CLOSE WINDOW

D4093
བོད་ཡིག

@##/ /rgya gar skad du/ a b+hi d+harma ko Sha TI ka lak+Sha Na s+yA nu sa ri nA ma/ bod skad du/ chos mngon pa'i mdzod kyi 'grel bshad mtshan nyid kyi rjes su 'brang ba zhes bya ba/ 'phags pa 'jam dpal gzhon nur gyur pa la phyag 'tshal lo//gang zhig rang nyid thugs kyi mun pa zhes bya ma lus yul can rgyud kun zhi/ /nyon mongs can dang nyon mongs can min mtha' yas mkhyen rab gzeng mthos mthar bskyal zhing //thugs rjes yongs su khyab pa'i thugs mnga' chos 'chad pa yi phyag brkyang tshul dag gis/ /'khor ba'i 'dam las 'gro ba drangs mdzad de la dang por rab tu phyag 'tshal te//nyid kyi don legs thugs chud cing / /grol ba'i thugs mnga' thub pa yis/ /chos mngon gang zhig bshad gyur pa/ /de nyid rab tu spro bar bya/ /bstan bcos mdzad par bzhed pas bstan bcos rtsom pa'i dgos pa'i dbang du mdzad nas bshad de/de yang ston pa dang bstan bcos la gus pa bskyed pa'o/ /rang dang gzhan gyi don phun sum tshogs pa brjod pas bcom ldan 'das kyi che ba'i bdag nyid shes pa las ni gus pa skye ste/spangs pa dang ye shes phun sum tshogs pa dang ldan pa'i phyir dang / 'khor ba'i 'dam du bying ba'i sems can dag drangs pas 'bras bu mthar thug pa la rab tu sbyor bar mdzad pa nyid kyi phyir ro//gus pa skyes nas yang 'khor ba'i 'dam du bying ba rnams klog pa dang / kha ton dang / thos pa dang / bsam pa la sogs pa'i bya ba dag la 'bad pas 'jug pas na de las brgal bar 'gyur ro//de nas nyan pa po dran pa dang shes rab zhan pa rnams mi rmongs par bya ba'i phyir slob dpon dbyig gnyen gyis sbyar ba chos mngon pa'i mdzod kyi bshad pa'i don rnam par dbye bar bya'o//byed na yang re zhig gnas brgyad po dag kho na'i go rims kyi dgos pa brjod par bya ste/ 'di ni chos rnams bsdu ba bstan pa 'dus byas dang 'dus ma byas la sogs pa gzhan yod du zin kyang / zag bcas zag pa med chos rnams//zhes bya ba'i tshul 'di las mi 'tshol bar bstan pa dang / kun nas nyon mongs pa'i phyogs dang / rnam par byang ba'i phyogs las brtsams te bstan bcos 'di mdzad do zhes bya bar nges te/ de'i phyir kun nas nyon mongs pa dang rnam par byang ba'i phyogs dag ci rigs par phung po dang /khams dang / skye mched kyis bsdus pa'i phyir dang por phung po la sogs pa'i rnam par gzhag pa mdzad de/ khams bstan pa ni phal che ba'i phyir khams kyi mdzod kyi gnas zhes sgrogs so/ /kun nas nyon mongs pa dang rnam par byang ba dag 'jug pa dang dmigs pa ni dbang po'i sgo nas yin te/de'i phyir de'i mjug thogs su dbang po nye bar bkod do/ /de nas khams dang / 'gro ba dang / skye gnas la sogs pa'i dbye bas khams dang dbang po'i bdag nyid can gyi kun nas nyon mongs pa sems can zhes bya ba dang /snod ces bya ba 'di ma rig pa la sogs pa dang / rlung gi dkyil 'khor la sogs pa'i rim pas rten dang brten pa'i khyad par du ji ltar skye ba de ltar bsnyad do/ /de ltar khyad par mtha' yas pa 'byung ba de yang dbang phyug la sogs pa dag las ni ma yin gyi/'on kyang las dag las yin pas de'i mjug thogs su las rnams bshad do/ /las de dag kyang nyon mongs pa dang lhan cig tu gyur pa rnams yang skye ba la nus pa dang ldan pa yin gyi/ 'dod chags dang bral ba la skye ba ma mthong ba'i phyir 'ba' zhig pa dag ni ma yin te/de'i phyir de'i mjug thogs su de nyon mongs pa bstan to/ /de ltar rab tu zhugs pa'i kun nas nyon mongs pa'i rnam par byang ba'i go rims ni/ de la 'jug pa mi sdug dang / /zhes bya ba 'di yin la/ gnas skabs der de'i sgrub pa po gang zag rnams rnam par gzhag pa yang bstan to//rnam par byang ba yang nyon mongs pa dag ni ye shes kyis gzhom par bya ba yin no zhes 'byung ba las ni shes pa las yin te/ de'i phyir de'i mjug thogs su shes pa rnams dang / des thob par bya ba'i yon tan rnams bshad do/ /sems mnyam par gzhag pa ni yang dag pa ji lta ba bzhin du rab tu shes so zhes bya ba'i mdo las ni shes pa rnams kyang bsam gtan dag med pa ma yin te/de'i phyir bsam gtan dag dang bsam gtan gyi rang bzhin gyi yon tan rnams bstan to/ /gang zag rnam par gtan la dbab pa ni mdzod kyi gnas brgyad pa'i zhar la 'ongs par 'brel pa kho na'o//gal te de dag yod bzhin du bye brag tu bshad pa la sogs pa dang dgos pa mtshungs pa 'di rtsom pa dgos pa med par ji ltar mi 'gyur zhe na/ bye brag tu bshad pa la sogs pa rnams la rgyas pa dang /bsdus pa dang / sil bu la sogs pa'i nyes pa mthong bas yongs su dga' ba ma skyes pas bya ba mang po'i spros pas blo dkrugs pa rnams la phan gdags par bya ba'i phyir chos mngon pa mdzod ces bya ba'i bstan bcos rgyas pa dang bsdus pa spangs pa/ don ma dkrugs pa nye bar ston pa/chos mngon pa bsdus pa gzhan zhig brtsams pa yin te/ de'i phyir 'di rtsom pa dgos pa med pa ma yin no zhes tshigs su bcad pa nye bar bkod do/ /'brel pa ni gang zhig /dgos pa ni ci/ brjod bya ni gang zhe na/ bstan bcos byed par 'dod pas zhes bya ba 'di ni 'brel pa'o//rang gi ston pa'i che ba'i bdag nyid shes par bya ba'i phyir zhes bya ba 'di ni dgos pa'o/ /de la yon tan brjod pa sngon du 'gro ba'i phyag 'tshal ba rtsom pa zhes bya ba 'di ni brjod par bya ba'o/ /'dris par bya bas na yon tan rnams te/ legs pa don du gnyer ba rnams kyis goms par bya'o zhes bya ba'i don to//kun la zhes bya ba ni spangs pa phun sum tshogs pa'o/ /gtan zhes bya ba ni ye shes phun sum tshogs pa'o/ /'khor ba'i 'dam las 'gro ba drangs mdzad pa/ /zhes bya ba ni gzhan la phan pa phun sum tshogs pa'o/ /don bzhin ston pa de la phyag 'tshal nas/ /zhes bya ba ni khams gsum gyi ston pa gcig pu 'di phun sum tshogs pa'o//'khor ba'i 'dam las 'gro ba drangs mdzad pa/ /zhes bya ba la/ 'khor bas na 'khor ba ste/ nye bar len pa'i phung po lnga'am/ 'gro ba lnga ste/ 'gro ba dang 'ong ba'i dngos po yin zhing skye ba dang 'gag pa'i dngos po yin no zhes bya ba'i don to//'khor ba nyid 'dam yin pas 'dam mo/ /'dam dang 'dra bas na 'dam ste kun tu chags pa'i gnas yin pa'i phyir dang / brgal bar dka' ba'i phyir 'dam lta bu'o/ /skye ba dang / 'chi ba dang ldan pa'i phyir na 'gro ba'o/ /drangs mdzad pa zhes bya ba ni drangs pas mdzad par gyur pa'o//don bzhin ston pa zhes bya ba la/ gang zhig gang gi don yin pa ni don bzhin no/ /don ji lta ba bzhin du ston pas don bzhin ston pa ste/ don bzhin ston pa de la phyag 'tshal te/ /zhes bya bar sbyar ro/ de la ni rang dang gzhan phan dang ldan pa la'o/ /phyag 'tshal te zhes bya bas ni/lus dang / ngag dang / yid dag btud nas bstan par 'gyur ro/ /bstan bcos rab bshad bya zhes bya ba la/ phan pa thob pa dang mi phan pa btang ba'i rgyur gyur pa ston pa'i phyir dang / nyes pa dang sdug bsngal dag las skyob pa'i phyir bstan bcos te/ de las gzhan du ni mtshon cha yin no//de'i mchog tu byung ba'am/ rnam par phye ste 'chad pa ni rab tu bshad par bya ba'o/ /bstan bcos mang ba'i phyir bstan bcos gang zhes 'dri na/ chos mngon mdzod ces bya ba smos te/ chos mngon smos pa ni rtog ge la sogs pa'i bstan bcos gcad par bya ba'i phyir ro//mdzod ces smos pa ni chos mngon pa las bsdus pa gzhan shes par bya ba'i phyir te/ de skad du yang / 'dir de don du yang dag chud phyir ram/ /'di yi gnas de yin pas chos mngon mdzod/ /ces bya ba la sogs pa 'chad par 'gyur ro/ /bstan bcos byed par 'dod pas zhes bya ba la/slob ma 'chos pas na bstan bcos so/ /'chos pa yang bde 'gro dang thar pa'i rgyu rab tu 'jog pa dang / ngan 'gro dang 'khor ba'i rgyu spong ba'o/ /byed par 'dod pas zhes bya ba ni dgod par 'dod pa dang / bstan par 'dod pa dang / rnam par bshad par 'dod pa zhes bya ba'i don to//don bstan pas ni bstan bcos bstan par 'gyur ro/ /rang gi ston pa'i zhes bya ba la/ ston pa'i sgras ston pa spyir bzung bas rang gi zhes smos la/ rang gi rta la sogs pa gzhan yang yod pas ston pa'i zhes bya ba smos te/ 'di skad du sangs rgyas bcom ldan 'das kyis zhes bstan par 'gyur ro//de'i skyabs su 'gro bar khas blangs pa'i phyir dang / de'i bstan pa rjes su bsgrub pa'i phyir de'i rang gi ston par 'gyur ro/ /yang na bdag gis de dag lam dang lam gyi 'bras bu la rjes su bstan pa yin zhes byang chub tu sems bskyed pa'i dus nyid nas sems can thams cad slob ma'i dngos por nye bar blangs pa'i phyir dang /de'i don kho na'i tshogs dag la rab tu zhugs pa dang / mngon par rdzogs par byang chub par bya ba'i phyir 'di nyid sems can thams cad kyi rang nyid kyi ston pa yin gyi/gzhan ni ma yin no/ /de ltar sems can ma lus pa nye bar gzung ba'i phyir dang / mngon par rdzogs par byang chub pa las yin no zhes bstan pa'i phyir/ rang gi ston pa'i zhes smos te/ 'gro ba bkren pas gti mug gis/ /dpa' bo thugs rje ro gcig cing //yun rings phan par bzhed pa yi/ /rang nyid mgon po khyod mi 'tshal/ /zhes ji skad du bshad pa lta bu'o/ /che ba'i bdag nyid shes par bya ba'i phyir zhes bya ba la/ che ba'i bdag nyid kyi dngos po ni che ba'i bdag nyid de/ de yang sems can thams cad kyi mchog nyid dang / sems can thams cad kyi skyabs su 'os pa nyid do/ /de la las dang / spangs pa dang / ye shes phun sum tshogs pa brjod pas ni sems can thams cad kyi mchog nyid du shes par bya ste/ de las gzhan pa rnams bla na med pa'i spangs pa dang ye shes med pa'i phyir ro/ / 'khor ba'i 'dam las 'gro ba drangs pas ni sems can thams cad kyi skyabs su 'os pa nyid do/ /rnam pa gcig tu na che ba'i bdag nyid ni rang gi don phun sum tshogs pa dang / gzhan gyi don phun sum tshogs pa'o/ /de la yon tan brjod pa sngon du 'gro ba'i phyag 'tshal ba rtsom mo zhes bya ba'am/'di la yon tan brjod pa sngon du 'gro ba zhes tshig bsdu ste/ de ni tshigs su bcad pa'i phyed gong ma'o/ /rkang pa gsum par ni/ de la phyag 'tshal te zhes phyag 'tshal ba brtsams te/ de'i phyir phyag 'tshal ba ni yon tan brjod pa sngon du 'gro ba yin no//yon tan brjod pa ni yon tan rnams gsal bar byed pa'o/ /de la phyag 'tshal ba rtsom mo zhes bya ba ni rang gi ston pa de la ste/ phyag 'tshal ba dang 'brel pas bzhi pa'o/ /rnam par dbye ba bsgyur ba ni don gyi dbang gis so/ /phyag 'tshal ba rtsom mo zhes bya ba ni bstan bcos byed par 'dod pas zhes bya ba 'di dang sbyar na/phyag 'tshal ba ni yon tan thun mong ma yin pa mnga' snyam pa sngon du 'gro ba'i mgo bos 'dud pa'o/ /yang na rang dang gzhan dag la bsod nams nye bar bsag par 'dod pas ston pa la mchod pa bsgrub par bya ba'i phyir lus dang /ngag dang / yid dag gi sgo nas yon tan brjod pa sngon du 'gro bas phyag 'tshal ba rtsom ste/ de lta na ni che ba'i bdag nyid kyang shes par byas la/ rang dang gzhan dag la bsod nams nye bar bsags pa rjes su bsgrub pa byas par yang 'gyur ro/ / ngag gi don rtogs pa ni tshig gi don rtogs pa sngon du 'gro ba yin pas da ni tshig gi don bsam par bya ba ni/ gang zhig ces bya ba ni sangs rgyas bcom ldan 'das kyi dbang du byas nas smras pa'o zhes bya ba la/ gang zhig ces bya ba ni ming thams cad pa zhes bya ba thun mong ba rjod par byed pa'i sgra yin la/thun mong ba'i sgra yang don dang / skabs dang / rtags la sogs pa la ltos pa med par khyad par la gnas par bya bar mi nus so/ /de'i phyir 'di ni chos mngon pa 'chad pa'i skabs kyis gzhan las rnam par bcad de sangs rgyas bcom ldan 'das nyid la 'jug ste/chos mngon pa 'chad par rtsom pa na sangs rgyas las gzhan ston pa ma yin te/ de'i phyir gang zhig ces bya ba ni sangs rgyas bcom ldan 'das kyi dbang du byas nas smras pa'o zhes bshad do/ /gang zhig ces bya ba la/ ldan pa yang thun mong gi sgra khyad par la gnas pa'i rgyur mthong ste/dper na be+e'u dang bcas pa dang / rnge'u dang bcas pa dang / lu gu dang bcas pa'i drus ma 'on cig ces bya ba bzhin no/ /shes bya thams cad la ma chags ma thogs pa'i ye shes kyi nus pa rgyas pas na rang nyid sangs rgyas te/pad+ma bzhin no/ /rnam pa gcig tu na nyon mongs pa dang nyon mongs pa can ma yin pa'i rmongs pa'i gnyid gtan du zad pas na sangs rgyas te/ skyes bu gnyid sad pa bzhin no/ /dper na sad pa'i skyes bu ni gnyid zad pas rang nyid sad pa zhes bya'o/ /gzhan dag gis sad par byas pa zhes bya ba ma yin pa de bzhin du 'dir yang yin no//bdud bzhi bcom par gyur pas na bcom ldan 'das te/ de dag kyang nyon mongs pa dang / phung po dang / 'chi bdag dang / lha'i bu zhes bya ba rnams so/ /yang na 'di skal ba dang ldan pas na bcom ldan 'das te/ldan pa yang ji skad du/ dpal dang grags dang dbang phyug dang / /ye shes dang ni gzugs bzang dang / /brtson 'grus phun sum tshogs pa ste/ /drug po dag la ldan zhes bya/ /zhes bshad pa lta bu'o/ /sangs rgyas las gzhan dbang phyug dang //grags pa la sogs pa phun sum tshogs pa dag yod pa ma yin te/ de'i phyir sangs rgyas nyid bcom ldan 'das so/ /'o na ci'i phyir sangs rgyas dang bcom ldan 'das zhes gnyis ka brjod pa ni sangs rgyas kyi sgra nye ba'i tshig dang bral ba na nyan thos dang /rang sangs rgyas dang / yang dag par rdzogs pa'i sangs rgyas gsum char la 'jug ste/ de'i phyir sangs rgyas bcom ldan 'das kyi dbang du bya ba nas smras la/ bcom ldan 'das kyi sgra yang bdag nyid ma sbyangs pa kha cig gis gzhan du yang thal bar byas pas sangs rgyas bcom ldan 'das zhes smras so//yang na nye ba'i tshig med par bcom ldan 'das kyi mtshan nas smos pa mi rigs pas gnyis char smos so/ /kun la mun pa gtan bcom zhing / /zhes bya ba la/ 'di ni kun la mun pa bcom pas na kun la mun bcom mo zhes bdun pa'i de'i skyes bu tshig gnyis po'i 'bru mang po pa'i snying po can no//gal te 'bru mang po pa la niSh+Tha'o zhes bya bas bcom mo/ /dgra bo thams cad ces bya ba ltar niSh+Tha'i mtha' can gong du 'don par 'gyur ba ma yin nam zhe na/ brgal ba 'di'i lan gdab pa'i phyir/ 'di'i 'am 'dis mun pa bcom pas zhes bya ba smos te/ a ti ta ag ni la sogs par gtogs pa'i phyir Sh+Tha'i mtha' can gong du 'don pa'i nges pa med do/ /gal te gang gi tshe 'di'i mun pa bcom mo zhes drug par tshig rnam par sbyar ba de'i tshe ni/ bcom ldan 'das mun pa 'joms pa'i 'brel pa can nyid du nye bar bzung bas mun pa'i 'joms pa po dang byed pa ma bstan la/gang gi tshe 'dis mun pa bcom mo zhes byed pa po'i mtshan nyid kyis gsum pa yin pa de'i tshe yang bcom ldan 'das mun pa 'joms pa'i byed pa po nyid du brjod par 'dod pa'i phyir/ gang gi'am byed pa gang gis bcom zhes mun pa bcom pa'i 'brel pa can dang byed pa mi shes so zhe na/ nyes pa 'di ni med de/ gzhan 'joms pa po dang 'brel pa can du ma bstan pa'i phyir/ de nyid bdag nyid kyi mun pa'i 'joms pa po dang / 'dis bdag nyid kyi mun pa bcom mo zhes bya bar khong du chud par 'gyur te/de nyid kyi phyir ci nas kyang de nyid mun pa 'joms pa po la byed pa po nyid dang 'bral pa can nyid shes par bya ba'i phyir gnyis ka ltar yang tshig rnam par sbyar ro/ /byed pa ni gnyen po brnyes pa ste/ de yod na mun pa spong ba'i phyir ro/ /gtan zhes bya ba ni nye ba'i tshig yin gyi/de dang tshig bsdu ba ni ma yin te/ mi zad pa yin pa'i phyir ro/ /gtan zhes bya ba 'di ni don nye bar ston pa lhur byed pa yin gyi/ tshig rnam par sbyar ba lhur byed pa ni ma yin la/ kun la mun pa bcom zhes bya ba 'di ni tshig rnam par sbyar ba lhur byed pa yin no//thams cad la ni shes bya la ste/ skye mched bcu gnyis dang / gzhi lnga dang / 'dus byas dang 'dus ma byas pa dang / zag pa dang bcas pa dang / zag pa med pa la'o/ /de la mun pa'i rnam pa thams cad ni nyon mongs pa can dang / nyon mongs pa can ma yin pa dang /'dod pa dang / gzugs dang / gzugs med pa'i dbye ba dang / dus kyi dbye bas rnam pa gsum mam/ spangs pa'i bye brag gis rnam pa lnga'o/ /'jig rten na phyi rol gyi mun pa gzugs mthong ba la gegs su gyur pas long ba ltar byed pa'i phyir mun pa zhes bya bar grags te/'dir yang yang dag pa'i don mthong ba'i gegs su 'dra bas mi shes pa nyid mun pa yin no zhes bstan pa'i phyir/ mi shes pa ni yang dag pa'i don mthong ba la gegs su gyur pa'i mun pa ste zhes smos so/ /mthong ba ni rnam pa gnyis te/ yang dag pa'i don mthong ba dang /yang dag pa ma yin pa'i don mthong ba'o/ /de la yang dag pa'i don mthong ba ni thos pa dang / bsam pa dang / bsgom pas bsdus pa ste/ yang dag pa'i don sdug bsngal la sogs pa'i bden pa mthong ba la skye ba'i gegs byed par gyur pa yin no//yang dag pa ma yin pa'i don mthong ba ni 'jig tshogs la lta ba la sogs pa ste/ de la ni gegs su gyur pa ma yin te/ ma rig pas phan btags pa kho na las de 'byung ba'i phyir ro/ /de nyid kyi phyir yang dag pa'i don mthong ba smos pa ni khyad par yin no//mun pa de yang sangs rgyas bcom ldan 'das kyis bcom pa ste zhes bya bar sbyar ro/ /gnyen po brnyes nas zhes bya ba ni lam mngon du gyur pa'i ngo bos so/ /gnyen po ni spong bar byed pa'i phyogs te/ de yang kha cig na re rdo rje lta bu'i ting nge 'dzin yin te/ 'di ltar rdo rje lta bu'i ting nge 'dzin gyi mjug thogs su bcom ldan 'das gnyis ka'i cha las rnam par grol ba dang /thams cad la thogs pa med pa'i ye shes kyi nus pa mnga' bar 'gyur ro zhe'o/ /de brnyes pa ni mngon du gyur pa'i ngo bos so/ /gzhan dag ni rdo rje lta bu kho na ni ma yin gyi/ 'o na ci zhe na/ sdug bsngal la chos shes pa'i bzod pa nas bzung ste/ rdo rje lta bu'i ting nge 'dzin gyi bar spong ba'i lam thams cad kho na de'i gnyen por 'dod de/ gnyen po brnyes nas bcom gyi/ ngo bo nyid dang / 'dod rgyal dang / dam pa sbyin pa'i mthus ni ma yin no zhes ston par byed do//gnyen po brnyes nas bcom ste zhes bya bas ni de'i so sor brtags pa'i 'gog pa brnyes par ston par byed la/ phyis mi skye ba'i chos can du gyur pa'i phyir zhes bya ba 'dis ni so sor brtags pa ma yin pa'i 'gog pa brnyes par ston par byed de/ de lta yin dang bcom ldan 'das mun pa spangs pa dang / yongs su mi nyams pa'i chos can nyid du gsal bar byas par 'gyur te/ so sor btags pa'i 'gog pa brnyes pa'i phyir ro/ /'di ni zhes bya bas ni sangs rgyas bcom ldan 'das de yin gyi gzhan ni 'ga' yang ma yin no zhes ston to//gal te 'dod chags la sogs pa dag kyang shes bya thams cad la phyis mi skye ba'i chos can du gyur pa'i phyir/ gtan rnam pa thams cad du bcom pa yin na/ ci'i phyir mi shes pa bcom pa kho na'i sgo nas bcom ldan 'das la bstod pa brjod ce na/mi shes pa ni gtso bo yin pa'i phyir ro/ /gzhan yang ston pa nyid phun sum tshogs par bstan par bya ba'i phyir ro/ /ston pa nyid phun sum tshogs pa thams cad la thogs pa med pa'i ye shes dang / 'gro ba 'khor ba'i 'dam nas 'dren par mdzad pa'i sbyor ba ste/gzhan gyi don la rab tu mi sbyor ba'am/ phyin ci log tu sbyor ba ni ston pa ma yin no/ /de'i phyir mi shes pa bcom pa kho na'i sgo nas bcom ldan 'das la bstod pa brjod par rigs so/ /nyan thos dang / rang sangs rgyas rnams kyang zhes bya ba la/ yang dag pa'i gdams ngag gis 'bras bu sgrogs par byed pas na nyan thos so//bdag nyid gcig pu so sor sangs rgyas pa'am rang sangs rgyas rnams te/ de dag ni bdag nyid gcig pu 'dul bar byed kyi/ gzhan ni ma yin no/ /'dod mod kyi zhes bya ba ni khas blangs nas lan brjod par 'dod pas yin mod kyi zhes bya ba'i don to//nyon mongs pa can gyi rmongs pa dang gtan nas bral ba'i phyir zhes bya bas ni kun la mun pa bcom pa ston par byed do/ /gal te nyan thos la sogs pa rnams thams cad la nyon mongs pa can gyi rmongs pa dang gtan nas bral bar mi 'gyur na ni nyon mongs pa dang /las dang / skye ba'i kun nas nyon mongs pa dang bral bar mi 'gyur te/ nyon mongs pa dang / las dang / skye ba'i kun nas nyon mongs pa rnams ni nyon mongs pa can gyi rmongs pa'i rgyu can yin pa'i phyir ro/ /yang ji ltar na nyon mongs pa can ma yin pa'i mi shes pa yod pas nyan thos dang rang sangs rgyas rnams la kun nas nyon mongs pa gsum ldog par 'gyur zhe na/nyon mongs pa can nyid kun nas nyon mongs pa'i rgyu yin pa'i phyir te/ nyon mongs pa can ma yin pa na ma yin no/ / gtan nas ni ma yin te zhes bya ba las/ ci zhe na/ mun pa bcom pa zhes bya ba dang sbyar te/ skabs su bab pa'i phyir ro/ /'di ltar zhes bya ba na gang gi phyir gyi don to/ /sangs rgyas kyi chos dang zhes bya ba la/ sangs rgyas kyi chos ni stobs dang mi 'jigs pa la sogs pa rnams te/de dag ni thams cad mkhyen pa ma yin pa'i shes pa'i yul las 'das pas de la thams cad mkhyen pa las gzhan pa rnams kyi shes pa mi 'jug go/ /de nyid kyi phyir shes pa rnam pa bcu ni sangs rgyas kho na'i stobs yin gyi/ gzhan gyi stobs su ni mi brjod de/'di stobs gang phyir thogs mi mnga'/ /zhes 'byung ba'i phyir ro/ /rnam pa gzhan du nyan thos dang rang sangs rgyas rnams las khyad par du 'phags pa nyid du yang mi 'gyur ro/ /mdo las kyang / shA ri'i bu khyod kyis de bzhin gshegs pa'i tshul khrims kyi phung po dang /ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po shes sam zhes dris pa dang / gsol pa/ bcom ldan 'das ma lags so zhes gsungs te/ de'i phyir sangs rgyas kyi chos rnams las sangs rgyas las gzhan pa'i shes pa mi 'jug go//de'i phyir nyan thos la sogs pa rnams la sangs rgyas kyi chos kyi yul can nyon mongs pa can ma yin pa'i mi shes pa yod do zhes bya bar shes so/ /yul dang dus shin tu bskal pa dang / don dang zhes bya ba de la yul shin tu bskal pa ni 'jig rten gyi khams 'bum phrag du mas mchod pa'i rten gyi yul rnams so//dgra bcom bse ru ston rnams kyis/ /stong nyid gsum dang grangs med mthong / /zhes 'byung ba las na yul shin tu bskal pa rnams la nyan thos dang rang sangs rgyas rnams kyi shes pa mi 'jug ste/gnas brtan maud gal gyi bus las kyi rlung gi 'phags pa'i yi dags ma mthong ba dang / bcom ldan 'das kyis de dag rdzu 'phrul gyis bkug nas rgan po'i gan du bzhag go zhes bya ba dper brjod par bya'o/ /dus shin tu bskal pa ni 'das pa dang ma 'ongs pa'i bskal pa du mas mchod pa rnams te/de la yang de rnams kyi shes pa thogs pa kho na ste/ gang gi dbang du mdzad nas bcom ldan 'das kyis/ nga yis 'di yi thar pa'i cha'i/ /sa bon shin tu phra ba yang / /mtshon dang rdo yi gseb na gser/ /bag la zha ba lta bur gzigs//zhes gsungs te/ gnas brtan shA ri'i bus rab tu byung bar ltos pa'i skyes bu btang ba de nyid bcom ldan 'das kyis rab tu byung bar 'os pa nyid du gzhag par mdzad pa yin no/ /don dang zhes bya ba ni shes bya ring ba nyid de/ de nyid kyi phyir/ rma bya'i mdongs ni gcig pu la//rgyu yi rnam pa thams cad dag /kun mkhyen min pa'i shes bya min/ /de shes kun mkhyen stobs yin no/ /zhes gsungs so/ /khams dang / 'gro ba dang / skye gnas dang / sa dag la rang bzhin la sogs pa tha dad pas rab tu dbye ba rnams la yang nyan thos dang /rang sangs rgyas rnams kyi nyon mongs pa can ma yin pa'i mi shes pa yod pa nyid do/ /de ltar na 'dir nyan thos la sogs pa rnams kyi mi shes pa'i rgyu rnam pa bzhi bshad par 'gyur te/ shes bya ring ba nyid dang / yul ring ba nyid dang / dus ring ba nyid dang /rab tu dbye ba ring ba nyid do/ /de nyid kyi phyir/ shes bya yul dang rab dbye dang / /dus ni ring ba nyid kyis na/ /ring ba nyid bzhin rab bshad pa/ /rdzogs sangs rgyas kyis rab tu mkhyen/ /zhes bshad do/ /gang gi phyir de ltar nyan thos la sogs pa dag la/sangs rgyas kyi chos la sogs pa rnams la nyon mongs pa can ma yin pa'i mi shes pa yod pa nyid yin pa de'i phyir de dag kun la mun pa gtan bcom pa ma yin no/ /de ltar bdag la phan pa phun sum tshogs pas yang dag par bstod nas zhes bya ba la/ de ltar gyi sgra ni ji skad du bshad pa'i bstod pa'i rnam pa bstan par bya ba'i phyir ro//bdag la phan pa'i phyir bsgrub pa ni bdag la phan pa bsgrub pa ste/ gang las bdag la phan pa 'thob pa'i bdag la phan pa yang 'di thams cad shes pa nyid la mngon par 'dod la/ de yang mun pa bcom pa las 'thob pa'i phyir mun pa bcom pa ni 'dir bdag la phan pa bsgrubs pas mun pa bcom pa'o//de'i phun sum tshogs pa ni thams cad la rnam pa thams cad du spang ba'o/ /gal te byang chub sems dpa' rnams kyi sbyor ba dang de'i 'bras bu thams cad kyang gzhan gyi don nyid yin te/ji skad du/ gdams pa khyod kyi bsod nams 'bras bu gang / /thams cad gzhan gyi don te bdag phyir min/ /des na khyod grags zla snang dang 'dra bas/ /phyogs yul ma lus brgyan pa nyid du 'gyur/ /zhes gsungs pa ma yin nam/ de'i phyir ji ltar bdag la phan pa sgrub pa zhes brjod ce na/ nyes pa 'di ni med de/ ji ltar ma ma bdag la ma ma'i tshul gyis phan 'dogs pa/ /byis pa nad med phyir yin dga' ba spyad dang lus phyir min/ /de phyir khyod dag lhod med 'bad pas yon tan skyed mdzad pa/ /'gros longs spyad bya'i phyir te gzhan zil mnan dang grags phyir min//de'i phyir ji ltar bkod pa nyid la rag go/ /yang bcom ldan 'das de nyid la zhes bya ba la/ yang gi sgra ni bcom ldan 'das de nyid la rnam pa gzhan gyi sgo nas bstod pa brjod pa mtshon par byed pa'o/ /gzhan la phan pa phun sum tshogs pa bstod pa ni zhes bya ba la/gzhan la phan pa'i phyir sgrub pa ni gzhan la phan pa sgrub pa ste/ gzhan la phan pa'i sbyor ba zhes bya ba'i don to/ /gzhan la phan pa ni sems can rnams mya ngan las 'das pa'i sa la bkod pa ste/ 'khor ba'i 'dam las 'gro ba drangs mdzad pa//zhes gang gsungs pa'o/ /gzhan la phan pa sgrub pa zhes bya ba la/ de'i phun sum tshogs pa ni 'gro ba la bla na med pa'i don sgrub par mdzad pa'o/ /'khor ba ni 'gro ba'i kun tu chags pa'i gnas yin pa'i phyir dang / brgal bar dka' ba'i phyir 'dam lta bu yin te zhes bya ba la/'di dag gis sam/ 'dir 'gro ba 'khor ba nas 'khor ba ste/ nye bar len pa'i phung po lnga 'am/ 'gro ba lnga'o/ /kun nas chags pas na kun tu chags pa'am/ 'dis chags par byed pas na kun tu chags pa ste/ bdag dang bdag gi ba'i srid pa'i gzhi'i ngo bo'i phyir na 'gro ba kun du chags pa'i gnas yin la/bdag dang bdag gir lta ba'i gnas yin pas na brgal bar dka' ba ste 'jig tshogs la lta ba'i dbang gis 'gog pa la skrag pas de las mi brgal ba'i phyir ro/ /kun du chags pa'i gnas dang brgal bar dka' ba dag gis na 'khor ba 'dam lta bu ste 'dam dang 'dra'o//yang na 'khor bas na 'khor ba ste/ thog ma dang tha ma med pa'i skad cig mi gnas pa ste/ rigs mthun pa dang skal ba mnyam pa rnams las sngar skyes pa zhig nas bar chad med par gzhan dag gis bdag nyid thob pa'o zhes bya ba'i don to//'khor ba ni 'dam dang chos mtshungs pa las 'dam dang 'dra bas na 'dam zhes bya ste/ dper na 'dam chus brlan pa'i dbang gis kun du chags pa'i gnas te/ 'bying bar byed pa'i bdag nyid yin la/ der bying ba ba lang rgan po la sogs pa rnams kyis rang gis g.yo 'gul dag gis brgal bar dka' ba de bzhin du/'khor ba yang srid pa'i sred pa'i brlan gyi dbang gis 'gro ba kun du chags pa'i gnas yin la/ lta ba ngan pa'i g.yo bag dag gis brgal bar dka' ba'o/ /rnam pa gcig tu na 'jig tshogs la lta bas de'i 'gog pa la skrag pas 'jig tshogs la lta ba'i dbang gis kun du chags pa'i gnas yin la/tshul khrims dang brtul zhugs mchog tu 'dzin pa dang / the tshom gyis brgal bar dka' ba ste/ lam gzhan la brten pa dang / lam la the tshom za ba'i phyir te/'di ltar/ 'gro mi 'dod dang lam nor dang / /lam la the tshom de snyed cig /thar pa bgrod la gegs byed pa/ /de yi phyir na gsum bstan to/ /zhes bshad do/ /yang na ji ltar 'dam mi 'bral ba'i bdag nyid yin pa'i phyir kun du chags pa'i gnas yin la/ gzhan la bstan nas brgal ba yin pa'i phyir brgal bar dka' ba yin pa de bzhin du 'khor ba yang rjes su chags pa'i kun du chags pa'i gnas yin la/yang dag par rdzogs pa'i sangs rgyas la brten nas brgal ba'i phyir brgal bar dka' ba ste/ u dum wA ra'i me tog ltar sangs rgyas 'byung ba dkon pa'i phyir ro//'gro ba der bying ba skyabs med pa la zhes bya ba la/ ches 'gro bas na 'gro ba ste/ te por 'gro ba'i phyir ro/ /bying ba mi nus pa ste/ de'i bdag nyid du gnas zhes bya ba'i tha tshig go/ /skyabs med pa ni dpung gnyen med cing cho nges brdung ba med pa'o//thugs brtse ba dang ldan pa ni snying brtse ba dang ldan pa ste/ thugs rje ba dang ldan pas 'khor ba'i 'dam las 'gro ba drangs so zhes bya ba'o/ /skyabs med pa smos pa ni rjes su brtse bar 'os pa nyid du shes par bya ba'i phyir ro/ /dam pa'i chos ston pa'i phyag brkyang ba dag gis zhes bya ba la/dam pa bkra shis pa mchod par 'os pa rnams kyi mdo la sogs pa'i chos rnams ston pa ni gsal bar byed pa'o/ /dam pa'i chos ston pa nyid phyag brkyang ba yin pas na dam pa'i chos ston pa'i phyag rkyong ba dag ste/ 'khor ba'i 'dam du bying ba drangs pa dang 'brel pas phyag dang chos mthun pas phyag brkyang ba dang 'dra bas na phyag brkyang ba yin pa'i phyir ro//mang po'i tshig ni gdul ba'i dbye ba ltar bstan pa'i dbye ba bstan par bya ba'i phyir te/ spyod pa rnams kyi gnyen por ni/ /chos kyi phung po mthun par gsungs//zhes ji skad du bshad pa lta bu'o/ /gal te 'khor ba yang phung po lnga yin la/ 'gro ba yang phung po lnga yin na/ de'i phyir ji ltar de nyid de/ 'dren pa las 'byung khungs kyi don yin zhe na/ nyes pa 'di ni med de/ 'khor ba ni 'gro ba lnga dang / khams gsum zhes bya ba yin la/drangs pa ni gdul bya skal ba dang ldan pa'i ngo bo'i 'gro ba ste/ ngan 'gro gsum dang / skye ba nyam nga ba thams cad las 'dren pas 'byung khungs kyi don 'thad do/ /gal te bdag cag la sogs pa rnams 'khor ba na gnas na ji ltar 'gro ba 'khor ba'i 'dam las drangs zhes bya ba'i 'gal ba 'di bsal ba'i phyir/skal ba ji lta ba bzhin du drangs so zhes bya ba smos so/ /phyogs can bzhin du phyogs la yang 'dogs pa'i phyir ram/ 'gro ba ma lus pa la dman pa'i dogs pa 'jug pa'i phyir 'gro ba mtha' dag 'dren par spyod pa'i dbang du byas nas de skad brjod de/nyi ma bzhin no/ /'di ltar nyi ma ni pad+ma kha 'byed par nus pa yin yang gang yongs su smin pa de nyid kha 'byed par byed pa de bzhin du bcom ldan 'das kyis kyang 'gro ba 'dren par spyod pa na/ gang dag rgyud yongs su smin pa de dag kho na drangs te/ gzhan dag na ma yin no//smras pa/ ji ltar nyi ma shar ba na/ /yongs smin pad+ma kha 'byed ltar/ /de bzhin de bzhin gshegs byung yang / /bsam pa yongs smin kho na sbyong / /'dir bsnan pa yang ste/ gang dang gang skal ba dang ldan pa de dang de drangs so zhes bya ba'i don to/ / yang skal ba dang ldan pa gang zhig ce na/ thar pa'i cha dang mthun pa'i dge ba'i rtsa ba yongs su smin pa'o/ /skal ba dang mi ldan pa rnams ni rang gis nyes pas sangs rgyas bcom ldan 'das sems can 'dul ba'i thabs mkhas pa'i mthar thug pa brnyes pa rnams kyis 'khor ba'i 'dam nas drang bar mi spyod de/ji skad du/ khyod kyis phyi rol yan lag stobs/ /mtha' dag yang dag bsgrubs mod kyi/ /gang gi bdag nyid stobs bral ba/ /byis pa rnams ni nyon mongs bsten/ /zhes bshad do/ /gzhan yang / brtse bas bstan pa'i phyag brkyang nas/ / thar pa'i sa bon bskrun pa yi/ /sems can rnams ni ngan 'gro dang / /srid pa dag las 'dren par mdzad/ /ces gsungs so/ /skal ba dang mi ldan pa ni log pa nyid du nges pa nas thar pa'i cha dang mthun pa'i dge ba'i rtsa ba yongs su ma smin pa dang / ma bstan pa dang / gzugs dang gzugs med par skye ba rnams te/ der mthong ba'i lam mi skye ba'i phyir ro/ /de'i phyir/ skal ba dang ldan pa rnams kho na phyi dang nang gi phun sum tshogs pa dang ldan pas drangs pa yin no/ /bshad pa/ lha yi rgyal pos char phab kyang / /sa bon mi rung mi 'khrungs ltar//sangs rgyas rnams ni byung gyur kyang / /skal ba med pas 'bras mi myong / /zhe'o/ /yang na gang zhig rnam pa gang gi skal ba dang ldan pa de de kho nas drangs te/ phung po bstan pa'am/ khams dang skye mched dam/ rten cing 'brel par 'byung ba bstan pas so/ / de lta na 'dis ni bcom ldan 'das kyis chos gsung ba don dang bcas par ston par byed do/ /rnam pa gcig tu nyan thos dang / rang sangs rgyas dang / sangs rgyas kyi rigs can yin pas sems can rnam pa gsum yin la/ de dag las gang zhig theg pa gang gis drang bar skal ba dang ldan pa de nyid kyis drangs te/'dis ni bcom ldan 'das sems can thams cad la phan 'dogs pa dang / bla na med pa'i dge ba'i bshes gnyen nyid du bstan to/ /don bzhin ston pa'o zhes bya ba la/ don gang zhig ji ltar gnas pa de de kho na ltar ston gyi gzhan du ma yin pas na don bzhin ston pa'o//yang na don ji lta ba dang / dgos pa ji lta ba bzhin du 'dul bar byed pas na don bzhin ston pa ste/ nyan thos kyi byang chub 'dod pa rang sangs rgyas kyi byang chub la 'dul bar byed pa ni ma yin no/ /de bzhin du gzhan la yang brjod par bya'o//yang ji ltar don bzhin ston pa nyid kyi sgo nas 'di'i gzhan la phan pa sgrub pa'i thabs gsal bar byed ce na/ de'i phyir/ de ni ston pa na yang dag pa ji lta ba bzhin du ston pas zhes bya ba la sogs pa smos te/ mthu'i sgra nus mthu'i rjod par byed pa ni rdzu 'phrul gyi mthu ma yin la/dam pa sbyin pa'i mthus kyang ma yin no zhes re re la yang sbyar bar bya'o/ /gal te yang de bzhin gshegs pa'i byin rlabs kyis sems can rnams skad cig tsam sems zhe sdang dang bral ba la sogs par ni 'gyur la/ gzhan gyi sems kyang shes mod kyi/bcom ldan 'das kyi mthus de dag gi nyon mongs pa spangs par mi 'gyur te/ 'o na ci zhe na/ dam pa'i chos bstan pa las don rtogs pa'i nyon mongs pa rnams spong bar 'gyur ro/ /de skad du yang / yang dag pa'i lta ba bskyed pa la rgyu gnyis dang / rkyen gnyis te/gzhan gyi sgra dang / nang gi tshul bzhin yid la byed pa'o zhes bshad do/ /nyon mongs pa spangs pa med par 'khor ba'i 'dam dang bral ba yang yod pa ma yin te/ de'i phyir de ni ston pa na yang dag pa ji lta ba bzhin du ston pas 'khor ba'i 'dam las 'gro ba drangs so/ / rdzu 'phrul gyis nam mkha' la 'gro ba la sogs pa'o/ /dam pa sbyin pa ni dper na dbang phyug chen po la sogs pa rnams kyis/ sgra sgrogs la sogs pa dag lha la sogs pa rnams kyis bsad par bya ba ma yin pa nyid lta bu'o/ /gzhan dag ni ji ltar nor bu dang sman gyi mthus rims la sogs pa dang bral bar 'gyur ba ltar/mthu rdzu 'phrul dang / dam pa sbyin pa la sogs su 'dod do/ /de lta na ji ltar grong khyer du zhugs pas long ba rnams kyis gzugs mthong / 'on pa rnams kyis sgra thos zhes bya ba la sogs pa ltar rgyal po'i mthus nyon mongs pa spangs par mi 'gyur ro//gnyen po skyes pa med pa ni rdzu 'phrul mthong ba rnams las 'gags kyang nyon mongs pa med par ma mthong la/ dam pa sbyin pa'i mthus kyang ma yin no/ /rdzu 'phrul dang / kun brjod pa dag gis ni sems can rnams rangs pa tsam zhig tu 'gyur na/rangs pa tsam gyis ni nyon mongs pa spong ba yang ma yin no/ /nyon mongs pa rnams ni 'khor ba'i rtsa ba yin pa'i phyir nyon mongs pa spangs pa med par 'khor ba'i 'dam las brgal ba yod pa ma yin te/ de'i phyir rdzu 'phrul dang / dam pa sbyin pa'i mthus 'khor ba'i 'dam las drangs pa med do//tshigs su bcad pa 'dir ni gzhan gyis ston pa dang / bstan pa dang / slob ma dag las bcom ldan 'das bdag dang / de'i bstan pa dang / de'i slob ma rnams khyad par du 'phags par brjod de/ spangs pa dang ye shes phun sum tshogs pa'i phyir dang /'khor ba'i 'dam las brgal ba'i thabs yin pa'i phyir dang / 'khor ba'i 'dam las brgal ba'i phyir ro/ /gzhan dag ni ston par khas blangs par zad kyi/ spangs pa dang ye shes phun sum tshogs pa ma yin la/ de dag gi bstan pa ni 'khor ba'i 'dam las brgal ba'i thabs ma yin zhing de dag gi slob ma rnams kyang 'khor ba'i 'dam las brgal ba ma yin no zhes don gyis bstan par 'gyur ro//yang na go rims bzhin du spangs pa'i mthar phyin pa dang / ye shes kyi mthar phyin pa dang / gzhan la phan pa'i mthar phyin pa dang / gzhan la phan pa'i thabs kyi mthar phyin pa'o//de ltar bdag dang gzhan la phan pa sgrub pa phun sum tshogs pa de lta bu dang ldan pa zhes bya ba la/ de ltar gyi sgra ni ji skad bshad pa'i bstod pa'i rnam pa bstan par bya ba'i phyir ro/ /spangs pa dang ye shes phun sum tshogs pa dang ldan pas bdag la phan pa phun sum tshogs pa dang ldan pa yin la/dam pa'i chos ston pa 'bras bu dang bcas pa'i ston pa po yin pa'i phyir/ gzhan la phan pa sgrub pa phun sum tshogs pa dang ldan pa'o/ /tshogs bsnyad nas zhes bya bas gus pa'i khyad par bstan par bya ba'i phyir/phyag 'tshal nas zhes bya ba ni mgos btud nas so zhes bshad do/ /gal te na ma'i sgra dang ldan na bzhi par 'gyur na/ 'di na ni na ma'i sgra med pa ma yin nam zhe na/ nyes pa 'di ni med de/ yang dag par byed pa'i mtshan nyid kyi don can gyi bzhi pa'o//'di ltar bya ba smos pa brjod de/ khyim thab la nyal 'gyed pa la go bgos zhes nyal ba dang bgo ba'i bya bas khyim thab dang g.yul 'gyed pa mngon par 'dod pas yang dag par sbyin pa'i bzhi pa grub pa de bzhin du 'dir yang phyag 'tshal bas ston pa mngon par 'dod par byed pa po'i mtshan nyid kho na'i bzhi pa yin no//btud nas kyi sgra ni na ma'i sgra dang don 'dra bas nyes pa med do/ /de la phyag 'tshal nas zhes gsungs pa la/ byed pa po mtshungs pa'i bya ba gnyis kyis sngar gyi dus kyi bya ba la gnas bsgrub par bya ste/ dper na khrus byas nas bza'o zhes bya ba lta bu'o//de'i phyir bya ba gzhan la bltas pas ci zhig bya zhes bya ba smras so/ /slob dpon gyis kyang / bstan bcos rab bshad bya/ zhes bya ba gsungs te/ slob ma 'chos pas na bstan bcos te/ 'dod chags la sogs pa'i nyon mongs pa dang /nye ba'i nyon mongs pa kun tu rgyu'i dbang gis lam gol bar rgyu ba'i slob ma bstan bcos kyi rjes su mthun pa'i lam la 'jog pa'o/ /'chos pas na bstan bcos sam/ 'dis 'chos pas na bstan bcos so/ /rnam pa gcig tu ni nyon mongs pa'i sgra 'chos pa dang / ngan 'gro dang srid pa las skyob pas na bstan bcos te/ nyon mongs dgra rnams ma lus 'chos pa dang / /ngan 'gro srid las skyob pa gang yin de/ /'chos skyob yon tan phyir na bstan bcos te/ /gnyis po 'di dag gzhan gyi lugs la med/ /ces ji skad du gsungs pa lta bu'o/ / bstan bcos gang zhe na zhes bya ba ni ming ci zhig ces bya ba'i don te/ de'i phyir/ chos mngon mdzod ces gsungs so/ /chos mngon pa smos pa ni bstan bcos khyad par du byas pa'i phyir ro/ /mdzod smos pa ni chos mngon pa'i bsdus pa'i ngo bor shes par bya ba'i phyir ro/ /'di'i mdzod chos mngon pa yin pa'am/chos mngon pa'i mdzod yin pas chos mngon pa mdzod do/ /ci'i phyir 'di brtsams she na/ chos mngon pa rgyas pa bsdu bar bya ba'i phyir ro/ /de lta yin dang bya ba du mas sems g.yeng ba dang blo zhan pa rnams rjes su gzung bar byas par 'gyur ro//de la gang la bstod pa dang / ji ltar dang / gang gi don du bstod pa de tshigs su bcad pa 'di ngo bstan to/ /chos mngon mdzod ces smras pa na tshig bsdu ba'i yan lag yin pa'i phyir gnyis dam bcas par 'gyur te/ chos mngon pa mdzod do/ /chos mngon pa dmigs kyis dgar ba'i phyir/chos mngon pa zhes bya ba 'di gang zhe na zhes bya ba smras te/ yan lag gi don dmigs kyis dgar na tshig bsdu ba'i don bde blag tu khong du chud par 'gyur ro/ /chos mngon shes rab dri med rjes 'brang bcas/ /zhes bya ba la/ shes rab smos pa ni gtso bo yin pa'i phyir te/chos mngon pa ni phung po lnga'i zhes 'byung bas shes rab kho na chos mngon pa ni ma yin no/ /chos rab tu rnam par 'byed pa'o zhes bya ba ni chos rnams rnam par phye ste/ rang dang spyi'i mtshan nyid du rtogs pa'o/ /dri med ces bya ba ni zag pa dang bcas pa bsal bar bya ba'i phyir te/don dam pa brjod par 'dod pa'i phyir ro/ /dri ma rnams ni zag pa'i rnam grangs yin pa'i phyir zag pa med pa'o zhes smos te/ de la 'dod chags la sogs pa zag pa rnams kun tu rgyas par mi 'gyur bas na zag pa med pa'o/ /yang ci shes rab dri ma med pa kho na chos mngon pa yin nam zhe na/smras pa ma yin no/ /'o na ci zhe na/ rjes 'brang bcas so/ /rjes su 'brang ba ni shes rab kyi 'khor te/ dus dang 'bras bu la sogs pa dag dang / dge ba nyid kyis shes rab kyi rjes su 'jug pa'i gzugs dang tshor ba la sogs pa sems las byung ba rnams dang /sems dang / de dag gi thob pa dang / skye ba la sogs pa dag go/ /de la mi lcogs pa med pa dang / bsam gtan dang / bsam gtan khyad par can la brten pa'i shes rab la ni gang gis gang de skad du bshad pa yang dag pa'i ngag dang /las kyi mtha' dang / 'tsho bas bsdus pa rnam par rig byed ma yin pa'i gzugs kyang rjes su 'jug par yod do/ /de ltar na zag pa med pa'i phung po lnga la chos mngon pa zhes bstan par 'gyur ro/ /gzugs med pa gsum la brten pa'i chos mngon pa ni phung po bzhi pa'o//gal te sems las byung ba thams cad kyi rten yin pa'i phyir sems nyid gtso bo yin te/ de'i phyir de nyid dri ma med pa rjes su 'brang ba dang bcas pa chos mngon pa yin la rag mod ce na/ bya ba dang / mthong ba dang / dmigs pa mngon par rtogs pa la nus pa dang ldan pa'i phyir/sems dang sems las byung ba gzhan dag pas gtso bo yin pa de'i phyir shes rab kho na rjes su 'brang ba dang bcas pa la chos mngon par brjod kyi/ sems ni ma yin te/ de'i phyir zag pa med pa'i shes rab kyi dbang po rjes su 'brang ba dang bcas pa ni don dam pa'i chos mngon pa'i zhes legs par bshad par 'gyur ro//re zhig 'di ni don dam pa'i dgos pa can te/ mya ngan las 'das pa'i dgos pa can yin pas don dam pa yin pa'i rnam par 'gyur ba bzhin du rang gi don la 'phel ba bsgrubs pas don dam pa nyid don dam pa pa'o/ /don dam pa pa zhes khyad par du byas pas brdar btags pa yang yod do zhes shes par byas pa yin no//brdar btags pa pa zhes bya ba ni btags pa dang kun tu tha snyad pa zhes bya ba'i don to/ /gang dang zhes bya ba ni thos pa dang / bsams pa dang / bsgoms pa las byung ba'o/ /zag pa dang bcas pa zhes bya'o/ / zag pa med pa rnam par gcad par bya ba'i phyir/ zag pa dang bcas pa zhes khyad par du byas pa ni bsgoms pa las byung ba kho na rnam pa gnyis pa yin pa'i phyir te/ thams cad la ni khyad par ma yin no/ /'dir thos pa la sogs pa las byung ba'i shes rab rnams kyi go rims ni skye ba'i dbang gis so//shes rab kyi khyad par 'di dag ma thob pa'i zag pa med pa mi skye'o/ /'di dag gi mtshan nyid ni/ thos sogs las byung blo rnams ni/ /ming dang gnyis ka don yul can/ /zhes 'chad par 'gyur ro/ /skye gnas thob pa zhes bya ba ni skyes pas thob cing ldan pa gang la yod pa yin gyi/sbyor ba las byung ba ni ma yin te/ gong nas 'dod pa'i khams su skye ba na nyon mongs pa dang / nye ba'i nyon mongs pa dang 'dra bar thob pa'o/ /rjes su 'brang ba dang bcas pa'o zhes kha mar bstan pa ni thos pa las byung ba la sogs pa dag la yang sbyar ro/ /de la ji ltar skyes thob pa rjes su 'brang ba dang bcas pa phung po bzhi'i rang bzhin yin pa de bzhin du thos pa las byung ba dang bsams pa las byung ba yang yin no//bsgoms pa las byung ba ni phung po lnga pa ste/ nye bar bsdogs pa dang / bsam gtan dang / bsam gtan khyad par can dag na bsam gtan gyi sdom pa yod pa'i phyir ro//nye bar bsdogs pa rnams dang / gzugs med pa rnams na ni phung po bzhi pa'o/ /bstan bcos gang ni ye shes la 'jug pa la sogs pa ste/ de yang ming dang / tshig dang / yi ge'i tshogs kyi bdag nyid yin pa'i phyir mi ldan pa'i 'du byed kyi rang bzhin yin la/tshig gi rang bzhin yin pa'i phyir sgra'i rang bzhin te/ de skad du yang / tshig gam ming yin de dag ni/ /gzugs dang 'du byed dag tu 'dus/ /zhes gsungs so/ /gzhan dag na re 'dir yang 'khor dang bcas pa smos da'i rjes bsnyags pa las na bstan bcos kyang phung po gnyis pa'am/phung po gcig pa zhes de la yang de'i phyogs su 'gyur bas chos mngon pa zhes bya ste/ de'i phyir 'dis ni de brdar btags pa nyid du gsal bar byed do/ /chos mngon pa'i rgyu ni chos mngon pa yin te/ dper na zho dang ga gon ni mngon ga pa'o/ /lteng ka'i chu la rkang nad do zhes rims kyi rgyu la rims zhes brjod pa bzhin no//sgra rnams kyi 'jug pa gnyis te/ gtso bo dang / phal pa'o/ /tshogs su gyur pa ni rgyur gyur pa ste/ ci rigs par dngos dang brgyud pa'i sgo nas rig par bya'o/ /ji ltar skyes nas thob pa'i shes rab med par ye shes la 'jug pa la sogs pa'i tshig gi rnam par 'don par mi nus pas dngos dang brgyud pa'i sgo nas shes rab zag pa med pa'i tshogs su 'gyur bas skye bas thob pa chos mngon par 'dod pa de bzhin du/bstan bcos kyang don gsal bar byed pa yin pa'i phyir dngos sam brgyud pa'i sgo nas thos pa la sogs pa las byung ba'i shes rab rnams kyi tshogs su gyur pas chos mngon pa zhes bya'o//de ltar na 'o na mdo sde la sogs pa de bzhin gshegs pa'i gsung gi rnam pa thams cad zag pa med pa'i shes rab kyi tshogs su gyur pas chos mngon pa nyid du 'gyur ro zhe na/ de ni de lta yin mod kyi/ 'on kyang mdo sde ni phal cher gdul bya'i bsam pa la mngon du phyogs pa yin zhing /'dul ba ni byung bas rab tu phye ba yin la/ chos mngon pa ni chos kyi mtshan nyid la mngon du phyogs pa kho na yin pas de kho na la chos mngon pa zhes ming du grags so/ /de'i phyir gzhan la thob par 'gyur ba med do/ / nges pa'i tshig tu na zhes bya ba la sogs pa ni nges par phye ste gtan la phab pa'i tshig ste/ ming 'god pa'i rgyu mtshan ston pa'o zhes bya ba'i tha tshig go/ /rang gi mtshan nyid 'dzin pa'i phyir na chos so/ /ha cang thal bar 'gyur ro zhe na/ 'dod pa'i phyir nyes pa med do/ /kho bo cag gi ltar na ni thams cad rang gi mtshan nyid 'dzin pa'i phyir chos kyi rang bzhin las mi 'da'o zhes bya ba'i don no//de lta bas na 'di ni don dam pa'i chos zhes bya ba la sogs pa la/ dam pa'i sgra ni mchog gi rnam grangs so/ /don gyi sgra ni shes bya'i rnam grangs so/ /chos kyi sgra ni dngos po'i rnam grangs te/don dam pa'i chos zhes bya bas mchog tu byung ba'i shes bya'i dngos po zhes bya ba 'di bstan par 'gyur ro/ /yang de ci zhig ce na/ de'i phyir/ mya ngan las 'das pa zhes bya ba smos te/ 'am gyi sgra ni rnam par brtag pa'i don to/ /mya ngan las 'das pa ni dge ba dang dag pa'i phyir 'dus byas dang 'dus ma byas kyi chos thams cad kyi mchog yin no//rnam pa gcig tu na dam pa ni 'jig rten las 'das pa'i ye shes so/ /de'i don ni don dam pa'o/ /sdug bsngal dang / kun 'byung dang / lam rnams kyang de'i don yin pas de'i phyir mya ngan las 'das pa zhes bya ba smos so//yang na don gyi sgra ni dgos pa brjod pa'o/ /dgos pa dam pa ni don dam pa ste/ de las gzhan pa'i dgos pa khyad par du 'phags pa yod pa ma yin no/ /de yang ci zhig ce na/ de'i phyir mya ngan las 'das pa zhes bya ba smos te/ skye ba'i snam bu thag pa las nges par byung bas mya ngan las 'das pa'o//chos kyi mtshan nyid ces bya ba la sogs pa la/ 'dis mtshon par byed pas na mtshan nyid de/ zag pa dang bcas pa rnams mi rtag pa la sogs pa'i rnam pa dang / rgyu la sogs pa'i rnam pa dang / zag pa med pa rnams zhi ba la sogs pa'i rnam pa dang /lam la sogs pa'i rnam par ro/ /mngon pa zhes bya ba 'di nye bar bsgyur ba ste/ mngon du phyogs pa'o/ /de la mya ngan las 'das pa thob par byed pas na mngon du phyogs pa yin la/ chos kyi mtshan nyid mngon par rtogs pas chos kyi mtshan nyid la mngon du phyogs pa'o/ / yang gzhan dag na re don dam pa pa dang brdar btags pa pa gnyis char yang don dam pa'i chos mya ngan las 'das pa la mngon du phyogs la/ nye ba dang ring ba'i bye brag ni khyad par ro zhes 'chad do/ /chos mngon pa bshad zin to zhes bya ba ni rang bzhin dang / rab tu dbye ba dang / nges pa'i tshig gi sgo nas so//de la rang bzhin ni ci rigs par shes rab gtso bor gyur pa phung po lnga 'am bzhi'i rang bzhin no/ /rab tu dbye ba ni don dam pa pa dang brdar btags pa pa'o/ /nges tshig ni mya ngan las 'das pa dang / chos kyi mtshan nyid la mngon du phyogs pa'o/ /tshig bsdu ba du ma 'thad pas tshig bsdu ba khong du chud par 'dod nas/bstan bcos 'di ji ltar na chos mngon pa'i mdzod yin zhe na zhes bya ba smras te/ don gang gis zhes bya ba'o/ /de'i phyir/ 'dir de don du zhes bya ba la sogs pa smos te/ de zhes bya ba ni de ma thag pa yin pa'i phyir bstan bcos kyi ming can te/ shes rab kyi bdag nyid can la mi srid pa'i phyir ro/ /mang ba'i phyir de 'dir chud par mi 'thad do zhe na/ de'i phyir/ don du zhes bya ba smos te/ yi ge'i sgo nas ni ma yin no zhes ston to/ /don du yang ji ltar gces gces yin gyi/ thams cad ni ma yin no/ /don rnams kyi gces pa ni gang zhig bstan na don du ma bstan par 'gyur ba'o//de las 'di phyung ba ni don gces gces rnams kyi ming dang / tshig dang / yi ge blangs pa las so/ /mdzod dang 'dra bas na mdzod de/ ral gri'i shubs dang mtshungs pa'i phyir te/ dper na ral gri gang las byung ba dang / gang du 'jug pa de la de'i shubs zhes brjod pa bzhin no//gong ma ni drug pa'i de'i skyes bu'o/ /'og ma ni 'bru mang po pa'o/ /de'i phyir de ltar na chos mngon pa rnam pa gnyis bstan te/ don dam pa pa dang / brdar btags pa pa'o/ /brdar btags pa pa yang rnam pa gnyis te/ shes rab dang / bstan bcos kyi bdag nyid can yin pa'i phyir ro/ /tshig bsdu ba gnyis kyis don nges par gzung ba byas zin to/ /yang ci'i phyir chos mngon pa bstan zhes bya ba ni dgos pa ci yod ces bya ba'i don to/ /dgos pa dang bcas pa'i bstan bcos mdor bsdus pa byed pa ni legs par 'gyur gyi/ dgos pa med pa ni ma yin no//bstan bcos dgos pa chung ba dag yod de/ dper na sa mi k+Shag la sogs pa lta bu'o/ /don ma yin pa'i dgos pa can yang yod de/ 'jig rten rgyang 'phen pa'i bstan bcos dag lta bu'o/ /de'i phyir dgos pa dris pa yin no/ /'di dang po nyid du sus bstan zhes bya ba ni/ nangs kyi sngon du sus bstan zhes bya ba'o/ /yid ches pas bstan pa'i rten can gyi bstan bcos ni mngon par brjod par rigs kyi/ yid ches pa ma yin pas bstan pa ma yin pa ni nye bar ston pa po tshol ba yin no/ /chos la rten gyi gang zag la ni ma yin no zhes 'byung bas 'di brtsam par mi bya'o zhe na/ gang zag tshad mar byed pa'i dbang du byas nas 'di dang po nyid du sus bstan na zhes de skad bsnyad de/ chos mngon pa 'di ni 'phags pa kA t+yA ya na'i bu la sogs pa rnams kyis byas so zhes thas nas tshol bar byed do/ /de nyid kyi phyir/ 'di ltar slob dpon chos mngon pa 'chad par gus zhes smos te/ 'chad par gus par byed ces bya ba'i tha tshig go/ /de'i phyir gang gi don du bstan pa dang / gang gis bstan pa de gnyis char rab tu bstan pa'i phyir/ chos rnams rab tu rnam 'byed med par zhes rgya cher smos so/ /gang gi phyir rab tu rnam par 'byed pa med par zhes bya ba la sogs pa la/ de la ci ltar lam med par mya ngan las 'das pa mi thob po zhes bya ba la/lam yang gzhan yin la/ mya ngan las 'das pa yang gzhan yod pa ltar chos rab tu rnam par 'byed pa yang gzhan yin la/ nyon mongs pa'i zhi ba'i thabs kyang gzhan du 'gyur ro zhe na/ 'di ni nges pa med de/ 'ga' zhig tu tha dad med par yang 'di 'dra ba'i ston pa yod de/dper na zas med par srog 'dzin pa'i thabs med do zhes bya bar zas nyid srog 'dzin pa'i thabs yin pa dang / brda sprod pa med par thabs sla bas sgra dag shes par mi nus so zhes bya bar brda sprod pa kho na sgra shes pa'i thabs sla ba yin pa bzhin no/ /gal te nyon mongs pa spangs par ma gyur na de las cir 'gyur zhe na/de'i phyir/ nyon mongs pas kyang 'jig rten zhes bya ba la sogs pa smos te/ gting thub par dka' ba dang / brgal bar dka' ba'i phyir 'khor ba ni mtsho ste/ mtsho dang 'dra bas na mtsho'o/ /'khor ba zhes bya ba khams gsum pa'am/'gro ba lngar sems can rnams kyi nyon mongs pa'i rgyu mtshan can gyi skye ba yang dang yang du gnas pas na nyon mongs pas 'jig rten 'khyam par byed do/ /de bas phyir zhes bya ba ni gang gi phyir nyon mongs pa rnams kyis 'jig rten 'khor ba'i rgya mtsho chen po 'dir 'khyam par byed pas so//de'i phyir zhes bya ba ni chos rnams rab tu rnam par 'byed pa de'i don du ste/ de'i rgyu mtshan du zhes bya ba'i don to/ /ston pa zhes bya ba ni sangs rgyas bcom ldan 'das so/ /gsungs so zhes bya ba ni bstan pa ste/ shA ri'i bu la sogs pa rnams kyis kyang chos kyi mtshan nyid bstan pa dang / rab tu rnam par 'byed par mi nus pas ston pa sangs rgyas kyis bstan bcos mdzad par 'os pa'i phyir chos mngon pa 'di nye bar bstan to//yang ci ltar chos rab tu 'byed pa las gzhan nyon mongs pa spangs pa'i thabs med do zhes bya ba 'di khong du chud par bya zhe na/ chos rab tu rnam par 'byed pa ni gti mug gi gnyen po yin pa'i phyir la/nyon mongs pa dang nye ba'i nyon mongs pa 'byung ba yang blun po la srid kyi/ blun po ma yin pa la ni ma yin te/ de'i phyir chos rab tu rnam par 'byed pa las nyon mongs pa spangs pa'i thabs gzhan med do/ /'dir ci'i phyir chos mngon pa bstan zhes gang smra ba de'i lan ni/chos rab tu rnam par 'byed pa'i don du zhes bya ba'o/ /'di dang po nyid du sus bstan zhes bya ba de'i lan ni/ sangs rgyas bcom ldan 'das kyis zhes bya ba'o/ /lo'i sgra ni gzhan gyi bsam pa rab tu bstan par bya ba'i phyir/ gal te chos rab tu rnam par 'byed pa med par nyon mongs pa nye bar zhi ba'i thabs med na/chos rab tu 'byed pa de nyid bya ba yin gyi/ chos mngon pa bstan pa ci dgos she na/ de'i phyir/ chos mngon pa bstan pa med par ni slob mas chos rab tu 'byed par mi nus so zhes bya ba smos so/ /kun nas nyon mongs pa dang rnam par byang ba'i chos rnams kyi rang dang spyi'i mtshan nyid kyi rab tu 'byed pa phyin ci ma log pa rtogs pa ni bstan pa la rag las pa'i phyir ro//gal te chos mngon pa'i byed pa po dag na ci ltar ye shes la 'jug pa ni 'phags pa kA t+yA ya na'i bu'o/ /rnam par shes pa'i tshogs kyis ni gnas brtan lha skyid do//rab tu 'byed pa'i rkang pa ni 'phags pa dbyig bshes so/ /yang dag par 'gro ba'i rnam grangs ni gnas brtan shA ri'i bu'o/ /btags pa rnams kyis ni gnas brtan maud gal gyi bu zhes bya ba de lta bu la sogs pa thos pa ma yin nam/ ci ltar chos mngon pa bcom ldan 'das kyis bstan zhes bya ba'i dogs pa bsal bar bya ba'i phyir/de ni sil bur bshad pa zhes bya ba smos te/ chos mngon pa de ni bcom ldan 'das kyis gdul bya'i rang bzhin gyi dri ba la ltos nas sil bur bshad la/ ston pa mya ngan las 'das pa'i gsung rab tu gyur pa na/gnas brtan kA t+yA'i bu la sogs pa mngon par shes pa drug dang ldan pa rnams kyis smon nas shes pas/ chos kyi rje'i dgos pa dang / chos nyid la ltos te bsdus shing tshoms su byas nas sil bu la sogs pa phung por bcad de gzhag ste/ btsun pa chos skyob kyis ched du brjod pa'i sde sde tshan byas pa bzhin no//ched du brjod pa'i tshigs su bcad pa dag ni lung dag dang 'dul ba las la lar bshad la/ de dag kyang btsun pa chos skyob kyis sde tshan du byas nas gzhag pa bzhin du chos mngon pa yin no/ /chos mngon pa ni sangs rgyas kyis gsungs pa kho na yin te/dgra bcom pa dag gis bsdus pa'i phyir mdo sde dang 'dul ba bzhin no/ /gal te ma grub bo zhe na/ 'phags pa 'od srungs kyis bsdus pa'i phyir ro/ /yang na sangs rgyas kyi rjes su bzhed pa'i phyir/ yang dag pa'i 'gro ba'i rnam grangs bzhin no/ /de'i phyir 'dir chos rnams ni rnam pa drug gi sgo nas bstan te/grangs dang / mtshan nyid dang / rab tu dbye ba dang / bsdu ba dang / mtshungs par ldan pa dang / sgrub byed kyi khyad par gyis so/ /de la grangs ni/ zag bcas zag pa med chos rnams/ /'dus byas chos rnams de dag kyang / /gzugs la sogs pa'i phung po lnga/ /zhes bya'o//mtshan nyid ni/ tshor ba myong ba 'du shes pa/ /mtshan mar 'dzin pa'i bdag nyid do/ /zhes bya'o/ /rab tu dbye ba ni/ bstan yod 'dir ni gzugs gcig tu/ /thogs dang bcas pa gzugs can bcu/ /zhes bya ba la'o/ /bsdus pa ni/ phung po dang ni skye mched dang / /khams gcig gis ni thams cad bsdus//zhes bya ba la sogs pa'o/ /mtshungs par ldan pa ni/ bde ba dag dang 'dod chags su/ /mtshungs ldan zhes bya ba la sogs pa'o/ sgrub byed ni/ dbang phyug sogs min rims sogs phyir/ /zhes bya ba dang / dus rnams kun du yod gsungs phyir/ /gnyis phyir yul yod phyir 'bras phyir//zhes bya'o/ /'dir smras pa/ grangs dang mtshan nyid bstan pa dang / /de bzhin rab dbye bsdu ba dang / /sgrub byed mtshungs par ldan pa ste/ /chos ni drug tu rab tu bsgrags/ /spros pas chog go/ /dkyus ma nyid brtsam par bya ste/ chos rab tu rnam par 'byed pa'i phyir chos mngon pa bstan to zhes smras na/chos dag ni smras pas de nges par bya ba'i phyir/ chos de dag kyang gang zhe na smras so/ /zag bcas zag pa med chos rnams/ /zhes bya ba la/ zag pa dang bcas pa dang / zag pa med ces dang gi don bzlas pa la zlas dbye ba'o/ /chos smos pas ni 'di ni chos tsam kho na ste/'di ni bdag gam bdag gi bag yod pa ma yin no zhes shes par bya ba'i don to/ /zag pa dang bcas pa dang zag pa med pa'i chos rnams ni rnam pa gnyis kho na ste/ rnam par ldog pa gzhan med pa'i phyir ro/ /yang ci'i phyir phung po lnga'o zhes phung po bstan pa ma smras she na/chos thams cad de rnams su ma 'dus pa'i phyir ro/ /de ltar na 'o na khams bstan pa dang / skye mched bstan pa yin la rag go zhe na/ de yang kun nas nyon mongs pa pa dang rnam par byang ba 'chol ba'i phyir la/ 'dir ni kun nas nyon mongs pa dang rnam par byang ba'i phyogs gnyis ma 'chol bar bstan par brjod pa'i phyir ro//rnam par byang ba ni kun nas nyon mongs pa po sngon du 'gro ba can yin pa'i phyir zag pa dang bcas pa sngar smos so/ /'di ni chos thams cad ces bya ba ni zag pa dang bcas pa dang / zag pa med pa'i rab tu dbye ba las tha dad pa'i chos 'ga' yang yod pa ma yin no zhes bstan pa'o//chos rnams rgyas par ston pa khams dang / skye mched kyang yod pas mdor bsdus te bstan pa'o zhes khyad par du byas so/ /gal te ngag thams cad ni nges par gzung ba dang bcas pa yin la/ nges par gzung ba med pa'i ngag ni 'bras bu med pa yin pas/'dir gdon mi za bar nges par gzung bar 'gyur dgos so/ /de la gal te 'di ni mdor bsdus te bstan pa kho na yin na/ rgyas par ni mi 'gyur ro zhes de ltar nges par bzung nas ni nges par gzung ba 'di mi rigs te/ 'di ltar khams la sogs pa bstan pa la ltos nas 'di bsdus pa'i tshig yin pa de bzhin du/chos bstan pa la ltos nas rgyas pa'i tshig kyang yin no/ /ci ste 'di kho na mdor bsdus te bstan pa yin gyi mdor bsdus te bstan pa gzhan ni yod pa ma yin no zhes nges par 'dzin na 'dir yang mi rigs so/ /mdor bsdus te bstan pa ni gzhan yang yod do/ /dper na 'dus byas dang /'dus ma byas dang / gzugs can dang / gzugs can ma yin pa dang / brtan pa dang / mi brtan pa zhes bya ba la sogs pa lta bu'o zhe na/ gnyis ka ltar yang nges pa med de/ chos rnams kyi rang bzhin khong du ma chud par gyur na de'i rang bzhin rnam par phye ste gsal ba'i don du/ zag bcas zag med ces bshad na/chos kyi sgra ni de'i rang bzhin rnam par phye ste ston par byed pa ma yin pas 'dir chos kyi sgra la thal bar 'gyur ba med de/ de'i phyir 'di ni mdor bsdus te bstan pa kho na yin gyi rgyas pa yang ma yin no/ /'dus byas dang 'dus ma byas la sogs par bstan pa la yang kun nas nyon mongs pa dang rnam par byang ba bstan pa dag 'chol la/'dir ni 'chol ba med par mdor bsdus te bstan par brjod par 'dod pa la yin pas 'di kho na mdor bsdus pa yin gyi/ gzhan ma yin no/ /gal te 'thab pa dang bcas pa dang / 'thab pa med pa la sogs pa yang 'chol pa med par ston pa yod pa ma yin nam zhe na/yod mod kyi/ de yang zag pa dang bcas pa dang / zag pa med pa'i rnam grangs nyid yin pas gzhan du brjod par mi 'dod de/ de'i phyir 'di kho na mdor bsdus te bstan pa yin gyi/ gzhan ni ma yin no zhes bya bar gnas so/ /ci ltar chos rnams mi shes pa 'di kho na ltar zag pa dang bcas pa ma yin te/de'i phyir de la zag pa dang bcas pa'i chos rnams gang zhe na zhes bya ba la sogs pa smos te/ de la zhes bya ba ni zag pa dang bcas pa dang / zag pa med pa gnyis gzung ngo / /lam ma gtogs pa'i 'dus byas rnams zag bcas zhes bya ba la/ 'dus ma byas ni zag pa med pa yin te/de'i phyir 'dus byas smos pas rnam par bcad do/ /lam ni 'dus byas nyid yin bzhin du zag pa med pa kho na yin pas de'i phyir/ lam ma gtogs pa zhes smos so/ /de dag kyang gang zhe na/ gzugs la sogs pa'i nye bar len pa'i phung po lnga'o/ /bden pa smos pa med kyang 'grel pa las/lam gyi bden pa ma gtogs pa/ /zhes bshad pa ni de ma thag tu/ zag med lam gyi bden pa dang / /zhes dor bar gyur pa yongs su bzung bas so/ /lam gyi bden pa ma gtogs pa'i 'dus byas rnams nyid la zag pa dang bcas pa nyid mi srid par 'dri ba ni/ ci'i phyir zhe na zhes bya'o//'di ltar nor dang bcas pa bzhin du zag pa rnams kyang gdon mi za bar yod pa ni zag pa dang bcas pa'o zhes gdon mi za bar khas blang bar bya dgos so/ /de la gal te zag pa rnams kyis dmigs pas zag pa yod pa yin na ni 'gog pa dang / lam gyi bden pa dag kyang de dag la dmigs pa'i nyon mongs pa yod pa'i phyir ro//zag pa dang bcas pa nyid du thal bar 'gyur ro/ /ci ste brten pas yin na de ltar na yang mig la sogs pa kho na zag pa dang bcas pa yin gyi/ gzugs la sogs pa rnams ma yin la/ mig la sogs pa rnams kyang thams cad ma yin te/thams cad nyon mongs pa'i rten ma yin pa'i phyir ro/ /'on te mtshungs par ldan pas yin na ni de ltar na yang sems dang sems las byung ba'i phyogs gcig zag pa dang bcas pa nyid du 'gyur te/ sems dang sems las byung ba thams cad nyon mongs pa dang mtshungs par mi ldan pa'i phyir ro//de ste zag pa rnams dang lhan cig 'byung bas zag pa yod pa pa yin na de de ltar na yang nyon mongs pa can gyi sems kho na'i nye bar len pa'i phung po lnga zag pa dang bcas par 'gyur gyi/ sems gzhan gyi ni ma yin no zhe na/ zag pa rnams rgyas par 'gyur bas zag pa yod pa ni zag pa dang bcas pa yin gyi/gzhan du ni ma yin no zhes bstan pa'i phyir/ gang phyir de dag la/ zag rnams kun du rgyas par 'gyur/ /zhes bya ba smos te/ de'i phyir de dag zag pa dang bcas pa yin no zhes sbyar ro/ mdo sde pa snga rabs rnams gang du nyon mongs pa skye bar 'gyur ba de ni zag pa dang bcas pa'o zhe'o//de dgag pa'i phyir/ 'gog pa dang lam gyi bden pa la dmigs pas kyang zhes bya ba la sogs pa smos te/ 'dod mod kyi zhes bya ba la ni yin mod kyi zhes bya ba'i don te/ 'gog dang lam mthong spang bya ba/ /lta dang the tshom de dag dang / /ldan dang 'ba' zhig ma rig pa/ / drug ni zag med spyod yul can/ /zhes 'byung ba'i phyir ro/ /skye ba'i bar ni 'dod mod kyi/ /de gnyis la rgyas par ni mi 'gyur zhes bya ba ni gnas mi thod do zhes bya ba'i don to/ /de gnyis la zhes bya ba ni 'gog pa dang / lam gyi bden pa de dag la zhes bya ba'i don to/ /ji ltar rgyas par mi 'gyur ba/ /zhes bya ba 'byung ste/ji ltar zhe na/ zag med gong ma'i yul can min/ /zhes bya ba la sogs pas so/ /dngos po gang zhig tu lta ba dang srid pa dag gis bdag gis byas pa de la phra rgyas gzhan dag kyang rgyas par nus te/ snam bu gsher ba la rdul chags pa bzhin no/ /zag pa med pa yang de lta ma yin la/sa gong ma yang ma yin pas de'i phyir de dag la dmigs pa rnams de dag la rgyas par mi 'gyur ro/ /zag pa dang bcas pa dag gang dag yin pa dang / ci ltar yin pa bshad zin to/ /zag med lam gyi bden pa dang / /zhes bya ba la sogs pa la/ gal te zag pa dang bcas pa nyid bkag pa kho na las 'di zag pa med pa nyid du shes pa ma yin nam/yang ci'i phyir 'di zag pa med pa nyid kyi nang du smos she na/ mdo sde pa'i lugs bzhin du rnam grangs kyi zag pa dang bcas pa dang / zag pa med pa nyid yin pa dgag par bya ba'i don te/ zag pa dang bcas pa dag las bkol ba yin yang zag pa med par nges pa'i rgyu med pa'i phyir ro//'di ni de lta ma yin te/ rnam pa gnyis la bkod pa las zag pa dang bcas pa dag tu bkag pas don gyis zag med du shes par 'gyur ro zhe na/ gal te ma bstan par yang don gyis shes na ni/ 'dus byas rnams zag bcas zhes bya bas 'dus ma byas kyang ma bstan pa kho nar zag pa med pa nyid du shes par 'gyur ro//rnam pa gnyis nye bar bkod pa las ma gtogs par gnas pa mi srid do zhes bya ba 'am/ gzhan du 'dus ma byas la yang zag pa med pa smos par mi bya ste/ 'di ni lan ma yin no/ /lam gyi sgra ni 'jig rten pa dang 'jig rten las 'das pa gnyis ka yang 'gro ba yin mod kyi/'dir ni 'jig rten pa las rnam par gcad par bya ba'i phyir/ zag med lam gyi bden pa dang / /zhes smos te/ de nyid kyi phyir lam gyi bden pa zhes smos par mdzad do/ /'jig rten pa ni lam kho na yin gyi/ lam gyi bden pa ni ma yin te/sdug bsngal dang kun 'byung gi bden pas bsdus pa'i phyir ro/ /'grel pa las kyang 'chad par 'gyur ba la ltos pa nyid kyis lam gyi bden pa ma gtogs pa zhes bshad do/ /yang na grub bzhin du brtsam pa ni nges pa'i phyir yin te/ lam gyi bden pa 'dus byas dag las bkol bas zag pa med pa nyid du grub bzhin du slar yang zag pa med pa dag gi nang du smos pa ni nges par bya ba'i don du'o//kha cig dgra bcom pa'i gzugs dang / ma zin pa'i gzugs zag pa med par 'dod de/ de'i phyir 'dus byas dag las lam gyi bden pa kho na zag pa med pa yin gyi 'dus byas kyi chos gzhan ni ma yin no zhes 'di nges pa yin no//de bzhin du kha cig ni so sor brtags pa'i 'gog pa kho na 'dus ma byas dang / zag pa med par khas len gyi/ nam mkha' ni ma yin no/ /de ni 'dus byas te/ sgra de tsam las byung ba'i phyir ro/ /so sor brtags pa ma yin pa'i 'gog pa ni khas mi len pa nyid do//gzhan dag ni 'dus ma byas rnam pa gsum brtags par khas len gyi/ rdzas su ni ma yin no/ /de'i phyir 'dus ma byas zag pa dang bcas pa nyid yin pa bsal du zin kyang / 'dus ma byas nyid dang / zag pa med pa nyid dang / dngos po nyid du khas blang bar shes par bya ba'i phyir/'dus ma byas rnam gsum yang ste zhes bya ba smos so/ /rnam pa gcig tu na chos thams cad mdor bsdu na rnam pa gnyis su bstan te/ zag pa dang bcas pa dang / zag pa med pa'o/ /de la zag pa dang bcas pa rnams ni rang gi ngo bo dang / mtshan nyid kyi sgo nas bshad par byas zin te/ lam ma gtogs pa 'dus byas rnams zhes bya ba'i rang gi ngo bo'o/ /gang phyir de dag la/ zag rnams kun du rgyas par 'gyur/ /zhes bya ba ni mtshan nyid do/ /de bzhin du zag pa med pa rnams kyang rang gi ngo bo dang / mtshan nyid kyi sgo nas bshad par bya dgos pas de'i phyir/ zag med lam gyi bden pa dang //'dus ma byas rnam gsum yang ste/ /rang gi ngo bo'i sgo nas smos la/ mtshan nyid ni/ gang phyir de dag la/ zag rnams rgyas par mi 'gyur ro/ /zhes smras zin pa bzlog pa'i sgo nas rtogs pa nyid do/ /de'i phyir 'di ni mtshan nyid brjod par bya ba'i phyir smras zin pa'i don rjes su brjod pa yin pas 'dus ma byas ni rten gyi phyir dang /rab tu ma grags pa'i phyir smos so/ /dang gi sgra ni bsdu ba'i don to/ /yang gi sgra ni nges par gzung ba'i don to/ /lugs gzhan dgag par bya ba'i phyir/ rnam pa gsum kho na'o zhes ston par byed de/ ji ltar 'ga' zhig gis rten cing 'brel par 'byung ba yang 'dus byas su 'dod pa bzhin no//gal te chos gang gi rab tu rnam par phye bas nyon mongs pa nye bar zhi ba'i rgyur gyur pa'i chos de dag kho na bstan par bya ba ma yin nam/ nam mkha' dang so sor brtags pa ma yin pa'i 'gog pa dag ni ma yin no zhe na/ de gnyis bden pa'i khongs su ma gtogs pa'i phyir/nam mkha' dang so sor brtags pa ma yin pa'i 'gog pa rnam par phye ba ni nyon mongs pa nye bar zhi ba'i thabs ma yin mod kyi/ de lta yin yang zag pa med pa'i chos kyi zhar la zag pa med pa thams cad nye bar bstan to/ /de dag la zag pa med par 'gyur ba med pa'i phyir ro zhes bya ba ni gnas mi thod do zhes bya ba'o//'dus ma byas ni brjod bya nyung bas de bstan pa'i mjug thogs su bshad par rtsom ste/ brjod bya mang po'i phyir 'dus byas ni ma yin pa nyid do zhes ma grags pa'i phyir/ rnam pa gsum gang zhe na/ dris pa dang / nam mkha' dang ni 'gog pa gnyis/ /zhes 'byung ngo / /nam mkha' ni 'jig rten na yang rab tu grags pas sngar smos so//'gog pa nyid ni 'gar yang ma grags te/ de nyid kyi phyir/ de gnyis gang zhe na zhes smos so/ /de dag la zag pa rgyas par 'gyur ba med pa'i phyir ro zhes bya ba ni gnas mi thod do zhes bya ba'o/ /de la nam mkha' mi sgrib pa zhes bya ba la/ de la ni 'dus ma byas rnam pa gsum mo//de la mi sgrib pa la dngos po dang thogs pa med pa thams cad kyang nam mkha' nyid du thal ba'i phyir/ mi sgrib pa ni sgrib pa med pa tsam ma yin la/ sgrib pa las gzhan pa dag kyang ma yin te/ 'o na ci zhe na/ rang bzhin gyi khyad par te/ de nyid kyi phyir sgrib pa med pa'i rang bzhin te zhes smos so//sgrib pa ni sgrib pa yin la/ 'di ni sgrib pa med pa'i rang bzhin yin pas sgrib pa med pa ste/ sgrib pa'i 'gal zla'i chos te/ don ma yin pa bzhin no/ /dgag pa ni mi mthun pa'i phyogs kyi don yin pa'i phyir te/ de'i phyir 'di la sgrib pa med pa'i rang bzhin yod pas zhes bya'o//de nyid kyi phyir tshor ba la sogs pa nam mkha' nyid du thal bar mi 'gyur te/ tshor ba la sogs pa dag ni sgrib pa med pa'i rang bzhin can ma yin te/ nyams su myong ba la sogs pa'i rang bzhin yin pa'i phyir ro/ /gang na gzugs kyi go yod pa'o zhes bya bas ni bya ba'i sgo nas kyang 'di yod pa nyid du ston par byed do//gzugs kyi ni yul la gnas pa'i phyir yul gzhan dag tu skye ba go mi 'byed pa mi rnyed par 'gyur gyi/ gzhan dag gis ni ma yin te/ yul la mi gnas pa'i phyir ro/ /de'i gzugs nyid la de skad du bshad do/ /'di ni phung po'i gzugs yongs su bzung gi skye mched kyi gzugs ni ma yin no//de ltar na 'dir nam mkha' ni rang gi ngo bo dang bya ba'i sgo nas bshad par 'gyur ro/ /so sor brtags pas 'gog pa zhes bya ba ni mtshan gzhi ston pa'o/ /gang bral ba'o/ /so so so so yin zhes bya ba ni skye ba dang / snyoms par 'jug pa dang /mi rtag pa nyid dang / so sor brtags pa ma yin pa'i 'gog pa rnams gcad pa'i sgo nas bshad de/ de rnams bral ba ma yin pa'i bdag nyid yin pa'i phyir ro/ /gang zag pa dang bcas pa'i chos rnams dang bral ba zhes bya ba la/ 'di ci zhig nyon mongs pa rgyas par 'gyur ba'o/ /de thob na bral bar 'gyur ba yin gyi/'dis bral bar byed pa dang bral bas na bral ba ma yin no/ /de ltar byed na ni lam dang / zag pa dang bcas pa'i chos kyi bral ba tsam la yang thal bar 'gyur ro/ /brtags pa ni bral ba dang / rnam par 'byed pa ste/ zag pa med pa'i shes rab bo/ /so sor ni bsnan pa'i don to//'di skad bstan par 'gyur te/ sdug bsngal la sogs pa 'phags pa'i bden pa rnams la so sor te/ so so ni so sor brtags pa'o/ /'phags pa'i bden pa smos pa ni/ tshor ba rnam par gcad par bya ba'i phyir ro/ /bstan pa ni phal che 'am gtso bo yin te/ gzhan du na 'jig rten pa'i lam gyis thob pa so sor brtags pa'i 'gog par mi 'gyur ro//shes rab kyi bye brag go zhes bya ba ni bar chad med pa'i lam mo/ /des thob par bya ba'i 'gog pa zhes bya ba ni shes rab kyi bye brag des so/ /bar gyi tshig mi mngon par byas pa ste zhes bya ba ni so sor brtags pas thob par bya ba'i 'gog pa zhes bya ba ste/thob pa zhes bya bar bar gyi tshig gang yin pa de mi mngon par byas pa'i phyir ro/ /dper na ba lang dag dang ldan pa'i shing rta la ba lang gi shing rta zhes bya ba lta bu'o zhes bya ba ni ldan pa'i sgra mi mngon par byas pa ste/ ston par byed do/ /la lar ni dang po la mi mngon pa yin te/dper na bden smra la smra ba pa zhes bya ba lta bu'o/ /la lar mtha' tshig mi mngon pa ste/ 'jigs sde la 'jigs pa zhes bya ba lta bu'o/ /de'i phyir 'dir bar gyi tshig mi mngon par byas pas so sor brtags pas 'gog pa zhes bya ste/ 'di sgra'i sgo nas grags pa kho nas ston pa yin no//yang ci nam mkha' ltar gcig kho na 'am/ gal te bral ba'i rdzas ltar du ma yin/ de'i phyir/ so so so so yin zhes bya ba smos te/ gzhan dang gzhan yin no zhes bya ba'i don to/ /'di nyid rnam par 'chad pa ni/ ldan pa'i rdzas rnams ji snyed pa zhes rgyas par 'byung ba ste/ldan pa'i ched kyi rdzas ni zhes tshig rnam par sbyar ro/ /yang na dmigs pa dang ldan par mtshungs par ldan pa'i sgo nas skyes par 'gyur ba'i phyir te/ de dag kyang nye bar len pa'i phung po lnga'o/ /yang na ldan par gyur pa'i rdzas ni ldan pa'i rdzas rnams te/ 'ching bar gyur pa'i phyir ro/ /bral ba nyid rdzas yin pa ni bral ba'i rdzas rnams so//de lta ma yin na zhes rgya cher 'byung ste/ gal te zag pa dang bcas pa'i chos thams cad ni so sor brtags pas 'gog pa gcig yin na'o/ /nyon mongs pa thams cad 'gog pa mngon du byed par zhes bya ba ni kun 'byung dang / 'gog pa dang / lam mthong ba dang /bsgom pas spang bar bya ba 'gog pa thob par 'gyur ro zhes bya ba'i don to/ /sdug bsngal mthong bas spang bar bya ba'i 'gog pa'i nyon mongs pa nyid kyi 'gog pa yin pa'i phyir ro/ /de lta yin na zhes bya ba rgyas par 'byung ste/ lam gyi skad cig gnyis kyis phra rgyas ma lus pa'i bral ba thob pa'i phyir lhag ma gnyen po sgom pa don med par 'gyur ro//phrag gcig la cung zad gcig ni mngon sum du byas la/ cung zad gcig ni mngon sum du ma byas so zhes bya bar brjod par yang mi nus so/ /bden pa ma mthong ba mthong bar bya ba'i don yin pa'i phyir lhag ma'i gnyen po bsgom pa 'bras bu dang bcas par yang mi rung ste/bden pa lhag ma mthong ba ni de dag mthong bas spang bar bya ba'i nyon mongs pa bral ba thob pa'i don kho nar yin pa'i phyir ro/ /gal te bden pa dang po mthong ba nyid kyis nyon mongs pa ma lus pa'i bral ba thob na ni de lta na bden pa lhag ma mthong ba don byas zin pa yin pas/ de dag mthong ba don med pa kho nar 'byung bar 'gyur ro//nyon mongs pa spangs pa thag bsring bar bya ba dang / yongs su mi mnyam par bya ba'i phyir lhag mthong gi gnyen po bsgom mo zhe na/ mi g.yo ba'i chos can la don med par thal bar 'gyur te/ yongs su nyams pa mi srid pa'i phyir ro/ /de lta yin na nyon mongs pa'i bye brag rnam par gzhag pa dang /gang zag gi bye brag rnam par gzhag par yang mi 'gyur te/ khams gsum ma lus pa yang 'dod pa'i sdug bsngal mthong bas spang bar bya ba yin pa'i phyir ro/ /'o na zhes rgyas par 'byung ba la/ gang las bshad ce na/mdo las te/ dge slong ma chos sbyin ma la/ khyim bdag sa gas/ ci 'phags ma 'gog pa 'dra ba yin nam/ 'on te mi 'dra ba yin zhes dris pa dang / tshe dang ldan pa sa ga 'dra ba ma yin no zhes bshad do/ /'dra ba ni skal ba dang bcas pa 'am/ skal ba dang mnyam pa ste/'dra zhing mtshungs zhes bya ba'i don to/ /du ma nyid yin na ni gnyis pa dang bcas pa nyid dam 'dra ba nyid mi 'gal bas 'dra ba ma yin no zhes de dgag par mi bya'o/ /'di 'dra ba'i rgyu gang yang ma yin la zhes bya ba rgyas par 'byung ba la/ 'dir ni rgyu'i sgra mi mngon par byas pas 'dra ba'i rgyu nyid la 'dra ba ma yin no zhes brjod de/dper na 'jigs sde la 'jigs pa zhes bya ba bzhin no/ /de'i phyir 'di las 'dra ba'i rgyu bkag gi /'dra ba ni ma bkag go/ /'di skad du 'di ni 'dus ma byas yin pa'i phyir rgyu yang ma yin la 'bras bu yang ma yin zhes bshad par 'gyur te/ de'i phyir 'dra ba ma yin no zhes bya'o/ /yang gzhan dag ni 'gog pa mtha' dag gi dbang du byas nas 'gog pa ni 'dra ba ma yin no zhes bshad de/ 'gog pa dang 'dra ba chos gzhan dang / dge ba gzhan ni yod pa ma yin no/ /skye la gtan du zhes bya ba 'byung ste/ 'das pa dang da ltar byung ba rnams 'byung ba la gegs byed pa ma yin pas ma 'ongs pa rnams kho na'i 'thob pa'o//'gog pa ni rnam pa lnga bsam par bya ste/ mi rtag pa dang / snyoms par 'jug pa dang / skye ba dang / so sor brtags pa dang / so sor brtags pa ma yin pa'i 'gog pa'i bye brag gis so/ /de la skye la smos pa ni mi rtag pa nyid kyi 'gog pa rnam par gcad par bya ba'i phyir te/de ni da ltar byung ba rnams la gnas pa la gegs su gyur pa yin gyi/ skye ba la ni ma yin no/ /gtan du gegs byed pa smos pa ni/ skye ba dang / snyoms par 'jug pa'i bsam gtan bzlog par bya ba'i phyir te/de gnyis ni ma 'ongs pa'i sems dang sems las byung ba la dus cung zad cig gegs su gyur pa'i phyir ro/ /gzhan smos pa ni thal ma thag tu smos pa bral ba'i mtshan nyid can so sor brtags pas 'gog pa las rnam par gcad par bya ba'i phyir ro/ /so sor brtags pa ni rigs pa dang dpyad pas bsgrubs pa'i shes rab ste/de ni des thob pa ma yin no/ /'o na ci zhe na/ de med par rkyen dang bral ba las 'thob ste/ de'i phyir 'di brjod do/ /gang zhig rgyu dang mtshungs pa de ma thag dang / dmigs pa dang / bdag po ste/ rkyen bzhi po dag las bzhi 'am/ gsum mam/ gnyis kyang rung / gegs kun rnyed pa ste/ ci snyed cig gis bskyed pa de skye ba la de dag ma tshang bas gtan du gegs su gyur pa so sor brtags pa ma yin pa zhes bya ba rdzas cig 'thob bo/ /dper na mig dang yid lus gcig la yengs pa'i zhes bya ba la/ mig dang yid las gzhan rnams so//sgra dang / dri dang / ro dang / reg pa dag kyang ste/ de dag thams cad la ma dmigs pa'i phyir ro/ /'das par gyur la zhes bya ba ni zhig par gyur pa'o/ /da ltar bdag la rgyu dang / dmigs pa dang / bdag po'i rkyen yod kyang mtshungs pa de ma thag pa'i rkyen ma tshang bas de dag la dmigs pa'i rnam par shes pa'i tshogs lnga po ma skyes pa dag yang skye bar mi nus te/so sor brtags pa ma yin pas 'gog pa thob pa'i phyir ro/ /yang skye bar mi 'gyur ro zhes bya ba 'di ji ltar shes par bya zhe na/ de'i phyir de dag 'das pa'i yul la dmigs pa'i mthu med pa'i phyir ro zhes bya ba smos te/'di skad bstan par 'gyur te/ mig la sogs pa'i rnam par shes pa rnams ni da ltar ba'i yul can yin pa'i phyir gzugs la sogs pa 'das pa rnams la mi skye ste/ dmigs pa'i rkyen ma tshang ba'i phyir ro zhes bya'o/ /yid dang skye mched kyi phyogs 'ga' zhig kyang brjod par bya ste/mig la sogs pa'i rnam par shes pa dag ni dpe nyid du brjod par 'dod pa'i phyir ro/ /'dir mu bzhir 'gyur te zhes bya ba 'byung ste/ ci'i don du zhe na/ sbyang bar bya ba'i phyir te/ gzhan du na gang dag so sor brtags pa ma yin pas 'gog pa de dag kho na so sor brtags pas 'gog pa 'am/gang dag so sor brtags pas 'gog pa de dag so sor brtags pa yin pas 'gog par gyur na/ 'gyur ba yang ma yin te/ 'di ltar 'dir zag pa dang bcas pa rnams kho na so sor brtags pas 'gog pa thob la/'dus byas mi skye ba'i chos rnams ni so sor brtags pa ma yin pas 'gog pa thob pa'i phyir ro/ /zag pa dang bcas pa 'das pa dang / da ltar byung ba dang / 'byung ba'i chos can rnams brtags pa'i 'gog pa kho na yin gyi/ so sor brtags pa ma yin pas 'gog pa ni ma yin te/de ni mi skye ba'i chos rnams kho na'i yin no/ /zag pa dang bcas pa smos pa ni zag pa med pa rnam par gcad par bya ba'i phyir te/ nyes pa med pa'i phyir zag pa rnams ni so sor brtags pas 'gog pa ma yin no/ /zag pa med pa'i 'dus byas mi skye ba'i chos can rnams ni so sor brtags pa ma yin pas 'gog pa kho na thob ste/de dag zag pa med pa yin pa'i phyir so sor brtags pas 'gog pa med kyi/ rkyen ma tshang ba nyid kyi phyir so sor brtags pa ma yin pas 'gog pa 'thob bo/ /mi skye ba'i chos can smos pas ni 'das pa dang / da ltar byung ba dang / 'byung ba'i chos can rnam par gcad par bya ba'i phyir ro//zag pa med pa smos pa ni zag pa dang bcas pa bsal bar bya ba'i phyir ro/ /'dus byas smos pa ni 'dus ma byas bsal bar bya ba'i phyir te/ de yang mi skye ba'i chos can dang zag pa med pa yin no/ /dper na dad pas rjes su 'brang ba'i lam mngon du gyur pa na chos kyi rjes su 'brang ba'i lam rkyen ma tshang bas so sor brtags pa ma yin pas 'gog pa 'thob pa dang /sdug bsngal la chos shes pa'i bzod pa'i tshe sdug bsngal la chos shes pa'i bzod pa ma 'ongs pa rnam pa bzhi char yang so sor brtags pa ma yin pas 'gog pa thob pa lta bu ste/ de bzhin du bden pa re re la yang brjod par bya la/de bzhin du gzhan la yang sbyar bar bya'o/ /gnyis ka ni zag pa dang bcas pa mi skye ba'i chos can rnams te/ de rnams ni zag pa dang bcas pa'i phyir so sor brtags pa'i 'gog pa yin la/ mi skye ba'i chos can yin pas so sor brtags pa ma yin pa'i 'gog pa'o/ / gnyis ka ma yin pa ni zag pa med pa 'das pa dang / da ltar byung ba dang / 'byung ba'i chos can rnams te/ de rnams ni zag pa med pa yin pa'i phyir so sor brtags pas 'gog pa mi 'thob la/ byung ba dang 'byung ba'i chos can yin pa'i phyir so sor brtags pa ma yin pas 'gog pa mi thob bo/ / 'byung ba'i chos can rnams kyi mi skye ba ni gtan du ba ma yin pa'i phyir te/ so sor brtags pa ma yin pas 'gog pa ni skye ba la gtan du gegs su gyur pa yin pa'i phyir ro/ /ji ltar zag pa dang bcas pa rnams kyis mi shes pa de bzhin du 'dus byas rnams kyang yin pas/ 'dus byas de dag gang zhe na zhes dris te/yongs su spangs pa'i lam gyi bden pa bsdu bar bya ba'i phyir 'dus byas rnams zhes phyir dris so/ /de'i phyir/ 'dus byas chos rnams de dag kyang / /zhes bya ba la sogs pa smos te/ de dag ces bya ba ni sngar bshad pa 'dzin to/ /kyang zhes bya ba la/ zag bcas zag pa med ces de dag gi rab tu dbye ba gzhan yang bshad zin to//'dus byas smos pa ni 'dus ma byas bsal bar bya ba'i phyir ro/ /byas pa smos pa na mngon par gsal bar dgag par bya ba'i phyir ro/ /chos kyi sgra ni bdag med pa gsal bar byed pa'i phyir ro/ /gzugs la sogs pa smos pa ni tshul khrims la sogs pa'i phung po lnga rnam par gcad par bya ba'i phyir te/de dag gis ni 'dus byas thams cad ma bsdus so/ /phung po smos pa ni gzugs la sogs pa yul dgag pa'i phyir ro/ /gal te gzugs la sogs pa rnams byas pa'i phyir na byas zhes brjod par bya ba ma yin nam/byed pa'i khyad par 'dus pa don med do zhe na/ don med pa ma yin te/ de ni rkyen gcig gis bskyed pa 'ga' yang med do zhes bstan pa'i phyir te/ byas zhes brjod na ni gzugs la sogs pa rkyen gcig gis bskyed pa nyid ma bkag par 'gyur ro/ /rga ba dang na ba dang 'chi ba la sogs pa nye bar 'tsho ba'i khyad par rnams kyis gnod pas na phung po'o//'dus byas kyi sgra'i don bstan pa'i phyir/ rkyen rnams 'dus shing phrad nas byas pa dag ni 'dus byas rnams te zhes bya ba smos so/ /'dus shing zhes bya ba ni tshogs shing ste/ 'bras bu skye ba la phan tshun rjes su mthun par gyur nas zhes bya ba'i don to//phrad nas zhes bya ba ni dus gcig tu gyur nas so/ /'dus shing zhes bya ba 'dis ni dus tha dad pa rnams 'bras bu la rjes su mthun pa'i phyir 'dus par ston to/ /dper na yid kyi rnam par shes pa las 'das pa dang /ma 'ongs pa'i chos rnams lta bu'o/ /phrad nas zhes bya ba 'dis ni dus tha dad pa rnams te/ dper na mig gi rnam par shes pa la mig dang gzugs gnyis gzhan no/ /gzhan dag na re snga mas ni phan tshun phrad nas zhes bya ba yin la/ phyi mas ni rkyen thams cad kyi byed pa ston to/ / snga ma'i sgo nas ni res 'ga' rkyen gcig gis kyang byas so snyam du dogs par 'gyur ro/ /de nyid kyi phyir/ rkyen gcig gis bskyed pa ni 'ga' yang med do zhes smos te/ ji skad du/ gzhi yi sems dang sems byung rnams/ /zhes bya ba la sogs pa bshad do zhes zer ro/ /gzhan dag na re snga ma ni bstan pa'i tshig yin la/phyi ma ni bshad pa'i tshig yin te/ snga ma kho na'i rnam grangs yin pa'i phyir ro zhe'o/ /gal te 'dug pa'i dus la kA byas pas ma byas pa byed par gyur pa dang / mi skye ba'i chos can rnams ji ltar 'dus byas nyid du brjod ce na/ de'i phyir/ de dang rigs mthun pa'i phyir ma 'ongs pa dag la yang mi 'gal te/'o ma bzhin no zhes bya ba smos te/ dper na de dang rigs mthun pa'i phyir 'jog par 'gyur ba dang / 'jo bar 'gyur ba ma yin pa la 'o ma zhes brjod pa de bzhin du ma 'ongs pa skye ba'i chos can dang / mi skye ba'i chos la yang 'dus byas zhes bya ste/skye ba la sogs pa mtshan nyid dang ldan pas 'dus byas rnam par gcad pa'i sgo nas de dang rigs mthun pa'i phyir ro/ /yang na rang gi mtshan nyid 'dra ba'i phyir te/ de dang rigs mthun pa'i phyir ro/ /bcom ldan 'das kyis dus la sogs pa rnams kyang bstan la/ 'dus byas dang 'dus ma byas la gtogs pa'i chos gzhan dag kyang med na de'i phyir ci/ dus la sogs pa rnams 'dus byas yin nam/ 'on te 'dus ma byas yin zhe na/ de'i phyir/ de dag nyid dus zhes bya ba rgya cher 'byung ngo / /yang na de dag nyid dus zhes bya ba la sogs pas chos 'dus byas rnams kyi ming gsung rab las grags pa stan par byed do//gzugs la sogs pa de dag nyid skye ba dang 'jig pa'i chos can yin pas song ba dang / 'gro ba dang / 'gro bar 'gyur ba'i phyir dus rnams te/ gzugs la sogs pa'i phung po las tha dad par dus gzhan na yod pa ma yin no zhes ston to//'gyur ba'i sgra ni re re la yang sbyar bar bya'o/ /gal te 'jig rten na bgrod par bya ba la lam gyi sgra grag pa ma yin nam/ ji ltar byed pa po la lam gyi sgra ni bye brag tu bshad ce na/ lam 'di ni grong ngam lhas ga ge mo zhig tu song ba dang / 'gro ba dang / 'gro bar 'gyur ro zhes 'jig rten na byed pa po la lam gyi sgra mthong ste/de'i phyir byed pa po lam gyi sgra bstan du rung ngo / /mi rtag pa nyid kyis za ba'i phyir bya zhes pa la ci zhe na/ nges tshig gi tshul gyis/ dus rnams so zhes bya ste/ za zhing 'cha' la 'jig ces bya ba'i don to/ /gtam ni ngag go zhes bya ba la sogs pa 'byung ngo //de'i gtam gyi'o/ /gzhi ni yul lam rten te/ ngag ni ming la 'jug la/ ming ni don rjod par byed do zhes 'chad par 'gyur ba'i phyir ro/ /gal te ming gtam gyi gzhi yin na gzugs la sogs pa'i phung po rnams gtam gyi gzhi ma yin te/ ming ni 'du byed kyi phung po'i phyogs gcig yin pa'i phyir ro zhe na/de'i phyir/ don dang bcas pa'i gzhi smos pa'i phyir na zhes bya ba smos so/ yang ji ltar ming dang bcas pa'i gzhi smos pa zhes bya ba 'di shes par bya zhe na/ de'i phyir bshad pa de lta ma yin na rab tu byed pa'i gzhung gtam gyi gzhi rnams ni khams bco brgyad kyis bsdus so zhes bya ba dang 'gal bar 'gyur ro//ji ltar na gzhan du ma yin zhe na/ gal te don dang bcas pa'i gzhi ma smos na ci ltar de dang 'gal zhe na/ gal te ming gi gzhi don dang bcas pa ma smos na ni ming ni chos kyi khams kyi phyogs kyis bsdus pa'i phyir/ji ltar gtam gyi gzhi rnams khams bco brgyad kyis bsdus par 'gyur/ ji ltar mi ldan pa'i 'du byed ming la don yod par 'gyur zhe na/ ngag ni ming la 'jug pa'i phyir la/ ming ni don rjod par byed pa'i phyir ro/ /gzhan dag ni 'di brjod par bya bas ni gtam ste/ ngag tu byed pa'i gzhung dang mi 'gal lo zhes zer ro//gal te gtam gyi gzhi don dang bcas pa smos na 'dus ma byas kyang ci ste mi gzung ste/ de la yang gtam gyi gzhi ming yod pa bzhin no zhe na/ ma yin te mdo dang rigs pas so/ /re zhig mdo ni dge slong dag gsum po 'di dag ni gtam gyi gzhi yin te/bzhi pa dang / lnga pa ni ma yin no zhes bya ba nas/ gsum po gang dag cig ce na/ 'das pa gtam gyi gzhi dang / ma 'ongs pa gtam gyi gzhi dang / da ltar byung ba gtam gyi gzhi'o zhes bya ba'i bar ro/ /rigs pas kyang ming don dang lhan cig pa'i don rigs pas gtam gyi gzhi ni don dang bcas pa'i ming ngo zhes bshad de/de'i phyir ming gang zhig don dang lhan cig par brjod par nus pa de gtam gyi gzhi yin na/ ming dus su gtogs pa dang / 'dus ma byas su ma gtogs pa ni lhan cig go zhes bya bar mi rung ngo / / de'i phyir 'dus ma byas ni gtam gyi gzhi ma yin no/ /gzhan dag na re gang na ngag dang / mig dang / don gsum yod pa de ni gtam gyi gzhi yin na/ 'dus ma byas ni don kho na yin gyi/ ngag dang ming ma yin pas gtam gyi gzhi ma yin no zhe'o/ /gdon mi za bar 'byung ba ni nges par 'byung ba ste zhes bya ba la/'byung ba ni 'byung ba ste/ 'gro zhes bya ba'i don to/ /gor ma chag par 'byung ba ni nges par 'byung ba'o/ /de yang phung po lhag ma med pa'i mya ngan las 'das pa'i dbyings te/ der song ba la slar 'ong ba med pa'i phyir ro/ de nyid kyi phyir/ 'dus byas thams cad kyi mya ngan las 'das pa'o zhes bya ba smos te/lam yang gzings dang 'dra ba nyid kyis spang bar bya bar bshad de/ de'i phyir 'dus byas thams cad kyi zhes bya ba smos so/ /phung po lhag ma dang bcas pa'i mya ngan las 'das pa ni 'dus byas thams cad kyi ma yin pas de 'dir mi 'dod do//'dir mu bzhi dang 'gal ba yod pa ma yin te/ thob pa la mu bzhi brjod pa'i phyir dang / phung po lhag ma med pa la thob pa med pa'i phyir ro/ /de 'di dag la yod pas nges par 'byung ba dang bcas pa dag ste/ nor dang bcas pa bzhin no/ /rgyu dang bcas pa'i phyir gzhi dang bcas pa dag ste zhes bya ba la/'di la dngos po gnas pas na gzhi ste/ de las skyes pa'i phyir gnas pa lta bur gnas kyi/ ser skya ba rnams kyi ltar de la gnas pa kho na ni ma yin no snyam du dgongs so/ /rgyu de gang dag la yod pa de ni rgyu dang bcas pa dag go/ /gsung rab las don mang po la gzhi'i sgra mthong ba'i phyir rgyu dang bcas pa'i phyir zhes khyad par du byas so//'di ni rgyu'i tshig yin no lo zhes bya ba la/ lo'i sgra ni 'dir gzhi'i sgra rang bzhin gyi tshig yin gyi/ rgyu'i tshig ma yin no zhes shes par bya ba'i phyir ro/ /gzhan du yang mtshungs pa ma yin nam/ gsung rab las ni don lnga la gzhi'i sgra mthong ste/rang bzhin dang / yul dang / ldan pa dang / rgyu dang / yongs su 'dzin pa la'o/ /de la rang bzhin la ni ji skad du/ gnas brtan kun dga' bos/ btsun pa bdag gis dge slong gsar bu gsar bu 'di dag la ji ltar gdams par bgyi/ ji ltar rjes su bstan par bgyi/ji ltar 'di dag la chos bstan par bgyi zhes gsol pa dang / kun dga' bo khyod kyis 'dir dge slong gsar bu gsar bu dag gzhi 'dzin du chug shig /gzhi klog tu chug shig ces bya ba lta bu ste/ 'di ni rang bzhin yin no zhes bya bar khong du chud do/ /shes bya'i chos gang dag ce na/bshad pa/ chos thams cad dngos po ji lta ba bzhin du shes pas shes par bya ba yin no zhes pa ni yul ji lta ba bzhin du zhes bya bar rtogs so/ /gzhi gang la rjes su chags pa'i kun tu sbyor ba dang ldan pa'i gzhi de la khong khro ba'i kun tu sbyor ba dang yang ldan no zhes bya ba ni ldan pa'o zhes par khong du chud do//gzhi dang bcas pa'i chos rnams gang zhe na/ 'dus byas kyi chos thams cad do zhes bya ba ni rgyu dang bcas pa'o zhes bya bar rtogs so/ /[(]zhang [,]zhing [)]gi gzhi dang / khyim gyi gzhi dang / zong gi gzhi zhes bya ba ni yongs su 'dzin pa'o zhes bya bar khong du chud de/de'i phyir de ltar gzhi'i sgra don du ma can yin pa dang / 'dir rang bzhin gyi don no zhes ji ltar rtogs te/ de yang phyin nas dpyad par bya'o/ /de ltar de dag ni 'dus byas kyi chos kyi rnam grangs dag yin te/ brjod par bya ba'i dngos po mtshungs pa'i phyir ro zhes bya ba'i don to/ / 'dus byas de dag kho na las/ /gang dag zag bcas nyer len pa'i/ /phung po yang ni de dag go/ /gal te lam ma gtogs pa 'dus byas rnams/ zag bcas zhes zag pa dang bcas pa rnams kyi bshad pa gang kho nar byas zin ma yin nam zhe na/ 'di ni bden mod kyi/'di ni de dag kho na'i ming gzhan yin no zhes bstan par bya ba'i phyir te/ rtsom pa 'di ni 'dus byas thams cad phung po zhes bya bar bshad nas/ gang zag pa dang bcas pa de ni nye bar len pa'i phung po zhes bya ba yang yin no zhes bya ba dang / zag pa med pa'i phung po zhes bya ba kho na yin zhes ming nges par bya ba'i don du'o//'dis ci zhig 'grub par 'gyur zhe na/ nye bar len pa'i phung po gang dag yin pa de dag ni phung po yang yin te/ gzugs la sogs pa'i dngos po la spungs pa'i don bye brag med pa'i phyir ro/ /phung po dag kho na yin la/ nye bar len pa'i phung po yang ma yin pa dag kyang yod de/'du byed zag pa med pa rnams so/ /de dag ni nye bar len pa dag las byung ba yang ma yin la nye bar len pa dag la rag lus pa yang ma yin zhing / de dag las nye bar len pa rnams 'byung ba yang ma yin no/ /'dod chags la sogs pa'i nyon mongs pa rnams kho na la nye bar len pa'i ming gis btags te/de dag gis srid pa gsum du skye ba dang 'dzin par byed pa'i phyir ro/ /yang srid pa 'phen par byed pa'i las nye bar len pa'i phyir ro/ /de dag las byung ba'i phyir na nye bar len pa'i phung po dag go/ /rtswa dang sog ma'i me bzhin zhes bya ba ni dper na rtswa las byung ba'i me rtswa'i me yin la/sog ma las byung ba'i me sog ma'i me yin pa de bzhin du nye bar len pa las byung ba'i phung po ni nye bar len pa'i phung po dag ste/ skye ba'i las dang nyon mongs pa'i rgyu can yin pa'i phyir ro/ /gal te re zhig de dag gi rgyu mthun pa dang / rnam par smin pa'i 'bras bu yin pa'i phyir/gang dag nyon mongs pa can dang / lung du ma bstan pa kha cig dag ni nye bar len pa las byung bar rig mod kyi/ 'on kyang dge ba zag pa dang bcas pa rnams dang / lung du ma bstan pa kha cig nye bar len pa las byung bar ji ltar brjod ce na/ bsod nams dang /bsod nams ma yin pa dang / mi g.yo ba'i 'du byed rnams ni ma rig pa'i rkyen can nyid yin pa'i phyir dang / zag pa dang bcas pa nyon mongs pa can ma yin pa rnams rnam par smin pa dang / skyes bu byed pa dang / bdag po'i 'bras bu yin pa'i phyir ro/ /yang na nye bar len pa rnams kyi phung po ni nye bar len pa dag go//ji ltar nye bar len pa'i phung po dag yin zhe na/ nye bar len pa la rag las pa'i phyir rgyal po'i mi bzhin no/ /ji ltar rgyal po la rag las pa'i skyes bu rgyal po'i mi yin pa de bzhin du nye bar len pa la rag las pa'i phung po dag kyang nye bar len pa'i phung po yin te/nye bar len pa'i dbang gis dmigs pa dang / 'gro ba gzhan dag tu gzhol ba'i phyir te/ 'jug pa'i phyir ro zhes bya ba'i don to/ /dgra bcom pa dag gi phung po rnams kyang nyon mongs pas zin pa'i gnod pa'i dbang gis gzugs kyi phung po rnam par 'gyur ba'i phyir dang / de dag dang rjes su mthun pa'i sems dang sems las byung ba skye ba'i phyir nye bar len pa la rag las pa yin no//yang na de dag las nye bar len pa rnams 'byung bas nye bar len pa'i phung po rnams so/ /me tog dang 'bras bu'i shing ljon pa bzhin no zhes bya ba la/ 'di las me tog gam 'bras bu 'byung bas me tog dang 'bras bu'i ljon shing yin pa de bzhin du phung po dag las nye bar len pa rnams 'byung ba yin no//dgra bcom pa'i rgyud kyi zag pa dang bcas pa dag las kyang / rgyud gzhan gyi nye bar len pa rnams 'byung ste/ dmigs pa'i sgo nas rgyas par 'gyur ba'i phyir ro/ /de dag nyid mtha' bcas kyang zhes bya ba la sogs pa la/'thab pa ni nyon mongs pa rnams te/ phal pa'i brtags pas 'thab pa dang 'dra ba ni 'thab pa dag go/ /de nyid kyi phyir brtags pa'i rgyu mtshan bstan pa'i phyir/ bdag dang gzhan la gnod pa'i phyir ro zhes bya ba smos so/ /'jig rten na yang gang du bdag dang gzhan la gnod pa med pa de la 'thab pa ste/g.yul zhes brjod la/ nyon mongs pa yang 'byung ba na bdag dang gzhan la gnod pa byed de/ de'i 'dod pa'i 'dod chags skyes pa ni bdag la gnod pa'i phyir gnas so/ /gzhan la gnod pa dang / /gnyis ka la gnod pa'i phyir gnas so zhes mdo las 'byung ba'i phyir ro//de'i phyir 'thab pa'i sgra ni phung po la rtsod pa dang / rtogs pa dang / kun nas nyon mongs pa dag la nges par bzung ba yin no/ /de dag gis rgyas par bya ba'i phyir zhes bya ba la sogs pa la/ 'thab pa de dag gis rgyas par byas pa ni de dag gis rgyas par byas pa yin la de dag gis rgyas par byas pa'i dngos po nyid de/de'i phyir/ de dag gis rgyas par byas pa nyid kyi phyir te/ dmigs pa dang ldan par mtshungs pa'i sgo nas so zhes bya ba'i don to/ /ji ltar zag pa rnams rgyas pas zag pa dang bcas pa yin pa de bzhin du de dag gis rgyas par 'gyur ba'i 'thab pa dag gis 'thab pa dang bcas pa yin no//zag pa dang bcas pa'i chos de dag ni gsung rab las ming gzhan dag gis kyang tha snyad 'dogs te/ sdug bsngal kun 'byung zhes bya ba rgya cher 'byung ngo / /'phags pa rnams dang mi mthun pa'i phyir zhes bya ba la/sdug bsngal ni mi mthun pa'i mtshan nyid can te/ nye bar len pa'i phung po lnga po rnams ni 'du byed kyi sdug bsngal nyid kyis 'phags pa rnams dang mi mthun zhing / mngon par mi 'dod par 'gyur te/ de'i phyir/ sdug bsngal zhes brjod do/ /'phags pa smos pa ni bde ba dang /bde ba yang ma yin sdug bsngal ba yang ma yin pa tshogs dang bcas pa dag ni 'phags pa ma yin pa rnams dang mi mthun pa ma yin pa'i phyir te/ 'du byed kyi sdug bsngal nyid kyis zag pa dang bcas pa thams cad yid 'byung ba'i gnas yin pa'i phyir 'phags pa rnams dang mi mthun par 'gyur ro//'di la sdug bsngal kun 'byung bas zhes bya ba ni 'di las sdug bsngal skye zhes bya ba'i don gang yin pa de/ dngos po rigs mthun pa'i rgyu yin pa'i phyir ro/ /lam la yang kun 'byung ba nyid thal bar 'gyur ro zhe na thal ba med de/ sdug bsngal la skye ba rnams 'di'i kun 'byung ba zhes de'i rgyu yongs su rtogs pa la 'jug pa'i phyir sdug bsngal gyi rgyu kho na kun 'byung yin gyi/lam gyi rgyu ni ma yin no/ /'di ltar 'ga' yang lam la skyo bas de'i rgyu yongs su rtogs par mi byed do/ /ru dza na 'jig pa la'o zhes bya ba'i skad kyi byings la 'di 'jig pas na 'jig rten no/ /'jig pa de yang rnam pa gnyis te/mi rtag pas 'jig pa dang / gnyen pos 'jig pa'o/ /bcom ldan 'das kyis kyang 'jig cing rab tu 'jig pas zhes tshig gnyis kyis gsungs so/ /de lta na lam la thal bar 'gyur ba med do/ /'jig cing mi rtag pa nyid kyis 'jig gi /gnyen pos 'jig pas ni ma yin te/skyon med pa'i phyir ro/ /gang du 'jig rten gyi sgra 'di gting tshugs pa de nyid du 'di'i nges pa'i tshig byed pas lam la thal ba med do/ /'di la lta ba zhes bya ba 'byung ngo / /gal te de la dmigs pa las yin na ni zag pa med pa la yang thal bar 'gyur ro zhe na/ de'i phyir rgyas par 'byung ba'i sgo nas zhes bya ba smos te/gang zhig gang du dmigs pa'am/ mtshungs par ldan pa'i rgyas par 'gyur ba de ni de na gnas par 'gyur ro/ /gal te zag pa dang bcas pa'i dngos po la nyon mongs pa thams cad rgyas par 'gyur ba ma yin nam zhe na/ 'di bden mod kyi/de lta na yang / zag pa dang bcas pa'i dngos po thams cad kyi tshe rnam grangs med par ni lta ba rnams kyi gnas g.yo ba med pa yin te/ brtan par 'dzin pa'i phyir ro/ /de'i phyir zag pa dang bcas pa'i dngos po ni de kho na nyid yin gyi/ de ltar 'dod chags la sogs pa dang / ma rig pa dang / the tshom rnams kyi ni ma yin no/ /rang gi mtshan nyid kyi nyon mongs pa ma yin pa'i phyir 'dod chags la sogs pa ni thams cad ma yin la/ thams cad kyi tshe la yang ma yin te/ gang la de skyes ma spangs pa/ /zhes bya ba la sogs pa 'byung bar 'gyur ro/ /ma rig pa ni thams cad kyi tshe yin gyi/rnam grangs med par ni ma yin te/ 'dod chags la sogs pa dang mtshungs par ldan pa thams cad 'dod chags la sogs pa bzhin du rtogs pa'i phyir ro/ /the tshom la ni thams cad yod mod kyi brtan par 'dzin pa ni ma yin no/ /de'i phyir de ni de dag gi gnas su mi brjod do//'dir 'gyur te/ dus kun pa dang thams cad la/ /rnam grangs med dang mi g.yo ba/ /lta yin de ltar chags sogs dang / /ma rig pa dang the tshom min/ /'byung bas na srid pas te zhes bya ba ni 'byung ngo zhes bya ba'i don gang yin pa ste/ gang zhig kun 'byung ba las 'byung ba de la mngon par 'dod do//de lta na lam la thal ba med do/ /yang na srid pa'i sgra 'di ni nye bar len pa'i phung po lnga la mtshams bcad pas de dag nyid la nges par brjod de/ /mdo las/ srid pa gang zhe na/ nye bar len pa'i phung po lnga'o zhes gsungs pa'i phyir ro/ /gzhan dag ni 'di las 'di yod na 'byung ba srid pa'o zhe'o//gang gi sgra ni zang zing dang bcas pa la sogs pa'i rnam grangs bsdu bar bya ba'i phyir ro/ /de ltar 'di dag ni zag pa dang bcas pa'i zhes bya ba rgyas par 'byung ba la/ nye bar len pa'i phung po zhes bya ba nas srid pa zhes bya ba'i bar 'di dag ni rnam grangs don dang mthun pa dag go//'dra ba'i sgo nas don rjes su 'gro ba nyid kyi phyir don dang mthun pa dag go/ /rnam grangs de dag yin la/ don dang mthun pa dag kyang yin pas na rnam grangs don dang mthun pa dag go/ /yang na rnam grangs don dang rjes su 'brel ba dag na rnam grangs don dang rjes su mthun pa dag go//gzugs la sogs pa phung po lnga/ /zhes smras pa zhes bya ba la/ smras pa'i tshig ni dbang du bya ba la rab tu bstan par bya ba'i don te/ zag pa dang bcas pa'i rnam grangs bshad pas bar du chod pa'i gzugs la sogs pa'i phung po rnams dbang du bya ba'i phyir ro/ / gzugs ni dbang po lnga dang zhes bya ba la sogs pa la/ phung po bsdus pa rnams kyi rab tu dbye ba bshad zin to/ /da ni so so'i rab tu dbye ba bshad par bya'o/ /gzugs smos pas ni skabs kyi phung po'i gzugs bzung bar rig par bya'i/ skye mched kyi gzugs ni ma yin no/ /gnyis gar grangs bstan pa ni dbang po rnams dang yul rnams mang ba'i phyir ro//thams cad kyang gzugs kyi bdag nyid du khas blangs pa'i phyir dang / yul can dang / yul gyi sgo nas gzugs kyi phung po bstan pa'i phyir mig la sogs pa dag dang / gzugs la sogs pa dag la mngon par 'dod do zhes shes par bya'o//rnam par rig byed ma yin pa ni chos kyi skye mched kyis bsdus pa'i phyir don lnga'i khongs su ma 'dus pas dbang po lnga'i yul ma yin pa'i phyir logs shig tu bstan to/ /nyid kyi sgra ni nges par gzung ba'i don te/ rnam par rig byed ma yin pa kho na'o zhes de las gzhan pa chos kyi skye mched kyis bsdus pa'i gzugs mdo sde pa la sogs pas kun brtags pa rnam par gcad par bya ba'i phyir ro//dang gi sgra ni bsdu ba'i don to/ /mig la sogs pa dag gam/ de dag gi rnam par shes pa dag gis rtogs pas na don te/ khong du chud ces bya ba'i don to//'dir skye mched bcu dang / gcig gi phyogs gcig yin no zhes bstan par 'gyur ro/ /ci ste 'di dag gi mtshan nyid ci zhig ce na/ de'i phyir/ de dag rnams kyi rnam shes rten/ /mig la sogs gzugs dang ba rnams/ /zhes bya ba smos te/ bar du chod pa med pa'i phyir/de'i sgra ni 'jig rten la grags pa khas blangs te/ gzugs la sogs pa don rnams dang sbyar bar bya'o/ /'jig rten na ni gzugs kyi blo sgra'i blo zhes yul gyi sgo nas rnam par shes pa ston gyi/ rnam par shes pa'i sgo nas ni ma yin no/ /rnam par shes pa'i tshogs las kyang /de ni gzugs kyi rnam par shes pa yin gyi/ gang zag gi rnam par shes pa ni ma yin no zhes bshad do/ /de dag rnams kyi rnam par shes pa rnams kyi rten rnams ni de dag rnams kyi rnam shes rten te/ ji skad du/ de dag gyur pas gyur nyid phyir/ /rten ni mig la sogs pa yin//zhes bshad pa lta bu'o/ /gzugs dang ba'i bdag nyid lnga po zhes bya ba ni gzugs kyi rang bzhin can no/ /dbang po las 'das pa'i don rtogs pa ni lung ngam rigs pa las 'gyur la/ yid ches pa ma yin pa rnams kyi tshig gis ni gus par byed pa yang ma yin pas/ mig la sogs gzugs dang ba rnams//zhes bya ba 'di la lung ston pa ni/ bcom ldan 'das kyis ji skad du zhes rgya cher 'byung ba'o/ /de la dang ba'i don ni 'di yin te/ dper na me long dang ba'am chu'i snod du gzugs la brten nas de'i snang ba gzugs brnyan 'byung ba de bzhin du gzugs kyi bdag nyid can dang ba lnga po la yang gzugs la sogs pa dag la brten nas de'i snang ba'i gzugs brnyan 'byung ngo //'dir gzugs dang ba'i bdag nyid du khyad par med pa'i phyir dang / rten gyi dngos po khyad par med pa'i phyir na mig la sogs pa rnams phan tshun dang / yid las rnam par gcad par bya dgos te/de'i phyir de dag rnams kyi rnam par shes pa'i rten dang / gzugs dang bas zhes bya ba gnyis ka brjod do/ /de la de dag rnams kyi rnam par shes pa'i rten nyid kyis ni mig la sogs pa rnams phan tshun las rnam par gcod de/gzugs kyi rnam par shes pa'i rten mig kho na yin gyi/ rna ba la sogs pa rnams ma yin no/ /reg bya'i rnam par shes pa'i rten ni lus kho na yin gyi/ mig la sogs pa rnams ni ma yin no zhes bya ba'i bar yang de bzhin no/ /gal te de ltar lnga rnams kyi/ /de dang lhan cig skyes pa'ang yin//zhes 'byung bas yid kyang mig la sogs pa nyid du thal bar 'gyur te/ de yang de'i rten yin pa'i phyir ro zhe na/ de'i phyir gzugs dang ba zhes brjod do/ /de dag gi rnam par shes pa'i rten gzugs dang ba'i bdag nyid can gang dag yin pa de dag ni mig la sogs pa rnams kho na yin gyi/yid ma yin no zhes shes par bya bar 'gyur ro/ /yang na mig la sogs pa 'di dag smos pa gang dag yin pa zhes bya ba rgya cher 'byung ngo / /de dag gi sgra ni dang po rnams kho na dang 'brel gyi/ don dag dang ni ma yin te/ ji ltar mig la sogs pa rnams chod pa yin/yang shugs kyis de dag gi sgra dang 'brel pa ltar/ khyod bzhin ut+pal sngo 'dab lta'i mig can/ /de yi ze'u 'bru dang mtshungs dri ldan 'di'i/ /zhes chod pa dang yang 'brel par mthong ba'i phyir ro/ /shugs ni 'dir gsung rab las mig gi rnam par shes pa/ rna ba'i rnam par shes pa zhes dbang po dag gis rnam par shes pa ston pa'i phyir ro/ /de lta na ni rnam par shes pa rnams ma 'dres par bstan par 'gyur ro/ /yul dag gis ni ma yin te/ der mig la sogs pa'i rnam par shes pa rnams dang / yid kyi rnam par shes pa dbyer med pa'i phyir ro//de nyid kyi phyir/ de ltar bshad na rab tu byed pa zhes bya ba smos so/ /gzugs kyi phung po rdzas bcu gcig pa bstan pa las dbang po rnams bshad par byas zin to/ /de'i mjug thogs su de dag gi don rnams bshad par bya dgos te/ de'i phyir/ dbang po rnams bshad zin to//don lnga bshad par bya ste zhes bya ba smos so/ /de la ji gzugs bshad par bya dgos pas re zhig gi sgra ni go rims kyi don to/ /gzugs rnam gnyis dang zhes bya ba ni rnam pa gnyis dang zhes bya ba'i don to/ /gzugs la sogs pa dag ni mig la sogs pa dbang po'i yul dag go zhes 'jig rten na rab tu grags pas/de dag gi mtshan nyid ma brjod par de dag gi dbye ba kho na ston to/ /de ni 'jig rten na grags pa'i phyir ro/ /sngon po la sogs pa'o zhes bya ba la sogs pa'i sgra ni ser po dang / dmar po dang / dkar po sdud do/ /gzhan dag ni de'i bye brag go zhes bya ba ni sngon po la sogs pa'i kha dog gi bye brag ces bya ba'i don to//de dag kyang gang dag ce na/ sprin dang / du ba dang / rdul dang / khug rna dang / grib ma dang / nyi ma dang / snang ba dang / mun pa'o/ /de ltar byas nas kha dog rnam pa bcu gnyis su 'gyur te/ rtsa ba'i kha dog bzhi dang /de dag shas che ba dang / shas chung ba dang 'brel pa'i bye brag gis sprin la sogs pa brgyad do/ /kha cig na re nam mkha'i khams kyi bye brag kho na yin gyi/ kha dog gzhan ma yin no zhe'o/ /grib ma dang mun pa'i 'od la gnod pa byas pas skyed pa'o/ /'dir khyad par ni 'di yin te/grib ma ni gang na gzugs rnams snang ba'o/ /bzlog pa ni mun pa ste/ gang na gzugs rnams mi snang ba'o zhes bya ba'i don to/ /rnam par ma phye zhes bya ba ni rnam par dbye ba ma byas pa'o/ /gzugs kyi skye mched kha dog tu yod la dbyibs spu med pa yang yod do zhes bya ba ni sngon po dang ser po zhes bya ba rgyas par 'byung ba'o//dbyibs su yod la kha dog tu med pa yang yod de/ ring po la sogs pa'i phyogs zhes bya ba ni ring po dang / thung ngu dang / lham pa dang / zlum po dang / mthon po dang / dma' ba dang / phya le ba dang / phya le ba ma yin pa rnams kyi phyogs gcig go//de gang zhe na/ de'i phyir lus kyi rnam par rig byed kyi ngo bo nyid do zhes bya ba smos so/ /kha dog dang dbyibs gnyis kar yod pa yang yod de/ gzugs kyi skye mched lhag ma'o/ /yang de ni lus kyi rnam par rig byed ma gtogs pa ring po la sogs pa'i dbyibs dang /sprin dang / du ba dang / rdul dang / khug rna'o/ /gzhan dag na re nyi ma dang snang ba kho na kha dog tu yod kyi/ sngon po dang / ser po dang / dkar po dang / grib ma dang / mun pa zhes bya ba ni ma yin no zhe'o/ /ci'i phyir zhe na/ 'di ltar ring po la sogs pa'i dbyibs ma gtogs par sngon po la sogs pa rnams 'dzin pa med kyi/sngon po la sogs pa rnams ring po la sogs par yongs su chad par snang ba'i phyir te/ sngon po dang / ser po dang / dmar po dang / dkar po dang / grib ma dang / mun pa rnams gnyis kar smos pa'i phyir ro//gnyis kar yod pa yang yod do/ /gzugs kyi skye mched lhag ma'o zhes gang smras pa la/ ji ltar na rdzas gcig la gnyis kar yod ce na zhes bya ba ni yod pa bdog pa'i don du khas blangs nas brgal ba'o/ /gnyis kar ni rnam pa gnyis kar ro/ /'di ltar rang gi ngo bo tha dad pas ni rdzas tha dad pa yin te/de'i phyir de la gcig nyid 'gal lo/ /snang ba la sogs pa bzhin du kha dog kho nar 'gyur ba'am/ lus kyi rnam par rig byed ltar dbyibs kho nar 'gyur ro/ /de la gnyis ka mngon pa'i phyir te zhes bya ba la/ de la zhes bya ba ni rdzas gcig la ste/kha dog la yang dbyibs dang dbyibs la yang kha dog mngon pa'i phyir ro/ /yod pa 'di ni shes pa'i don yin gyi yod pa'i don ni ma yin no zhes bya ba la/ 'di skad du gnyis ka yang mngon pa'i phyir ro zhes bshad par 'gyur ro/ /gang kha dog kho nar yod la dbyibs su ma yin pa dang /dbyibs kho nar yod kyi kha dog tu ma yin no zhes bshad pa der ni yod pa'i don kho na yin no/ /'o na ni lus kyi rnam par rig byed la yang kha dog dang dbyibs su yod pa zhes thal bar 'gyur te/ lus kyi rnam par rig byed kyi rang bzhin thal mo sbyar ba la sogs pa dag la yang dmar po la sogs pa'i kha dog mngon pa'i phyir ro//de'i phyir lus kyi rnam par rig byed ni dbyibs kho nar zhes bya ba de dang 'gal bar 'gyur ro/ /'di ni mi mthun pa nye bar bkod pa ste/ der ni thal mo la sogs pa'i dbyibs dge ba'am/ mi dge ba 'am/ lung du ma bstan pa la'ang rung ste rgyu mthun pa skye ba yin la/ de yang lus kyi rnam par rig byed yin no/ /kha dog ni lung du ma bstan pa kho na yin te/ de'i phyir der kha dog gang yin pa de ni gzugs kyi skye mched lhag mas bsdus pa nyid do/ /gzugs kyi skye mched bshad zin to zhes bya ba ni mjug bsdus pa'i gzhung ste sgra dang sbrel bar bya ba'i phyir ro//sgra ni rnam pa brgyad yod de zhes bya ba la/ 'dis dngos po rnams sgrogs par byed pa ste/ gcod par byed ces bya ba'i don to/ /yang na sgrogs pas na sgra'o/ /bde bar gshegs pa dag na re rna ba'i yul gzugs 'byung ba bzhi las grub bo zhe'o//de la zin pa dag ni lus su gtogs pa rnams te/ phan tshun mthun par byed pa'i phyir sems dang sems las byung ba dag gi rten gyi dngos por nye bar gzung ba'i phyir ro/ /de ni mig la sogs pa da ltar byung ba dang tha dad pa rnam par smin pa las skyes pa dang rgyas pa las byung ba dag ste/bzlog pa ni ma zin pa dag go/ /de dag gang las rgyu yod pas na zin pa'i 'byung ba chen po'i rgyu las byung ba'o/ /de la zin pa'i 'byung ba chen po'i rgyu las byung ba ni 'di lta ste/ lag pa dang ngag gi sgra lta bu'o zhes bya ba la/ gal te ngag gi sgra ma zin pa'i 'byung ba chen po'i rgyu las byung ba yang yod pa ma yin nam/dper na tshangs par 'dod par gtogs pa'i sprul pas smra ba dang / bsam gtan gnyis par skyes pa rnams kyi ngag gi rnam par rig byed lta bu ste/ rnam rig spyod dang bcas dag na/ /zhes 'byung ba'i phyir ro zhe na/ yod mod kyi/ 'di ni nyes pa med de/dpe nyid du nye bar blangs pa'i phyir te/ 'dir lag pa dang ngag gi sgra ni zin pa'i 'byung ba chen po'i rgyu kho na las byung ba kho na yin no zhes nges par gzung ba ma yin pa'i phyir ro/ /sems can du ston pa ni ngag gi rnam par rig byed kyi sgra'o/ /gzhan ni sems can du ston pa ma yin pa'o zhes bya ba ni gang zhig ngag gi rnam par rig byed kyi sgra las gzhan pa zin pa ma yin pa'i 'byung ba'i rgyu can rnam pa gnyis char yang ngo //de ltar zin pa dang ma zin pa'i 'byung ba'i rgyu can gnyis re re zhing sems can du ston pa dang / sems can ma yin par ston pa yin pa'i phyir rnam pa bzhi yin la/rnam pa bzhi po yang re re zhing yid du 'ong ba dang yid du mi 'ong ba'i dbye bas rnam pa brgyad yin no/ /yid du 'ong ba ni yid dang mthun pa ste/ mar 'dzin pa dang / phar 'dzin pa bzhin no/ /'dir rgyu'i dbye ba dang / rang gi ngo bo'i dbye bas sgra'i rab tu dbye ba'i mtshan nyid bstan to//gzhan dag na re zin pa dang ma zin pa'i 'byung ba chen po'i rgyu las byung ba'i sgra yang yod de zhes bya ba 'byung ste/ de la lag pa'i 'byung ba chen po dag ni zin pa'o/ /rdza rnga'i 'byung ba chen po dag ni ma zin pa'o/ /lag pa dang rdza rnga phrad pa las 'byung ba gnyis ka la brten nas skyes pa'i phyir zin pa dang /ma zin pa'i rgyu las byung ba'o/ /de ni ji ltar kha dog gi rdul phra rab gcig la zhes bya ba rgyas par 'byung ste/ lag pa dang rdza rnga phrad pa las skyes pa'i sgra'i rdul phra rab ni 'byung ba bzhi tshan gnyis rgyur byas pa ma yin te/ rgyur byas pa'i gzugs yin pa'i phyir kha dog gi rdul phra rab bzhin no/ /rgyur byas pa'i gzugs kyi rdul phra rab rnams ni re re zhing 'byung ba bzhi tshan la brten pa'i phyir te/ de'i phyir zin pa'i 'byung ba chen po'i rgyu las byung ba zhig gam yang na ma zin pa'i 'byung ba chen po'i rgyu las byung ba zhig tu 'gyur ro//sgra'i rdul phra rab kyi tshogs spyir ni zin pa dang ma zin pa'i 'byung ba chen po'i rgyu las byung ba lta bur mngon no/ /ro ni rnam drug ces bya ba la/ myang bar bya bas na ro ste/ ro myang bar bya ba'i don to/ /rang bzhin gyi bye brag khas blangs nas bye brag drug bstan gyi/de dag sbyar ba'i bye brag las ni mtha' yas so/ /go rims tha dad pa ni de'i yul can gyi rnam par shes pa'i skye ba nges pa med par bstan par bya ba'i phyir ro/ /dri rnam bzhi zhes bya ba rnam pa bzhi'o/ /bsnam par bya bas na dri ste/ brngub par bya ba zhes bya ba'i don to/ /dri zhim pa dang dri nga ba gnyis dri mnyam pa dang mi mnyam pa yin pa'i phyir ro zhes bya ba ni rigs las ni dri zhim pa dang /dri nga ba zhes bya ba rnam pa gnyis kho na yin no zhes ston par byed pa'o/ /yang bstan bcos las gsum pa dri mnyam pa bshad pa/ de ni kha cig dri zhim pa'i phyogs su brlan par bya ba la/kha cig dri nga ba'i phyogs su brlan par bya ba yin pas rigs las gsum pa yod pa ma yin no/ /de la dri mnyam pa ni gang shas mi che ba'o/ /dri mi mnyam pa ni shas che ba'o/ /bstan bcos las ni zhes bya ba la/ dri mi mnyam pa ni dri zhim pa dang dri nga ba'i bye brag yin pa'i phyir la/dri mnyam pa ni de gnyis las gzhan pa thun mong ba yin par rig par bya'o/ /reg bya bcu gcig bdag nyid do/ /zhes pa la/ reg par bya ba yin pas na reg bya'am/ lus kyi dbang pos reg par nus pas na reg bya'o/ /gal te gang gis gang la reg pa de la yang des reg pas lus kyi dbang po yang reg byar 'gyur ba ma yin nam zhe na/lus kyi dbang po ni reg par byed pa yin gyi/ reg par bya ba ni ma yin te/ mig bzhin no/ /mig ni lta ba yin gyi/ blta ba ni ma yin no/ /'jam pa nyid ni mnyen pa'o zhes bya ba la/ 'jam pa kho na 'jam pa nyid de/ so so kho na so so nyid yin pa bzhin no/ /nges pa'i tshig ni sbrel bar bya bas na 'jam pa'o/ /mnyen pa ni rud rud po ma yin pa ste/ sprad par bzod ces bya ba'i don to/ /rtsub pa nyid ni rud rud po'i zhes bya ba la/ rtsub pa 'di la yod pas na rtsub pa ste/ spu can bzhin no/ /rtsub pa zhes bya ba ni stobs kyi rnam grangs te/rtsub pa kho na rtsub pa nyid do/ /rud rud po ni gyong ba ste/ 'jam pa ma yin zhes bya ba'i don to/ /lci ba nyid ni gang gis na dngos po rnams 'jal bar byed pa'o zhes bya ba ni dma' bar byed ces bya ba'i tha tshig go/ /'di yod na dma' bar 'gyur bas na lci ba ste/nongs par 'gyur zhes bya ba'i don to/ /lci ba kho na lci ba nyid do/ /bye brag tu smra ba pa rnams ni gang las srang mda' mtho bar 'gyur ba'o zhe'o/ /bzlog pa ni yang ba'o zhes bya ba la/ gang gis dngos po rnams 'jal bar mi byed pa ste/ 'di yod na dma' bar mi 'gyur bas yang ba'o//yang ba kho na yang ba nyid do/ /grang ba ni dro bar 'dod par byed pa'o zhes bya ba na gang gis nyam thag pas dro ba 'dod par 'gyur ba ste/ de ni bgrod pas na grang ba ste/ phan 'dogs pa dang gnod pa byed pa yin pa'i phyir myur du bgrod par bya ba'o zhes bya ba'i don to/ / bkres pa ni zas 'dod par byed pa'o zhes bya ba rgya cher 'byung ngo / /gal te sems las byung ba'i chos ni lus kyi dbang po'i yul du ma yin no zhe na/ de'i phyir/ rgyu la 'bras bu btags pa'i phyir te zhes bya ba smos te/ khong pa na zas 'dod pa dang / skom 'dod pa'i rgyu reg bya'i khyad par zhig 'byung ste/der zas 'dod pa'i rgyu las bkres pa dang / skom 'dod pa'i rgyu las skom pa zhes bshad de/ rgyu la 'bras bu btags pa byas pa'i phyir ro/ /gal te 'dir rgyu la 'bras bu btags pa brjod par mi 'dod na ni 'di skad du/ bkres pa ni zas 'dod par byed pa'o//skom pa ni skom 'dod par byed pa'o zhes mi brjod par 'gyur te/ 'o na ci zhe na/ bkres pa dang skom pa dag ni zas dang skom 'dod pa dag go zhes de skad brjod par 'gyur ro/ /de nyid la dpe/ sangs rgyas rnams ni 'byung ba bde ba nyid ma yin gyi/ bde ba'i rgyu yin pas bde bar bshad do//de bzhin du chos bstan pa la sogs pa dag la yang brjod par bya'o/ /de la gzugs kyi khams na ni bkres pa dang skom pa dag med de/ kham gyi zas kyi 'dod chags dang bral ba rnams der skye ba'i phyir dang / lus la gnod pa med pa'i phyir ro/ / gzhan du na ni de na yang bkres pa dang skom pa'i sdug bsngal yod par 'gyur ro/ /yang ba nyid la sogs pa lhag ma rnam pa lnga ni yod do/ /gal te btags pa las byang gi sgra mi snyan pa rnams kyi dpag bsam shing gi gos ni srang gcig 'jal lo/ /rgyal chen bzhi pa rnams kyi ni de'i phyed do//sum cu rtsa gsum pa rnams kyi ni de'i phyed do/ /de ltar phyed phyed phri bas gzhan 'phrul dbang byed pa rnams kyi dpag bsam shing gi gos ni srang gi bzhi cha'i bcu drug cha 'jal gyi/ de yan chad gzugs na spyod pa rnams kyi gos dag ni mi 'jal lo zhes bshad na/ lci ba nyid yod na ji ltar mi 'jal/ gzugs kyi khams na ni sems can gyi lus rnams dang / de'i rten rnams nor bu'i 'od ltar dang ba'i phyir lci ba nyid mi srid do zhe na/ de la btags pa'i bstan bcos gzhung gzugs par bya ba'i phyir bshad pa/ gal te de na gos re re nas mi 'jal yang bsags pa dag ni 'jal lo//'di ji ltar shes par bya zhe na/ bsdus pa dang brkyang ba las te/ ka sha'i me tog gi snal ma bzhin no/ /ka sha'i me tog gi snal ma bsdus pa dang / brkyang ba dang ldan pa dag la ni tshogs pa dag 'jal gyi re re ba ma yin no/ /rten yod pa'i phyir yang gzugs kyi khams na lci ba nyid yod do//gnod par byed pa'i grang ba med kyi/ phan par byed pa ni yod do lo zhes bya ba la/ kha cig na re lo'i sgra ni ting nge 'dzin las tha dad pa'i phan 'dogs par byed pa khas ma blangs par gsal bar bya ba'i don du'o zhe'o/ /kha cig ni de dag gi ltar na bsam gtan dang po ni rnam par shes pa'i tshogs gsum gyi bde bas phan 'dogs par byed par mi 'gyur ro zhe'o//gzhan dag ni de na shin tu sbyangs pa zhes bya ba'i reg bya'i khyad par las gzhan pa'i reg pa phan 'dogs par byed pa med do zhes zer ro/ /gang 'di gzugs rnam pa mang po bshad pa zhes bya ba ni skye mched kyi gzugs te/gzugs rnam gnyis dang rnam pa nyi shu zhes bya'o/ /de la res 'ga' ni rdzas gcig gis zhes bya ba rgyas par 'byung ste/ 'dir rdzas kyi sgra ni sngon po la sogs pa'i rigs brjod kyi/ rdul phra rab kyi rdzas ni ma yin te/ rnam par shes pa'i tshogs lnga ni bsags pa la dmigs pa'i phyir ro//de'i rnam pa bye brag tu gcod pa zhes bya ba ni kha cig na re yid kyi rnam par shes pas sngon po ma yin pa bsal na sngon po'o snyam pa ste/ de bzhin du gzhan la yang sbyar bar bya'o/ /mig la sogs pa'i rnam par shes pas ni yul bye brag tu gcod par mi nus te/rnam par rtog pa med pa'i phyir ro zhe'o/ /gang gi tshe mig gi rnam par shes pa rdzas gcig gi rgyu can zhig rdzas gzhan gyi rang gi ngo bo la ma reg par bye brag tu bcad pa'i yul la skye ba de'i tshe/ de'i rnam pa bye brag tu gcod pa zhes brjod do/ /mig gi rnam par shes pas rdzas gzhan gyi rang gi ngo bos dben pa'i don gcig bzung ste/phyi nas rim gyis yid kyi rnam par shes pas de las gzhan pa'i dngos po rnam par gcod pa'i rnam pa'i sgo nas rnam par rtog par byed de/ de'i phyir mig gi rnam pa la yang de'i rnam pa bye brag tu gcod pa mi 'gal lo/ / nye na kha dog dang dbyibs 'dzin pa'i go skabs yod pa de'i phyir/ dper na thag ring po nas zhes bya ba smos so/ /rna ba la sogs pa'i rnam par shes pa yang de bzhin du rig par bya'o zhes bya ba la res 'ga' ni rdzas gcig gis rna ba'i rnam par shes pa skyed de/ gang gi tshe 'di ni pa Ta ha'i sgra yin gyi/ dung gi sgra ni ma yin no zhes de'i rnam pa bye brag tu gcod par 'gyur ba na'o/ /res 'ga' ni mang pos te/ gang gi tshe de'i rnam pa bye brag tu mi gcod pa na ste/ ca co'i sgra dang / glu dbyangs kyi sgra du ma nyan pa'i lta bu'o/ /lus kyi rnam par shes pa la ni zhes bya ba la/res 'ga' ni gcig gi ste/ gang gi tshe 'di ni grang ba yin gyi/ dro ba ni ma yin no/ /'jam pa yin gyi/ rtsub pa ni ma yin no zhes de'i rnam pa bye brag tu gcod par 'gyur ba na'o/ /res 'ga' ni gnyis kyis te/ 'byung ba gnyis sam 'byung ba dang 'byung ba las gyur pa gnyis so//yang res 'ga' ni gsum dang / bzhi nas lnga'i bar gyis te/ 'byung ba rnams dang 'jam pa la sogs pa gcig gis te/ rtsub pa nyid la sogs pa rnams ni 'byung ba bzhi tshan gzhan la brten pa'i phyir ro/ /gzhan dag na re bcu gcig pa thams cad kyis kyang zhes bya ba la sogs pa 'dir yang shin tu mang na zhes bya ba bsnyegs te/lci ba dang / grang ba dang / rtsub pa pa'i ngo bo nye bar gzung nas bye brag tu ma gcad par 'dzin par mthong ba yang yin no/ /de'i phyir drug dang / bdun dang / bcu gcig gi bar dag gis kyang rkyal chen lto bkug pa rnams la lus kyi rnam par shes pa reg bya bcu gcig gi yul can rnam pa bye brag du ma bcad pa skye ba yin no//de lta na spyi la dmigs pa'i phyir zhes bya ba la/ chos mngon pa las rnam par shes pa'i tshogs lnga rang gi mtshan nyid kyi yul can du 'don te/ de'i phyir sngon po la sogs pa'i rnam pa spyi la dmigs pa'i phyir sngon po la sogs pa rnams kyi spyi'i gzugs nyid la sogs pa gang yin pa de'i rnam pa 'dzin pa'i phyir/spyi'i yul can nyid du 'gyur ro zhes rtsod pa byed do/ /gzhan dag ni 'di la rnam par shes pa'i tshogs lnga ni spyi'i yul can yin te/ rang gi yul mtha' dag la dmigs pa'i phyir/chos thams cad bdag med par shes pa bzhin no zhes sbyor ba nyid byed do/ /de'i phyir/ 'di dag ni skye mched kyi rang gi mtshan nyid kyi zhes rgyas par 'byung ngo / /bstan bcos las ni skye mched kyi rang gi mtshan nyid kyi dbang du mdzad nas rang gi mtshan nyid kyi yul can du bshad la/skye mched kyi rang gi mtshan nyid kyang sngon po dang ring po la sogs pa rnams kyi spyi'i yin pas spyi'i yul can nyid du khas blangs par 'gyur te/ de'i phyir grub pa la sgrub bo/ /rang gi skye mched kyi rdzas du mas bskyed par bya ba yin pa'i phyir la/ spyir khyad par med pa'i bye brag tu ma bcad par de dag la yul du yod pas spyi'i yul can yin gyi/gzugs nyid la sogs pa'i spyi nyid ni ma yin te/ de ni btags par yod pa'i phyir dang / rnam par shes pa'i tshogs lnga ni rdzas su yod pa la dmigs pa'i phyir ro/ /gzhan du ni sngon po la sogs pa'i rang gi mtshan nyid kyi shes pa yang spyi'i yul can du 'gyur te/rdul phra rab kyi rdzas du mas bskyed par bya ba yin pa'i phyir ro/ /yang skye mched kyi rang gi mtshan nyid gang zhig yin la/ rdzas kyi rang gi mtshan nyid kyang gang zhig yin zhe na/ mig la sogs pa'i rnam par shes pa mtshungs par ldan pa dang bcas pa'i rten dang dmigs par rung ba ni ci rigs par mig la sogs pa'i skye mched rnams dang /gzugs la sogs pa'i skye mched rnams kyi rang gi mtshan nyid do/ /de la mig gi dbang po'i yul kho na la mig gi rnam par shes pa skye'i/ gzhan la ni ma yin pas 'di dag ni skye mched kyi rang gi mtshan nyid la skye mched kyi rang gi mtshan nyid kyi yul can yin gyi/tha dad pa dag la tha mi dad pa btags pa las ni ma yin te/ de dag ni rnam par rtog pa med pa yin pa'i phyir ro/ /rdzas kyi rang gi mtshan nyid ni sngon po la sogs pa rnams kyi rang gi ngo bo thun mong ma yin pa/ mig gi rnam par shes pa la sogs pas shes par bya'o//gal te rdzas kyi rang gi mtshan nyid kyi yul can du 'dod na nyes pa cir 'gyur zhe na/ bsdus pa la dmigs pa'i mig la sogs pa'i rnam par shes pa mi skye bar 'gyur na/ de skye ba yang yin no/ /'di dpyad par bya ste zhes bya ba rgyas par 'byung ste/lus dang lce'i dbang po gnyis ni rten gcig pa'i phyir dang / phrad nas 'dzin pa'i phyir dang / ro dang reg bya dag kyang phan tshun tha dad pa med pa'i phyir yul dang phrad pa'i go rims las rnam par shes pa skye ba'i go rims mi srid pa ste/ de'i phyir rnam par shes pa lngar gang skye ba dpyad pa yin no//gang gi yul shas che ba'o zhes bya ba rgyas par 'byung ngo / /za bar 'dod pas zhes bya ba la/ za bar 'dod pa ni 'dun pa yin la/ de yang yid la byed pa dang mtshungs par ldan pa yin zhing / yid la byed pa'i dbang gis kyang sems kyi rgyu dmigs pa gzhan rnams la 'jug pas lce'i rnam par shes pa lngar skye'o//gang gi tshe yul mnyam pa dang phrad pa la bza' bar 'dod pa med pa de'i tshe ni gang gi rten g.yeng ba de lngar skye'o/ /dbang po lnga'i don dang zhes bya ba la/ dbang po lnga po rnams kyi don dag ni dbang po lnga'i don to/ /de dag ji ltar 'dzin pa ni res 'ga' ni rdzas gcig gis mig gi rnam par shes pa skyed de zhes rgyas par ro//de ni de dag gi mjug thogs su bstan pa'i phyir/ de dag gi bshad pa'i mjug thogs su rnam par rig byed ma yin pa brjod par bya'o/ /g.yengs dang sems med pa yi yang / /zhes bya ba ni ngag gi rnam par rig byed las khyad par du byed pa ste/ngag gi rnam par rig byed ni sems med pa dang / gzhan gyi sems dang ldan pa la mi 'byung ste/ rgyun chad pa'i phyir ro/ /rjes 'brel gang zhes bya ba ni lus kyi rnam par rig byed las khyad par du byed pa'o/ /gal te rnam par rig byed kyang rjes su 'brel pa ma yin nam zhe na/rnam par rig byed log kyang rnam par rig byed ma yin pa mi ldog pa'i phyir 'dir mchog tu gyur par shes par bya'o/ /dge dang mi dge zhes bya ba ni mig la sogs pa'i rgyun las khyad par du byed pa'o/ /'byung ba cher rnams rgyur byas pa/ /zhes bya ba ni thob pa'i rgyun las khyad par du bya ba'i phyir ro//de las gzhan pa'i sems kyi yang yin pa'o zhes bya ba la/ 'dir de'i sgras ni kun nas slong ba'i sems tsam zhig brjod par 'dod la/ de la gzhan ni de slong bar byed pa'i sems dang mi 'dra ba'i phyir dge ba dang lung du ma bstan pa yang rung ste/ rjes su 'jug par byed pa g.yengs pa thams cad la brjod kyi/nyon mongs pa can kho na ni ma yin no/ /gnyid dang brgyal ba sems med par khas ma blangs pa'i phyir dang / 'du shes med pa pa la rnam par rig byed ma yin pa med pa'i phyir/ 'du shes med pa dang 'gog pa'i snyoms par 'jug pa la snyoms par zhugs pa'i yang yin pa'o zhes bya ba smos te/sems med pa'i snyoms par 'jug pa gnyis kho na yin no zhes ston par byed do/ /yang zhes bya ba'i sgras ni zhes bya ba ni yang gi sgra gang zhig tshig le'ur byas pa las/ g.yengs dang sems med pa yi yang / /zhes bya ba ste/ ma g.yengs pa sems dang bcas pa'i yang yin no zhes bya bar mngon no//'dir yang sems bcas pa smos pa ni 'di sems g.yengs pa med pas na sems ma g.yengs pa ste/ sems g.yengs pa bkag pa'i phyir dang / mi g.yeng ba mngon du gyur pa'i phyir ro/ /yang na sems dang bcas pa'i gnas skabs rnam pa gnyis te/g.yengs pa'i sems dang bcas pa'i gnas skabs dang / ma g.yengs pa'i sems dang bcas pa'i gnas skabs so/ /de la g.yengs pa sems dang bcas pa'i gnas skabs ni dngos su bstan la/ ma g.yengs sems dang bcas pa'i gnas skabs ni yang gi sgras so/ /de lta yin dang sems dang sems med pa yang zhes bya ba 'dis gnas skabs gsum bstan par 'gyur ro//rjes 'brel gang zhes bya ba ni rgyun no/ /gal te skad cig dang po la rjes su 'brel pa med pa'i phyir rnam par rig byed ma yin pa med do zhe na/ skad cig dang po yang skad cig phyi ma la ltos nas rjes su 'brel ba'i phyir ro//gal te rnam par rig byed ma yin pa rjes su 'brel ba'i mtshan nyid can yin la/ rjes su 'brel ba yang rgyun yin pa'i phyir btags par yod par 'gyur ro zhe na/ rnam par rig byed ma yin pa gzugs kyi mtshan nyid can yin pa na rgyun te/ rgyun chags pa yin la/ rgyun can dag kyang yod pa yin gyi/ der rgyun tsam zhig kho na ni ma yin no/ /gal te de lta na rjes 'brel zhes ci'i phyir brjod ce na/ rnam par rig byed 'phen par byed pa'i 'byung ba 'gags kyang ma btang gi bar du rjes su 'jug par shes par bya ba'i phyir ro/ /thob pa'i rgyun yang zhes bya ba la sogs pa la/thob pa rnams ni mi ldan pa yin pa'i phyir 'byung ba chen po rnams rgyur byas pa ma yin no/ /'byung ba chen po rnams rgyur byas pa zhes bya ba la/ ji ltar bud shing rgyur byas nas me 'byung ba ltar/ 'byung ba chen po rnams rgyur byas pa ste/ rgyu mtshan du byas pa ste/ de ltar byas pa zhes bya bar rtogs so//de nyid kyi phyir/ rgyur byas pa'i don ni rgyu'i don te zhes smos so/ /ji ltar 'byung ba chen po rnams 'di'i rgyu yin zhe na/ de'i phyir/ skyed pa la sogs pa'i rgyu'i ngo bo yin pa'i phyir ro zhes brjod de/ bskyed pa dang / rten pa dang / gnas pa dang / rton pa dang / 'phel bar byed pa'i rgyu'i ngo bo'i yin pa'i phyir ro zhes bya ba'i don to//de ni rnam par rig byed min zhes bya ba la rgyun de'o/ /rnam par rig byed min zhes bya ba la/ rnam par rig byed ma yin pa ni rnam par rig byed bkag pa tsam ma yin la/ gang cung zad cig rnam par rig byed las gzhan pa yang ma yin te/ go rims ji lta ba bzhin du rdzas su yod pa ma yin pa dang / bum pa la sogs pa rnams kyang rnam par rig byed ma yin pa nyid du thal bar 'gyur ba'i phyir ro/ /'o na ci zhe na/ gzugs dang byed pa'i rang bzhin yin pa'i phyir rnam par rig byed dang 'dra ba'i gzugs gzhan zhig /rang kun slong bar byed pa'i sems dang sems las byung ba rnam par rig byed ma yin pas rnam par rig byed ma yin pa ste/'dra ba la dgag tshig brjod pa'i phyir bram ze ma yin pa bzhin no/ /gzugs dang byed pa'i rang bzhin yin yang zhes bya bas/ gzugs smos pa ni sems pa las khyad par du bya ba'i phyir ro/ / byed pa smos pa ni mig la sogs pa las khyad par du bya ba'i phyir ro/ /de'i phyir de lta na ni'i sgras 'di shes par byas par 'gyur ro/ /slob dpon gyi tshig yin par ston pa'o zhes bya ba ni ston pa'i gsung ma yin no snyam du dgongs so/ /yang na brjod ces bya ba la/ gang las she na/ mdo las te/ rnam gsum dri med gzugs gsungs dang //'phel dang ma byas lam sogs phyir/ /zhes 'chad par 'gyur ro/ /mdor na rnam par rig byed dang ting nge 'dzin las byung ba zhes bya ba rgyas par 'byung ste/ de la dge ba dang mi dge ba zhes ma brjod na ni rnam par rig byed dang / ting nge 'dzin las byung ba'i rnam par smin pa las skyes pa dang /rgyas pa las byung ba dag la yang thal bar 'gyur ro/ /rnam par rig byed dang ting nge 'dzin las byung ba ma brjod na ni rnam par rig byed kyi gzugs la yang gzugs thal bar 'gyur te/ de'i phyir gnyis ka smos so/ /de la rnam par rig byed la skyes pa ni sdom pa dang sdom pa ma yin pa'i bdag nyid can dge ba dang mi dge ba'o//ting nge 'dzin las byung ba ni dge ba kho na ste/ rnam par rig byed ma yin pa'i gzugs bsam gtan dang zag pa med pa'i sdom pa'i bdag nyid can no/ /'dir smras pa/ rig byed sogs stobs kyis drangs shing / /dge dang mi dge'i rjes 'brel gang //dge slong sogs byed gzugs can de/ /rnam rig byed min gos pa'o/ /'byung ba dag ni sa khams dang / /zhes bya ba la sogs pa la dang po dang mthar khams smos pa ni bar du yang de shes par bya ba'i phyir ro/ /khams smos pa ni kha dog dang dbyibs kyi bdag nyid kyi sa la sogs pa bsal bar bya ba'i phyir te//gzhan du bshad na ni de dag la yang thal bar 'gyur ro/ /sa nyid khams yin pa ni sa'i khams te/ lhag ma dag la yang de skad du brjod par bya'o/ /rang gi mtshan nyid dang rgyur byas pa'i gzugs 'dzin pa'i phyir khams dag go zhes bya ba ni nges pa'i tshig gi tshul gyis te/rang gi mtshan nyid ni sra ba dang / gsher ba la sogs pa'o/ /rgyur byas pa'i gzugs ni 'byung ba dag las gzhan pa'i gzugs thams cad do/ /gzhan dag ni gzugs thams cad kyi 'byung gnas yin pas na 'byung gnas dag go/ /'byung ba rnams kyang 'byung ba rnams kyi 'byung gnas yin te/skal ba mnyam pa'i rgyu yin pa'i phyir ro/ /'jig rten na 'byung gnas dag la khams kyi ming 'dogs te/ zangs kyi 'byung khungs bzhin no/ /'byung ba chen po bzhi rnams zhes bya ba ni zhes bya ba la/ yang ji ltar 'di dag chen po nyid dang / 'byung ba nyid dang / bzhi nyid yin zhe na/ 'di dag gzugs gzhan thams cad kyi rten nyid du rags pa'i phyir na chen po nyid do zhes bya ba la/ gang zhig 'byung ba dag las gzhan pa'i gzugs de'i rten nyid du rigs pa'i phyir te/ gtos che zhes bya ba'i phyir ro zhes bya ba'i don to/ /yang na sa dang chu dang zhes bya ba la sogs pa la/ 'byung ba de dag gi bya ba shas che ba gang dag la yod pas la sogs pa'i phung po de dag ni de dag gi bya ba shas che ba dag go//bya ba ni 'dzin pa la sogs pa las so/ shas che ba nyid ni mtshan nyid rgyas pa las de dag mngon par gsal ba'o/ /sa la sogs pa'i phung po dag ni kha dog dang dbyibs kyi bdag nyid can dag go//chen por gnas pa nyid ni rgya chen por gnas pa nyid do/ /gzugs la sogs pa'i tshogs pa thams cad la sra ba la sogs pa yod pas na de dag ni chen po nyid de/ gzugs kyi khams na dri dang ro gnyis med la/ sngon po la sogs pa rnams kyang de la tshogs pa rnams la phan tshun med pa de ltar sra ba la sogs pa rnams 'gar yang med pa ma yin no//de ltar re zhig chen po nyid yin no/ /'byung ba nyid ni gzugs rnam pa sna tshogs mngon par 'grub pa la de dang de dag gi rnam par 'byung bas na 'byung ba dag go/ /gzhan dag na re 'khor ba thog ma med pa nas sems can thams cad kyi las kyi dbang gis nam yang ma byung ma myong bas na 'byung ba dag go zhe'o//yang na 'byung ba nyid 'byung ba'i dngos po'i ngo bo mched par byed pas na 'byung ba dag ste/ dngos po'i yod pa dang / sems can gyi skye ba rgyas par byed ces bya ba'i don to/ /yang ji ltar 'byung ba chen po dag ni bzhi kho na yin gyi/ji ltar phyi rol pa ltar nam mkha' ni ma yin zhes bya ba 'di khong du chud par bya zhe na/ nam mkha' ni 'byung ba dang mtshan nyid mi mthun pa'i phyir 'byung ba ma yin la/ sa la sogs pa ltar dngos po rnams la phan 'dogs pa dang / gnod pa med pa'i phyir dang / 'bras bu sna tshogs pa mi byed pa'i phyir 'byung ba chen po ma yin no//sa la sogs pa'i 'byung ba dag ni mig la sogs pa 'bras bu sna tshogs par byed par mthong na nam mkha' ni rtag pa dang sna tshogs pa ma yin no/ /rtag pa dang sna tshogs pa ma yin pa ni rgyu la 'bras bu mi rtag pa dang / sna tshogs pa 'byung bar yang mi rung ste/ ji skad du/ dngos po rtag pa las byung ba/ /mi rtag par ni ji ltar 'gyur/ /rgyu 'bras mtshan nyid mi mthun pa/ /de ni nam yang mthong ba med/ /ces bshad do/ /dngos po rnams skye ba dang 'jig pa'i dus dag tu khyad par med pa'i phyir nam mkha' ni sa la sogs pa ltar 'byung ba chen po ma yin no/ / sa bon la sogs pa'i gnas skabs kyi 'byung ba dag ni rnam par 'gyur bar 'gyur ba na myu gu la sogs pa'i gnas skabs kyi rkyen dag tu mthong na/ nam mkha' ni de ltar rnam par 'gyur ba ma yin te rtag pa'i phyir ro/ /ji skad du/ rgyu ni rnam par 'gyur ba na/ /gzhan gyi rgyu ru 'gyur ba ste/ /gang la rnam par 'gyur yod pa'i//de ni rtag ces bya yod min/ /zhes bshad pa lta bu'o/ /gzhan dag na re/ nam mkha' ni chen po yin gyi/ 'byung ba ni ma yin te 'byung ba ni skyes pa'i rnam grangs yin pa'i phyir ro/ /ji skad du 'byung ba chen po nyid kyis 'thad pa'i phyir dang / gang yang rung ba zhig ma tshang na 'byung ba las gyur pa skyed par mi nus pa'i phyir ma tshang ba dang lhag ma med par bzhi nyid yin no zhes bshad do//bye brag tu smra ba pa rnams kyi nus pa med pa don med par thal ba'i phyir te/ khri'u rkang bzhi pa bzhin no zhe na'o/ /yang khams de dag ces bya ba rgyas par 'byung ba la/ gal te rang gi ngo bo tsam zhig bstan par bya ba yin bzhin du ci'i phyir sa'i khams la sogs pa'i las brjod ce na/tshogs pa thams cad la de dag gi rang bzhin ma dmigs kyang las de yod pa nyid du rjes su dpag par bya ba'i phyir te/ chu dag la gru 'degs pas sa yod la/ sa la sdud pa mthong bas chu dang / chu dag la grang ba phul du byung ba mthong bas dro ba yod pas so zhes bya ba la sogs pa'o/ /las dang rang bzhin la khyad par ci yod ce na/ 'byung ba'i mtshan nyid dang las rnams ni dus gsum pa dang / dus gcig pa nyid yin pa'i phyir ro/ /rgyas par byed pa ni 'phel ba dang rgyas par byed pa yin no/ / 'phel ba ni myu gu la sogs pa rnams steng dang / 'og dang / dngos su sa bon la sogs pa dag las ches lhag par skye ba yin la/ rgyas par byed pa ni shing ljon pa la sogs pa rnams bar chad med par yul gzhan dag tu bsags kar skye ba'o/ /sra gsher dro nyid g.yo ba rnams/ /zhes bya ba la/dngos po'i rkyen bshad pa ni rdzas las dngos po don gzhan ma yin pa nyid du shes par bya ba'i phyir te/ de nyid kyi phyir dro ba nyid ni me'i khams so zhes bshad do/ /dngos po rnams kyi mtshan nyid ni rang bzhin kho na yin la/ 'phrul ba med pas ni de nyid kyis de ston te/ mchi gu'i bu'i lus la sogs pa ston pa bzhin no//sra ba ni sa'i khams so zhes bya ba la/ mkhrang ba dang 'thas pa zhes bya ba'i bar du bstan par 'gyur ro/ /gsher ba ni chu'i khams so zhes bya ba la/ brlan pa'i bdag nyid can yin pa'i phyir na gsher ba'o/ /gzhan dag ni phra ba nyid do zhe'o//dro ba nyid ni me'i khams so zhes bya ba la/ sreg par byed pa zhes bya ba'i tha tshig go/ /g.yo ba ni rlung gi khams so zhes pa ni yang dag par g.yo ba ste/ sna tshogs su 'thor zhes bya ba'i don to/ /de nyid kyi phyir/ 'dis 'byung ba'i rgyun zhes bya ba smos so/ /'byung ba smos pa ni gzugs can ma yin pa ni yul na mi gnas pa rlung gi yul can skyed pa mi srid pa'i phyir ro//rgyun smos pa ni skad cig ma yin pas gcig la yul gzhan du skye ba mi srid pa'i phyir ro/ /sgron ma g.yo ba bzhin du zhes bya ba la/ ji ltar sgron ma skad cig ma yin pas 'gro ba med bzhin du yul gzhan du skyed pa rlung gi g.yo ba 'byung ba de bzhin du gzhan 'byung ba'i rgyun la yang yin no//mdo sde bstan bcos 'gal ba'i lan gdags pa'i phyir/ rab tu byed pa dag ces bya ba rgyas par 'byung ba la/ rab tu byed pa dag las rlung gi khams gang zhe na/ yang zhing g.yo ba nyid do zhes bstan la/mdo sde las ni rlung gi khams ni yang ba nyid do zhes bstan to/ /yang ba nyid de ni rlung gi khams nyid ma yin te/ 'o na ci zhe na/ rab tu byed pa dag las lci ba nyid dang yang ba nyid do zhes bshad pa rgyur byas pa'i gzugs gzhan yang yin no/ /de'i phyir rlung gi khams ni yang ba nyid do zhes brjod pa na/rgyur byas pa'i gzugs la yang thal bar 'gyur na/ g.yo ba'i rang bzhin no zhes ji skad du bkod pa ltar na ni nyes pa med do/ /rang bzhin gyi sgra ni 'dir las la blta bar bya'i rang gi ngo bo la ni ma yin te/ de'i bya ba ni g.yo ba las 'byung ba rnams yul gzhan du skyed pa'o/ /de nyid kyi phyir/ 'di'i rang bzhin las kyi gsal ba yin no zhes rnam par bshad do/ /'di skad bshad par 'gyur te/ g.yo ba'i las dang yang ba nyid kyi rang bzhin can ni rlung gi khams so/ /sa la sogs pa dag gis 'byung ba rnams ma bstan pa'i phyir sa la sogs pa dag 'byung ba rnams las gzhan yin no zhes don gyis smras par 'gyur ro//de'i phyir 'dri ba ni/ sa la sogs pa dag dang zhes rgya cher 'byung ba'o/ /kha dog dbyibs la sa zhes bya'i/ gzugs dang / dri dang / ro dang ldan pa ni sa'o snyam du ji ltar gzegs zan pa rnams sems pa ltar ni ma yin te/ de dag gis gzugs la sogs pa'i tshogs pa tshogs pa las tha dad pa'i sa bstan par mi nus pa'i phyir te/nas kyi khu ba dang / btung ba la sogs pa bzhin no/ /gal te sa'i sgras tshogs pa bzung la/ de la dri dang / ro dang / reg pa yod kyang kha dog dang dbyibs kho na las zhes bya ba'i rgyu brjod par bya'o zhe na/ 'jig rten gyi tha snyad du zhes brjod pa ma yin nam/'jig rten las grags pa ni brtags par yod pa yin la/ 'jig rten gyi yang sa ston pa na kha dog dang dbyibs ston par byed do/ /'di ltar zhes bya ba ni gang gi phyir gyi don to/ /rlung tshogs khams nyid yin zhes bya ba ni rlung la kha dog dang dbyibs ma mthong ba'i phyir ro//de dang 'dra ba yin zhes bya ba la/ ji ltar 'jig rten gyi tha snyad du kha dog dang dbyibs la sar brjod pa de bzhin du res 'ga' 'jig rten gyi tha snyad khas blangs nas rlung yang yin no/ /rlung rnams kyi tshogs ni rlung ngo / /rang gi ngo bo phan tshun tha dad pa dag la/ sgra tha mi dad pa 'jug pa'i rgyu mtshan khong du ma chud pa'i phyir te/gzugs nyid med pa'i phyir ro zhes bya ba'i bsam pas sam/ yang na thams cad la 'chad par 'gyur ba'i nges pa'i tshig med pa'i phyir 'dri ba ni/ ci'i phyir zhes bya ba rgya cher 'byung ba'o/ /gzugs su rung ba'i phyir te zhes bya ba 'di ni gzugs kyi nges pa'i tshig go//gzugs su yod cing gzugs su rung ngo zhes bya bar nges par gzung bar ci nas kyang shes par bya ba'i phyir te/ lag pa la sogs pas reg par gyur pa rnam par 'gyur bar 'gyur ro zhes bya ba'i don to/ /gzugs su rung ba zhes bya ba ni gnod par byar rung zhes bya ba 'di la/ khungs ni don gyi sde tshan dag las mdo gsungs pa yin no/ /'di la dper brjod pa ni/ zug rngus zug bzhin gnod par 'gyur/ /zhes bya ba 'di yin te/ gnod pa'i gnas su gzugs su rung ba'i sgrar sbyar ba'i phyir ro/ /gal te zug rngus zug pa la sems pa dang bcas pas zug rngus bsnun pa las skyes pa'i sdug bsngal gyis gnod par 'gyur ba dang /gnod pa tshol bar byed pa la/ /de'i tshor ba'i 'dod pa la gnod pa byas pas bskyed pas gnod par 'gyur ro zhes bya ba ni rigs na/ gzugs la ni sems pa can ma yin pas sdug bsngal med pa'i phyir ram/ yang na gzugs skad cig ma yin pa nyid kyis gnod pa byed pa'i dus med pa'i phyir/gnod pa gang zhig yod ce na/ de'i phyir/ yongs su 'gyur ba skyed pa'o zhes bya ba smos te rgyun gyi dbang du byas nas yin gyi/ skad cig gi ni ma yin no/ /yongs su 'gyur ba ni gzhan du 'gyur ba pa nyid do/ /mi 'dra ba yongs su 'gyur ba ni yongs su 'gyur ba ste/snga ma dang mi 'dra ba nyid du bskyed pa'o zhes bya ba'i don to/ /gzhan dag na re gzugs su rung ba ni thogs pa'o zhes bya ba ni rang gi yul du gzhan skye ba'i gegs so/ /'o na ni rdul phra rab ces bya ba la/ gal te gzugs su rung ba yongs su 'gyur ba bskyed pa dang thogs pa yin na ni gnyis ka ltar yang gzugs su mi 'gyur te cha shas med pa'i phyir ro//de ni ji ltar blta bar mi nus pa de bzhin du lag pa la sogs pa'i lus de reg pa la sogs pa dag gis reg par yang mi nus te/ yongs su 'gyur ba yang ma yin la thogs pa yang ma yin no snyam du bsam pa'o//'di ni rdzas kyi rdul phra rab la mngon par 'dod kyi/ 'dus pa'i rdul phra rab ni ma yin te/ de ni rdzas brgyad pa yin pas gzugs su rung ba mi 'gal lo/ /de nyid kyi phyir/ rdul phra rab kyi rdzas gcig pu logs shig tu gyur pa ni med pa nyid do zhes bya ba smos te/ 'dod na dbang po med pa dang / /sgra med phra rab rdul rdzas brgyad/ /ces bya ba la sogs par nges pa'i phyir ro/ /'dus pa la gnas pa de la ni gzugs su rung ba nyid do ste/ yongs su 'gyur ba'am thogs pa yin no/ /'o na ni 'das pa dang ma 'ongs pa zhes bya ba la/ yul na mi gnas pa'i phyir gnod par byar rung ba ma yin zhing thogs pa ma yin te/gzugs ma yin no snyam du bsams pa'o/ /de yang gzugs su yod zin pa dang zhes bya ba ni 'das pa'o/ /gzugs su yod par 'gyur ba zhes bya ba ni ma 'ongs pa skye ba'i chos can no/ /de dang rigs mthun pa zhes bya ba ni gzugs su yod par gyur pa dang rigs mthun pa mi skye ba'i chos can la 'dod do//bud shing bzhin no/ /dper na shing la sogs pa 'bud bzhin pa ma yin pa yang bud shing du brjod do/ /gang zhig 'bud par 'gyur ba dang / gang zhig 'bud par 'gyur ba ma yin pa de thams cad de dang rigs mthun pa'i phyir bud shing yin pa de bzhin du 'dir yang yin no//'o na ni rnam par rig byed ma yin pa gzugs ma yin par 'gyur te/ de dang rigs mthun pa ma yin pa'i phyir dang / thogs pa med pa'i phyir ro zhe na/ rnam par rig byed kyang rgyur byas pa'i gzugs dang rigs mthun pa'i phyir gzugs dang rigs mthun pa nyid de/'byung ba chen po dag rgyur byas nas 'byung ba'i phyir ro/ /de yang rnam par rig byed la gzugs su yod pa'i phyir gzugs su yod par 'gyur te zhes bya ba la sogs pa la/ de kun nas slong bar byed pa lus dang ngag gi rnam par rig byed lag pa la sogs pa'i 'dus te reg pa dag gis rnam par 'gyur bar 'gyur ba'i phyir rnam par rig byed ma yin pa yang gzugs su yod par 'gyur te/'gyur ba med pa'i phyir ma yin te zhes bya ba la/ rnam par rig byed rnam par 'gyur bzhin du rnam par rig byed ma yin par mi 'gyur te khyad par med pa'i phyir ro//'di ltar thal mo sbyar ba dang / /sgra la sogs par 'gyur ba na/ /rnam par rig byed ma yin pa la khyad par yod pa ma yin no/ /shing ljon pa la ni yal ga dang po la sogs pa'i chung ba dang / 'phel ba yin pa dang / grib ma chung ba dang / 'phel bar 'gyur bas shing ljon pa g.yos pas grib ma g.yo ba mi 'gal lo//gzhan yang / ji ltar shing ljon pa log na grib ma log pa ltar/ rnam par rig byed log pa na rnam par rig byed ma yin pa ldog par 'gyur na/ de ltar ni 'gyur ba yang ma yin te/ de ni de rnam par 'gyur ba'i rjes su byed pa ma yin pa'i phyir ro//gzhan dag na re rten gyi 'byung ba la gzugs su yod pa'i phyir ro zhes zer ro zhes bya ba ni slob dpon dbyig gnyen snga ma ste/ sngon po la sogs pa rgyur byas pa'i gzugs su 'byung ba la brten pa ni 'byung ba dang / grub pa dang / bde ba gcig par mthong ba ste/ de'i phyir rgyur byas pa'i gzugs yin pas 'di yang rten gyi 'byung ba la gzugs su yod pa'i phyir gzugs su rung ngo //thogs pa dang bcas pa'i phyir rgyur byas pa'i gzugs gzhan ni gzugs su yod pa dngos su khas blangs pa'i phyir la/ 'di ni thogs pa med pa'i phyir rten gyi sgo kho nas gzugs su rung ba yin no zhe'o//de lta na ni mig gi rnam par shes pa la sogs pa dag kyang zhes bya ba rgyas par 'byung ste/ de rnams kyi rten mig la sogs pa dag ni thogs pa dang bcas pa yin no zhe'o/ /nye bar bkod pa 'di ni mi mthun pa yin te zhes bya ba ni de nyid lan smra ba'o/ /rnam par rig byed ma yin pa ni ljon pa la grib ma nyid dang zhes bya ba rgya cher 'byung ste/ji ltar ljon pa dang / grib ma dang / nor bu dang / 'od grub pa dang / bde ba gcig pa de bzhin du rnam par rig byed ma yin pa yang 'byung ba dag dang / grub pa dang / bde ba gcig go snyam du dgongs so/ /mig gi rnam par shes pa la sogs pa dag ni de ltar mig la sogs pa dag grub pa dang bde ba gcig pa ma yin no//de dag ni de dag gi skye ba'i rgyu mtshan tsam 'ba' zhig tu zad pas so zhes bya ba rgyas par 'byung ba la/ dbang po de dag ni rnam par shes pa de dag gi skye ba'i rgyu mtshan te/ bskyed par bya ba rgyu mtshan du 'gyur ro//'di ni re zhig bye brag tu smra ba ma yin te zhes bya ba la/ 'di bye brag tu smra ba rnams kyi yin pa ni bye brag tu smra ba'i 'o/ /bye brag tu smra ba'i ma yin pa ni bye brag tu smra ba'i ma yin pa'o/ /de gang zhe na/ shing ljon pa la brten nas grib ma dang zhes bya ba rgyas par 'byung ba'o//ji ltar bye brag tu smra ba'i ma yin zhe na/ grib ma la sogs pa kha dog gi rdul phra rab rnams zhes bya ba la sogs pa'o/ /de la grib ma dang 'od ces bya ba ni kha dog gi gzugs kho na la brjod la/ kha dog gi rdul phra rab rnams ni rang gi 'byung ba bzhi tshan la brten pa'i phyir shing ljon pa la sogs pa dag rten du mi 'dod do//grib ma dang 'od de ga la brten pa yin yang zhes bya ba la/ shing ljon pa dang nor bu dag la brten pa nyid do/ /gang dag ce na/ grib ma dang 'od dag ces bya ba dang sbyar ro/ /grib ma dang 'od ni rang gi 'byung ba la brten la/ de dag ni shing ljon pa dang nor bu la brten te/de dag gi rjes su byed pa'i phyir ro/ /rnam par rig byed ma yin pa'i rten 'byung ba chen po dag 'gags kyang zhes bya ba la/ 'dod gtogs rnam rig min skad cig /phyin chad 'das pa'i rgyu las 'byung / /zhes 'byung bas rten gyi 'byung ba chen po dag 'gags kyang 'dod par gtogs pa'i rnam par rig byed ma yin pa rjes su 'jug pa yin gyi/grib ma dang 'od dag ni de ltar rten 'gags pas mi 'gag pa ma yin no/ /de'i phyir rnam par rig byed ma yin pa'i shing ljon pa la grib ma nyid dang zhes gang smras pa de ni lan ma yin no/ /gzhan dag gis ni 'di la zhes bya ba ni slob dpon nyid de/mig la sogs pa'i rnam par shes pa dag gzugs nyid du thal bar 'gyur ro zhes bya ba 'di la'o/ /'di skad bstan par 'gyur te/ gal te rten gzugs su yod pa'i phyir mig la sogs pa'i rnam par shes pa dag kyang rnam par rig byed ma yin pa ltar gzugs nyid yin na ni de lta na de'i rten gzugs su yod pa ma yin pa'i phyir/'ga' zhig gzugs nyid ma yin par yang 'gyur na/ gcig la chos phan tshun 'gal ba'i 'du ba yang ma yin te/ rtag pa dang mi rtag pa bzhin no/ /rnam par rig byed ma yin pa de ltar rten tha dad du gyur pa ma yin te/ 'o na ci zhe na/thams cad gzugs su yod pa yin no/ /de lta bas na 'dra bas thal ba med do/ /phung po rnam par gzhag pa'i mjug thogs su khams dang skye mched rnam par gzhag pa'i rig pa las 'das te/ tshor ba la sogs pa'i phung po'i mtshan nyid ma bstan pa kho nar/ dbang don de dag kho na la//skye mched dang ni khams bcur 'dod/ /ces gzugs kyi phung po'i skye mched dang / khams rnam par gzhag pa smos pa ni bde blag tu bstan par bya ba'i phyir ro/ /de dag kho na zhes bya ba ni gzugs ni dbang po lnga dang don lnga dang zhes bya ba gang dag gzugs kyi phung po'i rang bzhin du bstan pa dag go//dbang po rnams dang don rnams ni dbang don no/ /yid kyi dbang po la sogs pa dbang po dag dang / yid kyi rnam par shes pas shes par bya ba tshor ba la sogs pa don rnams gzhan dang gzhan yang yod pa de'i phyir de dag kho na la zhes bya ba smos so/ /gzugs kyi phung po dang zhes bya ba ni/gzugs ni dbang po lnga dang zhes bya ba la sogs pas so/ de'i skye mched dang / khams rnam par gzhag pa bshad zin to zhes bya ba la/ de'i ste gzugs kyi phung po'i 'o/ ji ltar zhe na/ gong ma bzhin no/ /gal te rnam par rig byed ma yin pa'i gzugs kyi skye mched dang khams rnam par gzhag par bya dgos pa ma yin no zhe na/bya dgos pa bden mod kyi/ drungs pa gcig ma brngas pas zhing ma brngas pa zhes bya ba ni ma yin no/ /chos kyi skye mched kyis bsdus pa'i phyir rnam par rig byed ma yin pa'i skye mched dang khams ni phyi nas rnam par 'jog par 'gyur ro//tshor ba la sogs pa brjod par bya ste zhes bya ba la/ 'dus byas chos rnams de dag ni/ /gzugs la sogs pa phung po lnga/ /zhes bshad pa de la/ gzugs kyi phung po ni bshad zin to/ /da ni tshor ba la sogs pa dag brjod par bya'o//tshor ba myong ba zhes bya ba la/ nyams su myong ba ni myong ba'o/ /yul dang mthun par nyams su myong ba ni myong ba ste/ dngos po'i rang gi ngo bo sim pa dang / nye bar gdung ba dang / rnam pa de gnyis ka las rnam par grol ba mngon sum du byed pa'o/ /yang na nyams su myong bar byed pas na myong ba'o//de yang rang bzhin tha dad pa las rnam pa gsum mo/ /de la lus dang sems 'phel bar 'jug pa ni bde ba'o/ /'grib par 'jug pa ni sdug bsngal lo/ /gang zhig gnyis yang mi 'jug la/ yod pa'i myong ba de ni bde ba yang ma yin sdug bsngal yang ma yin te/ gnag pa yang ma yin dkar ba yang ma yin pa'i las bzhin no//rgyu mtshan gyi dbye ba las ni rnam pa drug ste/ mig dang / gzugs dang / rnam par shes pa dang gsum tshogs pa ni mig gi 'dus te reg pa yin la/ de las skyes pa ni mig gi 'dus te reg pa las byung ba'o/ /rna ba dang / sna dang / lce dang / lus dang / yid kyi 'dus te reg pa las byung ba yang de bzhin du rig par bya'o/ /'du shes ni/ mtshan mar 'dzin pa'i bdag nyid do/ /zhes bya ba la rgyu mtshan ni khyad par te/ bdag nyid rang bzhin dang / rang gi ngo bo zhes bya ba ni rnam grangs dag go/ /'di skad du khyad par 'dzin pa'i rang bzhin ni zhes bshad par 'gyur te/dper na bud med ni bu skyed par byed pa'i bdag nyid do zhes bya ba lta bu'o/ /'du shes ni chos dang sems kyi khyad par la brten te 'jug pa'i phyir na sngon po dang / ser po dang / ring po dang zhes bya ba la sogs pa 'di tsam zhig dper brjod do//mig gi 'dus te reg pa'i 'du shes la gnyis/ dper brjod pa ni kha dog dang dbyibs gzugs kyi skye mched kyi rab tu dbye ba ma yin par bstan pa'i phyir te/ de bzhin du gzhan la yang sbyar bar bya'o/ /de yang dbye na zhes bya ba rgyas par 'byung ba la/ mig la sogs pa rkyen gyis byas pa'i dbye ba drug go//tshor ba bzhin no zhes bya ba la/ dper na tshor ba'i phung po rten gyi dbye bas drug tu phye ba de bzhin du 'du shes kyi phung po yang mig gi 'dus te reg pa las byung ba'i 'du shes nas yid kyi 'dus te reg pa las byung ba'i 'du shes zhes bya ba'i bar drug tu dbye'o/ / tshogs kyi sgra ni re re zhing rdzas du ma yin par shes par bya ba'i phyir ro/ /gal te yul gyi khyad par 'dzin pa'i rnam par rtog pa ni thogs pa'i reg pa rnam par rtog pa med pa dang mtshungs par ldan par ji ltar rung zhe na/ 'du shes ni sa mang po pa yin pa'i phyir tshor ba bzhin du rnam par shes pa thams cad dang mtshungs par ldan te/thogs pa'i reg pa dang mtshungs par ldan pa na/ g.yeng ba ma yin phyir zhes pas na de la bya ba mngon par gsal bar mi 'gyur gyi/ g.yeng ba'i phyir tshig bla dgas kyi reg pa dang mtshungs par ldan pa la ni de'i bya ba mngon par gsal bar 'gyur ro zhes bya ba 'di ni khyad par ro//mig gi rnam par shes pa'i dus su rgyu mtshan ma bzung bas ni yid kyi rnam par shes pas nges par rtogs par mi nus te/ de drangs pa'i phyir ro/ /de lta ma yin te/ gal te dbang po'i rnam par shes pa med par yid kyi rnam par shes pa gzugs la sogs pa la dngos su 'jug na ni long ba yang long ba ma yin par 'gyur ro//de'i phyir tshor ba bzhin du 'du shes kyang reg pa tha dad pa la tha dad par mi 'gal lo/ /'du byed phung po gzhi las gzhan/ /zhes bya ba la/ gang dag ji skad du bshad pa gsum dang 'chad par 'gyur ba'i rnam par shes pa'i phung po las gzhan pa mtshungs par ldan pa dang mi ldan pa'i 'du byed de dag ni 'du byed kyi phung po'o//ji ltar rnam par shes pa'i phung po ma bstan par bzhi las gzhan zhes brjod ce na/ 'dus byas chos rnams de dag ni/ /gzugs la sogs pa phung po lnga/ /zhes rnam par shes pa sngar bstan zin pas nyes pa 'di ni med do//bcom ldan 'das kyis mdo la sogs pas ni lung dang 'gal ba spong ngo / /mdo las ni 'du byed kyi phung po gang zhe na/ sems pa'i tshogs drug go zhes gsungs la/ kha cig mdo 'di la brten nas 'du byed kyi phung po ni sems pa kho na yin no snyam du sems te/de dag la mdo 'di ni dgongs pa can yin no zhes bshad par bya ba'i phyir/ bcom ldan 'das kyis mdo las zhes bya ba smos so/ /yang ci'i phyir/ sems las byung ba dang ldan pa ma yin par 'du byed kyi phung pos bsdus pa gzhan rnams kyang yod na/sems pa kho na 'du byed kyi phung po nyid du gsungs she na/ de'i phyir gtso bo yin pa'i phyir te zhes bya ba smos so/ /gang las gtso bo yin zhe na/ /de las gzhan reg pa dang / yid la byed pa dang / thob pa la sogs pa 'du byed kyi phung pos bsdus pas so/ / lhag ma rnams las de gtso bor gyur pa cis byas pa zhig ce na/ de'i phyir bshad pa/ de ni las kyi rang bzhin yin pa'i phyir/ de dang mtshungs par ldan pa lhag ma rnams las mngon par 'du bya ba la gtso bo yin no/ mngon par 'du bya ba ni rnam par smin pa 'phen pa yin la/ de'i dbang gis lhag ma rnam par smin pa 'phen pa'i phyir gtso bo yin no//gzhan dag na re 'di lta bu dang 'di lta bur gyur cig ces de ltar mngon par 'du bya ba la gtso bo yin no zhes zer ro/ /de nyid kyi phyir zhes bya ba ni sems pa mngon par 'du bya ba de nyid kyi phyir ro/ /bcom ldan 'das kyis 'dus byas mngon par 'du byed de zhes bya ba rgyas par 'byung ba la yang gal te 'dus byas nyid yin na/de mngon par 'du byed ce na/ kha cig na re cung zad cig yod du zin kyang 'bras bu 'phen pa la gtso bo yin pas skye ba dang rjes su mthun par rnam par 'jog par byed pas lus mngon par 'du byed do brjod do zhes zer ro//gzhan dag na re dper na 'bras chan 'tshed/ phye 'thag ces 'byung bar 'gyur ba'i ming gis yin pa de bzhin du phung po lnga'i mtshan nyid kyis 'dus byas kyang 'di lta bu dang / 'di lta bur gyur cig ces de ltar mngon par 'du byed do zhe'o/ /yang na phung po bzhis ma bsdus pa'i 'du byed rnams bsdu bar bya ba'i phyir chos kyi skye mched dang /khams bzhin du 'du byed nye bar len pa'i phung po'o zhes 'du byed kyi sgras phyir bstan to/ /de lta ma yin na tshor ba la sogs pa'i phung po ltar sems pa'i phung po zhes brjod par 'gyur ro/ /de lta ma yin na zhes bya ba la/gal te sems pa kho na 'du byed kyi phung po yin gyi/ reg pa dang / yid la byed pa la sogs pa rnams dang / thos pa la sogs pa rnams ma yin na de lta na de rnams gzugs dang / tshor ba dang / 'du shes dang / 'du byed dang / rnam par shes pa'i phung po dag tu ma bsdus pa'i phyir/sdug bsngal dang kun 'byung ba'i bden pa nyid du mi 'gyur te/ 'dus ma byas bzhin no/ de rnams gzugs kyi phung pos bsdus par ni mi rigs te/ gzugs su yod pa med pa'i phyir ro/ /tshor ba la sogs pa'i phung pos bsdus pa yang ma yin te/ nyams su myong ba la sogs pa'i mtshan nyid med pa'i phyir ro//de la cir 'gyur zhe na/ yongs su shes pa dang spang bar yang mi 'gyur ro/ /yongs su shes pa dang / spang ba dag ste/ sdug bsngal yongs su shes pa dang / kun 'byung spang bar mi 'gyur ro/ /yongs su shes pa dang / spangs pa med na nyes pa ci yod ce na/ de'i phyir/ bcom ldan 'das kyis ni zhes bya ba rgyas par smos so/ /mngon par ma shes zhes bya ba ni mthong ba'i lam gyis so/ /yongs su ma shes par zhes bya ba ni bsgom pa'i lam gyis so/ /yang na mngon par ma shes shing zhes bya ba ni 'jig rten pa'i shes pas so//yongs su ma shes par zhes bya ba ni 'jig rten las 'das pa'i shes pa ste/ zag pa med pa'i shes pa ni yongs su shes pa'o zhes bshad pa'i phyir ro/ /yang na go rims ji lta ba bzhin du chos dang rjes su shes pa dag gam/ bzod pa dang shes pa dag gis yin par rig par bya'o//de bzhin du ma spangs par zhes gsungs te zhes bya ba ni chos gcig kyang mngon par ma shes shing / ma spangs par sdug bsngal gyi mthar byed par nga mi smra'o zhes bya ba'o/ /de la sdug bsngal shes pas yongs su ma shes shing /kun 'byung shes pas ma spangs par te/ bshad pa ni thal ma thag tu bstan pa nyid yin no/ /de'i phyir gdon mi za bar reg pa dang / yid la byed pa la sogs pa dang / thob pa la sogs pa de rnams 'du byed kyi phung pos bsdus par khas blang bar bya ste/ de lta ma yin na sangs rgyas 'byung ba dang /chos ston pa don med par thal bar 'gyur ro/ /de zhes bya ba ni rnam par shes pa'i phung po rnam par gcad par bya ba'i phyir ro/ /gsum zhes bya ba ni gzugs kyi phung po gsal bar bya ba'i phyir ro/ /skye mched bcu gcig dang / khams bcu bdun gyis ma bsdus pa'i chos rnams chos kyi skye mched dang /chos kyi khams kyis bsdus pas/ de'i phyir rnam rig byed min dang / /'dus ma byas rnams bcas pa ni/ /zhes bya ba smos te/ skye mched rnam par gzhag pa ni chos kyi skye mched rdzas bdun gyi bdag nyid can yin la/ khams rnam par gzhag pa ni chos kyi khams zhes bya'o/ /rnam shes so sor rnam rig pa/ /zhes bya ba ni gzugs brnyan dang sgra brnyan ltar yul so sor snang ba'i phyir dngos po tsam la lta ba nyid yin no/ /rnam par shes pa'i khams kyi rab tu dbye ba bstan par bya ba'i phyir so sor bsnan par brjod de/de nyid kyi phyir/ yul dang yul la so sor rnam par rig ces bya ba smos so/ /de yang gang zhig ce na/ dmigs pa zhes bya ba smos te/ de ni dngos po tsam gyi snang brnyan nyid yin par rig par bya'o/ /gang zhig mdo las/ rnam par shes par byed pas na/ /zhes byed pa por bstan pa ni rang gi ngo bo tsam ste/de la tha dad pa'i rnam par shes pa po dgag par bya ba'i phyir ro/ /dper na mi 'gro'o zhes bya ba lta bu ste/ de ni bar mtshams med par yul gzhan dag tu skye ba na cung zad kyang mi byed par byed pa po'i sdang ba thob pa de bzhin du rnam par shes pa yang yul gzhan dag tu rgyun chags su skye ba cung zad kyang mi byed kyang yul de dang de shes par byed do zhes byed pa po'i sdang ba 'thob bo//gang las she na/ gre skyes rnam par shes par byed do zhes ni nga mi smra'o zhes gzhan las byed pa po bkag pa'i phyir ro/ /de yang rnam par shes pa'i tshogs drug ste zhes bya ba rgyas par 'byung ste/dmigs pa de ni mig la sogs pa'i rnam par shes pa'i dbye bas drug tu 'gyur ro/ /yid kyi skye mched kyang de yin zhes bya ba la/ rnam par shes pa'i rdzas re re zhing yid kyi skye mched yin gyi/ 'di btags pa tshogs pa pa ni ma yin no//khams bdun dag tu 'dod pa ste/ bdun gang zhe na/ rnam shes drug dang de nas yid/ /ces bya ba la/ de nas kyi sgra ni skabs su babs pa snga ma sbyor ba ste/ dper na de nas bcom ldan 'das 'di snyam du dgongs te zhes bya ba lta bu'o/ /'ang gi sgra ni rnam par shes pa'i rdzas re re zhing khams nyid yin gyi/'di tshogs pa zhes bya ba ni ma yin no zhes bstan pa'i phyir ro/ /de ltar na 'dir phung po lnga dang zhes bya ba rgyas par 'byung ba la/ 'dir zhes bya ba ni 'dus byas dang 'dus ma byas zhes 'chad par ro/ /gzhan dag ni zag pa dang bcas pa dang zag pa med par ro zhes zer ro//ji ltar zhe na/ 'dus byas chos rnams de dag kyang / /gzugs la sogs pa phung po lnga/ /zhes 'byung ba'i phyir ro/ /skye mched dang khams nye bar bstan pa'i phyir/ rnam par rig byed ma yin pa ma gtogs pa gzugs kyi phung po ni zhes bya ba rgya cher 'byung ngo //rnam par shes pa'i phung po ni rnam par shes pa drug gi bdag nyid yin la/ de dag kyang khams rnam par gzhag par mig gi rnam par shes pa'i khams nas yid kyi rnam par shes pa'i khams kyi bar ro zhes bstan pa nyid de/ de'i phyir rnam par shes pa'i phung pos ma bsdus pa yid kyi khams yod pa ma yin pa nyid do zhes snying la bzhag nas/yang de dag las gzhan pa yid kyi khams de dag gang yin pa zhes 'dri ste/ rnam par shes pa'i khams drug po de dag las zhes bya ba'i don to/ /drug po 'das ma thag pa yi/ /zhes bya ba rgyas par 'byung ba la/ thag pa smos pa ni bar dang bcas pa rnam par gcad par bya ba'i phyir ro/ /'das pa smos pa ni ma 'ongs pa rnam par gcad par bya ba'i don du'o/ /rnam par shes pa smos pa ni 'das ma thag ba'i tshor ba la sogs pa rnam par gcad par bya ba'i phyir ro/ /ni smos pa ni rnam par shes pa drug las de ma thag tu 'das pa kho na yin gyi/de las tha dad pa ni yod pa ma yin no zhes nges par gzung ba'i don du'o/ /gang smos pa ni gang dang gang de ma thag tu 'das pa zhes bstan par bya ba'i phyir te/ de dang de ni yod do zhes bya bar khong du chud par 'gyur ro/ /'dir 'das ma thag pa ni rigs mthun pa'i skad cig mas chod pa yin gyi/rigs mi mthun pas chod pa ni ma yin te/ de ltar na 'gog pa'i snyoms par 'jug pa las ldang ba'i sems la yang yod pa nyid du 'gyur ro/ /dper na bu de nyid gzhan gyi phar 'gyur ba dang zhes bya ba la sogs pa la/bu de nyid dus dang gnas skabs kyis chod pa na gnas kyi phar 'gyur la/ 'bras bu de nyid dus dang gnas skabs kyis chod pa na gzhan gyi sa bon yin pa lta bu ste/ sems yod pa dang sems med pa dag la de mthong bas gnyis dper brjod do/ /de bzhin du mig la sogs pa'i rnam par shes pa gzhan la brten pa nyid dus gnas skabs kyis chod pa na gzhan gyi rten du 'gyur ro//de lta yin dang / de nyid ston pa yin pa'i phyir rnam par shes pa yin la/ rten yin pa'i phyir yid yin no zhes bya bar 'grub par 'gyur ro/ /de lta 'o na ni zhes bya ba rgya cher 'byung ngo / / ji ltar zhe na/ de'i phyir/ rnam par shes pa'i khams drug dang / yid kyi khams rnams gcig gi nang du gcig 'dus pa'i phyir zhes bya ba smos so/ /grangs bsgrub pa ni don gyi dbang gis 'gyur na/ de la gal te yid kyi khams drug gi nang du 'dus so zhes bya ba yin na ni/ de lta na yid kyi khams ma gtogs pa gzhan khams bcu bdun rdzas su yod par 'gyur ro/ /ci ste rnam par shes pa'i khams dag yid kyi khams kyi nang du 'du na ni de lta na gzugs can bcu dang / yid kyi khams dang / chos kyi khams zhes bya ba bcu gnyis su 'gyur ro/ /de lta 'ang yin mod kyi zhes bya ba la/dngos su na don dam par de ltar bcu bdun nam bcu gnyis yod mod kyi/ 'on kyang rten dang brten pa'i dbye bas phye nas/ drug pa'i rten ni rab sgrub phyir/ /khams ni bco brgyad dag tu 'dod de/ gang gi phyir ji ltar rnam par shes pa rnams dmigs pa med na skye bar mi 'gyur ba de bzhin du rten med na yang yin la/drug pa yid kyi rnam par shes pa'i khams la ni ji ltar mig la sogs pa'i rnam par shes pa rnams la mig la sogs pa ltar rten gzhan yod pa ma yin no/ /de'i phyir yid kyi rnam par shes pa'i khams kyi rten rab tu bsgrub par bya ba'i phyir yid kyi khams bstan to//yang ji ltar 'gags zin pa da ltar ba'i rten du brjod/ da ltar ba'i rten ni da ltar ba kho na yin par mthong ste/ dper na myu gu la sogs pa rnams kyis yin pa bzhin no zhe na/ rigs te/ de skye ba la nye ba'i rgyur gyur pa'i phyir ro/ /ji ltar gzugs yod kyang mig med par de'i rnam par shes pa mi skye ba de bzhin du yul rnams yod kyang /rnam par shes pa snga ma 'dus pa med par rnam par shes pa phyi ma mi 'byung ngo / de nyid kyi phyir/ 'gags ma thag pa zhes brjod kyi/ ches sngar 'gags pa ni ma yin te/ des go phyir yang de mi skye ba'i phyir ro/ /de'i phyir 'di ni 'dir rten gyi dngos po yin te/de yod na yod pa'i phyir ro/ /yang na da ltar ba kho nas de'i rten gyi bya ba byed de/ de mtshungs pa de ma thag pa'i rkyen gyi 'bras bu nyid du yongs su gzung ba'i phyir ro/ /'das pas ni byas zin pa kho na'o/ /de ltar na zhes bya ba rgyas par 'byung ste/ de la rten drug tshan ni mig la sogs pa yid la thug pa'o//brten pa drug tshan ni mig gi rnam par shes pa la sogs pa yid kyi rnam par shes pa la thug pa'o/ /dmigs pa drug tshan ni gzugs la sogs pa chos kyi khams kyi mthar thug pa'o/ /'o na ni dgra bcom pa'i zhes bya ba la tha ma ni/ gang nas mtshams mi sbyor ba yongs su mya ngan las 'das pa'i dus kyi tshe/thams cad kyi tha ma gang yin pa'o/ /de nyid la rgyu smras pa ni/ de gang gi zhes bya ba rgyas par 'byung ba ste/ rnam par shes pa 'das ma thag pa la yid ces bya la/ de gang gis 'das ma thag par 'gyur ba/ dgra bcom pa'i sems tha ma las sems gzhan skye ba yang ma yin no//de yang yid kyi ngo bor zhes bya ba la/ phyi ma'i rten gyi ngo bor gnas pa'i phyir na der yid nyid ma nyams so snyam du dgongs so/ /go 'byed pa las ni yid du 'gyur te/ mig bzhin no/ /ji ltar mig rten gyi ngo bor gnas la/rgyu gzhan ma tshang ba'i phyir rnam par shes pa mi skye ba de bzhin du/ rgyu gzhan ma tshang ba'i phyir rnam par shes pa phyi ma mi skye'o/ /de la yid las mjug thogs su rnam par shes pa skye ba'i rgyu gzhan ni mthong ba'i chos kyi rnam par smin pa lhag ma dang / 'gro bar nying mtshams sbyor ba'i nyon mongs pa'i thob pa yin no//dgra bcom pa'i rnam par shes pa tha ma la ni yid kyi ngo bor gnas kyang gnyis ka med pas rnam par shes pa phyi ma mi skye'o/ /ci ste phung po la sogs pa 'di dag las gang gis gang bsdus she na/ de la phung po dag gis ni/ /zhes bya ba la sogs pa smos te/'dus byas chos rnams de dag kyang / /zhes bya ba der chos 'dus byas zag pa dang bcas pa dang zag pa med pa thams cad bsdus pas phung po dag gis ni 'dus byas thams cad bsdus so/ /gang dag zag bcas nyer len pa'i/ /phung po 'di zhes bya ba der zag pa dang bcas pa rnams kho na bsdus pa'i phyir ro//nye bar len pa'i phung po dag gis ni zag pa dang bcas pa thams cad bsdus so/ /skye mched dang khams dag gis ni chos thams cad bsdus so/ /chos thams cad kyang phung po lnga dang 'dus ma byas so/ /'di ni re zhig rgyas pa'i sgo nas chos thams cad bsdus pa yin la/mdor bsdus na ni/ phung po dang ni skye mched dang / /zhes bya ba rgyas par 'byung ba yin no/ /dang gi sgra ni ci nas kyang gzugs kyi phung po dang / yid kyi skye mched dang / chos kyi khams bsdus pa dag gis yin pa de ltar shes par bya'i/ re res yin pa de ltar shes par ni mi bya'o zhes bsdu ba'i don to//de la gzugs kyi phung pos ni gzugs can gyi khams bcu dang / rnam par rig byed ma yin no/ /yid kyi skye mched kyis ni sems kyi khams bdun no/ /chos kyi khams kyis ni tshor ba la sogs pa gsum dang / 'dus ma byas dang /rnam par rig byed ma yin pa'o/ /yang ci'i phyir gsum po 'di dag kho nas yin gyi/ gzhan dag gis sam/ gnyis sam/ gcig gis ma yin zhe na/ de'i phyir/ bsdu ba de ni zhes rgyas par smos so/ /gang dang gang nas byung yang rung / /zhes bya ba la/ phung po dang / skye mched dang / khams dag gis yin pa 'ba' zhig tu ma zad kyi/ 'o na ci zhe na/ gnas nas bden pa dang / 'gro ba dang / khams dang / rten cing 'brel par 'byung bas bsdu ba 'byung bar yang rig par bya'o/ /rang gi ngo bo nyid kyis te/ gzhan gyi dngos pos ni ma yin no/ /de nyid la rgyu bshad pa ni/gzhan gyi dngos dang mi ldan phyir/ /zhes bya ba'o/ /'di ni dngos po rnams kyi rang bzhin yin te/ 'di lta ste/ rang gi ngo bos bsdus pa'o/ /rang gi ngo bos ni zla ba'i don dang bral ba la mngon par 'dod do/ /gzhan gyi dngos pos bsdus na ni chos gcig skyes pa dang 'jig pas chos thams cad skye ba dang 'jig pa mi 'dod pa nyid du thal bar 'gyur la/rigs gcig spangs pa las thams cad spangs par 'gyur bas gong ma'i gnyen po don med pa nyid do/ /rang gi ngo bos bsdus par bstan pa'i phyir ro/ /dper na mig gi dbang po ni gzugs kyi phung po dang zhes bya ba la sogs pa rgyas par 'byung ste/gzugs kyi mtshan nyid dang rjes su 'brel ba'i phyir ro/ /mig gi skye mched dang / khams dag gis ni de dag gi rang bzhin yin pa'i phyir ro/ /sdug bsngal dang kun 'byung ba'i bden pa dag gis zhes bya ba la/ gang mi rtag pa de ni sdug bsngal lo zhes bya ba'i phyir la/sdug bsngal gyi rgyu yin pa'i phyir na kun 'byung gi bden pas bsdus so/ /de dag gi ngo bo yin pa'i phyir ro zhes bya ba ni re re dang sbyar ro/ /ji ltar zhe na/ gzugs kyi phung po'i ngo bo yin pa'i phyir ro/ /mig gi skye mched dang khams kyi ngo bo yin pa'i phyir dang / sdug bsngal dang kun 'byung ba'i ngo bo yin pa'i phyir ro//gzhan gyi dngos dang mi ldan phyir/ /zhes bya ba 'di ji ltar zhe na/ de dag gi ngo bo dang mi ldan pa'i phyir phung po la sogs pa gzhan dag gis ni ma yin no zhes bya ba smos te/ mi ldan pa'i phyir tshor ba la sogs pa'i phung po dag dang / rna ba la sogs pa'i skye mched dang / khams dag dang / 'gog pa dang lam gyi bden pa dag gis ni ma yin no/ /dper na bsdu ba'i dngos po bzhi po dag gis 'khor rnams zhes bya ba rgya cher 'byung ba la/ bsdu ba'i dngos po bzhi ni sbyin pa dang / snyan par smra ba dang / don spyod pa dang / don mthun pa'o//'khor ni dge slong dang / dge slong ma dang / dge bsnyen dang / dge bsnyen ma zhes bya ba ste/ bsdu ba'i dngos po dag gis ni 'khor rnams kyi rang gi ngo bo ma yin no/ /gzhan gyis gzhan bsdus so zhes bya ba ni mi 'dra bas so/ /res 'ga' ba yin pa'i phyir zhes bya ba la sogs pa la/res 'ga' 'byung ba ni res 'ga' ba yin la/ de'i dngos po ni res 'ga' ba nyid de/ res 'ga' ba nyid de'i phyir ro/ /brdar btags pa zhes bya ba ni tha snyad pa zhes bya ba'i don to/ /de sngar dang phyis med pas na res 'ga' ba'o/ /bsdu ba'i dngos po dag gis ni 'khor rnams bdag gir byed par zad do//'o na ni gang phung po gsum gyis lam bsdus so zhes de skad brjod ce na/ der ni bsdu ba'i sgras rjes su mthun pa tsam zhig brjod do/ /rang gi ngo bos bsdus pas ni rtag pa dang don dam pa pa yin no zhes bstan pa'i phyir ro/ /rten gyi dbye bas khams dbye ba'i dbang du byas nas 'dri ba ni/mig dang rna ba dang sna dag ces bya ba rgyas par 'byung ba'o/ /rigs dang / spyod yul dang / rnam par shes pa'i dbye bas khams dbye'i/ rten gyi dbye bas ni ma yin no zhes bstan pa'i phyir mi 'gyur te zhes bya ba la sogs pa smos so/ /de la mig la sogs pa rnams phan tshun khams tha dad pa ni rigs dang /spyod yul dang / rnam par shes pa tha dad pa las so/ /gzugs la sogs pa yul gyi khams rnams ni rigs dang / rnam par shes pa tha dad pa las so/ /rnam par shes pa'i khams drug ni rigs dang spyod yul tha dad pa las so//de lta ma yin na khams nyi shu rtsa gcig tu 'gyur ba ma yin nam zhes brjod par mi bya'i/ 'o na ci zhe na/ 'di skad du khams tshad med pa dag tu 'gyur ba ma yin zhes brjod par bya'o/ /de bzhin du rna ba dang sna dag la yang sbyar bar bya'o zhes bya ba la/ rigs 'dra ba ni so sor gnyis ka yang rna ba dang sna'i rang bzhin yin pa'i phyir ro//spyod yul 'dra ba ni sgra dang dri'i yul can yin pa'i phyir ro/ /rnam par shes pa 'dra ba ni so sor gnyis ka rna ba dang sna'i rnam par shes pa'i rten yin pa'i phyir ro/ /de nyid kyi phyir rigs dang / spyod yul dang / rnam par shes pa 'dra bas pho dang mo'i dbang po dag lus kyi khams las logs shig tu rnam par ma bzhag go//gal te mig la sogs pa rnams khams gcig nyid yin na/ ci'i phyir de rnams kyi rten gcig nyid du mi 'gyur zhe na/ de'i phyir/ mdzes bya'i phyir na gnyis 'byung ngo / /zhes bya ba smos so/ /gal te dngos po rnams 'byung ba rgyu'i dbang gis yin gyi/dgos pa'i dbang gis ma yin nam zhe na 'di ni da ltar yin pa'i phyir ro/ /ci'i phyir/ mdzes bya'i phyir na gnyis 'byung ngo / /zhes bya ba smras she na/ ji ltar da lta'i sems can so sor rigs mthun pa rnams mig la sogs pa dag gi rten tha dad pas yan lag rnam par 'byed pa'i rten la mdzes par mngon par rlom pa de bzhin du 'das pa'i dus na yang yin par gdon mi za ste/de'i phyir sred pa sngon du 'gro ba can gyi las kyis mngon par bsgrubs pa'i lus la dgongs na mdzes bya'i phyir na gnyis su 'byung ngo zhes bshad de/de bskyed pa'i las kyi gzhi bstan pa'i phyir ro/ /dper na rgyan mdzes pa la dmigs pa'i 'dun pa'i 'dod chags kyi rgyu can gyi las kyi 'bras bu yin pas mdzes par bya ba'i don du brjod pa yin no/ /'dir bshad pa/ ji ltar gdu bu la sogs la/ /mdzes bya'i don zhes brjod pa ni//mdzes 'dun bya ba yin pa ltar/ /mig sogs nyis 'gyur brjod de bzhin/ /de lta ma yin te zhes bya ba la/ gal te mig la sogs pa rten gnyis par ma gyur na ni shin tu mdzes par 'gyur te/ rten gnyis pa'i tshig la sogs pa dag la mdzes par mngon par rlom pa'i phyir ro//phung po dang / khams dang / skye mched kyi don zhes bya ba rgyas par 'byung ngo / /nges pa'i tshig gi dbang du byas na/ spungs dang skye sgo rigs kyi don/ /phung po skye mched khams rnams yin/ /zhes bya ba smos te/ 'di rnams la spungs pa dang / skye ba'i sgo dang / rigs dag yod pas na zhes tshig rnam par sbyar ro//de rnams kyang gang zhe na/ phung po skye mched khams rnams yin/ /zhes bya ba ste/ sgra rnams yin no zhes bya ba ni tshig gi lhag ma'o/ /phung po'i don ni spungs pa'i don zhes bya bar ji ltar rtogs she na/ mdo las/ de dag thams cad gcig tu bsdus te/gzugs kyi phung po zhes bya ba'i grangs su 'gro'o zhes 'byung ba'i phyir ro/ /gcig gi dngos po ni gcig nyid do/ /gzugs 'das pa ni mi rtag pa nyid kyis 'gags pa'o zhes bya ba la/ mi rtag pa nyid kyis 'gags pa smos pa ni so sor brtags pa ma yin pas 'gog pa las khyad par du bya ba'i phyir ro//ma 'ongs pa na ma byung ba'o zhes bya ba ni da ltar byung ba nyid ma thob pa'i phyir ro/ /de ltar byung ba ni byung la ma 'gags pa'o zhes bya ba la/ byung ba zhes bya ba de tsam zhig yin na ni 'das pa yang thal bar 'gyur ro/ /ma 'gags pa zhes bya ba de tsam zhig gis na ma 'ongs pa la yang 'gyur bas/thal bar 'gyur ba dgag pa'i phyir gnyis ka smos so/ /nang gi ni rang gi rgyud la yod pa'o zhes bya ba ni mig la sogs pa dang / gzugs la sogs pa'o/ /gzhan ni phyi'i 'o zhes ni gang zhig rang gi rgyud kyi las gzhan gyi rgyud kyi dang / rgyud du ma gtogs pa'o//yang na skye mched kyi sgo nas so zhes bya ba la/ mig la sogs pa nang gi skye mched lnga dang / gzugs la sogs pa phyi'i skye mched drug go/ /de'i phyir mig la sogs pa dag gzhan gyi rgyud kyi yin yang nang gi gzugs yin la/ gzugs la sogs pa dag rang gi rgyud du gtogs kyang phyi'i yin no//rags pa ni thogs pa dang bcas pa ste/ skye mched bcu'i rang bzhin no/ /phra ba ni thogs pa med de/ rnam par rig byed ma yin pa'i gzugs so/ /yang na ltos pa pa yin te/ bil ba'i gzugs ni rags pa yin la/ skyu ru ra'i gzugs ni phra ba'o/ /gal te ltos pa pa yin pa'i phyir ma grub pa ste/rnam par gnas pa med do zhe na/ ji ltar skyu ru ra'i gzugs de nyid bil ba dang rgya shug la ltos nas phra ba dang rags pa yang yin pas cung zad phra ba dang rags par rnam par gnas par mi 'gyur te/ pha rol dang tshu rol bzhin no zhe na/ ma yin te/ ltos pas tha dad pa'i phyir ro zhes bya ba la/ltos par bya bas na ltos pa'o/ /ltos pas na ltos pa ste/ des tha dad cing ltos pas tha dad de/ gzhan nyid do zhes bya ba'i don to/ /de nyid kyi phyir/ gang la ltos te rags pa yin pa ni nam du yang de lta ltos nas phra ba ma yin te zhes bya ba smos te/ ji ltar rgya shug la ltos te bil ba'i gzugs rags pa yin pa ni yang rgya shug la ltos nas phra ba ma yin pa lta bu'o//pha dang bu bzhin no zhes bya ba la/ dper na lhas blangs te de nyid du bu la ltos te pha zhes brjod cing pha la ltos nas bu zhes bya la/ ltos pas tha dad pa'i phyir 'di'i pha dang bu'i dngos po mi 'grub pa yang ma yin pa de dang 'dra'o//ngan pa ni nyon mongs pa can te/ bsgribs pa dang mi dge ba'o/ /gya nom pa ni nyon mongs pa can ma yin pa ste/ dge ba dang ma bsgribs la lung du ma bstan pa'o/ /ring ba ni 'das pa dang ma 'ongs pa ste/ phan tshun du da ltar bas chod pa'i phyir ro/ / nye ba ni da ltar byung ba ste/ gnyis ka dang nye ba'i phyir ro/ /rnam par shes pa'i bar du yang de dang 'dra zhes bya ba la/ tshor ba dang / 'du shes dang / 'du byed gang ci yang rung / 'das pa dang / ma 'ongs pa dang / da ltar byung ba'am/ nang gi 'am/ phyi'i 'am/ rags pa'am/ phra ba 'am/ ngan pa 'am/gya nom pa 'am/ thag ring ba na yod pa gang yin pa 'am/ nye ba na yod pa gang yin pa de dag thams cad gcig tu bsdus te/ rnam par shes pa'i phung po zhes bya ba'i grangs su 'gro zhes bya bar ro/ /de la rags pa dang phra ba ma gtogs pa 'das pa la sogs pa rnams ni de kho na ltar bstan to//de nyid kyi phyir/ 'di ni khyad par yin te zhes bya ba smos so/ /rags pa ni dbang po lnga la brten pa'o zhes bya ba ni rten gyis rjes su byed pa'i phyir te/ rten yang rags pa nyid kyi phyir ro/ /phra ba ni yid las byung ba'o zhes bya ba la/ yid las srid pa ni yid las byung ba ste/ yid kyi dbang po la rten zhes pa'i don te/ma bsags pa dang thogs pa med pa'i rten can yin pa'i phyir ro/ /yang nas las zhes bya ba la/ 'dod pa'i khams la sogs pa'i sa dag las/ sa 'og ma pa'i tshor ba la sogs pa dag ni rags pa yin la/ gong ma'i sa pa ni phra ba'o/ /de ltar byas dang 'dod pa na spyod pa dag ni rags pa kho na yin la/srid pa'i rtse mo pa dag ni phra ba kho na yin zhing / gzhan na yod pa ni gnyis ka yin no/ /'das pa dang ma 'ongs pa ni rang gi sgras brjod pa yin bzhin du ring por sgro btags pa dang / ngan pa dang gya nom pa'i don yongs su ma rgyas par ma rangs pas zhe'o zhes bya ba smos so//btsun pa zhes bya ba ni dpe ston pa gnas brtan chos skyob bo/ /dbang po lngas gzung bar bya'o zhes bya ba ni phyi'i skye mched lnga'o/ /gzhan ni phra ba'o zhes bya ba ni yid kyi dbang po'i gzung bar bya ba ste/ de yang mig la sogs pa skye mched gzugs can rnams dang / rnam par rig byed ma yin pa'o/ /ngan pa ni yid du mi 'ong ba'o zhes bya ba ni yid dang mi mthun pa'o/ /de ni yid du mi 'ong bar byed pa ma yin te/ dga' bar byed pa ma yin pa'i phyir ro/ /gya nom pa ni yid du 'ong ba'o zhes bya ba ni yid dang mthun pa ste/ de ni yid du 'thad pa'i phyir yid du 'ong bar byed do//de ltar na dor ba'i don gyis na ngan pa yin la/ tshim par byed pa'i don gyis na gya nom pa'o/ /ring ba ni yul mi snang ba can no zhes bya ba'i rten gyi yul gyi dbang du byas nas yin te/ 'ga' zhig nye yang phra ba'i phyed mi snang bas yul smos so/ /cung zad cig nye ba yin yang chad pa'i phyir yang yul mi snang ba can du 'gyur mod kyi/de'i rten de na gnas pa nyid kyis lta bar nus pas kri t+ya'i rkyen ni nus pa'i don la rig par bya'o/ /nye ba ni yul snang ba can zhes bya ba la skar ma la sogs pa cung zad cig ni ring yang snang ba de'i phyir yul snang ba can no zhes bya ba smos so/ / yang rgyu ci'i phyir btsun pas bye brag tu smra bas bshad pa'i ring ba dang nye ba las rnam pa gzhan du ring ba dang nye bar bstan ce na/ de'i phyir 'das pa la sogs pa rang gi ming gis bstan pa'i phyir te zhes bya ba smos te/ 'di ltar cung zad cig rang gi sgras rab tu dbye ba smras pa ni rab tu dbye ba gzhan gyi mtshan nyid las 'jug pa ma yin te/tha mi dad par 'gyur ro zhes bya bar dgongs so/ /de dag gi nye ba dang ring ba dag ni zhes bya ba la/ tshor ba la sogs pa yul mi snang ba la brten pa ni ring ba yin la/ yul snang ba la brten pa ni nye ba'o/ /rags pa dang phra ba nyid ni snga ma bzhin no zhes bya ba ni ji skad du bye brag tu smra ba rnams kyi rags pa ni dbang po lnga la brten pa'o//phra ba ni yid las byung ba'o/ /yang na sa las rig par bya'o zhes bshad pa lta bu'o/ /yang rgyu ci'i phyir gzugs rnam pa bcu gcig rnam par gzhag ce na/ srid pa rnam pa bcu gcig gi dmigs pa yin par bstan par bya ba'i phyir ro//srid pa rnam pa bcu gcig ni lta ba'i sred pa dang / mngon par dga' ba'i sred pa dang / lhag par zhen pa'i sred pa dang / bdag gi dngos po la sred pa dang / yul la sred pa dang / 'dod pa la sred pa dang / snyoms par 'jug pa'i sred pa dang / nyes par spyad pa'i sred pa dang /legs par spyad pa'i sred pa dang / ring ba'i sred pa dang / nye ba'i sred pa zhes bya ba ste/ 'di dag ni go rims ji lta ba bzhin du gzugs rnam pa bcu gcig la dmigs par rig par bya'o/ /sems dang sems las byung ba rnams skye ba'i sgo'i don ni skye mched kyi don te zhes bya ba la/ gang las rtogs she na/ nges pa'i tshig las so/ /de nyid kyi phyir/ nges pa'i tshig tu na sems dang sems las byung ba rnams zhes rgyas par 'byung ngo / /skye ba ni 'ong ba la brjod de/ sems dang sems las byung ba rnams skye zhing bdag gi dngos por red pa'o/ /de'i phyir de dag ni sems dang sems las byung ba rnams skye ba mched par byed pas na skye mched de mched par byed rgyas par byed/bdag gi dngos por red pa rgyun du gnas par byed ces bya ba'i don to/ /rigs kyi don ni khams kyi don te zhes bya ba la/ gang la khong du chud ce na/ rigs su 'dra ba'i phyir ro/ /de nyid kyi dper na ri 'ga' zhig la zhes bya ba rgyas par 'byung ste/dper na gser la sogs pa'i sa gzhi rigs la khams zhes brjod pa lta bu'o/ /de bzhin du rten zhes bya ba rgyas par 'byung ste/ lus sam sems dang sems las byung ba'i rgyun la'o/ /yang na rten cig ces brjod na skad cig ma nyid la gnas par 'gyur bas de'i phyir/rgyun zhes bya ba smos so/ /rigs bco brgyad dag yod pa ste/ sa bon bco brgyad yod pa la khams bco brgyad ces bya'o/ /skal ba mnyam pa'i rgyu yin pa'i phyir ro zhes bya ba la/ /mig gi dbang po sngar skyes pa ni mig gi dbang po phyis skyes pa dang ma skyes pa'i skal ba mnyam pa'i rgyu yin te/de bzhin du gzhan la yang brjod par bya'o/ /'dus ma byas khams ma yin par 'gyur ro zhe na zhes bya ba la/ snga ma dang phyi ma nyid med pa'i phyir te/ de ni 'ga'i yang skal ba mnyam pa'i rgyu ma yin pa'i phyir ro/ /'o na ni sems dang sems las byung ba rnams kyi dmigs pa dang bdag po'i rkyen du gyur pa'i phyir 'dus ma byas kyang 'byung gnas nyid du grub bo//de lta na yang der skye mched dang khams kyi don dbyer med par 'gyur te/ gnyis ka yang sems dang sems las byung ba'i 'byung gnas su gyur pa'i phyir ro//de'i phyir gzhan dag na re khams zhes bya ba'i sgra 'di ni rigs kyi tshig yin no zhes zer te/ dper na gser la sogs pa'i rigs rnams phan tshun rigs tha dad pa de bzhin du mig la sogs pa dag kyang yin no/ /de ltar na rigs su 'dra bas khams kyi sgra 'di ni rigs kyi tshig yin no/ / rang bzhin zhes bya ba la/ rang bzhin ni rigs gzhan rnam par bcad pa'i sgo nas rang gi dngos po ste/ de ltar byas dang 'dus ma byas la yang khams su bsnyad pa kha na ma tho ba med par grub bo/ /bye brag tu smra ba rnams kyis skye mched dang khams ltar phung po yang rdzas su 'dod la/ spungs pa yang rdzas su ma 'dus pa'i bdag nyid can yin pas rdzas su yod pa la spungs pa nyid mi srid do snyam ste/'dri ba ni/ gal te spungs pa'i don phung po'i don yin na zhes bya ba'o/ /spungs pa dang gang zag bzhin no zhes bya ba la/ ji ltar 'bru la sogs pa rdzas du ma 'dus pa'i phyir la/ 'bru la sogs pa bsal na de'i blo med pa'i phyir spungs pa'i btags pa yod pa ma yin pa'i phyir rdzas su ma yin la/ de bzhin du/ ji ltar yan lag tshogs las ni/ /shing rta'o zhes ming btags pa de bzhin du phung po la brten nas/ kun rdzob tu ni sems can brjod/ /ces bya ba'i lung las na gzugs la sogs pa'i phung po 'dus pa kho na gang zag yin gyi/rdzas su ma yin pa de bzhin du 'das pa dang / ma 'ongs pa dang / da ltar byung ba la sogs pa'i rdzas sna tshogs pa'i bdag nyid can yin pa'i phyir phung po rnams kyang btags pa'i yod par 'gyur na/ de khyed cag gi 'dod pa yang ma yin pas phung po'i don gzhan zhig brjod par bya dgos so//'di la lan smras pa ni ma yin te/ rdzas kyi zhes bya ba la sogs pa ste/ rdul phra rab gcig tu yang phung por brjod de/ gzhan du na phung po rnams rang bzhin med pa'i phyir phung po rnams kyi skye mched dang khams ltar/ chos rnams kyi rang bzhin bsdus par mi 'gyur la/ de bzhin du mi rtag pa dang / sdug bsngal ba dang / stong pa dang / bdag med pa dang / spangs pa dang / yongs su shes pa la sogs pa rab tu yang mi 'gyur ro/ /smras pa/ phung rnams btags par yod nyid na/ des chos bsdus par mi 'gyur zhing //mi rtag nyid kyang ma yin la/ /yongs shes spangs pa nyid kyang min/ /gang gi phyir rdul phra rab gcig pu yang de dang der phung po yin pa'i phyir ro zhes lan smras so/ /'o na spungs pa'i phung po'i don ni phung po'i don no zhes brjod par mi bya ste/ 'dir don ni rdzas kyi rnam grangs yin pa'i phyir spungs pa la don mi 'thad la/spungs pa'i nye bar len pa dag don yin gyi/ spungs pa nyid ni ma yin no/ /rdul phra rab gcig po yang dus gsum gyis bsdus pa'i phyir blos mngon par bsdus pa'i sgo nas spungs pa nyid 'thad pas phung po rnams btags pa'i yod pa yang ma yin no zhe na/de ltar na yang mdo dang 'gal ba ni gcig pu la spungs pa nyid med pa'i phyir ro zhes bya ba ste/ de dag thams cad gcig nyid du bsdus te zhes 'byung ba'i phyir ro/ /gzhan dag na re khur khyer ba'i don tam zhes bya ba la/ bya ba nyid khur yin pa ni bya ba'i khur ro/ / khyer ba ni de la rag las pa nyid de/ de la rag las shing bdag nyid rnyed ces bya ba'i don to/ /'di ltar lus kyi phyogs gang zhig khur khyer bar nus pa phrag pa yin la/ 'dir yang bya ba'i khur khyer ba'i don ni phung po'i don yin no/ /gang zhig gang gi khur yin zhe na/ re zhig thun mong du ni phung po lnga po rnams kyi skye mched drug yin te/ji skad du/ ming dang gzugs kyi rkyen gyis skye mched drug ces bshad pa lta bu'o/ /tshor ba ni sred pa ste/ tshor ba'i rkyen gyis sred pa zhes 'byung ba'i phyir ro/ /'du shes dang 'du byed rnams kyi ni skye mched drug nyid de/ ming dang gzugs kyi rkyen gyis skye mched drug ces 'byung ba'i phyir dang /tshor ba dang 'du shes rnams kyang ming gis bsdus pa'i phyir ro/ /rnam par shes pa'i yang ming dang gzugs te/ rnam par shes pa'i rkyen gyis ming dang gzugs zhes 'byung ba'i phyir ro/ /de'i phyir de ltar na rdzas gcig kyang phung po nyid du sgrub la/tshogs pa rnams kyi nang nas re re yang phung por grub pa dang bya ba'i khur khyer ba'i don ni phung po'i don to/ /yongs su chad pa'i don ni zhes bya ba la/ ci zhig ce na/ phung po'i don te/ ji ltar zhe na/ 'dir smra ba po zhes bya ba rgyas par smos te/ rdul phra rab gcig kyang blos gcad par bya bar nus pas phung po rnams rdzas su yod pa yin gyi/btags par ma yin no/ /de ni mdo dang 'gal lo zhes bya ba ni bya ba'i khur khyer ba'i don nam/ yongs su chad pa'i don ni phung po'i don te zhes bya ba'o/ /ci'i phyir zhe na/ de'i phyir/ mdo las ni spungs pa'i don kho nar gsungs te zhes bya ba smos so//ji ltar zhe na/ bstan pa'i phyir/ gzugs gang ci yang rung 'das pa'am/ ma 'ongs pa'am zhes rgyas par smos so/ /der ni gzugs 'das pa la sogs pa so sor phung po nyid yin par shes te zhes bya ba la/ der ni mdor ro//ji ltar zhe na/ gzugs 'das pa la sogs pa thams cad re re zhing gzugs kyi phung po yin no zhes bya ba smos te/ dper na sa'i khams gang zhe na/ skra dang / spu dag dang zhes bya ba rgyas par gsungs te/ skra la sogs pa rnams re re zhing sa'i khams nyid du shes pa bzhin no/ / de ltar shes par mi nus te zhes bya ba rgyas par 'byung ste/ so so re re phung po nyid yin na de thams cad gcig tu bsdus nas zhes 'chad par mi 'gyur te/ 'o na ci zhe na/ de thams cad phung po'o zhes 'chad par 'gyur ro/ /de'i phyir sngar gang smras pa de dag nyid mjug sdud pa ni/ de lta bas na phung po dag ni spungs pa bzhin du btags pa'i yod pa yin no zhes bya ba'o/ /thal bar 'gyur ba'i sgo nas phung po rnams btags pa'i yod pa nyid bzlog par 'dod pas na/ de ltar na skye mched gzugs can rnams zhes bya ba rgyas par smos te/ thogs pa med pa'i skye mched bkag ste bcu char yang bzung ngo / / mig la sogs pa'i rdul phra rab mang po rnams skye ba'i sgor gyur pa'i phyir ro zhes bya ba ni btags pa'i yod pa nyid la rgyu sgras smras pa ste/ rnam par shes pa'i tshogs lnga ni bsags pa la brten pa dang / dmigs pa yin pa'i phyir ro/ /mig gi dbang po'i rdul phra rab dang / kha dog gi rdul phra rab mang po bsags pa kho na rten dang dmigs pa'i ngo bo'i mig gi rnam par shes pa mtshungs par ldan pa dang bcas pa'i skye ba'i sgor gyur te/lus kyi skye mched dang reg bya'i skye mched kyi bar du yang de dang 'dra'o/ /de'i phyir rdzas du ma 'dus pa'i phyir mig la sogs pa'i skye mched rnams rdzas su yod pa nyid ma yin te/tshogs pa rnams re re nas rgyu'i ngo bor gyur pa'i phyir zhes bya ba la/ gang mang po rnams skye ba'i sgor gyur pa'i phyir ro zhes pa de ltar na khas mi len te/ gang gi phyir tshogs pa thams cad kyang re re ste/ so so nas rgyur 'gyur te/ mig la sogs pa'i rnam par shes pa rnams rdul phra rab re re la brten pa'i phyir dang /rdul phra rab re re la dmigs pa'i phyir ro/ /ci ste ci'i phyir bsags pa kho na rten yin zhing bsags pa kho na dmigs pa yin snyam du sems na/ tshogs pa lhan cig byed pa la ltos pa rnams rgyur gyur pa'i phyir te/ de rnams re re skye mched nyid du grub la/ rigs dang / spyod yul dang / rnam par shes pa 'dra ba'i phyir ni gcig tu byas so/ /'di snyam du de nyid kyi phyir rdzas du ma 'dus pa nyid mi 'da' ste/ ltos pa dang bcas pa rnams rgyu yin pa'i phyir ro/ /'di ltar gal te re re zhing skye mched du 'gyur na ni gzugs can ma yin pa'i skye mched ltar gnyis pa la mi ltos par 'gyur ba zhig go snyam na/'di'i lan du/ yul lhan cig byed pa'i phyir zhes bya ba rgyas par smos so/ /gal te lhan cig byed pa la ltos pa dang bcas pa rnams rgyur gyur pa'i phyir dbang po'i rdul phra rab rnams re re nas skye mched nyid du mi 'dod na/ de lta na mig la sogs pa dbang po'i gzugs la sogs pa dag las logs shig tu skye mched du mi 'gyur ro//ci'i phyir zhe na/ yul lhan cig byed pa'i phyir te/ yul la ltos pa med pa'i dbang po 'ba' zhig sems dang sems las byung ba rnams kyi skye ba'i sgor mi 'gyur la/ khyod kyi ltar na mig gi dbang po gzugs la sogs pa dag las logs shig tu skye mched du mi 'gyur ba yang ma yin te/mdo las/ skye mched bcu gnyis so zhes 'byung ba'i phyir ro/ /de ltar na mig la sogs pa'i rdul phra rab rnams kyang so sor skye mched yin no zhes bya bar shes so//bye brag tu bshad pa las ni zhes bya ba 'dis phung po rnams btags pa'i yod pa yin no zhes ston par byed do/ /phung po btags pa'i yod par lta na ni zhes bya ba ni phung po btags pa'i yod par rnam par spyod na ni zhes bya ba'i don te/ ma bltas par ni spungs pa bzhin du gcig gi ngo bor mi rigs so//rdul phra rab khams gcig ces bya ba ni gzugs can bcu las gang yang rung ba'o/ /skye mched gcig ces bya ba ni gzugs can rnams las gang yang rung ba'o/ /phung po gcig gi zhes bya ba ni phung po lnga las gzugs kyi phung po'o/ /phyogs cha ni cha shas te/ rdzas kyi rdul phra rab kyi dbang du byas pa'i phyir ro//'on te mi lta na ni zhes bya ba la/ ci zhe na/ phung po btags pa'i yod par ro/ /de rdul phra rab khams gcig dang skye mched gcig ces bya ba 'dir ni gtso bo'i sgra ste/ gang gi phyir rdul phra rab re re yang skye mched dang / khams nyid du mi 'gal ba'i phyir ro/ / gang phung po gcig yin no zhes bya ba 'di ni phal pa'i rtog pas yin te/ de nyid kyi phyir/ phyogs yin yang phyogs can bzhin du nye bar 'dogs pa ste/ tha snyad du 'dogs pa yang yod de zhes bya ba smos so/ /de la phyogs ni rdul phra rab bo/ /phyogs can ni gzugs kyi phung po'o/ /de nyid la 'jig rten la grags pa'i dpe smos pa ni/dper na ras yug gi phyogs gcig zhes bya ba rgyas par 'byung ba'o/ /la ba la sogs pa tshig pa dgag pa brjod par 'dod pa dang / ma tshig pa dgag pa brjod par 'dod pa'i tshe/ ras yug gi phyogs gcig tshig pa la ras yug tshig go zhes brjod kyi/ril dang phyogs gcig tshig pa brjod par 'dod pa'i tshe ni ma yin pa de bzhin du 'dir yang phung po gzhan dag pa brjod pa dang / phung po ma yin pa dgag pa brjod par 'dod pa'i tshe/ phung po'i phyogs gcig la phung por 'dogs so/ /bsdus pa'i don ni re zhig gzugs ni gcig tu rdzas su yod pa yin la/gzugs kyi phung po ni dgongs pas yin no/ /gal te gzugs nyid phung po yin pas gzugs kyi phung po yin na ni gzugs kyi phung po rdzas su yod pa yin la/ 'on te gzugs kyi phung po'i gzugs rnams kyi phung po yin na ni de'i phyir btags pa'i yod pa'o zhes bya ba 'di yin no//phung po dang / khams dang / skye mched dag gi bstan pa tha dad pa ci dgos te/ chos tha dad pa med pa'i phyir ro zhes 'dri ba ni/ yang ci'i phyir bcom ldan 'das zhes bya ba rgyas par 'byung ba'o/ /bde bar gshegs pa'i dgongs pa ni shes par dka' mod kyi/rtog ge ba las ni 'di ltar snang ste/ gdul ba rnams kyi/ rmongs dbang 'dod rnam gsum gyi phyir/ /zhes bya ba rgyas par 'byung ba'o/ /rnam gsum gyi sgra ni re re dang sbrel bar bya ste/ rmongs pa rnam pa gsum gyi phyir/ /zhes bya ba nas 'dod pa rnam pa gsum gyi bar gyi phyir ro//sems can rnams kyi rmongs pa ni rnam pa gsum ste zhes bya ba la/ kha cig ni sems las byung ba rnams la smos so/ /ji ltar zhe na/ ril po'i bdag tu 'dzin pas zhes bya ba ste/ sems las byung ba rnams ril por bzung ste/ phyis bdag tu 'dzin pas tshor ba dang / 'du shes dang /'du byed phan tshun tha dad pa dag kyang gcig nyid du bzung nas bdag tu mngon par zhen te/ de'i phyir de dag la bdag tu 'dzin pa ril por 'dzin pa sngon du 'gro ba can de'i gnyen por bstan pa brtsams so/ /de ltar na tshor ba la sogs pa'i dbye ba bstan pa'i gcig tu 'dzin pa log pa dang / bdag tu 'dzin pa yang ldog par 'gyur te/ de mngon du 'gro ba can yin pa'i phyir ro/ /kha cig ni gzugs kho na la'o zhes bya ba la/ ril por 'dzin pas rmongs so zhes bya bar sbyar ro/ /ji skad du/ phra ba bas kyang ches phra ba chen po bas kyang ches che ba zhes bya ba la sogs pa smras pa lta bu ste/ rmongs pa de'i gnyen por gzugs nyid rnam pa bcu dang / sems dang sems las byung ba dag kyang re re zhing skye mched nyid du phye'o/ /de ltar na ril po phye bas ril por 'dzin pa sngon du 'gro ba can gyi bdag tu 'dzin pa yang ldog par 'gyur ro/ /kha cig ni gzugs dang sems dag la ste/ rmongs so zhes bya bar snyegs so//de dag ni rmongs pa ldog par bya ba'i phyir khams bstan pa las gzugs rnam pa bcu dang / sems rnam pa bdun du phye nas bstan to/ /de la sems las byung ba dag la rmongs pa gang yin pa de ni rmongs pa'i rnam pa chung ba yin te/ dngos po phra ba dang rigs mthun pa la rmongs pa'i phyir ro/ /gang zhig gzugs la rmongs pa de ni rmongs pa'i rnam pa 'bring po yin te/ dngos po rags shing rigs mthun pa la rmongs pa'i phyir ro/ /gang zhig gzugs dang sems dag la rmongs pa de ni rmongs pa'i rnam pa chen po yin te/ dngos po phra ba dang /rags pa dang / rigs mthun pa dang / mthun pa ma yin pa la rmongs pa'i phyir ro/ /de ltar na phung po bstan pa 'dis 'jig tshogs la lta ba ril por 'dzin pa sngon du 'gro ba can bzlog cing / de sngon du 'gro ba can gyi nyon mongs pa rnams kyang spangs pa yin no/ /grag go'i sgra ni lugs gzhan bsal bar bya ba'i phyir ro//bstan bcos gzhan dag las phung po la sogs pa bstan pa la dgongs nas gzhan bstan te/ go rims ji lta ba bzhin du gcig pa nyid dang / byed po nyid dang / za ba po nyid du 'dzin pa bsal ba'i sgo nas phung po la sogs pa bstan te/ de dag la bdag tu 'dzin pa ni gcig pa nyid du 'dzin pa la sogs pa sngon du 'gro ba can yin pa'i phyir ro//dbang po dag kyang rnam gsum ste/ /zhes bya ba la/ 'dir dbang po dag ni dad pa la sogs pa'o/ /de la gang zag dbang po rnon po'i dbang du byas nas ni phung po bstan te/ de ni dbang po rnon po'i phyir phung po'i dbye ba kho nas skye mched dang khams kyi dbye ba rtogs par nus so//gang zag dbang po 'bring po'i dbang du byas nas ni skye mched bstan te/ dbang po 'bring po yin pa'i phyir bar ma skye mched kyi rab tu dbye bas khams dbye ba rtogs par nus so/ /gang zag dbang po rtul po'i dbang du byas nas ni khams bstan te/de ni dbang po rtul ba'i phyir ma bshad par rang gi blo'i nus pas mi rtogs so/ /de'i phyir de ltar na thams cad la phan gdags par byas nas 'gyur ro/ /'dod pa yang rnam pa gsum ste zhes bya ba la/ 'dod pa ni mos pa'o/ /de la gzhung bsdus pa 'dod pa'i gang zag gi dbang du byas nas/phung po bstan te/ de ni brjod bya nyung ba'i phyir ro/ /gzhung bar ma la dga' ba'i gang zag gi dbang du byas nas skye mched bstan la/ gzhung rgya chen po 'dod pa'i gang zag gi dbang du byas nas ni khams bstan to/ /yang ci'i phyir de dag de ltar 'dod par gyur zhe na/sngon goms pa'i sbyor ba las te/ gzhan du mos pa rnams la gzhan du chos bstan pa ni yid mi ches pa'i rgyur 'gyur ba kho na 'ba' zhig tu zad pas gdul ba'i mos pa'i khyad par las phung po la sogs pa'i sgo nas rnam pa gsum bstan to/ /yang ci'i phyir zhes bya ba rgyas par 'byung ste/bsam pa ci zhig ce na/ tshor ba dang 'du shes bzhin du sems pa la sogs pa rnams kyang logs shig tu phung po rnam par gzhag pa ci ste ma byas/ yang na sems pa la sogs pa ltar tshor ba dang / 'du shes gnyis kyang gcig tu ci'i phyir ma bzhag pa'i rgyu brjod par bya'o snyam pa'o//rtsod pa'i rtsa bar gyur pa dang 'khor ba'i rgyu phyir zhes bya ba rgya cher smos so/ /rtsod pa'i rtsa ba dag ni gnyis te/ 'dod pa la lhag par chags pa dang / lta ba la lhag par chags pa'o zhes bya ba la/ khyim pa dang rab tu byung ba rnams ni phal cher go rims ji lta ba bzhin du 'dod pa dang lta ba dag la 'dun par 'dod chags dag 'dod par bya bas na 'dod chags dag ste/gzugs la sogs pa yul rnams so/ /de dag la lhag par chags pa ni 'dun pa'i 'dod chags so/ /lta ba dag ni 'jig tshogs la lta ba la sogs pa rnams so/ /de dag la lhag par chags pa ni 'dun pa'i 'dod chags kho na'o//de gnyis kyi rgyu'i gtso bo ni go rims bzhin du tshor ba dang 'du shes dag ste zhes bya ba la/ de gnyis kyi ni 'dod pa dang / lta ba la lhag par chags pa'i mtshan nyid can rtsod pa'i rtsa ba gnyis kyi'o/ /gtso bo smos pa ni ma rig pa la sogs pa rnams kyang de gnyis kyi rgyur 'gyur bas so//tshor ba ro myong ba'i dbang gis ni zhes bya ba la ro myang dam pas na zhes bshad pas na tshor ba nyid ro myang ba yin pas na tshor ba ro myang ba'o/ /de ni ro mngar ba dang 'dra ba'i phyir ro myang ba ste/ de'i dbang gis 'dun pa'i 'dod chags kyi sgo nas 'dod pa la mngon par zhen pa yin no/ /de ltar na 'dod pa la lhag par zhen pa'i rgyu'i gtso bo ni tshor ba yin no//'du shes phyin ci log gi dbang gis ni lta ba rnams la'o zhes bya ba la/ ci zhe na/ mngon par zhen la zhes bya ba skabs su bab par zad de/ chos ma yin pa la chos su 'du shes pa dang / bdag med pa la sogs pa dag la bdag tu 'du shes pa ni tshul khrims dang brtul zhugs mchog tu 'dzin pa dang /'jig tshogs dang / mthar 'dzin par lta ba dang / log par lta ba dang / lta ba gcig tu 'dzin par lta ba de dang / de dag la mngon par zhen no/ /gang gi tshe bden pa mthong ba rnams la 'du shes yod kyang phyin ci log med pas lta ba la mngon par zhen pa yod pa ma yin te/de'i phyir gang gis 'du shes phyin ci log tu byas pa de nyid lta ba la mngon par zhen pa'i rgyu yin te/ de yod pa dang med pa dag gis yod pa dang med pa'i phyir ro zhe na/ de ni de lta ma yin te/ mi gsal ba'i bdag nyid kyis mun pa dang bral ba'i phyir na phyin ci log tu rtogs pa'i rgyu ma rig pa ni lta ba la mngon par zhen pa'i rgyu ma yin gyi/ gang zhig de dang 'dres shing mtshan mar 'dzin pa'i rnam pa can gyi 'du shes de ni rgyu yin no/ /smras pa/ 'dam bying nya ni yang yang 'phar ba yis//chu ni rnyog par byed pa ji bzhin du/ /ma rig pa dang rjes 'brel 'du shes kyis/ /rig pa sun 'byin byed pa'ang de dang 'dra/ /de'i phyir 'du shes phyin ci log gi dbang gis ni lta ba dag la mngon par zhen to zhes bya ba 'di rigs so/ /tshor ba la zhen pa ni tshor ba la chags pa'o/ / 'du shes phyin ci log tu gyur pa ni phyin ci log tu mtshan mar 'dzin pa las so/ /de la tshor ba la zhen cing sred pa la spyod pa ni 'khor ro/ /'du shes phyin ci log tu gyur pa ni lta ba la spyod pa'o/ /tshor ba la zhen pa dang phyin ci log bzhis 'du shes phyin ci log tu gyur pa kho na nying mtshams sbyor ba'i tshe 'khor te/ji skad du/ blo ni phyin ci log gyur pas/ /rtse dgas 'gro ba'i yul du 'gro/ /zhes bshad pa lta bu'o/ /de ni zhes bya ba ni phung po'i go rims kyi rgyu de'o/ /de nyid du bshad par bya'o zhes bya ba ni/ rim ni rags dang kun nyon mongs/ /snod sogs don rnams ji bzhin no/ / zhes bya bar ro/ /phung po dag gis 'dus byas thams cad bsdus so zhes gong du bshad pa de'i phyir/ 'o na ci'i phyir zhes bya ba la sogs pa dri ba smos so/ /phung po dag tu 'dus ma byas/ /don du mi rung phyir ma bshad de/ phung po dag tu 'dus ma byas 'chad pa na/ de dag kho na'i khongs su sdud par ram/de dag las tha dad par dag pa gzhan zhig tu rnam par 'jog/ /de yang nye bar len pa'i phung po dag gam/ phung po dag gi khongs su bsdus grang na/ rnam pa thams cad du yang mi rung ngo / /ci'i phyir zhe na/ don du mi rung ba'i phyir ro/ /re zhig phung po dag gi khongs su bsdu bar ni mi nus te/de dag gi nye bar len pa'i don mi rigs pa'i phyir ro/ /de dag gi nye bar len pa ni gzugs dang / tshor ba dang / 'du shes dang / 'du byed dang / rnam par shes pa dag yod na/ 'dus ma byas ni gzugs la sogs pa'i bdag nyid kyang ma yin te/ji ltar de'i bdag nyid ma yin pa de gzugs la sogs pa'i phung po dag gis bsdu bar rigs/ de nyid kyi phyir de de gzugs ma yin zhing rnam par shes pa'i bar du yang ma yin pas zhes bshad do/ /'di skad du/ de ni gzugs su rung ba'i don gyis gzugs ma yin la/ myong ba'i don gyis tshor ba ma yin zhing /'dus te shes pa'i don gyis 'du shes ma yin la/ mngon par 'du byed pa'i don gyis 'du byed ma yin zhing / rnam par rig pa'i don gyis rnam par shes pa ma yin no zhes bstan par 'gyur ro/ /phung po drug par brjod pa yang mi nus so/ /ci'i phyir zhe na/don du mi rung ba'i phyir te/ phung po'i don du mi rigs pa'i phyir ro/ /de nyid kyi phyir/ phung po'i don ni spungs pa'i don to zhes bshad na 'dus ma byas ni zhes bya ba rgya cher smos so/ /de'i phyir phung po dag tu 'dus ma byas ma bshad de/ spung bar byed pa ni phyogs nas 'gugs pa'am/dus las 'gugs pa zhig gi yin grang na/ gnyis ka yang 'dus ma byas phyogs dang dus su ma gtogs pa la srid pa ma yin no/ /yang kun nas nyon mongs pa'i gzhi shes par bya ba'i phyir zhes bya ba la/ gzhi'i sgra ni 'dir rgyu'i rnam grangs te/ zag pa dang bcas pa rnams ni kun nas nyon mongs pa'i rgyu yin pa'i phyir ro//bya ba'i phyir sgra ni 'dir dgos pa'i tshig go/ /kun nas nyon mongs pa dang rnam par byang ba'i gzhi shes pa'i phyir zhes bya ba ni zag pa dang bcas pa rnams kun nas nyon mongs pa'i rgyu yin pa'i phyir la/zag pa med pa rnams rnam par byang ba'i rgyu'i phyir yin na/ 'dus ma byas ni gnyis ka yang ma yin no/ /kun nas nyon mongs pa rgyas par yang mi 'gyur ba'i phyir kun nas nyon mongs pa'i rgyu ma yin te/ zag pa med pa'i phyir ro/ /lam gyi bdag nyid ma yin pa'i phyir rnam par byang ba'i gzhi ma yin te/'dis rnam par byang bar byed pas na rnam par byang ba ste/ lam la mngon par 'dod do/ /kha cig na re ji ltar bum pa chag pa bum pa ma yin pa zhes bya ba rgyas par 'byung ba la/ bum pa chag pa zhes bya ba ni bum pa 'gags pa ste/ bum pa ma yin pa de bzhin du phung po zhig pa ste/phung po 'gags pa so sor brtags pa dang / so sor brtags pa ma yin pas 'gog pa gnyis kyang phung po ma yin no/ /nam mkha' ni gcig kho na yin pa'i phyir phung po ma yin no zhes zer ro/ /de dag gi ltar na khams dang skye mched dag la yang de ltar thal bar 'gyur ro zhes bya ba la/ji ltar bum pa chag pa bum pa ma yin pa de bzhin du khams dang skye mched zhig pa yang khams dang skye mched yin par mi 'os so zhes bya bar ro/ /phung po rnams kyi rnam pa gzhan bshad zin to zhes bya ba la/ skye mched dang / khams dag las rnam pa gzhan du brjod pa'i phyir te/phung po dag tu 'dus ma byas ma bshad do zhes bya ba'i don to/ /da ni go rims lhag mar lus pa de brjod par bya ste/ sangs rgyas rnams la dgongs pa mngon du ma btang ba'i chos ston pa mi mnga' zhing / dgongs pa yang 'dir gsal bar ma byas pa de'i phyir/rim ni rags dang kun nyon mongs/ /zhes bya ba la sogs pa smos so/ /gzugs ni thogs pa dang bcas pa'i zhes bya ba la/ tshor ba la sogs pa thams cad pas rags te/ tshor ba la sogs pa dag ni thogs pa med pa'i phyir phra'o/ /gzhan dag na re rnam par shes pa'i tshogs lnga'i rten yin pa'i phyir dang /rnam par shes pa'i tshogs dug gi yul yin pa'i phyir rags so zhes zer ro/ /gzugs can ma yin pa rnams kyi nang na yang nga zhes bya ba la sogs pa la/ tshor ba ni rgyu ba rags pa'i phyir te zhes bya ba ni lus med kyang rtogs par ches sla ba'i phyir te/de nyid kyi phyir 'di ltar nga'i lag pas zhes bya ba rgyas par 'byung ngo / /'du shes ni gnyis pas ches rags pa'o zhes bya ba ni 'du byed dang / rnam par shes pa gnyis pas te/ de'i bya ba rtogs par ches sla ba'i phyir ro/ /'du shes ni skyes pa dang bud med la sogs pa'i mtshan ma 'dzin pa'o//rnam par shes pa pas ni 'du byed de ci zhe na/ rags te 'dod chags la sogs pa'i kun du spyod pa te por gsal bar rtogs pa'i phyir ro/ /thams cad pas phra ba'i phyir na rnam par shes pas ni mthar te/ 'dul ba rnams gzud pa dang rjes su mthun pa'i phyir na rigs pa ji lta ba bzhin go rims yin no//yang na thog ma med pa can gyi zhes bya ba rgyas par 'byung ba la/ mo ni pho'i gzugs la mngon par dga' la/ pho yang mo'i gzugs la mngon par dga' ba ste/ phan tshun kha dog dang /dbyibs dang / sgra dang / dri dang / ro dang / reg bya la mngon par zhen no zhes bya ba'i don to/ /de dag kyang tshor ba'i ro myang ba la mngon par chags pa'i phyir ro zhes bya ba la/ pho dang mo dag phan tshun gzugs la mngon par dga' ba de dag ni tshor ba'i ro myang ba la chags pa las te/tshor ba thob pa dang ma thob pa nyid kyi phyir na chags pa dang mngon par chags pa las so/ /de la chags pa yang 'du shes phyin ci ma log pa'i phyir ro zhes bya ba la/ sdug bsngal ba la bde'o snyam pa ni 'du shes phyin ci log ste/ tshor ba bde ba ni 'du byed dang 'gyur ba'i sdug bsngal nyid dag gis sdug bsngal lo//phyin ci log de yang kun nas nyon mongs pa dag gis so zhes bya ba la/ 'du shes phyin ci log ste/ nyon mongs pa dag gis 'khrul bar byas pa ni 'du shes phyin ci log tu 'gyur ro/ /sems kyang de dag gis kun nas nyon mongs pa can du byas pa zhes bya ba la/ji skad bshad pa'i nyon mongs pa dag gis so/ /de'i phyir phung po rnams kyi go rims ni nyon mongs pa ji lta ba bzhin yin te/ gang nas kun nas nyon mongs pa dang / gang gi don du kun nas nyon mongs pa dang / gang dag gis kun nas nyon mongs pa dang /gang gis kun nas nyon mongs pa de bstan par bya ba'i phyir nyon mongs pa ji lta ba bzhin go rims brjod do/ /yang na snod la sogs pa'i don gyis te zhes bya ba rgya cher 'byung ba la/ gzugs ni snod lta bu'o/ /snod dang 'dra ba ni snod de/ tshor ba zas kyi rten yin pa nyid kyi phyir ro//tshor ba ni zas lta bu ste/ ro myang bar bya ba'i phyir ro/ /phan pa dang gnod par 'jug pa'i phyir 'du shes ni tshod ma lta bu'o/ /'dis gsal bar byed pas na 'du shes ni tshod ma lta bu ste/ des yid du 'ong ba dang yid du mi 'ong ba'i mtshan ma bzung nas tshor ba gsal bar byed do//yang na 'du shes phyin ci log gi dbang gis tshor ba'i ro mngon par 'dod pa'i phyir na 'du shes ni tshod ma lta bu'o/ /'du byed rnams ni byan po lta bu ste/ de'i dbang gis rnam par smin pa yid du 'ong ba dang yid du mi 'ong ba mngon par 'grub pa'i phyir ro/ / dmigs pa'i phyir na rnam par shes pa ni za ba po lta bu ste/ gang du za ba dang / gang za ba dang / gang dang za ba dang / gang dag gis mngon par 'dus byas pa za ba dang / gang zhig za ba po yin pa de yongs su gsal bar byas par 'gyur ro/ /yang na khams kyis te/ ci zhe na/phung po'i go rims so/ /ji ltar zhe na/ 'dod pa'i yon tan gzugs kyis zhes bya ba smos te/ yid phyir 'jug pa'i phyir der yul lnga 'dod pa'i yon tan yin te/ kun tu rtog pa'i 'dod chags kyi mtshan nyid can gyi 'dod pas goms par bya ba'i phyir ro/ /'dod pa'i yon tan nyid gzugs yin pa ni 'dod pa'i yon tan gyi gzugs te/'dod pa'i yon tan gyi gzugs des mngon par gsal bar byas shing go ba dang rab tu gsal bar byas pa'o/ /tshor bas rab tu phye ba ni bsam gtan rnams so zhes bya ba la/ tshor ba tha dad pas de tha dad pa'i phyir te/'di ltar snyoms par 'jug pa'i bsam gtan dang po gnyis na ni yid bde ba'o/ /gong ma gnyis na ni bde ba dang btang snyoms dag go/ /skye ba'i bsam gtan dag na ni/ /yid bde bde dang btang snyoms dang / /btang snyoms yid bde bde ba dang / /btang snyoms btang snyoms tshor ba yod//ces pa'o/ 'du shes kyis rab tu phye ba ni gzugs med pa gsum mo zhes bya ba la/ de dag na de'i mtshan ma gsal ba'i phyir 'du shes gtso bo yin te/ btang snyoms thun mong ba yin pa dang rnam par gcad pa med pas na de gtso bo ma yin no/ /'du byed tsam gyis rab tu phye ba ni srid pa'i rtse mo ste zhes bya ba ni rnam pa thams cad pas de'i sems pa 'bras bu che ba'i phyir te/'jig rten pa yid dge ba la/ /srid rtse'i sems pa 'bras rab che/ /zhes 'chad par 'gyur ro/ /gang nas gang zhig shas che ba de nyid der nye bar mtshon par byas so/ /'di dag ni gang du rnam par shes pa gnas pa yin la zhes bya ba ni gzugs su nye bar 'gro ba 'dod pa'i khams dang tshor bar nye bar 'gro ba gzugs kyi khams dang /'du shes su nye bar 'gro ba gzugs med pa gsum dang / 'du byed du nye bar 'gro ba srid pa'i rtse mo'o/ /de dag la rnam par shes pa gnas so zhes bya ba ni rnam par shes pa gnas pa de dag la ste/srid pa'i rlan gyi mthus so/ /phung po'i go rims zhing dang sa bon gyi go rims lta bur bstan pa'i phyir ro zhes bya ba la/ rnam par shes pa gnas pas bsdus pa phung po bzhi ni zhing lta bu yin la/ rnam par shes pa ni sa bon te/zhing ni sngar yin la/ sa bon ni phyi nas te/ de nyid kyi phyir zhes bya ba rgyas par 'byung ste/ ji ltar rags pa'i go rims dang / kun nas nyon mongs pa'i go rims ji lta ba bzhin dang / snod la sogs pa don gyi go rims dang / zhing dang sa bon gyi go rims kyi go rims de nyid kyi phyir/phung po rnams mi mang mi nyung ngo / /rim rgyu'i phyir zhes gang smras pa de sbyar bar bya ba'i phyir go rims rgyu de nyid kyi phyir zhes bya ba rgyas par 'byung ngo / /ci ltar zhe na/ gang gi phyir 'di dag gis ches rags pa zhes bya ba smos te/ sems las byung ba thams cad pas so//kun nas nyon mongs pa'i go rims kyi rgyu zhes bya ba ni pho dang mo dag phan tshun gzugs la dga' ba ste/ snga ma bzhin no/ /zas dang tshod ma lta bu zhes bya ba ni sems las byung ba dag pas so/ /de dag gi khams gnyis rab tu phye ba zhes bya la/ tshor bas rab tu phye ba ni gzugs kyi khams so//'du shes kyis rab tu phye ba ni gzugs med pa gsum mo/ /mig la sogs pa'i khams dang zhes bya ba rgya cher 'byung ste/ khams dang skye mched smos pa ni go rims kyi dbang du bya ba'i gzhi yin pa'i phyir ro/ /drug gi zhes bya ba smos pa ni de dag gi gnyis ka'i rnam par bzhag pa la go rims kyi rgyu tha dad pa med pa'i phyir ro//mig la sogs pa'i smos pa ni phyi'i skye mched dgag par bya ba'i phyir ro/ /de'i bdag nyid kyis na zhes bya ba la sogs pa la/ ji ltar zhe na/ yul can gyi rten gyi ngo bos gtso bo yin pa'i phyir te/ yul rnam par gzhag pa ni yul can gyi dbang yin pa'i phyir ro//dbang ni rag las pa'o/ /rten par rnam par gzhag pa yang rten gyi dbang ngo / /de nyid kyi phyir de'i dbang gis na zhes bya ba rgyas par 'byung ste/ skye mched dang khams drug gi dbang nyid kyis de'i yul te/ gzugs la sogs pa rnams dang /de'i rnam par shes pa ste/ mig la sogs pa'i rnam par shes pa rnams kyi go rims su 'byung ngo / /dbang po drug las/ dang por lnga ste/ mig la sogs pa dag go/ /ci'i phyir zhe na/ da lta'i don phyir zhes bya ba ste/ da ltar ba'i don gyi dngos po ni da ltar ba'i don nyid de/ da ltar ba'i don nyid de'i phyir mig la sogs pa lnga sngar smos so/ /da ltar byung ba ni chod pa med pas nye ba yin te/ de bas na yul nges pa can yin pa'i phyir de dag gi yul rnams ni sngar smos so/ /yid ni yul ma nges pa can yin te zhes bya ba ni de'i phyir mig la sogs pa dag pas phyis smos so zhes ston to//yid ni kha cig gi yul ni da ltar ba yin pa nas kha cig dus gsum dang / dus ma yin pa'i bar yin no zhes bya ba la bar smos pa ni 'das pa'i yul can dang / ma 'ongs pa'i yul can dang / da ltar ba'i yul can dang / dus gsum bsdus pa'i yul can dang /dus ma yin pa'i yul can dang / dus gsum dang dus ma yin pa'i yul can sdud do/ /de la kha cig ni da ltar ba'i yul can te/ dper na gzhan gyi sems shes pa lta bu'o/ /kha cig ni 'das pa'i yul can te/ dper na sngon gyi gnas rjes su dran pa'i shes pa'o//kha cig ni ma 'ongs pa'i yul can te/ dper na mngon par 'dod pa'i shes pa'am/ 'chi 'pho ba dang skye ba shes pa bzhin no/ /kha cig ni dus gsum gyi yul can te/ dper na chos thams cad mi rtag go snyam pa lta bu'o/ /kha cig ni dus med pa'i yul can te/ dper na 'gog pa la dmigs pa bzhin no/ /kha cig ni dus gsum dang dus ma yin pa'i yul can te/ dper na chos thams cad bdag med do snyam pa lta bu ste/ de'i phyir yid ni ma nges pas phyis bshad do/ /'byung ba las gyur don phyir bzhi/ /zhes bya ba ni mig la sogs pa nas lce'i dbang po la thug pa ste/rgyur byas pa'i gzugs/ gzugs dang / sgra dang / dri dang / ro'i yul can yin pa'i phyir ro/ /lus kyi yul ni ma nges te/ /zhes bya ba la/ res 'ga' ni 'byung ba dag yin te/ gang gi tshe sra ba nyid la sogs pa la reg pa na'o/ / res 'ga' ni 'byung ba las gyur pa dag yin pa ni gang gi tshe 'jam pa nyid la sogs pa na reg pa na'o/ /res 'ga' gnyi ga yin no zhes bya ba ni 'byung ba dag dang 'byung ba las gyur pa ste/ lus kyi rnam par shes pa sna tshogs pa la dmigs pa skye ba na'o/ /de'i phyir yul nges pa can ni sngar yin la/yul ma nges pa can ni phyi nas so/ /lhag ma ci rigs par zhes bya ba la/ ci rigs par mig la sogs pa gnyis ni gnyis dang gcig ni gsum dang / gcig ni gcig pas sngar smos te/ mig dang rna ba ni yul rgyang ring ba'i phyir gnyis pas de dag sngar smos so//de gnyis las kyang zhes bya ba la/ mig dang / rna ba gnyis las kyang mig ni ches ring po la 'jug ste/ de'i phyir gnyis 'ba' zhig tu ma zad kyi gsum pas kyang sngar smos so/ /de nyid kyi phyir chu klung rgyang ring po nas mthong yang de'i sgra mi thos pas zhes smras so//sna ni cher myur bar 'jug pa'i phyir gcig pas sngar smos te/ ci ltar zhe na/ zas lce dang ma phrad pa nyid kyi dri 'dzin pa'i phyir ro zhes bya ba smos so/ /gal te ma phrad pa'i zas kyi gong bu la brten pa'i dri kho na snas 'dzin na/ sna phrad nas 'dzin pa nyid la gnod par 'gyur ro zhe na/de ni de lta ma yin te/ zas dang 'dres pa'i rdzis myur du sna'i yul du phyin pa yin te/ de dang rigs mthun pa'i phyir ni rdzi la brten pa'i dri la zas kyi dri zhes bya'o/ /yang na ji ltar gnas pa'i rim zhes bya ba la/ gsum ni phreng ba ltar gnas kyang /gang dang gang gi dbang po'i rten dang po na gnas pa de dang de sngar smos te/ de nyid kyi phyir/ mig gi rten ni dang po na gnas so zhes bya ba rgya cher smos so/ /lus kyi rten ni lce'i dbang po'i rten de'i 'og na gnas so/ /lus thams cad la khyab pa'i phyir lus kyi dbang po gang na yang gnas mod kyi/'og na ni ches mang ngo / /de nyid kyi phyir/ phal cher zhes bya ba smos te/ de'i gong na mi gnas pa ni ma yin no/ /yid kyi dbang po'i go ji ltar zhe na/ de'i phyir/ yid ni de dag la brten pa dang / yul na mi gnas pa'i phyir te zhes bya ba smos te/ rnam par shes pa'i tshogs lnga'i mtshan nyid dang / yid kyi rnam par shes pa'i tshogs kyi mtshan nyid de/ 'di dag rnam pa drug car yang gzugs can ma yin pa'i phyir yul na mi gnas so/ /yang ci'i phyir zhes bya ba rgyas par 'byung ngo / /dbang don de dag kho na la/ /skye mched dang ni khams bcur 'dod//ces bya ba der gzugs can gyi skye mched bcu gzugs kyi phung po'i rang bzhin du bshad la/ chos rnams rab tu rnam 'byed med par zhes bya ba der skye mched thams cad chos kyi rang bzhin du bshad pa de'i phyir/ bye brag don dang zhes bya ba rgyas par 'byung ngo //gal te gzugs kyi bdag nyid du khyad par med kyang gcig ni gzugs kyi skye mched ces bya bar brjod kyi/ gzhan dag ma yin/ yang na sgra la sogs pa'i skye mched ltar 'di la yang ming gzhan ci'i phyir mi brjod de/ 'di la rgyu ci zhig yod/ de bzhin du chos kyi skye mched la yang brjod par bya'o zhe na/bshad pa/ bye brag ni gzugs kyi chos nyid du khyad par med pa rnams so sor skye mched nyid yin par shes par bya ba'i phyir ro/ /bye brag de yang gang zhig ce na/ ming ngo / /gal te gzugs kyi rang bzhin yin pa'i phyir bcu char la yang gzugs kyi skye mched ces brjod na ni ming la sogs pa dang /gzugs la sogs pa rnams so sor yul dang yul can gyi dngos por rtogs par mi 'gyur la/ de ma rtogs pas kyang de dag so sor skye mched nyid du shes par mi 'gyur ro/ /de'i phyir skye mched gsum du 'gyur ro//de'i don du gzugs kyi bdag nyid can du khyad par med kyang gcig gzugs kyi skye mched du brjod na/ sgra la sogs pa rnams ming gzhan dag gi skye mched du rnam par gzhag par brjod do/ /gzugs la yang skye mched gzhan rnam par gcad par bya ba'i phyir ming gzhan mi 'dogs te/de ni byed rgyu ltar gzugs kyi ming thun mong pa kho nas gzhan dag las rnam par gcod pas khyad par gyi ming gdags pa don med do/ /de nyid kyi phyir/ mig la sogs pa bye brag tu byas pa dag gis zhes bya ba rgyas par smos te/ mtshan ma ma btab pa'i ba lang bzhin no/ /yang na gzugs kyi skye mched kho na gtso bo yin pa'i phyir gzugs kyi ming thun mong ston par mdzad kyi/gzugs kyi bdag nyid yin yang gzhan dag ni ma yin te/ gtso bo ma yin pa'i phyir ro/ /gzhan dag pas gtso bor bstan pa'i phyir/ de ni thogs pa dang bcas pa yin pa'i phyir te zhes bya ba rgyas par smos so//gal te reg bya ma yin pa'i phyir gzugs kyi skye mched la lag pa la sogs pa'i 'dus te reg pa dag gis ci ltar reg ce na/ de nyid la reg par ni mi brjod do/ /'on kyang de'i rten 'byung ba rnams lag pa la sogs pa'i 'dus te reg pa rnam par 'gyur ba las gzugs su rung ba na/de yang gzugs su rung bas reg na gzugs su rung ba zhes brjod de/ rang gi rten dang / grub pa dang / bde ba gcig pa'i phyir ro/ /yang de yang thogs pa dang bcas pa'i phyir lag pa la sogs pa rnams kyi 'dus te reg pa dag gis te/ 'brel pa dag gis reg na ste/ phrad na gzugs su rung zhing gzhom du rung ngo / /'di ni 'di na'o zhes bya ba ni yul nye bar brtag tu rung ba las so/ /che ge mo zhig na'o zhes bya ba ni yul thag ring ba brtag tu rung ba las so/ /de'i phyir de lta na gzugs su rung ba'i phyir dang /brtag tu rung ba'i phyir gzugs kyi skye mched kho na gtso bo yin no/ /gzhan dag la ni brtag tu rung ba med pa'i phyir gtso bo ma yin te/ gang gi phyir mig la sogs pa rnams ni rdzas su dpag pas gzung bar bya ba yin pa'i phyir 'di na'o/ /che ge mo zhig na'o zhes dngos su brtag tu mi rung la/dri dang / ro dang / reg bya'i skye mched dag ni phrad nas gzung bar bya ba yin pa'i phyir che ge mo zhig na'o zhes yongs su brtag par mi nus so/ /sgra'i skye mched la yang phyogs bstan pa brtag tu yod par zad kyi/ yul brtag pa ni med do/ /'jig rten na yang gzugs so zhes grags kyi/sgra la sogs pa gzhan dag la ni ma yin no/ /bcom ldan 'das kyis chos bstan pa yang 'jig rten la bstan par bya ba'i phyir yin te/ bye brag la sogs pa bstan bcos rig pa rnams kyis kyang sgra la sogs pa rnams gzugs nyid du ma gtogs so/ /bye brag gi don nyid kyis gcig ni chos kyi skye mched du bshad kyi/thams cad ma yin no zhes bya ba la/ ci nas kyang yul dang yul can nyid du zhes bya ba rgya cher sbyar ro/ /mig la sogs pa bye brag tu byas pa dag gis spyi ming btags kyi gzhan la ni ma yin no/ /chos mang ba dang zhes bya ba la/'dir chos kyi ming can gyi chos mang po rnams kho na 'dus te/ chos rnam par 'byed pa yang dag byang chub kyi yan lag dang / shes pa dang / rjes su dran pa dang / dad pa dang / dran pa nye bar gzhag pa dang / so so yang dag par rig pa dang / skyabs dang / dkon mchog la sogs pa rnams so/ /'dir tshor ba la sogs pa chos mang po zhes bya ba la/ tshor ba dang / 'du shes dang / 'du byed rnams dang / 'dus ma byas rnams dang / rnam par rig byed ma yin pa bsdus te/ chos kyi sgra spyi ming med par de dag ji ltar 'dzin par 'gyur/de'i phyir spyi ming brjod pas chos mang po bsdus te/ 'du byed kyi phung po bzhin zhes ston to/ /chos kyi mchog ces bya ba rgyas par 'byung ba la/ mya ngan las 'das pa ni mchog nyid de/ dge ba dang rtag pa'i phyir ram/ sdug bsngal rgyu dang bcas pa nye bar zhi ba'i phyir dang /de bzhin du chos gang dag ces bya ba nas de dag las 'dod chags bral ba'i mchog ces bya'o zhes bya ba'i bar du 'byung ba'i phyir te/ des na chos kyi skye mched gtso bo nyid du ston to/ /gzhan dag na re rnam pa nyi shus rags pa'i phyir dang zhes bya ba ni ji skad du/ gzugs rnam gnyis dang rnam nyi shu//zhes bshad pa'o/ /sha dang / lha dang / 'phags pa'i shes rab dang / mig gsum gyi spyod yul yin pa'i phyir zhes bya ba 'byung ste/ de la sha'i mig ni bdag cag lta bu rnams kyi'o/ /lha ni lha rnams kyi'o/ /'phags pa'i shes rab kyi mig ni 'phags pa rnams kyi ste/zag pa med pa'i shes pa'o/ /sha'i mig ni chos thams cad la dmigs pa'o/ /lha'i ni gzugs kyi yul can kho na'o/ /de'i phyir de ltar na rags pas rnam pa ches mang por brtag tu rung ba'i phyir dang / mang po dag gis brtag par rung ba'i phyir te/go rims bzhin du sha dang lha'i mig gi mdun du rags pa dang / thams cad du phra bar brtag tu rung ba'i phyir dang / 'phags pa'i shes rab kyi mig gis mi rtag pa la sogs par brtag tu rung ba'i phyir gcig gzugs kyi skye mched du bstan to/ /phung po la sogs pa bsdu bar brjod par 'dod pas/mdo dag las zhes bya ba 'di smos so/ /gal te mdo gzhan las bstan pa'i phung po dang / skye mched dang / khams rnams 'di dag kho nar 'du na ni de lta yin dang gang zhig gang du 'du ba brjod par bya'o/ /'on te tha dad pa yin na ni de lta na yang 'dus byas thams cad dang /zag pa dang bcas pa rnams dang / chos thams cad ni go rims bzhin du phung po dag dang / nye bar len pa'i phung po dag dang / skye mched dang / khams dag gis bsdus so zhes bya ba de dang 'gal bar 'gyur ro/ /mdo gzhan las bstan pa'i phung po la sogs pa 'di dag gi nang du mi 'du na cir 'gyur zhe na/gsung rab kyi tha snyad dag la kun du rmongs par 'gyur te/ de bzlog par bya ba'i phyir 'di dag tu 'du ba brjod pa ni/ chos kyi phung po brgyad khri dag /ces bya ba la sogs pa'o/ /gang dag gi ltar na sangs rgyas kyi gsung tshig gi rang bzhin pa de dag gi ltar na de dag ni gzugs kyi phung pos bsdus te/ngag gi rnam par rig byed sgra ni gzugs kyi phung po'i khongs su 'dus pa'i phyir ro/ /gang dag gi ltar na ming gi rang bzhin pa de dag gi ltar na 'du byed kyi phung pos bsdus te/ ming ni mi ldan pa'i 'du byed kyis bsdus pa'i phyir ro//gang dag gi ltar na ldan pa ma yin pa med pa de dag gi ltar na gzugs kyi phung po kho nas bsdus la/ gang gi ltar na yod pa de dag gi ltar na ni 'du byed kyi phung po kho nas bsdus so/ /gal te gsung ni tshig yin par grags pa ma yin nam/ ji ltar ming sangs rgyas kyi gsung nyid du brjod ce na/ sangs rgyas kyi gsung ni don gyis rab tu phye ba'i phyir la ming yang don rjod par byed pa'i phyir sangs rgyas kyi gsung ming gi bdag nyid yin no zhes zer ro//'dir ming ni dpe tsam zhig tu zad de/ sangs rgyas kyi gsung ming dang / tshig dang / yi ge'i tshogs kyi bdag nyid yin pa'i phyir ro/ /chos kyi phung po brgyad khri dag /ces smras pa de'i phyir yang chos kyi phung po'i tshad ji tsam zhe na zhes 'dri ste/ de'i phyir/ kha cig bstan bcos tshad ces zer/ /zhes bya ba smos so/ /bstan bcos kyi tshad ni bstan bcos tshad do/ /bstan bcos kyi tshad lta bu'i tshad gang la yod pa de ni bstan bcos tshad de/ chos mngon pa chos kyi phung po zhes bya ba'i'o/ /yang de tshad ji tsam zhig na de'i ni shu log drug stong ngo zhes bya ba smos te de nyid kyi phyir des gzhan dag gi tshad kyang yongs su gcod par 'gyur ro snyam ste/ de la chos kyi phung po zhes ming btags so/ /phung po la sogs gtam re yin/ /zhes bya ba la/phung po dang skye mched la sogs pa rnams re re zhing gtam rgyud re re so sor chos kyi phung po yin pas/ gsung rab las phung po dag las brtsams te bstan pa gang yin pa de chos kyi phung po gcig yin la/ khams dag las brtsams te bstan pa gang yin pa de ni chos kyi phung po gzhan yin te/de bzhin du skye mched dang rten cing 'brel par 'byung ba la sogs pa dag la yang brjod par bya'o/ /sogs pa'i sgras ni dge ba dang mi dge ba'i las kyi lam dang / bsdu ba'i dngos po la sogs pa sdud do/ /spyod pa rnams kyi gnyen por ni/ /zhes bya ba rgyas par 'byung ste/'di ni gnas pa yin no/ /sems can rnams kyi spyod pa ni 'dod chags dang / zhe sdang dang / gti mug dang / nga rgyal dang / lta ba dang / rtog pa la sogs pa'i bye brag gis brgyad khri ste/ de rnams kyi gnyen por bcom ldan 'das kyis ni sdug pa dang / byams pa dang / rten cing 'brel bar 'byung ba dang / mi rtag pa'i 'du shes dang / stong pa nyid dang / dbugs rngub pa dang 'byung ba dran pa la sogs pa bstan pa'i sgo nas chos kyi phung po brgyad khri gsungs so/ /gzhan dag na re/ phung po la sogs gtam re yin/ /zhes bya ba 'di nyid/ spyod pa rnams kyi gnyen por ni//zhes rnam grangs gzhan gyis bstan te/ gang zhig nyon mongs pa'i gnyen por mi 'gyur ba'i phung po bstan pa de ni 'ga' yang med pa'i phyir ro zhes zer ro/ /phung po la sogs pa ji skad du bshad pa bsdu bar bya ste zhes bya ba la/ ci rigs par gzugs la sogs pa'i phung po dang /mig la sogs pa'i khams dang / mig la sogs pa'i skye mched dag tu bsdu bar bya ste/ de nyid kyi phyir/ tshul khrims kyi phung po ni gzugs kyi phung pos bsdus so zhes smos te/ tshul khrims kyi phung po ni lus dang / ngag gi las kyi rang bzhin yin pa'i phyir gzugs kyi phung po zhes bya bas bsdus so//lhag ma rnams ni 'du byed kyi phung pos bsdus so zhes bya ba la/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po dag ni sems dang mtshungs par ldan pa'i 'du byed kyi phung po'i mtshan nyid can yin pa'i phyir 'du byed kyi phung pos bsdus so//'di ni rnam par grol ba'i phung po mi slob pa'i mos pas 'dus byas kyi rnam par grol ba yin gyi/ 'dus ma byas kyi ma yin no/ /zad par gyi skye mched bcu po dag las zhes bya ba la/ zad par sa la sogs pa'i skye mched dag las zad par nam mkha' dang /rnam par shes pa ma gtogs pa brgyad ni ma chags pa'i rang bzhin yin pa'i phyir te/ ji skad du/ zad par bcu po brgyad ma chags/ /zhes bshad do/ /ma chags pa yang chos kyi skye mched kyis bsdus pa'i phyir zad par brgyad ni chos kyi skye mched kyis bsdus so//'khor dang bcas na ni zhes rgya cher 'byung ba la/ tshor ba la sogs pa phung po gsum dang / rjes su 'jug pa'i gzugs ni chos kyi skye mched kyis bsdus la/ rnam par shes pa'i phung po yid kyi skye mched kyis bsdus so/ /zil gyis gnon pa'i skye mched rnams kyang de dang 'dra'o zhes bya ba la/de dang 'dra'o zhes bya ba'i sgras ni ma chags pa'i bdag nyid dang / 'khor dang bcas pa rnams ni phung po lnga'i rang bzhin dang / yid dang / chos kyi skye mched dag gi nang du 'dus pa yongs su bzung ngo / /zad par gyi skye mched bcu las/ zad par nam mkha' dang / rnam shes mtha' yas skye mched dag dang / nam mkha' mtha' yas skye mched la sogs pa bzhi po dag gis te/ nam mkha' dang / rnam par shes pa dang / ci yang med pa dang / 'du shes med 'du shes med min skye mched dag ni rjes su 'brang ba'i gzugs med pa'i phyir phung po bzhi'i rang bzhin te/yid dang / chos kyi skye mched dag gis bsdus so/ /rnam par grol ba'i skye mched lnga ni zhes bya ba rgyas par 'byung ba la/ rnam par grol ba'i skye mched dang po gsum la ni gzhung 'dzin pas sgra'i skye mched yod do/ /bzhi pa la yang gal te brjod cing brjod nas sems par byed na ni skye mched gsum yod la/de lta ma yin na yid dang / chos kyi skye mched dag gis bsdus so/ /lnga pa la yang yid dang / chos kyi skye mched dag yod de/ de'i phyir 'khor dang bcas pa rnams sgra dang / yid dang / chos kyi skye mched kyis bsdus so/ /rnam par grol ba'i skye mched lnga gang zhe na/mdo las/ 'di la dge slong la ston pa'am/ tshangs pa mtshungs par spyod pa bla ma lta bu gang yang rung ba zhig gis chos ston par byed na/ 'di la ston pa 'am mkhas pa bla ma'i sa lta bu gang yang rung ba zhig ji lta ji ltar chos ston par byed pa de lta de ltar chos de dag la/ don so so yang dag par rig pa dang / chos so so yang dag par rig par 'gyur ro/ /don so so yang dag par rig pa dang chos so so yang dag par rig pa de la rab tu dga' ba skyed do/ /rab tu dga' bar gyur [(]ba [,]pa [)]la dga' ba skye'o/ /yid dga' bar 'gyur ba'i lus shin tu sbyangs par 'gyur ro//lus shin tu sbyangs pa ni bde ba myong bar 'gyur ro/ /bde bar gyur na sems mnyam par 'jog go/ /sems mnyam par gzhag na ni yang dag pa ji lta ba bzhin du rab tu shes shing / yang dag pa ji lta ba bzhin du mthong bar 'gyur ro/ /yang dag pa ji lta ba bzhin du shes shing yang dag pa ji lta ba bzhin du mthong ba na yid byung bar 'gyur ro//yid byung ba na 'dod chags dang bral bar 'gyur ro/ /'dod chags dang bral na rnam par grol bar 'gyur ro/ /'di ni rnam par grol ba'i skye mched dang po'o/ /de bzhin du kha don byed/ gzhan dag la yang ston par byed/ sems par byed/ting nge 'dzin gyi rgyu mtshan bzang po legs par 'dzin par 'gyur zhes rgya cher gsungs so/ /rnam par grol ba ni mi slob pa'i mos pa'o/ /de la gegs byed pa ni nyon mongs pa dag ste/ de dag ni shes rab kyi mtshon gyis gcod par byed pa la/ de bcad pas rnam par grol ba skye bar 'gyur te/de'i phyir shes rab ni rnam par grol ba skye ba'i sgor gyur pas na/ rnam par grol ba'i skye mched ni shes rab yin no/ /sgra ni de dag gi sbyor ba yin la/ shes rab ni dngos gzhi'o/ /skye mched gnyis las zhes bya ba ni 'du shes med pa'i sems can dang / 'du shes med 'du shes med min gyi skye mched gnyis las te/ji skad du/ kun dga' bo skye mched ni gnyis te/ 'du shes med pa'i sems can gyi skye mched dang / 'du shes med 'du shes med min gyi skye mched do zhes gsungs pa lta bu'o/ /skye mched gnyis po de dag las 'du shes med pa'i sems can ni skye mched bcus bsdus te/gzugs kyi khams su gtogs pa'i phyir de na dri dang ro med pa'i phyir dang / 'chi 'pho ba dang skye ba'i dus dag na yid kyi skye mched yod pa'i phyir ro/ /'du shes med 'du shes med min skye mched du nye bar 'gro ba ni yid dang chos kyi skye mched dag gis bsdus so zhes bya ba la/ der tshor ba la sogs pa phung po gsum ni chos kyi skye mched kyis bsdus la/rnam par shes pa'i phung po ni yid kyi skye mched kyis bsdus so/ /de bzhin du khams mang po las khams drug cu rtsa gnyis bstan pa de dag kyang ci rigs par bsdu bar rig par bya'o zhes bya ba la/ji ltar byas nas she na/ khams ni bco brgyad de/ mig gi khams dang / gzugs kyi khams dang / mig gi rnam par shes pa'i khams dang zhes bya ba rgya cher 'byung ste/ de la sa'i khams dang / chu'i khams dang / me'i khams dang / rlung gi khams dang / nam mkha'i khams dang /rnam par shes pa'i khams de dag gis bsdu ba ni phyi nas 'chad par 'gyur ro/ /yang khams drug ste/ 'dod pa'i khams dang / gnod sems kyi khams dang / rnam par 'tshe ba'i khams dang / nges par 'byung ba'i khams dang / gnod sems med pa'i khams dang / rnam par mi 'tshe ba'i khams te/'di dag ni chos kyi khams su 'du'o/ /de la 'dod pa'i khams kyi sgras ni 'dod pa'i 'dod chags la mngon par 'dod kyi/ 'dod pa'i khams ni ma yin te/ gzhan du na de'i khongs su 'du bas gnod sems kyi khams dang / rnam par 'tshe ba'i khams logs shig tu ni brjod par 'gyur ro//yang khams drug ste/ sdug bsngal gyi khams dang / bde ba'i khams dang / yid mi bde ba'i khams dang / yid bde ba'i khams dang / btang snyoms kyi khams dang / ma rig pa'i khams so/ /'di dag kyang chos kyi khams su 'du'o/ /yang khams bzhi ste/ tshor ba'i khams dang / 'du shes kyi khams dang / 'du byed kyi khams dang / rnam par shes pa'i khams te/ gsum ni chos kyi khams su 'du la/ rnam par shes pa'i khams ni rnam par shes pa'i khams drug tu'o/ /yang khams gsum ste/ 'dod pa'i khams dang / gzugs kyi khams dang /gzugs med pa'i khams te/ 'dod pa'i khams ni khams bco brgyad dag tu 'du'o/ /gzugs kyi khams ni khams bcu bzhir 'du'o/ /gzugs med pa'i khams ni yid dang / yid kyi rnam par shes pa dang / chos kyi khams dag tu 'du'o/ /yang khams gsum ste/ gzugs kyi khams dang / gzugs med pa'i khams dang / 'gog pa'i khams so/ /gnyis kyis bsdu ba ni smras zin to/ /'gog pa'i khams ni chos kyi khams su 'du'o/ /yang khams gsum ste/ 'das pa'i khams dang / ma 'ongs pa'i khams dang / da ltar byung ba'i khams te/'di dag ni re re zhing khams bco brgyad dag tu 'du'o/ /yang khams gsum ste/ dman pa'i khams dang / gya nom pa'i khams dang / bar ma'i khams te/ gsum po 'di dag kyang ci rigs par khams bco brgyad dag tu 'du'o/ /yang khams gzhan gsum ste/ dge ba'i khams dang / mi dge ba'i khams dang / lung du ma bstan pa'i khams so/ /dang po gnyis ni gzugs kyi khams dang / sgra'i khams dang / yid kyi khams dang / rnam par shes pa'i khams drug dang / chos kyi khams su 'du'o/ /gsum pa ni bco brgyad char du 'du'o/ / yang khams gsum ste/ slob pa'i khams dang / mi slob pa'i khams dang / slob pa yang ma yin mi slob pa yang ma yin pa'i khams so/ /de la slob pa dang mi slob pa'i khams gnyis ni yid dang / chos dang / yid kyi rnam par shes pa'i khams su 'du'o/ /gsum pa ni bco brgyad du yang 'du'o//yang khams gnyis te/ zag pa dang bcas pa'i khams dang / zag pa med pa'i khams te/ dang po ni bco brgyad du 'du'o/ /gnyis pa ni/ yid dang / chos dang / yid kyi rnam par shes pa'i khams dag tu'o/ /yang khams gnyis te/ 'dus byas kyi khams dang /'dus ma byas kyi khams so/ /dang po ni bco brgyad dag tu 'du la/ gnyis pa ni chos kyi khams su 'du'o/ /de'i phyir khams bco brgyad po de dag ni drug tshan gsum dang / bzhi tshan gcig dang / gsum tshan drug dang / gnyis tshan gnyis dang / drug cu rtsa gnyis su 'gyur ro/de ltar na khams bzhi bcu rtsa bzhi po de dag ni khams bco brgyad po de dag tu 'gyur ro/ /der gang dag ces bya ba la/ der zhes bya ba ni khams mang po pa'i mdor ro/ /gnyis kyi mtshan nyid ma bshad na zhes bya ba ni nam mkha' dang / rnam par shes pa'i khams gnyis kyi'o/ /sa'i khams la sogs pa rnams kyi ni/sra gsher dro nyid g.yo ba rnams/ /zhes bshad zin to/ /gal te/ rnam shes so sor rnam rig pa/ /zhes rnam par shes pa'i khams kyi mtshan nyid kyang bshad pa ma yin nam zhe na/ bshad mod kyi/ rnam par phye nas ni ma bshad de/rnam par shes pa ni zag pa dang bcas pa dang / zag pa med pa yin pa'i phyir ro/ /de nyid kyi phyir/ ji ltar sa la sogs pa'i khams ltar/ rnam par shes pa thams cad kyang rnam par shes pa'i khams yin par rig par bya'am zhes bya ba smos so/ /nam mkha'i mtshan nyid kyang sgrib pa med pa smras mod kyi/nam mkha'i khams kyi ni ma yin te/ de nyid kyi phyir/ ci nam mkha' nyid nam mkha'i khams yin la zhes bya ba smos so/ /smras pa ma yin no zhes bya ba la/ kha dang sna la sogs pa zhes bya ba'i/ sogs pa'i sgras ni sna la sogs pa dag gi'o/ / bu ga zhes bya ba ci zhig yin par rig par bya zhes bya ba la/ nam mkha'i khams bzhin du bu ga'i don yang ma rtogs pa'i phyir ram/ bu ga ni nam mkha' nyid yin no snyam du log par rtogs pa'i phyir 'dri ba'o/ /snang dang mun pa dag yin lo/ /zhes bya ba ni gal te bu ga nam mkha'i khams yin la/nam mkha'i khams kyang bu ga yin na ni der yang de ltar 'gyur bas thug pa med par 'gyur ba zhig go/ /lo'i sgra ni rdul phra rab rnams la phan tshun reg pa med pa'i phyir bsags pa la gdon mi za bar bu ga yod par 'gyur bas ma rangs pa'i don to/ /gzhan dag na re bye brag tu smra ba'i tshig yin no zhes zer ro//mtshan mo dang nyin mo'i rang bzhin du zhes bya ba la/ mun pa ni mtshan mo'i rang bzhin no/ /snang ba ni nyin mo'i rang bzhin no/ /mtshan mo mar me'i snang ba srid pa'i phyir 'chol bar 'gyur ro zhe na/ ma yin te/ nyi ma'i la brjod par 'dod pa'i phyir ro/ /yang na phal che bas bstan te/mon sran ste'u la sogs pa yod kyang gre'u'i phung por bsnyad pa bzhin no/ /de nyid thogs pa'i nye 'khor gyi gzugs zhes bya ste zhes bya ba la/ de nyid ni nam mkha'i khams so/ /bsags par gnas pa'i gzugs te zhes bya ba 'byung ste/ ci'i phyir zhe na/ shin tu gnod par byar rung ba'i phyir ro//tshogs pa ni bsags pa'o/ /bsags par gnas pa ni bsags pa la gnas shing 'dus pa la gnas pa zhes bya ba'i don te/ gnod par byed pa dang / gnod par byar rung ba'o/ /de ni de'i nye 'khor ro/ /zhes bya ba la/ de'i ni bsags par gnas pa'i gzugs kyi ste/nye 'khor du yod pa'i phyir ro/ /gzhan dag na re de la gzhan min thogs pa'i phyir te/ de ni thogs med kyang yin la zhes bya ba la/ thogs med ces bya ba ni thogs pa yod pa ma yin pa'o/ /ci'i phyir zhe na/ de la gzhan pa mi thogs pa'i phyir ro/ /gzhan gyi nye 'khor yang yin te/rtsig pa dang ri la sogs pa'i'o/ mdo sde pa rnams na re nam mkha'i khams ni nam mkha' las tha dad pa med la/ nam mkha' yang rdzas ma yin pa'i phyir nam mkha'i khams rdzas su med do zhes zer ro/ /bye brag tu smra ba rnams na re nam mkha'i khams ni nam mkha' las tha dad do zhe'o//gang las she na/ nang dang phyi'i nam mkha' gsungs pa'i phyir te/ mdo las/ nang gi nam mkha'i khams gang zhe na/ lus 'di'i nang gi nam mkha' gang zhig nang la brten pa nam mkhar gyur pa/ mi gsal ba/ khrag dang lpags pas ma khyab pa ste/ dper na mig gi bu ga lta bu zhes bya ba la sogs pa dang /phyi rol gyi nam mkha' gang zhe na/ phyi'i nam mkha' gang zhig phyi'i nam mkhar gyur pa/ mi gsal ba/ gzugs su gyur pas ma khyab pa zhes bya ba la sogs pa gsungs so/ /'dus ma byas ni nang ngam phyi'i zhes bya bar rigs pa yang ma yin no/ / gzugs kyi 'dod chags dang bral ba la nam mkha'i khams spangs par bstan pa'i yang phyir te/ bcom ldan 'das kyis gang gi phyir de'i sems khams lnga las 'dod chags dang bral ba rnam par grol bar 'gyur la/ de nas de'i rnam par shes pa nyid lhag mar lus par 'gyur ro zhes gsungs pa'i phyir ro//nam mkha' ni spangs par bsnyad par rigs pa yang ma yin te/ zag pa med pa'i phyir ro/ /sa la sogs pa ltar skyes bur gdags pa'i nye bar len pa yin pa'i yang phyir te/ skyes bu 'di ni khams drug yin no zhes gsungs pa'i phyir ro/ /zag dang bcas pa'i rnam shes ni//rnam shes khams yin gyi zag pa med pa ma yin no/ /ci'i phyir zhe na/ 'di ltar khams drug po 'di dag ni zhes rgyas par rgyu smras te/ khams drug la brten nas mngal du 'jug par 'gyur ro/ /sa la sogs pa ltar skye ba'i rten nyid du 'dod pa'i phyir rnam par shes pa'i khams kyang zag pa dang bcas pa nyid do//de dag ni nying mtshams sbyor ba'i sems nas zhes bya ba rgyas par 'byung ngo / /zag pa med pa'i chos rnams ni de lta ma yin no zhes bya ba ni skye ba rgyun gcod pa dang / gnod pa byed pa dang / kun nas nyon mongs pa spong ba la 'jug pa'i phyir ro//gzhan dag na re skyed par byed pa dang / gsos 'debs pa dang / spel bar byed pa'i phyir gzhir gyur pa zhes zer to/ /'di la skyed par byed pa ni rnam par shes pa'i khams te/ nying mtshams sbyor ba'i sa bon yin pa'i phyir ro/ /ji ltar zhe na/ 'byung ba'i khams bzhi ni reg bya'i khams kyi nang du 'dus so/ /lnga pa ni gzugs kyi khams kyi nang du 'dus so//drug pa ni rnam par shes pa'i khams bdun po dag tu 'dus so/ /khams bco brgyad kyi rang gi mtshan nyid dang / chos thams cad phung po dang / skye mched dang / khams dag gis bsdus pa bshad zin to/ /da ni chos rab tu rnam par dbye bar bya ba'i phyir bstan bcos brtsams pa de dag gi rnam par bsam par bya'o//de la khams rnams su gzugs dang sems rnam par phye ste bstan pas zag pa dang bcas pa'i rnam pa la sogs pa rnams bstan pa bde blag tu khong du chud pas khams rnams kho na las brtsams te bsam par bya'i/ phung po dang skye mched dag las brtsams te ni ma yin no//de nyid kyi phyir/ gang dag khams bco brgyad bstan pa zhes bya ba rgya cher 'byung ngo / /bstan yod 'dir ni zhes bya ba la/ khams zhes skabs dang sbyar ro/ /de yang gang zhig yin pa mi shes pas de'i phyir/ gzugs zhes bya ba smos so/ /bstan pa dang lhan cig pa ni bstan yod do/ / bstan pa zhes bya ba 'di yang gang zhig ce na/ 'di ni 'di na'o/ /che ge mo zhig na'o zhes bstan pa'i phyir stobs kyis byung ba'i mig gi rnam par shes pa la ste/ de'i yul can yin pa'i phyir gzugs la de dang lhan cig gis zhes bsnyad do/ /gzhan dag na re 'di ni 'di na'o/ /che ge mo zhig na'o zhes bsnyad pa 'di nyid bstan pa yin la/gang zhig la de yod pas na bstan du yod pa ste/ dmigs pa dang bcas pa bzhin no zhes zer ro/ /bstan du yod pa'i mtshan nyid ji skad du bshad pa bzlog pa'i sgo nas lhag ma rnams ni bstan du med pa'o zhes bshad par 'gyur ro/ /thogs dang bcas pa gzugs can bcu//zhes bya ba la/ gzugs can smos pa ni gzugs can ma yin pa rnam par gcad par bya ba'i phyir ro/ /chos kyi skye mched la rnam par rig byed ma yin pa'i gzugs yod pas gzugs can du tha snyad gdags su yod pas bcu zhes bya ba smos so/ /de nyid kyi phyir bshad pa las kyang / bcu gang dag ces bya ba rgyas par smos so//de dag la gzugs su rung ba yod pas na gzugs can no/ /thogs pa zhes bya ba 'di ci zhig ce na/ thogs pa zhes bya ba ni brdugs pa'o zhes bya ba smos so/ /de dag la yod pas na thogs pa dang bcas pa ste/ nor dang bcas pa bzhin no/ /de la rnam pa gsum ste zhes bya ba rgyas par 'byung ste/thogs pa'i sgra thams cad du 'jug pa'i phyir ro/ /de la sgrib pa la thogs pa ni rang gi yul du gzhan skye ba'i gegs byed pa ste zhes bya ba la/ ji ltar zhe na/ dper na lag pa 'am rdo ba la lag pa brdugs shing thogs pa zhes bya ba smos te/ lag pa'i yul du lag pa gzhan mi skye'o zhes bya ba'i don to//rdo ba la yang lag pa brdugs te/ de'i yul du mi skye ba'i phyir de la thogs so/ /rdo ba yang de gnyis la zhes bya ba ni lag pa dang rdo ba gnyis la ste/ de'i yul du mi skye ba'i phyir thogs pa zhes bya ba'o/ /yul la thogs pa ni mig la sogs pa yul can rnams rang gi yul dag la ste/yul la sogs pa ni phrad pa yin no zhes bstan pa'i phyir/ btags pa las ji skad du zhes bya ba drangs so/ /btags pa'i bstan bcos las chu la thogs la zhes bya ba ni rang gi yul chu la thogs pa ste/ yul chu dang phrad ces bya ba'i don te/ skam la ni ma yin no//nya pa la sogs pa kha cig gi chu la thogs pas de'i phyir/ mi phal che'i lta bu'o zhes bya ba smos so/ /gnyis kar thogs pa yang yod de/ chu srin byis pa gsod la sogs pa rnams kyi lta bu'o/ /gnyis kar ma yin pa'i yang yod de zhes bya ba rgyas par 'byung ba la/ mngal du nges par 'chi ba dang /dmigs pa gzhan la sems g.yengs pa dang / 'gog pa dang / 'du shes med pa'i snyoms par 'jug pa la snyoms par zhugs pa dang / 'du shes med pa mngon du gyur pa dang / 'jig rten gyi bar dag tu skyes pa rnams kyi mig ni gnyis kar yang mi thogs so//mig gang mtshan mo thogs la zhes bya ba ni mtshan mo 'jug ces bya ba'i don to/ /pha wang zhes bya ba ni lpags pa'i bye'u'o/ /mi phal che'i lta bu'o zhes bya ba la/ phal che ba smos pa ni kha cig gi mtshan mor yang 'jug ste/ las dang sman la ltos pa'i phyir ro/ /byi la la sogs pa rnams kyi lta bu'o zhes bya ba la sogs pa'i sgras ni stag la sogs pa rnams kyi bsdu'o//gnyis kar ma yin zhes bya ba ni mtshan mo ma yin zhing nyin bar ma yin pa'o/ /rnam pa de dag ma gtogs pa/ /zhes bya ba la/ mngal du nges par 'chi ba rnams kyi nas/ /'jig rten gyi bar dag tu skyes pa rnams kyi lta bu'i bar brjod par bya'o//dper brjod pa 'di gnyis kyi khyad par ni yul dang dus kyis byas pa'o/ /dmigs pa la thogs pa ni sems dang sems las byung ba rnams kyis rang gi dmigs pa 'dzin pa ste/ de'i phyir 'di ni sems dang sems las byung ba rnams kho na'i rang gi dmigs pa dag la rnam par gzhag go//gang la gang zhig byed pa zhes bya ba ni dper na gzugs la sogs pa dag la mig la sogs pa rnams byed pa lta ba la sogs pa'o/ /yang byed pa zhes bya ba 'di ci zhig ce na/ nus pa ste/ 'di ltar gang zhig gang la nus par 'gyur ba 'di ni der nga'i yul yin no zhes smra ba por 'gyur ro//gang zhig de'i snang ba skyes pa las sems dang sems las byung ba rnams kyis 'dzin cing dmigs pa de ni dmigs pa'o/ /thogs pa ni 'jug pa brdugs pa yin la/ 'jug pa ma brdugs pa ni ma brdugs pa yin no zhes 'jig rten na grags pa de'i phyir/ yang ji ltar na rang gi yul lam zhes dri ba rgya cher 'byung ngo / /de las gzhan du mi 'jug pa'i phyir ro zhes bya ba la/ rnam par shes pa'am dbang po yang rung ste/ gzugs la sogs pa'i cha shas gang zhig tu zhugs pa de las gzhan du gzhan ni 'dzin pa'i phyir ro/ /gang zhig gang gis bsgribs pa de ni de las gzhan du mi 'jug pa yin pa de bzhin du 'dir yang rung ba'i yul las gzhan du mi 'jug pa thogs pa yin no//yang na 'di la gtod pa ni thogs pa yin te zhes bya ba ni rang gi yul la 'jug pa'o/ /yul la 'jug pa pa 'di gang zhig ce na/ de'i yul gyi ni yul du skye ba yin na yul can ni 'dzin pa'i ngo bor der 'brel ba ste/de nyid kyi phyir reg pa gsum 'dus pa'o zhes brjod do/ /khams bcu thogs pa dang bcas pa dang / thogs pa yang rnam pa gsum mo zhes bshad pa de la/ thogs pa gang gis thogs pa dang bcas pa mi shes pa de'i phyir de lta bas na 'dir bcu po 'di dag ni sgrib pa la thogs pas zhes rgyas par 'byung ngo //phan tshun sgrib pa'i phyir ro zhes bya ba 'di ni rdul phra rab bsags pa yin pa'i phyir phan tshun sgrib par byed do zhes sgrib pa la thogs pas thogs pa dang bcas pa nyid kyi rgyu yin no/ /de lta yin dang sgrib pa la thogs pa ni gzugs la sogs pa rnams dang /mig la sogs pa rnams so/ /yul la thogs pa ni mig la sogs pa rnams dang / sems dang sems las byung ba rnams so/ /dmigs pa la thogs pa ni sems dang sems las byung ba rnams so/ /de'i phyir mu bzhi dang / tshig phyi ma dang yang sbyor bar yang 'gyur ro/ / mu dang po ni sems kyi khams bstan pa dang / chos kyi khams kyi phyogs zhes bya ba la/ gang zhig sems dang sems las byung ba rnams kyi dmigs pa yin pa de ni de rnams kyi yul yang yin pas yul la sogs pa yin gyi/ sgrib pa la thogs pas ni ma yin te/ rdul phra rab bsags pa ma yin pa'i phyir ro//yul dag ni rdul phra rab bsags pa yin pa'i phyir sgrib pa la thogs pa kho na yin gyi/ yul la thogs pa ni ma yin te/ yul can ma yin pa'i phyir ro/ /'di ltar yul dag la ni yul yod pa ma yin no/ /dbang po dag ni rdul phra rab bsags pa yin pa'i phyir dang / yul can yin pa'i phyir gnyis ka la thogs pa yin no//mtshungs par ldan pa ma gtogs pa zhes bya ba la/ ldan pa ma yin pa rnams dang / 'dus ma byas rnams dang / rnam par rig byed ma yin pa ste/ de dag ni yul na mi gnas pa'i phyir sgrib pa la thogs pa ma yin la/ de dag la dmigs pa med pa'i phyir yul yod pa ma yin no//gang dag yul la thogs pas thogs pa dang bcas pa de dag dmigs pa la thogs pas kyang yin nam zhe na/ tshig phyi ma dang sbyor ba ste zhes bya ba la/ ston par byed pas na tshig ste go bar byed ces bya ba'i don to/ / tshig gnyis las tshig phyi ma shos gang yin pa des ston par byed pa de ni tshig phyi ma dang sbyor ba yin la/ gang zhig snga mas yin pa de ni tshig snga ma dang sbyor ba'o/ /re zhig dmigs pa la thogs pas zhes bya ba la/ gang gi phyir yul med par ni sems dang sems las byung ba rnams mi 'byung ba'i phyir ro//dbang po lnga rnams ni yul la thogs pa kho na yin no/ /ldan pa ma yin pa dang gzugs can rnams la ni dmigs pa med pa'i phyir ro/ /gang la yid skye bar 'dod pa la zhes bya ba rgyas par 'byung ba la/ sems dang / yid dang / rnam par shes pa zhes bya ba ni don gzhan ma yin no/ /gang la rnam par shes pa skye bar 'dod pa ni rten dang dmigs pa gang la'o//skye bar 'dod pa ni 'byung bar 'dod pa ste/ rnam par shes pa skye bar 'dod pa de la gzhan dag gis thogs pa ste/ gang gis na de dag gi rnam par shes pa mi skye bar 'gyur ba na/ bar du sgrib par byar nus pa ste/ dper na mig dang gzugs dag gi bar na sgrib pa yod na de dag gi rnam par shes pa mi skye ba bzhin no//de'i phyir mig la sogs pa de ni thogs pa dang bcas par shes par bya'o/ /de'i phyir de ltar na de dag gi rnam par shes pa skye ba na bar du bsgribs pa ni thogs pa yin la/ de thogs pas thogs pa dang bcas pa'o/ / bzlog pa ni thogs pa med par 'dod do zhes bya ba la/ ji ltar yid kyi khams dang chos kyi khams la yod kyi/ rnam par shes pa bskyed par bya ba la gzhan dag gis sgrib par mi nus pa lta bu ste/ de'i phyir sems kyi khams bdun dang / chos kyi khams ni thogs pa med pa'o zhes bya bar grub bo/ / lung ma bstan pa brgyad ces bya ba la/ ji ltar nges par gzung bar bya/ /ci brgyad lung du ma bstan pa kho na yin nam/ 'on te brgyad kho na lung du ma bstan pa yin zhe na/ brgyad ni lung du ma bstan pa kho na'o zhes nges par gzung gi /brgyad kho na lung du ma bstan no zhes bya bar ni ma yin te/ gzhan rnam gsum zhes 'byung ba'i phyir ro//de dag kyang thogs pa dang bcas pa bshad pa gang dag yin pa de dag nyid gzugs kyi khams dang / sgra'i khams ma gtogs pa gzhan dag ste/ lung du ma bstan pa yin no/ /dge ba dang mi dge ba'i ngo bor lung bstan du med pa'i phyir ro/ /lung du ma bstan pa dag go zhes bya ba la/gal te de ltar yin na mi dge ba dang lung du ma bstan pa'i ngo bor lung du ma bstan pa'i phyir dge ba yang lung du ma bstan par 'gyur la/ mi dge ba la yang lung du ma bstan par 'gyur te/ dge ba dang lung du ma bstan pa'i ngo bor lung du ma bstan pa'i phyir ro zhe na de ni de ltar ma yin te/ rang las lung du ma bstan pa yin dang lung du ma bstan pa'i nyes pa med do//gzhan dag na re rnam par smin pa'i phyir lung bstan du med pa'i phyir ro zhes zer te zhes bya ba la/ lung du ma bstan pa la 'bras bu med pa'i phyir ro zhes zer ro/ /de lta na ni zag pa med pa la yang thal bar 'gyur te/ rnam par smin pa med pa'i phyir lung du ma bstan pa nyid du thal lo//zag pa dang bcas pa gang zhig 'bras bu 'byin par mi nus par de kho na la thal ba 'dir 'gyur ro zhes zer ro/ /gzhan rnam gsum zhes bya ba la/ khams zhes bya ba skabs su bab par rjes bsnyag ste/ rnam pa gcig gam/ rnam pa gnyis ni ma yin no/ / de la dge ba ni nad dang bral ba ste/ son to zhes bya ba'i don to/ /yang na ku sha zhes bya ba ni shes rab kyi rnam grangs so/ /la ni len pa ste/ shes rab kyis yongs su bzung ba'o/ /yang na dge ba ni shes rab yongs su 'dzin par byed pa'o/ de lta yin na ha cang thal bar 'gyur ro zhe na/ ma yin te/ khyad par du 'phags pa kho na dang mngon par 'brel ba'i phyir ro/ /de la sems kyi khams bdun ni don dam pa dang / ngo bo nyid dang / kun nas slong bas dge bar ma gyur pa'i phyir te/ de'i phyir ma chags pa la sogs pa dang mtshungs pa dag ni dge ba yin no zhes bya ba smos so/ /chags pa la sogs pa dag dang mtshungs par ldan pa dag ni mi dge ba'o//gzhan dag ni zhes bya ba ni rnam par smin pa las skyes pa rnams la sogs pa lung du ma bstan pa dag go/ /chos kyi khams ni ma chags pa la sogs pa'i zhes bya ba la/ ma chags pa dang / zhe sdang med pa dang / gti mug med pa dang / ngo tsha shes pa dang /khrel yod pa dang / chos lnga po de dag ni rang gi ngo bos dge ba yin gyi/ gzhan dang mtshungs par ldan pas ni ma yin no/ /tshor ba la sogs pa sems las byung ba gzhan gang dag /ma chags pa la sogs pa dang mtshungs par ldan pa de dag ni mtshungs par ldan pa kho nas dge ba yin gyi/rang gi ngo bos ni ma yin no/ /ma chags pa la sogs pas kun nas bslang ba skye ba la sogs pa ldan pa ma yin pa dang / rnam par rig byed ma yin pa'i gzugs kyang ste/ 'di dag gi dge ba nyid ni kun nas slong ba'i dbang gis yin gyi/ mtshungs par ldan pa dang rang gi ngo bos ni ma yin no//so sor brtags pas 'gog pa ni zhes bya ba ni don dam pas dge ba yin no/ /chags pa la sogs pa'i ngo bo nyid dang zhes bya ba la/ chags pa dang / sdang ba dang / gti mug dang / ngo tsha med pa dang / khrel med pa ni rang gi ngo bos mi dge ba'o/ /chags pa la sogs pa dang mtshungs par ldan pa tshor ba la sogs pa ni mtshungs par ldan pa'i sgo nas so//skye ba la sogs pa dang / rnam par rig byed ma yin pa'i gzugs ni kun nas slong ba'i sgo nas so/ /gzhan ni lung ma bstan pa yin no zhes pa ni gang zhig dge ba dang mi dge ba'i nang gi ngo bo dang / de dag dang mtshungs par ldan pa dang /de dag gi kun nas slong ba ma yin pa ste/ dper na nam mkha' dang / so sor brtags pa ma yin pas 'gog pa dang / tshor ba la sogs pa lung du ma bstan pa'i sems dang mtshungs par ldan pa dang / ji skad du bshad pa'i lung du ma bstan pa'i sems kyis kun nas bslang ba ldan pa ma yin pa dag go//gzugs dang sgra'i khams dag ni kun nas bslang ba'i dbang gis dge ba dang mi dge ba nyid do/ /lus dang ngag gi rnam par rig byed kyis bsdus pa zhes bya ba la/ gzugs kyi khams ni lus kyi rnam par rig byed kyis bsdus la/ sgra'i khams ni ngag gi rnam par rig byed kyis bsdus so//de las gzhan pa dag ni lung du ma bstan pa yin no zhes bya ba la/ lung du ma bstan pa'i sems kyis kun nas bslang ba'i lus dang ngag gi rnam par rig byed dang / rnam par rig byed las tha dad pa'i gzugs dang / sgra thams cad do/ /dge ba la sogs pa'i dbye ba bshad zin to/ /'dod khams gtogs pa thams cad do//zhes bya ba la/ gtogs pa ni ma bral ba ste/ 'dod pa'i khams kyi rang bzhin yin te/ 'dod pa na spyod pa'i sred pas bdag gir byas zhes bya ba'i don to/ /gzugs kyi khams na bcu bzhi'o/ /zhes bya ba la/ gzugs kyi khams na ni khams bcu bzhi ste/ gzugs gtso bo yin pa'i phyir gzugs kyi khams la gzugs dag ces brjod do//yang ji ltar na bcu bzhir 'gyur zhe na/ dri dang ro dang sna dang ni/ /lce yi rnam shes khams ma gtogs/ /zhes bya ba smos so/ /de gnyis ni zhes bya ba ni dri dang / ro gnyis so/ /de'i 'dod chags dang bral ba rnams kyang der skye ba'i phyir ro zhes bya ba la/kham gyi zas kyi 'dod chags dang bral ba rnams gzugs kyi khams su skye ba'i phyir ro/ /dri dang ro med pas sna dang lce'i rnam par shes pa gnyis kyang med de/ dmigs pa med pa'i phyir ro/ /gang gi phyir yul med pa'i rnam par shes pa ni 'ga' yang mi skye ba'i phyir te/ dper na gzugs med pa'i khams na gzugs dang sgra la sogs pa'i rnam par shes pa bzhin no//de lta na ni 'o na zhes bya ba rgya cher 'byung ste/ kham gyi zas ni 'dod pa na/ /skye mched gsum gyi bdag nyid do/ /zhes bya bas dri dang / ro dang / reg bya'i khams kyang kham gyi zas yin pa'i phyir med par thal bar 'gyur ro/ /de'i phyir gzugs kyi khams na bcu gnyis so zhes brjod par bya'i/bcu bzhi zhes ni mi bya'o/ /ci ste gzugs dang sgra bzhin du/ /reg bya yang de na yod pa nyid yin na ni de lta na ni 'o na de'i 'dod chags dang bral ba rnams der skye ba'i phyir ro zhes bya ba'i gtan tshigs ma nges so/ /zas kyi rang bzhin ma yin pa gang yin pa de ni de na yod do zhes bya ba ni ma nges par spong ba ste/de dag ni khams kyi rang bzhin las 'dod chags dang bral gyi/ reg bya thams cad las ni ma yin la/ zas kyi rang bzhin yin pa ni de na yod pa ma yin pas ma nges pa med do/ /dri dang ro dag kyang de [(]lar [,]ltar [)]thal bar 'gyur ro zhes bya ba la/ reg bya ltar gang dag zas kyi rang bzhin ma yin pa de gnyis de na yod par 'gyur te/de lta yin dang / gzugs na yang khams bco brgyad do zhes brjod par bya'i/ bcu bzhi'o zhes ni mi bya'o/ /zas med pas zhes bya ba ni/ dri dang ro dag reg bya ltar kham gyi zas las tha dad pa'i bdag nyid med do zhes ston to/ /de'i phyir bshad pa ji ltar nye bar bkod pa kho na mi 'gal lo//reg bya ni zhes bya ba ni gzhan du yongs su longs spyod pa'i phyir kham gyi zas las tha dad pa'i bdag nyid ston par byed do/ /dbang po'i rten gyi dngos por ni 'byung ba rnams te/ reg bya med na ni/ de na 'byung ba rnams med par 'gyur la/de med par rgyur byas pa'i gzugs kyang med pa'i phyir gzugs med pa dang mtshungs pa go gzugs kyi khams su ji ltar 'gyur/ gzhi dang zhes bya ba ni gang la rab tu gnas pa gzhal med khang dag go/ /'gog pa'i dngos por ni dgos pa dag ste/ de'i phyir gzhan du yongs su longs spyod pa'i phyir gzugs kyi khams na dri dang ro gnyis dgos pa med kyi/reg bya ni ma yin te/ rnam pa gzhan du yongs su longs spyod pa yod pa'i phyir ro/ /gzhan dag na re zhes bya ba ni slob dpon dpal len no/ /snyoms par 'jug pa'o zhes bya ba rgyas par 'byung ste/ snyoms par 'jug pa smos pa ni skye ba'i bsam gtan las khyad par du byas pa'i phyir ro//snyoms par 'jug pa'i bsam gtan ni snyoms par 'jug pa'i bsam gtan no/ /'dir zhes bya ba ni 'dod pa'i khams su'o/ /gzugs rnams kyang mthong zhing zhes bya ba ni lha'i mig gis te/ phra ba dang / chad pa dang / thag ring ba rnams so//sgra rnams kyang thos la zhes bya ba ni lha'i rna bas so/ /shin tu sbyangs pa dang lhan cig par gyur pa ni shin tu sbyangs pa dang lhan cig skyes pa'o/ /reg bya'i khyad par gyis zhes bya ba ni lus mnyen pa nyid do/ /de yang rgyur byas pa'i gzugs 'jam pa nyid kyis bsdus pa lus las su rung ba nyid do//bsam gtan gyis kun nas bslang ba gzugs spyod pas lus la phan 'dogs par byed do/ /'dir snyoms par 'jug pa ci 'dra ba de dang 'dra ba zhig ste/ der skye'o zhes bya ba ni grub pa'i mtha' yin pa'i phyir/ gzugs dang / sgra dang / reg bya'i khams gsum kho na de na yod kyi/ dri dang / ro gnyis ni ma yin no/ /slob dpon dpal len gyi lugs byas te/ bye brag tu smra ba'i lugs glags dang bcas par mthong nas rnam par gtan la dbab pa mthong ngo / /'di la bye brag tu smra ba rnams kyis yod pa dang med pa nyid kyi rgyur dgos pa dang bcas pa nyid dang / dgos pa med pa nyid smra ste/de'i phyir gtan tshigs 'khrul par bstan pa'i phyir/ de lta na ni 'o na sna dang lce'i dbang po dag kyang zhes rgya cher smos te/ 'di ltar dbang po'i dgos pa ni rang gi yul dmigs pa yin na/ de na ni dri dang ro dag la dmigs pa med de de dag gi yul med pa'i phyir ro/ /de'i phyir sna dang lce gnyis dri dang ro ltar dgos pa med pa'i phyir de na yod pa mi rigs so//dgos pa yod de zhes bya ba la/ lnga po rnams ni don bzhi la dbang byed ces mig la sogs pa rnams kyi dgos pa rnam pa bzhi yin no/ /gal te yang sna dang lce dag la der gzhan rnam pa gsum mi srid mod kyi/ de gnyis med par rten mdzes par mi 'gyur la/lce'i dbang po med par mngon par brjod par yang mi 'gyur ro/ /gzhan dag na re grangs bzhin du sbyar ro zhes zer ro/ /gal te dgos pa der zad na zhes bya ba rgyas par 'byung ste/ bstan du yod pa rnams kho na mdzes kyi/ bstan du med pa rnams ni ma yin no/ /dbang po med pa'i rten ni mi srid do zhes bya ba la/de la mig la sogs pa'i rten ni chos mthun pa'i sgo nas yin la pho'i dbang po'i rten ni chos mi mthun pa'i sgo nas so/ /de ni dgos pa med pa'i phyir zhes bya ba la/ pho'i dbang po'i rten gyis ni dper mdzes pa la sogs pa'i dgos pa mi sgrub pas/ de dgos pa med pa'i phyir dri dang ro ltar mi srid par rigs kyi/sna dang lce'i rten ni mdzes pa dang / mngon par brjod pa'i dgos pa dang ldan pa'i phyir/ dbang po med par yang srid pas rigs so/ /dgos pa dang bcas pa 'ba' zhig tu ma zad kyi/ dgos pa med par yang dbang po mngon par grub par 'gyur ro/ / don 'di ni dpe med par bstan par mi nus pas/ dper na mngal du nges par 'chi ba rnams kyi lta bu'o zhes dpe smos te/ nges pa smos pa ni 'chi ba ma nges pa rnams la cha gcig la dgos pa yod pa'i phyir te/ skyes pas gzugs la sogs pa mthong ba srid pa'i phyir ro/ /dgos pa med pa yin mod kyi/rgyu med pa can ni ma yin no zhes bya ba la/ 'di skad bstan par 'gyur te/ mngal du nges par 'chi ba rnams la dbang po skye ba'i rgyu yod kyi/ gzugs kyi khams na ni sna dang lce'i dbang po gnyis mngon par grub pa'i rgyu med pas de na sna dang lce'i dbang po bdag med pa nyid do/ /de na rgyu med pa mi srid do snyam ste 'dri ba ni/dbang po skye ba'i rgyu gang zhe na zhes bya ba'o/ /dbang po la srid pa dang bcas pa'i las kyi khyad par ro zhes bya ba la/ skye mched drug la bdag tu chags pa dang ldan pa'i yul la mngon par zhen pa'i phyir te/ de nye bar longs spyod pa'i dbang po la srid pa dang bcas pa'i las kyi khyad par ro//gang yang yul la srid pa dang bral ba de ni gdon mi za bar dbang po las kyang srid pa dang bral ba yin pas zhes bya ba la/ yul so sor myong bar bya ba'i phyir dbang po 'dod de/ dper na gang zhig 'khrig pa'i reg pa las 'dod chags dang bral ba de ni pho'i dbang po'i las kyang 'dod chags dang bral ba yin pa bzhin no//de'i phyir sna dang lce'i dbang po la 'dod chags dang bral ba'i phyir de na de dag gi rgyu las kyi khyad par yod pa ma yin te/ pho'i dbang po'i rgyu bzhin no/ /ci ste yul la 'dod chags dang bral yang dbang po la 'dod chags dang bral bar mi 'gyur ro zhe na/ de'i phyir slob dpon gyis pho'i dbang po yang ci ste 'grub par mi 'gyur zhes bya ba smos te/ gal te yul las 'dod chags dang bral yang 'dzin par byed pa'i dbang po las 'dod chags dang bral bar mi 'gyur na'o/ /de'i phyir rgyu dang bcas pa skye'o/ /bye brag tu smra ba rnams na re mi mdzes par byed pa'i phyir yin gyi/der de la 'dod chags dang bral ba'i phyir ni ma yin no zhe'o/ /rdzogs pa'i sangs rgyas dang 'khor los sgyur ba ltar 'doms kyi sba ba sbubs su nub pa rnams kyi ci'i phyir mi mdzes par 'gyur/ 'doms kyi sba ba ni 'doms kyi sba ba'o/ /'doms ni gang gi pho'i dbang po de gtums pa'o//sba ba ni pho'i dbang po'o/ /sbubs ni gang na 'doms kyi sba ba de gnas pa'o/ /gang dag la 'doms kyi sba ba sbubs su nub pa yod pa de dag ni 'doms kyi sba ba sbubs su nub pa yin te/ de'i phyir de rnams kyi zhes tshig bsdu ba'o/ /dgos pa'i dbang gis 'byung ba yang ma yin no zhes bya ba ni slob dpon gyis gsungs pa'o//'o na ci zhig ce na/ smras pa/ rgyu'i dbang gis te/ de'i phyir rgyu yod na mi mdzes par byed bzhin du yang 'byung bar 'gyur ba nyid do/ /yang de'i rgyu gang zhig ce na/ de la 'dod chags dang ma bral ba'i las kyi khyad par sred pa sngon du 'gro ba can no/ /'o na ni mdo las zhes bya ba ni bye brag tu smra ba rnams kyis smras pa'o//khas blangs pa la gnod pa smras pa ste/ gal te pho'i dbang po ltar sna dang lce'i dbang po gnyis der mi skye na'o/ /mdo gang zhig ce na/ dbang po rnams ma tshang ba med cing med pa ma yin no zhes bya ba de'o/ /de na dbang po gang dag srid pa zhes bya ba ni slob dpon gyis lung dang 'gal ba spong ba smras pa ste/mig dang / rna ba dang / lus kyi dbang po dag gis yin gyi sna dang lce'i dbang po 'dod pa na spyod pa dag gis dbang po rnams med pa ma yin pa ni ma yin no zhes ston to/ /slob dpon nyid kyis de lta ma yin na zhes bya ba smos so//de lta ma yin te/ de na dbang po gang dag srid pa de dag gis dbang po rnams med pa ma yin no zhes de ltar mi 'dod na ni/ sna dang lce'i dbang po gnyis ji lta ba bzhin du pho'i dbang po la yang thal bar 'gyur te/ gal te 'dod pa na spyod pa rnams kyi dbang du byas nas dbang po rnams med pa ma yin par 'gyur na'o//'di skad du zhes bya ba ni sngon gyi slob dpon rnams kyis smras pa'o/ /lus kyi sgo nas skye mched drug pa sred pa kun du spyod kyis zhes bya ba la/ 'di la bdag tu nga rgyal ba gzhag pas ni skye mched drug lus yin te/ nga 'am bdag gi snyam du sems pa'i phyir ro/ /de'i phyir khyad par med par skye mched drug la sred pa 'jug go//yul gyi sgo nas ni ma yin pas zhes bya ba ni yul dmigs pa'i sgo nas ma yin pa ste/ de'i phyir yul la 'dod chags dang bral bas de'i 'dzin par byed pa dbang po la 'dod chags dang bral bar mi 'gyur ro/ /'khrig pa'i reg pa'i 'dod chags dang bral ba rnams ni pho'i dbang po las 'dod chags dang bral bar mi 'gyur te/'khrig pa'i reg pa'i sgo nas de la sred pa 'jug pa'i phyir te/ 'khrig pa'i reg pa'i dmigs pa'i sgo nas zhes bya ba'i don to/ /gal te pho'i dbang po yang yul gyi skye mched kyis bsdus pa'i phyir skye mched drug gis bsdus pa nyid ma yin nam/lus las pho dang mo dbang dag /ces 'byung ba'i phyir ro/ /de'i phyir de la lus kyi sgo nas sred pa 'jug par thal bar 'gyur ro zhe na/ pho'i dbang po yang dag par grub par byed pa'i las ni 'khrig pa'i reg pa la sred pa sngon du 'gro ba can yin te/ de'i phyir 'di la yul gyi sgo nas sred pa kun du spyod kyi/lus kyi sgo nas ni ma yin no/ /gzugs med pa'i khams na khams dag du zhig yod ce na/ gzugs med gtogs pa yid dang ni/ /chos dang yid kyi rnam shes khams/ /zhes bya ba smos so/ /khams gsum po 'di dag kho na yin gyis gzhan ni ma yin no//ci'i phyir zhe na/ gzugs kyi 'dod chags dang bral ba rnams der skyes te/ de'i phyir de na gzugs kyi rang bzhin gyis zhes bya ba smos te/ dbang po'i khams lnga dang / yul gyi khams lnga med la/ de dag la brten pa dang dmigs pa rnam par shes pa'i khams lnga la yang med do//mig la sogs pa dang / gzugs la sogs pa de dag go rims bzhin rten dang dmigs pa gang rnams la yod pa mig la sogs pa'i rnam par shes pa de rnams ni de dag la brten pa dang dmigs pa yin te/ go rims bzhin du mig la sogs pa rten yin zhing /gzugs la sogs pa dmigs pa yin no/ /'di ltar rten med pa dang dmigs pa med pa'i rnam par shes pa ni yod pa ma yin te/ rnam par shes pa ni gnyis la brten nas skye'o zhes 'byung ba'i phyir ro/ /de'i phyir de na mig la sogs pa rnams dang / gzugs la sogs pa rnams med pa'i phyir mig la sogs pa rnam par shes pa'i khams rnams med do//zag pa dang bcas pa dang zag pa med pa'i rnam pa'i skabs su babs pas gang dag lam gyi bden pa dang / 'dus ma byas kyis bsdus pa zhes bya ba 'byung ba la/ bden pa smos pa ni 'jig rten pa'i lam bzlog par bya ba'i phyir te/'jig rten pa'i lam sdug bsngal dang / kun 'byung gi bden pas bsdus pa'i phyir lam gyi bden pa ma yin no/ /de la lam gyi bden pas bsdus pa'i chos kyi khams ni zag pa med pa'i sdom pa dang / sems las byung ba rnams dang / ldan pa ma yin pa'i 'du byed zag pa med pa rnams so//lam gyi bden pas bsdus pa'i yid kyi khams dang / yid kyi rnam par shes pa'i khams dag ni zag pa med pa'i rnam par shes pa'o/ /'dus ma byas ni chos kyi khams kho nas bsdus so/ /lhag ma rnams ni zag bcas so/ /zhes bya ba la/ ni'i sgra ni lhag ma rnams zag pa dang bcas pa kho na'o zhes nges par bzung ba dang /rim pa bzhin du sbyor bar rig par bya'o/ /rtog dang dpyod dang bcas pa ni/ /rnam par shes pa'i khams lnga yin/ /zhes bya ba la/ ni'i sgra ni rtog pa dang / dpyod pa dang bcas pa nyid do zhes nges par bzung ba'i don no/ /de'i phyir/ 'di dag ni rtag tu zhes bya ba la sogs pa smos so//yang ci'i phyir 'di dag rtag tu rtog pa dang dpyod pa dag dang mtshungs par ldan zhe na/ 'di ltar de dag kha phyi rol tu bltas pa'i phyir rtsing ba dang / rtog pa dang / dpyod pa dang / rjes su 'brel ba'i sa na yod pa'i phyir ro/ /tha ma gsum ni rnam gsum mo//zhes bya ba la/ ci ltar nges par gzung zhe na/ tha ma gsum kho na rnam pa gsum mo zhes nges par gzung ngo / /mthar 'don pa'i phyir na tha ma'o/ /ldan pa ma yin pa la rtog pa dang / dpyod pa dang / mtshungs par ldan pa med pas rtog pa dang dpyod pa dang bcas pa mi srid pa de'i phyir/chos kyi khams zhes bya ba la sogs pa smos so/ /chos kyi khams mtshungs par ldan pa smos pas rtog pa dang dpyod pa gnyis la yang thal bar 'gyur la/ de dag la yang rtog pa dang dpyod pa gnyis pa med pas rtog pa dang bcas dpyod pa dang bcas pa mi srid do/ /de'i phyir/ rtog pa dang dpyod pa dag las gzhan pa zhes bya ba smos so//bsam gtan dang po'i gong na rtog pa med pa'i phyir dang / bsam gtan khyad par can gyi gong na dpyod pa med pa'i phyir dang / khams tha ma dag kyang khams gsum pa'i phyir dang / 'dod pa'i khams dang / bsam gtan dang po na ni zhes bya ba smos te 'dod pa'i khams dang /bsam gtan dang po dag na ni gang zhig rtog pa dang / dpyod pa dang mtshungs par mi ldan par 'gyur ba/ rtog pa dang dpyod pa spangs pa'i sems dang sems las byung ba'i rnam pa 'ga' yang yod pa ma yin no/ /bsam gtan khyad par can rtog pa med pa'i gong na yang yod pas de'i phyir bsam gtan khyad par can ni rtog pa med cing dpyod pa tsam dag yin no zhes bya ba smos te/dpyod pa kho na dang mtshungs par ldan gyi/ rtog pa dang ni ma yin no zhes bya ba'i tha tshig go/ /bsam gtan gnyis pa nas bzung ste zhes bya ba la/ bsam gtan khyad par can gyi gong na rtog pa dang dpyod pa med pas mtshungs par ldan pa med pa'i phyir ro//chos kyi khams mtshungs par ldan pa ma yin pa thams cad kyang gnyis ga ma yin pa ste/ thams cad smos pa ni 'dus byas dang / 'dus ma byas bsdu bar bya ba'i phyir dang / sa bsdu bar bya ba'i phyir ro//bsam gtan khyad par can gyi dpyod pa ni zhes bya ba ni rtog pa med pa'i phyir dang / dpyod pa gnyis pa med pa'i phyir te/ rtog pa yang med la dpyod pa yang med pa dag yin no zhes bya bar snyegs so/ /rtog pa ni rtog pa gnyis pa med pa'i phyir dang / dpyod pa dang mtshungs par ldan pa'i phyir rtag tu rtog pa med cing dpyod pa tsam yin te/dpyod pa dang mtshungs par ldan pa'i phyir na dpyod pa dang bcas pa'o/ /'dod pa'i khams dang bsam gtan dang po'i dpyod pa ni rnam pa gsum po 'di dag gi nang du mi 'du na zhes bya ba la/ rtog pa dang bcas dpyod pa dang bcas pa dang / rtog pa med la dpyod pa tsam dang /rtog pa yang med la dpyod pa yang med pa'i nang du'o/ /ji ltar zhe na/ re zhig rtog pa dang bcas dpyod pa dang bcas pa zhes bya ba rnam pa dang po'i nang du ni mi 'du ste/ dpyod pa gnyis pa med pa'i phyir ro/ /rtog pa med la dpyod pa tsam yang mi srid de/ 'dod pa'i khams dang /bsam gtan dang po na rtog pa dang lhan cig tu gyur pa'i phyir dang / dpyod pa gnyis pa med pa'i phyir ro/ /rtog pa yang med la dpyod pa yang med pa mi srid de/ rtog pa dang mtshungs par ldan pa'i phyir ro/ /de ji skad du brjod par bya zhes bya ba ni 'dod pa'i khams dang / bsam gtan dang po'i sa pa'i dpyod pa la'o/ /de'i phyir/ dpyod pa med cing rtog pa tsam yin no zhes bya ba smos te/ dpyod pa gnyis pa med pa'i phyir dang / rtog pa dang mtshungs par ldan pa'i phyir ro/ /de nyid kyi phyir zhes bya ba la/ gang gi phyir de na dpyod pa rnam pa gsum po dag tu mi 'du ba de'i phyir de la gzhan du rnam par gzhag par byed do//rtog pa dang bcas dpyod pa dang bcas pa'i sa nas zhes bya ba rgyas par 'byung ba la/ 'dod pa'i khams dang / bsam gtan dang po na'o/ /rnam pa dang po ni rtog pa dang / dpyod pa dang mtshungs par ldan pa'i phyir ro/ /rnam pa gnyis pa ni dpyod pa dang mtshungs par ldan pa'i phyir dang /rtog pa gnyis pa med pa'i phyir ro/ /rnam pa gsum pa ni ldan pa ma yin pa nyid kyi phyir ro/ /rnam pa bzhi pa ni rtog pa dang mtshungs par ldan pa'i phyir dang / dpyod pa gnyis pa med pa'i phyir ro/ /lhag ma rnams ni gnyis ka spangs/ /zhes bya ba la/ji ltar nges par gzung zhe na/ lhag ma rnams ni gnyis ka spangs pa nyid do zhes bya bar ro/ /de gnyis dang mtshungs par mi ldan pa'i phyir rtog pa dang dpyod pa spangs pa ste/ sems dang sems las byung ba'i rang bzhin ma yin pa de'i phyir ro/ /gal te rnam par shes pa'i tshogs lnga po rnams zhes bya ba rgyas par 'byung ste/rtog pa ni rnam par rtog pa yin na de dang mtshungs par ldan pa rnams ji ltar rnam par rtog pa med pa dag ces bya/ yang rnam par rtog pa med pa dag ces gang du bshad ce na/ yid kyi rnam par shes pa kho na de dang de las rnam par rtog pa can nyid du bstan pas don gyis rnam par shes pa'i tshogs lnga po rtog pa med par bshad do//gzhan yang gsungs te/ rnam par rtog pa med pa'i phyir lus dang ngag gi las kun nas slong bar mi byed do zhes 'byung ba'i phyir ro/ /nges par rtog pa dang / rjes su dran pa'i rnam par rtog pas rnam par mi rtog go zhes rnam par rtog pa med pa dag yin gyi/ngo bo nyid kyis rnam par rtog pas rnam par mi rtog pa ni ma yin no/ /rnam par rtog pas ni rnam pa gsum mo zhes grag ste zhes bya ba la/ grag ste'i sgras ni bye brag tu smra ba'i tshig yin par ston to/ / de bas na rnam par shes pa'i tshogs lnga la ngo bo nyid kyi rnam par rtog pa yod mod kyi/ nges par rtog pa dang / rjes su dran pa'i rnam par rtog pa med do/ /de'i phyir rnam par rtog pa med pa dag ces bya ste/ dper na rta rkang gcig pa la rkang pa'i bya ba mi nus pa'i phyir rkang med ces bya ba de bzhin du dmigs pa nges par rtog pa dang /mngon par brjod pa med pa'i phyir rnam par rtog pa gcig pa dag la yang rnam par rtog pa med pa zhes bya'o/ /gal te yid kyi rnam par shes pa yang rnam par rtog pa gcig pa yod pa ma yin nam/ dper na bsam gtan gnyis pa la sogs pa dag gi mnyam par gzhag pa gang yin pa de rjes su dran pa'i rnam par rtog pa kho nas rnam par rtog pa dang bcas pa bzhin no zhe na/yod mod kyi/ yid kyi rnam par shes pa'i rigs la bsams nas de skad bshad do/ /ji ltar zhe na/ 'dod pa'i khams dang /bsam gtan dang po'i yid kyi rnam par shes pa mnyam par ma bzhag pa gang yin pa de ni rnam par rtog pa gsum gyis rnam par rtog pa dang bcas so/ /bsam gtan dang po'i mnyam par bzhag pa dang / gnyis pa la sogs pa dag gis mnyam par ma bzhag pa ni gnyis kyis yin la/ mnyam par bzhag pa ni gcig gis so/ /de la ngo bo nyid kyi rnam par rtog pa ni rtog pa yin te zhes bya ba la/ rnam par shes pa'i tshogs lnga ni rtsing ba'i phyir rtog pa'i ngo bo nyid des rnam par rtog pa can yin te/ de de dag la mtshungs par ldan par yod pa'i phyir ro/ /'dir sems las byung ba'i rang bzhin ston pa'i skabs su ma bab po zhe na/de'i phyir/ de ni 'og nas sems las byung ba dag gi nang nas zhes bya ba la sogs pa smos te/ rtog pa dang dpyod pa rtsing zhib nyid ces bya ba de gnas so/ /nges par rtog pa dang / rjes su dran pa'i rnam par rtog pa dag gis ni gnas skabs kyis gzhag pa de nyid kyi mtshan nyid ni gdon mi za bar 'di nyid du brjod par bya dgos te/gzhan du gnas skabs med pa'i phyir ro/ /de nyid kyi phyir/ gzhan dag gi rang bzhin ni zhes bya ba smras te/ shes rab ni mig la sogs pa'i rnam par shes pa dang lhan cig skye ba dang / yid las byung ba yang yod la/yid las byung ba yang mnyam par bzhag pa dang / mnyam par ma bzhag pa yang yod pas de'i phyir/ yid kyi shes rab g.yeng zhes khyad par gnyis nye bar bzung ngo / /a gra ni dmigs pa la mngon par 'dod do/ /dmigs pa dang bral ba ni g.yeng ba dang / dmigs pa sna tshogs te/ dmigs pa gzhan la g.yengs pa'i phyir ro/ /ci'i phyir de nges par rtog pa'i rnam par rtog par brjod ce na/ ming la ltos nas dmigs pa gzhan la 'jug pa'i phyir te/ gzugs so/ /tshor ba'o/ /'du shes so/ /'du byed do/ /rnam par shes pa'o snyam du nges par rtog pa'i phyir dang /mi rtag pa dang sdug bsngal ba dang / stong pa dang / bdag med pa'o zhes bya ba la sogs pa nges par rtog pa'i phyir ro/ /bsgoms pa las byung ba'i shes rab mnyam par gzhag pa ni ming la mi ltos pa kho nar dmigs pa la 'jug ste/ des na mnyam par ma bzhag pa gang yin pa de ni nges par rtog pa'i rnam par rtog pa ste/ming gi dbang gis don la nges par rtog pa'i phyir ro/ /shes rab mnyam par gzhag pa ni ming la ltos pa med pa'i phyir don 'ba' zhig la dmigs pa kho na yin no/ /yid kyi dran pa thams cad nyid/ /ces bya ba la/ thams cad smos pa ni mnyam par bzhag pa dang mnyam par ma bzhag pa gzung bar bya ba'i don to//yid smos pa ni mig la sogs pa'i rnam par shes pa dang mtshungs par ldan pa'i dran pa'i bsal bar bya ba'i phyir ro/ /dmigs pa mngon par brjod pa yid yin pa'i phyir dang / ming nges par rtog pa la ltos pa med pa'i phyir yin gyi/dran pa mnyam par bzhag pa dang mnyam par bzhag pa ma yin pa thams cad kho na rjes su dran pa'i rnam par rtog pa'o/ /mig la sogs pa'i rnam par shes pa dang mtshungs par ldan pa ni mi g.yeng ba'i phyir rjes su dran pa'i rnam par rtog pa ma yin te/ rnam par rtog pa med pa'i rnam par shes pa dang mtshungs par ldan pa'i phyir ro//dmigs bcas sems kyi khams bdun no/ /zhes bya ba la/ bdun ni dmigs pa dang bcas pa nyid do zhes bya ba gzung bar bya'o/ /'di gang las she na/ chos kyi phyed kyang zhes 'byung ba'i phyir ro/ /'di dag la dmigs pa yod pas na dmigs pa dang bcas pa'o//yul dang / spyod yul dang / dmigs pa zhes bya ba ni rnam grangs dag go/ /chos kyi phyed kyang zhes bya ba la/ ci zhig ce na/ dmigs bcas zhes bya bar bsnyegs so/ /kyang gi sgras ni bsdu ba'i don te/ gzhan dag na re nges par gzung ba'i don to zhes zer ro//de ltar na sems dang sems las byung ba dag las gzhan pa rnams ni dmigs pa med pa'o zhes bya ba 'grub bo/ /ma zin dgu zhes bya ba 'byung ste/ 'di la dang gi sgra dang po ni bsdu ba'i don to/ /dang gi sgra gnyis pa ni sgra'i rnam grangs gzhan gsal bar bya ba'i don te/ kha cig na re sgra yang dbang po dang tha mi dad pa yod do zhes zer ro/ /dgu po gzhan ni rnam pa gnyis zhes 'byung ba'i phyir/ dgu ni ma zin pa'i kho na'o zhes bya bar shes so/ /chos kyi khams kyi phyed dmigs pa dang bcas par bshad la/ thams cad ni ma yin la/ ma zin par ni thams cad 'dod pa nyid de/ de'i phyir/ brgyad pa'i phyed dang bcas te zhes smos so/ /dgu po gzhan ni rnam pa gnyis/ /zhes bya ba la/ brtsam par ma gyur na ni zin pa kho na'o zhes bya bar shes par 'gyur ba zhig go/ /da ltar 'byung ba rnams ni zin pa yin te/ de dag la phan btags pa dang /gnod pa byas nas sems dang sems las byung ba rnams la phan btags pa dang / gnod pa byas par 'gyur ba'i phyir ro/ /'das pa dang / ma 'ongs pa rnams ni ma zin pa yin te/ de dag la phan btags pa dang gnod pa mi srid pa'i phyir ro/ /gzugs la sogs pa dbang po dang tha mi dad pa rnams dang /dbang po ni grub pa dang bden pa gcig pa'i phyir dbang po bzhin tha mi dad do/ /gzhan dag ni da ltar ba yin yang ma zin pa rnams te/ gang dag lus 'di la dbang po dang tha dad par gnas pa rnams so/ /'di lta ste/ rtsa ba ma gtogs pa'i zhes bya ba la/skra dang / ba spu dang / sen mo dang / so dag gi rtsa ba ni lus kyi dbang po dang tha mi dad pas spangs pa'i phyir te/ 'di ltar skra la sogs pa rnams bton nas tshor ba 'byung gi bcad nas ni ma yin no/ /de ltar na re zhig nang dag la yod pa'o/ /phyi rol dag la yod pa bshad pa ni/sa dang chu la sogs pa dag la yod pa zhes bya ba ste/ sogs pa smos pas ni me dang rlung dang / shing dang / so phag la sogs pa dag sdud do/ /'du byed rnams bdag med pa yin dang 'dzin pa po med pas mig la sogs pa rnams la zin pa nyid mi srid do snyam ste 'dri ba ni/ zin pa zhes bya ba'i don ci zhe na zhes bya ba'o//bstan bcos las ni bdag gi lus su gtogs pa'i zhes 'byung ngo / /de yang ci zhig ce na/ sems dang sems las byung ba rnams kyis bdag gir byas pa gang yin pa'o/ /bdag gir byas pa zhes bya ba ni gang zhig sems dang sems las byung ba rnams kyis rten gyi dngos por nye bar gzung ba'o//sems dang sems las byung ba gzugs can ma yin zhing / yul na mi gnas pa rnams kyis rten gyi dngos por nye bar gzung ba ni mos par dka'o zhe na/ de'i phyir rnam pa phan pa dang gnod pa dag gi phan tshun mthun par byed pa'i phyir nye bar gzung ba yin gyi/de la gnas pa'i phyir ni ma yin no/ /'di ltar mig la sogs pa rnams la snar blugs pa dang mig sman la sogs pas phan btags na/ rnam par shes pa gsal zhing ma 'khrugs pa skye bar rlung la sogs pas gnod pa byas na mi gsal ba dang 'khrugs pa skye ba yin no//de bzhin du rnam par shes pa tshor ba bde ba dang / sdug bsngal dang mtshungs par ldan pa rnams skyes na mig la sogs pa rnams 'phel ba dang / 'grib par 'gyur te/ de ltar na phan tshun mthun par byed pa yin no/ /sems dang sems las byung ba rnams mig la sogs pa rnams kyis zin pa nyid du thal bar 'gyur ba spangs pa'i phyir/'jig rten na sems pa dang bcas pa'o zhes brjod pa gang yin pa'o zhes bya ba smos so/ /gang zhig la 'jig rten na sems pa dang bcas pa zhes brjod ce na/ gang gi rten la gnod pa byas pas sdug bsngal 'byung ba dang / gang zhig 'dis rtswa ku sha dang /tshwa sgo dang / me dang / tsher ma dang / gnam lcags la sogs pa dag las srung ba dang / gang zhig 'dod pa dang / khro ba dang / mya ngan dang / 'jig pa dang dga' ba la sogs pa dag gis rnam par 'gyur ba'o/ /sems dang sems las byung ba rnams ni 'dzin pa yin pa'i phyir zin pa'o zhes mi brjod do//bye brag tu smra ba rnams ni gzugs gang zhig la gzir ba'am/ bcad pa na sdug bsngal 'byung zhing / bzlog pas bde ba 'byung ba de ni zin pa'o zhes zer ro/ /reg bya rnam pa gnyis yin te zhes bya ba la/ 'di ci zhig nges par bzung ste/ci reg bya nyid rnam pa gnyis yin nam/ 'on te reg bya rnam pa gnyis nyid yin zhe na/ gnyis ka ltar yang nges par gzung du rung ngo / /'byung ba dang 'byung ba las gyur pa'o zhes bya ba la/ ci'i phyir 'byung ba las gyur pa zhes brjod ce na/ 'byung ba dag la yod pa'i phyir ro zhes bya ba smos te/skye phyir rten phyir gnas phyir dang / /rtog pa'i phyir dang 'phel phyir ro/ /lhag ma gzugs can dgu po ni/ /'byung 'gyur zhes bya ba la/ gang las lhag ma yin zhe na/ reg bya'i khams bshad zin pa las lhag ma dag go/ /lhag ma zhes smras pas gzugs can ma yin pa la thal bar 'gyur ba'i phyir gzugs can zhes bya ba smos so//chos kyi khams la yang rnam par rig byed ma yin pa'i gzugs yod pas gzugs can nyid yin pa de'i phyir dgu po zhes bya ba smos so/ /rnam par rig byed ma yin pa'i gzugs kyang 'byung ba las gyur pa las yin pas de'i phyir de bsdu ba'i phyir/chos khams phyogs gcig kyang zhes bya ba smos so/ /kyang gi sgra ni bsdu ba'i don to/ /gzhan dag na re kyang gi sgra ni khams 'byung ba'i bdag nyid kho na yod pa ma yin pa nyid du bstan pa'i don to zhes zer ro/ /lhag ma rnams ni ma brtsams pa kho nas gnyis ka ma yin pa zhes bya ba 'grub bo//skye mched bcu po dag ni 'byung ba tsam mo zhes zer ro zhes bya ba la/ tsam gyi sgra ni 'byung ba las gyur pa yin pa rnam par gcad pa'i don to/ /de lta yin dang dri ba dang lan mi 'thad do zhe'o/ /skye mched bcu po de ni 'byung ba tsam mo zhes bya ba de ni de lta ma yin no//tshig tsam gyis dad par mi 'gyur bas rgyu smras pa ni/ 'byung ba rnams ni bzhi nyid dang sra ba la sogs pa mtshan nyid du nges par gzung ba'i phyir ro zhes bya ba ste/ mdo las/ bzhi nyid du nges par gzung ba'i phyir dang / sra ba la sogs pa mtshan nyid du nges par gzung ba'i phyir ro//de la 'byung ba chen po 'di dag ni bzhi ste zhes bzhi nyid du nges par gzung bas ni 'byung ba chen po bcu dag med do zhes ston te/ gal te 'byung ba las tha dad pa'i 'byung ba las gyur pa med na/ de lta yin dang skye mched ni bzhi'am gcig go zhes brjod dgos kyi/bcu zhes ma yin no/ /sra ba la sogs pa'i mtshan nyid du nges par gzung ba ni mig la sogs pa rnams dang / gzugs la sogs pa rnams 'byung ba dag gi nang du ma 'dus par ston te/ sra ba la sogs pa'i rang gi ngo bo dang mtshan nyid mi mthun pa'i phyir te/ tshor ba la sogs pa bzhin no/ /yang ji ltar de rnams 'byung ba dag dang mtshan nyid mi mthun par khong du chud ce na/ 'byung ba de dag reg bya yin pa'i phyir dang / reg pa'i yul yin pa'i phyir ro/ /'byung ba'i bdag nyid can du khyad par med pa'i phyir gzugs la sogs pa thams cad dbang po thams cad kyi gzung bar bya bar 'gyur zhing /de'i phyir dbang po du ma don med par 'gyur na/ de ni yod pa yang ma yin no/ /mig la sogs pas kyang ste/ mig dang / rna ba dang / sna dang / lce rnams kyis ni sra ba la sogs pa ste/ sra ba dang / gsher ba dang / dro ba dang / yang zhing g.yo ba nyid dag mi 'dzin te/ de'i phyir sa la sogs pa dag gzugs la sogs pa'i bdag nyid ma yin no/ /lus kyi dbang pos kyang kha dog la sogs pa ste/ kha dog dang / sgra dang / dri dang / ro dag 'dzin pa ma yin te/ de'i phyir gzugs la sogs pa rnams 'byung ba'i rang bzhin ma yin no zhes bya bar grub bo//mig la sogs pa rnams ni yul can yin pa'i phyir dang / yul nges pa'i phyir yul dag dang rang bzhin tha dad pa dang / phan tshun rang bzhin tha dad par khong du chud par bya'o/ /de'i phyir skye mched bcu po dag ni 'byung ba tsam ma yin par grub bo//'di ni re zhig rigs pa yin no/ /da ni lung ston te/ mdo las dge slong dag ces bya ba rgyas par 'byung ba la/ gzugs su rung bas na gzugs te/ gnod par byar rung zhes bya ba'i don to/ /de 'di la yod pas na mig la sogs pa'i skye mched la gzugs can zhes bya'o/ / reg bya'i skye mched kho nas 'byung ba chen po bzhi dag go zhes bya bar gsungs kyi/ mig la sogs pa'i skye mched rnams ni ma yin te/ rgyu byas pa zhes bya ba 'byung ba'i phyir ro/ /reg bya'i skye mched kyi phyogs gcig kho nas 'byung ba rnams bsdus pa'i phyir lhag ma mig la sogs pa dang / 'jam pa nyid la sogs pa ni 'byung ba dag ma yin no zhes bya bar gsal bar kun du bstan pa yin no//thams cad du 'byung ba'i bdag nyid yin na reg bya'i skye mched kho na rnam pa gnyis su bstan gyi/ mig la sogs pa'i skye mched rnams ma yin pa dang / mig la sogs pa'i skye mched rnams kho na rnam pa gcig tu bstan gyi/reg bya'i skye mched ma yin pa zhes bya ba 'di la 'byung ba dang 'byung ba las gyur pa gnyis rang gi ngo bo tha dad pas rgyu gzhan po ma yin pa ma yin te/ de'i phyir mdo dang 'gal bas skye mched bcu po dag 'byung ba tsam ma yin no/ /'o na mdo las gang zhes bya ba rgyas par 'byung ba la/gal te mig 'byung ba'i rang bzhin ma yin na/ ci'i phyir 'di skad du/ mig gi sha'i gong bu la/ /sra ba mkhregs par gyur pa ste/ /mkhrang ba'i rnam pa gang yin pa/ /zhes gsungs she na/ de dang tha mi dad par 'dug pa zhes bya ba rgyas par 'byung ba la/ de las mig de dang tha mi dad par 'dug pa'i ngang tshul yod pas tha mi dad par 'dug pa'o//'di skad bstan par 'gyur te/ gang mig gi sha'i gong bu la/ /zhes bya ba la nye bar bstan pa 'di ni sha'i mig gi gong bu gang zhig mig gi dbang po dang lhan cig 'dug cing / de'i rten du gyur pa de'i yin te/ rten la brten pa btags pa'i phyir ro//gang gi phyir mig ni sha'i gong bu'i bdag nyid ma yin te/ dang ba'i bdag nyid can ma yin pa'i phyir ro/ /gzhan dag na re 'jig rten gyi tha snyad dang mthun par tha snyad gdags pa'i phyir de skad gsungs te/ 'jig rten na ni de'i rten sha'i gong bu 'byung ba dang 'byung ba las gyur pa'i bdag nyid can la mig tu 'du shes kyi/dbang po la ni ma yin no zhes zer ro/ /yang na rgyu mtshan gyi 'dun pa brjod par gzhi'i 'dun pa ma yin par rtogs par 'gyur te/ de las 'byung ba dbang po de dang tha mi dad pa 'dug pa gong bu mtha' dag gi rten gsungs pa'i phyir ro/ / gal te mig la sogs pa rnams dang / gzugs la sogs pa rnams 'byung ba'i bdag nyid ma yin na dge slong mi 'di ni khams drug pa yin te/ sa dang / chu dang / me dang / rlung dang / nam mkha' dang / rnam par shes pa'i khams yin no zhes bya ba ston pa'i gsung dang 'gal bar 'gyur te/gzugs la sogs pa dang / mig la sogs pa sa la sogs pa las tha dad pa rnams yod na mi 'di ni khams drug pa yin no zhes brjod par mi rigs so zhe na/ mngal du 'jug pa na sems can gyi rdzas kyi gzhi bstan par bya ba'i phyir te/ mdo ni dgongs pa can yin pa'i phyir 'gal ba med do//de las nur nur po la sogs pa'i gnas skabs kyi sems can gyi rdzas kyi gzhi ste/ dang po bstan pa'i phyir gzugs la sogs pa rnams yod bzhin du khams drug tu gsungs te/ de la 'byung ba bzhi las mig la sogs pa reg pa'i skye mched rnams skye ba'i phyir dang / rnam par shes pa'i khams kyang yid kyi 'dus te reg pa'i skye mched de/ ci zhe na/ skye ba'i phyir sems can gyi rdzas kyi gzhi yin no/ /mig la sogs pa rnams dang / gzugs la sogs pa rnams 'byung ba la brten pa'i phyir 'byung ba dag bzhir bstan gyi/ brten pa sems las byung ba rnams dang /'byung ba las gyur pa ni ma yin no/ /gzhan dag ni nying mtshams 'byor par 'brel ba'i tshe mig la sogs pa rnams med pas de dag ma gsungs la/ de'i tshe lus kyi dbang po yod mod kyi/ des de'i gnas skabs na grang ba la sogs pa yongs su gcod par ni mi nus te/ yod kyang rang gi dgos pa mi byed pa gang yin pa de ni dgos pa dang mi ldan pa rnams kyis rnam par mi 'jog go snyam du sems so/ /de ltar na khams drug po 'di dag sems can gyi rdzas kyi gzhi yin te/ nying mtshams sbyor sems nas 'chi 'pho ba'i sems kyi bar du dgos pa dang bcas pa'i phyir ro//gal te ston pa'i dgongs pa de ltar yin gyi/ 'byung ba tsam zhig bzhed pa ni ma yin no zhes bya bar khong du chud ce na/ yang rig pa'i tshogs drug gsungs pa'i phyir te/ mdo de nyid las mig gi 'dus te reg pa'i skye mched nas yid kyi 'dus te reg pa'i skye mched kyi bar reg pa'i skye mched drug gsungs te/de'i phyir 'byung ba tsam ma yin pa'i phyir khams drug gsungs pa yin no zhes bya bar shes te/ de ltar ma yin na mig la sogs pa rnams sa'i khams la sogs pa las tha mi dad pa'i phyir/ reg pa'i skye mched drug ces yang mi gsung bar yang mi 'gyur ro//de la mig nyid reg pa'i skye mched yin pa ni mig gi reg pa'i skye mched de/ yid kyi reg pa'i skye mched kyi bar ni sems las byung ba'i chos reg pa'i rten yin no zhes bya ba'i don to/ /sems las byung ba rnams med par thal bar 'gyur ba'i yang phyir ro/ /ci yin zhe na/ khams drug tsam yin pa'i phyir mdo las khams drug gsungs kyi/'byung ba las gyur pa ni yod pa ma yin no zhes bya ba ma yin te/ 'o na ci zhe na/ sems kyi rdzas kyi gzhi bstan pa'i phyir yin no/ /gal te mdo las sa'i khams la sogs pa ltar mig la sogs pa dang / gzugs la sogs pa rnams ma gsungs pas de rnams med par 'dod na de ltar na tshor ba la sogs pa sems las byung ba rnams kyang ma gsungs pas de dag kyang med par thal bar 'gyur ro//ci ste ji ltar 'byung ba dag kho nas 'byung ba las gyur pa yin pa de bzhin du sems nyid sems las byung ba rnams yin gyi sems las don gzhan du gyur pa ni ma yin pas thal ba 'dir mi 'gyur ro zhe na/de'i phyir/ sems nyid ces bya ba rgyas par smos so/ /ci'i phyir zhe na/ mdo dang 'gal ba'i phyir te/ mdo las 'du shes dang zhes bya ba rgyas par 'byung ngo / /gzhan yang sems 'dod chags dang bcas pa la sogs pa 'byung ba'i phyir te/mdo las zhes bya bar sbyar ro/ /sems nyid sems las byung ba rnams yin no zhes khas blang bar ni mi rigs te/ gang gi phyir sems 'dod chags dang bcas/ sems zhe sdang dang bcas/ sems gti mug dang bcas zhes gsungs pa'i phyir ro/ / gzhan zhig gzhan dang bcas so zhes bya bar ni brjod kyi/ bdag nyid bdag nyid dang ni ma yin te/ de'i phyir sems nyid sems las byung ba rnams yin no zhes bya bar khas blang bar mi rigs so/ /de lta bas na bye brag tu smra ba'i lugs nye bar bkod pa kho na legs so/ /gzugs can bcu ni bsags pa'o zhes bya ba la/gzugs can bcu kho na bsags pa zhes bya bar nges par gzung ba nyid kyis gzhan brgyad bsags pa ma yin pa'o zhes bya bar rtogs so/ /yang ji ltar na de dag bsags pa ma yin zhe na/ de'i phyir/ rdul phra rab 'dus pa yin pa'i phyir zhes bya ba smos so/ / gcod byed gcad par bya ba nyid/ /phyi rol gyi ni khams bzhi yin/ /zhes bya ba la/ phyi rol smos pa ni nang gi khams bsal bar bya ba'i phyir ro/ /bzhi smos pa ni sgra dang chos kyi khams bsal bar bya ba'i phyir ro/ /dgra sta dang shing zhes bya ba la sogs pa'o zhes bya ba la/ sogs pa'i sgras ni re re dang sbyar bar bya ste/dgra sta dang ral gri zhes bya ba la sogs pa ni gcod par byed pa'o/ /shing dang lus zhes bya ba la sogs pa ni gcad par bya ba'o/ /'dir ni'i sgra ni gnyis char la gnyis ka bstan pa'i don te/ 'dir ni grags pa'i dbang gis tha dad par dper brjod do/ /nyid kyi sgra ni nges par gzung ba'i don te/phyi rol gyi kho na'o snyam du dgongs so/ /gal te bdag nyid du red ma thag tu 'jig pa'i 'du byed thams cad la bya ba med pas gcod pa zhes bya ba'i chos 'di ni ci zhe na zhes bya ba ni skad cig ma nyid kyi phyir gcad par bya ba dang / gcod par byed pa med na gcod pa zhes bya ba'i chos 'di ci zhig ces bya ba'o//'dus pa'i rgyun 'brel par 'byung ba can rnam par 'byed pa skyed pa'o zhes bya ba la/ 'brel pa ni rgyu dang 'bras bur 'brel pa'o/ /'di la rgyun mi 'chad par 'byung ba yod pas na 'brel par 'byung ba can te/ 'dus pa'i rgyun rgyud chags pa 'brel par 'byung ba can de rnam par 'byed pa'i skyed pas gcod pa zhes bya'i/gcad par bya ba'i rgyun las don gzhan du gyur pa ni ma yin no/ /rdul phra rab gcig la rnam par 'byed pa skye ba med pa'i phyir dang / 'brel pa dang rnam par bye ba'i dus gnyis kyang rdzas kyi skad cig gcig la mi srid pas 'dus pa'i rgyun la zhes bya ba smos so//lus kyi dbang po la sogs pa ni gcad par bya ba ma yin zhes bya ba la/ lus kyi dbang po la sogs pa dag la ni rnam pa de lta bu'i gcod pa de mi rigs te/ ci'i phyir zhe na/ yan lag ma lus par bcad na de dag la gnyis su byar med pa'i phyir ro/ / ma lus par smos pa ni yan lag 'phro dang bcas par bcad na dbang po la rnam par dbye ba mthong ba'i phyir ro/ /'di la yang tshig tsam gyis dad par mi 'gyur ro zhe na/ de'i phyir/ dbang po rnams la ni gnyis su 'gyur ba med do zhes bya ba smos so/ /ni'i sgra ni dbang po rnams ni gcod par byed pa'i rkyen gyis rnam pa gnyis su sbyar mi nus pa nyid do zhes nges par gzung ba'i don to//de nyid la rgyu smras pa/ gcad pa'i yan lag la dbang po med pa'i phyir ro/ /de yang yan lag des yul mi 'dzin pa las shes te/ 'di ni rab tu grags pas ma bshad do/ /de lta na gal te sna'i rtse mo bcad pa slar sbyar bas lus kyi rnam par shes pa ji ltar bskyed ce na/rgyas pa las 'byung ba'i dbang po skye ba'i phyir nyes pa med de/ 'dis ni dud 'gro'i khyad par 'ga' zhig gi mjug ma gcad pa slar skye ba yang rnam par bshad pa yin no/ /gcod par byed pa yang ma yin no zhes bya ba la/dbang po'i mtshan nyid can rnams ni nor bu'i 'od bzhin du dngas pa'i phyir ro/ /nor bu'i 'od ni gcad par bya ba ma yin te/ nor bu ma lus par bcad na de gnyis su byar med pa'i phyir te/ 'di ni nges par gzung ba las rnyed par 'gyur ro/ /de bzhin bsreg bya 'jal byed pa'o/ / zhes bya ba ni bsgre ba smos pa ste/ de dag nyid bsreg par bya ba yin la/ de nyid 'jal bar byed pa yin no/ /sreg pa zhes bya ba'i chos 'di ci zhe na/ rgyu'i rgyun las me la sogs pa'i rkyen gyi rgyu can 'bras bu mi 'dra ba skye ba'o/ /dbang po rnams ni ma yin te/ dngas pa'i phyir 'od bzhin no ste/ dbang po ni bsreg par bya ba dang / 'jal bar byed pa ma yin te/ dngas pa'i phyir ro/ /sgra yang ma yin te/ chad pa yin pa'i phyir ro zhes bya ba la/ rgyun chags par 'dug pa ma yin pa'i phyir gzugs la sogs pa rnams dang lhan cig rgyun chags su gnas pa ma yin te/ de'i phyir 'di la drug tshan 'di dag yod pa ma yin no//sreg dang gzhal la mi mthun smra/ /zhes bya ba la/ sreg dang gzhal ba ni sreg dang gzhal ba dag ste/ sreg pa dang gzhal ba de dag la'o/ /ci ste zhe na/ mi mthun smra'o/ /mi mthun par smra ba ni rigs te/ phyogs gnyis ka rigs par mthong ba'i phyir ro//ji ltar zhe na smras pa/ kha cig na re khams bzhi po de dag nyid sreg par byed pa yin te/ mtha' dag rnam par 'gyur ba'i rgyu yin pa'i phyir ro zhes brjod do/ /kha cig na re/ me'i khams kho na sreg par byed pa yin te/ gang gi phyir byed pa gzhan dang ldan pa'i phyir dang / 'byung ba gzhan zil gyis mnan nas me'i khams kyis bya ba thob pa'i phyir ma zhes bya ba ma yin pa'i sa la sogs pas mi sreg pa'i phyir ro zhes brjod do//gzhan dag na re phyi rol gyi khams bzhi po 'byung ba me shas che ba kho na sreg par byed de/ gal te me'i khams kho na sreg par byed na ni lhan cig tu gyur pa'i 'byung ba gsum dang /de dag la brten pa'i rgyur byas pa'i gzugs kyang sreg par byed par 'gyur zhing / me med par thal bar 'gyur ro/ /de'i phyir 'byung ba bzhi thams cad nyid sreg par zhes bya ba rnam par 'gyur ba'i rgyu yin gyi/ me'i khams kho na ni sreg par byed pa ma yin no/ /gzhal bar zhes bya ba la/sas srang mgo dma' ba'i rgyu yin pa'i phyir lci ba nyid kho na gzhal bar bya ba yin te/ yang ba rnams la srang mgo dma' ba'i rgyu mi srid pa'i phyir ro/ /sra ba nyid kyi lhan cig byed pa dang ldan pa'i rdzas rnams srang mgo dma' ba'i rgyu nyid du smra'i/ yang ba nyid kyi lhan cig byed pa dang ldan pa rnams ni ma yin te/de lta na yang der lci ba nyid nus pa dang ldan par snang ngo / /rnam par smin las skyes pa dang / /rgyal las byung ba nang gi lnga/ /zhes bya ba la/ lnga zhes bya ba ni rnam par shes pa'i khams gsal bar bya ba'i phyir ro/ /'di ci zhig tu nges par gzung zhe na/ nang gi lnga ni rnam par smin pa dang / rgyas pa las byung ba kho na'o zhes bya bar nges par gzung ngo / /'dis gang las she na/ rgyu mthun pa las byung ba ni med de zhes bya ba smos so/ /ji ltar zhe na/ de dag las ma gtogs pa rgyu mthun pa med pa'i phyir ro zhes bya ba smos te/ rnam par smin pa dang rgyas pa las byung ba'i rgyud las ma gtogs pa skal ba mnyam pa dang /kun du 'gro ba'i rgyus skyed pa rgyu mthun pa'i 'bras bu gzhan med pa'i phyir ro zhes bya ba'i don te/ med pa nyid ni ma yin no/ /mig la sogs pa sngar skyes pa rnams ni mig la sogs pa phyis skyes pa dang / ma skyes pa dag gi skal ba mnyam pa'i rgyus rgyu yin la/rgyu mthun pa yang skal ba mnyam pa'i rgyu'i 'bras bu yin no/ /de dag gi rgyu mthun pa ni rnam par smin pa dang rgyas pa las byung ba kho na yin gyi don gzhan ma yin no/ /ji ltar rnam par smin pa las skyes pa las tha dad par rgyas pa las 'byung ba'i yod pa'am/shi ba la rgyu mthun pa las byung ba'i gzugs la sogs pa dag dmigs pa de bzhin du rnam par smin pa las skyes pa dang / rgyas pa las 'byung ba de dag gi rgyu mthun pa ni de dag las tha dad par dmigs pa med de/ de'i phyir rnam par smin pa dang rgyas pa las byung ba las ma gtogs pa'i rgyu mthun pa med pa'i phyir/mig la sogs pa dag rgyu mthun pa las byung ba med par bshad do/ /gal te rnam par smin pa ni rnam par smin pa gzhan dang 'brel pa ma yin na ji ltar de dag rnam par smin pa las skyes pa zhes bya zhe na/ rnam par smin pa las skyes pa ni rnam par smin pa ma yin no//'o na ci zhe na/ rnam par smin pa'i rgyu las skyes pa ni rnam par smin pa las skyes pa'o/ /de nyid kyi phyir/ bar gyi tshig mi mngon par byas pa'i phyir ba lang gi shing rta lta bu'o zhes smos so/ /yang na 'bras bu'i dus su phyin pa'i las ni zhes bya ba la/ dus gang gi tshe bar med par las las 'bras bu'i skye ba de ni 'bras bu'i dus te/de'i tshe de'i las rnam par smin par 'gyur bas rnam par smin pa zhes bya'o/ /'di skad bstan par 'gyur te/ bar med par 'bras bu skyed par rung ba'i las las skyes pas na rnam par smin pa las skyes pa'o/ /gal te 'bras bu la mngon du phyogs pa'i las rnam par smin par 'gyur bas rnam par smin pa yin na/'o na 'bras bu ji ltar rnam par smin pa yin zhe na/ de'i phyir/ 'bras bu ni rnam par smin pa kho na yin pas rnam par smin pa'o zhes bya ba smos te/ dngos po sgrub pa'o/ /yang na rgyu la 'bras bu btags pa yin te zhes bya ba la/ rnam par smin pa'i rgyu la rnam par smin pa btags pa'o/ /rnam par smin pa skyed par byed pa'i las la rnam par smin pa btags te/ dper na 'bras bu la rgyu btags pa reg pa'i skye mched drug po 'di dag ni sngon gyi las yin par rig par bya'o zhes gsungs pa lta bu'o/ /reg pa'i skye mched drug po 'di dag ni sngon gyi las ma yin te/'o na ci zhe na/ sngon gyi las kyi 'bras bu yin te/ de'i phyir 'bras bu la rgyu btags par 'gyur ro/ /zas la legs par bya ba dang / ting nge 'dzin dang / gnyid log pa'i khyad par dag gis rgyas par byas pas na rgyas pa las byung ba dag ste/ rgyas pa las yod pa ni rgyas pa las byung ba dag ste/sde tshan bzhin no/ /yang na rgyas pa nyid rgyas pa las byung ba ste/ rang gi don la 'phel ba byas par 'gyur ba bzhin no/ /khyad par gyi sgra ni re re dang sbyar ro/ /de la legs par bya ba ni khrus dang bsku mnye dang / 'bad rtsol dang / bsku byug la sogs pa'o/ / gzhan dag na re tshangs par spyod pas kyang zhes bya ba la/ zas la sogs pa spyod kyang mi tshangs par spyad pa las 'grib pa dang / gnod par mthong ba'i phyir te/ 'di ltar ba lang dang rta la sogs pa 'og bcad pa rnal ba rnams la rgyas pa mthong ba'i phyir ro/ /gal te de lta yin na tshangs par spyod pa rnams kyi ci'i phyir rgyas par mi 'gyur la/de la 'dod pa'i rnam par rtog pas yongs su gdung bas gnod pa'i phyir ro zhe na/ des ni mi gnod pa tsam du zad kyi/ rgyas pa ni zas la sogs pa dag kho nas yin no/ /zas la sogs pa dag ni rnam par smin pa la phan 'dogs par byed de/de nyid kyi phyir/ rgyas pa'i rgyud ni rnam par smin pa'i rgyud la phyi bzhin du kun du srung ngo zhes bya ba smos so/ /rnam par smin pa'i rgyud ni 'gro ba la sogs pa'i bya ba la nus pa med pa'i phyir ni stobs chung ba yin la/ rgyas pa'i rgyud ni stobs chung ba rab dang 'dra ba de gnas par bya ba'i phyir dang 'dra bar 'gyur ro//rgyas pa las byung ba med par rnam par smin pa las skyes pa med kyi/ rnam par smin pa las skyes pa med par rgyas pa las byung ba ni yod par 'gyur te/ dper na lha'i mig bzhin no/ /rnam par smin pa las byung ba kho na bkag par sgra ni rgyas pa las 'byung ba dang / rgyu mthun pa la yod do zhes bya bar khong du chud de/mgul pa la sogs pa'i 'byung ba chen po rgyas pa las byung ba dang tha mi dad par 'dug pa'i sgra ni rgyas pa las byung ba'o/ /rgyu mthun pa las byung ba'i 'byung ba dang tha mi dad par 'dug pa na rgyu mthun pa las byung ba'o/ /sgra ni rnam smin las skyes pa yin no//tshig tsam gyis 'dod pa mi 'grub pas de'i rgyu dris pa dang / 'dod dgur 'byung ba'i phyir ro zhes rgyu smras te/ mig la sogs pa rnam par smin pa ni 'dod kyang mi 'byung la/ mi 'dod kyang 'byung gi /sgra ni de lta ma yin te/ brjod par 'dod pa sngon du 'gro ba'i phyir ro/ /rnam par smin pa las skyes pa'i gzugs ni rnam par chad nas yang skye ba yang ma yin na/sgra ni skye ba yang ma yin te/ de'i phyir rnam par smin pa'i chos las 'das pa'i phyir sgra ni rnam par smin pa las skyes pa ma yin no/ /bstan bcos dang 'gal ba brjod pa'i phyir/ 'o na gang bstan bcos btags pa las zhes bya ba rgyas par smras so//'grub pa bden mod kyi/ 'di ni rnam par smin pa ma yin pas 'dir bstan bcos dang 'gal ba med do/ /'o na ci yin zhe na/ kha cig na re brgyud pa 'di ni gsum pa yin te/ de ltar na tshig rtsub po spong ba sgra'i rgyu'i rgyu yin gyi dngos su ma yin la/rnam par smin pa ni de ltar yang ma yin no zhes zer ro/ /kha cig na re gang gi phyir rnam par smin pa las skyes pa las rnam par smin pa las skyes pa yin pa skye bar mi rigs te/ de'i phyir brgyud pa 'di bzhi pa'am lnga pa yin te/ ji ltar zhe na/ las dag las ni rnam par smin pa las skyes pa'i 'byung ba rnams so//de dag las ni rgyas pa las 'byung ba rnams te/ zas dang legs par bya ba'i khyad par dag gis bskyed kyang / rnam par smin pa las bskyed pa'i 'byung ba la brten nas skye bas de dag la ni rgyas pa las byung ba rnams te zhes brjod do//de dag las ni rgyu mthun pa las byung ba rnams te/ de dag gi skal ba mnyam pa'i rgyu yin pa'i phyir ro/ /de dag las ni sgra'o zhes zer ro/ /de lta na 'o na lus kyi tshor ba yang zhes bya ba rgyas par 'byung ste/ de la tshor ba gang zhig dngos kyi las kyi 'bras bu yin pa de ni rnam par smin par 'gyur gyi/las las skyes kyi 'byung ba las skyes pa ni ma yin te/ sgra bzhin no snyam du bsams pa yin no/ /gal te sgra bzhin du rigs pa dang 'gal bar 'gyur na zhes bya ba la/ rnam par smin pa ma yin par 'gyur ro zhes bya bar sbyar ro/ /sgra ni 'dod dgur 'byung ba'i phyir rnam par smin pa yin par rigs pa dang 'gal te/mig la sogs pa rnam par smin pa ni 'dod dgur 'byung ba ma yin no/ /tshor ba ni 'dod pas 'jug pa'am ldog pa ma yin pas tshor ba de rnam par smin pa las skyes pa nyid yin par rigs pa dang mi 'gal gyi/ sgra ni 'gal te/'dod dgur 'gyur ba'i phyir dang / chad pa'i phyir ro/ /de la bde ba dang sdug bsngal gyi rkyen nye bar 'dus pa med kyang 'byung zhing bde ba dang sdug bsngal gyi rkyen log kyang mi ldog pa'i tshor ba bde ba dang sdug bsngal de ni rnam par smin pa las skyes pa ma yin la/ gang zhig bde ba dang sdug bsngal myong bar 'gyur ba'i yul nye bar tshogs pa las 'byung zhing /de med na mi 'byung ba de ni rgyu mthun pa las byung ba'o/ /rgyu mthun las byung rnam smin skyes/ /thogs pa med brgyad ces bya ba la/ rgyu mthun pa las byung ba dang rnam par smin pa skyes pa kho na'o zhes bya ba nges par bzung gi /brgyad kho na ni ma yin te/ gsum rnam gsum zhes 'byung ba'i phyir ro/ /gang dag skal ba mnyam pa dang / kun tu 'gro ba'i rgyus bskyed cing rnam par smin pa las tha dad pa rnams ni rgyu mthun pa las byung ba dag go/ /gang dag rnam par smin pa'i rgyus bskyed pa de rnams ni rnam par smin pa las skyes pa dag go//de la chos kun nas nyon mongs pa can gang dag kun tu 'gro ba'i rgyus bskyed pa de dag ni skal ba mnyam pa'i rgyus bskyed pa yang yin te/ kun 'gro zhes bya nyon mongs can/ /rnams kyi zhes 'byung ba'i phyir ro/ /skal ba mnyam pa'i rgyus bskyed pa kho na yin gyi/kun tu 'gro ba'i rgyus skyed pa ma yin pa yang yod de/ dge ba dang / ma bsgribs la lung du ma bstan pa rnams so/ /rgyas pa las byung ba ni med de/ ci'i phyir zhe na/ thogs pa med pa rnams la rgyas pa med pa'i phyir ro/ /gzugs can rnams phan tshun thogs pas bar mtshams med par gnas pa la sogs pa zhes bya ba ni 'di ni thogs pa med pa dag la srid pa ma yin pas de dag rgyas pa las byung ba med do//gzhan rnam gsum rnam pa gcig gam/ rnam pa gnyis ni ma yin no/ /zhes nges par gzung ngo / /de la rnam par smin pa las skyes pa'i dbang po dang tha mi dad pa rnams ni rnam par smin pa las skyes pa dag go//rgyas pa las byung ba'i dbang po dang tha mi dad par 'dug pa rnams ni rgyas pa las byung ba dag go/ /lhag ma rnams ni rgyu mthun pa las byung ba dag go/ /rnam par smin pa las byung ba dang / rgyas pa las byung ba ma gtogs pa rgyu mthun pa yod do zhes bya bar ji ltar rtogs par bya zhe na/shi ba la yang rjes su 'jug pa'i phyir te/ shi ba la rnam par smin pa dang rgyas pa rjes su 'jug pa mi rigs pa'i phyir ro/ /rdzas dang lhan cig ces bya ba la/ gcig kho na rdzas dang ldan no zhes nges par gzung gi /gcig rdzas dang ldan pa kho na'o zhes bya bar ni ma yin te/ de la 'dus byas brtan pa ma yin pa yang yod pa'i phyir ro/ /'dus ma byas ni brtan pa'i phyir ram/ 'dus byas thams cad spangs pa'i sgo nas dge ba dang rtag pa'i phyir rdzas so/ /'jig rten na gser la sogs pa'i rdzas la brten no zhes smra ba po dag yod de/de'i phyir de kho na rdzas yin gyi gzhan ni rdzas ma yin no zhes bya bar grub bo/ /gang las she na/ rdzas ngan pa'i phyir chung ma ngan pa bzhin no/ /tha ma gsum skad cig ma ste zhes bya ba la/ tha ma gsum kho na skad cig ma ste zhes bya ba nges par gzung ngo //gal te 'dus byas thams cad skad cig ma nyid ma yin nam zhe na/ de bzhin no zhes smra'o/ /'o na ni ji ltar tha ma gsum kho na skad cig ma yin zhe na/ de bstan pa'i phyir/ de dag ni zag pa med pa'i dbang po sdug bsngal la chos shes pa'i bzod pa'i tshogs la skad cig ma gcig rgyu mthun pa las byung ba ma yin par 'gyur te/de'i phyir skad cig ma zhes bya ba smos te/ de dag la rgyu mthun pa las byung ba ma yin pa'i skad cig yod pas na skad cig ma rnams so/ /ji ltar de dag rgyu mthun ma yin pa'i skad cig mar 'gyur zhe na/ zag pa med pa'i skal ba mnyam pa'i rgyu med pas skal ba mnyam pa'i rgyu med par skyes pa'i phyir ro//'dus byas kyi chos gzhan ni rgyu mthun pa las ma byung ba 'ga' yang med pas de dag ni skad cig ma ma yin no/ /sdug bsngal la chos shes pa'i bzod pa'i skad cig ma ni skal ba mnyam pa'i rgyu la ltos pa med par skye ste/mtshungs pa de ma thag pa'i rkyen ches stobs dang ldan pa'i phyir ro/ /de'i rgyu stobs dang ldan pa nyid ni 'phags pa'i lam dang rnam pa mtshungs pa'i chos du mas gsos btab cing / de'i bdag nyid du gyur pa ni don de la rab tu sbyor ba'i phyir ro/ sngar bshad pa'i khams gsum po gang dag yin pa de dag bstan pa'i phyir/de la sdug bsngal la chos shes pa'i bzod pa dang mtshungs par ldan pa'i zhes bya ba rgya cher smos te/ sdug bsngal la chos shes pa'i bzod pa dang mtshungs par ldan pa'i rnam par shes pa gang yin pa de ni yid kyi khams dang yid kyi rnam par shes pa'i khams yin no//lhag ma bzod pa dang lhan cig 'byung ba tshor ba la sogs pa mtshungs par ldan pa rnams dang / thob pa dang skye ba la sogs pa dang ldan pa ma yin pa rnams dang / zag pa med pa'i sdom pa ni chos kyi khams so/ /gang mig gi khams dang mi ldan pa zhes bya ba rgyas par 'byung ngo //'di'i 'brel pa gang yin zhe na/ chos mngon pa ni mtshan nyid kyis rab tu phye ba'i phyir 'di la 'brel pa ci zhig bya/ chos mngon pa'i lugs shes pa rnams ni/ mtshan nyid 'chad pa na 'brel pa la gus par mi byed do/ /rnam pa gcig tu na mig dang mig gi rnam par shes pa dag bshad zin dang /da ni de gnyis kyi 'thob pa dang ldan pa dag bsam par bya'o zhes bya ba 'di ni 'brel pa yin no/ /so so zhes bya ba ni mu gnyis te/ mig gi khams dang yin la/ mig gi rnam par shes pa'i khams dang ma yin pa yang yod ces bya ba dang / mig gi rnam par shes pa'i khams dang yin la/mig gi khams dang ma yin pa yod ces bya'o/ /lhan cig ces bya ba ni mu gsum pa ste/ mig gi khams dang yin pa dang / mig gi rnam par shes pa'i khams dang yin pa'o/ /dang zhes bya ba ni mu bzhi pa ste/ mig gi khams dang mig gi rnam par shes pa'i khams dang ma yin pa yang yod de zhes bya'o//yang gi sgra'i don ni 'brel pa las 'chad do/ /'dod pa'i khams na rim gyis mig gi dbang po 'thob pa dang zhes bya ba la/ 'dod pa'i khams smos pa ni gzugs kyi khams bsal bar bya ba'i phyir ro/ /rim smos pa ni rdzus te skye ba bzlog par bya ba'i don to//gang gi phyir nur nur po la sogs pa'i gnas skabs ni nying mtshams sbyor ba nas bzung ba nas mig gi rnam par shes pa dge ba dang / nyon mongs pa can dang ldan pa kho na yin gyi/ lung bstan ming thob lhan cig skye/ /zhes 'byung ba las na mig gi khams dang ni ma yin te/ de'i phyir gang gi tshe mig gi dbang po thob pa de'i tshe mig gi khams kho na dang mi ldan pa thob kyi/ mig gi rnam par shes pa'i khams dang ma yin te/ sngar kho na nas ldan zin pa'i phyir ro/ /gzugs med pa nas shi 'phos nas bsam gtan gnyis pa la sogs par skye ba na zhes bya ba la/ ci mig gi khams dang mi ldan pa 'thob kyi/mig gi rnam par shes pa'i khams dang ni ma yin no zhes bya bar skabs su bab pa dang sbyar ro/ /sogs pa smos pas ni bsam gtan gsum pa la sogs pa bsdu'o/ /gzugs med par skyes pa rnams gnyis ka dang mi ldan pa'i phyir gzugs med pa nas 'chi 'phos nas zhes bshad do//bsam gtan gnyis pa la sogs par skyes pa mig gi rnam par shes pa mngon du byed pa dang zhes bya ba la/ bsam gtan dang po'i sa pa'i 'o/ /de ni de'i tshe mig gi rnam par shes pa'i khams dang mi ldan pa 'thob kyi/ mig gi khams dang ni mi ldan pa yod pa ma yin te/de dag ni dbang po ma tshang ba med pa'i phyir sngar kho na nas mig gi khams thob zin pa'i phyir ro/ /mig gi rnam par shes pa ni bsam gtan gnyis pa'i sa pa med pa'i phyir bsam gtan dang po'i sa pa'i mig gi rnam par shes pa lung du ma bstan pa mngon du byed de/de'i phyir snga nas mi ldan pas lta ba'i tshe kho nas mig gi rnam par shes pa dang ldan pa 'thob kyi/ mig gi khams dang ni ma yin no/ /de dag nas shi 'phos nas 'og mar skye ba na'o zhes bya ba ni bsam gtan gnyis pa nas shi 'phos nas tshangs pa'i 'jig rten nam 'dod pa'i khams su skye ba ste/de ni mig gi khams dang ldan zin pa kho na yin la/ mig gi rnam par shes pa'i khams dang ni sngar mi ldan pa las srid pa bar ma do'i gnas skabs su ldan pa 'thob po/ /lhan cig tu yang zhes bya ba la sogs pa 'byung ngo / /gzugs med pa'i khams nas shi 'phos nas zhes bya ba la/de ni sngar nas gnyis ka dang mi ldan pa 'dod pa'i khams dang / tshangs pa'i 'jig rten du skye ba na cig car ldan pa 'thob bo/ /gnyis ka ma yin pa ni rnam pa de dag ma gtogs pa'o zhes bya ba ni gzugs med pa'i khams nas shi 'phos nas de nyid du skye ba dang / tshangs pa'i 'jig rten dang ldan pa'i shi 'phos nas de nyid du skye ba na'o/ /thob pa bshad zin to// //da ni ldan pa brjod par bya ste/ gang mig gi khams dang ldan pa de mig gi khams kho na dang ldan gyi/ mig gi rnam par shes pa'i khams dang ni ma yin te/ rang gi sa pa med pa'i phyir dang /bsam gtan dang po'i sa pa yang mngon du ma byas pa'i phyir ro/ /mu gnyis pa ni 'dod pa'i khams na zhes bya ba rgyas par 'byung ba ste/ de ni mig gi rnam par shes pa ma 'ongs pa kho na dang ldan gyi/ mig gi khams dang ni ma yin no/ /ma thob pa dmus long ngo / / nyams pa ni mig la gnod pa byas pas long ba'o/ /gsum pa ni 'dod pa'i khams na mig thob pa dang / ma nyams pa dang zhes bya ba ni gnyis ka dang ldan pa'o/ /bsam gtan dang por skyes pa ni de na dbang po ma tshang ba med pa'i phyir thob pa dang ma nyams pa mi bya'o/ / bsam gtan gnyis pa la sogs par skyes pa lta bu'o zhes bya ba la/ ci zhe na/ gnyis ka dang ldan pa'o/ /bzhi pa ni rnam pa de dag ma gtogs pa'o zhes bya ba ni gzugs med par skyes pa ste/ de ni gnyis ka dang ldan pa ma yin no/ /de bzhin du mig gi khams dang / gzugs kyi khams dag dang zhes bya ba rgya cher 'byung ste/ gang mig gi khams dang mi ldan pa ldan pa 'thob pa de gzugs kyi khams dang ma yin nam zhe na/ 'di ni mu bzhi med do/ /'o na ci zhe na/ tshig phyi ma dang sbyor ba ste/ gang gzugs kyi khams dang mi ldan pa ldan pa thob pa de mig gi khams dang yin te/gzugs med pa'i khams nas shi 'phos nas 'dod pa'i khams dang gzugs kyi khams su skye ba na'o/ /mig gi khams kho na dang mi ldan pa ldan pa thob pa yin gyi/ snga nas ldan pa'i phyir gzugs kyi khams ma yin pa yod de/ rim gyis mig gi dbang po thob pa na'o//gang mig gi khams dang yang ldan pa de gzugs kyi khams dang yin nam zhe na/ 'dir yang mu bzhi mi rigs te/ 'o na ci zhe na/ tshig snga ma dang sbyor ba ste/ gang mig gi khams dang ldan pa de gzugs kyi khams dang yang yin no/ /gzugs kyi khams kho na dang yin gyi/mig gi khams dang ma yin pa yang yod de/ mig ma thob dang nyams pa'o/ /gang mig gi rnam par shes pa dang mi ldan pa ldan pa 'thob pa de gzugs kyi khams kyang ma yin nam zhe na/ mu bzhi ste/ mu dang po ni bsam gtan gnyis pa la sogs par skyes pa mig gi rnam par shes pa mngon du byed pa dang /bsam gtan gnyis pa la sogs pa nas shi 'phos nas 'dod pa'i khams dang tshangs pa'i 'jig rten du skye ba na'o/ /gnyis pa ni gzugs med pa nas shi 'phos nas bsam gtan gnyis pa la sogs pa dag tu skye na ste/de ni gzugs kyi khams kho na dang mi ldan pa 'thob kyi/ mig gi rnam par shes pa'i khams dang ni ma yin te/ mig gi rnam par shes pa gnyis pa la sogs pa nas med pa'i phyir ro/ /mu gsum pa ni gzugs med pa'i khams nas shi 'phos nas 'dod pa'i khams dang bsam gtan dang po dag tu skye ba na ste/de ni gzugs kyi khams dang mi ldan pa ldan pa 'thob la/ mig gi rnam par shes pa'i khams dang yang yin no/ /mu bzhi pa ni gzugs med pa'i khams su skyes pa de nas shi 'phos nas de nyid du skye ba dang / 'dod pa'i khams dang bsam gtan dang por skyes pa de dag de nas shi 'phos nas de dag nyid du skye ba'o//gang mig gi rnam par shes pa'i khams dang ldan pa de gzugs kyi khams dang yin nam zhe na/ 'dir yang tshig snga ma dang sbyor ba ste/ gang mig gi rnam par shes pa'i khams dang ldan pa de gzugs kyi khams dang yin te/'dod pa'i khams dang / bsam gtan dang por skyes pa dang / bsam gtan gnyis pa la sogs par skyes pa mig gi rnam par shes pa mngon du byed pa na'o/ /gzugs kyi khams kho na dang yin gyi/ rnam par shes pa'i khams dang ma yin pa yang yod de/ bsam gtan gnyis pa la sogs par skyes pa mig gi rnam par shes pa mngon du mi byed pa na'o/ /nang gi bcu gnyis zhes bya ba la/ 'di ci zhig tu gzung bar bya/ ci bcu gnyis nang kho na yin gyi/ 'on te bcu gnyis kho na nang gi yin zhe na/ gnyis ka ltar yang nges par gzung ste/ nges par gzung ba nyid kyis ni gzhan dag phyi'i zhes bya bar grub bo/ /grangs tsam zhig bstan pas khyad par du rtog par mi 'gyur bas de'i phyir/ bcu gnyis gang dag ce na zhes dris so/ /de dmigs kyis dgar ba'i phyir/ gzugs la sogs ma gtogs zhes bya ba smos so//bdag gi dbang du byas na ni nang gi ste/ nang gi nyid ni nang gi'o/ /bdag med na nang gi'am phyi 'di 'gyur te/ tshul khrims med par ni lhag pa'i tshul khrims bslab par mi 'gyur ro zhe na/ sems ni ngar 'dzin pa'i rten yin pa'i phyir zhes bya ba rgyas par 'byung ste/ bdag tu smra ba rnams kyis ngar 'dzin pa'i rten la bdag ces brjod de/'di ltar gzegs zan pa la sogs pa rnams kyis ni ngar 'dzin pa bdag gi yon tan nyid dam/ bdag gi yul can nyid du rtogs so/ /ngar 'dzin pa yang sems la brten te/ de yang rtog pa'i bdag med pa'i phyir te/gang zag smra bar rnam par dpyad par bya'o/ /'di la bdag tu nga rgyal ba bzhag pas na sems kho na bdag yin la/ sems las byung ba rnams kyang sems la brten pa'i phyir sems kho na la bdag tu nye bar 'dogs so/ /'dir sems la bdag tu mngon par bzhed do zhes bya ba 'di yang ji ltar rtogs she na/de'i phyir/ mkhas pas bdag nyid shin tu ni/ /zhes bya ba rgyas par 'byung ngo / /'di yang lung gzhan la ltos te don de nyid kyi khungs yin gyi/ yan gar ba ni ma yin no zhes bstan pa'i phyir/ bcom ldan 'das kyis gzhan las zhes bya ba rgyas par smos te/'di las ni/ sems dul bas ni bde ba 'dren/ /zhes sems dul ba gsungs so/ /de'i phyir 'dir bdag gi sgra sems kho na mngon par bzhed do zhes bya bar shes so/ /de'i phyir/ mig la sogs pa ni sems bdag tu gyur pa'i zhes bya ba rgyas par 'byung ba la/ bdag tu gyur pa'i ni bdag dang 'dra ba'o/ /rten gyi dngos por zhes bya ba ni rten dang 'dra bas na rten to/ /nye bar gnas pa'i phyir zhes bya ba la/ mig la sogs pa rnams la gang zhig gzugs la sogs pa dag la yod pa ma yin pas sems yul na mi gnas pa'i rten gyi dngos po gang zhig yod ce na/khyad par gang zhig yod na sems de dag 'gyur ba'i rjes su byed par 'gyur la/ de dag 'gyur ba'i rjes su byed pa las kyang rnam par shes pa de dag yul na mi gnas kyang mig la sogs pa dag kho na mngon gyi/ gzugs la sogs pa dag la ni ma yin te/ 'di ltar tshor ba bde ba'am sdug bsngal dang mtshungs par ldan pa'i rnam par shes pa ni lus kyi yul la yongs su gcod kyi/gzugs la sogs pa yul gyi yul la ni ma yin no/ /de'i phyir khyad par 'di las mig la sogs pa dang / gzugs la sogs pa rnams rnam par shes pa skyed pa'i rgyur khyad par med kyang rten nyid dang yul nyid du 'grub pa yin te/de'i phyir nang gi dang phyi'i nyid kyang yin pa'o/ /gal te mig la sogs pa dag rnam par shes pa'i rten gyi dngos po yin na/ de lta na 'o na rnam par shes pa'i khams drug po dag ces bya ba rgyas par 'byung ngo //de dag yid kyi khams nyid du ma gyur pa zhes bya ba na ni drug po 'das ma thag pa'i gnas skabs ma thob pa'o/ /da ltar ba'am ma 'ongs pa ni sems kyi rten ma yin te/ drug po 'das ma thag pa yi/ /rnam shes gang yin de yid do/ /zhes de'i tshe yid kyi khams nyid du rnam par gzhag pa'i phyir ro//gang gis yang de'i tshe na yang zhes bya ba la/ 'das pa'am da ltar byung ba yin yang rung ste/ mig gi rnam par shes pa'i khams la sogs pa de dag nyid de dag ste/ yid kyi khams yin no/ /rnam par shes pa 'das pa la ni sngar ma byung ba'i yid kyi khams nyid du 'gyur ba'am/mig la sogs pa'i rnam par shes pa'i khams nyid sngar yod pa'am ldog pa med de/ rnam par shes pa nyid rnam par shes pa'i gzhan gyi rten gyi dngos pos yid kyi khams su 'jog pa'i phyir ro/ /de'i phyir yid kyi mtshan nyid las mi 'da'o//de lta ma yin na zhes bya ba 'byung ste/ de lta ma yin na ci ltar 'gyur zhe na/ gal te rnam par shes pa da ltar 'byung ba dang / ma 'ongs pa'i yid kyi khams su mi 'gyur na ni 'das pa yang yid kyi khams dang / mig la sogs par shes par mi mi 'gyur ro//de lta yin na/ yid kyi khams 'das pa kho na yin par 'gyur gyi zhes bya ba rgyas par 'byung ngo / /gal te yid kyi khams 'das pa kho na yin par 'gyur na cir 'gyur zhe na/ de'i phyir/ khams bco brgyad po dag ni zhes bya ba smos so/ /yang ci'i phyir de ltar 'dod ce na/ de'i phyir gal te rnam par shes pa ma 'ongs pa dang zhes bya ba la sogs pa smos so/ /de nyid la rgyu bshad pa ni/ mtshan nyid ni dus rnams su 'khrul pa med do zhes bya ba ste/ 'khrul pa rnams ni ma 'ongs pa gzhan dag yin zhing / da ltar byung ba gzhan dag yin la/ 'das pa gzhan yin pa'o//de'i phyir rnam par shes pa ma 'ongs pa dang / da ltar byung ba'i mtshan nyid gang yin pa de nyid 'das pa'i yang yin te/ rnam par shes pa ma 'ongs pa dang / da ltar byung ba yang yid kyi khams kyi mtshan nyid rnam par gnas pa'i phyir/ 'das pa'i dus su de'i mtshan nyid 'khrul pa med do//de'i phyir rnam par shes pa rnams la rnam par shes pa'i rten gyi rang bzhin nyid ni thams cad kyi tshe yod pa ma yin la/ drug po 'das ma thag pa yi/ /rnam shes gang yin de yid do/ /zhes 'das pa rnams la ni mngon par gsal ba yin no/ / de'i phyir 'das pa dang / ma 'ongs pa dang / da ltar byung ba'i rnam par shes pa'i khams drug car yang nang gi yin no zhes bya bar grub bo/ /chos zhes bya ba ni brten pa dang bcas zhes bya ba la/ brten pa dang bcas pa kho na'o zhes bya bar nges par gzung ste/ lhag ma ni de dang mtshungs pa dag kyang yin zhes 'byung ba'i phyir ro//'di ni brten pa dang bcas pa'i yul gyi mtshan nyid do/ /yul gang zhig rnam par shes pa gang gi dmigs par nges la/ gal te yul de la rnam par shes pa skyes pa 'am zhes bya ba rgyas par sbyar bar bya'o/ /skye ba'i chos can zhes bya ba ni mi skye ba'i chos can las khyad par du byed pa'o//de ltar na de ni gzung ba 'dzin par 'gyur ba yin la/ chos kyi khams kyang gzung ba 'dzin par 'gyur ba de lta bu'i mtshan nyid can yin pas brten pa dang bcas pa zhes bya'o/ /gang la yod kyi rnam par shes pa zhes bya ba la/ yid ni shes bya ma lus pa'i yul can yin pa'i phyir te/gang la yid kyi rnam par shes pa mtha' yas pa ma skyes pa'am/ skye bar mi 'gyur ba'i chos kyi khams dus gsum pa dang / dus med pa gang yin pa de ni 'ga' yang med do/ /mtha' yas pa zhes bya ba ni yongs su bgrang du med pa'o//ci ltar zhe na/ 'di ltar zhes bya ba smos te/ gang gi phyir zhes bya ba'i don to/ /gang gi phyir/ 'phags pa'i gang zag thams cad la ni gdon mi za bar chos thams cad bdag med do snyam pa'i shes pa 'di skye ste/ de'i phyir chos kyi khams ni rtag tu brten pa dang bcas pa yin no//de'i dmigs pa yang rang gi ngo bo dang lhan cig tu byung ba ma gtogs pa zhes bya ba la/ chos thams cad bdag med do snyam pa'i shes pa de'i dmigs pa yang rang gi bdag nyid la byed par 'gal bas de nyid kyis de mi 'dzin pa'i phyir rang gi ngo bo ste/bdag nyid ma gtogs pa dang lhan cig 'byung ba ste/ dmigs pa gcig pas sems las byung ba rnams ma gtogs pa dang / shin tu nye ba'i phyir thob pa dang skye ba la sogs pa ldan pa rnams ma gtogs pa de dag las gzhan pa'i chos thams cad yin no//sems mtshungs par ldan pa dang bcas shing lhan cig 'byung ba dang bcas pa de yang sems gzhan gyis bdag med par 'dzin pa yin te/ de ltar na skad cig ma gnyis kyi dmigs par ni chos thams cad 'gyur te/ kun rdzob gcig pus rang tshogs las//gzhan ni bdag med nyid rig 'byung / /zhes 'chad par 'gyur ro/ /'o na khams bco brgyad po thams cad bdag med pa'i shes pa'i yul yin pa'i phyir/ chos kyi khams bzhin du brten pa dang bcas par 'gyur ro zhe na/ mi 'gyur te/ de dag ni rang gi byed pa la ltos nas brten pa dang bcas pa dang /de dang mtshungs pa nyid du rnam par 'jog pa'i phyir ro/ /lhag ma ni de dang mtshungs pa dag kyang yin zhes bya ba la/ gal te chos zhes bya ba brten pa dang bcas pa kho na yin no zhes nges par gzung ba nyid kyis de las gzhan pa rnams brten pa dang bcas pa dang de dang mtshungs pa nyid du grub na/yang ci'i phyir rtsom par byed ce na/ ci nas kyang de khams gcig la de dang mtshungs pa yod pa ma yin gyi/ 'on kyang thams cad gnyis ka yin no zhes bya bar rtogs par 'gyur bar khyad par du bya ba'i phyir ro/ / gang zhig rang gi las mi byed/ /de ni de dang mtshungs pa'o/ /zhes ston te/ gang rang gi las byed pa de ni brten pa dang bcas pa'o zhes bshad par 'gyur ro/ /de dag las gang gi las gang yin zhe na/ de la mig gang gis gzugs rnams mthong ba'am zhes rgyas par 'byung ngo //de dang mtshungs pa'i mig la slob dpon rnams kyi blo tha dad par 'gyur te/ bye brag tu smra ba rnams ni rnam pa bzhi yin no zhes zer ro/ /gzugs rnams ma mthong bar 'gag pa dang zhes bya ba rgya cher 'byung ba la/ mig da ltar ba ni 'gags pa la mngon du phyogs pa'i phyir 'gags pa zhes bya ste/mi rtag pa nyid kyi byed pa gnas pa'i phyir ro/ /ma 'ongs pa ni skye ba'i chos can yin pa'i phyir 'gag par 'gyur ba zhes bya ste/ de ni gdon mi za bar ji ltar skye ba de bzhin du 'gag par 'gyur ba yin no/ /mi skye ba'i chos can gang yin pa de yang rkyen ma tshang ba las mi skye ba nyid yin pas ches shin tu de dang mtshungs pa yin no//nub phyogs pa rnams kyi ltar na rnam pa lnga ste zhes bya ba rgyas par 'byung ste/ ji ltar zhe na/ rnam pa gsum ni snga ma bzhin no/ /mi skye chos can ni rnam par shes pa dang ldan pa dang ldan pa ma yin pa ste/ ji ltar mig da ltar ba cung zad cig ni rnam par shes pa dang ldan pa yin la/'ga' zhig ni mi ldan pa yin pa de bzhin du mi skye ba'i chos can yang yin no/ /yid mi skye ba'i chos can kho na de dang 'dra ba yin te/ skyes pa gdon mi za bar dmigs pa 'dzin pa yin no/ /'di ltar dmigs pa med pa'i rnam par shes pa skye ba ni yod pa ma yin te/gnyis la brten nas rnam par shes pa 'byung ngo zhes bya ba'i phyir ro/ /rang gi dbang po'i byed pas zhes bya ba la/ rang gi dbang po'i byed pa smos pas ni/ skal ba mnyam pa'i rgyu la sogs pa'i byed pa gsal bar bya ba'i phyir ro/ / gcig gi mig brten pa dang bcas pa gang yin pa zhes bya ba rgyas par 'byung ste/ lha sbyin gyi mig brten pa dang bcas pa gang yin pa de ni nag po la sogs pa thams cad kyi yang yin no/ /de dang mtshungs pa rnams kyang de bzhin zhes bya ba la/ gcig gi mig de dang mtshungs pa gang yin pa de ni thams cad kyi yang yin te/yid kyi bar du yang de dang 'dra'o/ /ci'i phyir zhe na/ thun mong ma yin pa'i phyir rgyud gcig gis brten pa dang bcas pa dang / de dang mtshungs pa nyid du rnam par 'jog go/ /gzugs ni gang zhig lta ba de'i brten pa dang bcas pa yin la/gang mi lta ba de'i ni de dang mtshungs pa yin no/ /de'i phyir zhe na/ thun mong ma yin pa'i phyir rgyud gcig gi dbang gis gzugs brten pa dang bcas pa dang / de dang mtshungs pa nyid du rnam par gzhag go/ /gzugs gang la gcig lta ba de las zhes rgya cher 'byung ba la/gzugs ni thun mong yin pa'i phyir mig gi rnam par shes pa du ma bskyed pa'i nus pa yod do/ /de'i phyir de ni rgyud du ma'i dbang gis rnam par gzhag pa'i phyir gang gis lta ba de'i brten pa dang bcas pa yin gyi/ thams cad kyi ni ma yin no//lha sbyin gyis mig gis ni gzhan nam yang lta ba ma yin no/ /bsgre ba ni/ gzugs ji lta ba de bzhin du sgra dang zhes rgyas par smos so/ /sgra ni de lta yin du chug na zhes bya ba ni rgol ba po rjes su yid ma rang ba'o/ /dri la sogs pa ni gang dag gcig gis 'dzin pa de dag gzhan gyis mi 'dzin to//ji ltar zhe na/ phrad nas 'dzin pa'i phyir ro zhes bya ba smos te/ de'i mig la sogs pa bzhin du de dag kyang thun mong ma yin no/ /'di la smras pa/ gcig gi sna la sogs pa'i rnam par shes pa skyed par 'gyur ba'i dri la sogs pa gang dag yin pa zhes bya ba la/res 'ga' zhig rkyen nye na de dag nyid thun mong yin pa'i phyir gzhan gyi sna la sogs pa'i yul du skyes pa na/ de dag gi rnam par shes pa skyed par 'gyur ba srid pa de ni yod kyi/ gzhan gyi mig gis gzhan lta ba ni nam yang yod pa ma yin te/ thun mong ma yin pa nyid kyi phyir ro//gal te chos kyi khams kyang thun mong yin pa'i phyir gzugs la sogs pa bzhin du rgyud du ma'i dbang gis brten pa dang bcas pa dang / de dang mtshungs pa nyid du ci'i phyir rnam par mi 'jog ce na/ gzugs ni da ltar byung ba kho na mthong gi 'das pa dang / ma 'ongs pa dang /mi skye ba'i chos can ni ma yin te/ reg bya'i bar du yang de dang 'dra'o/ /de'i phyir gzugs la sogs pa rnams kyi brten pa dang bcas pa dang / de dang mtshungs pa'i ngo bo rgyud du ma'i dbang gis bya ba byed pa las rnam par gzhag go/ /chos zhes bya ba la ni rnam par rtog pa de lta bu yod pa ma yin te/de ni dus gsum dang / dus su ma gtogs pa la yang rnam par shes pa'i yul yin pa'i phyir ro/ /mig gi rnam par shes pa la sogs pa dag gi zhes bya ba rgya cher 'byung ba la/ ji ltar brten pa dang bcas pa dang / de dang mtshungs pa nyid yin zhe na/de'i phyir skye ba dang mi skye ba'i chos can yin pa'i phyir te zhes bya ba smos te/ dmigs pa med pa'i rnam par shes pa ni skye ba med pa'i phyir ro/ /de nyid kyi phyir/ yid kyi khams ji lta ba bzhin no zhes dper brjod pa smos so/ /skye ba'i chos can gyi yid ni brten pa dang bcas pa yin la/mi skye ba'i chos can ni de dang mtshungs pa yin pa de bzhin du 'dir yang yin no/ /brten pa dang bcas pa'i don ci zhe na/ brten pa ni brten pa'o/ /de 'di dag la yod pas brten pa dang bcas pa rnams so/ /de yang dbang po dang / yul dang / rnam par shes pa rnams phan tshun brten pa gang yin pa ste/ rten dang yul dang yul can gyi dngos por phan tshun rjes su mthun pa nyid ces bya ba'i don to/ /yang na byed pa la brtan pa ste/ gang zhig gang gis byed pa yin pa de la de rjes su mthun pa'i ngo bo'o/ /dper na mig gi dbang po'i byed pa lta ba yin pa dang /rnam par shes pa'i rnam par shes pa dang / gzugs kyi de dag gi yul gyi dngos por gnas pa yod pa lta bu ste/ de bzhin du gzhan la yang brjod par bya'o/ /yang na 'bras bu reg pa 'dra ba'i phyir te/ rten mtshungs pa yin no zhes bya bar sbyar ro/'di ltar reg pa ni de dag la rag las pa'i phyir yul dang / dbang po dang / rnam par shes pa brten pas brten pa yin te/ de'i phyir brten pa mtshungs pa dag ste/ reg pa mtshungs zhes bya ba'i don to/ /de dag gi reg pa ni sems las byung ba'i chos 'bras bu mtshungs pa des na rgyun dngos por mtshungs pa'i phyir te/'dra ba'i phyir ro zhes bya ba'i don to/ /gang dag brten pa dang bcas pa ma yin pa zhes bya ba rgyas par 'byung ste/ de dag ni brtan pa dang bcas pa de dag dang 'dra bas de dang mtshungs pa dag go/ /tshul gang gis she na/bshad pa/ rigs mthun pas mtshungs pa'i phyir te/ de dang 'dra ba'i phyir ro zhes bya ba'i don to/ /de dag gnyis ka yang lta ba dang / skye mched gcig dang / khams gcig yin na'o/ /yang na phan tshun rgyu yin pa'i rigs 'dra ba ste/ phan tshun 'brel pa'i phyir dang /phan tshun 'dren par bya ba'i phyir ro/ /mthong bas spang bar bya ba'i khams rnams ni du zhes bya ba rgya cher 'byung ste/ de la gang dag mthong bas spong bar 'gyur ba de dag ni mthong bas spang bar bya ba rnams so/ /gang dag bsgom pas spong bar 'gyur ba de dag ni bsgom pas spang bar bya ba rnams so//zag pa med pa dag ni spang bar bya ba ma yin pa'o/ /yang rnam pa dgu char yang rdo bcag pa'i tshul du lam rnam pa gcig gis spong ba de dag ni mthong bas spang bar bya ba'o/ /rnam pa dgu/ lam rnam pa dgus pad+ma'i rtsa ba'i thag pa'i tshul du spong ba gang dag yin pa de dag ni bsgom pas spang bar bya ba ste/mthong ba dang bsgom pas spang bar bya ba'i rnam par gzhag pa ni/ zag pa dang bcas pas mthong bas spang bar bya ba dag kyang yod do/ /bsgom pas spang bar bya ba dag kyang yod ces rgyas par mdo nyid las gsungs so/ /re zhig gzugs can zhes bya ba rgyas par 'byung ste/gzugs can ma yin pa rnam par gcad par bya ba'i phyir ro/ /bcu zhes bya ba ni chos kyi khams gsal bar bya ba'i phyir ro/ /lnga yang zhes bya ba ni yid kyi rnam par shes pa'i khams ma gtogs pa mig la sogs pa'i rnam par shes pa'i khams dag go//'di lta bu ci zhig tu nges par gzung zhe na/ khams lnga po dag ni bsgom pas spang bar bya ba kho na'o zhes bya bar nges par gzung gi /de dag kho na bsgom pas spang bar bya ba'o zhes ni ma yin te/ tha ma'i rnam gsum zhes 'byung ba'i phyir ro/ /de la gzugs can bcu po dag ni bsgom pas spang bar bya ba nyid yin te/bden pa dag la log par rtogs pa med pa'i phyir ro/ /ji ltar log par rtogs pa med ce na/ dmigs pa med pa'i phyir ro/ /mig la sogs pa'i rnam par shes pa lnga po dag ni dmigs pa dang bcas pa nyid yin du zin yang kha phyir bltas par 'jug pa'i phyir bsgom pas spang bar bya ba nyid do//mthong bas spang bar bya ba rnams ni kha nang du bltas pas 'jug ste/ nges par rtog pas 'jug pa'i phyir ro/ /spang bar bya ba ma yin pa yang ma yin te/ zag pa dang bcas pa'i phyir ro/ /yang gi sgra ni bsdu ba'i don to//tha ma'i gsum rnam gsum zhes bya ba la/ 'don pa'i go rims kyis mtha' na yod pa'i phyir tha ma'o/ /phra rgyas brgyad cu rtsa brgyad ni khams gsum gyi bden pa mthong bas spang bar bya ba dag go/ /de dag dang lhan cig 'byung ba smos pas ni de dag dang mtshungs par ldan pa sems dang sems las byung ba rnams dang /de dag gi mtshan nyid dang / phra rgyas rnams kyi lhan cig skyes pa'i thob pa sdud do/ /de dag gi thob pa zhes bya ba ni gang dag sngar skyes pa dang / phyi nas skye ba de dag sdud do/ /rjes su 'brang ba dang bcas pa zhes bya ba ni de dag gi rjes su 'brang ba rjes kyi thob pa dang mthun pa'i mtshan nyid rnams so//de la phra rgyas brgyad cu rtsa brgyad dang mtshungs par ldan pa'i rnam par shes pa ni yid kyi khams dang / yid kyi rnam par shes pa'i khams so/ /lhag ma mtshungs par ldan pa phra rgyas dag dang lhan cig pa rnams dang ldan pa ma yin pa rnams kyi chos kyi khams te/khams gsum po 'di dag ni mthong bas spang bar bya ba rnams so/ /zag pa dang bcas pa lhag ma rnams ni bsgom pas spang bar bya ba dag yin no zhes bya ba dag 'byung ste/ ma mthong ba zag pa med pa rnams ni spang bar bya ba ma yin pa dag go zhes bya ba ni lam gyi bden pa dang /'dus ma byas kyis bsdus pa'i khams gsum po de nyid de/ nyes pa med pa ni spang bar mi 'os la/ chos zag pa med pa rnams kyang nyes pa med pa yin no/ /so so'i skye bo nyid dang zhes bya ba rgyas par 'byung ste/ kha cig na re gang gi phyir so so'i skye bo nyid dang /ngan song ba'i lus dang / ngag gi las kyang 'phags pa'i lam dang 'gal ba'i phyir 'jig tshogs dang / mthar 'dzin par lta ba la sogs pa ltar mthong bas spang bar bya ba yin te/ 'di ltar lam gyi skad cig dang por skyes pa na so so'i skye bo nyid dang mi ldan pa 'thob pa dang /rgyun du zhugs pa log par mi ltung ba'i chos can no zhes kyang bshad na/ ngan song ba'i lus dang ngag gi las ma spangs par ni ngan song zad par yang mi rigs so/ /de'i phyir phra rgyas brgyad cu rtsa brgyad dang / de dag dang lhan cig pa'i 'byung ba dang zhes bya ba la sogs pa ni shin tu nyung bar brjod pa yin no zhes zer ro//'di la lan brjod par bya ste/ so so'i skye bo nyid dang / ngan song ba'i lus dang / ngag gi las de dag ni mthong bas spang bar bya ba ma yin te/ ci'i phyir zhe na/ de'i phyir mdor bsdu ba ni 'di yin no zhes bya ba smos so//nyon mongs can min mthong yang min/ /zhes bya ba 'dis ni so so'i skye bo nyid spang bar bya ba nyid ma yin no zhes ston to/ /gzugs min zhes bya ba 'dis ni nyon mongs pa can yin yang ngan song ba'i lus dang / ngag gi las mthong bas spang bar bya ba ma yin no zhes ston to//drug pa min skyes min zhes bya ba 'dis ni nyon mongs pa can yin yang / mthong bas spang bar bya ba ma yin no zhes ston par byed do/ /gal te/ bcu ni bsgom pas spang bya yin no/ /lnga yang zhes bshad na/ yang ci'i phyir/ gzugs min drug pa min skyes min//zhes brjod ce na/ nges par bya ba'i phyir ro/ /tha ma gsum ni rnam gsum mo/ /zhes bshad pa der nyon mongs pa can ma yin pa ni mthong bas spang bar bya ba ma yin la/ nyon mongs pa can yin yang rnam par rig byed ma yin pa'i gzugs mthong bas spang bar bya ba ma yin zhing /nyon mongs pa can yin yang tshor ba la sogs pa drug pa las skyes pa ma yin pa mthong bas spang bar bya ba ma yin no zhes nges par byed pa yin te/ de nyid kyi phyir/ nyon mongs pa can ma yin pa ni mthong bas spang bar bya ba cung zad kyang med la/ gzugs kyang ma yin no/ /so so'i skye bo nyid ni nyon mongs pa can ma yin pa'i lung du ma bstan pa yin te zhes bya ba smos te/ma bsgribs la lung du ma bstan zhes bya ba'i don to/ /mi dge ba'i chos thams cad kyi gzhir gyur pa gang yin pa de nyon mongs pa can ma yin par mi rigs so zhes bya ba log par rtogs pa la de rab tu bsgrub par bya ba'i phyir ro//dge ba'i rtsa ba kun du chad pa dang / /zhes bya ba rgyas par smos so/ /gal te de dge ba yin par 'gyur na ni dge ba'i rtsa ba chad pa rnams so so'i skye bo ma yin par 'gyur la/ dge ba yin pa'i phyir dang / de yang chad pa'i phyir 'phags pa nyid du 'gyur na de ni 'dod pa yang ma yin te/de'i phyir dge ba ma yin no/ /nyon mongs pa can yang ma yin te/ nyon mongs pa can smras pa ni mi dge ba la mngon par 'dod do/ /'di skad bstan par 'gyur te/ mi dge ba yang ma yin te 'dod chags dang bral ba rnams kyang de dang ldan pa'i phyir te/'jig rten pa'i 'dod chags dang bral ba rnams so so'i skye bo nyid dang ldan pa'i phyir ro/ /mi dge ba yin na ni sa de pa'i nyon mongs pa spangs pa ltar de'i rang bzhin spang bar 'gyur na/ so so'i skye bo nyid kyi rang bzhin ni spangs par 'dod pa yang ma yin te/ 'o na ci zhe na/ de la dmigs pa'i 'dun pa 'dod chags spangs pas spong bar 'gyur ro/ /so so'i skye bo nyid ni nyon mongs pa can ma yin te/ de lta bas na mthong bas spang bar bya ba ma yin no/ /lus dang ngag gi las ni gzugs yin na gzugs ni nyon mongs pa can yin yang rung ste/ mthong bas spang bar bya ba cung zad kyang med do//ci'i phyir zhe na/ bden pa dag la sogs par mi rtogs pa'i phyir dang mthong bas spang bar bya ba ni nyon mongs pa rnams kyis kun nas bslang ba'i phyir ro/ /sdug bsngal la chos shes pa'i bzod pa na so so'i skye bo nyid du thal bar 'gyur ba'i yang phyir ro zhes bya ba la/gal te sdug bsngal la chos shes pa'i bzod pas de spong na ni bzod pa skyes pa na yang des spang bar bya ba rnams dang ldan pa'i phyir 'phags pa yang so so'i skye bor 'gyur ro/ /gal te khyod kyi ltar na yang so so'i skye bo nyid bsgom pas spang bar bya ba nyid yin pa'i phyir slob pa dang yang ldan pas nyes pa shin tu chen por 'gyur ba ma yin nam zhe na/ma yin te/ sdug bsngal la chos shes pa'i bzod pa nyid dang lhan cig tu de'i thob pa gcod phyir ro/ /'o na ji ltar ma spangs she na/ de la dmigs pa'i nyon mongs pa dag ma spangs pa'i phyir te/sngar ni de nyams pa nyid yin gyi spangs pa ni ma yin no/ /yang bral ba dang spangs pa dag gi khyad par ni zhig ce na/ cung zad cig dang bral ba ni bral ba yin te/ cung zad za ba bzhin no/ /rab tu bral ba ni spangs pa ste/ bral ba la dmigs pa'i nyon mongs pa rnams skye la/dmigs pa ma yin no zhes bya ba gang yin pa srid pa ni med do/ /gal te spangs pa la dmigs pa'i nyon mongs pa mi skye na 'o na ni dang po'i rnam pa spangs kyang de'i/ yul can dri ma rnams kyi ldan/ /zhes ci ste brjod ce na/ tshul de ni nyon mongs pa can yin la/ so so'i skye bo nyid ni nyon mongs pa can ma yin pa'i/lung du ma bstan pa yin pas 'gal ba med do/ /drug pa las skyes pa yang ma yin te/ drug pa zhes bya ba ni yid kyi skye mched do zhes bya ba la/ drug pa las skyed pa ni drug pa skyes te/ yid kyi rnam par shes pa'o/ /drug pa las skyes pa ma yin par ni drug pa min skyes te/dbang po lnga las skyes pa gang yin pa'o/ /de nyid kyi phyir/ de las gzhan las skyes pa ni drug pa las ma skyes pa ste zhes bya ba smos te/ de yang kha phyir bltas par zhugs pa'i phyir mthong bas spang bar bya ba ma yin no/ /mig dang chos kyi khams phyogs ni//lta ba yin te zhes 'byung ste/ /de la chos thams cad kyi nang nas lta ba'i rang bzhin ni chos gnyis yin te/ gzugs can rnams las ni mig gi dbang po'o/ /gzugs can ma yin pa rnams las ni shes bya rtogs par sems pa rgyu ba gsal ba can gyi shes rab kha nang du bltas par zhugs pa'o//de la re zhig mig gi mtshan nyid ni/ /de dag rnams kyi rnam shes rten/ /mig la sogs gzugs dang ba rnams/ /zhes bshad zin to/ /gal te yang dag pa'i lta ba smos pas 'di dag gsum char yang bstan par 'gyur ba ma yin nam zhe na/ de lta yin mod kyi/so so'i skye bo dang / slob pa dang / mi slob pa'i sa bstan par bya ba'i phyir dang / skye ba'i rim pa bstan par bya ba'i phyir rnam pa gsum du dbye bar bya'o/ /de la 'jig tshogs la lta ba la sogs pa rnams ni 'dod chags la sogs pa bzhin du phra rgyas kyi rang bzhin yin pa'i phyir phra rgyas bstan par ston pa'i dus la bab par 'gyur ro//ji skad ce na/ bdag dang bdag gi rtag chad dang / /zhes bya ba la sogs par ro/ /lta ba gsum po dag gi rang gi ngo bor ni gzhan du ston pa'i skabs med pas 'di nyid du de dag gi rang gi ngo bo bstan to//mig la sogs pa'i rnam par shes pa dang mtshungs par ldan pa'i shes rab dang / mi dge ba dang / lung du ma bstan pa dang / zag pa med pa yod pas de'i phyir/ yid kyi rnam par shes pa dang mtshungs par ldan pa'i shes rab dge ba zag pa dang bcas pa'o zhes khyad par rnam pa gsum brjod do//slob pa'i zag pa med pa'i shes rab ni slob pa'i lta ba ste/ slob pa smos pa ni mi slob pa las khyad par du bya ba'i phyir ro/ /zag pa med pa smos pa ni zag pa dang bcas pa las khyad par du bya ba'i phyir ro/ /mi slob pa'i zag pa med pa'i shes rab ni mi slob pa'i lta ba'o//sprin dang bcas pa dang / sprin med pa'i mtshan mo dang / nyin mo'i gzugs la lta ba bzhin du zhes bya ba rgyas par 'byung ste/ de la snang ba dang bral ba'i phyir mun pas zil gyis gnon pa'i phyir mtshan mo sgang gshong spel ma dag la phyin ci log tu lta ba de bzhin du/'jig rten pa'i nyon mongs pa can dag gis chos la lta'o/ /'jig rten gyi lta bas ni 'gro ba rtag tu mtshan mor gyur par mthong ste/ zag pa med pa'i ye shes kyi snang ba med pa'i phyir ro/ /de la ni ma rig pa'i rkyen gyi dra bas g.yogs pa'i phyir/ nyon mongs pa can gyi chos kun du spyod pa'i gnas skabs na 'gro ba sprin dang bcas pa'i mtshan mo dang 'dra bar 'gyur te/'di ltar mi rtag pa dang / stong pa dang / bdag med pa la sogs pa'i ngo bo yod par mi mthong bar rtag pa la sogs pa'i ngo bo yod pa ma yin pa rtog pa'i phyir ro/ /de nas 'jig rten pa'i yang dag pa'i lta bas lta ba chos yongs su dag par 'gyur te/sprin dang bral bas zla ba'i 'od kyis mun pa bcom pa'i mtshan mo'i gzugs dmigs pa bzhin no/ /'jig rten pa'i lta bas nyon mongs pa can ma yin pa dag gis ni de ltar chos la blta ste/ sprin gyi dra ba lta bu'i gti mug med pa'i phyir ro/ /mi rtag pa dang / stong pa dang / bdag med pa la sogs pa'i ngo bor lta ba yod mod kyi yongs su gsal ba ni ma yin no/ /de nas slob pa'i lta ba ni nyi ma'i dkyil 'khor sprin gyis g.yogs pa'i nyin mo gzugs mthong ba bzhin te/ slob pa'i lta ba dag gis ni de ltar chos la lta'o//slob pa la ni zag pa med pa'i ye shes kyi snang ba mngon du gyur pa'i phyir 'gro ba nyin mo lta bur gyur pa yin te/ ma rig pa'i sprin gyi dra ba lhag ma dang bcas pa'i phyir ni sprin dang bcas pa lta bur 'gyur ro/ /ji ltar nyi ma'i 'od zer gyis mun pa bsal ba'i nyin mo gzugs dmigs pa ltar mi slob pa'i lta ba dag gis chos la lta ba yang de bzhin te/nyon mongs pa can gyi ma rig pa'i sprin gyi dra ba ma lus pa dang bral ba'i phyir ro/ /de'i phyir mi slob pas ni chos la gsal bar lta bar 'gyur ro/ /'o na ji ltar sangs rgyas bcom ldan 'das kyis gzigs pa phul du byung bar 'gyur ba zhes bya ba brjod par bya'o zhe na/sangs rgyas bcom ldan 'das rnams ni nyon mongs pa can ma yin pa'i ma rig pa'i sprin gyi dra ba ma lus pa dang bral ba'i phyir la/ dgra bcom pa rnams ni ma yin no zhes bya ba 'di ni khyad par ro/ /rnal 'byor pa rnams ji lta ji ltar shes rab goms pa'i sgo nas snying gi mun pa spong ba de lta de ltar dmigs pa rnam par dag par khyad par du 'gyur te/'di ltar dmigs pa rnam par dag pa dang / rnam par dag pa ma yin pa ni cung zad kyang med kyi/ rnam par dag pas rnam par dag par 'gyur zhes bya ba ni blo dri ma dang bcas pas dri ma can du byas pa dang /dag pas dag par byas par nges par gzung ba'o/ /bsdus pa'i don ni 'di yin te/ lta ba rnams ni rnam pa lnga ste/ lung du ma bstan pa dang / nyon mongs pa can dang / dge ba zag pa dang bcas pa dang / slob pa dang / mi slob pa'i dbye bas so/ /de la lung du ma bstan pa'i rigs pas ni mi lta ba yin gyi/ rna ba la sogs pa dang / shes rab ma bsgribs la lung du ma bstan pa thams cad ni ma yin no/ /nyon mongs pa can gyi rigs las ni lta ba lnga po de dag las gzhan pa'i shes rab lta ba ma yin te/de yang 'dod chags dang / khong khro dang / nga rgyal dang / ma rig pa dang / the tshom la sogs pa dang lhan cig skye ba'o/ /slob pa'i rigs las ni lta ba ma yin pa'i shes rab 'ga' yang med do/ /mi slob pa'i rigs las ni zad pa dang / mi skye ba shes pas lta ba ma yin no//dge ba zag pa dang bcas pa'i rigs las ni yid kyi rnam par shes pa dang mtshungs par ldan pa kho na yin gyi/ rnam par shes pa'i tshogs lnga dang mtshungs par ldan pa ni ma yin te/ de nyid kyi phyir/ yang ci'i phyir yid kyi rnam par shes pa dang mtshungs par ldan pa kho na la zhes bya ba smras te/dge ba zag pa dang bcas pa nyid du khyad par med kyang yid kyi rnam par shes pa dang mtshungs par ldan pa kho na la bya'i/ rnam par shes pa lnga dang mtshungs par ldan pa ni ma yin zhe na/ rnam shes lnga dang mtshungs skyes blo/ /nges rtog med phyir lta ma yin/ /zhes bya ba 'byung ste/rtog par byed pa ni lta ba yin te/ nges par sems pa las zhugs pa yin pa'i phyir ro/ /nges par rtog pa ni yul nges par sems pa sngon du 'gro ba can nges par 'dren par byed pa can yin na rnam par shes pa lnga dang lhan cig skyes pa'i shes rab ni de lta ma yin te zhes bya ba rgyas par ro//ji ltar nges par sems pa la mi 'jug pa'i phyir mig la sogs pa dang mtshungs par ldan pa'i shes rab rtog par byed pa ma yin pa de bzhin du nyon mongs pa can dang / nyon mongs pa can ma yin pa'i shes rab gzhan la rtog pa la sems par ma zhugs pa'i phyir/ rtog par byed pa ma yin pas lta ba ma yin te/de yang gong kho nar rgyas par bshad zin to/ /gal te rtog par byed pa ma yin pa'i phyir shes rab lta ba yin na ni 'o na ni mig kyang rtog par byed pa nyid med na ji ltar lta ba yin zhe na/ gzugs la lta ba'i don gyis te zhes bya ba la/ mig ni gzugs la lta ba'i don gyis lta ba zhes brjod de/nges par rtog par byed pa'i don gyis ni ma yin la/ shes rab ni nges par rtog par byed pa'i don gyis yin gyi/ lta ba'i don gyis ni ma yin pas/ gnyis ka yang lta ba nyid yin par 'gal ba med do/ /gang gi phyir mig gis gzugs rnams mthong zhes bya ba la/gzugs mthong ba ni gzugs la lta ba yin te/ de'i phyir gzugs la lta ba'i don gyis mig la lta ba zhes bya'o/ /gal te mig gis mthong bar 'gyur na rnam par shes pa gzhan dang ldan pas kyang mthong bar 'gyur ro zhe na zhes bya ba ni rnam par shes pa gzhan mngon du gyur pas kyang zhes bya ba'i don to//de bzhin du rna ba la sogs par rang gi rnam par shes pa la ltos pa med pa rnams la yang nyan pa la sogs pa yod par khas blangs pa'i phyir dang / yul thams cad cig car dmigs par thal bar 'gyur ro zhe na/mig thams cad kyis mthong ba ni ma yin pa nyid de/ mig 'ga' zhig kho nas lta bar khas blangs pa'i phyir ro/ /gang gi tshe rnam par shes pa dang bcas pa zhes bya ba ni rnam par shes pa gnas pa'o/ /rnam par shes pa rnams ni cig car dbang po rnams la gnas pa yang ma yin pas yul thams cad cig car dmigs par yang mi 'gyur ro//de lta na 'o na zhes bya ba rgyas par 'byung ba la/ rnam par shes pa kho na lta ba la nus pa dang ldan par snang ba'i phyir rnam par shes pa nyid kyis mthong bar 'gyur ro zhe na/ de la brten pa'i rnam shes min/ /zhes bya ba ni mig la brten pa'i 'o//ci'i phyir zhe na/ de'i phyir/ gang phyir bar du chod pa yi/ /gzugs ni mthong ba'i min phyir lo/ /zhes bya ba smos so/ /lo'i sgra ni rgyu 'dis ni rnam par shes pa mthong ba 'gog par nus pa ma yin no zhes mi 'dod par bstan pa'i don du'o/ /slob dpon 'dus bzang na re/rnam par shes pa ni mthong ba ma yin te/ rigs pa dang lung med pa'i phyir dang / 'jig rten dang 'gal ba'i phyir ro/ /mig gi rnam par shes pas mthong ngo zhes rnam par gzhag pa'i rgyu med par rigs pa med do/ /gang zhig thos pa las mig gi rnam par shes pa mthong ngo zhes bya bar rtog par 'gyur ba lung yang 'ga' yang yod pa ma yin te/bcom ldan 'das kyis mig kho na mthong ba'i sgras de dang der gsungs pa'i phyir ro/ /mig gi rnam par shes pas mthong ngo zhes bya ba 'di ni 'jig rten dang 'gal ba yang yin te/ mig med na long ba zhes smra'i mig gi rnam par shes pa med na ni ma yin la/gang zhig mig dang mi ldan par 'gyur ba de la ni long ba zhes brjod kyi/ mig gi rnam par shes pa dang mi ldan pa ni ma yin te/ bsam gtan gnyis pa la sogs par skyes pa rnams ni mig gi rnam par shes pa mngon du gyur pa med pa ni mig dang mi ldan pa las long bar 'gyur ba ma yin no//mig dang mi ldan pa'i long ba thams cad kyang mig gi rnam par shes pa dang ldan pas mthong ba dang bral bar mi rigs so zhes zer te/ zhar la 'ongs pas chog gi skabs su bab pa nyid brtsam par bya ba'o/ /'di ni phyogs tsam zhig yin gyi/gzhung mangs pa 'jigs pas rnam par dpyad pa rgyas par ni ma byas te/ dkyus ma nyid brtsam par bya'o/ /gal te rnam par shes pas mthong bar 'gyur na zhes zer ba ni bye brag tu smra ba rnams te/ gal te rnam par shes pas mthong na rtsig pa la sogs pa dag la thogs pa med pa'i phyir mchod pa ltar rtsig pa la sogs pas chod pa'i gzugs kyang mthong bar gyur pa na chod pa ni mthong bas yang ma yin te/de'i phyir gang gis na chod pa mi mthong bar 'gyur ba lta ba'i bdag nyid ma yin par rgyu gzhan yod pa ma yin no/ /de lta na gzugs chod pa mi mthong ba'i phyir rnam par shes pa lta ba'i bdag nyid can ma yin la/lta ba'i bdag nyid can ma yin pa'i phyir na ma chod pa yang mi mthong ngo / /mig ni lta ba'i bdag nyid yin yang bar du chod pa la thogs pas bar du chod pa'i gzugs mi mthong ba dang / thogs pa med pas bar du ma chod par mthong bar 'gal ba med do//bsgribs pa la ni mig gi rnam par shes pa mi skye ba nyid de zhes bya ba rgyas par 'byung ste/ lta ba'i bdag nyid ma yin pa'i phyir bsgribs pa mi mthong ba ni ma yin no/ /'o na ci zhe na/ ma skyes pa'i phyir mi mthong ba'o/ /ci ste mi skye zhes bya ba rgyas par 'byung ste/ rnam par shes pa kho na yul la byed pa yin gyi/mig ma yin te/ mig gi rnam par shes pa kho na la byed pa yin la/ mig yang thogs pa med pa yin no/ /de'i phyir yul dang dbang po yod na rnam par shes pa ci'i phyir mi skye/ gang gi ltar na mig gis mthong zhing rnam par shes pas shes pa de ltar na ni rnam par shes pa rten mig dang lhan cig tu yul gcig la 'jug pa'i phyir/gzugs gang zhig mig gis mthong ba de nyid rnam par shes pas rnam par shes so/ /de'i phyir rten dang lhan cig yul la 'jug cing / mig kyang thogs pa dang bcas pa'i phyir chod pa'i gzugs la 'jug pa med pa dang mthong ba med de/de'i phyir rnam par shes pa yang mi skye bar rung ngo / /mig kyang lus kyi dbang po bzhin du zhes rgyas par 'byung ba la/ lus kyi dbang po dang reg bya ltar yul dang phrad pa yin na ni chod pa mi mthong bar 'grub pa zhig go/ /thogs pa dang bcas pa'i phyir bar chod kyis bar du bcad pa'i yul dang ma phrad pa'i phyir mi reg go zhes bya bar ni rigs na mig gi dbang po ni yid ltar ma phrad pa'i yul can yin pa'i phyir bar du gcod pas cung zad kyang byed pa ma yin pas bar du chod pa'i gzugs kyang ci ste mi mthong /mching bu dang / lhang tsher dang /shel dang / chu dag gis zhes bya ba rgyas par 'byung ste/ gal te mig thogs pa dang bcas pa'i phyir lus kyi dbang po bzhin rang gi yul gcig pa la sogs pas chod pa la mi 'jug na/ mching bu dang lhang tsher la sogs pa dag gis chod pa la yang de kho na ltar mi 'jug par 'gyur ba zhig na/mching bu la sogs pa dag gis bar du chod pa ni mthong ba yang yin no/ /de'i phyir thogs pa dang bcas pa nyid rgyu ma yin no/ /'o na ci zhe na/ gang la snang ba la gegs med na zhes bya ba 'byung ste/ mig gi snang ba'i lhan cig byed pa can yin pa'i phyir lhang tsher la sogs pa gang la snang ba la/gegs med na/ des gzugs bsgribs bzhin du yang mig gi rnam par shes pa skye ba nyid yin pas des chod pa'i gzugs kyang mthong la/ rtsig pa la sogs pa gang du gegs yod na ni des chod pa'i gzugs la mig gi rnam par shes pa mi skye ste/ lhan cig byed pa'i rgyu med pa'i phyir ro/ /de bas na mi skye ba'i phyir rtsig pa la sogs pa dag gis bsgribs pa mi mthong ngo / /'o na gang mdo las zhes bya ba ni lung dang 'gal bar ston to/ /gal te rnam par shes pas mthong na ni 'di skad du/ mig gi rnam par shes pas gzugs rnams mthong nas zhes bya bar gsungs par 'gyur ba zhig na/mig gis gzugs rnams mthong nas mtshan mar 'dzin par mi 'gyur/ mngon rtags su 'dzin par mi 'gyur zhes bya ba de skad du rgya cher gsungs pa yang yin te/ de'i phyir mig kho nas mthong gi rnam par shes pas ni ma yin no zhes bya bar nges so//de ni de ltar ma yin te/ lung ni dgongs pa can yin pa'i phyir ro/ /yang 'dir dgongs pa gang yin zhe na/ 'dir dgongs pa ni de la brten te zhes bya ba 'di yin te zhes bya ba ste/ mig la brten nas rnam par shes pas gzugs rnams mthong nas zhes bya ba'i don to/ / ji ltar de la brten nas rnam par shes pas zhes bya ba yin gyi/ mig kho nas ma yin no zhes bya ba 'di shes par bya zhe na/ de'i phyir/ dper na yid kyis chos rnams rnam par shes par byas nas zhes bya ba smos te/ mdo de nyid las yid kyis chos rnams shes par byas nas mtshan mar 'dzin par mi 'gyur/mngon rtags su 'dzin par mi 'gyur zhes gsungs so/ /yid ni 'das pa yin pa'i phyir chos rnams rnam par mi shes so zhes bya ba la 'das pa ni byed pa zhig pa'i phyir ram/ brjod du med pa'i phyir ram yid kyis chos rnam par mi shes so/ /'o na ci zhe na/ da ltar ba yin pa'i phyir/yid kyi rnam par shes pas yin te/ de'i phyir de la brten nas zhes bya bar rtogs so/ /gal te der yid kyi mtshan nyid can yin pa'i yid kyi sgras yid kyi rnam par shes pa rnams gsungs par 'gyur ba ma yin nam zhe na/ mig la sogs pa'i skabs yin pas na ma yin no zhes bya bar khong du chud de/gang gi tshe mig la sogs pa rnams mig gi rnam par shes pa la sogs pa'i rten yin pa de bzhin du yid kyang yid kyi rnam par shes pa'i rten yin pa'i phyir ro/ /yang na brten pa'i las rten la nye bar btags pa yin te zhes bya ba la/ brten pa mig gi rnam par shes pa de'i las gzugs mthong ba de'i rten mig dag la nye bar btags pa yin no//de nyid la dpe ni/ dper na khre'u dag 'bod do zhes bya ba ste/ brten pa'i las 'bod pa de'i rten la nye bar 'dogs pa bzhin no/ /ji ltar mdo las mig gi rnam par shes par bya ba'i zhes bya ba la/ rnam par shes pa ni de'i brten pa rnam par shes pa'i las yin gyi/ mig gi ni ma yin no/ /de bzhin du mdo las kyang brten pa'i las rten la brjod do zhes ston par byed do/ /de nyid la lung gzhan smras pa ni/ mdo las bram ze zhes bya ba rgyas par 'byung ba'o/ /gal te mig gis mthong na ci'i phyir bcom ldan 'das kyis sgo nyid du nges par gsungs/sgo nas ni gzhan gyis mthong ba yin gyi sgos ni ma yin te/ de'i phyir mig gi sgo nas rnam par shes pas mthong ngo zhes bya bar shes so/ /der ni lta ba la sgo zhes bya bar zad do zhes bya ba la/ mdo der ni lta ba gang yin pa de mig gi las yin zhing lta ba de la sgo zhes brjod pa yin te/de'i phyir mig nyid kyis mthong gi /rnam par shes pas ni ma yin no/ /sgo dang lta ba gnyis don tha mi dad pa nyid yin na ni brjod pa don med pa'i phyir 'di ni mi rung ngo / /ci zhe na/ mig gis gzugs rnams mthong bar bya ba la lta ba yin no zhes de skad smras par 'gyur ba'o//yid ni chos rnams shes par bya ba la sgo yin no zhes bya ba gsungs par der yang yid 'das pa kho na yid kyi rnam par shes pa'i rten gyi dngos por gyur pas sgo zhes gsungs te/ yid 'das pas chos rnam par shes par nus pa med pa'i phyir ro/ /de bzhin du 'dir yang gzugs mthong ba'i rten yin pa'i phyir mig la rten zhes gsungs kyi de la mthong ba'i nus pa ni yod pa ma yin te/bems po yin pa'i phyir ro/ /gal te rnam par shes pas mthong na gang gis rnam par shes/ gang gi ltar na mig gis mthong ba de'i ltar na ni rnam par shes pas gzugs mthong ngo / /rnam par shes so zhes tha snyad rigs na/gang gi ltar na rnam par shes pas mthong ba de'i ltar na ni gzhan gyis rnam par shes pa med pas tha snyad med par 'gyur ro zhe na/ 'di nyid la khyad par ci yod de zhes bya ba la/ mthong ba dang rnam par shes pa 'di gnyis la khyad par ci zhig yod/ gang gis zhes bya ba rgyas par 'byung ste/gang gis gzugs mthong ba dmigs pa de nyid kyis 'di rnam par shes pa yin no/ /gal te dmigs pa mthong ba yin na sgra la sogs pa dag tu yang dmigs pa mthong bar 'gyur ro zhe na/ thog ma'i dmigs pa la mthong bar 'dod kyi/ dmigs pa thams cad ni ma yin no//dper na shes rab 'ga' zhig la mthong ba zhes bya ba rgyas par 'byung ste/ lta ba'i rang bzhin brgyad mthong ba yang yin zhing / rab tu shes pa yang yin la/ de dag las gzhan rnams ni rab tu shes pa kho na yin pa de bzhin du mig gi rnam par shes pa ni mthong ba yang yin zhing rnam par shes pa yang yin gyi rna ba la sogs pa'i rnam par shes pa ni rnam par shes pa kho na yin no//gzhan dag na re ni gal te zhes bya ba la sogs pa la/ de la ni gang byed pa na mthong ngo zhes brjod pa/ rnam par shes pa las ma gtogs pa'i bya ba gzhan 'dra ba zhig med la/ bya ba med par yang byed pa po nyid mi rigs te/ 'gro ba po nyid bzhin no zhes zer ro/ /de ni klan kar mi rung ste zhes bya ba rgyas par 'byung ste/ rnam par shes pa la ni rnam par shes pa zhes brjod na/ de la ni byed pa po dang bye brag kyang med de/ rnam par shes pa las ma gtogs pa'i rnam par shes pa'i bya ba med pa'i phyir ro//ji skad du/ 'dus byas thams cad skad cig mas/ /mi gnas bya ba ga la yod/ /gang dag 'byung ba de nyid ni/ /bya ba de nyid byed por brjod/ /ces gsungs so/ /de bzhin du 'di la yang rung bar 'gyur ro zhes bya ba la/ ci zhe na/ mig la byed pa po dang bya ba'i bye brag med kyang mig gis mthong ngo zhes bya ba 'dir 'gyur ro zhes ston to//gzhan dag na re ni mthong ba ni mig gi rnam par shes pa yin la zhes bya ba ni mthong ba ni lta ba'o/ /de'i rten du gyur pa'i phyir zhes bya ba la/ mig ni mig gi rnam par shes pa'i rten du gyur pa'i phyir mthong ba zhes bya'o//dper na sgrogs pa'i rten du gyur pa'i zhes bya ba ni de nyid la 'jig rten la grags pa'i dpe smras pa ste/ sgra sgrogs mod kyi de'i rten du gyur pa'i phyir dril sgrogs so zhes bya ba de bzhin du 'dir yang yin no/ /de ltar na mig ces bya ba rgyas par 'byung ste/ gal te mthong ba'i rten du gyur pa'i phyir mig gis mthong ngo zhes bya ba yin na/de lta na rnam par shes pa'i rten du gyur pa'i phyir mig gis rnam par shes so zhes bya bar 'gyur ro zhe na/ mi 'gyur te/ byed pa po dang bya ba'i tha snyad 'di ni 'jig rten pa yin la/ 'jig rten na yang /rnam par shes pa de ni mthong ba zhes grags kyi rnam par shes so zhes bya bar ni ma yin no/ /shes par byed pa smras pa/ 'di ltar de skyes na gzugs mthong ngo zhes 'dzer gyi/ rnam par shes so zhes ni mi zer ro/ /bye brag tu bshad pa las kyang zhes rgyas par 'byung ste/ 'jig rten na yin pa 'ba' zhig tu ma zad kyi bstan bcos las kyang /de mthong bar brjod do zhes ston to/ /mig dang phrad cing zhes bya ba ni mig gis bltas shing de la snang bar gyur pa ste/ de'i yul gyi dngos por gyur cing zhes bya ba'i tha tshig go/ /gal te mthong ba'i rten du gyur pa'i phyir mig gis mthong ngo zhes bya na/'o na ni gang gi rten du gyur pas rnam par shes pas gzugs rnam par shes so zhes brjod do/ /de la rnam par shes pa las tha dad pa'i bya ba gzhan ni yod pa ma yin no zhe na/ de'i phyir/ rnam par shes pa ni yod pa tsam gyis zhes bya ba smos so/ /slob dpon gyis phyogs pa dag na re mig ni nye ba tsam gyis mthong ngo zhes bstan par mi nus te/de dang mtshungs pa'i mig kyang yod pa'i phyir ro/ /rnam par shes pa ni de lta ma yin pas de yod pa tsam gyis gzugs rnam par shes so zhes brjod de/ dper na nyi mas nyin par byed do zhes bya ba bzhin no/ /'di ltar gling rnams kyi snang ba'i gnas ni nyin par yin la/de yang 'od dang bcas pa'i nyi ma las gzhan yod pa ma yin no/ /de'i phyir nyi ma yod pa nyid las nyin par byed do zhes bya ba de bzhin du 'dir yang yin no zhes zer ro/ /'di la mdo sde pa rnams na re ni zhes bya ba la/ ci mig gis mthong ngam/ rnam par shes pas mthong ngo zhes bya ba'i skabs gang yin pa der ro//de dag ji skad zer zhe na/ nam mkha' ldad pa 'di ci dgos zhes bya ba ste/ rnam par dpyad pa 'di ni nam mkha' 'cha' ba dang 'dra bar dgos pa med do zhes bya ba'i don to/ /yang ji ltar rnam par dpyad pa 'di dgos pa med ce na/ de'i phyir/mig dang gzugs la brten nas zhes bya ba rgyas par 'byung ba la/ 'di skad bstan par 'gyur te/ 'bras bu'i yod pa ni rgyu'i yod pa sngon du 'gro ba yin na/ de la lta ba ni su zhig yin/ lta ba ni gang zhig yin/ 'di la tshig tsam gyis dad par mi 'gyur ro zhe na/ de'i phyir/ 'di ni byed pa med pa dang //zhes bya ba la sogs pa smos so/ /byed pa med pa zhes bya ba ni rgyu'i yod pa las tha dad pa'i bya ba 'gag pa ste/ de las tha dad pa'i bya ba khas blangs na skad cig mar 'jig pa la gnod par 'gyur na/ dngos po rnams skad cig phan chad gnas pa ni tshad ma dag dang 'gal lo/ /chos tsam zhes bya ba ni nang gi byed pa'i skyes bu 'gog par byed pa'o//rgyu'i byed pa dang nang gi byed pa'i skyes bu med kyang rgyu dang 'bras bu dag la rgyu dang 'bras bu'i 'brel par mi 'gal lo zhes bstan pa'i phyir/ rgyu dang 'bras bu tsam du zad la zhes bya ba smos so/ /tha snyad gdags pa'i don du zhes bya ba ni 'jig rten dang bstan bcos su'o//'dun pa ni sgo nas zhes bya ba'i don gyi rgyu mtshan gyis ni ma yin no zhes ston pa'o/ /'di la mngon par zhen par mi bya ste/ tha snyad pa'i don ni btags pa yin pa'i phyir ro/ /ci zhig las she na/ sgra'i sgo nas 'byung ba ni 'byung ba po la ltos pa'i phyir zhes bya ba la sogs pa las te/don dam par btsal na mi dmigs pa'i phyir ro/ /bcom ldan 'das kyis zhes bya bas ni tha snyad pa'i don la mngon par zhen pa ni bcom ldan 'das kyis dgag par mdzad do zhes ston par byed do/ /ljongs kyi mi'i tshig la mngon par zhen par mi bya'o zhes bya ba la ljongs kyi mi dang ljongs kyi mi nges pa ste/gtan la phab pa'i tshig ljongs kyi mi'i tshig go/ /ci'i phyir 'di 'dir nges par byas zhes de dag la mngon par zhen par mi bya ste/ ci'i phyir 'di ni nges pa'i tshig yin gyi/ thams cad don dang ldan par rtogs par mi bya'o zhes bya ba'i don to/ /'jig rten gyi ming la rab tu brgyug par mi bya'o zhes bya ba la/rtog pa dang rab tu brgyug par bya zhes bya ba 'di ni don gcig go/ /lus la sogs pa las tha dad pa'i bdag ni yod de zhes bya bar yang dag pa ma yin par sgro btags pa'i sgo nas bdag dang srog ces bya ba de lta bu la sogs pa 'jig rten pa'i tha snyad lhag par sgro gdags par mi bya'o//kha che'i bye brag tu smra ba rnams kyi grub pa'i mtha' yin no zhes bya ba la/ 'dir ni kha che'i bye brag tu smra ba la grags pa'i chos mngon par bshad pa'i skabs su bab pas de'i phyir de dag nyid phyogs phyi mar gnas par byed do/ /gal te gang yang rung ba zhig btsums na gzugs gang yang rung ba zhig dmigs pa'i phyir gnyis kas mthong bar nus par grub bzhin du/yang ci'i phyir/ ci mig gcig gis zhes rgyas par spyod ce na/ gnyis ka phye na mthong ba gang yin pa de ci rim gyis sam 'on te cig car yin zhes bya ba 'di ma dpyad pas de'i phyir de dmigs kyis nges par bya ba'i phyir rtsom mo//'di la nges pa med de mig ni gnyis ka dag gis kyang mthong ste/ kyang gi sgras ni gcig gis kyang ngo / /'dir gnyis kho na 'am gcig kho nas zhes nges par ni mi gzung ngo / /nges pa 'di gang las she na/ gsal bar mthong phyir ro/ /chos mngon pa pa smos pa ni mdo sde pa rnams las kha cig gcig gis mthong ngo zhes bya bar 'dod par bstan pa'i phyir ro//'di ltar gnyis ka phye na zhes bya ba rgyas par 'byung ba la/ mig gcig btsums nas gzugs gang zhig rgyun chags su 'jug pa mi gsal bar dmigs pa de nyid gnyis ka phye bas ches gsal bar dmigs te/gcig gis mthong na ni snga ma dang phyi ma dag tu mthong ba khyad par du mi 'gyur ro/ /gang yang rung ba zhig gzhan du gyur na ni ma yin no zhes bya ba la/ gal te phye ba gang yin pa de/ phyed btsums pa'am/ phyed btsums pa de thams cad phye ba'am thams cad btsums na/ de nas zla ba gnyis su 'dzin par mi 'gyur te/ de'i phyir mig gcig gis mthong ba yin no/ /de lta ma yin na mig gcig phye ba dang / gnyis pa phyed btsums na zla ba gnyis su 'dzin par mi 'gyur ro/ /de'i phyir gnyis ka yang der cig car nus so zhes bya bar nges so/ /gal te gnyis kas mthong na rten rnam par chad pas rnam par shes pa rnam par chad pas sems can gcig gi dbang po ltar skad cig ma gcig la rnam par shes pa gnyis su thal bar 'gyur ro zhe na/de'i phyir/ rten rnam par chad pas zhes bya ba rgyas par smos so/ /ci'i phyir zhe na/ yul na mi gnas pa'i phyir ro/ /mig gi rnam par shes pa ni 'khar gzhong dang rgya shug bzhin rten dang brten pa'i ngo bos mig la gnas te/de dag gyur pas 'gyur ba'i phyir mig la de'i rten zhes bya'o/ /de'i phyir rten gcig la rag las pa'i phyir dang / de yang gcig yin pa'i phyir mig brgyas kyang rnam par shes pa gcig bskyed par 'gal ba med na/gnyis kyis yin pa la lta smos kyang ci dgos/ mig rnag gis bar chod pa gcig kyang rnam par shes pa du ma skyed par thal bar 'gyur na/ yul na mi gnas pa de'i rten rnam par chad pas rnam par chad pa yang ma yin no/ /gzugs bzhin du zhes bya ba ni mi mthun pa'i dpe'o/ /ci 'di dag yul dang phrad pa zhig gam zhes bya ba la sogs pa la the tshom 'di ga las she na/gnyis ka yang bsnyad pa mthong ba'i phyir ro/ /bcom ldan 'das kyis 'di skad du mig ni yid du 'ong ba dang / yid du mi 'ong ba'i gzugs la thogs so zhes gsungs nas/ ma phrad pa la ni thogs pa mi rigs so/ / slar yang de'i lha'i mig gis sems can dag la lta'o zhes bya ba rgyas par 'byung ba dang / ring ba gang dag yin pa dang / nye ba gang dag yin pa zhes gsungs nas/ yul dang phrad pa nyid yin na ni nye ba dang / ring ba'i rnam par gzhag par mi srid do/ /de'i phyir/ mig dang yid dang rna ba dang / /yul dang ma phrad ces bya ba smos so//shes par yod pa ci zhig yod ce na/ 'di ltar gzugs rgyang ring po nas zhes bya ba smos te/ 'dis ni yul dang ma phrad pa'o zhes bya bar shes par byed do/ /mig la yod pa'i mig sman mi mthong zhes bya ba la/ 'dis ni 'di yul dang phrad pa yin pa zlog par byed pa'o//de lta yin dang yul dang ma phrad pa kho na'o zhes bya bar nges par gzung bar 'gyur ro/ /gang dag brten nas byung ste yul la gnas so zhes yul dang phrad par 'dod pa de dag gi de yang 'dod pa tsam du zad de/ nye ba dang ring ba dag la dus mnyam par rtogs pa'i phyir ro/ /chos 'di ni nag pa la sogs pa 'gro ba dang ldan pa rnams la mthong ba yang ma yin no//mig ni 'od zer yin pa'i phyir mar me bzhin du thag nye ba dang ring ba dag lan cig gsal bar byed par mi 'gal lo zhe na/ blta bar 'dod pa rnams mun khung na snang ba tshol ba'i phyir 'od zer nyid ma grub bo/ /mig gi 'od zer nyung ba'i phyir phyi rol gyi snang ba tshol bar byed do zhe na/nyung ngu ni mang pos zil gyis gnon par byed pa'i phyir dmigs pa nyid du yang mi 'gyur ro/ /dpe don dang mtshungs pa yang ma yin te/ bar med pa phrad pa gsal bar byed pa'i phyir ro/ /mar me ni sdong bu dang mar la sogs pa phrad pa sreg cing snang bar byed na/mig ni me ltar mig sman la sogs pa shin tu nye ba rnams 'dzin par byed pa ma yin no/ /shel la sogs pas chod pa yang dmigs pas ma phrad par 'dzin pa'i phyir dang / the tshom mthong ba'i phyir na mig ni yul dang phrad pa ma yin no/ /phrad pa yin na ni reng reng po ltar mtho yor la mi yin snyam du de'i khyad par dag la the tshom za bar yang mi rigs te/de dang bdag nyid thams cad kyis nye ba'i phyir ro/ /dpag tshad stong phrag du mas bskal pa dang phrad pa mi phrad pa'i yang phyir te/ lan cig phye ma thag tu mig zla ba dang phrad do zhes bya bar brjod pa ni mi rigs te/ de skad du yang / mig de 'gro dang ldan 'gyur na/ /rgyang ring yun ring gyis mthong 'gyur/ /nye ba dang ni ring ba yi/ /gzugs ni mtshungs na de go ci/ /gal te gzugs mthong mig 'gro na/ /'gro la yon tan ci zhig yod/ /blta bar bya ba nges pa ni/ /'dod ces bya ba don med 'gyur/ /zhes bshad do//de'i phyir mig ni yul de'i phyir dang ma phrad pa nyid yin no/ /de bzhin du sgra rgyang ring po nas thos so zhes bya ba ni rna ba yul dang ma phrad pa nyid kyis shes par byed pa ste/ yul dang phrad pa nyid yin na ni sna ltar phrad pa'i yul kho na rtogs par 'gyur gyi/ ring ba ni ma yin no/ /sgra rgyang ring po nas thos so zhes bya ba ji ltar rtogs she na/phyogs la sogs pa'i bye brag gi sgo nas nges pa'i phyir ro/ /lho phyogs kyi sgra'o/ /byang phyogs kyi'o/ /rgyang ring ba'o/ /nye ba'o zhes de ltar nges pa'i phyir te/ phrad pa la de mi rigs te/ dri la sogs pa bzhin no/ /yul dang phrad pa nyid gcig yin na ni zhes bya ba rgyas par 'byung ngo / / 'di na zhes bya ba ni mi dag na'o/ /gal te mi g.yul dang ma phrad pa nyid kyis sna la sogs pa dag las khyad par du gyur na ni de ltar na/ bsam gtan pa rnams la lha'i mig gzugs phra ba dang / chod pa dang / thag ring ba la sogs par 'dzin par byed pa skye bar mi 'gal te/ 'bad rtsol gyi khyad par las 'bras bu 'byung ba'i phyir ro//de bzhin du sgra la yang brjod par bya'o/ /yul dang phrad pa nyid yin na ni lha'i dang / lha'i ma yin pa dag la khyad par med pa'i phyir 'bad rtsol don med par 'gyur ro/ /gal te mig yul dang ma phrad pa yin na ci'i phyir thag ring ba dang / bar du chod pa thams cad mi mthong zhe na/bshad pa/ nus pa'i khyad par las te/ khab long bzhin no/ /khab long gis ma phrad pa'i lcags 'dren zhes te/ chod pa dang / thag ring ba dang / mngon du phyogs par mi gnas pa thams cad 'dren par ni mi nus pa nyid de/ de bzhin du mig kyang yul dang ma phrad pa yin mod kyi/ma phrad pa thams cad mthong ba ma yin no/ /yul dang phrad pa nyid yin na yang thal bar 'gyur ba 'di mtshungs so zhes 'chad pa ni/ ci'i phyir mig sman nam zhes bya ba rgyas par 'byung ste/ mig sman nam thur ma ni phrad pa mi mthong ngo / /ji ltar sna la sogs pa zhes bya ba la nus pa tha dad pas phrad pa yul yin gyi/thams cad ni ma yin no/ /ji ltar thams cad ma yin zhe na/ lhan cig skyes pa'i dri mi 'dzin pa'i phyir zhes bya ba smos te/ sna la sogs pa dbang po dang lhan cig 'byung ba'i dri dang / ro dang / reg bya dag ni phrad pa yin pa yang sna la sogs pa dag gis mi 'dzin te/ de bzhin no/ /yid ni gzugs can ma yin pa'i phyir zhes bya ba la/ phrad pa ni phan tshun 'dab chags par 'byung ba yin la/ de yang yul na gnas pa'i phyir gzugs can rnams kho na yin na yid ni gzugs can ma yin pa'i phyir yul na mi gnas te/ de'i phyir rang gi yul dang phrad par mi nus pa nyid do//rna ba'i nang du yang zhes bya ba la/ yang gi sgras ni thag ring po nas kyang thos pa'i phyir rna ba yul dang ma phrad pa yin par sems so/ /mu stegs byed kha cig na re/ sgra rgyun chags par 'jug pa'i rim pas rna bas 'ongs pa rtogs par byed pa'i phyir rna ba ni yul dang phrad pa kho na yin zhes zer ro//de ni de lta ma yin te/ lag par bcangs pas dril bu'i sgra 'gags ma thag tu sgra mi thos pa'i phyir ro/ /de zhig kyang gang zhig bar nas chu rlabs kyi tshul du 'ong ba'i sgra de 'dzin pa sus bzlog /de'i phyir dril bu'i yul na gnas pa'i sgra kho na 'dzin gyi/ chu rlabs kyi tshul du rna 'brug gi bu gar phyin pa ni ma yin no//gsum gzhan du zhes bya ba la/ gzhan du zhes smos pa ni yul dang phrad pa nyid do zhes nges par gzung ba'i phyir ro/ /gal te yul dang phrad pa dang ma phrad pa yin par 'dod na ni de ltar gzhan du dang / gzhan du ma yin pa zhes bya bar smra bar 'gyur ro//sna ji ltar yul dang phrad pa yin zhe na zhes bya ba 'byung ste/ gang las the tshom za zhe na/ dri'i rten me tog la sogs pa thag ring po 'dzin pa'i phyir te/ ro dang reg bya dag ni de ltar ma yin no/ /dbugs ma brngubs par mi 'dzin pa'i phyir ro zhes bya ba la/ dbugs brngubs pa dang bcas pas dri dang ldan pa'i me tog gis bsgos pa'i rlung sna'i dbang po dang 'dab chags par skyes pa na dri 'dzin pa'i phyir ram/dri'i byung ba chen pos drangs pas sna'i dbang po dang 'dab chags par skyes pa'i dri 'dzin pa'i phyir dang / drangs pa med pas ma brngubs pa la dri dang dbang po phrad pa med pa de'i phyir sna ni yul dang phrad pa nyid du nges so//yul dang ma phrad pa nyid yin na ni mig dang rna ba bzhin du brngubs pa dang bcas pa dang ma brngubs pa gnyis la khyad par 'ga' yang med pa'i phyir ro/ /kha cig gis ni ldan pa'i ming gnyis pa can phrad pa don gzhan zhig 'dod de/ dper na bye brag pa rnams kyis 'dod pa lta bu'o//de'i phyir/ phrad pa zhes bya ba 'di ci zhe na zhes bya ba dris so/ /'dab chags par 'byung ba'o zhes bya ba 'byung ste/ de ltar na 'dab chags par 'byung ba las ma gtogs pa'i phrad pa gzhan yod pa ma yin no zhes bya bar shes par byas par 'gyur ro/ /'dab chags par 'byung ba yang kha cig gi ltar na nam mkha'i khams ma gtogs pa'i gzugs kyis ma chod pa nyid kyi phyir yin la/gzhan gyi ltar na gzugs thams cad kyis ma chod pa nyid kyi phyir yin no/ /ci rdul phra rab rnams zhes bya ba rgyas par 'byung ba la/ gal te phan tshun reg na ni cha shas dang bcas par thal bar 'gyur la/cha shas med pa nyid yin na yang sems dang sems las byung ba ltar reg pa med do/ /ci ste mi reg na de lta yin dang gsum ni yul dang phrad pa'o zhes bya bar 'gal te/ ma reg pa ni phrad pa ma yin no/ /'dir ni rdzas kyi rdul phra rab la mngon par 'dod kyi/ 'dus pa'i rdul phra rab ni ma yin te/de ni cha shas dang bcas pa'i phyir ro/ /'dres par 'gyur ro zhes bya ba ni yul tha mi dad par 'gyur ro zhes bya ba'i don te/ de'i dngos po med par thal bar snang ngo / /de'i phyir bdag nyid thams cad kyis mi reg go/ /'on te phyogs gcig reg na ni zhes bya ba la/ 'ga' zhig dag gis reg cing 'ga' zhig dag gis mi reg na cha shas dang bcas pa dag tu thal bar 'gyur ro//gal te mi reg na reg pa'i mtshan nyid can thogs pa las sgra 'byung bar mthong ste/ 'dri ba ni/ 'o na ji ltar zhes bya ba la sogs pa'o/ /gal te bdag nyid thams cad kyis ma yin zhing / phyogs gcig gis kyang ma yin phan tshun ma reg pas thogs pa med pa'i phyir ji ltar sgra 'grub par 'gyur te/de nyid kyi phyir zhes zer ba ni kha che ba rnams so/ /gang gi phyir rdul phra rab kyi phan tshun mi reg pa de nyid kyi phyir sgra 'grub bo/ /gal te reg na ni la cha la la cha gzhag ltar lag pas lag pa la bsnun na yang 'bying bar 'gyur te/gcig par 'gyur ro snyam du bsams pa'o/ /de'i phyir thogs pa dang bcas pa nyid nyams par 'gyur la/ de med na thogs pa med pas gang las sgra 'byung bar 'gyur/ skad cig ma yin pa'i phyir ldan pa'i dus mi 'thad pas gzegs zan pa ltar ldan pa las sgra 'byung bar khas blang bar yang mi bya ste/'o na ci zhe na/ gsung rab las byung ba dag kho na la ldan pa'i ming ngam phrad pa'i ming btags so/ /'byung ba bzhi tshan 'ga' zhig gis ni 'byung ba'i khyad par gzhan 'dab chags su skyed pa na/ gang zhig sgra skyed par byed par 'byar ba phrad pa zhes bya ba'i ming thob la/ de dang lhan cig skyes pa'i sgra 'dzin pas 'dir ci ste mi dpyod/ji ltar bsags pa la zhes bya ba rgyas par 'byung ba la/ bsags pa ci zhig ce na/ bong ba dang so phag la sogs pa ste/ de dag gi rdul phra rab rnams phan tshun ma 'byar ba'i phyir brgyab na bye ma 'dus pa bzhin ji ltar mi 'jig par 'gyur/ rlung gi khams kyis gzung ba'i phyir ro zhes bya ba la/gal te rlung gi khams kyis brdabs pa'i dngos po rnams la yang 'bral ba'i rgyu ma yin nam zhe na/ bye brag tu smra ba rnams na re 'di ni gcig pu nges pa med de/ sems can gyi las kyi dbang gis byung ba'i rlung gi khams kha cig ni 'jig par zhugs pa yin te/ dper na 'jig pa'i tshe'i lta bu'o/ /kha cig ni 'dzin par zhugs pa yin te/ dper na chags pa'i tshe lta bu ste/ de bzhin du gzhan du yang 'gyur ro zhes zer ro/ /gal te rdul phra rab rnams phan tshun mi reg na/ da ni ji ltar 'dab chags par phrad pa zhes bya ba rgyas par 'byung ste/ phan tshun phrad pa med par 'dab chags pa nyid mi rigs so/ /de dag gi dbus na cung zad kyang med pa zhes bya ba rgyas par 'byung ste/ snang ba la sogs pa'i gzugs gzhan no/ /yang zhes bya ba ni gzhan yang zhes bya ba'i don to/ /nyes pa med do zhes bya ba ni bdag nyid thams cad kyis reg gam/ phyogs gcig gis reg ces nyes pa brjod pa gang yin pa'o/ /gzhan dag na re/ da ni ji ltar 'dab chags par phrad pas zhes bya ba la sogs pa smras pa gang yin pa de nyes pa med do zhes zer ro/ /de ltar byas nas zhes bya ba la/ gal te 'dus pa rnams phan tshun reg pa na'o/ /ci reg pa'i rgyu can gyi zhes bya ba la/gang la reg pa rgyur yod pa de ni reg pa'i rgyu can no/ /reg pa zhig skye'am zhes bya ba ni/ gang zhig gzhan gyis reg pa'o/ /ma reg pa'i rgyu can zhes bya ba ni/ reg pa rgyur gang la yod pa'o zhes tshig rnam par sbyar te/ rdul phra rab rnams ni phan tshun ma reg pas ma reg pa'o/ / rgyu'i phyir zhes bya ba la/ reg pa'am ma reg pa yang rung ste/ gang zhig gang gi rgyu yin pa de ni de'i rgyu ste/ rgyu'i phyir smras pa'o/ /res 'ga' zhes bya ba rgyas par 'byung ste/ gang gi tshe bsags pa zhig rdul phra rab kyi gnas skabs su gyur pa de'i tshe reg pa'i rgyu can gyi ma reg pa skye'o/ /res 'ga' ni ma reg pa'i rgyu can gyi zhes bya ba la sogs pa la/gang gi tshe rdul phra rab rnams bsags par ma gyur pa de'i tshe ni/ ma reg pa'i rgyu can gyi reg par 'gyur te/ dper na kha ba bzhin no/ /de ni steng nas ma reg pa ltung zhing / sa la bab nas reg par 'gyur ro/ /res 'ga' ni reg pa'i rgyu can gyi reg pa skye ste zhes bya ba la/gang gi tshe bsags pa dang ldan pa bsags pa ste/ 'dus pa rnams 'dus pa de'i tshe ni reg pa'i rgyu can gyi reg par 'gyur te/ dper na 'ji ba'i gong bu gnyis 'dus pa bzhin no/ /res 'ga' ni ma reg pa'i rgyu can gyi ma reg pa skye ste/ dper na nyi zer gyi rdul lta bu'o/ / zhes bya ba la/ nyi zer gyi rdul ni rgyun gyi skad cig gnyis pa ma phrad pa'i rgyu can ma 'phrad pa ste/ de ni phan tshun mi reg pas ma reg pa zhes bya'o/ /skad cig mar 'jig pa dang 'gal ba la rgyu smras pa ni/ skad cig ma phyi mar gnas par 'gyur ro zhes bya ba ste/ reg pa'i skad cig ni skyes pa'i skad cig pas 'phyi ba yin te/bdag nyid thob ma thag tu phan tshun reg pa'i phyir ro/ /skad cig mar gnas pa yang ma yin te/ de'i phyir reg pa'i dus su 'gag pa'i phyir mi reg go/ /btsun pa na re ni reg pa ni med kyi/ 'dab chags pa la reg go snyam du 'du shes par zad do zhes zer ro/ / bye brag tu smra ba'i lugs las 'di la khyad par ci yod ce na/ 'di ni gzugs 'ba' zhig nyid du ma zad kyi bar du nam mkha' yang mi 'dod do/ /btsun pa'i lugs 'dod par bya'o zhes zer ba ni bstan bcos mkhan po'o/ /slob dpon 'dus bzang na re/ btsun pa'i lugs 'dod par yang mi bya la/ sdang bar yang mi bya'o/ /'o na ci zhe na/ btsa' bar bya ste/ gal te 'di dag la bar cung zad med na/ de ltar na cha shas dang bcas pa'am/ go gcig par 'gyur ro zhes nyes pa snga ma las mi 'da' ba'i phyir ji ltar btsun pa'i lugs 'dod ces zer ro/ /'dir bstan bcos mkhan po btsun pa'i lugs la rjes su yi rang ba'i rgyu smra ba ni/de ltar ma yin na ni zhes bya ba la sogs pa ste/ gal te btsun pa'i lugs las gzhan du rdul phra rab kyi bar dag tu nam mkha' 'dod na'o/ /bar stong pa dag tu zhes bya ba ni/ gzugs gzhan gyis ma bkag pa dag tu'o/ / 'gro ba la 'gog pa ni thogs pa ste/ de ni rdul phra rab kyi bar stong pa dag la mi rigs pas thogs pa dang bcas pa nyid nyams par 'gyur ro/ /yang 'dus pa rnams ni cha shas dang bcas pa yin pa'i phyir reg par 'gyur bas zhes gang smras pa/ de'i lan smras pa/ ji skad du bye brag pa rnams yan lag dag las yan lag can no zhes smras pa ltar rdul phra rab rnams bsags pa dag gzhan pa yang ma yin no/ /'o na ci zhe na/ rdul phra rab de dag kho na bsags pa yin no/ /reg pa yin te dper na gzugs su rung ba lta bu'o zhes bya ba la/ rdul phra rab phan tshun ltos pa rnams kho na gzugs su rung gi /med pa'i phyir 'dus pa ni ma yin pa/ de bzhin du rdul phra rab rnams bsags pa kho na la reg gi 'dus pa dag la ni ma yin te/ 'dus pa rnams rdul phra rab kyi las tha dad pa med pa'i phyir ro/ /de'i phyir rdul phra rab rnams las 'dres par 'gyur ba dang /cha shas dang bcas pa nyid kyi nyes pa so na 'dug pa nyid do/ /'on te/ phyogs gcig gis reg na ni cha shas dang bcas pa dag tu thal bar 'gyur ba zhig na zhes gang smras pa de la bshad pa ni/ gal te rdul phra rab la phyogs tha dad par rtog na ni zhes bya ba rgyas par 'byung ba'o/ /phyogs chas tha dad pa ni phyogs tha dad pa ste/shar ni gzhan nyid yin la/ nub kyang gzhan nyid yin/ steng ni gzhan nyid du yin zhing / 'og gi bar du gzhan yin no/ /de ltar na phyogs cha tha dad pa yod pa nyid kyi phyir reg pa 'ba' zhig tu ma zad kyi/ ma reg pa yang cha shas dang bcas par thal bar 'gyur ro/ /gal te phyogs cha tha dad par rtog pa ma yin na ni reg kyang thal bar mi 'gyur ro//gang du zhe na/ cha shas dang bcas pa nyid du ste/ go gcig par ni ma yin no/ /ci ste zhe na/ thal bar mi 'gyur ba'o/ /phyogs cha tha dad par brjod pa ni cha shas dang bcas par brjod pa'i rnam grangs yin no/ /myur du 'jug pas zhes bya ba ni lta ba de dang /nyan pa'i bye brag myur du 'jug pas so/ /mgal me'i 'khor lo la sogs pa bzhin du zhes bya ba la/ dper na yul gzhan du myur du 'jug pas mgal me la 'khor lo'i blor 'gyur ba bzhin no/ /'on te mnyam pa dang mi mnyam pa zhig la zhes bya ba la/ rgun 'bru la sogs pa mthong na ni mnyam pa'o//skra'i rtse mo dang ri la sogs pa mthong ba ni mi mnyam pa la'o snyam du dgongs so/ /dbang po rdul phra rab rnams ji snyed pa zhes bya ba rgya cher 'byung ste/ sna la sogs pa dag gis ni dbang po'i rdul phra rab dag pas ches lhag pa'i yul gyi rdul phra rab rnams mi rtogs so/ /'di ltar dbang po'i rdul phra rab rnams ni yul ches chung ba la yang de snyed cig byed pa dang bcas kyi/ches chung ba ni ma yin te/ de lta na de dag yul dang phrad pa nyid du 'grub kyi/ gzhan du ni ma yin no/ /mig dang rna ba dag gis ma nges par smras pas snga ma dag las ni mnyam pa kho na 'dzin no zhes bya bar smras par 'gyur ro//res 'ga' ni chung ste zhes bya ba rgyas par 'byung ba la/ 'di skad du/ yul ma nges pa'i phyir lhag par 'dzin gyi/ mgal me'i 'khor lo ltar myur du 'jug pa'i phyir ni ma yin no zhes bstan par 'gyur ro/ /mig phye ba tsam gyis zhes bya ba la/ tsam smos pa ni myur du rgyu bar rtogs pa bzlog par bya ba'i phyir ro//de bzhin du rna bas zhes bya ba rgyas par 'byung ba la/ res 'ga' ni chung ste/ gang gi tshe sbrang bu'i sgra thos pa na'o/ /res 'ga' ni che ste/ gang gi tshe 'brug gi sgra thos pa na'o/ /sgra la res 'ga' ni mnyam ste zhes ni mi brjod do/ /tshad nges par ma bzung ba'i phyir ro/ /yang na ni brjod par bya ste/gang gi tshe rna ba'i nang du sgra thos pa de'i tshe mnyam pa yin pa'i phyir ro/ /yid kyis ji ltar 'dzin zhe na/ de'i phyir yid ni lus can ma yin pa kho na bas zhes bya ba smos te/ tshad ni lus can gyi rdzas la brten pa'i phyir na yid la tshad yod pa ma yin te/ lus can ma yin pa'i phyir ro/ /de'i phyir 'di la tshad mi dpyod do//dbang po nyams pa rnams la rten yod kyang gzugs mthong ba yod pa ma yin pa de'i phyir/ mig la sogs pa dag rten las gzhan nyid yin no zhes bya bar nges mod kyi/ de dag ngag tu'am ji ltar gnas pa ni ma nges pas de'i phyir 'dri ba ni/ yang mig gi dbang po la sogs pa 'di dag gi zhes rgyas par 'byung ste/mig gis gzung bar bya ba ma yin pa'i phyir ro/ /'di dag gi gnas tshul rnam par gzhag par dka' mod kyi/ thogs pa dang bcas pa rnams yul tha dad par gnas pa'i phyir dang / 'dus pa rnams skye ba'i phyir gdon mi za bar gang dag ji ltar gnas pa de brjod par bya dgos so//re zhig mig gi rdul phra rab rnams ni zhes bya ba rgyas par 'byung ste/ mig gi 'bras bu ste/ rno mig gi kor ling la go snyod kyi me tog bzhin du yul la mngon du phyogs par gnas so/ /go snyod kyi me tog smos pa ni phan tshun ma 'brel bar bstan pa'i phyir ro/ /phan tshun du ma 'brel ba'i phyir 'gyes par thal zhes bya ba'i dogs pa bzlog pa'i phyir/kha dog dngas pas bkag pas zhes bya ba la sogs pa smos te/ kha dog dngas pa smos pa ni shel ltar lta ba'i gegs bsal ba'i phyir ro/ /bla 'og nas gnas na nang ma rnams la sgrib par 'gyur ro zhe na/ de'i phyir/ phan tshun mi sgrib bo zhes bya ba smos so//shel gyi cha shas dag ni phan tshun mi sgrib ste/ phan tshun sgrib na shel gyis sgrib pa'i gzugs mi 'dzin par 'gyur ro/ /rna 'brug gi nang na gnas so zhes bya ba la/ rna 'brug ni rna khung du bu ga'i bar ro/ /gang zhig gro shog gi kha dog gi rnam pa can de ni 'gro ba dang 'dra bas rna 'brug ste/de'i nang na gnas so/ /mtshul pa'i nang na zhes bya ba la/ sna'i nang na rten dang 'dra bar kha thur du bltas pa'o/ /dbang po dang po gsum ni phreng ba bzhin du gnas so zhes bya ba ni mnyam por tshar du gnas pa ste/ de dag gi rten rnams phreng ba dang 'dra bar gnas pa'i phyir ro//ji ltar lce'i dbang po'i rdul phra rab rnams zla ba kham pa lta bur gnas she na/ lce'i dbus na skra'i rtse mo'i khyon tsam zhig ces bya ba smos te/ ma khebs pa ni ma khyab pa'o/ /grag go'i sgra ni lung yin par bstan par bya ba'i phyir ro/ /lus kyi dbang po'i rdul phra rab rnams ni zhes bya ba rgyas par 'byung ste/rkang pa'i mthe bo nas lus kyi mthar thug pa ste/ thams cad la khyab pa'i phyir ro/ /de nyid kyi phyir/ lus bzhin du gnas so zhes bya ba smos so/ /ser skya pa dag ni 'doms ni lus kyi dbang po ste/ rma tsam zhig go zhes bya bar log par rtogs te/ de dgag par bya ba'i phyir rnga'i sbubs lta bu yin na zhes bya ba smos te/lus kyi khams las don gzhan ma yin no/ /pho'i dbang po ni rten tsam ma yin te/ 'o na ci zhe na/ mthe bo ltar gnas so/ /de yang lus kyi khams las don gzhan ma yin no/ /de la mig gi dbang po'i rdul phra rab rnams zhes bya ba rgya cher 'byung ba la/ res 'ga' ni thams cad brten pa dang bcas pa dag yin te/gang gi tshe phrad par 'dod pas 'dzin par 'dod pa'i dbang po la lta ba na ste/ de'i tshe thams cad brten pa dang bcas par 'gyur ro/ /res 'ga' ni de dag mtshungs pa dag yin te/ gang gi tshe gnyid log pa dang / mig btsums par gyur pa na'o/ /res 'ga' ni kha cig brten pa dang bcas pa yin te/gang gi tshe phrad par 'dod pa med par 'dod rgyal du lta ba na ste/ de'i tshe na kha cig brten pa dang bcas pa yin no/ /kha cig de dang mtshungs pa dag go/ /lus kyi dbang po'i rdul phra rab rnams ni zhes bya ba rgyas par 'byung ste/ shin tu mang ba'i phyir phrad par 'dod pas gzung bar 'dod pa'i dngos po la yang thams cad brten pa dang bcas par mi 'gyur ro//dmyal ba dag ni brten pa dang bcas par 'gyur ro snyam du sems na/ de'i phyir rab tu 'bar ba'i dmyal ba'i nang na gnas pa rnams la yang zhes bya ba la sogs pa smos te/ re zhig dmyal ba na yang thams cad brten pa dang bcas pa ma yin no//de nyid la rgyu smras pa ni/ thams cad kyis rnam par shes pa bskyed na ni lus zhig par 'gyur ro zhes bya ba'o/ /lo'i sgra ni der lus mi 'jig pa ni las kyis gzung ba'i phyir yin gyi/ thams cad kyis rnam par shes pa mi bskyed pa'i phyir ni ma yin no zhes bya ba'o/ / dbang po'i rdul phra rab bam zhes bya ba la sogs pa 'byung ste/ dbang po las 'das pa'i phyir rten dang dmigs par mi srid do/ /de nyid kyi phyir/ rnam par shes pa'i tshogs lnga po dag gi rten dang dmigs pa ni bsags pa yin pa'i phyir ro zhes bya ba smos te/ rten bsags pa yin pa'i phyir dang / dmigs pa bsags pa yin pa'i phyir ro//de nyid kyi phyir zhes bya ba ni gang gi phyir dbang po'i rdul phra rab bam yul gyi rdul phra rab gcig gis rnam par shes pa skyed pa med pa'i phyir ro/ /yid ni gcig pu zhig kho na yid kyi rnam par shes pa'i rten du 'gyur la/ chos gcig dang du ma yang yin pas lnga po dag gi zhes khyad par du byas so//bstan du med pa yang don gang gis she na/ de'i phyir/ mi mthong ba'i phyir zhes bya ba smos so/ /ci mig gi rnam par shes pa nas zhes bya ba 'byung ste/ 'di ni rten nges par bstan par bya ba'i phyir brtsams kyi/ rten bstan par bya ba'i phyir ni ma yin no/ /tha ma'i rten 'das zhes bya ba ni gong du drug po 'das ma thag pa'i zhes bya ba'i mdo der bstan zin to//tha ma'i rten ni 'das pa kho na yin no zhes nges par gzung ngo / /tha ma ni 'don pa'i go rims kyis yid kyi rnam par shes pa yin la/ de'i rten ni 'das pa kho na yin gyi/ da ltar ba ma yin zhing / ma 'ongs pa ma yin no/ /yang zhes bya ba'i sgra ni 'das pa yang yin pa zhes bya bas ni/lnga rnams kyi/ de dag lhan cig skyes pa yin/ /zhes smras na 'das pa'i mi rtogs la/ 'das pa ni 'dod pa yang yin te/ de'i phyir yang gi sgra ni de bsdu bar bya ba'i phyir yin no zhes ston to/ /de ltar na lnga po rnams kyi 'das pa dang / da ltar yin gyi/ ma 'ongs pa ni ma yin pas rten gyi rnam par gzhag pa yul dang 'dra ba ma yin no zhes bya bar shes par byas par 'gyur ro//de nyid kyi phyir zhes bya ba ni gang gi phyir rnam par shes pa'i tshogs lnga dbang po gnyis kyi rten can yin la/ yid kyi rnam par shes pa yid kyi dbang po kho na'i rten can yin pa'i phyir ro//mu dang po mig yin no zhes bya ba ni rten gyi dngos por yin gyi/ mtshungs pa de ma thag pa'i rkyen gyi dngos por ni ma yin pa ste/ mig gi rnam par shes pa dang lhan cig skyes pa'i phyir dang / sems dang sems las byung ba rnams kho na mtshungs pa de ma thag pa'i dngos por nges pa'i phyir/ mig gi rnam par shes pa'i mtshungs pa de ma thag pa'i rkyen ma yin no//gnyis pa ni chos kyi khams sems las byung ba 'das ma thag pa yin no zhes bya ba la/ sems las byung ba rnams rnam par shes pa'i rten ma yin pa'i phyir mtshungs pa de ma thag pa'i rkyen gyi dngos po kho nar yin gyi/ rten gyi dngos por ni ma yin no//sems las byung ba smos pa ni ldan pa ma yin pa dgag par bya ba'i phyir ro/ /'das ma thag pa zhes bya ba ni 'das pa smos pa ni ma 'ongs pa dang rnam par gcad par bya ba'i phyir ro/ /de ma thag pa smos pa ni bar dang bcas pa dgag par bya ba'i phyir ro/ /gsum pa ni 'das ma thag pa'i yid yin no zhes bya ba ni rten gyi dngos por yang yin la/mtshungs pa de ma thag pa'i dngos por yang yin pa'o/ /bzhi pa ni bshad pa las ma gtogs pa'i chos rnams so zhes bya ba ni rten gyi dngos por yang ma yin la/ mtshungs pa de ma thag pa'i dngos por yang ma yin pa ste/ de dag ni gzugs la sogs pa yul rnams dang / rna ba la sogs pa rnams dang /sems las byung ba mi skye ba'i chos can rnams dang / 'dus ma byas so/ /de bzhin du gang lus kyi rnam par shes pa'i bar gyi rten gyi dngos por yin pa de/ de'i mtshungs pa de ma thag pa'i rkyen gyi dngos por yang yin nam zhe na/ mu bzhi ste/ mu dang po ni lus yin no/ /gnyis pa ni chos kyi khams sems las byung ba 'das ma thag pa yin no//gsum pa ni 'das ma thag pa'i yid yin no/ /mu bzhi pa ni bshad pa las ma gtogs pa'i chos rnams yin no/ /yid kyi rnam par shes pa'i ni tshig snga ma dang sbyor ba ste zhes bya ba la/ gang du sngar mthong ba'i tshig gis don go ba de ni tshig snga ma dang sbyor ba'o//gang du phyi mar mthong ba'i tshig gis don go ba de ni tshig phyi ma dang sbyor ba'o/ /gang zhig rten gyi dngos por yin pa de ni mtshungs pa de ma thag pa'i rkyen gyis dngos por yang yin no zhes bya ba la/ 'das ma thag pa'i yid de ni de'i rten dang mtshungs pa de ma thag pa'i rkyen yin no/ /chos kyi khams sems las byung ba 'das ma thag pa'o zhes bya ba la/de ni de'i mtshungs pa de ma thag pa'i rkyen kho na yin gyi/ rten ni ma yin no/ /yang mig gi rnam par shes pa ni gnyis ka la rag lus te skye ba na zhes bya ba rgyas par 'byung ba la/ mig gi rnam par shes pa rkyen du ma las grub pa yin bzhin du yang gnyis kho na ci'i phyir smos she na/rten dang dmigs pa nyid kyi sgo nas rkyen ches nye ba yin pa'i phyir ro/ /snang ba med kyang mtshan mo'i rgyu ba rnams dang / nam mkha' med par chu la rgyu ba rnams dang / mching bu dang / lhang tsher dang / shel gyis bar du gcad pa la mi rnams dang gnyis ka med par lha'i mig dang ldan pa la mig gi rnam par shes pa skye ba de ltar/mig dang gzugs dag med pa ni ma yin no/ /yid la byed pa yang rnam par shes pa'i tshogs drug skyed pa la rten thun mong ba yin te/ mig dang gzugs ni de ltar ma yin no/ /de'i phyir 'di gnyis kho na smos pa mdzes so/ /de dag gyur pas gyur nyid phyir//zhes bya ba la/ de rnams gyur pa ni de dag gyur pa'o/ /de dag gyur pas gyur pa de dag la yod pas na de gyur pas gyur pa ste/ mig la sogs pa'i rnam par shes pa rnams so/ /de dag gyur pas gyur pa'i dngos po ni de dag gyur pas gyur nyid do/ /de dag gyur pas gyur pa nyid de'i phyir ro/ / phan pa dang / gnod pa dang / gsal ba dang / mi gsal ba nyid kyi rjes su byed pa'i phyir ro zhes bya ba la/ phan pa dang gnod pa dag ni rkyen la ltos pa yin la/ gsal ba dang mi gsal ba nyid ces bya ba ni mig gi rang bzhin nyid do/ /rjes su byed pa'i sgra ni phan pa'i rjes su byed pa'i phyir ro zhes bya ba la/ mi gsal ba nyid kyi rjes su byed pa'i phyir ro zhes re re dang sbyar ro/ /mig la sogs pa'i rnam par shes pa rnams ni go rims bzhin bde ba skye ba dang / sdug bsngal skye ba'i sgo nas mig la sogs pa dag la mig sman dang / rdul la sogs pa dag gis phan btags pa dang / gnod pa byas pa'i rjes su byed cing /de bzhin du gsal ba dang mi gsal ba skyes pas gsal ba dang mi gsal ba'i rang bzhin du gyur pa nyid kyis kyang rjes su byed de/ de'i phyir mig la sogs pa dag rnam par gyur pas rnam par shes pa rnam par 'gyur ba yin no zhes bya bar shes so/ /gzugs la sogs pa dag gyur pas de dag 'gyur ba ni ma yin te/gzugs la sogs pa dag gi /phan pa dang / gnod pa dang / gsal ba dang / mi gsal ba nyid kyi rjes su mi byed pa'i phyir ro/ /'di ltar gzugs gsal ba yang mig ser gyis mig nyams pa rnams kyis dung ser por mthong ba yin no/ /rab rib la sogs pas gnod par byas pa gzugs rnam par 'gyur ba mthong ba yin no//de bzhin du mig mi gsal na gzugs rang gi mtshan nyid kyis tshang yang mig gi rnam par shes pa mi gsal ba nyid du 'gyur ro/ /de ltar na mig gsal na gzugs mi gsal yang de'i rnam par shes pa gsal bar skye'o/ / 'dir rten gyi don ni rjes su byed pa'i don yin no/ /shin tu legs pa yin gyi zhes bya ba ni ches legs so zhes bya ba'i don to/ /gang la rnam par shes pa byed pa de nyid kyi de bsnyad par rigs so snyam du bsams te 'dri ba ni/ ci'i phyir zhes bya ba rgya cher 'byung ba'o/ /rten gyi don bshad zin pa'i phyir thun mong ma yin pa nyid 'dri ba ni/ji ltar thun mong ma yin pa nyid yin zhes pa'o/ /mig ni rnam par shes pa gzhan gyi zhes bya ba la/ gzhan nyid ni rang gi rgyud du gtogs kyang rigs tha dad pa'i phyir yid kyi rnam par shes pa yin la/ rigs mtshungs nyid yin yang sems can gyi rten tha dad pas mig gi rnam par shes pa ste/rten ma yin no/ /lus kyi bar du yang de dang 'dra'o/ /gang gi phyir skye gnas gcig la gnas pa'i gzugs la yang skye gnas bzhi la gnas pa'i mig gi rnam par shes pa skye'i/ skye gnas gcig la gnas pa'i mig gis skye gnas gnyis la gnas pa'i mig gi rnam par shes pa yang mi skye na/ skye gnas bzhi la gzhan pa lta ci smos/ de bzhin du khams dang 'gro ba nges pa las kyang thun mong ma yin no/ /gal te yang skye gnas gzhan la gnas pa'i yid kyi rnam par shes pa skye gnas gzhan la gnas pa skye mod kyi/ gcig gis cig car skye gnas du ma la gnas pa skyed pa ni ma yin te/ gzugs la sogs pa dag la ji lta ba bzhin no//de bzhin rten gyi rjes su byed pa'i phyir dang / thun mong ma yin pa'i phyir de dag gis bstan to/ /dper na rnga bo che'i sgra dang / nas kyi myu gu bzhin no zhes bya ba la/ sgra dang myu gu 'byung ba rgyu du ma la rag las pa yin yang rnga bo che dang nas gnyis thun mong ma yin pa'i phyir/ rnga bo che'i sgra nas kyi myu gu zhes de dag gis bstan gyi/rnga lcag la sogs pa dag dang / chu la sogs pa dag ni/ rnga pa Ta ha la sogs pa'i sgra dag dang / sA lu'i myu gu la sogs pa dag la yang thun mong ma yin pas rnga lcag gi sgra chu'i myu gu zhes de dag gis ma bstan to/ /gang las she na/ thun mong ma yin pa'i phyir ro//'on kyang rnga bo che'i sgra nas kyi myu gu zhes bstan to/ /de bzhin du 'dir yang mig la sogs pa'i rnam par shes pa yin gyi/ gzugs la sogs pa'i rnam par shes pa ni ma yin no/ /yang lus gang la gnas te zhes bya ba la/ yang gi sgra ni dbang du bya ba'i don to/ /gang la zhes bya ba ni 'dod par gtogs pa'am/bsam gtan dang po'am/ gnyis pa'am/ gsum pa'am/ bzhi pa'i sa pa'o/ /ci lus dang zhes bya ba la sogs pa la/ ci lus 'dod par gtogs na mig dang / gzugs dang / rnam par shes pa dag kyang 'dod par gtogs pa kho na yin pa nas de bzhin du lus bsam gtan bzhi pa'i sa pa yin na/mig dang / gzugs dang / rnam par shes pa dag kyang bsam gtan bzhi pa'i sa pa'i bar du yin pa zhig gam/ 'on te lus 'dod par gtogs na mig dang / gzugs dang / rnam par shes pa gzhan gyi sa pa yin pa na/ de bzhin du lus bsam gtan bzhi pa'i sa yin na/ mig dang / gzugs dang /rnam par shes pa dag kyang gzhan gyi sa pa'i bar du yin pa zhig ce na/ bzhi char yang phan tshun nges pa med par bstan pa'i phyir/ thams cad la bye brag yod de zhes bya ba smos so/ /'dod pa'i khams dang bsam gtan dang por gtogs pa ma gtogs pa gzhan du skyes pa rnams kyi bzhi po 'di dag thams cad rang gi sa pa mi srid de/'dod pa dang bsam gtan dang por skyes pa dag la ni rang gi mig gis rang gi gzugs rnams la lta ba nas thams cad rang gi sa pa yang srid do/ /'di nyid bstan pa'i phyir ro/ /'dod pa'i khams su skyes pa rang gi mig gis zhes bya ba rgyas par smos so/ /bsam gtan gsum pa dang bzhi pa'i sa pa'i mig gis zhes bya ba la sogs pa la/ji ltar 'dod pa'i khams su skyes pa'i bsam gtan dang po dang / gnyis pa'i mig gis de'i sa pa dang / sa 'og ma'i gzugs rnams la lta ba na/ gang gi sa pa yin pa de rgyas par bshad pa de bzhin du bsam gtan gsum pa dang /bzhi pa'i mig gis lta bar yang sbyar bar bya'o/ /de la bsam gtan gsum pa'i mig gis 'dod par gtogs pa'i gzugs rnams la lta ba na/ gzugs dang lus ni 'dod par gtogs pa yin la/ mig gi rnam par shes pa ni bsam gtan dang po'i sa pa yin no//mig ni gsum pa'i yin no/ /bsam gtan dang po'i gzugs rnams la lta ba na lus ni 'dod pa la spyod pa yin la/ gzugs rnams dang / mig gi rnam par shes pa ni dang po pa'o/ /mig ni bsam gtan gsum pa'i sa pa'o/ /bsam gtan gnyis pa'i gzugs rnams la lta ba na/ lus ni 'dod par gtogs pa yin la/ mig gi rnam par shes pa ni dang po'i yin no/ /gzugs rnams ni gnyis pa'i yin no/ /mig ni bsam gtan gsum pa'i yin no/ /bsam gtan gsum pa'i gzugs rnams la lta ba na/ lus ni 'dod pa na spyod pa yin la/ mig gi rnam par shes pa ni bsam gtan dang po'i sa pa yin no//gzugs dang mig ni gsum pa'i yin no/ /de bzhin du bsam gtan bzhi pa'i mig gis 'dod par gtogs pa rnams la lta ba na/ lus dang gzugs ni 'dod pa'i khams yin la/ mig gi rnam par shes pa ni dang po'i yin no/ /mig ni bsam gtan bzhi pa'i sa pa yin no//bsam gtan dang po'i sa pa rnams la lta ba na lus ni snga ma dang 'dra'o/ /gzugs rnams dang rnam par shes pa ni dang po'i yin no/ /mig ni bzhi pa'i yin no/ /bsam gtan gnyis pa'i sa pa rnams la lta ba na lus ni 'dod pa na spyod pa yin la/ mig gi rnam par shes pa ni dang po'i yin no/ / gzugs rnams ni gnyis pa'i yin no/ /mig ni bzhi pa'i yin no/ bsam gtan gsum pa'i sa pa rnams la lta ba na lus ni 'dod par gtogs pa yin la/ rnam par shes pa ni bsam gtan dang po'i yin no/ /gzugs ni gsum pa'i yin no/ /mig ni bzhi pa'i yin no/ /bsam gtan bzhi pa'i sa pa rnams la lta ba na/lus ni 'dod pa na spyod pa yin la/ mig gi rnam par shes pa ni bsam gtan dang po'i sa pa yin no/ /gzugs dang mig ni bzhi pa'i yin no/ /bsam gtan gsum la sogs pa'i mig gis lta ba'i yang de bzhin du sbyar bar bya'o zhes bya ba la/ bsam gtan dang por skyes pa bsam gtan gsum pa'i mig gis 'dod pa'i gzugs rnams la lta ba na/gzugs rnams ni 'dod pa na spyod pa yin la/ lus dang rnam par shes pa dag ni dang po'i yin no/ /mig ni gsum pa'i yin no/ /bsam gtan dang po'i gzugs rnams la lta ba na lus dang / rnam par shes pa dang / gzugs rnams ni dang po'i yin la/mig ni gsum pa'i yin no/ /bsam gtan gnyis pa'i gzugs rnams la lta ba na/ lus dang rnam par shes pa dag ni dang po'i yin la/ gzugs ni gnyis pa'i yin no/ /mig ni gsum pa'i yin no/ /rang gi gzugs rnams la lta ba na lus dang rnam par shes pa dag ni dang po'i yin la/mig dang gzugs gnyis ni gsum pa'i yin no/ /bsam gtan bzhi pa'i mig gis lta ba'i yang de bzhin du sbyar bar bya'o/ /bsam gtan gnyis pa la sogs par skyes pa zhes bya ba la/ de la bsam gtan gnyis par skyes pa'i rang gi mig ni bsam gtan gnyis pa'i sa pa yin no/ / bsam gtan gsum pa dang bzhi pa ni gzhan gyi mig go/ /de bzhin du bsam gtan gsum par skyes pa'i rang gi mig ni bsam gtan gsum pa'i sa pa'o/ /gzhan gyi mig ni bsam gtan bzhi pa'i sa pa'o/ /bsam gtan bzhi par skyes pa'i mig ni rang gi sa pa kho na yin gyi/ gzhan gyi sa pa ni ma yin no/ / rang dang gzhan gyi gzugs rnams la lta ba'i yang zhes bya ba la/ bsam gtan gnyis par skyes pa'i rang gi sa pa'i gzugs ni bsam gtan gnyis pa'i gzugs dag go/ /lhag ma gong ma dang 'og ma dag ni gzhan gyi sa pa rnams so/ /bsam gtan gsum pa dang / bzhi par skyes pa gnyis kyi yang de bzhin du sbyar bar bya ste/bzhi par skyes pa'i gzhan gyi sa pa'i gzugs rnams ni 'og ma dag kho na yin gyi/ gong ma dag ni yod pa ma yin no/ /ci rigs par sbyar bar bya'o zhes bya ba 'byung ste/ de la rigs pa 'di yin te/ bsam gtan gnyis par skyes pa'i 'dod par gtogs pa dang / bsam gtan dang po'i sa pa'i mig med kyi/rang gi sa pa'i mig gis rang dang 'og ma'i gzugs rnams la lta ste/ gong ma dag la ni ma yin no/ /bsam gtan gsum pa'i sa pas ni bsam gtan bzhi pa'i gzugs ma gtogs pa'i gzugs rnams la lta'o/ /bsam gtan bzhi pa'i mig gis ni thams cad la lta ba nyid do//de ltar na bsam gtan gsum pa dang bzhi par skyes pa rnams ni sa 'og ma'i mig med kyi/ rang gi sa pa'i mig gis rang gi sa pa dang sa 'og ma'i gzugs la lta ste/ sa gong ma la ni ma yin no/ /lus la 'og ma'i mig ma yin zhes bya ba la/ 'og ma bkag pas rang gi sa pa dang sa gong ma pa gnang bar 'gyur ro//'di ltar sa gong ma pa'i lus la sa 'og ma pa'i mig rnam par smin pa las skyes pa mi rigs te/ sa 'og ma pa'i rnam par smin pa'i rgyus gong ma'i 'bras bu mi 'byin pa'i phyir ro/ /rgyas pa las byung ba yang mi rung ste/ sa 'og ma pa'i rgyas pa'i rgyu med pa'i phyir ro/ / lus dang / mig dang / gzugs rnams ni gzugs kyi rang bzhin yin pa'i phyir dang / bsam gtan bzhi pa'i gong na gzugs med pa'i phyir sa lnga pa kho na yin gyi/ sa gong ma dag ni med do/ /mig gi rnam par shes pa ni zhes bya ba la/ 'dod pa'i khams dang bsam gtan dang po na yod kyi/ gong na ni yod pa ma yin te/rtog pa dang bcas shing dpyod pa dang bcas pa'i phyir dang / bsam gtan gnyis pa la sogs pa dag na rtog pa dang dpyod pa med pa'i phyir ro/ /mig gi sa gong ma'i gzugs ma yin zhes bya ba la/ gong ma'i bkag pas rang gi sa pa dang sa 'og ma pa khas blangs par 'gyur ro/ /yang ci'i phyir mig gong ma'i gzugs kyi yul can du mi 'dod ce na/sa 'og ma'i mig ni yul rags pa la 'tsham pa'i phyir/ sa gong ma'i gzugs phra mo la lta ba'i nus pa med do/ /rnam par shes pa'ang gong ma ni mig gis ma yin te zhes bya ba 'dir yang rang gi sa pa dang sa 'og ma pa khas blangs par 'gyur te/ ji ltar sa gong ma'i gzugs sa 'og ma pa'i mig gi yul ma yin pa de bzhin du/sa gong ma pa'i rnam par shes pa yang sa 'og ma pa'i mig gis brten par mi 'gyur te/ rang gi rten dang lhan cig yul gcig la 'jug pa'i phyir ro/ /'di na lha tshangs pa la sogs pa mthong ba'i phyir dang / de'i dbang gis rnam par shes pa skye ba'i phyir 'di ni khyad par bya dgos so zhes bya ba 'di ni rgol ba'i gzhi yin no zhe na/sprul pa'i gzugs mthong ba'i phyir na 'di ni bshad zin to/ /gzugs ni 'di'i lus kyi'ang gnyis ka thams cad du zhes bya ba 'byung ste/ 'di'i zhes bya ba bshad ma thag pa'i mig gi rnam par shes pa'i zhes bya ba la/rnam par shes pa'i rigs kyi yul ni gzugs thams cad du yin te/ 'dod pa na spyod pa'i mig gi shes pa'i yul ni rang gi sa pa'i gzugs kho na'o/ /bsam gtan dang po'i sa pa'i mig gi rnam par shes pa'i yul ni rang dang 'og dang / gong ma'i sa pa'i gzugs yin la lus kyi yang gzugs dang rnam par shes pa dag gnyis ka rang dang /'og dang / gong ma'i sa pa dag thams cad du yin no/ /de la rnam par shes pa'i rang gi sa pa'i gzugs ni rang gi rnam par shes pas shes pa'i 'dod pa dang bsam gtan dang po'i gzugs so/ /bsam gtan dang po'i rnam par shes pa'i gong ma'i sa pa ni bsam gtan gnyis pa la sogs pa'i gzugs so//sa 'og ma pa'i 'dod pa'i gzugs so/ /lus kyi gzugs dang rnam par shes pa rang gi sa pa dag ni 'dod pa dang bsam gtan dang por skyes pa'i'o/ /sa 'og ma pa dag ni bsam gtan gnyis pa la sogs par skyes pa'i'o/ /sa gong ma pa dag ni 'dod pa'i khams su skyes pa kho na'i'o//lus la 'og ma'i rna ba min/ /zhes bya ba la/ sa gong ma pa'i lus yin pas sa de pa 'am gong ma'i rna ba yin gyi/ sa 'og ma pa ni ma yin no/ /'di'i rna ba'i yul ni de'i sa pa'i sa gong ma pa'i sgra ma yin no/ /rna ba'i gong ma'i sgra ma yin zhes bya ba ni rna ba'i dbang po ste/sa gong ma'i sgra sa 'og ma'i rna bas thos par ni nam yang mi nus so/ /rnam par shes pa yang gong ma ni rna ba'i ma yin te/ sgra bzhin no/ /rnam par shes pa 'ang sgra ni 'di'o/ /lus kyi 'ang gnyis ka thams cad du/ 'di'i zhes bya ba bshad ma thag pa'i rna ba'i rnam par shes pa'i yul ni gong ma dang / 'og ma dang /rang gi sa pa'i sgra thams cad du yin la/ lus kyi yang sgra dang rnam par shes pa dag gnyis ka thams cad du yin no/ /gsum dag ni zhes bya ba rgyas par 'byung ste/ yul dang phrad pa yin pa'i phyir lus dang dbang po dang yul gyi bdag nyid can gsum char gdon mi za bar rang gi sa pa yin gyi/ rnam par shes pa la ni bye brag yod do//dri dang ro dag ni 'dod pa'i khams kho na na yod pa'i phyir dang / lus dang / reg pa dang / lus kyi dbang po ni sa lnga pa yin la/ lus kyi rnam par shes pa ni sa gnyis pa yin pa de'i phyir/ 'di la dbye ba yod do/ /yid ma nges te zhes bya ba la/ re zhig mtshungs pa'i sa pa ni sa lnga po dag tu skyes pa gang yin pa'i rang gi sa pa bzhi po kho na yin gyi/gang gi tshe rang gi sa pa'i yid kyi rnam par shes pas rang gi sa pa'i chos rnams shes pa na'o/ /de nyid kyi phyir/ sa lnga pa'i yul la yang yid la sogs pa thams cad pa dag yin te zhes bya ba smos te/ yid dang / chos dang / yid kyi rnam par shes pa dag ni 'dod pa na spyod pa nas srid pa'i rtse mo pa'i bar sa thams cad pa yin no/ /snyoms par 'jug pa dang skye ba'i tshe zhes bya ba 'byung ngo / /de la snyoms par 'jug pa'i tshe yid sa gong ma pa yin na ni gang gi tshe 'dod pa'i khams su skye ba zhig bsam gtan dang po la sogs pa'i mjug thogs su 'dod pa na spyod pa'i yid kyi rnam par shes pas 'dod pa na spyod pa'i chos rnams shes pa na ste/de'i tshe yid ni sa gong ma pa yin la/ lus dang / yid kyi rnam par shes pa dang chos rnams ni sa 'og ma pa yin no/ /yang na 'dod pa'i khams su skyes pa 'dod par gtogs pa'i sprul pa sprul pa na ste/yid ni ci rigs par bsam gtan bzhi pa'i sa pa yin la/ gsum ni 'dod par gtogs pa'i yin no/ /sa 'og ma'i yid ni bsam gtan dang por skye ba'i sprul pa sdud pa'i tshe ste/ yid sa 'og ma pa yin la/ lus dang / yid kyi rnam par shes pa dang / chos rnams ni sa gong ma pa yin no//skye ba'i tshe yid sa gong ma pa yin la/ lus dang / yid kyi rnam par shes pa dang / chos rnams sa 'og ma pa yin pa ni gang zhig sa gong ma pa'i rnam par shes pa'i mjug thogs su 'dod pa dang gzugs kyi khams su nying mtshams sbyor na ste/ de'i yid ni sa gong ma pa yin la/ lus dang / yid kyi rnam par shes pa ni sa 'og ma pa yin no/ /chos rnams ni de'i sa pa dang / sa gong ma pa dang mi ldan pa dag yin no/ /de bzhin du yid sa 'og ma pa yin la/ lus dang / yid kyi rnam par shes pa dang / chos rnams sa gong ma pa yin pa ni gang gi tshe 'dod pa'i khams nas 'chi 'phos te/ de nas gzugs kyi khams su nying mtshams sbyor ba na ste/de'i tshe yid ni sa 'og ma pa yin la/ lus dang / yid kyi rnam par shes pa ni sa gong ma pa yin no/ /chos rnams ni ma nges te/ de'i sa pa dang / sa gong ma pa dang mi ldan pa dag gam/ 'dod pa na spyod pa'i sprul pa'i sems so/ /'di rgyas par ni snyoms par 'jug pa bstan pa zhes bya ba la sogs pa ni/zag pa med pa'i mjug thogs su/ /ltag 'og gsum pa'i bar dge ba/ /skye bo dag pa las de bzhin/ /rang gi sa pa'i nyon mongs kyang / /nyon mongs can las rang dag dang / /nyon mongs 'og ma'i dag gcig kyang / /'chi 'pho dag las nyon mongs kun//nyon mongs can las gong ma min/ /zhes bya ba dang / rigs mi mthun pa'i gsum par 'gro/ /thod rgal gyi ni snyoms 'jug yin/ /zhes bya ba de lta bu la sogs pa'o/ /zhar las 'ongs pa'i skabs zhes bya ba la/ zhar las 'ongs pa ni zhar las byung ba ste/ lus gang la gnas te zhes bya ba la sogs pa 'di ni/mig gis gzugs rnams mthong zhes bya ba de las 'ongs pa yin no/ /khams kyi rab tu dbye ba'i skabs su bab pas de'i phyir/ gnyis kyi rnam shes phyi yi lnga/ /zhes bya ba 'di smos so/ /lnga zhes bya ba ni chos kyi khams gsal bar bya ba'i phyir ro/ /phyi'i zhes bya ba ni mig la sogs pa gsal bar bya ba'i phyir ro//phyi'i lnga kho na nyid kyis shes par bya ba yin no zhes nges par gzung bas gnyis kyis shes par bya ba kho na ni ma yin te/ chos mngon pa las srid pa'i dbang du byas nas bshad do/ /nges par gzung ba nyid kyi khams lhag ma bcu gsum ni yid kyi rnam par shes pas shes par bya ba yin no zhes bya bar 'grub par 'gyur te/lnga po rnams kyi yul ma yin pa'i phyir ro/ /'dus ma byas ni rtag pa kho na'o zhes bya bar nges par gzung bas chos kyi khams kyi phyogs gcig rtag gi /lhag ma rnams dang / chos kyi khams kyi phyogs gcig ni mi rtag go zhes bya bar shes par byas par 'gyur ro/ /ji ltar 'dus ma byas kho na rtag pa yin zhe na/dus su rgyu ba med pa'i phyir ro/ /de med pa ni skye ba la sogs pa'i 'dus byas kyi mtshan nyid dang mi ldan pa'i phyir ro/ /chos kyi phyed dang gang dag ni/ /bcu gnyis nang gir bshad dbang po/ /zhes bya ba la/ khams dag go zhes skabs dang sbyar ro/ /mdo las/ mig gi dbang po dang zhes bya ba ni de nas bram ze rang bzhin nyan gyis bcom ldan 'das la 'di skad ces gsol to//kye gau ta ma dbang po rnams zhes bgyi na/ kye gau ta ma dbang po rnams ni du/ dbang po ci snyed cig gis dbang po bsdus par 'gyur/ bram ze/ dbang po ni nyi shu rtsa gnyis po 'di dag ste/nyi shu rtsa gnyis gang dag zhig ce na/ mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po dang / mo'i dbang po dang / pho'i dbang po dang / srog gi dbang po dang / bde ba'i dbang po dang / sdug bsngal gyi dbang po dang /yid bde ba'i dbang po dang / yid mi bde ba'i dbang po dang / btang snyoms kyi dbang po dang / dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po ste/ bram ze 'di dag ni dbang po nyi shu rtsa gnyis so/ /dbang po 'di dag tsam gyis dbang po bsdus par 'gyur ro zhes bya ba 'byung ste/ mdo las ni skye mched drug rnam par gzhag pa las lus kyi dbang po'i mjug thogs su yid kyi dbang po bshad la/chos mngon pa rnams kyis ni rnam pa ston pa dag tu ches bde blag tu bstan par bya ba'i phyir/ dmigs pa med cing lung du ma bstan la/ gcig pa zag pa dang bcas pa rnams 'don pa'i go rims gcig tu byas te/ de nas dmigs pa dang bcas pa'i dbang po yid kyi dbang po ston to/ /de la zhes bya ba ni don nye bar dgod pa'i tshig ste/dbang po gang dag bshad pa la/ /chos kyi khams kyi phyogs gcig yin pa'i phyir chos kyi phyed ces bya ba'o/ /srog gi dbang po la sogs pa dbang po bcu gcig dang zhes bya ba la/ chos kyi khams kyi phyed ni srog gi dbang po dang / tshor ba'i dbang po lnga dang / dad pa la sogs pa lnga dang / gsum po dag gi cha ste/ mi shes pa kun shes par byed pa'i dbang po la sogs pa rdzas dgu'i bdag nyid can rnams las yid kyi dbang po ma gtogs pa gzhan rdzas brgyad do/ /mig la sogs pa lnga ni rang gi mig gis smos so zhes bya ba la/ mig la sogs pa'i khams lnga ni dbang po lnga ste/mig gi dbang po nas lus kyi dbang po'i bar ro/ /pho dang mo'i dbang po gnyis ni lus kyi khams kyi phyogs yin te/ gang gi phyir pho'i khams dang / mo'i khams gzhan med pa'i phyir ro/ /'og nas 'chad do zhes bya ba ni/ lus las pho dang mo dbang dag /ces bya ba de nas so/ /lhag ma khams lnga po dag ces bya ba ni gzugs dang /sgra dang / dri dang / ro dang / reg bya'i khams dag go/ /chos kyis khams kyi phyogs ni dbang po ma yin pa zhes bya ba ni dbang po bcu gcig ma gtogs pa rnams so/ /slob dpon gang ba spel bas mdzad pa chos mngon pa mdzod kyi 'grel bshad mtshan nyid kyi rjes su 'brang ba zhes bya ba las khams bstan pa zhes bya ba mdzod kyi gnas dang po'i 'grel bshad do// //dbang po rnams bshad pa la zhes bya ba la/ gar bshad ce na/ khams kyi mdzod kyi mthar ro/ /ji ltar bshad ce na/ bsdu ba dang / rab tu dbye ba'i sgo nas te/ chos kyi phyed dang gang dag ni/ / bcu gnyis nang gir bshad dbang po/ /zhes bya ba ni bsdu ba'o/ /mig gi dbang po nas/ kun shes pa dang ldan pa'i dbang po dang zhes bya bar ni rab tu dbye ba'o/ /de ltar dbang po rnams bshad pa la dbang po'i don mi shes pa de'i phyir dbang po'i don ci zhe na zhes bya bar smos so/ /'di'i sgra'i don gyi dbang du byas nas dris pa yin gyi/dngos po'i don ni ma yin te/ dngos po phan tshun tha dad pa rnams la tha mi dad pa nye bar bzung nas sgra 'jug pa ni mi rigs pa'i phyir ro/ /dngos po'i don ni mig la sogs pa pho'i dbang po la thug pa 'ga' zhig gi ni mdzod kyi gnas dang po kho nar bstan la/ srog gi dbang po ni ldan pa ma yin pa rnams kyi nang nas 'chad do//dad pa la sogs pa rnams ni sems las byung ba rnams kyi nang nas so/ /bde ba la sogs pa rnams dang / mi shes pa kun shes par byed pa'i dbang po la sogs pa dag ni dbang po'i skabs 'di nyid nas ston par 'gyur ro/ /de'i phyir dngos po'i don gyi dbang du byas nas dris pa ma yin no zhes bya bar shes so//slob dpon yang sgra'i don kho na ston cing / skad kyi dbyings kyi don yongs su 'dzin par mdzad pa ni/ dbang ni dbang phyug dam pa'o/ /zhes bya ba ste/ dngos po'i yul can gyi dri ba yin na ni 'di lan du mi rung ngo / /de dbang byed pas na zhes bya ba la/ skad kyi dbyings 'di gzugs su blta bar bya'o//dbang byed pas na dbang po rnams te/ dbang bdag byed ces bya ba'i don to/ /'dus pa 'di la dbang byed do snyam du bsam mo/ /de'i phyir zhes bya ba la/ gang gi phyir dbang byed pas dbang po rnams yin pa de'i phyir dbang byed pa'i don ni dbang po'i don to/ / gal te dbang byad pas dbang po rnams yin na ni/ dbang byed rnams so zhes bya bar 'gyur ro zhe na/ dbang po ni dbang byed pa'i rtags dang / dbang byed pas bsten pa dang / dbang byed pas phyung ba'o zhes bya bas 'don pa'i phyir dbang po zhes bya bar 'gyur ro/ /de ltar na yang g+ha nya'i don brjod par bya dgos na/ de yang ma smras pas 'di ni lan ma yin no zhe na/'di ni rnam par shes pa dang 'dra bar 'gyur te/ dper na rnam par shes par byed pas na rnam par rig pa'o zhes bya bar 'gyur ba ni de las tha dad pa'i shes pa pos bsdus pa bsal bar bya ba'i phyir/ lo Ta'i don la gus pa med par bya ste/ rnam par shes pa zhes bshad pa de bzhin du 'dir yang dbang byed pa zhes bya ba dbang po las tha dad par brtags pa gsal bar bya ba'i phyir yin no//de'i phyir bcom ldan 'das kyis de dag las tha dad pa'i dbang byed pas brtags pa gsal bar bya ba'i don du/ don de dang de dag la dbang byed par gyur pa'i phyir dbang byed pa'i don gyis na dbang po rnams so zhes gsungs so//lnga po rnams ni don bzhi la/ /zhes bya ba la/ grangs mi mnyam par bstan par bya ba'i phyir dang / bsnan pa ni mngon par byas pa'i phyir dang / lnga po rnams re re zhing don bzhi la dbang byed pa'i zhes bya bar shes so/ /de nyid kyi phyir/ re zhig mig dang rna ba dag /ces don tha dad pa bye brag tu phye ste nya bar bkod do//re re zhing zhes bya ba ni bsdus pa ma yin pa'o/ /lus mdzes par byas pa dang zhes bya ba la/ lus ni 'dir gzugs kyi tshogs la mngon par 'dod do/ /mdzes pa ni gang gzung bar 'os pa'i ngo bo nyid do/ /mi mdzes pa'i ngo bo yin pa'i phyir zhes bya ba ni gzung bar 'os pa'i ngo bo ma yin pa'i phyir te/ma long ba dang ma 'on pa dag ni rten du gzung bar 'os pa nyid kyi phyir lus mdzes par bya ba la dbang byed pa'o/ /lus yongs su srung ba dang zhes bya ba ni mig dang rna ba dag dbang byed do zhes bya ba dang sbyar ro/ /srung ba ni yongs su 'dren dang 'tsho ba ste/ srog gi bar chad kyi rgyu yongs su spong ba'o zhes bya ba'i don to//lus srung ba de ji ltar mig dang / rna ba dag gis yin zhe na/ de'i phyir/ mthong ba dang thos pa nas zhes bya ba rgyas par smos te/ gcong rong la sogs pa mthong zhing / stag la sogs pa'i sgra thos nas gcong rong la sogs pa dang / stag la sogs pa srog gi bar chad kyi rgyu yongs su spong ba'i phyir ro//mtshungs par ldan pa dang bcas pa dag ces bya ba ni sems las byung ba dang bcas pa dag ste/ mig dang rna ba gyur pa'i rjes su byas pas rten gyi ngo bo gnas pa'i phyir de dag gi rnam par shes pa skyes pa la dbang byed do/ /gzugs lta ba dang sgra mnyan pa dag gis zhes bya ba la/ gzugs dang sgra 'dzin pa dag gis zhes bya ba'i don to//'di dag gi byed pa ni lus la 'dzin pa zhig 'dod pa'i phyir ro/ /thun mong ma yin pa'i rgyu nyid la zhes bya ba ni yul ma 'dres pa'i yin pa'i phyir te/ rna bas gzugs lta ba'am/ mig gis nyan pa ni ma yin no/ /ci'i phyir mig dang rna ba dag kho na gzugs lta ba dang /sgra nyan pa dag dang thun mong ma yin pa'i rgyu nyid do/ /sna dang / lce dang / lus rnams ni zhes bya ba rgyas par 'byung ba la/ de dag las dbang po gang yang rung ba zhig nyams na yang rten gzung bar mi 'os pa nyid kyi phyir ro/ /rten nyid mdzes par bya ba la dbang byed do/ /zhe na/ ma yin te/ shi ba'i gzugs mi mdzes pa'i phyir ro//de dag gis kham gyi zas la yongs su longs spyod pa'i phyir zhes bya la/ kham gyi zas ni dri la sogs pa skye mched gsum gyi bdag nyid yin la/ dri la sogs pa de dag kyang sna la sogs pa dag gis yongs su longs spyod pas kham gyi zas yongs su longs spyod pa'i phyir lus srung ba yin te/'gro ba zas kyis gnas pa yin/ /zhes gsungs pa'i phyir ro/ /sna la sogs pa'i rnam par shes pa zhes bya ba ni don go bar zad do/ /dri bsnam pa dang / ro myang ba dang / reg bya reg pa rnams kyi thun mong ma yin pa'i rgyu nyid la dbang byed pa'o zhes bya ba ni snga ma bzhin no/ /bzhi rnams gnyis la'o zhes bya bar 'byung ste/'dir yang bsnan pa ste/ re re zhing don gnyis dang / gnyis la dbang byed do zhes bya bar skabs dang sbyar ro/ /bzhi po rnams re re zhing dbang byed do/ /yul dang yul can dag grangs mi mnyam pa'i phyir re re zhing yin no zhes bya bar shes so/ /lo'i sgra ni rang gi don dang thams cad ces bya ba la sogs pa rnam grangs phyi ma gsal bar byed pa'i don to//sems can gyi bye brag dang khyad par dag la dbang byed de zhes bya ba la/ sems can rnams mig la sogs pa ni dbang po can du mtshungs kyang / pho'o/ mo'o zhes bya ba'i bye brag 'di pho dang mo'i dbang pos byas pa yin te/ 'di ltar skal pa dang po pa rnams ni dbang po gnyis 'byung ba'i gong rol du sems can sems can zhes bya bar bye brag med par rnam par gnas la/ dbang po gnyis byung bas ni pho'o/ /mo'o zhes bya ba de ltar bye brag tu gyur to/ /gang gi phyir dbang po gnyis byung ba'i gong rol du bskal pa dang po pa rnams kyi nu ma la sogs pa dbyibs dang /nga ro dang / spyod pa la sogs pa dag bye brag med la/ dbang po byung bas nu ma la sogs pa'i dbyibs dang / nga ro dang / spyod pa la sogs pa dag bye brag yod pa de'i phyir de dag ni sems can gyi khyad par la yang dbang byed do/ /gzhan dag na re ni kun nas nyon mongs pa dang /rnam par byang ba dag la dbang byed de zhe'o/ /'di ltar zhes bya ba ni gang gi phyir gyi don to/ /de dag dang mi ldan pa dang / nyams pa zhes bya ba ni de dag dang mi ldan pa dang / de dag dang nyams pa'o/ /pho dang mo'i dbang po dag dang bral ba ni za ma rnams te/ 'byin pa med pa'i phyir ro/ / de dag nyams pa ni ma ning rnams te/ gnod pas nyams pa'i phyir ro/ /mtshan gnyis pa ni gnyis ka nyams pa ste/ gnas nyams pa'i phyir dang / bde ba chung ngu'i rgyu yin pa'i phyir ro/ /kun nas nyon mongs pa ni nyes par spyod pa rab dang / de'i rgyu nyon mongs pa ste/ de ni sdom pa ma yin pa dang / mtshams med pa dang / dge ba'i rtsa ba chad pa de rnams med do/ /za ma ma ning sgra mi snyan/ /mtshan gnyis ma gtogs mi rnams la/ /sdom min zhes bya ba dang / za ma sogs la mi 'dod de/ /zhes bya ba dang / skyes pa bud med kyis spyod do/ /zhes bya ba dang / lta spyad ces 'chad par 'gyur ro/ / 'dis nyon mongs pa dag dang / de dag gis kun nas bslang ba'i las rnam par 'byang bar byed pas na rnam par byang ba ste/ de sdom pa dang / 'bras bu thob pa dang / 'dod chags dang bral ba de rnams med do/ /gang gi phyir kun nas nyon mongs pa dang / rnam par byang ba skyes pa dang bud med gnyis kho na la yod kyi/za ma dang / ma ning dang / mtshan gnyis pa dag la med pa de'i phyir/ pho dang mo'i dbang po dag ni kun nas nyon mongs pa dang rnam par byang ba la dbang byed do/ /srog gi dbang po ni zhes bya ba la/ 'dir ris mthun par mtshams sbyor ba ni 'chi ba'i sred pa'i mjug thogs su srid pa bar ma dor mtshams sbyor ba'am/skye ba'i srid par mtshams sbyor ba bzung ste/ gzugs med pa dag tu yang de rnyed pa yin dang skye ba nges pa'i phyir ro/ /de'i 'og rol du ni yang dag par 'dzin te/ 'di ltar nyon mongs pa dang / dge ba'i sems dang ldan pa thams cad kyang srog gi dbang po'i stobs kyis gzugs med pa'i khams nas 'chi 'pho ba med par mthong ngo //yid kyi dbang po ni yang srid par mtshams sbyor ba dang zhes bya bar 'byung ste/ nyon mongs pa can gyis yang srid par mtshams sbyor ba'i phyir ro/ /de nyid la khungs smos pa ni/ ji skad du de'i tshe dri za'i zhes bya ba ste/ pha ma log par 'jug pa'i tshe sems gnyis pa zhes bya ba rgyas par 'byung ngo //'dis ni kun nas nyon mongs pa can gyi sems kun tu spyod pa med par skye ba'i sred pa med pa'i phyir yid ni srid par yang mtshams sbyor ba la dbang byed do zhes ston par byed do/ /gzhan dag ni 'di la/ kun dga' bo gal te rnam par shes pa ma'i mngal du 'jug par ma gyur na ni zhes bya ba rgyas par 'byung ba khongs su smra'o//dbang gi ngo bo dang mthun par byed pa la dbang byed pa nyid kyis ni yid kyi dbang gis lus dang / ngag dag mthun par 'jug go zhes bya ba'i don to/ /de nyid la khungs ni/ ji skad du zhes bya ba rgyas par smos te/ 'jig rten 'di ni sems kyis khrid//sems kyis yongs su drangs pa yin/ /'di dag thams cad sems kyi chos/ /gcig gi dbang du mthun par 'gro/ /zhes bya ba 'byung ngo / /'dir 'jig rten ni nye bar len pa'i phung po lnga la bya ste/ nye bar len pa'i phung po lnga'i mtshan nyid can rten thams cad dam/ dbang po dang bcas pa'i lus la sems dbang du byed par gsungs so/ /lnga dang brgyad po de dag ni/ /kun nas nyon mongs rnam byang la/ /zhes bya ba la/ lnga dang brgyad po 'di rnams te/ /lnga ni kun nas nyon mongs pa la dbang byed la/ brgyad po rnams ni rnam par byang ba la ste/ grangs mnyam par bstan pa'i phyir ro//de nyid kyi phyir/ go rims bzhin du zhes bya ba smos so/ /de dag la 'dod chags la sogs pa rgyas par 'gyur ba nyid kyi phyir ro zhes bya ba ni dmigs pa dang ldan par mtshungs pa'i sgo nas 'dod chags la sogs pa rgyas pa'i gzhir gyur pa nyid kyi phyir ro zhes bya ba'i don te/ji skad du tshor ba bde ba las ni 'dod chags rgyas par 'gyur ro/ /sdug bsngal las ni zhe sdang ngo / /bde ba yang ma yin sdug bsngal yang ma yin pa las ni gti mug go zhes gsungs pa lta bu'o/ /dad pa la sogs pa ni rnam par byang ba la dbang byed de zhes bya ba de nyid la rgyu smos pa ni/ de dag gi rnam par byang ba la byed do zhes bya ba ste/ gang gi phyir de dag gis rnam par byang bar byed pa de'i phyir de dag rnam par byang ba la dbang byed do/ /rnam par byang bar byed do zhes bya ba ni spong bar byed do zhes byed pa'i don te/ de skad du yang / 'phags pa nyan thos dad pa'i sgo gtan phun sum tshogs pa/brtson 'grus kyi dpung phun sum tshogs pa/ dran pa'i sgo srung phun sum tshogs pa/ sems mnyam par gzhag pa ni shes rab kyi mtshon gyis rnam par grol bar 'gyur ro zhes bya ba de lta bu la sogs pa gsungs so/ /gsum po 'di dag ni 'di dag kho na'i nang du 'dus so/ /gzhan dag na re bde ba la sogs pa rnams ni rnam par byang ba la/yang zhes bya ba la yang gi sgras ni kun nas nyon mongs pa la yang ngo zhes bya bar rtogs te/ bde bar gyur pa'i sems mnyam par 'jog par 'gyur ro/ /sems mnyam par gzhag pas ni yang dag pa ji lta ba bzhin du rab tu shes so zhes bya ba la sogs pa 'byung ngo / / de ltar na bde ba'i dbang po ni rnam par byang ba la yang dbang byed do/ /dad pa gang la sdug bsngal rgyu ste/ rgyu mtshan du yod pa de ni sdug bsngal gyi rgyu can te/ 'dis ni dad pa sdug bsngal gyi rgyu can yin pa'i phyir sdug bsngal gyi dbang po yang rnam par byang ba la dbang byed par ston te/ nges par 'byung ba la brten pa drug ces bya ba 'byung ste/nges par 'byung ba ni zag pa dang bcas pa dang / zag pa med pa'i lam mo/ /nges par 'byung ba la brten pa ni nges par 'byung ba la dmigs pa'o/ /yid bde ba la sogs pa ste/ sogs pa'i sgras ni yid mi bde ba dang / btang snyoms gzung ngo / /gzugs la sogs pa yul gyi dbye bas ni rnam pa drug tu dbye ste/mdo las ji skad du mig gis shes par bya ba'i gzugs rnams la brten nas yid bde ba la nges par 'byung ba la brten pa/ nges par 'byung ba dang mthun pa/ nges par 'byung ba la dmigs pa skye'o zhes bya ba nas/ de bzhin du yid kyis shes par bya ba'i chos rnams la brten nas yid bde ba/nges par 'byung ba la brten pa skye'o zhes bya ba'i bar dang / de bzhin du yid mi bde ba dang / btang snyoms kyang bsdus pa lta bu'o/ /gzugs la sogs pa rnams la so sor rtog pa la ni yongs su spyod pa sngon du 'gro ba can gyi yid bde ba dge ba 'dod chags dang bral ba dang mthun pa'i phyir nges par 'byung ba la brten pa skye la/gzugs la sogs pa dag gis bslus pa la tshul bzhin du yid mi bde ba 'dod chags dang bral ba dang mthun pa'i phyir nges par 'byung ba la brten pa'o/ /gzugs la sogs pa'i yul dag la so sor brtags te/ btang snyoms su gnas te/ yid bde bar yang mi 'gyur/ yid mi bde bar yang mi 'gyur ba zhes bya ba ni nges par 'byung ba la brten pa'i btang snyoms te/ 'dod chags dang bral ba dang rjes su mthun pa'i phyir ro/ /de ltar na yid bde ba dang / yid mi bde ba dang / btang snyoms rnams kyang rnam par byang ba la dbang byed do zhes bya bar shes so zhes zer ro zhes bya ba smos so//ji skad smras pa'i don ma lus pa rnams la dbang byed pa mi srid pas slob dpon ma rangs par ston par byed pa'o/ /gzhan dag na re ni zhes bya ba ni mdo sde pa dag na re'o/ /rnam par shes nas ya nga ba yongs su spong ba'i phyir zhes bya ba la/ byang bas de gnod par byed pa nyid du yongs su spong ba'i phyir mig dang / rna ba dag gis ni lus su byung ba ma yin te/ 'di ltar ma byang ba ni mthong zhing thos kyang yongs su mi spong ngo / /gal te lus su yongs su bsrung ba ma yin na de dag gang la dbang byed ce na/ de'i phyir/ de gnyis rnam par shes pa la ni dbang byed do zhes bya ba smos te/ de gnyis ni mig dang rna ba gnyis so/ /ni'i sgra ni rnam par shes pa kho na la'o zhes nges par gzung ba'i don to//rnam par shes pa las gzhan pa gzugs mthong ba'am zhes bya ba rgyas par 'byung ste/ gzugs mthong ba dang sgra thos pa ni rnam par dpyad pa na 'dzin pa las tha dad par mi dmigs la/ 'dzin pa yang rnam par shes pa kho na yin pas gzhan ma yin no/ / de'i phyir mig dang rna ba'i rnam par shes pa mtshungs par ldan pa dang bcas pa dag bskyed pa la dbang byed par smras pa gang yin pa de nyid 'dzin pa la yin gyi/ gzhan la ni ma yin no snyam du bsams pa'o/ /lus mdzes pa la rten kho na dbang byed kyi/ dbang po las 'das pa'i phyir dbang po rnams ni ma yin te/'di yang mdzes par bya ba'i don dang tshig gi don du rten kho nas chog gi zhes sngar bshad zin pas yang nye bar ma bkod do/ /rang gi don dang thams cad la dmigs par zhes bya ba rgyas par 'byung ba la/ rang gi don ni rang gi don te/ gang zhig gang gi yul yin pa'o/ /rang gi don gyi dmigs pa ni rang gi don la dmigs pa'o//dbang byed pa'i dngos po ni dbang byed pa'i ste/ rang gi don gyi dmigs pa la dbang byed pa ni rang gi don la dmigs par byed pa ste/ rang gi don la dmigs par dbang byed pa nyid de'i phyir ro/ /ci zhe na/ lnga po dag dbang po nyid yin no/ /thams cad la zhes bya ba ni dmigs par dbang zhes bya ba dang sbyar ro//gang zhig ce na/ yid do/ /'di la don rnams kyang zhes bya ba la/ ji ltar dbang po med par dmigs par mi 'gyur bas de bzhin du don med pa yang dmigs par mi 'gyur bas dbang po ltar don yang de la dbang byed par 'gyur ro zhe na/ don ni dbang byed pa ma yin no//lhag par dbang byed pa nyid ni dbang byed pa yin la zhes bya ba la/ lhag par dbang byed pa ni dbang byed pa yin la/ de'i dngos po ni/ lhag par dbang byed pa nyid do/ /yang gang zhig don la med pa dbang po rnams kyi dbang byed pa nyid ci zhig ce na/ de'i phyir/ mig ni gzugs thams cad dmigs pa la thun mong gi rgyu yin pa'i phyir dang zhes bya ba smos te/mig ni sngon po dang ser po la sogs pa'i gzugs thams cad kyi dmigs pa la thun mong gi rgyu yin pa'i phyir ro/ /dmigs pa de dag gsal ba dang mi gsal ba nyid ces bya ba la sogs pa 'byung ste/ 'di ltar dmigs pa ni mig la sogs pa gsal ba dang mi gsal ba'i rjes su byed pa yin te/khams kyi mdzod kyi gnas nas ji skad bshad pa bzhin no/ /sogs pa'i sgras ni tshor ba 'khrugs pa dang / ma 'khrugs pa'i rjes su byed pa gzung ngo / /de las bzlog pa'i phyir gzugs ni ma yin te zhes bya ba la/ gzugs sngon po ni gzugs so sor nges pa dmigs pa'i rgyu yin pa'i phyir mig ltar gzugs thams cad dmigs pa'i bya ba thun mong gi rgyu ma yin la/dmigs pa de gsal ba dang mi gsal ba'i rjes su byed pa yang ma yin no/ /de'i phyir gzugs ni gzugs kyi dmigs pa la lhag par dbang byed pa nyid ma yin no/ /yid chos rnams la dbang byed pa'i bar du yang de bzhin du sbyar ro//lus kyi dbang po kho na las zhes bya ba rgyas par 'byung ba ste/ reg bya'i yul can yin pa'i phyir lus kyi dbang po las gzhan ma yin zhes bya bar shes so/ /gzhan nyid yin na ni mig la sogs pa bzhin du reg bya'i yul can du mi 'gyur ro/ / lus kyi rnam par shes pa'i rten yin pa'i phyir yang lus kyi dbang po las gzhan ma yin te/ gzhan nyid yin na ni mig la sogs pa ltar lus kyi dbang po rnam par shes pa'i rten du mi 'gyur ro/ /de'i phyir 'dod pa na spyod pa'i lus kyi dbang po'i phyogs yin te/ 'dod chags dang lhan cig skyes pa'i lus kyi rnam par shes pa nyon mongs pa can kho na'i rten du gyur pa gang yin pa'o//mo nyid la dbang byed pa'i phyir dang / pho nyid la dbang byed pa'i phyir na mo'i dbang po dang / pho'i dbang po rnam par gzhag go/ /mo nyid ni mo'i dbang po'o/ /gsum pa la yang ngo bo zhes bya ste/ de'i phyir bud med kyi cha byad dang zhes bya ba smos so//kha cig cha byad kyang don gzhan yin par sems pa de'i phyir nga ro dang / g.yo ba dang / bsam pa dag ste zhes bya ba smos so/ /'di nyid rnam par dpyad par bya ba'i phyir/ de ni mo'i mo nyid yin no zhes bya ba smos te/ ji ltar kha cig rtogs par byed pa ltar bud med kyi skal ba mnyam pa'i mtshan nyid can gzhan ni ma yin no//pho'i ngo bo nyid ni pho'i cha byad dang zhes bya ba 'di ltar yang bshad zin pa'i rjes su 'brangs te brjod par bya'o/ /de la bud med kyi bsam pa ni skyes pa'i yul can te/ bud med ni skyes pa'i bsam pa can no zhes bya ba 'byung ba'i phyir ro/ /pho'i bsam pa ni bud med kyi yul can te/ skyes pa dag la ni bud med kyi yul can yin no zhes 'byung ba'i phyir ro//pho dang mo gnyis kyi nga ro yang tha dad de/ 'di ltar ma mthong bar pho'am mor skad kyis shes par 'gyur ro/ /g.yo ba 'gros la sogs pa yang pho dang mo rnams la phan tshun mtshan nyid mi mthun par dmigs so/ /srog gi dbang po ni ris mthun par gnas par bya ba la zhes bya ba rgyas par 'byung ste gnas pa ni 'dir rgyun du rjes su 'jug pa ste/'dir gzugs kyi khams na dge ba dang / nyon mongs pa can gyi sems dang ldan pa rnams kyang srog gi dbang po'i mthus ris mthun par rjes su 'jug la/ srog gi dbang po 'gags na 'gag par 'gyur ro/ / gal te/ 'gro ba zas kyis gnas pa yin/ /zhes bya bas zas dag kyang dbang po nyid du thal bar 'gyur ba ma yin nam zhe na/ ma yin te/ med kyang gnas pa'i phyir te/ gzugs dang gzugs med par skyes pa rnams ni kham gyi zas med kyang ris mthun par rjes su 'jug pa yin no/ /de bzhin du 'gog pa'i snyoms par 'jug pa dang /'du shes med pa'i snyoms par 'jug pa la snyoms par zhugs pa rnams dang / 'du shes med pa la mngon du gyur pa la reg pa dang / sems pa dang / rnam par shes pa med kyang ris mthun par rjes su 'jug pa mthong zhing / srog gi dbang po med par ni ma yin no//de'i phyir ris mthun par gnas pa la dbang byed pa'i phyir na srog gi dbang po kho na dbang po nyid yin gyi/ zas rnams ni ma yin no/ /tshor ba rnams ni kun nas nyon mongs par bya ba la dbang byed do zhes bya ba 'byung ste/ bshad pa/ snga ma la khyad par ci yod ce na/ bde ba la sogs pa ni rnam par byang ba la yang dbang byed do zhes bsal bar bya ba'i phyir ro//lhag par dbang byed pa nyid ni dbang byed pa yin gyi/ rgyu tsam ni ma yin la/ tshor ba rnams kyang kun nas nyon mongs pa la lhag par dbang byed kyi/ rnam par byang bar bya ba la ni ma yin pas/ de dag ni kun nas nyon mongs pa kho na la dbang byed do//de nyid bstan par bya ba'i phyir/ 'di ltar mdo las tshor ba bde ba la ni 'dod chags rgyas par 'gyur zhes bya ba la sogs pa smos te/ dmigs pa dang mtshungs par ldan pa'i sgo nas so/ /dad pa la sogs pa dbang po lnga dag ni zhes bya ba la/ 'dis rnam par byang bar byed pas na rnam par byang ba ste lam mo//de nyid la rgyu smras pa ni/ 'di ltar de dag gis zhes bya ba rgyas par 'byung ste/ dran pa nye bar gzhag pa dang dro bar gyur pa'i gnas skabs dag gis lam skye ba'i gegs su gyur pa'i nyon mongs pa rnams kyang rnam par gnon la/ skal ba mnyam pa'i rgyu med par de'i stobs kyis lam bskyed pa'i phyir chos mchog gi gnas skabs dag gis ni lam yang 'dren par byed do//de dag kho na rnam par byang ba la dbang byed kyi/ rnam par byang ba'i bdag nyid yin pa'i phyir kun shes par byed pa'i dbang po la sogs pa dag ni ma yin no zhes nges par bya ba'i phyir yang smos so/ /de bzhin zhes bya ba'i sgra ni ji ltar mig la sogs pa dad pa la sogs pa'i mthar thug pa rnams so sor dbang po yin pa de bzhin du kun shes par byed pa zhes bya ba dang /kun shes pa zhes bya ba dang / kun shes ldan pa zhes bya ba yang so sor dbang po yin no zhes nye bar bstan par bya ba'i phyir ro/ /gal te dbang byed pa tha dad pa nyid kyis so sor dbang po nyid du shes pa yin nam zhe na/rdzas tha mi dad pas the tshom za ba bsal bar bya ba'i phyir de bzhin zhes bya ba'i sgra rab tu sbyar ro/ /de la kun shes par byed pa'i dbang po ni kun shes pa'i dbang po thob par bya ba la dbang byed do zhes bya ba ni bsgom pa'i lam ni mthong ba'i lam sngon du 'gro ba can yin pa'i phyir la/de dag kyang mthong ba dang bsgom pa'i lam la rnam par gzhag pa'i phyir ro/ /kun shes pa'i dbang po ni kun shes pa dang ldan pa'i dbang thob par bya ba la dbang byed de mi slob pa'i lam bsgom pa'i lam sngon du 'gro ba can yin pa'i phyir ro/ /kun shes pa dang ldan pa'i dbang po ni yongs su mya ngan las 'das pa la dbang byed de/lam gzhan med pa'i phyir ro/ /mya ngan las 'das pa ni 'dir phung po lhag ma med pa'o/ /ci dbang po dang po gnyis la mya ngan las 'das pa la dbang byed pa med dam zhe na/ de nyid kyi phyir/ sems rnam par ma grol ba la yongs su mya ngan las 'das pa med pa'i phyir ro zhes bya ba smras so//sems rnam par grol ba ni zad pa shes pa yin la/ de dang de'i 'og rol gyi zag pa med pa'i lam thams cad ni kun shes pa dang ldan pa'i dbang po yin te/ de'i phyir kun shes pa dang ldan pa'i dbang po ni yongs su mya ngan las 'das pa la dbang byed do/ / sogs pa zhes bya ba'i sgra ni rnam grangs gzhan bstan par bya ba'i phyir te zhes bya ba rgyas par 'byung ste/ dbang po dang po gnyis ni mthong ba dang bsgom pas bsdus pas go rims bzhin du mthong ba dang / bsgom pas spang bar bya ba'i nyon mongs pa spong ba la dbang byed pa nyid do/ /gal te sbyor ba dang / rnam par grol ba dang /khyad par gyi lam rnams gnyen po ma yin pa'i phyir de dag nyid ma yin par 'gyur ro zhe na/ ma yin te/ de rnams kyang de dag dang rigs mthun pa'i phyir mi skye ba'i chos can gyi dbang po bzhin no/ /mthong ba'i chos la bde bar gnas pa'i phyir dbang byed de zhes bya ba la/ mthong ba'i chos ni mthong ba'i chos te/ skye ba mngon sum pa zhes bya ba'i don to/ /bde bar gnas pa ni bde bar gnas pa'o/ /mthong ba'i chos la bde bar gnas pa ni mthong ba'i chos la bde bar gnas pa ste/ de la kun shes pa dang ldan pa'i dbang po dbang byed do/ /ci ltar zhe na/ de'i phyir rnam par grol bas dga' ba dang /bde ba dang / so sor yang dag par myong ba'i phyir ro zhes bya ba smos so/ /rnam par grol ba ni nyon mongs pa spangs pa'o/ /dga' ba ni yid bde ba'o/ /bde ba ni shin tu sbyangs pa'i bde ba'o/ /rnam par grol bas dga' ba dang bde ba so sor yang dag par myong ba ni rnam par grol bas dga' ba dang bde ba so sor yang dag par myong ba'o//dbang byed pa'i phyir dbang po nyid yin na go/ /ma rig pa la sogs pas kha bskang dgos te/ ci zhe na/ bya dgos so zhes bya ba ni tshig gi lhag ma'o/ /nye bar kha skong ba ni kha skong ba'o/ /mtshan nyid kyis brjod pa 'thob pa ma brjod pa smra ba na kha skong ba'o//sogs pa smos pas ni 'du byed la sogs pa sdud do/ /ngag la sogs pa dag dang / lag pa dang / rkang pa dang / rkub dang / mdoms kyang zhes bya ba la/ grangs can pa dag ni ngag gi dbang po la sogs pa rnams mig la sogs pa'i dbang po tha dad par rtogs par byed de ngag gi dbang po ni gang gis tshig smra ba'o//lag pa'i dbang po ni gang gis rdzas 'ga' zhig len pa'o/ /rkang pa'i dbang po ni gang gis 'gro bar byed pa ste/ 'chag ces bya ba'i don to/ /rkub kyi dbang po ni gang gis rtug pa rtug par byed pa'o/ /mdoms kyi dbang po ni lus kyi dbang po'i phyogs las tha dad pa ste/ gang gis kun du dga' ba'i bde ba'i khyad par thob par byed do//kha bskang bar mi bya ste/ bcom ldan 'das kyis don gang zhig shes par bya ba'i phyir dbang po ni nyi shu rtsa gnyis dag go zhes mdo las bstan pa de la/ ma rig pa la sogs pa dang / ngag la sogs pa dgos pa med pa'i phyir ro/ /don de yang gang zhig yin zhe na/ de'i phyir/ sems kyi rten dang bye brag ces bya ba rgyas par smos so/ /bdag tu gyur pa'i sems kyi rten ni de'i rten to/ /rten de'i bye brag ni pho'o/ /mo'o zhes bya ba'o/ /gnas ni rgyun rjes su 'jug pa'o/ /kun nas nyon mongs pa dang / rnam par byang ba'i tshogs dang / rnam par byang ba ni sems bdag tu gyur pa kho na'i yin no//skye mched drug po de dag ni sems can gyi rdzas kyi gzhi yin no zhes bya ba ni dang po dang gtso bo'o/ /sems can gyi rdzas ni gcig tu sems kyi grangs su bgrangs pa'i phyir ro/ /de dag gi rten can gzugs can la sogs pa dag dang / de dag gi rnam par shes pa dag ni sems can gyi rdzas yin gyi/gzhan ni ma yin te/ de'i dbang gis 'byung ba'i phyir ro/ /yang na lhag par chags pa'i gnas yin pa'i phyir te/ de la rab tu chags par 'gyur ba'i phyir ro/ /gzhan dag ni dbang po'i rnam par gzhag pa rnam pa gzhan du 'chad pa ni/ yang na 'jug pa'i rten dang ni zhes bya ba rgya cher 'byung ba'o//'khor ba'i 'jug pa dang ldog pa dag ni gtso bo yin la/ de dag gi rten dang / skye ba dang / gnas pa dang / nye bar spyad pa yang gtso bo yin zhing 'di tsam gyis skyes bu'i don yongs su rdzogs pas gang dag dbang byed pa de dag dbang po nyid du rnam par gzhag go/ /'jug pa ni 'byung ba ste/'khor ba zhes bya ba'i don to/ /sems can gyi rdzas 'khor ba las skye mched drug ni 'jug pa'i rten yin te/ de'i bdag nyid yin pa'i phyir ro/ /de'i phyir dbang po drug po dag ni 'gro ba dag tu skye bar rgyun chags pa'i mtshan nyid can 'jug pa'i rten te/ rgyu yin la/ 'jug pa ni 'bras bu yin no/ /skye ba ni pho dang mo'i dbang po dag yin zhes bya ba 'byung ste de dag ci'i phyir skye ba yin zhe na/de'i phyir/ de las skye ba'i phyir ro zhes bya ba smos te/ gang gi phyir pho dang mo'i dbang po de las skye ba'i phyir skye ba'i rgyu la skye ba zhes bstan to/ /de dag ni khu ba dang khrag 'jug pa'i dus na lus dang yid kyi dbang po gnyis kyi dngos kyi rgyu yin la/mig la sogs pa'i dbang po bzhi po dag gi ni rgyud nas yin te/ mthar gyis zhes 'byung ba'i phyir ro/ /tshul 'di ni mi dang / dud 'gro dang / yi dags kyi 'gro ba dag la yin gyi gzhan du ni ma yin gyi/ mngal nas skye ba dang / sgo nga las skye ba'i sems can du gyur pa'i phyir ro/ / srog gi dbang pos ni gnas par byed de/ skye mched drug gi rgyun rgyun mi gcod par byed pa'i phyir ro/ /tshor ba rnams kyis ni nye bar spyod par byed de/ 'jug pa'i rten la phan pa dang gnod par byed pa la zhugs pa'i phyir ro/ /de ltar na bcu bzhi po 'di dag ni 'jug pa la gtsor byed par zhugs pa'i phyir dbang po nyid do//rnam pa de nyid kyis zhes bya ba ni rten la sogs pa'i rnam pas zhes bya ba'i don to/ /gzhan dag ni ldog pa yin te zhes bya ba rgyas par 'byung ba la/ ldog pa ni ldog pa yin te/ de yang skye mched drug gtan 'gags pa'o/ /de'i rten ni dad pa la sogs pa rnams yin te/ dge ba'i rtsa ba thams cad skye ba la gtso bo yin pa'i phyir ro/ /skye ba ni kun shes par byed pa'i dbang po yin te/ nangs kyi dang por yang dag par nges pa'i phung po la gnas pa'i phyir ro/ /gnas pa ni kun shes pa'i dbang po yin te/ de ni rgyun dang ldan pa'i phyir na skye ba gzhan du yang rjes su 'jug pa'i phyir ro/ / kun shes pa dang ldan pa'i dbang pos nye bar spyod par byed de/ mthong ba'i chos la bde bar gnas pas phye ba'i phyir ro/ /de'i phyir bcom ldan 'das kyis dbang po de snyed cig gsungs te/ de snyed cig kho nas brjod par 'dod pa'i don yongs su rdzogs pa'i phyir ro/ /de'i phyir ma rig pa la sogs pa dang / ngag la sogs pa rnams dbang po nyid du kha bskang bar mi bya ste/mdo nyid las bshad pa'i dbang po'i don mi srid pa'i phyir ro/ /de nyid kyi phyir/ de dag gi go rims kyang de yin no zhes bya ba ni mig gi dbang po nas kun shes pa dang ldan pa'i dbang po'i bar ro/ /sems kyi rten yin pa'i phyir na sngar mig la sogs pa rnams bshad do/ / de'i bye brag gi rgyu yin pa'i phyir de'i mjug thogs su pho dang mo'i dbang po'o zhes bya ba rgyas par brjod par bya'o/ /yang na ldog pa 'jug pa sngon du 'gro ba can yin pas skye mched drug 'jug pa'i rten nyid du sngar bshad de/ de bzhin du gzhan la yang rgyas par brjod par bya'o/ /ngag ni dbang po ma yin pa nyid de/ gang la zhe na/ tshig smra bar bya ba la ste/ slob pa'i khyad par la ltos pa'i phyir ro/ /gang zhig gang la dbang byed pa de dag ni logs su slob pa la ltos pa ma yin te/ mig la sogs pa bzhin no/ /byis pa ni skyes pa tsam gyis slob pa med par mig gis gzugs lta'i/ bslab pa'i khyad par med par smra ba ni mi nus te/ 'di ltar legs par sbyar ba dang tha mal pa'i yul gyi bye brag gis slob pa la ltos nas tshig tha dad pa yin no//de'i phyir dbang po'i chos las 'das pa'i phyir ngag la sogs pa rnams dbang po yin par mi 'os so/ /re zhig ngag gi dbang po nyid ci zhig yin/ gal te gang las tshig 'byung ba yin na/ de lta na ni rtog pa dang dpyod pa la sogs pa dag dang /de dag gis kun nas bslangs pa'i rlung rnams kyang de'i dbang po nyid du thal bar 'gyur ro/ /gal te yang mgrin pa dang / rkan dang / mchu la sogs pa rnams la brten nas 'byung mod kyi/ de ltar na yang rtog pa la sogs pa dag ste kun nas slong bar byed pa'i phyir gtso bo yin no/ /lag pa dang rkang pa yang len pa dang 'gro ba las gzhan ma yin pa'i phyir te zhes bya ba la/lag pa de nyid gzhan dang gzhan du 'byung ba la len pa zhes bya la/ rkang pa nyid gzhan dang gzhan du 'byung ba la 'gro ba zhes bya ste/ de la ni skad cig ma yin pa'i phyir yul gzhan du phyin pa med cing bya ba don gzhan du gyur pa yang med do//de'i phyir len pa dang 'gro ba lag pa dang rkang pa las gzhan ma yin no/ /de'i phyir de la dbang byed pa ni ma yin te/ rang nyid la ni dbang byed par mi rung ngo / /ji ltar mig gzugs la dbang byed cing / mig gi dbang po las gzugs gzhan ma yin la/ rang nyid la dbang byed pa ma yin pa de bzhin du 'dir yang yin no//sbrul la sogs pa la zhes bya ba la/ sbrul la sogs pa rnams la lag pa dang rkang pa yod pa ma yin mod kyi/ de lta na yang de dag khas len pa dang brang gis 'gro ba yin te/ de bzhin du nya la sogs pa rnams la yang brjod par bya'o/ /rkub kyang rtug par bya ba la dbang po ma yin te zhes bya ba ni mi gtsang ba rtug par bya ba la'o//de rlung gis kyang bro bar byed pa'i phyir ro zhes bya ba la/ mi gtsang ba bro bar byed pa'i phyir ro/ /kha cig ni kha nas kyang rtug par byed par mthong ba'i phyir ro/ /de ltar na dbang po'i rnam par gzhag pa 'chol bar 'gyur te/ khas len pa dang rtug pa'i phyir la/ lag pa gnyis kyis len pa dang 'gro ba'i phyir ro//de bzhin du rkang pa gnyis kyis len cing 'gro'o/ /kun du dga' ba ni nyon mongs pa can gyi bde ba'o/ /de nyid kyi phyir/ bde ba de ni mo dang pho'i dbang pos byas pa'i phyir ro zhes bya ba smos so/ /de nyid mdoms yin no zhe na/ de lta na 'o na ni mdoms kyi dbang po lus kyi dbang po las gzhan ma yin te/pho dang mo'i dbang po dag ni lus kyi dbang po'i phyogs yin pa'i phyir ro/ /de lta ma yin na lkog ma la sogs pa rnams kyang grangs bzhin du med pa la sogs pa la dbang byed pa'i phyir dbang po thal bar 'gyur te/ nges pa'i rgyu med pa'i phyir ro/ /sa bon dang myu gu la sogs pa rgyur gyur pa thams cad kyang rang gi bya ba myu gu dang /'dab ma dang / sbal mig bcas pa'i mtshan nyid la dbang byed pa'i phyir dbang po nyid du thal bar 'gyur ro/ /dbang po'i don de rnam par gzhag pa'i rgyu bshad zin to/ /de dag gi rang gi ngo bo brjod par bya ste/ de la mig la sogs pa pho'i dbang po la thug pa rnams ni bstan zin to zhes bya ba ni/de dag rnams kyi rnam shes rten/ /mig la sogs gzugs dang ba rnams/ /zhes bya ba dang / lus las pho dbang mo dbang dag /ces bya ba las so/ /srog gi dbang po ni zhes bya ba ni/ srog ni tshe yin drod dang ni/ /rnam shes rten gang yin pa'o/ / zhes bya ba de nas so/ /dad pa la sogs pa rnams ni sems las byung ba dag gi nang nas zhes bya ba ni/ dad dang bag yod shin tu sbyangs/ /zhes bya ba de nas so/ /bde ba la sogs pa dang / kun shes par byed pa'i dbang po la sogs pa bshad par bya ste zhes bya ba 'byung ste/ gal te bde ba la sogs pa rnams kyang sems las byung ba yin pa'i phyir dad pa la sogs pa bzhin du sems las byung ba dag gi nang nas bshad par bya ba ma yin zhe na/ma yin te/ sems las byung ba dag tu ni tshor ba dang / 'du shes sems pa dang zhes spyi'i dbang du byas kyi/ de'i phyir 'di nyid du de dag gi khyad par gyi mtshan nyid bstan pa'i skabs su bab pas dbang po'i skabs 'di nyid du ston par byed do//gal te yid kyi mtshan nyid ni bshad zin la/ dad pa la sogs pa rnams ni sems las byung ba rnams kyi nang nas 'chad par 'gyur zhing / bde ba dang / yid bde ba dang / btang snyoms rnams 'di nyid nas 'chad na/ gang zhig 'dir bshad par bya ba brjod pa kun shes par byed pa'i dbang po la sogs pa gsum po gzhan gang zhig yod ce na/de ni de dag las gzhan med do/ /'o na ci zhig ce na/ 'di dag gnas skabs gang zhig gis khyad par du 'phags pa na/ kun shes par byed pa la sogs pa zhes bya ba 'thob pa'i gnas skabs de bstan par bya dgos pas kun shes par byed pa la sogs pa'i dbang po bshad par bya ste/de brjod par bya'o zhes de skad du bstan pa yin no/ /lus tshor sim pa ma yin gang / /sdug bsngal dbang po'o zhes bya ba la/ lus kyi dbang po sim pa yang yod pas sim pa ma yin zhes bya ba khyad par du byas so/ /sems kyi sim pa ma yin pa yang yod pas lus kyi zhes bya ba smos so//sim pa ma yin pa'i brjod pa'i don ma gtogs pa'i phyir rnam grangs gzhan gyis de'i don ston par byed pa ni/ sim pa ma yin pa zhes bya ba ni gnod par byed pa ste/ sdug bsngal zhes bya ba'i tha tshig go zhes bya ba'o/ /'di skad bstan par 'gyur te/ rnam par shes pa lnga dang lhan cig skyes pa'i nyams su myong ba bkag /'di skad bstan par 'gyur te/ rnam par shes pa lnga dang lhan cig skyes pa dang / rnam par shes pa gsum dang lhan cig skyes pa'i nyams su myong ba phan 'dogs pa ni bde ba'i dbang po'o/ /bsam gtan gsum pa na yang bde ba'i dbang po yod par 'dod na/de ni lus kyi yin par 'dod pa yang ma yin no zhe na/ de'i phyir/ bsam gtan gsum pa na/ sems kyi de ni bde dbang po/ /zhes bya ba smos te/ gnod pa byed pa ni sdug bsngal gyi dbang po'o zhes bya'o sim pa ni bde ba'o/ /skabs su bab pa'i phyir lus kyi dbang po dang sbyar bar bya'o/ / 'dir yang khyad par dang khyad par can gyi dngos po ni snga ma bzhin no/ /sems kyi zhes bya ba 'dis ni lus kyi rnam par gcod do/ /de nyid ces bya ba 'dis ni sim pa ma yin pa rnam par gcod de/ de nyid kyi phyir/ de nyid ces bya ba smos te/ sems kyi tshor ba sim pa ni bde ba'i dbang po yin no/ /yang ci'i phyir 'dod pa'i khams dang /bsam gtan dang por lus kyi sim pa bde ba'i dbang por rnam par gzhag la/ bsam gtan gsum par ni sems kyi yin zhe na/ de'i phyir/ lus kyi tshor ba ni med do zhes bya ba smos so/ /ci'i phyir med ce na/ de'i phyir/ de na rnam par shes pa'i tshogs lnga med pa'i phyir zhes bya ba smos so//gzhan na de yid bde ba yin/ /zhes bya ba la/ bsam gtan gsum pa las gzhan yid bde ba'i dbang po yin no/ /gzhan na zhes bya ba smos pa bsam gtan gsum pa'i gong du yang der thal bar 'gyur ba bzlog pa'i phyir/ /'dod pa'i khams dang / bsam gtan dang po dang / gnyis pa na ni zhes bya ba smos te/de ni de dag kho nar srid pa'i phyir ro/ /yang ci'i phyir bsam gtan dang po dang gnyis pa bzhin du bsam gtan gsum par yang de'i bde ba'i dbang por ma bshad ce na/ de'i phyir/ bsam gtan gsum pa na ni zhes bya ba rgyas par 'byung ngo / /yid bde ba ni dga' ba yin la/ dga' ba'i 'dod chags dang bral bas kyang bsam gtan gsum pa thob ste/ mdo las/ dga' ba'i 'dod chags dang bral bas btang snyoms la gnas pa/ dran pa dang ldan pa/ bde ba la gnas pa zhes gsungs so/ /de'i phyir bsam gtan gsum pa na bde ba'i dbang po kho nar brjod kyi/ yid bde ba'i dbang por ni ma yin no//phan 'dogs par byed pa'i nyams su myong bar mtshungs pa yin no/ /yid 'di gnyis la khyad par ci zhig yod ce na/ 'jug pas byas pa'o/ /sems kyi bde ba'i dbang po ni brtan par 'jug pa yin la/ yid bde ba ni mi brtan par 'jug pa yin te/ sems ya ya por byed pa'i phyir ro//sems kyi sim pa ma yin pa/ /mi bde ba'o zhes bya ba la/ sems kyi yid mi bde ba ni gnod par byed pa'o/ /lus dang sems kyi sim pa dang / sim pa ma yin pa'i dbye bas tshor ba gsum po dag rnam par gzhag pa byas zin to/ /da ni btang snyoms kyi dbang po brjod par bya dgos pas/ de'i phyir/ btang snyoms ni bar ma'o zhes bya ba rgyas par smos so/ /sim pa ni bde ba'o/ /sim pa ma yin pa ni sdug bsngal lo zhes thal ma thag tu bshad la/ 'dir ni bar ma'o zhes bshad pa de'i phyir sim pa yang ma yin sim pa ma yin pa yang ma yin pa de ni bar ma'o zhes bya bar 'gyur ro/ /de'i phyir/ sim pa yang ma yin sim pa ma yin pa yang ma yin pa zhes bya ba smos so//de lta na yang mi shes pa de'i phyir gsung rab las grags pa'i rnam grangs gzhan gyis ston pa ni/ sdug bsngal yang ma yin bde ba yang ma yin pa'i tshor ba ni zhes bya ba la sogs pa'o/ /bde ba dang sdug bsngal ltar lus dang sems la brten pa'i phyir dang /de dang 'dra bar phye nas ma bstan pa'i phyir the tshom za ba na 'dri ba ni/ ci lus kyi 'am/ sems kyi zhes bya ba ste/ btang snyoms kyi dbang po zhes bya bar skabs dang sbyar ro/ /de'i phyir smras pa/ gnyis ka'i yin no/ /ci'i phyir zhes bya ba rgyas par 'byung ste/ bde ba dang / sdug bsngal dag ni rten tha dad pa la gus pa med par byas te/bsdus nas te bsdoms nas dbang po gcig tu byas pa 'di la rgyu ci zhig yod de/ de bzhin gshegs pa rnams la ni thams cad la thogs pa med pa'i ye shes mnga' ba'i phyir dang thams cad la dran pa nye bar gnas pa'i phyir/ rgyu med par chos ston pa mi mnga'o zhe na/ de'i phyir mi rtog phyir zhes bya ba smras so//bsdus nas dbang po gcig tu byas pa la rgyu smras pa ni/ sems kyi bde ba dang sdug bsngal ba ni phal cher rnam par rtog pa la zhes bya ba rgyas par 'byung ba'o/ /phal cher smos pas ni dga' ba'i bde ba ting nge 'dzin las skyes pa dang / rnam par smin pa las skyes pa spang bar bya ba'i phyir ro zhes bya ba 'di ston to//lus kyi bde ba dang sdug bsngal ni rnam par rtog pa las mi skye'o/ /de nyid la rgyu smras pa ni yul gyi dbang gis ni zhes bya ba la sogs pa ste/ mdza' ba dang mi mdza' ba'i rnam par rtog pa spangs pa'i dgra bcom pa rnams la yang yul yid du 'ong ba dang / mi 'ong ba'i dbang gis nges par skye ba'i phyir ro//de'i phyir de dag ces bya ba la/ lus kyi dang sems kyi bde ba dang / sdug bsngal dag bde ba'i dbang po/ sdug bsngal gyi dbang po/ yid bde ba'i dbang po/ yid mi bde ba'i dbang po zhes dbang po tha dad do/ /btang snyoms ni lus kyi 'am/ sems kyi 'am/rnam par smin pa las skyes pa'am/ rgyas par 'byung ba yin yang rung ste/ rnam par mi rtog pa kho nar rang gi ngang gis te/ mngon par 'du bya ba med par skye ste/ de'i phyir dbang po gcig tu byas so/ /lus kyi bde ba yang gzhan du phan 'dogs la zhes bya ba rgyas par 'byung ste/ lus kyi bde ba dang sdug bsngal ni nyi tshe bar zhugs par lus dang sems dag la phan 'dogs pa dang /gnod pa byed pa yin la/ lus kyi bde ba dang / sdug bsngal gyi drag pa dang / mgyogs par byed pa dang / rgyun chags pa yang yin gyi/ sems kyi ni de lta ma yin te/ yid la smon pa yongs su rdzogs pa dang / sdug pa'i rnam par rtog pa'i rgyu can gyis dus cung zad phan 'dogs pa'am/ gnod par byed do/ /btang snyoms la ni lus kyi btang snyoms ni gzhan du phan 'dogs la/ sems kyi yang gzhan du phan 'dogs so zhes bya ba'i khyad par 'di med de/ de bas na btang snyoms la bye brag med pas tha dad pa med do//zag pa med pa rnams kyi skabs su bab pa la/ de dag la ni logs su bstan par bya ba cung zad kyang med mod kyi/ 'on kyang / mthong bsgom mi slob lam la dgu gsum yin/ /lan gsum du dbang po dgu la kun shes par byed pa'i dbang po la sogs par brjod do/ /kun shes par byed pa'i dbang po la sogs pa'i dbang po rnams bum pa ltar btags su yod pa nyid du 'gyur ba yin nam zhe na mi 'gyur te/dbang byed pa'i don ni dbang po'i don yin la/ tshogs pa dag kyang re re zhing dbang byed pas kun shes par byed pa la sogs pa'i dbang po nyid yin gyi/ bum pa la sogs pa rnams ni re re zhing bum pa la sogs par bsnyad pa ma yin no//mthong ba'i lam la sogs pa dag na yod pa'i rnam par shes pa gang yin pa de ni yid kyi dbang po'o/ /bde ba la sogs pa tshor ba'i dbang po gsum ni ci rigs par rten gyi dbang gis yin te/ mthong ba dang / bsgom pa'i lam dag ni sa drug pa dang / sa dgu pa yin pa'i phyir ro//dge la thams cad dag tu lnga/ /zhes bya bas dad pa la sogs pa dag ni thams cad na yod kyi/ bde ba dang / yid bde ba dang / btang snyoms rnams ni de ltar cig car srid pa yod pa ma yin no/ /ci'i phyir/ 'di dag lam gsum du go rims bzhin du kun shes par byed pa'i dbang po la sogs pa nyid ces bya zhe na/mthong ba'i lam la ni bden pa bzhi mi shes pa kun shes so snyam du zhugs pa'i dbang po kun shes par byed pa'i dbang po yin no/ /bsgom pa'i lam la ni sngon ma mthong ba kun shes par bya ba ni med kyi zhes bya ba nas kun shes par byed pa'i dbang po nyid kyis shes par bya ba'i bden pa bzhi ste/dri med bcu drug gzhan rnams med/ /ces 'byung ba'i phyir ro/ /de'i phyir bsgom pa'i lam la snga nas med pa kun shes par bya ba med de/ de'i phyir bden pa bzhi'i bden pa rtogs pa yin dang gang zhig dbang po yin pa de ni kun shes pa'i dbang po yin no/ /de nyid kun shes par byed pa'o zhes bya ba nyid 'byung ste/bsgom pa'i lam ni mthong ba'i lam gyis mngon par rtogs par byas zin pa'i bden pa bzhi'i yul can yin pa'i phyir ro/ /gal te mthong ba'i lam nyid kyis bden pa bzhi kun shes par byas na spang ba'i phyir bsgom pa'i lam gyis rtogs par byed ce na/ phra rgyas lhag ma spang bar bya ba'i phyir ro/ / 'di ltar mthong ba'i lam gyis ni mthong bas spang bar bya ba'i phra rgyas spang bar bya ba'i phyir kun shes par byed pa yin la/ bsgom pa'i lam gyis ni bsgom pas spang bar bya ba'i nyon mongs pa spang bar bya ba'i phyir kun shes pa yin no/ /kun shes so snyam pa dang ldan pa ni kun shes pa zad pa dang / mi skye ba shes pa'i mtshan nyid can te/de 'di la yod pas sam kun shes pa bsrung ba'i ngang tshul 'di la yod pas na kun shes pa dang ldan pa ste/ ldan pa'i don dang / de'i ngang tshul can gyi don yin no/ /de lta bur gyur pa kun shes pa dang ldan pa'i dbang po'o/ /kun shes pa'i dbang po dang 'di la khyad par ci zhig yod/des kyang kun shes pa nyid shes pa yin no zhe na/ de'i phyir/ zad pa dang mi skye ba shes pa'i ye shes thob pa'i phyir zhes bya ba rgya cher 'byung ngo / /de lta bu'i dbang po ni zhes bya ba ni kun shes pa rtogs pa dang / srung ba'i ngang tshul can gyi zhes bya ba'i tha tshig go/ /'dir rang gi ngo bo ston pa'i dbang du byas pa yin pas/lus tshor sim pa ma yin gang / /sdug bsngal dbang po zhes bya ba la sogs pas de dag rang gi ngo bo bstan zhing / 'chad par 'byung ba'i srog gi dbang po la sogs pa rnams rang gi ngo bo bstan zin par bya ste/ rang gi ngo bo bstan nas zhes bya ba 'di mngon par brjod do/ /rnam pa'i bye brag brjod par bya ste zhes bya ba ni zag pa dang bcas pa dang /zag pa med pa la sogs pa ste/ chos mngon pa ni chos rab tu rnam par dbye bar bya ba'i don du yin pa'i phyir ro/ /gsum ni dri med ces bya ba la/ gsum ni dri ma med pa kho na'o zhes bya bar nges par gzung ste/ dgu rnam gnyis zhes 'byung ba'i phyir dang zag pa med pa'i lam gsum gyis bsdus pa'i phyir 'di dag zag pa dang bcas pa ni med do//gzugs can srog dang sdug bsngal dag /zag dang bcas pa kho na'o/ /zhes nges par gzung ste/ dgu rnam gnyis zhes gsungs pa'i phyir dang / lam gyi bden pa'i dang / 'dus ma byas kyis ma bsdus pa'i phyir ro//gzugs kyi phung pos bsdus pa'i phyir ro zhes bya ba ni/ gzugs can zhes brjod par 'jug pa'i rgyu mtshan bstan par bya ba'i phyir smos so/ /dgu rnam gnyis zhes bya ba 'byung ste/ lam dang lam ma yin pas bsdus pa'i phyir ro/ /gal te gcig tu zag pa dang bcas pa dang / zag pa med par nges pa'i phyir dgu rnam gnyis zhes bya ba ma smras kyang /gnyis nyid du rtog par 'gyur ba ma yin nam zhe na/ 'di ni bzhi kho na ma yin gyi/ dgu char yang rnam pa gnyis yin no zhes dad pa la sogs pa gcig tu zag pa med pa nyid yin pa dgag par bya ba'i phyir yin par 'gyur ro/ /kha cig na re dad pa la sogs pa rnams ni zag pa med pa kho na yin gyi/zag pa dang bcas pa ni med do zhes zer ro/ /don de nyid la khungs smras pa ni/ bcom ldan 'das kyis zhes bya ba la sogs pa rgyas par 'byung ba'o/ /rnam pa thams cad du zhes bya ba ni chung ngu dang / 'bring dang / chen po'i rnam par ro/ / thams cad ces bya ba ni lnga char zhes bya ba'i don to/ /'di ltar zag pa dang bcas pa'i chos rnams ni zag pa med pa ltar so so'i skye bo rnams la med pa ma yin la/ dad pa la sogs pa rnams ni so so'i skye bo rnams la yod pa yang ma yin te/ dgag pa mdzad pa'i phyir ro/ /de'i phyir zag pa med pa kho na yin no zhes bya bar shes so zhe na/'di dad pa la sogs pa rnams zag pa med pa'i khungs su mi rung ngo / /ci'i phyir zhe na/ zag pa med pa rnams kyi dbang du mdzad nas gsungs pa'i phyir ro/ /gal te khyad par med par dad pa la sogs pa'i dbang po rnams kyi dbang du mdzad par gyur na ni 'di khungs su 'gyur ba zhig na/'di ni zag pa med pa rnams kho na'i dbang du mdzad pa yin te/ de'i phyir 'di khungs su mi rung ngo / /'di ji ltar shes she na/ de'i phyir/ 'di ltar 'phags pa'i gang zag rnam par gzhag pa mdzad nas zhes bya ba rgyas par smos so/ /'di ltar zhes bya ba'i sgra ni gang gi phyir gyi don to/ / mdo las ni dge slong dag dbang po lnga po 'di dag tsam ste/ lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /dge slong dag dbang po lnga po 'di dag rab yin pa'i phyir dang / rno ba yin pa'i phyir dang / bsten pa yin pa'i phyir dang / yongs su rdzogs pa'i phyir dgra bcom pa gnyis ka'i cha las rnam par grol ba yin no/ /de bas ches rtul ba dang / ches zhan pa dag gis ni dgra bcom pa shes rab kyi rnam par grol ba yin no/ /de bas ches rtul ba dang / ches zhen pa dag gis ni rnam par grol ba dus dang sbyor ba yin no//de bas ches rtul ba dang ches zhan pa dag gis ni mthong bas thob pa/ de bas ches rtul ba dang ches zhan pas ni dad pas mos pa/ de bas ches rtul ba dang ches zhan pas ni chos kyi rjes su 'brang ba yin no/ /de bas ches rtul ba dang ches phra bas ni dad pas rjes su 'brang ba yin no zhes bya ba nas/ gang la dbang po lnga po 'di dag rnam pa thams cad du thams cad med pa de ni phyi rol so so'i skye bo'i phyogs la gnas par nga smra'o zhes bya ba'i bar du gsungs so/ /de'i phyir de ltar na 'phags pa'i gang zag rnam par gzhag par mdzad nas/ gang la dbang po lnga po 'di dag ces gsungs te/ gang dag 'dir dbang du mdzad pa ma yin no zhes bya bar rtogs so//de ltar ma yin na gang la dbang po lnga po 'di dag ces mi gsung bar 'gyur ba zhig go/ /de'i phyir der dad pa la sogs pa'i dbang po thams cad kyi dbang du mdzad pa ma yin no zhes bya bar rtogs so/ /de'i phyir phyi rol so so'i skye bo'i phyogs la gnas pa zag pa dang bcas pa dag dang ldan pa mi 'gal lo//yang na so so'i skye bo rnam pa gnyis te/ nang pa dang / phyi rol pa'o/ /dge ba'i rtsa ba kun du ma chad pa ni nang pa zhes bya ste/ bden pa mngon par rtogs par rung ba'i phyir dang / de'i tshogs sogs par rung ba'i phyir ro/ /dge ba'i rtsa ba kun du chad pa ni phyi rol pa ste/ bzlog pa'i phyir ro//de lta ma yin na ni phyi rol gsungs pa la don mi mnga' bar 'gyur ro/ /dge ba'i rtsa ba kun du chad pa dang / kun du ma chad pa gnyis char 'phags pa'i chos ma thob par mtshungs pa'i sgo nas so so'i skye bo'i phyogs la gnas pas nang pa las khyad par du bya ba'i phyir/ phyi rol zhes gsungs so/ /rnam pa thams cad du zhes bya ba ni zag pa dang bcas pa dang /zag pa med pa'i rnam par ro/ /thams cad ces bya ba ni rnam pa chung ngu'i chung ngu yang med pa'o/ /de lta ma yin na ni gang la dbang po lnga po 'di dag med pa de ni so so'i skye bo'i phyogs la gnas par nga smra'o zhes gsungs par 'gyur ro/ /dad pa la sogs pa zag pa dang bcas pa nyid du rab tu bsgrub pa la khungs gzhan smos pa ni/mdo las kyang sems can 'jig rten du skyes shing zhes bya ba la sogs pa rgyas par 'byung ba'o/ /mdo 'di yang zag pa med pa rnams kyi dbang du mdzad nas gsungs so zhe na/ de'i phyir/ chos kyi 'khor lo ma bskor ba kho na nyi tshe zhes bya ba drangs te/ chos kyi 'khor lo ma bskor bar ni 'jig rten na sems can rnams la dad pa la sogs pa zag pa med pa dag yod pa nyid ma yin te/sangs rgyas 'byung ba dang / chos kyi 'khor lo bskor ba don med par thal bar 'gyur ba'i phyir ro/ /de'i phyir chos kyi 'khor lo bskor ba'i gong rol na sems can rnams kyi dad pa la sogs pa zag pa dang bcas pa kho na zhes bya bar shes so//'dir dbang po rnon po la sogs pa bstan pa ni yid kyi dbang po'i dbang du mdzad nas yin no zhe na/ ma yin te/ dad pa la sogs pa'i dbang po phun sum tshogs pas skal ba dang ldan pa yin pa'i phyir ro/ /'di ltar mdo las ni skal ba dang ldan pa'i dbang du mdzad nas/bcom ldan 'das chos bshad du gsol/ sems can dbang po rnon po dag kyang mchis/ /zhes bya ba nas/ bcom ldan 'das kyi chos kun shes par 'gyur/ /zhes bya ba'i bar du gsungs kyi/ yid kyi dbang po ni ma yin no/ /yid kyi dbang po yin na ni dge ba'i rtsa ba kun du chad pa rnams skal ba mi ldan pa'i phyir ro//yang ngas ji srid du zhes bya ba rgyas par 'byung ste/ 'di ni dad pa la sogs pa dag zag pa dang bcas pa nyid du rab tu bsgrub pa la lung gzhan yin no zhes ston to/ /ci ste yang mdo 'di nyid zag pa med pa'i dbang du mdzad nas gsungs pa yin no snyam na/ de'i phyir/ zag pa med pa rnams la ni zhes bya ba smos so/ /gal te yang lam la skye ba dang 'gag pa yod pas kun 'byung ba dang / mi snang ba gnyis srid mod kyi ro myong ba dang / nyes dmigs ni mi srid pas lam la yongs su brtag pa rnam pa 'di mi rigs so/ /de'i phyir dad pa la sogs pa dag zag pa dang bcas pa dang / zag pa med pa yin no zhes bya bar grub bo//re zhig gcig tu zhes bya ba ni bye brag med ces bya ba'i don to/ /srog ni rnam smin zhes bya ba la/ srog gi dbang po ni rnam par smin pa kho na yin no zhes bya bar nges par gzung ste/ bcu gnyis gnyis zhes 'byung ba'i phyir ro/ /byin gyis brlabs pa'i tshe ji ltar zhes te/ de rnam par smin pa ma yin pa nyid du shes par bya ba'i phyir/'o na dge slong dgra bcom pa'i zhes bya ba la sogs pa 'di smos so/ /srog gi dbang po gang yin pa de dag gang gi rnam par smin pa yin zhe na zhes bya ba ni ci tshe rabs gzhan gyi las yin nam/ 'on te da ltar byung ba'i tshe rabs kyi yin zhes bya ba'o/ /bstan bcos las zhes bya ba ni de skye ba da ltar ba'i las kyi 'bras bu yin no zhes lung gis ston pa'o//dgra bcom pa zhes bya ba ni phyir mi 'ong ba ma yin pa'o/ /rdzu 'phrul dang ldan pa zhes bya ba ni mngon par shes pa thob pa'o/ /sems la dbang thob pa zhes bya ba ni dus dang mi sbyor bar rnam par grol ba'o/ /gang zag la zhes bya ba ni gang du mthong ba'i chos la myong bar 'gyur ba ste/gang dag 'gog byams nyon mongs med/ /ces bya ba la sogs pa'o/ /'tshe ba'i yo byad ces bya ba la 'tsho ba'i ched kyi yo byad ni 'tsho ba'i yo byad de/ de dang rjes su mthun pa'i phyir ro/ /de phul nas de bsams te/ de cher bsams shing sems la gzhag ste 'dun pa bskyed nas so//ji ltar zhe na/ bdag gi longs spyod kyi rnam par smin pa gang yin pa de tshe'i rnam par smin par gyur cig snyam du'o/ /de'i longs spyod kyi rnam par smin pa gang yin pa zhes bya ba la sogs pa la/ smon lam de'i shugs dang rab kyi mtha' pa'i mjug thogs su brjod pa'i rnam par rig byed kyi shugs kyis dge 'dun nam gang zag la 'bul ba'i sems pa'i 'bras bu yin pa'i phyir rnam par smin pa kho na'o//rnam par smin pa'i lhag ma rnam par smin par byed do zhes bya bar 'byung ngo / /dus ma yin par 'chi bas tshe'i rnam par smin pa yongs su ma rdzogs shing /rnam par smin pa'i las gang yin pa de'i rnam par smin pa lhag ma ste/ rab kyi mtha' pa'i bsam gtan bzhi pa'i bsgoms pa'i stobs kyis drangs nas so sor myong bar byed do/ /de'i phyir de ltar na gzhan dag ni rnam pa 'dis kyang srog ni de'i rnam par smin pa kho na yin par 'gyur te/snyoms par 'jug pa'i mthus skye ba gzhan snga ma las myong bar 'gyur bar nges pa'i las kyis 'phangs pa'i tshe dag drangs nas 'dir so sor myong bar byed do zhes zer ro/ /tshe'i 'du byed dag ji ltar gtong zhe na zhes bya ba rgyas par 'byung ngo / /de'i de lta bur 'gyur ro zhes bya ba la/ tshe'i rnam par smin pa longs spyod kyi rnam par smin par 'gyur ro//lus kyi de nyid la zhes bya ba ni 'dod pa na spyod pa la'o/ /tshe dang mthun pa zhes bya ba ni sngon gyi las kyi rnam par smin pa'i srog gnas pa dang mthun pa dag go/ /rnam pa 'dis kyang srog ni rnam par smin pa kho na yin no/ /'gal ba dag ces bya ba ni 'byung ba chen po dag ste/tshe dang zhes bya bar sbyar ro/ /'di lta bu yin te zhes smra ba ni bstan bcos mkhan po'o/ /de dag gi de lta bu ni ting nge 'dzin gyi mthu kho na ste zhes bya ba la/ de dag gi ni rnal 'byor pa dag gi ste/ bsam gtan pa rnams kyi bsam gtan gyi yul gyi bsam gyis mi khyab bo zhes 'byung ba'i phyir ro//des zhes bya ba ni ting nge 'dzin gyi mthu dang sbyar ro/ /tshe rabs gzhan snga ma la byed pa'i las skyes pa ni sngon gyi las skyes pa'o/ /gnas pa ni dbang po'i 'byung ba chen po rnams kyi rgyun no/ /gnas pa'i dus ni dbang po'i 'byung ba chen po rnams gnas pa'i dus so/ /de'i 'phen pa ni dus kyi 'phen pa ste/gnas pa'i dus kyi 'phen pa'i shugs zhes bya ba'i don to/ /'phen pa'i shugs de yang yang srid par mtshams sbyor ba'i skad cig ste/ gang gis rgyun dus de srid du 'jug par 'gyur zhing / sngon gyi las dag gis de lta bu'i rang bzhin gyi nus pa gzhag pa de ni 'phen pa'i shugs zhes bya'o//dbang po'i 'byung ba chen po rnams kyi zhes bya ba la/ dbang po rnams dang 'byung ba chen po rnams kyi gnas pa'i dus kyi 'phen pa sngon gyi las las skyes pa ni ting nge 'dzin gyi mthus zlog par byed la/ dbang po'i 'byung ba chen po rnams kyi gnas pa'i dus kyi 'phen pa sngon med pa ni ting nge 'dzin gyi mthus 'phen par byed de/de lta bas na ting nge 'dzin gyi mthus 'phangs pa'i srog gi dbang po gang yin pa de ni rnam par smin pa ma yin la de las gzhan pa ni rnam par smin pa yin te/ ting nge 'dzin las skyes pa las gzhan pa sngon gyi las las skyes pa gang yin pa'o zhes bya ba'i don to/ /de ni 'di lta bu zhes bya ba 'di yin no zhes bya bar gsal bar brjod par bya'o zhe na/de ni rgyas pa las 'byung ba zhig ste/ dbang po'i 'byung ba chen po rnams kyi gnas pa'i dus kyi 'phen pa ni ting nge 'dzin gyi rgyu can yin pa'i phyir ro/ /btsun pa mtha' yas go cha na re ni khyad par ston pa de dag bzhi ka yang skyon dang bcas pa yin no zhes zer ro//ji ltar zhe na/ dang po ltar na ni tshe'i rnam par smin pa'i las mthong ba'i chos kyi 'bras bu can du 'gyur na/ tshe'i rnam par smin pa'i las ni mthong ba'i chos can la myong bar 'gyur bar yang mi rigs te/ las 'bras bu nye la 'bras bu ring ba ma yin pa yang yod ces bya ba rgyas par 'byung ngo //gnyis pa ltar na las rnams nges pa med par thal bar 'gyur ro/ /gal te rnam par smin pa lhag ma smin par byed par 'gyur na ni las gsum po mthong ba'i chos dang / lan grangs gzhan dang / skyes nas myong bar 'gyur ba rnams nges par med par 'gyur ro/ /ji lta zhe na/ 'dir skyes nas myong bar 'gyur ba'i las kyi rnam par smin pa ni smin par 'gyur la/las de nyid kyi rnam par smin pa lhag ma ni/ lan grangs gzhan la yin no/ /mthong ba'i chos la myong bar 'gyur ba ni mthong ba'i chos la rnam par smin par 'gyur la/ de nyid kyi skye ba gnyis pa dang / de nyid kyi skye ba gsum pa la yin pas/las de nyid mthong ba'i chos la myong bar 'gyur bar yang 'gyur zhing / de nyid skyes nas dang / lan grangs gzhan la myong bar 'gyur na/ 'di ni 'dod pa yang ma yin no/ /gsum pa ltar na ni gzugs na spyod pa'i 'byung ba chen po rnams la 'gal ba nyid mi srid pa'i phyir phan 'dogs par byed par 'gyur ba de dag tshe rgyun gcod par byed par ji ltar 'gyur te/gnod par byed pa ma yin pa'i mtshan nyid can yin pa'i phyir ro/ /bzhi pa ltar na sngon gyi las kyi rnam par smin pa zad pa'i phyir dang / sngon med pa skyes pa'i phyir 'chi 'phos pa dang / skyes par 'gyur te/ de'i phyir tshe rabs gzhan bzhin du so sor thar pa'i sdom pa gtang bar 'gyur te/bslab pa phul dang 'chi 'pho dang / /zhes 'byung ba'i phyir ro/ /de nyid kyis rang gi lugs smras pa ni tshe ma nges pa 'phen pa yin te/ 'di na ma nges tha mar ni/ /lo bcu dang po dpag tu med/ /ces 'byung ba'i phyir dus ma nges zhes bya ba'i tha tshig go/ /thams cad kyang kye ma ma la bdag tshe ring bar gyur cig ces smon lam 'debs kyi/tshe brgya 'am stong zhes ni ma yin no/ /gal te de lta yin na/ 'o na ci'i phyir bcom ldan 'das kyis dge slong dag deng sang ni mi rnams tshe lo brgya pa'o zhes gsungs she na/ de yan chad na bcud kyis len pa la sogs pa dag tu gnas pa'i rgyu 'byung ba chen po'i cha rkyen med pa'i phyir ro zhes bya ba'o//'di la bye brag tu smra ba rnams na re bstan bcos kyi don ma rtogs pas de skad du smras pa yin te/ mthong ba'i chos kyi 'bras bu can du 'gyur na zhes gang smras pa de ni 'dod pa nyid de/ mchod rten rnying pa la sogs pa gsos pa las tshe 'phel bar 'dod pa kho na yin no//mdo las kyang srog ni rnam par smin pa yin gyi/ 'das pa'i las kho na'i ni ma yin no zhes gsungs te/ re zhig srog ni rnam pa thams cad du rnam par smin pa kho na yin no/ /gal te bsam gtan la sogs pa'i stobs kho na las yin la rag mod/ci'i phyir lhung bzed la sogs pa la ltos she na/ lhan cig byed pa'i rkyen la ltos pa'i phyir ro/ /bzhi pa ltar na las kyi rnam par smin pa zad pas 'chi 'pho dang / skye bar 'gyur te/ de'i phyir skye ba gzhan bzhin du so sor thar pa'i sdom pa gtang bar 'gyur te zhes gang smras pa de la yang brjod par bya ste/'dir 'chi 'pho ba dang skye ba yang mi rigs la/ sdom pa gtong ba yang ma yin te/ sngar gyi ris mthun pa rjes su 'jug pa'i phyir dang / snga na med pa'i ris mthun pa ma skyes pa'i phyir ro/ /de'i phyir ji skad smras pa'i nyes par thal bar mi 'gyur ro/ /tshe ma nges pa 'phen la/ cha rkyen ma tshang bas 'chi bar 'gyur ro zhes gang smra na/de ltar 'dod na ni longs spyod zad pa kho na las 'chi bar 'gyur gyi/ tshe zad pa las ni ma yin te/ de lta ma yin dang tshe zad pa yin gyi/ bsod nams zad pa ma yin pa yang yod de zhes bya ba la sogs pa mu bzhi la gnod par 'gyur ro/ /spros pas chog go//bstan bcos la 'jug par bya ste/ dri ba las dri ba gzhan 'byung ste zhes bya ba la/ 'o na dge slong dgra bcom pa'i tshe'i 'du byed 'jog par byed pa'i zhes bya ba'i dri ba de las dri ba gzhan 'di 'byung ngo / /ci'i phyir tshe'i 'du byed dag byin gyis rlob par byed ce na zhes bya ba la/ sangs rgyas bcom ldan 'das ni gzhan la phan pa'i don du'o//gzhan ni bstan pa gnas par bya ba'i don du yang ngo / /gal te bstan pa gnas pa yang gzhan la phan pa'i don kho na ma yin nam zhe na/ 'di la khyad par yod de/ bstan pa gnas par gyur kyang gzhan la/ phan pa 'ga' zhig la gzhan nus pa mthong ngo //de nyid kyi phyir/ de la gzhan nus pa mthong ba yin no zhes bya bar smos so/ /gzhan la phan pa chung ba dang / /zhes bya ba ni chos gos dang / bsod snyoms la sogs pa bslang ba nye bar longs spyod pas byas pa'o/ /nad la sogs pa lta bu zhes bya ba ni nad dang / 'bras dang / zung rngu la sogs pa lta bu ste/sdug bsngal nyid gsum dang ldan pa'i phyir ro/ /tshangs spyod 'di la zhes bya ba rgyas par 'byung ba la/ lus nad la sogs pa'i snod du gyur pa'i phyir na phung po lhag ma med pa'i mya ngan las 'das par 'jug pa'i tshe de dang bral na dga' bar 'gyur gyi/ zhugs pa na ni ma yin te/ de'i tshe sems dang sems las byung ba 'gag pa'i phyir ro//'o na gang du 'am gang zhig gi zhes bya ba la/ gang du zhes bya ba 'di'i lan ni mi'i nang kho na dag tu ste/ gling gsum po dag tu'o zhes bya ba ste/ bstan pa med pa'i phyir byang gi sgra mi snyan du ni ma yin no/ /gang zhig gi zhes bya ba'i lan ni/ dgra bcom pa pho mo zhes bya ba ste/za ma la sogs pa rnams la mngon par rtogs pa med pa'i phyir ro/ /gnyis ka smos pa ni dgra bcom pa dus mi sbyor bar rnam par grol ba'i yin gyi/ phyir mi 'ong ba dang / rnam par grol ba dus dang sbyor ba ni ma yin no zhes bstan par bya ba'i phyir ro/ /de ni rab kyi mtha' pa'i bsam gtan thob pas ting nge 'dzin la dbang zhing /nyon mongs pa med pas nyon mongs pa dag gis kyang rgyud ma brtan pa yin te/ khams gsum gyi 'dod chags dang bral ba'i phyir ro/ /phyir mi 'ong ba la ni ting nge 'dzin la dbang ba snyed yod mod kyi/ nyon mongs pa dag gis rgyud nye bar ma brtan pa ni ma yin te/nyon mongs pa dang bcas pa'i phyir ro/ /rnam par grol ba dus dang sbyor ba ni nyon mongs pa dag gis rgyud nye bar ma brtan pa yin mod kyi/ ting nge 'dzin la dbang ba nyid ni ma yin te/ gcig ni nyon mongs pas bcings la/ gnyis pa la ni ting nge 'dzin gyi khyad par med do/ /srog gtong ba dang /byin gyis rlob pa'i zhar la 'di dpyad par bya ste/ mdo las bcom ldan 'das kyis srog gi 'du byed dag byin gyis brlabs nas zhes bya ba rgyas par 'byung ngo / /ming tha dad pas don tha dad par dogs pa byas nas 'dri ba ni/ de dag la khyad par ci yod ces bya ba'o/ /kha cig na re cung zad kyang med de zhes bya ba la/ji ltar zhe na/ 'di ltar zhes bya ba rgyas par 'byung ngo / /gang nas gsungs she na/ chos mngon pa las so/ /ji ltar gsungs she na/ srog gi dbang po gang zhe na/ khams gsum pa'i tshe yin no zhes bya bar ro/ /srog gi 'du byed dag byin gyis brlabs nas zhes 'byung ba'i phyir ro/ /srog gi 'du byed dag ni da ltar byung ba'i las kyi 'bras bu yin par rtogs so//tshe'i 'du byed kyang gtong ngo zhes bya ba ni sngar bslangs pa gtong ba yin no/ /gang dag gis ris mthun par zhes bya ba la sogs pa la/ las gang dag gis ris mthun pa ma 'ongs pa gnas par 'gyur ba de dag ni tshe'i 'du byed dag yin la/sngon gyi las gang dag gis da lta dus gzhan gyi bar du 'tsho ba de dag ni srog gi 'du byed dag yin no/ /srog gi 'du byed dag ces mang po'i tshig gang yin pa'i mang po'i tshig ci'i phyir yin zhes zer ba la/ mang po'i tshig ni zhes bya ba rgyas par smos so/ /tshe dang srog gi 'du byed kyi zhes bya ba rgyas par 'byung ba la/srog gi 'du byed kun la gnas pa mang po rnams la gtong zhing byin gyis rlob pa'i phyir ro/ /skad cig ma gcig gtong ba'am byin gyis rlob pa la ni dgos pa yod pa ma yin te/ des gzhan la phan pa dang / bstan pa gnas pa'i mtshan nyid can gyi don thob par mi byed pa'i phyir dang /tshe skad cig ma gcig lus pa las gtong ba dang byin gyis rlob pa'i sems kun du spyod pa mi rigs pa'i phyir ro/ /dus gzhan gyi bar du 'dug pa'i zhes bya ba la/ 'dis ni tshe skad cig ma nyid du ston par byed do/ /gnas pa'i ngang tshul can ni 'dug pa ste/ ji ltar bye brag pa rnams kyi lta ba bdag dang yid sbyor ba brtan pa'i srog yin pa de dag ni 'di na med do//'du byed mang po rnams la zhes bya ba rgyas par 'byung ba la/ mdo sde pa na re ni 'dis ci rigs par gzugs la sogs pa lnga dang / tshor ba la sogs pa phung po bzhi la ldan pa ma yin pa'i 'du byed kyi mtshan nyid can srog gi dbang po 'gog par mdzad do zhes zer ro//de nyid [(]gyi [,]kyi [)]phyir rdzas gcig pu ni med do zhes bya ba smos so/ /de lta ma yin na zhes bya ba ni gal te tshe'i dbang po rdzas su yod par gyur na ni zhes bya ba'i don to/ /'o na ci zhe na/ srog dag byin gyis brlabs nas tshe dag gtong ngo zhes gsungs par 'gyur ro/ /'chi ba la mnga' ba nyid du bstan pa'i phyir ni zhes bya ba ni 'chi ba la mnga' ba nyid 'di la yod pas so//zla ba gsum kho na byin gyis brlabs kyi ma tshang ba dang lhag pa ni ma yin no/ /de nyid kyi phyir/ 'dul ba'i don med pa'i phyir zhes bya ba smos so/ /dus de tsam gyis rab bzang gi rgyud yongs su smin pa'i phyir zla ba gsum gong ma 'og tu byin gyis brlabs pa la dgos pa mi mnga'o//gang yang rdzu 'phrul gyi rkang pa zhes bya ba rgyas par 'byung ba la/ 'dun pa dang / sems dang / brtson 'grus dang / dpyod pa'i rdzu 'phrul gyi rkang pa ste/ rdzu 'phrul yang yin la/ rkang pa yang yin pas rdzu 'phrul gyi rkang pa'o/ /rkang pa'i don ni rten gyi don te/rdzu 'phrul ni yon tan thams cad [(]gyi [,]kyi [)]rten yin pa'i phyir ro/ /'dod na bskal pa'am bskal pa las lhag par zhes bya ba la/ bskal pa ni gcig tshang ba'o/ /bskal pa las lhag pa ni bskal pa las lhag pa ste/ bskal pa las bla lhag ces bya ba'i don to/ /de yang bsgrub pa'i phyir zhes bya ba la ni zhal gyis bzhes pa bsgrub par bya ba'i phyir ro//de lta ma yin na/ tshig tsam du 'gyur bas so/ /phung po dang / 'chi bdag gi bdud dag ces bya ba la phung po'i bdud las rgyal bar bya ba'i phyir btang la/ btang na 'grongs par 'gyur bas de nas 'chi bdag gi bdud las rgyal bar bya ba'i phyir byin gyis brlabs so//byang chub kyi shing drung du ni zhes bya ba rgyas par 'byung ste/ de la srod la ni lha'i bu'i bdud btul lo/ /thun gnyis pa la lha'i spyan gyis 'jig rten la gzigs nas/ thun gsum pa la nyon mongs pa'i bdud btu la lo/ /yangs pa can du zla ba gsum sku tshe'i 'du byed kyang byin gyis brlabs nas so//ji skad du/ khyod kyis byang chub brnyes nas ni/ /'dod pa'i khams kyi dbang phyug btul/ /byang chub bar chad med lam du/ /khams gsum dbang phyug phan par mdzad/ /ces gsungs pa lta bu'o/ /nyon mongs pa dang / lha'i bu'i bdud dag bdud nyid yin pa de ni phung po dang /'chi bdag gi bdud las 'da' bar bya ba la/ bar du gcod par byed pa yin pa'i phyir ro/ /de ltar na bcom ldan 'das ni bdud bzhi las rnam par rgyal ba yin no zhes bya bar 'thad pa yin no/ /zhar la 'ongs pa ste dri ba gzhan byung ba gang yin pa rdzogs so/ /bcu gnyis gnyis zhes bya ba la bcu gnyis ni rnam pa gnyis kho na'o zhes bya ba dang /bcu gnyis kho na rnam pa gnyis so zhes bya bar nges par gzung ngo / /gnyis zhes bya ba ni rnam par smin pa yang yin la/ rnam par smin pa ma yin pa yang yin pa'o/ /dbang po nyi shu rtsa gcig po rnams la khyad par med pa'i phyir de dag mi shes pas 'dri ba ni/bcu gnyis gang zhe na zhes bya ba'o/ /de'i phyir/ tha ma brgyad dang yid mi bde/ /ma gtogs pa ste zhes bya ba smos so/ /tha ma brgyad ni gcig tu dge ba yin la/ rnam par smin pa ni lung du ma bstan pa yin no/ /yid mi bde ba yang dge ba'ang mi dge ba'i yin gyi/ lung du ma bstan pa ni med de/ de'i phyir/ tha ma brgyad dang yid mi bde ba ma gtogs so/ /srog gi dbang po las gzhan pa rnams zhes bya ba ni bde blag tu khong du chud par bya ba'i phyir smos so/ /srog gi dbang po las gzhan pa rnams zhes bya ba ni yid mi bde ba las gzhan pa tshor ba bzhi dang / yid dang /mig la sogs pa bdun no/ /de la mig la sogs pa zhes bya ba rgyas par 'byung ba la/ mig la sogs pa rnams la rnam par smin pa las skyes pa dang / rgyas pa las byung ba ma gtogs pa'i bye brag gzhan med pa de'i phyir lhag ma rnams ni rnam par smin pa yin no zhes bya ba smos so/ /dge ba dang /nyon mongs pa can rnams dang zhes bya ba ni rnam par smin pa lung du ma bstan pa yin pa'i phyir ro/ /spyod lam pa dang / bzo'i gnas pa dang / sprul pa pa rnams ni zhes bya ba ni lung du ma bstan pa yin yang / 'bad pas bsgrub par bya ba yin pa'i phyir rnam par smin pa ma yin no/ /ci rigs par zhes bya ba la/'di dag ni spyod lam la sogs pa mngon par 'du bya bar zhugs pa'i phyir rtog pa dang bcas pa yin pas yid kyi rnam par shes pa kho na yin no/ /de la 'dod pa'i khams na ni gsum char yang yod do/ /gzugs kyi khams na ni bzo'i gnas pa ma gtogs pa dag go/ /gzugs med pa'i khams na ni spyod lam la sogs pa med pa'i phyir gsum ka yang med do//de la 'dod pa na spyod pa'i spyod lam pa dang / bzo'i gnas pa la ni yid dang / yid bde ba dang / btang snyoms kyi dbang po dag go/ /bde ba dang sdug bsngal gnyis ka ni med de/ de dag ni 'dod pa'i khams rnam par shes pa'i tshogs lnga pa yin pa'i phyir rnam par rtog pa med pa nyid yin no//'di gnyis ni rtog pa dang bcas pa yang yin no/ /yid mi bde ba yang ma yin te/ dge ba dang mi dge ba yin pa'i phyir ro/ /gzugs na spyod pa'i spyod lam pa la ni yid dang / bde ba dang / yid bde ba dang / btang snyoms kyi dbang po rnams so//de la ni bsam gtan gsum pa'i yid kyi sa pa'i bde ba yod pa yin no/ /sprul pa ni sa lnga char la yang yid dang / btang snyoms kyi dbang po gnyis so/ /bde ba dang / yid bde ba'i dbang po gnyis ni med de/ sbyor ba'i khyad par gyi bsgrub par bya ba yin pa'i phyir ro/ / lhag ma rnams ni rnam par smin pa ma yin pa zhes bya ba la/ dad pa la sogs pa brgyad dang / yid mi bde ba'o/ /yang ji ltar de rnams rnam par smin pa ma yin par grub ce na/ gcig tu rnam par smin pa nyid dang / rnam par smin pa dang / rnam par smin pa ma yin pa yang yin pa bstan pa las so/ / de ltar na srog gi dbang po ni rnam par smin pa kho na'o/ /dgu ni rnam par smin pa ma yin pa kho na'o/ /bcu gnyis ni rnam pa gnyis so/ /mdo 'di ltar drang zhe na zhes bya ba la/ gal te yid bde ba dang / btang snyoms myong bar 'gyur ba'i las ltar yid mi bde ba myong bar 'gyur ba yid mi bde ba'i rnam par smin pa can du mi 'dod pa de'i phyir mdo dang 'gal lo zhes ston to//bde ba myong bar 'gyur ba'i reg pa ltar mtshungs par ldan pa'i myong bar 'gyur ba'i dbang du mdzad nas gsungs pa yin gyi/ rnam par smin pa myong bar 'gyur ba'i dbang du mdzad nas ni ma yin pas mdo dang 'gal ba med do/ /las 'di la yid mi bde ba myong bar 'gyur ba'am/yid bde ba dang mtshungs par myong bar 'gyur ba ste/ mtshungs par ldan pa zhes bya ba'i tha tshig go/ /myong 'gyur rnam pa lnga zhes bya/ /zhes phyi nas 'chad par 'gyur ro/ /'o na ni yid bde ba dang / btang snyoms myong bar 'gyur ro/ /las kyang zhes bya ba la sogs pa la/yid mi bde ba myong bar 'gyur ba'i las bzhin du yid bde ba dang / btang snyoms myong bar 'gyur ba'i las kyang / yid bde ba dang / btang snyoms dag dang mtshungs par ldan pa'i las ni yid bde ba dang btang snyoms myong bar 'gyur ba'i las so zhes mtshungs par ldan pa'i myong bar 'gyur ba kho na'i dbang du mdzad nas ston par thal bar 'gyur ro//de ltar na yid bde ba dang / btang snyoms gnyis kyang yid mi bde ba dang 'dra bar rnam par smin pa ma yin par 'gyur te/ dge ba dang mi dge ba'i las dag dang mtshungs par ldan pa'i phyir ro/ /ji ltar dga' ba de lta yin la rag ste zhes bya ba ni gnyis ka ltar yang 'gal ba med pa'i phyir ro//yid bde ba dang / btang snyoms myong bar 'gyur ba'i las zhes bya ba ni yid bde ba dang / btang snyoms kyi rnam par smin pa can dang / yid bde ba dang / btang snyoms dang mtshungs par ldan pa zhes bya ba gnyis ka ltar yang 'gal ba med do//de'i phyir ji ltar dga' ba de ltar yin la rag go/ /go skabs med pas de ni de ltar shes so zhes bya ba la/ go skabs med pa ni mi srid pa'o/ /gal te yid mi bde ba ltar yid bde ba dang / btang snyoms dag la rnam par smin pa'i go skabs med par gyur na ni de'i phyir yid bde ba dang / btang snyoms dag kyang yid mi bde ba dang 'dra bar mtshungs par ldan pa'i myong ba'i dbang du mdzad nas bstan gyi/ rnam par smin par myong bar 'gyur ba'i dbang du mdzad nas ma yin pa de ltar shes par 'gyur ro/ /yang na 'di ni don gzhan yin te/ go skabs med pas na yid mi bde ba myong bar 'gyur ba'i las de ni mtshungs par ldan pa'i myong bar 'gyur ba'i dbang du mdzad nas gsungs so zhes bya ba de ltar shes te/gang las yid mi bde bar myong bar 'gyur ba'i las kyang yid bde ba dang / btang snyoms myong bar 'gyur ba'i las dang 'dra bar rnam par smin pa myong bar 'gyur ba'i dbang du mdzad nas gsungs so zhes bya bar shes par 'gyur ba/yid mi bde ba la ni yid bde ba dang / btang snyoms ltar rnam par smin pa srid pa yod pa ma yin no/ /tshig tsam gyis dad par mi 'gyur bar de'i phyir rnam par smin pa'i go skabs zlog par byed pa'i rgyu dris pa ni/ 'di la rigs pa ci zhig yod/ /ces bya ba la sogs pa'o//rgyu smras pa ni/ yid mi bde ba de ni zhes rgyas par 'byung ba'o/ /yid mi bde ba ni yid du mi 'ongs pas bsam pa la sogs pa kun du rtog pa'i khyad par dag gis skyed par byed cing zhi bar byed pa yin gyi/ rnam par smin pa ni de lta ma yin no/ /mig la sogs pa rnam par smin pa ni rnam par rtog pa la mi ltos pa las kyi 'phen pa'i dbang gis 'jug pa dang /ldog pa nyid yin no/ /de ltar na/ yid bde ba yang de dang 'dra/ /zhes bya ba 'dis ni 'khrul par ston te/ yid bde ba yang yid du 'ong ba bsam pa la sogs pa'i rnam par rtog pa dag gis skyed par byed cing zhi bar byed pa yin mod kyi/'on kyang rnam par smin par 'dod pas 'di ni rigs pa ma yin no/ /yid mi bde ba rnam par smin pa ma yin pa nyid du bsgrubs pa la rigs pa nus pa dang ldan pa gzhan smra ba ni/ 'o na gal te yid mi bde ba zhes bya ba rgyas par 'byung ba'o/ /de'i phyir zhes bya ba ste/ mtshams med pa'i rgyu can gyis yid mi bde ba skye bas las de rnam par smin par 'gyur ro//de ltar na mthong ba'i chos la myong bar 'gyur ba yin gyi/ skyes nas myong bar 'gyur ba yang ma yin no/ /yid bde ba yang de dang 'dra ste zhes bya ba la/ skyes nas myong bar 'gyur ba'i las dge ba mthong ba'i chos la myong bar 'gyur ba nyid yin na mi rung bas/yid mi bde ba bzhin du yid bde ba yang rnam par smin par khas blang bar mi bya'o zhes de ltar 'khrul par smras pa dang / yang yid mi bde ba rnam par smin pa ma yin pa nyid la rgyu gzhan smras pa ni/ 'o na 'dod chags dang bral ba rnams la zhes bya ba rgyas par 'byung ba'o/ /'dod chags dang bral ba rnams la ni sdug bsngal gyi dbang po ltar yid mi bde ba rjes su 'jug pa yin te/ston pa mya ngan las 'das kyang bdag la mya ngan la sogs pa mi 'byung ngo zhes mdo las bkag pa'i phyir ro/ /rnam par smin pa ni de lta ma yin no zhes bya ba la/ mig la sogs pa rnam par smin pa ni 'dod chags dang bral ba rnams la ldog pa ma yin no//dgos pa med pa'i phyir na dge ba mngon du byed pa yang ma yin te/ de ni yid bde ba dang 'dra bar phan 'dogs par byed pa ma yin no/ /de dag gi yid bde ba zhes bya ba rgyas par 'byung ste/ 'dod chags dang bral ba rnams la yid bde ba dge ba snyoms par 'jug pas bsdus pa dang /sangs rgyas kyi yon tan bsam pa'i rgyu can yod mod kyi/ dge ba rnam par smin pa ni ma yin no/ /de'i phyir de dag gi yid bde ba lung du ma bstan pa rnam par smin pa ji lta bu yin pa brjod par bya dgos te/ de kun du 'byung ba ni yongs su gcad du med do/ /ci 'dra yang rung ste zhes bya ba rgyas par 'byung ba la/yid bde ba ni kun du 'byung ba srid pas rnam par smin pa'i go skabs yod de/ de ni gang gi tshe res 'ga' phyi rol gyi rgyu mtshan med pa ni kun du rtog pa med par skye ste/ lung du ma bstan pa rnam par smin pa ni de lta bu yin no/ /yid mi bde ba ni rnam pa thams cad du yang kun du mi 'byung bas zhes bya ba 'byung ba la/dge ba dang lung du ma bstan pa yin na/ dge ba go ga las yin/ lung las kyang ste/ gang la brten nas yid bde ba rnam par smin pa so sor yang dag par myong bar byed ces gsungs kyi/ de ltar nag po'i phyogs la ni gang la brten nas yid mi bde ba rnam par smin pa so sor yang dag par myong bar byed ces ma yin no//de'i phyir lung dang rigs pa las/ yid mi bde ba rnam par smin pa ma yin no zhes bya bar grub bo/ /de la brgyad pa srog gi dbang po dang ldan pa rnams ni zhes bya ba rgyas par 'byung ba la/ mig la sogs pa pho'i dbang po'i mthar thug pa rnams ni brgyad pa srog gi dbang po dang ldan pa'o//bde 'gro ni lha dang mi'o/ /ngan 'gro ni ngan song gsum mo/ /yid kyi dbang po ni gnyis kar zhes bya ba la/ gnyis ka zhes bya ba ni bde 'gro dang ngan 'gro dag tu'o/ /gnyis ka'i zhes bya ba ni dge ba dang / mi dge ba'i ste/ gang gi tshe yid kyi dbang po rnam par smin pa las skyes pa sdug bsngal dang mtshungs par ldan par gyur pa de'i tshe ni/ bde 'gro 'am ngan 'gro na nyes par spyad pa'i rnam par smin pa'o/ /gang gi tshe rnam par smin pa las skyes pa bde ba dang / yid bde ba dang / btang snyoms dang mtshungs par ldan par gyur pa de'i tshe ni dge ba'i yin no//bde ba dang / yid bde ba dang / btang snyoms kyi dbang po rnams ni dge ba'i rnam par smin pa yin no zhes bya bar ni dmyal ba dag ma gtogs pa'i bde 'gro'am ngan 'gro na'o/ /sdug bsngal gyi dbang po ni mi dge ba'i zhes bya ba ni bde 'gro dang / ngan 'gro dag tu'o//brgyad pa srog gi dbang po dang ldan pa rnams ni bde 'gro ni dge ba'i rnam par smin pa yin la zhes bshad nas/ mtshan gnyis pa'i dbang po gnyis bde 'gro na dge ba'i rnam par smin pa ji ltar yin zhe na/ de'i phyir/ bde 'gro na zhes bya ba rgyas par smos so/ /bde 'gro na ste mi dag gi nang nas mi dge ba'i las kyis dbang po gnyis po de rjes su mi 'tsham pa'i gnas su rnyed pa yin te/de ni sems dang ldan pa ma yin pa'i 'du byed do/ /dbang po ni lus kyi dbang po'i phyogs yin pa'i phyir dge ba kho na'i yin te/ lus kyi dbang po bzhin du bde 'gro na gcig tu dge ba'i kho na'i rnam par smin pa yin no//de nyid kyi phyir/ dbang po ni ma yin te/ dge bas 'phangs pa yin pa'i phyir ro zhes bya ba smos so/ /dbang po du ni rnam par smin pa dang bcas zhes bya ba la sogs pa la/ rnam par smin pa dang lhan cig pa ni rnam par smin pa dang bcas pa dag ste/ gang dag la rnam par smin pa'i 'bras bu yod pa zhes bya ba'i don to//gang 'di dag mi bde ba rnam par smin pa ma yin no zhes bshad ma thag pa de gcig ni/ rnam par smin bcas de gcig pu ni rnam par smin pa dang bcas pa kho na yin te/ lung du ma bstan pa dang / zag pa med pa rnams kho na rnam par smin pa'i rgyu ma yin pa'i phyir dang / de ni gnyis ka las log pa'i phyir ro/ /ni zhes bya ba'i sgra ni kho na zhes bya ba'i don dang zhes bya ba ni nges par gzung ba'i don dang zhes bya ba'i tha tshig go/ /rim pa gzhan du sbyar ba zhes bya ba ni/ de gcig pu/ rnam par smin bcas ni/ zhes mthar rig par bya ste zhes bya ba'i don to/ /rim pa gzhan du sbyar na ni ji skad bshad pa'i nges par gzung bar rig ste/de lta ma yin na de kho na rnam par smin pa dang bcas so zhes bya bar nges par gzung bar shes par 'gyur ro/ /de lta na gzhan dag rnam par smin pa med par thal bar 'gyur bas/ bcu rnam gnyis zhes brjod par mi bya'o/ /yid mi bde ba rnam par smin pa dang bcas pa kho na yin no zhes bya ba gang yin pa 'di la rgyu ci yod ce na/de'i phyir/ de ni lung du ma bstan pa yang med la zhes bya ba rgyas par 'byung ste/ sa bon rul ba bzhin du lung du ma bstan pa ni rnam par smin pa med pa yin la/ zag pa med pa yang sa bon grung po rlan gyis ma brlan pa ltar sred pas ma brlan pa'i phyir rnam par smin pa med pa yin na/yid mi bde ba ni dge ba zag pa dang bcas pa yin pa'i phyir dang / mi dge ba yin pa'i phyir rnam par smin pa dang bcas pa yin no/ /mnyam par gzhag pa ma yin pa'i phyir zhes bya ba ni zag pa med pa'i med pa la rgyu smras pa ste/ mnyam par ma bzhag pa'i zag pa med pa 'dus byas ni yod pa ma yin no//bcu rnam gnyis zhes bya ba la/ bcu kho na rnam pa gnyis yin no zhes bya bar nges par gzung bas gzhan rnam pa gcig go zhes bya bar grub par 'gyur ro/ /yid dang tshor gzhan dad la sogs/ /zhes bya ba ni yid dang / tshor ba gzhan dang / dad pa la sogs pa rnams so/ /tshor ba ni rig pa'o//gzhan smos pa ni yid mi bde ba ma gtogs pa'i tshor ba gzung ste/ yid mi bde ba bshad zin pa'i phyir ro/ /dad pa la sogs pa ni ste/ gzung ngo zhes skabs dang sbyar ro/ /gzhan ni rnam par smin pa med pa yin no zhes bya bar grub bo/ /gzhan gang zhe na/ dbang po bcu gcig go//de la mig la sogs pa bdun dang / brgyad pa srog dang ldan pa rnams ni lung ma bstan pa'i phyir rnam par smin pa med pa ma yin no/ /kun shes par byed pa'i dbang po la sogs pa gsum ni zag pa med pa'i phyir rnam par smin pa med pa'o/ /dge ba brgyad ces bya ba ma chags pa la sogs pa dang mtshungs par ldan pa'i phyir dge ba kho na'o zhes bya bar gzung ste/de dag las gzhan pa rnams kyang dge ba yin pa'i phyir ro/ /yid mi bde ba rnam gnyis zhes bya ba la/ yid mi bde ba'i ni rnam par smin pa dang bcas pa'i phyir rnam pa gnyis kho na ste/ sngar lung du ma bstan par med par bshad pa'i phyir ro//yid dang tshor gzhan ni/ rnam gsum zhes bya ba la/ gzhan smos pas ni yid mi bde ba las gzhan pa'i tshor ba gzung ngo / /dbang po lnga po 'di dag dge ba'i rtsa ba dang mtshungs par ldan pa ni dge ba'o/ /mi dge ba dang mtshungs par ldan pa ni mi dge ba'o/ /de dag las gzhan pa rnam par smin pa las skyes pa dang /spyod lam dang / bzo'i gnas pa dang / sprul pa pa dag ni lung du ma bstan pa rnams so/ /gzhan ni rnam pa gcig ces bya bar nges par gzung ngo / /nges par ma bzung na ni cir 'gyur zhe na/ ci rnam pa gcig yin nam rnam pa gnyis yin snyam du the tshom za bar 'gyur ro/ /de lta na yang the tshom za bar kho na'o//cir zhe na/ dge ba'am/ mi dge ba'am lung du ma bstan par ro/ /lung ma bstan brgyad de dag nyid/ /gzugs sgra ma gtogs zhes bya ba dang / srog ni rnam smin zhes bya ba dang / rnam smin lung du ma bstan zhes bya ba 'byung ba'i phyir the tshom za bar mi 'gyur ro/ /dri med ma gtogs 'dod par gtogs//zhes bya ba la/ dbang po thams cad 'dod par gtogs so zhes bya ba 'di ni spyir btang ba yin la/ dri med ma gtogs zhes bya ba ni 'di'i dmigs kyis bsal ba'o/ /de ltar na dri ma med pa kho na ma gtogs pa'i lhag ma ni 'dod par gtogs pa'o zhes bya bar grub pa yin no/ /dri ma med pa'i dbang po ma gtogs pa'i rgyu smras pa ni/de ni ldan pa ma yin pa kho na yin no zhes bya ba'o/ /pho mo'i dbang dang sdug bsngal dag /ma gtogs gzugs gtogs dang zhes bya ba ni/ dri med dang zhes rjes su drang ba'i don te/ ma gtogs zhes bya bar sbyar ro/ /sdug bsngal dag ces bya ba ni sdug bsngal dang / yid mi bde ba dag ste/ gnyis ka yang rjes su mi mthun pa'i phyir sgra gcig gis brjod do/ /gzugs kyi khams na ni mo dang pho dang / sdug bsngal dang / yid mi bde ba'i dbang po dag dang / sngar smos pa'i zag pa med pa gsum ma gtogs pa dbang po lhag ma'o/ /mi mdzes par byed pa'i phyir zhes bya ba ni mdoms kyi sba ba sbubs su nub pa rnams kyis ci'i phyir mi mdzes te/gtan tshigs snga ma kho na legs so/ /'dir pho'i dbang po'i rgyu mtshan can du mthong nas dri ba ni pho'i dbang po'i med na da ni ji ltar na de dag pho zhes bya ba'o/ /tshul bzhin ma yin pas dris pa'i phyir 'dri ba 'di ni/ gang las 'byung zhes bya ba ste/ de ni pho'i ngo bo pho'i dbang po las gzhan pa 'dod pa'i khams na yod pa gang yin pa de ni yod do/ /de ni nga ro dang / g.yo ba dang / dbyibs kyis bsdus pa yin te/ de yang 'dod pa'i khams na pho'i khams na pho'i dbang po dang lhan cig tu rgyu bar mthong gi /mo'i dbang po dang lhan cig rgyu bar ni ma yin no//sdug bsngal gyi dbang po med do zhes bya ba rgyas par 'byung ba la/ lus dang ba'i phyir brdegs pa las skyes pa'i sdug bsngal gyi dbang po med la/ mi dge ba med pa'i phyir rnam par smin pa las skyes pa'i yang med do/ /yid mi bde ba'i dbang po med do zhes bya ba la sogs pa la/de yang rgyus bskyed pa dang / rkyen gyis bskyed pa zhig tu 'gyur grang / de la rgyus bskyed pa med de/ rgyud zhi gnas kyis brlan pa'i phyir ro/ /zhi gnas te ting nge 'dzin gyis khong khro dang bral ba'i phyir de dag gi rgyud la rtsub pa nyid med de/ de'i phyir de'i rgyu can yid mi bde ba'i dbang po yang med do//rgyud la yod pa'i rtsub pa ni khong khro ba'o/ /de'i phyir 'dis ni de na rtsub pas bskyed pa'i yid mi bde ba med do zhes bya bar shes par byas par 'gyur ro/ /kun nas mnar sems kyi gzhi med pa'i phyir zhes bya bas ni de la mnar sems kyis bskyed pa med do zhes bya ba 'di shes par byed do//mnar sems ni rab tu 'khrug pa'o/ /de'i gzhi ni yul lo/ /de'i phyir 'dis ni yul gyis bskyed pa'i yid mi bde ba med do zhes bya bar shes te/ de na mnar sems kyi gzhi dgu med pa'i phyir ro/ /de dag kyang nga la don ma yin pa byas pa dang / byed pa dang / byed par 'gyur ro zhes bya ba ni mnar sems kyi gzhi gsum mo//nga'i bshes la don ma yin pa byas pa dang / byed pa dang / byed par 'gyur ro zhes bya ba 'di ni gzhan gsum mo/ /nga'i dgra la don byas pa dang / byed pa dang / byed par 'gyur ro zhes bya ba 'di ni gzhan gsum mo/ / gzugs med gtogs zhes bya ba rgyas par 'byung ba la/ dang gi sgras ni pho dang mo'i dbang po dag dang / sdug bsngal dag dang / dri ma med pa zhes bya ba dang sbrel te/ skabs su bab pa'i phyir na ma gtogs pa zhes bya bar sbyar ro/ /bde ba zhes bya ba ni bde ba dang / yid bde ba dag ste/ phan 'dogs par byed pa nyid du mtshungs pas gnyis ka yang sgra gcig gis brjod do//gzugs can smos pas ni mig la sogs pa dbang po lnga po rnams bsdus so/ /gal te gzugs can smos pas pho dang mo'i dbang po gnyis kyang gzung ba ma yin zhe na/ gal te gzugs can smos pas nyid kyis mig la sogs pa lngar pho dang mo'i dbang po gnyis kyang bkag na ni de lta yin dang /sdug bsngal la sogs pa rnams bsal bar bya ba'i phyir slar yang 'bad pas gzhan dag gir bya dgos so/ /de'i phyir 'dir dbang po gzugs can dngos su dgag pa nyid du brjod par 'dod do/ /lhag ma rnams ni skabs dang mthun par sbyar ba kho nas bkag pa nyid do//yid dang tshor ba rnam gsum zhes bya ba la/ bde ba dang / yid bde ba dang / btang snyoms ni yid kyi rnam par shes pa'i tshogs pa yin pa'i phyir dang / zag pa dang bcas pa dang / zag pa med pa yin pa'i phyir gsum nyid do/ /bde ba ni bsam gtan gsum pa'i sa pa'i sems kyi yin la/'dod pa'i khams dang / bsam gtan dang po na ni lus kyi kho na yin no/ /de la lus kyi bde ba dang / bsam gtan gyi dbang po dag dang / rnam par shes pa lnga'i bdag nyid kyi yid ni bsgom pas spang bar bya ba kho na'o/ /sems kyi bde ba dang / btang snyoms dang /yid bde ba dang / yid kyi rnam par shes pa'i bdag nyid can gyi yid mthong bas spang bar bya ba'i nyon mongs pa dang mtshungs par ldan pa de dag ni mthong bas spang bar bya ba yin no/ /lhag ma nyon mongs pa can dang / lung du ma bstan pa dag dang / dge ba zag pa dang bcas pa rnams ni bsgom pas spang bar bya ba yin no//zag pa med pa rnams ni spang bar bya ba ma yin pa yin no/ /gnyis kyis spang bya'i yid mi bde/ /zhes bya ba/ yid mi bde ba dang ldan pas na yid mi bde ba'o/ /de'i dngos po ni yid mi bde ba nyid de/ yid mi bde zhes bya ba'i don to/ /mnyam par gzhag pa med pa'i phyir zag pa med pa med do//mthong bas spang bar bya ba'i nyon mongs pa dang / mtshungs par ldan pa ni mthong bas spang bar bya ba'o/ /lhag ma dge ba dang nyon mongs pa can ni bsgom pas spang bar bya ba'o/ /mig la sogs pa bdun dang / srog dang / sdug bsngal gyi dbang po ni ci rigs par gzugs can yin pa'i phyir dang /nyon mongs pa can ma yin pa'i phyir dang / drug pa las skyes pa ma yin pa'i phyir bsgom pas spang bar bya ba kho na yin gyi/ mthong bas spang bar bya ba ni ma yin te/ ji skad du/ nyon mongs can min mthong spang min/ /gzugs min drug pa min skyes min/ /zhes bshad pa bzhin no//gcig tu zag pa dang bcas pa'i phyir spang bar bya ba ma yin pa ni ma yin no/ /lnga po ni spang bar bya min yang / zhes bya ba la/ yang gi sgra yod pa'i phyir dang / skabs su bab pa'i phyir dang / bsgom pas spang bar bya ba dag kyang ma yin no zhes bya bar shes so/ /zag pa med pa'i phyir spang bar bya ba ma yin pa dag yin la/dge ba zag pa dang bcas pa'i phyir bsgom pas spang bar bya ba yin no/ /gsum min zhes bya ba la/ kun shes par byed pa'i dbang po la sogs pa gang du yang ni spang bya ma yin pa nyid de/ zag pa med pa rnams ni nyes pa med pa'i phyir ro/ /gal te gzings lta bu'i chos kyi rnam grangs las lam yang spang bar bya ba nyid du gsungs pa ma yin nam zhe na/gsungs mod kyi mthong ba dang bsgom pa dag gis ni spang bar bya ba ma yin te/ phung po lhag ma med pa'i mya ngan las 'das pa'i dbyings su 'jug pa'i tshe gtong bas spong ba zhes bya ba yin no/ /khams gang du dang po nyid du zhes bya ba rgyas par 'byung ba la/rnam par smin pa zhes bya ba kho na dang por rnyed pa dris pa la dgos pa ci yod ce na/ nyon mongs pa can ma yin pa'i sems kyis nying mtshams sbyor ba gsal bar bya ba'o/ /'dod par dang por rnam smin gnyis/ /zhes bya ba la/dang por zhes bya ba ci'i don du yin zhe na/ mig dang / rna ba dang / sna dang / lce'i dbang po rnam par smin pas bsdus pa rnams phyis rim gyis rnyed pa'i phyir ro/ /rdzus te skye bas min zhes bya ba la/ rdzus te skye ba rnams ni dbang po tshang bar skye ba'i phyir/ ci'i phyir yid dang btang snyoms kyi dbang po dag ma yin zhe na/rnam par smin pa'i dbang du byas pa'i phyir ro/ /skye ba'i srid pa nyon mongs can/ /zhes bya bas de dag de'i tshe gdon mi za bar nyon mongs pa can du 'gyur la/ rnam par smin pa ni lung du ma bstan pa yin no/ /dad pa la sogs pa rnams kyang de'i tshe rnyed mod kyi/de dag dge ba yin pa'i phyir/ /rnam par smin pa ni ma yin no/ /nur nur po la sogs pa'i gzugs dbang po ma yin pa'i rnam par smin pa las skyes pa rnams kyang de'i tshe rnyed mod kyi/ de dag 'dir ni ma smos te/ dbang po'i skabs su bab pa yin pa'i phyir ro/ /yang rdzus te skye ba dag gis du zhig 'thob ce na ste/'dod pa dag tu dang por zhes sbyar ro/ /gal te mtshan med pa zhig yin na ste zhes bya ba ni pho dang mo'i dbang po med pa'i phyir ro/ /pho nyid dang mo nyid du mngon par gsal bar byed pa yin pa'i phyir pho'i dbang po dang mo'i dbang po la mtshan zhes brjod do/ /rdzus te skye ba mtshan med pa rnams da lta med pas 'dir bskal pa dang po pa lta bu'o zhes bya ba smos so//mtshan gcig pa zhig yin na ste zhes bya ba ni/ pho dang mo'i dbang po gang yang rung ba zhig med pa'i phyir ro/ /mi rnams kyi nang na da lta rdzus te skye ba med pas 'di ltar lha la sogs pa dag na'o zhes bya ba smos so/ / 'di ni skye gnas khyad par du 'phags pa yin no zhes bya bar mthong ste/ 'dri ba ni/ ci rdzus te skye ba yang mtshan gnyis pa zhes bya ba rgyas par 'byung ba'o/ /'dod pa'i sgra ni yul dag gam yul gyi 'dod chags rnams la 'jug gi /khams la ni ma yin no zhe na/ de'i phyir/ 'dod pa'i gtso bo yin pa'i phyir zhes bya ba rgyas par smos te/'dod pa ni gzugs la sogs pa yul rnams yin la/ de gtso bor gyur pa ni 'dod pa'i khams yin te/ de'i phyir 'dod pa'i khams zhes bstan to/ /'dod pa dang gzugs kyi khams gnyis ka gzugs yod pa nyid du mtshungs bzhin du gzugs kyi khams kho na gzugs zhes bya ba'i sgras ci'i phyir brjod ce na/de'i gzugs gtso bo yin pa'i phyir zhes bya ba rgyas par smos te/ gzugs de ni dang ba yin pa'i phyir dang / 'od can yin pa'i phyir gtso bo yin no/ /mdo las kyang zhes bya ba 'dis ni mdo las gtso bo yin pa'i phyir gzugs kyi sgras gzugs kyi khams gsungs so zhes ston to//gong mar gcig ces bya ba la/ /gzugs med pa'i khams ni gzugs kyi khams pas gong ma yin no/ /yul na mi gnas pas gzugs med pa'i khams gzugs kyi khams pas gong mar ci ltar brjod ce na/ de'i phyir snyoms par 'jug pas ring ba'i phyir dang zhes bya ba smos te/gang gi phyir gzugs su snyoms par 'jug pa ni snga la gzugs med par snyoms par 'jug pa ni 'phyi ba yin no/ /de lta snga phyi nyid kyis yin gyi/ 'dod pa'i dang gzugs kyi khams ltar yul na gnas pa nyid kyis ni ma yin no/ /gang gi phyir gzugs med pa'i khams ni gzugs kyi khams pas skye bas ches mchog yin pa'i yang phyir ro//der ni bskal pa stong phrag mang por ches rab tu zhi ba rnam par smin par 'gyur te/ de'i phyir yang gong ma yin no/ /srog gi dbang po gcig pu kho na dang por rnam par smin pa zhes bya bar skabs dang sbyar ro//de na gzugs med pa'i phyir mig la sogs pa rnams ma yin la/ dge ba dang nyon mongs pa can yin pa'i phyir gzhan rnams kyang ma yin no/ /slob dpon 'dus bzang na re ni srog gi dbang po rdzas su yod pa nyid kyi shes par byed pa nyid 'di kho na yin te/ de med na gang rnyed pas gzugs med pa dag tu skyes pa zhes bya/nyon mongs pa can gyi sems kyis skye bar nying mtshams sbyor bar khas blangs pa'i phyir na rnam par smin pa'i sems kyis mtshams sbyor bar yang mi rigs la/ rnam par smin pa dang 'brel pa med par skye ba yang mi rigs pa de'i phyir/ gdon mi za bar skye ba'i rtags su gyur pa chos gzhan zhig khas blang bar bya dgos so zhes zer ro//gzugs med dag tu 'chi ba ni/ /zhes bya bar rgyas par 'byung ba ni srog dang / yid dang / btang snyoms rnams phan tshun mi gtong ba'i phyir te/ btang snyoms dang ni srog dang ni/ /yid dang ldan la nges gsum ldan/ / zhes 'chad par 'gyur ro/ /nyon mongs pa can dang lung du ma bstan pa'i sems kyis 'chi ba la dad pa la sogs pa med pas gzugs med pa'i khams su 'chi ba na gdon mi za bar gsum po de dag 'gag go/ /nyid kyang zhes bya ba'i tshig phrad dag gi gnyis ka don yang gcig ste/ snga mas ni tshor ba nges par 'dzin to//'og mas ni gzugs can 'gag pa 'gog ste/ kha cig na re de na gzugs yod do zhes zer ro/ /gzugs na brgyad de dag go/ /de nyid la rgyu smras pa ni/ rdzus te skye ba thams cad ni/ /zhes bya ba rgyas par 'byung ba ste/ rdzus te skye ba rnams la mer mer po la sogs pa rnams med pa'i phyir dang /rim gyis 'chi ba med pa'i phyir dbang po tshang ba rnams skye zhing 'chi ba yin no/ /'dod par bcu 'am dgu 'am brgyad/ /ces bya ba la/ mtshan gnyis pa dbang po tshang ba zhig yin na ni bcu 'gag go/ /mtshan gcig pa zhig yin na ni zhes bya ba ni pho dang mo'i dbang po dag las gang yang rung ba zhig dang ldan pa'o//mtshan med pa ni de gnyis ka dang bral ba'o/ /cig car 'chi ba la ni 'dod par bcu 'am/ dgu 'am/ brgyad ces bya ba tshul de lta bu yin no/ /rim gyis 'chi ba dag la zhes bya ba 'di gang las she na/ rim gyis 'chi ba dag las bzhi zhes mjug thogs su 'chad pa las so//mig la sogs pa rnams sngar 'gags zin pa'i phyir dang / lus dang / srog dang / yid kyi dbang po dang / btang snyoms rnams phan tshun mi 'dor bas so sor 'gag pa ma yin pa de'i phyir rim gyis 'chi ba dag las bzhi 'gag go/ /tshul de lta bu yin par zhes bya ba rgyas par 'byung ba la/'chi ba'i srid pa'i sems ni gsum ste/ nyon mongs pa can dang / lung du ma bstan pa dang / dge ba'o/ /de la nyon mongs pa can dang / lung du ma bstan pa'i sems kyis 'chi ba la ni ji skad bshad pa'i dbang po 'gag par rig par bya ste/ dbang po gzhan med pa'i phyir ro/ /dge la thams cad dag tu lnga//zhes bya ba la/ thams cad dag tu zhes bya ba la ni khams gsum char gyi 'chi ba las yang zhes bya ba'i don to/ /dge ba las ni gdon mi za bar dad pa la sogs pa lnga po 'gag ste/ dad pa la sogs pa rnams ni dge ba'i sems la nges par yod pa'i phyir ro/ /'ang zhes bya ba'i sgras ni ji skad bshad pa'ang 'gag go zhes shes par byed do//rgyas par brtsi bar bya'o zhes bya ba ni 'dod pa'i khams na cig car 'chi ba la bco lnga'am/ bcu bzhi 'am/ bcu gsum yin la/ rim gyis 'chi ba dag la dgu zhes bya ba'o/ /dbang po'i skabs su zhes bya ba rgyas par 'byung ba la/ dbang po'i phung por dbang po'i chos gnas skabs kyi khyad par dang / byed pa'i khyad par thams cad dpyad de/ des na 'dir yang dpyad par bya ste/ bstan bcos 'di ni de'i mdzod yin pa'i phyir ro snyam du bsams pa'o/ /dge sbyong gi tshul gyi 'bras bu zhes bya ba rgyas par 'byung ste/ dbang po ma yin pa dag gis kyang dge sbyong gi 'bras bu rnams 'thob mod kyi/dbang po rnams kyi skabs su bab pa de'i phyir de rnams kho na dpyad par bya'o/ /'bras bu tha ma nyid dgus 'thob/ /ces bya ba la dgu kho nas nges par gzung ngo / /bstan bcos las ni gang zag 'bras bu thams cad du thob pa'i dbang du mdzad nas 'don to//mtha' na yod pa'i phyir tha ma'o/ /rgyun du zhugs pa'i 'bras bu dang / dgra bcom pa nyid dag ni mtha' ma ste/ sngon gyi mtha' dang / phyi ma'i mtha' bzhin du dang po yang mtha' ma yin no/ /de gnyis kyi dbus na ma yin pa'i phyir lan cig phyir 'ong ba dang / phyir mi 'ong ba dag ni bar ma'o//de la rgyun du zhugs pa'i 'bras bu ni zhes bya ba rgyas par 'byung ste/ rgyun du zhugs pa'i 'bras bu ni mthong ba dang bsgom pa'i lam gyi 'bras bu yin pa'i phyir dad pa la sogs pa dang / kun shes pa dang ldan pa'i dbang po ma gtogs pa dag dang zhes bya bar smos so/ /de la dge ba yin pa'i phyir dad pa la sogs pa rnams yod do//lam la rjes su shes pa'i bzod pa mthong ba'i lam yin pa'i phyir de na kun shes par byed pa'i dbang po yod do/ /lam la rjes su shes pa ni bsgom pa'i lam yin pas de na kun shes pa'i dbang po yod do/ /rgyun du zhugs pa'i 'bras bu'i lam ni mi lcogs pa med pas bsdus pa'i phyir dang /de na tshor ba btang snyoms kho na yod pas btang snyoms kyi dbang po yang yod do/ /de na yod pa'i rnam par shes pa gang yin pa de ni yid kyi dbang po'o/ /lam la rjes su shes pa'i bzod pa ni bar chad med pa'i lam la'o/ /rjes su shes pa ni rnam par grol ba'i lam la'o//gnyis kas kyang zhes bya ba ni bar chad med pa dang / rnam par grol ba'i lam gnyis kas sam/ dbang po gnyis kas so/ /de 'thob ste zhes bya ba ni rgyun du zhugs pa'i 'bras bu'o/ /ji ltar zhe na/ bral ba'i thob pa'i zhes bya ba rgyas par 'byung ba la/bar chad med pa'i lam ni 'dren par byed pa yin pa'i phyir te/ bral ba'i thob pa skye ba'i gegs su gyur pa'i nyon mongs pa'i thob pa gcod pa'i phyir ro/ /de nyid kyi phyir bral ba'i thob pa ni bar chad med pa'i lam rnams kyi rgyu mthun pa dang / skyes bu byed pa'i 'bras bu yin no/ /rnam par grol ba'i lam dang lhan cig tu bral ba'i thob pa skye ba'i phyir/rnam par grol ba'i lam ni bral ba'i thob pa'i rten nyid yin no/ /de ltar na bral ba ni rnam par grol ba'i lam gyi 'bras bu ma yin zhing / de'i thob pa yang ma yin na/ ji ltar kun shes pa'i dbang pos rgyun du zhugs pa'i 'bras bu 'thob bo zhes brjod ce na/bar chad med pa'i lam rnams ni rnam par grol ba'i lam gyi 'khor yin pa'i phyir ro/ /rgyal po'i 'khor gyis byas pa rgyal po la nye bar 'dogs pa bzhin te/ de bzhin du bar chad med pa'i lam gyis byas pa rnam par grol ba'i lam rnams la nye bar 'dogs pa yin no/ / dgra bcom pa nyid ni dad pa la sogs pa kun shes par byed pa'i dbang po ma gtogs pa dang zhes bya ba la/ re zhig dad pa la sogs pa dag ni dge ba'i sems las byung ngo / /dgra bcom pa nyid ni bsgom pa'i lam gyi 'bras bu yin pa'i phyir na bar chad med pa'i lam ni kun shes pa'i dbang po ste/ de yang rdo rje lta bu'i ting nge 'dzin to//rnam par grol ba'i lam ni kun shes pa dang ldan pa'i dbang po ste/ de yang zad pa shes pa'i tshe na'o/ /bar chad med pa dang / rnam par grol ba'i lam dag ni bral ba'i thob pa 'dren par byed pa dang / brten pa yin pa'i phyir ro/ /kun shes par byed pa'i dbang po ni ma gtogs te/mthong ba'i lam gyi bdag nyid yin pa'i phyir ro/ /yid kyi dbang po dang zhes bya ba la/ yid kyi dbang po ni rdo rje lta bu dang / zad pa shes pa na yod pa'i rnam par shes pa gang yin pa'o/ /bde ba dang / yid bde ba dang / btang snyoms kyi dbang po rnams la gang yang rung ba zhig dang zhes bya ba la/dgra bcom pa nyid kyi rten ni dgu ste/ bsam gtan bzhi dang / mi lcogs pa med pa dang / khyad par can dang / gzugs med pa gsum dag go/ /mdo las dge slong dag bsam gtan dang po la brten nas zad par smra'o zhes bya ba nas/ ci yang med pa'i skye mched la brten nas zhes bya ba'i bar du gsungs so//de la bsam gtan gsum pa la brten nas thob na ni bde ba'i dbang po'o/ /bsam gtan dang po dang / gnyis pa la brten nas thob na ni yid bde ba'i dbang po'o/ /mi lcogs pa med pa dang / bsam gtan khyad par can dang /bsam gtan bzhi pa dang / gzugs med pa gsum la brten nas thob na ni btang snyoms kyi dbang po'o/ /de ltar rten gyi bye brag gis bde ba dang / yid bde ba dang / btang snyoms rnams las gang yang rung ba zhig gis dgra bcom pa nyid 'thob bo/ /gnyis ni bdun dang brgyad dang dgus//zhes bya ba la 'thob bo zhes bya ba ni skabs yin no/ /re zhig gal te lan cig phyir 'ong ba'i 'bras bu mthar gyis 'thob la/ de yang 'jig rten pa'i lam gyis 'thob na ni de dbang po bdun dag gis 'thob bo/ /ji ltar byas nas she na/ lam mi lcogs pa med pa'i sa pa yin pa'i phyir na btang snyoms kyi dbang po dang /de dang mtshungs par ldan pa'i sems kho nas 'thob bo/ /'on te 'jig rten las 'das pa'i lam gyis 'thob na ni zhes bya ba rgyas par 'byung ba la/ gang zhig rgyun du zhugs pa'i 'bras bu thob nas lan cig phyir 'ong ba'i 'bras bu 'thob pa mthar gyis pa de kho na ste/de yang 'jig rten las 'das pa'i lam gyis lan cig phyir 'ong ba'i 'bras bu thob na ni de'i tshe dbang po brgyad dag gis 'thob ste/ snga ma bdun la kun shes pa'i dbang pos bsnan pa brgyad yin no/ /gnyis ka yang bsgom pa'i lam yin pa'i phyir na de'i bar chad med pa dang /rnam par grol ba'i lam dag la kun shes pa'i dbang po kho na yin gyi/ bar chad med pa'i lam dang / rnam par grol ba'i lam gnyis ka tha dad pa'i phyir rgyun du zhugs pa dang / dgra bcom pa nyid kyi 'bras bu dag ji lta ba bzhin ni ma yin te/ de ltar 'dir ni ma yin no//ci ste phal cher las 'dod chags dang bral ba zhig gis zhes bya ba la/ gang zhig 'jig rten pa'i lam gyis 'dod par gtogs pa'i nyon mongs pa rnams las rnam pa drug spangs pa de ni dgus te/ mthong ba'i lam kho nas rgyun du zhugs pa'i 'bras bu thob pa lta bu ste/de dang 'dra ba kho nar dbang po dgus 'thob bo/ /gal te phyir mi 'ong ba'i 'bras bu mthar gyis 'thob la zhes bya ba la/ rgyun du zhugs pa'i 'bras bu thob nas/ phyir mi 'ong ba'i 'bras bu thob la/ de yang 'jig rten pa'i lam gyis 'thob na/ de dbang po bdun gyis 'thob ste/ lan cig phyir 'ong ba'i 'bras bu ji lta ba bzhin no/ /'on te 'jig rten las 'das pa'i lam gyis 'thob na ni de brgyad kyis 'thob ste/ ji ltar lan cig phyir 'ong ba'i 'bras bu la kun shes pa'i dbang po brgyad pa yin pa de dang 'dra'o/ /ci ste 'dod chags dang bral ba zhig gis zhes bya ba la/de ni 'dod pa las 'dod chags dang bral zhing / ci yang med pa'i skye mched kyi bar las 'dod chags dang bral ba so so'i skye bor gyur pas mthong ba'i lam skyes pa zhig ste/ de ni de'i tshe bden pa mngon par rtogs pa'i mthar 'dod par gtogs pa'i nyon mongs pa rnam pa dgu pa spangs pa'i phyir phyir mi 'ong ba kho na yin no//rgyun du zhugs pa'i 'bras bu ji lta ba bzhin no zhes bya ba la/ bar chad med pa'i lam la kun shes par byed pa'i dbang po dang / rnam par grol ba'i lam la kun shes pa'i dbang po dang / dad pa la sogs pa rnams dang / yid de de kho na dang 'dra'o//'di ni khyad par yin te zhes bya ba rgyas par 'byung ba la/ mi lcogs pa med pas thob par bya ba yin pa'i phyir na rgyun du zhugs pa dang / lan cig phyir 'ong ba'i 'bras bu dag la ni rtag tu btang snyoms kho na yin gyi/ phyir mi 'ong ba'i 'bras bu la ni rten gyi bye brag las bde ba dang / yid bde ba dang /btang snyoms kyi dbang po rnams las gang yang rung ba zhig ste/ bsam gtan gsum pa la brten nas thob pa na ni bde ba'i dbang po'o/ /bsam gtan dang po dang / gnyis pa la brten nas bden pa dag kyang mthong na ni yid bde ba'i dbang po'o/ /mi lcogs pa med pa dang / bsam gtan khyad par can dang / bsam gtan bzhi pa la brten nas 'thob na ni/ btang snyoms kyi dbang po'o/ /gang gi tshe 'di mthar gyis pa zhig yin la zhes bya ba rgyas par 'byung ba la/ dbang po rnon po kho na rnam par grol ba'i lam dgu pa la nye bar bsdogs pa nas bsam gtan la 'jug par nus kyi/dbang po rtul po ni ma yin no/ /tshor ba spo bar dka' ba'i phyir dang / dbang po rnon po yang nges pa med pa'i phyir ro/ /gang gi tshe 'di mthar gyis pa zhig yin la zhes bya ba la sogs pa smos te/ de la rnam par grol ba'i lam dgu pa la bsam gtan gyi dngos gzhi'i sa pa'i yid bde ba'i dbang po lhag ma yin no//bar chad med pa'i lam la ni rtag tu btang snyoms kyi dbang po kho na ste zhes bya ba la/ gal te bsam gtan la 'jug pa'am/ mi 'jug kyang ngo / /de ni gnyis kas kyang 'thob bo zhes bya ba ni btang snyoms dang / yid bde ba'i dbang po gnyis kas te/ go rims bzhin du de dag bar chad med pa dang / rnam par grol ba'i lam yin pa'i phyir bral ba'i thob pa 'dren par byed pa dang / rten yin pa'i phyir ro/ /'on te 'jig rten las 'das pas zhes bya ba la/ gal te 'jig rten las 'das pa'i lam gyis phyir mi 'ong ba'i 'bras bu thob cing / dbang po rnon po yin pa'i phyir rnam par grol ba'i lam dgu pa la bsam gtan la 'jug pa na ni de la sngar smos pa bdun dang /bsam gtan gyi dngos gzhi'i sa pa'i yid bde ba'i dbang po brgyad pa dang / kun shes pa'i dbang po dgu pa yin no/ /'bras bu tha ma gnyis dgus 'thob/ /ces bya ba 'di la 'gal ba bstan pa'i phyir/'o na chos mngon pa las zhes bya ba smos te/ ye shes 'jug pa las so/ /tshor ba gsum cig car mngon du gyur pa ma yin te/ de'i phyir de ni dgu kho nas 'thob bo/ /de'i phyir 'gal ba med do/ /bstan bcos ni dgongs pa can yin pa'i phyir ro/ /'dir dgongs pa gang yin zhe na/de'i phyir/ bcu gcig dag gis dgra bcom nyid/ /ces bya ba la sogs pa smos so/ /bde bas thob pa la yongs su nyams shing yang yid bde bas 'thob la/ de las yongs su nyams te/ slar btang snyoms kyis 'thob kyi/ sa tha dad pa yin pa'i phyir dang / phan tshun rnam pa 'gal ba'i phyir dang / rdzas nyid mtshungs par ldan pa yin pa'i phyir/ /bde ba la sogs pa rnams dus gcig tu srid pa yod pa ni ma yin no/ /'di phyir mi 'ong ba la yang zhes bya ba rgyas par 'byung ste/ phyir mi 'ong ba'i 'bras bu yang dgra bcom pa nyid ltar bde ba dang / yid bde ba dang /btang snyoms rnams kyis 'thob ste/ de'i phyir de yang yongs su nyams nas dbang po bcu gcig dag gis 'thob par 'gyur ro snyam du sems na/ 'di ni yongs su nyams phan chad/ /ces bya ba rgyas par 'byung ste/ phyir mi 'ong ba'i 'bras bu las yongs su nyams pa gang yin pa de ni 'dod pa'i khams las 'dod chags dang bral ba las kyang yongs su nyams par 'gyur te/de'i phyir de la phyis bde ba'i dbang pos 'thob pa mi srid de/ bde ba'i dbang po ni bsam gtan gsum pa'i sa pa yin pa'i phyir ro/ /de nyid kyi phyir/ 'di ni nyams phan chad nam yang bde ba'i dbang pos 'thob pa med do zhes bya ba smos so//ci gang las bde ba'i dbang pos thob pa kho na bkag pas yid bde ba 'thob par 'gyur ram zhe na/ de'i phyir bshad pa/ gal te rnam par grol ba'i lam dgu pa la bsam gtan gyi dngos gzhi la 'jug na ni 'thob par 'gyur ba zhig go/ /de ni yod pa ma yin te/ /'di ltar yongs su nyams par gyur pa gang yin pa de ni dbang po rtul po yin la/gang zhig dbang po rtul po yin pa de ni rnam par grol ba'i lam dgu pa bsam gtan gyi dngos gzhi la 'jug par mi nus so/ /dbang po rnon pos nus mod kyi/ de la yongs su nyams pa mi srid pa'i phyir ro/ /de lta bu yod mod kyi/ 'on kyang de dbang po rtul po yin kyang mthar gyis par gyur pas phyir mi 'ong ba'i 'bras bu thob cing / de las yongs su nyams par gyur pas mi lcogs pa med pa la brten te/ dbang po spo bar byed la/ dbang po 'phos pas dbang po rnon por yang gyur nas mthar gyis pa'i tshul gyis phyir mi 'ong ba'i 'bras bu thob pa na/gal te rnam par grol ba'i lam dgu pa la bsam gtan gyi dngos gzhi la 'jug na ni de'i phyir mi 'ong ba'i 'bras bu de brgyad dag gam/ dgu dag gis thob par 'gyur ro/ /ci ste 'jig rten pa'i 'dod chags dang bral ba bde ba'i dbang pos thob nas yongs su nyams pa ste/ yang yid bde ba dang /btang snyoms dag gis thob par 'gyur ro snyam na/ de'i phyir 'dod chags dang bral ba sngon du 'gro ba la ni zhes bya ba smos so/ /yongs su nyams pa med pa'i rgyu ni/ de'i 'dod chags dang bral ba ni zhes bya ba la sogs pa ste/ 'jig rten pa dang / 'jig rten las 'das pa'i lam gnyis kyis thob par byas pas 'dod chags dang bral ba ni brten pa yin te/'bras las nyams 'gyur dang po las ma yin zhes 'chad par 'gyur ro/ /de'i phyir de las nyams pa med do/ /dbang po'i skabs su dbang po'i chos thams cad dpyad par bya ba yin pas/ dbang po du zhig dang ldan na zhes bya ba 'di yang dpyad par bya'o//btang snyoms dang ni srog dang ni/ /yid dang zhes bya ba la sogs pa rgyas par 'byung ste/ gdon mi za ba kho nar gsum dang ldan par 'gyur gyi/ 'di dag kho na dang ldan pa ma yin no/ /'di dag ni phan tshun med na mi ldan pa yin no/ /ci'i phyir zhe na/ sa dang sems can gyi rten thams cad la khyab par byed pa yin pa'i phyir ro//'di ltar dad pa la sogs pa rnams ni sa thams cad la khyab par byed pa yin yang sems can gyi lus thams cad la khyab par byed pa ni ma yin la/ dad pa la sogs pa las gzhan pa dag ni gnyis ga las khyab par byed pa ma yin te/ de'i phyir lhag ma rnams dang ni ma nges te/btang snyoms la sogs pa gsum las gzhan pa gang dag yin pa de ni ldan pa yang yod/ mi ldan pa yang yod do/ /de la re zhig mig dang / rna ba dang / sna dang / lce'i dbang po dag ni gzugs med par skyes pa dag dang mi ldan te/ gzugs kyi 'dod chags dang bral ba rnams der skyes pa'i phyir gzugs mi srid do//'dod pa'i khams na ni gang gis ma thob pa dang / rnam par nyams pa dag dang mi ldan no zhes bya ba la/ gang la nur nur po la sogs pa'i gnas skabs su ma skyes pa dag dang / dmus long la sogs pa rnams la phyis kyang ma skyes pa dag dang mi ldan no//rnam par nyams pa dag ni skyes nas gnod pa byas pa'am/ nad kyis chud zos pa dag go/ /lus kyi dbang po logs su smos pa ni 'dod pa'i khams su gang gis ma thob pa dang / rnam par nyams pa dag dang mi ldan no zhes bya ba'i lhag ma 'di mig la sogs pa dag kho na la srid pa'i phyir te/lus kyi dbang po la ni ma yin no/ /lus kyi dbang po ni gzugs med pa'i khams su 'khrul pa yin no/ /pho dang mo'i dbang po dag na mig la sogs pa ltar 'khrul mod kyi 'di khyad par yod de/ gzugs kyi khams na yang pho dang mo'i dbang po dag med do/ /bde ba'i dbang po dang ni bsam gtan bzhi pa dang /gzugs med par skyes pa'i so so'i skye bo dang mi ldan no zhes bya ba la/ bsam gtan gsum pa'i gong na bde ba'i dbang po med pa'i phyir la/ sa 'phos pas bsam gtan gsum par gtogs pa'i bde ba'i dbang po yongs su btang ba'i phyir ro/ /'phags pa ni skyes kyang sngar bskyed pa'i bsam gtan gsum pa'i bde ba zag pa med pa dang ldan pa nyid de/de ni zag pa med pa rnams spang bar bya ba ma yin pa'i phyir spangs pa med la/ mi ldan pa yin pa'i phyir sa 'phos pas gtong ba yang ma yin te/ de'i phyir 'phags pa las khyad par du byas pa'i phyir so so'i skye bo zhes bya ba smos so//yid bde ba'i dbang po dang ni zhes bya ba la/ 'phags pa ni bsam gtan gnyis pa'i gong du skyes kyang zag pa med pa'i yid bde ba'i dbang po dang ldan pas/ so so'i skye bo kho na dang zhes khyad par du byas so/ /sdug bsngal gyi dbang po dang ni zhes bya ba la sogs pa la/ sdug bsngal gyi dbang po dang ni 'dod par gtogs pa kho na yin pas de dang / gzugs dang / gzugs med par skyes pa mi ldan no/ /yid mi bde ba dang 'dod chags dang bral ba mi ldan pa'i rgyu ni snga ma bzhin no/ /dad pa la sogs pa dag dang ni zhes bya ba rgyas par 'byung ba la/ dad pa la sogs pa rnams ni gcig tu dge ba yin pa'i phyir log par lta ba chen po yongs su rdzogs pa de dag kun du spyod pa'i phyir ro//kun shes par byed pa'i dbang po dang ni zhes bya ba la/ zag pa med pa'i phyir so so'i skye bo dang mi ldan no/ /mthong ba'i lam gtang ba'i phyir 'bras bu la gnas pa dang mi ldan no//kun shes pa'i dbang po dang ni zhes bya ba la/ zag pa med pa'i bsgom pa'i lam gyi bdag nyid yin pa'i phyir/ so so'i skye bo dang / mthong ba dang / mi slob pa'i lam la gnas pa rnams mi ldan no/ /kun shes pa dang ldan pa'i dbang po dang ni zhes bya ba la/ mi slob pa'i lam gyi bdag nyid yin pa'i phyir so so'i skye bo dang /slob pa dag dang mi ldan no/ /ma bkag pa'i gnas skabs dag tu ni/ /zhes bya ba rgyas par 'byung ste/ mig la sogs pa bzhi ni gzugs kyi khams su skyes pa dang ldan no/ /'dod pa'i khams na thob pa dang ma nyams pa yang mig la sogs pa dag dang ldan no//lus kyi dbang po dang ni 'dod pa dang / /gzugs kyi khams su skyes pa dag ldan no/ /pho dang mo'i dbang po dang ni 'dod pa'i khams kho nar thob pa dang / ma nyams pa ldan no/ /bde ba'i dbang po ni bsam gtan bzhi pa'i 'og tu skyes pa dang / bsam gtan bzhi pa la sogs par skyes pa'i 'phags pa dang ldan no//yid bde ba'i dbang po dang ni bsam gtan gsum pa'i 'og tu skyes pa dang / bsam gtan gsum pa la sogs par skyes pa'i 'phags pa ldan no/ /sdug bsngal gyi dbang po dang ni 'dod pa'i khams su skyes pa ldan no/ /yid mi bde ba'i dbang po dang ni 'dod pa'i 'dod chags dang ma bral ba ldan no//dad pa la sogs pa dag dang ni dge ba'i rtsa ba kun du ma chad pa ldan no/ /kun shes par byed pa'i dbang po dang ni mthong ba'i lam la gnas pa ldan no/ /kun shes pa'i dbang po dang ni bsgom pa'i lam la gnas pa ldan no/ /kun shes pa dang ldan pa'i dbang po dang ni mi slob pa'i lam la gnas pa dag ldan no//de ltar ma bkag pa'i gnas skabs de dag tu ni ji skad bshad pa dang ldan par rig par bya'o/ /bde lus ldan la bzhi dag dang / /zhes bya ba la/ bde ba'i dbang po la btang snyoms dang / srog dang / yid dag gis khyab pa'i phyir 'khrul pa med do//gang zhig bde ba'i dbang po dang ldan pa de ni gdon mi za bar dbang po bzhi dag dang ldan no zhes bya bar rgyas par btang snyoms la sogs pa ltar 'khrul pa brjod par bya'o/ /de bzhin du lus kyi dbang po dang ldan pa yang brjod par bya'o/ /'khrul pa ni snga ma bzhin no/ /mig sogs ldan la lnga dang ldan//zhes bya ba la/ mig dang / rna ba dang / sna dang / lce rnams ni re re zhing btang snyoms la sogs pa bzhis khyab pa'i phyir na gang zhig mig la sogs pa rnams las gang yang rung ba zhig dang ldan pa ni gdon mi za bar dbang po lnga dang ldan no/ /de la mig gi dbang po dang ldan pa ni gdon mi za bar rna ba la sogs pa dag dang ldan pa ma yin te/'dod pa'i khams na de dag ma thob pa dang / nyams pa srid pa'i phyir ro/ /rna ba dang / sna dang / lce'i dbang po dag dang ldan pa yang de dang 'dra bar rig par bya'o zhes bya ba 'byung ste/ mig la sogs pa de dag ni lus kyi dbang po med par mi 'byung ste/de la rag las te 'jug pa'i phyir ro/ /phan tshun ni ma yin te/ phan tshun ltos pa med par 'jug pa'i phyir ro/ /yid bde ldan yang ste/ mig la sogs pa'i dbang po dang ldan pa ltar btang snyoms dang / srog dang / yid dang / bde ba dang / yid bde ba dang /dbang po lnga dang ldan no/ /lhag ma rnams dang ni ldan pa yang yod/ mi ldan pa yang yod do/ /bsam gtan gnyis par skyes pa bsam gtan gsum pa ma 'thob pa zhes bya ba la sogs pa la/ bsam gtan gnyis par skyes pa la lus kyi bde ba med cing / sems kyi bde ba med de/de'i phyir yid bde ba dang ldan pa ni mig la sogs pa ltar bde ba'i dbang po dang yang gdon mi za bar ldan pa ma yin no snyam du sems te 'dri ba ni/ bde ba'i dbang po gang dang ldan pa yin/ /zhes bya ba'o/ /bsam gtan gsum pa'i sa pa'i nyon mongs pa can dang ldan zhes bya ba la/sa 'og ma pa'i mi srid pa'i phyir dang / go rims bzhin sbyor ba la rag las pa'i phyir dang / skye ba la rag las pa'i phyir bsam gtan gsum pa'i sa pa'i dge ba dang lung du ma bstan pa mi srid pa'i phyir te/ gang gi phyir 'og mar skyes pa sa gong ma pa'i nyon mongs pa dag dang ldan pa de nyid kyi phyir/nyon mongs pa can dang ldan no zhes smos so/ /sdug bsngal dang ldan bdun dang gdon mi za bar ldan no zhes bya bar snyegs te/ de nyid kyi phyir/ gang zhig sdug bsngal gyi dbang po dang ldan pa zhes bya ba la sogs pa smos so/ /'di ni 'dod pa'i khams su skyes pa ste/ de'i phyir nges par lus kyi dbang po dang / yid bde ba ma gtogs pa tshor ba'i dbang po bzhi dang / yid dang srog gi dbang po dag dang ldan pas gdon mi za bar bdun dang ldan no/ /dbang po lhag ma 'khrul pa ni snga ma bzhin du brjod par bya'o/ /mo'i dbang sogs ldan brgyad dang / gdon mi za bar ldan no zhes bya bar sbyar te/ pho dang / mo dang / yid mi bde ba dang / dad pa dang / brtson 'grus dang / dran pa dang / ting nge 'dzin dang / shes rab dang ldan pa zhes bya ba'i don to/ /gang zhig mo'i dbang po dang ldan pa de ni 'dod pa'i khams su skyes pa ste/ gdon mi za bar brgyad dang ldan no//gang dag dang zhe na/ bdun po de dag dang mo'i dbang po dang zhes bya ba smos so/ /lhag ma rnams dang ni ldan pa yang yod/ mi ldan pa yang yod do/ /gang zhig pho'i dbang po'am yid mi bde ba'i dbang po dang ldan pa de ni gdon mi za bar dbang po brgyad dang ldan pa yin te/ji skad du bshad pa bdun dang / brgyad pa pho'i dbang po'am yid mi bde ba'i dbang po de dang ldan no/ /gang gi phyir gang zhig yid mi bde ba dang ldan pa de ni gdon mi za bar tshor ba lnga dang / lus dang / srog dang / yid dang ldan te/ lhag ma ni snga ma bzhin du brjod par bya'o/ / dad pa la sogs pa dang ldan pa ni zhes bya ba rgyas par 'byung ba la/ gang zhig dad pa'i dbang po dang ldan pa de ni gdon mi za bar dbang po brgyad dang ldan te/ dad pa la sogs pa rnams ni btang snyoms la sogs pa dag med par mi 'byung zhing / de bzhin du phan tshun med na mi 'byung ba'i phyir ro//de nyid kyi phyir dad pa dang / brtson 'grus dang / dran pa dang / ting nge 'dzin dang / shes rab kyi dbang po ste lnga po de dag dang / btang snyoms dang / srog dang / yid dag dang ldan no zhes bya ba smos so/ /de bzhin du re re zhing brtson 'grus la sogs pa dag dang ldan pa yang brjod par bya'o//lhag ma rnams dang ni ldan pa yang yod/ mi ldan pa yang yod do/ /kun shes kun shes ldan pa yi/ /dbang po ldan la bcu gcig ldan/ /zhes bya ba la/ dbang po ldan zhes bya ba'i sgra ni kun shes pa'i dbang po dang ldan pa dang / kun shes pa dang ldan pa'i dbang po dang ldan pa la zhes re re dang sbrel bar bya'o//kun shes pa dang ldan pa'i dbang po kho na la kun shes pa zhes brjod de/ de ni sdug bsngal yongs su shes so/ /kun 'byung spangs so/ /'gog pa mngon du byas so/ /lam bsgoms so snyam du bden pa bzhi kun nas shes pa yin pas kun shes pa zhes bshad do//de nyid kyi phyir/ kun shes pa la dbang byed pas na kun shes pa dang ldan pa'i dbang po'o zhes bya ba smos te/ ma lus par kun shes zhes bya ba'i don to/ /kun shes pa'i dbang po yang kun shes pa yin mod kyi ma lus par ni ma yin te/ spang bar bya ba lhag ma dang bcas pa'i phyir ro//gang zhig kun shes pa'i dbang po dang ldan pa zhes bya ba rgyas par 'byung ste/ bsgom pa'i lam gyis bsdus pa'i phyir kun shes pa'i dbang po dang ni slob pa khams gsum du skyes pa yang ldan pa srid do/ /bcu gcig ma gtogs pa rnams dang ni ldan pa yang yod/ mi ldan pa yang yod de/ de bzhin du kun shes pa dang ldan pa'i dbang po dang ldan pa yang zhes bya ba la/ mi slob pa'i lam gyis bsdus pa'i phyir kun shes pa'i dbang po ldog go/ /gzhan rnams ldan pa ni 'khrul ba yin no/ /kun shes byed pa'i dbang ldan la/ /bcu gsum dag dang ldan pa yin/ /zhes bya ba la/gdon mi za bar zhes bya bar sbyar ro/ /mthong ba'i lam ni 'dod pa'i khams kho nar yin te/ de'i phyir gdon mi za bar lus kyi dbang po dang ldan no/ /'dod chags dang bral ba nges pa la 'jug pa'i tshe yid mi bde ba mi srid do zhe na/ de'i phyir/ tshor ba'i dbang po bzhi dag dang / /zhes bya ba smos so/ / lhag ma rnams dang ni ldan pa yang yod/ mi ldan pa yang yod do/ /de dag dang 'brel pa'i phyir 'dir pho dang mo'i dbang po dag kyang gang rung zhig brjod par bya'o zhes bya ba'i brgal ba'i tshig ni brjod par mi bya ste 'khrul ba'i phyir ro/ /res 'ga' rim gyis 'chi ba'i gnas skabs su pho 'am/ mo'i dbang po 'gags dang de'i tshe skye ba skye zhing nges pa la 'jug par 'gyur te/de nyid kyi phyir/ mo yin la mo'i dbang po dang mi ldan pa yod dam zhe na/ yod do zhes brjod de/ mo'i dbang po 'gags kyang de'i ris mthun pa mi 'gag pa'i phyir ro/ /pho'i dbang po la yang de dang 'dra bar brjod par bya'o/ /gsum ldan zhes bya ba la sogs pas gnas skabs ma nges par dbang po'i ldan pa bshad zin to//btang snyoms kyi dbang po dang ldan pa'i gang zag gang yin pa de ni 'dod pa'i khams su skyes pa'am/ srid pa'i rtse mo'i bar du skyes pa zhig yin gyi/ gang dbang po gsum kho na yod pa 'phags pa'am so so'i skye bo'i gang zag gcig pu ni 'ga' yang yod pa ma yin pas 'dir gang zag spyir gyi dbang du byas kyi/gang zag gcig ni ma yin no/ /dbang po nyi shu rtsa gcig las kha cig ni 'khrul pa yin/ rnam pa gcig tu na dbang po rnams la med pa mi 'byung ba'i 'brel pa dpyad pa yin gyi/ rgyud gcig la ni ma yin pas de ni gang zag nges par brjod par bya'o//yang gang zhig nang na nyung ba dag dang ldan pa zhes bya ba rgyas par 'byung ngo / /'dir ni nyung ba dag dang ldan pa 'gog pa yin gyi/ mang ba dag tu ldan pa ni ma yin no/ /dge ba'i rtsa ba kun du chad pa ni dge ba'i chos thams cad dang mi ldan pa'i phyir dge med ces bya'o//dge ba'i rtsa ba kun du chad pa la ni 'dod pa'i khams la 'dod chags dang bral ba srid pa yod pa ma yin te/ de'i phyir/ tshor ba lnga dag dang zhes bya ba smos so/ /'dod pa'i khams las gzhan pa ni dge ba'i rtsa ba kun du chad pa yod pa ma yin no/ /'dod pa'i khams na lus kyi dbang po 'khrul pa yang ma yin te/de'i phyir/ lus dang zhes bya ba smos so/ /tshor bar byed pa ni myong ba ste tshor bar byed pa'i phyir ro zhes bya ba ni byed pa po'i 'dri ba ste byed pa po yin no/ /yang na tshor ba ni tshor ba ste zhes bya ba ni dngos po bsgrub pa'o/ /shes par byed pa ston pa ni/ dper na phun sum tshogs pa la phun sum tshogs pa zhes bya ba bzhin no zhes bya ba'o//dge med yin pa nyid kyi phyir na dad pa la sogs pa rnams dang / dri ma med pa dag dang ldan pa yang ma yin no/ /mig la sogs pa pho'i dbang po'i mthar thug pa ma thob pa dang / nyams pa rnams dang yang ldan pa ma yin no/ /gzugs med byis pa de bzhin no//zhes bya ba la/ de bzhin zhes bya ba'i sgra ni grangs tsam zhig dang sbyar gyi/ gang dag dang dge med ldan pa de dag kho na dang ldan pa ni ma yin no/ /de nyid kyi phyir/ btang snyoms srog yid dge rnams dang / /zhes bya ba smos so/ /byis pa zhes bya ba ni so so'i skye bo'i ming yin no zhes bya ba 'di ji ltar rtogs she na/mdo las 'byung ba'i phyir te/ bcom ldan 'das kyis dge slong dag byis pa so so'i skye bo thos pa dang mi ldan pa/ rtag par ltung ba rnams ni bdag dang bdag gi zhes bya ba rgyas par gsungs so/ /de ni bya ba dang bya ba ma yin pa mi shes pas byis pa dang 'dra bas byis pa yin no//gal te gcig tu dge ba'i phyir/ /dge ba smos pas ni dad pa la sogs pa gzung bar bya ste zhes bya bas dge ba dag kho na yin gyi/ mi dge ba dang lung du mi bstan pa dag ma yin no/ /kun shes par byed pa'i dbang po la sogs pa rnams kyang gzung bar thal bar 'gyur te/ de dag kyang dad pa la sogs pa ltar gcig tu dge ba yin no zhe na/ma yin te/ brgyad kyi skabs yin pa'i phyir ro/ /dge med nang na nyung ldan pa/ /lus tshor srog yid brgyad dang ldan/ /zhes 'dir brgyad kyi dbang du byas pa yin te/ de dag 'dzin na ni bcu gcig tu 'gyur gyi/ brgyad ni ma yin no/ /byis pa'i skabs yin pa'i phyir ro zhes bya ba la/byis pa zhes bya ba ni so so'i skye bo la bya ste/ so so'i skye bo nyid ni 'phags pa'i chos rnams ma thob pa'o zhes 'byung ba'i phyir ro/ /de bas na kun shes par byed pa'i dbang po la sogs pa 'dzin pa ma yin no/ /yang na gzugs med pa na kun shes par byed pa'i dbang po med pa'i phyir ro/ /yang gang zhig gang na dbang po mang po dag dang ldan pa zhes bya ba rgyas par 'byung ngo //mtshan nyid pa la zag pa med pa'i chos med pa'i phyir kun shes par byed pa'i dbang po la sogs pa dag dang mi ldan no/ /mtshan gnyis pa gdon mi za bar bcu dgu dang ldan pa yang ma yin te/ srid pa'i dbang du byas nas brjod pa yin no/ / dbang po tshang ba gang yin pa ni mig la sogs pa pho'i dbang po'i mthar thug pa thob pa dang ma nyams pa dag dang ldan no/ /mtshan gnyis pa nyid yin pa'i phyir/ /dge ba'i rtsa ba kun du chad pa med pa'i phyir dang / 'dod pa la 'dod chags dang bral ba med pa'i phyir dad pa la sogs pa dag dang / tshor ba lnga dag dang / srog dang / yid dang ldan no/ /'phags pa chags bcas te zhes bya ba la/ 'phags pa smos pa ni so so'i skye bo las khyad par du byas pa'i phyir te/ /de ni zag pa med pa'i dbang po dang ldan pa ma yin no/ /chags bcas zhes bya ba ni chags pa dang bral ba las khyad par du byed pa ste/ de ni yid mi bde ba dang ldan pa ma yin no//mtshan gcig dri med gnyis ma gtogs/ /zhes bya ba la/ mtshan gcig ni pho'am mo'i dbang po'o/ /de ci'i phyir ma gtogs she na/ mtshan gnyis pa la 'phags pa'i lam mi skye ba'i phyir ro/ /gal te mthong ba'i lam la gnas pa yin na ni de'i phyir kun shes pa'i dbang po dang /kun shes pa dang ldan pa'i dbang po ma gtogs te/ de nyid ni bsgom pa dang / mi slob pa'i lam yin pa'i phyir ro/ /'on te bsgom pa'i lam la gnas pa yin na ni de'i phyir kun shes par byed pa'i dbang po dang / kun shes pa dang ldan pa'i dbang po ma gtogs te/ de dag ni mthong ba dang / mi slob pa'i lam yin pa'i phyir ro/ /dbang po rnams kyi rab tu dbye ba zhes bya ba rgyas par 'byung ngo / ci ltar zhe na/ khams rab tu dbye ba'i zhar la 'ongs pa zhes bya ba 'byung ste/ khams bco brgyad po de dag las dbang po rnams ni du/ dbang po ma yin pa ni du zhes de ltar khams rab tu dbye ba'i zhar la 'ongs pa rnams kyi rab tu dbye ba rgyas par bshad zin te/grangs dang / ming dang / rang gi ngo bo dang / rnam pa rab tu dbye ba brjod pa'i phyir ro/ /da ni 'di dpyad par bya ste/ ci 'dus byas kyi chos 'di dag zhes bya ba rgya cher 'byung ngo / /dpyod pa 'di la dgos pa ci yod ce na/ chos rab tu rnam par dbye ba'i don du chos mngon pa bstan to zhes dang po nyid du kho nar bshad pa ma yin nam/yang na ji ltar 'ug pa pa rnams kyi ltar na yan lag can gyi rdzas gcig skye ba de dgag par bya ba'i don du rdzas brgyad skye ba'o zhes rgyu dang / rkyen rnams kyi 'bras bu gcig pa nyid dgag par bya ba'i phyir ro/ / ji ltar mtshan nyid tha dad pa zhes bya ba ni gzugs ni gzugs su rung ba'i mtshan nyid can no/ /tshor ba ni myong ba'i mtshan nyid can no zhes rang gi mtshan nyid tha dad pas so/ /'dus ma byas rnams kyang mtshan nyid tha dad mod kyi/ skye ba ni ma yin pas de'i phyir 'dus byas smos so/ /nges par lhan cig skye ba yang yod ces bya ba la/kha cig lhan cig skye ba yod kyi/ nges par lhan cig skye ba ni ma yin te/ dper na mig la sogs pa'i rnam par shes pa rnams dang / mig la sogs pa dag lta bu ste/ mig la sogs pa dag ni brten pa dang bcas pa dang / de dang mtshungs pa nyid yin pa'i phyir ro/ /de'i phyir nges pa smos so//chos 'di dag thams cad ni zhes bya ba la/ rnam pa du ma yod kyang mdor bsdus pa brjod par 'dod na lngar 'gyur ro/ /ji ltar zhe na/ chos rnams ni rnam pa gnyis te/ gzugs can dang / gzugs can ma yin pa'o/ /de la gzugs can ma yin pa rnams la rnam pa bzhir dbye ba byas te lngar 'gyur ro//yang ci'i phyir rnam pa lngar bstan zhe na/ log par rtogs pa dgag pa'i phyir te/ gzugs la log par rtogs pa de dgag par bya ba'i phyir 'byung ba dang 'byung ba las gyur pa tha dad par bshad do/ /sems dang sems las byung ba don gzhan ma yin no snyam pa la/sems dang sems byung nges lhan cig /ces 'chad par 'gyur ro/ /thob pa la sogs pa rnams ni yod pa ma yin no snyam pa la/ mi ldan pa'i 'du byed rnams zhes 'chad par 'gyur ro/ /'dus ma byas rdzas ma yin no snyam pa la/ bral ba blo yis zad pa yin/ /zhes 'chad do/ / de lta na bstan pa 'dis ni log par rtogs pa de rnams bkag par 'gyur la/ rang gi grub mtha' yang gsal bar byas par 'gyur ro/ /de la 'dus ma byas la ni skye ba med pa nyid do zhes bya ba 'byung ste/ de la nges par lhan cig skye ba bsam pa'i skabs yod pa ma yin no/ /chos gzugs can rnams kyi zhes bya ba la/chos gzugs can rnams ni rnam pa gnyis te/ rdul phra rab ces bya ba dang / rdul phra rab ma yin pa zhes bya ba'o/ /rdul phra rab ces bya ba yang rnam pa gnyis te/ 'dod pa na spyod pa rnams dang / gzugs na spyod pa rnams so/ /'dod pa na spyod pa rnams kyang rnam pa gnyis te/ dbang po med pa rnams dang /dbang po dang bcas pa rnams so/ /gzugs na spyod pa rnams kyang de dang 'dra bar rnam pa gnyis kho na'o/ /nges pa ni 'di yin te zhes bya ba ni 'chad par 'gyur ba thams cad 'phen pa'o/ /de la re zhig /'dod na dbang po med pa dang / /sgra med phra rab rdul rdzas brgyad/ /ces bya ba rgyas par 'byung ngo //thams cad pas phra ba bsags pa'i gzugs ni rdul phra rab ces bya ste zhes bya ba la/ rdul phra rab ni rnam pa gnyis te/ rdzas kyi rdul phra rab dang / bsags pa'i rdul phra rab po/ /de la rdzas kyi rdul phra rab ni thams cad pas phra ba thogs pa dang bcas pa'i gzugs kyi yan lag ste/ gang zhig gzugs gzhan nam blos kyang rab tu rnam par dbye bar mi nus pa'o//de nyid kyi phyir/ de cha shas med pas de la gzugs kyi mtha' zhes bya ste/ skad cig ma phyed med pas skad cig ma dus kyi mtha' nyid yin pa bzhin no/ /'dus pa'i rdul phra rab ni gang las ches phra ba'i 'dus pa gzhan med pa tshogs pa'i yan lag ste/gzugs gzhan gyis gzhom par mi nus pa gang yin pa'o/ /gal te 'dus pa'i rdzas kyi yin pa'i phyir skye ba mi rigs pa ma yin nam zhe na/ 'dus pa skye ba zhes de skad du smra/ 'o na ci zhe na/ 'dod pa'i khams na dbang po dang sgra'i rdul phra rab ma gtogs pa rdzas brgyad phan tshun 'brel pa med par skye'o//'di skad du rdzas brgyad skye'o/ /gang yang rung ba zhig ma tshang ba ni ma yin no zhes bstan par 'gyur te/ de ni 'dod pa'i khams na sgra dang / dbang po dang bral ba'i rdzas brgyad ma 'brel bar skye ba yin no/ /'dod pa smos pa ni gzugs kyi khams gsal bar bya ba'i phyir ro/ /de ni dri dang ro med pas rnam pa gzhan du nges par skye bar rnam par gzhag go//lus dbang ldan la zhes bya ba la/ rdul phra rab dang sbyar te/ 'khar ba can bzhin no/ /de ni rdzas dgu nges par lhan cig skye ste/ lus kyi dbang po ni mig la sogs pa ma gtogs par yod pa'i phyir ro/ /dbang po gzhan ldan rdzas bcu'o/ / zhes bya ba la/ 'dus pa gang la mig la sogs pa gzhan yod pa de ni rdzas bcu pa yin te/ mig la sogs pa rnams ni lus kyi dbang po med na mi 'byung ba'i phyir dang / phan tshun tha dad par 'jug pa'i phyir ro/ /rdul phra rab de dag sgra dang bcas pa zhig tu zhes bya ba rgyas par 'byung ste/ de la dbang po med pa ni rdzas dgu pa'o//lus kyi dbang po dang ldan pa ni rdzas bcu pa'o/ /dbang po gzhan dang ldan pa ni rdzas bcu gcig pa ste/ de dag ni res 'ga' sgra med pa yang yin te/ sgra ni 'byung ba brdegs pa las skyes pa'i phyir na gzugs la sogs pa bzhin du rtag tu med pa'i phyir ro/ /de'i phyir na rdul phra rab de dag sgra dang bcas pa zhig tu skyes na ni zhes bya ba smos so//de nyid kyi phyir dbang po dang tha mi dad pa'i sgra mi dmigs par dogs par byas pa de'i phyir/ dbang po dang tha mi dad pa'i sgra yang yod de zhes bya ba rgyas par smos so/ /ji ltar na 'byung ba rnams tha mi dad pa las 'di na zhes bya ba dang / nges par lhan cig skye ba'i phyir na dbang po rnams ni tha mi dad pa ste/phan tshun rnam par dbye bar mi nus so zhes bya ba'i tha tshig go/ /de'i phyir ji ltar na tha dad pa med na/ 'dus pa kha cig kho na ni zhes bya ba rgyas par 'byung ste/ 'dus pa thams cad la thams cad mtshungs par yod pas thams cad kyi rang gi ngo bo dmigs par 'gyur gyi/sra ba la sogs par re re dmigs par ni mi 'gyur ro snyam du sems na/ gang zhig gang na ches gsal ba'i/ /zhes bya ba smos so/ /ji ltar zhe na/ bshad pa/ mthu'i sgo nas shas che ba ste/ nus pa'i sgo nas shas che ba'i rdzas te/ tshad kyi sgo nas ni ma yin no zhes bya ba'i don to//de ni de na dmigs te zhes bya ba la/ 'byung ba'i 'dus pa sra ba ni sa'i 'byung ba mthu'i sgo nas shas che ste/ de'i phyir de kho na der dmigs kyi/ gzhan dag ni ma yin te/ bya ba shas che ba ma yin pa'i phyir ro/ /de bzhin du lhag ma rnams la yang brjod par bya'o//de nyid la dpe ni/ dper na khab dang sdong bu'i tshogs la reg pa lta bu dang zhes bya ba rgyas par 'byung ba ste/ dmigs pa'i rgyu ni yod pa tsam kho na yod pa ma yin te/ 'o na ci zhe na/ gsal ba nyid kyang yin te/ dper na khab dang / sdong bu rnams dang / phye dang / lan tshwa dag tshad mnyam yang khab dang /sdong bu'i tshogs la mthu'i sgo nas sra ba shas che ba'i phyir khab kyi reg bya kho na dmigs kyi/ sdong bu'i reg bya ni ma yin no/ /de bzhin du mthu dang ldan pa'i phyir lan tshwa'i ro kho na dmigs par 'gyur gyi/ phye'i ro ni ma yin no/ /gang gi phyir zil gyis mnan pas ma dmigs pa ni ma yin te/ 'o na ci zhe na/ med pas kyang yin no zhes 'dri ba ni/ yang ji ltar de dag na zhes bya ba ste/ sra ba dang / gsher ba dang / dro ba la sogs pa'i 'dus pa dag la 'byung ba lhag ma gsum yod pa nyid du rtogs she na/ las kyi sgo nas te/ 'byung ba rnams kyi las so sor nges par 'dzin pa dang / sdud pa dang /smin pa dang / 'phel ba'i bdag nyid can ni/ 'dzin pa la sogs las su grub/ /ces bya bas gong kho nar bshad zin to/ /de'i phyir gang na gang gi las dmigs pa de na de yod pa nyid do zhes bya bar rtogs te/ 'dzin pa la sogs pa las ni byed pa po la ni ltos pa'am/ byed pa po gzhan dang ldan pa med pa'i phyir ro//de la rdo la sogs pa'i 'dus pa sra ba la ni drud pa dang / me 'byung ba dang / 'phel zhing ltung ba dag las chu dang / me dang / rlung rnams yod pa nyid du rtogs la/ 'dus pa gsher ba la ni gru la sogs pa rnams 'dzin pa'i phyir dang / dro ba'i phyir dang / g.yo ba'i phyir lhag ma rnams yod pa nyid du rtogs so//me'i 'dus pa dro ba la me lce rnams brten pa dang / bsdus pa dang / g.yo ba dag las lhag ma rnams yod pa nyid du rtogs so/ /rlung gi 'dus pa g.yo ba la 'dzin pa dang / grang ba dang / dro ba dag dmigs pa las lhag ma rnams yod pa nyid du rtogs so//rkyen dang phrad na zhes bya ba rgyas par 'byung ste/ me la sogs pa'i rkyen dang phrad na zangs la sogs pa rnams gsher bar dmigs pa'i phyir de la chu'i khams yod par khong du chud la/ grang ba la sogs pa'i rkyen dang phrad pas gsher ba la sra ba la sogs pa mthong ba'i phyir de la sa'i khams yod pa nyid du nges so//de bzhin du sra ba'i tshogs drud pa las dro ba dmigs pa'i phyir me yod pa nyid dang / mngon par brdegs pa las yan lag byer ba las rlung gi khams yod pa nyid du shes so/ /yod pa ni rkyen gyi mthu'i sgo nas bya ba chas che ba nyid du byed kyi/ med pa skye bar ni ma yin te/ ha cang thal bar 'gyur ba'i phyir ro//gzhan dag na re chu dag la grang ba'i khyad par gyi sgo nas zhes bya ba ni slob dpon dpal len yin te/ me chung ches pa dang / ches chungs pa dang / chung ba dang 'dres pa'i phyir chu dag la grang ba'i khyad par te/ grang ba dang / ches grang ba dang / grangs ches pa zhes bya ba rung ste/ grang ba dang ni dro ba'i gnyen po yin pa'i phyir ro zhes zer ro//dngos po rnams mi mthun pa'i phyogs dang 'dres pa nyid las ches zhan pa dang / zhan ches pa la sogs par tha dad do zhes bya ba 'di ni gcig tu nges pa ma yin no/ /zhes bstan pa'i phyir/ ma 'dres kyang zhes bya ba rgyas par 'byung ste/ ji ltar sgra rdzas gzhan dang 'dres pa med cing rang gi rigs las ma 'das pa gsal ba dang /ches gsal ba dang / gsal ches pa yin pa dang / de bzhin du bde ba dang / sdug bsngal cig car srid pa med mod kyi/ 'on kyang rang gi rigs las ma 'das par tshor ba la khyad par mthong ba'i phyir na tshor ba bde ba/ ma tshor ba sdug bsngal dang 'dres pa la ltos pa med la/sdug bsngal ma tshor ba bde ba dang 'dres pa la ltos pa med la de bzhin du chu dag la yang rdzas gzhan dang 'dres pa med cing / rang gi rigs las ma 'das pa grang bar khyad par du 'gyur ro/ /gzhan dag na re de dag la sa bon gyi sgo nas yod kyi zhes bya ba la sogs pa la/sa bon gyi sgo nas zhes bya ba ni nus pa'i sgo nas so/ /de dag la zhes bya ba ni sra ba la sogs pa'i tshogs pa dag la'o/ /de dag ces bya ba ni sa la sogs pa dag go/ /rang gi ngo bor ni ma yin te zhes bya ba ni rdzas su ni ma yin te zhes bya ba'i don to/ /ci'i phyir rang gi ngo bor ma yin zhe na/de'i phyir/ shing gi phung po 'di la khams rnam pa sna tshogs yod do zhes bya ba smos te/ sa bon rnams zhes bya bar rtogs kyi/ gser la sogs pa'i khams rnams rang gi ngo bos gnas pa ni ma yin te/ 'gal ba'i phyir ro/ /shing gi phung po'i cha shas chung yang bsam gtan pa du ma'i mos pa tha dad pa'i phyir/rnal 'byor pa rnams kyis lhag par mos pa'i khyad par gyi sgo nas gser gyi khams so/ /dngul gyi khams so/ /zangs kyi khams so zhes bya ba de lta bu la sogs pa rnams su yongs su rtogs kyi/ 'gal ba'i phyir na rang gi ngo bor ni ma yin no snyam du bsams pa'o/ /bsam gtan pa rnams kyi mos pa tha dad pa'i phyir 'di ni mi sdug pa ltar mos pa yid la byed pa yin gyi de kho na yid la byed pa ni ma yin no zhes gang bshad pa yin no//dngos po rnams ni mthong ba tha dad pa'i rjes su byed pa na rang gi bdag nyid yongs su 'gyur ba ma yin te/ gcig la cig car bdag nyid du mi 'thad pa'i phyir ro//gal te rdul phra rab rdzas brgyad po nges par lhan cig skye na/ rlung la kha dog ji ltar yod/ /ces pa 'am/ yang na gsher ba nyid la sogs pa rkyen yod na sra ba la sogs pa rnams la gsher ba nyid la sogs pa dmigs pa'i phyir sngar yang de yod pa nyid du smras na/ gang dang 'brel pa las rlung la kha dog dmigs par 'gyur ba'i rkyen ni 'ga' yang yod pa ma yin te/de'i phyir rlung la kha dog ji ltar yod pa brjod par bya'o zhe na/ don 'di ni dad par bya ba yin gyi/ rjes su dpag par bya ba ni ma yin no zhes bya ba 'byung ste/ lkog tu gyur pa'i don la ni rnam pa gnyis kyis rtogs te/ rjes su dpag pa dang /yid ches pa'i lung gis so/ /de'i phyir 'dir ni bshad ma thag pa'i rjes su dpag pa mi srid kyi/ yid ches pa'i tshig tshad ma nyid du gyur pa kho na las rtogs par bya'o/ /don 'di ni mchog tu yid ches pa dag gis gsungs so zhes bya bar rtogs par bya'i/ don 'di rjes su dpag pas bsgrub par bya ba ni ma yin no//yang na dad par bya ba yin pa 'ba' zhig tu ma zad de/ 'o na ci zhe na/ rjes su dpag par bya ba yang yin no/ /'dres par dri 'dzin pa'i phyir te zhes bya ba la/ dri dang ldan pa'i rdzas dang 'dres pas rlung gis dri khrid nas 'ongs pa'i phyir dang / 'dzin pa'i phyir dang / dri 'ongs pa la yang kha dog 'khrul pa med pa'i phyir ro//gzugs ni gzugs kyi khams la dri 'khrul gyi/ dri ni gzugs la ma yin te/ de'i gang na dri yod pa de na gzugs yod do zhes bya bar rtogs par bya'o/ /rdzas drug dang / bdun dang / brgyad dang ldan pa zhes bya ba la/ gzugs kyi khams na ni dri dang ro gnyis med de/de'i phyir dbang po dang / sgra dang bral ba ni rdzas drug dang ldan no/ /lus kyi dbang po dang ldan pa ni rdzas bdun dang ldan no/ /dbang po gzhan dang ldan pa ni rdzas brgyad pa yin no/ /smras pa/ gzugs na dbang po med pa dang / /sgra med phra rab rdul rdzas drug /lus dbang ldan pa rdzas bdun te//dbang po gzhan ldan rtag rdzas brgyad/ /ces so/ /de dag sgra dang bcas na ni rdzas bdun dang / brgyad dang / dgu dang ldan no/ /don gyis bshad zin pa dang 'dra ba nyid kyi phyir/ de bshad zin pa 'dra ba'i dngos po ni bshad zin pa 'dra ba nyid do/ /brjod pa don med par thal bar 'gyur ba'i phyir yang mi bshad do//yang ci 'dir zhes bya ba ni rdul phra rab rdzas brgyad dang ldan par ro/ /rdzas kho na rdzas su gzung zhes bya ba ni rdzas kyi sgras sa la sogs pa'i rang gi mtshan nyid kho na brjod kyi/ skye mched kyi rang gi mtshan nyid ma yin pa'o/ /'on te skye mched kyi rdzas zhes bya ba ni skye mched kyi rang gi mtshan nyid mang po rnams kyi gcig nyid gang yin pa ste/dper na rnam pa nyi shu'i dbye bas phye ba ni gzugs kyi skye mched yin no zhes bya ba la sogs pa lta bu'o/ /gal te rdzas kho na la rdzas su grub gzung na ni zhes bya ba la/ gal te rdzas kho na rdzas kyi sgras gzung gi /skye mched kyi rang gi mtshan nyid ma yin na ni de lta yin dang ha cang nyungs par smras pa yin te/rdul phra rab de la brgyad dang / dgu dang / bcu dang / bcu gcig las tha dad pa'i rdzas gzhan yang yod pa'i phyir te/ dbyibs de yang rdul phra rab bsags pa yin pa'i phyir ro/ /lci ba nyid dang / yang ba nyid dag la sa gang yang rung ba zhig dang /'jam pa nyid dang / rtsub pa nyid dag las gang yang rung ba zhig kyang gdon mi za bar yod de/ 'dus pa'i gzugs ni lci ba nyid dang / yang ba nyid dang bral ba'am/ 'jam pa nyid dang / rtsub pa nyid dang bral ba 'ga' yang med do/ /grang ba dang / bkres pa dang / skom pa dag ni rdul phra rab thams cad la mi srid pas kha cig la ni zhes bya ba smos so//'on te skye mched la zhes bya ba rgyas par 'byung ste/ gal te skye mched kyi rang gi mtshan nyid kyi dbang du byas nas rdzas su brjod kyi/ rdzas kyi rang gi mtshan nyid ma yin na'o/ /rdzas bzhi dang ldan pa zhes bya ba la/ ci'i phyir zhe na/ de'i phyir 'byung ba las gyur pa 'ba' zhig tu ma zad kyi/'byung ba ji snyed pa dag kyang reg bya'i skye mched yin no zhes bya ba smos so/ /rten du gyur pa gang yin pa'o zhes bya ba ni sa la sogs pa ste/ de ni rgyur byas pa'i gzugs kyi rten yin no/ /rten can du gyur pa gang yin pa'o zhes bya ba ni rgyur byas pa'i gzugs so/ /de ltar na dbyibs ni gzugs kyi skye mched kyi khongs su 'du la/lci ba nyid la sogs pa rnams ni reg bya'i skye mched kyi khongs su 'du ba'i phyir ha cang nyungs pa dang ha cang mangs par smras pa ma yin no/ /gal te rten du gyur pa rdzas kho na la rdzas su gzung ba de lta na yang mangs pa nyid las mi grol lo/ /ci'i phyir zhe na/ rgyur byas pa'i gzugs rnams zhes bya ba la sogs pa smos te/'byung ba bzhi tshan gang zhig rgyur byas pa'i gzugs gcig gi rten yin pa de nyid rgyur byas pa gzhan gyi ni ma yin te/ 'o na ci zhe na/ de'i rten ni 'byung ba bzhi tshan gzhan nyid yin no zhes bya ba ni grub pa'i mtha' yin no/ /'byung ba'i rdzas rnams ni mang po nyid yin la/ de dag kyang rgyur byas pa'i gzugs ltar gdon mi za bar phan tshun nges par lhan cig skye bar 'gyur ro/ /'di ni rigs las rdzas su gzung ste zhes bya ba ni sa la sogs pa'i rigs so/ /'byung ba bzhi tshan gzhan dag kyang 'byung ba bzhi tshan gcig gi rigs gang yin pa de kho na las mi 'da' ste/ de nyid kyi rgyu bshad pa/'byung ba bzhi tshan gzhan dag kyang sa la sogs pa'i rigs las mi 'da' ba'i phyir ro/ /mig la sogs pa re re'i rten 'byung ba bzhi tshan gang dag yin pa de dag ni phan tshun 'byung ba bzhi tshan gyi rigs las mi 'da' ste/ de'i phyir 'byung ba chen po bzhi zhes 'byung ba'i bzhi tshan gcig nyid du bshad do/ / de ltar 'bad de zhes bya ba rgyas par 'byung ste/ 'dir cung zad cig ni rdzas kho na rdzas yin la/ cung zad cig ni skye mched kyi rdzas yin zhing / slar yang rigs kyi rdzas yin no zhes de ltar bye brag tu bstan par bya ba'i phyir 'bad pa 'di la don ci yod/ 'dun pa'i sgo nas zhes bya ba ni 'dun pa zhes bya ba'i don te/ mdor bsdus pa dang / rgyas pa'i rjes su byed pa'i phyir ro/ /don la brtag par bya'o zhes bya ba ni ci rdzas 'di dag lhan cig nges par skye ba yin nam ma yin zhes bya bar ro/ /gzugs can rnams kyi nges par lhan cig skye ba bshad zin to zhes bya ba ni/ 'dod na dbang po med pa dang / /sgra med phra rab rdul rdzas brgyad//ces bya ba la sogs pas so/ /lhag ma rnams kyi brjod par bya'o zhes bya ba ni sems dang sems las byung ba dang ldan pa ma yin pa rnams kyi'o/ /sems dang sems byung nges lhan cig /ces bya ba la/ sems thams cad sems las byung ba thams cad dam/ sems las byung ba thams cad sems thams cad dang lhan cig nges par skye ba ni ma yin te/'o na ci zhe na/ sems dang sems las byung ba rnams phan tshun bral ba skye ba ma yin no zhes bya bar nges par gzung bar bya'o/ /de nyid kyi phyir/ 'di dag ni zhes bya ba rgyas par smos te/ phan tshun rag las te/ lus kyi rnyed pa'i phyir phan tshun med na 'byung bar mi nus so//bshad pa/ sems las byung ba med pa yi/ /sems ni nam yang mi 'byung ste/ /nyi ma dang ni 'od zer bzhin/ /de dag nyid dang lhan cig 'byung / /thams cad 'dus byas mtshan nyid dang / /zhes bya ba la/ 'dus byas ni skye ba la sogs pa'i mtshan nyid ni 'khrul pa med pa'i phyir ro//thams cad ces bya ba ni gzugs dang / sems dang sems las byung ba dang ldan pa ma yin pa'i 'du byed dag yin gyi/ 'dus ma byas ni ma yin te/ skye ba'i dbang du byas pa'i phyir ro/ /de nyid kyi phyir/ gang cung zad skye ba zhes smras so/ /thob pa'am zhes bya ba la/ sems can du ston pa kho na thob pa dang lhan cig gdon mi za bar skye'i/sems can du ston pa ma yin pa ni ma yin no/ /sems can du mi 'grang ba la thob pa med do zhes bya ba 'di la rgyu ci yod ce na/ sems can thams cad kyi thun mong ba yin pa'i phyir la/ thob pa ni thun mong ma yin pa'i phyir ro//de nyid kyi phyir/ bye brag tu bya ba'i phyir ram zhes bya ba'i sgra smos so zhes bshad de/ cung zad cig thob pa dang lhan cig skye la/ cung zad cig mi skye ba'i phyir ro/ /bshad ma thag pa'i 'dus byas rnam pa bzhi las gzugs ni gzugs kyi phung po bstan par rnam par phye zin to/ /sems ni khams bstan par rnam par phye'o//sems las byung ba rnams dang ldan pa ma yin pa rnams ni rnam par dbye ba ma byas te/ de'i phyir sems las byung ba'i rnam par dbye ba bstan pa'i phyir/ sems byung rnam lnga ste zhes bya ba smos so/ /de dag kyang gang dag cig ce na/ de'i phyir/ sa mang la sogs tha dad phyir//zhes bya ba smos so/ /gang dag sems thams cad la 'byung ba de dag ni sa mang po pa'o/ /gang dag dge ba kho na la 'byung ba de dag ni dge ba'i sa mang po pa rnams so/ /gang dag nyon mongs pa can kho na la 'byung ba de dag ni nyon mongs pa'i sa mang po pa'o/ /gang dag mi dge ba kho na la byung ba de dag ni mi dge ba'i sa mang po pa rnams so//gang dag nyon mongs pa chung ngu dang mtshungs par ldan pa'i sems las byung ba de dag ni nyon mongs pa chung ngu pa'i sa pa rnams so/ /sa zhes bya ba ni go skabs kyi yul te zhes bya ba la/ go skabs zhes bya ba ni go 'am skye ba'o/ /gang zhig gang gis go skabs kyi yul yin pa zhes bya ba la/gang du gang gis go mi rdug pa de ni de'i go skabs kyi yul te/ de nyid la 'jig rten nas zhes bya'o/ /de la 'di dag la sa mang po yod pas na sa mang po pa rnams te/ gang dag rnam pa thams cad du sems thams cad dang lhan cig skye 'am/ khams gsum pa dang /dge ba dang / mi dge ba dang / lung du ma bstan pa 'am/ zag pa dang bcas pa dang / zag pa med pa dang lhan cig skye'o/ /de nyid kyi phyir/ sems ni sa chen po pa yin te/ sems gzhan dang lhan cig mi 'byung ba'i phyir ro/ /go skabs kyi yul ni go skabs kyi yul lo/ / chos bcu po 'di dag ni zhes bya ba rgyas par 'byung ste/ grag go zhes bya ba'i sgra ni yid la byed pa dang / btang snyoms mi rtsol ba gnyis sems kyi skad cig gcig la 'gal bas mi 'dod par bstan par bya ba'i phyir ro/ /tshor ba myong ba zhes sngar tshor ba'i rang gi ngo bor bshad pas da ltar rab tu dbye ba tsam zhig ston pa ni/myong ba rnam pa gsum ste zhes bya ba'o/ /dbang po rnam par gzhag par lus kyi dang / sems kyi dbye ba rnam pa lngar bshad pa gang yang yin pa de ni myong ba rnam pa gsum las ma 'das so zhes bstan pa'i phyir yang myong ba rnam pa gsum ste zhes bshad do/ /de la/ bde ba dang / sdug bsngal ba dang /bde ba yang ma yin sdug bsngal yang ma yin pa'i nyams su myong ba ni go rims bzhin du lus la phan 'dogs pa dang / gnod pa dang / snyoms par byed pa 'dod pa dang / mi 'dod pa dang / gnyis ka las bzlog pa'i reg pas bskyed pa yin par rig par bya'o/ /sems pa ni sems mngon par 'du byed pa'o zhes bya ba la/sems pa ni yid g.yo ba dge ba dang / mi dge ba dang / lung du ma bstan pa dman pa dang / bar ma dang / gya nom pa sems g.yo ba dang / rab tu g.yo ba ste/ gang zhig yod na khab long gi dbang gis lcags g.yo ba ltar sems dmigs pa la g.yo bar 'gyur ba ste/skad cig gzhan du mi gnas shing / /byed med yid kyang gang gis na/ /byed dang bcas par snang byed pa/ /sems pa de ni yid kyi las/ /zhes bshad do/ /yul la mtshan mar 'dzin pa'o/ /zhes bya ba la/ mtshan ma ni yul gyi bye brag ste/ skyes pa dang / bud med la sogs pa'i dmigs pa'i rnam par gzhag pa'i rgyu zhes bya ba'i don to//'dun pa ni byed 'dod pa'i zhes bya ba ni dmigs pa 'dzin par 'dod ces bya ba'i don to/ /sems dang sems las byung ba thams cad ni mngon par 'dod pa sngon du 'gro ba can te/ de nyid kyi phyir chos thams cad ni 'dun pa'i rtsa ba can du brjod do//gal te 'dun pa la mngon par dad pa'i bdag nyid can yin na 'dun pa dang sred pa gnyis la khyad par ci yod ce na/ sred pa ni mngon par zhen pa'i mtshan nyid can yin la/ 'dun pa ni mngon par 'dod pa'i mtshan nyid can yin par khyad par yod do/ /reg pa ni zhes bya ba rgyas par 'byung ba la/dbang po dang / yul dang / rnam par shes pa rgyu dang 'bras bur gyur pa dag phan tshun reg pa dang 'dra ba/ gnas skabs de dang ldan pa dag las sems las byung ba'i chos gzhan du gyur pa/ tshor ba thams cad kyi rgyu reg pa zhes bya ba zhig skye ba de la reg pa zhes brjod do//shes rab ste chos rab tu rnam par 'byed pa'o zhes bya ba la/ rab tu rnam par 'byed par byed pas na rab tu rnam par 'byed pa ste/ gang gis rang dang spyi'i mtshan nyid 'dres pa'i chos rnams la me tog dag dang 'dra bar rab tu rnam par 'byed par byed cing / rnam par 'byed par byed pa'i blo ni 'di dag zag pa dang bcas pa rnams so//'di dag ni zag pa med pa rnams so/ /'di dag ni gzugs can ma yin pa rnams so/ /'di dag ni gzugs can rnams so snyam du rnam par 'byed pa'i rtogs pa'o/ /dran pa ni dmigs pa mi brjed pa'o zhes bya ba ni dmigs pa 'dzin pa la nyams pa med pa'i rgyu'o zhes bya ba'i don to//yid la byed pa ni sems kyi 'jug pa'o zhes bya ba la/ dmigs pa la sems 'jug par byed pa'i las can mthun par sems pa sems las 'byung ba'i chos ni yid la byed pa ste/ gang zhig la 'jig rten pa rnams sems gtod pa zhes smra ba'o//yid la byed pas na yid la byed pa ste/ lcags byed pa bzhin no/ /sems mtshungs par ldan pa dang bcas pa dmigs pa la 'jug par byed do zhes bya ba'i don gang yin pa ste/ de la ni lag pas ril ba b+h+r-ing ga ra ltar 'jug cing / sems dmigs pa la 'dzud par byed do/ /mos pa ni 'dod pa'o zhes bya ba ni 'di ni 'di ltar yin no snyam pa ste/dmigs pa la bying bying po med pa nyid do/ /gzhan dag na re 'dod pa'o zhes zer ro/ /gzhan dag na re ni nges par ji lta ba bzhin du nges par 'dzin pa'o zhe'o/ /ting nge 'dzin ni sems rtse gcig pa nyid do zhes bya ba la/ rtse ni dmigs pa dang yul zhes bya ba'i don to//gang yod na sems dang sems las byung ba rnams dmigs pa gcig par 'byung ba'i chos de ni ting nge 'dzin zhes bya ba ste/ rnam par ma spros pa'i tshul gyis yul 'dzin pa la mi g.yengs pa'i rgyu zhes bya ba'i tha tshig go/ /slob dpon dpal len na re sa mang po pa rnams ni med kyi/ gal te brtag na ni gsum kho na zhig ste/mdo las tshor ba dang / 'du shes dang / sems pa dag ni lhan cig skye'o zhes 'byung ba'i phyir ro zhes zer ro/ /de ni de lta ma yin no/ /mdo gzhan las sems las byung ba'i chos gzhan yang bstan te/ bcom ldan 'das kyis [(]ches [,]chos [)]thams cad ni 'dun pa'i rtsa ba can yid la byed pa las byung ba/reg pa'i kun 'byung ba can tshor ba la brten pa/ dran pa'i bdag po can ting nge 'dzin gtso bor gyur pa/ shes rab mchog tu gyur pa/ rnam par grol ba'i snying po can mya ngan las 'das pa'i mthar thug pa'o zhes gsungs pa ji ltar sa mang po pa dag gsum kho nar gsungs/ de ltar na gal te ji ltar sems kyi rgyun gcig la mtshan nyid tha dad pa bcu yod pa nyid du rtogs par bya zhe na/ de'i phyir/ sems las byung ba rnams kyi bye brag ni phra bas zhes bya ba smos te/ brtson 'grus med pa dang / shes rab med pa dang / dad pa med pa dag gis rtogs par mi nus so/ /'di ltar phra ba zhig gi ste/gang zhig rgyun rnams la yang yongs su gcad par dka' na skad cig ma dag la lta smos kyang ci dgos/ dad pa dang / brtson 'grus dang / shes rab can dag gis kha cig ni rang gi ngo bo'i sgo nas yongs su gcad par bya bar nus la/ kha cig ni bya ba'i sgo nas yongs su gcad par bya bar nus pas yongs su gcad par dka' na zhes bya ba smos so//sems pa dang yid la byed pa dag ni shin tu mtshan nyid tha dad do snyam du mthong bas/ re zhig sman la sogs pa gzugs can rnams la yang zhes bya ba smos te/ a ru ra la sogs pa sman lus can rnams la yang ste/ a ru ra la ni lan tshwa'i ro ma gtogs pa lhag ma ro lnga dag yod pa yin no//dbang po gzung bar bya ba rnams/ /zhes bya ba ni lce'i dbang pos gzung bar bya ba rnams te/ nges par gzung bar dka' bas yongs su gcad par dka' na/ chos gang dag lus can ma yin zhing blos bzung ba ste/ yid kyi rnam par shes pa tsam gyis gzung bar bya ba rnams lta smos kyang ci dgos//de'i phyir/ de rnams ni yid ches pas bstan pa'i phyir de kho na ltar rtogs par bya ste/ don gyi rnam pa du ma cig car rtogs pa'i phyir dang / gcig la cig car de dag dang ldan pa mi 'thad pa'i phyir ro/ /chos gzhan rjes su zhugs na rgyun rnams la rnam par 'gyur ba mthong ste/'bru mar bsnan pa dang / dri ma dang / chu dang / rlung zhugs na mar me'i rgyun la cig car yongs su gsal ba dang / mi gsal ba dang / sgra dang / g.yo ba la sogs pa mthong ba'i phyir ro/ /de'i phyir sa mang po pa rnams yod do zhes ji ltar nye bar bkod pa kho na yin no//dad pa ni sems dang ba'o zhes bya ba la/ dad pa ni sems kyi rnyog pa dang 'gal ba ste/ de dang mtshungs par ldan na nyon mongs pa dang / nye ba'i nyon mongs pa'i dri ma'i rnyog pa dang bral bar 'gyur ba'i phyir/ dad pa la brten nas sems dang bar 'gyur bas sems dang ba'o zhes brjod do//dad pa ni sems las byung ba'i chos gzhan nor bu chu 'dang dang 'dra ba zhig go/ /gzugs dang ba yang yod pas de'i phyir sems dang ba zhes bya ba smos so/ /gzhan dag na re bden pa dang dkon mchog ces bya ba la sogs pa la/ bden pa dang / dkon mchog rnams dang /las rnams dang / 'bras bu rnams la mngon par yid ches pa ste/ yid ches shing legs pa 'dod pa dang / mos pa gsos 'debs pa ni dad pa'o/ /bag yod pa ni dge ba'i chos rnams bsgom pa'o zhes 'byung ste/ gang yod na zhes brjod par bya'o/ /dge ba'i chos rnams bsgom pa ni rnyed pa dang /brten pa la mngon par 'dod de/ de ni bag yod pa las 'gyur ro/ /de nyid kyi phyir/ de dag las gzhan pa zhes bya ba smos so/ /dge ba'i chos dag las gzhan pa bsgom pa ste/ yod pa ma yin pa kho na'o snyam du bsams pa'o/ /de dag nyid la gces su 'dzin pa gang yin pa'o zhes bya ba la/gces su 'dzin pa zhes bya ba 'di ci zhig lhur len pa'o/ /lhur len pa 'di ci zhig /gang yod na dge ba'i phyogs su lhur byed par 'gyur ba'o/ /sems kun du srung ba'o zhes bya ba la/ bdag la phan pa gces su 'dzin pa'i lus dang / ngag dang / yid kun nas srung ba lhur len pa bag med pa dang 'gal ba'i chos ni bag yod pa'o//shin tu sbyangs pa ni sems las su rung ba nyid do zhes bya ba la/ las su rung ba nyid kyang gang zhe na/ yang dag par yid la byed pa la zhugs pa'i sems sim pa dang / yang ba'i rgyu sems las byung ba'i chos gzhan gang yin pa ste/ de dang ldan pas sems dmigs pa la ma chags par 'jug pa de'i phyir/sems las su rung ba nyid do zhes brjod de/ bsreg pa dang / chus gtor ba dang / brdungs pas sbyang ba byas pa'i gser bzhin no/ /mdo las/ gang zhig shin tu sbyangs pa byang chub kyi yan lag tu gyur pa'i rnam grangs gang zhe na/ lus shin tu sbyangs pa yang yod do/ /sems shin tu sbyangs pa yang yod do/ /gang yang lus shin tu sbyangs pa/ shin tu sbyangs pa yang dag byang chub kyi yan lag de yang mngon par shes pa dang / rdzogs par byang chub pa dang / mya ngan las 'da' bar byed par 'gyur ro/ /gang yang sems shin tu sbyangs pa/shin tu sbyangs pa yang dag byang chub kyi yan lag de yang mngon par shes pa dang / rdzogs par byang chub pa dang / mya ngan las 'da' bar byed par 'gyur ro zhes lus shin tu sbyangs pa yang gsungs pa ma yin nam/ 'dir sems las su rung ba kho na shin tu sbyangs par bshad pas shin tu sbyangs pa'i mtshan nyid ma khyab pa ma yin nam zhe na/mdo las ma gsungs pa ni ma yin no/ /de ni lus kyi tshor ba ji lta ba bzhin du zhes bya ba la/ sems kyi yin yang dbang po gzugs can la brten nas skyes pa'i phyir mig la sogs pa'i rnam par shes pa dang mtshungs par ldan pa la/ lus kyi zhes bshad pa de bzhin du lus shin tu sbyangs pa yang rig par bya ste/sems kyi yin yang dbang po gzugs can la brten nas skye ba'i phyir/ rnam par shes pa lnga dang mtshungs par ldan pa la lus kyi zhes bya ba'o/ /de yang mig la sogs pa'i rnam par shes pa dge ba rnams las su rung ba nyid de/ shin tu sbyangs pa ni sa mang po pa yin pa'i phyir ro//de na lus dang sems shin tu sbyangs pa gnyis la ngo bo'i khyad par 'ga' yang yod pa ma yin pas mtshan nyid khyab pa yin gyi ma khyab pa ma yin no/ /de ji ltar na byang chub kyi yan lag tu zhes bya ba 'byung ste/ mig la sogs pa'i rnam par shes pa rnams mnyam par ma bzhag pa yin pa'i phyir dang /byang chub kyi yan lag rnams zag pa med pa yin pa'i phyir/ mig la sogs pa'i rnam par shes pa dang mtshungs par ldan pa'i shin tu sbyangs pa ni byang chub kyi yan lag dag tu rung ba ma yin no zhe na/ 'o na mdo der ni lus las su rung ba 'byung ba'i khyad par dga' bas drangs pa kho na lus shin tu sbyangs pa yin par rig par bya ste/mdo las yid dga' bar gyur pa'i lus shin tu sbyangs par 'gyur ro zhes 'byung ba'i phyir ro/ /kha cig na re ni lus mnyan pa nyid du zhes zer ro/ /de ji ltar na byang chub kyi yan lag ces bya zhe na zhes bya ba la/ byang chub kyi yan lag rnams ni yid kyi sa pa dang /zag pa med pa dag yin la/ lus shin tu sbyangs pa ni sems las byung ba'i bdag nyid ma yin zhing / zag pa dang bcas pa yin pas de yang byang chub kyi yan lag dag tu mi rung ngo zhe na/ bye brag tu smra ba rnams na re/ byang chub kyi yan lag dang mthun pa'i phyir te/ lus shin tu sbyangs pa de yang sems shin tu sbyangs pa byang chub kyi yan lag gi bdag nyid can dang rjes su mthun pas de la yang byang chub kyi yan lag ces brjod do zhes zer ro//ji ltar mthun zhe na/ lus las su rung ba de nyid ces bya ba rgyas par 'byung ngo / /de lta bu zhes bya ba ni de'i rang bzhin ma yin yang mthun pa'i phyir de dang 'dra bar nye bar 'dogs pa'o//de'i rang bzhin ma yin yang dga' ba yang dag byang chub kyi yan lag dang rjes su mthun pa'i phyir/ dga' ba'i gnas lta bu'i chos rnams dga' ba yang dag byang chub kyi yan lag tu gsungs shing / khong khro ba'i rgyu mtshan mnar sems kyi gzhi dgu gnod sems dang mthun pa'i phyir gnod sems kyi sgrib par gsungs la/gang gi tshe lam phung po gsum du mdzad pa de'i tshe rtog pa dang rtsol ba shes rab kyi phung por gsungs na/ rtog pa dang rtsol ba gnyis ni shes rab rang bzhin ma yin te/ 'o na ci zhe na/ rtog pa dang brtson 'grus kyi rang bzhin yin no//btang snyoms ni sems mnyam pa nyid ces bya ba ni bying rgod kyi mi mthun pa'i phyogs so/ /sems tshul bzhin du rgyu ba las ma 'das pa zhes bya ba'i don te/ sems lhun gyis grub pa nyid do zhes 'byung ba'i phyir ro/ /gzhan dag na re ni yid la byed pa'i gegs yin no zhes zer ro//'di ni 'du byed btang snyoms yin par rig par bya'i/ tshor ba ni myong ba rnam pa gsum mo zhes bya ba de nyid las de smos pa'i phyir tshor ba btang snyoms ma yin la/ dge ba'i sems thams cad la 'byung ba'i phyir tshad med pa btang snyoms kyang ma yin no/ /gang gi phyir gsung rab las ni tshor ba btang snyoms dang /'du byed btang snyoms dang / tshad med pa btang snyoms zhes bya ba btang snyoms pa rnam pa gsum gsungs mod kyi/ 'dir ni dge ba'i sa mang po pa'i skabs yin pas tshor ba dang / tshad med pa btang snyoms dag mi gzung ngo / /da ni ji ltar na zhes bya ba rgyas par 'byung ste/'di ni sa mang po pa yin pa'i phyir dang / dge ba'i sa mang po pa yin pa'i phyir/ yid la byed pa dang btang snyoms dag sems gcig la 'byung na de ni 'thad pa yang ma yin te/ phan tshun 'gal ba'i phyir ro zhe na/ 'di dag gi bye brag ni shes par dka'o zhes bshad pa ma yin nam zhes bya ba la/sdug bsngal bas shes pa ni shes par dka' ba'o/ /shes par dka' ba yang zhes bya ba rgyas par 'byung ste/ gang zhig reg pa dang tshor ba ji lta ba bzhin du sems kyi skad cig gcig la sems las byung ba'i chos gzhan dang mi 'gal ba de ni shes par dka' yang shes pa yin gyi/ gang zhig rtsol ba dang /rtsol ba med pa phan tshun 'gal ba dag gcig la 'byung ba mi 'gal lo zhes bya ba 'di ni shin tu shes par dka' ste/ bde ba dang sdug bsngal ba dag ni sems gcig la 'byung bar ma mthong ngo / /rtsol ba yang gzhan du 'byung ba la zhes bya ba rgyas par 'byung ste/ chos gzhan nyid yin pa'i phyir rtsol ba nyid rtsol ba med pa ma yin la/de gnyis dngos po gcig la 'jug pa yang ma yin te/ gang gi tshe gzugs la rtsol ba de'i tshe sgra la sogs pa dag la rtsol ba mad pa yin pas 'di la 'gal ba ci yod ce na/ 'o na ni nga zhes bya ba la sogs pa/ rtsol ba dang / rtsol ba med pa gnyis yul tha dad pa'i phyir mtshungs par ldan pa thams cad dmigs pa gcig par mi 'gyur na/mtshungs par ldan pa rnams dmigs pa tha mi dad pa nyid du 'dod pa yang yin te/ dmigs pa mtshungs pa nyid kyis mtshungs par ldan pa nyid du khas blangs pa'i phyir ro/ /'di las 'di lta bu'i rigs zhes bya ba la/ dper na rtog pa dang /dpyod pa gnyis bzhin du 'gal yang mi 'gal ba'i rigs te/ rtsing ba dang zhib pa dag phan tshun 'gal ba'i phyir ro/ /mi 'gal ba ni sems gcig la 'byung ba'i phyir ro/ /de'i tshul gang yin pa de ni 'di la yang zhes bya ba la/ rnam grangs kyis gnas so zhes bya bar bsams pa'o/ / ngo tsha shes pa dang / khrel yod pa ni 'og nas 'chad par 'gyur ro zhes bya ba ni/ ma gus ngo tsha med khrel med/ /kha na ma tho 'jigs mi lta/ /zhes bya ba der te/ bzlog pa ni ngo tsha shes pa dang / khrel yod pa yin par rig par bya'o/ /rtsa ba gnyis ni zhes bya ba rgyas par 'byung ste/de la ma chags pa ni rnyed pa dang / ma rnyed pa'i yul la lhag par zhen pa dang / don du gnyer ba dang 'gal zhing mngon par ma zhen pa'o/ /zhe sdang med pa ni sems can rnams la gnod sems med cing / rjes su brtse ba'i sa bon du gyur pa'o/ /dge ba'i rtsa ba rnams phan tshun med na mi 'byung ba'i phyir dge ba'i sems thams cad la mtshungs par 'byung yang gti mug med pa ma bstan pas/dge ba'i sa mang po pa'i bshad pa ma tshang ba yin no snyam du dogs pa spangs pa'i phyir/ gti mug med pa yang yod mod kyi zhes bya ba rgyas par smos so/ /'di skad bstan par 'gyur te/ gang dag dge ba'i sems gzhan la yang 'byung bas dge ba'i sa mang po pa yin te/de na sems gzhan la yang 'byung bas dge ba'i sa mang po ba ma yin te/ 'dun pa la sogs pa bzhin no/ /de'i phyir dge ba'i sa mang po pa'i bshad pa la ma tshang ba nyid med do/ /rnam par mi 'tshe ba ni zhes bya ba rnam par tho mi 'tshams pa ste/sems can gzhan la gnod par dga' ba dang 'gal ba sems bzang po nyid ni rnam par mi 'tshe ba'o/ /brtson 'grus ni sems mngon par spro ba'o zhes bya ba la/ yon tan dang skyon skyes zin pa kun du bsrungs ba dang / spangs pa dang / ma skyes pa bskyed pa dang / mi bskyed par bya ba'i phyir sems la le lo med pa ni mngon par spro ba ste/gang yod na sems rigs par rtsom pa dang / mchog tu 'gyur ba de ni brtson 'grus so/ /'dir dang gi sgra dag ni skyo ba dang / rab tu dga' ba bsdus pa'i don te/ /de gnyis ni rnam pa 'gal ba'i phyir sems gcig la srid pa ma yin pas dge ba'i sa mang po pa nyid du mi 'thad pa'i phyir dang /rab tu byed pa dag las ma bshad pa'i phyir ro/ /de nyid kyi phyir ngang gi sgra gnyis 'byung ste/ tshogs pa gnyis la de dag dmigs pa'i phyir ro/ /'di dag la nyon mongs pa'i sa mang po yod pas zhes bya ba ni nyon mongs pa'i sgo nas de dang mtshungs par ldan pa'i sems kho na ston te/de nyid kyi phyir/ gang dag nyon mongs pa can gyi sems la rtag tu 'byung ba yin zhes bya ba smos so/ /de la rmongs pa zhes bya ba ni ma rig pa'o/ /ma rig pa 'di gang zhig ce na/ mi shes pa'o/ /mi shes pa 'di gang zhe na/ mi gsal ba'o/ /mi gsal ba 'di yang ci zhig ce na/gsal ba ni shes rab yin te/ de'i phyir shes bya dag la ji lta ba bzhin du rtogs pa'i gegs su gyur pa mi gsal ba'i mtshan nyid can gyi chos ni rmongs pa zhes bya ba'o/ /bag med pa ni dge ba'i chos rnams mi bsgom pa ste zhes bya ba la/ gang zhig yod na zhes bya bar khong du chud par bya'o//dge ba'i chos rnams mi bsgom pa ni ma rnyed pa rnams mi rnyed pa dang / rnyed pa rnams mngon du mi byed pa'o/ /bsgom pa'i mi mthun pa'i phyogs zhes bya ba ni bdag la phan pa la gces su 'dzin pa yal bar 'dor zhes bya ba'i tha tshig go/ /le lo ni sems mngon par mi spro ba ste zhes bya ba ni dge ba'i las la ste/de nyid kyi phyir/ brtson 'grus kyi mi mthun pa'i phyogs zhes bya ba smos so/ /de ltar byas dang mi dge ba'i las la sems mngon par spro ba de ni brtson 'grus ma yin no/ /de ni gsung rab las le lo kho nar 'don te/ 'di ltar bcom ldan 'das kyis 'di las phyi rol pa rnams kyi brtson 'grus gang yin pa de ni le lo kho na yin no zhes gsungs so//de nyid kyi phyir brtson 'grus dman pa nyid ces bya'o/ /dman par zhugs pas ni le lo ste/ de'i dngos po ni le lo nyid do/ /ma dad pa ni sems ma dad pa ste zhes bya ba la/ log par lta ba'i rgyu mthun pa ste/ bden pa dang /dkon mchog dang / las dang / 'bras bu la mngon par yid mi ches pa'i rnam pa can no/ /de nyid kyi phyir/ dad pa'i mi mthun pa'i phyogs so zhes bya bar smos so/ /rmugs pa gang zhe na zhes bya ba rgyas par 'byung ba la/ tshig snga ma snga ma gnyis rnam par bshad pa yin par bsams te/tshig phyi ma phyi ma gnyis brjod do/ /g.yel ba dang mi dga' bas bskyed pa'i sems lci ba nyid ni rmugs pa ste/ gang gis bzung na blun pa nyid kyi tshul gyis sems las su mi rung ba nyid du 'gyur ba'o/ /de nyid kyi phyir 'di ni shin tu sbyangs pa'i mi mthun pa'i phyogs zhes bya'o/ /lus kyi tshor ba ji lta ba bzhin no zhes bya ba la/dbang po gzugs can la brten nas skye ba'i phyir sems kyi yin bzhin du lus kyi zhes brjod pa de bzhin du/ rnam par shes pa'i tshogs lnga'i rmugs pa sems kyi kho na yin bzhin du dbang po gzugs can la brten pa'i phyir lus kyi zhes bya'o/ / rgod pa ni sems rnam par ma zhi ba ste zhes bya ba la/ glu dang / gar la sogs pa dang / sgeg pa'i cha lugs dang / rgyan gyis sems rnam par ma zhi ba ste/ gang dang ldan pas lam gol ba kho nar zhugs par 'gyur ba de ni rgod pa'o/ /chos mngon pa las zhes bya ba rgyas par 'byung ste/ brjed ngas pa dang / rnam par g.yeng ba dang / shes bzhin ma yin pa dang / tshul bzhin ma yin pa yid la byed pa dang / log par smos pa nyon mongs pa'i sa mang po pa nyid du bshad pa rnams ma brjod pa'i phyir dang / ma bstan pa'i rmugs pa'i nyon mongs pa'i sa mang po pa dag gi nang du brjod pa'i phyir chos mngon pa dang 'gal lo zhe na/'gyur ba shes pa zhes bya ba ni gzhung tshad mar byas te/ nyon mongs pa'i sa mang po pa bcur 'gyur ro zhes bya ba shes kyi/ slob dpon gyi 'dod pa ste/ slob dpon gyi bzhed pa ni mi shes pa ste/ brjed ngas pa la sogs pa de dag ni sa mang po pa yin pa'i phyir nyon mongs pa'i sa mang po pa yin yang 'dir de dag gi nang du ma bkod do//'dir ni nges par gzung ba dang bcas pa'i ngag brjod par 'dod de/ 'dir nyon mongs pa'i sa mang po pa rnams kho na brjod par 'dod pa'i phyir ro/ /rab tu byed pa dag las ni nyon mongs pa'i sa mang po bcu dag 'don te/ nges par gzung ba med pa'i phyir ro/ /yang ji ltar na de dag sa mang po pa yin zhe na/de'i phyir/ dran pa nyon mongs pa kho na zhes bya ba rgyas par smos so/ /sogs pa zhes bya ba'i sgras ni shes rab nyon mongs pa can kho na shes bzhin ma yin pa yin la/ yid la byed pa nyon mongs pa can kho na tshul bzhin ma yin pa yid la byed pa yin no/ /mos pa nyon mongs pa can kho nar log par mos pa yin par gzung ngo //de nyid kyi phyir zhes bya ba ni gang gi phyir dran pa la sogs pa nyon mongs pa can dag kho na brjed ngas pa la sogs pa dag yin pa'i phyir ro/ /de ltar na ni mu bzhir 'gyur te/ dran pa la sogs pa rnam pa gnyis ka'i bdag nyid yin pa'i phyir ro/ / mu dang po ni sa mang po pa kho na ste/ tshor ba la sogs pa rnams so/ /gnyis pa ni nyon mongs pa'i sa mang po pa kho na ste/ ma dad pa la sogs pa rnams so/ /gsum pa ni sa mang po pa dag kyang yin la/ nyon mongs pa'i sa mang po pa dag yin te/ dran pa la sogs pa lnga'o/ /bzhi pa ni sa mang po pa dag kyang ma yin pa'o//rnam pa de dag ma gtogs pa zhes bya ba ni dge ba'i sa mang po pa rnams dang / nyon mongs pa chung ngu'i sa pa rnams dang / gzhan ldan pa ma yin pa la sogs pa rnams so/ /de dag gi mu bzhi ni de lta ma yin no zhes bya ba 'byung ngo / /ji ltar de lta ma yin zhe na/ sngar ni mu dang po tshor ba la sogs pa chos lnga mu dang po yin par bshad la/de lta na ni ting nge 'dzin lhag par bsnan te drug yin no/ /sngar ni mu gnyis pa le lo la sogs pa chos lnga yin la da lta ni rnam par g.yeng ba lhag par bsnan te drug yin la/ sngar ni rnam par g.yeng ba dang bcas pa lnga mu gsum pa yin la da lta ni rnam par g.yeng ba bor ba bzhin no//mu bzhi pa ni snga ma bzhin no/ /de las rmugs pa mi 'byung ste/ /zhes gang smras pa de'i lan ni/ rmugs pa ni zhes bya ba la/ rmongs pa la sogs pa ltar nyon mongs pa thams cad dang mtshungs par ldan pa'i phyir nyon mongs pa'i sa mang po par 'dod pas/ de ltar de nyon mongs pa'i sa mang po pa'i mtshan nyid dang ldan yang nyon mongs pa'i sa mang po pa dag gi nang du ma bton pa su zhig gis nyes te/ci ngas nyes sam/ 'on te gang dag mi 'don pas nyes zer na/ gdon par bya ba ni yin mod kyi zhes so/ /ci'i phyir ma bton zhe na/ ting nge 'dzin dang mthun pa'i phyir ma bton to//ji ltar na de dang mthun pa nyid yin zhe na/ rmugs pa spyod pa ni ting nge 'dzin shin tu myur du zhes bya ba rgyas par 'byung ste/ rmugs pa ni rnam par g.yeng bar byed pa ma yin pa'i phyir/ de spyod pa ni ting nge 'dzin myur du skyed par byed kyi/ rgod pa spyod pa ni ma yin te/ rnam par g.yeng bar byed pa'i phyir ro//grag go zhes bya ba'i sgra ni mi srid pa'o/ /bying ba dang rgod pa gnyis ni ting nge 'dzin gyi gegs su gyur pa'i phyir gegs kho na yin pa ni mthun par rigs pa ma yin te/ dkar po dang nag po dag bzhin du phan tshun du 'gal ba'i phyir ro/ /'gal ba nyid yin yang rnam par mi g.yeng bar byed par mtshungs pas mthun pa nyid do//gang zhig ces bya ba la sogs pa la/ 'di skad bstan par 'gyur te/ gang zhig rmugs pa spyod pa de ni gdon mi za bar rgod pa spyod pa yin la/ gang zhig rgod pa spyod pa de yang gdon mi za bar rmugs pa spyod pa yin no/ /ci'i phyir zhe na/ de'i phyir/ 'di dag ni nam du yang lhan cig spyod pa nyid 'dor bar mi 'gyur mod kyi zhes bya ba smos te/ nang du yang zhes bya ba ni gzhar yang ngo / /lhan cig spyod pa'i chos ni lhan cig spyod pa yin la/ de'i dngos po ni lhan cig spyod pa nyid do/ /'on kyang zhes bya ba 'byung ste/ gal te yang de lta yin mod kyi/ de lta na yang rmugs pa dang rgod pa gang zhig gang la mthu'i sgo nas shas che'i/tshad kyi sgo nas ma yin pa de ni de spyod par shes par bya ste/ de'i phyir nyon mongs pa'i sa chen po pa ni drug kho nar grub kyi bcur ni ma yin no/ /yang ci'i phyir/ gzhan dag kyang yod bzhin du 'di dag kho na nyon mongs pa'i sa mang po par brjod ce na/de dag kyang ni rtag tu nyon mongs pa can gyi sems la 'byung gi /gzhan du ma yin pas nyon mongs pa'i sa chen po par brjod do/ /mi dge la ni khrel med dang / /ngo tsha med pa'o zhes bya ba la/ ni zhes bya ba'i sgra ni mi dge ba kho na la zhes nges par bzung ba'i don to/ /de gnyis kyi zhes bya ba la sogs pa ni/ma gus ngo tsha med khrel med/ /kha na ma tho 'jigs mi lta/ /zhes bya ba de nas so/ /'di dag la nyon mongs pa chung ngu'i sa yod pas zhes bya ba rgyas par 'byung ngo / /chung ngu zhes bya ba ni nyung ngu ste/ de dag ni nyon mongs pa can gyi sems thams cad la dmigs la/ gang du dmigs pa der yang re re nas dmigs kyi/tshogs par ni ma yin no/ /ma rig pa tsam dang zhes bya ba la/ tsam zhes bya ba'i sgra ni 'dod chags la sogs pa bsal bar bya ba'i phyir te/ khro ba la sogs pa rnams ni rang dbang ba yin pa'i phyir 'dod chags la sogs pa dag dang mtshungs par ldan pa ma yin no/ /bsgom pas spang bar bya ba dang //zhes bya ba ni mthong bas spang bar bya ba ma yin te/ khro ba la sogs pa rnams bsgom pas spang bar bya ba yin pa'i phyir ro/ /yid kyi sa pa kho na dang zhes bya ba ni mig la sogs pa'i rnam par shes pa dang mtshungs par ldan pa ma yin te/ khro ba la sogs pa rnams yid kyi sa pa yin pa'i phyir ro//dang zhes bya ba'i sgra ni bsdu ba'i don to/ /'di skad bstan par 'gyur te/ bsgom pas spang bar bya ba'i ma rig pa tsam dang lhan cig skyes pa'i yid kyi rnam par shes pa kho na dang mtshungs par ldan pa'i phyir nyon mongs pa'i sa chung ngu'i sa pa dag ces bya'o/ /'di dag ni nye ba'i nyon mongs pa dag gi nang nas ston par 'gyur ro zhes bya ba ni phra rgyas kyi mdzod kyi gnas nas te/gzhan yang nyon mongs dri ma drug /nye ba'i nyon mongs rang dbang yang / /zhes bya ba de nas so/ /sems las byung ba rnam pa lnga po de dag 'ba' zhig kho nar ma zad kyi/ 'o na ci zhe na/ ma nges pa gzhan dag kyang yod do/ /de dag gang zhe na/de'i phyir/ rtog pa dang / dpyod pa dang / 'gyod pa dang / gnyid la sogs pa zhes bya ba smos so/ /sogs pa zhes bya ba'i sgras ni 'dod chags dang / khong khro dang / nga rgyal dang / the tshom dag gzung ngo / /'dir smras pa/ rtog dang dpyod dang 'gyod pa dang / /gnyid dang khong khro chags rnams dang //nga rgyal the tshom zhes bya ba/ /brgyad ni ma nges par bshad do/ /zhes bya ba ni bsdu ba'i tshigs su bcad pa ste/ 'di dag ni gdon mi za bar nges par lhan cig 'byung ba ma yin no/ /da ni thams cad kyi sems gang la du zhig gdon mi za bar 'byung ba rnam par dbye bar bya'o/ /re zhig 'dod pa na spyod pa'i sems ni rnam pa lnga ste zhes bya ba la/ji lta zhe na/ dge ba ni rnam pa gcig kho na dang / mi dge ba rnam pa gnyis te/ gang la ma rig pa 'ba' zhig yod pa ma 'dres pa dang / 'dod chags la sogs pa nyon mongs pa gzhan dang mtshungs par ldan pa dang / lung du ma bstan pa yang rnam pa gnyis te/'jig tshogs la lta ba dang / mthar 'dzin par lta ba dang mtshungs par ldan pa dang / bsgribs la lung du ma bstan dang / ma bsgribs la lung du ma bstan pa rnam par smin pa las skyes pa dang / spyod lam pa dang / bzo'i gnas pa dang / sprul pa pa'o/ /'dod pa'i dge ba'i sems la ni nyi shu gnyis 'byung ba kho na yin gyi/nyi shu gnyis kho na'o zhes bya bar ni nges pa mi gzung ste/ la la dag tu 'gyod pas bsnan/ /zhes 'byung ba'i phyir ro/ /ma nges pa'i sa mang po pa'i chos ni gnyis te/ 'gyod pa dang / gnyid do/ /gang gi phyir 'di gnyis ni rnam par shes pa'i tshogs drug pa ma yin la/ khams gsum pa yang ma yin zhing /gcig tu nyon mongs pa can yang ma yin no/ /de'i phyir dge ba'i sems gang la 'gyod pa'i go skabs yod pa der des bsnan pas nyi shu rtsa gsum du 'gyur ro/ /ngan par byas pa'i ngo bo ni 'gyod pa'o zhes bya ba la/ byas pa nyid ni don 'brel gyi/ / sems kyi chos ni ma yin no/ /de nyid kyi phyir/ 'dir ni zhes bya ba rgyas par 'byung ngo / /de'i rang gi ngo bo ci zhe na/ yid la gcags pa zhes bya ba smos so/ /ji ltar na 'gyod pa la dmigs pa'i yid la gcags pa la 'gyod pa zhes bya ste/ de ni ngan par byas pa'i ngo bo ma yin no zhe na/ dmigs par byed pa la dmigs pa nye bar btags pa'i phyir ro//dper na stong pa nyid la dmigs pa'i zhes bya ba rgyas par 'byung ste/ stong pa nyid ni 'du byed rnams nang gi byed pa'i skyes bu dang bral ba yin la/ de la dmigs pa'i ting nge 'dzin rnam par thar pa'i sgo la stong pa nyid ces bya ba dang / mi sdug pa ni rnam par bam pa dang /rnam par bsngos pa la sogs pa'i dngos pos bsdus pa yin la/ de la dmigs pa'i ma chags pa la mi sdug pa zhes bya ba bzhin no/ /yang na gnas pa la gnas btags pas ngan par byas pa la dmigs pa'i yid la gcags pa la 'gyod pa zhes bya'o/ /gnas pa la gnas btags pa gar mthong zhe na/de'i phyir/ 'jig rten na yang zhes bya ba rgyas par smos te/ bstan bcos 'ba' zhig las yin pa 'ba' zhig tu ma zad kyi zhes bya bar bsams pa'o/ /'gyod pa yang yid la gcags pa'i gnas su gyur pa yin te/ de la brten nas de 'byung ba'i phyir ro/ /de'i phyir 'gyod pa zhes 'gyod pa gnas kyis gnas pa yid la gcags pa phyis gdung ba'i mtshan nyid can ston par byed do//yang na 'di ni 'bras bu la rgyu btags pa yin te zhes bya ba la/ rgyu ni 'gyod pa'o/ /'bras bu ni yid la gcags pa'o/ /de nyid la dpe ni dper na reg pa'i skye mched drug po 'di dag ni zhes bya ba rgyas par 'byung ba'o//mig la sogs pa reg pa'i skye mched rnams ni sngon gyi las ma yin te/ 'o na ci zhe na/ sngon gyi las kyi 'bras bu yin pa'i phyir sngon gyi las yin no zhes bshad do/ /'o na gang yang ma byas pa la dmigs pa zhes bya ba la/ ngan pa byas pa'i ngo bo ni 'gyod pa yin na/ma byas pa ni ngan par byas pa ma yin pas de'i ngo bo 'gyod pa yin par mi rung ngo zhes bya ba ni 'dri ba'i bsams pa'o/ /ma byas pa la yang byas pa zhes bya ba yod de zhes bya ba rgyas par 'byung ste/ de ni dge ba 'am/ mi dge ba ma byas nas gdung ba gang yin pa'o/ /'gyod pa dge ba gang zhe na/ zhes bya ba la sogs pa la/ sbyin pa la sogs pa ma byas nas gdung ba dang / srog gcod pa la sogs pa mi dge ba byas nas gdung ba ste/ de ni 'gyod pa dge ba'o/ /bzlog pa ni 'gyod pa mi dge ba yin no zhes bya ba ni gang zhig mi dge ba ma byas nas gdung ba dang / dge ba byas nas phyis shin tu gdung ba'o//de gnyis ka yang zhes bya ba ni dge ba dang / mi dge ba'i 'gyod pa'o/ /gnyis ka la yang brten pa yin no zhes bya ba ni ji skad bshad pa'i tshul du dge ba dang / mi dge ba la brten pa'o/ /lta ba dang ldan pa zhes bya ba la/ dang zhes bya ba'i sgra ni bsdu ba'i don to/ /mi dge ba ni zhes bya ba rjes su drang ba'i don to//sa mang po pa kho na'i shes rab kyi khyad par 'ga' zhig lta ba zhes bya ba la/ yang dag par rtog pa'i shes rab gang yin pa ni lta ba yin la/ de ni 'dir mi dge bar gzung ngo / /de'i phyir/ log par lta ba'am zhes bya ba la sogs pa smos so/ /nyon mongs bzhi dang khro sogs dang / /zhes bya ba la sogs pa la/nyi shu rtsa gcig 'byung ba kho na yin gyi/ nyi shu rtsa gcig kho na ni ma yin te/ gnyid ni kun la mi 'gal ba'i phyir ro/ /mi dge ba'i sems ma 'dres pa ma yin pa nyon mongs pa bzhi dang mtshungs par ldan pa dang / khro ba la sogs pa dang mtshungs par ldan pa dang / 'gyod pa dang mtshungs par ldan pa de la ni nyi shu rtsa gcig 'byung ste/ma 'dres par bshad pa nyi shu dang / nyon mongs pa dang / nye ba'i nyon mongs pa dang / 'gyod pa la sogs pa ji skad bshad pa rnams las gang yang rung ba'o/ /bsgribs la bco brgyad ces bya ba la/ 'dod pa'i khams na 'jig tshogs la lta ba dang /mthar 'dzin par lta ba dang mtshungs par ldan pa'i sems ni bsgribs pa ste/ de la gdon mi za bar bco brgyad 'byung gi /bco brgyad kho na 'byung ngo zhes ni nges par mi gzung ste/ gnyid ni kun la mi 'gal ba'i phyir ro/ /lung ma bstan gzhan la bcu gnyis dag tu 'dod ces bya ba la/ 'dir yang gnyid mi 'gal ba'i phyir snga ma bzhin du nges par gzung ngo //nyi 'og pa dag ni zhes bya ba rgyas par 'byung ngo / /bcu gsum zhes bya ba 'byung ste/ ma bsgribs la lung du ma bstan pa'i sems 'ga' zhig la 'gyod pa 'byung ngo / /de la lung du ma bstan pa ni byas sam ma byas nas yid la gcags pa gang yin pa ste/ngas ma zhu bar ci'i phyir zos zhes bya ba'am/ rtsig pa de la ci ste ma bris snyam du yid la gcags pa gang yin pa de lung du ma bstan pa'i 'gyod pa yin no/ /'gyod pa ni yid bde ba dang mtshungs par ldan la/ yid mi bde ba yang dge ba dang mi dge ba yin pas 'gyod pa lung du ma bstan pa la mtshungs par ldan pa med do zhe na/de'i phyir smras pa/ yid mi bde ba yang yid bde ba dang 'dra bar rnam pa gsum yin no/ /kha phye ba rnams na re ni 'gyod pa lung du ma bstan pa med de/ yid mi bde ba dang rjes su 'brel pa'i phyir/ 'dod chags dang bral ba rnams la med pa'i phyir te/ de nyid kyi phyir sngar rnam par smin pa ma yin no zhes bshad do zhes zer ro/ /ma bsgribs la zhes bya ba gang smos pa la/ rnam par smin pa las skyed pa dang / spyod lam dang / bzo'i gnas pa dang / sprul pa'i sems kyi bdag nyid ni ma bsgribs la lung du ma bstan pa'o/ /de la bcu gsum 'byung bar 'gyur ro zhes bya ba ni sa mang po pa bcu dang /rtog pa dang / dpyod pa dang / 'gyod pa lung du ma bstan pa de nyid do/ /gnyid ni kun la mi 'gal phyir/ /zhes bya ba rgyas par 'byung ste/ gnyid ni dge ba dang / mi dge ba dang / lung du ma bstan pa yin pa'i phyir sems can thams cad dang mi 'gal te/ gnyid log pa la yang dge ba dang /mi dge ba dang / lung du ma bstan pa'i sems srid pa'i phyir ro/ /de'i phyir gnyid ni de dag dang mi 'gal lo/ /de'i phyir sems gang la gnyid yod pa de la de nyid bsnan to/ /gang la nyi shu rtsa gnyis zhes 'byung ste/ gnyid ni kun la mi 'gal ba'i phyir ji skad bshad pa'i rjes su 'brangs te rgyas par brjod par bya'o//de las 'gyod gnyid mi dge rnams/ /bsam gtan dang po dag na med/ /ces bya ba la/ bsam gtan dang po na sems dang sems las byung ba'i nges pa ji skad bshad pa de las 'gyod pa la sogs pa rnams med de/ 'gyod pa ni yid mi bde ba dang mtshungs par ldan na de dag ni rgyud zhi gnas kyis brlan pa yin pas de na yid mi bde ba med do//gnyid ni sems mngon par sdud pa'i mtshan nyid can yin na/ de dag ni sems bsdus pa na ting nge 'dzin kho na la nye bar gnas par 'gyur bas de na gnyid med do/ /gang yang cung zad mi dge ba/ /zhes bya ba rgyas par 'byung ngo //g.yo dang / sgyu dang / rgyags pa ma gtogs pa khro ba la sogs pa dang zhes bya ba ni khro ba dang / khon du 'dzin pa dang / phrag dog dang / 'tshig pa dang / 'chab pa dang / ser sna dang / rnam par 'tshe ba rnams thams cad du med de zhes bya bar skabs dang sbyar ro/ /gzhan thams cad ni de dang 'dra'o//ji ltar byas nas she na/ bsam gtan dang po'i sems ni rnam pa bzhi ste/ dge ba dang / bsgribs la lung du ma bstan pa'o/ /de ni rnam pa gnyis te/ ma 'dres pa dang / nyon mongs pa gzhan dang mtshungs par ldan pa dang / ma bsgribs la lung du ma bstan pa'o/ /de la re zhig dge ba'i sems la ni sems las byung ba nyi shu rtsa gnyis 'byung ste/sa mang po pa bcu dang / dge ba'i sa mang po pa bcu dang / rtog pa dang / dpyod pa'o/ /ma 'dres pa la ni bco brgyad de/ sa mang po pa bcu dang / nyon mongs pa'i sa mang po pa drug dang / rtog pa dang / dpyod pa'o/ /lta ba ldan pa la yang de bzhin no//'dod chags dang / nga rgyal dang / the tshom dang mtshungs par ldan pa la ni bcu dgu ste/ nyon mongs pa de dang / ma 'dres pa bshad pa bco brgyad do/ /g.yo dang / sgyu dang / rgyags pa dang mtshungs par ldan pa'i sems la yang bcu dgu kho na ste/ g.yo la sogs pa rnams rang dbang ma yin pa'i phyir ro//ma bsgribs la lung du ma bstan pa la yang ci rigs par rnam par smin pa las skyes pa la sogs pa rnams las gang yang rung ba zhig la bcu gnyis 'byung ste/ sa mang po pa bcu dang / rtog pa dang / dpyod pa'o/ /rtog pa 'ang bsam gtan khyad par na/ /zhes bya ba la/'ang zhes bya ba'i sgras ni 'gyod pa dang / gnyid dang / mi dge ba rnams kyang med do/ /lhag ma ni de dang 'dra'o zhes bya ba la/ dge ba'i sems la ni snga ma bzhin du rtog pa ma gtogs pa sems las byung ba nyi shu rtsa gcig 'byung ste/ ma 'dres pa dang / lta ba dang mtshungs par ldan pa ni rtog pa nyid ma gtogs pa bcu bdun no//'dod chags la sogs pa dang mtshungs par ldan pa dang / sgyu la sogs pa gang yang rung ba zhig dang mtshungs par ldan pa la bco brgyad 'byung ste/ sngar bshad pa bcu bdun dang / 'dod chags la sogs pa dang / sgyu la sogs pa gang yang rung ba'o//ma bsgribs la lung du ma bstan pa la ni bcu gcig ste/ sa mang po pa bcu dang / dpyod pa'o/ /de'i gong na dpyod pa yang zhes bya ba la/ ni'i sgras ni 'gyod pa dang / gnyid dang / mi dge ba yang med do/ /yang gi sgras ni g.yo dang sgyu yang med do/ /lhag ma ni de dang 'dra'o//ji ltar zhe na/ re zhig dge ba la ni rtog pa dang / dpyod pa ma gtogs pa sems las byung ba nyi shu 'byung ngo / /ma 'dres pa'i bsgribs la lung du ma bstan pa dang / lta ba dang mtshungs par ldan pa la ni bcu drug go/ /'dod chags la sogs pa nyon mongs pa dang / nye ba'i nyon mongs pa dang mtshungs par ldan pa la ni bcu bdun no//ma bsgribs la lung du ma bstan pa la ni sa mang po pa bcu kho na 'byung ngo / /tshangs pa'i bar du g.yo yod par 'gyur gyi zhes bya ba 'byung ste/ g.yo ni sgyu sngon du 'gro ba yin pa'i phyir sgyu yang gzung bar 'gyur ro/ /ji ltar na tshangs pa 'dod chags dang bral ba la yang g.yo yod ce na/'khor dang 'brel ba'i phyir ro zhes bya ba smos so/ /de nyid kyi phyir 'khor med pa'i phyir tshangs pa'i gong bsam gtan gnyis pa la sogs pa rnams na g.yo med do/ /'di ltar 'khor ni brgyad 'don te/ rgyal rigs kyi 'khor dang / tshangs pa'i 'khor dang / bram ze'i 'khor dang /khyim bdag gi 'khor dang / dge sbyong gi 'khor dang / rgyal chen bzhi'i 'khor dang / sum cu rtsa gsum pa'i 'khor dang / bdud kyi 'khor ro/ /tshangs pa'i 'jig rten gyi gong du ni 'khor ma bstan te/ des na de na 'khor dang 'brel pa med do/ /ji ltar de na 'khor dang 'brel pas g.yo yod do zhes bya bar shes she na/de'i phyir/ de ni rang gi 'khor gyi nang du zhes bya ba rgyas par smos so/ /de ni rang gi 'khor la bag 'khums pa yongs su spang bar 'dod na gzugs med pa'i khams su 'byung ba chen po dag yongs su ma lus par 'gag mod kyi/ de'i snyoms par 'jug pa ma thob pas ma shes pa na gtam rlung bskur ro//tshangs pa'o zhes smras nas yang tshangs pa chen po zhes bya zer ba ni de las gzhan pa'i tshangs pa dag pas mchog yin par shes par bya ba'i phyir ro/ /dbang phyug go/ /byed pa po'o zhes bya ba ni phyi ma phyi mas bshad pa'o/ /sa gang na sems gang la zhes bya ba rgyas par 'byung ngo //sa dag ni gsum ste/ rtog pa dang bcas shing dpyod pa dang bcas pa'i sa dang / rtog pa med la dpyod pa tsam gyi sa dang / rtog pa yang med dpyod pa yang med pa'i sa'o/ /sa rnam pa gsum po 'di dag na sems gang la sems las byung ba ji snyed cig mtshungs par ldan pa de rgyas par bshad zin to//yang na mnyam par gzhag pa dang mnyam par gzhag pa ma yin pa'i sa'am/ bsam gtan khyad par can dang bcas pa sa bcu dang sbyar ro/ /da ni gzhung las sems las byung ba kha cig gi zhes bya ba rgyas par 'byung ngo / /rang gi ngo bo 'dra bas de dag gi bye brag bde blag tu khong du mi chud de/de'i phyir de rab tu bstan par bya ba'i gzhung las/ tha dad du bya ba bshad pa brjod par bya'o/ /gzhung las 'byung ba zhes bya ba ci'i phyir zhe na/ 'jig rten pa dang sangs rgyas pa kha cig gis gnyis ka yang 'dzem pa'i bdag nyid du khas blangs pa'i phyir ro/ /tha dad du bya ba ci yod ces bya ba ni khyad par ci yod ces bya ba'o//ma gus ngo tsha med ces bya ba rgyas par 'byung ba la/ yon tan rnams zhes bya ba ni tshul khrims dang / ting nge 'dzin dang / shes rab rnams so/ /yon tan can rnams la zhes bya ba ni cho ga dang spyod yul phun sum tshogs pa rnams la ste/ mkhan po la sogs pa gang zag rnams la brnyas pa ni ma gus pa nyid do//'di la gus pa med pas na ma gus pa'o/ /de'i dngos po ni ma gus pa nyid de/ sems las byung ba'i chos so/ /bkur ba med pa nyid ces bya ba la/ slob ma la dbang bas ni bkur ba ste/ bla ma 'am bla ma'i gnas dang 'dra ba'o/ /'di la bkur ba med pas na bkur ba med pa'o/ / de'i dngos po ni bkur ba med pa nyid do/ /'jigs pas dbang sgyur ba'i ngang tshul 'di la yod pas na 'jigs pas dbang sgyur ba'o/ /'jigs pas dbang sgyur ba med pa ni/ 'jigs pas dbang mi sgyur ba ste/ de'i dngos po ni 'jigs pas dbang mi sgyur ba nyid do/ /'jigs pa zhes bya ba ni sems las byung ba'i chos yid kyi sa pa ste/rtog pa med pa'i phyir rnam par shes pa'i tshogs lnga po dag la ni 'jigs pa med do/ /bla ma dag dang bla ma 'dra ba dag la gus pa dang bcas pa ni de dag la 'jigs par 'gyur gyi/ mi gus pa ni ma yin la/ 'jigs pa dang bcas pa yang dbang du 'gyur gyi/ mi 'jigs pa ni ma yin no/ /ji ltar na bla ma'am bla ma'i gnas lta bu dag la 'jigs pa yin zhe na/ de dag la brnyas pas chos ma yin par 'gyur ro snyam du dogs pa las so/ /'dir ma gus pa ni gus pa med pa tsam ma yin la/ gzhan gang ci yang rung ba yang ma yin te/ 'o na ci zhe na/ gus pa'i mi mthun pa'i chos te/gus pa'i gegs su gyur pa sems las byung ba'i chos gzhan zhig la brjod do/ /khrel med/ kha na ma tho 'jigs mi lta/ /zhes bya ba la/ kha na ma tho ba ni smra bar bya ba ma yin pa ste/ de nyid kyi phyir/ kha na ma tho ba zhes bya ba ni gang zhig dam pa rnams kyis smad pa ste zhes bya ba smos te/ slar gshe ba dang / spangs pa'o/ /de'i smad pa dang / 'bras bu rnam par smin pa yid du mi 'ong ba gang yin pa ste/ de la 'jigs par mi lta ba ni khrel med pa'o/ /'jigs pa zhes bya ba ni 'jig rten la skrag pa la grags so zhe na/ de'i phyir/ 'dir 'jigs pa ni mi 'dod pa'i 'bras bu ste zhes bya ba smos te/gang zhig gnod sbyin la sogs pa dag la skrag pa ni ma yin no/ /de ji ltar 'jigs pa yin zhe na/ de'i phyir/ 'di las 'jigs par 'gyur ba'i phyir ro zhes bya ba smos so/ /gal te mi 'jigs par lta ba yin na ni lta ba shes rab kyi rnam grangs yin pa'i phyir shes rab yin par shes par 'gyur ro/ / mi 'dod pa'i 'bras bu 'jigs par mi lta ba yin na ni ma rig pa yin par shes par 'gyur te/ mi lta ba ni ma rig pa'i rnam grangs yin pa'i phyir ro/ /de nyid kyi rgyu mtshan zhes bya ba la/ lta ba dang / mi lta ba gnyis so/ /shes pa dang / log pa'i shes pa dag kun du spyod pa'i rgyur gyur pa'i chos nye ba'i nyon mongs pa zhes bya ba 'ga' zhig yod pa de ni khrel med pa ste/kha na ma tho ba kun du spyod pa la dogs pa med ces bya ba'i don to/ /gzhan dag na re ni bdag la ltos nas zhes bya ba rgyas par 'byung ste/ bdag nyid nyes pa la 'jug par mi rigs pa nyid du mthong yang nyes pa dag la mi 'dzem pa ni ngo tsha med pa yin la/'di ni gzhan dag gis smad pa yin no zhes bya ba mthong bzhin du yang nyes pa dag la mi 'dzem pa ni khrel med pa'o zhe'o/ /mi dge ba'i sa mang po pa yin pa'i phyir sems gcig la gnyis ka 'gal lo zhes bstan pa'i phyir/ de lta na yang ltos pa gnyis zhes bya ba rgyas par smos so/ / gzhan gyi bdag nyid dag ni cig car ltos par mi rigs te/ yul tha dad pa'i phyir ro/ /bdag dang gzhan la ltos pa cig car ro zhes ni mi zer ro zhes bya ba la sogs pa la/ rnam grangs kyis 'jug par 'dod pas skyon med do/ /bzlog pa zhes bya ba la sogs pa 'byung ngo / /re zhig rtog pa dang po ltar na zhes bya ba rgyas par 'byung ste/'dis gnon cing spying bar byed pas na gus pa'o/ /gus pa'i dngos po ni gus pa nyid de/ de'i yul dang / rgyu mtshan can gyi gces spras te/ 'di ni yul gyi 'dun pa'am rgyu mtshan gyi 'dun pa yin pa'i phyir ro/ /gus pa dang lhan cig pa ni gus pa dang bcas pa ste/nor dang bcas pa bzhin no/ /de'i dngos po ni gus pa dang bcas pa nyid de/ gang zhig yod na bla ma'i gnas rnams dang / yon tan rnams las 'da' bar mi nus pa sems las byung ba'i chos so/ /chos gang dang ldan pas bkur ba dang bcas par 'gyur ba de ni bkur ba dang bcas pa nyid do//gus pa dang bcas pa ni bla ma dang 'dra ba'i gnas dag la 'jigs par 'gyur gyi/ mi gus pa ni ma yin la 'jigs pa dang bcas pa ni dbang sgyur gyi/ mi 'jigs pa ni ma yin no/ /de'i phyir gang dang ldan pas 'jigs pas dbang sgyur ba dang bcas par 'gyur ba de ni 'jigs pas dbang sgyur ba dang bcas pa nyid do//kha na ma tho ba dag la zhes bya ba ni gang dang 'brel pa las 'jigs pas dbang sgyur bar 'gyur ba'o/ /rtog pa gnyis pa ltar na zhes bya ba rgyas par 'byung ste/ bdag la ltos nas nyes pa dag la 'dzem pa ni ngo tsha shes pa yin la/ gzhan la ltos nas ni khrel yod pa'o//kha cig ni dga' ba dang gus pa gnyis gcig nyid do snyam du sems te/ de'i phyir 'di nyid kyi tha dad du bya ba bstan pa'i phyir/ dga' dad ces bya ba smos so/ /dga' dad ces bya ba ni dga' ba nyon mongs pa can ma yin pa la bsams nas brjod pa yin te/ de nyid kyi phyir/dga' ba rnam pa gnyis te/ nyon mongs pa can dang / nyon mongs pa can ma yin pa'o zhes bya ba la sogs pa smos so/ /nyon mongs pa can ma yin pa ni dad pa ste zhes bya ba la/ dad pa ni rnam pa gnyis te/ mngon par yid ches pa'i mtshan nyid dang / 'dod pa'i mtshan nyid can no//mngon par yid ches pa ni 'ga' zhig la 'dod pa skye ste/ de'i phyir 'dir dga' ba dad pa phyi ma yin no/ /dad pa yin la dga' ba ma yin pa yod de zhes bya ba la/ mu bzhi ste/ sdug bsngal dang kun 'byung ba la dmigs pa'i dad pa ni dad pa kho na yin gyi/ dga' ba ma yin te/ mngon par 'dod pa ma yin pa'i dngos po la dmigs pa'i phyir ro//bu dang chung ma la sogs pa dag la dga' ba ni dad pa ma yin te/ nyon mongs pa can yin pa'i phyir dang / dad pa ni dge ba'i sa mang po pa yin pa'i phyir ro/ /gnyis ka yin pa ni dga' ba yang yin la dad pa yang yin pa ste/ 'gog pa dang lam la dmigs pa'i dad pa'o//gnyis ka ma yin pa zhes bya ba ni dad pa yang ma yin la dga' ba yang ma yin pa'o/ /rnam pa de dag ma gtogs pa zhes bya ba ni rnam pa de dag ste/ sdug bsngal dang / kun 'byung ba dang / 'gog pa dang / lam la dmigs pa dang / bu la sogs pa la dmigs pa dag las ma gtogs pa gang dag sems las byung ba gzhan rnams dang ldan pa ma yin pa la sogs pa'i chos rnams so//gang zag dag la ni dga' ba yin la/ gus pa ma yin pa ni zhes bya ba 'byung ngo / /bu dang chung ma zhes bya ba la/ dag pa dang skyob par byed pas na bu'o/ /lung phog pa la sogs pa dang 'brel ba'i slob ma ni lhan cig gnas pa'o//rig pa la sogs pa blangs pa dang 'brel pa ni nye gnas so/ /gus pa yin la dga' ba ma yin pa ni bla ma gzhan yon tan dang ldan pa dag la gus pa'o/ /gnyis ka yin pa ni rang gi bla ma dag la dga' ba dang gus pa lta bu'o/ /rnam pa de dag ma gtogs pa zhes bya ba ni 'brel pa med pa dang /yon tan med pa dang / 'jig rten gzhan gang dag yin pa ste/ de la ni dga' ba yang ma yin la gus pa yang ma yin no/ /gzhan dag na re dad pa zhes bya ba ni zhes bya ba la sogs pa la/ gzhan dag na re ni yon tan yod do snyam pa ni dad pa yin la/ de'i sgo nas dga' ba skye ste/ de'i phyir dga' ba ni dad pa'i 'bras bu yin gyi/dad pa ni ma yin no zhes zer ro/ /gus pa ni ngo tsha shes pa ji skad bshad pa yin no zhes bya ba la/ ma gus ngo tsha med ces bya ba la bzlog pa dang / bdag la ltos nas nyes pa dag la 'dzem pa'o/ /gzhan dag na re gus pa zhes bya ba ni rgyas par 'byung ba la/ gus pa'i 'bras bu 'dzem pa ni ngo tsha shes pa yin gyi/gus pa nyid ni ma yin no zhes zer ro/ /de gnyis 'dod dang gzugs dag na/ /zhes bya ba ni nges par gzung ba'i don du brtsams pa ste/ de nyid kyi phyir gzugs med pa'i khams na ni dga' ba dang gus pa dag med do zhes bya ba smos so/ /de dag med pa'i rgyu ci zhig ce na dga' ba dang gus pa'i rten med pa dang /de dag gi rgyu med pa'o/ /rten ni slob dpon dang slob ma'o/ /de la slob ma rnams ni slob dpon la dga' ba dang gus pa yin la/ slob dpon rnams ni slob ma rnams la dga' ba kho na yin gyi gus pa ma yin no/ /rgyu ni lus dang ngag gi las dag pa dang 'dres pa yin na/ de gnyis ka yang gzugs med pa dag na med do//de'i phyir dga' ba dang gus pa med do/ /dad pa dang ngo tsha shes pa zhes bya ba rgyas par 'byung ste/ dga' ba dang / gus pa gnyis ni dad pa dang ngo tsha shes pa'i rang bzhin yin la/ dad pa dang ngo tsha shes pa dag ni dge ba'i sa mang po pa yin pa'i phyir gzugs med par bkag pa 'gal lo zhe na/dad pa ni rnam pa gnyis te zhes bya ba la sogs pa rgyas par 'byung ste/ der ni gang zag la dmigs pa'i dad pa dang / ngo tsha shes pa dag bkag gi /chos la dmigs pa dag la ni ma yin pas 'gal ba med do/ /'di gang las she na/ skabs kyis te/ gang zag dag la dga' ba dang gus pa yin no zhes bya ba ni skabs yin no//de nyid kyi phyir/ 'dir ni dga' ba dang gus pa de dag la bsam pa yin no zhes bya ba smos te/ gang dag gang zag la dmigs pa'i dad pa dang ngo tsha shes pa dag la yin gyi/ chos la dmigs pa dag la ni ma yin no/ /rtog pa dang dpyod pa dag la zhes bya ba rgyas par 'byung ngo //sems gcig la de gnyis ji ltar ldan zhe na zhes bya ba la/ de dag gi rang gi ngo bo ma bstan pas sems gzhan nyid ma yin la/ sems gcig la rtsing ba dang zhib pa nyid yod pa yang ma yin te/ phan tshun 'gal ba'i phyir ro zhe na/ kha cig na re zhes bya ba rgyas par 'byung ngo / /mar sar chu dag gi nang du bor ba zhes bya ba la sogs pa la/bskyur ba zhes bya ba'i tha tshig go/ /rtog pa dang / dpyod pa dang / rjes su 'brel ba'i phyir sems ha cang rtsing ba dang / ha cang zhib par mi 'gyur ro zhes bya ba ni dpe dang chos mtshungs pa'o/ /ha cang yang mi 'khyag ces bya ba ni ha cang 'thas par mi 'gyur ba'o//ha cang mi 'ju ba ni ha cang zhu bar mi 'gyur ba'o/ /de dag gi ngo bo nyid kyi ha cang ni ma yin pa ltar zhes bya ba la/ rtsing ba dang zhib pa nyid kyi rang gi ngo bo ni ma yin no/ /gal te rtog pa dang dpyod pa dag ni sems kyi rtsing ba dang zhib pa nyid do zhes bya ba 'di ni bya ba'i sgo nas bstan pa yin gyi/rang gi ngo bo'i sgo nas ni ma yin zhes khas len te/ de'i phyir rgyu mtshan du gyur pa yin no zhes bya ba'i thal ba 'dir mi 'gyur ro/ /'dir ltar mdo las rnam par shes pa gang ci yang rung ste/ rags pa'am/ phra ba'am zhes bya ba gsungs te/ de'i phyir chos gang yod na sems rtsing bar skye ba ste de ni rtog pa yin la/gang zhig yod na zhib par skye ba de ni dpyod pa'o/ /de ltar na yang sems gcig la rtsing ba dang zhib pa gnyis mi 'thad de/ phan tshun 'gal ba'i phyir ro/ /slob dpon 'dus bzang na re ni sems gcig la mi dmigs shing rdzas mnyam yang mthu'i dus gzhan nyid yin pa'i phyir 'gal ba med do//tshogs la rtogs pa'i mthu bla lhag na ni dpyod pa'i mthu nyams pa'i phyir sems rtsing bar 'gyur la/ dpyod pa'i mthu bla lhag na ni rtog pa'i mthu nyams pa'i phyir zhib par 'gyur te/ tsha dang chu grang srang re bzhin no/ /'dir gang zhig mthu shas che ba de ni tsha dang mtshungs la/gang zhig cha shas chung ba de ni chu dang mtshungs pas dpe la mi mthun pa med do/ /de ltar na rtog pa dang dpyod pa cig car ba yin la/ sems rtsing ba de nyid ni zhib pa ma yin no zhes zer ro/ /rtsing ba dang zhib pa sa dang rnam pa'i bye brag gis zhes bya ba 'byung ste/ de la sa'i bye brag gis mngon par 'du bya ba che ba'i phyir bsam gtan dang po la ltos nas 'dod pa'i khams rags la/ 'du bya ba chung ba'i phyir 'dod pa'i khams la ltos nas bsam gtan dang po phra zhing rab tu zhi ba yin [(]na[,]no[)]/ /yang de nyid bsam gtan gnyis pa la ltos nas rags la/ bsam gtan gnyis pa yang bsam gtan dang po la ltos nas phra ba yin te/srid pa'i rtse mo'i bar du yang de dang 'dra bar brjod par bya'o/ /rnam pa'i bye brag gis ni sa gcig la yang chung ngu dang / 'bring dang / chen po rnams la slar chung ngu la sogs par phye ba las/ de ltar srid pa'i rtse mo'i bar du rtog pa dang dpyod pa dag yod par 'gyur ro//sa'i bye brag gis ni 'dod pa'i khams na rtog pa kho na yod la/ srid pa'i rtse mo na dpyod pa kho na yod cing / bar na gnyis ka yod par 'gyur ro/ /rnam pa'i bye brag gis ni sa thams cad na ni gnyis ka yang yod kyi/ 'dod pa'i khams dang / bsam gtan dang po gnyis kho na na yod pa ni ma yin no//slob dpon 'dus bzang ni slar yang sems rtsing ba dang zhib pa nyid ni sems kyi rtsing ba dang zhib pa nyid do/ /zhes mi smra'i/ 'o na ji ltar zhe na/ sems rtsing ba ni sems la yod pa'i rtsing ba'o/ /de'i dngos po ni sems rtsing ba nyid do/ /sems zhib pa yang de dang 'dra'o zhes zer ro//rtsing ba dang zhib pa nyid ces bya ba la sogs pa la/ rtsing ba dang zhib pa nyid de/ rtog pa dang dpyod pa dag phan tshun nam sems las rang bzhin tha dad par yang rigs pa ma yin te/ rang gi ngo bo tha dad pa ma yin no zhes bya ba'i tha tshig go/ /sems de nyid gnas skabs 'ga' zhig la zhib pa yin la/gnas skabs 'ga' zhig na rtsing ba yin gyi/ de la rtsing ba'am zhib pa chos gzhan ni med do snyam du bsams pa'o/ /yang na tshor ba dang 'du shes dag kyang rtog pa dang dpyod pa nyid du thal bar 'gyur te/ tshor ba ni rags pa yin la/ 'du shes ni phra ba yin pa'i phyir ro/ /rang bzhin tha dad par gyur pa la ni tha dad pa mthong na/rtsing ba dang zhib pa nyid kyis ni ma yin te/ rang bzhin gcig la yang rtsing ba dang zhib pa mthong ba'i phyir ro/ /gzhan dag na re zhes bya ba 'byung ngo / /ngag mngon par 'du byed pa zhes bya ba la/ ngag kun nas slong bar byed pa'i 'du byed ni ngag mngon par 'du byed pa'o//rtog pa dang dpyod pa dag ni mngon par 'du byed pa'i yin par 'dod do zhes bya ba 'di gang las she na/ de'i phyir/ brtags shing dpyad nas zhes bya ba smras so/ /brtags shing dpyad nas zhes bya ba ni 'di lta bu dang / 'di lta bu zhig smra bar bya'o snyam pa'i don to/ /de la rtsing ba gang dag yang ba zhes bya ba ni ngag rtsing ba 'jug par byed pa'o//zhib pa ni zlog pa'o/ /rtog pa 'di ltar na ni rtog pa dang / dpyod pa gnyis btags par yod pa dang / rnam grangs kyis yod par khas blang bar 'gyur te/ sems dang sems las byung ba'i tshogs pa ngag kun nas slong bar byed pa yin pa'i phyir dang /ngag rtsing ba dang zhib pa dag kyang cig car mi 'byung ba'i phyir ro/ /gal te sems gcig la zhes bya ba rgyas par 'byung ste/ sems gcig la de gnyis ji ltar ldan zhes mdo sde pas gang smras pa de la khas blangs nas lan smras pa ni/ 'di 'gal ba ci zhig yod ces bya ba ste/ bye brag tu smra ba rnams na re gal te tshor ba dang 'du shes ltar sems gcig la rtog pa rtsing ba yang chos gzhan yin/zhib pa dpyod pa yang gzhan yin pa zhes bya ba 'di la 'gal ba ci zhig yod de/ rigs pa'am lung ci zhig yod ces zer ro/ /gal te tshor ba dang 'du shes bzhin du rtog pa dang dpyod pa gnyis kyang rigs tha dad pa zhig yin na ni 'gal ba med par 'gyur ro//rigs tha dad pa yin na tshor ba rags pa yin zhing 'du shes phra ba yin pas de gnyis rtsing ba dang zhib pa yin yang sems gcig la mi 'gal na/ rtog pa dang dpyod pa dag la ni de ltar rigs tha dad pa med do/ /rtsing ba dang zhib pa nyid ma gtogs par de dag rang gi ngo bo nges par ma bzung ba'i phyir/mtshan nyid nges par ma zin pa'i rigs gcig la chung ngu dang / chen po nyid de/ rtsing ba dang zhib pa nyid cig car 'byung ba mi srid de/ sems kyi rdzas gcig la'o/ /thun mong ba las rtsing ba dang zhib pa yin pa 'ba' zhig tu ma zad kyi tshor ba dang 'du shes ltar rigs tha dad pa yang yod de/de'i phyir rtog pa dang dpyod pa gnyis cig car 'byung ba mi 'gal lo/ /'o na ni rtog pa dang dpyod pa dag gi rigs tha dad pa de tshor ba dang 'du shes ltar phan tshun rang gi ngo bo khyad par du 'phags par nges par gzung ste brjod par bya dgos te/ ma brjod par ni rtogs par mi nus so/ /khyad par phra ba'i phyir de ni brjod par dka' ste/de'i phyir chung ngu dang chen po nyid kyis gsal bar 'gyur te/ sems chung bas gsal bar 'gyur zhing mngon par 'gyur te/ mngon du dpyod par 'gyur ro zhes bya ba'i tha tshig go/ /gang gi dbang gis zhib pa mngon du dpyod par 'gyur ba de ni rgyu mtshan cung zad cig yod pa yin no//de bzhin du rtsing ba la yang brjod par bya'o/ /de lta na ni gsal bar mi 'gyur te/ ci zhe na/ rigs tha dad pa'o/ /ci'i phyir zhe na/ rigs rnams re re zhing chung ngu dang chen po yin pa'i phyir rigs tha dad par gsal bar mi 'gyur ro/ /slob dpon 'dus bzang na re ni chos kyi mtshan nyid rnam pa du mar bstan pa'i phyir rang bzhin dang /mtshungs par ldan pa dang / rgyu dang / 'bras bu dang / nus pa dang / dmigs pa la sogs pa rnams kyi mtshan nyid ston par byed kyi/ gdon mi za bar rang bzhin kho nas ni ma yin te/ chos kyi rang bzhin dag ni mchog tu khong du chud par dka'o zhes zer ro//gzhan dag na re sems gcig la rtog pa dang dpyod pa dag mi 'byung ba nyid do zhes bya ba la sogs pa la rnam grangs kyis 'byung ba'i phyir sems kyi skad cig gcig rtsing ba dang zhib pa nyid du thal bar mi 'gyur ro snyam du bsams pa'o/ /sa las bsam gtan de ni ji ltar/ dang po la lnga rtog dpyod dang //dga' dang bde dang ting 'dzin rnams/ /zhes bsam gtan dang po yan lag lnga par bshad/ yan lag bzhi zhes brjod par bya ste/ rtog pa dang dpyod pa dag gang yang rung ba zhig med pa'i phyir ro snyam du bsams pa'o/ /sa las bsam gtan dang po de yan lag lnga par bshad de/ res 'ga' ni rtog pa dang ldan la/ res 'ga' ni dpyod pa dang ngo / /de'i phyir de ltar na rgyun gyi dbang du byas nas de skad bshad kyi/ skad cig las ni ma yin te/ skad cig la ni rtog pa dang dpyod pa dag cig car 'byung bar mi rung ngo / /nga rgyal khengs pa zhes bya ba la sogs pa la 'dud pa dang / mngon du ldang ba dang /sri zhu la sogs pa 'gal ba sems las byung ba'i chos bdag la stod pa dang gzhan la smod par byed pa ni nga rgyal lo/ /gang yang rung ba zhes bya ba ni de nyid dang de nyid ma yin pa'o/ /pha rol po las khyad par yongs su brtags nas sems khengs pa ni nga rgyal lo/ /bdag ni gtong ba dang ldan no//nor dang ldan no/ /tshul khrims dang ldan no/ /blo dang ldan no snyam du rang gi chos kho na la chags pa la sems kyi dge ba'i rtsa ba yongs su gtugs par byed pa'i dregs pa skye ba gang yin pa de ni rgyags pa zhes bya'o/ /yang na 'dis yongs su gtugs par byed pas na yongs su gtugs pa ste/so ga'i nyi mas chu mig g.yo ba yongs su gtugs par byed pa ltar/ sems las byung ba'i chos rang gi chos la chags pa las skyes pa de dge ba'i chos mngon du gyur pa'i yongs su gtugs par byed pa'o/ /gzhan dag na re chang las skyes pa ji lta ba de bzhin du zhes bya ba la sogs pa la/chang las skyes pa'i kun du dga' ba ji lta ba de bzhin du 'dod chags las skyed pa'i kun du dga' ba yang yin no/ /kun du dga' ba'i bye brag ces bya ba la/ kun du dga' ba'i bye brag smos pa ni yid bde ba las khyad par du bya ba'i phyir ro/ /sems las byung ba rnams sems dang bcas te rnam pa re re nas bshad zin to zhes bya ba la/re zhig sems ni rang gi mtshan nyid dang / phung po dang / skye mched dang / khams dang / dge ba dang / mi dge ba dang / lung du ma bstan pa dang / khams kyi rab tu dbye bas rnam pa re re nas bshad zin to/ /sems las byung ba rnams kyang rang gi mtshan nyid dang /phan tshun gyi khyad par dang / grangs nges par gzung ba dang / 'dod pa'i khams dang / bsam gtan dang po la sogs pa sa'i rab tu dbye bas rnam pa re re nas bshad de/ rang gi mtshan nyid kyis gang dag dang / gang dag lhan cig 'byung ba'o/ /gsung rab las zhes bya ba rgyas par 'byung ste/ming dang ming can gyi 'brel pa la byang ba'i slob ma ni gsung rab la bde blag tu tha snyad 'dogs par byed pas de'i phyir de dag gi ming 'di dag brjod de/ sems dang yid dang rnam shes ni/ /don gcig ces bya ba/ sems gang yin pa de nyid yid yin la/ de nyid rnam par shes pa yin te/ nges pa'i tshig gis byas pa'i khyad par 'ga' zhig ni yod do/ /dge ba dang mi dge ba rnams mngon par 'du byed ces bya ba'i don to/ /shes pas na zhes bya ba ni rlom par byed pa'i don gyis te/ ngar 'dzin pa'i rten yin pa'i phyir ro/ /rnam par shes pas na zhes bya ba ni gzugs la sogs pa'i yul rtogs pas na'o//kha cig na re zhes bya ba la/ dge ba dang / mi dge ba'i chos kyis bag chags gnas pa'i tshul gyis bsags pa'i phyir sems zhes bya'o/ /de nyid rten du gyur pa zhes bya ba la/ 'das ma thag pa rten du gyur pa yod do/ /da ltar ba ni rnam par shes pa'o/ /yang na khams dang / skye mched dang /phung por btags par byas pa'i khyad par te/ khams su btags par byas pa'i khams bco brgyad du btags pa las ni sems kyi khams bdun zhes bstan pa'i phyir ro/ /skye mched bcu gnyis su btags pa las ni yid kyi skye mched du bstan pa'i phyir ro/ /gzugs la sogs pa'i phung por btags pa las ni rnam par shes pa'i phung po zhes bstan pa'i phyir ro//sems dang sems byung dang / rten dang dmigs dang rnam bcas dang / /zhes bya ba la/ 'ang zhes bya ba'i sgra ni don gcig ces bya ba rjes su drang bar bya ba'i don to/ /sems dang sems byung dang zhes bya ba'i sgra 'dis brjod pa gang dag yin pa de dag kho na rten zhes bya ba'i sgra 'di nyid brjod pa yin te/dmigs pa dang bcas pa dang / rnam pa dang bcas pa dang / mtshungs par ldan pa dang bcas pa dag kyang de dang 'dra'o/ /de la dbang po la brten pa'i phyir na rten dang bcas pa dag ste/ mig la sogs pa'i skye mched drug la brten pa'i phyir ro//'di dag la dmigs pa yod pas na dmigs pa dang bcas pa dag ste/ yul 'dzin pa'i phyir ro/ /rnam pa re re nas bye brag tu gcod pa'i phyir ro zhes bya ba ni rnam pa re re nas 'dzin pa'i phyir ro/ /ji ltar zhe na/ rnam par shes pa ni sngon po la sogs pa'i rnam pa rnams bye brag tu gcod par byed la/ji ltar dmigs pa de nyid kyi mtshan ma ni 'du shes kyis 'dzin par byed do/ /tshor bas myong ngo / /sems pas sems par byed do/ /mnyam par ldan pa'i phyir mtshungs par ldan pa dag go zhes bya ba la/ gzhan dang lhan cig mnyam par ldan par gyur pa'i phyir mtshungs par ldan pa dag go/ / mnyam par ldan pa'i phyir na mtshungs par ldan pa dag ste/ 'ga' zhig rdzas lhag pa dang / lhan cig 'byung ba ma yin no zhes bya ba'i don to/ /lhan cig 'byung ba ni snga phyir ma yin no zhes bya ba'i don to/ /gzhan dang zhes bya ba ni de nyid de dang mtshungs par ldan pa med pa'i phyir te/ rang gi ngo bo ni rang gi ngo bo dang mtshungs par ldan par mi rung ngo zhes bya ba'i don to//rten dang / dmigs pa dang / rnam pa dang / dus dang / rdzas mtshungs pa dag gis zhes bya ba la/ mig la sogs pa'i dbang po'i skad cig gang dag rnam par shes pa'i rten yin pa de dag kho na de dang mtshungs par ldan pa tshor ba la sogs pa rnams kyi yang rten yin no//de bzhin du thams cad dmigs pa tha mi dad pa'i phyir na dmigs pa mtshungs pa nyid yin la/ thams cad rnam pa gcig tu 'byung ba'i phyir rnam pa mtshungs pa nyid do/ /dus gang na tshor ba la sogs pa yod pa de nyid na sems kyang yod pa ni dus mtshungs pa'o//rdzas mtshungs pa zhes bya ba ni grangs mnyam pa'o/ /sems kyi tshogs 'ga' zhig tu sems las byung ba bcu gnyis 'byung la/ kha cig tu nyi shu rtsa gnyis 'byung ngo zhes bya ba la sogs pa ma yin nam zhe na/ de nyid kyi phyir/ rdzas mtshungs pa gang zhes bya ba smos te/ ji ltar sems gcig yin pa de bzhin du sems las byung ba rnams kyang re re yin te/rdzas rigs mthun pa gnyis phrad pa med pa'i phyir ro zhes bya ba'i don to/ /rgyas pa dang rab tu dbye ba dang bcas pa zhes bya ba la/ rgyas pa nyid rab tu dbye ba yin pa ni rgyas pa dang rab tu dbye ba'o/ /rgyas pa dang / rab tu dbye ba dang lhan cig pa ni rgyas pa dang rab tu dbye ba dang bcas pa'o//de la re zhig sems kyi rgyas pa dang rab tu dbye ba ni/ rnam shes so sor rnam rig pa/ /yid kyi skye mched kyang de yin/ /zhes bya ba la sogs pa bshad zin to/ /sems las byung ba rnams kyi tshor ba myong ba zhes bya ba nas brtsams te/sems byung rnam lnga ste zhes bya ba'i bar gyis so/ /da ni sems las byung ba'i mjug thogs su bstan pa ldan pa ma yin pa rnams bshad pa'i skabs su bab pas de'i mtshan nyid brjod par 'dod nas mi ldan pa'i 'du byed rnams zhes bya ba rgya cher smos so/ /dang zhes bya ba'i sgra ni mi 'phrod pa la sogs pa rnams bsdu bar bya ba'i phyir ro//yang gi sgra ni nges par gzung ba'i don du ste/ gnas pa dang rnyed pa la sogs pa rnams ni thob pa kho na yin gyi/ de las tha dad pa ma yin no/ /thob pa la sogs pa'i chos 'di dag ni ldan pa ma yin pa'o/ /gang dang ldan pa ma yin zhe na/ sems dang sbyar bar bya'o//sems dang ldan pa ma yin pa zhes brjod par bya ste/ sems las byung ba dag ltar sems dang lhan cig dmigs pa la mi 'jug ces bya ba'i don to/ sems dang ldan pa ma yin zhes sems smos pa ni sems dang rigs mthun par shes par bya ba'i don to/ /de dag gi sems dang rigs mthun pa nyid kyang ci zhig ce na/'di dag gzugs can ma yin pa yin pa'o/ /de nyid kyi phyir gzugs kyis ni sems dang rigs mi mthun pa'i phyir ldan pa ma yin pa'i ming mi 'thob ste/ de dang gang kho na mtshungs par ldan pa srid pa de kho na dang mi ldan pa zhes bya'i/ gzugs dang mi ldan pa ni ma yin no//sems las byung ba rnams kyang de dang rigs mthun pas dmigs pa med pa nges par gzung bas de gsal bar bya ba'i phyir yang ldan pa ma yin pa smos so/ /'dus ma byas kyang de dang rigs mthun pa dang / dmigs pa med pa yin pas de spangs pa'i phyir 'du byed smos te/ de nyid kyi phyir/ 'du byed 'di dag ni sems dang mtshungs par ldan pa yang ma yin la/ gzugs kyi rang bzhin yang ma yin pas zhes bya ba smos so/ /'di skad bstan par 'gyur te/ sems dang mtshungs par mi ldan pa kho na las ldan pa ma yin pa'i 'du byed ces mi bya'i/ 'o na ci zhe na/ gang dag 'du byed yin bzhin du gzugs kyi rang bzhin yang ma yin la/sems dang mtshungs par yang mi ldan pa de dag la ldan pa ma yin pa zhes bya'o/ /'dir sems smos pa ni gtso bo yin pa'i phyir yin gyi/ sems kho na dang mi ldan pa ni ma yin no/ /de lta ma yin na ni sems dang mtshungs par mi ldan pa'i phyir sems dang ldan pa ma yin pa nyid du thal bar 'gyur te/rang gi ngo bo dang mtshungs par mi ldan pa'i phyir ro/ /de'i phyir sems dang sems las byung ba dang mi ldan pa dag ces bya'o/ /sems ni sems las byung ba dang mtshungs par ldan pa'i phyir ldan pa ma yin pa nyid du thal bar mi 'gyur ro/ /de ltar na bstan pa 'di dag gi bshad pa bya dgos so zhe na/de la re zhig ces bya ba smos so/ /de la zhes bya ba ni dmigs kyis dgar bar bya ba'i don du ste/ de la ste/ de dag la'o/ /re zhig gi sgra ni rim gyi don du ste/ cig car bshad par mi nus pa'i phyir ro/ /thob pa zhes bya ba ni bstan pa'i tshig go/ /rnyed dang ldan pa'o zhes bya ba ni bshad pa'i tshig go//thob pa dang rnyed pa dang ldan pa'i sgra don gcig par 'dod mod kyi/ 'on kyang rnyed pa dang ldan pa zhes bya ba 'di ni bye brag tu bstan pa yin no/ /sngar ma thob pa rnams kyi thob pa gang dag yin pa de ni zhes khyad par du bstan te/ nangs kyi dang por thob pa skyes pa ni rnyed pa yin pa'i phyir ro/ / thob zin pa rnams kyi thob pa gang zhig skad cig gnyis pa la sogs pa dag na yod pa de ni ldan pa ste/ kun du rjes su 'gro ba ni ldan pa yin pa'i phyir ro/ /de'i phyir de ltar na thob pa'i sgra ni rnyed pa dang ldan pa la 'jug go/ /de nyid kyi phyir/ thob pa ni rnam pa gnyis te zhes rgyas par smos so//ma thob pa ste sngar nam yang ma thob pa gang yin pa dang / rnam par nyams pa ste thob nas sa 'phos pa dang / yongs su nyams pa la sogs pas btang ba las nangs kyi dang por thob pa ni rnyed pa'o/ /skad cig gnyis pa la sogs pa dag na ni thob nas ldan pa'o/ /bzlog pa ni ma thob pa zhes bya ba la sogs pa la/sngar ma thob pa rnams ni mi rnyed pa'o/ /thob pa nyams pa rnams ni mi ldan pa'o/ /de ltar na thob pa las bzlog pa ni ma thob pa yin no/ /de nyid kyi phyir so so'i skye bo nyid ni 'phags pa'i chos rnams kyis ma rnyed pa zhes bya'i/ mi ldan pa ni ma yin no/ /thob pa dang ma thob pa 'di dag gang gis yin zhes bya ba ni 'dus byas sam/'dus ma byas sam/ sems can du ston pa'am/ sems can du ston pa ma yin pa'am/ rgyud du gtogs pa'am/ rgyud du gtogs pa ma yin pa zhig yin zhes bye brag tu ma byas par 'dri ba'o/ /re zhig 'dus byas kyi dbang du byas nas brjod par bya ste/thob dang ma thob rang rgyud du/ /gtogs pa rnams kyi'o/ /'dir gzhan gyi rgyud du gtogs pa rnams kyi ma yin la/ rgyud du ma gtogs pa rnams kyi yang ma yin no zhes nges par gzung bar bya'o/ /'di la rang gi rnams kyi zhes bya ba 'di tsam zhig smras na ni gos la sogs pa sems can du ston pa ma yin pa rnams dang yang ldan par 'gyur la/rgyud du gtogs pa rnams kyi zhes smras na ni/ gzhan gyi rgyud du gtogs pa rnams dang yang ldan par 'gyur te/ de'i phyir thal bar 'gyur ba gnyis ka spang bar bya ba'i phyir dang zhes bya ba dang / rgyud du gtogs pa zhes smos so/ /gzhan gyi phung po la sogs pa dag dang ni 'ga' yang ldan pa med de/de dag dang ldan na ni so so'i skye bo dang / 'phags pa dang / slob pa dang / mi slob pa dang / 'dod chags dang bral ba dang / 'dod chags dang bral ba ma yin pa dang / dge ba'i rtsa ba kun du chad pa dang / dge ba'i rtsa ba kun du chad pa ma yin pa la sogs pa 'chol bar 'gyur ro//sems can du mi bgrang ba gos dang rgyan la sogs pa dag dang ni 'ga' yang ldan pa med de/ thun mong pa yin pa'i phyir dang / thob pa ni thun mong ma yin pa'i phyir ro/ /de'i phyir thob pa rgyud du ma gtogs pa rnams kyi yang ma yin no/ /'dus ma byas rnams kyi zhes bya ba rgyas par 'byung ste/so sor brtags pa dang / so sor brtags pa ma yin pas 'gog pa gnyis kyi ni ma yin no zhes bstan to/ /ci ste gang zag gang zhig 'gog pa gang dang ldan zhe na/ de'i phyir/ so sor brtags pa ma yin pas 'gog pa dang ni zhes bya ba smos so/ /'di nyid bstan pa'i phyir/de nyid kyi zhes bya ba rgyas par smos so/ /grag go zhes bya ba'i sgra ni ldan pa rdzas su yod pa nyid du mi 'thad pa'i phyir dang / 'gog pa gnyis kyang rdzas su yod pa nyid du ma gyur pas ma rangs par bstan pa'i phyir ro/ /so sor brtags pas 'gog pa dang ni zhes bya ba rgyas par 'byung ba la/'ching ba mtha' dag dang ldan pa yang de dag yin la/ skad cig ma dang po la gnas pa yang de dag yin pa de dag ni 'ching ba mtha' dag dang ldan pa skad cig dang po la gnas pa'o/ /de dag spangs pa gang rnams la yod pa de rnams ni 'ching ba mtha' dag dang ldan pa skad cig dang po la gnas pa ma gtogs pa'o//de rnams gang dag cig ce na/ de'i phyir/ 'phags pa thams cad ces bya ba smos te/ de rnams ni so sor brtags pas 'gog pa dang ldan no/ /'ching ba mtha' dag dang mi ldan pa skad cig dang po la gnas pa dag dang / skad cig gnyis pa la sogs pa gnas pa dag ni so sor brtags pas 'gog pa dang ldan pas 'ching ba mtha' dag dang ldan pa skad cig dang po la gnas pa zhes gnyis ka smos te/so sor brtags pas 'gog pa dang mi ldan pa de'i phyir ni ma gtogs pa yin no/ /de dag las gzhan pa 'ching ba mtha' dag dang mi ldan pa skad cig ma dang po las gnas pa dang /skad cig ma gnyis pa la sogs pa la gnas pa thams cad ldan pa yin no/ /so so'i skye bo kha cig kyang ldan pa yin no zhes bya ba ni gang zag 'jig rten pa'i lam gyis bral ba'i thob pa rnyed pa'o/ /nam mkha' dang ni 'ga' yang ldan pa med do/ /ci'i phyir zhe na/ 'brel pa med pa'i phyir ro/ / nam mkha' dang ni 'ga' yang 'brel pa med de/ dgag par bya ba dang 'gog pa med pa'i phyir ro/ /de'i phyir 'di la thob pa med do/ /gang la thob pa yod pa ma yin pa de la ni ma thob pa yang med de/ bral ba ni ldan pa sngon du 'gro ba can yin pa'i phyir ro/ /de lta na ni thob pa rnams kho na la ma thob pa yod par 'gyur gyi/ma thob pa rnams la ni ma yin te/ de'i phyir grub pa'i mtha' tshad mar byas pa nyid las 'dod pa yin no/ /bral ba ni ldan pa sngon du 'gro ba'i phyir ro zhes gang smras pa 'di ni bstan bcos dang 'gal ba ste/ bstan bcos las ni chos dag la thob pa yod pa de dag kho na la ma thob pa yang yod do zhes bya bar nges kyi/de sngon du 'gro ba can nyid du ni ma yin no/ /dbang po las 'das pa'i don rtogs pa ni lung ngam rigs pa zhig las 'gyur ba zhig na/ de la thob pa zhes bya ba chos gzhan yod do zhes bya bar ci lung las rtogs sam/ 'on te rigs pa las yin/ dngos po gzhan du gyur pa las log par rtogs pas sa bon gyi bdag nyid can yod do zhes smras par 'gyur ro//bye brag tu smra ba rnams ni lung las nges so zhes bstan pa'i phyir/ mdo las smra'o/ /mdo las te zhes bya ba rgyas par 'byung ba la/ mi slob pa'i chos bcu ni mi slob pa'i 'phags pa'i lam yan lag brgyad dang / yang dag pa'i rnam par grol ba dang / yang dag pa'i ye shes so/ /bskyed cing ni mngon du gyur cing ngo / /so sor thob la ni thog mar thob la'o/ /kun du ldan pas na ni phyi nas thob pas na'o/ /yan lag lnga rnam par spangs pa zhes bya ba la/ tha ma'i cha dang mthun pa'i kun du sbyor ba lnga dag spang bar 'gyur zhing yongs su shes par 'gyur te/'di lta ste/ 'jig tshogs la lta ba dang / tshul khrims dang brtul zhugs mchog tu 'dzin pa dang / the tshom dang / 'dod pa las 'dun pa dang / gnod sems so/ /gzhan dag na re tha ma'i cha dang mthun pa rnams ni sngar slob pa'i gnas skabs kho nar spangs pa'i phyir 'dir ni gong ma'i cha dang mthun pa rnams kho na bzung ste/'di lta ste/ gzugs kyi 'dod chags dang / gzugs med pa'i 'dod chags dang / rgod pa dang / nga rgyal dang / rmongs pa'o zhes zer ro/ /gzhan dag na re lnga par mtshungs pa'i phyir gong ma'i cha dang mthun pa dang / tha ma'i cha dang mthun pa rnams gnyis ka bzung ste/ gnas bdun la mkhas pa ston pa bzhin no zhes zer ro/ /thob pa ni gang zhig yod na mngon du ma gyur pa yang chud mi za ba 'dra bar gyur pa'i chos zhig go/ /'dir khungs ni so sor thob pa kun du ldan pas na zhes bya ba 'di yin no/ /yang gang zag 'di ni dge ba'i chos rnams dang yang ldan no/ /mi dge ba'i chos rnams dang yang ldan no zhes rgyas par gsungs so//gal te mdo las so sor thob pa dang / kun du ldan pa 'byung ba'i phyir chos thob pa gzhan yin na/ 'o na ni des na sems can du mi ston pa dag dang zhes bya ba rgyas par 'byung ngo / /sems can gzhan dag dang / sems can du mi ston pa dag dang ldan par rtogs pa ni rigs pa med pa dang /lung med pa yin no snyam du sems te 'dri ba ni ci'i phyir zhes bya ba'o/ /bstan bcos mkhan pos mdo las zhes bya ba rgyas par smos te/ 'di las kyang ldan pa zhes 'byung ba'i phyir dngos po gzhan dang ldan par 'gyur te/ de'i phyir sems can du ston pa ma yin pa dang /sems can gzhan dag dang ldan par thal bar 'gyur ro/ /rin po che sna bdun ni 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / blon po rin po che'o/ /de la nor bu rin po che dang / 'khor lo rin po che ni sems can du mi ston pa'o//lhag ma glang po dang / rta dang / bud med dang / khyim bdag dang / blon po rin po che lnga po dag ni sems can du ston pa ste/ gzhan gyi rgyud du gtogs pa dang ldan par 'gyur ro/ /mi 'gyur te/ ci'i phyir zhe na/ mdo ni dgongs pa can yin pa'i phyir ro/ /dgongs pa ci yin zhe na/der ni dbang ba nyid la ldan pa'i sgrar gsungs te zhes bya ba smras so/ /tshig phyi ma ni snga ma'i rnam par bshad pa yin no/ /dga' dgur byed pa ni 'dod pa la rag las pa nyid do/ /ldan pa der ni dbang nyid yin/ /zhes bya ba rgyas par 'byung ste/ mdo gnyis su ldan pa'i sgra khyad par med kyang gcig tu ni ldan pa dbang ba nyid yin la/gzhan du ni chos gzhan yin no zhes bya ba ni gang las te/ ci rigs pa las sam/ 'on te mdo gzhan las yin/ slob dpon 'dus bzang na re ni gcig tu ni ldan pa dbang ba nyid yin la/ gzhan du ni chos gzhan yin no zhes bya ba'i 'thad pa las yin no/ / da ltar ba dag kho na la dbang ba nyid 'thad de/ de'i bdag po'i 'bras bu yin pa'i phyir dang / ji ltar 'dod pa bzhin longs spyod pa rtag tu nye ba'i sgo nas de'i dbang ba nyid du rtogs pa'i phyir ro/ /dge ba mngon du ma gyur pa dang / 'das pa dang ma 'ongs pa'i mi dge ba dag la ni thob pa ma gtogs pa'i dbang ba nyid gzhan ci zhig brtag ces zer ro//de lta na yang mi rung ba ci zhig yod ces bya ba 'byung ste/ ji ltar 'khor los sgyur ba'i mdor chos gzhan dang mi ldan pa'i phyir dbang ba nyid du rtogs la/ de bzhin du cig shos su chos gzhan no zhes yongs su brtags pa la/ gang las der ni ldan pa chos gzhan du mi 'dod par 'gyur ba/rigs pa yang mdo dang 'gal ba ci zhig yod/ 'gal ba 'di yod de/ rdzas kyi chos mi srid pa'o/ /rdzas kyi chos ni rang gi ngo bos mngon sum gyi tshad ma'i yul nyid yin pa'am/ 'bras bu'i sgo nas rjes su dpag pa'i yul nyid yin no/ / thob pa ni rang gi ngo bos snang ba ma yin te/ mngon sum gyi tshad mas ma dmigs pa'i phyir ro/ /gzugs dang sgra la sogs pa ltar ram/ 'dod chags dang zhe sdang la sogs pa ltar zhes bya ba ni chos mi mthun pa'i dpe ste/ gzugs la sogs pa rnams ni mig la sogs pa'i rnam par shes pa dag gis rang gi ngo bos dmigs la/de'i mjug thogs su ni yid kyi rnam par shes pas dmigs so/ /'dod chags dang zhe sdang dang la sogs pa rnams ni yid kyi rnam par shes pa kho nas dmigs so/ /mig dang rna ba la sogs pa ltar bya ba yang mi snang ba zhes bya ba la/ mig la sogs pa rnams ni dbang po las 'das pa'i phyir mngon sum gyis rang gi ngo bo ma dmigs kyang 'bras bu las/de gzugs la sogs pa las tha dad par yod pa nyid du rjes su dpag pa yin no/ /'di ltar gzugs dang / rna ba dang / yid la byed pa la sogs pa yod kyang long ba dang 'on pa la sogs pa rnams la mig la sogs pa ma gtogs pa'i rnam par shes pa mi skye la/long ba la sogs pa dang bral na phyis skye ba yin no/ /de'i phyir gang la gnod pa byas pa dang / gnod pa ma byas pa las mig la sogs pa'i rnam par shes pa mi skye ba dang / slar skye bar 'gyur ba gzugs la sogs pa ma gtogs pa'i rgyu gzhan zhig yod do zhes bya bar nges so//mig la sogs pa rnams ni rjes su dpag pa las yod pa nyid do/ /thob pa ni rang gi ngo bo ma dmigs pas mngon sum ma yin la 'bras bu ma dmigs pas rjes su dpag pas gzung bar bya ba ma yin no/ /de'i phyir rdzas kyi chos mi srid pas mi rung ngo / /chos mthun pa'i dpe ni mig la sogs pa'o//gal te chos rnams skye ba'i rgyu zhes bya ba la/ gal te dngos po skye ba 'thob pa'i 'bras bu yin te/ de'i phyir rang gi ngo bos ma dmigs pa rnams kyang mig la sogs pa ltar 'bras bu las nges par rdzas kyi chos las 'das pa med do zhe na/ 'dus ma byas kyi ma yin par 'gyur ro zhes bya ba la/thob pa skye ba'i 'bras bu can yin pa'i phyir de rnams la thob pa yod do zhes bya bar dngos po thams cad kyi thob pa skye ba'i sgo nas rtogs na ni 'dus ma byas la skye ba med pa'i phyir/ nam mkha' ltar thob pa'i rjes su dpag pa med pas 'dus ma byas kyi ma yin par 'gyur ro/ /chos gang dag ma thob pa rnams dang zhes bya ba rgyas par 'byung ste/de la ma thob pa rnams ni sbyor ba las byung ba rnams dang / 'dod chags dang bral ba thob pa rnams so/ /sa 'phos pas btang ba dag ni nyon mongs pa can ma yin pa rnams te/ de dag ni dge ba dang / ma bsgribs la lung du ma bstan pa rnams so//'dod chags dang bral bas btang ba dag ni nyon mongs pa can rnams te/ de dag kyang mi dge ba dang / bsgribs pa rnams so/ /skye ba'i rgyu thob pa med pa'i phyir de dag ji ltar skye bar 'gyur te/ gang gi tshe sa gong ma nas 'chi 'phos nas sa 'og mar skye ba'am/ de las 'dod chags dang bral ba las yongs su nyams pa de'i tshe/thob pa med pas sa 'og ma'i chos rnams skye bar mi 'gyur la/ thob pa lhan cig skye ba yin pa'i phyir ma bsgribs la lung du ma bstan pa rnams kyang skye bar mi 'gyur ro/ /de'i phyir thob pa med kyang skye ba mthong ba'i phyir 'bras bu ma yin no/ /de'i phyir 'bras bu med pa'i phyir thob pa rjes su dpag pas gzung bar bya ba ma yin pas rdzas kyi chos mi srid pa so na 'dug go//'on te lhan cig skyes pa'i thob pa'i rgyu can yin no zhe na zhes bya ba la/ ma thob pa la sogs pa'i chos gang dag yin pa de dag la sngar skyes pa thob pa med mod kyi/ lhan cig skyes pa ni yod de/ de'i phyir de dag gi skye ba ni ma bsgribs la lung du ma bstan pa ltar lhan cig skyes pa'i thob pa'i rgyu can yin te/de'i phyir de med kyang skye ba mthong ba zhes bya ba ni mi rigs par smras pa yin no zhe na/ de'i tshe skye ba'am zhes bya ba 'byung ste/ gal te chos lhan cig skyes pa thob pa'i rgyu can yin na ni de'i tshe skye ba ci zhig skyed par 'gyur/gang gi phyir skye ba'i 'bras bu thun mong ma yin pa ni skyed pa kho na yin no/ /gal te thob pa skyed par byed pa yin na ni de'i tshe skye ba ci zhig byed par 'gyur te/ gnas pa la sogs pa ltar de la byed pas gzhan med pa'i phyir ro/ /des na de yongs su brtags pa don med par 'gyur la/ yang na chos rnams lhan cig skyes pa'i thob pa'i rgyu mtshan yin no zhes bya ba khas blang bar mi bya'o//ci ste skye ba don med par 'gyur du 'ong bas de'i phyir thob pas skye ba skyed par byed la/ skye bas chos skyed par byed do zhes bya ba de ltar 'dod do snyam na/ de'i phyir skye ba'i skye ba zhes bya ba smos te/ ci zhig byed par 'gyur zhes sbyar bar bya'o//gal te thob pas skye ba skyed par byed kyi/ skye ba'i skye bas ma yin no/ /de ltar na mthun pa'i mtshan nyid brtags pa don med par 'gyur ro/ /'ching ba mtha' dag ldan pa rnams kyi zhes bya ba rgyas par 'byung ste/ 'ching ba mtha' dag dang ldan pa zhes bya ba ni gang dag gis nyon mongs pa'i rnam pa gcig kyang ma spangs pa'o//gang gi phyir thob pa dang ldan pa'i khyad par thob pa la khyad par med pa de'i phyir 'ching ba mtha' dag dang ldan pa rnams kyi nyon mongs pa chung ngu dang / 'bring dang / chen po skye ba khyad par du mi 'gyur te/ de'i rgyur gyur pa'i thob pa la bye brag med pa'i phyir ro/ /gzhan dag na re ni rgyud gzhan la ltos na thob pa bye brag med pa'i phyir te/'di ltar 'ching ba mtha' dag dang ldan pa thams cad kyi thob pa rnams mtshungs te/ nyon mongs pa chung ngu'i chung ngu rnams kyi thob pa chung ngu'i chung ngu yin pa nas/ chen po'i chen po rnams kyi thob pa chen po'i chen po'i bar kho na yin pas/ thams cad kyi thob pa bye brag med pa dang / lha sbyin la sogs pa rnams kyi nyon mongs pa chung ngu dang / 'bring dang / chen po skye ba'i khyad par du ga la 'gyur te/ rgyu la bye brag med na 'bras bu'i bye brag mi rigs so zhes zer ro/ /'ching ba mtha' dag dang ldan pa smos pa ni 'ching ba dang bral ba rnams la chung ngu la sogs pa'i khyad par du nyon mongs pa skye ba'i go skabs yod pa'i phyir ro//ci ste thob pa la bye brag med kyang goms pa la sogs pa'i rgyu mtshan gzhan las nyon mongs pa skye ba khyad par du 'gyur bas nyes pa 'di med do snyam na/ de'i phyir/ de las de dag gi bye brag tu 'gyur na ni zhes bya ba smos so/ / goms pa'am gzhan las chung ngu dang / 'bring dang / chen po'i bdag nyid can du 'gyur ba de kho na las de dag skye la rag ste/ rgyu gzhan gang zhig las nyon mongs pa'i khyad par yongs su brtags pa de kho na las nyon mongs pa rnams chung ngu dang / 'bring dang / chen po nyid du skye la rag mod/ thob pa don gzhan du 'gyur ba yongs su brtags pa ci dgos/de skad du su zer zhes bya ba rgyas par 'byung ste/ rnam par gzhag pa'i rgyu ni nges pa'i rgyu zhes bya ba'i don to/ /re zhig so so'i skye bo rnams ni 'jig rten pa'i yid dang ldan pa yin pas de dag la khyad par du byas pa don med do/ /'phags pa rnams ni 'jig rten las 'das pa'i lam mngon sum du gyur pa'i tshe 'jig rten las 'das pa'i yid dang ldan pa yin pas de'i phyir/'jig rten pa'i yid dang ldan pa zhes bya ba smos so/ /yid ni yid nyid do/ /lam mngon sum du gyur pa'i tshe ni thob pa med par yang 'phags pa so so'i skye bo'i rnam par gzhag par bya bar nus te/ lam nyid rnam par gzhag pa'i rgyu yin pa'i phyir ro/ /'jig rten pa'i yid dang ldan pa rnams la ni thob pa med par 'di dag ni 'phags pa'o/ /'di dag ni so so'i skye bo'o zhes bya bar rnam par gzhag par mi 'gyur na 'dod pa yang ma yin te/ de'i phyir zag pa med pa'i lam gyi thob pa yod pa dang / de med pa ni 'phags pa dang /so so'i skye bor rnam par gzhag pa'i rgyu yin no zhes bya bar nges so/ /slob dpon 'dus bzang na re rdzas kyi chos mi srid pas mi rung ngo zhes bya ba ni yod pa ma yin te/ thob pa ni chos thob zin pa chud mi za ba'i rgyu yin pa'i phyir ro/ /thob zin pa'i chos chud mi za ba'i rgyu ni yod pa nyid kyi rgyu zhes bya ba'i tha tshig ste/thob pa'i dbang gis ni chos de dag 'gags pa dang / ma skyes kyang yod do zhes bya ba brjod do/ /'di ni 'di'o snyam pa'i shes pa'i rtags mtshan yang yin te/ 'dod chags la sogs pa'i chos gzhan pa'i 'di ni 'di'i 'brel pa can yin no snyam du 'brel pa can gyi shes pa skye ba gang yin pa de ni rtags mtshan du gyur pa'i thob pa yod na yin te/de lta ma yin na 'dod chags la sogs pa rnams 'gags pa dang / ma skyes pa na 'brel pa can gyi shes pa'i rtags su gyur pa'i thob pa med pa dang / de dag 'brel pa can gyi shes pa gang yin pa de dag tu mi 'gyur ro zhes zer ro//de ni nyon mongs pa spangs pa dang ma spangs pa nyid kyi bye brag las 'gyur bar 'os so zhes bya ba la/ nyon mongs pa spangs pa dang ma spangs pa dag gi dngos po ni nyon mongs pa spangs pa dang / ma spangs pa nyid de/ de nyid bye brag yin no/ /de la nyon mongs pa spangs pa nyid ni nyon mongs pa'i sa bon rtsa ba nas bton pa las nyon mongs pa rnams yang mi skye ba'o//nyon mongs pa ma spangs pa nyid ni nyon mongs pa'i sa bon rtsa ba nas ma bton pa las nyon mongs pa yang skye ba srid pa'o/ /de ltar na 'jig rten pa'i yid dang ldan pa yin yang gang dag la sa bon med pas nyon mongs nam yang mi skye ba'i chos can yin pa de dag ni 'phags pa yin la/gang dag la sa bon rgyun ma bcad pas yang skye bar 'gyur ba de dag ni so so'i skye bo yin pas rnam par gzhag pa grub bo/ /'di dag ni nyon mongs spangs pa'o zhes bya ba la sogs pa 'byung ste/ 'di ltar 'phags pa dang so so'i skye bo rnams las gang las 'di dag ni nyon mongs pa spangs pa'o//'di dag ni ma spangs pa'o zhes bya bar rtogs par 'gyur ba/ nyon mongs pa spangs pa dang ma spangs pa'i rtags mtshan cung zad kyang med de/ de'i phyir nyon mongs pa spangs pa dang ma spangs pa nyid du mi rtogs pa'i phyir 'di dag ni 'jig rten pa'i yid dang ldan pa'i 'phags pa'o//'di dag ni so so'i skye bo'o zhes bya ba'i rnam par gzhag pa med pa so na 'dug go/ /thob pa yod na ni 'di dag ni nyon mongs pa spangs pa'o/ /'di dag ni ma spangs pa'o zhes bya ba 'dir yang 'gyur ro/ /ji lta zhe na/ de'i phyir/ de dang bral ba dang ma bral ba las zhes bya ba smos te/ gang dag gi rgyud la nyon mongs pa'i thob pa rnams dang mi ldan pa dang /rnam par chad pa de dag ni nyon mongs pa spangs pa'o/ /gang dag gi rgyud ma bral ba dang rgyun ma chad pa de dag ni nyon mongs pa ma spangs pa'o/ /'di ni rten gyi bye brag las grub par 'gyur te zhes bya ba ni 'di dag ni nyon mongs pa spangs pa'o/ /'di dag ni ma spangs pa'o zhes bya ba'o//'dir rten ni phung po lnga'o/ /gzhan dag na re sems dang sems las byung ba'i bdag nyid do zhes zer ro/ /'phags pa dang / so so'i skye bo dag dang / nyon mongs pa spangs pa dang / ma spangs pa dag gi rten gyi bye brag bstan pa'i phyir/ 'phags pa rnams kyi gnas ni zhes bya ba rgya cher smos so//'phags pa'i lam la skyes pa'i rten ni mthong ba dang bsgom pas spang bar bya ba'i nyon mongs pa'i sa bon dang rjes su 'brel pa'i rten gzhan gyi rgyur 'gyur bas gnas skabs der ni so so'i skye bo zhes bya ste/ khams gsum pa'i nyon mongs pa ma lus pa'i sa bon dang rjes su 'brel pa'i skad cig gzhan skyed par byed pa yin pa'i phyir ro//nyon mongs pa'i gnyen po ni mthong ba'i lam mam bsgom pa'i lam mngon du 'gyur la/ de mngon du gyur na rten de dag gis spang bar bya ba'i nyon mongs pa'i sa bon dang rjes su 'brel pa'i skad cig ma gzhan gyi rgyu ma yin te/ de skye ba dang 'gal ba'i rkyen thob pa'i phyir ro/ /de'i phyir rten des mthong ba dang bsgom pas spang bar bya ba'i nyon mongs pa rnams kyang skyed par mi nus te/sa bon med pa'i phyir ro/ /sa bon med pa rnams ni skye bar mi rigs te/ ha cang thal bar 'gyur ba'i phyir ro/ /de nyid kyi phyir nyon mongs pa'i sa bon rgyun chad pa las mthong ba dang bsgom pa'i lam gyi mthus ji ltar de dag gis nub par bya ba'i nyon mongs pa rnams yang 'byung bar mi nus pa de ltar gyur pa yin te zhes bya ba smos te/rten de las nyon mongs pa'i sa bon drungs phyung ba'i phyir ro/ /de'i phyir rten 'bru mes tshig pa bzhin du zhes bya ba la sogs pa smos te/ 'bru mes tshig pa las myu gu skyes pa'i sa bon med pas rten des yang myu gu mi skyed pas sa bon du ma gyur pa de bzhin du/rten lam gyi mes tshig cing nyon mongs pa rnams kyi sa bon du ma gyur pa na nyon mongs pa spangs pa zhes bya'o/ /de ltar na 'o na ni 'jig rten pa'i 'dod chags dang bral ba nyon mongs pa spangs par mi 'gyur te/ 'jig rten pa'i lam gyis nyon mongs pa'i sa bon rgyun mi gcod pa'i phyir ro zhe na/de'i rten ni rten la 'jig rten pa'i lam gyis nyon mongs pa rnams kyi sa bon gyi dngos po nyams par byas na nyon mongs pa spangs pa zhes bya'o/ /bzlog pa ni spangs pa ma yin pa zhes bya ba la/ 'phags pa dang 'phags pa ma yin pa'i lam dag gis rten ma tshig pa sa bon gyi dngos po nyams par ma byas na nyon mongs pa ma spangs pa zhes bya'o//rten la rtsa nas ma bton pa dang / nyams par ma byas pa'i sa bon yod pas gang ma spangs pa de dang ni ldan no/ /rten la sa bon rtsa nas bton pa'i phyir ram/ sa bon nyams par byas pa'i phyir gang spangs pa de dang ni mi ldan no//de lta yin dang 'jig rten pa'i yid dang ldan pa nyid du khyad par med kyang rten la sa bon rtsa nas bton pa dang / rtsa nas ma bton pa'i phyir 'phags pa dang so so'i skye bor rnam par gzhag la/ sa bon nyams par byas pa dang / nyams par ma byas pa'i phyir 'jig rten pa'i 'dod chags dang bral ba dang /'dod chags dang bral ba ma yin pa zhes bya bar rnam par gzhag go zhes bya bar gdags te/ sa bon rgyun chad pa dang / nyams par byas pa'i phyir dang / rgyun ma chad pa dang / nyams par ma byas pa'i phyir tha snyad gdags so zhes bya ba'i tha tshig go//chos nyon mongs pa can rnams kyi ldan pa dang mi ldan pa'i tha snyad brjod pa'i mjug thogs su dge ba rnams kyi brjod par bya ba yin pas de'i phyir/ dge ba'i chos rnams kyang rnam pa gnyis te zhes bya ba rgyas par smos so/ /ma 'bad par skye ba rnams ni 'bad pa la mi ltos pa rnams te/ gang dag skyes pa tsam gyis thob pa'o/ /'bad de skye ba rnams ni gang dag skye ba la mi ltos par khyad par thob pa'o/ /de nyid kyi phyir/ gang dag skye bas zhes bya ba rgyas par smos te/ gang dag skyes pa nyid kyis 'thob kyi 'bad rtsol gzhan la ltos pa de dag ni skyes pas 'thob pa rnams so/ /'dir skye ba ni ci rigs par srid pa bar mar nying mtshams sbyor ba dang /skye ba'i srid par nying mtshams sbyor ba'o/ /gang dag sbyong ba'i khyad par la rag las te/ skye ba de dag ni sbyor ba las byung ba'o/ /de dag gi sa bon gyi dngos po nyams par ma byas pa'i phyir zhes bya ba la/ de dag gi sgra ni ma 'bad par skye ba dang sbyar ro//dge ba'i rtsa ba kun du ma chad pa rnams la ni log par lta ba med pa'i phyir de dag gi sa bon gyi dngos po nyams par ma byas pas ma 'bad par skyes pa rnams dang ni dge ba'i rtsa ba kun du ma chad pa ldan no zhes bya ba'o/ /sa bon gyi dngos po de gang gis nyams par byed ce na/ de'i phyir/ de nyams pa yang zhes bya ba la sogs pa smos so//dge ba'i chos rnams kyi rtsa ba gtan du yang dag par bcom pa ma yin no zhes bya bar ji ltar rtogs she na/ yang dge ba'i rtsa ba nying mtshams sbyor ba'i phyir dang / sa bon kun du chad pa rnams yang 'byung ba'i phyir ro/ /mdo las kyang / dge slong dag lha sbyin gyi dge ba'i rtsa ba rnams nying mtshams sbyar ba nyid ces gsungs so//gal te gtan du yang dag par ma bcom na 'o na ni bcom ldan 'das kyis de bzhin du gang zag de la dge ba'i chos rnams mi mngon par 'gyur ro/ /mi dge ba'i chos rnams skye bar 'gyur ro/ /de la dge ba'i rtsa ba kun du ma chad pa rdul dang mnyam pa zhig yod de/de'i de yang dus gzhan du thams cad kyis thams cad du chad par 'gyur ro zhes gsungs she na/ de ni rnam pa thams cad du mngon du mi rgyu ba'i dngos po med pa'i dbang du mdzad nas gsungs par rig par bya'o/ /gang dag 'bad de skye ba ni zhes bya ba rgyas par 'byung ste/ skye ba'i dbang nyid do//de yang ci zhig ce na/ de las skyes shing de'i rgyur gyur pa'i nus pa'i khyad par zhig ste/ de la thogs pa med pa'i phyir te/ gegs ma byas pa'i phyir de dag dang ldan no/ /de'i phyir 'dir sa bon kho na rtsa nas bton pa zhes bya ba rgyas par 'byung ste/ de la rtsa nas ma bton pa ni 'jig rten las 'das pa'i lam gyis nyon mongs pa can rnams kyi sa bon no//nyams par ma byas pa ni 'jig rten pa'i lam gyi de dag nyid kyi sa bon dang log par lta ba kun du mi rgyu ba las dge ba skyes nas thob pa rnams kyi sa bon no/ /dbang ba'i dus na rgyas par gyur pa ni zhes bya ba ni 'bad de skye ba'i ste/ sa bon zhes bya ba'i skabs yin no//rgyas par gyur pa ni rigs par brtson pas yang dang yang du bskyed pa las so/ /thogs pa ni bskyed par bya'i phyir mi brtson pa'am log par brtson pa las so/ /sa bon zhes bya ba 'di ci zhig yin zhes bya ba ni de'i rang gi ngo bos nges par zin pa'i phyir 'dri ba'o/ /'bras bu bskyed par bya ba la zhes bya ba la sogs pa la/'bras bu ni dge ba dang / mi dge ba dang / lung du ma bstan pa'i chos rnams te/ de la bskyed par bya ba la nus pa'i ming dang gzugs gang yin pa de ni de dag gi sa bon no zhes bya ba'o/ /mngon sum mam brgyud pas zhes bya ba la/ mngon sum ni bar med pa'o/ / brgyud pa ni de'i rgyun du gtogs pa'i skad cig gzhan gyis bar chod pa'o/ /yongs su 'gyur ba gzhan las khyad par du gyur pa ni 'gyur ba'i bye brag go/ /de ni 'bras bu skyed par byed pa'i nus pa zhig ste/ gang gi mjug thogs su 'bras bu skye ba'o/ /grangs can pa'i 'gyur ba las rnam par dbye bar bya ba'i phyir/'gyur ba zhes bya ba ni ci yin zhes bya ba smos so/ /de nyid kyi phyir/ rgyud gzhan nyid du 'gyur ba'o zhes bya ba smos te/ rgyu tha mi dad pa'i 'bras bu rgyu dang mi 'dra bar 'byung ba zhes bya ba'i don to/ /rgyud ces bya ba 'di yang ci zhig yin zhes bya ba ni dngos po rnams kyi rnam par gzhag pa ni gnyis te/don dam pa dang / btags pa'o/ /de la don dam pa rgyud du 'dod na ni de lta na grangs can pa rnams dang khyad par med de/ de dag gi ltar na yang ni rnam par gnas pa'i rdzas kyi gzhan du 'gyur ba nyid 'gyur ba yin no/ /'on te btags par yod pa yin na ni ji ltar de gzhan du gyur pa nyid yin snyam du shes par 'dod pas 'dri ba'o//'du byed dus gsum rgyu dang 'bras bur gyur pa rnams so zhes gnyis ka smos pa ni lhan cig skyes pa rnams kyang rgyu dang 'bras bu'i dngos po yin pa'i phyir dang / yang dag pa'i lta ba la sogs pa zag pa med pa rgyu dang 'bras bur ma gyur pa rnams rnam par smin pa'i 'bras bu'i ngo bo ma yin yang dus gsum pa yin pa'i phyir ro//de'i phyir de ltar na 'du byed rgyud ma chad par 'byung ba ni rgyud yin no zhes bya bar bstan par 'gyur te/ rgyud kyi nye bar len par gyur pa'i 'du byed rnams snga ma dang phyi ma mi 'dra bar skye ba ni rgyud gzhan du gyur pa nyid do zhes bya'o/ /gang las chags pa dang zhes bya ba rgyas par 'byung ste/gal te de las chags pa'i sa bon kho na rtsa nas ma bton pa dang / nyams par ma byas pa ni ldan pa'o zhes bya na ni nam yang dran pa nye bar gzhag pa dag bsgom par mi nus par 'gyur zhing / 'di ni thob pa la yang mtshungs par 'gyur ro/ /de'i phyir de las chags pa dang du len pa dang /mi sel ba la ldan pa'i sgrar gsungs so zhes bya bar shes so/ /de ltar na zhes bya ba rgyas par 'byung ste/ gal te skye ba'i rgyu'am/ gal te rnam par gzhag pa'i rgyu'am/ gal te rten gyi bye brag yin yang rung ste/ rnam pa thams cad de/ rnam par kun du brtags pa'i chos yin gyi/sngar bshad pa'i rgyus rdzas kyi chos ni ma yin te/ brtags pas tha snyad du gzhag go zhes bya ba'i don te/ de 'gog pa zhes bya ba la/ ldan pa zhes bya ba ni de bkag pa mi ldan pa'o/ /ci zhe na/ bsal bar rig par bya ste/ sa bon la ldan pa'i sgrar brjod pa gang yin pa de ni ma bsal lo/ /bye brag tu smra ba rnams na re ni thob pa dang ma thob pa gnyis ka rdzas kho na yin no zhes brjod do//gang las she na/ mdo las 'byung ba'i phyir ro/ /'di skad du gang zag 'di ni dge ba'i chos rnams dang yang ldan no zhes gsungs pa lta bu ste/ rgyas par snga ma bzhin no/ /rigs pa yang yod do/ /'dir rigs pa gang zhe na/thob pa ni/ rdzas su yod pa yin te/ de'i 'bras bu dmigs pa'i phyir mig la sogs pa bzhin no/ /dus gsum pa'i rnam pa gsum zhes bya ba la/ bshad pa 'di ni dmigs kyis bsal ba dang bcas pa zhig ste/ lung bstan min thob lhan cig skye/ /zhes 'byung ba'i phyir ro/ /thob pa'i rgyun la ltos te/'das pa la sogs pa rnams re re la yang thob pa rnam pa gsum gsum mo/ /ji ltar zhe na/ 'das pa rnams kyi be'u ltar 'brang ba gang yin pa de skyes la 'gags pa ni 'das pa'o/ /skyes la ma 'gags pa ni da ltar ba'o/ /ma skyes pa ni ma 'ongs pa'o/ /da ltar byung ba rnams kyi sngar skyes pa ni 'das pa'o//lhan cig skye ba ni da ltar ba'o/ /dus phyis skye ba ni ma 'ongs pa'o/ /ma 'ongs pa rnams kyi khyu mchog 'dra ba gang yin pa de skyes la 'gags pa ni 'das pa'o/ /skyes la ma 'gags pa ni da ltar ba'o/ /ma skyes pa ni ma 'ongs pa'o/ /dge la sogs kyi zhes bya ba la sogs pa la/de ni dge ba la sogs pa re re la yang dge ba la sogs pa yin par 'gyur na mi rung bas de'i phyir/ go rims bzhin du zhes bya ba smos so/ /yang ci'i phyir thob pa chos dang 'dra bar rnam par gzhag gi /de lta ma yin par chos las bzlog ste ma yin zhe na/ 'dod chags dang bral ba mi dge ba'i chos rnams dang ldan pa dang /dge ba'i rtsa ba kun du chad pa dge ba'i chos rnams dang ldan par thal bar 'gyur ro/ /de ltar na 'o na thams cad du lung du ma bstan pa yin par 'gyur ro zhe na/ de ni de lta ma yin te/ lung du ma bstan pa'i chos ltar gzhan dag tu yang 'dra ba nyid du thal bar 'gyur ro//lung du ma bstan pa yin pa'i phyir chos nyon mongs pa can rnams kyi thob pa lam dang mi 'gal bar 'gyur ro/ /de'i phyir nyon mongs pa can rnams kyi rang gi ngo bo spangs pa ma yin pas chos dang 'dra ba kho nar 'dod do/ /der gtogs rnams kyi rang khams pa/ /zhes bya ba la/ ldan pa ni ldan pa can la rag las pas khams gzhan pa rnams kyi thob pa ni khams gzhan pa ma yin no/ /de la re zhig 'dod pa'i khams su yang skyes pa'i 'dod pa na spyod pa rnams kyi ni 'dod pa na spyod pa'o/ /gzugs dang gzugs med pa na spyod pa rnams kyi ni gzugs dang gzugs med pa na spyod pa'o/ / gzugs kyi khams su skyes pa'i gzugs na spyod pa rnams kyi ni gzugs na spyod pa yin la/ 'dod par gtogs pa sprul pa'i sems kyi ni 'dod pa na spyod pa'o/ /gzugs med pa na spyod pa nyon mongs pa can rnams kyi ni gzugs med pa na spyod pa'o/ /gzugs med pa'i khams su skyes pa'i gzugs med pa'i khams na spyod pa rnams kyi ni gzugs med pa'i khams pa kho na'o//ma gtogs rnams kyi rnam pa bzhi/ /zhes bya ba la/ zag pa med pa rnams ni 'dod pa dang / gzugs dang gzugs med pa'i srid pas bdag gir ma byas pa'i phyir ma gtogs pa rnams so/ /de la so sor brtags pa ma yin pas 'gog pa'i ni khams gsum pa'i yin no zhes bya ba la/de ni khams gsum pa'i rkyen ma tshang bas thob par bya ba yin pa'i phyir dang / skye ba'i dbang gis khams gsum pa nyid yin gyi/ gang dag gi rkyen ma tshang bar 'gyur ba chos kyi dbang gis ni ma yin te/ gzhan du ni lam gyi bden pas bsdus pa'i chos rnams kyi so sor brtags pa ma yin pas 'gog pa mi ldan par 'gyur ro//so sor brtags pas 'gog pa'i zhes bya ba la sogs pa la/ gzugs na spyod pa'i lam gyis thob pa'i ni gzugs na spyod pa yin la/ gzugs med pa na spyod pa'i lam gyis thob pa'i ni gzugs med pa na spyod pa ste/ 'di ni 'phags pa ma yin pa'i 'dod chags dang bral ba la nges pa'o//zag pa med pa yang yin no/ /ci zhe na/ so sor brtags pas 'gog pa'i ste/ zag pa med pas thob pa'i ni zag pa med pa'o/ /lam gyi bden pa'i ni zag pa med pa nyid de zhes bya ba la/ de ni lam gzhan du ma gtogs pa yin pa'i phyir na chos kyi dbang kho nas thob pa nges pa yin no//slob pa'i gang zag gi chos rnams ni slob pa rnams so/ /mi slob pa rnams ni mi slob pa rnams so/ /de la re zhig slob pa'i chos rnams kyi thob pa ni slob pa'i lam gyis bsdus pa'i phyir slob pa kho na yin no/ /de bzhin du mi slob pa rnams kyang rig par bya'o/ /zag pa dang bcas pa'i chos rnams dang /'dus ma byas rnams ni slob pa dang mi slob pa'i lam gyis bsdus pa'i phyir slob pa yang ma yin mi slob pa yang ma yin pa rnams so/ /re zhig zag pa dang bcas pa rnams kyi thob pa ni slob pa dang mi slob pa mi srid pas slob pa yang ma yin mi slob pa yang ma yin no/ /'dus ma byas kyi ni 'ga' zhig slob pa yang ma yin mi slob pa yang ma yin la 'ga' zhig gi ni rnam pa gsum yin pas de'i phyir/so sor brtags pa ma yin pas zhes bya ba smos te/ slob pa yang ma yin mi slob pa yang ma yin no zhes bya bar sbyar ro/ /'phags pa ma yin pas thob pa zhes bya ba la sogs pa la/ 'phags pa ma yin pa'i lam gyis thob pa so sor brtags pas 'gog pa'i thob pa ni zag pa dang bcas pa'i lam gyis bsdus pa'i phyir slob pa yang ma yin mi slob pa yang ma yin no//ngang gi sgra ni skabs su bab pa rjes su drang bar bya ba'i don to/ /slob pa'i lam gyis bsdus pa'i phyir slob pa'i lam gyis thob pa'i thob pa ni slob pa pa'o//de bzhin du mi slob pa yang rig par bya'o/ /bar chad med pa dang rnam par grol ba'i lam dag ni zad pa'i thob pa 'dren par byed pa dang / rten du gyur pa'i phyir zad pa shes pa la 'gog pa thob par byed pa'i nus pa yod pas/ de'i phyir mi slob pa'i lam gyis thob pa'i ni mi slob pa'o zhes bya ba smos so//mthong ba dang bsgom pas spang bar bya ba kho na yin no zhes bya ba 'byung ste/ mthong ba dang bsgom pas spang bar bya ba rnams kyi thob pa ni chos kyi dbang gis rnam par gzhag pa'i phyir ro/ /spang bar bya ba ma yin pa rnams kyi ni bye brag yod pas zhes bya ba rgyas par 'byung ste/ so sor brtags pa ma yin pas 'gog pa'i thob pa lung du ma bstan pa dang /'jig rten pas so sor brtags pas 'gog pa'i dge ba zag pa dang bcas pa yin pas nyon mongs pa can ma yin pa'i phyir dang / zag pa dang bcas pa yin pa'i phyir bsgom pas spang bar bya ba ste/ de skad du yang / nyon mongs can min mthong spang min/ / zhes bshad do/ /de nyid ces bya ba la/ so sor brtags pas 'gog pa 'phags pa'i lam gyis thob pa'o/ /'phags pa rnams kyis 'jig rten pa'i lam gyis thob pa'i zag pa med pa gang yin pa de yang 'phags pa'i lam gyi stobs kyis 'thob pa ste de'i phyir zag pa med pa yin no//lam gyi bden pa'i yang zag pa med pa yin pa'i phyir spang bar bya ba ma yin no/ /lung bstan mi thob lhan cig skye/ /zhes bya ba la/ dmigs kyis bsal ba 'di ni dmigs kyis bsal ba dang bcas pa zhig ste/ mngon shes sprul pa ma gtogs pa/ /zhes 'byung ba'i phyir ro/ / stobs chung ba'i phyir zhes bya ba la/ stobs chung ba nyid rnam par smin pa med pa'i phyir ro/ /zag pa med pa rnams la thal bar 'gyur ba yang ma yin te/ mngon par 'du bya ba chen pos bsgrub par bya ba yin pa'i phyir ro/ /mngon shes sprul pa ma gtogs pa/ /lung du ma bstan pa rnams kyis thob pa lhan cig skye'o zhes bya bar sbyar ro//mngon par shes pa ni rnam pa gnyis te/ lha'i mig dang rna ba ste/ mig dang rna ba'i mngon shes ni/ lung du ma bstan zhes 'byung ba'i phyir ro/ /sprul pa'i sems zhes bya ba ni/ lung bstan min rnam bzhi zhes 'byung ba'i phyir ro/ /de dag ni sbyor ba'i khyad par gyis 'grub pa zhes bya ba 'di ni mngon par 'du byed pa las 'byung ba'i phyir stobs dang ldan pa nyid do zhes ston par byed do//bzo'i gnas pa zhes bya ba la sogs pa la/ 'dir 'du byed kyi khyad par la brten gyi/ 'du byed tsam la ni ma yin no/ /de nyid kyi phyir shin tu goms pa'i zhes bya ba smos te/spyod lam pa'i ni dper na bcom ldan 'das dang rta thul la sogs pa rnams kyi spyod lam pa'i lta bu'o/ /bzo'i gnas pa'i ni dper na sum cu rtsa gsum pa rnams kyi bi shwa karma dang / lha ma yin rnams kyi ma yul bzo'i gnas pa'i lta bu ste/ de dag ni sbyor ba'i khyad par gyis 'grub pas stobs dang ldan pa'i phyir ro//gzhan dag ni stobs chung ba'i phyir thob pa lhan cig skye ba nyid do/ /bsgribs pa'i gzugs kyi yang zhes bya ba la/ gzugs smos pa'i ni gzugs ma yin pa rnam par gcad par bya ba'i phyir te/ de'i thob pa ni rnam pa gzhan du rnam par 'jog pa'i phyir ro/ /bsgribs pa ni bsam gtan dang po kho na'i lus dang ngag gi rnam par rig byed kyi gzugs nyon mongs pa can gyi yin gyi/gong ma'i ma yin zhing / 'dod pa'i khams kyi ni ma yin te/ kun nas slong bar byed pa med pa'i phyir ro/ /bsgribs pa'i gzugs chen pos kun nas slong ba'i rnam par rig byed kyis kyang / rnam par rig byed ma yin pa 'phen par mi nus pa stobs chung bar grub ste/de'i phyir thob pa lhan cig skye ba kho na'o/ /'dod pa na/ gzugs kyi sngar ni skye ba med/ /ces bya ba la/ 'dod pa'i khams kyi sdom pa la sogs pa'i gzugs dge ba dang mi dge ba'i thob pa ni rnam pa thams cad du sngar skye ba med do/ /lhan cig skye ba dang dus phyis skye ba ni yod do zhes bya ba 'byung ste/de la lhan cig skye ba ni lhan cig 'byung ba'i phyir skye ba ni chos 'das pa skye ba ste/ de ni 'das pa dang da ltar ba yang yin no/ /de la 'dod pa na zhes bya ba ni gzugs na spyod pa gsal bar bya ba'i phyir ro/ /gzugs smos pa ni gzugs can ma yin pa gsal bar bya ba'i phyir ro//rnam pa thams cad du zhes bya bas ni dge ba'i yang med la mi dge ba'i yang med do zhes bya bar rtogs par 'gyur te/ ma bsgribs la lung du ma bstan pa rnams gong du bkag pa'i phyir ro/ /'dod pa na spyod pa'i gzugs dge ba dang mi dge ba ni sbyor ba las byung ba yin gyi/ skyes nas thob pa ni ma yin no//mnyam par ma bzhag pa'i sa ba yin pa'i phyir ma 'ongs pa rnyed pa ni ma yin te/ de'i phyir de'i thob pa sngar skyed pa med do/ /thob pa bshad zin to/ /ci ma thob pa la yang thob pa bzhin du rnam pa bye brag yod dam/ smras pa/ med do/ /'o na ji lta bu zhe na/ ma thob ma bsgribs lung ma bstan//ma thob ma bsgribs la lung du ma bstan pa kho na yin no zhes bya bar ji ltar rtogs she na/ gal te chos dang 'dra ba yin na ni de lta na dgra bcom pa rnams mi dge ba'i chos rnams dang / bsgribs la lung du ma bstan pa rnams dang ldan par 'gyur la/ dge ba'i rtsa ba kun du chad pa rnams kyang dge ba rnams dang ldan par 'gyur zhing /so so'i skye bo rnams kyang 'phags pa'i chos rnams dang ldan par 'gyur ro/ /'on te chos la bzlog pa yin na/ de lta na yang dgra bcom pa rnams kyang chos nyon mongs pa can rnams dang ldan par 'gyur la/ dge ba'i rtsa ba kun du chad pa rnams kyang dge ba'i rtsa ba dag dang ldan par 'gyur ro//de'i phyir ma thob pa ni ma bsgribs la lung du ma bstan pa kho na yin no/ /'das ma skyes kyi de rnams gsum/ /zhes bya ba ni rgyun la ltos nas so/ /da ltar byung ba'i ma thob pa da ltar byung ba ni med do zhes 'byung bas 'das pa dang / ma 'ongs pa ni yod do zhes bya bar rtogs so//da ltar byung ba ni gdon mi za bar thob pa dang lhan cig 'byung bar 'gyur na/ thob pa dang ma thob pa dag ni cig char yang yod pa ma yin pas da ltar ba'i ma thob pa da ltar ba yin par mi rigs so/ /'dod sogs gtogs dang zhes bya ba la sogs pa la/ 'dod pa la sogs par gtogs pa rnams ni 'dod sogs gtogs te/'dod pa dang mi ldan pa ma yin zhes bya ba'i don to/ /ma thob pa ni skye ba'i rten gyi dbang gis rnam par gzhag gi /chos kyi dbang gis ni ma yin te/ /chos dang 'gal ba'i phyir ro/ /de la 'dod pa'i khams su skyes pa'i 'dod pa dang / gzugs dang / gzugs med pa na spyod pa rnams kyi ma thob pa ni 'dod pa na spyod pa'o//ji ltar zhe na/ 'dod pa na spyod pa'i sbyor ba las byung ba rnams dang / dge ba'i rtsa ba kun du chad pas skyes nas thob pa rnams dang / gzugs dang gzugs med pa na spyod pa rnams las nyon mongs pa rnams dang ldan pa kho na yin mod kyi/ 'dod chags dang bral ba ma yin pa'i phyir nyon mongs pa can ma yin pa rnams dang /so so'i skye bo yin pa'i phyir zag pa med pa rnams kyi ma thob pa ni 'dod pa na spyod pa yin no/ /de bzhin du gzugs dang gzugs med pa'i khams su skyes pa'i 'dod pa dang / gzugs dang / gzugs med pa na spyod pa'i chos rnams dang / zag pa med pa rnams kyi ma thob pa ni gzugs dang gzugs med pa na spyod pa yin no zhes rgyas par brjod par bya'o/ /ma thob pa chos kyi dbang gis rnam par mi gzhag go zhes bya ba 'di'i shes par byed pa ni ma thob pa zag pa med pa ni 'ga' yang med do zhes bya ba 'di kho na yin no/ /ma thob pa gang zag pa med pa med do zhes bya ba 'di gang las rtogs she na/bstan bcos las so/ /'di ltar zhes bya ba ni rgyas par bstan bcos nye bar dgod pa'o/ /'dir bstan bcos ni ye shes la 'jug pa la mngon par 'dod do/ /so so'i skye bo nyid ni zag pa med pa yin par mi 'os so zhes bya ba la/ ci'i phyir zhe na/ so so'i skye bo'i dngos po ni so so'i skye bo nyid yin na/ zag pa med pa'i chos rnams ni so so'i skye bo'i dngos por rung ba yang ma yin te/ 'phags pa rnams kyang so so'i skye bo nyid du thal bar 'gyur ba'i phyir ro/ /slob pa dang mi slob pa'i bye brag dang / gang zag gi bye brag dang / gnyen po'i bye brag gis 'phags pa'i chos rnams mang ba'i phyir dang /'phags pa'i chos rnams kyi ma rnyed pa'o zhes khyad par med par brjod pa'i phyir 'phags pa'i chos gang dag gi zhes dris dang / de'i phyir/ thams cad kyi yin te zhes bya ba smos te/ slob pa dang mi slob pa la sogs pa'i bye brag gis tha dad pa rnams gyi'o//'di gang las rtogs she na/ de'i phyir/ khyad par med par 'byung ba'i phyir ro zhes bya ba smos te/ bstan bcos las zhes bya bar sbyar ro/ /gal te thams cad kyi ma rnyed pa so so'i skye bo nyid yin no/ /de lta na thams cad kyis rnyed pa las 'phags pa yin no zhes bya bar thal bar 'gyur la/ de lta na 'ga' la yang zag pa med pa'i chos ma lus pa rnyed pa med pas 'phags pa med par thal bar 'gyur ro zhe na/ de'i phyir/ de ni rnyed pa med pa gang yin pa ste zhes bya ba smos so/ /so so'i skye bo nyid ni thams cad kyi ma rnyed pa la brjod kyi/ 'ga' zhig gi ma rnyed pa ni ma yin la/ 'phags pas ni 'ga' zhig dag ma rnyed pa yin pas de 'phags pa ma yin pa nyid du thal bar mi 'gyur ro//de lta yin dang 'phags pa'i chos rnams kyi ma rnyed pa rnam pa gnyis bstan par 'gyur te/ ma rnyed pa sngon du 'gro ba can dang / rnyed pa sngon du 'gro ba can yin pa'o/ /de la so so'i skye bo nyid ni ma rnyed pa sngon du 'gro ba can gang yin pa de yin gyi/rnyed pa sngon du 'gro ba can ni ma yin no/ /de lta ma yin na zhes bya ba la/ gal te rnyed pa sngon du 'gro ba can so so'i skye bo nyid yin par 'gyur na'o/ /rang gi rigs can rnams kho na rnyed pa'i phyir sangs rgyas kyang zhes bya ba rgyas par 'gyur ro/ /'o na ni kho na zhes bya ba'i sgra 'don dgos so zhes bya ba ni 'phags pa'i chos rnams ma rnyed pa kho na zhes bya bar te/de lta na ni rnyed par gyur pa na rnyed pa gang yin pa de so so'i skye bo nyid ma yin no zhes bya bar bstan par 'gyur gyi/ gzhan du ni ma yin no/ /gdon mi dgos so/ /ci'i phyir zhe na/ der nges par gzung ba ma bton yang rtogs par 'gyur ba nyid do//ji ltar na ma smras par rtogs par 'gyur zhe na/ de'i phyir/ tshig gcig pu dag kyang zhes bya ba smos so/ /chu 'thung ngo / /rlung za'o zhes bya ba 'dir kho na zhes bya ba'i sgra med pas tshig gnyis pa med mod kyi/ 'on kyang 'dir chu kho na 'thung ba'o/ /rlung kho na za'o zhes nges par gzung ba rtogs pa yin no//gal te chu yang 'thung zhing zas kyang za ba yin na ni chu 'thung ngo zhes bya ba'i ngag 'di la 'bras bu ci zhig yod/ de'i phyir chu 'thung ngo zhes nges par gzung ba khongs su bsdus pa'i phyir kho na'i sgra yang mi brjod de/ de bzhin du 'dir yang gal te 'phags pa'i chos rnams kyi rnyed pa dang ma rnyed pa so so'i skye bo nyid yin na/so so'i skye bo nyid ni 'phags pa'i chos rnams kyi ma rnyed pa'o zhes bya ba'i ngag 'di la 'bras bu ci zhig yod/ de'i phyir 'di ni nges par gzung ba khongs su bsdus pa kho na yin no zhes bya bar shes so/ /de'i phyir kho na zhes bya ba'i sgra'i don khong du chud pa'i phyir 'dir kho na zhes bya ba'i sgra don med pas mi 'don no//de bzhin du rlung za ba'o zhes bya ba la yang brjod par bya'o/ /gzhan na re ni bstan pa'i nyes pa yongs su spang bar bya ba'i phyir/ sdug bsngal la chos shes pa'i bzod pa dang / de dang lhan cig 'byung ba rnams kyi'o zhes zer ro/ /so so'i skye bo nyid ni chos shes pa'i bzod pa'i ma rnyed pa yin gyi/de las gzhan 'phags pa'i chos rnams kyi ma rnyed pa ni ma yin te/ de'i phyir sdug bsngal la chos shes pa la sogs pa rnams ma rnyed kyang / skad cig ma dang po la gnas pa so so'i skye bo nyid du thal bar mi 'gyur ro/ /de lta na 'o na 'bras bu thob pa'i dus na de btang ba'i phyir 'phags pa ma yin pa nyid du thal bar 'gyur ro zhe na/de'i phyir/ de dag btang bas zhes bya ba rgyas par smos so/ /de nyid la rgyu bshad pa ni/ de dag gi ma rnyed pa gtan du bcom pa'i phyir ro zhes bya ba ste/ sdug bsngal la chos shes pa'i bzod pa thob pas sdug bsngal la chos shes pa'i bzod pa dang /de dang lhan cig 'byung ba rnams kyi ma rnyed pa so so'i skye bo nyid ces bya ba gtan du bcom pa'i phyir ro/ /'phags pa'i chos rnams kyi ma thob pa de ni de'i rgyud la nam yang 'byung bar mi 'gyur ro/ /'dir yang sngar bshad pa'i nyes par thal bar bya ba'i phyir/ 'o na ni de dag kyang zhes bya ba rgyas par smos te/sdug bsngal la chos shes pa'i bzod pa dang / de dang lhan cig 'byung ba dag go/ /rigs gsum ni nyan thos dang / rang sangs rgyas dang / yang dag par rdzogs pa'i sangs rgyas kyi rigs yin pa'i phyir ro/ /nyan thos la sogs pa dag re res thams cad rnyed pa yang ma yin la/ rigs gsum po thams cad kyis rnyed pa yang nyan thos la sogs pa rnams la mtshungs te/de'i phyir 'dri ba ni/ gang dag gi zhes bya ba ste/ de'i phyir bshad pa/ thams cad kyi ma rnyed pa las so so'i skye bo zhes bya'o/ /de lta na nyes pa de nyid du 'gyur ro zhes bya ba ni gal te thams cad kyi ma rnyed pa so so'i skye bo nyid yin na ni sangs rgyas kyang nyan thos dang /rang sangs rgyas kyi rigs can dag dang mi ldan pa'i phyir 'phags pa ma yin par 'gyur ro zhes sngar gang smras pa'o/ /lan yang de nyid yin no zhes bya ba'i de ni rnyed pa med pa gang yin pa ste zhes bya ba nas/ 'o na ni kho na zhes bya ba'i sgra gdon dgos so/ /gdon mi dgos te/ tshig gcig pu dag kyang nges par 'dzin pa yin te zhes bya ba'o//'o na ni sngar bshad pa las khyad par med pa'i phyir 'bad pa don med par 'gyur te/ sngar bshad pa'i nyes pa yongs su spangs pa'i sgo nas 'dir nye bar bkod na/ nyan thos la sogs pa rnams 'phags pa ma yin pa nyid kyi nyes pa ni 'di na yang so na 'dug pa nyid do//gal te 'dir yang nyes pa med pa zhes bya ba'i lan de nyid 'dod na ni de ltar na sdug bsngal la chos shes pa'i bzod pa dang / de dang lhan cig byung ba rnams kyi yin gyi/ gzhan dag gi ma yin no zhes bya ba'i 'bad pa gang yin pa don med par 'gyur ro/ /'phags pa'i chos rnams ma skyes pa'i zhes bya ba rgyas par 'byung ngo //rgyud la 'phags pa'i chos gang dag ma skyes pa so so'i skye bo nyid yin zhing zhes bya bas 'dir yang / snga ma bzhin du nyan thos la sogs pa rnams 'phags pa nyid ma yin pa'am/ 'bad pa don med par 'gyur ro zhe na/ 'di la 'bad pa don med pa yod pa ma yin te/ don gzhan dang ldan pa'i phyir ro//rgyud smos pas na so so'i skye bo nyid ni kun rdzob tu spyod pa yin gyi/ chos gzhan ni ma yin no zhes bstan pa'i don du de skad smras kyi/ nyes pa snga ma spang bar bya ba'i phyir ni ma yin no/ /de thob pa dang sa 'phos pas ni rnam nyams 'gyur/ /zhes bya ba la/ de thob pa dang sa 'phos pa las rnam par nyams par 'gyur te/sa 'phos pa ni khams dang sar skyes pas 'phos pa'o/ /de la ma thob pa chos gang gis yin pa de ni de thob pa las rnam par nyams par 'gyur te/ re zhig ji ltar so so'i skye bo nyid 'phags pa'i lam gyi ma rnyed pa yin pa ltar/ de rnyed pas de khams gsum pa yang rnam par nyams par 'gyur ro//sa 'phos pa las kyang yin no/ /ci zhe na/ so so'i skye bo nyid rnam par nyams par 'gyur te/ 'di ltar gang gi tshe 'dod pa'i khams las 'dod chags dang bral ba de'i tshe de'i 'dod par gtogs pa'i so so'i skye bo nyid de la dmigs pa'i 'dun pa'i 'dod chags spangs pa las spang bar 'gyur gyi/rnam par nyams par 'gyur ba ma yin la/ gang gi tshe bsam gtan dang por skyes pas sa 'phos pa de'i tshe ni 'di'i de rnam par nyams par 'gyur gyi/ spangs pa ma yin te/ sngar spangs zin pa'i phyir ro/ /'phags par 'gyur ba yang ma yin te/ bsam gtan dang po'i sa pa'i so so'i skye bo nyid rnyed pa'i phyir ro//de bzhin du sa dang po'i khams gong ma bzhin du 'pho ba la yang rgyas par brjod par bya'o/ /gzhan dag gi yang de bzhin du sbyar bar bya'o zhes bya ba la/ ji ltar lam thob pas so so'i skye bo nyid rnam par nyams par 'gyur ba de bzhin du gzhan dag gi thob pas kyang de dag gi ma thob pa rnam par nyams par 'gyur ro//ji ltar zhe na/ re zhig 'dod pa na spyod pa'i thob pa dang / bsams pa las byung ba rnams dang / gzugs na spyod pa'i thos pa dang / bsgoms pa las byung ba rnams dang / gzugs med pa na spyod pa'i bsgoms pa las byung ba rnams kyi ma rnyed pa ni de dag thob pas rnam par nyams par 'gyur la/khams gong ma pa'i phung po 'gro bas bsdus pa rnams kyi ma rnyed pa ni sa gong mar skyes pas rnam par nyams par 'gyur ro/ /de bzhin du dge ba skyes nas thob pa rnams dang ci rigs par sdug bsngal la chos shes pa'i bzod pa nas dgra bcom pa nyid kyi bar gyi zag pa med pa rnams kyi ma rnyed pa ni de dag rnyed pas rnam par nyams par 'gyur ro//de bzhin du rnam par grol ba dus dang sbyor ba dang / dus dang mi sbyor bar rnam par grol ba'i dgra bcom pa nyid ma thob pa yang de thob pas rnam par nyams par 'gyur ro/ /rnam par nyams pa yang ma shes pas de'i phyir rnam par nyams par 'gyur zhes bya ba ni zhes bya ba smos so//thug pa med par thal bar dogs pas 'dri ba ni/ ci ma thob pa dang thob pa dag gi yang zhes bya ba la sogs pa'o/ /gnyis ka'i yang gnyis ka zhes bya ba la/ gang gi phyir ma thob pa'i thob pa 'chad par 'gyur ba de'i phyir ma thob pa'i thob pa yod pa/ thob pa chad pas ma thob pa skye'o zhes bshad pa de'i phyir thob pa'i ma thob pa yang yod do//de'i phyir gnyis ka'i yang gnyis ka yod do zhes bya ba ni legs par smras pa yin no/ /de ltar na thob pa rnams thug pa med par thal bar 'gyur ba ma yin nam/ ji lta zhe na/ thob pa la yang thob pa yod cing / de la gzhan yod la/ de la yang gzhan yod pas de ltar na thug pa med do//phan tshun ldan pa'i phyir zhes bya ba la sogs pa 'byung ngo / /thob pa skyes pas chos de dang thob pa'i thob pa dang ldan par 'gyur la/ thob pa'i thob pa skyes pas thob pa kho na dang ldan par 'gyur ro/ /de ltar na thob pa ni gnyis la byed pa yin la/ thob pa'i thob pa ni gcig la byed pa de'i phyir thug pa med pa ma yin no//dge ba'ang rung nyon mongs pa can yang rung zhes bya bas ni ma bsgribs la lung du ma bstan pa ni ma yin no zhes ston to/ /de ni thob pa lhan cig skyes pa can yin pa'i phyir skad cig gnyis pa la thob pa med do/ /skad cig gnyis pa la dge ba dang mi dge ba'i thob pa gsum skye'o/ /skad cig ma gnyis pa la skad cig dang por skyes pa chos bdag nyid gtogs pa gsum gyi thob pa gsum skye bar 'gyur la/rjes kyi thob pa yang gsum yin pas drug tu 'gyur ro/ /skad cig ma gsum pa la ni skad cig ma dang por skyes pa bdag nyid gtogs pa gsum gyi gsum dang / skad cig ma gnyis par skyes pa'i thob pa'i rdzas drug gi drug ste/de ltar na dgur 'gyur la/ yang de dag gi rjes kyi thob pa dgu ste/ de ltar na bco brgyad du 'gyur ro/ /de ltar thob pa rnams gong nas gong du spel ba'i 'gres kyi zhes bya ba la/ de ltar thob pa rnams skad cig ma gong ma gong ma spel ba'am/ skad cig ma gong ma nas gong mar spel ba de'i 'gres ni skad cig ma gong nas gong du spel ba'i 'gres te/skad cig ma gong nas gong du spel ba'i 'gres des bskyed na'o/ /phyogs tsam zhig ni bstan par bya ste/ skad cig ma bzhi pa la ni skad cig ma dang po dang / gnyis pa dang / gsum pa la skyes pa'i rdzas rnams kyi thob pa nyi shu bdun dang /de dag gi rjes kyi thob pa rnams dang / sngar gyi rdzas nyi shu rtsa bdun po rnams gcig tu bsdoms pas thob pa ni lnga bcu rtsa bzhir 'gyur ro zhes bya ba de lta bu la sogs pa'o/ /mtshungs par ldan pa dang lhan cig 'byung bar bcas pa zhes bya ba la/ mtshungs par ldan pa ni sems dang sems las byung ba'o//lhan cig 'byung ba ni skye ba la sogs pa ste/ thog ma dang tha ma med pa'i 'khor bar gtogs pa'o/ /so so'i rgyud kyi lus kyi skad cig ma la rdzas mtha' yas pa can ni thob pa rnams mtha' yas pa'i phyir ro/ /thogs pa med pa ni chos kyi khams kyis bsdus pa'i phyir ro/ / de lta ma yin na zhes bya ba ni gal te phan tshun sgrib par 'gyur na'o/ /skal ba mnyam pa ni skal ba 'dra ba ste/ spyod pa dang rang bzhin mtshungs zhes bya ba'i don to/ /de'i dngos po ni skal ba dang mnyam pa nyid do/ /bshad pa/ g.yo ba rang bzhin mtshungs gyur cing / /bsam pa grus mtshungs sems can rnams//gang gis mnyam par 'gyur ba ni/ /de la skal ba mnyam zhes brjod/ /sems can smos pa ni skal ba mnyam pa nyid ni sems can du bgrang ba kho na'i yin gyi/ sems can du mi bgrang ba rnams kyi ma yin no zhes bstan par bya ba'i phyir ro/ /rdzas smos pa ni btags par yod pa dgag par bya ba'i phyir ro//sems can rnams kyi 'dra ba zhes bya ba ni mtshungs pa nyid de/ de ni tha dad pa rnams la snang ba dang brjod pa tha dad pa'i rgyu yin no/ /de ni sems can re re la gzhan dang gzhan yin gyi/ spyi chen po ltar sems can thams cad la khyab pa gcig pu ni ma yin no/ /de yang tha dad pa ma yin pa dang / tha dad pa ste zhes bya ba la/gang zhig thams cad la sems can re re yod pa de ni rdzas su tha dad kyang rigs su tha mi dad pas tha dad pa ma yin pa zhes bya'o/ /gang zhig thams cad la yod pa ma yin pa de ni tha dad pa'o/ /de nyid kyi phyir/ tha dad pa ma yin pa ni sems can thams cad ces bya ba rgyas par smos so/ / tha dad pa ni sems can de dag nyid ces bya ba la sogs pa 'byung ngo / /bye brag gis so sor nges pa'o zhes bya ba ni khams la sogs pa rnams re re dang sbyar bar bya ste/ gang las blo 'jug pa dang 'dogs par 'gyur ba/ 'dod pa'i khams su skye ba'o/ /gzugs dang gzugs med pa'i khams su skye ba'o zhes bya ba 'di yin no//sa'i bye brag gis so sor nges pa'i lho phyogs kyi rgyud pa dang / go da pa dang / shar gyi lus 'phags po dang / 'dzam bu gling pa dang / rgyal chen bzhi pa dang / bsam gtan dang po'i sa pa zhes bya ba de lta bu la sogs pa'o/ /'gro ba'i bye brag gis nges pa ni lha dang mi zhes bya ba la sogs pa'o//skye gnas kyi bye brag gis ni mngal nas skyes pa dang / sgo nga las skyes pa la sogs pa'o/ /rigs kyi bye brag gis ni rgyal rigs dang / bram ze'i rigs la sogs pa'o/ /rtags kyi bye brag gis ni pho dang mo zhes bya ba'o/ /sdom pa'i bye brag gis ni dge bsnyen dang / dge slong zhes bya ba'o/ /lam gyi bye brag gis ni slob pa dang mi slob pa zhes bya ba'o/ /sogs pa zhes bya ba'i sgras ni dge bsnyen ma dang / dge slong ma dang / slob pa yang ma yin mi slob pa yang ma yin pa yongs su gzung ngo / /chos kyi skal ba mnyam pa ni phung po dang / skye mched dang / khams kyi sgo nas so zhes bya ba la/ so sor nges pa'o zhes bya bar sbyar ro/ /phung po phung po zhes bya ba ni spyi'i sgo nas phung po'i skal ba mnyam pa'o/ /gzugs kyi phung po/ tshor ba'i phung po zhes bya ba ni bye brag gi sgo nas so/ /spyi dang bye brag gi sgo nas skye mched dang khams kyi skal ba mnyam pa yang de bzhin du shes par bya'o//'bras bu las de yod pa nyid du bstan pa'i phyir ro/ /gal te skal ba mnyam pa zhes bya ba rgyas par 'byung ngo / /rdzas zhes bya ba ni btags pa gsal bar bya ba'i phyir te/ btags pa las ni 'bras bu med pa'i phyir ro/ /khyad par med pa zhes bya ba'i 'dra ba yin gyi/yod pa ltar gcig nyid ni ma yin na phan tshun khyad par ni kha dog dang / dbyibs dang / nga ro dang / spyod pa la sogs pa dang / khams dang / sa dang / 'gro ba dang / skye gnas la sogs pa ste/ tha mi dad pa'i dngos po gzhan zhig med na khyad par des tha dad pa ste/ phan tshun mi 'dra ba'i sems can de dag thams cad la bye brag med par sems can sems can zhes bya ba'i blo 'jug pa dang 'dogs par yang mi 'gyur te/'dogs pa ni mngon par brjod pa'o/ /de'i phyir sems can phan tshun tha dad pa dag la 'bras bu blo dang sgra'i tha mi dad pa yod pa'i phyir skal ba mnyam pa rdzas zhig yod do zhes bya bar nges so//de bzhin du phan tshun khyad par tha dad pa'i phung po dang / skye mched dang / khams rnams la gal te phung po'i skal ba mnyam pa'i rdzas khyad par med pa zhig med na phung po phung po zhes blo tha mi dad pa 'jug pa dang / 'dogs par yang mi 'gyur ro//skye mched dang khams dag la yang de bzhin du brjod par bya'o/ /'chi bar 'gyur zhing skye bar yang 'gyur la zhes bya bar rgyas par 'byung ste/ 'dir ni sems can skal ba mnyam pa mi nyid la sogs pa la mngon par 'dod kyi/ sems can nyid ni ma yin te/ de lta ma yin na mu gsum pa dang 'gal bar 'gyur te/gang gi phyir phung po lhag ma med pa'i mya ngan las 'das pa'i dus na mtshams sbyor ba med pa'i phyir/ sems can nyid 'dod par 'gyur gyi/ gzhan gyi tshe ni ma yin no/ /gal te de nyid du skye ba na sems can gyi skal ba mnyam pa nyid 'dor bar yang mi 'gyur/ thob par yang mi 'gyur ro//'o na ji ltar na 'chi 'pho ba dang skye bar brjod ce na/ tshe zad pa'i phyir 'chi 'pho zhing / de nyid du skye ba'i phyir skye bar 'gyur te/ dper na mi'i 'gro ba nas shi 'phos nas mi'i 'gro ba kho nar skye ba na/ de mi'i skal ba mnyam pa nyid 'dor bar yang mi 'gyur/ 'thob par yang mi 'gyur ba lta bu ste/ mi'i skal ba mnyam pa nyid de so na 'dug pa'i phyir ro/ /gnyis pa ni nges pa la 'jug pa na ste zhes bya ba la/ des ni sems can gyi skal ba mnyam pa so so'i skye bo'i rang bzhin can nyid 'dor bar 'gyur zhing / 'phags pa'i rang bzhin can gzhan 'thob par 'gyur ro/ /gsum pa ni 'gro ba 'pho ba las so zhes bya ba ni dper na mi'i 'gro ba nas shi 'phos nas lha'i 'gro bar skye ba na/sems can gyi skal ba mnyam pa mi'i skal ba mnyam pa'i phyir mtshan nyid can 'dor bar 'gyur zhing / lha'i skal ba mnyam pa'i mtshan nyid can gzhan 'thob pa lta bu'o/ /bzhi pa ni rnam pa de dag ma gtogs pa'o zhes bya ba'i ni dper na so so'i skye bo 'am/'phags pa gson zhing cung zad kyang ma thob pa lta bu'o/ /gal te so so'i skye bo'i skal ba mnyam pa nyid ces bya ba la sogs pa la/ so so'i skye bo nyid las ni der so so'i skye bo zhes bya ba'i blo dang sgra dag tu 'gyur na de dag ni so so'i skye bo'i skal ba mnyam pa nyid kyi rgyu can yin pas so so'i skye bo nyid kyis ci zhig bya ste/dgos zhes bya ba'i ni tshig gi lhag ma'o/ /so so'i skye bo nyid ni so so'i skye bo'i skal ba mnyam pa nyid yin te/ dper na mi'i skal ba mnyam pa nyid mi nyid yin pa bzhin no/ /'jig rten gyis zhes bya ba rgyas par 'byung ste/ gzugs kho na snang bar 'gyur na/ skal ba mnyam pa nyid ni gzugs can ma yin pas dbang po ma nyams pa rnams kyis kyang 'di blta bar mi nus so//mi snang ba yang tshor ba la sogs pa ltar shes rab kyis yongs su gcod do zhes bya ba 'di bsal ba'i phyir/ 'di ni shes rab kyis yongs su mi chod mod kyi zhes bya ba smos te/ yid kyi rnam par shes pas yongs su mi gcod do zhes bya ba'i don to//de ltar na rigs mthun pa mngon sum dang / rjes su dpag pa'i yul ma yin pa nyid du yang bstan par 'gyur zhing / sems can rnams kyi ris tha mi dad pa la yang rtogs par 'gyur te/ sems can sems can zhes tha snyad rjes su 'jug pa mthong ba'i phyir ro/ /blo tha mi dad pa'i rgyu ma bzung bar ni phan tshun tha dad pa'i sems can rnams la blo dang sgra tha mi dad pa 'jug pa la/las byed pa yod pa ma yin no zhes ston pa ni ma mthong zhing / yongs su ma bcad pa de yod du chug na yang de la las ji lta bu zhig byed ces bya ba ste/ gal te mthong zhing yongs su bshad pa rigs tha mi dad par rtogs pa'i rgyur 'gyur na ni de de la las byed par 'gyur ba zhig go//gzhan yang sems can ma yin par skal ba mnyam pa nyid kyang ci'i phyir mi 'dod ces bya ba rgyas par 'byung ste/ gal te sems can phan tshun tha dad pa dag la tha mi dad pa'i blo 'jug pa dang / 'dogs pa skal ba mnyam pa nyid kyi rgyu can yin no/ /de lta na sA lu la sogs pa sems can du mi bgrang ba rnams la yang mnyam pa nyid khas blang bar bya ste/phan tshun khyad par du 'gyur ba de dag la yang sA lu sA lu zhes bya ba la sogs pa blo dang 'dogs pa tha mi dad pa 'jug pa'i phyir ro/ /'on te bcom ldan 'das kyis ma gsungs pa'i phyir khas mi len na ni sems can tha dad pa dag la blo dang 'dogs pa tha mi dad pa yod pa ni skal ba mnyam pa'i rgyu mtshan can yin no zhes bya ba de skad du brjod par mi bya'o//slob dpon 'dus bzang na re skal ba mnyam pa zhes bya ba ni sems can 'gro ba gcig tu skyes pa rnams kyi lus dang / dbang po dang / dbyibs dang / g.yo ba dang /zas la sogs pa'i rgyur gyur cing / phan tshun dga' bar 'brel pa'i rgyu mtshan yin no/ /sems can ma yin pa'i skal ba mnyam pa nyid kyang ci'i phyir mi 'dod ces gang smras na/ khyed cag gis 'gro ba dag dang skye gnas rnams khas blangs pas rtswa dang / a mra la sogs pa'i 'gro ba dang /la phug dang / mon sran sde'u'i skye gnas kyang ci ste khas mi len/ bcom ldan 'das kyis ma gsungs pa'i phyir ma yin na/ sems can ma yin pa'i skal ba mnyam pa yang khas mi len te/ bcom ldan 'das kyis ma gsungs pa'i phyir zhes zer ro/ /spros pas chog go//skal ba mnyam pa phan tshun tha dad pa zhes bya ba rgyas par 'byung ba la/ ji ltar skal ba mnyam pa phan tshun tha dad pa rnams la skal ba mnyam pa gzhan med kyang skal ba mnyam pa nyid do skal ba mnyam pa nyid do zhes bye brag med par 'dogs pa de bzhin du phan tshun tha dad pa dag la yang skal ba mnyam pa nyid med par sems can sems can zhes 'dogs par ci'i phyir mi byed/de lta na ni bye brag pa rnams kyis gsal bar byas pa yin te zhes bya ba ni mi rigs par byas pa'i tshul gyis te/ yod pa dang skal ba mnyam pa nyid kyis ming gzhan yin pa'i phyir ro/ /rigs par byas pa'i tshul ni mi 'gog ste/'jig rten pa rnams kyi 'jig rten pha rol yod do zhes bya ba de dang mi 'gal ba'i tshul ni kho bo cag sel ba ma yin no/ /de gcig yin yang du ma la 'jug pa 'di ni zhes bya ba ni spyi'i tshig gi don yod pa ste/ yod pa'i rtags su khyad par med pa'i phyir ro/ /tha dad pa dag la rtogs pa tha mi dad pa'i rgyu mtshan gzhan brtags pas na gsal bar byas pa yin te zhes brjod do//rgyu mtshan gzhan pa de ni yod pa yang ma yin te/ de bzhin du 'dir yang rgyu mtshan gzhan skal ba mnyam pa nyid yod pa ma yin no/ /bye brag tu smra ba rnams na re skal ba mnyam pa nyid ni yod pa kho na'o zhes zer ro/ /gang las she na/bcom ldan 'das kyis kyang brgya la mi rnams dang skal ba mnyam pa de lta bu nyid du 'ong ba zhes gsungs te/ rnam pa de lta bu ni de lta bu'o/ /de'i dngos po ni de lta bu nyid do/ /de skad du gsungs mod kyi/ rdzas gzhan no zhes ni ma gsungs so zhes bya ba la/ 'o na de ci zhe na/ gang dag mi la sogs par 'dogs pa'i rgyur 'gyur ba'i mi la sogs pa dbyibs la sogs pa'i rnam pa'i dbye bas tha dad pa de dag kho nar zad de/sA lu la sogs pa'i skal ba mnyam pa dang 'dra'o/ /'du shes med pa pa 'du shes med par zhes bya ba ni 'gog pa dang / 'du shes med pa'i snyoms par 'jug pa rnam par gcad par bya ba'i phyir te/de nyid kyi phyir/ 'du shes med pa'i lha rnams kyi nang du zhes bya ba rgyas par smos so/ /sems dang sems byung rnams 'gog pa/ /zhes bya ba la/ gang las zhes bya ba ni tshig gi lhag ma'o/ /yang na rdzas 'dis sems dang sems las byung ba rnams 'gog pas na 'gog pa ste/de nyid kyi phyir/ gang gis ma 'ongs pa'i dus kyi sems dang sems las byung ba rnams zhes bya ba rgyas par smos so/ /de ni gcig tu rnam smin gcig tu zhes bya ba smos pa ni rgyas pa las byung ba dang / rgyu mthun pa las byung ba rnam par gcad par bya ba'i phyir ro/ /'du shes med pa pa dang /gzugs ni 'du shes med pa'i snyoms par 'jug pa'i rnam par smin par 'gyur ro/ /ris mthun pa'i ni 'phen par mi nus pa'i phyir te/ sems med snyoms par 'jug pa ni/ /'phen byed ma yin zhes bya ba la sogs pa 'chad par 'gyur ro/ /srog gi dbang po dang ris mthun pa ni sems dang bcas pa'i bsam gtan bzhi pa'i rnam par smin pa yin la/sa de pa'i phung po lhag ma rnams gnyis ka'i yin no/ /bsam gtan khyad par can bzhin no zhes bya ba la/ dper na gang dag phyogs ches mchog tu gyur pa na tshangs pa chen po kha cig 'khod pa'i lha de dag ni tshangs pa'i mdun na 'don zhes bya ba de bzhin du/'dir yang 'bras bu che ba dag gi phyogs gcig na 'du shes med pa'i sems can rnams 'khod de/ gnas de ni ches mchog tu gyur pa zhig go/ /de rnams las gang gis de ris mthun par 'phangs pa dang / sems gang gis mtshams sbyar ba dang / sems gang zhig gi mjug thogs su 'du shes med pa par 'jug pa/las dang / skye ba dang / mtshungs pa de ma thag pa'i rkyen gyi zas dang ldan pa rnams te/ des na de dag gi reg pa la sogs pa dag gis zas dang bcas pa yin no/ /snyoms par zhugs pa rnams la ni sngar zas zos pa las reg pa la sogs pa dag gis zas kyi bya ba byed kyi/dus da ltar nye bar rton pa las ni ma yin no/ /sems dang bcas pa rnams la ni gnyis ka ltar yang yin no/ /ci de dag nam yang 'du shes can du mi 'gyur ram zhe na zhes bya ba rgyas par 'byung ba la/ sems med pa'i gnas skabs phal che ba'i phyir 'du shes med pa'i sems can rnams zhes brjod de/mdo las sems can de dag ni 'du shes skyes nas gnas de nas 'chi 'pho bar 'gyur ro zhes 'byung ba'i phyir ro/ /dus ring mo zhig tu zhes bya ba ni skad cig ma gcig tu ma yin pa'o/ /skye ba'i dus dang 'chi 'pho ba'i dus na 'du shes can du 'gyur/ shi 'phos nas kyang 'dod pa'i khams kho nar skye bar 'gyur ro/ /sngon gyi snyoms par 'jug pa'i 'du byed yongs su zad pa'i phyir dang zhes bya ba la/ de'i snyoms par 'jug pa'i sems kyis 'phangs pa'i tshe yongs su zad pa'i phyir dang zhes bya ba'i don to/ /sngon med pa ma bsags pa'i phyir zhes bya ba 'byung ste/sems dang sems las byung ba med par ni las dag nye bar sogs pa ma yin te/ sems pa dang bsam pa'i las zhes byung ba'i phyir ro/ /'dod pa'i khams su skye bar 'gyur te zhes bya ba 'di la rgyu ci yod ce na/ de'i phyir/ gang zhig der skye bar 'gyur ba zhes bya ba rgyas par smos te/ byang gi sgra mi snyan pa rnams kyi lhar skye ba'i las bzhin du 'du shes med pa'i sems can rnams kyi 'dod pa'i khams myong bar 'gyur ba'i las nges pa yin pa'i phyir ro/ /yang snyoms 'jug dag ces gang bshad pa zhes bya ba la/ gang las bshad ce na/ thob dang ma thob skal mnyam dang / /'du shes shes med snyoms 'jug dag /ces bstan pa'i mdo las so/ /'du shes med pa'i snyoms par 'jug pa ni 'du shes med pa pa'i rgyu yin par sngar bstan pas 'dri ba ni/ 'du shes med pa'i snyoms par 'jug pa ni ci zhe na zhes bya ba'o/ /de bzhin du zhes bya ba'i sgra ni ltos pa dang bcas pa yin pa'i phyir bshad pa/ji ltar gang las sems dang sems las byung ba rnams 'gog pa de la 'du shes med pa pa zhes bshad pa/ de bzhin du/ 'du shes med snyoms 'jug /'du shes med pa rnams kyi snyoms par 'jug pa ni 'du shes med pa'i snyoms par 'jug pa ste/ gang dag der snyoms par 'jug pa'o/ /'du shes med pa can yin pas zhes bya ba ni snyoms par 'jug pa dang sbyar te/'di la 'du shes yod pa ma yin pas na 'du shes med pa'i snyoms par 'jug pa'o/ /yang dag pa dang te por snyoms par 'jug pas na 'du shes med pa'i snyoms par 'jug pa ste/ rigs pas yang dag par sgrub pa ni snyoms par 'jug pa'o//gzhan dag na re ni sems dang 'byung ba chen po mnyam pa nyid du bsgrubs pas na snyoms par 'jug pa'o zhes zer ro/ /de bzhin zhes bya ba'i sgras ni de tsam zhig mthun par 'dren to zhes bya ba ni/ de bzhin zhes bya ba'i sgras ni spyi tsam zhig kho na mthun par 'dren gyi/ khyad par ni ma yin no zhes ston par byed pa'o//gnyis ka yang ma 'ongs pa'i sems dang sems las byung ba'i gegs kyi bdag nyid du mtshungs te/ de nyid kyi phyir/ de yang sems dang sems las byung ba rnams kyi 'gog pa yin no zhes bya ba smos so/ /bsam gtan tha mar zhes bya bar 'byung ste/ bsam gtan bzhi pas bsdus pa'o//bsam gtan bzhi la smos pa ni de las gzhan pa'i bsam gtan dang gzugs med pa gsal bar bya ba'i phyir ro/ /so so'i skye bo rnams ni tshor ba la chags pas bsam gtan dang gzugs med pa dag la snyoms par 'jug na/ de na ni tshor ba yod pa ma yin pas de'i phyir 'dri ba ni/ci'i phyir 'di la snyoms par 'jug ce na zhes bya ba'o/ /'byung 'dod pas zhes bya ba la/ de dag ni snyoms par 'jug pa la lam du 'du shes shing / 'du shes med pa pa la thar bar 'du shes pa yin no/ /'du shes med pa pa ni rnam par smin pa yin pa'i phyir zhes bya ba la sogs pa la/rnam par smin pa ni lung du ma bstan pa'i chos yin no/ /snyoms par 'jug pa 'di ni bsam gtan gyis bsdus pa'i phyir dge ba yin gyi/ nyon mongs pa can dang / lung du ma bstan pa ni ma yin no/ /de'i rnam par smin pa ni 'du shes med pa'i sems can gyi nang du phung po lnga 'grub pa'o zhes bya ba ni skye ba dang /'chi 'pho ba'i dus na sems dang sems las byung ba yod pa'i phyir ro/ /skyes nas myong 'gyur nyid ces bya ba ni mtshams med pa bzhin no/ /de thob pa ni zhes bya ba la/ yongs su nyams pa na bdag nyid phan pa las nyams par sems shing skyo ba drag po 'byung ste/ de'i phyir de skyed pa kho na la gus pa'i phyir sangs rgyas rnams kyis gdul bar bya ba yang ma yin te/'gog pa mngon sum du mthong bas rlom pa'i phyir ro/ /de'i phyir/ gang gis 'di skyes nas yongs su nyams pa de yang zhes bya ba rgyas par 'byung ngo / /grag go zhes bya ba'i sgra ni lugs gzhan bstan par bya ba'i phyir te/gzhan dag na re ni skyes nas myong bar 'gyur ba dang / myong bar ma nges pa yang yin no zhes zer ro/ /yongs su nyams sam yongs su ma nyams kyang rung ste/ gal te dge ba'i bshes gnyen dang phrad pa las skyon du lta bar gyur na ni de nas nges pa la 'jug par 'gyur la/zhugs pa na yang skyed par mi byed cing mngon du yang mi byed do/ /so so'i skye bo kho na yin par 'dod kyi/ 'phags pa'i ma yin/ nges pa la zhugs pa nyid kyis 'phags pa rnams kyis ngan song gi 'gro ba rnams dang / 'du shes med pa dang / tshangs pa chen por skyes pa rnams kyi so sor brtags pa ma yin pas 'gog pa 'thob ste/lta ba'i gnas yin pa'i phyir dang / 'phags pa'i lam dang 'gal ba'i phyir ro/ /des na rnam par ltung ba'i gnas lta bur gzigs pas snyoms par mi 'jug go/ /'phags pa rnams ni srid pa la nges par 'byung bar 'du shes pa yang ma yin te/ thar pa dang / thar pa'i lam mngon sum du gyur pa'i phyir ro//bsam gtan bzhi pa thob nas bsam gtan bzhin du 'di 'das pa dang / ma 'ongs pa dag kyang thob bam zhes bya ba ni rnal 'byor pa rnams kyis bsam gtan bzhi pa thob nas 'khor ba thog ma med par sngon thob thob pa'i bsam gtan bzhi pa 'das pa dang / ma 'ongs pa 'thob pa de'i phyir na ci de dang 'dra bar 'das pa dang /ma 'ongs pa 'thob bam zhes 'dri ba'o/ /re zhig gzhan dag gis kyang zhes bya ba rgyas par 'byung ste/ gang dag mngon du byed cing don du gnyer ba dang / gang dag gi snyoms par 'jug pa bdag gi ba yin pa'i so so'i skye bo dag gis kyang mi thob na/ 'di gang dag gi bdag gi ba ma yin pa 'phags pa rnams kyis lta smos kyang ci dgos/ 'dres pa yin yang zhes bya ba ni 'khor ba thog ma med par sngon thob pa'o/ /mngon par 'du bya ba chen pos bsgrub par bya ba yin pa'i phyir dang zhes bya ba ni 'bad pa chen pos bsgrub par bya ba yin pa'i phyir dang zhes bya ba'i tha tshig go//de'i phyir 'dris kyang / ma brtsal bar mi 'thob bo/ /'o na ci zhe na/ dus gcig pa 'thob po/ /'di ni gnas skabs thams cad du so sor thar pa'i sdom pa bzhin du sngon med pa 'thob pa'i phyir 'das pa mi 'thob bo/ /sems med pa'i phyir ma 'ongs pa yang mi 'thob ste/ de'i phyir/ je dang por dus da ltar kho na 'thob bo/ /skad cig gnyis pa la sogs pa dag tu 'das pa dang yang ldan la/ ma langs pa ni da ltar ba dang yang ngo / /langs pa ni 'das pa kho na dang ngo / /ji srid mi gtong ba de srid du zhes bya ba ni yongs su ma nyams kyi bar du zhes bya ba'i don to/ /sems med pa yin pa'i phyir/ma 'ongs pa mi 'thob ste/ lha'i mig dang / rna ba bzhin no/ /bzod pa la sogs pa gsal ba bzhin gsal ba'i phyir ma 'ongs pa sems dang mtshungs par ldan pa thob par nus kyi/ bems po yin pa'i phyir cig shos ni ma yin no/ /de bzhin zhes bya ba'i sgras zhes bya ba la/ ji ltar gang las sems dang sems las byung ba rnams 'gog pa de 'du shes med pa'i snyoms par 'jug pa yin par bshad pa de bzhin du gang las/ci yang med pa'i skye mched kyi 'dod chags dang bral ba'i sems dang / sems las byung ba rnams 'gog pa de ni 'gog pa'i snyoms par 'jug pa'o zhes bya'o//zhi bar gnas pa'i 'du shes sngon du btang ba'i zhes bya ba la/ yid la byed pa gang la gnas pa 'di ni zhi'o snyam pa'i 'du shes sngon du btang ba yod pa ni zhes bya bar tshig rnam par sbyar ro/ /'du shes dang tshor ba kun du 'byung bas yongs su skyo ba ni 'gog pa'i snyoms par 'jug pa la de med pas zhi bar gnas pa'i 'du shes su 'gyur la/de nas phra ba bas kyang phra ba srid pa'i rtse mo'i yid la byed pa'i mjug thogs su de la snyoms par 'jug go/ /de ltar na 'di ni zhi bar gnas pa'i 'du shes sngon du 'gro ba'i yid la byed pa yin no/ /gnas pa ni gnas pa ste/ sdod pas bya ba'i tha tshig go/ /yang na 'dis gnas par byed pas na gnas pa'o//de la ni 'du shes med pa'i snyoms par 'jug pa la'o/ /nges par 'byung ba'i 'du shes sngon du btang bas so zhes bya ba la/ nges par 'byung ba ni ma nges par 'byung ba ste/ mya ngan las 'das pa yin no/ /de'i 'bras bu la nges par 'byung ba'o snyam pa'i 'du shes ni nges par 'byung ba'i 'du shes so//yang na 'dis 'khor ba las nges par 'byin par byed pas na nges par 'byin pa ste lam mo/ /snyoms par 'jug pa de la lam du 'du shes pa ni nges par 'byung ba'i 'du shes te/ de yid la byed pa gang la sngon du 'gro ba yod pa de ni nges par 'byin pa'i 'du shes sngon du btang ba'o//'du shes med 'du shes med min skye mched du skye ba 'phen par byed pa'i las ni thams cad pas mchog yin pa'i phyir ram/ shing ljon pa dang 'dra bar srid pa'i mthar thug pa yin pa'i phyir/ 'du shes med 'du shes med min skye mched ni srid pa'i rtse mo zhes bya'o/ /ci'i phyir srid pa'i rtse mo'i 'og gi sa dag tu 'gog pa la snyoms par mi 'jug ce na/rgyab kyis phyogs pa dang / mthar thug par gcod pa dag gis rnam par thar pa'i der 'gyur ba'i phyir ro/ /rnam par thar pa'i de ni rgyu gnyis kyis rnam par gzhag ste/ rgyab kyis phyogs pa dang / sems mthar thug par gcod pas so/ /sa 'og ma dag na yod na ni dmigs pa dang bcas pa thams cad 'jug pa la/rgyab kyis phyogs par mi 'gyur la/ mthar thug par gcod par yang mi 'gyur gyi/ sa de'i gang na sems yod pas bar du sems gcod par 'gyur ro/ /'di dge ba la sogs pa'i bye brag gis ni dge ba kho na yin te/ nyon mongs pa can nam lung du ma bstan pa'i gnas ni 'phags pa rnam par g.yeng ba la sogs pa rnams kyis zhi bar mi 'dzin to//skyes nas myong bar 'gyur ba dang zhes bya ba la/ ji ltar zhe na/ de ni 'phags pa gang zhig 'dod pa'i khams su 'gog pa'i snyoms par 'jug pa bskyed nas/ srid pa'i rtse mor skye ba de'i rdzogs par byed pa skyes nas myong bar 'gyur ba yin na//ji ltar na lan grangs gzhan la myong bar 'gyur ba yin zhe na/ gang gi tshe 'di 'gog pa'i snyoms par 'jug pa bskyed nas/ gzugs med pa'i 'dod chags dang bral ba las yongs su nyams pas bsam gtan dag tu skyes te/ yang srid pa'i rtse mo thob nas/ der skye ba de'i tshe 'di 'gog pa'i snyoms par 'jug pa ni thob nas yongs su nyams pa yin yang /rnam par smin pa rdzogs par byed pa yin no/ /rnam par smin pa'i phyir ma nges pa yang yin te zhes bya ba la/ gal te lus kyis mngon sum du byed pa'am/ gnyis ka'i cha las rnam par grol ba zhig 'di nyid du yongs su mya ngan las 'da' bar byed na ni de'i rnam par ma smin pa kho nar 'gyur ro//rnam par smin pa na srid pa'i rtse mo'i phung po bzhi yin te/ gzugs kyi phung po med pa'i phyir ro/ /'du shes med pa'i snyoms par 'jug pa ni so so'i skye bo kho na'i yin no zhes bshad na/ 'di ni gcig tu 'phags pa'i kho na yin no/ /ci'i phyir zhe na/ de'i phyir/ so so'i skye bo rnams kyis ni zhes bya ba rgyas par smos so//so so'i skye bo srid pa'i rtse mo thob pa rnams ni sems kyi rgyud la bdag tu mngon par rlom la/ sems de yang der rgyun 'chad pas bdag chad pas 'jigs pa'i phyir snyoms par mi 'jug go/ /'du shes med pa'i snyoms par 'jug pa la yang thal bar 'gyur ba 'di mtshungs so zhe na/ de ni de lta ma yin te/ de dag ni gzugs la bdag tu 'du shes kyi sems dang sems las byung ba dag la ni ma yin te/ de'i phyir gzugs yod pas de dag la bdag med par 'gyur ro snyam du skrag pa yod pa ma yin no/ /gal te srid pa'i rtse mor sems dang sems las byung ba rnams kyang kun du chad na ni gzugs med pa'i phyir kho bo cag /bdag nyid thams cad du kun du chad do snyam du skrag par 'gyur ro/ /'phags pa'i lam gyi stobs kyis bskyed pa'i phyir/ so so'i skye bo rnams ni 'gog pa'i snyoms par 'jug pa skyed par byed pa ma yin te zhes bya bar sbyar ro/ /ji ltar na 'phags pa'i lam gyi stobs kyis bskyed na/ mya ngan las 'das pa mthong ba ni/de la mos pa'i phyir ro/ /mya ngan las 'das pa mthong ba ni 'gog pa'i snyoms par 'jug pa de la sems dang sems las byung ba 'gog pa'i bdag nyid kyi sgo nas mos kyi/ mya ngan las 'das pa ma mthong ba ni ma yin no/ /so so'i skye bos ni shes rab kyis mya ngan las 'das pa 'du shes ldog pa'i mtshan nyid can la zhi bar yang ma mthong ste/de'i phyir 'di ni sems dang sems las byung ba 'gog pa la mi mos la/ ma mos pas so so'i skye bo ni snyoms par mi 'jug go/ /slob dpon 'dus bzang na re de'i sa pa'i 'ching ba ma spangs pa'i phyir de bskyed par mi nus te/ mthong bas spang bar bya ba las ma 'das par ni srid pa'i rtse mor 'gog pa'i snyoms par 'jug pa bskyed par mi nus la/so so'i skye bo ni de las 'das pa yod pa yang ma yin no zhes zer ro/ /'di ni sbyor bas 'thob par bya ba kho na yin pas zhes bya ba ni 'dod chags dang bral bas thob par bya ba ma yin te/'di lhan cig pa'i thob pa can nyid yin par ston to/ /'das pa yang mi 'thob la zhes bya ba la/ gal te yongs su nyams te slar yang de nyid skyed par byed pa de so sor thar pa'i sdom pa bzhin du sngon med pa kho na sbyor bas 'thob kyi/ sngar nyams pa ni ma yin no//ma 'ongs pa yang mi 'thob ste/ /zhes bya ba la/ sbyor bas 'thob pa yin yang ma 'ongs pa 'thob par mi 'gyur ro/ /ci'i phyir zhe na/ de'i phyir/ de ni sems kyi stobs kyis 'thob pa'i phyir ro zhes bya ba smos te/ de'i rigs can ma 'ongs pa gang cung zad cig 'thob pa de ni sems kyi stobs kyis yin te/dper na sdug bsngal la chos shes pa'i bzod pa la sogs pa dag bzhin no/ /'gog pa'i snyoms par 'jug pa ni sbyor ba kho nas 'thob pa yang yin no zhes bshad la/ gzhan las ni/ dge ba'i mthar byon khyod kyis ni/ /sbyor ba las byung cung zad med/ /gang du bzhed par mkhyen pa nyid//bzhed pa tsam la rag las lags/ /zhes bshad pa de'i phyir 'dri ba ni/ ci bcom ldan 'das kyi yang sbyor ba las byung ba yin nam zhes bya ba'o/ /byang chub kyis thob bya zhes bya ba la/ gang de yang zad pa dang mi skye ba'i shes pa yang byang chub yin mod kyi/ 'dir ni zad pa shes pa la mngon par 'dod do//de nyid kyi phyir/ zad pa mkhyen pa dang dus mnyam du zhes bya ba rgyas par smos so/ /'di ltar/ de dag gi yon tan zhes bya ba la sogs pa nas/ de bas na de dag gi zhes bya ba'i bar rgyas par 'byung ste/ tsam zhes bya ba'i sgra ni 'bad rtsol rnam par gcad par bya ba'i phyir ro/ /gnyis ka'i cha las rnam par grol ba zhes bya ba la/gnyis ka'i cha ni nyon mongs pa'i sgrib pa dang / snyoms par 'jug pa'i sgrib pa'o/ /de la rdo rje lta bus ni nyon mongs pa'i sgrib pa las 'grol bar byed la/ zad pa shes pa'i dus na rnam par grol ba yin no/ /'gog pa'i snyoms par 'jug pa bskyed pa na snyoms par 'jug pa'i sgrib pa las rnam par grol bar byed la/bskyed pa'i tshe ni rnam par grol ba yin na/ bcom ldan 'das ni gang las zad pa mkhyen pa'i dus na gnyis ka'i cha las rnam par grol ba zhes bya ba/ 'gog pa'i snyoms par 'jug pa ma bskyed pa'i tshe/ ji ltar snyoms par 'jug pa'i sgrib pa las rnam par grol bar 'gyur zhe na/de'i sgrib pa dang bral ba'i phyir dang / de'i mi ldan pa rnam par nyams pa'i phyir bcom ldan 'das kyis zad pa mkhyen pa'i dus na de bskyed zin pa bzhin du mnga' brnyes pa'i phyir te/ de mngon sum du bskyed par nus pa'i gegs dang bral ba'i phyir ro zhes bya ba'i don to/ /de'i phyir ma bskyed pa na yang gnyis ka'i cha las rnam par grol ba grub bo//nub phyogs pa dag na re de ni dang po zhes bya ba rgyas par 'byung ste/ ji ltar zhe na/ byang chub sems dpa' ci yang med pa'i skye mched las 'dod chags dang bral ba yin yang / bsam gtan bzhi pa la brten te/ bden pa rnams mthong zhing de las langs nas srid pa'i rtse mo la snyoms par 'jug la/de nas 'gog pa'i snyoms par 'jug pa la 'jug go/ /'gog pa'i snyoms par 'jug pa las langs nas bsam gtan bzhi pa la brtan te/ srid pa'i rtse mo'i nyon mongs pa bsgom pas spang bar bya ba spangs nas/ sangs rgyas su 'gyur ro zhes bya ba gang yin pa 'di ni chos nyid yin no/ /de ltar na slob pa'i gnas skabs na skyed par byed pa yin no zhes zer ro//de'i phyir bar skabs 'dir zhes bya ba la/ skad cig ma sum cu rtsa bzhi'i bar skabs su'o/ /mi 'dra ba'i sems ni srid pa'i rtse mo'am/ bsam gtan bzhi pa las ldang ba'i sems kyang rung ste/ zag pa dang bcas pa ste/ zag pa dang bcas pa'i phyir/ de mi srid pas 'gog pa'i snyoms par 'jug par mi rung ste/ de ni srid pa'i rtse mo bas phra ba phra ba'i mjug thogs su snyoms par 'jug pa'i phyir mi srid de zhes bya ba'i don to/ /cir 'gyur zhes bya ba ni bstan bcos dang 'gal ba'am/ rigs pa dang 'gal ba zhig tu 'gyur zhes bya ba'o/ /bsam pa ldang ba can du 'gyur te zhes bya ba rgyas par 'byung ba la/bsam pa ni dgongs pa'o/ /gang gi phyir bsam pa mi ldang ba can du 'gyur ba 'di la rgyu ci zhe na/ bye brag tu smra ba rnams na re bsod nams dang ye shes kyi tshogs legs par bsags pa'i phyir dang / thugs rje chen po mnga' ba'i phyir dang /mi mthun pa'i phyogs zil gyis mnan pa'i phyir dang / brtson 'grus brtsams pa'i phyir dang / dam bca' ba brtan pa'i phyir dge ba'i rtsa ba las dgongs pa gzhan mi mnga' ste/ byang chub sems dpa'i dge ba'i rtsa ba de dag ni gang dag mngon du mdzad pas stan gcig las ma bzhengs pa kho nar byang chub brnyes par byed pa 'di 'dra ba zhig go zhes zer ro//snga ma kho na yin no zhes brjod do zhes bya ba la/ /'di sangs rgyas bcom ldan 'das kyis zag pa zad pa mkhyen pa dang dus mnyam du brnyes so zhes de skad du zer ro/ /ci'i phyir zhe na/ zag pa zad pa ma thob kyi bar du re zhig skyil mo krung mi bshig go snyam pa'i bsam pa 'dis zag pa med pa'i lam las mi ldang bar grub pa'i phyir ro//slob dpon 'dus bzang na ri ji ltar byang chub sems dpa' 'khor ba thog ma dang mi ldan pa nas 'jig rten pa'i snyoms par 'jug pa'i khyad par gyis bslus pas/ zag pa zad pa'i bsam pas skyil krung bcas te/srid pa'i rtse mo'i mthong bas spang bar bya ba sngon rtsa nas ma bton pa rtsa ba dang bcas te/ /drungs phyung nas nyon mongs pa'i dgra drungs phyung ba'i lhag ma spangs pa'i phyir yid gtad pa ni de'i gnyen po btang nas 'bad pa thun mong bas thob par bya ba 'jig rten pa'i snyoms par 'jug pa thob par bya ba'i phyir gus pa byed par 'gyur te/de'i phyir bye brag tu smra ba rnams snga ma kho na yin no zhes rjod par byed pa 'di ni rigs pa yin no zhes zer ro/ /snyoms par 'jug pa 'di gnyis kyi zhes bya ba rgyas par 'byung ba la 'du shes med pa'i snyoms par 'jug pa ni bsam gtan bzhi pa'i sa pa yin no//'gog pa'i snyoms par 'jug pa ni srid pa'i rtse mo'i sa pa yin no/ /'du shes med pa'i snyoms par 'jug pa la ni thar par 'dod pa nyid kyis snyoms par 'jug go/ /'gog pa'i snyoms par 'jug pa la ni gnas pa'i don du'o/ /'du shes med pa'i snyoms par 'jug pa ni skyes nas myong bar 'gyur ba kho na'o//'gog pa'i snyoms par 'jug pa ni skyes nas myong bar 'gyur ba dang / lan grangs gzhan la myong ba dang / ma nges pa yin no/ /'du shes med pa'i snyoms par 'jug pa ni so so'i skye bo'i rgyud la skye ba yin no/ /'gog pa'i snyoms par 'jug pa ni 'phags pa'i rgyud la skye ba yin no//'du shes med pa'i snyoms par 'jug pa ni sbyor ba las byung ba yin no/ /'gog pa'i snyoms par 'jug pa ni sbyor ba las byung ba dang / byang chub kyis 'thob pa yin no/ /gnyis ka 'dod dang gzugs rten can/ /zhes bya bas ni 'di gnyis kyi chos mthun pa ni 'di yin no zhes ston to//kha cig na re rgyu dang / 'bras bu dag ha cang nye na mi rung bas gzugs kyi khams na ni bsam gtan gsum dag na 'du shes med par snyoms par 'jug gi /bzhi pa na ni ma yin no zhes zer ro/ /gzhan dag na re skye ba ni de'i 'bras bu yin pa'i phyir 'du shes med pa'i sems can ma gtogs par bzhi par yang snyoms par 'jug go zhes zer ro//de dag gi ltar na chos mngon pa'i gzhung zhes bya bas ni chos mngon pa dang 'gal bar ston to/ /gzugs kyi srid pa yin la/ srid pa de rnam par 'drid pa can lnga ma yin pa yang yod dam zhe na/ mu bzhi ste/ de la gzugs kyi srid pa yin la rnam par 'drid pa can lnga ma yin pa ni gzugs na spyod pa'i sems can zhes bya ba'o//de na lha 'du shes med pa dag kyang yod pas de'i phyir lha 'du shes can zhes bya ba smos so/ /'du shes can sems 'dra ba la gnas pa dag kyang yod pas de'i phyir/ /sems mi 'dra ba la gnas pa rnams dang zhes bya ba smos so/ / de la mi 'dra ba'i sems ni 'dod pa na spyod pa'i sprul pa'i sems dang / zag pa med pa dang / gzugs med par gtogs pa'o/ /rang gi sa pa'i phung po rnams kho na srid pa zhes bya ba yin pas gzhan gyi sa pa rnams gzugs kyi srid par mi 'dod do/ /de dag ni gzugs kyi srid pa yin gyi/ rnam par 'drid pa can lnga ni ma yin no//'gog pa'i snyoms par 'jug pa dang / 'du shes med pa'i snyoms par 'jug pa la snyoms par 'jug pa rnams dang / 'du shes med pa pa mngon du gyur na yang gzugs kyi srid pa zhes bya ba yin la rnam par 'drid pa can lnga ma yin te/ /sems dang / sems las byung ba med pa'i phyir ro/ /'dir ni lha 'du shes pa can zhes bya ba dang / 'du shes med pa'i snyoms par 'jug pa dang zhes bya ba 'di dang 'gal ba yin no/ /rnam par 'drid pa lnga zhes bya ba ni phung po lnga zhes bya ba'i don te/ de bzhin gshegs pa 'od srungs kyi gsung rab las phung po la rnam par 'drid pa zhes ming btags pa yin no//rnam par 'drid pa can lnga yin la/ gzugs kyi srid pa ma yin pa yang yod de/ /'dod pa na spyod pa'i sems can rang gi sa pa'i sems la gnas pa rnams kyi srid pa gang yin pa'o/ /gzugs kyi srid pa yang yin la rnam par 'drid pa can lnga yang yin pa yang yod de/ / gzugs na spyod pa'i sems can sems 'dra ba la gnas pa rnams kyi'o/ /gzugs kyi srid pa yang ma yin la rnam par 'drid pa can lnga yang ma yin pa yang yod de/ gzugs med par skyes pa'i sems can rnams dang / 'dod pa'i khams su skyes pa sems mi 'dra ba la gnas pa rnams dang /'gog pa'i snyoms par 'jug pa dang / 'du shes med pa'i snyoms par 'jug pa la snyoms par zhugs pa rnams kyi srid pa gang yin pa'o/ /'gog pa dang po mi nang du/ mi dag gi nang kho nar te/ ston pa po dang / 'chad pa po dang / sbyor ba'i stobs yod pa'i phyir ro//phyis ni sngar yongs su nyams pa dag gis gzugs kyi khams su bskyed kyi/ gzugs med pa'i khams su ni ma yin te/ rten med pa'i phyir ro/ /srog gi dbang po ni gzugs dang sems la brten nas 'byung na/ gzugs med pa'i khams su 'gog pa la snyoms par zhugs pa la ni de rgyun chad pa yin no//phung po rnams phan tshun stobs kyis gnas pa'i phyir phung po gcig pa'i lus kyang med do/ /sems dang sems las byung ba rnams tha mi dad par 'jug pa'i phyir phung po gsum pa yang mi rung ngo / /'du shes med pa'i snyoms par 'jug pa ni dang po gzugs kyi khams su yang skye ste/'khor ba thog ma med pa nas 'drid pa'i phyir ro/ /snyoms par 'jug pa 'di ni mya ngan las 'das pa dang 'dra ba'i phyir khyad par du 'phags pa zhig ste/ de'i phyir yongs su nyams pa mi srid do snyam du sems la byas nas/ ci zhes bya ba la sogs pa smos so/ /gal te snyoms par 'jug pa'i rdzas 'di las nyams pa med na/de las cir 'gyur zhe na/ de'i phyir/ de lta ma yin na 'char byed kyi mdo las zhes bya ba rgyas par 'byung ste/ tshe dang ldan pa shA ri'i bus dge slong rnams la chos bstan to/ /tshe dang ldan pa dag 'di na dge slong tshul khrims phun sum tshogs pa yang yin zhes bya ba rgyas par 'byung ba la/'di na zhes bya ba ni mi dag gi nang na'o/ /tshul khrims phun sum tshogs par 'gyur ba yang yin zhes bya ba la sogs pa ni phung po gsum gyis bsdus pa'i lam gsungs so/ /mthong ba'i chos kho na zhes bya ba ni mthong ba'i skye ba kho na la'o/ /dang po nyid du zhes bya ba ni thog ma kho nar ro//kun shes pa ni dgra bcom pa nyid do/ /thob par mi byed pa ni rnyed par mi byed pa'o/ /lus zhig nas zhes bya ba ni ming dang gzugs kyi tshogs dag so sor gnas nas te/ shi nas zhes bya ba'i don to/ /kham gyi zas za ba zhes bya ba ni 'dod pa ni spyod pa'i lha dag go/ /mdo der yang bcom ldan 'das kyis yid las byung ba'i lus can gyi lha ni gzugs na spyod pa yin par gsungs la zhes bya ba la/der 'char byed kyis yid las byung bas gzugs med pa na spyod pa'i lus yin par sems la bsams te/ tshe dang ldan pa shA ri'i bu dge slong yid las byung ba'i lus gang yang rung ba zhig tu skyes pa zhig yang dang yang du 'du shes dang tshor ba 'gog pa la snyoms par 'jug pa dang /ldang ba'i gnas de yod do zhes bya bar yang dag pa ji lta ba bzhin du shes so zhes bya ba gang yin pa de ni gnas ma yin zhing skabs med de/ /de ni gnas med do zhes 'phags pa shA ri'i bu phyir zlog par byed do//de ltar lan gsum du bkag pa dang / 'phags pa shA ri'i bu bcom ldan 'das kyi thad du dong ngo / /der yang des lan gsum kho nar bkag ste/ 'dir yang cang mi smra bar gyur to/ /der bcom ldan 'das kyis tshe dang ldan pa 'char byed la bka' stsal pa/'char byed khyod kyis yid las byung ba'i lha'i lus gang yang rung ba ji ltar shes/ gzugs med pa'i kho na yin par shes sam/ bcom ldan 'das de lta lags so/ /re zhig khyod ni skyes bu rmongs pa/ long ba kho na yin bzhin du shA ri'i bu dge slong mig dang ldan pa dang lhan cig chos mngon par dul ba'i gtam bya bar sems/'dir shA ri'i bu ni yid kyi rang bzhin gyi lus gzugs na spyod pa yin par 'dod de/ phyi rol gyi khu ba dang khrag la sogs pa la ma brten par 'byung ba'i phyir ro/ /'char byed ni gzugs med pa na spyod pa yid las byung ba yin par 'dod de/ yid tsam las skyes pa'i phyir ro//de ltar na 'char byed smad par mdzad pa'i phyir dang / shA ri'i bu'i phyogs yongs su gzung ba'i phyir snyoms par 'jug pa 'di/ gzugs med pa'i khams su mi skye bas yid las byung ba'i lus ni gzugs na spyod pa yin no zhes bshad par 'gyur ro/ /mdo las mthar gyis gnas pa'i snyoms par 'jug pa dgu zhes bya ba ni bsam gtan bzhi dang /gzugs med pa bzhi dang / 'du shes dang tshor ba 'gog pa'o/ /gal te bsam gtan bzhi pa'i sa pa yin na ni de lta yin dang / bsam gtan bzhi pa'i mjug thogs su de la snyoms par 'jug pas dbus su mngon par 'gyur gyi/ tha mar ni ma yin no/ /de ltar na mthar gyis gnas pa'i snyoms par 'jug pa dgu zhes bya ba'i mdo dang 'gal bar 'gyur ro/ /thod rgal du snyoms par 'jug pa po dag ni gang dag dang po nas gnyis pa rgal te/ gsum pa la snyoms par 'jug go/ /gzhan la yang de bzhin du brjod par bya'o/ /mthar gyis gnas pa'i snyoms par 'jug pa dgu zhes bya ba 'di ni rtsom pa dang po pa la nges pa yin te/'di ltar bsam gtan dang po ma bskyed par ni bsam gtan gnyis pa la snyoms par 'jug par mi nus so/ /de bzhin du 'du shes med 'du shes med min skye mched ma bskyed par 'du shes dang tshor ba 'gog pa la snyoms par 'jug pa'i bar du mi nus so//dga' dgur dbang ba ni phul du byung bar dbang ba nyid do/ /rnam par rgal de yang snyoms par 'jug go zhes bya ba ni dang po nas gsum par ro/ /gsum pa nas nam mkha' mtha' yas skye mched du'o zhes bya ba la sogs pa'o/ / de ltar snyoms par 'jug pa 'di gnyis ni zhes bya ba la sogs pa 'byung ste/ tshul ni ji skad bshad pa bzhin no/ /myong bar 'gyur ba nges pa dang / gnyis ka yin pa'i phyir ro zhes bya ba la/ 'du shes med pa'i snyoms par 'jug pa ni myong bar 'gyur bar nges pa'o/ /'gog pa'i snyoms par 'jug pa ni gnyis ka yin te/phyir mi 'ong ba ni myong bar 'gyur bar nges pa yin gyi/ dgra bcom pa'i ni ma yin te/ de ni 'di nyid la yongs su mya ngan las 'da' ba'i phyir ro/ /yang na skyes nas myong bar 'gyur ba dang / lan grangs gzhan la myong bar 'gyur ba las gnyis ka myong bar 'gyur ba yin no//dang po skyed pa las kyang zhes bya ba rgyas par 'byung ba la/ 'du shes med pa'i snyoms par 'jug pa ni kha cig dang po mi dag gi nang du skyed la/ kha cig gis ni lha dag gi nang du'o/ /'gog pa'i snyoms par 'jug pa ni dang po mi dag gi nang kho nar skyed la/ yongs su nyams pas ni yang gzugs kyi khams su skyed do//sems dang sems las byung ba 'gog pa'i rang bzhin du mtshungs pas mi 'jug pa'i rgyu tha dad pa ma mthong ste/ 'dri ba ni/ yang ci'i phyir 'di dag ces bya ba rgyas par 'byung ste/ sgra 'jug pa'i rgyu mtshan khyad par med pa'i phyir 'gog pa'i snyoms par 'jug pa zhes gnyis ka yang ming khyad par med par 'gyur dgos so zhes bya ba'o//yang na sems dang sems las byung ba thams cad 'gog pa'i rang bzhin yin yang ci'i phyir 'du shes dang tshor ba 'gog pa dag gis bsnyad kyi/ sems dang sems las byung ba gzhan gyis ni ma yin no zhes bya ba'o//de dag dang mi mthun pas zhes bya ba ni 'du shes dang mi mthun pas dang / 'du shes dang tshor ba dang mi mthun pas so/ /snyoms par 'jug pa de dag la sbyor ba ni de dag la snyoms par 'jug par sbyor ba'o/ /de la 'du shes dang mi mthun pas 'du shes med pa'i snyoms par 'jug pa la sbyor te/ 'du shes ni nad yin no/ /'du shes ni 'bras yin no/ /'du shes ni zug rngu yin no zhes bya ba dang / 'di ni zhi ba'o/ /'di ni gya nom pa zhes bya ba rgyas par 'byung ba'o/ /'du shes dang tshor ba dang mi mthun pas ni 'gog pa'i snyoms par 'jug pa la sbyor te/ gcig ni lta ba'i kun nas nyon mongs pa'i gzhi yin la/gnyis pa ni sred pa'i kun nas nyon mongs pa'i gzhi yin no/ /de'i phyir de dag dang mi mthun pa nyid yin no/ /gzhan gyi sems shes pa zhes bya ba bzhin no zhes bya ba la/ gzhan gyi sems shes par bya ba'i phyir de la rab tu sbyor bas na/ de la gzhan gyi sems shes par bya'i//des tshor ba la sogs pa'i chos rnams mi shes pa ni ma yin te/ de bzhin du 'dir yang yin no/ /da ni ji ltar zhes bya ba rgyas par 'byung ste/ gang gi phyir myu gu la sogs pa rgyu dang ldan pa rnams ni de ltar zhig nas yun ring du lon pa'i sa bon las skye bar ma mthong ngo / /bye brag tu smra ba rnams ni 'das pa yang yod pa'i phyir zhes bya ba 'byung ste/bye brag tu smra ba rnams zhes smos pa ni 'das pa med pa nyid kyi phyir ro/ /gal te yod na de ji ltar 'das pa yin zhe na/ byed pa 'gags pa'i phyir 'das pa zhes bya'i/ rang gi ngo bo yongs su btang ba'i phyir ni ma yin te/ de'i phyir 'gags ma thag pa ltar 'gags nas yun ring por lon pa yang mtshungs pa de ma thag pa'i rkyen du 'dod do/ /sngon gyi slob dpon rnams na re zhes bya ba rgyas par 'byung ba la/ sngon gyi slob dpon rnams ni mdo sde pa rnams so/ /sems dang dbang po dang bcas pa'i lus 'di ni phan tshun sa bon can yin te/sems la yang dbang po dang bcas pa'i lus kyi sa bon yod la/ lus la yang dbang po dang bcas pa'i sems kyi sa bon yod de/ de ltar na gnyis ka phan tshun gyi sa bon can yin no/ /yongs su 'dri ba zhes bya ba'i bstan bcos ni de nyid kyis byas pa'o//skyon du 'gyur gyi zhes bya ba ni da ji ltar 'gags nas yun ring du lon pa'i sems la yang sems skye bar 'gyur zhes gang smras pa'o/ /de ni mi 'thad de zhes bya ba 'byung ste/ 'gog pa'i snyoms par 'jug pa sems dang bcas pa yin no zhes gang smras pa de mi 'thad do/ /gsum 'dus pa las reg pa zhes bya ba ni dbang po dang /yul dang / rnam par shes pa rnams so/ /reg pa'i rkyen gyis tshor ba dang zhes bya ba rgyas par 'byung ba la/ gegs byed pa med pa'i rgyu yod na 'bras bu gdon mi za bar 'byung bas 'gog pa'i snyoms par 'jug pa'i rdzas 'di la 'du shes dang tshor ba dag kyang 'gog par mi 'gyur te/reg pa bzhin no/ /'on te zhes bya ba rgyas par 'byung ba la/ reg pa'i rkyen gyis tshor ba dang / 'du shes dang / sems pa thams cad yin gyi/ reg pa thams cad ni tshor ba la sogs pa rnams kyi rkyen ma yin pas 'gog pa'i snyoms par 'jug par reg pa rkyen yod pas 'du shes dang tshor ba la sogs pa dag mi 'gag par thal bar 'gyur ro//'du shes dang tshor ba la rgyab kyis phyogs pas/ gnas skabs de 'thob pas gnas skabs de na reg pa yod kyang / 'du shes dang tshor ba dag gi rkyen nyid bsgrub par mi nus so/ / de nyid la dpe ni/ tshor ba'i rkyen gyis sred pa zhes bya ba la sogs pa'o/ /tshor ba la sogs pa mi 'byung ngo zhes bya ba la sogs pa zhes bya ba'i sgras ni 'du shes dang / sems pa yongs su gzung ngo / /khyad par du byas pa'i phyir de ma yin te zhes bya ba la/ tshor ba bzhin du reg pa thams cad tshor ba'i rkyen ma yin no zhes bya ba de ni ma yin no//ci'i phyir zhe na/ mdo gzhan las tshor ba khyad par du byas pa'i phyir ro/ /ma rig pa'i 'dus te reg pa las skyes pa zhes bya ba rgyas par 'byung ba la/ ma rig pa dang 'brel pa'i reg pa ni ma rig pa'i 'dus te reg pa'o/ /ma rig pa'i 'dus te reg pa las byung ba ni ma rig pa'i 'dus te reg pa las skyes pa'o//de ltar sred pa skye ba la tshor ba ma rig pa'i 'dus te reg pa las skyes pa nyid kyis khyad par du byas pa yin te/ de'i phyir ma rig pa med pa'i tshor ba ni srid pa'i rkyen yin no zhes bya bar bsgrub par mi nus so/ /tshor ba skye ba la zhes bya ba la sogs pa la/reg pa 'di 'dra ba ni tshor ba'i rkyen yin la/ 'di 'dra ba ni ma yin zhes bye brag tu ma byas te/ de'i phyir bye brag med par nye bar blangs pa'i phyir reg pa thams cad tshor ba'i rkyen yin pas dpe 'di mtshungs pa ma yin no/ /de'i phyir 'gog pa'i snyoms par 'jug pa ni sems med pa yin no zhes bya bar grub po//ting nge 'dzin sems dang bcas pa dge ba ni sems dang sems las byung ba rtse gcig par grub pa'i phyir snyoms par 'jug pa nyid du rung gi /gzhan du ni ma yin no zhes bsams te 'dri ba ni/ ji ltar na sems med pa na snyoms par 'jug pa yin zhes bya ba'o//'byung ba chen po mnyam pa nyid du bsgrub pa'i phyir ram zhes bya ba la/ 'byung ba chen po rnams kyi mnyam pa nyid ni sems dang sems las byung ba skye ba dang mi mthun par gnas pa ste/ de bsgrub pa ni de ltar byed pa'o/ /snyoms par 'jug pa'i sbyor ba'i sems kho na 'byung ba chen po mnyam pa nyid du sgrub par byed de/lus dang sems dag phan tshun mthun par byed pa'i phyir ro/ /gzhan dag na re 'byung ba chen po mnyam pa nyid ni gnod pa med pa'i chos can nyid yin te/ 'di ltar 'gog pa'i snyoms par 'jug pa ni gnod pa med pa'i chos can yin no/ /yang na sems kyis 'gog pa'i snyoms par 'jug pa de la snyoms par 'jug pa ni snyoms par 'jug pa yin te/snyoms par 'jug pa dang sems gnyis lhan cig gnas par 'gal ba'i phyir ji ltar snyoms par 'jug ce na/ de'i phyir thob par 'gyur bas na zhes bya ba smos te/ 'di ltar snyoms par 'jug pa'i sbyor ba'i sems ni sems dang sems las byung ba 'byung ba dang 'gal ba 'gog pa'i snyoms par 'jug pa 'dren pa yin no//sems skye ba la gegs byed pa'i phyir zhes bya ba la/ gang gi phyir 'gog pa'i snyoms par 'jug pa ni chu bab pa la chu lon ltar dus gzhan gyi bar du sems skye ba la gegs byed pa zhig ste/med pa ni sems skye ba'i gegs byed par ji ltar 'gyur/ 'jug bzhin pa'i sems mi 'jug pa ni rgyu zad pa'am de 'jug pa dang 'gal ba'i phyir nye ba las yin grang / de re zhig rgyu zad pa las ni ma yin te/ yang 'byung ba'i phyir ro//de'i phyir 'gal ba'i rkyen gzhan gyis byas pa yin no zhes bya bar rtogs la/ 'gal ba'i rkyen gang yin pa de yang 'gog pa'i snyoms par 'jug pa yin no/ /ma yin te/ snyoms par 'jug pa'i sems kho nas de la gegs byed pa'i phyir ro zhes bya ba la/ 'gal ba'i rkyen gzhan gyis byas pa de'i tshe sems mi 'jug pa ni bden na/'gal ba'i rkyen de ni sems gzhan skye ba dang 'gal ba snyoms par 'jug pa'i sems kho na yin gyi/ gzhan ni ma yin no/ /'jug pa'i rgyu las sems 'jug pa rnam par chad par yang mi rigs la/ sems kyang sems 'jug pa'i rgyu yin te/ de'i phyir mar me la rlung ltar sems la yang mi 'jug pa'i rgyu gzhan kho na zhig khas blang bar bya'o zhe na/ de'i phyir/ de dang 'gal ba'i rten bskyod pa'i phyir zhes bya ba smos te/ sems skye ba dang 'gal ba'i rten bskyed pa'i phyir zhes bya ba'i don to/ /mar mes sdong bu la rag las pa ltar sems 'jug pa ni rten la rag las te/de'i phyir rten nyams pas sems mi 'jug par mi 'gal lo/ /rten nyams pa de ni snyoms par 'jug pa'i sems kyis byed de/ de'i phyir snyoms par 'jug pa'i sems kho na de la gegs byed pa'i phyir ro zhes de skad du bshad do/ /de la snyoms par 'jug pa zhes bya ba la/ sems mi 'jug pa de la snyoms par 'jug pa zhes gdags so/ /de gdags pa'i nye bar len pa go gang zhig yin/ nye bar len pa med pa ni cung zad kyang btags par yod pa ma yin no zhe na/ sems gang dag mi 'jug pa de dag de mi 'jug pa'i nye bar len pa yin no/ /gal te ma skyes pa'i phyir yod pa ma yin pa de dag ji ltar na btags pa'i nye bar len par rung zhe na/ma 'ongs pa yin yang sems la gnas pa de dag ni mi 'jug pa'i nye bar len pa nyid du yod de/ dper na/ rdzogs sangs rgyas rnams ma byung zhing / /nyan thos rnams kyang zad pa na/ /rang sangs rgyas kyi ye shes ni//brten pa med par rab tu 'byung / /zhes bya ba bzhin no/ /der ni sangs rgyas ma 'ongs pa blo la gnas pa rnams kho na mi 'byung ba yin te/ ma skyes pa'i sangs rgyas ni yod pa yang ma yin no/ /nyan thos rnams kyang zhig cing blo la gnas pa rnams kho na zad par brjod kyi/ da ltar pa rnams ni ma yin no//de'i phyir 'das pa dang / ma 'ongs pa yod pa ma yin yang zhig pa dang ma skyes pa dag blo la gnas pa kho na btags pa'i nye bar len pa yin par mi 'gal lo/ /gal te snyoms par 'jug pa ma 'ongs pa'i sems mi 'jug pa tsam yin la/ de yang dngos po med pa yin pas 'dus ma byas su 'gyur ro zhe na/de'i phyir/ mi 'jug pa tsam de yang zhes bya ba rgyas par smos so/ /'dir gang gi dbang du byas nas 'dus byas zhes brjod pa/ mi 'jug pa tsam zhes bya ba 'dus byas grub par gyur pa ni cung zad kyang med de/ 'on kyang snyoms par 'jug pa sngon dang phyis med pas mi 'jug pa tsam gyis snyoms par 'jug pa la 'dus byas su gdags so//yang na rten nyid ces bya ba rgyas par 'byung ba la/ sngar ni tha snyad kyi sgo nas sems mi 'jug pa tsam snyoms par 'jug pa nyid yin pa dang / 'dus byas nyid du bshad pa la/da lta ni snyoms par 'jug pa'i dbang gis gnas skabs gzhan thob pa'i rten nyid snyoms par 'jug pa yin te/ de'i phyir gnas skabs kyi khyad par yin pa'i phyir snyoms par 'jug pa 'dus byas yin no zhes bya bar bshad par 'gyur/ /'du shes med pa yang de bzhin du zhes bya ba la/ji ltar 'gog pa'i snyoms par 'jug pa btags pa tsam yin pa de bzhin du 'du shes med pa pa yang yin no/ /rnal 'byor pa la ni de'i smon lam gyi 'phen pa'i shugs las snyoms par 'jug pa 'phangs pa chad na yid dang / chos dag la brten nas yid kyi rnam par shes pa skye la/'du shes med pa par ni las kyi rnam par smin pa'i 'phen pa zad pas 'chi 'pho bar 'gyur ro/ /snyoms par 'jug pa dag bstan zin to/ /srog ni tshe yin/ 'di rnam grangs brjod pa yin gyi/ mtshan nyid ni ma yin te/ bstan bcos las bstan pa'i ngor byas pa'i phyir ro//de nyid kyi phyir chos mngon pa las 'di skad du zhes bya ba smos so/ /rnam grangs ni grub na mtshan mar byed pa yin no/ /'di ni srog dang 'dra bar grub pas 'dis srog gi don nges par mi nus te/ de'i phyir/ tshe zhes bya ba'i chos 'di gang yin pa zhes bya ba rgyas par 'byung ngo / / drod dang ni/ rnam shes rten gang yin pa'o/ /zhes bya ba de 'bras bu'i sgo nas 'chad pa'o/ /gnas pa'i rgyu zhes bya ba ni/ rten du gyur pa zhes bya ba rnam par bshad pa'o/ /'di skad bstan par 'gyur te/ ji srid du tshe yod pa de srid du 'di gnyis rgyun chags su 'jug pa yin no/ /da ni tshe de'i rten du gyur pa zhes bya ba 'byung ste/gnas pa'i rgyu gang yin zhes bya ba'i don to/ /drod dang rnam par shes pa de dag nyid yin no zhes bya ba 'byung ste/ tshe ni de dag la rag las te gnas pa'i phyir ro/ /'o na ni zhes bya ba rgyas par 'byung ba la/ gang dag la phan tshun ltos te 'jug pa yod pa de dag ni phan tshun ltos te 'jug pa'o//de'i dngos po ni phan tshun ltos te 'jug pa nyid de/ phan tshun ltos te 'jug pa ni de'i phyir ro/ /de dag las ni drod dang rnam par shes pa dang / tshe gsum las so/ /gang zhig sngar ldog par 'gyur te zhes bya ba rgyas par 'byung ste/ tshe ma log par gzhan dag ldog pa med la/gzhan dag ldog pa med par yang tshe ldog pa med pas rtag tu ldog pa med par thal bar 'gyur ro/ /de'i phyir de dag phan tshun rten nyid du mi rung ngo / /'o na ni tshe'i rten du gyur pa ni las yin gyi/ drod dang rnam par shes pa dag ni ma yin no/ /de ltar na las kyi 'phen pa zad pas tshe ldog la/de ldog pas drod dang rnam par shes pa dag ldog pas rtag tu ldog pa med par thal bar mi 'gyur ro/ /ji ltar las tshe'i rten du gyur pa yin zhe na/ de'i phyir/ las kyis ji srid du 'phangs pa de srid du rjes su 'jug pa'i phyir ro zhes bya ba smos te/ de rjes su 'jug pa ni las kyi 'phen pa'i rgyu can yin no//drod dang rnam par shes pa dag gi rten du gyur pa yang las kho na yin par ci'i phyir mi 'dod de/ srog gi dbang po dang cig car skye ba'i phyir dang / 'jig pa'i phyir ro snyam du bsams pa yin no/ /ma shi'i bar du rnam par shes pa thams cad ces bya ba rgyas par 'byung ba la/rnam par shes pa las kyis ji srid 'phangs pa de srid du rjes su 'jug pa'i phyir srog ltar las kyi rten can du 'gyur na ni de ltar na ma shi'i bar du rnam par shes pa dge ba dang / nyon mongs pa can dang / spyod lam pa dang / bzo'i gnas pa dang / sprul pa pa thams cad srog bzhin du rnam par smin par 'gyur ro//'o na drod kyi zhes bya ba la sogs pa la/ srog gi dbang po dang lhan cig skye ba dang / 'gag pa'i phyir dang / lung du ma bstan pa yin pa'i phyir rnam par smin pa'i ngo bor 'gal ba med pas/ drod kyi rten du gyur pa las yin par 'gyur ro/ /de lta na ni zhes bya ba la sogs pa 'byung ngo //drod med pa'i phyir zhes bya ba la/ drod ni me'i khams yin na/ 'byung ba dag ni gzugs med pa'i khams na yod pa ma yin no/ /drod med pa'i phyir gzugs med pa'i rnam par shes pa de'i rten ni las yin par 'gyur ro/ /gang la lar ni zhes bya ba rgyas par 'byung ba la/dngos po rnams kyi rgyu dang 'bras bu'i dngos po'i rang bzhin gyi rgyu can yin pa'i phyir 'dod pa'i sgo nas 'brel pa ma yin te/ de'i phyir thams cad du thams cad kyi tshe/ rgyu dang 'bras bu'i dngos po 'khrul pa med do snyam du bsams pa yin no/ /bshad zin to zhes bya ba rgyas par 'byung ba la/ srog bzhin du rnam par shes pa las la brten pa nyid yin na ni gzugs med pa dag na rnam par shes pa nyon mongs pa can dang / dge ba med par 'gyur ro/ /de lta bas na de gnyis kyi rten du gyur pa'i tshe na yod pa kho na'o/ /'jig rten dang bstan bcos dag dang 'gal ba'i phyir med do zhes ni mi smra mod kyi rdzas gzhan ni med do zhes smra'o//ci'i phyir zhe na/ rang gi ngo bo dang 'bras bu nges par ma zin pa'i phyir ro zhes sngar bshad pa'i gtan tshigs kho na'i rjes su bsnyeg go/ /gal te rdzas gzhan ma yin na/ 'o na de ci yin zhe na/ de'i phyir/ khams gsum pa'i las kyis zhes bya ba rgyas par 'byung ba la/ ris mthun pa ni de lta bur gyur pa'i 'du byed ci rigs par skye mched drug gi bdag nyid can/rten dang bcas pa de dag kho na yin la/ de gnas pa ni rgyun chags par rjes su 'jug pa'o/ /de'i dus ni ji srid kyi bar du de rjes su 'jug par 'gyur ba'o/ /de'i 'phen pa ni nying mtshams sbyor ba'i skad cig ma la ci rigs par skye ba snga ma'i las kyis rgyu'i dngos por gnas par byas pa'o//yang rgyu'i dngos po de ci zhig ce na/ nus pa ste/ 'di ltar/ nying mtshams sbyor ba'i skad cig ma ni las kyi stobs bskyed pa'i phyir ris mthun pa'i rgyun gyi mtshan nyid can gyis gnas pa'i dus nges pa'i rgyu yin no//de nyid kyi phyir/ gnas pa'i dus kyi 'phen pa zhes bya ste dus de'i rgyun 'phen par byed pa'i phyir ro/ /'bru rnams kyi zhes bya ba rgyas par 'byung ba la/ dper na sa bon gyi myu gu la gang zhig smin pa'i dus kyi bar du brgyud nas 'bru'i rgyun gyi rgyur 'gyur ba/ 'bru rnams kyi smin pa'i dus kyi 'phen pa nus pa'i khyad par gyi mtshan nyid can bskyed pa de dang 'dra'o//mda' 'phangs pa dag gi gnas pa'i dus kyi 'phen pa bzhin no zhes bya ba 'byung ste/ de la mda' 'phangs pa'i gnas pa ni yul gzhan du skye ba rgyun rjes su 'jug pa'o/ /de'i dus ni gang phyin chad de mi 'byung ba'i mu mtshams so//de'i 'phen pa ni rgyu'i dngos por rnam par gnas pa'o/ /mda'i skad cig dang po'i de yang rtsol bar gyur pa phul du byung bas bsgrubs pa'i rlung gi khams kyis bskyed pa'i nus pa'i khyad par las so/ /gang zhig ces bya ba rgyas par 'byung ba la/ bye brag pa ni mda' 'phangs pa la rlung gi khams [(]gyis [,]kyis [)]bskyed pa'i nus pa'i khyad par las yul dag tu rgyun skye ba'i bdag nyid can mi 'dod pas 'du byed ces bya ba la sogs pa da ltar sems te/bye brag pa'i ltar na 'gro ba'i phyir na thog mar mda' la las skye la/ de las ni 'gro ba'i rgyu 'du byed do/ /'du byed las ni ma ltung gi bar du 'gro ba'o//mda'i 'gro ba ni yul gzhan du phyin pa yin gyi/ skye ba ni ma yin no/ /de'i zhes bya ba ni bye brag pa'i'o/ /de ni gcig pu yin pa'i phyir zhes bya ba ni 'du byed gcig pu yin pa'i phyir ro/ /gegs byed pa med pa'i phyir zhes bya ba la/ nam mkha' la ni reg pa dang ldan pa'i rdzas dang 'brel pa'i bdag nyid can gyi thogs pa 'ga' yang yod pa ma yin na//gegs chen po dang / 'bring dang / chung ngu byas na ni 'du byed bye brag med bzhin du phyin pa'i dus kyi bye brag tu 'gyur na/ gegs ni yod pa yang ma yin no/ /de'i phyir/ yul gzhan dag tu mgyogs pa dang /ches dang / shin tu ches mgyogs par phyin pa'i dus kyi bye brag yod pa'i phyir ma ltung bar du 'gro bar 'du byed gcig pu'i rgyu can ma yin no/ /ltung ba yang mi 'thad do zhes bya ba ni 'du byed gcig pu yin pa'i phyir dang / gegs byed pa med pa'i phyir ro/ /gal te rlung gis de la gegs byed do zhes bya ba la/rlung gis gegs byas pa'i 'du byed ni las chen po dang / 'bring dang / chung ngu'i rgyu yin la/ mthar ni 'du byed med pa'i phyir dang / lci ba nyid kyi phyir ltung ba yin no zhes/ /drung du ltung ba'am zhes bya ba la/ gzhu rgyud dang rnam par phye ma thag tu rlung dang ldan pa'i phyir ro//'di ltar reg pa dang ldan pa'i rdzas dang ldan pa las med pa yin no zhes bya ba 'di ni bye brag pa rnams kyi mdo yin no/ /yang na gzhar yang zhes bya ba la/ mi ltung bar thal bar 'gyur ro zhes bya bar sbyar ro/ /ci'i phyir zhe na/ de'i phyir/ rlung la khyad par med pa'i phyir zhes bya ba smos te/gang las phyis gegs byed kyi sngar ma yin par 'gyur ba/ phyis rlung la khyad par yod pa ni ma yin no/ /de las khyad par med pa'i phyir ni ldan pa la yang khyad par med do/ /gang zhig las bzhin du 'du byed kyang du ma snyam du sems pa de'i yang yul gzhan du mgyogs pa dang ches dang /shin tu ches mgyogs par phyin pa'i dus kyi bye brag mi 'thad de/ 'du byed la ni las brtsam par bya ba la bye brag yod pa ma yin la/ gang zhig 'du byed ches gsal bas bskyed pa'i las kyis cig car rdzas yul mang po gnon par byed pa yang yod pa ma yin te/ rim gyis rang gi rten du rdul phra rab tsam gyi phyogs dang ldan pa dang /rnam par byang ba'i rgyu can yin pa'i phyir ro/ /bye brag tu smra ba rnams ni 'di skad du tshe rdzas gzhan kho na cig yod do zhes ni brjod de/ /srog drod dang 'dre bar 'byung ba'i phyir te/ rdzas su med pa la ni 'dre ba mi 'thad do/ /yang ci tshe zad pa kho nas zhes bya ba la sogs pa 'byung ngo //'on te gzhan du yang yin zhe na zhes bya ba la/ tshe yod kyang rgyu mtshan gzhan gyis yin zhes bya ba'i don to/ /btags pa las zhes bya ba 'dis ni tshe yod kyang 'chi ba yod do zhes ston par byed do/ /dang po ni tshe'i rnam par smin pa can yin gyi/ longs spyod kyi rnam par smin pa can ni ma yin te/las kyis 'phangs pa'i srog gi dbang po rgyun yongs su rdzogs pa'i phyir tshe'i rnam par smin pa can gyi las yongs su gtugs pa yin no/ /gnyis pa ni longs spyod kyi rnam par smin pa can no/ /las yongs su gtugs pa las so zhes bya bar sbyar te/ tshe'i rnam par smin pa can ni ma yin no/ /gsum pa ni gnyis ka'o/ /tshe dang longs spyod rnam par smin pa can dag ste/ las yongs su zad pa las zhes bya bar sbyar ro/ /bzhi pa ni tshe dang longs spyod kyi rnam par smin pa can las dag ma zad kyang ya nga ba yongs su mi spong bas so/ / bag med pa spyod pas so zhes bya ba'i tha tshig go/ /mar me bzhin te/ ji ltar mar me ni res 'ga' snying po zad pa nyid las 'gag la/ res 'ga' ni 'bru mar zad pa nyid las yin gyi/ snying po zad pa las ni ma yin no/ /res 'ga' ni gnyis ka zad pa las/ res 'ga' ni gnyis ka yod kyang rlung la sogs pas so//tshe btang bas las brjod par bya'o/ /brjod par mi bya ste/ mu dang po'i khongs su 'du ba'i phyir ro/ /de'i tshe rnam par smin pa can gyi las gang yin pa de longs spyod kyi rnam par smin par 'gyur bas/ tshe zad pa kho nas 'chi ba yin no/ /tshe zad na zhes bya ba rgyas par 'byung ba la/longs spyod zad na tshe yod pa yang ltos nas longs spyod zad pas 'chi bar bya ba la/ nus pa yod na tshe zad na bzlog par bya ba med pa'i phyir/ longs spyod zad pa 'chi bar bya ba la nus pa de'i phyir/ gnyis ka zad pa las zhes bya ba'i mu gsum pa mi rigs te/de'i phyir srid pa'i dbang du byas nas gnyis ka zad pa las 'chi bar bshad de/ tshe zad na bsod nams zad pa la 'chi bar bya ba la nus pa yod pa ni ma yin no/ /yang bstan bcos gzhan gyi sgo nas dus ma yin par 'chi ba yod par bstan pa'i phyir/ ye shes la 'jug pa las zhes bya ba rgyas par smos so//bshad pa 'dis ji ltar dus ma yin par 'chi ba bstan zhes mi shes shing 'dri ba ni/ bshad pa 'di'i don gang yin zhes bya ba'o/ /gang la lus la gnod pas zhes bya ba la/ 'gog pa'i 'du shes med pa'i snyoms par 'jug pa la snyoms par zhugs pa ma gtogs pa'i 'dod pa na spyod pa rnams kyi lus la gnod par bya bar nus te de'i phyir de dag gi tshe la ni lus la gnod par byas pas gnod pa yin te/lus kyi rgyud la ma ltos pa'i tshe 'jug pa med pas lus kyi rgyud la rag las pa'i phyir ro/ /dang po yin no zhes bya ba la/ 'dod pa ni spyod pa zhes bya ba nas brtsams te/rgyud la rag las te 'jug pa zhes brjod par bya'o zhes bya ba'i bar 'di ni dang po'o/ /gzugs dang gzugs med pa na spyod pa rnams dang / 'dod pa'i khams su 'gog pa dang / 'du shes med pa'i snyoms par 'jug pa rnams la ni rten la gnod pa byas pas tshe la gnod pa med de/rang dang gzhan gyi gnod pa'i yul las 'das pa'i phyir ro/ /de'i phyir de ni/ de ltar skyes pa bzhin gnas pas bar skabs su rgyun rnam par 'chad pa med do/ /gnyis ka yin no zhes bya ba la/ snyoms par zhugs pa rnams dang zhes bya ba nas brtsams nas brjod par bya'o zhes bya ba'i bar 'di ni gnyis pa'o//glo bur dang bcas pa ni dang po yin no/ /de glo bur dang bcas pa ni lus la gnod pa byas pa'i sgo nas te/ gegs dang bcas zhes bya ba'i don to/ /glo bur med pa ni gnyis pa yin no zhes bya ba la/ de'i rten la gnod pa med pa'i phyir 'di ni glo bur med cing gegs med pa yin no//de lta bas na dus ma yin par 'chi ba ni yod do zhes bya ba ni gang gi phyir tshe rgyud la rag las pa dang / glo bur dang bcas pa bshad pa'i phyir ro/ /mdo las zhes bya ba rgyas par 'byung ba la/ chos mngon pa las bshad pa 'ba' zhig tu ma zad de/ 'o na ci zhe na/ mdo las kyang dus ma yin par 'chi ba gsungs so/ /bdag rgyur gyur pa'i 'chi ba ni bdag nyid 'chi ba'o/ /gzhan rgyur gyur pa'i 'chi ba ni gzhan gyis gsod pa'o/ /mu bzhir zhes bya ba 'byung ngo / /dang po la/ rab tu dga' ba dang / yid rab tu 'khrugs pa dag gis zhes bya ba la/ lha rtsed mos myos pa rnams ni rab tu dga' ba ste/ de dag ni shin tu rtse ba dang dga' ba la sogs pas lus dub pa dang / dran pa myos pa dag gis gnas de nas 'chi bar 'gyur/ yid rab tu 'khrugs pa rnams ni yid rab tu 'khrugs pa ste/ de dag ni phan tshun mig gis mig la bltas pas yid 'khrugs par 'gyur zhing /de nas gnas de nas 'chi bar 'gyur ro/ /sangs rgyas rnams kyi yang yin par brjod par bya ste zhes bya ba ni bdag nyid 'grongs par 'gyur gyi/ gzhan gyis 'grongs pa ni ma yin no zhes bya ba'o/ /de nyid la rgyu smras pa ni/ bdag nyid 'grongs pa'i phyir ro zhes bya ba ste/ sangs rgyas bcom ldan 'das rnams ni gnod pa mi mnga' ba'i chos can dang / sku tshe gtong ba la mnga' brnyes pa yin no/ /gnyis pa ni gzhan gyis gsod pa kho nar 'gyur gyi/ bdag nyid 'chi bar mi 'gyur ba ste/ mngal na 'dug pa nur nur po dang /gor gor po dang / mkhrang 'gyur dang / rkang lag 'gyus pa'i gnas skabs na 'dug pa dang / sgo nga na 'dug pa rnams la bdag nyid 'chi ba med pa'i phyir ro/ /gnyis ka ni bdag nyid 'chi ba dang / gzhan gyis gsod pa yin no/ /'dod pa na spyod pa gzhan dag ces bya ba ni gang dag bshad par gyur pa las gzhan pa rnams so//phal cher zhes bya ba smos pa ni 'chad par 'gyur ba'i srid pa bar ma la sogs pa 'dod pa na spyod pa rnams yongs su spang bar bya ba'i phyir ro/ /bzhi pa ni gnyis ka ma yin zhes bya ba ste/ bdag nyid 'chi ba ma yin zhing /gzhan gyis gsod pa ma yin pa'o/ /rgyal po'i drang srong dang / chos lan dang / mchog can dang / gang gA len la sogs pa rnams na sngon gyi gtam rgyud rnams las khong du chud par bya'o/ /rgyal ba'i pho nya ni ji srid pho nya'i don ma byas pa de srid du bdag nyid 'chi ba ma yin zhing /gzhan gyis gsod par mi 'gyur ro/ /rgyal bas bstan pa ni dus 'di srid cig gi bar du 'tsho bar 'gyur ro zhes bya ba'i dus de srid du bdag nyid 'chi ba yang ma yin la/ gzhan gyis gsod par yang mi 'gyur ro/ /srid pa tha ma pa zhes bya ba ni gang gis skye ba de nyid la dgra bcom pa nyid 'thob par 'gyur ba ste/de dag de ma 'thob par bdag nyid 'chi bar yang mi 'gyur la/ gzhan gyis gsod par yang mi 'gyur ro/ /de lhums na gnas pa zhes bya ba la ji srid byang chub sems dpa' lhums na gnas pa dang / 'khor los sgyur ba mngal na gnas pa de srid du yum bdag nyid 'chi bar mi 'gyur la/gzhan gyis gsod par yang mi 'gyur ro/ /yang ci'i phyir mdo las btsun pa zhes bya ba rgyas par 'byung ngo / /bsam gtan dang gzugs med pa gzhan dag na ni zhes bya ba la/ 'du shes med 'du shes med min las gzhan pa bsam gtan dang / gzugs med pa dag na ni nyon mongs pa gzhom par bya ba'i phyir bdag nyid 'chi ba ni rang gi sa pa'i 'phags pa'i lam la brjod do//gzhan gyis gsod pa ni nyon mongs pa gzhom pa kho na'i dbang du byas nas sa gong ma'i nyer bsdogs yin te/ des sa 'og ma dag las 'dod chags dang bral bar 'gyur ba'i phyir ro/ / des na gnyis ka med do zhes bya ba la/ 'du shes med 'du shes med min skye mched na ni rang gi sa pa'i 'phags pa'i lam yang med pa nyid la/ sa gong ma'i nyer bsdogs kyang med de/ de'i gong na sa gzhan med pa'i phyir ro/ /de [(]stan [,]lta na [)]'o na de na yang zhes bya ba rgyas par 'byung ba la/ de na yang mi lcogs pa med pa'i sa pa'i 'phags pa'i lam gzhan gyis gsod par 'gyur te/'di ltar zag pa med pa'i mi lcogs pa med pas thams cad las 'dod chags dang bral bar 'gyur ba dang / 'phags pa'i lam sa brgyad pos rang dang / gong ma'i sa las 'dod chags dang bral bar 'dod pa dang / srid pa'i rtse mor skyes pa'i phyir mi 'ong ba rnams kyis ci yang med pa'i skye mched mngon du byas par gyur pa las zag pa zad pa yin no/ /'o na ni mtha' smos pas de la sogs pa go'o zhes bya ba la/ 'dir mtha' ni 'du shes med 'du shes med min skye mched do/ /de la sogs pa ni de la sogs pa ste/mnyam par gzhag pa nyid du mtshungs pa'i phyir bsam gtan dang po'i bar yin gyi/ mnyam par ma bzhag pa'i phyir 'dod pa'i khams ni ma yin no/ /de la sogs pa go ba ni de la sogs pa go ba'o/ /srid pa'i rtse mor skyes pa ltar de la sogs par skyes pa rnams kyang bdag nyid 'chi bar mi 'gyur la/gzhan gyis gsod par yang mi 'gyur ro/ /gzhan las kyang de lta bu'i mtshan nyid can gyis bstan pa yod do zhes bstan pa'i phyir/ la lar ni mtha' yang dang pos zhes bya ba rgyas par 'byung ste/ 'dir ni dang po ni tshangs ris kyi lha dag yin la/mtha' ni tshangs pa'i mdun na 'don dag dang / tshangs pa chen po dag ste/ bde ba skye ba dang pos bsdus pa'i phyir ro/ /la lar dang po yang mthas go ste zhes bya ba rgyas par 'byung ba la/ 'dir mtha' ni 'od gsal ba rnams te/ de smos pas de'i dang po'i tshad med 'od pa rnams dang /'od chung ba rnams rtogs par 'gyur te/ bde ba skyes pa gnyis par 'dus pa'i phyir ro/ /'dir ni 'di lta ste zhes bya ba'i sgra 'di dper brjod pa yin pas zhes bya ba la/ gcig dpe nyid du brjod na de'i rigs can gzhan yang yod na 'di lta ste zhes bya ba'i sgra de yang 'di na med do//'dir 'di lta ste 'du shes med 'du shes med min skye mched du nye bar 'gro ba rnams yin no zhes ma gsungs te/ de'i phyir 'di lta ste/ tshangs ris kyi lha dag lta bu ste/ 'di lta ste/ 'od gsal gyi lha rnams lta bu zhes bya ba 'di ni nye bar sbyar du mi rung ngo / /gal te 'di lta ste zhes bya ba'i sgra de dper brjod pa yin na ni/'di lta ste/ mi rnams dang / lha kha cig go zhes bya ba 'dir thob par mi 'gyur ro/ /ci'i phyir zhe na/ gang gi phyir/ 'di lta ste zhes bya ba'i sgra 'di mi rnams dang / lha kha cig dper gyur pa dag dang dpe las 'byung ba'i don 'ga' yang sbrel bar mi byed de/lus tha dad cing 'du shes tha dad pa nyid ma lus pa dag bstan pa'i phyir ro/ /de lta bas na 'di ni nye bar bstan pa'i don zhes bya ba la/ lus tha dad cing 'du shes tha dad pa de dag /'di lta ste zhes bya ba'i sgra 'dis nye bar bstan pa de bzhin du 'dir yang mtha' smos pas de la sogs pa go'o//dper na tshangs ris kyi lha lta bu ste zhes bya ba dang / 'od gsal gyi lha rnams lta bu ste zhes bya ba'i mdo'i 'di lta ste zhes bya ba'i sgra 'di yang nye bar bstan pa'i don kho na yin no/ /ha cang thal bas chog go zhes bya ba la/ sgra gcig don du ma dang ldan pa nyid kyis gdon mi za bar 'dir nye bar bstan pa'i don yin pa'i phyir dpe'i don du mi 'gyur ba ma yin no zhes pa'i thal ba mthong ba yin no//srog bshad zin to/ /srog dang mtshan nyid rnams dang ni/ /zhes de'i mjug thogs su mtshan nyid rnams bstan pa de'i phyir/ mtshan nyid rnams dag ni skye ba dang zhes bya ba rgyas par smos so//'dus byas su mngon no zhes bya ba la/ 'di skad bstan par 'gyur te/ 'di dag ni 'dus byas kyi ngo bo gsal bar byed pa yin pa'i phyir 'dus byas kyi mtshan nyid dag go/ /bzlog pa ni zhes bya ba ni gang la med pa'o/ /de la skye bas na chos de skyed par byed do zhes bya ba la/ 'dis yongs su gzung ba'i dngos po rnams skye ba'i phyir ro//gnas pas ni gnas par byed do zhes bya ba la/ skyes la ma 'gags pa 'bras bu 'phen pa la gegs med par gnas par byed pa la nye bar gyur pa'i rgyu ni gnas pa yin pas gnas par byed do zhes bya ba'o/ /rga bas ni rgas par byed do zhes bya bas ni stobs chung bar byed de/'jig pa la mngon du phyogs par gnas par byed ces bya ba'i don to/ /mi rtag pa nyid kyis ni 'jig par byed do zhes bya ba la/ 'du byed 'gog pa la lhan cig skyes pa'i rgyu khyad par du 'phags pa ni mi rtag pa nyid do/ /mdo las gsum po 'di dag ni zhes bya ba la/mdo las ni 'dus byas kyi mtshan nyid gsum gsungs so/ /gal te 'dus byas kyi mtshan nyid bzhi yin na ni der bzhi pa yang brjod par 'gyur na/ gsungs pa yang ma yin la/ mdo ni tshad ma yang yin te/ de'i phyir 'dus byas kyi mtshan nyid ni gsum kho na yin no/ /bzhi pa ma bstan pa mi srid do snyam ste 'dri ba ni/der gang zhig ma gsungs zhes bya ba'o/ /gnas pa ni gzhan du 'gyur ba nyid kyi khyad par nyid du nye bar blangs pas 'dus byas kyi mtshan nyid du nye bar blangs so snyam du bsams pa'o/ /gnas pa dang gzhan du 'gyur ba ni gnas pa dang gzhan du 'gyur ba'o snyam du bsams nas/'o na ni zhes bya ba rgyas par smos so/ /'di ni rga ba'i rnam grangs yin te zhes bya ba la sogs pa la/ /ji ltar dngos po 'byung bas skye ba'i rnam grangs 'byung ba yin pa dang / dngos po 'jig pas mi rtag pa nyid kyi 'jig pa yin pa de bzhin du dngos po gnas skabs gzhan du bsgrub pa'i phyir gnas pa gzhan du 'gyur ba nyid ni rga ba'i rnam grangs yin no//mdo las ni yid byung ba'i phyir chos gang dag bya ba rgyas par 'byung ste/ mdo las bstan pa ni dgongs pa can yin gyi/ mtshan nyid pa ma yin la/ chos mngon pa las 'byung ba ni mtshan nyid pa yin gyi/dgongs pa can ma yin pas 'gal ba med do/ /yang dus 'pho bas zhes bya ba 'di ci zhig ce na/ ma 'ongs par gyur nas da ltar bar 'gyur ba dang / da ltar bar gyur nas 'das par 'gyur ba gang yin pa'o/ /skye bas ni 'du byed rnams zhes bya ba rgyas par 'byung ba la/ skye ba la sogs pa rnams la dus spo bar bya ba la nus pa yod do zhes bya bar ji ltar rtogs she na/ gal te de dag med na ji ltar 'das pa dang / ma 'ongs pa 'dus byas su rtogs/ 'dus ma byas kyang rang gi mtshan nyid la gnas pa yod pa'i phyir zhes bya ba la/ de'i phyir gnas pas 'dus byas su mi rtogs te/'khrul pa'i phyir ro/ /gnas pa ni 'dus byas dang 'dus ma byas kyi phyogs la brten pa'i phyir gdul ba rnams 'dus ma byas la yang 'dus byas ltar ram/ 'dus byas la yang 'dus ma byas ltar rtogs par 'gyur na ni/ mi rung bas the tshom mi za bar bya ba'i phyir de ma smos la/ gang dag 'dus byas mi 'khrul ba de dag ni mdo las 'dus byas kyi mtshan nyid du gsungs so/ /gnas pa dang rga ba bsdus te zhes bya ba la sogs pa la/ 'dir dgos pa ci zhig yod ce na/ de'i phyir/ 'di dag ni nang na chags pa'i gzhi yin pas zhes bya ba rgyas par smos so/ /'di dag gi nang na ste/ 'du byed kyi nang 'di na ste/ gnas pa ni chags pa'i gzhi ste/ chags pa'i gnas yin pas gnas pa de la ma chags par bya ba'i don du bcom ldan 'das kyis gnas pa dpal dang 'dra ba 'di rna nag ma dang lhan cig tu ste/ bkra shis ma dang lhan cig tu bstan to/ /gang gi phyir bkra shis dang bkra shis ma ma yin pa bzhin du 'di yang mi rtag pa nyid dang rjes su 'brel pa'i phyir 'di la chags par mi bya'o//de lta ma yin na ni gzhan du 'gyur ba tsam zhig gsungs par 'gyur te/ 'dir gnas pa'i tshig gis dgongs pa cung zad kyang mi rnyed pa'i phyir ro/ /de ltar bstan na 'dus byas kyi gnas pa gzhan du 'gyur ba nyid du mngon te/'dus ma byas kyi gnas pa la ni de med do/ /skye ba la sogs pa de dag kyang rtsa ba'i chos ltar 'dus byas yin pa'i phyir skye ba la sogs pa gzhan dag kyang yod par 'gyur ro zhe na/ de dag kyang skye ba'i skye ba la sogs zhes bya ba rgyas par 'byung ba la/ kha cig nges par gzung bar bya ba'i don du de dag la de dag kho na yod kyi/ de dag la gzhan ni ma yin no zhes kyang gi sgra 'don par byed do/ /bcom ldan 'das kyis gang las mthun pa'i mtshan nyid rnams gsungs she na/ skye ba la sogs pa rnams 'dus byas yin pa'i phyir dang / skye ba'i skye ba la sogs pa rnams kyang skye ba la sogs pa'i bdag nyid yin pa'i phyir/'dus byas skye bar yang mngon zhes bya ba la sogs par mtshan nyid kyi mdo de nyid las gsungs pa ma yin nam/ ji ltar 'dir mthun pa'i mtshan nyid rnams ma bsdus par 'gyur te/ thams cad la yang zhes 'byung ba'i phyir ro//'dus byas skye bar yang mngon la/ yang gi sgras ni skye ba'i skye bar mngon te/ gzhan gnyis la yang de dang 'dra'o/ /de lta ma yin na gsum ka la yang yang gi sgra gsungs pa la dgos pa cung zad kyang med do/ /re re la yang mtshan nyid bzhir 'gyur ba ma yin nam/mtshan nyid bzhi'i tshogs ni mtshan nyid bzhi'o/ /de dag la yang skye ba la sogs par thal bar 'gyur ba'i phyir zhes bya ba la/ 'dus byas yin pa'i phyir rtsa ba'i chos bzhin no/ /yang na rtsa ba'i skye ba la sogs pa rnams la yang skye ba'i skye ba la sogs pa dag khas blang bar mi bya'o zhe na/mi 'gyur te/ de chos brgyad dang gcig la 'jug ces bya ba rgyas par 'byung ngo / /'jug pa zhes bya ba'i sgra ni gnas pa dang byed pa yin pas 'dri ba ni/ 'jug pa zhes pa 'di ci zhe na zhes bya ba'o/ /phyi ma phyi ma bshad pa yin par bsams nas smras pa ni/ byed pa ste skyes bu'i rtsal lo zhes bya ba'o//de la skye ba chos brgyad la 'jug pa ni sor mo'i rtse mo dang / ral gri'i so la reg pa dang gcod pa ltar rang la byed pa 'gal ba'i phyir bdag nyid ma gtogs pa chos gzhan brgyad ma 'ongs pa'i dus spo ba la brjod do/ /gnas pa'i 'jug pa ni skye bas da ltar ba nyid du drangs pa'i tshe bdag nyid ma gtogs pa lhag ma gnas par byed pa ste/skye ba'i mtshan nyid med par ni de dag gnas par mi 'gyur ba'i phyir ro/ /rga ba'i 'jug pa ni gnas par gyur pa'i tshe bdag nyid ma gtogs pa'i nus pa 'joms par byed pa ste/ de lta ma yin na de dag bya ba byed pa'i nus pa ma bcom pa'i phyir 'gag pa nyid du mi 'gyur ro//mi rtag pa nyid kyi 'jug pa ni nus pa nyams pa'i tshe bdag nyid ma gtogs pa 'das pa'i dus su spo ba'o/ /skye ba'i skye ba la sogs pa ni chos gcig la zhes bya ba la/ skye ba'i skye ba ni skye ba kho na la 'jug gi /gzhan la ni ma yin no//mi rtag pa nyid kyi mi rtag pa nyid kho na la 'jug pa'i bar yang de dang 'dra'o/ /skye ba la sogs pa rnams dang / skye ba'i skye ba la sogs pa rnams nus pa tha dad pas chos brgyad dang gcig la 'jug pa nyid de/ yid kyi rnam par shes pa dang / mig gi rnam par shes pa yul mang ba dang /nyung ba can nyid yin pa bzhin no/ /yang na khyim bya mo la la las ni phru gu mang du 'brang bar byed la/ la la las ni phru gu nyung bar byed pa de dang 'dra'o/ /'jig rten dang lung las grags pa'i phyir dper brjod pa nyid nye bar bkod do/ /'dus byas kyi mtshan nyid rnams dngos po pa ma yin pa'i phyir na/nam mkha' dang 'dra bar bskyod pa zhes bya ba 'byung ste/ rnam par 'byed pa dang 'dra 'o snyam du bsams pa'o/ /ji ltar nam mkha' rnam par dbye bar mi nus pa'am/ mi rung ba de bzhin du skye ba la sogs pa'i chos yod pa ma yin pa 'di dag kyang rnam par dbye bar mi nus shing mi rung ba yin no//ji ltar rnam par 'byed pa ltar zhes bya ba la/ ji ltar rnam par 'byed ce na/ skye bas ni bdag nyid ma gtogs pa chos gzhan brgyad skyed par byed la/ skye ba'i skye bas ni de kho na skyed par byed pa ste/ de bzhin du gzhan dag la yang brjod par bya'o/ / ci de dag rnam pa gzhan du rnam par phye ba las rdzas su yod dam zhe na/ smras pa/ ma yin no/ /'o na tshig 'di la nus pa ci yod ce na/ nus pa 'di yod de/ gzhan gyi bya ba dang byed pa'i dngos pos rdzas su yod pa dag tu rnam par phye na/ bya ba dang byed pa'i rnam par dbye ba tsam gyi sgo nas de dag rdzas su yod par 'gyur ba yang ma yin no//'o na ci zhe na/ mngon sum mam/ rjes su dpag gam/ yid ches pa'i lung las yin no/ /de nyid kyi phyir tshad ma med pa'i phyir te 'chad do/ /tshig tsam la dad par mi 'gyur bas de'i phyir rgyu dris pa ni/ ci'i phyir zhe na zhes bya ba'o//tshad ma med pa'i phyir te zhes bya ba rgyas par 'byung ba la/ ji ltar gzugs la sogs pa zhes bya ba ni chos mi mthun pa'i dpe yin no/ /de la re zhig gzugs yod pa nyid la ni tshad ma mngon sum yin no/ /mig yod pa nyid la ni mig gi rnam par shes pa rjes su dpag pa yin no/ / gzugs dang ba zhes bya ba ni lung ngo / /de bzhin du sgra la sogs pa dag la yang sbyar bar bya'o/ /skye ba la sogs pa dag ni ming la sogs pas gzung bar bya ba ma yin la/ de dag yod pa nyid la nus pa dang ldan pa'i rjes su dpag pa yang yod pa ma yin te/ rtags med pa'i phyir ro/ /rdzas su yod pa nyid la lung yang yod pa ma yin no//ci gang las btags par yod pa nyid du 'gyur ba de dag btags par yod pa nyid la tshad ma yod dam zhe na yod de/ chos gang dag rdzas su yod pa nyid la tshad ma dmigs shing / yod do zhes bya bar yang kun du tha snyad 'dogs pa de dag ni btags par yod pa yin te/bum pa la sogs pa bzhin no zhes bya bar nges so/ /'o na gang mdo las zhes bya ba rgyas par 'byung ba la/ skye ba la sogs pa rnams rdzas su yod pa nyid la lung ni/ mdo las 'dus byas skye bar yang mngon zhes bya ba la sogs pa gsungs pa yin no zhe na/ lung 'di yod mod kyi/ 'dus byas kyi skye ba la sogs pa dag rdzas su yod do zhes bya ba 'di 'di'i don ni ma yin no//tshig shes pa ni lha rnams dga' ba yin gyi zhes bya ba la sogs pa la/ tshig shes pa ni gang dag rig byed kyi tshig tshad mar byed pa de dag yin te/ sangs rgyas kyi gsung ni don gyis rab tu phye ba yin pa'i phyir ro/ / gang dag lung dang / rtogs pa dang ldan pa grol ba'i bdag nyid can de dag ji ltar na tshig shes pa yin/ bcom ldan 'das kyis don la rton par gsungs so zhes bya ba ni don la rton par bya'i tshig 'bru la ni ma yin no zhes bya'o/ /'dus byas skye bar yang mngon zhes bya ba la sogs pa gang yin pa 'di'i don gang yin zhe na/ma rig pas mdongs pa'i byis pa rnams zhes bya ba la/ byis pa dang 'dra ba ni byis pa rnams te/ bya ba dang bya ba ma yin pa mi shes pa'i phyir na mu stegs can rnams so/ /'du byed gzugs dang tshor ba la sogs pa rnams kyi rgyun skye ba gcig gam gnas skabs kyi khyad par ro//mi shes pa'i gnyid kyis blo'i mig zum pa rnams ni 'du byed kyi rgyun bye brag nges par dka' ba gcig nyid du lhag par zhen cing / bdag gi snyam du sems kyi/ ma rig pas blo'i mig nyams par byas pa'i phyir rgyu yin no snyam du mi rtogs so//de'i phyir de la rtag pa dang gcig nyid du 'dzin pa sngon du 'gro ba can gyi bdag dang bdag gir mos pa yin la/ de las de la srid pa skye zhing / de dang mi 'bral bar 'dod pas mngon par zhen te/ chags pa yin no zhes bya ba'i don to/ /de zhes bya ba ni bdag dang bdag gir mos pa ste/bzlog par bya ba'i phyir zhes bya ba ni spang bar bya ba'i phyir ro/ /rten cing 'brel par 'byung ba nyid kyis ni 'dus byas nyid 'chad pa yin te/ 'dus byas nyid bstan pas bdag dang bdag gir 'dzin pa ldog par 'gyur ro/ /'dus byas nyid de yang skye ba la sogs pa bstan pa med par shes par mi nus pa'o//de'i phyir/ gsum po 'di dag ni zhes bya ba rgyas par bshad do/ /yang ji ltar mtshan nyid 'di dag rgyun kho na la bshad kyi/ skad cig la ma yin par shes she na/ de nyid kyi phyir/ skad cig ma la ni skye ba la sogs pa mi mngon no zhes bya ba smos te/skad cig ma nyid nges par ma zin pa'i phyir ro/ /bsdus par yang min te/ phan tshun 'gal ba'i phyir ro/ /skad cig ma la mi mngon pa dag ni de'i mtshan nyid yin par 'os pa yang ma yin te/ 'dis mtshon par byed pas na mtshan nyid yin na/rang nyid ma shes pas ni gzhan mtshon par byed pa ma yin no/ /de nyid kyi phyir mdo de las zhes bya ba rgyas par 'byung ba la/ gang gi phyir rgyun la skye ba la sogs pa dag mngon gyi/ skad cig ma la ma yin pa de'i phyir mdo las/ 'dus byas skye bar yang mngon zhes bya ba rgyas par 'byung ngo //gal te mdor skad cig la mngon par bzhed par 'gyur na ni de'i phyir skye ba yang 'dus byas kyi mtshan nyid yin/ 'jig pa dang / gnas pa gzhan du 'gyur ba yang mtshan nyid yin zhes de skad gsungs par 'gyur na/ gsungs pa yang ma yin te/ skad cig la mi mngon pa'i phyir ro//yang 'dus byas gnyis pa zhes smos pa ni zhes bya ba rgyas par 'byung ba la/ 'dus byas kyi mtshan nyid dag yin no zhes 'dus byas smos pa gnyis pa ni 'di dag ni 'dus byas kyi mtshan nyid yin no zhes bya bar shes par byas pa yin te/ 'dus byas kyi mtshan nyid dag ni 'dus byas kyi mtshan nyid dag yin pa'i phyir ro//de lta ma yin na gsum po 'di dag ni 'dus byas kyi mtshan nyid dag yin no zhes bya ba 'di tsam zhig gsung bar 'gyur zhing / 'di dag ni chu dang chu skyar lta bur 'dus byas kyi yod pa nyid kyi mtshan nyid dag yin no snyam du dogs par 'gyur ro/ /'di ni chos mi mthun pa'i sgo nas dpe yin no//ji ltar chu skyar chu yod pa nyid kyi mtshan nyid yin gyi/ chu nyid kyi ma yin pa de bzhin du 'di dag kyang 'dus byas kyi yod pa nyid kyi mtshan nyid yin gyi/ 'dus byas nyid kyi ni ma yin no zhes bya bar shes par 'gyur la/ yang na bu mo'i mtshan nyid ni dge ba dang mi dge ba nyid kyi yin gyi/bu mo nyid kyi ma yin pa de bzhin du 'dir yang dge ba dang mi dge ba nyid kyi mtshan nyid yin gyi/ 'dus byas nyid kyi ni ma yin no snyam du shes par 'gyur ro/ /'dus byas zhes bya ba smos pa gnyis pas ni 'di dag 'dus byas nyid kyi mtshan nyid yin gyi/yod pa nyid kyi ma yin zhing / dge ba dang mi dge ba nyid kyi ma yin no zhes bya bar shes par byas pa yin no/ /'dus byas nyid ni rgyu dang rkyen dag gis 'dus nas byas pa nyid do/ /yod pa ma yin pa'i phyir skye ba la sogs pa rnams skad cig ma ltar rgyun la yang rnam par gzhag pa dang /mngon par mi rung ngo zhe na/ skye ba la sogs pa med do zhes de skad du sus smras/ ji ltar rnam par 'byed pa de ltar med do zhes smras kyi/ bdag nyid thams cad kyis med par ni ma yin no/ /de ltar na gal te rgyun gyi skye ba ni gang yin/ 'jig pa ni gang yin/ gnas pa gzhan du 'gyur ba gang yin pa brjod par bya'o zhe na/ de'i phyir de la rgyun gyi dngos po ni skye ba yin no zhes bya ba rgyas par smos so/ /yang rgyun zhes bya ba ni gang yin zhe na/ rgyu dang 'bras bur gyur pa dus tha mi dad cing / yul rnam par ma chad pa rnams gcig nyid du brjod cing 'dzin pa gang yin pa ste/dper na nur nur po la sogs pa'i gnas skabs dag gi mi dang / myu gu la sogs pa'i gnas skabs dag gi 'bru bzhin no/ /de ni btags pa'i nye bar len pa dag las gzhan pa ma yin zhing / gzhan ma yin pa yang ma yin te/rdzas su yod pa nyid du thal ba'i phyir ro/ /med pa nyid kyang ma yin te/ bden pa gnyis khas blangs pa'i phyir ro/ /kun rdzob dang don dam pa'i bden pa yod pa nyid du ni 'dod pa yin no/ /rgyun gyi dang po ni skye ba yang yin no zhes bya ba la/ dang po ni skad cig ma thog ma ste/de nas rgyun 'jug pa'i phyir ro/ /gang du skyes pa'o snyam du mngon par 'gyur ba de ni dang po ste/ ji skad du/ skye ba gang zhe na/ phung po dang / khams dang / skye mched rnams kyi dang po skye ba de ni skye ba'o zhes bya ba la sogs pa gsungs pa lta bu'o/ /ldog pa ni 'jig pa yin no zhes bya ba la/rgyun gyi zhes bya bar sbyar te/ skad cig ma snga ma zhig pa dang / skad cig ma phyi ma nying mtshams mi sbyor ba ni ldog pa yin te/ ji skad du/ 'chi ba gang zhe na/ sems can gyi ris de nas 'chi 'pho zhing 'pho ba nyid do zhes bya ba la sogs pa gsungs pa lta bu'o/ / rgyun de nyid rjes su 'jug pa ni zhes bya ba la/ de rjes su 'jug pa yang gang yin zhe na/ rgyun rjes su 'jug pa ni skad cig ma snga ma zhig pa'i tshe skad cig ma phyi ma phyi mas bdag nyid thob pa'o/ /de'i zhes bya ba ni gnas pa'i snga phyi ste/ rgyu dang 'bras bu'i bye brag mi 'dra ba nyid kyi ni gnas pa gzhan du 'gyur ba yin no//rgyun gyi zhes bya ba ni thams cad la sbyar te/ skabs su bab pa yin pa'i phyir ro/ /yang na snga ma las phyi ma'i bye brag ste/ rgyu'i skad cig las 'bras bu'i bye brag ni zhes bya ba'i don to/ /de lta yin pas na zhes bya ba ni gang gi phyir rgyun nyid rjes su 'jug pa ni gnas pa yin pa'am/skye ba la sogs pa dag rgyun gyi mtshan nyid du bshad kyi skad cig ma'i ma yin pas so/ /rigs kyi bu dga' bo'i tshor ba ni rig bzhin du zhes bya ba rgyas par 'byung ba la/ rig bzhin pa'i skad cig ma ni dus phyi nas gnas mi srid de/skad cig ma yin pa'i phyir ro/ /tshor ba'i rdzas gcig ni skye ba dang / gnas pa dang 'jig pa'i dus dag tu sems gcig gis rig pa yang ma yin la/ rang gi bdag nyid la byed pa khas ma blangs pa'i phyir rang gi ngo bo rig pa yang yod pa yang ma yin no/ /mngon sum du byas par gyur pa la rig par khas len na yang dga' bo la gzhan dag pas ci zhig gsungs par 'gyur/de'i phyir rgyun kho na'i dbang du mdzad nas bcom ldan 'das kyis/ rigs kyi bu dga' bo'i tshor ba ni rig bzhin du skye'o zhes rgyas par gsungs kyi/ skad cig la ni ma yin no//bshad ma thag pa'i don nyid kyi tshigs su bcad pa gnyis kyis bstan par bya ba'i phyir/ rgyun gyi dang po skye ba yin/ /zhes bya ba smos te/ thams cad don go bar zad do/ /chad pa 'jig pa zhes bya ba 'dir snga ma bzhin no/ /gnas pa de zhes bya ba la/ rgyun de nyid gnas pa yin na ni/de nyid ces bya ba ni rgyun de nyid kyi'o/ /snga phyi'i bye brag ces bya ba la snga ma ni rgyu'o/ /phyi ma ni 'bras bu ste/ rgyu las 'bras bu'i rigs mi mthun pa skye ba zhes bya ba'i don to/ /sngon med las byung skye ba ste/ /zhes bya ba la/ don ni de nyid du zad do/ /rnam grangs gzhan gyis bshad pa ste//sngon med las byung skye ba ste/ /zhes bya ba ni ma byung ba las byung ba zhes bya ba'i don to/ /rgyun gnas zhes bya ba ni snga ma bzhin no/ /de chad 'jig pa yin zhes bya ba ni rgyun chad pa'o/ /skad cig ma yi chos la ni/ /zhes bya ba rgyas par 'byung ba la/ skad cig ma'i chos ni gnas pa med par 'jig par 'gyur te/de'i phyir 'di'i gnas pa khas len pa yin no/ /chos de yang gnas pa med du zin yang 'jig par 'gyur ba nyid de/ skad cig ma yin pa'i phyir ro/ /de'i phyir 'di'i gnas pa rtogs pa don med do/ /de lta bas na gnas pa ni rgyun kho na yin no zhes bya ba ni gang gi phyir skad cig ma'i chos la gnas pa yongs su rtogs pa don med par 'gyur bas so//de ltar bshad nas zhes bya ba ni gang gi phyir rgyun kho nas gnas pa yin pas so/ /chos mngon pa las zhes bya ba rgyas par 'byung ba la/ skyes pa smos pa ni ma skyes pa bsal bar bya ba'i phyir ro//skad cig ma gcig mi 'jig pa yin no zhe na/ gal te gnas pa med na skad cig ma gcig po de yang med par 'gyur na ni/ bsam pa 'di 'gyur ba zhig na/ yod pa nyid ni rgyu dang rkyen sngon du 'gro ba can yin pa'i phyir na ma yin te/ 'di yod pas 'di 'byung ngo zhes bya ba 'byung ba'i phyir ro//skyes pa skad cig ma la ni 'jig pa med de/ skad cig ma ma yin pa nyid du thal bar 'gyur ba'i phyir ro/ /de'i phyir 'du byed skyes pa rnams la mi 'jig pas rgyun chags par 'brel pa'i dbang du mdzad nas gsungs kyi/ skad cig ma ni ma yin no zhes bya bar rtogs so/ /gang yang ye shes la 'jug pa las zhes bya ba rgyas par 'byung ba la/ der ni gcig la zhes 'byung ba'i phyir/ sems kyi skad cig kho na bzhed do snyam du sems pa bsal bar bya ba'i phyir nye bar bkod de/ der yang ris mthun pa'i sems la rigs kyi sems kyi skad cig ma yin no snyam du bsams pa'o//ris mthun pa'i sems ni dang por nying mtshams sbyor ba'i skad cig ma nas/ 'chi ba'i mthar thug pa skye ba gcig gi bdag nyid can yin no/ /'dir gang las she na/ gang gi phyir 'jig pa gang zhe na/rnam par 'jig pa'o zhes lan brjod par bya ba la/ 'chi ba'o zhes smras pa des na/ ris mthun pa'i sems la dgongs pa yin no zhes bya bar rtogs so/ /gang gi phyir skad cig ma yin pa'i phyir/ skad cig ma gcig gnas pa dang / de gzhan du 'gyur ba'i rga ba yin par ma grub pa de'i phyir der ris mthun pa'i sems la rung gi /sems kyi skad cig la ni ma yin no/ /skad cig re re la yang zhes bya ba rgyas par 'byung ba la/ gnas skabs kyi khyad par zhes bya ba ni dus tha dad pa dang / tha mi dad pa rnams la yin no zhes 'byung ba'i phyir/ skye ba la sogs pa dag ni gnas skabs kyi khyad par yin no//skye ba ni sngar med pa las 'byung zhing bdag nyid du red pa'o/ /skye ba ni skye ba po las rdzas gzhan yin par 'os pa yang ma yin te/ dngos po ma skyes pa nyid du thal ba'i phyir ro/ /de'i skye ba'i rgyu yin pa'i phyir skye ba nyid du rtag go zhe na/ rkyen thams cad skye ba nyid du thal bar 'gyur te/ de'i skye ba'i rgyu nyid du khyad par med pa'i phyir ro/ /de'i phyir/ skad cig re re la ma byung ba las byung ba ni skye ba yin gyi/ rdzas gzhan ma yin no/ /bdag nyid rnyed pa'i bdag nyid log pa ni 'jig pa yin gyi/ don gzhan du gyur pa ma yin te/de ldog pa med par thal bar 'gyur ba'i phyir ro/ /de'i phyir byung nas med pa ni 'jig pa yin gyi rdzas gzhan ni med do/ /rgyu dang 'bras bu rjes su 'brel pa pa ni gnas pa yin gyi/ skyes pa mi 'jig pa ni ma yin te/ skad cig ma ma yin pa nyid du thal bar 'gyur ba'i phyir ro//'di ltar smra ba po dag da rung du yang mar me de nyid 'jug go zhes zer ba yin no/ /de'i phyir/ snga ma snga ma dang skad cig ma phyi ma rjes su 'brel pa ni gnas pa yin gyi/ don gzhan du gyur pa ni med do/ /rgyu'i skad cig ma las 'bras bu'i skad cig ma bye brag tu gyur pa ni gnas pa gzhan du gyur pa yin gyi/skad cig ma gcig la ni ma yin te/ gnas pa gzhan du 'gyur ba nyid ni gnas pa de skad cig ma snga ma dang mi 'dra ba nyid yin gyi/ don gzhan du gyur pa ni ma yin no/ /'du byed kyi rgyun la bdag tu mos pa rnams kyi bdag tu mos pa bzlog par bya ba'i phyir/rgyun dang skad cig ma du ma'i tha dad pas tha dad pa rnams la bzlog par bya ba ma yin par bzhed nas/ lus skye bar yang mngon zhes bya ba la sogs pa'i mdo 'di brtsams pa de lta na yang gang gi tshe 'dra bar yang skyes so/ /de'i tshe mi 'dra ba nyid med pas gnas pa gzhan du 'gyur ba nyid med do snyam du bsams pa'o//de dag 'dra bar yang dmigs mod kyi/ rnam pa thams cad du khyad par med pa ma yin no/ /'dra bar dmigs kyang rnam pa thams cad du khyad par med pa yin no zhes bya ba 'di ci ltar shes she na/ de'i phyir/ rdo rje la sogs pa 'phangs pa dang / ma 'phangs pa dang / stobs chen po dang / stobs chung ngus 'phangs pa zhes bya ba la sogs pa smos so/ /'phangs pa dang / ma 'phangs pa ni 'phangs pa dang / ma 'phangs pa dag go/ /stobs chen pos 'phangs pa dang /stobs chung ngus 'phangs pa ni stobs chen po dang / stobs chung ngus 'phangs pa dag ste/ 'di ni 'phangs pa'i dbye ba rnam pa gnyis yin no/ /'phangs pa dang / ma 'phangs pa dag dang / stobs chen po dang / stobs chung ngus 'phangs pa dag ni 'phangs pa dang ma 'phangs pa dang /stobs chen po dang stobs chung ngus 'phangs pa'o/ /rdo rje la sogs pa de ni 'phangs pa dang / ma 'phangs pa dang / stobs chen po dang / stobs chung ngus 'phangs pa ste/ dngos po gcig dang 'dra bar byas pa'i phyir ro/ /sogs pa zhes bya ba'i sgras ni lcags dang /rdo la sogs pa dag bsdu'o/ /bul ba dang / myur ba dang / ches myur bar ltung ba'i dus kyi bye brag las zhes bya ba la/ stobs chung ngus 'phangs pa ni myur du ltung la/ stobs chen pos 'phangs pa ni ches myur bar ltung ngo / /dus de'i bye brag ni bul ba dang / myur ba dang / ches myur ba'i dus kyi bye brag ste/ bul ba dang / myur ba dang / ches myur ba'i dus kyi bye brag de las so/ /de'i 'byung ba rnams zhes bya ba ni rdo rje la sogs par 'byung ba rnams so/ /yongs su 'gyur ba'i bye brag 'grub pa'i phyir ro zhes bya ba la/ bul ba dang / myur ba dang / ches myur bar ltung ba'i dus kyi bye brag las rdo rje la sogs pa'i 'byung ba chen po 'phangs pa la sogs pa de rnams yongs su 'gyur ba'i bye brag 'grub pa yin no//ji ltar zhe na/ ma 'phangs pa ltung ba na nam mkha' la skad cig ma rnams yul tha mi dad pa'i skad cig ma gzhan dag gi rgyur 'gyur la/ches nyung ba rnams yul tha dad pa'i skad cig ma gzhan skye ba'i rgyur 'gyur ro/ /stobs chung ngus 'phangs na ni ha cang mang ba yang ma yin/ ha cang nyung ba yang ma yin pa rnams rang gi yul dang / yul gzhan du skad cig ma gzhan skye ba'i rgyu yin no/ /stobs dang ldan pas 'phangs na ni rang gi yul du ches nyung ba rnams yul gzhan du skad cig ma gzhan mang po dag skye ba'i rgyu yin no//gang dag gdon mi za bar rang gi yul dang / yul gzhan du skad cig gzhan gyi rgyu yin pa de dag ni bye brag khas blang bar bya'o/ /rdo rje la sogs pa de dag la ji skad bshad pa'i yongs su 'gyur ba med par bul ba dang /myur ba dang / ches myur ba'i dus kyi bye brag mi rung ba de'i phyir 'du byed thams cad la skye ba bzhin du gzhan du 'gyur ba nyid mi 'gal lo/ /gal te 'du byed kyi khyad par ram/ lci ba nyid las bul ba dang / myur ba dang / ches myur bar ltung ba'i dus kyi bye brag tu 'gyur ro zhe na/ de ni mi rigs te/ 'du byed bkag zin pa'i phyir dang / lci ba nyid la khyad par med pa'i phyir ltung ba'i dus kyi bye brag mi 'thad do/ /gal te rdo rje la sogs pa dag la yang snga ma las skad cig ma phyi ma mi 'dra bar skye na/khyad par de ci'i phyir mi 'dzin ce na/ de'i phyir/ 'du byed rnams ni bye brag gi khyad par mtshar cig med pas zhes bya ba rgyas par smos so/ /'du byed gang dag khyad par te bye brag rags pa med cing / phra ba yod pa de dag ni khyad par med pa kho nar 'dzin gyi khyad par du ni ma yin te/phra ba'i phyir ro/ /de'i phyir/ de dag 'dra ba zhig tu snang ste mtshe ma bzhin no/ /'o na ni sgra dang me lce'i skad cig ma tha ma zhes bya ba rgyas par 'byung ba la/ skad cig ma phyi ma snga ma las bye brag tu gyur pa gnas pa bzhin du 'gyur ba nyid yin na/ rgyun 'chad pa'i dus dang /yongs su mya ngan las 'das pa'i dus na/ gang gi bye brag snga ma'i gnas pa gzhan du 'gyur ba nyid du rnam par gzhag pa sgra dang me lce'i skad cig ma dang / skye mched drug gi skad cig ma las skad cig ma gzhan mtshams sbyor ba ma yin te/ de ltar na sgra dang me lce'i skad cig ma tha ma dag dang /yongs su mya ngan las 'das pa'i tshe skye mched drug gi skad cig ma la gnas pa gzhan du 'gyur ba nyid med pa'i phyir/ mtshan nyid rnam par gzhag pa 'du byed thams cad la ma khyab pa can du 'gyur ro/ /'dus byas kyi mtshan nyid ni zhes bya ba rgyas par 'byung ba la/'dus byas kyi mtshan nyid kyi mdo las gnas pa kho na mtshan nyid du ma brjod de/ 'o na ci zhe na/ gnas pa gzhan du 'gyur ba nyid kyang yin te/ gnas pa skad cig ma phyi ma rjes su 'brel pa'i mtshan nyid can gyi gzhan du 'gyur ba nyid kyang yin no/ /de'i phyir skad cig gang la gnas pa 'bras bu'i mtshan nyid can yin pa de la ni gnas pa de yod dang gdon mi za bar gnas pa gzhan du 'gyur ba mi 'dra ba nyid kyang yod mod kyi/gang la gnas pa med pa de la gnas pa gzhan du 'gyur ba nyid kyang med de/ dper na sgra dang me lce'i skad cig ma tha ma dag dang /yongs su mya ngan las 'das pa'i tshe'i skye mched drug gi skad cig ma bzhin no/ /de ltar na gang la gnas pa med pa de'i mtshan nyid ni skye ba dang 'jig pa gnyis kho na yin no zhes bstan par 'gyur bas rnam par gzhag pa nyams pa med do/ /gal te gnas bzhin pa la gzhan du 'gyur ba nyid med na ni mtshan nyid rnam par gzhag pa ma khyab pa can du 'gyur ba zhig go//sgra dang me lce'i skad cig ma tha ma rnams kyang gnas pa zhes bya ba rgyun gyi khongs su 'du ba'i phyir la/ de la gzhan dang gzhan du 'gyur ba'i yod pa'i phyir mtshan nyid gsum char yang srid do zhes bstan pa'i phyir yang mdor na bcom ldan 'das kyis ni zhes bya ba rgyas par smos so//ji skad bshad pa'i tshul bzhin du mtshan nyid rnam par gzhag pa brjod par bya'o/ /da ni ji ltar na mtshan nyid kyi gzhi'i chos de nyid kyi mtshan nyid ces bya ba rgyas par 'byung ba la/ chos kho na ma byung ba las byung ba dang / byung nas yang mi 'byung ba dang /rgyu las 'bras bu rigs mi 'dra ba skye ba zhes bya ba gzhan du 'gyur ba nyid yin na mtshan nyid kyi gzhi'i chos gang yin pa de ni rang gi bdag nyid kyi mtshan nyid yin no zhes khas blangs par 'gyur na de ni 'thad pa yang ma yin te/ gzhan gyis gzhan mtshon par byed pa'i phyir te/me dang du ba bzhin no/ /de'i phyir dngos po rnams kyi mtshan nyid kyi gzhi'i chos gang yin pa de nyid de'i mtshan nyid du mi rung ngo zhe na/ re zhig ji ltar zhes bya ba rgyas par 'byung ste/ skyes bu chen po dang ba lang ni tshogs pa'i bdag nyid yin zhing / skyes bu chen po'i mtshan nyid rnams dang /lkog shal la sogs pa dag ni tshogs pa can gyi rang bzhin yin la/ bye brag pa rnams kyi ltar tshogs pa can rnams tshogs pa las gzhan nyid kyang ma yin mod kyi/ 'on kyang gzhan nyid med kyang skyes bu chen po'i skyes bu chen po nyid dang / ba lang gi ba lang nyid kyi mtshan nyid yin no//skyes bu chen po ni mtshan nyid tsam zhig kyang ma yin no/ /gal te skyes bu tshogs pa tsam zhig yin na ni ma byung ba las byung zhing / byung nas kyang med par 'gyur la/ chos kyang skye ba 'am 'gags pa na 'khor dang bcas pa skye ba 'am 'gags par 'gyur te/dper na sems dang sems las byung ba dang / 'byung ba dag dang / 'byung ba las gyur pa lhan cig skye zhing 'gag pa bzhin no/ /de'i phyir ji ltar skyes bu chen po'i mtshan rnams skyes bu chen po'o zhes bya ba dag dang / skyes bu chen po'i mtshan zhes bya ba dag tu 'gyur ba de bzhin du 'dus byas kyi chos kyang 'dus byas dang /'dus ma byas kyi mtshan nyid yin no zhes bya ste/ skye ba la sogs pa'i mtshan nyid gnas skabs kyi khyad par gyis ni chos de mtshon par byed pa'i phyir ro/ /sa'i khams la sogs pa'i mtshan nyid sra ba nyid la sogs pa zhes bya ba rgyas par 'byung ba la/dpe 'di ni gnyis la grags pa yin te/ sa'i khams ni sra ba'i mtshan nyid can no zhes brjod la/ sra ba sa'i khams las gzhan pa yang ma yin pa de bzhin du gzhan la yang sbyar bar bya'o/ /sa'i khams de nyid sra bas mtshon pa na sra ba zhes bya ba yin pa de bzhin du 'dus byas de nyid ma byung ba las byung zhing /byung nas kyang med pas mtshon pa na 'dus byas kyi mtshan nyid ces bya ste/ mtshon par bya bas na mtshan nyid do/ /gzhan yang ji ltar gyen du 'gro ba zhes bya ba la/ gyen du 'gro ba ni bar chad med par yul gong mar skye ba'o//de ni de las kyang mi gzhan pa ltar zhes bya ba la/ gyen du 'gro ba de'o/ /de las kyang zhes bya ba ni du ba las so/ /chos mngon pa pa skad cig mar smra ba'i ltar na ni du ba'i gyen du 'gro ba gzhan yod pa ma yin gyi/ de nyid gyen la yul gzhan dag tu skye ba na gyen du 'gro ba zhes bya ba 'thob cing /de las gyen du 'gro ba tha dad pa ltar mngon pa de bzhin du skye ba dang / 'jig pa dang / gzhan du 'gyur ba nyid kyang de las tha dad pa lta bur mngon no/ /'dir yang tshul de nyid yin te/ me dang du ba'i tshul ni ma yin no/ /'di ltar skye ba la sogs pa dag kyang 'dus byas las gzhan ma yin mod kyi/'on kyang 'dus byas nyid kyi mtshan nyid yin no zhes bya bar mi 'gal lo/ /'dus byas gzugs la sogs pa rnams ni ji srid du de dag snga na med pa la sogs pa dag tu mi shes pa de srid du 'dus byas nyid du ma nges te/ 'di ltar sgra'i rang gi ngo bo rtogs kyang rtag par smra ba rnams kyis sgra 'dus ma byas su rtogs pa yin no//ji srid du snga na med pa dang / phyis med pa mi shes pa na ste/ ci zhe na/ rang gi ngo bo zhes skabs dang sbyar ro/ /phyis med pa ni zhig nas med pa'o/ /rgyun gyi bye brag ni gzhan du 'gyur ba nyid do//de ltar na 'dir mtshan nyid gsum dag bshad par 'gyur te/ 'dir gzugs la sogs pa ni chos can no/ /rgyu dang rkyen la rag las te/ bdag nyid thob pa nyid ni 'dus byas nyid do/ snga na med pa dang / zhig nas med pa dang / gzhan du gyur pa nyid dag ni mtshan nyid yin te/gnas skabs kyi khyad par yin pa'i phyir ro/ /'dir bstan bcos mkhan pos slob dpon nyid kyi shing rta'i gcig pa nyid kyi phyogs [(]gyi [,]kyi[)]tshig khyad du bsad nas mtshan nyid rnams brjod du med pa nyid khas blangs te/ btags par yod pa mtha' dag gi mtshan nyid 'di yin te/ 'di lta ste/ 'di nyid dang gzhan nyid du brjod du med pa nyid do/ /de nyid kyi phyir/ de lta bas na de nyid kyis de mtshon pa yang ma yin la zhes bya ba smos so/ /de nyid kyi zhes bya ba ni 'dus byas nyid kyis so/ /de zhes bya ba ni 'dus byas nyid kyis yin par mtshon pa'o/ /'o na ci zhe na/ snga na med pa la sogs pas de 'dus byas nyid du mtshon par byed de/ de dag gzugs kyi rang bzhin ma yin pa'i phyir la/ gzugs la sogs pa'i rang bzhin nyid yin na yang de dag rdzas su yod pa nyid du thal bar 'gyur ro/ /de dag las skye ba la sogs pa zhes bya ba la sogs pa la/gzugs la sogs pa dag las rdzas gzhan nyid du yod pa yang ma yin te/ skye ba la sogs pa rnams btags par yod pa'i phyir te/ de skad du yang / rgyun gyi dbang po'ang skye ba yin/ /zhes rgyas par bshad do/ /cir 'gyur zhes bya ba ni lung ngam rigs pa dang 'gal snyam du bsams so//de dag ni lhan cig 'byung ba'i phyir zhes bya ba la/ skye ba la sogs pa dag chos dang lhan cig 'byung ba nyid du khas blangs pa'i phyir bya ba yod par thal bar 'gyur ro/ /de'i phyir/ chos gcig tu zhes bya ba la/ chos dang por skye bar 'gyur zhing / de nas gnas pa dang /de nas rga ba dang / de nas 'jig pa ni ma yin te/ de'i phyir de ltar na dus gcig tu skye ba dang / gnas pa dang / zhig par 'gyur ro/ /de lta ma yin te/ bya ba'i dus tha dad pa'i phyir ro/ /lhan cig 'byung ba'i rgyu yin pa'i phyir dus gcig tu skye ba la sogs par 'gyur mod kyi/'on kyang de dag gi bya ba'i dus tha dad de/ gang gi phyir skye ba ma 'ongs pa chos ma 'ongs pa la bya ba byed do/ /'di ltar ma skyes pa bskyed do zhes bya ba ni de nyid la rgyu smras pa'o/ /gang gi phyir skye ba'i bya ba ni skyed par byed pa yin gyi/ skyes zin pa la yang skyed par ni mi nus te/de'i phyir skye ba ma 'ongs pa kho nas chos ma 'ongs pa skyed par byed do zhes bya bar mi 'gal lo/ /da ltar gyi gnas skabs su ni bya ba gzhan zhig par 'gyur ro/ /skyes zin pa'i chos la ni zhes bya ba rgyas par 'byung ba la/ chos skyes pa ni gnas pa dang /rga ba dang / gzhig par nus kyi ma skyes pa ni ma yin te/ de'i phyir/ skyes zin pa'i chos la gnas pa la sogs pa da ltar ba bya ba byed do/ /de'i phyir/ gang gi tshe skye ba zhes bya ba la sogs pa 'byung ngo / /re zhig 'dir ci zhes bya ba rgyas par 'byung ba la ma 'ongs pa ni rdzas su yod pa ma yin pa kho na ste/de med na ji ltar skye ba ma 'ongs pa yod pa ma yin pas bskyed par bya ba skyed par 'gyur snyam du bsams pa'o/ /ma 'ongs pa de rdzas su yod du chug na yang skye ba bya ba med na zhes bya ba rgyas par 'byung ba la/ bya ba ma thob pa ni ma 'ongs pa yin par 'dod la/bya ba byed bzhin pa ni da ltar ba'o/ /bya ba zhig pa 'das pa yin no zhes de ltar dus rnam par gnas pa yin dang / skye ba bya ba byed na ji ltar ma 'ongs par 'grub par 'gyur te/ ma 'ongs pa'i dus ni skyes bu'i byed pa med pa'i phyir mi 'grub pa nyid do snyam du bsams pa'o//gal te rdzas su yod pa'i bya ba byed bzhin pa ma 'ongs pa yin na ni ma 'ongs pa'i mtshan nyid kyang brjod par bya'o/ /byung ba yang bya ba zhig pa yin na zhes bya ba rgyas par 'byung ba la/ bya ba zhig pa ni 'das pa yin par 'dod na/ gal te da ltar ba'i gnas skabs su skye ba bya ba zhig pa yin na yang 'das pa yin par 'gyur gyi/da ltar ba ni ma yin no/ /gnas pa la sogs pa yang cig car bya ba la 'jug pa yin na zhes bya ba rgyas par 'byung ba la/ skyes zin pa'i chos la da ltar ba gnas pa la sogs pa rnams bya ba byed par khas blangs pas de dag cig car bya ba la 'jug par khas blangs par 'gyur ro//de'i phyir skad cig ma gcig kho na la chos thams cad du 'gyur ro/ /'di gang gi tshe zhes bya ba rgyas par 'byung ba la/ gnas pa dang rga ba dang 'jig pa'i bya ba dag ni phan tshun 'gal ba'i phyir te/ chos la gnas pa yang yin la 'jig pa yang yin no zhes bya bar ni rnam par gzhag par mi rigs so//'di ci dus der zhes bya ba rgyas par 'byung ba la/ gnas pa la sogs pa rnams phan tshun 'gal ba'i phyir da ltar ba la yang bya ba med do snyam du bsams so/ /gang skye ba la sogs pa rnams kyang zhes bya ba la sogs pa la/ji ltar skyes pa mi skyed pa de bzhin du mi gnas pa mi rga la/ ma rgas pas mi 'jig pa de'i phyir/ gnas pa la sogs pa rnams kyang bya ba rim gyis byed do zhes zer ba de'i ltar na skad cig ma nyid la gnod par 'gyur ro/ /skad cig ma zhes bya ba ni dus thams cad pas chung ba yin na 'dir ni gnas pa dang /rga ba'i dus dag tu mi 'jig pa'i phyir skad cig ma gsum du gnas pas skad cig ma nyid la gnod par 'gyur ro/ /'on te 'di skad du zhes bya ba rgyas par 'byung ba la/ skad cig ma ni dus ji tsam gyis skye ba dang / gnas pa dang / rnam par 'gyur ba dang / 'jig pa rnams rdzogs par 'gyur ba'i dus de la brjod kyi/ skyes ma thag tu 'jig pa ni ma yin no zhe na/ de ltar na yang de dag dang lhan cig 'byung ba las zhes bya ba rgyas par 'byung ba la/ lhan cig 'byung ba rnams ni rim gyis bya ba byed par mi rung ste/sngon dang phyis khyad par med pa'i phyir dang / lhan cig byed pa'i rkyen khyad par med pa'i phyir ro/ /der yang sngar gnas pas bya ba byed kyi/ rga ba dang mi rtag pa nyid kyis ni ma yin no zhes bya ba 'di la rgyu ci zhig yod/ gnas pa stobs dang ldan pa'i phyir ro zhes bya ba ni rgyu smras pa ste/de ni stobs dang ldan pa'i phyir rga ba dang mi rtag pa nyid dag gi bya ba la gegs byas nas rang gi bya ba byed do/ /phyis ci'i phyir stobs dang mi ldan pa nyid du 'gyur zhes bya ba la/ gang las 'di chos dang lhan cig tu mi rtag pa nyid kyis 'joms par 'gyur ba gnas pa phyis stobs chung ba'i rgyu ni yod pa ma yin no//de'i phyir gnas pa la sogs pa rnams kyi bya ba ni skyes ma thag tu lhan cig tu yod par 'gyur ba'am/ gal te stobs dang ldan pa'i bya ba sngar 'dod na mi rtag pa nyid kyi bya ba kho na yin par 'gyur ro/ /bya ba byas pas zhes bya ba rgyas par 'byung ba la/'dis ni stobs dang mi ldan pa nyid kyi rgyu smras pa ste/ bya ba ma byas pa'i gnas pa ni rga ba dang mi rtag pa nyid dag pas stobs dang ldan pa'i yin gyi/ bya ba byas pas ni yang bya ba byed par mi nus te/ skye ba bzhin no/ /de'i phyir phyis chos dang lhan cig tu mi rtag pa nyid kyis 'jig par 'gyur ro//skye bas ni mi nus par rigs te zhes bya ba 'dis ni dpe don dang chos mi mthun par ston par byed do/ /skye bas ni da ltar ba nyid du khyer te/ 'ongs nas yang bkur bar mi nus so/ /de'i phyir 'dir bya ba byas zin pa yang bya ba byed pa la nus pa med pa'i rigs so/ /gnas pa bya ba byas pa zin pa nyid yang bya ba mi bya ba la ni rgyu yod pa ma yin te/gang gi phyir gnas pas ni gnas par bya ba yang gnas par bya bar yang nus pa'i phyir ro/ /yang na 'di la gegs byed pa yang gang zhig yin zhes bya ba la/ gal te bya ba byas zin pa yang bya ba byed pa la gegs byed pa 'ga' zhig yod na ni bya ba mi byed par 'gyur ba zhig na/gegs byed pa ni yod pa yang ma yin no/ gegs byed pa yod de/ rga ba dang mi rtag pa de dag kho na yin no/ /'di ltar stobs chung ba'i gegs byed pa ni stobs che ba yin no/ /gal te gnas pa bas stobs dang ldan pa zhig yin na ni sngon kho nas gnas pa rang gi bya ba mi byed par 'gyur te/de dag gis gegs byas pa'i phyir ro/ /gnas pa sngon stobs dang ldan pa yin la/ phyis stobs dang mi ldan no zhes bya ba 'di yang dad par byed pa dka' ba zhig go/ /de ltar na rga ba dang mi rtag pa dag kyang sngar stobs dang mi ldan la/phyis stobs dang ldan no zhes bya bar rtogs par mi nus so/ /gnas pa'i bya ba log na yang / /zhes bya ba rgyas par 'byung ba la/ gnas pa ni mi gnas pa dang 'gal ba'i sgo nas yin no/ /gnas pa'i bya ba zhig na yang rga ba dang mi rtag pa nyid dag kyang mi gnas la/ rga ba dang mi rtag pa nyid dag gang gi yin pa'i chos de yang mi gnas so/ /de dag ni gnas pas bya ba yongs su bzung bas gnas pa yin zhing / de zhig pas de dag nges par mi gnas pa yin pas ji ltar bdag nyid mi gnas pa'i rga ba mi rtag pa dag gis bya ba byed nus par 'dod/ chos mi gnas pa ni 'gag pa nyid yin na de 'gags na ni de gang zhig la bya ba byed par nus par 'dod/yang na rga ba dang mi rtag pa nyid de dag gis ci zhig bya ba cung zad kyang med do snyam du dgongs pa yin no/ /ci'i phyir zhe na/ de'i phyir/ gnas pa yongs su bzung ba'i phyir/ /zhes bya ba smos te/gnas pa yongs su bzung ba'i phyir chos skyes pa tsam de ma zhig pa yin no/ /de gnas pa des yal bar btang na ni zhes bya ba la/ gnas par ma byas pa ni nges par rang gi ngang kho nas mi gnas pa yin no/ /de nyid 'di'i 'jig pa yin no zhes bya ba ni mi gnas pa gang yin pa'o//re zhig chos skyes pa gcig la zhes bya ba rgyas par 'byung ba la/ skyes pa la mi 'jig pa med do zhes bya ba khas ma blangs par brjod par bya'o/ /gcig la rga ba ni zhes bya ba la sogs pa la/ rga ba zhes bya ba ni 'jig pa dang mthun pa skyes pa'i gnas skabs gzhan du 'gyur zhing rnam par 'gyur ba yin no//de nyid las de'i rnam pa gzhan du ni rung ba ma yin no/ /gal te 'di de kho na yin na ji ltar gzhan du 'gyur ba yin la/ gzhan du 'gyur ba yin na ji ltar de kho na ltar yin te/ de kho na bzhin dang / gzhan du 'gyur ba zhes bya ba 'di ni 'gal lo/ /de bzhin na ni zhes bya ba rgyas par 'byung ba la/rnam pa de lta bu dang / de lta bu'i rang bzhin las ma nyams zhes bya ba'i don to/ /de lta na ni 'o na rga ba mi 'grub po/ /gzhan yang 'gyur na de bzhin nyid de/ lha sbyin dang mchod sbyin gnyis bzhin no/ /de lta bas na dngos po skad cig ma gcig la rga ba zhes bya ba mi 'thad de/'o na ci zhe na/ rgyun kho na la 'thad do/ /gang yang sde pa gzhan dag na re zhes bya ba rgyas par 'byung ba la/ 'jig pa'i rgyu dang phrad nas mi rtag pa nyid kyis 'jig pa'i phyir la/ gnas pa ni rgyu gzhan la mi ltos par gnas par byed pa de'i phyir gnas pa dang mi rtag pa nyid kyi bya ba dus tha dad do zhes zer ro//'jig pa'i rgyu de nyid kyis 'jig na zhes bya ba la/ 'jig pa'i rgyu yod na 'jig pa'i phyir [(]dad [,]dang [)]de med na mi 'jig pa'i phyir la/ mi rtag pa nyid kyis ni de yod pa ma yin pas mi rtag pa nyid don med par brtags pa yin te/ 'jig pa'i rgyu ltar de la 'jig par bya ba la nus pa ma mthong ba'i phyir ro//de bzhin du lha dang 'khru ba dag la yang brjod par bya'o/ /sems dang sems las byung ba rnams skad cig ma nyid du khas blangs pas de dag gi mi rtag pa nyid ces bya ba la/ sems dang sems las byung ba dag gi mi rtag pa nyid 'jig pa'i rgyu la mi ltos pa'i phyir na/rang nyid 'jig pa'i phyir 'jig pa yin no/ /de lta ma yin na de dag skad cig ma nyid yin pa la gnod par 'gyur ro/ /de'i phyir gnas pa dang mi rtag pa dag dus tha mi dad par bya ba byed par thal bar 'gyur bas/ sems dang sems las byung ba rnams dus gcig tu gnas pa dang /'jig pa nyid du thal bar 'gyur ro/ /de lta bas na rgyun la 'dus byas kyi mtshan nyid 'di dag ces bya ba la sogs pa 'byung ngo / /de lta na mdo sde 'di zhes bya ba la/ gsum po 'di dag ni 'dus byas kyi mtshan nyid de zhes rgyas par gang gsungs pa legs par drangs par 'gyur ro//skye ba la sogs pa rnams rgyun la 'gal ba med pa'i phyir 'dus byas kyi mtshan nyid 'di dag rgyun la bshad pa de ltar na legs par drangs par 'gyur gyi/ skad cig gi dbang du byas nas bshad na ni ma yin te/ ji skad du bshad pa'i tshul dang 'gal ba'i phyir ro//gzhan yang gal te ma 'ongs pa'i skye ba zhes bya ba rgyas par 'byung ba ni thams cad skye ba dang ldan pa'i phyir dang / ma 'ongs pa'i skye ba skyed par byed pa nyid du khas blangs pa'i phyir 'dri ba'o/ /rgyu dang rkyen dag med par ni zhes bya ba la/ rgyu dang rkyen la mi ltos par skye ba bskyed par bya ba'i skyed par byed par mi 'dod la/ma 'ongs pa thams cad la yang rgyu dang rkyen gyi tshogs pa cig car yod pa ma yin zhing / gang yang rung ba zhig med par yang 'bras bu skye bar mi 'gyur bas/ ma 'ongs pa thams cad cig car skye ba ma yin no/ /skye ba ni gdon mi za bar rang gi sde dang rigs mthun pa'i rgyur sngar skyes pa dang /phyi rol gyi rkyen gyi tshogs la ltos pa yin te/ dper na myu gu'i skye ba sa bon dang / zhing la sogs pa rnams la ltos pa bzhin no/ /'o na ni tshogs pa zhes bya ba rgyas par 'byung ba la/ bskyed par bya ba ni rgyu dang rkyen rnams kyi tshogs pa yod na ni 'byung la/med na mi 'byung bas rgyu dang rkyen kho na'i mthu yin par nges par gzung gi /skye ba ni ma yin no/ /ci zhe na/ mthu yin par blta bar mi bya'o zhes bya ba'i skabs yin te/ de yod kyang 'bras bu skye ba med pa'i phyir ro/ /chos kyi rang bzhin phra mo dag yod bzhin du yang zhes bya ba la/dper na sems las byung ba reg pa la sogs pa bzhin no/ /chos kyi rang bzhin zhes bya ba ni chos kyi ngo bo nyid do/ /yongs su gcad par dka' ba'i phyir na phra mo dag ste/ chos ni mi snang yang bya ba'i sgo nas nges na/ skye ba'i bya ba nyid ma nges so/ /reg pa'i bya ba ni tshor ba'i phung po dang /'du shes kyi phung po dang / 'du byed kyi phung po gang yin pa de thams cad ni reg pa la brten nas zhes bcom ldan 'das nyid kyis gsungs so/ /de ni bya ba gzhan bstan pa'i phyir/ skye ba zhig med na zhes bya ba la sogs pa smras so/ /ci'i phyir zhe na/'di ltar gzugs la gzugs so zhes snyam pa'i shes pa ni rang gi mtshan nyid la ltos pa yin na/ skyes zhes bya ba'i shes pa ni rang gi mtshan nyid la ltos pa yin par mi 'os te/ tshor ba la sogs pa dag la yang 'byung ba'i phyir ro/ /de'i phyir gzugs la sogs pa gzugs skyes so//tshor ba skyes so zhes bya ba la sogs par gang gi rgyu can gyi shes pa de dag 'byung ba'i skye ba ni don gzhan du gyur pa nyid yin pas skye ba la sogs pa rnams yod do zhes bya bar rtogs par bya'o/ /drug pa'i tshig tu yang mi 'gyur te zhes bya ba la/ gzugs kyi skye ba zhes bya ba drug pa 'di ni 'brel ba'i rgyu can yin la/'brel pa yang lha sbyin gyi zhang po zhes bya ba ltar gzhan dang gzhan du yin gyi/ de nyid dang / de nyid ma yin pas/ gzugs kyi gzugs zhes drug pas bstan par bya ba ma yin pa de bzhin du gzugs kyi skye ba zhes bya bar yang mi 'gyur ro//de'i phyir drug pas bstan pa 'di ni 'brel pa'i rgyu can yin no zhes bya bar rtogs pa yin no/ /de bzhin du mi rtag pa nyid kyi bar du zhes bya ba la/ gnas pa la sogs pa dag med na gnas so/ /rgas so/ /zhig go zhes bya ba dang / gzugs kyi gnas pa dang mi rtag pa nyid ces bya ba'i bar gyi drug pa'i tshig tu yang mi 'gyur ro//'o na ni des na zhes bya ba la/ gal te skyes so/ /gnas so zhes bya ba'i shes pa rab tu bsgrub par bya ba'i phyir/ skye ba la sogs pa don gzhan du gyur pa dag 'dod na/ 'o na ni des na bdag med pa'i blo dang / gzugs kyi bdag med pa nyid ces drug pa'i tshig 'grub par bya ba'i phyir/bdag med pa nyid cig kyang 'dod par bya ste/ bdag med pa'i blo yang skye ba la sogs pa'i blo ltar gzugs dang / tshor ba la sogs pa'i rang gi ngo bo'i rgyu can ni ma yin te/ thams cad mtshungs par 'byung ba'i phyir ro//de bzhin du bstan du yod pa dang / thogs pa dang bcas pa dag la yang brjod par bya'o/ /mu stegs byed kyis yongs su brtags pa zhes pa ni bye brag pas yongs su brtags pa'o/ /yod pa la sogs pa zhes bya ba la/ sogs pa zhes bya ba'i sgra ni rdzas nyid dang / gzugs nyid dang / bum pa nyid la sogs pa dag sprel lo/ /gzugs gcig gzugs gnyis gzugs mang po snyam pa'i shes pa 'grub par bya ba'i phyir gcig la sogs pa'i grangs khas blang bar bya dgos so/ /gzugs chung ngo / /gzugs che'o snyam pa'i shes pa 'grub par bya ba'i phyir tshad chung ngu dang /tshad chen po yang khas blang bar bya'o/ /de bzhin du tha dad pa ldan pa dang / rnam par dbye ba dang / gzhan dang / gzhan ma yin pa'i shes pa rab tu bsgrub par bya ba'i phyir tha dad pa nyid dang ldan pa dang / rnam par dbye ba dang / gzhan nyid dang / gzhan nyid ma yin pa nyid dag kyang khas blang bar bya dgos so/ /yod pa la sogs pa'i blo 'grub par bya ba'i phyir zhes bya ba'i sogs pa'i sgras ni rdzas dang / bum pa dang sgra la sogs pa'i blo bsdu ste/ de dag bsgrub par bya ba'i phyir yod pa dang / rdzas dang / bum pa nyid dang /gzugs nyid la sogs pa spyi dang bye brag dag kyang khas blang bar bya'o/ /gzugs kyi ldan pa zhes bya ba la/ 'dir ldan pa zhes bya ba ni dper brjod pa ste/ gzugs kyi rnam par dbye ba dang / gzugs kyi gcig nyid ces bya ba la sogs pa gzhan la yang brjod par bya'o//gzugs kyi rang bzhin zhes bya ba'i drug pa 'di yang ji ltar brtag /gang gi phyir rang bzhin gzugs las gzhan yod pa ni ma yin no/ /de'i phyir gdon mi za bar 'di ltar brtag par bya ste/ tshor ba la sogs pa dag la yang yod pa'i phyir rang bzhin ni rnam pa mang du yod de bye brag tu bya ba'i phyir/gzugs kyi rang bzhin zhes drug par mdzad de/ ci nas kyang gzugs zhes bya ba kho na rang bzhin du shes par bya'i/ gzhan ni shes par mi 'gyur bar bya ba yin no/ /de lta bas na skye ba zhes bya ba 'di ni ma byung ba las byung bar shes par bya ba'i don du/ skye ba la ltos pa med par btags pa tsam mdzad pa yin te/ dper na grangs la sogs pa dag med kyang zla bo med par shes par bya ba'i phyir/ gcig ces btags pa tsam dang / chung ngu shes par bya ba'i phyir chung ngu dang / yul 'dab chags par skye bar shes par bya ba'i phyir ldan pa zhes bya ba dang /yul tha dad par skyes pa shes par bya ba'i phyir rnam par dbye ba zhes bya ba de lta bu la sogs pa byed pa bzhin no/ /rnam pa mang du yod pas zhes bya ba rnam pa mang po yod pa ste/ gzugs dang / tshor ba la sogs pa rnam pa tha dad pa'i phyir ro/ /skye ba zhes bya ba ha cang thal ba yin dang /bye brag tu bya ba'i phyir gzugs kyi skye ba zhes drug par mdzad pa yin te/ dper na ha cang thal ba yin dang / rang bzhin gzhan rnam par gcad par bya ba'i phyir gzugs kyi rang bzhin zhes drug pa byed pa yin no/ /'di nyid shes par bya ba'i phyir/ ci nas kyang gzugs zhes bya ba kho na skye bar shes par bya'i zhes rgyas par smos so//dper na tsan dan gyi zhes bya ba la sogs pa las/ dri la sogs pa dag las tsan dan gzhan med mod kyi/ dri la sogs pa ni tsan dan gyi bdag nyid ma yin pa dag kyang gur kum la sogs pa dag la yod pa de'i phyir/ de rnam par gcad par bya ba'i phyir/tsan dan gyi zhes drug pa byed pa yin no/ /mchi gu'i lus zhes bya ba la/ gzugs la sogs pa tshogs pa'i bdag nyid can mchi gu'i lus las lus gzhan med mod kyi/ stag la sogs pa'i lus las khyad par du bya ba'i phyir mchi gu'i lus zhes drug pa byed pa yin no//de bzhin du gnas pa la sogs pa yang ci rigs par rig par bya'o zhes bya ba la/ gnas pa zhes bya ba ni rgyun gyi ming ste/ de yang rnam pa mang du yod pas de'i bye brag tu bya ba'i phyir lus kyi gnas pa zhes drug par mdzad de/ de ltar lus kho na'i rgyun shes par bya'i/ gzhan gyis ni shes par mi 'gyur bar shes par bya ba yin no//rgas pa zhes bya ba ni rgyun gyi snga phyi'i khyad par la brjod la/ snga phyi'i khyad par rgyun de yang rnam pa du ma yod pas zhes gong ma bzhin du rgyas par brjod par bya'o/ /gal te skye ba med par skye ba na zhes bya ba rgyas par 'byung ba la/ 'di skad smras par 'gyur te/skye ba ni 'du byed rnams kyi skye ba'i rgyu lhan cig skyes pa yin la/ rgyu dang rkyen lhag ma rnams ni de'i lhan cig byed pa yin te/ de'i phyir gang la skye ba de la de bskyed par bya ba'i phyir rgyu dang / rkyen gzhan dag kyang byed par nus na/ 'dus ma byas la ni skye ba med pa ste/de'i phyir de la de las gzhan rkyen rnams kyi byed pa rdugs pas de mi skye ba yin no/ /skyes pa zhes bya ba ni ma byung ba las byung ba la brjod na/ ma byung ba las byung ba yang 'dus byas kho na la rigs te/ skye ba'i snga rol na med pa'i phyir ro/ /'dus ma byas ni rtag tu yod pa yin te/de na de ma byung ba las byung ba ma yin pas mi skye ba yin gyi/ skye ba med pa ni ma yin no/ /yang ji ltar chos nyid kyis zhes bya ba chos nyid ni chos rnams kyi rang bzhin dang ngo bo'o/ /'dus byas kho na skye ba dang ldan par 'dod kyi/ 'dus ma byas ni ma yin pa gang yin pa 'di la chos nyid las ma gtogs pa'i rgyu cung zad kyang yod pa ma yin no//chos nyid rang bzhin yin no zhes bya ba 'di gang las she na/ bshad pa/ mdo las byung ba'i phyir te/ mdo las/ rab 'byor mig ni stong pa ste/ rtag pa dang / brtan pa dang / ther zug pa dang / mi 'gyur ba'i chos can bdag dang /bdag gis stong pa'o/ /de ci'i phyir zhe na/ 'di ni de'i rang bzhin yin pa'i phyir ro zhes gsungs te/ de ltar skye ba med kyang chos nyid kyis thams cad mi skye'o zhes bya bar 'dod par bya'o/ /yang ji ltar skye ba dang ldan par mtshungs pa las zhes bya ba ni gzugs dang / tshor ba la sogs pa rnams so//de las gzhan pa'i rkyen rnams kyis zhes bya ba la/ de dag las gzhan pa'i rkyen rnams ni gzugs bskyed pa'i rkyen dag las gzhan pa ste/ tshor ba la sogs pa'i bskyed pa'i rkyen rnams so/ /de dag las gzhan pa zhes bya ba rgyas par 'byung ba la/ tshor ba la sogs pa de dag las gzhan pa'o//de yang gang zhig ce na/ gzugs te/ tshor ba la sogs pa rkyen rnams kyis de dag las gzhan pa de skyed par nus pa ma yin pa de bzhin du skye ba med kyang / gzugs dang tshor ba la sogs pa'i rkyen thams cad kyis kyang nam mkha' la sogs pa 'dus ma byas bskyed par mi nus par 'gyur ro//sngar ni rang bzhin nges pa'i sgo nas bshad pa yin la/ da lta ni nus pa nges pa'i sgo nas yin no/ /bye brag tu smra ba rnams na re zhes bya ba la sogs pa la/ gang las she na/ lung las te/ ji skad du/ dge slong khyod ni skad cig skad cig la skye ba yang yin/ rga ba yang yin/'chi ba yang yin zhes gsungs pa lta bu'o/ /'di ni bstan bcos mkhan pos kyang gzhan las/ gal te skad cig re rer lus/ /gzhan du 'gyur ba ma yin no/ /phyi rol khyad par med par phyis/ /ji ltar khyad par 'dzin par 'gyur/ /zhes bya ba la sogs pa bshad do//de'i phyir skye ba la sogs pa mtshan nyid rnams skad cig skad cig la yod pa yin no/ /yang ri dgas yod ces te zhes bya ba la sogs pa la/ gang gi phyir sun 'byin par byed pa la ltos nas grub pa'i mtha' 'dor ba yin te/ ji ltar ri dgas yod ces te/nas mi rmo ba ma yin gyi/ dgag pa gnyis kyi sa rnal ma'i don go bas rmo ba nyid yin pa dang / ji ltar sbrang bu yod ces te/ la du mi bza' ba ma yin gyi/ 'o na ci zhe na/ bza' ba kho na yin pa de bzhin du sun 'byin par byed pa dag yod ces te/ lung du dor du mi rung ste/chos mngon pa'i bstan bcos dor du mi rung ngo / /de bas na skyon rnams la yang lan gdab par bya ba la zhes bya ba la/ grub pa'i mtha' dang 'gal bar bsgrub pa rnams la lan bsam par 'bad par bya la/ grub pa'i mtha'i rjes su 'brang bar yang bya'o zhes zer ro//mtshan nyid rnams bshad zin to zhes bya ba la/ ji ltar bshad ce na/ mtshan nyid dag ni skye ba dang / rga ba dang / gnas pa dang / mi rtag nyid ces bya ba de skad du bshad do/ /ming gi tshogs la sogs pa ni zhes bya ba la sogs pa la/ ming gi tshogs ni ming gi tshogs so/ / tshig gi tshogs ni ngag gi tshogs so/ /yi ge'i tshogs ni yi ge'i tshogs so/ /de la ming byed pa ni ming ste zhes bya ba la/ ming byed pa ni ming byed pa ste/ gang gi ming byed pa'o/ /mtshan zhes bya ba ni rnam grangs dag go/ /ji ltar 'jig rten smra ba po dag lha sbyin zhes bya ba 'di'i ming byed pa'o zhes zer ba yin no//ming byed pa de yang gzugs sgra zhes bya ba la sogs pa'o/ /ngag ni tshig ste zhes bya ba la/ 'dis go bar byed cing khong du chud par byed pas na tshig ste/ de la re ba med pa'i phyir ro/ /de nyid kyi phyir/ ji tsam gyis don yongs su rdzogs pa ste zhes bya ba smos so/ /dper na/ kye ma 'du byed rnams mi rtag /ces bya ba de lta bu la sogs pa zhes bya ba la/ kye ma 'du byed rnams mi rtag /ces bya ba ni dam bca' ba'o/ /skye zhing 'gag pa'i chos can yin/ /zhes bya ba ni gtan tshigs so/ /dang po'i mtha' can yin yang gtan tshigs su 'gyur te/dper na/ yul 'khor srung gi bu la dga'/ /zhes bya ba lta bu ste/ bu la dga' ba'i phyir ro zhes bya ba'i don to/ /skye ba 'jig par 'gyur ba ste/ /zhes bya ba ni dpe ste/ gang dag skye ba de dag ni 'jig par 'gyur te/ dper na bum pa la sogs pa rnams bzhin no/ /'du byed rnams kyang de dang 'dra'o//de dag nye bar zhi ba bde/ /zhes bya ba ni tshad ma'i 'bras bu'o/ /gang gis bya ba dang / yon tan dang / dus kyi 'brel pa'i khyad par rtogs par 'gyur ba'o zhes bya ba ni sub dang ting gi mtha' can ni tshig ma yin pa'o/ /de la bya ba dang 'brel pa'i khyad par ston par byed pa ni 'chad do//'don to/ /'gro'o zhes bya ba'o/ /dkar po'o/ /nag po'o zhes bya ba ni yon tan gyi 'brel pa'i khyad par ston par byed pa'o/ /dus kyi 'brel pa'i khyad par ston par byed pa ni 'tshed do/ /'tshed par 'gyur ro/ /btsos so zhes bya ba'o/ /ji tsam gyis don yongs su rdzogs pa ste zhes bya ba 'byung ba'i phyir ro//yi ge ni yi ge ste zhes bya ba la/ 'dir ram 'dis ming dang tshig gsal bar 'gyur bas na yi ge'o/ /dper na a A zhes bya ba la sogs pa lta bu'o zhes bya ba ni dper brjod pa'o/ /de dag gis der yi ge ka la sogs pa'i ming skyed par byed pa'i phyir dang /de dag thos pa las brdas rtogs pa'i phyir yi ge rnams kyang yig 'bru'i yan lag dag gi ming ma yin nam/ de'i phyir yi ge'i ming las tha dad par brjod par mi bya'o zhe na/ yig 'bru'i yan lag rnams go bar bya ba'i phyir ni zhes bya ba rgyas par 'byung ba la/ji ltar lha sbyin la sogs pa'i gong bu go bar bya ba'i phyir lha sbyin zhes ming byas pas de bzhin du yi ge rnams go bar bya ba'i phyir yig 'bru'i yan lag rnams byas pa yin no/ /yi ge rnams zhes bya ba la sogs pa la/ yi ge ldan pa ma yin pa rnams go bar bya ba'i phyir yig 'bru'i yan lag rnams byas pa yin te/de go bar byed pa'i ngo bor brdar btags pa'i phyir/ ji ltar yi ge mi thos pa bris pas go bar 'gyur zhes bya bar te/ brdas rtogs pa'i phyir ro/ /de'i phyir yi ge rnams ni yig 'bru'i yan lag de dag gi ming ma yin no//de'i phyir yi ge ni ming las gzhan yin no/ /mang po'i don gang yin pa'o zhes bya ba ni tshogs zhes bya ba shes par bya'o/ /de la ming gi tshogs ni zhes bya ba rgyas par 'byung ba la/ sngar dper na gzugs sgra zhes bya ba de lta bu la sogs pa lta bu'o zhes gang bshad pa de ni ming gi rang gi ngo bo bstan par bya ba'i phyir yin la/'dir dper na/ gzugs sgra dri ro reg bya dag /ces bya ba ste/ de lta bu la sogs pa'o zhes gang bshad pa de ni ming gi tshogs bstan par bya ba'i don du'o/ /de bzhin du sngar ni rang gi tshig gi ngo bo bstan par bya ba'i phyir bshad la/ 'dir ni tshig gi tshogs bstan par bya'i phyir yang bshad do//de bzhin du yi ge dag la yang brjod par bya'o/ /de dag kyang ngag gi rang bzhin yin pa'i phyir zhes bya ba rgyas par 'byung ba la/ brjod par 'dod pa sngon du 'gro ba mgrin pa dang / rkan dang mchu dang / so dang / lce phrad pa las yi ge a la sogs pa'i ngo bor gyur pa'i sgra la ngag ces bya ba la/ngag las tha dad par ming gi tshogs la sogs pa dag rang gi ngo bo 'am 'bras bu'i sgo nas 'dzin pa yang ma yin no/ /de'i phyir de dag ngag gi rang bzhin kho na yin la/ ngag gi rang bzhin yin pa'i phyir sgra'i bdag nyid yin pas gzugs kyi rang bzhin du 'gyur te/sgra ni gzugs kyi phung pos bsdus pa'i phyir ro/ /des na ci'i phyir sems dang ldan pa yin pa rnams zhes bya ste/ de dag rna ba'i dbang pos gzung bar yod bzhin du yang zhes bya bar bsams pa'o/ /de dag ni ngag gi rang bzhin ma yin te zhes bya ba ni sgra'i bdag nyid ma yin pa'o//de nyid la rgyu smras pa ni ngag gi sgra yin na zhes bya ba rgyas par 'byung ba'o/ /tsam zhes bya ba'i sgra ni ming dang / tshig dang / yi ge rnam par gcad par bya ba'i phyir ro/ /sgra ni brgyad nas ming dang tshig gsal bar byed pa yin pa'i phyir don rtogs pa'i rgyu yin gyi/ming dang tshig la ltos pa med par dngos su ni ma yin te/ de'i phyir gang dag gis don rtogs par byed pa ming dang tshig la sogs pa ngag las tha dad par yod do/ /de'i phyir ngag gis don rjod par byed pa ma yin te/ 'o na ci zhe na/ ngag ni ming gsal bar byed pa'am/ ming skyed par byed pa'i phyir ming la 'jug la/ming gis don rjod par byed de/ de go bar byed pa'i phyir ro/ /'dis ni ming ni don dag la dngos su 'jug gi /tshig ni ma yin no zhes ston par byed do/ /sgra tsam kho na ni ngag ma yin gyi/ 'o na ci zhe na/ sgra'i khyad par ro/ /yang de ci 'dra ba zhig ce na/ de'i phyir bshad pa/ yi ge ka la sogs pa'i bdag nyid sgra gang gis don go bar 'gyur ba'i sgra de dag yin no/ /ming la sogs pa'i tshogs bkag pas 'dri ba ni sgra gang gis don go bar 'gyur zhe na zhes bya ba la sogs pa'o/ /gang zhig smra ba po rnams kyis don dag la mtshams gcad pa ste zhes bya ba la/ yi ge a la sogs pa 'di snyed cig gi rim pa 'dis don 'di rjod par byed pa ste/gang zhig de ltar don gang dag la mtshams gcad pa des don rtogs par byed kyi/ thams cad kyis ni ma yin no/ /'dis ni brda la ltos nas sgra don go bar byed kyi/ thams cad kyis kyang ma yin la/ yod pa tsam gyis kyang ma yin no zhes ston par byed do//de skad du yang / yul nyid du ni ma gyur pa'i/ /sgra yi don ni ston mi byed/ /de dag ma bzung yid nyid kyis/ /don rnams gsal bar byed pa min/ /zhes bshad do/ /dper na gau zhes bya ba la sogs pa la yi ge ga dang / yi ge au dang / tsheg drag gi bdag nyid can gyi sgra ni go rims 'dis don dgu dag la mtshams gcad pa de las de dag rtogs par 'gyur ro//gang yang ming gis don rjod par byed do snyam du sems pa zhes bya ba rgyas par 'byung ba la/ ji ltar don go ba can yin zhe na/ don 'di'i ming ni 'di yin no zhes rgyas par byas pa las te/ de lta ma yin te/don go ba can ma yin pas rtogs na ni brda byang ba med pa yang 'gyur ba zhig na/ 'gyur ba yang ma yin no/ /de ni don go ba can gyi sgra tsam kho nas 'grub la zhes bya ba la/ don rjod par byed pa de ni ming dang bral zhing don go ba can gyi sgras bsgrub po/ /'brel pa la byang bas don go ba 'di la yod pa ni sgra don go ba can te/don 'di'i ming ni 'di yin no zhes brdar btags pas 'brel pa la byang ba'i phyir ro/ /ji ltar na ngag ming la 'jug pa 'di yang zhes bya ba la sogs pa rgyas par 'byung ba la/ ngag ni sgra'i bdag nyid yin na de gal te rang gi bye brag ming skyed par byed pa 'am/gsal bar byed pa zhig yin grang / de lta yin na 'dir bye brag khas ma blangs pa'i phyir khyu mchog la sogs pa la yod pa'i sgra thams cad kyis kyang ming skyed par 'gyur te/ ngag ni sgra yin pa'i phyir thams cad kyis ming skyed par byed pa'am gsal bar byed par 'gyur ro/ / 'on te ming bzhin du yi ge'i bdag nyid kyi sgra smra ba po ngag gi brdar btags pa khyad par du 'phags pa de kho nas ming skyed par byed do zhes brjod na/ de lta na yang 'on te sgra'i khyad par de lta bu zhig ces bya ba rgyas par 'byung ngo / /don brjod pa ni don gyi yul can gyi shes pa skyed pa yin no/ /de ni sgra'i khyad par don dag la mtshams gcad pa kho nas byed par 'gyur bas 'dir de la tha dad pa'i ming btags pas ci dgos//'on te gsal bar byed pa yin no zhe na zhes bya ba rgyas par 'byung ba la/ gal te sgra 'byung bas sems dang ldan pa ma yin pa de skye ba ma yin gyi/ 'on kyang brjod par bya ba'i phyir des de gsal bar byed pa yin no zhes bya bar 'dod na/'di la brjod par bya ste/ sgra tsam thams cad kyis ming gsal bar byed par 'gyur te/ snga ma bzhin du brjod par bya'o/ /yang sgra rnams ni tshogs pa med pa zhes bya ba la sogs pa la/ ngag ni rim gyis yi ge dag la gnas pa'i phyir yi ge rnams kyang skad cig ma yin pa'i phyir yi ge ka la sogs pa'i sgra rnams cig car yod pa ma yin la/cha med pa'i phyir chos gcig cha shas kyis skye ba yang ma yin no/ /skyed par byed pa na zhes bya ba la sogs pa la/ yi ge du ma can gyi ming ni sgra du ma la ltos nas yongs su gcad par bya ba yin pas de skyed par byed pa ni ji ltar ngag gis skyed par byed pa de/ci 'das pa'am/ ma 'ongs pa'am/ da ltar byung ba zhig gis yin/ 'di ltar sgra rnams la ni cig car ba nyid yod pa ma yin te/ rim gyis 'jug pa'i phyir dang / skad cig ma yin pa'i phyir ro//de'i phyir re zhig ji ltar 'das pa la ltos pa'i zhes bya ba rgyas par smras so/ /so sor thar pa'i sdom pa len pa'i tshe lus dang ngag gi rnam par rig byed rnams tshogs pa med mod kyi/ 'on kyang 'das pa'i lus dang ngag gi rnam par rig byed kyi skad cig la ltos pa'i rnam par rig byed kyi skad cig ma tha ma/de bzhin du lan gnyis lan gsum du srog gcod pa spong bar bgyid do zhes bya ba'i sgra gang yin pas so sor thar pas bsdus pa'i rnam par rig byed ma yin pa skyed par byed pa de bzhin du 'das pa'i sgra la ltos pa'i ngag gi sgra tha mas ming skyed par byed de/de'i phyir gcig cha shas kyis skye bar thal bar mi 'gyur ro/ /de'i phyir don ji snyed dag la mtshams gcad pa'i sgra mtha' dag bye brag med par yid la gzung ste/ phyis rim gyis rjod par byed la/ rtogs pa po yang rim gyis kho nas mnyan nas phyis thams cad bye brag med par yid la byed do//de ltar na 'o na ni sgra tha ma kho nas zhes bya ba rgyas par 'byung ba la/ yi ge du ma can du ma can gyi ming la/ gang gi yi ge tha mas bsdus pa'i sgra thos pa des kyang don de go bar 'gyur te/ dper na b+ha wa rA ta brjod pa bzhin no/ /yi ge ta'i dus su ming skyed pa'i phyir yi ge b+ha dang yi ge wa dang yi ge rA ma thos par yi ge ta thos pas de go bar 'gyur ro//ci'i phyir zhe na/ sgra phyi ma kho nas ming skyed par byed pa'i phyir ro/ /gal te dmigs pa'i sgra la ltos pa'i sgra tha mas ming skyed par byed pas nyes pa 'di med do zhe na/ de lta na 'o na rnam par rig byed dpe ma yin te/ rnam par rig byed kyi skad cig ma tha ma ni rnam par rig byed kyi skad cig sngar skyes pa dmigs shing 'gags pa dag la ltos nas rnam par rig byed ma yin pa skyed par mi byed kyi/ 'o na ci zhe na/ de yod pa tsam nyid la ltos nas rnam par rig byed ma yin pa'i rgyur 'gyur ba yin no/ /de lta ma yin na g.yengs pa dang sems med pa la rnam par rig byed ma yin pa med par 'gyur ro//de'i phyir sgra tha ma ni rnam par rig byed kho na ltar ming skyed par byed kyi/ sngar gyi sgra dmigs pa la ltos pa ni ma yin no/ /'on te 'di snyam du zhes bya ba la sogs pa la/ de ltar na smras ma thag pa'i skyon med de/sgra re re la yi ge skye ba'i phyir dang / yi ge dag gis kyang ming skyed par byed pa'i phyir ro/ /'di la yang skyon de nyid yod do zhes bya ba ni sgra rnams ming skyed pa la bstan pa gang yin pa'o/ /ci ltar zhe na/ yi ge rnams ni tshogs pa med pa'i phyir dang / sgra ltar rim gyis 'jug pa'i phyir dang /skad cig ma nyid yin pa'i phyir yi ge rnams la yang cig car ba nyid med do/ /der ming yi ge du mas bskyed par bya ba cha med pa gcig la rim gyis cha shas kyis skye bar yang rigs pa ma yin no/ /ci ste 'das pa'i yi ge la ltos pa'i yi ge phyi ma kho nas ming skyed par byed do snyam na/ de lta na 'o na ni gang gis yi ge tha ma skyed par byed pa'i sgra thos pa des kyang /don de go bar 'gyur te yi ge tha ma kho nas ming skyed pa'i phyir dang / ming gis kyang don rjod par byed pa'i phyir ro/ /ngag mi gsal bar byed pa yin na yang zhes bya ba la sogs pa la/ gang zhig ce na/ ming skyed par byed pa nyid la bstan pa de kho na'o//yang sgra rnams ni tshogs pa med la/ chos gcig la cha shas kyis gsal ba yang rigs pa ma yin no zhes bya ba thams cad rgyas par brjod par bya'o/ /gong du ni ngag las tha dad pa'i yi ge khas blangs nas yi ge ming gis skyed pa nyid yin pa bkag pa yin la/da ni ngag las tha dad pa'i yi ge yod pa ma yin pa nyid de nyid kyi phyir yi ge yang ngag ces bya ba rgyas par smos so/ /ngag las tha dad pa'i yi ge ni yod pa ma yin te/ de'i phyir yod pa ma yin pa'i yi ge ji ltar ngag gis skyed pa'am gsal bar byed/ 'di ji ltar shes she na/de'i phyir shes rab dang ldan pa zhes bya ba la sogs pa smos so/ /shes rab 'chal ba ni shes rab nyams pa'i phyir la/ shes rab kyi ldan pa yang g.yeng ba yod pa'i phyir yongs su bcad par mi nus pas shes rab dang ldan pa yid gtad pas kyang zhes gnyis ka brjod do/ /mtshan nyid kyi sgo nas zhes bya ba ni rang gi ngo bo'i sgo nas so//de'i phyir ngag las tha dad pa'i yi ge med pas ngag ni ming ltar yi ge skyed par byed pa yin par yang mi rung la/ gsal bar byed pa yin par yang mi rung ngo / /gzhan yang ngag ni sgra tsam yin pa'i phyir sgra tsam thams cad yi ge skyed pa'am gsal bar byed par 'gyur ro zhes thams cad 'dir yang rgyas par brjod par bya'o//'on te ming don dang lhan cig skyed pa yin te zhes bya ba la sogs pa la/ de la ngag gi bya ba med pa'i phyir skyed pa med do snyam du bsams pa'o/ /de lta na don 'das pa dang ma 'ongs pa'i zhes bya ba rgyas par 'byung ba la/ji ltar 'das pa dang ma 'ongs pa'i skye ba dang / gnas pa dang / rga ba dang / mi rtag pa nyid dang / skye ba'i skye ba la sogs pa rnam pa da ltar ba ma yin pa de bzhin du ming yang da ltar ba yin par mi 'gyur ro/ /de'i phyir 'das pa dang ma 'ongs pa'i tha snyad kun du chad par 'gyur ro//'di ltar 'das pa dang ma 'ongs pa'i ming gis ni don brjod par mi nus te/ ngag bzhin no/ /'das pa dang ma 'ongs pa ngag gis ni ming gsal bar bya bar mi nus te/ go rims bzhin du 'gags zin pa'i phyir dang ma skyes pa'i phyir ro/ / pha rnams kyis bu dag gis zhes bya ba la/ gcig gi ming ni skye ba la sogs pa bzhin du gcig kho na lhan cig skye'i/ rnam par gzhag pa med pa'i phyir du ma ni ma yin pas/ 'dir ming gang gis de dang lhan cig skyes par brjod par bya/ chos 'dus ma byas rnams kyis zhes bya ba la/ming ni mi skye ba'i chos can kho nar 'gyur te/ 'dus ma byas rnams mi skye ba'i phyir ro/ /tshigs bcad ming la brten pa ste/ /zhes bya ba la/ 'dir ldan pa ma yin pa'i ming yod do zhes bya ba'i khungs ni 'di yin te/ de med na tshigs su bcad pa med par thal ba'i phyir ro/ / rten med par ni brten pa yod par bya bar mi nus so/ /tshigs su bcad pa ming la brten pa bden mod kyi/ der ming ldan pa ma yin pa zhal gyis ma bzhes te/ 'o na ci zhe na/ don rnams la mtshams byas pa'i sgra ni ming yin la/ ming rnams bkod pa'i khyad par yang tshigs su bcad pa yin pas ming rjod par byed pa ji ltar bkod pa rnams kyis tshigs su bcad pa zhes bya ba thob pa'i bkod pa de tshigs su bcad pa yin gyi/thams cad ni ma yin no zhes shes par bya ba'i phyir/ bkod pa'i khyad par zhes bya ba smos so/ /de dag ji ltar bkod pa'i tshigs su bcad pa'i ming 'thob pa de nyid kyi phyir/bkod pa'i khyad par yang rdzas gzhan du mi 'thad do zhes bya ba smos so/ /ji ltar zhe na/ phreng ba bzhin no/ /ji ltar phreng ni shing ljon pa dang / 'dab chags dang / grog ma la sogs pa rnams phan tshun nye ba na gnas pa las ma gtogs pa'i rdzas gzhan du mi 'thad do//spungs pa bzhin du de ma bzung na de'i blo med pa'i phyir ro/ /de lta na yang dpe mi mtshungs te/ shing ljon pa la sogs pa da ltar ba rnams kho na'i bkod pa'i khyad par la phreng du bsnyad pa'i phyir zhe na/ de'i phyir/ sems kyi rim pa lta bu'o zhes smos te//ji ltar sems dang sems las byung ba dus snga phyir byung ba rnams la bar med par 'gag pa dang skye ba las ma gtogs pa'i rim pa gzhan yod pa ma yin pa de bzhin du sgra snga phyir byung ba rnams la yang bar mtshams med par 'gag pa dang / skye ba las ma gtogs pa'i bkod pa'i khyad par ma dmigs so//de'i phyir 'das pa dang ma 'ongs pa'i sgra rnams kyang sems ltar bkod pa'i khyad par gyi rten gyi ngo bor mi 'gal lo/ /yi ge tsam zhig ces bya ba la/ nyes pa chung ba'i phyir ro snyam du bsams pa yin gyi/ nges par ma zin pa'i phyir gang las khyad par 'phags pa'i yi ge yod pa ni ma yin no//de dag tu rtog pa don med pa yin no zhes bya ba la/ yi ge dag las ming dang tshig yongs su rtog pa don med do/ /bye brag tu smra ba rnams na re ldan pa ma yin pa'i 'du byed kyi rang bzhin ming gi tshogs la sogs pa ni rdzas su yod pa kho na'o zhes zer ro//gang las she na/ lung las te/ ji skad du dge slong dag brnyes pa mchog dang / snyan pa mchog brnyes pa'i de de bzhin gshegs pa ni ming gi tshogs dang / tshig gi tshogs dang / yi ge'i tshogs brnyes pa'o zhes gsungs pa lta bu'o/ / brnyes pa ni rnyed pa yin na dngos po med pa ni brnyes par mi rung ngo / /gzhan yang chos thams cad rtog ge'i spyod yul ma yin pas zhes bya ba la/ de ltar yid ches pa'i lung gi tshad ma las 'grub pa yin gyi/ chos kha cig de bzhin gshegs pa'i ye shes kyi spyod yul kho na yin pa yang yod do//rnam pa'i bye brag bshad pa brjod par 'dod pas dri ba byed pa ni/ yang ci ming gi tshogs la sogs pa 'di dag gang dang ldan pa'am zhes bya ba rgya cher 'byung ba'o/ /gang dang ldan zhes bya ba ni khams gang dang ldan zhes bya ba'o/ /'dod pa dang gzugs su gtogs pa kho na yin gyi/gzugs med par gtogs pa ni ma yin te/ de na ngag med pa'i phyir ro/ /gzhan dag na re gzugs med par gtogs pa yang yod mod kyi/ de dag ni brjod par bya ba ma yin no zhes zer ro zhes bya ba la gzhan gyi sa pa'i ngag gis sa gzhan gyi ming gi tshogs la sogs pa dag brjod pa ni ma yin la/gzugs med pa dag na ngag med pas brjod par bya ba ma yin no/ /de dag ni sems can du bgrang ba yin te/ 'gog pa gnyis ma gtogs pa'i sems can du bgrang ba ma yin pa dang ldan pa med pa'i phyir ro gang zhig rjod par byed pa de dag dang ldan gyi zhes bya ba la/ gang rjod par bya ba de dag dang ldan par 'gyur ro snyam pa'i dogs pa 'di gang las she na/ming 'di ni don gyi yin no zhes tha snyad 'dogs pa las so/ /de ltar mig gi dbang po dang lta ba po kho na ldan gyi/ blta bar bya ba ma yin pa de bzhin du 'dir yang gang gi tshe ming rjod par byed pa de'i tshe gang dag dang ldan pa de dag kho nas rjod par byed do//skal ba mnyam pa'i rgyus bskyed pa'i phyir/ rgyu mthun pa las byung ba kho na yin gyi/ rgyas pa las byung ba ni ma yin te/ rdul phra rab bsags pa ma yin pa'i phyir ro/ /rnam par smin pa las skyes pa yang ma yin te/ 'dod dgur 'byung ba'i phyir ro/ /bcom ldan 'das kyis ni las kyi bdag po'i 'bras bu yin pa'i phyir ming yang las las skyes par nga smra'o zhes gsungs so//ma bsgribs la lung du ma bstan pa dag kyang yin te/ de nyid kyi phyir/ dge ba'i rtsa ba kun du chad pa chos dge ba rnams brjod pa na chos dge ba rnams dang mi ldan la/ de dag gi ming dang ni ldan pa ma yin no/ /de bzhin du 'dod chags dang bral ba chos mi dge ba dag brjod pa na zhes bya ba yang brjod par bya'o/ /de bzhin du skal mnyam zhes bya ba la/ skal mnyam sems can 'dra ba'o/ /zhes 'byung ba'i phyir na sems can du ston pa kho na 'o/ /dge ba'i rtsa ba kun du chad pa rnams dang /'dod chags dang bral ba rnams kyang de dang ldan pa'i phyir na lung du ma bstan pa'o/ /de ni rgyu mthun pa 'ba' zhig ma yin gyi/ rnam par smin pa'ang yin no/ /de la rnam par smin pa las skyed pa ni dper na dmyal ba la sogs pa dag dang skal ba mnyam pa lta bu ste/lha rnams dang skal ba mnyam par skye'o zhes 'byung ba'i phyir ro/ /rnam par smin pa las ma gtogs pa'i rgyu mthun pa las 'byung ba med pa'i phyir rnam par smin pa las skyes pa las gzhan pa dge ba la sogs pa'i chos kyi skal ba mnyam pa rnams ni rgyu mthun pa las byung ba'o//khams kyi dbye bas ni ming gi tshogs la sogs pa ltar 'dod pa dang gzugs su gtogs pa 'ba' zhig tu ma zad kyi khams gsum pa ste/ sems can 'dra ba'o zhes 'byung ba'i phyir dang / sems can rnams kyang khams gsum pa yin pa'i phyir ro//thob rnam gnyis zhes bya ba ni rnam par smin pa las skyes pa'i chos rnams kyi ni rnam par smin pa las skyes pa dag go/ /lhag ma dge ba la sogs pa rnams kyi ni rgyu mthun pa las byung ba'o/ /rgyas pa las byung ba ni ma yin te/ gzugs can ma yin pa'i phyir ro/ / mtshan nyid rnams kyang rnam par smin pa las skyes pa rnams kyi ni rnam par smin pa las skyes pa dag go/ /lhag ma rnams kyi ni rgyu mthun pa las byung ba dag go/ /rgyas pa las byung ba dag ni med de/ gzugs can ma yin pa rnams la bsags pa med pa'i phyir ro/ /sems med pa'i snyoms par 'jug pa gnyis ni 'gog pa'i snyoms par 'jug pa dang /'du shes med pa'i snyoms par 'jug pa ste/ bsam gtan dang gzugs med pa'i snyoms par 'jug pas bsdus pa'i phyir rnam par smin pa ma yin no/ /rnam par smin pa ni skye ba'i bsam gtan dang / gzugs med pa gnyis kho na yin no/ /rgyas pa las byung ba dag kyang ma yin te/ gzugs can ma yin pa'i phyir ro/ /mi ldan pa ni ma thob pa ste/ rnam par smin pa'i mi ldan pa ni rnam par smin pa yin par mi rung ste/ de'i phyir 'di dag gsum ka yang rgyu mthun pa las byung ba yin no//'di dag gis brjod par bya ba lhag ma zhes bya ba ni thob pa dang / mtshan nyid dang / snyoms par 'jug pa dang mi ldan pa dag gi'o/ /lhag ma de yang gang zhig ce na/ thob pa rnams dang / snyoms par 'jug pa dag dang / mi ldan pa'i sems can du ston pa nyid dang /mtshan nyid pa rnams kyi sems can du ston pa dang / sems can du ston pa ma yin pa dang / thob pa rnams dang / mtshan nyid pa rnams kyi khams gsum pa nyid dang / mi ldan pa nyid dang / dge ba dang mi dge ba dang lung du ma bstan pa nyid dang / mi ldan pa'i khams gsum pa nyid dang lung du ma bstan pa nyid dang /snyoms par 'jug pa dag gi dge ba nyid dang / gzugs su gtogs pa nyid dang / gzugs med par gtogs pa nyid do/ /ldan pa zhes bshad pa'i phyir sems can du ston pa nyid bshad zin to/ /'gog pa gnyis ma gtogs pa sems can du bgrang ba ma yin pa dang ldan pa med pa'i phyir ro//ji ltar dge ba dang / mi dge ba dang / lung du ma bstan pa nyid bshad ce na/ dge ba la sogs zhes bshad pa'i phyir ro/ /ji ltar khams gsum pa nyid dang / mi ldan pa nyid bshad ce na/ der gtogs rnams kyi rang khams pa/ /ma gtogs rnams kyi rnam pa bzhi//zhes bshad pa'i phyir ro/ /thams cad 'dus byas mtshan nyid dang / /zhes 'byung ba'i phyir ro/ /mtshan nyid rnams kyi sems can dang sems can ma yin par ston pa dang / khams gsum pa dang / mi ldan pa nyid bshad do/ /sems kyi rjes 'jug dus dang ni//'bras sogs dge la sogs pas so/ /zhes bya ba ni dge ba dang / mi dge ba dang / lung du ma bstan pa nyid do/ /'du shes med snyoms 'jug /bsam gtan tha mar zhes bya ba dang / dge ba'o zhes 'byung ba'i phyir/ gzugs kyi khams dang ldan pa dang /dge ba bshad do/ /de nyid kyi phyir sems can du bstan pa yang yin te/ skyes nas myong 'gyur nyid ces bshad pa'i phyir ro/ /'gog pa'i snyoms par 'jug pa yang srid rtse skyes zhes bya ba dang / dge ba'o zhes bya ba 'byung ba'i phyir gzugs med par gtogs pa dang /dge ba yin par bshad do/ /de nyid kyi phyir sems can du ston pa yang yin te/ dge ba 'dus byas yin pa'i phyir ro/ /mi ldan pa ni khams gsum pa kho na ste/ 'dod sogs gtogs dang dri med kyi'ang / /zhes bshad pa'i phyir ro/ /ma thob pa ni sems can du ston pa yin te/rang rgyud du gtogs pa rnams kyi'o zhes bshad pa'i phyir ro/ /ma bsgribs la lung du ma bstan pa yang yin te/ ma thob ma bsgribs lung ma bstan/ /zhes bshad pa'i phyir ro/ /'du shes med pa pa ni gzugs su gtogs pa dang / sems can du ston pa dang /lung du ma bstan pa dang / rnam par smin par bshad de/ rnam smin de 'bras che zhes 'byung ba'i phyir ro/ /srog ni khams gsum pa ste/ srog gi dbang po gang zhe na/ khams gsum pa'i tshe yin no zhes 'byung ba'i phyir ro/ /rnam par smin pa las skyes pa dang / sems can du ston pa dang / lung du ma bstan pa yang yin te/ srog gi rnam smin zhes bshad pa'i phyir ro/ /ldan pa ma yin pa rnams bshad zin to zhes bya ba la mtshan nyid dang / rab tu dbye ba dang / rnam par dpyad pa'i sgo nas te/ ldan pa ma yin pa rnams bshad zin to/ /rgyu dang rkyen dang sbrel bar bya ba'i phyir/rgyu dang rkyen dag med par ni/ /zhes bya ba la sogs pa smos so/ /gang bshad pa/ rgyu rnams ni gang / rkyen rnams ni gang zhe na zhes bye brag tu 'dri ba/ rgyu rnams las rkyen rnams la khyad par ci yod ce na/ kha cig na re ci yang med de/ 'di skad du/ bcom ldan 'das kyis yang dag pa'i lta ba bskyed pa la rgyu gnyis dang /rkyen gnyis te/ gzhan gyi sgra dang nang gi tshul bzhin yid la byed pa'o zhes gsungs so/ /de'i phyir rgyu dang rkyen dag dang / byed rgyu dang rgyu mtshan zhes bya ba ni rnam grangs dag go zhes zer ro/ /gal te khyad par med na ci'i phyir bye brag tu bstan ce na/gdul ba la ltos nas te/ khams dang skye mched bzhin no/ /'di ltar rkyen khyad par med par bstan la/ rgyu ni khyad par du bstan to/ /gzhan dag na re nye ba ni rgyu yin la/ ring ba ni rkyen yin no zhes zer ro/ /byed rgyu lhan cig 'byung nyid dang / /zhes bya ba rgyas par 'byung ba la/de nyid ces bya ba'i tshig phrad gnyis ni go rims bzhin du bsdu ba nges par gzung ba ste/ byed rgyu dang lhan cig 'byung ba gnyis kho na 'dus byas thams cad la khyab pa nyid du nges par 'dzin par byed do/ /gang dag bstan bcos 'dir tha snyad du byed pa drug po 'di rnams rgyu yin no//'thob par byed pas na rgyu ste/ dngos pos skye ba thob par byed du 'jug ces bya ba'i don to/ /byed pa nyid rgyu yin pa ni byed rgyu'o/ /lhan cig 'byung ba yang de yin la/ rgyu yang yin pas sam/ lhan cig 'byung ba rnams kyi rgyu ni lhan cig 'byung ba'i rgyu'o//skal ba mnyam pa'i rgyu ni skal ba mnyam pa'i rgyu'o/ /mtshungs par ldan pa rnams kyi rgyu ni mtshungs par ldan pa'i rgyu'o/ /kun du 'gro ba yang de yin la rgyu yang yin pas na kun du 'gro ba'i rgyu'o/ /rnam par smin pa'i rgyu ni rnam par smin pa'i rgyu'o/ /yang ci ltar bcom ldan 'das kyis ma bstan pa'i rgyu rnams kyis bstan bcos su tha snyad byed ce na/bye brag tu smra ba na re/ de ni de lta ma yin te/ bcom ldan 'das kyis ma bstan pa ni 'ga' yang chos mngon par spros pa yod pa ma yin no/ /gal te yang nub pa'i phyir rang gi ngo bos dmigs pa med mod kyi/'on kyang gdul ba'i dbang gis la la las rnam pa gzhan gyi sgo nas nye bar bstan pa'i sa bon tsam mthong bas yod pa nyid du dmigs nas chos mngon par gsal bar mdzad pa yin no/ /'di ltar/ mdo sde de dang der rgyu 'di rnams sbyar bar snang ste/dper na mig dang gzugs la brten nas mig gi rnam par shes pa skye'o zhes bya ba ni byed rgyu ste/ 'di ni skyed par byed pa dang gegs mi byed pa'i ngo bor rnam par gzhag go/ /tshor ba dang / 'du shes dang / sems pa ni lhan cig skye ba yin no zhes bya ba ni lhan cig 'byung ba'i rgyu ste/'di ni phan tshun rjes su 'jug pas bya ba gcig pa'i don gyis rnam par gzhag go/ /dge ba'i rtsa ba gzhan skye bar 'gyur ba dge ba'i rtsa ba kun du ma chad pa rdul dang mnyam pa zhig yod pa ma yin no zhes bya bas ni 'dir skal ba mnyam pa'i rgyu bstan par mngon no/ /mthong ba'i rtsa ba can gyi dad pa ni rig nas shes pa dang mtshungs par ldan no zhes bya ba ni mtshungs par ldan pa'i rgyu yin te/'di ni dmigs pa gcig pa'i don gyi rnam par gzhag go/ /lta bar gyur pa gang cung zad cig 'byung ba de thams cad ni 'jig tshogs la lta ba'i rtsa ba can no zhes bya ba 'di ni kun du 'gro ba'i rgyu 'o//'dir las dge ba zag pa dang bcas pa bsgoms pa las byung ba byas pa'i rnam par smin pa ni der skyes pa'i sems can rnams kyis so sor yang dag par myong bar 'gyur ro zhes bya ba 'di ni rnam par smin pa'i rgyu ste/ 'bras bu mi 'dra ba 'phen par byed pa nyid du rnam par gzhag go//de ltar na rgyu de dag ston pa sangs rgyas kyis nye bar bstan mod kyi/ mdo sde pa rnams kyis ni rab tu sdang bas ma mthong ngo / /rgyu rnams ni drug go zhes grangs drug tu yongs su chad pa'i mdo ni rtsa ba'i bsdus pa nyams pas gcig las 'phros pa'i lung du nyams mod kyi/ de gnas brtan kA t+yA ya na'i bu la lhas nye bar gtad pa yin no//de'i phyir mdo'i don kho na rnam par bshad pa kho na yin gyi/ mdo dang 'gal ba ni ma yin no/ /rang las gzhan pa byed rgyu'i rgyu/ /zhes bya ba la/ bdag nyid la byed pa mi srid pa'i phyir na rang las gzhan pa zhes bya ba smos so//chos thams cad ces bya ba ni 'dus byas dang 'dus ma byas rnams so/ /mya ngan las 'das pa ni 'jug pa dang 'gal ba'i phyir la/ lam ni nyon mongs pa skye ba dang 'gal ba'i phyir ji ltar chos thams cad byed rgyu nyid yin zhe na/ skye ba la gegs mi byed pa'i ngo bor gnas pa'i phyir ro//'bras bu mi skye ba ni rnam pa gnyis te/ rgyu med pa'i phyir dang / gegs byed pa yod pa'i phyir ro/ /bzlog ste rgyu yod phyir dang / gegs byed pa med pa'i phyir ni skye ba yin pas gegs mi byed pa'i ngo bor gnas pa las rang las gzhan pa byed rgyu'i rgyu yin par grub po/ / rgyu dang rkyen rnams tshogs na skad cig mas bar chod pa med pas 'byung ba'i chos la ni skye bzhin pa zhes brjod do/ /zag pa gang dag mi shes pa zhes bya ba rgyas par 'byung ba la/ mi shes pa ni zag pa la skye ba la gtso bo'i rgyu yin te/ de'i phyir zag pa gang dag mi shes pa de la de dag ni shes pa de la mi skye ste/shes pas de dag gi rgyu mi shes pa spangs pa'i phyir ro/ /nyi ma'i 'od kyis kyang skar ma zil gyis gnon pa de'i phyir mig gi yul du 'gyur ba ma yin te/ de'i phyir 'di las mthong ba mi 'byung ba yin na ji ltar rang las gzhan pa byed rgyu'i rgyu yin zhe na/bshad pa/ skye bzhin pa ma yin pa la gegs mi byed pa'i ngo bor gnas pa'i phyir byed rgyu zhes mi bya ste/ 'o na ci zhe na/ skye bzhin pa las zhes bya ba rgyas par 'byung ngo / /rgyu dang rkyen rnams tshogs na bar med par 'byung ba'i chos ni skye bzhin pa zhes bya ste/skye bzhin pa gegs byed pa thams cad dang bral ba de skyed pa la chos thams cad gegs mi byed pa'i ngo bor gnas pa yin no/ /de nyid kyi phyir ma 'ongs pa nyid du mtshungs pa bzhin du da ltar ba'i ngo bor bya ba la gegs byed pa med pa'i phyir gnas skabs de la skye bzhin pa zhes bya'o/ / re zhig skye ba la gegs byed nus pa rnams ni zhes bya ba ni dper na zag pa skye ba la shes pa dang / skar ma rnams mthong ba la nyi ma'i 'od lta bu'o/ /dper brjod pa smras pa ni/ dper na spyod par byed pa mi 'tshe ba'i zhes bya ba rgyas par 'byung ste/ grong dpon mi 'tshe ba la bsams nas grong mi rnams bdag cag ni rje bos bde bar byas so zhes zer ba lta bu'o//ci'i phyir de dag de skad zer bar 'gyur zhe na/ gang gi phyir de 'tshe bar byed par nus la/ 'tshe ba yang mi byed pa'i phyir ro/ /gang zhig gegs byed par mi nus pa rnams ni zhes bya ba la sogs pa 'byung ngo //dper na chos thams cad skye ba la mya ngan las 'das pa dang zhes bya ba rgyas par 'byung ste/ mya ngan las 'das pa dang mi skye ba'i chos can rnams la ni 'du byed skye ba'i gegs byed par nus pa med na ji ltar thams cad skye ba la rgyu yin/ dmyal ba la sogs pa dag ces bya ba la/dmyal ba dang / yi dags dang / dud 'gro dag gzugs med pa'i phung po skye ba la ji ltar rgyu'i dngos po yin/ dmyal ba la sogs pa smos pa ni mi la sogs pa rnams ni res 'ga' nye bar bstan pa la sogs pa'i sgo nas 'gyur ro snyam du bsams pa'o/ /mya ngan las 'das pa la sogs pa de dag med kyang yod pa ji lta ba de kho na bzhin du gegs byed mi nus par 'gyur ro//yod dam med kyang rung ste/ gegs byed par nus pa gegs mi byed pa dang / byed par mi nus pa mi byed pa'i ngo bor khyad par 'ga' yang med de/ gnyis ka yang de la byed pa mtshungs pa'i phyir ro/ / spyod par byed pa mi nus bzhin du yang zhes bya ba rgyas par 'byung ste/ spyod par byed pa 'tshe bar mi nus pa la yang grong gi mi rnams rje bos bdag cag bde bar byas so zhes de skad du 'dzer ba yod pas 'di'i dpe ni sngar gyi gang yin pa de nyid yin no/ /de'i phyir dpe 'di nyid kyis mya ngan las 'das pa la sogs pa gegs byed par mi nus pa rnams kyang gegs mi byed pa'i ngo bor gnas pa las byed rgyur grub po//'dir ni spyir zhes bya ba la sogs pa la/ gang zhig byed rgyu'i gtso bo dang / gang zhig byed rgyu'i gtso bo ma yin pa thams cad kyi dbang du byas nas/ rang las gzhan pa byed rgyu'i rgyu zhes bya ba bshad pa'o//byed rgyu'i gtso bo gang yin pa de ni zhes bya ba rgyas par 'gyur te/ de nyid kyi phyir byed rgyu'i rgyu zhes bya'o/ /byed rgyu nyid la ltos nas rgyu yin te/ skyed par byed pa'i ngo bos byed pa dang ldan pa'i phyir yin gyi/ gegs mi byed pa'i ngo bo tsam du gnas pa'i phyir ni ma yin no/ /dper na mig gi rnam par shes pa la mig dang gzugs dag dang zhes bya ba la de la mig ni rten gyi rgyu'o//gzugs ni gnas kyi rgyu'o/ /yang na mig ni rgyu'i rkyen no/ /gzugs ni dmigs pa'i rkyen no/ /rna ba la sogs pa rnams la yang de dang 'dra bar brjod par bya'o/ /lus la zas dang zhes bya ba la ci zhe na/ bskyed par bya bar nus pa yod de zhes bya bar sbyar te/zas kun 'byung ba las lus kun du 'byung ngo zhes 'byung ba'i phyir ro/ /myu gu la sogs pa bzhin no zhes bya ba rgyas par 'byung ba la sogs pa zhes bya ba'i sgras ni sa bon dang myu gu dang lo ma dang tshigs 'chas pa sogs pa dag bsdu'o/ /yang na sogs pa zhes bya ba'i sgras ni zhing la sogs pa gzung ngo //gang zhig 'di skad du zhes rgyas par 'byung ba la/ /rgyu yod na 'bras bur 'gyur ro snyam du bsams nas rgol ba'o/ /ci'i phyir thams cad cig car skye bar mi 'gyur te/ ji ltar srog gcod pa la byed pa po srog gcod pa la brten par 'gyur ba de bzhin du thams cad kyang ci'i phyir de brten par mi 'gyur/byed pa po'i ngo bos ni ma yin pa'i phyir ro zhes bya ba ni byed pa po'i ngo bos ni ma yin pa ste/ de'i phyir 'di klan ka ma yin no/ /gzhan dag na re gegs mi byed pa'i ngo bo nyid du gnas pa 'ba' zhig tu ma zad kyi/ thams cad skye ba la byed rgyu thams cad nus pa yod do zhes zer ro//yid kyi rnam par shes pa dge ba dang mi dge ba skye ste zhes bya ba la/ yid kyi rnam par shes pa yang dag par lta ba dang mtshungs par ldan pa dge ba dang / log par lta ba la sogs pa dang mtshungs par ldan pa mi dge ba mya ngan las 'das pa la dmigs pa skye ba yin la/de nas mig gi rnam par shes pa skye ba'i phyir brgyud pa'i sgo nas mya ngan las 'das pa de yang rkyen du gyur pa'i phyir nus pa yod do/ /gang la zhe na/ mig gi rnam par shes pa la'o/ /de bzhin du gzhan la yang rtogs par bya ste zhes bya ba la/ dmyal ba la sogs pa dag gis kyang gzugs med pa'i phung po skyed par nus so//ci ltar zhe na/ kye ma dmyal ba dang yi dags la sogs pa 'di dag ni mchog tu sdug bsngal ba zhig go snyam du dmyal ba la sogs pa la dmigs pa'i yid kyi rnam par shes pa skye la/ de rim gyis tshul khrims la gnas pa rab tu bsgom pa la rab tu sbyor ba las gzugs med pa'i snyoms par 'jug pa dang skye ba skye bar 'gyur ro//de bzhin du thal ba'i sman dang / tsher ma la sogs pa dang phrad pa yang tshor ba bde ba'i rgyu yin te/ de ni bde ba'i dngos kyi la/ sdug bsngal gyi rgyu ni brgyud pa'i sgo nas yin no/ /byed pa'i rgyu bshad zin to// //lhan cig 'byung gang phan tshun 'bras rgyu zhes bya bar sbyar ro/ /'di la kha cig ni lhan cig 'byung ba'i rgyu ni chos phan tshun 'bras bur gyur pa dag kho na yin no zhes nges par 'dzin par byed do/ /de ltar na phan tshun 'bras bur ma yin pa rnams lhan cig 'byung ba'i rgyu nyid yin pas gsal bar 'gyur te/de'i phyir chos mthun pa'i mtshan nyid rnams kyi lhan cig 'byung bar mi 'gyur ro/ /de'i phyir phan tshun 'bras bu yin pa dang / ring ba ma yin par 'gyur na lhan cig 'byung ba nyid yin gyi/ gzhan ni ma yin na zhes nges par gzung bar bya'o//mtshungs par ldan pa'i rgyur thal ba yang yin te/ de ni nye ba rnams kho na'i yin no/ /de lta yin dang lhan cig 'byung ba thams cad lhan cig 'byung ba'i rgyu nyid du nye bar gzung bar 'gyur ro/ /de nyid kyi phyir chos gang dag phan tshun gyi 'bras bu yin pa zhes bshad de/ phan tshun gyi rgyu yin pa'i phyir 'bras bu dang lhan cig 'byung bas na lhan cig 'byung ba'i rgyu'o/ /de nyid kyi phyir de dag ni phan tshun lhan cig 'byung ba'i rgyu'o zhes bya ba smos so/ /'di dpe med par rtogs par mi nus pas 'dri bar byed pa ni/ dper na ji lta bu zhes bya ba'o/ /'dir rgol ba'i tshig ni/bzhin zhes bya ba'i don ni yod pa ma yin te/ thams cad dper brjod pa'i phyir ro zhe na/ 'dir thams cad dper brjod pa ma yin gyi/ 'on kyang gang zhig bzhin no zhes bya bas nye bar ston pa dper ma brjod pa yang yod do/ /de yang gang zhe na/ sems kyi rjes su 'jug pa phan tshun dang /mtshan nyid rnams phan tshun no/ /'byung ba chen po bzhi dag ni/ /zhes bya ba la/ rdzas lhag ma yod kyang gsum gcig gi yin te/ rang gi ngo bo la mi ltos pa'i phyir dang / rdzas skal ba mnyam pa la mi ltos pa yin no/ /de ltar 'dus byas thams cad ces gang bshad pa ha cang thal ba dang /ci rigs par zhes bya ba smos so/ /'di skad bstan par 'gyur te/ thams cad lan cig 'byung ba'i rgyu yin gyi/ thams cad kyang ni ma yin te/ 'o na ci zhe na/ ci rigs par te/ 'brel pa las 'chad do/ /phan tshun 'bras bu nyid med bzhin du chos ni zhes bya ba rgyas par 'byung ba la/chos ni gtso bo yin pa'i phyir mthun pa'i mtshan nyid rnams kyi yin gyi/ de dag ni de'i ma yin te/ ring ba'i phyir dang / chos gcig la 'jug pa'i phyir ro/ /kha bskang bar bya'o zhes bya ba ni nye bar kha bskang bar bya'o zhes bya ba'o//ci'i phyir de ltar mtshan nyid ma khyab pa byas she na/ lhan cig 'byung ba'i rgyu ni 'dus byas kyi chos 'bras bu gcig pa rnams kyi 'o zhes bstan bcos las de skad 'don pa'i phyir ro/ /bstan bcos las sems kyi rjes su 'jug pa'i gzugs sems kyi lhan cig 'byung ba'i rgyur ma bshad pa ni nye bar mtshon pa tsam yin te/gang gi phyir sems can thams cad la 'byung ba rnams nges par lhan cig 'byung ba yin gyi/ bsam gtan dang zag pa med pa'i sdom pa ni sems thams cad dang lhan cig 'byung ba ma yin te/ mnyam par ma bzhag pa'i sems la de dag med pa'i phyir ro//dus dang ni/ 'bras sogs dge la sogs pas so/ /zhes bya ba la/ 'bras bu la sogs pa dag dang / dge ba la sogs pa dag gi yin pas na/ dus dang ni/ 'bras sogs dge ba la sogs pas so/ /re zhig dus las ni zhes bya ba rgyas par 'byung ba la/ sems dang lhan cig skye ba dang /gnas pa gcig pa dang / 'gag pa gcig pa dang / dus gcig tu gtogs pa'o/ /de'i dngos po ni dus gcig tu gtogs pa nyid de/ bzhi pa dus gcig tu gtogs pa nyid des so/ /gal te skye ba gcig pa la sogs pa smos pa nyid kyis dus gcig tu gtogs pa nyid kyang khong du chud pa nyid ma yin nam dus gcig tu gtogs pa nyid kyis so zhes yang ci'i phyir smos she na/mi skye ba'i chos can shes par bya ba'i phyir ro/ /de lta na 'o na dus gcig tu gtogs pa nyid yin la rag mod ce na/ de lta na yang dus gcig pa kho na rtogs par 'gyur ro/ /'bras bu smos pas ni skyes bu byed pa dang /bral ba'i 'bras bu bsdu'o/ /gal te rgyu mthun pa dang / rnam par smin pa'i 'bras bu gnyis kyang 'bras bu'i rang bzhin nyid ma yin nam/ de dag logs su ci'i phyir smos she na/ skyes bu byed pa'i 'bras bu ni rnam pa bzhi ste/ lhan cig dang / mjug thogs dang / dus gzhan du skye ba dang / mi skye ba'o/ /lhan cig skye ba ni lhan cig 'byung ba dang mtshungs par ldan pa'i rgyu gnyis kyi ste/ 'di gnyis kyi 'bras bu ni lhan cig skye'o/ /mjug thogs su skye ba ni 'jig rten pa'i chos kyi mchog rnams kyi ste/ sdug bsngal la chos shes pa'i bzod pa'o/ /dus gzhan du skye ba ni dper na rnam par smin pa'i 'bras bu lta bu ste/thar pa'i cha dang mthun pa rnams kyi byang chub gsum la sogs pa'o/ /mi skye ba ni bar chad med pa'i lam rnams kyi bral ba'i 'bras bu'o/ /de'i phyir 'dir rgyu mthun pa dang rnam par smin pa'i rgyu dang lhan cig 'byung ba ma yin pa dag logs shig tu smos so/ /rnam par smin pa dang rgyu mthun pa'i 'bras bu dag ni rgyu dang lhan cig 'byung ba ma yin te/gang gi phyir de dag ni dus gzhan du skye ba dang / mjug thogs su skye ba yin no/ /rnam par smin pa dang rgyu mthun pa'i 'bras bu lhan cig 'byung ba ma yin pa de dag dang lhan cig bstan na skyes bu byed pa'i 'bras bu lhan cig skye ba kho na 'dzin par 'gyur te/rang gi ngo bo rang gi ngo bo'i 'bras bu ma yin pas phan tshun 'bras bu yin pa'i phyir ro/ /de'i phyir 'bras bu smos pas ni skyes bu byed pa dang bral ba'i 'bras bu dag 'dzin to/ /bdag po'i 'bras bu ci'i phyir ma bsdus she na/ de ni chos thams cad kyi 'bras bu yin gyi/sems kyi rjes su 'jug pa rnams kho na'i ni ma yin no/ /gcig ces bya ba'i sgra snga ma ni lhan cig pa'i don du blta bar bya ste/ skye ba dang gnas pa dang 'gag pa gcig pa nyid dang zhes bya ba de'i sgra gang yin pa de ni snga ma'o/ /gcig ces bya ba'i sgra phyi ma ni thun mong gi don du rig par bya'o//de ltar na rgyu bcus zhes bya ba la/ dus las bzhi dang / 'bras bu las gsum dang / dge ba la sogs pa gsum nyid kyis so/ /'dir ni mnyam pa'i rnam pa ci rigs par yongs su bgrang gi /thams cad la thams cad ni ma yin no/ /de la dge ba la sogs pa rnams ni phan tshun du bdag nyid kyi rang gi ngo bo med pa'i phyir ro//de bzhin du bar chad med pa'i lam gyis bsdus pa zag pa med pa rnams la ni rnam par smin pa'i 'bras bu med la/ mi dge ba dang lung du ma bstan pa yang med do/ /rnam par grol ba'i lam la sogs pa zag pa med pa gzhan rnams la ni rnam par smin pa dang bral ba'i 'bras bu dag med la/mi dge ba dang lung du ma bstan pa gnyis kyang med do/ /dge ba zag pa dang bcas pa bar chad med pa'i lam gyis bsdus pa rnams la ni 'bras bu thams cad yod do/ /mi dge ba dang lung du ma bstan pa gnyis ni med do/ /dge ba zag pa dang bcas pa gzhan rnams dang /mi dge ba rnams la ni bral ba'i 'bras bu ma gtogs pa yod de/ gang gi phyir bral ba'i 'bras bu ni bar chad med pa'i lam kho na'i yin pa'i phyir ro/ /lung du ma bstan pa rnams la ni rnam par smin pa dang bral ba'i 'bras bu dang / dge ba dang / mi dge ba ma gtogs pa yod do/ /de ltar na kha cig ni rgyu drug gis sems kyi rjes su 'jug pa yin la/kha cig ni bdun gyis yin zhing kha cig ni brgyad kyis yin no/ /de la sems nang na nyung ba ni zhes bya ba rgyas par 'byung ba la/ bsam gtan gnyis pa la sogs pa dag dang / gzugs med pa dag gi ma bsgribs la lung du ma bstan pa ni 'khor nyung ba'i phyir nyung ba zhes bya'o//de dag gi mtshan nyid ces bya ba ni sa mang po pa bcu'i mtshan nyid do/ /de dag gi mthun pa'i mtshan nyid rnams kyi ni ma yin te/ ring ba'i phyir ro/ /nye ba'i phyir rang gi mtshan nyid rnams kyi ni yin te/ de'i phyir/ rang gi mtshan nyid dang mthun pa'i mtshan nyid brgyad kyi yin no zhes bya ba smos so//rang gi mthun pa'i mtshan nyid rnams ma gtogs pa rnams so zhes bya ba la/ de dag ci'i phyir sems kyi lhan cig 'byung ba'i rgyu ma yin zhe na/ de dag sems kyi mtshan nyid rnams kho na la byed pa dang ldan pas chos gcig la 'jug pa'i phyir dang /ring ba'i phyir ro/ /gzhan dag na re bcu bzhi yin te/ mthun pa'i mtshan nyid bzhin du sa mang po pa'i mtshan nyid rnams kyang sems la byed pa dang mi ldan pa'i phyir lhan cig 'byung ba'i rgyu nyid ma yin no zhes zer ro/ /de ltar na rab tu byed pa'i gzhung zhes bya ba la/ gal te sa mang po pa dag gi mtshan nyid rnams sems kyi lhan cig 'byung ba'i rgyu ma yin na'o//sdug bsngal gyi bden pa la 'jig tshogs la lta ba'i rgyu can yin la zhes bya ba rgyas par 'byung ngo / /sdug bsngal gyi bden pa la/ 'jig tshogs la lta ba'i rgyu can yin la/ 'jig tshogs la lta ba'i rgyu ma yin pa yang yod/'jig tshogs la lta ba'i rgyu yin la/ 'jig tshogs la lta ba'i rgyu can yin pa yang yod/ 'jig tshogs la lta ba'i rgyu can yang ma yin la/ 'jig tshogs la lta ba'i rgyu yang ma yin pa yang yod dam zhe na/ de la bden pa bzhi mthong ba dang / bsgom pas spang bar bya ba'i phra rgyas rnams dang de dag dang mtshungs par ldan pa tshor ba la sogs pa thams cad la sdug bsngal gyi bden pa zhes bya ste/de dag la 'di bsam par bya'o/ /de la 'jig tshogs la lta ba'i rgyu can yin la/ 'jig tshogs la lta ba'i rgyu ma yin pa ni sdug bsngal mthong bas spang bar bya ba'i phra rgyas 'das pa dang /da ltar byung ba rnams dang / de dag dang mtshungs par ldan pa'i sdug bsngal gyi bden pa ma gtogs pa dang / kun 'byung ba mthong bas spang bar bya ba'i phra rgyas kun du 'gro ba 'das pa dang / de ltar byung ba rnams dang / de dag dang lhan cig 'byung ba'i sdug bsngal gyi bden pa ma gtogs pa dang /'jig tshogs la lta ba ma 'ongs pa dang / de dang mtshungs par ldan pa'i sdug bsngal gyi bden pa ma gtogs pa dang / 'jig tshogs la lta ba dang / de dang mtshungs par ldan pa'i chos rnams kyi skye ba dang / rga ba dang / gnas pa dang / mi rtag pa dag ma gtogs pa de dag las gzhan pa'i sdug bsngal gyi bden pa nyon mongs pa can gang yin pa'o/ /de ni sdug bsngal mthong bas spang bar bya ba'i phra rgyas ma 'ongs pa rnams dang / de dag dang mtshungs par ldan pa tshor ba la sogs pa rnams dang / kun 'byung ba mthong bas spang bar bya ba kun du 'gro ba ma yin pa dus gsum pa rnams dang /kun du 'gro ba ma 'ongs pa rnams dang / de dag dang mtshungs par ldan pa tshor ba la sogs pa rnams dang / 'gog pa dang lam mthong ba dang / bsgom pas spang bar bya ba dus gsum pa rnams dang / de dag dang mtshungs par ldan pa'i tshor ba la sogs pa rnams te/ de dag ni 'jig tshogs la lta ba'i rgyu can yin la/ 'jig tshogs la lta ba'i rgyu ma yin pa'o/ /de ltar sngar skyes pa'i 'jig tshogs la lta ba ni 'di dag gi kun du 'gro ba'i rgyus rgyu yin gyi/ de dag ni 'jig tshogs la lta ba'i rgyu ma yin te/ma skyes pa'i phyir dang / kun du 'gro ba ma yin pa'i phyir ro/ /mu gnyis pa ni med do/ /'jig tshogs la lta ba'i rgyu yang yin la/ 'jig tshogs la lta ba'i rgyu can yang yin pa gang zhe na/ de'i phyir/ ma gtogs pa gang yin pa'o zhes bya ba smos so/ /ma gtogs pa yang 'jig tshogs la lta ba dang mtshungs par ldan pa'i chos rnams kyi skye ba la sogs pa dag ste/de dag ni sngar skyes pa'i 'jig tshogs la lta bas kun du 'gro ba'i rgyus bskyed pa yin la/ de ltar byung bas na lhan cig 'byung ba'i rgyus bskyed pa yin no/ /de dag gis kyang lhan cig 'byung ba'i rgyus 'jig tshogs la lta ba da ltar byung ba bskyed pa yin no//de'i phyir tshor ba la sogs pa rnams kyi skye ba la sogs pa rnams sems kyi lhan cig 'byung ba'i rgyu yin no/ /de'i phyir bstan bcos las lhan cig 'byung ba'i rgyu ni chos lnga bcu rtsa bzhi ste zhes bya ba gnas pa yin no//'jig tshogs la lta ba'i rgyu can ma yin la/ 'jig tshogs la lta ba'i rgyu yang ma yin pa ni sdug bsngal gyi bden pa nyon mongs pa can ma yin pa ste/ de ni kun du 'gro ba'i rgyu 'am/ skal ba mnyam pa'i rgyu 'am/ lhan cig 'byung ba'i rgyus 'jig tshogs la lta ba'i rgyu ma yin la/'jig tshogs la lta ba yang de'i ma yin no/ /ma gtogs pa gang yin pa'o zhes bya ba 'dir kho bo cag gis ni skye ba la sogs pa kho na bshad de/ de dag gi don du 'dir nye bar bkod pa'i phyir ro/ /ma gtogs pa gzhan gang yin pa de yang 'jig tshogs la lta ba'i rgyu can yang yin la/'jig tshogs la lta ba'i rgyu yang yin par brjod par bya'o/ /gang dag de dang mtshungs par ldan pa'i chos rnams kyi zhes mi 'don pa de dag gi ltar na rab tu byed pa'i gzhung ji ltar 'gal bar 'gyur zhes khong nas dbyung bar bya'o//'o na ji ltar 'don zhe na/ 'jig tshogs la lta ba'i skye ba dang / rga ba dang / gnas pa dang / mi rtag pa dag ma gtogs pa zhes de skad du 'don te/ 'di ltar/ 'di dag gi skye ba la sogs pa'i stobs kyis ni sems mi skyed de/rang gi mthun pa'i mtshan nyid bzhin no/ /de'i phyir de dang mtshungs par ldan pa'i chos rnams kyi zhes de skad du mi 'don te/ kha che ba rnams na re zhes bya ba smos pa ni/ de dag gis kyang de skad du 'don par bya ba 'am zhes bya ba 'di la rgyu cung zad kyang yod pa ma yin no zhes shes par bya ba'i phyir ro//re zhig gang lhan cig 'byung ba'i rgyus rgyu yin pa de ni lhan cig 'byung ba yang yin no zhes bya ste/ sems las byung ba la sogs pa rnams so/ /gang zhig lhan cig 'byung ba'i rgyu yin pa de lhan cig 'byung ba ma yin pa zhes bya ba 'di ni srid pa yod pa ma yin no//gang zhig gang dang lhan cig 'byung ba de ni gdon mi za bar lhan cig 'byung ba'i rgyus rgyu ma yin te/ dper na mthun pa'i mtshan nyid skye ba'i skye ba la sogs pa rnams chos kyi lhan cig 'byung bar 'gyur gyi/ lhan cig 'byung ba'i rgyus rgyu ni ma yin pa lta bu ste/ ring ba'i phyir de dag chos la bya ba byed pa ma yin no//de dag phan tshun te/ mthun pa'i mtshan nyid skye ba'i skye ba la sogs pa de dag kyang lhan cig 'byung ba yin gyi/ lhan cig 'byung ba'i rgyus rgyu ni ma yin te/ chos gcig la 'jug pa'i phyir ro/ /sems kyi rjes su 'jug pa ni sems las byung ba rnams dang /bsam gtan dang / zag pa med pa'i sdom pa dag ste/ de dag gi mtshan nyid skye ba nyid la sogs pa rnams kyi mtshan nyid gang dag yin pa de dag ni bya ba ring ba'i phyir/ sems kyi lhan cig 'byung ba'i rgyu ma yin la/ phan tshun du yang ma yin te/ chos gcig la 'jug pa'i phyir ro//rgyur byas pa'i gzugs thogs pa dang bcas phan tshun dang zhes bya ba la/ rdul phra rab rdzas brgyad la sogs pa dag gi rgyur byas pa'i gzugs dang / ro la sogs pa gang dag yin pa de dag ni lhan cig 'byung ba yin gyi/ /lhan cig 'byung ba'i rgyu ni ma yin no/ /thogs pa med pa cung zad dang //zhes bya ba ni so sor thar pa'i sdom pa ste/ rgyur byas pa'i gzugs thogs pa med pa bsam gtan dang / zag pa med pa'i sdom pas bsdus pa rnam pa bdun ni phan tshun lhan cig 'byung ba'i rgyus rgyu yin te/ sems kyi rjes su 'jug pa'i phyir ro/ /thams cad 'byung ba dag dang lta bu'o zhes bya ba la/thogs pa dang bcas pa'am/ thogs pa med kyang rung ste/ rgyur byas pa'i gzugs ni bdag nyid ji lta bu'i 'byung ba dag dang lhan cig 'byung ba yin gyi/ lhan cig 'byung ba'i rgyu ni ma yin te/ rgyur byas pa'i gzugs ni dge ba dang mi dge ba yin la 'byung ba rnams ni lung du ma bstan pa yin pas 'bras bu tha dad pa'i phyir/lhan cig 'byung ba'i rgyu ma yin no/ /thob pa dang ldan pa'i thob pa lhan cig skyes pa rnams kyang zhes bya ba 'byung ngo / /ci'i phyir zhe na/ 'bras bu rnam par smin pa dang rgyu mthun pa du ma yin pa'i phyir ro zhes bya ba smos te/lhan cig 'byung ba'i rgyu dang chos mi mthun pa 'am/ sems kyi rjes su 'jug pa dang chos mi mthun pa ston pa'o/ /'di ltar thob pa rnams kyi ni skyes bu byed pa'i 'bras bu kho na yin la/ bar chad med pa'i lam dang mtshungs par ldan pa'i sems kyi ni bral ba'i 'bras bu yang yin no//sems kyi rnam par smin pa ni gzhan yin la de'i thob pa rnams kyi ni gzhan yin te/ 'phen par byed pa dang yongs su rdzogs par byed pa yin pa'i phyir ro/ /thob pa rnams kyi rgyu mthun pa'i 'bras bu ni rtag tu thob pa rnams kho na yin la/sems kyi rgyu mthun pa'i 'bras bu ni res 'ga' ba dge ba la sogs pa sems yin no/ /de dag ni sems dang lhan cig spyod pa'i tshul can yang ma yin te zhes bya ba la/ lhan cig skyes pa rnams kyang de'i ngang tshul can ma yin par ston na sngar skye ba dang dus phyis skye ba dag la smos kyang ci dgos//de dag thams cad kyang rung mod kyi zhes bya ba ni re zhig lhan cig 'byung ba'i rgyus rgyu yin pa de ni lhan cig 'byung ba yang yin no zhes bya ba rgyas par gang smras pa'o/ /'on kyang sa bon la sogs pa rgyu dang 'bras bu'i dngos por grags pa rnams la zhes bya ba la/ sa bon dang /myu gu dang / lo ma dang / sbubs 'chas pa dang / sdong bu la sogs pa rnams sam/ yang na sa bon dang / 'o ma dang / brdabs pa la sogs pa rnams la'o/ /de la sa bon ni snga la/ myu gu ni 'phyi zhing / 'o ma ni snga la zho ni 'phyi'o/ /brdabs pa ni snga la sgra ni 'phyi'o/ /tshul 'di ni mi snang bas zhes bya ba ni rgyu dang 'bras bu dag lhan cig 'byung ba dang /phan tshun rgyu dang 'bras bu'i dngos po'o/ /ji ltar lhan cig 'byung ba'i zhes bya ba rgyas par 'byung ba la/ skyes pa dang ma skyes pa'i gnas skabs dag lhan cig 'byung ba rnams rgyu dang 'bras bu'i dngos por mi rigs te/ bdag nyid der grub pa'i phyir dang /yod pa ma yin pa'i phyir ro/ /de'i phyir de brjod par bya'o zhes bya ba smos so/ /lhan cig 'byung ba la yang rgyu dang 'bras bu'i dngos po mthong bas yin no zhes bstan pa'i phyir/ dper na zhes bya ba rgyas par smos so/ /'od mar me'i rgyu can yin no zhes bya ba 'di ji ltar rtogs par bya zhe na/'di ni mar me'i 'phel ba dang 'grib par 'gro ba dang / gnas pa'i rjes su byed pa'i phyir la/ 'od don du gnyer ba rnams mar me nye bar len pa'i phyir dang / de la sdang ba rnams mar me gsod par 'jug pa'i phyir ro/ /re zhig ci mar me'i 'od kyi rgyu yin nam zhes bya ba rgyas par 'byung ba la/'di skad du/ gnyis ka las grub pa ni shes par byed pa yin na 'dis ni lhan cig 'byung ba rnams rgyu dang / rgyu dang ldan pa'i dngos por shes par nus pa ma yin te/ dpyad pa'i phyir ro zhes ston par byed do/ /tshogs pa sngar byung ba ni 'bru mar dang / sdong bu dang / me la sogs pa phrad pa'o/ /de la ji ltar 'od dang bcas pa'i skad cig ma dang po'i rgyu 'bru mar dang / sdong bu dang / me yin pa de bzhin du 'od dang bcas pa'i mar me skad cig ma gnyis pa la sogs pa rnams kyi rgyu yang 'bru mar dang / sdong bu dang / me dang phrad pa kho na yin gyi/ 'od kyi mar me ni ma yin no//de bzhin du tshogs pa sngar byung ba kho na grib ma dang bcas pa'i myu gu'i rgyu yin gyi/ grib ma'i myu gu ni ma yin no/ /de la grib ma dang bcas pa'i myu gu dang po'i rgyu zhing dang sa bon la sogs pa'i tshogs pa yin pa de bzhin du gnyis pa la sogs pa rnams kyi yang yin par brjod par bya'o//gal te de ltar lhan cig 'byung ba rnams rgyu dang / rgyu dang ldan pa'i dngos po ma yin no/ /'o na ni zhes bya ba rgyas par 'byung ngo / /de dag dang ldan pa de'i phyir zhes bya ba la/ yod pa dang med pa de dag 'bras bu gang yod pa de ni de dag dang ldan pa yin no/ /de dag dang ldan pa'i dngos po ni de dag dang ldan pa nyid do//nges par zhes bya ba la/ chos gang zhig yod na ste rgyu zhes bya ba'i don to/ /'bras bu gang zhig nges par yod pa yin gyi/ 'dod rgyal du ni ma yin no/ /de ni rgyu'i yin zhing cig shos ni rgyu dang ldan pa ma yin te/ 'bras bu yin no zhes bya ba'i don to/ /lhan cig 'byung ba'i chos 'di lta ste 'byung ba dang /sems dang sems kyi rjes su 'jug pa dang / mtshan nyid rnams kyang gcig yod na thams cad yod la/ gcig med na thams cad med pas rgyu dang 'bras bu'i dngos por rigs pa ma yin no/ /re zhig mig dang / gzugs dang / mig gi rnam par shes pa dang /mar me dang / myu gu dang grib ma bzhin lhan cig 'byung ba rnams rgyu dang 'bras bu'i dngos por mi rung ni phan tshun du ni go ci ltar rung ste/ yod pa ma yin no snyam du bsams pa'o/ /de'i phyir sems kyi rjes su 'jug pa rnams ni sems kyi lhan cig 'byung ba'i rgyu yin la/mtshan nyid rnams kyang mtshan gzhi'i yin no zhes bya bar mi rung ngo / /de nyid kyi phyir ro zhes bya ba la/ phan tshun dag yod pa dang med na yod pa dang med pa'i phyir ro zhes bya ba'i don to/ /de ltar na 'o na ni zhes bya ba la sogs pa la/ rgyur byas pa'i gzugs dang /dri dang ro dang reg bya ni phan tshun med par mi 'byung bas med na mi 'byung ba yin te/ de ni phan tshun dag yod pa'am med na de dang ldan pa'i phyir phan tshun rgyu dang 'bras bu'i dngos por thal bar 'gyur ro/ /'byung ba rnams dang rgyur byas pa'i gzugs kyang phan tshun rgyu dang 'bras bu'i dngos por thal bar 'gyur te/phan tshun dag yod pa'am med na yod pa dang med pa nyid kyi phyir ro/ /sems kyi mthun pa'i mtshan nyid la sogs pa rnams kyang zhes bya ba rgyas par 'byung ba la/ phan tshun thal bar 'gyur ro zhes bya bar sbyar te/ sems kyi mthun pa'i mtshan nyid la sogs pa rnams med par ni sems la sogs pa rnams 'byung ba med do//sogs pa zhes bya ba'i sgras ni sems kyi rjes su 'jug pa'i mthun pa'i mtshan nyid rnams dang / thob pa lhan cig skye ba rnams bsdu'o/ /sems la sogs pa dang zhes bya ba 'dir yang sogs pa'i sgras rjes su 'jug pa rnams dang thob pa dang ldan pa gzung ngo //'dir de'i mtshan nyid la 'khrul pa med pa'i phyir rgyu dang 'bras bu dag dus snga phyir 'byung ba dag kho na la rigs kyi/ 'khrul ba'i phyir lhan cig 'byung ba dag la ni ma yin no zhes bstan par 'gyur ro/ /'o na ni dbyu gu gsum zhes bya ba la sogs pa la/ji ltar dbyu gu gsum phan tshun stobs kyis gnas pa de bzhin du lha gcig 'byung ba gang dag phan tshun stobs kyis gnas pa de dag phan tshun 'bras bu yin pa'i phyir lhan cig 'byung ba'i rgyu yin no/ /rgyur byas pa'i gzugs ni phan tshun stobs dang 'byung ba'i stobs kyis gnas pa ma yin te/'o na ci zhe na/ rang gi mtshan nyid kyi stobs kyis yin no/ /de bzhin du gzhan la yang brjod par bya'o/ /re zhig ci 'di dag ces bya ba rgyas par 'byung ba la/ dbyu gu gsum ni skad cig ma yin pa'i phyir gnas pa ma yin te/ 'o na ci zhe na/ ji srid de ltar skyes pa dang 'gal ba'i rkyen med kyi bar du de ltar gnas pa'i skad cig ma snga ma snga ma'i rgyu can skad cig ma phyi ma phyi ma mngon par tshogs te gnas pa skye ba yin no/ /phan tshun gyi stobs kho nas de na gnas pa ni ma yin te/ 'o na ci zhe na/ de la gzhan yang zhes bya ba rgyas par 'byung ngo //de ci zhig ce na/ bshad pa/ srad bu ste/ dbyu gu gsum la bcings pa'am/ gzer bu'am/ 'og tu rten par byed pa sa'o/ /de lta na dpe don dang mi mtshungs so/ /de dag la yang zhes bya ba 'dis ni mtshungs par ston par byed do/ lhan cig 'byung ba de dag la yang skal ba mnyam pa'i rgyu la sogs pa gzhan dag yod do//sogs pa zhes bya ba smos pa ni kun du 'gro ba dang / rnam par smin pa dang / byed rgyu'i rgyu la sogs pa dag gzung gi /mtshungs par ldan pa'i rgyu ni ma yin te/ de dag ni srad bu la sogs pa dang 'dra ba yin pas lhan cig 'byung ba'i rgyu grub pa'o//skal mnyam rgyu ni 'dra ba'o/ /zhes bya ba la/ skal ba mnyam pa'i rgyu ni 'dra ba kho na yin gyi/ skal ba mnyam pa'i rgyu kho na 'dra ba ni ma yin te/ kun du 'gro ba'i rgyu yang 'dra ba yin pa'i phyir ro/ /skal ba mnyam pa'i 'bras bu nye ba dang ring ba bskyed pa dang gsos 'debs par byed pa'i phyir skal ba mnyam pa'i rgyu yin la/'dra ba'i chos de dag kyang phan tshun chos 'dra ba rnams kyi yin te/ dge ba'i gzugs ni lnga po dag kho na'i yin pa nas dge ba'i rnam par shes pa ni lnga po dag gi bar du yin no/ /nyon mongs pa can ni phan tshun du nyon mongs pa can rnams kyi yin la/lung du ma bstan pa ni phan tshun du lung du ma bstan pa rnams kyi yin na zhes bya bar sbyar ro/ /gzhan dag na re lung du ma bstan pa'i gzugs ni zhes bya ba rgyas par 'byung ba la/ dmigs pa dang bcas pa'i phyir tshor ba la sogs pa rnams ni gsal ba yin gyi gzugs ni ma yin la/mi gsal ba ni gsal ba'i 'bras bur mi rung ngo / /dman pa'i rgyu mngon par 'du byed pa can gyi 'bras bu yin pa bkag gi /gsal ba mi gsal ba yin pa ni ma bkag ste/ de lta ma yin na rnam par shes pa'i yang gsum po yin par mi 'gyur te/dngos po tsam la lta ba nyid kyis nyung ba yin pa'i phyir ro/ /nur nur po ni nur nur po la sogs pa gnas skabs bcu po dag gi yin no zhes bya ba rgyas par 'byung ba la/ nur nur po dang / mer mer po dang / gor gor po dang / mkhrang 'gyur dang / rkang lag 'gyus pa'i gnas skabs rnams ni mngal gyi gnas skabs lnga'o//byis pa dang / gzhon nu dang / long tsho dang / bar ma dang / rgan po'i gnas rnams ni btsas pa'i gnas skabs lnga'o/ /de la nur nur po'i gnas skabs 'phel ba yin pa'i phyir sngar skyes pa phyis skye ba'i gnas skabs kyi skal ba mnyam pa'i rgyu yin pas gnas skabs bcu char dag gi yang rgyu yin no//de bzhin du mer mer po la sogs pa rnams kyang / mer mer po la sogs pa dag gi yin no zhes thams cad la brjod par bya'o/ /re re phri nas zhes bya ba la/ 'dir skal ba mnyam pa'i rgyu'i 'bras bu ni snga ma 'am lhan cig pa yin par rnam par gzhag par bya ba ma yin pas re re phri nas zhes bya bar bshad do//de ltar na dang po'i nur nur po'i gzugs rgyu med pa dang / tha ma'i rgan po 'bras bu med par thal bar 'gyur ro zhe na/ de'i phyir ris mthun gcig la zhes bya ba smos te/ skye ba gcig la zhes bya ba'i tha tshig go//rnam pa mthun pa gzhan du ni/ /zhes bya ba la/ dper na sngar skyes pa'i mi'i ris mthun pas bsdus pa'i gnas skabs bcu po dag ni phyis skyes pa'i mi'i ris mthun pas bsdus pa'i gnas skabs bcu char gyi yang skal ba mnyam pa'i rgyu yin te/ 'dra ba yin pa'i phyir dang /sngar skyes pa yin pa'i phyir ro/ /phyi'i dag la yang zhes bya ba la/ nas dang sA lu la sogs pa dag la yang tshul 'di nyid kyis ci rigs par brjod par bya'o/ /mdo sde pa kha cig na re gzugs la skal ba mnyam pa'i rgyu med kyi/ de ni rkyen la rag las te/ skye ba yin te/khron pa'i gting nas drangs pa'i sa las myu gu skye ba'i phyir ro/ /'di ltar de la de'i sa bon yod pa ni ma yin no zhes zer ba de de dag gi dbang du byas nas gang dag gzugs kyi zhes bya ba rgyas par smos so/ /rgyu dang bdag po zhes bya ba ni rgyu'i rkyen dang bdag po'i rkyen no zhes bya ba'i don gang yin pa'o//de la 'dod pa'i khams 'byung ba chen po rnams ni skyes zin pa'i phyir dang / ma bsgrubs la lung du ma bstan pa yin pa'i phyir dang / gzugs yin pa'i phyir ma 'ongs pa'i 'byung ba chen po rnams kyi lhan cig 'byung ba dang / rnam par smin pa dang / kun du 'gro ba dang /mtshungs par ldan pa'i rgyu ma yin te/ 'o na ci zhe na/ 'dra ba'i phyir dang / sngar skyes pa'i phyir skal ba mnyam pa'i rgyu yin zhing rkyen rnams las bdag po'i rkyen yin par shes so/ /'dir rgyu med par skye ba ni rigs pa dang 'gal bar snang ste/ khron pa'i gting nas bton pa'i sa las yang myu gu skyes pa'i snga rol nas sa bon dag yod mod kyi rkyen dang bral ba'i phyir myu gu dang /lo ma dang / tshigs 'chas pa la sogs pa dag mi skye'o/ /de lta ma yin te/ skal ba mnyam pa'i rgyu med na ni thams cad de las skye ba'am/ yang na cung zad kyang mi skye ste/nges pa'i rgyu med pa'i phyir ro/ /'dis ni rwa las 'dam bu skye'o zhes bya bar yang gsal ba yin te/ 'di ltar rwa la yang 'dam bu'i sa bon yod pa yin no/ /'dra ba nyid nges par ma dpyad pa'i thams cad thams cad kyi skal ba mnyam pa'i rgyu yin na de lta na sa dgu pa rnams dang /ris lnga pa rnams phan tshun skal ba mnyam pa'i rgyur thal bar 'gyur na rigs pa yang ma yin pas 'dra ba nyid nges par dpyad par bya ba'i phyir 'dri ba ni/ ci 'dra ba thams cad ces bya ba rgyas par 'byung ngo / /de lta na yang phyis skyes pa yang sngar skyes pa'i skal ba mnyam pa'i rgyu yin zhing /lhan cig skyes pa yang lhan cig skyes pa yin la/ ma skyes pa yang skyes pa yin par 'gyur ro zhe na/ de'i phyir/ de dag kyang thams cad ni ma yin no/ /'o na ci zhe na/ sngar skyes pa rnams zhes bya ba smos so/ /snga rol du skyes pa ni sngar skyes pa rnams so/ /sngar skyes pa nyid kyis ni 'das pa dang /da ltar ba gzung zhing ma 'ongs pa bkag ste/ chos 'das pa rnams ni 'das pa dang / ma 'ongs pa dang / da ltar byung ba rnams kyi skal ba mnyam pa'i rgyu yin la/ da ltar byung ba ni ma 'ongs pa rnams kyi yin gyi/ ma 'ongs pa rnams ni skal ba mnyam pa'i rgyu ma yin pa kho na'o zhes bstan par 'gyur ro//'di gang las zhes bya ba ni ci lung ngam/ 'on te rigs pa las yin zhes bya ba'o/ /bstan bcos las te zhes bya bas ni lung ston par byed do/ /skal ba mnyam pa'i rgyu gang zhe na/ dge ba'i rtsa ba sngar byung ba rnams ni zhes bya ba rgyas par 'byung ba la/'das pa rnams ni 'das pa dang / da ltar byung ba dang / ma 'ongs pa rnams kyi skal ba mnyam pa'i rgyu yin la/ da ltar byung ba rnams ni ma 'ongs pa rnams kyi yin gyi/ ma 'ongs pa rnams ni ma 'ongs pa rnams kyi ma yin no zhes bshad de/ de'i phyir skal ba mnyam pa'i rgyu ma 'ongs pa med do zhes bya bar rtogs so zhes bya bar ston to//gal te bstan bcos tshad mar byed na gang skal ba mnyam pa'i rgyu dus gsum pa nyid du ston pa 'di yang bstan bcos yin no/ /smras pa nam yang ma yin no zhes bya ba la/ skabs su bab pa'i phyir rgyu ma yin pa ma yin no zhes sbyar te/dus gsum kar yang rgyu yin no zhes bya ba'i tha tshig go/ /'dis ni skal ba mnyam pa'i rgyu ma 'ongs pa yod do zhes ston par byed do/ /des ni nyes pa med do zhes bya ba ni nam yang ma yin no zhes bstan bcos las 'byung ba'i phyir skal ba mnyam pa'i rgyu ma 'ongs pa bzhin du yang bkag pas bstan bcos 'gal ba'i nyes pa gang yin pa ste/phal che ba'i tshul las rten nas lhan cig 'byung ba'i rgyu la sogs pa la dgongs te gsungs pa'i phyir ro/ /'di ltar de dag gi snga phyi'i rim pa med pa'i phyir dang / rgyu dang 'bras bu dag mi 'dra ba'i phyir ma 'ongs pa yang yin par 'dod do//gang zhig chos ma 'ongs pa de yang zhes bya ba rgyas par 'byung ba la/ skye ba la mngon du phyogs pa ni gegs thams cad log pa yin pa'i phyir skal ba mnyam pa'i rgyu nyid du nges te/ de'i phyir ma 'ongs pa'i gnas skabs tha ma la dgongs nas nam yang rgyu ma yin pa ma yin zhes gsungs pas ma 'ongs pa yang skal ba mnyam pa'i rgyu yin pa'i phyir bstan bcos la 'gal ba med do//de'i de ni lan du mi rung ste/ /zhes bya ba rgyas par 'byung ba la/ tha ma'i gnas skabs la dgongs pa yin na ni med pa'i phyir skye bzhin pa'i gnas skabs na ma byung ba las byung ba yin pa de'i phyir nam yang rgyu ma yin pa ma yin no zhes bya ba 'di 'gal te/gnas skabs thams cad kyi rgyu'i dngos po gsal bar byas pa'i phyir ro/ /chos gang zhig chos gang gi zhes bya ba la sogs pa la/ mtshungs pa de ma thag pa zhes bya ba ni/ mtshungs pa de ma thag pa'i rkyen zhes bya ba'i don to/ /rtogs pa 'dis zhes bya ba'i skal ba mnyam pa'i rgyu la byas pa gang yin pa ste/ chos ma skyes pa de ni skye ba'i tshe'i gnas skabs na gegs thams cad bsal ba yin pa'i phyir mtshungs pa de ma thag pa'i rgyu'i dngos por nges pas nam yang mtshungs pa de ma thag pa ma yin pa ma yin no zhes bya ba yin bzhin du/ci'i phyir 'di skad du gal te zhes bya ba rgya cher smras so/ /gal te zhes bya ba la gal te chos de ma 'ongs pa yin na ni chos de lhan cig byed pa'i rkyen ma yin no zhes bya ba'i don to/ /tha ma'i gnas skabs smra bas/ der ji lta ba bzhin zhes bya ba rgyas par smos so/ /der ji lta ba bzhin du 'dir yang brjod par bya la zhes bya ba rgyas par 'byung ba la/ ji ltar de nam yang rgyu ma yin pa ma yin no zhes bya ba yin pa de bzhin du 'dir yang nam yang mtshungs pa de ma thag pa ma yin pa ma yin no zhes brjod par bya ba yin la/ji ltar 'dir gal te chos de ma skyes pa yin na'o zhes bya ba yin pa de bzhin du der yang gal te chos de ma skyes par 'gyur na'o zhes bya ba yin no/ /de ltar na 'dir bstan bcos byed pa mi mkhas pa zhes bya ba la/ gang gi phyir nam yang ma yin no zhes smras pas go skabs ma phye ba yin yang gal te chos de ma skyes par 'gyur na mtshungs pa de ma thag pa ma yin no zhes bya bas go skabs phye ba yin no//de lta bas na lan snga ma kho na zhes bya ba la sogs pa la/ lhan cig 'byung ba dang / mtshungs par ldan pa dang / rnam par smin pa'i rgyu las dgongs nas gsungs pa'i phyir zhes bya ba'o//'o na gang 'di skad du zhes bya ba rgyas par 'byung ngo / /ma gtogs pa gang yin pa de ni 'jig tshogs la lta ba'i rgyu las byung ba yang yin la/ 'jig tshogs la lta ba'i rgyu yang yin no zhes bya ba la/ 'di ni 'dir ma 'ongs pa skal ba mnyam pa'i rgyu yod do zhes bya ba'i khungs yin no//'jig tshogs la lta ba ma 'ongs pa dang / de dang mtshungs par ldan pa'i sdug bsngal gyi bden pa ma gtogs pa zhes 'byung ba'i phyir 'jig tshogs la lta ba ma 'ongs pa gzhag pa yin no/ /gang las 'jig tshogs la lta ba 'jig tshogs la lta ba'i lhan cig 'byung ba'i rgyu'am/mtshungs par ldan pa'i rgyu nyid du rnam par 'jog par 'gyur ba/ tshogs pa de la 'jig tshogs la lta ba gzhan ni yod pa ma yin te/ lhan cig 'byung ba'i rgyu ma yin pa'i phyir ro/ /lung du ma bstan pa'i phyir rnam par smin pa'i rgyu yang ma yin la/thun mong ba nyid du bgrang bar bya ba ma yin pa'i phyir byed rgyu'i rgyu yang ma yin te/ lhag mar gyur pas skal ba mnyam pa'i rgyu kho na mngon par bzhed pas 'dir lhan cig 'byung ba dang / mtshungs par ldan pa dang / rnam par smin pa'i rgyu la dgongs pa ma yin no//des na lan snga ma kho na legs pa yin no zhes brjod par mi bya'o zhe na/ 'di skad du 'jig tshogs la lta ba ma 'ongs pa dang mtshungs par ldan pa'i zhes bya ba rgyas par 'byung ba la/ de skad du 'don ba'i khyad par gyis ni skal ba mnyam pa'i rgyu spangs par 'gyur la/ lhan cig 'byung ba dang mtshungs par ldan pa'i rgyu rnyed par 'gyur ro/ /don gyis na de ltar go bar bya'o zhes bya ba la/ gal te rab tu grags pa'i phyir 'don pa gzhan du bya ba ma yin no snyam du sems na/ ma 'ongs pa'i dus na snga phyi'i rim pa med pa'i phyir ma skyes pa la skal ba mnyam pa'i rgyu nyid dang /kun du 'gro ba'i rgyu nyid mi srid do zhes don gyis na de ltar khong du chud par bya'o/ /bzhi tshan du nges pa yin te zhes bya ba la/ chos gang zhig chos gang gi rgyu yin pa ni nam yang rgyu ma yin pa ma yin te/ dus gsum dag tu yang rgyu yin no zhes bya ba'i don to/ /'bras bu dang / rten dang / dmigs pa yang de dang 'dra bar brjod par bya'o/ /de'i phyir rgyu rnams ni 'bras bu la sogs pa ltar gnas skabs thams cad nges pa kho na yin no/ /'dir rgyu ni mtshungs par ldan pa'i rgyu dang zhes bya ba rgyas par 'byung ba la/ 'dir thams cad ces bya ba'i sgras ni chos 'dus byas rnams sam/sems dang sems las byung ba yongs su gzung ngo / /thams cad la rnam par smin pa'i 'bras bu yod pa yang ma yin te/ de'i phyir rnam par smin pa'i rgyu ma yin la/ bye brag med par 'jug pa'i phyir byed rgyu yang ma yin no/ /ma 'ongs pa'i dus na snga phyi'i rim pa med pa'i phyir skal ba mnyam pa dang kun du 'gro ba'i rgyu yang ma yin no//chos thams cad la yod pa'i phyir skyes bu byed pa dang / bdag po'i 'bras bu dag kho na yongs su gzung gi /gzhan dag ni ma yin te/ chos thams cad la med pa'i phyir ro/ /skal ba mnyam pa'i rgyu ma 'ongs pa yin par khas mi len pa la yang nyes pa de yin no zhes bstan pa'i phyir/de lta na zhes bya ba rgyas par smos so/ /skal ba mnyam pa'i rgyu da ltar ba kho na yin gyi/ ma 'ongs pa ma yin na de lta na skal ba mnyam pa'i rgyu ma yin pa las yin par gyur to zhes bya bar 'gyur ro/ /de'i phyir dus thams cad kyi tshe yod pa nyid du dam bcas pa dang 'gal lo//gnas skabs la ni 'dod pa kho na yin gyi zhes bya ba rgyas par 'byung ba la/ 'dis ni rdzas thams cad kyi tshe yod pa nyid du dam 'cha'i/ gnas skabs rnams ni ma yin pas 'gal ba med par ston to/ /chos ni tshogs pa'i dbang gis gnas skabs gzhan du 'gyur gyi/med pa ni chos gzhan du 'gyur bar mi 'thad do/ /de'i phyir tshogs pa ni gnas skabs kyi 'bras bu can kho na yin gyi/ rdzas kyi 'bras bu can ma yin pas nyes pa 'di med do/ /gal te rnam par smin pa'i rgyu gzhan du zhes bya ba rgyas par 'byung ngo //cir 'gyur zhes bya ba la/ skyon ci 'gyur zhe na/ gal te rnam par smin pa'i rgyu bzhin du ma 'ongs pa yin par 'gyur na ni bstan bcos las de yang smos par 'gyur na/ smos pa ni yod pa yang ma yin no/ /de las ni dge ba'i rtsa ba ma 'ongs pa rnams ni dge ba'i rtsa ba ma 'ongs pa rnams kyi skal ba mnyam pa'i rgyu yin no zhes ma gsungs te/de'i phyir/ skal ba mnyam pa'i rgyu ma 'ongs par rtogs na bstan bcos dang 'gal bar 'gyur ro/ /'bras bu 'byin pa dang zhes bya ba rgyas par 'byung ste/ 'dis ni bstan bcos dang 'gal ba spong ngo / / 'bras bu 'byin par nus pa ni 'das pa yin la/ 'bras bu 'dzin par nus pa ni da ltar ba yin zhing / 'ga' zhig 'byin pa yang yin na ma 'ongs pa de ltar 'bras bu 'byin pa dang / 'dzin par byed nus pa ma yin pas bstan bcos las ma smos kyi/ med pa'i phyir ni ma yin no/ /de'i phyir bstan bcos dang 'gal ba med do//de ni ma yin te zhes bya ba la/ ma 'ongs pa 'bras bu 'byin pa dang 'dzin par mi nus pa'i phyir ma smos pa ni ma yin te/ 'o na ci zhe na/ med pa kho na'i phyir ro/ /'di ji ltar shes she na/ de'i phyir skal ba mnyam pa'i rgyu ni zhes bya ba rgyas par smos te/rgyu mthun pa ni rgyu dang 'dra ba yin la/ skal ba mnyam pa'i rgyu yang / rgyu mthun skal mnyam kun 'gro ba'i/ /zhes 'byung ba des 'bras bu dang bcas pa yin na de ni ma 'ongs pa la rigs pa ma yin te/ snga phyi med pa'i phyir ro/ /ma 'ongs pa'i gnas skabs su 'di ni snga ma'o/ / 'di ni phyi ma'o zhes bya bar yongs su mi chod de 'chol ba'i phyir ro/ /snga ma dang phyi ma'i dngos po med na ni 'dra ba 'dra ba'i rgyu mthun par rigs pa yang ma yin no/ /'on te skyes zin pa 'das pa'am da ltar ba ma 'ongs pa'i rgyu mthun par 'dod do zhe na/ de'i phyir byung zin pa yang ma 'ongs pa'i rgyu mthun par mi rung ste zhes bya ba smos so//dper na 'das pa da ltar ba'i rgyu mthun pa ma yin pa de bzhin du byung zin pa yang ma 'ongs pa'i rgyu mthun pa yin par mi 'os so/ /ci'i phyir zhe na/ rgyu bas 'bras bu snga ma mi rung bas zhes bya ba smos te/ de'i phyir rgyu don med par thal bar 'gyur ro//rnam par smin pa'i 'bras bu snga ma dang lhan cig par mi rung ba'i phyir la zhes bya ba la/ rgyu bas 'bras bu snga ba mi rung bas snga ba mi rung ngo / /lhan cig pa yang mi rung ste/ ma 'ongs pa'i gnas skabs na yang 'chol ba'i phyir ro/ /'di ltar da ltar byung ba'i gnas skabs na lhan cig 'byung ba'i rgyu bzhin du rnam par smin pa'i 'bras bu dang lhan cig skye bar ma dmigs so//ma 'ongs pa'i dus la yang snga phyi med pa'i phyir rnam par smin pa'i rgyu snga la/ rnam par smin pa'i 'bras bu 'phyi ba yang mi rung ngo / /de'i phyir skal ba mnyam pa'i rgyu bzhin du rnam par smin pa'i rgyu yang ma 'ongs pa yin par mi 'gyur ro//bye brag tu smra bas de ni ma yin te zhes bya ba smos te/ de lta na rnam par smin pa'i rgyu yang zhes gang smras pa de ma yin no/ /phan tshun rgyu mthun pa nyid ni rigs pa dang ldan pa yang ma yin no zhes bya ba la/ chos 'dra ba la gang zhig gang gi skal ba mnyam pa'i rgyu yin pa de nyid ji ltar de nyid kyi tshe de'i rgyu mthun par rig par 'gyur/rnam par smin pa'i rgyu ni zhes bya ba ci zhe na/ snga phyi med bzhin du yang phan tshun rgyu dang 'bras bu nyid du thal bar mi 'gyur ro/ /ci'i phyir zhe na/ rgyu dang 'bras bu dag mtshan nyid tha dad pa'i phyir ro zhes 'byung ste rnam par smin pa'i rgyu'i mtshan nyid ni/rnam smin rgyu ni mi dge dang / /dge ba zag bcas rnams kho na/ /zhes de'i 'bras bu las tha dad pa yin la/ rnam par smin pa'i 'bras bu yang / rnam smin lung du ma bstan zhes rang gi rgyu las mtshan nyid tha dad do/ /de'i phyir 'dir ni snga phyi med bzhin du yang phan tshun 'bras bu nyid du thal bar mi 'gyur ro//skal ba mnyam pa'i rgyu ni rgyu dang 'bras bu dag rang bzhin tha dad pa'i phyir tha dad pa ma yin te/ 'o na ci zhe na/ dus snga phyir 'byung ba nyid kyi phyir ro/ /de'i phyir snga phyi med na skal ba mnyam pa'i rgyu kho na phan tshun 'bras bu nyid du 'gyur gyi/ rnam par smin pa'i rgyu ni ma yin no//gnas skabs las rnam par gnas pa zhes bya ba la/ snga ma dang phyi ma'i rim pa rgyu dang 'bras bu nges pa'i phyir skal ba mnyam pa'i rgyu ni 'das pa dang da ltar ba'i gnas skabs kho na yin gyi/ ma 'ongs pa'i gnas skabs ni ma yin no/ /rnam par smin pa'i rgyu ni/mi dge ba dang / dge ba zag bcas rnams kho na/ /zhes mtshan nyid las rnam par gnas pa yin la/ mtshan nyid kyang dus gsum du 'khrul pa med pas ma 'ongs pa yang mi bzlog go ste/ mi dgag go/ /sa dgu'i lam ni phan tshun du zhes bya ba rgyas par 'byung ba la/ni zhes bya ba'i sgra ni khyad par du bya ba'i don du'o/ /lam zhes bya ba ni lam gyi bden pa la brjod par 'dod de/ 'jig rten pa'i lam las khyad par du 'phags pas so/ /zag pa dang bcas pa'i chos ni rang gi sa pa kho na skal ba mnyam pa'i rgyu yin gyi/gzhan gyi sa pa ni ma yin te/ zag pa dang bcas pa'i sa rnams ni sred pas yongs su bcad pa'i phyir ro/ /lam gyi bden pa yang sa tha dad par mtshungs bzhin du sa dgu'i lam kho na phan tshun skal ba mnyam pa'i rgyu yin gyi/ zag pa dang bcas pa ni ma yin no zhes bya ba 'di la rgyu ci yod ce na/de'i phyir rgyu smras pa ni/ 'di ni sa de dag tu glo bur du 'ongs pa yin la zhes bya ba rgyas par 'byung ste/ zag pa dang bcas pa ltar 'dod pa dang / gzugs dang gzugs med pas ma bsdus pas sa dag tu glo bur du 'ongs pa yin la/ sa dgu la brten nas 'thob pa'i phyir sa dgu pa zhes bya'o//yang ji ltar sa de dag tu gtogs pa ma yin par shes she na/ de'i phyir/ sa de ba'i sred pa dag gis bdag gir ma byas pa'i phyir zhes bya ba smos te/ sred pas bdag gir byas pas yongs su bcad pas khams dang sa rnams yongs su gcod pa yin la/ bdag gir byas pa yang dmigs pa dang mtshungs par ldan pa'i sgo nas rgyas pa yin la/zag pa med pa'i chos ni 'dod pa dang gzugs dang gzugs med pa'i sred pas bdag gir byas pa ma yin te/ de'i gnyen po yin pa'i phyir ro/ /'o na ji ltar lam don du gnyer bar byed ce na/ de ni chos la 'dun pa dge ba zhig yin te/'dod chags min te spang bya'i phyir/ /zhes 'byung ba'i phyir ro/ /de ltar lam glo bur ba yin pa'i phyir ris mthun pa gzhan gyi sa pa'i yang skal ba mnyam pa'i rgyu yin pas thams cad thams cad kyi rgyu nyid du thal ba yin dang / mnyam dang khyad par can gyi yin/ /zhes bya ba smos te/gong dang 'og dang rang gi sa pa mnyam pa dang khyad par can gnyis kyi yin gyi/ chung ngu'i ni ma yin no/ /'di lta ste sdug bsngal la chos shes pa'i bzod pa ni zhes bya ba la sogs pa la/ sdug bsngal la chos shes pa'i bzod pa ni lan cig kho na skye'i yang dang yang du ni ma yin no zhe na/ de'i phyir de nyid ma 'ongs pa dang zhes bya ba smos te/ mnyam pa'i phyir de'i skal ba mnyam pa'i rgyu yin la/ sdug bsngal la chos shes pa nas mi skye ba shes pa'i bar khyad par can gyi yang rgyu yin no/ /mi skye ba shes pa ni mi skye ba shes pa kho na yin gyi/ gzhan gyi ni ma yin no/ /de nyid la rgyu smras pa ni/khyad par can gzhan med pa'i phyir zhes bya ba ste/ mi skye ba shes pa bas ni chos khyad par can gzhan yod pa ma yin no/ /mthong ba dang / bsgom pa dang / mi slob pa'i lam rnams ni gsum dang gnyis dang gcig dag gi yin no zhes bya ba la/ mthong ba'i lam ni mthong ba'i lam gzhan dang bsgom pa'i lam dang /mi slob pa'i lam gyi skal ba mnyam pa'i rgyu yin pas gsum gyi yin no/ /bsgom pa'i lam ni bsgom pa'i lam gzhan dang / mi slob pa'i lam gyi yin gyi/ mthong ba'i lam gyi ni ma yin te/ dman pa'i phyir ro/ /mi slob pa'i lam ni mi slob pa'i lam gzhan gyi yin gyi/mthong ba dang bsgom pa'i lam dag gi ni ma yin te/ dman pa'i phyir ro/ /de ltar thun mong gi dbang du byas nas mthong ba'i lam la sogs pa bshad de/ dbang po'i bye brag gi dbang du byas na ni re re zhing dbang po'i sgo nas tha dad pa yin no/ /de nyid kyi phyir/ de la yang dbang po rtul po'i lam ni zhes bya ba rgyas par 'byung ngo //de la mthong ba'i lam la sogs pa dag las/ dbang po rtul po'i lam mthong ba'i lam gyi rang bzhin ni dbang po rtul po dang rnon po'i lam gyi skal ba mnyam pa'i rgyu yin no/ /dbang po rnon po'i lam ni dbang po rnon po'i lam kho na'i yin gyi dbang po rtul po'i lam gyi ni ma yin no//bsgom pa'i lam dang mi slob pa'i lam yang de dang 'dra bar brjod par bya'o/ /'di nyid kho na bstan pa'i phyir 'di lta ste zhes bya ba rgyas par 'byung ngo / /'di lta ste/ dad pas rjes su 'brang ba'i lam ni dad pa'i rjes su 'brang ba'i lam gzhan dang / ci rigs par chos kyi rjes su 'brang ba'i lam dang /dad pas mos pa dang / mthong bas thob pa dang / dus kyis rnam par grol ba dang / dus dang mi sbyor ba'i lam skye ba'i chos can rnams dang / mi skye ba'i chos can rnams kyi yin pas na drug gi skal ba mnyam pa'i rgyu yin no/ /dad pas mos pa'i lam ni dad pas mos pa'i lam gzhan dang /mthong bas thob pa dang / dus kyis rnam par grol ba dang / dus dang mi sbyor bar rnam par grol ba dang / gzhan dag gi skal ba mnyam pa'i rgyu yin no/ /dus kyis rnam par grol ba'i lam ni dus kyis rnam par grol ba'i lam gzhan dang /dus dang mi sbyor bar rnam par grol ba'i lam gyi yin te/ de ltar na gnyis kyi skal ba mnyam pa'i rgyu yin no/ /chos kyi rjes su 'brang ba zhes bya ba la sogs pa la/ chos kyi rjes su 'brang ba'i lam gzhan dang / mthong bas thob pa dang / dus dang mi sbyor bar rnam par grol ba ste/ de ltar na gsum gyi skal ba mnyam pa'i rgyu yin no/ /mthong bas thob pa'i lam ni mthong bas thob pa'i lam gzhan dang / dus dang mi sbyor bar rnam par grol ba'i lam gyi yin te/ de ltar na gnyis kyi yin no/ /dus dang mi sbyor bar rnam par grol ba'i lam ni dus dang mi sbyor bar rnam par grol ba'i lam gzhan kho na'i yin te/de ltar na gcig gi skal ba mnyam pa'i rgyu yin no/ /sa 'og ma dman pa'i phyir 'dri ba ni/ yang ji ltar zhes bya ba rgyas par 'byung ba'o/ /de la dad pas rjes su 'brang ba'i lam bsam gtan bzhi pa'i sa pa ni sa 'og ma pa'i dad pas rjes su 'brang ba'i lam mnyam ste/gnyis ka yang dbang po rtul po yin pa'i phyir ro/ /de bzhin du dad pas rjes su 'brang ba'i lam sa gong ma pa bas ni chos kyi rjes su 'brang ba'i lam sa 'og ma pa khyad par can yin te/ dbang po rnon po yin pa'i phyir ro//de bzhin du yang sa gong ma pa'i chos kyi rjes su 'brang ba'i lam dang ni/ chos kyi rjes su 'brang ba'i lam sa 'og ma pa mnyam pa yin te/ gnyis ka yang dbang po rnon po yin pa'i phyir ro/ /de bzhin du dbang po'i sgo nas sa gong ma pa'i dad pas mos pa dang / mthong bas thob pa dang /dus kyis rnam par grol ba dang / dus dang mi sbyor bar rnam par grol ba'i lam rnams dang / mnyam pa dang khyad par can yin pa yang brjod par bya'o/ /de bzhin du rgyus rgyas pa'i sgo nas kyang yin te/ sa 'og ma pa'i bsgom pa dang / mi slob pa'i lam dag ni sa gong ma'i mthong ba'i lam pas rgyus rgyas par byas pa'i sgo nas khyad par can yin no//de bzhin du sa gong ma pa'i bsgom pa'i lam pas sa 'og ma pa'i mi slob pa'i lam khyad par can yin no/ /de la rgyus shin tu rgyas par byas pa ni mthong ba'i lam la sogs pa dang zhes rgyas par 'byung ba la/ sogs pa zhes bya ba smos pa ni sgom pa dang / mi slob pa'i lam nye bar bsdu ste sa gong ma pa'i sdug bsngal la chos shes pa'i bzod pa bas/ sa 'og ma pa'i sdug bsngal la chos shes pa rgyus rgyas pa'i sgo nas khyad par can yin no zhes bya ba la sogs pa sbyar bar bya'o/ /de bzhin du chung ngu'i chung ngu bas chung ngu'i 'bring rgyus rgyas pa'i sgo nas khyad par can yin la de bzhin du chung ngu'i 'bring bas chung ngu'i chen po'i rgyus rgyas pa'i sgo nas khyad par can yin pa nas/chen po'i 'bring bas chen po'i chen po'i bar du khyad par can yin te/ chen po'i chen po pas ni khyad par can gzhan med do//dad pas rjes su 'brang ba'i lam ni drug dag gi skal ba mnyam pa'i rgyu yin no zhes smras na/ dad pas rjes su 'brang ba dang chos kyi rjes su 'brang ba'i lam dag ni rgyud gcig la skye ba mi srid do zhes bya ba'i phyogs snga ma khong na yod pa gsal bar bya ba'i phyir/ rgyud gcig la zhes bya ba la sogs pa smos te/ dad pas rjes su 'brang ba'i lam byung ba ni chos kyi rjes su 'brang ba'i lam mi skye ba'i chos can gyi rgyu'i dngos por 'gyur mod kyi/ de mi skye ba ni rkyen ma tshang ba las yin te/ gang zhig gang gi rgyu yin pa de ni nam yang rgyu ma yin pa ma yin no zhes 'byung ba'i phyir ro//sbyor byung zhes bya ba la/ sbyor ba las byung ba smos pa ni skyes nas thob pa dgag par bya ba'i phyir ro/ /sbyor ba las byung ba ni sbyor ba las skyes pa'o/ /thos pa las byung ba ni gang dag sangs rgyas kyi gsung rab thos pa las skyes pa yin gyi/ mu stegs can gyi tshig thos pa las skyes pa ni ma yin no//bsams pa las byung ba ni de bsams pa nyid las skyes pa dag go/ /bsgoms pa las byung ba ni mi rtag pa la sogs pa bsgoms pa las skyes pa dag go/ /mnyam pa dang khyad par can dag kho na'i rgyu yin gyi/ dman pa rnams kyi ni ma yin te zhes bya ba la/rgyu'i 'bras bu dman pa ni mi rigs te/ 'bad pa 'bras bu med par 'gyur du 'ong ba'i phyir ro/ /'dod pa'i khams ni mnyam par ma bzhag pa yin pa'i phyir bsgoms pa las byung ba med do/ /bsams pa las byung ba med pa'i phyir ro zhes bya ba la/gzugs na spyod pa rnams ni rgyud zhi gnas kyis brlan pa'i phyir gang gi tshe sems par rtsom pa de'i tshe de dag ting nge 'dzin la nye bar gnas par 'gyur ro/ /de dag kyang zhes bya ba ni thos pa las byung ba la sogs pa dag go/ /chung ngu'i chung ngu'i dag ni thams cad kyi yin la zhes bya ba la/chung ngu'i chung ngu dag ni chung ngu'i gzhan mnyam po rnams dang / chung ngu'i 'bring la sogs pa gzhan khyad par can brgyad kyi yin no/ /chung ngu'i 'bring po dag ni brgyad kyi yin la/ chung ngu'i chen po dag ni bdun gyi yin zhing / 'bring gi chung ngu dag ni drug gi yin pa nas/chen po'i chen po dag ni chen po'i chen po dag kho na'i bar gyi yin no/ /skyes nas thob pa can gyi dge ba'i chos rnams ni zhes bya ba la/ skye bas thob pa ni skyes nas thob pa ste/ de 'di dag la yod pas na skyes nas thob pa can no/ /rnam pa dgu po de dag thams cad phan tshun skal ba mnyam pa'i rgyu yin te/chung ngu'i chung ngu dag chung ngu dag gi yin pa nas chen po'i chen po dag chung ngu'i chung ngu dag gi bar gyi yin no/ /ci'i phyir zhe na/ skal ba mnyam pa'i rgyu mngon par 'du byed pa can gyi 'bras bu ni dman pa yin par mi 'dod kyi/ mngon par 'du byed pa can ma yin pa'i ni ma yin no//nyon mongs pa can rnams kyang de dang 'dra'o zhes bya ba la/ rnam pa dgu po thams cad phan tshun skal ba mnyam pa'i rgyu yin te/ sbyor ba las byung ba ma yin pa'i phyir ro/ /de dag ni go rims bzhin du zhes bya ba la/ rnam par smin pa las skyes pa ni rnam par smin pa las skyes pa la sogs pa bzhi'i skal ba mnyam pa'i rgyu yin no//spyod lam pa ni gsum gyi yin gyi/ rnam par smin pa las skyes pa rnams kyi ni ma yin te/ de dag ni mngon par 'du byed pa can ma yin pa nyid kyis dman pa'i phyir ro/ /bzo'i gnas pa ni gnyis dag gi yin la/ sprul pa ni sprul pa rnams kho na'i yin te/ phyi ma phyi ma dag ni ches mngon par 'du byed pa can yin pa'i phyir ro/ /sprul pa'i sems bsam gtan bzhi'i 'bras bu 'dod pa na spyod pa yang yin te zhes bya ba la/ de yang rim pa bzhin du bzhi dang gsum dang gnyis dang gcig dag gi skal ba mnyam pa'i rgyu yin no//ji ltar zhe na/ de'i phyir de la bsam gtan gong ma'i 'bras bu ni zhes bya ba rgyas par smos so/ /de nyid las rgyu smras pa ni 'bad pa 'bras bu med par 'gyur du 'ong ba'i phyir zhes bya ba rgyas par 'byung ba'o/ /mngon par 'du byed pas bskyed pa ni mngon par 'du byed pa can te/de dag rnam pa bzhi char yang mngon par 'du byed pa can yin no/ /bsam gtan gong ma'i 'bras bu ni bsam gtan 'og ma'i 'bras bu bas ches khyad par du 'phags pa yin pas de de dag gi skal ba mnyam pa'i rgyu ma yin gyi/ lhag ma rnams ni de'i yin te/dman pa'i phyir dang sngar skyes pa'i phyir ro/ /de nyid la dpe ni/ sA lu dang nas la sogs pa lta bu'o zhes bya ba'o/ /de dag gi 'bras bu ni mnyam pa'am lhag pa yin te/ sA lu'i sa bon gcig las 'bras bu gcig gam du ma 'byung gi dman pa ni ma yin no/ / de nyid kyi phyir zhes bya ba ni/ gang gi phyir skal ba mnyam pa'i rgyu mngon par 'du byed pa can gyi 'bras bu dman pa'i ma yin pa'i phyir ro/ /zag pa med pa skyes pa zhes bya ba rgyas par 'byung ba la/ sdug bsngal la chos shes pa ni skyes kyang sdug bsngal la chos shes pa'i bzod pa rang gi rigs can ma 'ongs pa rnams kyi rgyu ma yin te/dman pa'i phyir ro/ /sdug bsngal la chos shes pa ni sdug bsngal la chos shes pa'i bzod pa rnam pas khyad par can nyid yin te/ nges pa'i bdag nyid can yin pa'i phyir dang / nyon mongs pa'i bral ba'i thob pa dang lhan cig skyes pa'i phyir ro//khyad par can thams cad dman pa'i lta bu'o zhes bya ba ni/ dper na dgra bcom pa nyid las yongs su nyams na/ mi slob pa'i lam sngar skyes pa lan cig phyir 'ong ba dang phyir mi 'ong ba phyis skyes pa dag gi skal ba mnyam pa'i rgyu ma yin pa lta bu'o/ /rgyud gcig la nges pa zhes bya ba rgyas par 'byung ba la/sdug bsngal la chos shes pa'i bzod pa ma 'ongs pa dag ni sdug bsngal la chos shes pa ma skyes pa'i sngar sdug bsngal la chos shes pa'i bzod pa'i dus kho nar thob pas sdug bsngal la chos shes pa'i sngon du thob pa yin no//sdug bsngal la chos shes pa de dag thob nas gzod skye bas de dag thob pa bas phyis skyes pa yin no/ /sdug bsngal la chos shes pa'i bzod pa sngar skyes pa gang yin pa de ni de'i skal ba mnyam pa'i rgyur 'gyur ba kho na yin te/ de nyid kyi phyir sngar thob pa zhes smos kyi/ sngar skyes pa zhes ni ma yin no/ /de nyid la rgyu bshad pa ni 'di ltar 'bras bu snga ba dang zhes bya ba rgyas par 'byung ba ste/ gal te 'bras bu ches snga bar 'gyur na ni rgyu don med par 'gyur la/ skal ba mnyam pa'i rgyu ma 'ongs pa yin na yang snga phyi med pa'i phyir rgyu dang 'bras bu dag 'chol bar 'gyur ro zhes sngar bshad zin to//zag pa med pa'i chos sngar skyes pa zhes bya ba rgyas par 'byung ba la/ 'dir ni 'bras bu sngar skyes pa nyid dang / skal ba mnyam pa'i rgyu ma 'ongs pa nyid yod pa ma yin no snyam ste dris pa'o/ /'di lta ste 'bras bu gong ma las yongs su nyams pa zhes bya ba la/ 'bras bu gong ma ni dgra bcom pa nyid dam/ phyir mi 'ong ba'i 'bras bu 'am lan cig phyir 'ong ba'i 'bras bu'o/ /'bras bu 'og ma mngon du byed pa'i tshe zhes bya ba la 'og ma ni phyir mi 'ong ba'i 'bras bu'am/ lan cig phyir 'ong ba'i 'bras bu 'am/ rgyun du zhugs pa'i 'bras bu'o/ /de la 'bras bu gong ma las yongs su nyams pa 'bras bu 'og ma mngon du byed pa'i tshe 'bras bu gong ma'i lam sngar skyes pa yin yang 'bras bu 'og mas bsdus pa'i lam phyis skyes pa'i skal ba mnyam pa'i rgyu ma yin pa lta bu ste/de na dman pa'i phyir ro/ /sdug bsngal la chos shes pa'i thob pa zhes bya ba rgyas par 'byung ba la/de thob pa'i sdug bsngal la chos shes pa dang lhan cig skyes pa ste/ de ni sdug bsngal la chos shes pa'i bzod pa'i thob pa sdug bsngal la rjes su shes pa'i bzod pa la sogs pa dang / lhan cig skyes pa thams cad kyi rgyu ma yin pa lta bu ste/ de dag ni phyis skyes mod kyi/ sdug bsngal la chos shes pa'i thob pa bas dman pa kho na yin no/ /de bzhin du skad cig ma gong ma gong ma dang lhan cig skyes pa dag la yang brjod par bya'o/ /skal ba mnyam pa'i rgyu bshad zin to/ /mtshungs ldan rgyu ni sems dag dang / /sems byung zhes bya ba la/ni zhes bya ba'i sgra ni mtshungs par ldan pa'i rgyu ni sems dang sems las byung ba kho na 'o zhes nges par gzung ba dang rim pa gzhan du sbyar ba ste/ rnam pa gzhan du nges par gzung na ni sems dang sems las byung ba rnams la lhan cig 'byung ba'i rgyu la sogs pa bkag pa mi 'dod par thal bar 'gyur ro//de lta na ni dus dang rgyud tha dad pa las skyes pa rnams zhes bya ba rgyas par 'byung ngo / /'o na ni dmigs pa gcig pa dag yin no zhes bya ba la/ de lta na dus dang rgyud tha dad pa las skyes pa rnams rnam pa dang dmigs pa tha dad pa'i phyir mtshungs par ldan pa'i rgyu nyid du thal bar 'gyur ba ldog pa yin no//de lta na yang de nyid du thal bar 'gyur ro zhes bya ba ni rgyud dang dus tha dad pa las skyes pa rnams zhes bya ba la sogs pa gang sngar smras pa'o/ /'di ltar dus dang rgyud tha dad pa las skyes pa ni rnam pa dang dmigs pa gcig pa dang / dmigs pa dang rnam pa tha dad pa dag go//de la rnam pa dang dmigs pa gcig pa dag ces bya ba smos pas ni rnam pa dang dmigs pa tha dad pa bkag go/ /cig shos ni ma bkag pas thal ba de nyid du 'gyur ro/ /'o na ni dus gcig pa dag yin no zhes bya ba 'byung ngo / /de lta na yang rgyud tha dad pa pa las skyes shing dus tha mi dad pa rnams la yang thal bar 'gyur te/mang po rnams zla ba tshes pa la sogs pa la lta ba dag gi lta bu/ rgyud tha dad pa las skyes pa/ dus gcig cing rnam pa dang dmigs pa gcig pa dag la yang thal bar 'gyur ro/ /gang gi phyir khyad par de dag gis ni gzhan du yang thal bar 'gyur ba de lta bas na/rten mtshungs can rnams so/ /rgyud tha dad pa rnams kyang rigs kyi sgo nas rten mig la sogs pa mtshungs pa can yin pas de las khyad par du bya ba'i phyir mtshungs pa zhes bya ba ni tha mi dad pa ste zhes bya ba smos te/ 'dis ni skad cig ma'i dbang du byas nas mtshungs pa nyid du 'dod kyi/rigs kyi dbang du byas nas ni ma yin no zhes ston to/ /de nyid kyi phyir/ 'di lta ste zhes bya ba rgyas par 'byung ngo / /yang mtshungs par ldan pa dang / lhan cig 'byung ba'i rgyu la tha dad du bya ba ci yod ces khong na yod pa'i dri ba gtan la dbab par bya ba'i phyir/mtshungs par ldan pa'i rgyu gang yin pa de ni lhan cig 'byung ba'i rgyu yang yin no zhes bya ba smos so/ /lhan cig 'byung ba'i rgyu ni mtshungs par ldan pa'i rgyu ma yin pa yang yod de/ sems kyi rjes su 'jug pa'i gzugs dang / skye ba la sogs pa dag dang /'byung ba chen po rnams so/ /mtshungs par ldan pa'i rgyu gang yin pa kho na lhan cig 'byung ba'i rgyu yin na/ de la rdzas khyad par med pas 'dri ba ni yang don gang gis zhes bya ba la sogs pa'o/ /phan tshun 'bras bu'i don gyis na/ /zhes bya ba rgyas par 'byung ba la/ji ltar 'gron po rnams phan tshun gyi stobs kyis lhan cig lam du 'gro ba de bzhin du/ sems dang sems las byung ba rnams kyang phan tshun gyi stobs kyis skye ba'i phyir phan tshun 'bras bu nyid du 'dod la/ phan tshun 'bras bu nyid kyis kyang lhan cig 'byung ba'i rgyur 'dod do//mtshungs pa lngas zhes bya ba ni rten dang / dmigs pa dang / rnam pa dang / dus dang / rdzas mtshungs pa'i rnam pa dag gis so/ /mtshungs par ldan pa'i don gyis zhes bya ba ni mtshungs par 'jug pa'i don gyis te/ ji ltar 'gron po phan tshun gyi stobs kyis lam du 'gro ba de dag zas dang btung ba dang /khrus dang / mal dang stan la sogs pa yongs su longs spyad pa'i bya ba la 'dra bar sbyor ba de bzhin du/ sems dang sems las byung ba rnams kyang ma 'ongs pa'i dus nas da ltar ba'i dus su 'ong ba na gcig med na yang thams cad mtshungs par mi ldan pas/'di ni de dag gi rgyu'i dngos po yin te/ de yod na yod pa'i phyir ro/ /mtshungs par ldan pa'i rgyu bshad zin to/ /kun 'gro zhes bya nyon mongs can/ /rnams kyi zhes bya ba la/ nyon mongs pa smos pa ni skal ba mnyam pa'i rgyu las khyad par du bya ba'i phyir te/de ni nyon mongs pa can rnams dang nyon mongs pa can ma yin pa rnams kyi yin gyi 'di ni nyon mongs pa rnams kho na'i yin no/ /de lta yin na gzhan gyi sa pa dang / ma 'ongs pa dang / phyis skyes pa dang / lhan cig skyes pa yang kun du 'gro ba'i rgyur thal bar 'gyur ro zhe na/ de'i phyir/ rang sar kun 'gro snga zhes bya ba smos so/ /kun du 'gro ba yang de dag yin la/ snga ba yang yin pa ni kun 'gro snga ste/ kun du 'gro ba sngar skyes pa rnams zhes bya ba'i don to/ /rang gi sa pa'i phra rgyas kun du 'gro ba 'das pa'am/ da ltar byung ba 'ang rung ste/ sngar skyes pa rnams ni nyon mongs pa can thams cad kyi kun du 'gro ba'i rgyu yin no//'di skal ba mnyam pa'i rgyu bzhin du rang gi ris smos pa ni ma byas te/ 'di ltar 'di ni nyon mongs pa can gyi thun mong ba'i rgyu yin pa nyid kyis skal ba mnyam pa'i rgyu las khyad par du gyur pa'i phyir ro/ / de dag kyang 'og nas zhes bya ba rgyas par 'byung ba la/ de dag kyang / sdug bsngal rgyu mthong spang bya ba/ /lta dang de bzhin the tshom dang / /gang de lhan cig ma 'dres pa'i/ /ma rig gang yin kun du 'gro/ /zhes bya ba ste/ dngos po ris lnga po thams cad kyang dmigs par 'gyur ba 'am/nyon mongs pa'i tshogs thams cad kyi rgyu'i dngos por 'gyur bas na kun du 'gro ba rnams so/ /de nyid kyi phyir 'di ni nyon mongs pa can gyi chos kyi thun mong gi rgyu nyid yin pas skal ba mnyam pa'i rgyu las logs shig tu rnam par gzhag go/ /ris gzhan dag gi yang zhes bya ba 'dis ni nyon mongs pa can gyi chos kyi thun mong gi rgyu nyid du rtogs par byed do//de la kun 'byung dang / 'gog pa dang / lam mthong ba dang / bsgom pas spang bar bya ba rnams ni kun du 'gro ba'i rgyu sdug bsngal mthong bas spang bar bya ba'i ris gzhan yin la/ de bzhin du gang dag kun 'byung mthong bas spang bar bya ba las gzhan pa de dag kyang ris gzhan yin no//de'i phyir ris gzhan po de dag gi yang rgyu yin pa'i phyir te/ yang zhes bya ba'i sgras ni rang gi ris pa rnams kyi yang yin no zhes bya bar rtogs so/ /kun du 'gro ba'i rgyu sngar skyes pa ni ris lnga char gyi nyon mongs pa ma skyes pa yang rgyu mthun pa'i 'bras bu nyid du yongs su 'dzin te/de'i phyir de dag gi mthus ni zhes bya ba rgyas par 'byung ngo / /de lta bas na bcom ldan 'das kyis kyang / nyon mongs pa thams cad ni 'jig tshogs la lta ba'i rtsa ba can no//'jig tshogs la lta ba las skyes pa'o/ /'jig tshogs la lta ba'i kun 'byung ba can no zhes gsungs so/ /'phags pa rnams kyi kun du 'gro ba'i rgyu spangs pa'i phyir la/ spangs pa yang rgyu'i dngos por mi srid do snyam ste 'dri ba ni/ ci 'phags pa'i gang zag gi zhes bya ba rgyas par smos pa'o//'phags pa'i gang zag ni rgyun du zhugs pa dang / lan cig phyir 'ong ba dang / phyir mi 'ong ba rnams la mngon par 'dod de/ de dag la nyon mongs pa kun du spyod pa srid pa'i phyir ro/ /kha che ba rnams na re nyon mongs pa can thams cad kyi zhes bya ba rgyas par 'byung ste/de dag ni spangs zin pa'i phyir 'phags pa'i gnas skabs na rgyu'i dngos por 'gyur bar mi rung ste/ 'o na ci zhe na/ de dag ni so so'i skye bo'i gnas skabs kho nar rgyu'i dngos por rnam par gnas pa yin te/ gang zhig gang gi rgyu yin pa de ni nam yang de'i rgyu ma yin pa ma yin no zhes bya bas de dag ni spangs kyang /nyon mongs pa can gyi chos rnams kyi kun du 'gro ba'i rgyu nyid du bsnyad do/ /'di la khungs ni 'di ltar rab tu byed pa dag las/ mthong bas spang bar bya ba'i rgyu las byung ba'i chos rnams gang zhe na zhes bya ba smos te/ 'dir kun du 'gro ba'i rgyu nyon mongs pa can gyi chos kyi thun mong gi rgyu nyid yin pa'i khungs ni nyon mongs pa can gyi chos rnams zhes bya ba 'di yin te/ 'dir 'phags pa'am so so'i skye bo'i nyon mongs pa can zhes bya bar khyad par du ma byas pa de'i phyir na 'phags pa'i yang yin no zhes bya bar rtogs so//mthong bas spang bar bya ba'i rgyu las byung ba zhes khyad par med pa yin yang kun du 'gro ba rnams kho na gzung ngo / /de bzhin du rnam par smin pa yang khyad par med par brjod du zin kyang mi dge ba rnams kho na'i yin gyi/ lung du ma bstan pa rnams kyi ni ma yin no//lung du ma bstan pa'i rgyu las byung ba'i chos rnams zhes bya ba rgyas par 'byung ba la/ 'dir yang mi dge ba rnams so zhes bya ba 'di khungs yin no/ /lung du ma bstan pa ni 'jig tshogs la lta ba dang mthar 'dzin par lta ba gnyis yin te/ de dag kyang khyad par med par mi dge ba'i chos rnams kyi rgyu'i dngos por bstan pas 'phags pa'i mi dge ba'i chos rnams kyang 'jig tshogs la lta ba dang mthar 'dzin par lta ba'i rgyu las byung ba yin no zhes bya bar nges pa yin no//lung du ma bstan pa'i chos 'dus byas rnams zhes bya ba la/ 'dus byas smos pa ni nam mkha' dang /so sor brtags pa ma yin pas 'gog pa rnam par gcad par bya ba'i phyir ro/ /sdug bsngal gyi bden pa 'jig tshogs la lta ba'i rgyu can yin la/ 'jig tshogs la lta ba'i rgyu ma yin pa yang yod ces bya ba la/ 'dir rgyas par zhes bya ba smos pas ni sdug bsngal gyi bden pa 'jig tshogs la lta ba'i rgyu can yin la/'jig tshogs la lta ba'i rgyu ma yin pa yang yod/ 'jig tshogs la lta ba'i rgyu yin la/ 'jig tshogs la lta ba'i rgyu can yin pa yang yod/ 'jig tshogs la lta ba'i rgyu can yang ma yin la/ 'jig tshogs la lta ba'i rgyu yang ma yin pa yod dam zhe na/de la mu dang po ni/ sdug bsngal mthong bas spang bar bya ba'i phra rgyas 'das pa dang da ltar byung ba rnams dang / de dag dang mtshungs par ldan pa'i sdug bsngal gyi bden pa ma gtogs pa dang / kun 'byung ba mthong bas spang bar bya ba'i phra rgyas kun du 'gro ba 'das pa dang /da ltar byung ba rnams dang / de dag dang mtshungs par ldan pa'i sdug bsngal gyi bden pa ma gtogs pa dang / 'jig tshogs la lta ba ma 'ongs pa dang / de dag dang mtshungs par ldan pa'i sdug bsngal gyi bden pa ma gtogs pa dang zhes bya ba'i gzhung 'di 'phen pa yin no//ma gtogs pa dag las gzhan pa de dag gang zhe na/ kun 'byung mthong bas spang bar bya ba ma 'ongs pa mtshungs par ldan pa dang bcas pa rnams dang / sdug bsngal mthong bas spang bar bya ba ma 'ongs pa rnams dang / kun 'byung mthong bas spang bar bya ba kun du 'gro ba ma 'ongs pa rnams dang /'gog pa dang lam mthong ba dang / bsgom pas spang bar bya ba thams cad kho na ste/ bsgom pas spang bar bya ba rnams ni khyad par du ma byas pa'i phyir so so'i skye bo rnams kyi ltar 'phags pa rnams kyi yang 'jig tshogs la lta ba'i rgyu las byung ba yin gyi 'jig tshogs la lta ba'i rgyu ma yin no zhes bya ba de skad du rnam par bshad pa yin no//de'i phyir 'phags pa'i gang zag gi nyon mongs pa can gyi chos rnams kyang kun du 'gro ba'i rgyu las byung ba yin no/ /'o na btags pa'i bshad pa zhes bya bas ni bstan bcos dang 'gal bar ston te/gal te 'phags pa'i nyon mongs pa can gyi chos rnams kyang kun du 'gro ba'i rgyu las byung ba ste/ mi dge ba'i chos rgyu las byung ba 'ba' zhig tu ma zad kyi/ mi dge ba dang / lung du ma bstan pa'i rgyu las byung ba dag kyang yin na'o//'dri ba'i bsam pa ni mi dge ba ni mi dge ba'i rgyu las byung ba kho na'o zhes nges par gzung ba'i phyir na/ lung du ma bstan pa'i rgyu can ni ma yin no snyam pa'o/ /yod de 'phags pa'i gang zag 'dod pa'i 'dod chags dang bral ba las zhes bya ba la sogs pa la/ sems pa de'i rgyu ni mi dge ba 'ba' zhig tu ma zad kyi/'jig tshogs la lta ba dang mthar 'dzin par lta ba'i bdag nyid can lung du ma bstan pa yang yin no/ /de ni mi dge ba dang lung du ma bstan pa'i rgyu can nyid kyang yin mod kyi/ de ni rgyu ma spangs pa la dgongs nas gsungs pa yin no/ / de'i rgyu lung du ma bstan pa yang spangs pa yin te/ mthong bas spang bar bya ba yongs su gtugs te spangs pa'i phyir la/ mthong ba'i lam las yongs su nyams pa yang med pa'i phyir ro/ /de ni tshul bzhin ma yin pa yid la byed pa las skye ba yin te/ de'i phyir mi dge ba 'dod chags la sogs pa'i bsgom pas spang bar bya ba ma spangs pa la dgongs nas gsungs pa yin no//de ji ltar ma spangs she na/ de spangs pa las yongs su nyams pa'i phyir te/ lhan cig 'byung ba dang / mtshungs par ldan pa'i rgyus bsdus pa'i rgyu mi dge ba la dgongs nas de skad du gsungs pas bstan bcos dang 'gal ba med do//kun du 'gro ba'i rgyu bshad zin to/ /rnam smin rgyu ni mi dge dang / /zhes bya ba rgyas par 'byung ba la/ rnam par smin pa'i rgyu ni de dag kho na yin no zhes bya bar nges par gzung ste/ de dag rnam par smin pa'i rgyu kho na'o zhes bya bar ni ma yin no//zag pa dang bcas pa smos pa ni zag pa med pa gsal bar bya ba'i phyir ro/ /mi dge ba ni zag pa dang bcas pa kho na yin pas de khyad par du ma byas so/ /dang zhes bya ba'i sgra ni rgyu tha dad kyang 'bras bu tha mi dad par shes par bya ba'i phyir ro/ / yang ci'i phyir 'di dag kho na rnam par smin pa'i rgyu yin gyi gzhan yang ma yin zhe na/ de'i phyir/ rnam par smin pa'i chos can yin pa'i phyir ro zhes bya ba smos te/ rnam par smin pa'i rang bzhin yin pa'i phyir ro zhes bya ba'i don to/ /gzhan dag rnam par smin pa'i chos can nyid ma yin par bstan pa'i phyir dri ba ni/ci'i phyir lung du ma bstan pa'i zhes bya ba rgyas par 'byung ba'o/ /ji ltar sa bon rul ba dag gis mngon par brlan yang stobs chung ba'i phyir myu gu'i rgyu ma yin pa de bzhin du lung du ma bstan pa yang zag pa dang bcas pa'i phyir sred pas mngon par brlan yang stobs chung ba'i phyir rnam par smin pa'i rgyu ma yin no//yang ji ltar sa bon grung po chu dag gis mngon par ma brlan pa myu gu'i rgyu ma yin pa de bzhin du zag pa med pa rnams kyang dge ba yin pa'i phyir grung yang sred pas mngon par ma brlan pa'i phyir rnam par smin pa'i rgyu ma yin no/ /gcig ni rang gi nus pa dang bral ba'i phyir rnam par smin pa'i rgyu ma yin la/cig shos ni lhan cig byed pa'i rkyen ma tshang ba'i phyir rnam par smin pa'i rgyu ma yin no/ /ldan pa ma yin pa rnams zhes bya ba rgyas par 'byung ba la/ rnam par smin pa ni 'dod pa'i khams la sogs pa'i chos can yin pa'i phyir gdon mi za bar 'dod pa'i khams la sogs pa dang ldan par 'gyur na/ldan pa ma yin pa ni rnam par smin pa dang ldan pa'i rgyur mi rung ste/ nges pa'i rgyu med pa'i phyir ro/ /lhag ma rnams zhes bya ba ni mi dge ba dang dge ba zag pa dang bcas pa dag go/ /rnam pa gnyis ka yin pa'i phyir zhes bya ba la/dge ba dang mi dge ba nyid kyis grung po yin pa'i phyir rang gi nus pa dang ldan la/ srid pas mngon par brlan pa'i phyir lhan cig byed pa'i rkyen dang ldan pa yin no/ /rnam par smin pa'i rgyu ci zhig ces bya ba rgyas par 'byung ba la/ gal te rnam par smin pa zhes bya ba dngos po sgrub pa yin na ni rnam par smin pa ni rnam par smin pa ste/ der ni rnam par smin pa'i rgyu zhes drug pa'i tshig bsdu ba yin no/ /'on te rnam par smin par bya bas na rnam par smin pa yin na ni 'di ni las su grub pa yin te/ der ni rnam par smin pa nyid rgyu yin pas rnam par smin pa'i rgyu'o zhes gzhi mthun pa yin no//des na cir 'gyur zhes bya ba ni 'dir nyes pa gang zhig tu 'gyur zhes bya ba'o/ /gal te rnam par smin pa'i rgyu yin na ni/ mig rnam par smin pa las skyes pa yin no zhes bya ba der mi 'gyur te/ 'di ltar mig ni rnam par smin pa las skyes pa ma yin te/'o na ci zhe na/ rnam par smin pa'i rgyu las te/ las las skyes pa yin no zhes bya ba'i don to/ /'on te rnam par smin pa nyid rgyu yin na ni/ las kyi rnam par smin pa zhes bya ba der mi 'gyur ro/ /ci'i phyir zhe na/ las ni rnam par smin pa'i rgyu yin pa'i phyir la/rnam par smin pa yang las kyi rang bzhin ma yin pa'i phyir ro/ /gnyis ka ltar yang rung ngo zhes sngar bshad zin to zhes bya ba la/ rnam par smin pa'i rgyu ni rnam par smin pa'o zhes tshig bsdu na ni/ rgyu'i sgra mi mngon par byas pas mig rnam par smin pa las skyes pa yin no zhes bya ba dang mi 'gal lo//yang na rnam par smin pa nyid rgyu yin pas rnam par smin pa'i rgyu yin no zhes tshig bsdu na yang 'bras bu'i dus su phyin pa'i las la rnam par smin par 'gyur ba na/ rnam par smin pa zhes bya ste/ de ltar na las kyi rnam par smin pa zhes bya ba dang mi 'gal lo//'bras bu ni rnam par smin pa yin pas rnam par smin pa zhes bya'o/ rnam par smin par 'gyur bas ni ma yin no/ /mi 'dra bar smin pa ni zhes bya ba la/ rnam par smin pa'i 'bras bu ni rgyu dang mi 'dra ba'i 'bras bu yin no zhes bya ba'i tha tshig go/ / 'di ltar rgyu ni mi dge ba dang / dge ba zag pa dang bcas pa dag yin la/ 'bras bu ni lung du ma bstan pa yin pas rgyu dang mi 'dra ba yin no/ /rnam par smin pa'i rgyu bshad pa'i sgo nas/ 'dod pa'i khams na rnam par smin pa'i rgyu phung po gcig la zhes bya ba rgyas par 'byung ba 'di yang bstan par bya'o//thos pa rnams dang de dag gi skye ba la sogs pa rnams ni 'du byed kyi phung pos bsdus pa'i phyir na phung po gcig go/ /thob pa rnams kyi 'bras bu gang yin pa de nyid dag gi skye ba la sogs pa rnams kyi yang yin pas 'bras bu gcig go/ /thob pa rnams ni thob pa dang ldan pa dang 'bras bu tha dad kyi/mtshan nyid rnams ni ma yin te/ mtshan gzhi dang gnyis lhan cig 'byung ba'i rgyu yin pa'i phyir ro/ /phung po gnyis la zhes bya ba la/ lus dang ngag gi las dge ba dang mi dge ba ni gzugs kyi phung po yin no/ /de dag gi skye ba la sogs pa rnams ni 'du byed kyi phung po yin no//lhan cig 'byung ba'i rgyu yin pa'i phyir lus dang ngag gi las dang / de dag gi skye ba la sogs pa rnams kyi rnam par smin pa'i 'bras bu ni gcig kho na yin te/ 'bras bu tha dad na ni lhan cig 'byung ba'i rgyu nyid du 'gal ba'i phyir ro/ /phung po gsum pa ni khams gsum na yang med de/sems dang sems las byung ba rnams gdon mi za bar 'bras bu gcig pa yin pa'i phyir ro/ /phung po bzhi la zhes bya ba la/ sems dang sems las byung ba dge ba dang mi dge ba dag ni ci rigs par phung po bzhis bsdus pa yin la/ de dag gi skye ba la sogs pa rnams ni 'du byed kyi phung pos bsdus pa yin no//'dod pa'i khams ni mnyam par gzhag pa'i sems med pas rjes su 'jug pa'i gzugs mi srid pa'i phyir phung po lnga po ni yod pa ma yin no/ /phung po bzhi po bzhi char gyi yang rnam par smin pa'i 'bras bu ni gcig kho na'i yin gyi tha dad pa ni ma yin te/lhan cig 'byung ba'i rgyu yin pa'i phyir ro/ /gzugs kyi khams na zhes bya ba rgyas par 'byung ba la/ thob pa skye ba la sogs pa dang bcas pa dang 'du shes med pa'i snyoms par 'jug pa skye ba la sogs pa dang bcas pa ste/ thob pa dang 'du shes med pa'i snyoms par 'jug pa gnyis dang /de dag gi skye ba la sogs pa rnams ni 'du byed kyi phung pos bsdus pa'i phyir phung po gcig yin la/ mtshan nyid dang mtshan gzhi gnyis 'bras bu tha mi dad pa yin pa'i phyir 'bras bu gcig pa yin no//phung po gnyis pa ni zhes bya ba la/ bsam gtan dang po kho na'i rnam par rig byed dge ba yin gyi/ bsam gtan gnyis pa la sogs pa dag gi ni ma yin te/ de'i sa pa'i rtog pa dang dpyod pa med pa'i phyir la/ sa 'og ma pa'i ma bsgribs la lung du ma bstan pa rnams kho na der mngon du byed pa'i phyir rnam par smin pa med do//rnam par rig byed ni gzugs kyi phung po'o/ /de'i skye ba la sogs pa dag ni 'du byed kyi phung po'o/ /mnyam par ma bzhag pa zhes bya ba la/ de la rjes su 'jug pa'i gzugs med pa'i phyir phung po bzhi pa'o/ /mnyam par bzhag pa zhes bya ba la/de la rjes su 'jug pa'i gzugs yod pa'i phyir phung po lnga pa'o/ /gzugs med pa'i khams na zhes bya ba rgyas par 'byung ba la de gzugs thams cad med pas phung po gcig pa'am/ bzhi pa yin gyi/ phung po gnyis pa ni ma yin no/ /rnam par smin pa'i rgyu de ni rnam pa dgu yin te/khams gsum pa na rim bzhin du rnam pa gsum dang / bzhi dang / gnyis yin pa'i phyir ro/ /gang gi rnam par smin pa chos kyi skye mched gcig kho na zhes bya ba rgyas par 'byung ba la/ kha cig na re ris mthun pa dang srog gi dbang po ni 'phen par byed pa'i las kyi 'bras bu kho na yin la/gzhan dag ni gdon mi za bar 'phen par byed pa'i yin pa kho nar ma zad kyi/ rdzogs par byed pa'i yang yin te/ de bas na srog gi dbang po gang gi rnam par smin pa yin pa de'i ni ris mthun pa dang de'i skye ba la sogs pa yang yin pas de'i rnam par smin pa ni chos kyi skye mched kho na yin no zhes zer ro//gzhan dag na re gzugs med pa'i khams su skyes pa dge ba dang nyon mongs pa can gyi sems kun du spyod pa'i gnas su gyur pa'i srog gi dbang po mngon par 'dod de/ 'dod pa dang gzugs kyi khams dag na ni gnas skabs thams cad du skye mched gzhan dang gzhan yang yod do zhes zer ro//gang gi yid kyi skye mched yin pa de'i ni gnyis te zhes bya ba 'byung ste/ de la rnam par shes pa ni yid kyi skye mched do/ /tshor ba la sogs pa dang / de dag gi skye ba la sogs pa rnams chos kyi skye mched do/ /gang gi reg bya'i skye mched yin pa yang de dang 'dra'o zhes bya ba la/reg bya'i skye mched dang / chos kyi skye mched de de'i skye ba la sogs pa rnams chos kyi skye mched kyis bsdus pa'i phyir ro/ /'dir reg bya'i skye mched ni sems can du bgrang ba la rig par bya'o/ /gang gi lus kyi skye mched yin pa de'i gsum ste/ lus kyi skye mched ni 'byung ba las gyur pa yin la/de yang 'byung ba la ltos pa'i phyir lus kyi skye mched ni lus kyi skye mched 'byung ba'i bdag nyid can la mi ltos pa mi srid do/ /de dag gi skye ba la sogs pa rnams ni chos kyi skye mched kyis bsdus pa'i phyir ro/ /gang gi dang dri dang ro'i skye mched dag yin pa yang de dang 'dra'o zhes bya ba la/gzugs la sogs pa rnams las ni gang yang rung ba zhig go/ /de dag gi rten 'byung ba chen po dag ni reg bya'i skye mched do/ /de dag gi skye ba la sogs pa dag ni chos kyi skye mched do/ /mig ni lus la mi 'khrul ba'i phyir dang /'byung ba la brten pa'i phyir dang / skye ba la sogs pa mtshan nyid la mi 'khrul ba'i phyir na/ gang gi rnam par smin pa mig gi skye mched yin pa'i de'i skye mched bzhi yin no/ /gang gi rna ba dang sna dang lce'i skye mched dag yin pa yang de dang 'dra'o zhes bya ba la/ de dag gi tshul yang mig gi dbang po dang 'dra ste/de dag kyang 'byung ba chen po la brten pa'i phyir dang / skye ba la sogs pa dang ldan pa'i phyir dang / lus kyi skye mched la rag las te 'jug pa'i phyir ro/ /bcu gcig ni sgra ma gtogs pa ste/ de ni rnam par smin pa ma yin pa'i phyir ro/ /yang las 'ga' zhig rnam par smin pa skye mched gcig rnam par smin par 'gyur la/'ga' zhig gi bcu gcig smin par 'gyur ba gang yin pa la rgyu ci yod ce na/ de'i phyir las kyi 'bras bu sna tshogs pa dang / sna tshogs pa ma yin pa'i phyir ro zhes bya ba smos te/ phyi'i sa bon ltar nang gi las kyi sa bon yang blta bar bya'o//'di ltar pad ma'i sa bon rnams rtsa ba dang / myu gu dang / lo ma dang / sdong bu dang / ge sar dang / ze'u 'bru dang / lte ba sna tshogs pa yin pa dang / shing n+ya gro d+ha la sogs pa sdong bu dang / yal ga dang / lcug ma dang / lo ma dang / lo ma phran dang / myu gu dang / me tog dang / 'bras bu du ma dang ldan pa dag sprin ltar spyod par snang ba de bzhin du/ nas dang gro la sogs pa dag ni ma yin no/ /las dus gcig pa'i zhes bya ba rgyas par 'byung ba la/ las 'das pa'i rnam par smin pa 'das pa dang ma 'ongs pa dang da ltar byung ba yin no//las dus gnyis pa'i zhes bya ba la/ 'das pa dang da ltar ba'i ma 'ongs pa ma yin no/ /de nyid la rgyu smras pa ni/ rgyu bas 'bras bu ha cang nyung bar 'gyur bar 'ong ba'i phyir ro zhes bya ba'o/ /bzlog pa ni ma yin no zhes bya ba la/las skad cig ma du ma'i rnam par smin pa skad cig gcig ni ma yin te/ rgyu bas 'bras bu ha cang nyung bar 'gyur du 'ong ba'i phyir ro/ /rnam par smin pa ni las dang lhan cig tu rnam par smin pa yang ma yin te/ lhan cig skyes pa la ni lhan cig 'byung ba dang mtshungs par ldan pa'i rgyu gnyis byed pa dang ldan pa'i phyir ro//rnam par smin pa'i rgyu ni mi 'dra bar smin pa la ltos te rnam par gzhag na/ dge ba dang mi dge ba'i tshogs pas bsdus pas ni mi 'dra bar smin pa yod pa yang ma yin no/ /mjug thogs su yang ma yin te zhes bya ba la/ rnam par smin pa rnam par smin pa ma yin te zhes bya bar skabs dang sbyar ro/ /ci'i phyir zhe na/ mtshungs pa de ma thag pa'i rkyen gyis drangs pa'i phyir ro/ /gang gi phyir rnam par smin pa'i rgyu'i mjug thogs kyi skad cig ma ni mtshungs pa de ma thag pa'i rkyen nyid kyis drangs pa yin gyi/ rnam par smin pa'i rgyu nyid kyis ni ma yin te/ de'i mjug thogs su dge ba dang mi dge ba skye ba'i phyir ro/ /rnam par smin pa'i rgyu las zhes bya ba la/ gang gi phyir rnam par smin pa ni de dang lhan cig tu smin pa ma yin zhing / mjug thogs su yang ma yin te/ rgyun yongs su 'gyur ba'i khyad par las skye ba'i phyir dang /rnam par smin pa dag dus yongs su chad pa yin pa'i phyir ro/ /'di dag gi dus nges pa don gyis ni bshad mod kyi zhes bya ba la/ don gyis ni bshad mod kyi sgra'i sgo nas ni ma yin no zhes bya ba'i don to/ /smras pa ni rnam pa gnyis te/rang gi sgras mngon par brjod pa dang / don gyis bshad pa'o/ /ji ltar zhe na/ lhan cig 'byung gang phan tshun 'bras/ /zhes bye brag med par brjod pas de ni dus gsum pa yin no zhes bya bar don gyis bshad do/ /sngar skyes rnams zhes brjod pas skal ba mnyam pa'i rgyu 'das pa dang da ltar byung ba yin no zhes bya bar bshad do//sems dang sems byung rten mtshungs rnams/ /zhes bye brag med par brjod pas dus gsum pa yin no zhes bshad do/ /kun 'gro snga zhes brjod pas 'das pa dang da ltar byung ba yin no zhes bya bar bshad do//mi dge ba dang / dge ba zag bcas rnams kho na/ /zhes bye brag med par brjod pas de ni dus gsum pa yin no zhes bya bar don gyis bshad pa yin no/ /rang las gzhan pa byed rgyu'i rgyu/ /zhes bye brag med par brjod pas byed rgyu dus gsum pa dang / dus las rnam par grol ba yin par don gyis bshad do//'dir gtan tshigs ni bshad zin to zhes bya ba la/ gang zhig ce na/ rgyu mthun pa'i 'bras bu dang bcas pa'i phyir la/ de yang ma 'ongs pa la mi rigs te/ snga phyi med pa'i phyir la/ phan tshun rgyu mthun pa nyid du thal bar 'gyur ba'i phyir ro//gsum po dag ni dus gsum pa/ /gsum po dag ni dus gsum pa kho na yin gyi/ gsum po dag kho na dus gsum pa ni ma yin te/ byed rgyu'i rgyu yang dus gsum pa yin pa'i phyir ro/ /de yang dus gsum pa kho na'o zhes bya bar ni nges par mi gzung ste/'dus byas dang 'dus ma byas yin pa'i phyir ro/ /de nyid kyi phyir/ byed rgyu'i rgyu ni dus nges pa ma bstan pas zhes bya ba smos so/ /rgyu dang 'bras bu dag phan tshun ltos te 'jug pa'i phyir 'dri ba ni/ rgyu de dag gang gi yin pa'i zhes bya ba rgyas par 'byung ngo //'dus byas bral bcas 'bras bu yin/ /zhes bya ba la/ nam mkha' dang / so sor brtags pa ma yin pas 'gog pa ma gtogs pa/ 'dus byas dang 'dus ma byas gzhan thams cad ni 'bras bu yin no zhes bstan par 'gyur ro//nam mkha' bya ba ma yin pa'i phyir dang / 'thob pa ma yin pa'i phyir 'bras bu yin la/ rkyen ma tshang bas thob par bya ba yin pa'i phyir so sor brtags pa ma yin pas 'gog pa yang 'bras bu ma yin te/ de ni mngon par 'dod pa ma yin pa dang / 'bad pas bsgrub par bya ba ma yin pa'i phyir so sor brtags pas 'gog pa ltar lam gyis thob pa ma yin na/de bsgrub par bya ba'i phyir bstan bcos smras pa ni bstan bcos las 'bras bu'i chos rnams gang zhe na zhes bya ba rgyas par 'byung ba'o/ /de lta na 'o na ni zhes bya ba la sogs pa rgyas par 'byung ba la/'bras bu med pa'i rgyu 'am/ rgyu med pa'i 'bras bu med de/ rgyu dang 'bras bu dag ni phan tshun ltos pa'i phyir ro/ /de'i phyir 'dus ma byas rgyu yin pa'i phyir de dag gi rgyu yin pa'i 'bras bur yang 'gyur la/ 'bras bu yin pa'i phyir de gang gi 'bras bu yin pa'i rgyur yang 'gyur ro//mi 'gyur te/ 'di ltar 'dus byas kho na la zhes bya ba rgyas par 'byung ngo / /rgyu dang 'bras bu'i dngos por mtshungs bzhin du 'dus byas kho na la rgyu dang 'bras bu dag yod kyi/ 'dus ma byas la ni ma yin no zhes bya ba la de la rgyu ci yod ce na/de'i phyir/ rgyu rnam pa drug mi srid pa'i phyir dang zhes bya ba rgyas par smos so/ /'di la rgyu rnam pa drug med la/ 'di la 'bras bu yang med de/ 'dus ma byas yin pa'i phyir dang / 'byung bar 'gal ba'i phyir ro/ /'di la rgyu dang 'bras bu'i mtshan nyid mi rigs pa rgyas par brjod par bya ste/de la byed rgyu'i rgyu yang mi srid de/ de ni skye bzhin pa la gegs mi byed pa'i ngo bor bzhag na/ 'dus ma byas la ni skye ba yod pa ma yin no/ /skye ba dang ldan pa phan tshun rgyu dang / 'bras bu dngos po yin pa'i phyir lhan cig 'byung ba'i rgyu yang mi srid do//'dus ma byas ni skye ba dang mi ldan pa'i phyir sngar skyes pa med pas skal ba mnyam pa'i rgyu yang mi srid do/ /sems dang sems las byung ba'i rang bzhin ma yin pa'i phyir mtshungs par ldan pa'i rgyu yang med do/ /sdug bsngal la sogs pa mthong bas spang bar bya ba ma yin pa'i phyir kun du 'gro ba'i rgyu yang med do//'di la rnam par smin pa'i rgyu yang mi srid do/ ldan pa ma yin pa'i phyir dang / rtag pa'i phyir ro/ /gzhan yang rnam par smin pa ni lung du ma bstan pa yin la/ bral ba ni dge ba yin pas 'di la rnam par smin pa'i rgyu med do//de ltar na rgyu rnam pa drug mi srid pa'i phyir 'dus ma byas 'bras bu ma yin no/ /'bras bu rnam pa lnga mi srid pa'i phyir yang 'dus ma byas la 'bras bu med do zhes ston to/ /'di ltar 'dus ma byas la bdag po'i 'bras bu ni mi srid do/ bdag po'i 'bras bu ni/ sngon byung ma yin 'dus byas ni//'dus byas kho na'i bdag po'i 'bras/ /zhes lhan cig 'byung ba dang / phyis 'byung bar 'dod na/ de ni skye ba dang ldan pa yang ma yin no/ /rgyu mthun pa'i 'bras bu yang mi srid do/ rgyu mthun rgyu dang 'dra ba'o/ /zhes bya ba yin na/ 'dus ma byas ni skye ba dang ldan pa yang ma yin no//de nyid kyi phyir skyes bu byed pa'i 'bras bu 'ang mi srid de/ 'dus ma byas ni skye ba dang mi ldan pa'i phyir skyes bu'i rtsal med pa'i phyir ro/ /'di la rnam par smin pa'i 'bras bu yang mi rung ste/ rnam par smin pa'i 'bras bu ni mi dge ba dang dge ba zag pa dang bcas pas bskyed par bya ba yin pa'i phyir ro//lam gyi rang bzhin ma yin pa'i phyir na 'di la bral ba'i 'bras bu yang mi srid de/ de ni bar chad med pa'i lam rnams kyi 'bras bu yin no/ /gzhan yang dus las grol ba la 'bras bu 'dzin pa dang 'byin pa'i mthu med pa'i phyir yang 'bras bu med de/ji skad du/ lnga ni da ltar 'bras bu 'dzin/ /zhes rgyas par gsungs pa lta bu'o/ /ci'i phyir lam zhes bya ba rgyas par 'byung ste/ de ni dngos por 'byung ba la byed pa dang bral ba kho na yin par 'dod do snyam pa ni 'dri ba'i bsams pa'o/ /'di ltar de ni skye ba la gegs mi byed pa'i ngo bor zhes bya ba la/gang zhig skye bzhin pa gang zhig la gegs mi byed pa'i ngo bor gnas pa de ni de'i byed rgyu'i rgyu yin na/ 'dus ma byas ni skye ba dang ldan pa ma yin te/ de'i phyir lam 'di'i byed rgyu'i rgyu ma yin no/ / 'dus byas bral bcas 'bras bu yin/ /zhes bya ba 'dir bral ba 'bras bu'i ngo bor grags pas de'i phyir da ni de gang gi 'am zhes bya ba smras te/ gal te lam 'di'i byed rgyu'i rgyur mi 'dod na'o/ /yang na de'i rgyur mi 'dod na ji ltar de 'bras bu yin zhe na/ de gang gi 'bras bu yin zhes gang smras pa de'i lan ni/lam gyi 'bras bu yin te zhes bya ba'o/ /yang ji ltar na 'bras bu yin zhes bya ba de'i lan ni de'i stobs kyis thob pa'i phyir ro zhes bya ba ste/ gang gi phyir 'dus ma byas lam gyi stobs kyis 'thob pa de'i phyir 'dus ma byas lam gyi 'bras bu yin te/de ltar na lam byed rgyu'i rgyu nyid ma yin no/ /'o na ni de lam gyi stobs kyis skye ba'i phyir lam de thob pa de kho na la nus pa'i phyir thob pa kho na lam gyi 'bras bu yin gyi/ bral ba ni lam gyi 'bras bu ma yin te/ de la nus pa med pa'i phyir ro/ /de'i phyir lam mya ngan las 'das pa la byed pa med pa'i phyir 'bras bu ma yin no//bdag nyid thams cad kyis 'bras bu ma yin pa nyid 'gag pa'i phyir mya ngan las 'das pa la yang nus pa yod do zhes bstan pa'i phyir thob pa la yang nus pa gzhan la zhes bya ba rgyas par smos te/ thob pa la ni byed pa po nyid kyis nus pa yin te/skal ba mnyam pa'i rgyu yin pa'i phyir myu gu la sa bon bzhin no/ /bral ba la ni thob par byed pa nyid kyis nus pa yin te/ lam med par ni bral ba mi 'thob po/ /de lta bas na re zhig ces bya ba rgyas par 'byung ba la/ rgyu rnams ni dngos po 'byung ba'i rgyu mtshan yin pa'i phyir lam ni ji ltar yang bral ba'i rgyu ma yin gyi bral ba ni 'di'i 'bras bu yin no//yang mya ngan las 'das pa rgyu med pa rgyur ji ltar 'gyur zhe na/ 'jig rten na mngon par 'dod pa'i don nus pas thob pa dag la 'bras bu zhes bya bar grags la/ mya ngan las 'das pa de yang 'phags pa'i lam gyi nus pas 'thob pas de'i 'bras bu zhes bya ba la/rgyu med pa nyid ni de thob par bya ba la 'phags pa'i lam rgyu drug po nyid ma yin pa'i phyir ro/ /mya ngan las 'das pa kho na yid la bzhag nas lam bsgom pa la 'jug gi de'i thob pa ba yid la bzhag nas ni ma yin te/de nyid kyi phyir de nyid gtsor lam gyi 'bras bu yin gyi de'i thob pa ni ma yin te/ lam ni de thob par bya ba'i phyir zhugs pa ma yin pa'i phyir ro/ /de nyid kyi phyir bcom ldan 'das kyis spangs pa kho na dge sbyong gi 'bras bur gsungs kyi spangs pa'i thob pa ni ma yin no/ / yang bdag po'i 'bras bu yang med na go zhes bya ba rgyas par 'byung ba la/ 'di skad bstan par 'gyur te/ byed rgyu'i rgyu yin pa'i phyir 'di la bdag po'i 'bras bu khas blang bar bya ste/ de khas mi len na byed rgyu'i rgyu nyid du khas blangs pa dang 'gal lo/ /'gal ba med de/ skye ba la gegs mi byed pa'i ngo bos byed rgyu'i rgyu yin pa'i phyir la/'das pa dang da ltar byung ba la 'bras bu 'byin pa dang / 'dzin pa nges pa'i phyir ma 'ongs pa da ltar dus dang bral ba la de'i nus pa med pas 'di la 'bras bu mi 'dod do/ /'di la 'bras bu yod pa ni ma yin te zhes bya ba rgyas par 'byung ba la/lnga po da ltar 'bras bu 'dzin/ /gnyis ni 'byin par byed pa yin/ /zhes dus kyis bsdus pa kho na la 'bras bu 'dzin pa dang 'byin pa bshad na/ 'dus ma byas la ni da ltar ba nyid med pa'i phyir 'bras bu 'dzin pa mi srid la/ 'das pa dang da ltar ba nyid med pa'i phyir 'bras bu 'byin pa mi srid do//de'i phyir 'di la dngos kyi rtog pas rgyu dang 'bras bu dag med mod kyi/ 'on kyang btags pa'i rtog pas rgyu nyid dang 'bras bu nyid du bsnyad do/ /rgyu ma yin no zhes ni rnam grangs kyis gsungs so zhes bya ba la/ don gyis gsungs kyi sgra ni ma yin no zhes bya ba'i don to//ji ltar zhe na/ rgyu gang dag yin pa dang rkyen gang dag yin pa zhes 'dir gzugs la sogs pa rnams kyi rgyu dang rkyen ma lus par smos pa'i phyir dang / de dag kyang khyad par med par mi rtag pa nyid du bsgrubs pa'i phyir rgyu rtag pa med do zhes gsungs par 'gyur ro//de lta na 'o na ni zhes zer ba ni chos mngon pa pa ste byed rgyu'i rgyur mi 'gyur ba 'ba' zhig tu ma zad kyi/ rnam par shes pa'i dmigs pa'i rkyen du yang mi 'gyur te/ rgyu dang rkyen rnams bye brag med par mi rtag pa nyid du bsgrubs pa'i phyir ro zhes zer ro//mdo sde pa na re skyed pa'i zhes bkar ba'i phyir 'gyur te/ gang dag rnam par shes pa'i dmigs pa tsam yin la/ skyed par byed pa ma yin pa de dag rtag pa nyid du mi 'gal lo zhes zer ro/ /chos mngon pa pa na re rgyu rnams kyang de kho na ltar yin te/byed rgyu'i rgyu thams cad ni skyed par byed pa ma yin no zhes sngar bstan zin to zhes zer ro/ /rkyen ni bzhi po zhes bya ba'i mdo de las dmigs pa'i rkyen yin par gsungs kyi/ ma bsgribs pa'i rgyu yin par ni mdo gang las kyang ma gsungs so/ /yang na mdo las 'dus ma byas dmigs pa'i rkyen yin par gsungs kyi/ma bsgribs pa'i rgyu yin par ni ma gsungs so zhes bya ste/ de'i phyir mdo las 'dus ma byas rgyu'i dngos por mi 'grub po/ /mdo rnams kyang phal cher nub na zhes bya ba la/ rtsa ba'i bsdu ba nyams pa sems la bzhag nas de skad du smras pa yin no//mdo nub kyang bkag pa'i phyir mdo gzhan las ma gsungs par shes la/ ma bkag kyang mdo ma lus par rjes su 'jug pa'i phyir ma gsungs so zhes bya bar rtogs par nus kyi/ gzhan du ni ma yin te/ de lta bas na ma bkag pa'i phyir dang rtsa ba'i bsdus pa nyams pa'i phyir ma gsungs so zhes nges par gzung bar mi nus so//gzhan na re skyed par byed pa'i zhes 'byung ba'i phyir/ 'di las bcom ldan 'das kyis 'dus ma byas rgyu nyid dang rkyen nyid du mtshon pa yin te/ de lta ma yin na 'di skad du gzugs kyi rgyu gang dag yin pa dang /rkyen gang dag yin pa de dag kyang mi rtag pa yin na zhes gsungs par 'gyur ba zhig go/ /de'i phyir 'dus ma byas rgyur gyur pa yod cing / rkyen du gyur pa yod kyi/ 'ga' zhig skyes par byed pa ni ma yin no/ /rgyu ni rnam pa gnyis te/ skyed par byed pa dang /'gal bar mi byed pa'o zhes 'di ni byed rgyu'i rgyu bsam par bshad zin to zhes zer ro/ /yang bral ba zhes bya ba 'di ci zhes bya ba rgyas par 'byung ba la/ rab tu grags pa'i don gyis ma grags pa'i don nges par byed pa yin na/ 'dir gnyis ka yang don ma grags pa yin pas phan tshun bsten par 'gyur te/rta dang bres bzhin no/ /'dir de'i rang gi ngo bo ni 'phags pa rnams kho bos zhes bya ba la/ 'di ni lung gis rtogs par bya ba yin no zhes ston to/ /mdo sde pa rnams na re so so'i brtags pas 'gog pa 'ba' zhig tu ma zad kyi/ 'dus ma byas thams cad rdzas su med do zhes zer ro//gzugs dang tshor ba la sogs pa bzhin du zhes bya ba la/ ji ltar gzugs ni tshor ba la sogs pa dag las dngos po gzhan yin zhing / tshor ba la sogs pa dag kyang gzugs las gzhan yin pa de bzhin du 'dus ma byas ni/ 'dus ma byas sam/ phan tshun las dngos po gzhan ma yin te/ de'i phyir rdzas su med do/ /'o na ci zhe na/ reg bya med pa tsam ni nam mkha' yin te zhes bya ba la/ tsam zhes bya ba'i sgra ni dngos po gzhan dang gzhan dgag par bya ba'i phyir te/ reg bya snga na med pa 'am/ zhig nas med pa la/ nam mkha' zhes bya bar gdags so/ /'di ltar mun pa'i nang dag na zhes bya bas ni de gzhung 'dzugs par byed do/ /ma rnyed na zhes bya ba la/ ma phrad na nam mkha'o zhes 'dzer to/ /phra rgyas dang skye ba skyes pa 'gags nas zhes bya ba rgyas par 'byung ba la/phra rgyas dang skye ba skyes pa rnams 'gags nas so/ /rkyen gzhan ma tshang bas kyang mi skye bas de'i phyir so sor brtags pa'i stobs kyis zhes bya ba smos te/ phra rgyas dang skye ba gzhan mi skye ba'i so sor brtags pas 'gog pa zhes bya'o/ /de'i phyir de ltar na/ phung po lhag ma dang bcas pa dang /phung po lhag ma med pa'i mya ngan las 'das pa'i dbyings ni so sor brtags pa'i 'gog pa yin no zhes bya bar bstan par 'gyur te/ 'di ltar bden pa gnyis 'gags pa ni so sor brtags pa'i 'gog pa yin no/ /de la phra rgyas ni kun 'byung gi bden pa yin la/skye ba ni sdug bsngal gyi bden pa'o/ /nyon mongs pa 'dod chags la sogs pa'i sa bon 'gags nas rgyu med pas so sor brtags pa'i stobs kyis nyon mongs pa skyes pa dang 'gal ba'i rten thob pas nyon mongs pa phra rgyas 'dod chags la sogs pa ma 'ongs pa mi skye ba ni nyon mongs pa 'gog pa yin no//de bzhin du skye ba da ltar ba 'gag pa dang so sor brtags pa'i stobs nyid kyis yang srid pa'i skye bar mtshams mi sbyor zhing mi skye ba ni skye ba 'gog pa yin no/ /dper na zhes bya ba rgyas par 'byung ba la/ so sor brtags pa med pa kho nar rkyen zas la sogs pa ma tshang bas bar ma dor 'chi ba'i ris mthun pa lhag ma mi skye ba ni so sor brtags pa ma yin pas 'gog pa ma yin no//sde pa gzhan dag na re bya ba la/ nyon mongs pa'i bag chags dang rjes su 'brel pa'i rten skye ba dang 'gal ba'i phyir nyon mongs pa skye ba dang 'gal ba'i skyes pas na phra rgyas rnams mi skye ba la shes rab kyi nus pa yod do/de'i phyir de ni so sor brtags pas 'gog pa yin no/ /sdug bsngal mi skye ba gang yin pa de la ni shes rab kyis byed pa med pa'i phyir so sor brtags pas 'gog pa ma yin te/ de ni sdug bsngal skye ba'i rgyu nyon mongs pa ma tshang bas 'thob pas 'dir so sor brtags pas 'gog pa ma yin no zhes zer ro/ /de yang so sor brtags pa med par zhes bya ba la/ sdug bsngal mi skye ba de yang ste/ rgyu ma tshang ba ni so sor brtags pa mngon du 'gro ba yin pa'i phyir so sor brtags pa med par mi 'grub pas so sor brtags pas 'gog pa kho na yin no//rang gi ngang gis 'gag pa'i phyir zhes bya ba ni shes rab med par 'gag pa'i phyir zhes bya ba'i don to/ /de lta na ni so sor brtags pas 'gog pa ni mi rtag pas 'gog pa kho na yin no zhes smras par 'gyur ro//ma zhig na de med pa'i phyir ro zhes bya ba la/ rang gi ngang gis 'gag pa de med pa'i phyir ro zhes bya ba'i don te/ /gal te so sor brtags pas 'gog pa yang so sor brtags pa sngon du 'gro ba'i phyir mi rtag par 'gyur ba ma yin nam zhes bya ba la/ nyon mongs pa dang skye ba mi skye ba ni so sor brtags pa sngon du 'gro ba yin te/de'i phyir so sor brtags pas 'gog pa yang mi rtag par 'gyur ro/ /mi 'gyur te/ ci'i phyir zhe na/ de dag mi skye ba de ni snga nas yod pa kho na yin no/ /gal te de dag mi skye ba de snga nas yod pa kho na yin la/ ji ltar de la shes rab kyi nus pa yod ce na/ de'i phyir chos gang dag so sor brtags pa med na zhes bya ba la sogs pa smos so/ /gegs ma byas pa can rnams skye ba la zhes bya ba la/ gang dus las skye ba la gegs ma byas pa yod pas na/ skye ba la gegs ma byas pa ste/ de dag skye ba la gegs byed pa'i dngos po gang yin pa de ni so sor brtags pa'i nus pa yin no//gang gi phyir rgyu dang rkyen la ltos te res 'ga' skye bar 'gyur ba las shes rab skyes pas de dag skye ba la gegs byed pa'i dngos po yin gyi/ shes rab kyis mi skye ba snga nas yod pa ma yin pa skyed pa ni ma yin no//de'i phyir so sor brtags pas 'gog pa mi rtag pa nyid med la/ de la shes rab kyi nus pa med pas yang ma yin no/ /gal te me skye ba kho na mya ngan las 'das pa yin gyi/ chos mngon pa pa rnams kyi ltar rdzas gzhan zhig ma yin no/ de lta na 'o na/'das pa da ltar byung ba'i sdug bsngal dag skyes zin pa nyid kyis mi skye ba med pa'i phyir mdo'i tshig ni ji ltar drang / mya ngan las 'das pa rdzas su gyur par khas ma blangs par 'di drang bar mi nus so snyam du bsams pa'o/ /dbang po lnga ni dad pa la sogs pa dag go//kun du bsten pa ni mthong ba'i lam du'o/ /goms par byas pa ni bsgom pa'i lam du'o/ /lan mang du byas pa ni mi slob pa'i lam la'o/ /de la dmigs pa'i nyon mongs pa spangs pa zhes bya ba la/ 'das pa dang da ltar byung ba'i sdug bsngal la ni rang gi ngo bos spangs pa yod pa ma yin no zhes ston par byed do//gzugs la 'dun pa dang 'dod chags gang yin pa zhes bya ba la/ 'dun pa ni 'dod pa'o/ /'dod chags ni mngon par zhen pa'o/ /de ltar de la dmigs pa'i nyon mongs pa spangs pas sdug bsngal spangs pa yin dang /mya ngan las 'das pa rdzas su yod par brtags pa med bzhin du dus gsum pa'i sdug bsngal spangs par rung ngo / /ji lta zhe na/ so sor brtags pa'i stobs kyis 'das pa dang ma 'ongs pa dang da ltar byung ba'i sdug bsngal la dmigs pa'i nyon mongs pa phra rgyas gtan mi skye ba'i phyir ro//der yang zhes bya ba ni 'don pa'i bye brag la'o/ /tshul ni 'di kho na yin no zhes bya ba ni de la dmigs pa'i nyon mongs pa spangs pa kho nas de spangs pa yin te/ so sor brtags pa'i stobs kyis 'das pa dang ma 'ongs pa dang da ltar byung ba'i nyon mongs pa la dmigs pa'i phra rgyas gtan mi skye ba'i phyir ro//yang na dgongs pa ni zhes bya ba ni 'don pa'i bye brag nyid la nyon mongs pa rnams rang gi ngo bos spang ba'i dgongs pa 'chad pa'o/ /skye ba snga ma la byung ba ni tshe rabs snga ma'o/ /skye ba 'di la byung ba ni tshe 'di pa'o/ / de ltar bshad na 'das pa dang da ltar byung ba'i nyon mongs pa skad cig ma yin pa gsal bar 'gyur ro/ /'di ji ltar rtogs par bya zhe na/ ji ltar sred pa rnam par spyad pa dag la zhes bya ba smos so/ /sred pa rnam par spyad pa dag la ni the tshom za bar 'gyur ba dag ste g.yo bar gyur pa dag ces bya ba'i don to//'das pa dang ma 'ongs pa'i dus kyi skad cig ma gcig gi dbang du mdzad nas yin par ni mi rung zhes 'das pa dang da ltar ba'i tshe rabs kyi dbang du mdzad nas gsungs so zhes bya bar shes te/ de bzhin du 'dir yang tshe rabs snga ma pa dang / tshe 'di pa'i nyon mongs pa'i rgyun mtha' dag dang sbyar gyi/skad cig ma gcig dang ni ma yin no/ /sred pa rnam par spyad pa bco brgyad po de dag ni dge slong dag nga'o snyam pa'i yod na nga 'di lta bu'o snyam pa 'byung bar 'gyur zhing / nga 'di 'dra'o snyam pa dang / nga de lta ma yin no snyam pa dang / nga bzang ngo snyam pa dang / nga ngan no snyam pa 'byung bar 'gyur ro//de la 'byung bar 'gyur ro snyam par 'byung bar 'gyur zhing / de la 'byung bar mi 'gyur ro snyam pa dang / 'di lta bur 'byung bar 'gyur ro snyam pa dang / 'di 'dra bar 'byung bar 'gyur ro snyam pa dang / de lta ma yin par 'byung bar 'gyur ro snyam pa 'byung bar 'gyur ro//de la gyur cig snyam pa 'byung bar 'gyur zhing / de la 'di lta bur gyur cig snyam pa dang / 'di 'dra bar gyur cig snyam pa dang / de lta ma yin par gyur cig snyam pa dang / gyur kyang ci ma rung snyam pa dang / 'di lta bur gyur kyang ci ma rung snyam pa dang / de 'dra bar gyur kyang ci ma rung snyam pa dang / de lta ma yin par gyur kyang ci ma rung snyam pa 'byung bar 'gyur ro zhes bya ba ste/ de dag gi khyad par ni 'og tu bshad par bya 'o/ /nyon mongs pa gnyis po des kyang zhes bya ba ni tshe rabs snga ma pa dang / tshe 'di pa pas so/ /rgyud 'di la zhes bya ba ni da ltar byung ba la'o/ /sa bon gyi dngos po ni nus pa'o//'di ltar nyon mongs pa gnyis po des kyang rgyud nyon mongs pa ma 'ongs pa skyed par nus par byas pa des 'di la sa bon gyi dngos po bzhag la zhes bya ste/ sa bon gyi dngos po de spangs pas tshe rabs snga ma pa dang / tshe 'di pa'i nyon mongs pa gnyis po de yang spangs pa yin no//ji srid du des gzhag pa'i sa bon gnas pa de srid du ni nyon mongs pa 'gags kyang spangs pa ma yin la/ des gzhag pa'i sa bon gyi dngos po spangs na ni de yang spangs par rnam par gzhag go/ /dper na rnam par smin pa zad pas zhes bya ba la/ las sngar 'gags kyang ji srid du des gzhag pa'i rnam par smin pa'i 'bras bu ma zad pa de srid du zad do zhes mi bya la/de zad na ni las de zad par 'gyur ba lta bu'o/ /des gzhag pa'i sa bon med pas ma 'ongs pa'i sdug bsngal lam nyon mongs pa ji ltar spang zhe na/ de'i phyir ma 'ongs pa'i sdug bsngal lam nyon mongs pa ni zhes bya ba rgyas par smos te/sa bon skye ba mi srid cing sa bon med pa'i phyir gtan mi skye la/ sa bon med pa yang so sor brtags pa'i stobs kho nas yin te/ de ltar na dus gsum gyi sdug bsngal las nyon mongs pa spangs par gzhag go/ /'gags zin pa 'das pa dang /'gags pa la mngon du phyogs pa da ltar byung ba la ni 'bad pa ste gnyen po skyed pa'i 'bad pa don dang bcas par mi 'gyur te/ dgos pa dang bcas par mi 'gyur ro zhes bya ba'i tha tshig go/ /de dag gi mchog ni 'dod chags dang bral ba yin par bshad do zhes bya ba la/ 'dod chags dang bral ba ni 'dod chags zad pa ste/so sor brtags pas 'gog pa zhes bya ba'i don to/ /rtag pa'i phyir 'dus byas dag pas mchog yin la/ dge ba'i phyir 'dus ma byas dag pas mchog yin par bshad de/ de ltar na mya ngan las 'das pa 'dus byas dang 'dus ma byas kyi chos kyi mchog kyang yin la dngos po med pa yang yin no zhes bya ba ni mdo dang 'gal lo//'di ltar dngos po med pa ni mtshan nyid med pas chos nyid ma yin la/ brjod du med pa ni brjod du med pa dag pas mchog nyid kyang ma yin te/ khyad par med pa'i phyir ro/ /de'i phyir gang zhig rang gi mtshan nyid 'dzin pas chos zhes bya zhing /chos gzhan dag pas khyad par du 'phags pa'i gang yin pa de ni don gzhan du gyur pa cung zad cig yin te/ de nyid kyi phyir ji ltar na med pa rnams kyi mchog med par 'os zhes bya bar smos so/ /ji ltar med pa nam mkha' la sogs pa 'dus ma byas rnams kyi mchog med pa 'dod chags dang bral ba yin par 'os 'dus ma byas med pa kho na'o zhes kyang mi smra ste/des na mdo dang 'gal ba med do/ /gal te yod la rdzas su yod pa ma yin pa des na/ de ji lta bu zhig yin par brjod par bya'o/ /de ni kho bo cag gis ji skad du bshad pa de lta bu yin no zhes bya ba la/reg bya med pa tsam ni nam mkha' yin la/ phra rgyas dang skye ba skyes pa 'gags nas so sor brtags pa'i stobs kyis gzhan mi skye ba ni so sor brtags pas 'gog pa yin zhing / so sor brtags pa med pa kho nar rkyen ma tshang bas mi skye ba ni so sor brtags pa ma yin pas 'gog pa ste zhes bya ba lta bu'o//ji ltar yod pa ma yin pa'i bdag nyid la yod ces bya zhe na/ dper na sgra la snga na med pa yang yod/ phyis med pa yang yod ces bya mod kyi/ 'on kyang dngos po med pa yod do zhes bya ba'i sgra sbyar bas yod par mi 'grub ste/ yod do zhes bya ba'i sgra ni tshig phrad yin pa'i phyir ro//'dus ma byas kyang de bzhin du blta bar bya'o zhes bya ba ni yod do zhes kyang bya la/ yod pa yang ma yin pa zhes bya bar ro/ /ji ltar med pa rnams kyi mchog med pa yin par 'os zhes gang smras pa de'i lan ni/ med pa yang kha cig ces bya ba rgyas par 'byung ba'o//de ci 'dra ba zhig ce na/ gang gnod pa thams cad dang gtan bral ba de ni zhes bya ba smos te/ nad med pa bzhin no/ /ci'i phyir 'di bsngags pa thob par 'os she na/ gdul bya rnams de la 'dun par bya ba'i phyir te/ gdul bya bdag la chags pa dang ldan pa rnams de la skrag par 'gyur ro//nam mkha' ni gnod pa thams cad med pa ma yin te/ reg bya med pa tsam gyi mtshan nyid can yin pa'i phyir ro/ /so sor brtags pa ma yin pas 'gog pa ni gtan bral ba yin mod kyi/ gnod pa thams cad dang ni ma yin te/ skye ba dang mi ldan pa rnams kho na'i de rnyed pa'i phyir ro//de ltar na gzhan dag pas de mchog yin pas bsngags pa thob par 'os so/ /rang gi mtshan nyid med kyang 'das pa dang ma 'ongs pa ltar chos kyi tha snyad kyang ci'i phyir mi 'dod/ bsgrub par bya ba yin no zhe na/ mdzod kyi gnas lnga par bsgrub par bya ba yin pa'i phyir te/ 'di la bshad zin to//ji skad bshad ce na/ 'dul ba rnams de la 'dun par bya ba'i phyir zhes bya bar te/ brjod du med pa nyid yin yang snga na med pa la sogs pa ltar de dag phan tshun khyad par du 'gyur ro/ /'gog pa 'phags pa'i bden pa yin par mi 'gyur te/ zhes bya ba la/ gang zhig ci yang ma yin pa de ni ji ltar de'i bden pa 'am/brdzun pa zhes bya/ re zhig 'gog pa'i bden pa'i don 'di gang yin ci rdzas kyi don yin nam/ 'on te phyin ci ma log pa'i don yin nam/ gal te rdzas kyi don yin na ni/ de lta na kun rdzob kyi bden pa med par thal bar 'gyur te/ de'i phyir phyin ci ma log ma log pa'i don khas blang bar bya dgos la/ de ltar na sdug bsngal ltar sdug bsngal 'gog pa yang bden pa nyid du mi 'gal lo/ /de nyid bstan pa'i phyir 'phags pa rnams kyis zhes bya ba rgyas par smos te/ ji ltar 'phags pa rnams kyis sdug bsngal la sdug bsngal nyid du gzigs kyi/bde ba zhes bya bar ma yin pas sdug bsngal 'phags pa'i bden par brjod pa de bzhin du sdug bsngal 'gog pa yang 'phags pa rnams kyis sdug bsngal med pa'i mtshan nyid kho nar gzigs pa la sdug bsngal 'gog pa 'phags pa'i bden pa zhes brjod do//ji ltar med pa ni ci yang ma yin pa'i phyir gsum pa nyid du 'gyur zhe na/ gnyis pa'i 'og tu mthong ba dang / bstan pas na gsum pa yin te/ bden pa mngon par rtogs pa'i tshe gnyis pa kun 'byung gi bden pa'i 'og tu rang gi shes rab kyis mthong ba dang /ston pa'i tshe gzhan gnyis kyis 'og tu bstan pas gsum pa zhes bya'o/ /cir 'gyur zhes bya ba ni skyon cir 'gyur zhes bya ba'o/ /ci zhig tu yang 'gyur zhes bya ba ni yon tan ci zhig tu 'gyur zhes bya ba'o/ /bye brag tu smra ba'i phyogs bskyangs par 'gyur ro zhes bya ba ni yon tan 'dir 'gyur ro zhes bya ba'o//yang dag pa ma yin pa kun brtags par 'gyur zhes bya ba ni skyon cir 'gyur zhes gang smras pa de'i lan te/ yang dag pa ma yin pa kun brtags pa'i skyon du 'gyur ro/ /ci'i phyir zhe na zhes bya ba ni tshig tsam gyis 'di bsgrub par mi nus so zhes rgyu dris pa'o//gzugs dang tshor ba la sogs pa bzhin du zhes bya ba rgyas par 'byung ba la/ gang zhig dngos po yin pa de ni gzugs dang tshor ba la sogs pa bzhin du rang gi ngo bos mngon sum gyis dmigs pa yin la/ yang na mig la sogs pa ltar 'bras bu'i sgo nas rjes su dpag pas dmigs pa yin na/'di la ni gnyis ka yang med pas 'dus ma byas dngos po ma yin no zhes bya bar gzung ste/ 'di ni lan cig ma yin par bshad zin to/ /dngos po che ge mo zhig gi zhes bya ba ni 'dod chags la sogs pa'i dngos po'i 'o//rgyu dang 'bras bu la sogs pa'i dngos po mi srid pa'i phyir ro zhes bya ba la/ sogs pa zhes bya ba'i sgras ni nor dang bdag po dang / yan lag dang / yan lag can dang / yon tan dang yon tan can gyi 'brel pa rnams la sogs pa rnams gzung ste/'gog pa ni dngos po'i 'bras bu ma yin zhing / rgyu ma yin la/ nor dang bdag po yang ma yin no/ /de bzhin du gzhan la yang brjod par bya'o/ /bkag pa tsam du ni rung ngo zhes bya ba ni chos dang chos can gyi 'brel pa'i dbang du byas nas bshad pa ste/ sgra dang mi rtag pa nyid bzhin no//de ni de'i gnas skabs yin gyi/ gzhan gyi ni ma yin no/ /dngos po gzhan nyid yin na yang nyon mongs pa gang gi zhes bya ba rgyas par 'byung ba la/ 'dir sems gnyis la 'gog pa gnyis blta bar bya ste/ bar chad med pa'i lam dang lhan cig tu nyon mongs pa'i thob pa 'gag la/rnam par grol ba'i lam dang lhan cig tu so sor brtags pa'i 'gog pa thob po/ /nyon mongs pa'i thob pa ma 'gags par ni bral ba'i thob pa mi thob pa ste/ de ltar na nyon mongs pa gang gi thob pa 'gags nas 'gog pa gang thob pa de ni de'i yin no zhes tha snyad 'dogs so//'di la yang rgyu dang 'bras bu la sogs pa'i 'brel pa med pa'i phyir 'dri ba ni/ 'o na de thob par nges pa'i rgyu gang zhig yin zhes bya ba'o/ /nyon mongs pa 'di'i thob pa chad pas 'gog pa 'di kho na 'thob kyi/ gzhan ni ma yin no zhes bya ba 'di la nges pa'i rgyu 'ga' yang med de/sngar bshad pa'i 'brel pa rnams mi srid pa'i phyir ro/ /yang na 'di ni 'dod chags kyi bral ba'i thob pa yin gyi/ gzhan gyi bral ba'i ni ma yin no zhes nges pa'i rgyu med de/ 'dod chags kyi thob pa chad pa rgyu ma yin pa'i phyir dang / lam la khyad par med pa'i phyir ro/ / che ge mo zhig gi med pa'o zhes dgag pa tsam du ni mi rung ngo zhes gang smras pa de la lung dang 'gal ba bstan pa'i phyir/ mdo las mthong ba'i chos la mya ngan las 'das pa thob pa'i zhes bya ba la sogs pa smos te/ da ltar ba'i skye ba la mya ngan las 'das pa thob pa ni phung po lhag ma dang bcas pa'i dbyings kyi gnas skabs na yin te/des ni med pa ni brjod du med pa yin pa'i phyir na ji ltar 'thob par 'gyur/ de'i phyir mdo las thob par gsungs pa'i phyir mya ngan las 'das pa yod pa kho na yin par bzhed do/ /med pa yin yang thob pa mi 'gal lo zhes bstan pa'i phyir gnyen po thob pas zhes bya ba rgyas par smos so//nyon mongs pa dang yang srid pa ni nyon mongs pa dang yang srid pa dag ste/ de dag gi skye ba ni nyon mongs pa dang yang srid pa'i skye ba'o/ /nyon mongs pa dang yang srid pa de'i skye ba de dang shin tu 'gal ba'i rten ni/ nyon mongs pa dang yang srid pa'i skye ba dang / shin tu 'gal ba'i rten te/ de thob pa'i phyir mya ngan las 'das pa thob pa zhes bya'o/ /gnyen po'i stobs kyis 'gal ba'i rten thob cing 'bru mes tshig pa dang 'dra ba'i rten de lta bu'i de thob pa'i phyir nyon mongs pa 'am skye ba yang mi 'byung bas phung po lhag ma dang bcas pa'i mya ngan las 'das pa'i dbang du byas nas mya ngan las 'das pa thob pa zhes bya ste/gnyen po ni 'dir bar chad med pa'i lam mo/ /de thob pa na mngon du byed pa'i ngo bo'o/ /'di ltar de ni des spang bar bya ba'i nyon mongs pa'i sa bon dang rjes su 'brel pa'i rten skye ba dang 'gal bas/de'i mjug thogs su nyon mongs pa'i sa bon rtog pa'i rten skye bar 'gyur te/ de ltar na gnyen pos nyon mongs pa skye ba dang shin tu 'gal ba'i rten thob po/ /nyon mongs pa ma lus pa skye ba dang 'gal ba'i rten thob na yang skye ba mi 'byung ste/de ltar na de ni skye ba 'byung ba dang 'gal bar yang 'gyur ro/ /'di ltar nyon mongs pa'i sa bon ma 'gags na ni nyon mongs pa skye ba dang shin tu 'gal ba'i rten mi thob la/ gnyen po ma skyes na nyon mongs pa'i sa bon mi 'gag go/ /lung las kyang zhes bya ba rgyas par 'byung ba la/'dir dper brjod pa ni 'byung ba med pa zhes bya ba 'di yin te/ mi skye ba'i rnam grangs yin pa'i phyir ro/ /slob dpon gyis 'byung ba 'gag pa tsam gyi dbang du byas nas 'byung ba med pa zhes khungs su bshad pas/ de'i phyir 'di yin na zhes bya ba rgyas par smras te/'dir mi 'byung bas khyad par du gyur pa'i dngos po nyid bstan gyi/ 'byung ba bkag pa tsam ni ma yin pas 'di ni mya ngan las 'das pa mi skye ba tsam du shes par bya ba la khungs ma yin no zhe na/ bdun pa 'di ni nus pa med par blta'o zhes bya ba rgyas par 'byung ste/mngon par 'dod pa'i don bsgrub par bya ba la zhes bya bar sbyar ro/ /'dir yin na 'byung bar mi 'gyur ro zhes bya ba ji skad du bshad pa yin zhes bya ba 'byung ste/ gal te de yod na ni zhes bya bar sbyar na ni ste/ 'di yod na mi 'byung ba de ni 'byung ba med do zhes bya ba yin na ni mya ngan las 'das pa rtag pa'i phyir rtag tu mi 'byung ba kho nar 'gyur ro//rten gyi don mi srid pas na gzhan du nye bar bkod do/ /gang kho nas zhes bya ba ni lam gyis so/ /de thob par zhes bya ba ni mya ngan las 'das pa thob par ro/ /de nyid yod dam zhes bya ba ni mngon du gyur pa na'o//thob na zhes bya ba ni rnyed na ste/ lam dang sbyar ro/ /sdug bsngal mi 'byung bar 'dod par gyis shig ces bya ba ni gzhan mya ngan las 'das pa don med pa brtags pa ci zhig bya zhes bya ba'o/ /de yi sems kyi rnam par thar/ /zhes bya ba ni/ bcom ldan 'das kyi phung po lhag ma med pa'i mya ngan las 'das pa'i gnas skabs na'o//gang gi phyir 'das pa mya ngan las 'das pa yin zhing mya ngan las 'da' ba po med pa'i phyir mya ngan las 'das pa nyid med pas na/ chos mngon pa las kyang zhes bya ba rgyas par 'byung ngo / /bye brag tu smra ba rnams na re/'di'i don ni 'di ma yin no zhes bya ba ni/ dngos po med pa ni lus med pa dang / rang gi ngo bo med pa ma yin pa'o/ /ci'i phyir zhe na/ dngos po'i sgra'i don du ma yin pa'i phyir ro/ /gal te 'di don ma yin na/ 'o na gang yin zhe na/ dngos po ni rnam pa lnga'o/ /rang bzhin gyi dngos po ni zhes bya ba ni rang bzhin nyid dngos po'o//dngos po ji lta ba bzhin du zhes bya ba ni dmigs pa ji lta ba bzhin du zhes bya ba'i don te/ dmigs pa nyid dngos po yin pa ni dmigs pa'i dngos po'o/ /ldan pa'i dngos po zhes bya ba la/ ldan pa'i dngos po ni ldan pa'i dngos po'o//rgyu'i dngos po ni zhes bya ba ni rgyu nyid dngos po yin pa ni rgyu'i dngos po'o/ /yongs su gzung ba'i dngos po zhes bya ba la/ yongs su gzung ba 'am/ yongs su 'dzin pa'i dngos po ni yongs su gzung ba'i dngos po ste/ yongs su 'dzin pa ni 'dir bdag gir byed pa'o//de'i phyir 'dir rgyu'i dngos po'i sgrar gsungs kyi rang gi ngo bo ni ma yin no zhes ston to/ /gang gi phyir chos mngon pa las 'dus ma byas rnams rgyu med pa nyid du grub kyi/ rang gi ngo bo med pa ni ma yin no zhes ston to/ /yang 'bras bu 'di dag las zhes bya ba rgyas par 'byung ba la/ 'chad par 'gyur ba'i mtshan nyid can rnam par smin pa dang / bdag po dang / rgyu mthun pa dang / skyes bu byed pa dang / bral ba'i 'bras bu zhes bya ba lnga po gang dag yin pa de dag las 'bras bu gang zhig rgyu drug po de las rgyu gang gi yin zhe na/ de la re zhig bral ba'i 'bras bu ni rgyu gang gi yang ma yin no zhes bshad zin to//rnam smin 'bras bu tha ma'i yin/ /zhes bya ba la/ 'dir rnam par smin pa'i 'bras bu ni rnam par smin pa'i rgyu kho na'i yin no zhes nges par gzung gi /rnam par smin pa'i 'bras bu kho na zhes bya bar ni ma yin te/ bdag po'i 'bras bu ma bkag pa'i phyir ro//bdag po'i 'bras bu dang po'i yin/ /zhes bya ba la/ 'di bdag po yin pa ni bdag po'i 'o/ /'dir nges par gzung ba gnyis ka yang skyon dang bcas pas nges par gzung bar mi bya ste/ 'di ltar byed rgyu'i rgyu 'ga' zhig la skyes bu byed pa'i 'bras bu yang yod la/gzhan dag la yang bdag po'i 'bras bu yod pa yin no/ /de ltar na ni 'o na bdag po'i 'bras bu dang po'i yin zhes bya ba'i 'bras bu med par thal bar 'gyur ro zhe na/ skyes bu byed pa'i 'bras bu ni bdag po'i 'bras bu ltar thams cad kyi ma yin no zhes shes par bya ba'i don du yin pa'i phyir 'bras bu med pa ma yin no//de nyid dbang byed pa yin no zhes bya ba ni mi sgrib pa'i ngo bor gnas pa gang yin pa kho na'o/ /byed rgyu'i rgyu la skyed pa'i dngos po yang yod de zhes bya ba ni skyed par byed pa'i dngos po yang ngo / /'dis ni 'dus ma byas ma gtogs pa byed rgyu byed pa po dang btang snyoms pa dang rnam pa gnyis ka la yang bdag po'i 'bras bu yod do zhes bya bar shes par bya bar 'gyur te/ji skad du/ sngon 'byung ma yin 'dus byas ni/ /'dus byas kho na'i bdag po'i 'bras/ /zhes 'chad do/ /'di lta ste rnam par shes pa'i tshogs lnga po dag la zhes bya ba la/mig la sogs pa'i skye mched bcu ni mig la sogs pa'i rnam par shes pa rnams kyi byed rgyu'i rgyu las gzhan pa lhan cig 'byung ba la sogs pa'i rgyu ma yin no/ /yid dang chos ci rigs par yid kyi rnam par shes pa'i skal ba mnyam pa dang / kun du 'gro ba dang /lhan cig 'byung ba dang / mtshungs par ldan pa'i rgyu dag kyang yin te/ de'i phyir bcu po dag kho na smos kyi/ yid dang chos kyi skye mched dag ni ma yin no/ /snod kyi 'jig rten la zhes bya ba la/ snod kyi 'jig rten ni lung du ma bstan pa dang / 'dod dgur mi 'jug pa dang / dge ba dang mi dge ba'i las kyis bskyed pa yin yang rnam par smin pa'i 'bras bu ma yin te/ rnam par smin pa ni thun mong ma yin pa'i phyir la/ sems can brjod ces mtshan nyid byas pa'i phyir ro/ /de las gzhan pa'i rgyu mi srid pa las ni de'i byed rgyu'i rgyu kho na yin no/ /de lta bu la sogs pa sbyar bar bya'o zhes bya ba la ji ltar zhe na/bsnams nas blta bar 'dod pa 'byung ba'i phyir ro zhes bya ba la sogs par ro/ /rgyu mthun skal mnyam kun 'gro ba'i/ /'bras bu zhes bya bar skabs dang sbyar ro/ /rgyu mthun pa'i 'bras bu ni rgyu dang 'dra ba yin te/ de'i phyir rgyu mthun pa'i 'bras bu ni skal ba mnyam pa dang kun du 'gro ba'i rgyu dag gi yin par rnam par gzhag go//skal ba mnyam pa dang kun du 'gro ba dag kho na'i yin no zhes bya bar nges par gzung gi /rgyu mthun pa kho na ni ma yin te/ skyes bu byed pa dang / bdag po'i 'bras bu yang de dag gi yin pa'i phyir ro//skyes bu pa ni gnyis kyi yin/ /zhes bya ba la/ skyes bu byed pa'i 'bras bu kho na gnyis kyi yin te/ 'di ltar lhan cig 'byung ba dang mtshungs par ldan pa'i rgyu dag ni lhan cig 'byung ba'i 'bras bu kho na la byed pa dang ldan pa'i phyir ro/ /bdag po'i 'bras bu yang de dag gis der 'gyur mod [(]gyi[,]kyi[)]/de ni byed pa po ma yin pa'i yang yin pas 'dir brjod par mi 'dod do/ /tshig le'ur byas pas sbyar ba'i phyir skyes bu pa zhes bya ba'i sgra bye brag tu bshad pa'i phyir skyes bu'i ngo bo las mi gzhan pa'i phyir zhes bya ba rgyas par smos so/ / skyes bu'i byed pa ni bya ba dang las dang bya rgyu dang / g.yo ba zhes bya ba las don gzhan ma yin la/ bya ba yang bya ba dang ldan pa dag las gzhan ma yin pas skyes bu nyid skyes bu'i byed pa yin par bshad cing / de'i 'bras bu ni skyes bu par bshad do/ /nang gi byed pa'i skyes bu med pas skyes bu byed pa zhes bya ba 'di ci zhig ce na/chos gang gi byed pa gang yin pa de ni de'i skyes bu byed pa'o/ /gal te nang gi byed pa'i skyes bu med pas skyes bu chos skyes tsam zhig yin pa de'i phyir chos kyi byed pa zhes bya bar 'gyur gyi/ skyes bu'i byed pa zhes bya bar ni mi 'gyur ro zhe na/de'i phyir skyes bu'i byed pa lta bu ni skyes bu byed pa ste zhes bya ba smos te/ 'jig rten la grags pa'i skyes bu'i bya ba la skyes bu byed pa zhes grags pas de'i phyir/ 'jig rten pas brtags pa'i skyes bu byed pa de dang 'dra bar skyes bu'i byed pa lta bur mdzad de/dper na bya rog gi rkang pa dang 'dra ba la bya rog rkang dang / skyes bu gang zhig glang po che myos pa 'dra bar lus rgyas pa 'am dpa' ba de la mi glang po che myos pa zhes bya ba bzhin no/ /ci gzhan dag la yang zhes bya ba rgyas par 'byung ste/ skal ba mnyam pa dang / kun du 'gro ba dang / rnam par smin pa dang / byed rgyu'i rgyu rnams la yang yod dam/ 'on te lhan cig 'byung ba dang mtshungs par ldan pa gnyis kho na'i yin zhe na/ gzhan dag la yang zhes rgyas par 'byung ba la/ skal ba mnyam pa'i rgyu la sogs pa dag la yang ste/skal ba mnyam pa dang kun du 'gro ba'i rgyu dag la yang de ma thag tu 'byung ba'i skyes bu byed pa'i 'bras bu yod kyi/ lhan cig 'byung ba ni ma yin no/ /ci'i phyir skyes bu byed pa'i 'bras bu ni lhan cig 'byung ba dang mtshungs par ldan pa'i rgyu dag kho na'i yin par brjod ce na/lhan cig dang de ma thag tu 'byung ba de ni de gnyis kho na'i yin gyi/ snga ma dag gi ni ma yin no/ /skal ba mnyam pa'i rgyu thams cad la yang de ma thag tu 'byung ba'i skyes bu byed pa'i 'bras bu yod pa ma yin te/ dgra bcom pa'i 'chi ka ma mi 'thad pa'i phyir ro/ /lhan cig 'byung ba dang mtshungs par ldan pa'i rgyu dag la ni gdon mi za'o//byed rgyu'i rgyu yang kha cig la skyes bu byed pa'i 'bras bu yod kyi/ thams cad la ni ma yin no/ /rnam par smin pa'i rgyu ma gtogs pa zhes bya ba 'byung ngo / /ci'i phyir zhe na/ skyes bu byed pa'i 'bras bu ni lhan cig 'byung ba'am/de ma thag tu 'byung ba yin la/ rnam par smin pa ni de lta ma yin no/ /de ni rgyun la ltos pa kho na yin gyi/ de ma thag pa'am/ dus gcig pa ma yin no/ /gzhan dag na re de la yang zhes bya ba rgyas par 'byung ba la/ 'di ltar so nam gyi bya ba mtshungs shing zhing la sogs pa 'byor par mtshungs pa bzhin du kha cig gi 'bru la sogs pa 'byor par 'gyur la/kha cig gi ni ma yin te/ de'i phyir/ lhan cig 'byung ba dang de ma thag tu 'byung ba 'ba' zhig tu ma zad kyi/ skyes bu byed pa'i 'bras bu skal ba mnyam pa yang yod pa yin no zhes zer ro//rgyu dang 'bras bu'i nges pa bshad zin to/ /da ni 'bras bu rnams kyi mtshan nyid brjod par bya ba yin pas/ de'i phyir yang rnam par smin pa'i 'bras bu zhes bya ba 'di ci yin zhes bya ba la sogs pa smos so/ /rnam smin lung du ma bstan chos/ /zhes bya ba la/ rnam par smin pa ni lung du ma bstan pa kho na yin zhing sems can du brjod pa kho na yin no zhes nges par gzung gi /rnam par smin pa kho na sems can du brjod pa ni ma yin no/ /de nyid kyi phyir rgyu mthun pa las byung ba dang / rgyas pa las byung ba gsal bar bya ba'i phyir/ lung bstan phyis 'byung zhes bya ba smos te/lung bstan pa'i phyi nas 'byung bas na lung bstan phyis 'byung ba'o/ /ma bsgribs la lung du ma bstan pa smos pa ni 'jig tshogs la lta ba dang / mthar 'dzin par lta ba gsal bar bya ba'i phyir ro/ /lta ba de gnyis ni sems tsam du ston pa dang / lung bstan phyis 'byung ba yin mod kyi/ma bsgribs la lung du ma bstan pa ni ma yin pas rnam par smin pa ma yin no/ /de lta na ni 'o na dbang po'i 'byung ba chen po rgyas pa bsam gtan gyi khyad par la snyoms par zhugs pa'i rgyu can yang lung du ma bstan pa'i phyis 'byung ba yin pa'i phyir dang /ma bsgribs la lung du ma bstan pa yin pa'i phyir dang / sems can du brjod pa'i phyir rnam par smin par 'gyur la/ de lta na rgyas pa las byung ba dang / rnam par smin pa'i rnam par gzhag pa 'dres par 'gyur ro zhe na/ 'dres pa med de/ rnam par smin pa'i rgyu dang de'i 'bras bu dag ni sa tha dad pa nyid dam dus gcig pa ma yin na/dbang po'i 'byung ba chen po brgyad pa dang / bsam gtan gyi khyad par la snyoms par zhugs pa dag ni dus gcig pa dang sa gnyis tha dad pa nyid yin pas dbang po'i 'byung ba chen po rgyas pa las rnam par smin pa nyid du thal bar 'gyur ba med do//de nyid kyi phyir/ gang zhig de las dus phyi ma la 'byung zhing zhes bya ba smos te/ de dang lhan cig tu ma yin no/ /de lta na 'o na sprul pa'i sems la yang thal bar 'gyur te/ de yang snyoms par 'jug pa'i sems dge ba las 'byung zhing /ma bsgribs la lung du ma bstan pa dang sems can du brjod pa yang ma yin no zhe na/ de'i phyir de ma thag tu ma yin pa zhes bya ba smos so/ /de ma thag pa ni mtshungs pa de ma thag pa'i stobs kyis drangs pa'i phyir la/ sprul pa'i sems kyang snyoms par 'jug pa'i sems kyi de ma thag tu 'byung na/rnam par smin pa ni de lta bu yang ma yin no/ /ci'i phyir sems can du ston pa ma yin pa'i don zhes bya ba rgyas par 'byung ste/ las las skyes pa nyid du mtshungs bzhin du sems can du ston pa kho na rnam par smin pa yin la/ sems can du ston pa ma yin pa ni ma yin no zhes bya ba 'di la rgyu ci yod ce na/de'i phyir thun mong ba ma yin pa'i phyir te zhes bya ba la sogs pa smos so/ /rnam par smin pa ni thun mong ma yin pa ste zhes bya ba 'byung ste/ rgyu gang la rnam par smin pa'i rgyu yod pa de kho na la 'byung ba'i phyir de dang 'dra bar gzhan gyis myong ba med pa'i phyir ro//gzhan gyis byas pa'i las kyi rnam par smin pa gzhan gyis myong ba ni ma yin te/ de lta na ni ma byas pa dang phrad pa dang / byas pa chud zos par 'gyur ro/ /bdag po'i 'bras bu sems can du ston pa ma yin pa ci'i phyir myong zhe na/ thun mong gi las las byung ba'i phyir te/de myong na ma byas pa dang phrad pa dang byas pa chud zos pa med do/ /rgyu mthun rgyu dang 'dra ba'o/ /zhes bya ba la/ re zhig skal ba mnyam pa'i rgyu'i 'bras bu rgyu dang dge ba dang mi dge ba lung du ma bstan par 'dra ba ni ris dang rang gi sa 'dra ba la ltos pa yin par gzung la/kun du 'gro ba'i rgyu'i ni nyon mongs pa can dang rang gi sa 'dra ba la ltos par ro/ /gal te kun du 'gro ba'i rgyu'i 'bras bu yang 'dra ba yin na go/ /ci'i phyir skal ba mnyam pa'i rgyu kho nar mi 'dod ce na/ 'di ltar de ni sa dang nyon mongs pa can las 'bras bu dang 'dra ba yin te/ 'dod pa na spyod pa kun du 'gro ba'i rgyu'i 'bras bu ni 'dod pa na spyod pa'i nyon mongs pa can kho na yin no/ /skal ba mnyam pa'i rgyu bzhin du rnam pa las kyang ni ma yin te/ rnam pa lnga char yang rgyu yin pa'i phyir ro/ /skal ba mnyam pa'i rgyu ni rnam pa las kyang 'bras bu dang 'dra ba yin no//de la kun du 'gro ba'i rgyu gang zhig sa dang nyon mongs pa can las yin pa 'ba' zhig tu ma zad kyi/ rnam pa las kyang 'bras bu dang 'dra ba de ni skal ba mnyam pa'i rgyu yin par khas len pa nyid do/ /de nyid kyi phyir gang zhig gang gi skal ba mnyam pa'i rgyu yin pa de zhes bya ba rgyas par smos so//kun du 'gro ba ma yin pa ni skal ba mnyam pa'i rgyu kho na'o/ /ris gzhan pa'i kun du 'gro ba ni kun du 'gro ba kho na'o/ /gnyis ka yin pa ni rang gi ris pa'i kun du 'gro ba kho na'o/ /de ltar na mu gsum pa la bsams nas/ gang zhig rnam pa las kyang 'dra ba de ni skal ba mnyam pa'i rgyu yin par khas len pa nyid do zhes bshad do//bzhi pa ni rnam pa de dag ma gtogs pa'o zhes bya ba ni mu gsum du bshad pa'i chos rnams ma gtogs so zhes bya ba'i don te/ gang gi tshe dge ba la sogs pa rnams kyi mjug thogs su mtshan nyid mi 'dra ba skye ba na snga ma de de'i skal ba mnyam pa'i rgyu 'am kun du 'gro ba'i rgyu ma yin no//bral ba blo yis zad pa'o/ /thob pa'o zhes bya ba ni tshig gi lhag ma'o/ /'gog pa smos pa ni ma thob pa tsam bral ba nyid yin pas dgag par bya ba'i don to/ /des na zhes bya ba ni gtan tshigs brjod pa ste/gang gi phyir 'gog pa shes rab kyis thob par bya ba yin pa de'i phyir bral ba'i 'bras bu so sor brtags pas 'gog pa yin no zhes bshad par 'gyur ro/ /gang gi stobs kyis gang skye ba'i/ /'bras de skyes bu byed las skyes/ /zhes bya ba la/ rgyu gang gi stobs kyis 'bras bu gang zhig skye ba de ni de'i skyes bu byed pa'i 'bras bu yin no//dper na sa 'og ma pa'i zhes bya ba la sogs pa la/ 'dir rgyu dang 'bras bu dag pa tha dad pa'i phyir/ zag pa dang bcas pa dang zag pa med pa yin pa'i phyir dang / dge ba dang lung du ma bstan pa yin pa'i phyir te/ skyes bu byed pa'i 'bras bu kho na yin gyi/ rgyu mthun pa'i 'bras bu ni ma yin te/ de'i rgyu dang 'dra ba dang / rang gi sa pa yin par 'dod do/ /sogs pa zhes bya ba'i sgras ni gzhan yang bsdu ste/ dper na 'dod pa na spyod pa'i 'chi ba'i sems dge ba dang lung du ma bstan pa las gzugs na spyod pa'i srid pa bar ma do'i skad cig ma dang po lta bu'o//skyes bu byed pas thob pa'i 'bras bu ni skyes bu byed pa'i 'bras bu yin la/ so sor brtags pa'i 'gog pa yang so sor brtags pa'i stobs kyis thob pas de yang skyes bu byed pa'i 'bras bu kho na'o zhes bstan pa'i phyir/so sor brtags pas 'gog pa ni zhes bya ba rgyas par 'byung ngo / /ji ltar na de 'dir gzung ba yin/ de ni skye ba ma yin no zhe na/ nga'i nor skyes so zhes thob pa la yang skyes pa'i sgra brjod pa mthong ste/ bdag gis nor thob bo zhes bya ba'i tha tshig go//de la bar chad med pa'i lam gang dag gis nyon mongs pa spong bar byed pa de dag gi ni spangs pa ste bral ba'i 'bras bu yin la/ gang dag gis ma 'ongs pa sngar spangs pa rnams kyi bral ba 'ba' zhig thob pa de dag ni skyes bu byed pa'i 'bras bu kho na yin te/dper na nges pa la 'jug pa na sdug bsngal la chos shes pa'i bzod pas phra rgyas bcu po dag spangs pa/ 'dod pa la 'dod chags dang bral ba ni bral ba'i 'bras bu dang / skyes bu byed pa'i 'bras bu yin la 'dod chags dang bral ba sngon du 'gro ba'i skyes bu byed pa'i 'bras bu kho na yin pa bzhin no//de bzhin du gzhan la yang brjod par bya'o/ /sngon byung ba ma yin pa'i 'dus byas kho na 'dus byas kho na'i bdag po'i 'bras bu yin gyi/ 'dus ma byas ma yin zhing / 'dus ma byas kyi ni ma yin no zhes nges par gzung ste/ bdag po'i 'bras bu kho na ni ma yin no//sngon byung ba ma yin pa zhes bya ba ni sngon byung ba las gzhan sngon ma byung ba'o/ /de ni lhan cig byung ba dang / phyis byung ba ste/ rgyu bas sngar skyes pa'i 'bras bu ni cung zad kyang med do/ /ci'i phyir zhe na/ rgyu don med par thal bar 'gyur ba'i phyir ro/ /sngar 'khor los sgyur ba nyid byed cing phyis der 'gyur ba'i las byed par 'gyur na/myu gu la sogs pa rnams kyi sngon du sa bon 'gro ba nyid du mthong ba'i phyir mthong ba dang 'gal ba yin no/ /'bras bu skyes zin pas 'das pa ltar rgyu bya ba byas zin pa'i phyir mi skye bar yang 'gyur ro/ / skyes bu byed pa dang bdag po'i 'bras bu dag la tha dad du bya ba ci yod ce na zhes bya ba ni de nyid de'i skyes bu byed pa'i 'bras bu dang bdag po'i 'bras bur rnam par gzhag pa'i phyir 'dri ba'o/ /skyes bu byed pa'i 'bras bu ni byed pa po'i yin no zhes bya ba la/ gang gi stobs kyis gang skye ba//'bras de skyes bu byed las skyes/ /zhes 'byung ba'i phyir ro/ /byed pa po ma yin pa'i yang yin te zhes bya ba'i yang zhes bya ba'i sgras ni bdag po'i 'bras bu byed pa po'i yang yin pa ste/ dper na bzo bo rnams kyi bzo skyes bu byed pa'i 'bras bu yin la/ bdag po'i 'bras bu yang yin no/ /gzhan dag gis bdag po'i 'bras bu kho na yin no zhes bya ba la/ bzo bo ma yin pa gegs mi byed pa'i ngo bor gnas pa dag gi ni bzo de bdag po'i 'bras bu kho na yin gyi skyes bu byed pa'i 'bras bu ni ma yin no/ /gzhan dag la yang de dang 'dra bar sbyar bar bya'o//lnga po da ltar 'bras bu 'dzin/ /zhes bya ba la/ da ltar kho na zhes nges par gzung gi /lnga po kho na zhes bya bar ni ma yin te/ byed rgyu'i rgyu yang de dag 'dra mod kyi zhes 'byung ba'i phyir ro/ /'bras bu 'dzin pa zhes bya ba ni 'bras bu 'phen pa ste/dngos po gzhan skyed par bya ba la rgyu'i dngos por nye bar 'gro zhes bya ba'i don to/ /de ni da ltar ba kho na la yod do/ /byed rgyu'i rgyu yang de dang 'dra mod kyi zhes bya ba ni da ltar ba kho na 'bras bu 'dzin gyi/ 'das pa dang ma 'ongs pa ni ma yin no/ /gal te de ltar na de yang da ltar ba 'bras bu 'dzin to zhes ci ste ma smras she na/de'i phyir de ni 'bras bu dang bcas par ma nges pas ma brjod do zhes bya ba smos te/ 'dus ma byas la 'bras bu med pa'i phyir ro/ /gnyis ni rab tu 'byin par byed ces bya ba la/da ltar ba dag kho na zhes bya bar nges par gzung bar bya ste/ gnyis kho na zhes ni ma yin no/ /dus mnyam pa kho na yin no zhes bya ba la/ rgyu'i dang po'i dus kho nar 'bras bu phyung ba'i phyir ro/ /da ltar gyi dang 'das pa dag ces bya ba la/ skabs su bab pa'i phyir 'bras bu 'byin par byed do zhes bya bar sbyar ro//da ltar ba dag rgyu mthun pa'i 'bras bu 'byin pa mi srid do snyam ste/ re zhig gang 'das pa dag ni zhes dri ba rgyas par 'byung ngo / mjug thogs su bsgrub pa'i phyir zhes bya ba 'byung ste/ de la 'bras bu gang zhig skal ba mnyam pa dang kun du 'gro ba'i rgyu dag gi yin par nges shing de dag gi mjug thogs su skye ba de ni de dag gi 'dzin pa dang 'byin pa yin la/rgyu dag 'gags na ni gzung ba dang phyung zin pa yin no/ /de nyid kyi tshe ni ma yin te/ 'o na ci zhe na/ phyis kyang phyung ba yin no/ /'on te 'gags pa dag las 'bras bu skyes pa ni de lta na 'das pa dag gis 'bras bu phyung ba yin no//byed rgyu'i rgyu yang zhes brjod par bya ste/ cung zad cig ni byed rgyu da ltar byung ba'i yang bdag po'i 'bras bu yin te/ dper na mig gi rnam par shes pa lta bu'o/ /cung zad cig ni de ma thag tu yin te/ dper na 'jig rten pa'i chos kyi mchog rnams kyi sdug bsngal la chos shes pa'i bzod pa lta bu'o//cung zad cig ni dus gzhan gyi tshe yin te/ dper na thar pa'i cha dang mthun pa'i dge ba'i rtsa ba rnams kyi byang chub gsum lta bu'o zhe na/ 'di ma smos pa'i rgyu sngar bshad zin to/ /dge ba'i skal ba mnyam pa'i rgyu zhes 'byung ste/mi ldan pa'i 'du byed dang rgyun la mngon par 'dod pa yin no/ /tha mar 'dor ba'i zhes bya ba la/ dge ba'i rtsa ba chung ngu'i chung ngu rnams kyi thob pa thams cad kyi tha mar 'dor ba dag ste/ gzhan dag ni sngar dor zin pa'i phyir ro/ /de dag ni 'bras bu 'dzin pa kho na yin gyi 'byin pa ni ma yin te//dge ba'i rtsa ba kun du chad pa'i gnas skabs na dge ba mi skye ba'i phyir ro/ /gnyis pa ni dge ba'i rtsa ba dag gi nying mtshams sbyor bas zhes bya ba la/ 'byin pa 'ba' zhig yin gyi/ 'dzin pa ni ma yin te/ sngar bzung zin pa'i phyir ro/ /'di skad du de dag nyid ces bya ba la/snga na med pa rnyed na 'bras bu 'dzin pa dang 'byin par srid pa'i phyir de dag nyid ces brjod par bya'o/ /gnas skabs lhag ma rnams su'o/ /zhes bya ba/ bshad ma thag pa'i gnas skabs gnyis po ma gtogs pa/ dge ba'i rtsa ba kun du ma chad pa'i gnas skabs lhag ma rnams gzung ste/bdag cag la sogs pa lta bu'i thob pa dag ni 'bras bu 'dzin pa dang 'byin pa yin no/ bzhi pa ni rnam pa de dag ma gtogs pa'o zhes bya ba la/ dge ba'i rtsa ba kun du chad pa'i gnas skabs ni sngar bzung zin pa'i phyir 'dzin pa ma yin la/dge ba'i rtsa ba nying mtshams sbyor ba med pa'i phyir 'byin pa yang ma yin no/ /mi dge ba'i zhes bya ba la/ mi dge ba rnams kyi thob pa thams cad kyi tha mar 'dor ba ste/ thob pa de dag tu ni rgyu mthun pa'i 'bras bu 'dzin pa kho na yin gyi/ 'byin pa ni ma yin te/ rgyu mthun pa'i 'bras bu de ma thag pa med pa'i phyir ro//thams cad kyi dang por thob pa'i mi dge ba'i skal ba mnyam pa'i rgyu de ni 'bras bu 'byin pa yin gyi/ 'dzin pa ni ma yin te/ sngar bzung zin pa'i phyir ro/ /'di skad du de dag nyid ces bya ba rgyas par 'byung ba la/ mi dge ba'i skal ba mnyam pa'i rgyu 'di ni 'byin pa yin gyi/'dzin pa ni ma yin te/ 'dod chags dang bral ba'i dus su bzung ba'i phyir ro/ /thob pa gang dag sngon med pa dang por rnyed pa de dag ni 'bras bu 'dzin pa dang 'byin pa yang yin no/ /gsum pa ni 'dod chags dang ma bral ba'i gnas skabs lhag ma rnams su'o zhes bya ba la/gnas skabs dang po dang gnyis pa ji skad du bshad pa de dag gnyis kho na ma gtogs pa gnas skabs lhag ma rnams su ste/ kho bo cag gi lta bu mi dge ba'i skal ba mnyam pa'i rgyu de ni 'bras bu 'dzin pa dang 'byin pa yin no/ /bzhi pa ni rnam pa de dag ma gtogs pa'o zhes bya ba la/'dod pa las 'dod chags dang bral ba'i gnas skabs na sngar bzung zin pa'i phyir mi 'dzin la/ 'dod pa'i 'dod chags dang bral ba las nyams pa'i phyir 'byin pa yang ma yin no/ /bsgribs la lung du ma bstan pa'i yang de bzhin du zhes bya ba rgyas par 'byung ste/dri ba la mu bzhi dgra bcom nyid thob pa dang / yongs su nyams pa las ci rigs su sbyar bar bya'o/ /mu dang po'i srid pa'i rtse mo'i 'dod chags dang bral ba thob pa dang ldan pas thams cad kyi tha mar 'dor ba'i thob pa gang dag yin pa'o//gnyis pa ni srid pa'i rtse mo'i 'dod chags dang bral ba las yongs su nyams pas thams cad kyi dang por thob pa gang yin pa'o/ /gsum pa ni srid pa'i rtse mo'i 'dod chags dang ma bral ba'i gnas skabs lhag ma rnams su'o/ /bzhi pa ni rnam pa de dag ma gtogs pa ste/ srid pa'i rtse mo'i 'dod chags dang bral ba las ma nyams pa'i zhes bya ba'i tha tshig go//bsgribs la lung du ma bstan pa smos pa ni bsgom pas spang bar bya ba'i nyon mongs pa gzugs dang gzugs med pa na spyod pa rnams dang sbyar bar bya'o/ /ma bsgribs la lung du ma bstan pa ni tshig phyi ma dang sbyar bar bya ste zhes bya ba la/phyis dri ba'i tshig gis gang du don go bar byed pa ni tshig phyi ma dang sbyar ba'o/ /re zhig 'byin pa gang yin pa de ni 'dzin pa yang yin no zhes bya ba la/ skal ba mnyam pa'i rgyu ma bsgribs la lung du ma bstan pa ni yongs su mya ngan las ma 'das kyi bar du yod pa'i phyir ro//'dzin la mi 'byin pa yang yod de/ dgra bcom pa'i phung po tha ma pa rnams yin no zhes bya ba 'byung ste/ de'i tshe ni phung po thams cad las nges par byung ba'i phyir rgyu mthun pa'i 'bras bu med pas 'dzin pa kho na yin gyi/ 'byin pa ni ma yin no/ /dmigs pa dang bcas pa'i nges pas ni skad cig re re ste zhes bya ba la/sngar ni dmigs pa med pa thob pa rnams dang / rgyun la skal ba mnyam pa'i rgyu nyid du bshad la/ da ni dmigs pa dang bcas pa'i sems dang sems las byung ba rnams dang skad cig re re la skal ba mnyam pa'i rgyu nyid du brjod do/ /dge ba'i sems kyi mjug thogs su zhes bya ba la/dge ba'i sems skyes pas dge ba'i sems rgyu mthun pa'i 'bras bu nyid du gzung ba gang yin pa de de'i mjug thogs su mi skye bas 'bras bu 'dzin pa kho na yin gyi/ 'byin pa ni ma yin no/ /gnyis pa ni bzlog pa'o zhes bya ba la/ gang gi tshe nyon mongs pa can dang lung du ma bstan pa'i mjug thogs su dge ba'i sems mngon du byed pa de'i tshe sngar 'gags pa'i dge ba'i sems de 'byin pa kho na yin gyi/'dzin pa ni ma yin te/ sngar bzung zin pa'i phyir ro/ /bzhi pa ni rnam pa de dag ma gtogs pa'o zhes bya ba la/ gang gi tshe nyon mongs pa can nam mi dge ba'i mjug thogs su nyon mongs pa can nam lung du ma bstan pa mngon du byed pa de'i tshe dge ba'i sems de sngar bzung ba'i phyir 'bras bu mi 'dzin la/rigs mi mthun pa'i sems kyis bar du chod pa'i phyir 'byin pa yang ma yin no/ /mi dge ba la sogs pa yang de bzhin du sbyar bar bya'o zhes bya ba la/mu dang po ni gang gi tshe mi dge ba'i sems kyi mjug thogs su dge ba 'am lung du ma bstan pa'i sems mngon du byed pa'o/ /gnyis pa ni bzlog pa'o/ /gsum pa ni gang gi tshe mi dge ba'i sems kyi mjug thogs su mi dge ba kho na skye ba'o/ /bzhi pa ni gang gi tshe dge ba 'am lung du ma bstan pa'i mjug thogs su dge ba 'am/lung du ma bstan pa mngon du byed pa'o/ /bsgribs la lung du ma bstan pa dang ma bsgribs la lung du ma bstan pa'i skal ba mnyam pa'i rgyu yang de bzhin du sbyar bar bya'o/ /gcig ni 'das pas 'byin par 'gyur zhes bya ba la/ gcig ni 'das pa kho nas zhes bya ba yin gyi/gcig kho na 'das pas ni ma yin te/ de nyid kyi phyir/ rnam par smin pa'i rgyu ni 'das pa kho nas 'bras bu 'byin te zhes bya ba smos so/ /ci'i phyir zhe na/ 'di ltar lhan cig gam/ /de ma thag tu rnam par smin pa ni med do zhes bya ba smos te/ rnam par smin pa'i rgyu ni rgyun la ltos pa yin no//'di la brten pas na rten no/ /rten gyi 'bras bu ni rten gyi 'bras bu ste/ gang zhig gang la brten pa de ni de'i 'bras bu yin no/ /sbyor ba'i 'bras bu ni sbyor ba'i 'bras bu ste/ mi sdug pa'i dran pa nye bar gzhag pa nas brtsams te mi skye ba shis pa'i bar lta bu'o/ sbyor ba gzhan la yang de bzhin du sbyar bar bya ste//mi sdug pa smos pa ni 'dir dpe'i don du yin no/ /tshogs pa'i 'bras bu ni tshogs pa'i 'bras bu'o/ /bsgoms pa'i 'bras bu ni bsgoms pa'i 'bras bu'o/ /de la kha cig na re ni rten gyi 'bras bu bdag po'i 'bras bu'i khongs su 'du'o zhes zer ro//gzhan dag na re/ thams cad kyang skyes bu byed pa dang bdag po'i 'bras bu dag gi khongs su 'du'o zhes zer ro/ /de la chos gang zhig ces bya ba rgyas par 'byung ba la/ chos dag ni mang ste de dag re re nas rgyas par bshad par mi nus pas thams cad phung po bzhir rnam par gzhag go/ / de nyid kyi phyir mdor bsdu na chos kyi rnam pa bzhi po 'di dag kho na yin te zhes bya ba smos so/ /nyon mongs pa can zhes bya bas ni 'dod chags la sogs pa mi dge ba dang / bsgribs la lung du ma bstan pa dag dang / de dag dang mtshungs par ldan pa dag gzung ngo / /rnam par smin pa las skyes pa rnams zhes bya ba ni rnam par smin pa'i 'bras bu'i bdag nyid rnams so//zag pa med pa'i dbang po rnams ni sdug bsngal la chos shes pa'i bzod pa dang de dang mtshungs par ldan pa rnams so/ /rnam par smin pa ma gtogs pa'i lung du ma bstan pa rnams zhes bya ba la/ de dag ni spyod lam pa dang /gzo'i gnas pa dang / sprul pa thams cad do/ /dge ba rnams so zhes bya ba ni zag pa dang bcas pa dang zag pa med pa rnams so/ /ji skad du bshad pa ma gtogs pa lhag ma rnams las skye bas na lhag ma las skyes so/ /chos nyon mongs pa can rnams ni zhes bya ba rgyas par 'byung ba la/rnam par smin pa ni chos nyon mongs pa can ma yin pa'i phyir nyon mongs pa can rnams skyes pa las rnam par smin pa'i rgyu ma gtogs pa'o/ /de la sems las byung ba lhan cig skyes pa rnams dang sems ni sems dang sems las byung ba rnams kyi lhan cig 'byung ba dang /mtshungs par ldan pa'i rgyu dag yin no/ /de bzhin du sems las byung ba dag la yang so sor brjod par bya'o/ /skal ba mnyam pa'i rgyu ni rang gi ris dang sa pa'i chos nyon mongs pa can sngar skyes pa rnams so/ /kun tu 'gro ba'i rgyu ni kun du 'gro ba'i rang gi sar sngar skyes pa rnams so//byed rgyu'i rgyu ni ci rigs par rang ma gtogs pa yin no/ /kun du 'gro ba'i rgyu ma gtogs pa zhes bya ba la/ kun du 'gro ba'i rgyu ni nyon mongs pa can rnams kho na'i yin gyi/ nyon mongs pa can ma yin pa rnams kyi ma yin la/ rnam par smin pa ni nyon mongs pa can ma yin pas kun du 'gro ba'i rgyu de'i rgyu de nyid yin pa 'gog pa yin no//'dir yang lhan cig 'byung ba dang mtshungs par ldan pa'i rgyu dag ni snga ma bzhin no/ /skal ba mnyam pa'i rgyu ni lung du bstan pa sngar skyes pa rnams so/ /rnam par smin pa'i rgyu ni de dag gang dag gi rnam par smin pa'i 'bras bu yin pa mi dge ba dang /dge ba zag pa dang bcas pa rnams so/ /byed rgyu'i rgyu ni snga ma bzhin no/ /rnam par smin pa dang kun du 'gro ba'i rgyu de dag ma gtogs pa zhes bya ba la/ rnam par smin pa ma yin pa'i phyir rnam par smin pa'i rgyu ma gtogs la/ nyon mongs pa can ma yin pa'i phyir kun du 'gro ba'i rgyu ma gtogs so//lhan cig 'byung ba dang mtshungs par ldan pa'i rgyu dag ni lhan cig 'byung ba rnams kho na yin no/ /skal ba mnyam pa'i rgyu ni ci rigs par brjod par bya'o/ /byed rgyu'i rgyu ni snga ma bzhin no/ /rnam par smin pa dang / kun du 'gro ba'i rgyu de dag dang skal ba mnyam pa'i rgyu ma gtogs pa zhes bya ba la/de dang 'dra ba sngar skyes pa med pa'i phyir dang / dge ba yin pa'i phyir/ skal ba mnyam pa dang / kun du 'gro ba dang rnam par smin pa'i rgyu ma gtogs so/ /'dir yang lhan cig 'byung ba dang / mtshungs par ldan pa'i rgyu dag ni lhan cig 'byung ba rnams kho na yin no//byed rgyu'i rgyu ni snga ma bzhin no/ /mtshungs par ldan pa'i rgyu smos pa'i phyir/ sems dang sems las byung ba yin par shes te/ de lta ma yin na de dag la mtshungs par ldan pa'i rgyu smos par 'gyur ro/ /mtshungs par ldan pa'i rgyu gcig pu ma gtogs pa zhes bya ba la/ sems dang sems las byung ba'i rang bzhin ma yin pa'i phyir de dag la mtshungs par ldan pa'i rgyu med do//nyon mongs pa can la sogs pa gzhan yang zhes bya ba ni nyon mongs pa can rnams dang / rnam par smin pa las skyes pa rnams dang / lhag ma rnams dang / zag pa med pa'i dngos po rnams so/ / de la nyon mongs pa can rnams zhes bya ba la/ nyon mongs pa can gyi gzugs dang nyon mongs pa can gyi ldan pa ma yin pa'i 'du byed rnams ni mtshungs par ldan pa dang rnam par smin pa'i rgyu ma gtogs pa bzhi las so/ /rnam par smin pa las skyes pa zhes bya ba la/ mtshungs par ldan pa dang kun du 'gro ba'i rgyu ma gtogs pa bzhi las so zhes bya bar sbyar te/ de dag ni rnam par smin pa las skyes pa'i gzugs dang rnam par smin pa las skyes pa'i ldan pa yin pa rnams so/ /lhag ma rnams ni gsum las so zhes bya ba la/ lhag ma'i gzugs dang ldan pa ma yin pa rnams ni rnam par smin pa dang mtshungs par ldan pa dang /kun du 'gro ba'i rgyu dag ma gtogs pa lhag ma lhan cig 'byung ba dang / skal ba mnyam pa dang / byed rgyu'i rgyu dang gsum las skye'o/ /zag pa med pa'i dang po ni gnyis las te zhes bya ba la/ zag pa med pa'i dang po gzugs dang ldan pa ma yin pa rnams ni byed rgyu'i rgyu dang lhan cig 'byung ba'i rgyu dag las so//rgyu gcig las byung ba'i chos ni med do zhes bya ba la/ lhan cig 'byung ba dang byed rgyu'i rgyu dag phan tshun mi 'khrul pa'i phyir la/ rgyu lhan cig byed pa'i rgyu la mi ltos pa'i phyir dus thams cad du skye bar thal ba'i phyir ro//sngar rgyu dang rkyen dag med pa ni/ skye ba bskyed bya skyed byed min/ /zhes bshad pa de la rgyu rnams ni grangs dang / rang gi ngo bo dang / 'bras bu'i sgo nas bstan na/ da ni rkyen rnams dang / rang gi ngo bo dang / byed pa'i sgo nas brjod par bya dgos so zhes 'dri ba ni rkyen rnams gang zhe na zhes bya'o//rkyen ni bzhi po dag tu gsungs/ /gang nas gsungs zhes bya ba ni mdo las sam 'on te chos mngon pa las gsungs zhes bya ba'o/ /de'i phyir mdo las zhes bya ba smos so/ /'di skad bstan par 'gyur te/ bcom ldan 'das kho nas bstan gyi/ chos mngon pa pa dag gis ni ma yin no//rkyen du 'dra ba ni rkyen nyid do/ /'dir dngos po'i rkyen gyis bstan pa ni 'dra ba nye bar blangs pa'o/ /thams cad rang bzhin tha dad pa yin yang rkyen gyi dngos po las mi 'da' ste/ rkyen gyi rigs rnam pa bzhi rten to snyam du bsams pa'o/ /rgyu zhes bya ba rgyu lnga yin/ /zhes bya ba la/rgyu'i rkyen ni lnga kho na yin gyi/ lnga rgyu'i rkyen kho na ni ma yin no/ /de dag kyang mi shes pas byed rgyu'i rgyu ma gtogs pa zhes bya ba smos so/ /byed rgyu'i rgyu rgyu'i rkyen ma yin no zhes bya ba 'di ji ltar shes par bya zhe na/ bstan bcos las 'byung ba'i phyir te/ bstan bcos las rgyu'i rkyen gang zhe na/'dus byas kyi chos thams cad do zhes gsungs te/ chos 'dus ma byas ma smos pas rgyu'i rkyen ni rgyu lnga po dag yin no zhes bya bar rnam par gzhag go/ /sems dang sems byung skyes pa rnams/ /tha ma min mtshungs de ma thag /ces bya ba la/ sems dang sems las byung ba smos pas/ /gzugs dang 'dus ma byas dang ldan pa yin pa gsal ba'i sgo nas sems dang sems las byung ba rnams kho na mtshungs pa de ma thag pa'i rkyen yin gyi mtshungs pa de ma thag pa'i rkyen nyid ni ma yin no zhes shes par bya ba'i phyir ro/ /sems dang sems las byung ba dag ni rnam pa gnyis te/tha ma dang tha ma ma yin pa dag go/ /tha ma dag ni gang dag gi mjug thogs su sems dang sems las byung ba mi 'byung ste/ dper na dgra bcom pa yongs su mya ngan las 'da' ba'i dus kyi lta bu'o/ /tha ma ma yin pa de dag ni gang dag gi mjug thogs su sems dang sems las byung ba 'byung ba'o//de'i phyir tha ma gsal ba'i sgo nas phyi ma dang bcas pa rnams mtshungs pa de ma thag pa'i rkyen nyid du shes par bya ba'i phyir tha ma ma yin pa smos so/ /skyes pa rnams zhes bya bas ni ma 'ongs pa pa gsal ba'i sgo nas 'das pa dang da ltar byung ba yongs su 'dzin pa yin no//rkyen 'di ni mtshungs pa yang yin de ma thag pa yang yin pas zhes bya ba 'dis ni sems dang sems las byung ba rnams kho na mtshungs pa de ma thag pa'i don dang ldan pa nyid yin gyi/ gzhan dag ni ma yin pas sems dang sems las byung ba rnams kho na mtshungs pa de ma thag pa'i rkyen yin no zhes ston to//mtshungs pa zhes bya ba ni rgyud gcig la rdzas rigs mthun pa gnyis mtshungs par mi ldan pa'i phyir ro/ /de ma thag tu zhes bya ba rdzas rigs mthun pas bar du ma chod pa'i 'bras bu can yin pa'i phyir ro//de nyid kyi phyir mi mnyam par 'byung ba'i phyir gzugs ni mtshungs pa de ma thag pa'i rkyen ma yin te zhes bya ba la/ mtshungs pa de ma thag pa'i don med pa'i phyir mtshungs pa de ma thag pa'i rkyen ma yin no/ /mtshungs pa de ma thag pa'i don med pa nyid bstan pa'i phyir/'di ltar 'dod pa na spyod pa'i zhes bya ba rgyas par smos so/ /'dod pa na spyod pa ni so sor thar ba'i sdom pa rnam par rig byed ma yin pa'i gzugs so/ /gzugs na spyod pa ni bsam gtan gyi sdom pa'i gzugs so/ /zag pa med pa ni zag pa med pa'i sdom pa'i gzugs so//gang gi tshe sdom pa blangs pa bsam gtan nam lam la snyoms par mi 'jug pa de'i tshe ni 'dod pa na spyod pa'i rnam par rig byed ma yin pa'i gzugs las 'dod pa na spyod pa kho na 'byung ngo / /gang gi tshe snyoms par 'jug pa de'i tshe na 'dod pa dang / gzugs na spyod pa'i rnam par rig byed ma yin pa 'byung ngo //gang gi tshe lam la snyoms par 'jug pa de'i tshe ni 'dod pa na spyod pa dang zag pa med pa 'byung bas gzugs mngon du 'gyur ba 'chol ba yin no/ /mtshungs pa de ma thag pa'i rkyen ni 'chol ba ma yin no zhes bya ba la/ 'dod pa na spyod pa'i sems dang sems las byung ba dag gi mjug thogs su ni nam yang 'dod pa na spyod pa dang /gzugs na spyod pa dang / /zag pa med pa mi 'byung ngo / /btsun pa dbyig bshes na re rgyas pa las byung ba zhes bya ba rgyas par 'byung ba la/ /ji ltar zas dang bsam gtan la sogs pas rgyas par byas pa dang / rnam par smin pa las skyes pa ma 'gag pa kho nar de dang rigs mthun pa bsam gtan dang zas la sogs pas rgyas pa dang /rnam par smin pa las skyes pa'i gzugs gzhan skye ba de bzhin du dge ba dang mi dge ba dang / lung du ma bstan pa'i sems ma 'gags pa kho nar dge ba dang / mi dge ba dang lung du ma bstan pa'i sems ni mi 'byung ngo zhes zer ro//btsun pa zhes bya ba ni mdo sde pa gnas brtan chos skyob po/ /ches mang ba dang nyung ngu 'byung ba'i phyir te zhes bya ba rgyas par 'byung ba la/ 'di ltar chos gzugs can rnams ni rdzas nges pa med par 'gyur bar 'gal ba med de la lar ni ches nyung ngu mang por 'gyur te/dper na nur nur po la sogs pa dag las gzugs lta bu'o/ /la lar ni ches mang ba yang nyung ngur 'gyur te/ dper na stobs dang ldan pa'i lus las stobs chung ngu 'byung ba lta bu'o/ /de'i phyir 'di mtshungs pa de ma thag pa nyid kyi byed pa med do/ /sems las byung ba rnams la yang zhes bya ba rgyas par 'byung ba la/'di ltar 'dod par gtogs pa'i dge ba'i sems la sems las byung ba nyi shu rtsa gnyis 'byung la/ mi dge ba 'dres pa dang lta ba dang ldan pa la nyi shu'o/ /bsgribs pa la ni bco brgyad do/ /ma bsgribs la lung du ma bstan pa ni bcu gnyis so/ /rtog pa dang bcas pa dang dpyod pa dang bcas pa'i ting nge 'dzin ni bsam gtan dang po'o//rtog pa med la dpyod pa tsam ni bsam gtan khyad par can no/ /rtog pa yang med la dpyod pa yang med pa ni bsam gtan gnyis pa nas srid pa'i rtse mo'i bar te/ sems dang ting nge 'dzin de dag phan tshun mtshungs pa de ma thag pa'i rkyen gyis rkyen gyi ngo bor 'dod pa yin la/sems las byung ba rnams kyang ches mang ba dang nyung ngu byung bas gzugs bzhin du mtshungs pa de ma thag pa'i dngos por 'gal lo/ rigs gzhan la ni yod mod kyi/ /zhes bya ba la/ rtog pa dang dpyod pa la sogs pa rigs gzhan du gyur pa rnams ni sems 'ga' zhig la 'byung ba dang mi 'byung bar 'gyur na/'dir ni gzugs bzhin du rang gi rigs la ches mang ba dang nyung ngu 'byung ba med do zhes brjod do/ /'di ltar tshor ba'i rdzas gcig gi mjug thogs su tshor ba'i rdzas gnyis sam tshor ba gnyis kyi mjug thogs su gcig 'byung bar mi 'gyur te/ de ltar na sems dang sems las byung ba rnams rdzas nges par 'byung bas 'dir gzugs dang 'dra bar thal bar 'gyur ba med do//yang ci rang gi rigs kho na'i zhes bya ba ni gang gi phyir mtshungs pa de ma thag pa'i rkyen mi mnyam pa mi 'dod pas 'dri ba'o/ /de ni ma yin te zhes bya ba rgyas par 'byung ba la/ 'dir ni gzhan gyi sems dang sems las byung ba rnams la yang gzugs ltar ches mang ba dang nyung ngu 'byung ba ma yin nam zhes gang smras pa de gsal bar bya ba'i phyir tshor ba la sogs pa rdzas nyung ngu las zhes bya ba rgyas par 'byung ba de tsam zhig brjod kyi/ rang gi rigs kho na mtshungs pa de ma thag pa'i rkyen ma yin no zhes bstan pa'i phyir ni ma yin te/de'i phyir tshogs pa mtha' dag kho na tshogs pa gzhan mtha' dag gi mtshungs pa de ma thag pa'i rkyen no/ /rgyud 'dra ba dag ni zhes bya ba rgyas par 'byung ba la/ 'di dag la rgyud dang 'dra bas tha snyad 'dogs pa yod pas na de dag ni rgyud 'dra ba dag go//gal te 'dra ba kho na mtshungs pa de ma thag pa'i rkyen yin no/ /ji ltar nyon mongs pa can ma yin pa'i mjug thogs su nyon mongs pa can du 'byung zhe na/ gang gi tshe nyon mongs pa can ma yin pa'i mjug thogs su zhes bya ba rgyas par 'byung ste/ 'di ltar rigs gzhan gyis bar ma chod pa mtshungs pa de ma thag pa'i rkyen du mi 'dod kyi/'o na ci zhe na/ rang gi rigs kyis ma chod pa'o/ /dper na zhes bya ba ni de nyid la dpe rgyas par 'byung ba'o/ /de skad du ni mi brjod do zhes bya ba la/ bstan bcos dang 'gal ba'i phyir dang / rigs pa dang 'gal ba'i phyir te/ sems kyi mtshungs pa de ma thag pa'i chos rnams gang zhe na/sems gang gi mjug thogs su de las gzhan pa'i sems sam sems las byung ba dag ces rgyas par 'byung ngo / /zag pa med pa'i sems mi 'byung bar thal ba'i phyir na rigs pa dang yang 'gal lo/ /sdug bsngal la chos shes pa'i bzod pa'i snga rol du byung ba'i chos zag pa med pa ni 'ga' yang med de/sngar lam ma bskyed pa'i phyir ro/ /ldan pa ma yin pa'i 'du byed rnams kyang zhes bya ba rgyas par 'byung ste/ thob pa dang skye ba la sogs pa dag go/ /khams gsum pa dang ldan pa ma yin pa rnams cig car mngon du 'gyur ba'i phyir ro zhes bya ba la/'dod pa'i khams las 'dod chags dang ma bral ba la skad cig la 'dod pa na spyod pa'i chos kyi thob pa'i mjug thogs su 'dod pa dang gzugs dang gzugs med pa dang zag pa med pa'i thob pa rnams cig car mngon du 'gyur te/ gzugs dang gzugs med pa na spyod pa'i nyon mongs pa rnams dang ldan pa'i phyir ro/ /de bzhin du 'dod pa'i khams las 'dod chags dang ma bral ba dang / gzugs dang gzugs med pa'i snyoms par 'jug pa thob pa'i 'phags pa la yang khams gsum pa'i nyon mongs pa dang / zag pa med pa'i chos kyi thob pa mngon du 'gyur ba yin no//de bzhin du khams gsum dang ldan pa dang ldan pa ma yin pa'i dge ba rnams dang / bsgribs la lung du ma bstan pa rnams kyi thob pa rnams kyang cig car mngon du 'gyur ba yin no/ /'dis ni skye ba la sogs pa rnams cig car mngon du 'gyur ba yang bshad pa yin no//de bzhin du dgra bcom pa thob pa dang yongs su nyams pa dag la yang ci rigs par brjod par bya'o/ /skyes pa rnams mtshungs pa de ma thag ces bshad pas 'dri ba ni/ ci'i phyir ma 'ongs pa zhes bya ba'o/ /ma 'ongs pa'i dus 'chol ba nyid du bstan pa'i phyir/ snga phyi med pa'i phyir ro zhes bya ba smos so//snga phyir 'byung ba dang 'brel pa'i phyir ma 'ongs pas da ltar ba snga ba dang / da ltar ba bas 'das pa snga bar brjod par nus na/ ma 'ongs pa la ni de ltar snga phyi yod pa ma yin te/ dus snga phyi dang 'brel pa med pa'i phyir ro/ /de nyid kyi phyir da ltar ba da ltar ba'i mtshungs pa de ma thag pa zhes mi bya ste/dus mtshungs pa'i phyir ro/ /'o na bcom ldan 'das kyis zhes bya ba rgyas par 'byung ba ste/ gal te ma 'ongs pa'i dus la snga phyi med na'o/ /'das pas da ltar la 'am/ 'das pa dang da ltar dag las rjes su dpog pa ni 'das pa dang da ltar gyi las rjes su dpag pa'o/ /rnam par smin pa ni 'di lta bu zhes bya ba ni/rnam par smin pa'i 'bras bu'o/ /chos las skyes zhes bya ba ni/ rgyu mthun pa'i 'bras bu'o/ /de lta na bcom ldan 'das kyis zhes bya ba rgyas par 'byung ste/ gal te 'das pas da ltar ba la rjes su dpog go zhes bya bar 'dod na'o/ / gzhan dag na re/ bcom ldan 'das kyis ji ltar 'di la sngon gyi mtha' la mi ltos par/ de'i rig can gyi las kyi 'bras bu ma 'ongs pa mngon sum gyis gzigs pa las ma 'ongs pa che ge mo zhig gi mjug thogs su 'di kho na 'byung bar 'gyur ro snyam du nges par 'khrungs par 'gyur ba de ltar sems can gyi rgyud dag las 'das pa'i las dang 'bras bu 'brel pa rab tu mkhyen pa yin te/de'i phyir nyes pa 'di med do zhes zer ro/ /'bras bu'i rtags su gyur pa zhes bya ba ni 'bras bu'i mtshan mar gyur pa dang / rgyu mtshan du gyur pa ste/ rtags mtshan du gyur pa zhes bya ba'i don to/ / de ni de'i gzugs brnyan lta bu zhig ste/ de la gzigs nas bsam gtan dang mngon par mkhyen pa mngon du ma mdzad bzhin du ma 'ongs pa mkhyen pa yin gyi/ mngon sum du mdzad pas mngon sum du gzigs pa ni ma yin no/ /mkhyen pa de ni du ba las me ltar rjes su dpag pa las byung ba yin te/rgyu dang 'bras bu'i 'brel pa mngon sum nyid kyi phyir ni ma yin no/ /de'i phyir ma 'ongs pa la mi ltos pa kho nar 'das pa mkhyen pa de bzhin du 'das pa la mi ltos par yang ma 'ongs pa mkhyen pa yin no/ /ma 'ongs pa'i go rims nges par med na bcom ldan 'das kyis bzhed pa tsam gyis ma 'ongs pa che ge mo zhig gi mjug thogs su ma 'ongs pa 'di 'byung bar 'gyur ro zhes bya ba mkhyen/'di ltar bcom ldan 'das thams cad mkhyen pa yin zhes te/ gzugs la sogs pa yul da ltar ba rnams mig gi rnam par shes pa dag gis nyams su ma bstar bar yid kyi rnam par shes pas mkhyen pa ni ma yin nam zhe na/'di'i lan du sangs rgyas rnams kyis sangs rgyas kyi yul ni zhes bya ba la sogs pa smos so/ /ma 'ongs pa'i go rims nges par gnas pa med na zhes bya ba 'byung ste/ nges par gnas pa'i nges par byed pa'i rgyu ni mtshungs pa de ma thag pa'i rgyu yin na/ de ni ma 'ongs pa med pa yin no/ /ci'i phyir chos kyi mchog gi 'jug thogs su zhes bya ba rgyas par 'byung ba la/ skye ba nges pa'i rgyu ni mtshungs pa de ma thag pa'i rkyen yin na/ de ni ma 'ongs pa'i dus na med pas nges pa med par skye bar thar bar 'gyur ro//gang zhig gang la rag las te skye ba zhes bya ba rgyas par 'byung ba la/ sdug bsngal la chos shes pa'i bzod pa skye ba ni chos kyi mchog la rag las pa yin gyi/ gzhan la rag las pa 'am bzlog pa ni ma yin no//de'i phyir chos kyi mchog ni mjug thogs su sdug bsngal la chos shes pa'i bzod pa kho na skye'i/ chos gzhan ni ma yin no/ /de bzhin du gzhan la yang brjod par bya'o/ /mtshungs pa de ma thag pa'i rkyen med na/ de la rag las pa gang gis byas she na/nus pa tha dad pa'i phyir te/ de lta ma yin na sems dang sems las byung ba rnams kho na la mtshungs pa de ma thag pa'i rkyen nges pas mthun pa de ma thag pa'i rkyen med pa'i phyir sa bon dang myu gu la sogs pa rnams kyi go rims nges pa med par 'gyur na/ sa bon dang myu gu rnams la go rims nges pa mthong ba yang yin no/ /de'i phyir/ nus pa tha dad pa'i phyir gang zhig skye ba gang la rag las pa kho na de'i mjug thogs su skye'i gzhan ni ma yin no/ /sems gzhan dang 'brel pa med pa'i phyir ro zhes bya ba la/ 'di ltar dgra bcom pa'i sems dang sems las byung ba tha ma dag ni/sems dang sems las byung ba gzhan dang 'brel pa ma yin no/ /de dag gi tha ma nyid ni sems gzhan dang 'brel pa med pa nyid kyi phyir yin te/ de lta ma yin na tha ma nyid du mi 'gyur ro/ /de'i phyir de dag mtshungs pa de ma thag pa'i rkyen ma yin no//de lta na zhes bya ba rgyas par 'byung ba la/ drug po 'gags ma thag pa'i rnam par shes pa yid yin no zhes bshad na/ 'dir ni de gang gi 'das ma thag par 'gyur ba'i rnam par shes pa de yod pa ma yin no/ / yid ni rten gyi dngos pos rab tu phye ba yin gyi zhes rgyas par 'byung ngo / /shes pa de ma thag pa med na ji ltar rten gyi dngos po yin zhe na/ de'i rten gyi dngos por gnas pa'i phyir te/ mjug thogs kyi shes pa yod dam med kyang bla ste rten gyi dngos por khyad par med pa'i phyir ro//dper na mig skyes pa na mig gi rnam par shes pa'i rten gyi dngos por gnas pa bzhin te/ gal te rgyu gzhan ma tshang bas mig gi rnam par shes pa mi skye na der mig gis ci nyes/ rgyu gzhan ma tshang ba ni dgra bcom pa la yang srid pa'i las dang nyon mongs pa med pa'o//mtshungs pa de ma thag pa'i rkyen ni byed pas rab tu phye ba yin no zhes bya ba la/ 'bras bu skye bas rab tu phye ba yin gyi yid ltar gnas pa tsam gyis rab tu phye ba ni ma yin no/ /de nyid bstan par bya ba'i phyir/ mtshungs pa de ma thag pa de skye ba la mngon du phyogs pa'i chos gang 'bras bur bzung de ni thams cad dam zhes rgyas par smos so//dgra bcom pa'i sems dang sems las byung ba tha ma dag gis ni 'bras bu bzung ba ma yin te/ de'i phyir de dag skyes bu'i byed pa med pa yin pa'i phyir mtshungs pa de ma thag pa'i rkyen ma yin no//gang dag la sems mtshungs pa de ma thag pa'i rkyen du yod pa de dag ni sems kyi mtshungs pa de ma thag pa can no/ /skad cig gzhan gyis bar ma chod pa'i phyir na sems kyi de ma thag pa rkyen no/ /sems med pa'i snyoms par 'jug pa las zhes bya ba ni 'gog pa dang 'du shes med pa'i snyoms par 'jug pa las so//sdang ba'i sems zhes bya ba la/ de'i mtshungs pa de ma thag pa'i rkyen snyoms par 'jug pa'i sems yin pas sems kyi mtshungs pa de ma thag pa can yin gyi/sems kyi de ma thag pa can ni ma yin te/ snyoms par 'jug pa'i skad cig ma rnams kyis bar du bcad pa'i phyir ro/ /snyoms par 'jug pa'i skad cig ma gnyis pa dag kyang snyoms par 'jug pa'i skad cig ma dang pos chod pa'i phyir sems kyi de ma thag pa can ma yin la/sems kyi mtshungs pa de ma thag pa can ni yin te/ snyoms par 'jug pa'i sems kyi mtshungs pa de ma thag pa'i rkyen can yin pa'i phyir ro/ /snyoms par 'jug pa'i skad cig ma dang po zhes bya ba rgyas par 'byung ba la/ sems de ni skye ba la sogs pa dag gi mtshungs pa de ma thag pa'i rkyen ma yin pas de dag sems kyi mtshungs pa de ma thag pa can ma yin la/sems kyi de ma thag pa can ni yin te/ skad cig ma gzhan gyis mchod pa'i phyir ro/ /sems kyi mtshungs pa de ma thag pa can gyi rang bzhin ma yin pa'i phyir na sems kyi mtshungs pa de ma thag pa can ni ma yin te//sems dang sems las byung ba snyoms par 'jug pa gnyis dang bcas pa rnams kho na sems kyi mtshungs pa de ma thag pa can du 'dod do/ /sems dang bcas pa'i gnas skabs kyi skye ba la sogs pa'o zhes bya ba la/ ci zhe na/ sems kyi de ma thag pa can yin gyi/ sems kyi mtshungs pa de ma thag pa can ni ma yin no/ /mu gsum pa ni zhes bya ba la/ snyoms par 'jug pa'i skad cig ma dang po ste/ de ni sems kyi mtshungs pa de ma thag pa can yang yin la/ sems kyi de ma thag pa can yang yin no/ /sems dang bcas pa'i gnas skabs dag go zhes bya ba la/gang gi tshe sems las sems gzhan skye ba de'i tshe sems dang sems las byung ba phyi ma rnams sems snga mas sems kyi mtshungs pa de ma thag pa can yang yin la/ sems kyi de ma thag pa can yang yin no/ /mu bzhi pa ni zhes bya ba la/ snyoms par 'jug pa'i skad cig ma gnyis pa la sogs pa dang /ldang ba'i sems kyi skye ba la sogs pa dag ni sems kyi mtshungs pa de ma thag pa can gyi rang bzhin ma yin pa'i phyir/ sems kyi mtshungs pa de ma thag pa can ma yin la/ skad cig ma gzhan gyis chod pa'i phyir sems kyi de ma thag pa can ma yin no/ /gsum pa dang bzhi pa gang dag yin pa de dag ni dang po dang gnyis pa dag go//dang po dang gnyis pa gang dag yin pa de dag ni gsum pa dang bzhi pa dag yin par bshad do zhes bya ba la/ snyoms par 'jug pa'i skad cig ma dang po dang / sems dang bcas pa'i gnas skabs 'di ni der mu gsum pa yin la 'dir ni dang po ste/ mtshungs pa de ma thag pa'i rkyen gyis bskyed pa'i phyir sems kyi mtshungs pa de ma thag pa can yin la/snyoms par 'jug pa'i de ma thag pa can ni ma yin te/ de'i mtshungs pa de ma thag pa'i rkyen gyis sbyor ba'i sems snyoms par 'jug pa ma yin pa'i phyir ro/ /skad cig ma gnyis pa la sogs pa dang ldan pa'i sems kyi skye ba la sogs pa ni der mu bzhi pa yin la/'dir ni gnyis pa ste/ snyoms par 'jug pa dang chod pa med pa'i phyir snyoms par 'jug pa'i de ma thag pa can yin la/ sems kyi mtshungs pa de ma thag pa can ma yin no/ /snyoms par 'jug pa'i sems ni de dag gi mtshungs pa de ma thag pa'i rkyen ma yin te/sems kyi mtshungs pa de ma thag pa can gyi rang bzhin ma yin pa'i phyir ro/ /sems med pa'i snyoms par 'jug pa las ldang ba'i sems dang / snyoms par 'jug pa'i skad cig ma gnyis pa la sogs pa dag ni der mu dang po yin la/ 'dir ni gsum pa ste/ sems kyi mtshungs pa de ma thag pa can dang / snyoms par 'jug pa'i de ma thag pa can yin no/ /snyoms par 'jug pa'i skad cig ma dang po dang / sems dang bcas pa'i gnas skabs kyi skye ba la sogs pa ni der mu gnyis pa yin te/ chos de dag ni sems kyi mtshungs pa de ma thag pa can gyi rang bzhin ma yin pa'i phyir dang / snyoms par 'jug pa'i skad cig ma snga ma med pa'i phyir/ sems kyi mtshungs pa de ma thag pa can yang ma yin la/ snyoms par 'jug pa'i de ma thag pa can yang ma yin no/ /da ni ji ltar ldang ba'i sems yun ring mo zhig tu chad pa zhes bya ba rgyas par 'byung ste/ de'i phyir sems gzhan gyis ma chod pa'i phyir ro zhes bya ba smos te/sems kyi bar gcod par byed pa ni sems yin te/ ldan pa ma yin pa ni ma yin no zhes bshad par 'gyur ro/ /dmigs pa chos rnams thams cad do/ /zhes bya ba la/ sems dang sems las byung ba'i yul las gzhan pa'i chos ni 'ga' yang yod pa ma yin no/ /thams cad dmigs pa yin gyi thams cad kyi ni ma yin no zhes bstan pa'i phyir ci rigs par zhes bya ba smos so//de nyid bstan par bya ba'i phyir mig gi rnam par shes pa mtshungs par ldan pa dang bcas pa'i ni gzugs so zhes bya ba rgyas par smos so/ /de lta bu'i mtshan nyid yin pa'i phyir zhes bya ba ni de ni yul gyi mtshan nyid yin pa'i phyir zhes bya ba'i don to//de nyid la dpe ni dper na shing la sogs pa mi sreg kyang de lta bu'i mtshan nyid yin pa'i phyir bud shing zhes bya ba bzhin no zhes bya ba'o/ /skye mched dang rdzas dang skad cig nges pas zhes bya ba 'byung ste/ de la skye mched nges pa ni mig gi rnam par shes pa mtshungs par ldan pa dang bcas pa'i dmigs pa ni gzugs kyi skye mched yin la/gzhan ma yin pa'o/ /rdzas nges pa ni gzugs sngon po 'dzin par byed pa'i dmigs pa ni de kho na yin la ser po la sogs pa ma yin no/ /skad cig ma nges pa ni skad cig ma gang zhig gang gi dmigs pa yin pa de kho na de'i dmigs pa yin la/gzhan ma yin pa'o/ /bdag nyid ji lta bar zhes bya ba la/ gang gi dmigs pa gang yin pa zhes bya ba'i tha tshig go/ /rna ba la sogs pa'i rnam par shes pa yang sgra la sogs pa dag la de dang 'dra bar sbyar bar bya'o/ /smras pa de bzhin te zhes bya ba 'di ni de ltar yin no zhes bya ba ste/ mig gi rnam par shes pa ni mig gi rten can kho na yin no//gzhan gyi rten can ma yin no/ /'di'i rdzas nges pa yang skye mched nges pa ltar khong du chud par bya'o/ /de bzhin du rna ba la sogs pa'i rnam par shes pa la yang brjod par bya'o/ /skyes pa rnams ni rten dang lhan cig nges pa dag yin te/ de skye ba rten med na mi 'byung ba'i phyir ro//'das pa rnams kyang rten dang lhan cig pa dag yin no zhes bya ba ni rten gang dang lhan cig skyes nas 'gags pa rnams te/ gzhan du na 'das pa'i mig rten pa dang bcas par gzhag tu med do/ /byed rgyu zhes bya bdag por bshad/ /ces bya ba la/ 'dis ni bdag nyid ma gtogs pa'i chos thams cad ni bdag po'i rkyen yin no zhes bstan par 'gyur ro//rkyen 'di ni rgyu dang mtshungs pa de ma thag pa dang dmigs pa'i rkyen dag pas lhag pa yin pas na bdag po'i rkyen no/ /'di ji ltar lhag ce na/ rang gi ngo bor ma gtogs pa'i chos thams cad bdag po'i rkyen yin pa de ltar rgyu dang mtshungs pa de ma thag pa dang dmigs pa'i rkyen dag ni ma yin no//chos thams cad yin la zhes bya ba la/ yid kyi rnam par shes pa'i dmigs pa ni chos thams cad yin no zhes 'byung ba las na/ dmigs pa'i rkyen yang chos thams cad yin te/ de'i phyir gang gis 'di kho na lhag par brjod pa 'di la dmigs pa'i rkyen las phul du byung ba ci yod ce na/phul du byung ba yod de/ sems dang sems las byung ba dag gi lhan cig 'byung ba'i chos rnams ni nam yang dmigs pa ma yin gyi/ bdag po'i rkyen ni yin pas chos thams cad bdag po'i rkyen bzhin du dmigs pa'i rkyen ma yin te/rang las gzhan pa byed rgyu'i rgyu/ /zhes bshad pa'i phyir ro/ /yang na lhag pa'i rkyen yin te/ /zhes bya ba la/ lhag pa'i zhes bya ba ni mang po'i 'o/ /thams cad rang gi ngo bor ma gtogs pa'i zhes bya ba la/ thams cad sems dang sems las byung ba thams cad kyi dmigs pa ma yin te/dmigs pa'i rkyen ni sems dang sems las byung ba rnams kho na'i yin te/ gzhan dag gi dmigs pa'i rkyen ma yin no/ /bdag po'i rkyen ni sems dang sems las byung ba dang / gzhan dag gi yang yin la/ rang gi ngo bo'i rang gi ngo bo lta bu'o zhes bya ba la ci zhe na/ rkyen bzhi char gyis kyang rkyen ma yin te/ rkyen gyi mtshan nyid ji skad du bshad pa mi srid pa'i phyir ro/ /'dus ma byas kyi 'dus byas lta bu dang / /zhes bya ba la/ bskyed par bya ba ma yin pa'i phyir ro/ /rgyu gnyis po dag 'gag pa la bya ba byed do zhes bya ba la/'gag pa kho na la bya ba byed do zhes bya bar nges par gzung gi /gnyis po dag kho na zhes bya bar ni ma yin no zhes bya ba ni skye ba'i dbang du byas nas yin gyi/ 'gag pa'i dbang du byas nas ni ma yin te/ byed pa'i dus kho nar 'bras bu 'byung ba'i phyir ro/ /bya ba ni rnam pa gsum ste/ 'bras bu 'dzin pa dang /'bras bu 'byin pa dang / yul nye bar longs spyod pa'o/ /de gnyis ni lhan cig 'byung ba'i 'bras bu la bya ba byed do zhes bya ba la/ ji ltar de gnyis de la bya ba byed ce na phan tshun 'bras bu 'dzin pa dang 'byin par nus pa nyid kyis te/ phan tshun bral bas yul 'dzin par mi 'thad pa'i phyir ro/ / gsum po ni skye ba la'o zhes bya ba la skye ba kho na la'o zhes bya bar nges par gzung ngo / /gang gi phyir rnam par smin pa dang rgyu mthun pa'i 'bras bu dag 'phangs pa'i dbang gis skye ba de'i phyir skal ba mnyam pa'i rgyu la sogs pa'i rgyu dag ni skye bzhin pa la bya ba byed do/ /re zhig skal ba mnyam pa dang / /kun du 'gro ba'i rgyu gnyis pa ni mjug thogs su rgyu mthun pa'i 'bras bu yod pas 'bras bu skye bzhin pa la bya ba byed par 'gyur na/rnam par smin pa'i rgyu la ni mjug thogs su rnam par smin pa'i 'bras bu med pas de ji ltar skye bzhin pa la bya ba byed par rung zhe na/ 'dir bya ba'i sgras ni nus pa la brjod de/ rgyu bskal pa du mas ma chod par 'gags kyang de'i mthu kho nas de'i 'bras bu 'byin par nus pa la bya ba'i sgras nye bar 'dogs so//mtshungs pa de ma thag pa'i rkyen ni skye ba la bya ba byed de/ drangs te skabs 'byed pa'i phyir ro/ /dmigs pa'i rkyen ni 'gag pa la bya ba byed de/ da ltar gyi sems dang sems las byung ba rnams kyi yul 'dzin pa'i phyir ro//'di ltar dmigs pa'i rkyen ni 'dzin pa'i don gyis rnam par gzhag ste/ 'das pa dang ma 'ongs pa'i sems dang sems las byung ba rnams kyis ni gzung bar bya ba'i don 'dzin pa ma yin no/ /bdag po'i rkyen ni zhes bya ba la sogs pa la/ 'di'i bya ba ni mi sgrib pa'i ngo bo nyid du gnas pa yin te/de ni skye ba dang 'gag pa la khyad par med pas de ni gnas skabs thams cad du bya ba byed par brjod do/ /bzhi yis sems dang sems las byung ba rnams/ /zhes bya ba la/ ni zhes bya ba'i sgras ni sems dang sems las byung ba rnams ni bzhi kho nas yin no zhes nges par gzung bar bya ba'i don te/rgyu dang mtshungs pa de ma thag pa dang dmigs pa dang bdag po'i rkyen rnams kyis yin gyi/ gcig gam gnyis sam gsum gyis ni ma yin no/ /gzhan dag na re ni/ ni zhes bya ba'i sgras ni rgyu bstan pa'i don du ste/ gang gi phyir sems dang sems las byung ba yin pa de'i phyir bzhi dag gis yin te/dmigs pa'i rkyen ni gzhan la bya ba mi byed do zhes zer ro/ /de la ni 'di dag gi rgyu'i rkyen ni zhes bya ba rgyas par 'byung ste/ rgyu lnga po thams cad ni thams cad kyi rgyu'i rkyen ma yin te/ 'o na ci zhe na/ ci rigs par yin no/ /gang zhig gang gi gang dag gi rkyen yin pa de ni sngar/ nyon mongs can dang rnam smin skyes/ /lhag dang zhes bya ba rgyas par bshad zin to/ /snga ma zhes bya ba ni phyis skyes pa gsal bar bya ba'i phyir ro/ /de lta na gzhan dag gis bar du ma chod pa yang yin par thal lo zhe na/ gzhan gyis bar du ma chod pa rnams so zhes bya ba smos te/ sems dang sems las byung ba dag gis zhes bya bar sbyar ro//de dag gi mtshungs pa de ma thag pa'i rkyen ni rang gi rigs sngar skyes pas skabs phye ba la rag las te/ skyes pa'i phyir snga ma yin zhing / de dag la gzhan dag gis bar du ma chod pa yin no/ /ci rigs par yul lnga po dag dang zhes bya ba la/ mig la sogs pa'i rnam par shes pa mtshungs par ldan pa dang bcas pa rnams kyi dmigs pa'i rkyen ni go rims bzhin du gzugs la sogs pa yul lnga po dag yin no/ /yid kyi rnam par shes pa mtshungs par ldan pa dang bcas pa'i ni chos thams cad do/ /bdag po'i rkyen ni byed rgyu'i rgyu kho na yin pas rang gi ngo bo ma gtogs pa'i chos thams cad do zhes bya ba smos so//gsum gyis snyoms par 'jug pa gnyis/ /zhes bya ba la/ gsum kho nas zhes bya bar nges par gzung ngo / dmigs pa'i rkyen med pa la rgyu smras pa ni de dag ni dmigs par byed pa ma yin no zhes bya ba'o/ /rgyu'i rkyen ni rnam pa lnga bshad na 'di gnyis ni rnam par smin pa dang /kun du 'gro ba dang mtshungs par ldan pa'i rgyu ni mi srid de/ dge ba yin pa'i phyir dang / ldan pa ma yin pa yin pa'i phyir dang / de gnyis kyi phyir de nyid kyi rgyu'i rkyen ni rnam pa gnyis te zhes bya ba smos so/ /sa mtshungs pa'i zhes bya ba 'byung ste/de la 'gog pa'i snyoms par 'jug pa'i sa mtshungs pa ni srid pa'i rtse mo'i dge ba'i phung po bzhi'o/ /'du shes med pa'i snyoms par 'jug pa'i ni bsam gtan bzhi pa'i sa pa'i dge ba'i phung po lnga'o/ /mtshungs pa de ma thag pa'i rkyen no/ /snyoms par 'jug pa'i sems mtshungs par ldan pa dang bcas pa'o zhes bya ba ni 'gogs pa'i snyoms par 'jug pa'i skad cig ma dang 'du shes med pa'i snyoms par 'jug pa'i skad cig ma thams cad kyi'o//bdag po'i rkyen ni snga ma bzhin no zhes bya ba ni rang gi ngo bo ma gtogs pa'i chos thams cad do/ sems kyi mngon par 'du byed pa las skyes pa'i phyir zhes bya ba la/sems kyi mngon par 'du byed pa ni sems kyi mngon par 'du byed pa'o/ /de gang zhig ce na/ sems kyi 'jug pa ste/ de las skyes pa de ni sems kyi mngon par 'du byed pa las skyes pa dag go/ /de'i dngos po ni sems kyi mngon par 'du byed pa las skyes pa nyid de/sems kyi mngon par 'du byed pa de las skyes pa nyid kyi phyir de dag ldan pa ma yin pa'i 'du byed kyis bsdus par gyur kyang / snyoms par 'jug pa'i sems kyi mtshungs pa de ma thag pa can no/ /sems skye ba la gegs byed pa'i phyir mtshungs pa de ma thag pa'i rkyen ni ma yin no zhes bya ba la/'di ltar rnal 'byor pa sems dang sems las byung ba rgyu ba la ldang ba rnams sems med pa'i snyoms par 'jug pa la snyoms par 'jug na/ gal te sems dang sems las byung ba 'dren par byed pa yin na ni/ rnal 'byor pa rnams de la 'dod pa skye bar mi 'gyur te/sems dang sems las byung ba rgyu ba nges par 'byin pa yang yin la/ de 'dren par byed pa 'ang yin no zhes bya ba 'di ni 'gal ba yin no/ /'du shes med pa pa yang sems kyi mtshungs pa de ma thag pa can yin pa'i phyir gsum gyis yin par rigs pa ma yin nam zhe na/'di brjod par bya ba yin mod kyi/ rnam par smin pa las skyes pa yin pa'i phyir rang gi ngang gis 'jug pas sems kyi 'du byed las skyes pa ma yin pa des na ma brjod do/ /'di ni mdo phyi mar bsdu bar shes par bya'o/ /gzhan ni gnyis po dag las skye/ /zhes bya ba la/ gnyis po dag kho na las skye'o zhes nges par gzung ba las na dmigs par byed pa ma yin pa'i phyir dmigs pa'i rkyen las ma yin la/ sems dang sems las byung ba dang sems med pa'i snyoms par 'jug pa dang mtshan nyid mi mthun pa'i phyir mtshungs pa de ma thag pa'i rkyen las ma yin no//de la rgyu'i rkyen ni/ nyon mongs can dang rnam smin skyes/ /zhes bya ba la sogs pa gong du bshad pa'i rjes su 'brangs te/ mtshungs par ldan pa'i rgyu ma gtogs pa ci rigs par yin par rig par bya'o/ /dngos po rnams ji skad bshad pa'i rgyu dang rkyen rnams kho na las skye'i zhes bya ba rgyas par 'byung ste/'di ltar rang gi lugs smras pa tsam gyis 'dod pa grub pa 'am mi 'dod pa dgag par ni mi rung ste/ de'i phyir dngos po rnams ji skad bshad pa'i rgyu dang rkyen kho na las skye'i/ 'gro ba thams cad kyi rgyu gcig pu dbang phyug la sogs pa ni med do zhes bya ba 'di la gtan tshigs brjod par bya'o//'gro ba'i rgyu gang la dbang phyug dang skyes bu dang gtso bo rnams dang por yod pa de ni de zhes bya'o/ /sogs pa zhes bya ba'i sgras ni dus dang / ngo bo nyid dang / rdul phra rab la sogs pa dag gzung ngo / /gal te gtan tshigs kyis byas pas grub par sems na zhes bya bas ni phyogs dang po dang 'gal bar ston te/dngos po rnams ji skad bshad pa'i rgyu dang rkyen rnams kho na las skye'i 'gro ba thams cad kyi rgyu gcig pu dbang phyug la sogs pa ni med do zhes bya bar grub par bya ba'i phyir dbang phyug la sogs pa las gzhan pa'i rgyu tshol ba'i phyir ro/ /de nyid kyis zhes bya ba ni dbang phyug las gzhan pa'i rgyu khas blangs pas so//shes par byed pa yin pa'i phyir nyes pa med do zhe na/ gal te dbang phyug yin na shes byed ma yin la/ de lta na grub pa'i byed pa po ma yin pas nyes pa de nyid du 'gyur ro/ /dbang phyug sogs min rim sogs phyir/ /zhes bya ba la sogs pa zhes bya ba'i sgras ni yul dang dus dang dngos po nges pa rnams bsdu'o//dngos po skye ba'i rim pa ni rgyu yongs su 'gyur ba la ltos pa las lhan cig byed pa'i rkyen la ltos pa yin grang / de la rtag pa'i phyir dbang phyug la yongs su 'gyur ba med do//'di ltar yongs su 'gyur ba ni gzhan du 'gyur ba nyid yin na/ de ni gzhan du 'gyur ba nyid du mi rigs te/ mi rtag pa nyid du thal ba'i phyir ro/ /de'i phyir yongs su 'gyur ba la ltos te rim pa mi rung ngo / /thams cad kyi rgyu dbang phyug kho na yin pas lhan cig byed pa'i rkyen med pa'i phyir lhan cig byed pa'i rgyu'i rgyu mtshan can yang med pa nyid de/des na 'gro ba thams cad cig car 'byung bar 'gyur te/ de dag gi rgyu la khyad par med pa'i phyir te/ ji skad du/ gal te 'gro ba dbang phyug gis byung na/ /'gro ba rim gyis 'byung bar mi 'gyur zhing / /gang gang mthong de de nyid yin pa'i phyir/skye dgu'i 'khor ba'i 'khor lor mi 'gyur ro/ /zhes bshad pa lta bu'o/ /phyi'i myu gu la sogs pa dang / nang gi nur nur po la sogs pa rnams rim gyis 'byung bar yang snang ngo / /gang gi rgyu gang zhig sngar lhan cig byed pa'i rgyu la mi ltos pa de ni phyis kyang ma yin te/ khyad par med pa'i phyir ro//des na dbang phyug la sogs pa dag ni 'gro ba'i rgyu ma yin no/ /dngos po rnams skye ba ni yod na yod pa'i phyir dang / de med na med pa'i phyir/ rgyu'i tshogs pa'i dbang gis yin na/ dbang phyug la ni de ltar yod na yod pa nyid yod pa ma yin te/ rtag tu yod pa yin pa'i phyir ro//de bzhin du dngos po'i skye ba yul dang dus dang dngos po nges pas yin par yang mi 'gyur te/ de dag rgyu ma yin pa'i phyir de las gzhan pa'i yul la sogs pa bzhin no/ /de ni 'di ni da ltar skye bar gyur cig ces bya ba la/ dbang phyug rgyu nyid yin yang 'dod pa'i dbang gis dngos po rnams kyi rim pa la sogs pa mi 'gal lo zhe na/'o na 'dod pa tha dad pa'i phyir zhes bya ba 'byung ste/ 'dod pa rnams ni dbang phyug dang phan tshun las tha dad pa yin te/ de'i phyir de dag dngos po rnams rim gyis skye ba dang / yul dang dus dang dngos po nges pa'i rgyu yin pas rgyu du mar grub bo//de'i phyir phyogs dang po dang 'gal ba de nyid du 'gyur ro/ /'dod pa tha dad pa de yang zhes bya ba la/ 'dod pa rnams kyi rgyu yang dbang phyug kho na yin te/ de'i phyir dngos po'i khyad par lhag ma 'ba' zhig tu ma zad kyi 'dod pa tha dad pa yang cig car 'byung bar 'gyur ro//ci'i phyir zhe na/ 'dod pa'i rgyu dbang phyug de tha mi dad pa'i phyir ro/ /'dod pa rnams cig car 'byung na yang 'gro ba thams cad cig car 'byung bar 'gyur te/ thams cad kyi rgyu yin pa'i phyir ro/ /rgyu gzhan/ tha dad pa la ltos na ni/ /zhes bya ba la/ 'dod pa de rnams so so so sor rgyu gzhan la ltos te dbang phyug las skyes la/rgyu gzhan po de dag kyang dbang phyug ltar rtag pa ma yin pa de'i phyir de rnams rim gyis 'byung bar mi 'gal lo zhe na/ de lta na yang dbang phyug kho na rgyu ma yin pas slar yang phyogs dang po dang 'gal lo/ /de dag kyang rim gyis skye ba la nang dang phyi'i dngos po 'am/'dod pa dang 'dra bar rgyu gzhan gyi bye brag la ltos par 'gyur la/ de lta yin na yang thug pa med par thal bar 'gyur te/ 'dir 'dod pa'i rgyu dbang phyug las gzhan pa khas blangs pas shAkya'i sras po'i lugs khas blangs par 'gyur ro zhes ston par byed do//gal te dbang phyug gi 'dod pa rnams cig car yin du zin kyang zhes bya ba rgyas par 'byung ste/ dbang phyug gi rgyu can nyid yin yang rim pa la sogs pa rnams mi 'gal lo snyam du bsams pa'o/ /'dod pa ji lta bar skye ba'i phyir ro zhes bya ba ni rim gyis skye ba la rgyu smras pa'o//'dod pa ji lta bar skye ba de ni yod pa ma yin te/ 'dod pa de dag la phyir khyad par med pa'i phyir ro/ /rgyu yod bzhin du lhan cig byed pa'i rgyu med pa 'am/ 'gal ba'i rgyu yod pa las 'bras bu mi skye bar 'gyur na 'dod pa rnams la ni lhan cig byed pa'i rgyu cig car yod la/ thams cad kyi rgyu dbang phyug yin zhing / thams cad la 'gal ba'i rgyu yang med do/ /'dod pa dag la bdag nyid kyi khyad par snga na med par 'ga' zhig yod pa yang ma yin te/ de rgyu gzhan la ltos pa'i phyir la/ rgyu gzhan yang med pa'i phyir ro/ /de'i phyir 'dod pa ji lta bar skye ba ma yin te/'o na ci zhe na/ thams cad cig car skye ba kho nar 'gyur ro/ /dbang phyug gi 'byin pa'i tshogs 'di snyed la dgos pa cung zad cig yod pa yang ma yin no/ /dbang phyug ni 'byin pa'i 'byin pa po ma yin te dgos pa dang bral ba'i phyir dbang phyug las gzhan pa'i byed pa po bzhin no//des na rtog pa 'di ni log pa yin no/ /gal te dga' ba yin no zhe na/ dga' ba nyid byed la rag mod/ yang na de la dbang phyug ma yin par 'gyur te/ de'i thabs med par mi byed pa'i phyir ro/ /gzhan yang de kho na dang 'dra'o zhes bya ba la/ ji ltar dga' ba la dbang phyug ma yin pa de bzhin du khams gsum pa la yang ma yin te/thogs pa med pa'i mtshan nyid can gyi dbang phyug ma yin pa'i phyir ro/ /ji ltar thabs med par dga' ba bskyed par mi nus pa de bzhin du thabs kyang thabs gzhan med par mi skyed pas thams cad la 'di'i dbang phyug rdugs par 'gyur ro/ /yang na thabs bzhin du dga' ba yang thabs la mi ltos pa kho nar byed par 'gyur ro//gnod pa mang po dang zhes bya ba 'byung ste/ gnod pa ni char dang rlung dang gnam lcags dang rims dang 'khru nad la sogs pa nye bar 'tshe ba rnams so/ /'brel pa dag ces bya ba ni nye bar gtses pa dag ste/ skye dgu dag byung nas gal te dga' bar 'gyur na ni de la phyag 'tshal lo//'di ni bsting tshig yin no/ /de las brtsams nas zhes bya ba la rgyas pas drag po brgya pa las smos so/ gang phyir ma lus sreg pa dang / /zhes bya ba la/ gang gi phyir ma lus par sreg pa de'i phyir drag po zhes bya'o/ /de bzhin du gzhan la yang brjod par bya'o//skyes bu'i byed pa mngon sum zhes bya ba ni myu gu la sogs pa dag la sa bon la sogs pa rnams kyi'o/ /rgyu rnams las gzhan gyi byed pa mi snang ba'i phyir ro zhes bya ba la 'di ltar mig dang gzugs dang snang ba dang yid la byed pa rnams las mig gi rnam par shes pa skyes pa la de rnams las gzhan pa'i byed pa mi snang ngo //ji ltar mig la sogs pa yod na res 'ga' mig gi rnam par shes pa skye la/ res 'ga' mi skye ba de bzhin du/ gal te dbang phyug yod na yang yin na ni/ de lta na gzhan gyi byed pa rtogs par 'gyur ba zhig go/ /dbang phyug de lhan cig byed pa'i rgyu dang po rnams la yang zhes bya ba rgyas par 'byung ba la/de dag ni rang gi mthus 'bras bu skyed par byed pas 'di dag la de dbang phyug nyid ma yin par 'gyur ro/ /de la dang po byung ba dbang phyug gi rgyu las byung ba yin no zhes bya ba la/ de ltar na skyes bu'i byed pa mngon sum la snyon pa ma byas pa dang rgyu las gzhan gyi byed pa mi snang bar yang 'gyur bas dbang phyug 'jig rten rnams kyi rgyu nyid yin yang 'gal ba med do//dang po byung ba de yang dbang phyug bzhin du thog ma med pa nyid du thal bar 'gyur te/ dbang phyug ni dang po byung ba bskyed par bya ba la rgyu gzhan la mi ltos pa'i phyir dang rtag pa'i phyir ro/ /de ltar na dang po byung ba med pa'i phyir dang po byung ba yang rgyu de las byung ba ma yin no//de bzhin du gtso bo la yang ci rigs par brjod par bya'o zhes bya ba la/ gtso bo ni sems pa med pa yin pas 'dod pa'i rtog pa ma gtogs pa gzhan thams cad brjod par bya'o/ /blo ma sbyangs pa ni don dam pa'i bstan bcos dag gis blo ma sbyangs pa dag go//thams cad phya las ni ma yin te/ skyes bu'i rtsal kho na las yin no zhes bstan pa'i phyir rang rang gi rnam par smin pa'i 'bras bu dang zhes bya ba rgyas par smos so/ /gzhan ni gnyis po dag las skye/ /zhes bya ba der chos gzugs can rnams rgyu dang bdag po'i rkyen gnyis las skye'o zhes bshad pa/de la gzugs ni 'byung ba dang 'byung ba las gyur pa yin pa'i phyir 'byung ba rnams 'byung ba rnams dang 'byung ba las gyur pa'i rgyu'i rkyen ji ltar yin pa dang 'byung ba las gyur pa 'byung ba las gyur pa dang / 'byung ba rnams kyi rgyu'i rkyen ji ltar yin pa 'di brjod par bya'o/ / rang gi ngo bo ma gtogs pa'i chos thams cad do zhes bdag po'i rkyen ni shes pa yin gyi/ rgyu'i rkyen ni rnam pa mang po'i phyir mi shes pa de'i phyir na/ de'i dbang du byas nas ji ltar na 'byung ba rnams zhes rgyas par dris so/ /skal ba mnyam pa dang lhan cig 'byung ba'i rgyu dag gis so zhes bya ba la/ 'byung ba sngar skyes pa rnams kyi skal ba mnyam pa'i rgyu'o/ /rang gi ngo bo tha dad kyang bya ba gcig la zhugs pa'i phan tshun mthun pa nyid skal ba mnyam pa nyid do/ /lhan cig 'byung ba'i rgyu ni lhan cig skyes pa rnams phan tshun te/ thams cad phan tshun med par mi skye ba'i phyir lhan cig 'byung ba'i rgyu nyid yin no//'byung ba'i rjes su mthun par byed pa'i phyir te zhes bya ba la/ 'byung ba rnam par 'gyur na 'byung ba las gyur pas 'byung ba'i rjes su mthun par byed do/ /'byung ba dang 'byung ba las gyur pa des mnyam du skyes pa dag las gang yang rung ba zhig ji ltar rjes su mthun par byed ce na/myu gu dang grib ma bzhin nam/ mar me dang snang ba bzhin no/ /de ltar na de dag ni zhes bya ba rgyas par 'byung ba la/ 'byung ba dag las skye ba'i phyir skye ba'i rgyu nyid do/ /de'i rjes su mthun par byed pa'i phyir 'gyur ba'i rgyu nyid do/ /rten du 'gyur ba'i phyir rten pa'i rgyu nyid do/ /rgyun mi 'chad pa'i rgyu yin pa'i phyir gnas pa'i rgyu nyid do/'phel bar byed pa'i rgyu yin pa'i phyir 'phel ba'i rgyu nyid do/ /'dir smras pa/ skye dang rjes mthun rten dang ni/ /rgyun mi 'chad dang 'phel ba las/ /skyed phyir rten phyir gnas phyir dang / /rten pa'i phyir dang 'phel byed phyir/ /zhes bya'o/ /rnam pa lnga po de yang byed rgyu'i rgyu kho na yin te/rgyu gzhan mi 'thad pa'i phyir ro/ /'byung ba rnams 'byung ba las gyur pa'i lhan cig 'byung ba'i rgyu ni ma yin te/ 'bras bu tha dad pa'i phyir ro/ /gzhan yang 'byung ba las gyur pa ni/ dge ba dang mi dge ba dang lung du ma bstan pa yin la/ 'byung ba rnams ni lung du ma bstan pa yin te/ lhan cig 'byung ba'i rgyu ni de lta bu'i mtshan nyid can ma yin no//ma 'ongs pa dang da ltar gyi 'byung ba las gyur pa ni 'das pa'i 'byung ba chen po rgyur byas nas yin par yang 'dod do/ /de bzhin du kha cig 'byung ba rnams dang mi ldan yang 'byung ba las gyur pa dang ldan pa yin te/ lhan cig 'byung ba'i chos nyid ni de ltar ma yin pas 'byung ba rnams 'byung ba las gyur pa'i lhan cig 'byung ba'i rgyu ma yin no//mtshungs par ldan pa'i rgyu yang ma yin te/ sems dang sems las byung ba'i rang bzhin ma yin pa'i phyir ro/ /kun du 'gro ba dang rnam par smin pa'i rgyu dag kyang ma yin te/ ma bsgribs la lung du ma bstan pa yin pa'i phyir ro//skal ba mnyam pa'i phyir yang ma yin te/ lhan cig 'byung ba'i phyir la dus phyis skyes pa dang yang mi 'dra ba'i phyir ro/ /'byung 'gyur rnam gsum phan tshun du/ /zhes bya ba ni ci rigs par ro/ /lus dang ngag gi las sems kyi rjes su 'jug pa zhes bya ba ni bsam gtan dang zag pa med pa'i sdom pas bsdus pa srog gcod pa nas tshig kyal pa spong ba'i bar 'chal ba'i tshul khrims rnam pa bdun spong ba ste/spong ba bdun po 'di dag ni phan tshun lhan cig 'byung ba'i rgyu yin no/ /sngar byung ba thams cad skal ba mnyam pa'i rgyu yin no zhes bya ba la/ dge ba dge ba'i yin pa nas lung du ma bstan pa'i bar gyi yin no//lus dang ngag gi las gang gi rnam par smin pa mig la sogs pa yin no zhes bya ba la/ lus dang ngag gi las ni rgyur byas pa'i gzugs dge ba dang mi dge ba ste/ des rnam par smin pa 'byung ba chen po dag 'phen pa yin no/ /rgyas par byas na nyi shu yin par mdor bsdus na sems bcu gnyis so zhes bya ba smos so//dge ba ni ma chags pa la sogs pa dang mtshungs par ldan pa'o/ /bsgribs la lung du ma bstan pa ni 'jig tshogs la lta ba dang mthar 'dzin par lta ba dang mtshungs par ldan pa'o/ /mi dge ba ni nyon mongs pa dang nye bar nyon mongs pa lhag ma dang mtshungs par ldan pa'o/ / de dag las gzhan pa ma bsgribs la lung du ma bstan pa'o/ /gzugs dang gzugs med pa'i khams na mi dge ba med de/ ji skad du 'dod pa dag las dben zhing sdig pa mi dge ba'i chos rnams las dben pa zhes bya ba la sogs pa gsungs pa dang / gong ma thams cad lung ma bstan/ /zhes 'byung ba'i phyir ro//de dag ni nyon mongs pa dang nye ba'i nyon mongs pa rnams la rnam par smin pa med pa'i phyir bsgribs pa kho na yin gyi/ mi dge ba ni ma yin te/ de'i phyir de dag dang mtshungs par ldan pa'i sems thams cad bsgribs pa kho na yin no/ /slob pa'i zag pa med pa ni slob pa'i sems so/ /mi slob pa'i ni mi slob pa'i sems so//snyoms par 'jug pa'i tshe dge ba dang zhes bya ba 'byung ba la/ dge ba gang gi mjug thogs su dge ba gang dang sa gang gis bsdus pa 'byung zhe na/ 'dod pa na spyod pa'i dge ba sbyor ba las byung ba'i mjug thogs su sbyor ba las byung ba kho na yin gyi/ skyes nas thob pa ni ma yin te/'dir skyes pas mngon du byed par mi nus pa'i phyir ro/ /kha cig na re ni mi lcogs pa med pas bsdus pa kho na 'byung ngo zhes zer ro/ /gzhan dag na re ni bsam gtan dang po'i yang ngo zhes zer ro/ /gzhan dag na re ni bsam gtan khyad par can gyi yang ngo zhes zer ro/ /btsun pa dbyangs sgrogs na re ni bsam gtan gnyis pa'i sa pa'i bar du yin no zhes zer ro//gzhan dag na re ni mnyam par ma bzhag pas thod rgal gyi snyoms par 'jug pa ltar sas bar du chod pa 'dren par mi nus so zhes zer ro/ /nying mtshams sbyor ba'i tshe bsgribs pa'o zhes bya ba la/ skye ba'i srid pa ni nyon mongs pa thams cad kyis nyon mongs pa can yin pa'i phyir na skyes nas thob pa'i dge ba'i mjug thogs su bsgribs pa yin gyi/gzugs dang gzugs med pa na spyod pa'i ma bsgribs la lung du ma bstan pa dag mngon du 'gyur ba ni ma yin gyi/ rang gi sa pa'i sems la rag las pa'i phyir ro/ /gzugs med pa rnams ni 'dod pa'i khams nas zhes bya ba rgyas par 'byung ste/de la rten ring ba nyid ni 'di yin te/ ji ltar gzugs su gtogs pa'i rten gyis 'dod pa na spyod pa'i sprul pa'i sems mngon du byed pa ltar/ gzugs med par gtogs pa'i rten gyis 'dod par gtogs pa'i chos mngon du mi byed pa'o/ /de la rnam par ring ba nyid ni 'di yin te/ji ltar gzugs na spyod pas rag las pa la sogs pa'i rnam pa dag tu rnam par byed pa ltar gzugs med pa'i sems kyis 'dod pa'i khams rnam par mi byed pa'o/ /de nyid kyi phyir dmigs pa ring ba nyid kyis kyang ring ba yin no/ /gzugs kyi khams ji lta ba bzhin du gzugs med pa dag 'dod pa'i khams kyi gnyen po yang ma yin te/de ltar na gnyen po'i ring ba nyid kyis kyang ring ba yin no/ /slob pa dang mi slob pa'o zhes bya ba ni sbyor ba las byung ba'i dge ba'i mjug thogs su'o/ /nyon mongs pa can gyi snyoms par 'jug pas gzir bas ni skyabs tshol ba ste/ 'dod pa na spyod pa'i dge ba'i sems la brten pa'i phyir ro//gzugs dang gzugs med pa'i sems thams cad kyi zhes bya ba la/ sa gong ma'i sems rnam pa drug gis 'chi 'pho ba la 'dod pa'i khams su nying mtshams sbyor ba bzlog tu med do/ /zag pa med pa'i sems kyi mjug thogs su nyon mongs pa mngon du 'gyur ba ni yod pa ma yin no//de las bzhi ste/ sa 'og ma pa'i nyon mongs pa'i mjug thogs su sa gong ma pa'i sems mngon du byed pa med la/ zag pa med pa yang mngon du byed pa ma yin no/ /gzugs na spyod pa'i dge ba las zhes bya ba la/ sprul pa'i sems ni bsam gtan gyi 'bras bu ste//de ni bsam gtan la ma zhugs par mngon du bya bar mi nus pa'i phyir ro/ /lung du ma bstan pa'i sems kyis 'chi ba'i tshe gzugs dang gzugs med pa'i khams dag tu nying mtshams sbyor ba bzlog tu med la/ gdon mi za bar bsam gtan gyi 'bras bu'i mjug thogs su yang bsam gtan la 'jug par bya dgos pas ma bsgribs la lung du ma bstan pa'i mjug thogs su gzugs na spyod pa'i dge ba dang nyon mongs pa can dang gnyis dang /gzugs med pa na spyod pa'i nyon mongs pa can kho na'o/ /gzugs na dge las bcu gcig go/ /zhes bya ba la rang gi sa pa gsum dang / 'dod pa na spyod pa'i bzhi ste/ldang ba'i tshe dge ba dang / nying mtshams sbyor ba'i tshe mi dge ba dang bsgribs pa dang / lung du ma bstan pa sprul pa'i sems dang / snyoms par 'jug pa'i tshe gzugs med pa na spyod pa'i dge ba dang / nying mtshams sbyor ba'i tshe bsgribs pa dang / snyoms par 'jug pa'i tshe slob pa dang mi slob pa'o//gzugs med pa na spyod pa'i ma bsgribs la lung du ma bstan pa ma gtogs so zhes bya ba la/ rnam par smin pa'i sems ni rang gi sa pa'i sems la rag las pa'i phyir de ma gtogs so/ /de ni dgu'i mjug thogs su zhes bya ba la/ rang gi sa pa gsum dang / 'dod pa na spyod pa gnyis te snyoms par 'jug pa'i tshe dge ba dang /sprul pa'i sems dang sdang ba'i tshe gzugs med pa na spyod pa'i dge ba dang / nyon mongs pa can gyi snyoms par 'jug pas gzir ba sa 'og ma pa la brten pa'i phyir nyon mongs pa can dang / ldang ba'i tshe slob pa dang mi slob pa las so/ /'dod pa na spyod pa'i nyon mongs pa can gnyis dang zhes bya ba rgyas par 'byung ba la/nyon mongs pa can gyi sems ni bsam gtan dang snyoms par 'jug pa rnams kyi sbyor ba ma yin la/ dge ba'i sems kyis nying mtshams sbyor ba la yang yod pa ma yin no/ /de ltar na gsum po 'di dag ma gtogs so/ /bsgribs pa brgyad las zhes bya ba la/rang gi sa pa'i gsum dang / nying mtshams sbyor ba'i tshe 'dod pa na spyod pa'i tshe dge ba dang / ma bsgribs la lung du ma bstan pa dang / nying mtshams sbyor ba'i tshe gzugs med pa na spyod pa gsum las so/ /'dod pa na spyod pa'i nyon mongs pa can gnyis dang zhes bya ba la/ 'dod pa'i khams las 'dod chags dang ma bral ba la gzugs kyi khams su nying mtshams sbyor ba med la/slob pa dang mi slob pa'i sems kyis 'chi 'pho ba yang yod pa ma yin pa de'i phyir bzhi po 'di dag ma gtogs so/ /de las drug rang gi sa pa gsum dang / nying mtshams sbyor ba'i tshe sa 'og ma pa'i nyon mongs pa can gnyis dang /nyon mongs pa can gyi snyoms par 'jug pas gzir ba'i tshe dge ba'o/ /gang gi phyir sbyor ba'i sems ni ma bsgribs la lung du ma bstan pa yod pa ma yin te/ de'i phyir de'i mjug thogs su slob pa dang mi slob pa dang / gzugs med pa'i dge ba mi 'byung ngo / /'og ma las 'dod chags dang ma bral ba la ni sa gong mar skye ba yod pa yang ma yin te/de'i phyir de'i mjug thogs su gzugs med par gtogs pa'i nyon mongs pa can mi 'byung ngo / /sa gzhan gyi ma bsgribs la lung du ma bstan pa yang ma yin te/ de ni skye ba dang snyoms par 'jug pa na de'i mjug thogs su mi srid do//ma bsgribs pa ni gsum las so/ /zhes bya ba la de ni nying mtshams sbyor ba'i sems su mi rung zhing / 'dod pa'i khams kyi sbyor ba las byung ba yang ma yin la/ slob pa dang mi slob pa dang / gzugs med pa na spyod pa'i ldang ba'i sems kyang ma yin te/ de'i phyir rang gi sa pa gsum las yin no/ /de las drug ste zhes bya ba la/nying mtshams sbyor ba'i tshe 'dod pa na spyod pa'i nyon mongs pa can dag dang / gzugs med pa na spyod pa'o/ /sbyor ba las byung ba'i phyir slob pa dang mi slob pa dang gzugs med pa na spyod pa'i dge ba dag kyang de las mi 'byung ba ma bsgribs la lung du ma bstan pas gzir bar mi byed pas 'dod pa na spyod pa'i dge ba yang de'i mjug thogs su mi 'byung ngo //skye ba dang snyoms par 'jug pa na sa gong ma dang 'og ma pa'i ma bsgribs la lung du ma bstan pa yang de'i mjug thogs su mi srid do/ /gzugs med pa'ang de'i tshul lo/ /zhes bya ba la/ de ni skye ba dang snyoms par 'jug pa'i tshe sa 'og ma pa'i dge ba la sogs pa rnams las srid pa ma yin la/slob pa dang mi slob pa dag gi mjug thogs su yang ma yin te/ de'i phyir rang gi sa pa gsum kho na las 'byung ngo / /sa 'og ma pa'i nyon mongs pa can rnams dang zhes bya ba la/ nying mtshams sbyor ba'i tshe 'dod pa dang gzugs kyi khams rnams so/ / gzugs med pa na spyod pa'i dge ba'i sems las ni sems dgu ste/ rang gi sa pa gsum dang / ldang ba'i tshe gzugs su gtogs pa'i dge ba dang / nying mtshams sbyor ba'i tshe sa 'og ma pa'i nyon mongs pa can rnams dang / snyoms par 'jug pa'i tshe slob pa dang mi slob pa'o/ /'dod pa na spyod pa'i dge ba dang /'dod pa dang gzugs na spyod pa'i ma bsgribs la lung du ma bstan pa ma gtogs so zhes bya ba la/ 'dod pa'i khams la gzugs med pa'i khams bskal pa yin pas de'i sa pa'i dge ba ni gzugs med pa na spyod pa'i ldang ba'i sems kyang ma yin te/ des na de'i mjug thogs su mi rigs so//ji ltar 'dod par gtogs pa'i sprul pa'i sems gzugs na spyod pa'i sbyor bas thob par bya ba yin pa ltar/ 'dod pa dang gzugs na spyod pa'i ma bsgribs la lung du ma bstan pa gzugs med pa'i sbyor bas thob par bya ba ni ma yin te/ de'i phyir de yang ma gtogs so/ / gzugs na spyod pa'i dge ba dang zhes bya ba ni snyoms par 'jug pa'i tshe na'o/ /slob pa dang mi slob pa dag las so zhes bya ba ni ldang ba'i tshe na'o/ /bsgribs pa las bdun zhes bya ba rgyas par 'byung ba la/ nyon mongs pa can gyi snyoms par 'jug pas gzir ba sa 'og ma la brten pa'i phyir gzugs na spyod pa'i dge ba dang /nying mtshams sbyor ba'i tshe bsgribs pa dang / nying mtshams sbyor ba'i tshe 'dod pa na spyod pa'i nyon mongs pa can gnyis so/ /de de bzhin zhes bya ba rgyas par 'byung ngo / /'dod pa dang gzugs na spyod pa'i nyon mongs pa can rnams dang zhes bya ba la/ 'di ltar sa 'og ma las 'dod chags dang ma bral ba las gzugs med pa'i khams su nying mtshams sbyor ba med la/des slob pa'am mi slob pa'i ting nge 'dzin las ldang ba yang ma yin pas de ni lnga las mi 'byung ngo / /de ni nying mtshams sbyor ba'i tshe na 'dod pa dang gzugs na spyod pa'i dge ba dang / ma bsgribs la lung du ma bstan pa dag las 'byung ngo //khams gsum pa'i dge ba dang zhes bya ba ni 'dod pa dang gzugs dang gzugs med pa dag na spyod pa rnams so/ dge ba smos pa ni gzhan bzlog par bya ba'i phyir ro/ /slob pa las so zhes bya ba ni rgyun du gtogs pa'i phyir ro/ /slob pa ni nying mtshams sbyor ba'i sems ma yin la/ dge ba sbyor ba las byung ba yin pas gzhan gyi mjug thogs su ma byung ngo / /de las lnga zhes bya ba la/ ldang ba'i tshe khams gsum pa'i dge ba rnams dang / rgyun du gtogs pa'i slob pa dang / rdo rje lta bu'i mjug thogs su mi slob pa'i shes pa'o/ /bshad ma thag pa'i lnga po de dag nyid las so zhes bya ba la snyoms par 'jug pa'i tshe 'di khams gsum pa'i dge ba rnams so//rdo rje lta bu'i mjug thogs su ni slob pa las so/ /zad pa shes pa'i mjug thogs su ni mi skye ba shes pa'o/ /de las sems ni bzhi po dag go zhes bya ba la/ ldang ba'i tshe na khams gsum pa'i dge ba rnams dang mi slob pa ste/dper na zad pa shes pa las mi skye ba shes pa bzhin no/ /mi slob pa'i mjug thogs su slob pa ni nam yang mi 'byung ste/ nyon mongs pa can gyi sems kyis bar bcad pa'i phyir te/ nyon mongs pa kun du spyod pa med par ni yongs su nyams pa med do//skyes nas thob pa dang sbyor ba las byung ba'i dge ba'i zhes bya ba 'byung ste/ de la sbyor ba las byung ba ni gang sbyor ba thob pa ste/ de ni thos pa dang bsams pa dang bsgoms pa las byung ba'o/ /de la mnyam par ma bzhag pa yin pa'i phyir 'dod pa'i khams na bsgoms pa las byung ba med do//gzugs kyi khams na ni bsams pa las byung ba med de/ de dag ni rgyud zhi gnas kyis brlan pa'i phyir sems kyi ting nge 'dzin nyid nye bar gnas par 'gyur ro/ /gzugs med pa'i khams na ni bsgoms pa las byung ba kho na ste gzhan med do/ /skyes nas thob pa'i dge ba ni sems sbyor ba med par skyes pa nyid kyis 'thob pa gang yin pa ste/'dod pa dang gzugs kyi khams dag tu srid pa bar mar nying mtshams sbyor ba'i skad cig ma'o/ /gzugs med pa'i khams su ni skye ba'i srid par gang gi thob pa dang po skye ba'o/ /rnam par smin pa las skyes pa dang / spyod lam pa dang / bzo'i gnas pa dang / sprul pa'i zhes bya ba la 'di ni rgyu dang las kyi dbye bas phye ba yin no/ /de la rnam par smin pa'i rgyu las skyes pa ni rnam par smin pa las skyes pa'o/ /spyod lam las 'byung ba ni spyod lam pa'o/ /de bzhin du bzo'i gnas pa dang / sprul pa las byung ba ni bzo'i gnas pa dang sprul pa pa ste/rgyu mtshan gyi bdun par bshad pa'i phyir ro/ /yang na de dag la dmigs nas skye ba'i phyir de dag las 'byung ba'o/ /spyod lam pa dang / bzo'i gnas pa dang / sprul pa dang gsum ni las kyi dbye bas phye la/ snga ma ni rgyu'i dbye bas phye ba yin no/ / gzugs na bzo ma gtogs pa'o zhes bya ba la/ gzugs kyi khams kyi gzhal med khang la sogs pa thams cad las las skyes pa dang / sprul pa pa yin gyi mkhan bzos byas pa ni cung zad kyang med do/ /gzugs can rnams la 'gro ba dang 'dug pa la sogs pa yod pa'i phyir spyod lam pa yod do//gzugs med pa'i khams na spyod lam pa dang / bzo'i gnas pa dang sprul pa pa rnams med pas ma bsgribs la lung du ma bstan pa'i dbye ba med do/ /ci'i phyir gzugs med pa'i khams na spyod lam pa la sogs pa rnams med ce na de dag gi dmigs pa ni gzugs dang dri dang ro dang reg bya rnams yin no//de la spyod lam pa la sogs pa rnams kyi dmigs pa ni go rims bzhin du rang gi lus dang mal stan la sogs pa'i gzugs la sogs pa dang / bzo'i gnas kyi gzugs la sogs pa dang / sprul pa'i gzugs la sogs pa rnams so/ /bzo'i gnas pa'i ni sgra yang yin no zhes bya ba la/'doms pa pos gang smras pa de la yid kyi rnam par shes pas dmigs nas slob pa'i phyir ro/ /rnam par smin pa las skyes pa la nges pa ma smos pas gzugs la sogs pa rnams dang / gzhan yang dmigs pa yin no zhes bya bar grub po/ /yid kyi rnam par shes pa dag kho na yin no zhes bya ba la spyod lam gyi rnam par rtog pa la sogs pa mngon par 'du byed par zhugs pa'i phyir ro//rnam par smin pa las skyes pa ni ma gtogs te/ da ni rnam par shes pa drug car yang yin no/ /rnam par shes pa'i tshogs lnga yin no zhes bya ba la de dag gi sbyor ba'i gnas skabs na 'byung ba'i phyir na sbyor ba'o//ji ltar zhe na/ mthong ba dang reg pa'i bar du gyur nas de dag skye ba'i phyir ro/ /rnam par smin pa las ni sbyor ba med do/ /rnam par smin pa ni rang gi ngang gis 'jug pa'i phyir ro/ /sprul pa ni sbyor ba yod mod kyi rnam par shes pa'i tshogs lnga ni ma yin te/de ni bsam gtan gyi mjug thogs su 'jug pa'i phyir ro/ /mngon par shes pa'i 'bras bu brjod par 'dod pa'i phyir 'dis yi dags dang sha za la sogs pa la srid par thal bar mi 'gyur ro/ /gzhan dag na re bzo'i gnas pas mngon par bsgrubs pa zhes bya ba la/yid kyi rnam par shes pa bzo'i gnas pas mngon par bsgrubs pa de bskyed pa'i yid kyi rnam par shes pa yod do zhes zer ro/ /skye mched bcu gnyis la dmigs pa zhes bya ba ni rten gyi dngos po mtha' dag la dmigs pa'i phyir ro/ /de'i phyir de ltar na spyod lam pa la sogs pa las tha dad pa ma bsgribs la lung du ma bstan pa mig gi skye mched la dmigs pa nas chos kyi skye mched la dmigs pa'i bar gzhan yang yod do zhes shes par byas par 'gyur ro//mngon par shes pa'i 'bras bu ma gtogs pa zhes bya ba la/ de ni gzugs su gtogs pa'i dge ba sbyor ba las byung ba'i mjug thogs su 'byung gi /'dod pa na spyod pa'i mjug thogs su ni ma yin no/ /gzugs na spyod pa'i sbyor ba las byung ba dang / slob pa dang mi slob pa ni snyoms par 'jug pa'i tshe na'o/ /dge ba sbyor ba las byung ba la gnas pa la 'chi 'pho ba mi srid pa'i phyir ro//de'i mjug thogs su khams gong ma'i bsgribs pa dag mi 'byung ngo / /rang gi dge ba dang nyon mongs pa can dag dang zhes bya ba la/ skyes nas thob pa dang sbyor ba las byung ba dang / bsgribs pa dang mi dge ba dang / ldang ba'i tshe gzugs na spyod pa'i sbyor ba las byung ba dang / slob pa dang mi slob pa dang / nyon mongs pa can gyi snyoms par 'jug pas gzir ba sa 'og ma pa la brten pa'i phyir gzugs na spyod pa'i nyon mongs pa can gyi mjug thogs su 'byung ngo / /rang gi sa pa yin yang ma bsgribs la lung du ma bstan pa rnams las ni ma yin te/ stobs chung ba dang mngon par 'du byed pa med par 'jug pa'i phyir ro//gzugs dang gzugs med pa na spyod pa'i nyon mongs pa can dag go zhes bya ba ni nying mtshams sbyor ba'i tshe ste/ skyes nas thob pa la gnas pa la 'chi 'pho ba dang / gong mar mtshams sbyor ba srid pa'i phyir ro/ /de ni mngon par 'du byed pa med par 'jug pa'i phyir slob pa dang mi slob pa gnyis dang /gzugs na spyod pa'i sbyor ba las byung ba'i sbyor ba ma yin pas de las de rnams mi 'byung ngo / /snga ma bzhin du zhes bya ba ni mngon par shes pa'i 'bras bu ma [(]gtags [,]gtogs [)]pa'o/ /gzugs na spyod pa'i sbyor ba las byung ba dang / nyon mongs pa can dag dang zhes bya ba la sogs pa la mngon par 'du byed pa med par 'jug pa yin yang ldang ba'i sems su mi 'gal lo//sbyor ba las byung ba dang mngon par shes pa'i 'bras bu dag ma gtogs pa zhes bya ba ni de la gnas pa la 'chi ba med pa'i phyir ro/ /de bzhin du gzugs med pa na spyod pa rnams la yin par yang brjod par bya'o//gzugs na spyod pa bzhi dang zhes bya ba ni nying mtshams sbyor ba'i tshe'o/ /sbyor ba las byung ba dang mngon par shes pa'i 'bras bu ma gtogs pa zhes bya ba la sogs pa la/ stobs chung ba dang mngon par 'du byed pa med par 'jug pa'i phyir de dag gi mjug thogs su sbyor ba las byung ba mi 'byung la/gzugs na spyod pa'i sbyor ba las byung ba la rag las pa'i phyir mngon par shes pa'i 'bras bu yang ma yin no/ /gzugs dang gzugs med pa na spyod pa'i nyon mongs pa can dag go zhes bya ba ni nying mtshams sbyor ba'i tshe kho nar ro/ / snga ma bzhin du rang gi bdun kho na las so zhes bya ba ni mngon par shes pa'i 'bras bu ma gtogs pa'o/ /bzo'i gnas pa'i mjug thogs su ni drug 'byung ste zhes bya ba la/ 'di ltar de la gnas pa la ni 'chi ba med de/ de lta ma yin na gzugs dang gzugs med pa na spyod pa'i nyon mongs pa can sus bzlog tu yod/mngon par shes pa'i 'bras bu ma gtogs pa zhes bya ba ni de las gzugs na spyod pa'i sbyor ba las byung ba kho na 'byung ba'i phyir ro/ /mngon par shes pa'i 'bras bu rang nyid dang zhes bya ba ni rgyun gyi sgo nas so/ /gzugs na spyod pa'i sbyor ba las byung ba'o zhes bya ba la/ 'di ltar bsam gtan la ma zhugs par mngon par shes pa'i 'bras bu las ldang ba yod pa ma yin pas mngon par shes pa'i 'bras bu las gzugs na spyod pa'i sbyor ba las byung ba 'byung ngo //de yang de gnyis kho na las so zhes bya ba ni sprul pa'i sems dang gzugs na spyod pa'i sbyor ba las byung ba las so/ / da ni gzugs na spyod pa drug gi zhes bya ba rgyas par 'byung ba la/ 'dod pa na spyod pa'i dge ba dag ces bya ba ni ldang ba'i tshe na'o/ /mngon par shes pa'i 'bras bu zhes bya ba ni 'dod pa na spyod pa'i sprul pa'i sems so/ /gzugs med pa na spyod pa'i sbyor ba las byung ba dang /slob pa dang mi slob pa ni snyoms par 'jug pa'i tshe'o/ /de ni sems bcu'i mjug thogs su 'byung ste/ 'dod pa na spyod pa'i sbyor ba las byung ba'i las ni snyoms par 'jug pa'i tshe na'o/ /sprul pa'i mjug thogs su ni 'jug pa'i tshe ste/ bsam gtan la ma zhugs pa ni bsam gtan gyi 'bras bu la gnas pa las ldang ba yod pa ma yin no//spyod lam pa dang rnam par smin pa las skyes pa dag gi mjug thogs su ni mi 'byung ste/ stobs chung ba dang mngon par 'du bya ba med par 'jug pa'i phyir ro/ /sprul pa'i sems ni mngon par 'du byed pa las byung ba yin zhing / /bsam gtan la ma zhugs par de las ldang ba yod pa ma yin pas de'i mjug thogs su 'byung ba yin no//gzugs med pa na spyod pa'i sbyor ba las byung ba las ni ldang ba'i tshe na'o/ /nyon mongs pa can gyi ting nge 'dzin gyis gzir ba sa 'og ma la brten pa'i phyir na nyon mongs pa can gyi mjug thogs su 'byung ngo / /slob pa dang mi slob pa dag las ni ldang ba'i tshe kho na'o//skyes nas thob pa'i mjug thogs su ni brgyad de/ 'dod pa na spyod pa'i nyon mongs pa can dag ni nying mtshams sbyor ba'i tshe na'o/ /mngon par shes pa'i 'bras bu ni ma gtogs te/ sbyor ba las byung ba la rag las te bdag nyid thob pa'i phyir ro//gzugs med pa na spyod pa'i nyon mongs pa can ni nying mtshams sbyor ba'i tshe na'o/ /'dod pa na spyod pa'i dge ba dang / nyon mongs pa can bzhi dang zhes bya ba la/ nyon mongs pa can dag ni nying mtshams sbyor ba'i tshe'o/ /nyon mongs pa can gyi ting nge 'dzin gyis gzir ba sa 'og ma la brten pa'i phyir na dge ba dag go//de ni sems bcu gcig gi mjug thogs su 'byung ste zhes bya ba la/ 'dod pa na spyod pa rnams las ni nying mtshams sbyor ba'i tshe na ste/ sbyor ba las byung ba dang / bzo'i gnas pa dang / mngon par shes pa'i 'bras bu rnams las 'chi ba med la/ 'dod chags dang bral ba ma yin pa'i phyir nyon mongs pa can gyi mjug thogs su der mtshams sbyor ba med de/de'i phyir gsum kho na las 'byung ngo / /sbyor ba las byung ba ma gtogs pa zhes bya ba ni de las 'chi ba mi srid pa'i phyir ro/ /gzugs med pa na spyod pa gsum las ni nying mtshams sbyor ba'i tshe kho nar ro/ / spyod lam pa'i mjug thogs su ni bdun te zhes bya ba la/ 'dod pa na spyod pa'i nyon mongs pa can dag ni nying mtshams sbyor ba'i tshe'o/ /sbyor ba las byung ba dang mngon par shes pa'i 'bras bu ma gtogs pa zhes bya ba la/ spyod lam pa ni sbyor ba'i sems yin par mi rung ste/ stobs chung ba dang mngon par 'du byed pa med par 'jug pa'i phyir dang /gzhan la sems pa'i phyir ro/ /gzugs med pa na spyod pa'i nyon mongs pa can ni nying mtshams sbyor ba'i tshe'o/ /da ni gzugs med pa na spyod pa bzhi'i brjod par bya ste zhes bya ba la/ gzugs na spyod pa'i sbyor ba las byung ba ni ldang ba'i tshe na'o//'dod pa na spyod pa ni ma yin te bskal pa'i phyir ro/ /slob pa dang mi slob pa ni snyoms par 'jug pa'i tshe'o/ /gzugs na spyod pa'i sbyor ba las byung ba zhes bya ba ni 'jug pa'i tshe'o/ /rnam par smin pa las skyes pa ma gtogs pa zhes bya ba la stobs chung ba'i phyir dang / mngon par 'du bya ba med par 'jug pa'i phyir rnam par smin pa las skyes pa las mi 'byung ngo //slob pa dang mi slob pa dag las so zhes bya ba ni ldang ba'i tshe'o/ /sa 'og ma pa'i nyon mongs pa can dag go zhes bya ba ni 'dod pa na spyod pa nyid dang gzugs na spyod pa ste nying mtshams sbyor ba'i tshe'o/ /nyon mongs pa can gyi mjug thogs su ni brgyad de zhes bya ba la/gzugs su gtogs pa'i dge ba ni nyon mongs pa can gyi ting nge 'dzin gyis gzir ba'i ldang ba'i tshe'o/ /nyon mongs pa can ni nying mtshams sbyor ba'i tshe'o/ /'dod pa na spyod pa'i nyon mongs pa can dag ni nying mtshams sbyor ba'i tshe kho nar ro/ /'dod pa dang gzugs na spyod pa'i zhes bya ba rgyas par 'byung ba ni nying mtshams sbyor ba'i tshe kho nar ro//'og ma'i nyon mongs pa can gsum mo zhes bya ba ni nying mtshams sbyor ba'i tshe'o/ /slob pa'i mjug thogs su ni drug ste/ khams gsum pa'i sbyor ba las byung ba rnams dang / 'dod par gtogs pa'i skyes nas thob pa ni ldang ba'i tshe'o//slob pa ni rgyun la ltos nas so/ /mi slob pa ni rdo rje lta bu'i ting nge 'dzin gyi mjug thogs kyi zad pa shes pa lta bu'o/ /sbyor ba las byung ba gsum zhes bya ba ni khams gsum pa'o/ /slob pa las so zhes bya ba ni rgyun la ltos nas so/ /mi slob pa'i mjug thogs su ni lnga zhes bya ba la khams gsum pa'i sbyor ba las byung ba rnams dang /'dod par gtogs pa'i skye gnas thob pa ni ldang ba'i tshe'o/ /mi slob pa ni rgyun la ltos pa'o/ /sbyor ba las byung ba gsum zhes bya ba ni khams gsum pa'o/ /slob pa las ni rdo rje lta bu'i ting nge 'dzin gyi mjug thogs su zad pa shes pa lta bu'o//mi slob pa las ni zad pa shes pa'i mjug thogs su mi skye ba shes pa lta bu'o/ /gal te mi slob pa las slob pa mi 'byung na/ 'o na ji ltar na mi slob pa las yongs su nyams pa slob pa yin zhe na/ 'di ltar langs pa mi slob pa'i ting nge 'dzin las yongs su nyams par 'gyur te/ting nge 'dzin la gnas pa la yongs su nyams pa med pa'i phyir ro/ /de dag ni spyod lam dang bzo'i mngon par 'du bya ba la zhugs pa'i phyir dang / stobs chung ba'i phyir dang / mngon par 'du bya ba med par 'jug pa'i phyir zhes bya ba la/ spyod lam pa ni 'gro ba la sogs pa mngon par 'du bya ba la zhugs pa yin la/bzo'i gnas pa ni 'di ni 'di ltar bya'o snyam du bzo mngon par 'du bya ba la zhugs te/ de'i phyir spyod lam dang bzo mngon par 'du bya ba lhur byed pa nyid kyis de dag la mngon par dga' ba'i phyir sbyor ba las byung ba 'dren par mi nus so//rnam par smin pa las skyes pa ni sngon gyi las kyis 'phangs pa'i phyir gzo ba med par 'jug pas stobs chung ba dang mngon par 'du bya ba med par 'jug pa zhes bya ba ste/ des na sbyor ba las byung ba 'dren par mi nus so/ /spyod lam pa dang bzo'i gnas pa gnyis ni lung du ma bstan pa nyid du mtshungs kyang rnam par smin pa las skyes pa bas stobs che ste mngon par 'du byed pa can yin pa'i phyir ro//sbyor ba las byung ba'i rjes su mthun pa ma yin no zhes bya ba ni de 'dren par mi nus so zhes bya ba'i tha tshig go/ /'byung ba'i sems ni mngon par 'du bya ba med par 'jug pas zhes bya ba la/'byung ba'i sems ni sbyor ba las byung ba'i sems rgyun chad pa'i sems te/ de ni mngon par 'du bya ba med par 'jug pa yin yang rgyun chad pa dang rjes su mthun pa yin pa'i phyir sbyor ba las byung ba'i mjug thogs su 'byung bar mi 'gal lo/ /de lta na 'o na nyon mongs pa can dag las kyang zhes bya ba rgyas par 'byung ba la/gal te sbyor ba las byung ba'i rjes su mi mthun pa'i phyir spyod lam pa la sogs pa dag las mi 'byung na/ de lta na 'o na ni yul mngon par 'dod pa lhur len pa nyid kyis mi mthun pa'i phyir dang / stobs chung ba'i phyir nyon mongs pa can dag las kyang sbyor ba las byung ba 'byung bar mi 'gyur te/nyon mongs pa can gyi chos ni dge ba'i chos kyi rjes su mthun par mi rung ngo / /'on kyang zhes bya ba ni de'i rjes su mi mthun pa yin mod kyi zhes bya ba'o/ /nyon mongs pa kun du 'byung bas zhes bya ba rgyas par 'byung ba la/ nyon mongs pa kun du 'byung bar yongs su shes pa nyid chos la nges par sems pa'i bzod pa la sogs pa'i rnam par shes pa yin la/ de yang sbyor ba las byung ba yin pas nyon mongs pa can gyi mjug thogs su 'byung bar rigs so/ /nyon mongs pa can ni stobs chung ba yang ma yin te/ thog ma med pa'i dus nas goms pa'i phyir ro/ /de'i phyir de nyon mongs pa can gyi mjug thogs su 'byung bar mi 'gal lo/ /mngon par 'du bya ba med par 'byung ba'i phyir zhes bya ba 'byung ngo / /ji ltar mngon par 'du bya ba med par 'byung zhe na/ sbyor ba la mi ltos pa'i phyir ro/ / 'o na ji ltar de gsal ba nyid yin zhe na las su rung ba'i phyir te/ de ni dge ba'i rtsa ba thams cad kyi sa bon yin pa'i phyir ro/ /gsal ba'i phyir skyabs byed par nus pas gzugs na spyod pa'i nyon mongs pa can gyi mjug thogs su ni 'dod pa na spyod pa'i skyes nas thob pa 'byung ngo / /'di ni mjug thogs su ni 'di'o//'di ni 'di'i mjug thogs su'o zhes sems rnams mjug thogs nyid du 'byung ba bshad la/ de dag kyang yid la byed pa'i dbang gis 'byung ba de'i phyir yid la byed pa ni gsum ste zhes bya ba yid la byed pa nye bar bkod do/ /rang gi mtshan nyid yid la byed pa ni gang gis dngos po rnams kyi rang gi mtshan nyid yid la byed pa ste/gzugs ni gnod par byar rung ba'i mtshan nyid yid la byed pa can/ tshor ba ni nyams su myong ba'i mtshan nyid can zhes bya ba nas rnam par shes pa ni rnam par rig byed mtshan nyid can no snyam pa la sogs pa'i bar ro//spyi'i mtshan nyid yid la byed pa ni gang gis spyi'i mtshan nyid yid la byed pa ste/ de ni rnam pa bcu drug dang ldan no/ /mi rtag pa nyid la sogs pa rnams spyi'i mtshan nyid yin pa'i phyir de'i rnam pa ni spyi'i rnam pa ste/ rnam pa bcu drug po de dag dang ldan pa'i yid la byed pa ni spyi yid la byed pa'o//mos pa yid la byed pas rab tu phye ba'i phyir mos pa yid la byed pa ste/ de ni gang gis mi sdug pa dang tshad med pa la sogs pa dag la mos pa las byung ba'i dmigs pa yid la byed pa'o/ /zad par gyi skye mched la sogs pa dag la zhes bya ba'i sogs pa'i sgras ni rdzu 'phrul la sogs pa mngon par bsgrubs pa'i tshe yang bar mos pa yongs su gzung ngo //sems mngon par 'du byed pa'i don gyis na yid la byed pa'o/ /de ltar na zhes bya ba ni gal te yid la byed pa rnam pa gsum gyi mjug thogs su 'phags pa'i lam mngon du byed na ste/ de'i phyir mi sdug pa dang lhan cig pa'i zhes bya ba rgyas par 'byung ste/rgyun gyis bar dang bcas pa dang bar med par 'dren pa'i phyir mi sdug pa dang lhan cig pa zhes bya'i sems gcig la ni ma yin te mi srid pa'i phyir ro/ /dran pa yang dag byang chub kyi yan lag ni 'phags pa'i lam yin la/ de yang mos pa yid la byed pa'i mjug thogs su 'byung zhing /rang gi mtshan nyid yid la byed pa'i mjug thogs su yang 'byung ngo zhes don gyis bshad pa yin no/ /de ltar na yid la byed pa gsum 'phags pa'i lam gyi sbyor ba yin no zhes bya bar shes par 'gyur ro/ /gzhan dag na re spyi yid la byed pa kho na'i mjug thogs su zhes bya ba rgyas par 'byung ste/mi rtag pa la sogs pa mthong ba nyid na 'phags pa'i lam skye ba'i phyir dang / gzhan gnyis po 'phags pa'i lam dang mi 'dra ba'i phyir ro/ /de las ni rnam pa gsum ste zhes bya ba la/ thams cad kyis ldang bar mi 'gal bas 'dir nges pa ma byas so//gal te mos pa yid la byed pa'i mjug thogs su 'phags pa'i lam la snyoms par mi 'jug na 'o na mi sdug pa dang lhan cig pa'i zhes bya ba rgya cher 'byung ba 'di ji ltar drang zhe na/ de'i phyir mi sdug pas sems btul nas zhes bya ba smos te/ de'i phyir de ltar na mi sdug pa ni spyi yid la byed pa'i sbyor ba yin pas brgyud pa las gsungs so zhes zer ro//gal te mi lcogs pa med pa la sogs pa gsum la brten nas zhes bya ba rgyas par 'byung ba la/ sa gsum ni mi lcogs pa med pa dang / bsam gtan dang po dang bsam gtan khyad par can no/ / mthong ba'i lam sa gsum la brten pa'i mjug thogs su ni 'dod pa na spyod pa'i thos pa dang bsam pa dang skyes nas thob pa spyi yid la byed pa rnam pa bcu drug dang ldan pa mngon du byed par 'gyur te/ de ni nye ba yin pa'i phyir ro/ /gal te bsam gtan gnyis pa la sogs pa la brten nas zhes bya ba ni bsam gtan gnyis pa dang gsum pa dang bzhi pa la brten nas nges pa la 'jug na mthong ba'i lam gyi mjug thogs su 'dod pa na spyod pa'i spyi yid la byed pa mi lcogs pa med pa dang /bsam gtan dang po dang / bsam gtan khyad par can gyis bar du chod pa'i phyir bskal pa go ji ltar mngon du byed par 'gyur zhes bya ba'o//gal te bsam gtan gnyis pa la sogs pa'i sa pa kho na mngon du byed par 'gyur bas nyes pa 'di med do zhe na/ de'i phyir nges par 'byed pa'i cha dang mthun pa ma gtogs par de dag gi sa pa yang ma thob po zhes bya ba smos te/ 'di ltar 'bras bu dang po'i skad cig mar ni 'jig rten pa bsgom pa mi 'thob pa'o//yang gang zhig ma thob pa de gang zhe na/ nyams pa dang gnas pa dang khyad par gyi cha dang mthun pa dang rnam pa gsum mo/ /de lta na 'o na bsam gtan gnyis pa la sogs pa'i sa pa'i nges par 'byed pa'i cha dang mthun pa kho na mngon du byed par 'gyur ro zhe na/de'i phyir 'phags pa ni nges par 'byed pa'i cha dang mthun pa mngon du mdzad pa yang ma yin te zhes bya ba smos so/ /de nyid la rgyu smos pa ni/ 'bras bu thob zin pa zhes bya ba rgyas par 'byung ba ste/ sbyor ba'i dgos pa grub zin pa'i phyir la 'phags pa'i lam gyi sbyor ba yang nges par 'byed pa'i cha dang mthun pa rnams yin pas/de'i phyir 'bras bu la gnas pa nges par 'byed pa'i cha dang mthun pa mngon du byed par mi rigs so/ /des ni de dang 'dra ba spyi yid la byed pa zhes bya ba la/ nges par mthun pa'i cha dang mthun pa dang 'dra ba de mngon du byed par 'gyur ro//de nyid ston pa ni 'du byed thams cad mi rtag pa'o zhes bya ba la sogs pa'o/ /de skad du ni mi brjod do/ /zhes bya ba la/ nges par 'byed pa'i cha dang mthun pa dag mngon du gyur na spyi'i yid la byed pa gzhan bsgom pa yod pa ma yin te/ gang gi phyir nges par 'byed pa'i cha dang mthun pa mngon du gyur na rnam pa 'dra ba kho na sgom par byed la/'dra ba yang mthong ba'i lam kho na ma 'ongs pa nyid kyis bsgom na/ 'di ni 'du byed kyi chos thams cad la dmigs pa'i phyir mi 'dra ba yin no/ /de'i phyir 'phags pa'i lam gyi mjug thogs su yid la byed pa rnam pa gsum mngon du byed pa yin no//mi lcogs pa med pa la brten nas dgra bcom pa nyid ces bya ba la sogs pa la/ de'i sa pa ni mi lcogs pa med pa'i sa pa ste/ shin tu goms pa'i phyir dang 'gal ba yin pa'i phyir ro/ /'dod pa na spyod pa yin no zhes bya ba ni skyes nas thob pa'i dge ba'am/thos pa dang bsams pa las byung ba'o/ /ci yang med pa'i skye mched la brten nas zhes bya ba la/ gal te srid pa'i rtse mor skyes pa yin na ni ci yang med pa'i skye mched kyi sa pa'i sbyor ba las byung ba mngon du byed de/ chung ba'i phyir skyes nas 'thob pa ni ma yin no//de las gzhan pa'i sa rnams su ni rang gi sa kho na ste/ sbyor ba gzhan gyis bsgrub par bya ba yin pa'i phyir ro/ /bsams pa las byung ba ni med de zhes bya ba 'byung ste/ ci'i phyir zhe na/ gang gi tshe de dag sems med par rtsom pa de'i tshe de dag gi ting nge 'dzin kho na nye bar gnas pa yin no zhes bya ba smos te/ting nge 'dzin shin tu goms pa'i phyir dang / bsam pa kha nang du bltas nas 'jug pa'i phyir de dag sems pa na ting nge 'dzin kho nas nye bar gnas pa yin no/ /yid la byed pa lnga'i mjug thogs su zhes bya ba la/ 'dod pa na spyod pa'i thos pa las byung ba dang /bsams pa las byung ba dang / gzugs na spyod pa'i thos pa las byung ba dang / bsgoms pa las byung ba dang / gzugs med pa na spyod pa'i bsgoms pa las byung ba nyid kyi mjug thogs su yin gyi/ skyes nas thob pa pa dag gi mjug thogs su ni ma yin no/ /'di la rgyu ni sbyor ba la rag lus pa'i phyir ro zhes bya ba'o//gang rag lus she na lam mo/ /de dag las sems gang la du zhig rnyed ce na zhes bya ba ni nges par gdon mi za ba nyid du snyam du bsams pa'o/ /khams gsum pa yi nyon mongs can/ /zhes bya ba la sogs pa la/ ci skad cig ma gcig la drug dang drug dang gnyis rnyed dam zhe na/de ni de lta ma yin te/ re zhig 'dod pa na spyod pa'i nyon mongs pa can gyi sems mngon du 'gyur na khams su slar zlog pa dang / dge ba'i rtsa ba nying mtshams sbyor ba dang yongs su nyams pa rnams kyi tshe ci rigs par yongs su bgrangs te drug rnyed do//the tshom gyis dge ba'i rtsa ba nying mtshams sbyor ba dang zhes bya ba la/ the tshom ni nyon mongs pa can yin pas de dang mtshungs par ldan pa'i sems kyang nyon mongs pa can yin no/ /nyon mongs pa can yin na ji ltar dge ba'i rtsa ba dag mtshams sbyor zhe na/ rgyu dang 'bras bu la skur pa 'debs pa'i lta ba yongs su gtong ba las so//khams su slar ldog pa las zhes bya ba la/ gang gi tshe gzugs dang gzugs med pa'i khams nas shi 'phos te 'dod pa'i khams su skye ba de'i tshe 'dod pa na spyod pa'i dge ba skyes nas thob pa rnyed do/ /de ltar na the tshom dang mtshungs par ldan pa dang /nying mtshams sbyor ba'i sems ni nyon mongs pa can yin pa'i phyir rnam pa gnyis las dge ba'i sems rnyed do/ /mi dge ba dang bsgribs la lung du ma bstan pa dag dang zhes bya ba rgyas par 'byung ba la/ gang gi tshe gzugs kyi khams sam gzugs med pa'i khams nas shi 'phos nas 'dod pa'i khams su skye ba de'i tshe nying mtshams sbyor ba'i sems mi dge ba'am bsgribs pa mngon du gyur na 'dod pa na spyod pa'i mi dge ba dang bsgribs pa'i sems rnyed de/gzugs na spyod pa'i nyon mongs pa can dang zhes bya ba la/ gang gi tshe gzugs med pa'i khams nas shi 'phos nas 'dod pa'i khams su skye ba de'i tshe gzugs na spyod pa'i nyon mongs pa can dang yang ldan pa rnyed do//sa 'og mar skyes pa sa gong ma pa'i nyon mongs pa dang ldan pas gzugs med pa na spyod pa'i nyon mongs pa can dang snga nas ldan pa'i phyir yang mi bgrang ngo //yongs su nyams pa las zhes bya ba la/ 'dod pa'i khams kyi 'dod chags dang bral ba las yongs su nyams pa na/ 'dod par gtogs pa'i mi dge ba dang bsgribs pa rnyed la/ 'dod par gtogs pa'i kun nas dkris pas gzugs kyi 'dod chags dang bral ba las yongs su nyams pa na gzugs su gtogs pa'i bsgribs pa yang rnyed do//de ltar na yongs su nyams pa dang nying mtshams sbyor ba rnam pa gnyis las 'dod par gtogs pa'i mi dge ba dang / 'dod par gtogs pa dang gzugs su gtogs pa'i bsgribs la lung du ma bstan pa rnyed do/ / yongs su nyams pa las gzugs med pa na spyod pa'i nyon mongs pa can dang slob pa'o zhes bya ba la/ 'di gnyis ni yongs su nyams pa kho na las rnyed kyi nying mtshams sbyor ba las ni ma yin no/ /de ltar na 'di dag ni gang dag 'dod pa na spyod pa'i nyon mongs pa can gyi sems la rnyed pa drug yin te/ 'dod pa na spyod pa dge ba dang mi dge ba bsgribs la lung du ma bstan pa dang gsum dang / gzugs dang gzugs med par gtogs pa'i sgrib pa dag dang slob pa'o/ /gzugs na spyod pa'i nyon mongs pa can la yang drug rnyed do zhes bya ba rgyas par 'byung ba la/ gzugs na spyod pa gsum ste/ skyes nas thob pa'i dge ba dang bsgribs la lung du ma bstan pa dang sprul pa'i sems so/ /'dod pa na spyod pa ni ma bsgribs la lung du ma bstan pa'i sprul pa'i sems nyid do/ /rnyed pa'i dus dag mang ba'i phyir dus gang gi tshe yin pa mi shes pas/ khams su slar log pa las zhes bya ba smos te/ gang gi tshe 'di gzugs med pa'i khams nas shi 'phos nas gzugs kyi khams su skye ba de'i tshe nying mtshams sbyor ba'i sems mngon du gyur pa na sems bzhi po 'di dag rnyed do//gzugs med pa na spyod pa'i don mongs pa can dang zhes bya ba la/ gang gi tshe gzugs na spyod pa'i kun nas dkris pas dgra bcom pa nyid las yongs su nyams pa de'i tshe gzugs med pa na spyod pa'i nyon mongs pa can dang slob pa rnyed do//gal te yang gnas skabs der gzugs na spyod pa'i nyon mongs pa can yang rnyed mod kyi de ni sngar bgrangs zin pa nyid kyi phyir yang mi bgrang ngo / /'di dag ni sems drug yin te/gzugs na spyod pa gsum dang / 'dod pa na spyod pa gcig dang / gzugs med pa na spyod pa gcig dang slob pa'o/ /gzugs med pa na spyod pa'i nyon mongs pa can la ni gnyis rnyed de zhes bya ba la/ khams gsum las 'dod chags dang bral ba kho na gzugs med pa na spyod pa'i nyon mongs pa can gyi sems dang mi ldan pas de nyid gzugs med par gtogs pa'i kun nas dkris pas dgra bcom pa nyid las yongs su nyams pa na slob pa dang /gzugs med pa na spyod pa'i bsgribs la lung du ma bstan pa rnyed do/ /'di gnyis ni yongs su nyams pa kho na las rnyed kyi khams su slar log pa las ni ma yin te/de'i gong na khams gzhan med pa'i phyir ro/ /gzugs skyes dge la gsum dag go/ /zhes bya ba la/ snyoms par 'jug pa las zhes bya'o/ /gang gi tshe 'dis dang por bsam gtan gyi dngos gzhi thob pa de'i tshe gsum rnyed do/ /dge ba de nyid dang zhes bya ba ni gang gi rnyed pas gsum rnyed par brjod pa'o//'dod pa dang gzugs na spyod pa'i ma bsgribs la lung du ma bstan pa dag go zhes bya ba ni sprul pa dag go/ /slob pa la bzhi zhes bya ba la/ gang zhig mi lcogs pa med pa la brten nas 'phags pa'i lam gyis rnam par grol ba'i lam dgu pa la 'dod pa'i khams las 'dod chags dang bral zhing /bsam gtan dang po'i sa pa'i sems rnyed pa de'i tshe des bsam gtan gyi dngos gzhi la brten nas phyir mi 'ong ba'i 'bras dus bsdus pa'i slob pa sngon ma byung ba khyad par du 'phags pa rnyed pas slob pa rnyed pa zhes brjod do/ /'dod pa dang gzugs na spyod pa'i ma bsgribs la lung du ma bstan pa dag ni sprul pa'i sems dag kho na'o//gzugs med pa yi dge ba'o/ /zhes bya ba la/ sa drug gi 'phags pa'i lam gyis gzugs kyi khams las 'dod chags dang bral ba ni rnam par grol ba'i lam dgu pa gang yin pa der de pa'i ting nge 'dzin thob pa las gzugs med pa na spyod pa'i dge ba'i sems rnyed do//'phags pa'i lam smos pa ni slob pa'i sems nye bar blang bar bya ba'i phyir ro/ /'dod pa'i khams las 'dod chags dang bral na ni dro bar gyur pa'i gnas skabs kho nar gzugs na spyod pa'i dge ba rnyed pa nyid yin pas/nges pa la 'jug pa'i gnas skabs su mi bgrang ngo / /'dod pa na gzugs kyi khams kyi 'dod chags dang bral bar byed pa na zhes bya ba la/ 'dod pa'i khams las 'dod chags dang bral bar byed pa na ni gsum mo/ /gzugs kyi khams las 'dod chags dang bral bar byed pa ni gzugs med par gtogs pa'i dge ba'o//lhag ma de zhes bya ba 'byung ngo / /lhag ma yang gang zhig ce na/ khams gsum gyi ma bsgribs la lung du ma bstan pa dang / 'dod par gtogs pa gzugs med par gtogs pa'i dge ba dang mi slob pa'o/ /de la 'dod par gtogs pa'i dge ba'i sems mngon du gyur na 'dod par gtogs pa'i dge ba kho na rnyed de/mi slob pa mngon du gyur na mi slob pa kho na rnyed kyi gzhan mi rnyed pa'i bar du yang de dang 'dra'o/ /'di ltar nyon mongs pa can gyi sems ni yongs su nyams pa dang / nying mtshams sbyor ba dag gi tshe rnyed na/sems 'di dag ni yongs su nyams pa dang nying mtshams sbyor ba dag gi tshe mi srid do/ /gzhan dag ni zhes bya ba ni spel ma mkhan dag go/ /khyad par med par zhes bya ba la/ khams kyi dbye bas nyon mongs pa can dbye ba khas ma blangs par nyon mongs pa can gyi sems la dgu rnyed do zhes zer ro//nying mtshams sbyor ba'i tshe 'dod pa na spyod pa bzhi po dge ba dang / mi dge ba dang bsgribs la lung du ma bstan pa dang / ma bsgribs la lung du ma bstan pa dang / nying mtshams sbyor ba'i tshe gzugs na spyod pa gsum po dge ba dang bsgribs la lung du ma bstan pa dang / ma bsgribs la lung du ma bstan pa dang / yongs su nyams pa las gzugs med pa na spyod pa'i nyon mongs pa can dang slob pa'o/ /dge ba'i sems la drug yin te/ /zhes bya ba 'dir yang khams gsum pa kho na shes par bya ba'o/ /de la dge ba'i sems la ni drug ste/ 'dod chags dang bral ba thob pa las 'dod pa dang gzugs na spyod pa'i sprul pa'i sems dag dang /de pa'i ting nge 'dzin thob pa las gzugs dang gzugs med pa na spyod pa'i dge ba dag dang / nges pa la 'jug pa'i tshe slob pa dang / dgra bcom pa nyid kyi 'bras bu thob pa'i tshe mi slob pa ste/ sems drug po 'di dag ni dge ba'i sems la rnyed do//dge ba'i sems la 'dun pa rnyed/ /ces bya ba 'dir yang khams gsum pa yang srid do zhes bstan pa'i phyir/ der ni dge ba'i sems la 'dun pa yin te zhes bya ba rgyas par smos so/ /ji ltar zhe na de'i phyir/ yang dag pa'i lta bas dge ba'i rtsa ba nying mtshams sbyor ba las zhes bya ba smos te/mtshams ni the tshom yod lta bas/ /zhes 'byung ba'i phyir ro/ /lung ma bstan la de nyid do/ /zhes bya ba la/ lung du ma bstan pa'i sems rnyed pa la ni lung du ma bstan pa de nyid rnyed par khong du chud par bya'o/ /ci'i phyir zhe na/ ma bsgribs la lung du ma bstan pa'i sems kyis ni nying mtshams sbyor ba ma yin la/'dod chags dang bral ba yang ma yin zhing / yongs su nyams pa yang ma yin no/ /ma bsgribs la lung du ma bstan pa ni sbyor bas 'thob pas cung zad kyang med la/ dge ba'i rtsa ba nying mtshams sbyor ba'i tshe yang ma yin no//lhag ma ni rnam par bshad pa 'di nyid kyis khong du chud par bya'o zhes bya ba la/ /lhag ma yang gang zhig yin zhe na/ nyon mongs can gyi sems la ni/ /mkhas pa rnams kyis dgu rnyed brjod/ /ces gang smras pa'o/ /'di gang gi lhag ma yin zhe na/ dge ba'i sems la drug yin te/ / lung ma bstan la de nyid do/ /zhes bya ba tshigs su bcad pa phyed phyi ma'i phyed po don bshad zin pa can gyi ste/ mdzod mkhan 'di nyid kyis don bshad zin to/ /rnam par bshad pa gang gis 'di'i don khong du chud par bya zhe na/ khams gsum pa yi nyon mongs pa can/ /drug dang drug dang gnyis rnyed do//zhes bya ba 'di nyid kyis te/ de dag kho na khyad par med par dgur byas pa yin no/ /ji ltar zhe na/ 'dod pa na spyod pa'i nyon mongs pa can la/ khams su slar log pa las 'dod pa na spyod pa'i dge ba dang / mi dge ba dang bsgribs la lung du ma bstan pa dang gsum dang /gzugs na spyod pa la khams su slar ldog pa las gzugs na spyod pa gsum dang / 'dod pa na spyod pa ma bsgribs la lung du ma bstan pa sprul pa'i sems dang / yongs su nyams pa las gzugs med pa na spyod pa'i nyon mongs pa can dang slob pa'o/ /'di'i bsdu ba'i tshigs su bcad pa ni//ldog las 'dod khams gsum yin te/ /gzugs na bzhi'o de bzhin du/ /nyams las gzugs med gtogs slob ste/ /ma phyed de bzhin gshegs par bya/ /zhes bya ba 'di yin te/ 'di ni don go zin pa'i phyir yang rnam par mi bshad do/ /skye dang snyoms par 'jug pa dang //zhes bya ba la sogs pa la tshigs su bcad pa 'di ni/ /khams gsum pa yi nyon mongs can/ /zhes bya ba'i tha tshig le'ur byas pa de las rnyed pa bshad pa gang yin pa de bsdu bar bya ba'i phyir ro/ /skye ba'i tshe ji ltar rnyed ce na/ dge ba dang nyon mongs pa can dang ma bsgribs la lung du ma bstan pa rnams te/khams gsum slar log pa las de dag rnyed do/ /snyoms par 'jug pa'i tshe ji ltar zhe na/ gzugs dang gzugs med pa na spyod pa'i dge ba dag ni de pa'i ting nge 'dzin thob pa lags so/ /'dod chags dang bral ba'i tshe ji ltar zhe na/ slob pa la bzhi/ 'phags pa'i lam gyis 'dod pa dang gzugs kyi khams las 'dod chags dang bral bar byed pa na sprul pa'i sems la sogs pa rnams rnyed par bshad pa lta bu'o//yongs su nyams pa'i tshe ji ltar zhe na ji skad du/ gzugs med pa na spyod pa'i nyon mongs pa can dang slob pa'o zhes bshad pa lta bu'o//dge ba'i rtsa ba nying mtshams sbyor ba'i tshe ji zhe na/ the tshom mam yang dag pa'i lta bas dge ba'i rtsa ba nying mtshams sbyor ba la dge ba lta bu'o/ /sems de dang ldan pa min las/ /zhes bya ba ni ji skad du bshad pa'i sems rnams dang mi ldan pa las rnyed ces bya ba'i tha tshig go//slob dpon gang ba spel bas mdzad pa/ chos mngon pa mdzod kyi 'grel bshad mtshan nyid kyi rjes su 'brang ba zhes bya ba las dbang po bstan pa zhes bya ba mdzod kyi gnas gnyis pa'i 'grel bshad do// //da ni zhes bya ba la/ 'di ni mdzod kyi gnas gsum pa'i 'grel bstan par bya ba'i phyir smos so//'dod pa dang gzugs dang gzugs med pa'i khams kyi nges pas sems la sogs pa bstan pa byas pa zhes bya ba la/ nges pa'i dngos po ni nges pa yin pa'am/ nges pa nyid nges pa yin te/ des na/ 'dod yid dge dang mi dge dang / /bsgribs pa dang ni ma bsgribs pa//gzugs dang gzugs med pa dag na/ /mi dge las gzhan zhes sems la sogs pa bstan pa byas pa yin no/ /sogs pa zhes bya ba'i sgras ni khams dang dbang po la sogs pa bsdu ste/ ji skad du/ 'dod khams gtogs pa thams cad do/ /gzugs kyi khams na bcu bzhi'o//zhes bya ba la sogs pa dang / de bzhin du dbang po rnams kyang / /dri med ma gtogs 'dod par gtogs/ /pho mo'i dbang dang sdug bsngal dag /ma gtogs gzugs gtogs zhes rgyas par bshad la/ thal ma thag tu yang / khams gsum pa yi nyon mongs can//zhes bya ba la sogs pa bshad na/ 'dod pa dang gzugs dang gzugs med pa de dag gi mtshan nyid ma bstan pa yin pas 'dri ba ni de la 'dod pa dang gzugs dang gzugs med pa'i khams de dag gang yin pa brjod par bya ste zhes bya'o/ /de'i phyir/ dmyal ba yi dags dud 'gro dang //mi rnams zhes bya ba rgyas par smos te/ 'di dag la yid du 'ong ba cung zad kyang med pas dmyal ba dag go/ /skom pas yongs su non pas na yi dags so/ /dud de 'gro bas na dud 'gro'o/ /yid shas che ba'i phyir na mi dag go/ /'jig rten pa rnams na re shed kyi bu yin pas na'o zhes zer ro//'di dag gi khang khyim nam mkha' la yod pa'am/ de la gnas pas na lha'o/ /rtse bas na lha ste rol pas na zhes bya ba'i don to/ /rgyal po chen po'i gnas bzhi yod pa ni rgyal chen bzhi'i ris pa rnams te/ bar gyi tshig mi mngon par byas pa'i phyir ba glang gi shing rta bzhin no//rnam pa gcig tu na 'di dag la rgyal po chen po bzhi'i dbang phyug yod pas na rgyal chen bzhi pa rnams so/ /legs par byas pa lhan cig tu byas pa dag gis der skye bas na sum cu rtsa gsum pa rnams so/ /'jig rten pa rnams na re nor lha brgyad dang / tha skar gyi bu gnyis dang /drag po bcu gcig dang / nyi ma bcu gnyis te/ de ltar na nye dbang sum cu rtsa gnyis dang / dbang po gcig ste sum cu rtsa gsum mo zhes zer te/ gsung rab las kyang de'i rjes su 'brangs te de ltar ming bsnyad do/ /sdug bsngal dang bral zhing bye ba ni 'thab bral ba rnams so//dga' ba dang ldan zhing nye bar 'brel par gnas pas na dga' ldan pa rnams te/ 'di ni dga' ba mgu ba'o dga' ba rangs pa'o zhes bya ba'i skad kyi dbyings dag la yin no/ /'di dag la rang gis sprul pa'i longs spyod la dga' bas 'phrul pa la dga' ba yod pas na 'phrul dga' ba rnams so//gzhan gyis sprul pa'i longs spyod dag dbang sgyur bar byed pas na gzhan 'phrul dbang byed pa rnams so/ /dmyal ba chen po brgyad de zhes bya ba la/ yang sos ni gang na sems can lus bcad cing gtubs pas 'chi ba rnams yang sos pas na yang sos so/ /thig nag ni gang na sems can rnams thig nag pos btab nas 'dra ba'o//bsdus 'joms ni gang du sems can rnams ngos gnyis nas lug lta bu'i ri 'ongs te 'joms pa'o/ /ngu 'bod ni gang du sems can rnams gzir ba na mchog tu rnam par 'gyur zhing nga ro 'byin pa'o/ /gang du khyad par du yin pa de ni ngu 'bod chen po'o//tsha ba ni gang du sems can rnams me la sogs pa dag gis gdung bar byed pa'o/ /gang du khyad par du yin pa de ni rab tu tsha ba'o/ /mnar med pa ni gang du sems can me 'bar bas te por bskor ba rnams la bde ba'i mnar med do/ /yang na sdug bsngal la bar mtshams med pa'i phyir mnar med pa'o//'dzam bu'i gling ni 'dzam bus mtshon pa'i gling ngo / /shar gyi lus 'phags ni lhun po'i shar na'o/ /nub kyi ban glang spyod ni gang zhig nub na yod pa'o/ /byang gi sgra mi snyan ni byang na'o/ /'di dag ni ming ste gling de dag ni 'jig rten la grags par zad do//bshad ma thag pa'i lha'i rigs drug dang zhes bya ba la/ dmyal ba brgyad dang gling bzhi dang / rgyal chen bzhi la sogs pa bshad ma thag pa drug dang / yi dags dang dud 'gro ste/ de ltar na gnas nyi shu po de dag ni 'dod pa'i khams yin no/ /chu bur can la sogs pa grang ba'i dmyal ba brgyad ni yang sos la sogs pa rnams kyi ngos bzhin de dag gi 'khor lta bur gnas te/des na gtso bo ma yin pa'i phyir grang ba'i dmyal ba rnams logs shig tu ma bstan la/ nyi tshe ba'i dmyal ba rnams kyang yul dang grangs dang tshad ma nges pas logs shig tu ma brjod do//de nyid kyi phyir dmyal ba chen po zhes khyad par la brten te/ gzhan dag kyang yod bzhin du snyam du bsams pa'o/ /der so sor/ bsam gtan sa ni gsum pa yin/ /zhes bya ba rgyas par 'byung ba la/ re zhig bsam gtan gsum ni chung ngu dang 'bring dang chen po'i dbye bas re re zhing sa rnam pa gsum yin no//bzhi pa ni chung ngu dang 'bring dang chen por phye ba'i phyir dang / de ni rnam pa lnga yi phyir/ /gnas gtsang skye ba lnga kho na/ /zhes 'phags pa'i yang rnam pa lngar phye ba'i phyir sa brgyad pa nyid do/ /las chen po las skyes pa'i phyir tshangs pa'i ris na yod pa ni tshangs ris rnams so//gzhan dag ni tshangs pa'i 'khor du byung ba'i phyir tshangs 'khor te/ tshangs pa'i rim gro pa zhes bya ba'i don to/ /gzhan dag ni mdun na 'don lta bur 'dug pas mdun na 'don te zhes 'don to/ /tshangs pa'i mdun na 'don par byed pas na tshangs pa'i mdun na 'don rnams so//tshe dang kha dog la sogs pa'i khyad par dag gis tshangs chen yin pas na tshangs chen rnams te/ tshangs pa yang de dag yin la tshangs pa chen po yang yin pas na tshangs chen no/ /'di dag la rang gi sa la ltos nas 'od chung bas na 'od chung rnams so/ /'di dag la 'od gzhal du med pa yod pas na tshad med 'od rnams so//'di dag la sprin las glog ltar gang rung rung nas 'od 'byung zhing 'phro ba yod pas na 'od gsal rnams so/ /yid kyi sa pa'i bde ba la dge ba zhes brjod de/ 'di dag la rang gi sa la ltos nas chung ngu yod pas na dge chung rnams so/ /'di dag la dge ba gzhal du med pa yod pas na tshad med dge rnams so//'di dag la dge ba mtha' dag yod pas na dge rgyas rnams te/ de bas mchog tu gyur pa'i bde ba ni gzhan na med do snyam du bsams pa'o/ /'di dag la sprin bzhin du sa dang 'brel pa med pas na sprin med rnams te/ de'i gzhal med khang /sems can bcas te 'byung 'jig phyir/ /zhes 'byung ba'i phyir ro/ /'di dag mi g.yo ba'i las las byung ba'i phyir bsod nams dag las skyes pas na bsod nams skyes rnams so/ /'di dag la gnas gzhan la rag las pa'i 'bras bu chen po so so'i skye bo pa thams cad pas mchog tu gyur pa 'byung bas na 'bras bu che ba rnams so//so so'i skye bo dang ma 'dres pa'i phyir 'di dag gi gnas gtsang ma rnams so/ /dus thung ngus bdag dang gnas gtong zhing 'dor bar mi byed pas na mi che ba rnams so/ /gzhan dag na re ni 'di dag la nyon mongs pa'i tshad chen po lus pa med pas na'o zhes zer ro//ting nge 'dzin khyad par du 'phags pa bsgoms pa'i phyir nyon mongs pa rnams kyis gdung bar mi byed pas na mi gdung ba rnams so/ /yang na bsam pa dge ba'i phyir gzhan dag gdung bar mi byed pas na mi gdung ba rnams so/ /snang ba yongs su dag pa'i phyir legs par snang bas na gya nom snang rnams so//mthong bas mdzes pa'i phyir shin tu mthong rnams so/ /snyoms par 'jug pa mchog dang ldan pa'i phyir dang / de'i gong na gzhan med pa'i phyir de dag 'og ma yin pas na 'og min te/ thu bor gyur pa'i phyir ro/ /gzhan dag na re bsags pa'i gzugs kyi mtha' yin pa'i phyir gzugs mtha' yin no zhes zer ro//de'i phyir de dag ni gnas bcu bdun zhes bya ste/ gnas kyi sgras gnas pa bstan to/ /de ltar na nyi 'og pa'i lugs kyis ni gzugs kyi khams gnas bcu bdun te/ tshangs chen pa rnams tshangs pa'i mdun na 'don pa dag pas tshe dang lus kyi tshad dang rtog pa dang tshor ba la sogs pa tha dad pas tha dad pa'i phyir sa gzhan yin no//kha che ba rnams na re bcu drug pa yin te tshangs pa'i mdun na 'don kho na dag na tshangs pa chen po'i gnas ches mchog tu gyur pa zhig yod do zhe'o/ /pags pa bzhin du zhes bya ba ni bang rim bzhin du ste/sa gzhan ni med do/ /gzugs med khams na gnas med do/ /zhes bya ba la/ 'di la gnas yod pa ma yin pas na gnas med do/ /gzugs can ni 'das pa dang ma 'ongs pa rnams yul na mi gnas pa yin gyi/ da ltar ba ni ma yin no/ /gzugs can ma yin pa rnam par rig byed ma yin pa dang bcas pa rnams ni thogs pa med pa'i phyir dus gsum kar yang yul na mi gnas pa yin la/gzugs med pa rnams kyang gzugs med pa ma yin te/ de'i phyir yul na mi gnas so/ /gal te de lta na 'o na de rnam pa bzhi yin zhe na/ skye ba las ni rnam pa bzhi zhes bya ba smos so//de dag la yul gyis byas pa'i blo ni med de zhes bya ba ni yul na mi gnas pa'i phyir ro/ /ting nge 'dzin thob pa rnams zhes bya ba rgyas par 'byung ngo / /gal te de nyid du skye na ji ltar yul na mi gnas pa yin zhe na/ rten snga ma'i sgo nas de nyid du skye'o zhes bya bar gdags kyi yul de na gnas pa nyid kyis ni ma yin te/gzugs kyi lus med pa'i phyir gzhan du ni ma yin no snyam du bsams pa'o/ /'o na 'chi 'pho ba rnams kyis srid pa bar ma de nyid du ji ltar 'grub ce na/ yul de'i lus la chags pas 'jug pa rnyed pa las bag chags yongs su rgyas pas de nas 'chi 'pho ba rnams kyi srid pa bar ma yang de nyid du 'grub pas skye ba'i bye brag gis rnam pa bzhi nyid yin par rigs so//gal te bla 'og med na de dag gi go rims gang gis byas she na/ 'dod chags dang bral ba dang snyoms par 'jug pas byas pa dang /tshe dang skye bas byas pa zhig ste/ de dag skye ba'i rgyu ni ji lta ji ltar 'bras bu mang ba'i phyir ro/ /ji ltar sems can gzugs can rnams zhes bya ba rgyas par 'byung ba la/ 'dri ba'i bsam pa ni 'di na 'dod pa dang gzugs kyi khams dag gi sems dang sems las byung ba rnams ni bdag med na gzugs la brten te 'jug par brtags na/gzugs med pa dag na ni gzugs med de/ des na de na rten med pa'i phyir sems dang sems las byung ba 'jug par mi 'gyur ro snyam pa'o/ /de'i phyir de'i rten khong du chud par bya ba'i phyir/ der ni ris dang srog la yang zhes bya ba la sogs pa smos so//yang zhes bya ba'i sgra ni ldan pa ma yin pa'i 'du byed gzhan bsdu bar bya ba'i phyir te/ de dag kyang so so'i skye bo nyid dang thob pa dang skye ba la sogs pa'o/ /de dag gi rten nyid ni sems dang sems las byung ba 'jug pa'i rgyu mtshan gyi dngos por nye bar 'gro ba gang yin pa de yin te/gang zhig yod pa dang med pa dag na gang zhig 'jug pa dang ldog pa de ni de'i rten zhes bya'o/ /chos mngon pa zhes bya ba smos pa de dag ni ldan pa ma yin pa'i 'du byed rdzas su med pa'i phyir rten gyi dngos por mi rung ngo zhes shes par bya ba'i phyir ro//'o na ci'i phyir sems can gzugs can rnams kyi zhes bya ba rgyas par 'byung ba la/ yang ji ltar gzugs can dag na ris dang srog la brten nas 'jug pa ma yin pa zhes bya ba 'di shes par bya zhe na/ lus kyi dbang po med na de med pa'i phyir ro/ / gang zhig gang gi rten yin pa de ni nam yang de'i rten ma yin par rigs pa yang ma yin te/ de'i phyir gzugs can rnams kyis kyang de gnyis kho na la brten nas 'jug par khas blang bar bya dgos so/ /stobs chung ba'i phyir ro zhes bya ba la/ sems kyi rgyud ces tshig lhag ma dang sbyar bar bya'o/ / de stobs chung ba nyid ni sems kyi rgyud gzugs kyi 'du shes dang ma bral ba'i phyir te/ stobs chung ba ni rten stobs dang ldan pa la ma ltos par 'byung bar mi nus so/ /de'i phyir de ni gzugs la brten nas 'jug go/ /des na ris dang srog kyang brten nas 'jug ste/ de nyid kyang stobs chung ba'i phyir ro//des na ci'i phyir stobs dang ldan pa nyid yin zhes bya ba ni gzugs med pa'i sems kyi rgyud de ste/ de'i phyir snyoms par 'jug pa'i khyad par las skyes pa'i phyir te zhes bya ba smos so/ /snyoms par 'jug pa de snyoms par 'jug pa gzhan las khyad par du 'phags pa bstan pa'i phyir snyoms par 'jug pa de ni gzugs dang bral ba'i 'du shes can yin no zhes bya ba smos te/gzugs kyi 'du shes dang bral ba zhes bya ba'i don to/ /de'i phyir de na gzugs la mi ltos par ris dang srog la brten nas 'jug ste/ dper na 'dod chags dang bral ba'i phyir gzugs kyi khams na kham gyi zas med par lus gnas la/de'i 'dod chags ma bral ba'i phyir 'dod pa'i khams na ni ma yin pa bzhin no/ /'o na ni stobs dang ldan pas te snyoms par 'jug pa'i khyad par gyis skyed pa de kho nas ris dang srog la ltos pa med par 'jug par 'gyur gyi rten gzhan gyis ci zhig bya/ ji ltar gzugs can rnams kyis zhes bya ba rgyas par 'byung ba la/ ji ltar gzugs rnams kyi ris mthun pa dang srog gi dbang po gzugs la brten nas yin pa de ltar gzugs can ma yin pa rnams kyi de dag ci la brten nas yin/ de gnyis nyid phan tshun du'o zhes bya ba la/ ris mthun pa ni srog gi dbang po la brten nas 'jug la/srog gi dbang po yang ris mthun pa la brten nas so/ /de gnyis zhes bya ba ni ris mthun pa dang srog gi dbang po gnyis so/ /stobs chung ba'i phyir ro zhes bya ba ni de dag gi rgyu gzugs kyi 'du shes dang ma bral ba'i phyir stobs chung ba nyid do/ /de na zhes bya ba ni gzugs med pa'i khams na'o//snyoms par 'jug pa'i khyad par las skyes pa'i phyir ro zhes bya ba ni de'i rgyu gzugs kyi 'du shes dang bral ba yin pa'i phyir ro zhes bya ba'i don to/ /de ni sems kyi rgyud la yang mtshungs so/ /de gang zhe na/ ting nge 'dzin gyi khyad par las skyes pa'i phyir stobs dang ldan pa nyid de/de'i phyir rten med pa kho nar 'jug par 'gyur ro/ /yang na skad cig ma dang po la brten nas gnyis pa 'jug pa la sogs pa'o/ /sems dang sems las byung ba dag la yang zhes bya ba la/ gal te mi brten pa'am 'gag pa la brten par mi 'dod na/ 'o na ni de dang ris mthun pa dang srog gi dbang po gnyis phan tshun bsten nas 'jug pa de bzhin du sems la brten nas sems las byung ba rnams sam/ sems las byung ba rnams la brten nas sems 'jug pas de las gzhan pa'i rten yongs su rtog pa dgos pa med do/ /gzhan yang sems kyi rgyun gang gis zhes bya ba rgyas par 'byung ba la/sems kyi rgyun gyi 'phen pa'i rgyu ni las dang nyon mongs pa'i mtshan nyid do/ /sred pa dang bral ba zhes bya ba ni sred pa dang mi ldan zhing bral ba'o/ /gang zhe na gzugs la ste/ sems kyi rgyud de ni gzugs la mi ltos par 'jug go/ /rgyu de la rgyab kyis phyogs pa'i phyir ro zhes bya ba ni gzugs la rgyab kyis phyogs pa'i phyir ro//'dod pa dang ldan pa'i khams ni 'dod pa'i khams so zhes bya ba la/ gnas nyi shu ni 'dod pa'i gtso bo yin pa'i phyir 'dod pa'i sgras brjod do/ /de dang ldan pa ni de dang bral ba ma yin pa ste/ de'i khongs su 'du zhes bya ba'i don to//gnas bcu bdun ni gzugs gtso bo yin pa'i phyir gzugs kyi sgras bsnyad de/ de dang ldan pa'i khams ni gzugs kyi khams so/ /rdo rje'i sor gdub lta bu dang / /zhes bya ba la/ rdo rje dang ldan pa'i sor gdub ste 'gu ya'am gdu bu ni rdo rje'i gdu bu yin pa bzhin no//na le sham gyi btung ba zhes bya ba bzhin no zhes bya ba la/ ji ltar bar gyi tshig mi mngon par byas pa'i phyir na le sham dang ldan pa'i btung ba ni na le sham gyi btung ba yin pa de bzhin du/ 'dod pa dang ldan pa'i khams kyang 'dod pa'i khams la sogs pa yin no//gzugs med pa'i khams na gnas med pa'i phyir ro/ /gzugs med pa'i ngo bo ni gzugs med pa nyid do zhes bya ba smos te/ de ni thogs pa med pa nyid do/ /de dang ldan pa'i khams ni zhes bya ba ni thogs pa med pa'i bdag nyid can no zhes bya ba'i don to/ / yang na 'dod pa rnams kyi khams ni zhes bya ba 'byung ngo / /'dod pa rnams kyi khams de yang gang zhig ce na/ gang zhig 'dod pa rnams 'dzin pa'o zhes bya ba smos te srel zhes bya ba'i don to/ /gzugs dang gzugs med pa'i khams dag kyang de dang 'dra bar rig par bya'o zhes bya ba la/gzugs rnams kyi khams ni gzugs kyi khams te/ gang zhig gzugs rnams 'dzin pa'o/ /de bzhin du gzugs med pa rnams kyi khams ni gzugs med pa'i khams te/ gang zhig gzugs med pa rnams 'dzin pa'o/ /'dod pa rnams kyi khams ni zhes bya ba smos pa de'i phyir 'dod pa zhes bya ba 'di ci yin zhe na zhes bya ba smos so//kham gyi zas dang 'khrig pa dang ldan pa'i zhes bya ba ni de'i rgyu mtshan can dang / de'i yul can zhes bya ba'i don to/ /ji skad bshad pa'i 'dod chags 'dod pa yin no zhes bya bar ji ltar shes par bya zhe na/ 'jig rten sna tshogs gang de 'dod pa min zhe na rgya cher 'byung ba'i lung las so//kun du rtog pas skyed pa'i 'dod chags ni kun rtog 'dod chags te/ de ni tshul bzhin ma yin pa'i rtog pa sngon du 'gro ba can yin pa'i phyir ro/ /de'i phyir tshigs su bcad pa 'di las ni kun du rtog pa'i 'dod chags kho na 'dod pa yin no zhes bya bar shes so//de ni mi dge'i rtog pa kun rtog tshe/ /dge slong yang ni 'dod spyod can du 'gyur/ /zhes bya ba la/ mngon du gyur pa tsam zhig de dag gis nye bar longs spyod pa yin pa'i phyir ro/ /'dod pa nye bar longs spyod pa ni rnam pa gsum ste/ lus dang ngag dang yid kyis so//'phags pa shA ri'i bus zhes bya ba ni gong du smras pa khyad du bsad nas skyon gzhan smras pa'o/ /gal te 'jig rten zhes bya ba rgyas par 'byung ba la/ gal te gzugs la sogs pa yul sna tshogs pa dag yin no zhes bya ba khyod kyi phyogs yin zhing / ston pa yang khyod kyis 'dod chags dang bral bar khas blangs na/des na khyod kyi ston pa 'ong 'dod spyod can du 'ong ste 'gyur ro/ /gzugs rnams mthong nas ni zhes bya ba ni dpe tsam zhig ste/ reg rnams reg na ni zhes bya ba'i bar du yang de bzhin du khong du chud par bya'o/ /'di ltar mthong ba dang thos pa dang / bsnams pa dang myangs pa dang /reg pa rnams ni yul gyi 'dod pa rnams nye bar longs spyod pa yin pas khyod kyi ston pa 'dod chags dang bral ba yang gzugs kyi reg pa la sogs pa la 'dod pa nye bar longs spyod pa can nyid du 'gyur ro/ /kho bo'i ltar na ni dge slong 'dod chags dang ma bral ba kho na 'dod pa spyod pa can du 'gyur gyi 'dod chags dang bral ba ni ma yin la/de yang yid kyi sgo nas 'gyur gyi lus dang ngag gi sgo nas ni ma yin no/ /'di tsam gyis ni dge slong dge slong ma yin par 'gyur ba yang ma yin te/ 'o na ci zhe na/ pham par 'gyur ba'i ltung ba dang 'brel pa las yin la/ de yang lus kho na'i sgo nas yin no//de'i phyir skyes bu'i kun du rtog pa'i 'dod chags 'dod pa yin no zhes bya bar grub po/ /yang ci chos gang dag ces bya ba rgyas par 'byung ba la/ gang dag ces bya ba ni kha cig dag ces bya ba'i don to/ /'dod pa'i khams na ni snyoms par 'jug pa'i tshe/gzugs dang gzugs med pa dang zag pa med pa rnams kun du spyod la/ gzhan gyi tshe ni thob pa'o/ /gzugs kyi khams na ni 'dod par gtogs pa'i sprul pa'i sems dang / gzugs med pa dang zag pa med pa'i chos rnams kun du spyod do/ /gzugs med pa'i khams na ni zag pa med pa kho na kun du spyod do//smras pa ma yin no zhes bya ba ni 'gog pa'o/ /'o na ci zhe na/ gang dag la 'dod pa dang gzugs dang gzugs med pa'i 'dod chags dag rgyas par 'gyur ba'o zhes bya ba 'byung ste/ ci rigs par dmigs pa 'am mtshungs par ldan pa'i sgo nas so/ /da ni 'di rta dang bres lta bu yin te zhes bya ba la/'di rta brtod sa'i yin pa ni bres so/ /gnyi ga yang mi shes pa'i phyir bres dang 'dra ba ni bres lta bu ste/ de bzhin du 'dir yang 'dod chags dag gis khams rnams bsgrub cing khams rnams kyis kyang 'dod chags dag yin pas 'di gnyis ka yang mi 'grub po zhe na/gnas brtan pa de de dag la 'dod chags dang ma bral ba'i 'dod chags gang yin pa de ni 'dod pa'i 'dod chags yin la/ de gang du rgyas par 'gyur ba'i chos de yang 'dod pa dang ldan pa yin no/ /de bzhin du zhes bya ba rgyas par 'byung ba la/ gong ma'i gnas dag bcu bdun ni/ / zhes gzugs kyi khams gsum gnas brtan pa'i gnas de dag la 'og ma'i 'dod chags dang bral ba'i 'dod chags gang yin pa de ni gzugs kyi 'dod chags yin la/ de gang du rgyas par 'gyur ba'i chos de yang gzugs dang ldan pa yin no/ /de bzhin du/ gzugs med khams na gnas med do//skye ba las ni de rnam bzhi/ /zhes gzugs med pa'i khams su skye ba bstan pa de dag la 'dod chags dang ma bral ba'i 'dod chags gang yin pa de ni gzugs med pa'i 'dod chags yin la/ de gang du rgyas par 'gyur ba de yang gzugs med pa dang ldan pa yin no/ /de nyid bde blag tu khong du chud par bya ba'i phyir rnam grangs gzhan gyis bstan pa ni yang zhes bya ba ste/bsam gtan dang gzugs med par skye ba dang snyoms par 'jug pa dag la 'dod chags pa ni gzugs dang gzugs med pa'i 'dod chags so/ /sprul pa'i sems la ji ltar 'dod pa'i 'dod chags pa yin zhes bya ba ni 'dod pa na spyod pa'i sprul pa'i sems ni 'dod pa'i khams las 'dod chags dang bral ba rnams kho na'i bsam gtan gyi 'bras bu yin la/'dod pa na 'dod chags dang bral ba la 'dod pa'i 'dod chags 'byung ba yang ma yin zhing / 'dod pa'i 'dod chags rgyas par mi 'gyur ba ni 'dod par gtogs pa yin par 'os pa yang yin no zhes 'gal bar mthong ba can gyi dri ba'o//thob pa dang yongs su nyams nas de la chags pa'i phyir ro zhes bya ba la/ rnal 'byor pa rnams ni de ltar 'dod pa na spyod pa'i sprul pa'i sems kyis 'dod pa na spyod pa'i sprul pa sprul par byed do zhes thos nas de la dmigs pa'i 'dod chags skye la/'dod pa'i 'dod chags dang bral ba las yongs su nyams te/ rjes su dran nas sprul pa'i sems la chags par byed do/ /yang na sprul pa'i dbang gis zhes bya ba rgyas par 'byung ba la/ 'dod pa na spyod pa'i sprul pa mthong nas e ma kyi hud bdag la yang 'di 'dra ba'i sems yod par gyur cig snyam du sprul par byed pa'i sems la yang 'dod pa nyon mongs pa can 'byung ngo //yang na dri dang ro sprul pa'i phyir na sprul pa'i sems de 'dod pa na spyod pa nyid yin no/ /de nyid la rgyu smras pa ni/ gzugs na spyod pas ni de nyid mi sprul pa'i phyir ro zhes bya ba ste/sa gzhan gyi bsam gtan gyi 'bras bu ni sa gzhan gyi sprul pa mi sprul la/ de dag kham gyi zas kyi 'dod chags dang bral ba'i phyir dri dang ro sprul par yang mi rigs so/ /gal te sa dang khams skal ba mi mnyam pa la rgyas par mi 'gyur ba'i phyir rang gi khams pa'i phra rgyas thams cad kyi khams bstan par 'gal ba med bzhin du/ci'i phyir 'dod chags kho nas bsnyad ce na/ phal cher rgyas par 'gyur ba'i phyir te/ 'di ltar sems can rnams ni yang dang yang du 'dod chags kho na la kun du spyod pa yin no/ /yongs su gtugs pa zhes bya ba ni zad pa zhes bya ba'i don to//gnya' shing tsam zhes bya ba ni char gyi rgyun gnya' shing gi tshad dang 'dra ba'o/ /mtshams dang bar med do zhes bya bas ni 'dab chags par ston to/ /steng dang 'og ces pa ni ma gsungs so zhes bya ba la/ de'i phyir 'jig rten gyi khams rnams thad kar gnas par bstan to//gang 'dod pa'i khams gcig las 'dod chags dang bral ba de ni zhes bya ba rgyas par 'byung ste/ de lta ma yin na khams gsum dag mtha' yas pa'i phyir gcig tu grol ba gzhan du bcings pas thar pa med pa nyid du 'gyur ro/ /gzugs dang gzugs med pa dag las kyang de dang 'dra'o zhes bya ba la/ji ltar zhe na/ gang gzugs kyi khams gcig las 'dod chags dang bral ba de ni thams cad las te/ nyon mongs pa'i gnyen por mtshungs pa'i phyir ro/ /gzugs med pa'i khams las kyang de dang 'dra'o/ /de kho na yod pa'i tshangs pa'i 'jig rten du zhes bya ba la sogs pa 'byung ste/de lta ma yin na ston pa ltar thams cad kyi 'gro ba mtha' thug pa med par thal bar 'gyur ro/ /khams rnams bshad zin to/ /da ni 'gro ba rnams brjod par bya ste/ de dag kyang gang dang gang na yin pa mi shes te de'i phyir khams gsum po bshad pa gang yin pa/ der dmyal sogs pa 'gro ba lnga/ /rang gi ming gis bstan zhes bya ba smos so/ /dper na grong bud med las tha dad pa yin pas grong na bud med yod do zhes brjod pa ltar rten dang brten pa'i dngos po ni tha dad pa nyid du mthong ba'i phyir te de nyid kyi phyir/ gang gis na de dag khams dag tu zhes bya ba 'dir rgyas par dris so//khams rnams ni 'gro ba 'ba' zhig yin par ma zad kyi/ 'o na ci zhe na/ 'gro ba ma gtogs pa yang yod do/ /de rnams ni dge ba dang nyon mongs pa can dang zhes bya ba rgyas par 'byung ste/ 'dir ni khams 'gro ba ma gtogs pa yod par bstan pa'i phyir khams dag tu 'gro ba rnams zhes bya ba bshad do//nyon mongs can min lung bstan min/ /zhes bya ba la/ nyon mongs pa can ma yin pa smos pa ni nyon mongs pa can rnam par gcad par bya ba'i phyir ro/ /lung du bstan pa ma yin pa smos pa ni dge ba gsal bar bya ba'i phyir ro/ /sems can zhes bya ba ni snod kyi 'jig rten gsal bar bya ba'i phyir ro//'gro ba rnams ni ma bsgribs la lung du ma bstan pa kho na'o zhes bya ba ni rnam par smin pa'i rang bzhin yin pa'i phyir ro/ /'dis ni de dag sems can du ston pa nyid du bshad par 'gyur te/ sems can du ston pa la rnam par smin pa srid pa'i phyir ro/ /de lta ma yin na 'gro ba 'chol bar 'gyur ro zhes bya ba ni 'gro ba rnams 'dres pa'i ngo bo ste tha mi dad ces bya ba'i don to//gal te 'gro ba dag lung du ma bstan pa nyid du mi 'dod na ni sems can rnams phal cher 'gro ba gzhan gyi dge ba dang nyon mongs pa can dag dang yang ldan no/ /lung du ma bstan pa dag dang ni ma yin te/de dag gi thob pa lhan cig skye ba yin pa'i phyir ro/ /yang na 'gro ba thams cad 'grub par 'gyur ba'i las rnams mi la sogs pa'i 'gro ba'i rgyu yin la de rnams kyang 'gro ba gzhan dag der gtogs pa'i phyir te/ de ltar na mi la sogs pa'i 'gro bar dmyal ba la sogs pa'i 'gro ba yod par thal bar 'gyur ro//'gro ba rnams ni sems can du ston pa ma yin pa med la/ srid pa bar ma'i rang bzhin yang ma yin no zhes bya ba 'di go ga las she na/ bstan bcos las so zhes bstan pa'i phyir btags pa las kyang zhes bya ba rgyas par smos so/ /skye gnas bzhis ni 'gro ba lngas bsdus kyi zhes 'byung ba las na/skye gnas rnams sems can zhes pa kho na yin pa'i phyir 'gro ba rnams kyang sems can zhes bya ba kho na yin no zhes shes par 'gyur ro/ /'gro ba rnams sems can zhes bya ba ma yin pa nyid yin na ni skye gnas dag tu 'du bar mi 'gyur te/ dper na 'gro ba rnams su skye gnas dag mi 'du ba dag bzhin no//'gro ba lngas ni skye gnas bzhi zhes bya ba la ci zhe na/ ma bsdus te skabs dang sbyar ro/ /ci zhig ma bsdus she na/ srid pa bar ma'o zhes 'byung ba las na/ de bsdus te skye ba'i skye gnas kyis bsdus kyang / 'gro ba rnams su ma 'dus pa'i phyir 'gro ba srid pa bar ma ma yin no zhes bya bar shes par 'gyur ro//de lta ma yin na skye ba'i srid pa la sogs pa dang 'dra bar de yang 'gro bas bsdus par 'gyur ro/ /de'i phyir srid pa bar ma 'gro ba'i rang bzhin ma yin no/ /yang 'gro ba srid pa bar ma ma yin no zhes bya ba la/ bstan bcos gnyis pa dper brjod pa ni chos kyi phung po las kyang zhes bya ba rgyas par 'byung ba ste/'di las ni bsgoms pa las byung ba ltar srid pa bar ma pa yang dmyal ba la sogs pa'i mig gi dbang po las tha dad par logs shig tu bstan te/ de'i phyir de yang bsgoms pa las byung ba ltar dmyal ba la sogs pa'i 'gro bas bsdus pa ma yin pas srid pa bar ma 'gro ba'i rang bzhin ma yin no zhes bstan par 'gyur ro//gzhan du na ni dmyal ba la sogs pa'i mig gis srid pa bar ma pa yang bstan pas yang ci'i phyir brjod/ bstan bcos las srid pa bar ma 'gro ba rnams las logs shig tu mdzad pa 'ba' zhig tu ma zad de 'o na ci zhe na/mdo las kyang srid pa bar ma 'gro ba rnams las logs shig tu mdzad do zhes bya ba rgyas par 'byung ba la/ srid pa bar ma 'gro ba'i rang bzhin ma yin pa dang / 'gro ba rnams lung du ma bstan pa nyid kyi khungs ni las kyi srid pa dang /srid pa bar ma'o zhes dmyal ba la sogs pa dag las logs shig tu smos pa 'dis yin no/ /rgyu dang bcas pa dang 'gro ba dang bcas par bshad do zhes bya ba la/ 'gro ba rnams kyi rgyu ni las kyi srid pa yin la/ 'gro ba ni srid pa bar ma yin te/ 'dis 'gro bar byed pas na zhes byas pa'i phyir ro/ /de nyid kyi phyir zhes bya ba ni mdo'i phyir ro/ /de'i rgyu zhes bya ba ni 'gro ba'i rgyu las kyi srid pa ste/ 'gro ba dag las logs shig tu mdzad pa'i phyir 'gro ba rnams ma bsgribs la lung du ma bstan pa nyid du grub pa yin no/ /kha che ba rnams kyang zhes bya ba la/mdo de ni lung bzhir ma 'dus pa'i phyir kha yar ba zhig de dag gis ston to/ /dmyal ba'i zag pa rnams zhes bya ba rgyas par 'byung ba la/ lus dang ngag dang yid kyi skyon ni g.yos kun nas bslangs pa dag go/ /lus dang ngag dang yid kyi skyon ni zhe sdang gis kun nas bslangs pa dag go//lus dang ngag dang yid kyi snyigs ma ni 'dod chags kyis kun nas bslangs pa dag go/ /rnam par smin pa grub nas dmyal ba zhes bya ba'i grangs su 'gro'o zhes bya ba la/ 'gro ba rnams ma bsgribs la lung du ma bstan pa yin no zhes bya ba 'di la khungs ni 'di yin te/ rnam par smin pa ni ma bsgribs la lung du ma bstan pa'i phyir rnam par smin pa'i gnas skabs na dmyal bar 'gyur gyi/de myong bar 'gyur ba'i las dang nyon mongs pa'i gnas skabs su ni ma yin no zhes bya ba'i don to/ /tshe dang ldan pa de la chos de dag ma gtogs pa dmyal ba mi dmigs so zhes bya ba la/ dmyal ba dag tu gzugs la sogs pa gang dag rnam par smin pa'i bdag nyid du grub pa de dag kho na dmyal ba yin gyi/de dag las gzhan pa'i dmyal ba dge ba'am mi dge ba'i chos ni mi dmigs so/ /de nyid kyi phyir sems can zhes bya ba yang grub ste/ rnam par smin pa ni sems can du brjod pa yin pa'i phyir ro//dmyal ba'i 'gro ba ni 'dir dper brjod pa tsam zhig tu zad do/ /'o na rab tu byed pa'i gzhung zhes bya ba la/ 'dir ci la lan gdab par bya/ 'gro ba rnams ma bsgribs la lung du ma bstan pa yin pa'i phyir bsgom pas spang bar bya ba nyid yin la/ bsgom pas spang bar bya ba la yang bsgom pas spang bar bya ba dang /phra rgyas kun du 'gro ba rnams rgyas par 'gyur gyi gzhan dag ni ma yin te/ de'i phyir thams cad smos pa la lan gdab par bya dgos so/ /rnam pa lnga nyid yin na yang de dag dge ba dang nyon mongs pa can nyid du yang 'gyur ro/ /'gro ba rnams su nying mtshams sbyor ba'i sems rnam pa lnga yod de zhes bya ba ni sdug bsngal dang kun 'byung ba dang 'gog pa dang lam mthong bas spang bar bya ba dang /bsgom pas spang bar bya ba rnams so/ /'jug pa dang bcas pa'i 'gro ba smos pas zhes bya ba la/ 'dir 'gro ba smos pas ni 'jug pa dang lhan cig pa'i 'gro ba gzung ste/'gro ba'i 'jug pa la 'gro ba nye bar btags pa'i phyir ro/ /'gro ba rnams kyi 'jug pa yang nying mtshams sbyor ba'i sems dag yin la/ nying mtshams sbyor ba'i sems kyi 'og rol gyi ma bsgribs la lung du ma bstan pa'i rgyud la grol ba zhes brjod do/ /de dag kyang rnam pa lnga yin pa de'i phyir 'gro ba dag la phra rgyas thams cad rgyas par 'gyur ro zhes gsungs so//de nyid la dpe smos pa ni grong smos na grong gi nye 'khor yang smos pa bzhin no zhes bya ba'o/ /ji ltar grong smos na grong gi nye 'khor smos pa yin zhe na/ grong 'di na sA lu'i zhing yod do/ /'bru'i zhing yod do zhes smra ba'i phyir ro//dper na snyigs ma lnga po dag tu zhes bya ba rgyas par 'byung ste/ tshe dang / bskal pa dang / nyon mongs pa dang / lta ba dang / sems can gyi snyigs ma dag tu'o/ /nyon mongs pa'i rang bzhin du khyad par med kyang nyon mongs pa dag las lta ba'i snyigs ma dag tha dad du gzhag pa ni khyim pa dang rab tu byung ba'i phyogs kyi dbang du mdzad pa'i phyir ro//'gro ba'i rgyu shes par bya ba'i phyir zhes bya ba la/ 'gro ba rnams kyi rgyu ni las kyi srid pa yin te de'i phyir de 'gro ba'i rang bzhin yin yang / 'gro ba'i rgyu shes par bya ba'i phyir tha dad du smos so/ /'di ni srid pa bar ma la yang thal bar 'gyur ro zhes bya ba la/tha dad par smos kyang 'gro ba yin par 'gyur na ni 'gro ba'i rang bzhin kho na 'gro bar shes par bya ba'i phyir tha dad du bstan par 'gyur ro/ /der 'gro bas na zhes bya ba ni las su bsgrub pa yongs su bzung ba yin no/ /srid pa bar ma la ni de ltar mi rung ste/ des na 'gro ba ma yin no//gzugs med pa rnams kyang zhes bya ba rgyas par 'byung ba la/ gzugs med pa rnams 'gro ba ma yin par 'gyur te/ 'chi 'pho ba'i yul nyid du skye ba'i phyir ro/ /'di ltar gzugs med par nye bar 'gro ba rnams ni gtsug lag khang ngam shing drung ngam bsam gtan bzhi pa'i bar gang du 'chi 'pho ba de nyid du skye bas srid pa bar ma dang 'dra bar 'gro bar mi 'gyur ro//de lta na 'o na ni zhes bya ba ni/ phyogs dang po btang nas phyogs gzhan la brten pa'o/ /srid pa bar ma yin pa kho na'i phyir zhes bya ba la/ gang nas 'chi 'pho ba dang gang du 'gro bar 'gyur ba de gnyis kyi bar du 'byung ba'i phyir srid pa bar ma yin no//srid pa bar ma ni 'gro ba'i bar ma do yin na 'gro ba'i bar ma do ni 'gro bar mi rung ngo / /gal te 'gro ba rnams dge ba dang nyon mongs pa can yang yin na/ rnam par smin pa grub nas zhes bya ba 'di ji ltar drang zhe na/ rnam par smin pa grub nas dge ba dang nyon mongs pa can yang dmyal ba zhes bya ba'i grangs su 'gro bas 'gal ba med de/'di ltar gal te 'di rnam par smin pa kho na grub nas dmyal ba zhes bya ba'i grangs su 'gro'o zhes de skad du gsungs na ni de'i phyir phung po gzhan bkag par rtogs par 'gyur ba zhig go/ /'o na tshe dang ldan pa de la zhes bya ba rgyas par 'byung ba la 'dir yang gang zag gi rdzas bkag pa yin gyi phung po gzhan ma bkag pas 'gal ba med do//de dag kyang kha cig na re rnam par smin pa'i rang bzhin dag kho na yin no zhes zer ro/ /ci'i phyir zhe na/ gang gi phyir rnam par smin pa'i phung po las gzhan du dmyal ba mi dmigs so zhes gsungs pa dang / gang gi phyir rnam par smin pa grub nas dmyal ba zhes bya ba'i grangs su 'gro'o zhes gsungs pa des na 'gro ba rnams rnam par smin pa'i rang bzhin kho na yin no zhes bya bar rtogs so//gzhan dag na re rgyas pa las byung ba'i rang bzhin dag kyang yin te/ 'di ltar mig la sogs pa dag ni rnam par smin pa las skyes pa yang yin zhing rgyas pa las byung ba yang yod la/de dag kyang 'gro bas bsdus pa yin no zhes zer ro/ /slob dpon 'dus bzang na re ni rnam par smin pa'i rang bzhin kho na yin no zhes zer te/ sngar gyi phyogs kho na 'dod do/ /lus dang 'du shes tha dad dang / /zhes rgyas par 'byung ba la/ mdor bsdu na rnam par shes pa gnas bdun gyi rang bzhin ni 'dod pa na spyod pa'i lha dang mi rnams dang / bsam gtan dang gzugs med pa'i snyoms par 'jug pa dang po gsum zhes bya ba 'di yin la/ 'di dag gi de rgyas par ni brtsam par bya'o/ /sems can gzugs can zhes bya ba la sogs pa la/ gzugs can ni gzugs kyi lus dang ldan pa dag go/ /bsam gtan dang po pa zhes bya ba la/ bsam gtan dang po na yod pa ni bsam gtan dang po pa ste/ tshangs ris la sogs pa rnams so/ /de dag kyang dang por 'byung ba rnams ni rnam par shes pa gnas pa gnyis par gzhag pas dang por 'byung ba ma gtogs pa zhes bya ba smos so//de dag gi lus tha dad pa'i phyir ram zhes bya ba rgyas par 'byung ba la/ tha dad pa ni kha dog dang rtags dang dbyibs mi mtshungs pa nyid do/ /kha dog ces bya ba ni dkar sham la sogs pa'o/ /rtags zhes bya ba ni gos dang rgyan cha la sogs pa'o//dbyibs ni ring po la sogs pa'o/ /'du shes du ma'i phyir zhes bya ba la sogs pa ni bde ba dang sdug bsngal dang sdug bsngal ba yang ma yin bde ba yang ma yin pa'i 'du shes can yin pa'i phyir te/ sdug bsngal gyi 'du shes can ni 'dod pa'i khams kho na'o/ /bde ba dang btang snyoms dag ni ci rigs par 'dod pa'i khams dang gong ma'o//dang por 'byung ba de dag thams cad ni 'di snyam du zhes bya ba la sogs pa 'byung ngo / /dbyibs kyi lus zhes bya ba la/ dbyibs kyi bdag nyid kyi lus ni dbyibs kyi lus te/ tshor ba la sogs pa'i lus gsal bar bya ba'i phyir ro/ /dbyibs ni dbyibs so//lus ni khog pa'o/ /de dag gis de ji ltar mthong zhes bya ba ni rnam pa gang gis zhes bya ba'i don to/ /ci 'od gsal na gnas pa 'am/ bsam gtan dang por skyes pa'am/ 'on te bsam gtan dang po'i srid pa bar ma do na gnas pa dag gis sam/ ci bsam gtan gnyis pa'i snyoms par 'jug pa thob pa 'am/ci ma thob par zhes brjod par bya'o/ /de ni bsam gtan gnyis pa'i zhes bya ba rgyas par 'byung ba la/ de dag gis bsam gtan dang por slar 'ongs pas bsam gtan gnyis pa btang na de'i sa pa ste bsam gtan gnyis pa'i sa pa'i sngon gyi gnas ji ltar rjes su dran te/mngon par shes pa rnams ni rang dang 'og ma'i sa la dmigs pa'i phyir ro/ /re zhig bsam gtan dang po'i sa pa'i sems kyis ni ma yin te/ de'i yul ma yin pa'i phyir ro/ /bsam gtan gnyis pa'i sa pas kyang ma yin te de ma thob pa'i phyir ro//ci ste ji ltar mi 'gal ba de ltar yin la rag go snyam na/ de'i phyir 'on te thob na ni zhes bya ba rgyas par 'byung ngo / /gang zhig sa gang las 'dod chags dang bral ba de la ni sa de la dmigs pa'i nyon mongs pa 'byung ba yod pa ma yin pas de dang tshangs pa chen po la dmigs pa'i tshul khrims dang brtul zhugs mchog tu 'dzin pa'i lta ba la mngon par zhen pa mi rigs so//de na yang gegs byed pa med pa'i phyir zhes bya ba la/ khu ba dang khrag la sogs pa phyi'i rgyu mtshan la ltos pa med pa'i phyir na rdzus te skye ba rnams la khu ba dang khrag med pas gegs byed pa yod pa ma yin no//yang ci'i phyir de dag 'di snyam du bdag cag ni 'dis sprul lo snyam du shes par 'gyur zhe na/ dbyibs kyi lus kyi khyad par rtogs pa'i phyir dang / sngar skyes pa mthong ba'i phyir ro/ /'o na tshangs pa chen po 'di snyam du 'di dag ni bdag gis sprul lo snyam du shes par ga las 'gyur zhe na/de la sems skyes pa'i mjug thogs su de dag skyes pa'i phyir dang / las dang 'bras bu'i 'brel pa la kun du rmongs pa'i phyir ro/ /yang na tshe dang kha dog dang lus kyi chu zheng lhag pa'i bdag gi dngos po mthong ba'i phyir ro/ /gal te bdag cag ni nges so snyam pa dang / 'di dag bdag gis snyam du 'du shes tha dad pa'i phyir 'du shes cig ma yin no snyam na rgyu'i 'du shes tha mi dad pa'i phyir 'du shes tha mi dad pa med de/de dag thams cad tshul khrims brtul zhugs mchog tu 'dzin pa'i lta ba la zhen pa'i phyir ro/ /gzhan dag na re 'od gsal na gnas pa gang dag kho nas bsam gtan dang po'i sa pa'i sprul pa sprul nas tshangs pa dang lhan cig bsdad la/sprul pa'i gnas skabs dang yang bsam gtan dang por skyes pa dag ni de'i sa pa'i mngon par shes pa'i yul yin pas de dag gi sprul pa'i gnas skabs dran pas de dag 'di snyam du bdag cag ni zhes bya ba rgyas par shes par 'gyur ro zhes zer ro//gzhan dag ni bsam gtan gnyis pa la sogs par skyes pa rnams kyi mig gi rnam par shes pa ni tshangs pa'i 'jig rten pa kho na yin pas de dag nyams su myong ba rjes su dran pa mi srid pa ma yin te/ de'i phyir sngar mthong ba kho na rjes su dran pa yin no zhes zer ro/ /kha cig na re sems can 'di yang 'di snyam du smos la/bdag cag kyang 'dir skyes so snyam du bsgoms pa las byung ba'i sngon gyi gnas rjes su dran pa'i shes pa'am/ gzhan gyi sems shes pas 'dzin pa ni ma yin te/ 'o na ci zhe na/ skyes nas thob pa kho nas de snyam du shes pas 'gal ba med do zhes zer ro//gzhan dag na re rjes su dpag pa'i shes pas gzhan gyi bsam pa rnam pa dang bcas par rtogs pas gnod par byed pa ma yin no zhes zer ro/ /sems can gzugs can lus gcig cing 'du shes tha dad pa dag kyang zhes bya ba la/ ji lta zhe na/ de dag ni dngos gzhi'i sa la yid bde ba'i dbang pos kun du skyo nas nyer bsdogs las btang snyoms kyi dbang po mngon du byed la zhes ji skad du bshad pa rgyas par brjod par bya'o//de lta ma yin na zhes bya ba rgyas par 'byung ba la/ rnam par shes pa gnas pa gsum pa'i mtshan nyid thob pa 'od chung rnams dang / tshad med 'od rnams gang gis rnam par shes pa gnas pa nyid yin par 'gyur te/de'i phyir 'od gsal ba rnams 'di dper brjod pa'i tshul gyis nye bar bkod pa yin no/ /lus gcig cing 'du shes tha dad pa zhes bya ba 'di dge rgyas pa dag la yang thal bar 'gyur ba ma yin nam/ de dag kyang dngos gzhi'i sa la bde ba'i dbang pos yongs su skyo nas zhes bya ba thams cad rgyas par brjod par bya'o//ma yin te zhes bya ba rgyas par 'byung ste/ de dag ni bsam gtan gsum pa'i bde ba des yongs su skyo ba med do/ /de nyid la rgyu smos pa ni bde ba de ni zhi ba yin la zhes bya ba la sogs pa'o/ /'ong ba dang med par 'du shes pa'i phyir dang zhes bya ba rgyas par 'byung ba la/skyes nas yun ring du ma lon pa rnams ni 'ong bar 'du shes pa'i phyir ro/ /skyes nas yun ring du lon pa rnams ni med par 'du shes pa'i phyir ro/ /skrag pa dang mi skrag par 'du shes pa'i phyir zhes bya ba ni de dag nyid go rims bzhin no//skrag pa ni skyo ba'i rgyu 'chi 'pho bar dogs pa'i mtshan nyid can te/ bdag tu 'dzin pa ma spangs pa'i phyir de dag la de yod do/ /'du shes gcig pa dag ces bya ba ni bde bar 'du shes pa dag ste/ de dag ni bde ba gya nom pa la gnas pas nyer bsdogs mngon du mi byed do//de la bsam gtan dang po na ni nyon mongs pa can gyi 'du shes su zhes bya ba la/ rgyu ma yin pa la rgyur mngon par zhen pas tshul khrims dang brtul zhugs mchog tu 'dzin pa dang mtshungs par ldan pa'i phyir na nyon mongs pa can no/ /gnyis pa na ni dge ba'i zhes bya ba ni snyoms par 'jug pa'i dbang gis tshor ba'i khyad par mngon du byed pa'i phyir ro//gsum pa na ni rnam par smin pa las skyes pa'i zhes bya ba ni rnam par smin pa las skyes pa'i bde ba dang mtshungs par ldan pa'i phyir te/ gzhan du na sdug bsngal yang ma yin bde ba yang ma yin pa'i 'du shes kun du 'byung ba'i phyir de yang 'du shes tha dad pa dag tu 'gyur ro//gzugs med pa gsum ni zhes bya ba ni nam mkha' mtha' yas dang / rnam shes mtha' yas dang ci yang med pa zhes bya'o/ /mdo las ji skad du 'byung ba zhes bya ba la/ mdo las sems can gang dag rnam pa thams cad du gzugs kyi 'du shes las yang dag par 'das te zhes bya ba nas nam mkha' mtha' yas so snyam ste nam mkha' mtha' yas skye mched nye bar bsgrubs nas gnas so zhes bya ba'i bar du rgyas par 'byung ba yin no//gzugs med pa gsum gyi bdag nyid can dag tu ni phung po bzhi'o/ /lhag ma rnams su ni lnga'o/ /de la 'joms byed ldan zhes bya ba la/'dis 'joms par byed pas na 'joms par byed pa'o/ /rnam par shes pa de 'joms par byed pa ste de 'di la yod pas na 'joms byed ldan no/ /de la ngan song dag ni 'joms par byed pa sdug bsngal gyi tshor ba yin te/ des rnam par shes pa la gnod pa'i phyir ro//gang du sred pas rnam par shes pa gzung ba de dag ni rnam par shes pa gnas pa yin no/ /ngan 'gro rnams dang gnas gtsang ma dag na ni las kyis bzung ba yin la/ 'du shes med pa'i sems can rnams dang / srid pa'i rtse mor ni lta bas bzung ba yin pas/ de dag rnam par shes pa gnas pa nyid ma yin no//ngan song dag na ni gnyis ka med do zhes bya ba la/ 'dis na gnas pa rnams ni 'gro bar 'dod pa ma yin la/ de na gnas pa rnams ni bskyod par mi 'dod pa ma yin no/ /srid pa'i rtse mo ni rgyu ba mi gsal ba'i phyir zhes bya ba la/ sems dang sems las byung ba rnams rgyu ba gzhan pa'i phyir rnam par shes pa stobs dang ldan par gnas pa yin no zhes bya bar brjod par mi rigs so//gal te yang 'di na gnas pa rnams bsam gtan bzhi par 'gro bar 'dod pa yod mod kyi 'on kyang sems can rnams bskyod pa'i yid dang ldan pa dag so so'i skye bo rnams ni 'du shes med par 'jug par ldan pa yin la/'phags pa rnams ni sprin med dang bsod nams skyes dag tu yang ngo / /gnas gtsang ma rnams kyang gnas gtsang ma dang / gzugs med par 'jug par 'dod la/ yongs su mya ngan las 'da' bar yang 'dod kyi/ de dag la de na gnas pa'i blo med de/ de'i phyir rnam par shes pa gnas pa ma yin no//yang na srog chags dag ni yul dang bde ba dang 'du shes la mngon par dga' ba'i dbye bas rnam pa gsum mo/ /de la yul la mngon par dga' ba ni mi rnams dang / 'dod pa na longs spyod pa'i lha rnams so/ /bde ba la mngon par dga' ba ni bsam gtan gsum gyi sa pa'o//'du shes la mngon par dga' ba ni gzugs med pa gsum gyi sa pa ste/ de nyid kyi phyir de dag kho na gsungs kyi lhag ma ni ma yin no zhes bya bar mdo'i dgongs pa mngon no/ /srid rtse dang / 'du shes med pa'i sems can rnams/ sems can gyi gnas dgur zhes bya ba la/mdo las sems can gyi gnas dgu gang zhe na/ sems can gzugs can lus tha dad cing 'du shes tha dad pa dag kyang yod de/ 'di lta ste/ mi rnams dang lha kha cig go/ /'di ni sems can gyi gnas dang po'o zhes gsungs te/ rgyas par ni mdo ji lta ba bzhin no/ / 'di dag tu sems can rnams rang dgas kun du gnas te/ ngan song rnams ni btson ra bzhin no/ /ji ltar btson ra dag tu ni mi 'dod bzhin du gzhan dag gis gnas su 'jug gi dga' ste ma yin pa de bzhin du ngan song dag tu mi 'dod bzhin du las kyi srin po dag gis gnas su 'jug gi dga' ste gnas pa ma yin no//sems can du bgrangs pa'i chos rnams kho na sems can rnams kyi gnas zhes bya'o/ /gang ni phyir lus la sred pas sems can rnams kyi gnas yin gyi gnas la dga' bas ni ma yin te/ gnas dag tu sems can 'chol ba'i phyir dang / lus kho na ma 'chol ba'i phyir sems can gyi gnas yin no//gnas med pa'i chos srid pa bar ma yang sems can rnams mi gnas pas srid pa bar ma yang sems can gyi gnas ma yin no/ /bye brag tu smra ba rnams na re 'khor ba sna tshogs pa'i don gyis na rnam par shes pa gnas pa dag yin la/ gnas par 'dod pa dag gis mngon par dga' bar byas pa'i phyir sems can gyi gnas dag yin no zhes bya ba ni de dag rnam par gzhag pa'i khyad par yin no zhes zer ro//rnam par shes pa gnas pas gzugs su nye bar 'gro ba dang zhes bya ba la/ rnam par shes pa'i gnas pa ni rnam par shes pa gnas pa'o//'di la rnam par shes pa gnas pas na rnam par shes pa gnas pa'o/ /nye bar 'gro bas na nye bar 'gro ba ste/ rnam par shes pa dang nye bar rgyu zhes bya ba'i don to/ /gzugs kyang de yin la nye bar 'gro ba yang yin pa ni gzugs su nye bar 'gro ba'o/ /yang na rnam par shes pa gnas pa gang la gzugs su nye bar 'gro ba ste/de nye bar rtogs pas na nye bar 'gro ba'o/ /ji ltar nye bar rtogs she na/ bdag dang bdag gir ro/ /'du byed du nye bar 'gro ba'i bar du yang de dang 'dra bar rig par bya'o/ /yang na gnas pa ni srid pa ste/ 'dis rnam par shes pa yang srid par rgyun mi 'chad par gnas par byed pa'i phyir ro//de gzugs su nye bar 'gro zhing de la mngon par chags pas na gzugs su nye bar 'gro ba ste/ de bzhin du gzhan la yang brjod par bya'o/ /zag dang bcas pa'i phung po bzhi/ /de dag kyang rang gi sa pa nyid de/ sa rnams ni srid pas yongs su bcad pa'i phyir ro//sa gzhan du ma yin no zhes bya ba la/ sa gzhan gyi phung po rnams ni mngon du gyur pa yin yang rnam par shes pa gnas pa'i bya ba mi byed de/ srid pa kun du spyod pa'i dbang gis na de la rnam par shes pa rab tu gnas pa yin na/ de dag la srid pa kun du spyod pa med pa'i phyir ro//rgyud gzhan pa dag dang / sems can kun du bgrang ba ma yin pa dag ni rang gi sa pa yin yang rnam par shes pa gnas pa ma yin no/ /gzhan dag na re de dag kyang rnam par shes pa gnas pa ma yin te/ de la yang rnam par shes pa nye bar brlan pa 'phel bar 'gyur ba yin no zhes zer ro//gnas pa po yongs su spangs nas zhes bya ba ni gnas pa po ma gtogs par ro/ /gnas pa po lha sbyin la sogs pa yang gzhan yin zhing gnas pa yang gzhan yin pa gang yin pa de ltar ni 'jig rten du mthong ba yin te/ khyim la sogs pa'i gnas zhes bya ba'i don to//'gro bar byed pa zhes bya ba ni 'jug par byed ces bya ba'i don to/ /gru dang mnyan pa'i tshul du zhes bya ba ni ji ltar mnyan pa gru 'gro bar byed pa lta bu ste de dang 'dra'o/ /rnam par shes pa nyid rnam par shes pa la gnas nas 'gro bar byed pa ni ma yin no zhes bya ba ni rgyud gcig la rnam par shes pa'i rdzas dag phrad pa med pa'i phyir ro//gal te yang rgyud gzhan gyi rnam par shes pa ni dus gcig tu yod mod kyi de ni gzhan dang nye bar 'jug pa ma yin pas de yang de'i gnas pa ma yin no/ /'o na mdo las zhes bya ba 'dis ni rnam par shes pa yang rnam par shes pa gnas pa yin par bshad do zhes ston to//dga' ba ni yid bde ba'o/ /rnam par shes pa gnas pa bdun phung po lnga'i rang bzhin dag yin no zhes bya ba de yang ji lta bu zhes bya ba 'dis ni yang mdo dang 'gal bar ston to/ 'di la rnam par shes pa gnas pa gang yin zhe na/ de dag dang ldan pa'i phung po lnga dang gzhi yin no zhes bshad na/gal te gnas pa lnga po yongs su spangs nas gnas pa zhes bya ba ni de ji lta bu yin/ de lta na 'o na ni bye brag med par zhes bya ba ni mdo dang bstan bcos dag dang mi 'gal bar bstan pa'o/ /bye brag med par ni zhes bya ba ni khyad par med pa ste/ lnga char la yang zhes bya ba'i don gang yin pa'o//skye ba'i skye mched kyis bsdus pa'i phung po dag la zhes bya ba ni mi la sogs pa'i ris kyis bsdus pa dus gsum pa dag la'o/ /mngon par dga' ba dang bcas pa zhes bya ba la/ mngon par dga' ba ni yid bde ba nyon mongs pa can no/ /so sor dbye na zhes bya ba ni phung po re re la ste/ji ltar rten dang mtshungs par ldan pa dang lhan cig 'byung ba'i ngo bor nye bar 'gro ba'i phyir gzugs dang gzugs la sogs pa dag rnam par shes pa kun nas nyon mongs par byed pa yin pa ltar rnam par shes pa 'ba' zhig logs su ni de lta ma yin te ci zhe na/kun nas nyon mongs par byed pa ma yin te zhes skabs dang sbyar ro/ /ci'i phyir zhe na/ cig car rten nyid la sogs par mi rigs pa'i phyir ro/ /de lta bas na rnam par shes pa gnas pa bzhi bstan par rnam shes 'ba' zhig logs su gnas par ma bshad do/ /gzhan yang zhes bya ba rgyas par 'byung ba la/der ni rnam par shes pa gnas pa bdun rnam par shes pa'i zhing gi ngo bor ma bstan gyi 'dis ni rnam par shes pa gnas pa bzhi rnam par shes pa'i zhing gi ngo bor bstan la/ nye bar len pa dang bcas pa'i rnam par shes pa ni sa bon gyi ngo bor bstan to/ /sa bon nyid sa bon gyi zhing gi ngo bor zhes bya ba la/sa bon nyid ni zhing ma yin no zhes bya ba'i tha tshig go/ /chos gang dag ces bya ba rgyas par 'byung ba la/ gzugs la sogs pa'i chos gang dag rnam par shes pa dang lhan cig 'byung ba de dag kho na zhing gi ngo bor ches legs pa yin no/ /sa bon dang zhing ni 'jig rten na lhan cig 'byung bar mthong na/rnam par shes pa ni rnam par shes pa dang lhan cig 'byung ba ma yin te dus gcig tu med pa'i phyir ro/ /mu dang po ni zhes bya ba rgyas par 'byung ngo / /mdun du rnam par shes pa gang yin pa'o zhes bya ba la/ rnam par shes pa gnas pa bdun phung po lnga'i rang bzhin yin pa'i phyir der rnam par shes pa 'du'i bzhir ni ma yin te/rnam shes 'ba' zhig gnas par ma bshad do zhes der rnam par shes pa ma 'dus pa'i phyir ro/ /rnam par shes pa ma gtogs pa'i phung po rnams so zhes bya ba la/ ngan song rnams kyi rnam par shes pa ni bzhir ma 'dus shing bdun du yang ma yin te/ngan song rnams su rnam par shes pa 'joms par byed pas ma smos pa'i phyir ro/ /bdun dag tu phung po bzhi rnams so zhes bya ba la/ rnam par shes pa gnas pa bdun dag tu rnam par shes pa ma gtogs pa'i phung po gang dag bshad pa de rnams ni rnam par shes pa rnam pa bdun dang bzhi dag tu yang 'du'o//bzhi pa ni rnam pa de dag ma gtogs pa'o zhes bya ba ni ngan song rnams dang / bsam gtan bzhi pa dang / srid pa'i rtse mo'i rnam par shes pa gang dag yin pa dang / zag pa med pa'i phung po rnams so/ /'gro ba la sogs pa'i bye brag gis tha dad pa zhes bya ba la sogs pa zhes bya ba smos pas ni snod dang /srid pa bar ma dang sa bsdu'o/ /khams dang sems can dang sems can du ston pa nyid yin pa'i phyir skye gnas de dag gang gi yin pa mi shes pas/ sems can zhes bya ba smos te/ skye gnas dag ni sems can du bgrang ba ma yin pa yod pa ma yin no//de dag kyang gang zhe na/ sgo nga las skyes sogs zhes bya ba smos te/ gang dag la sgo nga las skyes pa dang por yod pa de dag ni sgo nga las skyes sogs so/ /skye gnas zhes bya ba ni sems can rnams kyi rigs yin gyi skye sa ni ma yin no/ / sgo nga las skyes pa'i skye gnas ni sgo nga las skyes pa'i rigs zhes bya ba'i don to/ /rdzus te skye ba'i skye gnas kyi bar du yang de dang 'dra'o/ /yang don gang gis rigs las skye gnas zhes brjod ce na/ de'i phyir 'dir sems can rnams 'chol bar 'gyur zhing zhes bya ba smos so/ /'chol bar 'gyur zhes bya ba'i don gang yin zhe na/'dre bar 'gyur ba zhes bya ba'i don 'di yin no/ /ji ltar 'dre bar 'gyur zhe na/ skye ba thun mong ma yin pa'i phyir te/ skye ba chos mthun pa yin pa'i phyir zhes bya ba'i don to/ /mngal ni gang gis ma'i ltor na bu gtums nas gnas pa ste/ de las skyes pa ni mngal nas skyes pa'o//'byung ba'i drod gsher las skyes pa rnams te zhes bya ba la/ 'byung ba lnga la sogs pa rnams kyi drod gsher rgyun chags pa'i mtshan nyid can las skyes pa ni 'byung ba'i drod gsher las skye ba rnams so/ /dbang po ma tshang ba ma yin pa ni mig la sogs pa ma tshang ba med pa'i phyir ro//dbang po dman pa ma yin pa zhar ba dang long ba la sogs pa med pa'i phyir ro/ /yan lag thams cad dang ldan pa ni lag pa dang rkang pa la sogs pa rnams dang ldan pa'o/ /nying lag dang ldan pa ni mtheb sor la sogs pa dang ldan pa'o/ / sngar gyi rgyu la mi ltos par cig car du skye ba rnams so zhes bya ba la/ sgo nga las skye ba la sogs pa lta bur nur nur po la sogs pa'i rim gyis ni ma yin gyi 'o na ci zhe na/ dang po nyid nas dbang po ma tshang ba ma yin zhing dman pa ma yin pa la sogs pa'o/ /skye ba la ni 'byung ba la'o/ /skye ba dang / rdzub dang / 'byung ba zhes bya ba ni don gcig ste/ de la mdzes par byed pa'i phyir rdzus te 'byung ba rnams so/ /'di dag gi rang bzhin yang rdzus te skye ba'i skye gnas ni phung po bzhi dang lnga'i rang bzhin yin/ de las gzhan rnams ni phung po lnga'i rang bzhin yin/ thams cad kyang rnam par smin pa dang rgyas pa'i rgyud kyi rang bzhin no//khrung khrung mo las skyes pa zhes bya ba rgyas par 'byung ba la/ tshong pa gzings zhig pa gnyis rgya mtsho'i ngogs su khrung khrung mo dang 'grogs par gyur pa dang / de las gnas brtan brag dang nye brag gnyis skyes so/ /rgyal po lnga len gyi zhes bya ba la/de'i btsun mo lha mo chen mo las sgo nga lnga brgya skyes la/ de sgrom du bcug nas gang+gA la bskur ba dang / lits+tsha bI'i rgyal po btsun mo'i 'khor lnga brgya dang khrus byed pas sgrom de chus g.yeng ba mthong zhing kha phye bas/ de la khye'u lnga brgya mthong ste blangs par gyur to/ /drod gsher las skyes pa ni nga las nu la sogs pa rnams so//ji lta zhe na/ rgyal po gso sbyong 'phags kyi spyi bor thor ba zhig 'byung la/ de mthar gyis 'phel zhing smin la rdol bar gyur pa las khye'u zhig skyes pa de ni nga las nu yin te/ de lta na drod gsher las skyes pa yin no/ /rgyal po nga las nu'i pus mo'i steng du thor ba gnyis shig byung ba la de gnyis mthar gyis 'phel zhing smin la rdol ba las khye'u gnyis skyes te/de gnyis ni mdzes pa dang nye mdzes dag yin no/ /rgyal po tshangs pas byin gyi brang la thor ba zhig byung ba las/ de mthar gyis 'phel zhing snga ma bzhin du bu mo zhig skyes pa'i bar yin te/ de ni thi ba'i phreng ba can ma'o/ /a mra skyong ma ni chu shing gi sdong po zhig las skyes so zhes bya bar grags so/ /bskal pa dang po pa rnams zhes bya ba/ /sngar byung sems can gzugs can bzhin/ /zhes 'byung ba'i phyir ro/ /'dab bzangs ni nam mkha' lding ngo / /kha cig na re yi dags rnams ni rdzus te skyes pa kho na yin no zhes zer te/de'i phyir yi dags rnams la mngal nas skye ba nyid bsgrub pa'i phyir tshe dang ldan pa maud gal gyi bu chen po la zhes bya ba rgyas par 'byung ngo / /mngal nas skyes pa nyid du grub par bya ba'i don du yin par ji ltar rtogs zhe na/ skyes nas zhes 'byung ba'i phyir ro/ / de lta na 'on kyang bdag ni tshim pa med ces 'byung ba'i phyir rdzus te skyes pa nyid du grub par bya ba'i phyir yin par shin tu ches rtogs pa ma yin nam mngal nas skye ba dag gis ni ji ltar bgrangs par mi 'gyur/ mngal nas skyes pa nyid yin na ni nyin mo dang mtshan mor lnga lnga skye bar yang mi rigs so zhe na/bkres pa shin tu 'phel ba'i phyir tshim pa med do/ /de 'dra ba de ni sems can gyi rang bzhin yin pas nyin mtshan du lnga lnga skye bar mi 'gal la/ las kyi rnam par smin pa bsam gyis mi khyab pa'i phyir yang 'gal ba med do/ /skye gnas thams cad du skye ba rnams la 'phags pa'i chos thob pa'i go skabs yod mod kyi/'phags pa'i chos thob zin pa rnams ni sgo nga las skyes pa dang drod gsher las skyes pa'i skye gnas dag tu mi skye'o/ /rdzus te skyes pa yin no zhes bya ba la/ de'i skye gnas pa rnams ni skye mched drug tshang ba kho na 'grub pa'i phyir skye gnas thams cad kyi nang na rdzus te skye ba kho na bzang ngo //gal te thams cad kyi nang na rdzus te skye ba'i skye gnas kho na bzang na yang ci'i phyir srid pa tha ma pa'i byang chub sems dpa' mngal nas skye ba'i skye gnas len/ las dag gis len no zhe na/ de'i phyir skye ba la dbang thob pa yang zhes bya ba smos so/ /'khor los sgyur ba'i rigs su 'khrungs pa ni 'khor los sgyur ba'i rigs so//gzhan mu stegs can zhes bya ba ni gcer bu pa gnyen gyi bu la sogs pa dag go/ /sgyu mas 'jig rten za'o zhes bya ba ni nye bar slu'o zhes bya ba'i don to/ /phyi'i sa bon med pa'i phyir zhes bya ba ni phyi'i khu ba dang / khrag gi 'dam la sogs pa med pa'i phyir zhes bya ba'i don to//byin gyi rlabs las 'byung ba'i zhes bya ba la/ byin gyi rlabs kyis dgos pa can nam/ byin gyi rlabs la yod pa ni byin gyi rlabs las byung ba'o/ /byin gyi rlabs ni 'di ni 'di ltar gyur cig ces byin gyis rlob pa gang yin pa'o//lam de rigs pa ma yin no zhes bya ba la/ gang zhe na ring bsrel sku gdung rnams rnam par gzhag ste/ phyir zhes gang smras pa'o/ /dri ba las dri ba gzhan byung ste zhes bya ba ni 'o na ci'i phyir srid pa tha ma pa'i byang chub sems dpa' zhes bya ba'i dri ba de las dri ba 'di byung ba'o/ /gal te rdzus te skye ba rnams kyi zhes bya ba rgyas par 'byung ba la/lus zhig pa ni shi ba'i lus gnas med pa'o/ /sgo nga las skyes pa la sogs pa las khyad par du bya ba'i phyir rdzus te skye ba'i nam mkha' lding gis rdzus te skyes pa'i klu bza' ba'i phyir 'byin no zhes bya ba smos so/ /gang las de gnyis de dag bas khyad par du gyur pas ci nam mkha' lding dang klu gzhan dag kyang yod dam zhe na smras pa yod do//klu dang nam mkha'i lding dag ni rnam pa bzhi yin te/ de dag gi mchog ni rdzus te skyes pa'o/ /nye mchog ni drod gsher las skyes pa'o/ /bar ma ni mngal nas skyes pa'o/ /tha chad ni sgo nga las skyes pa'o//de la rdzus te skyes pa ni nam mkha' lding gis ni drod gsher las skyes pa la sogs pa dag las snga ma snga ma zos nas/ klu thams cad bza' ba'i phyir 'byin to/ /shi ba des tshim par 'gyur ba ni ma yin no zhes bya ba la/ 'dis sngar ma shi bar zos pa gang yin par de yang shi ba'i tshe mi snang bar 'gyur ro//de ni 'gro ba gnyis zhes bya ba 'di lha'i 'gro ba dang / dmyal ba'i 'gro ba'o/ /gsum gyi phyogs zhes bya ba ni mi dang dud 'gro dang yi dags rnams kyi phyogs so/ /gang las srid pa bar ma thams cad yin no zhes de skad du brjod pa/ srid pa bar ma zhes bya ba 'di ci zhe na zhes bya ba la 'di log par rtogs pa'i phyir dang /mtshan nyid ma bstan pa'i phyir the tshom za bas dris pa'o/ /'gro ba'i bar ma yin pa'i phyir ro zhes bya ba la sogs pa la/ 'gro ba snga ma dang phyi ma'i bar na yod pa'i phyir ro zhes bya ba'i don to/ /ji ltar 'di skyes pa yang yin la byung ba yang ma yin zhe na zhes bya ba la/'di skad du 'di shi zhing mngon par grub pa yang yin la/ byung ba yang ma yin no zhes bya ba 'di ni dad pas rtogs par bya ba yin no zhes bstan par 'gyur ro/ /de'i lan smras pa ni/ bgrod pa'i yul du ma phyin phyir/ /zhes bya ba la sogs pa'o/ / 'di skad bstan par 'gyur te/ byung ba'i sgra ni son pa la 'jug na/ srid pa bar ma ni bgrod pa'i yul du ma phyin pa'i phyir byung ba ma yin te/ 'o na ci zhe na/ 'byung ba bzhin ma yin no/ /son pa ni zhes bya ba 'dis ni byung ba'i sgra son pa la 'jug go zhes ston to/ /gzhan dag na re des bgrod par bya ba'i yul gang yin pa de dang /da rung du yang de mi ldan te yul de dang mi ldan zhes bya ba'i don to zhes zer ro/ /de'i phyir rnam par smin pa gzhan grub kyang byung ba zhes mi bya ste/ de nyid kyi phyir skye ba'i srid pa'i bar du 'byung ba'i phyir srid pa bar ma yin no zhes bstan to zhes bya'o/ /gang du rnam par smin pa 'phangs pa zhes bya ba la/'phen par byed pa'i las kyis ni ris mthun pa mngon par grub pa yin la/ rdzogs par byed pa dag gis ni rdzogs par byed de/ gcig gi skye ba gcig 'phen te/ /yongs rdzogs byed pa du ma yin/ /zhes bya ba skye ba thams cad la las gnyis kyi bya ba byed do//gzhan dag na re 'chi ba'i srid pa chad pa kho na las zhes bya ba la sogs pa la 'chi ba'i srid pa'i mjug thogs kho nar yul gzhan du skye ba'i srid pa 'byung gi bar na gnas pa'i bdag nyid can rgyu mtshan gzhan sngon du 'gro ba ni ma yin no zhes bya ba'i don to/ /rigs pa dang lung las te zhes bya ba la/mi mthun par smra ba'i dngos po la ni gnyis ka nye bar mkho ste rigs pa dang lung ngo / /ci'i phyir gnyis smos she na/ rigs pa dang lung rkyang pa dag tshad ma yin pa'i phyir gnyis ka nye bar bkod do/ /'bru yi rgyun dang chos mthun phyir/ /zhes bya ba rgyas par 'byung ba la/ gal te 'chi ba'i srid pa kho na las yul gzhan dag tu skye ba'i srid pa 'byung bar 'dod na ni/de lta na skye ba'i srid pa mi srid pa nyid du thal bar 'gyur te/ rgyun gyis 'jug pa'i phyir ro/ /'di ltar rgyun gyis 'jug pa'i dngos po rnams ni chad nas yul gzhan dag tu 'byung bar ma mthong ste/ dper na 'bru'i rgyun du gtogs pa'i 'bru'i 'bras bu rnams rgyun du 'brel pas rgyas pa bzhin no//'di dag la rgyun gyis 'jug pa'i ngang tshul yod pa na rgyun gyis 'jug pa'o/ /yul gzhan dag tu zhes smos pa'i phyir sems kyi rgyun gyis ma nges pa yang ma yin te/ 'gog pa dang 'du shes med pa'i snyoms par 'jug pa las ldang ba'i sems yod pa na dus gzhan du chad pa ni yul de kho nar skye ba'i yul gzhan du ma yin pa'i phyir ro//chad nas 'byung ba yang mthong ste zhes bya ba rgyas par 'byung ba la me long la sogs pa dag gi nang du gzugs te bzhin las gzugs brnyan te bzhin gyi gzugs brnyan 'byung ba mthong ngo zhes 'dis ni ma nges par rjod par byed do//gzugs brnyan ma grub phyir ba dang / /zhes pa 'dis ni ma nges pa ltar snang ba nyid du ston par byed do/ /dmigs pa dang bcas pa'i chos rnams gang zhe na/ sems dang sems las byung ba rnams so/ /dmigs pa med pa'i chos rnams gang zhe na/gzugs dang 'dus ma byas dang ldan pa ma yin pa rnams so zhes bstan bcos las 'byung bas gzugs brnyan sems dang sems las byung ba'i dmigs pa len pa'i phyir yod do zhe na/ 'di'i lan gyi phyir/ mi 'dra'i phyir na dpe ma yin/ /zhes bya ba smos so/ /kha dog gi khyad par gzhan zhes bya ba la/me long gi kha dog las gzhan pa ni kha dog gi khyad par gzhan no/ /tshig tsam gyis dad par mi 'gyur bas 'dri ba ni re zhig ji ltar ma grub ce na zhes bya'o/ /yul de nyid na zhes bya ba la/ zur na gnas pas me long gi yul de nyid na me long gi gzugs mthong gi gzugs brnyan ma yin la/mdun na gnas pas gzugs brnyan mthong gi me long gi gzugs ma yin te/ de ltar bsdoms pas der gnyis ka snang ngo / /gzhan dag na re mdun du phyogs pas gnyis ka mthong ngo zhes zer te/ de'i phyir me long gcig na snang ba gnyis lhan cig tu mi srid pa'i phyir de na me long gi gzugs las gzhan gzugs brnyan yod pa ma yin no//rten gyi 'byung ba tha dad pa'i phyir zhes bya ba la/ de gnyis kyi rten gyi 'byung ba rnams ni tha dad pa yin la/ me long gi gzugs kyi rten gyi 'byung ba rnams kyis bzung ba'i yul de na gzugs brnyan gyi gzugs kyi rten gyi 'byung ba rnams kyi go yod pa yang ma yin te/thogs pa dang bcas pa'i phyir ro/ /de'i phyir de na rgyur byas pa'i gzugs gnyis lhan cig 'byung ba ni med do/ /de bzhin du phyogs gzhan na gnas pa rnams kyis zhes bya ba rgyas par 'byung ba la phyogs tha dad pa na gnas pa'i skyes bu gcig gi rgyab kyi shing ljon pa la sogs pa'i gzugs ji ltar yin pa de bzhin du gzhan gyi yang de kho na ltar yin no//de la gcig gis ni rang gi mdun rol gyi yul na gnas pa'i shing ljon pa la sogs pa'i gzugs kyi gzugs brnyan dmigs kyi/ rgyab na gnas pa'i ma yin la/cig shos kyis kyang mtshe'u'i chu'i yul de nyid du de kho na ltar dmigs so/ /gal te de na chu'i gzugs ltar gzugs brnyan gyi gzugs dag kyang yod na ni gzugs thun mong ba yin pas thams cad kyi chu'i gzugs ltar ci'i phyir ma dmigs/ dmigs pa yang ma yin te/de'i phyir 'di ni 'khrul pa tsam zhig yin gyi gzugs gzhan ni ma yin no/ /de'i phyir gzugs gcig la zhes bya ba smos te/ bum pa'am snam bu'i gzugs gcig la skyes bu'i lta ba po gnyis kyis lhan cig mi mthong ba ni ma yin te/ mthong ba yin zhes bya ba'i don to//'dir ni lhan cig mthong ba yang ma yin te/ de'i phyir der gzugs gzhan zhig 'byung bar rigs pa ma yin no/ /yang grib ma dang nyi ma gnyis kyang zhes bya ba la sogs pa 'byung ba la/ gang gi tshe me long grib ma na 'dug cing bsgribs pa ma yin pa'i tshe der nyi ma'i gzugs brnyan snang la/nyi ma la 'dug pa la grib ma snang na/ nyi ma dang grib ma dag ni lhan cig gnas par 'gal ba'i phyir ro/ /khron pa'i chu bzhin du zhes bya ba la/ ji ltar khron pa'i chu gting ring po na yod par snang ba de bzhin du zla ba'i gzugs brnyan yang gzhan kho na yod par snang ngo / /de yang de'i nang du 'byung na ni zhes bya ba la/gzugs brnyan de yang me long gi nang kho nar byung na ni/ de me long gi gzugs ltar gzhan na ste/ de'i nang las gzhan na dmigs par mi 'gyur na dmigs pa yang yin te/ de'i phyir de ni cung zad kyang med do/ /gal te de cung zad kyang med na 'o na de ji ltar snang zhe na/de'i phyir gang de ltar snang ba de ni tshogs pa de'i mthu de 'dra ba yin te zhes bya ba smos te/ mthu dang nus pa dang / nus mthu zhes bya ba ni don gcig go/ /ji lta zhe na/ chos rnams kyi mthu zhes bya ba rgyas par 'byung ste/ ji ltar mig ser gyis mig nyams par byas pas thams cad du ser por mthong la/rab rib can gyis zla ba gnyis su mthong ba dang / ji ltar khab long kho nas lcags thag 'dren gyi gzhan gyis ma yin pa dang / zla ba shar na chu shel kho na las chu 'byung gi /sol ba la sogs pa dag las ma yin pa de bzhin du/ gzugs gzhan med kyang mig dang me long gi ngos dang de bzhin gyi gzugs la brten nas de'i gzugs brnyan gyi rnam pa can gyi mig gi rnam par shes pa 'byung ba yin no/ /rgyun min phyir zhes bya ba rgyas par 'byung ba la/ gal te gzugs brnyan gzugs kyi rgyun gyi khongs su gtogs pa yin na ni me long gi rgyu dang ma 'brel par gzugs dang 'brel ba kho nar 'byung bar 'gyur te/gzhan gyi rgyud du gtogs pa ni gzhan gyi rgyud dang 'brel te 'byung bar mi rigs so/ /me long gi rgyud dang 'brel pa'i phyir dang zhes bya ba la/ gzugs brnyan gyi gzugs kyi rgyun du gyur pa ma yin te/me long dang 'brel pa'i phyir me long gi gzugs bzhin no/ /lhan cig 'byung ba'i phyir yang gzugs brnyan gzugs kyi rgyun ma yin te/ gang zhig gang gi rgyun yin pa de ni lhan cig 'byung bar ma mthong ste/ dper na sa bon dang myu gu bzhin no/ /ji ltar 'chi ba'i srid pa'i rgyun skye ba'i srid pa lta bur te/de gnyis ni lhan cig 'byung ba ma yin no/ /rgyun la zhes bya ba rgyas par 'byung ba la/ rgyun gyis 'jug pa'i 'bru dper brjod pa la/ gzugs brnyan rgyun du gyur pa ma yin pas phyir bzlog pas dpe mi 'dra ba yin no/ /gzugs brnyan ni gnyis las 'byung ba'i phyir zhes bya ba rgyas par 'byung ba la/gnyis las 'byung ba ni gnyis las 'byung ba ste/ gnyis las 'byung ba de'i phyir ro/ /gtso bo'i rgyu gang yin pa de ni me long la sogs pa ste/ de'i rjes su byed pa'i phyir ro/ /'di ltar gal te ral gri bsags kar bsnyal te 'dug pa yin na ni gzugs brnyan yang bsags kar ring bar snang la/gal te gyen la bsgreng ste 'dug pa yin na ni gzugs brnyan yang de ltar snang ngo / /rgyu gnyis pa gtso bo ma yin pa khu chu dang khrag la sogs pa yod do zhe na/ de'i phyir gtso bo'i rgyu gang yang rung ba zhig dang zhes bya ba smos so//ci ste yang khu chu dang khrag la sogs pa kho na gtso bo yin te/ de la brten nas skye ba'i srid pa grub pa'i phyir ro zhe na/ de'i phyir phyi'i khu chu dang khrag la sogs pa zhes bya ba la sogs pa smos so/ /gzhan dag na re/ mi 'dra'i phyir na dpe ma yin//zhes bya ba/ gzugs log na gzugs brnyan 'jig par 'gyur gyi 'chi kha ma'i phung po 'gags pa skye ba'i char gtogs pa'i phung po rnams med par 'gyur ba ni ma yin te/ de lta ma yin na sems can rgyud rgyun chad par thal bar 'gyur ro/ /gzugs brnyan ni gzugs dang 'dra bar 'byung na/skye ba'i srid pa ni de ltar 'chi ba'i srid pa las 'byung ba yang ma yin te/ gzhan du na ba lang la sogs pa shi nas ba lang la sogs pa dag kho nar skye bar thal bar 'gyur ro/ /de'i phyir dpe 'dra ba yod pa ma yin no zhes zer ro/ /mgur nas gsungs phyir zhes bya ba ni nyid kyi gsung gis gsungs pa'i phyir ro zhes bya ba'i don to//mdo 'di dag mi 'don to zhes bya ba la sogs pa la/ srid pa bar ma la skur pa 'debs pa'i sde pa gzhan dag gis sde pa gzhan la grags kyang / sdud pa'i gzhi po nyams pas lhag par sgro btags par dogs pas tshad mar mi byed de/de dag gi lung gi khongs su ma 'dus pa'i phyir ro/ /gnas gsum zhes bya ba ni rgyu gsum mo/ /bu chags pa ni 'byung ba'o/ /ma rung zhing zhes bya ba ni bu 'dzin par nus pa'o/ /zla mtshan dang ldan pa zhes bya bas ni bu 'dzin par rung yang zla mtshan la ltos so zhes ston to//zla mtshan dang ldan yang gal te bu 'dzin pa'i nus pa nyams pa med pa yin na ste/ 'di ni gnas dang po'o/ /pha dang ma chags par gyur cing phrad pa dang zhes bya ba la/ chags par gyur la ma phrad pa dang / phrad par gyur la ma chags pa yang yod pas gnyis ka smos te/'di ni gnas gnyis pa'o/ /dri za nye bar gnas par gyur na'o zhes bya ba 'di ni gnas gsum pa'o/ /dri za nye bar gnas par gyur na'o zhes bya ba 'di yang de dag mi 'don pa de dag gi lung dag las de skad du ma bton pa'i phyir ro//'o na ji ltar de dag 'don zhe na/ phung po zhig pa nye bar gnas par gyur na'o zhes 'don te/ 'dir phung po zhig pa ni 'chi ba'i srid pa'o/ /gal te de ltar na rta len gyi bu'i mdo zhes bya ba rgyas par 'byung ba la/ phung po zhig pa ni 'gro ba dang 'ong ba dang bram ze la sogs pa'i ngo bor mi 'thad do//phyir mi 'ong ba ni lnga ste zhes bya ba ni lam dang gang zag bstan pa'i mdzod kyi gnas nas 'chad do/ /kha cig na re bar ma do zhes bya ba'i lha dag cig yod de/ /gang zhig de dag tu yongs su mya ngan las 'da' ba de ni bar ma dor yongs su mya ngan las 'da' ba'o zhes zer ro//de lta na skyes pa zhes bya ba la sogs pa yang zhes bya ba rgyas par 'byung ba ste/ de la gang zhig skyes pa'i lha dag tu yongs su mya ngan las 'da' ba de ni skyes nas yongs su mya ngan las 'da' bar 'gyur ro/ /mngon par 'du byed pa med par yongs su mya ngan las 'da' ba dang /mngon par 'du byed pa dang bcas par yongs su mya ngan las 'da' ba yang de dang 'dra bar brjod par bya'o/ /de lta ma yin te/ gal te skye ba la sogs pa'i lha dag khas mi len na ni bar ma dor yongs su mya ngan las 'da' ba mi 'grub po/ /gzhan dag na re 'dod pa dang gzugs kyi khams dag gi bar du yongs su mya ngan las 'da' bas bar ma dor yongs su mya ngan las 'da' ba ste/des na srid pa bar ma med par khams gnyis su ma skyes pa'i sems can med pas srid pa bar ma grub pa nyid do zhes zer ro/ /'gro mdo zhes bya ba la/ mdo las dge slong dag ngas skyes bu dam pa'i 'gro ba bdun dang /len pa med pa'i yongs su mya ngan las 'da' ba bstan par bya yis zhes skyes bu dam pa'i 'gro ba'i mdo rgyas par gsungs so/ /mdo de las ni phyir mi 'ong ba lnga las bar ma dor yongs su mya ngan las 'da' ba/ zhogs ma la sogs pa dpe gsum gyi sgo nas rnam pa gsum du mdzad nas skye bu dam pa'i 'gro ba bdun du gsungs so//dus dang yul gyi khyad par gyi bye brag gis zhes bya ba ni go rims bzhin du dus kyi khyad par gyi bye brag dang yul gyi khyad par gyi bye brag gis so/ /ji ltar zhe na mngon par grub bzhin du zhes bya ba ni dus so//gnam du yar bzhin du zhes bya ba dang / sa la ma lhung ba nyid du zhes bya ba ni yul lo/ /bar ma do zhes bya ba'i lha ni zhes bya ba rgyas par 'byung ngo / /tshe'i tshad kyi bar du 'am zhes bya ba la/ tshe'i tshad kyi snga rol du ste tshe yongs su ma rdzogs pa kho nar zhes bya ba'i don to//lha dang nye ba'i bar du zhes bya ba la/ lha rnams kyi drung ni lha dang nye ba ste/ de'i bar ni lha dang nye ba'i bar ro/ /bshad pa 'di la lcags kyi tsha tsha la sogs pa'i dpe rnam pa gsum ji ltar rung zhe na/ de'i phyir/ khams kyi gnas skabs pa'am zhes bya ba rgyas par smras so//skyes pa tsam gyis nyon mongs pa'i sa bon gyi gnas skabs kho nar lam mngon du gyur pa las yongs su mya ngan las 'da' ba ste/ 'dir ni dbang po rnon po yin no zhes grag go/ /'du shes kyi gnas skabs pa'am zhes bya ba ni yul gyi 'du shes kun du spyod pa'i gnas skabs su'o//gzhan dag na re nyon mongs pa skyes pa yongs su gcod par byed pa gang yin pa de 'du shes kyi gnas skabs pa yin no zhes zer te/ 'di ni dbang po 'bring po'o/ /rnam par rtog pa'i gnas skabs pa zhes bya ba ni de'i sa pa'i nyon mongs pa'i rnam par rtog pa kun du spyod pa'i gnas skabs su'o//gzhan dag na re rnam par rtog pa ni dpyad pa yin pa'i phyir shes rab kun du spyod pa'i gnas skabs su yin no/ /'dir rnam par rtog pa ni sems rtsing ba la mi 'dod de/ de ni bsam gtan dang po'i sa pa yin pa'i phyir gnyis pa la sogs pa dag na bar du mya ngan las 'da' bar mi 'gyur ro//'di ni dbang po rtul po yin no/ /yang na dang po ni gzugs kyi khams su zhes bya ba rgyas par 'byung ba la/ 'di la dpe ni dper na zhogs ma'i me chung zhes bya ba la sogs pa'o/ /gnyis pa ni lha rnams kyi 'byor pa zhes bya ba la/'di la yang dpe ni dper na lcags kyi tsha tsha gnam du yar bzhin du zhes bya ba rgyas par 'byung ba'o/ /gsum pa ni lha rnams kyi chos yang dag par 'gro ba'i zhes bya ba la/ 'dir yang dpe ni dper na lcags kyi tsha tsha gnam du yar nas zhes bya ba la sogs pa ste/de lta na dpe gsum gyi sgo nas rnam pa gsum yin no/ /de lta na yang bar ma do dang skyes nas yongs su mya ngan las 'da' ba dag las khyad par mi mngon pas khyad par bstan pa'i phyir skyes nas yongs su mya ngan las 'da' ba ni zhes bya ba rgyas par smras so//tshe phal cher bcom nas zhes bya ba ni tshe phal cher phyid nas so/ /de dag thams cad kyang zhogs ma la sogs pa'i dpe dag dang mi 'byor to/ /ci'i phyir zhe na/ yul du 'gro ba'i bye brag med pa'i phyir zhes bya ba 'byung ste/ yul du 'gro ba'i bye brag med pa'i phyir ro/ /de dag la ni yul du 'gro ba'i bye brag yod pa ma yin te/yul de nyid du yongs su mya ngan las 'da' ba'i phyir ro/ /mdo las gsungs pa'i dpe gsum la ni yul du 'gro ba'i bye brag yod do/ /yang na yul gyi bye brag med pa'i phyir dang / 'gro ba'i bye brag med pa'i phyir zhes re re la bye brag med pa'i sgra sbyor ro//gzugs med pa dag tu yang bar ma dor yongs su mya ngan las 'da' ba zhes bya ba la sogs pa la/ ji ltar gzugs med pa dag tu bar ma dor yongs su mya ngan las 'da' ba ma gsungs par gtogs she na/ bsam gtan dag gis bcu tshan bzhi zhes bya ba rgyas par smos so//bsam gtan bzhi dag gis bcu tshan bzhi ste/ bsam gtan re re la gang zag bcu bcu dbang du byas pa'i phyir ro/ /gzugs med dag gis bdun tshan gsum/ /zhes bya ba la/ bar ma dor yongs su mya ngan las 'da' ba dang skye ba gnyis ma gtogs pa ste/gzugs med pa'i phyir srid pa bar ma mi srid do/ /'du shes kyis ni drug tshan du/ /zhes bya ba la/ 'di la ni gong du 'pho ba yang med de/ /sa gzhan med pa'i phyir ro/ /tshoms su yang dag sdebs zhes bya ba ni sbyar zhes bya ba'i tha tshig go/ / ji lta zhe na/ 'di na dge slong rnam pa gang dag dang rtags gang dag dang mtshan ma gang dag gis 'dod pa dag las dben pa sdig to mi dge ba'i chos rnams las dben pa/ rtog pa dang bcas shing dpyod pa dang bcas pa dben pa las skyes pa'i dga' ba dang bde ba can dang bsam gtan dang po nye bar bsgrubs nas gnas so//de rnam pa de dag dang rtags de dag dang mtshan ma de dag yid la mi byed kyi 'on kyang de gzugs kyi rnam pa'am/ tshor ba'i rnam pa'am/ 'du shes kyi rnam pa'am/ 'du byed kyi rnam pa'am/ rnam par shes pa'i rnam pa gang zhig der nye bar dmigs pa'i chos de dag nang du yid la byed/'bras dang zug rngu dang / sdig pa dang / mi rtag pa dang / sdug bsngal ba dang / stong pa dang / bdag med par yid la byed/ de chos de dag la yid byung zhing skrag ste phyir zlog par byed/ de chos de dag la skyo zhing skrag ste phyir bzlog nas/'di ni zhi ba'o/ /'di ni gya nom pa ste/ 'di lta ste phung po thams cad nges par spangs pa/ sred pa zad pa/ 'dod chags dang bral ba/ 'gog pa/ mya ngan las 'das pa'o zhes 'chi ba med pa'i dbyings la sems gtod par byed do/ /mdo de nyid gsungs nas khyad par ni 'di yin te/de ltar shes shing de ltar mthong ba ste 'dod pa'i zag pa las sems rnam par grol/ srid pa'i zag pa dang ma rig pa'i zag pa las sems rnam par [(]brol [,]grol[)]/ grol nas kyang bdag rnam par grol lo/ /bdag gi skye ba zad do//tshangs par spyod pa spyod do/ /bya ba byas so/ /'di las srid pa gzhan mi shes so snyam du ye shes mthong ba 'byung ngo / /mdo de nyid du gsungs nas khyad par ni 'di yin te/ de 'dir rnam par mi grol gyi chos la 'dun pa de nyid dang / chos la chags pa de nyid dang /chos la dga' ba de nyid dang / chos la mngon par dga' ba de nyid kyis bar ma dor rnam par grol bar 'gyur ro/ /mdo de nyid gsungs nas de bar ma dor yongs su mya ngan las 'da' bar mi 'gyur gyi/ 'on kyang skyes nas yongs su mya ngan las 'da' bar 'gyur ro//de skyes nas yongs su mya ngan las 'da' bar mi 'gyur gyi/ 'on kyang mngon par 'du byed pa dang bcas par yongs su mya ngan las 'da' bar 'gyur ro/ /de mngon par 'du byed pa dang bcas par yongs su mya ngan las 'da' bar mi 'gyur gyi/ 'on kyang mngon par 'du byed pa med par yongs su mya ngan las 'da' bar 'gyur ro//de mngon par 'du byed pa med par yongs su mya ngan las 'da' bar mi 'gyur gyi/ 'on kyang gong du 'pho bar 'gyur ro/ /de gong du 'pho bar mi 'gyur gyi/ 'on kyang chos la 'dun pa de nyid dang / chos la chags pa de nyid dang /chos la dga' ba de nyid dang / chos la mngon par dga' ba de nyid kyis tshangs chen gyi lha rnams dang skal ba mnyam par skye bar 'gyur ro/ /de tshangs chen gyi lha rnams dang skal ba mnyam par skye ba ma yin gyi/ chos la 'dun pa de nyid dang / chos la chags pa de nyid dang /chos la dga' ba de nyid dang / chos la mngon par dga' ba de nyid kyis tshangs pa'i mdun na 'don gyi lha rnams dang skal ba mnyam par skye bar 'gyur ro/ /de tshangs pa'i mdun na 'don gyi lha rnams su skye bar mi 'gyur gyi/ chos la 'dun pa de nyid dang / chos la chags pa de nyid dang / chos la dga' ba de nyid dang / chos la mngon par dga' ba de nyid kyis tshangs ris kyi lha rnams dang skal ba mnyam par skye bar 'gyur ro/ /de ltar na re zhig na bsam gtan dang po la mdo bcu'o/ /de bzhin du bsam gtan gnyis pa la yang snga ma 'dra bar mdo bcu ste/skye ba la ni 'od gsal ba rnams dang skal ba mnyam par skye bar 'gyur ro/ /de nas tshad med rnams dang ngo / /de nas 'od chung ba rnams dang ngo / /de ltar na 'di dag ni bsam gtan gnyis pa'i mdo bcu'o/ /de bzhin du bsam gtan gsum pa la yang snga ma dang 'dra bar mdo bcu ste/skye ba la ni dge rgyas pa rnams dang skal ba mnyam par skye'o/ /de nas tshad med dge ba rnams dang ngo / /de nas dge chung gi lha rnams dang skal ba mnyam par skye'o/ /bsam gtan bzhi pa la yang snga ma bzhin du mdo bcu ste/ skye ba la ni 'bras bu che ba rnams dang skal ba mnyam par skye bar 'gyur ro//de nas bsod nams skyes rnams dang ngo / /de nas sprin med pa rnams dang ngo / /de ltar na 'di dag ni bsam gtan bzhi pa'i mdo bcu'o/ /bsam gtan dag gis bcu tshan bzhi bsdus pa ni de dag yin no/ /de bzhin du nam mkha' mtha' yas skye mched la yang bar ma dor yongs su mya ngan las 'da' ba dang skye ba gnyis ma gtogs pa mdo bdun snga ma bzhin du brjod par bya ste/nam mkha' mtha' yas skye mched du nye bar 'gro ba'i lha rnams dang skal ba mnyam par skye ba 'ba' zhig tu zad do/ /rnam shes mtha' yas skye mched dang /ci yang med pa'i skye mched kyang de dang 'dra'o/ /'du shes med 'du shes med min dag tu ni sa gzhan med cing gong du 'pho ba yang med pas mdo drug brjod par bya'o/ /de lta bas na de thams cad kyang rtog pa tsam du zad do/ /kyang zhes bya ba'i sgras ni gzugs brnyan 'ba' zhig tu ma zad do//gal te tshe'i tshad kyi bar du yongs su mya ngan las 'da' bas bar ma dor yongs su mya ngan las 'da' ba yin na ni/ de lta na 'phags pa shA ri'i bu la sogs pa yang bar ma dor yongs su mya ngan las 'da' ba nyid du thal bar 'gyur ro/ /'di ltar byang chub sems dpa' srid pa tha ma pa dang byang gi sgra mi snyan pa rnams ma gtogs pa'i sems can thams cad ni phal cher tshe ma zad par 'chi ste/sgra mi snyan ma gtogs par 'chi zhes 'byung ba'i phyir ro/ /de'i phyir lung las kyang srid pa bar ma grub po/ /de nyid kyi phyir de dag la ni/lung las kyang zhes bya ba smos te/ kyang zhes bya ba'i sgras ni rigs pa las kyang ngo / /bdud sun 'byin byed ces bya ba la/ de bzhin gshegs pa 'od srungs kyi nyan thos mkhas mgu zhes bya ba zhig byung bar gyur la/ de'i tshe bdud sun 'byin byed ces bya ba zhig gis rdo'i tshal pa zhig gis de'i mgo bcag par gyur to//rang gi lus kho nas zhes bya ba rgyas par 'byung ste/ skad cig de nyid la'o/ /gal te srid pa bar ma yod na ni de rang gi lus kho nas mnar med par ltung bar mi rigs te/ de'i rang gi lus ni sngar gyi lus yin pa'i phyir ro/ /de lta ma yin na ni gang las de kho na rang gi lus kyis yin par 'gyur ba/de la gzhan dag pas khyad ci zhig yod ce na/ khyad par yod de/ de ni gson po kho nar dmyal ba'i me dag gis bskor ro zhes shes par bya ba'i phyir/ rang gi lus kho nas zhes gsungs te/ sngar gyi lus kho nas dmyal bar 'gro bar ni mi rigs so//las shin tu drag po yongs su rdzogs pa rnams ni zhes bya ba la sogs pa la/ zhing dang bsam pa'i khyad par dang ldan pa'i phyir dang / 'jug pa rnyed pa'i phyir na shin tu drag po rnams so/ /bsags pa'i phyir ram rnam par smin pa nges pa'i phyir na yongs su rdzogs pa rnams so//gson po kho nar dmyal ba'i me dag gis bskor ba de'i phyir 'di'i mthong ba'i chos la myong bar 'gyur ba'i las ni dang por smin pa yin no/ /de ni zhes bya ba la/ srid pa bar ma yod na snyam du bsams pa'o/ /de ma thag tu dmyal ba dag tu skye'o zhes bya ba ni de ma thag tu zhes 'byung bas srid pa bar ma med do zhes bya ba'o//'gro ba gzhan du mi 'gro bar zhes bya ba ni ngas 'di ni skye ba gzhan 'gog pa lhur byed pa yin gyi/ srid pa bar ma 'gog pa lhur byed pa ni ma yin no snyam du bsams pa'o/ /sgra ji bzhin du brtag na ni mtshams med pa dag lnga char byas pa kho nas dmyal bar 'gro ba yin no zhes bya bar 'gyur gyi/gcig gam gnyis kyis ni ma yin te/ lnga zhes sgra brjod pa'i phyir te gsungs pa'i phyir zhes bya ba'i don to/ /byas ma thag tu yin gyi zhes bya ba la/ mtshams med pa byas ma thag tu dmyal ba dag tu skye bar 'gyur gyi/dus gzhan gyi bar du gson por 'dug nas ni ma yin te/ gang gi phyir byas shing bsags nas dmyal ba dag tu skye'o zhes sgras gsungs pa'i phyir ro/ /srid pa bar ma skye ba nyid yin par zhes bya ba rgyas par 'byung ba la/ skye ba ni ris mthun par nye bar son pa yin la/ srid pa bar ma yang de la mngon du phyogs pa yin pas 'chi ba'i mjug thogs su srid pa bar ma kho nas dmyal ba dag tu skye ba yin gyi skyes pa ni ma yin no/ /gal te de ma thag tu dmyal ba dag tu skyes pa yin no zhes smras na ni srid pa bar ma med par 'gyur ba zhig go//bram ze na tshod khyer zin zhes bya ba la sogs pa rgyas par 'byung ba la/ 'chi ba'i drung du 'di'i na tshod khyer bas na na tshod khyer zin pa'o/ /bram ze zhes bya ba ni bod pa ste/ bram ze 'khogs pa 'ga' zhig la bos pa'o/ /bar na khyod kyi gnas kyang yod pa ma yin zhes bya ba la/ 'di ni 'dir srid pa bar ma med pa'i khungs yin no/ /lam brgyags kyang ni zhes bya ba la/ khyod la 'jig rten pha rol gyi lam brgyags kyang yod pa ma yin te/ khyod la dge ba'i tshogs kyang yod pa ma yin no snyam du dgongs pa'o/ /mi dag gi nang na gnas su med do zhes bya ba ni khyod na bar gyur pa la mi dag gi nang gnas su med do zhes bya ba la/'gro ba la gegs byed pa med pa'i phyir zhes bya ba ni 'gro ba mi 'gog pa'i phyir te/ thogs par byed pa med pa'i phyir zhes bya ba'i don to/ /'di la khyod kyis thal ma thag tu srid pa bar ma yod par ji skad smras pa 'di ni dgongs pa yin gyi/ srid pa bar ma med do zhes kho bo cag gis 'dod pa 'di ni dgongs pa ma yin no zhes bya ba 'di ga las she na/slob dpon gyis brtag pa 'di khyod la yang mtshungs te zhes bya ba smos te/ dri ba 'di zhes bya ba'i don to/ /'di la khyod kyi srid pa bar ma med do zhes ji skad smras pa 'di ni dgongs pa yin gyi/ kho bo cag gis srid pa bar ma yod do zhes ji skad smras pa 'di ni dgongs pa ma yin no zhes bya ba 'di go ga las/de lta bas na gnyis ka'i phyogs la yang zhes bya ba rgyas par 'byung ba la/ srid pa bar ma yod do/ /srid pa bar ma med do zhes bya ba gnyis ka'i phyogs la yang khyod dang yang ji skad bshad pa'i mdo mi 'gal ba'i phyir te/bdud sun 'byin byed kyi mdo la sogs pa mi 'gal ba'i phyir ro/ /'di ni zhes bya ba rgyas par 'byung ba la/ shes par byed pa gzhan du shes par mi byed pa yin no zhes bya ba ni khungs kyi don shes par byed pa gang la gzhan du shes par byed pa med pa'o//'di skad bstan par 'gyur te/ tshigs su bcad pa'am mdo gang gi don rnam pa gzhan du bkri bar mi nus pa de ni khungs yin la/ gang gi don rnam pa gzhan du yang yin par mi 'gal ba des ni brjod mkhan nyid sel bar byed pa yin no/ /de'i phyir rigs pa dang lung las srid pa bar ma grub po//yang 'gro ba gang du 'gro bar 'gyur ba'i zhes bya ba rgyas par 'byung ba ni ci dmyal ba la sogs par 'gro ba thams cad kyi srid pa bar ma'i sha tshugs gcig mngon par 'grub bam/ 'on te sha tshugs tha dad pa zhig 'byung zhes rnam par dpyad pa ste/ de'i phyir de ni 'phen pa gcig pa'i phyir zhes bya ba rgyas par smos so//las ni rnam pa gnyis te/ phan par byed pa dang / yongs su rdzogs par byed pa'o/ /de la de dag gi yongs su rdzogs par byed pa ni du ma yin gyi 'phen par byed pa ni gcig yin te/ de'i phyir de ni 'phen pa gcig pa'i phyir/ sngon dus srid 'byung sha tshugs can//zhes bya ba smos so/ /'di la dus snga ma'i srid pa 'byung bar 'gyur ba'i sha tshugs lta bu yod pas na sngon dus srid 'byung sha tshugs can te/ rgya yi 'bur bzhin no/ /sngon gyi dus smos pa ni 'chi ba'i srid pa dang skye ba'i srid pa las khyad par du bya ba'i phyir ro/ /mngal na gnas pa rnams kho na 'chi na 'gro ba lnga pa'i srid pa bar ma mngon par 'grub ste/'gro ba lngar 'gro ba'i zhes bya ba'i don to/ /gal te mngal na gnas pa 'chi ba de'i dmyal ba'i srid pa bar mas mngal 'tshig par 'gyur te/ dmyal ba ni rab tu 'bar ba yin la/ srid pa bar ma yang de'i rang bzhin yin pa'i phyir ro//lhag pa dag na 'phyan pa na/ /zhes bya ba la/ lhag pa dag ni me mar mur la sogs pa'o/ /yang na 'bar du chug na yang / /zhes bya ba ni dmyal ba'i srid pa bar ma'o/ /mngal na phan tshun mi reg pa'i phyir dang zhes bya ba la/ lus dang ba nyid kyis srid pa bar ma rnams phan tshun mi reg pa'i phyir dang /las la rag las pa'i phyir mi tshig go/ /gzhan dag ni dmyal ba'i me ni nyes pa byas pa dag kho na las 'byung ba'i phyir skyon 'di med de/ ma bsags shing las kyi 'bras bu ma thob pa dmyal ba'i mes mi tshig go zhes bya ba ni nges pa yin no zhes zer ro//gang gi phyir gzhon nu thor bu lta bu mtshan dang dpe [(]byed [,]byad [)]dang bcas pa ma'i mngal du 'jug pa de'i phyir des 'dzam bu'i gling bye ba phrag brgya snang bar mdzad de/ lhan cig skyes pa'i 'od yongs su rdzogs pa'i phyir ro/ /bye ba phrag brgya zhes bya ba ni stong gsum gyi stong chen po'i 'jig rten gyi khams so//glang po che phru gu dkar po zhes bya ba la/ gal te srid pa bar ma sngon gyi dus kyi srid pa 'byung bar 'gyur ba'i sha tshugs can yin na/ ci'i phyir byang chub sems dpa'i yum gyis glang po che'i phru gu de lta bu'i rang bzhin can gzigs she na/ de ni mtshan ma tsam du zad do zhes bya ba 'byung ste/mtshan mkhan rnams lung ston pa dang rjes su mthun par zad do/ /dud 'gro'i skye gnas bzlog nas yun ring du lon pa'i phyir zhes bya ba ni bskal pa brgya lus pa nas te/ de nas bzung nas de'i ngan song thams cad log pa yin no/ /dper na rgyal po kr-i kI zhes bya ba la ji ltar rgyal po kr-i kIs 'byung bar 'gyur ba'i don gyi mtshan ma tsam du rmi lam bcu mthong ba lta bu'o//rgyal po kr-i kIs nub gcig la rmi lam bcu rmis par grag ste/ 'di lta ste glang po che skar khung nas byung nas mjug ma thogs pa dang / khron pa chu shin tu dang zhing zhim la ma rnyogs shing ma g.yogs pa zhig ma 'thungs pa kho nar skams pa dang /tsan dan go shiR+Sha dang e raN+Da'i bud shing brje ba dang / mu tig bre gang phye bre gang du 'tshong ba dang / skye bo'i tshogs chen pos spre'u dang dbang bskur ba dang / skyes bu mi gtsang bas gos pa zhig gzhan dag la yang bsgo ba dang / glang po che'i phru gus glang po che chen po zil gyis gnon pa dang /lha'i tshal nas me tog la sogs pa khyer ba dang / dga' ston chen po dor ba dang / skyes bu bco brgyad kyis ras yug gcig drangs kyang mi 'dral bar mthong la/ mthong nas kyang skrag ste yang dag par rdzogs pa'i sangs rgyas 'od srungs la gsol pa dang / bcom ldan 'das des dbugs 'byin par mdzad cing bka' stsal pa/rgyal po chen po ma 'jigs shig 'di dag khyod kyi 'chi ltas ston par byed pa ni ma yin te/ 'o na ci zhe na/ ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba zhig 'byung ste/de'i gsung rab nyams par 'gyur ba'i mtshan mar gyur pa zhig go/ /dper na ji lta zhe na/ de'i nyan thos chen po longs spyod spangs shing rab tu byung nas slong mo gzar bu gang byin pa tsam gyis rnyed pa bkur sti la ltos par skyed de/ glang po che skar khung la mjug ma thogs pa ltar tshul ma yin pas nyon mongs par 'gyur zhing legs pa'i don la mi rtsol bar 'gyur/khron pa chu ma 'thungs par skams pa ltar chos smra ba chos ston pa la 'ga' yang nyan par mi 'gyur/ go shiR+Sha dang 'dra ba'i gtsug lag dang dam pa ma yin pa'i bstan bcos dag brje bar 'gyur/zang zing gi phyir mu tig bre gang lta bu'i chos ston par 'gyur/ spre'u lta bu'i tshul khrims 'chal pa la mdun gyis 'dar bar 'gyur/ tshul khrims 'chal pa la brtsad dang mi gtsang bas gos pa ltar bdag kho nar ma zad do zhes dad pa dang ldan pa gzhan dag la yang skur bar 'gyur/glang po che'i phru gu dang 'dra ba'i gsar bus glang po che chen po dang 'dra ba'i rgan po rnams la spyo bar 'gyur/ /dge 'dun nam mchod rten gyi me tog dang 'bras bu la sogs pa blangs te khyim pa dag la ster bar 'gyur/ dga' ston chen po dang 'dra ba'i so sor thar pa'i mdo 'don pa la 'dus nas rtsod pa smra bar 'gyur/bstan pa rnam pa bco brgyad du 'gyes par 'gyur/ de dag kyang ras yug lta bu'i rnam par grol ba'i ras yug 'dren cing / de gzhan nyid du yang mi 'gyur ro/ /bsdu ba'i tshigs su bcad pa ni/ /glang chen khron pa go shiR+Sha/ /spre'u dang mu tig bre gang dang / /lus chen ba glang phru gu dang / / 'bras bu me tog dga' ston dang / /ras yug bco brgyad 'dren pa ste/ /kr-i kI'i rmi lam bsdus pa'o/ /zhes bya ba'o/ /srid pa bar ma ni lto brtol te 'jug pa ma yin gyi zhes bya ba la/ ci'i phyir zhe na/ las kyi lto ba 'dzin par byed pa de'i phyir skye gnas kyi sgo nas 'jug go/ /gzugs na spyod pa zhes bya ba rgyas par 'byung ngo //'og min na lus kyi tshad dpag tshad khri drug stong pa rnams 'dzam bu'i gling du mngon par 'grub pa'i go skabs yod par mi 'gyur ro zhe na/ nam mkha' yangs pa'i phyir dang / rten nor bu'i 'od la sogs pa'i snang ba dang 'dra bas 'gar yang thogs pa med pa'i phyir ro/ /ngo tsha shes pa shas che ba'i phyir zhes bya ba la ni ngo tsha shes pa shas mang ba'i phyir ro//byang chub sems dpa' yang gos dang bcas pa yin te/ ngo tsha shes pa dang khrel yod pa shas che ba'i phyir gzugs kyi khams kyi srid pa bar ma bzhin no/ /dge slong ma dkar mo'i yang gos dang bcas pa yin te/ /dge 'dun la chos gos phul ba'i smon lam gyi dbang gis de'i gdung la bkur sti bya ba'i phyir mchod rten bzhengs pa yang dkris pa nyid du 'gyur ba yin no//yang srid pa snga ma zhes bya ba la sogs pa 'byung ngo / /srid pa zhes bya ba ni zag pa dang bcas pa'i dngos po thams cad yin pas/ srid pa zhes bya ba ni bye brag med par/nye bar len pa'i phung po lnga dag go zhes bya ba smos te/ 'dir ni sems can zhes bya ba kho na gzung ngo / /de ni rnam pa bzhir dbye ste zhes bya ba la/ de ni gcig kho na yin mod kyi skye ba dang / gnas skabs kyi bye brag gis rnam pa bzhir dbye'o/ /skye ba'i srid pa ni 'gro ba rnams su nying mtshams sbyor ba'i skad cig ma'o//de phan chad 'chi ba'i srid pa ma gtogs pa srid pa gzhan ni dus snga ma'i srid pa yin no/ /gang gi 'og tu srid pa bar ma 'byung ba yin no zhes bya ba la/ gzugs med pa'i khams su skye ba'i ji ltar yin zhe na/ gal te sems can gzugs can dag gi nang du skye na zhes bya ba smos te/gzugs can smos pas ni 'dod pa dang gzugs na spyod pa'i sems can gzung ngo / /gzugs med pa'i khams su skye ba la ni tshul 'di yod pa ma yin te/ de na srid pa bar ma med pa'i phyir ro/ /srid pa bar ma de yang lung dang rigs pa'i yul yin pa 'ba' zhig tu ma zad de/'o na ci zhe na/ ris mthun lha mig dag pas mthong / /ris mthun pas blta bar bya ba yin zhing / lha mig dag pas blta bar bya ba yin no/ /ris mthun pa'i srid pa bar ma dag gis mthong ngo zhes bya ba la/ dmyal ba'i srid pa bar ma ni dmyal ba'i srid pa bar ma kho nas mthong gi / gzhan gyi srid pa bar ma dag gis ni ma yin te/ gzhan dag la yang de dang 'dra bar brjod par bya'o/ /gang dag la lha'i mig rnam par dag pa mngon par shes pa las byung ba yod pa de dag gis kyang 'di mthong ngo / /skyes nas thob pa dgag pa'i phyir mngon par shes pa las byung ba zhes bya ba smos te/mngon par shes pa'i rang bzhin dang / bsgoms pa'i 'bras bu zhes bya ba'i don to/ /lha'i mig skyes nas thob pas kyang mi mthong ngo / /de nyid la rgyu smos pa ni shin tu dang ba'i phyir zhes bya ste/ skyes nas thob pa'i mig gi yul ma yin pa'i phyir zhes bya ba'i don to/ / gzhan dag na re lha'i srid pa bar ma bas thams cad mthong ngo zhes bya ba ni/ de'i mig ni 'gro ba dang 'dra bar khyad par du 'phags pa'i phyir te/ gzhan la yang de bzhin du brjod par bya'o/ /dbang po kun tshang zhes bya ba la/ sngon gyi dus kyi srid pa'i sha tshugs can yin yang / rnam par smin pa'i snying po dang yin pa'i phyir dang / srid pa tshol ba yin pa'i phyir dbang po ma tshang ba med pa yin te/ de lta ma yin na sna med pa dang mig med pa skye ba nyid du mi 'gyur ro/ /'gro ba gang dang / khams dang gnas gang du skye bar 'gyur ba ni de las rnam pa thams cad du bzlog tu med do/ /mi'i srid pa bar ma med par gyur nas zhes bya ba rgyas par 'byung ste/khams dang gnas dag la yang de dang 'dra bar rig par bya'o/ /'di 'gro ba gang gi dbang du byas nas zhes bya ba rgyas par 'byung ste/ ci'i phyir zhe na/ 'gro ba dang srid pa bar ma las gcig gis 'phangs pa'i phyir dang / 'gro ba 'dir phyin par bya ba'i phyir 'grub pa'i phyir ro//yang ci 'dod pa na spyod pa'i srid pa bar ma yang zhes bya ba la sogs pa la/ 'dod pa na spyod pa smos pa ni gzugs na spyod pa'i srid pa bar ma bsal bar bya ba'i phyir ro/ /de ni kham gyi zas kyi 'dod chags dang bral ba yin te/ de'i zas ni rnam par shes pa dang yid la sems pa dang reg pa zhes bya ba dang rnam pa gsum mo//de nyid kyi phyir dri za zhes bya'o/ /gang gi phyir de ltar dri za ba yin pa de'i phyir dri za'o/ /dbang chung bar grags pa zhes bya ba ni mi rigs pa ste/ dman pa'i rigs can zhes bya ba'i don to/ /dbang chung ba ni dbang thang chung ba'o/ / dbang chung ba zhes bya bar grags pa gang la yod pa de ni dbang chung bar grags pa yin no/ /dbang che ba ni dbang thang che ba ste/ dbang che ba zhes bya bar grags pa gang la yod pa de ni dbang che bar grags pa yin no/ /btsun pa na re nges pa med de zhes bya ba la/ btsun pa ni dpes ston pa'i sde pa chos skyob po//ji srid du skye ba'i tshogs pa ma rnyed pa de srid kyi bar du gnas so zhes bya ba 'di la rgyu smras pa ni de'i tshe'i 'phen pa logs shig na med de zhes bya ba'o/ /yang de ji ltar shes par bya zhe na/ ris mthun pa gcig pa'i phyir ro zhes bya ba smos te/ dus snga ma'i srid pa gang yin pa dang srid pa bar ma gang yin pa de dag thob par byed pa'i ris mthun pa de ni gcig pa nyid do//tshe'i las gang gis dus snga ma'i srid pa'i tshe 'phen pa de nyid kyis srid pa bar ma'i yin te/ srid pa tshol ba'i phyir ro/ /de lta ma yin na zhes bya ba la/ gal te ris mthun pa tha dad pa 'am tshe'i las kyis tshe logs shig tu 'phen par 'gyur na ni de lta yin dang srid pa bar ma do'i tshe zad pas 'chi ba'i srid par yang 'gyur te/dper na dus snga ma'i srid pa'i tshe zad pas 'chi ba'i srid par 'gyur ba bzhin no/ /de'i phyir nges pa med do/ /gal te sha'i phung po ri rab tsam du zhes bya ba ni slob dpon nyid 'dri bar mdzad pa'o//gzhan dag na re ni 'di la rgyu med par smra ba'i tshig gi glags yod pa de'i phyir des smras so zhe'o/ /de dag dri de tshor zhing de dang lhan cig rgyu ba'i ro myong ba dran nas de dag la chags pa skyes par byed pa de'i phyir dri dang ro la mngon par chags pa zhes bya ba smos so//sad par byas nas sred pa des zhes bya ba ni dri dang ro'i sred pas rnam par smin pa la mngon du phyogs par byas nas srid pa bar ma'i rgyun gyis srin bu'i nang dag tu skye bar 'gyur ro/ /de'i rkyen mang po zhes bya ba ni srin bu'i ngo bo'i rkyen mang po'i tshe ste/ tshogs shing dus la bab pa na/ / 'bras bu nyid du smin par 'gyur/ /zhes 'byung ba'i phyir ro/ /gzhan du ni ma yin te zhes bya ba ni de mang po ma yin pa'i dus so/ /gzhan du ni ma yin pa lta bu'o zhes bya ba ni tshe thung ba ma yin pa ste/ 'khor los sgyur ba 'byung ba ni/ /stong phrag brgyad cu las mi mchi/ /zhes 'byung ba'i phyir ro/ / de nyid kyi phyir na gang gi phyir 'khor los sgyur ba la sogs par 'gyur ba'i las dag yod du zin kyang / /res 'ga' zhig kho na rnam par smin pa mngon par 'grub par bya ba la/ 'jug par rnyed par 'gyur ba'i phyir ro/ /de nyid du zhes bya ba ni srid pa bar ma dor ro/ /srid pa tshol ba yin pa'i phyir zhes bya ba la/de ni skye ba'i dgos pa can yin pa'i phyir srid pa don du gnyer bar byed do/ /myur ba kho nar song ste/ 'gro ba'i yul du skye ste/ de lta ma yin na gang zhig zla ba'am zhag bcur son pa ste/ gal te dus de srid kyis tshogs pa ma rnyed na srid pa bar ma kho nar de la dus snga ma'i srid pa dang 'chi ba'i srid pa dag yod par 'gyur ro//de'i tshe las rnams kho nas zhes bya ba rgyas par 'byung ba la/ 'di skad bstan par 'gyur te/ ba lang dang rta dang rnga mo la sogs pa rnams rab tu grags pa'i 'khrig pa'i dus las 'das nas dus gzhan du yang de'i dbang gis 'khrig par 'gyur te/ gang zhig yul dang dus dang rigs nges par skye ba de'i ni de ltar rig par bya'o/ /'on te ma nges na ni zhes bya ba rgyas par 'byung ba la/ gang zhig dus dang skye ba nges pas yul ma nges par 'phen pa de ni de las gzhan pa'i yul dang skye ba der skye'o/ /gzhan dag na re 'dra ba skye bar 'gyur te/ skye ba de dang yul der skye ba ma nges na ni de'i phyir de dang 'dra ba'i skye bar skye'o zhes zer ro/ /ji lta zhe na/ dus gzhan na ba lang rnams kyi nang du skye bar 'gyur ba gang yin pa de ni ba men rnams kyi nang du skye'o zhes bya la sogs pa 'byung ngo / /las kyi 'phen pa gcig pa'i phyir/ /zhes bya ba la/ las gang gis ba glang la sogs pa'i ris mthun pa 'phen pa'i las de nyid kyis de'i srid pa bar ma 'phen pas ji ltar ris mthun pa gzhan gyis srid pa bar mas ris mthun pa gzhan du skyed par nus te/ de ni brjed par bya ba ma yin no/ /gzhan dag na re ni mi bzlogs zhes bya ba 'di dang 'gal bar ston to zhes zer ro//blo ni phyin ci log gyur pas zhes bya ba la sogs pa la 'dod chags dang zhe sdang dag gis te/ 'di ltar ma la 'khrig pa'i 'dod chags kun du spyod pa'i phyir blo phyin ci log pa yin la/ pha la zhe sdang kun du spyod pa'i phyir ro/ /yang na ni bzlog pa'o/ /pha ma zhes bya ba la/ pha dang ma ni pha ma ste/ pha ma de gnyis so/ /nyal po byed pa ni 'khrig pa'i chos lhag par spyod pa'o/ /pho'i 'dod chags ni pho'i 'o/ /mo'i yang de dang 'dra'o/ /de nyid kyi phyir/ bu ni lhag par ma'i phyogs 'dzin la/ bu mo ni pha'i 'o/ /gnas skabs der zhes bya ba la pho'i nyal po la ni pha'i gnas skabs su'o//mo'i nyal po la ni ma'i gnas skabs su'o/ /'dir smras pa/ 'di ni rang gi rigs su mngal skyes sam/ /gal te sgo nga las skyes 'byung 'gyur na/ /de yi dus su ma de dang ni pha/ /sbyor ba mthong nas dregs pas rab dgar 'gyur/ /rtse dgas de dag drung rgyug pha yis ni/ / khu chu de mthong kun du rmongs pa yis/ /bdag nyid ji bzhin de la chags 'gyur te/ /mo na mo bzhin pho na pho bzhin no/ /mi gtsang ba der zhes bya ba rgyas par 'byung ba la/ mi gtsang ba ni khu khrag go/ /mngal gyi gnas ni pho ba dang long ka dang gnyis kyi bar ro/ /khu chu dang khrag 'di ni bdag gi yin no snyam ste dga' ba skyes nas ma'i mngal du zhugs te khu chu dang khrag thigs pa gcig gnyis kyis nur nur por gnas te/'dab chags su gnas zhes bya ba'i don to/ /de nas 'dab chags su gnas pa de'i phung po mkhrang bar gyur pa zhes bya ba ni rags par 'gyur ba ste/nur nur po'i lus yin pa'i phyir ro/ /srid pa bar ma pa'i shin tu dang ba dag ni 'gag par 'gyur te/ 'dir skye ba dang 'gag pa ni sa bon dang myu gu dang 'dra bar blta bar bya ba'o/ /rgyab rol du bltas te tsog tsog por zhes bya ba ni/ bdag nyid la pha'i spyod lam lhag par mos pa'i phyir ro//de bzhin du lto rol du kha lta'o zhes bya ba yang bdag nyid la ma'i gnas skabs su lhag par mos pa'i phyir de ltar skye ste/ g.yon phyogs kyi ngang tshul can yin pa'i phyir lto'i g.yon phyogs su snyes so/ /phyis lus skye zhing zhes bya ba ni rgyas pa dang 'phel zhing zhes bya ba'i don to/ / de dag kho na yin te zhes bya ba ni khu chu dang khrag gi 'byung ba dag kho na'o/ /ji lta zhe na/ khu chu dang khrag dbang po med pa ni zhes bya ba rgyas par 'byung ngo / /sa bon dang myu gu 'gag pa dang skye ba'i tshul du zhes bya ba la/ skad cig ma gcig kho na las sa bon 'gag cing myu gu skye ste/ ji ltar srang mda' gnyis cig car mthon dman du 'gyur ba de bzhin du cig car 'gag pa dang skye bar 'gyur ro//nur nur po zhes bya ba gang yin pa zhes bya ba ni khu chu dang khrag gi mjug thogs su/ dang po nur nur po yin no/ /nur nur po las mer mer skye zhes bya ba la sogs pa 'byung ba'i phyir ro/ /dur khrod bskyed do zhes bya ba la sogs pa la dur khrod ni dur khrod de/yang dang yang du shi bas 'phel bar byas pa'o/ /khrag gi thigs pa blangs so zhes bya ba 'di ni 'di'i dper brjod pa ste/ lus kyi dbang po la sogs pa'i ngo bor gyur pa'i phyir ro/ /mdo'i tshig ces bya ba ni dge slong dag gzeb ces bya ba ni lus gzugs can rags pa/ 'byung ba chen po bzhi las byung ba/pha dang ma'i mi gtsang ba nur nur po las byung ba 'bras chan dang zan dron gyis rgyas par byas pa 'di'i tshig bla dgas so zhes rgyas par 'byung ba'o/ /gzhan dag na re 'byung ba gzhan dag kho na yin te zhes bya ba la/ srid pa bar ma mi 'byung ba nur nur po'i 'byung ba dang 'brel pa dag ni nur nur po dang lhan cig 'gag la/de dag kyang 'gag pa na lhan cig byed pa'i rkyen gzhan nur nur po la brten nas sngar gyi 'byung ba dang mtshan nyid mi mthun pa'i 'byung ba gzhan dbang po dang bcas pa dag gi rgyur 'gyur ro/ /dper na lo ma'i srin bu lta bu yin la zhes bya ba la/lo ma'i 'byung ba dag la brten nas las rnams las 'byung ba dag skye ba de dag dbang po'i rten gyi ngo bor 'gyur gyi/ lo ma'i 'byung ba chen po dag ni srin bu'i rten ma yin no/ /ga las she na/ lo ma dum bu re re nas ma dmigs pa'i phyir ro/ /de lta na 'o na pha dang ma'i mi gtsang ba nur nur po las 'byung ba zhes bya ba'i mdo dang 'gal lo zhe na/de'i lan du mi gtsang ba la brten nas skye ba la dgongs te gsungs pa'i phyir zhes bya ba rgyas par smos te/ khu chu dang khrag la brten nas de dag gis dbang po'i 'byung ba chen po rnams skye'o zhes bya ba 'di la dgongs shing bsams nas pha dang ma'i mi gtsang ba nur nur po las 'byung ba zhes gsungs pa'i phyir mdo dang 'gal ba med de/dper na lo ma la brten nas skyes pa'i srin bu lo ma'i srin bu yin pa de bzhin du/ pha dang ma'i mi gtsang ba la brten nas skyes pa'i nur nur po yang pha dang ma'i mi gtsang ba nur nur po yin no//re zhig 'dod pa'i khams su sgo nga las skye ba dang mngal las skye ba'i skye gnas su 'jug pa ni de lta bu'o/ /gzhan la zhes bya ba ni drod gsher las skye ba dang rdzus te skye ba'i skye gnas dag la'o/ /ci rigs par zhes bya ba ni/ dri dang gnas la mngon 'dod gzhan/ /zhes bya ba ste/'gro ba'i yul du 'gro'o zhes bya bar sbyar ro/ /ji ltar na dmyal ba dag tu gnas 'dod ce na zhes bya ba ni dmyal ba dag 'jigs pa'i gnas yin pa'i phyir 'dri ba'o/ /sngon gyi slob dpon dag ces bya ba ni sngon gyi mdo sde pa dag go/ /gnas skabs gang gis zhes bya ba ni shan pa la sogs pa'am lings pa la sogs pa dag gi tshe ste/ji skad du/ /ji ltar 'gyur bas de myong las/ /sngar byas pa ni rmi lam ltar/ /sems can de 'dra mthong gyur nas/ /dmyal bar rab tu rgyug par 'gyur/ /zhes bshad do/ /yang srid pa bar ma pa gang zhig skye ba'i yul du ji ltar 'gro zhe na/de la lha'i srid pa bar ma ni zhes bya ba rgyas par 'byung ngo / /stan las ldang ba bzhin du zhes bya bar ni gnas gong mar skye ba'i phyir ro/ /mi dang dud 'gro dang yi dags rnams kyi ni zhes bya ba la/ mi'i srid pa bar ma ni mi bzhin no/ / dud 'gro'i srid pa bar ma ni dud 'gro bzhin no/ /yi dags kyi srid pa bar ma ni yi dags bzhin te/ rgyab kyis 'gro bas yi dags yin pa'i phyir ro/ /drang srong rnams la skur 'debs pa/ /zhes bya ba ni lhag par spong ba dang / glang 'debs pa zhes bya ba'i don to/ /ci srid pa bar ma thams cad blo phyin ci log tu gyur pas ma'i mngal du 'jug gam zhe na/smras pa ma yin te/ 'on kyang mngal du 'jug pa ni bzhi zhes bya ba rgyas par 'byung ngo / /mngal du 'jug pa 'di bzhi zhes bya ba ni mngal du 'jug pa dang gnas pa dang 'byung ba'i khyad par gzhan med do snyam du bsams pa'o//sems nyon mongs pa can yin yang 'du shes dang mos pa dag phyin ci ma log pa'i phyir shes bzhin du 'jug go zhes brjod do/ /bzlog ste bstan to zhes bya ba la mdo las ni thams cad shes bzhin ma yin par 'gyur ba gang yin pa 'di thog mar bstan la/ gsum ni ji skad bstan pa kho na bzhin yin no//rmongs pa dang ma rmongs pa'i bye brag 'di ni mngal nas skye ba'i skye gnas la yin te/ sgo nga las skyes pa ni rtag tu thams cad rmongs pa kho nar 'gyur ro/ /gang zhig skye bar 'gyur ba zhes bya ba ni sgra'i tshul gyis dus gsum la bsgrubs pa'i phyir ro//yang na 'byung bar 'gyur ba'i ming gis zhes bya ba ni 'byung bar 'gyur ba'i ming gis kyang ston par byed pa'o/ /'dus byas mngon par 'du byed do zhes bya ba la bskyed pa'i gnas skabs su 'dus byas su 'gyur gyi/ bskyed bzhin pa'i gnas skabs su ni ma yin la/'dus byas ni yang mngon par 'du bya bar mi rigs pas 'dir 'byung bar 'gyur ba'i ming gis de skad bstan to/ /de bzhin du 'bras chan 'tshed do zhes bya ba la sogs pa la yang sbyar bar bya'o/ /gzhan dag na re rgyal po lnga len gyi bu lnga brgya sgo nga las skyes pa yin pa de dag gis kyang rang sangs rgyas kyi byang chub rtogs so zhes bya bar grag ste/de'i phyir sgo nga las skyes pa ni rtag tu thams cad rmongs pa kho nar 'gyur ro zhes bya ba 'di ma nges so zhe na/ rang sangs rgyas bse ru lta bu la dgongs nas gsungs pas nyes pa med do/ /yang ci'i phyir shes bzhin ma yin par 'jug pa shes bzhin du gnas pa dang 'byung ba dag tu mi 'gyur zhe na/mi srid pa'i phyir te/ lus dang dbang po stobs dang ldan pa dang / tshang ba dang / ma nyams pa dang / gsal ba gang gis shes bzhin ma bzhag pa/ lus dang dbang po stobs dang mi ldan pa dang /nyams pa dang ma tshang ba dang / zhan pa de shes bzhin du gnas pa'am 'byung bar 'gyur ba ni srid pa ma yin na/ /log pa'i 'du shes dang mos pa dag ces bya ba la/ 'du shes ni mtshan mar 'dzin pa'o/ /mos pa ni lhag par smos pa'o/ /yang ji ltar log pa dag tu 'gyur zhe na/'di snyam du rlung langs pa 'am char 'bab pa'am zhes bya ba rgyas par 'byung ngo / /gal te rtse dgas 'gro ba'i yul du 'gro'o zhes sngar bstan zin pa ma yin nam/ rlung langs pa'am char 'bab pa'am zhes rgyas par yang ci'i phyir smos she na/ nges pa med par shes par bya ba'i phyir te/'dod chags dang zhe sdang gnyis kho nas blo phyin ci log tu gyur pas skye ba'i yul du 'gro ba ma yin gyi/ 'o na ci zhe na/ rnam pa gzhan du rtswa thibs po'am/ nags thibs po'am/ lo ma'i spyil por 'jug pa 'am zhes rgyas par 'byung ba yang yin te/de ltar bshad na/ skye ba'i srid pa nyon mongs can/ /rang gi sa pa'i nyon mongs kun/ /zhes bya ba 'di yang tshad mar 'gyur ro/ /gzhan dag na re ni rang dang nye ba'i gnas skabs su yin no zhes zer ro/ /yang 'dir zhes bya ba rgyas par 'byung ba la/ shes bzhin la sogs pa mngal du 'jug pa rnam pa bzhir ro//'dir yang 'byung bar 'gyur ba'i ming gis bstan to zhes bya ba ni de'i tshe de dag 'khor los sgyur ba la sogs pa ma yin pa'i phyir ro/ /yang ci'i phyir 'khor los sgyur ba la sogs pa de dag de ltar 'jug snyam na/ rnam grangs gnyis pa'i sgo nas de'i rgyu bstan pa'i phyir/ las sam ye shes sam gnyis ka zhes bya ba rgya cher smos so/ /rgya che'i phyir zhes bya ba ni rlabs che ba'i phyir zhes bya ba'i don to/ /thos pa mang ba dang / rab tu 'byed pa byas pa rnams ni zhes bya ba ni thos pa mang ba yang de dag yin la/rab tu 'byed pa byas pa yang yin no/ /'di skad bstan par 'gyur te/ thos pa dang bsams pa dang bsgoms pa'i shes pa rdzogs pa rnams zhes bya ba'i don to/ /gal te shes bzhin dang shes bzhin ma yin par mngal du 'jug pa zhes bya ba rnam pa gnyis kho na ma yin nam/ji ltar rnam pa bzhir brjod de/ gnas pa dang 'byung ba ni mngal du 'jug pa ma yin pa'i phyir ro zhe na/ 'jug pa gtso bo yin pa'i phyir nyes pa med de/ 'di ltar 'ga' yang shes bzhin ma yin par zhugs nas shes bzhin du gnas pa'am 'byung ba ni med do/ /de'i phyir 'jug pa'i sgras gnas pa dang 'byung ba yang brjod do//da ni 'dir phyi rol pa can rnams zhes bya ba 'byung ste/ /de med pa'i phyir bdag ni yod pa ma yin la/ de dag ni bdag yod do snyam du dmigs nas phyir zlog par byed do/ /ji lta zhe na/ gal te sems can zhes bya ba rgyas par smras te/gal te bdag med na 'di srid pa bar ma'i sgo nas 'jig rten 'di nas 'jig rten pha rol du 'pho zhes ci ste brjod/ 'di ma'i mngal du 'jug pa dang gnas pa dang 'byung ba zhes kyang ci ste brjod/ de'i phyir 'dir gang zhig 'pho ba dang nye bar 'pho ba zhes bya bar khas blang bar bya ba byed pa'i skyes bu 'ga' zhig yod pa yin no zhe na/de dgag par bya ba'i phyir bdag med ces bya ba 'byung ngo / /gsung rab las kyang phung po tsam la bdag go zhes bsnyad pa yod la/ de dgag pa'i phyir dang po'i phyogs dang 'gal lo zhes 'dri ba ni bdag ji lta bu zhig ce na zhes bya ba ste/ci phung po tsam gyi bdag nyid can zhig gam/ 'on te nang gi byed pa'i skyes bu zhig ces bya ba'o/ /de'i phyir gang phung po 'di dag 'dor zhing zhes bya ba rgyas par smos so/ /phung po 'di dag 'dor zhing zhes bya ba ni da ltar ba dag go//gzhan dag tu nying mtshams sbyor ba zhes bya ba ni srid pa bar ma pa dag gam/ skye ba'i cha pa dag go/ /bcom ldan 'das kyis 'di skad du zhes bya bas lung las kyang nang gi byed pa'i skyes bu med par bstan te/ rigs pa las de med par ni/ dbang phyug sogs min rim sogs phyir//zhes bya ba der bshad zin to/ /byed pa po mi dmigs so zhes bya ba ni gzugs dang tshor ba la sogs pa ltar rang gi ngo bos sam/ mig la sogs pa ltar bya ba'i sgo nas te/ de'i phyir ri bong gi rwa dang 'dra bar med do zhes bya bar nges so/ /yang na byed pa po rtog pa'am mi rtag pa zhig gis phung po las tha dad par mi rigs so//'di ltar rtag pa snga phyir rnam par 'gyur bas stong pa ni las rnams kyi byed pa po dang 'bras bu rnams kyi za ba por mi rung ste/ /char dang sol ba'i tshogs la/ nam mkha' ltar byed pa po nyid nyams pas bya ba med pa'i phyir spu yang bsgul bar mi nus na/gang la bya ba'i 'bras bu za bar 'gyur ba/ ci zhig byed pa na byed pa por 'gyur/ de skad du yang / bya ba dang ldan rtag pa med/ /kun du song la bya ba med/ /bya ba med pa med dang mtshungs/ /bdag med la khyod cis mi dga'/ /zhes bshad do/ / de'i phyir rtag pa byed pa po nyid du mi 'thad do/ /chos su brdar btags pa ma gtogs par zhes bya ba la/ brda ni 'du ba ste/ rgyu dang rkyen rnams 'dres pa lta bu'o/ /'di lta ste/ 'di yod pas 'di 'byung ba'o zhes bya ba rgyas par 'byung ngo / /gal te nang gi byed pa'i skyes bu dgag na/ 'o na bdag ji lta bu zhig mi dgag ce na/ phung po tsam nyid do/ /nyid kyi sgra ni nges par gzung ba'i don du ste/ gsung rab las phung po tsam nyid la tha snyad du bdag ces nye bar btags so/ /ci'i phyir zhe na/ de kho na kun nas nyon mongs pa dang rnam par byang ba'i phyir ro/ /de lta na 'o na phung po dag ces bya ba rgyas par 'byung ste/de lta yin na mthong ba dang 'gal zhing khas blangs pa dang 'gal lo zhe na/ de dag ni mi 'pho ste/ skad cig ma yin pa'i phyir ro/ /'o na ji ltar zhe na/ phung po tsam ni/ nyon mongs las kyis mngon 'du byas/ /zhes bya ba rgyas par 'byung ste/nyon mongs pa rnams dang las rnams kyi rnam par smin pa dang rgyu mthun pa'i 'bras bu skyed pa'i nus pa gzhag pa'i phyir yongs su bsgos pa zhes bya'o/ /nyon mongs pa rnams dang las rnams zhes gnyis ka smos pa ni gang yang rung ba zhig gis yongs su bsgos pas ma tshong na skye ba 'byung ba mi srid pa'i phyir ro//phung po tsam zhes tsam gyi sgra ni bdag dang bdag gi dgag par bya ba'i phyir ro/ /srid pa bar ma zhes bya ba'i rgyun gyis zhes bya ba rgyas par 'byung ste/ rgyu dang 'bras bu bar mtshams med par 'brel pa ni 'gro ba dang skye ba dang rgyun te/sngar gyi las dang nyon mongs pas 'phangs pa'i tshe nyams su myong nas/ de'i rnam par smin pa'i 'phen pa zad pas mthar 'chi ba'i mtha'i rnam par shes pa rten dang lhan cig 'gag cing srid pa bar ma pa'i rnam par shes pa'i rten skye ba'i rgyur 'gyur la/ srid pa bar ma dag kyang de kho na ltar rgyun chags su sngar gyi las dang nyon mongs pa'i 'phen pa'i dbang gis skye ba'i yul du phyin nas ma'i mngal du 'gag pa na skye ba'i phung po rnams bskyed par bya ba la rkyen du 'gyur te/dper na mar me skad cig ma yin yang snga ma dang phyi mar rgyu dang 'bras bu 'brel pa bar med pas rang gi rgyun gyis yul gzhan du 'gro ba bzhin no//ji ltar 'phangs bzhin zhes bya ba rgyas par 'byung ba la/ rgyu tha dad pa las 'bras bu tha dad par 'gyur la/ sems can so so'i tshe'i las kyang tha dad de/ de tha dad pas tshe'i 'phen pa yang tha dad de/kha cig ni thung la/ gzhan gyi ni ring ngo / /de'i phyir gang zhig ji srid du 'phangs pa zhes bya ba rgyas par 'byung ngo / /mtshan rnams zhes bya ba ni de dag gis de dag mtshon par byed pas mig la sogs pa'i rten rnams so/ /rnam par smin pa las skyes pa zhes bya ba ni 'dir las kyi dbang gis skyes pa la bshad de/de dag sbyor bas bsgrub par bya ba yin pa'i phyir dang / res 'ga' ba yin pa'i phyir rnam par smin pa las skyes pa ni ma yin te/ rnam par smin pa las skyes pa ni rang gi ngang gis 'byung ba'i phyir ro/ /zas kyi bya ba mi mthun par spyad par spyod pa ni zas rno ba dang tsha ba zos pa'o//gnas pa'i bya ba mi mthun par spyod pa ni ma tshang ba dang / se trig go/ /mngal kho nas 'chi ba ni 'jig par 'gyur ba'o/ /rkyag dong zhes bya ba rgyas par 'byung ngo / /dri nga ba dang / mun khung dang / btsog pa'i 'dam rdzab ni dri nga ba mun khung btsog pa'i 'dam rdzab ste/lus kyi rma 'khyims pa chen po der zhes phyis 'chad pa'o/ /srin bu'i rigs shin tu mang po stong phrag ni srin bu'i rigs shin tu mang po stong phrag go/ /de dag gi gnas ni srin bu'i rigs shin tu mang po stong phrag gi gnas te/de'o/ /khu chu dang khrag dang chu ser dang dri ma ni khu chu dang khrag dang chu ser dang dri ma ste/ khu chu dang khrag dang chu ser dang dri ma de dag gis kun nas khyad par du myags shing kun tu myags pa/ rnam par myags pa/ rul ba/ rnags pa/ 'gred pa'o/ /lus la rma sar pa lta bu zhes bya ba la/lus rma sar pa lta bur spyod pa ni rma sar pa lta bu'o/ /gang la lus rma sar pa lta bu yod pa de ni lus rma sar pa lta bu ste/ de ltar gyur pa de'o/ /bdag nyid mtshon pa yin pa mtshon par spyod pa ni mtshon lta bu'o/ /thal ba'i sman lta bu yang de dang 'dra'o/ /lag pa 'di gnyis la mtshon dang thal ba'i sman lta bu'i reg pa yod pa de dag ni mtshon dang thal ba'i sman lta bu'i reg pa dang ldan pa'i lag pa gnyis te/de gnyis kyis so/ /de skye ba'i rgyus zhes bya ba ni 'phel ba'i rjes su 'gro bas zhes bya ba'i don to/ /yang nyon mongs pa rnams kun du spyod cing zhes bya ba rgyas par 'byung ba la/nang dang phyi'i skye mched dang / tshul bzhin ma yin pa yid la byed pa de dag gis rkyen tshogs pa la ltos pa'i nyon mongs pa rnams kun du spyod cing / /las sna tshogs rnams kyang sogs par 'gyur te/ de nyon mongs pa dang las bsags pa de dag gis lus zhig nas yang snga ma bzhin du srid pa bar ma'i rgyun gyi las ji lta ba bzhin du 'jig rten pha rol du 'gro bar 'gyur te/de ltar na/ srid pa'i 'khor lo thog ma med/ /'di ji ltar khong du chud par bya zhe na/ lung dang rigs pa las so/ /de la re zhig lung ni dge slong dag sems can ma rig pa'i sgrib pa dang ldan pa/srid pa'i kun du sbyor ba dang ldan pa/ srid pa'i zhags pas bcings pa/ lam ring por rgyug bzhin pa'i 'khor ba ni thog ma dang tha ma med do/ /sdug bsngal gyi sngon gyi mtha' mi mngon no zhes bya ba'o/ /rigs pa ni thog ma yongs su rtog pa na/dang po'i skye ba de rgyu med pa nyid du 'gyur ro/ /de'i phyir dang po'i skye ba ltar thams cad rgyu med pa nyid du thal bar 'gyur ro/ /skye ba dang po kho na rgyu med pa yin gyi/ thams cad ni ma yin no zhes bya ba gang yin pa 'di la rgyu yod pa yang ma yin no/ /de'i phyir thams cad thams cad kyi tshe thams cad du skye bar thal bar 'gyur te/skye ba'i rgyu nges pa med pa'i phyir ro/ /myu gu la sogs pa dag la sa bon la sogs pa rnams kyi nus pa mthong ba yang yin te/ de yod na yod pa'i phyir la/ de med na med pa'i phyir ro/ /yang 'di ji ltar rtogs par bya zhe na/de'i phyir/ yul dang dus so sor nges pa las zhes bya ba smos so/ /yul so sor nges pa ni sa bon gyi yul kho nar myu gu skye'i gzhan du ma yin pa'o/ /dus nges pas ni sa bon bangs pa'i mjug thogs kho nar myu gu skye'i gzhan gyi tshe ma yin pa'o//yul dang dus so sor nges pa las tshos pa la sogs pa la me la sogs pa'i nus pa yang mthong bas zhes bya bar sbyar te/ 'di ltar tshos pa ni me dang 'brel pa'i yul kho nar skye'i gzhan du ni ma yin la/ me dang 'brel pa'i mjug thogs kho nar 'byung gi / thams cad kyi tshe ni ma yin no/ /rgyu med pa nyid la ni nges pa 'di srid pa yang ma yin no/ /rgyu rtag pa yod par smra ba ni sngar bsal zin pa nyid do zhes bya ba ni/ dbang phyug sogs min rim sogs phyir/ /zhes bya ba'o/ /de skad du yang / ji ltar myu gu byas pa ni/ / sa bon byas las skye ba ltar/ /de bzhin mi rtag thams cad kyang / /mi rtag rnams las skye bar 'gyur/ /de'i phyir 'khor ba la thog ma med pa nyid la/ rgyu med pa yang ma yin zhing / rgyu rtag pa pa yang ma yin no/ /sa bon zad pas myu gu ltar rgyu zad pas tha ma ni rigs te/skye ba rgyu la rag las pa'i phyir ro/ /ji ltar sa bon tshig pa'am 'byung ba dang 'byung ba phye mar glags na myu gu skye ba yod pa ma yin pa de bzhin du/ nyon mongs pa la sogs pa'i rkyen ma tshang bas skye ba 'byung ba med do/ /'dir smras pa/ ji ltar sa bon mtha' mthong zhing //de yi thog ma mi mngon ltar/ /de bzhin rkyen dag ma tshang bas/ /skye ba yang ni mi 'byung ngo / /gang la rgyu yi thog mthong ba/ /gang gi tha ma mthong bar 'gyur/ /sgra dang me lce sogs kun gyi/ /mtha' mthong thog ma nyid yin no/ /de ltar na skye ba gcig nas gcig tu brgyud pa'i tha ma mi 'gal te/rgyu la rag las pa'i phyir ro/ /de ltar phung po'i rgyun skye ba'i gnas skabs gsum bstan pa gang yin pa zhes bya ba ni 'jig rten pha rol nas 'jig rten 'di dang / yang 'jig rten 'di nas pha rol du zhes bya ba de lta bu'o/ / rten cing 'brel par 'byung ba 'di yang sems can du ston pa yin par 'dod kyi/ sems can du ston pa ma yin pa ni ma yin te/ de 'jig rten pha rol nas 'pho bar mi 'thad pa'i phyir ro/ /rten cing 'brel par 'byung ba bstan pa ni rgyu med pa dang / rgyu mi mthun pa dgag par bya ba'i phyir yin la/rten cing 'brel bar 'byung ba'i don ni 'khor ba 'jug pa'i don yin no/ /ci'i phyir mdo las sems can du ston pa kho na bstan ce na/ 'di ltar sems can du ston pa dag la ni kun nas nyon mongs pa dang rnam par byang ba'i rigs la/ de yang bcom ldan 'das kyis gdul ba dag la bstan par bya ba yin te/sangs rgyas rnams 'byung ba ni de'i don kho nar yin pa'i phyir ro/ /des na te por chen po yin pa'i phyir mdo las sems can du ston pa kho na bstan to/ /bstan bcos las ni chos nyid kyi rjes su 'brangs te/ sems can dang sems can du ston pa ma yin pa'o//yan lag bcu gnyis zhes bya ba ni rgyu bcu gnyis so/ /cha gsum zhes bya ba ni dum bur yongs su bcad pa gsum mo/ /lhag ma brgyad ni bar du'o zhes bya ba ni rnam par shes pa dang / ming dang gzugs dang / skye mched drug dang / reg pa dang / tshor ba dang /sred pa dang / len pa dang / srid pa dag go/ /yang na ci thams cad kyi zhes bya ba ni khyad par med par mngal du 'jug pa tsam la brten pa rnams kyi'am/ khams gsum pa'i sems can rnams kyi'o/ /skye ba 'di la zhes bya ba ni mngal du 'jug pa'i skye ba la'o//gang bar ma dor 'chi ba yang ma yin la zhes bya ba la/ gang zhig srid pa'i gnas skabs ma thob par 'chi ba de la ni bar ma dor 'chi ba zhes bya ba'o/ /gzugs dang gzugs med pa ni spyod pa yang ma yin te zhes bya ba la/ gzugs na spyod pa la ni rnam par shes pa dang skye mched drug gi gnas skabs las tha dad pa'i ming dang gzugs kyi gnas skabs med de/'di ltar/ ming dang gzugs ni de phan chad/ /skye mched drug dod tshun chad do/ /zhes 'chad par 'gyur ro/ /de'i phyir gzugs kyi khams na yan lag bcu gnyis med do//gzugs med pa na spyod pa la ni ming dang gzugs kyi gnas skabs dang / skye mched drug gi gnas skabs yod pa ma yin te/ gzugs med pas de dag med do/ /de'i phyir yan lag bcu yod do/ /'di ltar gleng gzhi chen po chos kyi rnam grangs las zhes bya ba rgyas par 'byung ba la/kun dga' bo gal te rnam par shes pa ma'i mngal du zhugs par ma gyur na/ rnam par shes pa de 'phel ba dang rgyas pa dang yangs par 'gyur ram zhes 'byung ba'i phyir 'dod pa'i khams las ma gtogs par ma'i mngal du 'jug pa nyid mi srid do//de lta na gang zag thams cad kyi dbang du byas nas srid pa'i yan lag gi rnam par gzhag pa 'khrug par 'gyur ro/ /sngon dang phyi ma'i mtha' 'bras bu dang rgyu dang bcas pa dag smos pa'i phyir ro zhes bya ba la/ sngon gyi mtha' 'bras bu dang bcas pa dang /phyi ma'i mtha' rgyu dang bcas pa smos pa'i phyir rten cing 'brel par 'byung ba yan lag bcu gnyis dang cha gsum pa de nyid sngon gyi mtha' pa dang phyi ma'i mtha' pa dang rnam pa gnyis su brjod do/ /de la sngon gyi mtha' pa ni ma rig pa dang 'du byed do//de'i 'bras bu ni rnam par shes pa dang / ming dang gzugs dang / skye mched drug dang / reg pa dang / tshor ba'i yan lag rnams te/ de lta na yan lag bdun ni sngon gyi mtha' pa'o/ /phyi ma'i mtha' pa gang zhe na/ skye ba dang rga shi'o/ /de'i rgyu ni sred pa dang / len pa dang /srid pa'i yan lag rnams te/ de lta na yan lag lnga ni/ phyi ma'i mtha' pa'o/ /yang ma rig pa la sogs pa 'di gang zhig ce na zhes bya ba ni ci ma rig pa ni mi shes pa zhig kho na 'am/ 'on te nyon mongs pa thams cad yin snyam nas 'dri ba ste/ de bzhin du gzhan la yang brjod par bya'o//de'i phyir ma rig nyon mongs sngon gnas skabs zhes bya ba smos so/ /sngon zhes bya ba smos pa ni da ltar ba sred pa dang len pas bsdus pa'i phyir ro/ /yang ci'i phyir nyon mongs pa thams cad ma rig pa'i sgras brjod ce na/ yang srid pa 'phen pa'i 'du byed rnams kyi rgyu'i ngo bor nges pa'i phyir ro//'dod chags la sogs pa rnams ni de ltar ma yin te/ 'di ltar 'dod chags ni zhe sdang gis mngon par 'du byas pa'i 'du byed rnams kyi rgyu ma yin no/ /de bzhin du gzhan la yang brjod par bya'o/ /ma rig pa ni gdon mi za ste/ de ni nyon mongs pa thams cad dang lhan cig spyod pa'i phyir ro//des gzhag pa'i nus pa'i shugs dang ldan pa'i phyir yang ma rig pa'i phyogs la brten te/ de'i phyir de'i sgras nyon mongs pa thams cad bsnyad do/ /'di ga las she na/ ma rig pa gtso bo yin pa'i phyir dang / de dang lhan cig spyod pa'i phyir ro//de nyid bstan pa'i phyir lhan cig spyod pa'i phyir dang zhes bya ba smos so/ /nyon mongs pa thams cad ni ma rig pa dang mtshungs par ldan gyi/ phan tshun ni ma yin te/ de'i phyir ma rig pa dang lhan cig spyod pa nyid do/ /de'i dbang gis zhes bya ba ni ma rig pa'i dbang gis so//de dag ni nyon mongs pa dag go/ /kun du 'byung ba ni skye ba ste/ ma rmongs pa la nyon mongs pa gzhan skye ba ni yod pa ma yin no/ /de nyid la dpe ni rgyal po gshegs so zhes bya ba la sogs pa'o/ /zha 'bring ba ni/ rgyal po dang lhan cig spyod pa rnams te/de'i dbang gis 'jug pa dang ldog pa'i phyir rgyal po gtso bo yin no/ /'du byed dag ni sngon las kyi/ /zhes bya ba 'byung ngo / /'dir ma rig pa dang 'du byed 'bras bu phyung zin pa rnams kho na yan lag nyid du rnam par gzhag ste/ 'bras bu ma byung ba rnams la ni sred pa dang len pa dang srid pa zhes bya'o//bsod nams la sogs pa'i las kyi gnas skabs zhes bya ba ni/ bsod nams dang bsod nams ma yin pa dang / mi g.yo ba'i las kyi gnas skabs so/ /rnam shes mtshams sbyor phung po yin no zhes bya ba la/ de'i tshe rnam par shes pa gtso bo yin pa'i phyir dang /lhag ma rnams rnam par shes pa dang / lhan cig spyod pa'i phyir rnam par shes pa mos pas bsdus so/ /ma'i mngal du zhes bya ba ni skye ba'i srid par nying mtshams sbyor ba nyid na'o/ /de ni yid kyi rnam par shes pa kho na ste/ de'i tshe snga ma rnams kyi rkyen med pa'i phyir ro//'dir rnam par shes pa dang skye ba'i yan lag gnyis ni skad cig ma yin la/ gzhan dag ni rgyun chags pa yin pa'i phyir skad cig ma mang po dag yin no/ /ming dang gzugs ni de phan chad ces bya ba la/ 'di ni gnas skabs la gzhag pa yin gyi chos nyid la gzhag pa ni ma yin no//skye mched bzhi dod tshun chad do zhes brjod par bya ba yin pa las zhes bya ba 'byung ste/ ci'i phyir de skad du brjod par bya ba yin zhe na/ lus dang yid kyi skye mched ni skye ba'i srid pa kho nar dod pa'i phyir ro/ /de'i tshe der rnam par 'jog pa'i phyir ro zhes bya ba la/rnam par shes pa dang ming dang gzugs dag ni zhes rab tu ma phye ba'i phyir gnas skabs gang zhig skye mched kyis rab tu phye ba de kho na tshang na de'i ming gis bsnyad do/ /yang na de'i tshe de'i rnam par 'jog pa'i phyir ro zhes bya ba ni mig la sogs pa'i skye mched kyi tshe rten dang brten pa yongs su tshang ba'i sgo nas yin la/yid kyi skye mched dang lus kyi skye mched kyang yongs su tshang bas rnam par 'jog ste/ de'i phyir skye mched drug nyid du brjod kyi/ skye mched bzhir ni ma yin no/ /de ni gsum 'dus tshun chad do//zhes bya ba la/ ji srid du dbang po la sogs pa gsum ma 'dus pa de srid kyi gnas skabs chung ngu dang 'bring dang chen po'i tshul gyis rdzogs par 'gyur ba de ni skye mched drug ces brjod de/ de srid kyi gnas skabs de ni skye mched drug gtso bo yin no/ /reg pa bde sdug la sogs kyi//rgyu shes nus pa tshun chad do/ /zhes bya ba la/ reg pa ni skye mched drug gi 'og rol du rnam par gzhag ste/ de'i tshe reg pa'i rten yongs su rdzogs pa yin no/ /de'i phyir reg pa sngar yod pa ma yin no/ /tshor 'khrig tshun chad ces bya ba la/ tshor ba gsum gyi rgyu yongs su gcod par nus pa yin dang zas la sogs pa'i srid pa kun du spyad kyang /ji srid 'khrig pa'i 'dod chags mi 'byung ba'i gnas skabs de ni tshor ba zhes bya'o/ /srid pa ni longs spyod 'khrig pa'i chags can gyi zhes bya ba la/ 'dod pa'i yon tan gyi 'dod chags kun du spyod pa'i gnas skabs dang /'khrig pa'i 'dod chags kun du spyod pa'i gnas skabs de ni srid pa zhes bya'o/ /longs spyod smos pas ni 'dod pa'i yon tan lnga gzung ste/ mig gis rnam par shes par bya ba'i gzugs 'dod pa sdug pa/ phangs pa yid du 'ong ba dag ces rgyas par 'byung ba'i phyir ro//nye bar len pa longs spyod rnams/ /zhes bya ba la sogs pa la/ 'dis yul lam lus len par byed pas na nye bar len pa'o/ /de nyid kyi phyir yul thob par bya ba'i phyir yongs su tshol ba la zhugs nas zhes bya ba smos te/thob par bya ba'i phyir zhes bya ba'i tha tshig go/ /de srid 'bras bu 'byung 'gyur ba'i/ /zhes bya ba la/ de zhes bya bas ni yongs su rgyug pa bstan to/ /las gang las 'byung bar 'gyur ba'i srid pa 'bras bur yod pa de'i dngos po'o/ /yang srid pa'i zhes bya ba la/ 'bras bu yang srid pa yod pa ni yang srid pa'o/ /'di la rnam par shes pa'i zhes bya ba la sogs pa la/ rnam par shes pa ni nying mtshams sbyor ba ste/ gtso bo yin pa'i phyir ro/ /de nyid kyi phyir kun dga' bo gal te rnam par shes pa ma'i mngal du ma zhugs na khu chu dang khrag de nur nur po'i phyir brgyal bar 'gyur ram/bcom ldan 'das de ni ma lags so zhes bya ba la sogs pa gsungs so/ /de phan chad tshor ba'i bar ni rga shi yin zhes bya ba la/ tshor ba'i bar te/ tshor ba'i yan lag gi bar ni rga shi ste/ bcom ldan 'das kyis gdul ba'i skye bo skyo ba bskyed pa'i phyir/dge slong dag gzugs skye ba 'di ni rga shi skye ba'o/ /de bzhin du rnam par shes pa'i bar gyi skye ba ni zhes rgyas par rga shi'i sgras yan lag bzhi gsungs so/ /skad cig ma zhes bya ba la skad cig la yod pa ni/ skad cig ma ste/ rgyu dang 'bras bu lhan cig spyod ces bya ba'i don to//rgyun chags pa zhes bya ba la/ rgyun dang ldan pa ni rgyun chags pa yin pa'am/ yang na rang gi don la 'phel ba bsgrubs pas rgyun nyid rgyun chags pa'o/ /'brel pa can ni rgyu dang 'bras bu 'brel par 'byor pa'o/ / de ni skal ba mnyam pa dang / skal ba mnyam pa ma yin pa dang / 'brel pas 'brel can zhes bya'o/ /gang gi tshe ma rig pa'i yan lag rgyun dang ldan pa las ma rig pa'i yan lag kho na 'byung ba de ni skal ba mnyam pa'i 'brel pa can no/ /gang gi tshe ma rig pa'i yan lag las 'du byed kyi yan lag 'byung ba de'i tshe skal ba mnyam pa ma yin pa'i 'brel pa can te/'dir ni skal ba mi mnyam pa'i 'brel pa can la mngon par 'dod do/ /gnas skabs la yod pa ni gnas skabs pa ste/ bcu gnyis dang ldan pa'i phung po lnga'i gnas skabs so//rnam par shes pa dang lhan cig 'byung ba'i phung po bzhi ni zhes bya ba la sogs pa 'byung ste/ 'di la kha cig na re rnam par rig byed kyi gzugs dang rnam par rig byed ma yin pa'i gzugs ni gzugs kyi phung po'i zhes zer ro/ /rnam par bshad pa 'di la ni srid pa dang khyad par med par 'gyur te/gang gi phyir/ las byed de ni srid pa yin/ /zhes bya ba'i mtshan nyid kyi phyir ro/ /de'i phyir nges par dbang po dang lhan cig skye ba kho na la gzugs su gzung ngo zhes bya bar rtogs so/ /ming dang gzugs la rnam par gnas pa'i dbang po rnams ni zhes bya ba 'byung ngo //ji ltar ming la dbang po rnams gnas she na/ de la rag las te 'jug pa'i phyir te/ 'di ltar ming gi dbang gis de'i rten 'byung ba chen po gnas shing / de btang bas de mi gnas so/ /yang na dbang po rnams la brten nas ming 'byung ba'i phyir de rnams rten gyi ngo bos ming la rnam par gnas so//skye mched drug 'dus pa ni reg pa'o zhes bya ba la/ 'dir mig la sogs pa rnams rang gi yul la 'jug cing 'dus pa ni reg pa zhes bya ste/ cig car skye mched drug 'dus pa mi srid pas reg pa ni ji ltar srid pa'i sgo nas yin par rig par bya'o//de dang mtshungs par ldan pa ni zhes bya ba rgyas par 'byung ste/ chags pa de'am/ sred pa'am/ ma rig pa dang mtshungs par ldan pa'i ngo tsha med pa dang khrel med pa la sogs pa kun nas dkris pa rnams ni len pa'o/ /de nas kun nas bslang ba'i zhes bya ba ni chags pas kun nas bslang ba ste/de ni skabs su bab pa yin pa'i phyir ro/ /gzhan dag na re ni ma rig pas yin no zhes zer ro/ /gzhan dag ni sems pas so zhes zer ro/ /lus dang ngag gi las zhes bya ba ni rnam par rig byed dang / rnam par rig byed ma yin pa'o//skye ba ni reg pa'o/ /yongs su smin pa ni skad cig ma snga ma la ltos te gzhan du gyur pa nyid do/ /bye brag tu smra ba rnams ni skad cig ma la yang yongs su smin pa 'dod de/ 'jig pa dang mthun pa'o/ /zhig pa ni shi ba'o zhes bya ba la/ 'jig pa ni 'jig pa la mngon du phyogs pa'o//kha cig na re srog gcod pa ni zhe sdang gis mthar phyin par byas pa yin la/ zhe sdang dang 'dod chags pa gnyis kyang skad cig gcig la srid pa yod pa ma yin te/ de'i phyir nor 'phrog pa'i zhes brjod par bya'o zhes zer ro/ / nges pa de ni sems gzhan med pa la de yongs su rdzogs pa na yin par shes par bya'o/ /de ltar bshad na/ mi dge ba gzugs can thams cad la skad cig pa'i rten cing 'brel par 'byung ba yan lag bcu gnyis rnyed par 'gyur ro/ /rab tu byed pa dag las ji skad du zhes bya ba la/rab tu byed pa dag las ji ltar zhe na/ 'dus byas kyi chos thams cad do zhes bya ba ste/ de la 'dus byas kyi chos rnams skad cig re re la skye ba dang 'gag pa dang ldan pa'i phyir na skad cig pa'i rten cing 'brel par 'byung ba'o/ /'brel pa can ni rgyu dang 'bras bur gyur pa'i skad cig gnyis ka 'brel pa las yin no//tshe gsum bar chad med par 'brel pa las yin te/ 'das pa dang ma 'ongs pa dang da ltar byung ba'i tshe gsum dang 'brel pa'i phyir na de nyid gnas skabs pa dang rgyun chags pa zhes bya'o/ /bar chad med pa smos pa ni cha gsum pa 'grub par bya ba'i phyir ro//'di ni gnas skabs par 'dod lo/ /zhes bya la lo zhes bya ba'i sgra ni lugs gzhan yin par bstan pa'i phyir te/ de skad du yang mdo sde pa dag rgol bar byed ces bya ba la sogs pa 'chad par 'gyur ro/ /gtso bo'i phyir na yan lag bsgrags/ / zhes bya ba la/ snga ma'i phung po lnga po thams cad ci rigs par phyi ma thams cad kyi rkyen yin pa de'i phyir 'dir rgyal po rgyal ba ltar gtso bo yin pa'i phyir yan lag bsgrags par shes par bya'i thams cad rkyen dang rkyen can du gyur pa'i phyir ni ma yin pa'o/ /gzhan du 'byung zhes bya ba ni mdo las gsungs pa'i yan lag bcu gnyis las gzhan du ste/'di ltar 'dus byas kyi chos thams cad do zhes 'byung ba'i phyir ro/ /'dus byas smos pa ni sems can dang sems can ma yin par ston par gzung ngo / /yan lag bcu gnyis kyis ni sems can du ston pa kho na bsdus kyi sems can ma yin par ston pa ni ma bsdus so//mdo las gsungs pa ni dgongs pa can yin no/ /chos mngon pa las ni mtshan nyid pa yin te zhes bya ba la/ dgongs pa las byung ba ni dgongs pa can yin la/ mtshan nyid las rnam par gnas pa ni mtshan nyid pa ste/chos mngon pa las gsungs pa ni mtshan nyid dang 'brel pa'i phyir ro/ /de bzhin du zhes bya ba ni de lta yin dang zhes bya ba'i don to/ /gnas skabs pa dang rgyun chags pa dang sems can du ston pa ni mdo las gsungs pa dgongs pa can no//skad cig pa dang 'brel pa can dang / sems can dang / sems can ma yin par ston pa zhes bya ba ni chos mngon pa las gsungs pa mtshan nyid pa'o/ /de nyid kyi phyir cha gsum pa yin no zhes bya ba ni gang gi phyir sngon dang phyi ma'i mtha' dang /bar la rmongs pa bzlog pa'i phyir bstan pa'i phyir te/ cha ni cha shas so/ /ci bdag ci zhig tu ni byung bar gyur zhes bya ba ni lha'am 'on te mi zhig snyam pa'o/ /bdag ji ltar byung bar gyur zhes bya ba ni/ rnam pa gang gis tshul gang gis so/ /ci ma 'ongs pa'i dus na 'byung bar 'gyur ram zhes bya ba rgyas par 'byung ba ni ci ma 'ongs pa'i dus na 'byung bar 'gyur ram 'on te 'byung bar mi 'gyur/ci zhig tu ni 'byung bar 'gyur/ /ji ltar 'byung bar 'gyur zhes bya ba'o/ /'di ci zhig yin zhes bya ba ni lus kyi rdzas tshol ba'o/ /'di ji ltar yin zhes bya ba ni rnam pa gang gis te tshul gang zhig tu yin zhes bya ba'o//lus kyi rdzas nges par ma zin pa ni yod pa ni ci zhig yin zhes bya ba ste/ bdag cag da ltar yod pa ni ci zhig yin/ 'gyur ba ni ci zhig yin zhes de ltar ma nges pa'o/ /ma rig pa dang 'du byed rnams/zhes bya ba la/ ci zhe na/ sngon gyi mtha' la rmongs pa bzlog par bya ba'i phyir ro/ /skye ba dang rga shi ni phyi ma'i mtha' 'o/ /rnam par shes pa nas srid pa'i bar ni bar la rmongs pa bzlog par bya ba'i phyir ro/ /'di ltar mdo nyid las zhes bya ba rgyas par 'byung ste/ gang gi phyir mdo de nyid las so//rten cing 'brel par 'byung ba ni/ /'di yod pas 'di 'byung / 'di skyes pas 'di skye zhes bya ba yan lag bcu gnyis kyi mtshan nyid can no/ /rten cing 'brel bar 'byung ba'i chos rnams ni 'du byed la sogs pa dag go/ /yang dag pa'i shes rab kyis de ltar yang dag pa ji lta ba bzhin mthong zhes bya ba ni ma rig pa'i rkyen gyis 'du byed//'du byed kyi rkyen gyis rnam par shes pa zhes bya ba rgyas par 'byung ba'o/ /sngon gyi mtha' la 'brang bar mi 'gyur ro zhes bya ba la sogs pa ni rgyu dang 'bras bu 'brel par khong du chud pa'i phyir dang /chos tsam du khong du chud pa'i phyir ro/ /sred pa dang len pa dang / srid pa zhes bya ba rgyas par 'byung ba la/ sred pa la sogs pa 'di dag ni bar gyi srid pa yin yang phyi ma'i mtha' la rmongs pa bzlog par bya ba'i phyir yin te/ de'i rgyu yin pa'i phyir ro//bye brag tu smra ba rnams na re de dag gis ni rnam par shes pa la sogs pa tshor ba la thug pa rnams kyang de'i 'bras bu yin pa'i phyir sngon gyi mtha' la rmongs pa bzlog pa'i phyir yin pa'am/ yang na ma rig pa dang 'du byed rnams kyang de'i rgyu yin pa'i phyir bar la rmongs pa bzlog par bya ba'i phyir yin no zhes khas blang bar bya dgos la/de lta na yang 'das pa'am bar gyi cha yod pa ma yin pas mdo dang 'gal te/ de lta bas na snga ma nyid kha na ma tho ba med do/ /nyon mongs gsum mo zhes bya ba la/ ma rig pa ni da ltar gyi skye ba'i rgyu yin la/sred pa dang len pa ni ma 'ongs pa'i skye ba'i rgyu yin no/ /las gnyis so zhes bya ba ni da ltar dang ma 'ongs pa'i skye ba'i rgyu 'du byed dang srid pa zhes bya ba'o/ /yan lag bdun po zhes bya ba la/ da ltar ba'i skye ba la ni rnam par shes pa la sogs pa tshor ba'i mthar thug pa lnga'o//ma 'ongs pa'i skye ba dang rga shi dang gnyis so/ /yang ci'i phyir 'di dag bzhi zhes bya zhe na/ las dang nyon mongs pa'i rten yin pa'i phyir zhes bya ba 'byung ste/ las dang nyon mongs pa'i rgyu yin pa'i phyir ro zhes bya ba'i tha tshig go/ /de bzhin 'bras bu yin zhes bya ba la/yan lag bdun kho na 'bras bu yin te/ /sngon gyi mtha' pa'i rnam par shes pa la sogs pa lnga dang / phyi ma'i mtha' pa'i skye ba dang rga shi'o/ /lhag ma lnga ni zhes bya ba la/ las dang nyon mongs pa'i rang bzhin nyid kyis rnam par smin pa 'phen pa'i phyir ro//gzhi rnam pa lnga zhes bya ba ni rnam par shes pa dang / ming dang gzugs dang skye mched drug dang / reg pa dang tshor ba la zhes bya ba de lta bu'o/ /nyon mongs pa rnam pa gnyis tha dad pa zhes bya ba ni sred pa dang / de'i rkyen gyis len pa ste/ de ltar na bar du rgyu dang 'bras bu gnyis rgyas pa yin no/ /yang ji ltar sred pa 'di len pa yin pa bzhin du logs shig tu rnam par gzhag ce na/ bye brag tu smra ba rnams na re sred pa'i skad cig ma dang po ni sred pa'i sgras brjod la/ rgya che ba ni len pa'i sgras brjod de/rgyun gyi sgo nas yul ches dam por 'dzin pa'i phyir ro/ /ma 'ongs pa'i dus su zhes bya ba la sogs pa la skye ba dang de'i rkyen gyis rga shi ste/ de ltar na 'bras bu mdor bsdus pa yin no/ /nyon mongs pa sgo gcig tu bstan pa'i phyir zhes bya ba ni/ ma rig nyon mongs sngon gnas skabs//zhes 'byung bas/ ma rig pa'i sgo gcig pus nyon mongs pa thams cad bstan pa'i phyir te/ rgyu mdor bsdus pa yin no zhes bya bar snyegs so/ /yang ci'i phyir zhes bya ba yang skabs su bab pa yin pa'i phyir thams cad dang sbyar bar bya'o/ / las ni sngon gyi mtha' dang bar du yang mdor bsdus pa nyid du bstan pas rnam par mi dpyad do/ /yang don med pa'i 'bad pa ma byas so zhes bya ba la/ bar du rgyu rgyas par bstan pas sngon gyi mthar yang rgyu rgyas pa dang / 'bras bu rgyas par bstan pas phyi ma'i mthar yang 'bras bu rgyas par rtogs par nus pa nyid do//gang gi phyir skye ba thams cad ltos pa'i bye brag las sngon dang bar dang phyi ma yin te/ de'i phyir sngon dang phyi ma'i mtha' gnyis su 'bras bu rgyas par brjod pa don med par 'gyur bas/ yang brjod pa'i 'bad pa de na med do/ /gal te rten cing 'brel par 'byung ba yan lag bcu gnyis kho na yin na zhes bya ba rgyas par smras pa la/yan lag lnga ni rgyu yin la/ bdun 'bras bu yin pas de ltar yan lag bcu gnyis kho nar 'gyur te/ rgyu dang 'bras bu gzhan med pa'i phyir ro/ /de lta na ma rig pa la rgyu med pa'i phyir 'khor ba thog ma dang ldan par thal bar 'gyur la/rga shi la 'bras bu med pa'i phyir mtha' dang ldan par yang 'gyur te/ de'i phyir gnyen po med pa kho na sred pa med par thal bar 'gyur ro/ /ma rig pa las 'du byed rnams so zhes bya ba la/ ci zhe na/ nyon mongs pa las las skye'o zhes dang rga shi gnyis kyi rgyu dang 'bras bu khas len na yang yan lag lhag pas bstan pa ma tshang ba nyid dang / rgyu dang 'bras bu dag thug pa med par thal lo zhe na/ nyon mongs pa las nyon mongs dang / /bya ba nyid do zhes bya ba rgyas par 'byung ngo //ma rig pa las 'du byed rnams so zhes bya ba la/ ci zhe na/ nyon mongs pa las las skye'o zhes bya bar ston to/ /srid pa las skye ba'o zhes bya ba la/ ci zhe na/ las las gzhi skye'o zhes bya ba'o/ /gzhi 'am nyon mongs pa las zhes bya ba la/ tshe 'di'i sred pa dang len pa gang yin pa de ni 'das pa'i dus na ma rig pa yin par bshad de/des na ma rig pa gzhi 'am nyon mongs pa las skye bar 'gyur ro zhes bya bar grub bo/ /gzhi las kyang nyon mongs pa 'byung ngo zhes bya ba ni sred pa ste/ 'di ltar tshor ba'i rkyen gyis sred pa yin par bshad la/rga shi yang tshor ba la thug pa yin te/ tshor ba'i bar ni rga shi yin zhes bshad pa'i phyir ro/ /de ltar na zhes bya ba ni/ nyon mongs pa las nyon mongs dang / /bya ba nyid do de las gzhi/ /de las gzhi dang nyon mongs skye/ /'di ni srid pa'i yan lag lugs//zhes ji skad bshad pa'i tshul gyis so/ /de lta ma yin na ste/ nyon mongs pa las nyon mongs dang / /zhes bya ba de lta bu la sogs pa ji skad bshad pa'i mi bzhed par 'gyur na ni gang gis na de ltar sdug bsngal gyi phung po chen po 'di zhes gsungs par 'gyur ba/'di ni nus pa ci zhig yod par 'gyur/ de'i phyir yan lag gzhan kha bskang mi dgos la/ thug pa med par mi 'gyur zhing / bstan pa ma tshang ba nyid ma yin no/ /gzhan dag na re mdo gzhan las zhes bya ba la sogs pa la/ mdo gzhan gang las she na/ rgyu dang bcas rkyen dang bcas pa'i mdo las te/ dge slong dag ma rig pa yang rgyu dang bcas/ rkyen dang bcas gzhi dang bcas so/ /ma rig pa'i rgyu gang yin rkyen gang yin/ gzhi gang yin zhe na/ tshul bzhin ma yin pa yid la byed pa'o zhes brjod par bya'o zhes gsungs so//de lta na yang tshul bzhin ma yin pa yid la byed pa'i rkyen ma gsungs pa'i phyir 'khor ba thog ma dang ldan pa'am/ yan lag gzhan kha bskang bar bya dgos par 'gyur bas/ nyes pa de nyid du 'gyur ro zhe na/de'i phyir tshul bzhin ma yin pa yid la byed pa yang ma rig pa'i rgyu las byung ba yin no zhes gsungs te/ de'i phyir 'di nyes pa med do/ /ci'i phyir de 'dir ma bshad cing yan lag gzhan du yang ji ltar mi 'gyur zhe na/ de'i phyir de ni 'di ltar yang len pa'i nang du 'du ba'i phyir bshad pa yin no zhes bya ba smras so//de zhes bya ba ni tshul bzhin ma yin pa yid la byed pa'o/ /'dir yang zhes bya ba ni rten cing 'brel par 'byung ba'i mdor ro/ /len pa rnams nyon mongs pa thams cad kyi bdag nyid yin pa'i phyir la/ tshul bzhin ma yin pa yid la byed pa yang sems kyi gzo ba nyon mongs pa can yin pa'i phyir len pa'i nang du 'du ba yin no zhes bshad par 'gyur ro//de lta na ma rig pa rgyu med pa can nyid ma yin zhing / yan lag gzhan kha bskang bar bya dgos pa yang ma yin la/ thug pa med par thal bar yang mi 'gyur ro zhes zer ro//slob dpon gyis tshul bzhin ma yin pa yid la byed pa len pa'i nang du ji ltar 'dus zhes bya ba smos te/ nyon mongs pa'i bdag nyid ma yin bzhin du zhes bsams pa'o/ /len pa ni nyon mongs pa rnams kho na yin gyi/ chos gzhan dag ni ma yin te/ji skad bshad nyid ma rig bcas/ /nyer len rnams te lta rnams gnyis/ /phye ba'i phyir ro zhes 'byung ba'i phyir ro/ /gal te mtshungs par ldan pa las yin no zhe na ni zhes bya ba la/ nyon mongs pa'i bdag nyid yin pa'i phyir ni ma yin gyi/ 'o na ci zhe na/ len pa dang mtshungs par ldan pa'i phyir de'i nang du 'dus so/ /gzhan gyi bsam pa gsal bar byed pa ni/ sred pa dang ma rig pa dag gi nang du yang zhes bya ba ste/ rten cing 'brel par 'byung ba'i yan lag dag gi nang du'o/ /de 'dus par thal bar 'gyur ro zhes bya ba la/tshul bzhin ma yin pa yid la byed pa'o/ /ci'i phyir zhe na/ de ni len pa ltar sred pa dang ma rig pa gnyis dang yang mtshungs par ldan pa'i phyir te/ nyon mongs pa gsum po zhes 'byung ba'i phyir ro/ /de'i phyir len pa'i nang du 'du ba 'ba' zhig tu ma zad kyi/srid pa dang / ma rig pa dang / len pa'i nang du yang 'du ba'i phyir 'dir yang bshad par 'gyur te/ khyad par gyi rgyu med pa'i phyir ro/ /nang du 'dus pa yin du chug na yang zhes bya ba rgyas par 'byung ba la/ 'di skad bstan par 'gyur te/mtshungs par ldan pa tsam gyis ni nang du 'du bar mi rtogs te/ 'khrul pa'i phyir ro/ /nang du 'dus pa yin du chug na yang / ji ltar 'di las 'di zhes bya ba la/ mdo de las ni tshul bzhin ma yin pa yin la byed pa lan pa'i nang du 'dus pa'i phyir len pa ma lus pa dang 'dra bar srid pa'i rgyu nyid du rtogs par 'gyur gyi/ma rig pa'i rgyu nyid du ni ma yin te/ gang las len pa'i nang du 'du bas tshul bzhin ma yin pa yid la byed pa ma rig pa'i rkyen nyid du rtogs par 'gyur ba mdo 'di las len pa ma rig pa'i rgyu nyid du ni ma bstan to//gal te mdo las ma bstan yang nang du 'du ba kho nas rgyu dang 'bras bu'i dngos por shes par 'gyur ro zhe na/ 'o na ni sred pa dang ma rig pa dag kyang zhes bya ba rgyas par 'byung ste/ ma rig pa dang tshul bzhin ma yin pa yid la byed pa gnyis ltar/ma bstan yang len pa'i nang du 'dus pa kho nas/ sred pa dang len pa dag dang ma rig pa dang 'du byed dag rgyu dang 'bras bu'i dngos por shes par 'gyur te/ de'i phyir tshul bzhin ma yin pa yid la byed pa ltar sred pa dang ma rig pa gnyis kyang yan lag gzhan nyid du mi bya bar nus na/byed pa yang yin te/ de'i phyir len pa'i nang du 'dus pa yan lag gzhan nyid du mi brjod pa'i rgyu ma yin no/ /gzhan dag na re zhes bya ba ni slob dpon dpal len no/ /mdo gzhan las zhes bya ba ni rgyu dang bcas rkyen dang bcas gzhi dang bcas pa'i mdo las so//de yang zhes bya ba ni tshul bzhin ma yin pa yid la byed pa'o/ /reg pa'i dus su bstan pa yin la/ mig gi rnam par shes pa'i skye ba'i dus gang yin pa de nyid reg pa'i dus so/ / gti mug gi skyed par byed pa can nam gti mug las skyes pa ni gti mug las skyes pa'o/ /nyon mongs pas rnyogs pa'i phyir na rnyogs pa'o/ /ma rig pa'i 'dus te reg pa las byung ba'i zhes bya ba rgyas par 'byung ba la/ ma rig pa dang mtshungs par ldan pa'i reg pa las skyes pa ni/ma rig pa'i 'dus te reg pa las byung ba'i tshor ba yin la/ de yang gdon mi za bar ma rig pa dang mtshungs par ldan pa yin te/ ma rig pa dang mtshungs par ldan pa ma yin pa'i tshor ba ni sred pa'i rkyen ma yin no/ /de lta bas na reg pa'i dus na yod pa'i tshul bzhin ma yin pa yid la byed pa ni zhes bya ba rgyas par 'byung ste/ma rig pa rgyu med pa nyid kyang ma yin zhing / tshul bzhin ma yin pa yid la byed pa'i rgyu las byung ba'i phyir bcu gnyis las gzhan pa'i yan lag gzhan gyis kha bskang bar yang mi bya'o//tshul bzhin ma yin pa yid la byed pa reg pa'i nang du 'dus pa'i phyir na thug pa med par thal bar yang ma yin te/ ma rig pa dang tshul bzhin ma yin pa yid la byed pa gnyis phan tshun gyi rgyu las byung ba'i phyir ro/ /de nyid bstan pa'i phyir gti mug las skyes pa yid la byed pa zhes bya ba rgyas par 'byung ngo //'o na ni de ni zhes bya ba ni ma rig pa tshul bzhin ma yin pa yid la byed pa las skyes pa nyid dang / tshul bzhin ma yin pa yid la byed pa gti mug las skyes pa nyid do/ /gzhan du gsungs pas zhes bya ba ni mdo gzhan du'o//'dir brjod par bya dgos so zhes bya ba ni rten cing 'brel par 'byung ba'i mdor ro/ /slob dpon dpal len gyis smras pa/ brjod par bya mi dgos so/ /ci'i phyir zhe na/ 'dir yang go ba'i phyir ro/ /'dir yang go ba zhes bya ba ni mi srid do snyam nas 'dri ba ni/ma brjod bzhin du ji ltar go zhes bya ba'o rigs pa las so zhes bya ba la/ ma smras pa kho na go ba 'ba' zhig tu ma zad kyi/ gang zhig rigs pa las go ba de yang go ba yin no snyam du bsams pa'o/ /rigs pa gang gis zhes bya ba la/ 'dir ma rig pa dang tshul bzhin ma yin pa yid la byed pa gnyis phan tshun gyi rgyu las byung bar go bar 'gyur zhes bya bar sbyar ro//dgra bcom pa rnams kyi tshor ba ma rig pa med pa ni zhes bya ba 'byung ste/ dgra bcom pa rnams kyi tshor ba ma rig pa dang mtshungs par mi ldan pa ni sred pa'i rkyen ma yin te/ 'dis ni tshor ba'i dus na ma rig pa yod do zhes bstan to//phyin ci log med pa'i reg pa yang zhes bya ba ni nyon mongs pa can ma yin pa ste/ dgra bcom pa rnams kyi nyon mongs pa can gyi tshor ba'i rkyen ma yin no zhes skabs dang sbyar ro/ /de ltar na reg pa'i dus na nyon mongs pa can gyi tshor ba'i rkyen tshul bzhin ma yin pa yid la byed pa yod do zhes bya bar shes par byas par 'gyur ro//de lta na ni ha cang thal bar 'gyur te zhes bya ba rgyas par 'byung ba la/ mdo gzhan las ma rig pa'i 'dus te reg pa las byung ba'i tshor ba la brten nas sred pa skyes so zhes bya ba bstan la/dgra bcom pa ma rig pa med pa'i tshor ba yang sred pa'i rkyen ma yin zhing / phyin ci log med pa'i reg pa yang nyon mongs pa can gyi tshor ba'i rkyen ma yin no zhes de skad brjod pa na'o/ /ji snyed rigs pas 'thad pa zhes bya ba la/ ji ltar zhe na/ mdo gzhan las de bsod nams mngon par 'du byed pa dag mngon par 'du byed na bsod nams su nye bar 'gro ba'i rnam par shes par 'gyur ro zhes rgyas par gsungs la/dgra bcom pa'i ma rig pa med pa'i 'du byed la ni bsod nams su nye bar 'gro ba'i rnam par shes pa yod pa yang ma yin te/de ltar na 'dir yang ma rig pa'i rkyen can gyi 'du byed yod bzhin du rigs pas 'dir 'du byed kyi yan lag tu brjod par mi bya'o/ /yang na rigs pa ni dgra bcom pa ma rig pa med pa la 'du byed med pas 'du byed smos pa kho nas ma rig pa bshad do zhes bya ba ste/yan lag thams cad la yang de bzhin du brjod par bya'o/ /de ltar na rga shi'i yan lag bstan pa tsam nyid du thal bar 'gyur ro/ /'di ni klan kar mi rung ba kho na yin la zhes bya ba ni mdo mdzad pa'i gzhung lugs so/ /ma tshang bar bstan pa yang ma yin no zhes bya ba la/'khor ba thog ma dang tha ma dang ldan pa nyid du mi 'dod kyang / 'dir nying mtshams sbyor ba gnyis brjod par 'dod pa'i phyir la/ de yang de tsam gyis bstan pa'i phyir snyam du bsams pa'o/ /bsam pa ma rtogs pas 'dri ba ni/ ci'i phyir zhe na zhes bya ba'o//'dir ni 'jig rten pha rol nas zhes bya bas ni rgyas par bsams pa gsal bar byed pa'o/ /yang tshul gang gis she na/ 'di ni/ sngon dang phyi mtha' bar dag la/ /zhes bya ba la sogs pa sngar bshad zin to/ /de la ma rig pa dang 'du byed dag gis ni rnam par shes pa la sogs pa tshor ba la thug pa 'jig rten 'di sbrel bar byed la/sred pa dang len pa dang srid pa rnams kyis ni skye ba dang rga shi'i bdag nyid can 'jig rten pha rol sbrel bar byed do/ /ma rig pa'i rgyu dang rga shi'i 'bras bu ni 'jig rten 'di yang ma yin zhing /'jig rten pha rol yang ma yin la/ don gnyis kyi rgyu yang ma yin pas 'dir ma gsungs so/ /gnyis ka yang zhes bya ba ni rten cing 'brel par 'byung ba dang / rten cing 'brel par 'byung ba'i chos rnams so/ /'dus byas kyi chos thams cad ces bya ba ni dus gsum pa rnams so//da ni ji ltar ma 'ongs pa ma byung ba rnams zhes bya ba la sogs pa 'byung ngo / /re zhig ma 'ongs pa ma byas pa rnams zhes bya ba rgyas par 'byung ste/ rgyu dang rkyen rnams 'dus shing tshogs nas byas pas na 'dus byas yin la/ma 'ongs pa ni byas pa ma yin mod kyi 'on kyang 'dus byas su brjod pa de bzhin du/ ma 'ongs pa ma byung ba rnams kyang rten cing 'brel par 'byung ba zhes bya ba'o/ /yang de dag ma byas na ji ltar 'dus byas zhes bya zhe na/ de'i phyir mngon par 'du byed pa'i zhes bya ba smos te/'di lta bu dang 'di lta bur gyur cig snyam du mngon par 'du byed pa'i ngo bo can 'bras bu mngon par sgrub par byed pa'i sems pas so/ /bsam pa'i phyir ro zhes bya ba ni lhar 'gyur bar bya'o/ /mir 'gyur bar bya'o snyam pa de lta bu la sogs par mnos pa'i phyir ro//kha cig na re mngon par 'du byed pa pa zhes bya ba ni rnam par smin pa'i 'bras bu mngon par 'du byed pa'i phyir na mngon par 'du byed pa ste/ thams cad 'tshog chas dang bcas pa'i lus 'dod pas yul rnams kyang des bsams pa nyid du 'gyur te/ de'i phyir yul rnams kyang 'dus byas nyid du mi 'gal lo zhes zer ro/ /sred pa'i gzhi ma yin pa nyid kyis 'jug pa dang 'gal ba'i phyir 'dri ba ni/ zag pa med pa rnams ji ltar zhes bya ba ste/ rnam par smin pa ma yin pa'i phyir ro/ /thob par bya ba'i phyir zhes bya ba ni bdag gis zag pa med pa'i chos rnams thob par gyur cig snyam du'o//mya ngan las 'das pa la yang thal bar 'gyur ro zhes bya ba ni 'dus byas nyid du zhes bya bar sbyar te/ de yang dge ba nyid kyis thob par bya ba'i phyir sems pas bsams pa yin no/ /de dang rigs mthun pa'i phyir zhes bya ba ni ma 'ongs pa rnams 'dus byas nyid dang rten cing 'brel par 'byung ba nyid kyi dbang du byas nas lan smras pa'o//'dus byas dang rigs mthun pa'i phyir dang rten cing 'brel par 'byung ba dang rigs mthun pa'i phyir ma byas pa dang ma byung ba rnams la yang 'dus byas dang rten cing 'brel par 'byung ba zhes de ltar mthun par bsgres pa yin no//'dir 'das pa dang da ltar byung ba dag la ni 'dus byas dang rten cing 'brel par 'byung ba zhes bya ba'i dngos kyi sgra yin la/ ma 'ongs pa la ni brtags pa yin no zhes shes par byas par 'gyur ro/ / 'di nyid la dpe ni dper na re zhig gzugs su mi rung yang zhes bya ba rgyas par 'byung ba ste/ gzugs su rung ba zhes bya ba'i sgra ni bya ba'i rgyu mtshan can 'di de dang rigs mthun pa'i phyir ma 'ongs pa'i gzugs rgyu mtshan med pa la yang mi 'gal ba de bzhin du 'dir yang mi 'gal lo zhes bya bar ston to//rgyu dang 'bras bu dang / pha dang bu bzhin no zhes bya ba la/ ji ltar sa bon de nyid rgyu la ltos te 'bras bu yin zhing / 'bras bu la ltos nas rgyu zhes bya bar brjod pa dang / de nyid bu la ltos nas pha yin la/ pha la ltos nas bur brjod pa de bzhin du/yan lag de nyid 'bras bu la ltos nas rten cing 'brel par 'byung ba yin la/ rgyu la ltos nas rten cing 'brel par 'byung ba zhes bya ste/ de lta na rnam par gzhag pa 'jig pa med do/ /gnas brtan bsam rdzogs na re zhes bya ba rgyas par 'byung ste/gnas brtan bsam rdzogs kyi bsam pa ni/ ji ltar rgyu las grub pa de ltar rten cing 'brel par 'byung ba rnams yin la/ ji ltar gzhan dag gi rgyur gyur pa de ltar rten cing 'brel par 'byung ba'o zhes bya ba 'di yin par snang ngo / /de ltar bshad na mu dang po ni chos ma 'ongs pa rnams te/ma skyes pa'i phyir na rten cing 'brel par 'byung ba ma yin la/ gzhan dag gi rgyur gyur pa'i phyir na rten cing 'brel par 'byung ba'o/ /gnyis pa ni dgra bcom pa'i tha ma rnams te/ skyes pa'i phyir ro/ /'di ltar dgra bcom pa'i tha ma 'das pa 'am da ltar ba dag las chos gzhan dag 'byung ba ni ma yin no//gsum pa ni de las gzhan pa zhes bya ba ni dgra bcom pa'i tha ma dag las gzhan pa'i chos 'das pa dang da ltar byung ba rnams te/ de dag ni skyes pa'i phyir dang / gzhan dag gi rgyur gyur pa'i phyir gnyis ka ltar yin no/ /bzhi pa ni chos 'dus ma byas rnams so zhes bya ba la/ de dag ni ma skyes pa'i phyir dang rgyu ma yin pa'i phyir gnyis ka ma yin gyi/ rgyu yin pa'i phyir 'dus ma byas kyang rten cing 'brel par 'byung ba ni ma yin te/ de la rgyu'i mtshan nyid ma tshang ba'i phyir ro//yang rgyu'i mtshan nyid gang zhig ce na/ 'di yod na 'di 'byung / 'di skyes pas 'di skye/ 'di med na 'di mi 'byung 'di 'gags pas 'di 'gag ces pa'o/ /de la 'dus ma byas yod na dngos po rnams 'byung mod kyi/ de ni skye ba ma yin la/de med na med pa dang / de 'gags pas 'gag pa yang mi 'thad do/ /skye ba dang 'gag pa dang bral ba'i phyir ro/ /grag go zhes bya ba'i sgra ni mi srid do/ /ci 'di dag gang zhig gang 'dod pa zhes bya ba ni rten cing 'brel par 'byung ba gnas skabs pa yin pa dang /rten cing 'brel par 'byung ba yin la/ rten cing 'brel par 'byung ba'i chos ma yin pa yang yod de zhes bya ba la sogs pa'o/ /mdo las ni zhes bya ba la/ mdo las ni ma rig pa gang zhes dri ba byas nas phung po lnga'o zhes de skad du ma bstan to/ /'o na ci zhe na gzhan du'o//sngon gyi mtha' mi shes pa gang yin pa'o zhes bya ba rgyas par 'byung ngo / /nges pa'i don gang yin pa zhes bya ba la/ gang zhig gi don bcom ldan 'das nyid kyis rma ba mdzad nas rnam par phye ba de'i don ni de nyid yin gyi/ gzhan ma yin pas de ni yang drang ba'i don du mi 'gyur ro//bstan pa'i sgo nas thams cad ces bya ba la/ bstan pa'i rnam par phye ba'o/ /gtso bo ji lta bar ston pa ste/ rnam par dbye bar yang mdzad pas bstan pa ni nges pa'i don du mi 'gyur ro/ /de nyid la dpe ni dper na glang po che'i rjes lta bu las zhes bya ba la sogs pa smos so//de dag la ni zhes bya ba rgyas par 'byung ste/ skra la sogs pa de dag la ni sa'i khams 'ba' zhig tu ma zad kyi/ gzugs dang dri dang ro la sogs pa 'byung ba las gyur pa tha mi dad par 'jug pa bzhin dag kyang yod de/ de la 'jug pa shas ches bas gtso bo yin pa'i phyir skra la sogs pa de dag gis sa'i khams bstan to//de bzhin du 'dir yang zhes bya ba rgyas par 'byung ste/ bcu gnyis dang ldan pa'i phung po lnga po gnas skabs dag tu yang gtso bo gang yin pa de bstan to/ /de ltar na gzugs dang tshor ba la sogs pa'i chos gzhan dag yod kyang ma rig pa gtso bor gyur pa'i gnas skabs su ma rig pa bstan par 'gyur ro//de bzhin du 'du byed la sogs pa dag la yang brjod par bya'o/ /'di ni dpe ma yin te zhes bya ba la/ dpe ma yin pa ni dpe dang don mtshan nyid mi mthun pa'o//mtshan nyid mi mthun pa nyid bstan pa'i phyir de las ni zhes bya ba rgyas par smos te/ glang po che'i rjes lta bu'i mdo de las ni de la gzugs la sogs pa gzhan dag kyang yod pas gang gis na skra la sogs pa de dag ma rdzogs par bstan par 'gyur ba/skra la sogs pa dag gang zhe na/ sa'i khams so zhes de skad ma brjod kyi/ 'on kyang de las sa'i khams gang zhe na skra dang spu zhes rgyas par skra la sogs pa dag kho nas sa'i khams bstan to/ /skra la sogs pa ma gtogs par zhes bya ba ste/ 'das par sa'i khams te nang gi bdag nyid can med pas 'di zhes bya ba ste sa'i khams rdzogs par bstan pa kho na yin no/ /de bzhin du 'di las kyang zhes bya ba la rten cing 'brel par 'byung ba'i mdo las kyang ma rig pa la sogs pa rnams yongs su rdzogs pa kho nar bstan gyi/lhag ma dang bcas par ni ma yin te/ 'di ltar sngon gyi mtha' la sogs pa dag la ma gtogs par ma rig pa gzhan yod pa ma yin no/ /de bzhin du 'du byed la sogs pa dag la yang brjod par bya'o/ /yang na gal te de kho na dang 'dra bar bstan par nus na zhes bya ba la/ji ltar sa'i khams ma bstan pa'i phyir mchi ma dang / rngul dang / mchil ma dang / snabs la sogs pa dag la lhag ma yod pa de kho na dang 'dra bar bstan par nus na ni ma rig pa'i lhag ma yod la rag na/ bstan par nus pa ma yin no snyam du bsams te/gal te zhes bya ba'i sgra sbyar ro/ /gal te phung po lnga pa'i rgyun la ma rig pa gzhan med mod kyang gzugs la sogs pa dag ni yod do zhe na/ de'i phyir rigs tha dad pa ni zhes bya ba rgyas par smos te/ gzugs dang tshor ba la sogs pa rnams ni ma rig pa nyid du mi rigs so//gang zhig yod dam med na zhes bya ba rgyas par 'byung ste/ ma rig pa nyid yod dam med na 'du byed rnams yod pa dang med par nges kyi/ phung po gzhan dag ni ma yin pas de nyid yan lag yin no/ /de bzhin du 'du byed la sogs pa dag la yang brjod par bya'o//'di ltar phung po lnga yod kyang ma rig pa dang bcas pa rnams kho na la 'du byed yod kyi/ ma rig pa med pa rnams la ni ma yin te/ dper na dgra bcom pa rnams la phung po lnga yod kyang bsod nams dang bsod nams ma yin pa dang mi g.yo bar 'gro ba'i rnam par shes pa yod pa ma yin pa bzhin te/nying mtshams sbyor ba'i rnam par shes pa med ces bya ba'i don to/ /skye bar nye bar 'gro bas na nye bar 'gro ba'o/ /bsod nams kyi nye bar 'gro ba ni bsod nams su nye bar 'gro ba'o/ /bsod nams ma yin pa nye bar 'gro ba dang /mi g.yo bar nye bar 'gro ba yang de dang 'dra bar blta bar bya'o/ /sred pa la sogs pa yang zhes bya ba la/ ma rig pa med pa rnams la phung po lnga yod kyang tshor ba nyon mongs pa can med pas sred pa med la/ de med pas len pa la sogs pa rnams kyang med do/ /mdo'i don ji skad bstan pa kho na yin no zhes bya ba la/ma rig pa gang zhe na zhes bya ba nas brtsams te/ sngon gyi mtha' mi shes pa gang yin pa'o zhes bya ba la sogs pa'o/ /de bzhin du yan lag thams cad la yang brjod par bya'o/ /gang gi phyir ji skad bstan pa kho na'i mdo'i don yin pa de'i phyir phung po gzhan dag yod kyang 'du byed la sogs pa'i rkyen ma yin no//de la yang chos ma 'ongs pa rnams zhes bya ba rgyas par 'byung ste/ chos ma 'ongs pa rnams ni rten cing 'brel par 'byung ba yin gyi/ rten cing 'brel par 'byung ba ni ma yin no zhes smras pa/ de lta ni mdo dang 'gal lo/ /ji ltar zhe na/ rten cing 'brel par 'byung ba'i chos rnams gang zhe na/ ma rig pa nas rga shi'i bar yin no zhes bya ba'o/ /yang na skye ba dang rga shi'i yan lag dag ma 'ongs pa'i dus su rnam par gzhag par mi 'dod par bya dgos so/ / gal te chos ma 'ongs pa rnams rten cing 'brel par 'byung ba ma yin na/ de las cir 'gyur zhe na/ de'i phyir cha gsum du zhes bya ba smos te/ sngon dang phyi mthar gnyis gnyis dang / /bar du brgyad ces bya ba'o/ /sde pa gzhan dag ces bya ba ni/'phags pa sa ston pa'i sde la sogs pa dag go/ /de dag de ltar rtog pa ga las she na/ sangs rgyas kyi mdo las dge slong dag rten cing 'brel par 'byung ba ni bdag gis ma byas/ gzhan gyis kyang ma byas te/ 'on kyang de bzhin gshegs pa rnams byung yang rung /ma byung yang rung / chos nyid 'di ni gnas pa kho na'o zhes rgyas par gsungs pa'i phyir ro/ /dngos po gzhan rtag pa cung zad cig yod do zhes bya ba ni ma rig pa la sogs pa rnams las so sor brtags pa ma yin pa'i 'gog pa ltar rtag pa zhig yod do zhes bya'o//'byung ba ni 'dus byas kyi mtshan nyid yin pa'i phyir ro zhes bya ba ni gsum po 'di dag ni 'dus byas kyi mtshan nyid de/ 'dus byas skye bar yang mngon zhes rgyas par 'byung ba'o/ /dngos po gzhan rtag pa ni zhes bya ba la sogs pa la/gang zhig gang med par mi 'byung ba de ni de'i mtshan nyid yin la/ 'byung ba ni rtag pa'i phyir dngos po med par yang dngos po snga nas med pa dang zhig nas med pa'i gnas skabs na yod pa yin pas de'i dngos po'i mtshan nyid du mi rung ngo / /yang na nam mkha' la sogs pa bzhin du dus su ma gtogs pa'i phyir na dus su ma gtogs pa dus su gtogs pa'i mtshan nyid du mi rigs so//'byung ba zhes bya ba ni skye ba yin pa'i phyir zhes bya ba la/ de ni mdo sde pa'i tshul du ma byung ba las byung ba'i mtshan nyid can yin la/ bye brag tu smra ba rnams kyi ltar na de byed pa yin na/de la ni ji ltar 'gro ba po dang 'gro ba dang / 'bras chan dang chos pa ltar ma rig pa la sogs pa rnams dang byed pa po dang bya ba'i mtshan nyid kyi 'brel pa yod pa yin no/ /de ltar na ma rig pa la sogs pa dag gi 'byung ba zhes 'brel par gyur na/rten cing 'brel par 'byung ba rtag pa'i dbang du byas te/ 'di ni ma rig pa la sogs pa dang ci zhig 'brel zhes bya ba rgyas par brjod de/ /bya ba dang byed pa'i mtshan nyid kyi 'brel pa med pa'i phyir ro/ /yang na 'byung ba zhes bya ba ni skye ba yin pa'i phyir/gang las de dag gi rten cing 'brel par 'byung ba zhes bya bar brjod par 'gyur ba/ khyed cag gis yongs su brtags pa'i skye ba dus su ma gtogs pa 'di ma rig pa la sogs pa dus su gtogs pa dag dang ci zhig 'brel/ /rtag pa zhes kyang bya la zhes bya ba rgyas par 'byung ba la/rkyen dang phrad nas 'byung ba ni rten cing 'brel par 'byung ba'o zhes bya ba ni sgra bye brag tu bshad pa yin no/ /de'i phyir tshig gi don nus pa med par 'gyur te/ ji ltar na rkyen dang phrad de 'byung ba yang yin la/ rtag pa yang yin/ de nyid kyi phyir rtag pa zhes kyang bya/ rten cing 'brel par 'byung ba zhes kyang bya zhes bya ba smos te/ 'di ni 'gal lo/ /gzhan yang ma rig pa la sogs pa dag las gzhan nam/ gzhan ma yin pa'am/ de dag la brten nas yin grang na/ rnam pa thams cad du mi rigs te/ rang gi ngo bo nges par ma zin pa'i phyir dang /du ma nyid du mi rtag pa nyid kyis nyes par 'gyur ba'i phyir ro/ /gzhan yang rten cing 'brel par 'byung ba bstan pa ni rtag pa dang chad par smra ba dgag pa'i phyir yin te/ de skad du yang / gang phyir dngos po 'jug 'gyur ba/ /des na chad par mi 'gyur ro//gang phyir dngos po ldog 'gyur ba/ /des na rtag par mi 'gyur ro/ /zhes bshad na/ gal te rten cing 'brel par 'byung ba brtags pa yin na ni/ ji ltar rtag par smra ba bkag par 'gyur/ mdo'i don sgra ji bzhin du brtags na ni/ dge slong dag ngas lam rnying pa shul rnying pa/gshegs shul rnying pa sngon gyi drang srong dag gis gshegs shing rjes su gshegs pa thugs su chud do zhes gsungs pa'i phyir lam yang 'dus ma byas nyid du thal bar 'gyur na/ yang dag pa'i lta ba la sogs pa lam rnams ni 'dus ma byas nyid du rigs pa yang ma yin la/de dag las ma gtogs pa'i lam gzhan yang med do/ /rten cing 'brel pa ni phrad pa'i don to zhes bya ba la/ rten cing 'brel pa zhes bya ba'i nye bar bsgyur ba ni phrad pa'i don to/ /in ni 'gro ba'o zhes bya ba'i skad kyi byings de ni 'gro ba'i don to//nye bar bsgyur ba'i dbang gis zhes bya ba la/ in gyi skad kyi byings 'gro ba'i don khyad du bsad nas nye bar bsgyur ba rten cing 'brel pa'i don yongs su gzung bas skad kyi byings kyi don yongs su bsgyur ba yin te/de'i phrad nas zhes bya ba'i don gang yin pa de ni rten cing 'brel te zhes bya ba'i don yin no/ /re zhig 'di ni rten cing 'brel te zhes bya ba'i sgra'i don yin no/ /da ni 'brel pa ni 'byung ba'i don bye brag tu bshad pa'i phyir/ pa ta ni yod pa'i don to zhes bya ba smos so/ / pa ta ni yod pa'o zhes pa ta'i skad kyi byings ni yod pa'i don yin no/ /sam dang ud gong na yod na zhes bya ba la/ sam gong na yod pa dang / ud gong na yod pa'i pa ta ni 'byung ba'i don te/ nye bar bsgyur ba'i dbang gis skad kyi byings kyi don yongs su bsgyur ba'i phyir ro/ / de ltar na byung ba ni rab tu skye ba'o zhes bya bar bstan par 'gyur ro/ /des na zhes bya ba ni de'i phyir zhes bya ba'i don to/ /ci zhe na/ rkyen dang phrad nas zhes bya ba rgyas par 'byung ngo / /byed pa po gcig gi zhes bya ba la/ gcig smos pa ni dper na lha sbyin khrus byas nas mchod sbyin za'o zhes bya ba ltar byed pa po tha dad pa dag gis dus snga ma la de'i rkyen ma yin no zhes shes par bya ba'i phyir ro//dus sngar zhes bya ba la/ ci'i phyir zhe na/ dper na 'don to 'gro'o zhes bya ba lta bu dang / de bzhin du khrus byas la bza'o zhes bya ba 'dir zos te khrus bya'o zhes bya bar nam yang mi 'gyur ba ltar/dus mtshungs pa'i bya ba dag dang / phyis kyi dus la de'i rkyen yin pa dgag par bya ba'i phyir yin na/ 'dir ni 'byung ba'i snga rol na 'byung ba po med pas phrad pa dang 'byung ba'i bya ba dag byed pa po mtshungs pa nyid mi srid pas te zhes bya ba'i rkyen mi rigs so//de'i phyir rkyen dang phrad nas 'byung ba ni rten cing 'brel par 'byung ba'o zhes bya ba'i tshig gi don 'di mi rigs so/ /de nyid bstan pa'i phyir sngar phrad nas zhes bya ba rgyas par smos so/ /de ltar na re zhig byed pa po mtshungs pa nyid mi srid pas rten cing 'brel te zhes bya ba'i te'i rkyen mi rigs so//da ni dus sngar gyi bya ba med pas te'i rkyen mi srid par bstan pa'i phyir byed pa po med pa'i bya ba yang med do zhes bya ba smos te/ 'gro ba po med par ni 'gro ba'i bya ba ma mthong ngo / /'dir smras pa zhes bya ba ni slob dpon nyid brda sprad pa'i brgal ba la bsdu ba'i tshigs su bcad pa byed pa'o//gal te 'byung sngon phrad nas yin/ /zhes bya ba rgyas par 'byung ba la/ 'di skad bstan par 'gyur te/ gal te re zhig 'di 'byung ba'i snga rol du rkyen dang phrad na ni ma skyes pa'i phyir phrad do zhes bya ba mi rigs te/ma skyes pa'i 'dod pa'am 'gro ba ma yin no/ /ci ste gang gi tshe 'byung ba de'i tshe kho nar rkyen dang phrad kyi/ sngar ni ma yin no zhe na/ de lta na yang 'dir te'i rkyen mi 'grub po/ /ci'i phyir zhe na/ sngon gyi dus su byed pa'i phyir te/ byed pa po gcig gi bya ba gnyis las sngon gyi dus la te'i rkyen byed kyi/dus mnyam pa la ni ma yin no/ /gal te da lta'i zhig yin na ni/ skye ba med par de da ltar ba nyid du rung ste/ de lta ma yin na ma 'ongs pa med par thal bar 'gyur ro/ /de'i phyir da ltar ba ni skyes pa dang ma 'gags pa'i sgo nas 'das pa dang ma 'ongs pa las khyad par du 'phags pa yin no//de nyid kyi phyir gal te ma skyes na ji ltar da ltar yin zhes smos so/ /'on te skyes pa zhig ces bya ba rgyas par 'byung ste/ 'di ni skyes pas yod pa'i bdag nyid rnyed pa yin na/ 'di la gang rnyed par bya ba'i phyir yang skye bar 'gyur ba yod pa'i bdag nyid ma rnyed pa gzhan ni yod pa ma yin no//de'i phyir skyes pa la yang skye ba med do/ /gal te bdag nyid rnyed kyang yang skye ba ni thug pa med pa dang ldan par 'gyur ro/ /ci ste ma 'ongs pa zhig ces bya ba rgyas par 'byung ba la/ma 'ongs pa ni bdag nyid ma rnyed pas brjod du med pa yin pa'i phyir gtan med pa dang 'dra bar med pa yin zhing / yod pa ma yin pa yang skye ba'i byed pa po nyid du mi rigs la/ byed pa med pa'i skye ba'i bya ba yang mi rigs so//skye ba la mngon du phyogs pa'i zhes bya ba ni skye bzhin pa'i thag ring ba'i gnas skabs bsal bar bya ba'i phyir ro/ /'di gang gi tshe skye bzhin pa yin zhe na/ skad cig gang du 'di'i rkyen tshogs pa dang / gegs med par 'gyur zhing / de'i mjug thogs su skye bar 'gyur ba'o//gnas skabs de kho na zhes bya ba rgyas par 'byung ba la/ ji ltar gnas skabs gang gi mjug thogs su 'di skye ba'i gnas skabs der 'di la skye bzhin pa zhes bya ba/ de bzhin du gnas skabs de nyid la rkyen dag gis rgyu mtshan du gyur pas phrad nas zhes brjod do//skye bzhin pa nyid kyang yod pa ma yin pa nyid kyi phyir ro/ /gang zhig sngar phrad nas dus phyis skye bar 'gyur ba skye ba'i snga rol na ni 'ga' yang yod pa ma yin no/ /sgra pa'i zhes bya ba la/ sgra pa rnams kyi 'di ni sgra pa'i'o/ /ji ltar rnam par gzhag pa med pa na/tha dad pa med kyang bya ba dang byed pa po bstan pa'i phyir ro/ /'di la skye bo zhes bya ba'i don las zhes bya ba la/ skye ba'i rang gi ngo bo las byung ba gzhan dmigs pa ni ma yin no/ /de lta bas na tha snyad dag la ste/ 'byung ngo skye'o brten nas so zhes bya ba de lta bu dag la klan ka med do//'di ltar tha snyad dag la don dam pa mi btsal lo/ /'dir bshad pa zhes bya ba ni brgal ba'i lan gyi bsdu ba'i tshigs su bcad pa'o/ /ji ltar med pa skye ba ltar/ /zhes bya ba rgyas par 'byung ste/ ji ltar khyed cag gi ltar na ma skyes pa'i phyir med pa skye ba de bzhin du med pa phrad par yang ci ste mi 'dod/ci ste yod pa bdag nyid rnyed pa skye na/ de lta na yang skyes zin pa skye bas thug pa med par 'gyur ro/ /ci ste yang de nyid skye ba yin la/ skyes zin pa'i phyir de yang 'byung ba ma yin pas thug pa med pa med do snyam na/de'i phyir 'on te snga na yod na'ang rung zhes bya ba smos te/ de'i phyir sngar phrad nas phyis skye bar 'gyur ba gang yin pa de ni skye ba'i sngon rol na 'ga' yang med la zhes bya ba brjod par mi bya'o/ /yang na mtshams sbyor gyi 'don pas/'on te snga na yod min na'ang / /zhes bya ba 'byung ste/ ci ste thug pa med par 'gyur na mi rung bas/ yod pa ma yin pa nyid skye na ni/ de'i phyir byed pa po med pa'i bya ba yang khas blangs pas/ gnas skabs gang skye ba'i gnas skabs de nyid dang phrad nas zhes bya ba yin no zhes gang yin pa'i sngar gyi phyogs dang mi 'gal lo//de lta na dus bya ba dag mnyam pa'i phyir de'i rkyen mi 'thad do zhes bya ba'i brgal ba yongs su spang ba'i phyir tshigs su bcad pa gzhan/ lhan cig pa la'ang de yod de//zhes bya ba rgyas par 'byung ngo / /mun pa ni sngar mar me dang phrad nas phyis med par 'gyur ba ma yin te/ mar me dang mun pa dag ni lhan cig mi gnas pa'i phyir ro/ /kha gdangs nas nyal ba yang de bzhin te/ sngar kha gdangs shing bgrad par byed la/ phyis nyal ba ni ma yin no//ci ste sngar kha gdangs par byed la/ phyis nyal lo zhe na/ gal te de lta na btsums pa la/ yang ci'i phyir ma yin/ gang gi tshe sngar gdangs nas phyis btsums te gnyid log pa de'i tshe kha gdangs nas nyal zhes ci ste mi brjod/ /de'i phyir 'dir nyal ba dang lhan cig tu 'jug pa'i kha gdangs pa mngon par 'dod par shes par bya'o//dbyu gu khrol zer te ltung ngo zhes phyis kyi dus la yang de'i rkyen dmigs so/ /sngar khrol zer te phyis ltung ba ni ma yin te/ sgra ni mngon par brdabs pa'i rgyu las byung ba'i phyir ro/ /gzhan dag ni zhes bya ba ni slob dpon dpal len no//rten cing 'brel pa ni 'dod pa'i don to zhes bya ba la/ zlos pa ni khyab par 'dod pa ste/ sna tshogs la khyab par 'dod pa ni zlos pa'i rten brjod pa sna tshogs pa thams cad la bya ba dang yon tan dag gis cig car khyab par 'dod pa ni zlos pa ste/dper na 'dis grong re re la skud pa byin no zhes bya ba lta bu'am/ grong re re zhing nyams dga'o zhes bya ba lta bu'o/ /i ti ni 'gro bar rung ba ste zhes bya ba ni chas par ro/ /i ti ni 'gro ba yin no zhes bstan pa'i phyir mi sdod pa'o zhes bya ba smos te 'jig pa'o zhes bya ba'i don to//ud gong na yod pa'i pa ta ni 'byung ba'i don to zhes bya ba la/ skad kyi byings 'gro ba'i don yin yang / nye bar bsgyur ba'i dbang gis 'byung ba'i don du yang 'gyur ro/ /tshogs pa de dang de na 'gro bar rung ba zhes bya bas ni rten cing 'brel pa zlos pa'i don nyid du gsal bar byed do//'dus nas skye ba ni zhes bya ba la/ gcig pu skye ba ni 'ga' yang med de/ lhan cig skye bar nges pa'i phyir ro/ /re zhig gzugs can ni/ 'dod na dbang po med pa dang / /sgra med phra rab rdul rdzas brgyad//ces bya ba de lta bu la sogs pa'o/ /gzugs can ma yin pa ni/ /sems dang sems byung nges lhan cig /thams cad 'dus byas mtshan nyid dang / /lhan cig skye'o zhes bya ba'o/ /rtog pa 'di ni kho na la/ /zhes bya ba la/ rten cing 'brel pa zlos pa'i don du mi 'gal ba'i phyir dang /'dus nas skye ba mi 'gal ba'i phyir rten cing 'brel par 'byung ba 'dir ni rtag par rung na/ 'di la ni rtog pa 'di ji ltar btub ste/ mig dang gzugs la brten nas mig gi rnam par shes pa skye'o zhes rten cing 'brel pa zlos pa mi srid pa'i phyir dang /'dus te skye ba mi srid pa'i phyir ro/ /'di la ni mig dang gzugs dang phrad nas zhes bya bar rtogs kyi/ zlos pa'i don la ni ma yin no/ /'gro bar rung ba rnams 'dus nas skye'o zhes bya bar rtogs pa yang ma yin te/ 'o na ci zhe na/mig gi rnam par shes pa kho na cig car du yin no/ /nges par gzung ba'i don te zhes bya ba la/ gang yang rung ba zhig brjod na ni nges par ma bzung bar 'gyur la/ nges par ma bzung na yang 'du byed la sogs pa rnams/ ma rig pa la sogs pa dag las gzhan bdag la sogs pa'i rkyen can nyid yin pa ma bkag par 'gyur te/dper na mig yod na mig gi rnam par shes pa 'byung ngo zhes nges par ma bzung bas gzugs yod na 'byung ngo zhes bya bar rtogs pa bzhin no/ /de'i phyir nges par gzung ba'i don du yang yod na gang 'byung ba de nyid skyes pas de'i skye'i gzhan skyes pa ni ma yin la/gang skyes pas gang skye ba de nyid yod na de 'byung gi gzhan yod na yang ma yin no zhes rnam grangs gnyis brjod do/ /mdo gzhan gyi rnam grangs gnyis nges par gzung ba'i don nyid du bstan pa'i phyir dper na gzhan las zhes bya ba smos so//ma rig pa yod na zhes bya ba rgyas par 'byung ba ste/ de ltar bshad na ma rig pa skyes pas 'du byed rnams skye'o/ /ma rig pa kho na yod na de dag 'byung gi gzhan yod na yang ma yin no/ /de bzhin du gzhan la yang brjod par bya'o//yang na yan lag 'di yod na 'di 'byung ngo zhes bya ba rgyas par 'byung ba la/ ma rig pa yod na 'du byed dag 'byung la/ 'du byed dag skyes pas yang rnam par shes pa skye'o zhes de ltar yan lag bcu gnyis brgyud par ston to/ /yang na sngon gyi mtha' yod na zhes bya ba rgyas par 'byung ste/sngon gyi mtha' yod na da ltar gyi mtha' 'byung ngo zhes bya ba 'di bstan pa'i phyir 'di yod na 'di 'byung zhes bya ba gsungs la/ da ltar gyi mtha' skyes pas phyi ma'i mtha' skye'o zhes bya ba 'di bstan pa'i phyir 'di skyes pas 'di skye'o zhes bya ba 'di gsungs so//yang na res 'ga' ni zhes bya ba 'byung ste/ de la re zhig mngon sum du ni gang gi tshe ma rig pa'i mjug thogs su 'du byed nyon mongs pa can skye ba na'o/ /brgyud pas ni gang gi tshe bsod nams dang mi g.yo ba skye ba na ste/ de la ni ma rig pa mngon sum du rgyu'i ngo bo ma yin no//gzhan dag na re las rang gi ngo bos gnas pa'i mngon sum du yin la/ bag chags kyis gnas pa'am thob pas gnas pa'i brgyud pas yin no zhes zer ro/ /'di la ma rig pas 'du byed dag la ni mngon sum du nus la/ rnam par shes pa la sogs pa dag la ni brgyud pas so so zhes rnam par 'chad pa ni bshad pa dang 'gal te/'du byed rnams kho na la gnyis ka bstan pa'i phyir ro/ /'di yod na 'di 'byung zhes bya ba 'dis ni rgyu med par smra ba bkag ste/ rgyu med na 'bras bu med pa'i phyir ro/ /'di skyes pas 'di skye zhes bya ba 'dis ni rgyu rtag pa bkag ste/skyes pa kho na rgyu yin pa'i phyir ma skyes pa rgyu ma yin no zhes bshad par 'gyur ro/ /rtog pa 'di la ni yod na 'di 'byung zhes bya ba 'di don med do/ /ci'i phyir zhe na/ 'di skyes pas 'di skye zhes bya ba 'di kho nas smra ba gnyis ka bsal te/rgyu mi rtag pa yongs su gzung ba'i phyir ro/ /sun 'byin pa 'di slar lan gdab pa'i phyir/ 'o na ni gang la la dag ces bya ba rgyas par smos so/ /'du byed la sogs pa rnams zhes bya ba la sogs pa zhes bya ba'i sgras ni rnam par shes pa dang ming dang gzugs la sogs pa rnams bsdu'o//ma rig pa la sogs pa skyes pas zhes bya ba 'dir sogs pa'i sgras ni 'du byed dang rnam par shes pa la sogs pa rnams bsdu'o/ /rtog pa de bsal bar zhes bya ba ni dgag par ro/ /gang zhig skyes pas gang skye ba ni zhes bya ba ni ma rig pa skyes pas 'du byed rnams skye'o//de nyid yod pas 'di 'byung gi zhes bya ba ni ma rig pa nyid yod pas 'du byed rnams 'byung gi bdag la sogs pa rten du gyur pa gzhan yod na ni ma yin no/ /de'i phyir rnam grangs snga ma don med pa ma yin te/de bzhin du gzhan la yang brjod par bya'o/ /slob dpon dag na re zhes bya ba la sogs pa la/ ci zhe na/ go rims bzhin du spangs pa shes par bya ba'i phyir dang / skye ba shes par bya ba'i phyir te/ de nyid bstan pa'i phyir ma rig pa ma spangs na zhes bya ba rgyas par 'byung ngo //gnas pa dang skye ba zhes bya ba la sogs pa la/ slob dpon dpal len na re go rims bzhin du gnas pa yang dag par bstan pa'i phyir dang / skye ba yang dag par bstan pa'i phyir rnam grangs gnyis gsungs so zhes zer ro/ /de nyid bstan pa'i phyir rgyu'i rgyu na ji srid pa de srid du 'bras bu'i rgyun 'byung bar 'gyur ro zhes bya ba smos te/rnam grangs dang pos bstan to/ /rgyu nyid skyes pas 'bras bu skye bar 'gyur ro zhes bya ba ni rnam grangs gnyis par bstan to/ /'byung ba'i dbang du mdzad pa yin na zhes bya ba la/'dir ni dge slong dag khyed la rten cing 'brel par 'byung ba bstan par bya'o zhes rgyas par rten cing 'brel pa'i dbang du byas pa yin te/ der gnas pa'i dbang du ma mdzad pa'i phyir gnas pa'i tshig gi go skabs ci zhig yod/ rim pa mi mthun pa zhes bya ba rgyas par 'byung ba la/gnas pa'i skye ba sngon du 'gro ba can yin te/ de'i phyir sngar ni 'di skyes pas 'di skye zhes bya ba kho na brjod par bya ba la phyis ni 'di yod pas 'di 'byung zhes gnas pas brjod par bya ba'am/ go rims las rgal na yang dgos pa brjod par bya'o/ /yang smras pa zhes bya ba ni gnas brtan de nyid kyis so//gal te mdo'i don de yin par 'gyur na ni zhes bya ba rgyas par 'byung ba la 'di yod pas zhes bya ba ni 'bras bu yod pas so/ /'di zhes bya ba ni rgyu ste/ the tshom med pa'i phyir mi 'byung ngo zhes bya ba de skad du bka' stsal par 'gyur te/ bcom ldan 'das the tshom za bar gsungs par mi 'gyur ro/ /'bras bu yod na phyis rgyu 'jig par 'gyur ba ma yin te/ skye dang 'jig pa dag mnyam ste/ /srang mda'i mthon dman ji bzhin no/ /zhes 'byung bas/ rgyu dang 'bras bu gnyis cig car du ma yin par khas blangs pa'i phyir ro//de lta na go rims legs pa yin no zhes bya ba la/ 'jig pa skye ba sngon du 'gro ba can yin pa'i phyir dang / de yang sngar bstan pa'i phyir ro/ /gzhan du na zhes bya ba ni gal te sngar 'jig pa bstan te/ de'i phyir rten cing 'brel par 'byung ba gang zhe na zhes dri ba mdzad nas 'di lta ste 'di yod na 'di 'byung zhes bya bar gang las 'bras bu yod na rgyu 'jig par 'gyur ro zhes de skad 'chad par 'gyur ba/'jig pa'i tshig tu thal ba ci zhig yod/ de'i phyir dpal len gyis legs par mi smras so/ /byis pa ni rten cing 'brel par 'byung ba zhes bya ba rgyas par 'byung ba la/byis pa zhes bya ba ni bden pa ma mthong ba'o/ /'du byed tsam zhes bya ba tsam gyi sgra ni 'di na 'du byed pa po bdag la sogs pa yod pa ma yin no zhes bstan par bya ba'i phyir ro/ /mi shes pas zhes bya bas ni ma 'dres pa'i ma rig pa bstan to//bdag tu lta ba dang nga'o snyam pa'i nga rgyal la mngon par zhen cing zhes bya ba ni bdag tu lta ba dang / nga'o snyam pa'i nga rgyal dag la rab tu gnas shing zhes bya ba'i don te/ 'dis ni bdag tu lta ba dang nga'o snyam pa'i nga rgyal dang mtshungs par ldan pa'i ma rig pa bstan to//lus la sogs pa dag gi las rnam pa gsum rtsom ste zhes bya ba 'byung ngo / /bdag nyid ces bya ba ni gang du 'di dag go snyam du lta ba dang / gang gis rlom pa de'o/ /bde ba'i don tam/ bde ba yang ma yin sdug bsngal yang ma yin pa'i don du zhes bya ba la sogs pa la/lus la sogs pa gsum dag gi zhes bya ba ni lus dang ngag dang yid dag gi las rnam pa gsum ste/ bsod nams dang bsod nams ma yin pa dang mi g.yo ba'i mtshan nyid can rtsom mo/ /tshe phyi ma la bde ba'i don du zhes bya ba ni 'jig rten gzhan du bde ba'i don du'o//bsod nams zhes bya ba ni 'dod pa na spyod pa'i dge ba ste/ 'di ltar 'jig rten pha rol du bde ba 'dod pa ni sbyin pa dang tshul khrims la sogs pa dag la 'jug go/ /de skad du ni phal che ba'i sgo nas bstan te/ log pa'i rnam par rtog pa dus ches yun ring pos/rjes su 'brel pas blo gros yul 'dzin pa dang bral zhing gti mug chen po'i mig ser gyi tshogs chen pos sems kyi mig nyams pa lta ba ngan pas bslus pa kha cig tshe phyi ma la bde ba'i don du mchod sbyin la sogs pa bsod nams ma yin pa yang rtsom mo//bde ba dang bde ba yang ma yin sdug bsngal yang ma yin pa'i don du mi g.yo ba zhes bya ba ni/ gzugs dang gzugs med pa na spyod pa ste/ bsam gtan gsum pa'i bar du tshe phyi ma la bde ba'i don dang de'i gong du bde ba yang ma yin/sdug bsngal yang ma yin pa'i don du'o/ /tshe 'di la bde ba'i don du ni bsod nams ma yin pa rtsom ste zhes bya bar sbyar te/ lus kyi sgo nas srog gcod pa la sogs pa dang / ngag gis brdzun smra ba la sogs pa dang / yid kyis brnab sems la sogs pa dag go/ / las kyi 'phen pa'i dbang gis zhes bya ba la/ ji skad bstan pa'i las dag gis 'phangs pa ni las kyi 'phen pa'o/ /de'i dbang gis ni de'i rgyu mtshan gyis te/ rgyu des rnam par shes pa'i rgyun srid pa bar ma dang 'brel bas thag shin tu ring yang 'gro ba de dang der 'gro bar 'gyur ro//srid pa bar ma yang rnam par shes pa drug dang ldan pa'i phyir de ltar bshad na/ rnam par shes pa gang zhe na rnam par shes pa'i tshogs drug go zhes bshad pa de 'thad pa yin no zhes bya ba smos so/ /ji ltar zhe na/ gal te rnam par shes pa'i rgyun las kyis yongs su bsgos pa thams cad srid pa bar ma'i nying mtshams sbyor ba'i skad cig ma nas bzung ste/skye ba'i skad cig gi bar du 'du byed kyi rkyen can rnam par shes pa'o zhes bya ba yin na ni de'i phyir rnam par shes pa rnam par dbye ba bstan pa'i rnam par shes pa tshogs drug go zhes bya ba rigs par 'gyur gyi/gzhan du ni ma yin no/ /gal te nying mtshams sbyor ba'i rnam par shes pa kho na 'du byed kyi rkyen can zhes bya ba ni de lta na rnam par shes pa'i tshogs drug go zhes rnam par shes pa rnam par dbye ba dang 'gal bar 'gyur te/ gnas skabs der yid kyi rnam par shes pa kho na tsam zhig tu 'gyur gyi/yid kyi rnam par shes pa kho nas nying mtshams sbyor bas gzhan dag med par 'gyur ro/ /de'i phyir/ 'di skad du/ rnam par shes pa gang zhe na/ yid kyi rnam par shes pa'o zhes gsungs par 'gyur gyi/ rnam par shes pa'i tshogs drug go zhes bya bar ni ma yin no//ming dang gzugs phung po lnga po 'gro ba de dang der skye bar 'gyur te/ 'dir ming dang gzugs ni ma shi bar du yan lag tu rig par bya'i/ ji ltar bye brag tu smra ba rnams kyi ltar/ ming dang gzugs ni de phan chad/ /skye mched drug dod tshun chad do//zhes bya ba ni ma yin no/ /yang ming dang gzugs phung po lnga pa yin no zhes bya ba 'di ji ltar rtogs par bya zhe na/ de'i phyir rnam par 'byed pa las de skad bstan pa'i phyir ro zhes bya ba smos te/ rten cing 'brel par 'byung ba rnam par 'byed pa'am/ming dang gzugs rnam par 'byed pa'i mdo las ming gang zhe na/ gzugs can ma yin pa'i phung po bzhi ste/ tshor ba'i phung po nas rnam par shes pa'i phung po'i bar ro/ /gzugs gang zhe na/ gzugs gang yin pa ci yang rung ste/ 'byung ba chen po bzhi dang 'byung ba chen po bzhi dag rgyur byas pa de thams cad de/gzugs 'di dang / sngar gyi ming 'di gnyis ni ming dang gzugs zhes bya ba'i grangs su 'gro'o zhes 'byung ngo / /ming dang gzugs yongs su smin pa zhes bya ba ni nur nur po dang / mer mer po dang / nar nar po dang / mkhrang 'gyur la sogs pa'i ngo bos dbang po bskyed par bya ba la ches dang / shin tu ches nye ba'i ngo bo'i rim pas so/ /'dod pa'i sred pa ni 'dod pa na spyod pa'i sred pa'o/ /bde ba dang bde ba yang ma yin sdug bsngal yang ma yin pa la ni gzugs kyi sred pa'o zhes bya ba la/bsam gtan gsum na ni tshor ba bde ba la gzugs kyi sred pa gzugs na spyod pa'o/ /bsam gtan bzhi pa la ni bde ba yang ma yin sdug bsngal yang ma yin pa la gzugs kyi sred pa'o/ /gzugs med pa'i khams na ni tshor ba gzhan med pas bde ba yang ma yin sdug bsngal yang ma yin pa la gzugs med pa'i sred pa ste/thams cad la sdug bsngal gyis gzir ba zhes bya bar sbyar bar bya'o/ /'dod pa la sogs pa nye bar len te zhes bya ba la/ 'dod pa dang / lta ba dang / tshul khrims dang / brtul zhugs dang / bdag tu smra ba rnams nye bar len to/ /de la 'dod pa rnams ni 'dod pa'i yon tan lnga dag go zhes bya ba ni gzugs dang / sgra dang / dri dang / ro dang / reg bya rnams so/ /'dod par bya zhing don du gnyer bar bya bas na 'dod pa rnams te/ de nyid kun du rtog pa'i 'dod pas byang bas na yon tan te/goms zhes bya ba'i don to/ /brtul zhugs nyid ni khyi dang / ba lang gi brtul zhugs la sogs pa zhes bya ba la/ sogs pa zhes bya ba'i sgras ni ri dgas kyi brtul zhugs la sogs pa dag bsdu'o/ /ji skad du gcer bu pa la sogs pa rnams ni zhes bya ba la/'di yang brtul zhugs yin no/ /bram ze'i brtul zhugs ni dbyu gu dang / g.yang gzhi yang dag par len pa'o/ /phyugs bdag pa'i ni ral bu dang thal ba'o/ /kun du rgyu'i ni dbyu gu gsum pa dang sgre bo yang dag par len pa'o/ /sogs pa zhes bya ba'i sgras ni thod pa can la sogs pa rnams ni thod pa srel ba la sogs pa bsdu'o//bdag tu smra ba ni lus la ste zhes bya ba ni gang gi phyir 'di la bdag ces brjod pa'i phyir te/ de la bdag tu smra ba yod pas na bdag tu smra ba'o zhes bya ba smos te/ bcom ldan 'das kyis dge slong ngam bram ze gang yang su yang rung ste/bdag go zhes yang dag par rjes su lta bas yang dag par rjes su lta ba de thams cad ni nye bar len pa'i phung po lnga po 'di dag la zhes rgyas par ji skad du gsungs pa lta bu'o/ /gal te lus bdag yin na/ de lta na bdag tu nye bar len pa zhes brjod par bya'o zhe na/de'i phyir/ bdag med pa'i phyir zhes bya ba la sogs pa smos te/ bdag yod na ni bdag nye bar len pa'i zhes brjod na/ de ni yod pa yang ma yin te/ de'i phyir de med par shes par bya ba'i phyir bdag tu smra ba nye bar len pa zhes bshad do//byis pa thos pa dang mi ldan pa so so'i skye bo btags pa'i rjes su ltung ba zhes bya ba ni go rims bzhin du lhan cig skyes pa dang lung dang / rtogs pa las skyes pa'i shes rab rnams med pa'i phyir ro/ /btags pa'i rjes su ltung ba zhes bya ba ni ming ji lta ba dang tha snyad ji lta ba de lta bu'i rjes su song zhes bya ba'i don to//de dag la 'dun pa dang 'dod chags gang yin pa ste zhes bya ba ni 'dod pa dang / lta ba dang tshul khrims dang brtul zhugs dang / bdag tu lta ba dag la ste/ de la 'dod pa la sogs pa ma thob pa dag la ni 'dun pa ste don du gnyer ba'o//thob pa dag la ni 'dod chags te mngon par zhen pa'o/ /srid pa'i zhes bya ba ni yang srid pa'i 'bras bu can no/ /de ni 'dir srid pa yin no zhes bya ba ni 'di ni 'dir srid pa'o zhes bya ba'i tha tshig go/ /gzhan dag na re 'di 'dir srid pa'i tshig bla dgas sam mtshan nyid do zhes zer ro//rnam par shes pa 'jug pa'i tshul du zhes bya ba ni las kyi 'phen pa'i dbang gis rnam par shes pa'i rgyun srid pa bar ma dang 'brel pa'i phyir me 'bar ba 'gro ba'i tshul du 'gro ba de dang der 'gro bar 'gyur te zhes sngar ji skad bstan pa bzhin no//mdo de las ji skad bshad pa lta bu'o zhes bya ba ni rga ba gang zhe na/ spyi cer dang mgo skya nas 'du byed rnams rnyings par gyur pa dang / 'khogs par gyur pa gang yin pa ste/ 'di ni rga ba zhes bya ba ste/ 'chi ba gang zhe na/ sems can de dang de dag sems can gyi ris de dang de nas 'chi zhing 'chi 'pho nyid nas 'chi ba'i dus byed pa gang yin pa 'di ni 'chi ba zhes bya ba ste/'chi ba 'di dang sngar gyi rga ba 'di gnyis ni rga shi zhes 'byung ba'o/ /bye brag tu smra ba'i lugs ni sngar bshad pa gang yin pa de kho na yin no zhes bya ba ni bcu gnyis dang ldan pa'i phung po lnga pa'i gnas skabs kyi yan lag bcu gnyis dag yin no zhes bya ba'o//yi ge ma'i don du ma nyid yin par mthong ste 'dri ba ni ma rig pa'i don gang yin zhes bya ba'o/ /rig pa ma yin pa gang yin pa'o/ /mig la sogs pa dag la yang thal bar 'gyur ro zhes bya ba la yang mig dang rna ba la sogs pa dag kyang ma rig par thal bar 'gyur te/de dag kyang rig pa ma yin pa'i phyir ro/ /ci yang ma yin par 'gyur te zhes bya ba ni gang gi tshe ma rig pa rig pa med pa yin na rdzas ma yin pa de nyid du 'gyur ro zhes bya ba'i don to/ /de yang rig pa ma yin no zhes bya ba ni rkyen gyi dngos por bstan pa'i phyir ro//de'i mi mthun pa'i phyogs zhes bya bas ni dgag pa'i tshig gi ni 'gal ba la'o/ /zhes ston to/ /mdza' bo las gzhan pa gang yin pa yang ma yin la zhes bya ba ni ma yin par dgag pa tsam yang ma yin par ston to/ / mdza' ba med par yang ma yin pa zhes bya ba ni ci yang ma yin par 'gyur bas so/ /chos ma yin pa dang don ma yin pa dang / bya ba ma yin pa la sogs pa yang zhes bya ba la/ sogs pa'i sgras ni mi rigs pa dang / tha snyad ma yin pa dang / mi ma yin pa la sogs pa rnams bsdu'o//chos la sogs pa'i mi mthun par gyur pa zhes bya ba la/ chos dang don dang rigs pa dang / tha snyad dang mi la sogs pa mi mthun pa'i phyogs su gyur pa yin gyi/ chos la sogs pa med pa tsam ma yin la/ chos la sogs pa dag las gzhan yang ma yin pa de bzhin du ma rig pa yang mi mthun pa'i phyogs su gyur pa'i chos yin gyi/rig pa las gzhan pa ma yin zhing med pa tsam ma yin no/ /rkyen gyi dngos por bstan pa'i phyir ro zhes bya ba la/ ma rig pa'i rkyen gyis 'du byed rnams zhes 'du byed rnams kyi rkyen gyi dngos por bstan na/med pa ni brjod du med pa'i phyir rkyen gyi dngos por rigs pa ma yin la/ mig la sogs pa dag kyang 'du byed kyi rkyen gyi dngos po ma yin te/ dgra bcom pa la yang 'du byed 'phel bar thal bar 'gyur ba'i phyir ro/ /kun sbyor sogs tshig phyir zhes bya ba la/kun du sbyor ba dag tu ni ma rig pa'i kun du sbyor ba zhes bshad la/ zag pa dag tu ni ma rig pa'i zag pa/ 'ching ba dag tu ni gti mug gi 'ching ba/ phra rgyas dag tu ni ma rig pa'i phra rgyas/ chu bo dag tu ni ma rig pa'i chu bo/ /sbyor ba dag tu ni ma rig pa'i sbyor ba zhes bya ba ni/med pa tsam ni de ltar 'gyur bar mi 'os la/ mig la sogs pa dag kyang kun du sbyor ba dang 'ching ba la sogs pa dag tu mi 'gyur ro/ /ci'i phyir zhe na/ dgra bcom pa rnams kyang ma grol bar thal bar 'gyur ba'i phyir ro/ /de'i phyir ma rig pa'i mi mthun phyogs su 'gyur ba chos gzhan yin no//de yang lta ba'i rang bzhin yin pas zhes bya ba la/ smad pa'i shes rab ni nyon mongs pa can yin gyi/ nyon mongs pa can ma yin pas dge ba dang lung du ma bstan pa ni ma yin la/ de yang 'jig tshogs la lta ba la sogs pa lta ba rnam pa lnga yin na/lta ba ni ma rig par mi rung ste/ ma rig pa'i phra rgyas/ lta ba'i phra rgyas zhes 'dod chags la sogs pa bzhin du logs shig tu gsungs pa'i phyir ro/ /'o na ni gang nyon mongs pa can gyi shes rab lta ba ma yin pa de yin par 'gyur la/de yang 'dod chags dang zhe sdang dang / nga rgyal la sogs pa'i nyon mongs pa dang mtshungs par ldan pa yin no/ /lta ba de dang mtshungs ldan phyir/ /zhes bya ba ni ma rig pa dang mtshungs par ldan pa'i phyir ro zhes bya ba'i don to//gti mug nyon mongs pa'i sa mang po par nges pas lta ba ma rig pa dang mtshungs par ldan la/ ngo bo nyid ni ngo bo nyid kyis bsdus pa yin gyi/ mtshungs par ldan pa ma yin no/ /shes rab kyi rdzas gnyis mtshungs par mi ldan pa'i phyir na ma rig pa shes rab nyid ma yin no zhes bya bar nges so//shes rab nye nyon mongs bstan phyir/ /zhes bya ba 'di las kyang zhes bya bar rgyas par 'byung ste/ ji ltar sems kyi nye ba'i nyon mongs pa sems las gyur pa 'dod chags gzhan nyid yin par gsungs kyi/ sems ma yin pa de bzhin du/ shes rab kyi nye ba'i nyon mongs pa yang de dang mtshungs par ldan pas ma rig pa chos gzhan yin par rigs kyi/shes rab kyi nye ba'i nyon mongs pa shes rab nyid ni ma yin te/ mtshungs par mi ldan pa'i phyir ro/ /'dres na rnam par mi 'dag pas zhes bya ba ni shes rab dge ba ni mjug thogs su 'byung ba'i shes rab nyon mongs pa can dang 'dres na rnam par mi 'dag go zhes bya ba'o//de yang gdon mi za bar 'dod chags kyis kun nas dkris pa yin nam ci zhes bya ba ni 'dod chags dang mtshungs par ldan nam zhes bya ba'o/ /bag chags de zhes bya ba ni 'dod chags la sogs pa gnas ngan len gyi bag chags zhes bya ba'i don to//de bzhin du ma rig pas nye bar nyon mongs pa can du 'gyur ba'i zhes bya ba la/ 'dir ma rig pa'i sgras ni shes rab nyon mongs pa can kho na rig par bya ste/ gang gi phyir thal ma thag tu yang ci'i phyir shes rab nyon mongs pa can dang zhes rgyas par 'byung ba'i phyir ro//ma rig pas nye bar bcom pa yang de bzhin du brtag par bya ste/ ma rig pa dang mtshungs par ldan pa las ni ma yin no/ /des na shes rab kyi rdzas gnyis cig car ba yod pa ma yin te/ de bzhin du ma rig pas nye bar bcom pa yin par yongs su brtag par bya'o//yongs su rtog pa la ni su zhig bzlog ste zhes bya bas ni 'di ni lung la mi ltos par kun brtags pa tsam du zad do zhes ston to/ /ma rig pa rigs gzhan kho na zhig yod do zhes pa ni brjod do zhes bya ba ni bye brag tu smra ba rnams so//gang yang zhes bya ba ni slob dpon dpal len te/ de ni nyon mongs pa thams cad ma rig pa yin no snyam du sems so/ /ci'i phyir zhe na/ tshe dang ldan pa gsus po che des rab tu mi shes shing rab tu mi shes pa ni ma rig pa zhes bya ba'i mdo'i phyir ro//des zhes bya ba ni de yod na rig pa med par de ni ma rig pa ste/ rgyu med na ni 'ga' yang yod pa ma yin la/ nyon mongs pa thams cad yod na yang rig pa med pa yin no/ /kun du sbyor ba la sogs pa'i nang du logs shig tu bshad par mi 'gyur zhing zhes bya ba ni nyon mongs pa thams cad ma rig pa yin pas te/rjes su chags pa'i kun du sbyor ba la sogs pa'i nang du ma rig pa'i kun du sbyor ba logs shig tu bshad par mi 'gyur te/ kun du sbyor ba lhag ma dang tha mi dad pa'i phyir ro/ /de bzhin du 'ching ba dag gi nang du gti mug gi 'ching ba zhes bya bar logs shig tu bshad par yang mi 'gyur te/'dod chags dang zhe sdang tha mi dad pa'i phyir ro/ /phra rgyas dag gi nang du ma rig pa'i phra rgyas zhes bya bar yang ma yin te/ phra rgyas lhag ma dang tha mi dad pa'i phyir ro/ /chu bo dag gi nang du ma rig pa'i chu bo dang /sbyor ba dag gi nang du ma rig pa'i sbyor ba zhes bya bar logs shig tu bshad par yang mi 'gyur te/ chu bo dang sbyor ba lhag ma dang tha mi dad pa'i phyir ro/ /nyon mongs pa thams cad kyi bdag nyid yin pa'i phyir dang / lta ba la sogs pa rnams la rang dang gzhan gyi bdag nyid dang mtshungs par ldan pa med pa'i phyir lta ba'am/nyon mongs gzhan dang ste/ nyon mongs pa 'dod chags la sogs pa dang yang mtshungs par ldan par mi 'gyur te/ 'dir ltar lta ba ni lta ba'am 'dod chags dang zhe sdang dang mtshungs par ldan par mi 'gyur ro/ / de bzhin du 'dod chags kyang 'dod chags sam/ nyon mongs pa gzhan dang mtshungs par ldan par mi 'gyur ro zhes thams cad la brjod par bya'o/ /sems kyang zhes bya ba rgyas par 'byung ste/ gal te nyon mongs pa thams cad kyi rang bzhin ma rig pa yin na/ 'dod chags kyang nyon mongs pa'i rang bzhin yin pas ma rig pa kho na yin pa'i phyir 'dod chags kyis nye bar nyon mongs pa can du gyur pa'i sems ni rnam par grol lo zhes bshad par mi 'gyur ro//'o na ji ltar bshad par bya zhe na/ ma rig pas nye bar nyon mongs pa can du gyur pa'i zhes bya bar sbyar ro/ /'on te bye brag tu bya ba'i phyir zhes bya ba la/nyon mongs pa thams cad ma rig pa'i rang bzhin can yin pa'i phyir ma rig pa che ge mos nye bar nyon mongs pa can du gyur pa mi grol lo bya bar rtogs par mi 'gyur ba de'i phyir ma rig pa bye brag tu bya ba'i phyir 'dod chags kyis nye bar nyon mongs pa can du gyur pa'i zhes bshad de/dper na skye mched bcu po dag gzugs kyi rang bzhin du khyad par med pa dang / bye brag tu bya ba'i phyir gzugs kyi skye mched dang sgra'i skye mched ces bshad pa bzhin no/ /shes rab la yang zhes bya ba rgyas par 'byung ste/ 'o na ni shes rab la yang zhe sdang gis nye bar nyon mongs pa can du gyur pa dang /nga rgyal gyis nye bar nyon mongs pa can du gyur pa dag las bye brag tu bya ba'i phyir ma rig pa'i bye brag bstan par bya ste/ de lta ma yin na ma rig pa gang gis nye bar nyon mongs par 'gyur ba mi rtogs par 'gyur ro/ /'on te nyon mongs pa thams cad kyis nye bar nyon mongs pa can du gyur pa'i shes rab ni rnam par mi 'dag ste/de'i phyir 'dir bye brag nye bar mi len no zhe na/ ma yin te/ sems la yang mtshungs pa'i phyir ro/ /'di ltar 'dod chags kho nas yin pa 'ba' zhig tu ma zad kyi/ nyon mongs pa gzhan dag gis nye bar nyon mongs par gyur pa'i sems kyang rnam par mi 'grol bas 'di ni mtshungs so//mi gsal ba'o zhes bya ba la/ gsal ba ni rab tu shes pa yin la/ mi gsal ba ni gsal ba ma yin pa'o/ /ma rig pa la ji lta ba de kho na bzhin du skyon du 'gyur ro zhes bya ba la/gal te gang gsal ba ma yin pa yin na ni mig la sogs pa dag la yang thal bar 'gyur ro/ /'o na ni gsal ba med pa yin no/ /de lta na ni ci yang ma yin par 'gyur na/ de yang rigs pa ma yin te/ rkyen gyi dngos por bstan pa de lta bu'i phyir la/ kun du sbyor ba la sogs pa'i dngos por bstan pa'i phyir ro/ /ji ltar 'di ci zhig ces ma rig pa mi shes pa de bzhin du mi gsal ba yang yin no zhes ston te/ ma grub pas ma grub pa shes par byed par nus pa yang ma yin no/ /chos rnams bstan pa de lta bu yang zhes bya ba rgyas par 'byung ste/de lta bu ni rigs de lta bu dang rnam pa de lta bu zhes bya ba'i don to/ /chos rnams bstan pa ni gdon mi za bar rang bzhin gyis phye ba kho nar ma zad kyi/ las kyis rab tu phye ba yang yin pas/ 'dir rig pa'i mi mthun phyogs kyi las kyis ma rig pa bstan te/ de'i phyir don 'ga' zhig rig pa mi mthun phyogs su gyur pa gang yin pa de yod pa yin no//de nyid la dpe bshad pa ni/ dper na zhes bya ba la sogs pa ste/ der ni las mig gi rnam par shes pa'i rten nyid kyis mig gi rnam par shes pa nges par byed kyi/ rang bzhin gyis ni ma yin no//gal te gzugs dang ba zhes rang bzhin gyis rab tu phye ba kho na la mig gi rnam par shes pa'i rten nyid du brjod pa ma yin nam zhe na/ gzugs dang ba de ni rang gi ngo bos nges par mi nus te/ de nyid kyi phyir mig gi rnam par shes pa'i rten gang yin pa'o zhes gsungs so//btsun pa chos skyob na re nga'o snyam du sems can la 'jug pa ni zhes bya ba la/ des 'gro ba thams cad du 'jug pas na 'jug pa ste/ 'gro zhes bya ba'i don yin la/ de'i dngos po ni 'jug pa nyid yin na/ 'di ni nges par ma byas pa zhig ste/ 'di ltar gnas brtan des kyang de'i brjod par bya ba ni dmigs ma phyed do//nga'o snyam du zhes bya bas ngar 'dzin pa yang yongs su bzung la/ de yang nga'o snyam pa'i nga rgyal gyi bya ba yin pas 'dri ba ni nga'o snyam pa'i nga rgyal las gzhan pa'i 'jug pa gang zhig ce na zhes bya ba'o/ /gang gi phyir nga'o snyam pa'i nga rgyal la mngon par zhen pa'i phri rgyas dag las logs shig tu 'jug pa gsungs pa de'i phyir nga'o snyam pa'i nga rgyal nyid 'jug pa ma yin par rtogs so//sred pa thams cad dang zhes bya ba la sogs pa 'byung bas 'dod chags la sogs pa'i rnam pa thams cad las logs shig tu gsungs pa'i phyir 'dod chags la sogs pa'i nyon mongs pa rnam pa gzhan ma yin la/ma rig pa ni ma gsungs pa'i phyir 'jug pa'i sgras ni ma rig pa gsungs so zhes bya bar shes so/ /nga rgyal gzhan yang yod pa ma yin nam zhes bya ba ni mdo 'di las ni nga'o snyam pa'i nga rgyal kho na rang gi sgras gsungs kyi/nga rgyal gzhan ma yin pas 'jug pa'i sgras nga'o snyam pa'i nga rgyal las gzhan pa'i nga rgyal bstan par 'gyur ro zhes bya ba'o/ /'di la dpyad par chad na zhes bya ba la sogs pa la/ ma rig pa'i yan lag 'di la rnam par dpyad na gzhung 'di mangs par 'gyur ba de'i phyir 'di ni gzhag go//yang dpyad pa byas na ni lan dang yang lan gyi tshig gis brjod pa mang bar 'gyur ba de'i phyir rnam par dpyad pas chog go/ /yang ming dang gzugs zhes bya ba'i don ci zhe na zhes bya ba la/ gal te ma rig pa'i rkyen gyis 'du byed rnams zhes bya bas ma rig pa'i mjug thogs su 'du byed bstan par bya la/de'i 'og tu ni rnam par shes pa'i yan lag bstan par bya ba yin nam/ ci ste ming dang gzugs de bkod ce na/ sems pa yid kyi las yin te/ /des bskyed lus dang ngag gi las/ / zhes bya ba de lta bu la sogs pas 'du byed rnams kyi mdzod kyi gnas nas 'chad pa'i phyir la rnam par shes pa yang / rnam shes so sor rnam rig pa/ /zhes bya ba der bshad zin te/ /bshad zin 'chad par 'gyur ba gzhan/ /zhes 'chad par 'gyur ba'i phyir ro/ /gzugs ni rgya cher bshad pa yin no zhes bya ba la/gzugs ni dbang po lnga dang don/ /lnga dang rnam rig byed min nyid/ /ces bya ba de lta bu la sogs pas rgyas par bshad zin to/ /ming ni gzugs can ming phung po/ /zhes bya ba la/ sgra 'jug pa'i rgyu mtshan 'dri ba ni ci'i phyir zhes bya ba ste/gzugs can ma yin pa'i phung po bzhi la ming zhes brjod ces bya ba'o/ /sgra 'jug pa'i rgyu mtshan bstan pa'i phyir ming dang dbang po dang don gyi dbang gis zhes bya ba rgyas par smos so/ /ming dang dbang po dang don dang gsum gyi dbang gis gzugs la sogs pa'i don rnams la gzhol bas ming ste/dmigs par 'dzin pa 'dus pa la brten nas brjod do zhes bya ba'i don to/ /de la ming gi dbang gis ni gzugs la sogs pa mngon sum dang mngon sum ma yin pa dag la'o/ /dbang po dang don gyi dbang gis ni mngon sum pa dag la gzhol lo//ming gang gi zhes bya ba ni gsung rab las phung po bzhi'i mtshan nyid dam/ 'bod ming gi mtshan nyid can la ming du grags pa de'i phyir the tshom za ba'o/ /'jig rten na grags pa gang yin pa ste zhes bya ba rgyas par 'byung ste/ 'dir na 'bod ming gi mtshan nyid gzung ste/ phung po bzhi'i mtshan nyid can 'jig rten du ma grags pa'i phyir ro/ /de la ba lang dang rta zhes bya ba ni gong bu go bar byed pa'i phyir don du ma go bar byed pa yin no/ /gzugs dang ro zhes bya ba ni don gcig go bar byed pa yin te/ rdzas go bar byed pa'i phyir ro/ /de lta na ni 'o na dmigs pa med pa'i phyir ldan pa ma yin pa rnams la ming nyid mi srid do zhe na/de ni de lta ma yin te/ gzugs can ma yin pa rnams kho na la dmigs pa gzhol ba nyid mi srid pa'i phyir gzugs can ma yin pa rnams kho na ming yin no/ /de med pas ldan pa ma yin pa rnams ming ma yin pa nyid kyang ma yin te/gzugs bzhin no/ /dper na gzhig cing gzhom du rung bas gzugs yin zhing thogs pa med pas 'das pa dang ma 'ongs pa dang rnam par rig byed ma yin pa dang / rdul phra rab rnams la gzugs su rung ba yod pa yang ma yin la/ de dag gzugs ma yin pa nyid kyang ma yin zhing /'di gzugs kho na la yod pas gzugs kyi nges tshig ma yin pa bzhin no/ /de yang zhes bya ba ni gang 'jig rten na grags pa ba lang dang rta zhes bya ba'o/ /ci'i phyir zhes bya ba ni rgyu gang gis de ming nyid yin zhes bya ba'o//ming de dang de zhes bya ba la ldan pa ma yin pa'i 'du byed de ming nyid yin te/ gang phung po bzhir bshad pa de gzhol bar byed du 'jug pa'i phyir ro/ /gzhan dag na re 'dir lus bor nas zhes bya ba rgyas par 'byung ba la 'chi ba'i tshe lus bor nas skye ba gzhan du gzhol ba'i phyir na/tshor ba la sogs pa gzugs can ma yin pa'i phung po rnams ni ming zhes bya ste/ ji skad du/ shi zhing dus byas pa de'i lus rul ba de nye du rnams kyis mes sreg pa'am/ chur bskur ba'am sa'i 'og tu 'jug par 'gyur zhing /rlung dang nyi ma dag gis yongs su bskams pa dang / yongs su zad pa dang / gtugs par 'gyur te/ sems zhes bya ba dang / yid ces bya ba dang / rnam par shes pa zhes bya ba dad pas yongs su bsgos pa dang /tshul khrims dang / thos pa dang / gtong ba dang shes rab kyis yongs su bsgos pa gang yin pa de ni phyi ma la gang du 'gro ba dang / khyad par du 'gro ba dang / mtho ris su 'gro bar 'gyur ro zhes gsungs pa lta bu'o/ / rnam par shes pa gzhol ba ni mi 'pho ba'i tshul du yin par rig par bya'o/ /skye mched drug bshad zin to/ /gang du bshad ce na/ de dag rnams kyi rnam shes rten mig la sogs gzugs dang ba rnams zhes bya ba dang / rnam shes so sor rnam rig pa//yid kyi skye mched kyang de yin/ /zhes bya ba der ro/ /rig drug ces bya bas rten gyi dbye bas reg pa'i dbye ba tsam zhig bshad la/ 'dus te byung ba yin zhes bya ba 'dir yang rgyu bshad kyi ngo bo ni ma yin no/ /'dus pa ni lhan cig 'byung ba'o snyam du bsams nas smras pa ni/re zhig lhan cig skyes pa'i phyir/ /zhes rgyas par 'byung ba'o/ /yid dang chos dang yid kyi rnam par shes pa rnams skye ba'i dus tha dad pa'i phyir lhan cig 'byung ba mi srid do snyam zhing / yid kyi dbang po 'gags pa go zhes bya ba la sogs pa smras te/drug po 'gags ma thag pa yi/ /rnam shes gang yin de yid do/ /zhes bya bas yid kyi rnam par shes pa ni 'das pa yin gyi phyir 'gag pa'o/ /gzugs la sogs pa'ang chos yid kyi rnam par shes pas dmigs par bya ba rnams ni 'byung bar 'gyur ba yin pa'i phyir ma 'ongs pa'o//sems dang sems las byung ba da ltar ba rnams kho nas dmigs pa dmigs pa'i phyir yid kyi rnam par shes pa ni da ltar gyi'o/ /ji ltar 'du zhes bya ba ni 'du ba yod pa ma yin pa de nyid de/ dus tha dad par rtogs pa'i phyir ro snyam du bsams pa'o//rgyu dang 'bras bu'i dngos po gang yin pa zhes bya ba la/ yid kyi rnam par shes pa ni 'bras bu'i dngos po'o/ /yid kyi dbang po dang chos rnams ni rgyu'i dngos po'o/ /reg pa bskyed par bya ba la mthun pa yin pa'i phyir zhes bya ba ni reg pa bskyed par bya ba'i ched du phan tshun rjes su mthun pa'o//'bras bu gcig pa'i don to zhes bya ba ni yul dang dbang po rnam par shes pa rnams 'bras bu gcig pa nyid la 'du ba zhes brjod do/ /drug tshun drug ces bya ba ni 'di la drug tshun drug yod pas na drug tshan drug pa ste/ nang dang phyi dang rnam par shes pa dang /reg pa dang / tshor ba dang / sred pa rnams so/ /'dir reg pa'i tshogs zhes bya ba la/ gal te yul dang dbang po dang rnam par shes pa rnams 'dus pa tsam reg pa yin na ni de dag las don gzhan du gyur pa ma yin la/ de lta yin na yul dang dbang po dang rnam par shes pa drug tshan las logs shig tu gsung bar mi 'gyur te/gang dag yang reg pa smos pas bstan par byas so zhes rtog pa/ de dag las tha dad pa'i yul dang dbang po dang rnam par shes pa dag yod pa ni ma yin no/ /de'i phyir srid pa la sogs pa bzhin du de dag las logs shig tu bstan pas de dag 'dus pa tsam ni reg pa ma yin no zhes bya bar shes so//yul dang dbang po dang rnam par shes pa dag las logs shig tu bstan pas reg pa de dag las logs shig tu yod pa ni ma yin no/ /ci'i phyir ma yin zhe na/ tshor ba dang sred pa dag kyang chos kyi skye mched las zhes bya ba rgyas par smos so/ /gal te logs shig tu bstan pas sred pa la sogs pa ltar logs su yod na de lta na chos kyi rnam grangs drug tshan drug pa 'di nyid las tshor ba dang sred pa dag chos kyi skye mched las logs shig tu bshad pas chos kyi skye mched las logs shig tu yod par thal bar 'gyur na/de ni 'dod pa yang ma yin no/ /de'i phyir logs shig tu gsungs pa ni gzhan nyid kyi rgyu ma yin te/ 'khrul pa'i phyir ro/ /de dag las ma gtogs pa'i chos kyi skye mched kyang zhes bya ba la sogs pa la/gang zhig tshor ba dang sred pa dang gnyis bsal nas chos kyi skye mched ces bstan pa/ tshor ba dang sred pa ma gtogs pa'i chos kyi skye mched 'dus ma byas dang / rnam par rig byed ma yin pa dang / 'du shes dang / sems la sogs pa'i mtshan nyid can yang yod de/ de'i phyir gang zhig gang las logs shig tu bstan pa de ni de las tha dad pa kho na yin pas logs su bstan pa la 'khrul pa med pa nyid do/ /de lta bur 'dir zhes bya ba rgyas par 'byung ste/ de lta bur gang zhig mdo 'dir nang dang phyi'i skye mched smos pa dang / rnam par shes pa smos pas smos su rung ba/reg pa zhes bya ba'i rgyu dang 'bras bur gyur pa yul dang dbang po dang rnam par shes pa gsum las gzhan gsum reg par ma gyur pa gang yin pa ni yod pa ma yin no/ /de'i phyir reg pa ni dbang po dang yul dang rnam par shes pa rnams las gzhan kho na yin te/ logs shig tu bstan pa'i phyir ro//ci ste de dang mtshungs pa'i yul dang dbang po dang rnam par shes pa phan tshun ltos pa med pa rnams kyi nang dang phyi'i skye mched dang rnam par shes pa drug po dag logs shig tu bstan la/ rten pa mtshungs pa phan tshun ltos pa rnams ni reg pa'i tshogs smos pas smos pa'i phyir na de don gzhan gyi dngos po ma yin yang /yul dang dbang po dang rnam par shes pa dag las logs shig tu bstan par mi 'gal lo snyam na/ gal te rnam par shes pa'i zhes bya ba rgyas par 'byung ngo / /don dang dbang po dag ni de dang mtshungs pa yin pas rnam par shes pa la mi ltos par 'gyur na/rnam par shes pa ni don dang dbang po med pa ma yin te/ de dag gi rgyu can yin pa'i phyir ro/ /rgyu ni 'bras bu med par yang yod na 'bras bu ni rgyu med par ma yin te/ de la rag las te skye ba'i phyir ro/ /de'i phyir gang rnam par shes pa'i tshogs drug ces logs shig tu bstan par bya la/don dang dbang po ltar reg par ma gyur pa'i rnam par shes pa don dang dbang po la ltos pa med pa ni cung zad kyang med do/ /de lta bas na gsum bstan zin pas zhes bya ba ni yul dang dbang po dang rnam par shes pa dag go/ /reg pa smos pa ni don med do zhes bya ba la/dbang po dang don dang rnam par shes pa de dag kho na reg pa yin la/ de dag kyang bstan pas yang reg pa'i tshogs drug ces bstan pa don med par 'gyur na/ 'dod pa yang ma yin te/ des na reg pa ni 'dus pa las gzhan kho na yin no zhes bya bar khas blang bar bya'o/ / gang dag rgyu dang 'bras bu'i dngos po yin pa zhes bya ba la/ mig dang gzugs sngar skyes pa dag dang / mig gi rnam par shes pa phyis skyes pa ni rgyu dang 'bras bu'i dngos po yin pas de dag kho na reg pa'i dngos por gzhag la/ mig la sogs pa gang dag rgyu dang 'bras bur gyur pa de dag ni nang dang phyi'i skye mched dang /rnam par shes pa'i tshogs nyid du bstan te/ de dag kyang dbang po dang yul dang rnam par shes pa lan cig skyes pa rnams dang / phan tshun chod pa snga phyir skyes pas so zer ro zhes bya ba ni slob dpon dpal len te/ 'di la yang lan ni gal te rnam par shes pa med pa'i dbang po dang don dag ces rgyas par 'byung ba de nyid yin no//de skad du mi 'don to zhes bya ba ni dang por mi byed kyi/ 'o na ci zhe na/ chos gsum po 'di dag 'brel pa dang / 'dus pa dang / tshogs pa las byung ba gang yin pa de ni reg pa'o zhes lnga par byed pa'o//yang na ni 'di rgyu la zhes bya ba la sogs pa la/ reg pa'i rgyu gsum 'dus pa ni reg par smras te/ dper na sangs rgyas rnams ni 'byung ba bde/ /zhes bya ba lta bu'o/ /brjod pa 'di la rgyu skye ba'i rnam pa ha cang mang por 'phro ba'i ngang tshul yod pas na/rgyu skye ba'i rnam pa ha cang mang por 'phro ba'o/ /thogs pa dang bcas pa'i dbang po la brten pa'i phyir zhes bya ba la/ mig la sogs pa dag ni rang gi yul du gzugs gzhan skye ba la gegs byed pas thogs pa dang bcas pa'o/ /gzhan dag na re thogs pa dang bcas pa'i dbang po la brten pa'i phyir dang /gcig tu thogs pa dang bcas pa'i chos kyi yul can yin pa'i phyir ro zhes zer ro/ /tshig bla dgas zhes bya ba ni ming yin no zhes bya ba ni lha sbyin mchod sbyin zhes bya ba sems dang ldan pa ma yin pa'i 'du byed de/de ni drug pa kho na'i yul yin gyi/ gzhan gyi ni ma yin no/ /de nyid rab tu bstan pa'i phyir/ de lhag par 'di'i dmigs pa yin pas zhes bya ba smos te/ grag ces bya ba'i sgra ni sgra las ma gtogs pa'i ming med par shes par bya ba'i phyir ro/ /mig gi rnam par shes pas ni sngon po rnam par shes kyi zhes bya ba ni brjod par bya ba'i rang gi ngo bo rnam par shes pa'o//sngon po'o zhes bya bar ni rnam par mi shes so zhes bya ba ni ming gi sgo nas rnam par mi shes pa ste/ mig gi rnam par shes pa ni rnam par rtog pa med pa yin pa'i phyir ro/ /yid kyi rnam par shes pas ni rang gi ngo bo dang ming gnyis ka'i sgo nas rnam par shes pa ste/des ni ming dang ming can gyi 'brel pa 'dzin par nus pa'i phyir ro/ /gcig ni rten gyis rab tu phye ba yin no zhes bya ba ni thogs pa'i reg pa ste/ thogs pa dang bcas pa'i dbang po la brten pa'i phyir ro//gzhan dag na re ni rten dang dmigs pas rab tu phye ba yin no zhes zer ro/ /gnyis pa ni dmigs pas rab tu phye ba yin no zhes bya ba ni tshig bla dgas kyi reg pa ste/ lhag par tshig bla dgas kyi dmigs pa can yin pa'i phyir ro/ /tshig gi dbang du byas nas zhes bya ba la/ nye bar bstan pas ming dang ming can gyi 'brel pa la byang ba ni yid kyi rnam par shes pa'i sgo nas bum pa dang snam bu zhes bya bar rtog pa yin no/ /gnyis pa ni mtshungs par ldan pas rab tu phye ba yin no zhes bya ba la/ tshig bla dgas ni yid yin la de dang mtshungs par ldan pa'i reg pa ni tshig bla dgas kyi reg pa'o//rig dang ma rig ces bya ba la sogs pa la/ rig pa zhes bya ba ni zag pa med pa'i shes rab po/ /ma rig pa zhes bya ba ni nyon mongs pa can gyi mi shes pa'o/ /rig pa yang ma yin ma rig pa yang ma yin pa ni shes rab dge ba zag pa dang bcas pa dang /shes rab ma bsgribs la lung du ma bstan pa ste/ de dag dang mtshungs par ldan pa de dag ni rim pa bzhin du reg pa yin par rig par bya'o/ /ma rig pa'i reg pa zhes bya ba rgyas par 'byung ste/ ma rig pa'i reg pa ni nyon mongs pa thams cad dang mtshungs par ldan pa'o//yang dang yang du 'byung ba ni rtag tu kun du 'byung ba ste/ de'i phyogs gcig smos pas reg pa gnyis su 'gyur te/ gnod sems dang rjes su chags pa'i reg pa'o/ /ji ltar tshor ba bde ba dang mthun pa'i phyir ro zhes bya ba ni tshor ba bde ba dang rjes su mthun pa'i phyir ro zhes bya ba dang /tshor ba bde ba skyed par byed pa yin pa'i phyir ro zhes bya ba'i don to/ /gzhan dag la yang de dang 'dra bar brjod par bya'o/ /ji ltar de bya ba'am bya bar nus par bya bar 'gyur ba yin pa de bzhin du de myong bar bya ba'am myong bar nus pa'i phyir myong bar 'gyur ba'o//de dag ni reg pa bcu drug yin no zhes bya ba ni mig gi 'dus te reg pa la sogs pa drug dang / thogs pa dang tshig bla dgas kyi reg pa gnyis dang / rig pa dang ma rig pa dang gzhan gyi reg pa gsum dang / gnod sems dang rjes su chags pa'i reg pa gnyis dang /bde ba myong bar 'gyur ba la sogs pa gsum ste/ de ltar de dag thams cad ni bcu drug tu 'gyur ro/ /reg pa rnam par gtan la dbab pa dang rab tu dbye ba dang bcas te bshad zin to/ /tshor ba brjod par bya ste zhes bya ba la/ tshor ba myong ba zhes sngar tshor ba bshad zin ma yin nam zhe na/bshad pa bden mod kyi/ der ni rang gi ngo bo'i sgo nas yin gyi rab tu dbye bas ni ma yin la/ 'dir ni rab tu dbye ba'i sgo nas bstan pa brjod par 'dod pa'i phyir zlos pa'i skyon med de/ de nyid kyi phyir de las byung ba tshor ba drug ces smos so//de dag kyang mdor bsdu na tshor ba gnyis su 'gyur te/ lus kyi dang sems kyi'o/ /de nyid kyi phyir/ de dag las lnga ni lus kyi'o zhes bya ba smos so/ /sems kyi yin yang dbang po gzugs can la brten pa'i phyir lus kyi zhes bya ste/ rdul phra rab bsags pa yin pa'i phyir dang /lus la brten pa'i phyir na lus kyi sgra ni mig la sogs pa dag la 'jug go/ /sems tsam la brten pa'i phyir zhes bya ba la/ tsam zhes bya ba smos pa ni de las lhag pa'i rten gcad par bya ba'i phyir ro/ /lus kyi yang sems la brten pa yin mod kyi/sems tsam la brten pa ni ma yin te/ de'i rten ni mig la sogs pa rnams kyang yin pa'i phyir ro/ /yang ji ltar tshor ba reg pa'i 'og tu 'byung ba zhes bya ba rgyas par 'byung ba bzhi ni gnyis ka ltar yang 'gal bar mthong ba'i dri ba'o/ /bye brag tu smra ba smos pa ni kha cig na re skyed par byed pa'i chos las 'das pa ma rangs pa'i don du yin no zhes zer ro//phan tshun lhan cig 'byung ba'i rgyu yin pa'i phyir tshor ba ni reg pa dang dus mnyam pa yin te/ de las gzhan pa'i sems las byung ba bzhin no/ /ji ltar lhan cig 'byung ba gnyis skyed par byed pa'ang bskyed par bya ba'i dngos por grub ces bya ba la/skyed par byed pa'i dngos po ni skyed par byed pa nyid do/ /'bras bu skyed par nus pa'o/ /bskyed par bya ba'i dngos po ni bskyed par bya ba nyid de/ bdag nyid du ma red pa zhes bya ba'i don to/ /de lta yin dang skyed par byed pa dang bskyed par bya ba'i dngos po ni skyes pa dang ma skyes pa dag la grub kyi skyes zin pa dag kho na la ni ma yin no snyam du bsams pa'o//lhan cig 'byung ba gnyis la yang skyed par byed pa dang bskyed par bya ba'i dngos po mi 'gal bar mthong ste 'dri bar ni ji ltar mi 'grub ces bya ba'o/ / mthu med pa'i phyir te zhes bya ba la/ skyes zin pa bdag nyid thob pa ni yang bskyed par mi nus te/ skyes zin pa yang bskyed par bya ba ma yin pa'i phyir ro/ /de'i phyir de la de bskyed pa'i mthu yod pa ma yin no/ /de nyid bstan pa'i phyir/ chos skyes zin pa la ni chos kyi nus pa med do zhes bya ba smos so//dam bcas pa dang bye brag med pa yin no zhes bya ba ni don gang zhig dam bcas pas nye bar bzung ba de nyid gtan tshigs kyi tshig gis kyang bzung bas dam bca' ba dang bye brag med do/ /de nyid rab tu bstan pa'i phyir lhan cig 'byung ba gnyis zhes rgyas par smos te/ phan tshun bsgrub bya sgrub byed yin pa'i phyir dam bca' ba dang khyad par med do zhes bya ba'o//gal te dam bca' ba dang bye brag med pa'i phyir 'di sgrub par byed pa ma yin na/ 'o na ni phan tshun skyed par byed par thal bar 'gyur ba'i phyir ro zhes bya ba yin te/ gang las 'dir gcig kho na skyed par byed pa yin gyi gzhan ni ma yin no zhes bya ba'i khyad par gyi rgyu ni 'ga' yang 'di la yod pa ma yin te/de lta yin dang reg pa dang tshor ba gnyis phan tshun skyed par byed pa nyid yin pa'i phyir rten cing 'brel par 'byung ba 'gal lo/ /de'i phyir lhan cig 'byung ba gnyis skyed par byed pa dang bskyed par bya ba'i dngos por mi rigs so//'dod pa'i phyir nyes pa med do zhes bya ba ni grub pa la sgrub par ston pa'o/ /'dod pa 'di ni mdo las mi bzhed do zhes bya ba la/ chos mngon pa las/ lhan cig 'byung gang phan tshun 'bras/ /zhes 'dod pa 'di mdo las ni mi bzhed de/ de bstan pa'i phyir mig gi 'dus te reg pa las byung ba'i tshor ba zhes bya ba rgyas par smos so//lhan cig 'byung ba ni rigs pa ma yin te/ ci'i phyir zhe na/ skyed par byed pa'i chos dang 'gal ba'i phyir ro/ /skyed par byed pa dang bskyed par bya ba gnyis cig car ni mi 'grub ste/ sa bon dang myu gu bzhin no/ /snga phyi'i dngos po yin pa 'ba' zhig tu ma zad kyi/lhan cig pa'i dngos po yang grub pas ma nges so/ /dper na zhes bya ba rgyas par 'byung ba la/ mig dang gzugs la sogs pa dag ni lhan cig 'byung ba kho na mig gi rnam par shes pa la sogs pa rnams kyi skyed par byed pa yin la/ 'byung ba lhan cig 'byung ba rnams kyang gzugs la sogs pa 'byung ba las gyur pa rnams kyi skyed par byed pa yin no//dgag pa ci zhig yod ces bya ba ni 'di la rigs pa yod pa ma yin zhing / de ni de lta ma yin no zhes bya ba'i lung yang med do/ /'o na ni myu gu dang grib ma dag dang /mar me dang 'od dag ji lta bar zhes bya ba la/ gal te skad cig ma dang po la grib ma med pa dang 'od med par 'gyur na ni de ltar snga phyi'i dngos por rtogs par 'gyur na/ 'gyur ba yang ma yin te/ de'i phyir myu gu dang mar me ni grib ma dang 'od lhan cig 'byung ba dag gi rgyu yin no zhes bya bar grub po//'dir yang rgyu'i tshogs pa sngar byung ba kho nar mar me 'od dang bcas pa dang myu gu grib ma dang bcas pa'i rgyur ci ste mi 'dod/ gzhan yang 'gro ba dang gnas pa dang rnam par 'gyur ba'i rjes su byed pa'i phyir dang / yod pa dang med pa dag kyang de dag gi rgyu can yin pa'i phyir myu gu dang mar me dag grib ma dang 'od gnyis kyi skyed par byed pa yin la/'od mar me'i yin pa'am/ grib ma myu gu'i yin no zhes bya bar ni sgrub par mi nus pa yin no/ /reg pa dang tshor ba dag lhan cig 'byung bar nges na ni/ gang gis na reg pa'i rkyen kho nas tshor ba yin gyi/tshor ba'i rkyen gyis reg pa ni ma yin no zhes bya bar rtogs par 'gyur ba/ rgyu de 'dra ba yod pa ma yin te/ de'i phyir mi mthun pa nye bar bkod pa yin no/ /gzhan dag na re reg pa'i 'og tu tshor ba 'byung ste zhes zer ba ni slob dpon dpal len te/ 'di ltar na 'dus pa ni dbang po dang yul dang rnam par shes pa rnams kyi rgyu dang 'bras bu'i dngos po yin gyi lhan cig 'byung ba ni ma yin te/rgyu dang 'bras bu dag dus snga phyir 'byung ba'i phyir ro/ /rgyu dang 'bras bu dag cig car ma yin pa'i phyir dbang po dang don gnyis ni de dag gi 'bras bur gyur pa'i rnam par shes pa bas snga la/de'i mjug thogs su skad cig ma gnyis pa la ni rnam par shes pa ste/ de dag gi 'bras bu yin pa'i phyir ro/ /gsum 'dus pa de ni zhes bya ba rgyas par 'byung ba ni der rgyu dang 'bras bu'i dngos po rdzogs pa'i phyir ro/ /skad cig ma gsum pa la zhes bya ba ni reg par gyur pa'i rnam par shes pa'i rkyen gyis yin pa'i phyir skad cig ma gsum pa la tshor ba'o//de lta na ni zhes bya ba la sogs pa la gal te skad cig ma gsum pa la tshor ba yin na/ de lta na reg pa'i dus na tshor ba med pa'i phyir/ rnam par shes pa thams cad la tshor ba yod par mi 'gyur te/reg par gyur pa'i rnam par shes pa la tshor ba med pa'i phyir ro/ /rnam par shes pa thams cad reg pa yin par mi 'gyur ro zhes bya ba ni tshor ba'i dus na reg pa med pa'i phyir te/ 'dus pa'i 'og rol tshor ba'i dus na rnam par shes pa gang zhig skye ba de reg pa ma yin pas rnam par shes pa thams cad reg pa ma yin par 'gyur na/'di ni 'dod pa yang ma yin te/ reg pa dang tshor ba dag ni sa mang po pa yin pas sems can thams cad la 'byung ba'i phyir dang / rnam par shes pa thams cad reg pa yin no zhes khas blangs pa'i phyir ro//reg pa phyi ma la yod pa'i tshor ba reg pa snga ma'i rgyu las byung ba yin pas zhes bya ba rgyas par 'byung ba ni thams cad la tshor ba dang reg pa yod pa nyid du 'dod pa yin no/ /de ni lhan cig 'byung ba'i reg pa'i rkyen gyis yin pa nyid du mi 'dod do/ / 'o na de ga las yin zhe na/ reg pa la snga ma'i rgyu las byung ba yin gyi/ dbang po dang yul snga ma'i rgyu mtshan can gyi reg pa gang yin pa de las byung ba yin no/ /gang gi phyir de lta na dbang po dang don las byung ba'i rnam par shes pa'i reg pa yin pas reg pa thams cad tshor ba dang bcas pa yin la/shes pa thams cad kyang reg pa yin te/ des na 'gal ba med do/ /dmigs pa tha dad pa dag las zhes bya ba ni gzugs dang sgra la dmigs pa dag las so/ /reg pa phyi ma la yod pa'i tshor ba zhes bya ba ni sgra la dmigs pa'o/ /reg pa snga ma'i rgyu las byung ba yin no zhes bya ba ni gzugs la dmigs pa'i reg pa'i rgyu las byung ba'o//ji ltar na zhes bya ba ni khro ba gsal bar byed pa ste/ reg pa dang tshor ba dag dmigs pa tha dad pa nyid yin na ni phyis byung ba'i tshor ba bde ba'i sgo nas reg pa snga ma nam yang bde ba myang bar mi 'gyur la/ reg pa'i stobs kyis dmigs pa nyams su myong ba yang yin pa'i phyir reg pa dang dmigs pa tha dad par mi rung ste/'di ltar bde ba myong bar 'gyur ba'i reg pas sdug bsngal nyams su myong bar ji ltar byed/ yang na sems gang dang zhes bya ba'i sgra la dmigs pa dang ngo / / de las dmigs pa gzhan pa zhes bya ba ni gzugs la dmigs pa zhes bya ba'i don to/ /de lta yin na nyes pa cir 'gyur zhe na/ lhan cig 'byung ba'i reg pa la sogs pa dang mtshungs par mi ldan pa'i nyes par 'gyur te/ dmigs pa tha dad pas mtshungs pa nyid lngas mtshungs par mi ldan pa'i phyir ro/ / sdug bsngal dang bde ba yang ma yin sdug bsngal ba yang ma yin pa la yang de dang 'dra bar brjod par bya'o/ /'o na ni de'i tshe zhes bya ba ni dmigs pa 'pho ba'i tshe ste/ mi 'pho na ni nyes pa med do/ /ji ltar zhe na/ gal te gzugs la dmigs pa'i mig gi rnam par shes pa'i mjug thogs su mig gi rnam par shes pa'am/yid kyi rnam par shes pa gzugs la dmigs pa kho na 'byung na ni de tshor ba dang bcas pa yin no/ /ci'i phyir zhe na/ sngar skyes pa mig gi rnam par shes pa yin pas rigs gcig pa yin pa'i phyir ro/ /de'i sngon rol gyi rnam par shes pa zhes bya ba la sogs pa la/ ci'i phyir de reg pa ma yin zhe na/ 'di la rgyu smras pa ni rkyen ma tshang ba'i phyir ro zhes bya ba ste/ 'di ltar mtshungs pa de ma thag pa'i rkyen thams cad kyis ni tshor ba'i rkyen gyis reg par gyur pa skyed par mi nus so/ /gzhan dag na re 'dir rkyen ma tshang ba ni dbang po 'pho ba dang / de las skyes pa'i yid la byed pa yin no zhes zer ro/ /de lta yin na nyes pa ci zhig yod ces bya ba ni yod pa ma yin pa'i phyir dmigs pa tha dad pa'i nyes pa med do snyam du bsams pa'o//sa mang po pa'i nges pa nyams pa yin no zhes bya ba ni sems thams cad la reg pa dang tshor ba dag med pa'i phyir te/ nyes pa 'dir 'gyur ro/ /sa ni gsum ste zhes bya ba la/ rtog pa dang bcas shing dpyod pa dang bcas pa'i sa ni 'dod pa'i khams dang bsam gtan dang po'o/ /rtog pa med pa la dpyod pa tsam ni bsam gtan khyad par can no/ /rtog pa yang med dpyod pa yang med pa ni bsam gtan gnyis pa las/ srid pa'i rtse mo'i bar ro/ /dge ba'i sa ni chos dge ba rnams te/mi dge ba dang / lung du ma bstan pa yang de dang 'dra 'o/ /slob pa'i sa ni slob pa'i zag pa med pa'i chos dag go/ /mi slob pa ni mi slob pa'i zag pa med pa'i chos dag go/ /slob pa yang ma yin mi slob pa yang ma yin pa ni zag pa dang bcas pa'i chos dag go/ /'dus ma byas ni ma bshad de/sa rnams 'dus byas yin pa'i phyir ro/ /de la gang dag ces bya ba rgyas par 'byung ba la/ de dag ni sa mang po pa la sogs pa la/ tshor ba dang 'du shes sems pa dang zhes bya ba der ji skad du bshad pa rnams so/ /gzhan dag na re de dag ni zhes bya ba rgyas par 'byung ba la/ de dag ni zhes bya ba ni sa mang po la sogs pa dag go//gang dag sa gang la yod pa de dag ni de la rnam grangs kyis yin gyi cig car ni ma yin te/ dper na tshor ba dang reg pa la sogs pa bzhin no/ /'don pa'i zhar la zhes bya ba ni mdo 'don pa'i zhar la ste/ mdo las ni 'di skad du/ dge ba dang / lung du ma bstan pa zhes 'don to//grangs kyi zhes bya ba ni mtshan nyid kyis thob pas 'thad pa yod pa'i phyir da ltar chos mngon pa'i tshul shes pa rnams kyis lhag par btags pa'o/ /sngon ni ma bton to zhes bya ba la/ rab tu byed pa'i rkang pa las sa mang po pa dang / dge ba'i sa mang po pa dang / nyon mongs pa'i sa mang po pa dang /nyon mongs pa chung ngu'i sa mang po pa ste/ rnam pa bzhi kho na 'don gyi mi dge ba'i sa mang po dag ni ma yin no/ /lhan cig skyes pa zhes gsungs kyi zhes bya ba rgyas par 'byung ste/ mdo de las ni tshor ba dang 'du shes dang sems pa lhan cig skyes pa zhes gsungs kyi reg pa dang ni ma yin la de dag ni lhan cig skyes pa nyid du 'dod pa yang yin pas 'di la lan gdab tu ci zhig yod/tshor ba la sogs pa rnams reg pa dang lhan cig skyes par gsungs par khas blangs kyang tshor ba dang reg pa dang dus mnyam du skye bar shes par mi 'gyur ro//ci'i phyir zhe na/ lhan cig ces bya ba'i sgra 'di ni de ma thag pa la yang mthong ngo / /byams pa dang lhan cig par gyur par zhes bya ba la/ byams pa dang dran pa yang dag byang chub kyi yan lag gnyis skad cig ma gcig la lhan cig 'byung bar shes par ni mi 'gyur te/ zag pa dang bcas pa dang zag pa med pa yin pa'i phyir ro/ /'o na ci zhe na/ byams pa'i mjug thogs su dran pa yang dag byang chub kyi yan lag sgom par byed do zhes bya bar rtogs par 'gyur te/ de bzhin du 'dir yang reg pa'i mjug thogs su tshor ba dang 'du shes dang sems pa skye'o zhes bya bar shes par 'gyur ro//de'i phyir 'di ni reg pa dang tshor ba lhan cig 'byung ba nyid kyi khungs su mi rung ngo / /chos de dag ni 'dres pa yin gyi zhes bya ba ni 'dres shing lhan cig 'byung la mtshungs par ldan zhes bya ba'i don to/ /ci re zhig 'di dag gi zhes bya ba rgyas par 'byung ste/ dmigs pa nges pa ni dmigs pa tha mi dad pa'o//skad cig ma nges pa ni skad cig ma gcig la 'byung ba ste/ ci dmigs pa gcig po de rim gyis tshor bas myong bar byed/ sems pas sems par byed/ 'du shes kyis 'dus te shes par byed dam/ 'on te skad cig gang kho na la tshor bas tshor bar byed pa'i skad cig de kho na la sems pas sems par byed/'du shes kyis 'dus te shes par byed ces de ni mi shes te the tshom za ba'i phyir ro/ /de'i phyir 'di yang khungs su mi rung ngo / /tshe dang drod dag ces bya ba rgyas par 'byung ste/ mdo de nyid las tshe dang drod kyi chos de dag ni 'dres pa yin gyi ma 'dres pa ni ma yin no zhes lhan cig pa la 'dres pa zhes gsungs pa'i phyir tshor ba gang yin pa dang sems pa gang yin pa zhes bya ba der yang skad cig ma nges pa yin par grub ste/tshe dang drod dag ni dmigs pa med pa yin pa'i phyir ro/ /lhan cig pa ni lhan cig pa'i dngos po'o/ /de'i phyir de ltar na tshor ba ni reg pa dang dus mnyam pa yin no zhes rab tu bsgrubs pa yin no/ /de'i sngon rol gyi rnam par shes pa tshor ba dang bcas pa gang yin pa de ni reg pa ma yin te/rkyen ma tshang ba'i phyir ro zhes gang smras pa de la yang lan bshad pa ni gang yang mdo las zhes bya ba rgyas par 'byung ste/ 'di ltar rnam par shes pa yin la dbang po dang yul dang rnam par shes pa rnams 'dus pa ni ma yin te/ rnam par shes pa ni dbang po dang yul med par med do/ /de'i phyir rnam par shes pa yin na gdon mi za bar dbang po dang yul dang rnam par shes pa rnams 'dus pa khas blang bar bya'o/ /ci ste 'dus par 'dod kyi reg pa ni ma yin no snyam na de'i phyir yang na 'dus pa yin na reg pa ma yin zhes bya ba smos te/ khyod kyi reg pa ni 'dus pa tsam yin te/ des na rnam par shes pa snga ma reg pa ma yin no zhes bya ba 'di ni 'gal lo/ /de'i phyir mdo dang 'gal bar 'gyur du 'ong bas gdon mi za bar rnam par shes pa thams cad la reg pa dang lhan cig skyes pa'i tshor bar 'dod par bya'o/ /yid kyi 'dus te reg pa las byung ba'i tshor ba ni zhes sems kyi tshor ba'i mdor bshad zin to//yid bde ba'i nye bar rgyu ba drug dang zhes bya ba ni mig gis gzugs rnams mthong nas yid bde ba'i gnas lta bu'i gzugs rnams la nye bar rgyu'o/ /yid kyis chos rnams shes nas yid bde ba'i gnas lta bu'i chos rnams la nye bar rgyu'o zhes bya ba'i bar te/yid mi bde ba dang btang snyoms kyi gnas lta bu dag la yang de dang 'dra bar brjod par bya'o/ /de la yid bde ba dang yid mi bde ba dang btang snyoms kyi nye bar rgyu ba dag ni thams cad gcig tu bsdus nas bco brgyad du 'gyur ro/ /de dag ji ltar rnam par gzhag ces bya ba rgyas par 'byung ste/ yid bde ba dang yid mi bde ba dang btang snyoms rnams phan tshun ngo bo tha dad pa'i phyir/yid bde ba dang yid mi bde ba dang btang snyoms kyi nye bar rgyu ba gsum kho nar 'gyur gyi bco brgyad ni ma yin no/ /mtshungs par ldan pa las ni yid kyi nye bar spyod pa gcig pu kho nar 'gyur te/ thams cad kyang yid bde ba dang mtshungs par ldan pa'i phyir ro//dmigs pa las ni drug tu 'gyur ro/ /ji ltar zhe na/ gzugs la dmigs pa'i yid bde ba dang yid mi bde ba dang btang snyoms rnams ni gzugs la nye bar rgyu ba nyid yin la/ de bzhin du chos la dmigs pa rnams ni chos la nye bar rgyu ba nyid kyi bar du yin pas drug tu 'gyur gyi bco brgyad ni ma yin no//gsum ka las gzhag ste zhes bya ba ni ngo bo dang mtshungs par ldan pa dang dmigs pa las so/ /ji ltar zhe na/ yid bde ba la sogs pa rnams ngo bo tha dad par gyur cing / yid dang mtshungs par ldan la/ re re yang gzugs la sogs pa drug gi yul can yin pa'i phyir ro/ /de ltar na gsum ka las kyang rnam par gzhag pas bco brgyad du 'gyur ro//gzugs la sogs pa so sor nges pa la dmigs pa'i phyir zhes bya ba la gzugs la dmigs pa'i yid bde ba la sogs pa rnams kyi dmigs pa ni gzugs kho na yin gyi yul gzhan ni ma yin la/ reg bya la dmigs pa rnams kyi bar gyi yang de bzhin du yin te/ de'i phyir gzugs la sogs pa la nye bar rgyu ba bco lnga ni ma 'dres pa la dmigs pa yin no/ /chos la nye bar rgyu ba gsum ni rnam pa gnyis ka yin no zhes bya ba ni 'dres pa la dmigs pa yang yin la ma 'dres pa la dmigs pa yang yin te/ gal te gzugs la sogs pa dag gam/mig la sogs pa dag gam/ gzugs la sogs pa phan tshun chos dang lhan cig dmigs na ni de ltar na 'dres pa la dmigs pa'o/ /ci ste chos kyi skye mched kho na la dmigs kyi gzhan la ma yin na ni de lta na ma 'dres pa la dmigs pa'o/ /yid la brten nas zhes bya ba rgyas par 'byung ste/brten nas zhes bya ba ni brten nas zhes bya ba'i don to/ /yul la nye bar rgyu ba'i phyir ro zhes bya ba ni yul dag la yang dang yang du dmigs zhes bya ba'i don to/ /grag go zhes bya ba'i sgra ni gzhan gyi lugs gsal bar byed pa ste/ de lta na ni yid la brten nas yul rnams la nye bar rgyu ba'i phyir/yid dang mtshungs par ldan pa dang mtshungs par mi ldan pa dag kyang yid kyi nye bar rgyu bar 'gyur ro/ /yul dag la yid nye bar rgyu bar byed pa'i phyir zhes bya ba ni yang dang yang du rab tu 'jug par byed ces bya ba'i don to/ /yang dang yang du rnam par rgyu ba'i phyir ro zhes bya ba ni rab tu 'jug pa'i phyir ro zhes bya ba'i tha tshig go//lus kyi tshor ba ci'i phyir zhes bya ba la/ 'di yid kho na la brten pa ni ma yin te/ 'o na ci zhe na/ mig la sogs pa dag la yang yin no/ /nye bar rgyu bar byed pa yang ma yin pas zhes bya ba ni yang dag par rtog par byed pa ma yin zhes bya ba'i don te/rtog pa med pa'i rnam par shes pa dang mtshungs par ldan pa'i phyir la/ yid bde ba la sogs pa rnams ni rnam par rtog pa'i phyir de'i dbang gis yid yul dag la yang dang yang du 'jug pa'i phyir ro/ /bsam gtan gsum pa'i bde ba zhes bya ba rgyas par 'byung ste/gal te yid tsam la brten pa'i tshor ba yid kyi nye bar rgyu ba yin na/ 'o na ni des na bsam gtan gsum par btang snyoms kyi nye bar rgyu ba yang brjod par bya ste/ bsam gtan gsum pa'i bde ba yid kyi sa pa yin pa'i phyir ro zhe na/de'i phyir dang po 'dod pa'i khams na zhes bya ba smos te/ dang po ni thog mar ro/ /grag go zhes bya ba'i sgra ni lan de la snying po med pa'i phyir te/ gang gi phyir 'dod pa'i khams na yid kyi sa pa'i bde ba'i dbang po med pas ma bzhag pa de'i phyir khams gong ma na sems kyi bde ba'i dbang po yod kyang mi gzhag go zhes bya ba 'di la rgyu ci zhig yod/yid kyi nye bar rgyu ba ni gdon mi za bar gnyen po dang bcas par 'gyur ro zhes bya ba 'di la yang rigs pa ci zhig ste/ de lta na ni gnyen po med pa'i phyir btang snyoms kyang nye bar rgyu ba'i mtshan nyid du mi 'gyur te/ gong na yid bde ba'i nye bar rgyu ba'i mtshan nyid ni gnyen po dang bcas pa nyid ma yin te/'o na ci zhe na/ nye bar rgyu bar byed pa nyid yin no/ /gzhan dag na re bsam gtan gsum pa'i bde ba ni brtan pa yin la nye bar rgyu ba ni mi brten pa yin no/ /de nyid kyi phyir yid kyi nye bar rgyu ba zhes bya ste/ yid bde ba ni mi brtan pa yin pa'i phyir ro zhes zer ro/ /yid bde ba'i gnas lta bu zhes bya ba ni yid bde ba skyed par byed pa rnams so/ /de ni rnam par shes pa'i tshogs lngas mngon par bsgrub pa nyid la dgongs te gsungs par zad kyi zhes bya ba ni de dag gis drangs shing de dag gis bskyed pa nyid sems la bsams nas gsungs par zad do zhes bya ba'i tha tshig go//dper na mi sdug pa lta bu zhes bya ba la/ mig gis gzugs dag mthong nas mi sdug pa'i rjes su lta zhing gnas so zhes gsungs pa de'i phyir mig gi rnam par shes pas mngon par bsgrubs pa yin te/sngar rnam par bsngos pa la sogs pa mthong ba'i phyir ro/ /yid kyi sa pa yang yin te de'i mjug tu de 'byung ba'i phyir ro/ /gzhan yang mthong nas zhes bya ba rgyas par 'byung ste/ gal te 'di skad du mig gis yid bde ba'i gnas lta bu'i gzugs rnams nye bar rgyu'o zhes bya bar gsungs par gyur na ni de klan kar rung ba zhig na/'on kyang mthong nas reg nas zhes bya ba'i bar du gsungs pa'i phyir 'di ni klan kar mi rung ngo / /ji ltar ma mthong bas na ma reg pa'i bar du nye bar rgyu zhe na/ gzhan las mthong nas de'i brjod par bya ba yid kyis nye bar rgyu ba yin no//gzhan du na 'dod pa'i khams na zhes bya ba rgyas par 'byung ste/ 'dod par gtogs pa'i mig la sogs pa dag gis ni gzugs su gtogs pa'i gzugs dang sgra dang reg bya dag mi 'dzin no/ /gzugs kyi khams na 'dod pa'i khams la dmigs pa dag kyang zhes bya ba la/gzugs kyi khams su skyes pa ni 'dod par gtogs pa'i dri dang ro dang reg bya dag snom pa'am myang ba'am reg pa mi byed de/ kham gyi zas kyi 'dod chags dang bral ba'i phyir ro/ /gzugs dag la lta la sgra yang nyan te/zas ma yin pa'i phyir ro/ /gal te ma mthong bar yang nye bar rgyu na/ 'o na mdo las mig gis gzugs dag mthong nas zhes ci'i phyir gsungs she na/ de'i phyir ji ltar ches gsal ba de ltar bshad ces bya ba smos te/ mig la sogs pas mngon par bsgrubs pas ches sla bar bcad du rung ba'i phyir ro//gang yang bud med kyi gzugs mthong nas de'i sgra la nye bar rgyu ba 'am/ bud med kyi sgra thos nas de'i gzugs la nye bar rgyu ba de yang yid kyi nye bar rgyu ba kho na yin no/ /dbang po dang don rnam par chad pa'i sgo nas zhes bya ba ni mig gis gzugs dag mthong nas zhes bya ba dang /rna bas sgra rnams thos nas zhes bya ba de lta bu la sogs pa ste/ gzhan du na ni mig gis gzugs dag mthong nas yid bde ba'i gnas lta bu'i sgra rnams la nye bar rgyu'o zhes 'chol bar gsungs par 'gyur ro/ /rgyud nges pas ni zhes bya ba ni sems can gyi rgyud do/gang zhig gcig gis yid bde ba'i gnas lta bu kho nar 'byung ba srid pa de yod de/ dper na 'khor los sgyur ba'i bud med rin po che lta bu'o/ /dmigs pa ni ma yin no zhes bya ba la/ ci'i phyir zhe na/ gzugs de nyid kha cig gi yid bde ba'i gnas lta bu yin la/kha cig gi gzhan du yin pa'i phyir ro/ /du zhig ni 'dod pa'i khams dang ldan pa yin/ de dag las kyang du zhig gi dmigs pa ni ci zhig yin zhes bya ba ni/ du zhig 'dod pa la dmigs pa yin/ du zhig ni gzugs la dmigs pa yin/ du zhig ni gzugs med pa la dmigs pa yin zhes bya ba 'o//de bzhin du gzugs med pa dang ldan pa'i bar du brjod par bya'o zhes bya ba ni du zhig ni gzugs kyi khams dang ldan pa yin/ de dag las du zhig gi dmigs pa ni ci zhig yin/ du zhig ni gzugs med pa'i khams dang ldan pa yin/de dag las du zhig gi dmigs pa ni ci zhig yin zhes bya ba'o/ /je rnam par dpyad pa 'di la lus rnam par gzhag pa kho na zhig bya ste/ 'dod pa'i khams na ni yid bde ba la sogs pa gsum char dang / gzugs la sogs pa yul drug car yang yod do/ /bsam gtan dang po dang gnyis pa dag na ni yid bde ba dang btang snyoms so//de yan chad srid pa'i rtse mo'i bar na ni btang snyoms so/ /bsam gtan bzhi char na dri dang ro dag med do/ /gzugs med pa'i khams na ni gzugs la sogs pa lnga char yang med do/ /'dod na thams cad rang dmigs can zhes bya ba la/'dod pa na ni 'dod pa na spyod pa'i yid nye bar rgyu ba bco brgyad po thams cad yod la/ gang dag la 'dod pa'i khams de nyid dmigs par yod pas na rang dmigs can no/ /spyod yul gzugs can bcu gnyis so/ /zhes bya ba la/ gzugs can gyi khams ni 'dod pa na spyod pa'i yid nye bar rgyu ba bcu gnyis kyi spyod yul yin no//dri dang ro la nye bar rgyu ba drug ma gtogs te zhes bya ba la/ ci'i phyir zhe na/ de na de gnyis med pa'i phyir ro zhes bya ba ste/ gzugs kyi khams de na dri dang ro de gnyis med pa'i phyir ro//gong ma gsum gyi zhes bya ba la khams gong ma gzugs med pa'i khams ni 'dod pa na spyod pa'i yid bde ba dang / yid mi bde ba dang / btang snyoms chos la nye bar rgyu ba rnams kyi dmigs pa yin te/ de la gzugs la sogs pa med pa'i phyir ro/ /bsam gtan ni gnyis na bcu gnyis zhes bya ba ni yid mi bde ba'i nye bar rgyu ba drug med pa'i phyir ro//bcu gnyis po de dag kyang / 'dod 'gro rnams zhes bya ba la 'dod pa'i khams kyi yul can dag ni 'dod 'gro rnams zhes brjod de/ 'di ji ltar 'gro zhe na zhes bya ba la sogs pa la/shes pa'i don la 'gro zhes smra ba dag tu 'gyur te/ 'gro ba'i don rnams ni shes pa'i don yin pa'i phyir ro/ /rang la dmigs pa brgyad ces bya ba la/ brgyad kyi dmigs pa ni dmigs pa brgyad do/ /dri dang ro la nye bar rgyu ba bzhi ma gtogs so zhes bya ba ni yid bde ba dang btang snyoms kyi nye bar rgyu ba dri la dmigs pa 'di gnyis dang ro la dmigs pa gnyis ma gtogs so zhes bya ba'i don to//de la de gnyis med pa'i phyir ro/ /gzugs med pa gnyis kyis zhes bya ba la/ gzugs med pa'i khams ni yid bde ba dang btang snyoms chos la nye bar rgyu ba bsam gtan dang po dang gnyis pa'i sa pa dag gi dmigs pa yin te/de nas gzugs la sogs pa med pa'i phyir ro/ /bsam gtan gsum pa dang bzhi pa dag na ni btang snyoms kyi nye bar rgyu ba drug kho na yod kyi zhes bya ba ni de gnyis na yid bde ba med pa'i phyir ro//bsam gtan gsum pa'i bde ba ni yid kyi nye bar rgyu ba ma yin no zhes gong du bshad zin to/ /de dag drug gi dmigs pa ni 'dod pa'o zhes bya ba la/ de nyid kyi phyir drug yin no/ /gzugs kyi khams na dri dang ro dag med pa'i phyir te/de nyid kyi phyir rang ni bzhi'o zhes bya ba smos so/ gong ma gcig gi dmigs pa yin zhes bya ba'i btang snyoms chos la nye bar rgyu ba kho na'i yin no/ /gzugs med nye bar bsdogs na bzhi/ /zhes bya ba la/ nam mkha' mtha' yas skye mched kyi nyer bsdogs zhes bya ba ni bar chad med pa'i lam mo//gzugs 'gro zhes bya ba ni bsam gtan bzhi pa la dmigs pa'i phyir la/ de na ni gzugs dang sgra dang reg bya dang chos yod pa'i phyir ro/ /gang dag gi ltar na de rnam par chad pa la dmigs pa yod pa yin no zhes bya ba ni slob dpon gang dag gi gzhung lugs kyis nam mkha' mtha' yas skye mched kyi nyer bsdogs te rnam par chad pa la dmigs shing so so la dmigs pa dang /gzugs la sogs pa so so la dmigs pa ste/ rags pa la sogs pa'i rnam par mthong ba'i phyir ro/ /slob dpon gang dag gi gzhung lugs kyis bzlums te dmigs pa ni bsdoms pa la dmigs pa ste/de nas chos la nye bar rgyu ba 'dres pa la dmigs pa gcig kho na yod do/ /gong mar 'gro ba gcig ces bya ba ni btang snyoms chos la nye bar rgyu ba kho na'o/ /gzugs med pa'i dngos gzhi rnams kyi zhes bya ba rgyas par 'byung ba la/gzugs med pa'i dngos gzhi rnams kyi dmigs pa ni khams 'og ma ma yin no zhes bya ba 'dir khams kyi sgras ni zag pa dang bcas pa gzung ngo / /'og nas bshad par bya'o zhes bya ba ni/ gzugs med dngos gzhi'i dge ba yi/ /spyod yul zag bcas 'og ma yin//zhes bya ba'o/ /bco brgyad thams cad zag dang bcas/ /thams cad ces bya ba ni dge ba dang nyon mongs pa can rnams so/ /bco brgyad ces bya ba ni ji skad bshad pa bzhin no/ /ci'i phyir zhe na/ srid pa 'phel bar byed pa'i phyir te/ 'phags pa'i lam ni rtsol ba med par 'jug pa'i phyir dang /mtshan ma med pa'i dbyings su gzhol ba'i phyir la/ nye bar rgyu ba rnams ni de las bzlog pas zag pa med pa ma yin no/ /gang zhig du dag dang ldan zhe na zhes bya ba rgyas par 'byung ba la/ sngar ni mngon du gyur pa bshad la/ da ni ldan par brjod par bya ste/gzugs na spyod pa'i dge ba'i sems ma thob pa zhes bya ba ni mi lcogs pa med pa'i sa ma thob pa'o/ /'dod pa na spyod pa thams cad dang ldan no zhes bya ba ni 'dod chags dang ma bral ba'i phyir ro/ /bsam gtan dang po dang gnyis pa'i sa pa ni nyon mongs pa can brgyad dang ldan gyi dge ba dag dang lung du ma bstan pa dag dang ni ma yin te/rim pa bzhin du sbyor ba dang skye ba la rag las pa'i phyir ro/ /brgyad po dag gcig dang ldan zhe na/ yid bde ba dang btang snyoms kyi nye bar rgyu ba gzugs dang sgra dang reg bya dang chos la dmigs pa rnams dang ngo //bsam gtan gsum pa dang bzhi pa'i sa pa ni bzhi dang ldan no zhes bya ba ni btang snyoms kyi nye bar rgyu ba nyon mongs pa can dri dang ro la dmigs pa ma gtogs pa gzugs dang sgra dang reg bya dang chos la dmigs pa dag dang ldan te/ de na de nyid med pa'i phyir dang /gcig tu dge ba yin pa'i phyir ro/ /gzugs med pa na spyod pa ni nyon mongs pa can gcig kho na dang ldan te/ 'dod chags dang ma bral ba'i phyir ro/ /gzugs na spyod pa'i dge ba'i sems thob pa zhes bya ba ni mi lcogs pa med pa'i sa thob pa yin gyi dngos gzhi ni ma yin te/'dod chags dang ma bral ba'i phyir ro/ /'di ltar mi lcogs pa med pa thob nas gzod 'dod pa'i khams las 'dod chags dang bral bar 'gyur te/ 'dod pa na spyod pa thams cad las 'dod chags dang ma bral ba'i phyir ro//bsam gtan dang po'i sa pa ni bcu dang ldan te zhes bya ba ni 'dod pa'i khams las 'dod chags dang ma bral bas yid bde ba nye bar rgyu ba bsam gtan gyi dngos gzhi'i sa pa nyon mongs pa can bzhi kho na dang ldan gyi/ dge ba dang lung du ma bstan pa dag dang ni ma yin te/rgyu ni snga ma bzhin no/ /dri dang ro la dmigs pa ma gtogs pa zhes bya ba la/ de dag ni 'og ma la dmigs pa nyid kyis dge ba yin pa'i phyir dang / 'dod chags dang ma bral ba nyid kyis de dag ma thob pa'i phyir/ gzugs na spyod pa'i nyon mongs pa can ma yin pa 'og ma'i chos la dmigs pa thob pa med pas de dag dang mi ldan no//mi lcogs pa med pa'i sa pa'i btang snyoms kyi nye bar rgyu ba drug dang ldan no zhes bya ba ni mi lcogs pa med pa'i sa pa'i sems thob pa'i phyir ro/ /bsam gtan gyi dngos gzhi'i sa pa bzhi dang /mi lcogs pa med pa'i sa pa drug ste/ de ltar na bcur 'gyur ro/ /gal te bsam gtan gyi dngos gzhi'i sa pa'i btang snyoms kyi nye bar rgyu ba nyon mongs pa can bzhi dang / mi lcogs pa med pa'i sa pa sa gong 'og la dmigs pa dge ba bzhi dang yang ldan pa ma yin nam zhe na/ldan pa ni bden mod kyi de dag la logs su mi rtsi ste/ btang snyoms kyi bdag nyid yin pa'i phyir dang / sa tha mi dad pa'i phyir ro/ /snga ma bzhin te zhes bya ba la/ bsam gtan dag tu dri dang ro ma gtogs pa bsam gtan gnyis pa'i sa pa ni brgyad dang ldan no//bsam gtan gsum pa dang bzhi pa'i sa pa ni bzhi dang ldan no/ /gzugs med pa na spyod pa ni nyon mongs pa can gcig kho na dang ldan no zhes bya bar thams cad la khong du chud par bya'o/ /srol 'dis zhes bya ba ni lugs sam tshul 'dis so/ /lhag ma yang khong du chud par bya'o zhes bya ba la/ji ltar zhe na/ bsam gtan dang por skyes pa bsam gtan gnyis pa'i sa pa'i dge ba'i sems ma thob pa ni/ /bsam gtan dang po'i sa pa thams cad dang ldan no/ /bsam gtan gnyis pa'i sa pa ni nyon mongs pa can brgyad dang ldan no//bsam gtan gsum pa dang bzhi pa'i sa pa ni nyon mongs pa can bzhi dang ldan no/ /gzugs med pa na spyod pa ni nyon mongs pa can gcig kho na dang ldan no/ /bsam gtan gnyis pa'i sa pa'i dge ba'i sems nyer bsdogs kyis bsdus pa thob pa ni bsam gtan dang po'i sa pa thams cad dang ldan te/'dod chags dang ma bral ba'i phyir ro/ /kha cig na re bsam gtan gnyis pa'i sa pa ni bcu gnyis dang ldan te/ ji ltar zhe na/ dri dang ro la dmigs pa dag med pas yid bde ba dang btang snyoms kyi nye bar rgyu ba nyon mongs pa can brgyad dang /btang snyoms kyi nye bar rgyu ba bsam gtan gnyis pa'i nyer bsdogs kyis bsdus pa bzhi dang ldan no zhes zer ro/ /gzhan dag na re brgyad dang ldan te/ btang snyoms kyi nye bar rgyu ba bzhi po de dag ni btang snyoms kyi bdag nyid yin pa'i phyir dang / sa tha mi dad pa'i phyir tha dad par mi rtsi ste/ bsam gtan dang po'i nyer bsdogs bzhin no zhes zer ro/ /bsam gtan gsum pa dang bzhi pa'i sa pa'i nyon mongs pa can bzhi kho na dang ldan no/ /gzugs med pa na spyod pa ni nyon mongs pa can gcig kho na dang ldan no//de ltar na tshul 'dis bsam gtan gnyis pa la sogs par skyed pa yang khong du chud par bya'o/ /gzhan dag na re zhes bya ba ni bstan bcos mdzad pa 'di nyid yin no/ /gang zhig gang las zhes bya ba rgyas par 'byung ba ni/ gang zag gi gzugs la sogs pa de las 'dod chags dang ma bral ba ni gzugs la sogs pa'i dmigs pa de la nye bar rgyu bar rigs pa ma yin te/de'i sa pa'i nyon mongs pa can spangs pa'i phyir ro/ /ji ltar nye bar rgyu bar byed ce na/ de la rjes su chags par yang byed khong khro bar byed/ so sor ma brtags par btang snyoms su yang byed pa ste de'i phyir zag pa med pa rnams ma yin pa 'ba' zhig tu ma zad kyi/ji skad du/ khyod kyis bsam gtan ni gnyis na bcu gnyis 'dod 'gro rnams zhes bya ba la sogs pa smras pa'i zag pa dang bcas pa dag kyang thams cad ni ma yin no/ / 'o na ci zhe na/ kun nas nyon mongs pa ste/ kun nas nyon mongs pa'i 'bras bu can rnams yin te/ kun nas nyon mongs pa dang mthun pa rnams zhes bya ba'i tha tshig go/ /yid bde ba la sogs pa dag ni rnam pa gnyis te/ yid yul rnams la rjes su chags pa dang khong khro ba la sogs pa'i rjes su mthun pa dang rjes su mi mthun pa'o//de la gang dag rjes su chags pa la sogs pa dang mthun pa de dag ni nye bar rgyu ba zhes brjod kyi gzhan ni ma yin te/ de nyid kyi phyir de dag gis yid yul rnams la nye bar rgyu bar byed pa'o zhes bya ba rgyas par smos so/ /tshor ba'i dbang gis rjes su chags pa la sogs pa 'jug pa'i phyir de dag gis yul rnams la nye bar rgyu bar byed do zhes brjod do//so sor brtags pa'i btang snyoms ni dge ba yin pas de'i phyir so sor ma brtags par btang snyoms su byed pa ste zhes bya ba smos te/ btang snyoms su byed kyi gtod par mi byed do zhes bya ba'i don gang yin pa'o//gang gi gnyen por rtag tu yod pa drug gnas pa yin pa ste zhes bya ba ni nyon mongs pa gang dag gi gnyen por rtag tu yod pa gdon mi za bar bdog pa'i gnas pa ste rnal 'byor gyi khyad par yin pa'o/ /drug pa de dag kyang ji ltar zhe na/ mig gis gzugs rnams mthong nas yid bde bar yang mi 'gyur zhing zhes bya ba la sogs pa smos te/ yid bde bar mi 'gyur te rjes su chags par mi 'gyur zhing / yid mi bde bar mi 'gyur te khong khro bar mi 'gyur la btang snyoms su gnas te so sor brtags te gtod par mi byed pa'o/ /dran pa dang / ldan zhing shes bzhin du zhes bya ba ni dran pa dang mtshungs par ldan pa'i shes rab kyi gnyen por tshol lo zhes bya ba'i tha tshig go/ /gal te mig gis gzugs rnams mthong nas yid bde bar mi 'gyur zhing zhes bya ba la sogs pa yin no/ /'o na dgra bcom pa yid bde bar mi 'gyur ro zhe na/ /de'i phyir dgra bcom pa la yang 'jig rten pa'i dge ba chos la dmigs pas yid bde ba med pa ma yin pas zhes bya ba smos so//de dgag pa yin par mngon no zhes bya ba la de ni kun nas nyon mongs pa'o/ /dgag pa gang zhig ce na/ mig gzugs rnams mthong nas yid bde bar mi 'gyur zhing zhes bya ba la sogs pa gsungs pa gang yin pa'o//chos la dmigs pa zhes bya ba ni chos nyan pa la sogs pa dag gi tshe sangs rgyas kyi yon tan rnams mngon du bde ba'i yid bde ba dang ldan pa ni yid nye bar rgyu ba ma yin no zhes bya ba'o/ /ston pa'i bka' sum cu rtsa drug ces bya ba ni ston pa'i mtshan nyid dang ston pa'i rtags te/'di dag gis ston pa go bar byed ces bya ba'i don te/ gzhan la de dag rnam par 'byed pa'i nus pa med pa'i phyir ro/ /zhen pa la brten pa dang nges par 'byung ba nyid la brten pa'i bye brag gis zhes bya ba la/ zhen pa ni brkam pa ste don du gnyer ba dang chags pa dang / mngon par zhen pa dang /sred pa zhes bya ba ni rnam grangs dag go/ /nges par 'byung ba nyid ni 'dod chags dang bral ba'o/ /'khor ba 'am kun nas nyon mongs pa las nges par 'byung ba ni nges par 'byung ba nyid do/ /de dag gi bye brag ston pas bka' stsal pa'i phyir ro zhes bya ba ni bstan pa'i phyir ro zhes bya ba'i bar du smras par 'gyur ro//'di skad du mdo las mig gis shes par bya ba'i gzugs dag la brten nas yid bde ba skye bar 'gyur zhing / de yang rnam pa gnyis su rig par bya ste/ zhen pa nyid la brten pa dang nges par 'byung ba la brten pa'o zhes rgyas par 'byung ste/ sgra dang dri dang ro dang reg bya dang chos dag la yang de bzhin du rig par bya la/yid mi bde ba dang btang snyoms kyang de dang 'dra'o/ /de ltar tshor ba zhes bya ba srid pa'i yan lag de'i zhes bya ba ni de las byung ba tshor ba drug lnga ni lus kyi 'o sems kyi gzhan zhes bya ba nas nges par 'byung ba la brten pa ni dge ba'o zhes bya ba'i bar du rgyas par 'byung ba'o//nyon mongs pa dang las kyi gzhi rnams so zhes brtan pa zhes bya ba ni nyon mongs gsum dang las gnyis so/ /gzhi bdun zhes bya bar ro/ /nyon mongs pa zhes bya ba ni rten cing 'brel par 'byung ba yan lag bcu gnyis dang sbyar bar bya ba'i phyir mdo rtsom pa'o//nyon mongs pa dang / las dang / gzhi 'di dag gi so so'i byed pa phyi rol gyi dpe'i sgo nas bstan pa'i phyir/ 'dir ni nyon mongs sa bon bzhin/ /zhes bya ba rgyas par smos so/ /nyon mongs pa'i klu gnas pa'i skye ba'i mtsho yang de dang 'dra'o zhes bya ba la/nyon mongs pa yod na las rnams nye bar sogs par 'gyur la/ des na de las skyes pa yin pas nyon mongs pa yod na 'ga' zhig gi yang skye ba'i mtsho skams par mi 'gyur ro/ /las rnams kyang rnam par smin pa skye bar bya ba la de bzhin du rig par bya ba'o//zhes bya ba ni nye ba'i rgyur te/ nyon mongs pa rnams ni ring ba yin no/ /thar bar mi 'gyur ro zhes bya ba ni dgra bcom pa la yang yang srid pa'i rgyu yod pa'i phyir ro/ /de dag ni bshad zin to zhes bya ba la/ ji ltar zhe na/ 'dir gang 'chi dang skye ba yi//srid pa'i bar du 'byung ba'o/ /zhes bya ba dang / skye ba'i srid pa ni 'gro ba dag tu nying mtshams sbyor ba'i skad cig go zhes bya ba dang / de phan chad 'chi ba'i skad cig ma gtogs pa gzhan ni dus snga ma'i srid pa'o/ /gang gi 'og tu srid pa bar ma 'byung ba tha ma'i skad cig ma ni 'chi ba'i srid pa'o//skye ba'i srid pa nyon mongs can/ /zhes bya ba ni dge ba ma yin zhing ma bsgribs la lung du ma bstan pa ma yin pa ste/ de'i phyir gcig tu zhes bya ba smos te/ nyon mongs pa can kho na yin no zhes bstan par 'gyur ro//nyon mongs pa dmigs kyis ma phyed pas dri ba 'di nyon mongs pa gang gi zhes bya ba ste/ de'i phyir nyon mongs kun zhes bya ba smos so/ /ci skye ba'i srid pa thams cad nyon mongs pa thams cad kyis nyon mongs pa can du 'gyur ram zhe na ma yin no/ /'o na ci zhe na/ rang gi sa pa'i nyon mongs pa rnams kho na ste/ 'dod chags dang / khong khro dang / nga rgyal dang / gti mug dang / lta ba dang / the tshom zhes bya ba dag gis so/ /kun nas dkris pa chig rkya thub pa rnams kyis ni ma yin no zhes bya ba la/ 'dod chags la sogs pa'i nyon mongs pa dang mtshungs par ldan pas ngo tsha med pa dang /khrel med pa dang / rmugs pa dang / rgod pa dang / gnyid ces bya ba kun nas dkris pa rang dbang ba ma yin pa yod pas de'i phyir chig rkya thub pa rnams kyis zhes khyad par du byas so/ /ma rig pa las gzhan nyon mongs pa 'dod chags la sogs pa dang mtshungs par mi ldan pas na chig rkya thub pa dag ces bya ste/phrag dog dang ser sna dang / 'gyod pa dang / khro ba dang / 'tshig pa zhes bya ba dang / lnga la chig rkya thub pa rnams zhes brjod do/ /nyon mongs pa rnams kyis nying mtshams sbyor ro zhes 'byung ba dang /de'i tshe dri za la sems gnyis las gang yang rung ba zhig mngon du 'gyur te/ rjes su chags pa dang ldan pa'am/ khong khro ba dang ldan pa'o zhes gsungs pa dang / rang dbang ba rnams ni 'dod chags la sogs pa'i nyon mongs pa rnams dang mtshungs par mi ldan pa'i phyir de dag gi nying mtshams sbyor ba dgag go//'dod chags la sogs pa nyon mongs pa dang mtshungs par ldan pas rang dbang ma yin pa rnams kyis ni nying mtshams sbyor ba mi dgag go/ /gal te gnas skabs de ni zhen pa ma yin nam/ji ltar der log par lta ba la sogs pa dag kun du 'byung zhe na/ de'i phyir/ gnas skabs de zhan pa yin mod kyi zhes bya ba rgyas par 'byung ste/ sems dang sems las byung ba rnams mi g.yer ba'i phyir gnas skabs de ni zhan pa yin zhes bya'o//gzhan dag na re de na tshor ba btang snyoms kho na yod pas de'i phyir zhan pa zhes brjod do zhes zer ro/ /gang zhig gis gang la yang dang yang du zhes bya ba ni rtag tu zhugs zhes bya ba'i don to/ /nye bar zhes bya ba ni 'chi ba dang nye bar te/ spyad pa zhes bya ba dang sbyar ro//de'i tshe zhes bya ba ni skye ba'i srid pa'i gnas skabs na'o/ /nyon mongs pa de nyid ces bya ba ni nyon mongs pa gang la yang dang yang du nye bar spyad pa'o/ /sngon 'phangs pa'i phyir ro zhes bya ba ni sngon goms pas de'i tshe yang rnam pa de lta bu'i nyon mongs pa kho na nye bar gnas pa'o//yang na de'i tshe nyon mongs pa gang zhig nye bar gnas pa de sngar 'bras bu'i ngo bor nye bar gzung zhing 'phangs pa ste 'phen pas de'i tshe nye bar gnas so/ /srid pa bar ma nying mtshams sbyar ba na yang de bzhin du zhes bya ba ni yang srid par nying mtshams sbyor ba ji lta ba bzhin du zhes bya ba'i don to//gzugs med gsum zhes bya ba ni gzugs med pa la gsum kho na yin gyi/ gzugs la gsum ni ma yin te/ gzugs med pa dang ldan pa'i las srid pa bar ma'i 'bras bu can ni yod pa ma yin no//ci'i phyir srid pa bar ma med ce na/ de'i phyir gzugs med pa'i khams ni zhes bya ba smos so/ /'gro ba zas kyis gnas pa yin/ /zhes bya ba 'byung ngo / /yang zas rnams gang yin zhing du dag cig yin zhe na/ mdo nyid las zas ni bzhi ste/ kham gyi zas ni rags pa dang phra ba'o/ /reg pa ni gnyis pa'o/ /yid la sems pa ni gsum pa'o/ /rnam par shes pa ni bzhi pa'o zhes gsungs so/ /kham gyi zas ni rnam pa gnyis so zhes bstan to/ /de la phra ba gang dag gi yin zhe na/ phra ba ni srid pa bar ma pa rnams kyi yin te zhes bya ba la sogs pa smos so//bskal pa dang po ste mi rnams kyi yang yin te/ rgyu mthun pa med pa'i phyir te gcin dang phyi sa med pa'i phyir ro/ /yang na phra mo rnams kyi yin pas phra mo ste zhes bya ba la/ srog chags phra mo rnams kyi zas ni phra mo'o//byis pa ni skyes ma thag pa ste/ 'o ma dang mar za ba'i bar ro/ /sogs pa'i sgras ni mngal na gnas pa bsdu ste/ 'di dag yongs su chad pa nyid kyi lhag ma rnams kyis ni rags pa nyid do zhes bya ba grub po/ /yang ci 'di rnams thams cad khams thams cad na yod dam zhe na/de'i phyir/ kham gyi zas ni 'dod pa na/ /zhes bya ba smos te/ kham gyi zas ni 'dod pa kho na na yod pa yin te/ kham gyi zas kho na ni ma yin te/ de'i 'dod chags dang bral ba ste/ kham gyi zas kyi 'dod chags dang ma bral ba gzugs dang gzugs med par mi skye ba'i phyir ro//'dod chags dang bral ba ni ji srid der ma skyes pa de srid du zas kyis gnas pa nyid yin te/ de nyid kyi phyir der skye ba'i phyir ro zhes bya ba smos te/ der ni lus gnas pas phyi rol gyi rkyen la rag las pa ma yin no//de yang skye mched gsum gyi bdag nyid do zhes bya ba ni skye mched gsum gyi ngo bos te/ dri dang / ro dang / reg bya'i skye mched kyi rang bzhin yin pa'i phyir ro/ /kham du byas te mid pa'i phyir kham gyi zas kho na yin no zhes bya ba la/ dri dang / ro dang / reg bya'i skye mched rnams ni 'dod pa'i khams na sna dang lces kham du bcad nas kham du byas te mid pa'i phyir kham gyi zas zhes brjod na/ grib ma la sogs pa dag ni kham du byas nas mid de snyam du the tshom za bas 'dri ba ni/ grib ma dang / nyi ma dang / me dang / 'od dag la yod pa'i dri dang / ro dang / reg bya de dag ji ltar zas nyid yin zhes bya ba'o/ /'di ni phal che ba zhes bya ba rgyas par 'byung ba la 'dod pa na spyod pa'i dri dang / ro dang / reg bya de dag ni phal cher kham du bcad nas med pa na gnas pa 'dren par byed mod kyi kham gyi zas phra ba de dag kyang khrus dang lus mnye ba bzhin du de'i rigs can yin pa'i phyir zas nyid las mi 'da' bas 'gal ba med do//gzugs kyi skye mched ma yin te/ gzugs kyi skye mched kyis rang gi dbang po la mi phan pa'i phyir dang / grol ba la mi phan pa'i phyir ro//gzugs kyi skye mched ni mid pa'i tshe zhes bya ba ni mid pa'i dus na ste/ zas kyis gang gi tshe khar bcug pa dang / sos mnal ba dang / mchil mas brlan pa dang / mid pa las 'das par gyur pa de'i tshe sna dang / lce dang / lus kyi dbang po dag gam/de dag gis dri la sogs pa rnams 'dzin pas de'i rten 'byung ba chen po rnams la phan 'dogs pa de bzhin du gzugs kyi skye mched ni mid pa'i tshe ma yin no/ /gzugs kyi skye mched ni rang gi dbang po ste/ mig gi dbang po gang yin pa'am/ de'i 'byung ba chen po ste dbang po'i rten 'byung ba chen po gang dag yin pa de la phan mi 'dogs na dbang po gzhan rna ba la sogs pa dag la phan 'dogs pa lta smos kyang ci dgos/ /yul ma yin pa'i phyir zhes bya ba ni rna ba la sogs pa dag gi yul ma yin pa nyid do/ /gal te mid pa'i tshe gzugs kyi skye mched mig gis ma bzung bas mig gi dbang po la phan mi 'dogs na/'o na zas kyi tshe mthong ba na phan 'dogs par 'gyur ro zhe na/ de'i phyir gang gi tshe mthong ba na zhes bya ba rgyas par smos so/ /de la dmigs pa ni mthong bzhin pa'i gzugs la dmigs pa'o//yang de'i tshe yang de la dmigs pa bde ba myong bar 'gyur ba'i reg pa zas yin gyi/ gzugs ni ma yin no zhes bya ba 'di ji ltar rtogs she na/ de'i phyir grol ba phyir mi 'ong ba dang dgra bcom pa zhes bya ba rgyas par smos te/ phyir mi 'ong ba smos pa ni de dag kyang 'dod pa las 'dod chags dang bral ba'i phyir ro//mthong ba'i gzugs zas kyi bya ba byed pa la ji ltar dri dang / ro dang / reg bya mid bzhin pa dag bzhin du phyir mi 'ong ba rnams dang dgra bcom pa rnams la yang byed par 'gyur te/ 'di skad du kham gyi zas ni lag na yod pa'am snod na yod pas zas kyi bya ba mi byed kyi/'on kyang gang gi tshe khar bcug pa dang / sos mnal ba dang / mchil mas brlan pa dang / mid par 'das pa dang / pho ba khengs par gyur pa zhes bya ba rgyas par yin pa de'i tshe zas nyid kyi ched du 'gyur ro zhes gsungs pa'i phyir te/zas kyi dngos po byed ces bya ba'i don to/ /de'i gong bu mtha' dag lag pa la sogs pa na yod pa na 'byung bar 'gyur ba'i ming gis kham gyi zas zhes bya ba'o/ /gzhan ni gzugs kyi skye mched ni zas ma yin te/ phrad nas 'dzin pa'i dbang pa'i yul ma yin pa'i phyir sgra bzhin no zhes zer ro//reg dang sems pa rnam shes ni/ /zag bcas zas yin gsum dag na/ /zhes bya ba la/ kham gyi zas skye mched gsum gyi bdag nyid can ni gcig tu zag pa dang bcas pa yin pas gsum po kho na zag pa dang bcas pas khyad par du byas so//srid pa gso bar byed pa'i don ni zas kyi don yin zhes bya ba la/ ji ltar na de dag srid pa gso bar byed ce na/ ma 'phangs pa 'phen pa'i phyir dang / 'phangs pa mngon par 'grub par byed pa'i phyir te/ srid pa rjes su mi gcod pa'i rgyu nyid yin pa'i phyir ro zhes bya ba'i tha tshig go//reg pa dang / sems pa dang / rnam par shes pa zag pa med pa de dag ni srid pa zad par bya ba'i phyir skyes pa dag yin te/ srid pa'i gnyen po yin pa'i phyir ro/ /gal te yang skyes zin pa'i srid pa rgyas par byed mod kyi srid pa gzhan skyed par byed pa ni ma yin te/de nyid kyi phyir de dag zag pa dang bcas pa yin yang khams dang sa skal ba mi mnyam pa dag ni zas ma yin no/ /skal ba mi mnyam pa'i sa na ni rgyas pa'i rgyu nyid yin na yang phyi ma la srid pa de sbrel ba'i rgyu ma yin pa'i phyir zas ma yin no//gzhan yang mdo las zas bzhi po 'di dag ni zhes bya ba rgyas par 'byung ste/ de la gnas pa ni mi 'chad pa'o/ /'tsho ba ni rgyun chags su rjes su 'jug pa'o/ /yang na ni snga ma'i bshad pa phyi ma yin no//phan par byed pa ni yang srid pa mngon par 'grub par byed pa'o/ /zag pa med pa'i chos rnams ni de lta ma yin pas zhes bya ba ni rgyun mi 'chad pa'am yang srid pa mngon par 'grub pa ma yin pa ste/ de'i phyir reg pa la sogs pa rnams ni zag pa dang bcas pa kho na zas yin gyi zag pa med pa ni ma yin no zhes bya bar mdo las khong du chud do//re zhig byung ba ni zhes bya ba la/ byung ba ni skyes pa dang mngon par grub pa zhes bya ba'i don to/ /yid las skyes pa'i phyir zhes bya ba ni yid tsam las skyes pa'i phyir te/ de ltar na yid kho na smos pa 'bras bu dang bcas par 'gyur gyi gzhan du ni ma yin no//'di nyid bstan pa'i phyir phyi'i khu chu dang khrag ces bya ba la sogs pa smos te/ sogs pa zhes bya ba'i sgras ni gcin dang phyi sa dang 'dam rdzab la sogs pa rnams bsdu'o/ /dri za ba'i phyir na zhes bya ba ni dri za ba dang dri zas su za ba'i phyir na zhes bya ba'i don to//srid pa tshol ba'i ngang tshul can yin pa'i phyir zhes bya ba la/ ma skyes pas phal cher skye ba la gzhol ba ni srid pa tshol ba'i ngang tshul can no/ /skye ba la mngon du phyogs pa'i phyir zhes bya ba la/ de'i don du mngon par grub pa'i phyir dang /de ma thag tu skye ba'i phyir na skye bo la mngon du phyogs pa'o/ /mdo las gnod pa dang bcas pa'i lus mngon par grub nas zhes bya ba 'byung ste/ srid pa bar ma mngon par 'grub pa yin no zhes bya ba la/ khungs ni gnod pa dang bcas pa'i 'jig rten du skye bar 'gyur ro zhes bya ba 'di yin te/gang gi phyir sngar mngon par grub nas gnod pa dang bcas pa'i 'jig rten du skye ba'i phyir ro/ /mu bzhi gsungs pa'i phyir ci yin zhe na/ srid pa bar ma mngon par grub par brjod do zhes bya bar sbyar ro/ /mu dang po ni phyir mi 'ong ba khams gnyis las 'dod chags dang bral ba'o//gnyis pa ni bar ma dor yongs su mya ngan las 'das pa'o/ /gsum pa ni dgra bcom pa'o/ /bzhi pa ni rgyun du zhugs pa dang / lan cig phyir 'ong ba dang phyir mi 'ong ba gzugs su nye bar 'gro ba dang //bdag cag la sogs pa rnams so/ /'jig rten pa khams gnyis las 'dod chags dang bral ba yang mngon par 'grub pa'i sbyor ba spangs pa ma yin pa nyid do/ /de dag gang 'phags pa'i shes rab kyis spangs pa de ni spangs pa yin no zhes 'byung ba'i phyir ro/ /yang na byung ba ni dgra bcom pa'o zhes bya ba ni byung ba dang skyes zin pa nyid do zhes bya ba'i don to//srid pa tshol ba ni ma yin te/ khams gsum las 'dod chags dang bral ba'i phyir ro/ /srid pa tshol ba rnams ni sred pa dang bcas pa dag go zhes bya ba la/ de dag ni 'dod chags dang ma bral ba'i phyir srid pa tshol ba yin no//yang zas du zhig na sems can byung ba rnams gnas par byed pa yin zhes bya ba ni sems can skyes pa rnams gnas pa'i rgyu yin zhes bya ba'i don to/ /du zhig ni srid pa tshol ba rnams la phan 'dogs par byed pa yin zhes bya ba ni yang srid pa tshol ba rnams kyi yang srid pa mngon par 'grub pa'i rgyu yin zhes bya ba'i tha tshig go//thams cad kyang gnyis ka yin no zhes bya ba'i zas bzhi char yang sems can byung ba rnams gnas par byed pa dang / srid pa tshol bar byed pa rnams la phan 'dogs par byed pa yin no zhes bya ba'o//yid la sems pa ni las kyi rang bzhin yin pa'i phyir la/ de dang mtshungs par ldan pa'i rigs pa dang / rnam par shes pa ni de dang 'bras bu gcig pa'i phyir dang / dge ba dang mi dge ba yin pa'i phyir srid pa tshol ba rnams la phan 'dogs la rag na/kham gyi zas kyi bdag nyid ma yin zhing lung du ma bstan pa go ji ltar srid pa tshol bar byed pa rnams la phan 'dogs par byed par brjod par bya zhe na/ de'i phyir kham gyi zas kyang zhes bya ba rgyas par smos so/ /don 'di ni shes par bya ba'i phyir/ bcom ldan 'das kyis zas bzhi ni zhes bya ba la sogs pa smos te/nad dang 'bras dang zug rngu dang rga shi rnams ni mdo 'di las yang 'byung ba'i nye bar len pa'i phung po lnga'i rnam grangs kyi tshig tu gsungs te/ zug rngu'i rtsa ba yin no zhes 'byung ba'i phyir ro/ /de yang 'byung ba'i rgyu ni zas bzhi ste/ rtsa ba dang rgyu dang byed rgyu zhes bya ba ni don gzhan ma yin no//de'i phyir de ltar na mdo las kham gyi zas kyang de la chags pa rnams kyi yang 'byung bar byed pa yin no zhes bya bar grub po/ /gzhan dag ni rga shi'i rkyen yin no zhes bya ba 'di kho na dper brjod pa yin te bdag 'di'i 'og rol du rga shi rnam par gzhag pa'i phyir ro snyam du sems so//'dir kham gyi zas ni sems can byung ba rnams gnas par byed pa yin no zhes bya bar mngon sum gyis mthong la/ de bzhin du bde ba myong bar 'gyur ba'i reg pa dang / de dang mtshungs par ldan pa'i rnam par shes pa yang sems can byung ba rnams la phan 'dogs par byed pa yin la rag na/yid la sems pa ni ji ltar sems can byung ba rnams gnas par byed pa yin zhe na/ de'i phyir yid la sems pa yang zhes bya ba rgyas par smos so/ /drung du song ste zhes bya ba ni drung du rab tu song ba'o//'gro ba'i rnam grangs las kyang zhes bya ba ni chos mngon pa'i bstan bcos zhig las so/ /chos mngon pa'i bstan bcos ni drug ste/ ye shes la 'jug pa dang / rab tu byed pa'i rkang pa dang / rnam par shes pa'i tshogs dang / yang dag par 'gro ba'i rnam grangs dang /gdags pa'i bstan bcos dang / chos kyi phung po'o/ /'di skad du sgo nga gang dag gis ma las brtsams nas dran pas mi brjed pa zhes bya ba 'byung ngo / /lus nur nur por gyur pa de dag la ma'i yul can gyi dran pa yod do zhes ji ltar brjod par bya/de nyid kyi phyir na/ 'gro ba'i rnam grangs las ma dag gi sgo nga las brtsams te zhes 'don te/ sgo nga dag la dran pa med pa'i phyir ro zhe na/ de'i phyir reg pa'i gnas skabs de dran pas zhes bya ba smos so/ /gal te zag pa dang bcas pa'i chos thams cad srid pa rjes su 'jug par gnas pa'i byed rgyu yin pa'i phyir srid pa rnams gso bar byed pa dag ma yin zhe na/gtso bor bshad de zas bzhi zhes bya bar sbyar ro/ /rgyu gnyis dang rkyen gnyis kyis yang dag pa'i lta ba skyed par byed de zhes gtso bo'i sgo nas ston pa yang mthong ste/ tshul khrims rnam par dag pa la sogs pa dag kyang de skye ba'i rgyu ma yin pa ni ma yin no//bzhi po 'di dag nyid da ltar ba'i skye ba gso ba dang ma 'ongs pa'i skye ba 'phen pa dang grub pa dag la gtso bo yin te/ de nyid bstan pa'i phyir 'di la gnas dang ni/ brten pa rgyas pa'i don du gnyis//zhes bya ba rgyas par smos so/ /gso bar bya ba dang bskyed par bya ba'i chos ni gnyis te/ gzugs dang ming ngo / /de la gzugs ni rten te dbang po dang bcas pa'i lus so/ /ming ni brten pa ste sems dang sems las byung ba'i chos rnams so/ /de la rten rgyas par byed pa ni kham gyi zas te 'dod pa na spyod pa'i gzugs ni de la brten pa'i phyir ro//brten pa rgyas par byed pa ni reg pa ste/ sems dang sems las byung ba rnams ni des 'tsho ba'i phyir te/ de skad du yang tshor ba'i phung po dang 'du shes kyi phung po dang 'du byed kyi phung po gang ci yod pa de thams cad ni rig pa la brten nas yin no zhes 'byung ba'i phyir ro//yid la sems pas ni ming dang gzugs kyi bdag nyid kyi srid pa 'phen par byed de/ yid la sems pa ni yang srid pa 'phen pa'i las kyi rang bzhin yin pa'i phyir ro/ /ji ltar 'phen par byed ce na/rgyu de skye ba dang mthun par gnas par byed pa'i phyir ro/ /las kyis yongs su bsgos pa'i rnam par shes pa'i sa bon las zhes bya ba la sogs pa la/ bsgos pa ni las kyis 'phangs pa'i yang srid pa bskyed pa'i nus pa ste/ 'di ltar srid pas ni las kyis yongs su bsgos pa'i rnam par shes pa'i sa bon brlan par byed la/des ni ming dang gzugs gzhan mngon par grub par byed de/ brlan gyis rjes su zin pa'i sa bon gyis myu gu 'grub par byed pa bzhin no/ de nyid kyi phyir las ni skye ba'i rgyu yin la/ srid pa ni mngon par 'grub pa'i rgyu yin no zhes bshad do/ /snga ma gnyis ni skyes zin pa gso bar byed pa yin pa'i phyir ro/ /ma ma lta bu yin no zhes bya ba ni kham dang reg pa gnyis so/ /ji lta zhe na/ skyes zin pa gso bar byed pa yin pa'i phyir ro/ /phyi ma gnyis ni skyed par byed pa yin pa'i phyir ma lta bu dag yin no//mu bzhi ste zhes bya ba la/ kham yin la zas ma yin pa yang yod/ zas yin la kham ma yin pa yang yod/ gnyis ka yin pa yang yod/ gnyis ka ma yin pa yang yod de/ mu dang po ni khams gang la brten nas dbang po rnams nyams par 'gyur la 'byung ba chen po rnams kyang yongs su 'jig par 'gyur ba ste/dper na dug za ba la sogs pa lta bu'o/ /mu gnyis pa ni kham las gzhan pa'i zas gsum dag go/ /mu gsum pa ni kham gang la brten nas dbang po rnams rgyas par 'gyur zhing 'byung ba chen po rnams kyang 'phel bar 'gyur ba ste/dper na zas yid du 'ong ba lta bu'o/ /bzhi pa ni rnam pa de dag ma gtogs pa'o zhes bya ba ni sgra dang tshor ba sdug bsngal dang ldan pa'i sems dang sems las byung ba thams cad do//de bzhin du reg pa la sogs pa dag la yang ci rigs par mu bzhir bya'o zhes bya ba 'byung ste/ ji lta zhe na/ gang la la reg pa yin pa de thams cad zas kyang yin nam zhe na zhes bya ba rgya cher te/ mu dang po ni reg pa gang la brten nas dbang po rnams nyams par 'gyur la 'byung ba chen po rnams kyang yongs su 'jig par 'gyur ba'o//gnyis pa ni reg pa las gzhan pa'i zas gsum dag go/ /gsum pa ni reg pa gang la brten nas dbang po rnams rgyas par 'gyur zhing 'byung ba chen po rnams kyang 'phel bar 'gyur ba'o//bzhi pa ni/ rnam pa de dag ma gtogs pa'o/ /de bzhin du yid la sems pa dang / rnam par shes par mu bzhi yang brjod par bya ste/ zas thams cad mu bzhi dang ldan pa yin no/ /de yin don min byed de gzhan/ /yon tan byed dang dang po ste//gsum ni de bzhin bzhi pa ni/ /de bzhin yon tan med pa'o/ /zhes bya ba ni bsdu ba'i tshigs su bcad pa'o/ /reg pa la sogs pa dbang po rgyas pa'i rgyu dang 'byung ba chen po 'phel ba'i rgyu rnams khyad par med par zas nyid du bshad pa de'i phyir reg pa la sogs pa la brten nas zhes bya ba rgya cher dris te/sogs pa zhes bya ba'i sgras ni rnam par shes pa dang sems pa gnyis bsdu 'o/ /yod de gzhan gyi sa pa dang zag pa med pa rnams so zhes bya ba la/ 'di skad bstan par 'gyur te/ reg pa la sogs pa rang gi sa pa rnams kho na dbang po dang 'byung ba chen po rgyas par byed pa na zas yin gyi/gzhan gyi sa pa dang zag pa med pa rnams ni ma yin no/ /kham gang la brten nas dbang po nyams par 'gyur la zhes bya ba 'byung ba de'i phyir gang zhig zos nas gnod par byed pa des zas ma yin pa nyid du thal bas de'i phyir gang zhig zos nas zhes bya ba rgya cher smos so//'di nyid la rgyu smras pa ni dang po phan 'dogs pa'i phyir ro zhes bya ba rgya cher 'byung ba'o/ /bye brag tu smra ba smos pa ni mu bzhi la gnod pa'i phyir ro/ /rgyas par 'gyur ba'i zas la dgongs te gsungs pa'i phyir 'gal ba med do zhes bya ba la/rgyas par 'gyur ba'i zas la dgongs pas mu bzhir bshad pa dang rab tu byed pa'i las zas su gsungs pa mi 'gal lo/ /nyams par 'gyur ba'i zas ni dmyal ba dag tu zhes bya ba rgya cher 'byung ste/ kham gyi zas kyi mtshan nyid thob pa'i phyir ro//ji ltar zhe na/ de'i phyir smras pa/ bkres pa dang skom pa 'joms par nus pa nyid ni kham gyi zas kyi mtshan nyid yin la dmyal ba dag na yang lcags kyi thu lum 'bar ba dang / zangs bzhun mas bkres pa dang skom pa dag 'joms par nus pa 'di zas nyid du mi 'gal lo//ji ltar 'joms she na/ 'joms so zhes ni mi smra'i/ 'on kyang 'joms par nus pa yin no/ /gal te 'joms par nus na ji ltar mi 'joms she na/ gang gis na 'joms par mi 'gyur ba me'i khams shas che ba'i phyir ram/sems can rnams kyi skal ba mnyam pa de dang 'dra ba yin pas so/ /kham gyi zas kyi zhar la 'di yang dpyad par bya ste/ bcom ldan 'das kyis zhes bya ba rgya cher 'byung ngo / /'dzam bu'i gling na gnas pa zhes bya ba la/ bcom ldan 'das kyis gang la la 'dzam bu'i tshal nas 'bab pa/de thams cad ni rgya mtshor gzhol ba rgya mtshor 'bab pa rgya mtshor bab pa'o zhes gsungs te/ de'i phyir 'dzam bu'i gling nyid la 'dzam bu'i tshal zhes bsnyad do/ /zas kyi skabs su bab pa'i phyir skyes pa stobs dang ldan pa dag go zhes bya bar shes kyi nur nur po la sogs pa dag ni ma yin no//gzhan dag na re skye bo chung ngu rnams ni ma yin no zhe'o/ /de ni rigs pa ma yin te zhes bya ba ni rigs pa dang ma 'brel ba'o/ /ci'i phyir zhe na/ gcig ces gsungs pa'i phyir te/ gang gis 'dzam bu'i tshal na 'dug pa'i so so'i skye bo gcig la zhes bya ba'o//'di la khyad par ci zhig yod ces bya ba la/ gal te 'dod chags dang bral ba nyung ngu la zas byin nas bsod nams mang po 'gyur na ni de ltar na khyad par yod par 'gyur ro snyam du dgongs te mang po la zas byin nas bsod nams mang por 'gyur ro zhes bya ba 'di la mtshar ba ci yod/gzhan dag na re byang chub sems dpa' nye ba yin no zhes bya ba ni byang chub la nye bar zhes bya ba'i don te/ gang nas byang chub sems dpa' yin/ gang nas mtshan gyi las byed pa zhes bya ba yin no snyam du dgongs so//'di ni ming yang don dang ma thun pa ma yin la zhes bya ba ni nye bar len pa'i phung po ltar don dang rjes su 'brel pa ma yin pa'o/ /'o na 'ol phyir min par 'gyur ro zhe na/ de'i phyir mdo 'am bstan bcos gang las kyang 'dzam bu'i tshal du rtogs pa ni nges par 'byed pa'i cha dang mthun pa thob pa'o zhes 'ol phyir ma bshad pas zhes bya ba smos so//'di ni byang chub sems dpa' zhes bya ba rgyas par 'byung ste/ zhing dang grong gzigs su gshegs pas 'dzam bu'i shing gi drung du bzhugs te/ bsam gtan dang po bskyed do/ / de'i phyir byang chub sems dpa' kho na yin par rigs so/ /byang chub sems dpa' la/ yon ni gzhal du med pa yin/ /zhes 'byung ba'i phyir na/ de la byin na dgra bcom pa bye ba la byin pa bas/ bsod nams ches mang ba'i phyir ro zhes smras pa ma yin nam zhe na/ de'i phyir so so'i skye bo de ni 'dod pa'i 'dod chags dang bral bar 'dra bas zhes bya ba smos te/mtshungs pa'i sgo nas so so'i skye bo 'dod chags dang bral ba dag las khyad par du 'phags par bstan pa'i phyir de skad ces gsungs so/ /'o na brgya smos pa ci'i phyir zhe na/ de'i phyir bshad pa gang gis phyi'i drang srong 'dod pa dag las 'dod chags dang bral ba brgya la zas byin pa bas zhes brgya smos pa ni dang po'i dbang du byas pa'i phyir ro//de lta bu de ni gdon mi za bar de lta yin par zhes bya ba la/ de ni rgyu 'di las kyang de ltar yin te/ gang byang chub sems dpa' 'dzam bu'i tshal na bzhugs pa kho na so so'i skye bo yin par dgongs kyi/nges par 'byed pa'i cha dang mthun pa'i dge ba'i rtsa ba thob pa ni ma yin pa'o/ /'di ltar 'dzam bu'i tshal na 'dug pa ma gtogs pa'i phyi rol pa rnams las zhes bya ba rgyas par 'byung ngo / /de ltar ma yin na zhes bya ba la/gal te nges par 'byed pa'i cha dang mthun pa thob pa yin na ni gang gis 'dzam bu'i tshal na 'dug pa brgya la zas byin pa bas/ gang gis rgyun du zhugs pa'i 'bras bu mngon du bya ba'i phyir zhugs pa gcig la byin na sbyin pa de bas sbyin pa 'di 'bras bu ches che'o zhes 'dzam bu'i tshal na 'dug pa las rgyun du zhugs pa'i 'bras bu la zhugs pa khyad par du 'phags pa mdzad par 'gyur ba zhig go//sems can rnams kyi rten cing 'brel par 'byung ba ji lta ba zhes bya ba ni/ de ni rten cing 'brel par 'byung ba'i yan lag bcu gnyis cha gsum mo zhes bya ba la sogs pas so//ji ltar gnas pa ni 'gro ba zas kyis gnas pa yin zhes bya bas bshad zin la/ 'chi 'pho ba yang tshe zad pas 'chi la bsod nams zad pas ma yin pa yang yin pa yang yod de zhes rgyas par bshad zin to/ /da ni sems gang la gnas te zhes bya ba 'byung ngo //srid pa bar ma la sogs pa srid pa bzhi bshad pa gang yin pa de la/ 'chi ba'i srid pa dang skye ba'i srid pa gnyis kho na skad cig ma yin pas de'i phyir rnam par shes pa gang gi skad cig la gnas pa la/ 'chi 'pho ba dang skye bar 'gyur zhes bya ba ni brjod par bya'o zhe na//de'i phyir/ 'chad dang mtshams sbyor 'dod chags bral/ /nyams dang 'chi 'pho skye ba rnams/ /zhes bya ba la sogs pa smos so/ /log par lta bas rtsa ba gcod/ /ces 'byung ba'i phyir/ dge ba'i rtsa ba yang dag par 'chad pa ni log par lta bas yin la/log par lta ba yang yid kyi rnam par shes pa dang mtshungs par ldan pa kho na yin no/ /rtogs pa'i bdag nyid yin pa'i phyir na dge ba'i rtsa ba nying mtshams sbyor ba ni the tshom dang yang dag pa'i lta bas yin te/ mtshams ni the tshom yod lta bas//zhes 'chad par 'gyur ro/ /the tshom ni yid mi bde ba dang mtshungs par ldan pa yin la/ yid mi bde ba yang yid kyi sa pa kho na yin no/ /rnam shes lnga dang mtshungs skyes blo/ /nges rtogs med phyir lta ma yin/ /zhes bya bas yang dag pa'i lta bas yang nges par rtogs pa'i bdag nyid yin la/de ni yid kyi sa pa kho na yin pas yid kyi rnam par shes pa kho nar dge ba'i rtsa ba nying mtshams sbyor ro/ /khams dang sa las 'dod chags dang bral ba ni sems mnyam par gzhag pa la yod pa yin la/ rnam par shes pa'i tshogs lnga ni/ kha phyir bltas pa'i phyir mnyam par ma bzhag pa yin pas/ de yang yid kyi rnam shes kho na la yin no/ /nyams pa'i tshul bzhin ma yin pa yid la byed pa'i rgyu can yin pas yid kyi rnam shes kho na la yin gyi/ rnam par shes pa'i tshogs lnga la ni ma yin te/de dag ni rnam par rtog pa med pa nyid yin pa'i phyir ro/ /'chi 'pho ba ni dbang po lnga'i rgyu ba bsdus shing rgyun 'chad pa dang rjes su mthun pa'i rnam par shes pa la gnas pa yod pa yin pas de yang yid kyi rnam shes kho na la yin no/ /bsgre ba'i phyir bshad pa ni skye ba smos pas ni srid pa bar ma nying mtshams sbyor ba yang bshad pa'i ngo bor rig par yang bya'o//yid kyi rnam par shes pa ni tshor ba gsum po yid bde ba dang yid mi bde ba dang btang snyoms kyi dbang po dang mtshungs par ldan pa'i phyir tshor ba gang la gnas pa la 'chi 'pho dang skye ba yod pa mi shes pas de'i phyir tshor ba la ni/'chi 'pho skye ba btang snyoms la/ /zhes bya ba smos so/ /tshor ba gzhan dag ni gsal ba yin te zhes bya ba ni yid bde ba dang yid mi bde ba'i mtshan nyid can te/ de dag ni kun du brtags pa na skye ba'i phyir/ phan 'dogs pa dang gnod pa byed pa nyid kyi phyir ro//rnam par shes pa gsal ba la ni 'chi 'pho ba dang skye bar rung ba ma yin te/ gnas skabs de dag ni zhan pa nyid yin pas de gnyis med pa'i phyir ro/ /de nyid kyi phyir bsam gtan gsum dag na sems can rnams la nyer bsdogs kho na las 'chi 'pho ba dang skye ba'i sems yod de/dngos gzhi dag ni bde ba yang ma yin sdug bsngal ba yang ma yin pa med pa'i phyir ro/ /khyad par med par brjod pas yid kyi rnam par shes pa thams cad du 'chi 'pho ba dang skye ba yin par 'gyur ba dang yid kyi rnam par shes pa de la yang / rtse gcig sems med pa de med//ces bya ba smos so/ /'dod pa'i khams su skyes shing mnyam par gzhag pa'i sems la gnas pa la ni 'chi 'pho ba dang skye ba med do/ /ci'i phyir med ce na/ skal ba mi mnyam pa'i sa pa yin pa'i phyir te/ sa gzhan du skyes shing sa gzhan gyi sems la gnas pa ni 'chi 'pho ba'am sa gzhan du skye bar mi 'gyur ro//'o na gang gi tshe gzugs kyi khams nyid dam/ gzugs med pa'i khams nyid du 'chi ba dang skye ba de'i tshe rang gi sa pa'i sems mnyam par gzhag pa yod do zhe na/ de'i phyir mngon par 'du byed pa las byung ba nyid yin pa'i phyir dang /phan 'dogs par byed pa nyid yin pa'i phyir zhes bya ba smos te/ rang gi sa pa'i mnyam par gzhag pa'i sems kyis kyang 'chi 'pho ba dang skye bar mi 'gyur ro/ /sbyor ba la ltos pa'i phyir na mngon par 'du byed pa las byung ba'o/ /shin tu sbyangs pa dang ldan pa'i phyir na/phan 'dogs par byed pa'i mngon par 'du byed pa las byung ba'i sems ni gsal ba'i phyir chad pa dang rjes su mthun pa ma yin la/ 'chi ba'i sems ni gnod par byed pa yin zhing mnyam par gzhag pa ni phan 'dogs par byed pa yin te/ de'i phyir de las 'chi 'pho bar mi rung ngo //gang gi phyir skye ba'i sems ni nyon mongs pa can yin la/ mnyam par gzhag pa ni dge ba yin pas des ni skye bar yang mi rigs so/ /gnas skabs de ni zhen pa yin la mnyam par gzhag pa ni mngon par 'du byed pa las byung ba yin pa'i phyir gsal ba yin pas gnas skabs de na de med pa'i phyir mnyam par gzhag pas skye ba ga la yod/sems med pa la yang med de zhes bya ba 'byung ste/ 'chi 'pho ba dang skye ba gnyis/ /zhes bya bar sbyar ro/ /sems med pa ni 'du shes med pa dang / 'gog pa'i snyoms par 'jug pa la snyoms par zhugs pa dang /'du shes med pa par nye bar gnas pa'o/ /gnod par byar mi nus pa ni dug dang mtshon dang rdo rje la sogs pa rnams kyis te/ de'i phyir sems med pa la 'chi 'pho ba med do zhes bya bar bstan to/ /gang gi tshe 'gog pa dang 'du shes med pa'i snyoms par 'jug pa la snyoms par 'jug pa'am/'du shes med pa dang ldan pa ste sngon gyi las kyis 'phangs pa'i tshe zad pas lus yongs su 'gyur bar rtsom pa de'i tshe zhes bya ba ni sngon gyi las kyis 'phangs pa'i ris mthun pa 'chad pa dang mthun par gnas pa'i tshe zhes bya ba ba'i don to//lus dang 'brel pa zhes bya ba ni lus la sa bon gyi ngo bor gnas zhes bya ba'i don to/ /gzhan dag na re lus la sred pa dang bcas pa nyid du 'brel lo zhe'o/ /gzhan ni mtshungs pa de ma thag pa'i rkyen mnyam par gzhag pa'i sems kyis ldang ba'i sems skye bar nges par byas pa'i phyir de'i tshe yang de la gdon mi za bar de'i lus dang 'brel ba'i sems mngon du 'gyur te/mtshungs pa de ma thag pa'i rkyen gyis drangs pa'i chos skye ba ni sus kyang dgag par mi nus so/ /sems can de dag 'du shes bskyed nas gnas de nas 'chi 'pho bar 'gyur ro zhes bya ba'i lung gis kyang sems med pa la 'chi 'pho med do zhes shes par byed do//sems 'chad pa'i rgyu med pa'i phyir zhes bya ba la/ sems 'chad pa'i rgyu ni 'gog pa'i snyoms par 'jug pa la sogs pa dag yin na/ de dag ni skye ba'i tshe 'byung ba med do/ /nyon mongs pa med par mi skye ba'i phyir zhes bya ba la/skye ba'i srid pa nyon mongs can/ /rang gi sa pa'i nyon mongs kun/ /zhes 'byung ba'i phyir la/ sems med par yang nyon mongs pa 'byung ba med pas sems med pa la skye ba med do/ /kun dga' bo gal te rnam par shes pa ma'i mngal du mi 'jug na ni zhes rgyas par 'byung ba'i lung las kyang sems med pa la skye ba yod pa ma yin no//'chi ba'i srid pa rnam pa gsum du bshad pa la ste/ gzhan rnam gsum zhes 'byung ba'i phyir ro/ /dgra bcom pa la ni nyon mongs can gyi sems yod pa ma yin te/ 'o na ci zhe na/de dge ba dang lung du ma bstan pa'o/ /de la yang / mya ngan 'da' lung bstan mi gnyis te 'dir ni lung du ma bstan pa gnyis kho nar mya ngan las 'da'o zhes brjod kyi/ dgra bcom pa kho na ni ma yin no/ /nying mtshams sbyor ba med pa'i 'chi ba kho na la mya ngan las 'das pa zhes bya'o//gal te 'dod pa'i khams na rnam par smin pa btang snyoms yod na zhes bya ba la yod na zhes bya ba ni 'og na yang bar ma yod do zhes kha cig zer te gang gi phyir/ bsam gtan khyad par rnam smin las/ /snga phyi med gsum smin 'dod phyir/ /zhes bya ba'i kha cig gi lugs yongs su bzung nas smras pa'o//kha cig ni de yan chad/ bde min sdug min myong 'gyur ba/ /zhes 'byung bas bsam gtan gsum pa yan chad na las bde ba yang ma yin sdug bsngal ba yang ma yin pa myong bar 'gyur ba yod par 'dod de/ de dag gi ltar na ji ste med na ni spyod lam pa kho na la'o zhes bya ba smos so//gzhan la ma yin zhes bya ba ni dge ba la ma yin zhes bya ba'i don te/ nyon mongs pa can ni mi srid pa'i phyir ro/ /dge ba'i sems ni stobs dang ldan pa'i phyir sems 'chad pa'i rjes su mthun pa ma yin la/ nyam chung ba'i lung du ma bstan pa ni sems 'chad pa'i rjes su mthun pa yin te/'dir sems 'chad pa ni sems nying mtshams sbyor ba med par 'gag pa'o/ /kha cig na re dge ba ni rnam par smin pa dang bcas pa yin pa'i phyir dang / dgra bcom pa rnams kyang ma 'ongs pa'i rnam par smin pa la rgyab kyis phyogs pa yin pa'i phyir/dge ba'i sems la yongs su mya ngan las 'da' ba yod pa ma yin no zhe'o/ /gzhan dag na re ni mthar gyis 'khor ba spong ba yin te/ 'di ltar 'dod pa'i khams na 'dod chags dang bral bas ni mi dge ba spong la/ srid pa'i rtse mo la 'dod chags dang bral bas ni bsgribs la lung du ma bstan pa'o//yongs su mya ngan las 'das pa'i tshe ni lung du ma bstan pa'i sems mngon du gyur pas dge ba'o/ /phung po lhag ma med pa'i mya ngan las 'das pa'i dbyings su zhugs pas ni ma bsgribs la lung du ma bstan pa spangs so zhes zer ro//lus kyi phyogs gang du rnam par shes pa 'gag ce na zhes bya ba la/ rnam par shes pa bstan du med pa ni yul na gnas par mi rung la khyad par du yang yid kyi rnam par shes pa mi rung mod kyi/ de ni 'dir lus kyi dbang po 'gag par nges pa'i sgo nas brjod do//mdo las 'gag par 'gyur ro zhes bya ba ni lus kyi dbang po de la rag las te/ 'jug pa'i yid dang bcas pa mtha' dag skad cig tsam de nyid la 'gag par 'gyur ro zhes bya ba'i don to/ /grangs bzhin du zhes bya ba la/ ngan song du 'gro ba rnams kyi ni rkang pa dag tu'o//mi'i nang du 'gro ba rnams kyi ni lte bar ro/ /lha'i nang du 'gro ba rnams dang / dgra bcom pa rnams kyi ni snying gar ro/ /gzhan dag na re spyi bor te/ lus kyi dbang po der 'gag pa'i phyir de dang 'brel pa'i rnam par shes pa yang der 'gag go zhes bya ba'o//yid kyi rnam par shes pa ji ltar lus kyi dbang po dang 'brel nas 'jug ce na/ 'dod pa dang gzugs kyi khams dag na lus kyi dbang po med par mi 'byung ba'i phyir rkang pa la sogs pa dag tu 'gag go zhes bya ste/ rgyun gzhan gyi rgyu'i dngos por mi 'gyur ro zhes bya ba'i don to//phal cher zhes bya ba ni thams cad ma yin te/ lha la sogs pa dge ba byed cing gnad du snun par byed pa ma yin pa rnams dang cig car 'chi ba'i gnad gcod med par 'chi ba'i phyir ro/ /gang zhig de kho na nyid dang de kho na nyid ma yin par spyo ba'i tshig dag gis gzhan dag la gnad du snun par byed pa de ni gnad 'chad pa'i tshor ba dag gis reg par 'gyur ro zhes smra'o//gnad dag gang gis gcod cing gnad 'chad pa yang gang zhe na/ de'i phyir/ gnad gcod pa ni chu sogs kyis/ /zhes bya ba smos so/ /de ni dngos po gzhan 'ga' yang yod pa ma yin te/'o na ci zhe na/ lus kyi phyogs 'ga' zhig ces bya ba rgya cher smos so/ /rlung la sogs pa de dag ni bzlog pa'i sgo nas chu la sogs pa gtso bo yin la/ mi mthun pa'i rkyen nye bas de dag re re'am mtha' dag tu 'khrugs shing shugs dang ldan pa'i ral gri rnon po ltar rno bas lus kyi phyogs de dang der tshor ba shin tu mi bzad pa skyed par byed de/de ni gnad gcod pa zhes bya'o/ /de dag shing ltar gnyis su byas pas gcod pa ni ma yin te/ 'o na ci zhe na/ tshor ba mi bzad pa dag gis bcad pa lta bur gcod do/ /yang na bcad pa dang 'dra bar g.yo ba med pas zhes bya ba ni yan lag dang nying lag bcad pa bzhin du mi g.yo bas na bcad pa zhes bya'o//chu dang me dang rlung gi khams rnams las gang yang rung ba zhig ces smras pa dang / ci'i phyir sa'i khams kyis ma yin zhes 'dri ste/ de'i phyir skyon bzhi pa med pa'i phyir te zhes bya ba la sogs pa smos so//ci rigs par zhes bya ba la/ bad kan gyi gtso bo ni chu'o/ /mkhris pa'i gtso bo ni me'o/ /rlung gi gtso bo ni rlung ngo / /snod kyi 'jig rten 'jig pa dang chos mthun pas so zhes bya bas ni gnas dang 'dra bar gnas dang ldan pa rnams kyang ston par byed do//phyi rol gyi dngos po 'jig pa'i rgyu dang chos mthun pa nad dag kyang 'jig go zhes bya ba'i don to/ /'jig pa ni gsum ste/ mes 'jig pa dang / chus 'jig pa dang / rlung gis 'jig pa'o/ /lha dag gi nang na ni gnad 'chad pa med mod kyi zhes bya ba ni rdzus te skye ba nyid kyis cig car 'chi ba'i phyir ro//de dag ni 'khrul pa can yin no zhes bya ba ni bzlog par nus pa'i phyir ro/ /'chi ba ltas lnga las ni mi 'da' ste zhes bya ba ni bzlog par mi nus pa'i phyir ro/ /'di dag ni thams cad la gdon mi za bar mi 'byung la/ thams cad kyang mi 'byung mod kyi/ lha yi 'chi ltas bsdoms nas lnga/ /zhes de ltar brjod do/ /snga ltas de dag ni lha'i zhag lnga 'byung ngo / /sems can gyi 'jig rten 'di de ltar skye ba zhes bya ba ni ma rig pa la sogs pa'i rim gyis so/ /gnas pa zhes bya ba ni rdzas bzhis so/ /'chi 'pho ba zhes bya ba ni/ 'chi 'pho skye ba btang snyoms la//zhes bya ba'o/ /yang dag pa nyid du nges pa'i tshogs dang zhes bya ba rgyas par 'byung ngo / /yang dag pa nyid ni gang / log pa nyid ni gang / der nges pa ni gang zhe na/ yang dag pa nyid ni mya ngan las 'das pa'o/ /'di gang las shes na/ bcom ldan 'das nyid kyis yang dag pa nyid gang zhe na/gang 'dod chags gtan nas spangs pa dang zhes bya ba rgyas par gsungs pa'i phyir ro/ /gtan nas spangs zhes bya ba ni thams cad du zhes bya ba'i don to/ /yang ci'i phyir 'di yang dag pa nyid yin zhe na/ de kho na nyid kyi don ma yin pa la 'jug pa'i chos zad pa'i phyir dang /rnal 'byor pa rnams kyis rtag tu nyid du bzhed pa'i phyir ro/ /log pa nyid ni ngan 'gro rnams te/ log pa nyid ni gang zhe na/ dmyal ba rnams dang dud 'gro dang yi dags rnams te/ 'di dag ni log pa nyid du nges pa zhes bya'o zhes 'byung ba'i phyir ro//rab tu byed pa'i rkang pa las 'di la nges pa ni slob pa dang mi slob pa rnams dang / mtshams med pa'i las dang ldan pa rnams so zhes 'don te/ go rims bzhin du bral ba dang dmyal ba'i 'bras bu nges pa'i phyir ro/ /de ltar na de dag dang ldan pa de dag ni yang dag pa dang log pa nyid du nges pa zhes bya'o//de dag kyang gang zhe na/ 'phags dang mtshams med byed pa ni/ /zhes bya ba'o/ /sdig pa'i chos las ring du song bas na/ /zhes bya ba rgyas par 'byung ngo / /ring du zhes bya ba ni rgyang ring du zhes bya ba'i don to/ /yang ji ltar de dag ring du song zhe na/de'i phyir gtan du bral ba'i thob pa rnyed pa'i phyir ro zhes bya ba smos so/ /bral ba'i thob pa gtan du rnyed pa ni gang gi phyir yang de las yongs su mi mnyam pa'o/ /yang na bral ba thob pa gtan du ba ste/ de ni mthong bas spang bar bya ba'i nyon mongs pa'i bral ba yin la/de la yongs su nyams pa med pas na gtan du ba'o/ /mtshams med byed pa dag ces gang bshad pa la/ 'di la mtshams yod pa ma yin pas na mtshams med pa'o/ /mtshams med pa'i dngos po ni mtshams med pa ste/ de dag de'i ngang tshul can gyis byed pas na mtshams med byed pa'o//de dag ni log pa nyid du nges par 'gyur la zhes bya ba ni gal te thar pa'i cha dang mthun pa thob pa rnams mtshams med pa dag byed na'o/ /de dag gis ni bzod pa thob pa rnams ltar mtshams med pa mi byed pa'i nges pa thob pa ma yin no/ /ji ltar de ltar thogs na srid pa lan bdun pa la sogs pa zhes bya ba la/sogs pa zhes bya ba'i sgras ni rigs nas rigs su skye ba dang bar chad gcig pa dang bar dor yongs su mya ngan las 'das pa la sogs pa bsdu'o/ /rkyen la ltos nas zhes bya ba rgyas par 'byung ste/ gal te yang dag pa nyid kyi rkyen thob na ni yang dag pa nyid la rten to//'on te log pa nyid kyi rkyen thob na ni log pa nyid la'o/ /de dag gi rkyen gnyis ka med na ni ma nges pa ste/ yang dag pa nyid kyang ma yin la/ log pa nyid kyang ma yin pa'o/ /sems can gyi 'jig rten bshad zin to zhes bya ba ni ma rig pa la sogs pa'i rim pas so//de la snod kyi 'jig rten gyi/ /gnas par 'dod pa'i 'og dag gi /zhes bya ba rgyas par 'byung ngo / /gling bzhi bye ba phrag brgya cig car 'jig cing 'chags la/ snod kyi 'jig rten de'i gnas pa de ni 'di ltar 'dod do/ / 'di la bsam gtan bsgoms shing chos nyid kyis thob pa'i phyir bsam gtan gnyis pa la sogs pa la gnas pa'i sems can rnams yod pa na/ yun ring mo zhig 'das nas 'og tu nam mkha' la de dag gi las kyi dbang gis rlung 'jam po 'jam po dag ldang la/ rlung de dang 'di dang der ches te por son pa na rim gyis rlung gi dkyil 'khor du grub bo//las kyi rnam par smin pa ni thun mong ma yin pa'i phyir dang / bdag po'i 'bras bu ni sems can thams cad kyi nye bar longs spyad pa yin pa'i phyir sems can rnams kyi las kyi dbang gis zhes bya ba smos so//chu'i dkyil 'khor ni khor yug tu rlung gi dkyil 'khor dang 'dra'o/ /spyad kyi tshul du zhes bya ba ni kun nas ra ba bzhin du 'dug pa'i phyir ro/ /'o ma bskol ma spris ma chags pa zhes bya ba ni zhu ba dang 'thas pa'i ngo bor 'dug pa'i phyir ro/ /gang gi tshe chu de gser du 'gyur ba de'i tshe ni gang dag gi re re'i tshad thad kar 'bum phrag bcu gnyis dang zhes bya ba la sogs par bshad pa/chu dang gser gyi dkyil 'khor bye ba phrag brgyar gnas so/ /des te khor yug gis khor yug tu bskor te/ de nyid kyi phyir khor yug ces bya'o//lcags kyi rang bzhin zhes bya ba ni lcags las byas pa'o/ /ngos bzhi dag tu grangs bzhin no/ /zhes bya ba ni byang gi sgra mi snyan gyi ngos ni gser gyi rang bzhin no/ /lus 'phags po'i ngos ni dngul gyi rang bzhin no/ /'dzam bu'i gling gi ngos ni bai DUr+ya'i rang bzhin no//nub kyi ba lang spyod kyi ngos ni shel gyi rang bzhin te/ de'i phyir de ltar na ri rab ni gru bzhi pa yin no zhes bstan par 'gyur ro/ /sa bon sna tshogs kho na yod pa zhes bya ba ni rgyu sna tshogs dang ldan pa yin gyi/ gang gi [(]gsar [,]gser [)]gyi sa bon kho na yod pa ji lta ba bzhin du ni ma yin te/de'i phyir 'di gser dang dngul dang sa la sogs pa'i rdzas su tha dad do snyam du dgongs so/ /mthu rnam pa du ma'i bye brag dang ldan pa'i rlung dag gis bya ba ni de bskyed pa la nus pa rnam pa du ma tha dad pa dag gis zhes bya ba'i don to/ /mthu ni nus pa dang nus mthu zhes bya ba'i tha tshig go//rigs de dang de dag tu 'gyur ro zhes bya ba ni gser la sogs pa'i mtshan nyid can no/ /ma phrad par zhes bya bas ni rgyu dang 'bras bu gnyis ni tha dad pa'i phyir dang / 'du byed rnams skad cig ma yin pa'i phyir 'bras bu'i dus na rgyu yod pa ma yin no zhes ston to/ /rkyen du 'gyur ba yin zhes bya ba ni rgyu 'gag bzhin pa de ni yod pa tsam gyis 'bras bu skye bzhin pa'i rgyur 'gyur ro zhes bya ba'i don to//rdzas gnas pa la zhes bya ba la/ gzugs dang / sgra dang / dri dang / ro dang / reg bya'i bdag nyid can nam/ bde ba dang sdug bsngal dang gti mug gi bdag nyid can la'o//chos gzhan log na zhes bya ba ni 'o ma zhes bya ba'i chos gzhan log na'o/ /chos gzhan 'byung ba zhes bya ba ni zho zhes bya ba'i chos gzhan 'byung ba'o/ /slob dpon gyis gnas pa gang gis zhes bya ba smos so/ /de las tha dad par 'o ma la sogs pa ma dmigs pas 'o ma la sogs pa'i chos rnams kho nar gzugs la sogs pa'i khyad par tshogs pa'i bdag nyid yin zhing /ro dang nus pa dang smin par byed pa dang mthu tha dad pas phan tshun tha dad pa yang yin te/ de'i phyir gnas pa gang gis chos gzhan ldog cing chos gzhan 'byung bar brtag par bya ba chos rnams las gzhan pa'i chos can/chos skye zhing 'jig kyang mi skye zhing mi 'jig pa yod pa ma yin no/ /gal te 'o ma la sogs pa'i rang gi bdag nyid kyi ngo bo spong na ni ji ltar gnas pa la chos log pa dang 'byung bar rtog /mi spong na ni chos 'dres par 'gyur ro/ /yang gzhan du 'gyur ba tsam zhig 'gyur ba yin te/gzugs la sogs pa 'o ma'i ngo bor gnas pa de dag nyid 'o ma'i ngo bo log pa na zho'i ngo bor gnas shing gzhan du gyur pa tsam 'gyur ba yin par brjod do zhe na/ 'di ni long ba'i gom pa zhig go/ /ji lta zhe na/ de nyid 'di yin la zhes 'byung ste/ chos dang chos can gzhan ma yin pas 'o ma nyid zho yin no zhes bya ba'i don to//'di de lta bu yang ma yin no zhes bya ba na 'di 'o ma ma yin no zhes bya ba'o/ /tshig gi tshul 'di ni sngon ma byung ba yin no zhes bya ba ni ma 'brel pa rang gi tshig dang 'gal ba'o snyam du dgongs pa'o/ /skad cig ma snga ma dang phyi ma dag ni gzhan nyid du 'dod la/gang dag gzhan nyid yin pa de dag ni gcig ma yin pa nyid du mthong ste byis pa dang gzhon nu bzhin no/ /gang zhig cig shos gang yin pa de las gzhan ma yin par de ni phan tshun yang gzhan ma yin par 'gyur te/ de'i phyir 'o ma nyid yin pas 'di de lta bu yang ma yin no zhes brjod par mi rigs so//gal te rdzas de de nyid yin na/ de de kho nar 'gyur la/ de lta ma yin na gzhan kho na ma yin pas grangs can gyi 'gyur bar smra ba ma grub po/ /ji skad du/ dngos po rnams kyis yongs 'gyur ba/ / yid kyis kyang ni mi 'dzin mod/ /de lta 'ang de ltar yod pa ru/ /mkhas pa rnams kyis rtog par byed/ /ces bshad do/ /gang nges par ma zin pa'i don pha rol po la smra ba 'di ni mun pa mthug po'i 'gying bag ngan pa zhig ste/ rtog pa'i dra ba ma bcad pa'i phyir ma rig pa'i gnyid log pas bslus pa de dag gi lta ba 'di ni gnyid kyis log pa rnams kyis mthong ba ltar don ji lta ba bzhin ma yin no//byis pa'i blo rdol dag la gus pas ci bya/ de ltar byung ba'i gser la sogs pa zhes bya ba ni gser dang dngul dang bai DUr+ya la sogs pa dag go/ /de'i ngos la sum 'gyur ro zhes bya ba la ni gnya' shing 'dzin gyi ngos nas te/ngos gcig gi dbang du byas nas so/ /'bum phrag gsum dang stong phrag ni/ /nyi shu gnyis so zhes bya ba ni mu khyud 'dzin dang khor yug gnyis kyi bar gyi phyogs gcig gi phyi'i rgya mtsho'i tshad bshad pa yin no//de ni lus sam sa phyogs gzhan gyis zhes bya ba rgyas par 'byung ba la ste/ rdo rje lta bu'i ting nge 'dzin de ni byang chub sems dpa'i sku las gzhan pa'i lus sam rdo rje gdan gyi phyogs las gzhan pa'i sa phyogs kyis bzod par mi nus so/ yul der chu rnam pa gnyis su gyur pas na gling ngo //gling gang gi dbyibs ci 'dra ba zhes bya ba la/ sa gzhi'i dbang gis sems can rnams sna tshogs pa 'di ni mngon sum du gyur pa yin te/ gangs ri dang 'bigs byed la gnas pa'i ri khrod pa rnams dkar sham dang sngo bsangs su mthong ngo / /de'i bar gyi gling brgyad ni zhes bya ba la/de dag thams cad ni las ngan pa'i dbang gis grub pa zhig ste/ de nyid kyi phyir de la gnas pa'i mi rnams ni lus chung ba yin no zhes brjod do/ /gcig na srin po dag gnas so/ /zhes bya ba ni rnga yab po/ /'dzam bu'i gling 'di'i byang phyogs na ri nag po shin tu rgyang ring bar gnas pa ma yin pa gsum yod do//de dag 'das nas yang gsum yod do zhes bya ba rgyas par 'byung ngo / /de'i dbang gis zhes bya ba ste/ 'dzam bu de'i dbang du byas shing ched du byas nas 'dzam bu'i gling du zhes bya'o/ /yang na de'i 'bras bu'i dbang gis zhes bya ba ni 'dzam bu'i shing thog gi dbang du byas nas so//'dzam bu'i gling 'di nyid kyi zhes bya ba la/ yang ci'i phyir 'dzam bu'i gling 'di nyid kyi gzhan gyi ma yin zhe na/ 'dzam bu'i gling kho na las ngan pa kun du spyod pa'i phyir dang / mtshon char 'gyur ba'i las yod pa'i phyir dang / dbang po rnon po yod pa'i phyir ro zhes zer ro/ / sdug bsngal bar chad med pa'i phyir/ /zhes bya ba ni 'di na rgyun chad pa yod pa ma yin te/ mnar med pa'i sgra ni bar med pa'i rnam grangs so/ /des na bde ba'i skabs med pas zhes bya ba ni bde ba gzhan med pa ste/ bde ba yang ma yin sdug bsngal ba yang yin pa ni bzlog par mi bya'o//lugs snga ma la ni bde ba yang ma yin sdug bsngal ba yang ma yin pa yang med pa ma yin no/ /de lta na ha cang thal bar 'gyur te/ gcig tu mi dge ba'i las kyi rnam par smin pa yin pa'i phyir dmyal ba gzhan dag na yang tshor ba bde ba med pa'i phyir mnar med pa nyid du thal bar 'gyur ro zhe na/de'i phyir gzhan dag na yang zhes bya ba rgyas par smos so/ /gzhan dag na re snang ba'i bu ga med pa zhe'o/ /rtsig pa bzhi zhes bya ba ni ra ba bzhi zhes bya ba'i tha tshig go/ /rnam phye zhes bya ba ni rnam par phye nas 'dug pa'o/ /ji lta zhe na/ 'di ltar ris su chad pa yin zhes bya ba smos so//lcags kyi ra bas kun nas bskor/ /zhes bya ba ni lcags kyi ra bas yongs su bskor zhes bya ba'i tha tshig go/ /lcags dag gis ni gang ba yin/ /zhes bya ba ni steng nas lcags kyis g.yogs pa'o/ /gzhan dag na re lcags kyis sgo gcad pa'o zhes zer ro//khyad par gnas zhes bya ba ni khebs pa'o/ /snga ma bzhin no zhes bya ba ni rkang pa bteg na ni pags pa dang sha dang khrag rgyas par slar skye ba'o/ /spu gri'i lam la sogs pa gsum po zhes bya ba ni spu gri'i lam dang / lo ma ral gri lta bu'i nags dang /shal ma ri'i nags zhes bya ba gsum mo/ /khyi sre bo rnams kyang za bar byed ces bya ba ni lo ma ral gri lta bu'i nags kyi nang na yod pa dag go/ /khwa lcags kyi mchu can rnams zhes bya ba ni shal ma ri'i nags na yod pa'o/ /thang mdung thogs pa zhes bya ba la sogs pa 'byung ste/dgra sta thogs pa'o/ /gnod pa lhag pa'i gnas yin pa'i phyir lhag pa zhes bya ste zhes bya ba la/ lhag pa'i sgra ni bla lhag pa'i don to/ /'di dag tu lhag par 'bying bas na lhag pa yin gyi/ lhag par gnod pa ma yin te/ de nyid kyi phyir dmyal ba dag tu zhes bya ba rgyas par smos so//gzhan dag ces bya ba ni gnas brtan yid 'ong ste/ de'i rtsa ba'i dmyal ba'i sdug bsngal bas 'di ches zhan pa'i phyir lhag pa zhes bya ba'i sgra bla lhag pa'i don la mi 'dod de/ 'o na ci zhe na/ lhag pa'i sgra 'og gi don du 'dod do/ /des na dmyal ba'i 'ching ba'i 'og tu me mar mur la sogs pa 'di dag tu 'bying bas na lhag pa'o//dri ba las dri gzhan 'byung ste/ /zhes bya ba ni dmyal ba phyogs ni gang rol na yod tshad ni ji tsam zhes bya ba'i dri ba 'di la da lta ci dmyal ba'i srung ma de dag zhes bya ba rgyas par smos pa 'di 'byung ngo //da ni ji ltar na de dag g.yo zhes bya ba ni shing la sogs pa sems pa med pa rnams mi g.yo ba'i phyir la/ de las bzlog ste sems dang sems las g.yo ba mthong ba'i phyir dri ba ste/ de skad du/ rang lus blo sngon 'gro ba yi/ /bya ba mthong nas gzhan la der/ / 'dzin phyir blo yod gang na de/ /med der blo ni med par rtogs/ /zhes bshad do/ /'chags pa'i rlung bzhin no zhes bya ba ni/ dper na 'chags pa'i rlung dag ni sems can rnams kyi las kyi dbang gis snod kyi 'jig rten 'grub pa dang / rjes su mthun par g.yo ba yin no/ / de dag sems can du bgrang ba ni ma yin te/ dmyal ba'i snod kyi rgyu can gyi sdug bsngal nyams su mi myong ba'i phyir ro/ /de'i phyir dmyal ba'i srung ma dag ni 'byung ba dang 'byung ba las gyur pa tsam du zad pas sems pa med pa yin te/ lug lta bu'i ri dang tsher ma la sogs pa bzhin no//'o na btsun pa chos ldan rab 'byor gyis zhes bya ba rgyas par 'byung ste/ de'i rgyu las dang nyon mongs pa bstan pa'i phyir sems can dag yin no zhes bya bar shes so/ /gshin rje'i sgo ba gang gis zhes bya ba rgyas par 'byung ngo / /gshin rje'i srin po gang dag lha'i mdo las gshin rje'i bka' bzhin byed pa'i yi dags de dag ni gshin rje'i srid pa'o zhes bstan pa rnams ni gzhan kho na yin gyi dmyal ba'i srung ma ni ma yin pas 'gal ba med do//sdug cing sdug bsngal ba rnams la bsod nams ma yin pa mang bas mi srid par 'dri ba ni da ni/ las de gang du rnam par smin//ces bya ba'o/ /de dag kho nar de bas kyang kha na ma tho ba che ba'i las kyi rnam par smin pa'i go skabs yod par mthong nas gang dag tu zhes bya ba smos te/ dmyal ba de dag tu'o/ /mtshams med pa byed pa rnams zhes bya ba rgyas par 'byung ste/ mtshams med pa rnams las gzhan pa'i kha na ma tho ba chen po dang bcas pa'i las ni med do//me'i nang na gnas pa ji ltar mi tshig ce na zhes bya ba ni gal te de dag sems can yin na dmyal ba ltar mi tshig snyam du bsams pa'o/ /las dag gis mtshams bcad pa'i phyir ro zhes bya ba ni 'di dag bsreg par mi bya'o zhes me ni gdon mi za bar las dag gis dmyal ba'i srung ma rnams las mtshams bcad pa'o//yang na 'byung ba'i khyad par 'grub pa zhes bya ba ni gang gis na me'i nang na gnas kyang mi 'tshig pa de dag gi lus kyi 'byung ba chen po'i khyad par ni las de dag gis de 'dra bar bsgrubs so zhes bya ba'o//lus dang sgra 'gyur ba dang mthun pa dag yin zhes bya ba la/ lus 'gyur ba dang mthun pa ni chu bur can dang / chu bur rdol ba dang / ut+pal ltar gas pa dang / pad+ma ltar gas pa dang / pad+ma ltar cher gas pa dag yin la/ sgra 'gyur ba dang mthun pa ni so thams thams pa dang /a chu zer ba dang / kyi hud zer ba rnams so/ /thad ka na yod do zhes bya ba smos so/ /de nyid kyi phyir de dag na grang ba yod do/ /kha cig na re rgya mtsho chen po dang nye ba'i phyir ro zhes zer ro/ /gzhan dag na ra las kyis byas pa kho na yin te/ de lta ma yin na nya rnams la yang grang bas ches gnod par 'gyur ro zhes zer ro//gzhan dag na re grang ba'i dmyal ba rnams kyi gnas ni khor yug gi ri gling bzhi yongs su bskor ba'i ngos na gcig tu mun nag tu gyur pa yin no zhes zer ro/ /'dzam bu'i gling gi ngos gsum ni stong phrag gnyis pa yin pa'i phyir dang /bzhi pa la dpag tshad phyed dang bzhi yin pa'i phyir 'og na dmyal ba rnams la go skabs med par mthong nas/ 'dzam bu'i gling 'di tsam gyi zhes bya ba rgyas par smos so/ /re re la dmyal ba yin pas na/ /nyi tshe ba'i dmyal ba rnams so/ /lha'i dpal lta bu yang nyams su myong ngo zhes bya ba ni gshin rje la sogs pa dag gis so//skar ma'i gzhal med khang zhes bya ba la/ gang zhig thams cad kyi nang na che ba de'i tshad ni dpag tshad bcu drug go/ /zla ba'i gzhal med khang ni chu shel zhes bya ba ni 'og tu shel gyi dkyil 'khor dang 'brel pa'o//shel ni rnam pa gnyis yin te/ me'i khams shas che ba dang / chu'i khams shas che ba'o/ /srog chags rnams kyi las dag gis zhes bya ba la sogs pa ni dkyil 'khor gnyis dang sbyar ro/ /de bzhin du gzhan dag la yang sbyar bar bya'o zhes bya ba ni gling dag la'o//ji ltar zhe na/ gang gi tshe shar gyi lus 'phags su nam phyed pa de'i tshe 'dzam bu'i gling du nyi ma nub po/ /nub kyi ba glang spyod du ni nyi ma phyed do/ /byang gi sgra mi snyan du ni nyi ma shar ro zhes bya bar rgya cher ro/ /yang gang gis nyin mo dag ring ba dang thung bar 'gyur zhe na/nyi ma'i 'gros kyi bye brag gis so/ /nyi ma dang ni nye ba las/ /zhes bya ba rgya cher 'byung ste/ nyi ma'i 'od zer dag zla ba'i gzhal med khang la 'bab ste/ /des na pha rol gyi ngos su rang gi gzhal med khang gi 'od la gnod pa byas pa'i grib mas mthong ba la bsgribs par byas pa na/zla ba'i dkyil 'khor ma rangs pa snang ngo / /de lta bu de ni 'di ltar yin te/ gang gi phyir dkyil 'khor mtha' dag mi gsal bar yongs su bskor te snang ba'i phyir ro/ de nyid kyi phyir nub kyi ri bo la nyi ma gnas shing / shar gyi ri bo la zla ba gnas pa na/zla ba'i dkyil 'khor rangs par snang ste/ zla ba yul shin tu thag ring ba na gnas pa'i phyir ro/ /de lta bu de ni rgyu ba'i tshul yin no zhes bya ba ni dper na me long gi dkyil 'khor khad kyis bsgyur ba na phyogs gang zhig mthong ba de ni dmigs la gang zhig dma' ba de ni mi dmigs pa bzhin no//kha cig na re nges pa med pa thal bar 'gyur bas de ni de lta ma yin te/ de'i phyir gdon mi za bar nges pa'i rgyu btsal bar bya'o zhes zer ro/ /rgyal chen bzhi'i ris pa'i lha rnams so zhes bya ba la/ rgyal po chen po bzhi'i ris ni tshogs te/ glang po che'i tshogs bzhin no/ / de na yod pa ni rgyal chen bzhi'i ris dag go/ /ci de dag gi 'di dag kho na 'am zhes bya ba ni nyi ma la sogs pa'i gzhal med khang dag kho na'am zhes bya ba'o/ /ri rab kyi bang rim la sogs pa'o zhes bya ba la/ sogs pa zhes bya ba'i sgras ni mu khyud 'dzin la sogs pa bsdu'o/ /bzhi pa la ni rgyal po chen po bzhi dag nyid ces bya ba 'byung ste/de la shar gyi phyogs na ni yul 'khor srung ngo / /lho phyogs na ni 'phags skyes po'o/ /nub phyogs na ni mig mi bzang ngo / /byang phyogs na ni rnam thos kyi bu'o/ /de'i phyir de na rgyal chen bzhi pa'i lha rnams bshad do zhes bya ba ni/gang gi phyir bang rim bzhi pa la rgyal po bzhi bdag nyid gnas pa'i phyir ro/ /de'i phyir 'di skad du tshigs su bcad pa las/ rgyal chen bzhi pa'i lha rnams zhes bshad de/ rgyal po chen po bzhi dag yod pas na rgyal chen bzhi'o/ /bang rim ni nam mkha' la 'phags pa la brjod do//che ba yin zhes bya ba ni rab tu mang ba yin gyi/ phun sum tshogs pa che ba ni ma yin no/ /de dag la gnod sbyin lag na rdo rje gnas zhes bya ba ni bag med pa'i lha bsrung bar bya ba'i phyir ro/ /tshon brgya rtsa gcig gis bkra bar byas zhes bya ba ni tshon sna brgya rtsa gcig gis so//nems zhes byed pa dang par zhes byed ces bya ba ni/ nems zhes byed pa dang par zhes byed pa'i ngang tshul yin no zhes bya ba'i tha tshig go/ /rin po che dang gnas rnam pa du ma phun sum tshogs pa zhes bya ba la/ rin po che dang gnas rnam pa du ma de phun sum tshogs pa ni che ba ste chen po nyid do//ngo tsha bar byed ces bya ba ni ngo tsha bar byed ces bya ba'i tha tshig go/ /skyed mos tshal shing rta sna tshogs can zhes bya ba rgyas par 'byung ste/ de la shing rta sna tshogs can du ni lha rnams kyi dbang thang gi mthus shing rta sna tshogs 'byung bar 'gyur ro/ / rtsub 'gyur du ni g.yul sprod par 'dod pa de dag la ni go mtshon 'byung bar 'gyur ro/ /'dres pa'i tshal du ni de dag nye bar phrad pa las dga' ba'i khyad par skye'o/ /dga' ba'i tshal du ni shin tu 'byor pa dang ldan par mthong ba na dga' bar 'gyur te/ skyed mos tshal de dag ni gru bzhi pa yin la/de dag gi ngos re re la ni dpag tshad phyed dang sum brgya'o/ /'dab ma dang lo ma zhes bya ba la/ 'dab ma dag nyid lo ma yin pas na 'dab ma dang lo ma'o/ /de rdzi phyogs ma yin par 'gro ba ni ma yin no zhes bya ba ni gang du skyes pa de nyid du 'jug pa'i phyir ro/ / ci me tog gi dri'i rgyun des zhes bya ba ni ji ltar me tog dang 'brel pa las til dag la dri gzhan 'byung ba de bzhin du me tog dang 'brel pa las de'i dri rlung gis 'das pa zhig 'byung ba zhig gam zhes bya ba yin no/ /me tog dri ni rdzi phyogs min mi 'gro/ /zhes bya ba rgyas par 'byung ste/ rtsa ba la yod pa ni rtsa ba ste/ pu shel tsi dang gla sgang la sogs pa'i dri'o/ /mkhas rnams dri ni zhes bya ba ni grags pa zhes bya ba'i don to/ /bya ba dang bya ba ma yin pa 'gro bar byed pa zhes bya ba ni lhag ma yin phyir bzlog pa la sogs pa'i bya ba dang bya ba ma yin pa 'gro bar byed ces bya ba'i tha tshig go/ /rtsed mos dran pa rlag pa la sogs pa lha gzhan dag kyang yod pas de'i phyir mdor bsdu na zhes bya ba smos so//'thab bral nas brtsams nas 'og min du nye bar 'gro ba dang 'og min gyi mthar thug pa'i bar gyi lha rnams ni sprin gyi tshogs ltar gzhal med khang dag na gnas pa yin no/ /sems can de dag nyid kyi snod mngon gyi gzhan dag ni ma yin no zhes bya ba ni tshangs ris la sogs pa dag ste/de dag ni 'dod pa las 'dod chags dang bral ba'i phyir 'dod pa dag spyod pa ma yin no/ /mi rnams ji lta ba bzhin du zhes bya ba la/ de dag ni rlung btang bas yongs su gdung ba dang dral te/ khu chu med pa'i phyir ro//de med pa yang de na yod pa'i zas la rgyu mthun pa med pa'i phyir ro/ /'khyud pa tsam gyis yongs su gdung ba dang bral ba'i phyir ro zhes bya ba la/ de na 'dod chags dag yod na 'dod pa dang ldan pa rnams la 'khyud pa'i bde ba 'byung gi /'dod chags med na ni de dag la reg pa skyon can mi 'byung ste/ ma la 'khyud pa bzhin no/ /gzhan dag na re thams cad gnyis gnyis kyis yin te/ lnga po rnams ni yul so sor nges pas dbang po gzhan gyi yul ni dbang po gzhan gyis longs spyod pa ma yin no zhes zer ro/ /ji tsam ji tsam du zhes bya ba ni gang du zhes bya ba'i don to/ /ches shas che ba ni drag ces bya ba'i don te/yul de dag ches che ba'i phyir myur du grub pa yin no/ /yang ji ltar rdzus te skye ba rnams la ni 'di bdag gi pha yin no/ /bu yin no snyam pa'i 'du shes 'byung zhe na/ de'i phyir lha'am lha mo gang gi zhes bya ba rgyas par 'byung ngo / /grangs bzhin te zhes bya ba la ni rgyal chen bzhi pa dag tu ni lo lnga lon pa lta bu'o zhes bya ba nas gzhan 'phrul dbang byed du ni lo bcu lon pa lta bu'o zhes bya ba'i bar ro//de dag kyang lha'i ris bzhi rnams so zhes bya ba ni rgyal chen bzhi'i ris pa nas brtsams te dga' ldan pa'i bar ro/ /ji ltar byung ba rnams la longs spyod pa ni ji ltar byung ba la longs spyod pa ste/'di dag la de yod pas na ji ltar byung ba la longs spyod pa'o/ /ji ltar 'dod pa bzhin bdag nyid sprul pa ni ji ltar 'dod pa bzhin bdag nyid kyis sprul pa ste/ 'di dag la de la longs spyod pa yod pa de dag ni ji ltar 'dod pa bzhin bdag nyid kyis sprul pa la longs spyod pa'o//ji ltar 'dod pa bzhin bdag dang gzhan gyis sprul pa ni ji ltar 'dod pa bzhin bdag dang gzhan gyis sprul pa yin la/ de yongs su longs spyod pa ni ji ltar 'dod pa bzhin bdag nyid dang gzhan gyis sprul pa la yongs su longs spyod pa ste/ gang la de yod pa dang zhes thams cad la sbyar ro//dang po ni yul ji ltar byung ba la yongs su longs spyod pa'i phyir ro/ /gnyis pa ni yul ji ltar 'dod pa bzhin bdag nyid kyis sprul pa la yongs su longs spyod pa'i phyir ro/ /gsum pa yul byed pa med pa la yongs su longs spyod pa'i phyir ro/ /yang na go rims bzhin du yul dman pa dang /bar ma dang / gya nom pa la yongs su longs spyod pa'i phyir ro/ /lha de dag ces bya ba la/ bsam gtan dang po'i sa pa dag ni dben pa las skyes pa'i dga' ba'i bde bas te/ 'dod pa la 'dod chags dang bral ba'i phyir ro/ /bsam gtan gnyis pa'i sa pa dag ni ting nge 'dzin las skyes pa'i dga' ba'i bde bas so//bsam gtan gsum pa'i sa pa dag ni dga' ba med pa'i bde bas te/ dga' ba las 'dod chags dang bral ba'i phyir ro/ /bde bas gnas pa na zhes bya ba rgyas par 'byung ngo / /bsam gtan khyad par can du skyes pa la ni zhes bya ba rgyas par 'byung ste/de na ni bde ba yang ma yin sdug bsngal ba yang ma yin pa'i tshor ba yod pas bde ba skye ba nyid du mi rung ngo / /bye brag tu smra ba rnams na re ni 'di ni phal che bar bstan pa yin te/ dper na mngon par shes pa gang zhe na/ shes rab dge ba'o zhes bya ba bzhin no zhes zer ro//gang dag lha rnams kyi gnas nyi shu rtsa gnyis bshad pa zhes bya ba la/ 'dod pa na spyod pa rnams kyi gnas ni drug yin la/ gzugs na spyod pa rnams kyi ni bcu drug yin te/ tshangs pa chen po ni tshangs pa'i mdun na 'don dag gi khongs su 'du ba'i phyir ro//dpag tshad bzhi khri ni zhes bya ba ni de dag gis ni ri rab kyi phyed man chad du phyin to zhes 'byung ba'i phyir ro/ /bsags par gnas pa'i gzugs zhes bya ba la bsags pa la gnas pa ni bsags par gnas pa'o/ /yang na bsags shing gnas pa na bsags par gnas pa ste/phan tshun 'brel zhes bya ba'i tha tshig go/ /lhag ma rnams kyang de dang 'dra'o zhes bya ba ni rdzu 'phrul gyis sam gzhan la brten nas te/ rdzu 'phrul dang ldan pa 'am de na gnas pa'i lhas khrid par gyur na 'thab bral ba rnams dga' ldan pa dag gi nang du 'gro bar 'gyur te/ de bzhin dga' ldan pa rnams 'phrul dga' ba dag gi nang du 'gro'o zhes rgyas par thams cad du brjod par bya'o//gong du skyes pa 'ongs pa mthong ste/ 'dod pa na spyod pa'am/ sa mtshungs pa mthong ngo / /khams gong ma pa yang ma yin no zhes bya ba ni 'dod pa na spyod pas gzugs kyi khams su skyes pa mi mthong ba'o//sa gong ma pa yang ma yin te zhes bya ba ni bsam gtan dang por skyes pas bsam gtan gnyis pa la sogs par skyes pa mi mthong ba'o/ /reg bya reg par mi 'gyur ba bzhin no zhes bya ba ni khams gong ma pa 'am sa gong ma pa'o/ /ci'i phyir zhe na/ yul ma yin pa'i phyir te/ de bzhin du yul ma yin pa'i phyir gzugs kyang mi mthong ngo / /de'i 'dod pas 'di na 'khod pa bzhin du mthong bar 'gyur ro zhes bya ba la/ ji ltar 'dod pa na spyod pas 'dod pa na spyod pa mthong ba de bzhin du/ de'i 'dod pas gzugs na spyod pa dang / sa gong mar skyes pa 'ongs pa yang sa 'og ma pa'i lus su ma sprul par yang mthong bar 'gyur ro//gzhan dag na re de ni de lta ma yin te/ gzugs dang 'bras bu dang khams dang sa rnams rgyu dang 'bras bu yongs su chad pa'i phyir ro/ /sa 'og ma las 'dod chags dang bral ba ni sa gong ma der skye ste/ de'i phyir sa gong ma'i gzugs ni sa 'og ma'i mig gi yul ma yin te/las kyi 'bras bu ches mchog yin pa'i phyir ro/ /de'i phyir de'i 'dod pas kyang mi mthong ngo / /sum cu rtsa gsum la sogs pa rnams kyi tshad sa dang 'brel pa ni bshad na/ yang 'thab bral la sogs pa'i gzhal med khang de dag gi tshad ni ji tsam zhe na/re zhig kha cig na re bzhi rnams kyi ni zhes bya ba smos so/ /bzhi pa ni tshad med do zhes bya ba la/ bsam gtan bzhi pa'i gzhal med khang ni skar ma ltar rnam par 'chad pa yin te/ mi rtag pa de'i gzhal med khang / /sems can bcas te 'byung 'jig phyir//zhes 'byung ngo / /de'i phyir de la tshad med la/ lhag ma rnams la ni tshad yod de/ gcig tu 'brel pa'i phyir ro/ /tshangs pa'i 'jig rten zhes bya ba smos pas gnyis pa la sogs pa rnams ni stong chung ngu'i 'jig rten gyi khams kyis bsdus pa ma yin no/ /de nyid kyi phyir de la spyi phud ces bya ste/gtsug phud du gyur pa'i phyir dang / spyi phud yin pa'i phyir ro/ /mnyam du 'jig cing 'byung ba yin/ /zhes bya ba la/ 'dir sems can rnams mnyam por 'jig cing snod dag mnyam du 'byung ngo / /snod 'byung ba nas bzung ste 'chags pa'i bskal pa zhes bya ste/ gang phyis 'jig pa de ni sngar 'chags so zhes phyis bshad par bya'o//'dzam bu'i gling pa rnams zhes bya ba rgyas par 'byung ste/ lus kyi tshad ni khru phyed dang bzhi pa'o/ /kha cig ni lus kyi tshad khru bzhi pa'o/ /shar dang ba lang spyod dang ni/ /byang dang zhes bya ba la/ gang dag la zhes bya ba ste/ ming yod pa de dag ni shar dang ba lang spyod dang ni//byang zhes bya ba dag ste/ de dag gi tshad ni grangs bzhin du khru brgyad pa dang / bcu drug pa dang / sum cu rtsa gnyis pa dag go/ /de las dpag tshad gsum phri na/ /zhes bya ba ni nyis 'gyur du byas te dpag tshad gsum bskyungs na zhes bya ba ste/ des na sprin med rnams kyi lus ni dpag tshad brgya nyi shu rtsa lnga'o zhes bya ba la sogs pa rtsi bar bya'o//ku mu ta dang pad+ma bzhin/ /zhes bya ba la/ ji ltar 'di na me tog ku mu ta dag nyin par kha 'dzum zhing / mtshan mo 'bye la/ pad+ma dag de las bzlog pa yin pa de bzhin du/ de na me tog kha cig la 'dzum pa dang 'bye ba las nyin mtshan du rnam par gzhag go//bya rnams skad 'byin pa dang skad mi 'byin pa zhes bya ba la sogs pa la/ skad 'byin pa las mtshan mo yin la/ skad mi 'byin pa las nyin par yin pa'am zlog pa'o/ /gnyid sangs pa dang bro ba las zhes bya ba ni gnyid bro ba las ni mtshan mor mngon la/gnyid sangs pa las ni nyin mor te/ de'i phyir de ltar yin no/ /bskal pa chen po'i phyed ces bya ba la/ bar gyi bskal pa brgyad cu ni bskal pa chen po yin la/ de'i phyed bar gyi bskal pa bzhi bcu la bskal par byas nas de dag gi tshe'i tshad bshad do zhes bya ba rgya cher ro//byang chub sems dpa' skye ba gcig gis thogs pa ni gang zhig sangs rgyas nyid la skye ba gcig gis chod pa ste/ de dga' ldan na gnas shing sku tshe rangs par gson par 'gyur ro/ /srid pa tha ma pa zhes bya ba ni skye ba tha ma pa ste/ gang gis na skye ba de nyid la dgra bcom pa nyid mngon sum du byed par 'gyur ro//rgyal bas bstan pa ni gang zhig de'i tshe ni 'di tsam mo zhes rgyal bas lung bstan pa'o/ /rgyal ba'i pho nya ni pho nya'i bya ba byas ma zin pa'o/ /dad pa dang chos kyi rjes su 'brang ba ni mthong ba'i lam la gnas pa dbang po rnon po dang rtul po dag go/ / sogs pa zhes bya ba'i sgras ni 'gog pa dang / 'du byed med pa dang / byams pa'i ting nge 'dzin la snyoms par zhugs pa rnams bsdu'o/ /dpag tshad kyi tshad kyis gnas rnams zhes bya ba ni/ stong phrag dag ni bcu drug la/ /brgyad dang bzhi dang gnyis 'phags so/ /zhes bya ba de lta bu la sogs pas ni dpag tshad kyi tshad kyis gnas rnams bshad do//'dod dang ldan pa'i lha yi lus/ /bzhi cha nas ni zhes bya ba la sogs pas ni lus rnams bshad do/ /lo'i tshad kyis tshe bshad pa ni/ /sgra mi snyan ni tshe stong ste/ /gnyis la phyed phyed spangs pa'o//zhes bya ba'o/ /thams cad kyi rnam par gzhag pa yang ming gis yin pa ni/ de la lag na gzhong thogs dang / /phreng thogs dang ni rtag myos dang / /zhes bya ba'o/ /gzugs 'grib pa'i zhes bya ba ni 'dus pa'i gzugs kyi yin gyi/ rdzas kyi rdul phra rab kyi gzugs kyi ni ma yin te/cha shas med pas 'grib pa med pa'i phyir ro/ /mtha' ni gang zhig la dbye bar mi nus pa'o/ /de'i skad cig la sogs pa dus kyi mtha' ni gang na gzhan du dbye ba yod pa ma yin pa de ni rkyen rnams tshogs na dngos po rnams bdag nyid thob pa'i skad cig go/ /ming gi mtha' ni yi ge ste/yi ge med pa'i ming med pa'i phyir ro/ /dgun rnams kyi zla ba bzhi zhes bya ba 'byung ste/ dgun chung ngu ni grang bar 'dra ba'i phyir dgun du bshad do/ /dpyid rnams ni zla ba bzhi dang zhes bya ba ni dpyid kyang dro bar 'dra bas sos kar bshad do/ /dbyar rnams kyi zla ba bzhi zhes bya ba la/ston yang dbyar dang 'dra bas dbyar du bshad do/ /zla ba phyed dang gnyis 'das nas/ /zhes bya ba ni/ 'di la phyed lhag pa yod pas na de ni phye dang gnyis so/ /zla ba phyed dang gnyis 'das nas zhes bya ba ni thal nas so/ /de ltar na dgun dang sos ka dang /dbyar rnams kyi zla ba phyed po gsum pa mtha' dag la zhag mi thub pa 'dor bas lo la zhag gi shol drug tu 'gyur ro/ /'gro ba 'jig pa ni 'gro ba lnga char gzugs na spyod pa'i lha'i 'gro ba gcig tu 'jig pa'o/ /de'i mjug thogs su ni khams 'jig ste/ khams 'jig pa ni 'gro ba 'jig pa sngon du 'gro ba can yin pa'i phyir ro//de ltar na sems can zhig ma thag tu snod 'jig ste/ snod kyi 'jig rten ni sems can thams cad kyi las kyi dbang gis grub pa'i phyir sems can gcig 'dug na yang snod 'jig par mi 'gyur ro/ /de las ni nges par 'byung ba zhes brjod par bya zhes bya ba ni gang chags pa'i rgyun gnas pa de las nges par 'byung ba ste/'da' zhes bya ba'i don to/ /de la ni zhugs pa zhes brjod par bya'o zhes bya ba la/ des zhes bya ba ni 'jig pa de'o/ /zhugs pa zhes bya ba ni brtsams pa'o/ /de na 'jig rten gyi khams gzhan dag tu zhes bya ba la/de na gnas na ni gnod kyang mi 'jig par 'gyur ro/ /dud 'gro myong bar 'gyur ba dang / /zhes bya ba ni gang gi tshe dud 'gro dag na sems can 'ga' yang ma lus par gyur na zhes bya ba nas bzung ste/ 'jig rten gyi khams gzhan dag tu 'phen par 'gyur te zhes bya ba'i bar du thams cad brjod par bya'o//yi dags rnams kyang de dag 'dra'o/ /mi dang lhan cig rgyu ba rnams/ /zhes bya ba ni de dag ni mi rnams dang thun mong ba'i longs spyod du 'gyur ba'i las dag gis mngon par bsgrubs pa'i phyir ro//lha dang lhan cig rgyu ba rnams la yang de bzhin du brjod par bya'o/ /chos nyid kyis thob pa zhes bya ba la chos nyid ni de'i tshe bsam gtan gyi sa bon dus thog ma med pa bas 'jug pa thob pa'o/ /bye brag tu smra ba rnams na re chos nyid ni dge ba'i rtsa ba shas chen po yin te/de'i tshe dge ba'i chos rnams 'jug pa thob par 'gyur ba'i phyir ro zhes zer ro/ /de na 'dod chags dang bral ba med pa'i phyir ro zhes bya ba ni 'dod chags dang bral ba med par tshangs pa'i 'jig rten du skye ba med do zhes ston pa'o/ /'phen pa'i las yongs su zad pa dang zhes bya ba ni snod skyed pa'i las nye bar spyad zin pa dang ngo //'di nyid nas kun nas zhes bya ba ni gling bzhi kun nas so/ /gzhan dag na re 'dzam bu'i gling kun nas te/ las kyi lam shas che ba'i phyir ro zhes zer ro/ /bar du bsregs par 'gyur ro zhes bya ba ni tshig par 'gyur ro zhes bya ba'i tha tshig go//ris mi mthun pa'i skyon dag ces bya ba ni nye bar 'tshe ba la sogs pa mi 'dra ba dag go zhes bya ba'i don to/ /gal te de lta yin na ni 'o na ji ltar/ rab tu 'bar ba de nyid las/ /zhes bya ba rgyas par smras she na/ de'i phyir de dang 'brel pa las byung ba nyid kyi phyir zhes bya ba rgyas par smos te/gzugs na spyod pa'i me lce de ni 'dod pa na spyod pa'i me lce dang 'brel te 'byung ba yin te/ de'i phyir/ rab tu 'bar ba de nyid las/ /zhes de skad du bshad do/ /de bzhin du 'jig pa gzhan la yang ci rigs par brjod par bya'o zhes bya ba ni chus 'jig pa dang /rlung gis 'jig pa dag la ste/ bsam gtan gnyis pa dang gsum pa kho na'i chu'i khams dang rlung gi khams yin gyi gzhan gyi sa pa ni ma yin no zhes bya ba'o/ /rnam pa gcig tu na de bzhin du 'jig pa gzhan dag la yang zhes bya ba ni ji ltar mes 'jig pa dag tu 'gro ba dang khams dang sems can dang snod 'jig pa bshad pa de bzhin du chu dang rlung gis 'jig pa dag la yang tshul de nyid kyis snod stong par rang gi sa pa'i chu'i khams kyis rim gyis snod kyi 'jig rten lan tshwa la bya ba bzhin du 'ju bar byed do zhes bya ba dang /rang gi sa pa'i rlung gi khams kho nas rim gyis snod kyi 'jig rten 'thor bar byed cing rnam par 'jig par byed de/de nyid kyis mi snang bar byed do zhes bya ba'i bar brjod par bya'o zhes bya ba'o/ /de las nges par 'byung ba zhes brjod par bya zhes bya ba ni yongs su rdzogs zhes bya ba'i don to/ /de ni nye bar 'ongs par brjod par bya'o zhes bya ba ni 'jug ces bya ba'i tha tshig go//ji skad bshad pa'i rim pa dang tshul du zhes bya ba ni/ ji skad bshad pa'i rim pa dang / ji skad bshad pa'i tshul zhes bya ba'i don to/ /de la ji skad bshad pa'i rim pa ni rlung [(]gyi [,]gi [)]dkyil 'khor dang / chu'i dkyil 'khor nas sems can la sogs pa dag gi bar ro//ji skad bshad pa'i tshul ni tshul gang zhig gang la bshad pa srid dang / rgya dang tshad dang / dbyibs kyi mtshan nyid do/ /de'i 'og tu ni 'thab bral ba'i bar du'o zhes bya bas ni nam mkha' la gnas pa'i gzhal med khang rnams kyi sa mtshams ston to//de tsam gyis na zhes bya ba rgyas par 'byung ngo / /de nas sems can gang yang rung ba zhig ces bya ba la/ 'di ni tshangs pa chen po ste/ de'i phyir na tshangs pa chen po thams cad ni so so'i skye bo yin te/ 'phags pa la 'og tu 'gro ba mi srid pa'i phyir dang / gong na mthong lam med ces 'byung bas/gzugs kyi khams na skyon med par zhugs pa mi srid pa'i phyir ro/ /de nyid kyi phyir gcig gis bar med par skye ba gnyis su tshangs pa chen po nyid byed pa ma yin no/ /gal te tshangs pa chen po nyid nang gi phyi nas 'chi 'pho'o zhes bshad la/ 'od gsal ba rnams kyi tshe yang bskal pa chen po bskal pa brgyad yin zhing /bar gyi bskal pa nyi shu na yang / slar 'chags pas de'i phyir de 'od gsal ba'i sa pa'i tshe ma zad par de nas 'chi 'pho bar 'gyur zhe na/ de na bar chad du 'chi ba yod de/ /bsod nams rlabs chen po las skyes pa dag ni tshe lo bskal pa chen po brgyad pa yin no//gang bar gyi bskal pa chen po nyi shu zhes bya ba 'di ni ches nyung ba yin no/ /kha cig na re der skye ba de ni gzhan zhig kho na yin no zhes zer ro/ /gzhan dag na re las sna tshogs pas 'di la nges pa med do zhes zer ro//gang mjug tu 'jig pa de dag dang por 'chags zhes bya ba ni dper na mes 'jig pa dag na tshangs pa'i gzhal med khang bzhin no/ /'di ni chos nyid yin no zhes bya ba ni dge ba'i las sngon bsags pa rnams kyi yongs su 'gyur ba'i khyad par yin no zhes bya ba'o/ / 'jig rten 'chags pa na zhes bya ba ni gang gi tshe 'chags par rtsom pa na dang po kho nar tshangs pa'i gzhal med khang skye ba'o/ /tshe dpag tu med pa nyid nas 'grib pa ni zhes bya ba ni dmyal ba srid pa nas brtsams nas so/ /ji ltar zhe na/ gang gi tshe tshe dpag tu med pa dag shi ste dmyal ba dag tu skye ba de nas bzung ste rtsi'o//de ltar na 'di ni chags nas gnas pa rnams kyi bar gyi bskal pa dang po yin no zhes bya ba 'di mi 'gal lo/ /de nas yar skye mar 'bri ba'i/ /zhes bya ba ni/ bco brgyad po de dag ni re re yang yar skye ba dang mar 'bri ba'i rang bzhin yin no//yang ji ltar yar skye ba'i rang bzhin dang / 'bri ba'i rang bzhin ni yar skye ba dang 'bri ba'i rang bzhin can gyi bskal pa rnams dang dus mnyam par 'gyur zhe na/ mgyogs pa dang mgyogs pa ma yin par 'gro ba'i khyad par las te/ 'di ltar mtha'i bskal pa gnyis ni dal gyis 'gro la/bar ma bco brgyad ni mgyogs par 'gro bas thams cad dus mnyam par 'gyur ro/ /chags pa rnams kho na la yar skye ba dang / mar 'bri ba mngon gyi/ gzhan gyi tshe ni ma yin pas de dag la ji ltar bar gyi bskal pa rnam par gzhag ce na/ de'i phyir gal te yang de'i tshe yar zhes bya ba rgyas par smos so//bskal pa phung po lnga'i rang bzhin yin no zhes bya ba ni/ de dag nyid dus zhes khams kyi mdzod nyid las bshad de/ dus mang po ni bskal pa yin no/ /sil bu zhes bya ba ni lung dag gi nang du ma 'dus pa'i phyir ro/ /gzhan dag la lta ba bskyed de zhes bya ba ni 'dir lta bas zhes bya ba'i sgras ni snying rje bshad kyi sred pa ni ma yin no//rigs gzhan kho na zhes bya ba ni sa bon gyi khyad par ram/ dge ba'i rtsa ba dag go/ /dman pa de dang de'i thabs kyis zhes bya ba rgyas par 'byung ste/ 'dir ni so so'i skye bo dang nyan thos dang byang chub sems dpa' rnams kyi 'jug pa bshad do//de'i tshe snyigs ma lnga po 'di lta ste zhes bya ba ni/ shin tu lhag pa ni ches bla lhag pa'o/ /'dir tshe nyid tha chad yin zhing / ngan snyigs su gyur pa ni snyigs ma dag go/ /dus kyi snyigs ma la sogs pa yang de dang 'dra'o//go rims bzhin du zhes bya ba ni/ tshe'i snyigs mas ni srog rgud par byed de gnas pa'i dus thung ngu 'phen par byed pa'i phyir ro/ /dus kyi snyigs mas ni yo byad rgud par byed de/ 'bru la sogs pa rnams ro dang nus pa dang / smin pa dang mthu chung bar 'gyur ba'i phyir dang /dus kyang de'i bdag nyid yin pa'i phyir ro/ /gnyis kyis ni zhes bya ba ni nyon mongs pa dang lta ba'i snyigs ma dag go/ /ji lta zhe na/ de'i phyir 'dod pa'i bsod nyams dang bdag ngal ba zhes bya ba smos te/ 'dod pa'i bde ba nyid 'dod pa'i bsod nyams te/der chags pa'i phyir ro/ /yang na 'dod pa'i bsod nyams ni 'dod pa'i sred pa ste/ des 'dod pa'i bde ba la chags par byed cing sbyor bar byed ces bya ba'i tha tshig go/ /bdag ngal ba ni bdag la nye bar gdung ba ste bdag gzir ba'o/ / de dag rtsom pa ni bsten pa ste/ de dag goms par byed pa'o/ /'di skad bshad par 'gyur te/ go rims bzhin du 'dod pa'i bde ba dang / bdag la gdung ba bstan pa'i dbang du byas pa ste/ ched du byas shing brtsams nas nyon mongs pa dang lta ba'i snyigs ma gnyis kyis dge ba'i phyogs rgud par byed do//yang na khyim pa dang rab tu byung ba'i phyogs kyis zhes bya ba yang go rims bzhin yin te/ de gnyis kyis ni dge ba'i phyogs rgud par byed do zhes bya ba dang sbyar ro/ /'di ltar khyim pa rnams ni 'dod pa gtso che ba yin la/ rab tu byung ba rnams ni lta ba gtso che ba yin no/ /gcig gis ni lus rgud par byed de zhes bya bas ni lnga pa sems can gyi snyigs ma'i bya ba bshad de/ bong tshod la sogs pa nyams pa'i phyir ro/ /rang sangs rgyas rnams ni yar skye ba ni yang 'byung ste/bdag nyid kyi dbang du byas nas zhugs pa'i phyir ro/ /nyan thos sngon du 'gro ba zhes bya ba ni gang dag sangs rgyas bcom ldan 'das gzhan gyi tshe bden pa mthong ba rnams so/ /so so'i skye bo sngon du 'gro ba dag kyang zhes bya ba ni tshogs na spyod pa dag go/ /gang dag gzhan du nges par 'byed pa'i cha dang mthun pa rnams skyed par zhes bya ba ni gang dag gis sngar sangs rgyas gzhan gyi tshe dro bar gyur pa la sogs pa nges par 'byed pa'i cha dang mthun pa rnam pa gsum bskyed pa'o//de'i spyod lam bstan pa zhes bya ba ni rang sangs rgyas kyi spyod lam skyil mo krung bca' ba la sogs pa bstan zhes bya ba'i don to//'phags pa dag cig yin na ni zhes bya ba rgyas par 'byung ste/ 'phags pa rnams kyi tshul khrims dang brtul zhugs mchog tu 'dzin pa'i lta ba spangs pa'i phyir ro/ /byang chub kyi tshogs dag la zhes bya ba ni tshul khrims dang /ting nge 'dzin dang / shes rab dag ste/ spyod pa ni sbyor ba byas pa'o/ /chos ston par spyod do zhes bya ba ni gal te so so yang dag par rig pa ma thob tu zin kyang snyam du bsams pa'o/ /bsod nams ni 'dod pa chung ba'o/ /rnam par g.yeng ba dang 'du 'dzis skrag pas 'khor yongs su gzung bar 'gyur ba spang bar bya ba'i phyir zhes bya ba la/'khor yongs su gzung bar 'gyur na ni rnam par g.yeng ba dang 'du 'dzi gnyis spang bar mi nus so/ /de dag rnam par g.yeng ba dang / 'du 'dzis skrag pa ni sngon goms pa'i dbang gis so//bse ru lta bu ni khyim pa dang rab tu byung ba rnams dang / ma 'dres par gnas pa ste/ bse'i rwa ltar gnyis pa med pa'i phyir ro/ /de ni gling gcig gi bdag po yin no zhes bya ba ni 'dzam bu'i gling gi bdag po'o/ /de ni gnyis kyi'o zhes bya ba ni 'dzam bu'i gling dang shar gyi lus 'phags po gnyis kyi'o//de ni gsum gyi'o zhes bya ba ni byang gi sgra mi snyan ma gtogs pa'i 'o/ /de ni gling bzhi la zhes bya ba ni byang gi sgra mi snyan gyi gling dang bcas pa la'o/ /'di ni btags pa las bstan pa yin no zhes bya bas ni mdo las ma yin no//zhes bstan to/ /mdo dang 'gal ba spangs pa'i phyir mdo las ni gtso bo smos pa'i phyir zhes bya ba rgyas par 'byung ngo / /snga phyi med par zhes bya ba ni snga ma dang phyi ma ste 'phyi ba ma yin gyi/ 'o na ci zhe na/ lhan cig ces bya ba'i don to/ /sangs rgyas kyi mthu thogs pa yod par 'gyur du 'ong ngo zhes bya ba ni rgyu smras pa ste mthu la thogs pa yod na ni sangs rgyas rnams cig car 'byung ba dang 'bras bu dang bcas par 'gyur gyi/gzhan du ma yin no/ /de ni gzhan gyis kyang mi spyod do zhes bya ba ni sangs rgyas rnams nus mthu mtshungs pa'i phyir ro//mnyam zhing mnyam pa zhes bya ba ni sems can thams cad dang mi mnyam pa dag dang mnyam zhing mnyam pa'o/ /gzhan dag na re shin tu mnyam pa ni mnyam zhing mnyam pa ste/ grang zhing grang ba bzhin no/ /nyon mongs pa'i sgrib pa dang bral bas mnyam pa yod mod kyi mnyam zhing mnyam pa ni ma yin te/shes bya'i sgrib pa dang ma bral ba'i phyir ro/ /'byung ba la gegs byed pa 'ga' yang med ces bya ba ni tshogs bsags pa rnams 'jig rten gyi khams gzhan dag tu 'byung ba la'o/ /'jig rten gyi khams dag kyang mtha' yas pas zhes bya bas ni der ni gzhan gyis kyang mi spyod do zhes gang smras pa de yongs su spangs pa yin te/ji ltar sangs rgyas bcom ldan 'das rnams kyis rim gyis spyod/ rim gyis 'jug na ni gdul ba'i dus las 'da' bar 'gyur ro/ /khams [(]gyi [,]kyi[)]rgyal phran ni rgyal phran dag go//phan tshun mtshon brtsams pa zhes bya ba ni gzas pa zhes bya ba'i don to/ /khyim bdag rin po che ni mdzod kyi spyan no/ /blon po rin po che ni dpung gi spyan no/ /de dang 'brel pa ni 'khor los sgyur ba dang 'brel pa ste/ las dang ldan pa gang yin pa dang ngo //las de ni de dang 'brel par 'gyur ba'o/ /shin tu yul na gnas pa zhes bya ba ni sku'i yul gang dang gang zhig 'gyur ba de ni de kho nar gnas pa'i phyir ro/ /shin tu gsal ba ni shin tu 'bar ba'i phyir dang / yid 'phrog pa'i phyir ro//shin tu rdzogs pa zhes bya ba ni gang zhig ji snyed yod pa ste/ ma tshang ba mi mnga' ba'i phyir ro/ /'khor los sgyur ba'i zhar la 'di yang dpyad par bya ste/ yang ci bskal pa dang po pa'i mi rnams kyang zhes bya ba rgya cher 'byung ngo / /gzugs dang ldan pa ni kha dog dang dbyibs legs pa'o//yid tsam las skyes pa'i phyir yid las byung ba'o/ /lag pa dang rkang pa dang de dag gi sor mo la sogs pa dang ldan pa'i phyir/ yan lag dang nying lag thams cad dang ldan pa'o/ /dbang po lnga char tshogs pa'i phyir dbang po ma tshang ba med pa'o//zhar ba dang 'khrul pa la sogs pa med pa'i phyir/ dbang po ngan pa ma yin pa'o/ /yid du 'thad pa'i phyir dang / nad dang bral ba'i phyir mdzes pa'o/ /rga ba med pa'i phyir kha dog la gnas pa'o/ /tshe ring ba ni gang gi phyir yun ring por gnas pa'i phyir ro//sbrang rtsi'i ro bro ba zhes bya ba ni/ 'di la sbrang rtsi lta bu'i ro bro ba yod pas sbrang rtsi'i ro bro ba'o/ /tshul bzhin ma yin pa yid la byed pa nyid/ chu srin 'dzin khri yin pa de'i kham du song ste/ de la rag las te 'jug pa'i phyir dang / der 'bab pa'i phyir ro zhes bya ba'i don to//'dod pa nyid 'byung po'i gdon yin te/ yang dag pa ma yin pa'i bya ba'i rgyu yin pa'i phyir ro/ /des rlom pa ni dam pa ma yin pa'i bya ba la 'jug pa na de la rag las pa'i phyir ro/ /rgyal rigs kyi zhar la 'di yang dpyad par bya ste/ de la gang dag khyim dag nas yid phyir phyogs pa zhes bya ba rgyas par 'byung ngo / /rgyal rigs la sogs pa'i mi rnams ni nges pa'i tshig gi tshul gyis so/ /bskal pa mtshon dang nad dang mu ge dag gis tshar phyin cing yongs su rdzogs par 'gyur te/ bsdus pa ni ma yin no//chos ma yin pa la 'dod chags kyis chags pa zhes bya ba ni 'dod pas log par g.yem pa la lhag par zhen pa'o/ /ya nga ba la chags pas zil gyis gnon pa ni brnab sems can nam/ ma byin par len pa dag go/ /log pa'i chos kyis kun nas dkris pa zhes bya ba ni log pa'i chos kun du ston par byed pa'o//nyes pa de dag nyid kyis zhes bya ba ni chos ma yin pa la 'dod chags la sogs pa dag gis so/ /yams kyi nad gtong bar byed ces bya ba ni mdangs 'phrog pa'am sman rnams ma rung bar byed pa'o//mu ge ni rnam pa gsum yin la/ slar re re la yang rnam pa gnyis gnyis yin pas rnam pa drug go/ /gling gnyis su zhes bya ba ni byang gi sgra mi snyan ma gtogs par ro/ /de dag dang mthun pa zhes bya ba ni mtshon dang nad dang mu ge dag dang ste/ mtshon dang mthun pa ni gnod sems so/ /nad dang mthun pa ni kha dog ngan pa dang nyam chung ba'o/ /mu ge dang mthun pa ni bkres pa dang skom pa'o/ /lhag par 'gyur ba ma yin no zhes bya ba ni ci rigs par thams cad dang sbyar bar bya'o/ /yar skye ba'i tshe ni mi tshe lo bcu pa rnams las bu tshe lo nyi shu pa dag skye la/tshe lo nyi shu pa rnams las tshe lo bzhi bcu pa rnams dag skye'o zhes bya ba nas rgyas par tshe lo brgyad khri pa rnams skye ba'i bar du yin no/ /de bzhin du 'jig pa gzhan dag la yang zhes bya ba ni mes 'jig pa bshad nas/ de bzhin du 'jig pa gzhan dag la yang zhes bya ba smras so//cha shas phra mo yang zhes bya ba ni rdul phra rab dag kyang mi lus par byed pa'o/ /'di la mu stegs byed kha cig ces bya ba ni gzegs zan la sogs pa dag go/ /rdul phra rab rnams ni rtag pa zhes bya ba ni yod pa rgyu dang mi ldan pa'i phyir ram/'jig pa'i rgyu med pa'i phyir te/ de med pa ni 'du ba can gyi rgyu dang 'du ba can ma yin pa'i rgyu mi srid pa'i phyir ro/ /rtag pa'i phyir na de dag de'i tshe me la sogs pa dag gis mi 'jig pas de'i tshe bsdus so/ /de dag ci'i phyir de ltar 'dod ces bya ba ni rdul phra rab rnams ni rtag pa yin pas de'i tshe bsdus so zhes bya bar ro//rgyu med pa can du 'byung na mi rung ngo zhes bya ba ni/ byed rgyu med pa can no/ /rags pa rnams zhes bya ba ni rlung dang chu dang sa'i dkyil 'khor dang / ri rab lhun po la sogs pa zhig pa rnams te/ sangs rgyas pa rnams kyi ltar na yang 'byung bar 'gyur na zhes bya bar bsams pa'o/ /sangs rgyas pa rnams kyis ni ma lus par 'jig par khas blangs pas rags pa rnams sa bon med pa can du 'byung bar khas blangs pa yin te/'du ba can gyi rgyu med pa'i phyir ro snyam du bsams pa'o/ /'di ni bum pa dang / snam bu la sogs pa rags pa rnams rgyu med pa can du 'byung ba yang ma mthong bas/ sangs rgyas pa rnams kyis kyang rgyu med pa can du 'byung bar mi 'dod pa'am/grub pa la sgrub pa yin no zhes bya ba bstan pa'i phyir/ sems can rnams kyi zhes bya ba la sogs pa rgyas par smos so/ /mthu khyad par du 'phags pa'i rlung rgyur bshad de/ mthu rnam pa sna tshogs pa'i bye brag dang ldan pa'i rlung dag gis gzhigs pa na zhes 'byung ba'i phyir ro//rlung de yang rags pa yin pa'i phyir/ rgyu med pa can du 'byung bar mi rigs so zhe na/ de'i phyir yang na de'i rgyu ni 'jig pa'i rtse mo'i rlung yin par 'gyur ro zhes smos so/ /de la rgyu med pa can gyi dogs pa ni mi rigs te/ las las skyes pa'i zhes bshad pa'i phyir ro/ /de'i phyir 'di ni lugs gzhan la ltos nas smos so/ /'jig pa'i rtse mo ni bsam gtan gnyis pa la sogs pa bsam gtan gsum yin la/ de'i sa pa'i rlung gi skad cig dang por skyes pa'i rlung de'i rgyu yin par 'gyur ro//sa bon dag khyer te 'ong ngo zhes bya ba la/ sa bon ni rigs lnga ste/ rtsa ba'i sa bon dang / ldags pa'i sa bon dang / sa bon gyi sa bon dang / sdong bu'i sa bon dang / mdo'i sa bon no/ /de lta yin na yang zhes bya ba ni gal te yang sa bon dag khyer te 'ong mod kyi/de lta na yang dngos po rnams med pa can du 'byung ba yin no/ /'di ltar de dag sa bon la sogs pa dag las zhes bya ba la sogs pa 'byung ste/ sogs pa zhes bya ba'i sgras ni/ myu gu dang lo ma la sogs pa bsdu'o/ / rang gi yan lag dag kho na las zhes bya ba ni myu gu ni/ rang gi yan lag dag kho na las skye la/ yan lag de dag kyang rang gi yan lag dag kho na las skye ste/ rdul phra rab dag las skye ba'i bar du yang de dang 'dra'o/ /de dag ni cha shas med pa'i phyir gang las kyang mi skye'o//gal te myu gu la sogs pa rnams sa bon la sogs pa dag las mi skye na/ da ni gang las de don du gnyer bas de dag nye bar len pa dang / de yod pa dang med pa ni de rnams yod pa dang / med par 'gyur ba myu gu la sogs pa dag la sa bon la sogs pa'i nus pa ci zhig yod/'dis ni mthong ba dang 'gal ba dang / 'jig rten dang 'gal bar bstan to/ /de'i rdul phra rab rnams phrad pa la ma gtogs par cung zad kyang med do zhes bya ba ni/ myu gu la sogs pa'i rdul phra rab ma mthong bas bskul ba rnams ni sa bon gyi yul du nye bar 'du ste/de dag ni der phan tshun phrad nas 'bras bu myu gu la sogs pa rtsom mo/ /myu gu la sogs pa dag la sa bon la sogs pa'i nus pa ni de yin gyi/ myu gu la sogs pa dag la nus pa ni ma yin te/des na de don du gnyer ba dag gis de dag nye bar len pas mthong ba dang 'gal ba med do/ /yang ci'i phyir de dag de ltar 'dod ce na zhes bya ba ni/ rgyu med par sa bon la sogs pa mthong ba'i rgyu yongs su spangs nas/ ma mthong ba rdul phra rab kyi bdag nyid can rtag par ni rigs pa ma yin no snyam du dgongs so//nges pa med par 'gyur ro zhes bya ba la/ gal te rigs mi mthun pa las rigs mi mthun pa skye na ni/ de lta na thams cad las thams cad skye bar 'gyur na/ de ni de ltar mthong ba yang ma yin no/ /de'i phyir myu gu dang rigs mthun pa'i yan lag dag kho na las myu gu skye bar rigs te/ sa bon la sogs pa dag las ni ma yin te/ rigs mi mthun pa'i phyir ro/ /nus pa nges pa'i phyir de ltar mi 'gyur te zhes bya ba la/ji ltar sa bon ni nus pa'i khyad par las myu gu'i rdul phra rab dag sprod par byed de/ rdul phra rab gzhan dag ma yin la/ de dag kyang gzhan du ma yin pa de bzhin du sa bon dang / myu gu dang / lo ma la sogs pa rnams so sor nus pa tha dad pas myu gu la sogs pa'i 'bras bu so sor nges pa skyed par byed pa nyid yin pas nges pa med par thal ba med do//gdon mi za bar nus pa tha dad pa khas blang bar bya ste/ de lta ma yin na rdo la yang myu gu la sogs pa'i rdul phra rab rnams phrad par khas blang bar bya dgos la/der phrad pa rnams kyi 'bras bu skye bar yang khas blang bar bya dgos so/ /dpe shin tu grags pa bstan pa'i phyir/ sgra dang tshos byed me rigs las skye ba 'byung ba bzhin no zhes bya ba smos te/ sgra ni rigs mi mthun pa phrad pa dang bya ba la sogs pa dag la 'byung gi dri la sogs pa rigs mi mthun pa gzhan las mi 'byung la/ chos byed las skyes pa'i gzugs la sogs pa dag kyang tshos par bya ba dang / 'tshed pa po rdzas rigs mi mthun pa las skye'i sgra dang bde ba la sogs pa rigs mi mthun pa gzhan las kyang mi 'byung ba bzhin no//yon tan gyi chos ni sna tshogs yin gyi zhes bya ba ni/ de ni rigs mthun pa dang / /rigs mi mthun pa dag las kyang skye ba'i phyir ro/ /de la 'bras bu'i yon tan rgyu'i yon tan sngon du 'gro ba can rnams ni rigs mthun pa dag las yin la/sgra dang tshos byed las skyes pa dang bde ba la sogs pa dag ni rigs tha dad pa dag las yin no/ /rdzas kyi chos ni de lta ma yin te/ de ni rigs mthun pa dag kho na las 'byung ba'i phyir ro//yang 'di la rgyu ci zhig yod/ nus pa nges pa'o/ /yon tan rnams ji lta ba bzhin du rdzas rnams la ni rigs mi mthun pa rtsom pa'i nus pa yod pa ma yin no/ /'di ltar rigs mthun pa dag kho na las zhes bya ba la sogs pa 'byung ngo / /de dag dang de dag kho na de ltar zhes bya ba rgyas par 'byung ste/'jag ma la sogs pa de ltar gnas pa dag kho na de ltar te re lde la sogs pa'i ngo bo'i rnam pa der gnas shing rnam par gnas pa la de'i ste re lde la sogs pa'i ming 'thob ste/ grog ma la sogs pa'i phreng ba bzhin no//ji ltar grog ma la sogs pa de ltar gnas pa dag la phreng ba zhes bya ba'i ming 'thob la/ de dag las gzhan pa'i phreng ba'i rdzas kyang yod pa ma yin pa ni khyed cag gi grub pa'i mtha' la yang yin no/ /ji ltar khong du chud ce na/ skud pa gcig dang ldan na ras yug mi dmigs pa'i phyir ro//gal te skud pa dag las ras yug gzhan yin na ni/ de skud pa dag re re la 'du bas skud pa de ltar ras yug kyang mig dang reg pa dag gis 'dzin par thal bar 'gyur te/ phrad par khyad par med pa'i phyir ro//ras yug ni skud pa ltar dmigs pa yang ma yin te/ de'i phyir skud pa la sogs pa rnam pa de dang der gnas pa dag kho na la ras yug la sogs pa'i ming de dang de 'thob ste/ dper na grog ma la sogs pa rnams kyi bkod pa'i khyad par la phreng ba la sogs pa'i ming 'dogs kyi de dag la tha dad pa'i dngos po la ni ma yin pa bzhin no//yang med pas mi dmigs pa 'ba' zhig tu ma zad kyi/ 'o na ci zhe na/ mthong ba'i gegs byas pas kyang yin no snyam na/ de'i phyir de'i tshe ras yug yod na ni zhes bya ba rgyas par smos te/dmigs pa'i gegs med pa bzhin du mi 'dzin pa'i phyir zhes khyad par nye bar gzung ngo / /gang zhig skud pa thams cad la ras yug zad par yod pa yin gyi/ re re la ni ma yin no/ /de'i phyir skud pa gcig gzung bas ras yug 'dzin pa ma yin te/skud pa bzhin de dang phrad pa med pa'i phyir ro snyam na/ de'i phyir zad par yod pa ma yin na ni zhes bya ba rgyas par 'byung ste/ gal te skud pa re re dag la ras yug zad par yod pa ma yin na/ de lta na re re la ras yug gi cha yod do zhes bya bar 'gyur te/de'i phyir skud pa thams cad la yang ras yug yod pa ma yin te/ ras yug gi cha rnams ras yug ma yin pa'i phyir ro/ /'dus pa tsam ras yug yin par yang 'gyur gyi/ yan lag can gyi rdzas gcig ni ma yin te/skud pa re re la 'du ba'i mang po dag ras yug nyid du khas blangs pa'i phyir ro/ /skud pa dag las gzhan pa ras yug gi cha yang gang zhig yod ces bya ba ni de dag las tha dad pa'i ras yug gi cha med pa'i phyir te rtsom par byed pa'i yan lag ma gtogs pa'i cha khas ma blangs pa'i phyir dang /rdzas gcig rtsom pa med pa'i phyir dang / skud pa bzung na de ma bzung ba'i phyir gang zhig skud pa dag la yod pa skud pa dag las gzhan pa'i ras yug gi cha yod pa ma yin no/ /ci ste yang ras yug dbang po dang phrad pa ni ras yug gi rten du ma dang phrad pa la ltos te/ras yug dmigs pa'i rgyu yin no/ /skud pa gcig dang ldan pa'i tshe na ni rten du ma phrad pa med pas dmigs pa'i phyir ras yug skud pa la yod bzhin du ma dmigs pas khyad par ma grub po snyam na/ de'i phyir rten du ma zhig dang ldan pa la ltos na ni zhes bya ba la sogs pa smos te/ kha tshar tsam mthong na rten du ma dang ldan pa yod mod kyi/ ras yug dmigs pa yang ma yin pas/ 'di ras yug dmigs pa'i rgyu ma yin te/ de yod kyang ras yug ma dmigs pa'i phyir ro//ci ste yang ras yug dmigs pa na rten ma lus par dmigs pa la ltos pa yin no snyam na/ de'i phyir yang na nam yang dmigs par mi 'gyur te zhes bya ba la sogs pa smos so/ /dbus dang pha rol gyi cha rnams dbang po dang ma 'brel ba'i phyir rten ma lus pa dang phrad pa med pas nam yang ras yug dmigs par mi 'gyur ro//gal te yang yan lag thams cad dang cig car phrad pa med mod kyi/ rim gyis na yod pas ras yug 'dzin par mi 'gal lo zhe na/ de'i phyir rim gyis yan lag rnams dang phrad na yang zhes bya ba rgyas par smos te/mig dang reg pa dag rim gyis phrad nas yang yan lag dag kho na dang phrad pa yin gyi nam yang yan lag can dang ma yin pas mig dang reg pas gzung bar bya bar mi 'gyur ro/ /gang gi phyir de ltar ci nas kyang mig dang reg pa dag gis yan lag can don gzhan du gyur pa 'dzin pa ma yin pa de lta bas na rim gyis yan lag can shes pa'i phyir zhes bya ba rgyas par 'byung ngo //gang zhig dngos po phan tshun tha dad pa 'dzin pa la ltos te/ rim gyis 'dzin pa de ni de dag las don gzhan yin te/ dper na mgal me'i 'khor lo bzhin no//dper na mgal me yul gzhan du bar chad med par myur du skye ba na rim gyis dmigs pas phyis 'khor lo snyam du shes par 'gyur la/ de las don gzhan yin pa bzhin no/ /gzugs dang rigs dang bya ba tha dad pa'i skud pa dag la zhes bya ba rgyas par 'byung ste/gzugs tha dad pa ni sngon po dang ser po'i gzugs tha dad pa dag go/ /rigs tha dad pa ni srin dang / ras bal dang / du gu la dang / kau shi la sogs pa'i rigs dag go/ /bya ba tha dad pa ni cig car steng dang 'og dang thad kar 'gro ba ste/ skud pa dag la'o/ / ras yug gi gzugs la sogs pa med pa'i phyir ro zhes bya ba ni/ de'i tshe ras yug gzugs dang / rigs dang / bya ba gcig pa yin par mi rigs te/ skud pa rigs dang / gzugs dang / bya ba du ma dang ldan pa rnams de'i rgyu'i ngo bor khyad par med pa'i phyir ro//gzugs la sogs pa sna tshogs pa yin na ni zhes bya ba la/ gal te ras yug la yang rgyu dang 'dra bar gzugs dang / rigs dang / bya ba sna tshogs par 'dod na ni/ de ltar na rigs mi mthun pa rtsom par yang 'gyur te/ skud pa'i gzugs dang /rigs dang / bya ba rnams re re zhing sna tshogs pa yin pa'i phyir ro/ /gzhan yang ras yug gang gi ngos gcig bkra la/ gnyis pa mi bkra ba yin na/ ngos cig shos mi bkra ba der ras yug mi mthong bar 'gyur te/ci'i phyir zhe na/ gzugs bkra ba ma mthong ba'i phyir ro/ /ras yug gi gzugs ma mthong bar ni ras yug dmigs par mi rigs te/ gzugs ni rdzas dmigs pa'i rgyu yin pa'i phyir ro/ /de skad du chen po ni dmigs pa yin te/ rdzas du ma dang ldan pa'i phyir dang /gzugs yod pa'i phyir ro zhes smos so/ /khra bo'i ngo bor mthong bar 'gyur ro zhes bya ba ni/ gal te ngos gnyis par ras yug mthong na ni gdon mi za bar ras yug dmigs pa'i rgyu mtshan gzugs mthong ba yang yod par 'gyur ro zhes bya bar dgongs so//bya ba yang sna tshogs pa yin pas shin tu sna tshogs pa yin par 'gyur ro zhes bya bas ni rang gi bdag nyid du gyur pa'i yan lag med pa'i phyir yan lag can med do zhes ston to/ /dang po dang bar dang tha ma dag tu zhes bya ba la/ dang po dang bar dang tha ma dag tu 'od kyi tsha ba dang snang ba tha dad pa dag tu mthong ste/ de'i phyir 'od kyi yan lag can gyi tsha ba dang snang ba dag mi 'thad do/ /ci'i phyir zhe na/ gzugs dang reg pa dang po dang bar ma dang / tha mar rnam par gnas shing / shas che ba dang / 'bring dang / shas chung ba'i dbye bas tha dad pa dag gi cung zad kyang gzugs sam reg pa don gzhan du gyur pa cig rtsom par mi nus te/ de'i phyir 'od kyi gzugs dang reg pa dag mi 'thad do/ /rtsom nas yang gcig yin pa'i phyir dang po dang bar ma dang tha ma dag tu gzugs dang reg pa dag tha mi dad par 'gyur na/tha mi dad pa ni yod pa yang ma yin te/ de'i phyir 'od kyi rdzas ni yan lag dag las gzhan ma yin no zhes bya bar nges so/ /gal te yan lag dag las yan lag can gyi rdzas gzhan ma yin na/ de lta na rdul phra rab tsam zhig lus par 'gyur la/de dag kyang mngon sum ma yin pas mig la sogs pa'i dbang po'i sgo nas 'dzin par mi 'gyur ro zhe na/ de'i phyir 'dus pa dag ni mngon sum nyid yin te zhes bya ba smos te/ gal te yang re re dag dbang po las 'das pa yin mod kyi/'dus pa dag ni mngon sum yin pas dmigs la sogs pa'i sgo nas 'dzin pa med pa ma yin no/ /de nyid gzhung gzugs pa'i phyir dper na de dag gi 'bras bu rtsom pa zhes bya ba smos te/ dper na re re la 'bras bu rtsom pa'i nus pa med kyang / 'dus pa dag 'bras bu rtsom par nus par 'dod pa de bzhin du 'dir yang yin no//mig la sogs pa zhes bya ba ni gzugs dang snang ba dang yid la byed pa rnams ni 'dus pa dag kho na rnam par shes pa skyed par byed pa yin gyi/ re re ba ma yin pa de bzhin du rdul phra rab dag kyang yin no//skra gram pa'i tshogs dmigs pa lta bu ste zhes bya la/ gram pa smos pa ni 'dus pa can gyi rgyu med pas rdzas gzhan du rtogs pa bkag par bya ba'i phyir ro/ /rdzas gzhan med kyang rab rib can rnams la ni rdul phra rab ltar skra cig dbang po las 'das pa yin mod kyi 'on kyang phan tshun ma 'dres pa'i skra'i tshogs dmigs pa yin no//yan lag dang yan lag can du smra ba bkag pa'i mjug thogs su yon tan dang yon tan can du smra ba dgag pa'i phyir/ gzugs la sogs pa dag kho na la rdul phra rab ming du 'dogs pa'i phyir zhes bya ba smos so//gzugs la sogs pa ni 'jig par grub ste/ de'i phyir de zhig na zhes bya ba rgyas par 'byung ngo / /rdzas dang yon tan gyi tshig gi don dag ni tha dad pa'i phyir rdul phra rab ni gzugs la sogs pa dag las gzhan nyid yin pas/gzugs la sogs pa zhig na de 'jig pa ma yin no zhe'o/ /'di ltar sus kyang zhes bya ba la/ 'di ltar zhes bya ba la ni gang gi phyir gyi don te/ 'di ltar sa ston pa na gzugs sam/ reg pa'am gzugs kyi dbyibs tsam zhig ston par byed do//chu la sogs pa dag la yang de dang 'dra'o/ /sa la sogs pa dag ni mig dang reg pa'i gzung bar bya bar dam 'cha' na mig dang reg pa dag gi yul ni gzugs dang reg pa'i ngo bo las tha dad pa gzhan med do/ /bal dang ras bal dang zhes bya ba rgyas par 'byung ste/rdzas smra ba rnams kyi ltar na me dang 'brel bas gzugs la sogs pa tsam zhig ldog gi bal la sogs pa'i rdzas ni ma yin pas gal te/ gzugs la sogs pa dag las rdzas gzhan yin na tshig pa dag la bal la sogs pa'i blor ci'i phyir mi 'gyur/de'i phyir gzugs la sogs pa dag kho na la de'i blor 'gyur ro/ /gal te gzugs la sogs pa dag las rdzas gzhan med na chos byed las skyes pa byung ba la sngar gyi gzugs la sogs pa zhig dang / bum par yongs su shes par ji ltar 'gyur zhe na/de'i phyir tshos byed las skye ba 'byung ba la zhes bya ba rgyas par smos so/ /dbyibs 'dra ba'i phyir zhes bya ba ni sngar gyi gzugs dang / rnam pa chos mtshungs pa'i phyir zhes bya ba'i don to/ /'di ltar gzugs la sogs pa'i dbyibs kyi khyad par la bum par shes kyi/gzugs la sogs pa tsam la ni ma yin no/ /dper na sla sha la sogs pa'i dbyibs kyi khyad par la tshar du shes kyi/ sla sha la sogs pa tsam la ma yin zhing / sngar gyi sla sha la sogs pa bcad pa sngar skyes pa dag la yang ma yin la/ gzhan nyid yin yang grog ma rnams la dbyibs 'dra ba'i phyir phreng bar yongs su shes pa de bzhin du sngar gyi gzugs la sogs pa dag log kyang tshos byed las skye ba byung ba la dbyibs 'dra ba'i phyir bum par shes par mi 'gal lo/ /yang 'di ji ltar shes she na/rtags mthong bar yongs su mi shes pa'i phyir ro zhes bya ba 'byung ste/ gang gi phyir de'i gyo ral dang mthon dman la sogs pa'i rtags ma mthong bar bum pa la sogs par yongs su shes par mi 'gyur ba de'i phyir gzugs la sogs pa dag las bum pa gzhan ma yin la/yan lag las yan lag can yang gzhan ma yin no/ /de'i phyir rdul phra rab rnams mi rtag go zhes bya ba grub po/ /de nyid kyi phyir/ 'gar yang thogs pa dang ldan pa'i/ /dngos po rtag par mi snang ste/ /des na rdul phran rtag par ni//sangs rgyas nam yang mi gsungs so/ /zhes bshad do/ /de nyid kyi phyir/ bcom ldan 'das kyis/ 'dus byas thams cad mi rtag ste/ /zhes gsungs so/ /ston pa shes bya thams cad la gzigs pa thogs pa mi mnga' zhing /phyin ci ma log pa gsungs pa'i gsung la rnam pa gzhan du ji ltar dogs/ de'i phyir yan lag dang yan lag can smra ba dang yon tan dang yon tan can smra ba/ ji lta ji ltar rtag pa'i 'khri shing la 'jug pa gzhan gyi lugs kyi lam ma bltas pa de rnams kyi mi shes pa'i ling tog bsal ba'i phyir/'di skad du skud pa dag las ras yug gam gzugs dag las bum pa gzhan med do zhes gsungs so/ /gang gis 'jig rten 'di lta nyes/ /de ni gzhan du blun pa nyid/ /gang dag de la yun ring du//'dus pa de dag bslus par 'gyur/ /rnam pa thams cad du mu stegs pa'i smra ba 'di dag ni rnam par mnyes pa na bong bu'i 'o ma bzhin du bshad pa dang 'dra bar 'gyur bas de dag la sdang ba mang du byas pa ni gtsang sbra can 'dam rdzab spyo ba 'dra ba zhig go//lam 'di ni rang gi sde pa dag gis sun phyung zin pas 'phro bcad do/ /zhar la 'ongs pas chog go/ /dkyus ma nyid brtsam par bya'o/ /de yi skyon dang chos mthun phyir/ /zhes bya ba ni/ me la sogs pa rnams ni bsam gtan dang po la sogs pa'i skyon dang chos mtshungs pa'i phyir ro zhes bya ba'i don to//de yang shin tu sbyangs pa dang ldan pas zhes bya ba la/ de yang zhes bya ba ni dga' ba dang sbyar ro/ /shin tu sbyangs pa dang ldan pa ni/ shin tu sbyangs pa dang ldan pa'o//dga' ba ni shin tu sbyangs pa dang ldan par byed de/ yid dga' ba'i lus shin tu sbyangs par 'gyur ro zhes 'byung ba'i phyir ro/ /lus mnyen par byed pa zhes bya ba ni las su rung bar byed pa'o/ /de nyid kyi phyir zhes bya ba ni lus mnyen par byed pa'i phyir zhes bya ba'i tha tshig go//bzhi pa na med mi g.yo phyir/ /zhes bya ba ni mi 'gul zhes bya ba'i don to/ /nang gi skyon dang bral ba'i phyir/ /zhes bya ba la/ rtog dang dpyod dang dbugs dag dang / /bde ba la sogs bzhi yin no//zhes rtog pa dang dpyod pa la sogs pa rnams skyon du 'chad par 'gyur ro/ /de dag gis gzugs med pa dag tu 'jug par mi nus la zhes bya ba ni gnas gtsang ma rnams lhag mthong spyod pa yin pa'i phyir la/ de dag ni zhi gnas lhag pa yin pa'i phyir ro/ /gzhan du yang 'gro bar mi nus so zhes bya ba ni sa 'og mar ste/phyir mi 'ong ba rnams khyad par du 'gro ba yin pa'i phyir ro/ /ci'i phyir dus yun ring mo zhig na chus 'jig la/ de bas kyang ches ring ba na rlung gis 'jig ce na/ de'i phyir sems can de dag gi snyoms par 'jug pa'i khyad par las zhes bya ba rgyas par smos te/snyoms par 'jug pa'i khyad par ni bsam gtan gnyis pa dang / gsum pa'i khyad par ro/ /lus gnas pa'i khyad par zhes bya ba ni gson pa'i rgyun gyi khyad par te/ dus de tsam gyis de dag gi tshe zad par 'gyur ro/ /'jig pa de dag ni drug cu rtsa bzhir 'gyur la/'jig pa re re yang bskal pa chen po yin no/ /de nyid kyi phyir de ltar bshad na brtags pa'i bshad pa zhes bya ba rgyas par smos so/ /slob dpon gang ba spel bas mdzad pa chos mngon pa mdzod kyi 'grel bshad mtshan nyid kyi rjes su 'brang ba zhes bya ba las/'jig rten bstan pa zhes bya ba mdzod kyi gnas gsum pa'i 'grel bshad do// // @##/ /'jig rten gyi mgon po'i thugs rje'i bdud rtsi'i rgyun gyis gson pa'i 'jig rten ma lus pa tshim par mdzad pa'i gsung rab kyi zla ba/ srid pa'i dkyil 'khor mtha' dag snang bar mdzad pa la/rang gi rtog pas sbyar ba'i skyon gyi rdul dag gtor bar byed pa'i skye bo sdig pa can slu bar byed pa rnams ni gang nang dang phyi rol gyi dngos po sna tshogs pa 'di ni shing thog dang /rdo dang / tsher ma'i rnon po la sogs pa ltar rgyu med pa nyid dam/ mthong ba'i rgyu can nam ma mthong ba'i rgyu can yin na yang blo sngon du btang ba yin no snyam ste/ de'i phyir yang sems can dang snod kyi 'jig rten zhes bya ba rgyas par dris so//rgyu sna tshogs pa'i phyir shing thog dang rdo la sogs pa rnams ni sna tshogs pa yin no/ /rgyu med pa ni ma yin te/ shing gcig las skyes pa'i shing thog rnams la yang rgyu dang rkyen sna tshogs pa yod pa nyid de/me tog la sogs pa tha dad pa'i phyir ro/ /shing thog dang rdo la sogs pa'i sna tshogs rgyu med pa nyid yin na ni/khyad par gyi rgyu med pas thams cad rgyu med pa nyid du 'gyur na/ rung ba yang ma yin no/ /ci'i phyir zhe na/ dbang po dang / don dang / sa bon dang / 'o ma dang / me dang / du ba dang /brdabs pa la sogs pa yod pa dang med pa na blo dang myu gu dang zho dang tshos byed las skye ba dang sgra la sogs pa yod pa dang med pa la tha dad pa'i phyir ro/ /de'i rgyu khu chu dang khrag la sogs pa mthong ba kho na yang ma yin te/khu chu dang khrag la sogs pa khyad par med bzhin du/ pha dang ma'i nangs kyi dang po'i bya ba mtshungs pa'i spun rnams la/ lus dang / dbang po dang / nad med pa dang / stobs dang yid gzhungs pa dang / blo dang / bzod pa dang / brtson 'grus dang / brten pa dang / gtong ba dang / lhag par mos pa dang / 'dod chags dang / zhe sdang dang / nga rgyal dang / nor 'byor pa dang / rgud pa'i bye brag mthong ba'i phyir ro/ / bya ba dag la mnyam por 'jug pa na kha cig gis bya ba'i 'bras bu thob la/ kha cig ni ngal ba 'ba' zhig tu 'gyur na de ni ma mthong ba'i rgyu med par mi rung ngo / /'ga' zhig gis blo sngon du btang ste/ byas pa yang ma yin te/de ni/ /dbang phyug sogs min rim sogs phyir/ /zhes bya ba des bkag pa'i phyir ro/ /de la sems can gyi 'jig rten sna tshogs ni khams dang 'gro ba dang skye gnas dang / tshad dang tshe la sogs pa'i bye brag gi bshad do/ /snod kyi 'jig rten sna tshogs pa ni gzhal med khang dang /gling dang / ri dang rlung gi dkyil 'khor la sogs pa'i bye brag gis bshad do/ /sus kyang blo sngon du btang ste byas pa ni med do zhes bya ba ni sprul pa pos sprul pa ltar ro/ /gal te rgyu med pa 'am mthong ba'i rgyu can nam/ blo sngon du btang ste ma yin na/ de sus byas she na/de'i phyir 'o na ci lta bu zhe na/ sems can rnams kyi las las 'jig rten sna tshogs skye/ /zhes bya ba smos te/ gang ci rigs par 'bras bu bzhi'i sgo nas las kyi 'bras bu ma yin pa'i dngos po gzhan skye ba de ni 'ga' yang yod pa ma yin no/ /'di gang las she na/las rnams kyi nus pa mthong ba'i phyir ro/ /'bras bu yid du 'ong ba dang / yid du mi 'ong ba skyed pa la las rnams kyi nus pa mngon sum nyid du snang ste/ dper na zhing pa'i 'bad pa las zhing rmo ba la sogs pa'i 'bras bu 'byung ba dang / gzhan gyi chung ma la 'gro ba las 'bras bu mi 'dod pas gsod pa la sogs pa 'byung ba mthong ngo //kha cig ni 'bad pa med par mngal nas 'thon pa bkrus pa man chad du bde bar mthong la/ kha cig ni sdug par mthong ngo / /'dir 'bras bu yid du 'ong ba dang / yid du mi 'ong ba thos pa ni las sngon du 'gro ba can yin pas bde ba dang sdug bsngal thob pa de yang las sngon du 'gro bar 'gyur ro//gal te las las skyes na zhes bya ba la sogs pa ni nang gi lus kyi 'bras bu can gyi las ni stobs dang ldan pa'i phyir ro snyam du bsams pa'o/ /gang dag las rma lta bur gyur pa'i lus ngag dang /de'i gnyen por gyur pa'i longs spyod dga' dga' lta bu dag 'byung ba las de dag ni de lta bu'i rang bzhin can dag yin no/ /yang las de dag gang gi yin zhe na/ de'i phyir sems can 'dren mar byed pa rnams kyi zhes bya ba smos te/ dge ba dang mi dge ba byed pa rnams kyi zhes bya ba'i tha tshig go//de ltar na rma lta bur gyur pa'i lus kyis yul dga' dga' lta bu nye bar longs spyod pa'i phyir las gnyis ka 'bras bu dang bcas par 'gyur gyi gzhan du ni ma yin te/ 'di ltar lus dga' dga' lta bu dag gis yul dga' dga' lta bu ma yin pa longs spyod par ni mi nus so//de'i phyir las de lta bu dag kho nas zhes bya ba 'dir rigs te/ thun mong dang thun mong ma yin pa'i las kyi 'bras bu yin pa'i phyir ro/ /sems can thams cad kyi dge ba'i las kyi dbang gis ni pad+ma dang ut+pal la sogs pa skye la/mi dag ba'i las kyi dbang gis ni dug dang tsher ma la sogs pa skye'o/ /so sor nges pa'i sems can gyi las kyi 'bras bu dag ni sems can gyi lus rnams yin la/ de dag kyang sems pa 'dren mas skyed par byed do/ /de ni de ltar yin te/ gang gi phyir lha 'dren mar byed pa ma yin pa rnams kyi lus dang longs spyod dga' dga' lta bu dag skye'o//de ni sems pa dang nges byas zhes bya ba ni las thams cad mdor bsdus te bstan pa'o/ /de nyid la lung ston pa ni sems pa dang bsam pa'i las so zhes bya ba ste/ 'di ni 'di lta bu dang 'di lta bu zhig tu byed par 'gyur ro//'di lta bu dang 'di lta bur bya'o snyam du'o/ /mdo las bsams par bshad pa gang yin pa de ni 'dir bstan bcos las sems par byas pa zhes bshad de/ /sems pas kun nas bslang ba zhes bya ba'i don to/ /gsum yin te zhes bya ba ni sems pas byas pa'i las la rnam pa gnyis su phye ba'i phyir ro//thams cad lus la brten pa'i phyir zhes bya ba ni lus la rag las te 'jug pa'i phyir te/ de ltar na/ lus la brten pa'i las ni lus kyi las yin pas ngag dang yid kyi las kyang lus kyi las nyid du thal bar 'gyur ro/ /ngag gi las gcig pur gyur pa ni ngag gi rang bzhin gyi las ni ngag gi las so zhes rnam par dag pa'i phyir ro//lus dang yid kyi las gnyis ni de ltar lus dang yid kyi rang bzhin ma yin pas de gnyis las nyid du mi 'gyur ro/ /gal te kun nas slong ba las yin na ni zhes bya ba la/ yid kyi las bzhin du lus dang ngag gi las gnyis kyang yid kyis rab tu bcug pa'i phyir yid kyi yin pa nyid pas yid kyi las gcig pur 'gyur ro//rgyu gsum gyis go rims bzhin du zhes bya ba la/ lus kyi las ni brten las yin te/ de ni yid kyis kun nas bslangs pa nyid yin yang lus la brten pa'i phyir ro//ngag gi las ni ngo bo nyid las yin te/ de ni ngag gi rang bzhin yin pa'i phyir ro/ /yid kyi las ni kun nas slong ba las yin te/ de ni yid kyis kun nas bslang ba'i phyir dang / de las brten pa'i phyir ro/ /de ltar na gsum char la yang phan tshun khyad par bstan par 'gyur ro/ / sems pa yid kyi las yin no/ /zhes 'dir yid kyi las kyi ngo bo bshad kyi/ lus dang ngag gi las dag gi ni ma yin pas de'i phyir/ de dag rnam rig rnam rig min/ /zhes bya ba smos so/ /de skad du mdo las lus kyi las gang zhe na lus kyi rnam par rig byed dang / rnam par rig byed ma yin pa'o//ngag gi las gang zhe na/ ngag gi rnam par rig byed dang / rnam par rig byed ma yin pa'o zhes gsungs so/ /ni'i sgra ni de dag kho na rnam par rig byed dang rnam par rig byed ma yin pa dag yin gyi/ yid kyi las ni ma yin no zhes nges par gzung ba'i don du'o/ /yang ci'i phyir yid kyi las kyang rnam par rig byed dang rnam par rig byed ma yin pa'i bdag nyid du mi 'dod ce na/de'i mtshan nyid can ma yin pa'i phyir ro/ /rang kun nas slong bar byed pa'i sems rig par byed pas na rnam par rig byed ces bya na/ sems pa la ni mtshan nyid de yod pa ma yin pas sems pa rnam par rig byed ma yin no//rnam par rig byed ma yin pa de ni skyed par byed pa'i 'byung ba log na 'byung ba gzhan la brten nas 'jug na/ dge ba'i sems ni de ltar kun nas slong bar byed pa'i sems log na nyon mongs pa can dang lung du ma bstan pa'i sems la brten nas 'jug par mi bzod do//de'i phyir sems pa ni rnam par rig byed ma yin par yang mi rigs so/ /rnam par smin pa'i rlung gi dbang gis kyang lus kyi dbyibs de dang de ltar 'gyur bas/ sems kyi dbang gis zhes bya ba rgyas par smos so/ /lus kyi rnam par rig byed dbyibs kho na yin gyi/ lus kyi rnam par rig byed kho na ni dbyibs ma yin te/de nyid kyi phyir sems kyi dbang gis zhes bya ba bshad do/ /yang ci'i phyir kha dog dang 'byung ba dag rnam par rig byed ma yin zhe na/ de dag ni gcig tu lung du ma bstan pa yin pa'i phyir ro/ /gzhan dag na re 'gro ba yin te zhes bya ba ni lus kyi rnam par rig byed do//lus kyi las ni lus kyi bya ba yin la/ de ni lus g.yo ba ste/ 'gul ba'i lus kho na la rigs kyi/ mi g.yo ba ni ma yin pas lus kyi rnam par rig byed ni 'gro ba kho na yin gyi dbyibs ni ma yin no zhe na/ 'gro min gang phyir 'dus byas ni//zhes bya ba 'byung ngo / /skad cig ma'i sgra don du ma'i rjod par byed pa yin pa'i phyir 'dri ba ni/ skad cig pa zhes bya ba ni 'di ci zhes bya ba ste/ 'di ltar skad cig gi sgra ni stong pa la yang 'jug pa ni snod skad cig pa zhes bya ba ste/ stong ngo zhes bya bar rtogs so/ /bya ba med pa la ni lha sbyin skad cig ma zhes bya ba ste/bya ba dang bral ba zhes bya bar rtogs so/ /dus kyi mtha' la ni skad cig tsam byas zhes bya ba'o/ /bdag nyid du red ma thag tu 'jig pa zhes bya ba la/ 'di la bar med pas na red ma thag go/ /red ma thag pa yang yin la 'jig pa yang yin pas na red ma thag tu 'jig pa ste/de dbyug pa can gyi tshul du 'di la yod pas na red ma thag tu 'jig pa'o/ /skyes pa'i 'og tu mi gnas zhes bya ba'i don to/ /dus gzhan du gnas par smra ba'i ltar na bdag nyid du red pa'i 'og rol du 'jig pa yod pas khyad par du bya ba'i phyir red ma thag tu zhes bya ba smos so//skad cig ma'i sgras brjod par bya ba de lta bu'i rigs can bdag nyid du red pa de 'di la yod pas na 'dus byas ni skad cig ma'o/ /gzhan nyid ma yin na brjod pa med do zhe na/ mthong ba'i phyir ma yin te/ dper na mchi gu'i lus bzhin no/ /gal te zhes bya ba rgyas par 'byung ngo //'dus byas thams cad ni skad cig mar khas mi len gyi/ 'o na ci zhe na/ sems dang sems las byung ba rnams dang gzugs 'ga' zhig dang ldan pa ma yin pa kha cig dag skad cig ma yin gyi/ gzugs 'ga' zhig dang ldan pa ma yin pa kha cig dag ni skad cig ma ma yin la/lus kyang skad cig ma ma yin pas de bdag nyid du red pa'i 'og tu med pa ma yin te/ de'i phyir lus ni yul gzhan du 'pho bar mi 'gal lo snyam du bsams pa'o/ /'dus byas ni/ gdon mi za bar 'jig phyir ro/ /zhes bya ba ni/ skye ba dang ldan pa ni 'jig pa la mi 'khrul ba'i phyir ro snyam du dgongs so//gal te yang 'dus byas gdon mi za bar 'jig mod kyi/ skyed ma thag tu ni ma yin no zhes smra'o/ /'jig pa 'dod na ni gdon mi za bar skyes ma thag tu khas blang bar bya'o/ /ci'i phyir zhe na/ gang gi phyir dngos po 'jig pa ni rgyu med pa yin no//rgyu dang bcas pa yang yin na ni rgyu la rag las pa'i phyir skyes ma thag tu mi 'gyur ba zhig na/ de ni rgyu med pa yang yin no/ gal te skyes ma thag tu mi 'dod na ni phyis kyang mi 'gyur bas 'dus byas 'jig pa med par 'gyur na/ de ni de lta yang ma yin te/ de'i phyir 'dus byas ni skyes ma thag tu 'jig pa nyid do zhes khas blang bar bya'o//'jig pa rgyu med pa nyid la rgyu 'dri ba ni ci'i phyir zhes bya ba yin la/ bya ba ma yin pa nyid ni rgyu med pa nyid kyi gtan tshigs su smos so/ /bya ba ma yin pa nyid ni brjod du med pa nyid kyi phyir yin la brjod du med pa nyid ni dngos po med pa yin te/rang gi ngo bo log pa tsam yin pa'i phyir ro/ /dngos po skyes pa tsam yin na/ /zhes bya ba rgyas par 'byung ngo / /de nyid gzhan du 'gyur bar ni rigs pa ma yin te zhes bya ba ni/ rang bzhin las mi nyams pa'i phyir te/ de nyid kyi phyir de nyid de dang mtshan nyid mi mthun par ni mi rung ngo zhes bya ba smos te/mtshan nyid mi mthun pa nyid ni gzhan nyid med na mi 'byung ba yin pa'i phyir ro/ /shing la sogs pa dag la me dang 'brel pa las zhes bya ba la sogs pa zhes bya ba'i sgras ni gzugs la sogs pa rnams bsdu'o/ /'jig pa mig la sogs pa'i yul ma yin pa'i phyir 'dri ba ni re zhig khyod shing la sogs pa dag ces bya ba rgyas par 'byung ba'o//de yod na de dag mi snang ba'i phyir ro zhes bya ba la/ gal te me dang 'brel pa las shing la sogs bdag 'jig pa ma yin na ni snga ma bzhin du mthong bar 'gyur na/ mthong ba yang ma yin te/ de'i phyir de dag me dang 'brel pa las 'jig go zhes bya bar nges so//re zhig 'di dpyad par bya ste zhes bya ba rgyas par 'byung ste/ dpyad par bya ba yin pa'i phyir 'di ni mthong ba ma yin no snyam du dgongs so/ /gzhan dag ma skyes pas zhes bya ba ni me dang 'brel pa ni de de dag skye ba dang 'gal ba'i phyir ro//dper na rlung dang phrad pa las zhes bya ba rgyas par 'byung ste/ 'di ni pha rol po la yang grub pa yin no/ /sgra dang mar me skad cig ma yin pas rang nyid zhig cing rlung dang lag pa dang phrad pas gegs byas pa dag yang ma skyes pas ma mthong ba yin gyi/ rlung dang lag pa dang phrad pas sgra dang mar me dag zhig pas ma mthong ba ni ma yin no//de ltar na re zhig mthong ba 'jug pa yang de dag gnas pa'i phyir ni ma yin te/ 'o na ci zhe na/ sngar skyes pa zhig na gzhan dag skyes pa'i phyir ro/ /shing la sogs pa dag gi mthong ba dang ma mthong ba yang de dang 'dra bar khong du chud par bya'o//de lta bas na 'jig pa rgyu dang bcas pa'am rgyu med pa zhes bya ba'i don 'di ni rjes su dpag pas bsgrub par bya ba yin gyi/ mngon sum gyis bsgrub par bya ba ni ma yin no/ /bshad zin to zhes bya ba la/ ci bshad ce na/ rgyu med pa yin te/ bya ba ma yin pa'i phyir gtan med pa bzhin no zhes bya ba'o//skye ba bzhin du zhes bya ba la/ skye ba ni bdag nyid du red pa yin la de ni 'du byed skad cig ma 'am/ skad cig ma ma yin pa dag la rgyu dang bcas pa nyid du 'dod pa de bzhin du thams cad kyi 'jig pa yang rgyu dang bcas pa nyid du 'gyur na/ 'dod pa yang ma yin te/ 'jig pa'i rgyu'i dus ma nges pa'i phyir blo dang sgra dang me lce skad cig ma rnams kyi 'jig pa'i dus ma nges par thal bar 'gyur ba'i phyir ro/ /de'i phyir blo la sogs pa dag ltar/ thams cad du rgyu med pa nyid du khas blang bar bya'o/ /blo gnyis phrad pa med pa'i phyir ro zhes bya ba la blo snga ma'i dus na blo phyi ma yod pa ni ma yin pas ji ltar yod pa ma yin pa sngar gyi blo'i 'jig pa'i rgyur 'gyur/blo phyi ma'i dus na yang blo snga ma zhig pas ji ltar zhig zin pa'i 'jig pa'i rgyur 'gyur/ ci ste yang blo phyi ma'i dus na yang blo snga ma gnas so snyam na/ de'i phyir the tshom dang nges pa'i shes pa dag ces bya ba smos te/sgra la yang de bzhin du brjod par bya'o/ /gang gi tshe blo dang sgra gsal ba dag gi mjug thogs su zhes bya ba la sogs pa 'byung ngo / /tha ma dag tu ji ltar yin te/ blo dang sgra gzhan med pa'i phyir ro/ /gang yang gnas pa rgyu med pa zhes bya ba rgyas par 'byung ste/ slob dpon dpal len ni skyes pa rnams la gnas pa'i rgyu med pas de'i phyir de nyid 'jig pa'i rgyu yin no snyam du sems so//de'i lan du med pa ni rgyu yin par 'os pa ma yin te zhes bya ba ste/ dngos po med pa'i phyir ro/ /de'i phyir 'di ni 'jig pa'i rgyu ma yin no/ /chos dang chos ma yin pa'i dbang gis zhes bya ba 'byung ste/de la chos ni phan 'dogs pa la ltos te mar me'i me lce dag skye ba'i rgyu yin la chos ma yin pa ni gnod par byed pa la ltos te 'jig pa'i rgyu yin no/ /skye ba dang 'jig pa'i rgyu chos dang chos ma yin pa dag kyang skad cig skad cig la 'jug pa thob pa dang gegs byed par 'os pa ma yin no zhes bya ba la skyes bu la phan gdags par bya ba'i phyir chos ma yin pa la gegs byas nas chos kyis 'jug pa thob pa yin pa dang /sgron me'i me lce dag skye bar 'gyur la/ skyes bu la gnod pa bya ba'i phyir chos la gegs byas nas chos ma yin pas 'jug pa [(]thab [,]thob [)]pa yin pa dang 'jug par 'gyur ro//de bzhin du chos ma yin pa la yang bzlog pa'i sgo nas brjod par bya'o/ /skye ba dang 'jig pa de gnyis kyang skad cig re re la yin zhing / stobs dang ldan pas stobs chung ba la gegs byed pa yang yin na/ chos dang chos ma yin pa dag gi stobs dang ldan pa dang stobs chung ba'i rgyu ni skad cig re re la yod pa ma yin no//de la stobs chung ba'i phyir chos kyis chos ma yin pa la gegs byed na yang skad cig de nyid la chos ma yin pa stobs dang ldan pa nyid dam/ gang las slar chos ma yin pas chos la gegs byed par 'gyur bas/chos stobs chung ba nyid du ga la 'gyur/ de'i phyir 'di ni yongs su brtags par yang 'grigs dka'o/ /rgyu yongs su brtags pa chos dang chos ma yin pa 'jug pa thob pa dang gegs byed pa'i mtshan nyid can 'di yang 'dus byas thams cad la nus te/ de'i phyir 'dus byas thams cad skad cig ma yin no zhes bya bar grub ste/ chos dang chos ma yin pa las ma gtogs pa'i 'jig pa'i rgyu la mi ltos pa'i phyir ro/ /de'i phyir brtsad mi dgos so/ /rgyu yang 'jig pa por 'gyur ro zhes bya ba la/ tshos par bya ba dang tshos par byed pa'i rdzas phrad pa las snga ma snga ma 'gags dang rim gyis tshos byed las skyes pa phyi ma phyi ma rnams la tshos pa dang ches tshos pa dang /ches cher tshos pa 'byung ba mthong ste/ de la ches tshos pa 'byung ba na me dang 'brel pa las tshos pa dag 'jig par 'dod na/ de lta na rgyu nyid 'jig pa por 'gyur na/ gang kho na las tshos byed las skyes pa rnams 'byung ba de nyid las dngos po med pa yin no zhes bya ba 'di ni rigs pa yang ma yin te/ dus tha dad pa dag rgyu gcig tu mi 'grub pa'i phyir ro/ /ci'i phyir zhe na/ cig car yod pa dang med par thal bar 'gyur ba'i phyir te/ji skad du/ gcig las dus tha dad min dper/ /sa bon myu gu dang de bzhin/ /gsher dang gsher min grang dro bzhin/ /bu ram las sra gnas skabs gzhan/ /zhes bshad do/ /gang zhig me ni skad cig pa yin pa'i phyir skyed par byed pa ni gzhan yin la/ 'jig par byed pa ni gzhan yin no snyam du sems pa de la/ yang na rgyu me bye brag med par 'gyur ro zhes bya ba smos te/ 'bras bu 'dra ba gzhan skye ba'i rgyu yin pa'i phyir skyed par byed pa dang bye brag med pas na 'jig par byed par mi rung ngo / /re zhig me lce gzhan dag las zhes bya ba ni me lce rnams skad cig ma ma yin pa'i phyir gzhan ni skyed par byed pa yin la/gzhan ni 'jig par byed pa'o snyam du bsams pa'o/ /brtag pa gang gis na skyed par byed pa nyid 'jig par byed par mi 'gyur ba/ thal ba dang kha ba dang tsha ba dang nyi ma dang / chu dang sa dang 'brel pa las smin byed las skyes pa'i bye brag 'byung ba la gang brtag par bya ste/thal ba la sogs pa dag ni skad cig ma ma yin no/ /der gdon mi za bar skyed par byed pa yang yin la 'jig par byed pa yin pa'am 'jig pa la rgyu cung zad kyang med pa'am/ tshwa la sogs pa 'di skad cig re re la gzhan nyid yin par 'dod par bya dgos so//de ltar 'dod na yang 'dus byas thams cad skad cig mar 'jig par sgrub pa nyid de/ gang dang 'brel pa las 'ga' zhig las tshos byed las skyes pa'i khyad par du mi 'gyur ba de ni yod pa ma yin no/ /'o na gang chu bskol ba zhes rgyas par 'byung ste/ gal te chu dag me dang 'brel pa mi 'jig na/gang las bskol ba na zad par 'gyur ba me dang 'brel pa dag ci zhig byed na ni/ de dang tha mi dad par 'jug pa'i me'i khams mthu'i sgo nas 'phel byed do/ /de'i mthus na zhes bya ba rgyas par 'byung ste/ me'i khams mthu'i sgo nas shas che bas chu dag gi skad cig ma dang po rang gi ngo bos skad cig gzhan nyam chung ba'i rgyur 'gyur la/de yang de bzhin du yin pa nas/ shin tu nyam chung ba'i bar du gyur pas skad cig gzhan dang 'brel par mi byed de/ de shin tu nyam chung ba'i phyir ro/ /de ltar chu dag gi rgyun 'chad par 'gyur gyi/ me dang 'brel pa dag gis 'jig pa ni ma yin no//rang nyid 'jig pa'i ngang tshul can yin pa'i phyir zhes bya ba ni/ 'jig pa'i ngang tshul can yin pa'i phyir zhes bya ba'i don to/ /ji ltar zhe na/ 'byung ba tsam gyis 'jig pa'i phyir/ /zhes smos so/ /gtan tshigs mi g.yo rtsa ba rab brtan zhing / /skyes nas dus phyis dngos po yod min pa'i//phyogs 'di de ltar re zhig gnas mod kyi/ /rgol ngan rtsod pa'i tshul 'di gzhom par bya/ /skad cig ma la 'jig pa'i phyir/ /'gro ba yang med do/ /yang ji ltar 'gro ba med na/ 'gro bo zhes bya bar 'gyur zhe na/ de nyid kyi phyir yul gzhan du zhes bya ba la sogs pa smos te/ji ltar rtswa'i me skad cig ma nyid yin yang rtswa'i yul du 'dab chags par 'byung bas me 'gro'o zhes bsnyad pa de bzhin du gzhan la yang yul gzhan dag tu 'dab chags par 'byung ba la mngon pa'i nga rgyal byed do/ /mdo sde pa rnams na re dbyibs ni rdzas su med de/ de bcom na de'i blo med pa'i phyir bum pa la sogs pa bzhin no zhe'o//gal te rdzas su med na der gdags pa'i rgyu ni gang zhig yin la/ der brtags pa'i bye brag kyang gang zhig yin zhe na/ de'i phyir phyogs gcig gi sgor zhes bya ba rgyas par smos so/ /'di skad bstan par 'gyur te/ gdags pa'i rgyu ni kha dog yin la/der btags pa'i bye brag ni kha dog 'byung ba'i bye brag las so/ /'di nyid la dpe ni/ dper na mgal me zhes bya ba ste/ ji ltar mgal me'i gzugs ni ring po dang zlum po zhes bya ba'i dngos po gzhan med kyang skye ba'i bye brag gi rgyu yin pa de bzhin du gzhan du yang yin no//gal te yod na ni gnyis gzung 'gyur zhes bya ba'i ni dbang po gzugs can gnyis te/ mig gi reg pas kyang ring po la sogs par shes pa'i phyir ro/ /gzugs kyi skye mched la ni zhes bya ba rgyas par 'byung ste/ mig la sogs pa'i dbang po'i dbang gis gzugs la sogs pa'i skye mched tha dad pa yin la/dbyibs kyang gzugs kyi skye mched kyi khongs su gtogs pa yin te/ de'i phyir de ni reg pas 'dzin par mi 'thad do/ /res 'ga' bye brag tu smra ba ring po la sogs pa'i dbyibs lus kyi dbang pos 'dzin pa ni ma yin te/ 'o na ci zhe na/ reg bya'i yan lag de ltar gnas pa lus kyi dbang pos dmigs pa dag la phyis ring po la sogs par zhen pas mig dang reg pa gnyis kyis ring po la sogs par 'dzin par thal bar mi 'gyur ro zhes smra bas/de'i phyir yang ji ltar reg bya la zhes bya ba rgyas par smos so/ /ji ltar reg bya de nyid de ltar gnas pa yan lag re re nas gzung ba na phyi nas ring po la sogs par shes par 'gyur gyi/reg bya las don gzhan du gyur pa ring po la sogs par gzung ba na ma yin pa de bzhin du kha dog dag kho na rnam pa der gnas pa yan lag re re nas gzung ba na ni phyis ring po la sogs par shes kyi/ kha dog las don gzhan du 'gyur ba ring po la sogs pa gzung ba ni ma yin no zhes yid ches par bya'o//chos mngon pa bas kha dog dang reg bya las tha dad pa'i dbyibs brjod par 'dod pas slar smras pa ni de la reg bya dang lhan cig spyod pa zhes bya ba rgyas par 'byung ba'o/ /'dir dran pa'i sgra ni rjes su dpag pa la brjod kyi/ji ltar mig gi kha dog bzhin reg pas dngos su 'dzin pa ni ma yin te/ skye mched mtshungs pa ma yin pa'i phyir ro snyam du bsams pa'o/ /dper na me'i gzugs zhes bya ba rgyas par 'byung ste/ ji ltar dbang po gzhan gyis gzung bar bya ba mi 'khrul pa las dbang po gzhan gyis gzung bar bya ba rjes su dpag pa yin pa de bzhin du 'dir yang ston to//gang la reg bya la reg nas dbyibs 'di nges par dran par 'gyur ba/ 'jam pa la sogs pa'i reg bya ni ring po la sogs pa'i dbyibs gang la yang nges pa med do/ /'di ltar ring po la sogs pa ni cung zad cig 'jam pa yin la/cung zad cig rtsub pa yin pa de ji ltar ma nges par 'jug pa'i reg byas ring po la sogs par nges par dran par 'gyur/ 'on te reg bya dang dbyibs dag la lhan cig spyod par nges pa med kyang nges par dbyibs dran par 'gyur na ni kha dog kyang dran par 'gyur te/dbyibs ltar reg bya ma nges par kha dog dran par 'gyur ro/ /yang kha dog la ma nges par mi 'gyur na ni/ yang na kha dog bzhin du dbyibs kyang ring po la thung ngu'o snyam pa dang / thung ngu la ni ring po snyam du dbyibs kyang nges par mi 'gyur ro/ /kha dog ni nges par dran par mi 'gyur te/res 'ga' reg bya las dmar po la ser po ser po la dmar po 'o snyam du 'gyur la/ ji ltar kha dog ma nges par dran pa de bzhin du dbyibs kyang nges par 'gyur ba dran pa ni ma yin te/ 'o na ci zhe na/ kha dog nges par dran par mi 'gyur te/ dbyibs ni nges par dran par 'gyur la rgyu ci zhig yod de/reg bya las dbyibs dran pa 'di ni mi rung ngo / /ri mo bkram pa la zhes bya ba rgyas par 'byung ste/ ri mo bkram pa'i dbyibs gcig la ring po dang thung ngu dang lham pa dang gru bzhi la sogs pa dbyibs mang po gnas par mthong na/ de ni rdzas su yod pa'i dbyibs la mi rung ngo //ji ltar kha dog sngon po dang / ser po la sogs pa rnams rten 'byung ba tha dad pa'i phyir yul mtshungs pa nyid du mi 'gal ba bzhin te/ de'i phyir de ltar gnas pa'i kha dog de la dbyibs su tha snyad byed do/ /gang yang thogs pa dang bcas pa zhes bya ba rgyas par 'byung ste/thogs pa dang bcas pa'i gzugs gang cung zad yod pa de thams cad ni/ 'dod na dbang po med pa dang / sgra med phra rab rdul zhes bya ba la sogs pa 'dus pa'i rdul phra rab la yod pa yin no/ /thogs pa dang bcas pa smos pa ni thogs pa med pa'i gzugs gcad pa'i phyir ro//de rdul la med/ dbyibs ni rdul phra rab la med do/ /yang rdul phra rab la dbyibs med do zhes bya ba 'di ji ltar rtogs she na/ ring po la sogs pa'i 'dus pa la sngon po la sogs pa'i gzugs yan lag re re nas yod pa ltar ring po la sogs pa dbyibs kyi gzugs ni yan lag re re yod pa ma yin te/rdul phra rab rnams ni cha shas med pa yin pa'i phyir ro/ /ji ltar 'grib pa na der sngon po la sogs pa'i blo bzlog pa'am/ de las bzlog ste ser po'i blor mi 'gyur ba ltar/ ring po la sogs pa'i tshogs 'grib na ni ring po la sogs pa'i blo mi ldog cing / de las bzlog ste thung ngu la sogs pa'i blor mi 'gyur ba zhig go//de'i phyir rdul la dbyibs yod pa ma yin no zhes bya bar nges so/ /de'i phyir mang po de ltar gnas pa dag kho na la ring po la sogs pa'i bzlog par zad de/ bum pa dang snam bu bzhin no/ /'on te dbyibs kyi zhes bya ba rgyas par 'byung ste/ gang dag bsags pa'i khyad par las ring po la sogs par 'dogs par byed pa/ dbyibs kyi rdul phra rab de dag kho na de ltar gnas par mig gi rnam par shes pas dmigs par 'dod de/ de ni phyogs 'dzin pa 'ba' zhig tu zad do zhes bya ba ni/ gang kha dog gi rdul phra rab gnyi ga la rab tu grub pa'i rang gi ngo bo ste/ring po la sogs pa'i dbyibs su 'dogs pa'i rgyu nyid yin pa bsal nas/ dbyibs kyi rdul phra rab rtogs par byed pa'o/ /de dag ma grub pa'i phyir zhes bya ba ni de nyid la rgyu bshad pa'o/ /gal te der sngon po la sogs pa'i rdul phra rab ltar ring po la sogs pa'i rdul phra rab kyang grub par 'gyur na ni phyogs mi 'dzin pa zhig go//de nyid kyi phyir rang gi mtshan nyid rnams grub na ni de dag bsags par rung bar 'gyur na zhes bya ba smos so/ /ring po dang thung ngu gzhan la ltos nas de nyid la ring po dang thung ngu'i blor yang mi 'gyur te/ 'di ltar sngon po la ni sngon po dang sngon po ma yin pa la ltos nas sngon po dang sngon po ma yin pa'i blor mi 'gyur te/'o na ci zhe na/ gzhan la mi ltos par rang gi ngo bo kho nas sngon po'i blor 'gyur ro/ /'o na gang kham pa'i snod rnams kha dog tha mi dad la zhes bya ba rgyas par 'byung ste/ gal te 'di kha dog tsam gyi/ de la dbyibs rdzas su med na/ 'o na ji ltar der bum pa dang phru tog dang kham gzhong dang /bcu skyogs la sogs pa rnams dbyibs tha dad par 'dzin ce na/ kha dog tsam la ni ring po la sogs pa'i blor mi 'dod kyi/ 'o na ci zhe na/ kha dog gi bye brag la'o/ /de nyid kyi phyir ji ltar gnas pa'i kha dog la zhes bya ba la sogs pa smos so/ /ji skad smras she na/phyogs gcig gi sgor phal cher zhes bya ba lta bu la sogs pa'o/ /dper na grog ma la sogs pa tha mi dad bzhin du zhes bya ba la/ dbyibs med kyang de'i bkod pa tha dad pas 'di ni phreng ba'o/ /'di ni 'khor lo'o zhes bya bar 'gyur te/ khyad par du 'phags par gnas pa'i phyir ro//de bzhin du dbyibs kyang kha dog la bye brag med pa bzhin du kha dog gi bkod pa tha dad pas tha dad pa yin no/ /gal te kha dog tshogs pa'i khyad par kho na la ring po la sogs pa'i blor 'gyur na/ 'o na gang mun khung zhes bya ba rgyas par 'byung ste/ tshogs pa can rnams ma bzung ba'i phyir tshogs pa gzung bar mi nus so snyam du bsams pa'o//de dag gis de na kha dog mi gsal ba kho na zhes bya ba rgyas par 'byung ngo / /grib ma nag pos bsgribs pa'i phyir mi gsal bar mthong ste/ phreng ba dang dmag la yongs su rtog pa bzhin no/ /dper na mun khung na mtho yor mi gsal bar mthong na phreng du yongs su rtog par byed pa dang gang du mtho yor dang mi nges par zin par ma gyur pa dang /yang dper na rta dang glang po che la sogs pa dmag gi yan lag mi gsal bar mthong nas dmag tu yongs su rtog pa bzhin te/ de dag mi gsal bar mthong ba ni rta la sogs pa'i khyad par mthong ba med pas so//de ni gdon mi za bar de ltar zhes bya ba rgyas par 'byung ste/ rgyu 'di'i phyir yang de ltar yin te gang kha dog nyid mi gsal bar mthong nas dbyibs su yongs su rtog par byed pa'o/ /yongs su chad par nges par mi zin pa zhes bya ba ni ring po la sogs pa'i dbyibs yongs su chad pa nges par mi zin zhes bya ba'i don gang yin pa'o//kha dog dang dbyibs las tha dad pa'i gzugs kyi skye mched ni yod pa yang ma yin te/ gzugs kyi skye mched ni rnam pa gnyis te/ kha dog dang dbyibs so zhes 'byung ba'i phyir ro/ /de'i phyir gdon mi za bar de na kha dog gam dbyibs mi gsal bar snang ba yin gyi/de dag las ma gtogs pa'i gzugs kyi skye mched gsum pa ni yod pa ma yin no zhes khas blang bar bya ba yin pa de bzhin du 'dir yang kha dog las tha dad pa'i dbyibs yod pa ma yin te/ 'o na ci zhe na/ de na kha dog mi gsal ba kho na snang ngo zhes bya bar shes so//khyed rnams kyis zhes bya ba ni/ khyed cag rnams kyis so/ /de dag ni dbyibs kho na las zhes bya ba rgyas par 'byung ste/ 'gro ba dang dbyibs gnyis btags pa yod par khyad par med kyang / khyab pa ma yin pas 'gro ba bsal bas dbyibs kho na yongs su gzung ste/'di ltar thal mo sbyar ba la sogs pa g.yo ba med pas kyang go bar byed la/ rang kun nas slong bar byed pa'i sems rig par byed pas kyang rnam par rig byed ces bya na/ yul gzhan dag tu ma skyes pa'i thal mo sbyar ba la sogs pa de 'ang rang kun nas slong ba'i sems rnam par rig par byed pas/de'i phyir khyab pas dbyibs kho na gzung gi 'gro ba ni ma yin no/ /ji ltar bye brag tu smra ba rnams zer ba ltar rdzas su ni ma yin no/ /ji ltar lus kyi las su 'dogs par byed ces bya ba ni dbyibs btags par yod pa la las nyid mi rung ba'i phyir dang lus la brten pa mi srid pa'i phyir 'dri ba'o//lus la brten pa'i las ni lus kyi las so zhes de ltar 'dogs kyi lus la gnas pa ni ma yin no/ /lus la ni brten pa zhes bya ba ni lus la dmigs pa ste/ de yang lus 'jug par byed pa'i sems la mngon par 'dod do//dpyod pa dang bya ba'i sems pa gnyi ga lus la dmigs pa'i phyir ni dpyod pa'i sems pa gcad par bya ba'i phyir/ de dang der lus 'jug par byed pa'i sems pa gang yin pa'o zhes bya ba smos te/ rab tu 'jug par byed pa zhes bya ba'i tha tshig go/ /de bzhin du ngag dang yid kyi las dag la yang ci rigs par zhes bya ba la/ngag la brten pa'i las ni ngag gi las te/ ngag 'jug par byed pa'i sems pa gang yin pa'o/ /yid dang mtshungs par ldan pa'i las ni yid kyi las so/ /de ltar na lus dang ngag gi dag kyang yid dang mtshungs par ldan pa'i phyir yid kyi las nyid du thal lo zhe na/de ni de ltar ma yin te/ lus dang ngag gi las gnyis ni yid dang mtshungs par ldan pa yin yang lus dang ngag 'jug par byed pa nyid kyis khyad par du byas pa'i phyir ro/ /lus dang ngag 'jug par byed pa'i sems ma gtogs pa'i sems pa zag pa dang bcas pa 'am/zag pa med pa gang yin pa de thams cad ni/ yid dang mtshungs par ldan pa'i phyir yid kyi las so zhes bya bar grub po/ /'o na gang sems pa zhes bya ba rgyas par 'byung ste/ 'dir lus dang ngag gi las ni sems pa kho na la bshad na/ de lta yin na bsams pa'i las gang yin pa de med pas/sems pa dang bsams pa'i las so zhes 'byung ba 'di dang ji ltar mi 'gal zhe na/ de'i phyir 'di dang 'di lta bu zhig bya'o snyam zhes bya ba rgyas par smos so/ /dpyod pa'i sems pa 'di dang 'di lta bu zhig bya'o snyam du sems par bzung nas/ phyi nas gzhan bya ba'i sems pa 'byung ste/bya ba'i tshe rjes su 'jug pa'i phyir ro/ /gang gi lus 'jug par byed pa de ni bsams pa'i las zhes bya ba'o/ /'dod pa na spyod pa zhes bya ba ni gzugs na spyod pa bsal bar bya ba'i phyir te/ bsam gtan dang zag pa med pa'i sdom pa ni so sor thar pa'i sdom pa la sogs pa ltar rnam par rig byed la rag las pa ma yin no//nyes pa chen por thal bar 'gyur ro zhes pa ni/ rnam par rig byed ma yin pa med na ni sdom pa dang sdom pa ma yin pa med pa'i nyes pa dang / lam yan lag brgyad med pa'i nyes pa dang / rdzas las byung ba'i bsod nams bdun la/ de la rag las pa'i bsod nams mngon par 'grub pa med pa'i nyes par 'gyur ro/ /mdo sde pas gal te lus kyi las zhes bya ba rgyas par smras te/ gal te gdon mi za bar rnam par rig byed ma yin par 'gyur dgos na snyam du bsams pa'o/ /cir 'gyur zhes bya ba ni skyon cir 'gyur zhes bya ba'o//sems kyi rjes su 'brang ba yin par 'gyur ro zhes bya ba ni sems tsam la rag las pa'i phyir mnyam par gzhag pa'i rnam par rig byed ma yin pa bzhin no/ /ji ltar bsam gtan dang zag pa med pa'i sdom pa'i rnam par rig byed ma yin pa rnam par rig byed la mi ltos pa'i phyir/ sems tsam la brten pas sems kyi rjes su 'brang ba yin pa de bzhin du so sor thar pa'i rnam par rig byed ma yin pa yang rnam par rig byed med na sems kyi rjes su 'brang bar thal bar 'gyur bas/ gdon mi za bar rnam par rig byed khas blang bar bya'o/ /de ltar mi 'gyur te zhes bya ba ni rnam par rig byed med kyang sems kyi rjes su 'brang bar mi 'gyur ba'o//ci'i phyir zhe na/ sems pa'i khyad par gyis de'i 'phen pa khyad par yod pa'i phyir ro zhes bya ba 'byung ste/ ji srid 'tsho'i bar du srog gcod pa la sogs pa dag las ldog par bya'o snyam pa 'di ni sems pa'i khyad par te/de dus nges par 'phangs pa'i dbang gis dus de srid du rnam par rig byed ma yin pa rgyun chags su gnas par mi 'gal lo/ /sems pa'i khyad par 'di snyam par gzhag pa ni med de/ des na 'di ni sems kyi rjes su 'brang ba ma yin no/ /rnam par rig byed de yod na yang zhes bya ba rgyas par 'byung ste/rnam par rig byed de bdog kyang rnam par rig byed ma yin pa 'phang ba ste/ 'phang ba ni dus nges par rjes su 'jug pa'i rgyu'i dngos por gnas pa'o/ /sems pa'i stobs la rag las pa ni ltos pa zhes bya ba'i tha tshig go/ /'di nyid la rgyu smras pa ni blun pa'i phyir ro zhes bya ba ste/mi gsal ba'i phyir ro zhes bya ba'i don to/ /rnam par rig byed ma yin pa de ni sems pa med par 'phen par mi nus la/ mi gsal ba ni dmigs pa med pa'i phyir ro/ /'di ltar rnam par rig byed ni sems pa'i dbang gis sdom pa chen po dang 'bring dang chung ngu 'phen pa la 'jug gi/lung du ma bstan pas kun nas bslangs pas ni rnam par rig byed ma yin pa 'phen par nus par mi 'gyur ro/ /ngag rnam par rig byed ni ngag sgra zhes bya ba la/ ni zhes bya ba'i sgra ni nges par gzung ba ste/ mchu 'gul ba la sogs pa'i dbyibs ni ma yin la/ ming gi tshogs la sogs pa dag kyang ma yin no//de nyid kyi phyir ngag gi rang bzhin gyi sgra gang yin pa zhes bya ba rgyas par smos so/ /rnam par rig byed ma yin pa ni sngar bshad pa kho na yin no zhes bya ba ni/ g.yengs dang sems med pa'i yang zhes bya ba la sogs pa mdzod kyi gnas dang po nas so/ /khas blangs nas mi byed pa tsam gyi phyir zhes bya ba la sogs pa ni 'di bdag gis mi bya'o zhes sngar khas blangs nas/phyis de mi byed pa tsam gyi phyir zhes bya ba ste/ rnam par rig byed ma yin pa ni rig byed med pa yin pas rdzas su khas blang bar mi bya'o/ /'das pa'i 'byung ba chen po rnams la zhes bya ba ni/'dod gtogs rnam rig min skad cig /phyin chad 'das pa'i 'byung las skye/ /zhes 'byung ba'i phyir la de rnams kyang yod pa ma yin pa'i rang bzhin yin pa'i phyir te/ 'das pa'i 'byung ba chen po de rnams ni da ltar byung ba ltar rang bzhin med pa'i phyir ro/ /rgyur byas pa'i gzugs kyi mtshan nyid du gsungs na yod pa yang ma yin no//gzugs kyi mtshan nyid med pa'i phyir zhes bya ba la gzugs su yod cing gzugs su rung ba zhes bya ba ni rnam par 'gyur ba bstan pa'i sgo nas gzugs kyi mtshan nyid du gsungs na/ rnam par rig byed ma yin pa'i gzugs ni rnam par 'gyur ba yang ma yin pas de ni med pa nyid do//rnam gsum dri med gzugs gsungs zhes bya ba la sogs pa 'byung ngo / /bye brag tu smra ba rnams na re/ rnam gsum dri med gzugs gsungs dang / /'phel dang ma byas lam sogs phyir/ /rnam par rig byed ma yin pa rdzas su yod do zhes zer te/rnam pa gsum dang dri ma med pa'i gzugs ni rnam pa gsum dri med gzugs so/ /de bshad pa ni rnam pa gsum dri med gzugs gsungs so/ /'phel ba dang ma byas pa'i lam la sogs pa ni 'phel dang ma byas lam sogs so/ /rnam pa gsum dang dri ma med pa'i gzugs gsungs pa dang /'phel ba dang ma byas pa'i lam la sogs pa ni/ rnam gsum dri med gzugs gsungs dang / /'phel dang ma byas lam sogs te/ /de dag gi phyir ro/ /gzugs kyis gzugs bsdus pa zhes bya ba la gzugs gnyis pa smos pa ni gzugs kho nas/gzugs bsdus pa yin gyis tshor ba la sogs pa gzhan dag gis ni ma yin no zhes ci nas nges par gzung ba shes par bya ba'i phyir ro/ /bstan du yod la thogs pa dang bcas pa'i gzugs kyang yod ces bya ba ni/ skye mched kyi gzugs mig gi rnam par shes pas shes par bya'o//bstan du med la thogs pa dang bcas pa'i gzugs kyang yod ces bya ba ni mig la sogs pa'i dbang po'o/ /bstan du yang med la thogs pa yang med pa'i gzugs kyang yod mod ces bya ba ni/ rnam par rig byed ma yin pa'i gzugs chos kyi skye mched kyis bsdus pa'o/ / zag pa med pa yang yod med do zhes bya ba la rnam par rig byed ma yin pa ma gtogs par gzugs gzhan ni zag pa med par mi rigs te/ lam la snyoms par zhugs pa la lus dang ngag gi rnam par rig byed kyi gzugs ni med la/ gang mig la sogs pa'i gzugs ni yod mod kyi/ de yang ma bsgribs la lung du ma bstan pa yin pa'i phyir dang /gcig tu zag pa dang bcas pa yin pa'i phyir dang zag pa med pa ma yin no/ /rdzas las byung ba'i bsod nams bya ba'i dngos po bdun po 'di dag ces bya ba rgyas par 'byung ste/ 'dir rdzas ni kun dga' ra ba dang / gtsug lag khang la sogs pa'i dngos po'o//rgyu mtshan gyi bdun par byas nas/ de las byung ba ni rdzas byung ba ste/ dper na glo bur du 'ongs pa la sbyin pa dang / 'gron pa la sbyin pa dang / nad pa la sbyin pa dang / nad g.yog la sbyin pa dang / kun dga' ra ba la 'bul ba dang / cig tu slong ba char ba dang / rlung mo che la sogs pa dag byung na zan dang skyo ma la sogs pa sbyin pa ste/'di ni rdzas las byung ba'i bsod nams bya ba'i dngos po bdun no/ /rtag tu zhes bya ba ni yang dang yang du'o/ /rgyun mi 'chad par zhes bya ba ni bar med pa'o/ /rdzas las byung ba ma yin pa dag dang ldan pa yang de dang 'dra'o zhes bya ba ni/ ji ltar rdzas las byung ba dag dang ldan pa rtag tu rgyun mi chad par bsod nams 'phel ba kho nar 'gyur ba de bzhin du/rdzas las byung ba ma yin pa dang ldan pa yang yin no/ /yang de dag ni dang ba ldan pa dag ste/ dper na de bzhin gshegs pa'am de bzhin gshegs pa'i nyan thos grong ngam/ grong gi nye 'khor zhig na bzhugs so zhes thos shing /thos nas kyang sems dga' ba dang rab tu dga' ba thob ste zhes 'byung ba'i phyir mdo ji lta ba bzhin no/ /yid gzhan dang ldan pa'i zhes bya ba ni nyon mongs pa can dang lung du ma bstan pa'i sems dang ldan pa'i'o/ /de'i tshe rnam par rig byed ma gtogs par bsod nams rnam par 'phel bar mi rung ste/sems gzhan dang ldan pa la lus kyi rnam par rig byed rjes su 'brel pa med pa'i phyir ro/ /rnam par rig byed ma yin pa de ni rjes su 'brel pa yod de/ g.yengs dang sems med pa yi yang / /dge dang mi dge'i rjes 'brel gang / /zhes bya ba'i mtshan nyid kyis so//rnam par rig byed ma yin pa med na zhes bya ba 'byung ste/ gang zhig dngos gzhi'i las kyi lam nyid du rnam par gzhag la/ bya ba ma rdzogs pa'i tshe na ni gzhan byed du 'jug pa'i bsgo ba po la lus dang ngag gi rnam par rig byed yod pa ma yin no/ /de'i phyir gdon mi za bar rnam par rig byed ma yin par khas blang bar bya ste/de lta ma yin te rnam par rig byed ma yin pa med na ni/ las kyi lam mi 'grub par 'gyur ro/ /yang lung du bsgo na las kyi lam yin par 'gyur ro snyam na/ de'i phyir lung bsgo ba tsam ni zhes bya ba rgyas par smos so/ /de nyid la rgyu smos pa ni/ las de ma byas pa'i phyir ro zhes bya ba'o//lung bsgo ba'i tshe srog gcod pa la sogs pa'i las de ma byas pa'i phyir te/ las ma byas pa ni dngos gzhi'i las kyi lam rigs pa yang ma yin no/ /las byas pa na las kyi lam du 'gyur ro snyam pa'i rtog pa bsal ba'i phyir/ byas su zin kyang de'i rang gi ngo bo la khyad par med pa'i phyir ro zhes bya ba smos te/las byas sam ma byas kyang rung ste/ lung bsgo ba la ni bdag nyid kyi khyad par med na/ snga ma dang phyi mar khyad par ma skyes pa de ni ji ltar phyis las kyi lam du 'gyur/ skye mched bcu gcig gis ma bsdus pa zhes bya ba ni chos kyi skye mched ma gtogs pa lhag ma bcu gcig go//yid kyi skye mched ltar gzugs can ma yin pa'o zhes ni gsungs so/ /dgos pa ci zhig yod par 'gyur zhes bya ba rgyas par 'byung ngo / /snyoms par zhugs pa la lus dang ngag gi las kyi mtha' rnams mi rung ba'i phyir te/ lam la snyoms par zhugs pa ni tshig tu mi smra zhing lus mi g.yo la/chos gos la sogs pa tshol ba yang ma yin no/ /mi rung ba'i phyir ro zhes bya ba ni mi srid pa'i phyir ro zhes bya ba'i tha tshig go/ /mi srid pa ni de dag kun nas slong ba'i sems rnams kha phyir bltas te 'jug pa'i phyir ro/ /de'i phyir gdon mi za bar rnam par rig byed ma yin par khas blang bar bya ste/de med na ni lam yan lag brgyad pa zhes bya ba 'gal ba yin no/ /'o na ni 'di skad du zhes bya ba rgyas par 'byung ngo / /'dir ni gal te lam la snyoms par zhugs pa la yang dag pa'i lta ba la sogs pa bzhin du yang dag pa'i ngag la sogs pa yod na ni/'di'i ngag dang las kyi mtha' dang 'tsho ba rnams ni sngon zhes bya ba de skad du ci'i phyir gsungs zhes bya ba ni brjod par bya ste/ des na de'i tshe yang dag pa'i ngag la sogs pa'i rnam par rig byed ma yin pa yod pa ma yin no zhes bya bar shes so zhe na/ de'i phyir de ni sngon 'jig rten pa'i lam gyis 'dod chags dang bral bar byas pa la zhes bya ba rgyas par smos te/sngar 'jig rten pa'i lam gyis 'dod chags dang bral bar byas pa gang yin pa de la dgongs te/ sngar 'dod chags dang bral ba'i gnas skabs kho nar de dag yongs su dag cing yongs su byang ba yin no zhes bya ba 'di gsungs kyi/lam gyi tshe des bsdus pa'i yang dag pa'i ngag la sogs pa med pa ni ma yin te/ de'i phyir lam la snyoms par zhugs pa'i rnam par rig byed ma yin pa yod pa nyid do/ /yang dag par blangs pa'i 'og tu zhes bya ba la/ yang dag par len pa'i tshe ni rnam par rig byed dang de'i sems pa yod pas yang dag par blangs pa'i 'og tu zhes bya ba smos so//de ni med do zhes bya ba ni gang zhig rjes su 'jug pas yid gzhan dang ldan pa 'di yang dge slong ngam dge slong mar 'gyur ba'i rnam par rig byed dam sems pa'am de las gzhan med pa'o/ /mdo las spong ba ni zhes bya ba rgyas par 'byung ste/bye brag tu smra ba rnams na re 'chal pa'i tshul khrims kyi gegs byed pa'i phyir chu'i chu lon lta bu yin na/ med pa zhes bya ba ste mi bdog pa ni chu lon yin par 'os pa yang ma yin pas rnam par rig byed ma yin pa ni yod pa kho na'o zhes zer ro/ /'di la mdo sde pa rnams na re zhes bya ba 'byung ste/gzhan mang ba'i phyir 'di ni mang po yin la/ dper brjod pa sna tshogs pa'i phyir 'di ni sna tshogs pa yin mod kyi/ 'di ji ltar khyed cag gi rnam par rig byed ma yin pa med pa nyes pa'i tshogs brjod pa de lta ni ma yin no/ /ting nge 'dzin gyi yul gyi gzugs zhes bya ba ni ting nge 'dzin gyi dmigs pa ste/rus gong la sogs pa'i gzugs brnyan gyi gzugs so/ /de ni rnam par rig byed ma yin pa la yang mtshungs so zhes bya ba ni rnam par rig byed ma yin pa yang yul la mi bsgribs pas gzugs su mi 'gyur la/ ci ste yul la ma sgribs kyang rnam par rig byed ma yin pa gzugs su 'dod na ni/'o na ni des na 'di yang 'dod par bya'o/ /dgra bcom pa'i gzugs dang zhes bya ba la sogs pa la/ dgra bcom pa'i gzugs ni mig la sogs pa dang / gzugs la sogs pa'o/ /phyi rol ni snod kyi 'jig rten gyis bsdus pa dang / gzugs kyi skye mched la sogs pa'o/ / zag pa rnams kyi rten ma yin pa'i phyir ro zhes bya ba ni zag pa rnams de la rag las te 'jug pa ma yin pa'i phyir ro zhes bya ba'i tha tshig go/ /gal te de ltar yin na/ 'o na ji ltar mdo las/ khyad par med par zag pa dang bcas pa'i chos rnams gang zhe na/ gzugs ji snyed pa dag yin no zhes rgyas par gsungs/mig la sogs pa rnams dang / gzugs la sogs pa rnams ni zag pa med pa nyid du rtogs par mi nus te/ ji snyed par zhes ma lus par gsungs pa'i phyir ro zhe na/ de ni zag pa rnams kyi gnyen po ma yin pa'i phyir ro zhes bya ba 'byung ste/ nyon mongs pa rnams ni shes pas gzhom par bya ba yin no zhes bya bas sems dang sems las byung ba rnams kho na nyon mongs pa rnams kyi gnyen po yin gyi gzugs ni ma yin pas khyad par med par gzugs khams zag pa dang bcas par gsungs so//'o na ni rnam grangs kyi zhes bya ba ni/ dgra bcom pa'i gzugs dang phyi rol ni zag pa rnams kyi gnyen po ma yin pa'i phyir zag pa dang bcas pa yin la/zag pa rnams kyi rten ma yin pa'i phyir zag pa med pa yin no/ /cir 'gyur zhes bya ba ni/ gal te de ltar na zag pa dang bcas pa yin la zag pa med pa yang yin na nyes pa cir 'gyur zhes bya ba'o/ /mtshan nyid 'chol par 'gyur ro zhes bya ba 'byung ste/zag pa rnams kyi gnyen po ma yin yang zag pa med pa'i phyir dang / zag pa dang bcas pa rnams kyi rten ma yin yang / zag pa dang bcas pa'i phyir mtshan nyid 'chol bar thal bar 'gyur ro/ /ji ltar de zag pa dang bcas pa yin pa zhes bya ba rgyas par 'byung ste/ pha dang bu bzhin du ltos pas tha dad pa'i phyir 'chol ba'i nyes pa med do/ /de ni zag pa'i gnyen po ma yin pa'i phyir/ nam yang zag pa med par mi 'dod la/ zag pa'i rten ma yin pa'i phyir ni zag pa dang bcas par mi 'dod do/ /ci'i phyir/ mdo las zhes bya ba rgyas par 'byung ste/ gal te gcig tu zag pa dang bcas pa yin na ni gzugs zag pa dang bcas pa nye bar len par 'gyur ba zhes bya ba'i khyad par 'di don med par 'gyur ro//rnam par gcad par brjod par 'dod pas khyad par nye bar 'god pa zhig na/ 'di rnam par gcad par bya ba yod pa yang ma yin no/ /de'i phyir gzugs gang dag yin pa de dag ni sems kyi tha ba dang sbags pa'i gzhi yin no zhes de skad du gsung bar 'gyur ba zhig na/de skad du yang ma gsungs pas de'i phyir/ gzugs kyi skye mched la sogs pa ni zag pa med pa yang yod do zhes bya bar shes so/ /gang dag so so'i skye bo'i gzugs nye bar len par 'gyur ba de dag ni zag pa dang bcas pa yin te/zag pa rnams kyi rten yin pa'i phyir dang / de rnams kyi gnyen po ma yin pa'i phyir ro/ /dgra bcom pa'i dang phyi rol dag ni zag pa med pa yin par shes par bya ste/ zag pa rnams kyi rten ma yin pa'i phyir ro/ /yon tan gyi khyad par zhes bya ba ni bsam gtan dang /tshad med pa la sogs pa yon tan phun sum tshogs pa'i khyad par ro/ /phan gdags pa'i khyad par gyis zhes bya ba ni lus kyi kha dog dang stobs la sogs pa'i khyad par gyis so/ /de la dmigs pa'i sbyin pa'i sems pa ste des yongs su bsgos pa'i rgyud yongs su 'gyur ba'i khyad par phra mo 'thob po//phra mo zhes bya ba ni mi gsal ba ste/ de bzhin gshegs pa'i ye shes kyis thugs su chud par bya ba ste/ phyi ma 'bras bu khyad par du 'phags pa skyed pa'i nus pa rgyud yongs su 'gyur ba'i khyad par 'thob po/ /'di ni chos nyid yin te zhes bya ba ni chos rnams kyi nus pa thogs pa med pa'o//'o na ji ltar rgyud kyi khyad par gyis zhes bya ba ni za ba po rnams kyi yon tan dang phan gdags pa'i khyad par gyis zhes bya ba'i don to/ /da ni rdzas las byung ba ma yin pa zhes bya ba ni rdzas las byung ba ma yin pa'i bsod nams bya ba'i dngos po dag la zhes bya ba ste/ de dag ni sbyin par bya ba'i dngos po yongs su dpyad pa'i yang med la/ gzhan la phan btags pa'i khyad par yang med na/ ji ltar de dag la yid gzhan dang ldan pa dag ji ltar bsod nams mngon par 'phel ba 'am nye bar skye bar 'gyur/ rdzas las byung ba ma yin pa'i bsod nams bya ba'i dngos po dag las ni 'di skad du skul byed 'di la rigs kyi bu'am/rigs kyi bu mo de bzhin gshegs pa 'am/ de bzhin gshegs pa'i nyan thos grong ngam zhing che ge mo zhig na rten cing bzhugs so zhes thos zhing thos nas kyang dga' ba dang / rab tu dga' ba rgya che ba dge bar nges par 'byung ba dang ldan pa 'thob ste/skul byed 'di ni rdzas las byung ba ma yin pa'i bsod nams bya ba'i dngos po dang po yin te/ de dang ldan pa'i dad pa'i zhes bya ba rgyas pa dang / de bzhin du tshur gshegs pa dang chos thos pa'i bar du gsungs so/ /yang dang yang du de la dmigs pa'i sems pa goms pas zhes bya ba ni/ de bzhin gshegs pa dang nyan thos la dmigs pa'i dang bas zhes bya ba'i don to/ /mi nyal ba la ni de ltar rigs na nyal ba go ji ltar zhe na/ de'i phyir rmi lam na yang de dag rjes su 'brang bar 'gyur ro zhes bya ba smos so/ /rdzas las byung ba gang la rnam par rig byed de/ lus kyis rnam par rig byed dam ngag gi rnam par rig byed med kyi/thos nas dga' ba dang rab tu dga' ba rgya che ba thob pa 'ba' zhig tu zad pa de la ji ltar rnam par rig byed du 'gyur te/ nyan pa po de la ni rnam par rig byed dang / ting nge 'dzin dag med pa'i phyir rnam par rig byed ma yin pa mi rung ngo / /'dod pa'i khams na ni rnam par rig byed la mi ltos pa'i rnam par rig byed ma yin pa med do//gzhan dag na re rdzas las byung ba dag la yang zhes bya ba ni rgyud yongs su 'gyur ba'i khyad par gyis ma yin no snyam du bsams pa'o/ /'o na mdo las zhes bya ba rgyas par 'byung ste/ sems kyi ting nge 'dzin tshad med pa ni byams pa la sogs pa'o//de'i tshe sbyin pa po'i sems pa'i khyad par gang zhig yin/ yod pa ma yin pa nyid de/ sems gzhan dang ldan pa'i phyir ro/ /de lta bas na rgyud yongs su 'gyur ba'i khyad par rig pa dang ldan pa yin te/ sems gzhan dang ldan pa la yang de srid pa'i phyir ro snyam du bsams pa'o/ /gnod pa'i bye brag gi ni srog gcod pa la sogs pa'o//bya ba'i 'bras bu yongs su rdzogs na zhes bya ba la/ bya ba ni las kyi lam dngos kyi sbyor ba'o/ /de'i 'bras bu ni las kyi lam dngos so/ /tshul ni 'di nyid yin par rig par bya'o zhes bya ba ni/ bdag nyid kyi sbyor bas gzhan dag la gnod pa byas pa'i bye brag gis byed pa po la rgyud yongs su 'gyur ba'i khyad par phra mo skye bar 'gyur ro zhes bya ba'o//yongs su 'gyur ba'i khyad par las kyi lam du ji ltar brjod ce na/ de'i phyir 'bras bu la rgyu brtags pa'i phyir ro zhes bya ba smras te/ 'bras bu ni rgyud yongs su 'gyur ba'i khyad par te/ de'i rgyu ni las kyi lam mo/ /ji ltar zhe na/ lus dang ngag gi rnam par rig byed kyis bsdus pa ni de'i sgo nas sems pa zhes bya ba'i las rab tu 'jug pa'i phyir las kyi lam yin la/ de'i 'bras bu ni rgyud yongs su 'gyur ba'i khyad par ro/ /de dag gi bya ba'i 'bras bu yin pa'i phyir zhes bya ba la/lus kyi bya ba'i 'bras bu yin pa'i phyir lus kyi nyid yin la/ ngag gi bya ba'i 'bras bu yin pa'i phyir ngag gi nyid yin te/ las kyi lam nyid ji lta ba bzhin du lus kyi dang ngag gi nyid kyang brtags pa kho na las yin no zhes ston to/ /dper na rnam par rig byed ma yin pa rnams kyi zhes bya ba ni rnam par rig byed ma yin pa smra ba rnams kyis kyang 'bras bu la rgyu brtags pas rnam par rig byed ma yin pa las kyi lam du 'dod la/lus dang ngag gi bya ba'i 'bras bu yin pa'i phyir lus kyi'am ngag gi nyid du 'dod pa yin no/ /zin pa'i phung po dag la zhes bya ba ni da ltar ba dag la ste/ 'das pa dang ma 'ongs pa dag ni zin pa ma yin no zhes 'byung ba'i phyir ro//ji ltar dus gsum pa'i sems pas yin zhe na/ gsad par bya'o/ /gsod do/ /bsad do snyam pa ste/ 'dir btsun pas rnam par rig byed ma yin pa khas ma blangs dang sems pa kho na las kyi lam yin no zhes bstan par 'gyur ro/ / btsun pa'i bsam pa yang dag pa yin nam ma yin snyam ste 'di la bsam pa ni bdag nyid kyis gsod pa la zhes bya ba la sogs pa smos so/ /nye bar bstan pa 'di las lam yongs su rdzogs par lhur byed pa ma yin gyi/ 'o na ci zhe na/ rang nyid kyis gsod pa la sems pa 'byung ba lhur byed pa yin no/ / de kho na dang 'dra bar mi mngon par zhen pa zhes bya ba ni/ rnam par rig byed ma yin pa ltar tshad ma dag gis mi dmigs zhes bya ba'i tha tshig go/ /sems kyi rgyu las byung ba ni sems sngon du 'gro ba dang / sems kyi rgyu las zhes bya ba'i don to/ /lus kyi sbyor ba zhes bya ba ni lus kyi bya ba ste/ lus kyi g.yo ba'o//bya ba yongs su rdzogs na zhes bya ba ni las kyi lam yongs su rdzogs na zhes bya ba'i tha tshig go/ /de dag dang zhes bya ba ni lus dang sems dag dang ste/ chos gzhan ni rnam par rig byed ma yin pa'i mtshan nyid can no/ /gang gis byas pa'i sbyor ba las byung ba zhes bya ba rgyas par 'byung ste/ sems gang gis byas pa ni gang gis byas pa'i sbyor ba'o/ /de las byung ba'i bya ba yongs su rdzogs pa ni las kyi lam yongs su rdzogs pa'o/ /de kho na la zhes bya ba ni sbyor bar byed pa'i sems la'o/ /de'i rgyu can gyis zhes bya ba ni bya ba yongs su rdzogs pa'i rgyu can no/ /ci'i phyir zhe na/ bya ba yongs su rdzogs pa ni des byas pa'i sbyor ba las byung ba'i phyir ro//yongs su dag par 'gyur te zhes bya ba ni/ rgyun yongs su 'gyur ba'i khyad par sems kyi bdag nyid du 'gyur ba'i chos can yin pa'i phyir ro/ /sems dang sems las byung ba'i rgyud las zhes bya ba la sogs pa 'byung ste/ 'di gang las brtags she na/gang 'di skad du ces bya ba sems zhes bya ba'am zhes bya ba nas shes rab kyis yongs su bsgos na gong du 'gro bar 'gyur ro zhes bya ba'i bar gyi mdo las so/ /rnam par rig byed med pa'i phyir ro zhes bya ba de lta bu la sogs pa la/ rnam par rig byed ma yin pa ni 'dod pa'i khams na rnam par rig byed med par med la/rnam par rig byed kyang rdzas su yod pa ma yin no zhes rgyas par bstan zin to/ /sogs pa zhes bya ba'i sgras ni khas blangs nas mi byed pa tsam yin pa'i phyir dang / 'das pa'i 'byung ba chen po rnams la brten nas 'dogs pa'i phyir la/ de dag kyang rang gi ngo bo la med pa'i phyir rnam par rig byed ma yin pa rdzas gzhan med do zhes bya ba bsdus te/de'i phyir yang gang gis byas pa'i sbyor ba las byung ba zhes bya ba rgyas par 'byung ba don gzhan med pa'i phyogs la yongs su dga' bar 'gyur ro/ /'di ni bstan du yang med la thogs pa yang med pa'i gzugs bstan pa gang yin pa de nyid ces bya ba la/ji ltar zhe na/ bsam gtan pa rnams kyis ting nge 'dzin gyi mthus ting nge 'dzin gyis yul gyi gzugs bstan du med pa dang / thogs pa med pa skye ba gang yin pa ste/ de nyid chos kyi skye mched du gtogs pa yin no/ /ji ltar na lam la snyoms par zhugs pa la zhes bya ba rgyas par 'byung ba ni ngag dang las kyi mtha' dang 'tsho ba med pa nyid do snyam du bsam pa ste/de nyid kyi phyir ci 'di tshig tu smra ba'am zhes bya ba la sogs pa smos so/ /khyod smros shig ces bya ba ni je tshur sheg ces bya ba'o/ /smras pa ma yin no zhes bya ba ni bye brag tu smra ba'o/ /'o na ji lta bu zhe na/ de lta bu'i rnam par rig byed ma yin pa zag pa med pa 'thob po//ji ltar rtogs she na/ gang gi phyir langs na yang log pa'i ngag la sogs pa dag la mi 'jug la/ yang dag pa'i ngag la sogs pa la ni 'jug pas so/ /de'i phyir zhes bya ba rgyas par 'byung ba ni/ gang gi phyir de lta yin pa de'i phyir ro/ /rgyu mtshan ni 'dir rnam par rig byed ma yin pa'o//rgyu mtshan can ni yang dag pa'i ngag la sogs pa dag go/ /rnam par rig byed ma yin pa la der bshad do zhes bya ba ni yang dag pa'i ngag dang las kyi mtha' dang 'tsho bar bshad do zhes bya ba'i tha tshig go/ /bsam pa dang lus zhes bya ba la/ bsam pa ni srog gcod pa mi byed pa'i bsam pa'o//lus ni yang dag pa'i ngag la sogs pa 'jug par rung ba ste/ rten yongs su gyur zhes bya ba'i tha tshig go/ /de'i phyir rgyu mtshan rgyu mtshan can nye bar btags pa byas nas zhes bya ba ni de 'dra ba'i bsam pa dang lus lam gyi stobs kyis thob pa gang yin pa de ni yang dag pa'i ngag la sogs pa'i rgyu mtshan yin te/rgyu mtshan de la rgyu mtshan can nye bar btags pa byas nas lam yan lag brgyad rnam par gzhag go/ /de dag mi byed pa tsam zhes bya ba ni log pa'i ngag la sogs pa mi byed pa tsam mo/ /de gang zhig ce na/ 'di yang 'phags pa'i lam gyi mthus zhes bya ba la sogs pa'o//lam dag ni zag pa med pa yin na/ mi byed pa tsam ni zag pa med pa yin par mi 'os pas de lam nyid du mi rung ngo zhe na/ de'i phyir de yang zag pa med pa'i lam la brten nas/ thob pa'i phyir zag pa med pa yin no zhes bya ba smos so/ /gal te de dag mi byed pa tsam po zag pa med pa ni rdzas su med pa yin pa ji ltar lam brgyad du 'gyur zhe na/de'i phyir thams cad du rdzas su yod pa'i chos zhes bya ba rgyas par smos so/ /de nyid la dper brjod pa smos pa ni/ dper na 'jig rten pa'i chos brgyad ces bya ba ste/ ma rnyed pa ni dper brjod pa ste/ rnyed pa med pa tsam yin pa'i phyir ro/ /de nyid kyi phyir de la ni chos gos la sogs pa dag ces bya ba rgyas par smos so//gang yang so sor thar pa'i sdom pa yang med par 'gyur te zhes smras pa de'i dbang du byas nas so sor thar pa'i sdom par 'gyur te zhes bya ba smos so/ /sems pa gang gi cho ga sngon du btang bas zhes bya ba ni/ bsnyen par rdzogs pa'i cho gas zhes bya ba'i tha tshig ste/sems de sdom pa yin no/ /de lta na 'o na sems gzhan dang ldan pa ma bsdams par 'gyur ro ste/ sdom pa'i sems pa'i sems las sems gzhan dang ldan par ma bsdams par 'gyur ro/ /ci'i phyir zhe na/ sems pa gang gi lus dang ngag sdom pa'i sems pa de'i tshe yod pa ma yin pa'i phyir ro//ma yin te de la goms pas zhes bya ba ni/ sdom pa'i sems pa des sems rgyud la de'i rang bzhin can gyi sems zhes pa 'ongs pa bskyed pa la sa bon du gzhag pa gang yin pa'i ngo bo'i goms pas so/ /bya ba'i dus su zhes bya ba ni srog gcod pa la sogs pa sbyor ba'i dus su ste/bdag ni srog gcod pa la sogs pa las log pa yin no zhes bya bar sdom pa len pa dran pa la nye bar gnas pa'i phyir ro ste mi phyed par khas len pa'i sems pa nye bar gnas pa'i phyir te/ mngon du 'gyur zhes bya ba'i tha tshig go/ /de ltar na sdom pa'i sems pa rgyun dang bcas pa ni de las skyes pa dang de'i rgyu'i sdom pa yin no zhes bstan par 'gyur ro//gang yang chu lon du yang gsungs na zhes smras pa/ de'i phyir chu lon gyi ngo bor yang 'gyur te zhes bya ba smos te/ sdom pa'i sems pa zhes bya ba dang sbyar ro/ /de lta bu'i don du de yang dag par len pa yin no zhes bya ba ni/ ci nas kyang mi byed pa dang bcas pa dran pas 'chal pa'i tshul khrims mi byed par bya ba'i phyir ro/ /brjed ngas pa 'gas kyang tshul khrims 'dral bar mi 'gyur ro zhes bya ba ni/ rnam par rig byed ma yin pa la chu lon du brjod la/ de ni brjed ngas pa'i dus na yang yod pa'i phyir ro/ /rnam par rig byed ma yin pa'i gzugs rdzas gzhan kho nar yod do zhes zer ro//gang las she na/ bstan du med cing thogs pa med pa la sogs pa'i gzugs yod do zhes bya ba la sogs pa'i gsung 'di ni phyin ci ma log pa yin te/ de bzhin gshegs pas gsungs pa'i phyir chos thams cad bdag med par bstan pa bzhin no//yang na dge slong la sogs par rnam par gzhag pa'i rgyu yin pa'i phyir/ 'phags pa'i gang zag brgyad dang rnam par gzhag pa'i 'bras bu can gyi lam bzhin no/ /rus gang la sogs pa'i gzugs brnyan gyi gzugs sam rgyud yongs su 'gyur ba'i khyad par ni dge slong la sogs par rnam par gzhag pa'i rgyu ma yin te 'khrul pa'i phyir ro//phyi rol pa rnams la sdom pa yod kyi so sor thar pa'i sdom pa ni ma yin te srid pa la brten pa'i phyir ro/ /sdom pa med na ni don ma yin pa'i tshogs chen por 'gyur te/ zhar la 'ongs pas chog go/ /rnam par rig byed ma yin pa ni rnam par rig byed ma yin pa lhan cig 'byung la/rnam par rig byed kyang 'byung ba chen po dag rgyur byas pa yin pas the tshom za nas 'dri ba ni de ci rnam par rig byed kyi 'byung ba dag kho na rgyur byas nas zhes bya ba rgyas par 'byung ba'o/ /tshogs pa de nyid la zhes bya ba ni sa la sogs pa 'byung ba bzhi'o//'bras bu phra mo zhes bya ba la/ rnam par rig byed ma yin pa ni bstan du med cing thogs pa med pa'i phyir phra mo yin la/ rnam par rig byed ni bzlog pa rags pa yin no/ /yang ci gang gi tshe rnam par rig byed yod pa de'i tshe yod pa zhes bya ba ni de'i dus na yod pa'i 'byung ba chen po dag go/ / rgyur byas pa'i gzugs phal cher zhes bya ba rgyas par 'byung ngo / /rgyur byas pa'i gzugs 'dod par gtogs pa thams cad ni de lta bu ste/ da ltar 'byung ba'i 'byung ba chen po dag kho na rgyur byas nas skyes te/ de nyid kyi phyir da ltar dang ma 'ongs pa cung zad cig ni zhes bya ba smos so/ /'dod gtogs rnam rig min skad cig /phyin chad 'das pa'i 'byung las skye/ zhes bya ba la skad cig phyin chad zhes bya ba smos pa ni skad cig ma dang por ni 'phen par byed pa 'byung ba chen po dang lhan cig skye ba'i phyir ro/ /'dod gtogs zhes bya ba smos pa ni bsam gtan dang zag pa med pa'i sdom pa gcad par bya ba'i phyir te/ de dag gi rten 'byung ba chen po rnams ni sems dang 'dra bar dus mnyam pa'i phyir ro/ /de dag ni 'di'i gzhi'i don du 'gyur la zhes bya ba ni/ dper na da ltar byung ba'i 'byung ba chen po dag rgyur byas pa'i gzugs gzhan gyi rten yin pa bzhin no/ /'jug pa dang rjes su 'jug pa'i rgyu yin pa'i phyir go rims bzhin te zhes bya ba ni 'das pa'i 'byung ba chen po dag ni 'jug pa'i rgyu yin pa'i phyir gzhi'i don du 'gyur la/lus rgyu yin pa'i phyir rten gyi don du 'gyur ro/ /lag pas 'phul ba dang sa'i phyogs zhes bya ba la/ lag pas 'phul ba ni 'jug pa'i rgyu'o/ /sa'i phyogs ni rjes su 'jug pa'i rgyu'o/ /des nges par byas nas nges pa 'dri ba ni/yang gang na yod pa'i phyir zhes bya bas rgyas par 'byung ngo / /'byung ba dag dang lus dang ngag gi las ni sa lnga pa yin pa'i phyir dang / bsam gtan bzhi pa yan chad na 'byung ba dag med pa'i phyir dang / lus dang ngag gi las med pa'i phyir/ bsam gtan pa'i sa pa'i bar du zhes bya ba smos so//khams gsum ma gtogs pa'i phyir zhes bya bas ni 'di la skye ba kho na nges pa'i rgyu yin gyi rang gi sa pa nyid ni ma yin te/ zag pa med pa ni ldan pa ma yin pa'i phyir ro zhes ston to/ /de lta na 'o na zag pa med pa'i 'byung ba dag kho na rgyur byas nas 'byung ngo zhe na/ de'i phyir zag pa med pa'i 'byung ba dag med pa'i phyir zhes bya ba smos so//de lta na ni 'o na 'byung ba la ltos pa med par 'gyur ro zhe na/ de'i phyir de'i stobs kyis skye ba'i phyir ro zhes bya ba smos te/ rgyur byas pa'i gzugs ni 'byung ba la ma ltos par mi 'byung la/ sems tsam gyis stobs kyis skye na ni 'di rgyur byas pa'i gzugs yin pa nyid la 'gyur ro//rnam par rig byed dang rnam par rig byed ma yin te las de las kyang zhes bya ba 'byung ste/ de la zhes bya ba ni dmigs kyis dgar ba'i phyir ro/ /rnam par rig byed ma yin pa ni rnam pa gnyis te/ mnyam par bzhag pa'i sa pa dang / mnyam par ma bzhag pa'i sa pa'o/ /de la rnam rig byed min thams cad kho na ni//ma zin dang zhes bya ba rgyas par 'byung ngo / /yul na mi gnas pa'i phyir dang / sems dang sems las byung ba dag gis rten gyi dngos por ma bzung ba'i phyir na ma zin pa'o/ /dge ba dang mi dge ba'i skal ba mnyam pa'i rgyus bskyed pa'i phyir rgyu mthun pa las byung ba'o/ /dge ba dang mi dge ba yin pa'i phyir rnam par smin pa las skyes pa ni ma yin te/rnam smin lung du ma bstan zhes bya ba 'byung ba'i phyir ro/ /rgyas pa las byung ba yang ma yin te/ rdul phra rab bsags pa med pa'i phyir dang / de skye ba rnam par shes pa la ltos pa'i phyir ro/ /sems can du ston pa yang yin te/lus dang ngag gi las kyi mtshan nyid yin pa'i phyir dang / sems can gyi rgyud du gtogs pa'i phyir ro/ /'di ni khyad par yin te/ mnyam par ma bzhag pa'i sa pa ni/ rgyu mthun zin pa'i 'byung las skye/ /rgyas pa las 'byung ba'i 'byung ba las skye ba ni ma yin te/ 'dod gtogs rnam rig min skad cig /phyin chad zhes 'byung ba dang / de la rnam par rig byed dang / de'i skad cig pa'i rnam par rig byed ma yin pa gang yin pa 'di ni las kyi lam dngos yin no zhes 'byung bas de'i rten gyi 'byung ba chen po dag skad cig gcig pa yin pa'i phyir dang / rgyas pa las byung ba'i 'byung ba chen po dag ni rgyun chags par rjes su 'jug pa'i phyir ro//ma zin pa'i 'byung ba las skye ba yang ma yin te/ de'i 'byung ba chen po dag lus kyi 'byung ba chen po dang tha mi dad pa'i phyir ro/ /ting nge 'dzin las skyes pa ni rgyas pa las 'byung ba dang zhes bya ba rgyas par 'byung ste/ rgyas pa las byung ba'i 'byung ba las skye'i rgyu mthun pa'i 'byung ba las skye ba ni ma yin te/rgyas pa las 'byung ba las ma gtogs pa'i rgyu mthun pa med pa'i phyir ro/ /ma yin pa'i 'byung ba las skyes pa kho na yin gyi/ zin pa'i 'byung ba las skyes pa ni ma yin te/ de'i 'byung ba dag ni dbang po dang tha dad pa'i phyir dang / sems la rag las pa'i phyir ro//zin pa rnams ni sems la ltos pa med par 'byung ste/ 'gog pa'i snyoms par 'jug pa la sogs pa'i gnas skabs dag na sems med par yang 'jug pa'i phyir ro/ /tha dad min las skye zhes bya ba ni 'byung ba chen po gang dag kho na rgyur byas nas srog gcod pa spong ba skye ba de dag kho na las tshig kyal pa spong ba'i bar du skye'o zhes bya'o//sems bzhin du 'byung ba tha mi dad pa'i phyir ro zhes bya ba ni/ dper na de skyed par byed pa'i sems tha mi dad de/ srog gcod pa la sogs pa spang ba thams cad kyi sems lhan cig 'byung ba'i rgyu yin pas tha mi dad pa de bzhin du skyed par byed pa'i 'byung ba chen po dag kyang spong ba thams cad la tha mi dad pa yin no//so sor thar pa'i sdom pa ni gzhan dag yin te/ lhan cig 'byung ba'i rgyu yin pa'i phyir ro/ /rnam par rig byed ni rgyu mthun pa las byung ba ste zhes bya ba 'byung ngo / /lus kyi ni zin pa yin no zhes bya bas ni ngag gi ni ma zin pa yin no zhes bstan par 'gyur ro//rnam par rig byed skyed par byed pa'i 'byung ba dag kyang rgyu mthun pa las 'byung ba dang / sems can du ston pa yin no/ /yang ci rnam par rig byed 'di skye ba na zhes bya ba rgyas par 'byung ste/ ci tshig byed pa las skye ba ltar sngar gyi dbyibs bshig nas skye ba 'am/ 'on te lha'i mig ltar ma bshig par yin/ji ltar 'byung ba'i tshogs gcig la dbyibs gnyis 'grub par 'gyur zhes bya ba la/ ji ltar mi 'grub ce na/ thogs pa dang bcas pa'i phyir ro/ /rnam par rig byed de ni sngar gyi dbyibs kyi rgyun ma bshig par rgyu mthun pa las byung ba'i 'byung ba chen po gzhan dag kho na rgyur byas nas skye ste lha'i mig bzhin no//kha cig na re rnam par rig byed kyi dbyibs kyi 'byung ba chen po dag ni phra ba'i phyir mi dmigs te/ yan lag gi mtshon bzhin no zhes zer ro/ /gzhan dag na re lus gse ba yod pa'i phyir te/ ngag gi go skabs yod do zhes zer ro/ /de ltar rnam par smin pa'i gzugs chad pa yang rgyun chags pa'i nyes pa yang med la/'byung ba'i tshogs gcig la dbyibs gnyis dang gang la brten nas skye bar 'gyur ba chen por 'gyur ba dang / yan lag dag gis rnam par rig par byed pa yang ma yin no/ /yang las de rnam grangs kyis rnam pa gnyis dang rnam pa gsum rnam pa lngar bshad pa zhes bya ba 'byung ste/de'i sems pa dang des byas zhes bya ba ni rnam pa gnyis su bshad pa yin no/ /sems pa yid kyi las yin no/ /des bskyed lus dang ngag gi las/ /zhes bya bas ni rnam pa gsum du bshad pa yin la/ yang na sems pa dang rnam par rig byed dang / rnam par rig byed ma yin pa zhes bya ba yin no//rnam pa lnga zhes bya ba ni lus dang ngag gi las re re la rnam par rig byed dang / rnam par rig byed ma yin par phye la/ /sems pa yid kyi las yin no/ /zhes bya ba dang rnam pa lngar bshad pa yin no/ /de la zhes bya ba ni las rnam pa lnga las so/ /rnam rig min lung bstan min med//ci'i phyir zhe na/ de skye ba ni kun nas slong bar byed pa stobs dang ldan pa la ltos pa'i phyir dang / lung du ma bstan pa'i sems ni stobs chung ba yin no/ /gang de 'gag kyang rjes su 'brel par 'gyur ba zhes bya ba la/ de slong bar byed pa lung du ma bstan pa'i de'o/ /rnam par rig byed ma yin pa ni de'i skad cig gcig pa yod pa yang ma yin te/dge dang mi dge'i rjes 'brang gang / /zhes 'byung ba'i phyir ro/ /rnam par rig byed dang sems pa'o zhes bya ba la/ rnam par rig byed ces bya bas ni lus dang ngag gi rnam par rig byed bsdu'o/ /mi dge ni 'dod na'o zhes bya ba ni/ /de las 'gyod gnyid mi dge rnams//bsam gtan dang po dag na med/ /ces 'byung ba'i phyir ro/ /de nyid kyi phyir/ gzhan na ni med de zhes bya ba smos te/ gzugs dang gzugs med pa'i khams gnyis na'o/ /mi dge ba'i rtsa ba rnams dang / ngo tsha med pa dang khrel med pa yang dag spangs pa'i phyir ro zhes bya ba ni/ngo bo nyid kyis mi dge ba med pa mtshungs par ldan pa dang / kun nas slong bas mi dge ba mi 'grub po/ /da ni rnam par rig byed ma yin pa gnyis kyis sa dang khams kyi rnam par gzhag pa nges par bstan pa'i phyir/ de la gzugs na yang rnam rig min/ /zhes bya ba smos so/ /'byung ba med pa'i phyir dang zhes bya ba ni gzugs med pa rnam par 'byung ba dag med la/rgyur byas pa'i gzugs 'byung ba dang / rgyur ma byas par yod pa yang ma yin pas gzugs med pa dag na rnam par rig byed ma yin pa med do/ /gang la lus dang ngag 'jug pa/ /zhes bya ba rgyas par 'byung ste/ kha na ma tho ba dang bcas pa'i lus dang ngag gi 'jug pa sdom pa'i don gyis na sdom pa zhes bya na/gzugs med pa'i khams na ni lus dang ngag gi 'jug pa yod pa yang ma yin te/ de na de gnyis med pa'i phyir ro/ /'o na 'dod pa'i khams 'dir gzugs med pa'i snyoms par 'jug pa zhugs pa la yod par 'gyur te/ 'di la 'byung ba dag dang lus dang ngag dag gi 'jug pa yang yod pa yin no//zag pa med pa'i rnam par rig byed ma yin pa bzhin no zhes bya ba ni gang du skyes pas zag pa med pa'i rnam par rig byed ma yin pa bskyed pa'i rnam par rig byed ma yin pa zag pa med pa de ni zag pa med pa'i 'byung ba med kyang sa de pa'i 'byung ba dag rgyur byas nas skye ba bzhin no//ma yin te de ni khams su ma gtogs pa'i phyir zhes bya ba la/ 'dod pa dang gzugs dang gzugs med pa na spyod pa'i sred pa dag gis bdag gir ma byas pa'i phyir na khams su ma gtogs pa nyid de/ de ni khams sam sa'i sgo nas kyang rung ste/ 'byung ba chen po dag dang skal ba mnyam pa yang ma yin la/skal ba mi mnyam pa yang ma yin pas de dag rgyur byas nas skye'o/ /gzugs med pa na spyod pa'i rnam par rig byed ma yin pa ni 'dod pa dang gzugs na spyod pa skal ba mi mnyam pa'i 'byung ba rgyur byas nas skye bar 'os pa ma yin no/ /ji ltar gzugs thams cad la rgyab kyis phyogs she na/de'i phyir gzugs kyi 'du shes dang bral ba'i phyir ro zhes bya ba smos te/ gzugs kyi 'du shes dang bral ba nyid yin pa'i phyir ro zhes bya ba'i tha tshig go/ /'chal ba'i tshul khrims de yang 'dod pa na spyod pa yin na zhes bya ba ni mi dge ba'i rtsa bas kun nas bslang ba'i phyir ro//gzugs na spyod pa'i tshul khrims ni gzugs kyi khams na 'chal ba'i tshul khrims med mod kyi de lta na yang 'dod pa na spyod pa'i 'chal ba'i tshul khrims kyi gnyen po yin pa'i phyir rung ba yin na/ gzugs med pa ni 'dod pa'i khams nas ring ba nyid bzhis ring ste zhes bya ba 'dis dper brjod pa ni mnyan po ring ba yin no//rten ring ba nyid kyi mtshan nyid ni mdzod kyi gnas gnyis par bshad zin to/ /rnam rig spyod dang bcas dag na/ /zhes bya ba ni/ /lus dang ngag gi las ni rtog pa dang dpyod pa mngon du 'gro ba yin pa'i phyir ro/ /dpyod pa smos pa ni bsam gtan dang po mtha' dag la khyad par byed pa'i phyir ro//'dod pa na 'ang sgrib pa med ces bya ba'i yang zhes bya ba'i sgras ni bsam gtan dang po'i gong na yang med do zhes bya ba ste/ de ltar na bsam gtan dang po kho na na yod do zhes bstan to/ /de yan chad na zhes bya ba ni tshangs pa'i 'jig rten gyi gong bsam gtan gnyis pa la sogs pa dag na'o//ji ltar na ngag gi rnam par rig byed med ce na/ rtog pa dang dpyod pa dag med pa'i phyir te/ brtags shing dpyod nas tshig tu smra'i ma brtags ma dpyad par ni ma yin no zhes 'byung ba'i phyir ro/ phyi'i 'byung ba chen po rgyur byas pa zhes bya ba ni gos la sogs pa'i rgyu can no/ /'di la kha cig bstan bcos ldan pa gsungs pa'i phyir na 'di ni de lta ma yin te/'di skad du/ gang zhig sgra'i khams dang ldan zhe na/ smras pa/ 'dod pa na spyod pa dang gzugs na spyod pa dang gzugs med pa na spyod pa'o/ /gang zhig ce na/ gzugs med pa na spyod pa'o zhes gsungs na/sems can du ston pa ma yin pa'i phyi'i ngang ni ldan pa yod pa ma yin no/ /dbang po dang tha mi dad pa'i sgra'i khams ni thams cad na yod pa'i phyir ro/ /yang na ni de'i phyogs gcig na yod pa'i dbang du byas nas bshad pa'i phyir nyes pa med do zhes rgol bar byed do/ /gzhan dag na re zhes bya ba rgyas par 'byung ste/bsam gtan gnyis pa la sogs par skyes pa de dag ni/ bcom ldan 'das gnas gtsang ma na bzhugs pa na phyag dang / bstod pas bkur sti byed pas phan tshun smra bar byed pa yin no/ /ma bsgribs la lung du ma bstan pa mngon du zhes bya ba ni mig la sogs pa'i rnam par shes pa bzhin du/bsam gtan dang po'i yid kyi rnam par shes pa rnam par rig byed kun nas slong bar byed pa ma bsgribs la lung du ma bstan pa mngon du byed pa de'i phyir de ni ma bsgribs la lung du ma bstan pa kho na yin no/ /ci'i phyir dge ba dang nyon mongs pa can med ce na/ de'i phyir de dag tu skyes pa ni zhes bya ba smos so//de lta bu zhes bya ba ni/ dge ba dang nyon mongs pa can gyi rang bzhin mngon du byed pa'i rgyu smras pa dman pa'i phyir dge ba mngon du mi byed la/ spangs pa'i phyir nyon mongs pa can mngon du mi byed do/ /snga ma kho na brjod do zhes bya ba ni phyi'i 'byung ba chen po rgyur byas pa'o//gang phyir kun slong med ces bya ba ni/ 'dis kun nas slong bar byed pas na kun slong ngo / /tshangs pa'i 'jig rten yan chad na rnam par rig byed ji ltar yod pa ma yin pa de bstan pa ni rtog pa dang dpyod pa dang bcas pa zhes bya ba rgyas par 'byung ba'o/ /'dod pa'i khams na bsgribs la lung du ma bstan pa ji ltar yod pa ma yin pa de bstan pa'i phyir bsgom pas spang bar bya ba zhes bya ba smos te/gang yang rung ba zhig ma tshang bas ni ma yin no/ /ci'i phyir zhe na/ brtags shing dpyad nas tshig tu smra'i ma brtags ma dpyad par ma yin no zhes 'byung ba'i phyir la/ mthong bas spang bar bya ba ni kha nang du bltas nas 'jug pa'i phyir rnam par rig byed kun nas slong bar mi nus so//bsgom pas spang bar bya ba ni kha phyir bltas te 'jug pa'i phyir nus na 'dod pa'i khams na ni bsgom pas spang bar bya ba bsgribs pa yod pa yang ma yin te/ 'jig tshogs dang mthar 'dzin par lta ba las ma gtogs pa'i bsgribs la lung du ma bstan pa gzhan med pa'i phyir la/de nyid kyang mthong bas spang bar bya ba yin pa'i phyir ro/ /tshangs pa'i 'jig rten gyi gong na rtog pa dang dpyod pa dag yod pa yang ma yin te/ de'i phyir gang yang rung ba dang bral ba'i phyir bsam gtan gnyis pa la sogs pa dag na rnam par rig byed med la/'dod pa'i khams na bsgribs pa yang med do/ /'dod pa'i khams nas kun nas slong ba med pas bsgribs pa med do zhes bya bas rnam par dpyod pa skyes pas dri ba ni yang kun nas slong ba'i dbang kho nas chos rnams kyi zhes bya ba rgyas par 'byung ba'o/ /thar pa dam pa'i don du dge /zhes bya bas ni don gyi ngo bo nyid dang mtshungs par ldan pa dang kun nas slong bas dge ba ni kun rdzob tu yin no zhes bstan par 'gyur ro/ /de ni gcig tu shin tu dge ba ma yin te/ 'du byed dang 'gyur ba'i sdug bsngal dag gi bde ba ma yin pa'i phyir ro/ /mya ngan las 'das pa zhes bya ba rgyas par 'byung bas ni 'dir dge ba'i don ni bde ba'i don yin no zhes ston to//gzhan ni dam pa yang de yin la don yang yin pas na dam pa'i don to/ /dam pa zhes bya ba ni mthar thug pa ste/ phul du dbyung du med do snyam du bsams pa'o/ /don ni rdzas dang dngos po zhes bya ba'i don to/ /'di skad bstan par 'gyur te/mya ngan las 'das pa ni dge ba'i don gyi bogs dbyung du med pa'i rdzas yin la/ de ni brtag pa'i phyir dge ba'i chos thams cad kyi mchog yin zhes zer ro/ /rtsa ba ngo tsha khrel yod bdag nyid kyis/ /zhes bya ba la sogs pa la/ dge ba'i rtsa ba gsum dang ngo tsha dang khrel yod pa ni rang gi ngo bo dge ba yin te/rnam par shes pa dang / tshor ba la sogs pa ltar gzhan dang mtshungs par ldan pa la mi ltos pa'i phyir dang lus dang ngag gi las ltar kun nas slong ba la mi ltos pa'i phyir ro/ /'di skad bstan par 'gyur te/ gang zhig mtshungs par ldan pa dang / kun nas slong ba'i dbang gis dge ba dang mi dge ba dang /lung du ma bstan pa'i dbye bas tha dad par mi 'gyur ba de ni rang gi ngo bos dge ba dang mi dge ba yin no/ /de dag dang mtshungs par mi ldan pa rnams la dge ba nyid med pa'i phyir zhes bya ba ni dge ba'i rtsa ba la sogs pa dag dang mtshungs par mi ldan pa'i sems las byung ba rnams la dge ba nyid med pa'i phyir de dag dang mtshungs par ldan pa las dge ba nyid du grub bo//dge ba'i rtsa ba la sogs pa dang mtshungs par ldan pa'i chos de dag kho nas zhes bya ba la sogs pa la/ sogs pa zhes bya ba'i sgras ni ngo tsha shes pa dang khrel yod pa dag dang mtshungs par ldan pa bsdu'o//thob pa rnams ji ltar zhes bya ba rgyas par 'byung ste/ gal te bya ba sogs pa rnams kun nas slong bas dge ba nyid yin na/ de ltar nyon mongs pa can gyi sems kyis kun nas bslang ba'i thob pa rnams dge ba nyid du mi 'gyur te/ 'di lta ste/ the tshom gyis dge ba'i rtsa ba'i nying mtshams sbyor ba dang /yang srid par nying mtshams sbyor ba'i tshe dge ba'i chos kyi thob pa rnams so/ /de rnams ni don dam pa 'am ngo bo nyid dam/ mtshungs par ldan pa'i sgo nas dge ba nyid yin par mi rigs te/ de rnams mya ngan las 'das pa la sogs pa'i rang bzhin ma yin pa'i phyir la/don dam pa dang / ngo bo nyid dang mtshungs par ldan pa dang / kun nas slong bas dge ba rnams kyang yongs su chad pa'i phyir ro/ /de'i phyir thob pa de rnams ji ltar dge ba yin pa 'di brjod dgos so/ /'di la lan ni/ de rnams ni skal ba mi mnyam pa'i sems la skye ba'i rkyen nyid du ltos pa yin gyi dge ba la sogs pa'i ngo bor ni ma yin no zhes smra'o//gal te kun nas slong ba dang mtshungs par ldan pa'i dbang gis dge ba la sogs pa'i ngo bor mi 'dod na ni des na 'o na dge ba rnam pa gnyis kho na khas blang bar bya ste/ don dam pa dang / ngo bo nyid do/ /'di la lan ni/ de dag ma 'ongs pa'i gnas skabs nyid na dge ba yin la/nyon mongs pa can gyis ni de dag gis thob pa'i gegs sel bar byed kyi/ de dag dge ba nyid du byed pa ni ma yin no/ /de dag ni rtag tu rang bzhin gyis dge ba yin te/ dper na lha sbyin gyi khyim gang yin zhes smras pa dang / gang na bya rog 'dug pa'o zhes smra ste/ khyim ni bya rog gis byed pa ma yin gyis/ 'di ni nye bar mtshon pa tsam yin pa de bzhin du 'dir yang yin no zhes 'debs par byed do/ /sdug bsngal thams cad 'jug pa'i bdag nyid kyis zhes bya ba ni/ 'di la sdug bsngal thams cad 'jug pa'i bdag nyid yin te/ rang bzhin yod pas sdug bsngal thams cad 'jug pa'i bdag nyid do//de'i ngo bos 'khor ba ni don dam par mi bde ba yin te/ mi dge ba'i don ni mi bde ba'i don yin pa'i phyir ro/ /rnam pa gcig tu na skye ba la sogs pa'i sdug bsngal thams cad kyi gzhir gyur pa'i phyir sdug bsngal thams cad 'jug pa'i bdag nyid do/ /sdug bsngal thams cad ni sdug bsngal gsum yin la 'khor ba yang de dag 'jug pa'i bdag nyid yin no//nad dang mi 'phrod pa'i sman la sogs pa dper bya'o zhes bya ba la 'khor ba ni mchog tu mi bde ba yin pa'i phyir nad kyis dper brjod par bya'o/ /chags pa la sogs pa dag ni ngo bo nyid kyis mi bde ba yin te/ de'i phyir chags pa la sogs pa dag ni mi 'phrod pa'i sman gyis dper brjod par bya'o/ /chags pa la sogs pa de dag dang mtshungs par ldan pa de dag gi ngo bo ma yin pas mtshungs par ldan pa dag ni mi 'phrod pa'i sman dang sbyar ba'i btung bas dper brjod par bya'o/ /lus dang ngag gi las dang / skye ba la sogs pa de dag gis kun nas bslang ba rnams ni kun nas slong bas mi bde ba yin gyi ngo bo dang mtshungs par ldan pas ma yin pas mi 'phrod pa'i sman dang sbyar ba'i btung ba las byung ba'i 'o mas dper brjod par bya'o//de lta na 'o na ni zhes bya ba rgyas par 'byung ste/ 'khor ba don dam par mi dge ba yin la/ 'khor ba'i khongs su gtogs pa'i phyir zag pa dang bcas pa'i dngos po thams cad cung zad kyang lung du ma bstan pa 'am dge bar mi 'gyur la/ zag pa med pa kho na lung du ma bstan pa 'am dge bar thal bar 'gyur ro zhe na/ don dam par de de skad du bshad kyi dgongs pa ni mtshan nyid kyis zag pa dang bcas pa dge ba dang mi dge bar lung du ma bstan pa nyid yin no//rnam par smin pa yid du 'ong ba can ni dge ba'o/ /yid du mi 'ong ba can ni mi dge ba'o/ /rnam par smin pa med pa ni lung du ma bstan pa ste/ rnam par smin pa bde ba dang bde ba can ma yin pa'i phyir dang / rnam par smin pa'i phyir brda mi sprod pa'i phyir lung du ma bstan pa'o//don dam par lung du ma bstan pa brten pa dag ces bya ba ni/ rnam grangs med par lung du ma bstan pa dag yin te/ dge ba dang mi dge ba'i mtshan nyid bzhi dang bral ba'i phyir ro/ /ci ste 'byung ba chen po dag ces bya ba ni dge ba dang mi dge ba nyid ma yin te/las kyi rten 'byung ba rnams kyang sems gcig gis kun nas bslangs pa'i phyir lus dang ngag gi las bzhin du dge ba dang mi dge ba nyid du 'gyur ro snyam du sems so/ /byed pa po ni las la sems pa yin gyi 'byung ba rnams la ni ma yin no zhes bya ba 'byung ste/'ga' yang 'byung ba rnams bya'o snyam ste/ dge ba dang mi dge ba'i sems mngon du byed pa ma yin gyis/ 'o na ci zhe na/ lus dang ngag gi rnam par rig byed bya'o snyam du'o/ /gal te bsam pa'i dbang gis dge ba dang mi dge ba nyid yin gyi kun nas slong ba tsam gyis ma yin na/mnyam par gzhag pa'i zhes bya ba la sogs pa 'byung ste/ mnyam par gzhag pa ni 'di snyam du rnam par rig byed ma yin par bya'o snyam du mi sems so/ /mnyam par ma bzhag pa'i gnas skabs na bsam pa yod do zhe na/ de'i phyir mnyam par ma bzhag pa'i zhes bya ba la sogs pa smos te/sa 'og ma pa'i sbyor ba'i sems de ni sa gong ma'i rnam par rig byed ma yin pa kun nas slong bar byed pa yin par mi rung ngo / /gal te sbyor ba'i sems kyi dbang gis rnam par rig byed ma yin pa dge ba nyid du 'dod na ni/ de lta na lha'i mig dang rna ba dag kyang zhes bya ba la sogs pa 'byung ste/sbyor ba'i dus na de dag sems pa yod pas so/ /'di la 'bad par bya dgos so zhes bya ba ni/ 'dir nyes pa 'dir thal bar 'gyur ba bden mod kyi 'di la lan gyi phyir 'bad par bya dgos so/ /gzhan dag ni lan du lus dang ngag gi las dag ni nam yang sems med par ma mthong ste/de'i phyir de ni sems kyi dbang gis dge ba la sogs pa'i ngo bor 'byung ba rnams ni sems la ltos te/ 'byung ba ma yin te de rnams ni sems med kyang 'byung ba'i phyir ro/ /de'i phyir de rnams ni mig la sogs pa bzhin du sems kyi dbang gis dge ba la sogs pa mi dbye'o zhes smra ste/de lta na ni 'o na skye ba la sogs pa dang / thob pa la sogs pa rnams kyang kun nas slong bas dge ba nyid du mi 'gyur te/ de dag gi don du mi 'jug pa'i phyir dang / sems med pa rnams la yang 'byung ba'i phyir ro//'di la lan ni skye ba la sogs pa dang / thob pa la sogs pa ni bdag nyid kyi dge ba la sogs pa nyid ma yin gyis/ 'o na ci zhe na/ chos kyi dbang gis dge ba la sogs par rnam par gzhag la/ 'byung ba chen po rnams ni bdag nyid kyis lung du ma bstan pa nyid yin na/'di la mtshungs pa ci yod/ de ltar na lha'i mig dang rna ba dag kyang dge ba nyid ma yin te/ rnam par grol ba'i lam dang lhan cig skye ba'i phyir dang de yang lung du ma bstan pa yin pa'i phyir ro/ /de dag gi sbyor ba yang sgra dang snang ba yid la byed pa yin pas de dag sbyor ba'i dbang gis dge ba nyid ma yin no zhes smra'o//log par lta ba de las ni zhes bya ba rgyas par 'byung ste/ log par lta ba mthong bas spang bar bya ba ni lus dang ngag gis rnam par rig byed kyi ngo bo log pa'i ngag dang las kyi mtha' gnyis kyis kun nas slong ba nyid du gsungs pas bsgom pas spang bar bya ba kho nas rnam par rig byed kun nas slong gi /mthong bas spang bar bya ba ni ma yin no zhes gang bshad pa de ni 'di dang 'gal bar 'gyur ro/ /rgyu dang ni de'i dus kyi kun slong ba zhes bya ba la sogs pa 'dis kun nas slong bas na kun nas slong ba'o//rgyu nyid kun nas slong ba yin pa ni kun nas slong ba ste/ rgyu yang de yin la kun nas slong ba yang yin pas na rgyu'i kun nas slong ba'o/ /bya ba'i dus de nyid de'i dus te/ de'i dus su kun nas slong ba'o/ /de nyid kyi phyir de'i dus kho nar de yod pa'i phyir ro zhes bya ba smos so/ / 'phen par byed pa yin pa'i phyir zhes bya ba ni skyed par byed pa yin pa'i phyir te/ rgyun mtha' dag bskyed pa'i rgyu nyid du gnas pa'i phyir ro/ /bya ba'i dus su mthun par 'jug pa'i phyir zhes bya ba ni skad cig re re zhing skye ba'i dus su de la phan 'dogs pa'i phyir ro/ /gal te de'i dus kyis kun nas slong ba skyed par byed pa ma yin na ni/de ni rnam par rig byed kyis bya ba de la de'i dus kyi kun nas slong ba de'i nus pa ci zhig yod/ 'phangs su zin kyang de med na shi ba bzhin du de yod par mi 'gyur ro zhes bya ba ni/ rgyu'i kun nas slong bas skyed du zin kyang ste/dper na 'ga' zhig gis grong du 'gro bar bya'o snyam du bya ba 'phangs pa la bar du chod na de la rjes su 'jug par mi nus pas 'gro bar mi 'gyur ba de dang 'dra'o/ /'o na sems med pa'i zhes bya ba la sogs pa la/ gal te de'i dus kyi kun nas slong ba med na shi ba bzhin te yod par mi 'gyur na ni bsnyen par rdzogs pa'i dus su dge 'dun la dge slong gi dngos por gsol ba btab nas 'gog pa'i snyoms par 'jug pa la snyoms par zhugs pa'i lus kyi rnam par rig byed ngag gi rnam par rig byed sngar 'phangs pa ni las brjod pa'i mjug gi dus su sdom pa skye ba'i tshe de'i dus kyi kun nas slong ba med par ji ltar 'byung zhe na/'o na ni sems dang bcas pa la ches gsal ba yin pas zhes bya ba smos te/ de ltar byas na dgra bcom pa la yang so sor thar pa'i sdom pa chung ngu yod par 'gyur ro//mthong bas spang ba'i rnam shes ni/ /zhes bya ba ni mthong bas spang bar bya ba ni rab tu 'jug par byed pa kho na yin gyi/ mthong bas spang bar bya ba kho nas rab tu 'jug par byed pa ni ma yin no/ /ji ltar rab tu 'jug par byed pa yin zhe na/ de'i phyir de kun nas slong bar byed pa zhes bya ba rgyas par smos te/mthong bas spang bar bya ba ni ma yin no/ /ci zhe na/ mthong bas spang bar bya ba'i sems dang / lus dang ngag gi kun nas slong bar byed pa rtog pa dang / dpyod pa dag gi gzhir gyur pa'i phyir kun nas slong ba zhes bya ba ste/ dngos su ni ma yin no zhes ston to//rjes su 'jug par byed pa'i phyir ro/ /ci zhe na/ mthong bas spang bar bya ba'i sems yod pa ma yin no/ /ci'i phyir zhe na/ kha phyir bltas pa'i bya ba'i dus na de med pa'i phyir te/ mthong bas spang bar bya ba'i rab tu 'jug par byed pa med pa'i phyir ro//rjes su 'jug par byed pa gang yin pa de ni sems kha phyir bltas pa la yod na/ mthong bas spang bar bya ba'i sems ni rtag tu kha nang du bltas te/ 'jug pa'i phyir bya ba'i dus yin par ga la 'gyur/ de'i phyir rjes su 'jug par byed pa ma yin no/ /des kun nas slong ba'i zhes bya ba la sogs pa ni de'i dus kyi sa kun nas slong ba'i dbang du byas nas brjod pa yin gyi/rgyu'i kun nas slong ba ni ma yin no/ /ji ltar zhe na/ gal te mthong bas spang bar bya ba de yang rjes su 'jug par byed pa yin na ni de'i phyir mthong bas spang bar bya ba'i rjes su 'jug pa des kun nas slong ba'i lus kyi rnam par rig byed kyi gzugs gang yin pa de yang mthong bas spang bar bya ba yin par 'gyur na/'dod pa yang ma yin te/ de'i phyir mthong bas spang bar bya ba rjes su 'jug pa med do/ /cir 'gyur zhes bya ba ni/gal te gzugs mthong bas spang bar bya bar 'gyur na skyon cir 'gyur/ chos mngon pa la gnod par 'gyur te/ chos mngon pa las/ /nyon mongs can min mthong spang min/ /gzugs min drug pa smin skyes min/ /zhes bstan pa'i phyir ro/ /'thad pa yang bshad pa ni/gzugs ni rig pa dang ma rig pa dag dang mi 'gal ba'i phyir ro zhes pa'o/ /ci ma yin zhe na/ gzugs ni mthong bas spang bar bya ba ma yin no/ /'di ltar gzugs ni mthong bas spang bar bya ba'i nyon mongs pa ltar rig pa mthong ba'i lam dang mi 'gal te/ bden pa mthong ba rnams kyang de dang ldan pa'i phyir ro//de'i phyir mthong bas spang bar bya ba ma yin no/ /ma rig pa dang 'gal ba yang ma yin te/ de kun tu 'byung ba'i gnas skabs na zag pa med pa'i lam ltar ma rig pa mi 'byung ba ni ma yin te/ de'i phyir ma rig pa dang yang mi 'gal lo//de'i phyir 'di ni zag pa med pa ltar spang bar bya ba ma yin pa ma yin pa yang ma yin no/ /gal te spang bya ma yin pa yang ma yin la/ mthong bas spang bar bya ba yang ma yin na ni lhag mar gyur pas bsgom pas spang bar bya ba yin no zhes bya bar grub po/ /phyogs 'di bsgrub par bya ba yin no zhes bya ba la gang zhe na/gzugs rig pa dang mi 'gal lo zhes bya ba ste/ gang zhig gzugs mthong bas spang bar bya bar 'dod pa de ji ltar gzugs rig pa dang mi 'gal bar 'dzin par 'gyur/ 'di ltar bden pa mthong ba la ngan song ba'i lus dang ngag kun du 'byung ba med de/de'i phyir gzugs ni mthong bas spang bar bya ba yod pa ma yin no zhes bya bar bsgrub par bya ba yin no/ /ha cang thal bar 'gyur bar gzhan gyi phyogs gsal bar bya ba'i phyir/ 'byung ba rnams kyang zhes bya ba rgyas par smos so/ /de nyid la rgyu smos pa ni sems mtshungs pas bslang ba'i phyir zhes bya'o//mthong bas spang bar bya ba'i sems gang gis gzugs de bslang ba de nyid kyis de'i rten 'byung ba rnams kyang bslang ba yin no/ /de ltar na ni mi 'gyur te zhes bya ba ni/ ji ltar dge ba dang mi dge ba'i sems kyis kun nas bslang ba'i gzugs kho na dge ba dang mi dge ba yin gyi/de'i rten 'byung ba rnams ni ma yin pa de bzhin du mthong bas spang bar bya ba'i sems kyis kun nas bslangs pa'i gzugs kho na mthong bas spang bar bya bar 'gyur gyi/ de'i rten 'byung ba ni ma yin no/ /yang na gzugs ltar 'byung ba rnams kyang mthong bas spang bar bya bar 'gyur mod/kho bo cag la ci gnod/ nyon mongs pa can ma yin pa'i phyir zhes bya ba ni ma bsgribs la lung du ma bstan pa'o/ /rig pa dang ma rig pa dag dang mi 'gal ba'i phyir zhes bya ba la ni thob pa gcod pa'i 'gal ba'i sgo nas ni rig pa mthong ba'i lam dang 'gal bar 'gyur ba zhig ste/dper na mthong bas spang bar bya ba'i nyon mongs pa rnams bzhin no/ /lam bzhin du ma rig pa dang 'gal ba yang ma yin/ 'byung ba chen po rnams ni ma bsgribs la lung du ma bstan pa yin la/ de rnams kyang bsgom pas spang bar bya ba kho na yin no/ /de'i phyir de ltar rgol ba bkod de mthong bas spang bar bya ba'i rnam par shes pa ni rab tu 'jug par byed pa kho na yin no zhes lan rab tu bzhag nas mjug sdud par byed pa ni de lta bas na mdo las rgyu'i kun nas slong ba'i dbang du mdzad nas zhes bya ba rgyas par 'byung ste/log par lta ba de las ni log par rtog pa dang / log pa'i ngag dang / log pa'i las kyi mtha' 'byung bar 'gyur zhes gang gsungs pa de dang 'gal ba med do/ /yid ni zhes bya ba ni mig la sogs pa'i rnam par shes pa la rnam par gcod pa'o//bsgom pas spang bar bya ba zhes bya ba ni/ mthong bas spang bar bya ba dang / zag pa med pa las rnam par gcod pa ste/ mthong bas spang bar bya ba ni rab tu 'jug par byed pa kho na yin gyi rjes su 'jug par byed pa ni ma yin no/ /zag pa med pa ni gnyis ka ma yin no zhes bya ba la/lnga ni rjes su 'jug par byed pa kho na yin gyi rab tu 'jug par byed pa ni ma yin te/ dpyod par mi nus pa'i phyir ro/ /zag pa med pa ni gnyi ga ma yin no zhes bya ba ni/ mnyam par gzhag pa'i phyir dang / kha nang du bltas pa'i phyir dang 'jug pa dang 'gal ba'i phyir ro//dman par 'gyur ba ma yin zhes bya ba ni mi mnyes pa dang mi bsdad pa'o/ /dge ba'i rgyud gcig pa zhes bya ba ni dge bar rgyud gcig pa'o/ /mdo las kyang zhes bya ba ni sangs rgyas bcom ldan 'das kyi dbang du mdzad nas zhes bya bar ston to//'di la ngan pa mi mnga' bas na glang chen no/ /ngan pa ni nyes pa'o/ /de skad du ni mdo nyid las sku dang gsung dang thugs kyis ngan par mi mdzad de/ de lta bas na glang po che zhes bya'o zhes gsungs so/ /de'i phyir tshigs su bcad pa 'dis ni spyod lam bzhi char la dge ba'i thugs las lung du ma bstan pa'i thugs 'byung ba yod pa ma yin no zhes ston te/mi bzhed bzhin du zhes bya ba rgyas par 'byung ste/ sangs rgyas bcom ldan 'das rnams kyi thugs ni mi bzhed mi dgongs bzhin du mi 'gro ba'i phyir zhes bya ba ni dmigs pa gzhan la mi 'gro zhes bya ba'i tha tshig go//mngon par 'du bya ba med par 'jug pa nyid kyi phyir zhes bya ba ni/ mngon par 'du bya ba med par 'jug pas na mngon par 'du bya ba med par 'jug pa'o/ /de'i dngos po ni de nyid de de'i phyir ro/ /'bad pa med par 'jug ces bya ba'i tha tshig go/ /'di na yang bsgribs la lung du ma bstan pa'i rnam par rig byed yod par 'gyur ro zhes bya ba ni/'dod pa'i khams na 'jig tshogs dang mthar 'dzin par lta bas kun nas bslang ba'i rnam par rig byed kun nas slong ba'i dbang gis bsgribs la lung du ma bstan pa yin pa'i phyir te/de ltar na 'dod pa na yang bsgribs pa med ces gang smras pa de dang 'gal bar 'gyur ro/ /yang na mthong bas spang bar bya ba thams cad kun nas slong bar byed pa ma yin no snyam du gzhan gyi bsam pa la ltos nas yang na mthong bas spang bar bya ba thams cad ces bya ba rgyas par smras te/'di skad du 'jig tshogs dang mthar 'dzin par lta ba ma gtogs pa zhes brjod par bya'o/ /gal te rjes su 'jug par byed pa ji lta ba bzhin zhe na ni zhes bya ba rgyas par 'byung ste/ de ltar na dge ba'i sems kyis rnam par rig byed 'phangs pa na mi dge ba dang lung du ma bstan pa'i sems dang lhan cig 'byung bas/mi dge ba dang lung du ma bstan pa nyid du thal bar 'gyur ro/ /de'i phyir gzhan du dpyad pa gzhan nyid du 'gyur ro/ /rab tu 'jug par byed pa bsgom pas spang bar bya ba ji lta ba rnam par rig byed kyang de dang 'dra'i/ rab tu 'jug par byed pa mthong bas spang bar bya ba ji lta bar rnam par rig byed kyang de dang 'dra ba ni ma yin no//de nyid la rgyu smras pa ni bsgom pas spang bar bya bas bar du chod pa'i phyir zhes bya ba ste/ gang gi phyir rab tu 'jug par byed pa mthong bas spang bar bya ba la/ rab tu 'jug par byed pa bsgom pas spang bar bya bas bar du chod pa de'i phyir bsgom pas spang bar bya ba ji lta ba de ltar rnam par rig byed yin gyi/mthong bas spang bar bya ba ji lta bar ni ma yin no/ /gang zag log par lta ba 'am bdag tu lta ba zhig gzhan dag la 'jig rten pha rol tu med pa 'am bdag yod par ston par 'dod pas ngag skyes par byed pa'i sems kha phyir bltas pa bsgom pas spang bar bya ba rtog pa dang bcas shing dpyod pa dang bcas pas tshig tu smra bar byed kyi/lta ba dang mtshungs par ldan pas ni ma yin pa'i phyir na bar du chod par 'gyur ro/ /bsgom pas spang bar bya ba ni dngos su rnam par rig byed kun nas slong bar byed pa yin pas de'i dbang kho nas rnam par rig byed rnam par gzhag go//'dir smras pa/ dngos dang brgyud pas rgyu yi ni/ /slong byed rnam pa gnyis su 'dod/ /mthong spang brgyud pa'i sgo nas te/ /gzhan ni dngos su'ang yin par 'dod//'o na ni mdo las zhes bya ba rgyas par 'byung ste/ gal te rjes su 'jug pa'i dbang gis rnam par rig byed dge ba la sogs pa nyid yin na ni mdo las rgyu'i kun nas slong ba la dgongs te gsungs kyi zhes bya ba rgya cher 'byung ba 'di brjod par rigs na/ gang gi tshe rgyu'i kun nas slong ba las rnam par rig byed dge ba la sogs pa nyid yin la/rgyu'i kun nas slong ba yang mthong bas spang bar bya ba dang / bsgom pas spang bar bya ba rnam pa gnyis yin pa de'i tshe ni/ rgyu'i kun nas slong ba la dgongs te gsungs so zhes khyad par med par brjod pa mi rigs so//de ltar ni 'dod pa na yang bsgribs pa'i rnam par rig byed yod par 'gyur te/ 'di ltar mthong bas spang bar bya ba'i sems rgyu'i kun nas slong ba yin par 'gyur ro/ /'di skad du zhes bya ba ni bstan bcos mdzad pa'o/ /gzhan gyis chod pa'i zhes bya ba'i mdo las/bsgom pas spang bar bya bas bar du chod pa'i rgyu'i kun nas slong ba'i dbang du mdzad nas gsungs pa'i phyir mi 'gal lo/ /zhar la 'ongs pa rdzogs so zhes bya ba ni zhar la byung ba rdzogs so zhes bya ba'i tha tshig ste/ las rnams kyi sa dang khams kyi zhar la 'ongs pa'o//rnam rig min rnam gsum zhes bya ba rgyas par 'byung ba ni rnam gsum zhes bya ba mdor bstan nas/ sdom dang sdom pa min dang gzhan/ /zhes bya bas rnam par 'grel to/ /so sor thar zhes bya rnam brgyad/ /ces bya ba 'byung ste/ de la nyes par spyod pa dang 'dod pa las dben pa la spyod pa'i gang zag gi dbang du byas nas sdom pa dang po rnam par gzhag ste/de 'dra ba des ni ji srid 'tsho'i bar du srog gcod pa la sogs pa'i nyes par spyad pa dang mi tshangs par spyod pa las ldog par nus so/ /gang zhig nyes par spyod pa las dben par spyod pa 'ba' zhig tu zad pa de'i dbang du byas nas ni khyim pa'i sdom pa ji srid 'tsho ba la gnyis te/de nyid kyi phyir de ni 'dod pas log par g.yem pa la ldog par rnam par gzhag gi mi tshangs par spyod pa las ni ma yin no/ /gnyis ka las gtan du dben pa la goms pa dang bral ba la ni rim gyis de gnyi ga la goms par bya ba'i phyir bsnyen gnas kyi sdom pa nyin zhag pa kho na rnam par gzhag go//mtshan nyid so sor nges pa'i phyir zhes bya bas ni sdom pa bzhi ste/ spang bya lnga brgyad bcu dang ni/ thams cad spong ba zhes bya ba la sogs pa 'chad par 'gyur ro/ /mtshan 'gyur na dge slong ma'i sdom pa gtong la/dge slong gi sdom pa 'dod ce na/ de'i phyir mtshan gyur pa la sngon gyi sdom pa gtong ba'i rgyu yang ste/ bslab pa phul ba dang 'chi 'pho ba dang / mtshan gnyis byung ba la sogs pa yod pa ma yin la zhes bya ba smos te/ bslab pa gtong ba'i rgyu med par ni bslab pa gtong bar rigs pa ma yin no//sngon med pa'i sdom pa thob par thal ba'i rgyu gzhan gyi rnam par rig par byed pa la sogs pa yang yod pa ma yin no/ /mtshan snga ma dang phyi ma gtong ba dang byung ba nyid sdom pa gtong ba dang 'thob pa'i rgyur rigs pa yang ma yin te/ sdom pa ma blangs pas kyang mtshan 'gyur na sdom pa thob par thal bar 'gyur ba'i phyir ro//de lta bas na sdom pa bzhi po de dag ni gsum po las rang bzhin tha mi dad do zhes bya ba la/ bzhi po dag ces bya ba ni/ dge slong ma dang / dge slob ma dang / dge tshul ma dang / dge bsnyen ma'i sdom pa dag ste/ sdom pa gsum po dge slong dang /dge tshul dang / dge bsnyen gyi sdom pa las so/ /ci spong ba'i 'phel ba dang ldan pa'i phyir zhes bya ba ni/ dge bsnyen gyi sdom pa kho na dus ma yin pa'i kha zas za ba las ldog pa la sogs pa dang bcas pa dge tshul gyi sdom par gzhag gam/ dge slong gi sdom pa la yang de bzhin du brjod par bya'o//dong tse gcig dang gnyis zhes bya ba bzhin du zhes bya ba ni zla bo med pa gang zhig la sngar dong tse zhes brjod pa de nyid la gnyis pa dang bcas pa la gnyis zhes bya ba bzhin du'o/ /'on te de dag thams cad tha dad pa zhes bya ba ni phan tshun tha dad pa'i ngo bor skye zhes bya ba'i tha tshig go//lhag ma rnams kyang de dang 'dra'o zhes bya ba ni dus ma yin pa'i zas za ba la sogs pa spong ba dag ste/ dus ma yin pa'i zas za ba la sogs pa las ldog pa dag ni dge tshul gyi sdom par gzhan yin la/ dge slong gi sdom par yang gzhan yin no/ /de dag la khyad par ci yod ces bya ba ni/spongs par mtshungs bzhin du snyam du bsams pa'o/ /dge slong la sogs pa'i sdom pas bsdus pa srog gcod pa spong ba la sogs pa gang dag yin pa de dag la ni gzhi'i khyad par las khyad par yod de/ gzhi'i khyad par ni/ ma chags pa dang / zhe sdang med pa dang / gti mug med pa la brjod do/ /rgyags pa dang bag med pa'i gnas zhes bya ba ni/ go rims bzhin du khri stan mthon po dang / khri stan chen po dang / myos par 'gyur ba'i khu ba'o/ /gzhan dag na re rgyags pa dang bag med pa'i gnas zhes bya ba ni/ tshul khrims 'chal ba'i gnas so zhes smra'o//dge bsnyen yang ma yin pa kho na zhes bya ba ni 'gal na ni dge slong gi sdom pa blangs pas dge bsnyen dang / dge tshul gyi sdom pa gnyis dang bral ba'i phyir dge slong gi sdom pa btang bas dge bsnyen gyi sdom pa med pa'i phyir dge bsnyen ma yin pa kho nar 'gyur te/dge bsnyen gyi sdom pa med pa'i phyir ro/ /'di ni 'dod pa yang ma yin te 'o na ci zhe na/ dge slong gi sdom pa btang bas dge tshul dang / dge tshul gyi sdom pa btang bas dge bsnyen du 'dod pa yin no/ /yang ci'i phyir dge tshul la gar dang / glu dang rol mo dang spos dang me tog phreng ba dang /byug pa rnam pa gnyis su byas la/ bsnyen gnas kyi sdom par ni gcig tu byas she na/ shin tu mang po snyam du sgyid lug pa'i khyim pa rnams la sla bar bstan pa'i phyir gcig nyid du rnam par gzhag ste/ bri dzi'i bu la bslab pa'i gzhi bstan pa bzhin no//las mi mnyam pa can yang dag par 'jog par byed pas zhes bya ba ni sems can rnams las ldog pa'i las can yang dag par 'jog pas zhes bya ba'i don te/ sems can rnams las sdig pa byed pa ni mi mnyam par 'jog go/ /mkhas pa rnams kyis bsngags pa'i phyir/ / zhes bya ba la mkhas pa ni sangs rgyas dang rang sangs rgyas dang nyan thos rnams so/ /rnam par rig byed dang sems dag gis byed pa zhes bya ba la rnam par rig byed ma yin pa ni rnam par rig byed dang sems kyis byed de/ de la so sor thar pa'i sdom pas bsdus pa ni rnam par rig byed dang sems kyis byed la/bsam gtan las zag pa med pas bsdus pa ni sems kyis byed do/ /bya ba'i rgyu yin pa dang / bya ba'i 'bras bu yin pa'i phyir ro zhes bya ba ni so sor thar pa'i sdom pa ni rnam par rig byed kyi bya ba'i 'bras bu yin pa'i phyir ro/ /ting nge 'dzin las skyes pa'i rnam par rig byed ma yin pa ni ting nge 'dzin las skyes pa'i sems pa'i 'bras bu yin pa'i phyir ro//bya ba'i rgyu yin pa zhes bya ba ni rnam par rig byed kyi bya ba'i rgyu yin pa'i phyir te/ sdom pa la gnas pa ni sdom pa kun du bsrung ba'i don du grog sbur la sogs pa mthong nas de bsrung ba'i phyir yan lag skum par byed la/yan lag bskum pa'i rnam par rig byed de yang rnam par rig byed ma yin pa'i rgyu las byung ba yin no/ /rnam par rig byed dang rnam par rig byed ma yin pa dang po dag ni so sor thar pa zhes bya ste zhes bya ba 'byung ngo / /des sdig pa las so sor thar pa'i phyir te zhes bya ba ni skad cig ma dang po kho nas sdig pa las thar par byed de/gtong zhing 'dor zhes bya ba'i tha tshig go/ /so sor thar pa yang de yin la sdom pa yang yin pas so sor thar pa'i sdom pa ste/ lus ngag sdom pa'i phyir ro/ las kyi lam zhes kyang bya'o zhes bya ba ni/ dngos kyis bsdus pa'i phyir ro//skad cig gnyis pa la sogs pa la ni so sor thar ba'i sdom pa kho na yin gyi so sor thar pa ni ma yin te/ gang gi phyir des sdig pa las so sor thar par mi byed de/ skad cig ma dang po kho nar so sor thar zin pa'i phyir ro/ /mjug yin gyis las kyi lam dngos ni ma yin te/ skad cig dang po kho nar dngos yin pa'i phyir dang /sdig pa spangs pa'i phyir dang / lus dang ngag bsdams pa'i phyir ro/ /tshul khrims ni rnam pa gnyis te/ yang dag par blangs pa'i tshul khrims dang / chos nyid kyis thob pa'o/ /de la gang zhig 'di dang 'di bya'o snyam du de ltar len pa de ni yang dag par len pa'i tshul khrims te/so sor thar pa zhes bya ba'o/ /chos nyid kyis thob pa ni bsam gtan gyi sdom pa dang zag pa med pa'i sdom pa'o/ /so sor thar dang ldan rnam brgyad/ /ces bya ba ni brgyad kho na so sor thar pa'i sdom pa dang ldan gyis so sor thar pa kho na dang ldan pa ni ma yin no/ / srid pa la rten par byed pa'i phyir zhes bya ba la/ phyi rol pa thar pa 'dod pa rnams kyi tshul khrims ni srid pa la brten pa kho na yin te/ log par lta ba la sogs pas nyams pas srid pa'i khyad par la thar par 'du shes pa'i phyir ro/ /bsam gtan skyes dang de ldan pa/ /zhes bya ba ni bsam gtan dang ldan pa zhes bya ba'i tha tshig go//bsam gtan dang ldan pa kho na bsam gtan gyi sdom pa dang ldan gyi/ bsam gtan gyi sdom pa kho na dang ldan pa ni ma yin no/ /'dir ni nyer bsdogs kyang bsam gtan du brjod nas bstan te zhes bya ba ni gang gi phyir nyer bsdogs na yang bsam gtan gyi sdom pa dang /zag pa med pa'i sdom pa yod par 'dod pa yin te/ de'i phyir 'dir bsam gtan gyi nyer bsdogs kyang bsam gtan gyi sgrar brjod do/ /kyang gi sgras ni dngos gzhi yang bsdu'o/ /zag med 'phags pa'i sems can dang / /zhes bya ba la 'phags pa'i gang zag kho na zag pa med pa'i sdom pa dang ldan gyis zag pa med pa'i sdom pa kho na dang ldan pa ni ma yin no//sems kyi rjes su 'brang ba'i sdom pa gnyis zhes gang bshad pa zhes bya ba la ji ltar zhe na/ sems las byung dang sdom gnyis dang / /sems dang de dag gi mtshan nyid/ /ces bya ba de nas so/ /sems gzhan dang ldan pa dang / sems med pa la yang rjes su 'jug pa'i phyir zhes bya ba la/sems gzhan dang ldan pa zhes bya ba ni de kun nas slong bar byed pa'i sems las gzhan pa'i sems dang ldan pa'o/ /sems med pa zhes bya ba ni 'gog pa dang 'du shes med pa'i snyoms par 'jug pa la snyoms par zhugs pa'o/ /bsam gtan dang zag pa med pa'i sdom pa gnyis ni de ltar kun nas slong ba'i sems med par mi 'byung ste/de'i phyir de dag kho na sems kyi rjes su 'brang ba yin gyi/ so sor thar pa'i sdom pa ni ma yin te/ g.yengs dang sems med pa yi yang / /zhes 'byung ba'i phyir ro/ /mi lcogs pa med pa zhes bya ba smos pa ni 'dod pa na spyod pa'i 'chal ba'i tshul khrims kho na'i gnyen po yin pa'i phyir ro//bar chad med pa'i lam zhes bya ba ni/ de dag spong ba'i lam ma yin pa'i phyir ro/ /dgu dag ces bya ba ni/ 'dod par gtogs pa'i nyon mongs pa rnam pa dgu spong bar byed pa'i bar chad med pa'i lam dgu'o/ /de gnyis kyis zhes bya ba ni bar chad med pa'i lam du skyes pa'i bsam gtan dang /zag pa med pa'i sdom pa gnyis kyis so/ /de kun nas slong bar byed pa zhes bya ba ni/ 'chal ba'i tshul khrims kun nas slong bar byed pa'o/ /de nyid kyi phyir zhes bya ba ni gang gi phyir mi lcogs pa med pa spong ba'i sdom par mi 'dod pa'i phyir ro//bsam gtan gyi sdom pa yin la/ spong ba'i sdom pa ma yin pa yang yod/ spong ba'i sdom pa yin la/ bsam gtan gyi sdom pa ma yin pa yang yod/ gnyi ga yin pa yang yod/ gnyi ga ma yin pa yang yod de/ mu dang po ni mi lcogs pa med pa'i bar chad med pa'i lam ma gtogs pa bsam gtan gyi sdom pa'o//mi lcogs pa med pa'i sa pa'i sbyor ba dang rnam par grol ba dang khyad par gyi lam dag dang / bsam gtan dang po la sogs pa'i dngos gzhi'i rnam par grol ba'i lam dag na yod pa ni bsam gtan gyi sdom pa kho na yin gyi/ spong ba'i sdom pa ni ma yin te/des 'chal ba'i tshul khrims dang de kun nas slong bar byed pa'i nyon mongs pa rnams mi spong ba'i phyir ro/ /gnyis pa ni mi lcogs pa med pa'i bar chad med pa'i lam dgu dag tu zag pa med pa'i sdom pa ste/ 'di ni spong ba'i sdom pa yin te/ 'chal ba'i tshul khrims la sogs pa'i spong ba'i phyir ro//bsam gtan gyi sdom pa ni ma yin te/ zag pa med pa'i phyir ro/ /gsum pa ni mi lcogs pa med pa'i bar chad med pa'i lam dag tu zag pa dang bcas pa ste/ 'di ni des 'chal ba'i tshul khrims la sogs pa spong ba'i phyir song ba'i sdom pa yang yin la/zag pa dang bcas pa'i ting nge 'dzin las skyes pas bsam gtan gyi sdom pa yang yin no/ /bzhi pa ni mi lcogs pa med pa'i bar chad med pa'i lam ma gtogs pa zag pa med pa'i sdom pa ste/ 'di ni des zag pa med pa'i phyir bsam gtan gyi sdom pa yang ma yin la des 'chal ba'i tshul khrims la sogs pa mi spong ba'i phyir spong ba'i sdom pa yang ma yin no//ci rigs par zhe'o zhes bya ba la/ mu bzhi'i rigs pa de ltar rig par bya'o/ /ci ltar rigs she na/ zag pa med pa'i sdom pa yin la spong ba'i sdom pa ma yin pa yang yod/ spong ba'i sdom pa yin pa yang yod la zag pa med pa'i sdom pa ma yin pa yang yod do//gnyi ga yin pa yang yod/ gnyi ga ma yin pa yang yod de/ mu dang po ni mi lcogs pa med pa'i bar chad med pa'i lam ma gtogs pa zag pa med pa'i sdom pa'o/ /gnyis pa ni mi lcogs pa med pa'i bar chad med pa'i lam du skyes pa'i bsam gtan gyi sdom pa'o//gsum pa ni mi lcogs pa med pa'i bar chad med pa'i lam dag na yod pa'i zag pa med pa'i sdom pa'o/ /bzhi pa ni mi lcogs pa med pa'i bar chad med pa'i lam ma gtogs pa'i bsam gtan gyi sdom pa thams cad do/ /lus kyi sdom pa legs pa ste//ngag gi sdom pa legs pa yin/ /zhes bya ba der ni lus dang ngag gi sdom pa dag rnam par rig byed ma yin pa'i rang bzhin du shes pa zhig na/ yid kyi sdom pa legs pa ste/ /zhes gang gsungs pa dang gang yang mig gi dbang po sdom pas bsdams te gnas so zhes gsungs pa'i yid dang dbang po'i sdom pas 'di dag ni gang gi rang bzhin yin par mi shes so//yang yid dang dbang po'i sdom pa gnyis dran pa dang / shes bzhin gyi rang bzhin no zhes bya ba 'dis ji ltar shes she na lung las te 'di ltar mdo las mig gis gzugs rnams mthong nas yid bde bar yang mi 'gyur zhing yid mi bde bar yang mi 'gyur la/dran pa dang ldan zhing shes bzhin du btang snyoms su gnas so zhes bya ba nas yid kyis chos rnams shes nas zhes bya ba'i bar du gsungs pa dang / yang 'jig rten 'di na srol gang dag yod de dran pas zlog pa yin/ /de yi sdom pa bshad bya ste/ /de nas shes bzhin gyis dgag go//zhes bya ba gsungs so/ /yang lha zhig gis dge slong dbang po yul dag la rgyu ba zhig la 'di skad ces smras so/ /dge slong dge slong rma 'byin par ma byed cig /dge slong gis smras pa/ lha dgag par bya'o/ /lhas smras pa/ dge slong rma rdza ma tsam byung nas ci zhig gi dgag par byed/dge slong gis smras pa/ dran pa dang shes bzhin gyis dgag par bya'o zhes bya ba 'byung ngo / /so sor thar nas ji srid du/ /ma btang bar rtag da ltar gyi/ /zhes bya ba la/ so sor thar pa'i sdom pa la gnas pa ni skad cig ma dang po la da ltar ba de nyid dang ldan gyi 'das pa dang /ma 'ongs pa dag dang ni ma yin no/ /skad cig ma gnyis la sogs pa dag tu ni da ltar ba gang yin pa de dang 'das pa dag dang ldan gyi/ ma 'ongs pa dang ni ma yin no/ /ji srid du rnam par rig byed ma yin pa mi gtong ba zhes bya ba ni 'chad par 'gyur ba'i gtong ba'i rgyu bslab pa 'bul ba la sogs pa dag gis so//skad cig ma dang po phyin chad 'das pa dang zhes bya ba la skad cig ma dang po la ni da ltar kho na dang ldan pa yin la/ phyin chad ni ma btang bar du dus gnyis dang ngo / /bsam gtan sdom dang ldan pa ni/ /rtag tu zhes bya ba la bsam gtan gyi sdom pa thob pa ni rtag tu 'das pa dang ma 'ongs pa'i rnam par rig byed ma yin pa dang ldan gyi da ltar ba dang ni ma yin no//da ltar ba dang ni snyoms par zhugs pa kho na ldan te/ bsam gtan gyi sdom pa ni sems kyi rjes su 'jug pa'i phyir ro/ /ji ltar skad cig ma dang po la bsam gtan gyi sdom pa 'das pa dang ldan zhe na/de'i phyir de ni skad cig ma dang po la zhes bya ba rgyas par smos so/ /nges par 'byed pa'i cha dang mthun pas bsdus pa ni ma gtogs te/ de ni tshe rabs gzhan dag tu thob pa ste btang ba mi thob pa'o/ /'phags ni dang po 'das dang min/ /zhes bya ba la skad cig ma dang po nas bzung ste/ yongs su mya ngan las ma 'das kyi bar du ni 'das pa dang ma 'ongs pa'i rnam par rig byed ma yin pa dang ldan no//'di ni khyad par yin te zhes bya ba ni dang po ste/ sdug bsngal la chos shes pa'i bzod pa'i skad cig la ni 'das pa'i rnam par rig byed ma yin pa dang mi ldan no/ /ci'i phyir zhe na/ thog ma dang mi ldan pa'i 'khor bar lam sngon ma bskyed pa'i phyir ro//mnyam gzhag 'phags lam gnas de gnyis/ /zhes bya ba la/ mnyam gzhag gi lam la gnas pa ste 'jig rten pa'i lam mnyam par gzhag pa'i lam la gnas pa dang 'phags pa'i lam la gnas pa ni/ mnyam gzhag 'phags lam la gnas te/bsam gtan dang zag pa med pa'i sdom pa dang ldan pa gnyis zhes bya ba'i tha tshig go/ /'dir 'phags pa'i lam la gnas pa ni grur zhugs pa'i tshul du 'phags pa'i lam la zhugs pa yin par rig par bya ste/ dper na gang zhig grur zhugs pa de gru la gnas pa yin pa de bzhin du gang zhig 'phags pa'i lam la zhugs shing snyoms par zhugs pa de ni 'phags pa'i lam la gnas pa yin no/langs pa dag ni ma yin no/ /ci zhe na/ da ltar ba dang ldan pa ni ma yin te/ de gnyis ni sems kyi rjes su 'jug pa'i phyir ro/ /sngar ni ldan pa bshad la/ da ltar ni mngon du 'gyur bar bshad do//gang sdom pa yang ma yin sdom pa ma yin pa yang ma yin pa la gnas pa de ni bar ma la gnas pa ste zhes bya ba ni gang zhig dge slong la sogs pa yang ma yin la/ nya ba la sogs pa yang ma yin pa de ni bar ma la gnas pa'o/ /'chal ba'i tshul khrims dang tshul khrims kyi yan lag la sogs pas bsdus pa zhes bya ba la/'chal ba'i tshul khrims kyi yan lag ni srog gcod pa la sogs pa'o/ /tshul khrims kyi yan lag ni de spangs pa'o/ /sogs pa zhes bya ba'i sgras ni mchod rten la phyag 'tshal ba la sogs pa bsdu'o/ /sdom pa ma yin pa la gnas pa ni mi dge ba'i chos la gnas pa'i phyir la/sdom pa la gnas pa ni dge ba'i chos la gnas pa'i phyir bzlog pa ni srid do snyam nas/ ci res 'ga' sdom pa ma yin pa la gnas pa zhes bya ba smras te/ de gnyis ji srid du rjes su 'brang ba zhes bya ba ni/ rab tu dang ba dang nyon mongs pa'i shugs dag go/ /de srid du rnam par rig byed ma yin pa de dag kyang zhes bya ba ni dge ba dang mi dge ba dag go /gzhan dag tu ni zhes bya ba ni skad cig ma gnyis pa la sogs pa dag tu'o/ /ma 'ongs pa'i rnam par rig byed ma yin pa dang ni su yang mi ldan no zhes bya ba la/ ci'i phyir zhe na/ de ni sems kyi rjes su 'jug pa ma yin pa'i phyir ro/ / 'das pa dag dang yang zhes bya ba ni chos ma 'ongs pa kho na dang ldan pa med pa 'ba' zhig tu ma zad pa'o/ /chos nyam chung ba'i zhes bya ba rgyas par 'byung ste/ de dang lhan cig skyes pa'i thob pa ni nyam chung ba'i phyir/ gang gi dbang gis 'gags kyang rnam par rig byed dang ldan par 'gyur bas thob pa gzhan 'dren par mi nus so//'o na ni bsgribs la lung du ma bstan pa'i sems kyi dang yang zhes bya ba rgyas par 'byung ste/ gal te bsgribs pa'i rnam par rig byed kyi thob pa nyam chung ba'i phyir/ rjes su 'brel ba can ma yin na/ de lta na de kun nas slong bar byed pa bsgribs pa'i sems kyi thob pa yang rjes su 'brel pa can du mi 'gyur ro//sems kyi thob pa yang rjes su 'brel pa can du mi 'gyur ro zhes gang smras pa de ni de lta ma yin te/ rnam par rig byed ni dmigs pa med pa'i phyir blun pa dang / sems la rag las pa'i phyir ro/ /gzhan gyi dbang yin na sems ni bzlog pa'i phyir de ltar blun pa dang gzhan gyi dbang ma yin la lung du ma bstan pa'i sems nyam chung bas bslang ba de ni ches nyam chung bar 'gyur ro//sdom pa min dang nyes spyad dang / /zhes bya ba rgyas par 'byung ste/ nyes par spyad pa ni smad pa spyad pa'o/ /ji ltar smad pa yin zhe na/ dam pa rnams kyis smad pa'i phyir te/dgongs pa'i phyir dang / 'bras bu yid du mi 'ong ba'i phyir smad pa'o/ /dngos kyis bsdus pa'i phyir dang / sems pa'i lam du gyur pa'i phyir las kyi lam mo/ /bar ma dor gnas sems zhan pas/ /byed na rnam rig nyid dang ldan/ /zhes bya ba la/ bar ma dor gnas pa smos pa ni sdom pa dang sdom pa ma yin pa la gnas pa bsal bar bya ba'i phyir te/sdom pa dang sdom pa ma yin pa la gnas pa ni gdon mi za bar rnam par rig byed ma yin pa dag dang ldan pa yin no/ /sems zhan pa zhes bya ba ni sems drag po bsal bar bya ba'i phyir te/ sems drag pos ni dge ba dang mi dge ba byed pa na rnam par rig byed ma yin pa kun nas slong bar byed do//lung du ma bstan pa lta smos kyang ci dgos zhes bya ba ni byed na zhes bya ba dang sbyar ro/ /rdzas las byung ba'i bsod nams bya ba'i dngos po'i las kyi lam ni ma gtogs so zhes bya ba ni der bsam pa zhan pas rnam par rig byed pa las yang rnam par rig byed ma yin pa 'byung ba'i phyir ro//der ni lung du ma bstan pa byed kyang rnam par rig byed ma yin pa dang ldan par 'gyur te/ rtag tu rgyun mi 'chad par bsod nams mngon par 'phel zhing zhes 'byung ba'i phyir ro/ /tshe gzhan du yongs su gyur nas da dung rnam par rig byed ma byung ba zhes bya ba ni nur nur po la sogs pa'i gnas skabs su'o//rnam par rig byed rnam par nyams pa ni gzugs med par skyes pa na'o/ /yang na rnam par rig byed nyams pa ni lung du ma bstan pa'i sems kyis gtsug lag khang la sogs pa phul ba na ste/ de'i thob pa ni rjes su 'brel pa ma yin pa'i phyir ro/ /rnam par rig byed ma yin pa dang ni ldan pa kho na yin no//de ltar na mu gnyis pa dang po dang gnyis pa ni mdo las bshad pa yin no/ /mu gsum pa ni so sor thar pa'i sdom pa len pa na ste/ de ni de'i tshe gnyis ka dang ldan pa yin no/ /bzhi pa ni so so'i skye bo 'dod pa'i khams las 'dod chags dang ma bral ba gang zhig tshe gzhan du yongs su gyur nas da dung du rnam par rig byed ma byung ba'am/rnam par rig byed rnam par nyams pa'o/ /gang gi tshe skye bas thob pa'i bsam gtan thob pa de'i tshe de dang lhan cig spyod pa'i sdom pa yang thob po/ /lhan cig 'byung ba yin pa'i phyir ro zhes bya ba ni bsam gtan gyi sdom pa dang / bsam gtan gyi sems gnyis ni cig car skye ba'i phyir ro zhes bya ba'i tha tshig go//gal te 'di la gzhan gyis rnam par rig byed la/ 'di yang gzhan la rnam par rig par byed na zhes bya ba la 'dir rnam par rig byed ni go bar byed pa'o/ /gzhan dag ni gang zag las so zhes bya ba ni/ dge tshul dang / dge tshul ma dang /dge bsnyen dang / dge bsnyen ma dang / bsnyen gnas pa'i sdom pa dag go/ /rang byung gi ni zhes bya ba ni ye shes brnyes pas zhes bya ba'i don te/ de dag gi ye shes ni rang byung yin no/ /nges par 'jug pas zhes bya ba ni/ smon lam gyi dbang ngam sangs rgyas kyi mthus so/ /nges pa nyid ni nges pa ste mthong ba'i lam mo//'jug pa ni de skyed pa'o/ /sde lnga po ni gnas brtan kun shes kauN+Di n+ya la sogs pa dag go/ /dge slong tshur shog ces bya bas zhes bya ba ni/ bcom ldan 'das kyis dge slong tshur shog tshangs par spyad pa spyod cig /chos ni legs par gsungs pa'o zhes gsungs pa ste/bde gshegs skyob pas tshur shog ces gsungs pas/ /mgo yang byi zhing chos gos gyon par 'gyur/ /zhes 'byung ba lta bu yin no/ /ston par khas blangs pa ni 'od srungs chen po'o zhes bya ba ni 'od srungs chen po de ni mthu che ba'i phyir lha'i gzugs gang dang gang la phyag byas pa de dang de 'gas so//de bcom ldan 'das kyi thad du son nas 'di'i gzugs zhig par gyur na mi rung ngo snyam ste phyag ma byas pa dang / bcom ldan 'das kyis de'i bsam pa thugs su chud nas 'od srungs khyod de bzhin gshegs pa la phyag 'tshol cig ces glengs so/ / des bcom ldan 'das la phyag byas pa dang / des bcom ldan 'das kyi gzugs ma 'gyur bar mthong nas/ 'di ni bdag gi ston pa yin no zhes khas blangs te/ de nyid de'i bsnyen par rdzogs pa yin no/ /dri bas mnyes pas ni legs sbyin no zhes bya ba ni legs sbyin gyis smras pa'i lan btab pas bcom ldan 'das mnyes par gyur te/mnyes pa des ni 'di bsnyen par rdzogs par gyur to/ /bla ma'i chos khas blangs pas ni zhes bya ba ni bla ma'i chos brgyad de/ dge slong mas dge slong las bsnyen par rdzogs shing dge slong ma'i dngos por bya ba dang / dge slong mas dge slong las zla ba phyed phyed cing gdams ngag nod par bya ba dang dge slong mas dbyar dge slong med pa'i gnas su 'gro bar mi bya ba dang /dbyar khas blangs pa'i dge slong mas gnyi ga'i dge 'dun la mthong ba dang / thos pa dang dogs pa'i gnas gsum gyis dgag dbye bya ba dang / dge slong mas dge slong la tshul khrims phun sum tshogs pa ma yin pa dang / lta ba phun sum tshogs pa ma yin pa dang /cho ga phun sum tshogs pa ma yin pa dang / 'tsho ba phun sum tshogs pa ma yin pas ltung ba gleng bar mi bya ba dang / dge slong mas dge slong la gshe ba'am khro ba'am spyo ba mi bya ba'am/ bla ma'i chos kyis ltung ba byung ba'i dge slong mas gnyis ka'i dge 'dun la mnyes par bya ba spyad par bya ba dang /dge slong mas bsnyen par rdzogs nas lo brgya lon pas dge slong da ltar bsnyen par rdzogs pa la gus par smra ba dang / phyag dang / mngon du ldang ba dang / thal mo sbyar ba dang / 'dud pa'i las bya ba zhes bya'o/ /pho nyas ni chos sbyin no zhes bya ba ni des btsun mo'i 'khor gyi nang du 'dug bzhin du rab tu 'byung bar bya ba'i phyir bcom ldan 'das kyi spyan sngar pho nya btang ngo zhes grag go//'dul ba 'dzin par gtogs pa lngas zhes bya ba la 'dir 'dul ba 'dzin pa ni gsol ba brjod pa la mngon par 'dod do/ /de dag la sde bzang zhes bya ba'i ming yod pa ni sde bzang drug cu'o//tshogs zhes bya ba ni tshan te/ grangs drug cu po de dag gis bsnyen par rdzogs par byas pa gang yin pa de rnams ni skyabs su 'gro ba lan gsum bzlas pas so/ /de dag gi so sor thar pa'i sdom pa gdon mi za bar rnam par rig byed la rag lus pa ma yin te zhes bya ba ni sde lnga po dang grags pa la sogs pa dag gi ste/sngon gyi smon lam gyi dbang ste bsam pa phun sum tshogs pa'am/ sangs rgyas kyi mthus rnam par rig byed med par so sor thar pa'i sdom pa 'thob po/ /gzegs gzan la sogs pa'i mu stegs byed kha cig dus rtag pa dang / rdzas kyi bdag nyid kho nar 'dod pas the tshom za bas dus zhes bya ba'i chos de ci zhig ces bya bar dris so//de ni 'du byed yongs su ston pa'i tshig bla dgas yin te/ 'du byed 'das pa dang ma 'ongs pa dang da ltar ba rnams mngon par bsal bar bya ba'i phyir dus zhes bya ba'i ming 'di btags kyi gzugs la sogs pa'i dbye bas tha dad pa'i phung po lnga las tha dad pa'i lus su gtogs pa ni ma yin te/de nyid kyi phyir bde bar gshegs pa'i gsung rab la mkhas pa'i thugs dang ldan pa dag gis de dag nyid dus gtam gzhi dang zhes bshad do/ /mkhas pa rnams kyis ni 'byung ba'i khyad par las kyi rlung gi shugs kyis 'phangs pa rang gi rgyu gcig nas gcig tu brgyud pa rnam par ma 'chad pas bar med par bskyed pa/rkyen ji lta ba bzhin du tsha ba dang grang ba'i bye brag gis ngo bo'i khyad par nye bar len pa dag la dus su rtogs kyi/ rtag pa dang rdzas zhes bya ba ni ma yin no/ /'di ltar 'das pa'i dus nas da ltar byung ba zhes bya ba'i bar ni 'du byed dus gsum pa dag kho na yin par rtogs kyi/rtag pa'i rdzas gzhan gyi ma yin te/ rtag pa las 'das pa dang ma 'ongs pa dang da ltar byung ba nyid mi srid pa'i phyir ro/ /yang dag par blangs pa yod kyang zhes bya ba ni bdag gis skye ba gzhan du dge slong gi sdom pa 'am dge tshul gyi sdom pa yang dag par blang bar bya'o snyam du yang dag par blangs pa de yod kyang ngo //skal ba mi 'dra ba'i phyir dang zhes bya ba ni ris mi mthun pa gzhan gyis bsdus pa'i phyir ro/ /des kyang der sbyor ba ma byas pa'i phyir zhes bya ba ni/ skal ba mi 'dra ba'i lus des der te yang dag par blang ba la sbyor ba ma byas pa'i phyir ro/ /'di skad bstan par 'gyur te/ lus gang gis sdom pa yang dag par blang ba la sbyar ba'i lus de nyid la sdom pa skye'i lus gzhan la ni ma yin no//mi dran pa'i phyir zhes bya ba ni sdom pa yang dag par len pa de lus gzhan gyis mi dran pa'i phyir ro/ /de'i phyir ji ltar shi ba la sdom pa skye bar rigs pa dang 'gal ba de ltar 'di na ni yod pa ma yin te/'di ltar/ ji ltar zla ba phyed la sogs par yang dag par len pa'i sems stobs dang ldan pa de ltar nyin zhag pa'i sdom pa yang dag par len pa ma yin pa de'i phyir nyin zhag gi 'og tu sdom pa skye ba yang mi 'gal lo/ /slob dpon 'dus bzang na re 'dul ba dang ldan pa'i don dag la ni thams cad mkhyen pa ma yin pas rtog ges de kho na nyid khong du chud par mi nus te/gang sdom pa de dag las kha cig ni tshogs kyi nang du gsol ba dang bzhi'i las kyis thob la/ kha cig ni gang zag gcig las gsol ba tsam gyis thob pa 'di la rgyu ci zhig yod/ de'i phyir gang de ltar 'thob kyi rnam pa gzhan du ni ma yin no zhes ston pas gzigs shing de kho na ltar bstan pa 'di ni sdom pa'i rigs kho na de ltar gnas pa yin pas 'di la rgyu btsal bar mi bya'o zhes smra'o//re zhig ci bcom ldan 'das kyis nyin zhag gi 'og tu sdom pa mi skye bar gzigs nas nyin zhag pa'i bsnyen gnas bstan tam/ 'on te dbang po gdul dka' ba rnams zhes bya ba 'byung ste/ slob dpon 'dus bzang na re/ gal te dbang po gdul dka' ba la ltos nas nyin zhag pa bstan na ni dbang po ches gdul dka' ba la ltos nas yud tsam mam nyin mo 'am mtshan mo tsam ci'i phyir ma bstan zhes smra'o/ /de de ltar brtag ga la nus zhes bya ba ni thal ma thag tu dbang po gdul dka' ba rnams zhes bya ba la sogs pa gang smras pa ste/'dis ni nyin zhag gi 'og tu yang sdom pa skye ba'o zhes bya ba'i lung med par ston to/ /phyin chad sdom pa skye ba la yang zhes bya ba rgyas par smos so/ /ji ltar rigs pa dang 'gal ba med ce na/ lus skal ba 'dra ba'i phyir dang des der sbyor ba byas pa'i phyir dang dran pa'i phyir ro//phyin chad su la yang ma bstan pas zhes bya ba ni bye brag tu smra ba rnams na re khyim pa thams cad dbang po gdul dka' ba ni ma yin te/ de'i phyir phyin chad skye ba mi srid pas nyin zhag gi 'og tu su la yang ma bstan to zhes bya bar shes so zhes zer ro//de de ltar nod med ces grag /grag ces bya ba'i sgras ni ma rangs par bstan pa'i phyir ro/ /dus gzhan gyi bar du log par zhugs pas ni ma yin no zhes bya ba la/ nyin zhag tu sdig pa bya ba'i bsam pas sdig pa'i bya ba byed pa ni sdom pa yang ma yin la sdom pa ma yin pa yang ma yin no/ / de lta na 'o na ni bsnyen gnas kyi sdom pa la yang nyin zhag kho nar bsam pa log pa ma yin par zhugs pas de yang 'thob par mi 'gyur ro zhe na/ de'i phyir bsnyen gnas kyi sdom pa ni zhes bya ba rgyas par 'byung ngo / /rdzas su ni med kyi zhes bya ba la rnam par rig byed ma yin pa ni dge ba'o zhes bstan to/ /de ltar sdom pa ma yin pa yang rdzas su ni med de/sems pa las ma gtogs par snyam du bsam pa'o/ /sdig pa bya ba'i bsam pa zhes bya ba ni sdig pa bya ba'i mno bsam mo/ /rjes su 'brel pa dang bcas pa zhes bya ba ni bag chags dang bcas pa ste/ de las skyes pa dang de'i rgyu'i bag chags de yod pas sems dge ba yang de dang ldan pa ste/sdom pa ma yin pa dang ldan pa zhes bya'o/ /de ma spangs pa'i phyir zhes bya ba ni de ma bsal ba'i phyir ro/ /de zhes bya ba sdig pa bya ba'i bsam pa rjes su 'brel pa dang bcas pa ste/ de ma spangs pa ni bsam pa thag pa nas sdig pa'i bya ba yongs su ma btang ba'o/ / 'bogs pa dang nod pa 'grub par mi 'gyur ro zhes bya ba ni sngar ram kha bsnyams te smra na'o/ /yan lag brgyad tshang ba zhes bya ba ni yan lag brgyad kho na yang dag par nod par bya ba ste/ spong ba rnams phan tshun rag las pa'i phyir ro/ /des ni zas zos nas kyang nod par bya'o zhes bya ba 'byung ngo / / yang ci nod pa'i snga rol du zos pa la sdom pa skye 'am 'on te mi skye/ gal te skye na ni sdom pa rnam par rig byed la rag las pa nyams par 'gyur la nod pa yang don med par 'gyur ro/ /ci ste mi skye na ni de lta na yang nyin zhag gcig pa nyid nyams par 'gyur ro/ /de las gzhan du mnos pa ni legs par spyad pa tsam du 'gyur gyi zhes bya ba la/tsam zhes bya ba'i sgras ni sdom pa zhes bya ba'i legs par spyad pa las khyad par du byed pa ste/ 'di yang 'bras bu yid du 'ong ba 'dren par byed pa kho na'o/ /gsos 'debs pa'i phyir zhes bya ba ni rgyas par byed ces bya ba'i tha tshig go/ /gar dang glu la sogs pa zhes bya ba'i sogs pa'i sgras ni rol mo dang spos dang me tog phreng ba dang byug pa dang kha dog bsdu'o//de med na zhes bya bas ni dus su za ba'o/ /gnyi ga yang med do zhes bya ba ni/ bsnyen gnas dang skyo ba'i dran pa ste/ rab tu byung ba rnams kyis dus su za ba ni khyim pa rnams kyi skyo ba 'dren par byed pa yin no//gnyis su bya'o zhes bya ba 'byung ste/ ci'i phyir gnyis su byed ce na/ gzhan du na ni gso ba yan lag bdun du 'gyur gyi yan lag brgyad du ni ma yin no/ /dper na yang dag pa'i lta ba lam yang yin la/ lam gyi yan lag kyang yin pa zhes bya ba rgyas par 'byung ste/ lam yan lag brgyad ces bya ba 'dir ni yang dag pa'i lta ba lam yang yin la lam gyi ni yan lag kyang yin te/ lam ni shes pa'i mtshan nyid can yin pa'i phyir ro/ /zad pa dang mi skye ba shes pa dag ni byang chub dang yan lag go/ /ting nge 'dzin ni bsam gtan yang yin la bsam gtan gyi yan lag kyang yin no//de dag nyid yang dag pa'i lta ba la sogs pa de dag gis zhes bya ba ni yang dag pa'i lta ba la sogs pa de dag nyid yang dag pa'i lta ba dang / chos rnam par 'byed pa byang chub kyi yan lag dang / ting nge 'dzin rnams kyi yan lag tu rung ba ni ma yin te/ mi rigs so zhes bya ba'i don to//gal te yang dag pa'i lta ba la sogs pa snga ma rnams yang dag pa'i lta ba la sogs pa phyi ma rnams kyi yan lag tu 'gyur na ni zhes bya ba 'byung ste/ de ltar brtags kyang skad cig ma dang po la skyes pa'i 'phags pa'i lam ni yan lag brgyad par mi 'gyur te/ der sngar skyes pa'i yang dag pa'i lta ba la yan lag med pa'i yan lag bdun par 'gyur ro//skad cig ma dang po smos pa ni sdug bsngal la chos shes pa la sogs pa las khyad par du bya ba'i phyir te/ de la ni sngar skyes pa'i yang dag pa'i lta ba yod pas yan lag bdun par mi 'gyur ro/ /byang chub kyi yan lag dag la yang de dang 'dra bar brjod par bya'o//mi shes pa ni ma gtogs so zhes bya ba ni 'bogs par byed pa dang nod par byed pa brjed pa dang ma byang ba ste/ dkon mchog gsum la the tshom za ba dang / log par zhugs pa'i bsam pa can la ni sdom pa mi skye ste/ gang zhig mi shes pas skyabs su mi 'gro ba yin gyi log par zhugs pa'am the tshom za bas skyabs su mi 'gro ba ma yin pa de la ni skyabs su ma song yang bsnyen gnas kyi sdom pa skye'o//khyim pa zhes bya ba ni bstan pa'i tshig go/ /gos dkar po bgos pa zhes bya ba ni bshad pa'o/ /skyes pa zhes bya ba ni bstan pa'i tshig go/ /pho'i dbang po dang ldan pa zhes bya ba ni bshad pa'i tshig gam gzugs na spyod pa'i sems can dgag par bya ba'i phyir ro//kha che ba rnams na re sdom pa med par mi 'gyur te/ dge slong dang dge tshul bzhin no zhes bya ba'o/ /gal te skyabs su 'gro ba khas blang ba kho nas dge bsnyen gyi sdom pa thob na ni/ 'o na ci'i phyir skyabs su 'gro ba'i 'og tu yang dge bsnyen gyi sdom pa len zhe na/de'i phyir sdom pa thob kyang zhes bya ba rgyas par smos te/ dge slong gis gsol pa dang bzhi'i las kyi sdom pa 'thob la/ dge sbyong gis kyang bdag ming 'di zhes bgyi ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa/shAkya'i rgyal po de rab tu byung ba'i rjes su rab tu 'byung ste/ khyim pa'i rtags ni rab tu spong ngo / /rab tu byung ba'i rtags ni yang dag par len to/ /bdag dge sbyong lags par gzung du gsol/ de skad du lan gnyis lan gsum gyi bar du yang brjod do zhes khas blangs pa/'dis sdom pa thob po/ /de ltar dge slong dang dge sbyong sngar sdom pa thob zin pa de kho na nyid shes par bya ba'i phyir phyis bslab pa'i gzhi rnams 'dzin du 'jug pa de bzhin du dge bsnyen yang yin no/ /sna gcig spyod pa ni gang zhig bslab pa'i gzhi gcig bsrung ba'o/ /phyogs gcig bsrung ba ni gang zhig gnyis sam gsum bsrung ba'o//phal cher spyod pa ni gang zhig bzhi bsrung ba'o/ /yongs su rdzogs par spyod pa ni gang zhig bslab pa'i gzhi lnga po thams cad bsrung ba'o/ /mdo'i tshig ni de lta ma yin no zhes bya ba ni ming chen gyi mdo'i tshig ste/ de las ni bdag la dge bsnyen du gzung du gsol/deng slan chad nam 'tsho'i bar du srog gcod pa spong ngo zhes bya ba de ltar mi 'don pa'i phyir ro/ /de nyid las dge bsnyen gyi mtshan nyid bstan gyi zhes bya ba ni/ ming chen gyi mdo las te/ de'i phyir/ tshig 'di las skyabs su 'gro ba tsam gyis dge bsnyen gyi sdom pa mi 'thob ste/ming chen gyi mdo las mi 'don pa'i phyir ro/ /gang las 'di skad du zhes bya ba la/ mdo las gang nam 'tsho'i bar du srog dang bsdo ba skyabs su song ba mngon par rab tu dang ba zhes bya ba 'di 'byung ba de las ni bden pa mthong ba de dag ste gang zag dag go/ /shes nas dad pa'i rgyus zhes bya ba ni/shes nas dad pa'i rgyu mtshan gyis so/ /srog gi phyir yang ste srog gi ched du yang dam pa'i chos la khas 'che bar ston gyi/ de sdom pa'i mtshan nyid ston pa ni ma yin te/ mdo 'dis sdom pa'i mtshan nyid sdom pa ni ma yin no zhes bya ba'i tha tshig go /srog spong ba zhes bya ba ni gang nas kyang mi 'byung na zhes bya ba ni ming chen gyi mdo 'am gzhan nas so//su zhig yongs su mi gsal ba'i don 'di 'don par byed ces bya ba ni/ ci srog spong ngam 'on te srog gcod pa spong ba zhes mi shes pa'o/ /zhu ba nyid kyang mi 'thad na/ /zhes bya ba ni/ btsun pa ji tsam gyis na dge bsnyen gyi sdom pa la sna gcig spyod par 'gyur ba lags zhes bya ba nas yongs su rdzogs par spyod pa lags zhes bya ba'i bar gyi zhu ba de ni mi 'thad pa ste/gang du zhu ba mi 'thad pa der lan ji ltar 'thad par 'gyur/ gzhi de tsam zhig bzod pa la ni bslab pa'i gzhi gcig bzod pa nas lnga char yang bzod pa'i bar la'o//yan lag nges pa yin zhes bya ba ni yan lag lnga dang bcu la sogs par ro/ /chung ngu la sogs yid ji bzhin/ /zhes bya ba ni/ ji ltar de'i dge ba la sogs pa nyid sems la rag las pa de bzhin du chung ngu la sogs pa nyid kyang yin no/ /dgra bcom pa la yang so sor thar pa'i sdom pa chung ngu yod la zhes bya ba ni/gal te kun nas slong bar byed pa'i sems chung ngu yod na'o/ /so so'i skye bo la yang chen po yod par 'gyur ro zhes bya ba ni/ gal te de la kun nas slong ba chen po yod na'o/ /mi 'gyur te/ mi shes pa ni ma gtogs so/ /zhes bya ba ni/ 'bogs pa po dang nod pa pos te/the tshom za nas skyabs su mi 'gro ba la ni dge bsnyen gyi sdom pa med do/ /byed pa'i chos zhes bya ba ni sangs rgyas su btags pa'i rgyu ste/ de nyid kyi phyir gang dag gtso bor gyur pas zhes bya ba smos te mngon du gyur pa'i sgo nas so/ /yang na gang dag brnyes pas zhes bya ba ni thob pa'i sgo nas te/ thams cad du thugs su chud pas rten te sangs rgyas yin par 'gyur te/de'i phyir chos de dag ni sangs rgyas su byed pa zhes bya'o/ /de dag gang zhe na/ zad pa shes pa la sogs pa zhes bya ba la/ sogs pa zhes bya ba'i sgras ni mi skye ba shes pa dang / mi slob pa'i yang dag pa'i lta ba bsdu'o/ /'khor smos pas ni zag pa med pa'i phung po lnga bsdu'o//gzugs kyi sku ni snga ma byang chub sems dpa'i gnas skabs dang / phyi ma sangs rgyas nyid kyi gnas skabs su bye brag med pa'i phyir te/ gzugs kyi sku la skyabs su 'gro ba ma yin no zhes bya bar sbyar ro/ /mtshan nyid kyi sgo nas ni sangs rgyas thams cad la zhes bya ba ni bsam pa'i sgo nas ma yin pa ste/de nyid la rgyu lam mtshan nyid mi 'dra ba med pa'i phyir ro zhes bya ba smos te/ tha mi dad pa'i phyir ro zhes bya ba'i don to/ /lam smos pa ni sku tshe la sogs pa rnams mtshan nyid mi 'dra ba'i phyir ro/ /mi phyed pa'i phyir dge 'dun du 'gyur ro zhes bya ba ni lha dang bcas pa'i 'jig rten gyis kyang chos nyid las mi phyed pa'i phyir ro//ci dge 'dun thams cad la zhes bya ba ni/ 'das pa dang ma 'ongs pa dang da ltar ba dag la'o/ /lam mtshan nyid mi 'dra ba med pa'i phyir ro zhes bya ba ni/ yan lag brgyad nyid dang / zag pa med pa nyid dang / nges par 'byin pa nyid du khyad par med pa'i phyir ro//gal te dge 'dun thams cad la skyabs su 'gro na mdo las/ bcom ldan 'das kyis mngon par rdzogs par byang chub nas/ ring po ma lon par/ ma 'ongs pa'i dge 'dun gcig pu'i dbang du mdzad nas gang yang ma 'ongs pa'i dus na dge 'dun zhes bya ba 'byung bar 'gyur ba de la yang skyabs su song shig ces gang gsungs pa de ji ltar zhe na/de'i phyir gang mdo las zhes bya ba la sogs pa smos so/ /de dag gi mngon sum zhes bya ba ni ga gon dang bzang po gnyis kyi mngon sum 'gyur ba'o/ /dge 'dun dkon mchog ces bya ba ni/ dge 'dun dkon mchog gang zhig chos kyi 'khor lo bskor ba'i mjug thogs su 'byung bar 'gyur ba de ste/brjod pa'i phyir zhes bya ba ni/ de ltar mthu dang ldan pa de 'byung bar 'gyur ro zhes yon tan gyi sgo nas gsal bar bya ba'i phyir ro zhes bya ba'i don to/ /zhi bar mtshan nyid gcig pa nyid kyi phyir ro zhes bya ba ni/bdag dang gzhan gyi rgyud kyi nyon mongs pa dang sdug bsngal dag zhi bar mtshan nyid tha mi dad pa'i phyir na gang chos la skyabs su 'gro ba de ni mya ngan las 'das pa thams cad la skyabs su 'gro'o/ /rten la gnod par byas pas zhes bya ba la/ rten ni gang na sangs rgyas su byed pa'i chos mi slob pa rnams yod pas gzugs kyi sku ste/de la gnod par byas pa ni 'dir nyams par byas pa la mngon par 'dod do/ /de dag la yang gnod pa byas pa yin no zhes bya ba ni rten la gnod pa byas pas brten pa la yang gnod par byas par 'gyur ba ste/ dper na mig la gnod pa byas pas de la brten pa rnam par shes pa la yang gnod pa byas par 'gyur ba bzhin no//de skad du mi 'byung ngo zhes bya ba rgyas par 'byung ste/ mi slob pa'i chos sangs rgyas yin no zhes bya ba de skad du ni mi 'byung ngo / /'o na ci zhe na/ sangs rgyas su byed pa zhes bya ba 'byung ste/ de'i phyir gal te mi slob pa'i chos dag kho na sangs rgyas yin na ji ltar de bzhin gshegs pa la zhes rgyas par gang smras pa de ni klan gar mi rung ba nyid do//de lta ma yin na zhes bya ba ni/ gal te mi slob pa'i chos kho na sangs rgyas yin zhing / slob pa dang mi slob pa'i chos dag dge 'dun yin gyi rten ma yin na ste/de ltar na 'jig rten pa'i sems la gnas pa sangs rgyas ma yin zhing / dge 'dun ma yin par 'gyur ro/ /'di ltar slob pa dang mi slob pa 'jig rten pa ni cung zad kyang yod pa ma yin zhing / 'jig rten pa'i sems 'byung ba'i gnas skabs su slob pa dang mi slob pa'i chos 'byung ba yang ma yin la/gang dag la yod pa de dag kyang sangs rgyas su byed pa ma yin zhing / dge 'dun du byed pa ma yin no/ /dge slong du byed pa'i tshul khrims kho na ste sdom pa zhes bya ba yang dge slong du 'gyur gyi rten ni ma yin te/ de lta yin dang dge slong tshul khrims dang ldan no zhes tha dad kyi sgo nas ston par mi 'gyur ba zhig na/gang na tshul khrims nyid yod pa de ni dge slong yin no zhes bya ba la sogs pa 'byung ba yang yin no/ /ji ltar gang zhig ces bya ba rgyas par 'byung ste/ gang zhig dge slong mchod par byed pa de dge slong du byed pa'i tshul khrims mchod par byed do zhes tshul khrims kyi sgo nas dge slong mchod par byed do zhes bya ba yin gyi tshul khrims nyid dge slong ni ma yin pa de bzhin du mi slob pa'i chos kyi sgo nas sangs rgyas la skyabs su 'gro'o//mi slob pa'i chos nyid ni sangs rgyas ma yin te/ 'o na ci zhe na/ rten yang sangs rgyas yin no/ /gang zhig sangs rgyas la skyabs su 'gro ba de ni sangs rgyas kyi chos ma 'dres pa bcwa brgyad la skyabs su 'gro ba yin no zhes bya ba ni/de dag thun mong ma yin pa'i phyir ro snyam du bsam pa ste/ 'dis ni chos kyi sku kho na sangs rgyas yin no zhes bstan to/ /yang skyabs de dag tha dad du bya ba ni mi slob pa ni sangs rgyas so/ /slob pa yang ma yin mi slob pa yang ma yin pa ni chos so//slob pa dang mi slob pa ni dge 'dun no/ /dbang po bcu po yid dang / bde ba dang / yid bde ba dang / btang snyoms dang / dad pa la sogs pa lnga dang / kun shes pa dang ldan pa'i dbang po'i phyogs ni sangs rgyas so/ /bcu gnyis kyi phyogs ni dge 'dun te/gong du bshad pa bcu dang kun shes par byed pa'i dbang po dang / kun shes pa'i dbang po bsnan te bcu gnyis su 'gyur ro/ /mya ngan las 'das pa ni dbang po ma yin no/ /ngag gi rnam par rig byed kyi ngo bo nyid dag yin no zhes bya ba ni nod pa'i dus kyi dbang du byas nas yin te/khas len pa'i bdag nyid yin pa'i phyir ro/ /'khor dang bcas na ni phung po lnga'i rang bzhin yin te/ sems kyis kun nas bslang ba'i tshig gis skyabs su 'gro'i/ sems med par ni ma yin no/ /de la brten nas sdug bsngal thams cad las gtan du nges par thar pa'i phyir ro zhes bya ba la/skyabs su 'gro ba ni yang dag par bsgrub pa'i sa bon yin la/ yang dag par bsgrub pa ni bden pa mthong ba ste/ de ltar 'khor ba'i sdug bsngal dpag tu med pa ldog pa'i rgyu'i gtso bo yin pa'i phyir ro/ /de ni de nyid bstan pa'i phyir bcom ldan 'das kyis kyang zhes bya ba rgyas par smos so//de nyid kyi phyir zhes bya ba ni/ gang gi phyir skyabs de la brten nas sdug bsngal thams cad las rab tu grol ba'i phyir ro/ /skyabs su 'gro ba 'di ni gang dag skyabs su song ba bzhin du skye ba de nyid la bden pa mthong ba'am/ ngan song du 'gro ba de dag gi yang skye ba gzhan du bden pa mthong ba'i sa bon yin pas 'khrul pa med do//sgor gyur pa yin no zhes bya ba ni/ sgo dang thabs dang rgyu zhes bya ba'i don gang yin pa'o/ /shin tu smad phyir zhes bya ba la/ gzhan dag gi chung ma sun 'byin pa'i phyir 'jig rten pa dag gis smad pa yin la/ngan song ba'i rgyu yin pa'i phyir yongs su dpyod pa po dag gis smad pa'o/ /mi tshangs par spyod pa ni/ de ltar 'jig rten pa dang yongs su rtog pa po dag gis shin tu smad pa ma yin no/ /mi tshangs par spyod pa las ni dka' ba'i phyir zhes bya ba ni/ sngon goms pa'i dbang gis te por nyon mongs pa kun tu sbyor ba'i phyir dang /nyes par spyod pa dang mthun pa'i rkyen nye ba'i phyir ro/ /'dod pas log par g.yem par mi byed pa'i sdom pa 'thob kyi zhes bshad na/ de ni mi shes so zhe na/ mi byed par nges pa ni mi byed pa'i sdom pa'o zhes bya ba smos te/ mi byed pa'i phyir sdom pa ni mi byed pa'i sdom pa'o//mi byed par nges pa ni mi byed pa ste/ mi byed pa'i phyir nges shing gcig tu nges pa gang yin pa ste/ de ni mdo sde pa'i tshul du mi byed pa'i sdom pa yin no/ /bye brag tu smra ba rnams kyi ltar na ni tshul khrims kyi yan lag rnam par rig byed ma yin pa yin no/ /chung ma len par byed na zhes bya ba la/gang dag bslab pa'i gzhi lnga nod bzhin du chung ma len par byed na ci dge bsnyen de dag gis bud med de dag las kyang sdom pa 'thob pa'am/ 'on te ma yin te thob pa ma yin zhes bya ba skabs dang sbyar ro/ /smras pa 'thob po/ /nyi tshe ba'i sdom pa 'thob par 'gyur du 'ong bas zhes bya ba ni/sdom pa ni sems can thams cad kyi rten can yin pa'i phyir yan lag ma yin par rig par byed pa la sogs par rang gi chung ma las kyang thob po/ /rgyud 'di la zhes bya ba ni chung mar ma blangs pa'i bud med la'o zhes bya ba ni chung mar ma blangs pa'i bud med de'i 'o/ /gang gi tshe de chung mar blangs par gyur pa de'i tshe chung mar gyur pa la sdom pa nyams pa med do zhes bya ba ni de'i tshe gzhan gyis yongs su bzung ba med pa'i phyir thob par gyur pa'i rdzas longs spyod pa ltar sdom pa nyams pa med do//brdzun smra shin tu smad phyir dang / /zhes bya ba ni gzhan slu ba'i phyir dang ngan song gi rgyu yin pa'i phyir 'jig rten pa dang yongs su dpyod pa bo dag gis phra ma la sogs pa dag pas brdzun du smra ba shin tu smad pa yin no//khyim na gnas pas sems can log par bsgrub pa rnams la phra ma la sogs pa spong ba dka'i brdzun du smra ba la sogs pa spong ba ni ma yin no/ /bcas pa'i kha na ma tho ba zhes bya ba ni bkag pa'i kha na ma tho ba zhes bya ba'i tha tshig go//gzhan bsrung phyir ro zhes bya ba la chang 'thungs nas srog gcod pa la sogs pa dag la yang 'jug par 'gyur te/ gang gi phyir dran pa dang shes bzhin 'joms par byed pa'i phyir rang bzhin gyis kha na ma tho ba rnams kyi yang rgyur gyur pa yin no/ /gnyen po'i blo kho nas zhes bya ba ni sman pa'i ngag gis so//gang myos par 'gyur ba yin par shes nas ngo tsha med par 'thung ba 'am/ gang kha na ma tho ba dang bcas pa la kha na ma tho ba med do snyam pa'i sems de nyid nyon mongs pa can yin no/ /gang myos par mi 'gyur ba'i zhes bya ba rgyas par 'byung ste/ gang skyon bsal bar bya ba'i phyir sman pa'i ngag gis dug ltar myos par mi 'gyur ba'i drod rig nas 'thung ba de ni nyon mongs pa can ma yin la/ gang dag ji ltar na dga' bar 'gyur snyam ste myos par bya ba'i phyir 'thung ba de dag gi sems de ni nyon mongs pa can yin no/ /yang khyad par du chang 'thung ba nyes par spyod pa nyid du bsgrub pa'i phyir 'dul ba 'dzin pa rnams na re/myos par 'gyur ba ni rang bzhin gyis kha na ma tho ba yin gyi zhes smras so/ /gal te myos par 'gyur ba rang bzhin gyis kha na ma tho ba ma yin na ni myos par 'gyur ba dang / 'phrod pa'i shAkya nad pa rnams la gnang bar 'gyur ba zhig na/ gnang ba yang ma yin te/ de'i phyir rang bzhin gyis kha na ma tho ba yin gyi/ srog chags gsod pa la sogs pa bzhin no/ /gang zhig 'phags pa rnams kyis tshe rabs gzhan du mi byed pa'i sdom pa thob pa de ni rang bzhin gyis kha na ma tho ba yin te/ srog gcod pa dang ma byin par len pa la sogs pa bzhin no//lus kyi nyes par spyod pa zhes kyang 'byung ba'i phyir rang bzhin gyis kha na ma tho ba yin te/ de las gzhan pa'i lus kyi nyes par spyod pa bzhin no/ /lus kyi nyes par spyod pa ni rnam pa bzhi gsungs te/ srog gcod pa dang / ma byin par len pa dang / 'dod pas log par g.yems pa dang /myos par 'gyur ba 'thung ba'o/ /spyir bstan mod kyi zhes bya ba rgyas par 'byung ste/ thun mong du bstan mod kyi/ btsun pa ji ltar bro g.yog bgyi/ /rang bzhin gyis kha na ma tho ba ma gtogs pa zhes bya ba 'di ni spyir bstan pa yin la/ shAkya nad pa rnams la ni dmigs kyis bsal ba yin te/'dis ni bcom ldan 'das kyi bka' la snga phyi'i 'gal ba spangs pa ma yin te/ thal bar 'gyur ba yongs su spang ba'i phyir zhes bya ba la chang ni lan cig 'thungs kyang zhen pa can du 'gyur te/ bcom ldan 'das kyis kyang gnas gsum po chang dang / mi tshangs par spyod pa dang /rmugs pa dang / gnyid bsten pa ni tshim pa med do zhes gsungs so/ /gang dag phyir bco ba'i phyir myos par mi 'gyur ba'i tshad du 'thung ba kha cig yod pa de dag la ci'i phyir ma gnang zhe na/ de'i phyir myos par 'gyur ba'i drod ma nges pas zhes bya ba smos te/ tshad de nyid rdzas dang dus dang rang bzhin dang lus kyi gnas skabs la ltos nas myos par 'gyur ba yang yin la/myos par mi 'gyur ba yang yin no/ /de nyid kyi phyir rtswa'i rtse mos 'thung ba bkag pa yin no zhes bya ba ni/ thal bar 'gyur ba spang ba'i phyir rtswa'i rtse mos 'thung ba bkag pa yin te/ de ltar na ni thal bar 'gyur ba nyid gcod pa yin no//'phags pa rnams mi spyod pa ni ngo tsha dang ldan pa'i phyir zhes bya ba ni/ mdo las stobs lnga 'byung ste/ dad pa'i stobs dang / brtson 'grus kyi stobs dang / ngo tsha shes pa'i stobs dang / khrel yod pa'i stobs dang / shes rab kyi stobs zhes bya ba yin no//de'i phyir ngo tsha dang ldan pa'i phyir mi 'thung bar zad do/ /ngo tsha dang ldan pa dag gis btung bar bya ba ma yin no zhes bya ba la rgyu ci zhig yod ce na/ de'i phyir des kyang dran pa nyams par byed pa'i phyir zhes bya ba smos te/ chang 'thung ba ni bya ba dang bya ba ma yin pa'i dran pa nyams par 'gyur ro//gal te de ltar na ji tsam gyis dran pa nyams par mi 'gyur ba cung zad cig ci ste mi 'thung zhe na/ de'i phyir cung zad kyang mi gsol te/ dug bzhin du ma nges pa'i phyir zhes bya ba smos te/ dper na dus dang rang bzhin dang mthu dang ldan pa dug chung ngus kyang res 'ga' 'chi bar byed pa de bzhin du chang yang myos par byed do//nyes par spyod pa zhes 'byung ba ni/ bag med pa'i gnas yin pa'i phyir te/ rang bzhin gyis kha na ma tho ba yin pa'i phyir ni ma yin no snyam du bsams pa'o/ /de nyid kyi phyir 'di la zhes bya ba ni bslab pa'i gzhi 'di la 'bru'i chang dang sbyar ba'i chang bag med pa'i gnas spangs te zhes smos so//gzhan la ni ma yin te zhes bya ba ni srog gcod pa spong ba la sogs pa dag la'o/ /ma smos pa'i rgyu bshad pa ni de dag ni rang bzhin gyis kha na ma tho ba yin pa'i phyir ro/ /ha cang kun tu bsten pas zhes bya ba rgyas par 'byung ba ni bcom ldan 'das kyis mdo las/'bru'i chang dang sbyar ba'i chang bag med pa'i gnas kun tu bsten cing goms par byas/ lan mang du byas pas lus zhig nas dmyal ba dag tu skye'o zhes gsungs so/ /'phen pa ni sngon med pa'o/ /sngon bsags pa ni 'jug pa thob pa'i phyir te/'chi ba'i gnas skabs su 'jug pa thob pa'i phyir ro/ /'bru'i chang ni zas sbyar ba'i btung ba'o zhes bya ba ni 'bras thug po che la sogs pa las byas pa'o/ /rdzas las byas pa'i btung ba'o zhes bya ba ni bu ram shing gi khu ba la sogs pa las byas pa'o/ /de dag kyang zhes bya ba rgyas par 'byung ste/'bru'i chang dang sbyar ba'i chang dag kyang res 'ga' myos par 'gyur ba'i dngos por ma red pa ni/ gang gi tshe gzhon nur 'dug pa na'o/ /res 'ga' ni myos par 'gyur ba'i dngos po las yal ba ni gang gi tshe ha cang rnyings shing rtsar gyur pa na'o/ /de'i phyir myos par 'gyur ba zhes bya ba smos te/gal te myos par 'gyur na ni/ de'i phyir nyes pa yin no snyam du dgongs so/ /gla gor zho sha dang khre la sogs pa yang zhes bya ba ni/ myos par 'gyur du zin kyang dge bsnyen la nyes pa med pas 'bru'i chang dang sbyar ba'i chang zhes bya ba smos so/ /bag med pa thams cad kyi gnas su gyur pas zhes bya ba ni/brjed ngas pa'i bag med pa dang / srog gcod pa la sogs pa mi dge ba thams cad kyi gnas dang gzhi dang rten zhes bya ba'i tha tshig go/ /bya ba la ltos pa med par bya ba ma yin pa la gzhol ba nyid ni bag med pa ste/ de'i rgyu ni bag med pa'i gnas so//gang las gcig 'thob pa zhes bya ba la/ dri ba'i don ni las sbyor ba dang dngos dang mjug rnams dang / sems can dang sems can ma yin par ston pa'i gzhi dag dang / rang bzhin dang bcas pa'i kha na ma tho ba dag las zhes bya ba'o/ / sbyor ba dang dngos dang mjug las so zhes bya ba ni las kyi lam rnams kyi zhes bya bar sbyar te/ mi dge ba'i las kyi lam rnams kyi sbyor ba dang / dngos dang mjug dag las ci rigs par de dag gi gnyen por gyur pa so sor thar pa'i sdom pa'i rnam par rig byed ma yin pa dag skye'o/ /sems can dang sems can ma yin par ston pa zhes bya ba ni gzhi'o//rang bzhin dang bcas pa'i kha na ma tho ba las so zhes bya ba ni las dag las te/ 'di ni re re dang sbyar bar bya'o/ /rang bzhin gyis kha na ma tho ba yang sems can gyi rten can dang / sems can ma yin pa'i rten can yin la/ bcas pa'i kha na ma tha ba yang sems can gyi rten can dang sems can ma yin pa'i rten can yin no//de la rang bzhin gyis kha na ma tho ba sems can gyi rten can ni srog chags gsod pa la sogs pa'o/ /rang bzhin gyis kha na ma tho ba sems can ma yin pa'i rten can ni sa le sbram la sogs pa rku ba'o//bcas pa'i kha na ma tho ba sems can du ston pa'i rten can gang yin zhe na/ khyim na lhan cig nyal ba la sogs pa'o/ /bcas pa'i kha na ma tho ba sems can ma yin pa'i rten can ni rtswa gcod pa la sogs pa'o/ /sems can gyi rten can la 'jug pa'i phyir zhes bya ba 'byung ngo //gal te 'das pa dang ma 'ongs pa las kyang thob na ni/ de ltar na srog gcod pa la sogs pa spong ba'i rang bzhin gang zhig sems can du ston pa rnams las thob pa de nyid sems can du ston pa ma yin pa rnams las kyang thob par 'gyur bas 'chol bar 'gyur ro/ /gal te yang so sor thar pa'i sdom pa sems can du ston pa yang ma yin pa'i rten can yang yod mod kyi/de ni sems can gyi rten can ltar phung po dang khams dang skye mched dang da ltar bdag kho na las 'thob pas sems can gyi rten can zhes bsnyad kyi/ de ni sems can ma yin pa'i rten can nyid yin pa 'gog pa ni ma yin no//yang sems can gyi rten can gtso bo yin pa'i phyir dang / cig shos ni de'i yan lag tu nye bar blangs pa'i phyir sems can gyi rten can zhes bstan to/ /sbyor ba dang mjug las kyang ma yin na zhes bya ba ni/ mnyam par gzhag pa'i gnas skabs kho nar dngos gzhi yod pa'i phyir dang /mnyam par ma bzhag pa'i gnas skabs na sdom pa med pa'i phyir ro/ /bcas pa'i kha na ma tho ba las lta smos kyang ci dgos zhes bya ba ni/ khas blangs pa med pa'i phyir ro snyam du dgongs pa'o/ /dus thams cad ces bya ba rgyas par 'byung ba ni/ de dag kyang lhan cig 'byung ba'i sems bzhin du 'das pa dang ma 'ongs pa'i sdom pa gnyis kyang 'thob pa'i phyir ro//de nyid kyi phyir zhes bya ba rgyas par 'byung ba ni/ gang gi phyir so sor thar pa'i sdom pa da ltar ba kho na dang / dngos ltar sbyor ba dang mjug dang rang bzhin gyis kha na ma tho ba ltar bcas pa'i kha na ma tho ba dag las kyang 'thob la/bsam gtan dang zag pa med pa'i sdom pa gnyis kho na yin gyi da ltar ba bzhin du 'das pa dang ma 'ongs pa dag las kyang 'thob pa'i phyir ro/ /mu dang po ni srog gcod pa la sogs pa'i las kyi lam gyi sbyor ba dang mjug da ltar ba dang / shing gcod pa la sogs pa bcas pa'i kha na ma tho ba las so sor thar pa'i sdom pa gnyis kho na thob pa ste/thams cad gnyis ka dang zhes 'byung ba'i phyir ro/ /gnyis pa ni 'das pa dang ma 'ongs pa'i las kyi lam dngos srog gcod pa la sogs pa lus kyi dang ngag gi bdun po dag las thob pa'i sdom pa gang yin pa ste/de ni bsam gtan dang zag pa med pa'i sdom pa gnyis kho na yin gyi/ so sor thar pa'i sdom pa ni ma yin te/ de ni da ltar ba kho na las 'thob pa'i phyir ro/ /gsum pa ni da ltar byung ba'i las kyi lam dngos dag las so zhes bya ba la/ da ltar byung ba'i phyir na so sor thar pa'i sdom pa 'thob po//dngos yin pa'i phyir na bsam gtan dang zag pa med pa'i sdom pa gnyis 'thob bo/ /bzhi pa ni 'das pa dang ma 'ongs pa'i nyer bsdogs dang mjug dag las so zhes bya ba la/ 'das pa dang ma 'ongs pa yin pa'i phyir na so sor thar pa'i sdom pa yang mi 'thob la/ nyer bsdogs dang mjug yin pa'i phyir na bsam gtan dang zag pa med pa'i sdom pa dag kyang ma yin no/ /slob dpon gyis mu gsum pa mi srid par gzigs nas sdom pa 'thob pa'i tshe na da ltar gyi las kyi lam rnams med pas zhes bya ba smos te/ bya ba'i dus yongs su ma rdzogs pa'i phyir ro//de'i phyir da ltar gyi gzhi can las zhes brjod par bya ste/ dngos po gang las spong ba de da ltar ba yin pa'i phyir ro/ /de ltar na mu 'di mi srid par 'gyur ro/ /mu gnyis pa ji ltar mi srid pa de ltar bshad pa ni/ ma 'ongs pa rnams kho na la sdom pa rung gi zhes bya ba ste/'das pa rnams ni brjod pa med pa'i phyir ro/ /la la ni gzhi las te/ de las gzhan pa'o zhes pa la/ dge slong gi sdom pa las gzhan rnam pa gsum bsdu ste/ lus kyi gsum dang / ngag gi brdzun du smra ba kho na spong ba yan lag tu rnam par gzhag go//ma chags pa dang zhe sdang med pa dang gti mug med pa ni dge ba'i sems thams cad la lhan cig 'byung la sems chung ngu dang 'bring dang chen po dag ni rnam grangs kyis 'byung gi cig car ma yin pas de'i phyir rgyu las kyang zhes bya ba rgyas par smos so/ /sdom pa la gnas pa zhes bya ba ni thams cad la dbang du byas par rig par bya'o//yan lag thams cad kyi ma yin pa ni bsnyen gnas dang / dge bsnyen dang / dge tshul gyi sdom pa dag la phra ma dang tshig rtsub po dang / tshig kyal pa spong ba rnams mi srid pa'i phyir ro/ /rgyu thams cad kyi ma yin pa zhes bya ba ni/ sems chung ngu la sogs pa rnams las sems gang yang rung ba zhig gis dge bsnyen gyi sdom pa'am/bsnyen gnas kyi sdom pa'am/ dge tshul gyi sdom pa yang dag par len pa gang yin pa de'o/ /sems can thams cad kyi rjes su song ba ni sems can thams cad la dmigs pa'o/ /sems dge ba ni gnod pa med pa'i sems sam phan 'dogs pa'i sems te/log par ma zhugs pa'i phyir dge ba zhes bya'o/ /sdig pa'i bsam pa dang ma bral ba'i phyir ro zhes bya ba ni/ gnod pa'i bsam pa dang ma bral ba'i phyir ro/ /yan lag che ge mo zhig las zhes bya ba ni yan lag nges pa'o zhes bya ba ni/spang bya lnga brgyad bcu dang ni/ /zhes bya ba'i sdom pa nges par phye nas so/ /ji ltar mi nus pa dag las zhes bya ba rgyas par 'byung ste/ gang zhig gang dag gi srog dang longs spyod dang chung ma 'phrog par mi nus pa de la de dag gi yul can srog gcod pa la sogs pa mi srid pas de dag las srog gcod pa la sogs pa spong ba'i bdag nyid kyi sdom pa mi rung ngo snyam du sems so//sems can thams cad kyi srog la mi gnod pa'i bsam pa khas blangs pa'i phyir ro zhes bya ba la/ sems can thams cad la mi gnod pa'i bsam pa khyad par med pa'i phyir nus pa dag bzhin du mi nus pa dag las kyang 'thob bo//nus pa dang mi nus pa rnams ni zhes bya ba la/ nus pa ni mi la sogs pa rnams so/ /mi nus pa ni lha la sogs pa rnams te/ phan tshun 'pho bas so/ /lha la sogs pa mi nus pa rnams mi la sogs pa nus pa dag gi nang du 'pho bas 'phel ba dang ldan par 'gyur te/sngon med pa'i sdom pa thob pa'i phyir ro/ /mi la sogs pa nus pa rnams lha la sogs pa mi nus pa dag gi nang du 'pho bas 'grib pa dang ldan par 'gyur te/ sngar thob pa'i sdom pa dang bral ba'i phyir ro/ /de ltar na thob pa'i rgyu gzhan gyis rnam par rig byed la sogs pa dag dang /gtong ba'i rgyu bslab pa 'bul ba la sogs pa dag med par yang sdom pa thob pa dang gtong bar 'gyur ro/ /ji ltar sngon med pa'i rtswa la sogs pa skyes sam zhes bya ba rgyas par 'byung ba ni/ gal te yang rtswa la sogs pa dag las kyang sdom pa 'thob mod kyi de ltar na yang sdom pa 'phel ba dang 'grib par mi 'gyur ba de bzhin du/nus pa dang mi nus pa 'phos kyang 'phel ba dang 'grib pa dag tu mi 'gyur ro zhes bya ba ste/ de'i phyir nus pa dag kho na las sdom pa thob la/ nyes pa der yang mi 'gyur ro/ /ma yin te sems can rnams ni sngon yang yod la/phyis kyang yod pa'i phyir la rtsa la sogs pa ni med pa'i phyir ro zhes bya ba ni/ rtsa dang gel pa dang / lcug ma la sogs pa rnams ni snga rol dang phyis kyang med pa'i phyir te/ de'i phyir rtswa'i dpes 'phel ba dang 'grib pa'i skyon bzlog pa med do/ /gang gi tshe yongs su mya ngan las 'das nas de dag med pa kho nar 'gyur ba de'i tshe ji ltar sdom pa 'grib par mi 'gyur te/yul med pa'i phyir ro snyam du bsam pa'o/ /de lta bas na gtan tshigs snga ma nyid bzang ngo zhes bya ba ni sems can thams cad kyi srog la mi gnod pa'i bsam pa khas blangs pa'i phyir ro zhes bya ba ste/de'i phyir nus pa dang mi nus pa dag las sdom pa thob bo zhes bya bar sgrub po/ /de lta na 'o na zhes bya ba ni gal te sems can thams cad las so sor thar pa'i sdom pa 'thob na'o/ /sngon gyi sems can sangs rgyas su gyur nas zhes bya ba rgyas par 'byung ba ni sems can rnams sngon pas bri ba'i phyir ro//'di la lan smras pa/ sangs rgyas phyis 'byung ba thams cad kyi bye brag med par sems can thams cad las thob pa'i phyir ro/ /gal te de dag kyang yongs su mya ngan las 'da' bar mi 'gyur na ni de dag las kyang 'thob par 'gyur te/byams pa'i sems khyad par med pa'i phyir ro/ /sdom pa min pa thams cad dang / /zhes bya ba la/ sdom pa ma yin pa ni las kyi lam thams cad kyi sgor gyur pa nyes par spyod pa la bya ste/ gang gi tshe sdom pa ma yin pa thob nas bsams bzhin srog chags kyi srog gcod par byed pa de ni de'i las kyi lam yin no//sems zhan pa la sogs pa cig car mi 'byung ba'i phyir ro zhes bya ba 'byung ngo / /gal te 'dod chags dang zhe sdang dag lhan cig mi 'byung bas mi dge ba'i rtsa ba rnams kyang cig car mi 'byung ba ma yin nam/ ci'i phyir sems zhan pa la sogs pa kho na brjod ce na/rnam grangs mtha' ma nges pa la brten te brjod pas skyon med do/ /sdom pa ma yin pa ni zhan pa kho na dang ldan pa zhes bya ba ni/ sngar gyi 'phen pa'i dbang gis so/ /srog gcod pa'i rnam par rig byed chen po dang ste ci zhe na/ ldan no zhes bya bar sbyar ro/ / de bzhin du 'bring dang chen po dag la yang sbyar bar bya'o zhes bya ba la/ gang zhig sems 'bring gis sdom pa ma yin pa thob pa des sems drag po srog chags kyi srog gcod par byed na ni sdom pa ma yin pa ni 'bring kho na dang ldan la/ srog gcod pa'i rnam par rig byed ni chen po dang ldan no/ /drag po la yang sbyar bar bya'o//glang po che 'chor ba ni ban glang 'chor ba rnams so/ /blon po ni chos bzhin 'don pa dag go/ /yang na blon po ni bka' la gtogs pa'o/ /don gyis na zhes bya ba ni de las mi 'byung yang 'jug pa mthun pa'i phyir sdom pa ma yin pa can khong du chud par bya'o/ /de la gnas pas zhes bya ba ni de dag ni sdom pa ma yin pa la yod pa ma yin te/'o na ci zhe na de la gnas pas so/ /gzhan dag la yang de bzhin du sbyar ro zhes bya ba ni/ bya gag gsod pas na bya gag gsod pa rnams te/ 'di ni smad pa'i gnas yin no/ /shes na ni zhes bya ba ni shes bzhin du ste/ shan pa la sogs pa rnams ni lug la sogs pa de dag ma la sogs pa de dag yin par shes na ni mi gsod do//'phags mar gyur pa rnams la yang / /zhes bya ba ni/ ma la sogs pa de rnams phyugs su 'gyur ba'i go skabs med do/ bden pa mthong ba la ni ngan song du skye ba med pa'i phyir ro/ / gal te ma 'ongs pa'i dus la ltos te zhes bya ba la sogs pa 'byung ngo / /de dag lug lta bur gyur pa rnams kyang gtan mi gsod ces bya ba ni tshe brjes pa'o/ /de ltar na de dag las sdom pa ma yin par mi 'gyur te/ lug dag las zhes bya ba'i don to/ /ji ltar na zhes bya ba ni bye brag tu smra ba rnams te/ji ltar na lug la sogs pa dag gsod par 'dod bzhin du lug la sogs pa de dag las sdom pa ma yin par mi 'gyur/ de ni ma la sogs pa la yang mtshungs te zhes bya ba ni mdo sde pa ste/ ji ltar na shan pa la sogs pa dag gsod par mi 'dod bzhin du ma la sogs pa de dag las sdom pa ma yin par 'gyur/sdom pa ma yin pa ma tshang ba dang nyi tshe ba ni rnam pa thams cad du med do zhes bya ba la/ las kyi lam gyi yan lag ma tshang ba'i phyir ma tshang ba'o/ /nyi tshe ba ni sems can dang yul dang dus dang tshe nges pa dang ldan pa'o/ /rnam pa brgyad ma gtogs pa zhes bya ba la/so sor thar pa'i sdom pa rnam pa brgyad ma gtogs par gzhan ni nyi tshe ba dang ma tshang ba yang yod do/ tshul khrims dang 'chal ba'i tshul khrims de tsam gyi gegs byed pa'i phyir ro zhes bya ba ni/ gang gi phyir tshul khrims de tsam gyis 'chal ba'i tshul khrims de tsam gyi gegs byed pa'i phyir dang /tshul khrims 'chal pa de tsam gyis tshul khrims de tsam gyi gegs byed pa'i phyir ro/ /de'i rigs su skyes pa rnams ni zhes bya ba ni shan pa la sogs pa sdom pa ma yin pa can gyi rigs su skyes pa rnams so/ /zhing dang len dang gus par byed pas 'thob/ / ces bya ba la byed pa zhes bya ba'i sgra ni re re dang sbyar te/ zhing byed pa dang / len par byed pa dang / gus par byed pa ni zhing dang len pa dang / gus par byed pa'o/ /yang 'dir len pa nyid byed pa'o zhes bya bar tshig bsdu'o/ /byed pa ni g.yo ba ste/ byed pa ni g.yo ba la'o zhes 'byung ngo / /mi brda phrad pa'i zhes bya ba la/mi brda phrad pa ni 'dir gang zhig 'dis bslab pa phul lo snyam du de'i tshig shes pa de la mngon par 'dod do/ /bsam pa thag pa ni sdom pa don du mi gnyer ba'i'o/ /yang dag par blangs pa dang 'gal ba'i rnam par rig byed bskyed pa dang zhes bya ba la yang dag par blangs pa ste/ji srid 'tsho'i bar du srog gcod pa la sogs pa spong ngo zhes mnos pa gang yin pa de dang 'gal ba bslab pa 'bul ba'i rnam par rig byed bskyed pa ste/ 'di ni rgyu dang po'o/ /rten bor ba dang zhes bya ba ni rten gang gis so sor thar pa'i sdom pa blangs pa de shi 'pho bas bor ba ste/ 'di ni gtong ba'i rgyu gnyis pa'o/ /rten nyams pa dang zhes bya ba ni skyes pa'am bud med kyi rten ji lta bus sdom pa blangs pa de lta bu de nyams pa ste/ 'di ni gtong ba'i rgyu gsum pa'o/ /gzhi chad pa dang zhes bya ba la sdom pa'i gzhi ste rgyu ni dge ba'i rtsa ba gsum yin la/ de dag chad pas sdom pa yang chad de/'di ni gtong ba'i rgyu bzhi pa'o/ /nyin zhag tu 'phangs pa'i phyir te/ 'di ni gtong ba'i rgyu lnga pa'o/ /kha cig ltung bar 'gyur las smra/ /zhes bya ba ni mi tshangs par spyod pa la sogs pa pham pa las te/ 'dir ltung bar byed pas ni ltung bar 'gyur ba'o/ / kha che rnams ni byung ba la/ /bu lon nor bzhin gnyis su 'dod/ /ces bya ba la bu lon dang nor ni bu lon nor te/ de dag dang 'dra ba ni bu lon nor bzhin no/ /yang ci'i phyir de rnams de ltar 'dod ce na/ de'i phyir phyogs gcig nyams pas sdom pa zad par gtong ba ni mi rigs so zhes bya ba smos so//ltung ba gzhan zhes bya ba ni dge 'dun lhag ma'i ltung ba'o/ /'o na skyon med par 'gyur ro zhe na/ de'i phyir 'di la tshul khrims dang 'chal ba'i tshul khrims gnyis ka yod do zhes bya ba smos so/ /ltung ba de bshags na zhes bya ba ni bshags pa byas nas zhes bya ba'i tha tshig go/ / tshul khrims dang ldan pa yin gyi tshul khrims 'chal pa ni ma yin te zhes bya ba ni/ dge 'dun lhag ma'i ltung ba bshags pa yin gyi/ pham pa'i ltung ba bshags pa ni ma yin te ldang ba med pa'i phyir ro/ /'o na bcom ldan 'das kyis zhes bya ba rgyas par 'byung ste/ de ji lta bu zhes tshig gi lhag ma khong nas 'byung ngo //de ni don dam pa'i dge slong nyid las dgongs te gsungs pa yin no zhes bya ba ni/ bden pa mthong ba'i skal ba med pa'i phyir ro/ /ma thob kyang don dam pa'i dge slong nyid las yongs su nyams par 'gyur te/ yongs nyams rnam pa gsum shes bya/ /zhes 'byung ba'i phyir ro//bye brag tu smra ba rnams na re ngan pas sdom pa lhag ma dang bcas kyang dge slong gi dgos pa sgrub pa'i skal ba dang mi ldan pa la dge slong ma yin zhes gsungs pa 'thad pa yin te/ bu'i don dang bral ba la bu ma yin no zhes bya ba'i sgras 'god pa dang / mi'i don dang bral ba mtshan dang mi ldan pa la mi ma yin par brjod pa bzhin no//ming gi dge slong zhes bya ba ni gang la dge slong zhes 'ol byir ming btags pa'o/ /khas 'ches pa'i dge slong zhes bya ba ni/ gang zhig tshul khrims 'chal pa ste/ de ni bdag nyid dge slong yin no zhes dam bca'o/ /slong bas na dge slong zhes bya ba ni slong bar byed pa'o//nyon mongs pa bcom pas na dge slong zhes bya ba ni khams gsum las 'dod chags dang bral ba la'o/ /don 'di la zhes bya ba ni bcom ldan 'das kyis dge slong ma yin/ dge sbyong ma yin zhes gang gsungs pa la'o/ /gsol ba dang bzhi'i las kyis bsnyen par rdzogs pa'i dge slong zhes bya ba ni/sngar bshad pa bzhi las gzhan pa so so'i skye bo tshul khrims la gnas pa la mngon par bzhed do/ /gang yang don dam pa'i dge slong la dgongs te gsungs pa yin no zhes smras pa de la yang brjod pa ni/ de sngon zhes bya ba ste/ ltung bar 'gyur ba lhag par spyod pa'i snga rol du don dam pa'i dge slong du ma gyur to//'di ltar don dam pa'i dge slong ni ltung bar 'gyur ba mi spyod do/ /bye brag tu smra ba rnams na re ma thob pa dag las kyang nyams par 'dod de/ ji skad du mdo las/ lha dang bcas pa'i 'jig rten ni/ /shes rab yongs su nyams pa ltos//zhes gsungs pa lta bu'o zhes zer ro/ /shing ta la'i mgo bcad na zhes bya ba rgyas par 'byung ste/ shing ta la mgo bcad pa lta bu dper mdzad pas so/ /de la dpe'i don snang ste/ bslab pa'i gzhi gzhan sdong po yal ga dang lo ma dang 'dra ba dag las 'das kyang bshags na yang sdom pa de 'thob kyi/shing ta la'i mgo dang 'dra ba bzhi po dag gang yang rung ba las 'das na ni/ slar sdom pa thob pa ma yin no/ /ston pas gang la zhes bya ba la sogs pa la/ zhal zas la kham gcig longs spyod pa dang / gtsug lag khang la gom pa gcig 'dor ba'i phyogs longs spyad par zhes bya bar sbyar ro//dge slong gis longs spyod thams cad las kyang bkar to zhes bya ba ni sangs rgyas kyis dge slong dang lhan cig longs spyod pa gral gcig tu zas za ba la sogs pa thams cad la bkar ba yin no/ /sre da bsal bar gyis zhes bya ba la/ sre da ni nas dang 'dra ba zhig ste/de ma rung bar byed pa'o/ /shing rul zhes bya ba ni/ shing rul pa'o/ /snying po med pa zhes bya ba ni 'bru kho na snying po med pa'o/ /'dir dge slong yang dge slong gi sha tshugs can yin pa'i phyir dang / kho na snying po med pa'i phyir sre da la sogs pa dag dang chos mthun no/ /ji ltar sre da la sogs pa dag nas la sogs pa snying po dang ldan pa rnams ma rung bar byed pas de rnams las sel bar byed pa de bzhin du de yang dge slong gi tshogs snying po dang ldan pa ma rung bar byed pas de dag las sel ba yin no//lam sun 'byin pa ni dge slong tshul khrims 'chal pa ste/ 'dir dpe brjod pa ni 'di yin no/ / lam gyi rgyal zhes bya ba ni slob pa dang mi slob pa'o/ /lam ston pa ni sangs rgyas so/ /lam gyi phyir 'tsho ba ni dge slong tshul khrims dang ldan pa ste/ lam gyi ched du 'tsho ba'i phyir ro/ /de ni sha tshugs tsam lus pa'i phyir zhes bya ba ni dge slong gi sha tshugs tsam lhag mar lus pa'i phyir ro/ /dper na shing tshig kyang shing gi dbyibs tsam zhig lus pas shing zhes bya ba dang /mtshe'u skams kyang de'i dbyibs tsam zhig lus pa la mtshe'u zhes bya ba dang / ne tso'i sna dang dbyibs 'dra ba'i phyir ne tso'i sna zhes bya ba dang / sa bon rul ba sa bon ma yin par gyur kyang de'i dbyibs tsam zhig lus pa'i phyir sa bon zhes bya ba dang /'khor lo dang 'dra ba'i phyir mgal me'i 'khor lo zhes bya ba dang / shi ba sems can ma yin yang sems can gyi sha tshugs tsam zhig lus pa'i phyir sems can zhes bya bar brjod pa de dang 'dra 'o/ /bslab pa sbyin pa med par 'gyur ro zhes bya ba la/ bslab pa sbyin pa zhes bya ba ni dge slong gang zhig mi tshangs par spyod pa byas nas de'i mjug thogs kho nar bdag gis phung ba byas so zhes skyo ba skye zhing 'chab pa'i sems cig kyang ma skyes par dge slong gi dge 'dun gyi thad du song nas de 'chags par byed la/'dul ba las bshad pa'i tshul du chad pa'i las byed pa'o/ /thams cad ltung ba byung ba'i mod la zhes bya ba rgyas par 'byung ste/kho bo cag ni thams cad ltung ba byung ba'i mod la ste/ mi tshangs par spyod pa byas pa kho na phas pham pa yin par mi smra'i/ 'o na ci zhe na/ 'chab pa'i sems kyis yin no/ /de skad du'ang / gal te sems ni gcig gis kyang / /bcabs pa med par 'chags byed na//tha ma byung bar gyur na yang / /des ni phas pham mi 'gyur ro/ /zhes bshad do/ /ci ste yang rab tu mi 'byung zhes bya ba ni bslab pa ma phul na zhes bya ba khong nas 'byung ste/ de'i phyir sdom pa de la ltos nas rab tu mi 'byung ngo / /rgyud khrel med pa shas chen pos nyams par byas pas sdom pa'i skal ba med de de'i phyir yang rab tu mi 'byung gi dge slong gi dngos po la ltos te ni ma yin no//'di ltar de ni zhes bya ba rgyas par 'byung ste/ de'i phyir bslab pa btang yang rab tu mi 'byung ngo / /de nyid kyi phyir rgyud khrel med pa shas chen pos nyams par byas pas zhes bya ba la sogs pa smos so//gzhan dag dam chos nub pa las/ /zhes bya ba ma bzod nas gzhan smra ba ni/ dam pa'i chos nub nas 'dul ba'i las med pa'i phyir sngon med pa'i 'dul ba 'thob pa ni med kyi/ thob zin pa ni gtang ba med do zhes bya ba'o/ /bsam gtan du gtogs pa'i dge ba thams cad ces bya ba ni sdom pa'i ngo bo dang /dge ba gzhan gzugs kyi rang bzhin ma yin pa'i tshogs pa de thams cad bsdu'o/ /gong ngam 'og tu zhes bya ba ni gong du skyes na 'og ma gtong la/ 'og tu skyes na gong ma gtong ngo / /snyoms par 'jug pa las yongs su nyams pa las zhes bya ba ni/gzugs dang gzugs med pa ji ltar thob pa gtong ste/ snyoms par 'jug pa la rag las pa'i phyir ro/ /ris mthun pa btang bas kyang cung zad gtong bar 'gyur ro zhes bya ba ni so so'i skye bo'i gnas skabs na nges par 'byed pa'i cha dang mthun par dro ba la sogs pa bzod pa 'bring gi bar ro/ /'dir ris mthun pa btang ba ni 'chi ba'o//cung zad cig ni nyams pa'i cha dang mthun pa ji lta ba bzhin du 'dod chags dang bral bas kyang gtong ste/ nyon mongs pa bzhin du spangs pa'i phyir ro/ /de bzhin gzugs med gtogs zhes bya ba la/ ci zhe na/ gzugs kyi rang bzhin ma yin pa'i dge ba thams cad gtong ngo //lam snga ma gtong bar 'gyur ro zhes bya ba na zhugs pa'i lam mo/ /'bras bu 'am 'bras bu khyad par can zhes bya ba la/ 'bras bu ni rgyun du zhugs pa'i 'bras bu las gzhan rnam pa gsum yongs su gzung ngo / /'bras bu bas khyad par can ni rgyun tu zhugs pa'i 'bras bu'i 'og rol gyi zhugs pa'i lam mam/khyad par gyi lam mo/ /yang ci'i phyir dge ba zag pa med pas 'phos pas mi gtong zhe na/ sas ma bsdus pa'i phyir ro/ /sdom pa ma yin pa can gyis sdom pa ji ltar thob ce na/ de'i phyir gal te sdom pa yang dag par blangs pa las zhes bya ba smos te/ so sor thar pa'i sdom pa thob na'o//bsam gtan gyi sdom pa thob na zhes bya ba la/ zag pa med pa'i sdom pa thob na zhes ci'i phyir ma brjod ce na/ zag pa med pa'i sngon du bsam gtan gyi sdom pa 'gro ba'i phyir la/ bsam gtan gyi sdom pa kho bos bor ba'i phyir zag pa med pa'i sdom pa thob na zhes ma brjod do/ / yang sdom pa ma yin pa can gyis bsam gtan gyi sdom pa ji ltar 'thob ce na/ rgyu dang rkyen gyi stobs zhes bya ba smos te/ rgyu'i stobs ni sngar gyi bsam gtan goms pa'o/ /rkyen gyi stobs ni sa de pa'i las rnam par smin pa la mngon du phyogs pa'o/ /gzhan dag na re dam pa'i chos nyan pa dang / tshul bzhin yid la byed pa'o zhes zer ro/ /gnyen po stobs dang ldan pa'i phyir/ /zhes bya ba ni sdom pa stobs dang ldan pa'i phyir ro/ /lus bor ba'i phyir shi ba zhes bya ba ni/ ris mthun pa'i stobs kyis thob pa'i phyir la/ de dang bral na de med pa'i phyir ro/ /nad rnying mi bzlog pa bzhin no zhes bya ba ni/dper na gzhi yongs su spangs kyang sman med par nad rnying pa zlog pa med pa bzhin no/ /gtan gtong ba'i bsam pa med pa'i phyir zhes bya ba ni sdig pa'i bsam pa ma btang ba'i phyir zhes bya ba'i tha tshig go/ /de thob pa ni rnam par rig byed la rag lus pa'i phyir zhes bya ba la/ de zhes bya ba 'di ni sdom pa ma yin pa dang sbyar ro//rnam par rig byed tsam gyis sdom pa ma yin pa thob pa ni med de/ de'i phyir sdom pa ma yin pa ni sbyor ba mi byed na yang mi 'gyur ro/ /de'i phyir de ltar na sdom pa yang ma yin sdom pa ma yin pa yang ma yin par 'gyur ro zhes bstan par 'gyur ro/ /rdza mkhan gyi 'khor lo dang mda'i 'gros bzhin no zhes bya ba ni ji ltar rdza mkhan gyi 'khor lo 'am/mda'i 'gros 'du byed kyi khyad par gyis 'phangs pa ni 'du byed kyi khyad par de chad pas 'chad de/ de dang 'dra'o/ /ji ltar blangs pa bzhin ma byas pa'i zhes bya ba la/ 'di lta ste/ sangs rgyas la phyag ma byas shing dkyil 'khor la sogs pa ma byas par zas mi bza'o zhes bya ba de dag ma byas par zas za ba'i bar ma rnam par rig byed ma yin par 'chad do//gdos dad rgya la sogs pa'i dngos po'o zhes bya ba la gang gis gzhan la gdos sam rgya 'am mtshon cha ster ba na rnam par rig byed ma yin pa drangs pa de ni chad pas 'chad do//dge ba'i rtsa ba rnams zhes bya ba rgyas par 'byung ngo / /stobs chung ba'i phyir dge ba'i rtsa ba gcod pa'i sbyor ba kho nas bar ma mi dge ba'i rnam par rig byed ma yin pa gtong bas na dge ba'i rtsa ba chad pa las zhes brjod par mi bya'o zhe na/ sbyor ba la de'i sgra nye bar btags pa'i phyir ro//bsam gtan gyi sdom pa'i sbyor bas kyang bar ma mi dge ba'i rnam par rig byed ma yin pa gtong ngo / /gzugs dang gzugs med pa'i khams su skye ba las so zhes bya ba ni/ 'dod pa na spyod pa dman pa ma yin pa'i phyir ro/ /'dod chags dang bral ba las kyang cung zad cig gtong ste/dper na yid bde ba'i dbang po dge ba lta bu'o/ /nyon mongs pa can gzugs can ma yin par zhes bya ba la/ thams cad ces bya ba ni khams gsum pa'o/ /nyon mongs pa gang yin pa de ni nye ba'i nyon mongs pa yang yin no/ /spong ba'i lam ni bar chad med pa'i lam ste/de la chen po'i chen po'i spong ba ni chung ngu'i chung ngu yin la/ chung ngu'i chung ngu ni chen po'i chen po yin no/ /'khor dang bcas pa zhes bya ba la/ de'i 'khor ni de dang lhan cig 'byung ba dang / de'i thob pa rjes su 'brang ba dang bcas pa dag go/ /skyes pa pho'i dbang po dang ldan pa zhig ces bya ba 'di ni 'dir dper brjod pa yin no//rten gnyi ga'i nyon mongs pa shas che ba'i phyir zhes bya ba la de dag ni skyes pa dang yang sbyor bar 'dod la/ bud med dang yang sbyor bar 'dod de/ de'i phyir skyes pa dang bud med kyi rten gyi nyon mongs pa shas che ba'i phyir de'i gnyen por gyur pa so sor rtog pa mi bzod do//ci rigs par sbyar bar bya ste/ mtshan gnyis pa la ni gnyis ka'i nyon mongs pa shas che ba'i phyir dang / ngo tsha shes pa dang khrel yod pa shas po che med pa'i phyir sdom pa med la/ za ma dang ma ning dag ni ngo tsha shes pa dang khrel yod pa shas po che med pa'i phyir ro/ /sdom pa med pa'i rgyur bshad pa gang dag yin pa de dag ni sdom pa ma yin pa dang rjes su mthun pa yin pas/'o na sdom pa ma yin pa zhes bya ba dris so/ /brjod par bya ste/ sdig pa la yang bsam pa mi brten pa'i phyir dang / brtan yang skyes pa'i chos yin pa'i phyir ro/ /gnyen por gyur pa'i phyir ro zhes bya ba la/gang la sdom pa yod pa de na sdom pa ma yin pa yang yod de/ dper na zhing gang na lo thog yod pa de na rtswa yang yod pa bzhin no/ /byang gi sgra mi snyan pa rnams la ni yang dag par len pa dang ting nge 'dzin med pa'i phyir dang zhes bya ba la/ yang dag par len pa med pa'i phyir so sor thar pa'i sdom pa med do//ting nge 'dzin med pa'i phyir bsam gtan dang zag pa med pa'i sdom pa dag med do/ /yang ci'i phyir/ de rnams la yang dag par len pa dang ting nge 'dzin med ce na/ shes rab zhan pas dge ba la sogs pa'i chos la ma byang ba'i phyir ro/ /sdig pa bya ba'i bsam pa med pa'i phyir te/ci zhe na/ sdom pa ma yin pa med do/ /sdom pa'ang de bzhin la/ lha la'ang zhes bshad na yang ci'i phyir ngan song ba dag la sdom pa dang sdom pa ma yin pa med ce na/ de'i phyir ngan song ba rnams la yang zhes bya ba smras te/ dud 'gro ni byis pa dang gzhon nu ltar mi gsal ba'i phyir ro/ /yi dags rnams dang dmyal ba rnams ni smyon pa ltar tshor ba sdug bsngal dang ldan pa'i phyir ro//gang dang ldan pa dang gang med pas zhes bya ba ni go rims bzhin du sdom pa dang / sdom pa ma yin pa dag tu 'gyur ba'o/ /gzhan yang zhes bya ba la lus ni khog pa'o/ /mi rnams la gsum mo/ /so sor thar pa'i sdom pa ni mi rnams kho na la yod kyi/lha rnams la ni so sor thar pa'i sdom pa med de/ mi rnams kho na la tshangs par spyod pa la gnas pa gsungs pa'i phyir ro/ /'di ltar bcom ldan 'das kyis 'di skad du/ lha rnams ni mi dag gis gnas gsum gyis zil gyis gnon te/ dpa' ba dang /dran pa dang ldan pa dang / mi tshangs par spyod pa la gnas pa'o zhes gsungs pa'o/ /'dir rab tu byung ba dang bsnyen par rdzogs pa dang dge slong gi dngos por 'gyur zhes bya ba'i tha tshig go/ /skyob med pa'i phyir 'dod pa spyod pa'i lha shes rab can rnams la yang med na/ gong du skyes pa rnams la lta smos kyang ci dgos/'o na ji ltar na de dag la bsam gtan dang zag pa med pa'i sdom pa dag yod ce na/ ci rigs par rgyu dang las kyi chos nyid kyi stobs las so/ /gong na ni med do zhes bya ba ni gzugs med pa'i khams su skyes pa rnams la'o/ /bsam gtan khyad par can dang 'du shes med pa'i sems can du skyes pa rnams ma gtogs pa zhes bya ba la/'phags pa ni bsam gtan khyad par can dang 'du shes med pa'i sems can dag tu mi skye'o/ /de dag gi ni ldan pa'i sgo nas yod kyi zhes bya ba ni/ gzugs med par skyes pa rnams la ni zag pa med pa'i sdom pa ldan pa'i sgo kho na nas yod kyi/mngon sum du gyur pa las ni ma yin te/ de na gzugs med pa'i phyir ro/ /gzhan na ni rang gi ngo bos kyang yod do zhes bstan par 'gyur ro/ /las bstan pa'i dbang du byas pa yin pas zhes bya ba la sogs pa la/ chos mngon pa ni mdo'i rnam par bshad pa yin no//re zhig dang gtan du zhes bya ba la/ 'bras bu yid du 'ong ba can ni re zhig sdug bsngal las yongs su skyob pa'i phyir bde ba yin te/ ji srid du rnam par smin pa yid du 'ong ba rjes su 'jug pa'i bar du'o/ /mya ngan las 'das pa thob par byed pa ni gtan du ste yongs su mya ngan las 'das pa la gtan du sdug bsngal med pa'i phyir ro//mi bde ba ni mi mthun pa'i phyogs kyi zhes bya ba ni/ 'bras bu yid du mi 'ong ba'i phyir dang / mya ngan las 'das pa'i gegs yin pa nyid kyis so/ /'dod pa na spyod pa na spyod pa'i dge ba'i las ni bsod nams ma yin pa'i gnyen por gyur pa'i phyir bsod nams zhes bya ste/srung ba 'am tshim par byed pas na bsod nams so/ /'di la rnam par brtag pa dang bcas pa gang yin pa zhes bya ba rgyas par 'byung ste/ /'dir sogs pa zhes bya ba'i sgras ni bsam gtan gnyis pa la dga' ba dang ma bral ba gang yin pa 'di ni 'dir 'phags pa rnams kyis g.yo ba'o zhes gsungs so//gsum pa la yang 'di la dbugs 'byung ba dang rngub pa dang ma bral ba dang / 'di la bde'o snyam du sems kyi gtod pa gang yin pa 'dir ni 'phags pa rnams kyis g.yo ba'o zhes gsungs pa bsdu'o/ /bsam gtan gsum po zhes bya ba rgyas par 'byung la/gzugs dang gzugs med pa na spyod pa'i dge ba thams cad ni mi g.yo ba ma yin gyi/ 'o na ci zhe na/ bsam gtan gsum pa'i gong yan chad la yin no snyam du sems so/ /ting nge 'dzin skyon dang bcas pa la zhes bya ba ni/ ting nge 'dzin nyes pa dang bcas pa ste/ bsam gtan gsum po de dag gi ting nge 'dzin skyon dang bcas pa'i dbang du mdzad nas 'dir ni 'phags pa rnams kyis mi g.yo bar gsungs so zhes de skad gsungs par zad kyi mi g.yo ba'i las kyi dbang du mdzad nas ni ma yin no//mi g.yo ba dang mthun par 'gro ba'i las las brtsams te zhes bya ba ni mi sgul ba dang mthun par 'gro ba'i lam las brtsams te zhes bya ba'i don gang yin pa'o//yang ci'i phyir ting nge 'dzin gyi skyon dang bcas pa nyid kyis g.yo ba dang bcas bzhin du yang 'dir mi g.yo bar gsungs she na/ de'i phyir/ /gang phyir sa ni de dag tu/ /las rnam smin phyir mi g.yo'i phyir/ / zhes bya ba smos te/ sa rnams sred pas yongs su bcad pa'i phyir ro/ /'dod pa na spyod pa'i rdzogs par byed pa'i las ni rnam par smin pa'i phyir g.yo ba yin no/ /bde ba dang longs spyod la sogs par 'gyur ba'i las zhes bya ba la/ sogs pa zhes bya ba'i sgras ni gzugs bzang ba dang / skal ba bzang ba dang skad snyan pa la sogs pa bsdu'o/ /res 'ga' rkyen gzhan gyi dbang gis zhes bya ba ni rkyen gzhan nyon mongs pa dang las dang smon lam gyi mthus zhes bya ba'i tha tshig ste/ mdo las 'di lta ste/ 'di na la la sbyin pa po yin zhing sbyin bdag yin la/ de yang shin tu srog gcod pa yin zhes bya ba rgyas par de glang po cher gyur na glang po che'i rgyan rnam pa sna tshogs thob par 'gyur ro zhes bya ba la sogs pa'i bar gsungs so//'dod pa'i khams dang bsam gtan gsum mo zhes bya ba 'byung ste/ de la 'dod pa'i khams dang bsam gtan dang po dag na ni bde ba'i tshor ba lus kyi bde ba dang / sems kyi yid bde ba yin no//bsam gtan gnyis pa na ni bde ba'i tshor ba yid bde ba yin no/ /bsam gtan gsum pa'i sa na ni sems kyi bde ba yin no/ /de yod par bstan pa'i phyir ro zhes bya ba la/ de zhes bya ba'i sgra ni sdug bsngal dang sbyar te/ sdug bsngal de 'dod pa'i khams kho na na yod pa nyid du shes par bya ba'i phyir 'di'i zhes bya ba smos so//'o na ci zhe na/ tshogs dang bcas pa yin no zhes bya ba ni rgyu dang bcas pa yin no zhes bya ba'i tha tshig go/ /tshogs ni de dang lhan cig 'byung ba dang / dbang po rnams dang yul rnams so/ /'dir tshogs par byed pas na tshogs pa yin te/ skyed par byed ces bya ba'i don to/ /de na rnam par smin pa tshol ba kho na yod pa ni ma yin mod kyi/gdul ba'i dbang gis na de skad du gsungs te/ bde bar gyur cig snyam te de byed do zhes 'byung ba'i phyir ro/ /bsam gtan khyad par rnam smin las/ /zhes bya ba la bsam gtan khyad par can du rnam par smin pa'am/ bsam gtan khyad par can gyi las kyi rnam par smin pa ni bsam gtan khyad par rnam smin no//de lta ma yin na zhes bya ba la/ gal te bsam gtan bzhi pa man chad na bde ba yang ma yin sdug bsngal ba yang ma yin pa myong bar 'gyur ba'i las med na ni bsam gtan khyad par can gyi las kyi rnam par smin pa med par 'gyur te/snyoms par 'jug pa'i bsam gtan khyad par can gyi las kyi'o/ /las gang gis kyang bsam gtan khyad par can du zhes bya bas ni skye ba'i bsam gtan khyad par can smras so/ /bsam gtan khyad par can gyi las kyi rnam par smin pa med par 'gyur ba'am zhes gang smras pa de la brjod pa ni/kha cig na re bsam gtan khyad par can gyi las kyi rnam par smin pa ni bsam gtan kho na'i bde ba'i dbang po rnam par shes pa gsum gyi tshogs dang ldan pa yin no zhes bya ba ste/ sa de dag ni rten tha mi dad pa'i phyir ro/ /de'i phyir bsam gtan khyad par can gyi las ni bde ba myong bar 'gyur ba kho na yin pas 'gal ba med do//gzhan dag na re de'i rnam par smin pa tshor ba med pa nyid de 'o na ci zhe na/ tshor ba las logs shig tu de las gzhan pa'i phung po bzhi yin no/ /de lta yin dang bsam gtan khyad par can gyi las kyi rnam par smin pa de ni bsam gtan khyad par can kho na yin par 'thad par 'gyur ro//'di ni bstan bcos dang 'gal ba yin te/ bstan bcos las ni las kyi rnam par smin pa sems kyi tshor ba kho na rnam par smin gyi/ lus kyi ma yin pa yod dam zhe na/ yod de rtog pa med pa las dge ba'i yin no zhes 'byung ba la/ bsam gtan khyad par can gyi las kyang rtog pa med pa'i yin no//gal te de'i rnam par smin pa bsam gtan dang po'i bde ba kho na yin na ni bsam gtan dang po'i bde ba'i dbang po'i rnam par shes pa'i tshogs gsum dang ldan pa yin pas/ de'i phyir rnam par smin pa sems kyi tshor ba kho na rnam par smin par 'gyur gyi/ lus kyi ni ma yin no zhes bya ba'i bstan bcos dang 'gal lo//gnyis pa yang bstan bcos dang 'gal te/ rtogs pa med pa'i las kyis rnam par smin pa ni tshor ba'o zhes 'byung ba'i phyir ro/ /snga phyi med pa'i gsum smin zhes bya ba rgyas par 'byung ste/ snga ma dang phyi ma'i rim pa med cing / sngar yang ma yin la phyis kyang ma yin gyi/cig car zhes bya ba'i tha tshig go/ /bde ba myong bar 'gyur ba'i gzugs ni mig la sogs pa'o/ /sdug bsngal myong bar 'gyur ba'i sems dang sems las byung ba'i zhes bya ba ni mig la sogs pa'i rnam par shes pa rnams dang / de dag dang mtshungs par ldan pa'i sems dang sems las byung ba rnams te/yid mi bde ba ni rnam par smin pa ma yin pa'i phyir ro/ /bde ba yang ma yin sdug bsngal ba yang ma yin pa'i ni sems dang ldan pa'i ma yin pa'i srog gi dbang po la sogs pa rnams so/ /'dod pa'i khams las gzhan ni zhes bya ba rgyas par 'byung ba ni/ gzugs dang gzugs med pa'i khams dag na sdug bsngal myong bar 'gyur ba med pa'i phyir ro//dge ba dang mi dge ba ma gtogs pa gzhan la rnam par smin pa med pas 'dri ba ni da ci las de dge ba yin nam zhes bya ba la sogs pa'o/ /stobs chung ngu yin no zhes bya ba la stobs dang ldan pa gang yin pa de ni bde ba myong bar 'gyur ba yin te/de'i phyir dge ba'i las de ni kha cig la bde ba myong bar 'gyur ba yin la/ kha cig la bde ba yang ma yin sdug bsngal yang ma yin pa myong bar 'gyur ba yin no/ /de lta na ni 'o na/ bsam gtan gsum pa'i bar dge ba/ /bde ba myong 'gyur zhes bya ba dang / rnam par smin pa yid du 'ong ba ni dge ba yin no zhes bya ba gnyis ka dang 'gal lo//gang zhig de ltar 'dod pa de ni snga ma mi 'dod pa kho na yin na/ de dang 'gal ba ga la yod/ /snga ma mi 'dod pa ni bstan bcos dang 'gal bar 'gyur na/ bstan bcos las ni de phal che ba bstan pa yin pas 'gal ba med do//bsam gtan gsum pa'i bar dge ba/ /bde ba myong bar 'gyur zhes bya ba la sogs pa bstan pa gang yin pa'o/ /de dge ba ni phal cher rnam par smin pa yid du 'ong ba yin la/ cung zad cig ni bde ba yang ma yin sdug bsngal yang ma yin pa myong bar 'gyur ba yin no/ /de'i phyir de ni phal che ba bstan pa yin pas 'gal ba med do//ji ltar tshor ba'i rang bzhin ma yin pa zhes bya ba rgyas par 'byung ste/ bya ba'i dus kyi dbang du byas nas smras kyi/ 'bras bu'i dus ni ma yin no/ /bde ba myong bar 'gyur ba dang / mthun pa zhes bya ba ni/ bde ba myong bar 'gyur ba dang rjes su mthun pa'o//'di'i bde ba myong bar bya ba yin pa zhes bya ba la bde ba yang de yin la myong bar bya ba yang de yin pas na bde ba myong bar 'gyur ba ste/ rnam par smin pa gang yin pa'o/ /myong bar 'gyur ba zhes bya ba ni/ nyams su myong bar 'gyur ba'o/ /'di'i bde ba myong bar bya ba yin pas na bde ba myong bar 'gyur ba'o//de myong bar byed pa yin no zhes bya ba ni/ rnam par smin pa de nyams su myong bar byed ces bya ba'i don to/ /'khru bar byed pa'i 'dag chal bzhin no zhes bya ba la/ dper na 'dag chal 'dis 'khru bar byed pas na 'khru bar byed pa'i 'dag chal lo zhes bya ba 'thob pa bzhin du 'khru bar 'gyur ba'i 'dag chal zhes bya ba yin pa de bzhin du las gang gi bde ba myong bar byed pa de ni bde ba myong bar byed pa'o zhes bya ba thob pa bzhin du/bde ba myong bar 'gyur ba zhes bya ba yang yin no/ /ngo bo nyid dang mtshungs ldan dang / /zhes bya ba la sogs pa 'byung ngo / /ngo bo nyid kyis myong bar 'gyur ba ni tshor ba rnams so zhes bya ba ni/tshor ba bde ba myong na zhes ji skad du gsungs pa lta bu ste/ ngo bo nyid kyis te/ myong ba'i mtshan nyid kyis myong bar 'gyur ba ni ngo bo nyid kyis myong bar 'gyur ba'o/ /bde ba myong bar 'gyur ba'i reg pa zhes bya ba ni/ bde ba myong ba dang mthun pa'am/ 'di la bde ba myong bar 'gyur ba yod pas na bde ba myong bar 'gyur ba'i reg pa'o/ /gzugs so sor yang dag par myong bar 'gyur zhes bya ba la/ gzugs so sor nyams su myong bar 'gyur gyi/ gzugs la 'dod chags ni ma yin te/ de la skyes pa'i phyir ro/ /mthong ba'i chos la myong bar 'gyur ba zhes bya ba ni/'di la rnam par smin pa mtshan nyid mthong ba'i skye ba la myong bar yod pas so/ /gdon mi za bar myong bar 'gyur ba ma yin no zhes bya ba ni 'bras bu'i phyir ma nges pa'i phyir ro/ /gal te ma nges na ji ltar bde ba myong bar 'gyur ba yin zhe na/ gal te des bde ba nyid rnam par smin par byed do zhe na ni tshor ba rnam par smin par 'gyur bas bde ba myong bar 'gyur ba yin te/sdug bsngal myong bar 'gyur ba dang / bde ba yang ma yin sdug bsngal yang ma yin pa myong bar 'gyur ba yang de dang 'dra'o/ /rnam pa gnyis su phye nas zhes bya ba la/ mthong ba'i chos la sogs pa'i gnas skabs rnams su ma nges la/rnam par smin par nges pa 'di ni gcig yin no/ /gnas skabs la nges la rnam par smin par ma nges pa ni gnyis pa'o/ /stobs dang ldan pa ni ches stobs dang ldan pa ste/ las gzhan dag gis bar du gcad par mi nus pa'i phyir ro//chung ches pa ni nyung ches pa ste/ dus thung ba'i phyir ro/ /rtsam pa'i dbang gis zhes bya ba ni/ dbang du byas pa'i skye ba de nyid la rnam par smin pa'i mgo zug ces bya ba'i don to/ /ming de rnam par smin par gzhag go zhes bya ba ni/ mthong ba'i chos la myong bar 'gyur ba de lta bu'i ming rnam par gzhag go zhes bya ba'i tha tshig go//'bras bu nye la zhes bya ba rgyas par 'byung ste/ 'bras bu nye ba'i dpe ni lcam pa'o/ /'bras bu ring ba'i dpe ni nas la sogs pa dag go/ /dpes ston pa rnams zhes bya ba la/ gang dag dpe ste rtog ges tha snyad byed pa de dag ni dpes ston pa rnams so//gnas skabs nges la rnam par smin pa ma nges pa yang yod do zhes bya ba ni las gang zhig mthong ba'i chos kho na la rnam par smin gyi/ de las 'das pa rnam par mi smin pa nyid do/ /de bzhin du skyes pa dang / lan grangs gzhan la yang brjod par bya'o/ /las 'di ni gnas skabs nges pa yin gyi/rnam par smin pa ni ma yin te/ de nyid kyi phyir mthong ba'i chos la sogs pa la myong bar 'gyur la/ rnam par smin pa ni ma nges pa'i las gang yin pa'o zhes bya ba smos so/ /rnam par smin par nges la zhes bya ba rgyas par 'byung ngo / /las gang zhig mthong ba'i chos sam skyes pa 'am/rnam grangs gzhan yin yang bla ste/ gdon mi za bar smin pa de ni rnam par nges kyi/ gnas skabs su ni ma yin pa ste/ de nyid kyi phyir rnam par smin par nges la/ myong bar 'gyur ba ni ma yin pa'i las gang yin pa'o zhes bya ba smos so/ /gnyi ga nges pa yang yod de/ gnas skabs dang rnam par smin par nges pa gang yin pa'o/ /gnyi ga ma nges pa yang yod de/ gnas skabs kyang ma nges la/ rnam par smin pa yang ma nges pa'i las gang yin pa'o/ /dpes ston pa de dag gi ltar na las rnam pa brgyad de mthong ba'i chos la myong bar 'gyur ba rnam par smin par nges pa dang ma nges pa nas myong bar 'gyur bar ma nges pa'i bar du yang de dang 'dra bar brjod par bya'o//bye brag tu smra ba rnams ni mthong ba'i chos la myong bar 'gyur ba la sogs pa rnams ni nges pa kho na yin no/ /bzhi pa ni ma nges pa yin no zhes brjod do/ /las rnam pa bzhi 'phen par 'gyur ba zhes bya ba ni/mthong ba'i chos la myong bar 'gyur ba la sogs pa las rnam pa bzhi byed par 'gyur ba'o/ /ji lta zhe na/ pha rol po gsum la sbyar nas zhes bya ba smos te/ srog gcod pa dang ma byin par len pa dang / brdzun du smra ba dag la'o/ /bdag nyid de rang 'dod pas log par g.yem pa la zhugs te/de dag cig car mthar phyir par gyur na'o/ /gcig ni mthong ba'i chos la myong bar 'gyur ba yin la/ gcig ni skyes nas myong bar 'gyur ba yin zhes bya ba la sogs pa'o/ /mthong ba'i chos la myong bar 'gyur ba'i las kyis ni zhes bya ba rgyas par 'byung ste/las gzhan gyis 'phangs pa'i ris mthun pa la de 'byung ba'i phyir dang / de nyid du 'bras bu de 'byin pa'i phyir ro/ /ci rigs par zhes bya ba 'byung ste/ de la mi dge ba rnams ni 'dod pa'i khams kho na na yod do/ /gzhan dag ni khams gsum char na'o/ /dmyal ba na ni dge ba'i gsum zhes bya ba la/dge ba zhes bya ba smos pa ni mi dge ba bsal ba'i phyir te/ dmyal ba na mi dge ba ni rnam pa bzhi char gyi 'phen pa yod do/ /gang la 'dod chags dang bral bstan pa'i byis pa zhes bya ba la/ bstan pa zhes bya ba smos pa ni yongs su nyams pa'i chos can bsal ba'i phyir te/de la ni gang las 'dod chags dang bral ba der skyes nas myong bar 'gyur ba'i las mi 'gal te/ yongs su nyams pa srid pa'i phyir ro/ /byis pa zhes bya ba ni 'phags pa bsal ba'i phyir te/ byis pa ni skyes nas myong ba nyid byed pa ma yin gyi gzhan ni byed do/ /de nyid kyi phyir gzhan rnams pa gsum ni byed do zhes bya ba smos te/de ni slar 'ong ba'i go skabs yod do/ /'phags pa gzhan du 'ang myong mi byed/ /ces bya ba la 'ang zhes bya ba'i sgras ni skyes nas myong ba yang byed pa ma yin par rtogs te/ de la ni yongs su nyams pa'am slar 'ong ba yod pa ma yin te/ bstan pa'i phyir dang khyad par du 'gro ba'i phyir ro//bstan pa zhes bya ba ni mi bstan pa bcad pa'i phyir te/ mi bstan pa ni skyes nas myong bar 'gyur ba dang / lan grangs gzhan la myong bar 'gyur ba byed pa yin te/ yongs su nyams pa la yang skye ba srid pa'i phyir ro/ /'di ni yang sa 'og mar 'ong bar rung ba ma yin no zhes bya ba ni/phyir mi 'ong ba rnams khyad par du 'gro ba yin pa'i phyir ro/ /'og na yod pa ni 'og ma'o/ /ma nges pa dang zhes bya ba la/ rnam par smin par ma nges pa dang / gang du skyes pa der mthong ba'i chos la myong bar 'gyur ba ni byed do/ /'dod pa'i khams sam srid pa'i rtse mo las 'dod chags dang bral ba zhes bya ba la/'dod pa'i khams las 'dod chags dang bral ba ni phyir mi 'ong ba'o/ /srid pa'i rtse mo las 'dod chags dang bral ba ni dgra bcom pa'o/ /de dag tu zhes bya ba ni 'dod pa'i khams dang srid pa'i rtse mo dang sbyar ro/ /ci'i phyir zhes bya ba ni yongs su nyams pa'i chos can yin yang de dag tu skyes nas myong bar 'gyur ba dang /lan grangs gzhan la myong bar 'gyur ba'i las byed par rung ba ma yin pa'o/ /de'i phyir de ni 'bras bu las yongs su nyams pa yin la zhes bya ba smos so/ /'bras bu las yongs su nyams pa la ni 'chi ba med do zhes bya ba ni ji srid du 'bras bu de ma thob kyi bar du'o//'og nas bshad par bya'o zhes bya ba ni/ 'bras las nyams pa 'chi ba med/ /ces bya'o/ /ma nges pa dang mthong ba'i chos la myong bar 'gyur ba ni bkag pa med do/ /thams cad na ni 'phen pa bzhi/ /zhes bshad pa de'i phyir ci srid pa bar ma na yang zhes bya ba rgyas par smos so//'dod pa na spyod pa'i srid pa bar ma zhes bya ba ni/ gzugs na spyod pa las khyad par du bya ba'i phyir te/ de na ni mngal gyi gnas skabs dang byis pa la sogs pa'i gnas skabs med do/ /skye ba ril po ni gnas skabs bcu gcig yin te/mngal gyi gnas skabs lnga dang / skyes pa'i gnas skabs lnga dang / srid pa bar ma'i gnas skabs so/ /las nges pa'i srid pa bar ma dang nur nur po la sogs pa'i 'bras bu can gang yin pa de ni skyes nas myong bar 'gyur ba yin par shes par mi bya ste/ de'i phyir de ni mthong chos 'bras bu can//zhes bya ba smos so/ /de nyid la rgyu ni/ de ni ris gcig kho na yin/ /zhes bya ba smos te/ ji skad du/ de ni 'phen pa gcig pa'i phyir/ /sngon 'byung srid pa'i sha tshugs can/ /zhes bshad do/ /las nges pa ma nges pa de'i rgyu las byung ba zhes bya ba ni/ srid pa bar ma'i sngon du 'gro ba can zhes bya ba'i don to/ /gzhan zhes bya ba la/ gang las gzhan zhe na/ skyes nas myong bar 'gyur ba la sogs pa dag las so/ /de ni skye nas myong bar 'gyur ba kho nas 'phangs pa'i phyir ro zhes bya ba ni/ gang gi phyir gnas skabs bcu gcig po de ni las gcig gis 'phangs shing ris gcig pa kho na yin pa de'i phyir srid pa bar ma myong bar 'gyur ba'i las gzhan ma bshad do//las nges pa dang ma nges pa bshad pa de'i phyir yang nges pa'i las ci 'dra ba zhes bya ba smos so/ /nges pa shes na de las gzhan ni ma nges pa yin no zhes bya bar shes pa kho na yin pas de la dri ba ma byas so//'bras bu dang snyoms par 'jug pa khyad par can zhes bya ba la/ khyad par can gyi sgra ni gnyi ga la yang sbyar bar bya'o/ /de las 'bras bu khyad par can ni rgyun du zhugs pa'i 'bras bu dang dgra bcom pa nyid do/ /snyoms par 'jug pa khyad par can ni 'gog pa dang /byams pa dang nyon mongs pa can med pa'i snyoms par 'jug pa'o/ /khyad par smos pa ni lan cig phyir 'ong ba dang phyir mi 'ong ba'i 'bras bu dang / de las gzhan pa'i snyoms par 'jug pa rnams rnam par gcad pa'i phyir ro/ /ci 'dra yang rung ste zhes bya ba ni kun nas dkris pa zhan pa'am/drag pos bslangs te/ gal te bsod nams kyi blo 'am/ zhe sdang gis bslangs na'o/ /gang zhig bsod nams kyi blos pha'am ma gsod par byed pa/ de'i mi dge ba'i las de yang mtshams med par 'gyur ro/ /gzhan ni ma yin no zhes bya ba ni gsod par byed pa'i las las gzhan pa gshe ba la sogs pa dang rkang pa la phyag byed pa la sogs pa gang yin pa dang /nyon mongs pa dang rab tu dang ba gzhan pas kun nas bslang ba dang / rgyun chags su byas pa ma yin pa dang / yon tan gyi zhing las gzhan las byas pa dang / gzhan la phan btags pa dang bsod pa'o//mthong ba'i chos la sogs pa la myong 'gyur phyir na zhes bya ba bshad pa de'i phyir/ yang mthong ba'i chos la myong bar 'gyur ba zhes bya ba rgyas par smos te/ zhing gi khyad par las ni dge slong shags kyis pham pa zhig gis dge 'dun la bud med du zad do zhes kha byas pa dang /de mthong ba'i chos kho na las skyes pa'i mtshan dang bral te/ bud med kyi mtshan byung ngo zhes grag go/ /bsam pa'i khyad par las kyang mthong ba'i chos la myong bar 'gyur te/ dper na nyung rum zhig gis rngan pa byin nas glang zhig rlig pa dbyung ba las thar bar byas pa dang de la mthong ba'i chos kho na la skyes pa'i dbang po byung ngo zhes grag pa bzhin no//yang na der skyes pa'i las de'i sa gang yin pa de las gtan du 'dod chags dang bral ba'i phyir las de mthong ba'i chos la myong bar 'gyur te/ dper na phyir mi 'ong ba dang / dgra bcom pa rnams kyis 'dod chags dang ma bral ba'i gnas skabs su byas pa lta bu ste/sa 'og mar yang mi 'ong ba'i phyir dang / len pa med par yongs su mya ngan las 'das pa'i phyir ro/ /gnas skabs gzhan du nges pa gang yin pa zhes bya ba ni/ skyes nas myong bar 'gyur ba'am/ lan grangs gzhan la nges par 'gyur ba ste/ de ni de nyid du rnam par smin par 'gyur ro zhes bya ba ni sa de nyid du skyes nas sam/lan grangs gzhan la'o/ /de dang ldan bzhin du gtan du 'dod chags dang bral ba mi srid pas zhes bya ba la/ gang la gnas skabs gzhan du nges pa'i las yod pa de la ni gtan du 'dod chags dang bral ba mi srid de/ phyir mi 'ong ba la slar 'ong ba'am/ dgra bcom pa la yang slar skye ba ni med do/ /de'i phyir las de ni rang gi sa las gtan du 'dod chags dang bral ba 'gog pa'i rgyu yin no/ /ma nges pa gang yin pa de ni zhes bya ba la sogs pa la/ ma nges pa rnam par smin pa 'byin pa la gegs byed pa'i rgyu ni/sa de las 'dod chags dang bral ba kho na yin pas 'di ni rnam par mi smin pa yin la/ ma nges pa yin pa'i phyir de las 'dod chags dang bral ba na gegs byed pa nus pa yang ma yin no/ /mya ngan las 'das pa dang 'dra ba'i phyir zhes bya ba la/ mya ngan las 'das pa ni gtan du 'dus byas thams cad 'jug pa dang 'gal ba yin la/'gog pa'i snyoms par 'jug pa la snyoms par 'jug pa'i gnas skabs na sems dang sems las byung ba 'jug pa med pas dus ji srid cig tu 'gal ba yin pas/ mya ngan las 'das pa dang 'dra ba yin no/ /de'i phyir mya ngan las 'das pa dang 'dra ba'i chos mngon sum du byas pa'i phyir de las langs pas sems mchog tu zhi ba 'thob po//son pa las slar log pa dang 'dra zhes bya ba la snyoms par 'jug pa'i gnas skabs na sems dang sems las byung ba 'jug pa med pa'i phyir mya ngan las 'das par son par 'dra la/yong langs pa la sems dang sems las byung ba 'byung bas mya ngan las 'das pa las slar log pa dang 'dra ste/ de'i phyir de ni sems mchog tu dang ba'i gzhir gyur pa yin no/ /phan pa'i lhag pa'i bsam pa ni phan par 'dod pa yin la/ phan pa ni 'dir nyon mongs pa mi 'byung ba'o//shin tu gsal ba zhes bya ba ni/ shin tu rno ba ste/ te por gsal zhes bya ba'i tha tshig ste/ sems can tshad med pa la phan pa'i lhag pa'i bsam pa'i rgyu can yin pa'i phyir ro/ /rgyu ji skad bshad pa'i bsam pa dang rjes su 'brel cing mthun par 'brel pa dang /ji skad bshad pa'i bsod nams kyis yongs su bsgos pa dang rjes su 'brel par 'jug pa ste/ yongs su bsgos pa zhes bya ba 'di ni bag chags kyi rnam grangs so/ /sems can tshad med pa la dmigs pa'i phan pa'i lhag pa'i bsam pa dang rjes su 'brel pa zhes bya ba ci'i phyir smos she na/langs nas dus ha cang yun mi ring ba gzung ba'i phyir ro/ /gnas yongs su gyur pa sar pa yin pas dri ma med pa zhes bya ba la/ 'dir gnas yongs su gyur pa ni mthong ba dang bsgom pas spang bar bya ba'i nyon mongs pa skyes pa dang 'gal ba'i rten thob pa'i phyir ro/ /sar pa smos pa ni langs nas ring po ma lon pa bsdu ba'i phyir ro//mthong ba'i lam dang dgra bcom pa nyid las gsar du langs pa dag ni yon tan sngar ma thob pa thob pas yid bde ba gzhol ba kho nar 'gyur te/ de'i phyir de dag gi dbang po shin tu nye bar zhi bar 'gyur ro/ /rgyu de dag gis gang zag lnga po de dag la phan pa 'am gnod pa byas pa ni mthong ba'i chos la myong bar 'gyur ba'i 'bras bu can du 'gyur ro//rang bzhin dang 'bras bu yongs su ma rdzogs pa can nyid kyi phyir zhes bya ba la/ bsgom pa'i lam de la rang bzhin dang 'bras bu yongs su ma rdzogs par yod pa de ni rang bzhin dang 'bras bu yongs su ma rdzogs pa can no//bsgom pa'i lam de yang gang yin zhe na/ lan cig phyir 'ong ba dang / phyir mi 'ong ba'i 'bras bu thob par byed pa'i lam ste/ der bsgom pa'i lam yongs su ma rdzogs pa'i phyir dang / bsgom pas spang bar bya ba'i nyon mongs pa spangs pa'i 'bras bu yongs su ma rdzogs pa'i phyir ro//rgyun du zhugs pa'i 'bras bu ni mthong ba'i lam yongs su rdzogs pa'i phyir dang / mthong bas spangs pa'i 'bras bu yongs su rdzogs pa'i phyir la dgra bcom pa nyid kyi 'bras bu yang bsgom pa'i lam yongs su rdzogs pa'i phyir dang /bsgom pas spang bar bya ba'i nyon mongs pa spangs pa'i 'bras bu yongs su rdzogs pa'i phyir ro/ /de ltar bsod nams kyi zhing ma yin no zhes bya ba la/ lan cig phyir 'ong ba dang phyir mi 'ong ba rnams ni bsgom pa'i lam zag pa med pa las langs pa yin yang de ltar bsod nams kyi zhing ma yin na/'jig rten pa'i lam las langs pa rnams lta smos kyang ci dgos/ de ni gdon mi za bar rtog pa dang dpyod pa dang bcas pa'i phyir ro zhes bya ba ni lus kyi tshor bas bsdus pa'i rnam par smin pa de ste/ rtog pa dang dpyod pa dang bcas pa ni/ rnam par shes pa'i khams lnga yin zhes nges pa'i phyir ro//yid mi bde ba ni rnam par smin pa ma yin no zhes bya ba la/ 'dir ni dbang po bsam pa las/ tha ma brgyad dang yid mi bde bar ma gtogs zhes bya ba der bshad zin to/ /'o na sems can rnams kyi zhes bya ba rgyas par 'byung ste ni/ gal te yid mi bde ba rnam par smin pa ma yin na/'o na sems can rnams kyi sems g.yeng bar 'gyur ba gang yin pa de zhes bya'o/ /de sems ni gang zhig la zhes bya ba ni/ yid kyi rnam par shes pa la gnas pa'i sems g.yeng gi /rnam par shes pa'i tshogs lnga la gnas pa ni ma yin te/de dag rtog pa med pa'i phyir dang / g.yeng ba yang yang dag pa ma yin pa'i rtag pa yin pa'i phyir ro/ /rnam par rtog pa med pa ni nges par rtog pa dang rjes su dran pa'i rtog pa med pa'i phyir ro/ /nags zhes bya ba ni rtswa'i tshogs so/ /gnas byed kyi bu la sogs pa zhes bya ba ni/bu shi bas skyes pa'i mya ngan gyis sems g.yengs pa la sogs pa'o/ /gal te yid kyi rnam par shes pa g.yengs par 'gyur la/ sems g.yengs pa yang las kyi rnam par smin pa las skyes pa yin no/ /ji ltar sems kyi tshor ba rnam par smin pa ma yin par 'gyur zhe na/sems de nyid rnam par smin pa yin no zhes ni mi zer ro zhes bya ba la sogs pa la/ bdag po'i 'bras bu'i sgo nas sems g.yeng gi /rnam par smin pa'i 'bras bu'i sgo nas ni ma yin te/ de'i phyir de dang mtshungs par ldan pa yid mi bde ba rnam par smin pa ma yin no snyam du bsams pa'o//de nyid kyi phyir tshig le'ur byas pa las/ las las skyes zhes brjod par bya ba las/ las kyi rnam par smin pa skyes zhes bshad do/ /ji ltar zhe na/ las las skyes pa'i khams rnams 'khrugs pa zhes bya ba rgyas par smos te/ brgyud nas mngon par 'grub pa'i phyir rnam par smin pa ma yin te sgra bzhin no//de lta na mu bzhi rigs par 'gyur te zhes bya ba 'byung ngo / /sems g.yengs la rnam par ma g.yengs pa yang yod ces bya ba la sogs pa la/ de la rnam par g.yengs pa ni nyon mongs pa can no/ /g.yengs pa zhes bya ba ni/'jigs pa la sogs pas g.yengs pa ste/ brlams zhes bya ba'i tha tshig go/ /'dir dper brjod pa ni/ gnyi ga ni sems g.yengs pa'i nyon mongs pa can yin no zhes bya ba 'di yin no/ /sems nyon mongs pa can ni rnam par smin pa yin par mi rung ste/ rnam smin lung du ma bstan chos//zhes 'byung ba'i phyir ro/ /mngon par nyan pa zhes bya ba ni/ mngon par gnod par gyur pa'o/ /'dir kyi hud sems zhes smre sngags 'don pa'i dmyal ba dper bya'o zhes bya ba ni rkun po'i sde dpon gang zhig gis rang sangs rgyas lnga brgya gsod du bcug pa'o//sangs rgyas ma gtogs zhes bya ba la/ sangs rgyas rnams la ni thugs g.yengs pa dang / rim gyis 'grongs pa dang / gsungs 'dzer ba dang / dbu skya ba mi 'byung ste/ las shin tu dang ba'i rnam par smin pa'i snying po yin pa'i phyir ro/ /las kyis ni ma yin te zhes bya ba ci zhe na/'phags pa rnams sems g.yengs pa ste/ 'byung ba ma mnyam pa ni ma gtogs pa nyid do/ /ci'i phyir zhe na/ nges pa ni sngon so so'i skye bo'i gnas skabs kho na na rnam par smin zin pa'i phyir ro/ /ma nges pa ni rnam par mi smin pa'i phyir ro zhes bya ba la/ ma nges pa'i 'phags pa'i lam gyi stobs kyis rnam par mi smin pa'i chos nyid du gnas so//'jig pa lnga las yang dag par 'das pa'i phyir ro zhes bya ba ni/ tshor ba dang tshigs su bcad pa med pa dang / 'khor gyi nang du grags pa dang / /'chi ba dang ngan 'gror 'jigs pa las yang dag par 'das pa'i phyir ro//mi mdzes pa zhes bya ba ni/ nyon mongs pa mi sdug pa zhes bya ba'i tha tshig go/ /chos nyid mngon par shes pa'i phyir ro zhes bya ba 'byung ste/ de la chos nyid ni 'du byed thams cad mi rtag pa'o/ /zag pa dang bcas pa'i thams cad ni sdug bsngal ba'o/ / chos thams cad ni bdag med pa'o zhes bya ba 'di yin no/ /de'i phyir de ltar na chos kyi rang bzhin mngon par shes pa rnams la mya ngan 'byung ba med do/ /yon tan skyon snyigs mar gsungs pa ni/ /zhes bya ba la sogs pa 'byung ngo / /gya gyu'i rgyu las byung ba yin pa'i phyir/ /zhes bya ba ni gya gyu'i rgyu can yin pa'i phyir ro//mdo las gya gyu gang zhe na/ sdig pa can gyi lta ba'o zhes lta ba la gya gyur bshad de/ de'i phyir de'i rgyu las byung ba'i phyir g.yo ba la gya gyu zhes brjod do/ /'bras bu las rgyur btags pas lus kyi las la yon po zhes bshad do/ /lus kyi las zhe sdang las skyes pa ni lus kyis nyes pa zhes bshad de/de yang 'bras bu la rgyur btags pa'i phyir ro/ /chags pa'i rgyu las byung ba yin pa yin pa'i phyir zhes bya ba ni/ dper na tshos ni 'dzin pa'i rgyu yin pa ltar 'dod chags kyang de dang 'dra ste/ de'i phyir chos mthun par de las de skad du bshad do//mi dge'i gzugs dang 'dod gtogs pa'i/ /dge ba nyid ni rim bzhin du/ /zhes bya ba la/ mi dge ba gang zhig srid pa gzugs la/ de yang 'dod par gtogs pa kho na yin pas khyad par du ma byas te/ khyad par don med par 'gyur ro/ /gzugs dang 'dod par gtogs pa'i dge ba zhes bya bar sbyar ro//gzugs su gtogs pa'i dge ba ni dkar ba yin la/ 'dod par gtogs pa'i dge ba ni dkar nag gnyi ga yin no/ /de zad par byed pa zhes bya ba ni/ mi dge ba la sogs pa zad par byed pa ste/ mi dge ba la sogs pa rnam gsum zad par byed do//nyon mongs pa can yin pa'i phyir zhes bya ba ni/ mi dge ba'i phyir ro/ /rnam par smin pa yid du mi 'ong ba yin pa'i phyir zhes bya ba ni/ rnam par smin pa rjes su mi mthun pa yin pa'i phyir ro/ /mi dge ba dang ma 'dres pa'i phyir zhes bya ba ni de na mi dge ba'i nyon mongs pa med pa'i phyir ro//ci'i phyir gzugs med par gtogs pa bshad ces bya ba ni/ dge bar byed de de yang gzugs su gtogs pa ltar mi dge ba dang ma 'dres pa'i phyir ro snyam du sems so/ /gang na zhes bya bar rgyas par 'byung ste/ grag ste zhes bya ba'i sgras ni gzhan gyis bsam pa ston par byed pa'o//srid pa bar ma ni srid pa bar ma yod pa'o/ /skye ba'i srid pa yang de dang 'dra'o/ /gzugs med pa rnams na ni srid pa bar ma pa'i rnam par smin pa med de/ de na srid pa bar ma med pa'i phyir ro/ /rnam pa gsum char gyis zhes bya ba ni/ rgyas par 'byung ba ni de na bsam gtan gyi sdom pas bsdus pa'i lus dang ngag gi las dag med pa'i phyir ro//de kho nar bshad do zhes bya ba ni/ gang na las rnam pa gsum gyi rnam par smin pa rnam pa gnyis yod pa de kho nar dge ba'i las dkar ba bshad do/ /mdo las de yang bshad do zhes bya ba ni/ las dkar la rnam par smin pa dkar ba yang yod de/'di lta ste/ bsam gtan dang po dang de bzhin du srid pa'i rtse mo'i bar yin no zhes gzugs med par gtogs pa'i las dge ba dkar po bshad do/ /las sam zhes bya ba ni rdzas gcig dang / skad cig gcig la'o/ /phan tshun 'gal ba'i phyir ro zhes bya ba ni dkar po dang nag po gnyis gcig la cig car lhan cig mi gnas pa'i phyir ro//de stobs dang ldan pa'i phyir ro zhes bya ba ni/ 'dod pa'i khams na mi dge ba 'bad pa med par yang nas yang du byung ba'i phyir stobs dang ldan pa nyid de/ gang gis na de'i rnam par smin pa yang 'dren mar skye ba des dge ba zil gyis gnon pa yin no//'di na dge ba ni res 'ga' 'bad pas 'byung ba'i phyir stobs chung ba yin te/ des mi dge ba zil gyis gnon par mi nus so/ /de'i phyir de'i rnam par smin pa ni gcig tu gnag pa kho nar 'gyur ro/ /mi dkar ba zhes bya ba'i sgras ni dgongs pa yin te zhes bya ba la/dkar ba ni rnam pa gnyis te/ rang bzhin gyis dkar ba dang / rnam par smin pas dkar ba'o/ /de la gzugs su gtogs pa'i las ni gnyi ga dkar bas dkar ba'o/ /zag pa med pa ni rang bzhin gyis dkar ba kho na yin pas ma bshad do/ /mi dkar ba zhes bya ba'i sgra 'di dgongs pa can yin no zhes bya ba ji ltar shes she na/de'i phyir bcom ldan 'das kyis stong pa chen po'i mdo las zhes bya ba rgyas par smos so/ /bstan bcos las kyang chos dkar po rnams zhes bya ba la/ zag pa dang bcas pa dang zag pa med pa rnams gzung ngo //ma bsgribs la lung du ma bstan pa rnams kyang rnam par smin pa dkar ba med kyang nyon mongs pa can ma yin pa'i phyir dge ba zhes bya ba yin te/ de'i phyir rnam par smin pa dkar ba'i phyir gzugs na spyod pa dkar bar bshad la/ de med pa'i phyir zag pa med pa mi dkar ro zhes bya bar shes so//zag pa med pa'i las rnam par smin pa med pa yin no zhes bya ba 'di gang las she na/ de'i phyir khams su ma gtogs pa'i phyir rnam par smin pa med pa yin no zhes bya ba smos te/ rnam par smin pa ni khams su gtogs pa yin te/ de'i rnam par smin pa'i rgyu yang khams su gtogs pa kho nar 'gyur ro//zag pa med pa'i las ni/ khams su ma gtogs pa yang yin pas rnam par smin pa med pa yin te/ 'dod pa'i srid pa la sogs pa dag gis bdag gir ma byas pa'i phyir ro/ /'dod pa'i srid pa la sogs pa dag gis bdag gir ma byas pa zhes bya ba 'di ltar shes she na/de'i phyir 'jug pa dang 'gal bas zhes bya ba smos te/ 'dod pa'i srid pa la sogs pas bdag gir byas pa ni chos khams gsum pa rnams kyi 'jug pa gcod par mi nus so/ /'dir de zad pa byed pa zag med yin/ /zhes khyad par med par bshad pa de'i phyir/ ci zag pa med pa'i las zhes bya ba rgyas par dris so//chos kyis bzod pa dang 'dod chags dang bral ba smos pa ni 'dod pa'i khams kyi gnyen po nyid kyis te/ las nag po spangs pa'i phyir ro/ /de la sdug bsngal dang kun 'byung ba dang / 'gog pa dang lam la chos shes pa'i bzod pa dag gis ni des spang bar bya ba'i nyon mongs pas kun nas bslang ba'i las spang ngo //'dod pa'i khams las 'dod chags dang bral ba la yang go rims bzhin du bar chad med pa'i lam brgyad kyis nyon mongs pa ltar des spang bar bya ba'i nyon mongs pas kun nas bslang ba'i las spong ba la/ de yang gcig tu mi dge ba yin pas nag po zhes bya'o/ /dkar nag ste dge ba dang zhes bya ba la/ de ni de la dmigs pa'i nyon mongs pa spangs pa las spang bar rnam par gzhag go/ /bar chad med pa'i lam dgu pas de la dmigs pa'i nyon mongs pa ma lus par spangs pas/ dgu pa'i sems pa gang yin pa de ni zhes de'i tshe de spong bar rnam par gzhag go//brgyad kyis gcig tu mi dge ba spangs pa'i phyir ro/ /dkar po bsam gtan chags bral ba/ /dkar po kho na zhes bya ba nges par gzung ste/ de na nag po med pa'i phyir ro/ /de'i rang gi ngo bo ni spong ba ma yin te/ zhes bya ba ni thob pa bcad pa ma yin pa ste/ nyon mongs pa spangs kyang / ting nge 'dzin las langs pa'i dus dag tu mngon sum du byed pa'i phyir ro/ /de la dmigs pa'i nyon mongs pa spangs pa'i phyir te zhes bya ba la/ dge ba la dmigs pa'i nyon mongs pa spangs pas dge ba de spangs par 'gyur gyi gzhan du ni ma yin no//de'i phyir de myong bar 'gyur ba zhes bya ba la/ 'gro ba la nges pa'i rgyu de'i phyir de myong bar 'gyur ba ste/ dmyal ba myong bar 'gyur ba zhes bya ba'i don to/ /de las gzhan pa'i zhes bya ba rgyas par 'byung ba ni/ dmyal ba'i 'gro ba de las gzhan pa'i 'dod pa'i khams mi la sogs pa'i 'gro ba na ni las dge ba dang mi dge ba'i rnam par smin pa yod do//mthong bas spang bar bya gnag ces bya ba ni dge ba dang ma 'dres pa'i phyir ro/ /dge ba ni mthong bas spang bar bya ba yod pa ma yin te/ nyon mongs can min mthong spangs min zhes nges pa'i phyir ro/ / 'dod pa las skyes gzhan dkar nag ces bya ba la 'dod pa na spyod pa'i bsgoms pas spang bar bya ba de ni/ dge ba yang yin mi dge ba yang yin te/ de gnyis ka yang bsres nas dkar nag ces bya'o/ /thub pa ni gsum ste zhes bya ba la/ thub pa'i dngos po thub pa'i yin pa dang / 'di thub pa'i yin pa ni thub pa'i'o/ /mi slob pa'i lus dang ngag gis las dag ni zhes bya ba ni/ rnam par rig byed ma yin par kho na yin gyi/ rnam par rig byed ma yin te/ mi slob pa zhes 'byung ba'i phyir ro/ /sems ni don dam par thub pa yin la zhes bya ba ni/ de rnam par byang ba'i rgyu nyid kyi gtso bo yin pa'i phyir ro//thub pa nyid thub pa yin te/ rang gi don la 'phel ba bsgrub pa'i phyir ro/ /de ni lus dang ngag gi sgo nas rjes su dpag par bya ba yin no zhes bya ba ni/ thub pa zhes bya bar te/ mdo las ji ltar de bzhin gshegs pa rjes su dpag par bya/sku'i phrin las rab tu zhi ba dang gsung gi phrin las rab tu zhi bas so zhes 'byung ba'i phyir ro/ /de'i phyir gang gis dang gang rjes su dpag pa de dag kho na thub pa'i yin par bshad kyi/ yid kyi las ni ma yin no/ /de ltar na mi slob pa'i lus dang ngag gi las ni 'di thub pa'i yin pas thub pa'o zhes bya bar grub ste/yid kyi las ni ma yin no/ /gal te mi slob pa'i sems pa yang yid ltar de dag gi rjes su dpag par bya ba ma yin nam zhe na/ rjes su dpog mod kyis/ de ni sems la brten pas de la sems nyid gtso bo yin no/ /gzhan yang zhes bya ba ni slob dpon bdag nyid kyi gzhung lugs 'chad pa'o//spong ba'i rang bzhin zhes bya ba ni rnam par rig byed ma yin pa'i rang bzhin yin pa ste/ de ltar yid la byed pa ni rnam par rig byed kyi rang bzhin ma yin no/ /ci'i phyir zhe na/ sems la rnam par rig byed ma yin pa med pa'i phyir te/ 'di ltar sems la rnam par rig byed ma yin pa med pa'i phyir ro//thub pa yang spang ba'i don gyis yin te/ zhes bya ba la spong ba ni gcod pa ste/ mi dge ba thams cad spong ba'i don gyis zhes bya bar dgongs so/ /nyon mongs pa'i brjod pa thams cad med pas zhes bya ba la/ nyon mongs pa rnams ni log pa la dmigs pa'i phyir brjod pa zhes bya ste/brjod pa dang / rtog pa zhes bya ba ni don gzhan ma yin no/ /slob pa ni nyon mongs pa'i brjod pa yod pas don dam par thub pa ma yin te/ de'i phyir slob pa'i lus dang ngag dang yid ni thub par rnam par ma bzhag go//thub pa ni gzugs dang rnam par shes pa'i phung po gnyis kyi sgo nas rnam par gzhag go/ /gtsang byed gsum zhes bya ba la/ gtsang ba'i dngos po ni gtsang byed do/ /thams cad ces bya ba ni zag pa dang bcas pa dang zag pa med pa'o/ /re zhig zag pa med pa ni gtsang byed ces bya bar rig na/zag pa dang bcas pa nyon mongs pa mi gtsang bas sun phyung bas ni gtsang byed ces bya ba ji ltar 'thob ce na/ de'i phyir dus re zhig dang gtan du nyes par spyod pa nyon mongs pa'i dri ma spong ba'i phyir ro/ /zag pa dang bcas pas re zhig tu'o/ /zag pa med pa'i ni gtan du'o//de'i phyir dus re zhig tu nyes par spyad pa'i dri ma spangs pa'i phyir dang / zag pa med pa'i don dam pa'i gtsang byed 'dren par byed pa'i phyir zag pa dang bcas pas kyang gtsang byed ces bya ba 'thob po/ /log pa'i thub pa dang gtsang sbra la mos pa rnams zhes bya ba gang dag mi smra ba dang /phyi rol gyi dri ma spangs pas mtho ris dang byang grol 'thob po zhes bya ba de ltar lta ba de dag ni log pa'i thub pa dang / gtsang sbra la mos pa'o/ /dgar ba ni lta ba dang bral ba'o/ /lus kyi las sogs mi dge ba/ /nyes par spyad pa gsum du 'dod/ /lus dang ngag gi las mi dge ba sbyor ba dang dngos dang mjug ces bya ba dang /mi dge ba'i sems pa gang cung zad cig yin pa de ni go rims bzhin du lus dang ngag dang yid kyi nyes par spyad pa yin no/ /ched du bsam par bya ba'i mdo las zhes bya ba ni/ dge slong dag ji ltar ched du bsam par bya ba'i las byas shing bsags pa yin zhe na/dge slong dag 'di na la la ched du bsams nas lus kyi las rnam pa gsum byed cing bsags pa yin la/ ngag gi rnam pa bzhi dang / yid kyi rnam pa gsum zhes bya ba rgyas par gsungs nas/ bka' stsal pa/ dge slong dag ji ltar yid kyis ched du bsam par bya ba'i las rnam pa gsum byas shing bsags pa yin zhe na/'di lta ste/ 'di na dge slong la la brnab sems dang ldan pa yin/ gnod sems can gyi sems su gyur pa yin/ log par lta ba yin zhes 'byung ba'o/ /dpes ston pa rnams na re brnab sems la sogs pa ma rtogs pa'i yid kyi las gzhan ma bshad de/de'i phyir brnab sems la sogs pa dag kho na yid kyi las ma yin no zhes zer ro/ /de lta na ni las dang nyon mongs pa dag gcig tu 'gyur ro/ /'di ni 'dod pa yang ma yin no/ /gal te nyon mongs pa 'ga' zhig las su gyur na yang zhes bya ba ni sems pa 'ba' zhig tu ma zad pa'o//cir 'gyur zhes bya ba ni/ nyes pa cir 'gyur zhes bya ba'o/ /de ni med de ci'i phyir zhe na/ mdo dang 'gal ba'i phyir te/ sems pa'i las dang bsam pa'i las zhes gsungs pa'i phyir ro/ /de'i phyir nyon mongs pa las ma yin no zhes bya bar nges so//gal te nyon mongs pa las nyid du mi 'dod na de lta na ched du bsam par bya ba'i mdo dang 'gal lo zhe na/ mdo las ni zhes bya ba rgyas par 'byung ngo / de'i sgo nas zhes bya ba ni brnab sems la sogs pa'i sgo nas sems pa zhugs pa de'i phyir brnab sems la sogs pa de dag gis sems pa de ston par byed de/gzhan du na mdo dang 'gal bar 'gyur ro/ /bye brag tu smra ba rnams na re yid kyi las kyi tshogs yin pa'i phyir de dag la 'di skad du bsnyad de/ dor ba'i spang bar bya ba la zag par bstan pa bzhin no zhes zer ro/ / smad pa ni zhes bya ba ni dam pa dag gis smad ces bya ba'i don to/ /bzlog pa legs par spyad pa yin/ /zhes bya ba la lus dang ngag dang yid kyi las kyi tshogs yin pa 'di dang mjug ces bya ba dang / dge ba'i sems pa dang / brnab sems dang gnod sems dang / log par lta ba dag la sogs pa gang cung zad cig yin pa ni nyes par spyad pa las bzlog pa'i sgo nas lus dang ngag dang yid kyi legs par spyad par brjod par bya'o//de'i rtsa ba yin pa'i phyir ro zhes bya ba la pha rol la phan 'dogs pa'i bsam pa'i rtsa ba yin pa'i phyir na yang dag pa'i lta ba dge ba nyid yin la/gzhan la gnod pa bya ba'i bsam pa'i rtsa ba yin pa'i phyir na log par lta ba mi dge ba nyid yin no/ /de las che long bsdus nas ni/ /zhes bya ba la che long ni chen po'o/ /ci rigs pa zhes bya ba smos pa ni/ go rims ji lta ba bzhin yin pa bsal ba'i phyir te/ de lta ma yin na nyes par spyad pa dag las dge ba dang /legs par spyad pa dag las mi dge ba'o zhes bya bar thal bar 'gyur ro/ /nyon mongs pa can gzhan yang zhes bya ba ni/ brdeg pa dang 'ching ba dang 'dren pa la sogs pa'o/ /myos par 'gyur ba la sogs pa spong ba dang / sbyin pa dang mchod sbyin la sogs pa zhes bya ba'i sgra snga mas brdeg pa dang 'ching ba la sogs pa spong ba bsdu'o//sogs pa zhes bya ba gnyis pas ni khrus byed pa dang / lus skud pa dang / mngon du ldang ba la sogs pa bsdu'o/ /snyan par smra ba la sogs pa zhes bya ba las 'dir yang sogs pa zhes bya ba'i sgras chos ston pa la sogs pa dag bsdu ba'o//yang ci 'dir las kyi lam rnam par rig byed yin nam/ 'on te rnam par rig byed ma yin pa yin nam/ de ste gnyi ga yin zhe na/ re zhig rang byed pa ma yin pa la ni/ mi dge drug ni rnam rig min/ /zhes bya ba rgyas par 'byung ste/ dngos kyi rnam par rig byed med pa'i phyir ro/ /'dir lung bsgo ba'i rnam par rig byed gang yin pa de ni sbyor ba kho na yin gyi dngos ni ma yin no/ /dus de'i tshe shi ba na zhes bya ba la/ rnam par rig byed kyi dus ma gtogs pa phyis shi na ni rnam par rig byed sbyor ba kho na yin pas las kyi lam rnam par rig byed ma yin pa kho na yin no//yang dag par blangs pa'i tshul khrims ni zhes bya ba la/ yang dag par blangs pa zhes bya ba smos pa ni/ chos nyid kyi tshul khrims las khyad par du bya ba'i phyir ro/ /de ni sems la rag las pa kho na yin gyi/ rnam par rig byed la rag lus pa ni ma yin te/de ni bsam gtan gyi sdom pa dang / zag pa med pa'i sdom pa'o/ /sems tsam la rag lus pa'i phyir zhes bya ba la/ tsam zhes bya ba'i sgras ni yang dag par blangs pa'i tshul khrims bsal bar bya ba'i phyir ro/ /lhur len pa chen pos zhes bya ba ni shugs drag pos so/ /'dir nyer bsdogs kyi sgras ni sbyor ba kho na brjod de/bzlog pa mjug yin no zhes 'byung ba'i phyir ro/ /de'i rjes su mthun pa'i chos zhes bya ba ni/ las kyi lam dang rjes su 'tsham par byed na zhes bya ba'i don to/ /las kyi lam sbyor ba dang dngos dang mjug dang bcas pa dag bshad na/ de dag gi sbyor ba la sogs pa'i rnam par gzhag pa ni ma bshad pas yang ji tsam gyis na zhes bya ba rgyas par dris so//sbyor ba dang 'bras bu yongs su rdzogs pas so zhes bya ba la/ sbyor ba'i 'bras bu yongs su rdzogs pa ni gzhan gyi srog bcad pa'o/ /'di skad bshad par 'gyur te/ sbyor ba tsam dang / gzhan gyi srog bcad pa nyid kyis ni/ srog bcad pa'i kha na ma tho bas reg par mi 'gyur gyi/ 'o na ci zhe na/ gal te gzhan gyi srog gcad pa'i phyir sbyor ba dang bcas pa na'o/ /de phyin chad zhes bya ba ni bcad phan chad do/ /de bzhin du gzhan drug la yang ci rigs par sbyar bar bya'o zhes bya ba 'byung ste/de la ma byin par len pa la ni ji ltar rkun po khri las ldang bar byed/ /mtshon cha len par byed/ gzhan gyi khyim du 'gro bar byed/ gnyid log gam 'on te ma log ces nyan par byed/ 'bugs par byed/ 'jug par byed/ gzhan gyi nor la nom par byed pa nas ji srid du gnas nas ma spags pa de srid du ni sbyor ba yin no//skad cig gang la gnas nas spags par byed pa de'i tshe'i rnam par rig byed dang / de'i skad cig rnam par rig byed ma yin pa gang yin pa de ni las kyi lam dngos yin no/ /rgyu gnyis kyis na ma byin par len pa'i kha na ma tho bas reg par 'gyur te/sbyor ba dang de'i 'bras bu yongs su ma rdzogs pas so/ /de phyin chad kyi rnam par rig byed dam yin pa'i skad cig ma rnams ni mjug yin no/ /ji srid du gzhan gyi nor de 'ged pa'am/ 'tshong ba'am/ sbed pa'am/ rjes su sgrogs pa de srid du de'i rnam par rig byed kyi skad cig ma yang mjug yin no zhes bya ba lta bu ste/de bzhin du gzhan la yang brjod par bya'o/ /brnab sems la sogs pa ni zhes bya ba la sogs pa mngon sum du gyur pa tsam gyis las kyi lam du 'gyur te/ sems kyi yin pa'i phyir ro/ /gal te 'chi ba'i srid pa la gnas pa yin na ni zhes bya ba ni/srog chags de ma shi ba'i tshe kho nar rnam par rig byed dang / rnam par rig byed ma yin pa las kyi lam yin na'o/ /de ltar na lhan cig shi ba yang zhes bya ba rgyas par 'byung ste/ gsod pa'i rnam par rig byed dang rnam par rig byed ma yin pa dang / gsod du 'jug pa'i rnam par rig byed ma yin pa nyid las kyi lam dngos su 'gyur ro/ /grub pa'i mtha' las ni de skad du mi 'byung zhes bya ba 'byung ngo / /'o na grub pa'i mtha' gang yin zhe na/ snga dang mnyam du shi ba la/ dngos med lus gzhan skyes phyir ro/ /zhes bya ba'o/ /'on te shi ba yin na ni srid pa bar ma la sogs pa'i gnas skabs yin na'o//de brjod par mi bya'o zhes bya ba 'byung ste/ ci'i phyir zhe na/ bsnun pa rnam par rig byed ces bya ba des shi ba ni ma yin no/ /srog gcod par byed pa zhes bya ba rgyas par 'byung ngo / /gang yang bstan bcos las zhes bya ba rgyas par 'byung ba ni skyon gzhan yin no//bye brag tu smra ba'i don ni 'gal te zhes bya ba las/ bye brag tu smra ba rnams kyis 'dir mjug sbyor ba'i sgrar gsungs so zhes bstan bcos kyi don bshad pa gang yin pa de 'gal lo/ /ci'i phyir zhe na/ de'i tshe dngos kho na ma 'gags pa'i phyir ro/ / gal te srog chags shi ba'i tshe rnam par rig byed dang rnam par rig byed ma yin pa gang dag yin pa de las kyi lam dngos yin na ni/ de lta na sbyor ba med par ma gyur pa zhes bya ba 'dir dngos kho na sbyor ba'i sgrar gsungs kyi mjug ni ma yin no zhes bya bar shes so/ /ji ltar nyes pa med pa de lta bu yin no zhes bya ba ni chos mngon pa pa'o//ji ltar na nyes pa med ces bya ba ni slob dpon no/ /dngos kho na sbyor ba'i sgras zhes bya ba la sogs pa ni bye brag tu smra ba dag ste/ de ltar na snga dang mnyam du shi ba la/ dngos med lus gzhan skyes phyir ro/ /zhes bya ba dang mi 'gal lo/ /'o na de'i tshe rnam par rig byed ces bya ba ni slob dpon no//ji ltar mi 'gyur zhe na/ mi nus pa'i phyir ro zhes bya ba smos te/ srog chags shi zin na ni yang de 'chi bar bya ba la de nus pa yod par mi 'gyur ro/ /da ni rnam par rig byed ma yin pa ji ltar 'gyur zhes bya ba ni/ nus pa med par las kyi lam du ste/ ji ltar 'di nus pa med bzhin du yang yin pa de bzhin du rnam par rig byed kyang yin no snyam du bsams pa'o//de'i phyir sbyor ba'i 'bras bu zhes bya ba la sogs pa la sbyor ba'i 'bras bu ni srog gcod pa ste/ sbyor ba ni de'i don du yin pa'i phyir ro/ /de yongs su rdzogs pa'i dus ni shi ba'i dus so/ /de gnyi ga zhes bya ba rnam par rig byed dang rnam par rig byed ma yin pa ste/mi nus kyang las lam yin no snyam du bsams pa'o/ /de lta yin dang sbyor ba'i 'bras bu la ltos nas rnam par rig byed kyang las kyi lam du brjod kyi/ nus pa la ltos nas ni ma yin pas nyes pa med do/ /de bzhin du gzhan dag la yang ci rigs par sbyar bar bya'o zhes bya ba ni/dper na gzhan gyi nor rku bar 'dod pa don grub par bya ba'i phyir gzhan gyi nor 'phrog nas phyugs des gtor ma byed pa dang de nyid kyis de'i 'phrog tu gzhug pa'i phyir de'i chung ma la nyal po byed pa dang / de la gang dag yongs su skyob par 'gyur ba'i mdza' bo la brdzun dang phra ma dang tshig rtsub po dang tshig kyal pa dag gis dbyen byed pa dang /de'i nor la brnab sems byed pa dang / nor de'i bdag po la gnod sems byed pa dang / log par lta ba 'phel bar byed pa lta bu ste/ de bzhin du 'dod pas log par g.yem pa dag la sogs pa dag la yang ci rigs par brjod par bya'o//'di la las kyi lam thams cad chags pa la sogs pas mthar phyin par byed pa ni ma yin gyi/ 'o na ci zhe na/ brdzun du smra ba la sogs pa 'ga' zhig dag yin te/ lhag ma gsum gyis rdzogs par 'dod/ /ces 'chad par 'gyur ro/ / de'i lus kyi yan lag gi phyir ram zhes bya ba ni/ rnga ma dang / so dang / pags pa'i phyir ro/ /nor gyi phyir ram zhes bya ba ni rin gyi phyir ram/ de'i nor bdag gir bya ba'i phyir ro/ /pha dang ma rgas sam nad tshabs chen pos thebs nas zhes bya ba ni/ de dag gis de nas gzhan gyi tshe dbang po sar pa dang shin tu dang ba rnyed par 'gyur te/des na gsad par bya'o zhes grag go/ /gang yang log par lta bas rab tu bcug pa zhes bya ba ni/ 'jig rten pha rol med do zhes smras pas lta ba des srog chags gsod pa la rab tu bcug pa'o/ /gzhan gyi rnyed pa 'am bkur sti 'am grags pa'i phyir zhes bya ba ni/dper na bran ni rje bo'i rnyed pa'i phyir nor rku ba lta bu ste/ 'di ni ma byin par len pa chags pa las skyes pa ste/ gang yang log par lta bas rab tu bcug pa ste/ 'di ni ma byin par len pa gti mug las skyes pa'o/ /cho ga can gyis chu btung ngo / /zhes bya ba rgyas par 'byung ste/cho ga can gyis chu dang rtswa dag yongs su longs spyod ces bya ba'i don to/ /sring mo'i gan du 'gro zhes bya ba ni/ bu sring gi gan du 'gro zhes bya ba'i don to/ /rus gcig pa'i gan du 'gro ba zhes bya ba ni/ rus mthun pa'i gan du 'gro ba zhes bya ba'i don to/ /gang dag ces bya ba rgyas par 'byung ba ni/bud med ni rtun la sogs pa dang 'dra ste/ ji ltar rtun la sogs pa longs spyod kyi sgo nas thun mong yin pa ltar bud med kyang de dang 'dra ste/ de'i phyir nyal po la 'gro ba rnams la nyes pa med do zhes bya ba yin no/ /bzhad gad dang ldan zhes bya ba ni ku re'i bsam pa dang ldan zhes bya ba'i tha tshig go//gang yang log par lta bas rab tu bcug pa'i brdzun du smra ba de yang gti mug las skyes pa ste dper 'jig rten pha rol med do zhes bya ba la sogs pa lta bu'o/ /phra ma la sogs pa log par lta bas rab tu bcug pa ni gti mug las skyes pa ste/ 'jig rten pha rol med do zhes mtshams su gzung du med pa smra ba'o//gang yang rig byed dang grangs can dang / bye brag pa la sogs pa'i ngan pa gdol ba de yang gti mug las skyes pa'i tshig kyal pa'o/ /'di lta ste dge tshul zhes bya ba la/ 'di lta ste zhes bya ba'i sgra ni sbyor ba'i cho ga gzhan yang bstan par bya ba'i phyir ro/ / gnas sna tshogs ni mtshams chen po ste/ dkyil 'khor zhes bya ba'i don to/ /'dir dge slong sna tshogs gnas pa ni gnas sna tshogs so/ /de'i 'og tu zhes bya ba ni dngos kyi las kyi lam gyi 'og tu ste/ bslab pa'i gzhi rnams blangs nas ji srid du ji skad bshad pa'i cho gas gnas bsgo ba dang ste/de dag gi chos gos dang bsod nams dang ste/ mal dang na ba'i rkyen sman rnams so/ /de'i rten zhes bya ba la gnas kyi rten no/ /gsod dang gnod sems tshig rtsub po/ /zhe sdang gis ni mthar phyin byed/ /ces bya ba ni zhe sdang kho nas zhes nges par gzung ngo / /yongs su dor ba dang rtsub pa'i sems mngon du gyur pa'i phyir ro zhes bya ba ni/yongs su dor ba'i sems kyis gsod pa mthar phyin par byed la/ gzhan ni rtsub pa'i sems kyis rdzogs par byed de/ de'i phyir gsod pa dang gnod sems dang tshig rtsub po rnams ni gcig tu zhe sdang gis mthar phyin par byed do/ /log g.yem brnab sems ma byin len//chags pa yis ni rdzogs par 'dod/ /chags pa kho nas zhes nges par gzung ba'i phyir brtsams so/ /log par lta ba gti mug gis/ cher rmongs par gyur na zhes bya ba ni gang zhig rgyu dang 'bras bu'i 'brel pa'i chos nyid la rmongs pas ni rdzogs par byed de/gti mug kho nas log par lta ba mthar phyin par byed do/ /lhag ma gsum gyis rdzogs par 'dod/ /ces bya ba la/ chags pa las skyes pa'i brdzun du smra ba ni chags pa kho nas mthar phyin par byed la/ de bzhin du zhe sdang las skyes pa dang gti mug las skyes pa yang zhe sdang dang gti mug gis mthar phyin par byed do//de bzhin du gzhan gnyis la yang brjod par bya'o/ /cha bzhir bshad pa zhes bya ba ni tshan bzhir ro/ /ji ltar zhe na/ gsum dang / gsum dang / gcig dang gsum dang zhes bya ba smos te/ gsod dang gnod sems tshig rtsub po/ /zhes bya ba ni gsum mo/ / log g.yem brnab sems ma byin len/ /zhes bya ba ni yang gsum mo/ /log par lta ba gti mug gis/ /zhes bya ba ni gcig go/ /lhag ma gsum gyis rdzogs par 'dod/ /ces bya ba ni yang gsum mo/ /srog gcod pa la sogs pa'i gzhi ni sems can yin no zhes bya ba ni/ tshogs pa las las kyi lam de skye ba'i phyir te/ sems can du ston pa ma yin pa dag las de skye ba mi srid do/ /gal te de dag gi rten ni ming dang gzugs kyang yin par rigs pa ma yin nam zhe na/ phung po tshogs pa kho na la ltos nas gsod pa la sogs pa dag 'byung gi /phung po'i phyogs gcig la ltos nas ni ma yin la/phung po gcig dang skad cig ma la yang ming dang gzugs zhes bya ba na/ phung po gcig dang skad cig ma gcig la ni gsod pa la sogs pa dag 'jug pa med de/ de'i phyir de dag gi rten ming dang gzugs yin par mi 'dod do/ /gzhan gyi bud med kyi gan du 'gro ba la sogs pa'i gzhi ni longs spyod yin no//gzhi dang rten dang yul zhes bya ba ni don gzhan ma yin te/ longs spyod la brten nas las kyi lam 'byung ba'i phyir dang / log par lta ba'i gzhi ni ming dang gzugs yin te/ de la skur pa 'debs pa'i phyir ro/ / brdzun du smra ba la sogs pa'i gzhi ni ming gi tshogs yin te/ tshig ni ming la 'jug pa'i phyir ro/ /de'i sbyor bas 'chi ba'i phyir dang / de'i tshe lus gzhan skyes pa'i phyir the tshom za bas/ gang zhig gis pha rol 'chi bar nges par byas nas zhes bya ba rgyas par dris so/ /dngos med ces bya ba ni/dngos med sngon du 'gro bas 'jug kyang med do zhes bstan par 'gyur ro/ /lus gzhan skyes pa'i phyir ro zhes bya ba ni ris mthun pa gang la gnas pas de'i sbyor ba byas pas de kho na de'i 'bras bu rdzogs pa las dngos kyi las kyi lam du 'gyur gyi/ ris mthun pa tha dad pa'i lus la ni ma yin te/ de'i sbyor ba po ma yin pa'i phyir ro/ /don gyis na phan tshun sbyor ba byed pa yin no zhes bya ba ni tshig gis sbyor bar byed pa ma yin mod kyang ngo / /srog gcod par ni bsams bzhin du/ /ma nor pas ni gzhan gsod pa'o/ /zhes bya ba la srog gcod pa ni rnam pa gnyis te/ bsams bzhin pa dang bsams bzhin pa ma yin pa'o//bsams bzhin pa yang rnam pa gnyis te/ nor ba dang ma nor pa'o/ /ma nor pa yang rnam pa gnyis te/ bdag dang gzhan gsod pa dang / de'i phyir rnam par gcad par bya ba'i phyir khyad par rnam pa bzhi brtsams so/ /yang ci'i phyir ma bsams pa dang nor pa dang /bdag la srog gcod pa mi 'dod ce na/ sbyor ba mi srid pa'i phyir dang / bsod nams dang bsod nams ma yin pa dag bdag gi rten can mi srid pa'i phyir ro/ /de ltar bshad dang / gal te srog chags gzhan yin pa dang / 'di gsad par bya'o zhes de la sbyor ba byas pa dang / gang la sbyor ba byas pa de nyid gsod par byed kyi gzhan ma yin na/de lta na de las srog gcod pa'i kha na ma tho bas reg par 'gyur gyi gzhan du ni ma yin no/ /des na 'dod pa'i sems su byas pa yin no zhes bya ba ni gang la sbyor ba byas pa dang / gang la the tshom za ba de gnyi ga des yongs su dor ba yin no/ / ji ltar phung po skad cig bdag la srog gcod par 'gyur ji ltar mi 'gyur/ 'di ltar phung po skad cig ma da ltar ba ni srog gcod pa'i sbyor bas mi gsod de/ rang nyid 'jig pa la mngon du phyogs pa'i phyir ro/ /de lta ma yin na yang skad cig mar 'jig pa la gnod par 'gyur ro/ /ma 'ongs pa yang ma yin te/bsad par mi nus pa'i phyir ro/ /bdag med na gsad par bya ba med pa'i phyir srog gcod pa mi srid do/ /bdag bsad pas srog gcod par 'gyur ba ni ma yin te/ rtag pa ni nye bar 'tshe ba mtha' dag lhags pas kyang rnam par bsgyur bar bya ba ma yin pa'i phyir ro/ /smras pa/ mi 'tshe ba dang bdag rtag pa//'di la rgyu ni ci yod snyam/ /rnam pa kun na'ang shing srin las/ /rdo rje bsrung bya ma yin no/ /da ltar ba'i phung po 'gags pas srog gcod par 'gyur ba ni ma yin gyi/ 'o na ci zhe na/ srog ces bya ba ni zhes bya ba rgyas par 'byung ngo / /ji ltar rlung sems la rten zhe na/sems la rag las te 'jug pa'i phyir te/ 'di ltar 'gog pa dang 'du shes med pa'i snyoms par 'jug pa la snyoms par zhugs pa dang / shi ba la mi 'byung ba'i phyir ro/ /de gcod par byed do zhes bya ba ni/ de'i rgyun dang 'gal ba'i phyir gcod do zhes bya ba ste/ 'di ltar srog gi mtshan nyid ma 'ongs pa skye ba dang 'gal ba'i rkyen nye bar bsgrubs pas srog gi mtshan nyid da ltar ba 'gag pa la mngon du phyogs pa ni/srog gi mtshan nyid ma 'ongs pa skye ba'i chos can skye ba la rgyur mi 'gyur bas rgyun 'chad par 'gyur la/ de skye ba dang 'gal ba'i rkyen sgrub par byed pa po yang srog gcod pa'i kha na ma tho bas reg par 'gyur ro//dper na mar me 'am dril bu'i skad 'gag par byed pa dang 'dra'o zhes bya ba la/ mar me'i skad cig ma da ltar ba 'gags pas mar me 'gag par byed pa ni ma yin te/ 'o na ci zhe na/ ma 'ongs pa'i skad cig ma skyed par 'dod pa la skye ba'i gegs byed pas yin te/ dril bu'i skad dang / srog gi dbang po la yang de bzhin du brjod par bya'o/ /srog de gang gis yin zhes bya ba ni srog de ni bdag gi yin la de dang 'brel pas de nyid gson no zhes bya ba yin na de med na srog de gang gi yin zhes bya ba'o drug pa 'di don ji lta bu yin rje bo'i don yin no/ /dper na gang gi rje bo gang yin pa lta bu yin dper na ba lang gi nag pa lta bu yin no//'di ji ltar de'i rje bo yin de rmo ba dang bzho ba la sogs pa dag la sbyor ba de la rag las pa yin no zhes bya ba de lta bu la sogs pa gang zag tu smra bar dpyad par bya'o/ /de'i phyir dbang po dang bcas pa'i lus la gson zhes bya'o bdag ni ma yin te de'i phyir srog gi dbang po ni de'i yin gyi bdag gi ni ma yin no//blo sngar ma btang ba'i srog bcad pas zhes bya ba rgyas par 'gyur ba las/ kyang zhes bya ba'i sgra ni blo sngar btang ba 'ba' shig tu ma zad pa'o/ /dper na me dang reg pa las tshig par 'gyur ba zhes bya ba ni blo sngar btang ngam ma btang yang bla te/reg pa rnams 'tshig ste de'i 'bras bu can yin pa'i phyir ro srog chags gsod pa la yang de bzhin du brjod par bya'o/ /de dag gi ltar na gzhan gyi chung ma mthong ba dang reg pa la yang de ltar thal bar 'gyur te/ ji ltar gzhan gyi chung ma mthong ba dang reg na 'dod chags can rnams la chos ma yin par 'gyur ba de bzhin du gzhan pha dang bu la sogs pa 'dod chags dang bral ba blo sngar ma btang ba rnams la yang chos ma yin par 'gyur ro//gcer bu ba skra 'bal ba na khros pa na bsod nams 'dod pa yang chos ma yin pa dang 'brel par 'gyur ro/ /dka' thub drag po'i lung 'bogs pa na don ma yin pa 'dod pa ltar de la phan par 'dod pa'i ston pa'am gzhan yang sdig pa dang 'brel bar 'gyur ro de dag gsung de shi na zhes bya ba ni gcer bu pa gsung de shi na de la gnod pa bya ba'i phyir dug dang bcas pa'i zas sbyin par byed pa ltar de la phan par bya ba'i phyir sbyin par byed pa bsod nams 'dod pa yang kha na ma tho ba dang ldan par 'gyur ro//ma dang bu lto na yod pa dag kyang sdig pa dang 'brel par thal bar 'gyur te/ phan tshun sdug bsngal gyi rgyu mtshan du gyur pa'i phyir ro/ /gal te me'i dpes blo sngar ma btang ba'i srog bcad pas kyang sdig pa yin par 'dod na ni/ de ltar na gsad par bya ba yang de'i bya ba dang 'brel pa'i phyir te/gsod pa'i bya ba dang 'brel pa'i phyir te/ chos ma yin pa can du thal bar 'gyur te/ me rang gi rten sreg pa bzhin no/ /me ni sngar rang gi rten sreg la phyis gzhan sreg par byed de/ de bzhin du 'chi ba yang sngar rang gi rten gsad par bya ba chos ma yin pa dang / sbyor bar byed la/ phyis ni gsod pa po sbyor bar byed par 'gyur ro//gzhan yang me'i chos khas blangs pa'i phyir byed du 'jug pa la yang sdig par thal bar mi 'gyur te zhes bya ba rgyas par 'byung ste/ gzhan gsod pa la sogs byed du 'jug pa la yang chos ma yin par thal bar mi 'gyur te/ gzhan me la reg tu 'jug pa'i reg tu 'jug pa po des mi 'tshig pa bzhin no//shing la sogs pa sems med pa rnams kyang zhes bya ba rgyas par 'byung ba ni/ shing dang smyug ma dang so phag la sogs pa rnams te/ khyim rdib na srog chags 'chi ba'i phyir de'i khongs su gtogs pa shing la sogs pa rnams la yang sdig par thal bar 'gyur ro//yang na gtan tshigs med pas dpe tsam gyis ni 'grub par mi 'gyur ro/ /ngo tsha med pa rnams 'dam rdzab dri cher nga bas lus byug pa dang / gos med pa nyid dang / 'bab stegs dang gdung bas de lta bu la sogs pa ma rig pa mang du brdol ba de ni gcer bu pa de rnams kyi blun pa dang brdzun gyi tshig yin pas gus par mi bya'o//ma byin lan par gzhan gyi nor/ /zhes bya ba la sogs pa la mthus ni mngon sum du 'phrog par byed la/ 'jab bus ni mngon sum ma yin par ro/ /kha cig yongs su gzung ba med pas mchod rten las 'phrog pa la ma byin par len par mi 'gyur ro zhes bya ba de ltar sems pa de'i phyir ro//sangs rgyas las ma byin par blangs pa yin te zhes bya ba smos so/ /yongs su mya ngan las 'das pa la yongs su 'dzin pa mi srid pa'i phyir ji ltar sangs rgyas las ma byin par blangs she na/ de'i phyir bcom ldan 'das yongs su mya ngan las 'das pa'i tshe de dag thams cad yongs su gzung ba'i phyir ro zhes bya ba smos te/skye bo sbyin pa po rjes su gzung ba'i phyir ro/ /gzhan dag na re de bsrung ba gang dag yin pa de dag las ma byin par blangs so zhes zer te/ de ltar na kha na ma tho ba dang bcas pa chen por mi 'gyur ro/ /bdag po med pa'i zhes bya ba ni bdag po med pa'i gter te/yul gyi bdag po las ma byin par blangs so/ /shi ba'i nor ni dge slong shi ba'i yo byad chos gos la sogs pa'o/ /sbrum ma'i gan du 'gro na de'i lto na 'dug pa la gnod par 'gyur ro/ /nu zho 'thung ba'i gan du 'gro na ni nu zhos byis pa rgyas par mi byed do/ /yul gyi bdag po las te zhes bya ba rgyas par 'byung ngo //de ni dge slong ma'i gan du 'gro na 'dod pas log par g.yem par 'gyur te/ de'i phyir rang gi chung ma nges pa dang bcas pa bzhin du bgrod par bya ba ma yin par yang yin no/ /tha na rgyal po las so zhes bya ba ni/ gal te gzhan med na ste/nangs kyi tha na rgyal po las te/ des ni de mi bzod par bya ba yin no/ /brdzun tshig 'du shes gzhan bsgyur ba'i/ /zhes bya ba rgyas par 'byung ste/ smra ba po dang nyan pa po'i dbang gis brdzun du smra ba'i las kyi lam skye'i gzhan du ni ma yin no/ /de nyid bstan pa'i phyir don smra ba gang yin pa zhes bya ba rgyas par 'byung ngo //mngon par ma go na tshig kyal par 'gyur te/ nyon mongs can kun kyal pa nyid/ /ces 'byung ba'i phyir ro/ /dper na ba lang zhes bya ba lta bu ngag yi ge gcig pa yang yod de/ de la dpyad pa 'di mi rung ngo zhe na/ de'i phyir res 'ga' yi ge mang po zhig la zhes bya ba la sogs pa smos so//tha ma rnam par rig byed ma yin pa dang bcas pa'o zhes bya ba la/ der ni gdon mi za bar don mngon par go bar 'gyur ba'i phyir de skad bshad de/ yi ge snga ma rnams ni sbyor ba yin no/ /yang na gang las don go bar gyur pa ste zhes bya ba ni smra ba pos thams cad du 'du shes gzhan du bsgyur bar khyad par med kyang nyan pa pos don de rtogs pa la ltos nas dngos kyi las kyi lam du rnam par gzhag go zhes bya ba 'di ston pa'o//'dir yi ge snga ma rnams ni sbyor ba yin la/ phyi ma rnam par rig byed ma yin pa dang bcas pa ni mjug yin no/ /yid kyi rnam par shes pa'i yul yin pa'i phyir dang zhes bya ba rgyas par 'byung ba ni/rna ba'i rnam par shes pa ni sgra'i rang gi ngo bo tsam gyi yul can yin pa'i phyir dang / rnam par rtog pa med pa'i phyir la ming la byang ba yang tshig rtogs pa la ltos nas don de go bas tshig gi don ni yid kyi rnam par shes pa'i yul kho na yin gyi rna ba'i rnam par shes pa'i yul ni ma yin no//rna ba'i rnam par shes pa da ltar bas sgra da ltar ba 'dzin pas de'i gzung bar bya ba ngag gi rnam par rig byed gang yin pa ni rna ba'i rnam par shes pa dang lhan cig 'gags pa'i phyir rnam par rig byed ma yin pa kho na las kyi lam du 'gyur gyi rnam par rig byed ni ma yin te/de lta yin na/ de dag kyang byed na/ rnam pa gnyis su 'gyur ro zhes gang bshad pa de dang 'gal lo/ /skad byang ba ni ming dang ming can gyi 'brel pa byang ba zhes bya ba'i tha tshig go/ /lung du ma bstan pa'i phyir shi ba dang 'dra ste zhes bya ba la/ kha cig na re gzugs dang sgra dang chos rnams ni dge ba dang /mi dge ba dang lung du ma bstan pa yin la/ dri dang ro dang reg bya dag ni gcig tu lung du ma bstan pa yin pa'i phyir shi ba dang 'dra'o/ /kha cig na re shi ba la ni 'di na dge ba dang mi dge ba'i chos rjes su 'jug pa med pa la/ lung du ma bstan pa'i chos rjes su 'jug pa ni yod de de'i phyir ma sgribs la lung du ma bstan pa yin pa'i phyir shi ba dang 'dra'o zhes zer ro//gzhan dag na re dbang po gsum ni yul dang phrad pa yin pa'i phyir la/ phrad pa la yang rtogs par ming btags pa'i phyir yul gsum la rtogs pa zhes bya'o zhes zer ro/ /sna dang lce dang lus kyi rnam par shes pa dag gis nyams su myong ba ni rtogs pa yin no zhes bya ba 'di la/khungs ci yod ce na/ mdo dang rigs pa yod de zhes bya ba smos so/ /de'i phyir yul gsum po gzugs dang sgra dang chos dag la go rims bzhin du mthong ba dang thos pa dang / rnam par shes pa'i sgra bsnyad pas de'i bar na 'dug pa dri dang ro dang reg bya dag la rtogs pa zhes bya bar khong du chud do//de ltar mi 'dod na zhes bya ba ni/ dri la sogs pa dag la rtogs pa zhes bya bar mi 'dod na'o/ /mthong ba la sogs pa'i dngos po'i nang du ma gtogs pa'i phyir zhes bya ba la/ gzugs dang sgra dang chos dag la mthong ba dang thos pa dang rnam par shes pa'i sgra bkod pa'i phyir dang /gzugs dang sgra dang chos dang mtshan nyid mi mthun pa'i phyir dang dri dang ro dang reg bya rnams mthong ba la sogs pa'i dngos po'i nang du ma gtogs pa yin te/ de'i phyir dri la sogs pa dag la tha snyad 'dogs par mi 'gyur na dri la sogs pa dag la tha snyad 'dogs par mthong ba yang yin no//de'i phyir de dag la rtogs pa zhes bya'o zhes bya bar nges so/ /re zhig mdo ni don gzhan yin pa'i phyir khungs ma yin te zhes bya ba 'dir don ni ji ltar khyod la dus gsum du yang gzugs la sogs pa rnams ma mthong ba nas rnam par ma shes pa'i bar gyi phyir dang /de dag don du mi gnyer ba'i phyir dang / de dag gi yul can gyi 'dun pa'i 'dod chags la sogs pa de dag skyes pa dang / skye ba dang / skye bar 'gyur ba ma yin no/ /de bzhin du de tsam zhig par 'dzin pa'i phyir mthong ba dag nas rnam par shes pa'i bar dag la yang de dag gi yul can gyi 'dun pa'i 'dod chags skyes pa dang /skye ba dang / skye bar 'gyur ba ma yin te/ de dag ni yang dag pa ma yin pa'i rnam par rtog pa las byung ba'i phyir ro zhes bya ba 'di yin no/ /de nyid bstan pa'i phyir/ 'o na ji lta bu zhe na/ 'dir ni khyod yul rnam pa drug po 'di la zhes bya ba rgyas par smos so//gal te mdo 'di mthong ba la sogs pa'i tha snyad ston pa lhur byed pa ma yin na/ des na 'o na mthong ba ci zhig yin pa nas rnam par shes pa'i bar ci yin pa brjod par bya dgos so zhe na/ dbang po lngas mngon sum du byas pa gang yin pa zhes bya ba rgyas par 'byung ste/dbang po lngas mngon du byas pa gzugs la sogs pa gang yin pa de ni mthong ba ste/ dmigs zhes bya ba'i tha tshig go/ /pha rol las 'ongs pa yul drug char po gang yin pa de ni thos pa'o/ /bdag nyid kyi rigs pas rjes su dpag pa'i sgo nas 'dod cing mngon par 'dod pa gang yin pa de ni 'dod pa ste/rigs pas rjes su dpag pa ni mi 'khrul pa'i rjes su dpag pa'o/ /yid kyis mngon du gyur pa'i zhes bya ba la sogs pa la/ gzugs la sogs pa'i yul dang / 'dod chags la sogs pa dag la/ nyams su myong ba'i rnam par zhugs pa ni yid kyi mngon sum mo//mthong ba la sogs pa'i dngos po'i nang du ma gtogs pa'i phyir dri la sogs pa snyad gdags par mi 'gyur te zhes gang smras pa de'i lan ni/ yul lnga po 'di dag re re la yang zhes bya ba rgyas par smos te/ gzugs la sogs pa'i yul lnga ni mthong ngo zhes bya bar tha snyad byed cing /thos pa dang rnam par shes pa dang / rtogs pa zhes bya bar tha snyad byed do/ /yul drug pa chos zhes bya ba la ni mthong ba zhes bya bar tha snyad mi byed de/ 'o na ci zhe na/ thos pa dang rnam par shes pa dang / rtogs pa zhes bya bar tha snyad byed do/ /drug pa la ni mthong ba ma gtogs te zhes bya ba ni dbang po lngas mngon sum du byas pa ni mthong ba yin pa'i phyir la/de ni dbang po lngas mngon sum du byas pa ma yin pas so/ /de'i phyir mthong ba la sogs pa'i dngos po'i nang du ma gtogs pa'i phyir dri la sogs pa la tha snyad 'dogs par mi 'gyur te zhes bya ba ba'i rigs pa gang yin pa de yang rigs pa ma yin pa ste/gang gi phyir dri la sogs pa dag mthong ba la sogs pa rnams kyi nang du gtogs pa'i phyir ro/ /sngon gyi slob dpon rnams ni zhes bya ba ni mdo sde pa snga rabs pa rnams so/ /mig gis mngon sum du byas pa gang yin pa de ni mthong ba'o zhes bya ba de ni dbang po lngas ma yin pa'o//de ltar bshad ma thag pa'i lugs las khyad par du smras par 'gyur ro/ /rna bas thos pa dang / pha rol las 'ongs pa gang yin pa de ni thos pa ste/ gnyi ga yang mngon par 'dod do/ /bdag nyid kyis bsam pa gang yin pa de ni rtogs pa'o zhes bya ba ni lung dang rigs pas so//de ltar na tha snyad 'di gnyis ni yul drug car dang sbyar ro/ /bdag nyid kyis so so nas yang dag par rig pa dang / rtogs pa gang yin pa de ni rnam par shes pa'o zhes bya ba la so so yang dag par rig pa de ni bde ba la sogs pa'o/ /rtogs pa ni 'jig rten pa'i lam gyis te/mngon par shes pa la sogs pa'o/ /'dir 'jig rten las 'das pa'i lam gyi rtogs pa ni mi gzung ste/ 'jig rten pa'i tha snyad kyi skabs yin pa'i phyir ro/ /gang zhig lus kyi don gzhan go bar byed na zhes bya ba ni brdzun du smra ba ngag gi yin pa'i phyir dris pa'o/ /ngag gis byed par 'gyur na'o zhes bya ba 'dir ni rnam par rig byed ma yin pa kho na dngos kyis lam gyi rnam par rig byed ni ma yin no//lus kyis byed par 'gyur na'o zhes bya ba 'dir yang rnam par rig byed ma yin pa kho na dngos kyi las kyi lam yin no/ /kha na ma tho ba gnyi gas zhes bya ba ni lus kyi kha na ma tho ba dang ngag gi kha na ma tho bas so//drang srong rnams yid rab tu khros pas zhes bya ba la drang srong rnams lus dang ngag gnyis kyis mi byed kyang lus kyi kha na ma tho ba dang / ngag gi kha na ma tho ba dang ldan pa yin no/ /gso sbyong dper bya'o zhes bya ba ni/ gso sbyong gi las la gnyi gas byas pa med kyang kha na ma tho ba ma mthol bas brdzun du smra ba'i kha na ma tho bas reg par 'gyur ba'o//mi byed na zhes bya ba ni mi btsal zhing mi sbyor na'o zhes bya ba'i bar du bshad par 'gyur ro/ /gnyis ka yang mi byed na zhes bya ba rgyas par 'byung ste/ de ltar na bsam gtan dang zag pa med pa'i sdom pa bzhin du/las kyi lam sems tsam la rag las pa nyid du thal bar 'gyur na/ 'dod pa na spyod pa'i rnam par rig byed ma yin pa rnam par rig byed med pa can ni yod pa yang ma yin no/ /'dod pa na spyod pa zhes bya ba ni bsam gtan dang zag pa med pa'i rnam par rig byed ma yin pa las khyad par du byed pa'o//ji ltar na de gnyis las kyi lam du grub ces bya ba ni/ drang srong dang dge slong gnyis kyi'o/ /slob dpon 'dus bzang ni drang srong dag ni don gyis na rnam par rig byed byed pa yin te/ mi ma yin pa rnams kyis de dag gis mi dge ba'i bsam pa sems can yongs su 'dor bar zhugs pa rtogs nas de dag la dad pa rnams gang gis na drang srong de dag las kyi lam skye ba lus kyis byed do//gzhan yang khros pa la ni de'i tshe gdon mi za bar lus dang ngag gi g.yo ba yod par 'gyur bas 'gal ba med do/ /gso sbyong la yang ji ltar tshig gis go bar bya ba'i don la lus kyi g.yo ba yang ngag gi las kyi lam skye ba de bzhin du bdag cag gis tshe dang ldan pa dag yongs su dag go snyam du rig par bya'o//snyam du cang mi smra bas mi g.yo ba la yang yin pas/ tshig gis go bar bya ba'i don la cang mi smra ba la yang ngag gi las kyi lam skye bar 'gyur te/de ni yongs su ma dag bzhin du cang mi smra bas bdag nyid dag par go bar byed do zhes zer ro/ /gzhan ni 'dod pa'i khams kyi rnam par rig byed ma yin pa ni thams cad rnam par rig byed la rag las par nges pa yang ma yin te/ sde lnga po la sogs pa 'bras bu thob pa'i mdo la so sor thar pa'i sdom pa skye ba sred pa'i phyir ro//de lta bas na mi dge ba yang de lta bu 'ba' zhig rnam par rig byed med par yang 'gyur ro zhes zer ro/ /spras pas chog go/ /phra ma pha rol dbye ba'i phyir nyon mongs can gyi sems kyi zhes bya ba la phra ma'i dngos po ni phra ma'o/ /de gang zhe na/ pha rol dbye ba'i phyir tshig ste/de dang ldan pas de yang phra ma can zhes bya'o/ /nyon mongs pa can gyi sems kyi zhes bya ba ni de la phan pa'i phyir ma yin pa'o/ /kha gsag byed pa zhes bya ba la/ kha gsag ces bya ba ni rnyed pa 'dod pa'i snyan par smra ba'o/ /las kyi lam ni ma yin no zhes bya ba 'byung ngo / /yang kyal pa yin la las kyi lam ma yin pa ji ltar zhe na/de'i tshe sems can rnams 'dod chags shas chung ba yin pa'i phyir rnam par rig byed des rnam par rig byed ma yin pas 'dren par nus par mi 'gyur la/ rnam par rig byed ma yin pa med pa can gyi las kyi lam yang yod pa ma yin no/ / nyon mongs can kun kyal pa nyid/ /ces bya ba ni/ nyon mongs pa can gzhan 'ba' zhig tu ma zad kyi/ brdzun du smra ba la sogs pa gsum yang yin na/ de ltar byas na brdzun du smra ba de ni tshig kyal pa yang yin la/ kha gsag la sogs pa ni tshig kyal pa kho na yin gyi brdzun du smra ba ma yin no//de bzhin du gzhan la yang brjod par bya'o/ /kyal pa smras pa na tshig kyal pa can yin la/ de'i dngos po ni tshig kyal pa can nyid do/ /log pas gzhan gyi nor la chags/ /zhes bya ba ni/ mi rigs par chags pa ste/ de nyid kyi phyir 'grel pa las log par mi rigs pas zhes bya ba smos so//de 'jig rten na brnab sems spangs te zhes bya ba ni 'dod pa la 'dun pa spangs te zhes bya ba'i don to/ /'di ga las she na/ de nyid las mjug thogs su gnod sems la sogs pa spangs pa bstan pa'i phyir te/ de 'jig rten na brnab sems spangs te/ brnab sems dang ma bral ba'i sems kyis lan mang du gnas shing zhes bya ba la sogs pa bstan pa'i phyir ro//de'i phyir 'dod pa na spyod pa'i sred pa thams cad brnab sems yin no zhes bya bar shes so/ /nyes pa spyad pa che long bsdus pa'i phyir ro zhes bya ba la/ mi dge ba'i las kyi lam bcur ni nyes pa spyod pa che long gang yin pa de bsdus kyi/thams cad ni ma yin te/ de'i phyir brnab sems thams cad las kyi lam ma yin gyi 'o na ci zhe na/ 'khor los sgyur ba rnams dang / byang gi sgra mi snyan pa rnams la yang brnab sems kyi las kyi lam du 'gyur du 'ongs pas log pas gzhan gyi nor la chags pa gang yin pa de las kyi lam yin no//de na ni 'dod pa na spyod pa'i sred pa med pa yang ma yin la der mi dge ba'i las kyi lam 'dod pa yang ma yin no/ /dge dang mi dge med lta ba/ /log par lta ba yin zhes bya ba 'byung ngo / /las dang 'bras bu dang 'phags pa la skur pa 'debs pa 'di ni ril log par lta ba yin no zhes bya ba 'byung ste/de la sbyin pa med do zhes bya ba nas nyes par spyad pa med do zhes bya ba'i bar ni las la skur pa 'debs pa'o/ /legs par spyad pa dang / nyes par spyad pa'i las rnams kyi 'bras bu rnam par smin pa med do zhes bya ba ni 'bras bu la skur pa 'debs pa'o//'jig rten na dgra bcom pa dag med do zhes bya ba ni 'phags pa la skur pa 'debs pa'o/ /tshigs su bcad par ni dang po tsam zhig bstan par zad do zhes bya ba ni/ dge dang mi dge med lta ba/ /zhes bya ba ste/ dper brjod pa tsam du zad pa'i phyir ro//las kyi lam yin pas zhes bya ba ni sems pa zhes bya ba'i las kyi lam mo/ /ji ltar zhe na/ de dag dang mtshungs par ldan pa can gyi sems pa ni zhes bya ba smos te/ brnab sems la sogs pa dang mtshungs par ldan pa'i sems pa'o/ /de dag gi rgyu bas rgyu ste zhes bya ba ni/ brnab sems la sogs pa go rims bzhin du chags pa dang mi mthun pa dang / log pa'i nges par rtogs pa'i rnam pa can de dag gi dbang gis de dag dang mthun par sems pas sems par byed cing mngon par 'du byed de de'i phyir de dag gi rgyu bas rgyu ba yin no/ /de dag gi 'gros kyis 'gro'o/ / zhes bya ba ni/ phyi ma snga ma'i bshad pa yin par dgongs par smos pa'o/ /de dag kun nas slong ba'i sems pa ni/ /zhes bya ba ni/ srog gcod pa la sogs pa de dag sems pa gang gis kun nas slong ba ste/ 'jug par byed ces bya ba'i tha tshig go/ /de dag la brten nas 'jug pa'i phyir ro zhes bya ba ni/de dag la dmigs nas 'jug pa'i phyir ro/ /las kyi lam dang zhes bya ba ni/ brnab sems la sogs pa gsum mo/ /srog gcod pa la sogs pa bdun ni lus dang ngag gi rang bzhin yin pa'i phyir las dang las kyi lam yin no/ /'dra ba rnams la gcig lus par grub pa ma yin nam/zhe na/ de'i phyir mi 'dra ba rnams la yang gcig lus par grub pa'i phyir ro zhes bya ba smos te/ ji ltar shing dang shing dag go/ /zhes bya ba dang / de bzhin du yon po dang 'khyor po ni 'khyor po dag go zhes bya ba dang / de bzhin gang dang mi mngon pa dag ni yon tan yin no zhes bya ba gang dang mi mngon pa ni gang mi mngon pa dag ste/de gnyis ni gang mi mngon no zhes bya ba de bzhin du las dang lam gyi lam ni las kyi lam yin no/ /de'i don dang de'i rtsa ba can du 'jug pa yin no zhes bya ba la/ sbyor ba 'jug pa ni dngos kyi las kyi lam gyi don du'o/ /mjug 'jug pa ni las kyi lam gyi rtsa ba can yin no//sngar yang che long bsdus pa'i phyir/ /zhes bshad pa yang yin no zhes bya ba ni/ de las che long bsdus na ni/ /dge dang mi dge ci rigs par/ /las kyi lam ni bcur bshad do/ /zhes bya ba'o/ /'jig rten gang dag ces bya ba ni/ dngos po rnams 'phel ba dang 'grib pas zhes bya ba rgyas par te/ de skad du yang / thams cad bdag po rgyu mthun dang / /rnam smin 'bras bu 'byin par byed/ /ces phyi nas bshad par bya'o/ /de dag gi ltar na de dag ji ltar las kyi lam yin zhe na zhes bya ba 'byung ste/ de dag gi ltar na brnab sems la sogs pa de dag gang gi las kyi lam yin pas na/las kyi lam du 'gyur ba brnab sems la sogs pa dag las gzhan pa'i yid kyi las sems pa ni med do/ /de dag nyid la dris shig ces bya ba ni de'i phyogs kho na la nyes pa 'dir 'gyur ro snyam du bsams pa'o/ /de lta mod kyi brjod par nus so zhes bya ba la sogs pa 'byung ngo //yang na gcig gis gcig 'dren pas na zhes bya ba ni brnab sems kyis gnod sems dang log par lta ba 'dren par byed de/ gzhan dag la yang de dang 'dra bar brjod par bya'o/ /de ltar na de dag ni yid kyi las yin pas las kyang yin la las kyi lam yang yin pas las kyi lam yin no//kun du spyod pa dang 'gal ba yin la zhes bya ba ni dge ba dang mi dge ba dag cig car kun du spyod pa med pa'i phyir yin gyi/ log par lta ba bzhin du ldan pa dang 'gal ba ni ma yin no zhes bshad par 'gyur ro/ /chen po yongs su rdzogs pas zhes bya ba ni chen po'i chen pos zhes bya ba'i don gang yin pa'o//'o na ci'i phyir zhes bya ba la/ gal te log par lta bas dge ba'i rtsa ba de gcod kyi mi dge ba'i rtsa ba dag gis ma yin na/ 'o na ci'i phyir te/ 'o na rgyu ci'i phyir bstan bcos las mi dge ba'i rtsa ba chen po rnams gang dag yin zhes bya ba dris so//mi dge ba'i rtsa ba gang dag gis dge ba'i rtsa ba gcod par byed pa zhes bya ba ni lan no/ /'dod pa las 'dod chags dang bral ba thob par byed pa na zhes bya ba ni lan gnyis pa ste/ 'dod pa las 'dod chags dang bral bar byed pa na dang po nyid du lam chung ngu'i chung ngus spong zhing 'dor ba gang yin pa de dag kyang mi dge ba'i rtsa ba chen po yin pas de'i phyir ji ltar log par lta bas dge ba'i rtsa ba rnams gcod ces bya ba'o//mi dge ba'i rtsa bas drangs pa'i phyir te/ de nyid la dpe ni/ dper na rkun pos drangs pa'i mes grong bsregs na btags pa'i rtog pas rkun po rnams kyis grong bsregs so zhes brjod pa de bzhin du/mi dge ba'i rtsa ba chen pos drangs pa'i log par lta bas dge ba'i rtsa ba gcod pa'i las kun de 'dren par byed pa yin pa'i phyir mi dge ba'i rtsa ba dag kho na la bstan pas bstan bcos dang 'gal ba med do//dge ba'i rtsa ba dag ni rnam pa drug ste/ khams gsum po re re la skyes nas thob pa dang sbyor ba las byung ba yod pas de dag gang dag yin par mi shes pa de'i phyir/ dge ba'i rtsa ba gang dag cig ces bya ba rgyas par smos so/ /gzugs med pa na spyod pa dag dang mi ldan pa'i phyir ro zhes bya ba ni/ldan pa gcod pa las dge ba'i rtsa ba gcod par 'dod na gzugs dang gzugs med pa na spyod pa dag dang ni snga nas mi ldan pas de gcod pa mi srid do/ /de ni de'i thob pa dag sring bar byed pa la dgongs nas gsungs pa yin no/ /yang ji ltar na de'i thob pa thag sring bar byed ce na/ rgyud de'i snod ma yin pa nyid du byed pa'i phyir ro//sngar rgyud de dag gi thob pa rnams kyi snod du gyur pas las dge ba'i rtsa ba bcad na gnod pa yin pa de skal ba med pa nyid du byas pa de'i phyir de dag gi thob pa thag sring bar byed pa las de dag kyang bcad pa yin no zhes brjod pas 'gal ba med do/ /sbyor ba las byung dag las ni//zhes bya ba rgyas par 'byung ste/ sbyor ba las byung ba ni thos pa dang bsam pa dag ste/ log par lta ba 'byung ba'i sngar chung ngu'i chung ngu'i gnas skabs kho nar dge ba'i rtsa ba de dag gi thob pa chad pas de'i phyir de dag log par lta bas mi gcod do/ /rgyu dang 'bras bu la skur pa 'debs pas zhes bya ba ni/'phags pa la skur pa 'debs pas ma yin no/ /bar chad med pa'i lam dang rnam par grol ba'i lam lta bu yin no zhes bya ba rgyu la skur pa 'debs pa ni bar chad med pa'i lam lta bu yin te/ de dag lhan cig dge ba'i rtsa ba'i thob pa 'gag pa'i phyir ro//'bras bu la skur pa 'debs pa rnam par grol ba'i lta bu yin te/ de dang lhan cig skye ba'i phyir ro/ /dmigs pa'i dbye bas log par lta ba rnam pa gnyis yin pas de'i phyir zag pa dang bcas pa la dmigs pa kho nas yin gyi zhes bya ba smos te/ sdug bsngal ba dang kun 'byung ba la dmigs pa zhes bya ba'i tha tshig go//zag pa med pa dmigs pas ni ma yin no zhes bya ba ni 'gog pa dang lam la dmigs pas ma yin pa'o/ /zag pa dang bcas pa la dmigs pa yang skal ba mnyam pa dang skal ba mi mnyam pa'i khams la dmigs pa ni rnam pa gnyis yin pas de'i phyir skal ba mnyam pa'i khams la dmigs pa kho nas yin gyi zhes bya ba smos te/'dod pa'i khams la dmigs pa kho na yin no zhes bya ba'i don to/ /skal ba mi mnyam pa'i khams la dmigs pas ni ma yin te zhes bya ba ni gzugs dang gzugs med pa'i khams la dmigs pas ni ma yin no//yang ci'i phyir gang zag pa med pa la dmigs pa dang / skal ba mi mnyam pa'i khams la dmigs pas dge ba'i rtsa ba rnams kun du mi gcod ce na/ de'i phyir mtshungs par ldan pa tsam gyi sgo nas rgyas pas nyam chung ba'i phyir ro zhes bya ba smos te/ zag pa med pa dang gong ma'i yul can gyi log par lta ba ni sems dang sems las byung ba gang dag dang mtshungs par ldan pa de dag kho na la rgyas par 'gyur gyi dmigs pa ni ma yin no//tsam zhes bya ba'i sgras ni dmigs pa'i sgo nas rgyas par 'gyur ba bsal ba'i phyir ro/ /'di skad du zhes bya ba ni bye brag tu smra ba rnams so kun gyi zhes bya ba ni zag pa dang bcas pa dang zag pa med pa la dmigs pa dang /skal ba mnyam pa dang mi mnyam pa'i khams la dmigs pas so/ /rnam pa dgu char yang zhes bya ba rgyas par 'byung ste/ chung ngu dang 'bring dang chen po rnams las re re re re la chung ngu dang 'bring dang chen por phye bas rnam pa dgu yin no//ji ltar mthong bas spang bar bya ba'i nyon mongs pa rnam pa dgu char yang sdug bsngal la chos shes pa'i bzod pa la sogs pa dag gis cig car spong ba de bzhin du/ dge ba'i rtsa ba rnam pa dgu char yang log par lta ba chen po'i chen pos cig car kun du gcod do//bye brag tu smra ba rnams ni 'di skad du rim gyis brjod do/ /bsgom pas spang bar bya ba'i nyon mongs pa bzhin no/ /de ltar na gzhung 'di bskyab pa yin no zhes bya ba ni/ gal te bsgom pas spang bar bya ba'i nyon mongs pa ltar kun du 'chad kyi gzhan du ma yin no//'o na mi dge ba'i rtsa ba chen po zhes bya ba ni/ gal te rim gyis yin na'o/ /gzhung 'di las ni mi dge ba'i rtsa ba chen po dag gis dge ba'i rtsa ba kun du gcod par gsungs la/ de yang bsgom pas spang bar bya ba'i nyon mongs pa bzhin du rim gyis kun du gcod pa la 'gal ba med do//'di skad du zhes bya ba ni bye brag tu smra ba rnams so/ /gnyis kar zhes bya ba ni langs pa dang ma langs par ro/ /sngar sdom pa spong la zhes bya ba ni sbyor ba las byung ba'i sems kyi 'bras bu yin pa'i phyir ro/ /phyis dge ba'i rtsa ba rnams kun du gcod do zhes bya ba ni skyes nas thob pa rnams kho na kun du 'chad pa'i phyir ro//'di skad ces bya ba ni bye brag tu smra ba rnams so/ /sdom pa sems gang gi 'bras bu yin pa zhes bya ba rgyas par 'byung ngo / /sems ni rnam pa gnyis te/ skyes nas thob pa dang / sbyor ba las byung ba'o//de re re la yang rnam pa dgu ste/ de la sdom pa sems gang gi 'bras bu yin pa de spangs pas de'i 'bras bu sdom pa yang gtong ngo / /de la gal te skyes nas thob pa'i sems chung ngu'i chung ngus sdom pa mnos na ni/ de'i phyir cig car dge ba'i rtsa ba kun du 'chad pa dang /sdom pa gtong ba yin no/ /gal te gzhan dag gis mnos na ni de'i phyir sngar sdom pa gtong la/ phyis dge ba'i rtsa ba kun du 'chad pas mtha' gcig tu smra bar mi rigs so/ /shes rab nyon mongs pa can dang nyon mongs pa can ma yin pa dag mi bstan pa'i phyir ro zhes bya ba ni/sdug bsngal gyi tshor ba drag pos nyen pa'i phyir dmyal ba dang yi dags dag ni mi bstan la/ gti mug shas che ba'i phyir dang dpyod pa med pa'i phyir dud 'gro dag ni mi bstan te/ de dag la dge ba'i rtsa ba kun du 'chad pa yod pa ma yin no/ /las kyi 'bras bu mngon sum du gyur pa'i phyir ro zhes bya ba ni lha'i bu skyes nas ring po ma lon pa la bdag gang nas shi 'phos/gang du ni skyes/ las ni gang zhig gis skyes snyam pa'i sems gsum kun du 'byung la de yang thams cad shes pa yin no/ /byang gi sgra mi snyan pa rnams ni rang bzhin gyis bsam pa bzang ba'i phyir sdig pa'i bsam pa med do//'dzam bu'i gling kho na na yod do zhes bya ba ni 'dzam bu'i gling pa rnams khyad par du rtog ge pa yin pa'i phyir ro/ /dge med nang na nyung ldan pa/ /lus tshor srog yid brgyad dang ldan/ /zhes 'byung la/ shar gyi lus 'phags pa dang / nub kyi ba lang spyod pa yang de dang 'dra ba la/de'i phyir na de dag na yang dge ba'i rtsa ba kun du 'chad pa yod do/ /'dun pa dang brtson 'grus zhan pa'i phyir zhes bya ba la/ blo 'dod chags kyis cher zil gyis mnan pa'i phyir bud med kyis ni ma yin pa'o/ /de ni gdon mi za bar sngar bshad pa rnams las yid mi bde ba'i dbang po bor la/mo'i dbang po bsnan te brgyad dang ldan no/ /sdig pa'i bsam pa bstan pa dang / mkhyud pa can yin pa'i phyir ro zhes bya ba la/ sdig pa'i bsam pa ste brnag pa ni sdig pa'i bsam pa'o/ /de yang rgyun chags su nges par rtogs pas rgyun gcad par dka' ba'i phyir bstan pa'o//lta ba ring du rjes su 'brel pa'i phyir 'chab pas na/ mkhyud pa'o/ /mtshams med byed pa 'di la min/ /de ni rkyen gyi stobs kyis skyes pa'i log par lta bas yang mi gtong ste/ las dang 'bras bu'i 'brel pa la 'jigs pa'i phyir ro//gang zhig rgyu'i stobs kyis zhes bya ba rgyas par 'byung ste/ gang zhig bdag nyid log par lta ba 'dod pa de ni rgyu'i stobs kyis kun du gcod pa'o/ /'di ltar gang dag gzhan las thos nas 'dod pa de ni rkyen gyi stobs kyis gcod pa'o/ /de bzhin du gang zhig rang gi stobs kyis spyod pa ni rang gi rtogs pa'i stobs kyis gcod pa'o//gzhan gyi stobs kyis zhes bya ba ni/ gzhan las thos pa tsam gyi stobs kyis so/ /bsam pa nyams pa zhes bya ba ni/ log par lta ba mngon sum du gyur pas bsam pa nyams pa'o/ /bsam pa dang sbyor ba nyams pa ni log par lta zhing mtshams med pa byed pa'o//lta ba nyams pa gang yin pa dang zhes bya ba rgyas par 'byung ste/ gang zhig lta ba nyams pas dge ba'i rtsa ba kun du gcod par byed pa de ni mthong ba'i chos kho na la nying mtshams sbyor bar 'gyur ro/ /gang zhig lta ba dang tshul khrims nyams pas gcod par byed pa de ni lus zhig nas so//mu dang po ni rdzogs byed pa la sogs pa'o zhes bya ba ni lta ba nyams pa'i phyir ro/ /gnyis pa ni ma skyes dgra'o zhes bya ba ni/ mtshams med pa byed pa'i phyir ro/ /gsum pa ni lha sbyin no zhes bya ba ni/lta ba nyams pa'i phyir dang / mtshams med pa byed pa'i phyir ro/ /bzhi pa ni bdag cag la sogs pa gzhan dag go/ /las kyi lam du zhig dang sems pa lhan cig 'byung ba zhes bya ba rgyas par 'byung ste/ las kyi lam dge ba dang mi dge ba du dag cig dang / sems pa dge ba'am mi dge ba'am/lung du ma bstan pa yang rung ba lhan cig 'byung zhes bya ba'o/ /gzhan med par zhes bya ba la/ las kyi lam gzhan mthar phyin pa na yang brnab sems la sogs pa dag yod pas de'i phyir gzhan med par zhes bya ba smos so/ /sems pa nyon mongs pa can ma yin pa can zhes bya ba ni/sems pa dge ba dang lung du ma bstan pa'o/ /gzugs can rnams las zhes bya ba ni 'dod pas log par g.yem par ma gtogs pa rnams so/ /gnod sems su gyur pa srog chags gsod pa zhes bya ba ni/ zhe sdang gis srog gcod pa mthar phyin pas de'i tshe gdon mi za bar srog gcod pa dang gnod sems dang sems pa lhan cig 'byung ngo //brnab sems dang ldan pa zhes bya ba ni ma byin par len pa dang 'dod pas log par g.yem pa gnyis chags pas mthar phyin par byed pa'i phyir gnyis dang sems pa lhan cig 'byung ste/ brnab sems dang ma byin par len pa'am/'dod pas log par g.yem pa dang ngo / /tshig kyal pa mthar phyin pa na yang brnab sems la sogs pa gang yang rung ba yod pa yin no/ /gsum dang lhan cig 'byung ba ni/ /zhes bya ba la sogs pa ni gang du gsad pa kho nas 'phrog par grub pa'o//cig car du zhes bya ba ni gnas nas bskyod bzhin pa na gsod pa ste/ de ltar na gnod sems dang / srog gcod pa dang / ma byin par len pa dang gsum lhan cig 'byung ba'o/ /nges pa de ni sems gzhan dang mi ldan pa'i zhes bya ba la/ nges pa de ni gzhan gyi nor 'phrog pa'i sems dang ldan pa kho na la shes par bya ste/'dir ni 'di la srog chags gsad par bya'o snyam pa'i sems gzhan yang yod pas de'i phyir 'gal ba med do/ /nges pa de ni gzhan du yang gsum dang lhan cig 'byung ba ni bdag nyid 'dod pas log par g.yem pa la sbyar ba de'i sbyor bas cig car srog gcod pa la sogs pa las gang yang rung ba mthar phyin par byed pa 'am/sems pa nyon mongs pa can ma yin pa can de'i sbyor ba cig car gzugs can gsum mthar phyin par byed pa na ste/ 'brel pa las ni dper brjod pa tsam zhig bshad do/ /de la ni yid kyi gcig yin la zhes bya ba ni brnab sems sam/gnod sems sam/ log par lta ba'o/ /ngag gi ni gsum yin no zhes bya ba ni/ brdzun gyi tshig smra na ni brdzun du smra ba dang / dbyen dang / tshig kyal pa'o/ /tshig rtsub mo smra na ni tshig rtsub mo dang / phra ma dang / tshig kyal pa'o//'di ni nyon mongs can kun kyal pa nyid ces bya ba'i dbang du byas nas bshad de/ gang gi tshe de las gzhan nyon mongs can zhes bya ba khas blangs nas 'chad na ni de'i tshe gsum kho na dang / lhan cig 'byung ba ni dbyen bya ba'i bsam pa dang ldan pa brdzun gyi tshig gam/ tshig rtsub mo smra na ste zhes brjod par bya'o/ /yang na brnab sems la sogs par gyur pa zhes bya ba la sogs pa zhes bya ba'i sgra ni/ gnod sems dang log par lta ba dang sbyar ro/ /lnga dang drug dang bdun dang yang de bzhin du sbyar bar bya'o zhes bya ba ni/ brnab sems la sogs par gyur pa de'i tshe sbyor ba bzhi dang lnga dang drug cig car mthar phyin par byed pa na/lnga dang drug dang bdun dang sems pa lhan cig 'byung ngo / /drug pa sbyar byas nas zhes bya ba ni/ 'dod pas log par g.yem pa ma gtogs pa la'o/ /'dod pas log par g.yem pa bdag nyid kyis byed la zhes bya ba ni/de gzhan gyi yongs su rdzogs pa med pa'i phyir ro/ /'dir ni brnab sems brgyad par 'gyur ro/ /yang ci'i phyir dgu 'am bcu dang lhan cig mi 'byung zhe na/ brnab sems la sogs pa rnams la/ phan tshun mtshungs par ldan pa med pa'i phyir ro//dge ba bcu yi bar dag dang / zhes bya ba ni 'di spyir bstan pa yin no/ /gcig dang brgyad dang lnga dang min/ /zhes bya ba smos pa ni dmigs kyis bsal ba'o/ /re zhig gcig dang / lhan cig 'byung ba ni ma yin te/ brnab sems med pa dang gnod sems med pa gnyis phan tshun 'khrul pa med pa'i phyir ro//yang dag pa'i lta ba kho na de dag la 'khrul pa'i phyir dang / spong ba gcig gi bdag nyid kyi sdom pa med pa'i phyir ro/ /brgyad dang lhan cig 'byung ba yang ma yin te/ spong ba lnga 'am drug gi bdag nyid kyi sdom pa med pa'i phyir ro/ / lnga dang lhan cig 'byung ba yang ma yin te/ spong ba gnyis dang / gsum dang / lnga'i bdag nyid kyi sdom pa med pa'i phyir ro/ /dge ba'i rnam par shes pa lnga la gnas pa zhes bya ba ni/ de na yang dag pa'i lta ba med pas brnab sems med pa dang / gnod sems med pa gnyis dang lhan cig 'byung ngo //zad pa dang mi skye bar shes pa dag ma gtogs pa dge ba'i yid kyi rnam par shes pa thams cad dge ba'i rtsa ba gsum dang mtshungs par ldan pa'i phyir gzugs med pa'i snyoms par 'jug pa'i zhes bya ba la sogs pa 'byung ste/ gzugs med pa smos pa ni bsam gtan gyi snyoms par 'jug pa la gnas pa la bsam gtan dang zag pa med pa'i sdom pa dag yod pa rnam par gcad par bya ba'i phyir ro//zag pa dang mi skye ba'i shes pa dag kyang lta ba'i bdag nyid ma yin pa'i phyir brnab sems med pa dang / gnod sems med pa gnyis kho na dang sems pa lhan cig 'byung ngo //yin gyi gsum kho na dang lhan cig 'byung ba ni sdom pa blang bar ma gyur pa yang dag pa'i lta ba dang mtshungs par ldan pa'i yid kyi rnam par shes pa la gnas pa'o/ /bzhi dang lhan cig 'byung ba ni mi dge ba 'am lung du ma bstan pa'i sems dang ldan pa zhes bya ba rgyas par 'byung ste/ de la ni brnab sems med pa la sogs pa yid kyi yod pa ma yin la/ dge bsnyen dang dge tshul gyi sdom pa dag kyang spong ba bzhi'i bdag nyid yin pa'i phyir ro/ /de yang dag par len pa na'o zhes bya ba ni/ dge bsnyen dang / dge tshul gyi sdom pa yang dag par len pa na ste/ dge ba'i rnam par shes pa'i tshogs lnga la gnas pa la ni yang dag pa'i lta ba med pas drug dang lhan cig 'byung ngo //bdun dang lhan cig 'byung ba ni dge ba'i yid kyi rnam par shes pa la gnas te zhes bya ba ni/ de la yang dag pa'i lta ba bla lhag tu bsnan te bdun dang lhan cig 'byung ngo / /mi dge ba dang lung du ma bstan pa'i sems dang ldan zhes bya ba rgyas par 'byung ste de la yid kyi brnab sems med pa la sogs pa med pa la/dge slong gi sdom pa yang spong ba bdun gyi bdag nyid yin pa'i phyir bdun kho na dang sems pa lhan cig 'byung ngo dgu dang lhan cig 'byung ba ni dge ba'i rnam par shes pa lnga la gnas pa zhes bya ba ni/dge slong gi sdom pas bsdus pa spong ba bdun dang / brnab sems med pa dang / gnod sems med pa dang yin te/ de la yang dag pa'i lta ba med pa'i phyir ro/ /zad pa dang mi skye ba shes pas bsdus pa'i yid kyi rnam par shes pa la gnas pa dge slong gi sdom pa yang dag par len pa dgu dang sems pa lhan cig 'byung ngo zhes bya bar skabs dang sbyar te/de la ni dge slong gi sdom pas bsdus pa gzugs can bdun dang / brnab sems med pa dang gnod sems med pa 'byung ngo gzugs med pa gsum la brten nas zad pa shes pa la sogs pa skyes pa'i phyir zag pa med pa'i sdom pa med do//de nyid kyi phyir de nyid bsam gtan gyis bsdus pa zhes bya ba smos te/ zad pa dang mi skye ba shes pa dang mtshungs par ldan pa'i yid kyi rnam par shes pa bsam gtan gyis bsdus pa la gnas pa ni dgu dang lhan cig 'byung ste/ dge slong gi sdom pa yang dag par len pa med kyang snyam du dgongs so//de la ni zag pa med pa'i sdom pas bsdus pa bdun dang / brnab sems med pa la sogs pa yod do/ /bsam gtan gyis bsdus pa zhes bya ba ni/ gzugs med pas bsdus pa las khyad par du bya ba'i phyir ro/ / bcu dang lhan cig 'byung ba ni de las gzhan pa zhes bya ba ni/ zad pa dang mi skye ba shes pa dang mtshungs par ldan pa las gzhan pa'i dge ba'i yid kyi rnam par shes pa'o/ /ci thams cad kyi tshe 'dod par gtogs pa dang gzugs su gtogs pa la gnas pa zhig bcu dang lhan cig 'byung ngam zhe na/ma yin no/ /'o na ci zhe na/ dge slong gi sdom pa yang dag par len pa kho na'o/ /zad pa dang mi skye ba'i shes pa dag ma gtogs pa zhes bya ba ni dgu dang zhes de dag gi tshul ni bshad zin pa'i phyir ro/ /bsam gtan dang zag pa med pa'i sdom pa gzhan dang lhan cig 'jug pa'i sems pa thams cad ces bya ba ni bcu dang lhan cig 'byung ngo zhes bya bar skabs dang sbyar ro//re zhig 'di ni sdom pas bsdus pa rnams kyi nges pa yin no/ /sdom pa ma gtogs pa ni gcig dang zhes bya ba la sogs pa 'byung ste/ sems gzhan dang ldan pa zhes bya ba ni/ mi dge ba dang lung du ma bstan pa'i sems dang ldan pa'o//spong ba'i yan lag gcig yang dag par len na'o zhes bya ba ni/ srog gcod pa 'am ma byin par len pa'i yan lag gcig spong ba yang dag par len pa na gcig kho na dang / sems pa lhan cig 'byung ngo / /gnyis dang lnga yang dag par len pa na'o zhes bya ba la/yan lag gnyis yang dag par len pa na ni/ lnga dang lhan cig 'byung ste/ yid kyi gsum dang / lus kyi'am/ yid kyi gnyis dang ngo / /yan lag lnga yang dag par len pa na ni brgyad dang lhan cig cig car 'byung ste/ de la ni gzugs can lnga dang yid kyi gsum 'byung ngo //dmyal ba na ni kyal pa dang / tshig rtsub gnod sems rnam gnyis so/ /zhes bya ba la/ ldan pa zhes bya ba ni 'thob pa'o/ /mngon sum du gyur pa zhes bya ba ni dngos su 'jug pa'o/ /smre sngags 'don pa'i phyir kyal pa yin no zhes bya ba ni/ gzhan ni de las gzhan nyon mongs//zhes bya ba'i mtshan nyid yongs su bzung nas yin no/ /phan tshun brgyad gags byed pa'i phyir tshig rtsub mo yin no zhes bya ba ni/ sdug bsngal gyis nyam thag pa'i dmyal ba rnams dmyal srung dag la spyo bar byed la/ dmyal srung dag kyang dmyal ba rnams la spyo ba'am/dmyal ba rnams kho na phan tshun spyo ba'o/ /sems kyi rgyud rtsub pos zhes bya ba ni/ 'ga' yang 'jam por rjes su 'brel pa med pa'i phyir ro/ /chags par bya ba'i dngos po med pa'i phyir mngon du gyur pa'i sgo nas brnab sems kun du spyod pa med do/ /las kyi 'bras bu mngon sum du gyur pa'i phyir log par lta ba med do//de nyid kyi phyir zhes bya ba ni/ dgos pa med pa'i phyir phra ma med pa'o/ /rtag tu bye zin pa'i phyir zhes bya bas ni de na yul med pa'i phyir phra ma med do zhes bstan to/ /nga yir 'dzin pa med pa'i phyir brnab sems mngon du gyur pa'i sgo nas med do/ / rgyud 'jam pa'i phyir dang kun nas mnar sems kyi dngos po med pa'i phyir gnod sems med de/ gnod sems ni rgyu'i stobs dang rkyen gyi stobs kyis skyon/ de gnyi ga yang de na med do/ /de'i phyir byang gi sgra mi snyan na gnod sems mngon du gyur pa med do/ /sdig pa can gyi bsam pa ma yin pa'i phyir log par lta ba med do//bdun pa zhes bya ba ni 'don pa'i go rims kyis tshig kyal pa la bdun pa zhes bya'o/ /mngon sum du gyur pa'i sgo nas zhes bya ba ni/ dngos su yang zhes bya ba 'di'i rnam par bshad pa yin no/ /sdig pa can gyi bsam pa ma yin pa'i phyir srog gcod pa la sogs pa drug char yang ldan pa dang /mngon sum du gyur pa'i sgo nas med de/ 'dod pa na gzugs kyi sngar ni skye ba med ces nges pa'i phyir ro/ /gzhan yang tshe nges pa'i phyir srog gcod pa med do/ /rdzas dang bud med yongs su gzung ba med pa'i phyir ma byin par len pa dang 'dod pas log par g.yem pa dag med do//dgos pa med pa'i phyir brdzun du smra ba dang / phra ma dang tshig rtsub mo dag med do/ /ji ltar 'di dag gi mi tshangs par spyod pa yin zhes bya ba ni/ gal te bud med yongs su gzung ba med na snyam du bsams pa'o/ /mngon sum du gyur pa'i sgo nas kyang zhes bya ba la/kyang zhes bya ba'i sgras ni ldan pa'i sgo nas kyang yod ces bya bar sbyar ro/ /dud 'gro dang yi dags dang lha dag gi nang na ni sdom pa ma yin pa ma gtogs so zhes bya ba ni/ 'di ltar mi rnams kho na la sdom pa ma yin pa 'dod kyi/ gzhan la ni ma yin no/ /mi dag gi nang na ni sdom pa ma yin pas bsdus pa yang yod do zhes bya ba'o//sogs pa zhes bya ba'i sgras ni sdom pa ma yin pa ma gtogs pa yang yod do/ /lha dag gi nang na ji ltar srog gcod pa yod ce na/ gal te yang zhes bya ba la sogs pa smos te/ 'gro ba gzhan na gnas pa na gsod par byed do zhes bya ba ni/yi dags la sogs pa'i 'gro ba na gnas pa'o/ /mgo dang rked pa bcad na 'chi'o zhes bya ba 'dis ni lhas kyang lha gsod do zhes bstan to/ /ldan pa'i sgo nas yod do zhes bya ba ni/ gzugs med pa dag na gzugs med pa'i phyir mngon du gyur pa'i sgo nas med do/ /'du shes med pa'i sems can rnams la ni bsam gtan du skyes pa yin yang bsam gtan gyi sdom pa mngon sum du gyur pa'i sgo nas yod pa ma yin te/bsam gtan gyi sdom pa ni sems kyi rjes su 'jug pa'i phyir dang / de dag gi sems ril 'gags pa'i phyir ro/ /gal te gzugs med pa dag na gzugs med pas mngon sum du med na des na 'o na ni gzugs med par skyes pa gang dag cig la ldan pa brjod dgos so zhe na/de'i phyir gzugs med par skyes pa'i 'phags pa rnams la zhes bya ba rgyas par smos so/ /'phags pas sa gang la brten pa can gyi zhes bya ba la/ sa gang du skyes pas zag pa med pa'i tshul khrims gang bskyed pa de ni sa de la brtan pa can yin no/ /'dod pa'i khams dang bsam gtan bzhi'o/ /gal te sa gcig la brten pa can bskyed de 'gags pa nas/ de bzhin du sa lnga la brten pa can gyi bar bskyed de 'gags na ni gzugs med pa dag na 'das pa de dang ldan par 'gyur ro//sa lnga char la brten pa can dang ni ma 'ongs pa dang ldan no zhes bya ba ni gang du skyes pa'am gang du ma skyes pa de dag la brten pa can dang ldan no/ /ci'i phyir zhe na/ nges pa med pa'i phyir ro/ /'di ltar gang ma 'ongs pa rnam grangs kyis sa lnga char la brten nas skye ba srid pa ni yod pa yin te/de'i phyir gang du skyes pa de 'gags pa de ni skyes zin pa'i phyir sa kho nas bsnyad la/ gang ma skyes pa de ni nges pa med pa'i phyir sa lnga char la rnam par gzhag go/ /lhag byas na zhes bya ba la/ gang las lhag mar byas she na/ gzugs med pa dang 'du shes med pa'i sems can dang gnyis las so//gzugs med pa'i khams su ldan pa nges par bshad pas/ 'dod pa'i khams dang gzugs kyi khams su ldan pa dang mngon du gyur pa nges par brjod par bya'o zhe na/ de'i phyir khams zhes bya ba rgyas par smos so/ /dmyal ba dang byang gi sgra mi snyan pa ma gtogs pa zhes bya ba ni/de na yang dag par blangs pa'i tshul khrims med pa'i phyir ro/ /gzhan na ni gnyi ga yod do zhes bya ba ni/ lha dag dang byang gi sgra mi snyan pa ma gtogs pa'i mi dag gi nang na ni/ sdom pas bsdus pa dang sdom pa ma gtogs pa yod do/ /kun du bsten pa dang /goms par byas pa dang / lan mang du byas pa dang zhes bya ba la/ kun du bsten pa ni sbyor ba'i gnas skabs su'o/ /goms par byas pa ni dngos kyi gnas skabs su'o/ /lan mang du byas pa ni mjug gi gnas skabs su'o/ /srog gcod pas ni tshe thung bar 'gyur ro zhes bya ba 'dis ni rgyu mthun pa'i 'bras bu bshad do//tshig kyal pas ni tshig gzung bar mi 'os par 'gyur ro zhes bya ba ni tshig mi btsun pa'o/ /'di ni de dag gi rgyu mthun pa'i 'bras bu yin no zhes bya ba 'byung ngo / /lung du ma bstan pa mi dge ba bsgom pas spang bar bya ba'i rgyu mthun pa brjod pa na ji ltar skyon can du mi 'gyur zhe na/de'i phyir srog gcod pa ni tshe de'i bar chad byed pa'i rgyu mthun zhes bya ba rgyas par smos te/ dug dang gnam lcags dang mtshon cha lhags pa la sogs pa gang dag yin pa de dag ni srog gcod pa rnams kyi tshe dge ba'i las kyis 'phangs pa 'byung ba la gegs byed par nus pa yin te/gzhan du ni ma yin no/ /de'i phyir srog gcod pa ni tshe de'i bar chad byed pa'i rgyu yin no zhes bya'o/ /gzi mthu chung ba ni nus pa chung ba'o/ /ser ba ni ser ba dag go/ /char ni char te des ni 'bru rlag par 'gyur ro/ /rdul gyis 'khrigs par 'gyur zhes bya ba ni/rdul lhags pas spu ngan par 'gyur ba'o/ /sa tsha sgo can zhes bya ba ni/ 'bru dag mi skye ba'i sa'o/ /dgon dung ni chu med pa ste/ mya ngan lta bu'o/ /tha chad ni dman zhing smad pa ste/ kla klo la sogs pa'i sa dag go sdig pa can gyi sa ni ri dgas dang phag gis nye bar gtses pa'i zhing dag go//dus log pa can 'di dag la dus yod pa ste/ dus bzhin du grang ba dang dro ba dang char 'bab par mi 'gyur zhes bya ba'i don to/ /'bras bu phra mo ni 'bras bu mi rags pa'o 'bras bu kha ba zhes bya ba ni smin pa mi snyoms zhes bya ba'i don to/ /ci las de kho nas zhes bya ba ni/gang gis dmyal ba dag tu skyed pa'o/ /der ni sbyor bas yin la zhes bya ba ni/ sbyor ba rgyun chags pa yin pa'i phyir/ sdug bsngal drag po'i rgyu yin pa'i phyir ro/ /dngos ni skad cig ma gcig yin pa'i phyir dang tshor ba chung ba'i phyir 'dir dngos kyis tshe thung ba yin no zhes bya bar rigs so//gal te sbyor bas dmyal ba dag tu skye na/ 'o na mdo las srog gcod pa kun du bsten pa dang / goms par bya ba dang / len mang du byas pas dmyal ba dag gi nang du skye bar 'gyur ro zhes gsungs pa de ji ltar zhe na/ de'i phyir 'khor dang bcas pa smos pa'i phyir zhes bya ba rgyas par smos so//sbyor ba ni srog gcod pa'i 'khor yin te/ der sbyor ba la srog gcod pa btags nas de skad bshad do/ /rgyu mthun pa'i 'bras bur bshad pa gang yin pa de yang rnam par smin pa'i 'bras bu dang / bdag po'i 'bras bu dang gnyis las mi [(]'da'i[,]'dra'i[)]/ 'dra ba'i khyad par las de skad bshad par zad do zhes bya ba ni/ yid du 'ong ba'i srog gcod pa la sogs pa dang 'dra ba las rgyu mthun pa'i 'bras bu yin no zhes bshad par zad do/ /gzi byin med phyir zhes bya ba la/ gzi byin ni snying ga'i phyogs na yod do/ /gzhan dag la yang de bzhin du sbyar bar bya'o zhes bya ba ni/ma byin par len pas ni rdzas kyi bdag po la sdug bsngal bskyed pa dang / longs spyod kyis phongs par byas pa dang / gzi byin med par byas pa yin te/ rdzas kyi dbang gis gzi byin can du gyur na de'i rgyu med par byas pa'i phyir te/ longs spyod kyis phongs par byas pas de la gnod pa'i phyir ro//gzhan gyi chung ma la nyal po byed pas ni gzhan la sdug bsngal skyed pa dang / dgra dang bcas pa'i chung ma can du byas pa dang / 'jig rten na gzi byin gang / gang gi gzi dang bcas pa'o/ /zhes nges par brjod pa'i gzi byin med par byas pa yin no//de bzhin du gzhan dag la yang srid tshad du sbyar bar bya ste/ 'di ni phyogs yin no/ /thams cad mi dge ba las bzlog ste sbyar bar bya'o zhes bya ba ni/ srog gcod pa spangs pas gzhan la sdug bsngal ma bskyed pa dang / ma bsad pa dang / gzi byin med par ma byas pas de'i phyir de la 'bras bu rnam pa gsum 'byung ste/de bzhin du ma byin par len pa spangs pas rdzas kyi bdag po la sdug bsngal ma bskyed pa dang / longs spyod kyis phongs par ma byas pa dang / gzi byin med par ma byas pa de'i phyir de la 'bras bu rnam pa gsum 'byung ste/ 'dod pas log par g.yem pa spangs pas/gzhan la sdug bsngal ma bskyed pa dang / dgra dang bcas pa'i chung ma can du ma byas pa dang / gzi byin med par ma byas pa de'i phyir de la 'bras bu rnam pa gsum 'byung ste/ gzhan la yang de bzhin du sbyar bar bya'o/ /las kyi skabs su 'di yang dpyad par bya ste/ bcom ldan 'das kyis zhes bya ba rgyas par 'byung ngo //de gnyis las logs shig bstan to zhes bya ba ni log pa'i 'tsho ba log pa'i ngag dang las kyi mtha' gnyis las so/ /de ltar bshad na chags pa las skyes pa'i lus dang ngag gi las gang dag yin pa de dag ni log pa'i ngag dang las kyi mtha' yang yin la/log pa'i 'tsho ba yin te/ zhe sdang dang gti mug gis kun nas bslang ba gang dag yin pa de dag ni log pa'i ngag dang las kyi mtha' kho na yin no/ /chags pa'i chos ni 'phrog par byed pa yin pas zhes bya ba la/ chags pa'i chos ni phra mo yin yang 'phrog par byed pa yin no/ / shin tu mkhas pa rnams kyis kyang bsrung bar sla ba ma yin pa'i phyir sbyong dka' ba'o/ /khyim pas lta ba sbyang bar dka' ba ci'i phyir zhe na/ rtag tu lta ba sna tshogs pa'i phyir te/ ngo mtshar dang / bkra shis dang / gza' dang / rgyu skar dang / yud tsam la sogs pa'i lta ba can yin zhes bya ba'i tha tshig go//gzhan la 'tsho ba rag lus pa'i/ /zhes bya ba ni dge slong gi lus gnas pa'i rgyu chos gos dang bsod snyoms dang / mal stan la sogs pa rnams ni gzhan la rag lus pa'i dge slong rnams kyis 'tsho ba sbyang bar dka'o/ /log pa'i yul la yongs su longs spyod pa'i phyir ro zhes bya ba ni/ma gnang ba'i yul la yongs su longs spyod pa'i phyir ro/ /las kyi skabs su las su gtogs pa thams cad brjod par bya dgos pas de'i phyir/ gong du 'bras bu lnga bshad pa gang dag yin pa zhes bya ba smos te/ bdag po'i 'bras bu dang /skyes bu byed pa'i 'bras bu dang / rgyu mthun pa'i 'bras bu dang / rnam par smin pa'i 'bras bu dang / bral ba'i 'bras bu'o/ /dri bcas spong ba'i lam dag gi/ /zhes bya ba la/ spong ba'i lam ni zag pa dang bcas pa dang zag pa med pa dang rnam pa gnyis yin te/ de'i phyir dri bcas zhes bya ba smos so/ /spong ba'i phyir lam yin pa'am zhes bya ba 'byung ste/ spong ba ni so sor brtags pa'i 'gog pa'o/ /'dis nyon mongs pa spong bar byed pas na zhes bya ba ni/ thob pa gcod pa'i phyir te/ 'dir tshig rnam par sbyar bas byas pa'i khyad par yod kyi don gyi byas pa ni med de/gnyi gar yang bar chad med pa'i lam dang sbyar ba'i phyir ro/ /rang gi sar gtogs pa'i rnam par smin pa yid du 'ong ba yin no zhes bya ba la/ rnam par smin pa'i 'bras bu ni rnam par smin pa lam zag pa dang bcas pa'i las gang yin pa de'i sa gang yin pa der nges pa kho na'o//ting nge 'dzin las skyes pa'i chos 'dra ba phyi ma rnams so zhes bya ba la/ rgyu mthun pa'i 'bras bu ni chos 'dra ba mnyam pa dang lhag pa de'i phyi nas skyes pa rnams so/ /skyes bu byed pa'i 'bras bu ni chos gang dag de'i stobs kyis skyes pa rnams so/ /spangs pa de yang yin no zhes bya ba ni de'i stobs kyis spangs pa thob pa'i phyir spangs pa yang skyes bu byed pa'i 'bras bur rnam par gzhag go//gzhan dag na re spangs pa yang lam gyi bdag po'i 'bras bur rigs te/ de'i dbang gis de mngon sum du byed pa'i phyir ro zhes zer ro/ /rnam par smin pa'i 'bras bu ma gtogs so zhes bya ba ni/zag pa med pa la rnam par smin pa'i 'bras bu med pa'i phyir ro/ /rgyu mthun pa'i 'bras bu ni ting nge 'dzin las skyes pa'i chos phyi ma rnams so/ /bral ba'i 'bras bu ni bral ba kho na'o/ /skyes bu byed pa'i 'bras bu ni des drangs pa'i chos 'di lta ste/ rnam par grol ba'i lam dang /de dang lhan cig 'byung ba dang / gang yang ma 'ongs pa 'thob pa dang / spangs pa de yang yin no/ /bdag po'i 'bras bu ni sngar byung ba ma gtogs pa rang gi ngo bo las gzhan pa'i 'du byed thams cad do/ /spong ba'i lam las gzhan pa'i las/ /zhes bya ba ni/ sbyor ba dang rnam par grol ba dang /khyad par gyi lam gyis bsdus pa dang / sbyin pa'i sems pa la sogs pa gang yin pa dang / mi dge ba gang yin pa'o/ /bral ba'i 'bras bu ma gtogs so zhes bya ba ni/ des nyon mongs pa spong ba ni ma yin te/ bar chad med pa'i lam kho na bral ba'i 'bras bu dang 'brel pa'i phyir ro//de'i rnam par smin pa'i 'bras bu ni rang gi sar gtogs pa'i rnam par smin pa yid du 'ong ba dang yid du mi 'ong ba yin te/ dge ba zag pa dang bcas pa yin pa'i phyir dang / mi dge ba yin pa'i phyir ro/ /rgyu mthun pa'i 'bras bu ni chos 'dra ba mnyam pa dang lhag pa phyi nas skyes pa rnams so//skyes bu byed pa'i 'bras bu ni de dang lhan cig 'byung ba dang de'i stobs kyis skye ba gang dag yin pa de dag go/ /bdag po'i 'bras bu ni sngar byung ba ma gtogs pa rang gi ngo bo las gzhan pa'i 'du byed thams cad do/ /zag pa med pa'i lhag ma dang / /zhes bya ba ni sbyor ba dang rnam par grol ba dang /khyad par gyi lam gyis bsdus pa de ni bar chad med pa'i lam ma yin pa'i phyir bral ba'i 'bras bu yang med la/ zag pa med pa yin pa'i phyir dang / lung du ma bstan pa'i phyir rnam par smin pa'i 'bras bu yang med do/ /'dir yang rgyu mthun pa dang skyes bu byed pa dang /bdag po'i 'bras bu dag ni gong ma bzhin du brjod par bya'o/ /las dge ba'i 'bras bu chos dge ba bzhi ste zhes bya ba ni/ rigs yongs su bzung ste/ de skad bshad de/ bral ba ni dge ba thams cad kyi 'bras bu ma yin pa'i phyir ro/ / bral ba ni rgyu mthun pa'i 'bras bu 'am bdag po'i 'bras bu yang ma yin la/ dge ba 'dus byas rnams kyang bral ba'i 'bras bu ma yin te/ bral ba 'dus ma byas yin pa'i phyir ro/ /rnam par smin pa ni lung du ma bstan pa'i phyir rnam par smin pa'i 'bras bu ma gtogs so zhes bya ba smos so/ / mi dge ba gnyis te/ skyes bu byed pa dang / bdag po'i 'bras bu dang gnyis so/ /de la skyes bu byed pa'i 'bras bu ni gang dag de'i stobs las skyes pa'o/ /bdag po'i 'bras bu ni sngar byung ba ma gtogs so/ /mi dge ba'i chos thams cad nyid do/ /rgyu mthun pa'i 'bras bu ni med de/ mi 'dra ba'i phyir ro/ /rnam par smin pa'i 'bras bu yang med de/ nyon mongs pa can yin pa'i phyir ro/ /bral ba'i 'bras bu yang med de/ 'dus byas yin pa'i phyir dang / nyon mongs pa can yin pa'i phyir ro/ /lung du ma bstan pa gsum ste/ rgyu mthun pa dang bral ba'i 'bras bu ma gtogs so//'di ltar lung du ma bstan pa rnams ni dge ba dang 'dra ba ma yin pa'i rgyu mthun pa'i 'bras bu med la/ bral ba'i 'bras bu yang med de/ bral ba'i 'bras bu ni dge ba 'dus ma byas yin pa'i phyir ro/ /rnam par smin pa'i 'bras bu ni rang sar gtogs pa'i rnam par smin pa yid du 'ong ba'o//skyes bu byed pa'i 'bras bu ni/ gang dag de'i stobs kyis skye ba 'di lta ste/ mjug thogs su 'byung ba rnams so/ /bdag po'i 'bras bu ni sngar byung ba ma gtogs pa lung du ma bstan pa thams cad kho na'o/ /las mi dge ba'i 'bras bu zhes bya ba rgyas par 'byung ste/ skyes bu byed pa'i 'bras bu ni de'i mjug thogs su 'byung ba'i chos dge ba rnams so/ /bdag po'i 'bras bu ni sngar skyes pa ma gtogs pa dge ba'i chos thams cad kho na'o/ /rgyu mthun pa'i 'bras bu med de/ mi 'dra ba'i phyir ro/ /rnam par smin pa lung du ma bstan pa yin pas rnam par smin pa'i 'bras bu yang med do//bral ba'i 'bras bu yang med de/ 'dus byas yin pa'i phyir ro/ /mi dge ba ni gsum ste/ skyes bu byed pa'i 'bras bu ni de dang lhan cig 'byung ba dang / de'i mjug thogs su skyes pa'o/ /bdag po'i 'bras bu ni sngar byung ba ma gtogs pa mi dge ba thams cad do//sngar skyes pa'i rgyu mthun pa'i 'bras bu ni rigs mthun pa khyad par dang bcas pa rnams so/ /rnam par smin pa'i 'bras bu'am/ bral ba'i 'bras bu ni med de/ nyon mongs pa can yin pa'i phyir dang / 'dus byas yin pa'i phyir ro/ /lung du ma bstan pa ni bzhi ste zhes bya ba ni bral ba'i 'bras bu ni ma gtogs pa ste/bral ba ni dge ba rtag pa yin pa'i phyir ro/ /rnam par smin pa'i 'bras bu ni rang gi sar gtogs pa'i rnam par smin pa yid du mi 'ong ba'o/ /gal te chos 'dra ba rnams kho na sngar skyes pa dag gi rgyu mthun pa'i 'bras bu yin pa bor nas/ lung du ma bstan pa mi 'dra ba rnams mi dge ba dag gi rgyu mthun pa'i 'bras bur ji ltar brjod ce na/ de'i phyir lung du ma bstan pa zhes bya ba rgyas par smos so/ /rgyu mthun pa'i 'bras bu ni kun du 'gro ba dang skal ba mnyam pa'i rgyu dag gi yin par rnam par gzhag ste/ de la 'jig tshogs dang mthar 'dzin par lta ba dag ni lung du ma bstan pa yin du zin kyang /nyon mongs pa can nyid dang / sdug bsngal mthong bas spang bar bya ba nyid du 'dra ba'i phyir/ sdug bsngal mthong bas spang bar bya ba kun du 'gro ba'i rgyu dang / sdug bsngal mthong bas spang bar bya ba skal ba mnyam pa'i rgyu'i rgyu mthun pa'i 'bras bur rnam par gzhag pas 'gal ba med do//las lung du ma bstan pa'i zhes bya ba rgyas par 'byung ste/ skyes bu byed pa'i 'bras bu ni dge ba'i chos gang dag de'i mjug thogs su 'byung ba de dag go/ /bdag po'i 'bras bu ni sngar byung ba ma gtogs pa dge ba'i chos thams cad nyid do//rgyu mthun pa'i 'bras bu med de/ mi 'dra ba'i phyir ro/ /rnam par smin pa'i 'bras bu yang med de/ dge ba yin pa'i phyir ro/ /bral ba'i 'bras bu yang med de/ 'dus byas yin pa'i phyir ro/ /mi dge ba ni gsum ste zhes bya ba ni rgyu mthun pa'i 'bras bu bcug ste'o//mi dge ba yang lung du ma bstan pa rnams kyi 'bras bu yin pa ni yod de/ dper na chos mi dge bas ris lnga pa rnams 'jig tshogs dang mthar 'dzin par lta ba gnyis pa'i 'bras bu bcug ste'o/ /mi dge ba yang lung du ma bstan pa rnams kyi 'bras bu yin pa bzhin no//lung du ma bstan pa'i chos ni gsum ste/ de dag kho na yin no zhes bya ba la/ skyes bu byed pa'i 'bras bu ni lhan cig 'byung ba dang / mjug thogs su 'byung ba dag go/ /bdag po'i 'bras bu ni sngar byung ba ma gtogs pa thams cad do/ /rgyu mthun pa'i 'bras bu ni chos 'dra ba phyis skyes pa rnams so//rnam par smin pa dang bral ba'i 'bras bu dag ni med de/ lung du ma bstan pa rnams la rnam par smin pa'i 'bras bu med pa'i phyir dang nyon mongs pa'i gnyen po ma yin pa'i phyir ro/ /'das pa'i thams cad gzhi yin no/ /zhes bya ba 'byung ste/ 'dir rigs yongs su bzung nas de skad du bshad kyi 'das pa thams cad 'das pa thams cad kyi 'bras bu rnam pa bzhi ni ma yin no//bral ba'i 'bras bu ma gtogs so zhes bya ba ni de 'dus ma byas yin pa nyid kyi dus su ma gtogs pa'i phyir ro/ /las dge ba dang zag pa dang bcas pa dang / mi dge ba 'das pa rnams kyi rnam par smin pa'i 'bras bu ni rnam par smin pa 'das pa'o//skyes bu byed pa'i 'bras bu ni 'das pa'i las dang lhan cig 'byung ba dang / de'i stobs kyis skyes pa'i chos 'das pa rnams so/ /bdag po'i 'bras bu ni de'i rang gi ngo bo ma gtogs pa de dag dang lhan cig 'byung ba dang / phyis 'byung ba 'das pa rnams so//rgyu mthun pa'i 'bras bu ni 'dra ba phyis byung ba 'das pa rnams kho na'o/ /de bzhin du 'bras bu da ltar ba yang bzhi ste/ 'das pa'i rnam par smin pa'i 'bras bu ni rnam par smin pa da ltar ba'o/ /rgyu mthun pa'i 'bras bu ni sngar ma byung ba'i chos 'dra ba da ltar ba rnams so/ /skyes bu byed pa'i 'bras bu ni chos da ltar ba 'das pa'i las kyi stobs kyis skyes pa rnams so//bdag po'i 'bras bu ni da ltar ba thams cad kho na'o/ /ma 'ongs pa dag kyang de dang 'dra bar brjod par bya ste/ 'das pa'i rnam par smin pa'i 'bras bu ni rnam par smin pa ma 'ongs pa'o/ /rgyu mthun pa'i 'bras bu ni chos 'dra ba ma 'ongs pa rnams so//skyes bu byed pa'i 'bras bu ni gang dag de'i stobs kyis skye bar 'gyur ba rnams so/ /bdag po'i 'bras bu ni thams cad kho na'o/ /bar ma'i ni ma 'ongs pa 'ang zhes bya ba ni 'bras bu bzhi ste zhes bya bar sbyar ro/ /de'i skyes bu byed pa'i 'bras bu ni de'i mjug thogs su skye ba ma 'ongs pa rnams so//bdag po'i 'bras bu ni ma 'ongs pa thams cad kho na'o/ /rnam par smin pa'i 'bras bu ni de'i rnam par smin pa ma 'ongs pa'o/ /rgyu mthun pa'i 'bras bu ni de dang 'dra ba ma 'ongs pa rnams so/ /da ltar byung ba'i las kyi da ltar ba ni gnyis te/ skyes bu byed pa dang bdag po'i 'bras bu dag go zhes bya ba la/de'i skyes bu byed pa'i 'bras bu ni lhan cig skyes pa yin no/ /bdag po'i 'bras bu de dang gzhan dus mnyam du skyes pa yin no/ /da ltar ba'i rgyu mthun pa'i 'bras bu dang / rnam par smin pa'i 'bras bu da ltar ba ni med de/ der rgyu dang 'bras bu dag dus snga phyir nges pa'i phyir ro//ma skyes pa'i 'bras bu ma 'ongs pa gsum yin no zhes bya ba 'byung ste/ skyes bu byed pa'i 'bras bu ni gang dag de'i stobs la rag las te/ 'byung ba de dag go/ /bdag po'i 'bras bu ni rang gi ngo bo ma gtogs pa thams cad do/ /rnam par smin pa'i 'bras bu ni dge ba zag pa dang bcas pa dang /mi dge ba rnams kyi rnam par smin pa ma 'ongs pa'o/ /ma skyes pa rnams ni skal ba mnyam pa dang / kun du 'gro ba'i rgyu nyid ma yin pas rgyu mthun pa'i 'bras bu ma 'ongs pa med do/ /bral ba'i 'bras bu yang med do/ /dus su ma gtogs pa'i phyir ro/ / rang gi sa pa bzhi yin no/ /zhes bya ba la/ 'di yang srid tshad kyi dbang du byas nas bshad kyi/ rang gi sa pa thams cad kyi 'bras bu rang gi sa pa'i chos bzhi pa thams cad ni ma yin no/ /zag pa med pa la yang rnam par smin pa'i 'bras bu med mod kyi/ rang gi sa pa'i chos 'dod pa na spyod pa nas srid pa'i rtse mo pa'i bar ci rigs par las zag pa dang bcas pa dang zag pa med pa'i 'bras bu bzhir 'gyur ro//bral ba'i 'bras bu ma gtogs so/ /zhes bya ba ni bral ba pas ma bsdus pa'i phyir ro/ /de la rang gi sa pa'i chos zag pa dang bcas pa rnams ni las zag pa dang bcas pa'i 'bras bu bzhi yin la/zag pa med pa rnams ni skyes bu byed pa'i 'bras bu dang / bdag po'i 'bras bu yin no/ /zag pa med pa rnams ni zag pa med pa'i 'bras bu gsum yin te/ rnam par smin pa dang / bral ba'i 'bras bu ma gtogs so/ /zag pa dang bcas pa ni gnyis yin te/ rnam par smin pa dang rgyu mthun pa dang bral ba'i 'bras bu ma gtogs so/ /de ltar na rang gi sa pa'i chos zag pa dang bcas pa dang / zag pa med pa rnams ni mdor bsdus te las zag pa dang bcas pa dang / zag pa med pa'i 'bras bu bzhir 'gyur ro/ /gzhan gyi sa pa gsum dang / gnyis zhes bya ba la/zag pa dang bcas pa dang zag pa med pa'i dbye bas phye nas bstan te/ zag pa med pa'i las kyi 'bras bu zag pa med pa'i chos gzhan gyi sa pa ni gsum ste/ skyes bu byed pa dang / bdag po dang / rgyu mthun pa'i 'bras bu rnams so/ /sa dgu'i lam ni phan tshun du/ mnyam dang khyad par can yin zhes 'byung bas/skal ba mnyam pa'i rgyu yin pas zag pa med pa'i chos mnyam pa dang / khyad par can rnams gzhan gyi sa pa yin du zin kyang / gzhan gyi sa pa'i las zag pa med pa'i rgyu mthun pa'i 'bras bu yin no/ /khams su ma gtogs pa'i phyir ro zhes bya ba ni/zag pa med pa'i las ni khams su ma gtogs pa'i phyir rnam par smin pa'i 'bras bu mi srid do/ /bral ba yang khams su ma gtogs pa'i phyir gzhan gyi sa pa nyid mi srid do/ /gzhan gyi sa pa'i chos zag pa dang bcas pa rnams ni de nyid kyi gnyis yin te/ skyes bu byed pa dang / bdag po'i 'bras bu dag go//de bzhin du gzhan gyi sa pa'i chos zag pa dang bcas pa dang / zag pa med pa rnams kyang zag pa dang bcas pa'i las kyi gnyis yin te/ skyes bu byed pa dang bdag po'i 'bras bu dag go/ /rnam par smin pa dang bral ba'i 'bras bu ma gtogs so zhes bya ba 'byung ste/slob pa 'am mi slob pa ni rnam par smin pa'i 'bras bu 'am bral ba'i 'bras bu med do/ /slob pa yang ma yin mi slob pa yang ma yin no zhes bya ba rgyas par 'byung ste/ slob pa yang ma yin mi slob pa yang ma yin pa'i chos dag ni zag pa dang bcas pa dang / 'dus ma byas yin no zhes bshad do//de la slob pa'i las rnam par smin pa'i 'bras bu ni med de/ sred pas ma brlan pa'i phyir ro/ /'jig rten pa'i rgyu mthun pa'i 'bras bu yang med de/ mi 'dra ba'i phyir ro/ /bral ba'i 'bras bu ni slob pa yang ma yin mi slob pa yang ma yin pa yin na/ de yang slob pa'i las la yod pa gsum yin no//slob pa'i chos ni gcig ste bdag po'i 'bras bu'o/ /rgyu mthun pa'i 'bras bu ni med de/ dman pa'i phyir ro/ /lhan cig dang mjug thogs su skye ba med pa'i phyir skyes bu byed pa'i 'bras bu yang med do/ /mi slob pa'i mjug thogs su slob pa ni mi 'byung ste/ yongs su nyams pa'i tshe na yang nyon mongs pa kun du 'byung bas bar du chod pa'i phyir ro//rnam par smin pa'i 'bras bu dang / bral ba'i 'bras bu ni slob pa yang ma yin ma yin mi slob pa yang ma yin pa yin no/ /mi slob pa ni gsum ste/ rnam par smin pa'i 'bras bu dang / bral ba'i 'bras bu dag ma gtogs so/ / zhes bya ba la/ de dag ni slob pa yang ma yin mi slob pa yang ma yin pa nyid yin pas bsal to/ /slob pa yang ma yin mi slob pa yang ma yin pa ni zhes bya ba rgyas par 'byung ste/ skyes bu byed pa'i 'bras bu ni de'i stobs kyis skyes pa rnams so/ /bdag po'i 'bras bu ni sngar byung ba ma gtogs pa thams cad do//bral ba'i 'bras bu ni bar chad med pa'i yin no/ /mi slob pa ni bar chad med pa'i lam ni med pas mi slob pa rnams la bral ba'i 'bras bu med do/ /de las gzhan pa'i 'bras bu ni zhes bya ba rgyas par 'byung ste/ slob pa yang ma yin mi slob pa yang ma yin la rgyu mthun pa'i 'bras bu slob pa dang mi slob pa ni med de/mi 'dra ba'i phyir ro/ /rnam par smin pa'i 'bras bu yang med de/ khams su ma gtogs pa'i phyir ro/ /bral ba'i 'bras bu yang med de/ 'dus byas yin pa'i phyir ro/ /'bras bu lnga char yin no zhes bya ba la/ spong ba'i las kyis bsdus pa'i las 'jig rten pa la bral ba'i 'bras bu yang yod do//rnam par smin pa dang bral ba'i 'bras bu dag ma gtogs so zhes bya ba ni/ rnam par smin pa 'am bral ba ni mthong bas spang bar bya ba yod pa ma yin pas sel bar byed do/ /bral ba'i 'bras bu ma gtogs zhes bya ba ni bral ba bsgom pas spang bar bya ba yod pa ma yin pa'i phyir ro//kun du 'gro ba dang mtshungs par ldan pa'i las kyi rgyu mthun pa'i 'bras bu ni bsgom pas spang bar bya ba'i chos nyon mongs pa can rnams so/ /rnam par smin pa ni nyon mongs pa can ma yin pa'i phyir bsgom pas spang bar bya ba yin pas mthong bas spang bar bya ba'i nyon mongs pa mi dge ba dag dang mtshungs par ldan pa'i las kyi rnam par smin pa'i 'bras bu ni bsgom pas spang bar bya ba yin no//gcig ste bdag po'i 'bras bu'o zhes bya ba la/ de'i stobs kyis mi skye ba'i phyir skyes bu byed pa'i 'bras bu ni med do/ /bsgom pas spang bar bya ba'i las kyi zhes bya ba rgyas par 'byung la/rgyu mthun pa'i 'bras bu ni med de/ kun du 'gro ba ma yin pa'i phyir ro/ /rnam par smin pa'i 'bras bu yang med de/ rnam par smin pa mthong bas spang bar bya ba med pa'i phyir ro/ /bral ba'i 'bras bu yang med de/ bral ba'i 'bras bu spang bar bya ba ma yin pa'i phyir ro//rnam par smin pa dang rgyu mthun pa'i 'bras bu ma gtogs so zhes bya ba ni/ spang bar bya ba yin pa'i phyir dang / mi 'dra ba'i phyir rnam par smin pa dang / rgyu mthun pa'i 'bras bu nyid yin pa sel bar byed do/ /spang bar bya ba ma yin pa'i las kyi 'bras bu zhes bya ba rgyas par 'byung ba la/spang bar bya ba ma yin pa'i las kyi mjug thogs sam/ lhan cig tu mthong bas spang bar bya ba skye ba ni yod pa ma yin pas skyes bu byed pa'i 'bras bu med do/ /bsgom pas spang ba'i sems ni spang bar bya ba ma yin pa'i las kyi mjug thogs su 'byung bas skyes bu byed pa'i 'bras bu yang bsgom pas spang bar bya ba yin no//rnam par smin pa'i 'bras bu ma gtogs so zhes bya ba ni/ rnam par smin pa spang bar bya ba ma yin pa med pas ma gtogs so/ /dbus su yang thog ma dang / tha ma de bzhin shes par bya ba'i phyir te zhes bya ba ni ma smos kyang dbus su yang go rims bzhin zhes bya ba'i sgra ci nas kyang shes par bya ba'i phyir ro//ji ltar zhe na/ de'i phyir de ni mthun par sbyar ba'i chos yin no zhes bya ba smos te/ 'di ni mdor bsdus pa'i tshul yin no/ /mi dge'i dge sogs gnyis dang ni/ /gsum dang bzhi ste go rims bzhin/ / zhes thog mar yang go rims zhes bya ba'i sgra sbyar la/ spang bya min pa'i de dag gcig /gnyis dang bzhi ste go rims bzhin/ /zhes tha mar yang sbyar ba yin no/ /tshul bzhin ma yin pa yid la byed pa las 'byung ba'i phyir ro zhes bya ba la/ yid la byed pas na yid la byed pa ste/ yid yul dag la rangs par byed ces bya ba'i tha tshig go//tshul ni tha bas so/ /tshul bzhin du min pa'i tshul bzhin ma yin pa ste/ tshul bzhin ma yin zhing thabs bzhin ma yin pa ni tshul bzhin ma yin pa yid la byed pa'o/ /gzhan dag na re cho ga nyams pa yang yin te zhes bya ba ni nyon mongs pa can 'ba' zhig tu ma zad pa'o//cho ga nyams pa gang yin pa de yang rigs pa ma yin pas skyes pa yin te/ mi rigs pa byed pa'i phyir ro/ /'gro ba dang gnas pa dang / bza' ba la sogs pa rnams ni rang rang gi cho ga nyams pa yin no/ /sogs pa zhes bya ba'i sgra ni ngag gi las ma bsgribs la lung du ma bstan pa rtags dang dus dang /byed pa mi mthun pa'i phyir mi rigs pa byas pas rigs pa ma yin pas bskyed pa dang / cho ga nyams pa'i lus dang / ngag gi las kun nas slong bar byed pa'i yid kyi las rigs pa ma yin pa skyes pa bsdu'o/ /rigs pa ma yin pas bskyed pa 'di ni brdar btags pa yin gyi/don dam par ni rigs pas bskyed pa ni dge ba'i las yin la/ rigs pa ma yin pas bskyed pa ni nyon mongs pa can yin zhing / de gnyi ga dang bral ba ni ma bsgribs la lung du ma bstan pa yin no/ /ci las gcig gis skye ba gcig kho na 'phen tam zhes bya ba la sogs pa 'byung ste/rgyu'i dngos por gnas sam zhes bya ba'i tha tshig go/ /gal te las du mas skye ba gcig 'phen pa dang / gcig gis du ma 'phangs na cir 'gyur zhe na/ re zhig dang po ltar na ris mthun pa dum bur 'phen pas skye ba gcig kho na la las kyi 'bras bu gcig zad cing las gzhan gyi 'bras bu skye ba na 'chi 'pho ba dang skye bar thal bar 'gyur ba'i phyir sngon gyi dus kyi srid pa kho na la 'chi ba dang skye ba'i srid pa lan cig ma yin par yod par 'gyur ro//gcig gis du ma 'phen pas yang ma yin te/ de ltar na ni las gcig kho na skyes nas myong bar 'gyur ba dang /lan grangs gzhan la myong bar 'gyur bar yang 'gyur na/ de ni 'dod pa yang ma yin te/ las gnas skabs nges pa yin pa'i phyir ro/ /de'i phyir las gcig kho nas skye ba gcig 'phen gyi du ma ni ma yin no zhes bya ba de grub po/ /gal te las gcig gis skye ba gcig 'phen no zhes bya ba de ltar nges pa yin na ni/'o na gnas pas nges pa yin pa'i phyir ro/ /de'i phyir las gcig las gcig bsgyur te zhes bya ba ni bsgrubs shing bsags zhes bya ba'i don to/ /de bsod snyoms de la brten te zhes bya ba rgyas par 'byung ste/ de nyid kyi phyir bsod snyoms gcig pa 'di'i rnam par smin pas zhes bya ba brjod do//bsod snyoms ni sems pa de rnams kyi rten du bstan to/ /'di ltar mir mtshungs mod kyi/ kha cig dbang po tshang la kha cig dbang po ma tshang ste/ yongs su rdzogs par byed pa'i las mang ba'i phyir dang / 'phen par byed pa'i las 'dra ba'i phyir ro//de lta ma yin na skye ba 'phangs na 'ga' yang dbang po ma tshang bar mi 'gyur ro/ /rnam par smin pa dang bcas pa gzhan yang yin no zhes bya ba ni/ las dang 'bras bu'i gcig pa'i tshogs thams cad do/ /ci'i phyir zhe na/ lhan cig 'byung ba'i rgyu'i phyir ro/ /sems med snyoms par 'jug pa dag /'phen byed ma yin zhes bya ba rgyas par 'byung ste/ las dang lhan cig mi 'byung ba'i phyir ro/ /snyoms par 'jug pa de gnyis ni sems pa zhes bya ba'i las dang lhan cig mi 'byung ste/ phan tshun 'gal ba'i phyir ro/ /lus dang ngag gi las dag dang yang ma yin te/ sems med pa'i phyir ro/ /rnam par smin pa dang bcas pa rnams kyis kyang ris mthun pa mi byed do/ /las pas 'bras bu mang po'i phyir ro/ /gal te ris mthun pa 'phen par byed pa'i las dang lhan cig 'byung mod kyi/ de dang 'bras bu gcig pa ni ma yin pas de rnams kyis kyang mi 'phen te/ ji ltar de dag gi 'bras bu gcig ma yin pa de ltar ni mdzod kyi gnas gnyis par bshad zin to//sgrib pa gsum zhes bya ba la sogs pa 'byung ste/ las nyid sgrib pa yin pas na las kyi sgrib pa'o/ /nyon mongs pa dang rnam par smin pa'i sgrib pa yang de dang 'dra bar rig par bya'o/ /de la drag po'i rgyun du 'byung ba gang yin pa dang /dal yang rgyun du 'byung ba gang yin pa de ni rnam pa gnyis ka yang sgrib pa yin no/ /'phags pa'i lam la zhes bya ba ni yang dag pa'i lta ba la sogs pa la ste/ de dag yod na de mi skye ba'i phyir ro/ /'phags pa'i lam la sbyor bar byed pa zhes bya ba ni mi sdug pa dang / dbugs dbyung ba dang rngub pa dran pa dang /dro bar gyur pa la sogs pa rnams so/ /ngan song la sogs pa nges par 'gyur ba zhes bya ba ni dmyal ba dang yi dags dang dud 'gror nges par 'gyur ba'o/ /sogs pa zhes bya ba'i sgras ni 'du shes med pa dang / tshangs pa chen por nges par 'gyur ba'i las kyang bsdu la/za ma dang ma ning dang mtshan gnyis par 'gyur ba yang brjod par bya'o/ /sgo nga las skye bar 'gyur ba dang / drod gsher las skye bar 'gyur ba dang / bud med nyid du 'gyur ba dang / srid pa brgyad par nges par 'gyur ba gzhan dang gzhan dag kyang zhes bya ba ni 'phags pa'i rgyud la sgo nga las skyes pa dang /drod gsher las skyes pa dang / bud med nyid rnam par mi smin pa yin gyi sgo nga las skyes pa la sogs pa rnams bden pa mthong bar ni mi 'gal lo/ /bden pa mthong ba ni lha 'am mi dag gi nang du srid pa brgyad par nying mtshams sbyor ba yang ma yin no/ /bstan par sla ba ni gzhan dag la'o//gdags par sla ba ni bdag nyid kyis te/ gdags par nus pa'i phyir ro/ /rnam pa gcig tu na bstan par sla zhing gdags par sla zhes bya ba ni tshig phyi ma snga ma'i bshad par bstan to/ /gzhi dang zhes bya ba ni gzhis te/ mtshams med pa gsum gyi gzhi ni srog gcod pa'i las kyi lam yin no//bzhi pa'i gzhi ni brdzun du smra ba'o/ /lnga pa'i gzhi ni srog gcod par sbyar ba yin no/ /'bras bu ni 'bras bu ste/ mtshams med pa thams cad kyi 'bras bu ni yid du mi 'ong ba yin pa'i phyir ro/ /'gro ba ni 'gro ba ste/ de'i rnam par smin pa ni dmyal ba'i 'gro ba kho nar nyams su myong bar 'gyur ro//skye ba ni skye ba ste/ skyes pa'i mjug thogs kho nar myong bar 'gyur ba yin pa'i phyir ro/ /gang zag ni gang zag gi ste/ mngon sum du mthong ba'i tshul du 'di ni pha gsod par byed pa yin no/ /'di ni ma gsod par byed pa yin no zhes bya ba la sogs par ro/ /ngan song la sogs par nges par 'gyur ba ni de ltar ma yin pas ma bshad do//nyon mongs pa dang las kyi sgrib pa gnyis kyis ni/ tshe phyi mar yang gsor mi rung bar 'gyur gyi/ rnam par smin pa'i sgrib pa'i sgrib pas ni ma yin no/ /phyi ma phyi mas 'dren pa'i phyir ro zhes bya ba ni bye brag tu smra ba rnams ni/nyon mongs pa dag gis las 'dren la/ las kyis skye ba 'dren pa de'i phyir nyon mongs pa dang las kyi sgrib pa dag kho na tha shal yin no zhes zer ro/ /dge sbyong gi tshul bzhin no zhes bya ba ni/ dge sbyong tshul ni dri med lam/ /zhes 'byung bas na zag pa med pa'i lam dang ldan pa'i phyir na de dge sbyong du 'gyur ba de bzhin du de yang ma gsod pa la sogs pa dang ldan pas dmyal bar skye bar 'gyur ba la bar med pa yin pas ma gsod pa la sogs pa'i las la mtshams med pa zhes bya'o//byang gi sgra mi snyan pa dang zhes bya ba ni/ mtshams med pa med de/ rang bzhin bzang ba'i phyir dang / tshe nges pa'i phyir dang / de na bstan pa med pa'i phyir ro/ /'gro ba gzhan yang med ces bya ba ni dmyal ba dang yi dags dang dud 'gro dag na'o/ /khams gzhan na lta smos kyang ci dgos zhes bya ba ni gzugs dang / gzugs med pa'i khams na'o/ /za ma la sogs pa la mi 'dod do zhes bya ba ni/ za ma dang ma ning dang mtshan gnyis pa rnams la'o//sdom pa med pa'i gtan tshigs gang yin pa de nyid kyi phyir ro zhes bya ba ni/ ngo tsha shes pa dang / khrel yod pa dang med pa dang / lus zhing tsha sgo can dang 'dra'o/ /gal te lus ma tshang ba'i rgyu yin pa'i phyir phan pa chung ba nyid yin na dmus long la sogs pa dag la yang mtshams med pa med par 'gyur ro zhe na/za ma la sogs pa'i lus ni rtogs pa dang 'gal ba'i phyir ma tshang bar 'dod kyi gzhan du ma yin no/ /de nyid phyir zhes bya ba ni yi dags dang dud 'gro rnams la yang phan pa dang ngo tsha chung ba'i phyir mi 'dod do/ /ji ltar phan pa chung ba nyid yin zhe na/ 'gro ba ngan pas bsdus pa'i lus kyi rgyu yin pa'i phyir ro//rta cang shes bzhin no zhes bya ba ni rta kha cig cang shes yin pa'i phyir ma la mi rgal lo zhes grag go/ /mi'i yang pha ma mi ma yin pa zhes bya ba ni phan pa dang ngo tsha chung ba nyid kyi phyir te/ mi ma yin pas ni mi dang mthun pa'i phan pa byed par mi nus la/ pha ma mi ma yin pa dag gi gam du mi la ngo tsha shes pa dang khrel yod pa shas chen po yang nas yang du gnas pa yang ma yin no//sgra mi snyan pa rnams dang / 'du shes med pa'i sems can rnams ni bden pa dag mthong bar mi nus pas rnam par smin pa'i sgrib pa yin no/ /de bzhin gshegs pa rnams ni nye bar mi brdzi ba'i chos can yin no zhes bya ba ni/rang 'grongs pa'i phyir de dag la gzhan dag gis mi brdzi'o/ /rgyu la 'bras bu btags pa zhes bya ba ni brdzun du smra ba dge 'dun gyi dbyen gyi rgyu yin te/ rgyu de las 'bras bu btags pa'i phyir dge 'dun gyi dbyen mtshams med par bshad do/ / 'dis 'byed par byed pas na zhes bya ba 'dis ni 'di dngos kho nar dge 'dun gyi dbyen yin no zhes ston to/ /de ji ltar mtshams med par 'gyur zhes bya ba ni mtshams med pa ni mi dge ba yin la/ dge 'dun gyi dbyen ni ma bsgribs la lung du ma bstan pa yin no snyam du sems pa'o/ /'byed pa po ni mtshams med pa dang ldan gyi/'byed pa po bye ba dang ni mi ldan pas/ dge 'dun gyi dbyen mtshams med pa ma yin no/ /bar gyi bskal pa zhes bya ba ni bskal pa chen po ma yin te/ 'dod pa'i khams na tshe'i tshad de tsam med pa'i phyir ro/ /yang gang gis mtshams med pa mang po byas pa yin la zhes bya ba rgyas par 'byung ba ni dang po kho nas dmyal ba dag tu skye ba 'phangs pas ji ltar gzhan dag don dam par mi 'gyur snyam du bsams pa'o//don med pa med pa ste/ gang gi phyir/ gcig gis skye ba 'phangs pa las/ /lhag pas gnod pa lhag par 'gyur/ /chen po zhes bya ba ni ches che ba'o/ /khyim pa yang ma yin la dge slong ma la sogs pa yang ma yin no zhes bya ba ni de dag gi lus mi gnyan pa'i phyir ro//de yang lta ba spyod pa kho nas zhes bya ba ni sdig pa'i bsam pa brtan pa dang mkhyud pa can yin pa'i phyir ro/ /sred pa spyad pas ni ma yin no zhes bya ba ni kun nas nyon mongs pa dang rnam par byang ba'i phyogs dag la bsam pa mi brtan pa'i phyir ro//bzod par dka' ba'i phyir zhes bya ba ni zil gyis mnan par dka' ba'i phyir ro/ /chos mngon sum du gyur pa'i phyir ro zhes bya ba ni lung dang rtogs pa'i chos dag mngon sum du byas pa'i phyir dang / dad pa mi phyed pa dang ldan pa'i phyir ro/ /bzod pa thob pa rnams ni ma yin no zhes bya ba ni bzod pa chen po thob pa rnams te/mthong ba'i lam nye zhing nges pa la mngon sum du phyogs pa'i phyir ro/ /lam 'jug pa'i gags su gyur pa'i phyir zhes bya ba ni dge 'dun bye la lam 'jug pa'i gags nyid du 'gyur te/ dam pa ma yin pa'i lam gzhan zhugs pas dam par gyur pa'i lam 'jug pa'i gegs byas pa'i phyir gegs nyid du 'gyur ro zhes bya ba'i tha tshig go//lha sbyin gyis ni nges par 'byung bar bya ba'i phyir lam gzhi lnga pa bstan te/ 'o ma mi spyad pa dang / sha spang ba dang / lan tshwa nye bar longs mi spyad pa dang / gos ma dras pa bgos pa dang /grong gi nang gi gtsug lag khang du 'dug pa'o/ /gling gzhan na ni med do zhes bya ba ni sangs rgyas 'byung ba'i sa nges pa yin pa'i phyir te/ gang ston pa bzhugs pa de na ston pa'i 'gran zla gnas kyi gzhan du ni ma yin no/ /gdon mi za bar dge 'dun phyogs gnyis su gnas par 'gyur ba zhes bya ba la 'dir bzhi sde la dge 'dun du mngon par 'dod do//brgyad dag dang lhag pa dag gis kyang yin te/ 'byed pa po med pa'i phyir ro/ /dang po zhes bya ba ni de'i tshe sngar med pa'i chos byung ba la dga' ba dang rab tu dga' ba skye bas thams cad bsam pa dge ba'i phyir sha gcig pa yin no/ /mthar yang ston pa dang bral bar 'gyur ro snyam ste/skye ba'i phyir sha gcig pa yin no/ /sha gcig ces bya ba ni blo gcig cing mi mthun pa med pa zhes bya ba'i don te/ dge 'dun mthun pa na sangs rgyas rnams yongs su mya ngan las 'da' bas so/ /bar du yang skyon ma byung ba'i snga rol du zhes bya ba ni lta ba dang tshul khrims rnam par gyur pa dmigs pas byed pa po'i tshig gi glags yod par 'gyur ro//de la lta ba'i skyon ni ji skad du bdag gis bcom ldan 'das kyis bshad pa'i don 'tshal ba ltar na/ bcom ldan 'das kyis gang zhig bar du gcod pa'i chos su bka' stsal pa de dag ni bsten na bar du gcod par bgyid par mi 'gyur lags so zhes bya ba dang de bzhin du sems de nyid kun du rgyun 'khor bar 'gyur lags so zhes bya ba la sogs pa bshad pa lta bu'o//tshul khrims kyi skyon ni 'chal ba'i tshul khrims so/ /des phyis sdum par 'gyur ba'i phyir ro zhes bya ba ni nyan thos zung des so/ /sangs rgyas thams cad la nyan thos zung gdon mi za bar yod de/rdzu 'phrul dang shes rab dang ldan pa rnams kyi mchog go/ /'gran zla med pa'i phyir ro zhes bya ba ni bcom ldan 'das yongs su mya ngan las 'das na byed pa po de'i 'gran zlar gyur pa med do/ /mtshams ma bcad pa dag tu yang zhes bya ba ni dkyil 'khor gyi mtshams te/mtshams gcig gi nang du las tha dad pa byed pas ni dge 'dun rnam pa gnyis su 'gyur ro/ /las la rag las pa'i phyir zhes bya ba ni gang gi slob ma dbye bar 'gyur ba'i las byas pa de kho na'i dbye bar 'gyur gyi gzhan du ni ma yin no/ /bcom ldan 'das shAkya thub pas kyang byang chub sems dpar gyur pa dang /drang srong mngon par shes pa lnga dang ldan pa zhig gi 'khor phye ste/ des na 'di'i dge 'dun lha sbyin gyis phye'o zhes grags so/ /phan 'dogs pa dang yon tan zhing / /spangs dang med par byas phyir ro/ /zhes bya ba la/ shin tu phan 'dogs pa spangs pa'i sgo nas mtshams med par 'gyur ro//'o na pha dang ma gang dag lto na gnas pa nyid gsod par zhugs pa dang / skyes ma thag tu khyi dang ce spyang dkrigs pa'i lam po cher 'bor ba de dag ji ltar phan 'dogs pa nyid yin zhe na/ de'i phyir de las lus skyes pa'i phyir ro zhes bya ba smos so/ /spangs pa zhes bya ba ni yongs su bor ba ste/bsad ces bya ba ni rnam grangs so/ /yon tan gyi zhing yin pa'i phyir zhes bya ba ni yon tan gyi rten yin pa'i phyir zhes bya ba'i tha tshig go/ /yang na zhing dang 'dra bas na zhing ste/ dper na zhing bzang po la sa bon btab na 'bras bu mang por 'gyur ba de bzhin du 'di la bsod nams kyi sa bon btab na 'bras bu mang por 'gyur gyi gzhan ni ma yin no//lus gcig pa de la ni zhes bya ba ni rten gcig pa'i phyir skye ba gzhan dgag pa smras pa'o/ /de ni nu zho ldud pa zhes bya ba ni nu ma snun par byed ces bya ba'i don gang yin pa'o/ /gsod par byed pa ni zas rags pa la goms par byed pa'o//skyed par byed pa ni khrus dang lus mnye ba dang / yang ba yongs su spong bar byed pa'o/ /ma ma yin pa la sbyor ba byas zhes bya ba ni ma nor pa zhes bya ba'i mtshan nyid kyi phyir ro/ /rdul phra rab bsags pa'i phyir rnam par rig byed kyang rnam pa gnyis so zhes bya ba ni rdul phra rab rnams mang ba'i phyir na kha cig ni 'dir mtshams med pas bsdus pa yin la/kha cig ni srog gcod pa cig shos kyis bsdus pa'o/ /song la skra can khyod kyis zhes bya ba ni grong khyer ro ru ka zhes bya bar rgyal po skra can gyis rang gi pha dgra bcom pa bsad de/ des na 'di skad du song la skra can khyod kyis zhes bya ba la sogs pa smras so//rgyu gnyis kyis zhes bya ba ni pha nyid dang dgra bcom pa nyid kyi rgyu gnyis kyis mtshams med pa de byas pa'o/ /yang na sgo gnyis nas zhes bya ba ni pha gnyis kyi sgo dang dgra bcom pa nyid kyi sgo nas brgyad ces bya ba'i tha tshig go/ /sangs rgyas brdeg par sems la min/ /zhes bya ba ni brdeg par sems pa yang ngan sems yin mod kyi yongs su 'bor ba'i sems pa med pa'i phyir mtshams med par mi rung ngo //mtshams med sbyor ba byas pa la/ /'dod chags bral 'bras mi srid do/ /zhes bya ba ni sems ma bzlog par te/ de nyid kyi phyir te de mtshams med pa nyid du mi 'grub po/ /rten de dang shin tu 'gal ba'i phyir ro zhes bya ba ni bden pa mthong ba ni las kyi lam gyis bsdus pa'i kha na ma tho bas rig par mi 'gyur ro//yang ci gang gis na de yang ma bzlog par zhes de skad du brjod pa mtshams med pa'i sbyor ba yang bzlog gam zhe na/ bye brag tu smra ba rnams na re/ bzlog ste sor mo'i phreng ba can bzhin no zhes zer ro//chos dang chos ma yin pa shes bzhin du zhes bya ba la/ gang zhig 'di ni legs par bshad pa yin gyi mu stegs pa rnams kyi ni ma yin no snyam du de bzhin gshegs pa'i chos shes pa ni chos ma yin pa shes pa'o/ /log par ston pa'i phyir zhes bya ba la/ legs par bshad pa la nyes par bshad pa ston pa'i phyir la nyes par bshad pa la legs par bshad pa ston pa'i phyir log par ston pa'o//de las rnam pa gzhan du bstan pas ni brdzun smra bar 'gyur gyi dge 'dun gyi dbyen ni ma yin no/ /'di ltar dge 'dun bye na so so'i skye bo rnams nges pa la mi 'jug go/ /nges pa la zhugs pa rnams kyis 'bras bu gzhan mi 'thob bo//'bras bu thob pa rnams kyis 'dod chags dang bral ba mi 'thob po/ /'dod chags dang bral ba thob pa rnams kyi zag pa zad pa la gegs su 'gyur te/ mdor bsdu na khams gsum du chos kyi 'khor lo'i gegs su 'gyur ro/ /go rims bzhin du lnga pa dang / /zhes bya ba rgyas par 'byung ngo //mtshams med pa rnams kyi go rims ni 'di yin te/ ma gsod pa dang / pha gsod pa dang / dgra bcom pa gsod pa dang / dge 'dun gyi dbyen byed pa dang / de bzhin gshegs pa la ngan sems kyis khrag 'byin pa zhes bya'o/ /lnga pa ni ngan sems kyis khrag 'byin pa ste/de ni dge 'dun gyi dbyen byed pa ma gtogs pa lhag ma bzhi pas ches lci'o/ /gsum pa ni dgra bcom pa gsod pa ste/ de ni ma dang pha gsod pas ches lci'o/ /dang po ni ma gsod pa ste/ de ni pha gsod pa bas ches lci'o/ /des na pha gsod pa ni thams cad kyi nang na yang ba yin no zhes bshad do//mtshams med pa rnams nges par mdzad nas ni/ /zhes bya ba ni nges par bzung nas zhes bya ba'i tha tshig go/ /rnam par smin pa rgya che ba/ /zhes bya ba ni dge 'dun dbye ba'i phyir brdzun smra ba las gzhan pa'i las kyi rnam par smin pa bskal pa bar ma ma yin zhing mnar med pa kho nar yang ma yin pas dge 'dun gyi dbyen gyi brdzun smra ba kho na'i rnam par smin pa rgya che'i/gzhan gyis ni ma yin no/ /skye bo phal po che 'chi ba/ /zhes bya ba ni/ drang srong rnams kyi yid 'khrugs pa tsam gyis dan da ka'i dgon pa pa la sogs pa stongs par gyur pa'i phyir te/ lus kyi las sam ngag gi las kyis ni de ltar skye bo'i tshogs phal po che 'chi bar mi 'gyur ro//dge ba'i rtsa ba kun du gcod pa'i dbang du mdzad nas zhes bya ba ni mi dge ba gzhan gyis ni de ltar dge ba'i rtsa ba dag kun du mi gcod de/ kun du spyod pa tsam dang 'gal ba'i phyir ro/ /rdo rje lta bu'i ting nge 'dzin gyi sems pa zhes bya ba ni srid pa'i rtse mo las 'dod chags dang bral ba'i bar chad med pa'i lam dang mtshungs par ldan pa'o//kun du sbyor ba thams cad gtan du gtugs pa'i 'bras bu yin pa'i phyir ro zhes bya ba la/ kun du sbyor ba gtugs pa ni spangs pa'o/ /bar chad med pa kho nar ni ma yin no zhes bya ba rgyas par 'byung ste/ de nyid kyi phyir de dang 'dra bas cha 'dra ba rnams zhes bya ste/de lta ma yin na ni mtshams med pa dag kho nar 'gyur ro/ /ma dgra bcom pa sun byas dang / /zhes bya ba 'di ni/ ma bsad pa dang 'dra ba yin no/ /nges pa la gnas pa'i byang chub sems dpa' bsad pa ni pha bsad pa dang 'dra ba yin no/ /slob pa bsad pa ni dgra bcom pa bsad pa dang 'dra ba yin no//dge 'dun gyi 'du ba'i sgo 'phrog pa ni/ dge 'dun gyi dbyen dang 'dra ba yin te/ dge 'dun gyi 'du ba'i sgo ni nar ma la sogs pa'o/ /zhal du 'du ba'i sgo 'phrog pa zhes bya ba ni/ gang gis dge 'dun 'tsho bar byed pa zhal du gsol ba gang yin pa de 'phrog par byed pa'o//mchod rten 'jig pa ni de bzhin gshegs pa la ngan sems kyis khrag 'byin pa dang 'dra'o/ /rtse mo las bzod pa thob pa la zhes bya ba ni/ rtse mo'i mjug thogs su bzod pa'i tshe slar yang / bden pa dag la rna ba gtod pa la zhes bya ba'i don to//nyon mongs pa rnams kyang gnas skabs 'di dag tu gegs bya ba'i phyir nye bar gnas mod kyi/ 'dir ni las kyi gnas skabs yin pas ma bshad do/ /de'i rnam par smin pa'i sa las 'da' ba'i phyir zhes bya ba ni/ bzod thob ngan song mi 'gro'o/ /zhes 'chad par 'gyur ro/ / de bzhin zhes bya ba ni de'i rnam par smin pa'i sa las 'da' ba'i phyir ro/ /mthong ba'i chos la myong bar 'gyur ba'i las dang / myong bar 'gyur bas ma nges pa'i rnam par smin pa ma nges pa ma gtogs so/ /gang nas byang chub sems dpa' yin/ /zhes bya ba ni/ gang zhig gsod pa'i las pha bsad pa'i mtshams med pa dang 'dra bar 'gyur snyam du dgongs so//gang nas mtshan gyi las byed pa/ /zhes bya ba la/ ye shes la 'jug pa las/ gang nas gzung nas byang chub sems dpar brjod cing las gang dang / /ldan pas byang chub sems dpar 'gyur bshad pa/ /gang nas gzung nas mtshan gyi rnam par smin pa can gyi las dag byed pa dang /mtshan gyi rnam par smin pa can gyi las dang ldan pas byang chub sems dpar 'gyur ro zhes gsungs so/ /byang chub kyi phyir sems pa'am/ byang chub tu smon lam btab pa'i sems pa ni/ byang chub tu sems pa'o/ /nges par [(]rtags [,]rtogs [)]pa yin no zhes bya ba ni phyir mi ldog pa ste/byang chub la nges par gzhol zhes bya ba'i tha tshig go/ /rigs shing sA la chen po lta bur skyes zhes bya ba 'di ni rgyal rigs la sogs pa dag re re dang sbyar bar bya'o/ /shing sA la chen po dang 'dra ba ni shing sA la chen po lta bu ste/ dper na shing rnams las shing sA la chen po mtho ba nyid yin pa de bzhin du rigs ches mtho bar skyes pa'i phyir te/khyim bdag chen po zhes bya ba'i tha tshig go/ /brnyas gnod zhes bya ba ni/ brnyas pa sngon du btang ba'i rnam par mtho btsams pa'o/ /brnags pa zhes bya ba 'byung ste/ brtan pa rnam pa ni lus dang srog la mi lta bar gnas stong pa la nags kyi me 'bar ba'i tshogs kyis tshig pa ltar sdug bsngal drag po'i me 'bar bas reg pa la rtsis med par bya ste/sems can gyi don nyams su len pa yin te/ ba da ra'i gling du 'gro ba la sogs pa bzhin no/ /sangs rgyas la dmigs pa'i sems pa kho nas zhes bya ba ni mngon sum mam lkog tu gyur kyang bla ste/skyon bzhi po 'di dag ni zlog par byed la zhes bya ba ni ngan 'gro'i skyon dang / rigs dma' ba nyid kyi skyon dang / dbang po ma tshang ba nyid kyi skyon dang / bud med kyi dngos po'i skyon no/ /yon tan gnyis ni thob po zhes bya ba ni/ tshe rabs dran pa nyid dang / phyir mi ldog pa nyid do/ /re re'ang bsod nams brgya las skyes//zhes bya ba 'byung ste/ 'dir sems pa brgyas bsod nams brgya zhes bya ba'i ming 'thob ste/ dang po'i sems pa lnga bcu 'phen cing mngon du gyur la/ de'i mjug tu yang rdzogs par byed pa lnga bcu mngon du 'gyur ro/ /de dag kyang gang zhe na/ kha cig na re las kyi lam bcu'i rten can dag yin te/las kyi lam re re la lnga lnga 'di lta ste/ srog gcod pa spong ba'i sems pa dang / de la 'god pa'i sems pa dang / de'i bsngags pa brjod pa'i sems pa dang / de'i rjes su yi rang ba'i sems pa dang / sangs rgyas nyid yongs su bsngo bas yongs su bsngo ba'i sems pa ste/ log par lta ba spong ba'i sems pa'i bar la yang de dang 'dra bar brjod par bya la/lan gnyis mngon du gyur pas sems pa brgyar 'gyur ro zhes zer ro/ /gzhan dag na re sangs rgyas bcom ldan 'das ni rgyu lngas srog gcod pa spong ba dang ldan te/ rgyu lnga ni las kyi lam dngos po yongs su dag pa dang / nyer bsdogs yongs su dag pa dang /rnam par rtog pas ma smras pa dang / dran pas yongs su zin pa nyid dang / mya ngan las 'das par yongs su bsngos pa nyid de/ de la dmigs pa'i sems pa yang lnga lnga 'byung ngo / /las kyi lam bcu char la dmigs pa de dang 'dra ste/ sems pa lnga phrag bcu yin no/ / yang ji ltar bcom ldan 'das de dge ba'i las kyi lam ma 'dres pa bcu las nges par skye ba ltar bdag kyang de dang 'dra bar shog shig snyam du de dag la lan gnyis su mngon du gyur pas sems brgyar 'gyur ba yin no zhes zer ro/ /gzhan dag na re sangs rgyas rnams kyi sku ni rnam pa gnyis te/skye ba'i sku dang chos kyi sku'o/ /de la skye ba'i sku ni skyes bu chen po'i mtshan sum cu rtsa gnyis kyi mtshan nyid do/ /chos kyi sku ni sangs rgyas kyi chos ma 'dres pa bco brgyad do/ /de la sangs rgyas la dmigs pa'i yid la byed pa mngon du gyur pa las sems pa lnga bcu 'byung la/ bdag kyang 'di 'dra bar gyur cig snyam pa'i las kyang gzhan lnga bcu 'byung ste/de ltar na bsod nams brgya yin no zhes zer ro/ /gzhan dag na re 'dod pa'i khams gnas nyi shu dang / gzugs kyi khams bcu drug dang / gzugs med pa bzhi dang / grang ba'i dmyal ba brgyad de/ de ltar na khams gsum pa ril ni gnas khyad par can bzhi bcu rtsa brgyad yin la/de la dmigs pa'i byang chub sems dpa' la snying rje'i sems skye ste/ de'i phyir de dang mtshungs par ldan pa'i sems pa bzhi bcu rtsa brgyad 'byung ngo / /de'i rjes la ji ltar 'dis khams gsum pa 'di la sems can dag bkrol ba ltar snyam pa de lta bu'i sems pa sangs rgyas la dmigs pa'i sems pa 'byung ngo //de'i rjes la bdag kyang de dang 'dra bar 'grol bar byed par gyur cig snyam pa bdag la dmigs pa'i sems pa gnyis pa 'byung bas sems pa lnga bcu 'byung ngo / /yang de dag lan gnyis mngon du gyur pas sems pa brgyar 'gyur ba yin no zhes zer ro//de ltar na bsod nams brgya las skyes pa yin no/ /byang chub sems dpa' nye ba ni 'phen pa'i mtshan nyid can no/ /gal te de bzhin gshegs pa rnam par gzigs kyi tshe bskal pa grangs med pa gsum pa yongs su rdzogs na ci'i phyir gtsug tor can dang / thams cad skyob dang /'khor ba 'jig dang / gser thub dang / 'od srungs rnams kyis bar du bcad kyi/ de ma thag kho na mngon par rdzogs par sangs rgyas zhes bya ba 'di brjod par bya ste/ tshogs yongs su rdzogs pa ni gzhes par mi rigs so zhe na/ yongs su rdzogs mod kyi/ rnam pa thams cad du tshogs yongs su rdzogs pas ni ma yin no//grangs med pa rdzogs kyi rnam pa thams cad du tshogs yongs su rdzogs pa ni ma yin te/ de ltar na 'od srungs mngon par rdzogs par sangs rgyas pa'i tshe tshangs par spyod pa shin tu spyad nas dga' ldan gyi lha'i ris su slar 'khrungs so zhes bya ba'i mdo 'di yang tshad mar gyur pa yin no//gang la bcom ldan 'das byang chub sems dpar gyur pa'i tshe zhes bya ba rgyas par 'byung ba ni/ rdza mkhan gyi bu snang byed ces bya bar gyur pas/ chu 'jam po dang bsku mnye dang / zha 'bring la sogs pa dag gis rim gro byas nas dang por smon lam btab pa'o/ /kun la thams cad ces bya ba la/ byang chub sems dpa' ni thog mar thams cad sbyin par mi nus la/ thams cad la yang ma yin zhing / snying rje nyid kyis kyang ma yin no/ /de'i 'og tu ni goms pa'i shugs dang / snying rje che bas thams cad la sbyin par byed kyi/ thams cad ni ma yin no/ /gang gi tshe thams cad la thams cad snying rjes sbyin par byed pa'i tshe ni/de tsam gyis sbyin pa'i pha rol tu phyin pa yongs su rdzogs par 'gyur ro/ /de'i tshe 'di'i tshul khrims kyi pha rol tu phyin pa dang / bzod pa'i pha rol tu phyin pa dag yongs su rdzogs pa yin no zhes bya ba ni 'khrug pa ma skyes pa'i phyir bzod pa'i pha rol tu phyin pa yongs su rdzogs pa yin la/gzhan la gnod par byed pa'i lus dang ngag gi las mi 'jug pa'i phyir/ tshul khrims kyi pha rol tu phyin pa yongs su rdzogs pa yin no/ /skyes bu khyu mchog ces bya ba ni skyes bu'i gtso bo'o/ /de lta bu'i sangs rgyas gnyis pa med pas khyod 'dra ba'i dge sbyong chen po gzhan dag ces bya ba 'byung ngo //nyan thos la sogs pa dag kyang dge sbyong yin pas de dgag pa'i phyir dge sbyong chen po zhes bya ba smos so/ /lha yul sa la med ces bya ba rgyas par 'byung ba la/ lha yul sa zhes bya ba ni bstan pa'i tshig gi tshul du bshad pa yin no/ /'jig rten 'di na'ang yod pa ma yin rnam thos bu'i gnas na 'ang yod ma yin/lha'i pho brang gnas mchog dag na 'ang yod min zhes bya ba ni de gsal bar bya ba'i phyir bstan pa'i tshig dag yin te/ 'jig rten 'di na zhes bya ba ni mi'i 'jig rten na'o/ /rnam thos kyi bu'i gnas na zhes bya ba ni rgyal po chen po bzhi'i gnas na'o/ /lha'i pho brang zhes bya ba ni lha'i gnas te/sum cu rtsa gsum pa'i gnas na zhes bya ba'i don to/ /gnas mchog dag na zhes bya ba ni 'thab bral la sogs pa'i gnas dag na'o/ /'jig rten gyi khams gzhan dag na yang khyod 'dra ba med par shes par bya ba'i phyir/ phyogs dang phyogs mtshams dag na med//ces bya ba smos so/ /'on te yid mi ches na 'ga' zhig gis ri rnams dang nags dag tu bcas pa'i sa stengs rgyas par sems can mang po gnas pa 'di kun du nyul cig /bdag nyid tshol cig ces bya bar bsams pa yin no/ /gal te yang byang chub sems dpa' nye bas ming gi tshogs la sogs pa sna tshogs pa dag gis bstod pa byed par nus mod kyi/de ltar na yang byang chub sems dpa' rnam par g.yeng ba la 'jigs pas yid kyi rgyun g.yengs par ma byas so/ /bskal pa dgu yang bsdums so zhes bya ba ni brtson 'grus brtsams pa gcig gis bskal pa dgu bcu rtsa gcig gis/brtson 'grus kyi pha rol tu phyin pa yongs su rdzogs pa'i phyir ro/ /byang chub pa'i sngon rol gyi de ma thag ces bya ba ni rdo rje lta bu'i ting nge 'dzin gyi tshe ste/ de ma thag pa ni rnam pa gnyis te/ de'i phyir sngon rol smos pa ni 'og rol gyi de ma thag pa las khyad par du byed pa'o/ /ci'i phyir sngon rol gyi de ma thag pa smos she na/pha rol tu phyin pa yongs su rdzogs pas byang chub pa'i phyir ro/ /ci rigs par zhes bya ba la/ la la ni bsod nams kyang yin gzhi yang yin/ la la ni bsod nams kyang yin bya ba yang yin/ la la ni bsod nams kho na yin pas so/ /ji ltar zhe na/ dper na zhes bya ba rgyas par smos so//srog gcod pa la sogs pa las kyi lam bdun po de dag ni las kyi rang bzhin yin pa'i phyir dang / de dag la brten nas de dag kun nas slong bar byed pa'i sems pa 'jug pa'i phyir las kyang yin lam yang yin/ brnab sems la sogs pa gsum ni las kyi lam kho na yin no//las gang zhe na/ sems pa zhes bya ba'i ste/ de dag dang mtshungs par ldan pa'i sems pa ni/ de dag gi rgyu bas rgyu zhes bya ba la sogs par las kyi lam bshad pa de bzhin no/ /lus dang ngag gi las ni gsum char yin no zhes bya ba 'byung ste/ ji ltar zhe na/ re zhig sbyin pa ni/lus dang ngag las kun slong dang bcas zhes 'chad par 'gyur ro/ /de la lus dang ngag gi las gang yin pa de ni rnam pa gsum char yin te/ dge ba yin pa'i phyir bsod nams kyang yin la/ las kyi rang bzhin yin pa'i phyir bya ba yang yin no/ /de kun nas slong bar byed pa'i sems pa'i rten yin pa'i phyir gzhi yang yin no//de kun nas slong bar byed pa'i sems pa gang yin pa de ni dge ba yin pa'i phyir dang las kyi bdag nyid yin pa'i phyir bsod nams kyang yin la bya ba yang yin no/ /de dang lhan cig 'byung ba'i chos gzhan ni dge ba yin pa'i phyir bsod nams kho na yin no/ /tshul khrims las byung ba ni lus dang ngag gi las kho na yin pas rnam pa gsum char yin te/dge ba yin pa'i phyir dang / las kyi bdag nyid yin pa'i phyir bsod nams kyang yin la bya ba yang yin no/ /de kun nas slong bar byed pa'i sems pa'i rten yin pa'i phyir gzhi yang yin no/ /bsgoms pa las byung ba'i byams pa ni bsod nams kyang yin la/bsod nams bya ba'i gzhi yang yin te/ de dang mtshungs par ldan pa'i sems pa byams pa'i rten gyis mngon par 'du byed pa'i phyir ro/ /byams pa dang lhan cig 'byung ba'i sems pa dang / bsam gtan gyi sdom pa ni bsod nams kyang yin la/ bya ba yang yin no/ /de dang lhan cig 'byung ba gzhan ni bsod nams kho na yin no/ /yang na bsod nams byed pa ni bsod nams bya ba'o/ /de yang gang zhe na/ sbyor ba'o zhes bya ba smos so/ /'di dag de'i gzhi yin no zhes bya ba ni/ sbyin pa la sogs pa gsum po 'di dag ni bsod nams kyi bya ba de'i gzhi yin no//yang ci'i phyir 'di dag gzhi zhes bya zhe na/ de'i phyir 'di dag bsgrub pa'i ched du zhes bya ba la sogs pa smos te/ sbyin pa la sogs pa 'di dag bskyed pa'i don du bsod nams kyi sbyor ba rtsom pa'i phyir ro/ /'di ltar gang la la bsod nams kyi ched de/ chos kyi don du sbyor ba rtsom pa de ni sbyin pa sbyin par byed de/tshul khrims srung bar byed/ sgom pa la yang rab tu sbyor ro/ /sbyin pa zhes bya ba 'di ci zhig /ci gang sbyin par bya ba yin nam/ 'on te gang gi sbyin par byed pa yin zhe na/ dmigs pa yin pa'i phyir gang sbyin par bya ba de yang sbyin pa yin mod kyi/ khyad par du ni gang gis sbyin par byed de sbyin pa yin gyi gang sbyin par bya ba bgos la sogs pa ni ma yin te/de ni lung du ma bstan pa yin pa'i phyir dang / sbyin pa po'i rgyud las tha dad pa'i phyir ro/ /'dod chags la sogs pas kyang sbyin par byed mod kyi zhes bya ba la sogs pa zhes bya ba'i sgras ni khro ba dang /phrag dog dang / nga rgyal dang / 'gran pa la sogs pa bsdu'o/ /mchod dang phan 'dogs 'dod pa yis/ /zhes bya ba ni/ yongs su mya ngan las 'das pa dag la mchod par 'dod pas sbyin par byed la/ de las gzhan pa rnams la ni dbang po'i 'byung ba chen po la phan gdags par 'dod pas so//tshogs gang gis zhes bya ba ni sems dang sems las byung ba'i tshogs kyis so/ /byung ba 'di rang bzhin yin par rig par bya ste zhes bya ba ni/ dper na ngar thags las byung ba'i khur ba zhes bya ba lta bur rnam par gyur pa la sogs pa dag ma yin pa'o//bdag gzhan don phyir gnyis don phyir/ /zhes bya ba rgyas par 'byung ngo / /don gnyis mthong bas sbyin pa sbyin par byed de/ bdag nyid kyi dge ba'i las bsags pa'i phyir dang / len pa po'i dbang po'i 'byung ba chen po la phan gdags par bya ba'i phyir ro/ /sbyin pa po rnam pa gnyis te/nyon mongs pa can dang bcas pa dang / nyon mongs pa med pa'o/ /nyon mongs pa dang bcas pa yang gnyis te/ 'dod pa las 'dod chags dang bral ba dang / 'dod chags dang ma bral ba'o/ /'dod chags dang bral ba yang gnyis te/ 'phags pa dang / so so'i skye bo'o/ / 'dod chags dang ma bral ba yang de dang 'dra bar rnam pa gnyis yin no/ /de la 'phags pa 'dod chags dang bral ba'am/ so so'i skye bo 'dod chags dang bral bas mchod rten la sbyin pa sbyin par byed pa gang yin pa de ni bdag nyid kho na'i don gyi phyir yin no/ /de ni dge ba'i rtsa ba rnam pa gnyis bsags par 'gyur te/'bras bu longs spyod chen po can dang / don gyi mchog chen po thob pa'i tshogs su gyur pa'o/ /'phags pa 'dod chags dang bral bas sems can pha rol dag la sbyin par byed pa zhes bya ba la/ de'i rnam par smin pa'i sa las 'das pa'i phyir/ 'phags pa 'dod chags dang bral ba la ni 'bras bu longs spyod chen po can med kyi/len pa po la ni de'i sgo nas 'byung ba chen po rgyas pa yod pas gzhan gyi don gyi phyir yin gyi/ rang gi don ni 'ga' yang med do/ /'phags pa 'dod chags dang bral ba 'am/ so so'i skye bo 'dod chags dang bral bas sems can pha rol po dag la sbyin par byed pa gang yin pa de ni gnyi ga'i don gyi yin te/sbyin bdag gi dge ba'i rtsa ba bsags pa'i don dang / len pa po'i dbang po'i 'byung ba chen po la phan 'dogs pa'i don to/ /'phags pa 'dod chags dang bral bas mchod rten la 'bul bar byed pa zhes bya la/ sbyin pa ni mthong ba'i chos la myong bar 'gyur ba ma gtogs par gnyi ga'i don gyi phyir yang ma yin te/mchod rten la sogs pa rnams la dbang po'i 'byung ba chen po la phan gdags pa med pa'i phyir dang / de'i rnam par smin pa'i sa las shin tu yang dag par 'das pa'i phyir ro/ /sbyin pa'i rnam par smin pa'i sa ni/'dod pa'i khams yin na/ 'phags pa'i 'dod chags dang bral ba ni 'dod pa'i khams las shin tu yang dag par 'das pa yin na de'i phyir gnyi ga'i don gyi phyir ma yin no/ /thos pa la sogs pa'i yon tan dang ldan pa zhes bya ba la sogs pa zhes bya ba'i sgra ni shes rab dang 'dod chags chung ba la sogs pa bsdu'o//sbyin pa po la la ni rgyu dang 'bras bu'i 'brel pa gtan la ma phebs par sbyin par byed/ la la ni tshul khrims dang ldan par 'gyur te sbyin par byed/ la la ni tshul khrims 'chal bzhin du sbyin par byed/ la la ni de bzhin gshegs pa'i gsung rab mang du thos nas sbyin par byed/kha cig ni thos pa chung bzhin du sbyin par byed ces bya ba de lta bu la sogs pa ste/ de ltar na sbyin bdag dad pa dang / tshul khrims dang / thos pa la sogs pas khyad par du 'phags pa de'i sbyin pa ni sbyin bdag gi khyad par gyis 'bras bu sbyin pa la khyad par du 'phags par 'gyur ro//sbyin bdag de lta bu de ni/ gus pa la sogs pas sbyin par byed ces bya ba 'dis ni sbyor ba'i khyad par las kyang 'bras bu khyad par du 'phags par 'gyur ro/ /khyad par bzhir 'gyur te zhes bya ba la/ gus par sbyin pas ni bkur sti rnyed par 'gyur ro/ /rang gi lag gis sbyin pas longs spyod rgya chen po la dad pa rnyed par 'gyur ro//dus su sbyin pa ni gang gi tshe longs spyod longs spyad par nus shing dus las mi yol bar dus su rnyed par 'gyur ro/ /gzhan la mi gnod par sbyin pas ni longs spyod rgyal po dang / rkun po dang sha khon can dang / me dang chu dag gis bar chad med pa rnyed par 'gyur ro//ji ltar sbyin bdag khyad par du 'phags pa yin pa dang zhes bya ba rgyas par 'byung ste/ 'dir sbyin bdag dad pa la sogs pa dag gis dad pa med pa dag las khyad par du 'phags pa de bzhin du/ gus par byas nas sbyin pa la sogs pas kyang ma gus pa la sogs pa dag la sbyin bdag khyad par du 'phags so//dus su reg na bde ba'i lus su 'gyur ro zhes bya ba ni grang ba'i tshe ni dro la/ dro ba'i tshe ni grang zhing / tha mal pa'i tshe ni tha mal par 'dug pa'o/ /'gro bas zhing khyad par du 'phags par 'gyur te/ yon tan gyis ni ma yin te/ tshul khrims 'chal bar gyur pa'i mi la zhes 'byung ba'i phyir ro//de ni gang gis na rnam par smin pa stong 'gyur du 'gyur ba ma gtogs pa khyad par gzhan yod pa ma yin no/ /gzhan la yang de bzhin du brjod par bya'o/ /'di ltar rdzas las byung ba'i zhes bya ba rgyas par 'byung ste/ 'dir ni len pa po sdug bsngal gyis zil gyis mnan pas rtag tu skyo ba nyid kyis dge ba'i chos kyi snod yin pa'i phyir/sbyin bdag gi 'bras bu khyad par du 'phags par 'gyur ro/ /de lta bu la sogs pa zhes bya ba'i sgra ni rgyun du zhugs pa'i 'bras bu la zhugs pa la sbyin pa byin na rnam par smin pa gzhal du med do zhes bya ba dang / de bzhin du rgyun du zhugs pa la byin na ches gzhal du med do zhes bya ba nas/ de bas kyang dgra bcom pa la byin na ches gzhal du med pa yin na/ rang sangs rgyas dang de bzhin gshegs pa dgra bcom pa yang dag par rdzogs pa'i sangs rgyas la phul na lta smos kyang ci dgos zhes bya bar bsdus te/ gzhal du med pa bas kyang gzhal du med par 'gyur te/gang gA dang rgya mtsho'i chu bzhin no/ /yang ji ltar 'di rnam par smin pa brgya 'gyur ram gzhal du med par 'gyur zhe na/ bsod snyoms la sogs pas len pa po'i tshe la sogs pa dag ji tsam 'phel ba de brgya 'gyur ram stong 'gyur ram/ dpag tu med par lha dang mi dag gi nang du sbyin bdag gi tshe la sogs pa dag mngon par grub pa yin te/de skad du bcom ldan 'das kyis sbyin bdag sbyin pa pos/ /len pa po dag la zas sbyin pa na gnas lnga sbyin par byed ces bya ba rgyas pa nas tshe sbyin pas lha dang mi'i tshe thob par 'gyur zhes bya ba'i bar du gsungs so/ / 'di lta ste/ pha ma dang zhes bya ba rgyas par 'byung ste/ phan 'dogs pa dag la gnod pa byas pa'i 'bras bu mthong bas lam du phan 'dogs pa'i 'bras bu rjes su dpag par bya'o/ /dom dang ri dgas la sogs pa'i skyes rabs la sogs pa dper bya'o zhes bya ba 'byung ngo / /ji ltar zang zing gi sbyin pa thams cad pas chos kyi sbyin pa mchog tu bshad pa de bzhin du zang zing gi sbyin pa 'di yang mchog ste/grol bas grol ba la zhes bya ba'o/ /'di ni sbyin bdag dang lan pa po gnyi ga mchog tu gyur pa'i phyir dang / sred pas bdag gir ma byas pa'i phyir mchog yin no/ /byang chub sems dpa' yis zhes bya ba las 'di yang sems can thams cad kyi don yin pa'i phyir dang /snying rjes rab tu bcug pa'i phyir dang / sred pas yongs su ma zin pa'i phyir phul du byung ba yin no/ /sems kyi rgyan gyi don zhes bya ba la sogs pa 'byung ste/ sems kyi rgyan gyi don can ni dad pa la sogs pa'i nor 'dren pa'i phyir ro/ / sems kyi yod byad kyi don can ni ser sna'i dri ma dang 'gal ba'i phyir ro/ /rnal 'byor gyi tshogs kyi don can ni snyoms par 'jug pa'i bde ba 'dod pa rnams kyi yin te/ de'i rgyu phan tshun mtshams sbyor ba'i phyir ro/ /don gyi mchog thob par byed pa ni mya ngan las 'das pa 'dren pa'i phyir ro/ /zhing gi khyad par rnam pa bzhi po zhes bya ba ni/'gro ba dang sdug bsngal ba dang / phan 'dogs pa dang / yon tan gyi zhing ngo / /mthun pa dang mi mthun pa rab tu ston par byed pa zhes bya ba ni/ dge ba dang mi dge ba las kyi lam rab tu ston par byed pa'o/ /chos kyi sku zag pa med pa zhes bya ba ni/ lam skye ba'i sngon du lung 'bogs pa 'gro ba'i phyir ro//de nyid kyi phyir mdor na sangs rgyas kyi mdzad pa thams cad byed pa yin pas zhes bya ba smos so/ /zhing zhes bya ba ni gang du phan pa dang gnod pa dag byed pa'o zhes bya ba ni/ sems can du bgrang ba'i dngos po 'am/ de bzhin gshegs pa'i mchod rten no/ /gzhi ni las kyi lam mo zhes bya ba ni srog gcod pa la sogs pa'i mtshan nyid do//ji ltar lci bar 'gyur zhe na/ de'i phyir rnam par smin pa nges par gnas pa'i phyir ro zhes bya ba smos so/ /ma byin par blangs pa la sogs pas ni de ltar ma yin no zhes bya ba la/ sogs pa zhes bya ba'i sgras ni brdzun du smra ba la sogs pa bsdu'o//de bzhin du gzhan la yang sbyar bar bya'o zhes bya ba 'byung ste/ ji ltar zhe na/ la la ni sbyor ba'i khyad par kho nas lci bar 'gyur te/ rnam par smin pa nges par gnas pa'i phyir ro/ /la la'i ni sems pa'i khyad par gyis so/ /la la ni bsam pa'i khyad par gyis so//blo sngon du ma btang ba yang ma yin la zhes bya ba la/ blo sngon du ma btang ba ni lung du ma bstan pa yin no/ /bab col du byas pa yang ma yin no zhes bya ba ni dper na smra ba la drag tu brtsad pas brdzun du smra ba lta bu ma yin pa'o/ /gzhan dag na re 'di ni blo sngon du ma btang ba'i rnam grangs kho na yin no zhes zer ro//kha cig ni nyes par spyad pa gcig gis zhes bya ba ni lus dang ngag dang yid kyis nyes par spyad pa rnams las gang yang rung bas so/ /kha cig ni gsum gyi bar gyis zhes bya ba ni lus kyis nyes par spyod pa la sogs pa mtha' dag gis so/ /gnyen po med pa yin no zhes bya ba ni bshags pa la sogs pa'i gnyen po med pa'i phyir ro//mi dge ba la 'khor ba yang mi dge ba yin zhes bya ba ni dper na gang zhig ma byin par blangs nas gzhan gyi chung ma la nyal po byed pa lta bu'o/ /rnam par smin pa las ji ltar bu zhe na/ gnas skabs ma nges kyang rnam par smin par nges par 'gyur ro/ /de bzhin du dge ba la yang sbyar bar bya'o zhes bya ba ni/bsams bzhin pa dang rdzogs pa dang / /mi 'gyod gnyen po med pa dang / /'khor dang rnam par smin pa las/ /bsags pa'i las zhes bya ba yin/ /zhes bya ba ste/ ched du bsams nas byas pa yin gyi/ blo sngon du ma btang ba ni ma yin te/ dper na rdo sbyin par bya'o snyam ste gser gyi gar bu sbyin par byed pa lta bu ma yin pa'o/ /de ni blo sngon du ma btang bas lung du ma bstan par 'gyur te/ de ni byas pa yin gyi bsags pa ni ma yin no/ /blo sngon du btang du zin kyang bab col du yin na ni byas pa yin gyi bsags pa ni ma yin te/ dper na smras pa la drag tu brtsad pas bden par smra ba bzhin no//rdzogs pa ji lta bu zhe na/ kha cig ni legs par spyad pa gcig gis bde 'gror 'gro la kha cig ni gsum gyis bar gyi 'gro ba dang / kha cig ni las kyi lam gcig gis bde 'gror 'gro la/ kha cig ni bcu'i bar gyis 'gro ba de la gang zhig ji tsam gyis der 'gro bar 'gyur ba rdzogs par ma byas na las de byas na/las de byas pa yin gyi bsags pa ni ma yin no/ /rdzogs pa ni bsags pa yin no/ /las de ni yid la gcags pa med pa yang yin te/ 'ga' zhig dge ba byas nas kyang 'gyod par 'gyur ba de ni byas pa yin gyi bsags pa ma yin no//gnyen po med pa ni sbyin pa byin nas mi smod pa na'o/ /dge ba la yang 'khor dge ba yin te/ byin nas de'i rjes su yi rang ba'i phyir ro/ /gnas skabs ma nges kyang rnam par smin pa nges pa yang yin te/ ma nges pa ni byas pa yin gyi bsags pa ma yin no/ /'dod chags dang bcas pas mchod rten la sbyin pa byin pa ni bdag gi don du'o zhes bya ba ni/bdag gzhan don phyir gnyis dor phyir/ /zhes bya ba der ro/ /mi bzod nas smras pa ni longs spyod par byed pa med na ji ltar bsod nams su 'gyur zhes bya ba ste/ su yang phan btags pa med pa'i phyir ro/ /longs spyod par byed pa yod na ni sbyin par bya ba'i chos de las de'i dbang po'i 'byung ba chen po la phan btags pas sbyin bdag la bsod nams su 'gyur bar rigs so//gal te kho bo cag yongs su longs spyod pa las 'byung ba kho na sbyin bdag gi bsod nams su khas len na ni 'di de ltar 'gyur ba zhig go/ /'o na ci zhe na/ bsod nams ni rnam pa gnyis te/btang ba'i rgyu las byung ba dang / yongs su longs spyod pa las byung ba'o/ /byung ba ni rgyu dang byed rgyu dang / rgyu mtshan can gyi rnam grangs dang / btang ba'i rgyu mtshan zhes bya ba'i don to/ /de'i phyir dngos po yongs su longs spyod pa med kyang / mchod rten la btang ba'i rgyu las byung ba'i bsod nams su 'gyur ro//dngos po yongs su gtong ba la ni de'i 'og rol du dngos po de la yongs su longs spyod pa yod dam med kyang bla ste/ ma chags pa chags pa'i gnyen po yin pa'i phyir dang / /lhan cig par 'gyur ba'i sems pa gdon mi za bar 'gyur te/ de lta ma yin na gang gis dge 'dun gang zag la sogs pa dag la phul ba'i dngos po yongs su longs ma spyad pa kho nar brlag par 'gyur ba de'i gtong ba don med par 'gyur te/bsod nams kyi 'bras bu med par thal bar 'gyur ba'i phyir ro/ /de la len pa su yang med na ji ltar bsod nams yin zhe na/re zhig bcom ldan 'das kyis de dag thams cad yongs su gzung ngo zhes 'di ni bshad zin to/ /byams pa la sogs pa tshad med pa dang / yang dag pa'i lta ba bsgom pa zhes bya ba 'byung ste/ byams pa la gnas pa ni sems can thams cad bde bar gyur cig snyam du bsams pa dge ba'i phyir dang /zhe sdang med pa'i sbyor ba'i phyir/ de tsam gyis 'ga' zhig la bde bas phan btags pa yang ma yin la de la lan par byed pa 'ga' yang med mod kyi mos pa'i dbang gis bsod nams mchog tu 'byung ba med pa yang ma yin pa de bzhin du snying rje la gnas pa'i yang yin te/ de'i phyir byams pa la sogs pa bzhin du/len pa med pa'i mchod rten la yang de'i yon tan la lhag par mos pa'i rang gi sems kho na las bsod nams su mngon par 'dod par bya'o/ /sbyin pa dang / mchod par bya ba don med pa yang ma yin te/ las de kun nas slong bar byed pa'i dad pa ni ches mchog yin pa'i phyir ro/ / sbyin pa dang mchod par bya ba'i bya ba sems pa'i dad pa gang yin pa de mchog nyid yin pa ni lus dang ngag rab tu 'jug par byed pa nyid yin pa'i phyir ro/ /gzhan la phan btags pa dang / gnod pa la ltos pa 'am/ len par byed pa la ltos pas sems dang sems las byung ba rnams dge ba dang mi dge ba nyid du 'gyur ba yang ma yin te/'o na ci zhe na/ dge ba dang mi dge ba'i rtsa ba dang mtshungs par ldan pa la ltos nas yin no/ /de lta ma yin na gzhan gnod pa bya ba'i phyir gos dang zas dang dug la sogs pa sbyin par byed pa yang bsod nams su 'gyur te/ de na yang len pa po dang gzhan la phan btags pa yod pa yin no//gal te gzhi bzang po zhes bya ba rgyas par 'byung ngo / /gcer bu pa dag chom rkun la sogs pa la byin na 'bras bu yid du mi 'ong bar 'gyur te/ sbyin pa'i 'bras bu yid du 'ong ba dang mi 'ong ba ni zhing gi dbang gis yin pa'i phyir ro zhes zer ro/ /gcer bu pa rnams kyi chos 'di ni nyes par bshad pa zhig ste/'di ltar ngan pa'i zhing la 'bras bu yid 'ang / zhes bya ba 'byung ngo / /zhing gi dbang gis 'bras bu yid du 'ong bar 'gyur ro zhes ni mi smra 'o/ /'o na ci zhe na/ 'bras bu mchog yin par smra ste/ ji ltar srog gcod pa ni zhing bzang ngam ngan yang rung ste/ thams cad du 'bras bu yid du mi 'ong ba yin pa de bzhin du/sbyin pa yang zhing bzang ngam ngan yang rung ste/ thams cad du 'bras bu yid du 'ong ba kho na yin no/ /zhing gi khyad par gyis ni 'bras bu che ba'am/ chung ba 'am/ 'bras bu med par 'gyur gyi/ 'bras bu yid du mi 'ong bar ni mi 'gyur ro/ /'chal ba'i tshul khrims mi dge'i gzugs//zhes bya ba ni 'chal ba'i tshul khrims lus dang ngag gi rang bzhin yin pa'i phyir te/ de ni srog gcod pa sbyor ba dang mjug dang bcas pa nas tshig kyal pa'i bar yin no/ /de'i phyir mi dge ba'i gzugs spong ba de ni tshul khrims yin no/ /yang ci 'chal ba'i tshul khrims spong ba kho na tshul khrims yin nam zhe na/smras pa/ ma yin te/ sangs rgyas kyis ni bcas pa spong ngo / /dus ma yin pa'i zas za ba la sogs pa bcas pa'i kha na ma tho ba spong ba rnam pa gnyis kyang tshul khrims yin no/ /bslab pa mnos pas zhes bya ba ni/ bcas pa'i kha na ma tho ba ni rang bzhin gyis 'chal pa'i tshul khrims ma yin gyi/'o na ci zhe na/ de ni bslab pa mnos pa gang yin pa de la 'chal pa'i tshul khrims su 'gyur ro/ /rnam dag yon tan bzhi ldan no/ /gang la yon tan bzhi yod pa/ /de ni yon tan bzhi ldan no/ /re zhig 'chal ba'i tshul khrims kyis/ /zhes rgyas par 'byung ba la/'chal ba'i tshul khrims ni ched du bsams nas ltung ba phyung ba'o/ /'di skad du bshad pas zhes bya ba ni 'chal ba'i tshul khrims mi dge ba'i gzugs zhes bya ba 'dis so/ /'chal ba'i tshul khrims kyi rgyu ni chags pa la sogs pa nyon mongs pa dang / nye ba'i nyon mongs pa rnams so/ /ji ltar de dag 'chal pa'i tshul khrims kyi rgyu yin zhe na/ji skad du/ gsod dang gnod sems tshig rtsub po/ /zhe sdang gis ni mthar phyin byed/ /ces bya ba la sogs pa bshad pa thams cad dang / ji ltar 'chal ba'i tshul khrims kyi gnyen po la brten zhe na/ dran pa nye bar gzhag pa la brten pa'i phyir ro zhes bya ba smos te/lus tshor sems dang chos rnams la/ /mtshan nyid gnyis su yongs brtags pas/ /zhes 'byung ba'i phyir ro/ /zhi ba la ji ltar brten zhe na/ de'i phyir mya ngan las 'das par yongs su bsngos pa'i phyir ro zhes bya ba smos so/ /las kyi lam dngos kyis rnam par dag pa zhes bya ba ni srog gcod pa la sogs pa las kyi lam la spyad pa dag gis nyams par ma byas zhes bya ba'i tha tshig go//nyer bsdogs dag gis rnam par dag pa zhes bya ba ni las kyi lam gyi nyer bsdogs cung zad kyang spyad par ma gyur pa'o/ /rnam par rtog pa rnams kyis 'phan ma byung ba zhes bya ba ni 'dod pa'i rnam par rtog pa la sogs pa mi dge ba rnams kyis dri ma can du ma byas zhes bya ba'i don to//dran pas yongs su bzung ba zhes bya ba ni/ lus la sogs pa dran pa nye bar gzhag pa bzhis bstan par byas zhes bya ba'i tha tshig go/ /'tsho ba med pa dang tshigs su bcad pa med pa dang chad pa dang /ngan 'gros 'jigs nas zhes bya ba la/ 'jigs pa zhes bya ba'i sgra ni 'tsho ba med pa'i 'jigs pa dang / ngan 'gros 'jigs pa'i bar du ste/ re re dang sbyar bar bya'o/ /srid pa dang longs spyod dang bkur sti la chags pa/ /zhes bya ba la/ 'dir chags pa zhes bya ba'i sgra ni/ re re dang sbyar bar bya ste/ srid pa la chags pa dang / de bzhin du longs spyod la chags pa dang / bkur sti la chags pa dang / byang chub kyi yan lag gi rjes su mthun pa na zhi gnas dang lhag mthong gi rten gyi don can no/ /yang dag pa'i lta ba can rnam par thar pa'i don du zhes bya ba ni mu stegs can dgag pa'i phyir te/ de dag ni srid pa la brten pa'i phyir ro//mnyam par gzhag pa'i dge ba ni/ /zhes bya ba la/ mnyam par gzhag pa smos pa ni mnyam par ma bzhag pa bzlog par bya ba'i phyir ro/ /dge ba smos pa ni mnyam par gzhag pa'i bsam gtan nyon mongs pa can ro myang ba dang bcas pa bsal ba'i phyir ro/ /sbyin pa la sogs pa yang sems la bsgo bar byed pa yin mod kyi/mnyam par gzhag pa ji lta ba bzhin du ni ma yin te/ de nyid bstan pa'i phyir rgyud yon tan rnams kyis de'i bdag nyid du byed pa'i phyir zhes bya ba smos so/ /me tog rnams kyis til la bsgos pa bzhin no zhes bya ba ni/ dper na me tog gi dri'i bdag nyid du byed pa'i phyir me tog rnams kyis til bsgos par byed pa de bzhin no//yang tshul khrims dang bsgoms pas cir 'gyur zhes bya ba ni/ tshig gi lhag ma'o/ /mtho ris don du tshul khrims zhes bya ba la/ sbyin pa yang mtho ris kyi don du 'gyur mod kyi/ tshul khrims ni gtso bo yin pa'i phyir ro/ /de med na mi 'byung ba'i phyir/tshul khrims kyis kyang bral bar ni 'gyur mod kyi/ bsgom pa ni gtso bo yin pa'i phyir ro/ /bsod nams bya ba'i dngos po'i zhar la 'di yang bsam par bya ste/ mdo las gang zag bzhi ni tshangs pa'i bsod nams bskyed do zhes gsungs pa zhes bya ba ni/ sngon ma bzhengs pa'i sa phyogs su de bzhin gshegs pa'i sku gdung gi mchod rten bzhengs pa ni tshangs pa'i bsod nams bskyed do//phyogs bzhi'i dge 'dun gyi ched du gtsug lag khang rtsig par byed pa ni tshangs pa'i bsod nams bskyed do/ /dge 'dun bye ba sdums byed pa ni tshangs pa'i bsod nams bskyed de//byams pa dang ldan pa'i sems khon med pa 'gran zla med pa nas 'jig rten thams cad kyi bar du mos te/ khyab par byas nas rdzogs par byas te gnas pa ni tshangs pa'i bsod nams bskyed do zhes bya ba'o/ /mtshan rnam par smin pa can gyi zhes bya ba rgyas par 'byung ba la/ de las ni byang chub sems dpa' nye ba ma gtogs pa sems can thams cad kyi longs spyod kyi 'bras bu can zhes 'byung ngo //bskal pa mtho ris dga' gnas phyir/ /zhes bya ba ni 'dod pa na spyod pa'i lha'i skye ba dag tu zhes bya bar dgongs te/ las de 'dod pa na spyod pa yin pa'i phyir ro/ /tshangs pa'i mdun na 'don pa rnams kyi tshe ni tshangs pa'i bsod nams kyi rnam par smin pas bskal pa gcig yin te/de dang chos mthun par tshangs pa'i bsod nams bskyed do zhes gsungs so/ /nyon mongs can min zhes bya ba ni nyon mongs pa can ma yin pa'i phyir sems kyis kun nas bslang bas zhes bya ba'i tha tshig go/ / bsod nams chen po nyams par byed pa ni bsod nams chen po rlag par byed pa'o/ /bsod nams kyi cha dang mthun pa zhes bya ba la/ bsod nams kyi cha ni bsod nams kyi cha ste/ 'bras bu yid du 'ong ba thob/ /ces bya ba'i don to/ /de dang mthun pa'i bsod nams kyi cha dang mthun pa'o/ /de nyid kyi phyir rnam par smin pa yid du 'ong ba can gang yin pa'o zhes bya ba smos so//thar pa'i cha dang mthun pa ni gang skye na yongs su mya ngan las 'das pa'i chos can du 'gyur ba ste zhes bya ba 'byung ngo / /de yod do zhes bya bar ji ltar rtogs she na/ de'i phyir/ gang la 'khor ba'i nyes dmigs dang //zhes bya ba smos te/ thos pa thams cad la de med pa'i phyir 'khor ba'i nyes dmigs la sogs pa brjod pa tsam ni spu zing zhes byed pa dang / mchi ma dkrug ces byed pa'i rgyu ma yin te/ dper na thams cad myu gu skye ba med pa'i phyir dbyar tsam myu gu skyes pa'i rgyu ma yin pa bzhin no/ /thar pa la brten pas na thar pa'i cha ste/de dang mthun pa ni thar pa'i cha dang mthun pa'o/ /nges par 'byed pa'i cha dang mthun pa ni dro bar gyur pa la sogs pa rnam pa bzhi zhes bya ba la/ nges par 'byed pa ni 'phags pa'i lam ste/ de dang mthun pa ni nges par 'byed pa'i cha dang mthun pa dag go/ /'og nas bshad par bya'o zhes bya ba ni mdzod kyi gnas drug pa nas te/de la dro bar gyur pa ste/ de ni bden bzhi'i spyod yul can/ /zhes bya ba der ro/ /'jig rten na zhes bya ba rgyas par 'byung ste/ 'di las bstan pa'i skabs yin pa'i phyir dang 'di dag kyang las kyi rang bzhin yin pa'i phyir 'di dag gi rang bzhin gang yin pa zhes bya ba dris so//kun slong bcas pa ni zhes bya ba la sogs pa la kun nas slong ba dang lhan cig pa ni kun slong dang bcas pa'o/ /de yang gang zhig ce na/ sems dang sems las byung ba'i tshogs pa'o/ /yi ge dag ni yig 'bru ma yin gyi las gang gis de dag 'dri bar byed de yig 'bru yin la/ gang la rko ba nor bu dang ra la sogs pa de yang rgya ma yin gyi/ lus kyi las gang gis rko ba de rgya yin te/ yig ge dag dang brkos pa ni 'bras bu la rgyu btags pas yig 'bru dang rgya zhes bya bar 'gyur ro/ /yid kyi chos rnams sdom par byed pa gang yin pa zhes bya ba ni zag pa dang bcas pa dang / zag pa med pa nyid du gcig gnyis gsum zhes bya ba de lta bu la sogs par bgrang ba'o//gzugs kyi phung po med pa'i phyir phung po bzhi'i rang bzhin no/ /las kyi skabs yin pas de ni chos rnams kyi rnam grangs zhes bya ba smos te/ ma rmongs par bya ba'i phyir chos mngon pa las nyon mongs pa can gyi chos dang / gya nom pa dang /brten par bya ba'i chos zhes bya ba 'byung ba'i rnam grangs de dag bstan to/ /kha na ma tho ba dang bcas pa zhes bya ba ni smad pa yin pa'i phyir ro/ /nyon mongs pas sgrib pa'i phyir thar pa'i lam gyi bgegs yin pa'i phyir bsgribs pa'o/ /'phags pa rnams kyis bor ba'i phyir ram rnam par smin pa ngan pa'i phyir ngan pa'o//gya nom pa zhes bya ba ni dag pa rab tu gyur pa'i phyir ro/ /ngan pa dang gya nom pa dag las gzhan pa ni bar ma zhes bya bar grub pa yin no zhes bya ba la/ de dag kyang dge ba zag pa dang bcas pa dang / ma bsgribs pa la lung du ma bstan pa'o/ /'dus byas dge bsten bya zhes bya ba la/ zag pa dang bcas pa dang zag pa med pa rnams ni khyad par med par bsten par bya ba yin te/ rgyud la byed pa'i sgo nas bsten par bya ba yin no/ /lhag ma rnams ni bsten par bya ba ma yin pa zhes bya ba la/ de dag ni nyon mongs pa can dang ma bsgribs la lung du ma bstan pa dang / 'dus ma byas so/ /goms par byar mi rung ba'i phyir zhes bya ba ni khyad par du byar med pa'i phyir ro//mya ngan las 'das pa ni yang nas yang du mngon du bya bar mi nus pas goms par byar mi rung ba yin no/ /chos gang zhig rgyud la yang dang yang du skyed par byed pa de ni bsten par bya ba zhes brjod do/ /dper na lam bzhin no/ /'bras bu'i phyir bsten pa yin na 'dus ma byas ni 'bras bu med pas bstan par bya ba ma yin no//lung du ma bstan pa dag kyang de dang 'dra bar 'bras bu med pa'i phyir bsten par bya ba ma yin la/ nyon mongs pa can dag kyang 'bras bu yid du mi 'ong ba can yin pa'i phyir ro/ /gzhan thams cad ni bla ma dang bcas pa yin gyi zhes bya ba ni phul du byung ba dang bcas pa yin te/de dag kyang 'dus byas thams cad dang / nam mkha' dang so sor brtags pa ma yin pas 'gog pa'o/ /thar pa bla na med pa yin/ /zhes bya ba ni phul du dbyung du med ces bya ba'i tha tshig go/ /'di las bla na med pas bla na med pa ste/ de nyid kyi phyir mya ngan las 'das pa las ches khyad par du 'phags pa ni med do zhes bya ba smos ste/'di ltar dge slong 'dus byas sam/ 'dus ma byas ji snyed pa de dag gi nang na mchog ni 'dod chags dang bral ba'i chos yin par brjod do zhes bshad do/ /dge ba rtag pa yin pa'i phyir zhes bya ba la/ dge ba zhes bya ba smos pa ni nam mkha' dang so sor brtags pa ma yin pas 'gog pa bsal bar bya ba'i phyir ro//rtag pa smos pa ni dge ba dang 'dus byas bzlog par bya ba'i phyir te/ de'i phyir mya ngan las 'das pa las ches khyad par du 'phags pa'i chos gzhan med do/ /slob dpon gang ba spel bas mdzad pa chos mngon pa mdzod kyi 'grel bshad mtshan nyid kyi rjes su 'brang ba zhes bya ba las/las bstan pa zhes bya ba mdzod kyi gnas bzhi pa'i 'grel bshad do/ /las rnams rgyas par rnam par dbye ba dpyad pa dang bcas pa byas zin to// //de'i phyir 'grel pa 'dis phra rgyas nye bar bkod do//zhes 'brel pa bstan pa'i phyir/ las las 'jig rten sna tshogs skyes/ /zhes bshad pa zhes bya ba smos te/ thal ma thag pa'i mdzod kyi gnas las gang 'jig rten sna tshogs pa 'di ni dbang phyug la sogs pa rnams kyi blo sngon du btang ste 'dod rgyal du byas pa ma yin gyi/ 'o na ci zhe na/las rnams srid pa 'phen pa dang / mngon par 'grub pa la rgyur gyur pas las las skyes pa yin no zhes bshad cing rgyas par bstan pa yin no/ /gal te 'dod chags dang bral ba rnams kyang lus dang ngag dang yid dag gi sgo nas dge ba'i las dag byed pa yin mod kyi/ de rnams kyi srid pa 'phen pa yang ma yin zhing mngon par 'grub pa yang ma yin nam zhe na/las tsam gyi 'phen pa 'am mngon par grub pa ni mi 'dod kyi/ 'o na ci zhe na/ las de dag kyang phra rgyas kyi dbang gis bsags par 'gyur te ji skad bshad pa'i mtshan nyid dang rab tu dbye ba dang ldan pa rnams rnam par smin par nges par gnas shing rnam par 'phen par nus par 'gyur ro zhes bya ba'i tha tshig go//de nyid kyi phyir rten cing 'brel par 'byung ba bstan pa dag las phra rgyas rnams kho na dang por bkod de/ ma rig pa'i rkyen gyis 'du byed rnams zhes ma rig pa smos pas gtso bo yin pa'i phyir nyon mongs pa thams cad gzung ba grub pa'i phyir ro/ / gal te de lta na ni 'o na dgra bcom pa la yang ci'i phyir srid pa mngon par 'grub par mi 'gyur te/ de la yang las dge ba dang mi dge ba yang srid par 'phen pa can rnam par smin pa du ma 'phangs pa yod pa yin no/ /de'i phyir phra rgyas med par ni srid pa mngon par grub par mi nus te zhes bya ba smos te/ dgra bcom pa ni las yod du zin kyang khams gsum pa'i phra rgyas med pa de'i phyir lhan cig byed pa'i rgyu med pa'i phyir yang srid pa mngon par 'grub par mi nus par 'gyur ro//smras pa/ skye ba'i shing rta skye bo byis pa yis/ /zhon cing nyon mongs las kyi 'phang lo can/ /'di ni nyon mongs 'phang lo gcig nyams pas//las kyi 'phang lo gcig pu 'khor ma yin/ /gang gi phyir de ltar srid par 'phen pa dang / /srid pa 'grub pa las phra rgyas gtso bo'i rgyu yin pa de'i phyir srid pa'i rtsa ba phra rgyas yin par rig par bya ste/ de yod na yod pa'i phyir dang / de med na med pa'i phyir dang / dang po'i rgyu yin pa'i phyir ro//bya ba bcu byed de zhes bya ba 'bras bu bcu byed pa'o/ /rtsa ba brtan par byed do zhes bya ba ni nyon mongs pa 'jug na de'i thos pa rnams gcad par dka' ba nyid kyis brtan par 'gyur ba'i phyir te/ rtsa ba ni thob pa yin no/ /rgyud gnas par byed do zhes bya ba ni yang dang yang du gzhan rgyun chags su skyed par byed pa yin pa'i phyir ro//zhing du sgrub par byed do zhes bya ba ni rten de skyes pa dang mthun par byed pa ste/ rtswa skam po me dang mthun pa bzhin no/ /rgyu mthun pa sgrub par byed do zhes bya ba ni mi gtsang ba'i stor khung zag pa ltar nye ba'i nyon mongs pa gang zhig nyon mongs pa gang gi rgyu mthun pa yin pa de skyed par byed pa ste/dper na 'dod chags kyis ngo tsha med pa dang / rgod pa dang / ser sna dag skyed par byed pa dang / ma rig pas ni rmugs pa dang / gnyid dang khrel med pa la sogs pa bsdu ba'o/ /las kyi srid pa mngon par sgrub par byed do zhes bya ba ni las nyid srid pa yin pa las kyi srid pa ste/ yang srid pa'i las te skyed par byed pa'o//rang gi tshogs 'dzin par byed do zhes bya ba la/ de'i tshogs ni tshul bzhin ma yin pa'i rnam par rtog pa ste/ de yongs su 'dzin cing de skye ba dang mthun par gnas zhes bya ba'i don to/ /dmigs pa la kun du rmongs par byed do zhes bya ba ni/ blo nyams par byed pa'i phyir ram/ yang dag pa ji lta ba bzhin yongs su mi shes pa'i phyir ro//gzhan dag na re phyin ci log bzhi'i rab rib kyis shes rab kyi mig nyams par byed pa'i phyir ro zhe'o/ /rnam par shes pa'i rgyun 'khrid par byed do zhes bya ba ni/ rnam par shes pa'i rgyun dmigs pa 'am yang srid par 'khrid par byed pa'o/ /dge ba'i chos la g.yo bar byed pa ni/de la ltos pa med pa'i phyir te/ gzhan dag na re/ yongs su nyams pa'i phyir ro/ /zhe'o/ /'ching ba'i don du khyab par byed do zhes bya ba ni khyab par byed pa'o/ /ji ltar zhe na/ khams las mi 'da' ba'i tshul gyis so/ /khams gang ba'i nyon mongs pa des khams de las mi 'da' bar byed do//khams nyon mongs pa can gsos 'debs pa'i phyir ro/ /'dir yang srid pa 'phen par byed pa'i shes par byed pa ni las kyi srid pa mngon par sgrub par byed do zhes bya ba 'di yin te/ de'i phyir srid pa nye bar len pa'i phung po lnga'i mtshan nyid can gyi rtsa ba ste/ gtso bo'i rgyun ni phra rgyas yin no zhes bya ba grub po/ /grangs kyi dbang du byas nas brjod pa ni drug /'dod chags de bzhin khong khro dang / /nga rgyal ma rig lta ba dang / /the tshom yin te zhes bya ba'o/ /'dod chags kyi dbang gis gzhan dag zhes bya ba ni/ zhe sdang la sogs pa dag go/ /'di skad du/ mdo las dga' ba las zhe sdang skye'o zhes gsungs te/ nga rgyal la sogs pa dag kyang de dang 'dra bar rig par bya'o/ /de nyid kyi phyir 'dod chags med pas zag pa med pa dang / skal ba mi mnyam pa'i khams dag la dmigs pa'i sgo nas rgyas par mi 'gyur ro/ /de ni 'og nas bshad par bya'o zhes bya ba ni/dngos po gang zhig bdag tu lta ba dang sred pa dag gis bdag gis byas pa de la ni phra rgyas gzhan dag kyang rgyas par bzod par 'gyur te zhes bya ba la sogs pa'o/ /dang zhes bya ba'i sgra gong ma ni tshig rkang rdzogs par bya ba'i phyir yin la/ 'og ma ni bsdus par bya ba'i phyir yin no/ /'on te 'dod pa'i 'dod chags kyi phra rgyas yin zhes bya ba ni/thob pa'i mtshan nyid can nam gzhan gyi mtshan nyid can no/ /phra rgyas dang bcas par yang dag par spro bar byed do zhes bya ba 'dis ni 'dir mdo dang 'gal ba'i dper brjod pa yin te/ de nyid ni de dang bcas par mi rung ba'i phyir ro/ /gal te 'dod pa'i 'dod chags kyi phra rgyas zhes bya ba la/phra rgyas ldan pa ma yin par thal bar 'gyur bas/ dper na gzugs kyi skye ba zhes bya ba ltar/ chos mngon pa dang 'gal lo/ /'dod pa'i 'dod chags kyi phra rgyas ni/ dbang po gsum dang mtshungs par ldan pa yin no zhes bya ba la/ dbang po gsum ni bde ba dang /yid bde ba dang / btang snyoms te/ ldan pa ma yin pa ni skye ba la sogs pa ltar bde ba la sogs pa dag dang mtshungs par ldan par mi rung ngo / /de'i phyir bde ba la sogs pa dag dang mtshungs par ldan par gsungs pas/ chos mngon par mtshungs par ldan pa kho na phra rgyas su bzhed kyi/ldan pa ma yin pa ni ma yin no/ /de ltar na mdo dang 'gal lo zhes bshad pa ma yin nam zhes bya ba ni/ phra rgyas dang bcas par spong bar byed do zhes bya ba de dang ngo / /'gal ba med de/ dgongs pa can yin pa'i phyir ro/ /dgongs pa gang yin zhe na/ phra rgyas dang bcas pa ni/rjes su 'brel ba dang bcas pa zhes bya ba'i don yin pa'i phyir ro zhes bya ba 'byung ste/ nyon mongs pa rnam pa dgu las phyi ma phyi ma snga ma snga ma'i rjes su 'brel pa yin te/ 'di ltar bsgom pas spang bar bya ba'i nyon mongs pa rnam pa brgyad spangs su zin kyang / rjes su 'brel pa rnam pa dgu pa yod pa nyid yin pas/de'i phyir ma lus par spangs pa la dgongs pa las phra rgyas dang bcas par spong bar byed do zhes gsungs te/ rjes su 'brel pa dang bcas par zhes bya ba'i don to/ /yang na mdo las phra rgyas zhes bya ba'i sgra 'byung ba ni thob pa la nye bar btags pa yin pas mdo dang 'gal ba med do//dper na me sdug bsngal zhes bya ba bzhin no zhes bya ba rgyu la 'bras bu btags pa'i phyir te/ sdug bsngal tshor ba'i bye brag yin la de rgyu yin pa'i phyir me la yang sdug bsngal zhes brjod pa de bzhin du 'di yang thob pa phra rgyas kyi rgyu yin pas phra rgyas kyi sgras brjod do/ /phra rgyas dang bcas par spong bar byed do zhes bya ba ni thob pa dang bcas par spong bar byed pa'o//mtshan nyid pa yin te zhes bya ba la/ phra rgyas kyi sgra ni 'dod chags la sogs pa nyon mongs pa kho na la 'jug ste/ de dag phra ba dang / rjes su 'brel rnam gnyis rgyas 'gyur dang zhes rgyas par phra rgyas kyi mtshan nyid dang / rgyu mtshan can yin pa'i phyir/mtshan nyid yod pa ni mtshan nyid pa'o/ /thob pa la ni de ltar phra rgyas kyi mtshan nyid yod pa ma yin pas de'i phyir nye bar btags pa la yod pa ni nye bar btags pa pa yin pas thob pa dag la phra rgyas kyi sgra brjod do/ 'phags pa mang pos bkur pa'i sde dang rnam par phye ste/ smra ba rnams phra rgyas ldan pa ma yin par 'dod pas dris pa ni 'di ji ltar shes she na zhes bya ba'o//smras pa/ sems ni nyon mongs byed phyir dang / /zhes bya ba 'di'i 'grel pa ni gang gi phyir phra rgyas rnams kyis sems nyon mongs pa can du 'gyur ba dang zhes bya ba ste/ ldan pa ma yin pa rnams kyis ni sems nyon mongs pa can du mi 'gyur ro//sgrib phyir zhes bya ba'i tshig 'di'i 'grel pa ni sngon med pa'i dge ba mi skye ba zhes bya'o/ /dge dang 'gal phyir zhes bya ba'i tshig 'di'i 'grel pa ni skyes pa las kyang yongs su nyams par 'gyur ba zhes bya ba'o/ /de'i phyir ldan pa ma yin pa ma yin no zhes bya ba ni gang gi phyir sems nyon mongs par byed pa nyid la sogs pa ji skad bshad pa mi srid la/mtshungs par ldan pa dag gis ni 'di dag thams cad rig pa'i phyir ro/ /'on te ldan pa ma yin pa rnams kyis kyang de ltar 'gyur na ni zhes bya ba ni sems nyon mongs par byed pa dang / sngon med pa'i dge ba mi skye ba dang / skyes pa las yongs su nyams pa 'gyur na ni mi ldan pa de dag rtag tu nye ba'i phyir dge ba nam yang dmigs par mi 'gyur te/ 'di ldan pa ma yin pa'i phra rgyas dag gis nam yang sems can rnams kyi rgyud mi stong la/ de dag kyang dge ba la sgrib pas nam yang dge ba skye bar mi 'gyur ba zhig go//'di ni gtan tshigs su mi rung ste zhes bya ba la/ sems ni nyon mongs byed phyir dang / /zhes bya ba la sogs pa 'di ni phra rgyas ldan pa ma yin par bstan pa la gtan tshigs su mi rung ste/ phra rgyas ldan pa ma yin par smra ba rnams kyis khas ma blangs pa'i phyir ro//nyon mongs pas byas pa kho nar 'dod do zhes bya ba ni kun nas dkris pas byas pa kho nar 'dod do zhes bya ba'i tha tshig go/ /kun nas dkris pa ni rtag tu nye ba ma yin pas dge ba dmigs pa grub ste/ 'di ltar nyon mongs mngon du ma gyur na/ /dge ba skye ba mi 'gal ba'i phyir ro/ /mdo sde pa rnams kyi ji lta bu yin pa de lta bu ni legs pa yin no zhes bya ba rgyas par 'byung ngo //mdo sde pa rnams kyi ltar na phra rgyas dang bcas par spong bar byed do zhes bya ba'i mdo dang ni 'gal ba med mod kyi/ 'on kyang 'dod pa'i 'dod chags kyi phra rgyas yin pas phra rgyas ldan pa ma yin par thal bar 'gyur ro snyam pa de spang ba'i phyir/phra rgyas ni mtshungs par ldan pa yang ma yin la ldan pa ma yin pa yang ma yin gyi zhes bya ba smos so/ /ji ltar zhe na/ de rdzas gzhan ma yin pa'i phyir zhes bya ba smos te/ 'di ltar mdo sde pa rnams kyi ltar na ni phra rgyas rdzas gzhan ma yin te/ 'dod chags la sogs pa'i sa bon gyi dngos po tsam la der nye bar bsnyad pa'i phyir ro//de nyid kyi phyir nyon mongs pa nyal ba la ni zhes bya ba smos te/ rang gi 'bras bu sems kun nas nyon mongs par mi byed pa'i phyir nyal ba zhes bya la/ rgyu'i dngos por rjes su 'brel pa'i phyir phra rgyas zhes bya'o/ /sad pa zhes bya ba ni mngon du gyur pa ste/rang gi 'bras bu sems kun nas nyon mongs pa la sogs pa byed par nus pa'i phyir sad pa zhes bya la/ sems rang dbang med par byed pa'i phyir kun nas dkris pa zhes bya'o nyal ba dang sad pa yang ma grub pas de la nyal ba gang yin zhe na zhes bya ba rgyas par dris so/ /mngon sum du ma gyur pa zhes bya ba la/mngon sum du ma gyur pa sa bon gyi dngos po yin pas mngon sum du ma gyur pa la khyad par du byed de/ 'dod chags la sogs pa nyon mongs pa'i sa bon gyi dngos po ni de'i gnyen po skyes pa med par nam yang rten la zlog pa ma yin no/ /sa bon gyi dngos po'i rang gi ngo bo ma grub par phyir 'dri ba ni sa bon gyi dngos po zhes bya ba 'di ci zhe na zhes bya ba'o//lus kyi zhes bya ba rgyas par 'byung ste 'dir lus ni rten no/ /nyon mongs pa las skyes pa nyon mongs pa skyed pa'i mthu yin te zhes bya ba la/ nyon mongs pa ni 'jug pa na rten ma 'ongs pa'i nyon mongs pa skye ba dang mthun par byed cing / de dang mthun pa'i rten de las kyang rkyen lhag ma yod na slar nyon mongs pa skye'o/ /de'i phyir rten gyi gnas skabs kyi khyad par gang zhig nyon mongs pa'i nus pa sa bon gyi nyon mongs pa skye ba dang / mthun pa de ni nyon mongs pa las skyes pa nyon mongs pa bskyed pa'i mthu zhes bya ba la/ de ni mi rtag pa dang 'bras bu nyid la sogs pa ltar brtags pa'i chos yin pa'i phyir rten de las de nyid dang gzhan du brjod du med pa yin te/dper na nyams su myong ba'i shes pa las skyes pa dang dran pa bskyed pa'i mthu rdzas gzhan du gyur pa ma yin pa de dang 'dra ba yin no/ /dran pa bskyed pa'i rgyu ni mi ldan pa'i 'du byed rdzas gzhan du gyur pa 'ga' zhig yin par dogs pa bsu nas/yang dper na myu gu la sogs pa'i zhes bya ba rgyas par dpe gzhan nye bar bkod de/ dper na myu gu la sogs pa rnams kyi sA lu'i 'bras bu sngar byung ba las skyes pa sA lu'i 'bras bu gzhan skyed par byed pa'i mthu rdzas gzhan du gyur pa ma yin pa de dang 'dra'o//gang zhig ces bya ba ni gnas ma'i bu'i sde pa'o/ /nyon mongs pa rnams kyi sa bon gyi don du zhes bya ba ni sa bon gyi ched du'o/ /phra rgyas ldan pa ma yin pa zhes bya ba la sogs pa la/ don gzhan du zhes bya ba ni rdzas gzhan du'o/ / des na zhes bya ba ni rgyus so/ /mi 'dod pa sgrub par byed de/ dran pa'i sa bon yang ldan pa ma yin pa zhes bya ba don gzhan zhig brtag par bya bar 'gyur ro/ /'o na mdo las zhes bya ba ni bye brag tu smra ba ste/ gal te 'dod chags kyi phra rgyas zhes bya bar 'dod na'o/ /mdo las ni nyon mongs pa nyid phra rgyas su gsungs te/drug tshan drug pa'i mdo las so/ /de las ni gang zhig bde ba'i tshor bas reg cing mngon par dga' mgus lhag par zhe na/ lhag par zhen nas gnas pa 'di'i 'dod chags de bde ba'i tshor ba las rgyas par 'gyur ro zhes gsungs so/ /'dod pa'i 'dod chags nyid phra rgyas yin pas 'dod pa'i 'dod chags kyi phra rgyas yin te/de'i phyir phra rgyas ni mtshungs par ldan pa kho na yin gyi/ mthu'i bdag nyid can ni ma yin no/ /'gyur ro zhes gsungs pa'i phyir te de kho na ni phra rgyas ma yin no zhes bya ba ni/ mngon sum du gyur pa'i gnas skabs na ma yin no zhes bya ba'i tha tshig go//de ltar ma yin na 'dod chags de bde ba'i tshor ba la phra rgyas zhes gsungs par 'gyur gyi/ 'gyur ro zhes bya bar ni ma yin no/ /gang gi tshe nyal ba na zhes bya ba ni sa bon gyi dngos por gnas na zhes bya ba'i don to/ /ma 'ongs pa la 'gyur ro zhes bya'i da ltar byung ba la ni ma yin no//yang na 'di ni rgyu la de nye bar btags pa yin par zhes bya ba la/ 'dod chags ni 'dod pa'i 'dod chags kyi phra rgyas kyi rgyu yin la/ rgyu 'dod chags de la 'bras bu nye bar 'dogs te/ 'di ltar 'dod chags las skyes pa 'dod chags bskyed pa'i mthu la 'dod chags kyi phra rgyas zhes bshad par 'gyur ro//srid pa khams gsum yin pa'i phyir dang / 'dod pa'i 'dod chags logs shig tu bshad pa'i phyir srid pa'i 'dod chags mi shes pas srid pa'i 'dod chags zhes bya ba 'di ci zhe na zhes bya ba rgyas par dris so/ /gal te khams gnyis las skyes na ci'i phyir gcig tu byas la 'di kho na gcig tu byas kyi phra rgyas gzhan dag ma yin zhes bya ba 'di rgyu yang ci zhig yod ce na/kha ni nang du bltas phyir der/ /thar ba'i 'du shes zlog phyir bshad/ /'dod pa'i khams na ni 'dod chags phal cher yul la mngon du kha phyir bltas pas 'jug pa yin la/ de dag ni snyoms par 'jug pa'i 'dod chags ni phal cher ro myang ba dang mtshungs par ldan pa'i bsam gtan la yin no//gzhal med khang la sogs pa dag la yang 'dod chags par bstan pa'i phyir phal cher zhes bya ba smos so/ /'dod chags de gzugs dang gzugs med pa'i khams dag tu ni snyoms par 'jug pa'i yul can yin pa'i phyir kha nang du bltas par zhugs pa yin te/de'i phyir srid pa'i 'dod chags su bshad do/ /da lta bas na kha cig khams de gnyis la zhes bya ba rgyas par 'byung ste/ der kha cig thar par 'du shes pa'i 'dun pa bzlog pa'i phyir/ der skyes pa gang yin pa de ni srid pa kho na yin te/de'i phyir der skyes pa gang yin pa de ni srid pa'i 'dod chags yin no zhes bshad de/ thar pa 'dod pas sred pa thams cad la 'dod pa med par 'gyur bar bya dgos so zhes bstan to/ /lus kho na srid pa yin gyi/ snyoms par 'jug pa tsam ni ma yin no zhes ston pa ni lus kho na zhes bya ba ste/de nyid kyi phyir rten dang bcas pa zhes bya ba smos so/ /lus nyid kyi rten yin te/ phung po lnga'am bzhi'o/ /'dod pa'i 'dod chags dang bral ba'i phyir zhes bya bas ni 'dod pa'i ro myang bar mi byed ces bya ba bstan no/ /de'i phyir 'dod chags de ni srid pa'i 'dod chags zhes bshad do zhes bya ba la khyed cag gi 'di ni srid pa la 'dod chags pa yin gyi/thar pa ni ma yin no zhes thar pa'i 'du shes bzlog par 'gyur ro/ /bden pa rnams mthong ba tsam gyis spong bar 'gyur ro zhes bya ba la/ tsam gyi sgra ni bsgoms pas gsal bar bya ba'i phyir te/ nyon mongs pa gang zhig bde ba gang la skur pa 'debs pa de ni de mthong ba tsam gyis spong bar 'gyur te/thag pa mthong bas sbrul du 'khrul ba bzhin no/ /phyis lam goms par byas pas zhes bya ba ni/ bden pa gang yang rung ba la dmigs pa'i lam goms par byas pa ste/ bden pa mthong ba med par ni goms pa'i lam zag pa med pa srid pa ma yin no/ /de ltar na 'jig tshogs la lta ba ni rnam pa gcig ste zhes bya ba ni bdag dang bdag gi ba'i rnam par sdug bsngal la sogs par zhugs pas sdug bsngal mthong bas spang bar bya ba kho na yin no/ /mthar 'dzin pa yang de dang 'dra'o zhes bya ba la/de yang bdag tu mngon par 'dod pa'i dngos po la rtag pa dang chad pa'i mthar 'dzin pa'i phyir sdug bsngal kho na la log par zhugs pas sdug bsngal mthong bas spang bar bya ba kho na yin no/ /log par lta ba ni rnam pa bzhi ste zhes bya ba la/ sdug bsngal la sogs pa'i bden pa'i mtshan nyid la skur pa 'debs par zhugs pa'i phyir bden pa bzhi char la yang log par zhugs pas bden pa bzhi mthong bas spang bar bya ba kho na yin no//de bzhin du lta ba mchog tu 'dzin pa yang rnam pa bzhi kho na ste/ de ni dman pa la mchog tu lta ba yin pa'i phyir ro/ / de bzhin du the tshom yang thams cad la the tshom za ba'i rnam pa can yin pas thams cad la log par zhugs pa'i phyir bden pa bzhi mthong bas spang bar bya ba yin no/ /tshul khrims dang brtul zhugs mchog tu 'dzin pa ni rnam pa gnyis te zhes bya ba la/ dbang phyug la sogs pa rgyu ma yin pa dag la de nyid du 'dzin pa ni rtag pa dang bdag tu phyin ci log pa las 'jug pas sdug bsngal mthong bas spang bar bya ba'o//lam ma yin pa la der 'dzin pa ni lam mthong bas spang bar bya'o/ /de dag ni ji lta bu yin zhes bya ba ni 'dod chags la sogs pa lnga nyid du bstan pa dag go/ /gang dag gang zhig mthong bas spang bar bya ba'i dmigs pa can zhes bya ba rgyas par 'byung te/'dod chags la sogs pa gang dag sdug bsngal mthong bas spang bar bya ba'i lta ba la dmigs pa de dag ni sdug bsngal mthong bas spang bar bya ba yin pa nas/ de bzhin du lam mthong bas spang bar bya ba la dmigs pa de dag ni lam mthong bas spang bar bya ba'i bar du yin no//'di skad du bstan par 'gyur te 'jig tshogs la lta ba la sogs pa rnams ni sdug bsngal la sogs pa dag la dmigs pa'o/ /'jig tshogs la lta ba la sogs pa de rnams ni 'dod chags la sogs pa dag dmigs so//'jig tshogs la lta ba la sogs pa de rnams kyang mthong bas spang bar bya ba yin pa de'i phyir de rnams la dmigs pa 'dod chags la sogs pa dag kyang mthong bas spang bar bya bar 'gyur te/ dmigs pa'i yongs su shes pa dang / de la dmigs pa yang dag pa zad pa dang zhes 'byung ba'i phyir ro//lhag ma ni bsgom pas spang bar bya ba dag yin no zhes bya ba ni 'dod chags dang khong khro dang nga rgyal dang ma rig pa gang dag gzugs la sogs pa'i yul can yin pa'i phyir 'jig tshogs la lta ba la sogs pa la mi dmigs pa dag ste/ de dag ni bsgom pas spang bar bya ba yin no//khong khro ma gtogs de dag nyid/ /gzugs khams zhes bya ba ni/ rgyud zhi gnas kyis brlan pa'i phyir dang / rten dang ba'i phyir dang / de rgyas pa'i gzhi med pa'i phyir te/ tshor ba sdug bsngal la khong khro rgyas par gyur na/ de ni gong na med pas des na khong khro ba mi srid do/ / de ltar chos mngon pa dag ni phra rgyas drug po de dag rnam pa dang bye brag dang khams kyi dbye bas dgu bcu rtsa brgyad du zhes bya ba la/ rnam pa'i dbye ba ni lta ba rnams kho na la yod de/ bdag dang bdag gi rtag chad dang / /zhes bya ba'i tshig le'ur byas pa 'di bshad par bya'o/ /bye brag gi dbye ba ni sdug bsngal mthong bas spang bar bya ba'i ris nas bsgom pas spang bar bya ba'i bar yin te/khams kyi dbye ba ni 'dod pa dang gzugs dang gzugs med pa na spyod pa'o/ /'dod chags dang khong khro dang nga rgyal dang ma rig pa dang / the tshom rnams rnam pa mtshungs pa'i phyir rnam pa'i dbye ba ni med de/rim pa bzhin du chags pa dang / khong khro dang / khengs pa dang / mi gsal ba dang / the tshom za ba'i rnam pa nyid du tha mi dad pa'i phyir ro/ /khong khro ba la ni/ khams kyi dbye ba yang med de/ gzugs dang gzugs med pa'i khams dag na de med pa'i phyir ro/ /bye brag gi dbye ba kho na yod de/mthong ba dang bsgom pas spang bar bya ba yin pa'i phyir ro/ /de las gzhan pa dag la ni khams dang bye brag gi dbye ba yod do/ /lta ba'i phra rgyas la ni gsum char la yang yod do/ /gal te mdo las phra rgyas bdun bshad pa ma yin nam/ ci'i phyir dgu bcu rtsa brgyad du bshad ce na/ mdo gzhan las te/ bcom ldan 'das kyis zag pa mthong bas spang bar bya ba dag kyang yod/ bsgom pas spang bar bya ba dag kyang yod ces rgyas par gsungs pa'i phyir ro/ /srid rtse las skyes bzod pa yis/ /gzhom bya zhes bya ba la/srid rtse smos pa ni de las gzhan pa'i sa las khyad par du bya ba'i phyir ro/ /bzod pa smos pa ni bsgom pas spang bar bsal bar bya ba'i phyir ro/ /chos kyi bzod pa la thal bar 'gyur ba spang ba'i phyir/ rjes su shes pa'i bzod pas gzhom par bya ba zhes bya ba smos so/ /srid pa'i rtse mo'i gnyen po'i 'jig rten pa'i lam med pa'i phyir te/de'i phyir srid pa'i rtse mo las skyes pa bzod pas gzhom par bya ba ni mthong bas spang bar bya ba khams yin gyi bsgom pas spang bar bya ba ni ma yin no/ /sa lhag ma dag na zhes bya ba ni 'dod pa'i khams la sogs pa dag nas ci yang med pa'i skye mched kyi bar dag na'o//ci rigs par ni ji ltar srid par te/ 'dod pa'i khams na ni chos shes pa'i bzod pas spang bar bya ba yin la bsam gtan dang po yan chad na ni rjes su shes pa'i bzod pas gzhom par bya ba yin no/ /so so'i skye bo rnams kyis ni bsgom pas spang bar bya ba dag yin no zhes bya ba ni/sa gong ma pa'i bsgom pa'i lam ni sa 'og ma'i gnyen po yin pa'i phyir te/ bstan bcos las bcom ldan 'das kyi nyan thos kyis ni mthong bas spong la/ so so'i skye bos ni bsgom pas so zhes 'byung ba'i phyir ro/ /sa thams cad na zhes bya ba la/ thams cad smos pa ni srid pa'i rtse mo bsdu bar bya ba'i phyir ro//gnyi ga'i zhes bya ba ni ci rigs par 'phags pa dang so so'i skye bo ni srid pa'i rtse mo ma gtogs pa'i'o/ /lhag skyes mthong dang bsgom gnyis kyis/ /zhes bya ba 'di ma bzod de/ gzhan dag na re phyi rol pa rnams kyi ni zhes bya ba rgyas par smos so//de ltar na srid pa'i rtse mor skyes pa bzod pas gzhom par bya ba 'ba' zhig mthong bas spang bar bya ba ma yin gyi 'o na ci zhe na/ sa thams cad du skyes pa yin no zhes bya bar ston to/ /'di ltar zhes bya ba ni gang gi phyir zhes bya ba'i don to/ /las rnam par 'byed pa chen po'i mdo zhes bya ba rgyas par 'byung ste/de la las rnam par 'byed pa chen po'i mdo las/ kun dga' bo 'di na srog gcod pa spong ba nas log par lta ba spong ba'i bar du yin la 'di la yang mi dga' zhing so sor mi dga' la/ lus zhig nas shi ba'i 'og tu ngan song ngan 'gro log par ltung ba sems can dmyal ba dag gi nang du skye bar 'gyur ro//de'i phyi rol gyi mu stegs pa dge sbyong ngam bram ze yang rung / rdzu 'phrul dang ldan pa'i lha'i mig dang ldan pa gzhan gyi sems shes pa gang zhig gis mthong nas de 'di snyam du lus kyis legs par spyad pa yang med la/lus kyis legs par spyad pa'i rnam par smin pa yang med do/ /ngag dang yid kyis legs par spyad pa yang med la/ ngag dang yid kyis legs par spyad pa'i rnam par smin pa yang med do snyam du sems so zhes 'dod chags dang bral ba rnams la/ 'dod pa'i khams la dmigs pa'i lta ba kun du 'byung bar gsungs so//log par lta ba 'di ni 'dod pa'i khams la dmigs pa can yin te/ las de 'dod pa na spyod pa'i phyir dang / dmyal ba yang de kho na srid pa'i phyir ro/ /sngon gyi mtha' la rtog pa rnams la rtag par smra ba rnams dang / rgyu med pa las kun du 'byung bar smra ba 'dod chags dang bral ba rnams la 'dod pa'i khams la dmigs pa'i lta ba kun du 'byung bar ni tshangs pa'i dra ba las gsungs so//de la sngon gyi mtha' las rtog la rtag par smra ba dag ni mang ba ni dper brjod pa tsam zhig bstan par bya ste/ 'di na dge sbyong ngam bram ze la la dgon pa na 'dug kyang rung /shing drung na 'dug kyang rung / khang stong na 'dug kyang rung / kun du sbyangs pa'i rgyu dang / spong ba'i rgyu dang / lan mang du byas pa'i rgyu dang / legs par spyad pa'i rgyus sems mnyam par gzhag pa ji lta bus 'jig pa dang chags pa'i bskal pa nyi shu yang dag par rjes su dran par 'gyur ba de lta bu'i sems kyi ting nge 'dzin zhi ba la reg par 'gyur zhing /de 'di snyam du bdag dang 'jig rten 'di ni rtag pa yin no snyam du sems par 'gyur ro zhes 'byung ngo / /de'i phyir de ltar na rtag par lta ba des bdag dang 'jig rten la dmigs pa na 'dod pa'i khams la dmigs par byed pa yin te/de bzhin du sngon gyi mtha' la rtog pa rtag par smra ba gzhan rnams kyis kyang 'dod pa'i khams la dmigs par byed pa yin no/ /da ni la la rtag par smra ba rnams las brtsams te/ dge slong dag 'jig rten 'jig cing zhes bya ba nas rgyas par sems can gang yang rung ba zhig tshe zad cing bsod nams zad la/las zad pas gnas de nas shi 'phos te/ 'di lta bur mi rnams dang skal ba mnyam par skye bar 'gyur zhing de rim gyis nar son te dbang po rnams yongs su smin pas skra dang kha spu bregs te/ gos kha dog bsgyur ba gyon nas dad pas yang dag par khyim nas khyim med par rab tu 'byung zhing dgon pa na 'dug kyang rung shing drung na 'dug kyang rung /khang stong na 'dug kyang kun du sbyangs pa'i rgyu dang zhes bya ba'i bar du 'byung zhing / rgyas par sems mnyam par gzhag pa ji lta bus sngon gyi lus rjes su dran par 'gyur ba de lta bu'i sems kyi ting nge 'dzin zhi ba la reg par 'gyur zhing /de 'di snyam du gang gis bdag cag sprul pa'i tshangs pa gang yin pa 'di ni rtag pa brtan pa ther zug pa mi 'gyur ba'i chos can yin no/ /bdag cag gang dag tshangs pa ces sprul pa de dag ni mi rtag pa mi brtan pa ther zug ma yin pa 'gyur ba'i chos can yin no snyam du sems par 'gyur ba gang yin pa de lta bu'i dus kyang yod do zhes bya ba'i bar du gsungs so//de ltar na la la rtag la/ la la mi rtag pa 'di gzhi dang po ste/ gang la brten cing gang la gnas te/ gang la so sor brten nas sngon gyi mtha' la rtog pa bdag dang 'jig rten la la rtag la/la la mi rtag par smra zhing mngon par smra ba'o/ /mthar 'dzin par lta ba 'di ni 'dod pa'i khams la dmigs pa yin te/ bdag nyid 'dod pa'i khams su skyes pa las mi rtag pa nyid du zhen pa'i phyir ro/ /da ni rgyu med pa las kun du 'byung ba'i dbang du mdzad nas gsungs te/ji ltar zhe na/ rgyas par gsungs nas gzugs kyi khams na 'du shes med pa zhes bya ba'i lha dag yod de/ sems can de dag 'du shes skyed pas gnas de nas shi bar 'gyur ro/ /de nas sems can gang yang rung ba zhig tshe zad cing bsod nams zad la las zad pas gnas de nas shi 'phos nas 'di lta bur mi rnams dang skal ba mnyam par 'ong bar 'gyur zhing /de rim gyis nar son te/ dbang po rnams yongs su smin nas skra dang kha spu bregs te gos kha dog bsgyur ba gyon nas dad pas yang dag par khyim nas khyim med par rab tu 'byung zhing /dgon pa na 'dug kyang rung zhes bya ba rgyas par 'byung ba nas/ sems mnyam par gzhag pa ji lta bus sngar 'du shes 'byung ba dran par 'gyur ba de lta bu'i sems kyi ting nge 'dzin zhi ba la reg par 'gyur zhing de 'di snyam du/ bdag dang 'jig rten ni rgyu med pa las kyang kun du 'byung la/bdag sngar ma byung la da ltar ma byung ngo snyam du sems par 'gyur ro zhes bya ba'i bar du 'byung ngo / /de ltar na rgyu la skur pa 'debs pa'i log par lta ba 'di 'dod pa'i khams la dmigs pa yin te/ 'dir skyes pa'i bdag rgyu med pa nyid du lhag par zhen pa'i phyir ro/ /yang 'di ji ltar na log par lta bar 'gyur zhe na/bdag dang 'jig rten gyi sngar gyi legs par spyad pa dang / nyes par spyad pa'i rgyu la skur pa btab pa'i phyir ro/ /'dod pa'i khams las 'dod chags dang bral ba'i phyir de rnams kyi lta ba de dag ni gzugs na spyod pa kho na yin no snyam du sems pa bsal ba'i phyir/ gzugs na spyod pa'i zhes bya ba la sogs pa smos so/ /'dod chags dang bral ba'i phyir ro zhes bya ba la/ sa gong ma pa'i nyon mongs pa ni sa 'og ma la dmigs pa ma yin te/ 'dod chags dang bral ba'i phyir ro/ /'di ni phyi rol pa'i 'dod chags dang bral ba rnams kyis lta ba 'dod pa na spyod pa mthong bas spang bar bya ba de dag ma spangs pa yin no zhes ston to//bye brag tu smra ba rnams na re de ni yod pa ma yin te/ phyi rol pa rnams ni srid pa'i rtse mo'i bar du skye bar dmigs nas/ de ni 'dod pa na spyod pa'i nyon mongs pa kun du 'byung bar 'gyur na mi rigs te/ rgyun du zhugs pa la sogs pa mthong ba dang bsgom pas spang bar bya ba dag las gang yang rung ba zhig gis kyang 'dod pa'i khams su nying mtshams sbyor ba'i phyir ro/de dag bsgom pas spang bar bya ba spangs pa'i phyir 'dod chags dang bral ba yin la/ mthong bas spang bar bya ba ma spangs pa'i phyir 'dod chags dang bral ba yin no zhes bya ba 'di la yang rigs pa ci zhig yod ce'o//gal te de ltar na 'o na ni ji ltar 'dod chags dang bral ba rnams la 'dod pa'i khams la dmigs pa'i lta ba kun du 'byung zhe na/ bye brag tu smra ba rnams na re de dag lta ba skye ba dang dus mnyam du nyams pa'i phyir te/lha sbyin bzhin no/ /dper na lha sbyin gyis dge slong gi dge 'dun 'khor du bya ba'i phyir bcom ldan 'das la thugs las chung ngur bzhugs par gsol nas sdig pa'i bsam pa'i rnam pa skyes pas rdzu 'phrul las yongs su nyams pa de bzhin du de dag kyang lta ba kun du byung bas yongs su nyams pa yin no zhe'o//bdag dang bdag gi zhes bya ba rgyas par 'byung ngo / /ci'i phyir nye bar len pa'i phung po lnga la 'jig tshogs zhes bshad ce na/ de'i phyir rtag par 'du shes pa dang ril por 'du shes pa spang ba'i phyir zhes bya ba smos so/ /de dag la bdag tu 'dzin pa ni de dag sngon du 'gro ba can yin no zhes bya ba ni/rtag pa dang ril por 'du shes pa sngon du 'gro ba can no/ /de dag dang bral bas bdag tu 'dzin pa dang bral bar 'gyur te/ rgyu med pas 'bras bu med par 'gyur ro/ /'jig pa zhes bya ba ni rtag par 'du shes pa spang ba'i phyir bshad la/tshogs pa zhes bya ba ni ril por 'du shes pa spang ba'i phyir te/ 'di ni mi rtag pa dang tshogs pa yin no zhes de la bdag tu lta ba 'dzin pa bzlog par bya ba'i phyir ro/ /zag pa dang bcas pa la dmigs pa'i lta ba thams cad kyang 'jig tshogs la lta ba yin mod kyi zhes bya ba ni rnam pa lnga char yang ngo //zag pa dang bcas pa la dmigs pa zhes bya ba ni zag pa med pa la dmigs pa las khyad par du byed pa'o/ /'jig tshogs la zhes bya ba ni nye bar len pa'i phung po lnga la'o/ /thams cad 'jig tshogs kyi yul can yin bzhin du ci'i phyir bdag dang bdag gi la bshad ce na/ bdag dang bdag gi med par bstan pa'i phyir te/ de nyid kyi phyir ci nas kyang 'di ni 'jig tshogs la lta ba yin gyi bdag dang bdag gi la ni ma yin no zhes rtogs par bya ba'i phyir zhes bya ba smos so/ /'di nyid la khungs ni ji skad du dge slong dag ces rgyas par 'byung ba'o/ /mthar 'dzin pa nyid lta ba yin pas na mthar 'dzin par lta ba ste/de las tha dad pa'i lta ba med pa'i phyir ro/ /de nyid kyi phyir rtag pa dang chad pa'i mthar 'dzin pa'i phyir ro zhes bya ba smos so/ /log par zhugs pa'i lta ba thams cad log par lta ba yin pas zhes bya ba ni log par nges par sems pa'i phyir ro/ / log par zhugs pa zhes bya ba ni yang dag par lta ba bsal ba'i phyir ro/ /thams cad ces bya ba ni 'jig tshogs la lta ba la sogs pa'o/ /ha cang tshabs chen po dang ldan pa'i phyir zhes bya ba la sogs pa la dper na mar ro cog dri nga ba yin bzhin du gang zhig khyad par du dri nga ba la de la mar dri nga ba zhes brjod pa lta bu'o//gcig kho na bshad de zhes bya ba ni log par lta ba kho na'o/ /yang ji ltar gcig kho na tshabs cher log par zhugs pa yin zhe na/ de'i phyir 'di ni skur pa 'debs par byed pa yin la zhes bya ba smos te/ sdug bsngal la sogs pa bden pa yod bzhin du med do snyam du lta ba'i phyir ro//gzhan dag ni sgro 'dogs par byed pa yin no zhes bya ba ni 'jig tshogs la lta ba la sogs pa ste/ bdag la sogs par sgro 'dogs pa'i phyir ro/ /'phags pa rnams kyis spangs pa'i phyir ro zhes bya ba ni dor ba'i phyir ro zhes bya ba'i don to/ /sogs pa'i sgra ni mi mngon par byas so zhes bya ba la/gang gi phyir 'di ni lta ba tsam zhig la mchog nyid du 'dzin pa ma yin te 'o na ci zhe na nye bar len pa'i phung po lnga la'o/ /de'i phyir 'dir lta ba la sogs pa mchog tu 'dzin pa zhes bya ba'i sogs pa'i sgra mi mngon par blta bar bya'o/ /me dang chur 'jug pa'i zhes bya ba la sogs pa'i sgra ni zas gcod pa dang /'jug ngogs dang / g.yang la mchong ba dang / gdung ba dang / skra 'bal ba la sogs pa dag bsdu'o/ /grangs can gyi rnal 'byor gyi shes pa la sogs pa zhes bya ba ni rang bzhin dang skyes bu khyad par shes pa ste/ 'dir yang sogs pa'i sgras tshig gi don drug yongs su shes pa la sogs pa dag bsdu'o//'dir yang sogs pa'i sgra mi mngon par byas so zhes bya ba la/ tshul khrims dang brtul zhugs ni gzugs kyi phung pos bsdus pa yin la/ nye bar len pa'i phung po lnga la 'dag pa dang /'grol ba zhes bya ba la sogs par 'dzin te/ de'i phyir sogs pa'i sgra mi mngon par byas so/ /grag go zhes bya ba'i sgra ni mdo las tshul khrims dang brtul zhugs tsam zhig nges par bzung bas sogs pa'i sgra mi 'thad par bstan pa'i phyir ro/ /gal te rgyu ma yin pa la rgyur lta ba zhes bya ba rgyas par 'byung ste/kun 'byung ba la log par zhugs pa'i phyir 'di ni kun 'byung mthong ba kho nas spang bar rigs kyi/ sdug bsngal mthong ba ni ma yin snyam du bsams pa yin no/ /gang la la dbang phyug gam skye dgu'i bdag po la rgyur lta ba zhes bya ba rgyas par 'byung ste/ de la gcig pu dang bdag dang byed pa por rtogs nas dbang phyug la sogs pa dag la rgyur 'du byed par 'gyur ro//de dag la rtag pa dang zhes bya ba rgyas par 'byung ba la/ sdug bsngal mthong ba mngon par rtogs pa'i tshe kho nar bdag med pa'i shes pa thob kyi phyis ni ma yin te/ bdag gi tshe 'dis sdug bsngal gyi bden pa mi rtag pa la sogs pa'i rnam par rtog pa de de'i tshe 'di'i dbang phyug la sogs pa dag la rgyur mngon par zhen pa gang yin pa de spong bar byed do//de'i phyir 'di sdug bsngal mthong bas spang bar bya ba kho nar brjod kyi/ kun 'byung mthong bas spang bar bya ba ni ma yin no/ / ji skad du/ gang phyir 'di yis sdug bsngal mi mthong zhing / /de ma mthong bas bdag ces bya bar lta/ /sdug bsngal yang dag ji bzhin rig nas ni/ /'di ni bdag ces bya bar lta mi 'gyur/ /zhes bshad do/ /de ci'i phyir chos tsam mthong bas bdag tu lta ba ldog la/ de skyes pa na bdag tu lta ba dang bral bar 'gyur ro//'o na gang me dang chur 'jug pa la sogs pas zhes bya ba la sogs pa la/ 'di ni kun 'byung ba la log par zhugs pa'i phyir dang / rtag pa dang bdag tu phyin ci log pa la mi ltos pa'i phyir kun 'byung mthong bas spang bar bya ba yin no snyam du bsams pa'o/ /tshul khrims dang brtul zhugs kyis dag par lta ba de lta bu yin zhes bya ba ni 'di yang lam la log par zhugs shing rtag pa dang /bdag tu phyin ci log pas drangs pa ma yin pas lam mthong bas spang bar bya ba kho na yin no snyam du bsams pa yin no/ /de yang sdug bsngal mthong bas spang bar bya ba yin te zhes bya ba ni dbang phyug la sogs pa dag la rgyur mngon par zhen pa 'ba' zhig tu ma zad kyi zhes bya ba'o//don de las bstan bcos khungs su smos pa ni/ bstan bcos las 'di skad du zhes bya ba rgyas par 'byung ba'o/ /'dir sdug bsngal mthong bas spang bar bya ba la dmigs pa'i phyir ram drang ba yin pa'i phyir sdug bsngal mthong bas spang bar bya bar brtag grang na/de gnyi ga yang med do snyam du dpyad nas 'dri ba ni/ de'i phyir zhes bya ba rgyas par 'byung ba'o/ /rgyu ni sdug bsngal la log par zhugs pa'i phyir ro zhes bya ba smos so/ /yang ji ltar sdug bsngal la log par zhugs she na/ des yang dag par mi rtogs pa'i phyir ro//zag pa dang bcas pa la dmigs pa'i thams cad zhes bya ba rgyas par 'byung ngo / /zag pa med pa la dmigs pa ma gtogs pa'i nyon mongs pa thams cad sdug bsngal la log par zhugs pa yin te/ zag pa dang bcas pa'i dngos po thams cad sdug bsngal ba yin zhing de la yang dag pa ma yin par zhugs pas log par zhugs pa'i phyir sdug bsngal mthong bas spang bar bya ba kho nar 'gyur ro//de lta yin na yang kun 'byung ba dang 'gog pa dang lam mthong ba dang bsgom pas spang bar bya ba med par thal bar 'gyur ro/ /yang na tshul khrims dang brtul zhugs mchog tu 'dzin pa zhes bya ba rgyas par 'byung ste/gal te 'di sdug bsngal la log par zhugs pa'i phyir sdug bsngal mthong bas spang bar bya ba yin no/ gang zhig sdug bsngal la log par ma zhugs pa'i gzhan ji lta bu zhig snyam du dgongs pa'o/ /lam mthong bas spang bar bya ba la dmigs pa gang yin pa'o zhes bya ba la gang zhig lam mthong bas spang bar bya ba phra rgyas bdun la dmigs pa de ni de'i dmigs pa zag pa las lam mthong bas spong bar 'dod do//de yang sdug bsngal la log par zhugs pa yin no zhes bya ba ni log par lta ba la sogs pa lam mthong bas spang bar bya ba dag zag pa dang bcas pa nyid kyi sdug bsngal gyi bden pas bsdus pa'i phyir ro//da ni tshul khrims dang brtul zhugs mchog tu 'dzin pa lam mthong bas spang bar bya ba la dmigs pa nyid ma bzod nas/ yang gang la lam la dmigs pa log par lta ba'am zhes bya ba la sogs pa smos te/gang zag gang zhig la lam med do snyam du lam la dmigs pa log par lta ba'am the tshom yod pa'i gang zag de thar pa'i lam med do zhes the tshom za ba na ste/ ci lam 'di yod dam med snyam du the tshom za ba na ji ltar de ste/ lam gyi bden pa med de snyam pa'i log par lta ba de dang /yod dam med snyam du the tshom za ba des dag go snyam du yid ches par 'gyur/ des ni thar pa'i lam thams cad la skur pa 'debs par byed pa'am/ the tshom za ba na log par lta ba'am the tshom des dag go snyam du ji ltar rtog par 'gyur 'on te thar pa'i lam gzhan zhes bya ba ni grangs can pa dang gcer bu pa 'dod pas so//thar pa'i lam 'di ni med do zhes bya ba ni bde bar gshegs pa'i 'o/ /de yang gzhan de kho nas zhes bya ba ni grangs can la sogs pa 'dod pas yin gyi/ lam la skur pa 'debs pa'i log par lta bas ni ma yin te/ de'i phyir grangs can la sogs pa'i lam la dmigs pa nyid du 'gyur gyi/lam mthong bas spang bar bya ba la dmigs par ni mi 'gyur ro/ /yang gang zhig ces bya ba rgyas par 'byung ste/ tshul khrims dang brtul zhugs mchog tu 'dzin pa de yang ci'i phyir de dag mthong bas spang bar bya ba ste/ kun 'byung dang 'gog pa mthong bas spang bar bya ba ma yin zhes bya ba'i tha tshig ste/kun 'byung dang 'gog pa mthong bas spang bar bya ba'i nyon mongs pa la dmigs pa'i phyir ro/ /de lta bas na don 'di ni brtag par bya ba yin no zhes bya ba la/ gang gi phyir zag pa dang bcas pa la dmigs pa'i phyir thams cad sdug bsngal mthong bas spang bar bya bar 'gyur ba'am/de dag gis spang bar bya ba'i lta ba la dmigs pa'i phyir rnam pa bzhi yin pa de lta bas na tshul khrims dang brtul zhugs mchog tu 'dzin pa ni rnam pa gnyis kho na yin gyi rnam pa gcig ma yin zhing rnam pa bzhi ma yin no zhes bya ba'i don 'di ni brtag par bya ba yin no/ /'di la lan gdab pa'i phyir bshad pa/zag pa dang bcas pa la dmigs pa thams cad sdug bsngal la log par zhugs pa'i phyir ha cang thal bar 'gyur ro zhes gang smras pa de la brjod par bya'o/ /ha cang thal bar ni mi 'gyur te/ 'di ltar kha cig ni zag pa dang bcas pa'i dngos po la sdug bsngal gyi sgo nas log par zhugs pa la/kha cig ni kun 'byung gi sgo nas so/ /kha cig ni 'gog pa la log par zhugs la/ kha cig ni lam la log par zhugs so/ /tshul khrims dang brtul zhugs mchog tu 'dzin pa ni rtag pa dang bdag tu 'dzin pas sdug bsngal la log par zhugs te/ de'i sdug bsngal mthong bas spang bar bya ba yin no//gang zhig lam la log par zhugs pa lam ma yin pa la lam du lta ba de ni lam mthong bas spang bar bya ba yin no/ /lta ba gsum las phyin ci log bzhi mtshan zhes bya ba 'byung ste/ de'i phyir de ltar na phyin ci log lta ba'i rang bzhin can no zhes bya bar grub po/ /'jig tshogs la lta ba las ni bdag tu lta ba phyin ci log go zhes bya ba 'byung ngo //gzhan dag na re thams cad yin no zhes zer ro zhes bya ba la 'jig tshogs la lta ba thams cad ni bdag tu lta ba bdag gir lta ba'o/ /ji ltar na bdag gir lta ba phyin ci log yin zhe na/ ji ltar ma yin/ gzhan gyi phyin ci log gi mdo las mi 'gyur ba'i phyir ro zhes smras te/'di ltar 'di skad du bdag med pa la bdag go snyam du phyin ci log pa zhes 'byung gi bdag gi med pa la snyam du zhes bya bar ni mi 'byung ste/ de'i phyir 'jig tshogs la lta ba ril phyin ci log ma yin no/ /bdag tu lta ba 'di nyid sgo gnyis can yin no zhes bya ba ni gcig yin yang ngo //gal te rnam par dbye ba tha dad pas bdag gi zhes drug pas bstan pa lta ba gzhan du rtog na ni/ de lta na ni bdag gis zhes bya ba bdag gi phyir zhes bya bar rnam par dbye ba tha dad pas de yang lta ba gzhan du 'gyur ro/ /'di ltar bdag gis zhes bya ba ni gsum pa'o//bdag gi phyir zhes bya ba ni bzhi pa'o/ /de yang lta ba gzhan du 'gyur na de ni 'dod pa yang ma yin te/ de'i phyir thams cad yin no zhes bya bar grub po/ /ci'i phyir nyon mongs pa gzhan dag phyin ci log ma yin zhes bya ba ni kun nas nyon mongs pa rnams phyin ci log par mtshungs bzhin du zhes bya ba'o//'di ltar rgyu gsum gyis zhes bya ba rgyas par 'byung ste/ gsum po 'di dag rim gyis nyon mongs pa gzhan la yod pa ma yin te/ de'i phyir de rnams phyin ci log nyid du rnam par gzhag go/ /log par lta ba dang chad par lta ba gnyis nges par rtog pa dang gcig tu phyin ci log pa yin mod kyi/sgro 'dogs par byed pa ni ma yin te/ rdzas 'jig par zhugs pa'i phyir ro/ /tshul khrims dang brtul zhugs mchog tu 'dzin pa ni sgro 'dogs par byed cing nges par rtogs pa'i bdag nyid yin mod kyi/ gcig tu phyin ci log pa ni ma yin no/ /de tsam gyis 'dag par dmigs pa'i phyir zhes bya ba la/tshul khrims dang brtul zhugs ni dag pa'i rgyur 'gyur te/ gang gi phyir tshul khrims ni 'chal ba'i tshul khrims spang ba yin la/ nyi tshe ba dang dus gzhan na 'dag pa yin pa'i phyir te/ 'ba' zhig pa ni ma yin no/ /ji ltar 'di sgro 'dogs par byed pa nyid yin zhe na/de tsam zhig gis mtha' dag 'dag pa'i rgyu'i ngo bor sgro 'dogs pa'i phyir ro/ /nyon mongs pa gzhan ni nges par rtog par byed pa ma yin pas zhes bya ba ni 'dod chags dang khong khro dang nga rgyal dang ma rig pa dang the tshom ste/ sgro 'dogs par byed pa dang log par 'jug pa yin mod kyi/ nges par rtog pa ni ma yin te/ lta ba'i rang bzhin ma yin pa'i phyir ro/ /'o na mdo las zhes bya ba 'dis ni lta ba'i bdag nyid can bzhi kho na phyin ci log yin no zhes bya ba 'di 'gal bar ston pa'o/ /'dir ni lta ba kho na phyin ci log yin gyi/ 'du shes dang sems gnyis ni ma yin te/ 'dod chags la sogs pa bzhin du nges par rtog par byed pa ma yin pa'i phyir ro//gal te de lta na mdo dang 'gal ba ma yin nam zhe na/ 'gal ba med de/ sems dang 'du shes de dbang gis zhes bya ba rgyas par 'byung ngo / /gal te sems dang 'du shes gnyis phyin ci ma log pa'i bdag nyid yin yang / lta ba dang mtshungs par ldan pa'i phyir phyin ci log tu bshad na/tshor ba la sogs pa dag kyang lta ba dang mtshungs par ldan par mtshungs bzhin du ci'i phyir ma bshad ce na/ thal ba 'di ni med de 'jig rten dang mthun par gsungs pa'i phyir ro/ /de nyid kyi phyir 'jig rten na grags pa'i phyir te zhes bya ba smos so//phyin ci log de dag thams cad kyang rgyun du zhugs pas spang ba yin te/ 'di ltar bcom ldan 'das kyis gang zag lta ba phun sum tshogs pa 'di las phyi rol pa'i ston pa gzhan tshol ba dang / srog gcod par byed pa gang yin pa de ni gnas ma yin zhing go skabs med do zhes gsungs pa'i phyir ro//phyin ci log bzhi po gang dag yin pa de dag las su dag cig ni rgyun du zhugs pas spang du dag cig ni ma spangs she na/ bshad pa thams cad spangs so zhes gsungs so/ /de nyid la rgyu smras pa ni/ lta ba mtshungs par ldan pa dang bcas pa rnams ni mthong bas spang bar bya ba yin pa'i phyir ro zhes bya ba'o//mtshungs par ldan pa smos pas ni sems dang 'du shes phyin ci log gnyis kyang mthong ba'i lam gyis spong ba yin no zhes bstan to/ /phyin ci log ni bcu gnyis yin no zhes bya ba la lta ba phyin ci log dag re re la sems dang 'du shes phyin ci log yod pas gsum tshan bzhi ste bcu gnyis su 'gyur ro//de nyid kyi phyir mi rtag pa la rtag go snyam du zhes bya ba rgyas par smos so/ /de la brgyad ni mthong bas spang bar bya ba yin no zhes bya ba la/ mi rtag pa dang bdag med pa nyid la 'du shes dang sems dang lta ba phyin ci log rnams dang sdug bsngal ba dang mi gtsang ba dag la lta ba phyin ci log pa gnyis te/brgyad po de dag ni mthong bas spang bar bya ba dag yin no/ /bzhi ni bsdom pas spang bar bya ba dag yin no zhes bya ba 'byung ngo / /de dag nyid bstan par bya ba'i phyir sdug bsngal dang mi gtsang ba la 'du shes dang sems phyin ci log pa zhes bya ba smos so/ /'dod chags dang ma bral ba la zhes bya ba ni rgyun du zhugs pa dang /lan cig phyir 'ong ba dang / de dag gi phyin ci log dag tu 'dod na ni zhes bya ba ni sems dang 'du shes phyin ci log dag tu zhes bya ba'i tha tshig go/ /sems can gyi 'du shes dang sems kun du 'byung bas zhes bya ba ni sems can gyi 'du shes kun du 'byung ba dang / sems can gyi sems kun du 'byung bas so//de dag gi phyin ci log dag tu yang ci'i phyir mi 'dod ces bya ba ni sems can gyi 'du shes phyin ci log dang / sems can gyi sems phyin ci log ste/ khyad par gyi rgyu med pa'i phyir ci ste mi 'dod/ ci'i phyir zhe na/ bud med dang bdag la zhes bya ba rgyas par 'byung ste/ / bdag ni longs spyod pa'o/ /'di ni longs spyod par bya ba'o snyam du de ltar zhugs pa'i phyir ro/ /de ltar na bdag med pa la bdag go snyam du 'du shes dang sems phyin ci log pa dag kyang bsgom pas spang bar bya bar 'gyur ro/ /mdo las kyang bden pa dag mthong ba tsam kho nas phyin ci log bcu gnyis po thams cad spong gi bsgom pas spang bar bya ba ni 'ga' yang med do zhes gsungs te/'di ltar 'phags pa nyan thos thos pa dang ldan pa 'di ni sdug bsngal 'phags pa'i bden pa'o zhes bya bar yang dag pa ji lta ba bzhin du rab tu shes so/ /'di ni sdug bsngal kun 'byung ba'o//'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa'o zhes bya bar ji lta ba bzhin du rab tu shes so/ /de'i tshe de'i mi rtag pa la rtag go snyam du 'du shes phyin ci log pa dang / sems phyin ci log pa dang / lta ba phyin ci log pa gang yin pa de spong bar byed do zhes rgyas par 'byung ngo //rgyas par zhes bya ba smos pas ni sdug bsngal ba la bde ba'o snyam pa dang / mi gtsang ba la gtsang ngo snyam pa dang / bdag med pa la bdag go snyam du 'du shes pa dang / sems dang lta ba phyin ci log spong bar byed do zhes mdo'i khyad par 'phen pa'o//de lta bas na lta bas kun nas bslang ba zhes bya ba 'byung ngo / /gzhan dag ni ma yin te zhes bya ba ni bsgom pas spang bar bya ba dang mtshungs par ldan pa'i 'du shes dang sems dag ni log par zhugs pa yin yang lta ba dang mtshungs par mi ldan pa'i phyir phyin ci log ma yin pa ste/ de lta ma yin na nyon mongs pa thams cad log pa yin pa'i phyir phyin ci log tu 'gyur la/dgra bcom pa lam du zhugs pa'i nor nas lam gol bar zhugs pa dang / thag pa la sbrul lo zhes mthong ba yang 'du shes phyin ci log tu 'gyur ro/ /de'i phyir tshabs che bar phyin ci log pa dag la phyin ci log tu rnam par gzhag gi gzhan la ni ma yin te/tshabs che ba de yang / phyin ci log phyir dang / nges rtog phyir dang / sgro 'dogs phyir zhes bstan zin to/ /de'i phyir slob pa'i rgyud la kun tu 'byung ba'i 'du shes nyon mongs pa can gyis ni phyin ci log gi ming mi thob bo/ /de'i dus su 'khrul pa tsam yin pa'i phyir zhes bya ba ni mthong ba la sogs pa'i dus su 'khrul pa tsam yin pa'i phyir te/'phags pa rnams la ni phyis bud med dang / bdag nyid la bde ba dang gtsang ba'i 'du shes dang sems kyi 'khrul pa mi 'byung ngo / /de nyid kyi phyir mgal me'i 'khor lo dang ri mo'i gnod sbyin la 'khrul pa dper brjod de/ dper na nges par ma brtags par mthong ba tsam gyis mgal me dang ri mo'i gnod sbyin la 'khrul pa 'byung ba de bzhin du 'phags pa yang nges par ma brtags pa yud tsam zhig sems can du 'khrul pa 'byung ste/ji ltar 'di phyin ci log ma yin pa de bzhin du 'phags pa'i 'du shes dang sems 'khrul pa yang phyin ci log ma yin no//gal te 'phags pa rnams kyi 'du shes dang sems 'khrul pa dus de kho nar yin gyi rgyun chags ma yin no/ /'o na gnas brtan kun dga' bos zhes bya ba de rgyas par 'byung ba de ji ltar drang bar bya/ 'phags pa ngag gi dbang phyug gis gnas brtan kun dga' bo la/ 'dod pa'i chags pas zil non phyir//bdag gi sems ni gdung bar 'gyur/ /gau tam khyod ni thugs brtse'i phyir/ /zhi ba mchog ni bshad du gsol/ /zhes smras pa dang / 'phags pa kun dga' bos phyir/ 'du shes phyin ci log pa yis/ /khyod kyi sems ni yongs su gdung / /de phyir 'dod chags ldan pa yis/ / rgyu mtshan sdug pa spang bar gyis/ /zhes smras te/ 'dir ni de'i dus su 'khrul pa tsam du ma gsungs la/ de ni rgyun du zhugs pa yin zhing de la phyin ci log yod pa nyid yin no/ /de'i phyir zhes bya ba ni bye brag tu smra ba'i lugs ni sde pa gzhan dag dang 'gal la/ sde pa gzhan dag gi lugs kyang bye brag tu smra ba dang 'gal ba'i phyir ro//'du shes dang sems phyin ci log brgyad po thams cad ma spangs pa kho na'o zhes bya ba ni bzhi kho na ma spangs par zad do zhes bya ba ste/ lta ba phyin ci log pa 'ba' zhig spangs par zad do/ /phyin ci log bcu gnyis po thams cad bden pa mthong bas spong bar 'gyur ro zhes bye brag tu smras pas mdo gang zhig khungs su khyer te/'ongs pa de dang 'gal ba spong ba ni de dag kyang 'phags pa'i bden pa rnams zhes bya ba rgyas par 'byung ste/ 'du shes dang sems phyin ci log brgyad po de dag yang dag pa ji lta ba bzhin du shes pas 'phags par 'gyur ba dang / phyis spong ngo / / de med par ni ma yin no/ /zhes bya ba ni yang dag pa ji lta ba bzhin shes pa de med par ro/ /thabs yang dag par bstan pa yin pa'i phyir zhes bya ba la/ mdo de las spong ba'i thabs yang dag par bstan pa'i phyir mdo dang 'gal ba med de/ bsgom pa'i lam na mthong ba'i lam med par mi 'byung ba nyid do snyam du bsams pa'o//bye brag med par sems khengs pa la nga rgyal zhes bshad do zhes bya ba ni bdag dang gzhan la brten nas mthong ba ni khengs pa ste/ 'dis khengs pa na zhes byas pa'i phyir ro/ /de 'jug pa'i bye brag las ni zhes bya ba ni rnam pa'i bye brag las so/ /rigs dang rigs pa la sogs pa dag gi sgo nas/chung ngu bas bdag khyad du 'phags pa'am/ de dag nyid kyi sgo nas mnyam pa dang mnyam mo snyam du sems pa'i khengs pa la ni nga rgyal zhes bshad do/ /gal te 'di ni phyin ci log tu ma zhugs pa'i phyir nga rgyal yin par mi 'os te/ phyin ci ma log pa la dmigs pa'i phyir ro zhe na/'di ni dmigs pa la ltos te/ mi dge ba nyid ma yin gyi/ 'o na ci zhe na/ mtshungs par ldan pa la ltos nas te/ gnas kyi 'khrug pa bzhin no/ /rigs pa la sogs pa'i sgo nas mnyam pa bas bdag khyad par 'phags so snyam pa ni lhag pa'i nga rgyal lo/ /de dag de kho na'i sgo nas khyad par du 'phags pa bas kyang bdag khyad par du 'phags so snyam pa ni nga rgyal las kyang nga rgyal lo//nye bar len pa'i phung po lnga la zhes bya ba rgyas par 'byung ngo / /de dag la bdag tu nga rgyal ba bzhag pas na bdag ste/ nye bar len pa'i phung po lnga'o/ /nga'o snyam du nga rgyal ba ni nga'o snyam pa'i nga rgyal lo/ /khyad par gyi thob pa ma thob par zhes bya ba la/gal te thob pa ma thob par zhes bya ba'i don ci yin/ 'di ltar thob pa ni thob pa kho na yin no zhe na/ don ni yon tan de'i thob pa ma rnyed par zhes bya ba 'di yin te/ thob pa la yang thob pa yod do zhes bya ba ni grub pa'i mtha' yin pa'i phyir ro/ /khyim pa dang rab tu byung ba dang bzo dang tshul khrims la sogs pa dag gi sgo nas ches khyad par du 'phags pa bas bdag cung zad cig gis dman no snyam pa cung zad snyam pa'i nga rgyal lo//yon tan ma yin pa dang ldan pa la bdag yon tan dang ldan no snyam pa ni log pa'i nga rgyal lo zhes bya ba la/ yon tan ma yin pa ni yon tan gyi 'gal zla nyes par spyod pa dag ste/de'i phyir de ltar gyur cing yon tan ma yin pa dang ldan yang bdag yon tan dang ldan par sems shing nyes par spyad pas khengs pa ni log pa'i nga rgyal lo/ /mngon pa'i nga rgyal dang log pa'i nga rgyal gnyis la khyad par ci yod ce na/ khyad par ltar bcos pa'i yon tan gyis bslus pa'i gzhi dang bcas pa ni mngon pa'i nga rgyal yin la log pa'i nga rgyal yon tan med bzhin pa'i bdag yon tan dang ldan no snyam pa'i gzhi med pa ste/mngon pa'i nga rgyal ni sa bon dang bcas pa'o/ /log pa'i nga rgyal la sa bon med pa'o/ /nga rgyal rnam pa zhes bya ba ni nga rgyal gyi rnam pa'i bye brag ces bya ba'i don yin no//bdag dang 'dra'o snyam pa nga rgyal gyi rnam pa dang / bdag dman no/ /snyam pa nga rgyal gyi rnam pa zhes bya ba ni re re dang sbyar bar bya'o/ /ji ltar zhe na/ bdag dang 'dra'o snyam pa nga rgyal gyi rnam pa dang / bdag ngan no snyam pa nga rgyal gyi rnam pa zhes bya bar ro//phyi ma dag thams cad la yang re re la sbyar bar bya'o/ /ji ltar zhe na/ bdag pas mchog yod do snyam pa nga rgyal gyi rnam pa zhes bya ba la sogs par ro/ /de la dbang po gsum ni lta ba la brten pa zhes bya ba ni lta bas rab tu bcug pa'o de la bdag mchog yin no snyam pa ni 'jig tshogs la lta ba brten pa lhag pa'i nga rgyal gyi rnam pa'o//bdag dang 'dra'o snyam pa ni lta ba de la brten pa'i nga rgyal gyi rnam pa'o/ /bdag dman no snyam pa ni lta ba de la brten pa'i cung zad snyam pa'i nga rgyal gyi rnam pa'o/ /bdag pas mchog yod do snyam pa ni cung zad snyam pa'i nga rgyal gyi rnam pa'o/ / bdag dang mnyam pa yod do snyam pa ni nga rgyal gyi rnam pa'o/ /bdag pas dman pa yod do snyam pa ni lhag pa'i nga rgyal gyi rnam pa'o/ /bdag pas mchog med do snyam pa ni nga rgyal gyi rnam pa'o/ /bdag dang mnyam pa med do snyam pa ni lhag pa'i nga rgyal gyi rnam pa'o/ /bdag pas dman pa med do snyam pa ni cung zad snyam pa'i nga rgyal gyi rnam pa'o//de de ltar nga rgyal rnam pa dgu po de dag ni nga rgyal gsum las yin par rig par bya'o/ /gsum pa gang zhe na/ nga rgyal dang lhag pa'i nga rgyal dang cung zad snyam pa'i nga rgyal las so/ /gzhan yang 'di ni ye shes las 'jug pa las bshad pa'i lugs yin gyi zhes bya ba ni bdag mchog yin no snyam pa nga rgyal gyi rnam pa dang zhes bya ba la sogs pa thal ma thag tu bshad pa gang yin pa'o//dman pa dang mnyam pa dang khyad par du 'phags pa la ltos nas zhes bya ba la/ dman pa la ltos nas ni bdag mchog yin no snyam pa nga rgyal yin la/mnyam pa la ltos nas ni bdag mchog yin no snyam pa lhag pa'i nga rgyal yin zhing khyad par du 'phags pa la ltos na bdag mchog yin no snyam pa nga rgyal las kyang nga rgyal yin no/ /kha cig na re nga'o snyam pa'i nga rgyal dang log pa'i nga rgyal dag ni mthong bas spang bar bya ba yin la lhag ma rnams ni mthong ba dang bsgom pa dag gis spang bar bya ba yin no zhes zer ba de bsal ba'i phyir thams cad mthong ba dang bsgom pas spang bar bya ba dag yin no zhes bya ba smos so//thams cad smos pas ni lhag ma rnams kho nar ma zad kyi nga'o snyam pa'i nga rgyal dang log pa'i nga rgyal gnyis kyang mthong ba dang bsgom pas spang bar bya ba dag yin no zhes bstan par bya ba'i phyir ro//nges pa med de zhes bya ba la 'dir spangs pa kun du mi spyod pa 'am/ ma spangs pa kun du mi spyod do zhes bya ba'i gcig tu nges pa ni med de/ 'di ltar dad pa la sogs pa dang / gnyid dang sdug bsngal gyi dbang po dang mig la sogs pa dag spangs kyang kun du spyod pa la/cung zad cig ni ma spangs kyang kun du mi spyod de/ dper na gsod pa la sogs pa'i kun nas dkris pa lta bu'o/ /bsgom pas spang bar bya ba'i chos la dmigs pa'i phyir ro zhes bya ba la/ sems can la sogs pa gsad par bya ba la sogs pa gang yin pa de ni bsgom pas spang bar bya ba yin te/gzugs la sogs pa'i tshogs pa yin pa'i phyir ro/ /de'i phyir bsgom pas spang bar bya ba yin no/ /de la don du gnyer ba zhes bya ba khams gsum pa'i mi rtag pa de la ste/ don du gnyer ba ni mngon par 'dod pa'o/ /ji ltar de la don du gnyer bar 'gyur zhe na/'jig rten pa'i lta ba'i dbang du mdzad nas mdo las ji skad du/ bdag 'di ji srid gson zhing 'dug la/ sdod cing 'tsho ba de srid du nad dang bcas pa/ 'bras dang bcas pa/ zug rngu dang bcas pa/ rims nad dang bcas pa/ yongs su gdung ba dang bcas pa ste/ 'di ltar bdag 'di chad par gyur cing zhig par gyur la/'byung bar mi 'gyur na/ de tsam gyis bdag 'di yang dag par kun nas chad pa yin no snyam du sems so zhes gsungs pa lta bu'o/ /khams gsum pa smos pa ni zag pa med pa'i chos mi rtag pa nyid bsal ba'i phyir te/ 'di ni sred pa'i gzhi'i gnas su gyur pa ma yin pas sel ba yin no//de bzhin zhes bya ba'i sgras ni skye ba'i srid pa'i phyogs bdag ni glang po che'i rgyal po sa srungs kyi bur gyur kyang ci ma rung zhes bya ba de lta bu la sogs pa gzung ngo zhes bya ba la/ sogs pa zhes bya ba'i sgras ni lha ma yin gyi dbang po dang / bud med rin po che dang /byang gi sgra mi snyan la sogs pa bsdu'o/ /phyogs smos pas na dbang po 'am 'khor los sgyur bar gyur kyang ci ma rung snyam pa de lta bu ni kun du 'byung ba yin no/ /nga rgyal gyi rnam pa zhes bya ba rgyas par 'byung ba ni/ mthong dang bsgom pas zad bya ba/ /zhes 'byung ba'i phyir ro/ /'phags pa la ni nga'o snyam pa'i nga rgyal dang /nga rgyal gyi rnam pa bsgom pas spang bar bya ba dag ma spangs kyang kun du mi 'byung ngo / /de dag ma spangs kyang zhes bya ba ni gsod pa la sogs pa'i kun nas dkris pa la sogs pa'i nga rgyal gyi mthar thug pa dag go/ /'jig tshogs la lta bas rgyas par 'gyur ba yin no zhes bya ba ni 'jig tshogs la lta ba'i sgo nas 'jug pa'i phyir ro//log par lta bas rgyas par 'gyur ro zhes bya ba la rgyu dang 'bras bu'i 'brel ba la log par zhugs pa ni sdig pa rnams byed do/ /rgyas par ni spel ma dang phan btags zhes bya ba'i tha tshig go/ /mi dge ba'i 'gyod pa ma yin no zhes bya ba la/ngan par byas pa ni lus dang ngag gi las kyi rang bzhin yin pa'i phyir bsgom pas spong bar bya ba yin la/ le lo yang de la dmigs pa'i yid la gdags pa yin pas de yang bsgom pas spang bar bya ba kho na'o/ /'phags pa la ni de 'byung ba yang ma yin te/ the tshom gyi kun nas bslang ba'i phyir la de yang mthong ba'i lam gyis spangs zin pa'i phyir ro//rked pa bcag pa'i phyir zhes bya ba ni rten bcom pa'i phyir te/ de dag gi rten ni 'jig tshogs la lta ba la sogs pa dag yin te/ gsos 'debs par byed pa yin pa'i phyir ro/ /de ni chags pa yin te/ 'phags pas 'jig tshogs la lta ba la sogs pa rnams spangs pa'i phyir ro//'di skad bshad par 'gyur te/ de la gsos 'debs par byed pa'i nyon mongs pa med pa'i phyir slar skye mi nus so/ /sdug bsngal rgyu mthong spang bya ba/ /zhes bya ba rgyas par 'byung ste/ dngos po rnam pa lnga'i rgyu'i dngos por nye bar 'gro ba'i phyir kun du 'gro ba zhes bya'o//lta ba bdun ni sdug bsngal mthong bas spang bar bya ba lnga dang / kun 'byung mthong bas spang bar bya ba gnyis po log par lta ba dang lta ba mchog tu 'dzin pa'o/ /the tshom gnyis zhes bya ba ni sdug bsngal mthong bas spang bar bya ba dang / kun 'byung mthong bas spang bar bya ba'o//ma rig pa gnyis zhes bya ba ni sdug bsngal dang kun 'byung mthong bas spang bar bya ba dag ste/ nyon mongs pa gzhan dang mtshungs par ldan pa dang / ma 'dres pa sdug bsngal mthong bas spang bar bya ba gcig tu byas nas so/ /kun 'byung mthong bas spang bar bya ba yang de ltar byas nas yin no//de ltar sdug bsngal mthong bas spang bar bya ba kun du 'gro ba bdun yin la/ kun 'byung mthong bas spang bar bya ba bzhi yin te/ de ltar na bcu gcig tu 'gyur la yang khams kyi dbye bas ni sum cu rtsa gsum du 'gyur te/ gsum las re re bcu gcig bcu gcig tu byas pa'i phyir ro//ma 'dres pa kho na ste zhes bya ba la/ 'grogs pa ni 'dres zhes bya'o/ /'dres pa med pa nas ma 'dres pa ste/ logs shig tu gyur pa zhes bya ba'i don to/ /'di skad du bcom ldan 'das ma 'dres la/ dge slong gi dge 'dun ma 'dres zhes gsungs te/ bcom ldan 'das kyang logs shig dge slong gi dge 'dun yang logs shig go zhes bya ba'o//'dres pa med par spyod pas na ma 'dres pa ste/ nyon mongs pa gzhan dang lhan cig mi 'byung ba zhes bya bar bsams pa'o/ /ci'i phyir/ sdug bsngal dang kun 'byung mthong bas spang bar bya ba'i ris kho na kun du 'gro bar 'dod ce na/zag pa dang bcas pa'i dngos po thams cad la dmigs pas bsags pa nye bar bstan pa'i phyir dang blo gcig cing bya ba gcig pa'i phyir stobs dang ldan par bya ba grub pa'i phyir ro/ /'gog pa dang lam mthong bas spang bar bya ba dag ni zlog pa yin pas stobs chung ba'i phyir thams cad du 'gro bar nus pa ma yin no//ci'i phyir sdug bsngal dang kun 'byung mthong bas spang bar bya ba 'dod chags dang khong khro dang nga rgyal rnams kun du 'gro bar mi 'dod ce na/ de rnams ni rang gi mtshan nyid kyi nyon mongs pa yin pa'i phyir kun du 'gro ba ma yin no/ /bsgom pas spang bar bya ba nyon mongs pa can rnams kyi rgyu yin par ji skad ltar shes she na bdag tu lta ba'i dbang gis yul la 'dod chags la sogs pa 'phel ba'i phyir dang /de med na yul la 'dod chags la sogs pa srab par snang ba'i phyir ro/ /lung las kyang mthong bas spang bar bya ba'i rgyu las byung ba'i chos rnams gang zhe na/ chos nyon mongs pa can rnams so zhes 'byung ngo / /rang gi khams mtha' dag la dmigs pa'i phyir zhes bya bas ni kun du 'gro ba yin par 'gyur ro/ /lta ba gzhan dag la rang gi khams mtha' dag la dmigs pa srid par 'gyur gyi/ tshul khrims dang brtul zhugs mchog tu 'dzin pa la ni ma yin no snyam ste 'dri ba ni su zhig 'dod pa'i khams mtha' dag gis zhes bya ba rgyas par 'byung ste/mtha' dag gis zhes bya ba ni gnas nyi shu dbye bas tha dad pas so/ /mtha' dag rgyu ma yin pa la rgyur yid ches par 'gyur zhes bya ba ni/ 'dod pa'i khams zhes bya bar sbyar ro/ /gang la tshul khrims dang brtul zhugs mchog tu 'dzin pa kun du 'gro bar rnam par gzhag par 'gyur ba zhes bya ba bsams pa'o//gnas kyi dbye bas tha dad pas mtha' dag cig car du dmigs so zhes ni mi zer ro/ /'on kyang rnam pa lnga char po yang mtha' dag cig car du dmigs pas kun du 'gro ba yin par smra ba'o//gal te rnam pa lnga po nyid 'dod pa'i khams pas 'dir lan ci zhig btab par 'gyur zhe na/ lan ni rnam pa lnga'i cha la cig car du dmigs so zhes bya ba 'di yin no/ /de lta na yang gang la bdag tu lta ba yod pa de la bdag la sred pa yod la zhes bya ba ni nye bar len pa'i phung po lnga la bdag tu lta ba yod pa de dag kho na la bdag la sred pa yod de/de dag ni bdag tu mngon par zhen pa'i gzhi yin pa'i phyir ro/ /gang la mchog dang dag par lta ba yod pa de la de don du gnyer ba yod cing des kyang nga rgyal du 'gyur bas zhes bya ba ni nye bar len pa'i phung po lnga'i mtshan nyid kyi dngos po gang la'o//mchog tu lta ba ni lta ba mchog tu 'dzin pa'o/ /dag par lta ba ni tshul khrims dang brtul zhugs mchog tu 'dzin pa'o/ /de la zhes bya ba ni mchog dang dag par lta ba'i gzhi la'o/ /mchog dang dag par lta ba'i gzhi de don du gnyer ba ni de don du gnyer ba sred pa ste/gzhi de mchog nyid dang dag pa'i rgyu nyid du mngon par 'dod pa'i phyir ro/ /des kyang nga rgyal du 'gyur zhes bya ba ni gang la mchog dang dag par lta ba yod pa des khengs par 'gyur ba'i phyir ro/ /de'i phyir sred pa dang nga rgyal dag ni mi 'dod kyang kun du 'gro ba nyid du 'gyur ro/ / da ni sred pa dang nga rgyal gnyis kun du 'gro ba nyid yin na spong ba mi srid par bshad pa ni de ltar yin na zhes bya ba rgyas par 'byung ste/ 'dod chags la sogs pa gang dag gang zhig mthong bas spang bar bya ba'i dmigs pa can de dag ni de mthong bas spang bar bya ba yin la/ lhag ma ni bsgom pas spang bar bya ba dag yin zhing /'di gnyis ni mthong ba dang bsgom pas spang bar bya ba la dmigs pa'i phyir na/ mtshan nyid 'di'i sgo nas mthong bas spang bar bya ba nyid du mi 'grub cing / bsgom pas spang bar bya ba nyid kyang ma yin no/ /de'i phyir gnyi ga gang gis spang bar bya ba yin pa de brjod dgos so zhe na/de'i phyir bsgom pas spang bar bya ba yin no zhes bya ba smos so/ /de nyid la rgyu ni 'dres pa la dmigs pa'i phyir zhes bya ba ste/ gang dag gang zhig mthong bas spang bar bya ba'i dmigs pa can zhes bya ba der ni mthong bas spang bar bya ba 'ba' zhig gis dmigs pa can mthong bas spang bar bya ba nyid du bstan pa yin no//lhag ma ni bsgom pas spang bar bya ba dag yin zhes bya ba ni gang dag bsgom pa 'ba' zhig gis spang bar bya ba dang / gnyi ga la dmigs pa rnams so/ /de'i phyir 'dres pa la dmigs pa'i phyir 'di gnyis bsgom pas spang bar bya ba nyid du mi 'gal lo//yang na lta ba'i stobs bskyed pas bcug pa can nyid yin pa'i phyir zhes bya ba la/ lta ba'i stobs bskyed pa ni lta ba'i stobs bskyed pa ste nus pa'o/ /gnyis po de la des bcug pa'i ngang tshul yod cing / de'i dngos po yod pa ni lta ba'i stobs bskyed pas bcug pa nyid de de'i phyir ro/ /de bzhin du dag pa dang mchog gi stobs kyis de dag 'jug gi de dag la ma ltos pa dag ni ma yin te/'di'i phyir yang dag pa dang mchog tu lta ba ltar de nyid kyang mthong bas spang bar bya ba nyid kho na yin no/ /bye brag tu smra ba rnams na re nyon mongs pa 'di gnyis rang gi mtshan nyid pa yin gyi zhes bya ba rgyas par 'byung ste/gang la bdag tu lta ba yod pa de la bdag la sred pa yod mod kyi/ rang gi mtshan nyid kyi nyon mongs pa yin pa'i phyir/ thams cad du cig car ni ma yin pas lta ba ji lta ba bzhin du mtha' dag la dmigs pa ni ma yin no/ /'di ltar 'dod chags ni chags par bya ba'i dngos po la 'byung gi/khong khro ba'i dngos po la ni ma yin no/ /nga rgyal yang khengs pa'i dngos po kho na la 'byung gi /gzhan du ni ma yin no/ /skal ba mnyam pa'i khams kun du 'gro ba dag tu zhes bya ba rgyas par 'byung ngo / /'dir skal ba mnyam pa'i khams kun du 'gro ba zhes khyad par du byas pas skal ba mi mnyam pa'i khams kun du 'gro ba dag kyang yod do zhes khas blangs pa yin la/de dag kyang ci 'di dag las 'ga' zhig yin nam 'on te gzhan yin zhes mi shes pas de'i phyir/ de dag las dgu gong du dmigs zhes bya ba smos so/ /de lta na yang dgu po gang yin pa mi shes pas de'i phyir lta ba gnyis po ma gtogs so zhes bya ba smos so//res 'ga' ni gzugs kyi khams sam gzugs med pa'i khams kyang rung ste/ skal ba mi mnyam pa'i khams gcig la dmigs so/ /res 'ga' ni gsum gyi bar la ste/ mtha' dag la dmigs zhes bya ba'i tha tshig go/ /'di ltar 'dod pa na spyod pa'i log par lta ba ni don gyis/gzugs dang gzugs med pa na spyod pa'i sdug bsngal la skur pa 'debs la lta ba mchog tu 'dzin pas kyang mchog tu 'dzin to/ /tshul khrims dang brtul zhugs mchog tu 'dzin pas kyang rgyu ma yin pa ste rgyur 'dzin to/ /the tshom gyis ni som nyi za la/ ma rig pas rmongs te/ de bzhin du kun 'byung mthong bas spang bar bya ba dag kyang ci rigs par rig par bya'o/ /'di ni nges pa yin te/ 'dod pa'i khams dang bsam gtan bzhi pa na ni skal ba mnyam pa'i khams kun du 'gro ba yod do/ /bsam gtan gsum pa na ni gnyi ga'o/ /srid pa'i rtse mo ma gtogs pa'i sa lhag ma rnams na ni skal ba mi mnyam pa'i sa kun du 'gro ba rnams yod do//srid pa'i rtse mo na ni gnyi ga yang med de khams dang sa gzhan med pa'i phyir ro/ /gzugs dang gzugs med pa'i khams re re dang / bsdoms pa de dag gis dmigs pa yin pa yin no zhes bya ba 'di la bstan bcos khungs su smras pa ni 'dod pa dang ldan pa zhes bya ba rgyas par 'byung ba'o//'jig tshogs dang mthar 'dzin par lta ba gnyis ni skal ba mi mnyam pa'i khams kun du 'gro ba nyid yin pa mi bzod nas gang gi tshe 'dod pa'i khams na gnas pa zhes bya ba rgyas par smos so//bdag dang bdag gir mi 'dzin pa'i phyir dang zhes bya ba la/ sa dang khams gzhan du skyes pa la ni sa dang khams gzhan gyi phung po dag la bdag go snyam pa'i lta ba mi 'thad de/ lus gnyis khas blangs pa mi srid pa'i phyir ro/ /bdag tu 'dzin pa yod na bdag gir 'dzin par 'gyur ba'i phyir bdag gir lta ba yang mi 'thad de/'jig tshogs la lta ba'i rjes su 'brang ba'i phyir mthar 'dzin par lta ba yang de'i yul can du mi rung ste/ log lta de nas 'jig tshogs lta/ /de nas mthar 'dzin zhes 'chad par 'gyur ro/ /'o na 'di lta ba gang zhig yin zhes bya ba la/ gal te phung po dag la bdag gi rnam pa dang / rtag pa'i rnam par zhugs kyang / 'jig tshogs la lta ba dang mthar 'dzin par lta ba ma yin na 'o na gang tshangs pa la sems can du lta ba dang / rtag par lta ba 'di ni lta ba gang yin zhe na/ 'di ni lta ba ma yin gyi zhes bya ba rgyas par 'byung ngo / /'di ni 'jig tshogs la lta bas rab tu bcug pa'i log pa'i shes pa yin gyi lta ba ni ma yin te/log par dmigs pa'i shes rab thams cad ni lta bar mi 'dod do/ /'di ltar 'dod pa'i khams na gnas pa ni 'di snyam du bdag tshangs pa'o/ /bdag gi tshangs pa'o snyam du mi sems te/ de'i phyir 'jig tshogs la lta ba ni gong ma la dmigs pa ma yin no//mthar 'dzin pa'i lta bar yang mi rigs te/ de ni 'jig tshogs la lta bas kun nas bslang ba'i phyir ro/ /de'i rnam pa can gyi lta ba gzhan yang yod pa ma yin no/ /de dag dang ni lhan cig gang / /zhes bya ba rgyas par 'byung ste/ phra rgyas kun du 'gro ba dag dang lhan cig 'byung ba tshor ba la sogs pa dang /skye ba la sogs pa gang dag yin pa'i chos de dag kyang kun du 'gro ba yin te/ de dag dang 'bras bu gcig pa'i phyir ro/ /phra rgyas dag dang lhan cig 'byung yang 'thob pa dag ni ma yin te/ de dag dang 'bras bu gcig pa ma yin pa'i phyir ro//sngar mdzod kyi gnas gnyis par 'bras bu dang rnam par smin pa dang rgyu mthun pa gcig pa ma yin pa'i phyir ro zhes bshad do/ /de nyid kyi phyir zhes bya ba ni gang gi phyir lhan cig 'byung ba dag kyang kun du 'gro bar bzhag pa ste/ de'i phyir mu bzhir bya'o/ /mu dang po ni ma 'ongs pa'i phra rgyas kun du 'gro ba rnams te/'di dag ni de'i rang bzhin yin pa'i phyir kun du 'gro ba yin gyi/ kun du 'gro ba'i rgyus rgyu ni ma yin no/ /gnyis pa ni 'das pa dang da ltar byung ba'i lhan cig 'byung ba rnams zhes bya ba ni kun du 'gro ba dang lhan cig 'byung ba tshor ba la sogs pa dang / skye ba la sogs pa dag ste/ de dag ni kun du 'gro ba'i rgyus rgyu yin gyi kun du 'gro ba'i phra rgyas ni ma yin te/phra rgyas kyi rang bzhin gyis stong pa'i phyir ro/ /gsum pa dang bzhi pa dag ni sbyar bar bya'o zhes bya ba la/ mu gsum pa ni 'das pa dang da ltar byung ba'i phra rgyas kun du 'gro ba rnams te/ de dag ni kun du 'gro ba'i phra rgyas kyang yin la/kun du 'gro ba'i rgyus rgyu yang yin no/ /mu bzhi pa ni de dag dang lhan cig 'byung ba ma 'ongs pa rnams dang / chos gzhan rnams te kun du 'gro ba'i phra rgyas kyang ma yin la/ kun du 'gro ba'i rgyus rgyu yang ma yin no/ /'gog dang lam mthong spang bya ba/ /log lta the tshom de dag dang / /zhes bya ba 'byung ngo //de dag dang mtshungs par ldan pa'i ma rig pa zhes bya ba la/ /de dag dang ste log par lta ba dang the tshom gnyis dang mtshungs par ldan pa gang yin pa dang / ma 'dres pa'i ma rig pa gang yin pa de ni ma rig pa'i phra rgyas te gcig go/ /de ltar na de dag ni khams dang khams na zag pa med pa la dmigs pa drug yin pas bco brgyad du 'gyur ro//zag pa med pa la dmigs pa yin no zhes bshad kyi/ ji ltar zag pa med pa gang la dmigs pa ma bshad pas de'i phyir/ rang gi sa pa'i 'gog pa dang zhes bya ba la sogs pa 'di brjod de/ rang gi sa pa'i nyon mongs pa la sogs pa'i chos kyi 'gog pa yin gyi/rang gi sa pa'i 'gog pa ni 'ga' yang med de/ de'i phyir dgag par bya ba'i dbang gis de skad du brjod do/ /de'i spyod yul can gyi zhes bya ba la/ log par lta ba la sogs pa de dag la 'gog pa dang lam de gnyis spyod yul te/dmigs par yod pas na de dag ni de'i spyod yul can no/ /de las go rims bzhin du gsum gyi spyod yul te/ dmigs pa ni rang sa'i 'gog pa ste bdag gi sa pa'i 'gog pa yin la gsum gyi yul ni sa drug gi chos shes pa'i phyogs dang mthun pa'i lam dang / sa dgu'i rjes su shes pa'i phyogs dang mthun pa'i lam yin te/log par lta ba la sogs pa'i zhes bya bar sbyar ro/ /sa drug gi zhes bya ba la/ sa drug ni bsam gtan bzhi dang / mi lcogs pa med pa dang / bsam gtan khyad par can no/ /chos shes pa'i phyogs dang mthun pa zhes bya ba la/ 'dod pa'i sdug bsngal la sogs pa'i lam ni chos shes pa'i phyogs dang mthun pa zhes bya ba'o//thams cad yin te zhes bya ba la/ thams cad smos pa ni chos shes pa'i phyogs dang mthun pa gzugs dang gzugs med pa'i khams kyi gnyen po yang bsdu bar bya ba'i phyir te/ sa drug pa yang zhes bya bar rtags so/ / de nyid kyi phyir gzugs dang gzugs med pa'i khams kyi gnyen po yang yin no zhes bya ba smos so/ /ji ltar gzugs dang gzugs med pa'i khams kyi gnyen po yin zhe na/ bsgom pa'i lam la 'gog pa dang / /lam la chos shes gang yin te/ /khams gsum gyi ni gnyen po yin/ /zhes bshad par 'gyur ro//gzugs dang gzugs med pa na spyod pa sa brgyad po rnams kyi ste/ log par lta ba la sogs pa rnams kyi'o/ /sa brgyad ni bsam gtan bzhi dang gzugs med pa bzhi'o/ /sa dgu'i zhes bya ba ni mi lcogs pa med pa'i sa nas ci yang med pa'i skye mched kyi sa'i bar gyi'o/ /thams cad ces bya ba ni gzugs dang gzugs med pa'i khams kyi gnyen po'i lam mo//yang ci'i phyir de dag gi spyod yul can rnams kyi dmigs pa 'gag pa ni rang gi khams kho na yin la/ lam ni sa drug pa'am/ sa dgu pa yang de dag gi dmigs pa yin zhe na/ de la gtan tshigs bstan pa ni lam ni phan tshun rgyu yin pa'i phyir ro zhes bya ba'o//mi lcogs pa med pa'i lam ni ci yang med pa'i skye mched kyi sa'i bar gyi skal ba mnyam pa'i rgyus rgyu yin te/ ji skad du/ sa dgu'i lam ni phan tshun du/ mnyam dang khyad par can gyi yin/ /zhes bshad pa lta bu'o/ /'di ltar sa drug pa'am/ dgu pa yin pa gang rung cig la skur pa btab na thams cad la skur pa btab pa byas par 'gyur la/gcig la the tshom mi za 'am rmongs na thams cad la the tshom za 'am rmongs par 'gyur ro/ /de ltar na 'o na ni rjes su dran pa'i phyogs dang mthun pa'i lam yang / 'dod pa na spyod pa'i log par lta ba la sogs pa lam la dmigs pa rnams kyi dmigs par 'gyur la/chos shes pa'i phyogs dang mthun pa yang gzugs dang gzugs med pa na spyad pa rnams kyi dmigs par 'gyur ro zhe na/ de'i phyir gal te chos shes pa dang rjes su shes pa dag kyang phan tshun rgyu yin mod kyi rjes su shes pa 'dod pa'i khams kyi gnyen po ni ma yin pas zhes bya ba smos so//'di skad du bstan par 'gyur te/ lam phan tshun du rgyu nyid yin du zin kyang / log par lta ba la sogs pa rnams ni rang gi khams kyi gnyen po kho na la dmigs pa yin no/ /'o na ni chos shes pa zhes bya ba rgyas par 'byung ba ni gal te rang gi khams kyi gnyen pos nges par byas pa yin na ni snyam du bsams pa'o//mtha' dag kyang gnyen po ma yin zhes bya ba la sogs pa la bye brag 'di ni mtha' dag dang mtha' dag ma yin pa nyid kyi gnyen po byas pa yin te/ chos shes pa de mtha' dag ni gnyen po ma yin no/ /ci'i phyir zhe na/ sdug bsngal dang kun 'byung la chos shes pa dag de dag gi gnyen po ma yin pa'i phyir ro//bsgom pa'i sa pa sdug bsngal la chos shes pa'am/ kun 'byung la chos shes pa ni khams gsum pa'i gnyen por gyur pa yod pa ma yin te/ de'i phyir gzugs dang gzugs med pa na spyod pa'i log par lta ba la sogs pa rnams ni chos shes pa la dmigs pa ma yin no//gzhan yang mtha' dag gi yang ma yin no zhes bya ba rgyas par 'byung ste/ chos shes pa de ni gzugs dang gzugs med pa mtha' dag gi gnyen po yang ma yin no/ /ci'i phyir zhe na/ mthong bas spang bar bya ba rnams kyi gnyen po ma yin pa'i phyir ro/ mthong ba'i lam la chos shes pa ni mthong bas spang bar bya ba'i gzugs dang gzugs med pa na spyod pa'i gnyen por gyur pa yod pa ma yin no//mthong bas spang bar bya ba spangs pa la spyir bsgom pa'i sa la 'gog pa dang lam la dmigs pa'i chos shes pa khams gsum gyi gnyen por gyur pa skye ba yin la/de mthong bas spang bar bya ba dag spong ba 'grub pa yang mi 'gyur te/ sngar spangs zin pa'i phyir ro/ /dang po med pa'i phyir dang zhes bya ba la/ sdug bsngal dang kun 'byung la chos shes pa gzugs dang gzugs med pa'i gnyen por gyur pa dang po dag med pa'i phyir ro/ /dang po rnams kyi zhes bya ba la/mthong bas spang bar bya ba gzugs dang gzugs med pa na spyod pa rnams kyi gnyen por gyur pa'i chos shes pa med pa'i phyir ro/ /'dir mthong bas spang bar bya ba rnams ni bsgom pas spang bar bya ba'i nyon mongs pa la ltos nas dang po nyid du mngon par 'dod do/ /'dod chags ni spang bar bya ba yin na zhes bya ba rgyas par 'byung ste/'dod chags ni thar pa 'dod pa rnams kyis gcig tu spang bar bya ba yin no/ de gal te zag pa med pa la dmigs pa yin na ni thar par 'dod par zhugs pa'i phyir dge ba'i chos la 'dun pa ltar rnal 'byor pa rnams kyis spang bar bya ba ma yin par 'gyur ro/ /'dun pa'i 'dod chags kyi gzhi ni spang bar bya ba yin pa'i phyir zag pa med pa yang spang bar bya bar 'gyur te/'dod chags kyi dmigs pa yin pa'i phyir ro/ /bcom ldan 'das kyis kyang 'dun pa'i 'dod chags spangs na de lta na khyed kyi gzugs de spong bar 'gyur ro zhes gsungs so/ /de'i phyir zag pa med pa la dmigs pa'i 'dod chags med do//'gog pa dang lam dag ni de lta ma yin no zhes bya ba ni gnod pa byed pa'i rgyu mtshan dang bral ba'i phyir ro/ /nga rgyal yang khengs pa'i mtshan nyid can yin pa'i phyir ma zhi ba yin na/ zag pa med pa'i chos rnams ni rab tu zhi ba yin pa'i phyir des khengs par 'gyur bar mi 'os so/ / bdag gis ni chos de dag thob bo snyam du de ltar nga rgyal skyes par gyur na/ zag pa med pa'i blo ni de lta ma yin no/ /de'i gnyen po yin pa'i phyir ro/ /yang dag pa'i don du dag pa yin pa'i phyir zhes bya ba la/ 'gog pa ni yang dag pa'i don gyis ni dag pa yin te/ nyon mongs pa'i dri ma spangs pa'i bdag nyid yin pa'i phyir ro//lam yang 'dis dag par byed pas na zhes bya ba yin pa'i phyir ro/ /de gnyis ni mchog kyang yin te zhes bya ba la/ yang dag pa'i don du dag pa yin pa'i phyir 'gog pa'i dang lam de gnyis ni mchog yin no/ /dngos po dman pa la mchog tu 'dzin pa ni lta ba mchog tu 'dzin par rigs na/'gog pa dang lam gnyis ni de lta ma yin no/ /gzhan yang gal te mchog tu 'dzin pa gnyis zag pa med pa la dmigs pa yin na ni yang dag pa'i lta ba'i mtshan nyid can du 'gyur te/ zag pa med pa rnams ni dag pa yin pa'i phyir dang mchog yin pa'i phyir ro/ / de'i phyir mthong bas spang bar bya ba dag tu yang mi 'gyur te/ nyon mongs pa can ma yin pa'i phyir ro/ /du ni dmigs pa'i sgo nas rgyas par 'gyur/ du ni mtshungs par ldan pa kho na'i sgo nas rgyas pa 'gyur zhes bya ba la/ du ni dmigs pa kho na'i sgo nas zhes nges par bzung nas 'dri bar mi byed pa ni 'di ltar gang dag dmigs pa'i sgo nas rgyas par 'byung ba de dag ni gdon mi za bar mtshungs par ldan pa'i sgo nas kyang rgyas par 'gyur ro//phra rgyas kun du 'gro rnams ni/ /zhes bya ba rgyas par 'byung ngo / /kun du 'gro ba ni rnam pa gnyis te/ rang gi khams dang sa kun du 'gro ba dang skal ba mi mnyam pa'i khams dang sa kun du 'gro ba'o//kun du 'gro ba ma yin pa yang rnam pa gnyis te/ zag pa dang bcas pa la dmigs pa dang / zag pa med pa la dmigs pa'o/ /thams cad du zhes bya ba ni rnam pa lnga char du yang ste/ sdug bsngal mthong bas spang bar bya ba nas bsgom pas spang bar bya ba'i bar la'o/ /spyir btang ba byas nas zhes bya ba la/'dir spyir btang ba gang yin zhe na/ dmigs pa'i sgo nas rang gis thams cad du ni rgyas par 'gyur zhes bya ba'o/ /ji ltar 'di spyir bstan pa yin zhe na/ 'dir sa ni yul la mngon par 'dod de/ rang gi sa ni rang gi yul zhes bya ba'i tha tshig go/ /dmigs kyis bsal ba ni/ zag med gong ma'i yul can min//zhes bya ba rgyas par smos pa'o/ /'di dag la mtshungs par ldan pa'i sgo nas rang gi tshogs la rgyas pa'i dngos po yod de/ gang zhig gang dang mtshungs ldan pa/ /de ni de mtshungs ldan sgo nas/ /zhes 'chad do/ /rgyas par 'gyur bar nus te zhes bya ba ni 'phel ba 'am gnas par nus zhes bya ba'i don te/ser dang bcas pa'i zhing la sa bon dag dang / snam bu gsher ba la rdul chags pa bzhin no/ /'dir bdag tu lta ba ni zag pa med pa'i dngos po dang / sa gong ma la 'jug pa nyid yod pa ma yin no/ /sred pa yang ma yin te/ 'di ni 'dod chags min te spang bya'i phyir//zhes bya ba la sogs pa bstan zin to/ /de'i phyir de dag gi yul can gyi phra rgyas rnams ni de la gnas pa ma yin pas rgyas par mi 'gyur ro zhes brjod do/ /gal te sred pas bdag gir ma byas na ji ltar 'di na gnas pas de don du gnyer bar byed ce na/ de'i phyir gang zhig 'di na gnas la zhes bya ba la sogs pa smos so//de ni dge ba'i chos la 'dun pa yin no zhes bya ba la/ zag pa med pa don du gnyer ba sred pa ma yin pa ni bstan zin to/ /de dag ni de rnams kyi rjes su mthun pa ma yin te zhes bya ba la/ de dag ni zhes bya ba 'di ni 'gog pa la sogs pa dag dang sbyar ro//rlung nad can la kha zas rtsub mo rgyas par mi 'gyur ba bzhin no zhes bya ba ni/ dper na rlung nad can la kha zas rtsub bag rgyas par mi 'gyur ro zhes smras na/ lus dang mthun par mi 'gyur ro/ /zhes bya bar go ba de bzhin du 'dir yang phra rgyas kyi don ni mthun pa'i don du rtogs par 'gyur ro/ / yang mtshungs par ldan pa'i sgo nas ji ltar zhe na/ gang zhig gang dang mtshungs ldan pa/ /de ni de mtshungs ldan sgo nas/ /zhes bya ba smos so/ /chos gang dang ni sems sam/ tshor ba la sogs pa'i dang ste/ der ni de mtshungs par ldan pa'i sgo kho na nas rgyas par 'gyur ro/ /ni zhes bya ba'i sgra ni ji srid du ma spangs zhes khyad par du byas pa'i phyir ro//lta yod dam zhes bya ba ni dri ba'o/ /yod de skal ba mi mnyam pa'i sa kun du 'gro ba zhes bya ba ni lan te/ bdag gir ma byas gnyen po'i phyir/ /zhes bya ba de kho na ltar ro/ /skal ba mi mnyam pa'i sa kun du 'gro ba rnams ni bsam gtan gsum dang /gzugs med pa gsum na yod kyi/ 'dod pa'i khams na ni med de/ sa'i dbye ba med pa'i phyir ro/ /bsam gtan bzhi pa na yang med la/ srid pa'i rtse mo na yang med de/ sa gzhan med pa'i phyir ro/ /yang ji ltar phra rgyas dag mtshungs par ldan pa'am dmigs pa'i sgo nas rgyas par 'gyur zhe na/ji ltar dug dang 'dres pa chang skyon can yin la/ yon tan mtshungs pa dug gi nus pa 'phel bar byed pa de bzhin du 'du byed zag pa dang bcas pa rnams kyang yon tan mtshungs pas nyon mongs pa'i mthu 'phel bar byed pa/ ji ltar sman dang 'dres pa'i dug nus pa nyams par 'gyur ba ltar zag pa med pa la dmigs pa'i nyon mongs pa rnams de dang 'dra'o//de nyid kyi phyir zag pa med pa la dmigs pa'i log par lta bas dge ba'i rtsa ba kun du gcod par mi 'gyur ro/ /re zhig mtshungs par ldan pa'i sgo nas ni de lta bu'o/ /dmigs pa'i sgo nas ni glags tshol ba'i dgra dang mig dug ltar te/de ltar dmigs pa'i sgo nas rgyas par 'gyur ro/ /gong ma thams cad lung ma bstan zhes bya ba la/ gong ma thams cad lung du ma bstan pa kho na yin no zhes bya bar nges par gzung bar bya'o/ /gong ma kho na lung du ma bstan pa ni ma yin no/ /gzugs dang gzugs med pa na spyod pa thams cad phra rgyas yin yang ting nge 'dzin gyis btul ba'i phyir rnam par smin pa'i 'bras bu grub par mi nus pas lung du ma bstan pa yin te/de lta ma yin na gzugs med pa'i khams dag tu yang / tshor ba yid du 'ong ba skye bar thal bar 'gyur ro/ /de yang de gnyis na med de zhes bya ba la de zhes bya ba 'di ni sdug bsngal dang sbyar ro//de gnyis na zhes bya ba ni gzugs dang gzugs med pa gnyis na'o/ /ci'i phyir med ce na/ de'i phyir gzhan la gnod pa'i rgyu med pa'i phyir ro zhes bya ba smos te/ gzhan la gnod pa'i rgyu ni khro ba dang gnod sems dang rnam par 'tshe ba la sogs pa dag yin na/'dod pa'i khams kyi gong na ni de dag srid pa yang ma yin no/ /sbyin pa la sogs pa dang mi 'gal ba'i phyir te zhes bya ba ni 'jig tshogs la lta ba'i dbang du byas nas bshad pa ste/ 'jig tshogs la lta ba ji lta bar de dang mtshungs par ldan pa'i ma rig pa yang de dang 'dra'o/ /sogs pa zhes bya ba smos pas ni tshul khrims la sogs pa bsdu'o//'gal ba med pa ni bdag bde bar gyur cig ces de ltar zhugs pa'i phyir ro/ /chad par lta ba yang thar pa'i rjes su mthun pa dag yin te zhes bya ba la de dang 'dra bar de dang mtshungs par ldan pa'i ma rig pa yang yin te/ thar pa ni phung po thams cad log pa'i mtshan nyid can yin pa'i phyir ro//de nyid kyi phyir zhes bya ba ni gang gi phyir thar pa dang rjes su mthun pa'i phyir ro/ /rang gi rdzas la kun du rmongs pa'i phyir/ /zhes bya ba ni nye bar len pa'i phung po lnga'i rdzas 'di la bdag dang bdag gi rnam pa dang / rtag pa dang chad pa'i rnam par log par nges par sems pa'i phyir kun du rmongs so//pha rol la gnod pa'i rnam par ma zhugs pa'i phyir zhes bya ba la ci zhe na/ 'jig tshogs dang mthar 'dzin par lta ba lung du ma bstan pa'o zhes bya bar skabs dang sbyar ro/ /mtho ris la srid pa dang / nga'o snyam pa'i nga rgyal dag kyang de ltar thal bar 'gyur ro zhes bya ba ni lung du ma bstan par thal bar 'gyur ro//mtho ris la sred pa yang sbyin pa la sogs pa dang mi 'gal la/ nga'o snyam pa'i nga rgyal yang rang gi rdzas la kun du rmongs shing pha rol po la gnod pa'i rnam par ma zhugs pas mtho ris la sred pa dang / nga'o snyam pa'i nga rgyal dag kyang lung du ma bstan par thal bar 'gyur na/'dod pa yang ma yin no/ /ri dgas dang bya rnams la yang yod pa gang yin pa zhes bya ba ni dper na bab col du sgra thos pas skrag pa'i rgyur 'gyur ba lta bu'o/ /rnam par brtags pa ni mi dge ba yin no zhes bya ba ni rig pa'i rnam par rtog pa sngon du 'gro ba ste/dper na mu stegs can ser skya dang 'ug pa pa la sogs pa rnams kyi lta bu'o/ /gzhan dag na re 'di yang mi 'thad de rnam par ma brtags pa'i don ni mthong bas spang bar bya ba nyid du mi 'thad pa'i phyir ro zhe'o/ /lhag ma rnams 'dir mi dge ba'o zhes bya ba la/ mi dge ba kho na'o zhes nges par bzung ba'i phyir brtsams so//'dir zhes bya ba smos pa ni 'dod pa na spyod pa'i lhag ma bsdu bar bya ba'i phyir ro/ /'dod chags thams cad dang zhes thams cad smos pa ni rnam pa lnga ste/ nye bar bsdu bar bya ba'i phyir ro/ /'jig tshogs dang mthar 'dzin par lta ba dang mtshungs par ldan pa'i ma rig pa ni kun du 'gro ba yin pa'i phyir mi dge ba'i rtsa bar 'gyur ba de'i phyir gang zhig mi dge ba yang yin la/mi dge ba'i rtsa ba yang yin pa zhes bya ba smos so/ /gal te mi dge ba sngar skyes pa thams cad phyi ma'i rgyu yin nam/ rgyu cis 'dod chags dang / zhe sdang dang / gti mug dag kho na mi dge ba'i rtsa ba nyid yin gyi/lta ba la sogs pa gzhan dag ma yin zhe na/ brjod par bya ste/ nyon mongs pa gang zhig phra rgyas rnam pa lnga'i rang bzhin yin la/ nye ba'i nyon mongs pa ma yin pa/ lus dang ngag gi las kun nas slong ba/ rnam par shes pa'i tshogs drug dang mtshungs par ldan pa/ dge ba'i rtsa ba kun nas gcod pa la stobs dang ldan pa'i rgyu yin pa de kho na mi dge ba'i rtsa ba yin gyi gzhan dag ni ma yin no//smras pa/ phra rgyas rnam pa lnga'i rang bzhin/ /lus ngag bya ba kun slong byed/ /rnam shes sngar rten dkar po'i rtsa/ /kun gcod 'dren pa mi dge'i rtsa'o/ /du ni lung du ma bstan pa'i rtsa ba dag yin zhes bya ba ni/du ni phra rgyas lung du ma bstan pa rnams kyi rtsa ba dag yin/ du ni ma yin zhes bya'o/ /sred pa zhes bya ba ni gzugs dang gzugs med pa na spyod pa'o/ /ma rig pa zhes bya ba ni gzugs dang gzugs med pa'i khams dag na yod pa thams cad dang / 'dod pa'i khams la 'jig tshogs la lta ba dang mthar 'dzin par lta ba dang mtshungs par ldan pa'o//tha na rnam par smin pa las skyes pa yang rung ste zhes bya ba ni gzugs kyi khams na nyon mongs pa thams cad dang mtshungs par ldan pa dang / rnam par smin pa dang spyod lam pa dang sprul pa'i sems dang mtshungs par ldan pa'o/ / gzugs med pa'i khams na ni nyon mongs pa thams cad mtshungs par ldan pa dang / rnam par smin pa'i sems dang mtshungs par ldan pa'o/ /'dod pa'i khams na ni 'jig tshogs dang / mthar 'dzin par lta ba'i bdag nyid dang / rnam par smin pa las skyes pa dang / spyod lam dang / bzo'i gnas pa dang /sprul pa'i sems dang mtshungs par ldan pa'o/ /rtsa ba'i don ni rgyu'i don te/ ma bsgribs la lung du ma bstan pa'i shes rab kyang rgyu nyid du rung bas de yang lung du ma bstan pa'i rtsa ba yin no/ /'jig rten na rtsa ba rnams ni brtan pa dang 'og na gnas pa dag yin par mthong ngo zhes bya ba la/ the tshom ni g.yo bas rnam pa gnyis su 'jug pa de'i phyir rtsa ba dang chos mi mthun pas rtsa ba yin par mi 'os so//nga rgyal ni khengs pa'i mtshan nyid can yin pas na mthor 'jug pa de'i phyir rtsa ba dang / chos mi mthun pas rtsa ba yin par mi 'os so/ /nyi 'og pa rnams ni lung du ma bstan pa'i rtsa ba bzhir zhes bya ba rgyas par 'byung ngo //de la sred pa shas che ba'i bsam gtan zhes bya ba la/ gang zhig ro myang ba dang mtshungs par ldan pa'i bsam gtan bsgom pa de ni sred pa shas che ba'i bsam gtan pa'o/ /lta ba shas che ba'i bsam gtan pa ni gang zhig bsam gtan la brten nas rtag pa la sogs pa'i lta ba bskyed pa'o//nga rgyal shas che ba'i bsam gtan pa ni bsam gtan des bdag ni bsam gtan bzhi thob pa yin gyi/ dge slong gzhan dag ni de lta ma yin no snyam du rlom pa'o/ /sred pa shas che ba'i bsam gtan pa nas/ nga rgyal shas che ba'i bsam gtan pa zhes bya ba'i don ci yin zhe na/'di la srid pa lhag pa'i bsam gtan bsgom pa'i ngang tshul yod pas na sred pa shas che ba'i bsam gtan pa'o/ /yang na sred pa shas che ba yang yin la/ bsam gtan pa yang yin pas sred pa shas che ba'i bsam gtan pa ste/ sred pa lhag pa zhes bya ba'i tha tshig go//lta ba dang nga rgyal shas che ba'i bsam gtan pa yang de dang 'dra'o/ /de dag kyang ma rig pa'i dbang gis 'gyur ro zhes bya ba la/ de dag ces bya ba ni bsam gtan pa gsum dang sbyar ro/ /de'i phyir ma rig pa yang lung du ma bstan pa'i rtsa ba yin no/ /bsam gtan la snyoms par 'jug pa de dag la lung du ma bstan pa dang 'brel pas nyon mongs pa kun du 'byung ba'i gnas skabs 'di dag bshad do//mdo las lung du ma bstan pa'i dngos po bcu bzhi gsungs pa zhes bya ba rgyas par 'byung ba ni/ 'jig rten rtag pa zhig gam/ 'jig rten mi rtag pa zhig gam zhes bya ba de lta bu la sogs pa'o//ci de dag lung du ma bstan pa'i phyir yin zhes bya ba ni dge ba yang ma yin mi dge ba yang ma yin pa'i phyir yin nam zhes bya ba'o/ /gzhag par bya ba'i zhes bya ba la/ smra bar bya ba ma yin pa yang lung du ma bstan par 'dod do/ /dri ba ni rnam pa bzhi ste zhes bya ba rgyas par 'byung ngo / /'chi dang skye dang khyad par 'phags//bdag gzhan la sogs lta bu yin/ /zhes bya ba ni 'chi ba bzhin dang / skye ba bzhin dang / khyad par du 'phags pa bzhin dang / bdag gzhan bzhin no zhes bya ba la/ go rims bzhin du mgo gcig tu lung bstan pa la sogs pa dag gi dper brjod par 'dod do//mgo gcig tu lung bstan par bya ba la ni 'chi ba dper brjod pa yin no/ /nyon mongs dang bcas pa rnams ni skye bar 'gyur gyi/ nyon mongs pa med pa rnams ni ma yin no zhes bya ba ni rnam par phye ste/ lung bstan par bya ba la dper brjod pa'o/ /gang la ltos te 'dri zhes bya ba ni dris nas lung bstan par bya ba la khyad par du 'phags pa nyid dper brjod pa'o//ci phung po rnams las sems can gzhan nam zhes bya ba ni gzhag par bya ba la/ bdag gzhan gnyis dper brjod pa yin no/ /gzhan dag na re zhes bya ba ni btsun par ma 'o/ /sems can thams cad 'chi bar 'gyur ro zhes bya ba 'di 'ba' zhig mgo gcig tu lung bstan par bya ba yin par ma zad kyi/thams cad skye bar mi 'gyur ro zhes bya ba 'di yang mgo gcig tu lung bstan par bya ba yin no/ /slob dpon gyis gang zhig ci zhes bya ba rgyas par lan 'debs so/ /gang zhig ci gang dag 'chi bar 'gyur ba de dag thams cad skye bar 'gyur ram zhes 'dri ba de la ni thams cad ni skye bar mi 'gyur gyi/'o na ci zhe na/ nyon mongs pa dang bcas pa skye bar 'gyur gyi/ nyon mongs pa med pa ni ma yin no zhes rnam par phye ste/ lung bstan par bya ba yin no/ /de'i phyir 'di mgo gcig tu lung bstan par bya ba yin no/ / btsun par ma de nyid kyis mi la yang gnyi ga yod de zhes bya ba smras te/ dman pa nyid dang / khyad par du 'phags pa nyid do/ /dper na rnam par shes pa ni zhes bya ba ni de nyid la dpe smras pa'o/ /rgyu yang yin 'bras bu yang yin zhes bya ba la/ rgyu dang 'bras bu ni rgyu dang 'bras bu la ltos nas rgyu yang yin 'bras bu yang yin par lung ston par byed do//slob dpon gyis gcig tu 'dri ba la zhes bya ba smos te/ khyad par du 'phags pa kho na zhig gam/ dman pa kho na zhig ces bya ba la/ dman pa'o zhe 'am khyad par 'phags pa'o zhes gcig tu lung du ma bstan pas de'i phyir mgo gcig tu lung bstan par bya ba ni mi rigs par smras pa bzhin no//de nyid kyi phung po rnams las sems can gzhan nam zhes bya ba la sogs pa smras so/ /slob dpon gyis gzhag par bya ba'i dri ba gang yin pa zhes bya bas bye brag tu smra ba'i phyogs gzhung 'dzugs par byed do/ /gzhag par bya ba nyid du lung ston pa zhes bya ba ni gzhag par 'os pas na gzhag par bya ba ste/de ji ltar na lung du ma bstan par 'gyur/ chos mngon pa pa'i lugs kyi dri ba rnam pa bzhi'i dper brjod pa/ bcom ldan 'das de bzhin gshegs pa zhes bya ba nas/ 'phags pa'i bden pa bzhi gdags pa'i bar ni mdo ji lta ba bzhin mgo gcig tu lung bstan par bya'o//don dang ldan pa'i phyir zhes bya ba don yang dag par ldan pa'i phyir ro zhes bya ba'i tha tshig go/ /g.yon can gyi zhes bya ba la rnam par phye ste/ lung bstan par bya ba'i 'dri ba'i tshig 'di ni g.yon can te/ rnam par tho 'tshams pa'i bsam pa can la dris nas lung bstan pa yang yin par rig par bya'o//rnam par dbye bar ni mi bya ste zhes bya ba ni 'das pa dag dang / ma 'ongs pa dag dang / da ltar byung ba dag dang zhes bya ba la sogs par te/ chos mang po zhig yod na zhes bya ba de tsam zhig ni brjod par bya'o/ /gang gi tshe de gnyis cung zad kyang mi 'dri'i zhes bya ba ni btsun par ma'i 'o//de gnyis zhes bya ba ni gang zhig chos dag smros shig ces smras pa dang / gang zhig g.yon can yin pa'o/ /gang gi tshe gnyis cung zad kyang mi 'dri bar chos dag smros shig ces gsol ba 'debs pa 'ba' zhig tu zad la/ chos ni gzugs la sogs pa rab tu dbye ba dang bcas pa rgyas pa 'di dag yin no zhes bya bar de dag la cung zad kyang lung mi ston gyi/'das pa dag dang ma 'ongs pa dag dang da ltar byung ba dag dang / chos mang po zhig yod na zhes bya ba rgyas par 'dri ba 'ba' zhig tu zad na de ji ltar de gnyis kyi dri ba yin/ ji ltar na lung du bstan pa yin slob dpon gyis gang zhig ces bya bas chos mngon pa pa'i phyogs gzhung 'dzugs par byed do//de mi shes pa gang zhig lam smros shig ces zer na ci de lam ma dris pa yin nam/ dri ba nyid kyis de lung bstan pa'i phyir zhes bya ba la/ 'dir chos kyi rnam par dbye ba mthar phyin na 'dri ba po'i mngon par 'dod pa'i don khong du chud pas de lung bstan par 'gyur ro//ji ltar zhe na/ dper na lam smros shig ces smras pas lam gang yin zhes smras par 'gyur ba de bzhin du chos dag smros shig ces smras pas chos gang yin zhes smras par 'gyur ro/ /dri ba nyid kyis de lung bstan pa'i phyir zhes bya la/chos mang po zhig yod na gang dag smra bar bya zhes dri ba nyid kyis de'am chos de rnams lung bstan pa'i phyir te/ chos mang po nyid du lung bstan pa'i phyir ro/ /ji ltar na dris nas lung bstan pa ma yin zhes bya ba ni dris nas lung bstan pa kho na yin no zhes bya bar bsams pa'o/ /ched du bsam par bya ba'i las byas nas ci zhig so sor yang dag par myong bar 'gyur zhes bya ba ni/ci bde ba'am/ sdug bsngal lam/ bde ba yang ma yin sdug bsngal yang ma yin pa zhig ces bya ba'o/ /rnam par phye ste lung bstan par bya ste/ ched du bsam par bya ba'i las ni rnam pa gsum yin pa'i phyir ro/ /bsam gtan gsum pa'i bar gyi ched du bsam par bya ba'i las dge ba zag pa dang bcas pa byas nas ni bde ba kho na so sor yang dag par myong bar 'gyur ro//gzhan dag na re bde ba yang ma yin sdug bsngal yang ma yin pa yang ngo zhe'o/ /bsam gtan bzhi pa la sogs pa'i ched du bsam par bya ba'i las byas nas ni bde ba yang ma yin sdug bsngal ba yang ma yin pa'o//ched du bsam par bya ba'i las mi dge ba byas nas ni sdug bsngal so sor yang dag par myong bar 'gyur ro/ /gal te 'di skad du bdag rags pa dag ces bya ba ni gzugs can zhes bya ba'i don te/ gzugs dang 'du shes dag ni don gzhan gyi dngos por mi 'gal lo//de lta yin na 'du shes gzhan yin no zhes smra bas khas blangs par 'gyur ro zhe na/ ma yin te gzugs la 'du shes don gzhan du gyur pa'i phyir dang / gzhan gyi gzugs la bdag tu btags pa'i phyir dang gzhan gyi lugs yin pa'i phyir ro/ /de ni de dang ldan pa yin no zhes bya ba la/dngos po rnam pa du ma yod mod kyi/ 'dir ni ldan pa'i dngos po kho na mngon par 'dod do/ /de yang rnam pa gnyis te rten dang dmigs pa nges pa dang / rnam par nges pas so/ /de la re zhig rten dang dmigs pa nges pa ni/ mig gi rnam par shes pa'i phra rgyas rnams kyis ni dmigs pa'i sgo nas gzugs dag dang ldan par byed la de dang mtshungs par ldan pa dag dang ni mtshungs par ldan pa'i sgo nas ldan par byed do//lus kyi rnam par shes pa'i phra rgyas rnams kyis ni/ dmigs pa'i sgo nas reg bya dang ldan par byed la/ de dang mtshungs par ldan pa dag dang ni mtshungs par ldan pa'i sgo nas ldan par byed pa'i bar du yang de dang 'dra'o//yid kyi rnam par shes pa'i phra rgyas rnams kyis ni dmigs pa'i sgo nas skye mched bcu gnyis dang ldan par byed la de dang mtshungs par ldan pa dag dang ni mtshungs par ldan pa'i sgo nas ldan par byed do/ /rten dang dmigs pa nges pa ni de lta bu'o/ / rnam par nges pa'i sdug bsngal mthong bas spang bar bya ba'i kun du 'gro ba rnams kyis ni dmigs pa'i sgo nas ris lnga dang ldan par byed do/ /de dang mtshungs par ldan pa dag dang mtshungs par ldan pa'i sgo nas ldan par byed do/ /kun du 'gro ba ma yin pa rnams kyis ni dmigs pa'i sgo nas ni rang gi sa pa dag dang ldan par byed do//de dang mtshungs par ldan pa dag ni mtshungs par ldan pa'i sgo nas ldan par byed do/ /de bzhin du thams cad la ci rigs par khong du chud par bya'o/ /'das pa dang ma 'ongs pa dang da ltar ba'i nges pas 'das pas ni gang dang ldan zhes bya ba nas da ltar byung bas ni gang dang ldan zhes bya ba'i bar de brjod par bya ste/rang gi mtshan nyid pa'i nyon mongs pa zhes bya ba la/ 'dod chags ni bde ba myong bar 'gyur ba'i rang gi mtshan nyid la dmigs pa yin te/ de'i phyir rang gi mtshan nyid pa'i nyon mongs pa zhes brjod do/ /khong khro ni sdug bsngal myong bar 'gyur ba'i rang gi mtshan nyid la dmigs pa yin la/nga rgyal yang bde ba myong bar 'gyur ba'i rang gi mtshan nyid la dmigs pa yin no/ /nyon mongs pa spyi pa zhes bya ba la/ bde ba dang sdug bsngal dang / bde ba yang ma yin sdug bsngal yang ma yin pa myong bar 'gyur ba'i dngos po la dmigs par 'gyur ba'i phyir na nyon mongs pa spyi pa zhes bya'o/ / yang na ris kyi rang gi mtshan nyid las te ji ltar zhe na/ sdug bsngal mthong bas spang bar bya ba'i 'dod chags dang khong khro dang nga rgyal rnams kyi dmigs pa ni sdug bsngal mthong bas spang bar bya ba kho na yin la bsgom pas spang bar bya ba rnams kyi bsgom pas spang bar bya ba kho na yin pa'i bar du yang de dang 'dra'o//lta ba dang the tshom dang ma rig pa rnams kyi dmigs pa ni ris lnga char yin te/ de'i phyir de dag la nyon mongs pa spyi pa zhes bya'o/ /'das pa dang da ltar byung ba'i 'dod chags dang khong khro ba dang / nga rgyal rnams zhes khyad par med par brjod pas ci rigs par rnam par shes pa'i tshogs drug pa dag yin par shes par bya'o//dngos po gang la zhes bya bas sdug bsngal dang kun 'byung dang / 'gog pa dang lam mthong bas spang bar bya ba dus gsum pa dang / bsgom pas spang bar bya ba'i dngos po la zhes ston to/ /dngos po de dang zhes bya ba ni bshad ma thag pa'i dngos po kho na dang sbyar te/ de dag ni rang gi mtshan nyid pa'i nyon mongs pa yin pa'i phyir/thams cad kyi thams cad la gdon mi za bar mi skye bas gang la skyes pa zhes khyad par du byas so/ /yid kyi de dag ma 'ongs pas kun dang / /zhes bya ba la/ yid kyi rnam par shes pa dang mtshungs par ldan pa'i 'dod chags la sogs pa dag ni ci rigs par kha cig ni 'das pa la dmigs pa yin la/kha cig ni da ltar ba la dmigs pa yin la/ kha cig ma 'ongs pa la dmigs pa yin te/ yid kyi yul ni dus gsum yin pa'i phyir ro/ /gzhan gyis rang dus pa zhes bya ba la/ rnam par shes pa'i tshogs lnga pa'i 'dod chags la sogs pa dag ni rang gi dus pa kho na la dmigs pas skye ste/de'i phyir ma 'ongs pa de dag gi dmigs pa ni ma 'ongs pa kho na'o/ /da ltar ba rnams kyi ni da ltar ba yin la/ 'das pa rnams kyi ni 'das pa yin pas/ de dag gis rang gi sa pa'i dmigs pa kho na dang ldan no/ /mi skye rnams kyi thams cad dang / / zhes bya ba la/ rnam par shes pa'i tshogs lnga pa'i 'dod chags la sogs pa mi skye ba'i chos can rnams ni kha cig gi dmigs pa ni 'das pa yin la/ kha cig ni da ltar ba yin zhing / kha cig gi ni ma 'ongs pa yin no/ /de dag gi yul ni 'pho bar 'gyur te/ mi skye ba'i chos can gyi nyon mongs pa ni lcam pa bzhin du yul mngon par phyogs pa kho nar gnas te/de'i phyir de dag ni thams cad ldan par brjod do/ /lhag ma kun gyis kun dang ldan/ /zhes bya ba la/ 'das pa dang ma 'ongs pa dang da ltar ba rnams kyis so/ /kun dang ldan zhes bya ba ni dngos po dus gsum pa rnam pa lnga char dang yang ngo / /de nyid la rgyu smras pa ni/nyon mongs pa spyi pa yin pa'i phyir zhes bya ba'o de dag ni thams cad kyi dngos po thams cad las skye ste/ des na 'das pa rnams kyis kyang 'das pa dang ma 'ongs pa dang da lta ba'i dngos po dang ldan no/ /de bzhin du ma 'ongs pa rnams dang / da ltar byung ba rnams kyis kyang 'das pa dang ma 'ongs pa dang / da lta ba'i dngos po dang ldan no/ /ci 'das pa dang ma 'ongs pa 'di rdzas su yod dam zhes bya ba ni da ltar ba dang 'dra bar rang gi ngo bo dang rang gi mtshan nyid kyis yod dam/ 'on te med ces bya ba ni da lta ba ltar rang gi ngo bos med ces bya ba'o/ /dus thams cad du yod pa'i phyir zhes bya ba ni/da ltar ba dang 'dra bar 'das pa dang ma 'ongs pa'i gnas skabs dag tu yang rang gi ngo bos yod pa'i phyir rtag pa nyid du thal bar 'gyur ro/ /ji ltar de dang zhes bya ba ni 'das pa dang ma 'ongs pa'i dngos po dang ngo / /nges zhes bya ba ni 'das pa dang ma 'ongs pa'i nyon mongs pas so/ /ldan pa'am bral ba yin zhes bya ba la/med pa ni med pa dang ldan pa'am bral bar mi rung ste/ gnyi ga yang ci yang med pa'i phyir ro/ /'dus byas kyi mtshan nyid dang ldan pa'i phyir 'dus byas rnams rtag pa nyid du dam mi 'cha'i zhes bya ba las 'dus byas kyi chos rnams ni 'dus byas kyi mtshan nyid kyi sgo nas dus su 'pho bar 'jug pa yin la/dus dag la 'jug pa rnams ni rtag pa nyid du yang mi rung ngo / /'das pa la sogs par bsnyad pa'i phyir yang 'du shes rnams rtag pa nyid ma yin no/ /gal te rtag par 'gyur na ni dngos po la sogs pa'i tha snyad nyid du mi rung ste/ nam mkha' la sogs pa bzhin no/ /gsal bar dam 'cha'o zhes bya ba ni da ltar ba ltar rang gi ngo bos yod pa nyid du'o//ci'i phyir de rnams kyis de de ltar dam 'cha' ste/ ci lung ngam rigs pa'am/ gnyi ga la brten nas yin zhes bya ba ni 'dri ba'i bsam pa'o/ /gsungs phyir zhes bya bas re zhig lung ston pa ste/ gang gi phyir 'das pa'i gzugs yod cing ma 'ongs pa'i gzugs yod pa zhes mgur nas 'das pa ma 'ongs pa yod pa nyid du gsungs so//da ltar byung ba ni nye bar ma bkod de/ gnyi ga la mi mthun par smra ba med pa'i phyir ro/ /rnam par shes pa ni gnyis la brten nas zhes bya ba rgyas par 'byung ste/ 'dir 'das pa dang ma 'ongs pa yod pa nyid du don gyis gsungs so zhes bya ba ni sngar dngos su gsungs pa las khyad par yin no//'dir ni mig dang gzugs la brten pa nas yid dang chos kyi bar la brten nas rnam par shes pa drug gi rten dang dmigs pa nges par brjod na/ gal te khyad par med par brjod kyang yul med par yang rnam par shes pa skye bar rtog na ni/de ltar na long ba la sogs pa rnams la rten med par yang rnam par shes pa skye bar ci ste mi rtog /khyad par gyi rgyu med pa'i phyir ro/ /dngos po med pa yul drug gi khongs su ma 'dus pas dngos po med pa'i yul can gyi blo yod pa ma yin no/ /de bas na dmigs pa med pa'i phyir rnam par shes pa nyid du yang mi 'gyur ro zhes bya ba la rnam par shes pa dngos po so sor rnam par rig pa yin na rnam par shes par bya ba med na ni 'dis cung zad kyang rnam par mi shes pas des na rnam par shes pa nyid du yang mi 'gyur ro//rang dang spyi'i mtshan nyid med na des ci zhig khongs su chud par bya zhing rnam par shes par bya ba yin/'bras bu skye ba'i tshe ni zhes bya ba rgyas par 'byung ste/ dge ba dang mi dge ba'i las 'gags nas yun ring du lon pa'i phyir 'gag na ni yod pa ma yin la/ de lta yin na rgyu med pa'i phyir rnam par smin pa'i 'bras bu mi skye ba zhig go/ /rgyu med pa ni skye bar mi rung ste/ ha cang thal bar 'gyur ba'i phyir ro//gdon mi za bar 'di khas blang bar bya dgos so zhes grag ste zhes bya ba rgyas par 'byung ste/ thams cad yod par smra ba zhes bya ba'i sgra ni bya ba'i rgyu mtshan can yin pa'i phyir ro/ /de nyid kyi phyir/ de yod smra ba'i phyir thams cad/ /yod par smra ba zhes bya ba smos so/ /dus gsum la thams cad kyi sgra nges par bkod pa'i phyir thams cad kyi sgra dus gsum brjod do//bde ba gzhan 'bras bu ma skyes pa yod pa nyid smra ba rnams ni rnam par phye ste smra ba'o/ /mdo sde pa rnams ni da ltar byang ba tsam smra ba'o/ /chos dus rnams su 'jug pa na dngos po gzhan du 'gyur gyi zhes bya ba ni ma 'ongs pa la sogs pa'i dngos po gzhan du 'gyur ba ste/'di ltar ma 'ongs pa'i dngos po 'dor zhing da ltar byung ba'i dngos por 'gyur la/ da ltar byung ba'i dngos po 'dor zhing / 'das pa'i dngos por 'gyur ro/ /rdzas gzhan du 'gyur ba ni ma yin no zhes bya ba ni rdzas kyi rang gi mtshan nyid gzhan du 'gyur ba ni ma yin pa ste/ dngos po dus rnams su 'jug pa ni rang bzhin 'khrul pa med pa'i phyir ro//yang ma 'ongs pa la sogs pa'i dngos po 'di ci zhig ce na/ gang las 'das pa dang ma 'ongs pa dang da ltar ba'i shes pa dang brjod pa 'jug pa'i yon tan gyi khyad par ro/ /dper na gser gyi snod ces bya ba ni de nyid la dpe gnyis po gser dang 'o ma ste/ kha dog la sogs pa'i tshogs pa'i yon tan dbyibs dang ro la sogs pa bstan par bya ba'i phyir ro/ /'di ltar gnyi ga yang kha dog la sogs pa tshogs pa'i bdag nyid yin la/ de la yang dpung rgyan dang gdu bu la sogs pa brjod pa'i rgyu mtshan yon tan dbyibs kyi bdag nyid tsam kho na zhig gzhan du 'gyur ba nyid yin gyi/kha dog ni ma yin no/ /de bzhin du 'o ma dang / zho dang dar ba la sogs pa'i brjod pa'i rgyu mtshan ro dang nus pa dang smin par byed pa dang / mthu rnams gzhan du 'gyur ba nyid yin gyi/ kha dog ni ma yin no/ /mtshan nyid gzhan du 'gyur ba pa ni mtshan nyid 'jug pa thob pa la ltos nas tha snyad 'dogs te/de nyid kyi phyir dper na skyes bu bud med cig la chags pa lhag ma rnams la 'dod chags dang bral ba ma yin pa bzhin no zhes bya ba smos te/ bud med cig la 'dod chags kyi lhag par zhen par 'gyur la/ bud med lhag ma rnams la 'dod chags kyi thob pa kho na yod kyi kun du 'byung ba ni ma yin pa lta bu'o//gnas skabs gzhan du gyur pa pa zhes bya ba la sogs pa 'byung ste/ gnas skabs la ltos nas tha snyad 'dogs te chos de gnas skabs gang na bya ba mi byed pa de na ni ma 'ongs pa zhes bya ba la/ gang na byed pa de na ni da ltar zhes bya'o/ /gang na byas nas 'gags pa de na ni 'das pa zhes bya'o//rdzas gzhan gyi sgo nas ni ma yin te zhes bya ba ni rdzas ni dus gsum char du yang tha mi dad pa'i phyir ro/ /'di gnas skabs la ltos nas tha snyad brjod de/ de nyid kyi phyir dper na ri lu gcig ces bya ba smos te/ sa'i ri lu'o/ /gcig gi shod mig tu zhes bya ba ni gcig gi gnas su'o//brgya'i shod mig tu zhes bya ba ni brgya'i gnas su'o/ /stong gi shod mig tu zhes bya ba ni stong gi gnas so/ /de rang bzhin gzhan du 'gyur ba ni ma yin gyi/ 'o na ci zhe na/ gnas kyi khyad par dang 'brel pa las grangs ston par byed pa'i ming gzhan du 'byung ngo / /gzhan dang gzhan du 'gyur ba pa ni zhes bya ba la sogs pa la/snga ma dang phyi ma la ltos nas gzhan dang gzhan zhes brjod kyi/ rang bzhin gzhan du 'gyur ba ma yin zhing / rdzas gzhan du 'gyur ba ni ma yin te/ 'das pa dang da ltar ba la ltos nas phyi ma ma 'ongs pa zhes bya ba la/ da ltar ba dang ma 'ongs pa la ltos nas snga ma 'das pa zhes bya zhing /snga ma dang phyi ma ste 'das pa dang ma 'ongs pa la ltos nas da ltar ba zhes bya'o/ /'di ni snga ma dang phyi ma la ltos nas tha snyad brjod de/ gang la snga ma kho na yod kyi/ phyi ma med pa de ni ma 'ongs pa yin la/ gang la phyi ma kho na yod kyi snga ma med pa de ni 'das pa yin zhing / gang la snga ma dang phyi ma yod pa de ni da ltar ba yin no//de nyid kyi phyir bud med cig la ma zhes kyang bya/ bu mo zhes kyang bya ba bzhin no zhes bya ba brjod de/ snga ma dang phyi ma la ltos nas yin gyi/ rdzas ni gzhan ma yin no/ /yongs su 'gyur bar smra ba'i phyir/ /zhes bya ba la sogs pa 'byung ste/ grangs can gyi grub pa'i mtha' ni chos can rdzas gnas bzhin du 'o ma'i chos mngar ba la sogs pa yongs su btang nas zho'i chos kyi bdag nyid du rnam par gnas par 'gyur la/zho'i chos yongs su btang nas/ dar ba la sogs pa'i bdag nyid du yongs su 'gyur ro zhes bya ba yin pa de bzhin du 'di'i yang rdzas ni ma 'ongs pa'i dngos po yongs su dor nas/da ltar ba'i dngos por 'gyur la/ da ltar ba'i dngos po yongs su dor nas kyang 'das pa'i dngos por 'gyur zhing / ma 'ongs pa la sogs pa'i dngos po rnams rdzas las don gzhan nyid kyang ma yin no zhes bya ba yin no/ /grangs can gyi phyogs la glan par bya'o zhes bya ba ni de'i dgag pa gang yin pa de ni 'di'i yang yin no zhes bstan pa yin la/grangs can gyi phyogs ni sngar mdzod kyi gnas gsum par bkag zin to/ /gnyis pa'i yang zhes bya ba ni btsun pa dbyangs sgrogs kyi'o/ /dus 'chol bar 'gyur te zhes bya ba ni gang zhig 'das pa'i dus su ma 'ongs par 'dod pa de ni ma 'ongs par yang 'gyur ro//ji ltar zhe na/ 'das pa'i mtshan nyid dang ldan la/ ma 'ongs pa dang da ltar ba'i mtshan nyid dag dang mi ldan pa ma yin pa ste/ ldan zhes bya ba'i tha tshig go/ /ma 'ongs pa dang da ltar byung ba yang de dang 'dra bar brjod par bya ste/re re yang dus gsum dang ldan pa'i phyir ro/ /skyes bu zhes bya ba rgyas par 'byung ste/ skyes bu bud med kyi gong bu gzhan la 'dod chags kun du 'byung zhing shas che ba ni bud med la chags pa zhes bya ba la/ ldan pa'i sgo nas ni 'dod chags dang bral ba zhes bya na/ chos la ni mtshan nyid kun du 'byung ba 'am mtshan nyid dang mi ldan pa med de/chos rnams kyi mtshan nyid dag ni dus rnams su 'khrul pa med pa'i phyir ro/ /de'i phyir 'dir dpe la dngos dang mtshungs pa ci zhig yod/ bzhi pa'i ste/ btsun pa sangs rgyas lha'i yang dus gcig la snga ma dang phyi ma'i skad cig ma yod de/de la snga ma dang phyi ma'i skad cig ma dag ni 'das pa dang ma 'ongs pa yin la/ dbus kyi ni da ltar byung ba yin pas 'das pa'i dus la yang dus gsum yod par 'gyur ro/ /de lta bas na de dag thams cad kyi nang na gsum pa bzang ste zhes bya ba ni bye brag tu smra ba rnams so/ /ji ltar bzang zhe na/gang gi phyir de ni bya ba yis/ dus rnams rnam gzhag ces bya ba smos so/ /gang gi tshe chos de bya ba mi byed pa de'i tshe ni ma 'ongs pa yin la zhes bya ba rgyas par 'byung ba ste/ bya ba yang mig la sogs pa rnams kyi ni lta ba la sogs pa'o/ /rnam par shes pa'i rnam par shes pa'o/ / gzugs la sogs pa rnams kyi ni rang gi dbang po'i spyod yul nyid do/ /slob dpon gyi de thams cad ni go na zhes bya ba rgyas par smos so/ /gal te 'das pa yang rdzas su yod la zhes bya ba rgyas par 'byung ste/ gal te 'das pa dang ma 'ongs pa da ltar ba bzhin du rang gi ngo bo kho nas yod na ni/ da ltar ba dang khyad par 'ga' yang yod pa ma yin pas de'i 'das pa dang ma 'ongs pa nyid nyams par 'gyur ro snyam du dgongs so/ /yod kyang da ltar las khyad par yod par bstan pa'i phyir bya ba yis/ dus rnams rnam gzhag ces bshad pa ma yin nam zhes bya ba rgyas par smos so/ /gal te de ltar na da ltar byung ba'i zhes bya ba la sogs pa la mig gi bya ba ni lta ba yin na/de yang de dang mtshungs par byed pa ma yin pas de'i tshe da ltar ba yang ma 'ongs par 'gyur ba'i phyir bya ba'i dus rnam par gzhag pa mi rigs so zhes bya ba ni dri ba'i bsam pa'o/ /'bras bu 'byin pa dang 'dzin pa yin no zhes bya bas ni/'di skad du/ lta ba la sogs pa'i bya bas ni dus rnam par gzhag pa ma yin gyi/ 'o na ci zhe na/ 'bras bu 'byin pa dang 'dzin pa'i bdag nyid kyis yin te/ 'khrul pa med pa'i phyir ro zhes bstan par 'gyur te/ lhan cig 'byung ba'i chos rnams ni de'i skyes bu byed pa'i 'bras bu yin la/de ma thag tu 'byung ba'i mig gi dbang po ni skyes bu byed pa'i 'bras bu dang / rgyu mthun pa'i 'bras bu de yin zhing / 'bras bu de yang 'byin pa dang 'dzin pa na da ltar ba zhes bya'o/ /'o na ni skal ba mnyam pa'i rgyu la sogs pa zhes bya ba ni/ skal ba mnyam pa dang / kun du 'gro ba dang /rnam par smin pa'i rgyu rnams so/ /'bras bu 'byin pa'i phyir dang zhes bya ba la rgyu mthun pa dang / rnam par smin pa'i 'bras bu 'byin pa'i phyir bya ba yod par thal bar 'gyur la/ de'i phyir 'das pa yang da ltar ba nyid du thal bar 'gyur ro/ /bya ba phyed du zhes bya ba la gal te 'bras bu 'byin pa dang 'dzin pa bsdus par bya ba 'dod na/de lta na yang phyed da ltar ba nyid du thal bar 'gyur ro/ /thams cad kyi tshe bya ba byed pa la gegs mi srid do snyam ste/ 'dri ba ni 'di yang brjod par bya dgos te zhes bya ba'o/ /de'i bdag nyid kho nar yod na zhes bya ba rgyas par 'byung ste/ da ltar ba'i rang bzhin de kho nar yod cing bdog na rtag tu bya ba byed pa la gegs su zhig byed de/gang gis na res 'ga' zhig bya ba mi byed par 'gyur ba/ su zhig gegs byed ces bya ba'i tha tshig go/ /gal te rkyen rnams ma tshogs pa yin no zhes bya ba la rgyu dang mtshungs pa de ma thag pa la sogs pa rnams ma tshogs pa yin te/de'i phyir thams cad kyi tshe bya ba byed par mi 'gyur ro zhe na/ rtag tu yod pa nyid du khas blangs pa'i phyir ro zhes bya ba ni rgyu la sogs pa'i rkyen de rnams dus thams cad du yod pa nyid du khas blangs pa'i phyir rkyen ma tshogs par brtag par mi rigs so/ /bya ba 'das pa dang zhes bya ba rgyas par 'byung ba la/'di skad bstan par 'gyur te/ gal te bya ba la bya ba gzhan zhig med par yang bya ba yin par 'dod na ni dngos po rnams kyang de ltar ma 'ongs pa la sogs par 'gyur te/ bya ba brtag pas ci zhig bya/ ji ste 'khrul pa'i skyon du 'gyur du 'ong bas bya ba la yang / bya ba gzhan 'dod na ni de lta na yang thug pa med pas thal bar 'gyur ro//'on te de ni 'das pa yang ma yin zhes bya ba rgyas par 'byung ngo / /de'i tshe ma 'ongs pa yin no zhes brjod par mi bya'o zhes bya ba la/ de 'dus ma byas yin pa'i phyir thams cad kyi tshe na yod par thal bar 'gyur ro/ /skyon der yang 'gyur ba zhig na zhes bya ba ni bya ba la yang bya ba yod par thal ba dang /'dus ma byas nyid do/ /gal te chos las bya ba gzhan zhig yin na ni zhes bya ba la/ chos las gzhan ma yin pa'i phyir na ni bya ba chos bzhin du 'dus ma byas ma yin la/ chos ltar de la bya ba gzhan yod pa ma yin pas thug pa med pa ma yin no//de lta na ni 'o na/ dus su mi rung ba de nyid du 'gyur te de nyid ni de nyid kyi dus rnam par gzhag pa'i rgyur mi rung ba'i phyir ro/ /de nyid bstan pa'i phyir gal te chos kho na bya ba yin na zhes bya ba rgyas par smos so/ /mi 'grub pa ci zhig yod ces bya ba 'byung ste/ dngos po'i rang gi ngo bo nyid ni dus rnam par gzhag pa'i rgyu nyid du mi 'dod de/'o na ci zhe na/ skyes pa dang ma skyes pa dang zhi ba'i gnas skabs dag tu dus rnam par gzhag pa'i rgyu nyid du khas len no/ /de'i tshe yang dus kyi rnam par gzhag pa mi 'grub bo/ /ci zhig mi 'byung bar 'gyur zhes bya ba la/ gang zhig ma skyes pas ma skyes pa zhes bya ba gzugs la sogs pa skyes pa ni sngon ma 'ongs pa'i gnas skabs su ci zhig ma byung bar gyur/ bya ba ma byung bar gyur to zhes bya bar 'dod na/ de lta yin na chos kho na ma byung bar gyur to zhes bya bar smras par 'gyur ro/ /ci'i phyir zhe na/ chos las bya ba gzhan ma yin pa'i phyir ro//gang zhig med pas zhig pa zhes bya ba phyis zhes bya ba ste/ 'das pa'i gnas skabs ni ci zhig med/ gal te bya ba med do zhe na/ phyis chos kho na med do zhes smras par 'gyur te/ chos las bya ba gzhan ma yin pa'i phyir ro/ /gal te ma byung ba la byung ba zhes bya ba mi 'dod phan chad de/cir 'gyur zhe na/ da ltar byung ba mi 'grub po/ /byung nas kyang yang mi 'byung bar mi 'dod phan chad ni 'das pa'i dus mi 'grub po/ /ma byung ba las byung ba dang / byung nas kyang ma byung ngo zhes de ltar 'dod na ni dus gsum 'grub ste/ gzhan du ni ma yin no//skye ba dang 'jig pa dag mi rung ba'i phyir zhes bya ba la/ 'das pa dang ma 'ongs pa gnyis rang gi ngo bos dus thams cad du yod pa'i phyir ji ltar skye ba dang 'jig pa dang ldan par 'gyur te/ de'i phyir 'das pa dang ma 'ongs pa 'dus byas kyi mtshan nyid dang ldan par mi rung ngo / /tshig gi tshul 'di ni sngon ma byung ba yin no zhes bya ba la/tshig gi tshul 'di ni snga phyi 'gal ba zhig ste/ thams cad kyi tshe yang yod la skye ba dang 'jig pa dag dang yang ldan no zhes bya ba 'dis ni 'gal ba zhig go/ /don de nyid shes par bya ba'i phyir tshigs su bcad pa ni/ rang bzhin yang ni rtag tu yod/ /ces bya ba ste/gzugs la sogs pa'i rang gi mtshan nyid gang yin pa de ni dus thams cad na yod par 'dod do/ /de lta na 'o na gzugs yod pa'i dngos po thams cad kyi tshe yod pa'i phyir rtag par thal bar 'gyur ro zhe na/ de'i phyir smras pa/ dngos po yang ni rtag mi 'dod/ /de lta na yang rang bzhin las dngos po gzhan du thal lo zhe na/de'i phyir/ rang bzhin las kyang dngos min gzhan/ /zhes bya ba smras so/ /dbang phyug tha snyad yin par gsal/ /zhes bya ba ni/ 'jig rten na rigs pa la mi ltos par 'dod rgyal tsam du zad pa'i phyir ro/ /dus rnams kun du yod nyid 'dod/ / zhig kyang ma skyes kyang mi 'dod/ /yod kyi gsum pa'ang yod ma yin/ /khyab 'jug sgyu 'phrul ci ste min/ /zhes mdo sde pa rnams la yang nyes pa nyid du 'gyur ro/ /slob dpon 'dus bzangs kyis 'das pa dang / ma 'ongs pa rnam par gtan la dbab pa la mang du brjod mod kyi/ gzhung mangs pa'i 'jigs pas de 'dir ma smras so//gang yang gsungs phyir zhes bya ba 'byung ngo / /slob dpon gyis kho bo cag kyang zhes bya ba smras te/ sngon byung ba gang yin pa de ni 'das pa yin gyi rang gi mtshan nyid kyis gnas pa ni ma yin no zhes ston to/ /rkyen yod na 'byung bar 'gyur ba ni ma 'ongs pa ste/yod pa ma yin pa yang snyam du bsams pa'o/ /de ltar byas nas yod do zhes bya ba'i zhes bya ba ni sngon byung ba dang / 'byung bar 'gyur ro/ /bye brag tu smra ba rnams na re skad dus su zer zhe'o/ /slob dpon gyis gzhan du na ji ltar yod ces smos so/ /'das pa dang ma 'ongs pa'i bdag nyid du yod mod ces bya ba ni bye brag tu smra ba rnams te/'das pa dang ma 'ongs pa'i rang bzhin du zhes bya ba'i don to/ /rgyu dang 'bras bu la skur pa 'debs pa'i lta ba dgag pa'i phyir zhes bya ba la rgyu la skur pa 'debs pa'i lta ba dgag pa'i phyir 'das pa yod do zhes bya bar gsungs la/'bras bu la skur pa 'debs pa'i lta ba dgag pa'i phyir ma 'ongs pa yod do zhes gsungs so/ /'das pa ni byung bar gyur to/ /ma 'ongs pa ni 'byung bar 'gyur ro zhes brjod par bya na/ yod do zhes ci ste/ rdzas kyi tshogs su 'gyur zhe na/ de'i phyir yod ces bya ba'i sgra ni tshig gi phrad yin pa'i phyir te zhes bya ba smos te/tshig gi phrad smos pa ni brjod pa'i ngo bo dgag pa'i phyir te/ dus gsum gyi yul can nyid du shes par bya ba'i phyir ro/ /gal te 'di brjod pa yin na ni 'dir 'di'i 'das pa yod do/ /ma 'ongs pa yod do zhes bya ba'i sbyor ba nyid du mi 'gyur te/da ltar gyi dus yin pa'i phyir ro/ /mar me snga na med pa yod do zhes bya ba rgyas par 'byung ste/ mar me'i snga na med pa rdzas su yod pa ma yin mod kyi/ 'on kyang yod par smra'o/ /dper na mar me de shi ba yod mod kyi/ kho bos ni ma bsad do zhes bya ba la smra ba po yod kyi/ yod do zhes bya ba'i sgra sbyar bas shi ba de yang yod do zhes bya ba ni ma yin no//de bzhin du 'das pa dang ma 'ongs pa yang rdzas nyid du med kyang yod do zhes gsungs so/ /de'i phyir yod do zhes bya ba'i sgra ni don yod pa can 'ba' zhig tu ma zad do zhes bya bar rtogs so/ /de lta ma yin na zhes bya ba la gal te byung ba ni 'das pa yin la/rkyen yod na 'byung bar 'gyur ba ma 'ongs pa yin zhes bya ba de ltar yod pa'i sgra brjod par mi 'dod par gyur na'o/ /de nyid kyi phyir 'das pa dang ma 'ongs pa mi 'grub pa kho nar 'gyur ro zhes bya ba smos so/ /da ltar ba bzhin du thams cad kyi tshe rang gi mtshan nyid kyis yod pa'i phyir ro/ / 'o na bcom ldan 'das kyis zhes bya ba rgyas par 'byung ste/ 'di ltar mdo las shA ri'i bu gang dag gis las 'das pa dang zad pa dang / 'gag pa dang bral ba dang rnam par 'gyur ba gang yin pa de ni med do zhes de skad du smras pa'i tshig de'i rang bzhin ma yin pa ni byis pa blun pa mi gsal ba mi dge ba rnams ji lta ba bzhin du kun du rgyu dbyug thogs thor tshugs can rnams kyis bab chol du so sor ma brtags par smras pa yin no zhes bya ba rgyas par gsungs nas/de ci'i phyir zhe na/ shA ri'i bu las 'das pa dang zag pa dang 'gags pa dang bral ba dang / rnam par 'gyur ba gang yin pa de ni yod do zhes gsungs na/ci de dag las de sngon byung ba nyid du mi 'dod par gyur tam/ de dag gis ni las de sngon du byung ba nyid du rtogs pa kho na yin gyi/ de'i rnam par smin pas 'jig pas 'gags pa ni rdzas su yod pa nyid du ma gtogs so/ /de'i phyir bcom ldan 'das kyis yod pa nyid du bstan pa'i phyir de ni yod do zhes gsungs so//de lta ma yin na bstan pa don med pa nyid du 'gyur ro zhes bya ba 'di ni re zhig bye brag tu smra ba'i mdo'i don bstan pa'o/ /slob dpon gyis rnam pa gzhan du bstan pa'i phyir de las ni zhes bya ba rgyas par smos so/ /de las ni zhes bya ba ni mdo las so/ /rgyud de las zhes bya ba ni las de rgyud gang du gtogs pa'o//des kun du drangs pa ni las des kun du drangs shing bskyed pa'o/ /de yang gang zhe na/ 'bras bu bskyed pa'i mthu yod pa'o/ /'di ltar las des rgyud 'bras bu khyad par can bskyed par nus par byed de/ de'i phyir bcom ldan 'das kyis las de 'gags kyang des kun du drangs pa 'bras bu bskyed pa'i mthu yod pa nyid bstan pa'i phyir de ni yod do zhes gsungs so//de lta ma yin te zhes bya ba ni gal te 'das pa yod pa nyid du ston na'o/ /rang gi ngo bo kho nar yod na zhes bya ba la sogs pa la/ las de rang gi mtshan nyid kyis yod na ni da ltar byung ba ji lta ba bzhin yin pas 'das pa 'grub par mi 'gyur ro//de'i phyir 'di las don du bzhed kyi snga ma ni ma yin no/ /de ni gdon mi za bar de lta bu yin par zhes bya ba la gang gi phyir bcom ldan 'das kyis mgur nyid nas 'das pa dang / ma 'ongs pa med do zhes gsungs pa de'i phyir mdo 'di'i don ni 'di kho na yin no zhes bya bar shes so//gal te da ltar gyi dus su zhes bya ba ni da ltar gyi dus su da ltar gyi dngos po ma byung ba las 'byung ngo zhes bya ba'i don to/ /mi rung ste dus ni dngos po las don gzhan ma yin pa'i phyir ro zhes bya ba ni de ltar ma yin te/ da ltar byung ba'i dus ni dngos po mig la sogs pa'i ming can las don gzhan ma yin pa'i phyir ro zhes bya ba ste/rdzas gzhan ma yin pa'i phyir ro zhes bya ba'i don to/ /da ltar gyi dus gang yin pa nyid dngos po yin te/ de'i phyir ji ltar da ltar ba de nyid rang gi bdag nyid las ma byung ba las 'byung bar 'gyur/ de skad du/ de dag nyid dus gtam bzhi dang zhes bshad do//ma 'ongs pa'i mig med do zhes bya ba 'di grub pa yin no zhes bya ba la/ gal te rang gi bdag nyid la ma byung ba las byung ba na ni de lta na mig ma byung ba las byung ngo zhes bya bar 'gyur la/ de'i phyir ma 'ongs pa'i mig med do zhes bya bar grub pa yin no/ /re zhig 'dir zhes bya bar rgyas par 'byung ngo //mig gi rnam par shes pa la sogs pa rnams kyi yul da ltar ba yin pa'i phyir rten ltar dmigs pa yang skyed par byed pa nyid yin pas yid kyi rnam par shes pa kho na nye bar bkod do/ /yid da ltar ba kho na de'i rkyen nyid du gnas pas skyed par byed pa'i rkyen yin pa ltar chos rnams kyang de dang 'dra 'am/gal te chos rnams skyed par byed pa'i rkyen yin no zhe na ni/ 'o na ma 'ongs pa bskal pa stong na 'byung ba zhes bya ba ni ma 'ongs pa nye ba yang skyed par byed pa'i rkyen du mi 'dod na/ shin tu bskal pa lta smos kyang ci dgos snyam du dgongs te/ 'bras bu snga la rgyu 'phyi'o snyam du rtog pa ni rigs pa dang ldan pa ma yin no//gal te med na ji ltar dmigs pa yin zhes bya ba la/ skyed par byed pa yin pa'i phyir ni ma 'ongs pa rdzas su 'dod pa ma yin te/ 'o na ci zhe na/ dmigs pa yin pa'i phyir yin na/ yod pa ma yin par brjod du med pa ni dmigs pa'i ngo bor mi rung ngo zhe na/da ni 'dir zhes bya ba rgyas par 'byung ste/ kho bo cag ni de ji ltar dmigs pa yin pa de ltar med do zhes ni mi smra'i/ 'o na ci zhe na ji ltar khyed kyis rdzas su btags pa de ltar med do zhes smra'o/ /byung bar gyur pa zhes bya ba ni 'das pa'i dmigs pa yin la/ de ni de ltar yod pa nyid do/ / 'byung bar 'gyur ro zhes bya ba ni ma 'ongs pa'i dmigs pa yin la/ de yang de ltar yod pa nyid do/ /byung bar gyur pa dang 'byung bar 'gyur ro zhes de dag dmigs kyis yod pa ni ma yin no zhes bya ba 'di ji ltar shes she na/ de'i phyir 'das pa'i gzugs sam zhes bya ba rgyas par smos shing / mig gi rnam par shes pa dang /nyams su myong ba'i shes pa'i stobs kyis gzugs de ji ltar mthong ba dang / tshor ba ji ltar nyams su myong ba de ltar byung bar gyur to zhes de ltar dran par 'gyur gyi ji ltar mig dang rna ba dang sna dang lce dang lus kyi rnam par shes pa rnams kyis/ gzugs la sogs pa da ltar ba nyams su myong ba de ltar 'das pa dran no zhes 'di nyid la gtan tshigs lhag smos te/de ni ji ltar nyams su myong ba bzhin de'i bdag nyid du 'das pa yin pas byung bar gyur to zhes 'dzin la/ nyams su myong ba dang mthun par dran no/ /ma 'ongs pa ji ltar zhes bya ba la sogs pa la/ de ltar sangs rgyas rnams kyis mkhyen te thams cad la ye shes thogs pa mi mnga' ba'i phyir ro//gzhan gyis ni ma yin te gzhan gyis ni 'byung bar 'gyur ro zhes bya ba de ltar 'dzin gyi ji ltar da ltar 'gyur ba ltar ni ma yin no/ /gal te gang 'das pa dang ma 'ongs pa ji ltar nyams su myong ba dang / ji ltar 'byung bar 'gyur ba de kho na bzhin du yod na ni da ltar du 'gyur gyi 'das pa dang /ma 'ongs pa ni ma yin te/ da ltar ba dang khyad par med pa'i phyir ro/ /'on te ji ltar nyams su myong ba dang / ji ltar 'byung bar 'gyur ba de ltar med na ni de ltar na btang ba dang blangs pa'i rang bzhin yin pa'i phyir 'das pa dang ma 'ongs pa'i ngo bo ni med pa yin pas med pa dmigs pa yin no zhes bya ba 'di grub pa yin no//gal te de nyid sil bu ni de yin no zhes bya ba ni 'das pa dang ma 'ongs pa dang sbyar te/ da ltar ba gang yin pa de nyid sil bu ni 'das pa dang ma 'ongs pa yin no zhe na ma yin te sil bur mi 'dzin pa'i phyir ro/ /gal te de dag sil bu yin par gyur na ni sil bu nyid du 'dzin pa 'am/dran par 'gyur gyi/ da ltar nyams su myong ba ltar byung bar gyur to zhes gong bur gyur pa dran par mi 'gyur ba zhig go/ /gal te yang de ni zhes bya ba rgyas par 'byung ste/ gal te 'das pa dang ma 'ongs pa de dag gzugs yin mod kyi de rdul phra rab tu gyes pa na 'das pa dang ma 'ongs pa zhes brjod pa 'ba' zhig tu zad kyi/chos 'ga' zhig skye ba'am 'jig pa'i phyir ni ma yin no zhe na/ de lta yin na ni rdul phra rab rnams dus gsum du yang rnam par mi 'gyur ba'i rang gi ngo bo yin pa'i phyir rtag par 'gyur la/ rdul phra rab bsags pa dang gyes pa tsam du yang 'gyur te/ da ltar byung ba'i gnas skabs na rdul phra rab bsags pa gang yin pa de bya ba tsam zhig 'das pa dang ma 'ongs par 'gyur ro/ /de ltar na rdul phra rab rnams rtag par 'gyur zhing rdul phra rab rnams bsags pa tsam nyid da ltar yin pas cung zad kyang skye ba yang med la de rnams gyes pa tsam zhig 'das pa yin pas cung zad kyang 'gag pa med do//de ltar na yang 'tsho byed kyi rtsod pa blangs pa yin te/ de dag kyang de skad smra ba'i phyir ro/ /mdo yang bor bar 'gyur ro zhes bya ba ni 'gal bar byas par 'gyur ro/ /ji ltar 'gal bar byas par 'gyur zhe na/mig ni skye ba na zhes bya ba la sogs pa 'byung ste/ mig gi dbang po'i rdul phra rab ma 'ongs pa'i dus na sil bu yin pa rnams da ltar byung ba'i dus su bsags par 'gyur ro zhes bya bas ni mig ni skye ba na gang nas kyang mi 'ong ngo zhes bya ba 'di la gnod par 'gyur ro//de bzhin du mig gi dbang po'i rdul phra rab bsags pa rnams bye ba tsam du khas blangs pa'i phyir 'gag pa na yang gang du yang sogs par mi 'gyur ro zhes bya ba 'di dang 'gal bar byas pa yin no/ /rdul phra rab bsags pa ma yin pa rnams kyang zhes bya ba ni rdul phra rab rnams kyis ma bsags pa zhes bya ba'i don to//ji ltar na sil bu nyid ces bya ba ni yul na mi gnas pa'i phyir sil bu nyid yod pa ma yin no zhes dgongs so/ /de dag kyang zhes bya ba ni tshor ba la sogs pa dag ste/ ji ltar 'byung zhing nyams su myong ba dran no/ /skye mched bcu gsum pa yang dmigs par 'gyur ro zhes bya ba 'byung ste/gal te med pa yang yid kyi rnam par shes pa'i dmigs pa yin na ni de lta na skye mched bcu gsum pa yang med pas 'das pa dang ma 'ongs pa ltar de yang dmigs par 'gyur na dmigs pa de yang ma yin te/ de'i phyir med pa la dmigs pa'i rnam par shes pa med do zhes bya bar nges so//'o na skye mched bcu gsum pa med do snyam pa'i zhes bya ba rgyas par 'byung ste/ skye mched bcu gsum pa med do snyam pa'i shes pa'i dmigs pa ni dngos po yin par mi rung ste/ mig la sogs pa bzhin du skye mched bcu gsum pa med pa'i phyir ro/ /de'i phyir 'di'i dmigs pa ni dngos po med pa las ma gtogs pa gang zhig yod pa brjod par bya dgos so//bye brag tu smra ba rnams kyis ming de nyid dmigs pa yin no zhes bya ba smos te/ bcu gsum pa zhes grangs kyi ming gang yin de nyid dmigs pa yin te/ de'i phyir 'di yang yod pa la dmigs pa yin no zhe na/de lta na ni 'o na ming nyid med do zhes bya bar rtog par 'gyur gyi brjod bya skye mched ni ma yin no/ /gzhan yang sgra'i snga na med pa la dmigs pa ni de'i dmigs pa yang ci zhig yin zhes bya ba ni skye ba bkag pa las ma gtogs pa sgra'i mi skye ba gzhan med do snyam du dgongs so/ /sgra kho na yin no zhes bya ba ni dmigs pa zhes bya bar skabs dang sbyar te/dus gsum du sgra'i rang gi ngo bo khyad par med pa'i phyir ro/ /de lta na ni 'o na ni zhes bya ba rgyas par 'byung ste/ gal te sgra'i snga na med pa la dmigs pa des sgra kho na la dmigs pa yin gyi bdag nyid du red pa bkag pa tsam ma yin na/ de lta na gang zhig sgra med pa don du gnyer ba de la sgra dbyung dgos pa kho nar 'gyur te/ des ni sgra don du gnyer bar 'gyur gyi/ sgra med pa ni ma yin no/ /gal te ma 'ongs pa'i gnas skabs yin no zhes 'byung ngo / /'di snyam du der med do snyam pa'i blo ni da ltar ba de med do snyam pa de ltar 'dug go snyam na de'i phyir ma yin te/gcig yin pa'i phyir ro zhes bya ba smos so/ /ma 'ongs pa gang yin pa de nyid da ltar yin no/ /ji ltar da ltar med ces bya/ gzhan yang da lta yang ma 'ongs pa med pas der yang med do snyam pa'i blo yod par 'gyur te/ khyad par med pa'i phyir ro yang na bye brag gang yin pa zhes bya ba ni da ltar ba'i gnas skabs na mnyam par bya ba yin pa ste/de med pas da ltar med pa yin no zhes bya'o zhe na/ de ma byung ba las byung ba grub ste zhes bya ba nas/ ma 'ongs pa'i gnas skabs su ma byung ba las da ltar ba'i gnas skabs su byung ba'i phyir ro/ /yod pa dang med pa pa gnyi ga zhes bya ba la/da ltar byung ba'i gnas skabs na ni yod pa dmigs pa yin la/ ma 'ongs pa'i gnas skabs na ni med pa dmigs pa yin no/ /gal te med pa dmigs pa yin na 'o na byang chub sems dpa' zhes gsungs pa ji ltar drang / gang 'jig rten na med pa gang yin pa zhes bya ba rgyas par 'byung ste/de las ni de'i dmigs pa med pa nyid yin pa bkag pa yin no/ /mngon pa'i nga rgyal can gzhan zhes bya ba rgyas par 'byung ste/ 'dir mdo'i dgongs pa ni ting nge 'dzin yongs su dag pa rnams snang ba med bzhin du ste/ sbyor ba'i gnas skabs na lha'i mig gi snang ba med bzhin du yod par lta'i bdag nyid lha'i mig gi snang ba gsal ba'i ngo bor yod pa kho na yod par lta'i zhes bya ba 'di yin no//rtog par yang ga la 'gyur zhes bya ba ni yod dam med ces the tshom du ste/ blo rnams yod pa dang med pa'i yul can nyid yin na ni/de gnyi ga la lta ba'i dgos pa 'grub kyi yod pa'i yul can nyid ni mi 'grub bo yang na khyad par yang ci zhig yod ces bya ba la/ gal te de dag kyang yod pa'i snang ba kho na lta'i med pa ma yin na ni gzhan dag las byang chub sems dpa' la khyad par ci zhig yod/ de ni gdon mi za bar de lta bu yin par zhes bya ba la/ci zhe na/ blo med pa la dmigs pa zhes bya bar skabs dang sbyar ro/ /'di yod pa dang med pa gnyis blo'i yul yin pa nyid la dper brjod pa ni yod pa la yang yod par shes la/ med pa la yang med par shes so zhes bya ba 'di yin no/ /de'i phyir rnam par shes pa ni yod pa la dmigs pa'i phyir ro zhes bya ba de yang gtan tshigs su mi rung ngo //'o na ji lta bu zhe na/ de sngon du 'gro ba'i rgyud kyi khyad par las te zhes bya ba ni las sngon du 'gro ba'i sems kyi rgyud kyi khyad par las zhes bya ba'i tha tshig go/ /de sngon du 'gro ba'i rgyud ni rgyu mthun pa'i 'bras bu dang rjes su mthun pa yang yod pas de'i phyir khyad par smos te/rnam par smin pa'i 'bras bu dang rjes su mthun pa'i rgyud brtan par bya ba'i phyir ro/ /bdag tu smra ba dgag pa nas bshad par bya'o zhes bya ba ni rgyud yongs su 'gyur ba'i khyad par las te/ sa bon dang 'bras bu bzhin no zhes bya ba la sogs pas so//gang gi 'das pa dang ma 'ongs pa rdzas su yod pa ni btags par ma yin no/ /de la zhes bya ba ni 'bras bu la'o/ /de med par de yod pa med pa'i phyir 'bras bu'i yod pa skye bar bya ba la rgyu'i nus pa yin pas ma byung ba las byung ba zhes bya ba grub pa yin no/ / gal te 'bras bu rtag tu yod na ni de la las kyi nus pa med de/ de'i phyir dge ba dang mi dge ba'i las don med par thal bar 'gyur ro/ /bye brag tu smra ba rnams ni skyed par nus so zhe 'o/ /gang gi zhe na las kyi'o/ /'o na ni skye ba ma byung ba las byung ba zhes bya bar grub pa yin te/ khyad par de sngar med pa'i phyir ro//yang thams cad du yod pa kho na yin zhes bya ba ni/ las de dang 'bras bu dang skye ba'o/ /da ni gang la zhes bya ba ste skye ba'am 'bras bu la las sam gzhan yang rung ste rgyu gang zhig nus te/ thams cad kyi tshe rdzas su yod pa nyid kyi phyir ro/ /'o na da ltar du byed pa yin no zhes bya ba ni las dang 'bras bu yod bzhin du'o//yul gzhan du 'dren pa yin no zhes bya ba ni ma 'ongs pa yul na mi gnas pas zhes bya ba'i bsam pa 'dis smras pa'o/ /rtag par thal bar 'gyur ro zhes bya ba ni de 'dren pa'i rkyen rnams rtag tu nye ba'i phyir ro/ /gzugs can ma yin pa ste tshor ba la sogs pa rnams la de ji ltar te/'dren zhes bya ba dang sbyar te/ de rnams ni rtag tu yul na mi gnas pas dris pa yin no/ /'bras bu'i 'dren pa bya ba'i ming can gang yin pa de yang ma byung ba las byung ba yin te/ de ni sngar yod pa ma yin pa'i phyir ro/ /gal te rang gi ngo bo'i khyad par zhig ces bya ba la da ltar ba byed pas de la las kyi nus pa yod pa yin no zhe na/khyad par de sngar med pas ma byung ba las byung ba grub pa yin no/ /ji ltar sngar yod pa nyid do zhe na/ da ltar bar byas pas 'di la khyad par yod pa ma yin pas las kyi nus pa med pas so na 'dug pa nyid do/ /gal te skye mched bcu gnyis yod kyi/'das pa dang ma 'ongs pa med na/ yid kyi skye mched 'das pa ji ltar gzhag ce na/ smras pa/ rnam par shes pa da ltar ba kho na rnam par shes pa gzhan gyi rten gyi dngos por rnam par gnas kyi/ 'das pa ni ma yin pas skyon 'di med do/ /yang na dus gsum ste/ ci zhe na/ thams cad yod pa zhes bya bar skabs dang sbyar ro/ /gal te dus gsum yod do zhes brjod na/ 'o na ni 'das pa dang ma 'ongs pa grub bo zhe na/ de'i phyir ji ltar yod pa de bzhin du ni bshad zin to zhes bya ba smos so/ /sngon byung ba gang yin pa de ni 'das pa yin no/ /rgyu yod na 'byung bar 'gyur ba gang yin pa de ni ma 'ongs pa yin no//byung nas ma zhig pa gang yin pa de ni da ltar ba yin no zhes bya bar ro/ /ji ltar na des dar ldan pa yin zhes bya ba ni/ ji ltar 'das pa dang ma 'ongs pa'i nyon mongs pa des sam 'das pa dang ma 'ongs pa'i dngos po der ldan pa yin zhes bya ba yin no/ /de las skyes pa de'i rgyu'i phra rgyas yod pa'i phyir nyon mongs pa des zhes bya ba la 'das pa'i nyon mongs pa de las skyes pa ni de las skyes pa'o//ma 'ongs pa'i phra rgyas de'i rgyu ni de'i rgyu'o/ /de ni de las skyes pa yang yin la/ de'i rgyu yang yin pas de las skyes pa de'i rgyu'o/ /de las skyes pa de'i rgyu nyid phra rgyas yin pa ni de'i rgyu de las skyes pa'i phra rgyas so//de yod pa ni de las skyes pa'i de'i rgyu phra rgyas yod pa ste/ de las skyes pa de'i rgyu phra rgyas yod pa de'i phyir 'das pa dang ma 'ongs pa'i nyon mongs pa des ldan par 'gyur ro/ /de la dmigs pa'i nyon mongs pa'i phra rgyas yod pas dngos po dang ldan pa yin no zhes bya ba la/de la dmigs pa yang yin la/ nyon mongs pa yang yin pas de la dmigs pa'i nyon mongs pa ste/ de la zhes bya ba 'di ni 'das pa dang ma 'ongs pa dang sbyar ro/ /de la dmigs pa'i nyon mongs pa'i phra rgyas ni de la de dmigs pa'i nyon mongs pa'i phra rgyas so/ / de yang gang zhig ce na/ nyon mongs pa'i bag chags te/ nyon mongs pa'i sa bon zhes bya ba'i tha tshig go/ /de la dmigs pa'i nyon mongs pa'i phra rgyas yod pa ni/ de la dmigs pa'i nyon mongs pa'i phra rgyas yod pa ste/ de la dmigs pa'i nyon mongs pa'i phra rgyas yod pas dngos po dang ste/ gzugs la sogs pa 'das pa dang ma 'ongs pa dang ldan pa yin no//chos nyid dag ni zab pa yin/ /zhes bya ba ni chos rnams kyi rang bzhin ngo bo ni zab pa ste/ de gdon mi za bar rtogs pas bsgrub pa ma yin no/ /'das pa la sogs pa'i dus bye brag tu shes par bya ba'i phyir/ rnam grangs kyang yod de zhes bya ba smras te/tshul yod ces bya ba'i don to/ /gzugs skye la gzugs 'gag go zhes bya ba'i don ni de nyid da ltar bar gyur nas 'das pa nyid du 'gyur ro zhes bya ba'o/ /skye ba la mngon du phyogs pa'i phyir ma 'ongs pa skye la/ 'gag pa la mngon du phyogs pa'i phyir da ltar gyi 'gag go/ /dus kyang skye ste zhes bya ba ni de dag nyid dus gtam gzhi dang zhes 'byung ba'i phyir ro//dus las kyang ste zhes bya ba ni 'byung khungs kyi ngo bo las chos skye ba'o/ /ci'i phyir zhe na/ ma 'ongs pa'i chos skad cig ma du ma pa'i phyir ro zhes bya ba smos te/ gang gi phyir ma 'ongs pa'i skad cig ma du ma spungs pa'i rang bzhin rnams las skad cig ma 'ga' zhig skye ba de'i phyir dus las kyang skye ba'o zhes brjod do//zhar la 'ongs pa zhes bya ba ni lhag ma kun gyis kun dang ldan zhes bya ba 'di'i zhar la 'ongs pa yin no/ /dngos po de spangs pa yin nam zhes bya ba rgyas par 'byung ngo / /'dir spangs pa ni thob pa dang bral ba las mngon par 'dod la bral ba ni de la dmigs pa'i nyon mongs pa spangs pa las mngon par 'dod do//de la dmigs pa'i nyon mongs pa spangs na de ma spangs par mi 'gyur bas de'i phyir re zhig gang dang bral na zhes bya ba rgyas par smos so/ /spangs la de dang ma bral ba yang yod de zhes bya ba la sogs pa 'byung ngo //mthong ba'i lam gyi dbang du byas nas sdug bsngal mthong spang bya spangs kyang zhes bya ba rgyas par smos so/ /bsgom pa'i lam gyi dbang du byas nas dang po'i rnam pa spangs kyang zhes bya ba la sogs pa smos so/ /sdug bsngal shes pa ni skyes la zhes bya bas ni sdug bsngal la chos shes pa dang rjes su shes pa gzung ngo //kun 'byung shes pa yang de ltar gnyi ga gzung ngo / /kyang zhes bya ba'i sgra ni bsnan pa'i don to/ /gzhan dag na re bsdu ba'i don du'o zhe'o/ /chos bcu drug po zhes bya ba ni dmigs pa ste/ khams gsum re re zhing rnam pa lnga lnga po sdug bsngal dang kun 'byung ba dang 'gog pa dang lam mthong bas spang bar bya ba dang /bsgom pas spang bar bya ba dang / zag pa med pa zhes bya ba ste/ bcu drug tu 'gyur ro/ /sems kyang bcu drug ste/ de dag nyid do zhes bya ba ni kun du 'gro ba dang / kun du 'gro ba ma yin pa dang mtshungs par ldan pa gcig tu byas te/ sdug bsngal mthong bas spang bar bya bar bshad la/kun 'byung mthong bas spang bar bya ba yang de dang 'dra'o/ /'gog pa dang lam mthong bas spang bar bya ba yang zag pa dang bcas pa dang zag pa med pa la dmigs pa gcig tu byas nas bshad do/ /bsgom pas spang bar bya ba yang nyon mongs pa can dang nyon mongs pa can ma yin pa gcig tu byas nas bshad do//zag pa med pa yang chos dang rjes su shes pa'i phyogs dang mthun pa gcig tu byas nas bshad do/ /re zhig sdug bsngal zhes bya ba rgyas par 'byung ngo / /de la sdug bsngal dang kun 'byung mthong bas spang bar bya ba go rims bzhin du phra rgyas bcu dang bdun dang /de dag dang lhan cig 'byung ba dang de rnams kyi thob pa rjes su 'brang ba dang bcas pa dag dang bsgom pas spang bar bya ba bzhi dang / de dag lhan cig 'byung ba dang de rnams kyi thob pa rjes su 'brang ba dang bcas pa dag dang / zag pa dang bcas pa'i gzugs thams cad dang /nyon mongs pa can ma yin pa gzhan dag go/ /de bzhin du 'gog pa mthong bas spang bar bya ba phra rgyas bdun dang de dag dang lhan cig 'byung ba dang / de rnams kyi thob pa rjes su 'brang ba dang bcas pa dag dang / lam mthong bas spang bar bya ba brgyad dang / de dang lhan cig 'byung ba dang / de rnams kyi 'thob pa rjes su 'brang ba dang bcas pa dag ste/ de bzhin du gzugs dang gzugs med pa'i khams dag tu yang ci rigs par rig par bya'o/ /rang gi khams pa gsum ste zhes bya ba rgyas par 'byung ste/ sdug bsngal mthong bas spang bar bya ba'i chos 'dod pa na spyod pa ni sdug bsngal mthong bas spang bar bya ba'i rnam par shes pa 'dod pa na spyod pa dang /kun 'byung mthong bas spang bar bya ba kun du 'gro ba dang mtshungs par ldan pa dang / bsgom pas spang bar bya ba dang nyon mongs pa can ma yin pa dang / mi lcogs pa med pas bsdus pa'am/ bsam gtan gyi dngos gzhis bsdus pa mi sdug pa la sogs pa'i rnam pa can nam/ gzugs kyi khams su skyes pa gang zhig gang gis 'dod pa na spyod pa'i sems can rnams kyi sems la lta ba'am/ 'dod pa'i khams su skyes pa de la 'dod chags dang bral ba zhig /gang gi tshe mthong ba'i chos la bde bar gnas par bya ba'i phyir 'jig rten pa'i lam gyi khams de nyid la dmigs pa yang rung ste/gzugs na spyod pa bsgom pas spang bar bya ba dge ba gcig dang / zag pa med pa ste/ chos shes pa'i phyogs dang mthun pa'i dmigs pa yin no/ /kun 'byung mthong bas spang bar bya ba dang /bsgom pas spang bar bya ba dag kyang de dang 'dra bar brjod par bya'o/ /de la sdug bsngal du gtogs pa'i sems kun du 'gro ba dang mtshungs par ldan pa ni kun 'byung mthong bas spang bar bya ba dang / bsgom pas spang bar bya ba la dmigs so/ /kun 'byung du gtogs pa kun du 'gro ba dang mtshungs par ldan pa ni sdug bsngal mthong bas spang bar bya ba dang bsgom pas spang bar bya ba la dmigs so//bsgom pas spang bar bya ba la nyon mongs pa can ma yin pa ni kun 'byung mthong bas spang bar bya ba la dmigs so/ /bsgom pas spang bar bya ba nyon mongs pa can dang nyon mongs pa can ma yin pa thams cad ni bsgom pas spang bar bya ba la dmigs so//gzugs su gtogs pa dang zag pa med pa ni snga ma bzhin no/ /de ltar na sdug bsngal mthong ba la sogs pas spang bar bya ba'i chos 'dod pa na spyod pa ni sems lnga dang lnga po re re'i dmigs pa yin no/ /rang gi khams pa gsum ste de dag nyid dang zhes bya ba ni ji skad bshad pa'i rnam pa'i sgo nas sdug bsngal kun 'byung mthong ba dang /bsgom pas spang bar bya ba dag go/ /des na bsgom pas spang bar bya ba ni thos pa las byung ba yang dag pa'i lta ba dang mtshungs par ldan pa dang / bsgoms pa las byung ba zhi ba la sogs pa'i sems yod pa yin no//sa 'og ma gsum ste/ de dag nyid dang zhes bya ba ni 'dod pa na spyod pa'i sdug bsngal dang / kun 'byung mthong bas spang bar bya ba skal ba mi mnyam pa'i khams kun du 'gro ba dang mtshungs par ldan pa dang / de la dmigs pa bsgom pas spang bar bya ba'i sems thos pa dang bsams pa las byung ba dge ba'i chos la 'dun pa dang mtshungs par ldan pa dang yang dag pa'i lta ba dang mtshungs par ldan pa yod do//khams gong ma pa gcig ste zhes bya ba ni nam mkha' mtha' yas skye mched kyi nyer bsdogs kyis bsdus pa rags pa la sogs pa'i rnam pa can no//zag pa med pa'i zhes bya ba ni rjes su shes pa'i phyogs dang mthun pa'o/ /khams gsum pa rnam pa gsum gsum ste/ de dag nyid dang zhes bya ba ni skabs su bab pa'i phyir sdug bsngal dang / kun 'byung mthong bas spang bar bya ba dang bsgom pas spang bar bya ba rnams dang sbyar ro ste/'dod pa dang gzugs na spyod pa sdug bsngal dang kun 'byung du gtogs pa/ skal ba mi mnyam pa'i khams kun du 'gro ba dang mtshungs par ldan pa dang / 'dod par gtogs pa'i bsgom pas spang bar bya ba dge ba dang mi dge ba gnyis nyid dang / rang gi khams pa dag gi dmigs pa yin te/sdug bsngal mthong bas spang bar bya ba dag ni sdug bsngal du gtogs pa kun du 'gro ba dang / kun du 'gro ba ma yin pa dang mtshungs par ldan pa dang / kun 'byung du gtogs pa kun du 'gro ba dang mtshungs par ldan pa dang / bsgom pas spang bar bya ba dge ba zhi ba dang rags pa'i rnam pa can du zhugs pa nyid kyi dmigs pa yin no//kun 'byung mthong bas spang bar bya ba dag kyang / sdug bsngal mthong bas spang bar bya ba dang 'dra bar rig par bya'o/ /bsgom pas spang bar bya ba dag ni sdug bsngal dang kun 'byung mthong bas spang bar bya ba kun du 'gro ba dang mtshungs par ldan pa dag dang bsgom pas spang bar bya ba nyon mongs pa can gyi dmigs pa dag go//zag pa med pa'i dmigs pa yin no zhes bya ba ni rjes su shes pa'i phyogs dang mthun pa'i 'o/ /rang gis glags pa'i spyod yul lo/ /zhes bya ba la/ kun smos pa ni 'dod pa dang gzugs dang gzugs med par bsdu bar bya ba'i phyir ro//de glags pa'i zhes khyad par med par brjod kyang / log par lta ba la sogs pa dang mtshungs par ldan par mi gzung ste/ de ni 'gog pa dang lam la dmigs pa'i phyir ro/ /sngar bshad pa lnga dang zhes bya ba la/ sdug bsngal dang kun 'byung du gtogs pa kun du 'gro ba dang mtshungs par ldan pa dag dang /bsgom pas spang bar bya ba dge ba dang gzugs su gtogs pa dge ba kho na dang / zag pa med pa chos shes pa'i phyogs dang mthun pa dang / 'gog pa mthong bas spang bar bya ba de nyid kyi dmigs pa yin te/ de ltar na drug gi dmigs pa yin no/ /sems dgu dang bcu gcig gi dmigs pa yin no zhes bya ba la gzugs na spyod pa dag ni dgu ste/ skal ba mi mnyam pa'i khams kun du 'gro ba dang bsgom pas spang bar bya ba ste/ 'dod par gtogs pa gsum dang / rang gi khams sa gsum pa kun du 'gro ba dang /mtshungs par ldan pa'i gnyis dang / bsgom pas spang bar bya ba dang / gzugs med par gtogs pa bsgom pas spang bar bya bas nam mkha' mtha' yas skye mched kyi nyer bsdogs kyis bsdus pa dang / zag pa med pa rjes su shes pa'i phyogs dang mthun pa dang / 'gog pa mthong bas spang bar bya ba de nyid kyis glags pa'i dmigs pa'o//gzugs med pa na spyod pa dag bcu gcig gis te/ skal ba mi mnyam pa'i khams kun du 'gro ba dang mtshungs par ldan pa rnams dang / bsgom pas spang bar bya ba gnyis te/ drug dang / rang gi khams pa gsum po kun du 'gro ba dang / mtshungs par ldan pa gnyis dang / bsgom pas spang bar bya ba dang / 'gog pa mthong bas spang bar bya ba rang gi sa pas glags pa dang / zag pa med pa rjes su shes pa'i phyogs dang mthun pa ste/ de ltar na sems bcu gcig gi dmigs pa yin no/ /lam mthong bas spang bar bya ba dag kyang de dang 'dra bar khong du chud par bya'o//'gog pa dang lam mthong ba dang bsgom pas spang bar bya ba dang zhes bya ba la/ re zhig 'gog pa ni 'gog pa mthong bas spang bar bya ba la log par lta ba la sogs pa dag dang / bsgom pas spang bar bya ba dge ba ci rigs par thos pa dang bsam pa dang bsgom pas bsdus pa dag gi dmigs pa yin la de bzhin du lam yang lam mthong bas spang bar bya ba log par lta ba la sogs pa dag dang /bsgom pas spang bar bya ba ji skad bshad pa dag gis dmigs pa yin no/ /nam mkha' dang so sor brtags pa ma yin pas 'gog pa gnyis ni bsgom pas spang bar bya ba kho na'i dmigs pa yin no//lam dang so sor brtags pas 'gog pa dag ni zag pa med pa'i yang yin te/ de ltar na de dag ni mdor bsdus na sems bcur 'gyur ro/ /khams gsum sdug bsngal rgyu mthong dang / /zhes bya ba rgyas par 'byung ste/ sdug bsngal dang kun 'byung mthong bas spang bar bya ba dang bsgom pas spang bar bya ba 'dod par gtogs pa dag ni re re sems lnga'i dmigs pa yin no//gzugs na spyod pa'i chos de dag nyid ni sems brgyad kyi dmigs pa yin no/ /gzugs med pa na spyod pa dag ni sems bcu'i dmigs pa yin no/ /zag pa med pa dag kyang bcu kho na yin par gong du bshad pa'i rjes su 'brangs te rgyas par khong du chud par bya'o//'gog pa lam mthong spang bya kun/ /rang gis glags pa'i spyod yul lo/ /zhes bya ba 'di yang gong ma bzhin du rgyas par sbyar bar bya'o/ /bde ba'i dbang po ni rnam pa bdun te zhes bya ba 'byung ste/ ji ltar zhe na/ 'dod pa na spyod pa bsgom pas spang bar bya ba dang zhes bya ba smos te/ 'dod pa'i khams na ni bde ba'i dbang po rnam par shes pa'i tshogs lnga dang mtshungs par ldan pas lus kyi kho na yin par gzhag la de yang bsgom pas spang bar bya ba kho na yin te/ nyon mongs can min mthong spang min//gzugs min drug pa min skyes min/ /zhes nges pa'i phyir ro/ /gzugs na spyod pa rnam pa lnga/ /zhes bya ba la/ bsam gtan dang po'i sa pa'i rnam par shes pa'i tshogs gsum pa ni bsgom pas spang bar bya ba yin la/ bsam gtan gsum pa'i sa pa yid kyi ni nyon mongs pa rnam pa lnga dang mtshungs par ldan pas sdug bsngal mthong bas spang bar bya ba nas bsgom pas spang bar bya ba'i bar du yin te/bsam gtan dang po dang gsum pa'i sa pa'i bde ba'i dbang po 'di ni bsdoms nas gzugs na spyod pa rnam pa lnga zhes bshad do/ /bsam gtan gnyis pa dang bzhi pa dang gzugs med pa dag na ni bde ba'i dbang po med pa kho na yin no//zag pa med pa'o zhes bya ba ni bsam gtan gsum pa la brten pa'i chos dang rjes su shes pa'i phyogs dang mthun pa'o/ /'gog pa mthong bas spang bar bya ba ma gtogs pa 'dod pa na spyod pa rnam pa bzhi dang zhes bya ba la/ sdug bsngal dang kun 'byung mthong bas spang bar bya ba skal ba mnyam pa'i khams kun du 'gro ba dang mtshungs par ldan pa'i rnam par shes pa'i dmigs pa ni 'dod pa na spyod pa'i bde ba'i dbang po yin la/ de nyid skal ba mi mnyam pa'i khams kun du 'gro ba dang mtshungs par ldan pa'i dmigs pa ni gzugs na spyod pa rnam pa lnga char yang yin no//'dod pa na spyod pa'i lam mthong bas spang bar bya ba log par lta ba la sogs pa dang mtshungs par ldan pa'i dmigs pa ni bsam gtan gsum pa'i sa pa'i bde ba'i dbang po'i zag pa med pa'i chos shes pa'i phyogs dang mthun pa yin no/ /'dod pa na spyod pa'i bsgom pas spang bar bya ba nyon mongs pa can dang nyon mongs pa can ma yin pa'i dmigs pa ni 'dod pa na spyod pa'i bde ba'i dbang po yin la/nyon mongs pa can ma yin pa kho na'i dmigs pa ni khams gong ma'i rnam pa lnga char yang yin no/ /'gog pa mthong bas spang bar bya ba ma gtogs pa zhes bya ba 'byung ste/de la zag pa med pa la dmigs pa gang yin pa de'i dmigs pa 'gog pa kho na yin zhing / gang zhig zag pa dang bcas pa la dmigs pa de'i dmigs pa yang log par lta ba la sogs pa yin la 'dod pa na spyod pa'i log par lta ba la sogs pa dag ni/ bde ba'i dbang po dang mtshungs par mi ldan te/log par lta ba la sogs pa dag yid kyi rnam par shes pa'i sa pa yin pa'i phyir dang / 'dod pa na spyod pa'i bde ba'i dbang po ni rnam par shes pa'i tshogs lnga pa yin pa'i phyir ro/ /gzugs na spyod pa rnam pa lnga dang zhes bya ba ni sdug bsngal dang kun 'byung dang 'gog pa dang lam mthong ba dang bsgom pas spang bar bya ba ste/de la 'dod pa na spyod pa'i bde ba'i dbang po ni 'dod pa'i khams rnam par sun 'byin pa'i tshe gzugs na spyod pa bsgom pas spang bar bya ba kho na'i dmigs pa yin no/ /bsam gtan dang po'i sa pa ni sdug bsngal dang / kun 'byung mthong bas spang bar bya ba skal ba mnyam pa'i khams kun du 'gro ba dang mtshungs par ldan pa'i dmigs pa yin te/kun du 'gro ba rnams ni rnam pa lnga la dmigs pa'i phyir ro/ /bsam gtan gsum pa'i sa pa rnam pa lnga'i dmigs pa ni ci rigs par de'i sa pa lnga char yang yin par rig par bya'o/ /gzugs med pa na spyod pa gnyis te zhes bya ba 'byung ste/de la lam mthong bas spang bar bya ba'i dmigs pa yin pa ni gang gi tshe log par lta ba la sogs pa dag gi bsam gtan gsum pa'i sa pa'i rjes su mthun pa'i phyogs dang mthun pa'i lam la dmigs pa na'o/ /bsgom pas spang bar bya ba nyon mongs pa can ma yin pa'i dmigs pa yang bde ba'i dbang po zag pa med pa de nyid yin gyi/gzhan ni ma yin te/ gzugs med dngos gzhi dge rnams ni/ /zag bcas 'og ma'i yul can min/ /zhes 'byung ba'i phyir te/ gzugs med pa'i khams su skyes pa'i 'phags pa rnams ni goms pa'i dbang gis dge ba zag pa dang bcas pa'i rnam par shes pas bsam gtan gsum pa'i lam zag pa med pa la dmigs pa yin te/de ni de na bde ba'i dbang po la dmigs pa yin par rig par bya'o/ /zag pa med pa'i zhes bya ba ni rjes su shes pa'i phyogs dang mthun pa'i dmigs pa ni gzugs na spyod pa'i bde ba'i dbang po yin la/chos shes pa'i phyogs kyi dmigs pa ni bde ba'i dbang po 'dod pa na spyod pa dang / chos dang rjes su shes pa'i phyogs dang mthun pa yin no/ /de la zhes bya ba ni bde ba'i dbang po la dmigs pa'i rnam par shes pa rnam pa bcu gnyis la'o/ / ci rigs par zhes bya ba 'byung ste/ de la re zhig 'dod pa na spyod pa'i rnam par shes pa bde ba'i dbang po la dmigs pa rnam pa bzhi la ni 'dod pa na spyod pa'i ris bzhi rgyas par 'gyur ro/ /ci rigs par zhes bshad pa de la rigs pa 'di yin te/ 'dod pa na spyod pa'i sdug bsngal mthong bas spang bar bya ba bcu dang mtshungs par ldan pa'i sems sdug bsngal mthong bas spang bar bya ba ni rnam pa bcu kho nar 'gyur ro//de la 'jig tshogs la lta ba dang mtshungs par ldan pa'i sems la ni 'jig tshogs la lta ba de nyid mtshungs par ldan pa'i sgo nas rgyas par 'gyur la/ 'jig tshogs la lta ba dang mtshungs par ldan pa'i sems sngar skyes pa ni 'jig tshogs la lta ba phyi mas dmigs pas der ni dmigs pa dang mtshungs par ldan pa'i sgo nas rgyas par 'gyur ro//mthar 'dzin par lta ba la sogs pa dang mtshungs par ldan pa'i sems lhag ma dgu la ni/ 'jig tshogs la lta ba dmigs pa kho na'i sgo nas rgyas par 'gyur gyi/mtshungs par ldan pa'i sgo nas ni ma yin te/ nyon mongs pa rang dbang ba gnyis mtshungs par ldan pa yod pa ma yin pa'i phyir ro/ /kun 'byung dang lam mthong ba dang bsgom pas spang bar bya ba'i sems dag la dmigs pa kho na'i sgo nas rgyas par 'gyur gyi/ mtshungs par ldan pa'i sgo nas ma yin pa yang de dang 'dra'o/ /'jig tshogs la lta ba ji skad bshad pa de kho na ltar kun du 'gro ba lhag ma dag kyang bshad par bya'o/ /'dod chags la sogs pa kun du 'gro ba ma yin pa dag ni gzhan gyi ris la rgyas par mi 'gyur gyi/ rang gi ris la ni ji ltar 'jig tshogs la lta ba bshad pa de ltar bshad par bya'o//ma rig pa ni rnam pa bcu char la yang dmigs pa dang mtshungs par ldan pa'i sgo nas rgyas par 'gyur ro/ /skal ba mi mnyam pa'i khams kun du 'gro ba dag ni mtshungs par ldan pa kho na'i sgo nas rgyas par 'gyur gyi/ dmigs pa'i sgo nas ni ma yin no//sdug bsngal mthong bas spang bar bya ba'i ris la ji skad bshad pa de bzhin du kun 'byung mthong bas spang bar bya ba dag la yang bshad par bya'o/ /lam mthong bas spang bar bya ba'i ris zag pa dang bcas pa la dmigs pa ni lam mthong bas spang bar bya ba'i sems zag pa dang bcas pa la dmigs pa dang mtshungs par ldan pa'i sgo nas kyang rgyas par 'gyur te/sdug bsngal mthong bas spang bar bya ba'i ris bzhin no/ /log par lta ba la sogs pa lam mthong bas spang bar bya ba'i ris zag pa med pa la dmigs pa ni de dag dang mtshungs par ldan pa'i sems lam mthong bas spang bar bya ba la mtshungs par ldan pa kho na'i sgo nas rgyas par 'gyur gyi rtag tu lam la dmigs pa'i phyir dmigs pa'i sgo nas ni ma yin te/bdag gir ma byas gnyen po'i phyir/ /zhes gong du bshad zin to/ /bsgom pas spang bar bya ba'i ris ni 'dod chags la sogs pas nye bar nyon mongs pa can gyi sems bsgom pas spang bar bya ba la dmigs pa dang mtshungs par ldan pa'i sgo nas rgyas par 'gyur la/nyon mongs pa can ma yin pa la ni dmigs pa kho na'i sgo nas rgyas par 'gyur gyi/ mtshungs par ldan pa'i sgo nas ni ma yin no/ /'dod pa na spyod pa rnam pa bzhi rgyas pa'i tshul ji ltar bshad pa de ltar gzugs dang gzugs med pa na spyod pa dag kyang ci rigs par rig par bya'o//rnam pa bcu gnyis po de nyid dang zhes bya ba la 'dod pa'i khams na skal ba mnyam pa dang skal ba mi mnyam pa'i khams kun du 'gro ba dang mtshungs par ldan pa'i sems bde ba'i dbang po la dmigs pa sdug bsngal dang kun 'byung mthong bas spang bar bya ba sngar skyes pa la ni/sdug bsngal ba dang kun 'byung mthong bas spang bar bya ba kun du 'gro ba dang kun du 'gro ba ma yin pa dang mtshungs par ldan pas kun 'byung mthong bas spang bar bya ba dmigs so/ /bsgom pas spang bar bya ba nyon mongs pa can dang /nyon mongs pa can ma yin pa bde ba'i dbang po la dmigs pa la ni bsgom pas spang bar bya ba nyon mongs pa can dang / nyon mongs pa can ma yin pas dmigs so/ /lam mthong bas spang bar bya ba la ni lam mthong bas spang bar bya ba zag pa dang bcas pa la dmigs pas dmigs te/de ltar na 'dod par gtogs pa'i sems bzhis dmigs pa yin no/ /bde ba'i dbang po la dmigs pa la dmigs pas gzugs na spyod pa lnga yang de dang 'dra bar rig par bya'o/ /de na ni bde ba'i dbang po rnam pa lnga yod pas de la dmigs pas de la dmigs pa'i sems kyang rnam pa lngar 'gyur te/de yang sngar skyes pa la ni phyis skyes pa'i rnam pa lnga po de kho nas dmigs so/ /gzugs med pa na spyod pa lam mthong bas spang bar bya ba log par lta ba la sogs pa dang mtshungs par ldan pa bde ba'i dbang po la dmigs pa dang / bsgom pas spang bar bya ba dge ba ni bshad zin to//de la gal te log par lta ba la sogs pa dang mtshungs par ldan pa'i sems la 'dod chags bskyed na ni de'i tshe de dang mtshungs par ldan pa'i sems bde ba'i dbang po la dmigs pa la dmigs pa yin no/ /de bzhin du bsgom pas spang bar bya ba bde ba'i dbang po la dmigs pa la yang /gal te bsgom pas spang bar bya ba dge ba 'am nyon mongs pa can gyis dmigs na ni de yang bde ba'i dbang po la dmigs pa la dmigs pa yin no/ /sdug bsngal dang kun 'byung du gtogs pa kun du 'gro ba dang mtshungs par ldan pas kyang de gnyi ga la dmigs pas de yang bde ba'i dbang po la dmigs pa la dmigs pa yin pas de'i phyir gzugs med pa na spyod pa rnam pa gnyis te zhes bya ba smos te/zag pa med pa'i sems bsam gtan gsum pa'i zag pa med pa'i bde ba'i dbang po la dmigs pa sngar skyes pa la phyis skyes pas dmigs pa de'i phyir de yang bde ba'i dbang po la dmigs pa la dmigs pa yin no//de la gzugs med pa na spyod pa zhes bya ba rgyas par 'byung ba ni kun du 'gro ba dang kun du 'gro ba ma yin pas bsdus pa dag ste/ de la kun du 'gro ba ma yin pa lhag par 'gyur ro/ /kun du 'gro ba dag ni sngar bshad pa kho na'o/ /'gog pa mthong bas spang bar bya ba ma gtogs pa 'dod pa na spyod pa'i rigs bzhi snga ma bzhin du dmigs pa dang mtshungs par ldan pa'i sgo nas rgyas par 'gyur ro//de bzhin du 'gog pa mthong bas spang bar bya ba ma gtogs pa gzugs med pa na spyod pa dag kyang ci rigs par dmigs pa dang mtshungs par ldan pa'i sgo nas rgyas par 'gyur bar rig par bya la/gzugs na spyod pa 'dus byas la dmigs pa rigs lnga ci rigs par dmigs pa dang mtshungs par ldan pa'i sgo nas rgyas par 'gyur bar rig par bya'o/ /lam 'dis zhes bya ba ni srol 'dis te/ phyogs 'dis zhes bya ba'i don to/ /gzhan yang khong du chud par bya'o zhes bya ba 'byung ste/ji ltar zhe na/ sdug bsngal gyi dbang po la dmigs pa'i rnam par shes pa la phra rgyas du zhig rgyas par 'gyur zhes bya ba'i dri ba 'ong ba la dpyad par bya ste/ sdug bsngal gyi dbang po ni 'dod pa na spyod pa rnam pa gcig ste/ rnam par shes pa'i tshogs lnga pa yin pa'i phyir bsgom pas spang bar bya ba yin no//de dag kyang mdor bsdu na rnam par shes pa lnga'i dmigs pa yin te/ bsgom pas spang bar bya ba yin pa'i phyir/ 'dod pa na spyod pa rnam pa gsum po sdug bsngal dang kun 'byung mthong bas spang bar bya ba kun du 'gro ba dang mtshungs par ldan pa dag dang / bsgom pas spang bar bya ba dang /gzugs na spyod pa bsgom pas spang bar bya ba mi lcogs pa med pas bsdus pa rags pa la sogs pa'i rnam pa can dang / zag pa med pa'i dmigs pa yin te/ rnam pa lnga po 'di dag ni sdug bsngal la dmigs pa'i rnam par shes pa yin no/ /de la ci rigs par 'dod pa na spyod pa'i ris gsum dang /gzugs na spyod pa bsgom pas spang bar bya ba dang / phra rgyas kun du 'gro ba dag rgyas par 'gyur ro/ /sdug bsngal gyi dbang po la dmigs pa la dmigs pa'i rnam par shes pa la phra rgyas du zhig rgyas par 'gyur zhe na/ sdug bsngal gyi dbang po la dmigs pa'i rnam par shes pa lnga po de dag rnam par shes pa gang gi dmigs pa yin zhe na/sngar shes pa rnam pa lnga po de nyid kyis skyes pa'i dmigs pa yin no/ /gang gi bde ba'i dbang po la dmigs pa zag pa med pa'i shes pa dang mtshungs par ldan pa'i sems la dmigs pa/ 'dod pa na spyod pa lam mthong bas spang bar bya ba zag pa med pa la dmigs pa log par lta ba la sogs pa lta ba dang mtshungs par ldan pa dang /gang gis gzugs na spyod pa sdug bsngal gyi dbang po la dmigs pa bsgom pas spang bar bya ba de la dmigs la/ gzugs na spyod pa skal ba mnyam pa'i khams kun du 'gro ba dang mtshungs par ldan pa dang / gzugs med pa na spyod pa dge ba nam mkha' mtha' yas skye mched kyis bsdus pa rags la sogs pa'i rnam par sa 'og ma'i bsgom pas spang bar bya ba'i sems la dmigs pa dang / zag pa med pa'i dmigs pa yin no/ /rnam pa dgu po 'di dag ni sdug bsngal gyi dbang po la dmigs pa'i rnam par shes pa yin no//de la ci rigs par 'gog pa mthong bas spang bar bya ba ma gtogs pa 'dod pa na spyod pa'i ris bzhi rgyas par 'gyur te/ sdug bsngal gyi dbang po la dmigs pa'i zag pa med pa la dmigs pa'i rnam par shes pa la ni lam mthong bas spang bar bya ba'i phra rgyas dag rgyas par 'gyur te/de la ni lam mthong bas spang bar bya ba yin pa'i phyir ro/ /sdug bsngal dang kun 'byung mthong bas spang bar bya ba skal ba mnyam pa'i khams kun du 'gro ba ris gnyis dang / bsgom pas spang bar bya ba'i ris kyang rgyas par 'gyur te/ gzugs na spyod pa'i sems de ni bsgom pas spang bar bya ba yin pa'i phyir ro//gzugs med pa na spyod pa gcig ste bsgom pas spang bar bya ba rgyas par 'gyur te/ gzugs med pa na spyod pa'i sems de ni bsgom pas spang bar bya ba yin pa'i phyir ro/ /gzugs med pa na spyod pa phra rgyas kun du 'gro ba dag rgyas par 'gyur ro zhes bya bar shes par bya ste/'di phyogs tsam zhig go/ /'di dpyad par bya'o/ /phra rgyas gang dag gis sems gang zhig phra rgyas dang bcas pa zhes brjod pa/ ci phra rgyas de dag sems de la rgyas par 'gyur ram zhe na/ 'di la nges pa med de ma spangs pa rgyas par 'gyur gyi/ spangs pa ni rgyas par mi 'gyur ro/ / 'di skad du bstan bcos las/ rgyas par 'gyur ba yang yod/ rgyas par mi 'gyur ba yod do/ /gang rgyas par 'gyur zhe na/ sems de dang mtshungs par ldan pa dang phra rgyas gang dag yin pa'o zhes gsungs so/ /yang phra rgyas dang bcas pa'i sems gang zhig de la dmigs pa bzhin du ma spangs pa phra rgyas gang dag yin pa'o//gang rgyas par mi 'gyur zhe na/ sems de dang mtshungs par ldan zhing spangs pa'i phra rgyas gang dag yin pa'o zhes gsungs so/ /yang phra rgyas dang bcas pa'i sems gang zhig yin la/ de dag ji ltar phra rgyas dang bcas pa yin zhe na/ re zhig zag pa dang bcas pa ni ji skad du bshad pa'i khams gsum pa rnam pa bco lnga'o//rnam pa gnyis kyis ni phra rgyas dang bcas pa zhes bya ste/ rgyas par 'gyur ba'i ngo bo dang lhan cig pa'i ngo bos so/ /ji srid du phra rgyas de'i thob pa dag gi sems de'i rgyud bzung bar 'gyur zhing / rgyud de la ma 'ongs pa'i rgyu mthun pa'i rgyu gzhag pa de srid du phra rgyas de sems de la rgyas par brjod do//spangs pa ni gnyen po skyes nas thob pa'i 'ching ba dang bral ba'i phyir rgyas par mi 'gyur te/ gang zhig de dang lhan cig rgyu ba nyid kyis lhan cig pa'i dngos po yin pa de ni gnyen pos bsal bar mi nus pas spangs kyang des sems de zag pa dang bcas pa kho na yin no//de la 'jig tshogs la lta ba dang mtshungs par ldan pa'i sems ni 'jig tshogs la lta ba dang de dang mtshungs par ldan pa'i ma rig pas lhan cig pa'i dngos po dang / rgyas par 'gyur ba'i dngos pos phra rgyas dang bcas pa yin la/ rang gi rig pa lhag ma dag dang / kun 'byung mthong bas spang bar bya ba kun du 'gro ba dag gis ni rgyas par 'gyur ba'i dngos po'i sgo nas so//lhag ma dag gis ni gnyi gas kyang ma yin no/ /nyon mongs pa gzhan yang de bzhin du ci rigs par dpyad par bya'o/ /nyon mongs pa can ma yin pa ni rang gi ris pa dag dang / kun du 'gro ba dag gis rgyas par 'gyur ba'i ngo bo zag pa dang bcas pa yin no//mdor bsdu ba ni nyon mongs phra rgyas bcas rnam gnyis te/ nyon mongs pa can spangs pa dang / ma spangs pa thams cad ni rgyas par 'gyur ba dang / rgyas par 'gyur ba ma yin pas/ phra rgyas dang bcas pa ma yin la/ rgyas par 'gyur ba rnams kyis kyang rnam pa gnyis kyis phra rgyas dang bcas pa yin te/ lhan cig pa'i dngos po dang / rgyas par 'gyur ba'i dngos pos so zhes bya ba 'di yin no/ /de la gang rnams kyis yin zhes bya ba mi shes pas de'i phyir de dang mtshungs par ldan pa dang de la dmigs pa'am zhes bya ba smos so//ci thams cad kyi tshe na yin nam zhe na/ smras pa ma yin te/ 'o na ci zhe na/ ma spangs pa zhes bya ba smos te/ sems de dang mtshungs par ldan pa dang / de la dmigs pa yang ma spangs pa'i phra rgyas gang dag yin pa'o/ /rgyas par mi 'gyur ba rnams kyis kyang zhes bya ba la/ phra rgyas dang bcas pa yin te zhes bya bar sbyar ro//ji ltar byas nas she na/ de dang mtshungs par ldan zhing zhes bya ba smos so/ /gal te spangs na ji ltar phra rgyas dang bcas pa yin zhe na/ de nyid la rgyu bshad pa ni de dang lhan cig pa'i phyir ro zhes bya ba ste/ gnyen pos ni nam yang sems nyon mongs pa las logs shig tu bya bar mi nus so//nyon mongs can min rgyas 'gyur gyis/ /zhes bya ba la/ phra rgyas dang bcas zhes bya bar sbyar ro/ /phra rgyas med pa ni spangs pa ste/ de la dmigs pa'i kun du 'gro ba rnams sngar spangs zin pa'i phyir dang / bsgom pas spang bar bya ba rnams phyis spong ba'i phyir ro//yang phra rgyas bcu po 'di dag ji ltar 'jug par 'gyur zhe na zhes bya ba 'byung ngo / /thams cad thams cad kyi mjug thogs su skye ba'i phyir 'di dag skye ba la skye ba thams cad kyi la ni rim pa nges pa med mod kyi/ phal cher skye ba dang mthun pa'i sgo nas srid tshad la rim pa bstan pa'i dbang du byas nas/re zhig dang po kho nar ma rig pa dang ldan pa las zhes bya ba rgyas par smos so/ /sdug bsngal phung po bsal nas zhes bya ba ni/ 'di ni sdug bsngal ma yin no zhes bya bar ro/ /bdag tu mngon par zhen pa'i phyir ro zhes bya ba la/ 'dir bsam pa ni sdug bsngal la sogs pa'i rnam pa dag las bsal ba ste/de'i phyir dgra bo'i rnam par 'dzin pa las mngon par zhen pas de'i spyi'i rnam pa la log par rtog par shes kyi thams cad la skur pa btab pa ni ma yin no zhes bya ba 'di yin te/ gzhi med na de'i dgra zla'i rnam pa mi srid pa'i phyir ro/ /grag go zhes bya ba'i sgra smos pa ni/ log par lta ba las 'jig tshogs la lta ba kho na 'byung ngo zhes bya ba'i nges pa med par bstan pa'i phyir te/ 'di ltar res 'ga' mchog gam gtso bor 'dzin pa las lta ba mchog tu 'dzin pa yang de'i mjug thogs su 'byung ba'i phyir ro/ /dgra bor gyur pa zhes bya ba ni yang dag pa'i lta ba yang / de'i dgra bo yin mod kyi de la dmigs pa'i zhe sdang ni/mthong bas spang bar bya ba mi rung ste/ de ni bsgom pas spang bar bya ba yin pa'i phyir ro/ /de'i phyir bdag gzugs yin no zhes bya ba de ltar lta ba'i dgra bo ni sems pa la sogs pa bdag tu 'dzin pa'i lta ba yin te/ lta ba gzhan dang ldan pa'i lta ba gzhan la yang de dang 'dra bar sbyar bar bya'o//rang gi rgyud la yod pa'i lta ba yin pa'i phyir ro zhes bya ba ni mthong bas spang bar bya ba 'dod chags la sogs pa rnams ni kha nang du bltas te 'jug pa'i phyir ro/ /yang ji ltar nyon mongs pa skye zhe na/ de skye ba'i rgyu ni mang po zhig mthong ste/ ris mthun phun sum tshogs pa dang /yul dang / bde ba dang / chang 'thungs pa dang / goms pa'i khyad par la sogs pa rgyu dag yin mod kyi skye ba na gtso bo'i rgyu gsum gyis skye ste/ phra rgyas spangs pa ma yin dang zhes bya ba rgyas par 'byung ngo / /ma spangs shing zhes bya ba ni de'i thob pa ma bcad pa'i phyir ro/ / yongs su ma shes pa yin zhes bya ba ni de'i gnyen po ma skyes pa'i phyir ro/ /'dod pa'i 'dod chags kyi kun nas dkris pa dang mthun pa'i chos rnams kyang snang bar gyur pa yin zhes bya ba ni/ 'di dag gi kun nas dkris pas na kun nas dkris pa dang mthun pa ste/ dper na 'dis myos par byed pas na myos par 'gyur ba bzhin no//'dod pa'i 'dod chags kyi kun nas dkris pa dang mthun pa ni 'dod pa'i 'dod chags kyi kun nas dkris pa dang mthun pa ste/ 'dod pa'i 'dod chags kyi kun nas dkris pa dang rjes su mthun pa zhes bya ba'i tha tshig go/ /de dag kyang gzugs dang sgra la sogs pa yul rnams so//snang bar gyur pa zhig ces bya ba ni yul gyi dngos por gnas zhes bya ba'i don to/ /de la yang tshul bzhin ma yin pa yid la byed pa yin zhes bya ba ni snang bar gyur pa'i yul de la'o/ /yid la byed pa phyin ci log ni tshul bzhin ma yin pa yid la byed pa'o/ /mtshungs pa de ma thag pa'i rkyen 'dod pa'i 'dod chags kyi phra rgyas de ni rgyu'i stobs so//'dod pa'i 'dod chags kyi kun nas dkris pa dang mthun pa'i chos rnams ni yul gyi stobs so/ /tshul bzhin ma yin pa yid la byed pa ni sbyor ba'i stobs so/ /gal te nyon mongs pa rgyu gsum gyis skye bar 'dod na ji ltar dgra bcom pa yongs su nyams par 'gyur te/de la phra rgyas ma spangs pa 'ga' yang yod pa ma yin pa'i phyir ro zhe na/ nyes pa 'di ni med de rgyu tshang ba kho na rgyu gsum gyis skye bar 'dod kyi/ thams cad ni ma yin no/ /res 'ga' yul gyi stobs kho nas skye'i zhes bya ba rgyas par 'byung ste/ grag go zhes bya ba'i sgra ni rgyu ma tshang ba'i 'bras bu ni skye ba yod pa ma yin no zhes bstan par bya ba'i phyir ro//sbyor ba bzhi ste de dag nyid do zhes bya ba ni 'dod pa'i sbyor ba dang / srid pa'i sbyor ba dang / lta ba'i sbyor ba dang / ma rig pa'i sbyor ba'o/ /phra rgyas kho na zhes nges par gzung ba ni kun dkris pa bsal bar bya ba'i phyir ro//ma rig pa logs shig kho nar ma rig pa'i zag par bshad pa de'i phyir ma rig pa ma gtogs par zhes bya bar sbyar te zhes bya ba smos so/ /ci'i phyir 'dir de ma smos she na zhes bya ba ni kun nas dkris pa rmugs pa rgod pa'o/ /rang dbang can ma yin pa'i phyir ro zhes bya ba la ji ltar rang dbang can ma yin zhe na/'dod chags la sogs pa dang mtshungs par ldan pa'i phyir ro/ /ji ltar phrag dog dang / ser sna dang / 'gyod pa dang / khro ba dang / 'chab pa rnams ma rig pa tsam dang mtshungs par ldan pa'i phyir rang dbang can yin pa lta bu ni ma yin no/ /kha ches smos pa ni de lta na 'dod pa'i khams kyi ngo tsha med pa dang /khrel med pa dang / rmugs pa dang / rgod pa rnams kyang rang dbang can ma yin pa'i phyir 'dod pa'i zag par bsdus par mi rigs so zhe na/ 'dir rang gi 'jug pa shas che ba mi srid pa'i phyir rang dbang can ma yin pa yin gyi nyon mongs pa gzhan dang mtshungs par ldan pa'i phyir ni ma yin no zhes bya ba'o//gnyi ga yang zhes bya ba ni gzugs dang gzugs med par gtogs pa'i lung du ma bstan pa dag ste/ gong ma thams cad lung ma bstan zhes 'byung ba'i phyir ro/ /rgyu gang gis srid pa'i 'dod chags zhes bya ba ni/ kha ni nang du bltas phyir der//thar pa'i 'du shes bzlog phyir bshad/ /zhes bya ba de nyid kyis srid pa'i zag pa zhes bya'o/ /rdzas bco lnga zhes bya ba ni khams gsum po re rer yang ma rig pa rnam pa lnga lnga yin pa'i phyir ro/ /de dag thams cad kyi zhes bya ba ni 'dod pa'i zag pa la sogs pa dag dang / 'khor ba'i ste/mdo las kun du chags par byed pa'i rgyu ni ma rig pa'o zhes rgyas par gsungs la/ slar yang / 'jig rten 'di dang pha rol na/ /'dod dang chags pas bslang ba yis/ /ngan 'gro gang dag ci yod pa/ /thams cad ma rig rtsa ba can/ /zhes gsungs so/ /'jog pa rjes su mi mthun lo/ / zhes bya ba ni gnas pa'i rjes su mi mthun zhes bya ba'i don to/ /lta ba rnams 'ba' zhig g.yo ba'i phyir dang / gsal ba'i phyir 'jog pa'i rjes su mi mthun gyi/ nyon mongs pa gzhan dag dang lhan cig pa rnams ni zag pa'i don 'dzin par byed pas 'dod pa pa dang srid pa'i zag pa'i nang du bkod de/ de'i phyir logs shig tu zag par ma bstan to/ /lo zhes bya ba'i sgra ni/ gal te lta ba rnams g.yo ba'i phyir dang / gsal ba'i phyir zag pa dag tu logs shig tu ma bshad na/ des na ma rig pa yang bstan pa'i phyir dang / mi gsal ba'i phyir chu bo dang sbyor ba dag tu logs shig tu bstan par mi bya'o zhes bstan pa'i phyir ro//lam gyi dgrar gyur pa'i phyir dang zhes bya ba ni/ grangs can gyi rnal 'byor shes pa la sogs pa dag gi thar pa thob par lta ba'i phyir ro/ /zas mi za ba la sogs pas zhes bya ba la sogs pa zhes bya ba smos pas chu dang mer 'jug pa dag bsdu'o/ /yul yid du 'ong ba yongs su spangs pa zhes bya ba ni dga' ba spong ba ste/sa la nyal ba dang / dri ma dang / 'dam rdzab bsrel ba dang / sgren mor rgyu ba dang / skra 'bal ba la sogs pa de lta bu la sogs pas dag par yid ches pa'i phyir ro/ /de'i phyir bsres so zhes grag go zhes bya ba la/ grag go zhes bya ba'i sgra ni 'dun pa'i 'dod chags kho na nye bar len pa yin pa'i phyir nye bar len pa nyid du ma bshad kyi/'dzin par byed pa ma yin pa'i phyir ni ma yin no zhes mthong nas smos so/ /lta ba'i sbyor ba yang de dang 'dra ba'i bar du zhes bya ba la/ lta ba'i sbyor ba gang zhe na/ byis pa so so'i skye bo thos pa dang mi ldan pas lta ba rnams kyi kun 'byung ba dang /nub pa dang / ro myang ba dang / nyes dmigs dang / nges par 'byung ba yang dag pa ji lta ba bzhin du mi shes so zhes bya ba rgyas par 'byung ba nas 'di'i lta ba rnams la lta ba la 'dod pa dang / lta ba la 'dun pa dang / lta ba la sred pa dang zhes bya ba'i bar du rgyas par 'byung ste/slob dpon gyi 'dod pa la sogs pa dag 'dun pa'i 'dod chags kyang 'dod pa'i sbyor ba la sogs pa ltar 'dod pa la sogs pa'i nye bar len pa yin gyi/ nyon mongs pa thams cad ni ma yin no zhes bshad do/ /gzhan dag na re 'di ni de las sbyor ba dang / nye bar len pa dag gi nang na 'dun pa'i 'dod chags kho na gtso bo yin pa'i phyir 'dod chags spyod pa'i gdul ba la dgongs nas gsungs te/de'i phyir nyon mongs pa thams cad sbyor ba la sogs pa'i mtshan nyid yin no zhes zer ro/ /yang phra rgyas kyi don ni ci yin zhes bya ba ni/ phra rgyas zhes bya ba'i rjod par byed pa'i brjod bya gang yin zhes bya ba'i tha tshig go//phra ba dang zhes bya ba la sogs pa 'byung ngo / /rgyu phra ba'i phyir ro zhes bya ba ni 'jug pa phra ba'i phyir ro zhes bya ba'i don to/ /ji ltar rgyu phra ba zhe na/ de'i phyir rtogs par dka' bas zhes bya ba smos so/ /rjes su 'brel pa zhes bya ba ni de dag gi rgyun te/thog ma med pa'i dus nas thob pa dang rjes su 'brel pa'i thob pa rgyun mi 'chad pas so/ /dmigs pa dang mtshungs par ldan pa'i sgo nas so zhes bya ba ni snga ma bzhin no/ /rjes su 'brang ba ni rims nyin bzhi pa dang / byi ba'i dug bzhin no/ /'khor bar 'jog par byed pas na zag pa zhes bya ste/'jog pa'i don ni nges tshig gi tshul yin te/ de dang ldan pa mi g.yo ba'i tshul gyis 'khor bar byed ces bya ba'i don to/ /'dzag pa na zhes bya ba rgyas par 'byung ba ni srid pa'i rtse mo las 'dod chags dang ma bral ba yang skye mched drug gi rten nas mnar med pa'i nyon mongs pa kun du spyod pa'i phyir ro//yang na der skyes pa yang der skye bar rung ba'i dbang du mdzad nas mnar med pa'i bar du 'dzag pas na zhes bya ba smos so/ /khyer bar byed pas na chu bo dag yin no zhes bya ba ni shin tu tshul las nyams par byed ces bya ba'i don to/ /yang na khams dang skye gnas dang 'gro ba gzhan du khyer bar byed pa'i phyir ram/yul dag la rnam par shes pa 'jug par byed pa'i phyir khyer bar byed pas na zhes brjod do/ /'byar bar byed pas na sbyor ba dag yin no zhes bya ba ni/ khams dang 'gro ba dang skye gnas la sogs pa dag tu sbyor bar byed ces bya ba'i tha tshig go/ /yang na rnam par shes pa yul gzhan la sbyor bar byed pa'i phyir ro//nye bar 'dzin pas na nye bar len pa dag yin no zhes bya ba la/ ci zhig nye bar 'dzin zhe na/ yang srid pa ste/ de dang der lus 'dzin pas na nye bar len pa dag go/ /'di skad du ches legs shing shin tu legs pa yin no zhes bya ba ni/ slob dpon rang gi gzhung lugs ston pa ste/ji skad du sngar bshad pa bzhin du ni ma yin no/ /'o na ji ltar zhe na/ de dag gis zhes bya ba rgyas par 'byung ngo / /dge ba'i chos rnams kyis mngon par 'du bya ba chen pos sems kyi rgyud kyi gru zlog phyogs su dkris shing yul dag las bzlog pa dang / de bzhin du nyon mongs pa rnams kyis rgyun phyogs su rang gi rang gis 'khyer bar byed do/ /de dag gis de dag dang ldan pa khyer bar 'gyur ro zhes bya ba la/ ji ltar zhe na de'i phyir de'i rjes su byed pa'i phyir zhes bya ba smos te/ gang gi phyir 'dod chags la sogs pa dag gi rjes su byed pa'i phyir ro/ / che thang du kun du mi 'byung ba rnams ni sbyor ba dag ces bya ba ni/ che thang du mi 'phel ba rnams ni sbyor ba'o zhes bya ba'o/ /sdug bsngal sna tshogs dang sbyor ba'i phyir zhes bya ba ni skye ba la sogs pa'i sdug bsngal sna tshogs pa dag dang sbyor ba'i phyir zhes bya ba'i don to/ /yang na yang dang yang du rjes su 'brel ba'i sgo nas so zhes bya ba ni sbyor ba dag go zhes bya bar skabs dang sbyar ro//de'i phyir de ltar na chu bo ni res 'ga' yin la/ sbyor ba ni thams cad kyi tshe yin no zhes bstan par 'gyur ro/ /'dod pa la sogs pa nye bar len pa'i phyir nye bar len pa rnams yin no zhes bya ba la gang gis 'dod pa dag nye bar len pa de ni 'dod pa nye bar len pa ste/'dod pa dag la 'dun pa gang yin pa'o/ /de bzhin du lta ba dang tshul khrims dang / brtul zhugs dang bdag tu smra ba nye bar len pa yang ci rigs par bya'o/ /phra rgyas de dag nyid kun du sbyor ba dang / 'ching ba dang / phra rgyas dang / nye ba'i nyon mongs pa dang /kun nas dkris pa'i dbye bas yang rnam pa lngar phye nas bshad de zhes bya ba 'byung ngo / /de la kun du sbyor ba ni dgu ste zhes bya ba rgyas par 'byung ba ni yul rnams dang skye ba dag la kun du sbyor bar byed pas na kun du sbyor ba rnams te/ ji skad du mig gis ni gzugs dag la kun du sbyor ba ma yin/gzugs dag gis kyang mig la kun du sbyor ba ma yin gyi/ 'on kyang 'dun pa'i 'dod chags gang yin pa 'di 'dir kun du sbyor ba yin no zhes gsungs la/ slar yang byis pa so so'i skye bo thos pa dang mi ldan pa ni bcings bzhin du skye/ bcings bzhin du 'chi/ bcings bzhin du 'jig rten 'di nas 'jig rten pha rol du 'pho'o zhes gsungs so//yang 'di rnams yod na sdug bsngal gyi khyad par du ma dang kun du sbyor bas na kun du sbyor ba rnams te/ nyon mongs pa thams cad kyi gzhir gyur pa'i phyir ro/ /de la rjes su chags pa'i kun du sbyor ba khams gsum pa'i 'dod chags te/rten dang dmigs pa'i sgo nas dngos po 'tshog chas dang bcas pa dag la mngon par zhen pa gang yin pa'o/ /ci rigs par sbyar bar bya'o zhes bya ba ni/ khong khro ba dang / phrag dog dang / ser sna'i kun du sbyor ba dag ni 'dod pa na spyod pa'o/ /rjes su chags pa dang /nga rgyal dang ma rig pa dang lta ba dang / mchog tu 'dzin pa dang / the tshom gyi kun du sbyor ba dag ni khams gsum pa'o/ /lta ba'i kun du sbyor ba ni lta ba gsum mo zhes bya ba ni/ 'jig tshogs dang / mthar 'dzin pa dang / log par lta ba dag go/ /mchog tu 'dzin pa'i kun du sbyor ba ni lta ba gnyis so zhes bya ba ni/lta ba mchog tu 'dzin pa dang / tshul khrims dang / brtul zhugs mchog tu 'dzin pa'o/ /de nyid kyi phyir zhes bya ba ni gang gi phyir mchog tu 'dzin pa'i kun du sbyor ba lta ba'i rang bzhin yin bzhin du lta ba'i kun du sbyor ba'i bdag nyid ma yin pa'i phyir ro/ /lta ba dang mtshungs par ldan pa'i chos rnams dang zhes bya ba ni mchog tu 'dzin pa'i lta ba dang mtshungs par ldan pa tshor ba la sogs pa dang ngo //rjes su chags pa'i kun du sbyor bas zhes bya ba ni 'dod chags kyis so/ /lta ba'i kun du sbyor bas ma yin la zhes bya ba ni 'jig tshogs dang mthar 'dzin pa dang log par lta ba rnams las gang yang rung bas ma yin pa'o//de la lta ba'i phra rgyas rgyas par mi 'gyur ba yang ma yin pa zhes bya ba ni dgag pa gnyis kyis rnal ma go bar byed pa ste/ 'o na ci zhe na/ rgyas par 'gyur ba lta zhes bya bar ro/ /smras pa yod de zhes bya ba rgyas par 'byung ba ni dri ba'i lan 'debs pa'o//kun 'byung shes pa skyes la zhes bya ba 'dis ni lta ba'i kun du sbyor ba kun du 'gro ba spangs par ston to/ /'gog pa shes pa ma skyes pa'i tshe zhes bya ba 'dis ni mchog tu 'dzin pa'i kun du sbyor ba dang / rjes su chags pa'i kun du sbyor ba 'gog pa dang / lam mthong bas spang bar bya ba ma spangs par bstan to//'gog pa dang lam mthong bas spang bar bya ba zhes bya ba rgyas par 'byung ste/ de dag dang ni rjes su chags pa'i kun du sbyor ba rang gi ris pa de la dmigs pas ldan gyi/ de dang mtshungs par ldan pas ni ma yin te/ rtsa ba'i nyon mongs pa rnams la phan tshun mtshungs par ldan pa med pa'i phyir ro//kun du 'gro ba ni spangs pa'i phyir la zhes bya ba ni sdug bsngal dang kun 'byung mthong bas spang bar bya ba'i lta ba'i kun du 'gro ba kho na kun du 'gro ba yin la/ de ni spangs pa yin no/ /'o na de'i lta ba'i kun du sbyor ba kun du 'gro ba ma yin pa ma spangs te/ des ldan par 'gyur ro zhe na/de'i phyir kun du 'gro ba ma yin pa zhes bya ba rgyas par 'byung ste/ de lta ba'i kun du sbyor ba kun du 'gro ba ma yin pa ni log par lta ba yin na/ de ni 'gog pa dang lam la dmigs pa yin gyi/ mchog tu 'dzin pa dang mtshungs par ldan pa'i tshor ba la ni ma yin la/ lta ba gnyis la mtshungs par ldan pa'am/ mtshungs par ldan pa dag la dmigs pa tha dad pa yod pa yang ma yin no/ /de dag la lta ba'i phra rgyas ni rgyas par 'gyur te/ gang zhe na/ mchog tu 'dzin pa de dag kho na'o/ /ji ltar zhe na mtshungs par ldan pa'i sgo nas so/ /lta ba gsum yang rdzas bco brgyad yin la zhes bya ba ni 'dod pa'i khams na log par lta ba rnam pa bzhi dang /'jig tshogs dang mthar 'dzin pa'i lta ba gnyis te drug go/ /gzugs dang gzugs med pa'i khams su yang de dang 'dra bas bco brgyad du 'gyur ro/ /mchog tu 'dzin pa gnyis kyang rdzas bco brgyad kho na yin te/ji ltar zhe na/ 'dod pa'i khams na lta ba mchog tu 'dzin pa rnam pa bzhi dang / tshul khrims dang brtul zhugs mchog tu 'dzin pa gnyis te drug tu 'gyur ro/ /gzugs kyi khams dang gzugs med pa'i khams su yang de dang 'dra bar bco brgyad du 'gyur ro/ /yang rdzas 'dra bas don ci zhig rnyed ce na/kun du sbyar ba'i don nyid do zhes smra'o/ /'di skad bstan par 'gyur te/ ji ltar 'dod chags la sogs pa dag re re kun du sbyor ba'i don 'dzin pa de bzhin du lta ba dag gsum du gyur nas don de 'dzin to/ /de lta ma yin na 'jig tshogs la lta ba la sogs pa'i kun du sbyor ba yang ston par 'gyur ro//lta ba gsum gyi nus pa ji lta ba de bzhin du lta ba gnyis kyi nus pa yang 'dra ba las yin par lta ba'o/ /de'i phyir de dag logs su kun du sbyor ba nyid du nye bar bstan to/ /gzhan dag na re rtags dang rdzas 'dra ba la ltos nas yin no//gzung ba dang 'dzin pa tha dad pa'i phyir ro zhes bya ba la gzung ba ni lta ba gsum mo/ /'dzin pa ni mchog tu 'dzin pa gnyis so/ /ji lta zhe na/ gcig gis ni lta ba gang gis bdag go snyam pa dang / rtag pa'o snyam pa dang / gang gis med do snyam du sems pa de mchog tu 'dzin la/ gzhan gyis ni 'dag par 'dzin te/ de'i phyir ma 'chol bar bstan par bya ba'i phyir yin no/ /gang la gcig tu mi dge ba dang rang dbang can zhes bya ba la ngo tsha med pa dang khrel med pa gnyis ni gcig tu mi dge ba yin mod kyi rang dbang can ma yin la/ 'gyod pa ni rang dbang can yin mod kyi/gcig tu mi dge ba ni ma yin te/ de ni dge ba yang yin pa'i phyir ro/ /gzhan dag ni gnyi ga yang ma yin no/ /gang gi bcu yin pa de ni khro ba dang 'chab pa yang rnam pa gnyi ga yin pas zhes bya ba ni gcig tu mi dge ba dag dang rang dbang can yin pa'o/ /gzhan dag ni 'di la shin tu rno ba dang yang dang yang du kun du 'byung ba'i phyir dang /dbang chung bar grags pa dang / longs spyod chung ba nyid kyi rgyu yin pa'i phyir te/ de nyid kyi phyir/ kau shi ka lha dang mi rnams ni phrag dog dang ser sna'i kun du sbyor ba can yin no zhes gsungs te/ de'i phyir phrag dog dang ser sna ni kun nas dkris pa dag las logs shig tu kun du sbyor ba yin no zhes lan 'debs so//tha ma'i cha ni 'dod pa'i khams yin la/ /zhes ni khams gsum gyi dbang du byas nas cha yin la tha ma ni tha shal te/ gcig tu mnyam par ma bzhag pa'i phyir dang / mi dge ba'i chos yod pa'i phyir dang / ngan 'gro'i 'gro ba yod pa'i phyir dang /sdug bsngal dang yid mi bde ba yod pa'i phyir dang / nyon mongs pa bar mtshams med pa'i phyir ro/ /gnyis kyis 'dod las mi 'da' la/ /zhes bya ba ni de dag ma spangs na 'dod pa'i khams las mi 'da' ba'i phyir ro/ /gsum po yis ni phyir zlog byed/ /ces bya ba ni 'jig tshogs la lta ba la sogs pa rnams gtugs te ma spangs na/slar 'dod pa'i khams su bzlog pa'i phyir/ 'di dag ni tha ma'i cha dang mthun pa yin no/ /sgo ba dang rjes su 'brang ba dang / chos mthun pa'i phyir ro zhes bya ba la sgo bas ni nyes pa can 'byung ba las zlog par byed la/ dbyug pa dang zhags pa can nam/sgo ba'i rjes su 'brang ba gzhan gyis ni de bag med par gyur pas nyes pa can byung zhing thag ring por phyin yang phyir zlog par byed pa de bzhin du 'dir yang yin no/ /gsum gyis ni sems can gyi tha ma zhes bya ba rgyas par 'byung ngo / /tha ma'i cha ni gnyis te/ khams las ni 'dod pa'i khams so//sems can rnams las ni so so'i skye bo'o/ /de la 'phags pa'i chos thob kyang khams tha ma las mi 'da' ba gang yin pa de ni 'dod pa la 'dun pa dang / gnod sems kyi kun du sbyor ba dang ldan pa'i phyir ro/ /'dod pa dang gzugs las 'dod chags dang bral ba yang so so'i skye bo nyid las mi 'da' zhing phyir la 'dod pa'i khams dang sems can gyi tha ma la brten pa gang yin pa de ni 'jig tshogs la lta ba dang tshul khrims dang brtul zhugs mchog tu 'dzin pa dang /the tshom gyi kun du sbyor ba dang ldan pa'i phyir ro/ /tha ma'i cha dang mthun pa lnga bshad zin to/ / kun du sbyor ba gsum yongs su gtugs te spangs pa'i phyir zhes bya ba ni lta ba dang mchog tu 'dzin pa dang / the tshom gyi kun du sbyor ba rnams so/ /gtugs pa ni ma lus pa'o/ /nyon mongs pa drug spangs pa yin na zhes bya ba ni lta ba lnga dang the tshom ste/ 'di ltar 'jig tshogs dang / mthar 'dzin pa dang / log par lta ba gsum ni lta ba'i kun du sbyor ba yin la/ mchog tu 'dzin pa gnyis ni mchog tu 'dzin pa'i kun du sbyor ba yin pa'i phyir ro/ /ci'i phyir lta ba gsum bor la zhes bya ba ni mthar 'dzin par lta ba dang / log par lta ba dang / lta ba mchog tu 'dzin pa'o/ /gsum kho na gsungs zhes bya ba ni 'jig tshogs la lta ba dang /tshul khrims dang brtul zhugs mchog tu 'dzin pa dang / the tshom mo/ /ci'i phyir 'dod chags la sogs pa dag bor nas zhes 'di ci ste ma brtsad ce na/ yongs su gtugs te zhes gsungs la yongs su gtugs pa yang ma lus par zad pa yin na/ de'i 'dod chags pa la sogs pa bsgom pas spang bar bya ba ni zad pa yang ma yin pas ma brtsad do//de dag thams cad brjod par bya ba ni yin mod kyi zhes bya ba ni lta ba gsum mo/ /nyon mongs pa ni rnam pa gsum ste zhes bya ba ni mthong bas spang bar bya bar sbyar ro/ /rnam pa gcig dang zhes bya ba ni 'jig tshogs dang /mthar 'dzin par lta ba dang / de dag la dmigs pa 'dod chags la sogs pa dag go/ /rnam pa gnyis ni tshul khrims dang brtul zhugs mchog tu 'dzin pa dang / de la dmigs pa'i 'dod chags la sogs pa dag go/ /rnam pa bzhi ni log par lta ba dang / lta ba mchog tu 'dzin pa dang /the tshom dang / de dag la dmigs pa'i 'dod chags la sogs pa dag go/ /de dag gi sgo ni 'di gsum gyis bsdus so zhes bya ba ni/ rnam pa gcig gi sgo ni 'jig tshogs la lta bas bsdus so/ /rnam pa gnyis kyi ni tshul khrims dang brtul zhugs mchog tu 'dzin pas so//rnam pa bzhis ni the tshom gyis so/ /de'i phyir de dag spangs par gsungs pas de'i rnam pa can lhag ma rnams kyang spangs par gsungs par rig par bya ste/ phyogs tsam zhig bstan pa'i phyir ro/ /gzhan yang mthar 'dzin par lta ba ni 'jig tshogs la lta bas rab tu bcug la zhes bya ba ni bdag tu mngon par 'dod pa'i dngos po la rtag pa dang chad pa'i mthar 'dzin pa'i phyir ro//de'i phyir de yang spangs par gsungs par 'gyur te/ rtag pa dang chad pas brtags pa'i gzhi med pa'i phyir ro/ /gzhan la yang de dang 'dra bar brjod par bya'o/ /gzhan dag na re zhes bya ba ni slob dpon 'di nyid do/ / de la 'jig tshogs lta bas ni zhes bya ba rgyas par 'byung la/ der nga'i bdag med par 'gyur ro zhes thar pa la skrag par 'gyur bas 'gro mi 'dod par 'gyur ro/ /ji ltar lam nor zhe na/ lam gzhan la yang dag par brten pa'i phyir zhes bya ba smos te/ kun du sbyor ba tha ma'i cha dang mthun pa smos pa'i phyir don gyis gzhan gyi cha dang mthun pa yang yod do zhes bshad par 'gyur bas de'i phyir/gong ma'i cha dang mthun lnga nyid/ /ces bya ba smos so/ /gong ma'i cha ni gzugs kyi khams dang / gzugs med pa'i khams dang / de dang mthun pa'i phyir na gong ma'i cha dang mthun pa zhes bya'o/ / ji ltar 'di dag de dang mthun pa yin zhe na/ de'i phyir de dag ma spangs par khams gong ma las mi 'da' ba'i phyir ro zhes bya ba smos so/ /kun du sbyor ba'i skabs rdzogs so zhes bya ba la/ gang gi tshe rgyun du zhugs pas kun du sbyor ba gsum yongs su gtugs te spangs pa'i phyir zhes bya ba 'di ni zhar la byung ba yin la/sgo dang rtsa ba bsdus phyir gsum/ /zhes bya ba 'di ni rgyu smras pa yin no/ /de dag kun du sbyor sogs kyis/ /dbye bas yang rnam pa lngar bshad do zhes bya ba las kun du sbyor ba dag bshad zin to/ /'ching ba rnams gang zhe na/ 'ching ba ni gsum ste zhes bya ba la/ 'di rnams kyis 'ching bar byed pas na 'ching ba ste/ 'dod chags dang bral bar 'gro ba la gegs byed ces bya ba'i tha tshig go/ /kun du sbyor ba dang 'ching ba rnams las mtshan nyid las tha dad pa ni yod pa ma yin mod kyi/ 'on kyang tshor ba'i dbang gis 'ching ba gsum du bshad do/ /'ching ba 'dod chags thams cad dang //zhes bya bas ni khams gsum pa rnam pa lnga char yang ngo zhes bya bar bstan to/ /zhe sdang dang gti mug kyang ci rigs par de dang 'dra bar rig par bya'o/ /sdug bsngal ni zhe sdang ngo / /bde ba yang ma yin sdug bsngal yang ma yin pa la ni gti mug ste dmigs pa dang mtshungs par ldan pa'i sgo nas zhes thams cad du yang dbang du bya bar sbyor ro//'dod chags dang zhe sdang dag ni de ltar ma yin no zhes bya ba ni/ bde ba la ji ltar 'dod chags rgyas par 'gyur ba de ltar zhe sdang la ma yin la/ sdug bsngal la ji ltar zhe sdang rgyas par 'gyur ba de ltar 'dod chags la ma yin te/'di ltar dgra'i bde ba dang sdug bsngal dag la zhe sdang dang 'dod chags dmigs pa'i sgo nas rgyas par 'gyur gyi/ mtshungs par ldan pa'i sgo nas ni ma yin no/ /bde ba yang ma yin sdug bsngal ba yang ma yin pa la gti mug ji ltar rgyas pa de ltar 'dod chags dang zhe sdang dag ma yin gyi/rgyas par mi 'gyur ba ni ma yin te/ gti mug ni mi gsal ba'i phyir/ bde ba yang ma yin sdug bsngal yang ma yin pa mi gsal ba kho na la rgyas par 'gyur te/ rjes su mthun pa'i phyir te/ thams cad btang snyoms dang mtshungs ldan/ /zhes 'chad pa'i phyir ro/ /yang na rang gi rgyud la yod pa'i dmigs pa'i sgo nas nges pa yin no zhes bya ba la/rang gi rgyud la yod pa'i bde ba la dmigs pa dang mtshungs par ldan pa'i sgo nas rgyas par 'gyur la/ gzhan gyi rgyud la yod pa la ni dmigs pa tsam gyi sgo nas so/ /zhe sdang la yang de bzhin du brjod par bya'o//sems nye bar nyon mongs par byed pa'i phyir ro zhes bya ba ni sems nyon mongs pa can nyid du byed pa'i phyir ro/ /re zhig gang dag nyon mongs pa phra rgyas zhes bya ba gang yin pa de dag ni nye ba'i nyon mongs pa yang yin te/ de dag ni nyon mongs pa'i mtshan nyid tshang ba yin pa'i phyir ro/ / de dag ni kun du sbyor ba dang / 'ching ba dang / phra rgyas dang nye ba'i nyon mongs pa dang / kun nas dkris pa zhes bya ba yin pas de'i phyir de dag ni nye ba'i nyon mongs pa yang yin no/ /gzhan zhes bya ba ni nyon mongs pa rnams las don gzhan gyi dngos por shes par bya ba'i phyir ro/ /nyon mongs pa can zhes bya ba ni dge ba dang /ma bsgribs la lung du ma bstan pa bsal bar bya ba'i phyir ro/ /sems byung zhes bya ba ni gzugs dang mi ldan pa bsal bar bya ba'i phyir ro/ /'du byed phung zhes bya ba ni 'du shes dang tshor ba la sogs pa dag bsal bar bya ba'i phyir ro/ /de la nye ba'i nyon mongs pa kho na yin zhes bya ba la/nye ba'i nyon mongs pa ni nyon mongs pa dang nye bar 'dug pa dag go/ /gzhi phran tshegs las byung ba gang dag yin pa'o zhes bya ba ni mi dga' ba dang / gla byed pa dang / sems zhum pa nyid dang / rmya ba dang / zas kyi drod mi zin pa la sogs pa dag go/ /'dir ni kun nas dkris pa dang /nyon mongs pa'i dri mas bsdus pa kho na zhes bya ba ni/ kun nas dkris pas bsdus pa dang / nyon mongs pa'i dri mas bsdus pa'o/ /de la 'di dag gis srid pa'i btson rar kun nas dkris pas na kun nas dkris pa dag yin pa'am/ 'di dag yod na spyod pa ngan pa dag ldang bas na kun nas dkris pa dag go//de la ngo tsha med pa dang khrel med pa ni bshad zin to zhes bya ba ni/ ma gus ngo tsha med khrel med/ /kha na ma tho 'jigs mi lta/ /zhes bya ba yin no/ /sems khong nas 'khrug pa'o zhes bya ba la/ khong nas 'khrug pa ni gzhan gyi phun sum tshogs pa la mi bzod pa sngon du 'gro ba can gyi sems kyi gdung ba'o//ser sna ni zhes bya ba la/ gang las bdag las gzhan du ma 'gro zhig snyam par gyur pa de ni ser sna ste/ de'i dngos po ni ser sna nyid do/ /chos dang zang zing dang mkhas pa rab tu 'byin pa dang / 'gal ba can zhes bya ba ni/ chos rab tu sbyin pa dang 'gal ba can dang /zang zing rab tu sbyin pa dang 'gal ba can dang / mkhas pa rab tu sbyin pa dang 'gal ba can dang / sems kyi kun du 'dzin pa zhes bya ba la/ sems kyi kun du 'dzin pa ni dngos po la mngon par zhen pa sngon du 'gro zhing / de dang mi 'bral bar 'dod pa nyid do//rgod pa ni sems rnam par ma zhi ba'o zhes bya ba ni/ glu dang gar dang sgeg pa'i cha lugs dang / rgyan gyis sems rnam par ma zhi ba dang / gang dang ldan pas lam gol bar zhugs par 'gyur ba de ni rgod pa'o/ /'gyod pa dang rmugs pa ni bshad zin to zhes bya ba la/ de la ni mdzod kyi gnas gnyis pa las/ngan pa byas pa'i dngos po ni 'gyod pa'o zhes bya ba la sogs pa dang / rmugs pa ni lus dang sems las su mi rung ba nyid do zhes bshad do/ /gnyid ni sems mngon par sdud pa'o zhes brjod na ni snyoms par 'jug pa la yang thal bar 'gyur bas de'i phyir lus yang dag par 'dzin par mi nus pa'o zhes bya ba smos so//de ni nyon mongs pa can kho na kun nas dkris pa yin gyi/ dge ba'am lung du ma bstan pa ni ma yin no/ /'gyod pa yang nyon mongs pa can kho na kun nas dkris pa yin gyi dge ba ni ma yin no/ /khro ba ni gnod sems dang rnam par 'tshe ba ma gtogs pa zhes bya ba ni de dag las gzhan pa sems can dang sems can ma yin pa dag la kun nas mnar sems pa ste/dper na dge slong bslab pa 'dod pa la sems 'khrug pa dang / tsher ma la sogs pa dag la 'khrug pa lta bu'o/ /'chab pa ni kha na ma tho ba mkhyud pa'o zhes bya ba la kha na ma tho ba ni smad par bya ba ste/tshul khrims dang / spyod pa dang / 'tsho ba rgud pa dag yin la/ mkhyud pa ni de sbed par 'dod pa'i rgyu ste/ sdig pa nang du gzhag pa'i phyir mi mngon par byed pa'o zhes bya ba'i don to/ /go rims bzhin du shes pa dang mi shes pa rnams kyis yin no zhes bya ba ni/skyes bu gang zag 'chab pa dang ldan pa rnams kyi zhes bya bar sbyar te rgyal po la sogs pas shes pa rnams kyi ni bdag la rnyed pa dang / bkur sti med par 'gyur ro snyam du sred pa'i rgyu mthun pa yin no/ /mi shes pa rnams kyi ni ma rig pa'i rgyu mthun pa yin te/las bdag gir bya ba nyid du ma dad pa ni kha na ma tho ba 'chab kyi/ gtsang mar bya ba'i phyir gzhan gyi tha dad du chags par mi byed do/ /khrel med par ma rig pa'i rgyu mthun pa ji ltar yin zhe na/ gang gis phyir khrel med pa 'jigs par mi lta ba yin pa'i phyir ro//the tshom las 'gyod ces bya ba ni nyon mongs pa can brjod par 'dod pa'i phyir ro/ /nyon mongs dri ma zhes bya ba ni/ ji ltar lus dang dri ma 'byung ba de bzhin du rgyu la sogs pa 'di dag kyang nyon mongs pa rnams las 'byung ngo / /rgyu ni gzhan 'drid pa'o zhes bya ba ni gzhan 'drid pa'i bsam pa can gyis srang la g.yo la sogs pa byed do//g.yo ni sems gya gyu ba ste zhes bya ba la g.yo ni rang dang gzhan gyi nang gi bsam pa mkhyud pa dang / mi gsal bar byed pa'i thabs su gnas pa'i sems gya gyu ba'o/ /rgyags pa ni sngar bshad zin to zhes bya ba ni rgyags pa ni/ rang gi chos la chags pa yi//sems ni yongs su gdung ba'o/ /zhes bya ba yin no/ /nyon mongs pa rnam pa gnyis dang mtshungs par ldan pa'i phyir zhes bya ba ni mthong ba dang bsgom pas spang bar bya ba'i phyir zhes bya ba'i don te/ 'di ltar ngo tsha med pa dang khrel med pa ni mi dge ba thams cad dang mtshungs par ldan pa'i phyir ro//rmugs pa dang rgod pa ni nyon mongs pa thams cad dang mtshungs par ldan pa'i phyir ro/ /gnyid ni yid kyi sa pa 'dod pa na spyod pa thams cad dang mtshungs par ldan pa'i phyir ro/ /de nyid gyi phyir gang zhig ces bya ba 'byung ste/ kun nas dkris pa'i chos nye ba'i nyon mongs pa gang zhig bden pa gang mthong bas spang bar bya ba'i nyon mongs pa dang mtshungs par ldan pa ni bden pa de mthong bas spang bar bya ba yin gyi gzhan gyis spang bar bya ba ni ma yin no//ma rig pa tsam dang mtshungs par ldan pa'i phyir ro zhes bya ba ni ma rig pa bsgom pas spang bar bya ba tsam dang mtshungs par ldan pa'i phyir ro//ma rig pa tsam dang mtshungs par ldan pa rnams rang dbang ba yin no zhes bya ba 'di la rigs pa ci yod ce na/ de dag 'jug pa la ni rang nyid gtso bo yin gyi/ nyon mongs pa gzhan la mi ltos la/ ma rig pa ni glen pa'i phyir 'jug par byed pa nyid ma yin te/ nyon mongs pa'i dri ma drug kyang de dang 'dra'o zhes bya ba ni bsgom pas spang bar bya ba dang /rang dbang bar te/ phrag dog la sogs pa nye ba'i nyon mongs pa lnga po ji lta ba bzhin du'o/ /'dod na mi dge zhes bya ba la/ rmugs pa dang / rgod pa dang / gnyid ma gtogs pa kun nas dkris pa bdun dang sgyu la sogs pa drug ni 'dod pa'i khams na gcig tu mi dge ba yin no//rmugs pa dang / rgod pa dang / gnyid rnams ni mi dge ba dang lung du ma bstan pa yin no/ /gnyid ni dge ba yang yod pa ma yin nam zhe na/ de ni kun nas dkris pa'i skabs yin pa'i phyir de mi gzung ngo / /ci rigs par zhes bya ba ni 'dod pa'i khams kyi lhag ma ci tsam zhig sring ba'o//'dod dang bsam gtan dang po na/ /g.yo sgyu zhes bya ba 'byung ngo / /'dod pa'i khams kho na na sgyu yod kyi/ bsam gtan dang po na med pa yin nam sgyu ni gzhan 'drid pa yin na/ de na ni nyo tshong med pas gzhan 'drid pa med do zhe na/brtsad pa 'di ni med de/ nyo tshong ma gtogs pa yang gzhan 'drid pa mthong ba'i phyir ro/ /de nyid kyi phyir tshangs pa 'drid phyir ro zhes bya ba smos te/ snga ma bzhin no/ /g.yo ni bshad zin mod kyi zhes bya ba ni/ de las 'gyod gnyid mi dge rnams/ /bsam gtan dang po dag na med/ /ces bya ba dang /g.yo dang sgyu dang rgyags pa ma gtogs pa khro ba la sogs pa dang zhes bya ba de bshad du zin kyang zhar la ste/ de yan chad ni lung ma bstan zhes bya ba'i zhar la bshad do/ /lnga bor te zhes bya ba ni sgyu dang / g.yo dang / rmugs pa dang / rgod pa dang / rgyags pa dag go/ /de dag ni thams cad yid kyi sa pa dag yin no zhes bya ba la gnyid dang nga rgyal de dag ni rnam pa lnga char yang yid kyi sa pa yin gyi 'dod chags la sogs pa dag bzhin du rnam par shes pa drug dang /mtshungs par ldan pa ni ma yin no/ /nye ba'i nyon mongs rang dbang yang / /zhes bya ba ni 'di lta ste/ phrag dog dang / ser sna dang / 'gyod pa dang / khro ba dang / 'chab pa rnams dang / nyon mongs pa'i dri ma rnams so/ /nyon mongs pa'i sa mang po pa dag gi nang du bshad pa gang dag yin pa'o zhes bya ba ni 'di lta ste/ bag med pa dang / le lo dang / ma dad pa ste/ de dag thams cad ni rnam par shes pa drug la brten pa rig par bya'o//ma rig pa dang / rmugs pa dang / rgod pa ni thal ma thag tu bshad zin pas yang mi brjod do/ /dga' ba dang skyo ba'i rnam par 'jug pa'i phyir zhes bya ba la/ dga' ba'i rnam pa dang skyo ba'i rnam pa ni dga' ba dang skyo ba'i rnam pa dag go/ /'dod chags dang zhe sdang de dag la de dag tu 'jug pa'i ngang tshul yod pa de dag ni dga' ba dang /skyo ba'i rnam par 'jug pa dang / de'i dngos po ni dga' ba dang skyo ba'i rnam par 'jug pa nyid de/ de'i phyir 'dod chags dang zhe sdang de dag bde ba dang sdug bsngal dag dang mtshungs par ldan no/ /rnam par mtshungs pa'i phyir dang /rnam par shes pa'i tshogs drug pa yin pa'i phyir 'dod chags ni bde ba dang yid bde ba dang mtshungs par ldan la/ zhe sdang ni sdug bsngal dang yid mi bde ba dang mtshungs par ldan no/ /bsod nams kyi las can dang / sdig pa'i las can rnams kyi dang zhes bya ba la/ bsod nams kyi las can rnams kyi ni yid mi bde ba dang ngo //sdig pa'i las can rnams kyi ni yid bde ba dang ngo / /lta ba bzhi dang zhes bya ba ni log par lta ba ma gtogs pa'o/ /ji ltar chad par lta ba yid bde ba dang mtshungs par ldan pa yin zhe na/ de mngon par 'dod pa'i phyir ro/ /'dod las skyes zhes bya ba ni/de las gzhan na sdug bsngal dang yid mi bde ba dag med pa'i phyir dang khong khro med pa'i phyir ro/ /re zhig de ltar phra rgyas 'di dag dga' ba dang skyo ba'i rnam pa'i dbye bas bde ba'i sdug bsngal dag dang mtshungs par ldan pa so sor nges par bshad nas/ spyir smras pa zhes bya ba rgyas par 'byung ste/ btang snyoms kyi dbang po ni ma rig pas rgyas par 'byung ba'i phyir dang / ma rig pa yang nyon mongs pa thams cad dang mtshungs par ldan pa'i phyir ro/ /gzhan yang nyon mongs pa thams cad par ma gyur nas 'gag pa ste/ de nyid kyi phyir rgyun 'chad pa'i dus na zhes bya ba smos so/ /btang snyoms la dga' ba dang skyo ba'i rnam pa med pa ma yin nam/de'i phyir ji ltar dga' ba dang skyo ba'i rnam pas de dang mtshungs par ldan zhe na/ de'i phyir grag go zhes bya ba'i sgra ni ma rangs pa'i don du yin no/ /bye brag tu smras pa rnams na re 'gal ba med pa'i phyir skyes bu gzu bo bzhin no zhes zer ro/ /rang gi sa dag na dbang po ji snyed cig yod pa zhes bya ba la/sa gang na dbang po du yod ce na/ skye ba'i bsam gtan dag na ni/ /yid bde ba de dang btang snyoms dang / /btang snyoms yid bde bde ba dang / /btang snyoms btang snyoms tshor ba yod/ /ces phyis 'chad par 'gyur ro/ /de na yang ci rigs par rnam par shes pa'i tshogs bzhi pa rnams ni zhes bya ba la/bsam gtan dang po na ni sna dang lce'i rnam par shes pa med pa'i phyir rnam par shes pa'i tshogs gsum pa'i bde ba yod la/ btang snyoms kyi dbang po rnam par shes pa'i tshogs bzhi pa dang / yid bde ba'i dbang po yid kyi rnam par shes pa po yod do//de yan chad na ni ci rigs par yid kyi rnam par shes pa'i tshogs pa thams cad yod do/ /de la bsam gtan gnyis pa na ni yid bde ba'i dbang po dang / btang snyoms kyi dbang po'o/ /gsum pa na ni bde ba'i dbang po dang / btang snyoms kyi dbang po'o/ /de yan chad na ni btang snyoms kyi dbang po kho na yod do//'di dag skyo ba'i rnam par 'jug pa'i phyir dang / yid kyi sa pa yin pa'i phyir ro zhes bya ba ni yid bde ba dang sdug bsngal gyi dbang po bsal bar bya ba'i phyir khyad par gnyis so/ /de dag dang rgyags pa zhes bya ba 'byung ngo / /ji ltar rgyags pa yid kyi sa pa bde ba'i dbang po dang mtshungs par ldan zhe na/de'i phyir bsam gtan gsum pa na ni bde ba dang mtshungs par ldan no zhes bya ba smos so/ /ma rig pa bzhin du zhes bya ba la/ nyon mongs pa'am nye ba'i nyon mongs pa gang dang yang mtshungs par ldan pa bkag pa med pa de bzhin du btang snyoms kyang yin no zhes bya ba'o//mi dge ba'i sa mang po pa yin pa'i phyir dang zhes bya ba ni/ ngo tsha med pa dang / khrel med pa'o/ /nyon mongs pa'i sa mang po pa yin pa'i phyir ro zhes bya ba ni/ rmugs pa dang / rgod pa dang / rnam par shes pa'i tshogs drug la ni mi dge ba dang nyon mongs pa can srid pas de'i phyir dbang po lnga char dang mtshungs par ldan te zhes bya ba smos so//mdo las 'dod pa la 'dun pa dang zhes bya ba rgyas par 'byung ste/ bcom ldan 'das kyis dge slong dag sgrib pa lnga ni mi dge ba'i phung po yin no zhes smras pa de dag ni yang dag par smra ba na smra bar 'gyur ro//de ci'i phyir zhe na/ dge slong dag 'di ni mi dge ba'i phung po ma 'dres pa yongs su rdzogs pa yin te/ 'di lta ste sgrib pa lnga'o/ /lnga gang zhe na/ 'dod pa la 'dun pa dang / gnod sems dang / rmugs pa dang / gnyid dang / rgod pa dang / 'gyod pa dang / the tshom mo zhes gsungs so/ / de la ci rmugs pa dang zhes bya ba rgyas par 'byung ba ni rmugs pa dang / rgod pa dang the tshom ni khams gsum pa yin la/ 'dod pa la 'dun pa dang / gnod sems dag ni 'dod pa na spyod pa yin na/ de las ni khyad par med par gsungs pas/ ci rmugs pa dang rgod pa dang the tshom khams gsum pa gzung ngam/'on te 'dod pa la 'dun pa dang / gnod sems ltar 'dod pa dang ldan par gzung zhes mi shes pa'o/ /'di ni mi dge ba'i phung po zhes bya ba la sogs pa 'byung bas rmugs pa dang rgod pa dang the tshom rnams khams gsum pa nyid yin yang 'dod par gtogs pa dag kho na sgrib par bzhed do//de nyid kyi phyir rmugs pa dang rgod pa dang / gnyid dang 'gyod pa dag dang bsres par mdzad de/ rmugs pa dang rgod pa 'dod pa na spyod pa dag kho na sgrib pa nyid du shes par bya ba'i phyir ro/ /gnyid dang 'gyod pa nyon mongs pa can ma yin pa dag sgrib pa'i ngo bo yin pa dgag par yang mdzad pa yang yin te/rmugs pa dang / rgod pa dang / bsres pa'i phyir dang / de dag kyang gcig tu nyon mongs pa can yin pa'i phyir ro/ /sgrib pa zhes bya ba ni bsam gtan dang ting nge 'dzin dang snyoms par 'jug pa rnams kyi sgrib pa zhes bya ba'i don gang yin pa'o/ /mi mthun dang zas dang bya ba gcig pa'i phyir/gnyis gcig ces bya ba ni ji ltar 'dod pa la 'dun pa'i zas sdug pa'i mtshan ma yin la/ zas ma yin pa mi sdug pa yin pa dang / gnod sems kyi zas khong khro ba'i mtshan ma yin la/ zas ma yin pa byams pa yin pa dang / the tshom gyi zas dus gsum yin te/ 'das pa'i dus la the tshom za zhes bya ba la sogs pa rgyas par 'byung bas so//zas ma yin pa ni rkyen nyid 'di pa'i rten cing 'brel par 'byung ba so sor rtog pa yin pa lta bu ste/ de ltar na 'di dag ni re re zhing sgrib pa nyid yin no/ /rmugs pa dang / gnyid dang / rgod pa dang / 'gyod pa'i yang de bzhin du yin no//kha zas kyi drod mi zin pa zhes bya ba ni te por nyung ba'am mang ba za zhes bya ba'i don to/ /zhi gnas ni ting nge 'dzin dang rtse gcig pa zhes bya ba'i don to/ /'dod pa la 'dun pa dang gnod sems dag gis ni tshul khrims kyi phung po la gnod par byed de/ de gnyis kyis go rims bzhin du 'dod pa dang sdig pa las dben pa ring du byed pa'i phyir ro//rmugs pa dang gnyid kyis ni shes rab kyi phung po la gnod par byed de/ de lhag mthong ring du byed pa'i phyir ro/ /rgod pa dang 'gyod pas ni ting nge 'dzin gyi phung po la gnod par byed de/ des zhi gnas ring du byed pa'i phyir ro/ /rtog pa 'di lta na ni zhes bya ba ni gal te rmugs pa dang gnyid shes rab kyi phung po dang /'gal ba nyid du rtog cing / rgod pa dang 'gyod pa ting nge 'dzin gyi phung po dang 'gal bar rtog na ni/ de lta yin dang rgod pa dang / 'gyod pa'i sgrib pa rmugs pa dang gnyid kyis sgrib pa'i sngar smos par 'gyur ro/ /ci'i phyir zhe na/'di ltar rim pa gang gis tshul khrims dang / ting nge 'dzin dang / shes rab kyi phung po dag bstan pa'i rim pa des de dag gis mi mthun pa'i phyogs su gyur pa'i sgrib pa rnams kyi bstan par rigs te/ rim pa las rgal ba la dgos pa med pa'i phyir ro/ /grangs bzhin du zhes bya ba ni rmugs pa dang /gnyid ni ting nge 'dzin gyi phung po'i nye ba'i nyon mongs pa'o/ /rgod pa dang 'gyod pa ni shes rab kyi phung po'i nye ba'i nyon mongs pa ste/ 'di ltar ting nge 'dzin la brtson pa ni rmugs pa dang gnyid kyi 'jigs pa la chos rab tu 'byed pa la brtson pa ni rgod pa dang 'gyod pas 'jigs so/ / rgyu bar 'gyur bas zhes bya ba ni bsod snyoms kyi ched du 'byam pas so/ /gnas par gyur pa'i zhes bya ba ni nang du yang dag 'jog par 'dug pa'am 'chag pa'i'o/ /de'i mngon du 'gro ba zhes bya ba ni sdug pa dang mi sdug pa'i mtshan ma mngon du 'gro ba'o/ /de'i 'og tu ting nge 'dzin du zhugs pas zhes bya ba 'dir ma rig pa ni zhi gnas kyi rgyu mtshan dang lhag mthong gi rgyu mtshan phyin ci log tu yid la byed pa 'di yin no//go rims bzhin du zhes bya ba ni rmugs pa dang / gnyid ni zhi gnas kyi bar chad byed la/ rgod pa dang 'gyod pa ni lhag mthong gi bar chad byed de/ rlung dmar gyis dkrugs pa'i chu la gzugs kyi gzugs brnyan mi snang ba ltar/rgod pa dang 'gyod pas dkrugs pa'i sems la de nyid mthong ba med do/ /the tshom gyis kyang de nyid mthong bar mi 'gyur ro/ /skal ba mi mnyam pa'i khams kun du 'gro ba rnams dang zhes bya ba rgyas par 'byung ste/ skal ba mi mnyam pa'i khams kun du 'gro ba rnams kyi dmigs pa ni gzugs dang gzugs med pa'i khams dag yin zhing /sdug bsngal dang kun 'byung la rjes su shes pa'i bzod pa dag gis yongs su shes par bya ba yin la/ de rnams de'i tshe spong ba ni ma yin te/ sngar spangs zin pa'i phyir ro/ / de rnams ni sngar sdug bsngal dang kun 'byung la chos shes pa'i dus su spangs pa'i phyir ro/ /'gog pa dang lam mthong bas spang bar bya ba zag pa dang bcas pa la dmigs pa rnams kyi dmigs pa ni 'gog pa dang lam mthong bas spang bar bya ba log par lta ba la sogs pa yin la/ log par lta ba la sogs pa de dag kyang sdug bsngal dang kun 'byung gis bsdus pa'i phyir/sdug bsngal dang kun 'byung la chos rjes su shes pa'i bzod pa dag gis yongs su shes la/ de rnams de'i tshe spong ba yang ma yin te/ 'o na ci zhe na/ phyis 'gog pa dang lam la chos dang rjes su shes pa dag gis spong ngo //de'i tshe de rnams kyi dmigs pa yongs su shes pa yang ma yin te/ sngar yongs su shes par byas zin pa'i phyir ro/ /de'i phyir de rnams ji ltar spong ba brjod dgos so zhe na/ dmigs pa yongs su shes pa dang / de la dmigs pa yang dag par zad pa dang zhes bya ba rgyas par 'byung ste/ rang gi sa la dmigs pa smos pa ni skal ba mi mnyam pa'i khams kun du 'gro ba bsal ba'i phyir ro/ /zag pa med pa la dmigs pa rnams zhes bya ba la/ ci zhe na/ dmigs pa yongs su shes pas zad par 'gyur ro zhes bstan to/ /zag pa med pa la dmigs pa smos pa ni zag pa dang bcas pa la dmigs pa bsal bar bya ba'i phyir ro//de la dmigs pa yang dag par zad pas ni zhes bya ba la/ skal ba mnyam pa'i khams kun du 'gro ba 'di dag la dmigs pa skal ba mi mnyam pa'i khams kun nas 'gro ba yod pa de dag ni de la dmigs pa'o/ /de la dmigs pa rnams yang dag par zad pa ni de la dmigs pa yang dag par zad pa ste/de la dmigs pa yang dag par zad pa de bas na skal ba mi mnyam pa'i khams kun du 'gro ba rnams zad par 'gyur te/ yul bstan par byed pa spangs pa'i phyir skal ba mi mnyam pa'i khams kun du 'gro ba rnams stong ngo / /zag pa med pa la dmigs pa de dag ni de dag gi dmigs pa yin pas zhes bya ba la/log par lta ba la sogs pa 'gog pa dang lam gyi bden pa la dmigs pa de dag ni 'gog pa dang lam mthong bas spang bar bya ba 'dod chags la sogs pa de dag gi dmigs pa yin pas yul spangs pa'i phyir/ yul can spangs pa yin no//gnyen po skyes pas zad par 'gyur/ /zhes bya ba ni bden pa rnams sngar yongs su shes par byas zin pa'i phyir dmigs pa yongs su shes pas ma yin la/ de la dmigs pa yang dag par zad pas kyang ma yin te/ de dag ni skal ba mi mnyam pa'i khams kun du 'gro ba ma yin pa'i phyir ro/ / dmigs pa spangs pas kyang ma yin te/ sngar dmigs pa spong ba dang de dag la dmigs pa spangs pa nyid kyis/ de dag la dmigs pa spangs pa las phyis 'dod chags la sogs pa ma yin pa'i phyir ro/ /chen po'i chen po ni zhes bya ba ni/ chung dang 'bring dang chen po yi/ /chung ngu la sogs dbye ba yis/ / zhes 'chad par 'gyur ro/ /spong ba'i gnyen po ni bar chad med pa'i lam mo zhes bya ba ni gang gis nyon mongs pa'i thob pa kun du gcod pa ste/ de yang bar chad med pa'i lam thams cad yin no/ /gzhi'i gnyen po de yan chad kyi lam gang yin pa ste zhes bya ba ni/ 'di lta ste/ sdug bsngal la chos shes pa la sogs pa lta bu'o//gang gis zhes bya ba rgyas par 'byung ngo / gang gis sdug bsngal la chos shes pa la sogs pa'i bzod pa la sogs pa bar chad med pa'i lam gyis spangs pa bral ba'i thob pa kun du 'dzin pa'o/ /'dir ni bar chad med pa'i lam dang po ma gtogs pa'i bar chad med pa'i lam yang gzung ste/bar chad med pa'i lam dang po ni spong ba'i gnyen po kho na yin gyi/ gzhi'i gnyen po ni ma yin pa'i phyir ro/ /thag bsring ba'i ngo bo'i gnyen po ni zhes bya ba la/ 'dis thag bsring ba'i ngo bo byed pas na/ thag bsring ba'i ngo bo ste/ de nyid gnyen po'o/ /rnam par grol ba'i lam yan chad kyi lam gang yin pa ste zhes bya ba ni/rnam par grol ba'i lam sdug bsngal la chos shes pa gang yin pa de'i gong gi lam gang yin pa ste/ de lta yin dang 'dir rnam par grol ba'i lam dang po ma gtogs pa'i rnam par grol ba'i lam yang gzung ste/ de ni gzhi'i gnyen po kho na yin gyi thag bsring ba'i ngo bo'i gnyen po ni ma yin no//gzhan dag na re rnam par grol ba'i lam yang yin te zhes bya ba la/ de'i phyir de ltar na dang po yang gzung bar 'gyur ro/ /sngar ni rnam par grol ba'i lam yan chad kyi rnam par grol ba'i lam gzhan gang yin pa de kho na gzung bar 'gyur ro/ /des kyang thob pa de dag sring bar byed do zhes bya ba ni rnam par grol ba'i lam dang po ste/bral ba'i thob pa kun du 'dzin pa 'ba' zhig tu ma zad do/ /rnam par sun 'byin pa'i gnyen po ni lam gang gis khams de la skyon du mthong nas rnam par sun 'byin par byed do zhes bya ba ni sdug bsngal dang kun 'byung gi bden pa la dmigs pa'i lam ste/'di ltar des ni khams de mi rtag pa la sogs pa'i rnam pa dag tu rnam par sun 'byin par byed cing / rnam par gtong bar byed ces bya ba'i tha tshig go/ /yang 'di dag gi go rims zhes bya ba ni slob dpon yin te/ them skas kyi tshul la brten nas ji ltar skye ba'i rim pa dang / mtshan nyid ma 'chol ba thugs la gzhag nas bshad do//sdug bsngal dang kun 'byung la dmigs pa'i sbyor ba'i lam mo zhes bya ba la/ 'dir sbyor ba'i lam ni dro bar gyur pa la sogs pa gzung gi /bar chad med pa'i lam la sogs pa ni ma yin te/ spong ba la sogs pa nyid du rnam par gzhag pa'i phyir ro/ / bar chad med pa'i lam thams cad do zhes bya bas ni bden pa bzhi la dmigs pa bar chad med pa'i lam brgyad cu rtsa dgu gzung ste/ rnam par grol ba'i lam ni/ dang po nas gzhi'i gnyen po kho na yin gyi/ thag bsring ba'i ngo bo'i gnyen po ni ma yin no/ /thag bsring ba'i ngo bo'i gnyen po ni khyad par gyi lam mo zhes bya ba ni/gsum las gzhan pa'i lam thams cad khyad par gyi lam yin pa'o/ /mtshungs par ldan pa las ni nyon mongs pa rnam par dbye bar mi nus so zhes bya ba ni de ni med na mi 'byung ba nyid du skyes pa'i phyir so sor bya bar mi nus so/ /re zhig ma 'ongs pa ni dmigs pa las rnam par dbye bar nus te/ci'i phyir zhe na/ de ni yang dngos po de la dmigs nas mi skye bas so/ /'das pa go ji ltar nus te/ dngos po de la dmigs nas skyes te 'gag pa'i phyir dmigs pa de las rnam par dbye bar mi nus so/ /'on te 'di'i don ni dmigs pa yongs su shes pas zhes bya ba la sogs pa 'byung ngo //re zhig gang du dmigs pa'i sgra yod pa der ni dmigs pa yongs su shes pa'i rtog pa yod pa yin pa zhig na/ gang du gnyen po skyes pas zhes bya ba de ni dmigs pa'i sgra yod pa ma yin pa der ni ji ltar yin te/ de'i phyir de yang ma nges te zhes bya ba smos so/ /rnam pa gcig tu dmigs pa yongs su shes pa 'ba' zhig gis yin pa 'ba' zhig tu ma zad kyi/'o na ci zhe na/ de la dmigs pa yang dag par zad pa la sogs pa gzhan rnam pa gsum gyis kyang yin pas de'i phyir de yang ma nges te zhes bya ba smos so/ /'di'i don ni dmigs pa yongs su shes pas spang bar bya ba 'di yin no zhes bya ba ma nges te/'di ltar gong du nyon mongs pa rnams ni rnam pa bzhis zad par 'gyur te/ dmigs pa yongs su shes pa dang zhes bya ba la sogs pa smras pa yin no/ /de lta bas na 'di brjod par bya dgos so zhes bya ba ni lan gdab dgos so zhes bya ba'i tha tshig go/ /smras pa/ rang gi rgyud la yod pa'i nyon mongs pa ni thob pa chad pa dang /bral ba'i thob pa skyes pas spong ngo / /gzugs thams cad dang zhes bya ba ni dge ba dang / lung du ma bstan pa dang / rang gi rgyud la yod pa dag go/ /nyon mongs pa can ma yin pa'i chos zhes bya ba ni dge ba zag pa dang bcas pa dang / ma bsgribs la lung du ma bstan pa gzugs can ma yin pa'o//de dag la dmigs pa zhes bya ba ni gzhan gyi rgyud la yod pa'i nyon mongs pa dang / gzugs thams cad dang / nyon mongs pa can ma yin pa'i chos de dag la dmigs pa rang gi rgyud la yod pa'i 'dun pa'i 'dod chags spangs pas spangs par 'gyur ro/ /'byung dang tshul khrims phyogs dang ni//dus gnyis ring ba nyid lta bu'o zhes bya ba la/ lta bu'o zhes bya ba'i sgra ni dper brjod par bya ba'i don du ste/ bzhin no zhes bya ba'i don du blta bar bya'o/ /mtshan nyid kyis ring ba nyid ni mtshan nyid mi mthun pa'i phyir te/ dper na 'byung ba'i mtshan nyid mi mthun pa rnams las sa'i khams las chu'i khams ring ba la sogs pa bzhin no//gnyen pos ring ba nyid ni gnyen po yin pa'i phyir te/ dper na 'chal ba'i tshul khrims las tshul khrims bzhin no/ /yul gyis ring ba nyid ni yul rnam par 'chad pa ste/ dper na shar gyi rgya mtsho las nub kyi rgya mtsho'i phyogs bzhin no//dus kyis ring ba nyid ni dper na 'das pa dang / ma 'ongs pa ring bar brjod pa lta bu'o zhes bya ba la gang nas brjod ce na/ chos mngon pa las te/ 'di skad du/ chos ring ba gang dag ce na/ 'das pa dang ma 'ongs pa'i chos rnams so/ /chos nye ba gang dag ce na/ da ltar byung ba'i chos rnams dang /'dus ma byas so zhes 'byung ngo / /yun ring po zhig na byung ba dang / 'byung ba nyid kyis ni ma yin no zhes bya ba ni yun ring mo zhig na byung ba nyid kyis 'das pa ma yin la/ yun ring mo zhig na 'byung ba nyid kyis ma 'ongs pa ma yin pa'o/ /da ltar yang de bzhin du ring bar 'gyur ro zhes bya ba ni da ltar byung ba'i dus nyid kyis dus tha dad pa nyid kyis na da ltar byung ba yang ring bar 'gyur ro//dper na 'das pa dang / ma 'ongs pa gnyis ring ba lta bu'o/ /'o na ni byed pa las ring ba ma yin no zhes bya ba ni byed pa zhig pa ni 'das pa la ma yin la/ byed pa ma thob pa ni ma 'ongs pa yin pas so//bstan bcos las chos nye ba dag gang zhe na/ da ltar byung ba'i chos rnams dang / 'dus ma byas so zhes gsungs pa de la 'dus ma byas la byed pa med pa'i phyir ji ltar nye ba nyid yin/ de thams cad du thob pa'i phyir ro zhes bya ba ni yul thams cad du so sor brtags pas 'gog pa dang / so sor brtags pa ma yin pas 'gog pa thob pa'i phyir ro//'das pa dang ma 'ongs pa dag las yang thal bar 'gyur ro zhes bya ba ni/ de ni thob pa yang yod pas so/ /ji ltar zhe na/ dge ba la sogs pa'i chos 'das pa dang / ma 'ongs pa rnams ni yul thams cad na de dag gis thob pa dang ldan pa'i phyir ro/ / gang la thob pa nyid yod pa ma yin pa'i nam mkha' yang ji ltar na nye bar grub/ de lta na 'o na zhes bya ba na rnam grangs gzhan smras pa'o/ /'dus ma byas kyang chod pa med pa'i phyir zhes bya ba ni/ de ni dus kyis ma bsdus pas de'i phyir da ltar bas chod pa ma yin no/ /de ltar na yang zhes bya ba ni rtog pa de lta na yang gal te da lta ba gnyis ka dang /nye ba'i phyir nye ba yin na/ 'das pa dang ma 'ongs pa dang da ltar dang nye ba'i phyir ring ba dang nye ba gnyis kar 'gyur ro/ /'di skad du rig par 'gyur ro zhes bya ba ni slob dpon yin no/ /ma 'ongs pa ni chos kyi rang gi mtshan nyid las ring ba yin no/ /ci'i phyir zhe na/ma thob pa'i phyir ro/ /'das pa zhes bya ba la ci zhe na/ zhig pa'i phyir chos kyi rang gi mtshan nyid las ring ngo / /gnyen po skyes pas zhes bshad pa'i phyir ci lam khyad par du 'gro ba'i phyir zhes bya ba la sogs pa 'di dpyad par bya'o/ /gang las the tshom za zhe na/ gang gi phyir mdo las 'di skad du kun du sbyor ba gsum spangs pa dang /'dod chags dang zhe sdang dang gti mug bsrabs pas lan cig phyir 'ong bar 'gyur ro/ /kun du sbyor ba tha ma'i cha dang mthun pa lnga spangs pas phyir mi 'ong bar 'gyur ro zhes rgyas par gsungs pas the tshom za'o/ /de ni med de 'o na ci zhe na/ nyon mongs pa thams cad ni lan cig tu zad de thob pa 'chad do//'dir ni gnyen po rnam par grol ba'i lam yin pas bsams pa'o zhes bya ba ni de ni bral ba'i thob pa dang lhan cig skyes pa'i phyir te/ bar chad med pa'i lam ni ma yin na zhes bstan to/ /'chad par 'gyur ba'i 'bras bu brgyad cu rtsa dgu dang / skyes bu byed pa dang / bdag po'i 'bras bu la sogs par bshad zin pa lnga po de dag gzung bar 'gyur du 'ong bas de'i phyir 'bras bu ni dge sbyong gi tshul gyi 'bras bu bzhi'o zhes bya ba smos so/ /ji ltar dbang po 'phel bar 'gyur zhe na/ de'i phyir dbang po 'pho ba'o zhes bya ba smos so/ /de yang zhes bya ba rgyas par 'byung ngo / /de yang ste bral ba'i thob pa ni ci rigs par te/ji ltar srid tshad du nyon mongs pa kha cig gi ni dus drug tu'o/ /kha cig gi ni lngar ro/ /kha cig gi ni bzhir ro/ /kha cig gi ni gsum du'o/ /kha cig ni gnyis su'o/ /de la 'dod pa na spyod pa mthong bas spang bar bya ba rnams dang / gzugs dang gzugs med pa na spyod pa bden pa gsum mthong bas spang bar bya ba rnams kyi ni dus drug tu bral ba thob bo//gzugs dang gzugs med pa na spyod pa lam mthong bas spang bar bya ba rnams kyi ni dus lngar te/ de dag gi ni 'bras bu 'thob pa kho na gnyen po skyes pa yin pa'i phyir ro/ /'dod pa na spyod pa bsgom pas spang bar bya ba rnam pa lnga'i yang lnga kho nar ro//drug pa ni bzhir te/ de'i gnyen po skye ba dang 'bras bu thob pa'i dus ni gcig yin pa'i phyir ro/ /rnam pa bdun pa dang brgyad pa dag gi ni bzhi kho nar ro/ /rnam pa dgu pa'i dus gsum du ste/ dus der gnyen po dang 'bras bu thob pa yang yod pas gnyis las gang yang rung ba gcig gzung ngo //srid pa'i rtse mo'i rnam pa tha ma ma gtogs pa gzugs dang gzugs med pa na spyod pa bsgom pas spang bar bya ba rnams kyi ni gsum kho nar ro/ /srid pa'i rtse mo'i rnam pa tha ma'i ni gnyis su ste/ de'i gnyen po skye ba dang / 'bras bu thob pa'i dus gcig yin pa'i phyir ro/ /nges pa 'di ni dbang po rtul po mthar gyis pa'i yin gyi/ dbang po rnon po'i ni nyon mongs pa kha cig gi ni dus lngar yin pa nas/ kha cig ni gcig gi bar du yin te/ snga ma kho na ltar rig par bya'o/ /phal cher la 'dod chags dang bral ba dang 'dod chags dang bral ba ma yin pa yang ci rigs par de dang 'dra bar sbyar bar bya'o//yongs su shes pa zhes bya ba'i ming thob po zhes bya ba ni/ bstan bcos las bral ba la yongs su shes pa nyid du bsnyad do zhes bya ba'i tha tshig go/ /re zhig ye shes ni 'dis yongs su shes na zhes bya bas yongs su shes pa nyid du rigs na/yang spong ba go ji ltar zhe na/ 'bras bu la rgyu btags pa'i phyir ro zhes bya ba smos so/ /spangs pa ni ye shes kyi yongs su shes pa'i 'bras bu yin pas/ 'bras bu de la rgyu btags nas 'di skad du spangs pa'i yongs su shes pa zhes bshad de/ bral bas na bral ba'o zhes bya ba ni ma yin gyi/'o na ci zhe na/ 'di yod na bral bas so/ /yang gang nas spangs pa yongs su shes pa'i sgrar bstan ce na/ mdo las te/ bcom ldan 'das kyis dge slong dag yongs su shes par bya ba'i chos rnams dang zhes bya ba nas yongs su shes par bya ba'i chos rnams gang zhe na/ nye bar len pa'i phung po lnga'o zhes bya ba dang /'dun pa'i 'dod chags las yang dag par 'das pa gang yin pa ste/ 'di ni yongs su shes pa zhes bya'o zhes bya ba la sogs pa gsungs so/ /'dod pa na dang po'i rnam gnyis zad la gcig ces bya ba ni/ bral ba'i thob pa zag med dang / /srid rtse nyams par byas pa dang / /rgyu gnyis kun du bcom pa'i phyir//yongs shes khams las 'das pa las/ /zhes bya ba der rigs pa 'chad par 'gyur ro/ /bsgom pa'i lam la bshad pa ni/ /yongs su shes pa gzhan gsum ste/ /zhes bya ba la sogs pa'o/ /tha ma'i cha dang mthun pa spangs pa yang yongs su shes pa gcig yin no zhes bya ba ni/'dod pa'i khams kyi zag pa zad pa'i phyir zhes bya ba'i tha tshig go/ /gzugs kyi zag pa zad pa yang gcig yin te zhes bya ba ni gzugs kyi 'dod chags zad pa'i yongs su shes pa'o/ /nga rgyal la sogs pa nyon mongs pa dang nye ba'i nyon mongs pa gzugs na spyod pa gzhan dag kyang yod mod kyi 'di'i yongs su shes par rnam par gzhag pa ni de na gzugs kyi yul can kun du sbyor ba gong ma'i cha dang mthun pa 'dod chags gtso bo yin pa'i phyir/gzugs kyi 'dod chags zad pa'i yongs su shes pa zhes bshad do/ /kun du sbyor ba thams cad yongs su gtugs pa'i yongs su shes pa'o zhes bya ba ni/zag pa thams cad zad pa'i yongs su shes pa zhes bya ba'i don to/ /mthong bas spang bar bya ba rnams kyi ni ma yin zhe na zhes bya ba ni ci'i phyir bsgom pas spang bar bya ba'i yongs su shes pa da ltar gzugs dang gzugs med pa na spyod pa'i mthong bas spang bar bya ba rnams kyis yongs su shes pa tha dad pa ma yin/de bzhin du gzugs dang gzugs med pa na spyod pa'i mthong bas spang bar bya ba rnams spangs pa yang yongs su shes pa gsum yin te zhes smras pa'i phyir ro zhes bya ba'o/ /bsgom pas spang bar bya ba rnams kyi gnyen po mi 'dra ba'i phyir ro zhes bya ba ni/ gang gi phyir gzugs dang gzugs med pa na spyod pa bsgom pas spang bar bya ba sa dang sa la rnam pa dgu yin pa rnams kyi gnyen po bar chad med pa dang rnam par grol ba'i lam dgu mi 'dra ba'i phyir ro//gzugs dang gzugs med pa na spyod pa'i mthong bas spang bar bya ba rnams kyi gnyen po gcig po sdug bsngal la rjes su shes pa'i bzod pa la sogs pa ni 'dra ba yin no//lhag ma rnams ni shes pa yi/ /zhes bya ba ni bsgom pa'i lam la bzod pa rnams med pa'i phyir ro/ /tha ma'i cha dang mthun pa spangs pa la sogs pa'i yongs su shes pa ste/ bsgom pa'i lam gyi 'bras bu yin pa'i phyir zhes bya ba ni tha ma'i cha dang mtshungs pa'i yongs su shes pa dang /gzugs kyi 'dod chags zad pa'i yongs su shes pa dang / kun du sbyor ba thams cad yongs su gtugs pa'i yongs su shes pa'o/ /drug bzod 'bras zhes bshad pa de la ji ltar yongs su shes pa bzod pa'i 'bras bu yin zhe na zhes bya ba smras so/ /ji ltar ma yin 'di ltar spangs pa'i yongs su shes pa ni spangs pa kho na ste/'bras bu la rgyu btags pa'i phyir ro zhes 'byung ba'i phyir yongs su shes pa'i 'bras bu la yongs su shes pa zhes pa bshad na/ bzod pa dag ni yongs su shes pa ma yin te/ 'o na ci zhe na yongs su shes pas ni yongs su shes pa'o zhes shes pa yin te/ye shes kyi yongs su shes pa ni zag pa med pa'i shes pa'o zhes 'byung ba'i phyir ro/ /bzod pa dang shes pa dag gcig pa yang ma yin te/ mtshan nyid tha dad pa'i phyir ro zhe na/ bzod pa rnams ni shes pa'i 'khor yin pa'i phyir te zhes bya ba ni bzod pa rnams shes pa 'di'i 'khor yin pas na bzod pa 'di dag shes pa'i 'khor yin te/phal pa la 'khor gyi sgrar bstan pa'i phyir dang / spangs pa yang bzod pa'i 'bras bu yin pa'i phyir ro/ /de la dpe ni rgyal po'i 'khor la rgyal po nye bar btags pa de bzhin pa dang zhes bya ba smos te/ gang gi tshe rgyal ba dang / 'pham par bya ba'i phyir g.yul 'gyed pa dag la rgyal po'i sgra 'dogs pa de'i tshe rgyal po'i 'khor la rgyal po nye bar btags pa de bzhin du 'dir yang yin no//shes pa dang / 'bras bu gcig pa'i phyir ro zhes bya ba la ci zhe na/ yongs su shes pa bzod pa'i 'bras bu yin no/ /mi lcogs med 'bras thams cad do/ /zhes bya ba ni re zhig mthong ba'i lam ni mi lcogs pa med pa'i sa pa yin no//bsgom lam yang yin te/ zag med mi lcogs med pa yis/ /thams cad la ni 'dod chags bral/ /zhes 'chad par 'gyur ba'i phyir ro/ /bsam gtan dngos gzhi'i 'bras bu yongs su shes pa lnga ste zhes bya ba la bsam gtan gyi dngos gzhi'i sa pa'i lam ni 'dod pa na spyod pa'i nyon mongs pa'i gnyen po ma yin te/'phags brgyad kyis rang gong sa las rgyal zhes 'chad par 'gyur ba'i phyir ro/ /gzugs dang gzugs med pa na spyod pa'i nyon mongs pa spang ba'i rang bzhin gang yin pa'o zhes bya ba ni mthong bas spang bar bya ba rnams spangs pa'i yongs su shes pa gsum dang /gzugs na spyod pa bsgom pas spang bar bya ba rnams kyi gzugs kyi 'dod chags zad pa'i yongs su shes pa dang / gzugs med pa na spyod pa rnams kyi kun du sbyor ba thams cad yongs su gtugs pa'i yongs su shes pa ste lnga yin no/ /yang ji ltar 'di dag bsam gtan gyi dngos gzhi'i 'bras bu yin zhe na/gal te 'dod pa las 'dod chags dang bral bar gyur cing nges pa la 'jug na'o/ /'dod pa na spyod pa'i nyon mongs pa spangs pa ni mi lcogs pa med pa'i 'bras bu yin pa'i phyir ro zhes bya ba ni/ mthong ba dang bsgom pas spang bar bya ba spangs pa ste/ 'dod pa'i khams las 'dod chags dang ma bral ba ni bsam gtan gyi dngos gzhi la mi 'jug pa'i phyir ro/ /btsun pa dbyangs sgrogs 'jig rten pa'i bsgom pa'i lam gyis mthong bas spang bar bya ba'i nyon mongs pa spangs par byas zin pa mthong ba'i lam gyi 'bras bur 'dod pa de ltar na ni tha ma'i cha dang mthun pa spangs pa'i yongs su shes pa ma gtogs pa 'dod pa na spyod pa mthong bas spang bar bya ba'i nyon mongs pa spangs pa'i yongs su shes pa gsum bsnan nas bsam gtan gyi dngos gzhi'i 'bras bu yongs su shes pa brgyad yin no//de nyid kyi phyir tha ma'i cha dang mthun pa spangs pa'i yongs su shes pa ni mi lcogs pa med pa'i 'bras bu yin no zhes bya ba smos so//bral ba'i thob pa zag pa med pa rnyed pa'i phyir zhes bya ba ni gang gi phyir 'dod pa na spyod pa'i nyon mongs pa de rnams kyi bral ba'i thob pa zag pa med pa yang rnyed par 'gyur te/ de'i phyir btsun pa dbyangs sgrogs kyi lugs kyis 'dod pa na spyod pa dang po'i rnam pa gnyis spangs pa gcig yin pa la sogs pa thams cad de brgyad yin no//bsam gtan khyad par can yang bsam gtan bzhin du blta bar bya'o zhes bya ba ni ji ltar/ bsam gtan rnams kyi lnga 'am brgyad/ /ces bshad pa de bzhin du bsam gtan khyad par can gyi 'bras bu yang yongs su shes pa lnga'am brgyad yin no//nye bar bsdogs pa'i gcig yin te/ /zhes bya ba ni/ nam mkha' mtha' yas skye mched kyi nyer bsdogs na ni mthong ba'i lam med la/ de ni rang gi sa dang gong ma 'am 'dod pa'i khams kyi gnyen po yang ma yin no/ /gzugs med dngos gzhi gsum gyi yang //zhes bya ba ni srid pa'i rtse mo ma gtogs pa ste/ sa 'og ma las 'dod chags dang ma bral ba ni gzugs med pa'i dngos gzhir 'jug pa ma yin no/ /srid rtser 'phags pas ci yang med/ /mngon du byas nas zag pa zad/ /ces 'byung ba'i phyir na srid pa'i rtse mo ma gtogs pa yin no//thams cad 'phags pa'i lam gyi yin/ /zhes bya ba ni mthong ba dang bsgom pa'i lam gyis bsdus pa chos shes pa dang rjes su shes pa la sogs pas phye ba'i'o/ /'jig rten pa'i gnyis zhes bya ba 'byung ste/ ci'i phyir kun du sbyor ba thams cad yongs su gtugs pa'i yongs su shes pa/ 'jig rten pa'i 'bras bu ma yin zhe na/ 'di ltar srid pa'i rtse mo'i gnyen por gyur pa'i 'jig rten pa'i lam med pa'i phyir ro/ /rjes kyi yang zhes bya ba ni bsgom lam gyis bsdus pa'i yang ngo / /'bras bu yongs su shes pa gnyis te/ tha ma dag go zhes bya ba ni gzugs kyi 'dod chags zad pa'i yongs su shes pa dang /kun du sbyor ba thams cad gtugs pa'i yongs su shes pa'o/ /chos shes pa ni gsum yin no zhes bya ba ni bsgom pa'i lam gyis bsdus pas te/ bsgom pa'i lam la 'gog pa'am/ /lam la chos shes gang yin te/ /khams gsum gyi ni gnyen po yin/ /zhes 'byung ba'i phyir ro//de nyid kyi phyir khams gsus pa'i bsgom pas spang bar bya ba'i gnyen po yin pa'i phyir ro zhes bya ba smos te/ de lta ma yin na chos shes pa 'dod pa'i khams kyi gnyen po yin pa'i phyir tha ma'i cha dang mthun pa dang / gzugs kyi 'dod chags zad pa dang / kun du sbyor ba thams cad yongs su gtugs pa'i yongs su shes pa gsum chos shes pa'i 'bras bu ji ltar rung /de phyogs mthun gyi drug dang lnga/ /zhes bya ba ni chos shes pa'i phyogs dang mthun pa'i drug yin la/ rjes su shes pa'i phyogs dang mthun pa'i lnga zhes bya ba'i tha tshig go/ /chos kyi bzod pa dang shes pa rnams kyi 'bras bu gang dag yin pa kho na'o zhes bya ba ni/drug bzod 'bras zhes bya ba der chos shes pa'i bzod pa bzhi'i 'bras bu 'dod pa na spyod pa mthong bas spang bar bya ba spangs pas bsdus pa gsum bshad pa ste/ 'di ltar chos dang rjes su shes pa'i bzod pa rnams mngon par bsdus nas 'bras bu yongs su shes pa drug yin gyi re re'i ni ma yin no//bsgom pa'i lam gyis bsdus pas 'gog pa dang lam la chos shes pa gnyis kyi gsum ste/ tha ma'i cha dang mthun pa dang gzugs kyi 'dod chags zad pa dang / kun du sbyor ba thams cad yongs su gtugs pa'i yongs su shes pa'o/ /rjes kyi bzod pa dang / shes pa rnams kyi 'bras bu gang dag yin pa kho na'o zhes bya ba ni rjes kyi bzod pa rnams dang /rjes kyi shes pa rnams kyi ste/ de dag kyang drug bzod 'bras zhes bya ba der rjes su shes pa'i bzod pa bzhi'i 'bras bu gzugs dang gzugs med pa na spyod pa'i mthong bas spang bar bya ba spangs pas bsdus pa gsum bshad pa gang dag yin pa dang /rjes kyi yang zhes bya ba 'dis rjes su shes pa'i 'bras bu gnyis bshad pa'o/ /phyogs dang mthun pa smos pas ni bzod pa dang shes pa rnams gzung ngo zhes bya ba la/ ji ltar zhe na/ de phyogs mthun gyi drug ces bshad pa de'i zhes bya ba 'dis ni bshad ma thag pa'i chos dang rjes su shes pa dag gzung ngo //phyogs dang mthun pa smos pas chos dang rjes su shes pa'i bzod pa rnams gzung ngo / /so so'i skye bo rgyu gnyis kun du bcom pa yod kyi/ bral ba'i thob pa zag pa med pa ni med do/ /srid pa'i rtse mo nyams par byas pa zhes bya ba la ci zhe na/ so so'i skye bo la yod pa ma yin te/ srid pa'i rtse mo'i gnyen por 'gyur ba'i 'jig rten pa'i lam ni med pa'i phyir ro/ /'phags pa la yang ji srid du sdug bsngal la rjes su shes pa'i bzod pa la gnas pa de srid du bral ba'i thob pa zag pa med pa yod mod kyi/ srid pa'i rtse mo'i nyams par byas pa ni ma yin te/ 'gag par 'gyur ba'i lam gyi ni/ / de yi sgrib pa rab tu spong / /zhes 'byung ba'i phyir ro/ /sdug bsngal la rjes su shes pa la ni gnyi ga yod mod kyi zhes bya ba ni bral ba'i thob pa zag pa med pa dang / srid pa'i rtse mo nyams par byas pa ste/ gzugs dang gzugs med pa na spyod pa'i sdug bsngal kun 'byung mthong bas spang bar bya ba kun du 'gro ba ma spangs pa'i phyir ro zhes bya ba smos te/sdug bsngal mthong spang bya spangs kyang / /kun 'gro lhag ma rnams kyis ldan/ /zhes 'byung ba'i phyir ro/ /de la rgyu gnyis kun du bcom pa'i rgyu zhes bya ba'i rgyu ni/ rgyu sdug bsngal mthong bas spang bar bya ba kun du 'gro ba dang / kun 'byung mthong bas spang bar bya ba kun du 'gro ba'o/ /chos dang rjes su shes pa gzhan dag la ni zhes bya ba ni/ sdug bsngal la rjes su shes pa'i 'og rol kun 'byung la chos shes pa la sogs pa zad pa shes pa la thug pa dag la'o/ /gsum po thams cad yod par zhes bya ba ni bral ba'i thob pa zag pa med pa dang /srid pa'i rtse mo nyams par byas pa dang / rgyu gnyis kun du bcom pa dang / /shes pa'i 'bras bu spangs pa ni/ /zhes bya ba rgyas par 'byung ba la/ re zhig bzod pa'i 'bras bu spangs pa ni de ltar shes par bya ste/ ji ltar zhe na/ bral ba'i thob pa zag med dang / /zhes bya ba de lta bu la sogs par ro//shes pa'i 'bras bu spangs pa ni bzod pa'i 'bras bu ma yin pas de'i phyir ji skad bshad pa'i rgyu gsum dang bzhi pa khams las yang dag par 'das pa la/ yongs su shes pa'i ming 'thob ste/ 'dod pa'i khams las 'dod chags dang bral ba las ni/ tha ma'i cha dang mthun pa spangs pa'i yongs su shes pa'o//gzugs kyi khams las 'dod chags dang bral ba la ni gzugs kyi 'dod chags zad pa'i yongs su shes pa'o/ /gzugs med pa'i khams las 'dod chags dang bral ba las ni/ kun du sbyor ba thams cad yongs su gtugs pa'i yongs su shes pa'o/ /gal te khams las 'das pa la ma brten na ni khams gsum gyis bsgom par spang bar bya ba'i rnam pa spangs pa re res yongs su shes pa'i ming 'thob par 'gyur la/de lta yin dang yongs su shes pa mang por 'gyur gyi/ dgu kho nar ni ma yin no/ /yang ji ltar khams las yang dag par 'das pa las yin zhe na/ khams mtha' dag las 'dod chags dang bral ba'i phyir zhes bya ba smos so/ /khams de las ma lus par 'dod chags dang bral ba'i phyir zhes bya ba'i tha tshig go/ /gnyis kun du sbyor ba dang bral ba zhes bya ba rgyas par 'byung ba ni/ dmigs par bya ba dang / dmigs par byed pa'i nyon mongs pa'i mtshan nyid gnyis sbyor ba yin zhing /de dang bral ba de rgyu lnga pa smras te/ rgyu 'dis kyang spangs pa la yongs su shes pa zhes bya'o/ /bral ba de nyid ston par byed de/ rnam pa gang zhig spangs la zhes bya ba ni/ sdug bsngal mthong bas spang bar bya ba nas lam mthong bas spang bar bya ba dang / bsgom pas spang bar bya ba'i bar ro/ /rnam pa spangs la de la dmigs pa'i nyon mongs pa gzhan te/ rnam pa spangs pa gang yin pa/ de la dmigs pa sdug bsngal mthong bas spang bar bya ba nas bsgom pas spang bar bya ba'i bar dang bral bar gyur na'o/ /de ni zhes bya ba rgyas par 'byung ba ni gnyis kun du sbyor ba de ni rgyu gnyi ga yang dag par bcom pa dang /khams las yang dag par 'das pa las gzhan ma yin te/ 'di ltar sdug bsngal mthong bas spang bar bya ba dag spangs kyang ji srid du de la dmigs pa kun 'byung mthong bas spang bar bya ba'i kun du 'gro ba'i rgyu spangs par ma gyur pa de srid du rgyu gnyi ga yang dag par bcom pa med la/bsgom pas spang bar bya ba dag kyang rnam pa brgyad spangs kyang / ji srid de la dmigs pa rnam pa dgu pa ma spangs pa de srid du khams las yang dag par 'da' ba med pa'i phyir ro/ /gcig min zhes bya ba la/ re zhig kha cig ni gang dang yang mi ldan no/ /kha cig ni kho na dang ldan no//kha cig ni gnyis dang ldan no/ /lnga'i bar dang zhes bya ba ni/ 'dod pa na dang po rnam gnyis zad la gcig zhes bya ba la sogs pa'i tshul gyis rig par bya'o/ /mthong ba'i lam gyi skabs yin pas lam la chos shes pa ni drug dang ldan no zhes ma bshad de/ de ni bsgom pa'i lam yin pa'i phyir te/de la skad cig bco lnga ni/ /ma mthong mthong phyir mthong ba'i lam/ /zhes 'byung ba'i phyir ro/ /de nyid kyi phyir/ bsgom la gnas pa drug gam ni/ /zhes bya ba smos te/ lam la rjes su shes pa'i gnas skabs la gnas pa ji srid du 'dod pa las 'dod chags dang bral ba thob pa de srid du yongs su shes pa drug dang ldan no//de las yongs su nyams pa ni/ /zhes bya ba ni 'dod pa la 'dod chags dang bral na de dag bsdom par 'gyur te/ khams las 'das pa las kyang yongs su shes pa yin no zhes 'byung ba'i phyir ro/ /sngon nas phyis 'dod pa las 'dod chags dang bral ba thob pa zhes bya ba la/gang gi sngon ce na/ mthong ba'i lam gyi'o/ /ji ltar zhe na/ sngon 'jig rten pa'i lam gyis 'dod pa las 'dod chags dang bral ba thob pa ni/ lam la rjes su shes pa skyes pas tha ma'i cha dang mthun pa spangs pa yongs su shes pa gcig po dang ldan no/ /bden pa mngon par rtogs pa'i phyis mthar gyis 'dod pa las 'dod chags dang bral ba thob pa ni tha ma'i cha dang mthun pa spangs pa'i yongs su shes pa gcig kho na dang ldan no//dgra bcom pa thob pa ni zhes bya ba ni de'i tshe yongs su shes pa rnams bsdoms pa'i phyir zag pa thams cad zad pa'i yongs su shes pa gcig dang ldan no//yongs su nyams na yang zhes bya ba ni dgra bcom pa de nyid gzugs na spyod pa'i nyon mongs pas dgra bcom pa nyid las nyams pa ste/ 'dod pa'i khams las yongs su ma nyams pa'i phyir tha ma'i cha dang mthun pa spangs pa'i yongs su shes pa gcig kho na dang ldan no/ /gzugs kyi 'dod chags dang bral ba thob pa ni zhes bya ba ni phyir mi 'ong ba khams gnyis las 'dod chags dang bral ba zhes bya ba'i don to//khams las 'dod chags dang bral na ji ltar sdom pa ma yin zhe na/ sngon med pa'i 'bras bu thob pa med pas so/ /sdom pa'i rgyu ni khams las 'dod chags dang bral ba dang / 'bras bu thob pa gnyis yin te/ /khams las 'dod chags bral ba dang / /'bras bu thob phyir de dag bsdoms/ /zhes 'byung ba'i phyir ro/ /gzugs med pa na spyod pa'i kun nas dkris pa'i yongs su nyams pa yang zhes bya ba ni dgra bcom pa ste/ de ni gzugs med pa'i khams las 'dod chags dang bral ba kho na las yongs su nyams pa'i gzugs kyi khams las 'dod chags dang bral ba las ni yongs su nyams pa ma yin no//ci'i phyir phyir mi 'ong ba dang dgra bcom pa dag gis yongs su shes pa gcig kho nar rnam par gzhag ces bya ba ni phyir mi 'ong ba 'dod pa las 'dod chags dang bral ba'i dbang du byas nas smras kyi/khams gnyis 'dod chags dang bral ba ni ma yin te/ yongs su shes pa gnyis dang ldan par bshad pa'i phyir ro/ /mang du ni ma yin zhes bya ba ni drug bzod 'bras zhes bya ba la sogs pa ji skad bshad pa'i tshul du phyis 'di gnyis la yongs su shes pa mang po yang mi srid do zhes bya ba'o//yang bsdoms pa zhes bya ba'i don ci zhig ce na/ gcig tu rnam par 'jog pa zhes bya ba'i tha tshig go/ /gnas skabs de gnyis na zhes bya ba ni/ phyir mi 'ong ba dang dgra bcom pa'i gnas skabs de gnyis na de gnyi ga srid pa yin no/ /dgra bcom pa nyid dam 'dod pa las 'dod chags dang bral ba las yongs su nyams nas gcig gtong ngo zhes bya ba la/dgra bcom pa nyid las yongs su nyams na kun du sbyor ba thams cad yongs su gtugs pa'i yongs su shes pa tha ma gtong ngo / /'dod pa las 'dod chags dang bral ba las yongs su nyams na 'dun pa dang tha ma'i cha dang mthun pa'i yongs su shes pa gtong ngo //phyir mi 'ong ba gzugs kyi 'dod chags dang bral ba zhig 'dod pa las 'dod chags dang bral ba las yongs su nyams na yongs su shes pa gnyis gtong ngo zhes bya ba ni gzugs kyi 'dod chags zad pa'i yongs su shes pa dang / tha ma'i cha dang mthun pa spangs pa'i yongs su shes pa'o//gzugs kyi 'dod chags dang bral ba smos pa ni/ 'dod pa'i 'dod chags dang bral ba bsal bar bya ba'i phyir te/ de ni 'dod pa las 'dod chags dang bral ba las yongs su nyams na tha ma'i cha dang mthun pa spangs pa'i yongs su shes pa kho na gtong ba yin no/ / 'dod chags dang bral ba sngon du 'gro ba lam la rjes su shes pa la gnas pa ni lnga gtong ste zhes bya ba ni spangs pa bsdoms pa las te/ de la ni khams las 'dod chags dang bral ba sngar byas zin pa dang lam la rjes su shes pa'i tshe 'bras bu thob pa yod pa ma yin no/ /de'i phyir skad cig ma bco lngar thob pa'i yongs su shes pa snga ma lnga po kho na gtong gi /drug pa ni khams las 'dod chags dang bral ba dang / 'bras bu thob phyir zhes bya bas der bsdoms pa'i phyir mi gtong ngo / /drug gtong ngo zhes bya ba ni khams gsum gyi mthong bas spang bar bya ba'i nyon mongs pa spangs pa'i rang bzhin rnams so/ / 'dod pa las 'dod chags dang bral bar byed pas zhes bya ba ni 'dod pa las 'dod chags dang bral ba rjes su thob pas zhes bya ba'i don to/ /de ni de'i tshe yongs su shes pa bsdoms pa'i phyir tha ma'i cha dang mthun pa spangs pa'i yongs su shes pa 'thob cing / sngar gyi drug gtong ba yin no/ /gang la la zhig gis sngon med pa zhes bya ba ni 'phags pa mthong ba'i lam la gnas pa'am/bsgom pa'i lam la gnas pa zhig gis yongs su shes pa dgu las sngar thob pa gang yin pa'o/ /gang zhig gzugs med pa'i khams las 'dod chags dang bral ba 'ba' zhig las yongs su nyams pa'o zhes bya ba la/de ni gzugs kyi 'dod chags zad pa'i yongs su shes pa dang / tha ma'i cha dang mthun pa spangs pa'i yongs su shes pa 'thob pa'o/ /'ba' zhig ces bya ba smos pa ni gzugs kyi khams las 'dod chags dang bral ba las yongs su nyams pa bsal bar bya ba'i phyir te/gzugs kyi khams las yongs su nyams pa las ni tha ma'i cha dang mthun pa spangs pa'i yongs su shes pa kho na 'thob bo/ /gang zhig phyir mi 'ong ba'i 'bras bu las yongs su nyams pa'o zhes bya ba ni de ni khams gsum gyi mthong bas spang bar bya ba'i nyon mongs pa spangs pa'i rang bzhin gyi yongs su shes pa drug 'thob po//lan cig phyir 'ong ba la ni gang zhig gtong ba dang 'thob par 'gyur ba de las gzhan pa'i yongs su shes pa yod pa ma yin no/ /'bras bu thob pa ni de la yod pa 'dod chags dang bral ba ma yin te/ de'i phyir rgyun du zhugs pa'i 'bras bu la bsdoms pa med do/ /lnga thob pa ni 'ga' yang med pa nyid do zhes bya ba ni gnas skabs de na gnas pa'i phyir mi 'ong ba 'dod chags dang bral ba sngon du 'gro ba la ni yongs su nyams pa med de/de'i 'dod chags dang bral ba la ni lam gnyis kyis 'thob pa'i phyir ro/ /gal te 'dod chags dang bral ba sngon du 'gro ba yang yongs su nyams par 'gyur ba na ni des cig car yongs su shes pa lnga thob par 'gyur ba zhig go//slob dpon gang ba spel bas mdzad pa chos mngon pa mdzod kyi 'grel bshad mtshan nyid kyi rjes su 'brang ba zhes bya ba las phra rgyas bstan pa zhes bya ba mdzod kyi gnas lnga pa'i 'grel bshad do// // mdzod kyi gnas drug pa'i 'grel bya ba'i phyir ji skad du spangs pa ni yongs su shes pa'i ming 'thob bo zhes bshad pa zhes bya ba smos so/ /ji ltar zhe na/ yongs su shes pa'i 'bras bu ni yongs su shes pa'o zhes 'bras bu la rgyu btags pa'i phyir ro/ /bshad pa zhes smos pa ni dbang du bya ba'i phyir te/ de nyid kyi phyir/bden pa mthong dang bsgoms pa las/ /nyon mongs spangs pa zhes bya ba smos so/ /bden pa rnams mthong ba ni bden pa mthong ba'o/ /bden pa mthong ba dang bsgoms pa ni/ bden pa mthong dang bsgoms pa ste/ bden pa mthong ba dang bsgoms pa de las so/ /mthong bas spang bar bya ba dang /bsgom pas spang bar bya ba yin no zhes bya ba 'byung ngo / /ji ltar bshad ce na/ de dag bcu dang bdun bdun brgyad/ /lta ba gsum gnyis ma gtogs pa/ /'dod na sdug bsngal la sogs pa/ /mthong bas rim bzhin spong bar byed/ /ces bya ba dang / bzhi ni bsgom pas spang bya yin/ / zhes bya bar ro/ /da ni mthong ba dang bsgom pa'i lam de dag ci zag pa med pa 'am/ zag pa dang bcas pa zhig ce na/ bsgom pa'i lam ni rnam gnyis te/ /zhes bya ba la sogs pa smos so/ /mthong ba zhes bya zag pa med/ /ces bya ba de la rgyu smras pa ni/ khams gsum pa'i gnyen po yin pa'i phyir dang zhes bya ba ste/mthong ba'i lam 'jig rten pa nyid yin na ni srid pa'i rtse mo'i gnyen por mi 'gyur ro/ /gzhan yang mthong bas spang bar bya ba rnam pa dgu zhes bya ba rgyas par 'byung ste/ bsgom pa'i lam ni bzlog pa yin no/ /'jig rten pa la ni de 'dra ba'i mthu med do zhes bya ba ni rnam pa dgu cig car du spong ba'i mthu med pa'o//'o na ni bsgom pa'i lam 'jig rten las 'das pas kyang de'i spang bar bya ba rnam pa dgu cig car du spong bar thal bar 'gyur ro zhe na/ 'jig rten las 'das pa kho nas cig car spong ngo zhes nges par gzung gi /'jig rten las 'das pas cig car du spong ba kho na yin no zhes bya bar ni ma yin pas thal bar ni mi 'gyur ro//rang gi ngo bo ni sngar ji skad bshad pa de kho na bzhin no zhes bya ba la/ sngar ji ltar bshad ce na/ sdug bsngal gyi bden pa ni lam ma gtogs pa'i 'dus byas 'bras bur gyur pa'i 'du byed rnams so/ /'gog pa'i bden pa ni so sor brtags pas 'gog pa'o//lam gyi bden pa ni slob pa dang mi slob pa'i chos rnams so zhes bya bar ro/ /de lta ma yin na zhes bya ba ni gal te bden pa rnams ji ltar mngon par rtogs pa bzhin bstan par bzhed pa ma yin pa zhig tu gyur na ni de ltar yin dang sngar rgyu ston par 'gyur zhing phyis 'bras bu ston par 'gyur te 'bras bu'i sngon du rgyu 'gro ba'i phyir sdug bsngal gyi bden pa'i snga rol du kun 'byung gi bden pa bstan pa dang /'gog pa'i bden pa'i snga rol du lam gyi bden pa bstan par rig par 'gyur ro/ /mngon par rtogs pa dang mthun par bstan pa/ bye brag tu rtogs par bya ba 'dod pas/ kha cig ni skye ba dang mthun par bstan te zhes bya ba rgyas par smos te/dran pa nye bar gzhag pa dang bsam gtan la sogs pa rnams ni ci rigs par ji ltar rigs pa bzhin du dmigs pa dang / rgyu ba phra ba dang rags pa'i dbye ba dang / snga ma dang phyi ma rgyu dang 'bras bur gyur pa'i sgo nas skye ba dang mthun par bstan to/ / sogs pa zhes bya ba smos pa ni/ rnam par thar pa dang / zil gyis gnon pa'i skye mched dang / zad par gyi skye mched la sogs pa rnams la bsgre ba ste/ de rnams skye ba dang mthun par bstan to/ /kha cig ni rab tu brtags pa dang mthun par bstan te zhes bya ba ni rtogs pa dang mthun par bstan zhes bya ba'i don te/rtogs pa dang rab tu rtogs pa dang nges par rtogs pa ni rnam grangs so/ /dper na yang dag par spong ba rnams zhes bya ba ni/ dkar po dang nag po'i phyogs dag la so sor skyes pa dang / ma skyes pa'i bye brag gi sgo nas bstan pa lta bu ste/ skyes pa rtogs par bla'i ma skyes pa ni ma yin te/ de'i stobs kyis rtogs pa'i phyir ro/ /gzhan dag na re rab tu brtag pa dang mthun pa ni rnam par bzhag pa dang mthun pa ste/ bshad pa dang mthun zhes bya ba'i don to/ /chos skyes pa rnams ni chos shes par bla'i/ ma skyes pa rnams ni ma yin pas de rnams ni de dang mthun par bstan to zhes zer ro/ /gang sngar ni skyes pa rnams spang bar bya ba'i phyir 'dun pa skyed la zhes rgyas par 'byung ste/gang dang po ni mi dge ba'i chos skyes pa rnams spang bar bya ba'i phyir 'bad par bya'i/ ma skyes pa rnams ni ma yin no zhes bya ba'i nges pa 'di ni med do/ /bden pa rnams ni mngon par rtogs pa dang mthun par bstan pa yin no zhes bya ba 'byung ngo //de'i phyir de ltar na dgongs pa de dang des bstan pa de dang de dag 'byung bas sngar rgyu bstan la phyi nas 'bras bu bstan no zhes bya ba'i nges pa 'di med do/ /gang la chags pa zhes bya ba ni nye bar len pa'i phung po lnga'i mtshan nyid can gyi sdug bsngal la'o/ /gang gis gnod pa byed pa zhes bya ba ni de nyid kyis gnod par byed pa'o//gang las thar pa don du gnyer ba zhes bya ba ni/ de kho na las thar pa don du gnyer ba'o/ /de nyid la dang po rnam par dpyod pa'i gnas skabs na zhes bya ba la/ rnam par dpyod pa'i gnas skabs gang yin zhe na/ gnas bdun la mkhas pa dang /phung po dang khams dang skye mched kyi sgo nas don rnam pa gsum pa la nye bar yongs su rtog pa nas nye bar bzung nas dro bar gyur pa dang / rtse mo dang / bzod pa dang / 'jig rten pa'i chos kyi mchog gi bar 'di ni rnam par dpyod pa'i gnas skabs so/ /bden pa gnyis kyi dpe 'di ni mdo las kyang bstan to zhes bya ba la/gang zhig yin zhe na/ thal ma thag tu nad mthong nas/ /zhes bya ba rgyas par 'byung ba gang yin pa'o/ /ji skad du zhe na/ yan lag bzhi dang ldan pa'i sman pa zug rngu 'byin pa ni rgyal po'i 'os yin zhing rgyal po'i spu la bab pa yin la/ rgyal po'i yan lag nyid kyi grangs su yang 'gro'o//bzhi po gang dag ce na/ nad la mkhas pa yin/ nad kyi gzhi la mkhas pa yin/ nad spangs pa la mkhas pa yin/ nad spangs nas phyis mi skye ba la mkhas pa yin no/ /de bzhin du yan lag bzhi dang ldan pa'i de bzhin gshegs pa dgra bcom pa yang dag par rdzogs pa'i sangs rgyas kyang sman pa zug rngu 'byin pa bla na med pa zhes bya'o//bzhi po gang dag ce na/ dge slong dag 'di na de bzhin gshegs pa dgra bcom pa yang dag par rdzogs pa'i sangs rgyas ni 'di ni sdug bsngal 'phags pa'i bden pa'o zhes bya ba yang dag pa ji lta ba bzhin du rab tu mkhyen to//'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa'o zhes yang dag pa ji lta ba bzhin du rab tu mkhyen to zhes 'byung ba yin no/ /sngar 'phangs pa'i phyir zhes bya ba ni sngar gyi 'phen pas zhes bya ba'i don to/ /dkyus sa bstan pa'i rta thags thogs med par brgyug pa bzhin no zhes bya ba ni ji ltar dkyus sa bstan par 'gyur ba med par brgyug pa de bzhin du rnam par dpyod pa'i gnas skabs na bden pa rnams ji ltar mthong ba de kho na ltar rnam par rtog pa gzhan po de dag gis gegs med par mngon par rtogs so//mngon par rtogs pa zhes bya ba 'di ni mngon par yang dag par rtogs pa'o//yang ci'i phyir zag pa med pa kho na yin gyi zhes bya ba la ji ltar 'di zag pa med pa nyid du dam bcas she na/ mthong zhes bya ba zag pa med/ /ces bya ba ste/ de nyid kyi phyir de ni mya ngan las 'das pa la mngon du phyogs par yang dag par rtogs pa ste zhes bya ba smos so//mngon par zhes bya ba 'dis ni mya ngan las 'das pa la mngon du phyogs par ston la/ yang dag par zhes bya ba 'dis ni de kho na nyid kyi don ston cing / rtogs pa zhes bya ba 'dis ni khong du chud pa ston to/ /de nyid kyi phyir de ni mya ngan las 'das pa mngon du phyogs pa yang dag par rtogs pa ste zhes bya ba smos so//'di skad du mngon par rtogs pa ni mya ngan las 'das pa la mngon du phyogs shing de kho na nyid rtogs pa'o zhes bstan par 'gyur te/ mthong ba'i lam ni mya ngan las 'das pa thob pa la mi 'khrul pa'i phyir mya ngan las 'das pa la mngon du phyogs pa'o//de skad du yang / rdzogs pa'i byang chub la nges par 'bab pa yin no zhes gsungs so/ /de la nye bar len pa'i phung po 'bras bur gyur pa rnams ni zhes bya ba ni/ sdug bsngal kun 'byung 'jig rten dang / /zhes rnam par ma phye ba rnam par dbye bar bya ba'i don du rtsom pa'o//'di las kun 'byung ba'i phyir ro zhes bya ba ni skyes zhes bya ba'i don to/ /mig gi sgo nas bye brag yod kyi/ rdzas su ni ma yin no zhes bya ba ni dngos po gcig la gnas skabs tha dad pa'i sgo nas bden pa gnyis rnam par gzhag pas dngos po tha dad pa med kyang /gnyis nyid du bstan pa 'gal ba med de/ shes pa dang mthong ba'i mngon par rtogs par rnam par gzhag pa so so nyid du bstan pa bzhin no/ /'gog pa dang lam ni rdzas su yang bye brag yod do zhes bya ba la/ yang gi sgras ni 'gog pa dang lam zhes ming gi sgo nas kyang bye brag yod do zhes bya ba'o//'di dag ni phyin ci ma log pa'i phyir thams cad la bden na zhes bya ba ni gang gi phyir gang sdug bsngal ba yin de ni 'phags pa rnams la yin la gzhan dag ni phyin ci log par sdug bsngal ba ste lam gyi bar yang de dang 'dra'o/ /'phags pa rnams kyis ni 'di dag ji lta ba de kho na bzhin du gzigs kyi zhes bya ba ni mi rtag pa nyid dang sdug bsngal ba nyid ces bya ba de lta bu la sogs pa'i rnam pa de dang de dag tu ste/de'i phyir de dag ni 'phags pa rnams kho na'i bden pa zhes bya'i 'phags pa ma yin pa rnams kyi ni ma yin no/ /ci'i phyir zhe na/ phyin ci log tu mthong ba'i phyir te/de dag gis ni sdug bsngal bden par mthong la/ kun 'byung rgyu ma yin pa dang / 'gog pa ma zhi ba dang / lam lam ma yin par mthong ngo / /ji ltar zhe na/ 'phags pas bde bar gang gsungs pa/ /zhes bya ba la sogs pa smos te/ blang bar bya ba dang dor bar bya ba dag phyin ci log tu mthong ba'i phyir ro//sdug bsngal dang kun 'byung gi bden pa gnyis ni 'phags pa rnams kyi bden pa yin gyi/ de dag 'phags pa ni ma yin te/ zag pa dang bcas pa'i phyir ro/ /'gog pa dang lam gyi bden pa gnyis ni dge ba'i 'phags pa dang / zag pa med pa'i 'phags pa nyid kyi sgo nas 'phags pa yin te/de'i phyir 'phags pa'i bden pa zhes bya'o/ /gal te tshor ba'i phyogs gcig sdug bsngal gyi rang bzhin yin pa zhes bya ba ni/ tshor ba'i phung po'i phyogs gcig sdug bsngal dang yid mi bde ba'i mtshan nyid yin na/ yang ci'i phyir gzugs la sogs pa rnams de'i rang bzhin ma yin yang /nye bar len pa'i phung po lnga sdug bsngal zhes brjod snyam du bsams pa'o/ /sdug bsngal nyid ni gsum ste zhes bya ba rgyas par 'byung ba ni/ sdug bsngal kho na sdug bsngal nyid yin pa ni sdug bsngal gyi sdug bsngal nyid de/ rang gi ngo bo kho nas sdug bsngal zhes bya ba'i tha tshig go//'gyur bas sdug bsngal ba nyid ni 'gyur ba'i sdug bsngal nyid de/ rang gi ngo bos ma yin zhes bya ba'i don to/ /'du byed kyi sdug bsngal ba nyid ni 'du byed kyi sdug bsngal nyid de/ skye bas zhes bya ba'i tha tshig go/ /de la yid du 'ong ba rnams ni 'gyur ba'i sdug bsngal gyis zhes bya ba ni/de dang bral bas 'dod chags dang bral ba ma yin pa rnams nges par mya ngan la sogs pa skye bas 'gyur ba'i sdug bsngal nyid kyis sdug bsngal ba nyid do/ /yid du mi 'ong ba rnams ni sdug bsngal gyi sdug bsngal gyis zhes bya ba ni de rnams ni sdug bsngal gyi rang bzhin dang sdug bsngal dang mthun pa nyid kyis sdug bsngal ba nyid do//mngon sum du gyur pas lus dang sems dag la gnod pa 'byung ba'i phyir ro/ /de dag las gzhan pa rnams ni zhes bya ba ni yid du 'ong ba dang / yid du mi 'ong ba dag las gzhan pa yid du 'ong ba yang ma yin/yid du 'ong ba ma yin pa yang ma yin pa gang dag yin pa ste/ de dag ni rgyu dang rkyen gyis mngon par 'du byas pa nyid kyis sdug bsngal lo/ /tshor ba rnams kho na phan pa dang gnod pa dang de gnyi ga dang bral ba'i bdag nyid yin pa'i phyir yid du 'ong ba la sogs pa nyid du grub na/gzugs la sogs pa rnams ji ltar yin zhes 'dri ba ni/ yid du 'ong ba ni gang dag ni yin zhes bya ba rgyas par 'byung ba'o/ /de'i dbang gis zhes bya ba ni bde ba la sogs pa'i tshor ba'i dbang gis bde ba myong bar 'gyur ba la sogs pa'i 'du byed gzugs la sogs pa rnams kyis kyang yid du 'ong ba la sogs pa'i ming thob po//ji ltar zhe na/ bde ba la sogs pa'i tshogs yin pa'i phyir ro/ /de nyid la khungs su mdo las zhes bya ba rgyas par smos so/ /bde ba'i tshor ba ni skye ba na yang bde/ gnas pa na yang bde zhes bya ba 'di ni de'i rang bzhin no/ /'gyur na sdug bsngal lo zhes bya ba ni 'dod chags dang bral ba ma yin pa rnams ni myong bar 'gyur ba'i bde ba la mngon par 'dod pa'i phyir de 'gyur na mya ngan la sogs pa skyes pas de 'gyur na sdug bsngal lo zhes brjod do//sdug bsngal ni sdug bsngal gyi rang gi ngo bo kho nas sdug bsngal nyid yin gyi/ 'gyur bas ni ma yin no/ /de nyid la khungs su mdo las sdug bsngal gyi tshor ba ni zhes bya ba rgyas par smos so/ /skye ba na yang sdug bsngal zhes bya ba ni gang gi phyir 'di de'i rang bzhin yin pa'i phyir ro/ /'gyur ba na ni bde ste/ gang gi phyir de gyur pas bde ba yang ma yin sdug bsngal yang ma yin pa yang bde ba skyes pa ltar snang ngo //'dir 'gyur ba'i sdug bsngal ni bde ba rgyun chad pa yin la rgyun chad pa yang 'dod pa'i khams na dus nyung zad pa yin la/ gzugs dang gzugs med pa'i khams dag na ni phul du byung bar yod cing nyes pa zad pa rnams la ni gtan du ba'o//'du byed kho nas sdug bsngal ba nyid de zhes bya ba ni skye ba kho nas sdug bsngal ba nyid do/ /de myong bar 'gyur ba'i 'du byed rnams kyang tshor ba dang 'dra bar brjod par bya'o zhes bya ba la/ bde ba myong bar 'gyur ba'i 'du byed rnams ni sdug bsngal gyi rang bzhin gyis tshor ba ltar 'gyur ba'i sdug bsngal gyis sdug bsngal ba nyid de/gzhan dag la yang de dang 'dra bar brjod par bya'o/ /thun mong ma yin pa'i phyir zhes bya ba la sogs pa la/ sdug bsngal ni rang gi ngo bo kho nas mi mthun pa yin gyi/ 'gyur bas ma yin la bde ba yang 'gyur bas mi mthun pa yin gyi/rang gi ngo bos ni ma yin te/ de'i phyir 'gyur ba dang sdug bsngal gyi sdug bsngal dag ni bde ba dang sdug bsngal rnams kyi thun mong ma yin no/ /'du byed thams cad ni 'du byed kyi sdug bsngal nyid kyis zhes bya ba ni yid du 'ong ba la sogs pa 'du byed thams cad ni 'dus byas yin pa nyid kyis mi mthun pa yin pas 'du byed kyi sdug bsngal nyid kyis sdug bsngal ba yin no zhes bya'o//de lta na 'o na 'du byed kyi sdug bsngal nyid kyis 'du byed la khyab pa'i phyir thams cad srid pa thams cad dang mi mthun par 'gyur ro zhe na/ de'i phyir de dag kyang 'phags pa rnams kho nas gzigs so zhes bya ba smos te/'du byed kyi sdug bsngal dag go/ /byis pa sdug bsngal gyi sdug bsngal nyid kyis rtsub par byas pa rnams kyis ni de dag mi rtogs te/ de'i phyir thams cad srid pa thams cad dang mi mthun pa nyid du thal bar mi 'gyur ro/ /sdug bsngal thams cad zad par 'dren pa'i phyir zhes bya ba la/'jig rten pa'i lam gyis kyang sdug bsngal zad par 'dren mod kyi/ sdug bsngal thams cad zad par 'dren pa ma yin te/ des srid pa'i rtse mo las 'dod chags dang bral ba mi srid pa'i phyir ro/ /gal te lam sdug bsngal ma yin na/ 'o na ji ltar de dag gis 'dus byas thams cad 'gag pa la zhi bar mthong zhe na/de'i phyir gang gi tshe de dag mya ngan las 'das pa la zhi bar lta ba de'i tshe yang zhes bya ba smos te/ sdug bsngal du mthong ba 'gags pa la zhi ba'i blo rung gi gzhan la ni ma yin no zhes bya ba'o/ /sdug bsngal du mthong ba gang yin pa zhes bya ba ni zag pa dang bcas pa'i dngos po ste/de kho na 'gags pa la zhi bar lta'i lam ni ma yin no zhes khong du chud par bya'o/ /mon sran sde'u la sogs pa yod bzhin du mon sran gre'u phung po zhes ston pa bzhin te zhes bya ba 'jig rten na mon sran gre'u'i phung po ni nang na mon sran sde'u dang /sran chung dang / sran ma la sogs pa yod bzhin du yang nyung ba'i phyir/ mon sran sde'u la sogs pa la mon sran gre'u'i phung po zhes tha snyad 'dogs pa snang ba de dang 'dra'o/ /chus btab pa'i bde ba chung ngus zhes bya ba ni chus btab pa'i bde ba nyung zad kyis so//yang smras pa zhes bya ba ni slob dpon dpal len nyid do/ /sdug bsngal gyi ni rgyu phyir dang / /zhes bya ba ni gang gi phyir sdug bsngal myong bar 'gyur ba'i las dang mtshungs par ldan pa'i phyir sdug bsngal gyi rgyu'o/ /sdug bsngal mang po bskyed phyir dang / /zhes bya ba ni yul tshol ba'i ngal ba'i sdug bsngal dag gis so//sdug bsngal yod na de 'dod phyir/ /zhes bya ba ni bkres pa dang skom pa la sogs pa yod na ste/ zas dang skom la sogs pa'i bden pa ni 'phags pa rnams kyis sdug bsngal du rtogs so/ /'phags pa rnams kyis sdug bsngal du gzigs te zhes bya ba la/ci'i phyir zhe na/ 'du byed kyi sdug bsngal du ro gcig pas zhes 'byung ste/ 'du byed la sogs pa yod na ste/ zas dang skom gyi sdug bsngal du rnam pa gcig pas zhes bya ba'i tha tshig go/ /mi rtag pa'i mtshan nyid kyis zhes bya ba ni mi rtag pa'i rnam pas mi mthun pa'i phyir te zhes bya ba'i tha tshig go//dper na gzugs dang 'du shes la sogs pa la yang zhes bya ba ni dper na gzugs dang 'du shes dang rnam par shes pa la sogs pa rnams kyang mi rtag pa nyid kyis mi mthun pa'i phyir sdug bsngal du lta ba de bzhin du bde ba'i tshor ba yang yin no//de dag ji ltar sdug bsngal gyi tshor ba bzhin du sdug bsngal ba ni ma yin te/ 'o na ci zhe na mi rtag pa nyid kyis mi mthun pa'i phyir sdug bsngal du lta ba yin no/ /gang zhig ces bya ba ni slob dpon gnas brtan gzhon nu len la smras pa'o/ /de'i de ni kun 'byung gi rnam pa yin gyi/ sdug bsngal gyi rnam pa ni ma yin te/ de ni kun 'byung gi bden pa kho na yin gyi/ sdug bsngal gyi bden pa ni ma yin no/ /gzugs dang gzugs med par skyes pa dag gis 'phags pa rnams la yang zhes bya ba rgyas par 'byung ste/ gal te sdug bsngal gyi rgyu yin pa'i phyir sdug bsngal gyi 'du shes 'jug na/mtshan nyid 'di ma khyab pa yin no/ /de nyid kyi phyir de dag gi zhes bya ba smos te/ phyir mi 'ong ba'i gzugs dang gzugs med par skyes pa dag gis phung po rnams ni sdug bsngal gyi rgyu ma yin te/ de nyid du yongs su mya ngan las 'da' ba'i phyir phung po rnams dmyal ba la sogs pa'i rgyu ma yin no//de'i phyir de dag sdug bsngal gyi blo mi 'jug pa zhig na de ni 'dod pa spang ba yin te/ 'phags pa rnams kyis khams gsum pa'i phung po rnams kyang sdug bsngal du mi gzigs so/ /mdo las/ 'du byed kyi sdug bsngal nyid kyang zhes bya ba rgyas par 'byung ste/gal te sdug bsngal gyi rgyu yin pa'i phyir bde ba yang sdug bsngal lta bu'i mi rtag pa nyid kyi phyir ma yin na/ de lta na ni 'o na 'du byed kyi sdug bsngal nyid bstan pa don med do/ /sdug bsngal gyi rgyu yin par smra ba de nyid kyis/ gal te mi rtag pa'i phyir zhes bya ba rgyas par smras te/gal te mi rtag pa'i phyir sdug bsngal lta bu'i sdug bsngal gyi rgyu yin pa'i phyir ma yin na/ 'o na mi rtag pa dang sdug bsngal gyi rnam pa dag la khyad par ci yod de yod pa ma yin pa nyid do snyam du bsams pa'o/ /'di la slob dpon gyis skye zhing 'jig pa'i chos can yin pa'i phyir mi rtag par lta la zhes bya ba smos te/rtag pa yod pa ma yin pa'i phyir ro/ /mi mthun pa yin pa'i phyir sdug bsngal du zhes bya ba 'di mi 'dod pa yin pa'i phyir zhes bya ba'i tha tshig go/ /ji ltar mi mthun pa yin pa'i phyir sdug bsngal yin pa de ltar bstan pa'i phyir/ mi rtag par mthong na mi mthun par gyur pas mi rtag pa'i rnam pas sdug bsngal gyi rnam pa 'dren par byed do zhes bya ba smos te/ mi rtag pa nyid kyis mi mthun pa yin pa'i phyir de skad du bshad kyi/ mi rtag pa dang sdug bsngal gyi rnam pa dag la khyad par med pa'i phyir ni ma yin no/ /lam gyi bden pa la mi rtag pa'i rnam pas sdug bsngal gyi rnam pa ji ltar mi 'dren ce na/'di ltar sdug bsngal gyi bden pa kho na mi rtag pa'i rnam pas sun 'byin par byed kyi lam gyi bden pas ni ma yin no/ /sun 'byin par mi byed par ga las she na/ yon tan du mthong ba'i phyir ro//kha cig na re zhes bya ba ni btsun pa dpal len la sogs pa dag go/ /bcom ldan 'das kyis zhes bya ba rgyas par 'byung ngo / /gang ci tshor ba yang rung zhes bya ba ni/ tshor ba ma lus pa gzung bas tshor ba thams cad sdug bsngal yin no zhes bya bar rtogs so/ /gal te yang bde ba'i tshor ba don dam pa nyid yod na ni bcom ldan 'das sdug bsngal du blta bar bya'o zhes ji ltar log pa'i shes pa la sbyor ba mdzad/de ni sdug bsngal kho na yin bzhin du byis pa rnams kyis bde bar gzung bas yang dag pa'i shes pa la sbyar bar bya ba'i phyir sdug bsngal du blta bar bya'o zhes gsungs so/ / gal te yang bde ba'i tshor ba rang bzhin kho nas yod na ni de lta na bde ba kho na la bde ba'o snyam pa yang dag pa'i shes pa ma yin gyi/ sdug bsngal ba la bde ba'o snyam du 'du shes phyin ci log ni ma yin no/ /re zhig mdo las bde ba'i tshor ba med pa ni de lta'o/ /de dag ha cang spyad pa zhes bya ba ni dus de'i tshe kho nas ha cang spyad na sdug bsngal gyi rgyu dag tu 'gyur ro//dus ma yin par spyad pa rnams zhes bya ba ni ma zhu ba na'o/ /btung ba dang bza' ba la sogs pa dus dang ran par spyad pa bde ba'i rgyu yin pa rnams ha cang spyad pa dang dus ma yin par spyad na yang sdug bsngal gyi rgyu dag tu 'gyur ro/ / bde ba'i rgyu 'phel bas dus de nyid kyi tshe sdug bsngal bskyed par ni rigs pa yang ma yin te/ sdug bsngal gyi rgyu 'phel bas bde ba bskyed par ni ma mthong ngo / /bde ba'i rgyu nyams pas kyang dus de'i tshe sdug bsngal bskyed par rigs pa ma yin te/ brdegs pa dang bcad pa ni nam yang bde ba'i rgyur mi 'gyur ro//dang po kho na nas zhes bya ba la/ bza' ba la sogs pa de dag ni dang po spyad pa kho na nas sdug bsngal gyi rgyu yin gyi/ bde ba'i ni ma yin no zhes bya bar shes so/ /gal te de dag dang po kho na nas sdug bsngal gyi rgyu yin na/ ci'i phyir tha ma bzhin du dang por yang sdug bsngal mi 'dzin zhe na/ de'i phyir 'jug pa ni sdug bsngal de 'phel bar 'gyur bas gsal bar 'gyur bar zad de zhes bya ba smos so/ /spyod lam gyi bye brag la yang de bzhin du brjod par bya'o zhes bya ba ni/ ha cang bsten pa dang dus ma yin par bsten pa rnams kyang sdug bsngal gyi rgyu dag tu 'gyur ro zhes mal stan la sogs pa la yang 'di nyid brjod par bya'o//sdug bsngal gyi gnyen po dang zhes bya ba ni gang gi tshe bkres pa dang / skom pa las skyes pa'i sdug bsngal gyis gtses par gyur pa de'i tshe bza' ba dang btung ba la sogs pa sdug bsngal gyi gnyen po dag la 'di'i bde ba'i blor 'gyur gyi gzhan du ni ma yin te/ de'i phyir sdug bsngal log pa 'di kho na la bde ba'i blor 'gyur gyis bde ba ni med do zhes bya bar nges so/ /byis pa rnams ni sdug bsngal gyi bye brag la bde ba'i blor skyed par byed de/ de nyid kyi phyir dper na phrag pa nas zhes bya ba smos so/ /dper na dub pa zhig phrag pa nas phrag par khur spos pas ngal sos par 'gyur ba de bzhin du 'di dag thams cad sdug bsngal yin te/'jig rten la sdug bsngal gyis gnod par 'gyur ro/ /de'i phyir byis pa rnams sdug bsngal dag la log pa la bde ba'i blor 'gyur gyi bde ba zhes bya ba don dam par yod pa ma yin no/ /chos mngon pa pa rnams na re yod pa nyid do zhes zer ro//'di nyid rigs pa yin no zhes bya ba ni slob dpon chos mngon pa pa'i lugs la rjes su yi rang ba'o/ /tshig tsam gyis gus par mi 'gyur bas 'dri ba ni ji ltar byas pas zhes bya ba'o/ /sdug bsngal dang bde ba skye ba'i rgyu tha dad pa'i phyir te/ 'byung ba ma snyoms pa las ni sdug bsngal skye la/de snyoms pa las ni bde ba skye bas sdug bsngal las bde ba gzhan yin te/ 'dod chags dang zhe sdang la sogs pa bzhin no/ /'dod chags dang zhe sdang gnyis bzhin du rang gi ngo bo tha dad pa dang / nus pa tha dad pa las kyang dngos po rnams tha dad par mthong la sdug bsngal dang bde ba'i rang gi ngo bo dang nus pa yang tha dad pa yin te/de ltar na bde blag tu rtogs par 'gyur bas de'i phyir/ re zhig bde ba la skur pa 'debs pa de la 'di 'dri bar bya ste zhes bya ba rgyas par smos so/ /gal te gnod pa'i bdag nyid gang yin pa'o zhes bya ba ni gzir ba'i bdag nyid do//gal te gnod par byed pa yin no zhes bya ba ni lus dang sems la gnod par byed pa gang yin pa de gnod pa'i bdag nyid yin pa'o/ /phan par byed pa bde ba yin no zhes bya bar grub ste/ gang zhig lus dang sems dag la phan 'dogs par 'jug pa de sdug bsngal las nus pa tha dad pa'i phyir bde ba yin no zhes bya bar grub bo//gal te mi 'dod pa yin no zhes bya ba ni/ de'i rang gi ngo bo yid du mi 'ong ba yin pa'i phyir ro/ /'dod pa bde ba yin no zhes bya bar grub ste de ni yid du 'ong ba'i rang gi ngo bo can yin pa'i phyir 'dod pa yin pas sdug bsngal dang bdag nyid tha dad pa yin pa dang /ji ltar sdug bsngal kho na yin par 'gyur/ mi gnas pa'i phyir 'di mtshan nyid ma yin no zhes bstan pa'i phyir/ gal te 'dod pa de nyid zhes rgyas par smras so/ /mi 'dod pa ni gzhan du yin pa'i phyir ro/ /phan par byed pa la ni 'khrul pa med de 'phags pa rnams la yang de phan par byed pa'i phyir ro//rnam pa gzhan gyis zhes bya ba ni rang gi ngo bo ma yin pa'o ji ltar byas nas she na/ 'di la bag med pa'i gnas dang zhes bya ba ni 'dod chags rgyas pa'i phyir ro/ /mngon par 'du bya ba chen pos bsgrub par bya ba ni/ 'bad pa chen pos bsgrub par bya ba'o/ /rnam par 'gyur ba can zhes bya ba ni rgyun gzhan du 'gyur ba'i phyir te/zhan pa nyid kyis de ma thag tu sdug bsngal 'byung ba'i phyir ro/ /mi rtag par zhes bya ba ni skad cig mar 'jig pa dang ldan pa dang / rgyun chad pa'i phyir ro/ /rang gi bdag nyid kyis mi 'dod pa yin pa'i phyir na sdug bsngal ltar de la su yang 'dod pa skye bar mi 'gyur te/de'i phyir de las 'dod chags dang bral ba'i ched du rnam pa gzhan gyis kyang skyon can du lta bar mi 'gyur te/ sdug bsngal bzhin no/ /de ni bcom ldan 'das kho nas zhes bya ba rgyas par 'byung ste/ sdug bsngal gnyis nyid bstan pa'i phyir sdug bsngal gyi sdug bsngal la dgongs nas 'di gsungs pa ni ma yin no zhes bya ba de skad du gsungs pa yin no//'du byed mi rtag pa nyid ni snga na yod na yod pa ma yin pa rnams rgyu dang rkyen la rag las te skye ba nyid dang / skad cig re re la 'jig pa nyid do/ /'du byed rnam par 'gyur ba nyid ces bya ba ni mi 'dra bar yongs su 'gyur ba yin zhing gzhan du 'gyur ba zhes bya ba'i tha tshig ste/de ni de ma thag tu tshor ba gzhan skye ba'am/ zhan pa'o/ /gal te thams cad rang bzhin gyis sdug bsngal ba zhig yin par gyur na ni zhes bya ba rgyas par 'byung ste/ des kyang 'di skad du bcom ldan 'das kyis ci la dgongs nas tshor ba gsum zhes bka' stsal zhes zhus par 'gyur la/bcom ldan 'das kyang 'di skad du/ kun dga' bo tshor ba gang ci yang rung de ni 'dir sdug bsngal lo zhes bya ba ni ngas 'du byed mi rtag pa nyid dang rnam par 'gyur ba nyid la dgongs nas gsungs so zhes lung ston par mi 'gyur ba zhig go/ /de'i phyir gang ci tshor yang rung de ni 'di sdug bsngal lo zhes bya ba'i gsung ni dgongs pa can yin no//de'i phyir dgongs nas gsungs shing / dgongs pa yang 'du byed dang / rnam par 'gyur ba yin no zhes sngar bshad do/ /rnam par 'gyur ba dang mi rtag pa'i chos can yin pa'i phyir zhes bya ba ni rnam par 'gyur ba'i chos can yin pa'i phyir dang /mi rtag pa'i chos can yin pa'i phyir dang / rnam par 'gyur ba ni gzhan du 'gyur ba yin la/ gzhan du 'gyur ba ni de ma thag tu sdug bsngal lam bde ba yang ma yin/ sdug bsngal yang ma yin pa'i tshor ba 'byung ba'o/ /de'i ro myong bar byed pa'i phyir zhes bya ba ni bde ba'i tshor ba'i ro myong bar byed pa'i phyir ro//de la 'dod chags dang bral ba'i phyir zhes bya ba ni bde ba'i tshor ba la 'dod chags dang bral ba'i phyir ro/ /de'i rang gi ngo bos bde zhes bya ba 'di ji ltar khong du chud ce na zhes bya ba rgyas par 'byung ngo / /'di ltar zhes bya ba rgyas par 'byung ste/gal te tshor ba bde ba yang rang gi ngo bos ma yin na ni/ des na sdug bsngal gyi sdug bsngal kho nas sdug bsngal du ston par 'gyur gyi 'du byed dang rnam par 'gyur ba'i sdug bsngal dag gis ston par mi 'gyur ro/ /'dod pa'i yon tan rnams zhes bya ba ni gzugs la sogs pa'i yul rnams so//skye ba la zhes bya ba ni bder 'gror ram/ sa srungs kyi bu la sogs pa ngan 'gror skye ba la'o/ /skye ba la yang de dang 'dra'o zhes bya ba la ci zhig na/ sdug bsngal ni mang ba yin na/ gcig tu bde bar lta ba ni phyin ci log pa ni yin te zhes skabs dang sbyar ro/ /yon tan ci zhig yod par 'gyur zhes bya ba ni bde ba dang sdug bsngal dang /bde ba yang ma yin sdug bsngal yang ma yin pa'i tshor ba gsungs pas yon tan ci zhig thob ces bya ba'o/ /gal te 'jig rten dang mthun par gsungs pa yin no zhe na ste/ 'jig rten dang mthun par tshor ba gsungs so snyam pa'i blo 'dir 'gyur na'o//de ni ma yin te/ tshor ba thams cad sdug bsngal ba nyid ni dgongs nas gsungs so zhes bka' stsal pa'i phyir ro/ /ji ltar zhe na/ kun dga' bo gang ci tshor yang rung de ni 'dir sdug bsngal lo zhes bya ba ni ngas 'du byed mi rtag pa nyid dang /'du byed rnam par 'gyur ba nyid la dgongs nas gsungs so zhes bya ba'o/ /de'i phyir 'jig rten dang mthun par tshor ba gsum zhes gsungs pa ma yin te/ 'o na ci zhe na/ rang gi mtshan nyid kho nas tshor ba gsum yod do/ /gzhan yang yang dag pa ji lta ba bzhin zhes gsungs pa'i yang phyir tshor ba gsum don dam pa kho nar yod kyi 'jig rten dang mthun par ma yin no//yang ji ltar yang dag pa ji lta ba gsungs she na/ bde ba'i dbang po gang yin pa dang zhes bya ba rgyas par 'byung ste/ 'dir dper brjod pa ni de ltar yang dag pa'i shes rab kyis yang dag pa ji lta ba bzhin mthong zhing zhes bya ba 'di yin no//yang dag pa ji lta ba bzhin ni sgro ma btags pa dang skur pa ma btab pa la brjod na/ gal te sdug bsngal gyi tshor ba tsam kho na zhig yin na ni sdug bsngal bde bar mthong ba yang dag pa ji lta ba yin par ji ltar rigs/ 'jig rten yang ji ltar na sdug bsngal gyi tshor ba la rnam pa gsum du rtogs par 'gyur zhes bya ba ni/gal te tshor ba rnam pa gsum ma yin na snyam du bsams pa'o/ /gal te chung ngu dang / chen po dang / 'bring po dag la zhes bya ba rgyas par 'byung ste/ sdug bsngal chung ngu la ni bde ba'i blo'o/ /chen po la ni sdug bsngal gyi blo'o/ /'bring la ni bde ba yang ma yin sdug bsngal yang ma yin pa'i blo'o//bde ba la rnam pa gsum yod pas zhes bya ba la ji ltar tshor ba sdug bsngal rnam pa gsum dmigs pa de bzhin du bde ba yang dmigs pas bde ba la yang sdug bsngal gyi blor 'gyur ro/ /ji ltar zhe na/ sdug bsngal chung ngu la sogs pa la bde ba chen po la sogs pa'i blo skye bar 'gyur ro//sdug bsngal chung ngu bde ba chen po'i blor 'gyur la/ 'bring la bde ba 'bring gi blor 'gyur zhing / chen po la bde ba chung ngu'i blor 'gyur ro/ /de ltar na de'i chen po nyid dang chung ngu nyid kyang nyams par 'gyur te/ de'i phyir ma 'dres kyang chung ngu la sogs pa'i dbye bas so sor rigs rnam pa gsum yod do//bde ba yang ma yin sdug bsngal yang ma yin pa'i mjug thogs su bde ba so sor myong ba'i phyir sdug bsngal ma mthong bas gang gi tshe dri dang ro dang reg bya'i khyad par las skyes pa'i zhes bya ba la sogs pa smos te/ tshor ba 'bring ni bde ba yang ma yin sdug bsngal yang ma yin pa la gang gi tshe de'i mjug thogs su dri la sogs pa'i khyad par las skyes pa'i bde ba skye ba de'i tshe ni chung ngu yin pa'i phyir gang la bde ba'i blor 'gyur ba sdug bsngal yod pa ma yin no//ma skyes pa dang 'gag pa na zhes bya ba ni gal te sdug bsngal chung ngu la bde ba'i blor 'gyur na ni ma skyes pa'i tshe dang /'gag pa'i tshe bde ba'i blo shin tu ches skye bar 'gyur ro/ /ci'i phyir zhe na/ sdug bsngal ma lus pa dang bral ba'i phyir te/ sngar dang zhig nas med pa'i gnas skabs dag tu'o/ /bde ba yang ma yin sdug bsngal yang ma yin pa'i gnas skabs su sdug bsngal chung ngu ma skyes pa dang /'gag pa na bde ba'i blo shin tu ches skye ba 'di ni mthong ba yang ma yin no/ /'dod pa'i bde ba mngon sum gyur pa la yang de bzhin du brjod par bya'o zhes bya ba la/ ji ltar zhe na/ 'dod chags kyi sdug bsngal chung ngu la 'dod pa'i bde ba'i blor 'gyur zhes bya bar ro//'dod chags kyi sdug bsngal chung ngu de ma skyes pa dang / 'gag pa na yang bde ba'i blo shin tu ches skye bar 'gyur na 'di ni mthong ba yang ma yin no/ /tshor ba chung ngu la ni zhes bya ba ni sdug bsngal chung ngu la zhes bya ba'i tha tshig go/ /'bring la ni mi gsal bar zhes bya ba ni bde ba yang ma yin sdug bsngal yang ma yin pa'i mtshan nyid can no//bsam gtan gsum na bde ba yod do zhes 'byung ba'i phyir zhes bya ba ni dang po dang / gnyis pa dang / gsum pa dag na ste/ gal te sdug bsngal chung ngu la ni bde ba'i blor 'gyur na snyam du bsams pa'o/ /gong na bde ba yang ma yin sdug bsngal yang ma yin pa yod do zhes 'byung bas zhes bya ba ni bsam gtan bzhi pa dang gzugs med pa dag na btang snyoms yod do zhes 'byung bas sdug bsngal 'bring du yang 'gyur na/su zhig sdug bsngal 'bring shes nas de thob par bya ba'i phyir 'og ma'i bsam gtan las 'dod chags dang bral ba la 'bad pa byed par 'gyur/ming chen gal te zhes bya ba gang gi phyir gzugs de bde ba yang yod/ bde ba dang rjes su 'brel pa yod/ yid bde ba dang rjes su 'brel pa yang yod pa de'i phyir gzugs kyang 'di lta ste/ kun du 'dod chags pa'i rgyur 'gyur ro zhes bya ba'i bar du 'byung ba yin no//gal te bde ba'i rgyu rnam par mi gnas pa'i phyir bde ba med na/ de ltar na ni 'o na sdug bsngal gyi rgyu rnams kyang rnam par mi gnas pas sdug bsngal yang med par 'gyur ro/ /ji ltar bde ba'i rgyu rnam par mi gnas pa de bzhin du sdug bsngal gyi rgyu yang yin te/ sdug bsngal gyi rgyu rnam par mi gnas pa'i phyir ro//yul 'ba' zhig ni ma yin no zhes bya ba ni yul tsam las bde ba skye bar ni khas mi len gyi/ 'o na ci zhe na/ lus 'gyur ba'i khyad par la ltos pa'i yul bde ba'i rgyu 'am sdug bsngal gyi rgyu yin gyi yul 'ba' zhig ni ma yin no/ /'di ltar dro ba'i reg pa rten gyi 'byung ba'i gnas skabs gang phrad nas bde ba'i rgyu yin pa ni de nyid dang phrad nas yang rgyu ma yin pa ma yin te/gzhan la yang de bzhin du brjod par bya'o/ /bsam gtan dag na yang zhes bya ba ni shin tu sbyangs pa dang bcas pa'i sems ni de na de'i rgyur rnam par gnas na de na dus yun ring por snyoms par zhugs pa rnams la spyir sdug bsngal gyi blor 'gyur ba ni ma yin no//bsam gtan las skyes pa'i bde ba la yang gang gi gnyen po yin zhes bya ba ni bsam gtan dag na sdug bsngal med pa'i phyir ro/ /sogs pa zhes bya ba'i sgra ni 'di skad du/ gal te sdug bsngal gyi gnyen po la bde ba'i blor 'gyur na/ming chen gal te gzugs gcig tu sdug bsngal ba zhig yin par 'gyur na ni zhes bya ba de lta bu la sogs pa mi gsung bar 'gyur zhes bya ba yang brjod par bya'o/ /lus kyi gnas skabs de lta bu de zhes bya ba ni bde ba skye ba dang mthun pa'o/ /de lta ma yin na phyis bde ba'i blo je mang du zhes bya ba ni/phrag khur spos nas yun ring du lon pa la zhes bya ba'i don gang yin pa ste/ gal te tshor ba 'di khur spos pa tsam las skyes pa yin na ni spos nas yun ring du lon pa'i phyir bde ba'i blo mang du skye bar 'gyur ro/ /ngal ba'i spyod lam gyi rnam pa dag la yang de bzhin du rig par bya'o zhes bya ba ni der gnas skabs gzhan las skyes pa'i bde ba kho na skye'o zhes rgyas par brjod par bya'o//mngar ba mjug tu skyur por 'gyur ba bzhin no zhes bya ba ni dper na chang dang 'o ma dang bur shing gi khu ba rnams mngar ba'i gnas skabs las yongs su 'gyur ba'i khyad par las sngar yod pa ma yin pa'i ror 'gyur ba de bzhin du bde ba'i tshor ba'i gnas skabs las lus kyi yongs su 'gyur ba'i khyad par las sngar yod pa ma yin pa'i sdug bsngal skye'o//kun 'byung gi bden pa gang yin pa de nyid yin no zhes bya ba la de nyid ces bya ba ni sdug bsngal gyi bden pa yin gyi/ kun 'byung gi bden pa ni ma yin no//rgyur gyur pa rnams ni kun 'byung gi bden pa yin te zhes bya ba 'byung ba dang / nye bar len pa'i phung po lnga ni/ sdug bsngal kun 'byung 'jig rten dang / /zhes gsungs pa dang / de nyid kyi phyir 'di nyid ni rgyu dang 'bras bur gyur pas ming gi sgo nas bye brag yod kyi/ rdzas su ni ma yin no zhes gsungs pa yang yin te/'di ni mdo las thal ba yin no/ /ci'i phyir zhe na/ mdo las sdug bsngal gyi bden pa gang zhe na/ nye bar len pa'i phung po lnga'o/ /kun 'byung gi bden pa gang zhe na/ gang 'di dga' ba'i 'dod chags dang lhan cig pa'i sred pa ste/ de dang de la mngon par dga' ba can yin no zhes gzhan du bshad pa'i phyir ro//gtso bo yin pa'i phyir zhes bya ba smos te/ ji ltar shes she na/ gzhan las gzhan yang yin par gsungs pa'i phyir te/ mdo gzhan las las la sogs pa gzhan yang gsungs pa'i phyir te/ las dang sred pa dang ni zhes bya ba rgyas par 'byung ngo //phyi ma'i tshe la zhes bya ba ni 'jig rten pha rol du'o/ /yang sa bon gyi zhes bya ba rgyas par 'byung ba ni 'di ltar dge slong dag sa bon gyi rnam pa lnga ma grugs ma smas ma rul la/ rlung dang nyi mas ma nyams shing drung po legs par gnas la/ sa'i khams dang chu'i khams kyang yod na/de lta na sa bon de dag 'phel zhing rgyas pa dang mched par 'gyur ro/ /dge slong dag de ltar na don 'di khong du chud par bya ba'i phyir dpe 'di bstan pa yin te/ 'dir don ni 'di yin par blta bar bya'o/ /dge slong dag sa bon gyi rim pa lnga zhes bya ba 'di ni nye bar len pa dang bcas pa'i rnam par shes pa'i tshig bla dgas yin no//sa'i khams zhes bya ba 'di ni rnam par shes pa gnas pa bzhi'i tshig bla dgas yin no zhes gsungs pa yin no/ /sa bon ni rgyu yin no/ /rgyu gang yin pa de kun 'byung ba yin no/ /de ltar na de'i tshe rnam par shes pa kun 'byung ba nyid du bstan la/rnam par shes pa gnas pa dag kyang rten gyi rgyur bstan pas gzugs dang tshor ba dang 'du shes dang 'du byed dag kyang kun 'byung ba nyid du gsungs so/ /tshigs su bcad pa las/ las la sogs pa rnams kyang rgyur gsungs pas kun 'byung ba nyid du grub bo/ /de'i phyir mdo las bstan pa ni dgongs pa can yin te/sred pa kun 'byung ba yin no zhes bya ba ni gdul ba'i khyad par la ltos pa'i phyir sred pa lhag pa'i gang zag gi dbang du mdzad na bstan pa yin no/ /chos mngon pa las zag pa dang bcas pa'i dngos po thams cad kun 'byung ba yin no zhes bstan pa ni mtshan nyid pa yin no//da ni bye brag tu smra ba'i mdo las bstan pa dgongs pa can nyid yin par bstan pa'i phyir gzhan yang mngon par grub pa'i rgyu zhes bya ba rgyas par smos so/ /mngon par 'grub pa'i rgyu ni bdag nyid rnyed pa tsam gyi rgyu ste/ 'di ltar sred pa ni bdag nyid rnyed pa thams cad la khyad par med par rkyen yin no//skye ba dang mngon par 'grub pa'i rgyu dang bcas par zhes bya ba la 'gro ba la sogs pa'i bye brag gis bdag nyid rnyed pa ni skye ba yin la/ der skye ba'i rgyu ni las yin no/ /mngon par 'grub pa'i rgyu ni sred pa'o/ /yang tshigs su bcad pa las skye ba'i rgyu las yin pa dang /mngon par 'grub pa'i rgyu sred pa yin par bshad do zhes bya ba 'di ji ltar shes she na/ de'i phyir mdo las las ni skye ba'i rgyu yin la sred pa mngon par 'grub pa'i rgyu yin no zhes 'byung ba'i phyir ro zhes bya ba smos so/ /yang na mdo las rgyu dang bcas rkyen dang bcas/ gzhi dang bcas zhes 'byung ba'i rim par bstan pa yin no zhes bya ba ni yang na tshigs su bcad pa las rgyu'i brgyud pa'i rig pa 'dis las dang sred pa dang ma rig pa phyi ma'i tshe la 'du byed mig la sogs pa rnams kyi rgyu yin no zhes bstan pa yin no//de las rim pa ji ltar 'byung zhe na/ dge slong dag mig ni rgyu dang bcas rkyen dang bcas gzhi dang bcas pa yin no//dge slong dag mig gi rgyu ni gang yin/ rkyen ni gang yin gzhi ni gang yin zhe na/ dge slong dag mig gi rgyu ni las yin no/ /rkyen ni las yin no/ /gzhi ni las yin no zhes 'byung ste/ las kyi rgyu sred pa yin pa dang / sred pa'i rgyu ma rig pa yin pa dang ma rig pa'i rgyu tshul bzhin ma yin pa yid la byed pa yin pa yang de dang 'dra'o//sa bon dang zhing gi dngos por zhes bya ba la sogs pa la sred pa 'ba' zhig tu ma zad kyi rnam par shes pa la sogs pa dag kyang kun 'byung du gsungs so/ /de'i phyir mdo las bstan pa dgongs pa can yin par bsgrubs pa yin no//skye gnas la sogs pa'i rnam pa'i bye brag gis zhes bya ba la sogs pa zhes bya ba'i sgras ni rigs pa dang / skyes pa dang bud med la sogs pa'i rnam par bsdu ste/ 'dir ni las kyang sred pa srid par nying mtshams sbyor ba la bye brag dang thun mong gi rkyen nyid yin par bstan to//dper na sa bon ni zhes bya ba rgyas par 'byung ste/ sA lu'i sa bon ni sA lu'i myu gu skye ba'i rgyu yin la/ nas kyi sa bon ni nas kyi myu gu skye ba'i rgyu yin no zhes bya ba la sogs pa lta bu'o/ /chu ni bye brag med par sA lu'i myu gu skye ba'i rgyu yin pa ji lta ba de bzhin du nas kyi myu gu la sogs pa'i yang yin no zhes bya ba la sogs pa'o//de'i phyir de dag ni myu gu thams cad skye ba tsam gyi rgyu yin no/ /sred pa dang bral ba skye ba med pa'i phyir te zhes bya ba ni sred pa dang bral ba skye ba med pa'i phyir te/ de yod na yod la/ med na med pas sred pa skye ba mngon par 'grub pa'i rgyu yin no zhes bya bar rtogs so//de nyid rab tu dbye bar bya ba'i phyir gnyi ga 'chi ba las zhes bya ba rgyas par 'byung ngo / /gzugs la sogs pa'i yul gang la sred pa dang lhan cig yin pas sred pa dang bcas pa der sems kyi rgyun yang dang yang du gzhol zhing 'jug par mthong ngo / /yang srid pa la yang de dang 'dra'o zhes bya bar shes so zhes bya ba ni 'chi ba na yang srid pa'i phung po dag la sred pa dang bcas pas sred pa'i stobs kyis yang srid par yang de'i sems kyi rgyud 'jug go zhes bya bar nges so//de ltar ni gang gis kyang lus kun du ma bzung ste zhes bya ba 'dis ni lus sred pa'i dbang du gyur pa nyid du ston to//rgyu gzhan ni zhes bya ba 'dis ni lus la sred pa rtag tu rjes su 'brel par ston pa'o/ /'dag pa'i chal sran chung gi phye ma'i 'dag gu bskams pas lus bzung ba bzhin zhes bya ba la sran chung gi phye ma las byas pa'i 'dag pa'i chal ni sran chung gi phye ma'i 'dag gu'o//des bskus pa ni 'dag pa'i chal sran chung gi phye ma'i 'dag gus bskus pa'o/ /de lus gang du bskams pa ni 'dag pa'i chal sran chung gi phye ma'i 'dag gus bskus pa bskams pa'i lus so/ /'dag pa'i chal sran chung gi phye ma'i 'dag gus bskus pa bskams pa'i lus lta bu ni 'dag pa'i chal sran chung gi phye ma'i 'dag gus bskus pa bskams pa'i lus bzhin te/ji ltar 'dag pa'i chal sran chung gi phye ma'i 'dag gus bskus pa bskams pas lus bzung ba de bzhin du sred pas lus bzung ngo zhes bstan par 'gyur ro/ /bden pa'i zhar la 'di brjod par bya'o//gang la bcom dang zhes bya ba 'di la dpe gnyis nye bar bkod pa yin te/ 'jig pa gnyis nye bar bstan pa'i phyir ro/ /'joms pas 'jig pa ni bum pa la sogs pa dag go/ /blos 'jig pa ni chu la sogs pa dag ste/ bcom pas ro la sogs pa bsal bar mi 'thad pa'i phyir ro//rnam pa gcig tu na kun rdzob ni rnam pa gnyis te dbyibs kyi kun rdzob bum pa la sogs pa dang / tshogs pa'i kun rdzob chu la sogs pa ste/ de'i phyir gnyis smos so/ /yang na bum chu bzhin du kun rdzob tu/ /zhes dpe gnyis bkod pa ni kun rdzob gnyis bstan pa'i phyir te/bum pa la sogs pa yod pa rnams ni gyo mo la sogs pa dag la brten nas yod pas kun rdzob gzhan la brten pa'i kun rdzob yin la/ chu la sogs pa rnams ni gzugs la sogs pa la brten nas yod pas rdzas gzhan la brten pa'i kun rdzob yin no/ /tshor ba la sogs pa la yang de bzhin du blta bar bya'o zhes bya ba ni tshor ba dang 'du shes dang sems pa la sogs pa dag kyang tshogs pa kun rdzob tu yod pa yin la/tshor ba la sogs pa re re ni rdzas su yod pa kho nar blta'o/ /ji ltar zhe na/ tshor ba la sogs pa ni blos bsal nas kyang tshor ba'i rang bzhin gyis blor 'gyur bas tshor ba rdzas su yod pa yin no//sems pa la sogs pa dag la yang de bzhin du sbyar bar bya'o/ /de ltar ni don dam pa'i bden pa yin no zhes bya ba la dam pa zhes bya ba ni 'jig rten las 'das pa'i ye shes te/ de'i don du yul ni don dam pa'o ji ltar 'jig rten pa gzhan gyi 'dzin pa de ltar ni kun rdzob kyi bden pa yin no//kun rdzob dang tha snyad du bden pa ni kun rdzob kyi bden pa'o/ /tshul gnas thos dang bsam ldan pa/ /bsgom pa la ni rab tu sbyor/ /zhes bya ba la/ tshul ni tshul khrims te/ de ni mi g.yeng ba'i rgyu dang / rten gyi rgyu yin no/ /thos pa ni mi rmongs pa'i rgyu'o/ /bsam pa ni gtan la phebs pa'i rgyu'o//bsgom pa ni bral ba'i rgyu'o/ /bcom ldan 'das kyis kyang / dge slong brtun cing rtag 'grus pa/ /tshul khrims yang dag blangs byas nas/ /sems dang shes rab sgom byed pas/ /sdug bsngal zad pa 'thob par 'gyur/ /zhes gsungs so/ / de skad du yang tshul khrims la brten cing tshul khrims la gnas te chos gnyis bsgom par bya'o zhes gsungs te/ des na thog ma kho nar tshul khrims dag la shin tu gus par byed par bya dgos so 'dir ni so sor thar pa'i tshul khrims kyi sdom pa mngon par 'dod kyi bsam gtan dang zag pa med pa'i bdag nyid ni ma yin no//de'i 'og tu bden pa mthong ba dang / mthun pa'i thos pa ni 'dzin pa zhes bya ba la/ thos pa dang ldan pa'i bsgom pa rdzogs par 'gyur te/ thos nas chos rnams shes 'gyur zhing / /thos nas sdig pa ldog par 'gyur/ /thos nas dus min gtong ba ste//thos nas mya ngan 'das pa 'thob/ /ces tshigs su bcad de 'byung ba'i phyir ro/ /thams cad thos pa dang ldan zhes te/ bsgom pa la sbyor ba ma yin gyi/ 'o na ci zhe na/ 'phags pa'i bden pa dang mthun pa'i chos mang du thos pa gang yin pa'o/ /de skad du yang btsun pa dge slong mang du thos pa zhes bgyi na/ji ltar na dge slong mang du thos pa lags/ ji tsam gyis na de bzhin gshegs pas dge slong mang du thos par 'dogs shing 'dogs par mdzad/ dge slong dge slong gi gzugs la skyo ba dang / 'dod chags dang bral ba dang 'gog par bya ba'i phyir chos thos par gyur cing /dge slong dge slong gi tshor ba dang 'du shes dang 'du byed dang / rnam par shes pa la skyo ba dang 'dod chags dang bral ba dang / 'gog par bya ba'i phyir chos thos par 'gyur na/ dge slong mang du thos pa zhes brjod par nus so/ /dge slong de tsam gyis dge slong mang du thos par 'gyur/de tsam gyis de bzhin gshegs pas dge slong mang du thos par 'dogs shing / 'dogs par mdzad do zhes 'byung ba'i phyir ro/ /slob dpon gyis kyang de'i 'og tu bden pa mthong ba dang mthun pa'i thos pa 'dzin pa'am/ don nyan par byed do zhes bya ba smos te/ gal te gzhung 'dzin par mi nus na snyam du dgongs pa'o//bsams pa las byung ba ji ltar gnyi ga la dmigs pa yin pa bstan pa'i phyir res 'ga' ni yi ges don 'dren par byed do zhes bya ba smos te/ 'dir yi ge ni ming la mngon par 'dod do/ /de bzhin du res 'ga' ni don gyis yi ge 'dren par byed do zhes bya ba ni ming zhes bya ba'i don to//de ni yi ge la mi ltos par zhes bya ba ni ming la ltos par zhes bya ba'i don gang yin pa'o/ /yi ge dang lhan cig spyod pas ming la yi ge btags pa'am 'dis don gsal bar byed pas na ming la yi ge zhes bya'o/ /slob dpon gyis 'di la ni zhes bya ba rgyas par smos te/bsams pa las byung ba'i shes rab 'grub par mi 'gyur gyi/ 'o na ci zhe na/ thos pa dang bsgoms pa las byung ba'o/ /yid ches pa'i lung zhes bya ba ni nyes pa zad pa'i tshig ste/ gsung rab yan lag bcu gnyis so/ /de las skyes pa'i shes rab gang yin pa de ni thos pa las byung ba'o//rigs pas nges par brtag pa ni nges par brtag pa ste/ de las skyes pa ni bsams pa las byung ba'i shes rab bo/ /bsgoms pa las byung ba ni ting nge 'dzin las skyes pa yin no/ /bsrings gnyis ldan zhes bya ba ni gang la bsrings shing dben pa mi ldan pa gnyis yod pa de ni bsrings pa gnyis dang ldan pa ste/bsrings pa gnyis dang ldan pa de'o/ /ci zhe na/ de'i phyir gal te 'du 'dzi dang mi dge ba'i rnam par rtog pa thag bsrings pa'i phyir zhes bya ba smos te/ zla med par gnas pa nyid kyis lus bsrings pa yin la dran pa legs par gnas pas gnas pa nyid kyis mi dge ba'i rnam par rtog pa thag bsrings pa'i phyir sems kyis bsrings pa'o//mi dge ba'i rnam par rtog pa ni 'dod pa dang gnod sems dang rnam par 'tshe ba'i rnam par rtog pa ste/ de dag la mngon du mi phyogs pa ni thag bsrings pa'o/ /gya nom pa ma yin pa dang mang po ma yin pa rnyed pas yid mi bde ba ni zhes bya ba ni yid mi bde ba ste/des yi mug cing nyams par byas zhes bya ba'i tha tshig ste/ gya nom pa ma yin pa'i phyir ram mang po ma yin pa'i phyir rnyed pa des yid mi bde ba ni mchog mi shes pa yin la gya nom pa dang mang po ma rnyed pa 'dod cing mngon par 'dod pa ni 'dod chen can yin no zhes bya ba ni slob dpon gyi lugs so//'di gnyis khams gsum gtogs dri med/ /ces bya ba ni ma chags pa'i dge ba'i rtsa ba'i rang bzhin yin pa'i phyir ro/ /chog mi shes pa dang 'dod chen can ni 'dod pa na spyod pa dag kho na yin no zhes bya ba ni chags pa ni mi dge ba'i rtsa ba'i rang bzhin yin pa'i phyir ro//'phags pa'i rigs nye bar 'god pa'i 'brel pa gang yin zhe na/ 'di ltar sbyangs pa'i yon tan la gnas pa'i bsgom pa rdzogs par 'gyur la/ sbyangs pa'i yon tan rnams kyang 'phags pa'i rigs kyis bsdus pas so/ /gzhan yang 'dod chen chung ba dang / chog shes pa ni sbyangs pa'i yon tan la gnas pa kho na la yod kyi/gzhan la ma yin pas de gnyis kyi rab tu dbye ba 'phags pa'i rigs dag gi sgo nas bstan to/ /spong ba dang bsgom pa la dga' ba nyid yin no zhes bya ba la spong ba dang bsgom pa ni spong ba dang bsgom pa'o/ /de la dga' ba ni spong ba dang bsgom pa la dga' ba'o//'di la dga' bas na dga' ba ste/ de'i dngos po ni spong ba dang bsgom pa la dga' ba nyid do/ /spong ba dang bsgom pa zhes bya ba ni bral ba dang lam mo zhes bya ba'i don to/ /yang na spong ba'i ched du bsgom pa ni spong ba'i bsgom pa yin la/ spong ba'i bsgom pa la dga' ba ni spong ba'i bsgom pa la dga' ba ste/nyon mongs pa'i 'gog pa mngon sum du bya ba'i thabs la goms pa lhur len zhes bya ba'i tha tshig go/ /srid pa dang 'dod pa'i 'dod chags la rgyab kyis phyogs pa'i phyir ro zhes bya ba ni srid pa la rgyab kyis phyogs pa'i phyir dang / 'dod pa'i 'dod chags la rgyab kyis phyogs pa'i phyir ro//rang gi tshul dang las kyi mtha' yongs su spangs shing zhes bya ba ni rang gi tshul yongs su spangs pa dang / rang gi las kyi mtha' yongs su spangs pa'o/ /de la gang gis 'tsho ba de ni tshul te/ zas dang / skom dang bgo ba la sogs pa'o/ /las kyi mtha' ni de'i ched kyi bzo la sogs pa'i bya ba'o//rnam pa gcig tu na tshul ni rgyal po la brten pa la sogs pa yin la/ las kyi mtha' ni rmo brko la sogs pa'o/ /de dag ji ltar rang gi tshul dang las kyi mtha' yongs su spangs pa yin zhe na/ khyim pa'i phyogs kyis bsdus pa'i rang gi tshul dang / las kyi mtha'i dbang du byas pa yin par shes par bya'o//de ltar 'byung ba dang 'jig pa'i phyir zhes bya ba la de ltar zhes bya ba'i sgra ni rnam pa du ma brjod pa ste/ 'byung ba rnam pa du ma de la/ kye ma bdag dbang por gyur kyang ci ma rung / 'khor los sgyur bar gyur kyang ci ma rung snyam pa de lta bu la sogs par sred pa'o//'jig pa'i sred pa ni rnam par 'jig pa la sred pa zhes bya ba'i tha tshig ste/ kye ma bdag shi phan chad rgyun chad kyang ci ma rung / brlag kyang ci ma rung / ma byung yang ci ma rung snyam pa la sogs pa'o/ /'jug pa yin zhes bya ba ni mthun par 'jug pa yin zhes bya ba'i tha tshig go//dran pa nyid dran pa yin no zhes bya bas ni dngos po la brjod par ston to/ /dbugs rngub 'byung ba dran pas zhes brjod par bya ba las/ dbugs rngub 'byung ba dran pa yis/ /zhes brjod pa ni de lta bu'i mtshan nyid kyang grags pa'i phyir te/ de nyid kyi phyir dran pa nyid dran pa yin no zhes bya ba smos so//sna tshogs la mi dmigs pa'i phyir zhes bya ba rlung la kha dog dang dbyibs med pa'i phyir ro/ /yang na reg bya tsam la dmigs pa'i phyir te/ rlung la kha dog la sogs pa dag med pa'i phyir ro/ /mi sdug pa bsgom pa ni rus pa ni keng rus la sogs pa la dmigs pa'i phyir kha dog dang dbyibs la dmigs pa'o//kha phyir ma bltas pa'i phyir te zhes bya ba ni rnam par rtog pa gcod par byed pa yin gyi zhes bya bar skabs dang sbyar ro/ /mi sdug pa ni yid kyi sa pa yin yang mig gi rnam par shes pa bzhin du kha phyir bltas pa yin te/ gang las she na/ de'i yul la nye bar rtog pa'i phyir zhes bya ba 'byung ste/mig gi rnam par shes pa'i yul la nges par rtog pa'i phyir ro zhes bya ba'i don yin gyi de dang mtshungs par ldan pa'i phyir ni ma yin no/ /rnam par 'bus gzhig pa zhes bya ba la/ rnam par 'bus gzhig pa zhes bya ba ni 'bus glongs pa'o/ /'bus zhes bya ba ni 'bu srin la bya ste/ rnam pa sna tshogs pa'i 'bus gzhig pa zhes bya ba'i bar du bstan pa yin do/ /mos pa dang nyi tshe ba yid la byed pa yin pa'i phyir zhes bya ba ni mos pa yid la byed pa dang / nyi tshe yid la byed pa'i phyir zhes bya ba'i don to/ /'di mos pa gtsor yid la byed pa yin gyi/ de kho na nyid yid la byed pa ni ma yin te/de kho na nyid yid la byed pas nyon mongs pa spong bar rigs so/ /yid la byed pa de ni nyi tshe ba yin zhing ma khyab pa yang yin te/ mi sdug pa ni phung po lnga la dmigs pa ma yin gyi 'o na ci zhe na/ gzugs kyi phung po'i phyogs gcig la dmigs pa yin no/ /mi rtag pa la sogs pa khyab pas na nyon mongs pa spong ba yin no//mi sdug pas 'dod chags rnam par gnon pa yin no zhes bya ba 'di ga las she na/ dge slong slob pa gzhon pa'i rabs/ /sems ma byung ba gang zhig ni/ /gal te 'dod chags 'joms 'dod na/ /de ni dur khrod 'gro bar 'gyur/ /de nas rnam par bsdos par lta//de nas rnam par rnag par lta/ /de nas pags pa rus pa yi/ /rus gong la sogs lta bar byed/ /ces 'byung ba'i phyir ro/ /rang gi yan lag la sems gtod par byed ces bya ba ni yul du byed ces bya ba ni yul du byed ces bya ba'i tha tshig go/ /rkang pa'i mthe bo gcig pu la sems gtad nas rkang pa'i mthe bo myags shing sha dang bral bar lta ba nas de bzhin du lus thams cad rus pa'i rus gong du mos te rgya mtsho'i mtha' klas pa'i bar gyi sa gzhi rus pa'i keng rus kyis gang bar mos par byed do//yongs su sbyang ba byas pa ni de kho na ltar thod pa'i phyed kyi bar du'o/ / yid la byed par rdzogs pa ni de kho na ltar smin ma'i bar du sems 'dzin par byed pa'i bar du yin no/ /de ltar byas na mu bzhi'i dri ba 'byung ngo / /yid la byed pa sbyang ba byas pa dang / sbyang ba ma byas pa dag dang zhes bya ba rgyas par 'byung ba ni yid la byed pa sbyang ba byas pa'i mi sdug pa rang gi lus la dmigs pa ni dmigs pa chung bas chung ba yin gyi/dbang chung bas ni ma yin no/ /yid la byed pa sbyang ba ma byas pa'i rgya mtsho'i mthas klas pa'i bar la dmigs pa ni dbang chung bas chung ba yin gyi/ dmigs pa chung bas ni ma yin no/ /yid la byed pa sbyang ba ma byas pa'i rang gi lus la dmigs pa ni dmigs pa chung bas kyang chung la dbang chung bas kyang chung ba yin no//yid la byed pa sbyang ba byas pa'i rgya mtsho'i mthas klas pa'i bar la dmigs pa ni dmigs pa chung bas chung ba yang ma yin no/ /nyer bsdogs dang bsam gtan khyad par can dang bcas pa zhes bya ba ni nyer bsdogs dang bsam gtan khyad par can dang lhan cig gnas pa ni nyer bsdogs dang bsam gtan khyad par can dang bcas pa dag ste/bsam gtan bzhi'o/ /de ltar na nyer bsdogs bzhi dang / bsam gtan bzhi dang / bsam gtan khyad par can dang / 'dod pa'i khams te sa bcur 'gyur ro/ /gzugs med pa na spyod pa'i sems la yod pa ni ma yin te/'dod pa'i snang ba dmigs pa yin pa'i phyir te/ gzugs med pa dag ni 'dod pa'i khams la dmigs pa ma yin no zhes sngar bshad zin to/ /de lta yin dang de ni mnyam par bzhag pa dang / mnyam par ma bzhag pa'i sa pa yin no zhes bya bar grub pa yin no/ / de nyid kyi phyir don la dmigs pa zhes bya ba la gang la zhe na/ 'dod pa na spyod pa'i snang ba la dmigs pa'i phyir ro/ /mi rnams kyi nang kho nar skyed kyi 'gro ba gzhan du yang ma yin na/ khams gzhan du lta smos kyang ci dgos te/ 'phags pa'i lam gyi rgyu yin pa'i phyir 'di kho na nges pa la 'jug pa yod pa'i phyir ro//byang gi sgra mi snyan du ni ma yin no zhes bya ba ni mi rnams kyi nang kho nar skyed kyi zhes spyir btang ba 'di'i dmigs kyis bsal ba'o/ /byang gi sgra mi snyan du ma yin pa ni de na 'dod chags dang bral ba med pa'i phyir dang / de yang 'dod chags dang bral ba'i thabs yin pa'i phyir ro/ /thog ma mi rnams kyi nang kho nar skyed la/sngar bskyed pa ni lha rnams kyi nang du mngon du byed pa yin no/ /dus gang yin pa'i de'i dus la dmigs so zhes bya ba ni mig gi rnam par shes pa bzhin du 'das pa'i dmigs pa ni 'das pa yin pa nas de bzhin du da ltar byung ba'i dmigs pa da ltar byung ba'i bar du yin no/ / ma skye ba'i chos can gyi yul ni dus gsum yin no/ /ma 'ongs pa ni gdon mi za bar 'byung ba ma yin la/ nges par yod pa yang ma yin no/ /de ni gzugs kyi skye mched kyi dmigs pa la nges pa yin gyi/ rdzas dang dus kyi skad cig la nges pa ma yin no/ /mos pa yid la byed pa yin pa'i phyir zag pa dang bcas pa yin no zhes bya ba ni/zag pa med pa ni de kho na yid la byed pa yin no/ /'dris pa dang ma 'dris pa yin pa'i phyir zhes bya ba la 'dris pa ni 'dod chags dang bral bas thob pa yin no/ /ma 'dris pa ni sbyor ba las byung ba yin no/ /so so'i skye bo'i rgyud la yod pa ni thog ma med pa can gyi 'khor ba na 'dris pa'i phyir 'dod chags dang bral bas 'thob pa'o//'phags pa'i rgyud la yod pa ni ma 'dris pa'i phyir sbyor ba las byung ba'o/ /dbugs rngub dbugs 'byung zhes bya ba rgyas par 'byung ngo / /de gnyis zhes bya ba ni dbugs rngub pa dang / dbugs 'byung ba gnyis so/ /de dag la dmigs pa'i dran pa ni dbugs rngub pa dang 'byung ba dran pa'o//dran pa nye bar gzhag pa bzhin te zhes bya ba la ji ltar shes rab kyi rang bzhin yin bzhin du dran pa'i stobs skyed par 'jug pa'i phyir lus la sogs pa dran pa nye bar gzhag pa dag tu brjod pa de bzhin du dbugs rngub pa dang 'byung ba dran pa shes rab kyi rang bzhin yin bzhin du dran pa'i stobs skyed pas 'jug pa'i phyir dbugs rngub dang 'byung ba dran pa zhes bya'o//shes rab kyis ni chos rnams sdom par byed pa yin no/ /nyer bsdogs gsum zhes bya ba ni bsam gtan dang po dang gnyis pa dang gsum pa'i nyer bsdogs dag go/ /ci'i phyir dngos gzhi dag na ma yin zhe na/btang snyoms dang mtshungs par ldan pa'i phyir ro/ /'di ltar bsam gtan dang po'i nyer bsdogs la sogs pa dag na tshor ba btang snyoms yod la/ bsam gtan bzhi pa'i nyer bsdogs na dbugs rngub pa dang / 'byung ba yod pa ma yin pa nyid do/ /yang ci'i phyir 'di ltar btang snyoms dang mtshungs par ldan pa nyid kho nar nges par gzung zhe na de'i phyir/rnam par rtog pa dang mthun pa'i phyir zhes bya ba la sogs pa smos so/ /de'i gnyen po ni zhes bya ba ni rnam par rtog pa'i gnyen po dbugs rngub pa 'byung ba dran pa'i mtshan nyid do/ / de dag dang mtshungs par mi ldan no zhes bya ba ni bde ba dang sdug bsngal dag dang ngo / /bsam gtan gnyis pa'i yid bde ba dang / bsam gtan gsum pa'i bde ba rtogs pa med pa dang mtshungs par ldan par 'gyur ro zhe na/ de'i phyir bde ba dang yid bde ba dag kyang gtod pa la bar chad byed pa'i phyir zhes bya ba smos te//gzo ba'i dgra yin pa'i phyir zhes bya ba'i don dang / dbugs rngub pa dang 'byung ba de yang gtod pas bsgrub par bya ba yin pa'i phyir te/ gzo bas bsgrub par bya ba yin pa'i phyir ro zhes bya ba'i tha tshig go/ /dbugs rngub pa dang 'byung ba dran pa ni gzo bas bsgrub par bya ba yin la/dbugs rngub pa dang 'byung ba bsdoms pa dang / gtod pa dang / gzo ba dang / lhur len pa zhes bya ba ni rnam grangs so/ /de dag gi ltar na sa brgyad pa yin no zhes bya ba ni bsam gtan gsum gyi sa pa gzung ste/ yan chad ni dbugs rngub pa dang / 'byung ba'i sa ma yin pa'i phyir ro//'dod pa'i khams kyi rten can yin te zhes bya ba ni de na rtog pa mang ba'i phyir ro/ /sbyor ba las 'byung ba ni sbyor bas thob pa yin la/ 'dod chags dang bral bas thob pa ni 'dod chags dang bral bas thob pa yin no/ /chos 'di pa rnams kho na'i yin gyi zhes bya ba ni sangs rgyas pa rnams kho na'i yin gyi zhes bya ba'i tha tshig ste/de dag la chos 'di yod pa de dag ni chos 'di pa yin no/ /phyi pa'i ni ma yin te/ bdag tu 'dzin pa dang 'gal ba'i phyir dang / zab pa'i phyir ro/ /bdag nyid kyis chos zab mo mngon par mi rtogs pa'i phyir zhes bya ba la zab pa nyid ni rgyu drug dang ldan pa'i phyir ro//lung med par ni bgrang ba tsam yang mi shes na/ rjes su 'gro ba la sogs pa dag lta smos kyang ci dgos/ lus dang sems rnal du bzhag ste zhes bya ba ni lus dang sems mngon par 'du mi byed pa ste/ lus glod pa dang sems glod pa yin no/ /sngar 'jug pa bgrang bar bya la/ phyis 'byung ba bgrang bar bya ste/skye ba la sngar 'jug la/ 'chi ba la phyis 'byung ngo zhes de ltar skye ba dang / 'chi ba rtogs pa las mi rtag pa la 'dris par byas par 'gyur ro/ /rlung gi dkyil 'khor dang zhes bya ba ni 'og tu rjes su 'gro ba'o/ /'thor byed kyi rlung gi bar zhes bya ba ni gyen du rjes su 'gro ba'o/ /de kho na yid la byed pa'i phyir mi rigs so zhes bya ba ni rlung gi dkyil 'khor dang rnam par 'thor byed kyi rlung gi bar du'o zhes bya ba ste/dbugs rngub pa dang 'byung ba ni de ltar ring bar mi rgyu ba'i phyir ro/ /ci phan 'dogs par byed pa zhig gam/ gnod par byed pa zhig gam/ grang ngam dro ba dag cig ces bya ba 'byung ngo //de dag la brten la sems dang sems las byung ba dag ces bya ba ni de la rag ste 'jug pa'i phyir ro zhes bya ba'i tha tshig go/ /chos kyi mchog gi bar du zhes bya bas ni dran pa nye bar gzhag pa nas bzung ste zhes ston to/ /mthong ba'i lam la sogs pa la 'jug pa'o zhes bya ba la sogs pa zhes bya ba smos pa ni bsgom pa dang mi slob pa'i lam gzung bar bya ba'i phyir ro//rnam par dag pa ni zad pa shes pa la sogs pa yin no zhes bya ba la 'dir yang sogs pa zhes bya ba smos pas mi skye ba shes pa dang / mi slob pa'i yang dag pa'i lta ba gzung ste/ gos dri ma dang 'brel pa ltar dag pa med pas lhag ma dang bcas pa ni dag pa yin par mi 'os pa'i phyir ro//lus sa gang ba yin pa zhes bya ba ni 'dod pa na spyod pa nas bsam gtan gsum pa'i sa pa'i bar te/ dbugs rngub pa dang 'byung ba ni de dag gi sa pa kho na yin te/ gzhan gyi sa pa ni snyoms par zhugs pa'i dmigs pa ma yin no/ /lus kyi phyogs gcig yin pa'i phyir zhes bya ba ni rang gi lus kyi phyogs gcig yin pa'i phyir zhes bya bar bsams pa ste/'di ltar dbugs rngub pa dang dbugs 'byung ba dran pa ni rang gi lus kyi dbugs rngub pa dang / dbugs 'byung ba la dmigs pa yin gyi/ gzhan gyi lus kyi dbugs rngub pa dang dbugs 'byung ba la dmigs pa ni ma yin no//lus dang sems khyad par can la brten nas zhes bya ba 'byung ngo / /gzugs med pa na nur nur po la sogs par gyur pa rnams la med pa'i phyir zhes bya ba la gzugs med pa rnams la ni re zhig gzugs nyid yod pa ma yin pas lus la brten pa smos so/ /nur nur po la sogs par gyur pa rnams la lus yod mod kyi/sbubs can ma yin pas lus khyad par can la brten pa smos so/ /sems med pa'i snyoms par 'jug pa'i sa la snyoms par zhugs pa rnams la/ sems nyid yod pa ma yin pa sems la brten pa smos so/ /bsam gtan bzhi pa la snyoms par zhugs pa rnams la sems yod mod kyi/dbugs rngub pa dang 'byung ba'i rten ma yin pas sems khyad par can la brten pa smos te/ de nyid kyi phyir gal te lus kyang sbubs yod pa yin la/ dbugs rngub pa dang dbugs 'byung ba'i sa pa'i sems kyang mngon sum du gyur na/ de ltar na 'jug go zhes bya ba smos so/ /skye ba zhes bya ba ni mngal nas 'byung ba'o/ /sems can zhes bya ba ni thob pa dang ma thob pa dang ldan pa'i phyir dang / rgyud du sgro btags pa'i phyir ro/ /rgyu mthun las byung zhes bya ba ni skal ba mnyam pa'i rgyus bskyed ces bya ba'i don to/ /lus rgyas par 'grib par 'gyur ba'i phyir rgyas pa las byung ba ma yin la/chad nas nying mtshams sbyor ba'i phyir rnam par smin pa las skyes pa ma yin no/ /rnam par smin pa'i gzugs la ni de lta bu med do zhes bya ba ni bcad nas yang nying mtshams 'byor pa'o/ /'og ma'i yid kyis de nyid mi rtogs so zhes bya ba la 'dod pa'i khams su skyes pa ni sems bzhis rtogs la/bsam gtan dang po dang gnyis pa dang gsum pa'i sa pa rnams ni go rims bzhin du sems gsum dang gnyis dang gcig gis rtogs so/ /sa 'og ma'i sprul pa'i sems ni bsam gtan dang por skyes pa la sogs pas mngon du byed la spyod lam pa'i sems ni bsam gtan gnyis par skyes pas mngon du byed pas de'i phyir 'og ma'i spyod lam pa dang /sprul pa'i sems kyis mi rtogs so zhes bya ba smos te/ de ltar yin dang re zhig sprul pa dang spyod lam pa'i sems 'og ma pas gong mar skyes pas mngon du byed pa gang yin pa des kyang mi rtogs na dge ba dang nyon mongs pa gzhan gyis lta smos kyang ci dgos/'jug pa'i sgo gnyis bshad zin to zhes bya ba ni/ de la 'jug pa mi sdug dang / /dbugs rngub 'byung ba dran pa yis/ /zhes bya ba'o/ /de gnyis kyi ting nge 'dzin thob nas zhes bya ba ni/ mi sdug pa dang / dbugs rngub pa dang 'byung bas ting nge 'dzin thob nas so//zhi gnas grub par gyur pa yis/ /zhes bya ba ni ting nge 'dzin grub pa'o/ /lhag mthong bsgrub par bya ba'i phyir/ /zhes bya ba ni/ shes rab bsgrub par bya ba'i phyir/ /zhes bya ba'i tha tshig go/ /ting nge 'dzin skyes kyang shes rab med par nyon mongs pa spong ba ma yin te/ nyon mongs pa rnams ni ye shes kyis gzhom par bya ba yin no zhes 'byung ba'i phyir ro//dran pa nye bar gzhag pa bsgoms pas lhag mthong 'grub par 'gyur ro zhes bya ba 'di ga las she na/ mdo las te/ dge slong dag bgrod pa gcig pa'i lam ni 'di yin te/ 'di lta ste/ dran pa nye bar gzhag pa rnams so//dge ba'i phung po ma 'dres pa ni 'di yin te/ 'di lta ste/ dran pa nye bar gzhag pa bzhi'o zhes 'byung ba'i phyir ro/ /de dag gi rang gi mtshan nyid ni rang gi ngo bo'o zhes bya ba la de dag gi rang gi mtshan nyid ni zhes bya ba ni lus la sogs pa de dag gi ste/ 'byung ba dang 'byung ba las gyur pa nyid dang / nyams su myong ba nyid la sogs pa'o/ /lus kyi sgra ni dbang po la sogs pa dag pa la yang 'jug pas de'i phyir 'byung ba dang 'byung ba las gyur pa nyid do zhes bya ba smos so/ /gsum las gzhan pa dag ni chos so zhes bya ba ni lus dang tshor ba dang sems rnams las gzhan pa'i 'du byed dang 'du shes la sogs pa 'dus byas dang 'dus ma byas kyi chos thams cad ni chos dran pa nye bar gzhag pa'o//rdul phra rab dang zhes bya ba la/ thams cad la der mthong ba yod pa ma yin pas grag go zhes bya ba'i sgra smos so/ /shes rab kyi 'grel pa dang dmigs pa'i dngos po la mi ltos par rang bzhin gyi dran pa nye bar gzhag pa yin par brjod do//thos sogs las byung ba'o zhes bya ba ni/ dran pa nye bar gzhag pa rnams sbyor ba las byung ba yin pa'i phyir/ skye bas thob pa ma yin no/ /ji ltar shes rab rnam pa gsum dran pa nye bar gzhag pa yin zhe na/ dran pa nye bar gzhag pa yang gsum ste zhes bya ba smos so/ /gzhan ni 'brel dang dmigs pa las//zhes bya ba la ci zhe na/ dran pa nye bar gzhag pa zhes bya ste/ 'brel pa las dang / dmigs pa las so/ /ji lta zhe na/ gzhan de dang lhan cig 'byung ba zhes bya ba smos te/ shes rab dang lhan cig 'byung ba 'du shes la sogs pa rnams so/ /sems dang tshor ba la sogs pa rnams so zhes ci ste ma smras she na/sems dang tshor ba gnyis ni dmigs pa'i dran pa nye bar gzhag pas bsdus pa'i phyir ro/ /ji ltar gzhan dag la 'brel pa'i dran pa nye bar gzhag pa brjod ce na/ mdo las te/ dge slong dag chos thams cad ces bya ba 'di ni dran pa nye bar gzhag pa bzhi'i tshig bla dgas so zhes 'byung ba'i phyir ro//'brel pas dran pa nye bar gzhag pa ni 'brel pa'i dran pa nye bar gzhag pa ste/ rang bzhin gyi dran pa nye bar gzhag pa dang 'brel pa'i phyir ro/ /de dag gi dmigs pa ni zhes bya ba la/ shes rab dang de dang lhan cig 'byung ba de dag gi dmigs pa lus la sogs pa dag ni dmigs pa'i dran pa nye bar gzhag pa'o zhes grag go//lus la lus kyi rjes su lta ba ni/ /zhes bya ba la sogs pa la rjes su lta ba nyid dran pa nye bar gzhag pa yin pas/ rjes su lta ba dran pa nye bar gzhag pa'o/ /des de dang ldan pa rjes su lta bar byed do zhes bya ba ni shes rab dang ldan pa zhes bya ba'i tha tshig go//'dis rjes su lta bar byed pa na rjes su lta ba zhes bya ba'o/ /lus la lus kyi rjes su lta zhing gnas so zhes bya ba la sogs pa la/ 'di la rjes su lta ba ste/ lta ba shes rab yod pas na rjes su lta ba la sogs pa ste/ 'di ni mdo las 'don pa gzhan bstan pa'o//dran pa'i stobs bskyed pas 'jug pa nyid kyi phyir zhes bya ba la/ stobs bskyed pa ni stobs bskyed pa'o/ /dran pa'i stobs bskyed pa ni dran pa'i stobs bskyed pa'o/ /shes rab 'di la dran pa'i stobs bskyed pas 'jug pa yod pas na/ de dran pa'i stobs bskyed pas 'jug pa'o/ / de'i dngos po ni dran pa'i stobs bskyed pas 'jug pa nyid de de'i phyir ro/ /shing gshegs pa khye'us 'dzin pa ltar zhes bya ba ni/ dper na shing gshegs pa'i khye'us 'dzin pa bzhin no zhes bya ba'o/ /gal te dran pas dmigs pa bzung na de lta na shes rab kyis rab tu shes te/ de'i de lta na dran pa nye bar gnas pas shes rab dran pa nye bar gzhag pa yin no//'di ltar na rung ste zhes bya ba ni byed par bsgrub pa'i dbang du byas pa ste de nyid kyi phyir 'dis dran pa nye bar 'jog pas na zhes bya ba smos so/ /ji ltar shes rab kyis dran pa nye bar 'jog ce na/ de'i phyir ji ltar mthong ba mngon par brjod pa'i phyir ro zhes bya ba smos te bsam pa ni dran pa nyid shes rab kyi stobs bskyed pas 'jug pa yin no zhes bya ba 'di yin no//mngon par brjod pa ni de ltar dran pa'o/ /yang gang du nye bar gnas she na/ lus nas chos kyi bar dag la'o/ /de nyid kyi phyir tshig rnam par sbyar ba ni lus la dran pa nye bar gzhag pa ni lus dran pa nye bar gzhag pa'o zhes bya ba la sogs pa yin no//byed pa byed pa por byas nas dran pa nye bar gzhag pa'i don mdo'i nang nas 'byung ba bshad zin to/ /gang las zhes bya ba rgyas par 'byung ba ni zas kun 'byung bas ni lus dran pa nye bar gzhag pa kun 'byung ba yin la/ zas 'gags pas ni lus dran pa nye bar gzhag pa nub pa yin no//reg pa kun 'byung bas ni tshor ba kun 'byung ba yin la/ reg pa 'gags pas ni tshor ba dran pa nye bar gzhag pa nub pa yin no/ /ming dang gzugs kun 'byung bas ni sems dran pa nye bar gzhag pa kun 'byung ba yin la zhes bya ba ni snga ma bzhin no/ /yid la byed pa kun 'byung bas ni chos dran pa nye bar gzhag pa kun 'byung ba yin la zhes bya ba yang snga ma bzhin no//yang ji ltar 'di dmigs pa'i dran pa nye bar gzhag pa yin zhe na/ 'di la dran pa nye bar gnas pa'i phyir ro zhes bya ba smos te/ 'di la nye bar gnas pas na nye bar gzhag pa'o/ /gal te mdo de las dmigs pa'i dran pa nye bar gzhag pa yin par bzhed par ma gyur na ni/dge slong dag ji ltar na dran pa nye bar gzhag pa bzhi zhes bya ba nas rgyas par zas kun 'byung bas ni zhes bya ba la sogs pa ci'i phyir gsung bar 'gyur te/ lus la sogs pa ni shes rab kyi rang bzhin ma yin la/ 'du shes la sogs pa'i rang bzhin yang ma yin no/ /'di dag gi ming ni dmigs pa ji lta ba bzhin yin no zhes bya ba ni dran pa nye bar gzhag pa de dag gi dmigs pa ni lus la sogs pa yin te//de'i phyir lus dran pa nye bar gzhag pa la sogs pa zhes bya'o/ /'di dag rang dang gzhan gnyi ga'i rgyud la dmigs pa'i phyir re re zhing rnam pa gsum gsum yin no zhes bya ba ni/ rang gi rgyud la dmigs pa'i phyir dang gzhan gyi rgyud la dmigs pa'i phyir dang /gnyi ga'i rgyud la dmigs pa'i phyir ro/ /ji skad du zhe na/ brtun pa dang shes bzhin dang dran pa dang ldan par gyur nas 'jig rten la brnab sems dang yid mi bde ba rnams spangs te nang gi lus la lus kyi rjes su lta zhing gnas so zhes bya ba dang /de bzhin du phyi'i lus la lus kyi rjes su lta zhing gnas so zhes bya ba ni snga ma bzhin no/ /nang dang phyi'i lus la lus kyi rjes su lta zhing gnas so zhes bya ba snga ma bzhin te/ de ltar na tshul 'dis rnam pa gsum yin no/ /tshor ba dran pa nye bar gzhag pa la sogs pa rnams la yang de bzhin du sbyar bar bya'o//sngar rags pa mthong ba'i phyir ro zhes bya ba la lus ni 'byung ba dang 'byung ba las gyur pa yin pa'i phyir rags pas de sngar mthong ngo / /de nas tshor ba ste rgyu ba rags pa'i phyir ro/ /de'i mjug thogs su ni sems yin te/ chos rnam pas so so rnam par rig pa'i rnam par mtshon sla ba'i phyir ro//chos ni 'dus byas dang 'dus ma byas dang mtshungs par ldan pa dang mi ldan pa la sogs pa'i dbye bas shin tu phra ba yin no/ /yang na 'di ltar 'dod pa la 'dod chags pa'i rten ni lus yin la zhes bya ba ni dmigs pa lus yin zhes bya ba'i tha tshig ste/ ji skad du/ dge slong dag bud med kyi gzugs la chags shing 'dod chags la bcings zhes bya ba la sogs pa gsungs pa lta bu'o//de yang zhes bya ba ni 'dod pa la 'dod chags pa'o/ /de yang sems zhes bya ba ni tshor ba mngon par 'dod pa de'o/ /sems ma zhi ba ni nyon mongs pa ma spangs pa'i phyir te/ nyon mongs pa rnams chos kyi skye mched kyi khongs su 'du ba'i phyir ro//go rims bzhin du zhes bya ba ni lus dran pa nye bar gzhag pa ni gtsang bar phyin ci log pa'i gnyen por bstan te/ lus ni phyi sa dang 'dra bar mi gtsang ba'i bdag nyid yin no/ /chos lhag ma rnams ni de 'brel pas mi gtsang ba yin te/ phyi sa dang 'byar ba'i phyag dar bzhin no/ /tshor ba dran pa nye bar gzhag pa ni bde bar phyin ci log pa'i gnyen por te/gang ci tshor yang rung de ni 'dir sdug bsngal lo zhes 'byung bas so/ /sems dran pa nye bar gzhag pa ni rtag par phyin ci log pa'i gnyen por te/ sems ni myur du 'gyur ba'i phyir ro/ /chos dran pa nye bar gzhag pa ni bdag tu phyin ci log pa'i gnyen por bstan to//chos rnams ril por rnam par dbye ba'i sgo nas 'di ni chos tsam du zad kyi/ 'di ni bdag ma yin no zhes bdag tu 'du shes pa phyin ci log gi gnyen po yin no/ /gsum ni ma 'dres pa la dmigs pa yin no zhes bya ba ni lus la dmigs pa'i dran pa nye bar gzhag pa ni lus kho na la dmigs pa nas/sems la dmigs pa'i dran pa nye bar gzhag pa ni sems kho na la dmigs pa'i bar yin te/ so sor nges pa la dmigs pa'i phyir ro/ /bzhi pa ni gnyi ga yin te zhes bya ba ni chos dran pa nye bar gzhag pa ste 'dres pa la dmigs pa ni spyi la dmigs pa ste/ 'dres ma la dmigs zhes bya ba'i don to//ma 'dres pa la dmigs pa ni 'dres pa ma yin pa la dmigs pa'o/ /spyi la dmigs pa la gnas te zhes bya ba ni lus la sogs pa thams cad spyir bsdus te/ mi rtag pa la dmigs pa'i rnam par lta ba'o/ /de las dro bar gyur pa 'byung / /zhes bya ba la chos rjes su dran pa'i mjug thogs su 'du byed skad cig mar khong du chud par bya ba'i phyir skye ba dang 'jig pa la dpyod do//'du byed rnams skad cig ma yin na ji ltar 'du byed rjes su 'jug /de nas rten cing 'brel par 'byung ba la dpyod do/ /gang gi tshe zag pa dang bcas pa'i shes rab kyis rten cing 'brel par 'byung ba khong du chud pa de'i tshe/ de'i mjug thogs su chos thams cad la dmigs pa'i sgo nas bdag med pa'i rnam pa'o//de'i mjug thogs su phung po dang khams dang skyed mched de/ don rnam pa gsum la dpyod cing gnas bdun la mkhas pa ste/ de ltar na chos dran pa nye bar gzhag pa spyi la dmigs pa las dro bar gyur pa'i dge ba'i rtsa ba 'byung ngo zhes bya ba 'di ni go rims so//slob dpon gyis ni cung zad dper brjod pa tsam zhig bshad do/ /dro bar gyur pa zhes bya ba ni dro ba'i rnam pa'i dge ba'i rtsa ba'o/ /dro bar gyur pa dang 'dra bas na dro bar gyur pa ste/ 'phags pa'i lam gyi me'i snga ltas yin pa'i phyir ro zhes bya ba ni ji ltar gtsub shing steng 'og gtsubs pa las me'i snga ltas 'byung ba de bzhin du shes pa dang shes bya'i gtsub shing gtsubs pa las 'phags pa'i lam gyi me'i drod 'byung la drod la ni brtson 'grus kyis yang dang yang du mngon par gtsubs pa'i rim gyis srid pa'i bud shing skam po sreg pa las 'jebs pa zag pa med pa'i ye shes kyi me 'byung ste/de'i phyir dro bar 'gyur ba'i dge ba'i rtsa ba zhes bya'o/ /rgyun chags pa yin pa'i phyir zhes bya ba rgyun 'brel pa yin pa'i phyir ro zhes bya ba'i don to/ /de lta ma yin te dmigs pa rnam par chad pa'i dbang du byas te skad cig ma nyid yin na ni bden pa bzhi la dmigs par yang mi 'gyur na rnam pa bcu drug lta smos kyang ci dgos 'di dag gi bye brag ni 'og nas bshad par bya'o zhes bya ba ni mdzod kyi gnas bdun pa nas rdzas su rnam pa bcu drug go zhes bya ba 'di nas so//gal te de dag kyang de dang 'dra ba yin na/ 'o na ci'i phyir logs shig tu bstan ce na/ de'i phyir chos mchog tu gyur pa'i phyir ming gzhan du btags so zhes bya ba smos so//ming bye brag tu shes par bya ba'i phyir/ dge ba'i rtsa ba g.yo ba'i rtse mo yin pa'i phyir zhes bya ba smos te/ rtse mo zhes bya ba'i sgra 'di ni mchog gi tshig yin te/ 'di ltar smra ba po dag 'di'i dpal rtse mor phyin to zhes zer ro/ /drod dang rtse mo ni dge ba'i rtsa ba g.yo ba gnyis yin te/yongs su nyams pa'i phyir ro/ /de dag las ltung ba dang 'da' bar 'gyur ba'i phyir ro zhes bya ba ni rtse mo dag las so/ /ltung ba ni yongs su nyams pa las so/ /'da' ba ni bzod pa mngon du byas pa las so/ /de ltar na 'di ni ches mchog tu byung ba'i phyir rtse mo yin no zhes bstan te/drod dag las ni 'da' ba med do/ /dang po nyid du bden pa rnams la rnam pa dag 'god pa'o zhes bya ba 'di ci zhig bden pa rnams la rnam pa dag 'jog par byed pa ste/ de dag la dmigs pa rnams 'jug par byed pa'o zhes bya ba'i don gang yin pa'o/ /gzhan dag gis kyang 'phel bar byed ces bya ba la/kyang zhes bya ba'i sgras ni chos dran pa nye bar gzhag pas kyang yin pa ste/ 'phel bar byed pa ni byang bar byed pa'o/ /sngon thob pa rnams mngon du mi byed do/ /sngar thob par dman pa rnams la dga' ba med pa'i phyir ro/ /rnam pa lngar thob pa rnams ni dman pa'i phyir de rnams dga' ba chen po med de/ de'i phyir de'i rigs can khyad du 'phags pa gzhan dag mngon du byed do//rtse mo de chung ngu dang 'bring dang chen po'i rim gyis mngon par 'phel ba dag las yang bzod pa skye'o/ /ming bye brag tu shes par bya ba'i phyir bden pa la cher bzod pa'i phyir ro zhes bya ba smos so/ /yang ci'i phyir bden pa la cher bzod ce na/ de'i phyir yongs su mi nyams pa'i sgo nas zhes bya ba smos te/ bzod pa dag las ni yongs su nyams pa med do/ /dro bar 'gyur ba'i gnas skabs na ni bden pa dag la chung ngu bzod pa yin no/ /rtse mo'i gnas skabs na ni 'bring du bzod la/ bzod pa'i gnas skabs na ni cher bzod do zhes bshad par 'gyur ro//rnam gnyis de bzhin zhes bya ba ni bzod pa chung ngu dang 'bring ste/ rtse mo rnams ji skad bshad pa bzhin no/ /de kho na bzhin du rnam pa gtod pa'i phyir ro zhes bya ba ni chos dran pa nye bar gzhag pas bden pa rnams la rnam pa gtod pa'i phyir te/ de kho na bzhin du rnam pa 'god pa'i phyir ro zhes bya ba'i tha tshig go//bzod pa ni/ thams cad chos kyis 'phel bar byed/ /ces bya ba ni rang bzhin gyis dran pa nye bar gzhag pa mchog tu gyur pa'i phyir ro/ /chos kyi mchog dang nye ba'i phyir/ /zhes bya ba rgyas par 'byung ngo / /chos kyi mchog rnams 'dod pa na spyod pa'i sdug bsngal la dmigs pa nyid ni de'i mjug thogs su chos shes pa'i bzod pa skye ba'i phyir ro//chos kyi mchog dang nye ba ni de dang 'dra ba'o/ /nges pa ma smos pa'i phyir zhes bya ba ni bzod pa chen po ltar dro bar gyur pa la sogs pa rnams kyi dmigs pa nges pa ma smos pa'i phyir dro bar gyur pa la sogs pa 'di dag khams gsum gyi sdug bsngal la sogs pa la dmigs pa nyid yin no zhes bya bar grub bo//ji ltar bzod pa chen po 'dod par gtogs pa'i sdug bsngal gyi yul can yin zhe na/ gang gi tshe gzugs dang gzugs med pa'i gnyen po la sogs pa bden pa'i rnam pa dang dmigs pa re re nas phri nas zhes bya ba 'byung ste/ sogs pa zhes bya ba'i sgras ni gzugs dang gzugs med pa na spyod pa'i nyon mongs pa'i 'gog pa dang /kun 'byung ba dang / sdug bsngal gyi bden pa rnams bsdu zhing / de bzhin du 'dod pa na spyod pa'i nyon mongs pa'i gnyen po dang / 'gog pa dang / kun 'byung ba dang / sdug bsngal gyi bden pa rnams bsdu'o/ /de dag gi bden pa'i rnam pa re re phri ba dang /dmigs pa re re phri nas so/ /ji ltar zhe na/ rjes su shes pa'i phyogs dang mthun pa'i lam de la ni rnam bzhir rnam pa gtod par byed do/ /de nas gsum du'o/ /de nas gnyis su'o/ /de nas gcig tu ste/ re zhig bden pa'i rnam pa re re phri ba ni de lta'o/ /de nas gcig tu yang rnam pa gtod par mi byed de/dmigs pa phri ba ni de lta bu'o/ /rim pa 'dis 'dod pa na spyod pa'i sdug bsngal kho na la mi rtag pa dang sdug bsngal ba'i rnam pa can skad cig ma gnyis kho nar yid la byed pa'i bar der thams cad ni bzod pa 'bring yin no/ /rnal 'byor spyod pa de yang rnam pa gnyis te/ lta ba spyad pa dang / sred pa spyad pa'o//lta ba spyad pa yang rnam pa gnyis te/ bdag tu lta ba spyad pa dang / bdag gir lta ba spyad pa'o/ /bdag tu lta ba spyad pa gang yin pa de ni bdag med pa'i rnam pas nges pa la 'jug go/ /bdag gir lta ba spyad pa gang yin pa de ni stong pa'i rnam pas so/ /sred pa spyad pa yang rnam pa gnyis te/nga'o snyam pa'i nga rgyal gyis nyams pa dang / le lo lhag pa can no/ /de la nga'o snyam pa'i nga rgyal gyis nyams pa gang yin pa de ni mi rtag pa'i rnam pas nges pa la 'jug go/ /le lo lhag pa can gang yin pa de ni sdug bsngal gyi rnam pas so/ /gang zhig skad cig ma kho na yin pa de ni chen po yin te/de ni gang zag gi spyad pa ji lta ba bzhin du mi rtag pa'i rnam pa dang / sdug bsngal gyi rnam pa'am/ stong pa'i rnam pa dang / bdag med pa dang mtshungs par ldan pa yin no/ /bzod pa chen po de ni skad cig gcig ste/ rgyun 'brel pa ma yin zhes bya ba'i tha tshig go/ /'jig rten pa'i chos kyi mchog rnams te zhes bya ba 'byung ngo //skal ba mnyam pa'i rgyu med par zhes bya ba ni 'jig rten pa'i chos kyi mchog rnams 'jig rten pa thams cad kyi mchog nyid yin no zhes ston to/ /sngon zag pa med pa med pa'i phyir 'jig rten pa'i chos kyi mchog gi rtsal gyis lam gyi bden pa 'dren par byed pa'i phyir chos kyi mchog rnams ni 'jig rten pa kun gyi mchog nyid yin par shes so//thams cad phung po lnga 'khor dang bcas te smos pa'i phyir ro zhes bya ba ni dro bar gyur pa la sogs pa rnams ni mnyam par gzhag pa'i sa pa yin pa'i phyir/ gzugs kyi phung po yang yod do/ /thob pa ma gtogs zhes bya ba la de'i thob pa rnams ni nges par 'byed pa'i dus na yang mngon du 'gyur ba zhig na nges par 'byed pa skyes pa ni nges par 'byed pa'i cha dang mthun pa mngon du byed pa yang ma yin te/dgos pa med pa'i phyir ro/ /'bras bu thob pa ni sbyor ba'i lam mngon du gyur par byed par mi rigs te/ don byas zin pa'i phyir ro//de'i phyir dro bar gyur pa la sogs pa'i thob pa rnams ni dro bar gyur pas ma bsdus pa yin no/ /rnam pa gzhan brjod par 'dod pas de la bden pa gsum la dmigs pa'i dro bar gyur pa rnam pa gtod pa la ni zhes bya ba smos te/ sdug bsngal dang kun 'byung ba dang lam la dmigs pa'i rnam pa la'o/ / 'gog pa dmigs pa ni 'og nas 'chad pa'i phyir ro/ /chos dran pa nye bar gzhag pa da ltar byung ba yin la zhes bya ba 'byung ste sdug bsngal la sogs pa rnams phung po lnga'i bdag nyid yin pa'i phyir de dag la dmigs pa'i chos dran pa nye bar gzhag pa da ltar byung ba yin no/ /ma 'ongs pa ni bzhi char thob bo zhes bya ba ni lus dang tshor ba dang sems dang chos dran pa nye bar gzhag go//lus dang tshor ba la sogs pa rnams sdug bsngal la sogs pa'i khongs su 'du ba'i phyir de dag la dmigs pa ma 'ongs pa bzhi char 'thob ste/ cher sbyangs pa rnams kyi thob pa skye zhes bya ba'i tha tshig go/ /da ltar byung ba ni thob pa dang bcas te rten pas thob pa'i sgo nas mngon du gyur pa nyid du thob po//de kho na gnyi ga yin no zhes bya ba ni chos dran pa nye bar gzhag pa da ltar ba dang ma 'ongs pa de kho na thob bo/ /de la ni tshor ba la sogs pa yod pa ma yin te/ 'gog pa phung po lnga'i rang bzhin ma yin pa'i phyir ro/ /rnam pa dag ni thams cad du 'dra ba yin no zhes bya ba ni bden pa gsum la dmigs pa dang /'gog pa la dmigs pa'i dro bar gyur pa'i rnam pa gtod pa ste/ 'dra ba ni mtshungs pa yin zhes bya ba'i don te/ bden pa gang dang gang la rnam pa gang dang gang mngon du byed pa de dang rigs mthun pa ma 'ongs pa kho na des 'thob kyi/ gzhan ni ma yin te/rigs rnams ma thob pa'i phyir ro/ /rnam par 'phel ba la ni zhes bya ba ni byang bar bya ba la'o/ /bzhi las gang yang rung ba zhig ces bya ba ni/ lus dran pa nye bar gzhag pa la sogs pa rnams las gang yang rung ba zhig da ltar byung ba yin te/ gang zhig gang la dmigs pa de ni dmigs par bya ba'i sgo nas da ltar byung ba yin no//ma 'ongs pa ni bzhi char rnyed pa thob pa nyid kyi sgo nas 'thob bo/ /'gog pa la dmigs pa dro bar gyur pa 'phel ba de kho na nyid la ni tha ma chos dran pa nye bar gzhag pa da ltar byung ba yin te/ de la lus la sogs pa med pa'i phyir ro/ /ma 'ongs pa ni bzhi char thob ste/ 'dis sngar 'thob pa gang dag yin pa'o//rnam pa ni thams cad de zhes bya ba ni bcu drug go/ /rigs rnams thob zin pa'i phyir ro zhes bya ba ni/ sngar rnam pa gtod pa'i gnas skabs kyi rim pas rigs rnams thob zin pa yin te/ 'dir rnam pa rnams kyis ni skal ba mnyam pa'i rgyu la mngon par 'dod la/ de dag kyang rnam pa gtod pa'i dus kho nar thob zin to//rtse mo bden pa bzhi la dmigs pa rnam par gtod pa la ni chos dran pa nye bar gzhag pa da ltar byung ba yin la/ ma 'ongs pa ni bzhi char 'thob bo/ /'gog pa la dmigs pa 'phel ba la ni tha ma chos dran pa nye bar gzhag pa da ltar byung ba yin la/ma 'ongs pa la ni bzhi char 'thob ste/ de dag 'thob pa skyes zin pa'i phyir ro/ /rnam pa ni thams cad do zhes bya ba ni dro bar gyur pa'i rnam pa gtod pa'i tshe de'i rigs rnams thob pa'i phyir ro/ /bden pa gsum la dmigs pa rnam par 'phel ba la ni/ sdug bsngal dang kun 'byung ba dang lam la dmigs pa la ste/bzhi las gang yang rung ba zhig da ltar byung ba yin la/ ma 'ongs pa ni bzhi char ro/ /rigs thob zin pa'i phyir rnam pa yang thams cad do/ /bzod pa rnams la ni thams cad du tha ma yin la zhes bya ba ni bzod pa rnams la ni rnam pa gtod pa dang rnam par 'phel ba la yang tha ma chos dran pa nye bar gzhag pa kho na da ltar byung ba yin te/'di ltar bzod pa ni/ thams cad chos kyis 'phel bar byed/ /ces bya bas so/ /chos kyi mchog dag la ni tha ma yin la zhes bya ba ni/ chos kyi mchog mngon du byed pa la ni tha ma chos dran pa nye bar gzhag pa da ltar byung ba yin no/ /ma 'ongs pa ni bzhi char ro/ /rnam pa ni bzhi kho na ste zhes bya ba 'di ni mi rtag pa dang sdug bsngal ba dang stong pa dang bdag med pa'i rnam pa dag go//gzhan med pa'i phyir zhes bya ba ni 'di ltar chos kyi mchog la kun 'byung ba la sogs pa'i rnam pa gzhan ni med de/ sdug bsngal tsam la dmigs pa'i phyir ro/ /mthong ba'i lam dang 'dra ba'i phyir ro zhes bya ba la 'dra ba ni mthong ba'i lam dang nye ba nyid dang /de dang sa gcig pa nyid do/ /mthong ba'i lam la ni bden pa gang zhig mthong bar 'gyur ba de'i rnam pa dag kho na 'thob la/ mthong ba'i lam dang por 'dod pa na spyod pa'i sdug bsngal la dmigs pa yin te/ ji ltar der bzhi kho na thob pa de bzhin du chos mchog dag tu yang yin no//'byed pa ni rnam par 'byed pa ste/ nges pa sngon du 'gro ba de la gnas pa dang / nges par 'byed pas na nges par 'byed pa 'am/ yang na gang gis nges par 'byed pa de ni nges par 'byed pa yin no/ /de yang gang zhig ce na/ 'phags pa'i lam mo zhes bya ba smos te/yang dag pa'i lta ba la sogs pa'o/ /des the tshom spong ba'i phyir dang zhes bya ba 'dis ni de nyid kho na nges par 'byed pa yin gyi/ gzhan ma yin no zhes bstan to/ /rnam par 'byed pa'i phyir ro zhes bya ba la ci zhe na/ 'di ni nges par 'byed pa yin no zhes bya ba'o/ /ji ltar rnam par 'byed pa'i phyir yin zhe na/de'i phyir 'di ni sdug bsngal lo zhes bya ba rgyas par smos so/ /de 'dren par byed pa nyid kyis phan 'dogs par byed pa'i phyir nges par 'byed pa'i cha dang mthun pa rnams so zhes bya ba la gsum ni brgyud pa'i sgo nas de 'dren par byed pa nyid yin la/ chos kyi mchog rnams ni dngos su'o/ /bsgom byung zhes bya ba ni de dag mnyam par gzhag pa yin pa'i phyir ro//mi lcogs pa med pa dang khyad par bsam gtan sa pa'o zhes bya ba la mi lcogs pa med pa dang / khyad par can dang bsam gtan dag gi sa pa yin pas na/ mi lcogs pa med pa dang / khyad par bsam gtan sa pa'o/ /de dag gis bsdus pa'i phyir ro zhes bya ba ni de dag dang ldan pa'i phyir ro zhes bya ba'i tha tshig go//mthong ba'i lam gyi 'khor yin pa'i phyir gong na ni med do zhes bya ba ni mthong ba'i lam ni sa drug pa yin la/ nges par 'byed pa'i cha dang mthun pa dag kyang mthong ba'i lam gyi 'khor du gyur pa yin te/ de'i phyir gong na ste/gzugs med pa'i khams na med do/ /de med pa zhes bya ba ni mthong ba'i lam med pa'o/ /yang ci'i phyir gong na mthong ba'i lam med ce na/ de'i phyir de med pa ni 'dod pa'i khams la dmigs pa'i phyir ro zhes bya ba smos te/ mthong ba'i lam ni 'dod pa'i khams la dmigs pa yin no//gzugs med pa dag ni 'dod pa'i khams la dmigs pa ma yin te/ de dag ni rten ring ba la sogs pa dag gis ring ba'i phyir ro/ /mthong ba'i lam 'dod pa'i khams la dmigs pa yin no zhes bya bar ji ltar shes she na/ de'i phyir de yang sngar yongs su shes par bya zhing spang ba yin pa'i phyir ro zhes bya ba smos te/'dod pa'i khams ni rags pa'i phyir gzugs dang gzugs med pa'i khams kyi sngar yongs su shes par bya zhing spang bar bya ba yin no/ /rnam par smin pa dang bcas pa'i phyir de dag gi rnam par smin pa ni gzugs kyi khams kyi phung po lnga yin no/ /yongs su rdzogs par byed pa dag kho na yin gyi zhes bya ba la nyams pa'i cha dang mthun pa'i bsam gtan dag ni 'phen par byed pa nyid yin no zhes bshad par 'gyur ro//srid pa'i gnyen po yin pa'i phyir zhes bya ba ni 'di ltar mi rtag pa la sogs pa'i rnam pa dag gis srid pa sun 'byin par byed pa de'i phyir 'phen par byed pa ma yin no//gnyis ni 'og na'ang yod pa'am zhes bya ba la bye brag tu smra ba rnams ni 'di mi 'dod de/ thos pa dang bsams pa las byung ba ni nges par 'byed pa'i cha dang mthun pa nyid du mi 'thad pa'i phyir ro/ /rten gyi sgo nas ni bzhi char yang 'dod pa'i rten can yin te/ de kho na nges pa la 'jug pa yod pa'i phyir ro//gsum ni mi dag gi nang kho na zhes bya ba ni bzod pa chen po dang chos mchog ma gtogs pa'o/ /'di dag ni dang po mi de dag gi nang kho nar skyed par byed do/ /gling gsum du zhes bya ba ni sgra mi snyan ma gtogs pa ste/ de na mngon par rtogs pa med pa'i phyir ro/ /bzhi pa ni lha dag gi nang du yang skye bar byed do zhes bya ba ni 'dod pa na spyod pa dag gi nang du skyed par byed do zhes skabs dang sbyar ro//bzod pa chen po dang chos kyi mchog ni dang po lha dag gi nang du yang skyed par byed do/ /gsum ni skyes pa dang bud med kyis gnyi ga'i rten can dag 'thob bo zhes bya ba ni re res kyang skyes pa dang bud med kyi rten de dag 'thob bo//chos kyi mchog thob pas bud med kyi dngos por so sor brtags pa ma yin pas 'gog pa thob pa ni tshe gzhan du mtshan 'gyur ba'i dbang du byas nas bshad pa'o/ /bud med kyis gnyi ga'i rten can 'thob par 'gyur zhes bya ba ni bud med kho nas chos mchog gi gnyi ga'i rten can 'thob kyi skyes pas ni ma yin te/skyes pas ni skyes pa'i rten can kho na 'thob bo/ /ci'i phyir zhe na/ bud med nyid ni so sor brtags pa ma yin pas 'gog pa thob pa'i phyir ro zhes bya ba smos te/ gang zhig chos kyi mchog skyed par byed pa de ni gdon mi za bar mthong ba'i lam skyed par byed la bden pa mthong ba ni yang bud med nyid du skye ba ma yin no zhes bya ba ni grub pa'i mtha' yin no//sa bor nas zhes bya ba rgyas par 'byung ste/ 'phags pa ni nges par 'byed pa'i cha dang mthun pa bsam gtan dang po'i sa pa nas bsam gtan bzhi pa'i bar sa gang ba dag thob par 'gyur ba'i bsam gtan dang po la sogs pa'i sa de dag 'dor ba na bdag nyid ji lta ba bzhin bsam gtan dang po'i sa pa nas bsam gtan bzhi pa'i sa pa'i bar dag gtong gi /gzhan du ni ma yin te/ so so'i skye bo'i sa ltar 'chi ba'am/ yongs su nyams pas ni ma yin no/ /sa 'dor ba ni sa 'phos pa'i phyir ro zhes bya ba ni shi ste gong du 'phos pa'i phyir yin gyi 'dod chags dang bral ba'i phyir ni ma yin no//ji ltar bsam gtan dang po nas shi 'phos nas bsam gtan gnyis pa la sogs pa dag tu skye ba de'i tshe sa 'dor ba kho nas nges par 'byed pa'i cha dang mthun pa dag gtong ngo / /so so'i skye bo ni ris mthun pa btang ba kho nas gtong gi sa 'phos pas ni ma yin no//so so'i skye bo sa gang ba'i nges par 'byed pa'i cha dang mthun pa thob par 'gyur ba yang de'i 'og tu skye ba na nges par 'byed pa'i cha dang mthun pa dag gtong ba ma yin nam zhe na/ 'di ni 'dod pa ma yin te/ ris mthun pa btang ba kho nas btang ba'i phyir ro/ /'phags pa'i gang zag ni de'i dge ba'i rtsa ba'i rgyun mthong ba'i lam gyis nye bar spel ba'i phyir 'chi ba tsam dang /yongs su nyams pas btong ba ma yin no/ /dngos gzhis de nyid la bden pa mthong zhes bya ba 'byung ngo / /des ni tshe de nyid la gdon mi za bar bden pa rnams mthong bar 'gyur te/ mi lcogs pa med pa dang /bsam gtan khyad par can gyi sa pa dag skyed pas ni tshe de nyid la gdon mi za bar bden pa rnams mthong ba ma yin no/ /yid byung ba shas che ba'i phyir ro zhes bya ba ni yid byung ba mang ba'i phyir ro/ /so sor thar pa'i sdom pa bzhin du zhes bya ba ni dper na so sor thar pa'i sdom pa btang ba phyis len pa na sngon gyi ma yin pa thob pa ltar nges par 'byed pa'i cha dang mthun pa dag rnam par nyams pa las sngon gyi ma yin pa thob pa yang de dang 'dra'o//de nyid la rgyu smos pa ni/ ma 'dris pa dang 'bad de bsgrub par bya ba yin pa'i phyir ro zhes bya ba ste/ gang gi phyir thog ma med pa can gyi 'khor ba na 'dris pa ma yin pa de'i phyir 'dod chags dang bral bas 'thob pa ma yin te/sngar 'phags pa'i lam gyi sbyor ba ma bskyed pa'i phyir ro/ /gang gi phyir 'bad pas bsgrub par bya ba yin pa de'i phyir sngon btang ba mi 'thob bo/ /mtshams ston par byed pa zhig yod na ni zhes bya ba la mtshams ni bar mtshams so/ /de ston par byed pa ni smon nas shes pa thob pa'o//de na de'i gong nas skyed par byed de/ thob nas nyams pa gang na gnas pa de'i gong nas so/ /med na ni bzhi kho na nas skyed par byed de/ dro bar gyur pa la sogs pa dag kho na nas skyed par byed do/ /nyams pa gnyis ni mi ldan pa zhes bya ba la/ rnam par nyams pa zhes bya ba khyad par du 'gro bas btang ba la bya ste/ dper na sems bcu drug skyes nas/ 'bras bu thob pas mthong ba'i lam btang ba lta bu'o/ /de nyid kyi phyir rnam par nyams pa ni gdon mi za bar ma yin no zhes bya ba smos so/ /de ni nyes pa byas pa 'ba' zhig tu ma zad kyi/ yon tan gyis byas pa yang yin no/ /de'i phyir de ltar na yongs su nyams pa gang yin pa de ni rnam par nyams pa yang yin la/ rnam par nyams pa gang yin pa de ni gdon mi za bar yongs su nyams pa ma yin te/ yon tan gyis byas pa gang yin pa'o/ /thar pa'i cha dang mthun pa dang khyad par ci yod ce na zhes bya ba ni de thob pa yang nges par mya ngan las 'das pa'i chos can yin no snyam ste dris pa'o//'di'i phan yon ni skyon med na bden pa mthong ba la ches nye ba nyid 'di yin no/ /rtse mo thob pa rtsa mi chad/ /ces bya ba ni dge ba'i rten lhag pa'i phyir te/ dkon mchog gsum gyi yon tan rnam par dpyad pa'i sgo nas de dag la dang ba thob pa'i phyir ro//'o na ji ltar lha sbyin las brtsams nas yongs su nyams pa bshad ce na/ de dag la dge ba'i rtsa ba de skye ba nye bar gyur pas ma thob pa las yongs su nyams pa la dgongs nas gsungs pa'i phyir ro/ /bzod thob ngan song mi 'gro'o/ /zhes bya ba la/ bzod pa las ni rnam par nyams kyang zhes bya ba 'dis ni bzod pa las yongs su nyams pa med do zhes ston par byed do//der 'gro ba'i las dang nyon mongs pa thag bsrings pa'i phyir ro zhes bya ba ni/ ngan song du skye ba'i rgyu las dang nyon mongs pa 'byung ba la gegs byed pa'i phyir ro zhes bya ba'i don to/ /mi skye ba'i chos nyid thob ste zhes bya ba ni so sor brtags pa ma yin pas 'gog pa'o//de dag ni ci rigs par te zhes bya ba ni mi skye ba'i chos nyid de dag go/ /ci rigs par zhes bya ba ni chung ngu dang 'bring gis so/ /ji ltar zhe na/ bzod pa chung ngu'i tshe ni ngan song gi 'gro ba rnams kyis mi skye ba'i chos nyid thob bo/ /chen po'i tshe ni sgo nga las skyes pa dang /drod gsher las skyes pa'i skye gnas dag gi'o/ /chung ngu'i tshe ni 'du shes med pa'i sems can dang / byang gi sgra mi snyan pa dang / tshangs pa chen por skye ba rnams kyi'o/ /chen po'i tshe ni za ma dang ma ning dang / mtshan gnyis pa'i lus rnams kyi'o/ /bzod pa chen po nyid kyi tshe ni srid pa brgyad pa la sogs pa dang /mthong bas spang bar bya ba rnams kyis mi skye ba'i chos nyid 'thob bo/ /nyan thos la sogs pa'i rigs tha dad pa'i phyir zhes bya ba ni/ nyan thos dang rang sangs rgyas dang yang dag par rdzogs pa'i sangs rgyas kyi rigs tha dad pa'i phyir ro/ /srid kyi zhes bya ba ni thar pa'i cha dang mthun pa sangs rgyas nyid du bskrun pa ni nges par 'byed pa'i cha dang mthun pa sngar skyed pa gnyis nyan thos kyi rigs las bzlog nas sangs rgyas su 'gyur ba ste/yang sangs rgyas kyi rigs skyed par byed do zhes bya ba'i tha tshig go/ /ngan song bzlog pa'i phyir te zhes bya ba la/ grag go zhes bya ba'i sgra ni skye ba la dbang ba'i phyir dang /sems can gyi don byed par srid pa'i phyir rgyu 'di rgyas pa ma yin no zhes bya ba'o/ /de nyid kyi phyir slob dpon gyi rigs de nyid ces bya ba smos te/ nyan thos kyi rigs bzod pa thob pa zhes bya ba'o/ /nyan thos kyi rigs bzod pa chos nyid kyis thob pa ni bzlog par mi nus pa'i phyir ro//gzhan gsum yang zhes bya ba la rang sangs rgyas ni bzlog nas 'gyur te zhes bya bar sbyar te/ de dag ni rang don gtso bo can yin pa'i phyir gzhan gyi don du ngan 'gro mi 'jug pas de'i phyir bzod pa las kyang bzlog nas/ rang sangs rgyas su 'gyur ro/ /ston dang bse ru byang chub bar/ /zhes bya ba la/ khungs ni 'di dang gzhan/ dngos gzhis de nyid la bden mthong / /zhes bya ba 'di yin no/ /ting nge 'dzin mi g.yo ba dang gsal ba'i phyir zhes bya ba 'di skyon brgyad las 'grol ba'i phyir mi g.yo ba'o/ /gsal ba ni dbang po sbyangs pa dang rno ba'i phyir ro/ /gang dag gi ltar na bse ru lta bu las gzhan pa'i rang sangs rgyas yod par 'dod pa zhes bya ba ni nyan thos sngon du 'gro ba sngar nges par 'byed pa'i cha dang mthun pa skyed pa'o//de'i rigs rnams bzlog pa bkag pa med do zhes bya ba ni/ de dag gi lugs ltar na dro bar 'gyur ba dang rtse mo bzlog pa bkag pa med de/ de'i phyir rang sangs rgyas kyi rigs su skyes pa bzlog nas rang sangs rgyas su 'gyur ro//sa bon 'debs pa lta bu ni thar pa'i cha dang mthun pa skye ba yin no/ /'bru skye ba lta bu ni nges par 'byed pa'i cha dang mthun pa skye ba yin no/ /'bru chags pa lta bu ni 'phags pa'i lam yin no/ /'jug pa dang zhes bya ba la/ 'jug pa ni thar pa'i cha dang mthun pas so/ / yongs su smin pa ni nges par 'byed pa'i cha dang mthun pa rnams kyis so/ /rnam par grol ba ni 'phags pa'i lam gyis so/ /de'i smon lam gyis yongs su gzung ba'i phyir zhes bya ba ni yid kyi smon lam yongs su gzung ba'i phyir te/ smon lam ni sems pa'i khyad par yin no/ /la la zhig gis zas 'ga' tsam byin nas zhes bya ba ni lus dang ngag kun nas slong ba dang bcas pa'i mtshan nyid can yin pa'i phyir zas byin pa las gsum char yang srid pa yin no//bslab pa 'ga' tsam yang zhes bya ba ni lus dang ngag gi las yin no/ /thar pa 'dod pa'i stobs bskyed pas zhes bya ba la stobs bskyed pa ni stobs dang ldan pa'o//thar pa 'dod pa'i stobs bskyed pa ni thar pa 'dod pa'i stobs bskyed pa ste/ gang zhig la bsam pa thag pa nas 'khor ba 'dor ba'i blo gnas par 'gyur zhing mya ngan las 'das pa la mos par 'jug pa de ni sbyin pa dang tshul khrims dang thos pa dang bsams pa las byung ba nyung zad kyis kyang thar pa'i cha dang mthun pa 'phen gyi/de las bzlog pas mang po dag gis kyang 'phen par mi nus so/ /thar pa'i cha dang mthun pa zhes bya ba la thar pa'i cha ni thar pa'i cha ste/ thar pa'i cha ni thob pa yin la/ de'am de'i phyir phan pa ni thar pa'i cha dang mthun pa'o/ /mi'i nang nas 'phen par byed de/ sangs rgyas 'byung ba yod dam med kyang ngo //ci rigs par shes rab dang skyo ba med pa'i phyir ro zhes bya ba la/ re zhig sgra mi snyan na ni gnyi ga med do/ /ngan song dag na ni skyo ba yod kyi shes rab med do/ /lha'i nang dag na ni shes rab yod kyi skyo ba med do/ /mngon par rtogs pa'i rim pa bshad par brtsams pa zhes bya ba ni/tshul gnas thos dang bsam ldan pas/ /sgom pa la ni rab tu sbyor/ /zhes bya ba nas brtsams te/ nges par 'byed pa'i cha dang mthun pa'i go rims kyi bar bshad zin to/ /chos kyi bzod pa zag pa med/ /ces bya ba ni nges par 'byed pa'i cha dang mthun pa dag gis kyang chos la bzod pa yin pas de'i phyir zag pa med pa smos so//rgyu mthun pas bye brag tu byas te zhes bya ba ni chos shes pa de'i rgyu mthun pa yin te/ des na zag pa med pa yin par shes par bya ba'i phyir nges par 'byed pa'i cha dang mthun pa'i bzod pa las bye brag tu byas te/ go bar byed pa yin pa'i phyir bde blag tu rtogs par bya ba'i phyir bshad do//me tog dang 'bras bu'i shing bzhin no zhes bya ba la/ dper na me tog gi ched kyi shing la me tog gi shing zhes bya ba dang / de bzhin du 'bras bu'i ched kyi shing la 'bras bu'i shing zhes bya ba ltar/ chos shes pa'i bzod pa yin pa yang de dang 'dra'o/ /de nyid ces bya ba ni bzod pa'o/ /de ci'i phyir zhe na/ yang dag pa nyid du nges par zhugs pa'i phyir ro zhes bya ba smos so/ /de nyid ji ltar zhe na/ lung gis sgrub par byed pa ni yang dag pa nyid ni mdo las zhes bya ba'o/ /ji ltar zhe na/ yang dag pa gang zhig /'dod chags yongs su gtugs te spangs pa de yin no zhes bya ba rgyas par 'byung ngo / /der zhes bya ba ni yang dag pa nyid du'o//gcig tu gyur pa'o zhes bya ba ni srid pa bdun gor ma chag par mya ngan las 'das par 'gyur ba'o/ /der 'jug pa ni mngon par 'gro ba ste zhes bya ba ni gcig tu gyur pa'i mtshan nyid can nges par der zhes bstan to/ /yang der mngon par 'gro ba ci zhig ce na/ gnas skabs de thob pa ste/ de skye gnas yang dag pa nyid du nges pa 'thob pas nges pa la 'jug pa zhes bya'o//mar me dang skye ba bzhin no zhes bya ba la ma 'ongs pa byed pa dang ldan pa ni gsum ste/ skye ba dang / mar me dang / sdug bsngal la chos shes pa'i bzod pa'o/ /skye bzhin pa'i mar mes mun pa sel cing 'gag bzhin pas sdong bu dang mar bsregs pa de bzhin du sdug bsngal la chos shes pa skye bzhin pas so so'i skye bo nyid spong la/'gag bzhin pas phra rgyas bcu spong ngo / /gzhan dag na re 'jig rten pa'i chos kyi mchog rnams kyis zhes bya ba la/ ci zhe na/ so so'i skye bo nyid bzlog go zhes bya ba skabs dang sbyar ro/ / ma yin te de'i chos yin pa'i phyir ro zhes bya ba ni so so'i skye bo'i chos yin pa'i phyir zhes bya ba'i tha tshig ste so so'i skye bo'i chos de nyid bzlog pa mi srid do/ /de dang 'gal ba'i phyir nyes pa med de zhes bya ba ni de dag so so'i chos yin mod kyi/ 'on kyang so so'i skye bo nyid dang 'gal ba yin no/ /dgra bo'i phrag pa la zhon nas de 'tshog pa bzhin no zhes bya ba ni dper na 'ga' zhig dgra bo'i phrag pa la zhon te/dgra 'tshog pa de bzhin du so so'i skye bo nyid kyi dgra la zhon te/ so so'i skye bo de nyid 'joms par byed pa yin no/ /gzhan dag na re gnyi gas zhes bya ba ni/ 'jig rten pa'i chos kyi mchog rnams dang bzod pas so so'i skye bo nyid bzlog pa'o//ji ltar zhe na/ bar chad med pa dang rnam par grol ba'i lam dang chos mthun pa'i phyir ro zhes bya ba smos te/ 'jig rten pa'i chos kyi mchog rnams ni bar chad med pa'i lam dang 'dra ba yin te/ de thob pa dang 'gal ba'i phyir ro/ /sdug bsngal la chos shes pa'i bzod pa ni rnam par grol ba'i lam dang 'dra ba yin te/de mi ldan pa dang lhan cig skye ba'i phyir ro/ /de nas ni de nyid la chos shes zhes bya ba la chos shes pa ni chos tsam nges par 'dzin par byed pa'o/ /dang po nyid du chos kyi de kho na nyid shes pa'i phyir zhes bya ba la zag pa dang bcas pa'i chos rnams kyi de kho na nyid ni phyin ci ma log pa'i phyir mi rtag pa dang sdug bsngal ba la sogs pa yin la/de rtogs pa'i phyir sdug bsngal la chos shes pa zhes bya ste/ de kho na nyid kyi sgra mi mngon par bya ba'i phyir ro/ /de bzhin du kun 'byung ba la sogs pa dag la yang ci rigs par brjod par bya'o/ /rjes su shes pa yang chos kyi de kho na nyid shes pa yin mod kyi/dang po nyid du ni ma yin pas chos shes pa zhes mi bya'o/ /de'i rgyu las byung ba'i phyir zhes bya ba ni/ de'i rgyu can yin pa'i phyir zhes bya ba'i tha tshig ste/ ji ltar chos shes pas 'dod pa'i sdug bsngal la sogs pa'i bden pa la sdug bsngal la sogs pa'i rnam pa dag tu rtogs shing yongs su shes pa de kho na bzhin du gzugs dang gzugs med pa na spyod pa'i sdug bsngal rtogs pa'i phyir rjes su shes pa yin no//de bzhin du zhes bya ba rgyas par 'byung ngo / /mjug thogs su skye ba'i rim gyis zhes bya ba ni mjug thogs su skye ba'i rim pa ste/ de nas so/ /lhag ma la zhes bya ba ni gzugs dang gzugs med pa na spyod pa'i kun 'byung ba la'o//sde pa gzhan dag ces bya ba ni 'phags pa chos srung ba'i sde pa la sogs pa dag bden pa rnams mngon par rtogs pa gcig tu brjod do/ /ji ltar zhe na/ kha cig gi ltar na sdug bsngal shes pa kho nas 'phags pa'i bden pa bzhi rtogs pas mngon par rtogs pa gcig pa ni skad cig ma gcig mngon par rtogs pa yin no//kha cig gi ni skad cig ma bzhi ste/ de dag la mnyam par bzhag pa dang / mnyam par ma bzhag pa'i dbye ba ma byas par bden pa bzhi la shes pa'i skad cig ma bzhi'o/ /kha cig gi brgyad de/ 'dod pa dang gzugs dang gzugs med pa'i bden pa'i dbye ba dang /chos rjes su shes pa'i dbye bas brgyad yin no/ /kha cig gi ni skad cig ma bcu gnyis te/ skad cig ma brgyad po de dag kho na la gzhan 'jig rten pa'i shes pa bzhi 'byung ngo / /de ltar sde pa gzhan dag gi blo tha dad par gyur to/ /bye brag med par mngon par rtogs pa zhes bya ba'o/ /de ni rnam pa gsum ste zhes bya ba ni/mthong ba'i mngon par rtogs pa dang / dmigs pa'i mngon par rtogs pa dang / bya ba'i mngon par rtogs pa'o/ /mthong ba'i mngon par rtogs pa ni zhes bya ba ni/ mthong ba nyid mngon par rtogs pa yin pa ni/ bden pa mngon par rtogs pa ste/ 'di ltar shes rab med par bden pa rnams mthong ba med pas de'i phyir mthong ba'i mngon par rtogs pa yin no//zag pa med pa'i shes rab kyis bden pa rnams zhes bya ba ni dge slong dag zag pa med pa'i shes rab kyis mthong ba gang yin pa de ni mthong ba'o zhes 'byung ba'i phyir ro/ /dmigs pa'i mngon par rtogs pa ni dmigs pa'i mngon par rtogs pa ste/'dir dmigs pa ni 'dzin pa la 'dod do/ /gal te dmigs pa 'dzin pa yin na/ mthong ba dang dmigs pa gnyis la khyad par ci yod ce na/ shes rab kho nas mthong ba yin la/ shes rab dang mtshungs par ldan pa dag gis dmigs pa yin no zhes bya ba 'di ni khyad par yin no/ /de ltar byas dang / dmigs pa'i mngon par rtogs pa ni de dang mtshungs par ldan pa rnams kyis kyang zhes bya ba smos te/ kyang zhes bya ba'i sgras ni shes rab kyang gzung ngo / /de'i phyir de ltar na re zhig mthong ba gang yin pa de ni dmigs pa yang yin la/ tshor ba la sogs pa'i dmigs pa ni mthong ba ma yin no/ /bya ba nyid mngon par rtogs pa yin pa ni bya ba'i mngon par rtogs pa yin pa'am/yang na bden pa gsum gyi bya ba gang yin pa bya ba yin te/ de yang mjug thogs su 'chad par 'gyur ro/ /ldan pa ma yin pa zhes bya ba la/ kyang zhes bya ba'i sgra ni mtshungs par ldan pa dang / shes rab kyis kyang yin pa'o/ /tshul khrims dang skye ba la sogs pa zhes bya ba'i sogs pa zhes bya ba'i sgras ni thob pa dang gnas pa la sogs pa dag bsdu'o//lhan cig 'byung ba thams cad phan tshun bya ba yin pa'i phyir te/ thob pa ma gtogs pa'i lhan cig 'byung ba tshul khrims la sogs pa dag ni lhan cig 'byung ba'i rgyu yin pa'i phyir ro//sdug bsngal mthong na de'i zhes bya ba ni mngon par rtogs pa po 'am sdug bsngal gyi'o/ /mngon par rtogs pa rnam pa gsum ni ji skad du bshad pa'o/ /de la bya ba'i mngon par rtogs pa ni sdug bsngal yongs su shes pa'o/ /kun 'byung ba la sogs pa gsum gyi mngon par rtogs pa ji ltar zhe na/de'i phyir spong ba dang mngon sum du byed pa dang / bsgom pa'i phyir ro zhes bya ba smos te/ sdug bsngal mthong ba'i dus na kun 'byung spong zhing 'gog pa ni de thob pa'i sgo nas mngon sum du byed la/ mngon du gyur pa'i sgo nas lam bsgom pa yin no/ /rnam pa tha dad pa'i phyir zhes bya ba ni 'di dag re re zhing rnam pa bzhi pa yin pa'i phyir dang /rnam pa dag kyang phan tshun don tha dad pa'i phyir dang / shes pa gcig la rnam pa mang po mi 'thad pa'i phyir ro/ /'on te thams cad bdag med pa'i rnam par zhes bya ba ni bdag med pa'i rnam pa ni bden pa bzhi char la mtshungs pa nyid kyi phyir de mthong ba'i sgo nas mngon par rtogs pa gcig par mi 'gal lo zhe na/'o na ni bden pa rnams sdug bsngal la sogs par mthong bar mi 'gyur zhes bya ba ni/ sdug bsngal ba dang / kun 'byung ba dang / 'gog pa dang / lam zhes bya ba 'am/ yang na sdug bsngal la sogs pa dag tu ste/ bden pa rnams sdug bsngal la sdug bsngal la sogs pa rnam pa bco lngar mthong bar mi 'gyur ro//de ltar zhes bya ba rgyas par 'byung ngo / /gal te sdug bsngal la sogs pa'i bden pa re re la zag pa med pa'i shes rab kyis sdug bsngal la sogs pa'i rnam pa dag tu mthong bar mi 'dod na ni de'i phyir 'di ni 'phags pa nyan thos sdug bsngal du yid la byed pa 'am zhes bya ba rgyas par 'byung ba'i mdo dang 'gal lo//rnam pa de lta bu ni sbyor ba'i gnas skabs na yang yod do zhe na/ de'i phyir zag pa med pa'i yid la byed pa dang zhes bya ba smos te/ sbyor ba'i gnas skabs na ni zag pa med pa'i yid la byed pa mi srid do/ /gal te de lta bu ni bsgom pa'i lam la yin no zhes bya ba ni 'phags pa nyan thos sdug bsngal la zhes bya ba la sogs pa gang yin pa'o//brjod pa ma yin te/ ji ltar mthong ba bzhin bsgom pa'i phyir ro/ /'di ltar bden pa rnams sngar ji ltar mthong ba de kho na ltar phyis de dag bsgom pa'i lam du 'gyur ro/ /lhag ma rnams la dbang thob pa'i phyir zhes bya ba la/ dbang thob pa ni sbyor ba med par kun 'byung la sogs pa mthong ba mngon du byed pa'i nus pa thob pa yin no//bar skabs su ldang ba yod med ces dpyad par bya ba yin no zhes bya ba la/ 'di ltar mdo las gang zhig rgyun du zhugs pa'i 'bras bu mngon sum du bya ba'i phyir zhugs pa cig la zas ster zhes bya ba la sogs pa gsungs na/ ma langs pa des ni zas za ba srid par yin no/ /kha cig na re rkyen ma tshang bas bar skabs su ldang ba yod do zhes zer ro/ /bye brag tu smra ba rnams na re med de/ srid pa'i dbang du mdzad nas shing sA la dang / gso sbyong bstan pa ltar yongs su brtag pa nye bar bzung ste gsungs so zhes zer ro/ /gcig mthong na lhag ma rnams kyi bya ba'i mngon par rtogs pa yin no zhes 'byung ba'i phyir zhes bya ba ni gang gi phyir 'di skad du sdug bsngal mthong na de'i mngon par rtogs pa ni gsum mo zhes bya ba'o//ji ltar zhe na/ sdug bsngal mthong ba'i nyon mongs pa zad pa gang yin pa de ni kun 'byung ba spangs pa'o/ /'gog pa thob pa gang yin pa de ni 'gog pa mngon sum du byas pa'o//de'i tshe gnyen po mngon du byas pa gang yin pa de ni lam bsgom pa'o/ /de ltar kun 'byung ba la sogs pa rnams bya ba'i mngon par rtogs pa yin te/ spangs pa dang mngon sum du byed dang / sgom pa'i phyir ro/ /de'i phyir kho bo cag gis kyang de ltar khas blangs pa'i phyir nyes pa med do//mdo las rim gyis mngon par rtogs pa gsungs pa'i phyir nyes pa yod pa ma yin nam zhe na/ de'i phyir mdo las mthong ba'i mngon par rtogs pa'i phyir zhes bya ba smos te/ bden pa re re yang mthong bar 'dod par bya ste/ de lta ma yin na de la log par zhugs pa'i nyon mongs pa rnams spangs par mi 'gyur ro//dpe dang bcas pa'i mdo gsum khungs su yod do zhes bya ba ni yang dag par ldan pa'i lung las 'byung ba yin no/ /ji skad du zhe na/ khyim bdag mgon med zas sbyin gyis bcom ldan 'das la 'di skad ces gsol to/ /btsun pa ci lags 'phags pa'i bden pa bzhi po mthar gyis mngon par rtogs pa 'am/'on te mngon par rtogs pa gcig lags/ khyim bdag 'phags pa'i bden pa bzhi ni mthar gyis mngon par rtogs kyis/ mngon par rtogs pa gcig pa ni med do/ /khyim bdag gang zhig 'di skad du/ sdug bsngal 'phags pa'i bden pa mngon par ma rtogs par kun 'byung ba 'phags pa'i bden pa rtogs par bya'o//kun 'byung ba 'phags pa'i bden pa mngon par ma rtogs par 'gog pa 'phags pa'i bden pa rtogs par bya'o/ /'gog pa 'phags pa'i bden pa mngon par ma rtogs par lam 'phags pa'i bden pa rtogs par bya'o zhes smra na/ de skad du ni ma smra zhig ces brjod par bya'o//ci'i phyir zhe na/ sdug bsngal 'phags pa'i bden pa mngon par ma rtogs par kun 'byung ba 'phags pa'i bden pa mngon par rtogs pa gang yin pa de ni gnas med cing go skabs med do zhes bya ba nas 'di ni gnas med cing zhes bya ba'i bar snga ma bzhin no/ /'di ni gnas yod do zhes bya ba'i bar yang snga ma bzhin no//khyim bdag dper na gang zhig 'di skad du bdag gis khang pa rtseg ma 'am khang pa rtseg ma chen po'i rmang la rkang pa ma gzhag par rtsig pa la gzhag par bya'o/ /rtsig pa la ma gzhag par phyam so la gzhag par bya'o/ /phyam so la ma gzhag par g.yogs ma la gzhag par bya'o zhes smra na/de skad du ma smra zhig ces brjod par bya'o/ /de ci'i phyir zhe na/ khang pa rtseg ma 'am zhes bya ba rgyas par 'byung ngo / /khyim bdag mgon med zas sbyin gyis ji skad zhus pa de skad du dge slong gcig cig gis kyang zhus te/ dpe'i khyad par ni dge slong gang zhig 'di skad du bdag gis bang rim bzhi yod pa'i them skas tha ma la ma gzegs par gnyis pa la gzegs par bya'o//gnyis pa la ma gzegs par gsum pa nas bzhi pa la gzegs par bya'o zhes smra na/ de skad du ma smra zhig ces brjod par bya'o zhes 'byung ba'o/ /tshe dang ldan pa kun dga' bos kyang de skad du zhus te/ dpe'i khyad par ni kun dga' bo dper na gang zhig 'di skad du bdag gis gdang bu bzhi pa'i skas la/gdang bu tha ma la rkang pas ma gzegs par gdang bu gnyis pa la gzag go zhes bya ba nas khang bzangs kyi thog tu gzeg go zhes smra na de skad du ma smra zhig ces brjod par bya ba'i bar rgyas par 'byung ba'o/ /de bzhin du kun dga' bo gang zhig 'di skad du bdag gis sdug bsngal 'phags pa'i bden pa mngon par ma rtogs par zhes bya ba nas 'di ni gnas med cing zhes bya ba'i bar du rgyas par 'byung ngo //mdo gsum ni 'di dag yin no/ /gang zhig sdug bsngal la nem nur med cing zhes bya ba rgyas par 'byung ba ni gal te bden pa mngon par rtogs pa gcig tu mi 'dod na/mdo ji ltar drang zhes bya ba'o/ /sangs rgyas zhes bya ba ni mi slob pa'i chos rnams yin la/ de dag kyang lam yin te/ lam gyi bden pa mngon par ma rtogs par ni de la the tshom med par mi rigs so/ /rnam pa gcig tu na sdug bsngal smos pas kun 'byung yang bzung ba las sangs rgyas zhes bya ba smos pas 'gog pa dang lam gnyis kyang bzung ste/sangs rgyas ni spangs pa dang ye shes kyi rab tu phyed pa'i phyir ro/ /de la the tshom dang nem nur ni rnam grangs kyi tshig ste/ dper na tshe ring ba dang / yun ring du gnas par 'gyur zhes bya ba lta bu'o/ /de'i phyir sdug bsngal gyi bden pa nges pa kho na na bden pa gzhan yang nges pa yin no//ma yin te kun tu mi 'byung ba dang gdon mi za bar spong ba la dgongs te gsungs pa'i phyir zhes bya ba ni kun du mi 'byung ba la dgongs te gsungs pa'i phyir dang / gdon mi za bar spong ba la dgongs te gsungs pa'i phyir te/ sdug bsngal yongs su shes na the tshom kun du 'byung ba yod pa ma yin te/bzod pa chen po'i gnas skabs na ste mi skye ba'i chos nyid thob pa'i phyir ro/ /de'i tshe gdon mi za bar spangs pa yang yin te/ de'i phyir mdo dang 'gal ba med do/ /de dag ni sa drug go zhes sngar bshad zin to zhes bya ba ni mi lcogs pa med pa dang / khyad par bsam gtan sa pa'o zhes bshad pa'i phyir ro//gnyis kyi rkun po 'byin pa dang sgo gcod pa bzhin no zhes bya ba ni bar chad med pa'i lam gyis nyon mongs pa'i chom rkun de'i thob pa gcod pa'i sgo nas 'byin par byed la/ rnam par grol ba'i lam gyis ni de ltar du byed pa'i sgo nas bral ba'i thob pa'i sgo gcod par byed do/ / gal te bar chad med pa'i lam gnyis pa zhes bya la/ sdug bsngal la chos shes pa'i bzod pa'i bar chad med pa'i lam gnyis pa ni sdug bsngal la rjes su shes pa'i bzod pa yin la de bzhin du sdug bsngal la rjes su shes pa'i bzod pa'i bar chad med pa'i lam gnyis pa ni kun 'byung la chos shes pa'i bzod pa yin te/lhag ma dag la yang de dang 'dra bar brjod par bya'o/ /dmigs pa de kho na la the tshom spangs pa'i shes pa skye bar mi 'gyur ro zhes bya ba ni gang zhig bar chad med pa'i lam gyi yul 'dod pa'i sdug bsngal la sogs pa la'o/ /de las cir 'gyur zhe na/ phyis sdug bsngal yongs su shes so zhes bya bar nges par mi 'gyur te/de'i yul can gyi shes pa sngar ma skyes pa'i phyir ro/ /de nye bar bstan pa don med pa yang thal bar 'gyur te/ re zhig 'di ni rigs pa yin no/ /bcom ldan 'das kyis kyang sdug bsngal la chos shes pa dang / sdug bsngal la rjes su shes pa zhes gsungs te/ de'i phyir gdon mi za bar gnyi ga yang yod dgos so/ /gal te bzod pa rnams kyis nyon mongs spong ba'i phyir zhes bya ba ni/ gal te bzod pa rnams kyis nyon mongs pa spong la/ shes pa rnams kyis ma yin zhing shes pa rnams kyis de'i bral ba'i thob pa 'dzin pa 'ba' zhig yin na/ de lta na bstan bcos las kun du sbyor ba'i ris dgu zhes 'byung ba dang 'gal te/'di skad du bstan bcos las kun du sbyor ba'i ris dgu ste/ chos shes pa spang bar bya ba bzhi dang / rjes su shes pas spang bar bya ba bzhi dang / bsgom pas spang bar bya ba'o zhes 'don to/ /ma yin te bzod pa rnams ni shes pa'i 'khor yin pa'i phyir zhes bya ba ni 'gal ba yod pa ma yin pa'o//bzod pa rnams ni shes pa'i 'khor du gyur pas de'i phyir bzod pas spang bar bya ba'i kun du sbyor ba'i ris la shes pas spang bar bya ba zhes bya ba ste/ bsgom pas spang bar bya ba'i kun du sbyor ba'i ris ni gtsor shes pas spang bar bya ba kho na yin no/ /de nyid la dper brjod pa ni/rgyal po'i 'khor gyis byas pa las rgyal pos byas so zhes tha snyad 'dogs pa bzhin no zhes bya ba smos so/ /bden pa ma mthong ba mthong ba'i phyir ro zhes bya ba ni 'phags pa'i bden pa bzhi ma mthong ba rnams mthong ba'i phyir mthong ba'i lam zhes bya ste/ lam la rjes su shes pa ma gtogs pa skad cig ma lhag ma bco lnga ni mthong ba'i lam mo//ji ltar mthong ba goms par byed pa'i phyir zhes bya ba ni lam la rjes su shes pa'i bzod pas mthong ba'i lam la rjes su shes pas mthong bas ji ltar mthong ba goms par byed pa'o/ /mthong ba mthong ba ma yin nam zhes bya ba ni skad cig ma bcu drug pa des so/ / ma mthong ba de gang zhig ce na/ lam la rjes su shes pa'i bzod pa zhes bya ba smos te/ lam la rjes su shes pa'i bzod pa ni bdag nyid ma gtogs pa lhag ma rjes su shes pa'i phyogs dang mthun pa'i lam la dmigs par byed do/ bdag nyid la byed pa ni 'gal ba'i phyir ro/ /phyis rjes su mthun pa'i shes pas bzod pa ma mthong ba de dag mthong ba yin no zhe na/bden pa'i phyir la zhes bya ba rgyas par 'byung ste/ de nyid kyi phyir bden pa ma mthong ba'i phyir ro zhes bya ba gsungs kyi/ ma mthong ba mthong ba'i phyir ro zhes pa ni ma yin no/ /de nyid kyi phyir skad cig ma gcig ma mthong nas ni bden pa mthong ba ma yin te zhes bya ba smos so//'jig rten pa'i dper bshad pa ni dper na nyag ma gcig ma brngas pas zhing ma brngas pa yin pa bzhin no zhes bya ba smos so/ /'bras bu yin pa'i phyir zhes bya ba ni lam la rjes su shes pa ni rgyun du zhugs pa'i 'bras bus bsdus pa yin te/ de'i phyir 'bras bu yin pas lan cig phyir 'ong ba'i 'bras bu la sogs pa bzhin du bsgom pa'i lam yin no zhes bya bar nges so//shes pa brgyad dang rnam pa bcu drug thob pa'i phyir zhes bya ba ni lam la rjes su shes pa'i tshe shes pa brgyad dang rnam pa bcu drug 'thob pa'i phyir te/ chos shes pa bzhi dang rjes su shes pa bzhi dang / rnam pa bcu drug zhes bya ba/sdug bsngal gyi rnam pa bzhi nas lam gyi rnam pa bzhi'i bar te de las gzhan pa'i bsgom pa'i lam bzhin no/ /mthong ba'i lam la ni shes pa dang rnam pa skal ba mnyam pa kho na 'thob po/ /de'i phyir yang lam la rjes su shes pa ni bsgom pa'i lam kho na yin no/ /lam snga ma rnam par nyams pa'i phyir zhes bya ba ni zhugs pa'i lam rnam par nyams pa'i phyir zhes bya ba'i don to//lan cig phyir 'ong ba dang phyir mi 'ong ba'i 'bras bu'i lam ltar bsgom pa'i lam kho nar zhugs pa'i lam yongs su gtong gi mthong ba'i lam du ni ma yin la/ lam la rjes su shes pa la ni zhugs pa'i yongs su gtong ba yin te/de'i phyir yang bsgom pa'i lam kho na yin no/ /rgyun chags pa yin pa'i phyir zhes bya ni lam la rjes su shes pa 'di ni de las gzhan pa'i bsgom pa'i lam bzhin du/ rgyun chags pa yin na mthong ba'i lam la ni bzod pa 'am shes pa 'ang rung rgyun chags pa yod pa ma yin te/'di'i phyir yang lam la rjes su shes pa bsgom pa'i lam yin no/ /gal te lam la rjes su shes pa bsgom pa'i lam yin na/ ji ltar de las yongs su mi nyams she na/ de'i phyir yongs su mi nyams pa ni mthong bas spang bar bya ba'i spangs pa yang dag par 'dzin pa'i phyir ro zhes bya ba smos te/mthong bas spang bar bya ba'i spangs pa yang dag par 'dzin par byed pa yin no zhes bya ba'i tha tshig ste/ gzhi'i gnyen po ni rnam par grol ba'i lam mo zhes sngar mdzod kyi gnas lnga par bshad zin to/ /lam la rjes su shes pa kho nas mthong bas spang bar bya ba rnams kyi spangs pa yang dag par 'dzin pa de'i de las yongs su nyams pa med do//gal te 'bras bu'i lam de las yongs su nyams na ni rgyun du zhugs pa'i 'bras bu las kyang yongs su nyams par 'gyur ba zhig na de las ni yongs su nyams pa med do/ /de nyid kyi phyir mthong ba'i lam yin no zhes bya ba ni gang gi phyir des mthong bas spang bar bya ba'i spangs pa yang dag par 'dzin pa'i phyir ro//ma yin te ha cang thal bar 'gyur ba'i phyir ro zhes bya ba ni lam la rjes su shes pa phan chad kyi bsgom pa'i lam yang mthong ba'i lam du 'gyur te/ des kyang mthong bas spang bar bya ba'i spangs pa yang dag par 'dzin pa'i phyir ro/ /de ltar yin na ni lan cig phyir 'ong ba'i 'bras bu la sogs pa yang mthong ba'i lam du 'gyur ro//ci'i phyir shes pa bdun mthong ba'i lam yin zhe na zhes bya ba ni/ brgyad pa lam la rjes su shes pa ma yin snyam du bsams pa ste/ bdun po de dag ni chos shes pa bzhi dang / rjes su shes pa gsum mo/ / mthong ba ma rdzogs pa'i phyir te/ bden pa ma mthong ba mthong ba'i phyir shes pa rnams mthong ba'i lam nyid do zhes mi bya'i/ 'o na ci'i phyir zhe na/ mthong ba'i lam gyi bar mar gyur pa'i phyir te/ bzod pa gnyis gnyis kyi bar mar gyur pa yin pa'i phyir shes pa bdun po de dag kyang mthong ba'i lam yin no//da ni ji ltar na 'phags pa'i lam skyes pa'i gang zag rnams zhes bya ba rgyas par 'byung ngo / /lam ni rnam pa gsum ste/ mthong ba'i lam dang / bsgom pa'i lam dang / mi slob pa'i lam ste/ da ni gsum po de dag tu ji ltar gang zag rnam par gzhag par de ltar rgyas par brjod par bya'o/ / de la re zhig mthong ba'i lam gyi rang bzhin gyi zhes bya ba rgyas par 'byung ngo / /dbang po rtul po ni dad pas nus pa kun du 'byung ba'i phyir skad cig ma bco lnga po de dag la gnas pa na dad pa'i rjes su 'brang ba zhes bya'o/ /dbang po rnon po ni dpyod pa dag gis mngon par dga' ba kun du 'byung ba'i phyir chos kyi rjes su 'brang ba zhes bya'o//rjes su 'brang bas na/ rjes su 'brang ba ste/ dngos po'i byed pa po'o/ /dad pa'i rjes su 'brang bas na dad pa'i rjes su 'brang ba'o/ /de la 'di yod pas na dad pa'i rjes su 'brang ba'o/ /sngon gzhan las yid ches pas don gyi rjes su 'brang ba'i phyir ro zhes bya ba ni bden pa mthong ba'i sngon rol du ste/bden pa mthong na ni bdag nyid kyis mngon sum du byed pa yin no/ /chos kyi rjes su 'brang ba yang de dang 'dra'o zhes bya ba ni chos kyi rjes su 'brang bas na chos kyi rjes su 'brang ba'o/ /de 'di la yod pas sam/ chos kyi rjes su 'brang ba'i ngang tshul can yin pas na chos kyi rjes su 'brang ba ste/sngon bdag nyid kho nas mdo la sogs pa'i chos gsung rab yan lag bcu gnyis kyi don gyi rjes su 'brang ba'i phyir ro/ /rnam pa lnga'i bar du spangs pa zhig yin na yang zhes bya ba la/ bar du zhes bya ba'i sgras ni gcig dang gnyis dang gsum dang bzhi rnam pa lnga spangs pa zhig yin na/ de bzhin du dang po'i 'bras bu pa la zhugs pa dag ces bya ste/ dper na 'ching ba mtha' dag dang ldan pa dag bzhin no/ /gnyis pa la/ dgu pa tshun chad zad pa yin/ gnyis pa la zhes bya ba ni gnyis pa'i ched du ste/ dper na pags pa'i phyir gung gsod do zhes bya ba lta bu'o/ /dgra bcom pa nyid ni dang po nyid du thob par mi nus te zhes bya ba ni phyir mi 'ong ba'i 'bras bu thob pa'i gong rol du dgra bcom pa nyid thob par mi nus so zhes bya ba'o//ci'i phyir zhe na/ mthong ba'i lam gyis bsgom pas spang bar bya ba mi spong ba'i phyir dang zhes bya ba smos te/ srid pa'i rtse mo'i bsgom pas spang bar bya ba spangs pas dgra bcom pa nyid yin na/mthong ba'i lam gyis bsgom pas spang bar bya ba rnams spong ba srid pa yang ma yin te/ bzod pas gzhom min sgom kho nas/ /zhes 'byung ba'i phyir ro/ /sngar yang srid pa'i rtse mo las 'dod chags dang bral ba mi srid pa'i phyir ro zhes bya ba ni sngon so so'i skye bo'i gnas skabs na 'jig rten pa'i lam gyis srid pa'i rtse mo las 'dod chags dang bral ba mi srid pa'o//srid pa'i rtse mo'i gnyen por gyur pa'i 'jig rten pa'i lam ni yod pa ma yin te/ 'jig rten pa'i lam ni gong ma'i nyer bsdogs kyis bsdus pa'i phyir la/ de yan chad nas gzhan med pa'i phyir ro//dad pa dang shes rab lhag pas mos pa dang / mthong bas rab tu phye ba'i phyir ro zhes bya ba ni/ dad pa lhag pas mos pas rab tu phye ba'i phyir dad pas mos pa yin gyi de la shes rab med pa nyid ni ma yin la shes rab lhag pas mthong bas rab tu phye ba'i phyir mthong bas thob pa yin gyi/ de la dad pa med pa ni ma yin no/ /rnam pa lnga'i bar bcom zhes bshad pa'i phyir/ ci'i phyir rnam pa lnga spangs kyang sems bcu drug pa la rgyun du zhugs pa kho na zhes bya ba rgyas par 'byung ngo / /ji srid du khyad par du bya ba'i phyir zhes bya ba la/ khyad par du bya ba'i phyir brtson pa gang zhe na/ 'bras bu thob par bya ba la zhes bya ba smos so//de bzhin du 'bras bu gzhan la yang sbyar bar bya'o zhes bya ba ni lan cig phyir 'ong ba'i 'bras bu dang / phyir mi 'ong ba'i 'bras bu la ste/ ci'i phyir sngar 'jig rten pa'i lam gyis rnam pa bdun dang brgyad spangs kyang sems bcu drug pa la lan cig phyir 'ong ba zhes bya la/ phyir mi 'ong ba'i 'bras bu la zhugs pa zhes mi bya zhe na/gang gi phyir/ 'bras thob 'bras bu khyad par gyi/ /lam thob med pas zhes bya ba dang / de bzhin du 'dod pa'i khams na 'dod chags dang bral zhing gong ma ci yang med pa'i skye mched kyi bar las 'dod chags dang bral yang sems bcu drug pa la phyir mi 'ong ba kho na zhes bya la/dgra bcom pa'i 'bras bu la zhugs pa zhes mi bya zhe na/ gang gi phyir 'bras bu thob 'bras bu'i khyad par gyi zhes bya ba rgyas par sbyar ro/ /gang zhig bsam gtan gsum pa la 'dod chags dang bral la/ sa 'og ma la brten te zhes bya ba ni mi lcogs pa med pa la sogs pa rnams las bsam gtan gnyis pa la thug pa gang yang rung ba zhig la ste/de dag la bde ba'i dbang po med pa'i phyir ro/ /de ni 'dod pa'i khams su skyes pa kho na zhig ste/ gong na mthong ba'i lam med pa'i phyir ro/ /de ni gdon mi za bar 'bras bu khyad par can gyi lam bsam gtan gsum pa'i sa pa zag pa med pa mngon du byed do//de lta ma yin na de'i gong du skyes pa de zhes bya ba ni bsam gtan gsum pa de'i gong bsam gtan bzhi pa'am/ gzugs med pa dag tu skyes pa'i 'phags pa de bde ba'i dbang po dang mi ldan par 'gyur ro/ /des ni sa 'phos pas bsam gtan gsum pa zag pa dang bcas pa btang la/des zag pa med pa yang mngon du ma byas pas bde ba'i dbang po zag pa dang bcas pa dang / zag pa med pa gnyi ga dang ldan par 'gyur na/ 'phags pa gong du skyes pa ni gdon mi za bar bde ba'i dbang po dang ldan par gsungs te/ bde ba'i dbang po dang ni bsam gtan bzhi pa dang / gzugs med par skyes pa'i so so'i skye bo mi ldan gyi 'phags pa ni ldan no zhes 'byung ba'i phyir ro/ /gzhan dag na re 'di ni rnam par bshad pa'i nang du bris pa yod mod kyi/ de ni gzhag pa'i phyogs ma yin par mngon te/ gzhan dag na re ni zhes 'byung ba'i phyir ro/ /'phags pa bden pa'i dbang po dang ldan no zhes bya ba ni srid pa'i dbang du byas nas bshad par zad do zhes zer ro//de ltar re zhig phal cher las dang 'dod pa las 'dod chags dang bral ba rnams kyis zhes bya ba la phal cher las 'dod chags dang bral ba rnams dang 'dod chags dang bral ba rnams kyi nges pa la 'jug pa'i gang zag rnam par gzhag pa ni bshad zin to//dang po kho nar lam chen por mi srid pa'i phyir zhes bya ba ni las dang po pa'i rgyud nyon mongs pas dri ma can du byas pa'i phyir te de nyid kyi phyir lam chen po skyes pa la zhes bya ba la sogs pa smos so/ /de ni dpe'i rnam pa yin no zhes bya ba ni 'di ni dpe'i rnam pa'i rab tu dbye ba yin no zhes bya ba'i don to//de'i phyir de ltar na/ rnam pa 'dis dpe gzhan yang brjod par bya'o zhes ston par byed de/ de lta ma yin na 'di ni dpe yin no zhes de skad du rjod par byed do/ /'khor ba thog ma med pa brgyud pas spel ba zhes bya ba ni/ 'khor ba thog ma med pa brgyud pas spel zhing phan btags pas des na chen po rnams zhes bya ste/'di dag la tshad de bungs glags pa yod pa'i phyir ro/ /nyon mongs pa de rnams rtsa nas med par byed pa'i phyir zhes bya ba ni thob pa gcod par byed pa'i phyir zhes bya ba'i don te/ nyon mongs pa rnams de la rag las pa'i phyir thob pa ni rtsa ba dang chos mthun pa yin no//chung ba'i dur byid thun gcig gis skyon mang po 'byin pa dang 'dra zhing mar me skad cig mas mun pa chen po 'joms pa dang 'dra'o/ /de la mchog tu thogs nas skye ba bdun yod pas na mchog tu thogs na lan bdun pa ste/ mchog tu zhes bya ba'i sgra ni rab tu'o//de ltar ma thogs na zhes 'byung bas thams cad ni gdon mi za bar ma yin no zhes bstan par 'gyur te/ de nyid kyi phyir/ thams cad kyi tha shal ba'o zhes 'byung ngo / /de nas der grol ba'i phyir ro zhes bya ba ni lam de nas mya ngan las 'das par 'gro zhes bya ba'i tha tshig go/ / lam dang po thob pa'i phyir ro zhes bya ba la/ lam dang po ni mthong ba'i lam mo/ /brgyad pa yang yin par 'gyur ro zhes bya ba ni dgra bcom pa nas bzung ste/ lugs las bzlog ste bgrangs na skyes bu gang zag brgyad kyi nang na rgyun du zhugs pa'i 'bras bu mngon du bya ba'i phyir 'jug pa tha dad pa'i rjes su 'brang ba dang /chos kyi rjes su 'brang ba ni brgyad pa yin no/ /gal te 'bras bu dang po thob pa'i phyir ro zhe na ni/ phal cher la 'dod chags dang bral ba yang zhes bya ba la sogs pa la/ 'jig rten pa'i lam gyis rnam pa drug pa zad par byas pa yang / gal te phyis 'phags pa'i lam mngon du byed na de'i tshe de lan cig phyir 'ong ba yin na/de yang rgyun du zhugs par 'gyur ro/ /de bzhin du 'jig rten pa'i lam gyis 'dod pa las 'dod chags dang bral ba yang sems bcu drug pa la phyir mi 'ong ba nyid yin gyi rgyun du zhugs pa ma yin na/ de yang 'bras bu dang po yin pas de'i phyir rgyun du zhugs par 'gyur ba zhig na 'di ni 'dod pa yang ma yin no//'bras bu thams cad thob pa zhes bya ba la sogs pa smos te/ de la rgyun du zhugs pa la sogs pa'i 'bras bu thams cad thob pa'i ngang tshul yod pas na 'bras bu thams cad thob pa ste/ de nas bzung ste 'bras bu thob pas rgyun du zhugs pa zhes bya'o//zhugs pa dang 'bras bu'i lam thob pa'i phyir zhes bya ba la zhugs pa'i lam ni skad cig ma bco lnga'i mtshan nyid can no/ /'bras bu'i lam ni lam la rjes su shes pa'o/ /brgyad pas ni rgyun du zhugs pa'i lam kho na thob kyi/ 'bras bu'i lam ni ma yin no//mthong ba dang bsgom pa'i lam thob pa'i phyir zhes bya ba la/ mthong ba'i lam ni skad cig ma bco lnga'o/ /bsgom pa'i lam ni lam la rjes su shes pa ste/ de yang rgyun du zhugs pa kho nas thob kyi/ dad pa'i rjes su 'brang ba 'am/ chos kyi rjes su 'brang ba brgyad pas ni ma yin no//rgyun du zhugs pa thams cad mngon par rtogs pa'i phyir ro zhes bya ba ni lam la rjes su shes pa'i bzod pa'i skad cig kyang mthong ba'i phyir te/ rgyu 'di'i phyir yang de kho na rgyun du zhugs pa yin gyi/ brgyad pa ni ma yin no/ /gnas bdun la mkhas pa zhes bya ba dang / 'dab ma bdun pa zhes bya ba bzhin no zhes bya ba ni dge slong gnas bdun la mkhas pa zhes bshad pa lta bu'o//ji ltar zhe na/ dge slong dag ji ltar na dge slong gnas bdun la mkhas pa yin zhe na/ gzugs yang dag pa ji lta ba bzhin du rab tu shes so/ /gzugs kun 'byung ba dang / gzugs 'gog pa dang /gzugs 'gog par 'gro ba'i lam dang / gzugs kyi ro myang ba dang / nyes dmigs dang / nges par 'byung ba yang dag pa ji lta ba bzhin du rab tu shes so zhes 'byung ste/ de bzhin du tshor ba dang / 'du shes dang / 'du byed rnams dang / rnam par shes pa dag la yang brjod par bya'o//tshul 'dis ni gnas sum cu rtsa lnga la mkhas par 'gyur ro/ /'dab ma brgya phrag du ma zhig yod kyang / bdun tshan du mthun pa'i phyir shing de la lo ma bdun pa zhes bya'o/ /dpe dang po ni gsung rab las grub pa yin la/ gnyis pa ni 'jig rten pa la grags pa'o zhes bya ba ni khyad par ro//gal te lha dang mi dag gi nang re re srid pa bdun nying mtshams sbyor na/ 'o na gang mdo las gang zag lta ba phun sum tshogs pa zhes bya ba la sogs pa gsungs pa de dang ji ltar mi 'gal/ 'gro ba gcig tu zhes bya ba ni lha'i 'gro ba'am mi'i 'gro bar srid pa brgyad pa mngon par mi 'grub pa'o//'on te sgra ji bzhin du brtag na ni srid pa bar ma ni 'dod pa yang yin te de'i phyir 'gro ba gcig tu zhes bya ba 'di dgongs pa yin par nges so/ /de ltar na yang srid pa'i rtse mo'i bar du gong du 'pho ba zhes bya ba rgyas par 'byung ste/ gong du 'pho ba gnas thams cad du 'chi 'pho ba ni 'gro ba gcig tu brgyud pas lhag pa'i skye ba gzhan mngon par 'grub ste/de 'phar phyed 'phar thams cad du/ /'chi 'pho gzhan srid rtse mor 'gro/ /zhes 'byung ba'i phyir ro zhe na/ de'i phyir 'dod pa'i khams la dgongs te gsungs pa'i phyir zhes bya ba smos te/ 'gro ba gcig po 'dod pa'i khams kyi lha'i 'gro ba'am/mi'i 'gro ba gang yin pa der srid pa brgyad pa mngon par mi 'grub kyi/ gzugs dang gzugs med pa'i khams dag tu ni ma yin no/ /'di la shes par byed pa mdo 'am rigs pa ci zhig yod/ gang las 'dod pa'i khams kyi dbang du byas nas yin gyi zhes bya ba rtogs par 'gyur ba 'dod pa'i khams kyi dbang du byas nas 'di gsungs so zhes bya ba ni mdo las gsungs pa yod pa ma yin no//gang gis de ma thag tu glengs pa de nyid kyis lha dang mi dag gi nang du so sor lan bdun zhes bya ba smras so/ /'di skad du lha rnams dang zhes bya ba rgyas par 'byung ngo //de ltar bye brag tu smra ba'i phyogs dang 'gal bar 'gyur ba dang / slob dpon gyis gzhung gzugs pa'i phyir 'od srungs pa rnams zhes bya ba rgyas par smos te/ bye brag tu smra ba'i phyogs ltar na yang so so yin no zhes bya ba rtogs te/ de lha ma yin na lha dang mi dag tu lan bdun zhes bya ba kho nar gsung bar 'gyur gyi/lha rnams su lan bdun mi rnams su lan bdun zhes gsung bar mi 'gyur ro/ /'dod pa'i las dgongs te gsungs pa'i phyir zhes bya ba 'di la shes par byed pa mdo 'am rigs pa ci zhig yod ces smras pa gang yin pa yang mdo'i don khong du ma chud nas de skad du smra ba yin te/gang du 'phags pa la re ltar thogs na lan bdun pa zhes gsungs pa de kho nar srid pa brgyad pa bkag par 'thad na/ gzugs dang gzugs med pa dag tu ni re ltar thogs na lan bdun pa gsungs pa yang ma yin pas rgyun du zhugs pa'i dbang du mdzad nas gsungs pa'i phyir/de las phyir mi 'ong ba la srid pa brgyad pa bkag par mi rigs so/ /lam de ni de 'dra ste zhes bya ba la gang gis na dus de srid kyis gdon mi za bar rgyud yongs su smin pa las srid pa brgyad pa mngon par 'grub par mi 'gyur ba de 'dra zhing de lta bu yin no/ /sbrul gom pa bdun pas zin pa lta bu zhes bya ba la/dper na sbrul gom pa bdun pas zin pa ni gom pa bdun bor nas gdon mi za bar 'chi'i phan chad du yang ma yin tshun chad du yang ma yin te/ dug gi rigs de ni de lta bu yin no/ /rims nyin bzhi pa bzhin zhes bya ba ni gang zhig nyi ma bzhi zhig rims kyis 'debs kyi/sngar yang ma yin la phyis kyang ma yin te/ rims kyi rigs de lta bu yin pa de bzhin du/ gang gis na 'phags pa'i lam skyes pa la srid pa brgyad pa 'grub par mi byed pa lam gyi rigs de ni de lta bu yin no/ /lus pa'i phyir ro zhes bya ba la/ ci zhe na/ srid pa brgyad pa mngon pa mi 'grub cing tshu rol du mya ngan las 'das pa thob pa ma yin no//'og ma'i cha dang mthun pa gnyis zhes bya ba ni 'dod pa la 'dun pa dang gnod sems te/ 'dod pa'i khams la 'dod chags dang ma bral ba'i phyir de la de gnyis yod do/ /gong ma'i cha dang mthun pa lnga ni 'dod chags gnyis po gzugs dang gzugs med pa'i 'dod chags dang /rgod pa dang / nga rgyal dang / gti mug go/ /bar skabs su 'phags pa'i lam mngon du byed cing yongs su mya ngan las mi 'da' ste zhes bya ba la bar skabs su zhes bya ba ni bar dang tshu rol du zhes bya ba'i tha tshig go/ / yang ci'i phyir bar skabs su lam mngon du byas nas yongs su mya ngan las mi 'da' zhe na/ de'i phyir de srid du srid pa myong bar 'gyur ba'i las kyi stobs bskyed pa'i phyir ro zhes bya ba smos te las 'dis de srid du srid pa myong bar byed pas na de ni de srid du srid pa myong bar byed pa'i las te/ srid pa bdun myong bar 'gyur ba'i las zhes bya ba'i tha tshig go//sangs rgyas 'byung ba med pa na/ /zhes bya ba ni gal te bstan pa nub na'o/ /dgra bcom pa nyid thob pa ni khyim na gnas par mi rung ste/ 'o na 'di ci yin zhe na/ dge slong ngo / /ji ltar zhe na/ chos nyid kyis 'thob pa'i dge slong gi mtshan ma yang 'thob bo zhes bya ba smos so//chos nyid ces bya ba ni mi slob pa'i lam de'i rang bzhin dang mthun te/ dge slong gi rtags dang sbyor bar byed pa gang yin pa de ni de'i rang bzhin no/ /gzhan dag na re gnas gzhan gyi mtshan mas so zhes zer ro zhes bya ba la de ni mi 'dod de/ de dag ni log par lta ba'i dbang gis dam pa ma yin pa'i las dag la 'jug pa'i phyir ro//log par ltung ba'i chos can ma yin zhes bya ba ni mdo las rgyun du zhugs pa yin te/ log par ltung ba'i chos can ma yin pa dang / rdzogs pa'i byang chub tu nges par gzhol ba yin te/ re ltar thogs na srid pa lan bdun pa yin te/ lha rnams dang mi rnams kyi nang du lan bdun 'khor zhing song nas sdug bsngal gyi mthar byed do zhes bya ba rgyas par 'byung ngo / /der 'gro ba'i las mi sogs pa'i phyir zhes bya ba ni/ ngan song du 'gro ba'i las mi byed pa'i phyir zhes bya ba'i don to/ / bsags pa rnam par smin pa 'byin pa dang mi mthun par byas pa'i phyir ro/ /gang zhe na/ rgyud do/ /bsags pa ni sngon byas pa ste/ phung po'i rgyud de'i rnam par smin pa 'grub pa dang mi mthun par byas pas de yang ma smin te/ de'i phyir log par ltung ba'i chos can ma yin no/ /yang ci'i phyir rgyud ngan song du 'gro ba'i las bsags pa'i rnam par smin pa 'byin pa dang mi mthun par 'gyur zhe na/bshad pa dge ba'i rtsa ba stobs dang ldan pa ni zag pa med pa dag ste/ de dag gis phung po'i rgyud bsgos pa'i phyir mi mthun pa yin no/ /de dag gis ji ltar bsgos she na/ de'i phyir sbyor ba dang bsam pa dag pa'i sgo nas zhes bya ba smos so//de la sbyor ba dag pa ni 'phags pa dgyes pa'i tshul khrims dag go/ /bsam pa dag pa ni sangs rgyas la sogs pa lam shes nas dad pa'o/ /ngan 'gror nges na ni nges par 'byed pa'i cha dang mthun pa'i dge ba'i rtsa ba'i mtshan nyid can bzod pa yang skyed par mi 'gyur na/ zag pa med pa'i lam lta smos kyang ci dgos ji ltar dge ba'i rtsa ba stobs dang ldan pa bsgos pa mi dge ba bsags pa rnam par smin pa dang mi mthun par 'gyur ba de bstan pa'i phyir/ 'dir smras pa zhes bya ba smos te/ phyed 'og mas ni go rims bzhin du phyed gong mas dam bcas pa'i don gnyis kyi dpe gnyis bstan to//sdug bsngal gyi mthar byed do zhes bya ba ni mdo las rgyun du zhugs pa yin te/ log par ltung ba'i chos can ma yin pa dang / rdzogs pa'i byang chub tu gzhol nges pa yin te/ re ltar thogs na srid pa lan bdun pa yin te/ lha rnams dang mi rnams kyi nang du lan bdun 'khor zhing song nas sdug bsngal gyi mthar byed do zhes gsungs pa gang zhig byed par 'gyur ba sdug bsngal gyi mtha' gang yin pa zhes bya ba'o//gang phan chad sdug bsngal med pa ste zhes bya ba ni srid pa gzhan gyis bsdus pa'o/ /de'i phyir de ltar phung po lhag ma dang bcas pa'i sdug bsngal dang sbyar ro//de phan chad sdug bsngal med de/ tha ma'i skad cig las skye ba'i sdug bsngal gzhan yod pa ma yin no/ /de nyid kyi phyir sdug bsngal nying mtshams mi sbyor bar byed ces bya ba'i tha tshig go zhes bya ba smos te/ gang gi phyir skye ba gzhan mtshams mi sbyor ba'i phyir ro/ /yang na sdug bsngal gyi mtha' ni mya ngan las 'das pa yin no//mya ngan las 'das pa rtag pa ji ltar byed ce na/ de'i phyir de thob pa'i gags bsal ba'i phyir te zhes bya ba smos so/ /mya ngan las 'das pa thob pa'i gags ni nyon mongs pa'i thob pa yin te/ de yod na mya ngan las 'das pa'i thob pa mi skye ba'i phyir ro/ /de bsal ba ni gnyen po'i sgo nas de'i gags rnam par gcod pa ste/sel ba'i rtog pas mya ngan las 'das pa byed do zhes brjod do/ /de nyid la dpe ni dper na/ mdun khang gtibs la nam mkha' gyis/ /zhes bya ba ste/ nam mkha' byed pa ni gags sel ba yin gyi bskyed pa ni ma yin te/ mdun khang nam mkha'i gags yin pa'i phyir ro//'dir yang de dang 'dra'o/ /gzhan yang yod mod kyi zhes bya ba ni so so'i skye bo rgyud smin pa ste/ so so'i skye bo nges par 'byed pa'i cha dang mthun pa thob pa'am/ de las gzhan thar pa'i cha dang mthun pa skyes pa'o/ /ma nges pas zhes bya ba ni de'i bya ba ma shes pa'i phyir te/rkyen la ltos pa'i phyir res 'ga' ni 'di kho nar yongs su mya ngan las 'das pa/ res 'ga' ni srid pa brgyad pa dag tu yin pas mi brjod do/ /rnam gsum rnam bzhi las grol ba/ /zhes bya ba rgyas par 'byung ste/ rgyun du zhugs pa de nyid bsgom pas spang bar bya ba rnams la nyon mongs pa'i cha gsum spangs pa ni tshe gsum du rigs nas rigs su skye ba yin no zhes bya ba rnam par gzhag pa la nyon mongs pa'i cha bzhi spangs pa ni gnyis su rigs nas rigs su skye ba yin no zhes bya ba rnam par gzhag ste/'di ni 'dir ci rigs par sbyar ro/ / tshigs su bcad pa'i nang du gnyis shig smos pa zhes bya ba ni nyon mongs pa spangs pa dang skye ba'o/ /ci'i phyir zhe na/ rgyun du zhugs pa phyis nyon mongs pa spong bar byed na zhes bya ba smos te/ de'i gnyen po dbang po thob pa med par ni de spangs pa med pa'i phyir ro/ /nyon mongs pa spangs pa smos pa kho nas de'i gnyen po dbang po thob par bshad pa yin te/de'i phyir yang tshigs su bcad pa'i nang du ma smos so/ /de lta na ni 'o na tshi gnyis dang gsum smos par yang mi bya ste/ nyon mongs pa spangs pa kho nas de yang bshad pa'i phyir ro/ /gang zhig nyon mongs pa'i cha gsum mam bzhi spangs pa de ni gdon mi za bar skye ba gnyis sam gsum lhag ma dang bcas par rtogs pa nyid do zhe na/de'i phyir ches nyung ngur yang 'gyur ba zhes bya ba smos te/ 'di'am bar ma do'am/ skye nas mya ngan las 'das par 'gyur ro/ /skye ba nyung ba nyid la rgyu smras pa ni gong ma'i skal ba dang ldan pa'i phyir bya ba ste/rgyun du zhugs pa'i gong ma lan cig phyir 'ong ba'i 'bras bu nas dgra bcom pa nyid kyi bar gyi skal ba dang ldan pa'i phyir ro/ /de'i phyir de tshe gnyis gsum du rigs nas rigs zhes nges par bya ba'i phyir de'i skye ba smos te/ de ni rgyu gang yang rung ba zhig ma tshang bas rigs nas rigs su skye ba yin par mi 'dod do//ci'i phyir rnam pa lnga spangs pa'i phyir ma yin zhe na zhes bya ba ni skabs su bab pa'i phyir rigs nas rigs skye ba ma yin zhes bya bar sbyar ro/ /de'i phyir de spangs nas zhes bya ba smos so/ /ci'i phyir zhe na/ de yi rnam pa gcig gis ni/ /zhes bya ba smos te/bar chad gcig pa bzhin du khams las mi 'da' ba'i phyir ro/ /bar chad gcig pa ni 'dod pa'i khams las 'da' ste/ de'i phyir de'i nyon mongs pa rnam pa gcig gis kyang 'bras bu la gegs bya bar nus na/ lan cig phyir 'ong ba na 'dod pa'i khams las mi 'da' bas de'i nyon mongs pa rnam pa drug pa gcig pus gegs bya bar mi nus te/de'i phyir rnam pa lnga spangs pas mjug thogs su gdon mi za bar lan cig phyir 'ong bar 'gyur bas de la rigs nas rigs su skyes pa zhes mi bya'o/ /'dod chags dang zhe sdang dang gti mug rnams bsrabs pa'i phyir zhes 'byung ba zhes bya ba la gang las she na mdo las so//ji skad du zhe na/ kun du sbyor ba gsum spangs pa'i phyir dang / 'dod chags dang zhe sdang dang gti mug rnams bsrabs pa'i phyir lan cig phyir 'ong ba zhes 'byung ngo / /chung ngu'i rnam pa lus pa'i phyir ro zhes bya ba ni chung ngu'i rnam pa gsum lus pa'o//de'i chen po dang 'bring gi rnam pa spongs zin pa'i phyir chung ngu'i rnam pa lus pa yin te/ ma spangs pa'i phyir ro/ /nyes pa cha bdun dang brgyad zad pa zhes bya ba la nyes cha ni nyes pa'i cha shas te/ rnam pa bdun dang brgyad kyi mtshan nyid yin no/ /ji ltar na 'di'i rnam pa gcig gis zhes bya ba rgyas par 'byung ba ni ji ltar 'di'i rnam pa dgu pa gcig gis 'bras bu la gegs bya bar nus la/rigs nas rigs su skye ba'i rnam pa gcig gis ni de ltar gegs byed par mi nus zhes brjod ce na/ khams las 'da' ba'i phyir te/ gang gi phyir de ni rnam pa dgu pa spangs nas 'dod pa'i khams las yang dag par 'da' bar 'gyur gyi/yang der mi skye la/ rnam pa dgu pa de yang las dang lhan cig tu der skyes nas myong bar 'gyur ba yin te/ de'i phyir de'i rnam par smin pa dang rgyu mthun pa'i 'bras bu'i sa las 'da' bas 'bras bu la gegs byed par nus pa yin no/ / gong du las rnams ni gnas skabs gsum du gegs bya ba'i phyir nye bar gnas so zhes bya bar bshad zin to zhes bya ba ni/ bzod dang phyir mi 'ong dgra bcom/ /'thob pa las gegs shin tu byed/ /ces bya ba yin no/ /'dir ni nyon mongs pa dag dang sbyar ba yin te/ de nyid kyi phyir las rnams ji lta bar zhes bya ba la sogs pa smos so//de'i mya ngan las 'das pa la/ tshe gcig gis chod pa'i phyir ram zhes bya ba ni rnam pa bdun dang brgyad zad pa'i lan cig phyir 'ong ba'i mya ngan las 'das pa la tshe gcig gis chod pa'i phyir ro/ /nyon mongs pa'i rnam pa gcig gis chod pa'i phyir zhes bya ni gal te rnam pa brgyad spangs na yin te/ma spangs na ni mya ngan las 'das pa la tshe gcig gis chod pa'i phyir zhes bya ba la sogs pa yin no/ /de srid du rigs nas rigs su skyes pa'am/ bar chad gcig pa ma yin no zhes bya ba ni sngon 'jig rten pa'i lam gyis rnam pa gsum mam bzhi las grol yang /de srid du rigs nas rigs su skye ba ma yin la/ rnam pa bdun dang brgyad zad kyang de srid du bar chad gcig pa ma yin te/ de dag gi gnyen po zag pa med pa'i dbang po thob pa med pa'i phyir ro/ /de nyid kyi phyir/ ji srid du 'bras bu khyad par can gyi lam mngon du ma byas pa zhes bya ba smos so//tha ma'i cha dang mthun pa rnam pa lnga/ /zhes bya ba rgyas par 'byung ngo / /gdon mi za bar sngon gnyis sam gsum spangs pa yin no zhes bya ba ni 'dod chags dang bral ba dang mthar gyis pa dag dang go rims bzhin te/ 'dod chags dang bral bas ni 'dod pa la 'dun pa dang / gnod sems gnyis spangs pa yin la/ mthar gyis pa ni 'jig tshogs la lta ba dang / tshul khrims dang brtul zhugs mchog tu 'dzin pa dang the tshom dang gsum spangs te rnam pa lngar 'gyur ro/ /de'i phyir spangs pa bsdoms pa las mdo las de skad du 'byung ste/sngon spangs pa'i bral ba thob pa rnyed pas tha ma'i cha dang mthun pa lnga spangs pa zhes brjod do/ /de ni bar skyes 'du byed dang / /'du byed med yongs mya ngan 'da'/ /de ni zhes bya ba ni phyir mi 'ong ba'o/ /'di la bar ma do dang skyes nas dang / 'du byed dang 'du byed pa med par yongs su mya ngan las 'da' ba yod pas na/bar skyes 'du byed dang / 'du byed med yongs mya ngan 'da'/ /de bzhin du skyes pa dang 'du byed pa dang 'du byed pa med pa la sbyar bar bya'o zhes bya ba la ci zhe na/ yongs su mya ngan las 'da' zhes bya ba'i sgra dang tshig rnam par sbyar ba gzhan sbyar bar bya'o zhes bya ba'i tha tshig go//ji ltar zhe na/ 'di skyes nas yongs su mya ngan las 'da' bas na skyes nas yongs su mya ngan las 'da' ba'o/ /'du byed par yongs su mya ngan las 'da' bas na/ 'du byed par yongs su mya ngan las 'da' ba'o/ /'di 'du byed pa med par yongs su mya ngan las 'da' bas na/'du byed pa med par yongs su mya ngan las 'da' ba'o zhes bya ba yin no/ /mngon par brtson pa dang lam ngang gis 'byung ba nyid kyi phyir ro zhes bya ba ni rnal 'byor pa mngon par brtson pa nyid kyi phyir dang / lam ngang gis 'byung ba nyid kyi phyir ro/ /rnal 'byor pa mngon par brtson pa gang zhig yin zhe na/gang brtson 'grus brtsams pa'o/ /ji ltar na lam ngang gis 'byung ba yin zhe na/ mngon par 'du byed pa med par mngon du gyur pa'i phyir ro/ /rnal 'byor pa 'di la lam ngang gis 'byung ba'i phyir yod pas na/ de lam ngang gis 'byung ba'o//mngon par brtson zhing brtson pa yang de yin la/ lam ngang gis 'byung ba yang yin pas mngon pa brtson pa dang / lam ngang gis 'byung ba'o/ /lam ngang gis 'byung ba ni lam ngang gis 'byung ba ste/ mya ngan las 'das pa rnam pa gnyis yod pas phung po lhag ma dang bcas pa'i mya ngan las 'da' ba zhes smos so//de yang zhes bya ba rgyas par 'byung ba la skyes nas yongs su mya ngan las 'da' ba de yang phung po lhag ma med pa'i mya ngan las 'da' bas mya ngan las 'da' ba'o/ /yang gi sgras ni/ dper na bar ma dor mya ngan las 'da' ba bzhin no zhes ston to//ma yin te de tshe 'dor ba la dbang med pa'i phyir ro zhes bya ba ni/ de yang phung po lhag ma med pas so zhes gang smras pa de ni de lta ma yin no/ /ci'i phyir zhe na/ gang gi phyir de'i tshe 'dor ba la dbang med pa'i phyir ro/ /ci ste med ce na/ 'di ltar rab kyi mtha' ba'i bsam gtan bzhi pa thob pa ni tshe 'dor ba la dbang la/de yang mi rnams kyi nang du skyed par byed kyi/ gzhan du ni ma yin na de ni gzugs kyi khams na ni bdag dang gzhan du sems par mi 'gyur ro/ /mngon par 'du byed pa dang bcas par yongs su mya ngan las 'da' ba zhes bya ba ni 'bad pa dang bcas par yongs su mya ngan las 'da' ba ste/de'i phyir de ni mngon par 'du byed pa dang bcas par yongs su mya ngan las 'da' ba zhes bya'o/ /ji ltar mngon par 'du byed pa dang bcas she na/ mngon par brtson pa dang / lam ngang gis 'byung ba ma yin pa'i phyir ro zhes bya ba smos te/ rnal 'byor pa brtson 'grus brtsams pa nyid kyis mngon par brtson pa'i phyir ro//lam ngang gis 'byung ba ma yin pa'i phyir ro zhes bya ba la/ de nyid kyi phyir mngon par 'du byed pa dang bcas par yongs su mya ngan las 'da' bar grub bo/ /mngon par 'du byed pa med par zhes bya ba ni gong ma las bzlog pa'o//mngon par brtson pa dang lam ngang gis 'byung ba med pa'i phyir ro zhes bya ba la/ kha cig na re mngon par brtson pa med pa dang lam ngang gis 'byung ba med pa'i phyir zhes zer ro/ /gzhan dag na re mngon par brtson pa lam ngang gis 'byung ba med pa'i phyir ro zhes bya ba ni mngon par mi brtson par lam ngang gis 'byung ba'i phyir/mngon par 'du bya ba med par yongs su mya ngan las 'da' ba'o zer ro/ /gzhan dag na re 'dus byas dang 'dus ma byas la dmigs pa'i lam gyis yongs su mya ngan las 'da' phyir ro zhes bya ba ni go rims bzhin du mngon par 'du byed pa dang bcas pa dang /mngon par 'du byed pa med par yongs su mya ngan las 'da' ba ste/ bden pa gsum la dmigs pa'i lam ni 'dus byas la dmigs pa'o/ /des yongs su mya ngan las 'da' ba ni mngon par 'du byed pa dang bcas par yongs su mya ngan las 'da' ba'o//'gog pa'i bden pa la dmigs pa ni 'dus ma byas la dmigs pa ste/ des yongs su mya ngan las 'da' ba ni mngon par 'du byed pa med par yongs su mya ngan las 'da' ba'o zhe'o/ /de ni mi rung ste/ ha cang thal bar 'gyur ba'i phyir ro zhes bya ba la 'phags pa'i gang zag thams cad 'dus byas dang 'dus ma byas la dmigs pa'i yongs su mya ngan las 'da' ba'i phyir gang zag gnyis kho nar 'gyur te/mtshan nyid 'di ni thun mong ma yin no snyam du bsams pa'o/ /mdo las ni mngon par 'du byed pa med par yongs su mya ngan las 'da' ba sngar 'byung zhes bya ba la/gang las she na/ mngon par 'du byed pa dang bcas pas yongs su mya ngan las 'da' bas so/ /de kho na bzhin du rung ste zhes bya bas ni ji skad du mdo las 'byung ba bzhin du'o/ /ci'i phyir zhe na/ ji ltar gtso bo bzhin sngar bstan pa'i phyir te/bar ma do dang skyes nas yongs su mya ngan las 'da' ba bzhin no/ /yang mngon par 'du byed pa dang bcas par yongs su mya ngan las 'da' ba bas mngon par 'du byed par yongs su mya ngan las 'da' ba gtso bo zhes bya ba 'di ji ltar shes she na/ de'i phyir lam ngang gis 'byung ba dang lam ngang gis 'byung ba ma yin pa dag ni zhes bya ba ni zhes bya ba rgyas par 'byung ste/ngang gis 'byung bas na ngang gis 'byung ba ste/ lam gang zhig sngon goms pa'i khyad par las 'bad pa med par 'byung ba'o/ /bzlog pa ni ngang gis 'byung ba ma yin pa'o/ /'bad pa med pa dang 'bad pa thob pa'i sgo nas zhes bya ba la/'bad pa med par zhes 'byung ba ni 'bad pa med par thob pa'i sgo nas mngon par 'du byed pa med par bsgrub par bya ba'i phyir ro/ /lam ngang gis 'byung ba ma yin pa ni 'bad pas thob pa'i sgo nas mngon par 'du byed pas bsgrub par bya ba yin pa'i phyir ro/ /de'i phyir de ltar na mngon par 'du byed par yongs su mya ngan las 'da' ba ni sngar yin par rigs so//de ltar yin na mngon par 'du byed pa med pa dang / skyes nas yongs su mya ngan las 'da' ba gnyis la go khyad par ci zhig yod de/ de gnyi ga yang lam ngang gis 'byung ba yin pas so zhe na/ de'i phyir skyes nas yongs su mya ngan las 'da' ba ni/lam ches ngang gis 'byung ba dang / ches che ba dang phra rgyas ches chung ba yin no zhes bya ba smos te de gnyis kyi khyad par ni de lta bu'o/ /gong du 'pho ba ni zhes bya ba ni gong du 'gro ba zhes bya ba'i don to/ /gang du skye ba de nyid du yongs su mya ngan las 'das pa zhes bya ba ni bsam gtan dang po la sogs pa ste/'o na ci zhe na/ de'i gong rol du mya ngan las 'da' ba'o/ /rgyu dang 'bras bu'i sgo nas rnam pa gnyis te zhes bya ba 'byung ngo / /bsam gtan spel ba dang zhes bya ba ni bsam gtan bsres pa zhes bya ba'i tha tshig ste/ bsam gtan spel ba ni zag pa dang bcas pa dang /zag pa med pa bsre bas bsam gtan bsres pa'o/ /gnas gtsang mar skyes pa ni bsam gtan spel ba'i 'bras bu yin pa'i phyir mir gyur pa gang gis bsam gtan spel ba de ni 'og min du song nas mya ngan las 'das te/ de'i gong du skye ba med pa'i phyir ro//gang zhig gnas gtsang mar ma zhugs par mya ngan las 'da' ba de ni srid pa'i rtse mor mthar thug pa yin te/ de'i gong du skye ba med pa'i phyir ro/ /de 'phar zhes bya ba ni/ gzugs kyi khams kyi gnas dang po dang tha mar skye bas bar du mi 'gro ba'i phyir 'phar ba zhes bya'o/ /gnas 'ga' tsam yang rgal te/'og min du 'jug pa zhes bya ba la/ yang gi sgras ni mang po yang ngo / /lta ba'i gnas yin pa'i phyir zhes bya ba ni de ni 'di snyam du bdag ni sems can 'di rnams kyi sprul pa po yin la/ bdag gis sems can 'di dag sprul lo snyam du sems shing /dang po skyes pa de dag kyang 'di snyam du 'di ni bdag gi sprul pa'o snyam du sems so/ /'phags pa dag ni rang dbang ba yin pas su la yang rag mi las te/ de dag ni gtso bo gcig pa'i gnas su mi skye 'o/ /gnas thams cad du 'chi 'pho ba zhes bya ba 'byung ste/ de ni dbang po rtul po yin pa'i phyir ro//bsam gtan dang po la sogs pa'i ro myangs pas tshangs ris nas bzung ste/ bar med par gnas gzhan thams cad du lan re re skyes shing 'og min gyi bar du zhugs nas mya ngan las 'da' ba'o/ /de'i 'og dang der gtan du mi 'ong ba'i phyir ro zhes bya ba ni gang gi phyir 'di de'i 'og gi skye ba'i gnas su mi 'ong la 'phos nas gong du skyes nas 'chi 'phos pa'i skye ba'i gnas de nyid du yang mi 'ong ba'o//gal te de nyid du skye ba gnyis pa mngon par 'grub na ni 'di'i phyir mi 'ong ba nyid yongs su rdzogs pa ma yin te/ skye ba'i gnas 'og ma 'ba' zhig tu 'gro ba'i phyir mi 'gyur ba 'ba' zhig tu ma zad kyi/mnyam par 'gro bas kyang khyad par du 'gro bar mi 'gyur ro/ /gnas gtsang ma rnams su mi 'jug pa kho nar zhes bya ba ni bsam gtan bzhi pa spel ba ma bsgoms pa'i phyir gtsang ma rnams su mi 'jug pa'o/ /'di ni zhi gnas spyad pa yin no zhes bya ba ni de'i phyir na/ gnas gtsang ma rnams su mi 'jug pa kho nar gzugs med par rim gyis skye'o/ /snga ma ni lhag mthong spyad pa yin no zhes bya ba ni 'og min gyi mthar thug par bshad pa gang yin pa'o/ /bar skabs su zhes bya ba la/ ji ltar rung zhe na/ rigs pa dang 'gal ba med pas so/ /yid ches pa'i lung dang 'gal ba spang bar 'dod nas 'og min dang srid pa'i rtse mo'i mthar thug pa nyid ni phan chad du 'gro ba med pa'i phyir te zhes bya ba smos so//re zhig de dag ni gzugs su nye bar 'gro ba'i phyir phyir mi 'ong ba lnga yin no/ /gzhan ni gzugs med 'gro rnam bzhi/ /zhes bya ba ni phyir mi 'ong ba lnga las bar ma dor yongs su mya ngan las 'da' ba ma gtogs pa ste/de nyid kyi phyir de yang skyes nas yongs su mya ngan las 'da' ba la sogs pa'i bye brag gis rnam pa bzhi ste/ gzugs med pa dag na ni srid pa bar ma med pas bar ma dor yongs su mya ngan las 'da' ba med do/ /de dag ni phyir mi 'ong ba drug yin no zhes bya ba ni bar ma dor yongs su mya ngan las 'da' ba nas drug pa gzugs med par nye bar 'gro ba'i bar ro//dpe gsum gyis zhes bya ba ni zhogs ma chung ngu'i me la sogs pa ste/ dper na zhogs ma chung ngu'i me mngon par 'grub bzhin du 'chi bar 'gyur ba dang / dper na lcags kyi thu lum mam/thong lcags me kun du 'bar bar rab tu bsregs pa lcags kyi tho bas brgyab pa rnams kyi tsha tsha gyen du yar bzhin du 'chi bar 'gyur ba dang / dper na lcags kyi tsha tsha de nyid gyen du yar nas sa la ma lhung ba kho nar 'chi bar 'gyur ba lta bu'o/ /yang na gsum po thams cad ces bya ba ni bar ma do dang skyes nas yongs su mya ngan las 'da' ba rnams dang gong du 'pho ba rnams te/re re zhing myur ba dang myur ba ma yin pa dang / yun ring mo zhig nas yongs su mya ngan las 'da' ba'i phyir/ phyir mi 'ong ba dgur 'gyur ro/ /phyir mi 'ong ba gsum dang zhes bya ba ni gang dag gi bye brag gis phyir mi 'ong ba dgur bshad pa'o//dgu po de dag gi zhes bya ba ni ji skad bshad pa bzhin du de dag gi bye brag gis bsdus pa de dag gi'o/ /re zhig gsum ni zhes bya ba ni bar ma do dang / skyes nas yongs su mya ngan las 'da' ba dang / gong du 'pho ba rnams so/ /mngon par 'grub pa ni srid pa bar ma ste/mngon par 'grub pa myong bar 'gyur ba'i las bsags pa'i phyir bar ma dor yongs su mya ngan las 'da' ba yin no/ /skyes nas myong bar 'gyur ba'i las bsags pa'i phyir skyes nas yongs su mya ngan las 'da' ba yin no/ /lan grangs gzhan la myong bar 'gyur ba'i las bsags pa'i phyir gong du 'pho ba yin te/re zhig gsum gyi khyad par las kyi bye brag las gyur pa ni de lta bu yin no/ /nyon mongs pa kun du spyod pa chung ba dang / 'bring dang chen po'i phyir go rims bzhin du de dag nyid kyi khyad par nyon mongs pa'i bye brag las gyur pa yin no/ /dbang po rnon po dang 'bring dang chung ngu'i phyir go rims bzhin du de dag nyid kyi khyad par dbang po'i bye brag las gyur pa yin no//de nyid kyi phyir de dag so so'i khyad par yang ci rigs par zhes bya ba la/ ji ltar zhe na/ de'i phyir gsum tshan dang po gnyis ni zhes bya ba smos te/ gsum tshan bar ma dor yongs su mya ngan las 'da' ba dang /gsum tshan skyes nas yongs su mya ngan las 'da' ba ni gong ma bzhin du nyon mongs pa dang dbang po'i bye brag las so/ /ji ltar zhe na/ bar ma dor yongs su mya ngan las 'da' ba dag ni go rims bzhin du nyon mongs pa chung ba dang 'bring dang chen po'i phyir dang /dbang po rnon po dang 'bring dang chung ngu'i phyir ro/ /skyes nas yongs su mya ngan las 'da' ba dag kyang de 'dra'o/ /gsum tshan tha ma ni zhes bya ba ni/ gsum tshan gong du 'pho ba gang yin pa ste/ de ni lan grangs gzhan la myong bar 'gyur ba'i las kyi bye brag las kyang khyad par du lta ste/ kyang zhes bya ba'i sgras ni nyon mongs pa dang dbang po'i bye brag las kyang yin te/ de kho na ltar go rims bzhin du nyon mongs pa chung ngu dang 'bring dang chen po'i phyir dang dbang po chen po dang 'bring dang chung ngu'i phyir ro/ /lan grangs gzhan la myong bar 'gyur ba'i las kyis kyang bye brag tu 'gyur te/ las skye ba ches mang ba myong bar 'gyur ba yin pa'i phyir ro//de dag ni nyon mongs pa dang dbang po rnam pa dgu'i phyir phyir mi 'ong ba zhes bya ba la/ las ma smos pa ni khyab pa ma yin pa'i phyir te/ gsum tshan dang po gnyis kyi khyad par ni las kyi bye brag las ma yin no/ /gal te nyon mongs pa dang dbang po'i bye brag las phyir mi 'ong ba dgu yin na/'o na mdo las zhes bya ba rgyas par 'byung ste/ dge slong dag ngas skyes bu dam pa'i 'gro ba bdun dang nye bar len pa med par yongs su mya ngan las 'da' ba yang bstan par bya'o zhes 'byung ba'i mdo de las so/ /bdun gang zhe na/ bar ma dor yongs su mya ngan las 'da' ba gsum dang /skyes nas yongs su mya ngan las 'da' ba gsum dang gong du 'pho ba'o/ /de'i phyir/ gong du 'pho ba ma phye bar/ /zhes rgyas par smos so/ /yang ci'i phyir phyir mi 'ong ba gnyis phye ste bstan la/ gsum pa ni ma phye bar bstan zhe na/ de dbye ba shin tu mang bas ma phye ba'i phyir te/'khrug par 'gyur te 'ong bas so/ /de ni bsam gtan spel ba dang ma spel ba yin pa'i phyir dang / khams gcig dang gnyis su nye bar 'gro ba'i phyir dang / 'phar ba la sogs par phye ba'i phyir te/ dbye ba shin tu mang pos phye bas de'i phyir ma phye ba'o/ / chos mngon pa las ni phye nas bshad de/ mtshan nyid kyis rab tu phye ba'i phyir ro/ /slob pa'i 'gro ba gzhan dag ni ma yin zhe na zhes bya ba ni rgyun du zhugs pa dang / lan cig phyir 'ong ba ni ma yin zhes bya ba'i don te/ skye ba dang 'gro ba dang tshe phyi ma zhes bya ba ni rnam grangs so/ /de dag ni zhes bya ba ni phyir mi 'ong ba dag ste/las dam pa dge ba kho na la 'jug pa ni srog gcod pa la sogs pa mi byed pa'i phyir ro/ /dam pa ma yin pa mi dge ba la mi 'jug pa ni mi tshangs par spyod pa la sogs pa mi byed pa ste mi tshangs par spyod pa la sogs pa ni mi dge ba'i sems kyis byed na/ 'dod chags dang bral ba de dag ni mi dge ba spangs pa'i phyir dam pa kho na la 'jug gi dam pa ma yin pa la ni mi 'jug go/ /phyir 'ong ba med ces bya ba ni 'gro ba gang du skyes pa de'i 'og gam/ der gtan mi 'ong ba'i phyir zhes bya ba'i tha tshig go/ /ji skad du bshad pa 'di gzhan la ni med pas zhes bya ba ni rgyun du zhugs pa dang lan cig phyir 'ong ba la med pa'o//gang gi phyir de gnyis ni srog gcod pa la sogs pa mi byed pa'i phyir dang / mi tshangs par spyod pa la sogs pa byed pa'i phyir las dge ba dang / mi dge ba la 'jug pa dang / lha'i 'gro ba nas mi'i 'gro bar 'ong ba de'i phyir/'di dag rnam grangs med par skyes bu dam pa nyid yod pa ma yin no/ /de nyid kyi phyir gzhan dag la yang zhes bya ba smos te/ rgyun du zhugs pa dang lan cig phyir 'ong ba dag la'o/ /sdig pa rnam pa lnga zhes bya ba la/ sdig pa rnam pa lnga ni srog gcod pa dang ma byin par len pa dang 'dod pa la log par g.yem pa dang /brdzun du smra ba dang chang 'thung ba zhes bya ba'o/ /nyon mongs pa mi dge ba la phal cher spangs pa'i phyir zhes bya ba la/ phal cher zhes bya ba ni mthong bas spang bar bya ba thams cad spangs pa'i phyir dang / 'dod pa na spyod pa'i bsgom pas spang bar bya ba rnams las kha cig spangs pa'i phyir ro//gang dag la rnam grangs med par zhes bya ba ni rgyun du zhugs pa dang lan cig phyir 'ong ba bzhin du rnam pa gzhan du ma yin pas te/ 'o na ci zhe na/ sdig pa thams cad gtan mi byed pa'i sdom pa thob pa'i phyir dang /khams gsum gyi mthong bas spang bar bya ba mi dge ba thams cad spangs pa'i phyir dang / 'dod pa na spyod pa'i bsgom pas spang bar bya ba rnam pa dgu char yang spangs pa'i phyir te/ de dag ni rnam grangs med par skyes bu dam pa yin no/ /mdo 'dir phyir mi 'ong ba de dag gi skabs yin gyi/slob pa gzhan dag gi skabs ni ma yin no/ /ci'i phyir phyir mi 'ong ba tshe yongs su gyur pa la yang dbye ba 'di yod dam zhe na zhes bya ba ni bar ma dor yongs su mya ngan las 'da' ba zhes bya ba de lta bu la sogs pa'o/ /phyir mi 'ong ba tshe yongs su gyur pa zhes bya ba ni gang gi cha dang po la rgyun du zhugs pa'am lan cig phyir 'ong ba'i 'bras bu thob nas/tshe gnyis pa la phyir mi 'ong ba thob pa ste/ de ni 'dod pa'i khams skyon mang ba la/ yang srid pa'i sdug bsngal gyis gzir bas skyo ba mang ba'i phyir de nyid du yongs su mya ngan las 'da' ba'o/ /bdag ni tha mar nyams na lha gang 'og min zhes//zhes bya ba de ji ltar rung ste/ 'dod pa'i khams su tshe yongs su gyur pa'i 'phags pa yang khams gzhan du 'gro ba yin te/ de ni lha dag gi nang du rgyun du zhugs par gyur cing / mi dag tu 'ongs nas yongs su mya ngan las 'da' la/ des bdag nyid tshe yongs su gyur cing /gzugs kyi khams su skye bar yang bstan to/ /bdag ni tha mar nyams na zhes bya ba la/ tha ma zhes bya ba ni mir gyur pa'i tha ma ste/ tshe'i mthar ro/ /nyams zhes bya ba ni dgra bcom pa nyid ma thob pa ste/ ma thob pa'i yongs su nyams pas yongs su nyams pa'o//de'i phyir 'dod par tshe yongs gyur pa'i 'phags/ khams gzhan du 'gro ba med/ zhes bya ba'i mdo 'di dang / mdo de 'gal lo zhe na/ bye brag tu smra ba rnams na re/ 'gal ba med de/ chos mngon pa mngon par mi shes pa'i phyir ro zhe na/ yang dag par dga' ba yin pa'i phyir zhes bya ba ni de 'chi ltas byung bas sdug bsngal gyis skyo bas yang dag par dga' bar bya ba kho na yin gyi/smad par bya ba ni ma yin no/ /bcom ldan 'das kyis ni dgongs pa mi mnga' ba'i phyir ram/ 'di cha chung bar 'gyur bar 'ong ngo snyam ste/ ngo tsha ba spang bar bya ba'i phyir ma bzlog pa yin no//dbang po rnams ches yongs su smin pa'i phyir dang / rten khyad par can thob pa'i phyir ro zhes 'byung ba'i phyir te/ de la rab tu yongs su smin pa'i rgyu mthun pa'i 'bras bu rgyas pa'i khyad par ro/ /rten khyad par can ni lam mngon du gyur pa dang mthun pa'i gnas skabs so//kha cig dbang po rnon po dag yin yang rten mi mthun pas yon tan dag las nyams par snang ngo / /de la kha cig na re rten khyad par can thob pa ni yongs su nyams pa med pa'i gtan tshigs so/ /dbang po rnams ches shin tu smin pa ni dbang po 'pho ba med pa'i rgyu'o/ / zhe'o/ /gzhan dag na re gnyi ga yang re re'i gtan tshigs yin no zhes zer ro/ /yang ci'i phyir slob pa 'dod chags dang ma bral ba zhes bya ba ni rgyun du zhugs pa dang lan cig phyir 'ong ba'o/ /lam 'dris pas mngon sum du mi 'gyur ba'i phyir zhes bya ba ni gang gi phyir lam la 'dris pas mngon sum du mi 'gyur ba'i rgyu de'i phyir/slob pa 'dod chags dang ma bral ba bar ma dor yongs su mya ngan las 'da' bar mi 'gyur ro/ /gzhan yang phra rgyas rnams shin tu chung ba ma yin pa'i phyir te/ gang gi phyir de'i phra rgyas rnams shin tu chung ba ma yin pa de'i phyir yang bar ma dor yongs su mya ngan las 'da' bar mi 'gyur ro//'dod pa'i khams las 'da' bar dka' ba'i phyir te zhes 'byung ngo / /'dis nyon mongs pa mi dge ba dang lung du ma bstan pa spangs pa dang zhes bya ba ni mi dge ba 'dod pa na spyod pa rnams dang / lung du ma bstan pa gzugs dang gzugs med pa na spyod pa rnams spangs pa'o//dge sbyong gi tshul gyi 'bras bu gnyis sam gsum thob pa ni zhes bya ba ni lan cig phyir 'ong bas phyir mi 'ong ba dang dgra bcom pa nyid kyi 'bras bu dang / dge sbyong gi tshul gyi 'bras bu gnyis thob par bya dgos la/ rgyun du zhugs pa ni dge sbyong gi 'bras bu gsum thob par bya dgos te/lan cig phyir 'ong ba dang phyir mi 'ong ba dang / dgra bcom pa nyid kyi 'bras bu'o/ /khams gsum las yang dag par 'da' ba zhes bya ba ni/ khams gsum las 'dod chags dang bral ba'o/ /de yang srid pa bar ma la gnas pas mi nus so zhes bya ba ni srid pa bar ma'i gnas skabs na zhan pa'i phyir dang /yun ring du mi gnas pa'i phyir ro/ /dang por bzhi pa spel bar byed/ /ces bya ba ni de thams cad pas las su rung ba yin pa'i phyir ro/ /de mngon du gyur pa las rten gyis rgyas pa'i khyad par thob pa'i phyir/ spro ba 'phel las su rung ba//zhes bya ba'o/ /de ni thams cad pas las su rung ba yin te/ thams cad pas shin tu sbyangs pa'i bde ba mchog yin pa'i phyir ro/ /lam sla ba rnams kyi nang na mchog yin pa'i phyir ro zhes bya ba la/ lam sla ba ni bsam gtan bzhi ste/ lam sla ba de dag gi nang na bsam gtan bzhi pa mchog yin no//spel ba'i zhes bya ba ni 'dres par gyur pa'i ste/ me tog phreng spel ma bzhin no/ /skad cig ma gnyis ni bar chad med pa'i phyir lam lta bu yin la zhes bya ba ni zag pa med pa dang zag pa dang bcas pa dag go/ /gsum pa ni rnam par grol ba'i lam lta bu yin no zhes bya ba ni zag pa med pa'o//nyon mongs pas 'jig pa'i yang phyir te zhes bya ba la/ yang zhes bya ba'i sgras ni gnas gtsang mar skye ba'i phyir dang / mthong ba'i chos la bde bar gnas par bya ba'i phyir yang yin no/ /ro myang ba dang mtshungs par ldan pa'i ting nge 'dzin thag bsrings pa'i sgo nas yongs su mi nyams pa'i phyir ro zhes bya ba la ji ltar zhe na/spel ma bsgoms pas ro myang ba dang mtshungs par ldan pa'i ting nge 'dzin thag bsrings pa'i phyir ro/ /de ltar na nyon mongs pa can la mtshungs pa de ma thag pa'i rkyen sbyin pa bsal bar 'gyur ro/ /dgra bcom pa dbang po rnon po ni skye ba dang yongs su nyams pa mi srid pa'i phyir/mthong ba'i chos la bde bar gnas par bya ba kho na'i phyir ro/ /dbang po rtul po ni skye ba kho na mi srid pas mthong ba'i chos la bde bar gnas par bya ba'i yang phyir ro/ /chung ngu dang 'bring dang zhes bya ba rgyas par 'byung ste/bsgom pa de'i dbye ba ni rnam pa lnga ste/ chung ngu dang 'bring dang chen po dang shin tu che dang shin tu ches che ba'o/ /dang po la ni sems gsum mngon du byed do zhes bya ba ni gang zag de'i nus pa ni de tsam zhig tu zad de/ de bzhin du 'og ma rnams la yang brjod par bya'o/ /gnyis pa la ni drug go zhes bya ba ni zag pa med pa dang /zag pa dang bcas pa dang / zag pa med pa dang / yang zag pa med pa dang / zag pa dang bcas pa dang / zag pa med pa'o/ /sems dgu dang / sems bcu gnyis dang / bco lnga yang de ltar brtsi bar bya'o/ /de la zag pa dang bcas pa gang yin pa zhes bya ba la/zag pa med pa ni gnyen po yin pa'i phyir/ de srid pa mi 'phen no/ /de ltar na rgyu rnam pa lnga yin pa'i phyir 'bras bu yang rnam pa lnga yin pas gnas gtsang ma'i skye ba lnga kho na yin no/ /dad pa'i dbang po la sogs pa lhag pa'i phyir zhes smra ba ni btsun pa dpal len te/gnas gtsang ma dang po rgyu ni dad pa'i dbang po lhag pa yin pa nas lnga pa ni shes rab kyi dbang po'i bar yin te/ de'i phyir gnas gtsang ma lnga yin no zhe'o/ /dad pa'i dbang po la sogs pa lhag pa yin no zhes bya ba 'di ni/ de lta ma yin te/ 'o na ci zhe na/ dad pa la sogs pa lnga char yang rtswa sbam gyi tshul du rnam pa lngar byas te/chung ngu dang 'bring dang chen po dang shin tu che ba dang shin tu ches che ba'i rim pas rnam pa lngar dbye'o/ /de'i phyir gnas gtsang ma lnga kho na yin te/ phyir mi 'ong ba gtsang ma rnams kyi gnas ni gnas gtsang ma'o/ /phyir mi 'ong ba gang la la zhes bya ba ni dad pas mos pa'am mthong bas thob pa'o//mya ngan las 'da' ba dang 'dra ba yin/ /zhes bya ba ni ji ltar mya ngan las 'da' ba chos thams cad 'jug pa nye bar zhi ba'i bdag nyid yin pa'i phyir zhi ba yin pa de bzhin du/ 'gog pa'i snyoms par 'jug pa yang sems dang sems las byung ba 'jug pa dang 'gal ba'i phyir zhi ba yin pas mya ngan las 'das pa dang 'dra ba yin no//lus la brten te skye ba'i phyir ro zhes bya ba la chos des ni sems med pas lus la brten te skye ba'i phyir/ 'gog pa de las langs te zhes bya ba 'byung ste/ 'gags su zin kyang de thob pa'i dbang gis 'gog pa thob pa zhes bya'o//thob pa dang shes pas mngon sum du byas pa dag gis mngon sum du byas pa yin te/ rnam par shes pa dang bcas pa'i lus zhi ba sngon ma thob pa thob par 'gyur te/ des na thob pas mngon sum du byas pa yin no/ / kye ma 'gog pa'i snyoms par 'jug pa ni zhes bya ba la sogs pas ni shes pas mngon du byas pa yin no/ /mdo las slob pa bco brgyad gsungs pa der zhes bya ba ni de nas bcom ldan 'das la khyim bdag mgon med zas sbyin gyis zhus pa/ btsun pa 'jig rten na yon gnas su zhig mchis lags/bcom ldan 'das kyis bka' stsal pa/ khyim bdag yon gnas ni gnyis te/ slob pa dang / mi slob pa'o/ /khyim bdag de la slob pa ni bco brgyad do/ /mi slob pa ni dgu'o/ /slob pa bco brgyad gang zhe na/ rgyun du zhugs pa'i 'bras bu mngon du byas pa'i phyir zhugs pa nas/de bzhin dgra bcom pa nyid kyi 'bras bu mngon du bya ba'i phyir zhugs pa'i bar dang / dad pa'i rjes su 'brang ba dang / chos kyi rjes su 'brang ba dang / dad pas mos pa dang / mthong bas thob pa dang / rigs nas rigs su skye ba dang / bar chad gcig pa dang / bar ma dor yongs su mya ngan las 'da' ba na/gong du 'pho ba'i bar te/ de dag ni slob pa bco brgyad yin no/ /mi slob pa dgu gang zhe na/ yongs su nyams pa'i chos can dang / 'chi bar sems pa'i chos can dang / rjes su bsrungs pa'i chos can dang / gnas pa las mi g.yo ba dang / rtogs pa'i skal ba can dang / mi g.yo ba'i chos can dang / yongs su mi nyams pa'i chos can dang / shes rab kyis rnam par grol ba dang / gnyi ga'i cha las rnam par grol ba ste/ de dag ni mi slob pa dgu yin no zhes 'byung ba yin no/ /zag pa med pa'i bslab pa gsum zhes bya ba rgyas par 'byung ba ni lhag pa'i tshul khrims dang /lhag pa'i sems dang / lhag pa'i shes rab dang / spong ba'i lam gyis bsdus pa de dag gi bral ba'i 'bras bu'o/ /de'i khyad par gyi slob pa rnams rnam par gzhag go zhes bya ba ni slob pa'i khyad par dang / bslab pa'i 'bras bu'i khyad par gyis zhes bya ba'i tha tshig go//de'i khyad par yang ji lta bu zhig yin zhe na/ gzhan dang gzhan mi 'dra ba yin no/ /de'i phyir slob pa bco brgyad rnam par gzhag go/ /'gog pa'i snyoms par 'jug pa ni spong ba'i lam gyi rang bzhin ma yin pa'i phyir/ bslab pa yang ma yin la/bral ba'i rang bzhin ma yin pa'i phyir bslab pa'i 'bras bu yang ma yin te/ de'i phyir de dang ldan pas te/ 'gog pa'i snyoms par 'jug pa dang ldan pa slob pa'i khyad par du ma gsungs so/ /'di ni re zhig phyir mi 'ong ba rnams kyi dbye ba che long yin no zhes bya ba la/ ji ltar zhe na/ gzugs su nye bar 'gro ba lnga dang gzhan gzugs med par 'gro ba rnam pa bzhi dang / gzhan mthong ba'i chos la mya ngan las 'da' ba zhes bya ba de lta bu la sogs pa'o/ /zhib tu dbye na ni zhes bya ba rgyas par 'byung ba ni slob dpon gyis brtsi ba'i thabs rab tu bstan pa'i phyir dang por bar ma dor yongs su mya ngan las 'da' ba'i dbang po dang /sa dang rigs la sogs pa'i khyad par bye brag tu ston par mdzad do/ /dang por bar ma dor yongs su mya ngan las 'da' ba bgrang ste/ de'i bye brag bgrangs na ji ltar bar ma dor yongs su mya ngan las 'da' ba dbang po la sogs pa'i bye brag gis tha dad par ltar/gong du 'pho ba'i bar du yang de dang 'dra ba'i phyir zhes bsgre bar bya ba'i phyir ro/ /sa'i bye brag gi gzhi'o zhes bya ba ni bsam gtan bzhi'i bye brag gis te/ bsam gtan dang por bar ma dor yongs su mya ngan las 'da' ba nas bsam gtan bzhi par mya ngan las 'da' ba'i bar ro//rigs kyi bye brag gis drug go zhes bya ba ni yongs su nyams pa'i chos can dang / 'chi bar sems pa'i chos can dang / rjes su bsrungs pa'i chos can dang / gnas pa las mi g.yo ba dang / rtogs pa'i skal ba can dang / ma g.yo ba'i chos can zhes bya ba yin no//gnas gzhan gyi bye brag gis bcu drug go zhes bya ba ni tshangs ris la sogs pa dag go/ /sa dang 'dod chags dang bral ba'i bye brag gis sum cu rtsa drug go zhes bya ba la/ ji ltar zhe na/ re zhig 'dod pa'i khams las 'dod chags dang bral ba gzugs kyi khams kyi 'ching ba mtha' dag dang ldan pa gcig dang /bsam gtan dang po rnam pa gcig las 'dod chags dang bral ba nas/ rnam pa brgyad las 'dod chags dang bral ba'i bar gzhan brgyad de/ de dag ni sngar gyi 'ching ba mtha' dag dang ldan pa dang bcas te/ bsam gtan dang po'i dgu yin no//de bzhin du bsam gtan dang po las 'dod chags dang bral ba gnyis pa'i 'ching ba mtha' dag dang ldan pa nas rnam pa brgyad la 'dod chags dang bral ba zhes bya ba'i bar de dag ni gang zag dgu yin no/ /de bzhin du bsam gtan gnyis pa'i rnam pa dgu las 'dod chags dang bral ba bsam gtan gsum pa'i 'ching ba mtha' dag dang ldan pa dang /bsam gtan gsum pa'i rnam pa brgyad las 'dod chags dang bral ba zhes bya ba de dag kyang gang zag dgu yin la/ bsam gtan gsum pa'i rnam pa dgu las 'dod chags dang bral ba bsam gtan bzhi pa'i 'ching ba mtha' dag dang ldan pa dang /bsam gtan bzhi pa'i rnam pa brgyad las 'dod chags dang bral ba zhes bya ba de dag kyang dgu yin te/ dgu tshan bzhi na sum cu rtsa drug go zhes bya bar grub bo/ /bsam gtan bzhi'i dgu pa'i rnam pa las 'dod chags dang bral ba ni ma smos te/de ni gzugs med pa'i 'ching ba mtha' dag dang ldan pa yin pas gzugs med par nye bar 'gro ba yin na/ 'dir ni gzugs su nye bar 'gro ba'i skabs su bab pa yin te/ srid pa bar ma dang sbyar ba'i phyir ro/ /gnas gcig na rigs drug go zhes bya ba ni tshangs ris kyi gnas na'o//rigs dang rigs la gang zag dgu dgu'o/ /ji ltar zhe na/ 'ching ba mtha' dag dang ldan pa nas rang gi bsam gtan gyi rnam pa brgyad las zhes bya ba smos so/ /rang gi bsam gtan gyi zhes bya ba ni bsam gtan dang po'i'o/ /'di'i rang gi ni bsam gtan dang po tshangs ris so/ /dgu tshan drug na zhes bya ba la/rigs drug tshan dgu gzung bas dgu tshan drug ste/ gcig tu bsdoms na lnga bcu rtsa bzhir 'gyur ro/ /lnga bcu rtsa bzhi phrag bcu drug na zhes bya ba ni gnas gzhan bcu drug bzung ba'i phyir ro/ /tshangs chen ni gnas gzhan ma yin la/ gnas gzhan yin na yang /der 'phags pa mi skye bas lnga bcu rtsa bzhi phrag bcu drug go/ /de dag gcig tu bsdoms na brgyad brgya drug cu rtsa bzhir 'gyur ro/ /yang dbang po'i bye brag gis sum 'gyur te zhes bya ba ni brgyad brgya drug cu rtsa bzhi po/ /dbang po'i bye brag gis sum 'gyur du byas na/ bar ma dor yongs su mya ngan las 'da' ba nyis stong lnga brgya dgu bcu rtsa gnyis su 'gyur ro//bsam gtan 'og ma'i zhes bya ba rgyas par 'byung ba la/ bsam gtan 'og ma ste dang po nas gsum pa'i bar gyi rnam pa dgu las 'dod chags dang bral ba gang yin pa de ni gong ma ste/ gnyis pa nas bzhi pa'i bar gyi 'ching ba mtha' dag dang ldan pa yin no zhes bshad do//ci'i phyir zhe na/ mnyam par brtsis pa'i phyir zhes bya ba 'byung ste/ ci nas kyang bsam gtan bzhi pa na/ dgu dgur 'gyur ba'i phyir ro/ /de lta ma yin na mi 'dra bar brtsis par 'gyur ro/ /gal te nyon mongs pa rnam pa dgu spangs pa'i bye brag gis dgur brtsis na ni/da lta na mi 'dra bar brtsis par 'gyur te/ bsam gtan bzhi pa na rnam pa dgu med pa'i phyir ro/ /de'i rnam pa dgu las 'dod chags dang bral ba de ni gzugs med par nye bar 'gro ba yin no/ /gong du 'pho ba'i bar du yang de dang 'dra bas zhes bya ba la/skyes nas dang mngon par 'du byed pa dang bcas pa dang / mngon par 'du byed pa med pa dang / gong du 'pho ba rnams la yang gnas gzhan dang / rigs dang / 'dod chags dang bral ba dang / dbang po'i bye brag gis snga ma bzhin du sbyar bar bya'o/ /'dir gong du 'pho ba gzugs su nye bar 'gro ba gzung gi /gzugs med pa nye bar 'gro ba ni ma yin no/ /de nyid kyi phyir 'dir bsam gtan bzhi pa na/ rnam pa dgu pa las 'dod chags dang bral ba ma bgrangs te/ de ni gzugs med par nye bar 'gro ba yin no/ /de'i phyir de ltar na phyir mi 'ong ba gzugs su nye bar 'gro ba lnga'i dbye ba byas par 'gyur te/'di lta ste/ bar ma dor yongs su mya ngan las 'da' ba dang / skyes nas yongs su mya ngan las 'da' ba dang / mngon par 'du byed pa dang bcas pas yongs su mya ngan las 'da' ba dang / mngon par 'du byed pa med par yongs su mya ngan las 'da' ba dang /gong du 'pho ba'o/ /thams cad bsdus na phyir mi 'ong ba khri nyis stong dgu brgya rtsa drug cu yin te/ bar ma dor yongs su mya ngan las 'da' ba nyis stong lnga brgya dgu bcu rtsa gnyis lnga 'gyur du byas nas zhes bya bar dgongs so/ /ji skad bshad pa'i tshul 'dis phyir mi 'ong ba gzugs med par nye bar 'gro ba bar ma dor yongs su mya ngan las 'da' ba ma gtogs pa rnams kyi dbye ba khong du chud par bya ste/gzugs med pa'i khams ni skye ba las rnam pa bzhi zhig tu zad do/ /srid rtse'i bar cha brgyad zad pa dgra bcom pa nyid la zhugs pa yin zhes bya ba ni/ srid pa'i rtse mo'i rnam pa brgyad zad par byed pa ni zhes bya ba'i don yin te/dgra bcom pa'i 'bras bu ni de'i mjug thogs su yin pa'i phyir ro/ /dgu pa'i bar chad med lam yang / /zhes bya ba ci zhe na/ dgra bcom nyid la zhugs pa yin/ /zhes bya bar skabs dang sbyar te/ rnam par grol ba'i lam la dgra bcom pa'i 'bras bu thob pa'i phyir ro//de ni rdo rje lta bu yin/ /zhes bya ba ni srid pa'i rtse mo'i nyon mongs pa rnam pa dgu pa spong bar byed pa'i bar chad med pa'i lam de ni snyam du dgongs so/ /'di rdo rje dang 'dra bas na rdo rje lta bu ste/ de nyid kyi phyir/ phra rgyas thams cad 'joms pa yin pa'i phyir zhes bya ba smos so//ji ltar rdo rjes thams cad 'joms pa de bzhin du ting nge 'dzin 'dis kyang phra rgyas thams cad 'joms te/ 'di'i rdo rje dang chos mthun pa ni 'di yin no zhes bstan to/ /bcom zin pa'i phyir 'dis thams cad 'joms pa ni ma yin gyi zhes bya ba ni sngar srid pa'i rtse mo'i rnam pa brgyad kyi bar spangs zin pa'i phyir ro//'o na ji ltar phra rgyas thams cad 'joms pa yin zhes brjod ce na/ de'i phyir thams cad 'joms par nus pa yin no zhes bya ba smos te/ srid pa'i dbang du byas nas bshad pa yin no snyam du dgongs so/ /ji skad du bcom ldan 'das kyis srid pa'i dbang du mdzad nas shing sA la 'di dag kyang yan lag brgyad dang ldan pa'i bsnyen gnas la nye bar gnas na/de dag kyang bsod nams dang ldan par 'gyur ro zhes gzhan nas gsungs pa ltar/ rdo rje lta bus kyang thams cad 'joms srid pa zhig ste/ bar chad med pa'i lam thams cad kyi nang na shin tu che ba yin pa'i phyir/srid pa'i dbang du byas nas bshad do/ /rdo rje lta bu rnams kyi bye brag ni rnam pa mang po zhig tu brjod de zhes bya ba ni/ sa dgu pa la brten nas dgra bcom pa nyid 'thob pas so/ /mi lcogs pa med pas bsdus pa zhes bya ba ni gang gi tshe mi lcogs pa med pa la brten nas srid pa'i rtse mo la 'dod chags dang bral bar byed pa de'i tshe/rdo rje lta bu mi lcogs pa med pas bsdus pa yin no/ /srid pa'i rtse mo'i sdug bsngal dang / kun 'byung ba la dmigs pa zhes bya ba rgyas par 'byung ba ni mi lcogs pa med pa la brten nas srid pa'i rtse mo'i sdug bsngal dang kun 'byung ba la dmigs pa la sogs pa'am/rgyu la sogs pa'i rnam pa dag tu rtog pa na sdug bsngal kun 'byung ba la rjes su shes pa'i rnam pa dag dang mtshungs par ldan pa brgyad do/ /shes rab kyi rnam pa dang mtshungs par ldan pa'i bye brag las brgyad yin te/ sdug bsngal gyi rnam pa bzhi dang /kun 'byung gi rnam pa bzhi dang mtshungs par ldan pa'o/ /'gog pa dang lam la chos shes pa'i rnam pa dgu dang mtshungs par ldan pa brgyad dang zhes bya ba ni 'gog pa la chos shes pa'i rnam pa bzhi dang mtshungs par ldan pa bzhi dang / lam la chos shes pa'i rnam pa bzhi dang mtshungs par ldan pa bzhi'o//'gog pa la rjes su shes pa'i rnam pa dag dang mtshungs par ldan pa bsam gtan dang po'i 'gog pa la dmigs pa bzhi zhes bya ba ni bsam gtan dang po'i sa pa'i 'gog pa la dmigs pa bzhi ste/ gang gi tshe bsam gtan dang po'i sa pa'i 'gog pa la dmigs shing srid pa'i rtse mo las grol bar byed pa na'o//de bzhin du srid pa'i rtse mo'i 'gog pa la dmigs pa'i bar du bzhi dang zhes bya ba la/ ji ltar zhe na/ 'gog pa la rjes su shes pa'i rnam pa dag dang mtshungs par ldan par bsam gtan gnyis pa'i 'gog pa la dmigs pa bzhi nas de bzhin du/ srid pa'i rtse mo'i 'gog pa la dmigs pa'i bar du bzhi ste/'gog pa la chos shes pa nas re re'i 'gog pa la dmigs pas sa brgyad po re re mi lcogs pa med pas bsdus pa'i rnam pa bzhi bzhi'o/ /lam la rjes su shes pa'i rnam pa dang mtshungs par ldan pa bzhi ste zhes bya ba ni gang gi tshe de la dmigs nas srid pa'i rtse mo la 'dod chags dang bral bar byed pa na'o//yang ci'i phyir rdo rje lta bu lam la rjes su shes pa'i rnam pa dang mtshungs par ldan pa bzhi kho na yin gyi/ 'gog pa la dmigs pa'i shes pa'i rnam pa dang mtshungs par ldan pa'i rdo rje lta bu bzhin du/ gnyen po la dmigs pa lam la rjes su shes pa'i rnam pa dang mtshungs par ldan pa dag mang du mi bgrang zhe na/de'i phyir rjes su shes pa'i phyogs dang mthun pa zad par la dmigs pa'i phyir ro zhes bya ba smos te/ phan tshun rgyu yin pa'i phyir ro/ /rjes su shes pa'i phyogs dang mthun pa'i lam ni gnyen po'i ngo bo khyad par med pas ril kho na la dmigs so//de dag ni shes pa'i rnam pa dang dmigs pa'i bye brag gis tha dad pa'i phyir zhes bya ba ni shes pa'i rnam pa'i bye brag gis tha dad pa dang / rnam pa'i bye brag gis tha dad pa dang / dmigs pa'i bye brag gis tha dad pa ste/ shes pa'i rnam pa'i bye brag gis tha dad pa ni/chos dang rjes su shes pa'i rnam pa dang mtshungs par ldan pa'i sgo nas te/ 'gog pa dang lam la chos shes pa'i rnam pa dag dang mtshungs par ldan pa brgyad dang zhes bya ba 'byung ba'i phyir ro/ /rnam pa'i bye brag gis tha dad pa ni sdug bsngal la sogs pa'i shes pa'i rnam pa dang mtshungs par ldan pa'i sgo nas te/sdug bsngal dang kun 'byung la rjes su shes pa'i rnam pa dag dang zhes 'byung ba'i phyir ro/ /dmigs pa'i bye brag gis tha dad pa ni srid pa'i rtse mo la sogs pa'i bye brag gis tha dad pa'i phyir ro/ /ji skad du srid pa'i rtse mo'i sdug bsngal dang kun 'byung la dmigs pa zhes bya ba la sogs pa dang /de bzhin du bsam gtan dang po 'gog pa la dmigs pa bzhi nas/ de bzhin du srid pa'i rtse mo'i 'gog pa la dmigs pa'i bar du bzhi dang zhes bya ba dang / rjes su shes pa'i phyogs dang mthun pa zad par la dmigs pa'i phyir ro zhes bshad pa lta bu'o/ /de ltar na rdo rje lta bur shes pa'i rnam pa dang dmigs pa'i bye brag gis tha dad pa lnga bcu rtsa gnyis yin no//ji ltar byas pas she na/ brgyad tshan gnyis te bcu drug dang / bzhi tshan dgu la sum cu rtsa drug ste/ lnga bcu rtsa gnyis su 'gyur ro/ /mi lcogs pa med pas bsdus pa ji lta bar zhes bya ba rgyas par 'byung ste/ bshad ma thag pa'i rnam pa gang gis mi lcogs pa med pas bsdus pa'i rdo rje lta bu lnga bcu rtsa gnyis yin pa de bzhin du/ bsam gtan khyad par can dang / bsam gtan dang po dang / bsam gtan gnyis pa dang / bsam gtan gsum pa dang / bzhi pas bsdus pa'i rdo rje lta bu dag ni re re zhing lnga bcu rtsa gnyis lnga bcu rtsa gnyis su 'gyur te/bsam gtan dag ni kun du lta ba yin te/ gong ma dang / 'og ma la dmigs pa yin no/ /grangs bzhin du zhes bya ba rgyas par 'byung ste/ ji ltar zhe na/ nam mkha' mtha' yas skye mched kyis bsdus pa ni nyi shu rtsa brgyad do/ /rnam shes mtha' yas skye mched kyis bsdus pa ni nyi shu rtsa bzhi'o//ci yang med pa'i skye mched kyis bsdus pa ni nyi shu'o/ /srid pa'i rtse mo na ni lam nyid yod pa ma yin pas des bsdus pa mi bsam mo/ /de dag na chos shes pa med pa'i phyir zhes bya ba ni nam mkha' mtha' yas skye mched kyis bsdus pa'i rdo rje lta bu de dag na'o/ / chos shes pa sa drug pa yin pa'i phyir ro/ /ci zhe na/ rdo rje lta bu brgyad med do/ /rjes su shes pas sa 'og ma'i 'gog pa la dmigs pa med pa'i phyir ro zhes bya ba ni/ de dag nyid na med pa'i phyir ro/ /ci zhe na/ nam mkha' mtha' yas skye mched kyis bsdus pa'i rdo rje lta bu bcu drug med do/ / rnam shes mtha' yas skye mched kyis bsdus pa ni nyi shu med do/ /ci yang med pa'i skye mched kyis bsdus pa nyi shu rtsa bzhi med do/ /'gog pa la rjes su shes pa'i rnam pa dang mtshungs par ldan pa dang sngar bshad pa brgyad do/ /de dag na grangs bzhin du nyi shu rtsa brgyad dang / nyi shu bzhi dang / nyi shu yod do//ji ltar byas pas nyi shu rtsa brgyad yod ce na/ rdo rje lta bu lnga bcu rtsa gnyis las 'gog pa dang lam la chos shes pa'i rnam pa dag dang mtshungs par ldan pa brgyad dang / 'gog pa la rjes su shes pa'i rnam pa dang mtshungs par ldan pa bsam gtan bzhi pa'i 'gog pa la dmigs pa bcu drug dor bas nyi shu rtsa brgyad du 'gyur ro//ji ltar zhe na/ nam mkha' mtha' yas skye mched kyis bsdus pa srid pa'i rtse mo ba'i sdug bsngal dang kun 'byung ba la dmigs pa sdug bsngal kun 'byung ba la rjes su shes pa'i rnam pa dag dang mtshungs par ldan pa brgyad dang / nam mkha' mtha' yas skye mched la sogs pa'i 'gog pa la dmigs pa 'gog pa la rjes su shes pa'i rnam pa dag dang mtshungs par ldan pa bcu drug dang /lam la rjes su shes pa'i rnam pa dag dang mtshungs par ldan pa bzhi ste/ rjes su shes pa'i phyogs dang mthun pa'i zad par la dmigs pa'i phyir ro//de'i phyir de ltar na/ shes pa'i rnam pa dang / dmigs pa'i bye brag gis tha dad pa'i phyir nyi shu rtsa brgyad yin no/ /de bzhin du rnam shes mtha' yas skye mched kyis bsdus pa ni nam mkha' mtha' yas skye mched kyi 'gog pa la dmigs pa bla lhag [(]du [,]tu [)]dor nas nyi shu rtsa bzhi yin no/ /de bzhin du ci yang med pa'i skye mched kyis bsdus pa ni rnam shes mtha' yas skye mched kyi 'gog pa la dmigs pa yang bor nas nyi shu yin no//yang ci'i phyir sa gzhan gyi 'gog pa kho na la dmigs kyi/ srid pa'i rtse mo'i sdug bsngal dang kun 'byung ba ltar sa gzhan pa'i sdug bsngal dang kun 'byung ba la ma yin zhe na/sa 'og ma las 'dod chags dang bral ba'i phyir te/ de'i srid pa'i rtse mo'i rnam pa brgyad ni lus so/ /yang ci'i phyir rang gi sa dang sa gong ma pa kho na'i 'gog pa la dmigs kyi bsam gtan bzhin du sa 'og ma pa ni ma yin zhe na/ sa 'og ma pa'i sdug bsngal la ma dmigs par de'i 'gog pa la dmigs par mi nus so//sdug bsngal yang thams cad zag pa dang bcas pa yin la/ gzugs med dngos gzhi dge rnams kyi/ /spyod yul zag bcas 'og ma min/ /zhes bya ba 'di yang nges pas 'di ni rgyu yin no/ /bsam gtan rnams kyi kun du blta ba'i phyir mi dgag ste/ bsam gtan dge yul yod dgu yin/ /zhes bya ba 'chad par 'gyur ro/ /sa 'og ma'i gnyen po la dmigs pa ni yod de zhes bya ba ni/ rdo rje lta bu'i ting nge 'dzin te/ gnyen po de ni phan tshun du rgyu yin pa'i phyir ro/ /'dis ni bsam gtan gyis bsdus pa'i yongs su shes pa thams cad sa 'og ma'i gnyen po la dmigs par bstan te/gang zhig nam mkha' mtha' yas skye mched la sogs pas bsdus pa de ni rang gi sa dang sa gong ma'i gnyen po la dmigs pa nyid do/ /gang dag lam la rjes su shes pa yang 'gog pa la rjes su shes pa ltar sa re re'i gnyen po la dmigs pa yin par 'dod pa de dag gi ltar na bsam gtan dang gzugs med pa brgyad kyi sa'i gnyen po la dmigs pa dag las srid pa'i rtse mo'i gnyen po la dmigs pa bzhi tshan gcig bor nas nyi shu rtsa brgyad du 'gyur te/ji ltar zhe na/ mi lcogs pa med pas bsdus pa bsam gtan dang po'i gnyen po la dmigs pa/lam la rjes su shes pa'i rnam pa dag dang mtshungs par ldan pa bzhi nas ci yang med pa'i skye mched kyi gnyen po la dmigs pa lam la rjes su shes pa'i rnam pa dag dang mtshungs par ldan pa'i bar du bzhi ste/ lnga bcu rtsa gnyis la nyi shu rtsa brgyad po de dag bsnan pas da ltar na brgyad cur 'gyur ro//bsam gtan bzhi pas bsdus pa'i bar du yang de dang 'dra'o zhes bya ba ni bsam gtan khyad par can dang / bsam gtan dang po dang / gnyis pa dang / gsum pa dang / bsam gtan bzhi pas bsdus pa dag kyang re re zhing brgyad cu yin no/ /go rims bzhin du bzhi bcu dang zhes bya ba rgyas par 'byung ste/ji ltar byas pas she na/ rdo rje lta bu nyi shu rtsa brgyad la bcu gnyis bsnan na bzhi bcur 'gyur ro/ /de bzhin du sngar bshad pa dag la brgyad dang bzhis bsnan na sum cu rtsa gnyis dang nyi shu rtsa bzhir 'gyur ro/ /yang ci'i phyir gzugs med pa dag rang dang gong ma'i sa pa'i gnyen po kho na la dmigs par bshad kyi/sa 'og ma'i gnyen po la dmigs pa ma yin zhe na/ rnam pa thams cad du gzugs kyi 'du shes la sogs pa las yang dag par 'da' bar gsungs pa'i phyir la/ sa 'og ma'i gnyen po'i sgo nas ni de'i mi mthun pa'i phyogs la dmigs pa'i phyir ro/ / 'o na sa 'og ma'i gnyen po la dmigs pa ni yod de/ de ni phan tshun rgyu yin pa'i phyir ro zhes bshad pa de ji ltar zhe na/ de ni khyad par du ma byas par rjes su shes pa'i phyogs dang mthun pa'i lam sa dgu pa ni sa 'og ma'i gnyen po la dmigs pa yin no zhes bshad kyi/ nam mkha' mtha' yas skye mched la sogs pas bsdus pa sa 'og ma'i gnyen po la dmigs so zhes khyad par du byas nas ni ma bstan pas sa 'og ma'i gnyen po la dmigs pa yin no zhes bya ba'i tshul 'di ni/bsam gtan gyi sa pa dag kho na la yin no/ /yang rigs dang dbang po'i bye brag gis ni ches mang ba yin no zhes bya ba la/ji ltar zhe na/ re zhig mi rtag pa'i rnam pa dang mtshungs par ldan pa'i rdo rje lta bu gang yin pa de ni rigs kyi bye brag gis khyad par rnam pa drug yin la/ dbang po rtul po dang 'bring dang chen po'i bye brag gis rnam pa gsum yin te/ sdug bsngal la sogs pa'i rnam pa dang mtshungs par ldan pa gzhan dag la yang de dang 'dra bar rigs dang dbang po'i bye brag gis khyad par sbyar bar bya'o//zad pa shes pa yin no zhes bya ba la/ gang las she na/ dang po nyid du zag pa thams cad zad pa'i thob pa dang lhan cig skyes pa'i phyir zhes bya ba smos te/ dper na dang por yod pa ni dang po yin no zhes bya ba ltar thog mar zhes bya ba'i don to//'di skad du/ zad pa shes pa ni dang po nyid du zag pa thams cad zad pa'i thob pa dang / lhan cig skyes pa'i shes pa'o zhes bstan par 'gyur te/ bar gyi tshig mi mngon par byas pas rdo rje'i sor gdub bzhin no/ /rnam par grol ba'i shes pa gzhan yang zad pa'i thob pa dang /lhan cig skye mod kyi zag pa thams cad zad pa'i thob pa dang lhan cig skye ba ma yin pa de dag zad pa shes pa ma yin no/ /mi skye ba shes pa ni zag pa thams cad zad pa'i thob pa dang lhan cig skye mod kyi/ de ni dang po nyid du ma yin pas de zad pa shes pa ma yin no/ /gang gi tshe slob pa'i gnas skabs na yang 'di'i zag pa kha cig spangs pa yin na/de'i phyir zag pa thams cad zad pa'i thob pa dang lhan cig skye ba'i phyir zhes bya ba 'di ci ste brjod ce na/ spangs pa bden mod kyi/ 'on kyang sngar spangs pa rnams kyi bral ba'i thob pa dag yang skye ste/ 'bras las sngon lam btang ba dang / / gzhan thob pa dang zad bsdoms dang / /zhes bya ba 'byung ba'i phyir ro/ /'bras bu gzhan gyi phyir bslab par bya ba med pa'i phyir zhes bya ba la/ gal te mi slob pa la yang dbang po 'pho ba'i sgo nas 'bras bu gzhan thob par bya ba'i phyir yod de/ spel bas 'bras bu khyad par can zhes 'byung ba'i phyir ro zhe na/de ni yod pa ma yin te/ de ni lan cig phyir 'ong ba dang phyir mi 'ong ba de bzhin du de'i 'bras bu gzhan ma yin no/ /gang du sngar gyi 'bras bu rgyu mtshan can gyi ming dor nas 'bras bu phyi ma'i rgyu mtshan can gyi ming btags pa de ni de'i 'bras bu gzhan yin no zhes bya bar shes na dgra bcom pa de ltar dbang po 'phos kyang sngar gyi ming mi 'dor la/de'i dbang po 'phos kyang snga ma ltar dgra bcom pa nyid yin pas 'bras bu gzhan thob pa med do/ /de nyid kyi phyir zhes bya ba ni/ gang gi phyir de ni rang gi don yongs su rdzogs pa yin pa'i phyir te/ rang gi don yongs su sogs pa ni shin tu ches gzhan gyi don byed par 'os pa yin no//'dod chags dang bcas pa thams cad kyis mchod par 'os pa'i phyir zhes bya ba la/ 'dod chags dang bcas pa ni so so'i skye bo dang slob pa dag go/ /gang zag zad pa shes pa ma skyes par gyur pa'i gang zag de dag ni slob pa zhes bya ste/ de nyid kyi phyir gang zag sngar bshad pa bdun ni slob pa dag yin no zhes bya bar grub bo zhes bya ba smos te/de dag ni zhugs pa bzhi dang 'bras bu la gnas pa gsum mo/ /rgyu gang gis gang zag bdun po de dag slob pa yin par brjod ce na/ de'i phyir zag pa zad par bya ba'i phyir slob pa'i ngang tshul can yin pa'i phyir te zhes bya ba smos te/gang la zhe na/ bslab pa gsum po la'o/ /de dag gi lhag pa'i tshul khrims dang zhes bya ba rgyas par 'byung ste/ tshul khrims kyi dbang du byas pa'i bslab pa ni lhag pa'i tshul khrims so/ /lhag pa'i sems dang lhag pa'i shes rab kyi bar yang de dang 'dra'o/ /de dag ni rang bzhin ci zhe na/tshul khrims dang / ting nge 'dzin dang / shes rab kyi rang bzhin dag yin no zhes bya ba smos so/ /so so'i skye bo yang slob pa yin par 'gyur te/ de yang tshul khrims dang / ting nge 'dzin dang / shes rab la slob pa yin no zhe na/ ma yin te/ bden pa yang dag pa ji lta bu bzhin du ma shes pa'i phyir te/so so'i skye bo zhes skabs dang sbyar ro/ /'di ltar lhag pa'i tshul khrims dang / lhag pa'i sems kyi bslab pa bshad nas/ lhag pa'i shes rab kyi bslab pa gang yin zhe na/ 'di ni sdug bsngal 'phags pa'i bden pa yin no zhes bya bar yang dag pa ji lta ba bzhin rab tu shes shing zhes bya ba nas/'di ni sdug bsngal 'gog par 'gro ba'i lam 'phags pa'i bden pa yin no zhes bya bar yang dag pa ji lta ba bzhin shes pa yin no zhes bya ba'i bar du gsungs te/ so so'i skye bo la ni yongs su shes pa zag pa med pa yang dag pa ji lta ba bzhin shes pa yod pa ma yin la/ de med pas de la zag pa med pa'i tshul khrims dang /ting nge 'dzin yang med do/ /de'i phyir bslab pa rnams zag pa med pa yin pa'i phyir/ de bslab pa dag la slob pa ma yin no/ /yang bslab pa gtong ba'i phyir ro zhes bya ba la re zhig lhag pa'i tshul khrims la bslab pa gtong ste/ so sor thar pa'i sdom pa gtong ba'i phyir ro//lhag pa'i sems kyi bslab pa la yang bslab pa gtong ste/ bsam gtan las yongs su nyams pa las so/ /gzhan dag na re dro bar gyur pa'i ting nge 'dzin la sogs pa las yongs su nyams pa las so zhe'o/ /lhag pa'i shes rab kyi bslab pa la yang slob pa gtong ste/sdom pa'i yan lag gis shes rab nas dro bar gyur pas bsdus pa'i shes rab kyi bar las yongs su nyams pa las so/ /dgra bcom pa dang slob pa yang yongs su nyams par 'gyur ba ma yin nam zhe na/ yongs su nyams mod kyi yongs su nyams pas 'chi ba'am/ des bya ba ma yin pa byed pa ni ma yin no//slob pa yongs su nyams pa la yang bslab pa gsum po lhag pa lhag pa'i tshul khrims dang / lhag pa'i shes rab yod de/ de la 'bras bu dang po la nyams pa med pa'i phyir ro/ /so so'i skye bo ni dge ba'i rtsa ba yongs su chad pa la bslab pa gsum po rnam pa thams cad du yod pa ma yin no//'phags pa rang bzhin du gnas pa zhes bya ba ni lung du ma bstan pa'i spyod pa la gnas pa zhes bya ba'i don to/ /sems can rnams kyi rang bzhin ni mnyam par ma bzhag pa'i gnas skabs la brjod do/ /bsam pa ni bsam mo/ /lam du 'gro ba bzhin no zhes bya ba ni ji ltar 'gro ba'i bsam pa ma btang ba'i phyir lam du zhugs pa zas la sogs pa za zhing /mi 'gro yang lam du 'gro ba zhes brjod pa de dang 'dra'o/ /thob pa dang rjes su 'brel pa'i phyir ro zhes bya ba la/ rang bzhin du gnas kyang bslab pa gsum gyi thob pa dang rjes su 'brel pas slob pa nyid du brjod do//slob pa dang mi slob pa'i gang zag bzhi la yang slob pa'i chos rnams gang zhe na zhes bya ba la sogs pa smos so/ /slob pa zag pa med pa rnams so zhes bya ba la/ mi slob pa yang de dang 'dra'o/ /ci'i phyir mya ngan las 'das pa slob pa ma yin zhe na/ gang zhig slob pa kho na ldan pa de ni slob pa'i chos zhes bya na/mya ngan las 'das pa ni thun mong ba yin pa'i phyir slob pa dang so so'i skye bo gnyi ga la yang yod de/ so so'i skye bo rnams la ni 'jig rten pa'i lam gyis mya ngan las 'das pa dag skye la/ 'phags pa rnams ni 'jig rten las 'das pa'i lam gyis skye'o/ /mi slob pa dang skye so'i skye bo gnyi ga yang de dang ldan pa'i phyir zhes bya ba 'byung ngo //mya ngan las 'das pa mi slob pa yang ma yin te/ slob pa dang so so'i skye bo gnyi ga yang de dang ldan pa'i phyir ro/ /'dis ni so sor brtags pa ma yin pas 'gog pa yang slob pa dang mi slob pa nyid yin pa bsal ba yin no/ /zhugs pa dang po dang 'bras bu la gnas pa bzhi'o zhes bya ba la/zhugs pa dang po ni mthong ba'i lam la gnas pa'i phyir 'bras bu las tha dad pa yin no/ /zhugs pa lhag ma rnams ni zhes bya ba ni lan cig phyir 'ong ba dang / phyir mi 'ong ba dang dgra bcom pa nyid kyi 'bras bu la zhugs pa rnams so/ /'bras bu la gnas pa gsum las tha mi dad pa'i phyir ro zhes bya ba la/ji lta zhe na/ re zhig lan cig phyir 'ong ba'i 'bras bu mngon par 'du byas pa'i phyir zhugs pa gang yin pa de ni rgyun du zhugs pa las tha dad pa ma yin te/ 'o na ci zhe na/ rgyun du zhugs pa nyid yin no/ /de bzhin du phyir mi 'ong ba dang / dgra bcom pa nyid la zhugs pa gnyis kyang lan cig phyir 'ong ba dang /phyir mi 'ong ba dag las tha mi dad pa yin no/ /de ltar na 'bras bu la zhugs pa rnams ni 'bras bu la gnas pa gsum las tha mi dad do/ /'dir ni mthar gyis thob pa'i phyir yin te/ gang gi tshe rgyun du zhugs pa'i 'bras bu'i mjug thogs su lan cig phyir 'ong ba'i 'bras bu thob la de'i mjug thogs su phyir mi 'ong ba'i 'bras bu thob pa na'o//phal cher las 'dod chags dang bral ba 'jig rten pa'i lam gyis gang gi 'dod pa na spyod pa rnams las rnam pa drug spangs pa dang / 'dod pa las 'dod chags dang bral ba rnam pa dgu zad pa ni mthong ba'i lam gyi gnas skabs na go rims bzhin du lan cig phyir 'ong ba dang phyir mi 'ong ba'i 'bras bu la zhugs pa yin gyi/rgyun du zhugs pa dang lan cig phyir 'ong ba dag kyang ma yin no/ /de lta na ni gang zag bzhi 'am gsum yin gyi lnga ni ma yin no/ /rnam pa gnyis su bshad pa la zhes bya ba ni/bsgom pa'i lam ni rnam gnyis te/ /mthong ba zhes bya zag pa med/ /ces bya ba 'das nas so/ /'jig rten 'das kyi srid rtse las/ /chags bral zhes bya ba ni 'jig rten las 'das pa kho na yin gyi/ gzhan gyis ni ma yin no zhes bya bar nges par gzung ngo //de'i gong na 'jig rten pa med pa'i phyir zhes bya ba la/ 'jig rten pa'i lam sa gong ma'i nyer bsdogs kyis bsdus pa ni sa 'og ma'i gnyen po yin no/ /srid pa'i rtse mo'i gong na ni sa yod pa 'ang ma yin no/ /rang gi sa pa'i gnyen po ma yin pa'i phyir ro zhes bya ba la/ ci'i phyir gnyen po ma yin zhe na/de'i phyir de'i nyon mongs pa rgyas par 'gyur ba'i phyir te zhes bya ba smos so/ /rang gi sa pa'i nyon mongs pa rgyas par 'gyur ba'i phyir te/ phra rgyas kun du 'gro ba dang / bsgom pas spang bar bya ba rgyas par 'gyur ba'i phyir ro/ /nyon mongs pa gang zhig dngos po gang la rgyas par 'byung ste/ nyon mongs pa gang zhig dngos po gang la rgyas par 'gyur ba de ni dngos po des spong bar byed pa ma yin te/ dper na 'dod pa'i khams rang gi sa pa'i nyon mongs pa rnams dang mthun pa ltar de skye ba dang mthun pa'i phyir ro/ /gang gi gnyen po gang yin pa de la ni nyon mongs pa de rgyas par mi 'gyur te/ de'i 'grib pa'i rgyu yin pa'i phyir/ dper na sa 'og ma pa'i nyon mongs pa sa gong mar rgyas par mi 'gyur ba bzhin no/ /de'i phyir 'jig rten las 'das pa kho nas srid pa'i rtse mo las 'dod chags dang bral bar 'thad pa yin no/ /srid pa'i rtse mo las gzhan pa zhes bya ba ni sa brgyad do/ /'jig rten pa'i lam gyis kyang zhes bya ba ni thams cad na sa gong ma'i nye bar bsdogs pa'i lam la yod pa'i phyir ro//'jig rten las 'das pas kyang zhes bya ba ni 'jig rten las 'das pa rang dang gong ma'i sa'i gnyen po yin pa'i phyir ro/ /bral ba'i thob pa rnam pa gnyis skye'o zhes bya ba ni/ bye brag tu smra ba rnams na re bya ba thun mong ma yin pa'i phyir te/'dir bya ba ni nyon mongs pa spong ba yin no zhes zer ro/ /'jig rten 'das kyis kyang zhes bya ba ni/ dper na bya ba mtshungs pa'i phyir 'jig rten pas 'phags pa 'dod chags dang bral ba ni bral ba'i thob pa rnam pa gnyis yin pa de bzhin du/ 'jig rten las 'das pas 'dod chags dang bral ba na yang bral ba'i thob pa rnam pa gnyis yin no//gal te 'phags pa'i lam gyis zhes bya ba ni de la 'jig rten pa'i lam med pas 'jig rten pa'i bral ba'i thob pa med na zhes bstan to/ /bsam gtan la brten te dbang po rnams 'pho bar byed pa zhes bya ba la/bsam gtan gyi dngos gzhi kho na la brten nas dbang po rnams 'pho bar byed kyi/ mi lcogs pa med pa'am bsam gtan khyad par can la brten nas ni ma yin te/ de la brten nas dbang po 'pho bar bla ba'i phyir ro/ /'dir ni bsam gtan la brten to zhes dper brjod pa tsam zhig tu zad de/slob pa ni sa drug la brten te dbang po rnams 'pho bar byed do zhes bshad do/ /de lam snga ma zad par btang ba'i phyir zhes bya ba la/ lam snga ma ni phyir mi 'ong ba'i 'bras bu'i lam dang / de las khyad par du 'phags pa ci yang med pa'i skye mched kyi bar gyi gnyen po'o/ /'bras bu'i lam 'ba' zhig thob pa'i phyir zhes bya ba la/des ni dbang po rtul pos bsdus pa'i 'bras bu las khyad par can gyi lam btang nas 'bras bu'i lam dbang po rnon pos bsdus pa 'ba' zhig 'thob ste/ 'phel ba 'bras bu'i khyad par bcas/ /btang ste 'bras bu thob par 'gyur/ /zhes 'byung ba'i phyir ro//sa gong ma pa'i nyon mongs pa'i bral ba dang mi ldan par yang 'gyur ro zhes bya ba la/ 'dod pa'i khams kyi gong ma ni bsam gtan dang po nas bzung ste/ ci yang med pa'i skye mched kyi bar te/ de'i sa pa'i nyon mongs pa'i bral ba dang mi ldan par 'gyur ro/ /de btang na zhes bya ba ni/sa gong ma'i nyon mongs pa'i bral ba dang ldan pa btang na'o/ /nyon mongs pa de dag dang ldan par yang 'gyur ro zhes bya ba ni sa gong ma'i nyon mongs pa dag dang ngo / /srid rtse'i phyed las rnam grol dang / /gong du skyes pa bzhin mi ldan/ /zhes bya ba 'byung ngo / /srid pa'i rtse mo'i rnam pa phyed las rnam par grol ba zhes bya ba la/srid pa'i rtse mo'i rnam pa brgyad las 'dod chags dang bral ba gang zhig dbang po rnams 'pho bar byed pa de la rnam pa brgyad po de dag gis 'jig rten pa'i bral ba 'thob pa med do/ /ci'i phyir med ce na/ gang gi phyir 'jig rten pa'i lam srid pa'i rtse mo gnyen por 'gyur ba med do//'jig rten pa'i lam gyis gang zhig las 'dod chags dang bral bar 'gyur ba de kho na las 'jig rten las 'das pa'i lam gyis 'dod chags dang bral bar 'gyur ba'i 'phags pa la ni 'jig rten dang 'jig rten las 'das pa'i 'bral ba'i 'thob pa yod pa zhig go//yang dper na so so'i skye bo zhes bya ba la/ de yang bsam gtan dang po bsdus pa 'dod pa na spyod pa'i nyon mongs pa'i bral ba'i thob pa gtong ngo / /'phags pa ni ma yin te/ ci'i phyir zhe na/ 'phags pa 'jig rten pa'i lam gyis 'dod pa'i khams kyi gong ma las 'dod chags dang bral bar gyur pa la 'jig rten pa dang /'jig rten las 'das pa'i bral ba'i thob pa yod do/ /de la 'jig rten pa'i 'dod pa na spyod pa'i nyon mongs pa'i bral ba'i thob pa gang yin pa de ni 'phags pa bsam gtan dang po'i sa'i gong du skyes pas gtong bar 'gyur gyi/ 'jig rten las 'das pa ni ma yin no//'jig rten las 'das pa de yod na yang de dag dang mi ldan no/ /so so'i skye bo ni de lta ma yin te/ de'i phyir so so'i skye bo smos so/ /de'i phyir ji ltar 'dir bral ba'i thob pa med par 'dod pa na spyod pa'i nyon mongs pa de dag dang ldan par mi 'gyur bas khas len pa ltar gang zag 'di yang de dang 'dra bar 'gyur bas/btang la nyon mongs mi ldan phyir/ /zhes bya ba ni/ 'di ni shes rab byed pa ma yin no/ /zag med mi lcogs med pa yi/ /thams cad las ni 'dod chags bral/ /srid pa'i rtse mo'i bar las so/ /zhes bya ba ni sa 'og ma dang gong ma las zhes bya ba'i don to//ci'i phyir zhe na/ zag pa med pa ni ldan pa ma yin pa'i phyir ro/ /sa gsum las rgyal ba yan chad ni zhes bya ba la/ bsam gtan gsum pa la sogs pa las 'dod chags dang bral ba ni bsam gtan bzhi pa la sogs pa'i nyer bsdogs dag gis thob la/ de na nyer bsdogs dang dngos gzhi la tshor ba tha dad pa med de/btang snyoms kyi dbang po khyad par med pa'i phyir ro/ /de'i phyir 'dir dbang po rnon po 'am/ dbang po rtul po zhig 'dod chags dang bral ba'i sa la tha gir sems pas dngos gzhi kho na las rnam par grol ba'i lam tha ma mngon du byed do/ / bsam gtan gsum na ni zhes bya ba rgyas par 'byung ste/ nyer bsdogs dag na btang snyoms kyi tshor ba yod la/ bsam gtan gyi dngos gzhi dag las ni gnyis na yid bde ba yod la/ gsum pa na bde ba yod do/ /de la kha cig dbang po rtul po yin pa'i phyir dbang po spong bar mi nus pas nyer bsdogs kho na las rnam par grol ba'i lam tha ma mngon du byed la/de nus pa ni dngos [(]bzhi [,]gzhi [)]las mngon sum du byed pas 'di la nyes pa med do/ /'phags pa brgyad kyis rang gong sa las rgyal/ /zhes bya ba 'byung ngo / /sa 'og ma las ni ma yin te/ 'dod chags dang bral zin pa'i phyir ro zhes bya ba la/sa 'og ma la 'dod chags dang ma bral bas ni sa de mngon du byed mi nus so/ /bden pa la dmigs pa'i phyir bden pa'i rnam par zhugs pa dag yin no zhes bya ba ni mi rtag pa dang / sdug bsngal ba dang / stong pa dang / bdag med pa la sogs pa rnam pa bcu drug tu zhes bya ba'i don to/ /ci rigs par zhes bya ba ni srid tshad de la de skad du bshad kyi/thams cad kyi thams cad du ni ma yin no/ /gal te sa 'og ma la rags par lta ba de'i tshe sa gong ma la de las bzlog pa zhi bar lta ste/ gzhan dag la yang de dang 'dra bar brjod par bya'o/ /de nyid kyi phyir/ de dag las bzlog pa ni zhi ba dang gya nom pa dang nges par 'byung ba'i rnam pa can yin no zhes 'chad do//ma zhi ba'i phyir rags par lta'o zhes bya ba la/ ji ltar ma zhi ba nyid yin zhe na/ de'i phyir mngon par 'du byed pa shin tu che ba nyid kyis zhes bya ba smos so/ /sa gong ma yang lam dang bcas te mngon par 'du byed pa yin mod kyi/ 'di ni lam dang bcas pa mngon par 'du byed pa shin tu che ba yin no//gya nom pa ma yin pa'i phyir tha ba ngan par lta ste zhes bya ba la/ tha ba ni gzhig par dka' ba yin no/ /dman pa'i tha ba ni tha ba ngan pa'o/ /yang na 'di la sdug bsngal yod pas na tha ba'o/ /len pas na tha ba ngan pa ste/ lus nang du gyur pas lus nang du gyur pa nye bar len pa'i phyir ro//ji ltar gya nom pa ma yin zhe na/ de'i phyir gnas ngan len rab tu mang ba nyid kyis mi mthun par gyur pa'i phyir ro zhes bya ba smos te/ gnas ngan len ni lus dang sems dag las su mi rung ba nyid de nyon mongs pa dang mthun pa zhes bya ba'i tha tshig go/ / sa gong ma yang gnas ngan len med pa ma yin mod kyi/ 'di ni gnas ngan len rab tu mang ba yin no/ /rtsig pa stug po lta bur zhes bya ba ni rtsig pa stug po'i ngo bor ro/ /de nyid kyis sa de las nges par mi 'byung ba'i phyir zhes bya ba ni sa de nyid kyis sa de nyid las nges par mi 'byung ba'i phyir ro//rtsig pa la nges par mi 'byung ba bzhin du zhes bya ba la/ dper na rtsig pa yod na nam mkha'i phyogs des non pa'i phyir nges par 'byung ba med pa de bzhin du de nyid kyis sa de nyid las nges par 'byung bar mi 'gyur ro/ /de las bzlog pa ni zhes bya ba la/ zhi ba'i phyir te/ mngon par 'du byed pa shin tu chung ba nyid kyis so//gya nom pa yin pa'i phyir te/ gnas ngan len rab tu nyung ba nyid kyis mi mthun par ma gyur pa'i phyir ro/ /nges par 'byung ba'i phyir te/ des sa 'og ma las nges par 'byung ba'i phyir ro/ /zhar la 'ongs pa rdzogs so zhes bya ba la/ 'jig rten 'das kyi srid rtse las//zhes bya ba de nas bzung ba ni zhar byung ste/ de zad thob dang zad pa shes/ /zhes bya ba 'di'i mjug thogs su/ gal te mi g.yo zad shes las/ /mi skye blo gros zhes bya ba 'di brjod par bya ba yin pa las/ de tshe de mi slob dgra bcom/ /zhes bya ba 'di bshad la/ de'i mjug thogs su 'di 'ongs pa yin no//zad par shes pa'i mjug thogs su de las mi skye ba shes pa skye ste/ mi skye ba shes pa ni yang bya ba med pa nyid du shes pa'o/ /yongs su nyams pa srid pa'i phyir/ /zhes bya ba la/ 'dis ni nyon mongs pa skye ba'i go skabs yod pas mi skye ba shes pa mi skye'o zhes ston to/ /de skyes na yongs su nyams pa mi srid pa'i phyir ro//de ni dgra bcom pa thams cad la zhes bya ba ni mi slob pa'i yang dag pa'i lta ba ste/ gang gi phyir de ni zad pa shes pa bzhin du dgra bcom pa thams cad la skye'o/ /dge sbyong tshul ni dri med lam/ /zhes bya ba la/ dge sbyong gi tshul ni bar chad med pa'i lam brgyad cu rtsa dgu yin la dge sbyong gi 'bras bu ni rnam par grol ba'i lam dge sbyong gi 'bras bu 'dus ma byas dang bcas pa de snyed kho na dag yin no//de'i phyir de ltar na/ dge sbyong gi 'bras bu 'di dag ni phung po lnga dang 'dus ma byas dang rdzas drug yin no/ /dge sbyong du 'gyur te zhes bya ba ni/zhi bar 'gyur te zhes bya ba'i tha tshig go/ /de nyid kyi phyir nyon mongs pa yang dag pa zhi bar byed pa'i sgo nas zhes bya ba smos so/ /gzhan dag na re khams dang 'gro ba dang skye gnas su 'khor ba'i ngal ba bsal bas na dge sbyong ngo zhes zer ro/ /so so'i skye bo ni gtan du zhi bar mi byed pa'i phyir don dam pa'i dge sbyong ma yin no zhes bya ba la/so so'i skye bo ni ci yang med pa'i skye mched kyi bar las 'dod chags dang bral yang don dam pa'i dge sbyong ma yin te/ nyes pa'i 'phro dang bcas pa'i phyir dang / nyes pa gtan ma zhi ba'i phyir ro/ /de dag kyang mdo las rnam pa bzhir gsungs so zhes bya ba ni rgyun du zhugs pa'i 'bras bu nas dgra bcom pa nyid kyi bar ro//de'i rgyu mthun pa dang skyes bu byed pa'i 'bras bu yin pa'i phyir ro zhes bya ba la/ de'i zhes bya ba 'di ni dge sbyong gi tshul dang sbyar te/ rnam par grol ba'i bar lam ni bar chad med pa'i lam gyi rgyu mthun pa dang skyes bu byed pa'i 'bras bu yin te/go rims bzhin du de dang 'dra ba'i phyir dang / de'i stobs kyis skye ba'i phyir ro/ /'di dag ni dge sbyong gi 'bras bu 'dus byas yin no/ /ji ltar zhe na/ mthong ba'i lam ni rnam par grol ba'i lam rjes su shes pa dang bcas pa brgyad do/ /bsgom pa'i lam la ni dgu tshan dgu'o/ / nyon mongs pa de dag gi spangs pa ni dge sbyong gi tshul gyi 'bras bu 'dus ma byas dag yin no/ /de ltar na 'o na ni zhes bya ba ni gal te de dag brgyad cu rtsa dgu yin no/ /sangs rgyas kyis gsungs pa kha bskang bar bya dgos par 'gyur ro zhes bya ba ni des 'bras bu bzhi gsungs pa las tha dad par 'bras bu brgyad cu rtsa dgu yod pa'i phyir ro//ched du gtang nas skong ba ni kha skong ba ste/ kha nye bar bskang zhes bya ba'i don to/ /bya mi dgos te mdo las bstan pa ni dgongs pa can yin pa'i phyir ro/ /'dir dgongs pa gang zhig yin zhe na/ 'bras bu mang mo zhig yod mod kyi/ 'bras bu bzhir gzhag pa ni rgyu lnga srid pa'i phyir ro//zhugs pa dang 'bras bu'i lam btang ba dang thob pa'i phyir ro zhes bya ba la zhugs pa'i lam btang ba'i phyir te/ mi ldan pa'i phyir ro/ /'bras bu'i lam thob pa'i phyir te ldan pa'i phyir ro/ /thams cad kyi thob pa gcig rnyed pa'i phyir ro zhes bya ba ni spangs pa bsdoms pa na sngar spangs pa rnams kyi bral ba'i thob pa 'bras bu bsdus pa gcig rnyed pa'i phyir ro//shes pa brgyad cig car du thob pa zhes bya ba ni chos shes pa bzhi dang / rjes su shes pa bzhi ste/ sdug bsngal la chos shes pa nas lam la chos shes pa'i bar dang de bzhin du rjes su shes pa bzhi zhes bya ba de dag go//ji ltar rnam pa bcu drug 'thob ce na/ mi rtag pa la sogs pa'i ste zhes bya ba smos te/ mi rtag pa dang / sdug bsngal ba dang / stong pa dang / bdag med pa la sogs pa rnams so/ /'bras bu dang po la zhugs pa la ni rgyu 'di dag lnga char med de/mthong ba'i lam la gnas pa'i phyir ro/ /'bras bu gnyis pa dang / gsum pa dang / bzhi pa la zhugs pa rnams la ni dang po gsum med kyi/ shes pa brgyad thob pa dang rnam pa bcu drug thob pa gnyis ni yod de/ bsgom pa'i lam la gnas pa'i phyir ro/ /phal cher dang 'dod pa las 'dod chags dang bral ba 'bras bu gnyis pa dang gsum pa la zhugs pa dag la ni thams cad med de/mthong ba'i lam la gnas pa'i phyir ro/ /'di skad du/ 'di dag thams cad ni 'bras bu'i lam kho na la yod de bsgom pa'i lam gyis bsdus pa'i phyir ro zhes bstan par 'gyur ro/ /'jig rten pa'i lam gyis thob pa'i 'bras bu gnyis zhes bya ba ni lan cig phyir 'ong ba'i 'bras bu dang /phyir mi 'ong ba'i 'bras bu'o/ /de la ni zhes rgyas par 'byung bas ni 'di skad du de dag ni zag pa med pa'i lam gyi 'bras bu spangs pa ches mang ba yin gyi/ 'jig rten pa'i lam gyi 'bras bu nyid ni ma yin te/de dag gis mthong ba'i lam gyi 'bras bu spangs pa yang bsdus pa'i phyir ro/ /de'i phyir de dag ni dge sbyong gi tshul gyi 'bras bu yin no zhes bstan par 'gyur ro/ /thams cad kyi zhes bya ba ni/ mthong ba'i lam gyi 'bras bu dang / bsgom pa'i lam gyi 'bras bu'i'o/ /thob pa de'i 'bras bur bsdus pa gcig rnyed pa'i phyir ro zhes bya ba ni thob pa lan cig phyir 'ong ba dang phyir mi 'ong ba'i 'bras bus bsdus pa gcig rnyed pa'i phyir ro//de nyid kyi phyir mdo las zhes bya ba rgyas par 'byung ste/ gang gi phyir mthong ba'i lam dang / bsgom pa'i lam gyi 'bras bu thams cad kyi thob pa de'i 'bras bur bsdus pa gcig rnyed pa'i phyir te/de'i phyir mdo las lan cig phyir 'ong ba'i 'bras bu gang zhes bya ba rgyas par 'byung ngo / /de lta ma yin na mi gsung bar 'gyur te/ mthar gyis pa dang phal cher las 'dod chags dang bral bas kun du sbyor ba gsum spangs zin pa'i phyir ro/ /'dod chags dang zhe sdang dang gti mug bsrabs pa ni de tsam zhig lus pa'i phyir ro//kun du sbyor ba tha ma'i cha dang mthun pa lnga spangs pa zhes bya ba la/ 'dod pa la bdun pa dang gnod sems kyi kun du sbyor ba ma gtogs la/ kun du sbyor ba 'jig tshogs la lta ba la sogs pa gsum ni rgyun du zhugs pa kho nas spangs zin pa yin no//gal te yang bral ba'i thob pa mi skye na ni gsungs pa don med par 'gyur ro/ /bral ba'i thob pa zag pa med pas zhes bya ba ni/ 'jig rten pa yi chags bral ba'i/ /'phags la bral ba'i thob rnam gnyis/ /zhes bshad de/ de'i phyir 'jig rten pa'i lam gyi 'bras bu spangs pa de la bral ba'i thob pa zag pa med pa brgyad 'dra ba dag skye la/de dag gis de'i spangs pa 'dzin par byed do/ /'di ltar pho brang 'khor ba'i rdzas yin yang rgyal po'i phyag rgyas btab pa gang yin pa de ni yang gang gis bsags pa de'i yin par brjod pa ma yin pa de dang 'dra'o/ /de'i stobs kyis zhes bya ba ni bral ba'i thob pa zag pa med pa'i stobs kyis so//yongs su nyams pa mi 'chi ba'i phyir zhes bya ba la/ 'dir yongs su 'dzin pa ni 'di yin par 'dod de/ 'bras las nyams la 'chi ba med/ /ces bya ba la sogs pa 'byung ngo / /de lta ma yin na 'jig rten pa'i 'dod chags dang bral ba ltar 'chi bar 'gyur ba zhig na/yongs su nyams pa de ni 'chi ba med do/ /tshangs pa'i dngos po ni tshangs pa'i tshul te/ des ni tshangs par 'gyur bas so/ /nyon mongs pa rnams spong ba'i phyir zhes bya ba la/ dper na 'dis sdig pa mi dge ba'i chos rnams zhi bar 'gyur bas dge sbyong yin pa de bzhin du 'dis sdig pa mi dge ba'i chos rnams spong bas tshangs pa ste/zhi ba dang spong ba'i mtshan nyid du gsungs pas dge sbyong nyid tshangs pa yin no/ /tshangs pa'i tshul bla na med pa dang ldan pa'i phyir zhes bya ba ni zag pa med pa'i lam bla na med pa dang ldan pa'i phyir ro/ /de ni tshangs pa zhes kyang bya zhes bya ba 'di ni dper brjod pa'o//de'i 'khor lo de ni 'di yin pas zhes bya ba la 'brel pa gang gi yin zhe na/ de'i phyir des bskor ba'i phyir zhes bya ba smos so/ /myur bar 'gro phyir rtsibs sogs kyis/ /zhes bya ba ni myur bar 'gro ba la sogs pa'i phyir dang / rtsibs la sogs pa'i phyir zhes bya ba'i tha tshig go//'dis ni mthong ba'i lam 'khor lo rin po che dang chos mthun pa yin te/ ji ltar 'khor lo rin po che myur du 'gro ba de bzhin du mthong ba'i lam yang skad cig ma bco lngas bden pa mngon par rtogs pa'i phyir myur du 'gro ba yin no/ /'dor ba dang 'jug pa'i phyir zhes bya ba la/ji ltar 'khor lo rin po che rgyab ma 'dor zhing mdun ma la 'jug pa de bzhin du mthong ba'i lam yang bar chad med pa'i lam 'dor zhing rnam par grol ba'i lam la ni mngon du 'gyur ba'i sgo nas 'jug pa yin no/ /yang na sdug bsngal la sogs pa'i yul 'dor zhing /kun 'byung la sogs pa'i yul la 'jug pa'i phyir/ 'dor ba dang 'jug pa yin no/ /'khor lo dang chos mthun pa ni cig car ma yin par bden pa mthong ba'i phyir ro/ /ma rgyal ba rgyal bar byed pa dang / rgyal ba rnal du 'god pa'i phyir/ /zhes bya ba la/ ci zhe na/ 'khor lo rin po che dang chos mtshungs te/ji ltar de grong dang grong rdal la sogs pa ma rgyal ba las rgyal bar byed la/ rgyal ba dag ni rnal du 'god pa de bzhin du bar chad med pa'i lam gyis 'jig tshogs la lta ba la sogs pa nyon mongs pa ma rgyal ba rnams las ni de dag gi thob pa gcod pa'i sgo nas rgyal bar byed la rnam par grol ba'i lam gyis rgyal ba rnams ni nyon mongs pa'i bral ba'i thob pa dang lhan cig skye ba'i sgo nas rnal du 'god do//'phar ba dang 'bab pa'i phyir zhes bya ba la/ ci zhe na/ 'khor lo dang chos mthun no/ /'phar ba ni steng du 'gro ba ste/ khams gong ma'i sdug bsngal la sogs pa la lta ba'o//'bab pa ni yang 'dod pa na spyod pa la lta ba'o/ /myur bar 'gro ba la sogs pa dag gis ni de lta bu yin no/ /yang dag pa'i lta ba dang rtog pa dang rtsol ba dang dran pa rnams ni rtsibs lta bu yin no zhes bya ba ni/ tshul khrims la rag las te/ 'jug pa'i phyir rtsibs la sogs pa dang 'dra'o//yang dag pa'i ngag dang las kyi mtha' dang / 'tsho ba rnams lte ba lta bu yin no zhes bya ba ni yang dag pa'i lta ba la sogs pa rnams de la rag las te 'jug pa'i phyir te/ tshul khrims ni rgyur gyur pas so/ /ting nge 'dzin ni mu khyud lta bu yin no zhes bya ba ni des yang dag pa'i lta ba la sogs pa nye bar 'dzin pa'i phyir ro//'di ga las zhes bya ba ni mthong ba'i lam chos kyi 'khor lo yin no zhes bya ba 'di ci rang gi 'dod pa yin nam/ 'on te lung las byung zhes bya ba'o/ /rang gi 'dod pa ni ma yin no/ /ji ltar zhe na 'phags pa kauN+Di n+ya la zhes bya ba la sogs pa 'byung ngo / /de skyes nas zhes bya ba ni mdo las gsungs pa'i phyir ro//ji lta zhe na/ sa bla ba'i gnod sbyin rnams kyis tshe dang ldan pa kun shes kauN+Di n+yas chos kun shes so zhes sgra 'byin dbyangs sgrogs par byed cing zhes bya ba rgyas par 'byung ngo / /yul bA rA Na sI drang srong lhung ba ri dgas kyi gnas su bcom ldan 'das kyis chos kyi 'khor lo lan gsum du bzlas te rnam pa bcu gnyis bskor ro zhes bya ba rgyas par 'byung ba/ji ltar na de lan gsum du bzlas pa la sogs pa yin zhe na/ 'di ni sdug bsngal lo zhes bya ba 'di ni bskor ba gcig yin no/ /de yongs su shes par bya'o zhes bya ba 'di ni gnyis pa'o/ / de yongs su shes so zhes bya ba ni gsum pa ste/ de ni lan gsum du bzlas pa'o/ /bzlas pa re re mig skyes so zhes bya ba la/ zag pa med pa'i shes rab ni mngon sum du 'jug pa'i phyir mig go/ /the tshom med pa'i phyir shes pa'o/ /yang dag pa'i don gyi phyir rig pa'o/ /rnam par dag pa'i blo ste/kun 'byung ba la sogs pa dag la yang de bzhin du brjod par bya'o/ /bden pa re re la yang de dang 'dra'o zhes bya ba ni lan gsum du bzlas pa dang rnam pa bcu gnyis pa'o/ /ji lta zhe na/ 'di ni sdug bsngal 'phags pa'i bden pa'o/ /de yongs su shes par bya'o/ /de yongs su shes so/ / gal te bden pa re re la yang de dang 'dra bar lan gsum du bzlas pa dang rnam pa bcu gnyis yin na ni/ de lta na lan bcu gnyis su bzlas pa dang rnam pa bzhi bcu rtsa brgyad du 'gyur na/ ci'i phyir lan gsum du bzlas te rnam pa bcu gnyis gsungs zhes bya zhe na/ de ltar yin pa bden mod kyi/ gsum tshan dang bcu gnyis su chos mthun pa'i phyir te/gsum tshan du chos mthun pa'i phyir dang / bcu gnyis su chos mthun pa'i phyir lan gsum du bzlas pa dang rnam pa bcu gnyis su gsungs so/ /gnyis dang gnas bdun la mkhas pa bstan no zhes bya ba ni gnyis bstan pa dang gnas bdun la mkhas pa bstan pa bzhin no//ji skad du khyed la gnyis bstan par bya yis/ de legs par nyon la yid la zung shig dang bshad do/ /gnyis gang zhe na/ mig dang gzugs rnams zhes bya ba nas/ yid dang chos rnams so zhes bya ba'i bar du gsungs pa lta bu'o//de bzhin du gnas bdun la mkhas pa bstan pa ni gzugs yang dag pa ji lta ba bzhin rab tu shes so/ /gzugs kun 'byung ba dang / gzugs 'gog pa dang / gzugs 'gog par 'gyur ba'i lam dang / gzugs kyi ro myang ba dang / nges par 'byung ba dang / nyes dmigs kyang yang dag pa ji lta ba bzhin rab tu shes so zhes bya ba ste/tshor ba dang / 'du shes dang / 'du byed dang / rnam par shes pa yang de dang 'dra'o/ /ji ltar gnyis su chos mthun pa'i phyir gnyis zhes bshad pa dang / phung po re re'i gnas bdun la mkhas par chos mthun pa'i phyir gnas bdun la mkhas par bshad pa de bzhin du/'dir yang gsum dang bcu gnyis su chos su mthun pa'i phyir/ lan gsum du bzlas pa dang rnam pa bcu gnyis su gsungs so/ /bzlas pa mdo las gsungs pa 'di dag gis ni grangs bzhin du mthong ba dang bsgom pa dang / mi slob pa'i lam rnams bstan to/ /ji ltar byas pas she na/'di ni sdug bsngal 'phags pa'i bden pa'o zhes bya bas ni mthong ba'i lam bstan to/ /de yongs su shes par bya'o zhes bya ba la sogs pas ni bsgom pa'i lam bstan to/ /de yongs su shes so zhes bya ba la sogs pas ni mi slob pa'i lam bstan to/ /gal te de lta na zhes bya ba rgyas par 'byung ste/gal te de ltar 'das pa 'di dag gis grangs bzhin du yang mthong ba dang / bsgom pa dang / mi slob pa'i lam rnams bstan to/ /'o na ni mthong ba'i lam kho na la zhes bya ba 'byung ngo / /'o na ni mthong ba'i lam kho na la lan gsum du bzlas pa yang ma yin la/ rnam pa bcu gnyis kyang ma yin gyi 'o na ci zhe na/mthong ba dang / bsgom pa dang / mi slob pa'i lam mtha' dag la yin no/ /ci'i phyir zhe na/ bzlas pa dang pos mthong ba'i lam bshad pa'i phyir lan cig bzlas pa dang rnam bzhi yin gyi/ lan gsum du bzlas te rnam pa bcu gnyis su bskor ba ni ma yin pas 'di ji ltar na chos kyi 'khor lor rnam par gzhag /de lta bas na mdo las ji skad du bstan pa'i mtshan nyid can chos kyi rnam grangs de nyid chos kyi 'khor lo yang yin/ lan gsum du bzlas pa dang rnam pa bcu gnyis kyang yin par rung gis mthong ba'i lam ni ma yin no/ /chos ni rnam pa gsum ste/bstan pa'i chos dang / bsgrub pa'i chos dang / 'bras bu'i chos dang / gzhung la yang don nye bar 'dogs pa yin te/ dper na don dam pa stong pa nyid kyi chos kyi rnam grangs zhes bya ba lta bu'o/ /bden pa rnams lan gsum du bzlas pa'i phyir ro zhes bya ba ni sdug bsngal zhes bya ba nas lam zhes bya ba'i bar ni bzlas pa gcig yin no//yongs su shes par bya zhes bya ba nas bsgom par bya'o zhes bya ba'i bar ni gnyis pa yin no/ /yongs su shes so zhes bya ba nas bsgoms so zhes bya ba'i bar ni gsum pa yin no/ /rnam pa gsum du byas pa'i phyir ro zhes bya ba la sdug bsngal zhes bya ba nas lam zhes bya ba'i bar ni rnam pa gcig yin te/rnam pa ni 'dzin pa'i rnam pa'o/ /yongs su shes par bya zhes bya ba la sogs pa ni gnyis pa'o/ /yongs su shes zhes bya ba la sogs pa ni gsum pa'o/ /de ltar bden pa re re la rnam pa gsum du gtad pa'i phyir rnam pa bcu gnyis su 'gyur ro//ji ltar chos kyi rnam grangs bskor bar grub ce na/ de'i phyir de bskor ba ni gzhan gyi rgyud la go bar byed pa ste/ don shes par byed pa'i phyir zhes bya ba smos te/ sdug bsngal la sogs pa'i bden pa khong du chud par byed ces bya ba'i tha tshig go/ /yang na 'phags pa'i lam thams cad de/yang na 'phags pa'i lam thams cad kyang zhes bya ba ni/ mthong ba dang / bsgom pa dang / mi slob pa'i lam gyi bdag nyid can no/ /de'i phyir de ltar na chos kyi 'khor lo lan gsum du bzlas te/ rnam pa bcu gnyis su grub par 'gyur te/ lan gsum du bzlas pas lan gsum bsdus pa'i phyir dang / bzlas pa re re la mig la sogs pa skye ba'i phyir ro/ /ji ltar lam chos kyi 'khor lo yin zhe na/ de'i phyir gdul ba'i rgyud la 'jug pa'i phyir zhes smos so/ /ji ltar de bskor ba yin zhe na/ de ni gzhan gyi rgyud la zhes bya ba smos te/gzhan gyi rgyud la ni 'phags pa kauN+Di n+ya'i rgyud la'o/ /mthong ba'i lam bskyed pa'i phyir bskor bar rtsom pas bskor ba zhes bya ste/ dang por bskor ba zhes bya ba'i tha tshig go/ /rtsom pa'i sgra'i dbang gis na mthong ba'i lam chos kyi 'khor lo yin no zhes bya ba grub po//dge sbyong gi tshul gyi 'bras bu'i skabs yin pas yang khams gang du zhes bya ba rgya cher 'byung ba 'di yang dpyad par bya'o/ /'dod par gsum thob ces bya ba ni/ rgyun du zhugs pa dang lan cig phyir 'ong ba dang phyir mi 'ong ba'i 'bras bu rnams so/ /gzhan du ni ma yin no zhes bya ba ni gzugs dang gzugs med pa'i khams dag tu ste/'dod pa'i khams na gnas pa kho nas 'bras bu gsum 'thob pa'i phyir ro/ /'bras bu gnyis ni zhes bya ba ni rgyun du zhugs pa'i 'bras bu dang / lan cig phyir 'ong ba'i 'bras bu'o/ /'dod pa'i khams las 'dod chags dang ma bral bas thob pas gzugs dang gzugs med pa'i khams su skyes pas de gnyis thob par mi rung ste/'dod pa'i khams las 'dod chags dang bral ba'i phyir ro/ /phyir mi 'ong ba'i 'bras bu ni dgra bcom pa nyid bzhin du 'dod pa'i khams la 'dod chags dang bral bas kyang thob ste/'dod pa 'am yang na gong ma las/ /chags bral gsum pa la zhugs pa/ /zhes 'byung ba'i phyir ro/ /de gzugs dang gzugs med pa'i khams dag tu ci'i phyir mi 'dod ce na/ de'i phyir gong na mthong lam med ces bya ba smos te/ 'dod chags dang bral ba sngon du 'gro bas ni mthong ba'i lam gyis phyir mi 'ong ba'i 'bras bu thob pa yin la/mthong ba'i lam khams gong ma la brten pa yod pa ma yin pas der skyes pa dag gis phyir mi 'ong ba'i 'bras bu mi thob po/ /re zhig gzugs med pa'i khams na ni zhes bya ba la/ gzugs med pa dag na ni gzugs med pas bdag med pa ston pa'i sgra med la/gzhan gyi sgra med par yang dag pa'i lta ba skye ba ni yod pa yang ma yin no/ /khams 'og ma la mi dmigs pa'i phyir ro zhes bya ba la/ gzugs med pa'i khams su skyes pa dag 'dod pa'i khams la mi dmigs pa'i phyir la/ 'dod pa na spyod pa'i sdug bsngal ni dang por blta bar bya ba yin pa'i phyir/mthong ba'i lam de la brten par mi rigs so/ /snyoms par 'jug pa'i bden pa la chags pa'i phyir dang zhes bya ba la 'dod pa'i khams na ni/ sdug bsngal gyi tshor ba mang ba'i phyir dang / 'bad pas bde ba rnams kyang tshe thung ba'i phyir dang /nad med pa dang / longs spyod dang / gnyen bshes dang bral ba la sogs pa srid pa'i phyir/ skye ba mang ba yin la/ gzugs med pa'i khams na ni de las bzlog pa'i sgo nas skye ba gzhan pa yin no/ /de nas gnas pa'i so so'i skye bo dag ni snyoms par 'jug pa'i bde ba la chags pa'i phyir dang /tshe shin tu ring ba'i phyir de ltar skyo bar mi 'gyur ro/ /gzugs kyi khams na ni 'phags pa'i lam 'dren par byed pa'i skyo ba med pas mthong ba'i lam yod pa ma yin no/ /mdo las kyang skyon 'dod chags dang bral bar 'gyur ro zhes gsungs so//'dir rtsom zhing der mthar phyin par 'gyur ro zhes bya ba la/ 'phags pa ma yin pa ni 'gas kyang der rtsom par ma gsungs so/ /rtsom pa ni rtsom pa ste/ mya ngan las 'das par 'gro ba'i thabs rtsom zhes bya ba'i tha tshig go/ /dgra bcom pa rnams kyi rab tu dbye ba brjod par 'dod pas 'di skad du zhes bya ba smos te/de nyid kyi phyir ci dgra bcom pa la yang dbye ba yod dam zhes bya ba smos so/ /dgra bcom drug 'dod ces bya ba la/ mdo las mi slob pa dgu bshad pa gang yin pa de dag las yongs su mi nyams pa'i chos can dang / shes rab kyis rnam par grol ba dang /gnyi ga'i cha las rnam par grol ba dag kyang mi g.yo ba'i chos can gyi nang du 'du bas chos mngon pa'i lugs las drug nyid du tha snyad gdags so/ /'di la yongs su nyams pa'i chos kyi rang bzhin yod pas yongs su nyams pa'i chos can no/ /de bzhin du 'di la bdag nyid 'chi bar sems pa'i chos yod pas na 'chi bar sems pa'i chos can no//'di la rnam par grol ba gang la gnas pa de bsrung ba'i chos yod pas na/ rjes su bsrung ba'i chos can no/ /de gzhan du gnas pa la mi bskyod pa ni gong la gnas pa yongs su nyams pa'i rkyen stobs dang ldan pa med par bskyod par mi nus pa ste/yongs su nyams pa med pa'i phyir ro/ /mi g.yo ba'i rnam par grol ba rtogs shing khong du chud de skal ba dang ldan zhing nus pa ni rtogs pa'i skal ba can no/ /dbang po rno ba'i phyir na mi g.yo ba ste/ 'di g.yo bar mi nus pa'i phyir mi g.yo ba'i chos can no//dgra bcom drug po de dag las/ /lnga ni dad pas mos las skyes/ /zhes bya ba las/ drug pa ni shes rab kyis rnam par grol ba las skyes pa yin no zhes bya bar don gyi bshad pa yin no/ /dus dang sbyor ba dang zhes bya ba 'byung ngo / /sems rnam par grol ba ni dus dang sbyor ba spangs pa zhes bya ba la/dus dang sbyor ba ni dus kyi sbyor ba ste/ de skye ba yul dang / gang zag dang / yo byad kyi dus la ltos pa'i phyir ro/ /phangs pa ni mig gcig pa'i mig bzhin du lhur blangs nas rtag tu rjes su bsrung ba'i phyir te/ phangs pa ni rtag tu rjes su bsrung ba yin no//dus la ltos pa yang yin la zhes bya ba la/ dus zhes bya ba ni yo byad la sogs pa la bya'o/ /yang ji ltar de dag rnam par grol dus dang sbyor ba yin zhe na/ de'i phyir 'di dag gis ting nge 'dzin mngon sum du gyur pa ni zhes bya ba smos te/ de'i rten mthu chung ba'i phyir ro//g.yo bar mi nus pa'i phyir zhes bya ba ni/ nyon mongs pa dang nye ba'i nyon mongs pa dag gis te/ de nyid kyi phyir yongs su mi nyams pa'i sgo nas zhes bya ba smos so/ /'dod dgur zhes bya ba ni ting nge 'dzin mngon sum du gyur pa'i phyir te/ de la ni gang rung rung gi tshe gang rung rung du gang rung rung gis ting nge 'dzin mngon sum gyur pa yin no//dus gzhan gyi bar dang gtan du rnam par grol ba'i phyir zhes bya ba ni dus gzhan gyi bar du rnam par grol ba'i phyir na dus kyis rnam par grol ba'o/ /gtan du rnam par grol ba'i phyir dus dang mi sbyor bar rnam par grol ba nyid yin no/ / yongs su nyams pa srid pa dang mi srid pa'i sgo nas zhes bya ba la/ yongs su nyams pa srid pa'i sgo nas dus gzhan gyi bar du rnam par grol ba'i phyir dus kyis rnam par grol ba zhes bya'o/ /yongs su nyams pa mi srid pa'i sgo nas gtan du rnam par grol ba'i phyir dus dang mi sbyor bar rnam par grol ba zhes bya'o//kha cig dang po nas de'i rigs zhes bya ba 'byung ngo / /rigs zhes bya ba 'di ci zhig ce na/ bye brag tu smra ba rnams na re dge ba'i rtsa ba yin te/ de'i bye brag gis 'di bye brag tu 'gyur ro zhes zer ro/ /mdo sde pa rnams na re ni sems kyi sa bon gyi dngos po'i nus pa yin te/ yongs su nyams pa'i chos can ni so so'i skye bo'i gnas skabs na yang sa bon yod pas yongs su nyams pa'i chos can gyi rigs can zhes bya ba la mi slob pa'i gnas skabs su sa bon de'i 'jug pa rnyed pas yongs su nyams pa'i chos can zhes bya'o//'chi bar sems pa'i chos can la sogs pa dag la yang de bzhin du rig par bya'o zhes zer ro//kha cig ni dang po nyid nas 'chi bar sems pa'i chos can gyi rigs can yin la zhes bya ba la yang / ci'i phyir yongs su nyams pa'i chos can la mi dpyad ce na/ gang gi phyir 'og na rigs gzhan med pa de'i phyir de ni sbyangs pa las gyur pa med do//mi g.yo ba'i chos can du 'gyur ba'i bar du yang de dang 'dra bar rig par bya'o zhes bya ba la/ 'chi bar sems pa'i chos can dang po nyid nas de'i rigs can dang dbang po sbyangs pa las gyur pa ni rjes su bsrung ba'i chos can thob nas rim gyis mi g.yo ba'i chos can gyi bar 'thob ste/rjes su bsrung ba'i chos can la sogs pa dag la yang ci rigs par de dang 'dra bar brjod par bya'o/ /de la yongs su nyams pa'i chos can ni yongs su nyams par 'gyur ba'i skal ba dang ldan gyi zhes bya ba de tsam zhig brjod na ni/ 'chi bar sems pa'i chos can la sogs pa la yang thal bar 'gyur te/de dag kyang yongs su nyams par 'gyur ba'i skal ba dang ldan pas yongs su nyams pa'i chos can de dag kho na khongs su 'dus par 'gyur gyi de dag las gzhan lnga pa ma yin pa'i phyir/ 'di ni lnga pa gzhan zhig yin no zhes de dag las khyad par du bya ba'i phyir/'chi bar sems pa la sogs pa'i chos can ma yin pa zhes bya ba smos so/ /'chi bar sems pa'i chos can la sogs pa bzhi po rnams la ni yongs su nyams pa'i chos can nyid yang re re la mtshan nyid khyad par du 'phags pa bstan pas 'chi bar sems pa'i chos can ni 'chi bar sems pa'i skal ba dang ldan gyi rjes su bsrung ba'i chos can nas rtogs pa'i skal ba can gyi bar ma yin pa gang yin pa'o zhes bya ba 'di mi dgos so//ma bsrungs kyang 'bras bu de la gnas pa'i skal ba can yin te/ rjes su bsrung ba'i chos can ni ma bsrungs na nyams pa'i skal ba can yin gyi gnas par mi 'gyur bas de rnam par gcad par bya ba'i phyir nyams par mi 'gyur ba dang zhes bya ba smos so//'phel bar yang mi 'gyur ba'i zhes bya ba ni rtogs pa'i skal ba can thob par mi 'gyur ba'o/ /mngon par brtson pa med na zhes bya ba ni brtson 'grus brtsams pa med na ste/gal te mngon par brtson par byed na ni thob pa'i skal ba can du 'gyur ro/ /nyams par 'gyur ba'i rkyen stobs dang ldan pa med na zhes bya ba la/ yongs su nyams pa'i chos can la sogs pa rnams ni yongs su nyams pa'i rkyen chung ngus kyang yongs su nyams par 'gyur ro zhes bstan pa yin no//yongs su nyams par 'gyur ba'i rkyen rnams ni mdo las ji skad du 'byung ba ste/ ji ltar zhe na/ rkyen lnga dang rgyu lngas dus kyis rnam par grol ba'i dgra bcom pa yongs su nyams par 'gyur ro/ /lnga gang zhe na/ las kyi mtha' la zhugs pa yin/ smra ba la zhugs pa yin/rtsod pa la zhugs pa yin/ ring du rgyu ba'i sbyor ba dang ldan pa yin/ nad kyi rnam pa yun ring pos thebs pa yin zhes pa yin no/ /dang po gnyis zhes bya ba ni yongs su nyams pa'i chos can dang / 'chi bar sems pa'i chos can no/ /sngon zhes bya ba ni so so'i skye bo dang slob pa'i gnas skabs na'o//rgyun du sbyor ba dang gus par sbyor ba med pa yin no/ /gnyi ga la yang gnyi ga med mod kyi/ 'chi bar sems pa'i chos can ni lus la smod pa kun du spyod pa ches mang ba gang gis na/ bdag nyid brlag par sems bskyed pa'am yongs su nyams par dogs pa'am/lus mi gtsang ba'i rdzas du ma tshogs pa'i bdag nyid can gnas pa la dgos pa med par rtogs nas bdag nyid 'chi bar sems pa'am/ srog la ltos pa med pa la brten nas rnam par grol ba thob par byed pa ste/ ji skad du mgrin la mtshon cha'i kha bstan te/ de nas sems rnam par grol lo zhes gsungs pa lta bu'o//gsum pa ni zhes bya ba ni rjes su bsrung ba'i chos can te/ rgyun du sbyor ba yin gyi/ gus par sbyor ba ni ma yin te/ de ni sems kyi rnam par grol ba shin tu rjes su bsrung bar bya bar sems so/ /bzhi pa ni zhes bya ba ni gnas pa las mi bskyod pa'o/ /de ni gus par sbyor ba yin gyi/rgyun du sbyor ba pa ni ma yin te/ de ni rjes su ma bsrungs kyang gnas pa'i skal ba can yin gyi/ yongs su nyams pa'i rkyen stobs chung ba gang rung rung gis nyams par mi 'gyur la/ mngon par brtson pa med na 'phel bar yang mi 'gyur zhing btang snyoms kun du spyod pa mang ba yin no//rtogs pa'i skal ba can dang / mi g.yo ba'i chos can gnyis kyi khyad par ni dbang pos byas pa yin gyi/ sbyor bas byas pa ni ma yin te/ gnyi ga yang rgyun du sbyor ba dang / gus par sbyor ba pa yin pa'i phyir ro/ /de ltar byas na zhes bya ba la gal te yongs su nyams pa'i chos can yang gdon mi za bar yongs su nyams par 'gyur ba ma yin la/rtogs pa'i skal ba can gyi bar du yang rtogs par 'gyur ba ma yin na ni khams gsum char na yang dgra bcom pa drug yod par rung ngo / /gang dag gi gdon mi za bar yongs su nyams par 'gyur ba zhes bya bar rgyas par 'byung ste/de lta ma yin na/ 'di dag gi yongs su nyams pa'i chos can zhes bya ba'i ming phyin ci log yin par 'gyur te/ chos kyi sgra ni rang bzhin rjod par byed pa'o snyam du bsams pa'o/ /de dag gi ltar na 'dod pa'i khams na drug ste/ 'di kho na na yongs su nyams pa dang / 'chi bar sems pa dang /dbang po 'pho ba srid pa'i phyir ro/ /de gnyis na zhes bya ba ni gzugs dang gzugs med pa'i khams dag na'o/ /yongs su nyams pa dang / 'chi bar sems pa dang / dbang po 'pho ba med pa'i phyir ro zhes bya ba la/ de na tshe rabs gzhan nas yongs su 'dris pas dbang po rnams ches yongs su smin pa'i phyir dang /rten khyad par can thob pa'i phyir yongs su nyams pa med la/ yongs su nyams pa med pas na/ yongs su nyams pa'i chos can yang med do/ /yongs su nyams pa med pa nyid kyi phyir/ rjes su bsrung bar bya ba med pas rjes su bsrung ba'i chos can yang med do//'chi bar sems pa'i chos can yang med de/ yongs su nyams pa'i rgyu mtshan skye ba med pa'i phyir dang / 'chi bar sems pa dang mthun pa'i skyo ba med pa'i phyir dang / bdag dang gzhan la gdon pa med pa'i phyir ro/ /dbang po 'pho ba med pas rtogs pa'i skal ba can yang med do//gnas pa las mi bskyod pa dang / mi g.yo ba'i chos can dag ni yongs su nyams pa dang 'chi bar sems pa dang / dbang po 'pho ba la mi ltos pas de na de gnyis kho na yod par thal bar 'gyur ro/ /gal te lnga 'bras bu las nyams pa yin na ni ji ltar gzugs dang gzugs med pa'i khams dag na gnas pa las mi bskyod pa yod par 'grub ce na/gang gi phyir gdon mi za bar yongs su nyams pa med la/ de na yongs su nyams pa'i rkyen stobs dang ldan pa med pas so/ /rang gi rigs las yongs su nyams par mi 'gyur ro zhes bya ba ni yongs su nyams pa'i chos can gyi rigs ni 'chi bar sems pa'i chos can gyi rigs ltar sbyangs pa las gyur pa yod pa ma yin pas de'i phyir yongs su nyams pa med do//lhag ma las ni yongs su nyams te/ sbyangs pa las gyur pa gang yin pa las so/ /rigs dang po las yongs su nyams par mi 'gyur ro zhes bya ba 'di la/rgyu smras pa ni slob pa dang mi slob pa'i lam dag gis brtan por byas pa'i phyir zhes bya ba ste/ chos brtan par bkod pa'i phyir dang brtan pa'i phyir ro zhes bya ba'i tha tshig go/ /slob pa ni zhes bya ba la/ rigs dang po las yongs su nyams par mi 'gyur te zhes bya bar sbyar ro/ /de nyid la rgyu 'jig rten pa dang /'jig rten las 'das pa'i lam dag gis zhes bya ba smos te/ brtan por byas pa'i phyir zhes bya bar sbyar ro/ /gang gis 'bras bu dang po gang yin pa/ /zhes bya ba ni rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu'am/lhag ma las ni yongs su nyams par 'gyur/ /zhes bya ba la/ gang zhig gang gis dang po ma yin pa de las ni nyams par 'gyur ro/ /de nyid kyi phyir rgyun du zhugs pa'i 'bras bu las yongs su nyams pa med do zhes bya ba ni/ gang gi phyir de ni thams cad kyi tshe dang po kho na yin gyi/ gnyis pa'am gsum pa ma yin pas so/ /go rims bzhin du rnam pa lnga dang drug dang bdun yin par rig par bya'o zhes bya ba la rjes su bsrung ba'i chos can ni rnam pa lnga yin te/ so na gnas bzhin du yongs su mya ngan las 'da' ba dang / dbang po 'pho ba dang / yongs su nyams nas slob pa nyid du 'gyur ba dang /yongs su nyams pa'i chos can gyi rigs su slar 'ong ba dang / 'chi bar sems pa'i chos can gyi rigs su slar 'ong ba'o/ /gnas pa las mi bskyod pa ni rnam pa drug yin te/ lnga po de dag nyid dang rjes su bsrung ba'i chos can gyi rigs su slar 'ongs pa'o/ / rtogs pa'i skal ba can ni rnam pa bdun yin te/ drug po de dag nyid dang gnas pa las mi bskyod pa'i rigs su slar 'ongs pa'o/ /gang gi rigs dang po gang yin pa zhes bya ba ni slob pa'i gnas skabs nas brtsams pa dag go/ /de slob par gyur na zhes bya ba ni dgra bcom pa nyid las yongs su nyams pa ste/de kho na la gnas kyi sbyangs pa las gyur pa gzhan la ma yin no zhes bya ba'i tha tshig go/ /yongs su nyams pa'i chos can dbang po sbyangs pas rtogs pa'i skal ba can thob pa de slob par gyur cing rigs de las kyang yongs su nyams na lugs las bzlog pa gnas pa las mi bskyod pa'i rigs nas 'chi bar sems pa'i chos can gyi rigs kyi bar la mi gnas so//'o na ci zhe na/ yongs su nyams pa'i chos can gyi rigs kho na la gnas so/ /de lta ma yin na zhes bya ba ni/ gal te rigs gzhan la gnas par 'gyur na'o/ /rigs khyad par can rnyed pa'i phyir zhes bya ba ni rigs de ni yongs su nyams pa'i rigs las khyad zhugs pa yin pas so//de'i phyir dgra bcom pa nyid las yongs su nyams na dbang po sbyangs pas thob pa las kyang gdon mi za bar yongs su nyams par 'gyur ro/ /ci'i phyir 'bras bu dang po las yongs su nyams pa med ces bya ba ni mthar gyis pa dang / 'dod chags dang ma bral ba dang /'dod pa la 'dod chags dang bral ba rnams la rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dag las yongs su nyams pa med ces bya ba'o/ /mthong bas spang bar bya ba rnams gzhi med pa'i phyir te zhes bya ba ni rten med pa'i phyir te/dngos po ji ltar kun brtags pa la dmigs pa'i phyir zhes bya ba'i don to/ /de dag ni bdag gi gzhi las 'jug pa yin zhes bya ba ni mthong bas spang bar bya ba rnams ni bdag la brten nas zhugs pa yin no/ /ci'i phyir zhe na/ 'jig tshogs la lta ba'i rtsa ba can yin pa'i phyir zhes bya ba smos te/'di ltar mthong bas spang bar bya ba rnams ni bdag tu lta ba'i dbang gis kun du 'byung ste/ 'jig rten na lta ba tha dad par gyur pa gang yin pa de dag ni 'jig tshogs la lta ba'i gzhi can yin te zhes gsungs so/ /bdag de yang med do zhes bya ba ni gzhi med pa'i phyir yongs su nyams pa med do//'o na med pa la dmigs par 'gyur ro zhes bya ba ni bdag gi rdzas med pa'i phyir ro/ /bden pa la dmigs pa'i phyir zhes bya ba ni sdug bsngal la sogs pa'i bden pa dag la rtag pa la sogs par 'dzin pa'i phyir ro/ /phyin ci log tu dmigs pa yin no zhes bya ba ni lus sdug bsngal ba la bdag tu dmigs pa'i phyir ro//de lta ma yin pa'i nyon mongs pa gang zhig yin te zhes bya ba la/ 'dod chags la sogs pa'i nyon mongs pa bsgom pas spang bar bya ba yang mi gtsang ba la sogs pa'i dngos po la/ gtsang ba dang / bde ba dang / rtag pa'i rnam par dmigs pa'i phyir phyin ci log tu dmigs pa yin no//byed pa po ni dge ba dang mi dge ba'i las kyi byed pa po'o/ /tshor ba po ni 'bras bu'i za ba po'o/ /de'i gzhi la zhugs pa yin pas zhes bya ba rgyas par 'byung ba ni/ bdag tu mngon par 'dod pa'i dngos po lta la rtag pa dang chad par rtog pa'i phyir te/de bzhin du gzhan la yang brjod par bya'o/ /'dod chags dang / khong khro dang / nga rgyal zhes bya ba rgyas par 'byung ste/ 'dod chags ni dga' bar 'gyur ba'i rang gi ngo bo gzugs la sogs pa kho na la sgro mi 'dogs par chags pa'i rnam par 'jug pas gzhi dang bcas pa zhes bya ste/ zhe sdang la sogs pa dag la yang de bzhin du brjod par bya'o//mthong bas spang bar bya ba rnams la ni bdag la sogs pa'i mtshan nyid med de zhes bya ba ni/ mthong bas spang bar bya ba rnams la ni bdag dang bdag gi mtshan nyid kyi gzhi so sor nges par cung zad kyang med de/ ji skad du bdag gam bdag gis stong ngo zhes gsungs pa lta bu'o//de bas na gzhi med pa dag ces bya'o zhes bya ba ni gzhi so sor nges pa med ces bya ba'i tha tshig go/ /slob dpon gyis gzhan yang 'phags pa zhes bya ba smos so/ /dran pa nyams pa zhes bya ba la/ dran pa nyams pa ni dran pa nyon mongs pa can no/ /thag pa la sbrul gyi 'du shes bzhin no zhes bya ba ni dper na dran pa nyams pas thag pa la sbrul du 'du shes pa 'byung gi nges par rtog pa las ma yin pa bzhin no//nges par mi rtog pa la ni zhes bya ba ni lta ba rnams nges par rtog pa'i rnam par zhugs pa'i phyir ro/ /dgra bcom pa nyid las kyang yongs su nyams pa med do zhes bya ba ni mthong bas spang bar bya ba spangs pa las yongs su nyams pa med pa 'ba' zhig tu ma zad kyi snyam du bsams pa'o//'di nyid rigs pa yin no zhes bya ba ni slob dpon gzhung 'dzugs par mdzad pa'o/ /'di ji ltar khong du chud par bya zhe na/ dge slong dag 'phags pa'i shes rab kyis spangs pa gang yin pa de ni spangs pa yin no zhes bya ba 'byung ngo //'phags pa ma yin pa'i ni spangs kyang spangs pa ma yin no zhes bstan par 'gyur te/ slar skyes pa'i phyir ro snyam du bsams pa'o/ /dgra bcom pa nyid ni 'jig rten pa'i lam gyis bsdus pa yod pa ma yin te/ 'jig rten pa la srid pa'i rtse mo'i gnyen po med pa'i phyir ro//slob pa la bag yod par bya'o zhes nga smra'o zhes bya ba'i mdo'i tshig 'di ni dgra bcom pa nyid la yongs su nyams pa med do zhes bya ba'i khungs gnyis pa yin no/ /slob pa ni 'jig rten pa'i lam gyis 'bras bu thob pa srid pa'i phyir 'bras bu gnyis las yongs su nyams pa srid cing de'i nyon mongs pa yang lhag ma dang bcas pas bag yod pa gsungs kyi mi slob pa ni nyon mongs pa ma lus pa spangs pa'i phyir dang /'jig rten pa'i lam gyis 'bras bu mi thob pa'i phyir yongs su nyams pa med pas de la bag yod par bya bar ma gsungs so/ /bye brag tu smra ba rnams na re 'di la dgos pa yod de/slob pa ni ci yang med pa'i skye mched kyi bar las 'dod chags dang bral yang slar yongs su nyams pa na gzugs kyi khams su skye bar 'gyur bas de'i phyir bcom ldan 'das kyis de la bag yod par bya ba bka' stsal par gyur to/ /mi slob pa la ni yongs su nyams kyang yang srid pa mngon par 'grub pa'i go skabs med pas bag yod par bya ba ma gsungs so zhes zer ro//'di ni 'chad par 'gyur ba'i rigs pa dang 'gal ba'i phyir dang / the tshom za ba'i phyir khas mi len to/ /slob pa la ni yongs su nyams pa yod de/ 'jig rten pa'i lam gyis thob pa'i phyir dang /lhag ma dang bcas pa'i phyir ro/ /gzhan dag dgra bcom pa la yang bag yod par bya ba mdo gzhan las gsungs te/ rnyed pa dang bkur sti bar chad byed pa yin par bshad pa'i phyir ro snyam du sems pa bsal bar bya ba'i phyir/ kun dga' bo dgra bcom pa la la yang zhes bya ba rgyas par smos te/rnyed pa dang bkur sti ni mthong ba'i chos la bde bar gnas pa kho na la bar chad byed kyi/ dgra bcom pa nyid la ni ma yin pas de bag yod par bya ba med do/ /'dis sems rnam par grol ba mi g.yo ba zhes bya ba rgyas par 'byung ste/ mdo sde las ni dgra bcom pa nyid las yongs su nyams pa med do zhes rang gi sgra kho nas gsungs so zhes bstan to//gal te dus dang sbyor ba pa la yod do zhes bya ba la ci zhe na/ rnam par grol ba las yongs su nyams pa'o/ /sems rnam par grol ba ni rnam pa gnyis te/ dus dang sbyor ba dang mi g.yo ba'o/ /de la mi g.yo ba zhes khyad par du byas pas sems rnam par grol ba dus dang sbyor ba las yongs su nyams so zhes bstan par 'gyur ro//dus su mngon sum du 'gyur ba'i phyir zhes bya ba ni dus 'ga' zhig gi tshe mngon sum du 'gyur ba zhes bya ba'i tha tshig go/ /gzhan dag na re ro myang bar bya ba yin pa'i phyir ro zhes bya ba la ci zhe na/ phangs pa zhes kyang bya'o zhes bya bar sbyar ro/ /dgra bcom pa nyid kyis rnam par grol ba ni zhes bya ba ni dgra bcom pa nyid rnam par grol ba yin pa'o/ /rtag tu rjes su 'brel pa'i phyir zhes bya ba ni de ni thob pa'i tshul gyis rtag tu rjes su 'brel pas dus dang sbyor ba yin par mi rung ste/ 'dus ma byas kyi rnam par grol ba gang yin pa de ni nam yang mngon du 'gyur ba ma yin no//yang don du gnyer bar bya ba ma yin pa'i phyir phangs pa yang ma yin no zhes bya ba ni rtag tu rjes su 'brel pa nyid kyi phyir yang don du gnyer bar bya ba ma yin no/ /gal te 'di dus gzhan du 'brel pa'i phyir dus dang sbyor ba yin la/yongs su nyams pa dag gis yang don du gnyer bar bya ba yin pa'i phyir phangs pa yin no zhe na/ de'i phyir gal te dgra bcom pa nyid las yongs su nyams pa zhes bya ba rgyas par smos so/ /lhag pa'i sems la yod pas na/ lhag pa'i sems las 'byung ba'o/ /dbang nyams pa'i phyir zhes bya ba ni mngon du bya ba mthu med pa'i phyir zhes bya ba'i tha tshig go//de bzhin du 'chi bar sems pa'i chos can la sogs pa la yang sbyar bar bya'o zhes bya ba ni gang zhig ting nge 'dzin nyams pa'i 'jigs pas bdag nyid 'chi bar sems pa de ni 'chi bar sems pa'i chos can no/ / gang zhig yon tan gyi khyad par cung zhig rjes su bsrung ba de ni rjes su bsrung ba'i chos can no/ /gang zhig yon tan de tsam la gnas pa de las ma bsrungs kyang mi g.yo ba de ni gnas pa las mi bskyod pa'o/ /gang zhig yon tan gyi khyad par gong du rtogs par byed pa de ni rtogs pa'i skal ba can te/ / rtogs par byed pa zhes bya ba ni skyed par byed pa zhes bya ba'i don gang yin pa'o/ /yongs su mi nyams pa'i chos can las bzlog ste yongs su nyams par 'gyur ba'i chos can smos pa de ni de dag mdo las 'byung ba'i phyir ro/ /yongs su mi nyams pa'i chos can dang gnas pa las mi bskyod pa dang / /mi g.yo ba'i chos can la khyad par ci yod ces bya ba ni thams cad la yongs su nyams pa med pas 'dri ba'o//yongs su mi nyams pa'i chos can ni sbyangs pa las gyur pa ma yin la/ mi g.yo ba'i chos can ni sbyangs pa las gyur pa yin te zhes bya ba ni dbang po sbyangs pa rjes su thob ces bya ba'i don to//tshe dang ldan pa gnag tshogs can zhes bya ba rgyas par 'byung ba ni gang ste/ bye brag tu smra ba tshe dang ldan pa gnag tshogs can dgra bcom pa nyid las yongs su nyams so zhes de skad du smra na/ de la lan gdab par rtsom pa'o/ /slob par gyur pa zhes bya ba 'byung ngo / /mtshon gyis 'debs par byed la zhes bya ba ni mgrin pa la mtshon gyis 'debs par byed ces bya ba'i tha tshig go//lus dang srog la mi lta ba'i phyir zhes bya ba ni rgyu 'dis na zhes bya ba'i don to/ /ci'i phyir bcu tshan de kho na las zhes bya ba rgyas par 'byung ste/ dgra bcom pa nyid lan gnyis su smos par 'gyur te/mi 'gyur ba nyid do zhes bya ba'i don to/ /yang dgra bcom pa nyid rnam pa gnyis yod pas/ de'i phyir gcig ni bskyed par bya ba yin no zhes tshig gi bye brag tu bshad pa yin te zhes smra na/ dgra bcom pa nyid bskyed par bya ba yin par ni gang du yang ma gsungs so/ /'o na ci zhe na/ mngon sum du bya ba yin no zhes bya ba smos te/ de'i phyir yang sems rnam par grol ba'i dus dang sbyor ba pa dgra bcom pa nyid ma yin no zhes bya bar sems so/ /khas blangs nas kyang brjod par bya ste/ dbang po rtul pos bsdus pa'i dgra bcom pa nyid bskyed par bya ba yin no zhe na/ yang 'dis ci zhig shes par byas shing bstan pa yin/re zhig gal te bskyed par bya ba nus pa yin no zhes bya ba 'di shes par byas pa yin no zhe na ni/ gzhan yang ste dbang po rnon pos bsdus pa'i dgra bcom pa nyid kyang nus so/ /'on te bskyed par 'os pa yin no zhes bya ba 'di shes par byas pa yin no zhe na ni gzhan ches shin tu 'os pa yin te/dbang po rnon pos bsdus pa'i dgra bcom pa nyid gang yin pa'o/ /'o na dus kyis rnam par grol ba'i dgra bcom pa zhes ji skad du bya zhes bya ba ni gal te rnam par grol ba dus dang sbyor ba dgra bcom pa nyid yin na ni/ de lta na de dang ldan pas dus kyis rnam par grol ba'i dgra bcom pa zhes bya ba rung ngo zhes bya bar bsams pa'o//ting nge 'dzin mngon sum du gyur pa dus la ltos pa yin no zhes bya ba ni gang gi phyir de'i ting nge 'dzin zag pa dang bcas pa dang / zag pa med pa ni nad med pa dang / yul la sogs pa'i mtshan nyid kyi dus la ltos so/ /re zhig mdo las dgra bcom pa las yongs su nyams pa med pa ni de lta bu'o//chos mngon pa las kyang dgra bcom pa las yongs su nyams pa med pa yin no zhes bstan pa'i phyir chos mngon pa las kyang zhes bya ba rgyas par 'byung ngo / /gnas gsum gyis zhes bya ba ni rgyu gsum gyis so/ /ma spangs shing zhes bya ba ni de'i thob pa rjes su 'brel pa'i sgo nas so//de spangs pa ni de'i thob pa mi skye ba'i sgo nas so/ /snang bar gyur pa yin zhes bya ba ni yul gyi dngos por gnas pa nyid do/ /de la tshul bzhin ma yin pa zhes bya ba ni nyon mongs pa can zhes bya ba'i don te/ 'dod pa'i 'dod chags dang rjes su mthun pa'i phyir ro//gal te de lta bu ni yongs su tshang ba las skye ba yin no zhes bya ba la/ de lta bu ni nyon mongs pa rgyu yongs su tshang ba las skye ba yin gyi nyon mongs pa rgyu yongs su ma tshang ba ni yul gyi stobs kho na las skye'o snyam du sems na de ni rigs pa ma yin te/ de nyid kyi phyir rgyu yongs su ma tshang bar go gang zhig skye zhes bya ba smos te/rkyen ji snyed cig gis 'bras bu bskyed par grags pa de dag ma tshang na de skyed par mi 'gyur te/ dper na mig dang / gzugs dang / snang ba dang / yid la byed pa ma tshang ba dag gis mig gi rnam par shes pa skyed par byed pa ma yin pa bzhin no/ /de'i phyir dgra bcom pa nyid la yongs su nyams pa med de/nyon mongs pa'i phra rgyas thams cad spangs pa'i phyir ro/ /'di skad du/ sa ni bsregs pa yang dang yang du skye 'gyur zhing / /ljon shing bcad las slar 'dir yal ga skye 'gyur la/ /chu klung rnams ni chu skams gyur nas chu 'brug gi /shes rab ral gris bcad pa'i skyon rnams 'byung mi 'gyur//zhes smras so/ /de lta bu zhes bya ba ni de dang 'dra ba 'am de'i rang bzhin te/ nyon mongs pa'i sa bon dang 'gal ba gang yin pa'o/ /gang gis na nyon mongs pa rnams gtan du mi skye ba'i chos nyid du 'gyur ba zhes bya ba la/ zag pa med pa'i lam gyis gnas gyur pa'i phyir/rang gi rten las nyon mongs pa'i sa bon rtsa ba nas 'don pa yin la sa bon med pas rgyud la des spang bar bya ba'i nyon mongs pa rnams gtan du mi skye ba'i chos nyid 'thob po/ /ji ltar na yang yongs su nyams par 'gyur zhes bya ba la/ sa bon med pa ni 'ga' yang skye bar mi rung la/ nyon mongs pa skye ba med par yang de yongs su nyams pa yod pa ma yin no/ /'on te ma skyes te zhes bya ba ni gang gis nyon mongs pa'i sa bon rtsad nas 'don pa'o/ /de'i sa bon gyi chos nyid ces bya ba ni nyon mongs pa'i sa bon gyi rang bzhin zhes bya ba'i don to/ /sol ba'i phung po lta bu'i lan gdab dgos zhes bya ba la/de las ni dgra bcom pa kho na la sdig pa mi dge ba'i rnam par rtog pa dag skye bar bshad la/ de yang dgra bcom pa nyid las yongs su ma nyams pa la yang mi srid de/ de'i phyir dgra bcom pa nyid las yongs su nyams pa med par smra ba rnams kyis de'i lan gdab dgos so/ / de nyid bstan pa'i phyir gang las zhes bya ba rgyas par 'byung ngo / /slob pa'i dbang du mdzad nas gsungs so snyam pa'i tshig de la lan gdab pa'i phyir yongs su nyams par smra ba de nyid kyis de ni de las dgra bcom pa kho na yin par bstan te zhes bya ba smras so/ /ji ltar zhe na/ yun ring po nas zhes bya ba rgyas par 'byung ngo //yongs su mi nyams par smra ba dag sems dben pa la gzhol ba yin zhes bya ba nas mya ngan las 'das pa la bab pa zhes bya ba'i bar 'di ni slob pa yin no zhes smra bar 'gyur ba'i go skabs 'di yongs su spang ba'i phyir yang yongs su nyams par smra bas gzhan las de ni dgra bcom pa'i stobs yin par yang gsungs la zhes bya bar smras te/mdo las ni yun ring po nas zhes bya ba rgyas par 'byung ngo / /gzhan yang mdo de nyid las bsil bar gyur cing / bsal bar gyur pa zhes gsungs pa'i phyir dgra bcom pa kho na yin par bstan to/ /slob pa'i gnas skabs kyi dbang du mdzad nas de skad du gsungs pa'i phyir nyes pa med do zhes bya ba ni brgya la res 'ga' zhig dran pa nyams pa las sdig pa mi dge ba'i rnam par rtog pa dag skye bar 'gyur ro zhes bya ba'o//gal te de ni de las dgra bcom pa kho na yin par bstan te yun ring po nas sems dben pa la gzhol ba yin zhes bya ba la sogs pa gsungs pa'i phyir ro zhes smras pa ma yin nam zhe na/yun ring po nas zhes bya ba la sogs pa 'di ni dgra bcom pa'i shes par byed pa ma yin te/ dgra bcom pa'i stobs ni phul du byung ba dang ldan pa yin par 'dod la/ slob pa rnams la yang sems dben pa la gzhol ba la sogs pa yod pa yin no//zag pa'i gnas lta bu'i chos ni 'dod pa na spyod pa yin la/ de dag las bsil bar gyur pa'i dbang du mdzad nas zag pa'i gnas lta bu'i chos thams cad las bsil bar gyur cing / bsal bar gyur pa zhes gsungs so/ /ji srid du spyod pa legs par ma rtogs pa zhes bya ba ni bsod snyoms la sogs pa spyod pa'o//de'i phyir slob pa'i gnas skabs kyi dbang du mdzad nas gsungs pa yin no/ /de dag sngon du 'gro ba yin no zhes bya ba ni slob pa'i rigs dag ni so so'i skye bo sngon du 'gro ba yin la/ mi slob pa'i rigs dag ni slob pa sngon du 'gro ba yin no/ / slob pa dang mi slob pa'i gang zag rnams dbang po sbyangs pas rigs 'pho bar bshad la/ de dag kyang mthong ba dang / bsgom pa dang / mi slob pa'i lam la gnas pa thams cad du dbang po 'pho bar thal lo zhe na/ de'i phyir gzhan yang mthong ba la ni 'pho ba med ces bya ba smos so/ /sbyor ba mi srid pa'i phyir zhes bya ba ni myur du 'gro ba'i phyir dang /bya ba gzhan la zhugs pa'i phyir na ldang ba med pa'i phyir ro/ /bya ba gzhan la zhugs pa ni bden pa mngon par rtogs par zhugs pa'i phyir ro/ /la la ni dad pas mos pa'i gnas skabs na'o zhes bya ba ni bsgom pa'i lam na zhes bya ba'i tha tshig go/ /'dir mi slob pa dbang po 'pho ba ni ma bshad de gong du bshad zin pa'i phyir ro//mdo las 'di skad du zhes bya ba rgyas par 'byung ba ni/ kun dga' bo dgra bcom pa la yang rnyed pa dang bkur sti bar chad byed pa yin par nga smra'o zhes bya ba'i mdo de las so/ /mthong ba'i chos la bde bar gnas pa lhag pa'i sems las byung ba ni bsam gtan bzhi'o//dbang po rnon po yin pa'i phyir yongs su nyams pa mi srid do snyam ste 'dri ba ni ji ltar mi g.yo ba'i chos can zhes bya ba rgyas par 'byung ba'o/ /sangs rgyas la ni nye bar spyad pa las yongs su nyams pa kho na mnga'i gzhan thob pa dang ma thob pa las yongs su nyams pa ni mi mnga' ste/gdul bya'i don la zhugs pa na sangs rgyas kyis chos gya nom pa rnams brnyes kyang mngon du mi mdzad do/ /mi g.yo ba'i chos can la de dang zhes bya ba ni nye bar spyad pa las nyams pa ste/ bya ba gzhan la g.yengs pa bsam gtan la sogs pa mngon du mi byed pa'i phyir ro//gang zag khyad par can gyi chos ma thob pa'i phyir ro zhes bya ba ni/ sangs rgyas dang / rang sangs rgyas kyi rgyud la mnga' ba'i yon tan ma thob pa'i phyir ro zhes dgra bcom pa gzhan la ni thob pa las yongs su nyams pa yang yod do zhes bya ba la yang zhes bya ba'i sgra ni ma thob pa dang nye bar spyad pa las yongs su nyams pa yang yod do zhes bya ba'o//thams cad kyi rnam par grol ba zag pa med pa ni mi g.yo ba yin la zhes bya ba la/ 'di ci zhig 'brel zhe na/ sngar yongs su nyams pa smra bas dus dang mi sbyor bar rnam par grol ba'i rnam par grol ba zag pa med pa ni mi g.yo ba'o zhes smras pas so//gal te thams cad kyi rnam par grol ba zag pa med pa mi g.yo ba yin na/ ci'i phyir gcig kho na mi g.yo ba'i chos can du rnam par gzhag ce na/ de'i phyir mi g.yo ba'i chos can du ji ltar rnam par gzhag pa ni de bzhin du bshad zin zhes bya ba smos te/ gang zhig dbang po rno ba'i phyir mthong ba'i chos la bde bar gnas pa dag la yongs su mi nyams pa de ni mi g.yo ba'i chos can du rnam par gzhag go//klan kar mi rung ngo zhes bya ba ni mdo la brten nas ji ltar na mi g.yo ba'i chos can mthong ba'i chos la bde bar gnas pa dag las yongs su nyams par 'gyur zhes gang smras pa'o//ji ltar klan kar mi rung zhe na/ gang gi phyir dgra bcom pa thams cad sems kyi rnam par grol ba mi g.yo ba yin pa de'i phyir mi g.yo ba yin zhing / de las yongs su nyams par mi 'dod kyi bsam gtan dag la ni 'ga' zhig yongs su nyams par 'gyur la/ 'ga' zhig ni ma yin pa de'i phyir 'di ni klan kar mi rung ngo //khams gsum las 'dod chags dang bral ba las yongs su nyams pa dang / nyon mongs pa dang bcas pa'i phyir gdon mi za bar skye la/ tshangs par spyod pa yang yid brtan pa'i gnas su bshad pas/ yang gang zhig dgra bcom pa'i 'bras bu las yongs su nyams na zhes bya ba dris so//de ni med do zhes bya ba ni yang skye ba med pa'o/ /nyon mongs pa dang bcas na ji ltar mi skye zhe na/ 'di ltar 'bras bu las nyams pa 'chi ba med ces bya ba 'byung ste/ yongs su nyams nas yun ring por mi gnas pa'o/ /chung ngu zhes bya ba ni mi gsal ba dang zhan pa zhes bya ba dang don gcig pa'o//de lta ma yin na tshangs par spyod pa yid brtan du mi rung bar 'gyur ro zhes bya ba ni/ gal te dgra bcom pa nyid las yongs su nyams pa yang skye bar 'gyur na/ tshangs spyod 'di la legs spyad cing / /zhes bya ba 'di la yid brtan du mi rung ba 'gyur ro/ /rtsal po che dred pa rdeg mi 'cha' ba bzhin no zhes bya ba ni dper na rtsal po che dred kyang mthus bdag nyid bzung ba'i phyir rdeg 'cha' bar mi 'gyur ba de dang 'dra'o//ji ltar shin tu goms par byas she na/ slob pa dang mi slob pa'i lam dag gis [(]brten [,]brtan [)]por byas pa'i phyir ro zhes bya ba smos te/ gnyi ga la gnas pas snyam du bsams pa'o//mthong bas thos pa re re'o zhes bya ba ni de ni lam gnyi gas brtan por byas pa ma yin pa'i phyir te/ slob pa'i gnas skabs yin pa'i phyir ro/ /sbyor ba'i lam ni thams cad du gcig kho na yin no zhes bya ba ni mi g.yo ba rtogs par bya ba dang / mthong bas thob par byed pa la'o//zag pa dang bcas pa'i lam gyis 'pho ba med do zhes bya ba rgyas par 'byung ba ni dbang po zag pa med pa'i 'pho ba brjod par 'dod pa'i phyir te/ 'phags pa'i lam ni thams cad kyi nang na chung ba yang 'jig rten pa bas ches gsal ba'i phyir ro/ /de'i phyir 'phags pa rnams kyi dbang po ni 'jig rten las 'das pa kho nas 'pho ba yin no//gzhan du ni ma yin te/ yongs su nyams pa mi srid pa'i phyir ro zhes bya ba la/ 'dod pa na spyod pa'i lha'i rigs drug ni ma yin te/ ci'i phyir zhe na/ yul rgya che ba la skyo ba rnams la de la dmigs pa'i yongs su nyams pa mi srid pa'i phyir ro/ /gzhan yang dor ni dbang po rnon pos 'bras bu thob ste/de'i phyir yongs su nyams pa med do/ /'phags pa'i gzugs dang gzugs med par skyes pa dbang po 'pho ba dang yongs su nyams pa dag ni sngar bkag zin to/ /ji skad du zhe na/ dus gzhan gyi bar du yongs su bsgoms pas dbang po rnams ches yongs su smin pa'i phyir dang /rten khyad par can rnyed pa'i phyir ro zhes bya bar ro/ /mi slobs dgu la brten te/ /zhes bya ba ni de'i 'bras bus dgus bsdus pa'i phyir ro/ /slob pa drug la zhes bya ba ni srid pa'i dbang du byas nas bshad de phyir mi 'ong ba'i 'bras bus drug gis bsdus pa'o/ /'bras bu'i lam kho na thob par 'gyur na zhes bya ba ni 'dod pa'i khams la 'dod chags dang bral ba tsam gyis bsdus pa'o//phyir mi 'ong ba'i 'bras bu gzugs med pa'i sas bsdus pa ni yod pa ma yin te de na mthong ba'i lam med pa'i phyir la/ de med pa ni 'dod pa'i khams la mi dmigs pa'i phyir yin no/ / sangs rgyas gnyis ni mi g.yo ba'i bye brag kho na yin te zhes bya ba ni mi g.yo ba'i chos can dbang po chung ngu dang / 'bring dang / chen po'i bye brag gis gsum du dbye ste/ de la 'bring dang chen po ni rang sangs rgyas dang yang dag par rdzogs pa'i sangs rgyas dang gnyis yin no/ /chung ngu'i chung ngu la sogs pa dbang po rnam pa dgu'i bye brag gis zhes bya ba ni yongs su nyams pa'i chos can dbang po chung ngu'i chung ngu yin pas na/bcom ldan 'das dbang po chen po'i chen po yin pa'i bar ro/ /dang po nyid nas zhes bya ba rgyas par 'byung ba ni dang po so so'i skye bo'i gnas skabs nyid na gzhan gyi dring mi 'jog pas/gzhan la dran pa nye bar gzhog pa la sogs pa'i chos thos nas phyis don rnams la sbyor ba'i phyir te/ bsam pa dang bsgom pa brten pa'i phyir ro zhes bya ba'i tha tshig go/ /so so'i skye bo'i gnas skabs nyid na chos kyi rjes su 'brang bas bdag nyid kyis byang chub kyi phyogs dang mthun pa la sogs pa'i chos kyi rjes su 'brang zhing don rnams la sbyor ba'i phyir te/bsam pa dang bsgom pa brten pa'i phyir ro/ /de ltar na sbyor ba las ni dad pa dang chos kyi rjes su 'brang ba dag yin no/ /dad pas mos pa dang / shes rab lhag pa'i sgo nas zhes bya ba ni dad pas mos pa lhag pa dang /shes rab lhag pa'i sgo nas so/ /dad pas mos pa lhag pa'i phyir dad pas mos pa ni dbang po rtul po nyid yin la/ de bzhin du shes rab lhag pa'i phyir mthong bas thob pa ni dbang po rnon po nyid yin te/ de'i dad pa ni shes rab lhag pa can yin no/ /snyoms par 'jug pa las ni lus kyis mngon du byed pa ste zhes bya ba ni/dbang po rtul po dang rnon po 'gog pa'i snyoms par 'jug pa thob pa dag khyad par med par mya ngan las 'das pa dang 'dra ba'i chos lus kyis mngon sum du byed pa'i phyir/ lus kyis mngon sum du byed pa yin pas snyoms par 'jug pa las rnam par gzhag gi dbang po dang sbyor ba las ni ma yin no//rnam par grol ba las ni shes rab kyis rnam par grol ba'o zhes bya ba ni dus kyis rnam par grol ba dang / rnam par grol ba'i dus dang mi sbyor ba ste/ rnam par grol ba tsam la ltos nas shes rab kyis rnam par grol ba rnam par gzhag pa'i phyir ro/ /snyoms par 'jug pa dang rnam par grol ba las ni zhes bya ba la/de ni 'gog pa'i snyoms par 'jug pa thob pa'i phyir rnam par thar pa'i sgrib pa las rnam par grol lo/ /rnam par thar pa'i sgrib pa ni rnam par thar pa'i sgrib pa ste/ de yang gang gis bsam gtan dag skyed par mi nus pa lus dang sems dag las su mi rung ba nyid do//dgra bcom pa'i rnam par grol ba thob pas nyon mongs pa'i sgrib pa'i cha las rnam par grol te de'i phyir snyoms par 'jug pa'i rnam par grol ba las gnyi ga'i cha las rnam par grol ba rnam par gzhag go/ /rdzas su ni de dag rnam pa drug yin te zhes bya ba ni lus kyis mngon du byed pa ni dad pas mos pa dang /mthong bas thob pa gnyis kyi khongs su 'dus pa'i phyir dang / gnyi ga'i cha las rnam par grol ba ni dus kyis rnam par grol ba dang dus dang mi sbyor bar rnam par grol ba gnyis kyi khongs su 'dus pa'i phyir rdzas su ni drug yin no/ /de la dad pas rjes su 'brang ba la dbang po'i sgo nas ni gsum mo zhes bya ba ni dad pa'i rjes su 'brang ba dbang po rtul po yin mod kyi/slar chung ngu dang chen po'i bye brag gis dbye ste/ de dbang po rtul por mtshungs kyang shin tu rtul ba dang ches shin tu rtul ba'i bye brag yod pas so/ /rigs kyi sgo nas ni lnga'o zhes bya ba ni mi g.yo ba'i chos can gyi rigs ma gtogs pa ste/chos rjes su 'brang ba'i skabs su bab pas de ma smos so/ /ji ltar zhe na/ yongs su nyams pa'i chos can gyi rigs nas rtogs pa'i skal ba can gyi rigs zhes bya ba'i bar lnga yin no/ /sngar bshad pa gsum po re re la rigs kyi bye brag yod de/ de ltar na rigs dang dbang po'i sgo nas bco lnga yin no//de bzhin du bco lnga po de dag re re zhing lam gyi sgo nas ni bco lnga bco lnga yin no/ /shes pa bdun la gnas pa'o zhes bya ba ni lam la rjes su shes pa ni bsgom pa'i lam yin pa'i phyir ro/ /de dag nyid lam gyi sgo nas ni re re zhing bco lnga bco lnga yin no/ /'dod chags dang bral ba'i sgo nas re re yang bdun cu rtsa gsum yin no//ji ltar zhe na/ 'dod pa'i khams na 'ching ba mtha' dag dang ldan pa gcig dang / 'dod pa'i khams la rnam pa gcig spangs pa nas rnam pa dgu spangs pa'i bar dang / de bzhin du ci yang med pa'i skye mched kyi rnam pa gcig spangs pa nas rnam pa dgu spangs pa'i bar te/de dag ni 'dod pa'i khams dang / bsam gtan bzhi dang / gzugs med pa gsum na dgu tshan brgyad la bdun cu rtsa gnyis yin la/ 'dod pa'i khams kyi 'ching ba mtha' dag dang ldan pas bsnan na bdun cu rtsa gsum yin no//srid pa'i rtse mo las 'dod chags dang bral ba ni 'dir mi brtsi ste/ mthong ba'i lam gyi snga rol du 'jig rten pa'i lam gyis srid pa'i rtse mo las 'dod chags dang bral ba med pa'i phyir ro/ /yang na phyogs gcig la 'dod chags dang bral ba yin no/ /rten gyi sgo nas ni dgu ste zhes bya ba ni re re zhing ste/rten ni skye ba dang 'chi ba zhes bya ba'i don to/ /ji ltar zhe na/ gling gsum dang zhes bya ba ni byang gi sgra mi snyan ma gtogs pa ste/ de na lam med pa'i phyir ro/ /lha'i ris drug tu skyes pa'o zhes bya ba ni 'dod pa na spyod pa'i lha'i ris drug tu skyes pa ste/de'i gong na mthong ba'i lam med pa'i phyir dad pa'i rjes su 'brang ba med do/ /dbang po dang rigs dang lam dang 'dod chags dang bral ba dang rten gyi sgo nas bsdoms na ni zhes bya ba rgyas par 'byung bas ni de nyid kyi mjug sdud pa'o/ /gang zag gzhan dag kyang ci rigs par de bzhin du brtsi bar bya'o zhes bya ba ni chos kyi rjes su 'brang ba ste/ji ltar dad pas rjes su 'brang ba dbang po dang rigs dang lam dang 'dod chags dang bral ba dang rten gyi sgo nas brtsis pa bzhin du brtsi bar bya'o/ /ci rigs pa zhes bya ba ni chos kyi rjes su 'brang ba dang / mthong bas thob pa dang dus dang mi sbyor bar rnam par grol ba rnams la ni dbang po rnon po yin pa'i phyir rigs kyi khyad par med la dad pas mos pa dang /dus kyis rnam par grol ba dag la ni rigs kyi khyad par yod de/ dbang po rtul po yin pa'i phyir ro/ /shes rab dang ting nge 'dzin gyi stobs dag gis zhes bya ba la/ shes rab kyis ni nyon mongs pa'i sgrib pa las rnam par grol la/ting nge 'dzin gyi stobs kyis ni rnam par thar pa'i sgrib pa las grol lo/ /nyon mongs pa nyid sgrib pa yin pas na/ /nyon mongs pa'i sgrib pa'o/ /rnam par thar pa rnams kyi sgrib pa ni rnam par thar pa rnams kyi sgrib pa'o/ /rnam par thar pa ni brgyad de/gzugs can gzugs rnams la lta ba zhes bya ba de lta bu la sogs pa'o/ /yang rnam par thar pa'i sgrib pa ni gang zhig ce na/ gang gis rnam par thar pa dag bskyed par mi nus pa ste/ lus dang sems las su mi rung ba nyid do/ /'di la gang zhig nyon mongs pa lnga spangs te zhes bya ba ni/kun du sbyor ba tha ma'i cha dang mthun pa lnga'o/ /mi 'phrogs chos ldan zhes bya ba ni yongs su mi nyams pa'i chos can no/ /phyir mi 'ong ba dad pas mos pa lus kyis mngon sum du byed pa ma yin pa ni 'bras bu kho na las so/ /dbang po rtul po yin pa'i phyir dbang po'i sgo nas yongs su rdzogs pa ma yin no//'gog pa'i snyoms par 'jug pa med pa'i phyir snyoms par 'jug pa'i sgo nas kyang ma yin no/ /slob pa'i 'bras bu'i mthar gnas pa'i phyir 'bras bu kho na'i sgo nas ni yongs su rdzogs pa yin no/ /mthong bas thob pa 'dod chags dang ma bral ba na dbang po kho na las so zhes bya ba ni de ni dbang po rnon po yin pa'i phyir dbang po kho na'i sgo nas yongs su rdzogs kyi 'dod chags dang ma bral ba'i phyir snyoms par 'jug pa dang 'bras bu'i sgo nas yongs su rdzogs pa ni ma yin no//phyir mi 'ong ba mthong bas thob pa lus kyis mngon sum du byed pa ma yin pa ni 'bras bu dang dbang po las so zhes bya ba ni de dbang po rnon po yin pa'i phyir dang /slob pa'i 'bras bu'i mthar gnas pa'i phyir dang / dbang po dang 'bras bu'i sgo nas yongs su rdzogs pa yin gyi/ lus kyis mngon sum du ma byas pa'i phyir snyoms par 'jug pa'i sgo nas ni ma yin no/ /dad pas mos pa lus kyis mngon du byed pa ni 'bras bu dang snyoms par 'jug pa las so zhes bya ba ni de dbang po rtul po yin pa'i phyir/dbang po'i sgo nas yongs su rdzogs pa ni med do/ /mthong bas thob pa lus kyis mngon du byed pa ni 'bras bu dang dbang po dang snyoms par 'jug pa las so zhes bya ba ni dbang po rnon po yin pa'i phyir dang /'gog pa'i snyoms par 'jug pa thob pa'i phyir dang / /slob pa'i 'bras bu thams cad thob pa'i phyir ro/ /snyoms par 'jug pa kho na dang snyoms par 'jug pa dbang po las yongs su rdzogs pa nyid ni med do zhes bya ba ni/ gang gi phyir phyir mi 'ong ba'i 'bras bu med par slob pa 'gog pa la snyoms par 'jug pa med do//gang gi phyir 'bras bu med par mi slob pa nyid med pa nyid kyi phyir mi slob pa'i 'bras bus yongs su rdzogs pa ni yongs su rdzogs pa nyid du rnam par ma bzhag go/ /shes rab kyis rnam par grol ba dus dang mi sbyor bar rnam par grol ba ni dbang po kho na las so zhes bya ba ni 'gog pa'i snyoms par 'jug pa med pa'i phyir snyoms par 'jug pa'i sgo nas ni ma yin no//gnyi ga'i cha las rnam par grol ba zhes bya ba rgyas par 'byung ba ni dbang po rtul po yin pa'i phyir dbang po'i sgo nas ni ma yin gyi/ 'gog pa'i snyoms par 'jug pa thob pa'i phyir snyoms par 'jug pa'i sgo nas ni ma yin no/ /gnyi ga'i cha las rnam par grol ba dus dang mi sbyor ba zhes bya ba la sogs pa la dbang po rnon po yin pa'i phyir dang 'gog pa'i snyoms par 'jug pa thob pa'i phyir gnyis kyis yongs su rdzogs pa nyid do//sbyor ba'i lam ni gang gi mjug thogs su bar chad med pa'i lam skye ba'o zhes bya ba ni dper na chos kyi mchog rnams lta bu'o/ /mdor byas pa las go bzlog nas bstan pa ni tshig le'ur byas pa sdeb pa dang mthun par byas pa'i phyir yin no/ /bar chad med pa'i lam ni gang gis sgrib pa rab tu spong ba ste/sdug bsngal la chos shes pa'i bzod pa la sogs pa'o/ /des spang bar bya ba'i sgrib pa las nges par grol ba zhes bya ba la bar chad med pa'i lam des spang bar bya ba'i sgrib pa ni des spang bar bya ba'i sgrib pa'o/ /de las nges par grol ba ni bar chad med pa'i lam gyis spang bar bya ba'i sgrib pa las nges par grol ba'o zhes bya ba'i don gang yin pa'o//de dang po nyid du skye ba gang yin pa'o zhes bya ba la/ dang po ni thog ma ste/ dper na sdug bsngal la sogs pa dag la chos shes pa bzhin no/ /de ni sdug bsngal la chos shes pa'i bzod pas spang bar bya ba'i sgrib pa las nges par grol bar skye'o//gal te dang po nyid du zhes bya ba ma smras par rnam par grol ba'i lam ni des spang bar bya ba'i sgrib pa las nges par grol ba'o zhes 'di tsam zhig smras na ni de lta na sdug bsngal la chos shes pa'i 'og rol gyi bar chad med pa'i lam la sogs pa thams cad des spang bar bya ba'i sgrib pa las nges par grol bar skye bas rnam par grol ba'i lam du 'gyur na/de ni 'dod pa yang ma yin te/ bar chad med pa'i lam la sogs pa dag kyang rnam par grol ba'i lam nyid du thal bar 'gyur ba'i phyir dang khyad par gyi lam med par thal bar 'gyur ba'i phyir ro/ /de'i phyir dang po nyid du skye ba gang yin pa'o zhes bya ba ni/legs par bshad pa yin no/ /khyad par gyi lam ni de dag las gzhan pa'i lam gang yin pa'o zhes bya ba ni sbyor ba dang bar chad med pa dang rnam par grol ba'i lam dag las gzhan pa'o/ /lam la rjes su shes pa ni rgyun chags pa yin te/de'i skad cig ma dang po ma gtogs pa lhag ma ni khyad par gyi lam mo/ /bsgom pa'i lam gyi rnam par grol ba'i shes pa rgyun chags pa gzhan yang de dang 'dra ba brjod par bya ste/ dper na zad pa shes pa la sogs pa dang / de bzhin du dgra bcom pa'i mthong ba'i chos la bde bar gnas pa dang /yon tan khyad par can mngon par sgrub par byed pa'i lam gsum ma gtogs pa gang yin pa lta bu'o/ /gal te gang gi mjug thogs su bar chad med pa'i lam skye ba sbyor ba'i lam yin na/ de lta na chos kyi mchog gi snga rol gyi lam gang yin pa de la/ ji skad du brjod par bya zhe na/ sbyor ba'i lam kho na yin mod kyi/ de ni thag ring ba yin no zhes bya ba 'di ni chos mchog dag las 'di khyad par yin no/ /sgra bye brag tu bshad pa dri ba'i phyir/ ci'i phyir lam zhes bya ba smos so/ /mya ngan las 'das pa'i lam yin no zhes bya ba la/ lam dang shul zhes bya ba ni rnam grangs bstan pa'o//ji ltar 'di mya ngan las 'das pa'i lam yin zhe na/ de'i phyir de nas der 'gro ba'i phyir zhes bya ba smos te/ /lam de nas mya ngan las 'das par 'gro ba'i phyir ro/ /'dis mya ngan las 'das pa tshol ba'i phyir 'di ni zhes bya ba ni mya ngan las 'das pa rjes su tshol zhes bya ba'i don to/ / lam ni tshol ba zhes bya ba'i ngo bo yin no/ /rnam par grol ba dang khyad par can gyi lam dag ji ltar na lam nyid yin zhes bya ba ni de dag nas mya ngan las 'das par 'gro ba ma yin no zhes bya ba'o/ /sbyor ba dang bar chad med pa'i lam dag kho nas nyon mongs pa spang bar nus kyi/ /rnam par grol ba dang khyad par gyi lam dag gis ni ma yin te/nyon mongs pa rnams spangs zin pa'i phyir ro snyam du bsams pa'o/ /de dang 'dra ba dang ches che ba yin pa'i phyir te zhes bya ba la/ de dag ni spangs pa'i lam dang 'dra ba yin te/ rab tu dbye ba dang dmigs pa dang rnam pa 'dra ba'i phyir ro//ches che ba ni rgyu rgyas pa'i phyir ro/ /de'i phyir de dag kyang lam nyid yin no/ /de dag ni gong nas gong du phyin par byed pa'i phyir yang lam nyid yin no/ /de ltar na khyad par gyi lam nyid yin pa nyams par 'gyur te/ de'i gong na lam med pa'i phyir ro zhe na/ de'i phyir phung po'i lhag ma ma lus par 'jug pa'i phyir ro zhes bya ba smos te/gang gi phyir lam du gyur pa de dag nas phung po lhag ma med pa'i dbyings su 'jug pa de'i phyir de gnyis kyang lam yin no/ /mya ngan las 'das pa sgrub par byed pa'i phyir zhes bya ba ni gang gi phyir des mya ngan las 'das pa sgrub par byed ces bya ba'i don to//de bzhin du sla ba yang rnam pa gnyis so zhes bya ba ni mngon par shes pa bul ba sla ba'i lam yang yod/ mngon par shes pa myur ba sla ba'i lam yang yod zhes bya ba'o/ /yang ji ltar de dag rnam par gzhag ce na/ sa dang dbang po'i sgo nas so/ /de nyid bstan pa'i phyir/ bsam gtan dag gi lam rnams sla/ /zhes bya ba la sogs pa smos so/ /yan lag gis yongs su zin pa/ zhi gnas dang lhag mthong mnyam pa dag gis zhes bya ba/ yan lag dag gis yongs su zin pa ni yan lag gis yongs su zin pa'o/ /yan lag gis yongs su zin pa zhi gnas lhag mthong mnyam pa nyid ces tshig rnam par sbyar te/de dag gis 'bad mi dgos par ngang gis 'byung ba'i phyir/ bsam gtan dag gi lam ni lam sla ba yin no/ /bsam gtan dag ni yan lag gis yongs su zin pa dang / zhi gnas dang lhag mthong mnyam pa nyid du gyur pa yin no/ /de'i phyir de'i lam ni 'bad mi dgos par ngang gis 'byung ba yin te/chu la gzings bzhin no/ /de'i phyir de ni lam sla ba yin no/ /bsam gtan gyi dngos gzhi dag las gzhan pa'i zag pa med pa rnams kyi lam gang yin pa de ni 'bad nas 'byung ba'i phyir lam dka' ba yin te/ thang la gzings bzhin no/ /'bad nas 'byung ba ni de na yan lag gis zin pa med pa'i phyir dang zhi gnas dang lhag mthong chung ba'i phyir ro//mi lcogs pa med pa dang bsam gtan khyad par can gyi lam ni zhi gnas chung ngo / /gzugs med pa dag na ni lhag mthong chung ngo / /thams cad ni ting nge 'dzin yan lag gis yongs su zin pa yin no/ / sa dgu'i bye brag gis rnam pa gnyis su phye ba gang yin pa de kho na re re zhing dbang po'i bye brag gis rnam pa gnyis yin te/ de nyid kyi phyir lam de yang rnam pa gnyis te zhes bya ba rgyas par smos so/ /lam 'di la mngon par shes pa bul ba yod pas na mngon par shes pa bul ba'o/ /bul ba zhes bya ba ni chung ba zhes bya ba'i don gang yin pa'o//mngon par shes pa ni shes rab ste/ 'dis mngon du phyogs nas rab tu shes pas na mngon par shes pa'o/ /yang na 'di gang zag mong rtul po yin pas zhes bya ba ni blun po yin pas zhes bya ba'i tha tshig go/ /mong rtul ba yang gang zhig ce na/dbang po rtul po gang yin pa ste/ mngon par shes pa myur ba ni 'di las bzlog pa yin par rig par bya'o/ /dran pa nye bar gzhag pa bzhi ni lus dang tshor ba dang / sems dang chos dran pa nye bar gzhag pa dag go/ /yang dag par spong ba bzhi zhes bya ba ni sdig pa mi dge ba'i chos skyes pa rnams spangs pa'i phyir zhes bya ba dang /ma skyes pa rnams mi skyed pa'i phyir zhes bya ba dang / dge ba'i chos ma skyes pa rnams bskyed pa'i phyir zhes bya ba dang / dge ba'i chos skyes pa rnams gnas pa dang zhes bya ba'o/ /rdzu 'phrul gyi rkang pa bzhi ni 'dun pa dang brtson 'grus dang /sems dang dpyod pa'i ting nge 'dzin dag go/ /dbang po lnga ni dad pa dang brtson 'grus dang dran pa dang ting nge 'dzin dang shes rab kyi dbang po dag go/ /stobs lnga ni dad pa dang brtson 'grus dang dran pa dang ting nge 'dzin dang shes rab kyi stobs dag go/ /byang chub kyi yan lag bdun ni dran pa dang chos rab tu rnam par 'byed pa dang brtson 'grus dang dga' ba dang shin tu sbyangs pa dang /ting nge 'dzin dang btang snyoms yang dag byang chub kyi yan lag dag go/ /'phags pa'i lam yan lag brgyad ni yang dag pa'i lta ba dang / rtog pa dang / ngag dang / las kyi mtha' dang /'tsho ba dang / rtsol ba dang / dran pa dang / ting nge 'dzin to/ /gang zag gi bye brag gis zhes bya ba ni nyan thos dang rang sangs rgyas dang / rdzogs pa'i sangs rgyas te/ de nyid kyi phyir nyan thos kyi byang chub ces bya ba la sogs pa smos so/ /ma rig pa ma lus par spangs pa'i phyir zhes bya ba ni khams gsum pa'i ma rig pa spangs pa'i phyir de gnyi ga byang chub yin no//gzhan yang de gnyis kyis rang gi don zhes bya ba rgyas par 'byung ste/ zad pa shes pas rang gi don byas pa rtogs pa'i phyir ro/ /ji ltar zhe na/ bdag gis sdug bsngal yongs su shes so zhes bya bar rab tu shes so zhes bya ba rgyas par 'byung ba'o//mi skye ba shes pas rang gi don yang byar med pa nyid rtogs pa'i phyir te/ ji ltar zhe na/ yang yongs su shes par byar med do zhes bya ba la sogs pa'o/ /de dang mthun nyid phyir zhes bya ba la de dang mthun pa'i dngos po ni de dang mthun pa nyid yin no//de dang mthun nyid phyir zhes bya ba ni de'i tshogs yin pa'i phyir zhes bya ba'i tha tshig go/ /rdzas su bcu zhes bya ba ni kha cig gi gzhung lugs kyis yin te/ bye brag tu smra ba rnams kyi ltar na bcu gcig yin no zhes 'chad par 'gyur ro/ /tshul khrims zhes bya ba ni yang dag pa'i ngag dang las kyi mtha' dang 'tsho ba'i mtshan nyid kyi yan lag tshul khrims kyi yan lag dag ste/rnam par rig byed kyi rang bzhin khyad par med pas rdzas gcig gi bdag nyid du rnam par gzhag go/ /dran pa nyer gzhag shes rab ste/ /zhes bya ba ni lus la lus kyi rjes su lta zhing zhes bya ba 'byung bas dran pa nye bar gzhag pa dag ni shes rab kyi bdag nyid do//brtson 'grus yang dag 'jog ces bya/ /zhes bya ba ni 'di ltar sdig pa mi dge ba'i chos skyes pa rnams spang ba'i phyir 'dun pa bskyed do/ /rtsol bar byed do/ /brtson 'grus rtsom mo zhes gsungs so/ /rdzu 'phrul rkang pa ting 'dzin to//zhes bya ba ni 'di ltar 'dun pa'i ting nge 'dzin spong ba'i 'du byed dang ldan pa rdzu 'phrul gyi rkang pa sgom par byed do zhes gsungs so/ /de'i phyir de ltar na dran pa nye bar gzhag pa bzhi dang chos rnam par 'byed pa yang dag byang chub kyi yan lag byang chub kyi yan lag gis bsdus pa dang /yang dag pa'i lta ba lam gyi yan lag gis bsdus pa dag ni shes rab kho na yin pas rdzas gcig yin no/ /yang dag par 'jog pa bzhi dang / brtson 'grus yang dag byang chub kyi yan lag byang chub kyi yan lag gis bsdus pa dang / yang dag pa'i rtsol ba lam gyi yan lag gis bsdus pa ni brtson 'grus kho na yin no//rdzu 'phrul gyi rkang pa dang ting nge 'dzin yang dag byang chub kyi yan lag byang chub kyi yan lag gis bsdus pa dang / yang dag pa'i ting nge 'dzin lam gyi yan lag gis bsdus pa ni ting nge 'dzin kho na yin no/ /dran pa yang dag byang chub kyi yan lag dang /yang dag pa'i dran pa ni dran pa kho na yin pas dran pa'i rdzas gcig yin no/ /dbang po dang stobs rnams ming gis smos shing bshad pa de dag ni rdzas lnga yin no/ /dad pa dang / brtson 'grus dang / dran pa dang / ting nge 'dzin dang / shes rab dag gis ma bsdus pa dag ni lhag mar lus pas dga' ba dang shin tu sbyangs pa dang /btang snyoms dang / rtog pa dang / tshul khrims kyi yan lag dag ste/ de ltar na bcu yin no/ /lus dang ngag gi las dag tha dad pa'i phyir zhes bya ba ni ma 'dres pa'i phyir zhes bya ba'i don te/ bye brag tu smra ba rnams na re/ rnam par rig byed ma yin pa'i gzugs su mtshungs par yod kyang de dag la mtshan nyid 'chol ba med de/ 'di ltar srog gcod pa spong ba la sogs pas bsdus pa gsum char yang lus kyi las kho na yin pas rdzas gcig yin la/ brdzun du smra ba spong ba la sogs pas bsdus pa bzhi char yang ngag gi las yin pas rdzas gcig yin no zhes zer ro//gtso bo smos pa zhes bya ba la/ gtso bo ni gang du de'i stobs kyis gzhan dag kyang gnas pa yin gyi/ de dag med pa ni ma yin no/ /dran pa nye bar gzhag pa rnams kyi gtso bo ni shes rab yin pas de'i phyir shes rab smos kyi/ dran pa nye bar gzhag pa shes rab kho na yin par ni ma zad de/ 'o na ci zhe na/ dad pa dang / brtson 'grus dang / ting nge 'dzin dang / dga' ba dang / shin tu sbyangs pa dang / btang snyoms dang / rtog pa la sogs pa dag kyang yin no/ /sbyor ba las byung ba'i yon tan zag pa dang bcas pa dang zag pa med par ci rigs par thos pa dang bsams pa dang bsgoms pa las byung ba thams cad dran pa nye bar gzhag pa yin te/sbyor ba las byung ba smos pa ni skyes nas thob pa'i dad pa la sogs pa dag las khyad par du byed pa'i phyir ro/ /de bzhin du yang dag par 'jog pa dang / rdzu 'phrul gyi rkang pa la sogs pa dag la yang brjod par bya'o//rab tu 'jog pas zhes bya ba ni 'dzin pa dang / res 'ga' 'jug pa dang / res 'ga' nges par 'byed pas zhes bya ba'i tha tshig ste/ dge ba'i chos dang mthun pa dang / mi dge ba'i chos 'jug pa dang 'gal ba dag 'jug par byed do zhes bya ba'i bar du bshad par 'gyur ro//de ni yon tan sbyor ba thams cad kyi rten yin pa'i phyir ro zhes bya ba ni de gzhi yin pa'i phyir ro zhes bya ba'i don to/ /de ltar na rdzu 'phrul ni yon tan 'byor pa yin no zhes bya ba dang / de las byung ba'i phyir rdzu 'phrul gyi rkang pa ting nge 'dzin no zhes bstan par 'gyur te/ yon tan thams cad 'byor pa ni ting nge 'dzin la rag lus pa yin no//gang dag rdzu 'phrul ni ting nge 'dzin kho na yin la/ 'dun pa dang / brtson 'grus dang / sems dang / dpyod pa ni rkang pa yin no zhes zer ba rgol ba de dag gi ltar na 'dun pa dang sems lhag pa'i phyir bcu gcig la 'dun pa dang / sems bsnan nas byang chub kyi phyogs dang mthun pa bcu gsum du 'gyur ro/ /brtson 'grus dang shes rab gnyis ni lhag pa ma yin te/ brtson 'grus yang dag par spong ba dag gi nang du 'dus la/ dpyod pa ni shes rab kyi rang bzhin yin pa'i phyir dran pa nye bar gzhag pa dag gi nang du 'dus so//'dun pa dang sems ni sngar bshad pa'i byang chub kyi phyogs dang mthun pa dag gi nang du bsdu bar mi nus so/ /mdo dang yang 'gal te/ gal te 'dis rdzu 'phrul par byed pas na zhes bya bar rdzu 'phrul ting nge 'dzin kho na yin na'o/ /ji ltar mdo las 'gal zhe na/ dge slong dag khyed la rdzu 'phrul bstan gyis zhes bya ba de las ni ting nge 'dzin gyi 'bras bu la rdzu 'phrul gyi sgrar bshad kyi/ting nge 'dzin nyid la ni ma yin no/ /ji ltar zhe na/ gcig tu gyur nas mang por 'gyur/ /mang por gyur cing gcig tu 'gyur ba dang / snang bar 'gyur ba dang mi snang bar 'gyur ba zhes bya ba la sogs pa'o//'di ltar 'di ni ting nge 'dzin gyi 'bras bu la bya ba kho na yin par rung gi /ting nge 'dzin nyid la ni ma yin no/ /de la rdzu 'phrul ni ting nge 'dzin kho na yin la/ 'dun pa la sogs pa ni rkang pa yin no zhes gang smras pa de ni yod pa ma yin te/ de las dngos po'i byed pa la brten nas rdzu 'phrul gyi 'bras bu la yang rdzu 'phrul gyi sgrar bshad kyi/'dis rdzu 'phrul pas na zhes byed pa'i byed pa la brten nas ni ma yin no/ /chung ngu dang chen po'i bye brag gis zhes bya ba la/ dbang po rnams ni chung ngu'o/ /stobs rnams ni chen po'o/ /rdzi ba dang rdzi ba med pa'i phyir ro zhes bya ba la/ dbang po rnams ni de'i mi mthun pa'i phyogs kun du 'byung bas rdzi ste/de'i mi mthun pa'i phyogs kyis mi brdzi ba'i phyir stobs zhes bya ba'o/ /dbang po rnams kyi go rims ni gter brko ba bzhin no/ /rab tu byed ces bya ba ni rnam par 'joms pa'o/ /las dang po'i gnas skabs su zhes bya ba rgyas par 'byung ste/lus dang / tshor ba dang / sems dang / chos kyi rang bzhin nye bar brtag par bya ba'i phyir ro/ /brtson 'grus yang dag par spel ba'i phyir thob par 'gyur ba dag la ni yang dag par rab tu 'jog pa rnams rnam par phye ste rnam par gzhag go zhes bya ba'i don to/ /ji ltar zhe na/dro bar 'gyur ba dag na khyad par thob par 'gyur te/ dang por nges par 'byed pa'i cha dang mthun pa'i chos thob pa'i phyir ro/ /yongs su nyams par mi 'gyur ba'i dge ba'i rtsa ba la 'jug pa'i phyir rtse mo dag la ni rdzu 'phrul gyi rkang pa rnams so zhes bya ba la/ gang gi phyir rtse mo dag ni yongs su nyams par mi 'gyur ba'i dge ba'i rtsa ba bzod pas bsdus pa rnams la 'jug ste/'di rnams kyi 'jug pas zhes bya ba yin pa'i phyir ro/ /gnas skabs de'i ting nge 'dzin rnams ni rdzu 'phrul gyi rten yin pas rdzu 'phrul gyi rkang pa rnam par gzhag go/ /dbang po thob pa'i phyir bzod pa dag la ni dbang po rnams so zhes bya ba la/ji ltar zhe na/ de'i phyir yongs su nyams par mi 'gyur ba'i sgo nas zhes bya ba smos te/ gang gi phyir gnas skabs de'i dad pa la sogs pa dag las yongs su nyams par mi 'gyur ba de'i phyir bzod pa dag la dbang thob ste/ 'jig rten las 'das pa'i lam 'dren pas dbang byed do//nyon mongs pa rnams kyis mi brdzi ba'i phyir zhes bya ba ni gnas skabs de'i dad pa la sogs pa dag ni nyon mongs pa rnams kyis mi brdzi ba yin te/ de'i phyir stobs rnams zhes bya'o/ /ji ltar mi brdzi zhe na/ de'i mjug thogs su sdug bsngal la chos shes pa'i bzod pa skye ba'i phyir ro//'jig rten pa'i chos gzhan dag gis mi brdzi ba'i phyir zhes bya ba ni yang na 'jig rten pa'i chos gzhan dag gis mi brdzi ba'i phyir/ chos mchog gi gnas skabs na dad pa la sogs pa la stobs rnams zhes bya'o/ /byang chub dang nye ba'i phyir zhes bya ba ni zad pa dang mi skye ba shes pa dang nye ba'i phyir zhes bya ba'i tha tshig go//de ni myur bar 'gro ba'i phyir ro zhes bya ba ni skad cig ma bco lngas khams gsum pa'i sdug bsngal la sogs pa'i bden pa mngon par rtogs pas de myur du 'gro ba nyid de/ gal te bsgom pa'i lam la byang chub kyi yan lag rnams yin na/ci'i phyir lam gyi yan lag dag gi snga rol du bshad ce na/ de'i phyir grangs kyi rim pa bzhin du bya ba'i phyir zhes bya ba smos te/ sngar bdun bshad la phyis ni brgyad bshad do/ /grangs kyi rim pa bzhin zhes bya ba ni ci nas kyang grangs kyi go rims bzhin du bshad par 'gyur bar bya ba'i phyir ro//gzhan dag ni go rims ma nyams pa kho nar zhes bya ba la gong du ni sngar byang chub kyi yan lag dang bsgom pa'i lam bshad la/ phyis lam gyi yan lag dang mthong ba'i lam bshad pas go rims nyams pa yin no/ /yul rnam pa mang po la g.yeng bar 'phro ba zhes bya ba ni/gzugs la sogs pa'i yul rnam pa mang zhing bye brag mang ba ste/ de la g.yeng ba ni rnam par g.yeng ba'o/ /blo 'di dag la yul rnam pa mang po la g.yeng bar 'phro ba'i ngang tshul yod pas na yul rnam pa mang po la g.yeng bar 'phro ba ste de rnams so/ /zhen pa la brten pa zhes bya ba ni/ 'dod pa la brten pa zhes bya ba'i don to//dran pa'i kun du rtog pa rnams zhes bya ba la/ dran pa dang mtshungs par ldan pa'i kun du rtog pa ni dran pa'i kun du rtog pa ste/ yul nyams su myong ba dran pa'i kun du rtog pa zhes bya ba'i don to/ /de'i stobs kyis brtson 'grus yang dag par 'phel bas zhes bya ba ni dran pa nye bar gzhag pa bzhi'i stobs kyis zhes bya ba'i don gang yin pa'o//dgos pa bzhi bsgrub pa'i phyir zhes bya ba ni/ ji skad du/ sdig pa mi dge ba'i chos skyes pa rnams spang ba dang zhes ji skad du gsungs pa lta bu ste snga ma bzhin no/ /de'i 'og tu ting nge 'dzin rnam par sbyor ba'i phyir zhes bya ba la/gang gi phyir yang dag par rab tu 'jog pa dag gi rjes la ro myang ba dang mtshungs par ldan pa'i ting nge 'dzin thag bsrings pas ting nge 'dzin sbyong ngo / /de'i phyir de'i rjes la ting nge 'dzin sbyong ba'i phyir rdzu 'phrul gyi rkang pa rnams rab tu phye'o zhes thams cad du skabs dang sbyar ro/ /'jig rten las 'das pa'i chos rnams kyi bdag por gyur pa zhes bya ba ni de 'dren par byed pa nyid kyi phyir bdag por gyur par rig par bya'o//de dag nyid ces bya ba la dbang po de dag nyid gang gi tshe mi mthun pa'i phyogs las nges par rgyal ba kun du spyod cing / mngon du gyur pa de'i tshe stobs zhes bya ste/ de dag gi mi mthun pa'i phyogs ni ma dad pa la sogs pa'o/ /gnyi ga la ni lam gyi yan lag rnams te zhes bya ba ni mthong ba'i lam dang bsgom pa'i lam la'o/ /'di ltar zhes bya ba ni de nyid khungs rgyas par 'byung ba'o/ /mthong ba'i lam la bsgom pa'i lam yongs su rdzogs par mi 'gyur bas/ji ltar der byang chub kyi yan lag bdun bsgom pa'i lam gyis bsdus pa bsgom pa yongs su rdzogs par 'gyur ba de'i phyir mthong ba'i lam nas bzung nas lam gyi yan lag dag yod do/ /ji skad bshad pa'i dran pa nye bar gzhag pa la sogs pa dag kyang bsgom pa'i lam du yongs su rdzogs par 'gyur gyi/mthong ba'i lam du ni ma yin no/ /mthong ba'i lam du ni lam bsgom pa yongs su rdzogs par mi rung ste/ de'i phyir mthong ba'i lam nas bzung nas lam gyi yan lag dag yod do zhes bya bar shes so/ /de lta yin dang mthong ba dang / bsgom pa'i lam gnyis ka la yang lam gyi yan lag yod par 'gyur ro//yang dge slong zhes bya ba la sogs pa la ci zhe na/ gnyi ga la lam gyi yan lag dag yod do/ /'phags pa'i bden pa bzhi'i tshig bla dgas yin no zhes bya ba 'dis ni mthong ba'i lam bstan to/ /ji ltar rtogs pa'i lam gyis 'jug ces bya ba ni bsgom pa'i lam mo//ji ltar rtogs pa'i lam gyis zhes bya ba ni/ ji ltar thob pa'i lam gyis zhes bya ba'i tha tshig go/ /'jug ces bya ba ni mya ngan las 'das pa'o/ /de lta bas na gnyi ga la 'phags pa'i lam yan lag brgyad pa 'dod par bya dgos so/ /byang chub yan lag lam yan lag /zag pa med ces bya ba la/ zag pa med pa kho na yin gyi/ de dag kho na zag pa med pa ni ma yin te/ gzhan rnam gnyis so zhes 'byung ba'i phyir ro/ /de gnyis bsgom pa dang mthong ba'i lam la rnam par gzhag pa'i phyir la/ srid pa'i rtse mo'i gnyen po yin pas bsgom pa'i lam la byang chub kyi yan lag rnams rnam par gzhag pa'i phyir zag pa med pa nyid do//de nyid kyi phyir thams cad byang chub kyi phyogs dang mthun pa yin bzhin du de dag kho na la byang chub kyi yan lag ces bya ste/ srid pa'i rtse mo'i gnyen po yin pa'i phyir dang / byang chub dang nye ba'i phyir ro//lam gyi yan lag rnams ni mthong ba'i lam la rnam par gzhag ste/ mthong ba'i lam gcig tu zag pa med pa yin pa'i phyir de rnams kyang zag pa med pa nyid do/ /'jig rten pa'i yang dag pa'i lta ba la sogs pa yang yod pa ma yin nam/ zag pa med pa rnams kho na lam gyi yan lag ces bya zhe na/yod pa bden mod kyi de dag ni 'phags pa'i lam zhes bya ba'i sgra mi thob ste/ nyon mongs pa rgyas par 'gyur ba'i phyir de la lam gyi yan lag nyid du thal ba med do/ /byang chub kyi phyogs dang mthun pa gzhan dag ni zag pa dang bcas pa dang zag pa med pa dag yin no/ / zhes bya ba ni dran pa nye bar gzhag pa la sogs pa stobs la thug pa rnams te/ mthong ba dang bsgom pa dang mi slob pa'i lam gyis bsdus pa dag ni zag pa med pa'o/ /dro bar gyur pa la sogs pas bsdus pa dag ni zag pa dang bcas pa'o/ /bsam gtan dang po na thams cad ces bya ba la/de na ni dga' ba yang yod la/ rtog pa dang bcas pa'i phyir yang dag pa'i rtog pa yang yod do/ /nyer bsdogs rnams ni stobs kyis drang dgos pa'i phyir zhes bya ba la/ de la brten nas sa 'og ma las 'dod chags dang bral bar 'gyur ba'i phyir na/ nyer bsdogs rnams brtson 'grus chen pos mngon du byed la bde blag tu thob pa'i sems ni dga' bar 'gyur ba yin te/de'i phyir de rnams na dga' ba med do/ /gzhan yang sa 'og ma'i dogs pa bcas pa'i phyir ro zhes bya ba ni yongs su nyams par dogs pa dang bcas zhes bya ba'i tha tshig ste/ de'i phyir yang de rnams na dga' ba med do//bsam gtan gnyis pa na ni rtog pa med pa'i phyir yang dag pa'i rtog pa med do/ /bsam gtan gsum pa dang bzhi pa dag na ni dga' ba dang rtog pa ma gtogs pa zhes bya ba la/ de'i dga' ba'i 'dod chags dang bral bas zhes 'byung ba'i phyir dga' ba yang dag byang chub kyi yan lag med la rtog pa med pa'i phyir yang dag pa'i rtog pa yang med do//bsam gtan bar na yang / de gnyis nyid ma gtogs pa zhes bya ba ni dga' ba yang dag pa'i rtog pa gnyis ma gtogs te/ de na de dag med pa'i phyir ro/ /de gnyis na zag pa med pa'i lam med pa'i phyir zhes bya ba la/ 'dod pa'i khams dang srid pa'i rtse mo dag na ni go rims bzhin du mnyam par ma bzhag pa'i phyir dang /mi gsal ba'i phyir zag pa med pa'i lam med do/ /gzhan dag na re srid pa'i rtsa ba yin pa'i phyir de dag na zag pa med pa'i lam med do zhes zer ro/ /tshul khrims nyid rab tu dang ba yin pa ni tshul khrims dang ba ste/de yang zag pa med pa'i tshul khrims so/ /chos la shes nas dad pa zhes bya ba ni khong du chud nas dad pa'o/ /sangs rgyas dang chos la'ang de dang 'dra bar khong du chud par bya'o/ /sdug bsngal dang kun 'byung dang 'gog pa mngon par rtogs na zhes bya ba rgyas par 'byung ngo //chos gang las she na/ sdug bsngal la sogs pa de dag kho na la'o/ /ji ltar zhe na/ 'di dag ni sdug bsngal la sogs pa tsam zhig tu zad kyi/ 'di na sems can med do snyam du yid ches pa gang yin pa de ni chos la shes nas dad pa'o/ /'phags pa dgyes pa'i tshul khrims ni yang dag pa'i ngag dang /las kyi mtha' dang 'tsho ba'i bdag nyid can te/ shes nas dad pa 'thob bo/ /dge ba la sogs pa chos mang du bshad la/ skyabs su 'gro ba dag tu ni/ mya ngan las 'das pa kho na chos su bshad pa the tshom zos pas/ 'dir gang la chos su dgongs pa yin zhes dris so//chos bden gsum dang zhes bya ba la sogs pa la/ 'dir shes nas dad pa rnams ni sangs rgyas kyi rang bzhin yin pa nyid kyis yid ches pa'i bdag nyid yin pa'i phyir sdug bsngal la sogs pa'i chos gang dag yid ches pa sdug bsngal dang kun 'byung dang 'gog pa dag kho nas chos yin par shes par bya'o//rang sangs rgyas dang byang chub sems pa'i lam yin no zhes bya ba la/ ci'i phyir sangs rgyas dang / dge 'dun gyi lam gyi chos su ma bshad ce na/ gang gi phyir sangs rgyas dang dge 'dun gyi lam gyi ngo bor rnam par gzhag pa de'i phyir de dag la shes nas dad pa dag ni sangs rgyas dang dge 'dun la shes nas dad pa yin gyi chos la dad pa ni ma yin no//de'i phyir bden pa bzhi char yang mngon par rtogs na chos la shes nas dad pa 'thob bo zhes bya ba ni gang gi phyir bden pa gsum dang lam gyi bden pa'i phyogs gcig ji skad du bshad pa chos yin pa'i phyir ro//dad pa'i gzhi'i bye brag gis zhes bya ba la/ dad pa'i dmigs pa la sogs pa dmigs pa'i bye brag gis dad pa rnam pa gsum du rnam par gzhag nas tshul khrims shes nas dad pa dang bcas te bzhi yin no/ /bden pa rnams yang dag pa ji lta ba bzhin rtogs nas yid ches pa ni shes nas dad pa yin no zhes bya ba ni/shes rab kyis ni yang dag pa ji lta ba bzhin rtogs pa yin la/ dad pas ni yid ches pa yin no/ /mdo las/ sangs rgyas dang / chos dang / dge 'dun la shes nas dad pa dang / 'phags pa dgyes pa'i tshul khrims dag ces rim pa de ltar 'byung ba ma yin nam/ji ltar chos mngon pa las go rims bzlog ce na de'i phyir langs nas ji ltar zhes bya ba rgyas par 'byung ngo / /yang ci'i phyir langs pa 'di ji ltar mngon sum du byed ce na/ de'i phyir sman pa dang smin dang nad g.yog lta bur gyur pa'i phyir ro zhes bya ba smos te/nad pa nad dang bral ba ni sman pa las mthong ba nyid dang / bstan bcos shes pa nyid dang sman nges par sbyor bar shes nas dang por sman pa la dad do/ /de'i 'og tu ni sman la dad la/ de nas nad g.yog la dad pa de bzhin du/ 'dir yang bcom ldan 'das ni sman pa lta bur gyur pa yin te/mdo las sman pa zug rngu 'byin pa bla na med pa zhes 'byung ba'i phyir ro/ /chos ni sman yin te/ chos ni ston par byed pa yin pa'i phyir dang / nyon mongs pa'i nad sel bas nad med pa thob par byed pa'i phyir/ sman lta bur gyur pa yin no/ /dge 'dun ni nad g.yog lta bur gyur pa yin te/mya ngan las 'das pa'i nad med pa thob par bya ba'i phyir 'doms pa dang rjes su ston pas phan tshun rim gro byed pa'i phyir ro/ /sems dang bas byas pa'i phyir zhes bya ba la/ sems rab tu dang ba ni sangs rgyas la sogs pa dag la'o/ /tshul khrims rab tu dang ba yang des byas pa yin no zhes bstan pa'i phyir/tha ma bzhi par bshad cing mthar bstan to/ /'di ni de ltar rab tu dang bar gyur pa'i sgrub pa zhes bya ba la/ gzhan dag ni rab tu zhugs pa zhes 'don te/ de ltar rab tu zhugs par gyur pa'i zhes bya bar ro/ /bcom ldan 'das ni yang dag par rdzogs pa'i sangs rgyas yin no//de'i chos 'dul ba ni legs par gsungs pa yin no/ /de'i nyan thos kyi dge 'dun ni legs par zhugs pa yin no zhes bya ba'i sgrub pa de ni 'phags pa dgyes pa'i tshul khrims dag yin no/ /yang na nad med pa lta bur gyur pa yin pa'i phyir ro zhes bya ba la/ ci zhe na/ sman pa dang sman dang nad g.yog dang nad med pa'i go rims dang mthun par tshul khrims rab tu dang ba tha mar bshad pa yin no/ /yang ston par byed pa dang / lam dang lam grogs dang bzhon pa lta bu yin no zhes bya ba la ci zhe na/ de dag gi go rims yin no/ /bcom ldan 'das ni ston par byed pa lta bu yin no//chos ni lam lta bu yin no/ /dge 'dun ni lam grogs lta bu yin no/ /'phags pa dgyes pa'i tshul khrims dag ni bzhon pa lta bu yin te/ tshul khrims rten du gyur pa'i phyir de la brten pa 'khor ba las nges par 'byung bas tha mar bzhi par bshad do/ /'phags pa dgyes pa zhes bya ba'i don gang zhig yin ce na/'phags pa bzhed cing mnyes zhes bya ba'i don gang yin pa'o/ /slob pa ni yan lag brgyad dang ldan no zhes bya ba rgyas par 'byung ba ni mdo las slob pa'i yang dag pa'i lta ba nas slob pa'i yang dag pa'i ting nge 'dzin gyi bar yan lag brgyad dang ldan no zhes gsungs so/ / mi slob pa ni yan lag bcu dang ldan te/ mi slob pa'i yang dag pa'i lta ba nas mi slob pa'i rnam par grol ba dang / mi slob pa'i yang dag pa'i shes pa'i bar dang ldan no/ /ci'i phyir slob pa la zhes bya ba la sogs pa ni gang slob pa dang mi slob pa dag yang dag pa'i rnam par grol ba dang rnam par grol ba'i shes pa dang mtshungs par ldan par mtshungs bzhin du/mi slob pa kho na de dag dang ldan par bshad la/ mi slob pa ma yin pa 'di la rgyu ci zhig yod ces bya ba'o/ /de'i phyir/ bcings phyir slob pa'i yan lag tu/ / rnam grol ma bshad ces bya ba smos so/ /gal te slob pa yang mthong bas spang bar bya ba dang / bsgom pas spang bar bya ba'i nyon mongs pa kha cig las rnam par grol ba ma yin nam zhe na/ de'i phyir 'ching ba'i phyogs gcig las grol bas ni grol ba zhes mi bya'o zhes bya ba smos te/de'i phyir rnam par grol ba ni rnam par grol ba'i bdag rnam par grol lo snyam pa'i shes pa yin pas de 'di la med do/ /rnam par grol ba de dang so so rang gi shes pa dag gis zhes bya ba la/ rnam par grol ba so so rang gi shes pa ni de so so rang gi shes pa'o//rnam par grol ba dang de so so rang gi shes pa ni rnam par grol ba dang de so so rang gi shes pa dag ste/ rnam par grol ba dang de so so rang gi shes pa dag gis so/ /rab tu phye ba yin no zhes bya ba ni rnam par gzhag pa yin zhes bya ba'i tha tshig go/ / de kho na la de smos pa rigs pa dang ldan pa yin no zhes bya ba la/ de kho na la zhes bya ba na mi slob pa la'o/ /de smos pa zhes bya ba ni yang dag pa'i rnam par grol ba smos pa dang / yang dag pa'i shes pa smos pa'o/ /rigs dang ldan pa ni rigs pa las ma 'das pa'o//mi slob pa'i yan lag tu bshad de zhes bya ba ni mi slob pa'i yan lag tu bstan pa'o/ /yan lag rnams ni 'dus byas yin pa'i phyir ro zhes bya ba ni/ de las gzhan pa dgu ji ltar yin pa de bzhin du/ yang dag pa'i rnam par grol ba yang yin no/ /sems rnam par grol ba dang shes rab rnam par grol ba zhes bya ba la/'dod chags las chags pa dang bral ba'i phyir sems rnam par grol ba'o/ /ma rig pa las chags pa dang bral ba'i phyir shes rab rnam par grol ba'o/ /de'i phyir de ltar spang bar bya ba rnam pa gnyis yod pa las rnam pa gnyis su bstan to//de nyid rnam par grol ba'i phung po yin par yang blta'o zhes bya ba la/ de nyid ces bya ba ni mi slob pa'i mos pa'o/ /'dus ma byas ni phung po'i don du mi rung ba'i phyir/ 'dus ma byas rnam par grol ba'i phung po ma yin no/ / 'o na gang mdo las/ rnam par grol ba'i phung po ni mos pa las gzhan yin pa nyid du gsungs pa de'i phyir/ ji ltar bye brag tu smra ba dag gis mos pa kho na rnam par grol ba'i phung por brjod/ mdo de nyid ston pa ni stag gi byang chub kyi bu dag rnam par grol ba yongs su dag pa gtso bo gang yin zhe na zhes bya ba la sogs pa nas 'dun pa dang /brtson 'grus dang / rtsol ba dang / nges par 'byung ba dang / pha rol gnon pa zhes bya ba'i bar du rgyas par 'byung ba'o/ /stag gi byang chub kyi bu dag ces mang po'i tshig smos pa ni de dag mang ba'i phyir ro//gang gi phyir mdo 'di las tshul khrims dang / ting nge 'dzin dang / lta ba dang / rnam par grol ba yongs su dag pa gtso bo dag bstan pa yin no/ /rnam par grol ba gtso bo yongs su dag pa zhes bya ba ni rnam par grol ba yongs su dag pa ni/ rnam par grol ba yongs su dag pa ste/de'i gtso bo ni brtson 'grus yin no/ /de ltar na 'dir rnam par grol ba dang / yongs su dag pa dang / gtso bo zhes bya ba dri ba gsum mo/ /de'i phyir rnam par grol ba ni mos pa kho na yin par ma zad do/ /'o na ci zhe na/ de kho na shes pas zhes bya ba rgyas par 'byung ngo //sems dri ma med pa nyid ni zag pa med pa nyid dang don gzhan ma yin par gyur pa mar gyi nying khu dang ba lta bu yin no/ /yang dag pa'i lta ba las tha dad pa'i shes pa mi slob pa'i yan lag nyid du rnam par gzhag pas yang dag pa'i shes pa gang zhig ce na zhes bya ba dri ba rgyas par 'byung ngo //mi slob sems ni skye 'gyur ba/ /zhes bya ba 'byung ngo / /ma 'ongs pa dang skye bar 'gyur ba la tha dad ci zhig yod/ skye bar 'gyur ba smos pa kho nas rtogs pa'i phyir ro zhe na ma yin te/ dri ba dang mthun par lan 'debs pa'i phyir/ci 'das pa 'am zhes bya ba la sogs pa'i dri ba dang rjes su mthun par ma 'ongs pa zhes brjod do/ /de yang skye bzhin pa dang skye bzhin pa ma yin pa yang yod pas de'i phyir skye bar 'gyur ba zhes bya ba smos so/ /sems smos pa ni gtso bo yin pa'i phyir te/sems kho nar ma zad kyi sems las byung ba rnams kyang rnam par grol bar 'gyur ro/ /yang na de dpe tsam zhig [(]du [,]tu [)]zad do/ /'o na skye bar 'gyur ba ma yin pa zhes bya ba ni rdo rje lta bu'i mjug thogs su skye bar 'gyur ba ma yin pa dang 'jig rten pa de ji ltar grol bar 'gyur zhe na/de dag kyang grol bar 'gyur te/ skye ba'i sgrib pa mtshungs pa'i phyir ro/ /skye bar nges pa gang yin pa de kho na bshad do zhes bya ba ni/ bstan bcos las ma 'ongs pa skye ba la mngon du phyogs pa gang yin pa de kho na rnam par grol bar 'gyur zhes bshad do//de rnam par grol ba ni brtag sla ba'i phyir ro/ /gang las 'jig rten pa rnam par grol bar 'gyur zhe na zhes bya ba 'byung ngo / /skye ba'i sgrib pa de nyid las so zhes bya ba ni/ nyon mongs pa'i sgrib pa de nyid las te/ de skye ba'i gegs yin pa'i phyir ro/ / de ni de dang mi 'dra'o zhes bya ba rgyas par 'byung ste/ 'di skad du ma grol ba la dge ba gang yin pa de ni nyon mongs pa'i thob pa dang mi 'gal te/ rgyud de dang mthun pa'i phyir ro/ /mi slob pa'i rgyud ni nyon mongs pa'i thob pa ma lus pa dang bral bas/ de'i rgyud las skye ba'i dge ba ni nyon mongs pa'i thob pa dang lhan cig mi skye ste/de'i phyir mi slob pa'i rgyud la skyes pa ni/ 'jig rten pa yin yang nyon mongs pa'i thob pa de nyid las rnam par grol bar bstan par 'gyur ro/ /'gag par 'gyur ba ni da ltar ba'o/ /da ltar ba ni rga ba dang / mi rtag pa'i byed pa la ltos nas 'gag par 'gyur ba zhes bya ste/'gog pa la mngon du phyogs pa'i phyir ro/ /ni zhes bya ba'i sgra ni 'gag par 'gyur ba kho nas zhes nges par gzung bar bya ba'i phyir te/ gal te 'gag par 'gyur ba'i lam gyis de'i sgrib pa mi spong na ni ji ltar skye bzhin pa rnam par grol bzhin pa dang de ma thag tu rnam par grol bar 'gyur/rnam par grol ba 'dus ma byas su bshad pa gang yin pa zhes bya ba ni nyon mongs pa bcom pa 'dus ma byas zhes bya ba'o/ /khams gsum po 'byung ba zhes bya ba la/ gang nas 'byung zhe na/ mdo dag las so/ / de nyid ston pa ni spangs pa'i khams dang zhes bya ba rgyas par 'byung ba'o/ /'dus ma byas nyid khams zhes bya/ /zhes bya ba ni 'dus ma byas dang / khams gsum la khyad par 'ga' yang med do/ /gang gi phyir 'dus ma byas kyi rnam par grol ba de nyid khams gsum yin te/ de nyid bstan pa'i phyir/de la/ 'dod chags kun zad 'dod chags bral/ /zhes bya ba smos te/ khams gsum gyi 'dod chags spangs pa ni 'dod chags dang bral ba'i khams so/ /'dod chags las gzhan pa zhes bya ba la/ 'dod chags ma gtogs pa'i nyon mongs pa khams gsum pa thams cad spangs pa ni spangs pa'i khams yin no//nyon mongs pa ma gtogs pa zhes bya ba la/ kun du sbyor bar 'gyur ba'i gzhi khams gsum pa thams cad spangs pa ni 'gog pa'i khams yin no/ /dngos po gang gis yid byung bar gyur pa zhes bya ba ni lam gang gis zhes bya bar bsams pa'o//sdug bsngal dang kun 'byung la bzod pa dang shes pa rnams kho nas yid 'byung bar 'gyur te/ yid 'byung ba'i dngos po la dmigs pa'i phyir ro/ /gzhan dag gis ni ma yin no zhes bya ba ni/ 'gog pa dang lam la bzod pa dang shes pa dag gis ma yin te/ mchog tu dga' ba'i dngos po la dmigs pa'i phyir ro//gang gis spong 'gyur ba/ kun gyi 'dod chags bral bar 'gyur/ /zhes bya ba ni/ gang gis nyon mongs pa spong bar 'gyur ba sdug bsngal dang / kun 'byung dang 'gog pa dang / lam la bzod pa dang shes pa thams cad kyis so/ /de lta na ni mu bzhi srid pa zhes bya ba la/ ji ltar zhe na/ yid 'byung bar 'gyur la 'dod chags dang bral ba ma yin par 'gyur ba yang yod do/ /'dod chags dang bral bar 'gyur la/ yid 'byung bar mi 'gyur ba yang yod/ gnyi ga yin pa yang yod/ gnyi ga ma yin pa yang yod ces bya'o/ /sdug bsngal dang kun 'byung la bzod pa dang shes pa rnams kyis nyon mongs pa dag mi spong na yid 'byung ba kho na yin te zhes bya ba ni/'dod chags dang bral ba zhig nges par las 'jug na sdug bsngal dang kun 'byung la chos shes pa dang bzod pa rnams kyis nyon mongs pa dag mi spong ste/ sngar spangs zin pa'i phyir ro/ /yid 'byung ba'i dngos po la dmigs pa'i phyir yid 'byung bar ni 'gyur ba kho na'o//'gog pa dang lam la bzod pa dang shes pa rnams kyis nyon mongs pa dag spong na/ 'dod chags dang bral ba dag kho na yin gyi skyo bar 'gyur ba ni ma yin te/ mchog tu dga' ba'i dngos po la dmigs pa'i phyir ro/ /snga ma rnams kyis nyon mongs pa dag spong na gnyi ga yin no zhes bya ba ni snga ma ste sdug bsngal dang kun 'byung ba la bzod pa dang shes pa rnams kyis so//ji ltar zhe na/ yid 'byung ba'i dngos po la dmigs pa'i phyir yid 'byung ba yin la/ nyon mongs pa dag spong ba na 'dod chags dang bral ba yin no/ /phyi ma rnams kyis nyon mongs pa dag mi spong na gnyi ga ma yin no zhes bya ba ni phyi ma ste/'gog pa dang lam la bzod pa dang shes pa rnams kyis so/ /'dod pa las 'dod chags dang bral ba nges pa la 'jug na 'gog pa dang lam la chos shes pa dang bzod pa rnams kyis yid 'byung bar mi 'gyur te/ mchog tu dga' ba'i dngos po la dmigs pa'i phyir ro/ / 'dod chags dang bral bar mi 'gyur te sngar spangs zin pa'i phyir ro/ /ji ltar sdug bsngal gyi bden pa la sogs pa la bzod pa dang shes pa rnams kyis mthong bas spang bar bya ba'i nyon mongs pa dag mi spong zhe na/ de'i phyir de la zhes bya ba la sogs pa smos so/ /yang na mu dang po dang bzhi pa'i nyon mongs pa mtha' dag mi spong na zhes bstan pa gang zhig gang dag gis nyon mongs pa dag mi spong zhe na/de la 'dod chags dang bral ba zhig ces bya ba rgyas par 'byung ste/ de la zhes bya ba ni don nye bar dgod pa'i phyir ro/ /'dod pa'i khams nas ci yang med pa'i skye mched kyi bar las kyang rung /'dod chags dang bral ba zhig bden pa rnams lta ba mngon par rtogs par byed na/ chos shes pa dang bzod pa rnams kyis te/ chos shes pa rnams dang chos la bzod pa rnams kyis nyon mongs pa dag mi spong ste/ 'jig rten pa'i lam gyis sngar spangs zin pa'i phyir ro//de'i tshe bral ba'i thob pa zag pa med pa skye ba 'ba' zhig tu zad do/ /rjes su shes pa dang bzod pa dag gis ni gdon mi za bar nyon mongs pa dag spong ste/ 'jig rten pa'i lam gyis srid pa'i rtse mo las 'dod chags dang bral ba med do/ /shes pa rnams kyis ni zhes bya ba rgyas par 'byung ste/bsgom pa'i lam la sbyor ba dang / rnam par grol ba dang / khyad par can gyi lam gyis bsdus pa sdug bsngal dang kun 'byung la chos shes pa rnams kyis yid 'byung bar 'gyur gyi/ 'dod chags dang bral bar ni mi 'gyur te/ gnyen po ma yin pa'i phyir ro//bar chad med pa'i lam ma gtogs pa sbyor ba'i lam la sogs pa 'gog pa dang lam gyi yul can de dag ni gnyi ga ma yin no/ /'dod chags dang ma bral ba bsgom pa'i lam la bar chad med pa'i lam sdug bsngal dang kun 'byung la chos shes pa rnams kyis nyon mongs pa dag spong na yid 'byung bar yang 'gyur la/'dod chags dang bral bar yang 'gyur ro/ /'dod chags dang bral ba na bar chad med pa'i lam sdug bsngal dang kun 'byung la dmigs pas yid 'byung ba kho nar 'gyur ro/ /'dod chags dang ma bral ba 'gog pa dang / lam la dmigs pas 'dod chags dang bral ba kho nar 'gyur la/'dod chags dang bral ba ni gnyi ga ma yin no/ /slob dpon gang ba spel bas mdzad pa chos mngon pa mdzod kyi 'grel bshad mtshan nyid kyi rjes su 'brang ba zhes bya ba las/ lam dang gang zag bstan pa zhes bya ba mdzod kyi gnas drug pa'i 'grel bshad do//gang zag rnams kyi bye brag gi rnam pa du mar rnam par gzhag pa byas zin to/ /lam gyi bye brag gi sgo nas gang zag rnams rnam pa du mar rnam par gzhag pa byas zin to// // lam gyi bye brag der bzod pa rnams zhes kyang 'byung / shes pa rnams zhes kyang 'byung / yang dag pa'i lta ba zhes kyang 'byung / yang dag pa'i shes pa zhes kyang 'byung ngo / /de la sdug bsngal la chos shes pa'i bzod pa nas lam la rjes su shes pa'i bzod pa'i bar bzod pa brgyad bshad la/sdug bsngal la chos shes pa nas lam la rjes su shes pa'i bar shes pa brgyad bshad do/ /de bzhin du mi slob pa'i yang dag pa'i lta ba dang / zad pa shes pa dang / mi skye ba shes pa yang bshad cing / de bzhin du gang zag gcig la yang dag pa'i lta ba dang / yang dag pa'i shes pa yan lag tu bshad do//yang na bstan bcos dang 'brel bar brjod pa ste/ bstan bcos las bzod pa rnams zhes kyang 'byung / shes pa rnams zhes kyang 'byung / yang dag pa'i lta ba zhes kyang 'byung / yang dag pa'i shes pa zhes kyang 'byung la/ 'di bstan bcos mdor bsdus par rnam par bshad pa yin pas/de'i phyir ci bzod pa dag yin la shes pa ma yin nam/ yang dag pa'i shes pa yin la yang dag pa'i lta ba ma yin nam zhes bya ba 'di dpyad de/ 'di skad du gang la bzod pa brgyad dang shes pa brgyad dang yang dag pa'i lta ba dang / yang dag pa'i shes pa zhes de ltar bye brag tu ston par byed pa ci shes rab 'ga' zhig bzod pa kho na yin la shes pa ma yin pa 'am shes pa kho na yin la bzod pa ma yin pa 'am/de bzhin du lta ba kho na yin la shes pa ma yin pa'am/ shes pa kho na yin la lta ba ma yin pa yod dam zhes bstan par 'gyur ro//ci shes rab 'ga' zhig bzod pa kho na yin la shes pa ma yin pa yod dam zhes bya ba la sogs pa gang smras na/ yod do zhes bstan pa'i phyir/ dri med bzod pa rnams shes pa min zhes bya ba smos so/ /dri med ces khyad par du byas pas bzod pa zag pa dang bcas pa rnams shes pa yin no zhes bstan par 'gyur te/shes pa'i don ni nges pa'i don yin na/ bzod pa dag ni nges pa ma yin pas shes pa ma yin no/ /ji ltar ma nges she na/ des spang bar bya ba zhes bya ba rgyas par smos so/ /des spangs par zhes bya ba ni/ bzod pas spang bar bya ba'o/ /'gag par 'gyur ba'i lam gyis ni/de yi sgrib pa rab tu spong / /zhes bshad pas de'i phyir/ des spang bar bya ba'i phra rgyas the tshom gyis thob pa dang rjes su 'brel ba'i rgyud kho na la bzod pa rnams skye bas de rnams ni the tshom ma spangs pa yin la/ the tshom spangs pa'i shes rab la ni shes pa zhes bya ba yin pas bzod pa rnams ni shes pa ma yin no//des spang bar bya ba zhes ci'i phyir smos she na/ sdug bsngal la chos shes pa la sogs pa rnams shes pa nyid yin par bstan par bya ba'i phyir ro/ /gal te phra rgyas the tshom ma spangs pa'i phyir ro zhes bya ba de tsam zhig smos na ni de lta na lam la rjes su shes pa kho na shes par 'gyur gyi/shes pa la snga ma bdun ni mi 'gyur te/ phra rgyas the tshom ma spangs pa'i phyir ro/ /de dag yang dag par rtog pa'i bdag nyid can yin pa'i phyir zhes bya ba ni nges par nye bar rtog pa'i rang bzhin gzhan yin pa'i phyir ro zhes bya ba'i don to/ /yang dag par rtog pa med pa dang /yongs su tshol ba'i bsam pa can yin pa'i phyir zhes bya ba la/ zad pa dang mi skye ba shes pa gnyis kyis ni bden pa dag yang dag par rtog par mi byed cing nye bar rtog par mi byed kyi/ bya ba byas pas ji ltar mthong ba dag la bdag gis sdug bsngal yongs su shes te/ yang shes par byar med do zhes bya ba la sogs par so sor rtog pa tsam 'ba' zhig [(]du [,]tu [)]zad do/ /mi rtag pa la sogs pa'i rnam pa dag gis bden pa dag yongs su tshol bar byed pa yang ma yin te/ 'bras bu rdzogs zin pa'i phyir ro/ /bsam pa ni bsams pa'o/ /de'i phyir de gnyis ni lta ba'i rang bzhin ma yin no//de las gzhan 'phags blo gnyi ga /zhes bya ba ni sdug bsngal la chos shes pa nas lam la rjes su shes pa'i bar ro/ /de ni nye bar rtog pa la zhugs pa yang yin la/ de'i yul can gyi the tshom spangs pa yang yin te/ de'i phyir yang dag par rtog pa'i phyir dang /nges pa'i phyir gnyi ga grub po/ /re zhig 'di ni zag pa med pa'i shes rab de ltar rnam par phye ba'o/ /gzhan shes zhes bya ba ni lta ba kho na yin pa med do zhes bya ba shes par bya ba'i phyir brtsams pa yin gyi 'di lta ba ma yin zhes bya ba ni ma yin no/ /'jig rten pa'i shes rab thams cad shes pa yin pa 'di ni spyir btang ba yin la/spyir btang ba 'di'i dmigs kyis bsal ba brtsams pa ni/ drug ni lta ba'ang yin zhes bya ba 'di yin no/ /'ang zhes bya ba'i sgras ni shes pa 'ang yin pa'o/ /lta ba lnga zhes bya ba ni 'jig tshogs la lta ba la sogs pa'o//'jig rten pa'i yang dag pa'i lta ba zhes bya ba ni/ rgyu dang 'bras bu la sogs pa dag la yod par lta ba'o/ /'di'i mdor bsdus pa ni 'di yin te/ 'jig rten pa'i shes rab rnam pa drug ni lta ba dang shes pa yin la/ des las gzhan pa'i 'jig rten pa thams cad ni shes pa kho na yin gyi lta ba ma yin te/ci'i phyir zhe na/ yang dag par rtog pa'i rnam par ma zhugs pa'i phyir ro/ /'dod chags la sogs pa dang / mtshungs par ldan pa ji ltar yang dag par rtog pa'i rnam pa can ma yin zhe na/ de ni phal cher kha phyir bltas nas 'jug pa dang / 'dod chags la sogs pa'i rnam pa'i rjes su byed pa yin no/ /'dod chags la sogs pa dag ni der ches bsal ba yin gyi/ shes rab ni ma yin la/ 'dod chags la sogs pa yang dag par rtog pa'i rnam pa can yang ma yin te/ 'o na ci zhe na/ zhen pa dang / kun nas mnar sems pa dang /khengs pa la sogs pa'i rnam pa can yin no/ /shes pa bcus zhes bya ba bcu po gang dag gis she na/ chos dang / rjes dang / kun rdzob dang / gzhan gyi sems dang / sdug bsngal dang / kun 'byung dang / 'gog pa dang / lam dang / zad pa dang / mi skye ba shes pa dag gis so//rtsom pa 'di ni nges par gzung ba'i phyir yin gyi/ 'chi 'pho ba dang / skye ba dang / smon gnas shes pa la sogs pa gzhan dag ni 'di dag kho na'i nang du 'dus pa'i phyir ro/ /mdor bsdus na ni/ shes pa zag bcas zag pa med/ /ces bya ba ni/ nges par gzung bar bya ba'i phyir brtsams pa ste/rnam par rtog pa gsum med pa'i phyir ro/ /de gnyis las kyang / dang po kun rdzob ces bya'o zhes bya ba 'byung ngo / /phal cher bum pa dang / snam bu dang / skyes pa dang / bud med la sogs pa kun rdzob 'dzin pa'i phyir zhes bya ba la/ kun rdzob ni bum pa dang /snam bu dang / skyes pa dang / bud med la sogs pa'i dngos po tha snyad kyi yan lag tu gyur pa gang yin pa'o/ /de las 'byung ba ni kun rdzob ste/ gzugs la sogs pa dag la bum pa la sogs pa'i blo 'byung ba'i phyir ro/ /'jig rten gyi tha snyad phal cher ni gzugs la sogs pa'i tshogs pa la brten pa de ltar gzugs la sogs pa'i rang gi mtshan nyid dang /spyi'i mtshan nyid la brten pa ma yin te/ de nyid kyi phyir phal cher zhes bya ba la sogs pa smos so/ /rnam pa gcig tu na 'di ni dro bar gyur pa la sogs pa dag gi tshe zag pa med pa'i yul can yang 'byung ba yin na/ci'i phyir tha snyad dang mthun par 'jug pa zhes brjod ce na/ phal cher bas kyang ston par 'gyur te/ de dper na blon po rtag tu smra dgos pa dang / rje bo rtag tu bkyon pa zhes bya ba lta bu'o/ /zag med rnam gnyis zhes bya ba la/ zag pa med pa'i shes pa gang yin pa de ni chos shes pa dang rjes su shes pa rnam pa gnyis su dbye'o//de ltar na shes pa 'di gnyis ni zhes bya ba ni zag pa dang bcas pa dang / zag pa med pa gnyis so/ /gsum yin te zhes bya ba ni chos dang rjes su shes pa'i dbye bas zag pa med pa rnam pa gnyis gnyis su phyed pa dang / kun rdzob shes pa ste gsum yin no//de dag ni dmigs pa'i bye brag gis tha dad de/ de la/ kun rdzob yul ni thams cad do/ /zhes bya ba la kun rdzob shes pa'i yul ma yin pa de ni yod pa ma yin te/ de nyid kyi phyir dmigs pa ni ci rigs par 'dus byas dang 'dus ma byas zhes bya ba smos te/ 'di skad du gzhan yang / kun rdzob shes pa dge bas sdug bsngal shes par bya ba nas so sor brtags pas 'gog pa ma yin pa'i bar yang shes par bya ba ma yin nam zhe na/ yin te/ bdag med pa'i rnam pa can chos thams cad la dmigs pa dang / 'dus byas thams cad mi rtag pa dang / chos thams cad bdag med pa dang mya ngan las 'das pa zhi ba'o zhes gsungs pa'i phyir ro zhes bshad do//chos zhes bya ba'i spyod yul ni/ /'dod sdug bsngal la sogs zhes bya ba la/ gong ma'i sdug bsngal la sogs pa ni spyod yul ma yin la/ so sor brtags pa ma yin pas 'gog pa dang / nam mkha' ni spyod yul ma yin no//rjes su shes pa'i spyod yul yang gong ma'i sdug bsngal la sogs pa kho na yin gyi/ bshad ma thag pa ni spyod yul ma yin no/ /zag pa med pa'i shes pa'i spyod yul ni nam mkha' dang so sor brtags pa ma yin pas 'gog pa ma yin te/ bden pa dag gi nang du ma 'dus pa'i phyir ro//de dag la dmigs pa'i phyir ro zhes bya ba ni/ sdug bsngal la sogs pa la dmigs pa'i phyir ro/ /ji ltar zhe na/ sdug bsngal la dmigs pa'i shes pa ni sdug bsngal shes pa ste/ gzhan la yang de dang 'dra'o/ /chos dang rjes su shes pa bzhi po de dag kho na zhes bya ba la/ji ltar chos dang rjes su shes pa rnam pa bzhi yin zhe na/ bden pa bzhi la dmigs pa'i bye brag gis so/ /dang po skyes pa ni zhes bya ba ni zad pa dang mi skye ba shes pa rgyun chags par 'jug pa dag bden pa bzhi la dmigs pa'i phyir te/ zad pa dang mi skye ba shes pa dang po skyes pa gang yin pa de dag ni sdug bsngal lam kun 'byung la rjes su shes pa yin no//'gog pa dang lam la rjes su shes pa ci'i phyir ma yin zhe na/ de'i phyir srid pa'i rtse mo pa'i phung po la sdug bsngal lam kun 'byung ba la rjes su shes pa'i rnam par dmigs pa'i phyir ro zhes bya ba smos te/dper na dug gi mdas bsnun cing shi ba'i yan lag thams cad la khyab ste/ 'chi ba'i tshe rma'i phyogs kho nar gnas kyi gzhan du ni ma yin pa de bzhin du rnal 'byor pa 'di'i shes pa yang spang bar bya ba srid pa'i rtse mo pa'i phung po'i mtshan nyid can kho na la gnas so/ / gang gi phyir nangs kyi phyis 'di'i srid pa'i rtse mo kho na spong ba de'i phyir gang gis gnod pa dang gang gis bcings pa de kho na las thar ba ltogs mor sems pa na mjug thogs su srid pa'i rtse mo zad pa kho na la dmigs pa/ de yang sdug bsngal lam kun 'byung ba yin te/ de'i phyir srid pa'i rtse mo la sdug bsngal lam kun 'byung ba'i rnam par dmigs so//rdo rje lta bu'i mjug thogs su zad pa shes pa 'byung la/ de'i rjes la mi skye ba shes pa 'byung bas de'i phyir 'dri ba ni/ rdo rje lta bu zhes bya ba sogs pa'o/ /de gnyis dang zhes bya ba ni dang po skyes pa dag dang zhes bya ba'i don to//gal te sdug bsngal dang kun 'byung ba la dmigs na ni zhes bya ba rgyas par 'byung ba ni/ rdo rje lta bu bden pa bzhi la dmigs pa yang srid pa'i dbang du byas nas brjod pa ste/ de'i phyir 'di la nges pa med do/ /de nyid kyi phyir/ 'on te 'gog pa dang lam la dmigs pa zhig yin na ni zhes bya ba smos te/'di ltar dang po ni sdug bsngal dang kun 'byung ba la rjes su shes pa gnyis yin gyi 'gog pa dang lam la rjes su shes pa dag ni ma yin no/ /bzhi la pha rol sems rig pa/ /zhes bya ba ni gzhan gyi sems shes pa ni zag pa dang bcas pa dang zag pa med pa la dmigs pa ste/ de la zag pa dang bcas pa la dmigs pa gang yin pa de ni kun rdzob shes pa'i bdag nyid can no/ /zag pa med pa la dmigs pa gang yin pa de ni lam dang chos dang rjes su shes pa gsum gyi bdag nyid can no/ /gal te chos dang rjes su shes pa las ma gtogs par lam shes pa yod pa ma yin pas gzhan gyi sems shes pa gsum kho na las brjod par bya ba ma yin nam zhe na/'di de lta yin mod kyi chos dang rjes su shes pa gang gis gzhan gyi sems dang sems las byung ba zag pa med pa shes pa de lam shes pa yin par rig par bya'o/ /sdug bsngal dang kun 'byung ba shes pa ni ma yin no zhes gzhan gyi sems shes pa skal ba mnyam pa'i yul can nyid du shes par bya ba'i phyir de skad brjod do//zag pa med pas zag pa dang bcas pa shes pa ni ma yin te/ 'di'i nges pa ni de yin no/ /dbang po 'das pa zhes bya ba ni dad pas mos pa'i lam gyis mthong bas thob pa mi shes shing dus kyi rnam par grol ba'i lam gyis dus dang mi sbyor bar rnam par grol ba'i lam mi shes pa ste/dbang po 'das pa'i phyir ro/ /'og mas gong ma mi shes pa'o zhes bya ba ni phyir mi 'ong ba'i lam gyis dgra bcom pa'i lam mi shes shing / nyan thos kyi lam gyis rang sangs rgyas kyi lam mi shes so zhes bya ba la sogs pa'o//chos rjes blo phyogs phan tshun min/ /zhes bya ba 'byung ste/ de nyid kyi phyir chos dang rjes su shes pa'i phyogs dang mthun pa grub po/ /gzhan gyi sems shes pa chos shes pa'i phyogs dang mthun pa ni 'dod pa'i khams kyi gnyen po la dmigs pa yin la/rjes su shes pa'i phyogs dang mthun pa ni gzugs dang gzugs med pa'i gnyen po la dmigs pa yin no/ /de gnyis ni zhes bya ba la/ gzhan gyi sems shes pa chos dang rjes su shes pa'i phyogs dang mthun pa gnyis ni phan tshun rgyab kyis phyogs pas phan tshun dmigs pa nyid du mi rung ste/sa dang nam mkha' la lta ba bzhin no/ /mthong ba'i lam la pha rol gyi sems shes pa med do zhes bya ba ni myur du 'gro ba nyid kyis sbyor ba med pa'i phyir la/ de thob pa rnams la yang sbyor ba las gzhan gyi sems shes pa mngon du 'gyur ba'i phyir ro//de la dmigs pa ni yod do zhes bya ba ni mthong ba'i lam la dmigs pa yod do zhes bya ba'i don te/ sbyor ba byas nas gzhan gyi sems shes pa de la gzhan gyi sems mthong ba'i lam la dmigs pa nyid 'byung ngo / /nyan thos mthong ba'i skad cig gnyis/ /rig ste zhes bya ba 'byung ngo / /de ji srid de la sbyor ba rtsom pa zhes bya ba ni rjes su shes pa'i phyogs dang mthun pa de la ste/de la zhes bya ba ni de'i ched du zhes bya ba'i don gang yin pa'o/ /brgyad pa kun 'byung ba la rjes su shes pa dang / zhes bya ba ni sdug bsngal ba mi rtag pa la sogs pa'i rnam pa skad cig ma bzhi dang / kun 'byung ba la sogs pa'i rnam pa can bzhi yin pas de'i phyir brgyad ces bya'o/ /sbyor ba chung ba'i phyir ro zhes bya ba 'byung ngo / /nyan thos kyang sbyor ba chung ba yin te/ de la ni rjes su shes pa'i phyogs dang mthun pa'i sbyor ba nyid mi srid do/ /sbyor ba med par zhes bya ba la/ sbyor ba mi mnga' bar yon tan thams cad mngon du 'gyur ba'i phyir thugs kyi dbang phyug bcom ldan 'das kyis mthong ba'i lam gyi skad cig thams cad bar med par mkhyen te/grangs med pa gsum du tshad med pa'i tshogs kyis bsags pa'i ye shes kyi nus mthu de ni bsam gyis mi khyab pa 'di nyid do//chos dang rjes su shes pa rnam pa bzhi ni zad pa dang mi skye ba shes pa dag yin no zhes bshad na/ de gnyis la dbye ba ma mthong bas/ yang zad pa shes pa dang mi skye ba shes pa dag khyad par ci yod ces bya ba des te/ de'i phyir/ zad pa shes pa bden rnams la/ /zhes bya ba rgyas par smos so//ji ltar na zag pa med pa shes pas de de ltar shes zhes bya ba ni zag pa med pa shes pa bcu drug pa'o zhes bya ba'i nges pa yongs su bzung nas smra ba'o/ /de'i rjes la langs pas zhes bya ba rgyas par 'byung ste/ zag pa med pa'i shes pas ni de ltar mi shes te/ rnam par grol ba rtog pa med pa'i phyir ro//zag pa med pa'i shes pa las langs pa la rnam par rtog pa 'di dag skyes te/ de'i rjes la de skye ba'i skabs yod pa'i phyir ro/ /de ni zad pa dang mi skye ba shes pa gnyis kyi skyes bu byed pa'i 'bras bu yin te/ kun rdzob shes pa de ni de dag gi stobs kyis thob pa'i phyir ro//de'i phyir bstan bcos las de'i bye brag gis de gnyis kyi bye brag bstan to/ /de'i bye brag gis zhes bya ba ni kun rdzob shes pa skyes bu byed pa'i 'bras bu de'i bye brag gis so/ /de la zad pa shes pa'i skyes bu byed pa'i 'bras bu ni bdag gis sdug bsngal yongs su shes so zhes bya ba nas lam bsgoms so//zhes bya ba'i bar ro/ /mi skye ba shes pa'i skyes bu byed pa'i 'bras bu ni bdag gis sdug bsngal yongs su shes te/ yang yongs su shes par byar med do zhes bya ba nas bdag gis lam bsgoms te/ yang bsgoms du med do zhes bya ba'i bar ro/ /de gnyis kyi bye brag ces bya ba ni zad pa shes pa dang mi skye ba shes pa gnyis kyi ste/'bras bu'i bye brag ni rgyu'i bye brag la 'khrul pa med pa'i phyir ro/ /zag pa med pas kyang de ltar shes te zhes bya ba ni gang dag rnam pa bcu drug las ma gtogs pa'i zag pa med pa yang 'dod pa de dag 'di skad du zag pa med pas kyang de ltar shes te zhes zer ro//gal te de lta na/ zad dang mi skye blo lta min/ /zhes bya ba de dang 'gal lo zhe na/ de'i phyir 'gal ba spang ba'i phyir mthong ba smos pa ni zhes bya ba rgyas par 'byung ste/ sdug bsngal la chos shes pa la sogs pa dag la mthong ba dang / rig pa dang blo zhes 'don par 'gyur la/ de'i mjug thogs su 'di gnyis kyang bstan pas/sngar gyi 'phangs pa las dge slong dag gis da ltar 'di yang mthong ba yin zhes 'don pa yin te de'i phyir 'gal ba med do/ /yang na mngon sum du 'jug pa'i phyir ro zhes bya ba la ci zhe na/ zad pa dang mi skye ba shes pa dag la mthong bar smos so/ /dper na gzugs mthong ba mngon sum du 'jug pa yin gyi/rjes su dpag pa las 'byung ba 'am/ yid ches pa'i lung las byung ba ma yin pas de bzhin du zad pa shes pa dang / mi skye ba shes pa yang mngon sum du 'jug pa yin gyi/ rjes su dpag las byung ba'am/ yid ches pa'i lung las byung ba ni ma yin te/mthong ba dang chos mthun pas mthong bar bshad do zhes bstan te/ de'i rjes kyi dbang du byas nas mthong ba smos pa ni 'gal ba med kyi/ zag pa med pas kyang de ltar shes te zhes gang smras pa'i phyogs de la mthong ba smos pa 'gal ba yin no//de'i lan ni de yin no/ /de nyid kyi phyir zhes bya ba ni mngon sum du 'jug pa de nyid kyi phyir zhes bya ba'i don to/ /yang gang las 'byung zhe na/ bstan bcos las so/ /de la zhes bya ba ni shes pa bcu dag la'o/ /kun rdzob shes pa ni shes pa gcig yin la zhes bya ba ni shes pa bcu po de dag gi dbang du byas te/rang gi mtshan nyid la ltos nas kun rdzob shes pa gcig yin no/ /gcig gi cha yang yin no zhes bya ba ni cha shas yin pa ste/ de ni pha rol gyi sems shes pa las rnam par gzhag pa yin pa'i phyir ro/ /gang gis gzhan gyi sems dang sems las byung ba zag pa dang bcas pa shes pa gzhan gyi sems shes pa de ni zag pa dang bcas pa'i phyir kun rdzob shes pa yin no//chos shes pa ni shes pa bcu'i dbang du byas te/ shes pa gcig yin no/ /bdun gyi cha yang yin te zhes bya ba ni sdug bsngal dang kun 'byung ba dang / 'gog pa dang lam dang gzhan gyi sems dang zad pa dang mi skye ba shes pa rnams kyi'o//de ni de dag gi cha 'dod pa'i sdug bsngal la sogs pa'i spyod yul can gang yin pa ste/ chos shes pa'i mtshan nyid yin pa'i phyir ro/ /rjes su shes pa dang de dang 'dra'o zhes bya ba ni shes pa bcu'i dbang du byas te rang gi mtshan nyid la ltos nas rjes su shes pa shes pa gcig yin la/ji skad bshad pa bdun gyi ni cha yin no/ /de ni gong ma'i sdug bsngal la sogs pa'i spyod yul can te/ rjes su shes pa'i mtshan nyid yin pa'i phyir ro/ /sdug bsngal shes pa ni shes pa gcig yin la/ bzhi'i cha yang yin te zhes bya ba ni chos dang rjes dang /zad pa dang mi skye ba shes pa rnams kyi ste/ sdug bsngal gyi bden pa la dmigs pa gang yin pa'o/ /'dis ni kun 'byung dang 'gog pa shes pa yang bshad pa/ ji skad bshad pa rnams kho na'i cha kun 'byung ba la dmigs pa dang 'gog pa la dmigs pa gang yin pa'o//lam shes pa ni gcig yin la/ lnga'i cha yang yin no zhes bya ba ni chos dang rjes dang zad pa dang / mi skye ba shes pa dang gzhan gyi sems shes pa rnams kyi cha lam gyi bden pa la dmigs pa gang yin pa ste/ lam gyi mtshan nyid yin pa'i phyir ro/ /gzhan gyi sems shes pa ni shes pa gcig yin la/bzhi'i cha yang yin no zhes bya ba ni chos dang rjes dang lam dang / kun rdzob shes pa rnams kyi cha sems dang sems las byung ba la dmigs pa gang yin pa ste/ gang gis gzhan gyi sems dang sems las byung ba rnams shes pa'o/ /zad pa shes pa ni shes pa gcig yin la//drug gi cha yang yin te zhes bya ba ni chos dang rjes dang sdug bsngal dang kun 'byung ba dang / 'gog pa dang lam shes pa rnams kyi ste/ de dag re re zhing slob pa dang mi slob pa nyid du tha dad pa'i phyir na mi slob pa'i cha yin no/ /mi skye ba shes pa yang zad pa shes pa ji lta ba bzhin du rig par bya'o/ /yang ci'i phyir de dag gsum yod pa zhes bya ba ni chos dang rjes dang kun rdzob shes pa dag go//bcur rnam par gzhag ces bya ba ni bshad ma thag pa dag go/ /rgyu bdun gyis zhes bya ba rgyas par 'byung ste/ grag ste zhes bya ba'i sgras ni bshad ma thag pa'i tshul kho na legs so zhes bya ba'o/ /zag pa dang bcas pa dang zag pa med pa'i shes pa gnyis kho na rang bzhin dang gnyen po la sogs pa'i rgyu la brten nas gnas skabs de dag tu shes pa'i bdag nyid de dang des rnam pa bcur gzhag go//rang bzhin las ni rang bzhin gyis so/ /kun rdzob kyi shes pa ni kun rdzob shes pa'o/ /ji ltar zhe na de'i phyir don dam pa mi shes pa'i phyir ro zhes bya ba smos so//don dam pa 'am don dam par mi shes pa ni kun rdzob shes pa ste/ thad snyad kyi bdag nyid yin pa'i phyir ro/ /de'i phyir rang bzhin las kun rdzob shes pa de rnam par gzhag gi /gnyen po dang rnam pa la sogs pa dag las ni ma yin no/ /yang ci'i phyir kun rdzob shes pa chos thams cad kyi yul can nyid yin yang don dam pa shes pa ma yin zhe na/zag pa dang bcas pa'i phyir ro/ /'dod pa'i khams dang khams gong mi'i gnyen po yin pa'i phyir ro zhes bya ba ni grangs bzhin du chos dang rjes su shes pa gnyis dang sbyar ro//chos shes pa ni 'dod pa'i khams mtha' dag gi gnyen po yin no/ /rjes su shes pa khams gong ma'i yin pa yang de dang 'dra'o/ /dmigs pa tha mi dad pa'i phyir ro zhes bya ba ni nye bar len pa'i phung po lnga po de dag nyid sdug bsngal gyi bden pa dang / kun 'byung gi bden pa yin pas/ sdug bsngal dang kun 'byung shes pa dag dmigs pa tha mi dad kyi rnam pa tha dad pa 'ba' zhig tu zad de/ sdug bsngal dang kun 'byung ba la sogs pa'i bye brag gis tha dad pa'i phyir ro/ /rnam pa dang dmigs pa tha dad pa'i phyir ro zhes bya ba ni 'gog pa dang lam gyi bden pa dag ni 'dus byas dang 'dus ma byas yin pa'i phyir de la dmigs pa tha dad pa yang yod do//sbyor ba las gzhan gyi sems shes pa ste zhes bya ba la/ /de ni gzhan gyi sems shes par bya'o snyam du de ltar sbyor te/ gzhan gyi sems shes pas ni sems dang sems las byung ba rnams kyang shes so/ /de'i phyir de ni sbyor ba kho na las rnam par gzhag gi dmigs pa las ni ma yin no//bya ba byas pa las zhes bya ba ni bya ba byas pa nyid kyi phyir ni zhes bya ba'i don to/ /'bras bu thams cad kyi mthar de la gdon mi za bar 'byung ba'i phyir ro/ /dang po nyid du zhes bya ba ni mi skye ba shes pa las khyad par du byed pa ste/ de yang bya ba byas pa las skye ba yin no//zag pa med pa'i shes pa thams cad kyi rgyu can no zhes bya ba ni zag pa med pa'i shes pa sngar skyes pa thams cad de'i skal ba mnyam pa'i rgyu yin gyi mi skye ba shes pa ni zad pa shes pa'i rgyu ma yin te dman pa'i phyir ro/ /thams cad thams cad kyi gnyen po yin pa'i phyir zhes bya ba la/'dod pa'i khams mthong ba dang bsgom pas sbyang bar bya bas bsdus pa'i rnam pa lnga po thams cad kyi gnyen po nyid du chos shes pa mthong ba dang bsgom pa'i lam gyis bsdus pa thams cad bstan pas/ de'i phyir gzhan ril ma yin pa'i gnyen po ril lam ma yin no zhes bya ba 'di khas blangs par gyur pa de bstan pa'i phyir/gzhan yang bsgom pa'i lam la 'gog pa 'am zhes bya ba rgya cher smos so/ /bsgom pas spang bar bya ba khams gsum pa rnams kyi yang spong ba'i gnyen po yin la mthong bas spang bar bya ba 'dod pa na spyod pa rnams kyi ni gzhi'i gnyen po'o/ /'gog pa dang lam la chos shes pa dag ni khams su gtogs pa ma yin pa dmigs pa yin te/de'i phyir khams gsum gyi gnyen po yin no/ /sdug bsngal dang kun 'byung ba shes pa dag gis ni gzugs dang gzugs med pa las 'dod chags dang bral bar mi rung ste/ rnam par sun 'byin pa yid la byed pa yin pa'i phyir ro/ / gzhan sun 'byin pa na gzhan la 'dod chags dang bral ba ni mi rigs so/ /'gog pa dang lam la chos shes pa dag ni mi ldan pa la dmigs pa'i phyir/ /rang gi yul la bya ba byas pa yin pa dang gzhan gyi yul la 'jug go/ /gzhan dag ni ma yin no/ /'dod pa'i khams kyi rjes ma smin/ /zhes bya ba la/ gal te 'gog pa dang lam la chos shes pa mi ldan pa la dmigs pa'i phyir/ gzugs dang gzugs med pa'i gnyen po yin na/ de ltar na rjes su shes pa yang 'dod pa'i khams kyi gnyen por 'dod par bya dgos so zhe na/ de ni de lta ma yin te/ shes pa rnams ni rno ba yin pa'i phyir rang gi yul la bya ba byas te/gzhan gyi yul la bya ba dag byed pa yin la/ gong na bsgom pas spang bar bya ba lhag ma dang bcas pa'i phyir gnyen por rig na/ rjes su shes pa la ni 'dod pa'i khams na bya ba cung zad kyang yod pa ma yin te/ chos shes pas bya ba thams cad yongs su rdzogs par byas zin pa'i phyir ro//skal ba mi mnyam pa'i khams kun tu 'gro ba rnams gong ma'i yul can yin pa'i phyir/ chos shes pa la ni yul gzhom par bya ba la bya ba yod do/ /dgra pham par bya ba'i phyir de mngon par 'dod pa'i gnas 'joms pa bzhin no/ /mthong ba'i lam gyis bsdus pa 'am bsgom pa'i lam gyis bsdus pa yang rung ste/'dod pa'i khams kyi gnyen po rjes su shes pa ni rnam pa thams cad du med pas rnam pa thams cad du med pa zhes bya ba smos so/ /yang shes pa bcu po 'di dag las shes pa gang zhig rnam pa drug tu 'byung zhe na/ de la chos shes pa dang rjes su shes pa ni rnam pa bcu drug ste/bden pa bzhi la dmigs pa nyid kyis bden pa re re la rnam pa bzhi bzhi yin pa'i phyir ro/ /de dag ni 'og nas zhes bya ba la/ mi rtag pa la sogs pa'i rnam pa de dag 'og nas rdzas su rnam pa bcu drug go zhes bya ba der bshad par bya'o/ /kun rdzob shes pa ni rnam pa bcu drug can yang yin la/gzhan gyi rnam pa can yang yin te/ zhes bya ba 'byung ste/ de la rnam pa bcu drug can dro bar gyur pa dang / rtse mo dang bzod pa la sogs pa dag na'o/ /gzhan gyi rnam pa can ni mi sdug pa dang dbugs rngub pa dang 'byung ba dag dang / byams pa la sogs pa dag ni kun rdzob shes pa rnam pa du ma can no//de nyid la rgyu chos thams cad kyi rang dang spyi'i mtshan la sogs pa 'dzin pa'i phyir ro zhes bya ba la sogs pa smos te/ rang gi mtshan nyid 'dzin pa'i phyir dang / spyi'i mtshan nyid 'dzin pa'i phyir ro/ /sogs pa zhes bya ba'i sgras ni bum pa dang / snam bu la sogs pa dag tu bsdus te/ bum pa dang snam bu la sogs pa dag ni chos rnams kyi rang gi mtshan nyid kyang ma yin la spyi'i mtshan nyid kyang ma yin no//gzhan gyi yid shes dri med kyang / /de bzhin zhes bya ba la/ ji ltar shes pa bzhi po 'di dag re re zhing rnam pa bzhi bzhi yin pa de bzhin du/ gzhan gyi sems shes pa zag pa med pa yang rang gi bden pa'i rnam pa dag gis rnam pa bzhi can yin no/ / lam shes pa yin no zhes bya ba ni lam gyi nang du rtogs pa'i shes pa ste/ lam shes pa'i phyogs gcig yin zhes bya ba'i tha tshig go/ /gnyi ga yang rdzas re re zhig spyod yul lo zhes bya ba la/ /sems dang sems las byung ba de dag gi rang gi mtshan nyid ni lam la sogs pa nyid yin zhing / de dag gi yul can gzhan gyi sems shes pa yang rdzas re re'i spyod yul can yin pa'i phyir/rang gi mtshan nyid kyi yul can yin yang rnam pa bzhi can zhes bya ste/ dper na gzhan gyi sems shes pa chags pa la sogs pa'i yul can lta bu'o/ /chags pa la sogs pa nyid sems las byung ba rnams kyi spyi'i mtshan nyid yin mod kyi/de lta na yang rdzas re re'i spyod yul can yin pa'i phyir shes bya rang gi mtshan nyid kyi rnam pa can zhes bya'i/ spyi'i rnam pa can ni ma yin no/ /'o na bcom ldan 'das kyis 'dod chags dang bcas pa'i sems la yang 'dod chags dang bcas pa'i sems zhes bya bar yang dag pa ji lta ba bzhin du rab tu shes so//de bzhin du 'dod chags dang bral ba dang / zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / kun bsdus pa dang / rnam par g.yengs pa dang / zhum pa dang / rab tu bzung ba dang / chung ngu dang / chen por gyur pa dang /nye bar ma zhi ba dang / nye bar zhi ba dang / rgod pa dang / rgod pa ma yin pa dang / mnyam par ma bzhag pa dang / mnyam par bzhag pa dang / ma bsgoms pa dang / bsgoms pa dang / rnam par ma grol ba dang / rnam par grol ba'o zhes gsungs na/ gal te de 'dod chags dang bcas par 'dzin pa med na/ji ltar 'dod chags dang bcas pa'o snyam du shes/ ci ste de 'dod chags dang bcas par 'dzin na ni rdzas re re zhing spyod yul lo zhes bya ba 'di ji ltar mi 'gal zhe na/ gos dang dri ma cig car du mi 'dzin pa bzhin no zhes bya ba 'byung ste/ gos dang dri ma ni cig car du 'dzin pa ma yin te/gang gi tshe gos mthong ba de'i tshe dri ma mi 'dzin la/ gang gi tshe dri ma mthong ba de'i tshe gos mi 'dzin no/ /gos dang dri ma cig car mi 'dzin pa bzhin no zhes bya ba 'di ni yongs su chad pa'i dbang du byas nas bshad pa yin no/ /'dod chags dang bcas pa nyid ni rnam pa gnyis te zhes bya ba rgyas par 'byung ngo //'dres pa'i 'dod chags dang bcas pa nyid ni mngon du gyur pa las te/ 'dres pa dang mtshungs par ldan pa dang lhan cig skyes pa zhes bya ba ni don gcig go/ /ldan pa'i 'dod chags dang bcas pa nyid ni thob pa dang 'brel pa las te/ thob pa dang rnyed pa dang ldan pa zhes bya ba ni don gzhan ma yin pa'i phyir ro//de las zhes bya ba rgyas par 'byung ste/ de la 'dod chags dang mtshungs par ldan pa'i sems ni sems gang la 'dod chags mngon du gyur pa las te/ sems de ni 'des pa'i 'dod chags dang bcas pa dang ldan pa'i 'dod chags dang bcas pa gnyis kyis 'dod chags dang bcas so//de las gzhan pa zag pa dang bcas pa'i sems ma bsgribs la lung du ma bstan pa dang / 'jig rten pa'i dge ba ni ldan pa'i 'dod chags dang bcas te/ 'dod chags kyi thob pa tsam dang lhan cig pa yin pa'i phyir ro/ /de'i phyir 'di gnyi ga yang 'dod chags dang bcas pa'o zhes bstan par 'gyur ro//de ltar gnas dang kha cig na re 'dir ni 'dod chags dang mtshungs par ldan pa'i sems ni 'dod chags dang bcas pa yin gyi/ zag pa dang bcas pa gzhan thob pa tsam dang lhan cig pa ni ma yin la/ 'dod chags kyi gnyen po ni 'dod chags dang bral ba yin no zhes zer ro//yang ci'i phyir kha cig gi lugs kyis 'dod chags kyi gnyen po la 'dod chags dang bral ba zhes bya'i/ 'dod chags dang mtshungs par mi ldan pa 'dod chags dang bral ba ma yin zhe na/ kha cig ces bya ba de nyid kyis rgyu smras pa/ gal te 'dod chags dang mtshungs par mi ldan pa sems gang la 'dod chags med cing de'i thob pa 'ba' zhig yod par zad pa de 'dod chags dang bral ba yin na ni nyon mongs pa gzhan dang mtshungs par ldan pa ste/nyon mongs pa khong khro ba la sogs pa dang mtshungs par ldan pa yang yin par 'gyur ro/ /ci'i phyir zhe na/ de yang 'dod chags dang mtshungs par mi ldan pa'i phyir ro//mdo las ni/ zhe sdang la sogs pa dang / mtshungs par ldan pa la 'dod chags dang bral ba zhes ma gsungs te/ 'o na ci zhe na/ zhe sdang dang bcas pa/ gti mug dang bcas pa zhes gsungs so/ /bdag gi ltar na ni 'dod chags kyi gnyen por gyur pa'i sems zhe sdang la sogs pa dag dang mtshungs par mi ldan pas de las gzhan pa'i nyon mongs pa dang mtshungs par ldan pa 'dod chags dang bral ba yin no zhes bya bar mi 'dzin te/de'i phyir 'di la skyon med do/ /'di la slob dpon gyi skyon gzhan smras pa ni/ gzhan dag na re de lta na ni zhes bya ba ste/ gal te 'dod chags dang mtshungs par ldan pa 'dod chags dang bcas pa yin zhing /'dod chags kyi gnyen po 'dod chags dang bral ba yin na/ de lta na ni de'i gnyen po ma yin pa'i sems nyon mongs pa can ma yin pa 'dod chags dang bcas pa yang ma yin la/ 'dod chags dang bral ba 'ang ma yin par 'gyur te/ ma sgribs pa la lung du ma bstan pa dang / bar chad med pa'i lam las gzhan pa'i dge ba ni 'dod chags dang mtshungs par mi ldan pa'i phyir 'dod chags dang bcas pa nyid ma yin la/ 'dod chags kyi gnyen po ma yin pa'i phyir 'dod chags dang bral ba ma yin no/ /gang zhig de'i gnyen po ma yin zhe na/ sbyor ba'i lam la sogs pa'o/ /sogs pa zhes bya ba'i sgras ni zhe sdang dang bcas pa dang / gti mug dang bcas pa zhes bya ba der yang 'dra bar thal bar 'gyur bar ston to/ de bas na 'dir 'dod chags dang ldan pas kyang zhes bya ba ni 'dod chags rgyas par 'gyur bas kyang zhes bya ba'i don to/ /kyang zhes bya ba'i sgras ni 'dir 'dod chags dang mtshungs par ldan pa nyid kyis kyang /'dod chags dang bcas pa'i sems su 'dod par bya'o/ /de lta na zag pa dang bcas pa dang nyon mongs pa can ma yin pa yang 'dod chags dang bcas pa yin no zhes bya bar bsdus par 'gyur ro/ /kun du bsdus pa ni dmigs pa la mngon par bsdus pa'i phyir dge ba yin no zhes bya ba la/dge ba'i sems ni dmigs pa la mngon par bsdus shing dmigs pa las mi g.yeng ba ste/ rnam par mi g.yeng ba dang mtshungs par ldan pa'i phyir ro/ /kun du bsdus pa ni gnyid dang mtshungs par ldan pa yin no zhes bya ba ni dbang po lnga rgyu ba mngon par bsdu ba'i phyir ro//rnam par g.yeng ba ni nyon mongs pa can gzhan yin no zhes bya ba ni gnyid dang mtshungs par ldan pa las gzhan pa'i nyon mongs pa can no/ /nyon mongs pa can gyi gnyid dang mtshungs par ldan pa'i phyir zhes bya ba la/ sems de ni nyon mongs pa dang mtshungs par ldan pas rnam par g.yeng ba yin zhing /gnyid dang mtshungs par ldan pas kun tu bsdus par 'gyur na/ gcig la ni 'gal ba nyid rigs pa yang ma yin no/ /bstan bcos las zhes bya ba ni gal te kun du bsdus pa gnyid dang mtshungs par ldan pa yin na ni bstan bcos dang 'gal bar 'gyur ro zhes bya ba'o/ /ji ltar zhe na/sems kun du bsdus pa yang dag pa ji lta ba bzhin rab tu shes so zhes bya ba 'byung ste/ rgyas par 'grel pa ji lta ba bzhin no/ /ji ltar rjes su shes pa kun du bsdus pa la dmigs par 'gyur te/ 'dod pa'i khams las gong na gnyid med pa'i phyir la rjes su shes pa yang gzugs dang gzugs med pa la dmigs pa'i phyir ro//lam shes pa yang kun du bsdus pa'i sems la dmigs par mi 'gyur ro/ /ci'i phyir zhe na/ lam shes pa ni lam la dmigs pa yin la gnyid ni gcig tu zag pa dang bcas pa yin pa'i phyir ro/ /lam gyis bsdus pa'i sems ni gnyid dang mtshungs par ldan pa yang [(]ma ma [,]ma [)]yin no//kun du bsdus pa ni dmigs pa la mngon par bsdus pa'i phyir zhes sngar ji skad du bshad pa ltar na ni ji skad du smras pa'i skyon med de/ de ni nyon mongs pa can gyi gnyid dang mtshungs par mi ldan pas bsdus pa yin la/ rnam par g.yeng ba yang yin par mi 'gyur ro/ /bstan bcos dang 'gal ba yang med de/kun du bsdus pa'i sems dge ba ni khams gsum gyis bsdus pa dang ma bsdus pa yin pa'i phyir kun du bsdus pa'i sems kyi shes pa de ni shes pa bzhi yin no zhes bya bar grub ste/ gzugs dang gzugs med pa'i kun du bsdus pa'i sems dge ba la dmigs pa ni rjes su shes pa yin la/zag pa med pa'i shes pa dge ba'i sems la dmigs pa lam gyi bden pas gsungs pa ni lam shes pa yin no/ /le lo dang mtshungs par ldan pa'i phyir zhes bya ba ni de mngon par mi spro ba'i ngo bo yin pa'i phyir ro/ /rab tu bzung ba ni brtson 'grus dang mtshungs par ldan pa ste/ rab tu bzung ba ni brtson 'grus kyi rnam grangs yin pa'i phyir ro//rnam par byang ba chung ngu dag gis bsten pa'i phyir zhes bya ba la/ gang dag la rnam par byang ba chung ngu yod pa'i lus can de dag ni rnam par byang ba chung ngu dag yin no/ /chung ngu ni cung zad do/ /rnam par byang ba ni dag pa'o/ /'dir ni dge ba'i rtsa ba dag rnam par byang ba yin par 'dod de/ngo bo nyid kyi dge bas dag pa yin pa'i phyir ro/ /de'i phyir de ltar na dge ba'i rtsa ba chung ngu dag gis bsten pa'i phyir zhes bstan par 'gyur ro/ /chen por gyur pa ni de las bzlog pa yin pa'i phyir dge ba yin no zhes bya ba ni rnam par byang ba chen po dag gis bsten pa'i phyir zhes bstan pa yin no/ / gzhan yang go rims bzhin du rtsa ba dang / rin dang 'khor dang rjes su 'brang ba dang / stobs chung ba dang chen po'i phyir yang chung ngu dang chen por gyur pa yin no/ /de nyid bstan pa'i phyir/ nyon mongs pa can ni mi dge ba'i rtsa ba gnyis kyi rtsa ba dang bcas pa yin no zhes bya ba smos te/ nyon mongs pa can ni 'dod chags dang /zhe sdang gnyis la mtshungs par ldan pa med pas de gnyis gang yang rung ba zhig dang gti mug mi dge ba'i rtsa bas rtsa ba dang bcas pa yin no/ /dge ba ni dge ba'i rtsa ba gsum gyis so zhes bya ba ni ma chags pa dang zhe sdang med pa dang / gti mug med pa rnams phan tshun mi 'khrul ba'i phyir ro/ /'bad pas bsgrub par bya ba ma yin pa'i phyir zhes bya ba ni mi 'dod pa bzhin du yang nyon mongs pa 'byung ba'i phyir ro//tshegs chen pos bsgrub par bya ba yin pa'i phyir ro zhes bya ba ni dam pa'i chos dang tshul bzhin yid la byed pa dang / don gyi bsgrub pa la sogs pa dag gis bsgrub par bya ba yin pa'i phyir ro/ / nyon mongs pa can ni de dang 'dra ba ma 'ongs pa 'thob pa med pa'i phyir zhes bya ba ni de dang 'dra ba ma 'ongs pa thob pa med pa'i phyir te lugs las chos dge ba 'dus byas 'thob pa yin no zhes 'byung ba'i phyir ro/ /phung po gsum gyi rjes su 'brang ba dang bcas pa yin no zhes bya ba ni tshor ba dang / 'du shes dang / 'du byed kyi phung po dag gis so//rnam par shes pa'i phung po dag gis rjes su 'brang ba dang bcas pa ni ma yin te/ rnam par shes pa de nyid rnam par shes pa'i 'khor yin pa ni mi rigs so/ /dge ba ni 'khor mang ba yin la zhes bya ba ni de dang 'dra ba ma 'ongs pa 'thob pa dang mngon par 'brel pa'i phyir ro/ / phung po bzhis rjes su 'brang ba dang bcas pa yin no zhes bya ba ni gzugs dang / tshor ba dang / 'du shes pa dang / 'du byed dag gis te/ bsam gtan dang / zag pa med pa'i sdom pa'i gzugs ni sems kyi rjes su 'jug pa yin no/ /yang nyon mongs pa can ni stobs chung ba yin no zhes bya ba 'byung ngo / / dge ba de yang log par lta ba'i skad cig ma gcig gis tshul khrims la sogs pa dge ba'i phung po lnga 'joms pa'i phyir stobs chung ba ma yin zhe na/ de ni gtan chad pa ma yin te/ yang mtshams sbyor ba'i phyir ro/ /de nyid kyi phyir gtan du 'joms par byed pas zhes bya ba smos te/ mthong ba'i lam las yongs su nyams pa med pa'i phyir ro//de'i phyir yang ste/ rtsa ba dang / rin dang / 'khor dang / rjes su 'brang ba dang / stobs che chung gi phyir yang chung ngu ni nyon mongs pa can yin la chen por gyur pa ni dge ba yin no/ /de'i gnyen po yin pa'i phyir zhes bya ba ni/ rgod pa'i gnyen po yin pa'i phyir ro/ / rnam par ma zhi ba dang zhes bya ba ni/ rgod pa dang / mtshungs par ldan pa'i phyir nyon mongs pa can yin no/ /rnam par zhi ba ni dge ba'o/ /de'i gnyen po yin pa'i phyir zhes bya ba ni rnam par g.yeng ba'i gnyen po yin pa'i phyir zhes bya ba'i don to/ /'thob pa dang bsten pa'i bsgoms pa dag gis ma bsgoms pa'i phyir zhes bya ba la/nyon mongs pa can ni ma 'ongs pa 'thob pa yang med la/ bsten par 'os pa yang ma yin te/ 'thob pa dang bsten zhes bya ba ni dge ba 'dus byas thob pa'o zhes 'byung ba'i phyir ro/ /bsgoms pa ni de gnyis kyis bsgoms pa'i phyir/ de dge ba yin no zhes bya ba ni 'thob pa dang /bsten pa'i bsgoms pa dag gis zhes bya ba'i don to/ /rang bzhin dang rgyud rnam par grol ba dag gis rnam par grol ba'i phyir zhes bya ba la/ nyon mongs pa can ni nyon mongs pa dang mtshungs par ldan pa'i phyir rang bzhin rnam par grol bas kyang / rnam par grol ba ma yin la so so'i skye [(]ba'i [,]bo'i [)]rgyud la skye ba'i phyir rgyud rnam par grol bas kyang rnam par grol ba ma yin no//rnam par grol ba ni de gnyis kyis rnam par grol ba'i phyir dge ba yin no zhes bya ba ni/ rang bzhin dang rgyud rnam par grol ba dag gis rnam par grol ba yin pa'i phyir zhes bya ba'i tha tshig ste/ dge ba ni nyon mongs pa dag dang mtshungs par ldan pas rang bzhin gyis rnam par grol bas kyang rnam par grol ba yin la/so so'i skye bo dge legs can dang slob pa dang mi slob pa'i rgyud la skye bas rgyud rnam par grol bas kyang rnam par grol ba yin no/ /rmugs pa dang / gnyid dang lhan cig par gyur cing zhes bya ba ni rmugs pa dang / gnyid dang mtshungs par ldan pa'o/ /nang du kun du 'gog pa dang lhan cig par 'gyur la zhes bya ba 'di 'chad par byed pa ni lhag mthong dang mtshungs par mi ldan pa yin no zhes bya ba'o//rjes su g.yeng pa yin zhing zhes bya ba 'di 'chad par byed pa ni rnam par 'phros pa yin no zhes bya ba'o/ /sems de nyid kun du bsdus pa yang yin la zhes bya ba rgyas par 'byung ste/ gal te rmugs pa dang gnyid dang lhan cig par gyur pa la kun du bsdus pa zhes bya ba ni de lta na nyon mongs pa can gyi gnyid dang mtshungs par ldan pa gnyi ga yin par 'gyur te/de nyid gnyid dang mtshungs par ldan pas kun du bsdus pa yin la 'dod chags la sogs pa'i nyon mongs pa dang mtshungs par ldan pas rnam par g.yeng par yang thal bar 'gyur ro//nyon mongs pa can gnyid dang lhan cig pa rnam par g.yengs pa nyid du dam ma bcas pa'i phyir ro zhes bya ba ni/ gnyid dang lhan cig par gyur pa ni nyon mongs pa can dang / nyon mongs pa can ma yin pa yang rung ste/ thams cad kun du bsdus pa yin par dam 'cha'o/ /bstan bcos dang 'gal bar 'gyur zhes kyang bshad pa ma yin nam zhes bya ba la/ji ltar zhe na/ sems kun du bsdus pa yang dag pa ji lta ba bzhin du rab tu shes so/ /de shes pa'i shes pa ni bzhi ste/ chos shes pa dang / rjes su shes pa dang / kun rdzob shes pa dang / lam shes pa'o zhes bya bar ro/ /bstan bcos dang 'gal ba ni bla'i/mdo dang 'gal ba ni ma yin no zhes bya ba la/ bstan bcos ni mdo'i dbang yin gyi/ mdo ni bstan bcos kyi dbang ma yin te/ bstan bcos la rag las pa ma yin no/ /mtshan nyid kyang tha mi dad par bshad pa'i phyir zhes bya ba la/ de thams cad nyon mongs pa can du bshad pas nyon mongs pa can nyid mtshan nyid tha mi dad pa yin la/nyon mongs pa can nyid ni nyon mongs pa'i sa mang po rnams dang mtshungs par ldan pa'i phyir ro/ /kun du bsdus pa dang / rab tu bzung ba la sogs pa'i zhes bya ba la/ sogs pa zhes bya ba'i sgras ni chen po dang rgod pa ma yin pa dang / rnam par zhi ba dang / mnyam par gzhag pa dang /bsgoms pa dang / rnam par grol ba rnams bsdus pa'o/ /ji ltar de dag mtshan nyid tha mi dad pa yin no zhe na/ thams cad dge ba yin na zhes bshad pa'i phyir dge ba nyid ni de dag gi mtshan nyid tha mi dad pa'i phyir la/ de ni dge ba'i sa mang po pa dag dang mtshungs par ldan pa'i phyir ro/ / de'i nyes pa'i khyad par yang dag par bstan pa'i phyir la zhes bya ba la/ nyon mongs pa can de'i nyes pa ni de'i nyes pa'o/ /de'i nyes pa'i khyad par ni de'i nyes pa'i khyad par te/ de bstan pa ni de'i nyes pa'i khyad par yang dag par bstan pa'o/ /'di ltar sems nyon mongs pa can 'di ni rnam par g.yeng ba dang mtshungs par ldan pa'i phyir rnam par g.yengs pa yin no//le lo dang mtshungs par ldan pa'i phyir zhum pa yin no zhes bya ba la sogs pa rgyas par brjod par bya'o/ /de bzhin du dge ba'i yang yon tan gyi khyad par yang dag par bstan pas zhes bya ba rgyas par 'byung ste/ dge bar mtshungs kyang dmigs pa la mngon par bsdus pa'i phyir ro//kun du bsdus zhes bya ba de lta bu la sogs pa thams cad brjod par bya'o/ /de'i phyir de la ni nyon mongs pa can nyid du mtshungs shing dge ba nyid du mtshungs bzhin du de dag gi khyad par yang dag par bstan pa'i phyir tshig 'di rnams mdo dang 'gal ba ma spangs pa'i phyir zhes bya ba la/mdo las ni rmugs pa dang gnyid dang lhan cig par 'gyur ba la sems kun du bsdus par bshad kyi/ dge ba ni ma yin te/ rmugs pa ni nyon mongs pa'i sa mang po pa ma yin pa'i phyir ro/ /gnyid ni nyon mongs pa can yang yod la/ nyon mongs pa can ma yin pa yang yod do/ /'di ni tshig de dag gi don ma yin te/don ni nub phyogs pa rnams kyis ji skad smras pa de nyid yin no/ /gal te mdo las sems de nyid zhum pa yang yin la/ de nyid rgod pa yang yin no zhes bya bar bzhed na ni gang gi tshe sems zhum pa dang zhum par dogs pa de'i tshe shin tu sbyangs pa dang / ting nge 'dzin dang / btang snyoms yang dag byang chub kyi yan lag rnams bsgom pa'i dus ma yin no zhes bya ba'i nges pa 'dir mi 'gyur gyi/'di skad du/ de'i tshe chos rab tu rnam par 'byed pa dang / brtson 'grus dang dga' ba yang dag byang chub kyi yan lag rnams bsgom pa'i dus kyang ma yin no zhes brjod dgos par 'gyur ro/ /ci'i phyir zhe na/ sems zhum pa de nyid rgod pa yin pa'i phyir ro//de bzhin du sems rgod pa dang / rgod par dogs pa de'i tshe chos rab tu rnam par 'byed pa dang / brtson 'grus dang / dga' ba yang dag byang chub kyi yan lag rnams bsgom pa'i dus ma yin no zhes bya ba nges pa 'dir mi 'gyur gyi 'di skad du/ de'i tshe shin tu sbyangs pa dang / ting nge 'dzin dang /btang snyoms yang dag byang chub kyi yan lag rnams bsgom pa'i dus kyang ma yin no zhes brjod dgos par 'gyur ro/ /ci'i phyir zhe na/ sems rgod pa de nyid zhum pa yin pa'i phyir ro/ /yang ji ltar na bye brag tu smra bas zhum pa gang yin pa de nyid rgod pa yin no zhes smras she na/ sems zhum pa ni le lo dang mtshungs par ldan pa'i phyir nyon mongs pa can yin no//rgod pa ni rgod pa dang mtshungs par ldan pa'i phyir nyon mongs pa can yin no zhes smras pa'i phyir ro/ /le lo dang rgod pa gnyis kyang nyon mongs pa'i sa mang po yin pa nyid kyis sems thams cad la 'byung ba'i phyir ro/ /'dir dran pa yang dag byang chub kyi yan lag ma smos pa ni dran pa ni kun du 'gro ba yin pa'i phyir sems gnyi ga la ma bshad kyang grub pa'i phyir te/mdo las dran pa ni kun du song ba yin no zhes nga smra'o zhes 'byung ba'i phyir ro/ /ci 'di la byang chub kyi yan lag rnams so sor bsgom pa'am zhes bya ba ni so so so sor bsgom pa'am zhes bya ba'i tha tshig go/ /'di dag yid la byed pa bsgom pa yin par 'dod kyi/mngon sum du 'gyur ba ni ma yin no zhes bya ba smos te/ yid la byed pa ni sbyor ba'i gnas skabs na dmigs par byed pa ste/ de ni so sor mi 'gal lo/ /byang chub kyi yan lag rnams yid la byed pa bsgom pas ni bying ba dang bral ba 'gyur la de dang bral bas rgyud nyon mongs pa med pa yin pa dang /phyi nas thams cad tshogs pa mngon sum du 'gyur ro/ /'di las le lo lhag pa zhes bya ba rgyas par 'byung ste/ mdo las gang gi tshe sems zhum par 'gyur ba zhes rgyas par gsungs pa der ro/ /rgod pa lhag pa ni rgod pa zhes bshad pas 'gal ba med de/ gal te mdo las/ sems de nyid zhum pa yang yin la de nyid rgod pa yang yin zhes bya bar bzhed na ni gang gi tshe sems zhum pa zhes rgyas par 'gal ba smras pa gang yin pa'o//de gnyis kyang lhan cig pa yin pa'i phyir zhes bya ba ni/ le lo dang / rgod pa gnyis so/ /sems de nyid zhum pa yang yin la/ de nyid rgod pa yang yin no zhes smras ste/le lo dang rgod pa dag ni nyon mongs pa'i sa mang po pa yin pa'i phyir lhan cig 'byung ngo / mdo sde pas/ bsam pa can gyi tshig la ni bzlog pa med kyi/ mdo'i dgongs pa ni le lo lhag pa zhum pa yin la rgod pa lhag pa ni rgod pa'o zhes bya ba 'di ma yin no zhes smras te/ gang gi phyir gang gi re sems zhus pa zhes bya ba rgyas par gsungs pa'i phyir ro//'dod chags dang ldan pa'i sems thams cad 'dod chags dang bcas pa yin no zhes gang bshad pa zhes bya ba la/ ji ltar zhe na/ de la'ang 'dod chags dang mtshungs par ldan pa'i sems ni gnyis kyi 'dod chags dang bcas pa yin no/ /de las gzhan pa zag pa dang bcas pa ni ldan pa'i 'dod chags dang bcas pas 'dod chags dang bcas pa yin no zhes smras pa'i phyir ro//slob pa'i zag pa med pa yang 'dod chags dang bcas par 'gyur ro zhes bya ba la/ slob pa rgyun du zhugs pa'i 'bras bu la zhugs pa la sogs pa'i sems ni mthong ba'i lam dang bsgom pa'i lam la gdon mi za bar 'dod chags kyi 'thob pa dang lhan cig pa yin te/'dod chags ma spangs pa'i phyir ro/ /gal te 'dod chags kyi dmigs pa yin no zhe na ni zhes bya ba ni sems gang zhig 'dod chags kyi mi dmigs pa yin pa de 'dod chags dang ldan pa yin no snyam na ni zhes bya ba ste/ dgra bcom pa'i sems zag pa dang bcas pa yang 'dod chags dang bcas pa zhes bya bar gzung bar 'gyur ro//dgra bcom pa'i 'jig rten pa'i sems kyang gzhan gyi 'dod chags kyi dmigs pa yin pas de'i phyir/ de yang 'dod chags dang bcas par 'gyur na 'di 'dod pa yang ma yin no//yang na ji ltar zag pa dang bcas pa yin zhes bya ba ni/ gal te dgra bcom pa'i 'jig rten pa'i sems 'dod chags kyi dmigs pa ma yin na'o/ /ji ste nyon mongs pa spyi pa lta ba dang / the tshom dang / ma rig pa rnams kyi dmigs pa yin pa'i phyir zag pa dang bcas pa'o zhes bya bar 'dod na/ de lta na yang gzhan gyi sems shes pas gti mug dang bcas par gzung bar 'gyur te/dgra bcom pa'i sems zag pa dang bcas pa ni gti mug gi dmigs pa yin pa'i phyir ro/ /gti mug kyang nyon mongs pa spyi pa yin pas dgra bcom pa'i sems gzhan gyi gti mug gi dmigs pa yin no/ /gzhan gyi sems shes pa ni 'thob pa la dmigs pa yang ma yin te/sems dang sems las byung ba la dmigs pa'i phyir dang / 'thob pa yang mi ldan pa yin pa'i phyir ro/ /sems de la dmigs pa'i 'dod chags la dmigs pa can yang ma yin no zhes bya ba la/ de la zhes bya ba ni gzhan gyi sems dang sbyar ro/ /'dod chags gang la sems de dmigs pa yod pa ni/sems de la dmigs pa'o/ /gang la sems la dmigs pa'i 'dod chags yod pa de ni sems de la dmigs pa'i 'dod chags la dmigs pa can no/ /gang zhe na/ gzhan gyi sems shes pa'o/ /ma yin no zhes bya ba ni de bkag pa yin no/ /ci zhig bstan par 'gyur zhe na/ gzhan gyi sems tsam zhig shes kyi/de la dmigs pa'i 'dod chags ni mi shes te/ rdzas re re zhig gi spyod yul yin pa'i phyir ro/ /de bas 'dir 'dod chags dang ldan pas zhes bya ba rgyas par 'byung ste/ gang gi phyir slob pa'i sems zag pa med pa dang mi slob pa'i zag pa dang bcas pa 'dod chags dang bcas par 'gyur ba dang / gzhan gyi sems shes pa ni 'thob pa la dmigs pa ma yin pa dang /de la dmigs pa'i 'dod chags la dmigs pa can yang ma yin pa de'i phyir 'dod chags dang ldan pas ma yin gyi/ 'o na ci zhe na/ 'dod chags dang mtshungs par ldan pa'i sems ni 'dod chags dang bcas pa yin la/ 'dod chags kyi 'thob pa yod kyang / 'dod chags dang mtshungs par mi ldan pa'i sems ni/ 'dod chags dang bral ba yin pa'i phyir dang / mdo'i dgongs pa ni zhes bya ba ni/ mdo'i don gzhan mi srid pa'i phyir ro/ /der ni de'i 'thob pa dang bral ba las dgongs te gsungs pa yin no zhes bya ba ni/ 'dod chags la sogs pa'i 'thob pa bral ba las dgongs te gsungs kyi mtshungs par ldan pa tsam la ni ma yin no zhes bstan pa ste/'dod pa'i srid pa dang / gzugs kyi srid pa dang / gzugs med pa'i srid par phyir mi ldog pa'i chos can yin zhes bya ba'i tshig gzhan dang / nyes pas khams gsum gyi 'dod chags dang bral bar bstan pa'i phyir ro snyam du bsam pa yin no//bshad pa ma yin nam zhes bya ba rgyas par 'byung ba la/ gang du bshad ce na/ kha cig na re mdo 'dir ni zhes bya ba nas/ gal te 'dod chags dang mtshungs par mi ldan pa 'dod chags dang bral ba yin na ni/ nyon mongs pa la gzhan dang mtshungs par ldan pa yang yin par 'gyur ro zhes zer ba der bshad do//dgongs pa 'dis na nyes pa med de zhes bya ba dgongs pa gang gis she na/ de'i phyir 'dod chags dang bral ba zhes bya ba rgyas par smos te/ sogs pa zhes bya ba'i sgras ni/ mdo ji lta ba bzhin du kun du bsdus pa dang rnam par g.yengs pa zhes bya ba la sogs pa bsdu'o/ / de lta ma yin na de gzugs la dmigs par yang 'gyur la zhes bya ba ni gal te gzugs la sogs pa'i dngos po che ge mo zhig la chags so zhes bya ba shes na'o/ /de lta yin dang gzhan gyi sems shes par mi 'gyur te/ gzugs la dmigs pa'i phyir ro/ /de la dmigs pa'i pha rol gyi sems 'dzin pa na zhes bya ba ni/gzhan gyi sems la dmigs pa'i sems 'dzin pa na'o/ /rang gi ngo bo 'dzin par 'gyur ro zhes bya ba ni/ rang gi sems 'dzin par 'gyur ro zhes bya ba'i tha tshig go/ /rang gi ngo bo 'dzin pa ni mi rigs te/ rang gi bdag nyid la byed pa 'gal ba'i phyir ro/ /ji ltar rang gi ngo bo 'dzin par 'gyur zhe na/ gzhan gyi sems rig pa zhig gis gang gi sems 'dzin pa des kyang gzhan gyi sems shes pa de'i sems la dmigs pa gang yin pa 'di ni srid pa yin te/gnyi ga yang gzhan gyi sems rig pa yin pa'i phyir ro/ /gzhan gyi sems shes pa zag pa med pa yang sdug bsngal la sogs pa la dmigs par 'gyur la/ de'i phyir stong pa nyid dang /mtshan ma 'am med pa dang ldan par yang 'gyur na/ 'dod pa ni ma yin no/ /gzhan gyi shes pa thams cad ni zhes bya ba ni/ zag pa dang bcas pa 'am/ zag pa med pa'o/ /sems dang sems las byung ba dang / rdzas kyi rang gi mtshan nyid dang zhes bya ba la/rdzas kyi zhes bya bas ni kun rdzob bsal bar bya ba'i phyir ro/ /rang gi mtshan nyid ces bya bas ni spyi'i mtshan nyid bzlog par bya ba'i phyir ro/ /sems dang sems las byung ba zhes smos pa ni gzugs la sogs pa rdzas kyi rang bzhin rnam par gcad par bya ba'i phyir ro/ /da ltar byung ba zhes smos pa ni sems dang sems las byung ba 'das pa dang /ma 'ongs pa dag bzlog par bya ba'i phyir ro/ /pha rol gyi rgyud ces bya ba smos pa ni/ rang gi rgyud kyi sems dang sems las byung ba bsal bar bya ba'i phyir ro/ /'dod pa dang gzugs dang ldan pa zhes smos pa ni gzugs med pa dang ldan pa'i sems bzlog par bya ba'i phyir ro//de dag ni sa 'das pa gzhan gyi sems shes pa'i yul ma yin no/ /mthong ba'i lam bkag pa dang zhes bya ba ni/ mthong ba'i lam la gnas pa na gzhan gyi sems shes par mi byed de/ sbyor ba mi srid pa'i phyir ro/ /gzhan gyi sems shes pa ni mngon du byed par 'gyur bas rab tu phye ba yin no//de'i tshe ni mngon du byed par 'gyur ba med la des bsdus pa yang med do/ /ci'i phyir zhe na/ mthong ba'i lam gyis bsdus pa'i sems ni rnam par chad pa'i sems la dmigs pa ma yin te/ mtha' dag la dmigs pa'i phyir ro/ /bsgom pa'i lam la dmigs pa zhes bya ba ni de'i tshe mngon du byed pa dang /des bsdus pa yin no zhes bya ba'i tha tshig go/ /stong pa nyid dang / mtshan ma med pa dang mi ldan pa zhes grub pa bzhin du nges par bya ba'i phyir te/ rnam pa dang dmigs pa tha dad pa'i phyir te/ de gnyis ni spyi'i rnam pa can dang 'dus ma byas kyi yul can yin pa'i phyir ro/ /gzhan gyi sems shes pa ni shes bya'i rang gi mtshan nyid sems dang sems las byung ba'i yul can yin pa'i phyir ro//ci'i phyir smon pa med pa dang mi ldan pa ma yin zhe na/ 'di ltar gzhan gyi sems shes pa sdug bsngal gyi tshor ba'i rang gi mtshan nyid la dmigs pa ni smon pa med pa dang mthun pa'i phyir ro/ /zad pa dang mi skye ba shes pas ma bsdus pa zhes bya ba la/gzhan gyi sems shes pa ni shes pa bzhis bsdus pa yin te/ de'i phyir gzhan gyi sems shes pa kun du rtog pa dang yongs su tshol ba'i bsam pa can yin pa'i phyir lta ba'i bdag nyid la de gnyis la lta ba'i bdag nyid ma yin pas de gnyis kyis ma bsdus so/ /bar chad med pa'i lam bkag pa zhes bya ba la/bar chad med pa'i lam ni nyon mongs pa'i gnyen po yin pa'i phyir spong ba'i lam yin la/ gzhan gyi sems shes pa ni rnam par grol ba'i lam yin te/ rnam pa drug rnam par grol blo/ /zhes bya ba 'byung ba'i phyir ro/ /gzhan dag na re khyad par gyi lam yang yin no zhes zer ro/ /don dam pa dag yin yang kun rdzob la brten pa'i phyir ro zhes bya ba ni/don dam pa'i rgyu mtshan can nam don dam pa nyid don dam pa ste/ zad pa dang mi skye ba shes pa dag don dam pa pa yin yang kun rdzob la brten pa'i phyir ro/ /ci zhe na de dag la stong pa dang bdag med pa'i rnam pa dag ma gtogs so zhes bya ba sbyar ro/ /ji ltar 'di dag kun rdzob la brten zhe na/de'i phyir bdag gi skye ba zad do/ /'di las srid pa gzhan mi shes so zhes bya ba smos te go rims bzhin no/ /de dag gi stobs kyi rjes su tha snyad 'dogs pa'i sgo nas zhes bya ba ni kun rdzob la brten pa dang / zag pa med pa nyid la gtan tshigs smras pa ste/ gang gi phyir zad pa dang mi skye ba shes pa dag gi rjes kyi kun rdzob kyi shes pa dag de lta bu'i rnam pa can du 'jug pa de'i phyir de dag gi rjes su skyes pa kun rdzob kyi shes pa dag la de dag kun rdzob la brten pa zhes brjod de/zad pa dang mi skye ba shes pa dag ni don dam pa la 'jug kyang kun rdzob la brten to/ /stong pa dang bdag med pa'i rnam pa don dam pa la 'jug pa dag ni don dam pa nyid la brten pas 'di dag zad pa dang mi skye ba shes pas bsdus pa med do//ci zag pa med pa zhes bya ba rgyas par 'byung ngo / /bsam pa ci zhig yin zhe na/ ci ji ltar zag pa med pa spyi yid la byed pa rnam pa bcu drug bshad pa de bzhin du zag pa med pa rang gi mtshan nyid kyi rnam pa yang 'ga' zhig yod dam 'on te zag pa med pa spyi'i rnam pa kho na yin zhes bya ba'o//dogs pa de yang gang las she na/ gzhan gyi sems shes pa zag pa med pa'i rang gi mtshan nyid kyi yul can du bshad pa'i phyir ro/ /dri med bcu drug las gzhan rnams med de/ 'di skad bstan par 'gyur te/gzhan zag pa med pa spyi'i rnam pa yang med na/ rang gi mtshan nyid kyi rnam pa lta ga la yod ces bya ba'o/ /mi ldan pa'i sems kyi zhes bya ba ni zag pa med pas so/ /mi rtag pa dang / sdug bsngal ba dang zhes bya ba la sogs pa 'byung ste/ mi rtag pa ni mi rtag pa zhes bya ste/ta sil gyi rkyen 'di ni zhes bya ba'i don la sbyar ro/ /rkyen 'di ni thams cad la de bzhin du shes par bya'o/ /yang na mi rtag pa zhes bya ba ni mi rtag pa'i ngo bor ro/ /gzhan la yang de bzhin du sbyar bar bya'o/ /'di ni gnas yod do/ /'di ni gzhi yod do zhes bya ba ni 'di gnyis kyang zag pa med pa'i rnam pa yin te/'di ni gnas yod do zhes bya ba ni rang gi mtshan nyid yod do zhes bya ba'i don to/ /'di ni gzhi yod do zhes bya ba ni 'di ni rgyu yod do zhes bya ba'i tha tshig ste/ gnas dang gzhi'i sgra ni rang gi mtshan nyid dang rgyu'i rnam grangs yin pa'i phyir ro/ /rigs pas skyed pa'i sgo nas shes par 'gyur ro zhes bya ba ni phyin ci ma log par shes par 'gyur ro zhes bya ba'i tha tshig go//'di'i don ni nyi 'og pas smras pa gang yin pa 'di ma yin te/ 'o na ci zhe na/ 'di'i don mi rtag pa la sogs par 'gyur ba gang yin pa 'di ni gnas yod do/ /'di ni gzhi yod do zhes bya ba ste/ 'di ni srid pa yod do/ /'di ni go skabs yod do//'di ni 'byor pa yod do zhes bya ba 'di yin no/ /gzhi'i sgra ni de ltar shes par 'gyur ba gang yin pa 'di ni rgyu yod do zhes rgyu'i tshig kho na yin no/ /gnas ni go skabs yin no zhes bya ba ni 'jig rten la grags pa'i sgo nas so/ /gal te 'di bstan bcos kyi don yin par 'gyur na zhes bya ba rgyas par 'byung ngo //bdag dang bdag gi zhes bya ba ni 'jig tshogs la lta bas so/ /chad pa dang rtag pa zhes bya ba ni mthar 'dzin pa'i lta bas so/ /rgyu med pa dang / byed pa med pa dang / skur pa 'debs pa zhes bya ba ni log par lta bas so/ /mchog dang / gtso bo dang / khyad par du 'phags pa dang /dam pa zhes bya ba ni lta ba mchog tu 'dzin pas so/ /'das pa dang / grol ba dang / nges par 'byin pa zhes bya ba ni tshul khrims dang / brtul zhugs mchog tu 'dzin pas so/ /nem nur dang yid gnyis dang / the tshom zhes bya ba ni the tshom gyis so/ /chags pa zhes bya ba ni 'dod chags kyis so/ / sdang ba zhes bya ba ni zhe sdang gis so/ /rlom pa zhes bya ba ni nga rgyal gyis so/ /rmongs pa zhes bya ba ni gti mug gis so/ /de skad kyang mi 'byung ste zhes bya bas ni 'di ni gnas yod do/ /'di ni gzhi yod do/ /zhes bya ba 'di rnam pa bcu drug ma gtogs pa zag pa med pa'i rnam pa ma yin par shes par byas par 'gyur ro//de lta bas na 'di ni de'i don ma yin no zhes bya ba ni mi rtag pa la sogs par shes par 'gyur ba gang yin pa 'di ni gnas yod do/ /'di ni gzhi yod do zhes ji skad du smras pa'o/ /de ltar yid dang gzhan gyi sems shes pa thams cad rdzas kyi rang gi mtshan nyid kyi yul can du grub bo/ /rdzas su ni bdun yin zhes bya ba ni/phyin ci log bzhi'i gnyen po yin pa'i phyir sdug bsngal gyi rnam pa bzhi'i rdzas su yin zhing / kun 'byung dang / 'gog pa dang / lam gyi rnam pa rnams las re re zhig rdzas su yin pa'i phyir ro/ /kun 'byung gi rnam pa thams cad rgyu'i rnam grangs yin te/ dper na dbang po dang brgya byin dang grong khyer 'jig ces bya ba dang 'dra'o//de bzhin du 'gog pa dang / lam gyi rnam pa thams cad kyang 'gog pa dang lam zhes bya ba'i rnam grangs yin pas rdzas su bdun yin no/ /bye brag tu smra ba rnams ni rdzas su rnam pa bcu drug go zhes brjod de/ sdug bsngal gyi rnam pa bzhin du kun 'byung la sogs pa'i rnam pa thams cad kyang so sor mngon du bya dgos pa'i phyir rnam pa rnams ni shes rab kyi ngo bo nyid pas so zhes zer ro//de la rkyen la rag lus pa'i phyir mi rtag pa'o zhes bya ba ni rgyu la sogs pa rkyen la rag las pa'i phyir te/ rkyen la rag las te/ skye ba'i phyir ro zhes bya ba'i tha tshig go/ /gnod pa'i bdag nyid yin pa'i phyir sdug bsngal ba'o zhes bya ba ni gnod pa byed pa'i bdag nyid yin pa'i phyir ro//bdag gir lta ba'i mi mthun pa'i phyogs kyis stong pa'o zhes bya ba la/ bdag yod na bdag gi bar 'gyur ro/ /bdag tu lta ba'i mi mthun pa'i phyogs kyi bdag med pa'o zhes bya ba ni/ gang gi rtag pa de ni sdug bsngal ba'o//sdug bsngal ba ni bdag med pa'o zhes bya bas sdug bsngal gyi bden pa de ni bdag gi mtshan nyid can ma yin la/ bdag med pa de la bdag go snyam du mngon par zhen pa ni bdag tu lta ba ste/ de'i gnyen por bdag med pa'o/ /sa bon gyi chos kyi tshul gyis rgyu'o zhes bya bas ni/rgyu thag ring po'i gnas skabs ston te/ dang po'i sa bon lta bu'o/ /sa bon gyi chos kyi tshul gyis zhes bya ba ni/ sa bon gyi chos kyi lugs kyis zhes bya ba'i don to/ /'byung ba'i tshul gyis kun 'byung ba'o zhes bya bas ni/ de ma thag tu skye ba ltar rgyu thag nye ba'i gnas skabs ston te/'di phrad nas 'byung bas kun 'byung ba'o/ /'brel ba'i tshul gyis rab tu skye ba'o zhes bya bas ni rgyun ma 'chad pa'i rgyur ston te/ sa bon dang / myu gu dang / lo ma dang / sdong bu la sogs pa ltar 'di las rgyun chags pa 'am rab tu skye bas na rab tu skye ba'o/ /mngon par bsgrub pa'i don gyis na rkyen zhes bya bas ni/rgyu la sogs pa rkyen mang po zhig la skye ba ste/ rkyen rnams phan tshun mngon du phyogs pa las de skye ba'i phyir/ rkyen gcig gis skyed pa ni cung zad kyang med do/ /de nyid kyi phyir 'ji ba'i gong bu dang / thal zhar dang / 'khor lo dang / tha gu dang / chu rnams 'dus pa dper brjod do//phung po zhig pa'i phyir 'gog pa'o zhes bya ba ni/ phung po skye ba 'gog pa'i don gyis so/ /me gsum zhi ba'i phyir zhes bya ba ni/ 'dod chags dang / zhe sdang dang / gti mug gi me zhi ba'i phyir ro/ /'tshe ba med pa'i phyir gya nom pa'o zhes bya ba ni sdug bsngal med pa'i phyir zhes bya ba'i don gang yin pa'o/ / skyon thams cad dang bral ba'i phyir nges par 'byung ba'o zhes bya ba la/ skyon ni sdug bsngal gyi rgyu rnams te/ sdug bsngal gyi rgyu thams cad dang bral zhes bya ba'i don to/ /bgrod pa'i don gyis ni lam mo zhes bya ba ni mya ngan las 'das par bgrod pa'i don gyis so/ /rigs pa dang ldan pa'i phyir/ rigs pa'o zhes bya ba ni/'thad pa dang ldan pa'i phyir zhes bya ba'i don to/ /yang dag par bsgrub pa'i don gyis bsgrub pa'o zhes bya ba ni yang dag par 'gro ba'i don gyis na zhes bya ba'i tha tshig go/ /shin tu yang dag par 'da' bar byed pa'i phyir nges par 'byin par byed pa'o zhes bya ba ni/ 'bras las nyams pa 'chi ba med/ / ces 'byung ba'i phyir ro/ /nges par 'byung ba'i dgos pa ni nges par 'byin pa ste/ dbang po'i dga' ston bzhin no/ /gtan du ba ma yin pa'i phyir mi rtag pa'o zhes bya ba ni/ sngar ni snga na med pas mi rtag par bshad la/ da ni zhig nas med pas mi rtag pa'o zhes ston to/ /khur lta bur gyur pa'i phyir zhes bya ba ni/khur lta bur gyur pa'i phyir zhes bya ba'i don to/ /sdug bsngal gyi gang zag de 'tshir zhing gnon par byed do zhes bya ba'i tha tshig go/ /'dod dgur byed pa med pa'i phyir zhes bya ba ni 'di la 'dod dgur byed pa'i ngang tshul yod pas na 'dod dgur byed pa'o/ /'dod dgur byed pa med pa ni 'dod dgur byed pa ma yin pa'o//don 'di ni mdo las kyang gsungs te/ dge slong dag gal te gzugs bdag yin par 'gyur na/ gzugs bdag nyid la gnod pa byed par 'gyur gyi zhes bya ba rgyas par 'byung ngo / /'ong ba'i tshul gyis rgyu'o zhes bya ba ni/ 'di las 'ong bas na rgyu ste/ 'di las skye bas na zhes bya ba'i tha tshig go//'byung ba'i tshul gyis kun 'byung ba'o zhes bya ba ni/ gang gi phyir ma 'ongs pa'i dus nas bdag nyid du red cing 'byung ba'o/ /'phel ba'i tshul gyis rab tu skye ba'o zhes bya ba ste/ dper na sa bon dang / myu gu dang / lo ma la sogs pa'i rgyun gyis 'phel ba lta bu'o/ /so sor 'brang ba'i don gyis rkyen to zhes bya ba ni skyed pa'i bya ba la gtso bor gyur pa'o//rjes su 'gro ba'i don gyis zhes bya ba'i tha tshig tu bstan par 'gyur ro/ /'brel pa med pas 'brel ba zhig pa'i phyir 'gog pa'o zhes bya ba ni sdug bsngal phyi ma dang 'brel pa med cing / sdug bsngal snga ma 'gog pa'i phyir zhes bya ba'i don to/ / 'dus byas kyi mtshan nyid gsum dang bral ba'i phyir zhes bya ba ni skye ba dang 'jig pa dang gnas pa las gzhan du 'gyur ba nyid dang bral ba'i phyir ro/ /dge ba'i phyir gya nom pa'o zhes bya ba ni/ thar pa dam pa'i don du dge zhes bya ba yin pas so/ /yid brtan pa'i mchog yin pa'i phyir nges par 'byung ba'o zhes bya ba ni sdug bsngal thams cad rgyun chad pas mchog tu bde ba'i phyir dang /de las gzhan yid brtan par bya ba med pa'i phyir ro/ /lam ngan pa'i mi mthun pa'i phyogs kyi lam mo zhes bya ba ni/ mya ngan las 'das pa tshol ba'i phyir ro/ /rigs pa ma yin pa'i mi mthun pa'i phyogs kyis rigs pa'o zhes bya ba ni de las gzhan pa rigs pa ltar snang ba yin pa'i phyir ro//mya ngan las 'das pa'i grong dang mi 'gal ba'i don gyis bsgrub pa'o zhes bya ba ni/ mya ngan las 'das pa'i grong du 'jug pa dang mi 'gal zhing slu bar mi byed pa'o/ /'dis sgrub par byed pas na sgrub pa'o/ /srid pa thams cad kyi gnyen po yin pa'i phyir/nges par 'byin par byed pa'o zhes bya ba ni 'dod pa dang gzugs dang gzugs med pa'i srid pa'i gnyen po yin pa'i phyir te/ 'jig rten pa ni phyogs gcig gi gnyen po yin no/ /ji ltar 'dod pa bzhin brjod par bya ste zhes bya ba ni slob dpon gyis smos pa'o/ /skye ba dang 'jig pa'i chos can yin pa'i phyir zhes bya ba ni bdag nyid 'thob pa'i sngar ram 'og tu med pa'i phyir ro zhes bya ba'i tha tshig go//mi mthun par gyur pa'i phyir sdug bsngal ba'o zhes bya ba ni/ 'du byed kyi sdug bsngal nyid kyis so/ /bdag dang bral ba'i phyir stong pa'o zhes bya ba ni/ nang gi byed pa'i skyes bu dang bral ba'i phyir ro//bdag nyid kyis bdag ma yin pa'i phyir bdag med pa'o zhes bya ba ni/ gang mi rtag pa de ni sdug bsngal ba'o/ /gang sdug bsngal ba de ni bdag med pa'o zhes bdag gi mtshan nyid med pa'i phyir ro/ /'dun pa'i rtsa ba can zhes bya ba ni dang po'i rgyu'i dbang du mdzad nas 'dun pa'i rgyu can no//'dir 'dun pa ni sred pa'i rnam grangs so/ /'dun pa las kun 'byung ba zhes bya ba ni nye ba'i rgyu dbang du mdzad nas 'dun pa'i rgyu can no/ /'dun pa'i rigs can zhes bya ba ni 'dun pa'i rkyen can no/ /'dun pa las rab tu skye ba zhes bya ba ni/ de ma thag pa'i rgyu'i dbang du mdzad nas so/ /rab tu skye ba zhes bya ba'i sgra tha mar 'don pa 'ba' zhig tu zad do zhes bya ba ni kun 'byung gi rnam pa bzhi las rab tu skye ba'i rnam pa gsum par 'don cing rkyen gyi rnam pa bzhi par 'don mod kyi/mdo las bstan par ni rab tu skye ba'i sgra rgyu kun 'byung ba rkyen rab tu skye ba zhes phyi nas 'don par bya'o/ /yang 'dun par mtshungs bzhin du 'dun pa 'di dag la khyad par ci yod ce na/nga'o snyam pa ni bye brag med par lus la 'dun pa yin no zhes bya ba ni phung po mtha' dag la bdag gi dngos po don du gnyer bas zhes bya ba'i don to/ /gyur cig snyam pa ni bye brag med par yang srid pa la 'dun pa yin no zhes bya ba ni lha dang mi la sogs pa'i rnam pa la mi ltos par yang srid pa tsam zhig don du gnyer ba'o//'di lta bur gyur cig ces bya ba rgyas par 'byung ba rnam pa 'dir gyur cig ces lha 'am/ mi yang rung ste/ bye brag tu sred pa la 'dun pa'o/ /nying mtshams sbyor ba nyid 'ching ba yin pas na nying mtshams sbyor ba'i 'ching ba ste/ de la 'dun pa ni don du gnyer ba'o//dmyal bar nying mtshams sbyor ba'i 'ching ba don du gnyer ba mi srid pas de'i phyir yang na las mngon par 'du byed pa la 'dun pa yin zhes bya ba smos so/ /las la mngon par 'du byed pa ni las mngon par 'du byed pa ste/ de la 'dun pa ni sbyin pa 'di lta bu dang 'di lta bu sbyin no snyam du don du gnyer ba'i sgo nas don du gnyer ba'o//de la dang po ni sdug bsngal gyi dang po'i rgyu yin pa'i phyir rtsa ba'i rgyu yin no zhes bya ba ni/ dang po 'dun pa des 'phangs pa'i 'dun pa las brgyud nas phung po lnga 'am bzhi'i skye ba mngon par 'grub pa ste/ 'di ni phung khrol thams cad kyi rtsa ba'i rgyu yin no/ /'bras bu'i sa bon bzhin no zhes bya ba ni/rtsa ba'i rgyu yin pa lta bu ste/ sa bon gyis 'phangs pa'i myu gu la sogs pa'i rgyu las 'bras bu 'byung ba'i phyir ro/ /gnyis pa ni kun 'byung ba yin te/ des de yang dag par 'grub pa'i phyir zhes bya ba ni/ bye brag med par yang srid pa la 'dun pa gang yin pa 'dun pa gnyis pa des lus de yang dag par 'grub pa'i phyir/skad cig ma brgyud pas 'bras bu myu gu la sogs pa skye ba bzhin te/ dper na brgyud nas myu gu la sogs pa skye ba 'bras bu'i yang dag par 'grub pa yin pa de dang 'dra'o/ /gsum pa ni 'di lta bur gyur cig snyam pa'i 'dun pa ji skad du bshad pa'o/ /de dang 'dra ba'i sdug bsngal gyi rkyen yin te zhes bya ba ni/bye brag tu yang srid pa la 'dun pa rnam pa gang yin pa de dang 'dra ba'i sdug bsngal gyi rkyen du gyur pa dang / mi lus don du gnyer ba ni 'gro ba gzhan gyi lus kyi rkyen du mi 'gyur ro/ /lus la sogs pa bzhin no zhes bya ba la sogs pa zhes bya ba'i sgras ni rlung dang / nyi ma la sogs pa bsdu ste/ de dag kyang 'bras bu phun sum tshogs par 'gyur ro//nus pa ni bsil ba dang / dro ba nyid do/ /rnam par smin pa ni mngar ba dang / skyur ba nyid do/ /mthu ni gzugs la sogs pa rnams kyi nus mthu'i khyad par te/ gang las 'byung ba dang / sdud pa la sogs par 'gyur ba'o/ /bzhi pa ni rab tu skye ba ste/ de kho na las de skye ba'i phyir zhes bya ba la/de kho na las zhes bya ba ni nying mtshams sbyor ba'i 'ching ba la 'dun pa las so/ /de skye ba'i phyir zhes bya ba ni nying mtshams sbyor ba yang srid pa zhes bya ba skye zhing 'byung ba'i phyir 'bras bu'i tha ma me tog bzhin te/ dper na tha ma me tog las 'bras bu rab tu skye ba bzhin no/ /'dir 'dun pa bzhi pa ni yang srid pa'i mngon sum pa'i rgyu yin no//snga ma gsum ni brgyud pa'i rgyu yin no/ /yang na 'dun pa bzhi ni sred pa'i bye brag rnams las lnga tshan gnyis dang bzhi tshan gnyis yin te zhes bya ba ni ji skad du bshad pa dag ste/ go rims bzhin no/ /ji ltar zhe na/ nga'o snyam du bye brag med par lus la 'dun pa de ni srid pa'i bye brag lngar 'gyur te/dge slong dag nga'o snyam pa yod na/ nga 'di lta bu'o snyam pa 'byung bar 'gyur zhing / nga 'di 'dra'o snyam pa dang / nga de lta ma yin no snyam pa dang / nga bzang ngo snyam pa dang / nga ngan no snyam pa 'byung bar 'gyur ro zhes bya ba'o/ /bye brag med par lus la 'dun pas sdug bsngal ba lnga tshan 'di ni de lta'o//lnga tshan gnyis pa ni de la 'byung bar 'gyur ro snyam pa 'byung bar 'gyur zhing de la 'byung bar mi 'gyur snyam pa dang / 'di lta bur 'gyur ro snyam pa dang / 'di 'dra bar 'byung bar 'gyur ro snyam pa dang / de lta ma yin par 'byung bar 'gyur ro snyam pa 'byung bar 'gyur ro zhes bya ba ste/'dun pa lnga tshan 'di ni bye brag med par yang srid pa la 'dun pa yin no/ /de la gyur cig snyam pa 'byung bar 'gyur zhing de la 'di lta bur gyur cig snyam pa dang de 'dra bar gyur cig snyam pa dang de lta ma yin par gyur cig snyam pa 'byung ba bzhi tshan 'di ni bye brag med par yang srid pa la 'dun pa yin no//gyur kyang ci ma rung snyam pa dang / 'di lta bur gyur kyang ci ma rung snyam pa dang / de lta bu ma yin par gyur kyang ci ma rung snyam pa 'byung bar 'gyur ba bzhi tshan 'di ni bzhi pa nying mtshams sbyor ba'i 'ching ba la 'dun pa yin no/ /de la dang po ni sdug bsngal gyi dang po'i rgyu yin pa'i phyir rtsa ba'i rgyu yin te zhes bya ba rgyas par snga ma bzhin du sbyar bar bya'o//'jug pa med pa'i phyir 'gog pa'o zhes bya ba ni nyon mongs pa dang skye ba'i 'jug pa zhi ba'i phyir zhes bya ba'i don to/ /sdug bsngal zhi ba'i phyir zhi ba ste/ sdug bsngal ni ma zhi ba yin la/ de yang skye ba kho na yin no//ji ltar zhe na/ de'i phyir dge slong dag de ltar na zhes bya ba rgyas par smos so/ /gong na med pa'i phyir gya nom pa'o zhes bya ba la/ gong na yod pa ni gya nom pa yin no zhes bya bar mi rung ngo / /yang phyir mi ldog pa'i phyir nges par 'byung ba'o zhes bya ba la/ gtan du ba ma yin pa ni nges par 'byung ba ma yin no//lam lta bur gyur pa'i phyir lam mo zhes bya ba ni lam dang chos mthun pa'i phyir zhes bya ba'i tha tshig go/ /yang dag pa ji lta ba bzhin zhugs pa'i phyir rigs pa'o zhes bya ba ni yang dag pa ji lta ba bzhin zhugs pa ma yin pa ni rigs pa ma yin pa'i phyir ro/ /so sor nges pa'i phyir sgrub pa ste zhes bya ba la so sor nges pa nyid ni mya ngan las 'das par nges pa nyid de/de nyid kyis der 'gro ba'i phyir ro/ /de nyid la khungs ni/ ji skad du zhes bya ba rgyas par 'byung ba'o/ /gtan du nges par 'byung bar byed pa'i phyir nges par 'byin no zhes bya ba ni snga ma bzhin no/ /yang na rtag pa dang bde ba dang bdag gi dang bdag tu lta ba spyad pa rnams kyi zhes bya ba rgyas par 'byung ste/de la 'du byed rnams rtag go snyam du lta bas spyad pa rnams la ni mi rtag pa'i rnam pa'o/ /'du byed rnams bde'o snyam du lta bas spyad pa rnams la ni sdug bsngal ba'i rnam pa'o/ /'du byed rnams bdag gi ba'o snyam du lta bas spyad pa rnams la ni stong pa'i rnam pa'o//'du byed rnams bdag yin no/ /snyam du lta bas spyad pa rnams la ni bdag med pa'i rnam pa'o/ /'du byed rnams rgyu med pa'o snyam du lta bas spyad pa rnams la ni rgyu'i rnam pa'o/ /thams cad kyi rgyu dbang phyug la sogs pa gcig pu'o snyam du lta bas spyad pa rnams la ni kun 'byung ba'i rnam pa'o//'gyur bar lta bas spyad pa rnams la ni rab tu skye ba'i rnam pa ste/ dang por 'byung zhing rab tu skye ba yin gyi/ 'gyur ba ni ma yin no zhes bya ba'o/ /yang na 'gyur ba zhes bya ba ni dga' ba'i gang du skye ba zhes bya ba ni skye ba'i rnam grangs so/ /blo sngon du btang ba byed pa po yin no snyam du lta bas spyod pa rnams la rkyen gyi rnam pa ste/rkyen gyi tshig ni blo sngon du ma btang ba'i rgyu'i tshig go/ /thar pa med pa zhes bya ba la sogs pa la/ skye ba'i rgyun la thog ma bzhin du tha ma yang med do snyam du gang dag log par lta ba gang yin pa de'i gnyen por 'gog pa'i rnam pa yin no/ /yul nye bar longs spyad pa med phyir dang /dbang po rnam 'jig pa'i phyir na/ sdug bsngal ni thar pa yin no snyam du lta bas spyad pa rnams kyi gnyen por ni zhi ba'i rnam pa yin no/ /bsam gtan gyi bde ba gya nom pa yin par lta bas spyad pa rnams zhes bya ba la sogs pa thams cad ni brda phrad par sla bas rnam par ma phye'o/ /shes rab gzhan dang mtshungs par mi ldan pa'i phyir shes rab rnams dang bcas par mi 'gyur te/rten dang dmigs pa dang rnam pa dang dus dang rdzas mtshungs pa dag gis mtshungs par ldan pas na mtshungs par ldan pa'o zhes bya ba ni nges pa yin no/ /'di ltar rnam pa ni sems dang sems las byung ba thams cad kyi dmigs pa 'dzin pa'i rnam pa yin no zhes bya ba ni rigs par 'gyur ro zhes bya ba ni//mdo sde pa'i lugs yin no/ /'dzin pa ni 'dzin pa'i bye brag go/ /de lta ma yin na/ shes rab kyang rnam pa dang bcas par 'gyur ro zhes bya bar grub po/ /yang ci shes rab kho nas 'dzin par byed dam zhes bya ba ni/gtod par byed dam zhes bya ba'i don to/ /de dang bcas pa'i dmigs pa dang bcas pas 'dzin par byed ces bya ba 'dis ga las she na/ bstan bcos las te/ dmigs pa dang bcas pa'i chos rnams gang zhe na/ sems dang sems las byung ba thams cad do zhes gsungs so//de nyid kyi phyir dmigs pa dang bcas pa'i chos gzhan thams cad kyis kyang 'dzin par byed do zhes bya ba smos so/ /yod pa thams cad gzung bya yin/ /zhes bya ba ni gang cung zad rdzas su yod pa 'am brtags par yod pa de thams cad gzung bar bya ba yin no/ /'dir yod pa smos pa ni med pa bzlog par bya ba'i phyir ro//thams cad smos pa ni rdzas dang kun rdzob nye bar gzung bar bya ba'i phyir ro/ /de ltar byas nas zhes bya ba rgyas par 'byung ste/ shes rab ni rnam pa yang yin te/ de'i rang bzhin yin pa'i phyir ro/ /'dzin par byed pa yang yin te/ dmigs pa dang bcas pa'i phyir ro/ / gzung bar bya ba yang yin te yod pa'i phyir dang / shes rab kyi dmigs pa yin pa'i phyir ro/ /dmigs pa dang bcas pa gzhan ni 'dzin par byed pa dang gzung bar bya ba ste/ tshogs pa phyi ma gtad par bya ba yin te/ chos thams cad ni skad cig ma gnyis kyi dmigs pa yin no zhes 'byung ba'i phyir ro/rnam pa ni ma yin te/ shes rab kyi rang bzhin ma yin pa'i phyir dang / shes rab kho na rnam pa yin no zhes bya ba grub pa'i mtha' yin pa'i phyir ro/ /dmigs pa med pa'i chos rnams ni gzung bar bya ba kho na yin no zhes bya ba ni gtang bar bya ba kho na yin te/ gtong bar byed pa ma yin no zhes bya ba'i tha tshig go//dge ba la sogs pa'i bye brag bstan par bya ste zhes bya ba ni/ dge ba dang mi dge ba dang lung du ma bstan pa dang / sa dang rten la sogs pa'i bye brag bstan par bya ste/ dang po rnam gsum zhes bya ba ni zag pa dang bcas pa yin pa nyid kyi phyir ro/ /gzhan rnams dge zhes bya ba ni/zag pa med pas nye bar 'tshe ba med pa nyid kyis te nye bar 'tshe ba med par 'gro ba yin no/ /tshigs su bcad pa'i dang po na yod pa'i phyir zhes bya ba ni/ shes pa zag bcas zag pa med/ /ces bya ba'i tshigs su bcad pa der kun rdzob shes pa dang por 'don pa yin no/ /dang po sa rnams thams cad na//zhes bya ba ni/ kun rdzob shes pa ni rang gi ngo bo dmigs pa'i sgo nas 'dod pa'i khams nas srid pa'i rtse mo'i bar du dmigs so/ /drug na chos shes bya zhes bya ba ni mthong ba'i lam sa drug pa yin pa'i phyir te/ de dag gcig tu zad pa dang bcas pa'i phyir mi lcogs pa med pa las gzhan pa'i nye bar bsdogs pa dag na med la 'dod pa'i khams la dmigs pa'i phyir gzugs med pa'i sa dag na yang med do//dgu na rjes shes bya ba zhes bya ba ni mi lcogs pa med pa la sogs pa rnams gong ma'i sdug bsngal la sogs pa dmigs pa'i phyir la/ bsam gtan gnyis pa la sogs pa'i nyer bsdogs rnams dang /srid pa'i rtse mo ni gcig tu zag pa dang bcas pa'i phyir ro/ /de bzhin drug ces bya ba la/ de bzhin zhes bya ba'i sgras ni ma phye bar sa dgu pa'i rnam pa dang sbyar ro/ /phye na ni ci rigs par drug dang dgu dag na yod do/ /gzhan yid shes pa bsam gtan na/ /zhes bya ba ni mngon par shes pa'i dbang du byas nas bshad pa'o//gzhan na med do zhes bya ba ni nyer bsdogs dang bsam gtan dang gzugs med pa dag na med pa'o/ /de ni 'dod dang gzugs rten can/ /zhes bya ba la gzhan gyi sems shes pa ni 'dod pa dang gzugs kyi rten can kho na yin gyi/ gzhan gyi sems shes pa kho na 'dod pa dang gzugs kyi rten can ni ma yin no//gong na mthong lam med ces 'byung ba'i phyir/ chos shes pa ni 'dod pa'i rten can kho na yin gyi/ chos shes pa kho na 'dod pa'i rten can ni ma yin no/ /de nyid kyi phyir/ khams gsum pa'i rten can gzhan zhes bya ba smos so/ /pha rol gyi sems shes pa dang chos shes pa ma gtogs so zhes bya ba la/rjes su shes pa dang sdug bsngal shes pa la sogs pa bsgom pa'i lam gyis bsdus pa bzhi dang / zad pa dang / mi skye ba shes pa dang kun rdzob shes pa ni khams gsum pa'i rten can yin no/ /'gog pa shes pa ni gcig ste/ chos dran pa nye bar gzhag pa yin no zhes bya ba ni 'gog pa lus dang tshor ba dang sems dang mtshan nyid mi mthun pa'i phyir chos dran pa nye bar gzhag pa de la dmigs pa yin no//gzhan gyi sems shes pa ni tshor ba dang / sems dran pa nye bar gzhag pas bsdus pa'i phyir yin no zhes bya bar rtogs na chos dran pa nye bar gzhag pa go ji ltar yin zhe na/sems las byung ba 'du shes kyi khyad par la dmigs pa'i phyir te/ 'du shes la sogs pa dag ni chos kyi skye mched kyis bsdus pa'i phyir ro/ /tshor ba yang chos kyi skye mched kyis bsdus mod kyi de ni dran pa nye bar gzhag pa dag tu so sor gzhag ste/ gsum las gzhan ni chos so zhes sngar bshad zin to//lhag ma bzhi yin no zhes bya ba ni/ lhag ma ni shes pa brgyad de/ de la kun rdzob shes pa ni thams cad kyi yul can yin pas dran pa nye bar gzhag pa bzhi yin no/ /chos shes pa ni sdug bsngal la sogs pa la dmigs pas bzhi yin no/ / rjes su shes pa yang de dang 'dra'o/ /sdug bsngal dang kun 'byung dang lam dang zad pa dang mi skye ba shes pa rnams ni re re zhing dran pa nye bar gzhag pa bzhi bzhi yin te/ phung po lnga la dmigs pa'i phyir ro/ /rjes su shes pa ma gtogs so/ /zhes bya ba ni/ chos rjes blo phyogs phan tshun min/ / zhes 'byung ba'i phyir ro/ /chos shes pa'i phyogs dang mthun pa lam shes pa'i dmigs pa ni sdug bsngal dang kun 'byung ba dang / 'gog pa dang / lam dang / zad pa dang / mi skye ba shes pa dang / gzhan gyi sems shes pa rnams so/ /sdug bsngal dang kun 'byung shes pa dag gi dmigs pa ni kun rdzob shes pa 'dod pa na spyod pa'i sdug bsngal dang de kun 'byung bas bsdus pa'o//rjes su shes pa ni thams cad du chos shes pa'i dmigs pa ma yin te yul tha dad pa'i phyir ro/ /lam rjes blo yi dgu yin no/ /zhes bya ba la/ rjes su shes pa'i phyogs dang mthun pa sdug bsngal la sogs pa shes pa la ni de'i phyogs dang mthun pa'i lam kho nas dmigs la kun rdzob shes pa khams gong ma'i sdug bsngal dang kun 'byung gis bsdus pa la ni sdug bsngal dang kun 'byung shes pa dag kho nas dmigs so//gzhan gyi sems shes pa la ni rjes su shes pa'i phyogs kyis bsdus pa lam shes pas dmigs so//lam shes pa'i dmigs pa yang dgu yin te/ kun rdzob shes pas ma gtogs so zhes bya ba la/ lam shes pa ni lam la dmigs pas de'i dmigs pa ni shes pa zag pa med pa dgu yin te/ de dag lam gyi bdag nyid yin pa'i phyir ro/ /kun rdzob shes pa'ang ma yin la/ gzhan gyi sems shes pa zag pa dang bcas pa yang ma yin te/lam shes pa zag pa med pa la dmigs pa'i phyir ro/ /sdug bsngal rgyu blo'i gnyis yin no/ /zhes bya ba la/ kun rdzob shes pa ni sdug bsngal dang kun 'byung gi nang du gtogs pa'i phyir sdug bsngal dang kun 'byung shes pa dag gi dmigs pa yin no zhes bya bar rtogs na gzhan gyi sems shes pa ni ji ltar zhe na/gzhan gyi sems shes pa'i phyogs gcig kyang sdug bsngal dang kun 'byung gis bsdus pa yod de zag pa dang bcas pa gang yin pa'o/ /bzhi'i bcu yin zhes bya ba 'byung ste/ de la kun rdzob shes pa ni thams cad kyi yul can yin pa'i phyir shes pa bcu la dmigs so zhes bya bar rtogs na/ji ltar gzhan gyi sems shes pa'i dmigs pa bcu yin zhe na/ gzhan gyi sems shes pa ni chos dang rjes dang lam dang kun rdzob shes pas bsdus pa yin la/ de'i dmigs pa ni rnam par ma phye bar shes pa bcu yin la/ dbye na ni chos dang rjes kyis bsdus pa dag gis ni shes pa brgyad do//lam shes pas bsdus pa yi ni dgu'o/ /kun rdzob shes pas bsdus pa yi ni kun rdzob shes pa dang gzhan gyi sems shes pa gnyis so/ /ji ltar zad pa dang mi skye ba shes pa dag gi dmigs pa shes pa bcu yin zhe na/ zad pa dang mi skye ba shes pa dag ni bdag gis lam bsgoms te/yang bsgom du med do zhes bya ba chos dang rjes su shes pa'i lam la dmigs pa yin te/ de'i phyir shes pa zag pa med pa dgu la dmigs pa sdug bsngal dang kun 'byung gi bden pa la dmigs pa'i zad pa dang mi skye ba shes pa dag ni bdag gis sdug bsngal yongs su shes par byas te/yang yongs su shes par byar med/ kun 'byung spangs te yang yongs su spang du med do zhes sdug bsngal dang kun 'byung gis bsdus pa'i kun rdzob shes pa la dmigs so/ /dbye na ni chos shes pas bsdus pa dag gi dmigs pa ni rjes su shes pa ma yin la/rjes su shes pas bsdus pa dag gi ni chos shes pa ma yin no/ /chos 'dus byas rnams la rnam pa brgyad du bya'o zhes bya ba la/ 'dod pa dang ldan pa'i chos rnams ni rnam pa gnyis te/ mtshungs par ldan pa dang ldan pa ma yin pa'o/ de bzhin du gzugs dang ldan pa yang rnam pa gnyis yin la/gzugs med pa dang ldan pa yang rnam pa gnyis yin no/ /zag pa med pa yang rnam pa gnyis te/ mtshungs par ldan pa dang mi ldan pa ma yin pa'o/ /dge ba dang lung du ma bstan pa'i bye brag gis zhes bya ba ni/ dge ba ni so sor brtags pa'i 'gog pa ste/ thar pa dam pa'i don du dge//zhes bya ba 'byung ba'i phyir ro/ /lung du ma bstan pa ni nam mkha' so sor brtags pa ma yin pas 'gog pa ste/ lung ma bstan pa brtan pa dag /ces 'byung ba'i phyir ro/ /de la kun rdzob shes pa'i dmigs pa ni chos bcu po thams cad yin no zhes bya ba ni/ kun rdzob yul ni thams cad do//zhes bya ba yin pa'i phyir ro/ /chos shes pa yi ni lnga ste zhes bya ba ni/ sdug bsngal dang kun 'byung la dmigs pa'i 'dod pa na spyod pa'i mtshungs par ldan pa dang ldan pa ma yin pa dag go/ /chos shes pa'i phyogs dang mthun pa lam gyi bden pa la dmigs pa ni zag pa med pa mtshungs par ldan pa dang ldan pa ma yin pa dag go//'gog pa'i bden pa la dmigs pa'i ni 'dus ma byas dge ba yin te/ 'dus ma byas lung du ma bstan pa ni bden pas ma bsdus pas de ni zag pa med pa'i shes pas dmigs pa ma yin no/ /gzugs dang gzugs med pa na spyod pa dang zag pa med pa dang /drug dang zhes bya ba ni mtshungs par ldan pa dang ldan pa ma yin pa'i bye brag gis so/ /'dus ma byas dge ba yang yin no/ /drug ste 'dod pa dang gzugs dang gzugs med pa na spyod pa rnams yin no zhes bya ba ni re re zhing mtshungs par ldan pa dang ldan pa ma yin pa'i bye brag gis so/ /'gog pa shes pa'i ni gcig ste zhes bya ba ni/de ni rtag tu so sor brtags pas 'gog pa la dmigs pa'i phyir ro/ /lam shes pa'i ni gnyis te zhes bya ba ni/ zag pa med par mtshungs par ldan pa yin pa dang ldan pa ma yin pa dag go/ /'dod pa dang gzugs na spyod pa dang zag pa med pa dang mtshungs par ldan pa rnams so zhes bya ba ni/gzhan gyi sems shes pa ldan pa ma yin pa'i 'du byed dam/ gzugs med kyi khams la dmigs pa med pa'i phyir ro/ /zad pa dang mi skye ba shes pa dag gi dmigs pa ni chos dgu yin te zhes bya ba ni zad pa dang mi skye ba shes pa dag gi dmigs pa ni chos dgu yin te/ re re yang khams gsum gyi sdug bsngal la sogs pa'i bden pa la dmigs pa'i phyir ro//'dus ma byas lung du ma bstan pa ma gtogs so zhes bya ba ni de bden pas ma bsdus pa'i phyir dang zad pa dang mi skye ba shes pa dag bden pa'i yul can yin pa'i phyir de ma gtogs so/ /de'ang lhan cig 'byung ba'i chos rnams zhes bya ba ni/tshor ba la sogs pa sems las 'byung ba rnams dang de dag gi thob pa dang skye ba la sogs pa rnams te/ de dag dang rang gi ngo bo mi 'dzin no/ ci'i phyir rang gi ngo bo mi 'dzin zhe na/ yul dang yul can tha dad pa'i phyir te/ yul ni yul can las tha dad de/ rang gi bdag nyid la bya ba 'gal ba'i phyir sor mo'i rtse mo dang ral gri'i so ni de nyid kyis mi reg cing mi gcod pa bzhin no//chos mngon pa pa rnams ni gang zhig ma tshang bas gang mi skye ba de ni de'i rkyen yin na rang gi ngo bo ma tshang bas dngos po rnams mi skye ba yang ma yin te/ rang gi ngo bo rtag tu yod pa'i phyir te rkyen nyid ma yin no zhes zer ro/ /gal te sems dang sems las byung ba rnams rang gi ngo bo'i yul can ma yin na/'o na phan tshun gyi yul can du 'gyur ro zhe na/ bshad pa phan tshun gyi yul can ma yin te/ dmigs pa gcig pa'i phyir ro/ /sems dang sems las byung ba rnams ni dmigs pa gcig pa'i phyir te/ phan tshun gyi yul can nyid yin na ni dmigs pa gcig pa nyid nyams par 'gyur ro//de lta na ni 'o na rang gi tshogs pa dang ldan pa ma yin pa 'dzin par 'gyur te/ dmigs pa med pa'i phyir dang yul dang yul can tha dad pa'i phyir ro zhe na/ /de'i phyir ha cang nye ba'i phyir zhes bya ba smos te/ ldan pa ma yin pa 'dzin pa yang ma yin te/ha cang nye ba'i phyir mig la gnas pa'i mig sman dang mig sman gyi thur ma la sogs pa mi mthong ba bzhin no/ /mdo las kyang skad cig ma gcig la chos thams cad yul yin pa med do zhes bya ba mthong ste/ 'di skad du/ dge sbyong ngam bram ze yang rung / gang cig car thams cad shes pa'am mthong ba de ni 'ga' yang med do zhes bya ba yin no zhes 'byung ngo //de ni rnam par chad pa la dmigs pa'i phyir ro zhes bya ba ni bar chad med pa dang rnam par grol ba'i lam rnams go rims bzhin du sa 'og ma dang gong ma la dmigs pa'i phyir ro/ /sbyor ba dang khyad par gyi lam dag gi dmigs pa yang ci rigs par sa gcig pu 'ga' zhig kho na yin gyi/thams cad ni ma yin no/ /nges par 'byed pa'i cha dang mthun pa'i sbyor ba'i lam gyis bsdus pa gang gi dmigs pa 'dod pa'i khams yin pa de'i gzugs dang gzugs med pa'i khams ma yin no/ /de bzhin du gang gi gzugs dang gzugs med pa'i khams yin pa de'i 'dod pa'i khams ma yin no//de bzhin du mi sdug pa dang tshad med pa dang zil gyis gnon pa'i skye mched la sogs pa dang / rnam par sun 'byin pa dang / khyad par can gyis bsdus pa'i dmigs pa ni 'dod pa'i khams kho na yin gyi khams gzhan dag ni ma yin no//de lta ma yin na zhes bya ba ni gal te sa thams cad la dmigs pa yin na ni de lta na sa thams cad las cig car 'dod chags dang bral bar 'gyur te/ sa 'og ma la yin pa 'ga' zhig tu ma zad kyi/ sa gong ma dang 'og ma las kyang 'dod chags dang bral bar 'gyur ro/ /so so'i skye bo 'dod chags dang bral ba kho na shes pa gcig dang ldan par ma zad kyi/'phags pa dang / zag med skad cig dang po la/ /chags can shes pa gcig dang ldan/ /chags can zhes khyad par du byas pa ni 'dod chags dang bral ba ni sdug bsngal la chos shes pa'i bzod pa la gzhan gyi sems shes pa dang ldan pa'i phyir ro/ /zag med skad cig dang po la//zhes bya ba ni bzod pa rnams shes pa'i bdag nyid ma yin pa'i phyir kun rdzob shes pa gcig pu kho na dang ldan no zhes ston pa'o/ /gnyis pa la gsum ste zhes bya ba ni sdug bsngal la chos shes pa de nyid chos shes pa dang sdug bsngal shes pa gnyis su bgrang ste/ go rims bzhin du chos tsam rtogs pa'i phyir dang /sdug bsngal gyi yul can yin pa'i phyir ro/ /bzhi la re re 'phel dang ldan/ /zhes bya ba 'byung ste/ chos shes pa dang sdug bsngal shes pa ni yongs su bgrang ba zin te/ de ni rjes su shes pa dang kun 'byung dang 'gog pa dang lam shes pa rnams yongs su bgrang bar bya ba yin pas de'i phyir bzhi la zhes bya ba la sogs pa smos so//lam la chos shes pa rnams la ni bdun dang ldan pa yin no zhes bya ba ni kun rdzob dang chos dang / rjes su shes pa dag dang / sdug bsngal la sogs pa bzhi dang ldan no/ /lam la rjes su shes pa la yang de dag kho na dang ldan te/ rjes dang lam shes pa dag ni sngar bgrangs zin pa'i phyir ro//'dod chags dang bral ba zhig yin na ni thams cad du zhes bya ba ni mthong ba'i lam gyi skad cig ma bco lnga la ni pha rol gyi sems shes pa 'jig rten pa lhag par ldan no/ /de ltar byas na zag pa med pa'i skad cig dang po la ni kun rdzob dang / gzhan gyi sems shes pa gnyis dang ldan la/ gnyis pa ni bzhi dang ldan no zhes thams cad du rgyas par brjod par bya'o/ /lam la rjes su shes pa ni gzhan gyi sems shes pa zag pa med pa dang yang ldan te/ des ni gnas skabs dang gzhan gyi sems shes pa phyir mi 'ong bas bsdus pa rnyed de/ lam la rjes su shes pa bsgom pa'i lam yin pa'i phyir dang 'dod chags dang bral ba yin pa'i phyir ro//yang gnas skabs gang du shes pa du dag cig thob ce na zhes bya ba 'byung ngo / /yang 'thob pa zhes bya ba 'di ci zhig ce na/ gang zhig bsten pa thob pa dang rnyed pa thob pa zhes bya ba ni dge ba'i chos la goms pa dang dbang phun sum tshogs pa ste de dag gi mtshan nyid kyang 'chad par 'gyur ro/ /ji ltar skyes pa rnams/ma 'ongs pa 'thob ces bya ba ji ltar zhe na/ re zhig sdug bsngal la chos shes pa'i bzod pa skyes na bzod pa de yang ma 'ongs pa de'i rnam pa bzhi 'thob par 'gyur ro/ /sdug bsngal la chos shes pa skyes na yang de nyid ma 'ongs pa de'i rnam pa bzhi 'thob par 'gyur ro/ /sdug bsngal la rjes su shes pa'i bzod pa skyes na yang de dang 'dra ba ma 'ongs pa thob par 'gyur gyi mi 'dra ba dang bden pa gzhan gyi yul can ni ma yin te de bzhin du thams cad la sbyar bar bya'o//bsgom pa'i lam la ni shes pa skal ba mi mnyam pa'i rnam pa thob pa yang yin pas de'i phyir ro/ /ci'i phyir mthong ba'i lam la shes pa 'dra ba'i rnam pa kho na thob ces smras te/bsgom pa'i lam la thob pa ltar shes pa skal ba mnyam pa dang mi mnyam pa'i rnam pa mi thob ces bya ba ni tshig gi lhag ma'o/ /bzod pa rnams ni bsgom pa'i lam la med pas bzod pa rnams ma smos te shes pa kho na rnams dpyod do/ /rigs rnams ma thob pa'i phyir ro zhes smos pa ni skal ba mnyam pa'i rgyu rnams ma thob pa'i phyir ro zhes bya ba'i tha tshig go//ji ltar na mi rtag pa dang sdug bsngal ba dang stong pa dang bdag med pa dang rnam pa bzhi phan tshun skal ba mnyam pa yin zhe na/ bzod pa la sogs pas bsdus pa'i phyir dang / dmigs pa tha mi dad pa'i phyir ro//de la sdug bsngal la chos shes pa'i bzod pa skyes na de'i rigs 'thob cing de'i rnam pa bzhi'i rigs 'thob par 'gyur te/ sdug bsngal chos shes pa la yang de dang 'dra bar brjod par bya'o/ /'di ltar sdug bsngal mthong na sdug bsngal la sogs pa'i rnam pa kho na 'thob par 'gyur gyi/ kun 'byung la chos shes pa la sogs pa rnams ni ma yin te/rigs tha dad pa'i phyir dang / dmigs pa tha dad pa'i phyir ro/ /yang mi rtag pa la sogs pa'i rnam pa rnams las rnam pa gcig mngon du gyur na rnam pa lhag ma rnams kyi rigs 'thob pa gang yin pa 'di la rgyu ci zhig yod ce na/ dmigs pa mtshungs pa'i skal ba 'dra ba nyid kyis so//'dir sdug bsngal la chos shes pa'i bzod pa skyes pa gang yin pa de nyid thams cad kyi skal ba mnyam pa'i rgyu nyid du gnas pas de skyes pas thams cad kyi rigs rnams thob bo zhes bya ste/ de bzhin du gzhan la yang brjod par bya'o/ /bsgom pa'i lam la ni skal ba 'dra ba dang skal ba 'dra ba ma yin pa'i shes pa thams cad dang de'i rnam pa rnams mngon du gyur pas thams cad kyi skal ba mnyam pa'i rgyu 'thob par 'gyur bas der shes pa'i rnam pa khyad par du 'phags pa ma 'ongs pa 'thob par 'gyur ro//rjes gsum la ni kun rdzob kyang / /zhes bya ba 'dir ni kun rdzob shes pa khyad par can gzung gi thams cad ni ma yin no//chos shes pa dag la ni ma yin te/ bden pa zad par mngon par ma rtogs pa'i phyir ro zhes bya ba 'byung ste/ de ni bden pa mngon par rtogs pa'i mthar 'thob na/ chos shes pa dag la ni bden pa zad par mngon par rtogs pa med de/ 'di ltar sdug bsngal dang kun 'byung dang 'gog pa la chos shes pa dag gi ni gzugs dang gzugs med par rtogs pa'i sdug bsngal dang kun 'byung dang 'gog pa mngon par mi rtogs pas don byas zin pa ma yin pa'i phyir chos shes pa dag la mi 'thob po//lam gyi bden pa ni sngon 'jig rten pa'i lam gyis mngon par ma rtogs pa'i phyir dang zhes bya ba ni thog ma med pa can gyi 'khor ba na sngon 'jig rten pa'i lam gyis sdug bsngal dang kun 'byung ba dang /'gog pa mngon par rtogs shing yongs su shes pa dang spangs pa dang / mngon sum du byas pa'i sgo nas mngon par rtogs kyi gang gis na de mngon par rtogs pa'i mtha' las 'byung bar 'gyur zhing / de mngon par rtogs pa'i mthar de dang 'dra ba ma 'ongs pa 'thob par 'gyur ba kun rdzob shes pas lam gyi bden pa la sogs pa'i rnam pa dag tu mngon par mi rtogs so//zad par mngon par ma rtogs pa'i phyir ro zhes bya ba ni lam zhes bya bar snyegs so/ /lam thams cad ni sus kyang bsgom par mi nus so/ /gzhan gyi rgyud la yod pa bsgom par mi nus la rang gi rgyud la yod pa'i snyed zin pa ni brgya'i cha yang mngon par bya bar mi nus so//de'i tshe kun 'byung yang thams cad spongs pa ma yin pas zhes bya ba ni kun 'byung la rjes su shes pa'i tshe'o/ /gang zhig ma spangs she na/ 'gog pa dang lam mthong bas spang bar bya ba'i nyon mongs pa rnams te/ de'i phyir lam la rjes su shes pa ltar kun 'byung la rjes su shes pa'i tshe yang mngon par rtogs pa'i mtha' las 'byung bar mi 'gyur ro//de'i bden pa mthong bas spang bar bya ba zhes bya ba ni kun 'byung gi bden pa mthong bas spang bar bya ba zhes bya ba'i tha tshig go/ /rigs mang ba'i phyir zhes bya ba la rigs ni nus pa'i khyad par dang ldan pa'i rgyud yin la/lam 'di la nyan thos la sogs pa'i rigs kyi dbye bas rigs mang po zhig yod pas na rigs mang po'o/ /nyan thos kyi rigs la sogs pa'i dbye bas tha dad pa'i lam thams cad ni bsgom par mi nus te/ mngon du bya bar mi nus zhes bya ba'i tha tshig ste/ gang yang rung ba zhig mngon du 'gyur na gang yang rung ba zhig gis so sor brtags pa ma yin pas 'gog pa thob pa'i phyir ro//mthong ba'i lam gyi 'khor yin pa'i phyir ro zhes zer te zhes bya ba ni kun rdzob shes pa mthong ba'i lam gyi 'khor yin la/ lam la rjes su shes pa ni bsgom pa'i lam yin te/ de'i phyir der mi 'thob po zhes zer ba'o//'di ni bsgrub par bya ba yin pa'i phyir/ shes par byed pa ma yin no zhes bya ba ni mthong ba'i lam gyi 'khor kho na yin gyi/ bsgom pa'i lam gyi 'khor ram/ lam gnyi ga'i 'khor ma yin no zhes bya ba 'di ni bsgrub par bya ba yin no/ /de ni mi skye ba'i chos can yin zhes bya ba la ci'i phyir zhe na/de'i rten mi skye ba'i chos can yin pa'i phyir te/ de ni dad pa dang chos kyi rjes su 'brang ba'i rten kho nas mngon du byed pa srid na/ mthong ba'i lam gyi gong na de dag skye ba'i go skabs med de/ dad pa dang chos kyi rjes su 'brang ba'i rten dag kyang de'i gong rol na mi skye ba'i chos can yin pa'i phyir de mi skye ba'i chos can nyid yin no//ji ltar de thob yin zhes bya ba ni/ gal te mngon du mi byed na snyam du bsams pa'o/ /ma rnyed pa las rnyed pa'i phyir ro zhes bya ba de ni thog ma med pa can gyi 'khor bar sngar ma rnyed pa las bden pa gsum mngon par rtogs pa'i mthar rnyed pas ma rnyed pa las rnyed pa zhes bya'o/ / ji ltar rnyed pa yin zhes bya ba rgyas par 'byung ste/ de skyed pa'i nus pa rnyed na ji ltar mngon du mi byed/ 'on te mngon du mi byed na ji ltar rnyed de mi rnyed pa nyid do snyam du bsams pa'o/ /'thob pa'i sgo nas zhes bya ba ni gang gi phyir gnas skabs der de'i thob pa skye ste/ des na de'i tshe rnyed do zhes brjod kyi/ skye bo zhes bya ba ni ma yin no//gang gi phyir rnyed pa de'i phyir rnyed do zhes bya ba ni thob pa dang rnyed pa'i sgra la khyad par med pa'i phyir ro/ /ston pa 'di ni sngon ma byung ba'i rnam pa yin no zhes bya ba ni/ rigs pa dang bral ba'i phyir ram/ sngar ma thos pa'i phyir sngon ma byung ba ste/ sngar sus kyang de nyid nges par bya ba'i phyir de nyid ma bstan pas ston pa sngon ma byung ba'i rnam pa yin no//'jig rten las 'das pa'i lam gyi mthus zhes bya ba ni mthu'i sgo nas kun rdzob shes pa 'thob kyi/ mngon du gyur pa'i sgo nas ni ma yin te/ langs pas mngon du byed pa'i phyir ro/ /ches khyad par du 'phags pa zhes bya ba ni gzhan 'jig rten pa'i kun rdzob shes pa bas zhes bya ba'i tha tshig ste/gzhan ni bden pa mthong ba'i bden pas ma dmigs pa nyid kyis khyad par du 'phags pa'i phyir rtog pa la dpyod pa yin pas ches khyad par du 'phags pa yin no/ /'thob pa med na ji ltar ma 'ongs pa de rnyed ce na de'i phyir/ de nyid de rnyed pa yin te zhes bya ba rgyas par smos so/ / rigs rnyed na rigs las byung ba yang rnyed pa yin no zhes bya ba ni dper na 'thob pa dang ldan pa rnyed pa bzhin no snyam du bsams pa'o/ /rigs ni de skyed par nus pa'i rgyu'o/ /de las byung ba ni rigs las byung ba'o/ /de skad bstan par 'gyur te/ de mngon sum du 'byung bar nus pa'i rten rnyed na rten des skyed pa de yang rnyed par 'gyur ro bye brag tu smra ba rnams ni de mi 'dod de/de ni mthong ba'i lam gyis thob par bya ba yin na/ de bsgom pa'i lam du ji ltar mngon sum du byed par 'gyur/ de nyid kyi phyir de mi skye ba'i chos can du rnam par gzhag go zhe'o/ /sa bdun pa'i kun rdzob shes pa de 'thob ce na/ mthong ba'i lam bsam gtan bzhi pa'i sa pa yin na sa bdun pa'i kun rdzob shes pa thob pa'i bar du ste/sa bdun pa ni 'dod pa'i khams dang mi lcogs pa med pa dang / bsam gtan bzhi dang / bsam gtan khyad par can no/ /bar du zhes bya ba'i sgras ni bsam gtan dang po dang bsam gtan khyad par can dang / bsam gtan gnyis pa dang gsum pa'i mthong ba'i lam bsdu'o//mthong ba'i lam bsam gtan dang po'i sa pa zhig yin na ni/ sa gsum pa'i kun rdzob shes pa ma 'ongs pa 'thob ste/ bsam gtan dang po'i sa pa dang / mi lcogs pa med pa'i sa pa dang / 'dod pa na spyod pa'o/ /mthong ba'i lam bsam gtan khyad par can gyi sa pa zhig yin na ni de'i sa pa kho na klags te sa bzhi pa 'thob po//mthong ba'i lam bsam gtan gnyis pa'i sa pa zhig yin na ni bsam gtan gnyis pa'i sa pa klags te sa lnga pa thob po/ /bsam gtan gsum pa'i sa pa zhig yin na ni sa drug pa thob po bsam gtan bzhi pa'i sa pa zhig yin na ni sa bdun pa'i kun rdzob shes pa ma 'ongs pa 'thob ste/ bsam gtan bzhi'i sa pa nas 'dod pa na spyod pa'i bar ro/ /'gog pa'i mtha' zhes bya ba ni dmigs pa'i dran pa nye bar gzhag pa'am/ rang bzhin gyi dran pa nye bar gzhag pa yin yang rung chos dran pa nye bar gzhag pa yin te 'gog pa la dmigs pa'i phyir dang / shes rab kyi rang bzhin yin pa'i phyir ro/ / lhag ma ni dran pa nye bar gzhag pa bzhi char yin no zhes bya ba la ji ltar zhe na/ sdug bsngal mngon par rtogs na kun rdzob shes pa gang 'thob pa'o/ /dran pa nye bar gzhag pa bzhi char zhes bya ba ni lus dang tshor ba dang / sems dang / chos dran pa nye bar gzhag pa rnams te/ phung po lnga la dmigs pa'i phyir ro/ / kun 'byung ba la yang de bzhin du brjod par bya'o/ /rang bden rnam can zhes bya ba ni gang zhig bden pa gang mngon par rtogs pas 'thob pa de'i ni de rang gi bden pa ste/ sdug bsngal mngon par rtogs pa ni kun rdzob shes pa gang thob pa de ni mi rtag pa la sogs pa'i rnam pa'o/ /de bzhin du kun 'byung ba dang 'gog pa la yang brjod par bya'o//de'i dmigs pa yang bden pa de nyid yin no zhes bya ba la sogs pa 'byung ste/ de'i dmigs pa can ma yin pa ni de'i rnam pa can nyid du mi rung ba'i phyir ro/ /rnam pa ni dmigs pa 'dzin pa'i rnam pa'o/ /'bad las byung zhes bya ba ni skye bas thob pa ma yin no zhes bya ba'i tha tshig go//phung po bzhi dang lnga'i rang bzhin yin no zhes bya ba ni 'dod pa na spyod pa la rjes su 'brang ba'i gzugs med pa'i phyir phung po bzhi'i rang bzhin no/ /gzugs na spyod pa ni bsam gtan gyi sdom pa'i gzugs yod pa'i phyir phung po lnga yin no/ /chags bcas bcu drug pa las drug /ces bya ba ni rgyun du zhugs pa dang lan cig phyir 'ong ba'o/ /shes pa gnyis da ltar byung ba yin la zhes bya ba ni lam shes pa'o zhes lam la rjes su shes pa kho na gnyis su brtsi'o/ /ma 'ongs pa drug 'thob ste zhes bya ba ni/ rgyun du zhugs pa dang lan cig phyir 'ong bas shes pa drug thob pas de'i phyir de dag nyid ma 'ongs pa 'thob ste/chos khyad par du 'phags pa rnams kyi thob pa dag skye zhes bya ba'i don to/ /'dod chags dang ni bral bas bdun/ /zhes bya ba ni skad cig ma bcu drug kho na la ste/ mthong ba'i lam la ni 'dod chags dang bral bas kyang gzhan gyi sems shes pa mi 'thob ste/ de ni mngon sum du bya bas rab tu phye ba yin pa'i phyir la/ de na yang de'i skabs med pa'i phyir ro/ /de nyid kyi phyir/ de ni bar chad med pa'i lam thams cad la yang mi 'thob po/ /bsgom pa'i lam la bdun 'thob po zhes bya ba ni rnam pa brgyad spangs pa'i bar der ro/ /rnam pa dgu pa ni ma gtogs te/ der thob pa de ni phyis bshad pa'i lhag ma la brgyad thob ces bya ba der 'chad par 'gyur ro//de'i phyir rnam par grol ba'i lam dgu pa ma gtogs pa gzhan gang dag 'dod pa las 'dod chags dang bral bar byed pa sbyor ba'i lam la sogs pa de dag tu gzhan gyi sems shes pa dang zad pa dang mi skye ba shes pa dag ma gtogs pa shes pa bdun thob po//'jig rten pa zhig yin na ni/ /zhes bya ba la sogs pa ni gal te 'phags pas 'jig rten pa'i lam gyis 'dod par gtogs pa'i bsgom pas spang bar bya ba zad par byed na de'i phyir kun rdzob shes pa da ltar byung ba yin no/ /ci ste 'jig rten las 'das pas zad par byed na de'i phyir shes pa bzhi las zhes bya ba ste/sdug bsngal dang kun 'byung dang / 'gog pa dang / lam la chos shes pa rnams las gang yang rung ba zhig da ltar byung ba yin te/ 'dod chags dang bcas pa'i bsgom pa'i lam ni 'dod pa'i sdug bsngal la sogs pa'i spyod yul can kho na yin pa'i phyir ro/ /gzhan gyi sems shes pa ni mi 'thob ste/de ni 'dod chags dang ma bral ba la med pa'i phyir ro/ /sa bdun las rgyal zhes bya ba ni shes pa bdun thob bo zhes bya bar sbyar ro/ /de dag nyid do zhes bya ba ni chos dang / rjes dang / sdug bsngal dang / kun 'byung dang / 'gog pa dang / lam dang / kun rdzob shes pa rnams so/ /'dod pa'i khams las 'dod chags dang bral yang gzhan gyi sems shes pa mi thob ste/de ni bar chad med pa'i lam la bkag pa'i phyir ro/ /gal te bsgom pa'i lam 'jig rten pa zhig yin na ni zhes bya ba la bsgom pa'i lam ni rnam pa gnyis te/ 'jig rten dang 'jig rten las 'das pa'o/ /de la sa bdun las 'dod chags dang bral ba la sogs par ci rigs par gal te bsgom pa'i lam 'jig rten pa yin na ni kun rdzob shes pa da ltar byung ba yin no//'jig rten las 'das pa zhig yin na ni rjes su shes pa bzhi zhes bya ba ni sdug bsngal dang kun 'byung dang 'gog pa dang lam la rjes su shes pa rnams la gang yang rung ba zhig ste/ thams cad cig car mngon sum du 'gyur ba mi srid pa'i phyir ro/ /chos shes pa gnyis las zhes bya ba ni 'gog pa dang lam la dmigs pa dag las te/ 'gog pa dang / lam la chos shes gang yin te/ /zhes bya ba la sogs pa'i tshul gyis so/ /srid pa'i rtse mo'i gnyen po ma yin pa'i phyir ro zhes bya ba ni kun rdzob shes pa srid pa'i rtse mo'i gnyen po med de/sa gong ma'i nyer bsdogs med pa'i phyir la mi g.yo ba'i sems rnam par grol ba yang srid pa'i rtse mo'i gnyen pos rab tu phye ba yin no/ /der ni zad pa shes pa bdun pa yin par rig par bya'o/ /yang ci'i phyir der mi skye ba shes pa yang mi 'thob ce na bar chad med pa'i lam la gnas pa ni mi g.yo ba'i chos can ma yin te/de ni dus kyi rnam par grol ba yin no/ /rnam par grol ba'i lam dgu pa la mi skye ba shes pa 'byung gi bar chad med pa'i lam la ni ma yin no/ /gal te kun rdzob shes pa mi 'thob na gzhan gyi sems shes pa ji ltar 'thob ce na/ gzhan gyi sems shes pa ni rnam par grol ba'i lam gyis bsdus pa dang / zag pa med pa yin pas 'thob pa'o/ /slob pa sbyang ba'i zhes bya ba la sogs pa thams cad 'byung ngo / /gnyi gas kun rdzob shes pa yang 'thob bo zhes bya ba ni 'dod chags dang bcas pa dang / 'dod chags dang bral ba gnyi gas rnam par grol ba'i lam la 'thob bo//sbyor ba'i lam la ni de nyid kyis zhes bya ba ni 'dod chags dang bcas pa dang 'dod chags dang bral ba de gnyi gas kyang dbang po sbyong ba'i sbyor ba'i lam la sngar bshad pa chos dang rjes su shes pa la sogs pa 'ba' zhig du ma zad kyi kun rdzob shes pa yang 'thob po/ /de ltar na 'dod chags dang bral bas ni sbyor ba'i lam la shes pa bdun 'thob po//'dod chags dang bral bas ni brgyad 'thob po/ /mthong ba'i lam dang bral ba'i phyir ro zhes bya ba ni dbang po dag sbyong na rgyun du zhugs pa la sogs pa'i 'bras bu rnams las gang yang rung ba 'bras bu 'dus byas dbang po rnon pos bsdus pa 'thob bo zhes bya ba ni mthong ba'i lam dang 'dra ba yin no//der bar chad med pa'i lam la kun rdzob shes pa thob pa yang ma yin pa de bzhin du 'dir yang bar chad med pa'i lam la kun rdzob shes pa 'thob pa med do/ /gnyen po ma yin pa'i phyir zhes bya ba ni gzhan gyi sems shes pa ni mngon par shes pa'i bdag nyid yin pa nyid kyis rnam par grol ba'i lam gyis bsdus pa'i phyir gnyen po ma yin pa nyid de/'dir ni spong ba'i gnyen por 'dod do/ /de bzhin srid rtse rnam rgyal la/ /zhes bya ba ni ji ltar dbang po sbyong ba na 'dod chags dang ma bral bas rnam par grol ba'i lam dang / 'dod chags dang bral yang rung ma bral yang rung bas bar chad med pa'i lam la shes pa drug 'thob pa de bzhin du srid pa'i rtse mo las 'dod chags dang bral ba'i bar chad med pa'i lam rnams la yang chos dang rjes dang sdug bsngal dang kun 'byung dang 'gog pa dang /lam shes pa drug kho na 'thob po/ /gzhan gyi sems shes pa mi 'thob ste/ bar chad med pa'i lam la bkag pa'i phyir ro//kun rdzob shes pa yang mi 'thob ste/ srid pa'i rtse mo'i gnyen po ma yin pa'i phyir ro/ /bar chad med pa'i lam dag tu kun du sbyor ba zad pa dang mi skye ba shes pa dag kyang mi 'thob po/ /zad pa shes pa la dgu'o/ /zhes bya ba ni dus kyi rnam par grol bas ni zad pa shes pa la shes pa dgu 'thob par 'gyur te/yongs su nyams pa srid pa'i phyir mi skye ba shes pa ni ma yin no/ /zad pa shes pa'i las thams cad pa'i yon tan zag pa dang bcas pa rnams 'thob par 'gyur ba'i phyir kun rdzob shes pa yang 'thob po/ /dus kyi rnam par grol ba gang zhig mi g.yo ba nyid du 'pho ba de'i rnam par grol ba'i lam tha ma la yang mi skye ba shes pas bsnan te bcu 'thob po//bshad pa'i lhag ma la brgyad 'thob ces bya ba la bshad pa'i lhag ma ni bshad pa las gzhan ma bshad pa'o/ /de la lhag ma yang gang zhig ce na/ 'dod pa'i khams las 'dod chags dang bral ba'i rnam par grol ba'i lam dgu pa zhes bya ba 'byung ngo //ji ltar zhe na/ de yi gong ma chags bcas kyi/ /bsgom pa'i lam la bdun 'thob po/ /zhes 'byung ba'i phyir rnam par grol ba'i lam dgu pa lhag ma yin no/ /de bzhin du sa bdun po las 'dod chags dang bral ba dang mngon par shes pa dang spel mar bsgom pa dag gis rnam par grol ba'i lam rnams kyang lhag ma yin no//ji ltar zhe na/ sa bdun las rgyal mngon shes dang / /mi g.yo thob dang spel bsgom pa'i/ /bar chad med pa'i lam dag dang / /zhes 'byung ba'i phyir ro/ /de bzhin du mi g.yo ba rtogs par byed pa'i rnam par grol ba'i lam brgyad lhag ma yin no//'di ga las she na/ de'i rnam par grol ba'i lam tha ma la yang bcu 'thob po zhes 'byung ba'i phyir mi g.yo ba rtogs par byed pa'i rnam par grol ba'i lam brgyad lhag ma yin no/ /'dod chags dang bral ba'i sbyor ba dang khyad par can gyi lam thams cad lhag ma yin te/ ma bshad pa'i phyir ro//shes pa brgyad ma 'ongs pa 'thob pas 'thob ste zhes bya ba ni rgyas par 'byung ngo / /slob pa'i ni de lta bu yin no zhes bya ba la ci zhig ce na/ zad pa dang mi skye ba shes pa ma gtogs pa gzhan shes pa brgyad 'thob po zhes bya ba'o/ /mi slob pa ni mngon par shes pa la sogs pa'i sbyor ba dang /rnam par grol ba dang / khyad par can gyi lam rnams la zhes bya ba la/ sogs pa zhes bya ba'i sgras ni spel mar bsgom pa la sogs pa bsdu'o/ /mngon par shes pa mngon par bsgrub pa dang / spel mar bsgom pa'i sbyor ba dang / rnam par grol ba dang khyad par gyi lam gang dag yin pa de dag la shes pa dgu 'am bcu ma 'ongs pa 'thob pas 'thob ste/dus kyi rnam par grol bas ni mi skye ba shes pa ma gtogs pa dgu 'thob po/ /mi g.yo ba'i chos can gyis ni mi skye ba shes pa bsnan te bcu 'thob po/ /brgyad dam dgu 'thob po zhes bya ba ni dus kyi rnam par grol bas ni gzhan gyi sems dang mi skye ba shes pa ma gtogs pa brgyad 'thob po//mi g.yo ba'i chos can gyis ni gzhan gyi sems shes pa ma gtogs pa dgu 'thob ste/ de ni bar chad med pa'i lam thams cad la bkag pa yin no/ /mngon par shes pa'i rnam par grol ba'i lam rnams la shes pa dgu'am bcu 'thob po zhes khyad par med par smos pa'i phyir mig dang rna ba'i mngon par shes pa'i rnam par grol ba'i lam gnyis la yang thal bar 'gyur bas de'i phyir mngon par shes pa'i rnam par grol ba'i lam gnyis ni zhes bya ba rgyas par smos so//mig dang rna ba'i mngon par shes pa dag ni lung du ma bstan pa yin pas de'i phyir de dag gi rnam par grol ba'i lam lung du ma bstan pa yin la/chos lung du ma bstan pa la ni ma 'ongs pa'i 'thob pa med de/ lung bstan min thob lhan cig skye/ /zhes 'byung ba'i phyir ro/ /so so'i skye bo zhes bya ba rgyas par 'byung ba ni/ 'dod pa las 'dod chags dang bral ba dang bsam gtan gsum las 'dod chags dang bral ba'i rnam par grol ba'i lam tha ma rnams la kun rdzob shes pa dang /gzhan gyi sems shes pa ma 'ongs pa 'thob bo/ /yang bsam gtan bzhi pa las 'dod chags dang bral ba'i yang ci'i phyir ma brjod ce na/ de ni nam mkha' mtha' yas skye mched kyis bsdus pa yin na/ gzhan gyi sems shes pa gzugs med pa'i khams kyis bsdus pa yang med de/gzhan gyi sems shes pa gzugs la brten nas bsgrub par bya ba yin pa'i phyir dang bsam gtan gyi sa pa yin pa'i phyir ro/ /bsam gtan gyi sa pa dag gi sbyor ba rnams dang mngon par shes pa zhes bya ba la sogs pa la/ sbyor ba'i lam dang / mngon par shes pa gsum gyi rnam par grol ba'i lam rnams dang /tshad med pa la sogs pa'i yon tan mngon par bsgrub pa rnams ni/ sbyor ba rnams dang mngon par shes pa gsum gyi rnam par grol ba'i lam rnams dang / tshad med pa la sogs pa'i yon tan mngon par bsgrub pa rnams te/ bsam gtan gyi sa pa de rnams la kun rdzob shes pa ma 'ongs pa dang /gzhan gyi sems shes pa 'thob po/ /bsam gtan gyi sa pa dag ces bya ba ci'i phyir zhe na gzhan gyi sems shes pa nyer bsdogs kyi sa pa med pas so/ /'di skad bstan par 'gyur te/ bsam gtan dang po las 'dod chags dang bral bar bya ba la gal te dang po'i sbyor ba yin na ni kun rdzob shes pa dang gzhan gyi sems shes pa 'thob po//gal te bsam gtan gnyis pa'i nyer bsdogs kyi sbyor ba yin na ni kun rdzob shes pa kho na 'thob po/ /bsam gtan gsum pa las 'dod chags dang bral bar bya ba'i bar la yang de bzhin du rig par bya'o/ /bsam gtan bzhi pa las 'dod chags dang bral bar bya ba la gal te de nyid sbyor ba yin na ni kun rdzob dang gzhan gyi sems shes pa dag 'thob po//gong ma'i nyer bsdogs kyi yin na ni/ kun rdzob shes pa kho na 'thob po/ /mngon par shes pa gsum gyi rnam par grol ba'i lam rnams la yang shes pa gnyis kho na 'thob po/ / mngon par shes pa gsum gang zhe na/ rdzu 'phrul gyi yul shes pa dang / sngon gyi gnas rjes su dran pa'i shes pa dang / sems kyi rnam grangs shes pa'o/ /sogs pa zhes smos pa/ ci'i phyir zhe na/ rnam par thar pa dang / zil gyis gnon pa'i skye mched dang / zad par gyi skye mched la sogs pa'i yon tan mngon par bsgrub pa dag gi bsam gtan gyi sa pa'i rnam par grol ba'i lam gang dag yin pa de rnams la yang kun rdzob shes pa ma 'ongs pa dang gzhan gyi sems shes pa 'thob ste/gzhan gyi sems shes pa ni bsam gtan gyi dngos gzhis bsdus pa'i phyir ro zhes bstan pa'i phyir ro/ /nges par 'byed pa'i cha dang mthun pa dag ma gtogs pa zhes bya ba ni nges par 'byed pa'i cha dang mthun pa bsam gtan gyi sa pa dag kyang yod mod kyi/de dag la ni gzhan gyi sems shes pa mi 'thob ste/ mthong ba'i lam gyi 'khor yin pa'i phyir dang / mthong ba'i lam la gzhan gyi sems shes pa bkag pa'i phyir ro/ /sngon med pa'i lam 'thob pa gzhan la ni zhes bya ba ni so so'i skye bo kho na'i 'dod pa dang /bsam gtan gsum las 'dod chags dang bral ba'i rnam par grol ba'i lam tha ma las gzhan pa'i sbyor ba dang bar chad med pa dang rnam par grol ba'i lam gyis bsdus pa gang yin pa dang bsam gtan gyi sa pa dag gi sbyor ba rnams dang mngon par shes pa gsum gyi rnam par grol ba'i lam la sogs pa dag las gzhan pa gang yin pa'o//de yang gang zhe na/ 'dod pa las 'dod chags dang bral ba'i bar chad med pa'i lam dang / rnam par grol ba'i lam brgyad dang / de bzhin du bsam gtan gsum pa dang / bzhi pa'i bar las 'dod chags dang bral ba'i bar chad med pa la/rnam par grol ba'i lam dang / sa gong ma'i nyer bsdogs kyi sbyor ba'i lam dang / gzugs med pa gsum las 'dod chags dang bral ba ste/ de rnams la ni kun rdzob shes pa kho na thob kyi gzhan gyi sems shes pa ni ma yin te/ de ni nyer bsdogs dang bar chad med pa'i lam dang gzugs med pa rnams su bkag pa'i phyir ro//yang lam gang la zhes bya ba rgyas par 'byung ba ni 'jig rten pa dang / 'jig rten las 'das pa'i lam mngon sum du gyur pa la'o/ /lam sa gang ba zhes bya ba ni mi lcogs pa med pa la sogs pa'i sa pa'o/ /dang po nyid du sa 'thob pa zhes bya ba ni 'dod chags dang bral ba'i sgo nas bsam gtan dang po la sogs pa thob pa ste/sa de pa'i kun rdzob shes pa ma 'ongs pa 'thob po/ /ji ltar zhe na/ gal te mi lcogs pa med pa la brten te 'jig rten pa'i lam gyis 'dod pa las 'dod chags dang bral nas bsam gtan dang po 'thob ni mi lcogs pa med pa'i sa pa dang /bsam gtan dang po'i sa pa'i kun rdzob shes pa 'thob po/ de bzhin du bsam gtan gnyis pa'i nyer bsdogs la brten te dang por sa gang 'thob na/ kun rdzob shes pa bsam gtan gnyis pa'i sa pa dang / de'i nyer bsdogs kyi sa pa 'thob po/ /srid pa'i rtse mo'i bar du yang de dang 'dra ste/der yang srid pa'i rtse mo'i sa pa dang / de'i nyer bsdogs kyi sa pa 'thob po/ /gang las chags bral bya phyir zhes bya ba ni sa gang las 'dod chags dang bral bar bya ba'i phyir ro/ /gang thob pa zhes bya ba ni lam gang thob pa'o/ /rnam pa gnyis yin la zhes bya ba ni 'jig rten pa dang / 'jig rten las 'das pa'o//sbyor ba'i lam la sogs pa zhes bya ba ni rnam pa bzhi char yang ngo / /de'i sa pa dang sa 'og ma'i zag pa med pa'i shes pa 'thob po/ /ji ltar zhe na/ dper na/ rnam shes mtha' yas skye mched las 'dod chags dang bral bar bya ba'i phyir/ ci yang med pa'i skye mched kyi nyer bsdogs kyis bsdus pa'i 'jig rten pa'i lam mngon du byed pa'am/rnam shes mtha' yas skye mched kyi zag pa med pa de nyid mngon sum du byed pa na rnam shes mtha' yas skye mched kyi bdag nyid kyi sa gang las/ 'dod chags dang bral bar bya ba'i don du lam de mngon sum du byed pa dang / ci yang med pa'i skye mched kyi sa rnyed pa gang yin pa de'i sa pa dang /'og ma mi lcogs pa med pa'i bar thob pa bzhin nam/ dper na/ gang zhig 'dod pa'i khams las 'dod chags dang bral nas bsam gtan dang po rnyed pa des bsam gtan dang po'i sa pa dang / mi lcogs pa med pas bsdus pa'i yon tan dag thob pa bzhin no//de bzhin du srid pa'i rtse mo'i bar las 'dod chags dang bral bar 'gyur bas sa thams cad pa'i yon tan zag pa med pa thob par 'gyur ro/ /yang zhes bya ba'i sgra dang pos ni de'i sa pa 'ba' zhig tu ma zad kyi/ 'o na ci zhe na/ gzhan gyi sa pa yang thob par 'gyur ro zhes bstan la/yang zhes bya ba'i sgra gnyis pas kyang 'jig rten las 'das pa 'ba' zhig tu ma zad kyi/ 'o na ci zhe na/ 'jig rten pa yang ngo zhes bstan to/ /zad pa shes la zag bcas kyang / /zhes bya ba la/ kyang zhes bya ba'i sgras ni zag pa med pa yang zhes bya ba yin te/ dgra bcom pa nyid thob na thos pa dang bsam pa dang bsgom pa las byung ba dang /mi sdug pa dang dbugs 'byung ba dang rngub pa dran pa la sogs pa sa thams cad pa dag 'thob po/ /sogs pa zhes bya ba'i sgras ni zil gyis gnon pa'i skye mched dang / zad par gyi skye mched la sogs pa bsdu'o/ /sprog ma thag pa bcad de zhes bya ba rgyas par 'byung ba ni dper na sprog ma thag pa gzhungs te bcings pa thag pa bcad de dbugs phyin pa lta bu ste/de bzhin du sprog ma dang chos mtshungs pa de lta bu bar chad med pa'i lam dgu pa rdo rje lta bu'i ting nge 'dzin gyis nyon mongs pa'i thob pa bcad pa las ji skad bshad pa'i yon tan mi sdug pa la sogs pa mi slob pa'i rgyud la yod pa rnams thob pa'i sgo nas dbugs phyin pa lta bur 'gyur te/cher sbyangs pa rnams kyi thob pa skye zhes bya ba'i tha tshig go/ /dbugs phyin pa lta bur zhes bya ba ni dbugs phyin pa srog chags kyi chos yin pa'i phyir nye bar btags pa'o/ /rang gi sems la rgyal srid chen po nyid thob na//zhes bya ba la lhag pa'i rgyal po ni rgyal srid chen po'o/ /de'i dngos po ni rgyal srid chen po nyid do/ /rang gi sems la rgyal srid chen po nyid thob pa ni/ rang gi sems la rgyal srid chen po nyid thob pa ste/ rang gi sems la dbang thob pa'i phyir ro/ /dge ba'i chos thams cad thob pa rnams kyis bsu ba'i phyir ro zhes bya ba ni rnal 'byor pa de 'dra ba de la mi sdug pa la sogs pa'i yon tan dge ba'i chos thams cad kyis thob pa 'bul ba dang 'dra ba rnams kyis bsu ba'i phyir te/dper na rgyal srid chen po thob na yul rnams 'bul bar byed pa ste/ gos dang rgyan la sogs pa 'bul gyis bsu ba bzhin no//yul las rnams zhes brjod par bya ba las yul rnams zhes bstan pa ni yul gyis yul la bstan pa'i phyir te/ 'di ltar smra ba po dang yul thams cad 'ongs so zhes brjod pa yin no/ /gang ji rnyed pa zhes bya ba la/ bsam gtan la sogs pa mngon du byed pa de thams cad ma 'ongs pa thob bam zhe na/de ni yod pa ma yin te/ sngon rnyed zin pa mi 'thob po/ /gang zhig rnyed de rnam par nyams pa las yang rnyed pa de yang mi 'thob bo/ /gang sngon ma rnyed pa las rnyed pa de 'thob po/ /'khor bar ma 'dris par zag pa med pa dang / de dang mthun pa gang yin pa de ni mngon du gyur na/de dang 'dra ba ma 'ongs pa khyad par can 'thob ste/ 'bad nas mngon du byed pa'i phyir ro/ /'di ltar rnyed pa'i lam ni 'bad pas mngon du byed pa'i phyir ro/ /'di ltar rnyed pa'i lam ni 'bad pas mngon du byed pa des 'phangs pa stobs dang ldan pa'i phyir ma 'ongs pa 'thob kyi/sngon rnyed pa ni 'bad pa med par mngon du 'gyur te/ de bsgoms shing rnyed pa'i phyir ro/ /mtshar cig dga' ba med pa'i phyir dang / shin tu mngon du 'gyur ba'i phyir ma 'ongs pa mi 'thob po/ /'thob pa ni rnam pa bzhi ste zhes grangs bstan pa ni nges par gzung bar bya ba'i phyir ro/ /rnyed pa'i 'thob pa zhes bya ba ni yon tan gang yang rung ba goms pas yon tan gang yang rung ba 'thob pa'o//rnyed pa nyid thob pa yin pas na rnyed pa'i thob pa'o/ /bsten pa'i thob pa zhes bya ba la bsten pa ni chos thob zin pa mngon du byed pa'o/ /bsten pa nyid thob pa yin pas na bsten pa'i thob pa'o/ /gnyen po'i thob pa zhes bya ba la gnyen po ni lam ste/gnyen po nyid 'thob pa yin pas na gnyen po'i thob pa'o/ /de ni lus la sogs pa rnams kyi lus la sogs pa'i gnyen po rtogs pa las lus bsgom pa zhes bya ba lta bu ste/ de bzhin du zag pa dang bcas pa'i chos gzhan dag kyang yin no/ /'di ltar lus bsgom pa dang sems bsgom pa dang tshul khrims bsgom pa ni dge slong zhes bya'o//ji ltar lus bsgom pa yin zhe na/ lus 'dod chags dang bral ba sred pa dang bral ba dang / bsgom pa dang bral ba zhes rgyas par 'byung ngo / /kha cig na re lus kyi gnyen po ni bsam gtan bzhi pa las 'dod chags dang bral bar byed pa'i gang yin pa'o zhes zer ro//gzhan dag na re gzugs kyi 'dod chags zad par byed pa'i bar chad med pa'i lam yin no zhes zer ro/ /thag bsring ba'i thob pa zhes bya ba la thag bsring ba nyid thob pa yin pas na thag bsring ba'i thob pa'o/ /de ni nyon mongs pa'i thob pa gcod pa ste/thag bsring bar byed ces bya ba'i tha tshig go/ /ma 'ongs pa rnams kyi ni gcig go zhes bya ba ni rnyed pa'i 'thob pa'o/ /da ltar byung ba rnams kyi ni gnyi ga'o zhes bya ba ni de dang bsten pa thob pa'o/ /de ltar na zhes bya ba rgyas par 'byung ste/ gang gi phyir rnyed pa dang bsten pa thob pa ni bye brag med par bshad pa'i phyir dge ba 'dus byas zag pa dang bcas pa dang zag pa med pa rnams kyi yin no//gnyen po dang thag bsring ba 'thob pa dag ni bye brag med par bshad pa'i phyir zag pa dang bcas pa nyon mongs pa can dang / nyon mongs pa can ma yin pa rnams kyi yin pa de'i phyir de ltar na dge ba zag pa dang bcas pa rnams kyi 'thob pa bzhi yin te/dge ba 'dus byas yin pa'i phyir dang po gnyis yin la/ zag pa dang bcas pa'i phyir phyi ma gnyis yin no/ /de'i phyir de ltar na de dag gi ni thob pa bzhi yin no/ /zag pa med pa rnams kyi ni gnyis yin te snga ma gnyis so/ /nyon mongs pa can dang lung du ma bstan pa rnams kyi ni gnyis te phyi ma gnyis so//sdom pa'i 'thob pa dang rnam par 'jig pa'i 'thob pa'o zhes bya ba la sdom pa nyid de thob pa yin pas na sdom pa'i thob pa ste/ de ni dbang po'i sdom pa dran pa dang shes bzhin gyi bdag nyid de/ dbang po drug po 'di dag shin tu dul ba dang /shin tu sbas pa dang / shin tu bsrungs pa dang / shin tu bsdams pa dang / shin tu bsgoms pa ni phyi ma la rnam par smin pa bde bar 'gyur ro zhes 'byung ngo / /rnam par 'jig pa nyid 'thob pa yin pas na rnam par 'jig pa'i 'thob pa'o/ /de ni lus la dmigs pa'i nyon mongs pa thag bsring ba ste/'di skad du/ lus 'di la skra dang / spu dang / so dang / sen mo dang / rdul dang / dri ma dang / pags pa dang / sha dang rus pa dang / rgyus pa dang / rtsa dang / mkhal ma dang / mchin pa dang / glo ba dang / rgyu ma dang / gnye ma dang / pho ba dang / long ka dang lgong pa dang / bshang ba dang / mchi ma dang /rngul dang / mchil ma dang / snabs dang / rkang dang / chu ser dang / gzhungs pa dang / tshil dang / bad kan dang / rnag dang / khrag dang / klad pa dang / klad rgyas dang / gcin yod do zhes 'byung ba lta bu'o/ /de dag ni grangs bzhin du gnyen po dang thag bsring ba'i thob pa'i nang du 'dus so/ /de la dbang po sdom pa'i thob pa ni dran pa dang shes bzhin gyi rang bzhin yin pas gnyen po'i thob pa grub na/rnam par 'jig pa'i phyir thob pa ni ji ltar thag bsring ba'i thob par grub ce na/ 'di ltar de ni lus la dmigs pa'i nyon mongs pa thag bsring ba'i mtshan nyid yin no/ /de ni gnyen po'i thob pa yin par yang mi 'gal te/shes rab kyis lus rnam par 'jig par byed pas so/ /gang zag thams cad kyis zhes bya ba ni nyan thos dang rang sangs rgyas dang yang dag par rdzogs pa'i sangs rgyas rnams kyis zad pa shes pa'i skad cig la yon tan thob pa bshad de/ zad pa shes pa zag bcas kyang / /zhes 'byung ba'i phyir ro//stobs bcu zhes bya ba rgyas par 'byung ba la/ stobs la sogs pa thugs rje chen po la thug pa de dag ni ma 'dres pa'i chos bco brgyad ces brjod do/ /ma 'dres pa zhes bya ba la 'dres pa ni 'dus pa'o/ /ma 'dres pa ni 'dres pa med pa ste/ zla ba med pa zhes bya ba'i don to/ /'di dag la ma 'dres pa'i gang zag gis yin pas na ma 'dres pa ste/de nyid kyi phyir thun mong ma yin pa ni ma 'dres pa'o zhes bshad par bya ste gang dag de kho na'i yin gyi gzhan gyi ma yin pa'o/ /gnas dang gnas min shes pa bcu/ /zhes bya ba la gnas dang gnas ma yin pa mkhyen pa'i stobs zhes bya ba 'di ci zhig ce na dge slong dag gnas ni gnas su yang dag pa ji lta ba bzhin du rab tu shes so//gnas ma yin pa ni gnas ma yin pa'o zhes yang dag pa ji lta ba bzhin du rab tu shes so zhes 'di ni bcom ldan 'das nyid kyis rgyas par bshad de/ /chos thams cad kyi rang bzhin dang nus pa dang / rgyu dang 'bras bu nges pa de la 'di ni gnon mi za bar rgyu 'di las 'byung ngo //'di ni mi 'byung ngo snyam pa'i mkhyen pa thogs pa med pa gang yin pa'o/ /gnas zhes bya ba ni srid pa'o/ /gnas ma yin pa ni mi srid pa'o/ /gnas dang gnas ma yin pa dag las gang yang rung ba zhig bstan pas cig shos kyang bstan par 'gyur ba ma yin nam/ci'i phyir gnyi ga bstan zhe na/ 'di ni de ltar yin mod kyi/ gnas mkhyen pas ni rgyu med par smra ba bkag par ston la/ gnas ma yin pa mkhyen pas ni mi mthun pa'i rgyur smra ba dgag par ston pas gnyi ga nye bar bstan to/ /gnas dang gnas min shes pa bcu/ /zhes bya ba la ji ltar zhe na/'di ltar gnas dang gnas ma yin pas ni chos thams cad la khyab pa'i phyir 'dus byas dang 'dus ma byas so/ /de la 'dus byas ni rnam pa brgyad du dbye bar bya ste/ khams gsum dang / zag pa med pa mtshungs par ldan pa dang ldan pa ma yin pa'i dbye bas so/ /'dus ma byas ni rnam pa gnyis so//dge ba dang lung du ma bstan pa'i dbye bas so/ /de la kun rdzob shes pa'i dmigs pa ni rnam pa bcu char yin no/ /chos shes pa'i ni lnga ste/ 'dod pa na spyod pa dang zag pa med pa dang mtshungs par ldan pa dang / ldan pa ma yin pa dang / 'dus ma byas dge ba'o/ / de bzhin du rjes su shes pa la sogs pa rnams kyi yul yang ci rigs par de ltar byas na gnas dang gnas ma yin pa shes pa ni shes pa bcu yin no/ /las 'bras la brgyad ces bya ba la las dang rnam par smin pa mkhyen pa'i stobs zhes bya ba ni dge ba dang mi dge ba'i las rnams kyi rnam par smin pa dang /nyung ba dang mang ba nyid dang nges pa dang ma nges pa la sogs pa'i don dag la thogs pa med pa'i mkhyen pa gang yin pa'o/ /las dang rnam par smin pa ni khams gsum pa'i chos mtshungs par ldan pa dang / ldan pa ma yin pa yin la/ de dag kyang sdug bsngal dang kun 'byung gis bsdus pa yin pas de'i phyir 'gog pa dang lam shes pa dag ma gtogs so zhes bya ba smos so//de la kun rdzob shes pa ni khams gsum pa'i las dang rnam par smin pa'i yul can no/ /chos shes pa ni 'dod par gtogs pa'i yul can no/ /rjes su shes pa ni gzugs dang gzugs med par gtogs pa'i yul can no//sdug bsngal dang kun 'byung dang zad pa dang / mi skye ba shes pa dag kyang ci rigs par 'dod pa dang / gzugs su gtogs pa yang dge ba dang mi dge ba'i sems dang sems las byung ba'i yul can no/ /bsam gtan sogs/ dbang po mos dang zhes bya ba rgyas par 'byung ba ni gang dag bsam gtan dang por yod pa de dag ni bsam gtan sogs te/de dag ni rnam par thar pa dang / ting nge 'dzin dang snyoms par 'jug pa dag go/ /bsam gtan la sogs pa dang / dbang po rnams dang / mos pa rnams ni bsam gtan sogs/ dbang po mos pa dang ste de dag la'o/ / de la bsam gtan ni bzhi'o/ /rnam par thar pa ni brgyad do/ /ting nge 'dzin ni stong pa nyid la sogs pa'o/ /snyoms par 'jug pa ni 'gog pa dang 'du shes med pa'i snyoms par 'jug pa dang / gzugs med pa bzhi ste/ bsam gtan la sogs pa de dag gi rang bzhin dang / thob pa dang thabs dang phan 'dogs pa dang /ro myang ba dang dag pa dang / zag pa med pa dang / nyams pa dang gnas pa dang / khyad par dang nges par 'byed pa'i cha dang mthun pa la sogs pa'i don dag la mkhyen pa thogs pa med pa gang yin pa de ni bsam gtan dang / ting nge 'dzin dang / snyoms par 'jug pa mkhyen pa'i stobs te/'di ni 'gog pa shes pa ma gtogs pa shes pa dgu yin no/ /ji ltar zhe na bsam gtan la sogs pa de dag ni mdor bsdu na 'jig rten pa dang 'jig rten las 'das pa'i lam gyi rang bzhin yin pa de dag kyang mtshungs par ldan pa dang ldan pa ma yin pa'i bye brag gis re re zhing rnam pa gnyis su dbye'o//de la kun rdzob shes pa ni lam thams cad kyi yul can no/ /chos shes pa ni 'dod pa'i khams kyi gnyen po la dmigs pa'o/ /rjes su shes pa ni gzugs dang gzugs med pa'i gnyen po la dmigs pa'o/ /sdug bsngal dang kun 'byung shes pa dag ni zag pa dang bcas pa'i lam la dmigs pa'o//lam shes pa ni zag pa med pa la dmigs pa'o/ /zad pa dang mi skye ba shes pa dag ni zag pa dang bcas pa dang zag pa med pa la dmigs pa'o/ /gzhan gyi sems shes pa ni mtshungs par ldan pa'i lam la dmigs pa'o/ /dbang po mchog dang mchog ma yin pa mkhyen pa'i stobs zhes bya ba la/dad pa la sogs pa'i dbang po rnams gang mchog ces bya ba ni gtso bo yin la/ mchog ma yin pa zhes bya ba ni gtso bo ma yin pa ste/ chung ngu dang 'bring dang chen po'i bye brag dang / zag pa dang bcas pa dang zag pa med pa'i bye brag la thogs pa med pa'i ye shes gang yin pa de ni dbang po mchog dang mchog ma yin pa mkhyen pa'i stobs so//de yang dbang po rnams zag pa dang bcas pa dang zag pa med pa yin pa'i phyir shes pa dgu yin no zhes rgyas par sbyar bar bya'o/ /'dir 'dod par gtogs pa'i dbang po rnams kyang yod pas chos shes pa sdug bsngal dang kun 'byung la dmigs pa yang yin no zhes bya ba ni khyad par ro//mdor bsdu na sems can rnams kyi legs pa 'thob pa'i nus pa rnam pa gsum la thogs pa med pas mkhyen pa ni dbang po mchog dang mchog ma yin pa mkhyen pa'i stobs so/ /mos pa sna tshogs mkhyen pa'i stobs zhes bya ba ni mos pa sna tshogs pa ni dman pa dang gya nom pa dag la 'dod pa ste/'dod pa dang mos pa zhes bya ba ni rnam grangs so/ /sems can rnams kyi 'dod pa sna tshogs pa thogs pa med par mkhyen pa ni mos pa sna tshogs mkhyen pa'i stobs so/ /mos pa de yang zag pa dang bcas pa dang zag pa med pa yin pas snga ma bzhin du shes pa dgu yin no//khams sna tshogs mkhyen pa'i stobs zhes bya ba la/ de la khams ni sems can rnams kyi sngon goms pa'i bag chags so/ /de ni sems dang sems las byung ba khyad par can de dag yin no/ /rang bzhin yang khams yin te/ rang bzhin yongs su shes na chos rnams kyi ngo bo'i khyad par yongs su shes pa'i phyir ro//de dag la zag pa dang bcas pa dang / zag pa med pa'i dbye ba dang / khams kyi dbye ba byas te/ de dag la dmigs pa'i shes pa dgu sbyar bar bya'o/ /mdor bsdu na sems can rnams kyi sngon goms pas yang dag par 'grub pa'i bsam pa dang /bag la nyal dang / chos rnams kyi rang bzhin sna tshogs pa mkhyen pa'i mkhyen pa ni khams sna tshogs mkhyen pa'i stobs so/ /lam dag la zhes bya ba 'byung ste/ de la lam ni mang ste/ dmyal bar 'gro ba nas lhar 'gro ba dang / 'gog par 'gro ba'i bar ro/ /'dis dmyal ba la sogs pa sgrub pas na/dmyal bar 'gro ba'i lam ste rgyu'o/ /'gog par 'gro ba'i lam ste/ bral ba thob par bya ba'i phyir 'dis 'gog pa sgrub par byed pas so/ /lam ni mdor bsdu na 'jig tshogs 'byung bar 'gro ba dang / 'jig tshogs 'gog par 'gro ba'o/ /de la 'jig tshogs ni nye bar len pa'i phung po lnga'o//'byung ba ni 'dir de skye ba la mngon par 'dod do/ /'jig tshogs 'gog pa ni bral ba'o/ /'di la der 'gro ba'i ngang tshul yod pas na 'di ni 'jig tshogs 'gog par 'gro ba'o/ /thams cad du 'gro ba yang de yin la lam yang yin pas na thams cad du 'gro ba'i lam ste/ de la mkhyen pa ni thams cad du 'gro ba'i lam mkhyen pa'i stobs so/ /'di skad bstan par 'gyur te/ skye ba thams cad sgrub par byed pa dang / skye ba zad par byed pa'i chos rnams la thogs pa med pa'i mkhyen pa ni thams cad du 'gro ba'i lam mkhyen pa'i stobs yin no/ /de la gcig gi tshig ni lam gyi rigs la ltos pa ste/dmyal ba dang dud 'gro dang yi dags dang / mi dang lha dang thar par 'gro ba zhes bya ba lam dag ni mang ngo / /gal te lam 'bras bu dang bcas par gzung na ni zhes bya ba la lam gyi 'bras bu ni 'gog pa ste/ bral ba'i 'bras bu yin pa'i phyir ro/ /gnyis ni kun rdzob shes pa yin//zhes bya ba ni rang bzhin no/ /de dag gi mtshan nyid ni bdag dang gzhan dag gi skye ba 'das pa gcig nas gcig tu brgyud pa dran pa la thogs pa med pa'i mkhyen pa ni sngon gyi gnas rjes su dran pa mkhyen pa'i stobs so/ /sems can rnams kyi ma 'ongs pa'i srid par nying mtshams sbyor ba la thogs pa med pa'i mkhyen pa ni shi 'pho ba dang skye ba mkhyen pa'i stobs so//zad pa drug gam bcu yin no zhes bya ba la/ gal te zag pa zad pa'i mkhyen pa'i stobs zag pa zad pa'i yul can nyid yin na/ de ltar na shes pa drug gi bdag nyid de/ gzhan gyi sems dang sdug bsngal dang kun 'byung dang lam shes pa dag ma gtogs so//'on te zag pa zad pa/ zag pa zad pa'i rgyud la yod pa thabs dang bcas pa gzung na ni de lta na shes pa bcu ste/ de skad du yang zag pa zad pa dang / /de'i thabs la thogs pa med pa'i mkhyen pa ni zag pa zad pa mkhyen pa'i stobs so zhes bshad do/ /sngon gnas 'chi 'pho skye ba'i stobs//bsam gtan dag na zhes bya ba ni bsam gtan dag kho na mngon par shes pa'i rten ting nge 'dzin yod pa'i phyir ro/ /lhag ma ni/ sa rnams kun na zhes bya ba la/ 'dod pa'i khams na stobs lhag ma ji ltar yod ce na/ de'i phyogs gcig [(]du [,]tu [)]gyur pa kun rdzob shes pa yod do//blo gsal ba'i phyir 'dzam bu'i gling pa rnams la sangs rgyas 'byung ba dang stobs rnams sangs rgyas kyi rten can yin pa'i phyir thams cad 'dzam bu'i gling gi skyes pa'i rten can yin no/ /gzhan gyi stobs zhes mi bya'i zhes bya ba ni nyan thos sam rang sangs rgyas kyi'o/ /thogs mi mnga' zhes bya ba ni/thams cad la 'jug ces bya ba'i tha tshig go/ /rab tu 'byung bar 'dod pa'i mi phyir btang ba zhes bya ba ni rab tu 'byung ba ni rab tu 'byung ba'o/ /de 'dod pa ni rab tu 'byung bar 'dod pa'o/ /rab tu 'byung bar 'dod pa'i mi de slar btang ba ni rab tu 'byung bar 'dod pa'i mi phyir btang ba'o//thar pa'i cha dang mthun pa'i dge ba'i rtsa ba ma mthong bas phyir btang ba ste/ rab tu ma byung zhes bya ba'i tha tshig go/ /bcom ldan 'das kyis ni gzigs shing rab tu phyung ngo / /'di ni ji ltar gzhan gyi shes pa thogs pa'i dper brjod pa'o/ /skye ba la sogs pa'i mtha' ma shes zhes bya ba la sogs pa zhes bya ba'i sgras ni 'chi 'pho ba'i mtha' ma shes pa bsdu'o//sred med kyi bu'i stobs zhes bya ba ni/ stobs nyid kyi ming gi khyad par te/ gang la stobs de yod pa de yang sred med kyi bu zhes bya'o/ /bcom ldan 'das kyi phun sum tshogs pa ni gnyis te/ rten phun sum tshogs pa ni gzugs kyi sku'o//brten pa phun sum tshogs pa ni stobs la sogs pa'i yon tan rnams so/ /gzhan dag tshigs na zhes bya ba la/ gzhan dag na re sangs rgyas bcom ldan 'das kyi sku thams cad la sred med kyi bu'i stobs gcig yod pa ma yin te/'o na ci zhe na/ tshigs dang tshigs na'o zhes zer ro/ /de lta ma yin na mkhyen pa'i stobs mtha' yas pa bzod par mi 'gyur ro zhes bya ba la/ de lta ma yin na zhes bya ba ni thugs kyi bzhin du sku'i stobs mi 'dod na ste/ mkhyen pa'i stobs mtha' yas pa bzod par mi 'gyur te/ bzod pa'i ngang tshul can du mi 'gyur zhes bya ba'i don to//tshigs na zhes bshad pa de'i phyir rus pa'i tshigs kyi khyad par klu mdud pa zhes bya ba rgyas par bkod do/ /sangs rgyas rnams kyi tshigs ni klu mdud pa lta bu ste/ klu mdud pa ni klu sbrel ba'o/ /rang sangs rgyas rnams kyi tshigs ni lu gu rgyud lta bu yin no//'khor los sgyur ba rnams kyi tshigs ni gzer bus btab pa lta bu yin no/ /glang chen sogs/ bdun cu glags pa'i stobs yin no/ /zhes bya ba ni glang po che la sogs pa ste/ glang po che phal pa dang / spos kyi glang po che dang / tshan po che chen po dang / rab gnon dang / yan lag mchog dang /stobs mchog dang / sred med kyi bu dang bdun yin no/ /de'i stobs ni bcus glags pa'am/ bcu pas lhag pa'o/ /ji ltar zhe na/ glang po che phal pa ste/ glang po che tha mal pa bcu'i stobs gang yin pa de ni spos kyi glang po che gcig gi stobs yin no zhes bya ba rgyas par 'byung ngo //ji ltar ches che ba de ltar rung ngo zhes bya ba ni slob dpon te/ de lta ma yin na mkhyen pa mtha' yas pa bzod par mi 'gyur ro/ /ci'i phyir zhe na/ sku la brten pa ni sku dang 'tsham pa yin te/ sku dang thugs ni phan tshun mthun par byed pa'i phyir ro/ /gzhan du na lha sbyin gyis bsad pa'i glang po che zhabs kyi mthe bos ra ba dang 'obs bdun zlo ba der mi 'gyur ba 'di ni rgyu yin no//de ni reg bya'i skye mched yin zhes bya ba ni/ stobs thams cad reg bya'i skye mched yin no/ /de yang rnam pa gnyis te/ 'byung ba dang 'byung ba las gyur pa yin pas de'i phyir 'byung ba chen po'i khyad par zhes bya ba smos te/'byung ba las gyur pa ni ma yin no/ /bdun las don gzhan du gyur pa'i phyir zhes bya ba ni/ sngar bshad pa 'jam pa nyid la sogs pa dag las gzhan pa rgyur byas pa'i gzugs ni stobs yin no zhes bya ba'o/ /mdo las ji skad du 'byung ba bzhin no zhes bya ba ni/ kye ma nga mngon par rdzogs par sangs rgyas pa la 'di na chos 'di dag mngon par rdzogs par sangs ma rgyas so zhes nga la dge sbyong ngam bram ze 'am lha 'am bdud dam tshangs pa'ang rung 'ga' yang chos dang mthun pas rgol zhing gleng bar byed pa'i rgyu mtshan yang dag par rjes su ma mthong ngo //de ltar ngas rgyu mtshan yang dag par rjes su ma mthong bas bde ba thob pa dang /'jigs pa med par gyur cing mi 'jigs pa thob par gnas te/ khyu mchog gi gnas rlabs po che zhal gyis 'che zhing tshangs pa'i 'khor lo bskor/ 'khor gyi nang du seng ge'i sgra yang dag par sgrogs pa 'di ni mi 'jigs pa dang po'o/ / kye ma nga zag pa zad pa la 'di na zag pa 'di dag ma zad do zhes nga la dge sbyong ngam bram ze 'am zhes bya ba snga ma bzhin no/ /'di na nyan thos rnams la bar du gcod pa'i chos su gsungs pa gang dag yin pa de dag bstan na bar du gcod par mi 'gyur ro zhes nga la dge sbyong ngam zhes bya ba snga ma bzhin no/ / 'di na ngas nyan thos rnams la nges par 'byin pa'i lam du gsungs pa nges par 'byin pa sdug bsngal yang dag par zad par byed pa'i ched du nges par 'byung ba la sdug bsngal gyi mthar byed pa'i ched du nges par 'byung ba ma yin no zhes nga la dge sbyong ngam bram ze'am zhes bya ba snga ma bzhin te/ 'di ni mi 'jigs pa bzhi pa yin no zhes 'byung ngo //gnas dang gnas ma yin pa mkhyen pa'i stobs ji lta bar zhes bya ba ni gnas dang gnas ma yin pa mkhyen pa'i stobs shes pa bcu dang sa thams cad kyis bsdus pa ji lta bar kye ma nga mngon par rdzogs par sangs rgyas par gyur pa la zhes bya ba 'di mi 'jigs pa 'di yang de dang 'dra ste/de kho na bzhin du chos rnam pa bcur phye nas sbyar bar bya'o/ /zag pa zad pa'i mkhyen pa'i stobs zhes bya ba ste/ de shes pa drug gam bcu dang / sa bcu gcig gis bsdus pa ji lta bar kye ma nga zag pa zad par gyur pa la zhes bya ba'i mi 'jigs pa 'di yang de dang 'dra ste/ 'dir yang de kho na bzhin du chos rnams phye nas shes pa drug gam bcu dang sa bcu gcig par sbyar bar bya'o//las bdag gir bya ba mkhyen pa'i stobs 'gog pa dang lam shes pa ma gtogs pa shes pa brgyad dang sa thams cad kyis bsdus pa ji lta bar ngas gang dag nyan thos rnams la bar du gcod pa'i chos su gsungs pa yang de dang 'dra ste/'dir yang de kho na bzhin du chos rnams phye nas sbyar bar bya'o/ /kun du 'gro ba'i lam mkhyen pa'i stobs shes pa bcu 'am dgu dang / sa thams cad na yod pa ji ltar bar ngas nyan thos rnams kyi nges par 'byung ba'i lam du gsungs pa la zhes bya ba'i mi 'jigs pa 'di yang de dang 'dra bar rig par bya'o//de dag ni rnam pa bzhi yin te/ snga ma gnyis kyis ni de'i bdag nyid kyi ye shes dang spangs pa phun sum tshogs pa brjod do/ /phyi ma gnyis kyis ni gzhan la phan pa phun sum tshogs pa ste/ yang dag pa ma yin pa'i lam bzlog pa'i phyir dang /yang dag pa'i lam bstan pa'i phyir ro/ /ji ltar na mkhyen pa nyid mi 'jigs pa yin zhe na/ bye brag tu smra ba rnams ni mi 'jigs pa ni mi skrag pa yin la 'di dag gis kyang mi skrag par 'gyur bas shes pa rnams mi 'jigs pa yin no zhes zer ro/ /slob dpon gyi shes pas byas pa ni mi 'jigs pa yin par rung gi shes pa nyid ni ma yin no zhes smos te/mi 'jigs pa ni mi skrag pa yin la mi skrag pa nyid kyang skrag pa dang bral ba yin zhing de yang shes pa las yin pas shes pa nyid ni ma yin no/ /mi brdzi ba'i rgyu thogs pa med pa'i lam mkhyen pa ni stobs yin la/mi zhum pa'i rgyu ni mi 'jigs pa yin te/ ji ltar gzhan gyis zil gyis mi gnon pa de ltar na stobs yin la/ ji ltar gzhan dag zil gyis gnon pa de ltar na mi 'jigs pa yin no/ /gzhan dag na re stobs ni dpa' ba nyid yin la/ mi 'jigs pa ni brtan pa nyid yin no/ /'di gnyis kyi bya ba tha dad de/stobs kyi don ni mngon par 'dod pa'i sgrub pa'i don to/ /mi 'jigs pa'i don ni mi zhum pa'i don to zhes zer ro/ /dran pa nye bar gzhag pa zhes bya ba ni byang chub kyi phyogs kyis bsdus pa rnams las gzhag pa dag go/ /'khor gyi bye brag las zhes bya ba ni 'khor gyi khyad par las so//mdo las ji skad 'byung ba bzhin no zhes bya ba ni dge slong dag ston pa thugs brtse ba thugs rje can don bzhed pa thugs rje ste/ nyan thos rnams la 'di ni khyed la phan par byed pa/ 'di ni khyed la bde bar byed pa/ 'di ni khyed la phan pa dang bde bar byed pa'o zhes chos ston par mdzad cing nyan thos de dag de la nyan par byed/rna ba gtod par byed/ kun shes pa'i sems nye bar 'jog par byed/ chos kyi rjes su mthun pa'i chos sgrub par byed/ ston pa'i bstan pa la mi 'gal bar byed na/ des de bzhin gshegs pa thugs dgyes par yang mi 'gyur/ yid bde ba yang ma yin/thugs ya ya por yang mi 'gyur gyi/ de la de bzhin gshegs pa dran pa dang shes bzhin du btang snyoms su bzhugs te/ 'di ni gang dag 'phags pa sten par byed pa ste/ 'phags pas de dag bsten na/ tshogs la rjes su ston par 'os pa'i dran pa nye bar gzhag pa dang po yin no/ / gzhan yang dge slong dag thugs brtse ba zhes bya ba snga ma bzhin no/ /bzlog ste nyan thos de dag de la nyan par mi byed ces bya ba yang snga ma bzhin no/ /des de bzhin gshegs pa kun nas mnar sems su yang mi 'gyur/ mi bzod pa yang ma yin/ 'tshig pa yang mi mnga'/ thugs ma rangs pa yang mi mnga'o//de la de bzhin gshegs pa dran pa dang shes bzhin du btang snyoms su bzhugs te/ dran pa nye bar gzhag pa gnyis pa yin no/ /gzhan yang dge slong dag 'di na ston pa thugs brtse ba zhes bya ba snga ma bzhin no/ /nyan thos kha cig ni de la nyan par byed rna ba gtod par byed kun shes pa'i sems nye bar 'jog par byed chos kyi rjes su mthun pa'i chos sgrub par byed/ston pa'i bstan pa las mi 'gal bar byed la/ kha cig nyan par mi byed rna ba gtod par mi byed pa nas ston pa'i bstan pa las 'gal ba'i bar du byed na/ des de bzhin gshegs pa dgyes par mi 'gyur/yid bde ba yang ma yin thugs ya ya por yang mi 'gyur la/ kun nas mnar sems su yang mi 'gyur/ mi bzod pa yang ma yin/ 'tshig pa yang mi mnga'i/ de la de bzhin gshegs pa dran pa dang shes bzhin du btang snyoms su bzhugs te/ 'di ni gang dag sten par byed pa ste/ 'phags pa de dag bsten na tshogs la rjes su ston par 'os pa'i dran pa nye bar gzhag pa gsum pa yin no zhes 'byung ngo / /de yang / dran dang shes bzhin bdag nyid gsum/ /zhes bya ba ni dran pa'i bdag nyid dang shes bzhin gyi bdag nyid de/dran pa dang shes bzhin du btang snyoms su bzhugs te zhes gang bshad pa yin no/ /gang gi tshe nyan thos kyang zhes bya ba rgyas par 'byung ba ni/ nyon mongs pa spangs pa'i phyir ro snyam du bsams pa'o/ /bag chags dang bcas par spangs pa'i phyir ro zhes bya ba ni bcom ldan 'das kyis rjes su chags pa dang /khong khro ba dag gi bag chags kyang spangs kyi/ gzhan nyan thos rnams kyis ni ma yin no/ /bag chags zhes bya ba 'di ci zhe na/ gang sngar nyon mongs pa spyad pa de'i des byas pa'i lus dang ngag gi g.yo ba 'gyur ba'i rgyu nus pa'i khyad par ni bag chags yin no//yang na nyan thos rnams gang gi yin pa de la zhes bya ba ni/ nyan thos rnams sangs rgyas bcom ldan 'das kyi yin gyi/ gzhan dag ni ma yin no/ /de ci'i phyir zhe na/ nyan thos thams cad sangs rgyas bcom ldan 'das kyi dbang du byas nas rab tu 'byung bas so//de kho na la de mi 'byung ba zhes bya ba ni nyan thos de dag gang gi yin pa ston pa de kho na la'o/ /de zhes bya ba ni yid bde ba la sogs pa de dag mi skye ba ngo mtshar ba'o/ /de lta ma yin na zhes bya ba ni gal te snying rje bzhin du zhe sdang med pa'i ngo bo yin pa'am/ zag pa med pa'i bdag nyid yin na'o//sems can thams cad la dmigs par mi 'grub la/ snying rje bzhin du sdug bsngal gsum gyi rnam pa can du yang mi 'grub po zhes bya ba ni ji ltar 'dod pa na spyod pa'i sems can rnams la dmigs pa de bzhin du 'di yang 'gyur ro snyam du bsams pa'o/ / sdug bsngal gsum gyi rnam pa can du yang mi 'gyur te/ 'o na ci zhe na/ sdug bsngal sdug bsngal gyi rnam pa can kho nar 'gyur te/ dper na snying rje bzhin no/ /shes pa zag pa med pa yang de ltar mi 'jug ste/ de'i phyir thugs rje ni kun rdzob shes pa'i bdag nyid yin no/ /chen po'i sgra sbyar ba bstan pa'i phyir 'di ci'i phyir zhes bya ba la sogs pa smos so//bsod nams dang ye shes kyi tshogs chen po yang dag par 'grub pa'i phyir ro zhes bya ba ni 'bras bu chen po nyid ni rgyu chen po sngon du 'gro ba yin pas so/ /de la bsod nams kyi tshogs chen po ni sbyin pa dang tshul khrims dang bzod pa'i pha rol tu phyin pa'o//ye shes ni shes rab kyi pha rol tu phyin pa'o/ /brtson 'grus dang bsam gtan gyi pha rol tu phyin pa gnyis ni/ rnam pa gnyis ka yin te/ bsam gtan med na shes rab med do zhes 'byung ba'i phyir ro/ /brtson 'grus med par sbyin pa mi gtong la/ tshul khrims yang dag par mi len cing bzod pa mi sgom mo//de ltar na brtson 'grus ni bsod nams kyi tshogs kyi cha dang mthun pa yin no/ /de bzhin du brtson 'grus med na shes rab kyang med pas ye shes kyi tshogs chen po'i cha dang mthun par yang 'gyur ro/ /sdug bsngal gsum la rtogs pa'i phyir ro zhes bya ba 'dis ni rnam pa che ba nyid kyis che ba nyid bstan la/khams gsum pa'i sems can la dmigs pa'i phyir ro zhes bya ba 'dis ni dmigs pa che ba nyid bstan to/ /'dra bar 'jug pa'i phyir zhes bya ba 'di ni phul du byung ba'i khyad par la ltos te chen po nyid yin par bstan to/ /ches che ba nyid ni de bas ches che ba med pa'i phyir ro zhes bya ba ni de la shin tu dang rim ches kyis rim pa ldog pa'o//ji ltar snying rjes snying rje bar byed pa de ltar des kyang yin pa de gnyis la/ khyad par ma mthong nas tha dad du bya ba ci yod ces bya ba dris so/ /tha dad du bya ba ni dbye bar bya ba'o/ /zhe sdang med pa dang gti mug med pa'i ngo bo nyid yin pa'i phyir ro zhes bya ba ni/snying rje ni zhe sdang med pa'i ngo bo'o/ /thugs rje chen po ni gti mug med pa'i ngo bo'o/ /sdug bsngal gcig dang gsum gyi rnam pa can yin pa'i phyir ro zhes bya ba ni snying rje ni sdug bsngal gcig gi rnam pa can yin pa'i phyir ro/ /thugs rje chen po ni sdug bsngal gsum gyi rnam pa can yin pa'i phyir ro//khams gcig dang gsum gyi sems can la dmigs pa'i phyir ro zhes bya ba ni/ snying rje ni khams gcig gi sems can la dmigs pa'i phyir ro/ /thugs rje chen po ni khams gsum gyi sems can la dmigs pa'i phyir ro/ /sa las ni zhes bya ba la sogs pa la/ snying rje ni bsam gtan bzhi'i sa pa yin no//'dir mi lcogs pa med pa dang bsam gtan khyad par can ni bsam gtan dang po'i khongs su gtogs pas logs shig tu ma bshad do/ /thugs rje chen po ni bsam gtan bzhi pa'i sa pa'o/ /nyan thos la sogs pa zhes bya ba la/ sogs pa zhes bya ba'i sgras ni 'jig rten pa dang rang sangs rgyas bsdu'o//'dod pa'i khams dang srid pa'i rtse mo las 'dod chags dang bral bas 'thob pa'i phyir ro zhes bya ba ni/ snying rje ni 'dod pa las 'dod chags dang bral bas 'thob la/ /thugs rje chen po ni srid pa'i rtse mo la 'dod chags dang bral ba 'thob pa ste/ zad pa shes pa dang stobs la sogs pa bzhi yin no//yongs su mi skyob pa dang yongs su skyob pa dang zhes bya ba ni snying rjes nyan thos la sogs pa dag sems can sdug bsngal ba rnams la nyam nga ba 'ba' zhig tu ma zad kyi de dag gis sdug bsngal de las bskyab par mi nus so/ /mi 'dra ba dang 'dra bar thugs rje mdzad pa'i phyir ro zhes bya ba ni/ snying rje ni sdug bsngal ba rnams kho na la thugs rje mdzad la/thugs rje chen pos ni sems can thams cad la ste/ mnar med par skyes pa rnams la ji lta ba de bzhin du srid pa'i rtse mor skyes pa rnams la yang ngo / /sngon gyi bsod nams dang ye shes kyi tshogs kyis yang dag par 'grub pa ni sangs rgyas pa nyid kyi sngon rol gyi bsod nams kyi tshogs dang ye shes kyi tshogs kyis yang dag par 'grub pa'o//tshogs ni tshogs so/ /yang na 'dis sangs rgyas nyid kyi rgyu dge ba'i spyod pa thams cad tshogs pas na tshogs so/ /sogs pa zhes bya ba 'di yang dag par sdud ces bya ba'i tha tshig go/ /chos kyi sku yongs su grub pa zhes bya ba ni/chos kyi sku ni zag pa med pa'i chos kyi rgyun nam/ gnas yongs su gyur pa yin no/ /'jig rten gyi don spyod pa zhes bya ba ni/ 'jig rten gyi don ni mtho ris dang byang grol gyi rgyu'o/ /de sgrub pa ni don spyod pa ste/ sangs rgyas rnams kyis gzhan gyi don mdzad pa'i rgyu thugs rje chen po mtshungs pa'i phyir ro//dus ji lta ba bzhin du zhes bya ba ni thams cad dang sbyar ro/ /ji ltar zhe na/ yun shin tu ring ba dang / thung ngur 'tsho ba'i phyir zhes bya ba ni 'di ltar skye dgu'i tshe lo brgyad khri pa yin pa na sku tshe lo brgyad khri pa yin la skye dgu'i tshe lo brgya pa yin pa na sku tshe lo brgya par 'gyur ba'o//dus ji lta ba bzhin du rgyal rigs dang bram ze'i rigs tha dad pa ni gang gi tshe 'jig rten gyis rgyal rigs bkur ba de'i tshe rgyal rigs 'byung la/ gang gi tshe bram ze bkur ba de'i tshe ni bram zer ro/ /dus ji lta ba bzhin du 'od srungs dang shAkya la sogs pa gdung tha dad pa ni gang gi tshe 'jig rten na/ rus gang ches mchod par 'os par 'gyur ba de'i tshe de'i gdung du 'byung ba'o/ /dus ji lta ba bzhin du sku bong tshod chung ba dang chung ba ma yin pa tha dad pa ni gang gi tshe 'jig rten na bong tshod chung ngu yin pa de'i tshe sku bong tshod chung la/ gang gi tshe bong tshod chung ba ma yin pa de'i tshe sku bong tshod chung ba ma yin pa'o/ /rnam pa gsum po 'di kho na zhes bya ba ni gang zhig thal ma thag tu sangs rgyas rnams mnyam pa nyid kyi rgyur bshad pa rgyu phun sum tshogs pa dang /'bras bu phun sum tshogs pa dang / phan 'dogs pa phun sum tshogs pa'o/ /sngon gyi bsod nams dang ye shes kyis yang dag par 'grub pas ni rgyu phun sum tshogs pa bstan la/ / chos kyi sku yongs su 'grub pas ni 'bras bu phun sum tshogs pa dang / don spyod pas ni phan 'dogs pa phun sum tshogs pa'o/ /bsod nams dang ye shes kyi tshogs thams cad la goms pa zhes bya ba la/ bsod nams ye shes smos pa ni ci rigs par sbyin pa la sogs pa pha rol tu phyin pa lnga bsdus so/ / ye shes smos pas ni shes rab kyi pha rol tu phyin pa kho na'o/ /yun ring po nas goms pa zhes bya ba ni bskal pa grangs med pa gsum du goms pa'o/ /yun ring por goms kyang bar dang bcas pa yod pas/ de'i phyir bar chad med pa zhes bya ba smos te/ bar chad med par bya dka' bas so/ /res 'ga' gus par ma byas par yang yin pas de'i phyir gus par byas te/gom pa zhes bya ba smos so/ /ngan song gsum dang 'khor ba'i sdug bsngal las gtan du thar bar mdzad pa phun sum tshogs pa'o zhes bya ba ni ngan song gsum las thar bar mdzad pa phan 'dogs pa phun sum tshogs pa rnam pa gsum dang / 'khor ba las thar bar mdzad pa ste te de ltar na rnam pa bzhir 'gyur ro//yang na theg pa gsum dang bde 'gro la 'god par mdzad pa phun sum tshogs pa'o zhes bya ba ni theg pa gsum po re re la dgod pa phun sum tshogs pa rnam pa gsum dang bde 'gro la 'god pa ste rnam pa bzhir 'gyur ro/ /ye shes phun sum tshogs pa yang rnam pa bzhi ste zhes bya ba ni 'bras bu phun sum tshogs pa rnam pa bzhi po gang yin pa bde 'gro re re la yang de ltar rnam pa bzhir 'byed pa'o//ma bstan par mkhyen pa zhes bya ba ni bdag nyid kyis mngon par rdzogs pa'i byang chub pa'i don gyis so/ /thams cad mkhyen pa ni rang dang spyi'i mtshan nyid ma lus par thugs su chud pa'i don gyis so//rnam pa thams cad mkhyen pa ni rang dang spyi'i mtshan nyid rnam pa thams cad du thugs su chud pa'i don gyis so/ /ma 'bad par mkhyen pa ni bzhed pa tsam gyis thugs su chud pa'i don gyis so/ /nyon mongs pa thams cad spangs pa zhes bya ba ni mthong ba dang bsgom pas spang bar bya ba'i nyon mongs pa khams gsum pa spangs pa'i phyir ro//gtan tu spangs pa ni yongs su mi nyams pa'i sgo nas so/ /bag chags dang bcas te spangs pa ni rjes su 'brel pa med pa'i phyir ro/ /ting nge 'dzin dang snyoms par 'jug pa'i sgrib pa spangs pa'o zhes bya ba ni gnyi ga'i cha las rnam par grol ba'i phyir ro//yul sprul pa dang yongs su sgyur ba dang byin gyis rlob pa'i mnga' phun sum tshogs pa zhes bya ba de la sprul pa ni spyi'i yul sngon med pa 'byin pa'o/ /yongs su sgyur ba ni rdo la sogs pa gser la sogs pa'i dngos por mdzad pa'o/ /byin gyis brlab pa ni yun ring du gnas par mdzad pa'o//de dag la mnga' ba nyid ni bzhed pa'i sgo nas 'jug pa'o/ /mnga' nyid phun sum tshogs pa ni mnga' phun sum tshogs pa'o/ /sku tshe gtong ba dang byin gyis rlob pa'i mnga' de nyid phun sum tshogs pa ni sku tshe gtong ba dang byin gyis rlob pa'i mnga' phun sum tshogs pa'o/ / bsgribs pa la gshegs pa dang / nam mkha' la gshegs pa dang / shin tu ring ba la myur du gshegs pa dang / rdul phra rab chung ngur mang po ste/ 'jig rten gyi khams 'jug par mdzad pa ni bsgribs pa dang / nam mkha' dang shin tu ring ba la myur du gshegs pa dang / chung ngur mang po 'jug par mdzad pa'o//de dag la mnga' ba ni bzhed pa dgur mdzad pa ste de nyid phun sum tshogs pa yin no/ /ya mtshan gyi chos nar ma rnam pa sna tshogs phun sum tshogs pa zhes bya ba ni nar ma rang bzhin gyis 'byung ba zhes bya ba'i don te/ sangs rgyas bcom ldan 'das rnams ni gshegs pa na mthon dman mnyam par 'gyur te/mtho ba gang yin pa de ni dma' bar 'gyur la dma' ba gang yin pa de ni mthon por 'gyur ro/ /long ba rnams kyis ni mig 'thob po/ /'on pa rnams kyis ni rna ba 'thob po/ /smyon pa rnams kyis ni dran pa 'thob po zhes bya ba gang yin pa 'di ni chos nyid yin te/ thams cad rgyas par mdo las ji skad 'byung ba bzhin khong du chud par bya'o//mtshan phun sum tshogs pa zhes bya ba ni gsal ba rdzogs pa dang / yul na gnas pa'i phyir skyes bu chen po'i ngo bo nye bar mtshon pas mtshan dag ste/ de dag ni gtsug tor la sogs pa sum cu rtsa gnyis so/ /dpe byad bzang po phun sum tshogs pa zhes bya ba ni/ skyes bu chen po'i ngo bo gsal bar byed pa'i phyir dpe byad bzang po dag ste/de dag ni sen mo zangs kyi mdog lta bu la sogs pa brgyad cu'o/ /stobs phun sum tshogs pa zhes bya ba ni sred med kyi bu'i stobs dang ldan pas so/ /bcom ldan 'das kyi sku gdung rdo rje ltar sra ba ni mi phyed pa'i phyir ro/ /de ltar na de dag ni mdor bsdus pa yin no zhes bya ba ni sangs rgyas rnams kyi che ba'i bdag nyid mdor bsdus pa'o//ji ltar zhe na/ skyes bu dam pa rab tu dang ba skye ba gang yang rung sangs rgyas bcom ldan 'das la bstod pa dang bstod par 'gyur ba de dag thams cad phun sum tshogs pa gsum po 'di kho nas yin te/ ji skad du/tshogs ni bsags par dka' ba'i phyir/ /sangs rgyas chos rnams bla med dang / /'gro ba'i don nyid mdzad pa nyid/ /sangs rgyas rnams la bsam par bya/ /zhes bshad do/ /gal te sku tshe bskal pa grangs med pa du mar zhes bya ba rgyas par 'byung ste/ 'di skad du/ gal te sangs rgyas bcom ldan 'das kyis bskal pa grangs med pa gnyis lan gsum du sku tshe byin gyis rlob par mdzad na/de ltar na sangs rgyas kyi che ba'i bdag nyid gsungs pa dang mkhyen par spyod do zhes bstan par 'gyur ro/ /re zhig de ltar na zhes bya ba rgyas par 'byung ste/ yon tan rnams dang ye shes rnams dang mthu dang phan 'dogs pa ni yon tan dang ye shes dang mthu dang phan 'dogs pa'o//mtha' yas pa ni grangs dang mthu mthas gtugs pa med pa'i phyir ro/ /rmad du byung ba ni sangs rgyas rnams las gzhan la med pa'i phyir dang / mdzad par dka' ba'i phyir dang / brnyes par dka' ba'i phyir ro/ /de nyid rin po che chen po yin te/sems can thams cad la sman 'dogs pa'i phyir te/ rin po che chen po de dag gi 'byung gnas yin no/ /sangs rgyas dang de'i chos la gus par mi byed ces bya ba ni/ gus par byed pa ma yin zhes bya ba'i don to/ /lha zhes bya ba ni lha dag na yod pa ni lha'o/ / 'bras bu med pa ma yin pa dang / yid du 'ong ba dang / mchog tu gyur pa dang / myur ba dang / mtha' bzang ba'i phyir ro zhes bya ba la/ de la bsod nams bya ba'i sa bon chung ngu yin yang 'bras bu med pa ma yin pa ste/ 'bras bu 'byin par nges par gnas pa'i phyir ro/ /'bras bu yid du 'ong ba ni rnam par smin pa'i 'bras bu mngon par 'dod pa yin pa'i phyir ro//'bras bu mchog tu gyur pa ni lha la sogs pa'i 'byor pa'i rgyur gyur pa'i phyir dang / 'bras bu mang ba'i phyir ro/ /'bras bu myur ba ni mthong ba'i chos la myong bar 'gyur ba'i phyir ro/ /'bras bu mtha' bzang ba ni mya ngan las 'das pa'i rgyur gyur pa'i phyir ro//ji skad bshad pa 'di/ shes par byed pa ni gang dag rgyal ba zhes bya ba rgyas par 'byung ba'o/ /'dis nyon mongs pa bag chags dang bcas pa las rgyal bar byed pas na rgyal ba ste/ 'di skad du/ bcom ldan 'das kyis/ sdig chos las nga rgyal des na/ /nyer song nga ni rgyal ba yin//zhes ji skad du gsungs pa lta bu'o/ /gdul ba 'dul bas rnam 'dren no/ /bya bas na bya ba ste/ mchod pa la sogs pa rnams so/ /sna tshogs dag ces bya ba ni 'dod pa dang gzugs dang gzugs med pa na spyod pa'o/ /bdud rtsi'i go 'phang ni mya ngan las 'das pa'o/ /slob dang thun mong yin zhes rgyas par 'byung ngo //sangs rgyas bcom ldan 'das rnams kyi chos thams cad ni dbang rnam par dag pa'i khyad par gyis rnam par dag pa'i phyir bla na med pa yin mod kyi slob ma dang thun mong yin no/ /so so'i skye bo dang thun mong yin no zhes yon tan thun mong ma yin pa'i rigs la dgongs nas brjod do//ci rigs par zhes bya ba ni ji ltar srid par ro/ /de la slob ma dang thun mong ba ni nyon mongs pa med pa dang / smon nas shes pa dang / so so yang dag par rig pa'o/ /so so'i skye bo dang thun mong ma yin pa ni mngon par shes pa lnga la sogs pa rnams so/ /zad par gyi skye mched la sogs pa zhes bya ba'i sgras ni stong pa nyid dang /mtshan ma med pa dang smon pa med pa'i ting nge 'dzin rnams dang ting nge 'dzin gzhan dag bsdu'o/ /dgra bcom pa la la zhes bya ba rgyas par 'byung ba ni/ 'di na dgra bcom pa la la smad 'tshong ma dang zlos gar mkhan dang / g.yon can dang chang 'tshong la sogs pa'i skye ba dag la bdag dang gzhan gyi nyon mongs pa skye ba'i 'bras bu yid du mi 'ong ba rjes su 'brel pa dran nas/re zhig 'dod chags dang bcas pa'i rgyud la skyes pa'i nyon mongs pa rnams kyang 'bras bu yid du mi 'ong ba yin no/ 'dod chags dang bral ba'i rgyud la skyes pa rnams kyi gnas skabs gang zhig [(]du [,]tu [)] 'gyur snyam du de ltar rjes su sems shing bsams nas ji ltar gzhan dag la de la dmigs pa'i 'dod chags dang zhe sdang ngam nga rgyal lam/ser sna 'am/ phrag dog la sogs pa rnams las gang yang rung ba skye bar mi 'gyur ba de lta bu'i ngo bo'i shes pa skyed do/ /bcom ldan 'das kyis rgyud la sor mo'i phreng ba can la sogs pa rnams kyi nyon mongs pa skye ba'i phyir/ji ltar bcom ldan 'das nyon mongs pa med pa la gnas pa yin zhe na/ skyon 'di ni med de/ thugs rje mnga' ba gzhan dag gi nyon mongs pa gtan dbyung bar 'dod pa rnams ni res 'ga' dgos pa ches brling ba'i phyir nyon mongs pa skye ba btang snyoms su mdzad de/mngon par rtogs pa'i skal ba dang ldan pa'i phyir ro/ /nyan thos rnams ni bsam pa dang bag la nyal shes pa dang bral ba'i phyir nyon mongs pa rnam pa thams cad du dbyung bar mi nus te/ de'i phyir dus re zhig spong bar byed do/ /'dir mthong bas spang bar bya ba bsrung bar bya ba mi nus pas 'dod chags la sogs pa smos so//nyon mongs par mi byed pa ni nyon mongs par byed pa ma yin zhes bya ba'i tha tshig go/ /kun rdzob shes zhes bya ba ni gzhan gyi rgyud kyi bsgom pas spang bar bya ba ma 'ongs pa'i yul can yin pa'i phyir te/ de ltar zhugs pa'i zag pa med pa'i shes pa ni yod pa ma yin no/ / nyon mongs pa med pa'i ting nge 'dzin las ma langs pa des/ bdag mthong nas 'di'i 'dod chags skye bar 'gyur du 'ong ngo / /'di'i zhe sdang dang 'di'i nga rgyal dang / 'di'i bag med pa skye bar 'ong ngo snyam du ji lta ji ltar mngon par 'dod pa de lta de ltar ting nge 'dzin de las langs nas kyang mthun par spyod par byed do/ / bsam gtan mtha' na zhes bya ba ni sdug bsngal gyi rgyu dang 'gal ba'i phyir dang / bsam gtan bzhi pa lam sla ba rnams kyi mchog yin pa'i phyir bsam gtan bzhi pa'i sa pa kho na yin no/ /mi g.yo ba'i chos can gyi yin te/ /gzhan gyi rgyud la nyon mongs pa sel bar zhugs pa'i phyir ro/ / dgra bcom pa gzhan gyi ni ma yin te zhes bya ba ni dus kyi rnam par grol ba'i ma yin pa'o/ /rang gi rgyud las kyang zhes bya ba ni yongs su nyams pa'i tshe na ting nge 'dzin la dbang ba nyid med pa'i phyir ro zhes gzhir bcas zhes bya ba ni bsgom pas spang bar bya ba 'dod chags la sogs pa dag go/ /ji ltar ma 'ongs pa'i nyon mongs pa la dmigs she na/de'i phyir pha rol po dag nyon mongs pa skye bar ma gyur cig ces bya ba de ltar zhugs pa'i phyir ro zhes bya ba smos so/ /ci'i phyir gzhi dang bcas pa rnams kho na la dmigs she na/ de'i phyir nyon mongs pa gzhi med pa rnams ni zhes bya ba rgyas par smos so/ / nyon mongs pa gzhi med pa ni mthong bas spang bar bya ba rnams te/ 'jig tshogs la lta ba la sogs pa rnams ni khams dang sa thams cad la dmigs pa'i phyir bzlog par mi nus so/ /smon nas shes pa'ang de bzhin no zhes bya ba ni/ nyon mongs pa med pa rang gi ngo bo dang sa dang rgyud dang rten las ji skad du bshad pa de bzhin du kun rdzob shes pa yang yin te/de'i dmigs pa thams cad do zhes bya ba 'di ni khyad par yin te/ thams cad la smon nas shes pa 'jug pa'i phyir ro/ /smon nas shes pa gzugs med pa rnams mngon sum du mi shes so zhes bya ba ni/ smon nas shes pa bsam gtan bzhi pa'i sa pa yin pa'i phyir te/ mngon par shes pa rang dang 'og ma'i sa'i yul can yin la/ smon nas shes pa yang mngon par shes pa dang 'dra'o zhes bshad par bya'o/ /rgyu mthun pa dang spyod pa'i bye brag las zhes bya ba la/ rgyu mthun pa ni dman zhing dman pa'o/ /spyod pa ni zhi gnas lhag pa'i ting nge 'dzin la gnas pa'o/ /gzugs med pa nas shi 'phos nas 'dod pa dang gzugs su skyes pa ni rgyu mthun pa'i bye brag las so//'di nas shi 'phos nas gzugs med pa gang du skye ba gang yin pa de ni spyod pa'i bye brag las so/ /de ltar na 'bras bus rgyu rjes su dpag la/ rgyus kyang 'bras bu rjes su dpag go zhes bstan pa yin no/ /'dir dpe ni zhing sa lta bu'o zhes bya ba ni dper na zhing sas 'bras bu dang 'bras bus sa bon dang /sa bon gyis 'bras bu rtogs pa de bzhin du 'dir yang yin no/ /smon pa sngar btang ba zhes bya ba ni gtod pa sngar btang ste/ smon nas zhes bya ba 'di ni gtad nas zhes bya ba'i don to/ /ha cang thal ba spang ba'i phyir ting nge 'dzin de'i yul du ji tsam gyur pa zhes bya ba smos so//'di dag gi dmigs pa dang / sa dang / rang gi ngo bo'i bye brag bya ba la/ bye brag ces bya ba'i sgras ni dmigs pa'i bye brag dang / sa'i bye brag dang ngo bo'i bye brag ces re re la sbyar ro/ /thogs med ces bya ba ni thogs par mi nus pas na thogs med de/ thogs pa ma yin zhes bya ba'i tha tshig go/ /chos so so yang dag par rig pa ni ming dang tshig dang yi ge'i tshogs dag la thogs pa med pa'o/ /gsum po 'di dag ni shes bya khong du chud pa 'dzin par byed pa'i phyir chos zhes bya'o/ /don so so yang dag par rig pa ni chos rnams kyi don dam pa la thogs pa med pa'i shes pa ste/rang dang spyi'i mtshan nyid kyis shes pa zhes bya ba'i don to/ /nges pa'i tshig so so yang dag par rig pa ni ngag gi sbyor ba la thogs pa med pa ste/ rtags dang dus dang byed pa la sogs pa'i sbyor ba shes pa zhes bya ba'i tha tshig go/ /rigs pa thags thogs med/ mngon brjod ces bya ba la/rigs pa ni don dang 'brel pa'o/ /thags thogs med pa ni thogs pa med pa'o/ /de mngon par brjod pa ni de brjod pa ste/ de'i dngos po ni rigs pa thags thogs med/ mngon brjod nyid do/ /mdor bsdus na chos dang don so so yang dag par rig pa gnyis ni kun rdzob dang don dam pa'i bden pa shes pa nyid do//'di ni re zhig rnal 'byor pa'i bdag la phan pa phun sum tshogs pa'o/ /gzhan gyi don phun sum tshogs pa ni nges pa'i tshig so sor yang dag par rig pa ston pa la mkhas pa dang spobs pa so so yang dag par rig pa dri ba dang brtsad pa gtan la dbab pa dang spang ba shes pa'o/ /ting nge 'dzin la dbang ba gsal bar bya ba la thogs pa med pa zhes bya ba ni ting nge 'dzin la dbang ba gsal bar bya ba ni ting nge 'dzin la dbang ba gsal bar bya'o//gsal ba yang ci zhig ce na/ mi brjed pa'o zhes pa dgu'o zhes bya ba ni re zhig ngag la dmigs pa gang yin pa de ni sdug bsngal dang kun 'byung ba la dmigs pa'i phyir sdug bsngal dang kun 'byung dang zad pa dang mi skye ba dang chos dang rjes dang kun rdzob shes pa rnams yin no//lam la dmigs pa gang yin pa de ni zad pa dang mi skye ba dang chos dang rjes dang lam dang gzhan gyi sems dang kun rdzob shes pa'i rang bzhin yin no/ /ngag dang lam gnyis las gang yang rung ba zhig la dmigs pa'i phyir ro zhes bya ba la ngag la dmigs pa ni 'dod pa'i khams dang bsam gtan dang po na'o//lam la dmigs pa ni srid pa'i rtse mo'i bar na'o/ /lam smos pa ni zag pa dang bcas pa dang zag pa med pa'i lam bzung ngo / /gal te chos thams cad lan na ni shes pa bcu'o zhes bya ba ni gang zhig ci rigs par shes pa bcu'i yul du mi 'gyur ba de ni yod pa ma yin no//gzhan kun rdzob ces bya ba ni chos dang nges pa'i tshig so so yang dag par rig pa dag ni ming gi tshogs la sogs pa dang / ngag la dmigs pa nyid kyi rang gi mtshan nyid kyi yul can yin pa'i phyir kun rdzob shes pa rang bzhin no//zag pa med pa'i shes pa ni rang gi mtshan nyid kyi rnam par ram sdug bsngal gyi phyogs gcig la mi 'jug ste/ 'o na ci zhe na/ nye bar len pa'i phung po lnga la spyi'i rnam par 'jug pas de'i phyir de dag zag pa med pa'i shes pa'i bdag nyid ma yin no/ /yan chad na ming gi tshogs med pa'i phyir zhes bya ba 'dis ni gzugs med pa dag na chos so so yang dag par rig pa med do zhes ston to//ming gi tshogs bkag pa kho nas tshig dang yi ge'i tshogs bkag pa ste/ phan tshun mi 'khrul pa'i phyir ro/ /yan chad na rtog pa med pa'i phyir ro zhes bya ba ni bsam gtan gnyis pa la sogs pa dang /bsam gtan khyad par can na nges pa'i tshig so so yang dag par rig pa med de/ ngag kun nas slong ba rnam par rtog pa med pa'i phyir ro/ /btags pa las zhes bya ba ni btags pa'i bstan bcos las so/ /'di skad du zhes bya ba ni ji skad 'chad par 'gyur ba'o/ /tshig dang yi ge zhes bya ba ni 'dis tshig gsal bar byed pas na yi ge ste ming ngo //de nyid kyi don zhes bya ba ni tshig dang yi ge'i 'o/ /de nyid kyi gcig dang zhes bya ba ni don gyi'o/ /de la thags thogs med par bya ba la zhes bya ba ni tshig dang yi ge la sogs pa la'o/ /thogs pa med par shes pa'i zhes bya ba ni rdugs pa med pa'o//pho dang mo la sogs pa'i tshig bla dgas zhes bya ba la sogs pa zhes bya ba'i sgras ni ma ning dang byed pa pa la sogs pa bsdu'o/ /tshig gcig nyid la sogs pa'i dbang du byas pa'i tshig ni tshig bla dgas so/ /de nyid kyi 'di dag gi go rims grub pa yin no zhes bya ba gang gi phyir tshig dang yi ge zhes rgyas par ji skad du bshad pa 'di rim pa yin pas so//tshig nges pa ni nges pa'i tshig ste zhes bya ba nas dper na ji ltar zhe na/ dper na gzugs su rung ba zhes bya ba smos te/ rnam par shes pa na rnam par shes pa ste/ sems pas na sems so zhes bya ba la sogs pa'o/ /go rims bzhin du zhes bya ba ni ji ltar zhe na chos so so yang dag par rig pa'i sbyor ba ni rtsis yin no//don so so yang dag par rig pa ni sangs rgyas kyi bka'o/ /nges pa'i tshig so so yang dag par rig pa ni sgra rig pa'o/ /spobs pa so so yang dag par rig pa ni gtan tshigs rig pa'o/ /bye brag tu smra ba rnams na re sangs rgyas kyi bka' kho na yin te/chos 'di pa rnams kho na de skyed pa'i phyir ro zhes zer ro/ /gang la gcig yod pa de la gdon mi za bar so so yang dag par rig pa bzhi char yod de zhes bya ba ni lam gcig gi 'bras bu yin pa'i phyir ro/ /ma tshang bar ni de thob med/ /ces bya ba ni 'gas kyang so so yang dag par rig pa dag ma tshang bar 'thob par mi 'gyur ro de dag ni rab kyi mtha' pa'i bsam gtan gyi stobs kyis 'thob bo zhes bya ba ni de dag rab kyi mtha' pa'i bsam gtan gyis ma bsdus pa nyid de/ngag ni 'dod dang dang po na/ /zhes 'byung ba'i phyir ro/ /nyon mongs pa med pa la sogs pa yon tan rnams ni rab kyi mtha' pa'i bsam gtan bzhi pa bskyed nas 'thob kyi/gzhan du ni ma yin no/ /rab kyi mtha' pa de nyid ces bya ba la/ de nyid nyon mongs pa med pa la sogs pa las tha dad pa sbyor ba las byung ba bsam gtan bzhi pa chen po'i chen po'o/ /de'i stobs kyis 'thob pa yin gyi zhes bya ba ni rab kyi mtha' pa'i stobs kyis so//de bsam gtan bzhi pa'i sa pa ni ma yin te/ de na rtog pa med pa'i phyir dang rtog pa dang bcas pa'i sems kyis de kun nas slong ba'i phyir ro/ /nyon mongs pa med pa la sogs pa'i yon tan rnams rab kyi mtha' pa'i bsam gtan gyis bsdus pas de'i bdag nyid ces bya'o//'phel ba'i rab tu phyin pa yin/ /zhes bya ba ni thams cad ma yin no snyam du bsams pa'o/ /de ni sa kun gyis mthun byas/ /zhes bya ba ni sa kun gyis nye bar gzung zhes bya ba'i don to/ /mi mthun pa ni zhes bya ba ni 'du shes med 'du shes med min skye mched nas ci yang med pa'i skye mched la'o//de nas rnam shes mtha' yas skye mched ma yin pa nas/ de bzhin du 'dod pa na spyod pa'i bar ro/ /'di la mthar rab tu phyin pa yod pa'i phyir ro zhes bya ba ni 'di la 'phel ba rab tu gyur pa yod ces bya ba'i don to/ /mu bzhi pa bzhin no zhes bya ba ni ji ltar mu bzhi rnam pa bzhi yin pa de bzhin du rab kyi mtha' yang rnam pa'i mthar rab tu phyin pa yin no//sangs rgyas las gzhan zhes bya ba ni nyan thos sam rang sangs rgyas ni sbyor ba las byung ba yin no/ /chos thams cad kyi dbang phyug yin pa'i phyir zhes bya ba ni chos rnams de'i mangs 'jug pa'i phyir zhes bya ba'i tha tshig go//mngon par shes pa la sogs pa ni so so'i skye ba dag dang / yang zhes bya ba la/ yang gi sgras ni nyan thos rnams dang yang ngo / /rdzu 'phrul gyi yul shes pa mngon du bya ba'i mngon par shes pa zhes bya ba ni/ 'dis sprul pa dang nam mkha' la 'gro ba 'byor par byed pas na/ rdzu 'phrul te/ting nge 'dzin to/ /rdzu 'phrul gyi yul ni/ rdzu 'phrul gyi yul te/ sprul pa dang nam mkha' la 'gro ba'o/ /rdzu 'phrul gyi yul gyi shes pa ni/ rdzu 'phrul gyi yul gyi shes pa ste/ de mngon du bya ba ni mngon sum du byed pa'o/ /lha'i rna ba zhes bya ba ni lha'i rna ba la brten pa'i shes pa ni lha'i rna ba'i shes pa ste/de mngon du byed pa ni mngon sum du byed pa'o/ /sems kyi rnam grangs shes pa ni sems kyi bye brag shes pa ste/ gzhan gyi sems chags pa dang sdang ba dang rmongs pa shes pa'o/ /yang na rnam grangs ni rim pa ste/ res 'ga' chags so snyam du shes la/ res 'ga' sdang ngo snyam du shes pa la sogs pa'o//sngon gyi gnas ni sngon gyi gnas so/ /sngon gyi gnas kyi dran pa ni sngon gyi gnas rjes su dran pa ste/ de dang mtshungs par ldan pa'i shes pa ni sngon gyi gnas rjes su dran pa'i shes pa'o/ /'chi 'pho ba dang skye ba ni 'chi 'pho ba dang skye ba dag go/ /de dag shes pa ni 'chi 'pho ba dang skye ba shes pa ste/'di ni lha'i mig gi mngon par shes par bshad do/ /zag pa rnams zad pa ni zag pa zad pa'o/ /de'i shes pa ni zag pa zad pa shes pa ste/ de mngon du bya ba'i mngon par shes pa zhes re re la sbyar ro/ /lnga ni so so'i skye bo rnams dang thun mong ba yin no zhes bya ba ni tha ma ma gtogs pa'o//dge sbyong gi tshul gyi 'bras bu bzhin du zhes bya ba ni ji ltar dge sbyong gi tshul gyi 'bras bu 'dus byas rnam par grol ba'i lam gyis bsdus pa de bzhin du mngon par shes pa yang yin gyi/ bar chad med pa'i lam ni ma yin te/ gzhan gyi sems shes pa bar chad med pa'i lam la bkag pa'i phyir dang /zag pa zad par byed pa'i bar chad med pa'i lam btang nas dgra bcom pa yang mngon par shes pa med pa nyid du thal bar 'gyur ba'i phyir ro/ /de'i phyir mngon par shes pa ni rnam par grol ba'i lam gyis bsdus pa yin no/ /bzhi ni kun rdzob shes pa ste/ /zhes bya ba ni 'di ltar gsum gyi dmigs pa ni gzugs kho na yin la/sngon gyi gnas rjes su dran pa'i mngon par shes pa sngon gyi mtha' la dmigs pa yin na/ /zag pa med pa'i shes pa ni de lta ma yin no/ /sems la shes pa lnga yin no/ /zhes bya ba ni gzhan gyi sems shes pa ni zag pa dang bcas pa dang zag pa med pa yin pa'i phyir shes pa lngas bsdus pa yin te/gzhan gyi sems shes pa ni shes pa gcig yin la/ bzhi'i cha yang yin no zhes sngar bshad zin to/ /zad pa dang mi skye ba dang sdug bsngal dang / kun 'byung ba dang / 'gog pa shes pa rnams ma gtogs te/ rim pa bzhin du gzhan gyi sems shes pa lta bu'i bdag nyid yin pa'i phyir dang /rang gi mtshan nyid kyi phyogs gcig gi yul can yin pa'i phyir dang / sems dang sems las byung ba'i yul can yin pa'i phyir zad pa shes pa la sogs pa yin pa gsal ba yin no/ /'di zag pa zad pa mkhyen pa'i stobs ji skad du bshad pa zhes bya ba ni gal te zag pa zad pa shes pa 'gog pa la dmigs pa yin na ni shes pa drug yin te/chos dang rjes dang 'gog pa dang zad pa dang mi skye ba dang kun rdzob shes pa dag go/ /'on te zag pa zad pa'i rgyud la yod pa yin na ni de lta na shes pa bcu yin no/ /de bzhin du 'di ni sa thams cad pa yin par yang shes par bya ba zhes bya ba ni ji ltar zag pa zad par mkhyen pa'i stobs sa thams cad pa yin pa de bzhin du zag pa zad pa shes pa'i mngon par shes pa yang sa thams cad pa yin par rig par bya'o//mngon par shes pa lnga ni bsam gtan bzhi'i sa pa yin no zhes bya ba ni zag pa zad pa'i mngon par shes pa ma gtogs pa'o//re zhig gsum ni med de/ gzugs la dmigs pa'i phyir ro zhes bya ba ni rdzu 'phrul dang mig dang rna ba'i mngon par shes pa dag ste/ gsum po de dag ni gzugs la dmigs pa yin no/ /gzugs med pa dag ni gzugs la dmigs pa ma yin te/ gzugs kyi 'du shes dang bral ba'i phyir ro//gzugs la stegs bcas nas mngon par bsgrub par bya ba yin pa'i phyir ro zhes bya ba ni gzugs kyi sgo nas bsgrub par bya ba yin pa'i phyir te/ gzugs la dmigs pa'i lam gyis bsgrub par bya ba yin pa'i phyir ro zhes bya ba'i tha tshig go/ /mthar gyis sngon gyi gnas gzhan rjes su dran pa zhes bya ba ni gang gi phyir mthar gyis bdag nyid kyis gnas skabs gzhan dag 'dod pa'i khams su dran pa na sgrub par byed pa na/gzugs med pa rnams ni 'dod pa'i khams la dmigs pa yang ma yin no/ /gnas dang dus la sogs pa la dmigs pa'i phyir ro zhes bya ba ni gnas dang dus la sogs pa dag ni ci rigs par 'dod pa'i khams sam/gzugs kyi khams na yod kyi/ gzugs med pa'i khams na ni ma yin no/ /gzugs med pa'i dngos gzhi dag ni khams 'og ma la dmigs pa 'am/ gzugs la dmigs pa yod pa ma yin no//de lta na 'o na bsam gtan gyi nyer bsdogs dag dang / gzugs med pa dang po'i nyer bsdogs dag tu yang 'gyur te/ gzugs kyi yul can yin pa'i phyir ro zhe na/ de ni de lta ma yin te/ ting nge 'dzin yan lag gis yongs su bzung ba kho na mngon par shes pa'i rten yin na/'di ni gzugs med pa'i nyer bsdogs dag na yod pa ma yin pas/ de na mngon par shes pa med do/ /de ltar na de dag na zag pa zad pa'i mngon par shes pa yod par mi 'gyur ro zhe na/ ma yin te/ sa thams cad kyi shes pas zag pa zad pa'i shes pa la dmigs par nus pa'i phyir ro//mngon par shes pa rnams kyi sbyor ba bshad pa'am/ yang na ji ltar gzhan gyi sems shes pa gzugs la stegs bcas nas mngon par bsgrub par bya ba yin zhe na/ de'i phyir pha rol gyi sems shes par 'dod pa ni zhes bya ba rgyas par smos so/ /de bzhin du pha rol po dag la yang gtod de zhes bya ba ni gtod par byed pa ste/bdag gi lus 'di 'dra ba zhig la sems ni 'di 'dra ba zhig yin la/ gzhan la yang lus 'dra ba 'di yod de/ de'i phyir 'di'i sems kyang 'di 'dra bar 'gyur ro zhes bya ba'i sbyor ba'i gnas skabs 'di mngon par shes pa mngon par grub nas gzugs la mi ltos par gzhan gyi sems shes so//sngon gyi gnas rjes su dran par 'dod pa ni zhes bya ba la sogs pa 'byung ngo / /mtshan ma bzung nas zhes bya ba ni sems kyi rnam pa yongs su bcad nas zhes bya ba'i tha tshig go/ /de ma thag pa'i zhes bya ba ni sems gang la mtshan ma nye bar gzung ba de'i de ma thag tu 'gag pa gnas skabs gzhan gang dag yin pa de rnams dang po yid la byed do//skad cig ma bar med pa yid la byed pa mi srid pas gnas skabs gzhan zhes bya ba smos so/ /gnas gtsang ma rnams ji ltar dran zhe na zhes bya ba ni gal te nyams su myong ba dran na'o/ /gnas gtsang ma pa rnams 'dir 'ong ba ni med de/phyir mi 'ong ba yin pa'i phyir ro/ /thos pas nyams su myong ba'i phyir ro zhes bya ba ni 'dis ni gnas gtsang ma'i lha rnams 'di 'dra ba zhig go zhes thos pa yin no/ /nyams su myong ba ni rnam pa gnyis te/ /thos pas nyams su myong ba dang / /mthong bas nyams su myong ba'o/ /pha rol po'i rgyud la brten nas 'dir skyed do zhes bya ba la gzugs med pa dag nas shi 'phos nas 'dir skyes pa gang zhig bsam gtan bskyed nas sngon gyi gnas rjes su dran par 'dod pa de ni pha rol po'i rgyud la brten nas skyed do//sngon gyi gnas rjes su dran pa shes pa ni bsam gtan gyis bsdus pa yin pas des gzugs med pa na spyod pa'i sems mi 'dzin te/sa gong ma pa yin pa'i phyir ro/ /de pha rol po'i rgyud kyis yid kyi rnam par shes pa 'gags ma thag pa mtshan ma bzung nas zhes bya ba la sogs pa sbyar bar bya'o/ /gzhan dag na zhes bya ba ni gang dag gzugs med pa dag nas shi 'phos pa ma yin pa de dag ni rang gi rgyud la brten nas skyed do//gal te gzugs med pa rnams mi dran na 'o na mdo las bcom ldan 'das kyis gal te gzugs dag gam gzugs med pa dag tu sngon gnas pa thams cad rnam pa dang bcas par rjes su dran no zhes mdo las gsungs pa ji ltar zhe na kha cig na re de'i rjes su dpag pa 'khrul pa med pas shes so zhes zer ro//gzhan dag na re/ bzhed pa tsam gyis thams cad mkhyen te/ sangs rgyas rnams kyi mkhyen pa'i yul ni bsam gyis mi khyab bo zhes 'byung ba'i phyir ro zhes zer ro/ /rdzu 'phrul la sogs pa'i zhes bya ba ni rdzu 'phrul dang /lha'i rna ba dang / mig gi mngon par shes pa dag gi sbyor ba ni go rims bzhin du spang ba dang sgra dang snang ba yid la byed pa yin no/ /lha'i rna ba'i sbyor ba ni sgra yid la byed pa'o/ /lha'i mig gi sbyor ba ni snang ba yid la byed pa'o/ /tshul gnas zhes bya ba la sogs pa mdzod kyi gnas drug par nyon mongs pa spong ba'i thabs rgyas par bstan pa'i phyir zag pa zad pa'i mngon par shes pa skyed pa'i sbyor ba yang mi brjod do//'di dag ji ltar 'thob ces bya ba ni 'thob pa rnyed pa'i dbang du byas nas dris pa ste/ mngon sum du 'gyur ba ni/ 'dris pa'am ma 'dris pa'ang rung ste sbyor ba kho nas yin no//ma 'dris pa rnams ni sbyor bas zhes bya ba ni bye brag can sngon ma bskyed pa gang yin pa'o/ /thams cad kyang sbyor bas bskyed pa yin no zhes bya ba ni 'dris pa dang / ma 'dris pa bskyed pa ste/ mngon sum du byed pa'o/ /mngon par shes pa gang zhig dran pa nye bar gzhag pa du ma zhig yin/thams cad shes rab kyi rang bzhin yin te/ mngon par shes pas na mngon par shes pa'o zhe na/ gsum pa dran pa nyer gzhag gsum/ /zhes bya ba la sogs pa 'byung ngo / /sems dang sems las byung ba dmigs pa'i phyir zhes bya ba la ci zhe na/sems kyi rnam grangs mngon par shes pa lus dran pa nye bar gzhag pa'i rang bzhin ma yin no/ /dbang po rna ba rdzu 'phrul gyi mig ces bya ba ni 'di dag gzugs la dmigs pa'i phyir lus dran pa nye bar gzhag pa'i rang bzhin yin no/ /gzugs la dmigs pa yin pa'i phyir zhes bshad pas de'i phyir rdzu 'phrul gyi dmigs pa ni phyi'i skye mched bzhi yin te zhes bya ba rgyas par smos so//sgra ma gtogs so zhes bya ni sgra ni rgyun 'chad pa'i phyir sprul par mi byed do/ /'o na ji ltar 'chi 'pho ba dang / skye ba shes pas zhes bya ba rgyas par 'byung ba ni gal te mig gi mngon par shes pa gzugs la dmigs pa yin na/lha'i mig gis ngag dang yid kyi nyes par spyad pa dang / legs par spyad pa 'am/ de dang ldan par gzugs kyi skye mched kyi rang bzhin ma yin pa ji ltar shes she na/ 'di'i lan gyi phyir de ni des mi shes kyi zhes bya ba smos te/gang gis she na/ lha'i mig gis so/ /'o na ci zhe na/ mngon par shes pa'i 'khor du gyur pa zhes bya ba la sogs pa'o/ /de zhes bya ba ni ngag dang yid kyi nyes par spyad pa la sogs pa dang / 'du byed kyi phung po'i phyogs gcig go/ /lhag ma ni zhes bya ba ni sngon gyi gnas dang zag pa zad pa'i mngon par shes pa'o//re zhig sngon gyi gnas rjes su dran pa gzugs dang sems dang sems las byung ba la dmigs pa'i phyir/ dran pa nye bar gzhag pa bzhi'i bdag nyid yin la rag mod/ zag pa zad pa mngon par shes pa ni ji ltar dran pa nye bar gzhag pa yin te/'gog pa la dmigs pa'i phyir ro zhe na 'gog pa la dmigs pa'i phyogs yin na ni chos dran pa nye bar gzhag pa kho na yin la/ zag pa zad pa'i rgyud kyi phyogs yin na ni dran pa nye bar gzhag pa bzhi yin pas 'gal ba med do/ /de dag dge ba la sogs pa'i dbye bas ni/ mig dang rna ba'i mngon shes ni//lung du ma bstan lhag rnams dge/ /ces bya ba'o/ /gal te mig dang rna ba'i rnam par shes pa dang mtshungs par ldan pa'i shes rab yin na/ 'o na ji ltar bsam gtan bzhi pa'i sa par grub/ mig dang rna ba'i rnam par shes pa dang mtshungs par ldan pa'i shes rab dag ni bsam gtan gnyis pa la sogs pa'i sa pa med do//rten gyi dbang gis zhes bya ba rgyas par 'byung ba ni/ lnga ni bsam gtan bzhi dag na/ /zhes bya ba der/ rten gyi dbang gis brten pa mig dang rna ba'i mngon par shes pa dag kyang bsam gtan bzhi pa'i sa par bshad do/ /de'i rten zhes bya ba ni mngon par shes pa'i rten no//yang na bar chad med pa'i lam gyi dbang gis so zhes bya ba ni yang na mig dang rna ba'i rnam par shes pa dang mtshungs par ldan pa de dag bsam gtan dang po'i sa pa'i rnam par grol ba'i lam shes rab kyi rang bzhin nyid yin yang / bsam gtan gnyis pa dang gsum pa dang / bzhi pa'i sa pa'i bar chad med pa'i lam gyi dbang gis bsam gtan gnyis pa la sogs pa'i sa pa nyid yin te/ de ni bsam gtan gnyis pa la sogs pa'i sa pa'i bar chad med pa'i lam gyi mjug thogs su skye ba yin no/ /gtso bo zhes bya ba ni rdzu 'phrul la sogs pa dge ba yin pa'i phyir gtso bo yin la de la yod pa'i bstan pa ni gtso bo yin no//phal che ba zhes bya ba ni mang bas byas pa ni phal che ba ste/ dge ba bzhi ni mang ba yin la/ lung du ma bstan pa ni gnyis yin pas so/ /shes pa mngon sum du bya ba zhes bya ba ni sngon gyi gnas shes pa mngon sum du bya ba dang / 'chi 'pho ba dang skye ba shes pa mngon sum du bya ba dang /zag pa zad pa shes pa mngon sum du shes pa zhes re re la sbyar bar bya'o/ /gzhan dag ni ma yin zhes bya ba ni lha'i rna ba dang rdzu 'phrul dang / gzhan gyi sems shes pa'i mngon par shes pa rnams so/ /go rims bzhin du zhes bya ba ni sngon gyi gnas rjes su dran pas ni/ sngon gyi mtha' la kun tu rmongs pa dang zlog par byed do//'chi 'pho dang skye ba shes pas ni bar la kun du rmongs pa zlog par byed do/ /zag pa zad pa shes pas ni 'di las srid pa gzhan gyi mi shes so zhes phyi ma'i mtha' la kun tu rmongs pa sel bar byed do/ /slob dpon 'dus bzangs na re ni 'chi 'pho dang skye ba'i mngon par shes pas ni phyi ma'i mtha' la kun du rmongs pa zlog par byed do//zag pa zad pa'i mngon par shes pas ni bar la kun du rmongs pa zlog par byed do zhes zer ro/ /yang mngon par shes pa gsum kho na rig pa gsum yin no zhes bya ba 'di ji ltar shes she na/ 'di ltar mi slob pa'i sngon gyi gnas rjes su dran pa shes pa mngon du byed pa'i rig pa dang /mi slob pa'i 'chi 'pho dang skye ba shes pa mngon du byed pa'i rig pa dang / mi slob pa'i zag pa zad pa shes pa mngon du byed pa'i rig pa zhes gsungs la/ rig pa gsum du rnam par gzhag pa yang 'di skad du mdo 'di nyid las sde snod gsum pa yin rig pa gsum pa yin zhes 'byung ba'o//zag pa zad pa mngon du bya ba kho na mi slob pa'i rig pa yin no zhes bya ba ni rang bzhin gyis so/ /de zhes bya ba ni rgyud kyi sgo nas yin gyi/ rang bzhin gyis ni ma yin te/ de nyid kyi phyir de gnyis ni slob pa yang ma yin la mi slob pa yang ma yin no zhes bya ba smos te/zag pa dang bcas pa'i phyir ro/ /mngon par shes pa 'di dag zhes bya ba ni sngon gyi gnas dang / 'chi 'pho dang skye ba shes pa mngon du bya ba'i mngon par shes pa'o/ /slob pa'i zhes bya ba ni phyir mi 'ong ba'i 'o/ /mi 'dod dam zhes bya ba ni khas mi len nam zhes bya ba'o/ /yang ma rig pas zil gyis gnon pa'i phyir ro zhes bya ba ni langs par gyur pa na bsgom pas spang bar bya ba'i ma rig pas zil gyis gnon pa'i phyir ro//go rims bzhin du zhes bya ba ni rdzu 'phrul gyi mngon par shes pa ni rdzu 'phrul gyi cho 'phrul yin no/ /sems [(]gyi [,]kyi[)]rnam grangs shes pa ni kun brjod pa'i cho 'phrul yin no//zag pa zad pa'i mngon par shes pa ni rjes su bstan pa'i cho 'phrul yin no zhe 'gras pa dang bar ma rnams bya ba la sogs pa ni nges tshig gi tshul gyi cho 'phrul dag yin no/ /mi 'phrul phyir dang zhes bya ba rdzu 'phrul dang kun brjod pa dag ni 'di las phyi rol pa rnams la yang srid kyi zag pa zad pa shes pa ni ma yin te/mi 'phrul thun mong ma yin pa'i phyir ro/ /rdzu 'phrul sman dang gsang sngags dag gis kyang 'grub ste/ gan d+har ba zhes bya ba'i rigs sngags gang gis nam mkha' la 'gro ba yod cing / sman gyi khyad par lag pa dang rkang pa la bskus pa gang gis nam mkha' la 'gro ba yod par grag go//gzhan gyi sems kun brjod pa yang mtshan ma dang gsang sngags la sogs pa dag gis byed do/ /yang dag pa ji lta ba bzhin rjes su ston pa ni rnam pa gzhan gyis bya bar mi nus pas mi 'phrul ba nyid yin te nyon mongs pa zad pa med na mi 'byung ba'i phyir ro/ /de'i phyir rjes su bstan pa'i cho 'phrul mchog yin no//rdzu 'phrul ni ting nge 'dzin te/ 'dis 'byor par byed pas so/ /'byor par byed pa ni sgrub par byed ces bya ba'i tha tshig go/ /yid bzhin du mgyogs pa na zhes bya ba la yid kyis 'gro ba ni dmigs pa 'dzin pa ste/ dus de tsam gyis bcom ldan 'das kyis 'di nas bzhed pa'i yul 'og min du byon te/mthu 'di nyan thos la ni yod pa ma yin pas/ yid mgyogs ni sangs rgyas rnams kho na yin no/ /de nyid kyi phyir zhes bya ba la sogs pa la/ yul thag shin tu ring ba yang thugs bskyed pa tsam gyis gshegs pas sangs rgyas bcom ldan 'das mthu bsam gyis mi khyab pa yin no//mos pa las byung ba ni mos pa'i 'bras bu yin te/ myur du 'gro ba ni lus phyin par byed pas so/ /mos pa las byung ba ni thag ring ba la nye bar mos pa gang yin pa las te/ bcom ldan 'das kyis bsam gtan pa rnams kyi bsam gtan gyi yul ni bsam gtan gyis mi khyab po zhes gsungs so//sprul pa ni rnam pa gnyis te/ 'dod pa na spyod pa dang gzugs na spyod pa'o zhes bya ba ni gzugs med pa na spyod pa med pa ste/ de na gzugs med pa'i phyir ro/ /'dod par gtogs pa'i sprul pa ni/ /phyi'i zhes bya ba ni nang gi skye mched ni sprul par mi byed de/sngon med pa'i sems can 'byung bar 'gyur du 'ong bas so/ /sgra'i sprul pa ni yod pa ma yin te/ rgyun 'chad pa'i phyir ro/ /bdag dang gzhan gyi lus dang 'brel pa zhes bya ba ni bdag gi lus dang 'brel pa dang / gzhan gyi lus dang 'brel pa'o/ /de kho na bzhin du zhes bya ba ni ji ltar 'dod pa'i khams na rang dang gzhan gyi lus dang 'brel pa de bzhin du gzugs su gtogs pa yang bdag gi lus dang gzhan gyi lus dang 'brel pa zhes bya ba rnam pa gnyis yin no//'di ni sprul pa rnam pa bzhi yin no zhes bya ba ni 'dod pa'i khams su skyes pa'i'o/ /gzugs kyi khams na yang de dang 'dra'o zhes bya ba ni gzugs kyi khams su skyes pa'i yang /'dod par gtogs pa dang / gzugs su gtogs pa rang gi lus dang 'brel pa dang / gzhan gyi lus dang 'brel pa yin no/ /rnam pa brgyad yin no zhes bya ba ni 'dod pa'i khams su skyes pa'i rnam pa bzhi dang / gzugs kyi khams su skyes pa'i rnam pa bzhi ste/rnam pa brgyad yin no/ /mdor bsdus na zhes bya ba ni rgyas par ni mtha' yas pa'o/ /ji ltar dri dang ro dang mi ldan zhes bya ba ni gal te/ gzugs kyi khams su skyes pa 'dod pa na spyod pa skye mched bzhi kho na sprul par byed na/ ji ltar rang gi lus dang 'brel pa sprul pa na dri dang ro dag dang mi ldan zhes bya ba'o//gos dang rgyan bzhin du mi ldan no zhes bya ba ni dper na sems can du mi bgrang ba'i phyir gos dang rgyan rang gi lus dang 'brel pa dag dang mi ldan pa de bzhin du sprul pa dang yang mi ldan no/ /gzhan dag na re skye mched gnyis sprul par byed do zhes bya ba ni rang gi lus dang 'brel pa gzugs dang reg bya'i skye mched kho na sprul par byed pa ste/de'i phyir dri dang ro dag dang ldan pa ma yin no zhes bya ba'o/ /de bzhin du bsam gtan gsum pa dang bzhi pa'i sa pa dag kyang bzhi dang lngar sbyar bar bya'o zhes bya ba la/ ji ltar zhe na/ bsam gtan gsum pa'i 'bras bu bzhi ste/'dod pa'i khams dang bsam gtan dang po dang gnyis pa dang / gsum pa'i sa pa dag go/ /bsam gtan bzhi pa'i 'bras bu lnga ste/ 'dod pa'i khams dang / bsam gtan dang po dang gnyis pa dang gsum pa dang bzhi pa'i sa pa dag go/ /'gros kyi sgo nas kyang khyad par du 'phags so zhes bya ba ni 'dod pa na spyod pa'i sprul pa bsam gtan gyi sa pa la sogs pa'i 'bras bu ni go rims bzhin du/bsam gtan gnyis pa dang gsum pa dang / bzhi par 'gro la/ bsam gtan dang po'i 'bras bu ni bsam gtan dang po nyid du 'gro'o/ /bsam gtan dang po'i 'bras bu sprul pas ni bsam gtan gnyis pa'i 'bras bu sprul pas bsam gtan gsum pa'i sar 'gro bar mi nus te/bsam gtan gnyis pa'i 'bras bu sprul pas bsam gtan gsum pa'i sar 'gro bar mi nus pa la sogs pa yang de dang 'dra'o/ /de rnyed bsam gtan bzhin zhes bya ba ji ltar bsam gtan rnyed ce na/'dod chags dang bral ba dang skye bas so zhes 'chad do/ /ting nge 'dzin gyi 'bras bu la gnas pa ni zhes bya ba la ting nge 'dzin gyi 'bras bu ni sprul pa'i sems te rnam par grol ba'i lam gyi rang bzhin yin pa'i phyir ram/ mngon par shes pa'i 'bras bu yin pa'i phyir ro/ /sa gong ma pas ni bsam gtan dang po'i sa pas smrar 'jug ste/yan chad bsam gtan gnyis pa la sogs pa dag na rnam par rig byed kun nas slong bar byed pa rtog pa dang bcas shing dpyod pa dang bcas pa'i sems med pa'i phyir ro/ /ji ltar 'di smrar 'jug ces bya ba ni bsam pa ci zhig ce na/ sprul pa'i sems 'gags shing smrar 'jug pa'i sems skyes nas sprul pa'i sems 'gags pas sprul pa 'gags te/sems de gnyis cig car med pa'i phyir te/ de'i phyir ji ltar smrar 'jug ce na zhes bya ba'o/ /byin gyis brlabs nas gzhan 'jug phyir/ /zhes bya ba ni sprul pa'i sems kyis sprul pa sprul par byed do//de nas dus phyis byin gyis brlab pa'i sems mngon du byed la/ des sprul pa byin gyis brlabs nas/ phyis rnam par rig byed kun nas slong bar byed pa'i sems mngon du byas te smrar 'jug go/ /'dir smras pa/ byin gyis rlob pa'i sems mngon du gyur na sprul pa'i sems mi snang bar gyur pas sprul pa mi snang bar ci'i phyir mi 'gyur zhe na/'di la brjod par bya ste/ sngon gyi bsam pa'i rgyud rjes su 'brang ste sprul pa sprul par bya'o/ /de byin gyis brlab par bya'o/ /de smrar gzhug go snyam du de ltar sngar sems la gzhag pa yin no/ /gnas skabs gnyis su byin gyis brlabs srid pa'i phyir ci gson po kho na la zhes bya ba la sogs pa 'dri'o//'phags pa 'od srungs chen po'i byin gyi rlabs kyis zhes bya ba ni 'phags pa 'od srungs chen po'i mos pas zhes bya ba'i tha tshig go/ /dang por du mas gcig yin te/ /zhes bya ba rgyas par 'byung ba ni dang po sgrub na ni sprul pa'i sems mang pos sprul pa nye bar len pa dang bcas pa gcig sprul par byed la/mngon par shes pa byang nas ni sems gcig gi dus ma yin no/ /sprul pa'i sems ni bsgom pa'i 'bras bu dang / skye bas thob pa dang rnam pa gnyis yin pas yang ci sprul pa'i sems thams cad ces bya ba rgyas par 'byung ngo / /bsgom las skyes pa lung ma bstan//zhes bya ba la sa gong mar skyes pas sa 'og ma pa'i sprul pa'i sems mngon du byed pa'i phyir lung du ma bstan pa yin no zhes bya bar rtogs so/ /skye ba las skyes rnam gsum mo/ /zhes bya ba ni yi dags la sogs pa dag ni res 'ga' gzhan la tho btsams pa'i phyir gzugs sprul par byed la/res 'ga' phan gdags pa'i phyir zhes bya ba la sogs pa blta bar bya ba'o/ /de dag gis byas pa zhes bya ba rgyas par 'byung ba ni lta la sogs pas byas pa dang / skye bas byas pa'i sprul pa bdag dang gzhan gyi rgyud dang 'brel pa skye mched dgu pa yin no/ /ga las she na/ sgra med pa'i gzugs can gyi skye mched yin pa'i phyir ro//gang gi phyir de na sgra med pa'i gzugs can gyi skye mched mig la sogs pa yod pa de'i phyir ming gi sgo nas skye mched dgu pa yin gyi/ rdzas kyi sgo nas ni ma yin no/ /sgra ni rgyun med pa'i phyir sprul par mi byed la/ sprul pa sems med pa yin pa'i phyir yid dang chos kyi skye mched dag kyang med do//sprul pa sems med pa yin no zhes bya ba 'di ga las she na/ bstan bcos las sprul pa sems dang bcas pa zhes brjod par bya ba 'am/ sems med pa zhes brjod par bya/ smras pa sems med pa'o zhes gsungs so/ /gal te dbang po dag kyang sprul par byed na ni dbang po rnams sems can du bgrang ba yin pa'i phyir ji ltar sngon med pa'i sems can 'byung bar 'gyur zhe na/de'i phyir dbang po rnams dang tha mi dad pa'i phyir ro zhes bya ba smos te/ sprul pa skye mched bzhi pa de ni mig la sogs pa'i dbang po dang tha mi dad par skyes pa ste/rang gi lus dang 'brel pa'i phyir ro/ /de'i phyir skye mched dgu par bshad do/ /dbang po ni sprul par mi byed do zhes bya ba ni/ rnam par smin pa las skyes pa dang rgyas pa las byung ba yin pa'i phyir te/ sprul pa ni rnam par smin pa dang rgyas pa las byung bar mi rigs so/ /dbang po'i rten tsam sprul pa yin te/ras khra bzhin no/ /de nyid kyi phyir dbang po ni sprul par mi byed do zhes bya ba smos so/ /dper na nga las nu dang srid pa bar ma pa rnams kyi lta bu'o zhes bya ba ni las las skyes pa'i rdzu 'phrul ston pa'o/ /byang chub sems dpa' dang 'khor los sgyur ba dang / khyim bdag rin po che rnams kyi lta bur zhes bya ba la sogs pa de dag gi ni lha'i dang 'dra bas lha'i yin no//'di ltar de gnyis ni bsam gtan sa pa'i gzugs dang ba yin pa de'i phyir de dag ni lha'i kho na yin gyi lha'i dbang 'dra ba'i lha'i ni ma yin no/ /de nyid kyi phyir lha'i mig ni sha dang pags pa dang rus pa dang khrag dang ma 'brel zhing gzugs dang ba'o zhes brjod do//lha'i mig gam rna ba ni de dang mtshungs pa med do zhes bya ba ni de dag lta ba dang nyan pa'i sgo nas mngon par bsgrubs pa ste/ de'i phyir rtag tu rnam par shes pa dang bcas pa yin no/ /zhar ba dang long ba la sogs pa med pa'i phyir zhes bya ba la/ zhar ba ni gang rung cig ma tshang ba'o//long ba ni yo ba'o/ /lha'i rna ba la sogs pa bzhi yang zhes bya ba la sogs pa zhes bya ba'i sgras ni lha'i mig dang / sngon gyi gnas rjes su dran pa dang / gzhan gyi sems shes pa bsdu ste/ 'di dag thams cad skyes nas thob pa yin no/ /'dod pa na spyod pa'i lha dang klu rnams dang /gzugs na spyod pa rnams kyi yin gyi/ gzugs med pa na spyod pa rnams kyi ni ma yin te/ de na gzugs med pa'i phyir ro/ /gzhan gyi sems shes pa skye bas thob pa ni dge ba dang mi dge ba dang lung du ma bstan pa'o/ /gang rtog dang rig sngags kyi byas pa 'ang zhes bya ba de yang rnam pa gsum yin no//de la 'dod pa'i khams kho na mi dge ba yod kyi gzhan na ni ma yin no/ /gzhan gyi sems shes pa bsgoms pa'i 'bras bu ni dge ba kho na ma yin no/ /dmyal ba pas ni dang por shes/ /zhes bya ba ni dmyal ba rnams kyis ni skyes tsam nyid nas sngon gyi gnas rjes su dran pa'i shes pas de ma thag pa'i skye ba dran gyi gzhan ni ma yin no//gzhan gyi sems shes pas kyang dang po'i kho na shes so/ /ji srid du sdug bsngal gyi tshor bas mnyen pas zhes bya ba la de dag ni gang gi tshe tshor ba drag po gnad thams cad 'byed par byed pa dag gis gnod pa de'i tshe bdag nyid kyang mi dran na/sngon gyi gnas sam gzhan gyi sems shes par go ga la 'gyur/ 'gro ba gzhan na gnas pa ni rtag tu shes so zhes bya ba ni yi dags dang dud 'gro dang mi dang lha'i 'gro ba la gnas pa ste/ sngon gyi gnas rjes su dran pa dang / gzhan gyi sems shes pa de dag gis rtag tu shes so/ / re zhig dud 'gros ni shes so/ /klu la sogs pa bzhin no/ /yi dags kyis kyang shes te/ ji skad du/ bdag gis mthun dang mi mthun pas/ /longs spyod dag ni gang bsags pa/ /de dag gzhan gyi longs spyod de/ /kho bo cag ni sdug bsngal bsten/ /zhes bshad pa lta bu'o/ /mi skye ba dran pa dag ni mthong ba nyid do//lhas kyang dran te/ ji skad du/ drang srong tshogs kyis bstan pa dang / /chos kyi rgyal po bzhugs gyur cing / /bdag la dga' ba skyed pa yi/ /rgyal byed tshal de 'di yin no/ /zhes bya ba dang / de bzhin du gang nas shi 'phos nas gang du skyes zhes bya ba la sogs pa bshad pa lta bu'o//mi la skye bas thob pa med/ /ces bya ba ni rdzu 'phrul la sogs pa thams cad do/ /skye bas thob pa bkag pas 'dod chags dang bral bas thob pa dang / rtog pa dang / rig sngags dang / sman dang las kyis byas pa yod do zhes bshad par 'gyur ro/ /de dag gi de ni las kyi khyad par las skyes pa yin te zhes bya ba la/ji ltar zhe na/ rnam pa gsum ste zhes bya ba rgyas par smos te/ sngon gyi gnas rjes su dran pa ni bsgoms pa'i 'bras bu kho na ma yin te 'o na ci zhe na/ rnam pa gsum ste/ ji skad bshad pa'i bsgoms pa'i 'bras bu dang skye bas thob pa ste/ lha la sogs pa rnams kyi dang / las las skyes pa ste byang chub sems dpa' rnams kyi lta bu'o/ /slob dpon gang ba spel bas mdzad pa chos mngon pa mdzod kyi 'grel bshad mtshan nyid kyi rjes su 'brang ba zhes bya ba las ye shes bstan pa zhes bya ba gnas bdun pa'i 'grel bshad do/ / shes pa rnams bshad zin to// //de rnams kyang bsam gtan dang gzugs med pa la brten nas skye bas 'brel pa bstan pa'i phyir shes pa'i skabs kyi shes pa'i rang bzhin gyi yon tan rnams bshad zin to zhes bya ba smos so/ /zad pa shes pa'i tshe sangs rgyas bcom ldan 'das rnams kyi thun mong ma yin pa'i chos stobs la sogs pa rnams dang /nyan thos rnams dang thun mong ba smon nas shes pa dang so so yang dag par rig pa la sogs pa rnams dang / so so'i skye bo dang thun mong ba mngon par shes pa dang / bsam gtan dang gzugs med pa la sogs pa rnams 'thob bo zhes spyir bshad la/de dag kyang shes pa'i rang bzhin dang rang bzhin gzhan yin no/ /de la shes pa'i rang bzhin stobs la sogs pa nas mngon par shes pa la thug pa gang yin pa de dag ni shes pa'i skabs kho nas bshad zin to/ /de la/ shes pa zag bcas zag pa med/ /ces bya ba de lta bu la sogs pas ni rgyas par shes pa bstan pa'i dbang du byas so//de nas shes pa dang 'brel pas de'i rang bzhin gyi yon tan rnams kho na bshad kyi/ rang bzhin gzhan rnams ni ma yin te/ bsam gtan la sogs pa'i rang bzhin zhes bya ba'i tha tshig go/ /yang na zhes bya ba'i skabs kyis gti mug med pa'i rang bzhin rgyas par bshad la/da ni ma chags pa dang zhe sdang med pa'i rang bzhin bsam gtan dang gzugs med pa rnams bshad par bya'o zhes bya ba'o/ /de la dang po bsam gtan rnams las brtsams te/ gtso bo yin pa'i phyir ro/ /ji ltar gtso bo yin zhe na/de'i phyir yon tan thams cad kyi rten yin pa'i phyir ro zhes bya ba smos so/ /gzugs med pa rnams kyang yon tan gyi rten yin mod kyi/ lnga ni bsam gtan bzhi dag na/ /zhes 'byung ba'i phyir yon tan thams cad kyi rten ni ma yin pas de dag sngar ma brjod do/ /bde ba'i mjug thogs su skye ba'i phyir yang gzugs med pa rnams bstan pa skye ba dang mthun pa yin no//bsam gtan dag ni rnam gnyis zhes bya ba ni/ rgyu dang 'bras bu'i bsam gtan gyi dbye bas so/ /de nyid kyi phyir skye ba dang snyoms par 'jug pa'i bsam gtan gyi bye brag gis zhes bya ba smos so/ /de la skye ba'i bsam gtan ni 'bras bu'o//snyoms par 'jug pa'i bsam gtan ni rgyu'o/ /dge ba rtse gcig pa zhes bya ba 'di ni snyoms par 'jug pa'i bsam gtan gyi thun mong gi mtshan nyid do/ /sems rtse gcig pa nyon mongs pa can dang lung du ma bstan pa yang yod pas dge ba zhes bya ba smos so/ /dge ba g.yeng ba yang yod pas rtse gcig pa zhes bya ba smos so//sems rtse gcig pa ni bsam gtan yin te zhes bya ba der sems las byung ba ma smos pa ni sems gtso bo yin pa'i phyir ro/ /ting nge 'dzin gyi rang bzhin yin pa'i phyir ro zhes bya ba ni bsam gtan rnams dmigs pa gcig pa'i rang bzhin yin pa'i phyir ro//rjes 'brang bcas nas phung po lnga/ /zhes bya ba ni gal te snyoms par 'jug pa'i bsam gtan rnams kyi rang bzhin tshol na ni/ de'i rang bzhin yin pa de nyid kyi dge ba rtse gcig pa yin te/ bsam gtan rnams ni ting nge 'dzin gyi rang bzhin yin pa'i phyir ro/ /'on te 'khor dang bcas pa brjod par 'dod na ni/de'i phyir phung po lnga'i rang bzhin yin te/ rjes su 'jug pa'i gzugs yod pa'i phyir ro/ /dge ba'i sems rtse gcig pa ni bsam gtan yin te zhes bshad na/ de ni nges par ma zin pas de'i phyir rtse gcig pa zhes bya ba 'di ci zhe na zhes bya ba 'dri'o/ / dmigs pa gcig pa nyid do zhes bya ba ni/ yul gcig pa nyid do zhes bya ba'i tha tshig go/ /de lta na ni 'o na zhes bya ba rgyas par 'byung ba ni/ gal te rtse gcig pa dmigs pa gcig pa nyid yin na ni/ /des na sems dmigs pa gcig pa ste/ ma g.yengs shing mnyam par gzhag pa dag kho na ting nge 'dzin yin gyi/chos gzhan sems las byung ba ni ma yin te/ dmigs pa gcig pa nyid de ni sems dag las gzhan med de/ sems ni g.yengs pa nyid yin par 'gyur du 'ong bas so/ /sems kho na zhes bya ba rgyas par 'byung ba la/ sems rnams ni dmigs pa gcig la 'jug pa las rang la nus pa yod pa ma yin te/rnam par g.yeng ba med par thal bar 'gyur ba'i phyir ro/ /de'i phyir rnam par g.yeng ba bzhin du sems rnams kyi dmigs pa gcig pa nyid kyang rang bzhin las byung ba ma yin pas de'i phyir sems rnams kho na ting nge 'dzin ma yin gyi/ gang gis de dag rtse gcig par byed pa'i chos de ting nge 'dzin yin no//de nyid rtse gcig pa nyid yin no zhes bya ba ni ting nge 'dzin dang ldan pas de dag sems rtse gcig par 'gyur bas ting nge 'dzin kho nas sems rtse gcig pa yin gyi sems dag ni ma yin no/ /skad cig ma yin pa'i phyir sems thams cad rtse gcig pa yin nam ma yin/zhes bya ba ni sems thams cad rtse gcig pa kho na yin te/ skad cig ma yin pa'i phyir dmigs pa yin la 'pho ba med pa'i phyir ro/ /de'i phyir sems la ting nge 'dzin yongs su rtogs pa don med do/ /dge ba'i sems thams cad mnyam par gzhag pa nyid yin par thal bar 'gyur ba'i phyir ro//gal te gnyis pa de las rnam par mi g.yeng ba yin no zhes bya ba ni/ sems gnyis pa ni sems snga ma dang mtshungs par ldan pa'i ting nge 'dzin gyi stobs kyi sems dang po'i dmigs pa las mi g.yeng bas nyes pa 'di med do zhes bya ba'o/ /mtshungs par ldan pa la ting nge 'dzin don med pa yin no zhes bya ba ni sems dang po ting nge 'dzin dang mtshungs par ldan pa gang yin pa de la ting nge 'dzin don med pa yin te/de la bya ba mi byed pa'i phyir ro/ /gang kho na la ting nge 'dzin yin pa zhes bya ba rgyas par 'byung ba la/ gang zhig sems ltar ting nge 'dzin gyi dbang gis snga ma dang phyi ma dmigs pa gcig pa nyid du yongs su rtog par 'gyur ba/ting nge 'dzin la ni ting nge 'dzin gzhan yod pa ma yin no/ /de'i phyir ting 'dzin rnams la ting nge 'dzin las tha dad pa goms pa'am/ gzhan zhig las rtse gcig pa nyid du khas blang bar bya'o//goms pa la sogs pa gang kho na la ting nge 'dzin rtse gcig pa nyid du 'gyur ba de kho na las sems dag kyang dmigs pa gcig tu 'gyur bas don gzhan du gyur pa'i ting nge 'dzin don med do/ /ting nge 'dzin sa mang po pa yin pa'i phyir zhes bya ba ni gal te sems snga ma dang mtshungs par ldan pa'i ting nge 'dzin gyi mthus phyi ma sems snga ma'i dmigs pa las mi g.yeng ba yin no//de lta na ting nge 'dzin sa mang po pa yin pa'i phyir/ sems thams cad rtse gcig pa nyid du thal bar 'gyur ro/ /ma yin te ting nge 'dzin stobs chung ba'i phyir ro zhes bya ba ni sems thams cad rtse gcig pa nyid du thal bar mi 'gyur ro//ci'i phyir zhe na ting nge 'dzin stobs chung ba'i phyir ro/ /ting nge 'dzin stobs dang ldan pa ni sems gnyis pa sems dang po'i dmigs pa las mi g.yeng bar byed kyi/ stobs chung bas ni ma yin la/ ting nge 'dzin thams cad kyang stobs mtshungs pa ma yin te/de'i phyir ting nge 'dzin sa mang po yin yang sems thams cad rtse gcig pa nyid du thal bar mi 'gyur ro/ /sems dang sems las byung ba dge ba'i rgyun 'jug par nus pa ting nge 'dzin kho na la bsam gtan du brjod pa'i phyir thams cad ni ma yin no/ / sems rtse gcig pa kho na ting nge 'dzin yin te zhes bya ba ni don gzhan ma yin pa'o/ /'di ltar zhes bya ba ni gang gi phyir ro/ /lhag pa'i sems kyi bslab pa zhes bya ba rgyas par 'byung ba ni mdo las lhag pa'i sems kyi bslab pa dang sems yongs su dag pa'i gtso bo ni bsam gtan bzhi yin no zhes gsungs so//de'i phyir rtse gcig pa'i sems kho na ting nge 'dzin yin te/ dper na lhag pa'i tshul khrims kyi bslab pa tshul khrims kho na yin gyi/ de las gzhan ma yin la/ lhag pa'i shes rab kyi bslab pa shes rab kho na yin gyi/ de las gzhan ma yin pa bzhin no/ / yang ji ltar mdo nyid las tshul khrims yongs su dag pa'i gtso bo dang / lta ba yongs su dag pa'i gtso bo dang / rnam par grol ba yongs su dag pa'i gtso bo zhes bshad pa ni tshul khrims dang lta ba dang / rnam par grol ba dag las gzhan ma yin pa de bzhin du sems yongs su dag pa'i gtso bo yang sems las don gzhan ma yin no zhes mdo las khong du chud do//de lta na 'o na ni zhes bya ba la gal te bsam gtan dag ting nge 'dzin gyi rang bzhin yin na/ ting nge 'dzin thams cad bsam gtan du thal bar 'gyur te/ ting nge 'dzin sa mang po pa yin pa'i phyir ting nge 'dzin dge ba dang nyon mongs pa can dang lung du ma bstan pa rnams kyang bsam gtan nyid du thal bar mi 'gyur ro//ma yin te phul du phyin pa dang ldan pa la zhes bya ba rgyas par 'byung ba ni phul du phyin pa dang ldan pa'i ting nge 'dzin gang yin pa de la bsam gtan zhes ming du btags kyi/ ting nge 'dzin tsam la ni ma yin te/de'i phyir ting nge 'dzin thams cad bsam gtan du thal bar mi 'gyur ro/ /nyi ma bzhin no zhes bya ba ni gang zhig phul du phyin par snang ba dang ldan pa de nyid la nyi ma zhes bya'i srin bu me khyer la sogs pa dag ni ma yin no/ /zung du 'brel par ngang gis 'byung ba'i phyir/ /zhes bya ba ni zung du 'brel pa ni zung du 'brel pa ste 'brel zhes bya ba'i don to//gnya' sbrel ba dang 'dra ba ni zung du 'brel pa'o/ /zung du 'brel par ngang gis 'byung bas na zung du 'jug par ngang gis 'byung ba ste/ zhi gnas dang lhag mthong dag gis mnyam par ngang gis 'byung zhes bya ba'i tha tshig go//zung du 'brel par ngang gis 'byung ba'i dngos po ni zung du 'brel bar ngang gis 'jug pa nyid de de'i phyir ro/ /gal te dge ba'i sems rtse gcig pa nyid bsam gtan yin na/ nyon mongs pa can ro myang ba dang ldan pa ji ltar bsam gtan yin zhe na/ log par nges par sems pa'i phyir//zhes bya ba 'byung ste/ 'di ltar log par nges par sems par byed pa yin te/ log par nges par rtog ces bya ba'i tha tshig go/ /ha cang thal bar 'gyur ro zhes bya ba ni nyon mongs pa thams cad log par nges par sems pa'i phyir bsam gtan nyid du thal bar 'gyur ro zhe na/ma yin te/ de dang mthun pa kho na la zhes bya ba rgyas par 'byung ngo / /ha cang thal bar 'gyur ba med de/ de dang mthun pa mtshan nyid mang po mi mthun pa med pa bsam gtan nyon mongs pa can la de'i ming du btags pa'i phyir ro/ /sa bon rul ba bzhin no zhes bya ba ni dper na rdo la sogs pa sa bon ma yin pa de'i rigs dang mtshan nyid shin tu mi 'dra ba gang yang rung ba la sa bon rul ba zhes mi bya'o//'o na ci zhe na/ sa bon gyi rigs nyid nyams pa sa bon dang 'dra ba gang yin pa de nyid la sa bon rul ba'o zhes ming du 'dogs pa bzhin no/ /bsam gtan mi dge ba dag kyang gsungs so zhes bya ba ni 'dod pa'i 'dod chags kyis kun nas dkris pa'i dbang du byas nas sems par byas nas sems par byed rab tu sems par byed do zhes bya ba rgyas par 'byung ba yin te/de'i phyir ha cang thal bar 'gyur ba'i skyon med do/ /bsam gtan dge ba zhes bya ba ni phal che ba bstan pa yin no//lhan cig dpyod pa'i phyir du ba dang me bzhin no zhes bya ba ni dper na 'di na du ba yod pas zhes smos pas me yang smras pa yin te/ me med na du ba mi 'byung bas lhan cig dpyod pa'i phyir ro/ /de dang 'dra bar dpyod pa smos pas rtog pa yang smos pa yin te/lhan cig dpyod pa'i phyir ro/ /bsam gtan khyad par can na rtog pa med par dpyod pa yod pas lhan cig dpyod pa med par dogs pa bsu nas/ rtog pa med par ni zhes bya ba rgyas par 'byung ste/ bsam gtan khyad par can na ni dga' ba dang bde ba dang ldan pa'i dpyod pa med pas rtog pa med do//de'i phyir dga' ba dang bde ba dpyod pa dang ldan pa'i dpyod pa ni rtog pa la mi 'khrul te/ me la du ba bzhin no/ /de dag gi skye ba rnams ni bshad zin to zhes bya ba ni/ gzugs med khams na gnas med de/ /skye ba las ni de rnam bzhi/ / zhes bya ba'o/ /rjes su 'brang ba'i gzugs med pa'i phyir ro zhes bya ba ni bsam gtan dang zag pa med pa'i sdom pa med pa'i phyir ro zhes bya ba'i tha tshig go/ /rnam par 'byed par byed pa zhes bya ba ni 'dod chags dang bral bar byed pa ste/ dben pa ni sa 'og ma las 'dod chags dang bral bar byed pa'i lam gang yin pa ste/'dis rnam par 'byed par byed pas na zhes bya ba'i phyir ro/ /'dod chags dang bral bar 'gyur ba'i phyir ro zhes bya ba ni rgyab kyis phyogs par 'gyur ba'i phyir ro zhes bya ba'i don to/ /cung zad ser ba bzhin no zhes bya ba ni ji ltar cung zad tsam ser ba la cung zad ser ba zhes bya ba de bzhin du gzugs cung zad cig yod pa yang gzugs med pa yin no//de dag med na ji ltar zhes bya ba ni lus dang ngag med na'o/ /de dag gis sdom par 'gyur zhes bya ba ni lus dang ngag gi sdom par 'gyur zhes bya ba'o/ /gzugs med pa'i khams na 'byung ba med par 'byung ba las gyur pa yang mi rung ste/'byung ba la ltos pa med pa'i 'byung ba las gyur pa 'jug pa med pa'i phyir ro/ /gal te zag pa med pa'i sdom pa bzhin no zhes bya ba ni dper na zag pa med pa'i 'byung ba dag med bzhin du yang zag pa med pa'i sdom pa 'byung ba las gyur pa'i gzugs yod pa de bzhin du zag pa dang bcas pa'i 'byung ba dag med bzhin du yang lus dang ngag gi sdom pa'i rang bzhin 'byung ba las gyur pa'i gzugs gzugs med pa na spyod pa yod par 'gyur ro zhes bya ba'o//ma yin te zag pa dang bcas pa'i 'byung ba yod pa'i phyir ro zhes bya ba ni zag pa med pa'i sdom pa ni zag pa med pa'i 'byung ba med pa'i phyir la/khams gsum ma gtogs pa'i phyir de'i 'byung ba dag rgyur byas nas 'byung ba yin gyi/ 'byung ba la mi ltos pa ni ma yin no/ /de'i phyir gzugs med pa'i khams na lus dang ngag gi sdom pa gzhan gyi sa pa'i 'byung ba skal ba mi mnyam pa dag la brten nas mi 'byung la/'byung ba la mi ltos pa yang ma yin te/ de'i phyir rtog pa 'di ni med do/ /dpe dang dngos po la 'dra ba med pa'i phyir ro/ /snyoms par 'jug pa la yang de dgag par bshad do zhes bya ba ni gzugs med par snyom par 'jug pa la yang sdom pa skye ba med de/'byung ba med pa'i phyir ro/ /gzhan gyi sa pa'i sdom pa ni 'byung ba gzhan rgyur byas nas 'byung ba ma yin no zhes bshad zin to/ /rnam pa thams cad du gzugs kyi 'du shes las yang dag par 'das zhes 'byung bas de dgag par bshad de/ de ltar na skye ba dang snyoms par 'jug pa la gzugs bkag pa yin no//'on te lus kyang yod la zhes bya ba ni khog pa'o/ /dbang po gzugs can rnams kyang yod do zhes bya ba ni mig la sogs pa'o/ /ji ltar na de dag gzugs cung zad yod par 'dod ces bya ba ni gzugs mtha' dag yod pa'i phyir ro/ / gal te bong tshod chung ba'i phyir ro zhes bya ba ni ci ste/ gzugs mtha' dag yod pa ma yin pas/ gzugs cung zad yod pa zhes mi bya ste/ 'o na ci zhe na/ bong tshod chung ba'i phyir ro zhes bya bar 'dod na/ chu'i skye bo zhes bya ba rgyas par 'byung ste/ chu'i skye bo ltar mi snang ba dag la yang gzugs med par thal bar 'gyur ro//gal te dang ba'i phyir ro zhes bya ba ni ci ste gzugs dang ba'i phyir de dag gzugs cung zad yod pa yin gyi tshad chung ba'i phyir ni ma yin no snyam na/ srid pa bar ma dang gzugs na spyod pa dag la yang thal bar 'gyur te/ de dag ni dang ba'i phyir rdo rje'i rang bzhin gyi ri dag la yang thogs pa med par 'gro bas de'i phyir de dag la yang gzugs med par thal bar 'gyur ro//gang las ches dang ba med pa yin no zhes bya ba ni 'dod pa na spyod pa'i gzugs las gzugs na spyod pa dang la/ gzugs na spyod pa bas gzugs med pa na spyod pa dang ba yin zhing / de las ches dang ba gzhan med de/ /de'i phyir gzugs med pa de dag kho na yin gyi srid pa bar ma dang gzugs na spyod pa ni ma yin no zhe na/ srid pa'i rtse mo kho na gzugs med pa yin par 'gyur gyi/ nam mkha' mtha' yas skye mched la sogs pa gsum ni ma yin te/ de las gzhan pa gzugs ches dang ba med pa'i phyir ro//ci'i phyir zhe na/ snyoms par 'jug pa bzhin du skye ba khyad par du 'phags pa'i phyir ro zhes bya ba 'byung ste/ ji ltar nam mkha' mtha' yas skye mched la sogs pa'i snyoms par 'jug pa dag ches shin tu khyad par du 'phags pa'i dbye bas gnas pa de bzhin du de dag gi skye ba'i khyad par yang gdon mi za bar khas blang dgos so//de'i phyir srid pa'i rtse mo'i gzugs kho na ches dang bas gzugs med pa yin par thal bar 'gyur gyi/ nam mkha' mtha' yas skye mched la sogs pa lhag ma gsum ni ma yin no/ /ci ste gzugs med par skye ba'i gzugs ni sa 'og ma pa'i mig gis mi 'dzin pa'i phyir dang ba nyid yin te/de'i phyir de dag kho na gzugs med pa yin gyi/ srid pa bar ma la sogs pa dag ni ma yin no snyam na/ bsam gtan du skye ba'i gzugs kyang zhes bya ba rgyas par 'byung ste/ bsam gtan dang po'i sa pa'i dbang pos bsam gtan gnyis pa la sogs pa mi 'dzin pa nas de bzhin du bsam gtan gsum pa'i sa pa'i dang pos bsam gtan bzhi pa'i sa pa'i gzugs mi 'dzin pa'i bar du yin te/sa gong ma pa'i gzugs ches dang ba yin pa'i phyir ro/ /de ltar gyur na gang las de dag gzugs med pa zhes bya ba'i gzugs na spyod pa dag ma yin par 'gyur ba de dang khyad par ci zhig yod//gal te gnyis kyi ming ni don dang mthun pa yin gyi zhes bya ba ni 'dod pa dang gzugs kyi khams te/ 'dod pa'i yon tan gyis rab tu phye ba ni 'dod pa'i khams yin la/ gzugs kyis rab tu phye ba ni gzugs kyi khams yin no//gzugs med pa'i khams kyi ni ma yin no zhes bya ba ni gzugs med pa'i khams kyi ming ni don dang mthun pa ma yin te/ 'o na ci zhe na/ 'dod rgyal ba yin no zhe na/ de la rigs pa ci zhig yod ces bya ba la/ rigs pa ni tshad ma yin la/de yang rjes su dpag pa yin te/ gnyis kyi ming ni don dang mthun pa yin te/ gzugs med pa'i khams kyi ni ma yin no zhes bya ba la'o/ /'dod pa de ni lung ngam de ste rjes su dpag pa las rtogs na/ gzugs med pa'i khams na gzugs yod pa nyid la rjes su dpag pa ma mthong zhing lung yongs su 'dzin pa ni gal te tshe dang drod gnyis 'dres par zhes bya ba rgyas par 'byung ba la/mdo las tshe dang ldan pa gsus po che tshe gang yin pa dang / drod gang yin pa'i chos 'di dag ni 'dres pa yin no zhes gsungs te/ /de'i phyir de na tshe yod dang drod kyang yod par 'gyur ro//'dam bu'i shog gnyis zhes bya ba la sogs pa la/ mdo las tshe dang ldan pa shA ri'i bu dper na 'dam bu'i shog gnyis gnam du 'greng bar 'gyur la de gnyis phan tshun bsten cing phan tshun bsten nas 'dug pa de las 'ga' zhig gis cig shos bsal na cig shos 'gyel bar 'gyur ro//gnyis pa bsal na cig shos 'gyel bar 'gyur ro/ /tshe dang ldan pa shA ri'i bu de bzhin du ming dang gzugs rnams kyang phan tshun bsten cing bsten nas gnas zhes rgyas par 'byung ba yin no/ /ming yod pas gdon mi za bar gzugs med pa dag na gzugs yod par 'gyur te/gzugs la ltos pa med par ming 'ba' zhig gnas pa mi srid pa'i phyir/ rten cing 'brel par 'byung ba'i mdo las rnam par shes pa'i rkyen gyi ming dang gzugs zhes gsungs so/ /de la gzugs med par nying mtshams sbyor ba'i skad cig ma la rnam par shes pa dang /de'i rkyen gyis ming yin la/ de yang gdon mi za bar lhan cig par 'gyur te/ rnam par shes pa'i rkyen gyis ming dang gzugs zhes 'byung ba'i phyir ro/ /'du byed kyi bar las gzhan du zhes bya ba rgyas par 'byung la/ mdo las dge slong dag rnam par shes pa gzugs su nye bar 'gro ba/gzugs la dmigs pa/ gzugs la brten pa gnas so zhes rgyas par 'byung zhing / dge slong dag gang la la zhig 'di skad du bdag ni gzugs las gzhan dang / tshor ba las gzhan dang / 'du shes las gzhan dang / 'du byed las gzhan du rnam par shes pa 'gro ba 'am/'ong ba 'am skye bar smra'o zhes zer na de'i ngag de ni tshig tsam du zad do zhes rgyas par gsungs te/ lung de las kyang gzugs med pa dag tu gzugs mi 'grub ste/ lung nyid dpyad par bya ba yin pa'i phyir ro/ /'on te thams cad las zhes bya ba ni 'dod pa dang gzugs dang gzugs med pa na spyod pa las so//'dir dgongs pa'i don ni 'di yin te/ tshe dang drod dang rnam shes 'dis/ /gang tshe lus 'di 'dod byed cing / /bor nas de tshe 'dug pa ni/ /sems med ji ltar shing bzhin no/ /zhes 'byung bas 'dod pa na spyod pa'i tshe kho na la dgongs nas gsungs pa yin no//gzugs med pa'i khams na ni lus kyang med na lus 'jig pa lta ga la zhig yod/ gzugs kyi khams na ni gzugs yod mod kyi/ lus 'jig par mngon pa ni med do/ /gang yang ming dang gzugs dag phan tshun bsten pa nyid du gsungs pa yang 'dod pa dang gzugs na spyod pa kho na las dgongs nas gsungs so zhes bya bar mngon te/gnyi ga yod na phan tshun bsten pa nyid srid na/ gzugs med pa na ni sems dang sems las byung ba kho na phan tshun bsten te gzugs med pa'i phyir ro/ /gang yang rnam par shes pa'i rkyen gyis ming dang gzugs zhes bya ba ni ming dang gzugs 'di la rkyen rnam par shes pa yod pas na 'di ni rnam par shes pa'i rkyen gyis ming dang gzugs te/gang gi phyir gzugs med pa na spyod pa'i rnam par shes pa ni ming kho na'i rkyen yin gyi gzugs kyi ni ma yin pa'i phyir ro/ / rnam par shes pa 'ong ba dang 'gro ba dgag pa zhes bya ba ni 'jig rten snga ma nas srid pa bar ma'i rgyun gyis 'dir skye ba ni 'ong ba'o/ /de bzhin du 'di nas 'jig rten pha rol du skye ba ni 'gro ba'o/ /ci de dag thams cad ces bya ba ni gzugs dang tshor ba dang 'du shes dang 'du byed rnams so/ / de bkag ces bya ba ni rnam par shes pa 'ong ba dang 'gro ba bkag pa'o/ /'on te 'ga' zhig kyang zhes bya ba ni gzugs la sogs pa'i nang nas gang yang rung ba zhig go/ /kho bo cag ni de thams cad med na de bkag pa yin gyi/ gsum yod na rnam par shes pa 'ong ba dang 'gro ba yin no zhes bya ba la sogs pa smra'o//gal te bye brag med par gsungs pa'i phyir dpyad par mi bya'o zhe na zhes bya ba ni/ mdo las ni tshe dang ldan pa gsus po che tshe gang yin pa dang drod gang yin pa zhes bya ba nas rgyas par rnam par shes pa gzugs su nye bar 'gro ba gnas so zhes bya ba'i bar 'di bye brag med par gsungs pa yin te/mdo'i tshig 'dis 'dod pa na spyod pa dang gzugs na spyod pa'i tshe la dgongs nas gsungs so zhes bya ba nas/ de thams cad med na de bkag pa'i zhes bya ba'i bar bye brag tu ma byas la/ bye brag med par gsungs pas na dpyad par mi bya'o zhe na/de lta yin na ha cang thal bar 'gyur ro/ /ji ltar zhe na/ phyi'i dro ba yang zhes bya ba ste/ sems can du bgrang ba ma yin pa yang tshe med par 'byung bar mi 'gyur ro/ /ci'i phyir zhe na/ bye brag med par gsungs pa'i phyir te/ der ni tshe dang sems can du bgrang ba 'dres so zhes bye brag tu ma mdzad do//phyi'i gzugs shing dang rtsig pa la sogs pa sems can du bgrang ba ma yin pa yang ming la brten pa nyid du thal bar 'gyur te/ bye brag med par gsungs pa'i phyir ro/ /der ni ming dang sems can du bgrang ba'i gzugs phan tshun bsten nas gnas so zhes ma gsungs so//de'i phyir ming ltar gzugs kyang bye brag med par gsungs pa'i phyir thams cad bzung bar thal bar 'gyur ro/ /rnam par shes pa gnas pa bzhi bzhin du zhes bya ba rgyas par 'byung ba ni/ ji ltar rnam par shes pa gnas pa bzhi khyad par med par gsungs pa'i phyir gzugs med pa'i khams na gzugs yod pa nyid du 'dod pa de bzhin du/zas bzhi gsungs pa'i phyir 'dod pa'i khams bzhin du gzugs dang gzugs med pa'i khams dag na yang kham du byed pa'i zas yod par thal bar 'gyur ro/ /ci'i phyir zhe na/bye brag med par gsungs pa'i phyir ro/ /de skad du yang zas bzhi ni sems can 'byung ba rnams gnas par byed pa dang / srid pa tshol ba rnams la phan 'dogs par byed pa yin no zhes gsungs pa yin la/ bye brag med par gsungs pa'i phyir reg pa la sogs pa ltar kham du byed pa'i zas kyang thams cad yod par thal bar 'gyur ro//ci ste zas bzhi ni sems can 'byung ba rnams gnas par byed pa zhes bya ba spyir bstan pa 'di la dmigs kyis bsal ba 'di yod snyam na/ lha las 'das te zhes bya ba rgyas par 'byung ste/ gal te de lta yin na gzugs med pa dag na yang gzugs yod par thal bar mi 'gyur ro//ci'i phyir zhe na/ dmigs kyis bsal ba'i phyir ro/ /dmigs kyis bsal ba nyid ston pa ni gzugs med pa rnams ni gzugs rnams las nges par 'byung ba yin no zhes bya ba rgyas par 'byung ba'o/ / gal te gzugs med pa'i snyoms par 'jug pa dang skye ba dag las gzugs zhig yod par 'gyur na/ gzugs yod phan tshun rang gi gzugs gdon mi za bar 'du shes par byed par 'gyur bas/ der gzugs kyi 'du shes las yang dag par 'das par mi 'gyur zhing / /de dag gzugs rnams las nges par 'byung bar mi 'gyur zhing /gzugs rnams las 'das par yang mi 'gyur ro/ /gzugs yod na der skyes pa rnams gzugs can ma yin pa zhes bya bar yang mi rung ste/ de'i phyir de ni gzugs yod do zhes bya bar rtogs so/ /gzugs med par gtogs pa'i gzugs sa 'og ma pa ni rags pa yin la/gzugs med pa na spyod pa ni phra ba yin te/ de'i phyir gzugs rags pa la dgongs te/ gzugs med pa rnams ni gzugs rnams las nges par 'byung ba yin no zhes bya ba la/ gzugs med pa'i rnam par thar pa zhi ba gang dag ces bya ba rgyas par gsungs pa yin no zhe na/kham gyi zas la yang mtshungs so/ /kham du byed pa'i zas za ba'i lha las 'das te zhes bya ba ni khams 'og ma'i sa pa'i kham gyi zas rags pa'i dbang du mdzad nas gsungs kyi/ de'i sa pa phra ba ni ma yin no/ /gal te sa 'og ma pa'i gzugs rags pa las nges par 'byung ba'i phyir gzugs med pa dag ces bya bar 'dod na ni de lta na 'o na bsam gtan rnams kyang zhes bya ba rgyas par 'byung ste/'di ltar bsam gtan dang po ni 'dod pa na spyod pa'i gzugs rags pa las nges par 'byung ba yin pa nas/ de bzhin du bsam gtan bzhi pa ni gsum pa'i gzugs rags pa las nges par 'byung ba'i bar du yin pas gzugs med par thal bar 'gyur ro/ /de yang sa gong ma la ltos nas rags pa yin no zhe na/ de lta na yang srid pa'i rtse mo kho na gzugs med pa yin par 'gyur ro/ /gal te rang gi sa pa'i gzugs yod bzhin du yang 'og ma pa'i gzugs las nges par 'byung ba'i phyir gzugs med pa rnams nges par 'byung bar gsungs na ni/de lta yin na/ tshor ba la sogs pa las nges par 'byung bar yang ci'i phyir ma bshad/ de dag ni sa 'og ma pa'i gzugs ltar tshor ba la sogs pa las nges par 'byung ba yang yin no//sogs pa zhes bya ba'i sgras ni 'du shes dang 'du byed dang rnam par shes pa bsdu'o/ /gzugs las nges par 'byung ba ltar tshor ba la sogs pa las nges par 'byung ba nyid du gsungs pa yang ma yin no/ /de'i phyir sa 'og ma pa'i gzugs las nges par 'byung ba'i phyir gzugs med pa dag yin no zhes bya bar mi shes kyi/'o na ci zhe na/ rnam pa thams cad du rung gi sa pa'i gzugs las kyang nges par 'byung ba'i phyir yin no/ /de nyid kyi phyir gzugs kyi rnam pa zad par las 'das pa zhes bya ba rgyas par smos so//rnam pa smos pa ni nang gi 'am phyi'i 'am rags pa 'am phra ba 'am dman pa 'am gya nom pa zhes bya ba la sogs pa gzugs ma lus pa nye bar gzung ba'i phyir te gzugs kyi rnam pa de dag thams cad las 'das pa yin te/ snyoms par 'jug pa dang skye ba la gzugs ma lus pa med pa'i phyir ro//tshor ba la sogs pa'i rnam pa las ni ma yin zhes bya ba ni gzugs med pa'i snyoms par 'jug pa dang skye ba la bde ba yang ma yin/ sdug bsngal yang ma yin pa'i tshor ba srid pa'i phyir ro/ /sogs pa zhes bya ba'i sgras ni rnam par shes pa'i bar brjod par bya'o//de'i phyir gzugs rnams las nges par 'byung ba zhes gsungs kyi/ tshor ba la sogs pa las nges par 'byung ba zhes ni ma gsungs so/ /gal te gzugs med pa rnams gzugs las nges par 'byung ba yin na/'o na de'i phyir srid pas srid pa las nges par 'byung bar thal bar 'gyur la/ de lta yin na mdo dang 'gal te/ mdo las nga ni srid pas srid pa las 'byung bar mi smra'o zhes gsungs so zhe na/ de'i phyir srid pas srid pa las nges par 'byung bar gsungs pa zhes bya ba rgyas par smos so//'dod pa'i srid pa'am/ gzugs kyi srid pa'am/ gzugs med pa'i srid pa de nyid kyis 'dod pa'i srid pa'am/ gzugs kyi srid pa'am/ gzugs med pa'i srid pa de nyid las nges par mi 'byung ba'i phyir de skad gsungs kyi/ sa dang khams gong ma'i srid pas sa dang khams 'og ma'i srid pa las nges par mi 'byung ba'i phyir ni ma yin no//bsam gtan dang thams cad du nges par 'byung ba ma yin pa'i phyir te zhes bya ba de la gzugs kyi srid pas ni thams cad las nges par 'byung ba ma yin te/ gzugs kyi srid pas ni 'dod pa'i srid pa ltar gzugs kyi srid pas gzugs med pa'i srid pa las nges par 'byung ba ma yin la/gzugs med pa'i srid pas kyang gzugs kyi srid pa ltar 'dod pa'i srid pa dang gzugs med pa'i srid pa las nges par 'byung ba ma yin no/ /gzugs kyi srid pas 'dod pa'i srid pa las gtan du nges par 'byung ba yang ma yin te/'jig rten pa'i 'dod chags bral ba rnams sa 'og mar yang slar ldog pa'i phyir ro/ /bsam gtan dag la ni zhes bya ba rgyas par 'byung ba la gzugs med pa dag la gzugs kyi rnam pa ma gsungs pa la ni de med pa ma gtogs pa rgyu gzhan rtogs par mi nus te/de'i phyir gzugs med pa na gzugs med do zhes bya bar gnas so/ /da ni ji ltar na zhes bya ba rgyas par 'byung ba ni/ gal te gzugs med pa dag na gzugs med na de dag 'chi 'pho zhing khams 'og mar skye ba'i tshe gzugs rgyun bcad pa rnams kyi gzugs yang skye bar mi 'gyur ro//dgra bcom pa 'khor ba phung po rgyun chad pa la yang 'byung bar thal lo zhes bya ba'o/ /gzugs ni sems las skye ba yin/ /zhes bya ba la/ gzugs med pa dag na gzugs med pa dag tu skye ba rnams la/ gzugs dang mthun pa'i sems kyi rgyun nyid gnas la/de nyid de dag gi 'chi ltas yin no zhes smras te/ de'i phyir sngar gzugs dang lhan cig spyod pa'i sems kyi rgyud kyis rkyen gyis rnam par smin pa'i rgyu sngar 'gags pa las gzugs skye ste/ skal ba mnyam pa'i rgyu ni 'das pa dang da ltar byung ba khas blangs pa'i phyir ro//dgra bcom pa rgyun ma lus par bcad pa la las dang nyon mongs pa med pa'i phyir phung po skye ba'i rkyen 'ga' yang med pas yang de 'byung bar thal ba med do/ /re zhig 'di ni bye brag tu smra ba'i lugs yin no/ /mdo sde pa'i tshul gyis ni de'i rnam par smin pa'i rgyus yongs su bsgos pa'i sems 'jug pa rnyed pa las zhes bya ba ste/de zhes bya ba ni gzugs med pa dag na 'chi 'pho ba la skye ba gang yin pa de'i 'o/ /rnam par smin pa'i rgyu ni de 'phen par byed pa'i sems pa'o/ /des bsgos pa ni gzugs de bskyed par bya ba'i phyir/ de la nus pa gzhag pa'i phyir ro/ /de 'jug pa ni rgyud la rnyed pa yin pas sems 'jug pa rnyed pa las te/ de'i rnam par smin pa'i rgyus yongs su bsgos pa'i sems 'jug pa rnyed pa de las gzugs skye ba'i gzugs las ni ma yin no/ /dgra bcom pa la ni de ltar rnam par smin pa'i bag chags 'jug pa rnyed pa'i rgyu sa bon sred pa med pas yang de la skye ba'i rgyun du thal ba med do//ji ltar gnas pa ni sngar bshad zin to zhes bya ba ni/ der ni ris dang srog la yang / /sems kyi rgyud ni brten pa yin/ /zhes bya ba dang / gang gi rgyud gzugs la sred pa bral ba zhes bya ba la sogs pa bshad zin to//gsum po zhes bya ba'i gzugs med pa zhes sbyar ba'i phyir/ pho'i rtags kyi bstan pa yin no/ /de ltar sbyor phyir zhes bya ba ni sbyor ba'i dus na nam mkha' la sogs pa la dmigs par 'gyur gyi/ gzhan na ni ci rigs par chos gzhan dag la yang dmigs so zhes ston to/ /nam mkha' mtha' yas so snyom du mos pa'i sbyor ba grub pas gzugs la rnam par grol ba'i phyir rnal 'byor spyod pa la de'i sa pa'i phung po dag la nam mkha'i 'du shes yang dag par gnas so//rnam shes mtha' yas so snyam du mos pa'i sbyor ba grub pas ni rnam shes mtha' yas skye mched de/ rnam par shes pa'i tshogs drug yongs su dag pa la mtshan ma bzung nas rnam par shes pa'o zhes yid la byed/ nye bar rtog mos/ yang dag par shes/ sbyor ba de grub pa'i phyir de las langs pas ci rigs par chos gzhan dag la yang dmigs so//ci yang med do snyam du btang snyoms kyi sbyor ba grub pas ci yang med pa'i skye mched lta ba rgya che ba dang / mtha' yas pa las des dben pa'i 'du shes kyi mos pa 'byung ngo / /de'i phyir sbyor ba'i dbang gis ming btags so//'du shes chung ba'i phyir te/ rgyu ba mi gsal ba'i phyir 'du shes med 'du shes med min skye mched yin te 'du shes med pa lta bur de gnas so/ /de ni snyoms par 'jug pa bdun la ji lta ba bzhin du 'du shes gsal ba ma yin la/ 'du shes med pa'i snyoms par 'jug pa dang / 'du shes med pa dang / 'gog pa'i snyoms par 'jug pa dag la ji lta ba bzhin du 'du shes med pa yang ma yin te/ de nyid kyi phyir 'du shes med 'du shes med min skye mched ces bya'o/ /de la yang de ltar sbyor ba'i phyir de nyid kyi sgo nas mi rung ba ma yin nam zhe na de'i phyir/gal te de la yang 'di ltar zhes bya ba la sogs pa smos te/ ci'i phyir de dag gis de la de ltar 'dzin zhes bya ba la/ de dag gis zhes bya ba ni snyoms par 'jug pa po dag gis so/ /de la zhes bya ba ni 'du shes med 'du shes med min skye mched la ste/'du shes dang 'du shes med pa la skye ba de dag rgyu cis der 'du shes med 'du shes med min gyi blo skye zhes bya ba la/ 'du shes chung ba'i phyir ro zhes bya ba de nyid rgyur brjod dgos par 'gyur bas de nyid bshad de/ sbyor ba'i dbang gis rnam grangs gzhan du ming btags so//skye mched rnams lus su dkri ba'i phyir dang / rgyas par dkri ba'i phyir skye mched ces bya'o/ /ji ltar na bdun ni rnam pa gsum yin zhe na/ ro myang ldan dang dag pa dang / /zag med ces bya ba smos so/ /zag pa med pa ni med do zhes bya ba ni 'du shes dman pa'i phyir ro//bsam gtan nyon mongs pa gzhan dang ldan yang / ci'i phyir ro myang ba dang mtshungs par ldan pa nyon mongs pa can du bshad kyi/ nyon mongs pa gzhan dang mtshungs par ldan pa ma yin zhe na/ bsam gtan rnams ni dmigs pa dang 'brel pas rab tu phye ba'i phyir srid pa dang mtshungs par ldan pa dag kho na bshad de/nyon mongs pa gzhan ni sred pa ji lta ba de bzhin du dmigs pa dang sems sbrel bar mi byed de/ ro myang ba'i sgo nas 'jug pa'i phyir dang / ting nge 'dzin dang 'dra bar dmigs pa la nye bar rtog pa'i phyir ro//'jig rten pa'i dge ba ni/ dag pa zhes bya ba ni nyon mongs pa'i dri ma dang ma 'brel pa'i phyir dang / ma chags pa la sogs pa dge ba'i chos dang ldan pa'i phyir ro/ /ro myong bar byed pa gang yin pa zhes bya ba ni dag pa ro myong bar byed pa'o//de las ni langs pa yin no zhes bya ba ni dag pa las langs pa yin no/ /gang gis ro myong bar byed pa zhes bya ba ni ro myang ba dang mtshungs pa ldan pa ste de la snyoms par 'jug pa yin no/ /bsam gtan kho na yan lag dang ldan pa yin gyi//gzugs med pa rnams ni ma yin no zhes bya ba la/ ci'i phyir zhe na/ kha cig na re zhi gnas su ro gcig pa'i phyir te/ gang dag gang na rgyu ba rags pa yin pa de dag ni der yan lag nyid du gzhag na/ gzugs med pa dag na ni nye bar zhi ba lhag pa'i phyir sems dang sems las byung ba de dag thams cad rgyu ba zhan pas de dag la yan lag rnam par gzhag pa mi srid pas ting nge 'dzin shas che ba de dag na ni sems las byung ba gzhan 'ga' yang gtso bo ma yin no//gcig la ni yan lag gi sgrar yang mi rung ngo / /de'i phyir gzugs med pa dag tu yan lag rnam par ma gzhag go zhes zer ro//gzhan dag na re sa gang dag tu sems las byung ba tshar phyin pa 'gag pa de kho nar yan lag rnam par bzhag ste/ bsam gtan dang por ni sdug bsngal dang yid mi bde ba dag 'gag go/ /gnyis par ni rtog pa dang /dpyod pa dag go/ /gsum par ni dga' ba'o/ /bzhi par ni bde ba'i dbang po 'gag go/ /de yan chad na ni sems las byung ba gang yang tshar phyin par ldog pa med do zhes zer ro/ /yan lag ces bya ba'i don ci zhig ce na/ 'dis bsam gtan dang po la sogs pa nas bzhi pa'i bar gsal bar byed pas na yan lag ste/mtshon par byed mngon par byed ces bya ba'i don to/ /yang na yan lag gi don ni rjes su mthun pa'i don yin la/ de dag kyang rang gi sa dang mthun pas na yan lag go/ /yang na yan lag gi sgra ni mchod sbyin gyi yan lag ltar tshogs dag la 'jug ste/'di dag phan tshun tshogs yin pas yan lag yin no/ /ting nge 'dzin ni yan lag kyang yin la bsam gtan yang yin no/ /lhag ma rnams ni yan lag yin no zhes bya ba ni rtogs pa la sogs pa rnams so//yan lag bzhi pa'i dmag yan lag dag las don gzhan du gyur pa med par ji lta bar yan lag lnga pa'i bsam gtan yang de dang 'dra ste/ 'dir tshogs pa la ltos nas bstan pa'i phyir don gzhan du gyur pa med do/ /bye brag tu smra ba rnams na re ting nge 'dzin gtso bor brjod pa'i phyir bshad do//sa de dag ni ting nge 'dzin gtso bo yin te/ mdo las ting nge 'dzin gyi dbang po ni bsam gtan bzhi dag la blta bar bya'o zhes gsungs pa'i phyir ro zhes zer ro/ /bsam gtan gsum pa la yan lag lnga ste zhes bya ba ni de la 'du byed btang snyoms ni bsam gtan gnyis pa'i sa pa'i dga' ba la gtod pa med pa'o//dran pa ni btang snyoms kyi rgyu mtshan mi brjed pa ste/ thag mi ring ba'i tshul gyis so/ /shes bzhin ni rjes su bsrung ba'i tshul gyis so/ /btang snyoms yongs su dag pa zhes bya ba la/ btang snyoms kyi yongs su dag pa ni btang snyoms yongs su dag pa ste/sa 'og ma'i skyon dang bral ba'i phyir ro/ /skyon ni rtog pa dang dpyod pa dang dga' ba la sogs pa brgyad de de dag bshad par bya'o/ /dran pa yongs su dag pa de dang 'dra ste/ skyon dang bral ba'i phyir ro/ /bsam gtan dang po pa zhes bya ba la/bsam gtan dang po na yod pa ni bsam gtan dang po pa'o/ /de nyid kyi phyir smra ba zhes bya ba ni gang gi phyir bsam gtan gnyis pa la nang rab tu dang ba lhag pa dang / gsum pa la btang snyoms dang dran pa dang shes bzhin dang bde ba rnams lhag pa dang / bzhi pa la bde ba yang ma yin sdug bsngal yang ma yin pa'i tshor ba lhag pa dang po dang gnyis pa dag tu dga' ba dang bde ba dag khyad par med pa dang /gsum pa dang bzhi pa dag tu btang snyoms dang dran pa khyad par med pa dang / bzhi kar ting nge 'dzin khyad par med pas te/ de'i phyir smras pa/ yan lag gang dag bsam gtan dang po na yod pa de dag gnyis pa na yang yod dam zhe na/ mu bzhi ste/ mu dang po ni rtog pa dang dpyod pa dag ste/ bsam gtan dang po kho na na yod pa'i phyir dang / gnyis pa na med pa'i phyir ro/ /gnyis pa na med pa'i nang rab tu dang ba'o zhes bya ba ni gnyis pa kho na na yod pa'i phyir dang /dang po na med pa'i phyir ro/ /gsum pa ni dga' ba dang bde ba dang sems rtse gcig pa nyid do zhes bya ba ni gnyi ga na yod pa'i phyir ro/ /mu bzhi pa ni bshad pa las ma gtogs pa'i chos rnams so zhes bya ba ni bshad pa dag las gzhan pa'i chos gang dag yin pa de rnams ni bsam gtan dang po'i yan lag ma yin zhing gnyis pa'i yan lag ma yin no//de bzhin du bsam gtan gyi yan lag thams cad phan tshun sbyar bar bya'o zhes bya ba ni yan lag gang dag bsam gtan dang po na yod pa de dag gsum pa na yod dam zhe na/mu bzhi ste/ mu dang po ni rtog pa dang dpyod pa dang dga' ba dang bde ba dag go/ /gnyis pa ni btang snyoms dang dran pa dang shes bzhin dang bde ba dag go/ /gsum pa ni ting nge 'dzin to/ /mu bzhi pa ni bshad pa las ma gtogs pa'i chos rnams so//yan lag gang dag bsam gtan dang po na yod pa de dag bzhi pa na yang yod dam zhe na/ mu bzhi ste/ dang po ni rtog pa dang dpyod pa dang dga' ba dang bde ba dag go/ /gnyis pa ni bde ba yang ma yin sdug bsngal yang ma yin pa'i tshor ba dang /btang snyoms yongs su dag pa dang / dran pa yongs su dag pa'o/ /gsum pa ni ting nge 'dzin to/ /bzhi pa ni bshad pa las ma gtogs pa'i chos rnams so/ /yan lag gang dag bsam gtan gnyis pa na yod pa de dag gsum pa na yang yod dam zhe na/mu bzhi ste/ mu dang po ni nang rab tu dang ba dang dga' ba dang bde ba dag go/ /gnyis pa ni btang snyoms dang dran pa dang shes bzhin dang bde ba dag go/ /gsum pa ni ting nge 'dzin to/ /bzhi pa ni rnam pa de dag ma gtogs pa'i chos rnams so/ / yan lag gang dag bsam gtan gnyis pa na yod pa de dag bzhi pa na yang yod dam zhe na/ mu bzhi ste/ mu dang po ni nang rab tu dang ba dang / dga' ba dang bde ba dag go/ /gnyis pa ni bde ba yang ma yin sdug bsngal yang ma yin pa'i tshor ba dang / btang snyoms yongs su dag pa dang /dran pa yongs su dag pa'o/ /gsum pa ni ting nge 'dzin to/ /bzhi pa ni bshad pa las ma gtogs pa'i chos rnams so/ /yan lag gang dag bsam gtan gsum na yod pa de dag bsam gtan bzhi pa na yang yod dam zhe na/ mu bzhi ste/ mu dang po ni ting nge 'dzin ma gtogs pa bsam gtan gsum pa'i yan lag rnams so//gnyis pa ni ting nge 'dzin ma gtogs pa bsam gtan bzhi pa'i yan lag rnams so/ /gsum pa ni ting nge 'dzin to/ /bzhi pa ni bshad pa las ma gtogs pa'i chos rnams so/ /bsam gtan gsum char na tshor ba bde ba yod pa'i dbang du byas te/'dri ba ni/ ci'i phyir bsam gtan gsum pa na yod pa'i bde ba rdzas gzhan du brjod ces bya ba ste/ bsam gtan gnyis pa na yod pa ni ma yin snyam du bsams pa'o/ /yang ji ltar bsam gtan gsum pa na yod pa'i bde ba rdzas gzhan du brjod ce na/gsum pa la ni btang snyoms dang dran pa dang shes bzhin dang bde ba rnams so zhes smos pa'i phyir ro/ /dang po na shin tu sbyangs pa'i bde ba yin zhes bya ba ni bde ba ni rnam pa gnyis te/ shin tu sbyangs pa'i bde ba dang / tshor ba bde ba'o/ /de la bsam gtan dang po dang /gnyis pa dag tu ni shin tu sbyangs pa'i bde ba'i yang 'di bshad la/ bsam gtan gsum par ni tshor ba bde ba yan lag tu bshad pas de'i phyir bsam gtan gsum pa'i bde ba bsam gtan dang po dang gnyis pa'i bde ba las rdzas gzhan du brjod do/ /'di la ni shin tu sbyangs pa bde ba yin la zhes bya ba la sogs pa 'byung ngo //de nyid la rgyu smras pa ni/ snyoms par 'jug pa'i bsam gtan gnyis na bde ba'i dbang po dang mi ldan pa'i phyir te zhes bya ba'o/ /de ni lus kyi'am sems kyi gzhi yin grang na/ gnyi ga yang de na mi srid do/ /lus kyi ni rnam par shes pa lnga dang lhan cig skyes pa yin na snyoms par zhugs pa la ni mig gi rnam par shes pa la sogs pa kun du 'byung ba ma yin te/kha phyir bltas par 'jug pa'i phyir ro/ /de na sems kyi bde ba yang mi rigs so/ /ci'i phyir zhe na/ dga' ba zhes 'byung ba'i phyir ro/ /de na yod pa'i sems kyi bde ba gang yin pa de ni dga' ba zhes bya'o//ji ste dga' ba ni tshor ba ma gtogs pa'i chos gzhan kho na yin la/ bde ba ni bsam gtan gsum na yod pa'i tshor ba sim pa yin no snyam na/ de'i phyir dga' ba ni yid bde ba yin na zhes bya ba smos te/ dga' ba ni yid bde ba las logs shig tu nges par mi zin la/ bde ba dang yid bde ba dag kyang cig car yod pa ma yin te/ tshor ba'i rdzas gnyis sems gcig la mtshungs par ldan pa med pa'i phyir ro/ /de gnyis rnams grangs kyis zhes bya ba ni bde ba dang yid bde ba gnyis so//yan lag lnga zhes 'byung ba'i phyir ro zhes bya ba ni bde ba dang yid bde ba gnyis rnam grangs kyis 'byung na ni bsam gtan yan lag bzhi pa kho nar 'gyur gyi yan lag lnga pa ni ma yin te/ skad cig re re la bde ba dang yid bde ba gnyis las gang yang rung ba zhig med pa'i phyir ro//gzhan dag na re sems las byung ba'i bde ba'i dbang po ni med pa kho na ste zhes bya ba ni bde ba'i dbang po ni lus kyi kho na yod kyi sems kyi ni med do/ /sems kyi tshor ba sim pa ni yid bde ba'i dbang po yin no zhes bya ba'o/ /gal te bde ba'i dbang po sems kyi ma yin na/'o na ji ltar bsam gtan gsum par bde ba yan lag tu rnam par gzhag ce na/ de'i phyir bsam gtan gsum char na yang zhes bya ba rgyas par smos te/ bsam gtan dang po gnyis na shin tu sbyangs pa'i bde ba yan lag ma yin la/ gsum par sems kyi bde ba ma yin te/'o na ci zhe na/ bsam gtan gsum char na lus kyi bde ba kho na yan lag tu rnam par gzhag go zhes zer ro/ /'o na mdo las zhes bya ba 'dis ni sems kyi bde ba'i dbang po med do zhes bya ba 'di la 'gal ba ston pa'o/ /ji ltar zhe na/ lus kyi ltar sems kyi bde ba yang sems kyi dbang po nyid du gsungs pa'i phyir ro//tshig de ni 'ga' zhig gis sgro btags pa yin te zhes bya ba la/ gang zhe na/ sems las byung ba'i zhes bya ba'o/ /sgro btags pa yin gyi/ gtsug lag ni ma yin no zhes bya ba 'di ji ltar shes she na/ sde pa gzhan thams cad las lus kyi zhes bya ba de skad du 'byung ba'i phyir sgro btags pa yin no zhes bya bar shes te/de'i phyir mdo dang 'gal ba med do/ /bde ba lus kyis myong la zhes bya ba ni bsam gtan gsum par te/ rang gi sgras gsungs pa'i phyir lus kyi bde ba kho na'o zhes bya bar shes so/ /gal te yid kyi lus so zhes bya ba ni ci ste 'dir lus kyi sgra lus kyi dbang po la mi 'dod kyi/'o na ci zhe na/ yid kyi lus yin te/ tshor ba'i tshogs drug ltar gzugs can ma yin pa dag la yang lus kyi sgra mthong ngo / /de'i phyir yid kyi lus so zhes bya bar shes par bya'o snyam na/ de skad du bshad de yon tan ci zhig yod/bde ba yid kyis myong la zhes gsal po nyid du brjod par bya'o/ /de ltar na bsam gtan gsum pa na lus kyi bde ba kho na yod kyi sems kyi ni ma yin no/ /bsam gtan dang po gnyis na yang lus kyi bde ba kho na yod kyi shin tu sbyangs pa'i bde ba ni ma yin no zhes bstan pa'i phyir bsam gtan bzhi pa la zhes bya ba rgyas par smos te/bsam gtan dang po dang gnyis pa bas bsam gtan bzhi pa la shin tu sbyangs pa mang yang bde ba ma smos pa de'i phyir bsam gtan dang po gnyis na tshor ba'i bde ba mngon par 'dod kyi/ shin tu sbyangs pa'i bde ba ni ma yin te/gzhan du na bsam gtan bzhi pa shin tu sbyangs pa'i phyir bde ba ches shin tu yan lag tu rnam par 'jog par 'gyur ro/ /gal te bde ba'i tshor ba dang mthun pa'i phyir zhes bya ba la sogs pa ni/ bsam gtan dang po gnyis na bde ba yod pas de dang rjes su mthun pa'i shin tu sbyangs pa'i bde ba bshad kyi bsam gtan bzhi pa la ni bde ba med pa'i phyir shin tu sbyangs pa mang yang bde ba dang mthun pa ma yin pas bde ba zhes mi brjod do zhes bya ba'o//gsum pa na yod pa'i zhes bya ba la sogs pa ni bsam gtan gsum pa na yod pa'i shin tu sbyangs pa ches shin tu bde ba dang mthun pa yin la/bde ba yang ma gsungs pas 'khrul lo zhes bya ba'o/ /gal te btang snyoms kyis bcom pa'i phyir ro zhes bya ba ni bsam gtan gsum pa'i shin tu sbyangs pa bde ba dang mthun pa yin mod kyi/ de ni btang snyoms kyi sa bcom pas bde bar ma brjod do zhes bya ba'o//ma yin te btang snyoms kho nas de 'phel ba'i phyir ro zhes bya ba ni de ni de ltar ma yin te/ btang snyoms kho nas bsam gtan gsum par shin tu sbyangs pa 'phel ba'i phyir ro/ / 'di ji ltar shes she na/ snga ma gnyis pas de khyad par du 'phags pas zhes bya ba smos te/ bsam gtan dang po dang gnyis pa'i sa pa'i shin tu sbyangs pa bas bsam gtan gsum pa'i sa pa'i khyad par du 'phags pa'i phyir ro/ /'di ji ltar shes she na/ sa 'og ma'i skyon spangs pa las der lus dang sems dag ches las su rung ba'i phyir ro//gang gi tshe 'phags pa nyan thos zhes bya ba rgyas par 'byung ngo / /ji ltar de las shin tu sbyangs pa dang bde ba so sor bshad ce na/ gang gi tshe 'phags pa nyan thos rab tu dben pa las skyes pa'i bde ba lus kyis mngon sum du byas nas rdzogs par byas te gnas pa de'i tshe 'di'i chos lnga ni spong bar 'gyur la/chos lnga ni bsgom pa yongs su rdzogs par 'gyur ro zhes rgyas par gsungs nas/ chos lnga po gang dag gcig bsgom pa yongs su rdzogs par 'gyur zhe na/ nang rab tu dang ba dang /dga' ba dang / shin tu sbyangs pa dang / bde ba dang / ting nge 'dzin te chos lnga po 'di dag bsgom pa yongs su rdzogs par 'gyur ro zhes bya ba'i bar du 'byung ste/ de'i phyir de ltar na 'di las shin tu sbyangs pa gsungs nas yang bde ba smos pa'i phyir shin tu sbyangs pa dang bde ba gnyis tha dad par 'byung ngo //de'i phyir bsam gtan dang po gnyis na shin tu sbyangs pa kho na bde ba ma yin no zhes bya bar shes so/ /gal te snyoms par zhugs pa la ji ltar lus kyi rnam par shes pa 'byung zhes bya ba ni de dag gis bde ba'i dbang po thams cad lus kyi yin par khas blangs na snyoms par zhugs pa la ni lus kyi rnam par shes pa kun du 'byung bar mi rung ste/kha phyir bltas par 'jug pa'i phyir dang / rnam par shes pa gnyis cig car med pa'i phyir ro zhes bya ba'o/ /ting nge 'dzin gyi khyad par las skyes pa zhes bya ba ni ting nge 'dzin gyi khyad par ni bsam gtan gsum pa ste/de las skyes pa ni ting nge 'dzin gyi khyad par las skyes pa'o/ /shin tu sbyangs pa zhes bya ba ni/ de la shin tu sbyangs pa zhes bya ba ste/ lus mnyen par byed pa'i phyir ro/ /bde ba myong bar 'gyur ba zhes bya ba ni bde ba'i yul lo//lus la rgyas pa'i phyir ro zhes bya ba ni lus la khyab pa'i phyir ro/ /snyoms par zhugs pa la lus kyi rnam par shes pa 'byung ba ni de lta bu'o/ /gal te phyi rol tu rnam par g.yengs pa'i phyir ting nge 'dzin nyams par 'gyur ro zhe na/ ma yin te/ de'i stobs kyis ting nge 'dzin bstan par 'gyur te/de nyid kyi phyir ting nge 'dzin las skyes pa zhes bya ba rgyas par smos te/ ting nge 'dzin gyi rgyu mtshan can gyi bde ba lus kyi nang du 'byung ba'i phyir phyi rol du rnam par g.yengs pa med la bde ba de ting nge 'dzin dang mthun pa'i phyir de mngon du gyur na ting nge 'dzin nyams par mi 'gyur ro//gal te lus kyi rnam par shes pa skyes pa'i tshe langs par 'gyur ro zhes bya ba ni lus kyi rnam par shes pa de mnyam par gzhag pa dang mthun pa yin yang / mnyam par ma bzhag pa kho na yin pas de'i phyir mnyam par bzhag pa'i rnam par shes pa 'gag pa'i phyir dang /lus kyi rnam par shes pa mnyam par ma bzhag pa skyes pa'i phyir langs par 'gyur ro zhes bya ba'o/ /de nyid kyi phyir ro zhes bya ba ni lus kyi rnam par shes pa skyes pa'i tshe langs par mi 'gyur ba ste/ ting nge 'dzin las skyes pa lus kyi nang du 'byung ba'i lus kyi bde ba ni ting nge 'dzin dang mthun pa'i phyir ro zhes de ma thag tu bshad pa gang yin pa de nyid kyi phyir ro//gal te 'dod pa na spyod pa'i lus kyi dbang pos zhes bya ba rgyas par 'byung ba ni/ 'dod pa na spyod pa'i lus kyi dbang po ni gzugs na spyod pa shin tu sbyangs pa zhes bya ba reg bya'i yul can ma yin la/de la dmigs pa'i rnam par shes pa rten du yang mi rung ste/ gsum dag ni thams cad rang gi sa pa yin zhes 'byung ba'i phyir ro zhes bya ba'o/ /ma yin te shin tu sbyangs pa'i rnam par shes pa skye ba'i phyir ro zhes bya ba la/ 'dod pa na spyod pa'i lus kyi dbang pos gzugs na spyod pa shin tu sbyangs pa'i ming can reg bya kho na 'dzin gyi/de'i sa pa gzhan ni ma yin pas skyon med do/ /zag pa med pa dag tu yang 'gyur ro zhes bya ba ni zag pa med pa'i bsam gtan la/ reg bya dang lus kyi rnam par shes pa gnyis kyang zag pa med par 'gyur ro//ci'i phyir zhe na/ yan lag cung zad cig ni zad pa dang bcas pa/ cung zad cig ni zag pa med pa yin na mi rung bas so/ /yang ji ltar na reg bya dang lus kyi rnam par shes pa dag yan lag nyid yin zhe na/ de gnyis yan lag tu mi brjod kyi 'o na ci zhe na/bde ba brjod la/ de gnyis ni de dang mtshungs par ldan pa'i phyir dang / de'i yul can yin pa'i phyir zag pa med pa nyid bshad do/ /lus shin tu sbyangs pa yang dag byang chub kyi yan lag [(]du [,]tu [)]gsungs pa dang / byang chub kyi yan lag rnams kyang zag pa med pa'i phyir de dag kyang zag pa med par 'dod do//byang chub kyi yan lag dang mthun pa'i phyir shin tu sbyangs pa byang chub kyi yan lag tu bshad kyi/ dngos kyi tshul gyis ni ma yin no zhe na/ zag pa med pa nyid kyang de dang 'dra ste/ zag pa med pa dang mthun pa'i phyir zag pa med pa dag yin gyi/dngos kyi tshul gyis ni ma yin no/ /mig ji snyed pa dang / gzugs ji snyed pa dang / mig gi rnam par shes pa ji snyed pa nas/ de bzhin du rgyas par lus ji snyed pa dang / reg bya ji snyed pa dang / lus kyi rnam par shes pa ji snyed pa zhes bya ba'i mdo 'di dang 'gal te/reg bya dang lus kyi rnam par shes pa gnyi ga zag pa dang bcas pa nyid du gsungs pa'i phyir ro zhe na/ ma yin te zhes bya ba rgyas par 'byung ste/ de las gzhan pa'i reg bya dang lus kyi rnam par shes pa la dgongs te gsungs pa'i phyir 'gal ba med do//gal te bde ba dang dga' ba phrad pa med pa'i phyir zhes bya ba ni bde ba dang yid bde ba dag ni cig car yod pa ma yin te/ lus dang yid kyi rnam par shes pa gnyis cig car mi 'byung ba'i phyir ro/ /de'i phyir bsam gtan yan lag lngar mi 'gyur ro zhes bya ba'o//ma yin te srid pa'i phyir bstan pas zhes bya ba ni yan lag lnga bstan pa dang 'gal ba med de/ srid pa'i phyir bstan pas so/ /rtog pa dang dpyod pa bzhin no zhes bya ba ni dper na rtog pa dang dpyod pa dag cig car mi 'byung yang srid pa'i dbang du byas na rtog pa dang bcas shing dpyod pa dang bcas pa zhes bshad pa bzhin no//gal te bsgrub par bya ba yin no zhes bya ba ni rtog pa dang dpyod pa gnyis rim gyis 'jug go/ /cig car ma yin pa ste bsgrub par bya ba yin pa'am/ yang na lnga po rnam grangs kyis yod pas yan lag lnga yin gyi/lnga po cig car yod pas ni ma yin no zhes bya ba 'di bsgrub par bya ba yin pa'o/ /grub pa yin te/ sems kyi rtsing ba dang zhib pa dag phan tshun bcom nas 'byung ba'i phyir cig car mi srid cing / rtsing ba dang zhib pa sa dang rnam pa pa'i bye brag gis ltos pa can yang yin pas srid pa'i rtse mo'i bar du rtog pa dang dpyod pa dag yod par 'gyur ro zhes sngar mdzod kyi gnas gnyis par rgyas par smos zin to//de lta bas na bsam gtan dang po la yod pa'i yan lag lnga po rtog pa dang dpyod pa dang dga' ba dang bde ba dang ting nge 'dzin zhes bya ba gang dag yin pa de dag kho na las yan lag gnyis dang gsum dang bzhi bor nas yin te/de la yan lag gnyis bor nas bsam gtan gnyis pa rnam par gzhag ste/ de na rtog pa dang dpyod pa dag med pa'i phyir ro/ /yan lag gsum bor nas bsam gtan gsum pa rnam par gzhag ste/de na dga' ba yang med pas so/ /yan lag bzhi bor nas bsam gtan bzhi pa rnam par gzhag ste/ de na bde ba yang med pas so/ /de nyid kyi phyir de dag bor nas bsam gtan lhag ma rnam par gzhag pa'i phyir/bsam gtan dang po la sems las byung ba gzhan dag yod kyang lnga kho na yan lag tu bshad kyi/ 'du shes la sogs pa rnams ni ma yin no/ /'du shes la sogs pa rnams bor nas bsam gtan gong ma rnam par gzhag pa ni ma yin te/ de rnams thams cad yod pa'i phyir ro//de'i phyir bsam gtan dang po la de rnams yan lag nyid du ma gsungs so/ /yang na ci'i phyir zhes bya ba ni gal te dgongs pa 'di mi 'dod na rgyu gzhan zhig brjod par bya'o zhes bya ba'o/ /gal te phan pa'i phyir ro zhes bya ba ni 'du shes la sogs pa dag pas rtog pa la sogs pa rnams phan pa yin pa'i phyir ro zhes rgyu gzhan smras pa ni dran pa dang shes rab dag ches phan pa'i phyir ro zhes bya ba ste/dran pa dang shes rab ji lta ba de ltar rtog pa dang dpyod pa phan pa ma yin te/ dran pa legs par gnas shing yang dag pa ji lta ba bzhin shes pa la zhum pa dang rgod pa med pa'i phyir ro//gang gi phyir dran pa dang shes rab gnyis phan pa yin yang yan lag tu ma bshad pa de'i phyir rtog pa la sogs pa rnams phan pa'i phyir bsam gtan dang po'i yan lag tu ma bshad kyi/ 'o na ci zhe na/ yan lag gnyis dang gsum dang bzhi bor nas bsam gnyis pa la sogs pa rnam par gzhag par bya ba'i phyir yin no//kha cig de skad du rgol ba yod kyi zhes bya ba ni rtog pa dang dpyod pa gnyis pas dran pa dang shes rab ches phan na ci'i phyir ma smos zhes bya ba 'di ni bdag nyid kyis nye bar shes pa ma yin pa nyid do zhes ston pa'o//sngon gyi slob dpon rnams ni zhes bya ba rgyas par 'byung ba ni ji snyed mngon pa de dag thams cad yan lag ma yin te/ 'o na ci zhe na/ sems las byung ba kha cig kho na yan lag yin te/ rang gi bde ba rgan rabs rnams kyis yan lag lnga la sogs pa yongs su bzung ba'i phyir ro/ / zhar la byung bas chog go/ /rgyud rab tu zhi bar rgyu ba zhes bya ba la/ sngar rtog pa dang dpyod pa'i 'khrug pas sems dmigs pa la gzhol bar ma gyur pa la rtog pa dpyod pa dang bral bas dmigs pa ches mnyam par gzhag par 'gyur te/ de'i phyir rtog pa dang dpyod pa'i 'khrug pa dang bral bas rab tu dang bar gnas so//bye brag tu smra ba rnams na re/ rab tu dang ba dad pa yin no zhes zer te/ rab tu dang ba dad pa nyid yin pas rab tu dang ba dad pa ste/ de ni bsam gtan gnyis pa thob pa'i phyir nges par 'byung ba yin dang mnyam par gzhag pa'i sa dag la nges par 'byung ngo snyam du yid ches pa skye ste de ni 'dir nang rab tu dang ba yin no//de nyid kyi phyir dad pa dge ba'i sa mang po pa yin pa'i phyir thams cad du yod pa yin yang bsam gtan gnyis pa kho na la yan lag tu rnam par gzhag go/ /gzhan dag na re rtog pa dang dpyod pa dang ting nge 'dzin rnams kyang rdzas gzhan ma yin la/nang rab tu dang ba yang rdzas gzhan ma yin no zhes bya ba ni/ de la sems kyi ngag kun nas slong bar byed pa'i gnas skabs rtsing ba nyid ni rtog pa yin la/ zhib pa'i kun nas slong ba'i gnas skabs ni dpyod pa'o/ /rnam par mi g.yengs pa'i gnas skabs ni ting nge 'dzin to//rab tu zhi bar rgyu ba'i gnas skabs ni nang yongs su dang ba'o/ /rdzas gzhan med na ji ltar zhes bya ba rgyas par 'byung ba ni/ sems las byung ba ni sems la yod pa yin te/ sems nyid sems las byung ba yin par ni mi rigs so zhes bya ba'o//chos gzhan 'ba' zhig tu ma zad kyi/ sems la yod pa'i gnas skabs kyi bye brag ces bya ba yang sems las byung ba yin no zhes zer ro/ /'di ni bstan bcos kyi grub pa'i mtha' ma yin no zhes bya ba ni rtog pa la sogs pa dag rdzas gzhan ma yin pa'am/ sems kyi gnas skabs kyi bye brag sems las byung ba yin no zhes bya ba'o//rnam par bsgyur ba'i mdo las zhes bya ba rgyas par 'byung ste/ rnam par bsgyur ba'i mdo las ni dbang po lnga ni yid mi bde ba'i dbang po dang / sdug bsngal gyi dbang po dang / yid bde ba'i dbang po dang / btang snyoms kyi dbang po dang /dge slong gi yid mi bde ba'i dbang po skyes pa la skyes so zhes yang dag pa ji lta ba bzhin rab tu shes so zhes bya ba nas bsam gtan dang po rdzogs par byas te gnas so zhes bya ba'i bar dang / yid mi bde ba'i dbang po ma lus par 'gag par 'gyur ba nas/ yongs su gtugs pa'i bar du 'gyur te/ dge slong dag 'di ni yid mi bde ba'i dbang po las nges par 'byung ba zhes bya ba'o/ /de bzhin du sdug bsngal dang / yid mi bde ba dang / bde ba dang / btang snyoms kyi dbang po rnams rgyas par gsungs nas/ grangs bzhin du bsam gtan gnyis pa dang /gsum pa dang bzhi pa rdzogs par byas te/ gnas zhes brjod par bya zhing / btang snyoms kyi dbang po'i ni rgyu mtshan thams cad yid la mi byed pas mtshan ma med pa'i sems kyi ting nge 'dzin lus kyis mngon sum du byas nas gnas te/'dir 'di'i btang snyoms kyi dbang po ma lus par 'gag par 'gyur/ ma lus par nub pa dang / yongs su zad pa dang / yongs su gtugs par 'gyur te/ 'di ni btang snyoms kyi dbang po las nges par 'byung ba zhes bya'o zhes 'byung ngo / /de'i phyir lung las dga' ba kho na yid bde ba yin gyi/bde ba ni ma yin no zhes bya bar gnas so/ /ji skad du bshad pa ltar yan lag de dag ces bya ba ni dang po'i lnga dang gnyis pa'i gsum dang / gsum pa'i lnga dang / bzhi pa'i bzhi'o/ /dben pa las skyes pa'i dga' ba dang bde ba med do zhes bya ba la/dben pa las skyes pa ni dben pa las skyes pa ste/ dga' ba dang bde ba med do/ /ci'i phyir zhe na/ nyon mongs pa las dben pa ma yin pa'i phyir te/ rang gi sa pa'i nyon mongs pa dang mtshungs par ldan pa'i phyir ro/ /de skad du yang 'dod pa dag las dben pa/sdig pa mi dge ba'i chos rnams las dben pa zhes gsungs pa yin no/ /nang rab tu dang ba med de zhes bya ba la/ de nyid la rgyu smos pa ni nyon mongs pas rnyog pa'i phyir ro zhes bya ba ste/ de'i sa'i nyon mongs pa dag gis rab tu ma dang ba'i phyir ro zhes bya ba'i tha tshig go//nyon mongs pa can gyi bde bas kun du rmongs par byas pa'i phyir ro zhes bya ba ni/ des rmongs pas nyon mongs pa can gyi bde bas kun du rmongs par byas pa la dran pa dang shes bzhin med do/ /dge ba'i sa mang po pa yin pa'i phyir btang snyoms kyang nyon mongs pa can gyi gsum pa la med de/de'i phyir de nyid yan lag gnyis pa yin no/ /gal te btang snyoms med na ci'i phyir ma bkag ce na/ nyon mongs pa can gyi bzhi pa la de bkag pa'i phyir don gyi gsum pa yang de bkag par shes par 'gyur ba'i phyir ro/ / nyon mongs pa dri ma can du byas pa'i phyir ro zhes bya ba ni 'du byed kyi btang snyoms dge ba'i sa mang po pa yin pa'i phyir na/ btang snyoms yongs su dag pa med la/ nyon mongs pa kun du 'byung bas des kun du rmongs pa'i phyir/ dran pa yongs su dag pa yang med do/ / kha cig shin tu sbyangs pa btang snyoms zhes bya ba rgyas par 'byung ba la/ gang dag nyon mongs pa can dag la yang dga' ba dang dad pa dang dran pa dang shes bzhin dag yan lag tu 'dod pa de dag gi ltar na dang po dang gsum pa dag ni yan lag bzhi pa yin la/ gnyis pa dang bzhi pa dag ni yan lag gsum pa yin no//bsam gtan gsum pa ni skyon dang bcas pa'i phyir zhes bya ba la/ ni zhes bya ba'i sgras yan lag dang ldan pa yang yin no zhes sngar gyi tshul bsdu bar bya ba'i phyir ni zhes bya ba'i sgras smos so/ /bde ba la sogs pa bzhi ni bsam gtan gyi skyon yin te/sdug bsngal gyi rgyu lus ma rungs pa spangs pa'i phyir ro/ /rtog pa dang dpyod pa dang dga' ba dang / bde ba dag gis zhes bya ba la/ ji ltar bsam gtan snga ma gsum po rtog pa la sogs pa dag gis g.yo ba ste/ bsam gtan dang po rtog pa dang dpyod pa dag gis g.yo la/gnyis pa dga' bas g.yo zhing / gsum pa bde bas g.yo ba de ltar bsam gtan bzhi pa ni de dag gis mi g.yo ste/ dper na mar me rlung gis mi g.yo ba de dang 'dra'o/ /rnam par shes pa'i tshogs gsum pa'i bde ba zhes bya ba ni/de na dri dang ro med pas sna dang lce'i rnam par shes pa med do/ /rnam par shes pa'i tshogs gzhan med pa'i phyir zhes bya ba ni/ mig ces bya ba la sogs pa'i rnam par shes pa med pa'i phyir ro/ /de med na rtog pa dang dpyod pa med do/ de dag ni rtag tu rtog pa dang dpyod pa dang bcas pa'i phyir ro//gal te bsam gtan gnyis pa la sogs pa dag na zhes bya ba rgyas par 'byung ba la/ bsam gtan gnyis pa la sogs pa dag na gzugs dang sgra dang reg bya'i skye mched rnams dmigs pa dang / rnam par rig byed kun nas slong bar byed pa'i sems yod do zhe na/de nyid kyi phyir de dag tu skyes pa rnams la zhes bya ba la sogs pa smos so/ /rang gi sa pa yang ma yin no zhes bya ba la/ 'o na ci zhe na/ de dag gi bsam gtan dang po'i sa pa mngon du byed do//sprul pa'i sems bzhin du zhes bya ba ni/ ji ltar sa gong mar skyes pa sa 'og ma'i sprul pa sprul par 'dod pa dag sa 'og ma'i sprul pa'i sems mngon du byed pa de bzhin du bsam gtan gnyis pa la sogs par skyes pa gzugs dang sgra dang reg bya la dmigs par 'dod cing /rnam par rig byed kun nas slong bar 'dod pa dag bsam gtan dang po'i sa pa'i mig gi rnam par shes pa la sogs pa dang / rnam par rig byed kun nas slong bar byed pa mngon du byed do/ /dag pa pa la sogs pa zhes bya ba la sogs pa zhes bya ba'i sgras ni zag pa med pa dang nyon mongs pa can bsdu'o//sa 'og ma las 'dod chags dang bral ba'am zhes bya ba ni/ dper na 'dod pa'i khams las 'dod chags dang bral ba las bsam gtan dang po nas ci yang med pa'i skye mched las 'dod chags dang bral ba las srid pa'i rtse mo'i bar ci rigs par nges par 'byed pa'i cha dang mthun pa ma gtogs par dag pa pa rnam pa gsum thob pa lta bu'o//sa 'og mar skyes pa las zhes bya ba ni dper na srid pa'i rtse mo nas 'chi 'pho zhing ci yang med pa'i skye mched du skye ba nas/bsam gtan dang por skye ba na thob pa'i bar lta bu'o/ /de bzhin du ci yang med pa'i skye mched la sogs pa dag nas 'chi 'pho bas 'og mar skye ba la yang brjod par bya'o/ /srid pa'i rtse mo ma gtogs pa zhes bya ba ni/ de ni sa 'og ma las 'dod chags dang bral ba kho na las thob kyi/sa 'og mar skyes pa las ni ma yin te/ de yan chad gnas gzhan med pa'i phyir ro/ /bsam gtan dang gzugs med pa'i dngos gzhi la bsam nas de skad du bshad kyi/ nyer bsdogs ni de dang mi ldan pa 'dod chags dang bral bas kyang sbyor ba las 'thob bo//de dang mi ldan zhes ci'i phyir brjod/ 'dod chags dang bral/ skye ba las ni zhes bya ba 'di tsam gyis ci mchog /gang las na de dang mi ldan zhes khyad par du byed par 'gyur zhe na/ gang gi phyir dag pa pa dang ldan pa yang sbyor ba las bsam gtan nam gzugs med pa'i dngos gzhi dag pa pa nges par 'byed pa'i cha dang mthun pa thob cing /yongs su nyams pa las nyams pa'i cha dang mthun pa 'thob pa'i phyir ro/ /de nyid kyi phyir zhes bya ba ni gang gi phyir yongs su nyams pa las nyams pa'i cha dang mthun pa 'thob pas so//de bzhin du yongs su nyams pa dang skye bas zhes bya ba la/ ji ltar zhe na/ dag pa pa yongs su nyams pas 'thob par 'gyur la/ yongs su nyams pas 'dor bar 'gyur ba yod dam/ bsam gtan dag pa pa skye bas 'thob la/ skye bas 'dor ba yod dam zhe na zhe'o/ /tshangs pa'i 'jig rten las 'dod chags dang bral bas 'dor ro zhes bya ba ni gang gi phyir tshangs pa'i 'jig rten las 'dod chags dang bral bas nyams pa'i cha dang mthun pa'i bsam gtan dang po nyon mongs pa dang mthun pa'i phyir/de'i sa pa'i nyon mongs pa bzhin du 'dor ba'i phyir ro/ /re zhig dri ba dang po'i lan ni de lta'o/ /tshangs pa'i 'jig rten las 'dod chags dang bral ba las 'thob pa zhes bya ba ni/ gal te tshangs pa'i 'jig rten 'dod chags dang bral ba las yongs su nyams na yang nyams pa'i cha dang mthun pa de de'i sa pa'i nyon mongs pa bzhin du 'thob bo//'dod pa las 'dod chags dang bral ba las 'dor ro zhes bya ba ni/ /gang gi tshe 'dod pa las 'dod chags dang bral ba las yongs su nyams pa de'i tshe dag pa pa 'dor ro zhes bya ba'o//de bzhin du bsam gtan gnyis pa la sogs pa rnams kyang ci rigs par brjod par bya'o/ /zag pa med pa ni bsam gtan nam gzugs med pa las 'dod chags dang bral bas ste/ de dang mi ldan pa las ldan pa 'thob bo/ /de dang ldan pa ni zad pa shes pa las mi slob pa 'thob la/dbang po 'pho ba las kyang dad pas mos pa zag pa med pa dang ldan pa kho na mthong bas thob par gyur nas/ sngar ma thob pa thob po/ /de bzhin du dus kyi rnam par grol ba yang mi g.yo ba rtogs pa na mi slob pa 'thob po//nges par 'jug pa las zhes bya ba rgyas par 'byung ste/ 'dod chags dang bral ba sngon du 'gro bas kyang nges par 'jug pa na dang po nyid du zag pa med pa 'thob pa ma yin nam zhe na/ mthar gyis mi thob pa'i phyir gdon mi za ba ma yin te zhes bya ba ni mthar gyis pa ni mi lcogs pa med pa la brten nas nges pa la 'jug pas des bsam gtan gyi dngos gzhi zag pa med pa mi 'thob po//'phags pas gdon mi za bar 'thob pa dang / ji ltar gdon mi za bar thob pa nyid de ltar bshad do/ /nyon mongs can rnams nyams skye yis//zhes bya ba ni nyon mongs pa can gyi bsam gtan dang po de las 'dod chags dang bral ba las btang ba ni yang de las 'dod chags dang bral ba las yongs su nyams pa las 'thob po/ /bsam gtan gnyis pa la sogs pa nas bsam gtan dang por skye na nyon mongs pa can gyi dang po 'thob ste/de bzhin du gzhan la yang ci rigs par brjod par bya'o/ /nyon mongs pa can gyi srid pa'i rtse mo ni/ de las 'dod chags dang bral ba las yongs su nyams pa kho na las 'thob kyi/ / skye ba las ni ma yin no bsam gtan gnyis pa dang gsum pa'i sa pa'i zhes bya ba ni dag pa pa dang zag pa med par zhes bya bar sbyar ro/ /zag pa med pa las nyon mongs pa can mi 'byung ste/ shin tu mi mthun pa'i phyir ro/ /thod rgal gyi snyoms par 'jug pa gcig rgal ba yin pas gsum pa'i gong ma ni mi skye'o//bsam gtan dang gzugs med pa gzhan gyi mjug thogs su yang rdzas bcu sbyar bar bya'o zhes bya ba ni bsam gtan gsum pa dang bzhi pa'i mjug thogs dang / nam mkha' mtha' yas skye mched kyi mjug thogs su'o//de'i rten dang dmigs pa 'og ma yin pa'i phyir zhes bya ni chos shes pa 'dod pa'i khams la brten pa'i phyir dang / 'dod pa'i khams la dmigs pa'i phyir chos shes pa'i mjug thogs su gzugs med par snyoms par mi 'jug go/ /rang gi sa pa'i nyon mongs kyang //zhes bya ba ni/ bsam gtan dang po dag pa pa'i mjug thogs su bdun skye ste/ rang gi sa pa gsum po zag pa med pa dang / dag pa pa dang / nyon mongs pa can dang / bsam gtan gnyis pa dang gsum pa'i sa pa dag pa pa dang / zag pa med pa dag go/ /de ltar na ci yang med pa'i skye mched kyi mjug thogs su ni brgyad do/ /bsam gtan gnyis pa'i mjug thogs su ni dgu'o/ /rnam shes mtha' yas skye mched kyi mjug thogs su ni bcu'o/ /de bzhin du bsam gtan dang gzugs med pa gzhan gyi mjug thogs su ni bcu gcig go//zag pa med pa'i mjug thogs su ni nyon mongs pa can skye ba med do zhes bya ba ni nyon mongs pa 'jug pa dang shin tu 'gal ba'i phyir ro/ /gzhan yang dag pa pa yang thams cad kyi mjug thogs su ni skye na/ zag pa med pa la lta ci smos te/de skad du yang / dag pa rnam pa bzhi zhes 'chad do/ /rang gi sa pa'i dag pa pa dang nyon mongs pa can dag ces bya ba ni/ rang gi sa pa'i zag pa med pa ma yin la/ sa gong ma pa'i dag pa pa 'am/ zag pa med pa 'am/ nyon mongs pa can yang ma yin pa'o//sa 'og ma pa ni dag pa pa gcig pu yin gyi/ nyon mongs pa can ma yin la/ zag pa med pa yang ma yin no/ /nyon mongs pas gzir ba ni zhes bya ba ni nyon mongs pas zil gyis mnan pa'o/ /dge ba las 'phos pa yin gyi zhes bya ba ni sdig pa la sdig par byed pa lta na de de'i yang dag pa'i lta ba yin pas de ni dge ba kho na yin gyi nyon mongs pa can ni ma yin no//bsams nas zhes bya ba rgyas par 'byung ba ni/ ji ltar gal te 'di snyam du bdag gis nam phyed kyi tshe sad par bya'o snyam du blo bskyed nas nyal na/rgyun sngon gyi bsam pa'i rjes su 'jug pa'i phyir dus de kho nar sad par 'gyur ba de dang 'dra'o/ /zag pa med pa ni nyon mongs pa can gyi mjug thogs su rnam pa thams cad du mi skye'o zhes bya ba ni rang gi sa pa yang mi skye la/ sa 'og ma pa yang mi skye'o zhes bya ba'i tha tshig go//snyoms par 'jug pa'i dus kyi phyir de skad du bshad kyi zhes bya ba ni dag pa dang nyon mongs pa can gyi mjug thogs su rang gi sa pa'i nyon mongs pa can kho na skye'i gzhan gyi sa pa ni ma yin no zhes bya ba yin no/ / ji skad du zhe na/ dag pa las de bzhin/ rang gi sa pa'i nyon mongs kyang / /nyon mongs can las rang dag dang / /nyon mongs zhes de skad du'o/ /'chi 'pho ba'i tshe na zhes bya ba rgyas par 'byung ba la/ 'chi 'pho ba'i tshe zhes bya ba ni 'chi ba'i srid pa'i gnas skabs yin la/de yang mnyam par gzhag pa yin pas de skye ba'i bsam gtan dag pa pa srid pa yod do/ /bsam gtan dag tu skyes pa'i skye bas thob pa'i dge ba mnyam par gzhag pa gang yin pa de yang dag par zhes bya'o/ /de'i mjug thogs su rang dang gong ma dang 'og ma'i sa pa nying mtshams sbyor ba'i sems nyon mongs pa can skye ste/dge ba'i sems kyis 'chi 'pho na 'gar yang nying mtshams sbyor ba la gnod pa med pa'i phyir ro/ /nyon mongs pa can las zhes bya ba la sogs pa ni/ sa 'og ma nyon mongs pa can skye'i/sa gong ma pa ni ma yin te/ rang gi sa las 'dod chags dang ma bral ba'i phyir ro/ /srid pa'i rtse mo ni rnam pa gsum yin te/ khyad par gyi cha dang mthun pa ma gtogs so zhes bya ba la/ srid pa'i rtse mo na ni mthong ba'i lam dang mthun pa'i nges par 'byed pa'i cha dang mthun pa ma gtogs pa/zag pa med pa dang mthun pa'i nges par 'byed pa'i cha dang mthun pa yod kyi/ khyad par gyi cha dang mthun pa ni ma yin te/ gong nas gzhan med pa'i phyir ro/ /nyams pa'i cha dang mthun pa ni nyon mongs pa skye ba dang / rjes su mthun pa'o zhes bya ba ni/ de las nyon mongs pa can gdon mi za bar skye ba ni ma yin pa ste/ de bzhin du gzhan la yang ci rigs par brjod par bya'o/ /nges par 'byed pa'i cha dang mthun pa'i mjug thogs su ni gcig ste/ de gcig pu skye'o zhes bya ba ni nges par 'byed pa'i cha dang mthun pa kho na'o//gzhan dag na re khyad par gyi cha dang mthun pa yang skye'o zhes zer ro/ /zag pa med pa las ldang ba'i tshe dag pa pa gang mngon sum du byed ce na/ nyams pa'i cha dang mthun pa ma gtogs pa rnam pa gsum ka yang ngo / / 'brel pa dang zhes bya ba ni go rims bzhin du'o zhes bya ba ni lugs dang mthun pa'i go rims bzhin dang / lugs dang mi mthun pa'i go rims bzhin du'o/ /nyon mongs pa med pa'i phyir dang / ting nge 'dzin la dbang ba'i phyir ro zhes bya ba ni/ nyon mongs pa med pa ni dgra bcom pa yin pa'i phyir ro//ting nge 'dzin la dbang ba ni dus dang mi sbyor bar rnam par grol ba yin pa'i phyir ro/ /de bzhin du lhag ma rnams kyang rang gi sa dang sa 'og mar zhes bya ba ni ci yang med pa'i skye mched zag pa dang bcas pa ni srid pa'i rtse mo ma gtogs pa brgyad la brten to//zag pa med pa ni sa dgu la brten to/ /rnam shes mtha' yas skye mched zag pa dang bcas pa dang / zag pa med pa ni go rims bzhin du sa bdun dang brgyad la brten pa nas bsam gtan dang po zag pa dang bcas pa dang zag pa med pa 'dod pa dang /bsam gtan dang po la brten pa'i bar yin no/ /cung zad kyang dgos pa mi byed de zhes bya ba ni cung zad kyang dgos pa mi bsgrub zhes bya ba'i don to/ /ci'i phyir zhe na dman pa'i phyir ro/ /srid rtser 'phags pa'i ci yang med/ /ces bya ba la 'phags pa ni zag pa med pa ste/srid pa'i rtse mor zag pa med pa'i ci yang med pa'i skye mched mngon sum du byas shing / mngon sum du gyur pa las de'i zag pa spong bar 'gyur ro/ /ni zhes bya ba'i sgras ni dmigs kyis bsal ba'i don ston par byed pa'o/ / rang gi med pa'i phyir dang de yang nye ba'i phyir ro zhes bya ba ni/ zag pa med pa'i lam med par dgra bcom pa nyid 'thob pa med la/ srid pa'i rtse mo pa'i zag pa med pa yang med pas der skyes pas dgra bcom pa nyid 'thob pa gang yin pa des lam 'og ma mngon sum du byed pa las nyes pa med do//de la ci yang med pa'i skye mched kyi sa pa kho na mngon sum du byed kyi/ gzhan ni ma yin te/ de thag nye ba'i phyir te/ goms par byas pa'i phyir ro zhes bya ba'i tha tshig go/ /srid pa smos pas ni zag pa dang bcas pa'i dngos po gzung ngo zhes bya ba ni/mdo las srid pa ni chos gang dag yin zhe na/ zag pa dang bcas pa'i chos rnams so zhes 'byung ba'i phyir ro/ /sa rnams ni sred pas yongs su bcad pa'i phyir ro zhes bya ba ni/ sred pa ni rang gi sa'i dmigs pa la nges pa'i phyir ro//de gnyis kyis yongs su gcod de/ dper na gang la 'dod pa'i sred pa rgyas par 'gyur ba de ni 'dod pa'i khams so zhes bya ba la sogs pa lta bu'o/ /dge ba nyid du thal bar 'gyur ba'i phyir zag pa med pa la yang ma yin no zhes bya ba la/zag pa med pa la dmigs pa ni sred pa yin par mi rigs te/ 'dod chags min te spang bya'i phyir/ /zhes 'byung ba'i phyir ro/ /de don du gnyer ba de ni dge ba'i chos la 'dun pa yin gyi sred pa ni ma yin no/ /gzugs med dngos gzhi'i dge rnams kyi//spyod yul zag bcas 'og ma yin/ /zhes bya ba la/ dngos gzhi zhes smos pa ni nyer bsdogs bsal ba'i phyir te/ nyer bsdogs dag ni sa 'og ma la dmigs pa yin no/ /dge ba smos pa ni ro myang ba dang mtshungs par ldan pa rnam par gcad par bya ba'i phyir te/dge ba dang zag pa med pa bsdu'o/ /zag bcas smos pa ni zag pa med pa la dmigs pa yin no/ /sa 'og ma pa'i zag pa dang bcas pa'i dngos po ma yin te zhes bya ba ni/ sa 'og ma rab tu ma zhi ba yin pa'i phyir dang /de dag shin tu rab tu zhi ba yin pa'i phyir te/ de nyid kyi phyir rnam pa thams cad du yang dag par 'das pa zhes bshad kyi/ bsam gtan dag la ni ma yin te/ bsam gtan dag ni dmigs pa las 'da' ba med pas/ kun du lta ba yin pa'i phyir ro//dmigs pa zag pa med pa ni rang gi sa dang sa gong ma pa 'ba' zhig tu ma zad kyi sa 'og ma pa yang yin no/ /de yang chos dang rjes su shes pa'i phyogs dang mthun pa rnam pa gnyis yin pas de'i phyir rjes su shes pa'i phyogs dang mthun pa thams cad ces bya ba smos so//chos shes pa'i phyogs dang mthun pa yang ma yin la zhes bya ba ni/ rang gi gnyen po la dmigs pa'i phyir rjes su shes pa'i phyogs dang mthun pa'i lam kho na de dag gi dmigs pa yin gyi/ chos shes pa'i phyogs dang mthun pa ni ma yin no//chos shes pa'i phyogs dang mthun pa yang 'ga' zhig gnyen po ma yin nam zhe na/ yin mod kyi thams cad kyi ni ma yin no/ /dmigs pa zag pa med pa ni zhes khyad par med par smos pas sa 'og ma'i 'gog pa la yang thal bar 'gyur bas de'i phyir sa 'og ma'i 'gog pa yang ma yin no zhes bya ba smos te/dgag bya'i sgo nas de la dmigs pa'i phyir ro/ /dngos gzhi bkag pas nyer bsdogs kyi bar chad med pa'i lam rnams kyi zhes bya ba rgyas par 'byung ba la/ nyer bsdogs dag ni bar chad med pa'i lam gang dag yin pa de dag gi dmigs pa ni sa 'og ma yin no//de la nam mkha' mtha' yas skye mched kyi nyer bsdogs kyi bar chad med pa'i lam rnams kyi dmigs pa bsam gtan bzhi pa yin la/ srid pa'i rtse mo'i nyer bsdogs kyi bar chad med pa'i lam rnams kyi ni ci yang med pa'i skye mched yin pa'i bar du'o//rnam pa gsum po 'di dag las zhes bya ba ni/ bsam gtan dang gzugs med pa pa dang zag pa med pa dang / nyon mongs pa can dag la zag pa med pa gang zhig srid pa des nyon mongs pa rnams ci rigs par spong ngo //zag pa med pa gang gis she na/ dngos gzhis te/ nyer bsdogs dag pas kyang zhes dmigs kyis bsal ba 'chad par 'gyur ba'i phyir ro/ /dag pa pas kyang mi spang na nyon mongs pa can gyi lta smos kyang ci dgos zhes bya ba ni/rang nyid dri ma can yin pa'i phyir ro/ /'dod chags dang bral ba'i phyir 'og ma yang ma yin la zhes bya ba la/ bsam gtan dang gzugs med pa'i dngos gzhi dag pa pas sa 'og ma pa'i nyon mongs pa rnams mi spong ste/ de las 'dod chags dang bral ba'i phyir ro/ /'og ma las 'dod chags dang ma bral ba ni bsam gtan gyi dngos gzhi la mi 'jug go/ /de nyid de'i gnyen po ma yin pa nyid kyi phyir rang gi sa na yod pa ma yin no zhes bya ba la/ de nyid de'i gnyen po yin par ni mi rigs te/srog thams cad la nyon mongs pa med par thal bar 'gyur ba'i phyir dang / de'i nyon mongs pa dag gis gcig tu 'ching ba'i phyir ro/ /ji ltar zhe na/ de'i sa pa'i nyon mongs pa rnams de las rgyas par 'gyur ba'i phyir ro/ /nyon mongs pa gang zhig dngos po gang la rgyas par 'gyur ba des ni dngos po de gzhom par mi nus te/dper na 'dod chags la sogs pa'i nyon mongs pa de nyid bzhin no/ /ches khyad par du 'phags pa'i phyir gong ma yang ma yin no zhes bya ba la/ dman pas khyad par du 'phags pa spong bar mi rigs te/de lta ma yin na 'dod pa'i khams kyis kyang bsam gtan dang po spong ba thal bar 'gyur ro/ /sa 'og ma'i gnyen po yin pa'i phyir ro zhes bya ba ni/ des sa 'og ma las 'dod chags dang bral bar 'gyur bas na sa 'og ma'i gnyen po'o//gang gis de la 'jug pa zhes bya ba ni nyer bsdogs gang gis bsam gtan dang gzugs med pa'i dngos gzhi de dag la 'jug pa ste/ mngon sum du byed ces bya ba'i tha tshig go/ /ci de dag kyang rnam pa gsum yin la zhes bya ba ni/ dag pa dang zag pa med pa dang / nyon mongs pa can no/ /de dag la tshor ba yang de dang 'dra bar yod dam zhes bya ba ni dngos gzhi dang 'dra bar bsam gtan dang po dang gnyis pa'i nyer bsdogs na dga' ba/ bsam gtan gsum pa'i nyer bsdogs na bde ba/ bsam gtan bzhi pa'i nyer bsdogs na btang snyoms yod dam zhes bya ba'o/ /'bad de drang bar bya ba'i phyir btang snyoms kyi dbang po dang ldan pa yin te/ mngon par 'du bya ba med par 'byung ba'i lam yin pa'i phyir ro myang ba dang mtshungs par ldan pa yin gyi 'bad de drang bar bya ba ni ma yin no//sa 'og ma las yid byung ba dang ma bral ba'i phyir yang dga' ba dang bde ba dag med pas btang snyoms dang mtshungs par ldan pa yin no/ /'dod chags dang bral ba'i lam yin pa'i phyir ro myang ba dang mtshungs par ldan pa ma yin/ ro myang ba dang mtshungs par ldan pa ni 'dod chags dang bral ba'i lam nyid du mi rung ngo //sred pa dang bcas pas ni nyon mongs pa spong bar byed nus pa ma yin no/ /dang po 'phags pa'ang zhes bya ba la/ des ni rang gi sa las kyang yid byung ba dang ldan pas sa 'og ma'i gnyen po yin pa'i phyir zag pa med pa yin no//'o na bye brag tu bshad pa las nyer bsdogs kyis mtshams sbyor ba'i sems dang / 'chi 'pho ba'i sems su 'gyur ro zhes gang bshad pa de ji ltar nyon mongs pa can ma yin pa'i sems la mtshams sbyor ba med pas nyer bsdogs rnams ro myang ba dang mtshungs par ldan par thal bar 'gyur ro zhe na/de ni de ltar ma yin te/ de rnams la ni mnyam par gzhag pa la nyon mongs pa bkag gi /skye ba la nyon mongs pa ni ma yin no/ /de nyid bstan pa'i phyir nyer bsdogs kyi sems zhes bya ba rgyas par smos so/ /kha cig gsum zhes bya ba ni mtshams sbyor ba'i sems yod pa'i phyir dang /ro myang ba'i ting nge 'dzin yod pa'i phyir ro/ /don tha dad pa yin te zhes bya ba rgyas par 'byung ba la nyer bsdogs rnams ni dngos gzhi la 'jug pa'i rgyu yin pa'i phyir ro/ /khyad par med pa'i phyir ro zhes bya ba ni/ ji ltar bsam gtan dang po na la la na rtog pa dang dpyod pa yod la/la la na dpyod pa kho na yod pa de ltar gnyis pa la sogs pa dag la ma yin pas der bsam gtan khyad par can ma brjod do/ /de bde min sdug min zhes bya ba la/ de na rnam par shes pa'i tshogs gsum med pa'i phyir bde ba med la/zhi gnas dman pa nyid kyi mngon par 'du bya ba dang bcas pas drang ba yin pa'i phyir dga' ba med do/ /de nyid kyi phyir lam dka' ba yin te/ mngon par 'du bya ba dang bcas pas drang bar bya ba yin pa'i phyir ro/ /rtog pa tsam zhig bkag pa'i phyir zhes bya ba ni/rtog med bsam gtan khyad par can/ /zhes smos pa'i phyir ro/ /de la dmigs pa'i ting nge 'dzin ni mtshan ma med pa'i ting nge 'dzin yin te zhes bya ba ni mtshan ma med pa las byung ba ni mtshan ma med pa'o/ /yul lnga zhes bya ba ni yul rnams shin tu 'phrog par byed pa nyid yin pa de ltar dbang po rnams ma yin pas yul smos so//'dus byas kyi mtshan nyid gsum zhes bya ba ni skye ba dang rga ba dang mi rtag pa nyid do/ /gzhan dag na re mtshan ma'i sgra ni rgyu'i rnam grangs te 'di las yul chos mtshan ma med cing rgyu med pa yod pas na mtshan ma med pa'o zhes zer ro//gzhan dag na re dus kyi mtshan ma dang bral ba'i phyir na/ mya ngan las 'das pa mtshan ma med pa yin la de'i yul can gyi ting nge 'dzin ni mtshan ma med pa'o zhes zer ro/ /stong nyid bdag med stong nyid du/ /zhes bya ba ni/ gang gi phyir ting nge 'dzin bdag med pa dang / stong pa'i rnam pa can yin pa de nyid kyi phyir 'jig tshogs la lta ba'i gnyen po nye ba yin te/ 'jig tshogs la lta ba yang rnam pa gnyis pa yin pa'i phyir ro/ /'di ltar bdag med pa'i rnam pa ni bdag tu lta ba'i gnyen po yin la/ stong pa'i rnam pa ni bdag gir lta ba'i gnyen po yin no//bde ba'i rnam pa lhag ma dag dang mtshungs par ldan pa'i zhes bya ba ni stong pa dang bdag med pa'i rnam pa dag dang / 'gog pa'i rnam pa rnams las gzhan pa bden pa'i rnam pa gang yin pa de dag dang mtshungs par ldan pa'i ting nge 'dzin to/ /rnam pa bcu pa yin no zhes bya ba ni mi rtag pa dang sdug bsngal gyi rnam pa ste gnyis dang /kun 'byung dang lam re re la rnam pa bzhi bzhi'o/ /mi rtag pa dang sdug bsngal ba dang de'i rgyu dag gis yid byung ba'i phyir dang zhes bya ba ni mi rtag pa dang sdug bsngal ba dang / de'i rgyu kun 'byung ni/mi rtag pa dang sdug bsngal ba dang de'i rgyu dag ste/ de dag gis yid byung ba'i phyir ro/ /mi rtag pa dang sdug bsngal ba'i rnam pa dag gis sdug bsngal ba la yid byung la/ rgyu dang / kun 'byung ba dang / rab tu skye ba dang / rkyen gyi rnam pa dag gis kun 'byung ba las yid byung ba'o//gzings lta bur zhes bya ba ni 'di la gzings dang 'dra ba yod pas na de ni gzings lta bu'o/ /de'i dngos po ni gzings lta bu nyid de/ 'khor ba'i rgya mtsho las rgal ba dang 'brel pas na/ lam ni gzings lta bu'o/ /ji ltar 'di la gzings dang 'dra ba yod pa ste ston pa ni dor bar byas pa yin pa nyid kyi phyir zhes bya ba ste/dper na gzings la bstan nas chu bo rgal ba ni de la gnas pa ma yin zhing don byas zin te gzings 'dor ba de dang 'dra'o/ /de dag las 'da' bar mngon du phyogs pa'i phyir ro zhes bya ba ni/sdug bsngal dang kun 'byung ba dang / lam rnams las 'da' bar mngon du phyogs pa ni de dag las 'da' bar mngon du phyogs pa'o/ /de'i dngos po ni de las 'da' bar mngon du phyogs pa nyid de/ de'i phyir ro/ /'di skad bshad par 'gyur te/ gang gi phyir mi rtag pa la sogs pa'i rnam pa can gyi ting nge 'dzin ni sdug bsngal la sogs pa'i bden pa la mngon par mi dga' zhing de dag las 'da' bar mngon du phyogs pa ste/de'i phyir smon pa med pa zhes bya'o/ /mya ngan las 'das pa dang 'dra ba'i phyir zhes bya ba la/ sdug bsngal gyi bden pa stong pa dang /bdag med pa'i rnam pa dag gis 'dzin mod kyi/ sdug bsngal gyi bden pa de la yid byung ba ni ma yin no/ /ci'i phyir zhe na/ mya ngan las 'das pa dang 'dra ba'i phyir ro/ /stong pa dang bdag med pa dag med pa ni mya ngan las 'das pa'i yang mtshan nyid yin te/chos thams cad kyi spyi'i mtshan nyid yin pa'i phyir ro/ /mya ngan las 'das pa stong pa dang bdag med par gzung bzhin pa las ni yid byung ba yang ma yin te/ de'i phyir smon pa med pa'i ting nge 'dzin ni de dag gi rnam pa can ma yin no/ /dag dang dri ma med ces bya ba la/dag pa pa ni nges par 'byed pa'i cha dang mthun pa'i gnas skabs so/ /dri ma med pa ni mthong ba'i lam gyi gnas skabs so/ /'jig rten pa rnams ni sa bcu gcig na yod do zhes bya ba ni 'dod pa'i khams dang mi lcogs pa med pa dang / bsam gtan khyad par can dang /bsam gtan dang gzugs med pa'i dngos gzhi brgyad na'o/ /'jig rten las 'das pa rnams ni gang na lam yod pa na yod do zhes bya ba ni 'dod pa'i khams dang srid pa'i rtse mo ma gtogs pa sa gzhan dgu na'o/ /de dag dri med rnam thar sgo gsum mo/ / zhes bya ba ni rnam par thar pa'i sgo ni zag pa dang bcas pa nyid du mi 'thad pa'i phyir ro/ /rnam par thar pa'i sgo yang yin la/ zag pa dang bcas pa yang yin no zhes bya ba ni mi 'thad de/ de nyid kyi phyir rnam par thar pa'i sgo yin pa'i phyir zhes bya ba smos so/ /'di dag gi rnam par thar pa 'jug pas na de dag rnam par thar pa'i sgo yin no//sgo mo dang 'dra ba ni sgo ste/ thar pa thob pa'i rgyu la thar pa'i sgo bshad do/ /gang zhig gang gi gtso bo'i sgo mo yin pa de ni de'i sgo zhes bya'o/ /stong pa nyid la dmigs pa'i phyir stong pa nyid stong pa nyid ces bya ba ste/ de bzhin du gzhan gnyis la yang brjod par bya'o//mi slob pa'i zhes rgyas par 'byung ngo / /stong pa nyid kyis ni nye bar len pa'i phung po rnams stong pa nyid du yid la byed la/ stong pa nyid stong pa nyid kyis ni de'i rjes la skyes pa'i dge ba'i rtsa ba yin pa'i sgo nas stong pa nyid khyod kyang stong ngo zhes mi slob pa de nyid yid la byed de/ji ltar 'ga' zhig gis shing gi ro mer bcug nas de tshig pa dang / shing de yang 'jug pa de bzhin du stong pa nyid kyis nyon mongs pa bsregs nas stong pa nyid de yang stong pa nyid kyis sun 'byin par byed do/ /de ni stong pa nyid kyi rnam par zhugs pa'i stong pa nyid kyi rjes la bskyed par bya ba yin gyi/bdag med pa'i rnam par zhugs pa'i rjes la ni ma yin te/ de ni de skyo ba dang mthun pa'i phyir ro/ /ji ltar stong pa mthong ba bzhin du bdag med pa mthong ba ni skyo bar byed pa yin no/ /srid pa bdag med par mthong ba dag la yang mngon par dag pa yod de/ 'khor ba stong par mthong ba med pa'i phyir ro//de nyid kyi phyir ting nge 'dzin 'di ni rnam pa gnyis dang ldan pa yin yang stong pa nyid ces bya'i/ bdag med pa nyid ces ni mi bya ste/ stong pa nyid kyi rnam pa ni ches shin tu rnam par dben pa'i rgyu yin pa'i phyir te/ dper na gcig pu lam du zhugs pa lam stong pa mthong bas skyo nas myur du 'gro ba de dang 'dra'o//smon pa med pas kyang nye bar len pa'i phung po rnams mi rtag par yid la byed la de'i rjes la skyes pa'i smon pa med pa smon pa med pa ni mi slob pa de mi rtag par yid la byed do/ /sdug bsngal bar yang ma yin la rgyu la sogs par yang ma yin te zhes bya ba la sogs pa zhes bya ba ni kun 'byung ba dang /rab tu skye ba dang / rkyen gyi rnam pa dag tu yang ma yin te/ zag pa med pa ni de'i mtshan nyid ma yin pa'i phyir te/ de ni kun 'byung ba la sogs pa'i mtshan nyid ma yin pa'i phyir zhes bya ba'i tha tshig go//de ni sdug bsngal dang 'brel pa ma yin te/ de ni sdug bsngal 'gog par 'gro ba'i lam yin pa'i phyir ro/ /lam gyi rnam pa rnams su yang ma yin te/ de ni de sun 'byin pa'i rnam par zhugs pas lam la sdang ba yin pa'i phyir ro/ /'di ni mi rtag pa'i rnam pa lam la sdang ste/de'i phyir lam dang rigs pa la sogs pa'i rnam pa can ma yin no/ /mtshan ma med pa mtshan ma med pa'i ting nge 'dzin ni mi slob pa'i mtshan ma med pa so sor ma brtags pas 'gog pa la zhi ba'i rnam par dmigs so/ /ji ltar 'di'i so sor ma brtags pas 'gog pa yin zhe na/mi slob pa'i mtshan ma med pa'i ting nge 'dzin las langs pa la de'i rjes la zag pa dang bcas pa'i skad cig ma 'da' ba gang dag yin pa ste/ gal te de dag byung bar ma gyur na/ mi slob pa'i mtshan ma med pa'i skad cig ma rnams 'byung bar 'gyur ro//mi slob pa'i mtshan ma med pa'i skad cig ma de dag rkyen ma tshang bas so sor ma brtags pas 'gog pas 'gog par 'gyur te/ /so sor ma brtags pas 'gog pa la zhi ba'i rnam par dmigs so/ /'jug pa chad pa'i mtshan nyid can yin pa'i phyir zhi ba'i rnam pa kho na yin no//zag pa med pa la so sor brtags pas 'gog pa med pa'i phyir so sor ma brtags pas 'gog pa kho na la dmigs so/ /yang ci'i phyir zag pa med pa la so sor brtags pas 'gog pa med ce na/ mi mthun pa med pa'i phyir te/ gang zhig 'phags pa rnams dang mi mthun pa de gtan bral bar bya ba'i phyir bsgrims te/zag pa dang bcas pa'i chos rnams dang bral ba gang yin pa de ni so sor brtags pas 'gog pa zhes sngar mdzod kyi gnas dang por bshad zin to/ /'gog pa dang gya nom pa dang nges par 'byung ba'i rnam par ni ma yin te zhes bya ba la mi rtag pa pa nyid kyi 'gog pa dang thun mong yin pa nyid kyi phyir 'gog pa'i rnam par ma yin no//de lta ma yin na ni mi slob pa'i ting nge 'dzin khyad par can de la dmigs par mi 'gyur ba nyid de/ nye bar len pa'i phung po yang mi rtag pa'i phyir ro/ /lung du ma bstan pa'i phyir gya nom pa'i rnam par ma yin te/gya nom pa ni dge ba dang dri ma med pa'o zhes bshad na/ so sor ma brtags pas 'gog pa ni lung du ma bstan pa yin te/ de'i phyir gya nom pa'i rnam par mi dmigs so/ /bral ba ma yin pa'i phyir nges par 'byung ba'i rnam par ma yin te/ 'di ltar so sor ma brtags pa'i 'gog pas 'khor ba las nges par 'byung ba ma yin pa'i phyir ro//'phags pa'i lam la sdang ba'i phyir/ /zhes bya ba la/ ji ltar sdang zhe na/ stong pa la sogs pa'i rnam pa dag tu de rgyab kyis phyogs pa'i phyir ro/ /re zhig ting nge 'dzin gzhan gnyis ni stong pa dang mi rtag pa'i rnam pa dag tu de la dmigs pa'i phyir 'phags pa'i lam la sdang bar rigs na/gsum pa ni bzhi par 'dus ma byas kyi dngos po la dmigs pa'i phyir ji ltar 'phags pa'i lam la sdang ba nyid du rung zhe na/ mi slob pa'i ting nge 'dzin mi 'jug pa'i rgyu'i chos la bsngags pa'i phyir ro/ /zag pa med pa dag ni de lta ma yin no zhes bya ba ni zag pa med pa'i ting nge 'dzin ni de ltar 'phags pa'i lam la sdang ba ma yin pa'o//mi nang zhes bya ba ni mi dag gi nang du'o/ /der yang sgra mi snyan ma gtogs pa'i gling gsum du'o/ /skyes pa dang bud med kyis skyed par byed de/ skyes pa 'ga' zhig tu ma zad kyi/ bud med dag kyang tshe'i 'du byed 'jog pa dang gtong ba dag la dbang ba yin no//lha dag gi nang du zhes bya ba ni gang gi phyir mi rnams kyi lus ni shin tu gya nom pa yin yang na ba dang rga ba dang 'chi ba la sogs pa'i rten du gyur pas/ nang la sogs pa lta bu yin pas de nyid kyi phyir ci nas kyang rnal 'byor pa de bya ba byas pa'i phyir 'du byed zag pa med par 'jug pa la yang mi mthun par 'du shes par 'gyur bar 'du byed 'jug pa la mi mthun pa'i 'du shes de 'dra ba 'dren pa yin te/de'i phyir mi dag gi nang kho nar skyed kyi lha dag gi nang du ni ma yin te/ lha rnams ni phal cher dge ba'i las kyi rnam par smin pa so sor myong ba nyid kyis lus kha na ma tho ba med pa yin pa'i phyir ro//mi g.yo la zhes bya ba ni/ gang gi phyir slob pa dang / dus kyi rnam par grol ba rnams bya ba lhag ma dang bcas pa'i phyir lam la sdang ba ma yin pa'i phyir ro/ /dgra bcom pa gzhan la ni ma yin no zhes bya ba ni dus kyi rnam par grol ba la ste/de ni 'phags pa'i lam rjes su bsrung ba la brtson pa byas pa nyid yin pas de sun 'byin par mi nus so/ /nyer bsdogs bdun ni ma gtogs so/ /zhes bya ba ni bsam gtan gnyis pa la sogs pa'i nyer bsdogs dag ma gtogs pa ste/ de dag ni zhi ba dang rags pa la sogs pa'i rnam par zhugs pas spyod yul 'og ma dang gong ma la nges pa'i phyir 'phags pa'i lam sun 'byin no/ /yang ting nge 'dzin bsgom pa bzhi ste zhes bya ba la rgyas par 'byung ba ni ting nge 'dzin la sgom pa kun du bsten goms par byas len mang du byas na/ mthong ba'i chos la gnas par 'gyur ba yang yod ces bya ba dang /de bzhin du lha'i rna ba'i mngon par shes pa'i shes pa mthong bar 'gyur ba dang / shes rab rab tu rnam par dbye ba dang / zag pa zad par 'gyur ba'o/ /de dang po yin pa'i phyir gzhan dang gzhan dag kyang zhes bya ba ni gnyis pa la sogs pa dag go/ / 'di ni tshe phyi ma la bde bar gnas par 'gyur ba yang yin te/ 'di skad du dge slong gnas brtan gang zhig dben pa las skyes pa'i dga' ba dang bde ba nyams su myong bar 'gyur ba dang / tshangs ris pa gang dag der skyes pa de gnyis la khyad par ram/ bsam pa 'am/ tha dad du bya ba 'ga' yang med do zhes gsungs pa'i phyir ro//de'i phyir mthong ba'i chos la bde bar gnas pa kho nar ci'i phyir bshad ce na/ de'i phyir tshe phyi ma la bde bar gnas par 'gyur ba ni nges pa med de zhes bya ba smos te/ sangs rgyas la sogs pa thams cad kyi mthong ba'i chos la bde bar gnas pa yin gyi/ thams cad kyi tshe phyi ma la bde bar gnas pa ni nges pa med do//ci'i phyir zhe na/ yongs su nyams pa dang / gong du skye ba dang / yongs su mya ngan las 'das pa rnams la de med pa'i phyir ro/ /de'i phyir mthong ba'i chos la bde bar gnas pa kho na bshad kyi/ tshe phyi ma la bde bar gnas pa ni ma yin no/ /gzhan dag na re mthong ba'i chos la zhen pa rnams 'dod pa'i bde ba la 'dun pa bzlog nas bsam gtan gyi bde ba la sbyar bar bya ba'i phyir te/tshe phyi ma'i bde ba mthong ba'i chos la rag las pa'i phyir ro/ /de skad du yang 'dir sngar snyoms par zhugs pa'i phyis der skye'o zhes gsungs so zer ro/ /yang bsam gtan thams cad mthong ba'i chos la bde bar gnas pa nyid yin bzhin du yang mdo las dang po kho nar bshad ce na/rnal 'byor pa ni 'dod pa'i khams nyes pa mang ba las 'das pa'i phyir de'i bde bas blo lhag par yongs su tshim pa yin te/ 'brog tu yongs su ngal zhing skom pa chu rnyog pa can gyis tshim pa bzhin no/ /'phags pa'i lam thams cad kyi bde ba dmigs pa'i yang phyir te/'dir byang chub kyi phyogs dang mthun pa thams cad dang / yongs su shes pa dgu dang / 'bras bu'i lam dge sbyong gi tshul gyi 'bras bus bsdus pa dang / khams gsum gyi gnyen po rnams kyang yod pas de nyid mthong ba'i chos la bde bar gnas par bshad do/ /mig gi mngon shes mthong 'gyur 'dod/ / ces bya ba la/ 'bras bu la rgyu btags pa yin te/ lha'i mig gi mngon par shes pa ni ting nge 'dzin bsgom pa ma yin gyi/ 'o na ci zhe na/ ting nge 'dzin bsgoms pa'i 'bras bu yin no/ /shes par 'gyur ba dang / mthong bar 'gyur ba zhes bya ste/ de la shes pa ni yid kyi rnam par shes pa dang mtshungs par ldan pa'i shes rab ste/sems can 'di dag ni lus kyi nyes par spyod pa dang ldan pa'o zhes de lta bu la sogs par rnam par rtog pa'i phyir ro/ /mthong ba ni mig gi rnam par shes pa dang mtshungs par ldan pa ste/ rnam par mi rtog pa'i phyir ro/ /sbyor ba las byung blo dbye 'gyur/ zhes bya ba de la de dag ni khams gsum pa 'dod pa na spyod pa'i rnam par rig byed ma yin pa'i tshul khrims nas bzung ste/mi sdug pa dang dbugs rngub pa dang 'byung ba dran pa la sogs pa dang / ci rigs par thos pa dang / bsam pa dang bsgom pa las byung ba dang / zag pa med pa dang / rnam par thar pa'i sgo dang / thod rgal gyi snyoms par 'jug pa dang /zag pa zad pa'i mngon par shes pa la sogs pa ste/ chos 'di rnams kyis shes rab mngon par 'phel bar 'gyur ro/ /sbyor ba las byung zhes bya ba ni skye gnas thob pa la khyad par du gcod pa'o/ /'dir ni ting nge 'dzin dang mtshungs par ldan pa'i phyir sbyor ba las byung ba'i yon tan rnams la ting nge 'dzin sgom pa nye bar btags pa yin no//bsam gtan bzhi pa'i rdo rje lta bu'i ting nge 'dzin rjes su 'brang ba dang mtshungs par ldan pa dang bcas pa gang yin pa de ni zag pa zad par 'gyur ba'i ting nge 'dzin sgom pa zhes bya'o/ /bdag nyid la nye bar gtod pa zhes bya ba la bdag nyid kyi nye bar gtod pa ni bdag nyid la nye bar gtod pa ste/bdag nyid ched du mdzad ces bya ba'i tha tshig go/ /de'i phyir bsam gtan bzhi pa kho na gsungs so zhes bya ba ni/ gang gi phyir sangs rgyas bcom ldan 'das kyis bsam gtan bzhi pa kho na la brten nas bla na med pa yang dag par rdzogs pa'i byang chub mngon du mdzad pa'i phyir ro//sems can tshad med pa la dmigs pa'i phyir ro zhes bya ba de dag gi dmigs pa sems can tshad med pa yin pas so/ /gzhan dag na re bsod nams tshad med pa sgrub par byed pa'i phyir dang / 'bras bu yid du 'ong ba tshad med pa'i phyir tshad med pa dag go zhes zer ro/ /gnod sems la sogs gnyen po'i phyir//zhes bya ba ni/ mdo las byams pa bsten/ goms par byas/ lan mang du byas na gnod sems spong bar 'gyur ro/ /snying rje ni rnam par 'tshe ba spong bar 'gyur/ dga' ba ni mi dga' ba spong bar 'gyur/ btang snyoms ni 'dod pa'i 'dod chags dang gnod sems spong bar 'gyur zhes gsungs te/de'i phyir bzhi kho na yin gyi/ ma tshang ba dang lhag pa ma yin no/ /kha dog gi 'dod chags kyi gnyen po ni mi sdug pa'o zhes bya ba ni rnam par bsngos pa dang / rnam par dmar ba la sogs pa la dmigs pa'i sgo nas rgyab kyis phyogs pa'i phyir ro/ /'khrig pa'i 'dod chags kyi gnyen po ni btang snyoms so zhes bya ba ni/'khrig pa'i 'dod chags ni sems can rnams la sdug pa'i mtshan ma lhag par sgro btags pa sngon du 'gro ba yin pa'i phyir la/ btang snyoms ni sdug pa dang mi sdug pa'i mtshan ma la ma reg par sems can tsam du rtogs pa yin te/ de ltar 'khrig pa'i 'dod chags kyi gnyen po ni btang snyoms yin no//zhes bye brag tu smra ba zer ro/ /'di skad du zhes bya ba rgyas par 'byung ba la/ 'khrig pa'i 'dod chags ni kha dog dang dbyibs dang / bsnyen bkur dang / reg bya'i sgo nas 'byung la/ mi sdug pa yang de sun 'byin pa'i rnam par zhugs pas 'khrig pa'i 'dod chags kyi gnyen por rigs la/btang snyoms ni pha dang ma dang bu la sogs pa mi rtog pa'i phyir dang / sems can tsam du 'dzin pa'i phyir/ de'i 'dod chags kyi gnyen po yin no/ /snying rje yang de dang 'dra'o zhes bya ba ni/ byams pa ltar zhe sdang med pa'i rang bzhin yin no/ /gna' rabs dag na re dga' ba yid bde ba'i rang bzhin yin no zhes zer ro//gzhan dag na re dga' ba ni dga' ba dang lhan cig spyod pa'i rab tu dga' ba 'du byed kyi phung pos bsdus pa yin no zhes zer ro/ /btang snyoms ma chags zhes bya ba 'byung ngo / /ma chags pa'i bdag nyid yin pa'i phyir gnod sems kyi gnyen po nyid du mi rung ngo snyam du sems na/ de ni zhes bya ba smos te/gnod sems ni chags pas drangs pa yin pa'i phyir ro/ /chags pa'i sgo nas byung ba'i gnod sems kyi gnyen po btang snyoms yin pas 'gal ba med do/ /byams pa dang btang snyoms dag gnod sems kyi gnyen po nyid du mtshungs kyang khyad par 'di nyid yin te/ byams pa ni zhe sdang med pa'i rang bzhin yin pa'i phyir gnod sems thams cad kyi gnyen po yin la/btang snyoms ni ma chags pa'i rang bzhin yin pa'i phyir mdza' bas skyed pa'i sdang ba'i gnyen po yin no/ /'di ni gnyi ga'i rang bzhin yin na rung ngo zhes bya ba la/ ci'i phyir zhe na/ 'dod chags dang zhe sdang gi gnyen po yin pa'i phyir ro/ /'dir bar mar gnas pa'i ma chags pa dang zhe sdang med pa'i rang bzhin la btang snyoms kyi sgra brjod kyi/chos gcig chos du ma'i rang bzhin yin pa ni med do/ /'di skad bstan par 'gyur te/ rjes su chags par mi byed la/ khong khro bar mi byed ces bya ba'o/ /gzhan dag na re byams pa ni bsam pa thag pa nas 'byung po thams cad la bdag dang 'dra bar gnas pa'o//snying rje ni gzhan gyi sdug bsngal la mngon par mi dga' ba'o/ /dga' ba ni gzhan gyi phun sum tshogs pa dag gis dga' ba'o/ /btang snyoms ni phan pa dang gnod pa dag la de'i rgyu mtshan dag la mi gtong ba'o/ /bar mar gnas pa yin no zhes bya ba ni phan pa dang gnod pa btang snyoms su 'dor ba'i tshul gyis so//de dang mi ldan pa rnams la zhes bya ba rgyas par 'byung ba la/ de rnams la bde ba de yod pas na de dang ldan pa'o/ /de dang ldan pa ma yin pa ni de dang mi ldan pa ste/ mi ldan pa de rnams la'o/ /gyur cig snyam du sems pa'i phyir ro zhes bya ba ni sems can rnams bde bar shog shig snyam pa ste/sdug bsngal las grol bar gyur cig snyam du bsam pa'i phyir ro/ /yang na bsam pa phyin ci ma log pa'i phyin ci log nyid du mi 'gyur te/ de la bsam pa ni zhe sdang med pa'i bsam pa dge ba'i chos rnams te/ sems can rnams bde bar gyur cig snyam pa'i sems dang sems las byung ba 'khor dang bcas pa'o//bsam pa phyin ci ma log pa'i phyir/ phyin ci log nyid du mi 'gyur ro/ /yang ji ltar bsam pa phyin ci ma log pa nyid yin zhe na/ mos par 'du shes pa'i phyir ro zhes bya ba smos so/ /mos pa'i 'du shes ni mos par 'du shes pa ste/ /gang gi phyir bde'o snyam pa'i mos pa de de kho na ltar 'du shes kyi gzhan du ma yin pa de'i phyir phyin ci log nyid kyi nyes pa med do//gal te mi dge ba nyid yin no zhe na ni zhes bya ba ni de la 'di snyam du phyin ci log yin pa'i phyir dge ba ma yin no snyam na ni'o/ /ma yin te zhes bya ba ni de ni de ltar ma yin te/ gang gi phyir dge ba'i rtsa ba yin pa'i phyir ro/ /ji ltar dge ba'i rtsa ba yin zhe na/dge ba'i rtsa ba nyid la rgyur gnod sems la sogs pa'i gnyen po yin pas zhes bya ba smos te/ 'di ltar sems can rnams bde bar gyur cig snyam du dus gzhan du gnod sems kun du mi 'byung ngo / /de bzhin du gzhan la yang brjod par bya'o/ /gal te de'i dbang gis su yang bde bar mi 'gyur bas/de bsgrub pa'i ngal ba don med ma yin nam zhe na/ don med pa ma yin te/ de'i sgo nas gnod sems la sogs pa'i skyon rnam par gnon pa'i phyir ro/ /de la dmigs pa'i zhes bya ba ni/ 'dod pa'i sems can la dmigs pa ste/ khams gang na dgra bo dang mdza' bo dang bar mar gnas pa dang /sems kyi gnod sems dang chags pa dang mi mthun pa yod pa dang / gang dag la phan pa dang gnod pa dang / btang snyoms srid pa de dag kho na de dag gi yul yin pas tshad med pa rnams gzugs dang gzugs med pa'i yul can med do/ /thugs rje chen po'i yul ni yin no/ / gal te sems can la dmigs pa yin na/ 'o na ji ltar phyogs gcig tu mos nas zhes bya ba 'di gsungs she na/ snod kyis snod la gnas pa bstan pa yin no zhes bya ba 'byung ste/ gnas kyis gnas can bstan zhes bya ba'i don te/ snod dang mtshungs par ro gcig tu byas pa'i sems can de na gnas pa dag la mos pa 'jug par byed ces bya ba'i tha tshig go//dga' ba bsam gtan gnyis na yod/ /ces bya ba ni gang dag gi ltar na de dag bsgom pa las byung ba yin pa dang / dga' ba yid bde ba'i dbang po yin pa de dag gi ltar na/ bsam gtan dang po dang gnyis pa dag na dga' ba yod kyi/ gong na ni ma yin te yid la bde ba'i dbang po med pa'i phyir ro//gzhan ni drug na zhes bya ba ni mnyam par gzhag pa'i phyir 'dod pa'i khams na yod pa ma yin la/ rags pa la sogs pa la nges par dmigs pa'i phyir bsam gtan gzhan gyi nyer bsdogs dag na yod pa ma yin no/ /kha cig lnga zhes bya ba ni mi lcogs pa med pa ma gtogs pa bsam gtan gyi dngos gzhi'i sa pa yin pa'i phyir ro//mnyam par gzhag pa dang mnyam par bzhag pa ma yin pa dang dngos gzhi dang sbyor ba smos pa'i phyir zhes bya ba la/ byams pa la sogs pa 'ga' zhig ni mnyam par bzhag pa'i sa pa yin la/ 'ga' zhig ni mnyam par ma bzhag pa'i sa pa yin zhing / kha cig gi ni dngos gzhi'i gnas skabs na yod la/ kha cig ni sbyor ba'i gnas skabs na yod de/ nyer bsdogs kyi gnas skabs na yod ces bya ba'i tha tshig go/ /de des mnyam par bzhag pa'i sa pa dag ni sa dgu pa ste/ dngos gzhi dang sbyor bas bsdus pa'i phyir ro/ /mnyam par ma bzhag pa dag ni 'dod par gtogs pa'o//ci zhig ce na/ bsam pa las byung ba'i phyir sbyor ba las byung ba dag go/ /bsam gtan dngos gzhi'i sa pa yin pa'i phyir zhes bya ba ni spong ba'i lam dag gis nyon mongs pa spong bar 'gyur na/ dngos gzhi dag pa pas ni nyon mongs pa dag spong ba ma yin pa'i phyir ro/ /'dod chags dang bral ba ni bsam gtan gyi dngos gzhi la 'jug pa yang ma yin te/de'i phyir de dag gi spong ba ma yin no/ /re zhig de ltar gang dag mi lcogs pa med pa ma gtogs pa sa lnga pa dag na yod par smra ba de'i lugs kyis ni de lta'o/ /gang dag gi ltar na drug gam bcu na yod par smra ba de dag gi lugs kyis mos pa yid la byed pa'i phyir zhes bya ba smos te/de kho na yid la byed pas nyon mongs pa spong na/ byams pa la sogs pa dag ni mos pa yid la byed pa yin pas de dag gis nyon mongs pa mi spong ngo / /spong ba'i lam ni sems can da ltar byung ba dmigs pa yang ma yin te/ 'o na ci zhe na/sa 'og ma'i chos dus gsum pa la dmigs pa yin no/ /rags pa la sogs pa'i rnam pa can dang / sdug bsngal la sogs pa'i rnam pa can yin te/ de'i phyir rgyu de dag gis na de dag gi spang ba ma yin no/ /gal te de dag gis nyon mongs pa mi spong na/ ji ltar gnod sems la sogs pa'i gnyen po nyid du bshad ce na/de'i phyir de dag gis sbyor bas zhes bya ba smos so/ /de la byams pa la sogs pa'i khams dang / mi lcogs pa med pa'i sa pa rnams kyis gnod sems la sogs pa'i nyon mongs pa rnam par gnon la/ bsam gtan dngos gzhi'i sa pa rnams kyis nyon mongs pa spangs pa thag sring bar byed do//de nyid bstan pa'i phyir byams pa la sogs pa [(]'dad [,]'dod [)]pa'i khams dang zhes bya ba rgyas par smos so/ /dngos gzhi tshad med pa dang 'dra ba dag ces bya ba ni/ rang bzhin dang dmigs pa dang / rnam pa dang / dus 'dra ba'i phyir ro/ /de dag gis de rnams rnam par mnan nas zhes bya ba ni tshad med pa de dag gis nyon mongs pa de rnams so//spong ba'i lam gyis zhes bya ba ni bar chad med pa'i lam rnams kyis so/ /rab tu spong bar byed do zhes bya ba ni de'i thob pa gcod par byed pa'o/ /rkyen stobs dang ldan pa ni de'i dmigs pa yul rnams so/ /de dag rnyed pa ni de dag mngon sum du gyur pa'o//mi brdzi ba yin no zhes bya ba ni de dag mi skye ba'i phyir ro/ /mdza' bo'i phyogs chen po ni skye ba dang chos dang lus mnyam pa ste/ gang zhig med na gnas par dka' ba'o/ /'bring ni mdza' ba dang zas dang chos dang 'brel pa'o/ /chung ngu ni phan 'dogs pa dang zas dang 'brel pa gang yin pa'o//de bzhin du dgra bo'i phyogs kyang rnam pa gsum ste/ chen po grags pa dang / 'tsho ba dang / yid phebs pa dang rtsa lag 'phrog par byed do/ /'bring ni 'tsho ba'i yo byad 'phrog par byed pa'o/ /chung ngu ni mdza' bshes dang 'khor g.yog gi 'tsho ba'i yo byad 'phrog pa'o/ /tha mal pa'i phyogs kyang rnam pa gsum ste/sngar mthong ba dang / thos pa ma yin pa dang / mthong zhing thos kyang ma 'dris pa dang /[ (]'dis [,]'dris [)]kyang phan 'dogs pa dang gnod pa byed pa dang dang bral ba'o/ /de ltar na rnal 'byor pa las dang po dang 'di/ sems can rnam pa gsum du phye ba dag la sbyor ba byed do/ / gang gi tshe de mdza' ba chen po'i phyogs bzhin du dgra bo'i phyogs chen po la yang bde bar mos pa mi ldog la/ de nas rim gyis 'jig rten thams cad kyi bar du byams pas rgyas par byed do/ /sngon gyi bsod nams dang bsod nams ma yin pa'i 'bras bu snang ba'i sgo nas zhes bya ba ni/ dge ba'i rtsa ba kun du chad pa la yang sngon gyi bsod nams kyi 'bras bu dbang che ba la sogs pa nyid mthong nas de la yon tan bzung bar nus la/de bzhin du rang sangs rgyas la yang sngon gyi bsod nams ma yin pa'i 'bras bu dbang chung ba la sogs pa nyid mthong nas skyon bzung bar nus so/ /snying rje dang dga' ba la yang de bzhin du zhes bya ba la/sdug bsngal las thar kyang ci ma rung snyam du mos shing snying rje la sbyor bar byed do/ /dga' bar gyur kyang ci ma rung snyam du mos shing dga' ba la sbyor bar byed do/ /btang snyoms ni tha mal pa'i phyogs nas rtsom mo/ /tha mal pa'i phyogs ni btang snyoms dang rjes su mthun gyi gzhan gnyis ni ma yin te/sred pa dang khong khro ba dang / de dag gi gnyen po'i rten yin pa'i phyir ro/ /byang gi sgra mi snyan ma gtogs pa mi dag gi nang du skyed kyi/ gzhan du ni ma yin te/ goms pa'i stobs kyis skyed pa'i phyir ro/ /nges gsum ldan zhes bya ba ni bsam gtan gsum pa dang bzhi par skyes pa dang dga' ba dang ldan pa med pa'i phyir thams cad tshad med pa gsum dang ldan pa yin no//rnam par thar pa brgyad ces bya ba ni gzugs can gzugs la lta ba 'di ni rnam par thar pa dang po'o zhes rgyas par mdo las ji skad 'byung ba bzhin no/ /'di gnyis kyi tshul ni mi sdug pa bzhin du rig par bya'o zhes bya ba ni/'dod chags lhag pa'i kha dog gi 'dod chags kyi gnyen po las brtsams nas srid par rgyas par brjod par bya'o/ /grangs bzhin no zhes bya ba ni/ 'dod pa na spyod pa'i kha dog gi gnyen por ni bsam gtan dang po'i sa pa'i rnam par thar pa yin la/ bsam gtan dang po'i kha dog gi 'dod chags kyi gnyen po ni bsam gtan gnyis pa'i sa pa'i rnam par thar pa yin te/rnam par thar pa 'di gnyis kyang / thag bsring ba'i gnyen po yin par rig par bya'o/ /smras pa bsam gtan gnyis pa la sogs pa na kha dog gi 'dod chags med do zhes bya bar ji ltar shes she na/ mig gi rnam par shes pa med pa'i phyir ro//gang zhig yul gang las 'dod chags dang bral ba de ni nges par de 'dzin par byed pa'i rnam par shes pa las kyang 'dod chags dang bral ba yin la/ bsam gtan gnyis pa la sogs pa na mig gi rnam par shes pa la sogs pa med pas de'i phyir/ de dag ni kha dog gi 'dod chags dang bral ba'o zhes bya bar grub po//gsum pa mtha' na zhes bya ba ni/ sdug pa'i rnam par thar pa ni dang po dang gnyis pa na med la/ gsum pa na yang med de/ bde ba'i snying pos bskyod pas de la rgyab kyis phyogs pa'i bsam pa mi srid pa'i phyir ro/ /de'i phyir gsum pa ni tha ma kho nar nges par byas la/de yang ma chags pa yin te/ chags pa'i gnyen po yin pa'i phyir ro/ /de dag 'khor dang bcas na phung po lnga'i rang bzhin yin no zhes bya ba la/ 'dir gzugs kyi phung po ni rjes su 'jug pa'i gzugs so/ /gzhan na yang mnyam par ma bzhag pa yod do zhes bya ba ni/ rnam par smin pa las skyes pa'i sems dang sems las byung ba rnams la bsams nas brjod pa yin no//gzhan dag na re de ni ma yin te/ dge ba'i dbang du byas pa'i phyir ro zhes zer ro/ /nyer bsdogs kyi rnam par grol ba'i lam dag kyang zhes bya ba rgyas par 'byung ba ni/ gzugs med pa'i rnam par thar pa rnams kyi nyer bsdogs kyi rnam par grol ba'i lam dag kyang rnam par thar pa zhes bya ba'i ming 'thob kyi bar chad med pa'i lam rnams ni ma yin te/'og ma la dmigs pa'i phyir ro/ /rnam par thar pa'i don ni rgyab kyis phyogs pa'i don yin no zhes bya ba la/ dang po dag ni kha dog gi 'dod chags la rgyab kyis phyogs par byed do//gsum pa ni mi sdug pa la'o/ /gzugs med pa rnams ni 'jug pa 'og ma dang / dmigs pa thams cad la rgyab kyis phyogs par byed do/ /'du shes dang tshor ba'am zhes bya ba ni/ 'du shes la rgyab kyis phyogs pa'i phyir dang / tshor ba la rgyab kyis phyogs pa'i phyir ro//'du byed thams cad la rgyab kyis phyogs pa'i phyir ro zhes bya ba ni/ dmigs pa thams cad la 'jug pa la rgyab kyis phyogs pa'i phyir ro zhes bya ba'i don to/ /gzhan dag na re snyoms par 'jug pa'i sgrib pa las rnam par thar pa'i phyir zhes bya ba la/ snyoms par 'jug pa'i sgrib pa ni gang zhig yod na sems las su mi rung ba dag gis/khams gsum gyi 'dod chags dang bral ba dag gis kyang bsam gtan dang po'i dngos gzhi yang skyed par mi nus pa ste/ sgrib pa de las rnam par thar pa'i phyir te/ spangs pa'i phyir rnam par thar pa zhes bya'o/ /de bas kyang chos phra bar byas nas zhes bya ba ni 'gog pa la dmigs nas ches phra bar byed pa'o//ci rigs par zhes bya ba ni/ bsam gtan dang po dang gnyis pa'i sa pa ste/ gnyis kyi yid du mi 'ong ba ste/ rnam par bsngos pa la sogs pa dmigs pa'i phyir ro/ /gsum pa ni yid du 'ong ba ste/ sdug pa'i rnam par zhugs pa'i phyir ro/ /rang gi sa pa dang gong ma'i sdug bsngal zhes bya ba ni nam mkha' mtha' yas skye mched kyi rnam par thar pa'i dmigs pa ni rang gi sa pa'i sdug bsngal dang /rnam shes mtha' yas skye mched la sogs pa'i sa pa yin gyi/ sa 'og ma pa ni ma yin te/ gzugs med dngos gzhi dge rnams kyi/ /spyod yul zag bcas 'og ma min/ / zhes 'byung ba'i phyir ro/ /de bzhin du gzugs med pa'i rnam par thar pa lhag ma dag la yang ci rigs par brjod par bya'o/ /de yi rgyu dang 'gog pa dag /ces bya ba ni/ rang gi sa pa dang sa gong ma'i sdug bsngal gyi rgyu kun 'byung dang 'gog pa dmigs pa yin gyi sa 'og ma'i sdug bsngal gyi rgyu dang de'i 'gog pa la dmigs pa ma yin no//rjes su shes pa'i phyogs dang mthun pa'i lam thams cad ces bya ba ni/ ci rigs par rang gi sa dang gong ma dang / sa 'og mas bsdus pa'o/ /so sor ma brtags pas 'gog pa yang yin no zhes bya ba ni/ gzugs med pa'i rnam par thar pa gzugs med pa'i dge ba rnams ni mi slob pa'i mtshan ma med pa'i ting nge 'dzin gyi so sor ma brtags pas 'gog pa la dmigs pa yin te/nyer bsdogs gsum ni ma gtogs so zhes 'byung ba'i phyir ro/ /mtshan ma med pa mtshan ma med pa'i ting nge 'dzin gyi ngo bo yin yang / mi slob pa'i mtshan ma med pa'i so sor ma brtags pas 'gog pa la dmigs pa yin no//nam mkha' yang gcig gi yin no zhes bya ba ni/ nam mkha' mtha' yas skye mched kyi rnam par thar pa zag pa dang bcas pa'i dmigs pa yin no/ /bde ba'i snying pos bskyod pa'i phyir ro zhes bya ba la/ bde ba'i snying po ni bde ba'i snying po ste/ bde ba thams cad kyi gtso bo zhes bya ba'i tha tshig go/ /des bskyod pa'i phyir te g.yo bar byas pa'i phyir ro/ /bsam gtan gsum pa la bde bar gya nom pas kun tu g.yengs par byas pa'i phyir rnam par thar pa bskyed par mi nus kyi de dang 'dra ba'i dge ba'i rtsa ba ni skyed par byed do//rnam par thar pa la sogs pa zhes bya ba la/ sogs pa zhes bya ba'i sgras ni zil gyis gnon pa'i skye mched la sogs pa dag bsdu'o/ /nyon mongs pa med pa la sogs pa'i yon tan mngon par bsgrub pa'i ched ces bya ba la sogs pa zhes bya ba'i sgras ni smon nas shes pa dang / so sor yang dag par rig pa la sogs pa dag bsdu'o/ /de yang gang gis zhes bya ba rgyas par 'byung ste/ de yang dngos po yongs su bsgyur ba ni dngos po gang zhig ji ltar mos pa de ltar 'gyur ba ste/ dper na nas gser du byed pa bzhin no/ /byin gyis rlob pa ni dngos po bstan pa dus thung ngu de srid tsam du 'jog pa'o//tshe gtong ba la sogs pa zhes bya ba la sogs pa zhes bya ba'i sgras ni rdul phra rab dag tu ri rab 'jug pa la sogs pa'o/ /ci'i phyir gsum pa dang brgyad pa dag kho na zhes bya ba rgyas par 'byung ba ni/ sdug pa'i rnam par thar pa lus kyis mngon sum du byas te rdzogs par byas nas gnas/zhes gsum pa la mngon sum du bya ba bshad la/ 'du shes dang tshor ba 'gog pa la lus kyis mngon sum du byas nas rdzogs par byas te gnas zhes brgyad pa la mngon sum du bya ba bshad do/ /de la mngon sum du byas nas zhes bya ba ni mngon sum du byas te'o/ /rdzogs par byas te zhes bya ba ni snyoms par 'jug pa la snyoms par zhugs te'o//gtso bo yin pa'i phyir dang khams dang sa'i mtha' na gnas pa'i phyir ro zhes bya ba ni gang gi phyir dang po dang gnyis pa dag pas gsum pa gtso bo yin te/ gnas gyur pa'i sgo nas gzugs can gyi rnam par thar pa'i sgrib pa mtha' dag spangs pa'i phyir ro//sdug pa'i rnam par thar pa yin yang nyon mongs pa mi skye ba'i phyir ro/ /de'i phyir gsum pa la mngon sum du bya ba bshad do/ /de bzhin du gtso bo yin pa'i phyir brgyad pa la yang mngon sum du bya ba bshad de/ 'di ltar gnas gyur pa'i sgo nas gzugs can ma yin pa'i sgrib pa mtha' dag spangs pa'i phyir lhag ma dag pas gtso bo yin no//bsam gtan bzhi pa ni gzugs kyi khams kyi mtha' dang sa ste/ gzugs can gyi sa rnams kyi mtha' yin la/ de na rnam par thar pa gsum pa yod pas de kho na la mngon sum du bya bar bshad do/ / de bzhin du srid pa'i rtse mo khams kyi mtha' dang sa ste/ gzugs can ma yin pa'i sa rnams kyi mtha' yin la/ rnam par thar pa brgyad pa yang de'i sa pa yin pas de'i phyir de la mngon sum du bya ba bshad do/ /gzhan dag na re mdo gzhan las thams cad la mngon sum du bya ba bshad de/ mdo las chos brgyad ni mngon sum du bya ba ste/rnam par thar pa brgyad do zhes gsungs la/ yang rnam par thar pa brgyad po 'di dag lugs dang mthun pa dang lugs dang mi mthun par lus kyis mngon sum du byas nas rdzogs par byas te gnas so zhes gsungs so zhes zer ro/ /de ni de lta ma yin te/gang gi phyir mdo gnyis po 'di dag kho na ma gtogs pa/ de las gzhan pa'i mdo thams cad las gnyis kho na la mngon sum du bya ba gsungs te/ de'i phyir dri ba dang lan 'thad do/ /de bzhin du chen po rnams dang zhes bya ba ni/ nang gzugs su 'du shes par phyi rol gyi gzugs chen po kha dog bzang po dang ngan pa rnams la zhes bya ba la/'di ni zil gyis gnon pa'o skye mched gnyis pa'i zhes bya ba'i bar 'byung ba'o/ /de bzhin du nang gzugs med par 'du shes pa ste zhes bya ba la/ ji ltar zhe na/ nang gzugs med par 'du shes pas phyi rol gyi gzugs chung ngu kha dog bzang po dag /kha dog ngan pa rnams zhes bya ba snga ma bzhin te/ 'di ni zil gyis gnon pa'i skye mched gsum pa'o/ /nang gzugs med par 'du shes pas phyi rol gyi gzugs chen po kha dog bzang po dang ngan pa rnams la zhes bya ba rgyas par 'byung ste/ de dag bzhi'o/ /gzugs med par 'du shes pa kho na zhes bya ba rgyas par 'byung ba ji ltar zhe na/nang gzugs med par 'du shes pas phyi rol gyi gzugs sngon po kha dog sngon po lta bur ston pa/ 'od sngon po 'byung ba dper na zar ma'i me tog gam yul bA rA Na sI'i ras phun sum tshogs pa sngon po kha dog sngon po sngon po lta bur ston pa 'od sngon po 'byung ba lta bu rnams la lta zhing gzugs de dag zil gyis gnon nas shes/zil gyis mnan nas mthong ste/ de lta bu 'du shes par 'gyur ba 'di ni zil gyis gnon pa'i skye mched lnga pa'o/ /nang gzugs med par 'du shes pas phyi rol gyi gzugs ser po zhes bya ba rgyas par 'byung zhing dper na dong ka'i me tog gam yul bA rA Na sI'i ras phun sum tshogs pa ser po zhes bya ba rgyas par 'byung ste/'di ni zil gyis gnon pa'i skye mched drug pa'o zhes 'byung ngo / /nang gzugs med par 'du shes pas phyi rol gyi gzugs dmar po zhes bya ba nas rgyas par dper na ban du ka'i me tog gam/yul bA rA Na sI'i ras phun sum tshogs pa dmar po zhes bya ba'i bar dang / rgyas par 'di ni zil gyis gnon pa'i skye mched bdun pa yin na zhes bya ba 'byung ngo / /nang gzugs med par 'du shes pas phyi rol gyi gzugs dkar po zhes bya ba nas snga ma bzhin no/ /dper na skar ma pa ba sangs sam/yul bA rA Na sI'i ras phun sum tshogs pa dkar po zhes bya ba rgyas par 'byung ngo / /dmigs pa zil gyis gnon pa'i phyir zil gyis gnon pa dag go/ /thams cad pas gya nom pa'i dmigs pa yin yang kha dog gsal ba la sogs pa sgrub pa'i dge ba'i rtsa ba zil gyis gnon te/rgyan sna tshogs pa sar pas brgyan pa'i 'bangs rje bos zil gyis gnon pa bzhin no/ /chung ngu zhes bya ba ni dmigs pa chung ba'am/ dbang chung ba nyid kyis so/ /kha dog bzang po zhes bya ba la sogs pa la/ kha cig na re kha dog bzang po rnams la chags pa mi skye la/kha dog ngan pa rnams la [(]khang [,]khong [)]khro ba mi skye ba ste/ 'dir zil gyis gnon pa ni 'di yin no zhes zer ro/ /gzhan dag na re de ltar yin na zil gyis gnon pa rnams ma chags pa dang zhe sdang med pa'i rang bzhin du thal bar 'gyur te/ de'i phyir 'dir don ni kha dog bzang po dang ngan pa rnams zil gyis gnon nas kha dog ngan pa ji lta bar kha dog bzang po rnams kyang de dang 'dra bar mi sdug pa'i rnam par ro gcig par byas nas mthong ste/'di'i sems la dbang ba ni 'di yin no zhes zer ro/ /zil gyis mnan nas shes pa ni shes bya'o/ /zil gyis mnan nas mthong zhes bya ba ni de'i rgyu mtshan can gyi rnal 'byor rdzogs pa dag go//de ltar 'du shes par 'gyur zhes bya ba ni zil gyis mnan nas shes/ zil gyis mnan nas mthong ngo snyam du'o/ /zil gyis gnon pa gnyis pa'i chen po dag ni dmigs pa che ba 'am/ dbang che ba gnyis so/ /lhag ma ni dang po dang 'dra'o/ /de dag las gnyis ni rnam thar dang po bzhin zhes bya ba ni rang bzhin dang rnam pa'i bye brag gis te/rnam par thar pa dang po ji lta ba bzhin no/ /zil gyis gnon pa'i skye mched gnyis po 'di dag kyang rang bzhin dang sa dang rnam pa'i bye brag gi sgo nas de dang 'dra bar blta bar bya'o/ /'di gnyis ni rnam par thar pa dang po'i 'bras bu yang yin no//gnyis ni gnyis pa bzhin no zhes bya ba ni/ gang dag nang gzugs med par 'du shes pas chung ngu dang chen po la dmigs pa dag ni rang bzhin la sogs pa'i bye brag gi sgo nas rnam par thar pa gnyis pa dang 'dra bar blta bar bya'o/ /gzhan sdug pa'i rnam par thar pa bzhin zhes bya ba ni rang bzhin dang sa dang rnam pa'i bye brag gi sgo nas sdug pa'i rnam par thar pa ji lta ba de bzhin du zil gyis gnon pa'i skye mched bzhi yang yin no//de dag gis ni rgyab kyis phyogs pa tsam du zad la zhes bya ba ni rnam par thar pa dag gis ni dmigs pa la rgyab kyis phyogs pa tsam du zad kyi/dmigs pa zil gyis gnon pa ni ma yin la/ zil gyis gnon pa dag gis ni rgyab kyis phyogs pa 'ba' zhig tu ma zad de/ 'o na ci zhe na/ dmigs pa zil gyis gnon pa yang yin no/ /ji ltar 'dod pa bzhin mos pa'i phyir dang zhes bya ba ni 'dod dgur sngon po dang ser po la sogs par mos pa'i phyir dang /rnam par bsngos pa dang rnam par gnag pa la sogs par mos pa'i phyir ro/ /nyon mongs pa mi skye ba'i phyir ro zhes bya ba ni/ gal te kun nas nyon mongs pa'i dngos po la sdug par 'dzin yang nyon mongs pa mi skye na/ de lta na de dag gis dmigs pa zil gyis mnan pa yin no//zad par gyi skye mched bcu 'o/ /bcu gang zhe na/ la la zad par sa'o zhes steng dang 'og dang thad ka gnyis su med cing tshad med par 'du shes su byed/ de bzhin du chu dang me dang rlung dang sngon po dang ser po dang dmar po dang dkar po dang nam mkha' dang /zad par rnam par shes pa skye mched kyang yin te/ 'di dag ni zad par gyi skye mched bcu'o/ /bar med par zad par rgyas par byed ces bya ba la/ 'di ltar bstan par 'gyur te/ bar med cing mtshams med pa'i ngo bor gang zhig sngar mos pa de thams cad sra bar rgyas par byed de/ khyab par byed ces bya ba'i tha tshig go/ /ji ltar zhe na sa mtha' yas so snyam du mos pa ste rnam par shes pa'i bar la yang brjod par bya'o/ /de'i phyir de ltar bar med cing mtshams med par rgyas par yid la byed pa gnas pa'i phyir zad par gyi skye mched ces bya'o/ /de la sa zhes bya ba ni dmigs pa la brjod do//zad par zhes bya ba ni rnam pa'o/ /'di dag ni rnam pa mtshungs pa yin yang dmigs pa tha dad pas tha dad pa nyid do/ /la la zhes bya ba ni gang zhig gang snyoms par 'jug pa 'di dag la snyoms par 'jug par 'gyur ro/ /'du shes su byed ces bya ba ni 'di ni mos pa yid la byed pa yin no zhes ston te de lta ma yin na rab tu shes par byed ces brjod par 'gyur ro//steng dang 'og dang thad ka gnyis zhes bya ba ni gang dang gang du yid la 'jug par byed par ro/ /gnyis su med cing zhes pa ni bar chad med par yid la byed pa ston pa'o/ /tshad med par zhes bya ba ni mtha' yas par mos pa'o/ /'di ni rnal 'byor pa ting nge 'dzin la sbyangs pa byas pa'i sems la brjod pa dbang ba brjod pa'o//brgyad ma chags zhes bya ba ni zad par sngon po la sogs pa bzhi ni zil gyis gnon pa'i skye mched phyi ma bzhi'i khyad par gyi bdag nyid do/ /sngon po la sogs pa kha dog gi [(]rtan [,]rten [)]gyi sgo nas zad par sa'i skye mched la sogs pas sa la sogs pa la dmigs pa rnams kyang ma chags pa'i bdag nyid ces bya'o//bsam gtan mtha' na zhes bya ba ni zil gyis gnon pa'i skye mched phyi ma bzhi'i sbyor ba las byung ba'i phyir ro/ /brgyad kyi spyod yul ni 'dod pa na spyod pa'i gzugs kyi skye mched yin no/ /ji ltar zad par 'byung ba'i skye mched rnams kyi dmigs pa gzugs kyi skye mched yin zhe na sa la sogs pa rnams dang /sa'i khams la sogs pa rnams la khyad par yod pas 'di dag zad par sa la sogs pa'i skye mched ces bya'i/ zad par sa'i khams la sogs pa ni ma yin no/ /sa la sogs pa rnams kyang kha dog dang dbyibs kyi bdag nyid yin pas de rnams gzugs kyi skye mched kyi yul can nyid du mi 'gal lo//kha cig na re rlung ni reg bya'i skye mched yin no zhes bya ba ni gang dag rlung gzugs su 'dod pa'o/ /de nyid kyi phyir mdzod kyi gnas dang por rlung tshogs khams nyid yin zhes bshad de de'i lugs kyis so//yang gang dag de dang 'dra ba'ang yin zhes zer ba de'i lugs kyis ni sa la sogs pa ltar rlung gzugs kyi skye mched kho na yin te kha dog dang dbyibs kyi bdag nyid yin pa'i phyir ro/ /zad par gyi skye mched tha ma gnyis ni gzugs med pa dag pa'i rang bzhin yin la 'di gnyis kyis dmigs pa ni rang gi sa pa'i phung po bzhi yin no//rnam par thar pa 'jug pa las byung ba can yin la zhes bya ba rgyas par 'byung ste/ 'jug pa nyid 'jug pa las byung ba yin te/ rang gi don 'phel ba bsgrubs pas rnam par 'gyur ba bzhin no/ /zil gyis gnon pa'i skye mched 'di dag la rnam par thar pa 'jug pa yod pas na 'di dag rnam par thar pa 'jug pa las byung ba can yin no//de bzhin du zad par gyi skye mched rnams ni zil gyis gnon pa'i skye mched 'jug pa las byung ba can yin no/ /ci'i phyir zhe na gong nas gong du khyad par du 'phags pa'i phyir ro/ /ji ltar gong nas gong du khyad par du 'phags she na/rgyab kyis phyogs pa tsam dang zil gyis gnon pa dang zad par byed pa'i phyir de ltar gong nas gong du khyad par du 'phags pa yin no/ /de nyid kyi phyir zad par gyi skye mched thob pa gang yin pa ste/ des gdon mi za bar gzhan dag kyang thob ste/ yon tan rnams rim gyis 'dzeg pa'i phyir ro//gzhan dag na re chung ngu dang 'bring dang chen po tha dad pa'i phyir rnam par thar pa la sogs par phye ste de ltar yin dang rnam par thar pa rnams ni rgyu kho na yin la zad par gyi skye mched rnams 'bras bu kho na yin zhing zil gyis gnon pa rnams gnyi ga yin no zhes zer ro/ / 'gog pa'i rnam par thar pa ma gtogs pa zhes bya ba la de ni 'phags pa'i rgyud la yod pa kho na yin gyi so so'i skye bo'i rgyud la yod pa ni ma yin no/ /'dris pa dang ma 'dris pa'i phyir ro zhes bya ba la/ 'dris pa ni ci rigs par bsam gtan dang po nas srid pa'i rtse mo pa'i bar 'dod chags dang bral bas thob pa sngar skyes pa'i btang ba dag go//de'i phyir bsam gtan dang po'i sa pa dag ni 'dod pa las 'dod chags dang bral bas 'thob po/ /de bzhin du ci rigs par lhag ma dag la yang brjod par bya'o/ /ma 'dres pa'i sbyor ba las byung ba ste sbyor ba 'thob po/ /lhag ma zhes bya ba rgyas par 'byung ba la lhag ma yang gang zhig ce na rnam par thar pa dang po gsum dang /zil gyis gnon pa'i skye mched brgyad dang / zad par gyi skye mched brgyad de de dag ni mi'i rten can kho na yin no/ /ci'i phyir zhe na lung gi mthus skye ba'i phyir dang lha la sogs pa gzhan na lung med pa'i phyir ro//ji ltar na gzugs dang gzugs med pa'i khams dag tu gzugs med pa dang / bsam gtan gyi khyad par skye zhes bya ba ni lung med par ji ltar skye ste/ de na ni 'doms pa'o 'chad par byed pa po rnams de lta bu med do/ /gzugs dang gzugs med pa'i sa gang du skyes pas de'i gong ma'i bsam gtan dang gzugs med pa mngon du byed pa gang yin pa de ni de bas khyad par du 'phags pas gzugs med pa dang bsam gtan gyi khyad par te/gzugs med pa dang bsam gtan gyi khyad par de ji ltar skye zhes bya ba'o/ /nye ba dang yang dang yang du goms pa las so zhes bya ba ni/nye ba las dang yang dang yang du goms pa las so/ /ji ltar zhe na 'dod pa'i khams su skyes shing gzugs med pa'i ting nge 'dzin thob pa ting nge 'dzin de las yongs su nyams nas/ gzugs med pa'i khams su skye ste/ der skyes pa de la yang nye ba dang yang dang yang du goms pa dang /skal ba mnyam pa'i rgyu stobs dang ldan pa nyid las gzugs med pa'i ting nge 'dzin skye'o/ /de bzhin du rnam shes mtha' yas skye mched la snyoms par zhugs pa las yongs su nyams te/ nam mkha' mtha' yas skye mched la snyoms par 'jug pa la yang de kho na bzhin du de'i snyoms par 'jug pa skye ste/de'i 'og tu skyes pa la yang de dang 'dra bar brjod do/ /rgyu'i stobs kyi ni zhes bya ba rgyas par 'byung ba ni gzugs kyi khams su skyes pa la lan grangs gzhan ma myong bar 'gyur ba'i las kyi rnam par smin pa nye bar gnas pa'i phyir ro/ /de las 'dod chags dang ma bral ba dang mthun pa'i rgyud gnas te/'og ma las 'dod chags dang ma bral bas ni gong du skye bar mi nus so/ /rgyu'i stobs dang las kyi stobs kyis gzugs dang / gzugs med pa'i khams dag tu gzugs med par skye'i/ chos nyid kyis ni ma yin te/ 'jig pa'i dbang gis gzugs med pa dag tu mi skye ba'i phyir ro//gzugs kyi khams su ni sems can gzhan zhes bya ba rgyas par 'byung ste/ bsam gtan 'og mar skyes pa las bsam gtan gong ma skye zhes bya ba'i tha tshig go/ /'dod pa'i khams su bsam gtan gnyis pa la sogs pa bskyed nas yongs su nyams te/bsam gtan dang po skyes pa zhig sngon goms pa'i rgyu'i stobs kyis bsam gtan gnyis pa la sogs pa bskyed de rgyu'i stobs kyis gzugs kyi khams su bsam gtan rnams skyes pa de ni de lta'o/ /lus kyi stobs kyis ni gang gi tshe bsam gtan dang po la sogs par skyes pa'am/bsam gtan gnyis pa la sogs pa'i sa pa'i lan grangs gzhan ma myong bar 'gyur ba'i las rnam par smin pa nye bar gnas pa yin pa de'i tshe/ bsam gtan dang po la sogs par skyes pas na/ bsam gtan gnyis pa la sogs par skyed par byed de/ dge ba'i chos rnams kyi 'jug pa shas che ba'i phyir zhes bya ba ni/'jig pa'i tshe/ dge ba'i las kyi lam gang dag yin pa de dag gi 'jug pa ste/ gang dag la der shas che ba yod pa de dag ni/[ (]dar [,]der [)]'jug pa'i shas che ba'o/ /de'i dngos po ni/ de'i 'jug pa shas che ba nyid de/ de 'jug pa shas che ba nyid de'i phyir gzugs kyi khams su bsam gtan rnams skye'o//'di skad du/ dge ba'i rtsa ba de dag bdag nyid mchog tu gyur pa thob pa las sngon gyi bsam gtan gyi bag chags kyi rten rgyun chags su de skye ba dang mthun par gnas pa'i phyir/ lung nod pa med par bsam gtan rnams skye'o zhes bshad pa yin no//chos nyid kyis zhes bshad pa chos nyid ces bya ba 'di gang zhig ce na/ re zhig mdo sde pa kha cig na re chos 'jug pa shas che ba de dag nyid sngon gyi bsam gtan gyi bag chags kyi dbang gis lung med par bsam gtan skye ba dang mthun pa ni chos nyid de/rang bzhin dang ngo bo nyid yin no zhes bya ba'i tha tshig go zhes zer ro/ /bye brag tu smra ba rnams na re ni/ sngon gyi bsam gtan bsgoms pa'i dge ba'i chos kyi dbang gis thos pa rgyas pa las de skye ba dang mthun pa ni chos nyid yin te/ tshe rabs snga ma'i skal ba mnyam pa'i rgyu mthun pa'i 'bras bu 'byin pa la mngon du phyogs pa'i chos nyid yin no zhes bya'o zhes zer ro//chos rnams kyi rnam pa 'di lta bu zhes bya ba ni zag pa dang bcas pa dang zag pa med pa rnams kyi rnam pa khams dang sa dang dmigs pa la sogs pa ji skad bshad pa rnams so/ /lung 'jig par byed pa ni smra bar byed pa yin no zhes bya ba ni mdo dang 'dul ba dang chos mngon pa rnams don dang tshig gi sgo nas smra bar byed pa gang dag yin pa de dag 'dzin par byed pa yin no//rtogs pa 'dzin par byed pa ni sgrub par byed pa yin te zhes bya ba ni gang dag 'bras bu la gnas pa dang / de la zhugs pa dang lam bsgoms pa la zhugs pa de dag ni dam pa'i chos rtogs pa'i bdag nyid/byang chub kyi phyogs dang mthun pa 'dzin par byed pa yin no/ /gzhan dag na re lung 'dzin par byed pa ni smra bar byed pa dang sgrub par byed pa ste/ nyams len yin te/ lung phyin ci ma log pa'i rten ni sgrub pa po rnams yin pa'i phyir ro//rtogs par smra bar byed pa ni/ sgrub par byed pa kho na yin te/ de'i phyir du ji srid du sgrub par byed pa yod pa de srid du rtogs pa zhes bya ba'i dam pa'i chos rjes su gnas so zhes zer ro/ /rtogs pa ni de lta bu yin gyi zhes bya ba ni lo stong du gnas pa'o//lung ni yun ring du gnas so zhes bya ba ni lo stong gi phyi nas kyang zhes bya ba'i tha tshig ste/ phyogs 'di nyid rigs par mthong ngo / /da lta lung ni chos med pa ma yin gyi nyon mongs pa rnams 'jug pa rnyed pas rtogs pa'i chos ni med do/ /ci chos mngon pa mdzod kyi mtshan nyid kyi bstan bcos 'dir chos mngon pa don du bshad pa gang yin pa'i chos mngon pa 'di nyid ston pas bshad dam ste/ci chos mngon pa ye shes la 'jug pa la sogs pa'i mtshan nyid 'di ston pas bshad dam ce na/ 'di nyid don gyi sgo nas bshad kyi tshig gi sgo nas ni ma yin la bye brag tu smra ba rnams kyis ni bde bar gshegs pa'i chos mngon pa'i don gyi tshul ji lta ba bzhin rtogs nas sems can la rjes su brtse bas gsung rab yun ring du gnas par bya ba'i phyir gzhung du byas so//gang gis na 'di de lta yin pa de'i phyir/ kha che bye brag tu smra ba'i tshul grub bshad ces bya ba rgyas par smos te/phal cher zhes bya ba smos pa ni 'dir cung zad cig kha che'i tshul las 'das pas smra ba ste/ dper na dbyibs dang / gzugs brnyan dang / 'das pa dang / ma 'ongs pa dag lta bu'o/ /de la yang nyes par zin pa gang yin pa de 'dir bdag gis nyes te/ chos zab pa'i phyir dang de lung 'bogs par mdzad pa rnams rnyed par dka' ba'i phyir de ni bdag gis nongs so//thub par shes bya thams cad la chags pa dang thogs pa med pa'i ye shes mnga' ba dang / sangs rgyas la bsnyen bkur ba las ye shes rnyed pa rnams ni dam pa'i chos kyi tshul de ltar zab cing rgya che ba la tshad ma yin pas/dam pa'i chos lung dang rtogs pa'i mtshan nyid can gyi tshul la thub pa ste/ sangs rgyas bcom ldan 'das rnams dang / sangs rgyas kyi sras 'phags pa shA ri'i bu la sogs pa rnams tshad ma yin te/ chos thams cad rnam pa thams cad du thugs su chud pas yid ches pa yin zhes bya ba'i tha tshig go//ston pa 'jig rten mig ni zum gyur cing / /zhes bya ba ni/ lam bzang po ma yin pa spangs nas lam bzang po la nges par sbyor bar mdzad pa bcom ldan 'das rgyu dang 'bras bu'i 'brel pa phyin ci ma log par ston pas 'jig rten gyi mig [(]du [,]tu [)]gyur pa yongs su mya ngan las 'das pa'o//dpang gyur skye bo phal cher zad pa na/ /zhes bya ba la/ dpang gyur skye bo ni 'dir sangs rgyas kyi slob pa mngon sum du mthong ba po lung dang rtogs pa dang ldan pa rnams rigs pa dang mi 'gal ba'i lung ni rjes su 'brangs pa rnams so/ / zad pa ni zhes bya ba ni mi rtag pa nyid kyi dbang du gyur pa na'o/ /phal cher zhes bya ba 'dis ni dbang du gyur pa'i skye bo dkon pa nyid du ston to/ /de nyid ma mthong zhes bya ba ni so so'i skye bo ma rig pas ldongs pa nyid kyis de nyid ma mthong ba'o/ /rang dgar gyur pa zhes bya ba ni lcags kyu med pa ste/ de dag gis 'doms pa ni sangs rgyas bcom ldan 'das rnams dang sangs rgyas kyi sras rnams yin te/de rnams med pas 'doms pa med pa'o/ /ngan rtog rnams kyi bstan pa 'di dkrugs so/ /zhes bya ba la rtog ge ngan pa'i rjes su 'brang ba ni ngan rtog rnams so/ /yang rtog ge ngan pa 'di nyid ni//rtog ge ltar snang ba'i phyir dang / lung dang 'gal ba'i phyir ro/ /rtog ge'i rjes su 'brangs te tshig dang don gyi sgo nas lhag par sgro btags pas bstan pa dkrugs so/ /rang byung rang byung bstan pa ces 'dzin rnams/ /mchog tu zhir gshegs zhes bya ba'i tshigs su bcad pa gnyis pa 'di ni/sngar bshad pa'i tshigs su bcad pa'i don gyis gtan tshigs kyi ngo bor nye bar bkod pa'o/ /mchog tu zhi ba ni phung po lhag ma med pa'i mya ngan las 'das pa'i dbyings te phung po ma lus pa dang bral ba'i phyir ro/ /lung 'bogs pa med par bsod nams dang ye shes kyi tshogs yongs su smin pa las rang nyid kyis thams cad mkhyen pa'i go 'phang brnyes pas na rang byung ngo //rang byung gis bstan pa ni phung po gsum gyi lam dang / de ston pa mdo dang / 'dul ba dang / chos mngon pa rnams so/ /lung dang rtogs pa dang ldan pa sems can rnams la lta bas bstan pa gnas par bya ba'i phyir rab tu zhugs pa gang dag yin pa de dag ni bstan pa gces 'dzin te/de dag kyang mchog tu zhi bar gshegs pa na zhes bya bar rjes su bsnyag go/ /'gro mgon med pa na/ 'doms med yon tan 'joms par byed pa'o/ /dri ma dga' mgur deng sang 'di na spyod//ces bya ba la/ 'gro ba'i mgon ni sangs rgyas bcom ldan 'das rnams dang / sangs rgyas kyi sras rnams yin na/ de dag kyang mchog tu zhi bar gshegs pas na 'gro ba mgon med pa'o/ /yon tan ni/ tshul khrims dang ting nge 'dzin dang shes rab kyi bdag nyid rnams te 'dod chags dang zhe sdang dang gti mug gi dri ma rab tu 'jug pa dag gis/de bzhin da ltar byung ba ni sel bar byed la/ ma 'ongs pa rnams la gegs byed pas na dri ma rnams yon tan 'joms par byed pa'o/ /'doms med ces bya ba ni 'gal zla med pa'i phyir ro//dga' mgur ni 'dod dgur ro/ /deng sang 'gro ba 'di na spyod de 'di ni dngos po bsgrub pa'o/ /de ltar lkog mar srog phyin 'dra ste thub pa'i bstan pa lkog mar srog phyin pa lta bu'o/ /ci'i phyir zhe na/ sangs rgyas kyi sras po ston pa'i bstan pa bsrung bar zhugs pa rnams med pa'i phyir dang /rtog ge ngan pa rnams kyi tshig dang / don sgro btags pas dkrugs pa'i phyir ro/ /de ltar thub pa'i bstan pa lkog mar srog phyin pa dang 'dra ba dang / dri ma rnams stobs dang ldan pa'i dus su rig nas te/ 'gro ba mgon med pas gnyen po med pa'i phyir/ de ltar nyon mongs pa rnams stobs dang ldan pa'i yon tan snyam du rig par byas nas/thar pa 'dod pa rnams kyis bag yod par bya ste/ gang gi phyir 'di kho na thar pa'i thabs yin pa de'i phyir/ 'dir thar pa 'dod pa rnams kyis ji srid bstan pa 'di rnams thams cad ma nub kyi bar du bag med par mi bya'o//slob dpon gang ba spel bas mdzad pa chos mngon pa mdzod kyi 'grel bshad mtshan nyid kyi rjes su 'brang ba zhes bya ba las/ snyoms 'jug bstan pa zhes bya ba gnas brgyad pa'i 'grel bshad do// //de ltar thub pa dag gi bstan pa 'di/ / lkog mar srog phyin pa 'dra dang / /zhes gang bshad pas/ don gyi slob dpon gyis bstan pa gzhan la thar pa med do zhes bshad pa de'i phyir gleng ba po ci 'di las zhes bya ba rgyas par dris so/ /'di la brjod par bya ste/ med do ci'i phyir zhe na/ de'i phyir bdag tu smra ba phyin ci log la zhen pa'i phyir zhes bya ba smos so//mu stegs can rnams ni bdag tu lta ba phyin ci log la zhen pa yin pas/ bdag tu lta ba phyin ci log la zhen pa'o/ /de'i dngos po ni bdag tu lta ba phyin ci log la zhen pa nyid de/ de'i phyir gzhan la thar pa med do/ /mu stegs can thams cad ngar 'dzin pa yongs su btang ba las grol bar smra na/de ni mi rigs te/ gal te nga med do snyam du de ltar mthong ba nga'o snyam pa'i nga rgyal med na/ de nyid mthong ba'i de la dmigs pa'i nga'o snyam pa'i nga rgyal ji ltar spang bar 'gyur/ bstan pa nyid na srid/ de mngon du byed pa nyid kyi phyir ro//yongs su rnam par ston pa 'am/ rjes su thob pa las rtogs pa na/ de dag la slu ba mthong bas/ de nyid mthong bas the tshom za bar yang 'gyur ro/ /bstod pa mkhan gyis kyang don 'di bshad de/ /yid la ngar 'dzin pa dang bcas na skye rgyun zhi mi 'gyur/ / bdag tu lta ba yod na snying la ngar 'dzin mi g.yo lags/ /gang phyir 'gro la bdag med smra ba'i ston pa gzhan med la/ /de'i phyir khyod kyi lugs la brten zhing byed pa'i lam gzhan med/ /ces bya ba yin no/ /'di la sgrub par byed pa 'di/ ser skya ba dang / 'ug pa pa la sogs pa la ni thar pa med de/bdag tu lta ba phyin ci log la zhen pa'i phyir/ de kho na nyid ma mthong ba'i skyes bu bzhin no/ /de'i phyir thub pa'i dbang po nyi ma rten cing 'brel bar 'byung ba gsungs pa'i 'od mnga' ba shar ba shin tu gsal bas blo mi g.yeng ba'i sbyor ba bdag med pas rab tu bsgoms nas/bdag tu lta ba phyin ci log 'dor bar 'gyur ro/ /blo gros 'di ma bsal bar grol ba yod min te/ /rangs byed bu de srid pa gsum gyi rtser gnas pa/ /de thob kyang ni de las nyams pas sum cu rtsa gsum mchog /thob ste tha mar sems can dmyal ba thob par 'gyur/ / shes rab can lta ba ngan pa'i dra ba'i tshogs sna tshogs pa gcod cing / shes rab kyi ral gri phyung ba'i sa bde bar gshegs pa'i gsung gi bdar la bdar ba rnams kyis bdag med par mthong ngo / /so ga mya ngan na rgyu ba/ nyi ma'i 'od zer rnon po'i rab tu gdungs pas na nang du lus la gdung ba te por rnyed pa dag dang 'dra bar skye ba dang 'jig pas srid pa dang yid byung ba rnams chu bsil ba'i mtsho bran lta bu'i mya ngan las 'das pa'i zhi ba'i gting dpog par 'dod na/bdag rnam par bsgyur du med pa'i phyir nam mkha' nas thog babs pa dang 'dra ba'i sdug bsngal gyi tshor ba'i gnam lcags babs kyang rang gi ngo bo las mi nyams pa las gnod pa ga la yod smras pas/rtag la gnod pa ga la yod/ /gnod med thar pa ga la yod/ /des na gang gi rtag yin la/ /de la thar pa mi rung ngo / /srid pa duHkha me 'bar ba/ /de dag gis ni tshig par sems//skyo bar 'gyur zhing de nas ni/ /chags bral rnam par grol bar 'gyur/ /'di ni gnod pa med pa'i phyir/ /duHkha'i mes reg pa mi shes pa na/ gang las grol bar 'gyur ba skye ba'i 'dod chags dang bral bar go bar ga la 'gyur/ de phyir mu stegs byed blo zhan pa 'di rnams sol ba'i phung po 'bar ba lta bu'i 'dod chags kyi char gyi thog babs pa dang ldan pa'i nye bar sdud pa'i ri bo nas/nam mkha' 'bugs pa na gdung bar 'gyur te/ de'i phyir nyon mongs 'di dag bdag rgyu med pa'i sha 'khon can du bsgrubs pa na/ su'i snying rje'i gzhir mi 'gyur nyon mongs pa rnams ni bdag tu 'dzin pa las rab tu skye ba yin no zhes bya ba ni/ ji skad du 'jig rten 'di na dge sbyong ngam bram ze kha cig gi lta ba tha dad par gyur pa gang dag yin pa de dag ni 'jig tshogs la lta ba'i rgyu can yin no zhes rgyas par 'byung ba lta bu ste/bdag tu lta ba yod na bdag la chags pa la sogs pa nyon mongs pa rnams rab tu 'byung bas bdag la chags pa dang ldan pa la thar pa ga la yod/ bdag tu mngon par brjod pa 'di ni/ phung po'i rgyud kho na la zhes bya ba la/ bdag go zhes brjod pa ni/ bdag tu mngon par brjod pa ste/bdag tu btags pa zhes bya ba'i don te/ brjod par bya ba gzhan la ni ma yin no zhes bya ba ni/ phung po'i rgyud las tha dad pa gdags pa la zhes bya ba'i tha tshig go/ /ci'i phyir de ltar yin zhe na/ mngon sum rjes su dpag pa med pa'i phyir zhes bya ba smos te/ mngon sum dang rjes su dpag pa med pa'i de la grub po snyam du dgongs pa'o/ /lung ni rjes su dpag pa'i nang du 'dus pa'i phyir logs shig tu ma brjod ji skad du/ sgra las byung ba rjes dpag las/ /tshad ma gzhan min 'di lta ste/ /bya sogs bzhin du rang don la/ /gzhan sel bar ni snang ba yin//zhes bshad pa lta bu'o/ /chos de gang dag yod pa de dag ni bar chad byed pa med dam/ mngon sum du dmigs pa yin te zhes bya ba ni dmigs pa'i gegs byed pa ha cang nye ba dang ring ba la sogs pa med na'o/ /dper na yul drug dang zhes bya ba ni gzugs dang sgra dang dri dang ro dang reg bya'i skye mched rnams dang /chos kyi skye mched tshor ba la sogs pa'i mtshan nyid dang / rnal 'byor pa'i yul lung dang rtogs pa las 'das pa'o/ /yid ces bya ba la ci zhe na/ mngon sum du dmigs pa yin te/ 'gags ma thag pa'i yid ni mjug thogs su ma byung ba'i yid kyi rnam par shes pas chags pa ma ldang ba 'am/bde ba dang mtshungs par ldan pa'am/ sdug bsngal dang mtshungs par ldan pa zhes bya ba la sogs pa lta bur shes so zhes so/ /gzhan dag na re/ rang rigs pas dmigs sogs zhes zer ro//mngon sum rnam pa gnyis po 'di ni gzung bar gyur pa dang / 'dzin par gyur pa yin no/ /yang na rjes su dpag pas zhes bya ba rgyas par 'byung ba ni/ 'di gang du mngon sum mi 'jug pa der ni rjes su dpag pas de dmigs pa yin no/ /dper na dbang po lnga po lta bu'o zhes bya ba ni mig gi dbang po la sogs pa lta bu'o//rgyu zhing dang chu la sogs pa yod kyang rgyu gzhan sa bon gyi mtshan nyid med na 'bras bu med par mthong la/ sa bon de yod na ni yang myu gu yod par mthong ngo / /dper na myu gu lta bu'o zhes bya ba ni dpe nye bar bkod pa yin no//ji ltar dpe nye bar bkod nas dngos bstan pa'i phyir/ yul snang bar gyur pa dang zhes bya ba rgyas par smos te/ yul gzugs la sogs pa mngon sum du gyur pa dang / de bskyed pa rgyu yin la byed pa yod du zin kyang / yul 'dzin pa mig gi rnam par shes pa la sogs pa med par mthong la yang yod par mthong ngo //gang dag gi zhe na/ grangs bzhin du ston te/ long ba dang 'on pa la sogs pa ni med do/ /ma long ba dang ma 'on pa la sogs pa ni yod de/ rgyu gzhan ltos par bya ba gang yin pa de ni dbang po yin te/ mig la sogs pa yin no snyam du bsams pa yin no/ /ji ltar na de dbang po yin no zhes bya bar yongs su gcod de/ 'di la rgyu gzhan zhig yod do zhes bya ba de kho na tsam zhig tu yongs su gcod kyi/ de dbang po yin no zhes bya bar ni ma yin no zhe na/ 'di drang srong chen po smon nas shes pa yongs su gcad pa'i phyir dang /de zhes bya ba ni rnam par shes pa la sogs pa'i rgyu mig gi dbang po la sogs pa yod pa nyid do zhes bya ba la thams cad rtsod pa med pa'i phyir grub pa kho na yin no/ /bdag ni de ltar med pa nyid la tshad ma yod pa ma yin te/ de'i phyir bdag med de zhes bya ba ni mjug sdud pa yin no//bsgrub pa'i don gyis na/ 'di skad du bdag ni med de tshad mas ma dmigs pa'i phyir gtan med pa lta bu'o zhes bshad pa ma yin no/ /gal te 'di la rjes su dpag pa yod de/ de'i phyir gtan tshigs ma grub pa yin no zhe na ma yin te/de brjod dgos pa'i phyir ro/ /gal te yod na de smros shig /tshig tsam gyis ni gtan tshigs ma grub pa yin no zhes bzlog tu mi rung ngo / /don thams cad tshigs su bcad pas bsdu ba smras pa ni/ bdag la phyin log phyir gzhan la/ /thar med de ni nyon mongs bzhin/ /tshad mas mi dmigs pa yi phyir//phung po'i rgyud la de zhes bya/ /zhes bya'o/ /de ltar mu stegs can gzhan rnams bcom pa yin dang shAkya'i sras po kha cig de dag gi lta bas bsnyems pa nyid de/ de nyid kyi phyir 'o na gang gnas ma'i bu rnams zhes bya ba rgyas par 'byung ngo / /gnas ma'i bu ni 'phags pa mang pos bkur ba'i sde pa dag go//'dis ni bdag tu lta ba phyin ci log la zhen pa nyid kyis mtshan nyid kyi gtan tshigs ma nges so zhes ston par byed do/ /gnas ma'i bu rnams ni sangs rgyas pa yin pa'i phyir thar pa mi 'dod pa ma yin no/ /yang na 'dis ni bdag med do zhes bya ba'i phyogs skyon dang bcas pa yin no zhes phyogs snga ma 'gal bar ston te/gnas ma'i bu'i sde pa ni rang gi phyogs yin pas khas blangs pa dang 'gal lo/ /'di ni re zhig spyod pa bya ba yin te zhes pa ni gal te de'i sde pa'i gang zag btags par yod pa yin pas nyes pa med do snyam pa'o/ /gal te rdzas su yod na ni mu stegs can gyi phyogs 'di nyid du bzhag la/bdag dgag pa'i tshul ji skad bshad pas bsal bar bya'o/ /ji ltar zhe na tshad ma med pa'i phyir de yod pa ma yin no zhes bya bar ro/ /rdzas su zhes bya ba ni 'di yang ci zhig /btags par zhes bya ba 'di yang ci zhig yin zhes glengs pa dang /slob dpon gyis gal te gzugs la sogs pa bzhin du dngos po gzhan zhig yin no zhe na ni/ rdzas su yod pa bzhin no zhes bya ba smos te/ gal te ji ltar gzugs la sogs pa sgra la sogs pa las dngos po tha dad pa ltar brjod na ni gzugs ni sgra la sogs pa dag las mtshan nyid tha dad pa yin no zhes bya ba lta bur gang zag rdzas su yod do zhes bya ba de ltar 'dod na ni gang zag btags par yod do zhes khas blangs pa yin te/gal te 'o ma la sogs pa bzhin du spyi yin no zhe na zhes bya ba ni gal te ji ltar 'o ma dang khyim dang dmag la sogs pa go rims bzhin du gzugs dang dri dang ro dang reg bya dag dang rtswa dang shing dang so phag dag dang glang po che dang rta dang shing rta la sogs pa dag las dngos po gzhan yin par mi 'dod kyi/de dag nyid spyi tsam du zad kyi zhes bya ba de ltar 'dod na ni gang zag btags par yod do zhes khas blangs pa yin te/gzugs la sogs pa dang rtswa la sogs pa dang glang po che la sogs pa las gzhan pa 'o ma dang khyim dang dmag ces bya ba'i dngos po gzhan ci yang med do/ /de la cir 'gyur re zhig gal te rdzas su yod na ni/ tshor ba la sogs pa las mtshan nyid tha dad pa nyid kyi phyir gang zag phung po la sogs pa dag las gzhan du 'gyur te gang zag gzugs la sogs pa phung po'i mtshan nyid ma yin pa'i phyir ro//'di'i rgyu yang brjod dgos so zhes bya ba ni/ gang zag 'di skyes pa'i rgyu yang brjod par bya dgos te/ gal te gzugs la sogs pa ltar 'dus ma byas yin na snyam du bsams pa'o//de'i phyir na mi rtag par yang 'gyur ro/ /'on te 'dus ma byas yin na ni zhes bya ba ni gal te rdzas su yod pa nyid la skye ba'i rgyu med na'o/ /de'i phyir mu stegs can gyi lta bar thal bar 'gyur zhes bya ba ni rtag pa'i phyir gnas ma'i bu rnams mu stegs can gyi lta bar thal bar 'gyur ro//dgos pa med pa nyid du yang thal bar 'gyur te 'dus ma byas yin pa'i phyir ro/ /bde ba la sogs pa skye ba la 'di'i bya ba 'ga' yang med de/ /mkha' la char gyis ci zhig bya/ /de gnyis 'bras bu ga la yod/gal te lpags 'dra de mi rtag /gal te mkha' 'dra 'bras bu med/ /ces bya ba'o/ /'on te btags par yod do zhes bya ba la 'di grub pa la sgrub pa yin te/ kho bo cag kyang de skad du smra ba'o/ /mu stegs can gyi lta bar thal bar 'gyur ba'i phyir/ de ni rdzas su yod pa ma yin la grub pa la sgrub pas btags par yod pa yang ma yin te/'o na ci zhe na/ da ltar gyi nang gi zhes bya ba rgyas par 'byung ngo / /long ba lta bu'i tshig don mi gsal ba 'di zhes bya ba ni long ba dang 'dra bas na long ba zhes bya'o/ /ci'i phyir zhe na/ don mi gsal ba ste mi mngon pa zhes bya ba'i tha tshig go//mi go'o zhes bya ba ni rgyur byas so zhes bya ba 'di ci yin par ro/ /gal te 'di'i don phung po rnams la dmigs nas zhes bya ba ni bzung nas zhes bya ba'i don te/ ji ltar dper na gzugs la sogs pa bzung nas te ltos nas 'o ma 'dogs kyi gzugs la sogs pa la ma gtogs pa'i 'o ma med pa ltar gang zag kyang de dang 'dra bas gang zag btags pa'i yod par 'gyur ro//'on te 'di ni don phung po rnams la brten nas zhes bya ba ni gal te phung po rnams la brten nas te/ phrad nas yin na ni phung po rnams gang zag btags pa'i rkyen du 'gyur bas skyon de nyid du 'gyur te/phung po de dag nyid la bdag 'dogs par 'gyur ro/ /ji ltar bud shing rgyur byas nas me 'dogs pa bzhin no zhes bya ba la gnas ma'i bu pa rnams kyi bsam pa ni gang zag rdzas su yod pa gzhan ma yin zhing gzhan ma yin pa yang ma yin te/rang gi nye bar len pa rgyur byas nas gdags par bya ba yin pa'i phyir ro/ /dngos po gzhan yang ma yin te gzhan ma yin pa yang ma yin pa gang zhig rang gi nye bar len pa rgyur byas nas 'dogs pa de ni rdzas su yod de dper na me lta bu'o snyam pa yin no//de nyid kyi phyir gal te gzhan yin na ni rgyas par smos te 'jig rten dang 'gal ba 'am rang gi grub pa'i mtha' dang 'gal bar ston par byed do/ /rtag par thal bar 'gyur ro zhes bya ba ni 'dus ma byas lta bu'o/ /chad par lta bar 'gyur ro zhes bya ba ni phung po bzhin du'o//re zhig skye zhes bya ba ni re zhig kye tshur shog ces bya ba'i don to/ /re zhig 'jig rten na ni shing la sogs pa me 'bar ba la bud shing zhes bya ba rgyas par 'byung ste/ 'dis ni de ma grub pa nyid du ston te me dang bud shing dag ni gzhan pa nyid du 'dod de/ des de tshig pa dang sreg par byed ces pa ni me des bud shing de tshig par byed sreg par byed ces bya ba'i tha tshig ste thal bar rlog go//rgyud 'gyur bar byed pa'i phyir ro zhes bya ba ni thal bar rlog go zhes bya ba'i don to/ /de gnyi ga yang rdzas brgyad pa yin no zhes bya ba ni bud shing dang me de gnyi ga 'byung ba chen po bzhi dang /rgyur byas pa'i gzugs gzugs dang sgra dang dri dang ro dang reg bya dag dang rdzas brgyad yin te/ grub pa'i mtha' las/ /'dod na dbang po med pa dang / /sgra med phra rab rdul rdzas brgyad/ /ces 'byung ba'i phyir ro/ /de ni de dang dus tha dad pa'i phyir zhes bya ba ni/bud shing snga la me ni 'phyi ba'o/ /dus tha dad pa dag kyang gzhan pa nyid du mthong ste/ sa bon dang myu gu dag lta bu'o/ /mi rtag par 'gyur ro zhes bya ba ni/ skye ba dang ldan pa gzugs la sogs pa mi rtag pa nyid du mthong ba'i phyir ro/ /'on te shing la sogs pa 'bar ba de nyid la zhes bya ba ni de gnyi ga'i mtshan nyid kyi spyi la'o//de gnyis kyang mtshan nyid tha dad pa'i phyir gzhan nyid yin par grub po zhes bya ba ni me dang bud shing mtshan nyid de lta bu de gnyis kyang mtshan nyid tha dad pa'i phyir gzhan nyid yin par grub ste/sa dang chu dang me dang rlung rnams kyi mtshan nyid gzhan yin pa'i phyir ro/ /gzugs dang tshor ba la sogs pa'i mtshan nyid tha dad pa rnams ni gzhan nyid yin par mthong ngo / /rgyur byas pa'i don yang brjod dgos so/ /de ni de'i rgyu yang ma yin la zhes bya ba ni 'byung ba gsum gyi mtshan nyid kyi bud shing de ni me de'i rgyur rung ba ma yin te/lhan cig skyes pa'i phyir rwa g.yas g.yon bzhin no/ /de gdags pa'i rgyu yang ma yin zhes bya ba ni me gdags pa'i'o/ /rten gyi don dam zhes bya ba ni bud shing rgyur byas nas zhes bya ba bud shing la brten nas zhes bya ba'i tha tshig go//lhan cig 'byung ba'i don zhes bya ba ni lhan cig 'byung ba'i don bud shing dang lhan cig 'byung ba nyid du bzung nas zhes bya ba'i don to/ /rten nam lhan cig 'byung ba dag yin par 'gyur zhes bya ba ni rten du 'gyur ba dang lhan cig 'byung bar 'gyur ro zhes bya ba'i tha tshig go//gsal bar dam bca' ba yin no zhes bya ba ni gnas ma'i bu rnams kyis so/ /de med na zhes bya ba ni phung po med na'o/ /phung po med na gang zag med par 'gyur te/ bud shing med na me med pa bzhin no//'byung ba gzhan gyi rang bzhin yin pa'i phyir ro zhes bya ba ni/ sa'i khams la sogs pa'i rang bzhin yin pa'i phyir ro/ /gzhan pa de yang zhes bya ba ni dro ba nyid dang ldan pa 'ba' zhig dro bar ma zad kyi/ gzhan me 'bar ba dang 'brel pa'i sa la sogs pa de yang dro bar grub po//de'i phyir ji ltar de bzhin nyid yin na nyes pa med pa ltar 'di yang de dang 'dra'o/ /des na brjod par bya ba ma yin no zhes bya ba'i phyogs de med par 'gyur ro/ /de lta bas na ji ltar bud shing rgyur byas nas zhes bya ba ni mjug sdud pa'o/ /brjod par bya ba ma yin zhes bya ba ni gang zag go//brjod par bya bar mi 'gyur te zhes bya ba ni rnam pa lnga ste zhes bya bar ro/ /'o na ji skad du brjod par bya zhe na/ de ni 'das pa la sogs pa las lnga pa yang ma yin la lnga pa ma yin pa yang ma yin par brjod par bya'o zhes bya ba smos so//gzugs kyang zhes bya ba rgyas par 'byung ba ni/ gzugs kyang mig la sogs pa yod na/ de dmigs pa'i phyir mig la sogs pa rgyur byas nas gzugs 'dogs so zhes btags pa yin par brjod par bya'o/ /drug car gyis kyang zhes bya ba la sogs pa 'byung ngo //ji ltar byas pas she na/ gal te mig gis shes par bya ba'i gzugs rnams la brten nas gang zag dmigs par byed na ni nye bar mtshon par byed na ste/ de'i nye bar len pa yin pa'i phyir ro/ /gzugs rnams zhes kyang brjod par mi bya/ gzugs rnams ma yin no zhes kyang brjod par mi bya'o zhes bya ba ni de'i mtshan nyid yin pa'i phyir dang /brjod par bya ba ma yin pa'i phyir te/ chos kyi bar yin pa dang ma yin par brjod par mi bya ba'i bar yang de dang 'dra'o/ /de lta na 'o na gal te gang zag dbang po du ma'i gzung bar bya ba 'dod na/gzugs la sogs pa ltar gcig tu mi 'gyur te/ gzugs la sogs pa rnams ni dbang po du ma'i gzung bar bya ba nyid yin na du ma nyid du mthong la/ yang na tha dad pa med par 'gyur te/ gal te dbang po du mas gzung bar bya ba 'di yin du yang tha mi dad par 'dod na ni gzugs la sogs pa rnams gang zag bzhin du du ma nyid du mi 'gyur ro//de'i dbang po'i sgo nas dbang po gzhan gyis 'dzin pa'i nus pa ni mi 'dod de/ gzugs la sogs pa dag la dbang po du ma nyid rtogs pa don med par 'gyur ro/ /gzhan yang / nges shes bya na rnam shes drug /bye brag med pa 'am gang zag la/ bye brag yod pa 'am yul la ni/ /bye brag med par 'dod par bya/ /skra sogs dbye zhes tha dad na/ /sems can tha dad nyid du 'gyur/ /de shes pa 'am yang na ni/ /skra sogs bye brag med par 'gyur//gzhan yang 'o ma la sogs pa rnams dang mtshungs par 'gyur te/ gal te mig gis shes par bya ba'i gzugs rnams la brten nas 'o ma 'am chu dmigs par byed na ni 'o ma 'am chu mig gis shes par bya ba yin no zhes brjod par bya la/gzugs rnams zhes kyang brjod par mi bya/ gzugs rnams ma yin no zhes kyang brjod par mi bya'o zhes thams cad brjod par bya'o/ /'o ma dang chu gnyis bzhi nyid thal bar 'gyur du 'ong bas so zhes bya ba ni/ gal te gzugs rnams zhes bya ba nas reg bya rnams zhes bya ba'i bar du brjod na ni/'o ma dang chu bzhi tshan du thal bar 'gyur te/ 'o ma dang chu rnam pa bzhi par 'gyur ro zhes bya ba'i tha tshig go/ /sgra ni glo bur ba yin pas 'dir dbang du ma byas so/ /de'i phyir ji ltar gzugs la sogs pa 'dus pa'i spyi kho na la 'o ma 'am chu zhes 'dogs pa de bzhin du phung po rnams kyi spyi kho na la gang zag 'dogs so zhes bya bar grub po//'dir smras pa/ ji ltar gzugs sogs 'dus pa tsam nyid la/ /shing sogs zhes byar 'gro ba la grags shing / /rtswa chu sbrang rtsi sogs la ltung ba ltar/ / gzugs la sogs pa gang zag de dang 'dra/ /gzugs rnams gang zag dmigs pa'i rgyu zhig gam/ /zhes bya ba dang gzugs rnams dmigs pa na gang zag dmigs zhes bya ba 'di gnyis la khyad par ci zhig yod ces phyogs snga ma la ni gzugs rnams rgyu nyid kyi dbang du byas pa yin no//gnyis pa ni rgyu nyid ma yin no/ /'o na ci zhe na/ gzugs rnams rgyur byas na gang zag dmigs so zhes bya ba yin no/ /de la gal te gzugs rnams rgyu yin par 'dod la/ gang zag de yang phung po de dag las gzhan du brjod par mi bya'o zhe na/'o na ni khyed la gzugs kyang zhes bya ba rgyas par 'byung ba 'di lta bur thal bar 'gyur te/ ji ltar khyed kyi gzugs gang zag dmigs pa'i rgyu yin la/ de yang de dag las gzhan du brjod par mi bya ba ltar snang ba dang mig dang yid la byed pa dag kyang gzugs dmigs pa'i rgyu yin la/de la yang snang ba la sogs pa de dag las gzhan du brjod par mi bya'o/ /de dag ni de dmigs pa'i rgyu yin pa'i phyir ro zhes bya ba ni snang ba la sogs pa de dag ni gzugs dmigs pa'i rgyu yin pa'i phyir ro/ /gang zag gzugs las rang bzhin tha mi dad par 'gyur te zhes bya ba ni/dmigs pa de kho nas dmigs par bya ba yin pa'i phyir gzugs gzhan bzhin no/ /gzugs de kho na la de 'dogs par zhes bya ba ni/ gang zag 'dogs par 'gyur na zhes bya bar sbyar ro/ /'di ni gzugs so zhes bya ba rgyas par 'byung ba ni dmigs pa gcig pa nyid yin na gzugs dang gang zag yongs su gcod par mi 'gyur ro//'on te 'di ni gzugs so/ /'di ni gang zag go zhes bya ba de ltar yongs su mi gcod na ni/ ji ltar gnyi ga dam 'cha'/ gzugs kho na dam 'cha' dgos par 'gyur te/de dmigs pa yod pa'i phyir ro/ /yul zhes bya ba ni/ gang gi rang bzhin shes pas de'i rnam par skyes pa'i sgo nas nges par bya ba yin na/ gang zag tu snang ba'i shes pa ni skye ba yang ma yin no/ /de bzhin du chos kyi bar dag la yang brjod par bya'o zhes bya ba ni ji ltar zhe na/gang yang rna bas rnam par shes par bya ba'i sgra rnams la brten nas gang zag dmigs par byed ces smras pa'i tshig de'i don ci zhig yin zhe na/ ci re zhig sgra rnams gang zag dmigs pa'i rgyu yin nam/ 'on te sgra rnams dmigs na gang zag dmigs so zhes bya ba ni/gal te sgra rnams gang zag dmigs pa'i rgyu yin la/ de yang de dag las gzhan du brjod par mi bya'o zhe na ni/ de lta na ni 'o na sgra yang rna ba dang yid la byed pa la sogs pa las gzhan du brjod par mi bya ste/ de dag ni de dmigs pa'i rgyu yin pa'i phyir ro//'on te sgra rnams dmigs na gang zag dmigs so zhe na ni/ ci dmigs pa de kho nas dmigs sam/ 'on te gzhan gyis gal te de kho nas so zhe na ni/ gang zag sgra las rang bzhin tha mi dad pa 'am/ sgra kho na la de 'dogs par 'gyur na/ 'di ni sgra'o/ /'di na gang zag go zhes bya ba 'di yang ji ltar yongs su gcod/'on te de ltar yongs su mi gcod na ni sgra yang yod do/ /gang zag kyang yod do zhes bya ba 'di yang ji ltar dam 'cha' ste/ dmigs pa'i dbang gis de yod par dam 'cha' bar zad do/ /phyogs 'dis chos kyi bar dag las kyang sbyar bar bya'o//'on te gzhan gyis so zhe na ni/ dus tha dad par dmigs pa'i phyir gzugs las gzhan yin par 'gyur te/ sngon po las ser po lta bu zhes bya ba ni/ gang gi tshe yongs su gcod pas sngon po dmigs pa de'i tshe ser po mi dmigs so//phyis dmigs pa gzhan gyis dmigs te ser po de sngon po las gzhan yin no zhes bya bar grags so/ /de ltar gang zag kyang dmigs pa gzhan gyis dmigs pas gzugs las gzhan par 'gyur ro/ /de bzhin du skad cig ma gzhan ma yin no zhes dper brjod par bya'o//de bzhin du chos kyi bar dag las kyang brjod par bya'o zhes bya ba ni ji ltar zhe na/ 'on te gzhan gyis so zhe na ni/ dus tha dad par dmigs pa'i phyir sgra las gzhan yin par 'gyur te/ dper na rnga bo che'i sgra las rdza rnga'i sgra dang / skad cig ma las skad cig ma gzhan bzhin te/snga ma bzhin du brjod par bya'o/ /'on te gzugs dang gang zag bzhin du zhes bya ba rgyas par 'byung ba ni/ gal te ji ltar gzugs dang gang zag gzhan dang gzhan ma yin par brjod par bya ba ma yin pa de bzhin du de dag gi dmigs pa dag kyang gzhan dang gzhan ma yin par brjod par bya ba ma yin no zhes de skad du smra na/'o na ni des na de dag dmigs pa'i mtshan nyid 'dus byas kyang brjod par bya ba ma yin par 'gyur te/ de'i phyir grub pa'i mtha' gang zag kho na brjod par bya ba ma yin no zhes bya ba gang yin pa 'di nyams par 'gyur te/'dus byas kyang brjod par bya ba ma yin pa'i phyir ro/ /gal te yang 'di yod la zhes bya ba ni gal te 'di gzugs rnams sam ma yin no zhes brjod par bya ba ma yin no/ /'o na ci'i phyir bcom ldan 'das kyis gzugs bdag ma yin pa nas rnam par shes pa'i bar bdag ma yin pa 'di gsungs/ji skad du zhe na/ ji skad du gzugs bdag ma yin bdag kyang gzugs ma yin zhes de skad gsungs pa gang zag ni brjod par bya ba kho na yin gyi/ brjod par bya ba ma yin pa ni ma yin no zhes bstan pa yin no/ /gal te gzugs rnams la brten nas skye na ni sgra la sogs pa bzhin du gang zag rnam par shes par mi nus te zhes bya ba ni/gang zag ni gzugs kyi rnam par shes pas mi dmigs te/ de las gzhan pa'i dmigs pa'i rkyen las byung ba'i phyir sgra bzhin no/ /sogs pa zhes bya ba'i sgras ni 'dir dri bzhin no/ /ro bzhin no zhes bya ba la sogs pa sbyar te/de bzhin du 'di rna ba'i rnam par shes pa la sogs pas mi dmigs pa nyid du brjod par bya'o/ /'di ni phyogs yin no/ /nye bar bkod pa 'dis ni chos can gyi khyad par las bzlog pa dam bca' ba'i skyon brjod do zhes bya bar khong du chud par bya'o//gnyis la brten nas zhes bya ba ni gnyis la brten nas zhes gsungs kyi/ gsum la brten nas skye'o zhes ni ma gsungs so/ /dge slong mig gi rnam par shes pa bskyed pa la rgyu ni mig yin no zhes bya ba ni rgyas par 'byung ba la/ nye ba ni rgyu yin no/ /ring ba ni rkyen yin no//gzhan dag na re skyed par byed pa ni rgyu'o/ /rkyen ni dmigs pa tsam du zad do zhes zer ro/ /gzhan dag na re 'di gnyis ni rnam grangs yin no zhes zer ro/ /gang zag gzugs las gzhan zhes bya ba ni rna ba'i rnam par shes pas shes par bya ba yin pa'i phyir sgra bzhin no//de bzhin du gang zag sgra las gzhan yin zhes bya ba ni mig gi rnam par shes pas shes par bya ba yin pa'i phyir gzugs bzhin no/ /de bzhin du gzhan dag la yang sbyar bar bya'o zhes bya ba ji ltar zhe na/ gang zag gzugs dang sgra dag las gzhan yin te/ sna'i rnam par shes pas shes par bya ba yin pa'i phyir/ dri bzhin no zhes bya ba ste/ 'di ni phyogs bzhin no/ /rang rang gi spyod yul dang yul nyams su myong ba yin gyi zhes 'byung ba'i phyir/ gang zag nyams su myong ba ni ma yin no zhes bshad pa yin no/ /yid kyi dbang po ni 'di dag gi rten yin no zhes bya ba 'di ni zhar la bshad par zad kyi/'di dper brjod pa ni ma yin no/ /de lta mod kyi yid ni dbang po 'di dag gi rten no zhes bya ba ni de la ltos pa rnams rnam par shes pa skye ba'i rgyu yin no zhes bya ba'i tha tshig go/ /yang na gang zag yul ma yin par 'gyur ro zhes bya ba ni gal te mdo'i sde tshad mar byas na'o//des na cir 'gyur zhe na/ gal te yul ma yin no zhe na zhes bya ba smos te/ gal te rnam par shes pa gang gi yul yang ma yin na/ 'o na ni rnam par shes par bya ba ma yin par 'gyur ro/ /de'i phyir gang zag rnam par shes pa drug gis shes par bya ba yin no zhes bya ba'i grub pa'i mtha' dang 'gal bar 'gyur ro//gang zag smra bas smras pa/ gal te de ltar mdo las gzhan gyi spyod yul dang yul nyams su myong ba ni ma yin no zhes 'byung ba'i phyir mig la sogs pa lnga'i tshad mar byas nas rang gi yul 'khrul pa med pas gang zag mig gi rnam par shes pa la sogs pas rnam par shes par bya ba ma yin na/de lta na ni yid kyi dbang po yang 'khrul pa med par 'gyur te/ mdo las dbang po drug po 'di dag ni spyod yul tha dad pa can yin zhing zhes bya ba rgyas par 'byung ba'i phyir ro//'ga' zhig gis srog chags drug po khyi dang bya dang wa dang chu srin byis pa gsod dang / sbrul dang spre'u rnams ka ba 'am/ shing gi rtsa bar btags pa de dag grong dang nam mkha' dang dur khrod dang / chu'i nang dang / grog mkhar dang / nags tshal gyi nang 'dod pa'i phyir rang rang gi spyod yul dang yul 'dod pa de bzhin du dbang po drug po 'di dag kyang rang rang gi spyod yul dang yul 'dod pa yin no//gal te mdo'i tshig yod bzhin du yang yid kyi dbang po 'khrul pa yin na ni/ de ltar na mig la sogs pa'i dbang po rnams kyang 'khrul par 'gyur ro//de'i phyir gang zag mig gi rnam par shes pa la sogs pas rnam par shes par bya ba yin par 'gyur ro zhe na/ 'dir der ni dbang po kho na la dbang po yin par ma gsungs kyi zhes bya ba rgyas par smos so/ /srog chags drug po lta bu'i mdo de las ni mig la sogs pa'i dbang po kho na la dbang po yin par ma gsungs so//ci'i phyir zhe na/ mig la sogs pa'i dbang po lnga la mthong ba la sogs par 'dod pa mi srid pa'i phyir ro/ /'di ltar 'di dag la mthong ba dang thos pa la sogs par 'dod pa mi srid de/ gzugs kyi ngo bo nyid yin pa'i phyir ro/ / de dag gi rnam par shes pa mig gi rnam par shes pa la yang mthong ba la sogs par 'dod pa mi srid pa'i phyir te/ rnam par rtog pa med pa'i phyir ro/ /de dag gis drangs pa yid kyi rnam par shes pa ni dbang po yin par gsungs so/ /de ni de dag gi dbang gis drangs pa yin no zhes bya ba ji ltar shes she na/gal te mig gi sgo dang rna ba la sogs pa'i sgo nas mig gi rnam par shes pa la sogs pa skyes par ma gyur na/ gzhan du na ji ltar yid kyi rnam par shes pa rnam par rtog pa can de skye bar 'gyur/ de'i phyir de dag gi dbang gis drang ba yin no zhes bya bar shes pas yid kyi rnam par shes pa mig gi dbang po la sogs pas drangs pa ste gzugs la sogs pa 'dod pa yin no//yid kyi dbang po 'ba' zhig gis zhes bya ba rgyas par 'byung ba ni yid kyi dbang pos drangs pa'i yid kyi rnam par shes pa gang yin pa de ni de las gzhan pa mig la sogs pa'i yul la mi 'dod pa nyid do//'o na ci zhe na/ rang gi yul chos kyi skye mched la dmigs te/ de'i phyir ji skad bshad pa'i bsam pas/ gal te de ltar yin na yid kyi dbang pos yang 'khrul pa med par 'gyur te zhes bya ba'i nyes pa med do//gang zag ni ma yin pas zhes bya ba ci zhe na mngon par shes par bya ba dang yongs su shes par bya ba'o/ /de lta bas na gang zag 'di rnam par shes par bya ba yang ma yin no/ /don gyis na 'di mngon par shes par bya ba dang yongs su shes par bya ba ma yin no zhes bshad kyi don gyis na rnam par shes par bya ba ni ma yin no zhes ni ma bshad pa ma yin nam zhe na/de'i phyir shes rab dang rnam par shes pa gnyis ni yul 'dra ba'i phyir ro zhes bya ba smos te/ grub pa'i mtha' las dmigs pa mtshungs pa nyid ces 'byung ba'i phyir mig la sogs pa ni rnam par shes par bya ba yang yin gyi/mngon par shes par bya ba 'ba' zhig tu ni ma zad do/ /bcom ldan 'das kyis kyang mdo las zhes bya ba rgyas par 'byung ngo / /nges pa'i don gyi mdo sde la brten par gsungs kyi zhes bya ba ni/ dge slong dag bzhi po 'di dag ni brten pa yin no//bzhi gang zhe na/ chos la brten gyi gang zag la ma yin pa dang / don la brten gyi tshig 'bru la ma yin pa dang / nges pa'i don gyi mdo la brten gyi drang ba'i don la ma yin pa dang / ye shes la brten gyi rnam par shes pa la ma yin pa'o zhes 'byung ba yin no/ /brten pa zhes bya ba ni tshad ma'o//btags pa la lhung bar zad ces bya ba ni/ gang kho na la tha snyad gdags pa'i don du bdag go zhes tha snyad gdags par byas pa de kho na la bdag tu mngon par zhen par zad do zhes bya ba'i tha tshig go/ /'dir dper brjod pa ni/ 'di la bdag gam sems can med/ /ces bya ba 'di dang gang zag dmigs pa ma yin no zhes bya ba ni 'di yin no//de yang 'ga' yang mi dmigs so/ /zhes bya ba ni 'di yang dper brjod pa yin te/ gang zhig stong pa nyid goms par byed pa de yang 'ga' yang med do/ /bdag tu lta ba dang zhes bya ba nas/ srog tu lta bar 'gyur te zhes bya ba'i bar ni nyes dmigs dang po'o//mu stegs can rnams dang khyad par med par 'gyur zhes bya ba ni nyes dmigs gnyis pa'o/ /lam gol bar zhugs par 'gyur zhes bya ba ni gsum pa'o/ /'di'i sems stong pa nyid la mi 'jug cing zhes bya ba nas rnam par grol bar mi 'gyur zhes bya ba'i bar ni bzhi pa'o//'di'i 'phags pa'i chos rnams rnam par byang bar mi 'gyur zhes bya ba ni lnga pa'o/ /'o na de dag gi ston pa yang sangs rgyas ma yin zhes bya ba ni de dag la sangs rgyas kyi bka' tshad ma ma yin no snyam du bsams pa'o/ /'di ni sangs rgyas kyi bka' ma yin no zhes bya ba ni/'ga' zhig gis mdo sde 'di rnams sgro btags so snyam du bsams pa'o/ /sde pa thams cad las zhes bya ba ni/ sa ston pa'i sde pa la sogs las so/ /mdo dang mi 'gal ba ni mdo sde dang 'gal ba med pa'o/ /chos nyid dang yang mi 'gal zhes bya ba ni/rten cing 'brel bar 'byung ba'i chos nyid dang ngo / /chos thams cad ni bdag med pa'o zhes bya ba ni de dag ni bdag gi ngo bo nyid kyang ma yin la/ de dag la yang bdag med pas chos thams cad bdag med pa'o/ /gnyis la brten nas zhes bya ba ni mig dang gzugs nas yid dang chos rnams kyi bar la ste/gang zag de ni chos ma yin no/ /bdag med pa ni phung po dang / skye mched dang khams rnams yin no zhes smra na/ gzugs rnams zhes brjod par mi bya/ gzugs rnams ma yin zhes kyang brjod par mi bya zhes bya ba de bsal te/bdag gzhan min pa'i phyir de bor bar 'gyur ro/ /de lta bas na bdag tu 'dzin pa thams cad ni bdag med pa kho na la yin no zhes bya ba de la gzhan med par ston pa'o/ /gal te de lta na zhes bya ba rgyas par 'byung ba ni/ gal te rjes su dran pa na nye bar len pa'i phung po lnga po 'di dag kho na rjes su dran par gyur tam/rjes su dran nam/ rjes su dran par 'gyur gyi/ gang zag ni ma yin na/ ci'i phyir bdag ni 'das pa'i dus na gzugs 'di lta bu dang ldan par gyur to zhes gsungs te/ bdag ces gsungs pa'i phyir gang zag la bya bar ston to//gang zag de ltar rnam pa du mar rjes su dran pa zhes bya ba la/ khyed cag ni bdag nyid gzhung 'don pa nyid du ston pa yin te/ de nyid kyi phyir 'di la ni ma gtogs pa kho na skyabs yin no zhes bya ba smos te/ bdag ces 'don pa yod na 'jig tshogs la lta bar thal bar 'gyur ro zhes bya ba'i tha tshig go//'jig tshogs la lta ba'i mu ni nyi shu 'byung ste/ bdag gzugs yin no zhes yang dag par rjes su lta ba dang / bdag gzugs dang ldan pa dang / gzugs bdag gi yin pa dang / gzugs bdag la gnas pa zhes bya ba nas/ de bzhin du rnam par shes pa'i bar du brjod par bya'o//phung po dang rgyun la sogs pa bzhin no zhes bya ba ni phung po bzhin dang / rgyun bzhin no/ /sogs pa zhes bya ba'i sgras ni bsdu ba la sogs pa bsdu'o/ /skad cig ma gcig la mang po rnams 'dus pa ni phung po'o/ /skad cig ma mang po la 'dus pa dag ni rgyun no//phung po'i dpes ni chos mang po dag la gang zag 'dogs par ston to/ /rgyun gyi dpes ni gzugs dang tshor ba la sogs pa phung po dag gi rgyun mang po nyid yod na gang zag 'dogs par ston to/ /'di ji ltar khong du chud ce na zhes bya ba ni sangs rgyas zhes bya ba'i rgyud la gang du bzhed par gtad pa tsam gyis phyin ci ma log pa'i mkhyen pa skye ba gang yin pa'i mthu 'di yod kyi/gang zag la ni ma yin no zhes bya ba'o/ /smras pa 'das pa la sogs pa gsungs pa'i phyir ro/ /rdzogs sangs rgyas 'das gang dag dang //zhes bya ba rgyas par brjod nas/ de lta bas na phung po'i rgyun kho na la sangs rgyas zhes bya'i gang zag la ni ma yin no/ /dge slong dag khyed la khur yang bstan to zhes bya ba rgyas par 'byung ba ni/ dge slong dag khyed la khur yang bstan to/ /khur len pa dang / khur 'dor ba dang /khur khyer ba yang bstan gyis/ de'i phyir legs par rab tu nyon la yid la zung shig dang bshad do/ /khur gang zhe na/ nye bar len pa'i phung po lnga'o/ /khur len pa gang zhe na/ yang srid pa'i sred pa dga' ba'i 'dod chags dang ldan pa de dang der mngon par dga' ba'o//khur 'dor ba gang zhe na/ yang srid pa'i sred pa dga' ba'i 'dod chags dang ldan pa de dang der mngon par dga' ba de nyid ma lus par spangs pa dang / so sor nges par 'byung ba dang / byang bar gyur pa dang / zad pa dang 'gog pa dang / nye bar zhi ba dang /nub pa gang yin pa'o/ /khur khyer ba gang zhe na/ gang zag yin no zhes brjod par bya ste/ tshe dang ldan pa ming ni 'di zhes bya/ rus ni 'di zhes bya/ zas ni 'di lta bu zhig za za/ bde ba dang sdug bsngal ni 'di lta bu myong myong / tshe ni 'di tsam zhig thub yun ni 'di srid cig gnas gnas/tshe'i mtha' ni 'di tsam zhig go zhes bya ba gang yin pa'o/ khur khyer bar byed pas na khur khyer ba ste/ gang zag go zhes bya ba'i tha tshig ste/ dper brjod pa ni 'di yin no/ /'di nyid kyi phyir khur khyer ba yin par ni rigs pa ma yin te zhes bya ba smos so//de'i phyir gal te khur las khur khyer ba gzhan yin zhing / de yang gang zag yin na ni de phung po dag las gzhan nyid yin par 'gyur bas mi 'dod par thal bar 'gyur ro/ /gang zag bzhin du ji skad bshad pa'i mtshan nyid can gyi khur len pa yang phung pos ma bsdus par thal bar 'gyur ba zhig na/de ltar yang mi 'dod de/ de bas na phung po len pa bzhin du gang zag de phung po dag las don gzhan du gyur pa ma yin no/ /de kho na'i phyir zhes bya ba rgyas par 'byung ste/ de lta ma yin te gang zag rdzas su yod par gyur na/ bcom ldan 'das kyis mdo de las khur khyer ba gang zhe na/ gang zag yin no zhes bya ba de kho na tsam zhig gsungs par 'gyur gyi/ yang tshe dang ldan pa ming ni 'di zhes bya zhes bya ba nas rgyas par tshe'i mtha' ni 'di tsam zhig go zhes bya ba'i bar rnam par ma phye bar 'gyur ro/ /yang khyad par du mdzad pa 'di ni gang zag btags par yod pa yin no zhes rtogs par bya ba'i phyir ro snyam du dgongs pa yin te/ci nas kyang de nyid btags pa'i yod pa yin gyi/ gang zag rdzas su yod pa rtag par brjod par bya ba ma yin no zhes gzhan du ni shes par ma byed cig ces bya ba yin no//phung po snga ma rnams zhes bya ba rgyas par 'byung ba de la phung po gang dag gnod par byed cing / sdug bsngal gyi rgyur 'gyur ba de dag ni khur zhes bshad do/ /phyi ma gnod par 'gyur ba gang dag yin pa de dag ni khur khyer ba zhes bshad do/ /skye ba pa yin pa'i phyir ro zhes bya ba ni skye ba'i ngang tshul can yin pa'i phyir ro zhes bya ba'i tha tshig go//bden pa rnams kyi khongs su ma gtogs pa'i phyir ro zhes bya ba ni/ gang gi phyir ji ltar kun brtags pa'i gang zag ni sdug bsngal la sogs pa'i bden pa'i khongs su ma gtogs te/ gang zag ni sdug bsngal nas lam gyi bar ma yin no//de'i phyir gang zag la skur pa 'debs pa'i log par lta ba 'di ni bden pa mthong bas spang bar bya ba ma yin te/ lta ba gang zhig bden pa gang la log par zhugs pa de ni bden pa de mthong bas spong bar 'gyur ro/ /de bzhin du gang zag ni sdug bsngal dang kun 'byung ba'i khongs su ma gtogs pa'i phyir bsgom pas spang bar bya ba ma yin te/bsgom pas spang bar bya ba'i nyon mongs pa ni sdug bsngal dang kun 'byung ba'i ngo bo yin na/ gang zag ni sdug bsngal dang kun 'byung ba yang ma yin te/phung po'i rang bzhin ma yin pa'i phyir ro/ /de'i phyir de ni bsgom pas spang bar bya ba ma yin no/ /yang na lta ba ni 'ga' yang bsgom pas spang bar bya ba ma yin pas de bsgom pas spang bar bya ba ma yin no/ /til gcig dang 'bras thug po che gcig ces bya ba lta bu dang /phung po gcig dang tshig gcig ces bya ba ni/ ji ltar rdzas brgyad pa yin yang til gcig dang 'bras thug po che gcig ces bya ba dang / ji ltar mon sran gre'u la sogs pa rnams mang po nyid yin du zin kyang phung po gcig ces bya ba dang / ji ltar yi ge rnams mang po nyid yin du zin kyang /tshig gcig ces bya ba ltar gang zag gcig ces bya ba yang de dang 'dra'o/ /skye ba dang ldan pa'i phyir ro zhes bya ba ni/ skye'o zhes smras pas de skye ba dang ldan pa nyid du khas blangs pa yin te/ de'i phyir khyed kyi 'dus byas yin no zhes brjod dgos so//phung po gzhan yin pa'i phyir te/ dper na rig pa blangs pa'i phyir mchod sbyin skyes so zhes bya ba la sogs pa la/ rig pa blangs pa'i phyir de skad ces bya'i/ 'di 'byung ba'i don du skyes pa ma yin pa de dang 'dra ste thams cad la sbyar bar bya'o/ /chos su brdar btags pa ma gtogs pa zhes bya ba ni rten cing 'brel par 'byung ba'i mtshan nyid las ma gtogs pa ste/des na 'di yod pas na 'di 'byung zhes bya ba la sogs pa gsungs so/ /byed pa po ni mi dmigs so/ /zhes bya ba rgyas par 'byung ba'i las kyis byed pa po mi dmigs so//de yang ci 'dra ba zhig ce na/ gang zhig phung po 'di rnams 'dor bar byed cing zhes bya ba smos te/ tshe 'di'i phung po da ltar ba rnams zhes bya ba'i tha tshig go/ /phung po gzhan dag nying mtshams sbyor bar byed pa zhes bya ba ni/ tshe phyi ma'i phung po srid pa bar ma pa 'am/skye ba'i char gtogs pa dag go/ /nying mtshams sbyor bar byed pa zhes bya ba ni nye bar len pa'o/ /dbo las skyes len ces mi smra'o zhes bya ba ni gal te ngas 'di skad du 'di len to zhes smras na/ btsun pa gang nye bar len pa zhes bya ba nas nye bar len pa 'di srid pa'i rkyen can yin no zhes bya ba'i bar tshig de khyod la legs par 'gyur ram zhes 'byung ngo //de lta bas na phung po rnams nye bar len par byed pa dang / 'dor bar byed pa ni 'ga' yang med do/ /'on te lus yin no zhe na/ de yang de 'dra zhes bya ba ni/ skad cig re re las sngon med pa kho na'o zhes bya ba'i tha tshig ste/gal te gang zag yin no zhe na ni de ma grub po zhes bya ba la sogs pa nye bar bkod pas ni dpe ma grub pa nyid du ston to/ /lus rig pa dang rtags bzhin du/ /zhes bya ba ni/ rig pa dang rtags ni rig pa dang rtags so/ /lus dang rig pa dang rtags ni lus dang rig pa dang rtags dag go//de dag dang 'dra ba ste/ lus dang rig pa dang rtags bzhin du phung po dang / gang zag dag gzhan nyid du 'gyur ro/ /ji ltar blang bar bya ba rig pa dang rtags las lus gzhan nyid yin pa de bzhin du/ blang bar bya ba phung po las kyang lus gzhan nyid yin te nye bar len pa las gzhan nyid yin pa'i phyir ro snyam du bsams pa yin no//rga ba dang na ba yang lus gzhan kho na yin no zhes bya ba ni gnas skabs rnams skad cig re re la gzhan nyid yin par bsams pa ste/ de la rga ba skyes so na ba skyes so zhes gang smras pa'i dpe ma grub po zhes ston par byed do//'on te yang lus gnas pa la gnas skabs gzhan log na gnas skabs gzhan 'byung ngo snyam du sems na/ grangs can pa'i 'gyur bar smra ba ni 'jig rten pa'i mdzod kyi gnas skabs su bkag zin to/ /ji skad du zhe na/gnas pa gang la chos gzhan gyi khyad par yongs su brtag par bya ba'i chos can de nyid yod pa ma yin te/ de nyid 'di yin la/ de lta yang ma yin no zhes bya ba'i tshig gi rigs pa 'di ni sngon ma byung ba zhes bya'o/ /'byung ba dag ni bzhi yin gzugs ni gcig yin zhes bya ba ni gzugs gang zhe na/'byung ba chen po bzhi dag dang / /zhes bya ba la sogs pa dag yin no/ /smra ba 'di ni phyogs la yod pa yin no zhes bya ba la/ phyogs gang zhe na/ 'byung ba tsam gyi phyogs la'o zhes bya ba ste/ gnas brtan sangs rgyas lha'i phyogs la yod kyi kho bo cag gi phyogs la ni ma yin no//de ltar na yang zhes bya ba ni 'byung ba tsam gyi phyogs la 'byung ba dag las gzugs gzhan ma yin pa de bzhin du phung po dag las gang zag gzhan ma yin no zhes khas blangs pa yin pas/ rang gi grub pa'i mtha' yongs su bor bar 'gyur ro snyam du bsams pa yin no//ci'i phyir bcom ldan 'das kyis srog de nyid lus yin pa'am/ gzhan yin no zhes lung ma bstan zhes bya ba la/ de dag gi bsam pa ni gal te phung po dag kho na la gang zag nye bar 'dogs na/ ci'i phyir lus kho na srog yin no zhes ma bshad pa snyam pa 'di yin no//snga ma dag kho nas zhes bya ba ni gnas brtan klu sde la sogs pa dag gis so/ /smra ba mang ba zhes bya ba ni gcor ba'o/ /pha rol pos gal te gang zag brjod par mi bya ba ma yin no/ /ci'i phyir bcom ldan 'das kyis kyang med pa kho na'o zhes ma gsungs zhes bya ba smras so//smras pa med ces bya ba don dam du'o/ /kun rdzob tu ni yod ces bstan/ /de dang 'gal phyir de nyid du/ /sems can yod ces ma gsungs so/ /de ni de bstan pa yang mi bzod do zhes bya ba ni bdag med pa bstan du mi rung ngo zhes bya ba'i don to//snga nas kun du rmongs pa zhes bya ba ni/ 'jig tshogs la lta ba dang ldan pa'i rmongs pas so/ /kun du rmongs pa'i phyir zhing ches rgyas par 'gyur zhes bya ba ni chad par lta ba dang ldan pa 'am/ log par lta ba dang ldan pa snyam du bsams pa yin no/ / de nyid kyi phyir bdag gi bdag sngon yod par gyur pa las da ni bdag gi de yang med do zhes bya ba smos so/ /'dir smras pa zhes bya ba ni/ btsun pa gzhon nu len gyis so/ /lta ba'i mche bas smras pa dang / /zhes bya ba rgyas par 'byung ba ni/ lta ba nyid mche ba yin pas na lta ba'i mche ba'o//sangs rgyas bcom ldan 'das rnams ni des smras pa la ltos nas/ gnyen po chos bdag med pa yang ston par mdzad do/ /las rnams 'jig pa la ltos nas te/ byas pa chud za ba la ltos nas gang zag yod pa nyid lta bu ston pa rnams gzhan du yang ston par mdzad do/ /stag mos phru gu khyer ba ltar//zhes bya ba ni ji ltar stag mos 'di'i lus mche bas smas par 'gyur na mi rung ngo snyam nas sos ha cang bag med par bzung ste/ rang gi phru gu mi khyer zhing gnas gzhan du mi khrid la/ phru gu 'di 'di la lhung ste snang bar 'gyur du 'ong snyam ste/ sos ha cang lhad lhod du bzung ste yang de mi khyer gyi/ran par bzung ste khyer ba lta bur zhes bya ba'i tha tshig go/ /de bzhin du mi'i seng ge bcom ldan 'das kyang 'dul ba'i thabs la mkhas pa'i phyir/ ran pa kho nar 'dul ba'i 'gron pa mya ngan las 'das pa'i grong khyer du bsnams par mdzad do//de bzhin du ston pa la rgyu bsnan pa'i phyir/ bdag yod nyid du zhes bya ba la sogs pa rgyas par smos te/ gal te 'ga' zhig bdag yod pa nyid du zhugs par gyur na gdul ba'i skye bo de 'jig tshogs la lta ba'i mtshan nyid kyi lta ba'i mche bas smas par 'gyur ro/ / kun rdzob rtogs par ma gyur nas/ /zhes bya ba ni chos brda mi shes pa ste/ las kyi 'bras bu med do snyam nas dge ba'i las stag gi phru gu lta bu nyams par byed par 'gyur ro/ /btags pa 'ang zhes bya ba la/ btags pa la yod pa la btags pa ni/ la la gang zag kun rdzob tu yod pa yang med do snyam du 'dzin par 'gyur bas/de'i phyir med dam zhes kyang ma gsungs so/ /yod na ci'i phyir yod mi gsung / /zhes bya ba ni gal te gang zag yang dag par don du yod na bcom ldan 'das ci'i phyir gang zag yod do zhes mi gsung / gzugs yod do zhes smras pa la ni nyes par mi 'gyur te de yod pa'i phyir ro//gcer bu pa'i nyan thos kyis bye'u bzung ba bzhin no zhes bya ba ni/ gcer bu pa'i nyan thos zhig gis bye'u gson po zhig bzung nas/ bcom ldan 'das la bye'u 'di gson nam/ mi gson zhes dris so//de'i bsam pa 'di yin no/ /gal te dge sbyong gau ta ma gson no zhes gsungs na ni/ des de btsir nas ston par byed do/ /gal te bcom ldan 'das 'di skad du shi'o zhes gsungs na ni/ des de gson po kho na ston par byed do/ /de ni ji ltar na 'jig rten gyis 'di thams cad mkhyen pa ma yin par shes par 'gyur snyam du mngon par zhen to//bcom ldan 'das kyis ni de'i bsam pa mkhyen nas lung ma bstan gyi/ 'di gson nam mi gson pa ni khyed kyi sems kyi kha na las so zhes bya ba kho na gsungs pa de dang 'dra bar 'di yang lung ma bstan to//bzhi tshan 'di ni don mthun no/ /zhes bya ba ni 'jig rten rtag go 'jig rten mi rtag go zhes bya ba'i bzhi tshan 'di dang / 'jig rten mtha' dang ldan no 'jig rten mtha' dang mi ldan no zhes bya ba'i bzhi tshan 'di ni don mthun no zhes bya bar ji ltar shes she na/'di ltar kun du rgyu smra byed kyis 'jig rten mtha' dang ldan pa dang / mtha' dang mi ldan pa dang / ldan pa yang yin mi ldan pa yang yin pa dang / mtha' dang ldan pa yang ma yin/ mi ldan pa yang ma yin no zhes bya ba bzhi tshan 'di zhus nas yang ci lags 'jig rten thams cad ces bya ba rgyas par zhus so//zhu ba zhus pa zhes bya ba ni 'jig rten mtha' dang ldan pa zhes rgyas par zhus pa gang yin pa de nyid da lta ci lags/ 'jig rten thams cad lam 'dis nges par 'byung ngam zhes bya ba 'di 'am/ 'dis ni mtha' dang ldan nam zhes dris pa yin no//'on te 'jig rten phyogs gcig lags zhes bya ba 'dis ni mtha' dang mi ldan zhes bya ba la sogs pa'o/ /gang zag gson po ni yod do zhes lung ston la zhes bya ba ni gang zag 'di de nyid dang gzhan du brjod du med bzhin du lung bstan snyam du bsams pa yin no//rtag pa'i nyes par thal bar 'gyur ba'i phyir ro zhes bya ba ni gnas ma'i bu'i tshig go/ /'o na ci'i phyir/ 'di lung ston zhes bya ba rgyas par 'byung ba ni slob dpon gyis gsungs pa ste/ de lta na yang rtag par thal bar 'gyur ro/ /rim gyis rim gyis mi brjod par gyis shig ces bya ba ni bcom ldan 'das thams cad mkhyen pa yin nam zhes bya ba la sogs pa mi brjod pa'o//rim gyis rim gyis zhes smos pa ni shAkya'i bu mtshungs pa dag rab tu 'khrug pa dag yongs su spangs pa'i phyir ro/ /bden pa zhes bya ba ni yang dag par ro/ /gnas par zhes bya ba ni mi 'gyur bar ro//lta ba'i gnas su gsungs so zhes bya ba ni log par lta ba'i gnas su gsungs so snyam du bsams pa yin no/ /slob dpon gyis yod do snyam pa yang lta ba'i gnas su gsungs so zhes bya ba smos te/ 'jig tshogs la lta ba'i gnas su zhes bya ba'i don to//phyogs 'di ni lan btab zin zhes bya ba ji lta bu zhe na/ ma yin te bkag pa'i phyir ro/ /mdo nyid las spangs te bcom ldan 'das kyis zhes bya ba nas rgyas par 'di dag ni dpe ngan pa yin no zhes bya ba'i bar yin no/ /ji ltar 'khor ba de bzhin du bstan pa'i phyir/ ji ltar me skad cig ma yin yang zhes bya ba rgyas par smos so//me ni skad cig ma yin par grags la/ de yang yul gzhan du 'byung ba'i rgyun gyis 'gro'o zhes bya ba de bzhin du/ sems can zhes bya ba yang phung po nye bar blangs nas yin no/ /sred pa nye bar len pa can zhes bya ba ni 'di la srid pa nye bar len pa yod pas/sred pa nye bar len pa can te/ skad cig ma yin yang rgyun gyis 'khor ro/ /mig bzang zhes bya ba'i ston pa ni zhes bya ba ni/ nyi ma bdun 'char ba'i mdo las bcom ldan 'das 'di yang drang srong mig bzang zhes bya bar 'gyur ro zhes 'byung ngo //phung po rnams gzhan yin pa'i phyir ro zhes bya ba ni skad cig ma yin na gzhan yin pa'i phyir ro snyam du bsams pa yin no/ /rgyud gcig pa nyid du ston par mdzad pa yin no zhes bya ba ni/ gang gi phyir mig bzang sangs rgyas kyi rgyud kho na yin par gyur pa de'i phyir de nyid yin no zhes tha mi dad pa nye bar btags pa'o//dper na sngon mthong ba'i me gang yin pa de nyid sreg cing 'ongs so zhes bya ba lta bu ste/ rgyun gyis 'jug pas de nyid yin no zhes bya ba ni de dang 'dra'o/ /de ni de dag gi 'jig tshogs la lta ba yin no zhes bya ba ni de bzhin gshegs pa de dag gis bdag dang bdag gi rnam pa can gyi 'jig tshogs la lta bar 'gyur ro//bdag dang bdag gir chags pa'i 'ching ba shin tu dam pos glags pa zhes bya ba ni bdag tu lta ba dang bdag gir lta ba yod na bdag tu chags pa dang bdag gir chags par 'gyur ro//de'i phyir 'dod chags 'ching ba yin pas/ so so'i skye bo ltar 'ching ba dam po can rnams la thar pa thag ring bar 'gyur te/ bdag tu 'dzin pa yod pa'i phyir med pa kho nar 'gyur ro snyam du bsams pa yin no/ /kha cig ni gang zag tu 'dzin zhes bya ba ni gnas ma'i bu rnams so//gang dag ces bya ba ni mu stegs byed ser skya dang / gzegs zan dang rkang mig dang rgyal dpog la sogs pa bdag rdzas gzhan kho na yin par sems pa de dag gi ltar na yang thar pa med pa'i nyes pa 'di g.yo ba med pa yin te 'di ltar bdag tu nga rgyal ba'i gzhi yod par khas blangs nas nga'o snyam pa'i phyin ci log yin pa'i phyir ro//de'i phyir grol ba'i thabs yin pa'i phyir bdag med par lta ba kho na mdzes so/ /mngon sum du mthong ba rnams la bdag tu nga rgyal ba ma byung ngo zhes bya ba 'di ni bzhad gad du bya ba zhig go//gang zhig the tshom gyi dpyang thag la myug pa nga'o snyam du sems la/ mthong nas mi sems so zhes bya ba 'di ni dad par bya ba zhig go/ /gzhan mu stegs byed kyi tshogs bdag tu lta ba dang / bdag la chags pa'i skud pa bsran tes sems btsems shing btsems pa/bsam gtan gyi bde ba la chags pa la blo gyen du 'thon pa thams cad kyis ni srid pa'i rtse mor 'dzeg pa'i sgor 'jug pa thob kyang nges par byed pa po yod pas thar pa'i sa bon gyi dri yang ma bsnams pa yin no/ /blo dang dbang po dang lus tsam po rkyen gyi gzhan gyi dbang mi rtag par mthong ba la ni bdag med pa'i 'du shes skye la/de la de ltar goms par byas nas de nas rim gyis sems kyi rgyud ngar 'dzin pa dang gtan bral ba skye'o/ /de nas gsal bar byas pa bdag gi dngos po la tshogs pa'i skabs med pa'i phyir yang skye ba med pas thar bar 'thad do//de'i phyir thar pa'i tshul dang bral ba'i phyir dang / bdag tu rtog pa spang bar bya ba yin pa'i phyir na/ nga rgyal ba 'di ni phyin ci log yin no/ /'o na gal te bdag rnam pa thams cad du med pa ni ji ltar sems skad cig pa rnams zhes bya ba la sogs pa 'byung ngo / / de'i phyir skad cig ma'i phyogs yongs su 'dzin pa la dran pa dang ngo shes pa la sogs pa rnams mi skye bar smra bar nus so/ /gzugs la sogs pa skad cig ma snga ma la nyams su myong bar 'gyur ba ni skad cig ma phyi ma la dran pa srid par ji ltar 'gyur te/ nag pa la sogs pas bde ba dang sdug bsngal dang cig shos su nyams su myong ba gang yin pa de ni de las ngo bo tha dad pa lus bkra ba la sogs pa'i dran pa'i lam du gzud par mi nus so zhe na/dran pa'i yul la 'du shes pa'i rgyu las byung ba'i sems kyi khyad par las so zhes bya ba smos te/ dran pa'i yul ni dran pa'i yul te/nyams su myong ba'i don to/ /'di la de la 'du shes pa'i rgyu/ rgyu mtshan yod pas na dran pa'i yul la 'du shes pa'i rgyu las byung ba'i sems kyi khyad par te/ sems 'ga' kho na zhig yin gyi/ thams cad ni ma yin no zhes bya ba'i tha tshig go/ /de las dran pa 'am ngo shes par 'gyur ro//de ltar gnyi ga khyad par bya ba dang / sems kyi khyad par ji lta bu las zhes 'dri ba la/ de la gtad pa dang zhes bya ba rgyas par smos so/ /dran par bya ba de la gtad pa ni gtad pa'o/ /'du shes la sogs pa dang ldan pa zhes bya ba'i sogs pa zhes bya ba'i sgras ni smon pas gzas pa dang goms pa la sogs pa bsdu'o//'dra ba mthong ba las ni dper na ba men dmigs nas ba lang dran pa dang / gzugs brnyan mthong ba las rtsa ba'i gzugs dran pa lta bu'o/ /'brel pa can mthong ba las ni dper na me dang shing thog dang me tog gi kha dog mthong ba las tsha ba dang ro dang dri dag dang /rwa mthong nas ba lang dang / du ba mthong ba las me dran pa de lta bu la sogs pa'o/ /gang dag la rten gyi khyad par dang mya ngan dang rnam par g.yeng ba dang por yod pa ste/ rten gyi khyad par dang mya ngan dang rnam par g.yeng ba de dag gis mthu ma nyams pa can gyi sems kyi khyad par ro//de'i phyir sems kyi khyad par 'di lta bu las dran par 'gyur ro/ /de la gtad pa las ni gal te de la gtod par byed na'o/ /'dra ba'i 'du shes la sogs pa dang ldan pa las ni gang la 'dra ba las dran pa 'byung ba'o//'brel pa can gyi 'du shes dang ldan pa las ni gang la 'dra ba med kyang du ba la sogs pa mthong ba las dran par 'gyur ba'o/ /smon pas gzas pa dang / goms pa la sogs pa dang ldan pa las ni gang la dus de'i tshe dran par bya'o snyam pa 'am/'di da dran par bya ba la sogs pa'o/ /rten gyi khyad par la sogs pas zhes bya ba ni rten gyi khyad par nad kyi mtshan nyid dang / mya ngan dang / bya ba gzhan la g.yeng bas so/ /sogs pa zhes bya ba'i sgras bsdus pas ni/ las dang rig sngags la sogs pa dag gis so//de lta bu yin yang zhes bya ba rgyas par 'byung ba ni/ de la gtad pa zhes bya ba nas 'du shes la sogs pa dang ldan pa'o zhes bya ba'i bar dang / mthu ma nyams pa can gyi bar yin pas zhes bya ba'i tha tshig go/ /de'i rgyu las byung ba ma yin pa zhes bya ba ni/ dran pa'i yul la 'du shes pa'i rgyu las ma byung ba zhes bya ba'i don to//bskyed pa zhes bya ba ni dbyung bar ro/ /gzhan lta bus zhes bya ba ni de la gtod pa ma yin pa nas 'du shes la sogs pa ldan pa ma yin pa dang / mthu nyams pa'i bar ro/ /gzhan la zhes bya ba ni/ sems kyi khyad par las gzhan la'o//ma yin te 'brel pa med pa'i phyir ro zhes bya ba ni/ lha sbyin dang mchod sbyin gyi sems dag rgyu dang 'bras bu'i dngos po ma yin no zhes bya ba'i tha tshig go/ /ji ltar rgyud gcig la yod pa'i sems dag rgyu dang 'bras bur gyur pa'i phyir 'brel pa ltar lha sbyin dang mchod sbyin gyi sems de dag de ltar 'brel pa ma yin pas 'dis ni dpe dang dngos gnyis mi 'dra ba nyid du ston to//'dir smras pa/ gzhan gyi mthong la de stobs skyed/ /sems de dran par mi rigs zhes/ /bya ba 'di la gnas sogs sems/ /dag ni dpe go ji ltar yin/ /gang phyir nag sems kyis dran don//byams sems kyis dran min te dper/ /sa bon de dang de min can/ /nyid kyis 'bras ljang las nas bzhin/ /sems gzhan gyis mthong la gzhan gyis dran no zhes kyang mi zer ro zhes bya ba ni gzhan 'ga' zhig gis dran pa ni ma yin no snyam du bsams pa'o/ / mthong ba'i las dran pa'i sems gzhan skye'o zhes bya ba ni rgyu yod pa'i phyir te/ sa bon yod pas myu gu bzhin no zhes bya ba'i tha tshig go/ /dran pa kho na las ngo shes pa yang yin no zhes bya ba ni/ dran pa yod na ngo shes te/ bdag gi mthong ba gang yin pa de nyid 'di yin no zhes bya bar dran pa'i phyir ro//'o na gang zhes bya ba ni gal te sems kyi khyad par kho nas dran na 'o na gang nag pas dran no zhes bya de ji lta bu zhes bya ba'i tshig kho nas drang ngo / /de yang zhes bya ba rgyas par 'byung ba ni nag pa zhes bya ba 'du byed kyi tshogs kyi rgyun de yang zhes bya ba de yang yul gzhan dang 'gyur ba 'byung ba ste/yul gzhan du 'byung ba dang 'gyur ba 'byung ba la rgyu'i dngos por yid la bsams nas so/ /ci zhe na/ rje bo zhes brjod par zad kyi gang zag ni ma yin te/ tha snyad 'di ni rgyu dang 'bras bu'i dngos po la ltos pa yin gyi/ gang zag la ltos pa ni ma yin no snyam du bsams pa yin no//de nyid kyi phyir gcig pu ni 'ga' yang med ces bya ba la sogs pa smos so/ /de bzhin du su zhig gis rnam par shes pa zhes bya ba la sogs pa rgyas par 'byung ba ni/ bdag med na su zhig gis de ltar rnam par shes/ rnam par shes pa zhes bya ba'i don ci yin/rnam par shes pas yul 'dzin pa'o/ /ci de 'dzin pa rnam par shes pa las gzhan zhig yin nam/ 'o na ni rnam par byed do/ /gang gis de byed pa de bshad zin te/ rnam par shes pa'i rgyu ni ci rigs par dbang po dang don dang yid la byed pa la sogs pa dag yin no zhes bya ba 'di ni khyad par yin no//ci rigs par zhes bya ba ni ji ltar srid par ro/ /'o na gang nag pas rnam par shes so zhes bya ba ji lta bu zhe na/ nag pa zhes bya ba'i rgyud las de skye bar mthong nas smra bar zad do/ /drug pa 'di'i don ji lta bu yin/ rje bo'i don yin no/ /dper na gang gi jo bo gang yin pa zhes bya ba nas rgyas par rnam par shes pa gang du sbyar bar bya na 'di ltar 'di'i rje bo btsal/rnam par shes par bya ba'i don la'o/ /ci'i phyir sbyar bar bya/ rnam par shes par bya ba'i phyir ro/ /kye ma de nyid de'i don du sbyar ro zhes bya ba ni bsod nams kyis bskyed pa rnams kyis legs par smras so//ji ltar sbyar bar bya ba bskyed pa'i sgo nas sam/ 'on te mngag pa'i sgo nas/ rnam par shes pa la 'gro ba mi rung bas bskyed pa'i sgo nas so/ /de lta na ni rgyu kho na rje bo yin la 'bras bu kho na bran yin par 'gyur te zhes bya ba'i bar du rgyas par de ni rnam par shes pa'i rgyu gang yin pa de kho na'i yin no//gang yang nag pa zhes bya ba'i bar dang / rgyas par de lta bas na de la yang rgyu'i dngos po ma gtogs pa rje bo'i dbang po med do zhes bya ba'i bar yin no/ /sogs pa zhes bya ba'i sgras ni su zhig gi tshor/ su'i tshor ba yin/ su zhig gi 'du shes/su'i 'du shes yin zhes bya ba la sogs pa bsdu ste/ 'di ni phyogs yin no/ /gang yang bya ba ni byed pa po la ltos pa'i phyir te zhes zer ba brda sprod pa po'o/ /de yang dgos so zhes bya ba ni rnam par shes pa po yang dgos so/ /gang zag go snyam du bsams pa yin no//'gro ba po'i 'gro ba'o zhes brjod pa yin no zhes bya ba ni dper na me 'gro'o/ /sgra 'gro'o zhes me'i 'gro ba dang sgra'i 'gro ba ltar lhas byin 'gro'o/ /lhas byin 'gro ba'o zhes bya ba yang de dang 'dra ste/ dpe 'dis ni lhas byin gyis rnam par shes so zhes bya ba grub po/ /'dra bar bdag nyid thob pa'i phyir zhes bya ba ni rgyu dang 'dra bar bdag nyid thob pa'i phyir ro//cung zad kyang mi byed mod kyi zhes bya ba ni yongs su g.yo ba mi byed mod kyi zhes bya ba'i don to/ /de'i rnam pa nyid do zhes bya ba ni sngon po la sogs pa yul gyi rnam pa nyid do zhes bya ba'i tha tshig go/ /rnam par shes pa'i rgyur gyur pa'i phyir zhes bya ba ni rnam par shes pa yang rnam par shes pa gzhan gyi rgyu yin te/de'i phyir rnam par shes pa gzhan skyed par byed pa la rnam par shes so zhes bya'o/ /rgyu la byed pa po'i sgrar bstan pa'i phyir zhes bya ba ni/ rgyu ni byed pa por 'gyur ba'i phyir dper na dril bu ni sgrogs par byed pa'i rgyu yin pas dril bus sgrogs so zhes bya ba de dang 'dra'o//gcig kho na yin pa'i phyir sgron ma zhes bya ba ni me lce rnams kyi rgyun la nye bar 'dogs par byed la/ de yul gzhan dag tu 'byung ba ste/ sgron ma rgyun gyi ngo bo de yul gzhan du byung ba la/ yul de dang der 'gro ba zhes bya'o//de bzhin du gcig kho na yin pa'i phyir sems kyi rgyun la rnam par shes pa nye bar 'dogs par byed pa/ rnam par shes pa rgyun gyi ngo bo de yul gzhan dag la skye ba la yul de dang rnam par shes so zhes bya ba ste/ rnam par shes pa rgyun gyis skye bas rnam par shes so snyam du bsams pa yin no//yang ji ltar gzugs 'gyur ro zhes bya ba rgyas par 'byung ba ni/ ji ltar 'gyur ba po 'gyur ba la don gzhan ma yin pa dang / skyed pa po skye ba dang gnas pa po gnas pa las don gzhan ma yin pa ltar rnam par shes pa la yang de dang 'dra bar 'gyur te/ bya ba logs shig na med pa'i phyir/rnam par shes pa'i rnam par shes pa po yang rnam par shes pa'i bya ba las don gzhan ma yin pa nyid do/ /bye brag pa'i gzhung lugs kyis bslus pas smras pa/ gal te bdag las rnam par shes pa mi skye na rnam par shes pa'i mtshan nyid kyi rgyu la khyad par med pa'i phyir ro//rnam par shes pa de dang 'dra ba kho nar 'gyur ro/ /gal te bdag las skye na ni de'i bsam pa'i khyad par can kho na skye'o snyam du bsams pa yin no/ /myu gu dang sdong bu dang 'dab ma la sogs pa bzhin du rim pa nges par skye bar mi 'gyur zhes bya ba ni/ ci'i phyir sems snga ma 'gags pas/go phye bas ba lang gi blo'i mjug thogs su bud med kyi blo/ bud med kyi blo las ma he'i blo skye'i/ ci'i phyir myu gu dang sdong bu dang 'dab ma la sogs pa bzhin du mjug thogs su ba lang gi blo kho na skye bar mi 'gyur/ myu gu las sdong bu kho na skye bar 'gyur gyi 'dab ma la sogs pa ma yin pa dang /sdong bu las 'dab ma kho na skye bar 'gyur gyi/ me tog ma yin pa de dang 'dra ba'i bar ro/ /bsam gtan rdzogs pas mnyam par gzhag pa rnams la zhes bya ba ni bsam gtan rdzogs shing mthar phyin pas mnyam par gzhag pa rnams la lus dang sems 'dra ba skye na ste/ lus dang sems mtshungs pa skye na'o//bdag nyid ces bya ba ni gzhan gyis ma btsal bar snyam du bsams pa yin no/ /de ltar na 'dis ni ci'i phyir rtag tu de dang 'dra ba kho nar skyed par mi 'gyur zhes dris pa gang yin pa de'i lan btab pa yin no/ /rim pas nges par mi 'gyur zhes bya/dris pa gang yin pa de bstan pa'i phyir/ sems rnams kyi rim pa yang nges pa kho na ste zhes bya ba smos so/ /rigs kyi bye brag las zhes bya ba ni bsgom pa'i bye brag las so/ /bud med kyi sems kyi mjug thogs su zhes rgyas par 'byung ba ni bud med kyi sems te bud med la dmigs pa'i mjug thogs su'o//bud med de'i lus ni de'i lus so/ /gal te kun du rgyu 'am/ gzhan dge ba yang rung ba zhig de'i lus sun 'byin par byed pa'i sems sam/ de'i khyo 'am bu la sogs pa'i sems skyes pa ste/ de'i khyo 'am bu la sogs pa'o/ /sogs pa zhes bya ba'i sgras ni bu mo la sogs pa bsdu'o//de dag la dmigs pa'i sems ni de'i khyo dang bu la sogs pa la dmigs pa'i sems te/ gal te de 'am gzhan zhig bud med kyi mjug thogs su skyes par 'gyur la/ yang phyis dus gzhan na rgyun yongs su 'gyur ba las bud med kyi sems skye na/bud med kyi sems phyis skyes pa de ni/ de'i lus sun 'byin pa'i sems te/ bud med kyi lus sun 'byin pa'i sems bskyed pa la nus pa 'am/ de'i khyo'am bu la sogs pa'i sems bskyed pa la nus pa yin no/ /ci'i phyir zhe na/ de'i rigs can yin pa'i phyir ro zhes bya ba smos so/ / 'di la de'i lus sun 'byin pa'i sems sam de'i khyo 'am bu la sogs pa'i sems rigs sam sa bon yod pas na de'i rigs can no/ /de'i dngos po ni de nyid de/ de dang rigs mthun pa'i phyir ro snyam du bsams pa yin no/ /gzhan du na ni zhes bya ba ni de'i rigs can ma yin pa'o/ /yang na bud med kyi sems las rnam grangs kyis zhes bya ba rgyas par 'byung ba ni cig car ma yin par rnam grangs kyis bud med kyi sems las de'i lus sun 'byin par byed pa'i sems kyang skye la/de las de'i khyo'i sems dang de las de'i bu'i sems dang / de nyid las kyang sun 'byin pa la sogs pa'i sems skye bar 'gyur na/de nas bud med kyi sems kyi mjug thogs su skyes pa'i sems rnams kyi nang nas rgyun gyis ches mang ba dang / nus pa'i sgo nas ches gsal ba dang / bskyed par bya ba'i sems dang nye ba gang yin pa'i sems de kho na skye bar 'gyur ro/ /de'i bsgos pa'i stobs dang ldan pa'i phyir ro zhes bya ba ni ches mang ba 'am/ches gsal ba 'am/ ches nye ba de'i bsgos pa stobs dang ldan pa'i phyir ro/ /de'i dus pa'i lus dang zhes bya ba rgyas par 'byung ba la de'i dus na nye bar gnas pa ni de'i dus pa ste/ lus kyi rkyen gyi khyad par ro/ /ma gtogs pa ni bkol pa ste//gang la lus kyi phyi rol gyi rkyen dbyug pas bsnun pa la sogs pa nye bar gnas pa de nyid skye bar 'gyur bas so/ /bsgos pa de nyid ches stobs dang ldan zhes bya ba ni ches mang ba dang / ches gsal ba dang / ches nye ba'i dgos par bshad pa gang yin pa de ni stobs dang ldan pa yin na/ci'i phyir 'bras bu mi 'byin zhe na/ gnas pa gzhan du gyur pa nyid ni 'dus byas kyi mtshan nyid yin pa'i phyir zhes bya ba smos te/ 'di'i mtshan nyid gnas pa las gzhan du 'gyur ba'i mtshan nyid do/ /de'i ngo bo'i phyir ro/ /'dus byas kyi mtshan nyid gzhan du 'gyur ba de yang dgos pa gzhan gyi 'bras bu skye ba'i rjes su mthun pa'i phyir ro//de'i phyir rtag tu 'bras bu de nyid mi 'byin to/ /'di skad du zhes bya ba ni gnas brtan sgra gcan zin gyis so/ /rnam pa thams cad ces bya ba ni rnam pa kun te rma bya'i mdongs 'di'i kha dog dang bkod pa la sogs pa'i rnam pa ji snyed pa de dag gis gang gi kha dog ni 'di lta bu'o//bkod pa ni 'di dang 'dra ba'o/ /'di ltar ni mtsher ro zhes bya ba de lta bu la sogs pa'i rnam par 'gyur ba'i shes bya shes par mi nus so/ /su dag gis she na/ thams cad mkhyen pa ma yin pa nyan thos dang rang sangs rgyas la sogs pas shes par mi nus so//de shes kun mkhyen stobs yin no/ /zhes bya ba ni gang gis de'i rgyu shes pa'i byed pa snyam du bsams pa yin no/ /gzugs can ma yin pa'i sems kyi bye brag rnams lta smos kyang ci dgos zhes bya ba ni/ gzugs can rnams kyi rgyu yang shes par mi nus na/ gzugs can ma yin pa rnams kyi lta smos kyang ci dgos zhes bya ba'i tha tshig go/ /mu stegs can gang la zhes bya ba ni bye brag pa'o/ /gal te yid dang phrad pa'i bye brag la ltos pa'i phyir ro zhe na/ zhes bya ba ni/ gal te sems skye ba ni bdag las skye bar 'dra mod kyi res 'ga' yid dang 'brel pa'i bye brag la ltos pa de'i phyir/sems rtag tu de dang 'dra ba kho nar skye bar mi 'gyur la/ myu gu dang sdong bu dang 'dab ma la sogs pa bzhin du rim pa nges par yang skye bar mi 'gyur ro zhes bya bar 'dod na ni ma yin te 'brel pa gzhan ma yin pa'i phyir ro zhes bya ba ni de ni de lta ma yin no//ci'i phyir zhe na/ bdag dang yid de dag las 'brel pa gzhan du ma grub pa'i phyir te/ 'brel pa zhes bya ba'i dngos po gcig pu grub pa ni 'ga' yang med do/ /'dab chags par skyes pa'i ngo bo dag la phrad pa'i blor 'gyur te/ de dag ma bzung bar de'i blo med pa'i phyir la/sgra bzhin dang / 'u shi bzhin dang / nam mkha'i bya'i phreng ba bzhin no zhes 'byung ba'i phyir ro/ /de grub kyang 'brel pa can dag ces bya ba rgyas par 'byung ba ni 'brel pa khas blangs kyang 'brel pa can 'jig rten na grags pa chu dang bum pa 'am/ shing gnyis dang 'dra ba de dag ni yongs su chad pa'i phyir te/ yul yongs su chad pa mthong ba'i phyir zhes bya ba'i tha tshig go/ /mtshan nyid rnam par bshad pa'i zhes bya ba ni/ bye brag pa'i gzhung lugs las phrad pa'i mtshan nyid bstan pa'i phyir ro/ /phrad pa zhes bya ba'i mtshan nyid ni ma phrad pa sngon du 'gro ba can gyi phrad pa yin no zhes rnam par bshad pa'i phyir dper na lug gam gyad gnyis phan tshun 'thab pa 'am/dper na mtho yor dang bya rog bzhin gang na bdag yod pa de na yid med la gang na yod pa de ni bdag med do zhes/ bdag yongs su chad pa ste yul yongs su chad pa nyid du thal bar 'gyur te/ bdag yid dang phrad pa zhes bya ba 'dis ni phyogs 'di chos can gyi khyad par las bzlog pa bstan pa yin te/chos can ni bdag go/ /de'i khyad par ni thams cad yod pa nyid do/ /de las bzlog pa ni thams cad med pa nyid do/ /de'i phyir yid 'phos pa las bdag 'phos par thal bar 'gyur zhes bya ba ni yid lus kyi phyogs gang dang gang du 'pho ba de dag de nas bdag 'pho zhing 'dor ro zhes bya bar thal bar 'gyur te/dper na skyes bu sa'i phyogs gang dang gang du 'pho ba de nas nyi ma 'pho ba lta bu'o/ /de lta yin na yang 'di'i bya ba med pa nyid la gnod par 'gyur bas de nyid dam bcas pa'i nyes pa yin no/ /nyams par zhes bya ba ni thal bar 'gyur ro zhes bya bar sbyar te/gang dang gang du yid 'pho ba der bdag 'jig pas de nyid 'dir dam bcas pa'i nyes pa yin te/ bdag rtag pa nyid log pa'i phyir ro/ /gal te phyogs gcig phrad do zhe na zhes bya ba ni yid bdag gi phyogs gcig dang phrad pa 'am/ bdag yid kyi phyogs gcig dang phrad pa ste/ lus kyi phyogs gang na yid gnas par gyur pa de na yod pa'i bdag gi phyogs dang ni yid mi phrad kyi glo nas phrad do/ /de'i phyir phrad pa ni ma phrad pa sngon du 'gro ba nyid yin yang bdag gi phyogs ma phrad pa kho na yid dang phrad do zhes bya bar 'dod na/ ma yin te de ni de nyid kyi phyogs yin pa nyid du mi rung ba'i phyir ro//bdag la ni phyogs gzhan yod pa yang ma yin te/ cha med pa'i phyir ro/ /phrad pa yod du chug na yang zhes bya ba rgyas par 'byung ba ni phrad pa khas blangs su zin kyang / 'on kyang 'gyur ba med pa'i phyir yid rtag tu khyad par med pa la/ gang gis na 'di skad du yid dang phrad pa'i bye brag la ltos pa'i phyir ro zhes smras pa/ji ltar phrad pa khyad par du 'gyur/ ji ltar blo'i khyad par yin zhes de nyid la klan ka tshol bar byed do zhes bya ba ni ci'i phyir rtag tu de 'dra ba kho nar mi skye zhes bya ba'o/ /gal te 'du byed kyi khyad par la ltos pa'i bdag nyid dang yid phrad pa las so zhe na zhes bya ba ni gal te bdag dang yid ni rtag tu khyad par med mod kyi/bdag dang yid sbyor ba 'du byed kyi khyad par la ltos pa nyid las blo'i khyad par 'dod na 'o/ /'di skad du bsgom pa'i khyad par gyi mtshan nyid kyi 'du byed kyi khyad par las bdag dang yid sbyor ba'i khyad par du 'gyur la/ de'i khyad par las blo'i khyad par du 'gyur ro zhes smras pa yin no//de'i phyir rgyu'i khyad par las 'bras bu'i khyad par du 'gyur te/ dung dang rnga pa Ta ha la sogs pa'i sgra bzhin no/ /'di ni yod pa ma yin no/ /ga las she na/ sems kho na las zhes bya ba rgyas par smos te/ 'dir slob dpon gyi dgongs pa ni sems kyang yod la/ bsgom pa'i khyad par gyi mtshan nyid kyi 'du byed kyi khyad par gang kho bo cag bag chags dang sa bon zhes bya bar rnam par 'jog pa yang yod pas kho bo dang khyod la rtsod pa med mod kyi/dngos po gzhan yin nam ma yin zhes bya ba tsam zhig khyad par yod do/ /de'i phyir 'du byed kyi khyad par la ltos pa'i sems kho na blo'i khyad par du gyur la rag mod/bdag gam de dang phrad par brtags pas ci zhig tu bya snyam pa 'di yin no/ /bdag gi nus pa 'di cung zad kyang mi dmigs so zhes bya ba rgyas par 'byung ba ni sman pa ngan g.yo can 'ga' zhig gis/ nad pa 'ga' zhig la sman byin nas bsams pa/ sman 'di ni rnyed sla ba yin te nad pa 'di 'khor dang bcas pas kyang shes so//sman 'dis kyang 'di'i nad zhi bar ni 'gyur ro/ /de'i phyir bdag gis nor rnyed par mi 'gyur ro snyam du bsams nas/ phu swA hA/ phu swA hA/ zhes de la sngags kyis btab cing / sngags 'dis na sman 'di grub po zhes skye bo la bstan na/ de la ji ltar sman gyis don grub par bya ba la sman pa ngan g.yo can gyis phu swA hA zhes bya ba'i nus pa med kyi sman gyi nus pa yin pa de bzhin du blo'i khyad par skye bar bya ba la/bdag gis nus pa med kyi sems 'du byed dang bcas pa kho na'i nus pa yin no/ /gal te bdag yod na ni de gnyis srid do zhe na ni zhes bya ba ni/ gal te bdag yod na 'du byed dang sems de gnyis srid pas de'i phyir bdag yod do zhes bya bar 'dod na/'dir smras pa/ tshig tsam du zad kyi 'di la rigs pa ni 'ga' yang med do/ /gal te de ni rten yin no zhe na zhes bya ba ni/ 'dir de gnyis rten yin no zhes bya bar 'dod na'o/ /dper na gang gi brten pa lta bu zhes bya ba ni rten gyi ngo bor dper brjod pa tshol ba'o//de la rten gyi don mi rigs par bstan pa'i phyir de dag kyang zhes bya ba rgyas par smos te/ 'du byed dang sems de dag kyang ri mo dang / rgya shug la sogs pa ltar te/ dper na rtsig pa la ri mo dang / gzhung bu la rgya shug brten pa ltar ro/ /sogs pa zhes bya ba'i sgras ni snod dang zas la sogs pa bsdu ste/'du byed dang sems de dag ni rten dag la de ltar ma yin la/ de yang rtsig pa dang gzhung bu la sogs pa ltar rten du rigs pa ma yin no/ /ci'i phyir zhe na thogs pa dang tha dad pa nyid kyis nyes par thal bar 'gyur ba'i phyir ro zhes bya ba smos te/ thogs pa dag bcas pa nyid kyis nyes pa nyid kyi phyir dang /yul tha dad pa nyid kyis nyes pa'i phyir ro zhes bya ba'i don to/ /ji ltar gzhung bu dang rgya shug dag dang / rtsig pa dang ri mo dag rten dang brten pa'i ngo bo yin pas thogs pa dang bcas pa dang tha dad pa nyid du mthong ba ltar de dag kyang de ltar 'gyur ba zhig na/ 'di ni 'dod pa yang ma yin te/de'i phyir bdag ni rten ma yin no/ /dper na dri la sogs pa las sa gzhan ma yin pa ltar blo la sogs pa las kyang bdag gzhan ma yin no/ /skyes bu dam pa su zhig dri la sogs pa las sa gzhan ma yin pa nges par 'dzin par byed/ sa gang yin zhes smos na ji ltar gzugs dri la sogs pa dag las gzhan pa'o zhes bya ba lta bur gzugs dang dri dang ro dang reg bya dag las gzhan par ni bstan par mi nus so//gal te dri la sogs pa las sa gzhan ma yin na sa'i/ dri la sogs pa zhes bya ba tha snyad 'di ji ltar 'dogs te/ nag pa'i sa zhes bya ba gzhan gyis gzhan tha snyad 'dogs par ni mthong ngo zhe na/de'i phyir sa'i dri la sogs pa zhes bya ba'i tha snyad 'di zhes bya ba rgyas par smos so/ /khyad par du bya ba'i phyir ro zhes bya ba ni chu la sogs pa las khyad par du bya ba'i phyir zhes bya ba'i tha tshig go/ /ji ltar zhe na/ ci nas de dag nyid ces bya ba rgyas par 'byung bas ston par byed do/ /de dag nyid ces bya ba'i sgras ni de dag las ma gtogs pa'i sa'i rdzas bzlog pa'i phyir te/ci nas dri la sogs pa de dag nyid do zhes bya bas zhes bya bar shes par 'gyur bar ro/ /'di nyid la dper brjod pa/ shing gi gzugs kyi lus bzhin no/ /zhes bya ba smos te ji ltar 'ji ba las byas pa la sogs pa gzhan las khyad par du bya ba'i phyir shing gi gzugs kyi lus zhes tha snyad 'dogs la/shing gi gzugs kyi lus gzhan yang ma yin pa ltar 'di yang de bzhin du tha snyad 'dogs par 'gyur la/ dri la sogs pa las sa gzhan yang ma yin no/ /'du byed kyi khyad par la ltos su zin kyang zhes bya ba ni bdag dang yid phrad pa'o//gang zhig stobs che ba zhes bya ba 'du byed kyi khyad par te/ des 'du byed kyi khyad par gzhan dag la gegs byed do/ /stobs che ba de nyid ci'i phyir rtag tu 'bras bu mi 'byin zhes bya ba ni slob dpon gyi tshig yin no/ /de nyid kyi phyir yang bshad pa 'di'i tshul te 'du byed kyi tshul 'jig pa 'am/ gegs byed pa gang yin pa de ni sa bon gyi bdag nyid kyis bsgos pa yin na/ bdag tu rtog pa ni don med cing dgos pa med pa yin te/ 'du byed kyi don tu der brtag grang na 'du byed de'i bya ba gang yin pa de ni dgos pa kho na byed do/ /dran pa la sogs pa ni yon tan gyi dngos po yin pa'i phyir zhes bya ba rgyas par 'byung ba ni/gal te dran pa 'du byed dang 'dod pa dang zhe sdang la sogs pa ni yon tan gyi dngos po yin pa'i phyir la/ rdzas brten pa yon tan dang ldan pa ma yin no zhes de skad du mtshan nyid bstan pa'i phyir yon tan gyi rdzas de yang gdon mi za bar rdzas la brten pa yin pa'i phyir ro/ /de dag gi brten pa la sogs pa gzhan yod par yang rung ba ma yin no//de bas na 'di dag gi rten gang yin pa de ni bdag yin pa de ni bdag yin pas de lta bas na bdag ni yod do zhes bya bar 'dod na/ de ni de lta ma yin no/ /ci'i phyir zhe na/ dran pa la sogs pa yon tan gyi dngos po nyid du ma grub pa'i phyir ro/ /yod pa thams cad rdzas yin zhes bya ba ni/mtshan nyid kyi sgo nas yod pa gang yin pa de ni rdzas yin no/ /dge sbyong gi 'bras bu ni rdzas drug yin no zhes 'byung ba'i phyir ro zhes bya ba de la/ zag pa med pa'i rnam par grol ba'i lam phung po lnga ni/ dge sbyong gi 'bras bu 'dus byas lnga yin la/ bral ba ni dge sbyong gi 'bras bu 'dus ma byas yin te/de ltar rdzas drug yin no/ /de dag rdzas la brten pa nyid du yang ma grub ste zhes bya ba ni/ dran pa la sogs pa rnams rdzas la brten pa nyid du ma grub pa ste/ gnyi ga la grub pa la chos kyi tha snyad 'dogs pa'i phyir ro zhes bya ba'i tshul gyis so/ /rten gyi don ni brtags zin to zhes bya ba ni/dper na gang gi rten gang lta bu'o/ /de dag kyang ri mo dang rgya shug la sogs pa lta bur brten pa ma yin la zhes bya ba rgyas par ro/ /bdag med na ci'i phyir dge ba dang mi dge ba'i bya ba'i 'bras bu la sogs pa'i rtog pa yid la rgyu zhing 'gying bar 'gyur/ skad cig ma zad pa nyid du khas blangs pa'i tshe las dang 'bras bu'i 'brel pa mi srid de/gang gi phyir gzugs la sogs pa'i phung po bdag nyid kyi khyad par so sor nub cing / skad cig ma dang pos skye ba 'phangs pa rnams las ngo bo'i khyad par skad cig ma gzhan la rag lus pa'i bya ba 'bras bu skye ba mi rung ngo / /de lta yin na yang lus bkra sbyin pa la sogs pa'i bya ba'i 'bras bu mchod sbyin la sogs pas nyams su myong bar 'gyur ro//gang gi ltar na bdag yod pa de'i ltar na ni sems pa skyes pa'i bdag la chos sam chos ma yin pa gzhag nas 'gag la/ chos dang chos ma yin pa gzhan gyis zil gyis mnan pa de gnyis las dus gzhan gyi tshe 'bras bu 'byung bar rigs so zhe na/lha rnams dga' bas bsgos pa mi shes te/ kho bo cag gi ltar na ni sems pa 'das pas sems da ltar sgo bar mi byed kyi/ 'on kyang sems snga ma dang lhan cig skyes pa'i sems pa'i khyad par las sems nus pas khyad par du byas pa skye la/ de'i nus pa'i khyad par de ni gang las rgyud yongs su 'gyur ba'i khyad par las phyis 'bras bu skye ba bsgos pa zhes bya'o//sems da ltar ba'i khyad par de yang de ma thag tu 'byung ba'i sems kyi nus pa'i khyad par gyis rgyur 'gyur ba na sems de sgo bar byed do zhes bya'o/ /de'i phyir 'das pas sgo bar mi byed la/ da ltar ba bsgo ba ma yin te/ de dag 'gags pa dang skye ba'i tshe de ma bsgos pa'i phyir ro/ /smras pa/ sems gang zhig las las skye ba de'i rgyun las kyis bsgos pa la/ de 'bras skye phyir byas pa chud/ /za dang ma byas phrad pa bsal/ /rnam pa de dag zhes bya ba ni dkar sham la sogs pa'i rnam pa dag ces bya ba'i tha tshig go//des na phung po dag la bdag gi zhes bya ba yin par rtogs so/ /bdag la phan 'dogs pa'i lus la yang bdag nye bar 'dogs te zhes bya ba la sogs pa 'byung ngo / /phan 'dogs pa la bdag nye bar 'dogs pa yin yang bdag tu 'dzin pa ni ma yin no zhes bya ba ji ltar zhe na/'di bdag go snyam du de ltar ni ma yin no/ /de nyid 'ongs pa yin no zhes bya ba ni drug pa 'di'i don ji lta bu yin/ jo bo'i don yin no/ /dper na gang gi jo bo gang lta bu yin/ dper na ba'i nag pa lta bu yin no/ /'di ji ltar de'i jo bo yin/ de rmo ba dang bzho ba la sogs pa la sbyar ba de la rag lus pa'i phyir ro//bdag tu 'dzin pa gang du sbyar bar bya na/ ji ltar 'di'i jo bo btsal/ bdag tu 'dzin par bya ba'i don la'o/ /ci'i phyir sbyar bar bya/ bdag tu 'dzin par bya ba'i phyir ro/ /kye ma de nyid de'i don du sbyar ro zhes bya ba ni/ bsod nyams kyi skyed pa rnams kyi legs par smras so/ /ji ltar sbyar bar bya/ ci skyed pa'i sgo nas sam/ 'on te mngags pa'i sgo nas/ bdag tu 'dzin pa la 'gro ba mi rung bas bskyed par bya ba'i sgo nas so/ /de lta na ni rgyu kho na jo bo yin la/ 'bras bu kho na bran yin par 'gyur te/ 'di ltar rgyu ni 'bras bu la dbang byed la/ 'bras bu yang de dang ldan pa rgyu yin pas de ni bdag tu 'dzin pa'i rgyu gang yin pa de kho na'i yin no//shing ljon pa me tog chags so zhes bya ba dpe dang po ni grub pa'i mtha' gang la shing ljon pa yan lag can du mi 'dod pa de la yin te/ 'byung ba chen po ris mi mthun pa bzhis brtsams pa yin par mi 'dod pa'i phyir ro/ /gang la shing ljon pa yan lag can yod pa de la ni dpe gnyis pa nags tshal 'bras bu chags so zhes bya ba yin te/nags tshal zhes bya ba ni cung zad kyang med do/ /ji ltar nags tshal shing sA la dang tA la tshogs pa gang la 'bras bu 'byung ba de dang 'bras bu chags so zhes bya ba de bzhin du skye mched drug gi mtshan nyid kyi rten gang la bde ba 'am sdug bsngal 'byung ba de la/bde ba 'am sdug bsngal ba zhes bya ba'o/ /de ltar ni bshad do zhes bya ba ni/ /de dag gyur pas gyur nyid phyir/ /rten ni mig la sogs pa yin no zhes skye mched drug ji ltar rten yin pa de ltar ni bshad zin to/ /bdag med na las rnams kyi byed pa po ni gang yin/ 'bras bu rnams kyi za ba po ni gang yin zhes bya ba 'byung ngo //bshad pa gang gis na de byed pa po dang za ba po zhes bya bar rgyas par brjod par 'gyur ba ci las rnams sam/ 'bras bu nye bar longs spyod pa bdag la rag las sam/ de'i phyir rang dbang can gyi byed pa po 'am za ba po 'ga' yang med kyi/ rgyu dang 'bras bu tsam zhig yod na byed pa po 'am/ za ba por 'dogs par zad de/ji skad du/ lus dang sems kyi rgyun gang las/ /las dang de 'bras gnyis 'byung ba'i/ /'gro ba sna tshogs zhes bya ste/ /byed pa po dang za ba por brjod ces bshad pa lta bu'o/ /gal te byed pa po bdag yin na ni/ de nyid bsgrub par bya ba yin te/ yod pa ma yin pa'i phyir dang / rtag pa'i phyir nam mkha' bzhin no//'on te phung po lnga'i rgyun yin no zhe na ni/ de nyid byed pa po yin te/ phung po lnga'i mtshan nyid de nyid byed pa po yin gyi bdag ni ma yin pas kho bo cag gi phyogs grub po/ /de la yang rang dbang med par bstan pa'i phyir te las ni rnam pa gsum ste zhes bya ba rgyas par smos so/ /de la lus dang ngag gi las dag ni sems kyi gzhan gyi dbang gis 'jug ste/sems kyis rab tu bcug pa'i phyir ro ji skad du/ des skyed lus dang ngag gi las/ /zhes bshad pa lta bu'o/ /sems kyang lus kyi gzhan gyi dbang gis 'jug ste/ lus dang sems dag ni phan tshun rjes su byed pa'i phyir ro/ /rang gi rgyu'i gzhan gyi dbang gis kyang 'jug ste/yid dang chos yid la byed pa la sogs pa'i gzhan gyi dbang yin pa'i phyir ro/ /de yang de dang 'dra ba zhes bya ba ni sems kyi rang gi rgyu de yang rgyu gzhan gyi dbang gis 'jug pas lus sam/ ngag gam sems sam rgyu gzhan yang rung gang la rang dbang med kyi/ bzhi yis sems dang sems byung rnams//gsum gyis snyoms par 'jug pa gnyis/ /gzhan ni gnyis po dag las skye/ /dbang phyug sogs min rim sogs phyir/ /zhes 'byung bas/ dngos po thams cad ni rkyen gyi gzhan gyi dbang gis 'jug go/ /bdag kyang ltos pa med par ni blo'i khyad par skye ba'i rgyu nyid du khas mi len pa'i phyir rang dbang can du mi 'grub po//ji ltar zhe na/ yid dang phrad pa la sogs pa'i khyad par la ltos pa'i phyir ro/ /de lta bas na de lta bu mtshan nyid ces bya ba ni byed pa po rang dbang can no/ /'o na byed pa po ji lta bu zhe na/ gang zhig gang gi rgyu'i gtso bo yin pa de ni byed pa po zhes bya zhes bya ba smos te/ gtsor de la brten nas skyes pa'i phyir ro/ /de ni de lta bus yang byed pa por mi rung ngo zhes bya ba ni rgyu'i gtso bo'i ngo bor yang mi rung ngo zhes bya ba'i tha tshig go/ /de'i rgyu ma yin par bstan pa'i phyir dran pa las ni 'dun pa skye'o zhes bya ba rgyas par smos te/ dang po dran par bya ba'i don la dran pa skye'o/ / dran pa las ni 'dun pa ste/ byed 'dod pa yin no/ /'dun pa las ni rtog pa ste/ bye brag tu smra ba rnams ni sems rtsing ba'i mtshan nyid do zhes zer ro/ /gzhan dag na re nges par rtog pa'i mtshan nyid shes rab kyi khyad par ro zhes zer ro/ /rnam par rtog pa las rab tu dbang ba ste/ brtson 'grus so/ / rab tu 'bad pa las rlung ngo / /rlung las ni las te/ yul gzhan du 'byung ba'i mtshan nyid 'byung na/ 'di la bdag gis ci zhig byed de/ de ni nus pa bkag pa yin no/ /rnam par shes pa las nus pa bkag pa'i phyir ro zhes bya ba ni/ dmigs pa gang yin pa de ni rnam par shes pa yin na/ 'du byed kyi khyad par la ltos pa'i sems kho na las yin par zad kyi/bdag gi byed pa'i cung zad kyang mi dmigs te/ sman gyi 'bras bu grub pa la/ sman pa ngan g.yo can gyis phu swA hA zhes smras pa dag bzhin no zhes rnam par shes pa la ni bdag gi nus pa bkag go/ /bdag med na ci'i phyir sems can gyi rten ma yin pa la yang sdig pa dang bsod nams nye bar sogs par ma gyur/bshad pa dbang po med pa'i phyir ro/ /rgyu gang gis dbang po dang bcas pa'i lus mngon par bsgrub pa'i rgyu de sa dang rdo la sogs pa rnams med de/ de'i phyir dbang po dang bcas pa dag ma yin no/ /de nyid kyi phyir tshor ba'i rten ma yin pa'i phyir zhes bya ba smos te/de'i rten skye mched drug yin no/ /ji ltar yin pa de ltar ni bshad zin to zhes bya ba ni de dag gyur pas gyur nyid phyir/ rten ni mig la sogs pa yin no zhes bya ba'o/ /de la rten la brten pa zhes bya ba ni bdag la brten pa'o/ /tshig gi lugs 'di ni lan btab zin to zhes bya ba ni gang gi rten gang lta bu/de dag kyang ri mo dang rgya shug la sogs pa lta bur brten pa ma yin la/ rtsig pa dang gzhung bu la sogs pa ltar rten du rigs pa ma yin te/ thogs pa dang tha dad pa nyid kyis nyes par 'gyur ba'i phyir ro zhes bya ba yin no/ /des skyed pa zhes bya ba ni sa bon des nus pa bskyed ces bya ba'i tha tshig go//ji skad du bshad pa lta bu'o zhes bya ba ni gnas brtan sgra gcan zin gyis so/ /nye ba gang dang goms pa gang / /zhes bya ba rgyas par 'byung ba ni/ rgyu gcig la las bzhi po lci ba dang nye ba dang / goms pa dang / sngon byas pa yod pa bzhi po de dag gi nang na las lci ba snga ma yin pa de ni gsum pas sngar smin no//nye ba dang goms pa dang skye ba sngar byas pa rnams kyi yang nye ba snga ma yin pas de gnyis pas sngar smin no/ /goms pa dang sngar byas pa dag la yang goms pa snga ma yin pas gcig pas sngar smin no/ /de dag med na tshe snga ma la byas pa lan grangs gzhan la myong ba smin par 'gyur ro/ /nyon mongs pa can ma yin pa rnams kyis ni sems kyi rgyun gtan du log pa ste zhes bya ba ni dge ba dang ma bsgribs la lung du ma bstan pa rnams kyi'o//rnam par 'drul ba'i khyad par las skyes pa zhes bya ba ni sa dang chu dang 'brel pa las 'bras bu'i rnam par 'gyur ba phra mo ni rnam par 'drul ba'o/ /de'i khyad par ni de nyid khyad par can yin te/de la rnam par 'gyur ba'i khyad par skye ba'am/ de las 'bras bu gzhan skye'o/ /rnam par 'gyur ba'i khyad par ji lta bu zhig las yin pa bstan pa'i phyir de la 'byung ba'i rnam par 'gyur ba myu gu grub par byed pa gang yin pa de ni de'i sa bon yin zhes bya ba smos te/myu gu de'i sa bon yin no/ /'byung ba'i rnam pa gzhan ma yin te/ sngon gyi sa bon gyi gnas skabs kyi 'byung ba'i rnam pa ni ma yin no zhes bya ba'i don to/ /'gyur ba'i ming gis zhes bya ba ni ji ltar phye 'thag go zhes 'byung ba ni 'gyur ba'i ming gi tha snyad 'dogs pa de bzhin du rgyud snga ma sa bon gyi gnas skabs ma rul ba las yang 'byung bar 'gyur ba'i ming gi sa bon zhes bya'o//'dra ba'i phyir zhes bya ba ni rgyun snga ma de yang 'byung ba rnam par 'gyur ba'i khyad par rnam par 'gyur ba las skye ba dang 'dra ba'i phyir sa bon zhes bya'o/ /de bzhin du 'di la yang zhes bya ba rgyas par 'byung ba ni gal te dam pa'i chos mnyan pa dang tshul bzhin yid la byed pa'i rkyen gyi khyad par las skyes pa dge ba zag pa dang bcas pa'i sems kyi 'gyur ba skye ba'am/dam pa ma yin pa'i chos mnyan pa dang / tshul bzhin ma yin pa'i yid la byed pa'i rkyen gyi khyad par las skyes pa mi dge ba'i sems kyi 'gyur ba skye na/de las rnam par smin pa gzhan skye'i/ gzhan du ni ma yin pas de ni mtshungs so/ /ji ltar 'bras bu kho na las 'bras bu gzhan mi 'byung gi/ /'o na ci zhe na 'gyur ba'i khyad par las yin pa de bzhin du rnam par smin pa kho na las rnam par smin pa gzhan mi 'byung gi/'o na ci zhe na/ sems kyi 'gyur ba'i khyad par las 'byung bas de ni mtshungs so/ /'bras bu ni nang du ge sar dmar po zhes bya ba ni 'bras bu'i nang du ga na bi dza pu ra'i khu ba skyur po yod pa'i ge sar ro/ /de las ni gzhan mi skye'o zhes bya ba 'byung ngo //'di ni 'dir dper brjod pa yin te/ ji ltar rgya skyegs kyis kha bsgyur ba'i ma du lung ga'i me tog gi 'bras bu ge sar dmar po las slar ge sar dmar po gzhan mi 'byung ba de bzhin du las las skyes pa'i rnam par smin pa las rnam par smin pa gzhan mi skye'o/ /'dir smas pa/ sems 'di sa bon mtha' yas pa dang lhan cig rgyun gyis 'byung //sa bon de de rang rkyen byung na sems la rgyas par 'gyur/ /de rgyas rim gyis 'jug pa rnyed na dus su 'bras ster 'grub/ /ma du lung ga'i me tog bskus tshon de yi ge sar bzhin/ /yang smras pa/ ji ltar ras bal sa bon dang //mu du lung ga'i me tog la/ /rgya skyegs bskus na de zhig kyang / /bsgos pa'i rgyun gyi rim pa yis/ /ras bal dang ni ge sar la/ /dmar po 'byung bar 'gyur ba ltar/ /las rnams zhig na 'ang bsgos pa ni/ /de nyid de yi 'bras bu skyed/ /las dang de'i bsgos pa zhes bya ba 'byung la//de'i bsgos pa zhes bya ba ni las kyis bsgos pa'o/ /bsgos pa de'i 'jug pa rnyed pa ste/ 'jug pa rnyed pa de las 'bras bu ste/ bzhi po de dag ni sangs rgyas las gzhan pa nyan thos la sogs pas rnam pa thams cad de/ rnam pa kun nges par 'dod rgyal du rab tu mi shes so/ / don gyis na sangs rgyas kho nas de thams cad rnam pa thams cad du rab tu mkhyen to zhes bshad pa yin no/ /de ltar zhes bya ba rgyas par 'byung ba la/ de ltar zhes bya ba'i sgra ni yongs su rdzogs pa'i don to/ /sangs rgyas bdag med pa gsungs pa rnams kyi gsung rab chos nyid mthong na ste mthong bar 'gyur nas so//rigs pa'i lam ni tshul te/ gtan tshigs kyi lam mo/ /des dag pa ni rigs pa'i lam legs par gsungs pas dag pa'o/ /legs par gsungs shing mdzes par gsungs pa ni legs par gsungs pa'o/ /mu stegs dag ni yang dag pa ji lta ba mthong ba med pas long ba dag go//long ba lta ngan sna tshogs g.yo rnams kyi/ /zhes bya ba la/ lta ngan ni lta ba smad pa'o/ /lta ba ngan pa yang yin la/ g.yo ba yang yin pa ni lta ngan sna tshogs g.yo ba rnams so/ /gang dag la lta ba ngan pa sna tshogs g.yo ba yod pa de dag ni lta ngan sna tshogs g.yo rnams te/sems can lta ba ngan pa rnam pa sna tshogs g.yo ba can mtho ris dang byang grol gyi lam la ma zhugs pa dang / log pa la zhugs pa de rnams so zhes bya ba'i tha tshig go/ /long ba ma yin pa rnams ni mu stegs ser skya ba dang / 'ug pa pa la sogs pa de lta bu de dag gi gzhung lugs sam/lta ba spangs shing bor nas 'khor ba nas mya ngan las 'das par 'gro'o/ /long ba ma yin pa de dag gang zhe na/ 'phags pa nyan thos shes rab kyi mig dang ldan pa rnams so/ /yang na gsung rab kyi chos nyid de kho na la bsgrub po zhes bya ba'i tha tshig go/ /gsung rab kyi chos nyid ni 'dir bdag med pa'am/sangs rgyas kyi rjes su bstan pa'o/ /gzhan dag na re gsung rab mdo sde la sogs pa gsung rab kyi yan lag bcu gnyis su gtogs pa'o/ /de'i chos nyid ni rigs pa dang ldan pa'i phyir legs par gsungs pa nyid dang / mya ngan las 'das pa brjod pa'i phyir mya ngan las 'das pa la gzhol ba nyid yin no//ji ltar mya ngan la 'das pa la gzhol bar 'gyur zhe na/ mi rtag par 'du shes pa la bdag med pa'i 'du shes gnas la bdag med par 'du shes pa la mya ngan las 'das pa la zhi bar 'du shes pa gnas te/ de la skrag pa med pa'i phyir ro/ /mya ngan las 'das pa zhi bar 'du shes pa la/rgyud de la gzhol ba gnas so/ /gzhan yang bdag mi rtag par 'du shes pa ni srid pa dang mi mthun par 'gyur ba yin te/ nyes pa dang bcas pa dang blo bur bar khong du chud pa'i phyir ro/ /mya ngan la 'das pa la zhi bar 'du shes pas de dang mthun par 'gyur te/ de'i nges par 'byung ba nyid du khong du chud pa'i phyir ro//ji skad du/ chos 'di dag thams cad mya ngan las 'das pa la gzhol ba/ mya ngan las 'das pa la 'bab pa/ mya ngan las 'das pa la bab pa ste/ mngon par brjod pa na mya ngan las 'das pa kho na mngon par brjod pa'o zhes gsungs pa lta bu'o zhes zer ro//de'i phyir de ltar na long ba ma yin pa rnams kho na 'gro'i/ /long ba rnams ni ma yin no/ /long ba rnams ni bdag med pa ma mthong bas 'khor ba'i rgya mtshor 'khyams pa nyid do/ /de bstan pa'i phyir ro/ /de bzhin gshegs pa zhes bya ba rgyas par smos so/ /de bzhin gshegs pa nyid nyi ma yin pas de bzhin gshegs pa nyi ma ste/chos zab mo mngon par rab tu ston pa'i phyir nyi ma yin no/ /ji ltar zhe na/ gnyen po'i khyad par dang / sku gzugs kyi khyad par dang / 'od zer gyi khyad par dang / yul gyi khyad par gyis so/ /gnyen po'i khyad par gyis ji lta bu zhe na/ nyi ma phyi rol gyi mun pa nam mkha'i la yod pa rnam par 'joms par nus pa yin la/bcom ldan 'das ni nang gi mun pa yid la yun ring por zhugs pa 'joms par byed do/ /nyi ma shel gyi rang bzhin gyi gzugs ngo bo nyid kyis 'bar bas lhan ne ba yin la/ bcom ldan 'das kyang sku gzugs stobs bcu dri ma med pas lhan ne ba yin pas sku gzugs kyi khyad par gyis ni de lta bu'o//nyi ma 'od zer stong gis khyab pa yin la/ bcom ldan 'das kyang dam pa'i chos kyi gsung gi 'od zer stong gis khyab ste/ 'od zer gyi khyad par gyis ni de lta'o/ /nyi ma'i yul ni gling bzhi pa yin la/ de bzhin gshegs pa yi ni/khams gsum yin te/ de'i phyir cha cung zad gyis chos mtshungs pas de bzhin gshegs pa ni nyi ma lta bu yin no/ /de'i gsung dag ni de bzhin gshegs pa nyi ma'i gsung ngo / /de nyid 'od yin pas de bzhin gshegs pa'i nyi ma'i gsung 'od do/ /de bzhin gshegs pa nyi ma'i gsung gi 'od de dag gis snang ba dang ldan pa ni snang ba dang ldan par gyur ces bya ba'i tha tshig go//mya ngan las 'das pa nyid grong yin pas/ mya ngan las 'das pa'i grong ngo / /de'i lam gcig pa ni mya ngan las 'das pa'i grong gi lam gcig pu ste/ lam gzhan ma yin no zhes bya ba'i tha tshig go/ /gang zhig ce na/bdag med pa nyid do/ /'phags pa stong phrag gis bgrod pas na 'phags pa stong gis bgrod pa'o/ /phye yang zhes bya ba ni bdag med pa mya ngan las 'das pa'i grong gi lam gcig pu de bzhin gshegs pa nyi ma'i gsung gi 'od zer gyi snang ba dang ldan pa 'di rnam par phye yang mu stegs can nam/gnas ma'i bu'i sde pa yang rung ste/ shes rab kyi mig gsal ba med pa'i phyir ram/ mig ma rig pa'i rab rib kyi sbubs kyis khebs pa'i phyir dman pa'i mig gis mi mthong ngo / /'dir lam gyi yon tan ni gsum du mi brjod do/ /'di lta ste/ 'dod pa'i yul du phyin par byed pa'i phyir bgrod pa gcig pa nyid dang /gang gis na bag tsha ba med par 'gro bas snang ba dang bcas pa nyid dang / sdong dum dang tsher ma la sogs pas ma dkrugs pa'i phyir gang gis na bde blag tu bgrod cing rjes su bgrod pa'o/ /bdag med pa'i lam 'di yang de dang chos mthun par blta bar bya'o//rgyu bzhis na lam mi mthong ste/ mun pa mun nag dang bcas pa nyid dang / nyi mas snang bar byas kyang ma bgrod pa nyid dang / mi mang pos bgrod kyang ma bsgribs pa nyid dang / phye yang lta ba po'i mig dman pa nyid do/ /de dag las 'dir lam 'di ma mthong ba'i rgyur ni gang gis na de ltar mig zhan pas 'di mthong ba gang lta ba po'i nyes pa kho nas lam 'di ma mthong gi/lam gyi nyes pas ni ma yin no zhes bya ba gcig kho na bshad de/ de ltar bdag med pa de bzhin gshegs pa/ nyi ma'i gsung gi 'od dag gis snang ba dang ldan pa/ 'phags pa stong phrag gis bgrod pa 'di phye yang mig dman pas mi mthong ngo zhes bya ba khong du chud par bya'o//de ltar 'di ni phyogs tsam zhig ces bya ba rgyas par 'byung ba la/ de lta na de skad du ste/ ji skad bshad pa ston to/ /phyogs nyid phyogs tsam ste/ chos mngon pa'i bstan bcos chen po las/ nyung ngu 'di dag gis bstan to zhes bya ba ni tshig gi lhag ma yin no/ /su dag la zhe na/ shin tu mkhas pa rnams la ste/ blo gros dang ldan pa rnams zhes bya ba'i don to/ /de'i don gyi drug pa'o/ /ji lta bur zhe na/ rang gi mthu yis rnam 'phel ba'i/ /dug la rma yi phyogs bzhin du/ /zhes bya ba smos te/ji ltar 'ga' zhig gis dug ni rang gi mthus rma'i phyogs khyab nas/ yan lag dang nying lag thams cad kyi nang du 'phel bar 'gyur ro snyam du bsams nas/ ji ltar na 'di 'phel bar 'gyur snyam ste/ de'i rma 'byin pa de bzhin du shin tu mkhas pa rnams ni/ rang gi mthus 'phel ba'i phyir dug dang 'dra ba yin no//de bas na/ shin tu mkhas pa mgo smos pas go ba shes rab can de dag la/ bdag gi ji ltar na [(]gzhug [,]gzhung [)]nyung ngus chos mngon pa'i bstan pa'i bcos chen po/ kha che bye brag tu smra ba'i lugs grub pa'i don gyi sgo nas rtogs par 'gyur snyam ste 'di bstan to/ /gzhan dag na re/ de ltar 'di ni phyogs tsam zhig /ces bya ba ni bdag med par dgag pa 'di kho na'i dbang du byas nas bshad pa yin te/ bdag gis mngon pa'i bstan bcos 'di/ phal cher ni kha che bye brag smra ba'i tshul grub bshad/ ces bya ba 'di nyid kyis don bshad zin pa'i phyir ro zhes zer ro/ /mdzod kyi gnas brgyad pa'i zhar la byung bar 'brel pa gang zag rnam par gtan la 'bebs pa rdzogs so// //bdag gis mdzod kyi 'grel 'di dka' ba'i phyir/ slob dpon gyi ni lugs su rnam par phye/ /log par gyur gang de 'dir bdag gis nyes/ /don bzang grub la blo de tshad ma yin/ /de ltar bdag gis sngon gyi 'grel bshad gzhan//dpyad nas de dag steng na sngon te dngos/ /mdzod kyi 'grel bshad mtshan nyid rjes su 'brang ba zhes bya ba 'di deng sang grags par sbyar ba yin/ bdag gis mdzod bshad las byung dge ba dri med mi dge 'joms byed thob pa gang yin pa/ /de yis sems can srid pa gsum gtogs sdug bsngal mes gdung ma lus mya ngan bzla bya ste//phyi nas bdag nyid kyang ni nyon mongs dgra bo ma lus rab 'joms sangs rgyas nyid thob nas/ /slar skye'i 'chi ba med phyir mya ngan 'das pa'i go 'phang dam pa rgya cher 'gro bar shog/ //slob dpon gang ba spel ba zhes bya ba/ chos mngon pa'i gzhung lugs gang chen mtsho'i pha rol tu son pas mdzad pa/chos mngon pa mdzod kyi 'grel bshad/ mtshan nyid kyi rjes su 'brang ba zhes bya ba 'di ni/ gangs ri chen po ti se dang yid bzhin gyi mtsho'i lho ngos/ ri bo chen po spos kyi ngad ldang ba'i 'dabs/ yul pu rangs su/ dge 'dun gtso bor gyur pa brgya phrag gcig dang / dge 'dun spyir gyis g.yu phag sbur la sogs pa phul te/bkas gnyer nas rgya gar gyi mkhan po ka na ka warma dang / bod kyi lo tsA ba pa tshab nyi ma grags kyis bsgyur ba zhig go// //sa bdag yon tan nyi ma byang chub sems dpa'i rgyud/ /bka' khrims bkod legs chos ldan gsung gi 'od zer gyis/ / mnga' 'og gdul bya'i 'chol ba'i mun sel lam ston pa'i/ /mchod yon bla blon dam pa rnams ni yol ba'i tshe/ /deng sang sil bu'i nad chen rang dga'i gdon babs te/ /pu rangs tsho gsum dge 'dun chos khrims sman gyis gsos/ /bsod nams dbang gis mkhas pa 'od ldan pa'i/ /dul ba'i gzi brjid byams pa'i dkyil 'khor can//lo paN yon tan nyi zla shar ba las/ /chos mngon rgya mtsho lugs kyi 'dzin khri'i gnas/ /mnyan bshad brgyud pa'i dge ba'i dba' rlabs kyis/ /'chal ba'i ro bsal thar pa'i gnas thob shog// //de'i phyir 'grel pa 'dis phra rgyas nye