan mchog sum cu rtsa gnyis kyis/ /'di yi mtshan rnams phun sum tshogs/ /'di dang mnyam pa gzhan med cing / /bla ma dag kyang yod ma yin/ /'di yis ye shes skyes pa'i phyir//ji ltar rgya mtsho bzhi mi g.yo/ /gzi brjid drag cing mthu che ba/ /dge slong chen po 'di lta bu/ /'di ni 'jig rten thugs brtse can/ /'di ni 'jig rten sman pa yin/ /'di yis rgol bar ba 'joms shing / /mu stegs can rnams chos ldan byed//'di ni 'jig rten bla med de/ /'di ni rkang gnyis rnams kyi mchog /'di ni 'jig rten rnam 'dren te/ /sems can 'khor ba'i rgya mtsho yi/ /chu bo 'jigs chen las sgrol 'di/ /ston pa pha rol phyin cing rgal/ /'di ni pha rol skam sar gnas/ /khyed ni nyer song dri byas na//dogs pa de yis sel bar 'gyur/ /rkang gnyis mchog gyur mthong nas ni/ /rgya shug gzi brjid ldan gyur nas/ /thal mo rab tu sbyar byas nas/ /de la 'di skad tshig gsol to/ /'khor ba'i rgya mtsho chen po yi/ /nang na gnas pa bdag la ni/ /thugs brtse bskyed pa mdzad nas ni//mi mchog bdag cag rgal bar mdzod/ /de nas ston pa thugs brtse ba/ /thub pa 'jig rten kun phan mdzad/ /rkang gnyis gtso bo sems can mchog /rgya shug la ni bka' stsal pa/ /ji ltar sems ni kun nyon mongs/ /de bzhin sems ni rnam par byang / / mdud pa thams cad grol byed pa'i/ /chos ni rgya shug khyod nyon cig /'di na bdag la bdag med de/ /phyin ci log gis kun du brtags/ /bdag gam sems can med pa ste/ /chos 'di dag ni rgyu dang bcas/ /srid pa'i yan lag bcu gnyis dang / /phung po dang ni skye mched khams/ / thams cad rab tu bsam byas na/ /gang zag rab tu mi dmigs so/ /nang stong nyid du mthong gyur cing / /phyi stong nyid du mthong gyur na/ /de yis cung zad kyang mi rnyed/ /sgom pa po yang stong pa ste/ /'jig rten thams cad nyer 'tsho ba/ /stong pa nyid du blta bar gyis/ /mya ngan 'das pa gnas par skyabs//'di yi lam ni nyer bstan bya/ /rgya shug sems can bsam byas te/ /stan de nyid la gnas bzhin du/ /'dod khams yongs su dag gyur pa'i/ /phyir mi 'ong ba'i 'bras bu thob/ /bden pa mthong bar gyur pa ni/ /rgya shug yid rab dga' ba yis/ / thal mo rab tu sbyar byas nas/ /'di skad ces bya'i tshig gsol to/ /gang tshe ma las bdag skyes nas/ /bdag gis lo brgya nyi shu lon/ /bram ze blon po rnams las bdag /kun gyis pha rol phyin par gyur/ /lo 'di rnams su khyad par 'phags/ /bdag gis cung zad kyang ma rtogs//chos can legs par bshad pa yis/ /bdag gis grol ba'i go 'phang thob/ /bdag gis mthong ba dri med cing / /bdag gis blo mig yongs dag gyur/ /grol ba spyi bos bkur bya zhes/ /bden par smra ba'i lha rnams gsungs/ /zhes gsungs so/ /ji skad du bdag tu lta ba la nyes dmigs lnga yod de zhes bya ba la/mdo lnga bar yongs su rdzogs par bris zin pas yang mi 'bri'o/ /ci de dag la chos thams cad la bdag med do zhes bya ba'i mdo 'di yang med dam zhes bya ba la/ dge slong dag 'du byed thams cad ni mi rtag pa/ chos thams cad ni bdag med pa/mya ngan las 'das pa ni zhi ba'o zhes bya ba'i dbang du mdzad nas/ slob dpon sna tshogs blo gros kyis bcom ldan 'das kyi bstod pa bzhi brgya pa las/ chos rnams thams cad bdag med cing / /'dus byas thams cad skad cig ma/ /mya ngan 'das pa zhi ba zhes/ / khyod kyi chos kyi phyag rgya gsum/ /rgol ba kun gyis mi rtogs shing / /gzhig par mi nus rnam par gnas/ /'jig rten mang du smra byed kyang / /gang gis rang bzhin bzlog par nus/ /zhes gsungs la/ chos kun de bzhin bdag med ces/ /gang tshe shes rab kyis mthong ba/ / de nas yid 'byung 'gyur ba ste/ /'di ni sdug bsngal dag pa'i lam/ /zhes 'byung ba dang / bdag ni med pa ste gzhan ni phyi ci log go zhes bya ba'i mdo 'di yang ji ltar rtog par byed de/ de yang bzhi las 'phros pa'i sdom gyi tshigs su bcad pa bzhi pa las 'byung ba gnyis pa dang mdzod kyi gnas lnga pa 'di nyid du phyin ci log gi mdor bris zin to//dge slong dag dge sbyong ngam bram ze gang su zhig bdag go zhes yang dag par rjes su blta ba zhes bya ba la/ phung po las/ bdag med cha med sa bon dang / /nye bar 'gro dang bdun dang lnga/ /yongs su skyobs gnyis byed cing //zas kyi dpe yis gnyis yin no/ /zhes bya ba nas go rims las bzlog ste bgrang ba'i sdom gyi tshigs su bcad pa gsum pa'i mdo dgu pa las 'byung ba mdzod kyi gnas lnga pa 'di nyid du/ bdag dang bdag gi chad rtag dang / /med dang dman la mchog lta dang //zhes 'jig tshogs la lta ba'i sgrib par bris zin to/ /gang cung zad sngon gyi gnas rnam pa du ma yang dag par rjes su dran pa zhes bya ba la/ 'di nyid kyi sdom gyi tshigs su bcad pa bcu pa las 'byung ba mdzod kyi gnas dang por rnam par rig byed ma yin pa la thug pa'i gzugs 'di dag ci gzugs zhes brjod ce na/gzugs su rung zhing gzugs su rung bas so zhes bya bar bris zin to/ /'das pa la sogs pa dang ma gsungs ba'i phyir zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag dus gcig gi tshe nga mngon par rdzogs par sangs rgyas nas ring por ma lon pa na chu bo nai rany+dzana'i 'gram byang chub kyi shing drung na gcig pu dben pa nang du yang dag 'jog la bzhugs pa na/ 'di lta bu'i sems la sems kyi yongs su rtogs pa skyes te/ gus pa med pa ni sdug bsngal ba ste/bdag po med cing 'jigs par dbang sgyur ba med pa ni don chen po las yongs su nyams par 'gyur ro/ /gus pa dang bcas pa ni bde ba ste/ bdag po dang bcas shing 'jigs pa dbang sgyur ba dang bcas pa ni don chen po yongs su rdzogs par 'gyur te/ gang dag las tshul khrims phun sum tshogs pa khyad par du 'phags pa'am ting nge 'dzin phun sum tshogs pa khyad par du 'phags pa'am/shes rab phun sum tshogs pa khyad par du 'phags pa'am/ rnam par grol ba phun sum tshogs pa khyad par du 'phags pa'am/ rnam par grol ba'i ye shes mthong ba phun sum tshogs pa khyad par du 'phags pa lha dang bcas pa dang bdud dang bcas pa dang tshangs pa dang bcas pa dang dge sbyong dang bram ze'i skye dgu'i lha dang mi'i 'jig rten na 'ga' zhig yod na bkur stir bya ba dang /bla mar bya ba dang / rjed par bya ba dang / mchod par bya ba dag gis bkur stir byas/bla mar byas/ rjed par byas/ mchod par byas te yongs su bsten cing gnas par bya'o zhes dgongs so/ /yang 'di snyam du/ gang yang bkur stir bya ba dang / bla mar bya ba dang / rjed par bya ba dang / mchod par bya ba dag bdag gis bkur stir byas/bla mar byas/ rjed par byas/ mchod par byas te yongs su bsten cing gnas par bya ba gang bdag las tshul khrims phun sum tshogs pa khyad par du 'phags pa'am/ ting nge 'dzin phun sum tshogs pa khyad par du 'phags pa'am/ shes rab phun sum tshogs pa khyad par du 'phags pa'am/rnam par grol ba phun sum tshogs pa khyad par du 'phags pa'am/ rnam par grol ba'i ye shes mthong ba phun sum tshogs pa khyad par du 'phags pa lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram ze'i skye dgu'i lha dang mi'i 'jig rten na 'ga' yang med de/gzhan du na ngas rang nyid kyis chos mngon par mkhyen nas mngon par rdzogs par sangs rgyas te gang yang bdag gis chos la bkur stir bya ba dang / bla mar bya ba dang / rjed par bya ba dang / mchod par bya ba dag / bdag gis bkur stir byas/ bla mar byas/ rjed par byas/ mchod par byas nas bsten cing lan mang du gnas par bya'o zhes dgongs so/ /de nas tshangs pa stong gi bdag po'i sems kyis nga'i thugs rnam par shes nas skyes bu stobs dang ldan pa'i lag pa brkyang ba las bskum pa'am bskums pa las brkyang ba tsam gyis tshangs pa'i 'jig rten na mi snang bar gyur te nga'i mdun du 'dug nas 'di skad ces smras so//bcom ldan 'das de de bzhin no/ /bde bar gshegs pa de de bzhin te/ gus pa med pa ni sdug bsngal ba ste/ bdag po med cing 'jigs par dbang sgyur ba med pa ni don chen po las yongs su nyams par 'gyur ro//gus pa dang bcas pa ni bde ba ste bdag po dang bcas shing 'jigs par dbang sgyur ba dang bcas pa'i don chen po yongs su rdzogs par 'gyur te/ gang yang bcom ldan 'das kyis bkur stir bya ba dang / bla mar bya ba dang /rjed par bya ba dang / mchod par bya ba dag bcom ldan 'das kyis bkur stir byas/ bla mar byas/ rjed par byas/ mchod par byas te yongs su bsten cing lan mang du gnas par bya ba bcom ldan 'das las tshul khrims phun sum tshogs pa khyad par du 'phags pa'am/ting nge 'dzin phun sum tshogs pa khyad par du 'phags pa'am/ shes rab phun sum tshogs pa khyad par du 'phags pa'am/ rnam par grol ba phun sum tshogs pa khyad par du 'phags pa'am/ rnam par grol ba'i ye shes mthong ba phun sum tshogs pa khyad par du 'phags pa lha dang bcas pa dang bdud dang bcas pa dang tshangs pa dang bcas pa dang dge sbyong dang bram ze'i skye dgu'i lha dang mi'i 'jig rten na 'ga' yang med do//gzhan du na bcom ldan 'das rang nyid kyis chos mngon par mkhyen nas mngon par rdzogs par sangs rgyas te/gang yang bcom ldan 'das kyis chos la bkur stir bya ba dang / bla mar bya ba dang / rjed par bya ba dang / mchod par bya ba dag gis bcom ldan 'das kyis chos la bkur stir mdzad cing bla mar bya ba dang / rjed par bya ba dang / mchod par mdzad nas brten cing lan mang du gnas par mdzod cig /btsun pa de ci'i phyir zhe na/ gang yang 'das pa'i dus na byung bar gyur pa'i sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de dag kyang chos nyid la bkur stir bya ba dang / bla mar bya ba dang /rjed par bya ba dang / mchod par bya ba dag gis chos nyid la bkur stir byas/ bla mar byas/ rjed par byas/ mchod par byas nas nye bar bsten cing bzhugs so/ /gang yang ma 'ongs pa'i dus na 'byung bar 'gyur ba'i sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de dag kyang chos nyid la bkur stir bya ba dang /bla mar bya ba dang / rjed par bya ba dang / mchod par bya ba dag gis bkur stir mdzad pa dang / bla mar mdzad pa dang / rjed par mdzad pa dang / mchod par mdzad cing bsten cing gnas par 'gyur ro//da ltar byung ba'i dus kyi bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyang chos nyid la bkur stir bya ba dang / bla mar bya ba dang / rjed par bya ba dang / mchod par bya ba dag gis bkur stir mdzad cing bla mar mdzad pa dang / rjed par mdzad pa dang /mchod par mdzad nas bsten cing lan mang du bzhugs par mdzod cig /de nas tshangs pa stong gi bdag pos de'i tshe tshigs su bcad pa 'di skad ces smras so/ /gang yang 'das pa'i rdzogs sangs rgyas/ /gang yang ma byon sangs rgyas dang / /mya ngan mang po 'jig byed pa'i//gang yang da ltar rdzogs sangs rgyas/ /de dag thams cad dam chos la/ /bkur stir mdzad cing nye bar bzhugs/ /gzhan yang gnas par 'gyur ba ste/ /'di ni rdzogs sangs chos nyid yin/ /de phyir 'dod khams 'di na ni/ /che ba'i bdag nyid 'dod pa rnams/ / sangs rgyas bstan pa rjes dran nas/ /dam pa'i chos la bkur sti bya/ /de nas tshangs pa stong gi bdag po mngon par dga' zhing rjes su yi rangs nas de nga'i zhabs la spyi bos phyag byas nas mi snang bar gyur to zhes gsungs so/ /dge slong dag khur dang khur len pa dag ces bya ba la/ gleng gzhi ni mnyan du yod pa na'o//dge slong dag khur dang / khur len pa dang / khur spong ba dang / khur khyer ba dag bstan par bya ste/ de legs par nyon la yid la zung shig dang bshad par bya'o/ /khur gang zhe na/ nye bar len pa'i phung po lnga rnams so/ /lnga gang zhe na/ gzugs nye bar len pa'i phung po dang /tshor ba dang / 'du shes dang / 'du byed dang / rnam par shes pa nye bar len pa'i phung po'o/ /khur len pa gang zhe na/ dga' ba'i 'dod chags dang lhan cig par gyur pa'i sred pa yang srid par kun 'byung ba de dang de las mngon par dga' ba'o/ /khur spong ba gang zhe na/gang gi tshe dga' ba'i 'dod chags dang lhan cig par gyur pa'i sred pa yang srid par kun 'byung ba de dang de las mngon par dga' ba 'di nyid ma lus par spangs shing so sor 'gags pa dang / nub pa dang / zad pa dang / 'dod chags dang bral ba dang / 'gags pa dang / nye bar zhi ba dang / mi snang ba'o/ /khur khyer ba gang zhe na/ gang zag ces brjod par bya ste/ tshe dang ldan pa ming ni 'di lta bu/ rus ni 'di lta bu/ rigs ni 'di lta bu/ kha zas ni 'di lta bu/ bde ba dang sdug bsngal ni 'di lta bu dag myong zhing tshe ring po'am thung ngu 'di tsam zhig tu gnas te/tshe'i mtha' 'di tsam du gyur zhes bya ba'o/ /dge slong dag khur dang khur len pa dang khur spong ba dang khur khyer ba dag bstan par bya'o zhes ngas ji skad du bstan pa de rgyas par rab tu bshad do/ /bcom ldan 'das kyis de skad ces bka' stsal cing / bde bar gshegs pas de skad gsungs nas/ston pas gzhan yang 'di skad ces bka' stsal to/ /shin tu lci ba'i khur spangs nas/ /slar yang khur dag len mi 'gyur/ /khur len pa ni sdug bsngal te/ /khur spangs pa ni bde ba yin/ /sred pa thams cad rab spangs shing / /kun sbyor thams cad zad pa yi//blang bya yongs su shes pa ni/ /yang srid dag tu 'gro mi 'gyur/ /zhes gsungs so/ /sems can rdzus te byung ba rnams med do zhes bya ba la/ re zhig lung bar ma'i sdom gyi tshigs su bcad pa de dang de las bzhi bcu pa'i chos kyi rnam grangs chen po mdzod kyi gnas drug pa 'di nyid du slob pa'i lam ni yan lag rnam pa brgyad dang ldan zhes bya bar bris te/de las 'di ltar 'don to/ /log pa'i lta ba gang zhe na/ lta ba gang zhig med par lta ba ste/ sbyin pa med do/ /len pa med do/ /mchod sbyin med do/ /legs par spyad pa med do/ /nyes par spyad pa med do//legs par spyad pa dang nyes par spyad pa'i las kyi 'bras bu rnam par smin pa med do/ /'jig rten 'di med do/ /'jig rten pha rol med do/ /pha med do/ /ma med do/ /sems can rdzus te 'byung ba rnams med do/ /'jig rten na dgra bcom pa yang dag par rtogs shing yang dag par zhugs pa skye ba zad pa tshangs par spyod pa bsten to//bya ba byas so/ /srid pa 'di las gzhan mi shes so zhes 'jig rten 'di dang 'jig rten pha rol du mthong ba'i chos nyid la rang nyid kyis mngon par shes pa phun sum tshogs pa rab tu rtogs pa rnams med do zhes bya ba ste/ 'di ni log par lta ba zhes bya'o zhes gsungs so//'jig rten du gang zag gcig skye ba na skye'o zhes bya ba la/ gleng gzhi ni mnyan du yod pa na'o/ /dge slong dag skye bo mang po la phan pa dang / skye bo mang po la bde ba dang / 'jig rten la thugs brtse ba'i phyir dang / lha dang mi rnams la phan pa dang bde ba'i phyir 'jig rten du gang zag gcig skye ba na skye ste/dge slong dag skye bo mang po la phan pa dang / skye bo mang po la bde ba dang / 'jig rten la thugs brtse ba'i phyir dang / lha dang mi rnams la phan pa dang bde ba'i phyir 'jig rten du gang zag gcig skye ba na skye ba gang zhe na/ 'di lta ste/ de bzhin gshegs pa dgra bcom pa yang dag par rdzogs pa'i sangs rgyas te/dge slong dag bA rA Na sI drang srong smra ba ri dgas kyi nags su de bzhin gshegs pa dgra bcom pa yang dag par rdzogs pa'i sangs rgyas kyis lan gsum du bzlas shing rnam pa bcu gnyis su chos dang mthun par chos kyi 'khor lo bskor zhing dge slong shA ri'i bus de'i rjes su bskor te/dge slong dag ngas lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i lha dang mi'i 'jig rten na chos dang mthun pa'i chos kyi 'khor lo bskor ba'i rjes su bskor ba gzhan su yang yang dag par rjes su ma mthong ste/gzhan du na dge slong shA ri'i bu ni ma gtogs so/ /dge slong dag ngas chos kyi 'khor lo bskor bas dge slong shA ri'i bu nye bar len pa med par zag pa rnams las sems rnam par grol bar gyur to zhes gsungs so/ /don dam pa stong pa nyid las zhes bya ba las/ skye mched drug gi tshogs kyis bsdus pa'i sdom gnyis pa las/'das pa yis ni zhes bya ba'i sdom gyi tshigs su bcad pa'i mtha' las 'byung ba mdzod kyi gnas lnga pa 'di nyid du 'das pa dang ma 'ongs pa bsam par bshad pa bstan cing / gsum pa las kyang / bdag med phung po tsam nyid do/ /zhes bya bar bris zin to//ji skad du dbo las skyes kyi mdo las zhes bya ba la/ gleng gzhi ni mnyan du yod pa na'o/ /dge slong dag zas bzhi po 'di dag ni sems can byung ba rnams gnas par byed pa dang srid pa tshol ba rnams la phan 'dogs pa ste/ bzhi gang zhe na/ rags pa dang phra ba'i kham gyi zas dang / gnyis pa reg pa'i zas dang / gsum pa yid la sems pa'i zas dang / bzhi pa rnam par shes pa'i zas so/ /de'i tshe tshe dang ldan pa dbo las skyes bcom ldan 'das kyi rgyab nas bcom ldan 'das la bsil yab g.yob cing 'dug ste/ de nas tshe dang ldan pa dbo las skyes kyis bcom ldan 'das la 'di skad ces gsol to//btsun pa ci rnam par shes pa zas su za'am/ dbo las skyes rnam par shes pa zas su za'o zhes nga smra na/ dri ba de legs par 'gyur ba zhig na/ dbo las skyes rnam par shes pa zas su za'o zhes nga mi smra'o/ /btsun pa ci rnam par shes pa zas su za'o zhes mi gsung ngam/dbo las skyes de bzhin te/ nga de skad du mi smra'o/ /gal te nga'i drung du 'ga' zhig nye bar 'ongs te/ gang gi rkyen gyis rnam par shes pa byung zhes 'di ltar 'dri ba de la ngas 'di skad du lung bstan par bya ste/ rnam par shes pa ni ma 'ongs pa'i yang srid pa mngon par 'grub cing rab tu 'byung ba'i bar du ste/byung bar gyur cing yod pa ni skye mched drug go/ /skye mched drug gi rkyen gyis ni reg pa'o/ /btsun pa reg go reg go zhes bya ba ci zhig /dbo las skyes reg go reg go zhes ngas 'di skad du smra na dri ba de legs par 'gyur ba zhig na nga de skad du mi smra'o//btsun pa reg pa zhes mi gsung ngam/ dbo las skyes pa de skad du mi smra'o/ /gal te nga'i drung du 'ga' zhig nye bar 'ongs te/ gang gi rkyen gyis reg pa byung zhes 'di skad du 'dri na dri ba de la ngas 'di skad du lung bstan par bya ste/ skye mched drug gi rkyen gyis ni reg pa min la reg pa'i rkyen gyis tshor ba'o//btsun pa tshor ba po tshor ba po zhes bya ba ci zhig /dbo las skyes tshor ba po tshor ba po zhes smra na de skad du dri ba legs par 'gyur ba zhig na nga de skad du mi smra'o/ /btsun pa ci tshor ba po zhes mi gsung ngam/ dbo las skyes de bzhin te/nga de skad du mi smra'o/ /gal te nga'i drung du 'ga' zhig nye bar 'ongs te/ gang gi rkyen gyis tshor ba byung zhes 'di ltar 'dri na de la ngas 'di skad du lung bstan par bya ste/ reg pa'i rkyen gyis tshor ba byung zhing tshor ba'i rkyen gyis sred pa'o/ /btsun pa sred pa po sred pa po zhes bya ba ci zhig /dbo las skyes sred pa po sred pa po zhes smra na dri ba de legs par 'gyur ba zhig na nga de skad du mi smra'o//btsun pa sred pa po zhes mi gsung ngam/ dbo las skyes de bzhin te/ nga de skad du mi smra'o/ /gal te nga'i drung du 'ga' zhig nye bar 'ongs te gang gi rkyen gyis sred pa byung zhes 'di ltar 'dri na dri ba de la ngas 'di skad du lung bstan par bya ste/tshor ba'i rkyen gyis sred pa byung zhing sred pa'i rkyen gyis len pa'o/ /btsun pa len pa po len pa po zhes bya ba ci zhig /len pa po len po po zhes nga smra na 'dri ba de legs par 'gyur ba zhig na nga de skad du mi smra'o/ /btsun pa len pa po zhes mi gsung ngam/ dbo las skyes de de bzhin te nga de skad du mi smra'o/ /gal te nga'i drung du 'ga' zhig nye bar 'ongs te gang gi rkyen gyis len pa byung zhes 'di ltar 'dri na de la ngas 'di skad du lung bstan par bya ste/ sred pa'i rkyen gyis len pa byung zhing len pa'i rkyen gyis srid pa'o/ /btsun pa srid pa srid pa zhes bya ba ci zhig /dbo las skyes srid pa srid pa zhes nga smra na dri ba de legs par 'gyur ba zhig na nga de skad du mi smra'o/ /btsun pa srid pa srid pa zhes mi gsung ngam/ dbo las skyes de bzhin te/ nga de skad du mi smra'o/ /gal te nga'i drung du 'ga' zhig nye bar 'ongs te/ gang gi rkyen gyis srid pa byung zhes 'di ltar 'dri na de la ngas 'di ltar lung bstan par bya ste/tshe dang ldan pa srid pa 'di ni ma 'ongs pa'i yang srid pa mngon par 'grub cing rab tu byung ba'i bar du ste/ byung bar gyur cing yod pa ni skye mched drug go/ /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams yang dag par 'byung zhing sdug bsngal gyi phung po chen po 'di 'ba' zhig yang dag par 'byung bar 'gyur ro zhes gsungs so//bcom ldan 'das kyis ci'i phyir lus las srog de nyid dang gzhan du lung ma bstan zhes bya ba la/ bcom ldan 'das rgyal po'i khab kyi 'od ma'i tshal bya ka lan da ka gnas pa na bzhugs so/ / de'i tshe kun du rgyu be'u'i rigs bcom ldan 'das gang na ba der nye bar song ste nye bar song nas bcom ldan 'das dang lhan cig ces bya ba nas kun du rgyu be'u'i rigs kyis bcom ldan 'das la 'di skad ces gsol to/ /gau ta ma ci lus de nyid srog yin nam/ be'u lus de nyid srog yin no zhes nga lung mi ston to//gau ta ma ci lus las gzhan zhig srog yin/ be'u lus las srog gzhan yin no zhes kyang lung mi ston to/ /gau ta ma lus de nyid srog yin nam zhes dris pa na lung bstan par bya ba ma yin no zhes smra zhing / ci lus las gzhan zhig srog yin zhes dris pa na yang lung bstan par bya ba ma yin no zhes smra ste/bcom ldan 'das kyis nyan thos 'das pa'i dus na dus las 'das pa dag gnas che ge mo zhig tu skyes so/ /gzhan che ge mo zhig tu skyes so zhes skye ba lung ston pa ni ngo mtshar ba ma yin no/ /be'u de de bzhin te/ de bzhin gshegs pa'i nyan thos dus las 'das pa dag gnas che ge mo zhig tu skyes so gnas che ge mo zhig tu skyes so zhes skye ba lung bstan pa ni ngo mtshar ba ma yin no//gau ta ma gang gi tshe lus 'di yongs su btang bar gyur cing yid kyi rang bzhin gyi lus kyi sems can gzhan du skyes par gyur pa de'i tshe lus dang srog gzhan du gyur to//be'u skye ba yang nye bar len pa dang bcas par nga smra'i/ nye bar len pa med par ni ma yin no/ /gau ta ma ji lta ji ltar na skye pa nye bar len pa dang bcas par smra'i/ nye bar len pa med par ma yin pa smra zhe na/ be'u dper na me ni nye bar len pa dang bcas na 'bar gyis nye bar len pa med pa ni ma yin no/ / gau ta ma me ni nye bar len pa med par yang 'bar ba mthong ngo / /be'u ji ltar na nye bar len pa med par yang me 'bar/ gau ta ma dper na me'i phung po chen po 'ba' zhig kun du 'bar la kun du rab tu 'bar ba 'bar ba gcig tu gyur cing / 'bar ba gcig tu gyur pa de las rlung gi me lce thag ring por 'phangs pa de'i tshe nye bar len pa med par 'bar zhing me lce 'bar ba nye bar len pa med par khyab cing 'bar ro//be'u de yang nye bar len pa dang bcas par nga smra'i/ nye bar len pa med par ni ma yin no/ /gau ta ma de'i nye bar len pa gang zhig yin par gdags/ be'u de'i tshe nye bar len pa rlung yin par gdags te/rlung ni nye bar len pas me 'bar zhing rlung gi nye bar len pas me lce khyab par gyur to/ /gau ta ma gang gi tshe lus 'di yongs su btang bar gyur cing yid kyi rang bzhin gyi lus sems can gzhan du skye bar gyur pa de'i tshe nye bar len pa'i nye bar len pa ci zhig yin par nye bar gdags/be'u de'i tshe sred pa nye bar len pa yin no zhes nga smra ste/ srid pa'i nye bar len pas sems can gnas zhing sred pa'i nye bar len pas sems can zhes brjod do/ /gau ta ma len pa la dga' ba dang / len pas 'bags pa dang / len pa las kun du 'byung ba dang nye bar len pa don du gnyer ba'i skye dgu las de bzhin gshegs pa dgra bcom pa yang dag par rdzogs pa'i sangs rgyas kyis chos rnams mngon par rdzogs par sangs rgyas so//gau ta ma bdag cag la bya ba dang bgyi ba mang du mchis kyis mchi'o/ /be'u de'i dus la bab bar shes na song shig /de nas kun du rgyu be'u'i rigs gyis bcom ldan 'das kyis gsungs pa la mngon par dga' zhing rjes su yi rangs te bcom ldan 'das kyi drung nas song ngo zhes gsungs so/ /kun dga' bo kun du rgyu be'u'i rigs la bdag yod ces lung bstan na zhes bya ba la/ gleng gzhi ni rgyal po'i khab na'o//de nas kun du rgyu be'u'i rigs bcom ldan 'das gang na ba der nye bar song ste/ nye bar song nas bcom ldan 'das dang lhan cig yang dag par dga' ba dang yang dag par bde bar 'gyur ba'i gtam rnam pa sna tshogs byas te zhes bya ba nas/ bcom ldan 'das la 'di skad ces gsol to//gau ta ma ci bdag yod dam/ de skad ces gsol pa dang / bcom ldan 'das cang mi gsung bar bzhugs so/ /gau ta ma ci bdag med dam/ de skad ces gsol pa dang / bcom ldan 'das cang mi gsung bar bzhugs so/ /kun du rgyu be'u'i rigs kyis bcom ldan 'das la lan gnyis lan gsum du 'di skad ces gsol to//gau ta ma ci bdag yod dam/ de skad ces gsol pa dang / bcom ldan 'das cang mi gsung bar bzhugs so/ /gau ta ma ci bdag med dam/ de skad ces gsol pa dang / bcom ldan 'das cang mi gsung bar bzhugs so//de nas kun du rgyu be'u'i rigs 'di snyam du sems te/ dge sbyong gau ta ma la lan gnyis lan gsum du dris kyang lung ma bstan to zhes rig nas stan las langs te song ngo / /de'i tshe na tshe dang ldan pa kun dga' bo rlung yab thogs te bcom ldan 'das kyi rgyab na bcom ldan 'das la rlung yab g.yob cing 'dug go//de nas tshe dang ldan pa kun dga' bo kun du rgyu be'u'i rigs song nas ring zhig lon par rig nas bcom ldan 'das la 'di skad ces gsol to/ /kun du rgyu be'u'i rigs kyis lan gnyis lan gsum du dris kyang bcom ldan 'das kyis ci'i phyir lung ma bstan/kun du rgyu be'u'i rigs la sdig pa can gyi lta ba mang du rnyed par 'gyur bas nga la lan gsum gyi bar du dris kyang lung ma bstan to/ /kun dga' bo kun du rgyu be'u'i rigs kyis dris pa la bdag yod do zhes lung bstan na chos thams cad bdag med do zhes bya ba'i tshig mi rigs par 'gyur ro//kun du rgyu be'u'i rigs kyis dris pa la bdag med do zhes lung bstan na kun du rgyu be'u'i rigs sngar bdag med pa las da ltar bdag dang bcas par 'gyur ro zhes sngar yang kun du rmongs pa la kun du rmongs pa ches mang du 'byung bar 'gyur ro//kun dga' bo bdag yod ces bya ba 'di ni rtag par 'gyur ro/ /bdag med ces bya ba 'di ni chad par 'gyur te/ de bzhin gshegs pas mtha' gnyis po de dag spangs nas dbu ma'i lam gyi chos ston te/ 'di lta ste/ 'di yod pa'i phyir 'di 'byung 'di skyes pa'i phyir 'di skye ste/'di lta ste ma rig pa'i rkyen gyis 'du byed rnams zhes bya ba nas/ rgyas par kun du 'gag par 'gyur ro zhes bya ba'i bar du'o zhes gsungs so/ /'jig rten rtag pa zhes bya ba la 'jig rten na rtag pa dang / mi rtag pa dang / rtag pa yang ma yin/mi rtag pa yang ma yin zhes bya ba la sogs pa lung du ma bstan pa'i dngos po bcu bzhi lung ring po'i mdo dgu pa las 'byung ba mdzod kyi gnas lnga pa 'di nyid du/ mgo gcig dang ni rnam phye dang / /zhes bya ba'i tshig le'ur byas par bris zin to/ /de bzhin du kun du rgyu smra ba zhes bya ba la/bcom ldan 'das rgyal po'i khab kyi 'od ma'i tshal bya ka lan da ka gnas pa na bzhugs te/ de nas kun du rgyu smra ba bcom ldan 'das gang na ba der nye bar song ste/ nye bar song nas bcom ldan 'das dang lhan cig ces bya ba nas/ bcom ldan 'das la 'di skad ces gsol to//gau ta ma ci 'jig rten mtha' dang bcas sam/ smras pa 'jig rten mtha' dang bcas so zhes bya ba 'di ni ngas lung mi ston to/ /gau ta ma 'jig rten mtha' med dam/ mtha' dang bcas pa yang ma yin mtha' med pa yang ma yin nam/ mtha' dang bcas pa yang ma yin mtha' med pa yang ma yin pa zhig /smra ba 'jig rten mtha' med pa dang / mtha' dang bcas pa yang yin/ mtha' med pa yang yin pa dang / mtha' dang bcas pa yang ma yin mtha' med pa yang ma yin zhes bya ba 'di ni ngas lung mi ston to/ /gau ta ma 'jig rten mtha' dang bcas pas zhes dris pa na lung mi ston to zhes smra zhing 'jig rten mtha' med pa dang /mtha' dang bcas pa yang yin/ mtha' med pa yang yin pa dang / mtha' dang bcas pa yang ma yin mtha' med pa yang ma yin pa zhig ces dris pa na lung mi ston to zhes smra na/ gzhan ci zhig lung ston/smra ba ngas mngon par mkhyen cing mngon par mkhyen na sdug bsngal yang dag par zad cing sdug bsngal mthar bya ba'i phyir nyan thos rnams la lam 'chad par mdzad do/ /gau ta ma nyid kyis mngon par mkhyen cing mngon par mkhyen nas sdug bsngal yang dag par zad cing sdug bsngal mthar bya ba'i phyir nyan thos rnams la lam 'chad par mdzad na/ci lam 'dis 'jig rten thams cad nges par 'byin tam/ 'on te 'jig rten phyogs gcig /de skad ces gsol pa dang / bcom ldan 'das cang mi gsung bar bzhugs so/ /kun du rgyu smra bas bcom ldan 'das la lan gnyis lan gsum du 'di skad ces gsol to//gau ta ma nyid kyis mngon par mkhyen cing mngon par mkhyen nas sdug bsngal yang dag par zad cing sdug bsngal mthar bya ba'i phyir nyan thos rnams la lam 'chad par mdzad na/ ci lam 'dis 'jig rten thams cad nges par 'byin tam/ 'on te 'jig rten phyogs gcig /de skad ces gsol pa dang / lan gnyis lan gsum gyi bar du yang bcom ldan 'das cang mi gsung bar bzhugs so/ /de'i tshe na tshe dang ldan pa kun dga' bo bcom ldan 'das kyi rgyab na rlung yab thogs te bcom ldan 'das la g.yob cing 'dug pas smras pa/smra ba khyod kyis bcom ldan 'das la dang por dri ba dris pa de nyid da ltar rnam grangs gzhan gyis dris te/ des na bcom ldan 'das kyis dris pa lung bstan to/ /smra ba de'i phyir skyes bu mkhas pa rnams la dpes rnam par bshad na don shes par 'gyur bas dpe nyon cig /smra ba 'di lta ste 'di ni rgyal po'i mtha'i grong khyer rtsig pa dang rab brtan pos yongs su bskor ba sgo gcig pa sgo srung ba'i skyes bu mkhas pa gsal ba blo dang ldan pa der 'ong ba dag dpyod pa'i shes rab dang yang dag par ldan pa dag bzhag par gyur te/ des grong khyer de'i mtha' kun du bskor zhing btsal kyang des grong khyer de la sgo gnyis pa cung zad kyang mi rnyed do//de nas grong khyer de kun du bskor zhing btsal kyang byi la 'jug pa tsam gyi sgo gnyis pa cung zad kyang mi rnyed de/ smra ba gzhan yang sgo srung ba'i skyes bu de la shes rab 'di lta bu srog chags 'di tsam zhig ni nga'i grong khyer du zhugs so//'di tsam zhig ni byung ngo zhes mthong ba ni ma skyes mod kyi 'on kyang sgo srung ba'i skyes bu de la yang dag pa'i shes rab 'di lta bu gang cung zad srog chags rags pa rags pa grong khyer du 'jug pa dang 'byung ba de thams cad ni sgo 'di kho na ste/ gzhan ni med do zhes shes pa skye'o/ / smra ba de bzhin du de bzhin gshegs pa la ci lam 'dis 'jig rten thams cad nges par 'byin par byed dam 'on te 'jig rten phyogs gcig ces 'di ltar thugs la rtog pa mi mnga' mod kyi/ 'on kyang de bzhin gshegs pa la yang dag pa'i ye shes 'di lta bu gang cung zad sdug bsngal mthar byas pa dang /byed pa dang byed par 'gyur ba de thams cad lam 'dis byed de/ gzhan ni med do zhes yang dag pa'i ye shes skye'o/ /de nas kun du rgyu smra ba tshe dang ldan pa kun dga' bos bshad pa la mngon par dga' zhing rjes su yi rangs te stan las langs te song ba'i bar du'o zhes gsungs so//ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas byams pa zhes bya ba 'byung bar 'gyur ro zhes bya ba la/ rgyal po dang yang dag par ldan pa'i tshoms kyi bcu pa sngon gyi mtha' dang phyi ma'i mtha'i mdo las 'byung ba gnas brten ma 'gags pas sngon gyi mtha' las brtsams te/bshad pa mdzod kyi gnas bzhi pa 'di nyid du 'phen par byed pa gcig yin te zhes bya bar bris zin pa/ phyi ma'i mtha' las brtsams pa ni bcom ldan 'das kyis lung bstan te/ dge slong dag mi rnams kyi tshe lo stong phrag brgyad cu thub pa na/de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ bla na med pa/ skyes bu 'dul ba'i kha lo sgyur ba lha dang mi rnams kyi ston pa/ sangs rgyas bcom ldan 'das byams pa zhes bya ba'i ston pa 'jig rten du 'byung bar 'gyur te/'di lta ste/ da ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ skyes bu 'dul zhing kha lo sgyur ba lha dang mi rnams kyi ston pa/sangs rgyas bcom ldan 'das nga 'jig rten du byung ba bzhin no/ /de lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram ze'i skye dgu'i lha dang mi'i 'jig rten 'di las mthong ba'i chos nyid las rang nyid kyis mngon par shes pa phun sum tshogs pa bdag gi skye ba zad do//tshangs par spyod pa bsten to/ /bya ba byas so/ /srid pa 'di las gzhan mi shes so zhes rab tu mkhyen par 'gyur te/ 'di lta ste/ de ltar nga lha dang bcas pa dang / bdud dang bcas pa dang / tshangs pa dang bcas pa'i dge sbyong dang bram ze'i skye dgu'i lha dang mi'i 'jig rten 'di las mthong ba'i chos nyid las rang nyid kyis mngon par shes pa phun sum tshogs pa bdag gi skye ba zad do//tshangs par spyod pa bsten to/ /bya ba byas so/ /srid pa 'di las gzhan mi shes so zhes mngon sum du byas shing mkhyen par gyur pa bzhin no/ /de thog mar dge ba/bar du dge ba/ tha mar dge ba/ don bzang po/ /tshig 'bru bzang po/ /ma 'dres pa/ yongs su rdzogs pa/ yongs su dag pa/ tshangs par spyod pa yongs su rdzogs pa yang dag par gsal ba 'byed pa'i chos ston to/ /'di lta ste/ da ltar nga thog mar dge ba/bar du dge ba/ tha mar dge ba/ don bzang po/ /tshig 'bru bzang po/ ma 'dres pa/ yongs su rdzogs pa/ yongs su dag pa/ tshangs par spyod pa yongs su rdzogs pa yang dag par gsal bar byed pa'i chos ston pa bzhin no/ /de'i nyan thos rnams la byams pa'i rigs zhes bya ba'i ming 'byung bar 'gyur ro//'di lta ste/ da ltar nga'i nyan thos rnams la shAkya'i bu zhes brjod pa bzhin no/ /des tshogs stong phrag du ma sdud par 'gyur te/ de ltar nga'i tshogs brgya phrag du ma bzhin no/ /de'i tshe tshe dang ldan pa byams pa 'khor 'dus pa de'i nang na 'dus shing 'dug par gyur te/de nas tshe dang ldan pa byams pa stan las langs te bla gos phrag pa gcig tu byas nas bcom ldan 'das gang na ba der thal mo sbyar zhing phyag byas nas bcom ldan 'das la 'di skad ces gsol to/ /btsun pa bdag mi rnams kyi tshe lo stong phrag brgyad cu thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa bla na med pa skyes bu 'dul ba'i kha lo sgyur ba lha dang mi rnams kyi ston pa sangs rgyas bcom ldan 'das byams pa zhes bya ba'i ston pa 'jig rten du 'byung bar 'gyur te/'di lta ste/ /da ltar bcom ldan 'das 'jig rten du 'byung ba bzhin no/ /bdag lha dang bcas pa dang / bdud dang bcas pa dang / tshangs pa dang bcas pa'i dge sbyong dang bram ze'i skye dgu'i lha dang mi'i 'jig rten 'di las mthong ba'i chos nyid la rang nyid kyis mngon par shes pa phun sum tshogs pa bdag gi skye ba zad do//tshangs par spyod pa bsten to/ /bya ba byas so/ /srid pa 'di las gzhan ni mi shes so zhes mngon sum du byas shing mkhyen par gyur te/ 'di lta ste/ da ltar bcom ldan 'das lha dang bcas pa dang / bdud dang bcas pa dang / tshangs pa dang bcas pa'i dge sbyong dang bram ze'i skye dgu'i lha dang mi'i 'jig rten 'di las mthong ba'i chos nyid la rang nyid kyis mngon par shes pa phun sum tshogs pa bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes mngon sum du byas shing mkhyen par 'gyur ba bzhin no//bdag thog mar dge ba/ bar du dge ba/ tha mar dge ba/ don bzang po/ /tshig 'bru bzang po/ /ma 'dres pa yongs su rdzogs pa/ yongs su dag pa/ tshangs par spyod pa yongs su rdzogs pa yang dag par gsal bar byed pa'i chos ston te/'di lta ste/ da ltar bcom ldan 'das thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa yongs su rdzogs pa/ yongs su dag pa/ tshangs par spyod pa yongs su rdzogs pa yang dag par gsal bar byed pa'i chos ston pa bzhin no//bdag gi nyan thos rnams la byams pa'i rigs zhes bya ba'i ming 'byung bar 'gyur te/ 'di lta ste/ da ltar bcom ldan 'das kyi nyan thos rnams la shAkya'i sras zhes brjod pa bzhin no/ /bdag tshogs stong phrag du ma sdud par 'gyur te/ 'di lta ste/da ltar bcom ldan 'das kyis tshogs brgya phrag du ma bzhin du 'gyur ba ni bcom ldan 'das ngo mtshar lags so/ /de skad ces gsol pa dang / bcom ldan 'das kyis tshe dang ldan pa byams pa la 'di skad ces bka' stsal to/ /byams pa ma 'ongs pa'i dus na tshogs yongs su bsdu bar bya'o zhes sems kyi smon lam rgya chen po dang bcas pa rab tu legs te/byams pa 'di kho na ltar 'byung bar 'gyur te/ ma 'ongs pa'i dus na mi rnams kyi tshe lo stong phrag brgyad cu thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/bla na med pa skyes bu 'dul zhing kha lo sgyur ba/ lha dang mi rnams kyi ston pa/ sangs rgyas bcom ldan 'das byams pa zhes bya ba'i ston pa 'jig rten du 'byung bar 'gyur te/ 'di lta ste/ da ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/bla na med pa skyes bu 'dul zhing kha lo sgyur ba/ lha dang mi rnams kyi ston pa nga 'jig rten du byung ba bzhin no/ /de lha dang bcas pa dang / bdud dang bcas pa dang / tshangs pa dang bcas pa'i dge sbyong dang bram ze'i skye dgu lha dang mi'i 'jig rten 'di las mthong ba'i chos nyid la rang nyid kyis mngon par shes pa phun sum tshogs pa bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes mngon sum du rab tu mkhyen par gyur te/'di lta ste/ da ltar nga lha dang bcas pa dang / bdud dang bcas pa dang / tshangs pa dang bcas pa'i dge sbyong dang bram ze'i skye dgu'i 'jig rten 'di las mthong ba'i chos de nyid la rang nyid kyis mngon par shes pa phun sum tshogs pa bdag gi skye ba zad do//tshangs par spyod pa bsten to/ /bya ba byas so/ /srid pa 'di las gzhan mi shes so zhes mngon sum du byas shing mkhyen pa bzhin no/ /de thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa yongs su rdzogs pa/ yongs su dag pa/ tshangs par spyod pa/ yongs su rdzogs pa/ yang dag par gsal bar byed pa'i chos ston par 'gyur te/ 'di lta ste/ da ltar nga thog mar dge ba/ bar du dge ba/ tha mar dge ba/ don bzang po/tshig 'bru bzang po/ ma 'dres pa/ yongs su rdzogs pa/ yongs su dag pa/ tshangs par spyod pa yongs su rdzogs pa/ yang dag par gsal bar byed pa'i chos ston pa bzhin no/ /de'i nyan thos rnams la byams pa'i rigs zhes bya ba'i ming 'byung bar 'gyur te/ 'di lta ste/ da ltar nga'i nyan thos rnams la shAkya'i bu zhes brjod pa bzhin no/ /des tshogs stong phrag du ma sdud par 'gyur te/ 'di ltar da ltar nga'i tshogs brgya phrag du ma bzhin no zhes gsungs so/ /nyan thos 'das pa'i dus na dus las 'das pa rnams kyis skye ba lung bstan zhes bya ba la/bcom ldan 'das chu bo can na mu dze ka'i spyil bu na bzhugs te/ de'i tshe chu bo can du skye bo mang po dus las 'das par gyur te/ dge bsnyen kad ka Ta dus las 'das shing / ka Ta ma ka Ta dang / kad ka sha dang / spyod pa dang / nyer spyod dang / ltas can dang / nye ltas can dang /bzang po dang / rab tu bzang po dang / grags pa dang / nye bar grags pa dang / grags sbyin dang / dge bsnyen grags pa'i lha dag dus las 'das par gyur to/ /de nas dge slong rab tu mang po snga dro chos gos dang lhung bzed thogs te chu bo can du bsod snyoms kyi phyir zhugs te/dge slong rab tu mang po de dag chu bo can na bsod snyoms spyod pa na/ chu bo can na skye bo mang po dus las 'das par gyur to/ dge bsnyen kad Ta ka dus las 'das shing / ka Ta ma ka Ta dang / kad ka sha dang / spyod pa dang / nyer spyod dang / ltas can dang / nye ltas can dang / bzang po dang / rab tu bzang po dang / grags pa dang / nye bar grags pa dang / grags sbyin dang / dge bsnyen grags pa'i bla ma dag dus las 'das par gyur to zhes thos te/ thos nas bsod snyoms spyad de zas kyi bya ba byas shing zos pa'i 'og tu [(]ltung [,]lhung [)]bzed bkrus te/chos gos dang lhung bzed mtha' gcig tu bzhag ste/ rkang pa bkrus nas bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go/ / phyogs gcig tu 'dug nas dge bsnyen rab tu mang po de dag gis bcom ldan 'das la 'di skad ces gsol to/ /btsun pa 'di na bdag cag dge slong rab tu mang po chos gos dang lhung bzed thogs te chu bo can du bsod snyoms kyi phyir zhugs te/ btsun pa bdag cag dge slong rab tu mang po chu bo can na bsod snyoms spyod pa na chu bo can du skye bo mang po dus las 'das par gyur te/dge bsnyen kad ka Ta dus las 'das shing / ka Ta ma ka Ta dang / kad ka sha dang / spyod pa dang / nyer spyod dang / ltas can dang / nye ltas can dang / bzang po dang /rab tu bzang po dang / grags pa dang / nye bar grags pa dang / grags sbyin dang / dge bsnyen grags pa'i bla ma dag dus las 'das par gyur to zhes thos na/ btsun pa de dag gi 'gro ba ni gang / skye ba ni gang / 'jig rten pha rol ni gang zhig yin/dge slong dag dge bsnyen kad ka Ta ni tha ma'i cha dang mthun pa'i kun du sbyor ba lnga spangs shing 'jig rten 'dir phyir mi 'ong ba'i chos can skyes nas yongs su mya ngan las 'das pa'i phyir mi 'ong ba'o/ /dge slong dag dge bsnyen ka Ta ma ka Ta dang / kad ka sha dang / spyod pa dang / nyer spyod dang / bzang po dang / rab tu bzang po dang / grags pa dang / nye bar grags pa dang / grags sbyin dang / dge bsnyen grags pa'i bla ma dag kyang tha ma'i cha dang mthun pa'i kun du sbyor ba lnga spangs shing 'jig rten 'dir phyir mi ldog pa'i chos can skyes nas yongs su mya ngan las 'da' ba'i phyir mi 'ong ba'o//dge slong dag chu bo can du dge slong phyed dang sum brgya lhag cig dus las 'das pa de dag tha ma'i cha dang mthun pa'i kun du sbyor ba lnga spangs shing 'jig rten 'dir phyir mi ldog pa'i chos can skyes nas yongs su mya ngan las 'da' ba'i phyir mi 'ong bar gyur to/ / dge slong dag chu bo can du dge slong sum brgya lhag cig dus las 'das par gyur pa de dag ni kun du sbyor ba gsum spangs shing / 'dod chags dang / zhe sdang dang / gti mug gsum bsrabs par gyur pa 'jig rten 'dir lan cig phyir 'ongs nas sdug bsngal mthar byed par 'gyur ba'i lan cig phyir 'ong bar gyur to//dge slong dag chu bo can du dge bsnyen lnga brgya lhag cig dus las 'das par gyur pa de dag ni kun du sbyor ba gsum spangs shing rdzogs pa'i byang chub tu nges shing mi ltung ba'i chos can mchog tu thogs na srid pa lan bdun pa/ lha dang mi rnams su lan bdun du nying mtshams sbyar nas/sdug bsngal mthar byed par 'gyur ba'i rgyun du zhugs par gyur to/ /dge slong dag khyed cag de bzhin gshegs pa la dus las 'das shing / dus las 'das pa dag gi dri ba 'dri'am/ btsun pa de bzhin no/ /'dis de bzhin gshegs pa reg par mi gnas shing /de bzhin gshegs pa la gnod pa byas par gyur te/ 'on kyang skyes pa dag 'chi zhing dus byed par 'gyur te/ 'di la ngo mtshar ba ci zhig yod de/ de bzhin gshegs pa rnams byung yang rung / de bzhin gshegs pa rnams ma byung yang rung /chos rnams kyi chos nyid 'di ni gnas pa ste/ chos nyid gnas pa de nyid de bzhin gshegs pas rang nyid kyis mngon par mkhyen nas mngon par rdzogs par sangs rgyas te rab tu 'dogs par mdzad cing rab tu 'jog par mdzad pa dang / rab tu 'byed pa dang / rab tu 'grel ba dang /rab tu ston pa dang / rab tu gsal bar mdzad de/ 'di ltar 'di yod pa'i phyir 'di 'byung / 'di skyes pa'i phyir 'di skye ste/ 'di ltar ma rig pa'i rkyen gyis 'du byed rnams dang / 'du byed kyi rkyen gyis rnam par shes pa dang / rnam par shes pa'i rkyen gyis ming dang gzugs dang /ming dang gzugs kyi rkyen gyis skye mched drug dang / skye mched drug gi rkyen gyis reg pa dang / reg pa'i rkyen gyis tshor ba dang / tshor ba'i rkyen gyis sred pa dang / sred pa'i rkyen gyis len pa dang / len pa'i rkyen gyis srid pa dang / srid pa'i rkyen gyis skye ba dang /skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kun du 'byung ste/ de ltar na sdug bsngal gyi phung po chen po 'di 'ba' zhig yang dag par 'byung bar 'gyur ro/ /'di med pas 'di mi 'byung 'di 'gags pas 'di 'gag ste/'di lta ste/ ma rig pa 'gags pas 'du byed 'gag par 'gyur zhing / 'du byed 'gags pas rnam par shes pa 'gag /rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kun du 'gag cing / de ltar na sdug bsngal gyi phung po chen po 'di 'ba' zhig yang dag par 'gag par 'gyur ro/ /dge slong dag gzhan yang chos kyi me long zhes bya ba'i chos kyi rnam grangs bstan par bya ste/de legs par rab tu nyon la yid la zung shig dang bshad par bya'o/ /chos kyi me long zhes bya ba'i chos kyi rnam grangs gang zhe na/ sangs rgyas la shes nas dad pa chos kyi me long gi chos kyi rnam grangs dang / chos dang dge 'dun la shes nas dad pa chos kyi me long gi chos kyi rnam grangs dang /'phags pa dgyes pa'i tshul khrims chos kyi me long gi chos kyi rnam grangs so/ /'di ni chos kyi me long gi chos kyi rnam grangs zhes bya'o/ /dge slong dag chos kyi me long zhes bya ba'i chos kyi rnam grangs bstan par bya'o zhes ngas ji skad du bstan pa de rgyas par rab tu bshad do zhes gsungs so//bden par gnas pa'i bdag med do zhes bya ba ni lta ba'i gnas su gsungs te zhes bya ba la/ lung bar ma bdun pa'i sdom gyi tshigs su bcad pa dang po las zag pa bstan cing bshad pa'i mdo las 'byung ba/ mdzod kyi gnas gnyis pa 'di nyid du rgyu dang 'bras bu bsam par/ byed rgyu zhes bya bdag por bshad//ces bya bar mi shes na zhes bya bar bris zin te/ de las 'di ltar 'don te/ de tshul bzhin ma yin pa yid la byed pa na lta ba'i gnas drug po rnams las gang yang rung ba zhig yang dag par skye zhing skye bar 'gyur te/ bden par gnas pa'i bdag med do/ /zhes 'di lta bu'i lta ba'i gnas dang po yang dag par skye zhing skye bar 'gyur ro//bden par gnas pa'i bdag med do/ /zhes 'di lta bu'i lta ba'i gnas gnyis pa yang dag par skye zhing skye bar 'gyur ba dang / bdag gis bdag mthong ngo zhes 'di lta bu'i lta ba'i gnas gsum pa yang dag par skye zhing skye bar 'gyur ba dang / bdag gis bdag med pa mthong ngo zhes 'di lta bu'i lta ba'i gnas bzhi pa yang dag par skye zhing skye bar 'gyur ba dang /bdag med pas bdag mthong ngo zhes 'di lta bu'i lta ba'i gnas yang dag par skye zhing skye bar 'gyur ba dang / 'di ni bdag gam/ sems can nam/ srog gam/ skye ba'am/ gso ba'am/ gang zag gam/ shed las skyes pa'am/ shed bu'am/ byed pa po'am/ byed du 'jug pa po'am/ skyed pa po'am yang dag par skyed pa po'am/ slong ba po'am kun nas slong ba po'am/ tshor ba po'am rab tu tshor ba po'am/ skyed pa dge ba dang mi dge ba'i las de dang de dag byas shing byas nas 'bras bu rnam par smin pa so sor nyams su myong bar byed cing gang yang phung po 'di rab tu spong zhing ma 'ongs pa'i phung po gzhan len par byed pa/da ltar de med cing ma byung 'byung bar mi 'gyur/ de ltar med do zhes 'di lta bu'i lta ba'i gnas drug pa skye zhing yang dag par skye bar 'gyur ro zhes gsungs so/ /bcom ldan 'das kyis sems can ma rig pas bsgribs shing zhes bya ba la phung po las sangs rgyas rnam par bshad pa'i thog ma dang tha ma med pa'i mdo las 'di ltar 'don te/dge slong dag sems can ma rig pas kun du bsgribs shing srid pa'i kun du sbyor ba dang / srid pa'i srad bus bcings shing 'khor bar nying mtshams sbyor ba rnams kyi sdug bsngal sngon gyi mthar gdags pa med cing 'khor ba la thog ma med do zhes gsungs so/ /bcom ldan 'das kyis nga de'i tshe de'i dus na mig bzangs zhes bya ba'i ston par gyur te zhes gsungs zhes bya ba la/lung bar ma bdun pa'i sdom gyi tshigs su bcad pa dang po'i mdo brgyad pa nyi ma bdun pa zhes bya ba las 'byung ba mdzod kyi gnas gsum par/ 'jig pa'i bskal pa'i dmyal ba yi/ /srid pa med nas snod zad par/ /zhes bya ba'i skabs su bris zin to/ / mdo las bdag yod na bdag gir lta ba 'byung bar 'gyur ro zhes gsungs zhes bya ba la/ bar ma yang dag par ldan pa'i mdo nyi shu pa las 'di ltar 'don te/ dge slong dag khyed cag gis mthong ngam/ gang gi tshe bdag tu smra ba nye bar len pas bdag tu smra ba nye bar len pa de'i tshe rtag pa dang brtan pa dang g.yung drung dang mi 'gyur ba'i chos can dag yang dag par gnas sam/btsun pa ma lags so/ /dge slong dag 'di ji snyam du sems/ bdag yod na bdag gi 'byung bar 'gyur zhing / bdag gi yod na bdag 'byung bar 'gyur ram/ btsun pa de de bzhin no/ /dge slong dag 'di ji snyam du sems/ bdag yod na bdag gi zhes bya ba ni lta ba'i gnas te/mchog tu 'dzin pa'i phra rgyas so/ /bdag dang 'jig rten rtag pa/ brtan pa dang / g.yung drung dang / mi 'gyur ba'i chos can yang dag par gnas pa 'di ni mi srid do/ /btsun pa de bzhin no/ /dge slong dag de'i phyir gzugs 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am/ rags pa'am/ phra ba'am/ dman pa'am/ gya nom pa'am/ gang thag ring ba'am/ gang thag nye ba'am/ de thams cad bdag ma yin bdag kyang de dag ma yin zhing de dag bdag gi ma yin no zhes yang dag pa'i shes rab kyis blta bar bya'o/ /tshor ba gang ci yang rung ba dang / 'du shes gang ci yang rung ba dang gang yang mthong ba dang thos pa dang rnam par shes pa dang thob pa dang yongs su tshol ba dang yid la yid kyi rjes su rnam par rtog pa dang rjes su dpyod pa de thams cad bdag ma yin la bdag kyang de dag ma yin zhing 'di dag bdag gis bdag ma yin no zhes yang dag pa'i shes rab kyis ji lta ba bzhin blta bar bya'o zhes gsungs so//'o na mdo las rnam par shes pa de yongs su shes so zhes bya ba la/ ji ltar re zhig mdzod kyi gnas dgu pa 'di nyid du shes rab dang rnam par shes pa dag ni yul mtshungs pa'i phyir ro zhes de dang der bris pa las rtogs par bya'o/ /chos mngon pa mdzod kyi TI ka nye bar mkho ba zhes bya ba las gnas dgu pa phal cher mdo dang sbyar ba'o//mdo sogs lung dang bral zhing rgyan med gyur pa'i mdzod kyi rnam par bshad pa ni/ /gang phyir dri med gyur kyang zla bas stong pa'i mtshan bzhin yid 'phrog byed pa min/ /de phyir rin chen rang bzhin lung gis rnam par bshad pa rab tu brgyan byas las/ /dge ba gang yod de yis 'jig rten dri med blo yis rab tu brgyan gyur cig /bal po'i yul du skye ba rab tu thob par gyur pa'i dge slong zhig nas lha yis ni/ /ji ltar dran pa bzhin du mdzod la mkho ba yongs su rdzogs par yang dag bsdus/ /mdo gzhan gang yang bdag gis yongs su ma dran 'di ni yang dag ma bsdus pa/ /de dag gang zhig dran pas yang dag bsdu bar mdzod ces gsol ba bdag 'debs so//chos mngon pa mdzod kyi TI ka nye bar mkho ba zhes bya ba dge slong zhi gnas lhas yang dag par sbyar ba rdzogs so// //gsung rab mdo sde stong gi mdo khungs kyi/ /chos mngon mdzod kyi bstan bcos brgyan pa 'di/ /khams pa ston pas dad pas rab bsgyur las/ / 'gro kun mngon pa'i chos kyi don rtogs shog /kha che'i grong khyer chen po dpe med kyi dbus dza ra me'i gtsug lag khang gi byang phyogs kyi bsil khang du/ rgya gar kyi mkhan po dzA ya shrI dang / bod kyi lo tsA ba khams pa dge slong shes rab 'od zer gyis yang dag par bsgyur ba'o// //